GEN 1:1 ذڭْ ؤُمزْوَارُو إِخْڒقْ-د أَربِّي إِجنْوَانْ ذ ثمُّورْثْ.
GEN 1:2 ثُوغَا ثَامُّورْثْ ثخْڒَا، أَمْ مَامّشْ وَارْ ت إِتّْحِيذِي حذْ ؤُ خْ وُوذمْ ن [وَامَانْ] إِهوْڒنْ ثَادْجسْثْ، ؤُ أَرُّوحْ ن أَربِّي ثُوغَا إِتّْرَاحْ إِتَّاسْ-د خْ وُوذمْ ن وَامَانْ.
GEN 1:3 ؤُشَا إِنَّا أَربِّي: ”أَذْ ثِيڒِي ثْفَاوْثْ“، ؤُشَا ثُوسَا-د ثْفَاوْثْ!
GEN 1:4 إِژْرَا أَربِّي بلِّي ثَافَاوْثْ ثصْبحْ ؤُشَا إِبْضَا أَربِّي جَارْ ثْفَاوْثْ ذ ثَادْجسْثْ.
GEN 1:5 إِڒَاغَا أَربِّي ثَافَاوْثْ ’أَزِيڒْ‘ ؤُ ’ثَادْجسْثْ‘ إِڒَاغَا أَسْ ’دْجِيڒثْ‘. ثذْوڒْ ذ ثَامذِّيثْ ؤُ إِذْوڒْ ذ صّْبحْ: ذ أَسّْ أَمزْوَارُو.
GEN 1:6 ؤُشَا إِنَّا أَربِّي: ”أَذْ ثِيڒِي إِشْثْ ن ڒْقُوبّثْ ذِي ڒْوسْطْ ن وَامَانْ، أَذْ ثبْضَا أَمَانْ خْ وَامَانْ!“
GEN 1:7 أَربِّي إِڭَّا ڒْقُوبّثْ [ن ؤُجنَّا] ؤُشَا إِبْضَا أَمَانْ إِ إِدْجَانْ سْوَادَّايْ إِ ڒْقُوبّثْ خْ وَامَانْ إِ إِدْجَانْ سنّجْ إِ ڒْقُوبّثْ. ؤُشَا أَمُّو إِ ثمْسَارْ.
GEN 1:8 إِڒَاغَا أَربِّي إِ ڒْقُوبّثْ ’أَجنَّا‘. ؤُشَا ثذْوڒْ ذ ثَامذِّيثْ ؤُ إِذْوڒْ ذ صّْبحْ: ذ أَسّْ وِيسّْ ثْنَاينْ.
GEN 1:9 ؤُشَا إِنَّا أَربِّي: ”أَذْ مُوننْ وَامَانْ إِ إِدْجَانْ سْوَادَّايْ إِ ؤُجنَّا غَارْ إِجّْ ن ومْشَانْ مَاحنْذْ أَذْ د-إِبَانْ ڒْبَارّْ!“ ؤُشَا أَمُّو إِ ثمْسَارْ.
GEN 1:10 إِڒَاغَا أَربِّي إِ ڒْبَارّْ ’ثَامُّورْثْ‘ ؤُ أَمُونِي ن وَامَانْ إِڒَاغَا أَسْ ’ڒبْحُورْ‘. ؤُشَا إِژْرَا أَربِّي [بلِّي] مَانْ أَيَا إِصْبحْ.
GEN 1:11 ؤُشَا إِنَّا أَربِّي: ”أَذْ د-ثسّغْمِي ثمُّورْثْ أَغمُّويْ أَزِيزَا: أَفْسُو [أَزِيزَا] إِ إِزَارّْعنْ زَّارِيعثْ ذ ثْشجُّورَا س فْرُوثَا إِ د إِتِّيشنْ فْرُوثَاثْ عْلَاحْسَابْ مَارْكَا نْسنْثْ س زَّارِيعثْ نْسنْثْ ذَايسْ خْ وُوذمْ ن ثمُّورْثْ!“ ؤُشَا أَمُّو إِ ثمْسَارْ.
GEN 1:12 ثسّغْمِي-د ثمُّورْثْ أَغمُّويْ أَزِيزَا: أَفْسُو [أَزِيزَا] إِ إِزَارّْعنْ زَّارِيعثْ عْلَاحْسَابْ مَارْكَا نّسْ ذ ثْشجُّورَا إِ د إِتِّيشنْ ڒْغِيدْجثْ عْلَاحْسَابْ مَارْكَا نْسنْثْ س زَّارِيعثْ نْسنْثْ ذَايسْ. ؤُشَا إِژْرَا أَربِّي [بلِّي] مَانْ أَيَا إِصْبحْ.
GEN 1:13 ؤُشَا ثذْوڒْ ذ ثَامذِّيثْ ؤُ إِذْوڒْ ذ صّْبحْ: ذ أَسّْ وِيسّْ ثْڒَاثَا.
GEN 1:14 ؤُشَا إِنَّا أَربِّي: ”أَذْ [ذِينْ] إِڒِينْثْ ثْفَاوِينْ ذِي ڒْقُوبّثْ [ن ؤُجنَّا] حِيمَا أَذْ بْضَانْثْ جَارْ وَاسّْ ذ دْجِيڒثْ، أَذْ إِڒِينْثْ ذ ڒِْيمَارَاثْ، ذ وُوسَّانْ إِتّْوَاڭّنْ، ذ وُوسَّانْ، ذ إِسڭّْوُوسَا
GEN 1:15 ؤُشَا أَذْ إِڒِينْثْ ذ ثِيفَاوِينْ ذِي ڒْقُوبّثْ [ن ؤُجنَّا] حِيمَا أَذْ وْشنْثْ ثَافَاوْثْ خْ ثمُّورْثْ!“ ؤُشَا أَمُّو إِ ثمْسَارْ.
GEN 1:16 إِڭَّا أَربِّي ثْنَاينْ ن ثِيفَاوِينْ مْغَارنْثْ، ثَافَاوْثْ ثَامقّْرَانْثْ، حِيمَا أَذْ ثحْكمْ خْ ؤُزِيڒْ، ؤُ ثَافَاوْثْ ثَامژْيَانْثْ حِيمَا أَذْ ثحْكمْ خْ دْجِيڒثْ، ؤُشَا ؤُڒَا ذ إِثْرَانْ.
GEN 1:17 إِسَّارْسْ إِ-ثنْثْ أَربِّي ذِي ڒْقُوبّثْ [ن ؤُجنَّا] حِيمَا أَذْ وْشنْثْ ثَافَاوْثْ خْ ثمُّورْثْ
GEN 1:18 ؤُ حِيمَا أَذْ حكْمنْثْ خْ وَاسّْ ذ دْجِيڒثْ ؤُ حِيمَا أَذْ بْضَانْثْ جَارْ ثْفَاوْثْ ذ ثَادْجسْثْ. ؤُشَا إِژْرَا أَربِّي [بلِّي] مَانْ أَيَا إِصْبحْ.
GEN 1:19 ؤُشَا ثذْوڒْ ذ ثَامذِّيثْ ؤُ إِذْوڒْ ذ صّْبحْ: ذ أَسّْ وِيسّْ أَربْعَا.
GEN 1:20 ؤُشَا إِنَّا أَربِّي: ”أَذْ د-سّفْينْ وَامَانْ س وَاطَّاسْ ن [مَارَّا مِينْ ذِي إِدْجَا] بُوحْبڒْ إِدَّارنْ ؤُشَا أَذْ ضْونْ إِجْضَاضْ سنّجْ إِ ثمُّورْثْ غَارْ مَانِي [ثدْجَا] ڒْقُوبّثْ ن ؤُجنَّا!“
GEN 1:21 إِخْڒقْ-د أَربِّي إِمُودَّارنْ إِمقّْرَاننْ ذِي ڒبْحَارْ ؤُ مَارَّا بُوحْبڒْ إِدَّارنْ إِتّنْهزَّانْ، إِنِّي زِي د-سّفْينْ وَامَانْ، عْلَاحْسَابْ مَارْكَا نْسنْ ؤُشَا مَارَّا إِجْضَاضْ س وَافْرِيونْ عْلَاحْسَابْ مَارْكَا نْسنْ. ؤُشَا إِژْرَا أَربِّي [بلِّي] مَانْ أَيَا إِصْبحْ.
GEN 1:22 إِبَارْكْ إِ-ثنْ أَربِّي، إِنَّا: ”جّمْ-د ڒْغِيدْجثْ، كْثَارمْ، عمَّارمْ أَمَانْ ن ڒبْحُورْ ؤُشَا أَذْ كْثَارنْ إِجْضَاضْ ذِي ثمُّورْثْ.“
GEN 1:23 ؤُشَا ثذْوڒْ ذ ثَامذِّيثْ ؤُ إِذْوڒْ ذ صّْبحْ: ذ أَسّْ وِيسّْ خمْسَا.
GEN 1:24 ؤُشَا إِنَّا أَربِّي: ”أجّْ ثمُّورْثْ أَذْ ثسُّوفّغْ [مَارَّا مِينْ غَارسْ] بُوحْبڒْ إِدَّارنْ عْلَاحْسَابْ مَارْكَا نّسْ: ڒبْهَايمْ ذ [إِمُودَّارنْ] نِّي إِتّْبُوعنْ ذ ڒْمَاڒْ نْ ڒخْڒَا عْلَاحْسَابْ مَارْكَا نْسنْ!“ ؤُشَا أَمُّو إِ ثمْسَارْ.
GEN 1:25 إِڭَّا أَربِّي ڒْمَاڒْ [ن ڒخْڒَا] ن ثمُّورْثْ عْلَاحْسَابْ مَارْكَا نْسنْ، ؤُ ڒبْهَايمْ عْلَاحْسَابْ مَارْكَا نْسنْثْ ؤُ مَارَّا [إِمُودَّارنْ] نِّي إِتّْبُوعنْ خْ وُوذمْ ن ثمُّورْثْ عْلَاحْسَابْ مَارْكَا نْسنْ. ؤُشَا إِژْرَا أَربِّي [بلِّي] مَانْ أَيَا إِصْبحْ.
GEN 1:26 ؤُشَا إِنَّا أَربِّي: ”أجّْ أَنغْ أَذْ نڭّْ أَذَامْ، [بْنَاذمْ] ذِي صِّيفثْ نّغْ، ذڭْ وَارْوَاسْ نّغْ، ؤُشَا أَذْ غَارسْ يِيڒِي جّهْذْ خْ إِسڒْمَانْ ن ڒبْحَارْ ؤُ خْ إِجْضَاضْ ن ؤُجنَّا ؤُ خْ ڒبْهَايمْ ؤُ خْ مَارَّا ثَامُّورْثْ ؤُ خْ مَارَّا إِمُودَّارنْ نِّي إِتّْبُوعنْ خْ ثمُّورْثْ!“
GEN 1:27 إِخْڒقْ-د أَربِّي أَذَامْ ذِي صِّيفثْ نّسْ. إِخْڒقْ إِ-ث-إِ-د ذِي صِّيفثْ ن أَربِّي، إِخْڒقْ إِ-ثنْ-د أَوْثمْ ذ ثوْثمْثْ.
GEN 1:28 إِبَارْكْ إِ-ثنْ أَربِّي ؤُشَا إِنَّا أَسنْ أَربِّي: ”جّمْ-د ڒْغِيدْجثْ، كْثَارمْ، عمَّارمْ ثَامُّورْثْ ؤُشَا أَرّمْ ت سَاذُو ؤُفُوسْ نْومْ، حكْممْ خْ إِسڒْمَانْ ن ڒبْحَارْ ؤُ خْ إِجْضَاضْ ن ؤُجنَّا ؤُ خْ مَارَّا إِمُودَّارنْ نِّي إِتّْبُوعنْ خْ ثمُّورْثْ!“
GEN 1:29 إِنَّا أَربِّي: ”خْزَارمْ، أَذْ أَومْ وْشغْ مَارَّا أَفْسُو [أَزِيزَا] إِ إِزَارّْعنْ زَّارِيعثْ خْ مَارَّا وُوذمْ ن ثمُّورْثْ ؤُڒَا ذ مَارَّا ثِيشجُّورَا س ڒْغِيدْجثْ نِّي إِزَارّْعنْ زَّارِيعثْ. مَانْ أَيَا أَذْ أَومْ يِيڒِي ذ مَاشَّا.
GEN 1:30 ؤُ إِ مَارَّا ڒْمَاڒْ [ن ڒخْڒَا] ن ثمُّورْثْ، ؤُ إِ مَارَّا إِجْضَاضْ ن ؤُجنَّا ؤُ إِ مَارَّا مِينْ إِتّْبُوعنْ خْ ثمُّورْثْ إِ ذِي إِدْجَا بُوحْبڒْ إِدَّارنْ، أَذْ أَسنْ يِيڒِي مَارَّا أَفْسُو [أَزِيزَا] ذ مَاشَّا إِ نِيثْنِي.“ ؤُشَا أَمُّو إِ ثمْسَارْ.
GEN 1:31 ؤُشَا إِژْرَا أَربِّي مَارَّا مِينْ إِڭَّا، ؤُ خْزَارْ، ثُوغَا إِصْبحْ أَطَّاسْ. ثذْوڒْ ذ ثَامذِّيثْ ؤُ إِذْوڒْ ذ صّْبحْ: ذ أَسّْ وِيسّْ ستَّا.
GEN 2:1 أَمُّو إِ تّْوَاكمّْڒنْ إِجنْوَانْ ذ ثمُّورْثْ ذ قَاعْ ڒْعسْكَارْ نْسنْ.
GEN 2:2 ذڭْ وَاسّْ وِيسّْ سبْعَا إِكمّڒْ أَربِّي ڒْخذْمثْ نّسْ إِ إِڭَّا ؤُشَا يَاريّحْ ذڭْ وَاسّْ وِيسّْ سبْعَا زِي مَارَّا ڒْخذْمثْ نّسْ إِ إِڭَّا.
GEN 2:3 إِبَاركْ أَربِّي أَسّْ وِيسّْ سبْعَا ؤُشَا إِسّْقدّسْ إِ-ث، مِينْزِي ذَايسْ إِ يَاريّحْ زِي مَارَّا ڒْخذْمثْ نّسْ، [ڒْخذْمثْ] إِ د-إِخْڒقْ أَربِّي مَاحنْذْ أَذْ ت إِڭّْ [أَمنِّي]. إِنَا ذ إِمزْرُوينْ ن وخْڒَاقْ ن ؤُجنَّا ذ ثمُّورْثْ ڒَامِي د-تّْوَاخڒْقنْ.
GEN 2:4 ذڭْ وَاسّْ إِ إِڭَّا سِيذِي أَربِّي ثَامُّورْثْ ذ إِجنْوَانْ
GEN 2:5 - قْبڒْ ثُوغِي ذِينْ مَارَّا شْبَارْقْ ذِي ثمُّورْثْ ؤُ قْبڒْ د-إِغْمِي وفْسُو ن ييَّارْ، مِينْزِي سِيذِي أَربِّي وَارْ إِجِّي أَنْژَارْ أَذْ إِوّثْ [عَاذْ] خْ ثمُّورْثْ - ؤُشَا وَارْ ثُوغِي ذِينْ أَذَامْ [عَاذْ] حِيمَا أَذْ إِخْذمْ ثَامُّورْثْ،
GEN 2:6 ثْڭعّذْ-د ثَايُّوثْ زِي ثمُّورْثْ، ثسُّو مَارَّا ؤُذمْ ن ثمُّورْثْ.
GEN 2:7 ؤُشَا إِكوّنْ سِيذِي أَربِّي أَذَامْ زِي ثْعجَّاجْثْ ن ؤُشَاڒْ ؤُشَا إِسُوضْ ڒعْوِينْ ن ثُوذَارْثْ ذڭْ ونْزَارنْ نّسْ. أَمُّو إِ إِذْوڒْ أَذَامْ ذ إِجّْ ن نّفْسْ إِدَّارْ.
GEN 2:8 خنِّي إِژُّو سِيذِي أَربِّي جّنّثْ ذِي عَاذْنْ، جِّيهثْ ن شَّارْقْ، ؤُشَا إِسَّارْسْ ذِينْ أَذَامْ إِ إِڭَّا.
GEN 2:9 ؤُشَا إِسّغْمِي-د سِيذِي أَربِّي زِي ثمُّورْثْ كُوڒْ ثَاشجَّارْثْ، ثشْنَا إِ ڒْخژْرَاثْ ؤُ ثْمِيژِيذْثْ إِ مَاشَّا، ؤُشَا [إِسّغْمِي-د ڒَا ذ] ثَاشجَّارْثْ ن ثُوذَارْثْ ذِي ڒْوسْطْ ن جّنّثْ ؤُڒَا ذ ثَاشجَّارْثْ ن ثُوسّْنَا ن ڒْخَارْ ذ ڒْغَارْ.
GEN 2:10 إِفّغْ-د إِجّْ ن إِغْزَارْ زِي عَاذْنْ، حِيمَا أَذْ إِسُّووْ جّنّثْ ؤُ سّنِّي إِمّْسبْضَا خْ أَربْعَا ن إِزدْجِيفنْ إِ إِڭِّينْ ثِيسدْجْيَاوِينْ.
GEN 2:11 إِسمْ ن [يغْزَارْ] أَمزْوَارُو ذ فِيشُونْ. نتَّا إِ إِنّْضنْ إِ مَارَّا ثَامُّورْثْ ن حَاوِيلَا مَانِي إِدْجَا وُورغْ.
GEN 2:12 ؤُرغْ ن ثمُّورْثْ نِّي إِصْبحْ. أَقَا ذِينْ [أَسرْغَاغْ أَشمْڒَاڒْ قَّارنْ أَسْ] ’بذُولَا‘، ذ وژْرُو ن ’ؤُنِيكْسْ‘.
GEN 2:13 إِسمْ ن إِغْزَارْ وِيسّْ ثْنَاينْ ذ جِيحُونْ إِ ثُوغَا إِنّْضنْ إِ مَارَّا ثَامُّورْثْ ن كُوشْ.
GEN 2:14 إِسمْ ن إِغْزَارْ وِيسّْ ثْڒَاثَا ذ حِيدَّاقِيلْ. نتَّا إِتَّازّڒْ غَارْ شَّارْقْ ن أَشُّورْ. ؤُ إِغْزَارْ وِيسّْ أَربْعَا ذ لْفُورَاطْ.
GEN 2:15 إِكْسِي سِيذِي أَربِّي أَذَامْ ؤُشَا إِسَّارْسْ إِ-ث ذِي جّنّثْ ن عَاذْنْ، حِيمَا أَذْ ت إِخْذمْ ؤُ أَذْ ت إِحْضَا.
GEN 2:16 سِيذِي أَربِّي إِوصَّا أَذَامْ، إِنَّا: ”زِي مَارَّا ثِيشجُّورَا ن جّنّثْ أَذْ ثشّذْ مَاشَّا،
GEN 2:17 مَاشَا زِي ثْشجَّارْثْ ن ثُوسّْنَا ن ڒْخَارْ ذ ڒْغَارْ وَارْ تّتّذْ شَا زَّايسْ، مِينْزِي ذڭْ وَاسّْ إِ زَّايسْ غَا ثشّذْ، ڒْموْثْ إِ غَا ثمّْثذْ!“
GEN 2:18 إِنَّا سِيذِي أَربِّي: ”وَارْ إِعدّڒْ أَذْ يِيڒِي أَذَامْ وحّْذسْ. أَذْ أَسْ ڭّغْ وِي ث غَا إِعَاوْننْ، أَمْ نتَّا قِيبَاتْشْ نّسْ.“
GEN 2:19 ثُوغَا سِيذِي أَربِّي إِڭَّا زڭْ ؤُشَاڒْ مَارَّا ڒْمَاڒْ ن ڒخْڒَا ؤُ مَارَّا إِجْضَاضْ ن ؤُجنَّا، ؤُشَا إِنْذهْ إِ-ثنْ غَارْ أَذَامْ، حِيمَا أَذْ إِژَارْ مَامّشْ إِ ثنْ غَا إِسمَّا. مَامّشْ إِ غَا إِسمَّا أَذَامْ كُوڒْ نّفْسْ إِدَّارنْ ذ وَا ذ إِسمْ نّسْ.
GEN 2:20 إِڭَّا أَذَامْ إِسْمَاونْ إِ مَارَّا ڒبْهَايمْ ذ يجْضَاضْ ن ؤُجنَّا ؤُ إِ مَارَّا ڒْمَاڒْ ن ڒخْڒَا، [مَاشَا] إِ أَذَامْ وَارْ يُوفِي وِي ث غَا إِعَاوْننْ ذ وِي غَا يِيڒِينْ أَمْ نتَّا قِيبَاتْشْ نّسْ.
GEN 2:21 إِسّهْوَا-د سِيذِي أَربِّي إِجّْ ن يِيضصْ يُودْجغْ خْ أَذَامْ ؤُشَا إِطّصْ. [خنِّي] إِكْسِي إِشْثنْ زِي ثْغزْذِيسِينْ نّسْ ؤُشَا إِقّنْ [أَمْشَانْ يَارزْمنْ] نِّي س ويْسُومْ.
GEN 2:22 يَارَّا سِيذِي أَربِّي ثَاغزْذِيسْثْ ثنِّي إِ إِكْسِي زِي أَذَامْ ذ ثَامْغَارْثْ ؤُشَا يِيوْيِي ت-إِ-د غَارْ أَذَامْ.
GEN 2:23 [خنِّي] إِنَّا أَذَامْ: ”ثْوَاڒَا-يَا ثَانِيثَا أَقَا-ت ذ إِغسْ زڭْ إِغْسَانْ إِنُو ذ أَيْسُومْ زڭْ ويْسُومْ إِنُو. ثَانِيثَا أَذْ ثتّْوَاسمَّا ’ثَارْيَازْثْ‘، [إِخْسْ أَذْ يِينِي ’ثَامْغَارْثْ‘]، مِينْزِي نتَّاثْ ثتّْوَاكْسِي-د زڭْ ورْيَازْ.“
GEN 2:24 خْ ؤُيَا أَذْ إِسْمحْ ورْيَازْ ذِي بَابَاسْ ذ يمَّاسْ، أَذْ إِقّنْ غَارْ ثمْغَارْثْ نّسْ ؤُشَا أَذْ إِڒِينْ ذ إِشْثْ ن دَّاثْ.
GEN 2:25 ثُوغَا-ثنْ س ثْنَاينْ إِذْسنْ ذ إِعَارْيَاننْ، أَذَامْ ذ ثمْغَارْثْ نّسْ، [مَاشَا] ثُوغَا وَارْ ذِينْ شَا ن ڒحْيَا جَارْ أَسنْ.
GEN 3:1 ثُوغَا أَفِيغَارْ ذ أَحْرَايْمِي خْ مَارَّا ڒْمَاڒْ ن ڒخْڒَا إِ إِڭَّا سِيذِي أَربِّي. إِنَّا إِ ثمْغَارْثْ: ”مَا ذ ثِيذتّْ إِنَّا أَربِّي: ’غَارْومْ وَارْ تّتّمْ شَا زِي مَارَّا ثِيشجُّورَا ن جّنّثْ‘؟“
GEN 3:2 ثنَّا ثمْغَارْثْ إِ ؤُفِيغَارْ: ”زِي ڒْغِيدْجثْ ن ثْشجُّورَا ن جّنّثْ نْزمَّارْ أَذْ نشّْ،
GEN 3:3 مَاشَا زِي ڒْغِيدْجثْ ن ثْشجَّارْثْ ذِي ڒْوسْطْ ن جّنّثْ، إِنَّا أَربِّي: ’وَارْ زَّايسْ تّتّمْ، وَارْ ت تّْحَاذَامْ، حِيمَا وَارْ ثتّْمتِّيمْ.‘ “
GEN 3:4 إِنَّا ؤُفِيغَارْ إِ ثمْغَارْثْ: ”كنِّيوْ وَارْ ثتّْمتِّيمْ شَا س ڒْموْثْ قَاعْ،
GEN 3:5 [مَاشَا] أَربِّي إِسّنْ بلِّي أَسّْ نِّي ذِي زَّايسْ إِ غَا ثشّمْ، أَذْ أَرْزْمنْثْ ثِيطَّاوِينْ نْومْ ؤُشَا أَذْ ثِيڒِيمْ أَمْ أَربِّي، أَذْ ثسّْنمْ ڒْخَارْ زِي ڒْغَارْ.“
GEN 3:6 ثژْرَا ثمْغَارْثْ بلِّي ثَاشجَّارْثْ ثصْبحْ إِ مَاشَّا ؤُشَا ثعْجبْ أَسنْثْ إِ ثِيطَّاوِينْ، أَقَا ثَاشجَّارْثْ ثڭَّا ذَايسْ مژْرِي مَاحنْذْ أَذْ زَّايسْ ثذْوڒْ ذ ثَامِيغِيسْثْ. خنِّي ثكْسِي زِي ڒْغِيدْجثْ نّسْ، ثشَّا ؤُشَا ثوْشَا عَاوذْ إِ ورْيَازْ نّسْ إِ ثُوغَا أَكِيذسْ، ؤُشَا نتَّا إِشَّا.
GEN 3:7 نَّارْزْمنْثْ ثِيطَّاوِينْ نْسنْ ؤُشَا ؤُفِينْ إِخفْ نْسنْ ذ إِعَارْيَاننْ. خنِّي خيّْضنْ ثِيفْرَايْ ن وَارْثُو، ؤُشَا ڭِّينْ [زَّايْسنْثْ] ثِيبَانْثِيوِينْ إِ يِيخفْ نْسنْ.
GEN 3:8 [خنِّي] سْڒِينْ نِيثْنِي ثْمِيجَّا ن سِيذِي أَربِّي إِڭُّورْ ذِي جّنّثْ غَارْ ؤُوطُّو ن ثْمذِّيثْ، ؤُشَا إِفَّارْ أَذَامْ ذ ثمْغَارْثْ نّسْ زڭْ وُوذمْ ن سِيذِي أَربِّي جَارْ ثْشجُّورَا ن جّنّثْ.
GEN 3:9 ؤُشَا إِڒَاغَا سِيذِي أَربِّي أَذَامْ، إِنَّا أَسْ: ”مَانِي ثدْجِيذْ؟“
GEN 3:10 نتَّا إِنَّا: ”سْڒِيغْ إِ ثْمِيجَّا نّشْ ذِي جّنّثْ ؤُشَا ڭّْوذغْ مِينْزِي نشّْ ذ أَعَارْيَانْ، خنِّي فَّارغْ.“
GEN 3:11 إِنَّا [أَسْ نتَّا]: ”وِي ذ أَشْ إِنَّانْ بلِّي شكْ ذ أَعَارْيَانْ؟ مَا ثشِّيذْ زِي ثْشجَّارْثْ نِّي خْ شكْ وصِّيغْ ’أَقَا أَذْ زَّايسْ ثشّذْ؟“
GEN 3:12 إِنَّا أَذَامْ: ”ثَامْغَارْثْ نِّي ذ أَيِي ثوْشِيذْ، نتَّاثْ ثوْشَا أَيِي زِي ثْشجَّارْثْ ؤُشَا شِّيغْ.“
GEN 3:13 إِنَّا أَسْ سِيذِي أَربِّي إِ ثمْغَارْثْ: ”مَانَاوْيَا إِ ثڭِّيذْ؟“ ثنَّا [أَسْ] ثمْغَارْثْ: ”إِغَارَّا أَيِي ؤُفِيغَارْ ؤُشَا شِّيغْ.“
GEN 3:14 إِنَّا سِيذِي أَربِّي إِ ؤُفِيغَارْ: ”ڒَْامِي ثڭِّيذْ أَيَا، أَقَا أَشْ ذ أَمنْعُوڒْ جَارْ مَارَّا ڒبْهَايمْ ؤُ جَارْ مَارَّا ڒْمَاڒْ ن ڒخْڒَا. خْ ؤُعذِّيسْ نّشْ أَذْ ثْمُورْذذْ، ؤُشَا أَذْ ثشّذْ ؤُشَاڒْ مَارَّا ؤُسَّانْ ن ثُوذَارْثْ نّشْ.
GEN 3:15 أَذْ ڭّغْ ڒعْذَاوَاثْ جَارْ أَشْ ذ ثمْغَارْثْ، جَارْ زَّارِيعثْ نّشْ ذ زَّارِيعثْ نّسْ. ذ ثنِّي نّسْ أَذْ ثڒْبزْ أَزدْجِيفْ نّشْ، ؤُ شكْ أَذْ أَسْ ثْڒبْزذْ أَنِيرْزْ نّسْ.“
GEN 3:16 إِنَّا إِ ثمْغَارْثْ: ”أَطَّاسْ إِ غَا أَرْنِيغْ ڒحْرِيقْ ذ ڒوْجعْ ن ثَارْوَا نّمْ. س ڒحْرِيقْ أَذْ د-ثَارْوذْ إِحنْجِيرنْ، ؤُشَا غَارْ ورْيَازْ نّمْ أَذْ ثمّژْرذْ، مَاشَا نتَّا أَذْ خَامْ إِحْكمْ.“
GEN 3:17 ؤُشَا إِنَّا إِ أَذَامْ: ”مِينْزِي ثسْڒِيذْ غَارْ ثْمِيجَّا ن ثمْغَارْثْ نّشْ ؤُ ثشِّيذْ زِي ثْشجَّارْثْ ثنِّي خْ شكْ وصِّيغْ: ’أَقَا أَذْ زَّايسْ ثشّذْ!‘، أَذْ ثِيڒِي ثمُّورْثْ ذ نّعْڒثْ خْ سِّيبّثْ نّشْ. س ثَامَارَا أَذْ زَّايسْ ثشّذْ، مَارَّا ؤُسَّانْ ن ثُوذَارْثْ نّشْ.
GEN 3:18 إِسنَّاننْ ذ ثْزڭّْوَارْثْ إِ ذ أَشْ د غَا ثسّغْمِي، ؤُشَا أَذْ ثشّذْ أَفْسُو ن ييَّارْ.
GEN 3:19 س ثِيذِي ن ؤُغمْبُوبْ نّشْ أَذْ ثشّذْ أَغْرُومْ أَڒْ د غَا ثْذوْڒذْ غَارْ ثمُّورْثْ إِ زِي ثمّكْسِيذْ، مِينْزِي شكْ ذ أَشَاڒْ ؤُشَا غَارْ ؤُشَاڒْ إِ غَا د-ثْذوْڒذْ.“
GEN 3:20 إِڒَاغَا أَذَامْ إِسمْ ن ثمْغَارْثْ نّسْ حَاوَّا مِينْزِي نتَّاثْ ذ يمَّاسْ ن مَارَّا إِنِّي إِدَّارنْ.
GEN 3:21 إِڭَّا سِيذِي أَربِّي إِ أَذَامْ ذ ثمْغَارْثْ نّسْ أَرُّوضْ س يِيڒمْ ؤُشَا يَارْضْ أَسنْ ث.
GEN 3:22 إِنَّا سِيذِي أَربِّي: ”خْزَارْ، أَذَامْ وَا، أَقَا إِذْوڒْ أَمْ يِيجّنْ زَّايْنغْ، إِسّنْ ڒْخَارْ ذ ڒْغَارْ. ڒخُّو، أجّْ إِ-ث وَارْ إِسّْوَاژَّاضْ أَفُوسْ نّسْ مَاحنْذْ أَذْ إِكْسِي زِي ثْشجَّارْثْ ن ثُوذَارْثْ عَاوذْ، أَذْ يشّْ ؤُ [خنِّي] أَذْ إِدَّارْ إِ ڒبْذَا.“
GEN 3:23 ؤُشَا إِسُّوفُّوغْ إِ-ث سِيذِي أَربِّي زِي جّنّثْ ن عَاذْنْ حِيمَا أَذْ إِخْذمْ ثَامُّورْثْ إِ زِي ثُوغَا إِمّكْسِي.
GEN 3:24 يُوژّڒْ خْ أَذَامْ ؤُشَا إِڭَّا إِكِيرُوبنْ شَّارْقْ إِ جّنّثْ ن عَاذْنْ ذ يِيجّْ ن سِّيفْ إِتّحْذُوذُوقْ، إِتّشْضِيضِيحْ سَّا ذ سَّا إِ ؤُعسِّي خْ وبْرِيذْ ن ثْشجَّارْثْ ن ثُوذَارْثْ.
GEN 4:1 إِسّنْ أَذَامْ حَاوَّا، ثَامْغَارْثْ نّسْ، ؤُشَا ثيْسِي س دّيْسثْ ؤُشَا ثُورُووْ-د قَايِينْ، ثنَّا ”جِّيغْ-د أَرْيَازْ، ذ سِيذِي!“
GEN 4:2 [خنِّي] عَاوذْ ثُورُووْ-د ؤُمَاسْ هَابِيلْ. ثُوغَا هَابِيلْ ذ أَمكْسَاوْ ن وُودْجِي ؤُ قَايِينْ إِرُوحْ إِخدّمْ ثَامُّورْثْ.
GEN 4:3 ؤُشَا أَوَارْنِي ؤُسَّانْ إِمْسَارْ بلِّي قَايِينْ إِقدّمْ إِشْثْ ن ثوْهِيبْثْ زِي ڒْغِيدْجثْ ن وُوذمْ ن ثمُّورْثْ إِ سِيذِي.
GEN 4:4 إِقدّمْ هَابِيلْ عَاوذْ [إِشْثْ ن ثوْهِيبْثْ] زڭْ إِمنْزَا ن وُودْجِي نّسْ، زڭْ إِنِّي غَارْ إِدْجَا ثَاذُونْثْ أَطَّاسْ. إِخْزَارْ سِيذِي غَارْ هَابِيلْ ذ ثوْهِيبْثْ نّسْ،
GEN 4:5 [مَاشَا] غَارْ قَايِينْ ذ ثوْهِيبْثْ نّسْ وَارْ ذ أَسْ يَارِّي شَا ثَايْنِيثْ. ؤُشَا إِخيّقْ قَايِينْ أَطَّاسْ، إِنّقْڒبْ أَسْ ؤُغمْبُوبْ.
GEN 4:6 إِنَّا سِيذِي إِ قَايِينْ: ”مَايمِّي ثْخيّْقذْ؟ مَايمِّي ذ أَشْ إِنّقْڒبْ ؤُغمْبُوبْ؟
GEN 4:7 مَاڒَا ثڭِّيذْ مْلِيحْ، مَا وَارْ [ذِينْ] إِتِّيڒِي ؤُسْڭعّذْ، ؤُ مَاڒَا وَارْ ثڭِّيذْ مْلِيحْ، دّنْبْ أَقَا-ث إِزّڒْ غَارْ ثوَّارْثْ؟ مژْرِي نّسْ غَاركْ، [مَاشَا] إِتّْخصَّا شكْ أَذْ خَاسْ ثْسدْجْضذْ.“
GEN 4:8 إِسِّيوڒْ قَايِينْ أَكْ-ذ هَابِيلْ ؤُمَاسْ. ؤُشَا إِمْسَارْ أَمْ دْجَانْ نِيثْنِي ذڭْ إِيَّارْ، بلِّي قَايِينْ إِكَّارْ غَارْ ؤُمَاسْ هَابِيلْ ؤُشَا إِنْغَا إِ-ث.
GEN 4:9 [خنِّي] إِنَّا سِيذِي إِ قَايِينْ: ”مَانِي إِدْجَا ؤُمَاشْ هَابِيلْ؟“ إِنَّا: ”وَارْ سِّينغْ. مَا نشّْ ذ أَمحْضَايْ خْ ؤُمَا؟“
GEN 4:10 ؤُشَا إِنَّا نتَّا: ”مِينْ ثڭِّيذْ؟ أَقَا ثْمِيجَّا ن إِذَامّنْ ن ؤُمَاشْ سْغُويُّونْ-د غَارِي زِي ثمُّورْثْ.
GEN 4:11 ڒخُّو، أَقَا شكْ ذ منْعُوڒْ زِي ثمُّورْثْ، ثنِّي يَارزْمنْ أَقمُّومْ نّسْ، حِيمَا أَذْ ثقْبڒْ إِذَامّنْ ن ؤُمَاشْ زڭْ إِفَاسّنْ نّشْ.
GEN 4:12 خْمِي غَا ثْخذْمذْ خْ ثمُّورْثْ، وَارْ تّذِيكّْوِيڒْ أَذْ أَشْ ثوْشْ مَارَّا جّهْذْ نّسْ ؤُشَا شكْ أَذْ ثِيڒِيذْ ذ أَمنّجْرُو ذ أَمثْلُوعْ ذِي ثمُّورْثْ.“
GEN 4:13 خنِّي إِنَّا قَايِينْ إِ سِيذِي: ”لْعِيقَابْ إِنُو إِمْغَارْ أَطَّاسْ خْ ثْزمَّارْ إِنُو.
GEN 4:14 أَقَا شكْ أَسّْ[-أَ] ثُوژّْڒذْ خَافِي زڭْ ؤُغمْبُوبْ ن ثمُّورْثْ[-أَ] ؤُشَا زڭْ ؤُغمْبُوبْ نّشْ أَذْ تّْوَافَّار. أَذْ إِڒِيغْ ذ أَمنّجْرُو ذ أَمثْلُوعْ ذِي ثمُّورْثْ ؤُشَا أَذْ يِيڒِي مَارَّا ونِّي ذ أَيِي غَا يَافنْ أَذْ أَيِي إِنغْ.“
GEN 4:15 خنِّي إِنَّا أَسْ سِيذِي: ”س ؤُيَا مَارَّا ونِّي إِ غَا إِنْغنْ قَايِينْ، أَذْ زَّايسْ خڒْفنْ سبْعَا ن ثْوَاڒَاوِينْ.“ ؤُشَا إِڭَّا سِيذِي ڒعْڒَامثْ إِ قَايِينْ بلِّي مَارَّا ونِّي ث غَا يَافنْ وَارْ ث إِنقّْ.
GEN 4:16 خنِّي إِفّغْ-د قَايِينْ زڭْ وُوذمْ ن سِيذِي ؤُشَا إِرُوحْ إِزدّغْ ذِي ثمُّورْثْ ن نُوذْ، شَّارْقْ ن عَاذْنْ.
GEN 4:17 إِسّنْ قَايِينْ ثَامْغَارْثْ نّسْ ؤُشَا ثيْسِي س دّيْسثْ ؤُشَا ثُورُووْ أَسْ-د حَانُوخْ. ثُوغَا [قَاينْ] إِبْنَا إِشْثْ ن ثنْذِينْثْ ؤُشَا إِڒَاغَا أَسْ إِ ثنْذِينْثْ أَمْ يِيسمْ ن مِّيسْ حَانُوخْ.
GEN 4:18 حَانُوخْ إِجَّا-د عِيرَاذْ، ؤُ عِيرَاذْ إِجَّا-د محُويَائِيلْ ؤُ محُويَائِيلْ إِجَّا-د مَاتُوشَائِيلْ ؤُ مَاتُوشَائِيلْ إِجَّا-د لَامَاكْ.
GEN 4:19 إِمْڒشْ لَامَاكْ ثْنَاينْ ن ثمْغَارِينْ. إِشْثنْ قَّارنْ أَسْ عَاذَا، ثنّغْنِي قَّارنْ أَسْ صِيلَّا.
GEN 4:20 ثُورُووْ-د عَاذَا يَابَالْ. نتَّا إِذْوڒْ ذ بَابَاثْسنْ إِ إِمزْذَاغْ ن إِقِيضَانْ ؤُ إِ إِمكْسَاونْ ن ڒبْهَايمْ.
GEN 4:21 إِسمْ ن ؤُمَاسْ ثُوغَا ذ يُوبَالْ ونِّي ثُوغَا ذ بَابَاثْسنْ إِ مَارَّا إِنِّي إِتِّيرَارنْ ڒْڭَامْبْرِي ذ ثمْجَا.
GEN 4:22 صِيلَّا ثُورُووْ-د عَاوذْ ثُوبَالْ-قَايِينْ، أَمْزِيڒْ ن إِمْزِيڒنْ ن مَارَّا إِنِّي إِخدّْمنْ س نّْحَاسْ ذ وُوزَّاڒْ. ؤُتْشْمَاسْ ن ثُوبَالْ-قَايِينْ [ثُوغَا] ذ نَاعْمَا.
GEN 4:23 إِنَّا لَامَاكْ إِ ثمْغَارِينْ نّسْ، عَاذَا ذ صِيلَّا: ”سْڒنْثْ إِ ثْمِيجَّا إِنُو، [أَ] ثِيمْغَارِينْ ن لَامَاكْ! سْڒنْثْ غَارْ مِينْ غَا إِنِيغْ. أَقَا نْغِيغْ أَرْيَازْ إِ ؤُيزِّيمْ إِنُو ذ ؤُحنْجِيرْ إِ ؤُيذِّيمْ إِنُو!
GEN 4:24 أَقَا أَذْ خڒْفنْ زِي قَايِينْ سبْعَا ن ثْوَاڒَاوِينْ، مَاشَا زِي لَامَاكْ سبْعَا ؤُ-سبْعِينْ ن ثْوَاڒَاوِينْ.“
GEN 4:25 يُوذفْ أَذَامْ عَاوذْ خْ ثَامْغَارْثْ نّسْ ؤُشَا ثُورُووْ-د نتَّاثْ أَحنْجِيرْ. ثْڒَاغَا أَسْ شِيثْ، مِينْزِي [ثنَّا:] ”أَربِّي إِوْشَا أَيِي زَّارِيعثْ نّغْنِي ذڭْ ومْشَانْ ن هَابِيلْ، مِينْزِي قَايِينْ إِنْغَا إِ-ث.“
GEN 4:26 ؤُڒَا إِ شِيثْ إِتّْوَاخْڒقْ-د ؤُسيْمِي، ؤُشَا إِڭَّا أَسْ أَنُوشْ. ڒخْذنِّي إِبْذَا بْنَاذمْ س ؤُڒَاغِي خْ يِيسمْ ن سِيذِي. وَا ذ أَذْلِيسْ إِتّْوَانْضنْ ن إِمزْرُوينْ ن يِينِّي د-إِتّْوَاخڒْقنْ زِي أَذَامْ.
GEN 5:1 أَسّْ مِينْ ذِي إِڭَّا أَربِّي أَذَامْ، إِڭَّا إِ-ث ذِي صِّيفثْ ن أَربِّي.
GEN 5:2 أَوْثمْ ذ ثوْثمْثْ إِخْڒقْ إِ-ثنْ-د. إِبَارْكْ إِ-ثنْ ؤُشَا إِڒَاغَا أَسنْ س يِيسمْ ’أَذَامْ‘، [بْنَاذمْ]، ذڭْ وَاسّْ إِ ذِي ثنْ د-إِخْڒقْ.
GEN 5:3 أَوَارْنِي ڒَامِي إِدَّارْ أَذَامْ مْيَا ؤُ-ثْڒَاثِينْ ن إِسڭّْوُوسَا، إِجَّا-د [أَحنْجِيرْ] ذڭْ وَارْوَاسْ نّسْ ؤُ ذِي صِّيفثْ نّسْ ؤُشَا إِڒَاغَا أَسْ شِيثْ.
GEN 5:4 أَوَارْنِي ڒَامِي د-إِجَّا شِيثْ، إِدَّارْ أَذَامْ [عَاذْ] ثمْنْ-مْيَا ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ.
GEN 5:5 أَمُّو إِ إِدَّارْ أَذَامْ ثسْعَا-مْيَا ؤُ-ثْڒَاثِينْ ن إِسڭّْوُوسَا ؤُشَا إِمُّوثْ.
GEN 5:6 أَوَارْنِي ڒَامِي إِدَّارْ شِيثْ مْيَا ؤُ-خمْسَا ن إِسڭّْوُوسَا، إِجَّا-د أَنُوشْ.
GEN 5:7 أَوَارْنِي ڒَامِي د-إِجَّا أَنُوشْ، إِدَّارْ شِيثْ [عَاذْ] ثمْنْ-مْيَا ؤُ-سبْعَا ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ.
GEN 5:8 أَمُّو إِ إِدَّارْ شِيثْ ثسْعَا-مْيَا ؤُ-ثنْعَاشْ ن إِسڭّْوُوسَا ؤُشَا إِمُّوثْ.
GEN 5:9 أَوَارْنِي ڒَامِي إِدَّارْ أَنُوشْ ثسْعِينْ ن إِسڭّْوُوسَا، إِجَّا-د قِينَانْ.
GEN 5:10 أَوَارْنِي ڒَامِي د-إِجَّا قِينَانْ، إِدَّارْ أَنُوشْ [عَاذْ] ثمْنْ-مْيَا ؤُ-خمّسْطَاشْ ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ.
GEN 5:11 أَمُّو إِ إِدَّارْ أَنُوشْ ثسْعَا-مْيَا ؤُ-خمْسَا ن إِسڭّْوُوسَا ؤُشَا إِمُّوثْ.
GEN 5:12 أَوَارْنِي ڒَامِي إِدَّارْ قِينَانْ سبْعِينْ ن إِسڭّْوُوسَا، إِجَّا-د مَاهَالَالْ-إِلْ.
GEN 5:13 أَوَارْنِي ڒَامِي د-إِجَّا مَاهَالَالْ-إِلْ، إِدَّارْ قِينَانْ [عَاذْ] ثمْنْ-مْيَا ؤُ-ربْعِينْ ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ.
GEN 5:14 أَمُّو إِ إِدَّارْ قِينَانْ ثسْعَا-مْيَا ؤُ -عشْرَا ن إِسڭّْوُوسَا ؤُشَا إِمُّوثْ.
GEN 5:15 أَوَارْنِي ڒَامِي إِدَّارْ مَاهَالَالْ-إِلْ خمْسَا ؤُ-ستِّينْ ن إِسڭّْوُوسَا، إِجَّا-د يَارَاذْ.
GEN 5:16 أَوَارْنِي ڒَامِي د-إِجَّا يَارَاذْ، إِدَّارْ مَاهَالَالْ-إِلْ [عَاذْ] ثمْنْ-مْيَا ؤُ-ثْڒَاثِينْ ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ.
GEN 5:17 أَمُّو إِ إِدَّارْ مَاهَالَالْ-إِلْ ثمْنْ-مْيَا ؤُ-خمْسَا ؤُ-ثسْعِينْ ن إِسڭّْوُوسَا ؤُشَا إِمُّوثْ.
GEN 5:18 أَوَارْنِي ڒَامِي إِدَّارْ يَارَاذْ مْيَا ؤُ-ثْنَاينْ ؤُ-ستِّينْ ن إِسڭّْوُوسَا، إِجَّا-د حَانُوخْ.
GEN 5:19 أَوَارْنِي ڒَامِي د-إِجَّا حَانُوخْ، إِدَّارْ يَارَاذْ [عَاذْ] ثمْنْ-مْيَا ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ.
GEN 5:20 أَمُّو إِ إِدَّارْ يَارَاذْ ثسْعَا-مْيَا ؤُ-ثْنَاينْ ؤُ-ستِّينْ ن إِسڭّْوُوسَا ؤُشَا إِمُّوثْ.
GEN 5:21 أَوَارْنِي ڒَامِي إِدَّارْ حَانُوخْ خمْسَا ؤُ-ستِّينْ ن إِسڭّْوُوسَا، إِجَّا-د مَاثُوشَالَاحْ.
GEN 5:22 أَوَارْنِي ڒَامِي د-إِجَّا مَاثُوشَالَاحْ، يُويُورْ حَانُوخْ أَكْ-ذ أَربِّي ثڒْثْ-مْيَا ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ.
GEN 5:23 أَمُّو إِ إِدَّارْ حَانُوخْ ثڒْثْ-مْيَا ؤُ-خمْسَا ؤُ-ستِّينْ ن إِسڭّْوُوسَا.
GEN 5:24 يُويُورْ حَانُوخْ أَكْ-ذ أَربِّي ؤُشَا وَارْ إِتّْوِيفْ عَاذْ مِينْزِي أَربِّي إِكْسِي إِ-ث.
GEN 5:25 أَوَارْنِي ڒَامِي إِدَّارْ مَاثُوشَالَاحْ مْيَا ؤُ-سبْعَا ؤُ-ثْمَانْيِينْ ن إِسڭّْوُوسَا، إِجَّا-د لَامَاكْ.
GEN 5:26 أَوَارْنِي ڒَامِي د-إِجَّا لَامَاكْ، إِدَّارْ مَاثُوشَالَاحْ [عَاذْ] سبْعَا-مْيَا ؤُ-ثْنَاينْ ؤُ-ثْمَانْيِينْ ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ.
GEN 5:27 أَمُّو إِ إِدَّارْ مَاثُوشَالَاحْ ثسْعَا-مْيَا ؤُ-ثسْعَا ؤُ-ستِّينْ ن إِسڭّْوُوسَا ؤُشَا إِمُّوثْ.
GEN 5:28 أَوَارْنِي ڒَامِي إِدَّارْ لَامَاكْ مْيَا ؤُ-ثْنَاينْ ؤُ-ثْمَانْيِينْ ن إِسڭّْوُوسَا، إِجَّا-د إِجّْ ن ؤُحنْجِيرْ.
GEN 5:29 إِڒَاغَا إِسمْ نّسْ نُوحْ، إِنَّا: ”وَا أَذْ أَنغْ إِسّْفوّجْ خْ ڒْخذْمثْ نّغْ ذ ثَامَارَا ن إِفَاسّنْ نّغْ، مِينْزِي سِيذِي أَقَا إِنْعڒْ ثَامُّورْثْ!“
GEN 5:30 أَوَارْنِي ڒَامِي د-إِجَّا نُوحْ، إِدَّارْ لَامَاكْ [عَاذْ] خمْسَا-مْيَا ؤُ-خمْسَا ؤُ-ثسْعِينْ ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ.
GEN 5:31 أَمُّو إِ إِدَّارْ لَامَاكْ سبْعَا-مْيَا ؤُ-سبْعَا ؤُ-سبْعِينْ ن إِسڭّْوُوسَا ؤُشَا إِمُّوثْ.
GEN 5:32 أَوَارْنِي ڒَامِي إِدَّارْ نُوحْ خمْسَا-مْيَا ن إِسڭّْوُوسَا، نُوحْ إِجَّا-د شَامْ ذ حَامْ ذ يَافَاثْ.
GEN 6:1 ڒَامِي بْذَانْ إِوْذَانْ أَذْ كْثَارنْ ذِي ثمُّورْثْ ؤُشَا ؤُرْونْثْ أَسنْ-د يسِّيثْسنْ،
GEN 6:2 أَقَا ژْرِينْ أَرَّاونْ ن أَربِّي بلِّي يسِّيسْ ن بْنَاذمْ شْنَانْثْ، ؤُشَا كْسِينْ ثِيمْغَارِينْ إِ يِيخفْ نْسنْ زِي مَارَّا ثِينِّي إِخْضَارنْ نِيثْنِي.
GEN 6:3 [خنِّي] إِنَّا سِيذِي: ”وَارْ إِتّْغِيمِي أَرُّوحْ إِنُو ڒبْذَا ذِي بْنَاذمْ، أَقَا-ث ذ دَّاثْ زِي سِّيبّثْ ن ؤُودَّارْ نّسْ. أَذْ إِڒِينْ وُوسَّانْ [ن ثُوذَارْثْ] نّسْ مْيَا ؤُ-عِيشْرِينْ ن إِسڭّْوُوسَا.“
GEN 6:4 ذڭْ وُوسَّانْ نِّي ثُوغَا ’إِنِيفِيلِيمْ‘، [إِخْسْ أَذْ يِينِي ’إِنِّي إِوْضَانْ‘]، ذِي ثمُّورْثْ ؤُشَا أَوَارْنِي مَانْ أَيَا عَاوذْ، ؤُمِي د-ؤُذْفنْ أَرَّاوْ ن أَربِّي غَارْ يسِّيسْ ن إِوْذَانْ ؤُشَا ؤُرْونْثْ أَسنْ-د. نِيثْنِي ذ ’جّْوَاهڒْ‘ ن زّْمَانْ نِّي، ذ إِرْيَازنْ س يِيسمْ.
GEN 6:5 إِژْرَا سِيذِي بلِّي ڒْغَارْ ن بْنَاذمْ ذ أَطَّاسْ خْ ثمُّورْثْ ؤُشَا مَارَّا ڒمْوَايَاڒْ ن ؤُخَارّصْ ن وُوڒْ نّسْ ذ أَعفَّانْ كُوڒْ أَسّْ.
GEN 6:6 ؤُشَا إِنْذمْ سِيذِي ؤُمِي إِڭَّا بْنَاذمْ ذِي ثمُّورْثْ ؤُشَا إِقّسْ أَسْ وُوڒْ نّسْ.
GEN 6:7 إِنَّا سِيذِي: ”أَذْ مْحِيغْ خْ وُوذمْ ن ثمُّورْثْ بْنَاذمْ إِ د-خڒْقغْ، بْنَاذمْ أَكْ-ذ ڒبْهَايمْ ذ [إِمُودَّارنْ] إِتّْبُوعنْ ؤُڒَا ذ إِجْضَاضْ ن ؤُجنَّا، مِينْزِي نذْمغْ ؤُمِي ثنْ ڭِّيغْ.“
GEN 6:8 [مَاشَا] نُوحْ يُوفَا أَرْضَا ذِي ثِيطَّاوِينْ ن سِيذِي. إِنَا ذ إِمزْرُوينْ ن يِينِّي د-إِتّْوَاخڒْقنْ زِي نُوحْ.
GEN 6:9 ثُوغَا نُوحْ ذ أَرْيَازْ ذ أَمْسڭّذْ إِكْمڒْ جَارْ مَارَّا جِّيڒَاثْ نِّي إِدَّارنْ أَكِيذسْ. يُويُورْ نُوحْ أَكْ-ذ أَربِّي.
GEN 6:10 ؤُشَا إِجَّا-د نُوحْ ثْڒَاثَا ن إِحنْجِيرنْ: شَامْ ذ حَامْ ذ يَافَاثْ.
GEN 6:11 ثُوغَا ثَامُّورْثْ ذ إِشْثْ ن ڒْخَارْبثْ ذِي ثِيطَّاوِينْ ن أَربِّي ؤُ ثُوغَا ثَامُّورْثْ ثشُّورْ س لْعُونْفْ.
GEN 6:12 إِخْزَارْ أَربِّي غَارْ ثمُّورْثْ، ؤُ خْزَارْ، أَقَا-ت ذ ڒْخَارْبثْ، مَاغَارْ مَارَّا إِمدَّارنْ س أَرِّيمثْ ن ويْسُومْ ثُوغَا خَارّْبنْ أَبْرِيذْ نْسنْ خْ ثمُّورْثْ.
GEN 6:13 إِنَّا أَربِّي إِ نُوحْ: ”أَنڭَّارْ ن مَارَّا إِمدَّارنْ س أَرِّيمثْ ن ويْسُومْ أَقَا-ث زَّاثْ إِ وُوذمْ إِنُو، مِينْزِي ثَامُّورْثْ ثشُّورْ س لْعُونْفْ زَّايْسنْ. أَقَا أَذْ ثنْ ثحِّيغْ أَكْ-ذ ثمُّورْثْ.
GEN 6:14 أڭّْ إِ يِيخفْ نّشْ إِجّْ ن ؤُغَارَّابُو س ؤُكشُّوضْ ن ؤُمرْزِي ؤُشَا أڭّْ إِخَّامنْ [إِ مَارَّا ڒْمَاڒْ] ذڭْ ؤُغَارَّابُو. غدْجفْ أَغَارَّابُو زِي ذَاخڒْ ؤُ زِي بَارَّا س ثِيزفْثْ.
GEN 6:15 أَمُّو إِتّْخصَّا أَذْ ث ثڭّذْ: ثُوزّڭَّارْثْ ن ؤُغَارَّابُو [أَذْ ثِيڒِي] ثڒْثْ-مْيَا ن إِغَادْجنْ ؤُ ثِيرُو ن ؤُغَارَّابُو [أَذْ ثِيڒِي] خمْسِينْ ن إِغَادْجنْ ؤُ ڒُوعْڒَا نّسْ [أَذْ يِيڒِي] ثْڒَاثِينْ ن إِغَادْجنْ.
GEN 6:16 إِتّْخصَّا أَذْ ثڭّذْ إِشْثْ ن ثْبُورْجثْ إِ ثْفَاوْثْ ذڭْ ؤُغَارَّابُو ؤُشَا أَذْ ت ثْكمّْڒذْ أَنشْثْ ن إِجّْ ن ؤُغِيڒْ زِي سنّجْ. أَذْ ثڭّذْ ثَاوَّارْثْ ن ؤُغَارَّابُو ذڭْ ؤُغزْذِيسْ نّسْ. أَذْ ثڭّذْ طّبْقثْ ن وَادَّايْ ذ طّبْقثْ وِيسّْ ثْنَاينْ [ذِي ڒْوسْطْ] ذ طّبْقثْ وِيسّْ ثْڒَاثَا [سنّجْ].
GEN 6:17 أَقَا نشّْ أَذْ سّكّغْ سّحْڒثْ ن وَامَانْ خْ ثمُّورْثْ، حِيمَا أَذْ ثحِّيغْ سَاذُو ؤُجنَّا مَارَّا إِمدَّارنْ س أَرِّيمثْ ن ويْسُومْ إِ ذِي إِدْجَا أَرُّوحْ ن ثُوذَارْثْ. مَارَّا مِينْ إِدْجَانْ ذِي ثمُّورْثْ أَذْ إِضْڒقْ إِ بُوحْبڒْ.
GEN 6:18 [مَاشَا] أَذْ سّْبدّغْ ڒْعَاهْذْ إِنُو أَكِيذكْ ؤُشَا شكْ أَذْ ثَاذْفذْ غَارْ ؤُغَارَّابُو، شكْ ذ إِحنْجِيرنْ نّشْ ذ ثمْغَارْثْ نّشْ ذ ثمْغَارِينْ ن إِحنْجِيرنْ نّشْ أَكِيذكْ.
GEN 6:19 ؤُشَا زِي مَارَّا مِينْ إِدَّارنْ، زِي مَارَّا إِمدَّارنْ س أَرِّيمثْ ن ويْسُومْ أَذْ ثسِّيذْفذْ ثْيُويَا، غَارْ ؤُغَارَّابُو حِيمَا أَذْ دَّارنْ أَكِيذكْ: إِتّْخصَّا أَذْ يِيڒِي ذ أَوْثمْ ذ ثوْثمْثْ.
GEN 6:20 أَذْ غَاركْ د-ثَاسْ ثْيُويَا زِي مَارَّا، حِيمَا أَذْ ثحْضِيذْ ثُوذَارْثْ نْسنْ: زڭْ إِجْضَاضْ عْلَاحْسَابْ مَارْكَاثْ نْسنْ، زِي ڒبْهَايمْ عْلَاحْسَابْ مَارْكَاثْ نْسنْثْ ؤُ زِي مَارَّا [إِمُودَّارنْ] نِّي إِتّْبُوعنْ خْ ثمُّورْثْ عْلَاحْسَابْ مَارْكَاثْ نْسنْ.
GEN 6:21 ؤُشَا شكْ، كْسِي إِ يِيخفْ نّشْ زِي مَارَّا مَاشَّا إِ إِتّْوَاشَّانْ ؤُشَا سْمُونْ إِ-ت غَاركْ، حِيمَا أَذْ أَشْ يِيڒِي ذ مَاشَّا ؤُشَا ؤُڒَا إِ نِيثْنِي.“
GEN 6:22 ؤُشَا إِڭَّا نُوحْ أَمْ مَامّشْ مَارَّا إِ خفْ ث إِوصَّا أَربِّي، أَمُّو إِ [ث] إِڭَّا.
GEN 7:1 إِنَّا سِيذِي إِ نُوحْ: ”أَذفْ شكْ ذ مَارَّا [ڒَْادْجْ ن] ثَادَّارْثْ نّشْ غَارْ ؤُغَارَّابُو، مِينْزِي ژْرِيغْ شكْ ذ أَمْسڭّذْ زَّاثْ إِ وُوذمْ إِنُو ذِي جِّيڒْ-أَ.
GEN 7:2 زِي مَارَّا ڒبْهَايمْ ن ڒحْڒَاڒْ أَذْ غَاركْ ثكْسِيذْ سبْعَا، سبْعَا، أَوْثمْ ذ ثوْثمْثْ نّسْ، ؤُ زِي ڒبْهَايمْ ن ڒحْرَامْ ثْيُويَا، أَوْثمْ ذ ثوْثمْثْ نّسْ.
GEN 7:3 ؤُڒَا زڭْ إِجْضَاضْ ن ؤُجنَّا إِتّْخصَّا أَذْ ثكْسِيذْ سبْعَا ن ثِييُويَاوِينْ، أَوْثمْ ذ ثوْثمْثْ، حِيمَا أَذْ ثحْضِيذْ زَّارِيعثْ [نْسنْ] إِ ثُوذَارْثْ ذِي مَارَّا ثَامُّورْثْ،
GEN 7:4 مِينْزِي خْمِي غَا عْذُونْ عَاذْ سبْعَا ن وُوسَّانْ نشّْ أَذْ جّغْ أَنْژَارْ أَذْ إِوّثْ خْ ثمُّورْثْ أَربْعِينْ ن وُوسَّانْ ذ أَربْعِينْ ن دْجْيَاڒِي، ؤُشَا أَذْ ثحِّيغْ زڭْ وُوذمْ ن ثمُّورْثْ مَارَّا مِينْ إِدْجَانْ، ذ مِينْ ڭِّيغْ نشّْ.“
GEN 7:5 ؤُشَا إِڭَّا نُوحْ أَمْ مَامّشْ كُوڒْشِي إِ خفْ ث إِوصَّا سِيذِي.
GEN 7:6 ثُوغَا نُوحْ ذ مِّيسْ ن ستَّا-مْيَا ن إِسڭّْوُوسَا ڒَامِي د-ثُوسَا سّحْڒثْ ن وَامَانْ خْ ثمُّورْثْ.
GEN 7:7 ؤُشَا يُوذفْ نُوحْ غَارْ ؤُغَارَّابُو ذِي سِّيبّثْ ن وَامَانْ ن سّحْڒثْ، [نتَّا ذ] إِحنْجِيرنْ نّسْ ذ ثمْغَارْثْ نّسْ ذ ثمْغَارِينْ ن إِحنْجِيرنْ نّسْ أَكِيذسْ.
GEN 7:8 زِي ڒبْهَايمْ ن ڒحْڒَاڒْ ؤُ زِي ڒبْهَايمْ ن ڒحْرَامْ ؤُ زڭْ إِجْضَاضْ ؤُ زِي مَارَّا مِينْ إِتّْبُوعنْ خْ [وُوذمْ ن] ثمُّورْثْ
GEN 7:9 ثُوذفْ ثْيُويَا س ثْيُويَا غَارْ نُوحْ غَارْ ؤُغَارَّابُو، أَوْثمْ ذ ثوْثمْثْ أَمْ مَامّشْ إِوصَّا أَربِّي إِ نُوحْ.
GEN 7:10 أَوَارْنِي سبْعَا ن وُوسَّانْ إِمْسَارْ بلِّي أَمَانْ ن سّحْڒثْ ؤُسِينْ-د خْ ثمُّورْثْ.
GEN 7:11 ذڭْ ؤُسڭّْوَاسْ وِيسّْ ستَّا-مْيَا زِي ثُوذَارْثْ ن نُوحْ، ذڭْ ؤُيُورْ وِيسّْ ثْنَاينْ، ذڭْ وَاسّْ وِيسّْ سْبعْطَاشْ ن ؤُيُورْ [نِّي]، ذڭْ وَاسّْ-أَ نِّيثْ، ثُوغَا سّفْينْ-د مَارَّا ڒْعُونْصَارَاثْ ن [وَامَانْ] إِهوْڒنْ ؤُشَا تّْوَارزْمنْثْ ثْبُورْجَاثِينْ ن ؤُجنَّا.
GEN 7:12 ثُوغَا أَنْژَارْ إِقِّيمْ إِشَّاثْ س جّهْذْ خْ ثمُّورْثْ أَربْعِينْ ن وُوسَّانْ ذ أَربْعِينْ ن دْجْيَاڒِي.
GEN 7:13 ذڭْ وَاسّْ نِّي [نِّيثْ] ثُوغَا نُوحْ يُوذفْ غَارْ ؤُغَارَّابُو أَكْ-ذ شَامْ ذ حَامْ ذ يَافَاثْ، أَيْثْ ن نُوحْ، ؤُڒَا أَكْ-ذ ثَامْغَارْثْ ن نُوحْ ؤُ أَكْ-ذ ثْڒَاثَا ن ثمْغَارِينْ ن إِحنْجِيرنْ نّسْ أَكِيذْسنْ،
GEN 7:14 نِيثْنِي ذ مَارَّا مَارْكَاثْ ن ڒْمَاڒْ [ن ڒخْڒَا] ذ مَارَّا مَارْكَاثْ ن ڒبْهَايمْ ذ مَارَّا مَارْكَاثْ ن [إِمُودَّارنْ] نِّي إِتّْبُوعنْ خْ ثمُّورْثْ ذ مَارَّا مَارْكَاثْ ن إِجْضَاضْ، مَارَّا أَجْضِيضْ، ذ مَارَّا [مِينْ غَارْ إِدْجَا] أَفْرِيونْ.
GEN 7:15 زِي مَارَّا إِمدَّارنْ س أَرِّيمثْ ن ويْسُومْ إِ ذِي إِدْجَا أَرُّوحْ ن ثُوذَارْثْ، ثُوسَا-د ثْيُويَا س ثْيُويَا غَارْ نُوحْ غَارْ ؤُغَارَّابُو.
GEN 7:16 ؤُ زِي مَارَّا إِمدَّارنْ س أَرِّيمثْ ن ويْسُومْ إِ د-يُوسِينْ، يُوذفْ إِجّْ ن ووْثمْ ذ إِشْثْ ن ثوْثمْثْ أَمْ مَامّشْ [ث] يُومُورْ أَربِّي، ؤُشَا إِقّنْ سِيذِي [ثَاوَّارْثْ] أَوَارْنِي أَسْ.
GEN 7:17 ثُوغَا سّحْڒثْ خْ ثمُّورْثْ أَربْعِينْ ن وُوسَّانْ ؤُشَا ڭعّْذنْ وَامَانْ ؤُشَا سّْڭعّْذنْ أَغَارَّابُو أَڒَامِي إِڭعّذْ سنّجْ إِ [وُوذمْ ن] ثمُّورْثْ.
GEN 7:18 ڭعّْذنْ وَامَانْ ؤُشَا مَّارنْينْ-د أَطَّاسْ سنّجْ إِ ثمُّورْثْ ؤُشَا يُويُورْ ؤُغَارَّابُو خْ وُوذمْ ن وَامَانْ.
GEN 7:19 ڭعّْذنْ أَمَانْ أَطَّاسْ س وَاطَّاسْ، أَڒَامِي مَارَّا إِذُورَارْ يُوعْڒَانْ إِ ذِينْ إِدْجَانْ سَاذُو مَارَّا أَجنَّا، ذوْڒنْ ذْڒِينْ.
GEN 7:20 ؤُڒْينْ وَامَانْ خمّسْطَاشْ ن إِغَادْجنْ سنّجْ إِ إِذُورَارْ ؤُشَا ذْڒِينْ إِذُورَارْ.
GEN 7:21 مَارَّا إِمدَّارنْ س أَرِّيمثْ ن ويْسُومْ إِ إِتّنْهزَّانْ خْ ثمُّورْثْ إِضْڒقْ إِ بُوحْبڒْ نّسْ، إِجْضَاضْ ذ ڒبْهَايمْ، ڒْمَاڒْ [ن ڒخْڒَا]، مَارَّا [إِمُودَّارنْ] إِتّْبُوعنْ، إِنِّي إِتّْبُوعنْ خْ وُوذمْ ن ثمُّورْثْ ؤُڒَا ذ مَارَّا إِوْذَانْ.
GEN 7:22 مَارَّا مِينْ ذِي إِدْجَا ڒعْوِينْ ن أَرُّوحْ ن ثُوذَارْثْ غَارْسنْ ذڭْ ونْزَارنْ نْسنْ زِي مَارَّا مِينْ ذِينْ [إِدْجَانْ] خْ ڒْبَارّْ، إِمُّوثْ.
GEN 7:23 ؤُشَا مَارَّا مِينْ ذِينْ إِدْجَانْ خْ وُوذمْ ن ثمُّورْثْ إِتّْوَامْحَا، زِي بْنَاذمْ أَڒْ ڒْمَاڒْ ذ إِمُودَّارنْ إِنِّي إِتّْبُوعنْ ذ إِجْضَاضْ ن ؤُجنَّا. إِنَا تّْوَاثحَّانْ زِي ثمُّورْثْ. نُوحْ وحّْذسْ إِ إِقِّيمنْ ذ مَارَّا مِينْ كِيذسْ إِ إِدْجَانْ ذڭْ ؤُغَارَّابُو.
GEN 7:24 ڭعّْذنْ وَامَانْ خْ ثمُّورْثْ مْيَا ؤُ-خمْسِينْ ن وُوسَّانْ.
GEN 8:1 ؤُشَا إِخَارّصْ أَربِّي ذِي نُوحْ ؤُ ذِي مَارَّا ڒْمَاڒْ [ن ڒخْڒَا] ذ مَارَّا ڒبْهَايمْ إِ ثُوغَا أَكِيذسْ ذڭْ ؤُغَارَّابُو. إِڭَّا أَربِّي أَذْ يكّْ إِجّْ ن ؤُسمِّيضْ خْ ثمُّورْثْ أَڒَامِي أَرْسَانْ وَامَانْ.
GEN 8:2 بلّْعنْثْ ڒْعُونْصَارَاثْ ن [وَامَانْ] إِهوْڒنْ ذ ثْبُورْجَاثِينْ ن ؤُجنَّا ؤُشَا إِبدّْ ونْژَارْ زڭْ ؤُجنَّا.
GEN 8:3 ؤُشَا، أَمْ د-تَّاسنْ تّْرَاحنْ، ذوْڒنْ-د وَامَانْ زِي ثمُّورْثْ. أَوَارْنِي مْيَا ؤُ-خمْسِينْ ن وُوسَّانْ نقْصنْ وَامَانْ.
GEN 8:4 ذڭْ ؤُيُورْ وِيسّْ سبْعَا، ذڭْ وَاسّْ وِيسّْ سْبعْطَاشْ ن ؤُيُورْ [نِّي]، يَارْسَا ؤُغَارَّابُو خْ إِذُورَارْ ن أَرَارَاثْ.
GEN 8:5 قِّيمنْ وَامَانْ نقّْصنْ أَڒْ أَيُورْ وِيسّْعشْرَا. ذڭْ ؤُيُورْ وِيسّْعشْرَا، ذڭْ [وَاسّْ] أَمزْوَارُو ن ؤُيُورْ، ضْهَارنْثْ-إِ-د ثْقِيشَّاثِينْ ن إِذُورَارْ.
GEN 8:6 أَوَارْنِي ڒَامِي عْذُونْ أَربْعِينْ ن وُوسَّانْ، يَارْزمْ نُوحْ ثابُورْجثْ ن ؤُغَارَّابُو نِّي [ذَايسْ] ثُوغَا إِڭَّا،
GEN 8:7 ؤُشَا إِسّكّْ أَبَاغڒْ. وَانِيثَا إِفّغْ، إِقِّيمْ إِتّْرَاحْ إِتَّاسْ-د أَڒَامِي بْذَانْ وَامَانْ تَّاژْغنْ خْ ثمُّورْثْ.
GEN 8:8 خنِّي إِسّكّْ سّنِّي ثَاذْبِيرْثْ، حِيمَا أَذْ إِژَارْ، مَا أَمَانْ نقْصنْ خْ وُوذمْ ن ثمُّورْثْ.
GEN 8:9 [مَاشَا] وَارْ ثُوفِي ثذْبِيرْثْ مَانِي غَا ثسَّارْسْ ثَاڒقَّا ن ؤُضَارْ نّسْ ؤُشَا ثعْقبْ-د غَارسْ غَارْ ؤُغَارَّابُو، مِينْزِي أَمَانْ ثُوغَا أَثنْ [عَاذْ] خْ وُوذمْ ن مَارَّا ثَامُّورْثْ. إِسّْوِيژّضْ أَفُوسْ نّسْ، إِطّفْ إِ-ت ؤُشَا إِسِّيذفْ إِ-ت-إِ-د غَارسْ ذڭْ ؤُغَارَّابُو.
GEN 8:10 إِرَاجَا عَاذْ سبْعَا ن وُوسَّانْ نّغْنِي، [خنِّي] إِسّكّْ ثَاذْبِيرْثْ عَاوذْ زڭْ ؤُغَارَّابُو.
GEN 8:11 ؤُشَا ثَاذْبِيرْثْ ثعْقبْ-د غَارسْ غَارْ ثْمذِّيثْ، ؤُ خْزَارْ، أَقَا أَفَارْ ن زِّيثُونْ ذڭْ ؤُقمُّومْ نّسْ. [خنِّي] إِفْهمْ نُوحْ بلِّي أَمَانْ نقْصنْ زِي ثمُّورْثْ.
GEN 8:12 إِرَاجَا عَاذْ سبْعَا ن وُوسَّانْ، [خنِّي] إِسّكّْ ثَاذْبِيرْثْ [عَاوذْ] ؤُشَا نتَّاثْ وَارْ غَارسْ د-ثعْقِيبْ عَاذْ.
GEN 8:13 ذڭْ ؤُسڭّْوَاسْ وِيسّْ ستَّا-مْيَا ؤُ-وَاحِيثْ [ن نُوحْ]، ذڭْ [ؤُيُورْ] أَمزْوَارُو، ذڭْ [وَاسّْ] أَمزْوَارُو ن ؤُيُورْ نِّي، ؤُژْغنْ وَامَانْ خْ ثمُّورْثْ. إِكْسِي نُوحْ [ثَاوَّارْثْ ن] ؤُسقَّافْ ن ؤُغَارَّابُو، إِخْزَارْ غَارْ بَارَّا، ؤُشَا خْزَارْ، ؤُذمْ ن ثمُّورْثْ أَقَا يُوژغْ.
GEN 8:14 ذڭْ ؤُيُورْ وِيسّْ ثْنَاينْ، ذڭْ وَاسّْ وِيسّْ سبْعَا ؤُ-عِيشْرِينْ ن ؤُيُورْ [نِّي]، ثُوژغْ ثمُّورْثْ.
GEN 8:15 خنِّي إِسِّيوڒْ أَربِّي أَكْ-ذ نُوحْ، إِنَّا:
GEN 8:16 ”فّغْ زڭْ ؤُغَارَّابُو، شكْ ذ ثمْغَارْثْ نّشْ ذ إِحنْجِيرنْ نّشْ ذ ثمْغَارِينْ ن إِحنْجِيرنْ نّشْ أَكِيذكْ.
GEN 8:17 مَارَّا مِينْ إِدَّارنْ إِ إِدْجَانْ أَكِيذكْ، زِي مَارَّا مِينْ غَارْسنْ أَرِّيمثْ ن ويْسُومْ، زڭْ إِجْضَاضْ، زِي ڒْمَاڒْ ؤُ زِي مَارَّا [إِمُودَّارنْ] نِّي إِتّْبُوعنْ خْ ثمُّورْثْ، أجّْ إِ-ثنْ أَذْ فّْغنْ أَكِيذكْ، أجّْ إِ-ثنْ أَذْ مْطَارَّاشنْ خْ ثمُّورْثْ، أَذْ أَرّنْ ڒْغِيدْجثْ ؤُشَا أَذْ مَّارنْينْ خْ ثمُّورْثْ.“
GEN 8:18 إِفّغْ نُوحْ ذ إِحنْجِيرنْ نّسْ ذ ثمْغَارْثْ نّسْ ذ ثمْغَارِينْ ن إِحنْجِيرنْ نّسْ أَكِيذسْ.
GEN 8:19 مَارَّا ڒْمَاڒْ [ن ڒخْڒَا]، مَارَّا مِينْ إِتّْبُوعنْ، ذ مَارَّا إِجْضَاضْ، ذ مَارَّا مِينْ إِتّنْهزَّانْ خْ ثمُّورْثْ فّْغنْ زڭْ ؤُغَارَّابُو عْلَاحْصَابْ ڒَادْجَاثْ نْسنْ.
GEN 8:20 إِبْنَا نُوحْ إِجّْ ن ؤُعَالْطَارْ إِ سِيذِي ؤُشَا إِكْسِي زِي مَارَّا ڒْمَاڒْ ن ڒحْڒَاڒْ ؤُ زِي مَارَّا إِجْضَاضْ ن ڒحْڒَاڒْ ؤُشَا إِقدّمْ ثِيغَارْصَا ن وشْمَاضْ خْ ؤُعَالْطَارْ.
GEN 8:21 ؤُشَا إِشمّْ سِيذِي ڒفْوَاحثْ إِتّْفُوحنْ ؤُشَا إِنَّا سِيذِي ذڭْ وُوڒْ نّسْ: ”وَارْ تّْعِيقِّيبغْ عَاذْ أَذْ نعْڒغْ ثَامُّورْثْ خْ سِّيبّثْ ن بْنَاذمْ، مِينْزِي مِينْ د-إِتّفّْغنْ زڭْ وُوڒْ ن بْنَاذمْ ذ أَعفَّانْ وَاهَا زِي ثمْژِي نّسْ. وَارْ تّْعِيقِّيبغْ عَاذْ أَذْ وْثغْ مَارَّا مِينْ إِدَّارنْ أَمْ مَامّشْ ڭِّيغْ.
GEN 8:22 مَارَّا ؤُسَّانْ إِ غَا ثقِّيمْ ثمُّورْثْ ثدْجَا، أَذْ ثِيڒِي ثْيَارْزَا ذ ثْميْرَا، ثصْمضْ ذ ڒحْمُو، أَنبْذُو ذ ڒْمشْثَا ؤُشَا أَسّْ ذ دْجِيڒثْ وَارْ تّْبذِّينْ [عمَّارْصْ].“
GEN 9:1 خنِّي إِبَاركْ أَربِّي نُوحْ ذ إِحنْجِيرنْ نّسْ ؤُشَا إِنَّا أَسنْ: ”جّمْ-د ڒْغِيدْجثْ، مَارنْيمْ ؤُعمَّارمْ ثَامُّورْثْ!
GEN 9:2 ثِيڭّْوُوذِي ذ ڒْعُورّثْ زِي كنِّيوْ أَذْ إِڒِينْثْ خْ مَارَّا ڒْمَاڒْ [ن ڒخْڒَا]، خْ مَارَّا إِجْضَاضْ ن ؤُجنَّا ؤُ خْ مَارَّا مِينْ إِتّْبُوعنْ خْ ثمُّورْثْ ؤُ خْ مَارَّا إِسڒْمَانْ ذِي ڒبْحَارْ: أَقَا مّوْشنْ ذڭْ ؤُفُوسْ نْومْ.
GEN 9:3 مَارَّا مِينْ إِتّْبُوعنْ، مِينْ إِدَّارنْ، أَذْ أَومْ يِيڒِي ذ مَاشَّا. نشّْ أَذْ أَومْ ث وْشغْ مَارَّا، أَمْ ذ أَومْ وْشِيغْ أَفْسُو أَزِيزَا،
GEN 9:4 مَاشَا أَيْسُومْ أَكْ-ذ بُوحْبڒْ نّسْ إِ إِدْجَانْ ذ إِذَامّنْ نّسْ، وَارْ [ثنْ] تّتّمْ.
GEN 9:5 ذ ثِيذتّْ أَذْ تَّارغْ إِذَامّنْ نْومْ ن ڒعْمُورْ نْومْ، أَذْ ثنْ تَّارغْ زڭْ إِفَاسّنْ ن مَارَّا إِمُودَّارنْ، ؤُڒَا زڭْ إِفَاسّنْ ن بْنَاذمْ، ؤُ زڭْ إِفَاسّنْ ن ؤُمَاسْ ن كُوڒْ إِجّنْ أَذْ تَّارغْ ڒعْمَارْ ن بْنَاذمْ.
GEN 9:6 وِي غَا إِسِّيزّْڒنْ إِذَامّنْ ن بْنَاذمْ، إِذَامّنْ نّسْ أَذْ ثنْ سِّيزّْڒنْ س ؤُفُوسْ ن بْنَاذمْ، مِينْزِي أَربِّي إِڭَّا بْنَاذمْ ذِي صِّيفثْ نّسْ.
GEN 9:7 ؤُ كنِّيوْ، جّمْ-د ڒْغِيدْجثْ، ذوْڒمْ ذڭْ وَاطَّاسْ، مْطَارّْشمْ ذِي ثمُّورْثْ ؤُشَا ذوْڒمْ ذڭْ وَاطَّاسْ خَاسْ.“
GEN 9:8 ؤُشَا إِسِّيوڒْ أَربِّي أَكْ-ذ نُوحْ ذ إِحنْجِيرنْ نّسْ نِّي غَارسْ، إِنَّا:
GEN 9:9 ”نشّْ، خْزَارْ، نشّْ تّڭّغْ ڒْعَاهْذْ إِنُو أَكِيذْومْ ؤُ أَكْ-ذ زَّارِيعثْ نْومْ أَوَارْنِي أَومْ،
GEN 9:10 ؤُ أَكْ-ذ مَارَّا بُوحْبڒْ إِدَّارنْ نِّي إِدْجَانْ أَكِيذْومْ، أَكْ-ذ إِجْضَاضْ، أَكْ-ذ ڒْمَاڒْ ؤُ أَكْ-ذ مَارَّا ڒْمَاڒْ [ن ڒخْڒَا] خْ ثمُّورْثْ إِنِّي أَكِيذْومْ، [وَاهْ، أَكْ-ذ] مَارَّا مِينْ د-إِفّْغنْ زڭْ ؤُغَارَّابُو أَڒْ مَارَّا مِينْ إِدَّارنْ خْ ثمُّورْثْ.
GEN 9:11 أَذْ ڭّغْ ڒْعَاهْذْ إِنُو أَكِيذْومْ، أَقَا مَارَّا إِمدَّارنْ س أَرِّيمثْ ن ويْسُومْ وَارْ تّْوَاكسِّينْ عَاذْ س وَامَانْ ن سّحْڒثْ، ؤُ وَارْ ذِينْ ثتِّيڒِي عَاذْ سّحْڒثْ إِ غَا يَاردّْدْجنْ ثَامُّورْثْ.“
GEN 9:12 خنِّي إِنَّا أَربِّي: ”ذ ثَا أَذْ ثِيڒِي ذ ڒعْڒَامثْ ن ڒْعَاهْذْ ثنِّي إِ غَا ڭّغْ جَارْ أَيِي ذ كنِّيوْ ذ مَارَّا ڒعْمَارْ إِدَّارنْ أَكِيذْومْ، إِ [مَارَّا] جِّيڒَاثْ [إِ] ڒبْذَا:
GEN 9:13 أَذْ ڭّغْ ڒْقوْسْ إِنُو ذڭْ إِسيْنُوثنْ ونِّي إِ غَا يِيڒِينْ ذ ڒعْڒَامثْ ن ڒْعَاهْذْ جَارْ أَيِي ذ ثمُّورْثْ.
GEN 9:14 خْمِي غَا بْضِيغْ إِسيْنُوثنْ خْ ثمُّورْثْ، خنِّي أَذْ إِمْسَارْ بلِّي ڒْقوْسْ-أَ أَذْ د-إِضْهَارْ ذڭْ إِسيْنُوثنْ.
GEN 9:15 خنِّي أَذْ إِذَارغْ ڒْعَاهْذْ إِنُو جَارْ أَيِي ذ كنِّيوْ ذ مَارَّا ڒعْمَارْ إِدَّارنْ ن مَارَّا إِمدَّارنْ س أَرِّيمثْ ن ويْسُومْ. وَارْ د-دِّيكّْوِيڒنْ وَامَانْ ذ سّحْڒثْ عَاوذْ، مَاحنْذْ أَذْ سّْغَارْقنْ مَارَّا إِمدَّارنْ س أَرِّيمثْ ن ويْسُومْ.
GEN 9:16 أَذْ د-إِضْهَارْ ڒْقوْسْ ذڭْ إِسيْنُوثنْ، ؤُشَا نشّْ أَذْ ث ژَترغْ حِيمَا أَذْ إِذَارغْ ڒْعَاهْذْ إِ ڒبْذَا جَارْ أَربِّي ذ مَارَّا ڒعْمَارْ إِدَّارنْ ذِي مَارَّا إِمدَّارنْ س أَرِّيمثْ ن ويْسُومْ إِ إِدْجَانْ خْ ثمُّورْثْ.“
GEN 9:17 ؤُشَا إِنَّا أَربِّي إِ نُوحْ: ”ذ ثَا ذ ڒعْڒَامثْ ن ڒْعَاهْذْ إِنُو ونِّي إِ غَا ڭّغْ جَارْ أَيِي ذ مَارَّا إِمدَّارنْ س أَرِّيمثْ ن ويْسُومْ إِ إِدْجَانْ خْ ثمُّورْثْ.“
GEN 9:18 ثَارْوَا ن نُوحْ إِنِّي د-إِفّْغنْ زڭْ ؤُغَارَّابُو [ثُوغَا أَثنْ ذ] شَامْ ذ حَامْ ذ يَافَاثْ. حَامْ ثُوغَا ذ بَابَاسْ ن كنْعَانْ.
GEN 9:19 إِنَا ذ ثْڒَاثَا ن إِحنْجِيرنْ ن نُوحْ. زَّايْسنْ تّْوَابزّْعنْ [إِوْذَانْ] ذِي مَارَّا ثَامُّورْثْ.
GEN 9:20 إِبْذَا نُوحْ [إِخدّمْ] أَمْ ؤُفدْجَاحْ، إِژُّو ثِيزَايَارِينْ ذڭْ ؤُمَارْجعْ ن ؤُضِيڒْ.
GEN 9:21 [ؤُمِي] إِسْوَا بِينُو، إِسْشَارْ ؤُشَا إِعَارَّا إِخفْ نّسْ ذِي ڒْوسْطْ ن ؤُقِيضُونْ نّسْ.
GEN 9:22 إِژْرَا حَامْ، بَابَاسْ ن كنْعَانْ، ثُوعَّارْينْثْ ن بَابَاسْ ؤُشَا إِنَّا ث إِ ثْنَاينْ ن أَيْثْمَاسْ ذِي بَارَّا.
GEN 9:23 كْسِينْ شَامْ ذ يَافَاثْ شَا ن ورُّوضْ، سَّارْسنْ ث خْ ثْغَارْضِينْ ن ثْنَاينْ إِذْسنْ نْسنْ ؤُشَا ؤُيُورنْ غَارْ ضفَّارْ، ذْڒِينْ ثُوعَّارْينْثْ ن بَابَاثْسنْ. أَرِّينْ أَغمْبُوبْ نْسنْ غَارْ ضفَّارْ، وَارْ ژْرِينْ شَا ثُوعَّارْينْثْ ن بَابَاثْسنْ.
GEN 9:24 إِفَاقْ-د نُوحْ زِي سّكْرَا نّسْ ؤُشَا إِذْوڒْ يَارْڭبْ خْ مِينْ ذ أَسْ إِڭَّا مِّيسْ أَمَاژُوژْ.
GEN 9:25 إِنَّا: ”ذ أَمنْعُوڒْ [إِ يدْجَا] كنْعَانْ! أَذْ يِيڒِي ذ أَمْسخَّارْ [قَاعْ] ن إِمْسخَّارنْ إِ أَيْثْمَاسْ!“
GEN 9:26 ؤُشَا إِنَّا: ”أَذْ إِتّْوَابَاركْ سِيذِي، أَربِّي ن شَامْ. كنْعَانْ أَذْ يِيڒِي ذ أَمْسخَّارْ إِ نِيثْنِي.
GEN 9:27 زعْمَا أَذْ إِوسّعْ أَربِّي ثَازذِّيغْثْ إِ يَافَاثْ، أَذْ إِزْذغْ ذڭْ إِقِيضَانْ ن شَامْ، ؤُ كنْعَانْ أَذْ أَسنْ يِيڒِي ذ أَمْسخَّارْ.“
GEN 9:28 أَوَارْنِي سّحْڒثْ إِدَّارْ نُوحْ [عَاذْ] ثڒْثْ-مْيَا ؤُ-خمْسِينْ ن إِسڭّْوُوسَا.
GEN 9:29 أَمُّو إِ إِدَّارْ نُوحْ ثسْعَا-مْيَا ؤُ-خمْسِينْ ن إِسڭّْوُوسَا، خنِّي إِمُّوثْ. إِنَا ذ إِمزْرُوينْ ن يِينِّي د-إِتّْوَاخڒْقنْ زڭْ أَيْثْ ن نُوحْ: شَامْ، حَامْ ذ يَافَاثْ.
GEN 10:1 تّْوَارْونْ أَسنْ-د إِحنْجِيرنْ أَوَارْنِي إِ سّحْڒثْ.   *
GEN 10:2 أَيْثْ ن يَافَاثْ [ثُوغَا أَثنْ ذ] جُومَارْ، مَاجُوجْ، مَاذَايْ، يَاوَانْ، ثُوبَالْ، مَاشِيكْ ذ ثِيرَاسْ.
GEN 10:3 إِحنْجِيرنْ ن جُومَارْ، [ثُوغَا أَثنْ ذ] أَشْكَانَازْ، رِيفَاثْ ذ ثُوجَارْمَا.
GEN 10:4 إِحنْجِيرنْ ن يَاوَانْ [ثُوغَا أَثنْ ذ] إِلِيشَا، ثَارْشِيشْ ذ إِكِيتِّييّنْ ذ إِذُوذَانِييّنْ.
GEN 10:5 زَّايْسنْ إِ تّْوَابْضَانْثْ ثڭْزِيرِينْ ن ڒڭْنُوسْ ذِي ثمُّورَا نْسنْ، كُوڒْ إِجّنْ عْلَاحْسَابْ إِڒسْ نّسْ ؤُشَا [مَارَّا] عْلَاحْسَابْ ڒَادْجْ نْسنْ ؤُ ذِي ڒڭْنُوسْ نْسنْ.
GEN 10:6 أَيْثْ ن حَامْ [ثُوغَا أَثنْ ذ] كُوشْ، مِيصْرَايِيمْ، فُوطْ ذ كنْعَانْ.
GEN 10:7 إِحنْجِيرنْ ن كُوشْ [ثُوغَا أَثنْ ذ] سبَا، حَاوِيلَا، سَابْثَا، رَاعَامَا ذ سَابْثَاكَا. إِحنْجِيرنْ ن رَاعَامَا [ثُوغَا أَثنْ ذ] شَابَا ذ ذَاذَانْ.
GEN 10:8 كُوشْ إِجَّا-د نِيمْرُوذْ. وَانِيثَا إِبْذَا أَذْ يِيڒِي ذ جِّيهڒْ ذِي ثمُّورْثْ.
GEN 10:9 وَا ثُوغَا ذ أَنڭْمَارْ ذ أَمقّْرَانْ زَّاثْ إِ وُوذمْ ن سِيذِي. خْ ؤُيَا قَّارنْ: ’أَنڭْمَارْ أَمقّْرَانْ أَمْ نِيمْرُوذْ زَّاثْ إِ وُوذمْ ن سِيذِي.‘
GEN 10:10 أَمزْوَارْ ن ثْڭلْذِيثْ نّسْ ثُوغَا أَثنْثْ [ذ ثِيندَّامْ ن] بَابِيلْ ذ إِرِيخْ ذ أَكَّاذْ ذ كَالْنَا ذِي ثمُّورْثْ ن شِينْعَارْ.
GEN 10:11 زِي ثمُّورْثْ نِّي د-إِفّغْ غَارْ أَشُّورْ ؤُشَا إِبْنَا [ذِينْ] نِينْوَا، رِيحُوبُوثْ-عِيرْ ذ كَالَاحْ
GEN 10:12 ذ رِيسِينْ جَارْ نِينْوَا ذ كَالَاحْ، نتَّاثْ ذ ثَانْذِينْثْ ثَامقّْرَانْثْ.
GEN 10:13 مِيصْرَايِيمْ إِجَّا-د إِلُوذِييّنْ، إِعَانَامِييّنْ، إِلَاهَابِييّنْ، إِنَافْثُوحِييّنْ،
GEN 10:14 إِفَاثْرُوسِييّنْ، إِكَاسْلُوحِييّنْ، إِنِّي زِي د-إِقَّارْصنْ إِفِيلِيسْطِينِييّنْ، ؤُڒَا ذ إِكَافْثُورِييّنْ.
GEN 10:15 كنْعَانْ إِجَّا-د صِيذُونْ، أَمنْزُو نّسْ، ذ حِيثْ
GEN 10:16 ذ ؤُيابُوسِي ذ ؤُمُورِي ذ ؤُجِيرْجَاشِي
GEN 10:17 ذ ؤُحِيوِي ذ ؤُعَارْقِي ذ ؤُسِينِي
GEN 10:18 ذ ؤُرْوَاذِي ذ ؤُصَامَارِي ذ ؤُحَامَاثِي. أَوَارْنِي أَسْ مْبزّْعنْثْ مَارَّا ڒَادْجَاثْ ن كنْعَانْ.
GEN 10:19 ثُوغَا أَيْمِيرْ ن أَيْثْ ن كنْعَانْ زِي صِيذُونْ غَارْ خِيرَارْ أَڒْ غَازَّا [ؤُ] سّنِّي غَارْ سَاذُومْ ذ عَامُورَّا ذ أَذْمَا ذ صابُويِيمْ أَڒْ لَاشَاعْ.
GEN 10:20 إِنَا ذ أَيْثْ ن حَامْ عْلَاحْسَابْ ڒَادْجَاثْ نْسنْ، عْلَاحْسَابْ إِڒْسَاونْ نْسنْ، ذِي ثِيمُّورَا نْسنْ ؤُ أَكْ-ذ ڒڭْنُوسْ نْسنْ.
GEN 10:21 إِ شَامْ، ونِّي ذ جدّْ ن مَارَّا أَيْثْ ن عَابِيرْ، ؤُمَاسْ ن يَافَاثْ، أَمقّْرَانْ، تّْوَارْونْ أَسْ-د عَاوذْ إِحنْجِيرنْ.
GEN 10:22 إِحنْجِيرنْ ن شَامْ [ثُوغَا أَثنْ ذ] عِيلَامْ، أَشُّورْ، أَرْفَاكْشَاذْ، لُوذْ ذ أَرَامْ.
GEN 10:23 إِحنْجِيرنْ ن أَرَامْ [ثُوغَا أَثنْ ذ] عُوصْ ذ حُولْ ذ جَاثِيرْ ذ مَاشْ.
GEN 10:24 أَرْفَاكْشَاذْ إِجَّا-د شَالَاحْ ؤُ شَالَاحْ إِجَّا-د عَابِيرْ.
GEN 10:25 تّْوَارْونْ-د إِ عَابِيرْ ثْنَاينْ ن إِحنْجِيرنْ. إِجّنْ قَّارنْ أَسْ فَالَاجْ، مِينْزِي ذڭْ وُوسَّانْ نّسْ ثتّْوَافدْجقْ ثمُّورْثْ، ؤُ قَّارنْ أَسْ إِ ؤُمَاسْ يُوقْطَانْ.
GEN 10:26 يُوقْطَانْ إِجَّا-د أَلْمُوذَاذْ، شَالَافْ، هَاضَارْمَاوْثْ، يَارَاحْ،
GEN 10:27 هَاذُورَامْ، ؤُزَالْ، ذِيقْلَا،
GEN 10:28 عُوبَالْ، أَبِيمَايِيلْ، شَابَا،
GEN 10:29 ؤُفِيرْ، حَاوِيلَا ذ يُوبَابْ. مَارَّا إِنَا [ثُوغَا أَثنْ ذ] إِحنْجِيرنْ ن يُوقْطَانْ.
GEN 10:30 ثَامُّورْثْ مَانِي ثُوغَا زدّْغنْ [ثُوغَا-ت] زِي مِيشَا أَڒْ سَافَارْ، أَذْرَارْ ن شَّارْقْ.
GEN 10:31 إِنَا ذ أَيْثْ ن شَامْ عْلَاحْسَابْ ڒَادْجَاثْ نْسنْ ؤُ عْلَاحْسَابْ إِڒْسَاونْ نْسنْ، ذِي ثمُّورَا نْسنْ ؤُ أَكْ-ذ ڒڭْنُوسْ نْسنْ.
GEN 10:32 ثِينَا ذ ڒَادْجَاثْ ن إِحنْجِيرنْ ن نُوحْ، عْلَاحْسَابْ مَامّشْ د-خڒْقنْ، أَكْ-ذ ڒڭْنُوسْ نْسنْ. زَّايْسنْ إِ زِي تّْوَابْضَانْ ڒڭْنُوسْ ذِي ثمُّورْثْ أَوَارْنِي إِ سّحْڒثْ. *
GEN 11:1 ثُوغَا مَارَّا ثَامُّورْثْ س يِيڒسْ ذ إِجّنْ ؤُ س ڒْهَارْذْ ذ إِجّنْ.
GEN 11:2 إِمْسَارْ ڒَامِي فسْينْ إِقِيضَانْ نْسنْ [ؤُشَا فّْغنْ-د] زِي شَّارْقْ، ؤُفِينْ إِجّْ ن ڒوْضَا ذِي ثمُّورْثْ ن شِينْعَارْ، ؤُشَا [قِّيمنْ] زدّْغنْ ذِينِّي.
GEN 11:3 نِيثْنِي نَّانْ، كُوڒْ إِجّْ إِ ونّغْنِي: ”أَرَاحمْ-د، أَذْ نڭّْ إِژْرَا زِي ثْڒَاخْثْ، أَذْ ثنْ نسّحْمَا!“ أَمُّو إِ ذ أَسنْ ثذْوڒْ ثْڒَاخْثْ ذ أَژْرُو ؤُ أَشَارْمُوضْ [إِذْوڒْ] غَارْسنْ ذ ثَارِّيسْثْ.
GEN 11:4 [خَاسْ] ؤُشَا نَّانْ: ”زِيذْ، أَذْ نبْنَا إِشْثْ ن ثنْذِينْثْ ذ إِشْثْ ن صُّومْعثْ، ثَاقِيشَّاثْ نّسْ [أَذْ د-ثَاوضْ] غَارْ ؤُجنَّا، ؤُ جّمْ أَنغْ أَذْ نڭّْ إِجّْ ن يِيسمْ إِ نشِّينْ، حِيمَا وَارْ نتّمْسبْضِي شَا خْ وُوذمْ ن مَارَّا ثَامُّورْثْ.“
GEN 11:5 [خنِّي] إِهْوَا-د سِيذِي، حِيمَا أَذْ إِژَارْ ثَانْذِينْثْ ذ صُّومْعثْ نِّي بْنَانْ ثَارْوَا ن بْنَاذمْ.
GEN 11:6 إِنَّا سِيذِي: ”خْزَارْ، أَقَا أَثنْ ذ ڒْڭنْسْ ذ إِجّنْ ؤُ مَارَّا إِنَا غَارْسنْ إِجّْ ن يِيڒسْ. وَا ذ بدُّو ن مِينْ غَا ڭّنْ. ڒخُّو وَارْ ذِينْ مِينْ ثنْ إِ غَا إِسّْبدّنْ خْ وبْرِيذْ نْسنْ نِّي نْوَانْ أَذْ ڭّنْ.
GEN 11:7 أَرَاحمْ-د، أَذْ نهْوَا ؤُشَا أَذْ نسّْخَارْوضْ إِڒسْ نْسنْ، حِيمَا كُوڒْ إِجّنْ وَارْ إِفهّمْ [عَاذْ] إِڒسْ ن ونِّي ث يُوذْسنْ.“
GEN 11:8 أَمُّو إِ ثنْ إِزُّوزَارْ سِيذِي سّنِّي خْ وُوذمْ ن مَارَّا ثَامُّورْثْ ؤُشَا سّْبدّنْ ڒبْنِي ن ثنْذِينْثْ.
GEN 11:9 خْ ؤُيَا إِ ذ أَسْ ڒَاغَانْ [إِ ثنْذِينْثْ نِّي] س يِيسمْ ن ’بَابِيلْ‘، مِينْزِي ذِينْ إِسّْخَارْوضْ سِيذِي إِڒسْ ن مَارَّا ثَامُّورْثْ ؤُ سّنِّي إِ ثنْ إِزُّوزَارْ سِيذِي خْ وُوذمْ ن مَارَّا ثَامُّورْثْ. إِنَا ذ إِمزْرُوينْ ن يِينِّي د-إِتّْوَاخڒْقنْ زِي شَامْ.
GEN 11:10 ؤُمِي ثُوغَا غَارْ شَامْ مْيَا ن إِسڭّْوُوسَا، إِجَّا-د أَرْفَاكْشَاذْ، ثْنَاينْ ن إِسڭّْوُوسَا أَوَارْنِي إِ سّحْڒثْ.
GEN 11:11 أَوَارْنِي ڒَامِي د-إِجَّا أَرْفَاكْشَاذْ، إِدَّارْ شَامْ [عَاذْ] خمْسَا-مْيَا ن إِسڭّْوُوسَا، ؤُشَا إِجَّا-د إِحنْجِيرنْ ذ ثْحنْجِيرِينْ.
GEN 11:12 إِدَّارْ أَرْفَاكْشَاذْ خمْسَا ؤُ-ثْڒَاثِينْ ن إِسڭّْوُوسَا، [خنِّي] إِجَّا-د شَالَاحْ.
GEN 11:13 أَوَارْنِي ڒَامِي د-إِجَّا أَرْفَاكْشَاذْ شَالَاحْ، إِدَّارْ [عَاذْ] أَربْعَا-مْيَا ؤُ-ثْڒَاثَا ن إِسڭّْوُوسَا، ؤُشَا إِجَّا-د إِحنْجِيرنْ ذ ثْحنْجِيرِينْ.
GEN 11:14 إِدَّارْ شَالَاحْ ثْڒَاثِينْ ن إِسڭّْوُوسَا، [خنِّي] إِجَّا-د عَابِيرْ.
GEN 11:15 أَوَارْنِي ڒَامِي د-إِجَّا شَالَاحْ عَابِيرْ، إِدَّارْ [عَاذْ] أَربْعَا-مْيَا ؤُ-ثْڒَاثَا ن إِسڭّْوُوسَا، ؤُشَا إِجَّا-د إِحنْجِيرنْ ذ ثْحنْجِيرِينْ.
GEN 11:16 إِدَّارْ عَابِيرْ أَربْعَا ؤُ-ثْڒَاثِينْ ن إِسڭّْوُوسَا، [خنِّي] إِجَّا-د فَالَاجْ.
GEN 11:17 أَوَارْنِي ڒَامِي د-إِجَّا فَالَاجْ، إِدَّارْ عَابِيرْ [عَاذْ] أَربْعَا-مْيَا ؤُ-ثْڒَاثِينْ ن إِسڭّْوُوسَا، ؤُشَا إِجَّا-د إِحنْجِيرنْ ذ ثْحنْجِيرِينْ.
GEN 11:18 إِدَّارْ فَالَاجْ ثْڒَاثِينْ ن إِسڭّْوُوسَا، [خنِّي] إِجَّا-د رَاعُووْ.
GEN 11:19 أَوَارْنِي ڒَامِي د-إِجَّا رَاعُووْ، إِدَّارْ فَالَاجْ [عَاذْ] مِيثَاينْ ؤُ-ثسْعَا ن إِسڭّْوُوسَا، ؤُشَا إِجَّا-د إِحنْجِيرنْ ذ ثْحنْجِيرِينْ.
GEN 11:20 إِدَّارْ رَاعُووْ ثْنَاينْ ؤُ-ثْڒَاثِينْ ن إِسڭّْوُوسَا، [خنِّي] إِجَّا-د سَارُوجْ.
GEN 11:21 أَوَارْنِي ڒَامِي د-إِجَّا سَارُوجْ، إِدَّارْ رَاعُووْ [عَاذْ] مِيثَاينْ ؤُ-سبْعَا ن إِسڭّْوُوسَا، ؤُشَا إِجَّا-د إِحنْجِيرنْ ذ ثْحنْجِيرِينْ.
GEN 11:22 إِدَّارْ سَارُوجْ ثْڒَاثِينْ ن إِسڭّْوُوسَا، [خنِّي] إِجَّا-د نَاحُورْ.
GEN 11:23 أَوَارْنِي ڒَامِي د-إِجَّا نَاحُورْ، إِدَّارْ سَارُوجْ [عَاذْ] مِيثَاينْ ن إِسڭّْوُوسَا، ؤُشَا إِجَّا-د إِحنْجِيرنْ ذ ثْحنْجِيرِينْ.
GEN 11:24 إِدَّارْ نَاحُورْ ثسْعَا ؤُ-عِيشْرِينْ ن إِسڭّْوُوسَا، [خنِّي] إِجَّا-د ثَارَاحْ.
GEN 11:25 أَوَارْنِي ڒَامِي د-إِجَّا نَاحُورْ ثَارَاحْ، إِدَّارْ [عَاذْ] مْيَا ؤُ-ثسْعَاطَاشْ ن إِسڭّْوُوسَا، ؤُشَا إِجَّا-د إِحنْجِيرنْ ذ ثْحنْجِيرِينْ.
GEN 11:26 إِدَّارْ ثَارَاحْ سبْعِينْ ن إِسڭّْوُوسَا، [خنِّي] إِجَّا-د أَبْرَامْ، نَاحُورْ ذ هَارَانْ. إِنَا ذ إِمزْرُوينْ ن يِينِّي د-إِتّْوَاخڒْقنْ زِي ثَارَاحْ.
GEN 11:27 ثَارَاحْ إِجَّا-د أَبْرَامْ، نَاحُورْ ذ هَارَانْ، ؤُ هَارَانْ إِجَّا-د لُوطْ.
GEN 11:28 إِمُّوثْ هَارَانْ زَّاثْ إِ بَابَاسْ ثَارَاحْ ذِي ثمُّورْثْ مَانِي د-إِخْڒقْ نتَّا، ذِي ؤُرْ ن إِكَالْذَانِييّنْ.
GEN 11:29 ؤُشَا كْسِينْ أَبْرَامْ ذ نَاحُورْ إِ يِيخفْ نْسنْ ثِيمْغَارِينْ. إِسمْ ن ثمْغَارْثْ ن أَبْرَامْ ثُوغَا-ث ذ سَارَايْ ؤُ إِسمْ ن ثمْغَارْثْ ن نَاحُورْ ذ مِيلْكَا، يدْجِيسْ ن هَارَانْ، بَابَاسْ ن مِيلْكَا ذ يِيسْكَا.
GEN 11:30 سَارَايْ ثُوغَا-ت وَارْ د-ثتِّيرُووْ، ثُوغَا وَارْ غَارسْ بُو ؤُحنْجِيرْ.
GEN 11:31 ؤُشَا إِكْسِي ثَارَاحْ أَبْرَامْ، مِّيسْ، ذ لُوطْ مِّيسْ ن هَارَانْ، مِّيسْ ن مِّيسْ، ذ سَارَايْ، ثَاسْڒِيثْ نّسْ، ثَامْغَارْثْ ن مِّيسْ أَبْرَامْ، ؤُشَا نِيثْنِي فّْغنْ جْمِيعْ زِي ؤُرْ ن إِكَالْذَانِييّنْ، حِيمَا أَذْ رَاحنْ غَارْ ثمُّورْثْ ن كنْعَانْ. إِوْضنْ غَارْ حَارَانْ ؤُشَا زدّْغنْ ذِينِّي.
GEN 11:32 ؤُمِي ثڭَّا ثَارَاحْ مِيثَاينْ ؤُ-خمْسَا ن إِسڭّْوُوسَا، إِمُّوثْ ثَارَاحْ ذِي حَارَانْ.
GEN 12:1 إِنَّا سِيذِي إِ أَبْرَامْ: ”فّغْ زِي ثمُّورْثْ نّشْ، زِي ثمُّورْثْ مَانِي د-ثْخڒْقذْ ؤُ زِي ثَادَّارْثْ ن بَابَاشْ، رُوحْ غَارْ ثمُّورْثْ إِ ذ أَشْ غَا سّشْنغْ.
GEN 12:2 أَذْ زَّايكْ د-سُّوفّْغغْ إِجّْ ن ڒْڭنْسْ إِمْغَارْ، أَذْ شكْ بَارْكغْ ؤُ أَذْ سّمْغَارغْ إِسمْ نّشْ ؤُشَا إِڒِي ذ شكْ [عَاوذْ] ذ لْبَارَاكَا.
GEN 12:3 أَذْ بَارْكغْ ونِّي شكْ إِ غَا إِبَارْكنْ ذ ونِّي شكْ إِ غَا إِنعْڒنْ، أَذْ ث نعْڒغْ. ذَايكْ إِ غَا تّْوَابَارْكنْثْ مَارَّا ڒَادْجَاثْ ن ثمُّورْثْ.“   *
GEN 12:4 ؤُشَا إِرُوحْ أَبْرَامْ أَمْ مَامّشْ ذ أَسْ إِنَّا سِيذِي، ؤُشَا إِرُوحْ لُوثْ أَكِيذسْ. ثُوغَا أَبْرَامْ غَارسْ خمْسَا ؤُ-سبْعِينْ ن إِسڭّْوُوسَا ؤُمِي د-إِفّغْ زِي حَارَانْ.
GEN 12:5 ؤُشَا إِنْذهْ أَبْرَامْ سَارَايْ ثَامْغَارْثْ نّسْ، ذ لُوطْ مِّيسْ ن ؤُمَاسْ، ذ مَارَّا أَڭْڒَا إِ يَاربْحنْ، ذ إِوْذَانْ ذ ڒْمَاڒْ نِّي د-كسْبنْ ذِي حَارَانْ. فّْغنْ [زِي حَارَانْ] حِيمَا أَذْ رَاحنْ غَارْ ثمُّورْثْ ن كنْعَانْ ؤُشَا إِوْضنْ غَارْ ثمُّورْثْ ن كنْعَانْ.
GEN 12:6 إِژْوَا أَبْرَامْ زِي ثمُّورْثْ نِّي غَارْ ومْشَانْ ن شَاكِيمْ أَڒْ ثَاشجَّارْثْ ن يِيڭّْ ن مُورَا. ذِي ڒْوقْثْ نِّي ثُوغَا أَيْثْ ن كنْعَانْ [زدّْغنْ] ذِي ثمُّورْثْ.
GEN 12:7 إِبَانْ-د سِيذِي إِ أَبْرَامْ، إِنَّا أَسْ: ”إِ زَّارِيعثْ نّشْ ؤُمِي إِ غَا وْشغْ ثَامُّورْثْ-أَ.“ ؤُشَا إِبْنَا ذِينْ إِجّْ ن ؤُعَالْطَارْ [مِينْ خفْ إِسَّارْسْ ثَاغَارْصْثْ] إِ سِيذِي، ونِّي ذ أَسْ د-إِبَاننْ.
GEN 12:8 خنِّي إِعْذُو سّنِّي غَارْ إِذُورَارْ إِ إِدْجَانْ خْ شَّارْقْ ن بَايْثْ-إِلْ ؤُشَا إِوْثَا ذِينِّي إِقِيضَانْ نّسْ، إِجَّا بَايْثْ-إِلْ خْ جِّيهثْ ن ڒْغَارْبْ ؤُ عَايْ خْ شَّارْقْ. ذِينْ إِبْنَا إِجّْ ن ؤُعَالْطَارْ إِ سِيذِي ؤُشَا إِڒَاغَا إِسمْ ن سِيذِي.
GEN 12:9 أَوَارْنِي مَانْ أَيَا إِفْسِي أَبْرَامْ إِقِيضَانْ نّسْ، إِمُّوطِّي [زڭْ ومْشَانْ غَارْ ومْشَانْ]، غَارْ [ثمُّورْثْ ن] لْجَانُوبْ.
GEN 12:10 إِذْوڒْ ڒَاژْ ذِي ثمُّورْثْ ؤُشَا إِكمّڒْ أَبْرَامْ خْ وبْرِيذْ نّسْ، إِهْوَا غَارْ مِيصْرَا، حِيمَا أَذْ إِزْذغْ ذِينْ أَمْ ؤُبَارَّانِي، مِينْزِي [ثُوغَا] ڒَاژْ إِمْغَارْ ذِي ثمُّورْثْ.
GEN 12:11 ڒَامِي د-ثِيوضْ ڒْوقْثْ نِّي ؤُمِي إِ غَا يُوذفْ غَارْ مِيصْرَا، إِنَّا إِ سَارَايْ، ثَامْغَارْثْ نّسْ: ”خْزَارْ، أَقَا سّْنغْ بلِّي شمْ ذ ثَامْغَارْثْ ذَايسْ أَژْرِي.
GEN 12:12 خْمِي شمْ إِ غَا ژَترنْ إِمِيصْرِييّنْ، زمَّارنْ أَذْ إِنِينْ: ’ثَا ذ ثَامْغَارْثْ نّسْ!‘، أَذْ أَيِي نْغنْ ؤُشَا أَذْ شمْ جّنْ ذِي ثُوذَارْثْ.
GEN 12:13 إِنِي، أَقَا شمْ ذ ؤُتْشْمَا، حِيمَا أَذْ أَيِي يِيڒِي ڒْخِيرْ ذِي طّْوعْ نّمْ ؤُشَا أَذْ إِقِّيمْ ڒعْمَارْ إِنُو إِدَّارْ إِ شمْ.“
GEN 12:14 إِمْسَارْ ؤُمِي يُوذفْ أَبْرَامْ غَارْ مِيصْرَا، ژْرِينْ إِمِيصْرِييّنْ بلِّي ثَامْغَارْثْ ثصْبحْ أَطَّاسْ.
GEN 12:15 ؤُڒَا ذ ڒْحُوكَّامْ ن فِيرْعُونْ، [أَجدْجِيذْ]، ژْرِينْ ت ؤُشَا سّمْغَارنْ ت غَارْ فِيرْعُونْ ؤُشَا إِوْينْ ت غَارْ ثَادَّارْثْ ن فِيرْعُونْ.
GEN 12:16 ؤُشَا إِمْصُورفْ [فِيرْعُونْ] مْلِيهْ أَكْ-ذ أَبْرَامْ ذِي طّْوعْ نّسْ. [أَمُّو] إِ إِكْسِي ؤُدْجِي ذ إِفُونَاسنْ ذ ثْفُونَاسِينْ ذ يغْيَاڒْ ذ إِسمْغَانْ ذ ثِييَّا ذ ثغْيَاڒْ ذ إِڒغْمَانْ.
GEN 12:17 [مَاشَا] سِيذِي إِوْثَا فِيرْعُونْ ذ [أَيْثْبَابْ ن] ثَادَّارْثْ نّسْ س جّْرَايحْ مْغَارنْثْ ذِي ڒسْبَابْ ن سَارَايْ، ثَامْغَارْثْ ن أَبْرَامْ.
GEN 12:18 [خنِّي] فِيرْعُونْ إِڒَاغَا-د إِ أَبْرَامْ، إِنَّا أَسْ: ”مَانَاوَايَا إِ ذَايِي ثڭِّيذْ؟ مَاغَارْ وَارْ ذ أَيِي ثنِّيذْ بلِّي نتَّاثْ ذ ثَامْغَارْثْ نّشْ؟
GEN 12:19 مَايمِّي ثنِّيذْ: ’نتَّاثْ ذ ؤُتْشْمَا!‘، أَڒَامِي ت ڭِّيغْ نشّْ ذ ثَامْغَارْثْ إِ يِيخفْ إِنُو؟ ڒخُّو خْزَارْ، أَقَا أَشْ ثَامْغَارْثْ نّشْ، كْسِي [ت]، ثْبعّْذذْ!“
GEN 12:20 يُومُورْ فِيرْعُونْ إِرْيَازنْ نّسْ خَاسْ ؤُشَا سّْقبّْضنْ ث أَكْ-ذ ثمْغَارْثْ نّسْ ؤُ أَكْ-ذ مَارَّا مِينْ ثُوغَا غَارسْ.
GEN 13:1 أَمُّو إِ يُويُورْ أَبْرَامْ زِي مِيصْرَا غَارْ [ثمُّورْثْ ن] لْجَانُوبْ [ن كنْعَانْ]، نتَّا ذ ثمْغَارْثْ نّسْ، أَكْ-ذ مَارَّا مِينْ غَارسْ، ذ لُوطْ أَكِيذسْ.
GEN 13:2 أَبْرَامْ ثُوغَا غَارسْ أَطَّاسْ ن وَاڭْڒَا ذ ڒبْهَايمْ ذ نُّوقَارْثْ ذ وُورغْ.
GEN 13:3 ؤُشَا إِمُّوطِّي [زڭْ ومْشَانْ غَارْ ومْشَانْ] زِي [ثمُّورْثْ ن] لْجَانُوبْ غَارْ بَايْثْ-إِلْ أَڒْ أَمْشَانْ مَانِي ثُوغَا إِدْجَا ؤُقِيضُونْ نّسْ قْبڒْ، جَارْ بَايْثْ-إِلْ ذ عَايْ،
GEN 13:4 أَڒْ أَمْشَانْ ن ؤُعَالْطَارْ إِ ثُوغَا إِڭَّا قْبڒْ، [مِينْ خفْ إِسَّارْسْ ثِيغَارْصَا ذ ثوْهِيبِينْ]، ؤُشَا ذِينِّي إِڒَاغَا أَبْرَامْ إِسمْ ن سِيذِي.
GEN 13:5 ؤُشَا لُوطْ، ونِّي يُويُورنْ أَكْ-ذ أَبْرَامْ، ثُوغَا غَارسْ عَاوذْ ؤُدْجِي ذ إِفُونَاسنْ ذ ثْفُونَاسِينْ ذ إِقِيضَانْ.
GEN 13:6 ثَامُّورْثْ وَارْ ذ أَسنْ ثِيرِيوْ حِيمَا أَذْ قِّيمنْ زدّْغنْ جْمِيعْ، مِينْزِي أَڭْڒَا نْسنْ إِمْغَارْ أَطَّاسْ أَڒْ وَارْ زمَّارنْ أَذْ [ذِينْ] زذْغنْ جْمِيعْ.
GEN 13:7 ؤُشَا إِمْسَارْ ؤُمْشُوبّشْ جَارْ إِمكْسَاونْ ن ڒبْهَايمْ ن أَبْرَامْ ذ إِمكْسَاونْ ن ڒبْهَايمْ ن لُوطْ. ثُوغَا أَيْثْ ن كنْعَانْ ذ إِفِيرِيزِييّنْ زدّْغنْ ڒخْذنِّي ذِي ثمُّورْثْ.
GEN 13:8 إِنَّا أَبْرَامْ إِ لُوطْ: ”وَارْ إِتِّيڒِي عَاذْ ؤُمْشُوبّشْ جَارْ أَيِي ذ شكْ، جَارْ إِمكْسَاونْ إِنُو ذ إِمكْسَاونْ نّشْ، مِينْزِي نشِّينْ ذ إِرْيَازنْ أَوْمَاثنْ.
GEN 13:9 مَا وَارْ ثَارْزمْ ثمُّورْثْ زَّاثشْ؟ تّْزَاوْڭغْ شكْ أَذْ خَافِي ثبْضِيضْ، مَا خْ ؤُزڒْمَاضْ، نِيغْ خْ يفُوسْ! مَاڒَا شكْ ثْرُوحذْ خْ يفُوسْ، نشّْ أَذْ رَاحغْ خْ ؤُزڒْمَاضْ.“
GEN 13:10 إِسّْڭعّذْ لُوطْ ثَامُوغْڒِي نّسْ ؤُشَا إِژْرَا أَذوَّارْ ن [يغْزَارْ ن] لْ-ؤُرْذُونْ ثُوغَا مَارَّا إِسْوَا. قْبڒْ أَردّدْجْ زِي سِيذِي ثُوغَا سَاذُومْ ذ عَامُورَّا أَمْ جّنّثْ ن سِيذِي، أَمْ ثمُّورْثْ ن مِيصْرَا خْمِي د غَا ثَاسذْ غَارْ صُوغَارْ.
GEN 13:11 ؤُشَا إِخْضَارْ لُوطْ إِ يِيخفْ نّسْ مَارَّا أَذوَّارْ ن [يغْزَارْ ن] لْ-ؤُرْذُونْ ؤُ إِفْسِي لُوطْ إِقِيضَانْ نّسْ [ؤُشَا يُويُورْ] غَارْ شَّارْقْ. [أَمُّو إِ] مّْسبْضَانْ نِيثْنِي إِجّنْ خْ ونّغْنِي.
GEN 13:12 أَبْرَامْ إِزْذغْ ذِي ثمُّورْثْ ن كنْعَانْ، [مَاشَا] لُوطْ إِزْذغْ ذِي ثْندَّامْ ن ؤُذوَّارْ [ن لْ-ؤُرْذُونْ]، إِوْثَا إِقِيضَانْ نّسْ أَڒْ سَاذُومْ.
GEN 13:13 إِرْيَازنْ ن سَاذُومْ ثُوغَا أَثنْ ذ إِعفَّاننْ ذ إِمذْنَابْ أَكْ-ذ سِيذِي أَڒْ طَّارْفْ.
GEN 13:14 أَوَارْنِي ڒَامِي خَاسْ إِمّْسبْضَا لُوطْ، إِنَّا سِيذِي إِ أَبْرَامْ: ”سَارّحْ ڒخُّو ثِيطَّاوِينْ نّشْ، ثخْزَارذْ زڭْ ومْشَانْ مَانِي ثدْجِيذْ غَارْ شَّامَالْ، غَارْ لْجَانُوبْ، غَارْ شَّارْقْ ؤُ غَارْ ڒْغَارْبْ،
GEN 13:15 مِينْزِي مَارَّا ثَامُّورْثْ إِ ثتّْوَاڒِيذْ، أَذْ أَشْ ت وْشغْ، إِ شكْ ذ زَّارِيعثْ نّشْ إِ ڒبْذَا.
GEN 13:16 أَذْ ڭّغْ زَّارِيعثْ نّشْ أَمْ ثْعجَّاجْثْ ن ثمُّورْثْ، حِيمَا، مَاڒَا إِزمَّارْ حذْ أَذْ إِحْسبْ ثَاعجَّاجْثْ ن ثمُّورْثْ، ؤُڒَا ذ زَّارِيعثْ نّشْ ثْزمَّارْ عَاوذْ أَذْ ثتّْوَاحْسبْ.
GEN 13:17 كَّارْ، شُوقْ ذِي ثمُّورْثْ ذِي ثُوزّڭَّارْثْ نّسْ ذ ثِيرُو نّسْ، مِينْزِي إِ شكْ ؤُمِي ت إِ غَا وْشغْ.“
GEN 13:18 [خنِّي] إِكّسْ أَبْرَامْ إِقِيضَانْ نّسْ ؤُشَا يُويُورْ أَذْ إِزْذغْ غَارْ ثْشجُّورَا ن يِيڭّْ ن مَامْرِي، إِنِّي إِدْجَانْ ذِي حَابْرُونْ. ذِينِّي إِبْنَا إِجّْ ن ؤُعَالْطَارْ إِ سِيذِي.
GEN 14:1 ذڭْ وُوسَّانْ ن أَمْرَافِيلْ، أَجدْجِيذْ ن شِينْعَارْ، ذ أَرِييُوشْ، أَجدْجِيذْ ن إِلَّاسَارْ، ذ كِيذُورْلَاعُومرْ، أَجدْجِيذْ ن عِيلَامْ، ذ ثِيذَالْ، أَجدْجِيذْ ن ڒڭْنُوسْ، إِمْسَارْ بلِّي
GEN 14:2 إِنَا ڭِّينْ ڒْبَارُوضْ أَكْ-ذ بِيرَا، أَجدْجِيذْ ن سَاذُومْ ؤُ أَكْ-ذ بِيرْشَاعْ، أَجدْجِيذْ ن عَامُورَّا، ؤُ [أَكْ-ذ] شِينَابْ، أَجدْجِيذْ ن أَذْمَا، ؤُ [أَكْ-ذ] شِيمْ‘إِبَارْ، أَجدْجِيذْ ن صابُويِيمْ، ؤُ [أَكْ-ذ] ؤُجدْجِيذْ ن بِيلَاعْ، ونِّي إِدْجَانْ ذ صُوغَارْ.
GEN 14:3 مَارَّا إِنَا مُوننْ ذِي ڒوْضَا ن ثغْزُورْثْ ن سِيذِّيمْ، أَقَا ذ ڒبْحَارْ أَمدْجَاحْ.
GEN 14:4 ثُوغَا خدّْمنْ ثنْعَاشْ ن إِسڭّْوُوسَا إِ كِيذُورْلَاعُومِيرْ، [مَاشَا] غَارْ ؤُسڭّْوَاسْ وِيسّْ ثْڒطَّاشْغوّْغنْ.
GEN 14:5 ؤُشَا ذڭْ ؤُسڭّْوَاسْ وِيسّْ أَرْبعْطَاشْ يُوسَا-د كِيذُورْلَاعُومِيرْ ذ إِجدْجِيذنْ إِ [يدْجَانْ] أَكِيذسْ ؤُشَاغڒْبنْ خْ إِرَافَاوِييّنْ ذِي أَشْثِيرُوثْ-قَارْنَايْمْ، خْ إِزُوزِييّنْ ذِي هَامْ، خْ إِمِيثِييّنْ ذِي شَاوَا-قَارْيَاثَايِيمْ
GEN 14:6 ؤُ خْ إِخُورِييّنْ ذڭْ إِذُورَارْ نْسنْ ن سَاعِيرْ أَڒْ فَارَانْ، ونِّي [إِدْجَانْ] زَّاثْ إِ ڒخْڒَا.
GEN 14:7 [أَوَارْنِي أَيَا] ذوْڒنْ-د، ؤُسِينْ-د غَارْ عَايْنْ-مِيشْفَاثْ، ونِّي ذ قَاذَاشْ، ؤُشَاغڒْبنْ [خْ يوْذَانْ نِّي إِزدّْغنْ ذِي] مَارَّا ثَامُّورْثْ ن أَيْثْ ن عَامَالِيقْ ؤُ عَاوذْ خْ إِمُورِييّنْ إِنِّي إِزدّْغنْ ذِي هَاصُّونْ-ثَامَارْ.
GEN 14:8 [خنِّي] إِفّغْ ؤُجدْجِيذْ ن سَاذُومْ ذ ؤُجدْجِيذْ ن عَامُورَّا ذ ؤُجدْجِيذْ ن أَذْمَا ذ ؤُجدْجِيذْ ن صابُويِيمْ ذ ؤُجدْجِيذْ ن بِيلَاعْ، أَقَا-ت ذ صُوغَارْ. رُوحنْ نِيثْنِي غَارْ ڒوْضَا ن ثغْزُورْثْ ن سِيذِّيمْ، مَاحنْذْ أَذْ مّنْغنْ
GEN 14:9 أَكْ-ذ كِيذُورْلَاعُومِيرْ، أَجدْجِيذْ ن عِيلَامْ ذ ثِيذْعَالْ، أَجدْجِيذْ ن ڒڭْنُوسْ، ذ أَمْرَافِيلْ، أَجدْجِيذْ ن شِينْعَارْ، ذ أَرْيُوكْ، أَجدْجِيذْ ن إِلَّاسَارْ: أَربْعَا ن إِجدْجِيذنْ [ڭِّينْ ڒْبَارُوضْ] أَكْ-ذ خمْسَا.
GEN 14:10 ثُوغَا ڒوْضَا ن ثغْزُورْثْ ن سِيذِّيمْ ثشُّورْ س وَانُوثنْ ن ثِيزفْثْ. ؤُشَا أَروْڒنْ إِجدْجِيذنْ ن سَاذُومْ ذ عَامُورَّا ؤُشَا وْضَانْ ذَايْسنْ، ؤُ إِنِّي إِقِّيمنْ أَروْڒنْ غَارْ إِذُورَارْ.
GEN 14:11 كْسِينْ مَارَّا أَڭْڒَا ن سَاذُومْ ذ عَامُورَّا ذ مَارَّا مَاشَّا إِ خزْننْ ؤُشَا ؤُيُورنْ.
GEN 14:12 كْسِينْ عَاوذْ لُوطْ، مِّيسْ ن ؤُمَاسْ ن أَبْرَامْ، ذ وَاڭْڒَا نّسْ ؤُشَا رُوحنْ. نتَّا ثُوغَا إِزدّغْ ذِي سَاذُومْ.
GEN 14:13 [خنِّي] يُوسَا-د إِجّنْ زڭْ إِنِّي يَاروْڒنْ، إِنَّا مَانْ أَيَا إِ أَبْرَامْ، أَعِيبْرَانِي، ونِّي ثُوغَا إِزدّْغنْ غَارْ ثْشجُّورَا ن يِيڭّْ ن مَامْرِي، أَرْيَازْ ذ أَمُورِييْ، ؤُمَاسْ ن أَشْكُولْ ذ عَانِيرْ. نِيثْنِي ذ أَرْفِيقنْ ذِي ڒْعَاهْذْ ن أَبْرَامْ.
GEN 14:14 [ڒَْامِي] إِسْڒَا أَبْرَامْ بلِّي ؤُمَاسْ طّْفنْ ث ذ أَمحْبُوسْ، يِيوِي [إِرْيَازنْ] إِنِّي إِذَارّْبنْ إِ ؤُمنْغِي، إِنِّي د-إِتّْوَاخڒْقنْ ذِي ثَادَّارْثْ نّسْ، ذِي ثڒْثْ-مْيَا ؤُ-ثْمنْطَاشْ، ؤُشَا إِضْفَارْ إِ-ثنْ أَڒْ دَان.
GEN 14:15 س دْجِيرثْ بْضَانْ خَاسنْ نِيثْنِي، [ڭِّينْ ثرْفِيقِينْ]، نتَّا ذ إِمْسخَّارنْ نّسْ، ؤُشَا إِغْڒبْ خَاسنْ ؤُشَا إِضْفَارْ إِ-ثنْ غَارْ [ثنْذِينْثْ ن] حُوبَا، ثنِّي [إِدْجَانْ] خْ ؤُزڒْمَاضْ ن ذِيمَاشْقْ.
GEN 14:16 يَارَّا-د مَارَّا أَڭْڒَا ؤُڒَا ذ ؤُمَاسْ لُوطْ ذ وَاڭْڒَا نّسْ ؤُڒَا ذ ثِيمْغَارِينْ ذ ڒْڭنْسْ.
GEN 14:17 ؤُمِي د-إِعْقبْ، أَوَارْنِي ڒَامِي إِغْڒبْ نتَّا خْ كِيذُورْلَاعُومِيرْ ؤُ خْ إِجدْجِيذنْ نِّي ثُوغَا أَكِيذسْ، إِفّغْ ؤُجدْجِيذْ ن سَاذُومْ حِيمَا أَذْ ث إِڒْقَا ذِي ڒوْضَا ن ثغْزُورْثْ ن شَاوَا، ثنِّي إِدْجَانْ ذ ثَاغْزُورْثْ ن ؤُجدْجِيذْ.
GEN 14:18 ؤُ مَالْكِيصَاذِيقْ، أَجدْجِيذْ ن شَالِيمْ، يِيوِي-د أَغْرُومْ ذ بِينُو. نتَّا ثُوغَا ذ أَكهَّانْ ن أَربِّي، أَمْعُودْجِي خْ كُوڒْشِي.
GEN 14:19 إِبَارْكْ إِ-ث، إِنَّا أَسْ: ”أَذْ إِتّْوَابَاركْ أَبْرَامْ زِي أَربِّي، أَمْعُودْجِي خْ كُوڒْشِي، ونِّي إِڭِّينْ إِجنْوَانْ ذ ثمُّورْثْ.
GEN 14:20 أَذْ إِتّْوَابَاركْ أَربِّي، أَمْعُودْجِي خْ كُوڒْشِي، ونِّي إِسلّْمنْ إِغْرِيمنْ نّشْ ذڭْ إِفَاسّنْ نّشْ!“ ؤُشَا [أَبْرَامْ] إِوْشَا أَسْ ڒعْشُورْ ن مَارَّا.
GEN 14:21 ؤُشَا إِنَّا ؤُجدْجِيذْ ن سَاذُومْ إِ أَبْرَامْ: ”أوْشْ أَيِي مَارَّا مِينْ [إِدَّارنْ]، مَاشَا كْسِي أَڭْڒَا إِ يِيخفْ نّشْ.“
GEN 14:22 [مَاشَا] أَبْرَامْ يَارَّا-د خْ ؤُجدْجِيذْ ن سَاذُومْ: ”أَقَا سّْڭعّْذغْ أَفُوسْ إِنُو غَارْ سِيذِي أَربِّي، أَمْعُودْجِي خْ كُوڒْشِي، ونِّي إِڭِّينْ أَجنَّا ذ ثمُّورْثْ، [جُّودْجغْ]
GEN 14:23 مَاحنْذْ وَارْ كسِّيغْ أَفِيڒُو نِيغْ ثَاحزّمْثْ ن سَانْذَالِييَاثْ ؤُڒَا [شَا ن ڒْحَاجّثْ] زِي مَارَّا مِينْ إِدْجَانْ نّشْ، حِيمَا وَارْ ثقَّارذْ: ’نشّْ سّْثجَّارغْ أَبْرَامْ!‘
GEN 14:24 وَارْ غَارِي ذَايسْ بُو ثَاسْغَارْثْ! مْغِيرْ مِينْ شِّينْ إِمْسخَّارنْ ذ ثسْغَارْثْ ن إِرْيَازنْ نِّي كِيذِي إِرُوحنْ، أَنِيرْ ذ إِشْكُولْ ذ مَامْرِي، أجّْ إِ-ثنْ أَذْ كْسِينْ ثَاسْغَارْثْ نْسنْ!“
GEN 15:1 أَوَارْنِي مَانْ أَيَا يُوسَا-د وَاوَاڒْ ن سِيذِي غَارْ أَبْرَامْ ذڭْ إِجّْ ن ڒوْحِييْ. إِنَّا أَسْ ”وَارْ تّڭّْوذْ شَا، أَبْرَامْ، نشّْ ذ أَسڒْقِي إِ شكْ، ڒْمُونثْ نّشْ ثمْغَارْ أَطَّاسْ [ذ نشّْ].“
GEN 15:2 ؤُشَا إِنَّا أَبْرَامْ: ”سِيذِي إِنُو، سِيذِي، مِينْ ذ أَيِي غَا ثوْشذْ، مَاغَارْ نشّْ أَذْ رَاحغْ أَمُّو بْڒَا مِّي ؤُ أَلِيعَازِيرْ زِي ذِيمَاشْقْ أَذْ يِيڒِي [أَمشْنَاوْ] مِّي خْ وَاڭْڒَا ن ثَادَّارْثْ إِنُو؟“
GEN 15:3 إِنَّا أَبْرَامْ عَاوذْ: ”خْزَارْ، وَارْ ذ أَيِي ثوْشِيذْ زَّارِيعثْ، س ؤُينِّي، [ونِّي إِدْجَانْ أَمْ] مِّي ن ثَادَّارْثْ إِنُو، أَذْ يِيڒِي ذ أَوْرِيثْ إِنُو!“
GEN 15:4 ؤُشَا خْزَارْ، أَوَاڒْ ن سِيذِي يُوسَا-د غَارسْ، إِنَّا: ”وَارْ شكْ إِوَارّثْ شَا وَا، مَاشَا ونِّي إِ غَا إِفّْغنْ زَّايكْ أَذْ يِيڒِي ذ أَوْرِيثْ نّشْ.“
GEN 15:5 إِسُّوفّغْ إِ-ث غَارْ بَارَّا، إِنَّا: ”خْزَارْ غَارْ ؤُجنَّا، ثْحسْبذْ إِثْرَانْ، مَاڒَا ثْزمَّارذْ أَذْ ثنْ ثْحسْبذْ!“ ؤُشَا إِنَّا أَسْ: ”أَمُّو إِ غَا ثِيڒِي زَّارِيعثْ نّشْ!“
GEN 15:6 ؤُشَا نتَّا يُومنْ ذِي سِيذِي ؤُشَا إِحْسبْ أَسْ ث-إِ-د ذ ثَاسڭْذَا.
GEN 15:7 إِنَّا أَسْ عَاوذْ: ”نشّْ ذ سِيذِي، ونِّي شكْ د-يِيوْينْ زِي ؤُرْ ن إِكَالْذَانِييّنْ، حِيمَا أَذْ أَشْ وْشغْ ثَامُّورْثْ-أَ ذ ڒْوَارْثْ.“
GEN 15:8 [خنِّي] نتَّا إِنَّا: ”[أَ] سِيذِي إِنُو، سِيذِي، س مِينْزِي إِ غَا سّْنغْ، بلِّي أَذْ ت وَارْثغْ؟“
GEN 15:9 إِنَّا أَسْ نتَّا: ”أَوِي أَيِي-د إِشْثْ ن ثْعجْمِيثْ ن ثْڒَاثَا ن إِسڭّْوُوسَا ذ إِجّْ ن إِغَايْضْ ن ثْڒَاثَا إِسڭّْوُوسَا ذ إِجّْ ن إِشَارِّي ن ثْڒَاثَا إِسڭّْوُوسَا ذ إِشْثْ ن ثجْلِيلّحْثْ ذ إِجّْ ن وذْبِيرْ ذ أَمژْيَانْ.“
GEN 15:10 نتَّا يِيوِي-د غَارسْ مَارَّا مَانْ أَيَا، إِبْضَا ثنْ خْ وزْينْ ؤُ إِڭَّا كُوڒْ أَزْينْ قِيبَاتْشْ إِ ونّغْنِي، [مَاشَا] وَارْ إِبْضِي شَا إِجْضَاضْ.
GEN 15:11 هْوَانْ-د إِجْضَاضْ إِتّْكشَّاضنْ خْ إِمُورْضَاسْ، [مَاشَا] أَبْرَامْ يُوژّڒْ خَاسنْ.
GEN 15:12 غَارْ ؤُغدْجَايْ ن ثْفُوشْثْ، إِمْسَارْ أَقَا يُوسَا أَسْ-د إِ أَبْرَامْ إِجّْ ن يِيضصْ يُودْجغْ، ؤُشَا خْزَارْ، ثِيڭّْوُوذِي [ذ] ثَادْجسْثْ إِحذْقنْ وْضَانْ-د خَاسْ.
GEN 15:13 [خنِّي] إِنَّا إِ أَبْرَامْ: ”سّنْ س ثِيذتّْ أَقَا زَّارِيعثْ نّشْ أَذْ ثِيڒِي ذ ثَابَارَّانشْثْ ذڭْ إِشْثْ ن ثمُّورْثْ إِ وَارْ إِدْجِينْ نّسْ ؤُشَا أَذْ أَسنْ خذْمنْ [أَمْ إِسمْغَانْ] ؤُ نِيثْنِي أَذْ خَاسنْ ڭّنْ أَغِيڒْ أَربْعَا-مْيَا ن إِسڭّْوُوسَا.
GEN 15:14 [مَاشَا] ڒْڭنْسْ ؤُمِي غَا خذْمنْ أَمْ إِسمْغَانْ، أَذْ خَاسنْ حكْمغْ عَاوذْ، ؤُشَا أَوَارْنِي مَانْ أَيَا أَذْ فّْغنْ س وَاڭْڒَا إِمْغَارْ.
GEN 15:15 أَذْ ثتّْوَاسّْمُونذْ غَارْ ڒجْذُوذْ نّشْ س ڒهْنَا ؤُشَا أَذْ شكْ نضْڒنْ أَمْ ؤُمشَّايْبُو إِوقَّارْ.
GEN 15:16 جِّيڒْ وِيسّْ أَربْعَا أَذْ د-إِعْقبْ ذَانِيثَا، مِينْزِي [ڒْقدّْ ن] ڒْمُوعْصِييّثْ ن إِمُورِييّنْ عَاذْ وَارْ إِكمّڒْ.“
GEN 15:17 ڒَامِي ثغْڒِي ثْفُوشْثْ ؤُشَا ثذْوڒْ ذ ثَادْجسْثْ، ثُوغَا ذِينْ أَفَارَّانْ إِدّخّْننْ ؤُ إِعْذُو إِجّْ ن وصْفضْ ن ثْمسِّي جَارْ إِزيْنَانْ نِّي.
GEN 15:18 ذڭْ وَاسّْ نِّي نِّيثْ إِڭَّا سِيذِي إِجّْ ن ڒْعَاهْذْ أَكْ-ذ أَبْرَامْ، إِنَّا: ”إِ زَّارِيعثْ نّشْ ؤُمِي وْشِيغْ ثَامُّورْثْ-أَ زڭْ إِغْزَارْ ن مِيصْرَا أَڒْ إِغْزَارْ أَمقّْرَانْ، إِغْزَارْ ن لْفُورَاطْ:
GEN 15:19 [ثَامُّورْثْ ن] إِقِينِييْ[ينْ]، إِقنِيزِييْينْ، إِقَاذْمِييْينْ،
GEN 15:20 إِحِيتِّييْ[ينْ]، إِفِيرْزِييْ[ينْ]، إِرَافَاوِييّنْ،
GEN 15:21 إِمُورِييْ[ينْ]، أَيْثْ ن كنْعَانْ، إِڭِيرْڭَاشِييْ[ينْ] ذ إِيِيبُوسِييْ[ينْ].“
GEN 16:1 سَارَايْ، ثَامْغَارْثْ ن أَبْرَامْ، وَارْ ذ أَسْ د-ثِيرُووْ شَا. ثُوغَا غَارسْ إِشْثْ ن ثَايَّا زِي مِيصْرَا قَّارنْثْ أَسْ هَاجَارْ.
GEN 16:2 ثنَّا سَارَايْ إِ أَبْرَامْ: ”أَقَا ثژْرِيذْ بلِّي سِيذِي إِطّفْ خَافِي ثَارْوَا. أَذفْ خْ ثَايَّا إِنُو، بَالَاكْ أَذْ زَّايسْ كْسِيغْ ثَارْوَا.“ أَبْرَامْ ثُوغَا إِسّْحسَّا غَارْ سَارَايْ.
GEN 16:3 أَوَارْنِي ڒَامِي إِزْذغْ أَبْرَامْعشْرَا ن إِسڭّْوُوسَا ذِي ثمُّورْثْ ن كنْعَانْ، ثِيوِي-د سَارَايْ، ثَامْغَارْثْ ن أَبْرَامْ، ثَايَّا نّسْ هَاجَارْ، ثنِّي زِي مِيصْرَا، ؤُشَا ثوْشَا أَسْ-د إِ أَبْرَامْ، أَرْيَازْ نّسْ، ذ ثَامْغَارْثْ نّسْ.
GEN 16:4 يُوذفْ خْ هَاجَارْ ؤُشَا نتَّاثْ ثكْسِي دّيْسثْ. ؤُمِي ثژْرَا بلِّي ثكْسِي دّيْسثْ، خنِّي ثذْوڒْ لَالَّاسْ ثتّْوَاسّحْقَارْ ذِي ثِيطَّاوِينْ نّسْ.
GEN 16:5 ثنَّا سَارَايْ إِ أَبْرَامْ: ”زِي سِّيبّثْ نّشْ ڭِّينْ ذَايِي ڒْمُونْكَارْ. نشّْ ڭِّيغْ ثَايَّا إِنُو ذڭْ وحْسِينْ نّشْ. ؤُمِي ثژْرَا بلِّي ثكْسِي دّيْسثْ، ذوْڒغْ ذ ثَامحْڭُورثْ ذِي ثِيطَّاوِينْ نّسْ. أجّْ أَذْ إِحْكمْ سِيذِي جَارْ أَيِي ذ شكْ!“
GEN 16:6 إِنَّا أَبْرَامْ إِ سَارَايْ: ”خْزَارْ، ثَايَّا نّمْ ذڭْ إِفَاسّنْ نّمْ. أڭّْ زَّايسْ مِينْ ثتّْوَاڒِيذْ شمْ مْلِيحْ ذِي ثِيطَّاوِينْ نّمْ.“ ؤُشَا سَارَايْ ثْقمّعْ إِ-ت ؤُ خنِّي نتَّاثْ ثَارْوڒْ زَّايسْ.
GEN 16:7 ؤُشَا لْمَالَاكْ ن سِيذِي إِڒْقَا إِ-ت غَارْ ثَاڒَا ن وَامَانْ ذِي ڒخْڒَا، غَارْ ثَاڒَا ذڭْ وبْرِيذْ إِتَّاوْينْ غَارْ شُورْ.
GEN 16:8 إِنَّا: ”هَاجَارْ، ثَايَّا ن سَارَايْ، مَانِيسْ د-ثُوسِيذْ ؤُ مَانِي غَا ثْرَاحذْ؟“ نتَّاثْ ثنَّا: ”تّْرَاكّْوَاڒغْ زڭْ وُوذمْ ن لَالَّا سَارَايْ!“
GEN 16:9 خنِّي إِنَّا أَسْ لْمَالَاكْ ن سِيذِي: ”ذْوڒْ غَارْ لَالَّامْ، ؤُضَارْ سَاذُو إِفَاسّنْ نّسْ.“
GEN 16:10 إِنَّا أَسْ عَاوذْ لْمَالَاكْ ن سِيذِي: ”أَذْ كتَّارغْ أَطَّاسْ زَّارِيعثْ نّمْ، أَڒْ وَارْ إِزمَّارْ أَذْ ثتّْوَاحْسبْ ڒَامِي إِ غَا ثِيڒِي ذڭْ وَاطَّاسْ.“
GEN 16:11 إِنَّا أَسْ لْمَالَاكْ ن سِيذِي عَاوذْ: ”أَقَا ڒخُّو، ثكْسِيذْ دّيْسثْ ؤُشَا أَذْ ثَارْوذْ أَسيْمِي. أَذْ أَسْ ثڭّذْ إِسْمَاعِيلْ، مِينْزِي سِيذِي إِسْڒَا أَمْ ذِي ڒمْحَاينْ نّمْ.
GEN 16:12 ؤُشَا نتَّا أَذْ يِيڒِي ذ إِجّْ ن بْنَاذمْ أَمشْنَاوْ أَسْنُوسْ ن ڒخْڒَا. أَفُوسْ نّسْ أَذْ يِيڒِي خْ مَارَّا، ؤُ أَفُوسْ ن مَارَّا أَذْ يِيڒِي خَاسْ. أَذْ إِزْذغْ أَرنْذَاذْ ن مَارَّا أَيْثْمَاسْ.“
GEN 16:13 ؤُ نتَّاثْ ثْڒَاغَا خْ يِيسمْ ن سِيذِي إِ غَارسْ-د إِسِّيوْڒنْ، [ثنَّا:] ”شكْ ذ أَربِّي إِ إِتّْوَاڒَانْ!“، مِينْزِي ثنَّا: ”مَا وَارْ ذَا ژْرِيغْ ونِّي ذ أَيِي إِتّْوَاڒَانْ؟“
GEN 16:14 خْ ؤُيَا سمَّانْ أَنُو نِّي: أَنُو ’لَاحَايْ-رُوئِي‘. خْزَارْ، أَقَا-ث جَارْ قَاذَاشْ ذ بَارَاذْ.
GEN 16:15 ؤُشَا ثُورُووْ-د هَاجَارْ إِ أَبْرَامْ أَسيْمِي. إِڭَّا أَسْ أَبْرَامْ إِسمْ ن مِّيسْ نِّي [إِ ذ أَسْ] د-ثُورُووْ هَاجَارْ ’إِسْمَاعِيلْ‘.
GEN 16:16 أَبْرَامْ ثُوغَا غَارسْ ستَّا ؤُ-ثْمَانْيِينْ ن إِسڭّْوُوسَا، ؤُمِي د-ثُورُووْ هَاجَارْ إِسْمَاعِيلْ إِ أَبْرَامْ.
GEN 17:1 [ڒَْامِي] ثُوغَا غَارسْ غَارْ أَبْرَامْ ثسْعَا ؤُ-ثسْعِينْ ن إِسڭّْوُوسَا، إِبَانْ أَسْ-د سِيذِي إِ أَبْرَامْ، إِنَّا أَسْ: ”نشّْ ذ أَربِّي أَمْزمَّارْ خْ كُوڒْشِي! ؤُيُورْ زَّاثْ إِ وُوذمْ إِنُو ؤُشَا إِڒِي [ذ بْنَاذمْ] إِكمّْڒنْ!
GEN 17:2 نشّْ أَذْ ڭّغْ ڒْعَاهْذْ إِنُو جَارْ أَيِي ذ شكْ ؤُشَا أَذْ شكْ سّْكتَّارغْ س يِيجّْ ن شّْكلْ إِمْغَارْ.“
GEN 17:3 [خنِّي] إِوْضَا أَبْرَامْ خْ ؤُغمْبُوبْ نّسْ ؤُشَا إِسِّيوڒْ أَربِّي أَكِيذسْ، إِنَّا أَسْ:
GEN 17:4 ”خْزَارْ، نشّْ [أَذْ ڭّغْ] ڒْعَاهْذْ إِنُو أَكِيذكْ ؤُشَا شكْ أَذْ ثِيڒِيذْ ذ بَابَاثْسنْ ن وَاطَّاسْ ن ڒڭْنُوسْ.
GEN 17:5 وَارْ إِتِّيڒِي إِسمْ نّشْ عَاذْ ’أَبْرَامْ‘ مَاشَا ’إِبْرَاهِيمْ‘، مِينْزِي نشّْ ڭِّيغْ شكْ ذ بَابَاثْسنْ ن وَاطَّاسْ ن ڒڭْنُوسْ.
GEN 17:6 ؤُشَا نشّْ أَذْ شكْ أَرّغْ أَذْ ثڭّذْ ڒْغِيدْجثْ أَطَّاسْ س وَاطَّاسْ ؤُ أَذْ شكْ أَرّغْ ذ ڒڭْنُوسْ، ؤُشَا إِجدْجِيذنْ أَذْ زَّايكْ د-فّْغنْ.
GEN 17:7 أَذْ ڭّغْ ڒْعَاهْذْ إِنُو جَارْ أَيِي ذ شكْ ذ زَّارِيعثْ نّشْ أَوَارْنِي أَشْ ذِي [مَارَّا] جِّيڒَاثْ نْسنْ، أَمْ يِيجّْ ن ڒْعَاهْذْ إِ ڒبْذَا، حِيمَا أَذْ إِڒِيغْ ذ أَربِّي إِ شكْ ؤُ إِ زَّارِيعثْ نّشْ أَوَارْنِي أَشْ.
GEN 17:8 أَذْ أَشْ وْشغْ، إِ شكْ ؤُ إِ زَّارِيعثْ نّشْ أَوَارْنِي أَشْ، ثَامُّورْثْ مَانِي ثْزدّْغذْ أَمْ ؤُبَارَّانِي، مَارَّا ثَامُّورْثْ ن كنْعَانْ ذ أَڭْڒَا إِ ڒبْذَا. نشّْ أَذْ إِڒِيغْ ذ أَربِّي إِ نِيثْنِي.“
GEN 17:9 إِنَّا أَربِّي عَاوذْ إِ إِبْرَاهِيمْ: ”شكْ أَذْ ثحْضِيذْ ڒْعَاهْذْ إِنُو، شكْ ذ زَّارِيعثْ نّشْ أَوَارْنِي أَشْ، ذِي [مَارَّا] جِّيڒَاثْ نْسنْ.
GEN 17:10 ذ وَا ذ ڒْعَاهْذْ إِنُو ونِّي إِ غَا ثحْضَامْ جَارْ أَيِي-د ذ كنِّيوْ ذ زَّارِيعثْ نّشْ أَوَارْنِي أَشْ: إِتّْخصَّا أَذْ إِخْثنْ زَّايْومْ مَارَّا مِينْ إِدْجَانْ ذ أَوْثمْ.
GEN 17:11 كنِّيوْ أَذْ ثْخثْنمْ أَيْسُومْ ن ڒعْذَاڒْيثْ نْومْ ؤُشَا مَانْ أَيَا أَذْ ثِيڒِي ذ ڒعْڒَامثْ ن ڒْعَاهْذْ جَارْ أَيِي-د ذ كنِّيوْ.
GEN 17:12 مِّيسْ ن ثْمنْيَا ن وُوسَّانْ أَذْ إِخْثنْ جَارْ أَومْ، مْكُوڒْ أَوْثمْ ذِي [مَارَّا] جِّيڒَاثْ نْومْ، [أَمْ] ونِّي د-إِخڒْقنْ ذِي ثَادَّارْثْ نّشْ [أَمْ] ونِّي إِتّْوَاسْغنْ س نُّوقَارْثْ زِي كُوڒْ أَبَارَّانِي ؤُ وَارْ [إِدْجِينْ] زِي زَّارِيعثْ نّشْ.
GEN 17:13 [أَمْ] ونِّي د-إِخڒْقنْ ذِي ثَادَّارْثْ نّشْ، [أَمْ] ونِّي ثسْغِيذْ س نُّوقَارْثْ، إِتّْخصَّا أَسْ أَذْ إِخْثنْ. [أَمُّو] إِ غَا يِيڒِي ڒْعَاهْذْ إِنُو ذڭْ ويْسُومْ نْومْ ذ ڒْعَاهْذْ إِ ڒبْذَا.
GEN 17:14 أَرْيَازْ وَارْ إِخْثِيننْ، ونِّي ڒعْذَاڒْيثْ نّسْ وَارْ ت خْثِينْ، أَرْيَازْ نِّي إِتّْخصَّا أَذْ ث قسّنْ زِي ڒْڭنْسْ نّسْ، أَقَا يَارْژَا ڒْعَاهْذْ إِنُو.“
GEN 17:15 إِنَّا أَربِّي عَاوذْ إِ إِبْرَاهِيمْ: ”إِ سَارَايْ ثَامْغَارْثْ نّشْ وَارْ ذ أَسْ ثْڒِيغِيذْ [عَاذْ] ’سَارَايْ‘، مَاشَا ’سَارَا‘ ذ وَا إِ غَا يِيڒِينْ إِسمْ نّسْ.
GEN 17:16 [مِينْزِي] أَذْ ت بَارْكغْ ؤُ زَّايسْ أَذْ أَشْ وْشغْ مِّيشْ. [وَاهْ]، أَذْ ت بَارْكغْ ؤُشَا نتَّاثْ أَذْ ثذْوڒْ ذ ڒڭْنُوسْ ؤُ إِجدْجِيذنْ ن ڒڭْنُوسْ أَذْ زَّايسْ د-فّْغنْ!“
GEN 17:17 [خنِّي] إِوْضَا إِبْرَاهِيمْ خْ ؤُغمْبُوبْ نّسْ ؤُشَا إِضْحشْ، إِنَّا ذڭْ وُوڒْ نّسْ: ”أَرْيَازْ ن مْيَا ن إِسڭّْوُوسَا مَا أَذْ أَسْ د-إِتّْوَاخْڒقْ مِّيسْ؟ ؤُ سَارَا، ثنِّي غَارْ إِدْجَا ثسْعِينْ ن إِسڭّْوُوسَا، [مَا عَاذْ] أَذْ د-ثَارُووْ؟“
GEN 17:18 إِنَّا إِبْرَاهِيمْ إِ أَربِّي: ”مْڒِي إِسْمَاعِيلْ إِدَّارْ قِيبَاتْشْ إِ وُوذمْ نّشْ!“
GEN 17:19 [مَاشَا] أَربِّي إِنَّا: ”لَّ، عَاذْ سَارَا، ثَامْغَارْثْ نّشْ، ذ ثنِّي ذ أَشْ د غَا يَارْونْ أَسيْمِي، ؤُشَا شكْ أَذْ أَسْ ثْڒَاغِيذْ إِسْحَاقْ. نشّْ أَذْ ڭّغْ ڒْعَاهْذْ إِنُو أَكِيذسْ ذ ڒْعَاهْذْ إِ ڒبْذَا، إِ زَّارِيعثْ نّسْ أَوَارْنِي أَسْ.
GEN 17:20 زِي جِّيهثْ ن إِسْمَاعِيلْ، أَقَا سدْجغْ أَشْ. خْزَارْ، نشّْ بَارْكغْ ث ؤُشَا أَذْ ث أَرّغْ إِتَّارُووْ ڒْغِيدْجثْ ؤُ أَذْ ث أَرّغْ ذ أَطَّاسْ. ثنْعَاشْ ن ڒْحُوكَّامْ إِ د غَا يجّْ، أَذْ ث ڭّغْ ذ إِجّْ ن ڒْڭنْسْ إِمْغَارْ.
GEN 17:21 [مَاشَا] أَذْ ڭّغْ ڒْعَاهْذْ إِنُو أَكْ-ذ إِسْحَاقْ، ونِّي إِ ذ أَشْ د غَا ثَارُووْ سَارَا ذِي ڒْوقْثْ-أَ، ذڭْ ؤُسڭّْوَاسْ إِ د غَا يَاسنْ.“
GEN 17:22 [ؤُمِي] إِكمّڒْ أَوَاڒْ نّسْ أَكِيذسْ، إِڭعّذْ أَربِّي، [إِڭّْوجْ] خْ إِبْرَاهِيمْ.
GEN 17:23 إِكْسِي إِبْرَاهِيمْ مِّيسْ إِسْمَاعِيلْ ذ مَارَّا إِسمْغَانْ إِ د-إِتّْوَاخڒْقنْ ذِي ثَادَّارْثْ نّسْ ذ مَارَّا إِنِّي إِمّسْغنْ س نُّوقَارْثْ، مَارَّا [مِينْ إِدْجَانْ ذ] أَوْثمْ جَارْ أَيْثْبَابْ ن ثَادَّارْثْ ن إِبْرَاهِيمْ ؤُشَا إِخْثنْ ڒعْذَاڒْيثْ نْسنْ ذڭْ وَاسّْ نِّي أَمْ مَامّشْ ذ أَسْ إِنَّا أَربِّي.
GEN 17:24 ثُوغَا غَارْ إِبْرَاهِيمْ ثسْعَا ؤُ-ثسْعِينْ ن إِسڭّْوُوسَا ؤُمِي إِخْثنْ ذڭْ ويْسُومْ ن ڒعْذَاڒْيثْ نّسْ.
GEN 17:25 إِڭَّا مِّيسْ إِسْمَاعِيلْ ثْڒطَّاشْ ن إِسڭّْوُوسَا، ؤُمِي ث خثْننْ ذڭْ ويْسُومْ ن ڒعْذَاڒْيثْ نّسْ.
GEN 17:26 إِخْثنْ إِبْرَاهِيمْ ذ مِّيسْ إِسْمَاعِيلْ ذڭْ وَاسّْ ذ إِجّنْ.
GEN 17:27 خثْننْ أَكِيذسْ مَارَّا إِرْيَازنْ ن ثَادَّارْثْ نّسْ، إِنِّي د-إِتّْوَاخڒْقنْ ذِي ثَادَّارْثْ نّسْ ؤُڒَا ذ إِنِّي إِمّسْغنْ س نُّوقَارْثْ زڭْ ؤُبَارَّانِي.
GEN 18:1 ؤُشَا إِضْهَارْ سِيذِي إِ إِبْرَاهِيمْ غَارْ ثْشجُّورَا ن يِيڭّْ ن مَامْرِي [ؤُمِي] ثُوغَا يَاريّحْ غَارْ وَاذَافْ ن ؤُقِيضُونْ نّسْ ذِي طّْحَا ن ؤُزِيڒْ.
GEN 18:2 إِسّْڭعّذْ ثَامُوغْڒِي نّسْ، إِژْرَا، أَقَا ذِينْ ثْڒَاثَا ن يرْيَازنْ قِيبَاتْشْ نّسْ. [ؤُمِي] ثنْ إِژْرَا، إِكَّارْ إِتَّازّڒْ غَارْسنْ زِي وَاذَافْ ن ؤُقِيضُونْ. ؤُشَا إِبنْذقْ [س ؤُغمْبُوبْ نّسْ] غَارْ ثمُّورْثْ،
GEN 18:3 إِنَّا: ”[أَ] سِيذِي إِنُو، مَاڒَا [ڒخُّو] ؤُفِيغْ أَرْضَا ذِي ثِيطَّاوِينْ نّشْ، تّْزَاوَاڭغْ شكْ، وَارْعدُّو خْ ؤُمْسخَّارْ نّشْ.
GEN 18:4 أجّْ [إِمْسخَّارنْ إِنُو] أَذْ د-أَوْينْ شْوَايْثْ ن وَامَانْ ؤُشَا سِيرْذمْ إِضَارنْ نْومْ ؤُشَا زّْڒمْ شْوَايْثْ سَاذُو ثْشجَّارْثْ-أَ.
GEN 18:5 أَذْ د-أَوْيغْ أَڒقُّوزْ ن وغْرُومْ حِيمَا أَذْ تّْوَانعْشنْ وُوڒَاونْ نْومْ، خنِّي أَذْ ثعْذُومْ. أَقَا خْ ؤُيَا إِ د-ثكِّيمْ زَّاثْ إِ ؤُمْسخَّارْ نْومْ!“ نِيثْنِي نَّانْ: ”أڭّْ أَمْ مَامّشْ ثنِّيذْ.“
GEN 18:6 إِرُوحْ إِبْرَاهِيمْ ذغْيَا غَارْ ؤُقِيضُونْ غَارْ سَارَا، إِنَّا: ”ذغْيَاثْ، [كْسِي] ثْڒَاثَا ن ڒقْيَاسْ ن وَارنْ أَزْذَاذْ، أڭّْوْ [إِ-ثنْ] ؤُشَا أڭّْ [زَّايسْ] ثِيفْضِيرِينْ.“
GEN 18:7 [خَاسْ ؤُشَا] يُوزّڒْ إِبْرَاهِيمْ غَارْ إِفُونَاسنْ ؤُشَا إِطّفْ-د إِجّْ ن ؤُمژْيَانْ ن ؤُفُونَاسْ إِڭْمَا ذ لمْلِيحْ، إِوْشَا إِ-ث إِ ؤُبْڒِيغْ، ؤُشَا وَا إِقدْجقْ، حِيمَا أَذْ ث إِسّوْجذْ.
GEN 18:8 نتَّا إِكْسِي عَاوذْ دّْهنْ ذ ؤُغِي ذ ؤُمژْيَانْ ن ؤُفُونَاسْ نِّي إِسّوْجذْ، ؤُشَا إِسَّارْسْ [إِ-ث] زَّاثْسنْ، ؤُ نتَّا ثُوغَا إِبدّْ قِيبَاتْشْ نْسنْ سَاذُو ثْشجَّارْثْ، ؤُشَا شِّينْ.
GEN 18:9 [خنِّي] نَّانْ أَسْ: ”مَانِي ثدْجَا سَارَا ثَامْغَارْثْ نّشْ؟“ يَارَّا-د خَاسنْ: ”[أَقَا-ت ذِينْ] ذڭْ ؤُقِيضُونْ.“
GEN 18:10 ؤُشَا نتَّا إِنَّا: ”ذ ثِيذتّْ أَذْ غَاركْ د-ذوْڒغْ غَارْ ڒْوقْثْ ن ثُوذَارْثْ ؤُ خْزَارْ، أَذْ غَارسْ يِيڒِي ؤُحنْجِيرْ غَارْ سَارَا، ثَامْغَارْثْ نّشْ.“ ؤُ سَارَا ثسْڒَا غَارْ وَاذَافْ ن ؤُقِيضُونْ نِّي [إِدْجَانْ] أَوَارْنِي أَسْ.
GEN 18:11 إِبْرَاهِيمْ ذ سَارَا ثُوغَا وْسَارنْ، ؤُيُورنْ ذڭْ وُوسَّانْ، ؤُشَا سَارَا ثُوغَا ثْبدّْ أَسْ ثُوبَّارْثْ ن ثمْغَارِينْ.
GEN 18:12 ؤُشَا ثضْحشْ سَارَا ذڭْ وُوڒْ نّسْ، ثنَّا: ”أَوَارْنِي ثوْسَارْ إِنُو، مَا أَذْ غَارِي يِيڒِي ڒْخِيرْ[-أَ] ذ لمْلِيحْ قَاعْ، [أَمْ] إِدْجَا سِيذِي إِنُو ؤُڒَا ذ نتَّا إِوْسَارْ؟“
GEN 18:13 إِنَّا سِيذِي إِ إِبْرَاهِيمْ: ”مَاغَارْ ثضْحشْ سَارَا، ثنَّا: ’مَا زمَّارغْ أَذْ أَرْوغْ أَمْ وْسَارغْ ڒخُّو؟‘
GEN 18:14 مَا أَقَا ذِينْ شَا ن ڒْحَاجّثْ خْ سِيذِي ثوْعَارْ؟ أَذْ غَاركْ د -عقْبغْ ذِي ڒْوقْثْ إِ نڭَّا، غَارْ ڒْوقْثْ ن ثُوذَارْثْ ؤُشَا [أَذْ يِيڒِي] غَارْ سَارَا مِّيسْ!“
GEN 18:15 سَارَا ثنْكَارْ، ثنَّا: ”وَارْ ضحْشغْ شَا!“، مِينْزِي ثُوغَا ثڭّْوذْ. نتَّا إِنَّا أَسْ: ”لَّ، أَقَا شمْ ثْضحْشذْ!“
GEN 18:16 [خنِّي] كَّارنْ إِرْيَازنْ نِّي سّنِّي، سوْضنْ غَارْ سَاذُومْ، ؤُشَا إِرُوحْ إِبْرَاهِيمْ أَكِيذْسنْ، إِسّْقبّضْ إِ-ثنْ.
GEN 18:17 ؤُشَا إِنَّا سِيذِي: ”مَا أَذْ فَّارغْ نشّْ خْ إِبْرَاهِيمْ مِينْ إِ غَا ڭّغْ؟
GEN 18:18 أَذْ يِيڒِي إِبْرَاهِيمْ زعْمَا ذ إِجّْ ن ڒْڭنْسْ إِمْغَارْ إِجْهذْ، أَقَا أَذْ ذَايسْ تّْوَابَارْكنْ مَارَّا ڒڭْنُوسْ ن دُّونشْثْ.
GEN 18:19 مِينْزِي نشّْ قّْنغْ إِخفْ إِنُو أَكِيذسْ، حِيمَا أَذْ إِسّڒْمذْ إِحنْجِيرنْ نّسْ ؤُڒَا ذ ثَادَّارْثْ نّسْ أَوَارْنِي أَسْ، مَاحنْذْ أَذْ حْضَانْ أَبْرِيذْ ن سِيذِي، أَذْ ڭّنْ ثَاسڭْذَا ذ ڒْحقّْ، حِيمَا سِيذِي أَذْ د-يَاوِي إِ إِبْرَاهِيمْ مِينْ ثُوغَا خَاسْ إِنَّا.“
GEN 18:20 [خنِّي] إِنَّا سِيذِي: ”ثْغُويِّيثْ ن سَاذُومْ ذ عَامُورَّا ثمْغَارْ أَطَّاسْ ؤُ دّْنُوبْ نْسنْ ذقْڒنْ.
GEN 18:21 أَذْ د-هْوِيغْ، أَذْ ژَترغْ مَا ڭِّينْ نِيشَانْ أَمْ ثْغُويِّيثْ نْسنْ إِ غَارِي د-يُوسِينْ نِيغْ لَّا، أَذْ سّْنغْ.“
GEN 18:22 [خنِّي] ذوْڒنْ إِرْيَازنْ سّنِّي ؤُشَا طّْفنْ [أَبْرِيذْ] غَارْ سَاذُومْ. [مَاشَا] إِبْرَاهِيمْ ثُوغَا إِقِّيمْ عَاذْ إِبدّْ زَّاثْ إِ وُوذمْ ن سِيذِي.
GEN 18:23 ؤُشَا إِقَارّبْ-د إِبْرَاهِيمْ، إِنَّا: ”مَا س ثِيذتّْ أَذْ ثَارذْدْجذْ عَاوذْ أَمْسڭّذْ أَكْ-ذ ؤُعفَّانْ؟
GEN 18:24 أَقَا ذِينِّي بَالَاكْ خمْسِينْ ن إِمْسڭَّاذنْ ذَاخڒْ إِ ثنْذِينْثْ. مَا س ثِيذتّْ أَذْ ثنْ ثَارذْدْجذْ، ؤُ وَارْ ثْسمّْحذْ ذڭْ ومْشَانْ نِّي ذِي طّْوعْ ن خمْسِينْ ن إِمْسڭَّاذنْ إِ ذَايسْ إِدْجَانْ؟
GEN 18:25 إِڭّْوجْ خَاكْ أَذْ ثڭّذْ أَيَا، أَذْ ثنْغذْ أَمْسڭّذْ أَكْ-ذ ؤُعفَّانْ، [وَاهْ،] إِڭّْوجْ خَاكْ أَذْ يِيڒِي ؤُمْسڭّذْ محْسُوبْ أَمْ ؤُعفَّانْ. أَقَا ڒْقَاضِي ن دُّونشْثْ مَا وَارْ إِتّڭّْ س ڒْحقّْ؟“
GEN 18:26 [ڒخْذنِّي] إِنَّا أَسْ سِيذِي: ”مَاڒَا ؤُفِيغْ ذِي سَاذُومْ خمْسِينْ ن إِمْسڭَّاذنْ ذَاخڒْ إِ ثنْذِينْثْ، أَذْ سمْحغْ إِ ومْشَانْ ذِي طّْوعْ نْسنْ.“
GEN 18:27 إِبْرَاهِيمْ يَارَّا-د، إِنَّا: ”خْزَارْ ڒخُّو، بْذِيغْ زعّْمغْ أَذْ سِّيوْڒغْ أَكْ-ذ سِيذِي إِنُو، [وَاخَّا] نشّْ ذ شَاڒْ ذ يِيغّضْ.
GEN 18:28 أَذْ ثَاغْ نقْصنْ زِي خمْسِينْ ن إِمْسڭَّاذنْ خمْسَا، مَا أَذْ ثَارذْدْجذْ خْ خمْسَا نِّي مَارَّا ثَانْذِينْثْ؟“ إِنَّا: ”وَارْ [ت] تَّارذْدْجغْ مَاڒَا ؤُفِيغْ ذِينْ خمْسَا ؤُ-ربْعِينْ.“
GEN 18:29 يَارْنِي ذڭْ وَاوَاڒْ أَكِيذسْ، إِنَّا أَسْ: ”أَذْ ثَاغْ أَذْ يِيڒِي أَذْ إِتّْوَافْ ذِينْ أَربْعِينْ!“ يَارَّا-د نتَّا: ”وَارْ [ت] تّڭّغْ شَا ذِي طّْوعْ ن أَربْعِينْ [نِّي].“
GEN 18:30 [خَاسْ ؤُشَا] إِنَّا: ”وَارْ تّْخيِّيقْ ڒخُّو سِيذِي إِنُو، خْمِي غَا سِّيوْڒغْ [عَاوذْ]. أَذْ ثَاغْ أَذْ يِيڒِي ذِينْ ثْڒَاثِينْ!“ يَارَّا-د: ”وَارْ [ت] تَّارذْدْجغْ مَاڒَا ؤُفِيغْ ذِينْ ثْڒَاثِينْ.“
GEN 18:31 إِنَّا [عَاوذْ]: ”خْزَارْ ڒخُّو، بْذِيغْ زعْمغْ أَذْ سِّيوْڒغْ أَكْ-ذ سِيذِي إِنُو. أَذْ ثَاغْ أَذْ يِيڒِي ذِينْ [مْغِيرْ] عِيشْرِينْ!“ يَارَّا-د: ”وَارْ [ت] تَّارذْدْجغْ شَا ذِي طّْوعْ ن عِيشْرِينْ [نِّي].“
GEN 18:32 [خنِّي] إِنَّا: ”وَارْ تّْخيِّيقْ ڒخُّو سِيذِي إِنُو، خْمِي غَا سِّيوْڒغْ [عَاوذْ]. أَذْ ثَاغْ أَذْ يِيڒِي ذِينْ [مْغِيرْ]عشْرَا!“ يَارَّا-د: ”وَارْ [ت] تَّارذْدْجغْ ذِي طّْوعْ نعشْرَا [نِّي].“
GEN 18:33 [خنِّي] إِرُوحْ سِيذِي أَوَارْنِي ڒَامِي إِكمّڒْ أَوَاڒْ [نّسْ] أَكْ-ذ إِبْرَاهِيمْ ؤُشَا إِبْرَاهِيمْ إِذْوڒْ-د غَارْ ومْشَانْ ن ثْزذِّيغْثْ نّسْ.
GEN 19:1 ؤُشَا إِوْضنْثْ خنِّي ثْنَاينْ ن لْمَالَاكَاثْ [نِّي] غَارْ سَاذُومْ س دْجِيڒثْ. ثُوغَا لُوطْ إِقِّيمْ غَارْ ثوَّارْثْ ن سَاذُومْ. ؤُمِي [ثنْ] إِژْرَا لُوطْ، إِكَّارْ مَاحنْذْ أَذْ ثنْ إِڒْقَا ؤُشَا إِبنْذقْ [س ؤُغمْبُوبْ نّسْ] غَارْ ثمُّورْثْ.
GEN 19:2 إِنَّا: ”خْزَارْ، [أَ] إِسِيذِيثنْ إِنُو، تّْزَاوَاڭغْ كنِّيوْ أَذْ د-ثَاسمْ غَارْ ثَادَّارْثْ ن ؤُمْسخَّارْ نْومْ ؤُشَا أَذْ [ذَايسْ] ثسّنْسمْ، أَذْ ثسِّيرْذمْ إِضَارنْ نْومْ. خنِّي أَذْ ثْفَاقمْ زِيشْ، أَذْ ثْكمّْڒمْ خْ وبْرِيذْ نْومْ.“ [مَاشَا] نِيثْنِي نَّانْ: ”لَّ، أَقَا ذڭْ وَازَّايْ أَذْ نقِّيمْ أَذْ نسّنْسْ.“
GEN 19:3 [مَاشَا] نتَّا إِكلّفْ خَاسنْ أَطَّاسْ أَڒَامِي أَكِيذسْ رُوحنْ، ؤُذْفنْ غَارْ ثَادَّارْثْ نّسْ ؤُشَا إِڭَّا أَسنْ أَمنْسِي، إِڭّْوَا أَغْرُومْ بْڒَا أَنْثُونْ ؤُشَا شِّينْ.
GEN 19:4 أَقَا قْبڒْ إِ غَا طّْصنْ، قوَّارنْ إِ ثَادَّارْثْ إِرْيَازنْ ن ثنْذِينْثْ، إِرْيَازنْ ن سَاذُومْ، زڭْ ؤُمژْيَانْ أَڒْ أَوسَّارْ، مَارَّا إِوْذَانْ زِي مَارَّا إِمُوشَانْ إِطُّورْفنْ [ن ثنْذِينْثْ].
GEN 19:5 نِيثْنِي ڒَاغَانْ إِ لُوطْ، نَّانْ أَسْ: ”مَانِي دْجَانْ إِرْيَازنْ إِنِّي غَاركْ د-يُوسِينْ دْجِيرثْ-أَ؟ سُوفّغْ إِ-ثنْ-د، حِيمَا أَذْ ثنْ نسّنْ.“
GEN 19:6 إِفّغْ-د غَارْسنْ لُوطْ، غَارْ ثوَّارْثْ، ؤُشَا إِقّنْ ثَاوَّارْثْ أَوَارْنِي أَسْ.
GEN 19:7 إِنَّا: ”تّْزَاوْڭغْ، [أَ] أَيْثْمَا إِنُو، وَارْ تّڭّمْ [قَاعْ] ڒْغَارْ!
GEN 19:8 خْزَارْ، غَارِي ثْنَاينْ ن يسِّي، ثِينِّي [عَاذْ] وَارْ إِسِّيننْ أَرْيَازْ. أجّْ أَيِي أَذْ أَومْ ثنْثْ إِ-د-سُّوفّْغغْ بَارَّا ؤُشَا ڭّمْ ذَايْسنْثْ مِينْ ثتّْوَاڒَامْ مْلِيحْ ذِي ثِيطَّاوِينْ نْومْ. مْغِيرْ إِ إِرْيَازنْ-أَ وَارْ ذَايْسنْ تّڭّمْ وَالُو، أَقَا خْ ؤُيَا د-ؤُسِينْ نِيثْنِي سْوَادَّايْ ن ثِيڒِي ن ثْزقَّا إِنُو غَارْ ثْمنْسِيوْثْ.“
GEN 19:9 نِيثْنِي نَّانْ: ”أَڭّْوجْ ذِيهَا!“ ؤُشَا نَّانْ [عَاوذْ]: ”أَقَا وَانِيثَا يُوسَا-د [ذَا] ذ أَبَارَّانِي ؤُشَا إِخْسْ أَذْ [خَانغْ] إِحْكمْ أَمْ ڒْقَاضِي! ڒخُّو أَذْ شكْ نْضَارّْ كْثَارْ زَّايْسنْ.“ ؤُشَا ڭِّينْ أَطَّاسْ ن ؤُغِيڒْ خْ ورْيَازْ نِّي، خْ لُوطْ، ؤُشَا قَارّْبنْ-د حِيمَا أَذْ أَرْژنْ ثَاوَّارْثْ.
GEN 19:10 [مَاشَا] إِرْيَازنْ نِّي سّْوِيژّْضنْ أَفُوسْ نْسنْ، سِّيذْفنْ لُوطْ غَارْ ثَادَّارْثْ أَكِيذْسنْ ؤُشَا بلّْعنْ ثَاوَّارْثْ.
GEN 19:11 نِيثْنِي وْثِينْ إِرْيَازنْ [نِّي ثُوغَا إِبدّنْ] غَارْ ثوَّارْثْ ن ثَادَّارْثْ س ثُودَّارْغتْشْ، أَمْ ؤُمژْيَانْ أَمْ ؤُمقّْرَانْ، [أَڒَامِي] سِّيهْڒنْ نِيثْنِي إِخفْ نْسنْ ذِي ثَارزُّوثْ خْ ثوَّارْثْ.
GEN 19:12 [خنِّي] نَّانْ إِرْيَازنْ نِّي إِ لُوطْ: ”وِي غَاركْ ذَا عَاذْ؟ مَا أَضڭّْوَاڒْ نِيغْ إِحنْجِيرنْ نِيغْ ثْحنْجِيرِينْ، مَارَّا إِنِّي غَاركْ ذِي ثنْذِينْثْ، أجّْ إِ-ثنْ أَذْ فّْغنْ زڭْ ومْشَانْ-أَ.
GEN 19:13 أَقَا أَذْ نَاردّدْجْ أَمْشَانْ-أَ، مِينْزِي ثْغُويِّيثْ نّسْ ثمْغَارْ زَّاثْ إِ وُوذمْ ن سِيذِي، ؤُ سِيذِي إِسّكّْ أَنغْ-د، حِيمَا أَذْ ت نَاردّدْجْ.“
GEN 19:14 إِفّغْ لُوطْ ؤُشَا إِسِّيوڒْ أَكْ-ذ إِضڭّْوَاڒنْ نّسْ، إِنِّي إِڭِّينْ أَذْ مڒْشنْ يسِّيسْ، إِنَّا: ”كَّارمْ، فّْغمْ زڭْ ومْشَانْ-أَ، مِينْزِي سِيذِي أَذْ يَاردّدْجْ ثَانْذِينْثْ-أَ.“ [مَاشَا] إِبَانْ-د إِتّْقصَّارْ ذِي ثِيطَّاوِينْ ن إِضڭّْوَاڒنْ نّسْ.
GEN 19:15 ؤُمِي إِصْبحْ ڒْهَاڒْ، سّْقدْجْقنْثْ لْمَالَاكَاثْ لُوطْ، نَّانْثْ: ”كَّارْ، ثكْسِيذْ ثَامْغَارْثْ نّشْ ذ ثْنَاينْ ن يسِّيشْ، [ثِينِّي أَكِيذكْ]، حِيمَا وَارْ ثْهلِّيكذْ شَا ذِي ڒْمُوعْصِييّثْ ن ثنْذِينْثْ-أَ.“
GEN 19:16 [مَاشَا] نتَّا وَارْ إِزْعِيمْ. خنِّي طّْفنْ إِرْيَازنْ نِّي أَفُوسْ نّسْ ذ ؤُفُوسْ ن ثمْغَارْثْ نّسْ ذ إِفَاسّنْ ن ثْنَاينْ ن يسِّيسْ، مِينْزِي سِيذِي ثُوغَا إِخْسْ أَذْ خَاسْ إِحِينّْ. نِيثْنِي سُّوفّْغنْ ث غَارْ بَارَّا، نذْهنْ ث بَارَّا إِ ثنْذِينْثْ.
GEN 19:17 أَڒَامِي ثنْ سُّوفّْغنْ بَارَّا، إِنَّا نتَّا: ”سنْجمْ إِخفْ نّشْ! وَارْ خزَّارْ أَوَارْنِي أَشْ، وَارْ تّْبذِّي ذِي جِّيهثْ-أَ أَمْ ثكْمڒْ. أَرْوڒْ غَارْ إِذُورَارْ، حِيمَا وَارْ ثتّْوَاثحِّيذْ شَا.“
GEN 19:18 إِنَّا أَسنْ لُوطْ: ”لَّ، تّْزَاوَاڭغْ، [أَ] سِيذِي إِنُو!
GEN 19:19 خْزَارْ، أَمْسخَّارْ نّشْ يُوفَا أَرْضَا ذِي ثِيطَّاوِينْ نّشْ، [وَاهْ] ثسّمْغَارذْ ثَامخْسِيوْثْ نّشْ إِشوَّارنْ، ثنِّي كِيذِي ثڭِّيذْ ؤُمِي ذ أَيِي ثجِّيذْ دَّارغْ. [مَاشَا] وَارْ زمَّارغْ أَذْ أَروْڒغْ غَارْ إِذُورَارْ قْبڒْ ذ أَيِي غَا إِطّفْ ڒْغَارْ ؤُشَا أَذْ مّْثغْ!
GEN 19:20 خْزَارْ ڒخُّو، ثَانْذِينْثْ-أَ أَقَا ثُوذسْ-د أَطَّاسْ، [أَقَا] زمَّارغْ أَذْ ذِينِّي أَروْڒغْ. نتَّاثْ ذ ثَامعْنَانُوشْثْ. أجّْ أَيِي أَذْ أَروْڒغْ ڒخُّو ذِينِّي. مَا وَارْ ثدْجِي ذ [إِشْثْ ن ثنْذِينْثْ] ذ ثَامعْنَانُوشْثْ؟ [خنِّي] زمَّارغْ أَذْ قِّيمغْ دَّارغْ.“
GEN 19:21 يَارَّا-د خَاسْ: ”خْزَارْ، ثِيوضْ أَيِي-د عَاوذْ ثْزَاوڭْثْ نّشْ خْ ؤُيَا، وَارْ تَّاردّْدْجغْ شَا ثَانْذِينْثْ مِينْ خفْ ثسِّيوْڒذْ.
GEN 19:22 قدْجقْ، أَرْوڒْ ذِينْ، مِينْزِي وَارْ زمَّارغْ أَذْ ڭّغْ وَالُو أَڒْ د غَا ثَاوْضذْ غَارْ ذِينِّي.“ خْ ؤُيَا سمَّانْ إِسمْ ن ثنْذِينْثْ [نِّي] صُوغَارْ.
GEN 19:23 [أَڒَامِي] يِيوضْ لُوطْ غَارْ صُوغَارْ، ثنْقَارْ-د ثْفُوشْثْ خْ ثمُّورْثْ.
GEN 19:24 إِجَّا سِيذِي أَذْ إِوّثْ ونْژَارْ خْ سَاذُومْ ؤُ خْ عَامُورَّا، ذ ڒشْبَاريّثْ ذ ثْمسِّي زڭْ ؤُجنَّا زِي غَارْ سِيذِي.
GEN 19:25 يَاردّدْجْ نتَّا ثِيندَّامْ نِّي ذ مَارَّا أَذوَّارْ نِّي، أَكْ-ذ مَارَّا إِمزْذَاغْ ن ثْندَّامْ نِّي ؤُڒَا ذ أَغمُّويْ ن ثمُّورْثْ.
GEN 19:26 ثَامْغَارْثْ نّسْ، [ثنِّي ثُويُورْ] غَارْ ضفَّارْ نّسْ، ثخْزَارْ أَوَارْنِي أَسْ ؤُشَا ثذْوڒْ ذ إِجّْ ن ؤُقلِّيجْ ن ثْمدْجَاحْثْ.
GEN 19:27 غَارْ صّْبحْ زِيشْ إِكَّارْ إِبْرَاهِيمْ، [يُويُورْ] غَارْ ومْشَانْ مَانِي ثُوغَا إِبدّْ زَّاثْ إِ وُوذمْ ن سِيذِي.
GEN 19:28 إِسْوضْ غَارْ سَاذُومْ ذ عَامُورَّا ؤُ غَارْ مَارَّا ثَامُّورْثْ ن ؤُذوَّارْ نِّي، ؤُشَا إِژْرَا بلِّي دّخَّانْ إِتّْڭعَّاذْ زِي ثمُّورْثْ أَمْ دّخَّانْ ن إِشْثْ ن ثفْقُونْثْ.
GEN 19:29 أَڒَامِي يَاردّدْجْ أَربِّي ثِيندَّامْ ن ؤُذوَّارْ [نِّي]، إِفكَّارْ أَربِّي ذِي إِبْرَاهِيمْ ؤُشَا إِسّكّْ لُوطْ بَارَّا زِي ڒْوسْطْ ن ؤُشڒْوَاوْ، ؤُمِي إِقْڒبْ ثِيندَّامْ إِ ذِي إِزْذغْ لُوطْ.
GEN 19:30 إِڭعّذْ لُوطْ زِي صُوغَارْ ؤُشَا إِرُوحْ إِزْذغْ أَكْ-ذ ثْنَاينْ ن يسِّيسْ ذڭْ إِذُورَارْ، مِينْزِي إِڭّْوذْ [أَذْ إِقِّيمْ] إِزدّغْ ذِي صُوغَارْ. ؤُشَا إِزْذغْ ذڭْ إِفْرِي أَكْ-ذ ثْنَاينْ ن يسِّيسْ.
GEN 19:31 ثنَّا ثْمنْزُوثْ إِ ثْمَاژُوژْثْ: ”بَابَاثْنغْ ذ أَوسَّارْ، وَارْ إِقِّيمْ ؤُعزْرِي ذِي ثمُّورْثْ أَذْ خَانغْ د-يَاذفْ أَمْ مَامّشْ ثڭُّورْ ذِي مَارَّا دُّونشْثْ.
GEN 19:32 زِيذْ، أجّْ أَنغْ أَذْ نوْشْ بِينُو إِ بَابَاثْنغْ أَذْ إِسُّو ؤُشَا أَذْ كِيسْ نزّڒْ، [مَاحنْذْ] أَذْ نوْشْ ثُوذَارْثْ إِ زَّارِيعثْ ن بَابَاثْنغْ.“
GEN 19:33 ذِي دْجِيڒثْ نِّي وْشِينْثْ بِينُو إِ بَابَاثْسنْثْ، إِسْوَا. [خنِّي] ثُوذفْ ثْمنْزُوثْ، ثطّصْ أَكْ-ذ بَابَاسْ، [مَاشَا] نتَّا وَارْ يُوشِي شَا بلِّي ثزّڒْ أَكِيذسْ نِيغْ ثكَّارْ [عَاوذْ].
GEN 19:34 ثِيوشَّا نّسْ ثنَّا ثْمنْزُوثْ إِ ثْمَاژُوژْثْ: ”أَقَا نشّْ زّْڒغْ دْجِيرثْ إِعْذُونْ أَكْ-ذ بَابَا، أَذْ أَسْ نوْشْ أَذْ إِسُّو بِينُو عَاوذْ دْجِيرثْ-أَ. [خنِّي] أَذْ ثَاذْفذْ شمْ أَذْ كِيذسْ ثزّْڒذْ، مَاحنْذْ أَذْ د-نجّْ جِّيڒْ أَذْ إِقِّيمْ إِدَّارْ زِي ژَّارِيعثْ ن بَابَاثْنغْ.“
GEN 19:35 وْشِينْثْ بِينُو إِ بَابَاثْسنْثْ عَاوذْ ذِي دْجِيرثْ نِّي، إِسْوَا. [خنِّي] ثكَّارْ ثْمَاژُوژْثْ ؤُشَا ثطّصْ أَكْ-ذ بَابَاسْ. [مَاشَا] نتَّا وَارْ يُوشِي شَا بلِّي ثزّڒْ أَكِيذسْ نِيغْ ثكَّارْ [عَاوذْ].
GEN 19:36 [أَمُّو] كْسِينْثْ ثْنَاينْ ن يسِّيسْ ن لُوطْ س دّيْسثْ زِي بَابَاثْسنْثْ.
GEN 19:37 ؤُشَا ثُورُووْ-د ثْمنْزُوثْ أَسيْمِي، ثْڒَاغَا إِسمْ نّسْ مُوآبَ. وَا ذ بَابَاثْسنْثْ ن أَيْثْ ن مُوآبَ غَارْ أَسّْ[-أَ].
GEN 19:38 ثَامَاژُوژْثْ عَاوذْ ثُورُووْ-د أَسيْمِي ؤُشَا ثْڒَاغَا إِسمْ نّسْ بنْ-عَامِّي. نتَّا ذ بَابَاثْسنْ ن إِحنْجِيرنْ ن عَامُّونْ غَارْ أَسّْ-أَ.
GEN 20:1 سّنِّي إِسّْمُوطِّييْ إِبْرَاهِيمْ إِقِيضَانْ نّسْ، [يُويُورْ] غَارْ ثمُّورْثْ ن لْجَانُوبْ. إِزْذغْ نتَّا جَارْ قَاذَاشْ ذ شُورْ ؤُشَا إِقِّيمْ أَمْ ؤُبَارَّانِي ذِي جِيرَارْ.
GEN 20:2 [ؤُمِي] إِنَّا إِبْرَاهِيمْ خْ سَارَا ثَامْغَارْثْ نّسْ: ”نتَّاثْ ذ ؤُتْشْمَا إِ ثدْجَا!“، إِسّكّْ أَبِيمَالِيكْ، أَجدْجِيذْ ن جِيرَارْ، يِيوِي [أَكِيسْ] سَارَا.
GEN 20:3 [مَاشَا] إِضْهَارْ-د أَربِّي إِ أَبِيمَالِيكْ ذِي ثَارْجِيثْ ن دْجِيرثْ، إِنَّا أَسْ: ”أَقَا ڒخُّو أَذْ ثمّْثذْ ذِي سِّيبّثْ ن ثمْغَارْثْ، ثنِّي د-ثِيوْيذْ أَكِيذكْ، [مِينْزِي] نتَّاثْ ثمْڒشْ أَكْ-ذ ورْيَازْ.“
GEN 20:4 [مَاشَا] أَبِيمَالِيكْ ثُوغَا وَارْ غَارسْ د-إِقَارّبْ، إِنَّا: ”[أَ] سِيذِي إِنُو، مَا [خنِّي] أَذْ ثَاوْضذْ أَذْ ثنْغذْ إِجّْ ن ڒْڭنْسْ إِسڭّْذنْ؟
GEN 20:5 مَا وَارْ ذ أَيِي إِنِّي نتَّا: ’نتَّاثْ ذ ؤُتْشْمَا [إِ ثدْجَا]!‘، ؤُ نتَّاثْ س يِيخفْ نّسْ ثنَّا عَاوذْ: ’نتَّا ذ ؤُمَا [إِ يدْجَا]!‘ س ثِيذتّْ ن وُوڒْ ؤُ س إِفَاسّنْ إِزْذِيڭنْ إِ ڭِّيغْ أَيَا.“
GEN 20:6 إِنَّا أَسْ أَربِّي ذِي ثَارْجِيثْ: ”نشّْ سّْنغْ عَاذْ بلِّي ثڭِّيذْ مَانْ أَيَا س ثِيذتّْ ن وُوڒْ، خْ ؤُيَا حْضِيغْ شكْ حِيمَا وَارْ خَافِي ثْخطِّيضْ ؤُ وَارْ شكْ جِّيغْ أَذْ ت ثْحَاذِيذْ.
GEN 20:7 ڒخُّو، أَرّْ ثَامْغَارْثْ غَارْ ورْيَازْ نّسْ، مِينْزِي نتَّا ذ أَنَابِي ؤُشَا نتَّا أَذْ خَاكْ إِژَّادْجْ، حِيمَا أَذْ ثدَّارذْ. [مَاشَا] مَاڒَا وَارْ ت ثَارِّيذْ شَا، سّنْ بلِّي أَقَا أَذْ ثمّْثذْ، شكْ ذ مَارَّا مِينْ إِدْجَانْ نّشْ!“
GEN 20:8 إِكَّارْ أَبِيمَالِيكْ زِيشْ غَارْ صّْبحْ. إِڒَاغَا إِ مَارَّا إِمْسخَّارنْ نّسْ، إِنَّا مَارَّا أَوَاڒنْ-أَ ذڭْ إِمزُّوغنْ نْسنْ ؤُشَا إِرْيَازنْ نِّي ذوْڒنْ ڭّْوذنْ أَطَّاسْ.
GEN 20:9 [خنِّي] إِڒَاغَا أَبِيمَالِيكْ خْ إِبْرَاهِيمْ ؤُشَا إِنَّا أَسْ: ”مِينْ ذ أَنغْ ثڭِّيذْ ذ مِينْ ذِي خْضِيغْ أَكِيذكْ ؤُمِي ثْغضْرذْ خَافِي ؤُ خْ ثْڭلْذِيثْ إِنُو دّنْبْ أَمقّْرَانْ؟ شكْ ثڭِّيذْ أَكِيذِي مِينْ وَارْ إِشُووَّارنْ أَذْ [ث] ثڭّذْ.“
GEN 20:10 ؤُشَا [يَارْنِي] إِنَّا أَبِيمَالِيكْ إِ إِبْرَاهِيمْ: ”مِينْ شكْ يجِّينْ ڒَامِي ثڭِّيذْ مَانْ أَيَا؟“
GEN 20:11 إِنَّا إِبْرَاهِيمْ: ”مِينْزِي نْوِيغْ: ’نِيشَانْ وَارْ ذِينِّي ثِيڭّْوُوذِي زِي أَربِّي ذڭْ ومْشَانْ-أَ ؤُشَا أَذْ أَيِي نْغنْ ذِي سِّيبّثْ ن ثمْغَارْثْ إِنُو.‘
GEN 20:12 ؤُشَا س ثِيذتّْ نتَّاثْ عَاوذْ ذ ؤُتْشْمَا. نتَّاثْ ذ يدْجِيسْ ن بَابَا، مَاشَا وَارْ ثدْجِي ذ يدْجِيسْ ن يمَّا ؤُشَا ثذْوڒْ ذ ثَامْغَارْثْ إِنُو.
GEN 20:13 ؤُمِي ذ أَيِي إِسّثْلعْ أَربِّي زِي ثَادَّارْثْ ن بَابَا، نِّيغْ أَسْ: ’أَذْ يِيڒِي وَا ذ [ڒعْڒَامثْ ن] ثْمخْسِيوْثْ نّشْ إِشوَّارنْ إِ نشّْ، أَقَا أَذْ ثِينِيذْ ذِي مَارَّا إِمُوشَانْ مَانِي غَا نَاوضْ: نتَّا أَقَا ذ ؤُمَا!‘ “
GEN 20:14 [خنِّي] إِكْسِي أَبِيمَالِيكِي ؤُدْجِي ذ إِفُونَاسنْ ذ ثْفُونَاسِينْ ذ إِسمْغَانْ ذ ثِييَّا ؤُشَا إِوْشَا إِ-ثنْ إِ إِبْرَاهِيمْ ؤُشَا يَارّْ أَسْ سَارَا، ثَامْغَارْثْ نّسْ.
GEN 20:15 إِنَّا أَبِيمَالِيكْ: ”خْزَارْ، ثَامُّورْثْ إِنُو أَقَا-ت قِيبَاتْشْ نّشْ. زْذغْ مَانِي إِ ذ أَشْ د-[إِضْهَارْ] مْلِيحْ ذِي ثِيطَّاوِينْ نّشْ.“
GEN 20:16 إِ سَارَا إِنَّا: ”خْزَارْ، وْشِيغْ أَڒفْ ن [ؤُقِييَّاثْ ن] نُّوقَارْثْ إِ ؤُمَامْ. أَقَا أَثنْثْ ذ أَڒحَّافْ خْ ثِيطَّاوِينْ إِ كُوڒْشِي إِنِّي كِيذمْ إِدْجَانْ، [وَاهْ،] إِ كُوڒْشِي إِذْوڒْ أَمْ-د ذ تِّيقَارْثْ.“
GEN 20:17 إِژُّودْجْ إِبْرَاهِيمْ إِ أَربِّي ؤُشَا أَربِّي إِسّْڭنْفَا أَبِيمَالِيكْ ذ ثمْغَارْثْ نّسْ ذ ثمْسخَّارِينْ نّسْ ؤُشَا ؤُرْونْثْ.
GEN 20:18 مِينْزِي ثُوغَا سِيذِي إِبلّعْ قَاعْ مَارَّا ڒمْڒَاوَاثْ ن [ثمْغَارِينْ ذِي] ثَادَّارْثْ ن أَبِيمَالِيكْ ذِي سِّيبّثْ ن سَارَا، ثَامْغَارْثْ ن إِبْرَاهِيمْ.
GEN 21:1 ؤُشَا يَارْزفْ سِيذِي غَارْ سَارَا، أَمْ مَامّشْ ث إِنَّا، ؤُشَا إِكمّڒْ سِيذِي [أَوَاڒْ] إِ إِنَّا إِ سَارَا.
GEN 21:2 ثكْسِي سَارَا س دّيْسثْ ؤُشَا ثُورُووْ-د إِجّْ ن ؤُسيْمِي إِ إِبْرَاهِيمْ خْ ثوْسَارْ نّسْ، ذِي ڒْمِيجَارْ نِّي إِ ذ أَسْ إِنَّا أَربِّي.
GEN 21:3 ؤُشَا إِڒَاغَا إِبْرَاهِيمْ إِ مِّيسْ أَسيْمِي، ونِّي ذ أَسْ د-ثُورُووْ سَارَا، إِسْحَاقْ.
GEN 21:4 إِبْرَاهِيمْ إِخْثنْ إِ مِّيسْ إِسْحَاقْ ؤُمِي ثُوغَا غَارسْ ثْمنْيَا ن وُوسَّانْ، أَمْ مَامّشْ ذ أَسْ يُومُورْ أَربِّي.
GEN 21:5 ثُوغَا غَارْ إِبْرَاهِيمْ مْيَا ن إِسڭّْوُوسَا، أَڒَامِي غَارسْ د-إِخْڒقْ مِّيسْ إِسْحَاقْ.
GEN 21:6 ثنَّا سَارَا: ”إِسّضْحشْ أَيِي أَربِّي ؤُ كُوڒْ إِجّْ ونِّي إِ غَا إِسْڒَانْ [إِ مَانْ أَيَا]، أَذْ إِضْحشْ [عَاوذْ] أَكِيذِي.“
GEN 21:7 ثنَّا [عَاوذْ]: ”مَانْ ونْ [إِزعْمنْ] أَذْ يِينِي إِ إِبْرَاهِيمْ، أَقَا سَارَا أَذْ ثسُّوطّضْ إِسيْمَانْ؟ أَقَا ؤُرْوغْ [أَسْ-د] أَحنْجِيرْ خْ ثوْسَارْ نّسْ!“
GEN 21:8 إِڭْمَا ؤُسيْمِي ؤُشَا إِتّْوَاكّسْ أَسْ ؤُطُّوضْ. ذڭْ وَاسّْ إِ ذ أَسْ كّْسنْ ؤُطُّوضْ إِ إِسْحَاقْ، إِسّوْجذْ إِبْرَاهِيمْ إِشْثْ ن زَّارْذثْ ثمْغَارْ.
GEN 21:9 [ؤُمِي] ثژْرَا سَارَا مِّيسْ ن ثْمِيصْرشْثْ هَاجَارْ، ونِّي د-ثُورُووْ [هَاجَارْ] إِ إِبْرَاهِيمْ، إِقصَّارْ خَاسْ،
GEN 21:10 ثنَّا إِ إِبْرَاهِيمْ: ”أَژّڒْ خْ ثَايَّا-يَا ذ مِّيسْ، مِينْزِي مِّيسْ ن ثَايَّا-يَا وَارْ إِوَارّثْ شَا أَكْ-ذ مِّي، أَكْ-ذ إِسْحَاقْ.“
GEN 21:11 أَوَاڒْ-أَ إِبَانْ-د ذ أَعفَّانْ أَطَّاسْ ذِي ثِيطَّاوِينْ ن إِبْرَاهِيمْ ذِي سِّيبّثْ ن مِّيسْ.
GEN 21:12 [مَاشَا] إِنَّا أَربِّي إِ إِبْرَاهِيمْ: ”وَارْ تّجِّي أَحنْجِيرْ ذ ثَايَّا نّشْ أَذْ إِڒِينْ ذ ثِيسِينفْثْ ذِي ثِيطَّاوِينْ نّشْ. سڒْ غَارْ مَارَّا مِينْ إِ ذ أَشْ غَا ثِينِي سَارَا، مِينْزِي ذِي إِسْحَاقْ أَذْ أَشْ ثِيڒِي زَّارِيعثْ.
GEN 21:13 أَذْ ڭّغْ عَاوذْ إِجّْ ن ڒْڭنْسْ زِي مِّيسْ ن ثَايَّا-يَا، مِينْزِي ؤُڒَا ذ نتَّا ذ زَّارِيعثْ نّشْ.“
GEN 21:14 [خنِّي] إِكَّارْ إِبْرَاهِيمْ زِيشْ ؤُشَا إِكْسِي أَغْرُومْ ذ إِشْثْ ن ثشْيَارْثْ ن وَامَانْ، إِوْشَا [إِ-ثنْ] إِ هَاجَارْ، إِسَّارْسْ [أَسْ ثنْ] خْ ثغْرُوضْثْ. [إِوْشَا أَسْ عَاوذْ] أَحنْجِيرْ ؤُشَا إِسّْقبّضْ إِ-ت. ؤُشَا نتَّاثْ ثْرُوحْ، ثنّجْرُو ذِي ڒخْڒَا ن بِئرْ-سبْعَا.
GEN 21:15 [ڒَْامِي] نقْصنْ وَامَانْ زِي ثشْيَارْثْ، ثنْضَارْ أَحنْجِيرْ سَاذُو إِجّْ ن شْبَارْقْ،
GEN 21:16 ؤُشَا ثْرُوحْ ثقِّيمْ قِيبَاتْشْ نّسْ ڒَاڭّْوَاجْ ن ثشْثِي ن ڒْقوْسْ، مِينْزِي ثنَّا: ”وَارْ زمَّارغْ أَذْ ژَترغْ مڒْمِي إِ غَا إِمّثْ ؤُحنْجِيرْ.“ [أَمُّو] إِ ثقِّيمْ قِيبَاتْشْ نّسْ ؤُشَا ثسّْڭعّذْ ثْمِيجَّا نّسْ، ثسْغُويُّو.
GEN 21:17 إِسْڒَا أَربِّي غَارْ ثْمِيجَّا ن ؤُحنْجِيرْ ؤُشَا لْمَالَاكْ ن أَربِّي إِڒَاغَا إِ هَاجَارْ زڭْ ؤُجنَّا، إِنَّا أَسْ: ”مِينْ شمْ يُوغِينْ، هَاجَارْ؟ وَارْ تّڭّْوذْ شَا، مِينْزِي أَربِّي إِسْڒَا ڒْحسّْ ن ؤُحنْجِيرْ، ذِينْ مَانِي إِدْجَا.
GEN 21:18 كَّارْ، سْڭعّذْ أَحنْجِيرْ ؤُشَا طّفْ أَسْ ذڭْ ؤُفُوسْ نّمْ، مِينْزِي أَذْ زَّايسْ ڭّغْ إِجّْ ن ڒْڭنْسْ إِمْغَارْ.“
GEN 21:19 ؤُشَا يَارْزمْ أَربِّي ثِيطَّاوِينْ نّسْ، ثژْرَا ڒْعُونْصَارْ ن وَامَانْ. ثْرُوحْ، ثْعمَّارْ ثَاشْيَارْثْ س وَامَانْ، ثوْشَا أَسْ إِ ؤُحنْجِيرْ، أَذْ إِسُو.
GEN 21:20 ثُوغَا أَربِّي أَكْ-ذ ؤُحنْجِيرْ، إِيْمَا، إِزْذغْ ذِي ڒخْڒَا ؤُ ثُوغَا-ث ذ أَمْجبَّاذْ نْ ڒْقوْسْ.
GEN 21:21 ثُوغَا إِزدّغْ ذِي ڒخْڒَا ن فَارَانْ ؤُشَا ثكْسِي أَسْ-د يمَّاسْ ثَامْغَارْثْ زِي ثمُّورْثْ ن مِيصْرَا.
GEN 21:22 ذِي ڒْوقْثْ نِّي ذ إِشْثْ إِمْسَارْ، بلِّي أَبِيمَالِيكْ أَكْ-ذ فِيكُولْ، أَكُومَانْذَارْ ن ڒْعسْكَارْ نّسْ، إِسِّيوڒْ أَكْ-ذ إِبْرَاهِيمْ، إِنَّا: ”أَربِّي أَقَا-ث أَكِيذكْ ذِي مَارَّا مِينْ ثتّڭّذْ.
GEN 21:23 ڒخُّو، جَادْجْ أَيِي غَارْ أَربِّي، أَقَا وَارْ ثتّْغشِّيذْ إِحنْجِيرنْ إِنُو ؤُڒَا ذ أَيَّاونْ إِنُو! [مَاشَا] س مُوخَاسْ ثَامخْسِيوْثْ إِشوَّارنْ إِ كِيكْ ڭِّيغْ قْبڒْ، أَذْ زَّايسْ ثڭّذْ شكْ أَكِيذِي ؤُ أَكْ-ذ ثمُّورْثْ مَانِي ثقِّيمذْ أَمْ ؤُبَارَّانِي.“
GEN 21:24 إِنَّا إِبْرَاهِيمْ: ”نشّْ أَذْ جَّادْجغْ!“
GEN 21:25 [خَاسْ ؤُشَا] إِعيّبْ إِبْرَاهِيمْ أَبِيمَالِيكْ خْ ڒْعُونْصَارْ ن وَامَانْ نِّي إِطّْفنْ [زَّايسْ] إِمْسخَّارنْ ن أَبِيمَالِيكْ س ؤُغِيڒْ.
GEN 21:26 [خنِّي] إِنَّا أَبِيمَالِيكْ: ”نشّْ وَارْ سِّينغْ وِي إِڭِّينْ مَانْ أَيَا ؤُ شكْ وَارْ ذ أَيِي ث ثنِّيذْ شَا قْبڒْ. أَقَا أَڒْ ڒخُّو إِ زَّايكْ ث سْڒِيغْ.“
GEN 21:27 إِكْسِي إِبْرَاهِيمْ ؤُدْجِي ذ إِفُونَاسنْ ذ ثْفُونَاسِينْ ؤُشَا إِوْشَا أَسْ ثنْ إِ أَبِيمَالِيكْ ؤُشَا نِيثْنِي س ثْنَاينْ إِذْسنْ ڭِّينْ إِجّْ ن ڒْعَاهْذْ [جَارْ أَسنْ].
GEN 21:28 [مَاشَا] إِسَّارْسْ إِبْرَاهِيمْ سبْعَا ن ثْخسْوِينْ زڭْ وُودْجِي غَارْ ؤُغزْذِيسْ.
GEN 21:29 [خنِّي] إِنَّا أَبِيمَالِيكْ إِ إِبْرَاهِيمْ: ”مِينْ عْنَانْثْ سبْعَا ن ثْخسْوِينْ نِّي ثڭِّيذْ غَارْ ؤُغزْذِيسْ؟“
GEN 21:30 إِنَّا نتَّا: ”كْسِي زعْمَا سبْعَا أَيَا ن ثْخسْوِينْ زڭْ إِفَاسّنْ إِنُو، حِيمَا أَذْ إِڒِينْثْ ذ شّْهَاذثْ ذِي طّْوعْ إِنُو بلِّي نشّْ إِ إِغْزِينْ أَنُو-يَا.“
GEN 21:31 خْ ؤُيَا سمَّانْ أَمْشَانْ نِّي بِئرْ-سبْعَا، مِينْزِي نِيثْنِي س ثْنَاينْ إِذْسنْ ثُوغَا جُّودْجنْ ذِينْ.
GEN 21:32 [أَمُّو إِ] ڭِّينْ ڒْعَاهْذْ ذِي بِئرْ-سبْعَا. [أَوَارْنِي مَانْ أَيَا] إِكَّارْ أَبِيمَالِيكْ أَكْ-ذ فِيكُولْ، أَكُومَانْذَارْ ن ڒْعسْكَارْ نّسْ، إِعْقبْ غَارْ ثمُّورْثْ ن إِفِيلِيسْطِينِييّنْ.
GEN 21:33 إِژُّو إِبْرَاهِيمْ إِشْثْ ن ثْشجَّارْثْ ن ثْمَارِيسْثْ ذِي بِئرْ-سبْعَا ؤُشَا إِڒَاغَا ذِينْ إِسمْ ن سِيذِي، أَربِّي ن ڒبْذَا.
GEN 21:34 إِزْذغْ إِبْرَاهِيمْ أَمْ ؤُبَارَّانِي ذِي ثمُّورْثْ ن إِفِيلِيسْطِينِييّنْ أَطَّاسْ ن وُوسَّانْ.
GEN 22:1 أَوَارْنِي مَانْ أَيَا ثمْسَارْ، أَقَا إِجَارّبْ أَربِّي إِبْرَاهِيمْ، إِنَّا أَسْ: ”إِبْرَاهِيمْ!“ ؤُشَا إِنَّا أَسْ: ”خْزَارْ، نشّْ أَقَا أَيِي ذَا!“
GEN 22:2 إِنَّا أَسْ نتَّا: ”كْسِي أَينِّي ن مِّيشْ، ونِّي ثخْسذْ، إِسْحَاقْ، ؤُشَا رُوحْ غَارْ ثمُّورْثْ ن مُورِييَا ؤُشَا ثْقدّْمذْ ث ذِينْ ذ ثَاغْرَاصْثْ خْ يِيجّْ ن وذْرَارْ جَارْ إِذُورَارْ إِ ذ أَشْ غَا إِنِيغْ.“
GEN 22:3 إِكَّارْ إِبْرَاهِيمْ زِيشْ، إِحزّمْ إِ وغْيُوڒْ نّسْ ؤُشَا إِكْسِي أَكِيذسْ ثْنَاينْ ن إِمْسخَّارنْ نّسْ ذ مِّيسْ إِسْحَاقْ. إِقسّْ أَكشُّوضْ إِ ثوْهِيبْثْ ن ثْغَارْصْثْ، إِكَّارْ، إِرُوحْ ذڭْ وبْرِيذْ غَارْ ومْشَانْ إِ ذ أَسْ إِنَّا أَربِّي.
GEN 22:4 ذڭْ وَاسّْ وِيسّْ ثْڒَاثَا إِسّْڭعّذْ إِبْرَاهِيمْ ثَامُوغْڒِي نّسْ ؤُشَا إِژْرَا أَمْشَانْ زِي ڒَاڭّْوَاجْ.
GEN 22:5 إِنَّا إِبْرَاهِيمْ إِ إِمْسخَّارنْ نّسْ: ”رَاجَامْ ذَا أَكْ-ذ وغْيُوڒْ، نشّْ ذ ؤُحنْجِيرْ أَذْ نْرَاحْ ذِيهَا، أَذْ نسْجذْ. [أَوَارْنِي أَسْ] أَذْ غَارْومْ د-نعْقبْ.“
GEN 22:6 إِكْسِي إِبْرَاهِيمْ أَكشُّوضْ إِ وشْمَاضْ ن ثْغَارْصْثْ، إِسَّارْسْ إِ-ث خْ مِّيسْ إِسْحَاقْ ؤُ نتَّا [س يِيخفْ نّسْ] إِكْسِي س ؤُفُوسْ نّسْ ثِيمسِّي ذ ثْخذْمشْثْ، ؤُشَا [أَمُّو إِ] رُوحنْ نِيثْنِي س ثْنَاينْ إِذْسنْ.
GEN 22:7 [خنِّي] إِسِّيوڒْ إِسْحَاقْ أَكْ-ذ إِبْرَاهِيمْ بَابَاسْ، إِنَّا: ”بَابَا إِنُو!“ إِنَّا نتَّا: ”خْزَارْ، نشّْ أَقَا أَيِي ذَا، مِّي!“ ؤُشَا إِنَّا نتَّا: ”خْزَارْ، [أَقَا ذَا] ثِيمسِّي ذ ؤُكشُّوضْ، مَاشَا مَانِي إِدْجَا إِزْمَارْ إِ ثْغَارْصْثْ؟“
GEN 22:8 إِنَّا إِبْرَاهِيمْ: ”أَربِّي سِيمَانْثْ نّسْ أَذْ إِسَّارْزقْ س يزْمَارْ إِ ثْغَارْصْثْ، [أَ] مِّي!“ ؤُشَا [أَمُّو إِ] رُوحنْ س ثْنَاينْ إِذْسنْ
GEN 22:9 ؤُشَا إِوْضنْ غَارْ ومْشَانْ نِّي إِ ذ أَسْ إِنَّا أَربِّي. ذِينْ إِ إِبْنَا إِبْرَاهِيمْ إِجّْ ن ؤُعَالْطَارْ ؤُشَا إِعْذڒْ أَكشُّوضْ، إِشَارْفْ مِّيسْ إِسْحَاقْ ؤُشَا إِسَّارْسْ إِ-ث خْ ؤُعَالْطَارْ خْ إِكشْوَاضْ.
GEN 22:10 [خَاسْ ؤُشَا] إِسّْوِيژّضْ إِبْرَاهِيمْ أَفُوسْ نّسْ ؤُشَا إِكْسِي-د ثَاخذْمشْثْ، حِيمَا أَذْ إِغَارْصْ إِ مِّيسْ.
GEN 22:11 [مَاشَا] لْمَالَاكْ ن سِيذِي إِڒَاغَا أَسْ-د زڭْ ؤُجنَّا، إِنَّا أَسْ: ”إِبْرَاهِيمْ، إِبْرَاهِيمْ!“ نتَّا إِنَّا: ”نشّْ أَقَا أَيِي ذَا!“
GEN 22:12 [خنِّي] إِنَّا أَسْ: ”وَارْ سْوِيژِّيضْ أَفُوسْ نّشْ غَارْ ؤُحنْجِيرْ. وَارْ ذ تّڭّْ شَا، مِينْزِي ڒخُّو أَقَا سّْنغْ بلِّي ثتّڭّْوذذْ أَربِّي ؤُ وَارْ خَافِي ثسّْعِيزّذْ أَينِّي ن مِّيشْ.“
GEN 22:13 إِسّْڭعّذْ إِبْرَاهِيمْ ثِيطَّاوِينْ نّسْ، ؤُ خْزَارْ، أَقَا أَوَارْنِي أَسْ ثُوغَا إِجّْ ن إِشَارِّي إِقّنْ غَارْ شْبَارْقْ زڭْ وَاشَّاونْ نّسْ. يُويُورْ إِبْرَاهِيمْ ذِينِّي، إِطّفْ إِشَارِّي ؤُشَا إِڭَّا-إِ-ث ذ ثَاغَارْصْثْ ذڭْ ومْشَانْ ن مِّيسْ.
GEN 22:14 إِڒَاغَا إِبْرَاهِيمْ إِسمْ ن ومْشَانْ نِّي: ”سِيذِي أَذْ إِسَّارْزقْ!“ س ؤُينِّي إِقَّارْ بْنَاذمْ أَڒْ أَسّْ-أَ: ”ذڭْ وذْرَارْ ن سِيذِي أَذْ يِيڒِي يَارْزقْ!“
GEN 22:15 إِڒَاغَا-د لْمَالَاكْ ن سِيذِي وِيسّْ مَارْثَاينْ زڭْ ؤُجنَّا خْ إِبْرَاهِيمْ،
GEN 22:16 إِنَّا: ”مِينْزِي ثڭِّيذْ مَانْ أَيَا ؤُشَا وَارْ خَافِي ثطِّيفذْ أَينِّي ن مِّيشْ، أَذْ جَّادْجغْ خْ سِيمَانْثْ إِنُو، إِقَّارْ سِيذِي،
GEN 22:17 أَقَا أَذْ شكْ بَارْكغْ أَطَّاسْ ؤُشَا أَذْ كتَّارغْ زَّارِيعثْ نّشْ أَطَّاسْ أَمْ يِيثْرَانْ ن ؤُجنَّا ؤُ أَمْ يِيجْذِي خْ ثْمَا ن ڒبْحَارْ. زَّارِيعثْ نّشْ أَذْ ثطّفْ ثَاوَّارْثْ ن ڒْعذْيَانْ نّسْ ذ ڒْوَارْثْ
GEN 22:18 ؤُ ذِي زَّارِيعثْ نّشْ أَذْ تّْوَابَارْكنْ مَارَّا ڒڭْنُوسْ ن ثمُّورْثْ، مِينْزِي ثسْڒِيذْ إِ ثْمِيجَّا إِنُو.“
GEN 22:19 [خنِّي] إِعْقبْ-د إِبْرَاهِيمْ غَارْ إِمْسخَّارنْ نّسْ. نِيثْنِي كَّارنْ ؤُشَا رُوحنْ جْمِيعْ [ذڭْ وبْرِيذْ] غَارْ بِئرْ-سبْعَا، ؤُشَا إِڭَّا إِبْرَاهِيمْ أَذْ إِزْذغْ ذِي بِئرْ-سبْعَا.
GEN 22:20 أَوَارْنِي مَانْ أَيَا إِمْسَارْ أَقَا خبَّارنْ إِبْرَاهِيمْ، نَّانْ أَسْ: ”خْزَارْ، عَاوذْ مِيلْكَا ثُورُووْ-د إِحنْجِيرنْ إِ نَاحُورْ ؤُمَاشْ:
GEN 22:21 عُوصْ، أَمنْزُو نّسْ، ذ بُوزْ ؤُمَاسْ، ذ قَامُووِيلْ ونِّي ذ بَابَاسْ ن أَرَامْ،
GEN 22:22 ذ كَاسَاذْ ذ حَازُو ذ فِيلْذَاشْ ذ يِيذْلَافْ ذ بِيثُووِيلْ.“
GEN 22:23 بِيثُووِيلْ إِجَّا-د رِيفْقَا. ثْمنْيَا أَيَا إِ د-ثُورُووْ مِيلْكَا إِ نَاحُورْ، ؤُمَاسْ ن إِبْرَاهِيمْ.
GEN 22:24 ؤُ ثَايَّا نّسْ، ثنِّي ؤُمِي قَّارنْ رِيعُومَا، ثُورُووْ [أَسْ]-د عَاوذْ طَابَاحْ ذ جَاحَامْ ذ ثَاحَاشْ ذ مَاعْكَا.
GEN 23:1 ثُوغَا غَارْ سَارَا مْيَا ؤُ-سبْعَا ؤُ-عِيشْرِينْ ن إِسڭّْوُوسَا. [مَانْ أَيَا ذ ڒْمِيجَاڒْ ن] إِسڭّْوُوسَا ن ثُوذَارْثْ ن سَارَا.
GEN 23:2 ؤُشَا ثمُّوثْ سَارَا ذِي قَارْيَاثْ-أَرْبَاعْ، إِخْسْ أَذْ يِينِي حَابْرُونْ، ذِي ثمُّورْثْ ن كنْعَانْ. ؤُشَا يُوذفْ-د إِبْرَاهِيمْ [غَارْ ؤُقِيضُونْ]، إِشْضنْ خْ سَارَا، إِسْغُويْ خَاسْ.
GEN 23:3 [خَاسْ ؤُشَا] إِكَّارْ إِبْرَاهِيمْ طَّارْفْ إِ ؤُمتِّينْ نّسْ، ؤُشَا إِسِّيوڒْ أَكْ-ذ ثَارْوَا ن حِيثْ، إِنَّا:
GEN 23:4 ”نشّْ ذ أَبَارَّانِي ذ أَمْعزّبْ غَارْ أَومْ. وْشمْ أَيِي مْغِيرْ أَنْضڒْ ذ أَڭْڒَا جَارْ أَومْ، حِيمَا أَذْ نضْڒغْ أَمتِّينْ إِنُو زِي زَّاثْ إِنُو.“
GEN 23:5 أَرِّينْ-د ثَارْوَا ن حِيثْ خْ إِبْرَاهِيمْ، نَّانْ أَسْ:
GEN 23:6 ”سڒْ غَارْنغْ، [أَ] سِيذِي إِنُو! شكْ ذ ڒْحَاكمْ ن أَربِّي جَارْ أَنغْ. نْضڒْ أَمتِّينْ نّشْ ذڭْ ونْضڒْ نّغْ إِصبْحنْ. ؤُڒَا ذ إِجّْ زَّايْنغْ أَذْ شكْ إِطّفْ خْ ونْضڒْ نّسْ، حِيمَا أَذْ [ذَايسْ] ثْنضْڒذْ أَمتِّينْ نّشْ.“
GEN 23:7 [خنِّي] إِكَّارْ إِبْرَاهِيمْ، إِبنْذقْ زَّاثْ إِ ڒْڭنْسْ ن ثمُّورْثْ، زَّاثْ إِ ثَارْوَا ن حِيثْ
GEN 23:8 ؤُشَا إِسِّيوڒْ أَكِيذْسنْ، إِنَّا: ”مَاڒَا كنِّيوْ س أَرَّايْ نْومْ أَذْ نضْڒغْ أَمتِّينْ إِنُو زِي زَّاثْ إِنُو، سْڒمْ غَارِي ؤُشَا زَاوْڭمْ ذِي طّْوعْ إِنُو غَارْ عِيفْرُونْ، مِّيسْ ن زُوهَارْ،
GEN 23:9 مَاحنْذْ أَذْ أَيِي إِوْشْ إِفْرِي ن مَاكْفِيلَا، ذ ونِّي نّسْ، غَارْ طَّارْفْ ن ييَّارْ نّسْ. أجّْ إِ-ث أَذْ أَيِي ث إِوْشْ س تَّامَانْ نّسْ إِكْمڒْ. أَذْ يِيڒِي ذ أَنْضڒْ إِنُو إِ غَا ملّْكغْ جَارْ أَومْ.“
GEN 23:10 عِيفْرُونْ ثُوغَا إِقِّيمْ جَارْ ثَارْوَا ن حِيثْ ؤُشَا عِيفْرُونْ، أَحِيتِّي، يَارَّا-د خْ إِبْرَاهِيمْ ذڭْ إِمجَّانْ ن ثَارْوَا ن حِيثْ ذ مَارَّا إِنِّي يُوذْفنْ غَارْ ثوَّارْثْ ن ثنْذِينْثْ نّسْ، إِنَّا:
GEN 23:11 ”لَّ، أَ سِيذِي إِنُو، سڒْ-د غَارِي! نشّْ أَذْ أَشْ وْشغْ إِيَّارْ ؤُڒَا ذ إِفْرِي نِّي ذَايسْ إِدْجَانْ. زَّاثْ إِ ثِيطَّاوِينْ ن ثَارْوَا ن ڒْڭنْسْ إِنُو أَذْ أَشْ ث وْشغْ، نْضڒْ أَمتِّينْ نّشْ!“
GEN 23:12 [خنِّي] إِبنْذقْ إِبْرَاهِيمْ س ؤُغمْبُوبْ نّسْ غَارْ ثمُّورْثْ زَّاثْ إِ ڒْڭنْسْ ن ثمُّورْثْ
GEN 23:13 ؤُشَا إِسِّيوڒْ أَكْ-ذ عِيفْرُونْ ذڭْ إِمزُّوغنْ ن ڒْڭنْسْ ن ثمُّورْثْ، إِنَّا: ”تّْزَاوْڭغْ، مَاڒَا ثخْسذْ، سڒْ-د غَارِي. أَذْ أَشْ وْشغْ نُّوقَارْثْ ن ييَّارْ، قْبڒْ إِ-ت زَّايِي، [خنِّي] أَذْ ذَايسْ نضْڒغْ أَمتِّينْ إِنُو.“
GEN 23:14 يَارَّا-د عِيفْرُونْ خْ إِبْرَاهِيمْ، إِنَّا أَسْ:
GEN 23:15 ”سِيذِي إِنُو، سڒْ-د غَارِي! مِينْ إِخْسْ أَذْ يِينِي إِيَّارْ إِسكّْوَانْ أَربْعَا-مْيَا شِيقْلُو ن نُّوقَارْثْ جَارْ أَيِي ذ شكْ؟ نْضڒْ أَمتِّينْ نّشْ!“
GEN 23:16 إِسْڒَا إِبْرَاهِيمْ إِ عِيفْرُونْ ؤُشَا إِوْزنْ إِبْرَاهِيمْ إِ عِيفْرُونْ ثْمنْيَاثْ ن نُّوقَارْثْ إِ خفْ إِسِّيوڒْ ذڭْ إِمزُّوغنْ ن ثَارْوَا ن حِيثْ: أَربْعَا-مْيَا شِيقْلُو ن نُّوقَارْثْ، أَمْ ت نُّومنْ إِسبَّابنْ.
GEN 23:17 [أَمُّو إِ] إِذْوڒْ ييَّارْ ن عِيفْرُونْ، ونِّي إِدْجَانْ ذِي مَاكْفِيلَا أَرنْذَاذْ ن مَامْرِي، إِيَّارْ ذ إِفْرِي ونِّي ذَايسْ إِدْجَانْ ذ مَارَّا ثِيشجُّورَا إِنِّي ذڭْ إِيَّارْ غَارْ إِيْمِيرنْ نّسْ إِ ذ أَسْ د-إِنّْضنْ،
GEN 23:18 ذ أَڭْڒَا ن إِبْرَاهِيمْ زَّاثْ إِ ثَارْوَا ن حِيثْ ذ مَارَّا إِنِّي يُوذْفنْ غَارْ ثوَّارْثْ ن ثنْذِينْثْ.
GEN 23:19 أَوَارْنِي أَيَا إِنْضڒْ إِبْرَاهِيمْ سَارَا، ثَامْغَارْثْ نّسْ، ذڭْ إِفْرِي ن ييَّارْ ن مَاكْفِيلَا قِيبَاتْشْ إِ مَامْرِي، ونِّي إِدْجَانْ ذ حَابْرُونْ ذِي ثمُّورْثْ ن كنْعَانْ.
GEN 23:20 [أَمُّو إِ] إِذْوڒْ إِيَّارْ أَكْ-ذ يفْرِي إِ ذَايسْ إِدْجَانْ زِي ثَارْوَا ن حِيثْ غَارْ إِبْرَاهِيمْ أَمْ ونْضڒْ نّسْ.
GEN 24:1 إِبْرَاهِيمْ ثُوغَا إِوْسَارْ ؤُ إِمْغَارْ ذڭْ وُوسَّانْ ؤُشَا سِيذِي إِبَاركْ إِبْرَاهِيمْ ذِي كُوڒْشِي.
GEN 24:2 [خنِّي] إِنَّا إِبْرَاهِيمْ إِ ؤُمْسخَّارْ نّسْ أَوسَّارْ نِّي إِدْجَانْ خْ ثَادَّارْثْ نّسْ، أَوْكِيڒْ ن مَارَّا مِينْ غَارسْ: ”أڭّْ ڒخُّو أَفُوسْ نّشْ سَاذُو ثْمصَّاضْثْ إِنُو،
GEN 24:3 أَذْ أَشْ سّْجَّادْجغْ س سِيذِي، أَربِّي ن إِجنْوَانْ ذ أَربِّي ن ثمُّورْثْ، بلِّي وَارْ د-ثتِّيوْيذْ ثَامْغَارْثْ إِ مِّي زِي ثْحنْجِيرِينْ ن أَيْثْ ن كنْعَانْ مَانِي زدّْغغْ نشّْ جَارْ أَسنْ،
GEN 24:4 [مَاشَا] أَذْ ثْرَاحذْ غَارْ ثمُّورْثْ [إِ زِي د-ؤُسِيغْ]، غَارْ رَادْجْ إِنُو، [مَاحنْذْ] أَذْ د-ثَاوْيذْ ثَامْغَارْثْ إِ مِّي إِسْحَاقْ.“
GEN 24:5 إِنَّا أَسْ ؤُمْسخَّارْ: ”بَالَاكْ وَارْ ثتّخْسْ ثمْغَارْثْ أَذْ أَيِي د-ثضْفَارْ غَارْ ثمُّورْثْ-أَ. مَا إِتّْخصَّا أَذْ أَرّغْ مِّيشْ غَارْ ثمُّورْثْ نِّي مَانِيسْ د-ثُوسِيذْ؟“
GEN 24:6 إِنَّا أَسْ إِبْرَاهِيمْ: ”حْضَاثْ، وَارْ د-تَّارِّي شَا مِّي ذِينِّي!
GEN 24:7 سِيذِي، أَربِّي ن إِجنْوَانْ ونِّي ذ أَيِي إِطّْفنْ زِي ثَادَّارْثْ ن بَابَا ؤُ زِي ثمُّورْثْ ن رَادْجْ إِنُو، ونِّي غَارِي إِسِّيوْڒنْ، إِجُّودْجْ أَيِي ؤُمِي ذ أَيِي إِنَّا: ’إِ زَّارِيعثْ نّشْ أَذْ وْشغْ ثَامُّورْثْ-أَ!‘، ذ نتَّا إِ غَا إِسّكّنْ لْمَالَاكْ نّسْ زَّاثْ إِ وُوذمْ نّشْ، مَاحنْذْ أَذْ ثَاوْيذْ سّنِّي ثَامْغَارْثْ إِ مِّي.
GEN 24:8 مَاڒَا ثَامْغَارْثْ وَارْ ثتّخْسْ أَذْ شكْ د-ثضْفَارْ، أَذْ ثِيڒِيذْ ثْڒلِّيذْ زِي ثْجَادْجِيثْ-أَ، مْغِيرْ وَارْ د-تَّارِّي ذِينْ مِّي.“
GEN 24:9 إِسَّارْسْ ؤُمْسخَّارْ أَفُوسْ نّسْ سَاذُو ثْمصَّاضْثْ ن سِيذِيسْ إِبْرَاهِيمْ إِجُّودْجْ أَسْ خْ مَانْ أَيَا.
GEN 24:10 إِكْسِي ؤُمْسخَّارْعشْرَا ن إِڒغْمَانْ زڭْ إِڒغْمَانْ ن سِيذِيسْ، إِرُوحْ. ثُوغَا غَارسْ عْڒَامْ كُوڒْ أَڭْڒَا إِغْڒَانْ ن سِيذِيسْ. إِكَّارْ ؤُشَا إِطّفْ أَبْرِيذْ غَارْ [ثمُّورْثْ ن] أَرَامْ-نَاهْرَايْنْ، [أَقَا-ت ذ مِيسُوپُوثَامْيَا]، غَارْ ثنْذِينْثْ ن نَاحُورْ.
GEN 24:11 غَارْ ؤُخشِّي ن ثْمذِّيثْ إِجَّا إِڒغْمَانْ أَذْ جّْننْ بَارَّا إِ ثنْذِينْثْ زَّاثْ إِ ڒْعُونْصَارْ ن وَامَانْ، غَارْ ثْسَاعّثْ إِ ذِي د-فّْغنْثْ ثمْغَارِينْ، مَاحنْذْ أَذْ أَيْمنْثْ أَمَانْ.
GEN 24:12 [خنِّي] إِنَّا: ”سِيذِي، أَربِّي ن سِيذِي إِنُو إِبْرَاهِيمْ، تّْزَاوَاڭغْ شكْ أَذْ أَيِي ثْعَاوْنذْ أَسّْ-أَ ؤُشَا سْشنْ ثَامخْسِيوْثْ [نّشْ] إِشوَّارنْ إِ سِيذِي إِنُو إِبْرَاهِيمْ.
GEN 24:13 أَقَا أَيِي غَارْ ڒْعُونْصَارْ ن وَامَانْ ذ ثْحنْجِيرِينْ ن يرْيَازنْ ن ثنْذِينْثْ أَذْ د-فّْغنْثْ مَاحنْذْ أَذْ أَيْمنْثْ أَمَانْ.
GEN 24:14 أجّْ ثَابْڒِيغْثْ نِّي ؤُمِي غَا إِنِيغْ: ’سهْوَا-د أَقْبُوشْ نّمْ، مَاڒَا ثخْسذْ، أَذْ سْوغْ!‘، [ؤُشَا خنِّي] أَذْ ثِينِي: ’سُو، أَذْ وَارْذغْ ؤُڒَا ذ إِڒغْمَانْ نّشْ!‘، أَقَا ذ نتَّاثْ إِ ثڭِّيذْ إِ ؤُمْسخَّارْ نّشْ إِسْحَاقْ، ؤُ س ؤُيَا أَذْ سّْنغْ أَقَا ثسّشْنذْ ثَامخْسِيوْثْ [نّشْ] إِشوَّارنْ إِ سِيذِي إِنُو.“
GEN 24:15 ؤُشَا عَاذْ قْبڒْ إِ غَا إِكمّرْ أَوَاڒْ، إِژْرَا رِيفْقَا، ثنِّي إِ د-يُورْونْ إِ بِيثُووِيلْ، مِّيسْ ن مِيلْكَا، ثَامْغَارْثْ ن نَاحُورْ ؤُمَاسْ ن إِبْرَاهِيمْ، ثفّغْ-د [زِي ثنْذِينْثْ] س وقْبُوشْ نّسْ خْ ثغْرُوضْثْ.
GEN 24:16 ثَابْڒِيغْثْ ثُوغَا ذَايسْ أَژْرِي إِمْغَارْ، ذ ثَاعْزَارشْثْ، وَارْ ت إِسِّينْ ورْيَازْ. نتَّاثْ ثهْوَا-د غَارْ ڒْعُونْصَارْ، ثشُّورْ أَقْبُوشْ نّسْ ؤُشَا ثْڭعّذْ عَاوذْ.
GEN 24:17 يُوزّڒْ غَارسْ ؤُمْسخَّارْ [نِّي]، إِنَّا: ”تّْزَاوْڭغْ شمْ أَذْ أَيِي ثوْشذْ أَذْ سْوغْ شْوَايْثْ ن وَامَانْ زڭْ وقْبُوشْ نّمْ!“
GEN 24:18 نتَّاثْ ثنَّا: ”سُو، أَ سِيذِي إِنُو!“ ثْقدْجقْ ثسّهْوَا أَقْبُوشْ نّسْ خْ ؤُفُوسْ نّسْ، ثوْشَا أَسْ أَذْ إِسُو.
GEN 24:19 [ڒَْامِي] ذ أَسْ ثوْشَا إِسْوَا مْلِيحْ، ثنَّا: ”أَذْ أَيْمغْ أَمَانْ عَاوذْ إِ إِڒغْمَانْ نّشْ، أَڒْ غَارْسنْ إِ غَا يِيڒِي س زّْيَاذَا.“
GEN 24:20 ثْقدْجقْ ثسّخْوَا أَقْبُوشْ ذِي ثَارْيَا، ثُوزّڒْ عَاوذْ غَارْ ڒْعُونْصَارْ، حِيمَا أَذْ ثَايمْ أَمَانْ، ؤُشَا ثُويمْ أَسنْ-د أَمَانْ إِ إِڒغْمَانْ نّسْ مَارَّا.
GEN 24:21 [وَاخَّا] إِثبْهثْ ذَايسْ ورْيَازْ، إِسْقَارْ، حِيمَا أَذْ إِسّنْ مَا سِيذِي إِسّهْونْ خَاسْ أَبْرِيذْ نّسْ نِيغْ لَّا.
GEN 24:22 ؤُمِي جِّيوْننْ إِڒغْمَانْ ثِيسسِّي، إِكْسِي ورْيَازْ ذڭْ إِجّْ ن ؤُمُورْ إِشْثْ ن ثْخَاذنْثْ ن وُورغْ، [ثنِّي إِوزْننْ] أَزْينْ شِيقْلُو، ذ ثْنَاينْ ن ثْمقْيَاسِينْ إِ إِفَاسّنْ نّسْ، [ثِينِّي إِوزْننْ]عشْرَا شِيقْلُو ن وُورغْ،
GEN 24:23 إِنَّا: ”إِنِي أَيِي، ؤُمِي ثڭِّيذْ ذ يدْجِيسْ؟ مَا أَقَا ذِينْ أَمْشَانْ ذِي ثَادَّارْثْ ن بَابَامْ مَانِي نْزمَّارْ أَذْ نسّنْسْ؟“
GEN 24:24 نتَّاثْ ثنَّا أَسْ: ”نشّْ ذ يدْجِيسْ ن بِيثُووِيلْ، مِّيسْ ن مِيلْكَا، ونِّي إِ-ت-إِ-د-يُورْونْ إِ نَاحُورْ.“
GEN 24:25 ؤُشَا ثَارْنِي ثنَّا أَسْ: ”أَقَا عَاوذْ غَارْنغْ أَطَّاسْ ن ؤُڒُومْ ذ إِغدْجْ، ؤُ غَارْنغْ عَاوذْ أَمْشَانْ إِ ثْمنْسِيوْثْ.“
GEN 24:26 ؤُشَا يُوضَارْ ورْيَازْ ؤُشَا إِبنْذقْ إِ سِيذِي،
GEN 24:27 إِنَّا: ”أَذْ إِتّْوَابَاركْ سِيذِي، أَربِّي ن سِيذِي إِنُو إِبْرَاهِيمْ، ونِّي وَارْ إِكِّيسنْ ثَامخْسِيوْثْ نّسْ إِشوَّارنْ ذ ڒَامَانْ نّسْ زِي سِيذِي إِنُو. إِنْذهْ أَيِي سِيذِي ذڭْ وبْرِيذْ غَارْ ثَادَّارْثْ ن وَاوْمَاثنْ ن سِيذِي إِنُو.“
GEN 24:28 ثُوزّڒْ ثبْڒِيغْثْ، ثْعَاوذْ ثِيمسْڒَايِينْ-أَ إِ يمَّاسْ ذِي ثَادَّارْثْ.
GEN 24:29 ؤُشَا رِيفْقَا ثُوغَا غَارسْ ؤُمَاسْ، قَّارنْ أَسْ لَابَانْ، ؤُشَا لَابَانْ يُوزّڒْ غَارْ ورْيَازْ نِّي ثُوغَا [ذِينْ] ذِي بَارَّا غَارْ ڒْعُونْصَارْ.
GEN 24:30 ثُوغَا إِژْرَا ثَاخَاذنْثْ ذ ثْنَاينْ ن ثْمقْيَاسِينْ ذڭْ إِفَاسّنْ ن ؤُتْشْمَاسْ ؤُشَا إِسْڒَا إِ وَاوَاڒنْ إِ ثُوغَا ثقَّارْ ؤُتْشْمَاسْ رِيفْقَا، ثنَّا: ”أَمُّو إِ كِيذِي إِسِّيوڒْ ورْيَازْ نِّي.“ ؤُشَا يُويُورْ غَارْ ورْيَازْ. خْزَارْ، إِبدّْ [ذِيهَا] زَّاثْ إِ إِڒغْمَانْ، غَارْ ڒْعُونْصَارْ.
GEN 24:31 إِنَّا: ”أَرَاحْ-د، [أَ شكْ ذ] أَمِيمُونْ ن سِيذِي! مَايمِّي ثقِّيمذْ ذِي بَارَّا، نشّْ أَقَا سّْوجْذغْ ثَادَّارْثْ ذ ومْشَانْ إِ إِڒغْمَانْ.“
GEN 24:32 إِرُوحْ ورْيَازْ أَكِيذسْ غَارْ ثَادَّارْثْ ؤُ نتَّا إِضْڒقْ إِ إِسغْوَانْ ن إِڒغْمَانْ. نتَّا إِوْشَا أَسنْ ڒُومْ ذ مَاشَّا، ؤُشَا إِكْسِي أَمَانْ، حِيمَا أَذْ إِسِّيرْذْ إِضَارنْ نّسْ ؤُڒَا ذ إِضَارنْ ن إِرْيَازنْ نِّي كِيذسْ إِدْجَانْ.
GEN 24:33 إِسَّارْسْ زَّاثسْ مِينْ غَا يشّْ. ؤُشَا نتَّا إِنَّا: ”وَارْ تّتّغْ قْبڒْ إِ غَا إِنِيغْ ثَابْرَاثْ إِنُو.“ نتَّا إِنَّا أَسْ: ”سِيوڒْ!“
GEN 24:34 [خنِّي] إِنَّا: ”نشّْ ذ أَمْسخَّارْ ن إِبْرَاهِيمْ.
GEN 24:35 سِيذِي إِبَارْكْ سِيذِي إِنُو أَطَّاسْ س وَاطَّاسْ ؤُشَا شَّانْ نّسْ إِمْغَارْ أَطَّاسْ. أَقَا إِوْشَا أَسْ ؤُدْجِي ذ إِفُونَاسنْ ذ ثْفُونَاسِينْ، نُّوقَارْثْ ذ وُورغْ، إِسمْغَانْ ذ ثِييَّا، إِڒغْمَانْ ذ يغْيَاڒْ.
GEN 24:36 ذ سَارَا، ثَامْغَارْثْ ن سِيذِي إِنُو، ثُورُووْ-د أَحنْجِيرْ إِ سِيذِي إِنُو أَوَارْنِي ؤُمِي ثوْسَارْ ؤُ نتَّا إِوْشَا أَسْ مَارَّا مِينْ غَارسْ.
GEN 24:37 ؤُشَا سِيذِي إِنُو إِجَّا أَيِي جُّودْجغْ، إِنَّا: ’وَارْ د-تَّاوِي ثَامْغَارْثْ إِ مِّي زِي ثْحنْجِيرِينْ ن أَيْثْ ن كنْعَانْ إِنِّي مَانِي زذْغغْ ذِي ثمُّورْثْ نْسنْ.
GEN 24:38 [ؤُشْثْ خَاكْ] مَاڒَا وَارْ تّْرِيحذْ غَارْ ثَادَّارْثْ ن بَابَا، غَارْ رَادْجْ إِنُو ؤُشَا أَذْ د-ثَاوْيذْ ثَامْغَارْثْ إِ مِّي [سّنِّي].‘
GEN 24:39 [خنِّي] نشّْ نِّيغْ إِ سِيذِي إِنُو: ’بَالَاكْ ثَامْغَارْثْ وَارْ ذ أَيِي د-ثْضفَّارْ.‘
GEN 24:40 ؤُشَا نتَّا إِنَّا أَيِي: ’سِيذِي إِ ؤُمِي ؤُيُورغْ زَّاثْ إِ وُوذمْ نّسْ، أَقَا نتَّا أَذْ د-إِسّكّْ لْمَالَاكْ نّسْ أَكِيذكْ ؤُشَا أَذْ خَاكْ إِسّهْونْ أَبْرِيذْ نّشْ أَڒْ د غَا ثَاوْيذْ إِ مِّي إِشْثْ ن ثمْغَارْثْ زِي ڒَادْجْ إِنُو ؤُ زِي ثَادَّارْثْ ن بَابَا.
GEN 24:41 أَذْ ثِيڒِيذْ ثْفكّذْ زِي ثْجَادْجِيثْ إِ ذ أَيِي ثجُّودْجذْ، خْمِي غَا ثْرَاحذْ غَارْ ڒَادْجْ إِنُو ؤُ نِيثْنِي وَارْ ذ أَشْ ت تِّيشنْ، [خنِّي] أَذْ شكْ سُّوفّْغغْ زِي ثْجَادْجِيثْ نّشْ إِ ثُوغَا ثجُّودْجذْ.‘
GEN 24:42 أَسّْ-أَ ؤُسِيغْ-د غَارْ ڒْعُونْصَارْ ؤُشَا نِّيغْ: ’[أَ] سِيذِي، أَربِّي ن سِيذِي إِنُو إِبْرَاهِيمْ، تّْزَاوَاڭغْ أَذْ ثسّْهوْنذْ ڒخُّو أَبْرِيذْ إِ ذِي ڭُّورغْ.
GEN 24:43 أَقَا أَيِي ذَا زَّاثْ إِ ڒْعُونْصَارْ ن وَامَانْ. أجّْ أَذْ ثِيڒِي أَمُّو، أَقَا ثَاعْزَارشْثْ، ثنِّي د غَا إِفّْغنْ، مَاحنْذْ أَذْ ثَايمْ أَمَانْ ؤُ إِ ثنِّي ؤُمِي غَا إِنِيغْ: أوْشْ أَيِي أَذْ سْوغْ شْوَايْثْ ن وَامَانْ زڭْ ؤُقْبُوشْ نّمْ!
GEN 24:44 ؤُشَا [خنِّي] نتَّاثْ أَذْ أَيِي ثِينِي: سُو شكْ ؤُ نشّْ أَذْ أَيْمغْ عَاوذْ إِ إِڒغْمَانْ نّشْ!، ذ ثَا أَذْ ثِيڒِي ذ ثَامْغَارْثْ نِّي ذ إِسّوْجذْ سِيذِي إِ مِّيسْ ن سِيذِي إِنُو.‘
GEN 24:45 ؤُشَا قْبڒْ إِ غَا كمّْڒغْ [ثَاژَادْجِيثْ-أَ] ذڭْ وُوڒْ إِنُو، خْزَارْ، رِيفْقَا ثفّغْ-د س ؤُقْبُوشْ نّسْ خْ ثغْرُوضْثْ نّسْ، ثهْوَا غَارْ ڒْعُونْصَارْ ؤُشَا ثُويمْ-د أَمَانْ. نِّيغْ أَسْ: ’تّْزَاوْڭغْ شمْ أَذْ أَيِي ثوْشذْ أَذْ سْوغْ!‘
GEN 24:46 ذغْيَا ثسّهْوَا أَقْبُوشْ نّسْ، ثنَّا: ’سُو ؤُ نشّْ أَذْ سّسْوغْ عَاوذْ إِڒغْمَانْ نّشْ!‘ سْوِيغْ ؤُشَا نتَّاثْ ثوْشَا عَاوذْ إِ إِڒغْمَانْ أَذْ سْونْ.
GEN 24:47 سّقْسِيغْ ت، نِّيغْ: ’ؤُمِي ثڭِّيذْ ذ يدْجِيسْ؟‘ نتَّاثْ ثَارَّا: ’[نشّْ ذ] يدْجِيسْ ن بِيثُووِيلْ، مِّيسْ ن نَاحُورْ ونِّي ذ أَسْ د-يُورْونْ مِيلْكَا.‘ [خنِّي] ڭِّيغْ أَسْ ثَاخَاذنْثْ ذِي ثِينْزَارْثْ نّسْ ذ ثْمقْيَاسِينْ ذڭْ إِفَاسّنْ نّسْ.
GEN 24:48 [خَاسْ ؤُشَا] ؤُضَارغْ، بنْذْقغْ إِ سِيذِي ؤُشَا بَارْكغْ سِيذِي، أَربِّي ن سِيذِي إِنُو إِبْرَاهِيمْ، ونِّي ذ أَيِي إِنذْهنْ نِيشَانْ ذڭْ وبْرِيذْ، حِيمَا أَذْ د-أَوْيغْ إِدْجِيسْ ن ؤُمَاسْ ن سِيذِي إِنُو ذ ثمْغَارْثْ إِ مِّيسْ.
GEN 24:49 [خنِّي] ڒخُّو، مَاڒَا كنِّيوْ ثخْسمْ أَذْ ثسّشْنمْ ثَامخْسِيوْثْ إِشوَّارنْ ذ ڒَامَانْ إِ سِيذِي إِنُو، إِنِي أَيِي ث، مَاڒَا لَّا، إِنِي أَيِي ث [عَاوذْ]، [خنِّي] أَذْ كّغْ يفُوسْ نِيغْ ؤُزڒْمَاضْ.“
GEN 24:50 [خنِّي] لَابَانْ ذ بِيثُووِيلْ أَرِّينْ-د، نَّانْ: ”زِي سِيذِي إِ د-إِفّغْ ؤُيَا، وَارْ نْزمَّارْ أَذْ ذَايكْ نِينِي ڒْغَارْ نِيغْ ڒْخَارْ.
GEN 24:51 خْزَارْ، رِيفْقَا قِيبَاتْشْ نّشْ، كْسِي [ت] ؤُشَا ثْرُوحذْ. أَذْ ثِيڒِي نتَّاثْ ذ ثَامْغَارْثْ ن مِّيسْ ن سِيذِي نّشْ، أَمْ مَامّشْ إِنَّا سِيذِي!“
GEN 24:52 ؤُمِي إِسْڒَا ؤُمْسخَّارْ ن إِبْرَاهِيمْ أَوَاڒنْ نْسنْ، إِبنْذقْ غَارْ ثمُّورْثْ زَّاثْ إِ سِيذِي.
GEN 24:53 ؤُشَا إِسُّوفّغْ-د ؤُمْسخَّارْ ڒقْشُوعْ ن نُّوقَارْثْ ذ ڒقْشُوعْ ن وُورغْ ذ وَارُّوضنْ، إِوْشَا إِ-ثنْ إِ رِيفْقَا. عَاوذْ إِوْشَا ثِيرْزِيفِينْ إِغْڒَانْ إِ ؤُمَاسْ ذ يمَّاسْ.
GEN 24:54 شِّينْ، سْوِينْ، نتَّا ذ يرْيَازنْ إِنِّي كِيسْ د-يُوسِينْ. سّنْسنْ [ذِينْ] ؤُشَا فَاقنْ غَارْ ضّْبحْ. [خنِّي] إِنَّا: ”سَامْحمْ أَيِي أَذْ رَاحغْ [ڒخُّو] غَارْ سِيذِي إِنُو!“
GEN 24:55 أَرِّينْ-د ؤُمَاسْ ذ يمَّاسْ: ”أجّْ ثَابْڒِيغْثْ أَكِيذْنغْ وَاخَّا مْغِيرْعشْرَا ن وُوسَّانْ، أَوَارْنِي أَسْ أَذْ ثُويُورذْ.“
GEN 24:56 مَاشَا نتَّا إِنَّا أَسنْ: ”وَارْ ذَايِي ثطِّيفمْ عَاذْ ؤُمِي سِيذِي إِسّهْونْ أَبْرِيذْ إِنُو! مْغِيرْ أجّْ أَيِي أَذْ رَاحغْ غَارْ سِيذِي إِنُو.“
GEN 24:57 نِيثْنِي أَرِّينْ-د ڒخْذنِّي: ”أجّْ أَنغْ أَذْ نْڒَاغَا إِ ثبْڒِيغْثْ، أَذْ نْسڒْ [إِ مِينْ غَا ثِينِي] زڭْ ؤُقمُّومْ نّسْ.“
GEN 24:58 ڒَاغَانْ إِ رِيفْقَا ؤُشَا نَّانْ أَسْ: ”مَا أَذْ ثْرَاحذْ شمْ أَكْ-ذ ورْيَازْ-أَ؟“ ؤُشَا نتَّاثْ ثَارَّا-د: ”وَاهْ، أَذْ رَاحغْ.“
GEN 24:59 [خنِّي] سّْقبّْضنْ نِيثْنِي رِيفْقَا، ؤُتْشْمَاثْسنْ، أَكْ-ذ ثْمطَّاضْثْ نّسْ، ؤُشَا [سّْقبّْضنْ] عَاوذْ أَمْسخَّارْ ن إِبْرَاهِيمْ ذ إِرْيَازنْ نّسْ.
GEN 24:60 ؤُشَا بَارْكنْ رِيفْقَا، نَّانْ أَسْ: ”[أَ] ؤُتْشْمَاثْنغْ، أَذْ ثَاوْضذْ أَذْ ثمْغَارذْ ذ ڒُوڒُوفْ نعشْرَا ن ڒُوڒُوفْ ؤُشَا زَّارِيعثْ نّمْ أَذْ ثطّفْ ثَاوَّارْثْ ن يِينِّي ت إِشَارّْهنْ!“
GEN 24:61 ثكَّارْ رِيفْقَا ذ ثمْسخَّارِينْ نّسْ ثِيمژْيَانِينْ، نْيِينْثْ خْ إِڒغْمَانْ، ضْفَارنْثْ أَرْيَازْ. [أَمُّو] إِ د-يِيوِي ؤُمْسخَّارْ رِيفْقَا ؤُشَا إِرُوحْ.
GEN 24:62 أَقَا إِفّغْ-د إِسْحَاقْ زڭْ وَانُو ن لَاحَايْ-رُوئِي. ثُوغَا إِزدّغْ ذِي ثمُّورْثْ ن لْجَانُوبْ.
GEN 24:63 إِفّغْ-د إِسْحَاقْ مَاحنْذْ أَذْ إِژَّادْجْ ذڭْ إِيَّارْ. ثُوغَا-ت غَارْ ؤُوطُّو ن ثْمذِّيثْ. نتَّا إِسّْڭعّذْ ثَامُوغْڒِي نّسْ، إِقْشعْ، ؤُ خْزَارْ، إِڒغْمَانْ تّْقَارَّابنْ-د!
GEN 24:64 رِيفْقَا عَاوذْ ثسّْڭعّذْ ثِيطَّاوِينْ نّسْ، ثژْرَا إِسْحَاقْ. نتَّاثْ ثجَّا إِخفْ نّسْ أَذْ ثْضَارْ ذغْيَا خْ وڒْغمْ
GEN 24:65 ؤُشَا ثنَّا إِ ؤُمْسخَّارْ: ”مِينْ إِعْنَا ورْيَازْ نِّي د-يُوسِينْ ذڭْ إِيَّارْ غَارْنغْ؟“ ؤُشَا إِنَّا ؤُمْسخَّارْ: ”وَا ذ سِيذِي إِنُو!“ خنِّي ثكْسِي ثَاكنْبُوشْثْ ؤُشَا ثْڒحّفْ.
GEN 24:66 ؤُشَا إِعَاوذْ ؤُمْسخَّارْ إِ إِسْحَاقْ مَارَّا مِينْ إِڭَّا.
GEN 24:67 إِڭوّذْ إِ-ت إِسْحَاقْ غَارْ ؤُقِيضُونْ ن يمَّاسْ سَارَا، يِيوِي رِيفْقَا ؤُشَا نتَّاثْ ثذْوڒْ ذ ثَامْغَارْثْ نّسْ ؤُ نتَّا ثُوغَا إِتّخْسْ إِ-ت. أَمُّو إِ إِفوّجْ إِسْحَاقْ أَوَارْنِي [ڒْْموْثْ] ن يمَّاسْ.
GEN 25:1 إِكْسِي إِبْرَاهِيمْ ثَامْغَارْثْ نّغْنِي، قَّارنْ أَسْ قَاثُورَا.
GEN 25:2 نتَّا ثُورُووْ أَسْ-د زِيمْرَانْ، يَاقْشَانْ، مِيذْيَانْ، يِيشْبَاقْ ذ شُوحَا.
GEN 25:3 يُوقْشَانْ إِجَّا-د شَابَا ذ ذَاذَانْ. ؤُشَا أَرَّاونْ ن ذَاذَانْ ثُوغَا أَثنْ ذ إِشُّورِييّنْ ذ إِلِيثُوشِييّنْ ذ إِلِييُومِييّنْ.
GEN 25:4 إِحنْجِيرنْ ن مِيذْيَانْ [ثُوغَا أَثنْ ذ] عِييْفَا، عِيفَارْ، حَانُوخْ، أَبِيذَاعْ ذ أَلْذَاعَا. مَارَّا إِنَا [ثُوغَا أَثنْ ذ] إِحنْجِيرنْ ن قَاطُورَا.
GEN 25:5 إِبْرَاهِيمْ إِوْشَا مَارَّا مِينْ غَارسْ إِ إِسْحَاقْ.
GEN 25:6 مَاشَا إِ إِحنْجِيرنْ ن ثِييَّا إِ ثُوغَا غَارْ إِبْرَاهِيمْ، إِوْشَا أَسنْ إِبْرَاهِيمْ أَرِّيغَالُوثْ ؤُشَا، أَمْ ث ثُوغَا [عَاذْ] إِدَّارْ، إِسّكّْ إِ-ثنْ سّنِّي غَارْ شَّارْقْ، غَارْ ثمُّورْثْ ن شَّارْقْ، إِسِّيڭّْوجْ إِ-ثنْ خْ إِسْحَاقْ مِّيسْ.
GEN 25:7 إِبْرَاهِيمْ ثُوغَا إِدَّارْ مْيَا ؤُ-خمْسَا ؤُ-سبْعِينْ ن إِسڭّْوُوسَا، وَا ذ ڒْمِيجَاڒْ ن ثُوذَارْثْ نّسْ.
GEN 25:8 إِضْڒقْ إِبْرَاهِيمْ إِ بُوحْبڒْ نّسْ ؤُشَا إِمُّوثْ ذِي شِّيبْ إِسڭّذْ، ذِي ثوْسَارْ ذ ثْيَاوَانْثْ. ؤُشَا إِمَّارْنِي غَارْ ڒْڭنْسْ نّسْ.
GEN 25:9 إِسْحَاقْ ذ إِسْمَاعِيلْ، إِحنْجِيرنْ نّسْ، نضْڒنْ ث ذڭْ إِفْرِي ن مَاكْفِيلَا ذڭْ إِيَّارْ ن عِيفْرُونْ، مِّيسْ ن صُوحَارْ، أَحِيتِّي، [إِيَّارْ] إِ إِدْجَانْ قِيبَاتْشْ إِ مَامْرِي.
GEN 25:10 إِتّْوَانْضڒْ إِبْرَاهِيمْ ذ ثمْغَارْثْ نّسْ سَارَا ذڭْ إِيَّارْ نِّي إِسْغَا إِبْرَاهِيمْ زِي ثَارْوَا ن حِيثْ.
GEN 25:11 أَوَارْنِي إِ ڒْموْثْ ن إِبْرَاهِيمْ إِبَاركْ أَربِّي مِّيسْ إِسْحَاقْ. ؤُشَا إِزْذغْ إِسْحَاقْ زَّاثْ إِ وَانُو ن لَاحَايْ-رُوئِي.
GEN 25:12 إِنَا ذ إِمزْرُوينْ ن يِينِّي د-إِتّْوَاخڒْقنْ زِي إِسْمَاعِيلْ، مِّيسْ ن إِبْرَاهِيمْ، إِنِّي د-ثجَّا هَاجَارْ، ثَايَّا ن سَارَا زِي مِيصْرَا، إِ إِبْرَاهِيمْ.
GEN 25:13 ذ يِينَا ذ إِسْمَاونْ ن إِحنْجِيرنْ ن إِسْمَاعِيلْ، س إِسْمَاونْ نْسنْ عْلَاحْسَابْ أَخْڒَاقْ نْسنْ. أَمنْزُو ن إِسْمَاعِيلْ [ثُوغَا-ث ذ] نَابَايُوثْ، [خنِّي] قِيذَارْ، أَذْبِييِيلْ، مِيبْسَامْ،
GEN 25:14 مِيسْمَا، ذُومَا، مَاسَّا،
GEN 25:15 حَاذَارْ، ثَايْمَا، يَاطُورْ، نَافِيشْ ذ قِيذْمَا.
GEN 25:16 ذ يِينَا ذ إِحنْجِيرنْ ن إِسْمَاعِيلْ س إِسْمَاونْ نْسنْ، س ذْشُورَاثْ نْسنْ ذ ڒْمَارَاڭحْ نْسنْ: ثنْعَاشْ ن ڒْحُوكَّامْ س ڒَادْجَاثْ نْسنْ.
GEN 25:17 ثُوغَا إِدَّارْ إِسْمَاعِيلْ مْيَا ؤُ-سبْعَا ؤُ-ثْڒَاثِينْ ن إِسڭّْوُوسَا. [خنِّي] إِضْڒقْ إِسْمَاعِيلْ إِ بُوحْبڒْ نّسْ، إِمُّوثْ ؤُشَا إِمَّارْنِي غَارْ ڒْڭنْسْ نّسْ.
GEN 25:18 نِيثْنِي زدّْغنْ زِي حَاوِيلَا غَارْ شُورْ، ونِّي إِدْجَانْ أَرنْذَاذْ ن مِيصْرَا، أَمْ ثطّْفذْ أَبْرِيذْ غَارْ أَشُّورْ. نتَّا إِزْذغْ أَرنْذَاذْ ن مَارَّا أَيْثْمَاسْ. إِنَا ذ إِمزْرُوينْ ن يِينِّي د-إِتّْوَاخڒْقنْ زِي إِسْحَاقْ، مِّيسْ ن إِبْرَاهِيمْ.
GEN 25:19 إِبْرَاهِيمْ إِجَّا-د إِسْحَاقْ.
GEN 25:20 ثُوغَا غَارْ إِسْحَاقْ أَربْعِينْ ن إِسڭّْوُوسَا ؤُمِي يِيوِي رِيفْقَا ذ ثَامْغَارْثْ. نتَّاثْ ذ يدْجِيسْ ن بِيثُووِيلْ، أَرَامِييُو زِي فَادَّانْ-أَرَامْ، ؤُتْشْمَاسْ ن لَابَانْ، أَرَامِييُو.
GEN 25:21 إِحشّمْ إِسْحَاقْ سِيذِي ذِي طّْوعْ ن ثمْغَارْثْ نّسْ، ثنِّي ثُوغَا وَارْ إِتِّيرْونْ شَا، ؤُشَا إِسْثَاجبْ أَسْ سِيذِي س ثْژَادْجِيثْ نّسْ يُودْجْغنْ، أَڒَامِي ثكْسِي ثمْغَارْثْ نّسْ، رِيفْقَا، دّيْسثْ.
GEN 25:22 ؤُشَا مّْذحْسنْ إِحنْجِيرنْ ذڭْ ؤُعذِّيسْ نّسْ. [خنِّي] ثنَّا: ”مَانَاوْيَا [عَاوذْ]، مَايمِّي ذ أَيِي إِتّمْسَارْ مَانْ أَيَا؟“، ؤُشَا ثْرُوحْ أَذْ ثسّقْسَا سِيذِي.
GEN 25:23 إِنَّا أَسْ سِيذِي: ”أَقَا ذِينْ ثْنَاينْ ن ڒڭْنُوسْ ذِي دّيْسثْ نّمْ ؤُ ثْنَاينْ ن شُّوعُوبْ أَذْ مّْسبْضَانْ زِي ذْوَاخڒْ نّمْ. إِجّْ ن شّعْبْ أَذْ يِيڒِي إِجْهذْ خْ شّعْبْ نّغْنِي ؤُ ونِّي ذ أَمنْزُو أَذْ إِخْذمْ إِ ؤُمَاژُوژْ.“
GEN 25:24 أَڒَامِي د-إِوْضنْ وُوسَّانْ نّسْ أَذْ ثَارُو، خْزَارْ، أَقَا ذَا ذڭْ ؤُعذِّيسْ نّسْ أَشْنِيونْ.
GEN 25:25 إِفّغْ-د ؤُمزْوَارْ. ثُوغَا-ث ذ أَزڭّْوَاغْ، إِشعَّارْ قَاعْ أَمْ يِيشْثْ ن ثْهِيضُورْثْ. س ؤُينِّي ڭِّينْ أَسْ عِيسُو.
GEN 25:26 أَوَارْنِي أَسْ إِفّغْ-د ؤُمَاسْ. إِطّفْ أَفُوسْ نّسْ ذڭْ ؤُنِيرْزْ ن عِيسُو. س ؤُيَا سمَّانْ ث س يِيسمْ يَاعْقُوبْ. ثُوغَا غَارْ إِسْحَاقْ ستِّينْ ن إِسڭّْوُوسَا غَارْ وخْڒَاقْ نْسنْ.
GEN 25:27 [ڒَْامِي] ڭْمَانْ إِحنْجِيرنْ، إِذْوڒْ عِيسُو ذ إِجّْ ن ورْيَازْ إِسّنْ أَنيْمَارْ، إِجّْ ن ورْيَازْ ن بَارَّا، مَاشَا يَاعْقُوبْ إِذْوڒْ ذ إِجّْ ن ورْيَازْ يَارْسَا، ونِّي إِزدّْغنْ ذڭْ إِقِيضَانْ.
GEN 25:28 إِسْحَاقْ ثُوغَا إِتّخْسْ عِيسُو، مِينْزِي إِعْجبْ أَسْ أَذْ يشّْ أَيْسُومْ ن ڒْمَاڒْ ن ڒخْڒَا، ؤُ رِيفْقَا ثُوغَا ثتّخْسْ يَاعْقُوبْ.
GEN 25:29 ؤُشَا إِسّْننِّي يَاعْقُوبْ إِشْثْ ن مَاشَّا، ؤُمِي د-إِعْقبْ عِيسُو زِي ڒخْڒَا، يُوحڒْ.
GEN 25:30 إِنَّا عِيسُو إِ يَاعْقُوبْ: ”تّْزَاوْڭغْ شكْ أَذْ أَيِي ثوْشذْ أَذْ شّغْ زڭْ ؤُزڭّْوَاغْ، أَزڭّْوَاغْ نِّي ذِيهَا، مَاغَارْ أَقَا فْنِيغْ [س ؤُفَاذِي].“ خْ ؤُيَا قَّارنْ أَسْ ’إِذُومْ‘.
GEN 25:31 [ڒخْذنِّي] إِنَّا يَاعْقُوبْ: ”زنْزْ أَيِي أَسّْ-أَ [ڒْْحقّْ] نّشْ [ن] ؤُمنْزُو.“
GEN 25:32 إِنَّا عِيسُو: ”خْزَارْ، أَقَا نشّْ أَذْ مّْثغْ، مِينْ غَا ڭّغْ س [ڒْْحقّْ ن] ؤُمنْزُو؟“
GEN 25:33 [خنِّي] إِنَّا يَاعْقُوبْ: ”جَادْجْ أَيِي ڒخُّو!“ ؤُشَا إِجُّودْجْ أَسْ، إِزّنْزْ إِ يَاعْقُوبْ [ڒْْحقّْ ن] ؤُمنْزُو نّسْ.
GEN 25:34 [خَاسْ ؤُشَا] إِوْشَا يَاعْقُوبْ إِ عِيسُو أَغْرُومْ ذ ؤُمشْڒِي ن ڒعْذسْ، ؤُ عِيسُو إِشَّا، إِسْوَا، إِكَّارْ، إِرُوحْ. [أَمُّو] إِسّحْقَارْ عِيسُو [ڒْْحقّْ ن] ؤُمنْزُو نّسْ.
GEN 26:1 ثُوغَا إِدْجَا ڒَاژْ ذِي ثمُّورْثْ، إِجّْ ن ڒَاژْ نّغْنِي خْ ؤُمزْوَارْ نِّي ثُوغَا إِدْجَانْ ذڭْ وُوسَّانْ ن إِبْرَاهِيمْ. س ؤُيَا إِرُوحْ إِسْحَاقْ غَارْ أَبِيمَالِيكْ، أَجدْجِيذْ ن إِفِيلِيسْطِينِييّنْ، غَارْ [جّْوَايهْ ن] جِيرَارْ.
GEN 26:2 [ذِينِّي] إِبَانْ أَسْ-د سِيذِي، إِنَّا: ”وَارْ هكّْوِي شَا غَارْ مِيصْرَا. زْذغْ ذِي ثمُّورْثْ إِ ذ أَشْ غَا إِنِيغْ.
GEN 26:3 زْذغْ ذِي ثمُّورْثْ-أَ أَمْ ؤُبَارَّانِي ؤُ نشّْ أَذْ كِيكْ إِڒِيغْ، أَذْ شكْ بَارْكغْ، مِينْزِي إِ شكْ ؤُ إِ زَّارِيعثْ نّشْ ؤُمِي غَا وْشغْ مَارَّا ثِيمُّورَا-يَا ؤُشَا أَذْ كمّْڒغْ ثْجَادْجِيثْ إِ جُّودْجغْ إِ إِبْرَاهِيمْ بَابَاشْ.
GEN 26:4 أَذْ كتَّارغْ زَّارِيعثْ نّشْ أَمْ يِيثْرَانْ ن ؤُجنَّا ؤُشَا أَذْ وْشغْ إِ زَّارِيعثْ نّشْ مَارَّا ثِيمُّورَا-يَا. مَارَّا ڒڭْنُوسْ ن دُّونشْثْ أَذْ تّْوَابَارْكنْ ذِي زَّارِيعثْ نّشْ،
GEN 26:5 مِينْزِي إِسْڒَا إِبْرَاهِيمْ إِ وَاوَاڒْ إِنُو ؤُشَا إِحْضَا مِينْ ذ أَسْ وْشِيغْ مَاحنْذْ أَذْ إِحْضَا: ڒُومُورَاثْ إِنُو، ثِيوصَّا إِنُو ذ إِزرْفَانْ إِنُو.“
GEN 26:6 أَمُّو إِ إِقِّيمْ إِسْحَاقْ إِزدّغْ ذِي جِيرَارْ.
GEN 26:7 [ڒَْامِي] ث سّقْسَانْ إِرْيَازنْ ن ومْشَانْ نِّي خْ ثمْغَارْثْ نّسْ، إِنَّا أَسنْ: ”نتَّاثْ ذ ؤُتْشْمَا!“، مِينْزِي إِڭّْوذْ أَذْ يِينِي: ”ذ ثَامْغَارْثْ إِنُو!“. [مَاغَارْ إِنَّا ذڭْ يِيخفْ نّسْ:] ”مَاڒَا وَارْ نِّيغْ أَمنِّي أَذْ أَيِي نْغنْ إِرْيَازنْ ن ومْشَانْ-أَ ذِي طّْوعْ ن رِيفْقَا، مِينْزِي أَقَا ذَايسْ أَژْرِي.“
GEN 26:8 ڒَامِي ذِينْ إِزْذغْ أَطَّاسْ ن وُوسَّانْ، إِمْسَارْ بلِّي أَبِيمَالِيكْ، أَجدْجِيذْ ن إِفِيلِيسْطِينِييّنْ، إِخْزَارْ-د زِي ڒْكَازِي، إِژْرَا إِسْحَاقْ إِتّْعَاثَابْ رِيفْقَا، ثَامْغَارْثْ نّسْ.
GEN 26:9 ؤُشَا إِڒَاغَا أَبِيمَالِيكْ خْ إِسْحَاقْ، إِنَّا أَسْ: ”خْزَارْ، ثَا س ثِيذتّْ ذ ثَامْغَارْثْ نّشْ! مَامّشْ ثڭِّيذْ ثنِّيذْ أَنغْ ذ ؤُتْشْمَا؟“ إِسْحَاقْ إِنَّا أَسْ: ”س مِينْزِي نِّيغْ [إِ يِيخفْ إِنُو]: ’أَقَا ثِيڒِي أَذْ أَيِي نْغنْ خْ سِّيبّثْ نّسْ.‘ “
GEN 26:10 أَبِيمَالِيكْ إِنَّا: ”مَاغَارْ ذ أَنغْ ثڭِّيذْ أَيَا؟ خْ ذْرُوسْ أَذْ يِيڒِي إِطّصْ شَا ن إِجّْ زِي ڒْڭنْسْ أَكْ-ذ ثمْغَارْثْ نّشْ ؤُشَا أَذْ ثِيڒِي ثڭِّيذْ دّنْبْ خْ يِيڒِي نّغْ.“
GEN 26:11 يُومُورْ أَبِيمَالِيكْ مَارَّا ڒْڭنْسْ، إِنَّا: ”ونِّي إِ غَا إِحَاذَانْ أَرْيَازْ-أَ نِيغْ ثَامْغَارْثْ نّسْ، أَذْ ث نْغنْ نِيشَانْ!“
GEN 26:12 إِزَارْعْ إِسْحَاقْ ذِي ثمُّورْثْ نِّي ؤُشَا إِكْسِي أَسڭّْوَاسْ نِّي مْيَا ن إِمُورنْ ن زّْيَاذَا، [مِينْزِي] إِبَارْكْ إِ-ث سِيذِي.
GEN 26:13 ثمَّارْنِي شّنْعثْ ن ورْيَازْ [نِّي] ؤُشَا نتَّا إِقِّيمْ إِمقَّارْ، أَڒَامِي ثذْوڒْ شّنْعثْ نّسْ ذ ثَامقّْرَانْثْ أَطَّاسْ.
GEN 26:14 ثُوغَا غَارسْ ؤُدْجِي ؤُ غَارسْ [عَاوذْ] إِفُونَاسنْ ذ ثْفُونَاسِينْ ذ وَاطَّاسْ ن إِسمْغَانْ، أَڒَامِي زَّايسْ ؤُسْمنْ إِفِيلِيسْطِينِييّنْ.
GEN 26:15 مَارَّا أَنُوثنْ نِّي غْزَانْ إِمْسخَّارنْ ذڭْ وُوسَّانْ ن إِبْرَاهِيمْ بَابَاسْ، نثْينْ ثنْ إِفِيلِيسْطِينِييّنْ ؤُشَا شُّورنْ ثنْ س ؤُشَاڒْ.
GEN 26:16 [خنِّي] إِنَّا أَبِيمَالِيكْ إِ إِسْحَاقْ: ”بعّذْ خَانغْ، مِينْزِي ثْذوْڒذْ ثْجهْذذْ خَانغْ س وَاطَّاسْ.“
GEN 26:17 إِسْحَاقْ إِرُوحْ سّنِّي، إِوْثَا إِقِيضَانْ نّسْ ذِي ثغْزُورْثْ ن جِيرَارْ ؤُشَا إِزْذغْ ذِينِّي.
GEN 26:18 ؤُشَا إِذْوڒْ إِسْحَاقْ إِغْزَا أَنُوثنْ ن وَامَانْ إِنِّي ثُوغَا غْزِينْ ذڭْ وُوسَّانْ ن إِبْرَاهِيمْ بَابَاسْ، إِنِّي نثْينْ إِفِيلِيسْطِينِييّنْ أَوَارْنِي إِ ڒْموْثْ ن إِبْرَاهِيمْ. إِسمَّا ثنْ س إِسْمَاونْ إِنِّي ذ أَسنْ إِڒَاغَا بَابَاسْ.
GEN 26:19 ؤُشَا إِمْسخَّارنْ ن إِسْحَاقْ غْزَانْ ذِي ثغْزُورْثْ نِّي ؤُشَا ؤُفِينْ ذِينْ ڒْعُونْصَارْ ن وَامَانْ دَّارنْ.
GEN 26:20 [خنِّي] قَاشْحنْ إِمكْسَاونْ ن جِيرَارْ أَكْ-ذ إِمكْسَاونْ ن إِسْحَاقْ، نَّانْ: ”أَمَانْ نّغْ!“ [س ؤُينِّي] ڒَاغَانْ إِسمْ ن ڒْعُونْصَارْ نِّي ’عِيسِيقْ‘، مِينْزِي ثُوغَا تّْقَاشَاحنْ خَاسْ.
GEN 26:21 [خنِّي] غْزَانْ إِجّْ ن ڒْعُونْصَارْ نّغْنِي ؤُشَا مّنّْغنْ خَاسْ عَاوذْ. [س ؤُينِّي] ذ أَسْ إِڭَّا إِسمْ ن ’سِيثْنَا‘.
GEN 26:22 ؤُشَا إِبعّذْ سّنِّي، إِغْزَا إِجّْ ن ڒْعُونْصَارْ نّغْنِي، وَارْ خَاسْ قِيشْحنْ شَا ؤُشَا ڭِّينْ أَسْ إِسمْ نّسْ ’رِيحُوبُوثْ‘، إِنَّا: ”ڒخُّو سِيذِي إِوْشَا أَنغْ تَّاسِيعْ ؤُشَا أَذْ غَارْنغْ ثِيڒِي ڒْغِيدْجثْ ذِي ثمُّورْثْ.“
GEN 26:23 ؤُشَا إِڭعّذْ سّنِّي غَارْ بِئرْ-سبْعَا.
GEN 26:24 إِبَانْ أَسْ-د سِيذِي ذِي دْجِيرثْ نِّي، إِنَّا أَسْ: ”نشّْ ذ أَربِّي ن إِبْرَاهِيمْ بَابَاشْ! وَارْ تّڭّْوذْ شَا، أَقَا نشّْ أَكِيذكْ ؤُ نشّْ أَذْ شكْ بَارْكغْ، أَذْ كتَّارغْ زَّارِيعثْ نّشْ ذِي طّْوعْ ن ؤُمْسخَّارْ إِنُو إِبْرَاهِيمْ.“
GEN 26:25 [خنِّي] إِبْنَا ذِينْ إِجّْ ن ؤُعَالْطَارْ [مِينْ خفْ إِڭَّا ثَاغَارْصْثْ]، ؤُشَا إِڒَاغَا إِسمْ ن سِيذِي. إِوْثَا ذِينْ أَقِيضُونْ نّسْ ؤُشَا غْزِينْ ذِينْ إِمْسخَّارنْ ن إِسْحَاقْ إِجّْ ن وَانُو.
GEN 26:26 أَبِيمَالِيكْ يُوسَا-د غَارسْ زِي جِيرَارْ، أَكْ-ذ أَحُوزَّاثْ، أَمدُّوكّڒْ نّسْ، ذ فِيكُولْ، أَكُومَانْذَارْ ن ڒْعسْكَارْ نّسْ.
GEN 26:27 إِنَّا أَسنْ إِسْحَاقْ: ”مَاغَارْ غَارِي د-ثُوسِيمْ، وَاخَّا كنِّيوْ ثْشَارّْهمْ أَيِي ؤُشَا ثسُّوفّْغمْ أَيِي خَاومْ؟“
GEN 26:28 نِيثْنِي نَّانْ: ”أَقَا نژْرَا بلِّي سِيذِي أَكِيذكْ. س ؤُيَا ننَّا، أَذْ ذِينْ ثِيڒِي ڒخُّو إِشْثْ ن ثْجَادْجِيثْ جَارَانغْ، جَارَانغْ ذ شكْ، ؤُشَا أجّْ أَنغْ أَذْ كِيكْ نڭّْ إِجّْ ن ڒْعَاهْذْ،
GEN 26:29 حِيمَا شكْ وَارْ ذ أَنغْ ثتّڭّذْ ڒْغَارْ، أَمْ مَامّشْ ؤُڒَا ذ نشِّينْ وَارْ شكْ نْحِيذِي شَا ؤُشَا أَقَا نمْصُورّفْ أَكِيذكْ مْلِيحْ ؤُشَا نسّكّْ إِ شكْ ذِي ڒَامَانْ. أَقَا شكْ ڒخُّو ذ أَمِيمُونْ ن سِيذِي!“
GEN 26:30 [خنِّي] إِڭَّا أَسنْ إِشْثْ ن زَّارْذثْ ؤُشَا شِّينْ، سْوِينْ.
GEN 26:31 كَّارنْ زِيشْ ؤُشَا جُّودْجنْ إِجّنْ إِ ونّغْنِي. خَاسْ ؤُشَا إِسّْقبّضْ إِ-ثنْ إِسْحَاقْ ؤُشَا رُوحنْ نِيثْنِي زِي غَارسْ ذِي ڒهْنَا.
GEN 26:32 ذڭْ وَاسّْ نِّي ذ إِجّْ ؤُسِينْ-د إِمْسخَّارنْ ن إِسْحَاقْ، خبَّارنْ ث خْ وَانُو إِ إِغْزَانْ ؤُشَا نَّانْ أَسْ: ”ذ أَمَانْ إِ نُوفَا.“
GEN 26:33 إِسمَّا [أَنُو-يَا] سبْعَا. خْ ؤُيَا إِ إِدْجَا يِيسمْ ن ثنْذِينْثْ نِّي بِئرْ-سبْعَا، أَڒْ أَسّْ-أَ.
GEN 26:34 ؤُمِي ثُوغَا غَارْ عِيسُو أَربْعِينْ ن إِسڭّْوُوسَا، يِيوِي يُوذِيثْ، يدْجِيسْ ن بِيرِي، أَحِيتِّي، ذ ثَامْغَارْثْ، ؤُڒَا ذ بَاسْمَاثْ، يدْجِيسْ ن إِلُونْ، أَحِيتِّي.
GEN 26:35 ثُوغَا أَثنْثْ ذ ثَارْزُوڭِي ن وُوڒْ إِ إِسْحَاقْ ذ رِيفْقَا.
GEN 27:1 ڒَامِي إِذْوڒْ إِسْحَاقْ ذ أَوسَّارْ ؤُ ثِيطَّاوِينْ نّسْعمْشنْثْ أَڒَامِي عْڒَاحَاڒْ وَارْ إِتّْوِيڒِي، إِڒَاغَا عِيسُو، مِّيسْ أَمنْزُو، إِنَّا أَسْ: ”مِّي!“ ؤُشَا نتَّا إِنَّا أَسْ: ”أَقَا أَيِي ذَا!“
GEN 27:2 ؤُشَا إِنَّا: ”أَقَا نشّْ وْسَارغْ، وَارْ سِّينغْ أَسّْ إِ ذِي غَا مّْثغْ.
GEN 27:3 ڒخُّو، كْسِي ڒسْنَاحْ نّشْ ذ وقْرَابْ نّشْ ن فْڒِيثْشَاثْ ذ ڒْقوْسْ نّشْ، ثفّْغذْ غَارْ ڒخْڒَا ؤُشَا ڭْمَارْ أَيِي-د ثَايْمَارْثْ إِ مَاشَّا.
GEN 27:4 سوْجذْ أَيِي-د إِشْثْ ن مَاشَّا إِشْنَانْ إِ ذ أَيِي غَا إِعجْبنْ ؤُشَا ثوْشذْ أَيِي ت-إِ-د، أَذْ ت شّغْ، حِيمَا أَذْ شكْ بَارْكغْ قْبڒْ مَا أَذْ مّْثغْ.“
GEN 27:5 رِيفْقَا ثُوغَا ثسْڒَا ؤُمِي إِسِّيوڒْ إِسْحَاقْ أَكْ-ذ مِّيسْ عِيسُو. ؤُشَا إِرُوحْ عِيسُو غَارْ ڒخْڒَا حِيمَا أَذْ إِيْمَارْ ثِيميْرَا، مَاحنْذْ أَذْ ت-إِ-د-يَاوِي.
GEN 27:6 [خنِّي] ثسِّيوڒْ رِيفْقَا أَكْ-ذ يَاعْقُوبْ مِّيسْ، ثنَّا أَسْ: ”خْزَارْ، نشّْ سْڒِيغْ بَابَاشْ إِسَّاوَاڒْ أَكْ-ذ عِيسُو ؤُمَاشْ، إِنَّا [أَسْ]:
GEN 27:7 ’أَوِي أَيِي-د إِشْثْ ن ثيْمَارْثْ ؤُشَا سوْجذْ أَيِي إِشْثْ ن مَاشَّا لمْلِيحْ، مَاحنْذْ أَذْ ت شّغْ، حِيمَا نشّْ أَذْ أَشْ بَارْكغْ قِيبَاتْشْ إِ وُوذمْ ن سِيذِي قْبڒْ إِ غَا مّْثغْ.‘
GEN 27:8 ڒخُّو، مِّي، سڒْ-د غَارِي مِينْ زِي شكْ غَا ؤُمُورغْ.
GEN 27:9 ڒُْوهْ غَارْ ثْحِيمَارْثْ ؤُشَا أَوِي أَيِي-د ثْنَاينْ ن إِغَايْضنْ إِمژْيَاننْ زڭْ إِغَايْضنْ. نشّْ أَذْ زَّايْسنْ سّْوجْذغْ إِشْثْ ن مَاشَّا إِشْنَانْ إِ بَابَاشْ، أَمْ مَامّشْ ذ أَسْ إِتَّاعْجِيبْ
GEN 27:10 ؤُ إِتّْخصَّا شكْ أَذْ ث ثَاوْيذْ إِ بَابَاشْ، أَذْ يشّْ، حِيمَا أَذْ شكْ إِبَاركْ قْبڒْ ڒْموْثْ نّسْ.“
GEN 27:11 [خنِّي] إِنَّا يَاعْقُوبْ إِ رِيفْقَا، يمَّاسْ: ”خْزَارْ، عِيسُو ؤُمَا ذ أَرْيَازْ بُو-شْعَارْ ؤُ نشّْ ذ أَرْيَازْ ذ أَڒقَّاغْ.
GEN 27:12 بَالَاكْ أَذْ أَيِي إِحَاذَا بَابَا ؤُشَا أَذْ إِڒِيغْ أَمشْنَاوْ أَغشَّاشْ ذِي ثِيطَّاوِينْ نّسْ. [خنِّي] أَذْ كْسِيغْ إِشْثْ ن نّعْڒثْ خَافِي، وَارْ كسِّيغْ لْبَارَاكَا.“
GEN 27:13 يمَّاسْ ثنَّا أَسْ: ”نّعْڒثْ نّشْ أَذْ ثِيڒِي خَافِي، أَ مِّي! طَاعْ إِ وَاوَاڒْ إِنُو وَاهَا، أَوْيِي ثنْ-د غَارِي.“
GEN 27:14 [خنِّي] نتَّا إِرُوحْ، إِكْسِي [ثنْ] ؤُشَا يِيوْيِي [ثنْ] إِ يمَّاسْ. ؤُشَا يمَّاسْ ثڭَّا إِشْثْ ن مَاشَّا إِشْنَانْ أَمْ مَامّشْ ذ أَسْ إِتَّاعْجِيبْ إِ بَابَاسْ.
GEN 27:15 ثكْسِي رِيفْقَا أَرُّوضْ إِفشّْحنْ أَطَّاسْ إِ ثُوغَا غَارسْ ذِي ثَادَّارْثْ زڭْ وَارُّوضْ ن عِيسُو، مِّيسْ أَمنْزُو، ؤُشَا ثَارْضْ [إِ-ث] يَاعْقُوبْ، مِّيسْ أَمَاژُوژْ.
GEN 27:16 ثڭَّا أَسْ إِڒمْ ن إِغَايْضنْ إِمژْيَاننْ زڭْ إِغَايْضنْ خْ إِفَاسّنْ نّسْ ؤُ خْ يِيرِي نّسْ أَڒقَّاغْ.
GEN 27:17 ثوْشَا مَاشَّا-يَا إِشْنَانْ أَكْ-ذ وغْرُومْ نِّي ثنْڭّْوَا ذڭْ إِفَاسّنْ ن مِّيسْ يَاعْقُوبْ.
GEN 27:18 نتَّا يُوسَا-د غَارْ بَابَاسْ، إِنَّا: ”[أَ] بَابَا!“ نتَّا إِنَّا: ”أَقَا أَيِي ذَا! مِينْ ثعْنِيذْ شكْ، [أَ] مِّي؟“
GEN 27:19 إِنَّا يَاعْقُوبْ إِ بَابَاسْ: ”نشّْ ذ عِيسُو، أَمنْزُو نّشْ. ڭِّيغْ مِينْ ذ أَيِي ثنِّيذْ. كَّارْ ڒخُّو، قِّيمْ، أشّْ زِي ثْميْرَا إِنُو، حِيمَا أَذْ أَيِي إِبَاركْ ڒعْمَارْ نّشْ.“
GEN 27:20 [خنِّي] إِنَّا إِسْحَاقْ إِ مِّيسْ: ”مَامّشْ ثڭِّيذْ ثُوفِيذْ ت ذغْيَا، [أَ] مِّي؟“ إِنَّا: ”مَاغَارْ سِيذِي، أَربِّي نّشْ، إِڭَّا [إِ-ت] ذڭْ وبْرِيذْ إِنُو.“
GEN 27:21 إِسْحَاقْ إِنَّا إِ يَاعْقُوبْ: ”قَارّبْ-د ڒخُّو، حِيمَا أَذْ شكْ حَاذِيغْ، [أَ] مِّي، مَا شكْ ذ مِّي عِيسُو نِيغْ لَّا.“
GEN 27:22 [ڒَْامِي] د-إِقَارّبْ يَاعْقُوبْ غَارْ بَابَاسْ إِسْحَاقْ، إِحَاذَا ث ؤُشَا إِنَّا: ”ثْمِيجَّا ذ ثْمِيجَّا ن يَاعْقُوبْ، [مَاشَا] إِفَاسّنْ ذ إِفَاسّنْ ن عِيسُو.“
GEN 27:23 نتَّا وَارْ ث إِعْقِيڒْ، مِينْزِي إِفَاسّنْ نّسْ ثُوغَا شعَّارنْ أَمشْنَاوْ إِفَاسّنْ ن عِيسُو ؤُشَا إِبَارْكْ إِ-ث.
GEN 27:24 إِنَّا: ”مَا ذ شكْ ذ مِّي عِيسُو؟“ نتَّا إِنَّا: ”ذ نشّْ!“
GEN 27:25 [خنِّي] إِنَّا: ”سْقَارّبْ أَيِي ت-إِ-د زَّاثِي، حِيمَا أَذْ شّغْ زِي ثْميْرَا ن مِّي، حِيمَا نشّْ أَذْ شكْ بَارْكغْ.“ إِسَّارْسْ إِ-ت-إِ-د زَّاثسْ ؤُشَا إِشَّا. يِيوِي أَسْ-د عَاوذْ بِينُو ؤُشَا إِسْوَا.
GEN 27:26 إِنَّا أَسْ بَابَاسْ إِسْحَاقْ: ”قَارّبْ-د غَارِي ڒخُّو، سُوذمْ أَيِي، [أَ] مِّي!“
GEN 27:27 ؤُشَا إِقَارّبْ-د غَارسْ، إِسُّوذمْ إِ-ث. إِشمّْ إِسْحَاقْ أَرِّيحثْ ن وَارُّوضْ نّسْ ؤُشَا إِبَارْكْ إِ-ث، إِنَّا: ”خْزَارْ، ڒفْوَاحثْ ن مِّي أَمْ ڒفْوَاحثْ ن ييَّارْ إِ إِبَاركْ سِيذِي.
GEN 27:28 أَذْ أَشْ إِوْشْ أَربِّي زِي نّْذَا ن ؤُجنَّا ؤُ زِي ڒيْذَامْ ن ثمُّورْثْ ؤُڒَا ذ وَاطَّاسْ ن إِمنْذِي ذ بِينُو ن جْذِيذْ.
GEN 27:29 أَذْ أَشْ خذْمنْ ڒڭْنُوسْ ؤُشَا شُّوعُوبْ أَذْ أَشْ بنْذْقنْ. حْكمْ خْ أَيْثْمَاشْ ؤُ أجّْ إِحنْجِيرنْ ن يمَّاشْ أَذْ أَشْ بنْذْقنْ! إِنِّي شكْ إِ غَا إِنعْڒنْ، أَذْ تّْوَانعْڒنْ، ؤُ إِنِّي شكْ غَا إِبَارْكنْ، أَذْ تّْوَابَارْكنْ.“
GEN 27:30 أَوَارْنِي ڒَامِي إِكمّڒْ إِسْحَاقْ لْبَارَاكَا إِ يَاعْقُوبْ ؤُشَا أَمْ د-إِفّغْ يَاعْقُوبْ [عَاذْ] خْ بَابَاسْ إِسْحَاقْ، إِعْقبْ-د عِيسُو، ؤُمَاسْ، زِي ثيْمَارْثْ نّسْ.
GEN 27:31 إِسّوْجذْ خنِّي إِشْثْ ن مَاشَّا إِشْنَانْ ؤُشَا إِكْسِي ت غَارْ بَابَاسْ، إِنَّا أَسْ: ”تّْزَاوْڭغْ، بَابَا، كَّارْ ثشّذْ زِي ثيْمَارْثْ ن مِّيشْ، [حِيمَا] شكْ أَذْ أَيِي ثْبَارْكذْ.“
GEN 27:32 إِنَّا أَسْ إِسْحَاقْ، بَابَاسْ: ”مِينْ ثعْنِيذْ شكْ؟“ نتَّا إِنَّا: ”نشّْ ذ مِّيشْ، أَمنْزُو نّشْ، عِيسُو.“
GEN 27:33 ؤُشَا إِنّخْڒعْ إِسْحَاقْ، إِنَّا: ”مِينْ إِعْنَا وَانِيثَا إِ د-يُوسِينْ ذَا، إِطّفْ ثَايْمَارْثْ ؤُشَا يِيوِي أَيِي ت-إِ-د؟ شِّيغْ زِي مَارَّا [مَانْ أَيَا] قْبڒْ د-ثُوسِيذْ ؤُشَا نشّْ بَارْكغْ ث ؤُ أَذْ إِتّْوَابَاركْ عَاوذْ.“
GEN 27:34 ؤُمِي إِسْڒَا عِيسُو أَوَاڒنْ ن بَابَاسْ، إِسْغُويْ س يِيجّْ ن ڒعْيَاذْ إِجْهذْ يَارْزڭْ، إِنَّا إِ بَابَاسْ: ”بَاركْ أَيِي ؤُڒَا ذ نشّْ، [أَ] بَابَا!“
GEN 27:35 إِنَّا: ”يُوسَا-د ؤُمَاشْ س ثحْرَايْمشْثْ، إِكْسِي لْبَارَاكَا نّشْ.“
GEN 27:36 [خنِّي] إِنَّا: ”مَا وَارْ إِدْجِي إِسمْ نّسْ س ڒْحقّْ يَاعْقُوبْ؟ أَقَا إِشْمثْ أَيِي ثْنَاينْ ن ثْوَاڒَاوِينْ. إِكْسِي [ڒْحقّْ ن] ؤُمنْزُو إِنُو ؤُشَا أَقَا ڒخُّو إِكْسِي [عَاوذْ] لْبَارَاكَا إِنُو.“ [خنِّي] إِنَّا: ”مَا وَارْ غَاركْ ثقِّيمْ شَا ن لْبَارَاكَا إِ نشّْ؟“
GEN 27:37 [خنِّي] يَارَّا-د إِسْحَاقْ، إِنَّا إِ عِيسُو: ”خْزَارْ، نشّْ ڭِّيغْ ث ذ ڒْحَاكمْ خَاكْ ؤُشَا وْشِيغْ أَسْ أَيْثْمَاسْ ذ إِمْسخَّارنْ، ؤُڒَا س إِمنْذِي ذ بِينُو ن جْذِيذْعوّْڒغْ ث. مِينْ ذِينْ عَاذْ، أَذْ أَشْ وْشغْ ڒخُّو، [أَ] مِّي؟“
GEN 27:38 إِنَّا عِيسُو إِ بَابَاسْ: ”مَا غَاركْ مْغِيرْ لْبَارَاكَا-يَا وَاهَا، [أَ] بَابَا؟ بَاركْ أَيِي عَاوذْ، ؤُڒَا ذ نشّْ، [أَ] بَابَا!“ ؤُشَا إِسّْڭعّذْ عِيسُو ثْمِيجَّا نّسْ، إِسْغُويْ.
GEN 27:39 [خنِّي] يَارَّا-د إِسْحَاقْ خْ بَابَاسْ، إِنَّا أَسْ: ”خْزَارْ، أَذْ ثِيڒِي ثْزذِّيغْثْ نّشْ إِڭّْوجّنْ خْ ڒيْذَامْ ن ثمُّورْثْ ؤُ خْ نّْذَا ن ؤُجنَّا سنّجْ.
GEN 27:40 س سِّيفْ نّشْ إِ غَا ثقِّيمذْ ثدَّارذْ ؤُ أَذْ ثْخذْمذْ إِ ؤُمَاشْ. مَاشَا خْمِي غَا ثقِّيمذْ أَذْ ثنْهزّذْ، أَذْ إِمْسَارْ أَذْ ثَاوْضذْ أَذْ ثكّْسذْ زَايْڒُو نّسْ خْ يِيرِي نّشْ.“
GEN 27:41 ؤُشَا إِشَارْهْ عِيسُو يَاعْقُوبْ ذِي سِّيبّثْ ن لْبَارَاكَا إِ زِي ث إِبَاركْ بَابَاسْ، ؤُشَا إِنَّا عِيسُو ذڭْ وُوڒْ نّسْ: ”أَذْ أَوْضنْ وُوسَّانْ ن ؤُعزِّي ن بَابَا، خنِّي أَذْ نْغغْ ؤُمَا يَاعْقُوبْ.“
GEN 27:42 [ؤُمِي] نَّانْ إِ رِيفْقَا أَوَاڒنْ ن عِيسُو، مِّيسْ أَمنْزُو، ثسّكّْ إِجّنْ أَذْ إِڒَاغَا إِ يَاعْقُوبْ، مِّيسْ أَمَاژُوژْ، ثنَّا أَسْ: ”خْزَارْ، عِيسُو ؤُمَاشْ يَارزُّو مَامّشْ زَّايكْ إِ غَا إِخْڒفْ، نتَّا إِخْسْ أَذْ شكْ إِنغْ.
GEN 27:43 ڒخُّو، [أَ] مِّي، طَاعْ إِ وَاوَاڒْ إِنُو. كَّارْ ؤُشَا ثَاروْڒذْ غَارْ حَارَانْ غَارْ ؤُمَا لَابَانْ.
GEN 27:44 زْذغْ أَكِيذسْ شَا ن وُوسَّانْ أَڒْ غَا يَارْسَا وسْعَارْ ن ؤُمَاشْ.
GEN 27:45 خْمِي غَا إِخْسِي ؤُخيّقْ ن ؤُمَاشْ ؤُشَا أَذْ إِتُّو مِينْ ذ أَسْ ثڭِّيذْ، نشّْ أَذْ سّكّغْ [إِجّنْ]، مَاحنْذْ أَذْ شكْ د-يَاوِي سّنِّي. مَايمِّي إِ زَّايْومْ غَا تّْوَاحَارّْمغْ س ثْنَاينْ إِذْومْ ذڭْ إِجّْ ن وَاسّْ؟“
GEN 27:46 ثنَّا رِيفْقَا إِ إِسْحَاقْ: ”شَارّْهغْ ثُوذَارْثْ إِنُو ذِي سِّيبّثْ ن يسِّيسْ ن حِيثْ. مَاڒَا يَاعْقُوبْ يِيوِي ثَامْغَارْثْ زِي ثبْڒِيغِينْ ن حِيثْ، أَمْ ثْنَاينْ-أَ، زِي ثْحنْجِيرِينْ ن ثمُّورْثْ-أَ، مَانْ لْقِيمَا إِ غَا يِيڒِينْ غَارْ ثُوذَارْثْ إِنُو؟“
GEN 28:1 إِڒَاغَا إِسْحَاقْ إِ يَاعْقُوبْ، إِبَاركْ إِ-ث ؤُشَا إِسّكّْ إِ-ث، إِنَّا أَسْ: ”وَارْ تَّاوِي ثَامْغَارْثْ زِي يسِّيسْ ن كنْعَانْ.
GEN 28:2 كَّارْ، رُوحْ غَارْ فَاذَانْ-أَرَامْ، غَارْ ثَادَّارْثْ ن بِيثُووِيلْ، بَابَاسْ ن يمَّاشْ، ؤُشَا أَوِي-د سّنِّي ثَامْغَارْثْ إِ شكْ زڭْ يسِّيسْ ن لَابَانْ، ؤُمَاسْ ن يمَّاشْ.
GEN 28:3 أَربِّي، أَمْزمَّارْ خْ كُوڒْشِي، أَذْ شكْ إِبَاركْ ؤُ أَذْ أَشْ إِوْشْ ڒْغِيدْجثْ ؤُشَا أَذْ شكْ إِكتَّارْ أَڒْ غَا ثْذوْڒذْ ذ إِجّْ ن وڭْرَاوْ ن ڒڭْنُوسْ.
GEN 28:4 إِڒِي نتَّا أَذْ أَشْ إِوْشْ لْبَارَاكَا ن إِبْرَاهِيمْ، إِ شكْ ؤُ إِ زَّارِيعثْ نّشْ أَكِيذكْ، حِيمَا أَذْ ثْوَارْثذْ ثَامُّورْثْ نِّي ذِي ثْزدّْغذْ أَمْ ؤُبَارَّانِي، ثنِّي إِوْشَا أَربِّي إِ إِبْرَاهِيمْ.“
GEN 28:5 [خنِّي] إِسّكّْ إِسْحَاقْ يَاعْقُوبْ. ؤُشَا نتَّا إِرُوحْ غَارْ فَادَّانْ-أَرَامْ، غَارْ لَابَانْ، مِّيسْ ن بِيثُووِيلْ، أَرَامِييُو، ؤُمَاسْ ن رِيفْقَا، يمَّاسْ ن يَاعْقُوبْ ذ عِيسُو.
GEN 28:6 [ؤُمِي] إِژْرَا عِيسُو بلِّي إِسْحَاقْ إِبَاركْ يَاعْقُوبْ ؤُشَا إِسّكّْ إِ-ث-إِ-د غَارْ فَادَّانْ-أَرَامْ حِيمَا أَذْ يَاوِي إِ يِيخفْ نّسْ ثَامْغَارْثْ سّنِّي، ؤُ ڒَامِي ث إِبَاركْ، يُومُورْ إِ-ث، إِنَّا أَسْ: ”وَارْ كسِّي ثَامْغَارْثْ زڭْ يسِّيسْ ن كنْعَانْ!“،
GEN 28:7 ؤُشَا [إِژْرَا عَاوذْ] بلِّي يَاعْقُوبْ إِطَاعْ بَابَاسْ ذ يمَّاسْ، إِرُوحْ غَارْ فَادَّانْ-أَرَامْ،
GEN 28:8 [خنِّي] إِثْوَاڒَا عِيسُو بلِّي يسِّيسْ ن كنْعَانْ ذ ثِيعفَّانِينْ ذِي ثِيطَّاوِينْ ن بَابَاسْ إِسْحَاقْ.
GEN 28:9 [خنِّي] إِرُوحْ عِيسُو غَارْ إِسْمَاعِيلْ ؤُشَا يِيوِي مَاحَالَاثْ ذ ثَامْغَارْثْ إِ يِيخفْ نّسْ، يَارْنِي ت-إِ-د غَارْ ثمْغَارِينْ نّغْنِي. نتَّاثْ ثُوغَا-ت ذ يدْجِيسْ ن إِسْمَاعِيلْ، مِّيسْ ن إِبْرَاهِيمْ، ؤُتْشْمَاسْ ن نَابَايُوثْ.
GEN 28:10 ؤُشَا إِفّغْ يَاعْقُوبْ زِي بِئرْ-سبْعَا، إِرُوحْ غَارْ حَارَانْ.
GEN 28:11 يِيوضْ غَارْ إِجّْ ن ومْشَانْ مَانِي ينْسَا، مِينْزِي ثُوغَا ثَافُوشْثْ ثغْرِي. إِكْسِي زڭْ يژْرَا ن ومْشَانْ نِّي، إِسَّارْسْ إِ-ثنْ سَاذُو ؤُزدْجِيفْ نّسْ ؤُشَا إِوْضَا إِطّصْ ذڭْ ومْشَانْ نِّي.
GEN 28:12 يُورْجَا، أَقَا إِجّْ ن دّْرُوجْ إِبدّْ خْ ثمُّورْثْ ؤُشَا إِتّْحَاذَا إِخفْ ن دّْرُوجْ أَجنَّا، ؤُ خْزَارْ، لْمَالَاكَاثْ ن أَربِّي تَّاڒْينْثْ هكّْوَانْثْ زَّايسْ.
GEN 28:13 ؤُ خْزَارْ، سِيذِي إِبدّْ خَاسْ، إِنَّا: ”نشّْ ذ سِيذِي، أَربِّي ن بَابَاشْ إِبْرَاهِيمْ، ذ أَربِّي ن إِسْحَاقْ. ثَامُّورْثْ إِ خفْ ثطّْصذْ أَذْ أَشْ ت وْشغْ إِ شكْ ؤُ إِ زَّارِيعثْ نّشْ.
GEN 28:14 أَذْ ثِيڒِي زَّارِيعثْ نّشْ أَمْ ؤُشَاڒْ ن ثمُّورْثْ ؤُشَا أَذْ ثِيرِيوذْ غَارْ ڒْغَارْبْ ذ شَّارْقْ، غَارْ شَّامَالْ ذ لْجَانُوبْ. ذَايكْ ؤُ ذِي زَّارِيعثْ نّشْ أَذْ تّْوَابَارْكنْثْ مَارَّا ڒَادْجَاثْ ن ثمُّورْثْ.
GEN 28:15 أَقَا أَيِي نشّْ أَكِيذكْ ؤُ نشّْ أَذْ شكْ حْضِيغْ قَاعْ مَانِي إِ غَا ثْرَاحذْ، أَذْ شكْ أَرّغْ غَارْ ثمُّورْثْ-أَ، مِينْزِي نشّْ وَارْ شكْ تّجِّيغْ أَڒْ غَا كمّْڒغْ مِينْ ذ أَشْ نِّيغْ.“
GEN 28:16 ڒَامِي د-إِفَاقْ يَاعْقُوبْ زڭْ يِيضصْ نّسْ، إِنَّا: ”س ثِيذتّْ، سِيذِي أَقَا-ث ذڭْ ومْشَانْ-أَ ؤُ نشّْ وَارْ سِّينغْ!“
GEN 28:17 ثُوغَا إِڭّْوذْ أَطَّاسْ، إِنَّا: ”مشْحَاڒْ إِسَّاڭّْوَاذْ ومْشَانْ-أَ! أَقَا ثَا مْغِيرْ ذ ثَادَّارْثْ ن أَربِّي ؤُ ثَانِيثَا ذ ثَاوَّارْثْ ن ؤُجنَّا!“
GEN 28:18 إِكَّارْ يَاعْقُوبْ ؤُشَا إِكْسِي أَژْرُو نِّي ثُوغَا إِسَّارْسْ سَاذُو ؤُزدْجِيفْ نّسْ، إِڭَّا إِ-ث أَمْ يِيجّْ ن وژْرُو ن ڒِيذَارثْ ؤُشَا إِفَارّغْ زّشْثْ خْ ؤُزدْجِيفْ ن وژْرُو.
GEN 28:19 إِڭَّا أَمْشَانْ نِّي بَايْثْ-إِلْ، مَاشَا زڭْ ؤُمزْوَارُو ثُوغَا إِسمْ ن ومْشَانْ نِّي لُوزْ.
GEN 28:20 ؤُشَا إِوَاعْذْ يَاعْقُوبْ، إِنَّا: ”مَاڒَا أَربِّي أَقَا-ث أَكِيذِي ؤُشَا أَذْ أَيِي إِحْضَا ذڭْ وبْرِيذْ إِ غَا ؤُيُورغْ، أَذْ أَيِي إِوْشْ أَغْرُومْ حِيمَا أَذْ شّغْ، ذ وَارُّوضْ حِيمَا أَذْ أَرْضغْ
GEN 28:21 ؤُ مَاڒَا ذوْڒغْ غَارْ ثَادَّارْثْ ن بَابَا ذِي ڒَامَانْ، خنِّي سِيذِي أَذْ يِيڒِي ذ أَربِّي إِ نشّْ.
GEN 28:22 ؤُشْ أَژْرُو-يَا إِ ڭِّيغْ ذ أَژْرُو ن ڒِيذَارثْ، أَذْ يِيڒِي ذ ثَادَّارْثْ ن أَربِّي ؤُ زِي مَارَّا مِينْ ذ أَيِي غَا ثوْشذْ، أَذْ أَشْ وْشغْ ڒعْشُورْ!“
GEN 29:1 إِكْسِي يَاعْقُوبْ ذڭْ إِضَارنْ نّسْ، إِرُوحْ غَارْ ثمُّورْثْ ن أَيْثْ ن شَّارْقْ.
GEN 29:2 إِخْزَارْ ؤُشَا إِژْرَا إِجّْ ن وَانُو ذڭْ إِيَّارْ ؤُ ثُوغَا ذِينْ ثْڒَاثَا ن ثْحِيمْرِيوِينْ ن وُودْجِي جْنِينْثْ زَّاثسْ، مِينْزِي زڭْ وَانُو نِّي وَارّْذنْ نِيثْنِي ثِيحِيمْرِيوِينْ. ثُوغَا ذِينْ إِجّْ ن وژْرُو خْ ؤُقمُّومْ ن وَانُو.
GEN 29:3 سّْمُوننْ ذِينْ مَارَّا ثِيحِيمْرِيوِينْ. [خَاسْ ؤُشَا] كّْسنْ أَژْرُو خْ ؤُقمُّومْ ن وَانُو ؤُشَا وَارْذنْ ؤُدْجِي. [أَوَارْنِي أَسْ] أَرِّينْ أَژْرُو [عَاوذْ] خْ ؤُقمُّومْ ن وَانُو.
GEN 29:4 إِنَّا أَسنْ يَاعْقُوبْ: ”أَيْثْمَا إِنُو، مَانِيسْ كنِّيوْ؟“ نِيثْنِي أَرِّينْ-د: ”زِي حَارَانْ إِ ندْجْ.“
GEN 29:5 نتَّا إِنَّا أَسنْ: ”مَا ثسّْنمْ لَابَانْ، مِّيسْ ن نَاحُورْ؟“ نِيثْنِي أَرِّينْ-د: ”وَاهْ، نسّنْ إِ-ث.“
GEN 29:6 إِنَّا أَسنْ نتَّا: ”مَامّشْ إِدْجَا؟“ أَرِّينْ-د: ”أَقَا-ث مْلِيحْ، أَقَا ذَا يدْجِيسْ رَاحِيلْ ثُوسَا-د أَكْ-ذ وُودْجِي.“
GEN 29:7 إِنَّا أَسْ: ”أَقَا ذَا أَزِيڒْ عَاذْ إِمْغَارْ، وَارْ يدْجِي بُو ڒْوقْثْ حِيمَا أَذْ ننْذهْ ڒبْهَايمْ. وَارْذمْ ؤُدْجِي ؤُشَا رُوحمْ، مَاحنْذْ أَذْ ثنْ ثَاروْسمْ.“
GEN 29:8 نِيثْنِي أَرِّينْ-د: ”وَارْ نْزمَّارْ أَذْ [ث] نڭّْ أَڒْ د غَا مُوننْثْ مَارَّا ثِيحِيمْرِيوِينْ. [خنِّي] أَذْ سّحْڒُودْجْذنْ أَژْرُو خْ ؤُقمُّومْ ن وَانُو، حِيمَا أَذْ نْوَارذْ ؤُدْجِي.“
GEN 29:9 ڒَامِي ثُوغَا [عَاذْ] إِسَّاوَاڒْ أَكِيذْسنْ، ثُوسَا-د رَاحِيلْ س وُودْجِي ن بَابَاسْ، مِينْزِي نتَّاثْ ثُوغَا-ت ذ ثَامكْسَاوْثْ.
GEN 29:10 ڒَامِي إِژْرَا يَاعْقُوبْ رَاحِيلْ، يدْجِيسْ ن لَابَانْ، ؤُمَاسْ ن يمَّاسْ، أَكْ-ذ وُودْجِي ن لَابَانْ، ؤُمَاسْ ن يمَّاسْ، إِخشّْ-د يَاعْقُوبْ ؤُشَا إِسّحْڒُودْجذْ أَژْرُو خْ ؤُقمُّومْ ن وَانُو، إِوَارْذْ ؤُدْجِي ن لَابَانْ، ؤُمَاسْ ن يمَّاسْ.
GEN 29:11 إِسُّوذمْ يَاعْقُوبْ رَاحِيلْ، إِسّْڭعّذْ ثْمِيجَّا نّسْ ؤُشَا إِسْغُويْ.
GEN 29:12 إِنَّا يَاعْقُوبْ إِ رَاحِيلْ أَقَا نتَّا زِي ڒَادْجْ ن بَابَاسْ إِ إِدْجَا، ؤُڒَا ذ مِّيسْ ن رِيفْقَا. ؤُشَا نتَّاثْ ثُوزّڒْ، ثْخبَّارْ بَابَاسْ.
GEN 29:13 ؤُمِي إِسْڒَا لَابَانْ ڒخْبَارْ خْ يَاعْقُوبْ، مِّيسْ ن ؤُتْشْمَاسْ، يُوزّڒْ أَذْ ث إِڒْقَا ؤُشَا إِذَارّعْ أَسْ، إِسُّوذمْ إِ-ث، إِنْذهْ إِ-ث غَارْ ثَادَّارْثْ نّسْ. ؤُشَا نتَّا إِعَاوذْ مَارَّا ثِيمسْڒَايِينْ-أَ إِ لَابَانْ.
GEN 29:14 إِنَّا أَسْ لَابَانْ: ”ذ ثِيذتّْ شكْ ذ إِغسْ إِنُو ذ أَيْسُومْ إِنُو إِ ثدْجِيذْ.“ ؤُشَا إِقِّيمْ غَارسْ ڒْقدّْ ن إِجّْ ن ؤُيُورْ إِكْمڒْ.
GEN 29:15 [ڒخْذنِّي] إِنَّا لَابَانْ إِ يَاعْقُوبْ: ”ؤُمِي شكْ ذ ؤُمَا إِ ثدْجِيذْ، مَا أَذْ غَارِي ثْخذْمذْ بَاطڒْ؟ إِنِي أَيِي مِينْ [إِ غَا ثِيڒِي] ڒْمُونثْ نّشْ؟“
GEN 29:16 لَابَانْ غَارسْ ثْنَاينْ ن يسِّيسْ. إِسمْ ن ثْمنْزُوثْ ذ لِييَا ؤُ إِسمْ ن ثْمَاژُوژْثْ، رَاحِيلْ.
GEN 29:17 ثِيطَّاوِينْ ن لِييَا ثُوغَا كشْعنْثْ، [مَاشَا] رَاحِيلْ ثُوغَا ذَايسْ أَژْڒِي ن وَادُّوذْ ؤُ ن ڒْخزْرَاثْ.
GEN 29:18 يَاعْقُوبْ إِخْسْ رَاحِيلْ. إِنَّا: ”نشّْ أَذْ غَاركْ خذْمغْ سبْعَا ن إِسڭّْوُوسَا خْ رَاحِيلْ يدْجِيسْ ثْمَاژُوژْثْ.“
GEN 29:19 لَابَانْ يَارَّا-د: ”خَارْ أَذْ أَشْ ت وْشغْ إِ شكْ نِيغْ أَذْ ت وْشغْ إِ ورْيَازْ نّغْنِي. قِّيمْ أَكِيذِي.“
GEN 29:20 [أَمُّو] إِ إِخْذمْ يَاعْقُوبْ خْ رَاحِيلْ سبْعَا ن إِسڭّْوُوسَا مَاشَا ضْهَارنْ أَسْ-د [إِسڭّْوُوسَا نِّي] أَمشْنَاوْ شَا ن وُوسَّانْ، مِينْزِي ثُوغَا إِتّخْسْ إِ-ت.
GEN 29:21 إِنَّا يَاعْقُوبْ إِ لَابَانْ: ”أوْشْ أَيِي [ڒخُّو] ثَامْغَارْثْ إِنُو، مِينْزِي أَقَا كمّْڒنْ وُوسَّانْ [ن ڒْمِيجَاڒْ] إِنُو، [أَڒَامِي] خَاسْ إِ غَا يَاذْفغْ.“
GEN 29:22 [خنِّي] إِسّْمُونْ لَابَانْ مَارَّا إِرْيَازنْ ن ومْشَانْ نِّي، إِڭَّا ؤُرَارْ.
GEN 29:23 غَارْ ثْمذِّيثْ إِكْسِي يدْجِيسْ لِييَا ؤُشَا إِسِّيوضْ إِ-ت غَارسْ ؤُشَا يُوذفْ خَاسْ يَاعْقُوبْ.
GEN 29:24 إِوْشَا لَابَانْ ثَايَّا نّسْ زِيلْپَا إِ يدْجِيسْ لِييَا ذ ثَايَّا.
GEN 29:25 ثِيوشَّا نّسْ إِژْرَا [يَاعْقُوبْ] بلِّي ذ لِييَا. خنِّي إِنَّا إِ لَابَانْ: ”مِينْ ذ أَيِي ثڭِّيذْ؟ مَا وَارْ ذ أَشْ خْذِيمغْ خْ رَاحِيلْ؟ مَاغَارْ ذ أَيِي ثْشمْثذْ؟“
GEN 29:26 لَابَانْ إِنَّا: ”وَارْ إِتِّيڒِي ؤُيَا ذِي ثمُّورْثْ نّغْ أَذْ نسِّيزَّارْ ثَامَاژُوژْثْ خْ ثْمنْزُوثْ.
GEN 29:27 كمّڒْ سِّيمَانَا-يَا [ن وُورَارْ] ن ثَا، خنِّي أَذْ أَشْ نوْشْ [عَاوذْ] ثِينْ خْ ڒْخذْمثْ إِ غَا ثڭّذْ سَّا ثْسَاونْثْ أَكِيذِي عَاذْ سبْعَا ن إِسڭّْوُوسَا نّغْنِي.“
GEN 29:28 إِڭَّا يَاعْقُوبْ [أَمنِّي]، إِكمّڒْ سِّيمَانَا-يَا [ن وُورَارْ]. [خنِّي] إِوْشَا أَسْ يدْجِيسْ رَاحِيلْ ذ ثَامْغَارْثْ
GEN 29:29 ؤُشَا إِوْشَا لَابَانْ ثَايَّا نّسْ بِيلْهَا إِ يدْجِيسْ رَاحِيلْ مَاحنْذْ أَذْ ثِيڒِي ذ ثَايَّا نّسْ.
GEN 29:30 يُوذفْ [يَاعْقُوبْ] عَاوذْ خْ رَاحِيلْ ؤُشَا إِخْسْ رَاحِيلْ عَاذْ كْثَارْ خْ لِييَا. ؤُشَا إِسخَّارْ أَسْ عَاوذْ سبْعَا ن إِسڭّْوُوسَا نّغْنِي.
GEN 29:31 [ؤُمِي] إِژْرَا سِيذِي بلِّي لِييَا ثُوغَا ثتّْوَاسّحْقَارْ، يَارْزمْ ڒمْڒَاوثْ نّسْ، [مَاشَا] رَاحِيلْ ثُوغَا وَارْ د-ثتِّيرُووْ شَا.
GEN 29:32 ثكْسِي لِييَا س دّيْسثْ ؤُشَا ثُورُووْ-د أَحنْجِيرْ، إِڭَّا أَسْ رُوبِينْ، مِينْزِي ثنَّا: ”أَقَا سِيذِي إِخْزَارْ غَارْ ڒمْحَايمْ إِنُو. ڒخُّو أَذْ أَيِي إِخْسْ ورْيَازْ إِنُو.“
GEN 29:33 ثكْسِي عَاوذْ س دّيْسثْ، ثُورُووْ-د أَحنْجِيرْ، ثنَّا: ”ؤُمِي إِسْڒَا سِيذِي بلِّي نشّْ تّْوَاسّحْقَارغْ، إِوْشَا أَيِي عَاوذْ وَا.“ ؤُشَا ثڭَّا أَسْ شِيمْعُونْ.
GEN 29:34 ثكْسِي عَاوذْ س دّيْسثْ، ثُورُووْ-د أَحنْجِيرْ، ثنَّا: ”ڒخُّو ثْوَاڒَا-يَا أَذْ إِمُونْ ورْيَازْ إِنُو أَكِيذِي، مِينْزِي ؤُرْوغْ أَسْ-د ثْڒَاثَا ن إِحنْجِيرنْ.“ خْ ؤُيَا نتَّا إِڭَّا أَسْ لَاوِي.
GEN 29:35 ثكْسِي ثْوَاڒَا نّغْنِي س دّيْسثْ، ثُورُووْ-د أَحنْجِيرْ ؤُشَا ثنَّا: ”ثْوَاڒَا-يَا أَذْ قَاذِيغْ سِيذِي.“ خْ ؤُيَا ثڭَّا أَسْ يَاهُوذَا. [أَوَارْنِي مَانْ أَيَا] ثسّْبدّْ ثَارْوَا.
GEN 30:1 [ؤُمِي] ثژْرَا رَاحِيلْ بلِّي وَارْ د-ثِيرُووْ إِ يَاعْقُوبْ، ثُوسمْ زڭْ ؤُتْشْمَاسْ، ثنَّا إِ يَاعْقُوبْ: ”أوْشْ أَيِي ثَارْوَا! مَاڒَا وَارْ ثقْبِيڒذْ، [خنِّي] أَذْ مّْثغْ.“
GEN 30:2 إِخيّقْ يَاعْقُوبْ خْ رَاحِيلْ، إِنَّا: ”مَا أَقَا أَيِي نشّْ ذڭْ ومْشَانْ ن أَربِّي، ونِّي خَامْ إِطّْفنْ ڒْغِيدْجثْ ن ؤُعذِّيسْ نّمْ؟“
GEN 30:3 ثنَّا: ”أَقَا ذَا ثَايَّا إِنُو بِيلْهَا. أَذفْ خَاسْ، حِيمَا أَذْ د-ثَارُووْ خْ إِفَادّنْ إِنُو مَاحنْذْ ؤُڒَا ذ نشّْ أَذْ غَارِي ثِيڒِي ثَارَّاوْثْ زَّايسْ.“
GEN 30:4 ثوْشَا أَسْ بِيلْهَا، ثَايَّا نّسْ، ذ ثَامْغَارْثْ ؤُشَا يُوذفْ خَاسْ يَاعْقُوبْ.
GEN 30:5 ثكْسِي بِيلْهَا س دّيْسثْ ؤُشَا ثُورُووْ-د أَحنْجِيرْ إِ يَاعْقُوبْ.
GEN 30:6 ثنَّا رَاحِيلْ: ”إِوْشَا أَيِي أَربِّي ثَاسْغَارْثْ ؤُشَا إِسْڒَا عَاوذْ غَارِي. إِوْشَا أَيِي مِّي.“ خْ ؤُيَا ثڭَّا أَسْ دَان.
GEN 30:7 ثكْسِي بِيلْهَا، ثَايَّا ن رَاحِيلْ، ثْوَاڒَا نّغْنِي س دّيْسثْ ؤُشَا ثُورُووْ-د إِ يَاعْقُوبْ أَحنْجِيرْ وِيسّْ ثْنَاينْ.
GEN 30:8 ثنَّا رَاحِيلْ: ”س إِمنْغَانْ ن أَربِّي منْغغْ أَكْ-ذ ؤُتْشْمَا ؤُشَاغڒْبغْ.“ ثڭَّا أَسْ نَافْثَالِي.
GEN 30:9 [ؤُمِي] ثژْرَا لِييَا ثسّْبدّْ ثَارْوَا، ثكْسِي زِيلْپَا، ثَايَّا نّسْ، ثوْشَا إِ-ت إِ يَاعْقُوبْ ذ ثَامْغَارْثْ،
GEN 30:10 ؤُشَا زِيلْپَا، ثَايَّا ن لِييَا، ثُورُووْ-د أَحنْجِيرْ إِ يَاعْقُوبْ.
GEN 30:11 ثنَّا لِييَا: ”مَانَا ڒْخِيرْ-أَ!“ ؤُشَا ثڭَّا أَسْ جَاذْ.
GEN 30:12 ؤُشَا ثُورُووْ-د زِيلْپَا، ثَايَّا ن لِييَا، أَحنْجِيرْ وِيسّْ ثْنَاينْ إِ يَاعْقُوبْ.
GEN 30:13 ؤُشَا ثنَّا لِييَا: ”أَ سّعْذْ إِنُو!“، مِينْزِي ثِيبْڒِيغِينْ أَذْ أَيِي حسْبنْثْ ذ سّعْذْ!“ ؤُشَا ثڭَّا أَسْ أَشِيرْ.
GEN 30:14 ذڭْ وُوسَّانْ ن ثْميْرَا ن إِرْذنْ إِفّغْ رُوبِينْ ؤُشَا يُوفَا ’ثِيثفَّاحِينْ ن ثَايْرِي‘ ذڭْ إِيَّارْ ؤُشَا نتَّا يِيوْيْ إِ-ثنْثْ إِ لِييَا، يمَّاسْ. [خنِّي] ثنَّا رَاحِيلْ إِ لِييَا: ”تّْزَاوْڭغْ شمْ أَذْ أَيِي ثوْشذْ زِي ’تّفَّاحِينْ ن ثَايْرِي‘ ن مِّيمْ.“
GEN 30:15 [مَاشَا لِييَا] ثنَّا أَسْ: ”مَا وَارْ إِدْجِي ذْرُوسْ أَڒَامِي ثِيوْيذْ أَرْيَازْ إِنُو، ؤُمِي ثخْسذْ عَاوذْ أَذْ د-ثَاوْيذْ ’ثِيثفَّاحِينْ ن ثَايْرِي‘ ن مِّي؟“ ثنَّا رَاحِيلْ: ”س ؤُيَا أَذْ إِطّصْ أَكِيذمْ دْجِيڒثْ-أَ خْ ’تّفَّاحِينْ ن ثَايْرِي‘ ن مِّيمْ.“
GEN 30:16 [ؤُمِي] د-إِعْقبْ يَاعْقُوبْ زڭْ إِيَّارْ س ثْمذِّيثْ، ثفّغْ-د لِييَا غَارسْ ثنَّا أَسْ: ”أَذْ خَافِي ثَاذْفذْ، مِينْزِي نِيشَانْ شْرِيغْ شكْ س ’تّفَّاحِينْ ن ثَايْرِي‘ ن مِّي.“ ؤُشَا [أَمُّو إِ] إِطّصْ أَكِيذسْ دْجِيرثْ نِّي.
GEN 30:17 إِسْڒَا أَربِّي إِ لِييَا ؤُشَا ثكْسِي س دّيْسثْ ؤُشَا ثُورُووْ-د أَحنْجِيرْ وِيسّْ خمْسَا إِ يَاعْقُوبْ.
GEN 30:18 ثنَّا لِييَا: ”أَربِّي إِوْشَا أَيِي ڒْمُونثْ إِنُو خْ ؤُمِي وْشِيغْ ثَايَّا إِنُو إِ ورْيَازْ إِنُو!“ ؤُشَا ثڭَّا أَسْ إِسَّاكَارْ.
GEN 30:19 ثكْسِي لِييَا عَاوذْ س دّيْسثْ ؤُشَا ثُورُووْ-د أَحنْجِيرْ وِيسّْ ستَّا إِ يَاعْقُوبْ.
GEN 30:20 ؤُشَا ثنَّا لِييَا: ”أَربِّي إِوْشَا أَيِي إِشْثْ ن لْبَارَاكَا ثشْنَا. ڒخُّو أَذْ كِيذِي إِزْذغْ ورْيَازْ إِنُو، مِينْزِي ؤُرْوغْ أَسْ-د ستَّا ن إِحنْجِيرنْ.“ ؤُشَا ثڭَّا أَسْ زابُولُونْ.
GEN 30:21 أَوَارْنِي أَسْ ثُورُووْ-د ثَاحنْجِيرْثْ. ثڭَّا أَسْ ذِينَا.
GEN 30:22 [خنِّي] إِذَارْ أَربِّي رَاحِيلْ ؤُشَا إِسْڒَا أَسْ أَربِّي ؤُشَا يَارْزمْ ڒمْڒَاوْڒثْ نّسْ.
GEN 30:23 ثكْسِي س دّيْسثْ ؤُشَا ثُورُووْ-د أَحنْجِيرْ، ثنَّا: ”إِكّسْ أَربِّي ڒْحڭْرَا إِنُو!“
GEN 30:24 ؤُشَا ثڭَّا أَسْ يُوسُوفْ، ثنَّا: ”أَذْ أَيِي يَارْنِي سِيذِي أَحنْجِيرْ نّغْنِي.“
GEN 30:25 ڒَامِي د-ثُورُووْ رَاحِيلْ يُوسُوفْ، إِنَّا يَاعْقُوبْ إِ لَابَانْ: ”سكّْ أَيِي ؤُشَا أَذْ رَاحغْ غَارْ ذْشَارْ إِنُو ذ ثمُّورْثْ إِنُو.
GEN 30:26 أوْشْ أَيِي ثِيمْغَارِينْ إِنُو ذ إِحنْجِيرنْ إِنُو مِينْ زِي غَاركْ خذْمغْ. [خنِّي] أَذْ فّْغغْ. أَقَا شكْ ثسّْنذْ ڒْخذْمثْ إِ زِي ثُوغَا ذ أَشْ تّْسخَّارغْ.“
GEN 30:27 إِنَّا أَسْ لَابَانْ: ”مْڒِي ؤُفِيغْ ڒخُّو أَرْضَا ذِي ثِيطَّاوِينْ نّشْ. أَقَا ژْرِيغْ س إِجّْ ن ڒعْجبْ بلِّي سِيذِي إِبَاركْ أَيِي ذِي طّْوعْ نّشْ.“
GEN 30:28 [يَارْنِي] إِنَّا: ”إِنِي أَيِي [زعْمَا] مَانْ ڒْمُونثْ [إِ ثخْسذْ]، ؤُشَا أَذْ أَشْ ت وْشغْ.“
GEN 30:29 [خنِّي] إِنَّا أَسْ: ”شكْ ثسّْنذْ مَامّشْ ذ أَشْ خذْمغْ ذ مَامّشْ ؤُيُورغْ أَكْ-ذ ڒبْهَايمْ نّشْ زڭْ وَامِي كِيشْ دْجِيغْ.
GEN 30:30 مِينْزِي ذْرُوسْثْ إِ ثُوغَا غَاركْ [ڒخْذنِّي] قْبڒْ إِ د-ؤُسِيغْ، أَقَا إِذْوڒْ ذڭْ وَاطَّاسْ، ؤُشَا إِبَاركْ إِ شكْ سِيذِي ذڭْ إِصُورَافْ إِنُو. [خنِّي] ڒخُّو، مڒْمِي زمَّارغْ أَذْ خذْمغْ إِ ثَادَّارْثْ [إِنُو]؟“
GEN 30:31 إِنَّا أَسْ: ”مِينْ ذ أَشْ إِ غَا وْشغْ؟“ يَارَّا-د يَاعْقُوبْ: ”وَارْ ذ أَيِي تِّيشْ وَالُو، مَاشَا سَامْحْ أَيِي أَيَا [وَاهَا]، [خنِّي] أَذْ د-ذوْڒغْ أَذْ أَروْسغْ ؤُدْجِي نّشْ عَاوذْ ؤُشَا أَذْ ثنْ حْضِيغْ.
GEN 30:32 أَسّْ-أَ أَذْ عْذُوغْ خْ مَارَّا [ثَاحِيمَارْثْ ن] وُودْجِي نّشْ. أڭّْ شكْ خْ ؤُغزْذِيسْ زَّايسْ مَارَّا ؤُدْجِي إِبقّْضنْ ذ إِقَارْقَاشنْ، مَارَّا ؤُدْجِي أَبَارْشَانْ جَارْ إِحُوڒِييّنْ ذ مِينْ إِدْجَانْ ذ أَقَارْقَاشْ نِيغْ س إِبقِّيضنْ جَارْ إِغَايْضنْ. مَانْ أَيَا أَذْ يِيڒِي ذ ڒْمُونثْ إِنُو.
GEN 30:33 خْمِي د غَا ثَاسذْ ذڭْ إِجّْ ن وَاسّْ ن يِيمَاڒْ مَاحنْسْ أَذْ ثْژَارذْ ڒْمُونثْ إِنُو، أَذْ ثْبَانْ ثْسڭْذَا إِنُو زَّاثْ إِ وُوذمْ نّشْ [أَمُّو نِيشَانْ]: مِينْ وَارْ إِدْجِينْ إِبقّضْ نِيغْ مِينْ وَارْ إِدْجِينْ إِقَّارْقشْ جَارْ إِغَايْضنْ ذ مِينْ وَارْ إِدْجِينْ ذ أَبَارْشَانْ جَارْ إِحُوڒِييّنْ، أَقَا [أَذْ إِتّْوَاحْسبْ] إِتّْوَاشَارْ جَارْ مِينْ إِدْجَانْ إِنُو.“
GEN 30:34 [خنِّي] إِنَّا لَابَانْ: ”خْزَارْ، أَقَا أَذْ يِيڒِي أَمْ مَامّشْ [إِ ذ أَيِي] ثنِّيذْ!“
GEN 30:35 ذڭْ وَاسّْ نِّي إِفَارْقْ إِوثْمَانْ ن إِغَايْضنْ إِشَارْضنْ ذ إِقَارْقَاشنْ ؤُڒَا ذ مَارَّا ثِيغَايْضْثِينْ إِبقّْضنْ ذ إِقَارْقَاشنْ، ذ مَارَّا إِنِّي ذِي ثدْجَا ثمْڒڒْ، ؤُڒَا ذ مَارَّا مِينْ إِدْجَانْ ذ أَبَارْشَانْ جَارْ إِحُوڒِييّنْ، ؤُشَا إِسَّارْسْ إِ-ثنْ ذڭْ ؤُفُوسْ ن إِحنْجِيرنْ نّسْ.
GEN 30:36 [خنِّي] إِڭَّا ثْڒَاثَا ن وُوسَّانْ ن وبْرِيذْ جَارْ إِخفْ نّسْ ذ يَاعْقُوبْ. ؤُشَا يَارْوسْ يَاعْقُوبْ ؤُدْجِي إِقِّيمنْ ن لَابَانْ.
GEN 30:37 [خنِّي] إِكْسِي يَاعْقُوبْ ثِيسضْوِينْ ن صّفْصَافْ ؤُ زِي ثْشجَّارْثْ ن دْجُوزْ ؤُ زِي ثْشجَّارْثْ ن ذُولْبْ. نتَّا إِقشَّارْ إِ-ثنْثْ ذ إِشطِّيضنْ ذ إِشمْڒَاڒنْ ؤُمِي إِعَارَّا خْ ؤُشمْڒَاڒْ ن ثْسضْوِينْ.
GEN 30:38 إِسَّارْسْ ثِيسضْوِينْ-أَ إِقشَّارنْ قِيبَاتْشْ إِ وُودْجِي ذِي ثَارْيِيوِينْ ذ ڒقْوَاربْ مَانِي د-ؤُسِينْ وُودْجِي مَاحنْذْ أَذْ سْونْثْ ؤُشَا ذوْڒنْثْ تّْوحَّامنْثْ خْمِي د-ثَاسنْثْ أَذْ وَارْذنْثْ.
GEN 30:39 [خْمِي] إِ غَا إِوحّمْ وُودْجِي غَارْ ثْسضْوِينْ، ؤُرْونْثْ-إِ-د ثْغَارْطِينْ مِينْ إِشَارْضنْ ذ مِينْ إِبقّْضنْ ذ مِينْ إِقَارْقَاشنْ.
GEN 30:40 [خنِّي] ثُوغَا إِبطَّا يَاعْقُوبْ إِحُوڒِييّنْ ؤُشَا يَارَّا ؤُدْجِي س ؤُزدْجِيفْ نْسنْ غَارْ مِينْ إِشَارْضنْ ذ مِينْ إِدْجَانْ ذ أَبَارْشَانْ جَارْ وُودْجِي ن لَابَانْ. ؤُشَا إِڭَّا ثِيحِيمْرِيوِينْ نّسْ غَارْ ؤُغزْذِيسْ، وَارْ ثنْثْ إِڭِّي أَكْ-ذ وُودْجِي ن لَابَانْ.
GEN 30:41 كُوڒْ أَمُوڒْ خْمِي تّْوحَّامنْثْ ثِينِّي إِجهْذنْ زڭْ وُودْجِي، إِتّڭّْ يَاعْقُوبْ ثِيسضْوِينْ قِيبَاتْشْ إِ وُودْجِي ذِي ثَارْيِيوِينْ، حِيمَا أَذْ وحّْمنْثْ غَارْ ثْسضْوِينْ.
GEN 30:42 [مَاشَا] وَارْ ثنْثْ إِسَّارْسْ شَا أَكْ-ذ ثنِّي إِضعْفنْ جَارْ وُودْجِي. أَمُّو ثُوغَا ثِينِّي إِضعْفنْ إِ لَابَانْ ؤُ ثِينِّي إِجهْذنْ إِ يَاعْقُوبْ.
GEN 30:43 ؤُشَا إِمْغَارْ [وَاڭْڒَا] ن ورْيَازْ-أَ بْڒَا قطُّو. ثُوغَا غَارسْ أَطَّاسْ ن وُودْجِي ذ ثِييَّا ذ إِسمْغَانْ ذ إِڒغْمَانْ ذ يغْيَاڒْ.
GEN 31:1 ؤُشَا إِسْڒَا [يَاعْقُوبْ] أَوَاڒنْ ن إِحنْجِيرنْ ن لَابَانْ، نَّانْ: ”يَاعْقُوبْ إِكْسِي مَارَّا مِينْ ثُوغَا ن بَابَاثْنغْ ؤُ س مِينْ ثُوغَا ن بَابَاثْنغْ أَقَا إِكْسبْ مَارَّا أَعُودْجِي-يَا.“
GEN 31:2 إِخْزَارْ يَاعْقُوبْ غَارْ ؤُغمْبُوبْ ن لَابَانْ. خْزَارْ، وَارْ كِيذسْ إِدْجِي أَمْ إِضنَّاضْ ذ فَارِيضنَّاضْ.
GEN 31:3 إِنَّا سِيذِي إِ يَاعْقُوبْ: ”ذْوڒْ غَارْ ثمُّورْثْ ن ڒجْذُوذْ نّشْ ؤُ غَارْ ڒَادْجْ نّشْ. أَقَا نشّْ أَذْ إِڒِيغْ أَكِيذكْ.“
GEN 31:4 إِسكّْ يَاعْقُوبْ ؤُشَا إِڒَاغَا-د خْ رَاحِيلْ ذ لِييَا غَارْ ييَّارْ، غَارْ وُودْجِي نّسْ.
GEN 31:5 إِنَّا أَسنْثْ: ”تّْوَاڒِيغْ بلِّي أَغمْبُوبْ ن بَابَاثْكنْثْ وَارْ كِيذِي إِدْجِي أَمْ إِضنَّاضْ ذ فَارِيضنَّاضْ. [مَاشَا] أَربِّي ن ڒجْذُوذْ إِنُو أَقَا-ث أَكِيذِي.
GEN 31:6 كنِّينْثْ ثسّْننْثْ بلِّي أَقَا خذْمغْ إِ بَابَاثْكنْثْ س مَارَّا مِينْ غَارِي ذ جّهْذْ.
GEN 31:7 [مَاشَا] بَابَاثْكنْثْ إِغشّْ أَيِي، إِبدّڒْ ڒْمُونثْ إِنُوعشْرَا ن ثْوَاڒَاوِينْ، [مَاشَا] أَربِّي وَارْ ذ أَسْ إِسمّحْ حِيمَا أَذْ أَيِي إِڭّْ ڒْغَارْ.
GEN 31:8 مَاڒَا نتَّا إِنَّا: ’إِبقِّيضنْ أَذْ إِڒِينْ ذ ڒْمُونثْ نّشْ!‘، ڒخْذنِّي مَارَّا ؤُدْجِي ؤُرْونْثْ-إِ-د [ؤُدْجِي] س إِبقِّيضنْ، مَاڒَا إِنَّا: ’إِنِّي س إِشَارِيضنْ أَذْ إِڒِينْ ذ ڒْمُونثْ نّشْ!‘، ڒخْذنِّي مَارَّا ؤُدْجِي ؤُرْونْثْ-إِ-د [ؤُدْجِي] س إِشَارِيضنْ.
GEN 31:9 [أَمُّو] إِكّسْ أَربِّي ڒبْهَايمْ ن بَابَاثْكنْثْ ؤُشَا إِوْشَا أَيِي [ثنْثْ] إِ نشّْ.
GEN 31:10 إِمْسَارْ غَارْ ڒْوقْثْ ؤُمِي وحّْمنْثْ ؤُدْجِي، سّْڭعّْذغْ ثَامُوغْڒِي إِنُو ؤُشَا ژْرِيغْ ذِي ثَارْجِيثْ، أَقَا ذَا إِغَايْضنْ نِّي إِنڭّْزنْ خْ وُودْجِي، ثُوغَا أَثنْ س إِشَارِيضنْ ذ إِبقِّيضنْ ذ إِقَارْقَاشنْ.
GEN 31:11 إِنَّا أَيِي لْمَالَاكْ ن أَربِّي ذِي ثَارْجِيثْ ’يَاعْقُوبْ!‘ نشّْ نِّيغْ ’أَقَا أَيِي ذَا!‘
GEN 31:12 إِنَّا: ’نْضَارْ ثِيطَّاوِينْ نّشْ، خْزَارْ، مَارَّا إِغَايْضنْ، إِنِّي إِنڭّْزنْ خْ وُودْجِي، أَقَا أَثنْ س إِشَارِيضنْ ذ إِبقِّيضنْ ذ إِقَارْقَاشنْ، مِينْزِي نشّْ ژْرِيغْ مَارَّا مِينْ ذ أَشْ إِتّڭّْ لَابَانْ.
GEN 31:13 نشّْ ذ أَربِّي ن بَايْثْ-إِلْ، مَانِي ثْذهْنذْ أَژْرُو ن ڒِيذَارثْ ؤُ مَانِي ذ أَيِي ثوْشِيذْ أَوَاڒْ. كَّارْ ڒخُّو، فّغْ زِي ثمُّورْثْ-أَ، عْقبْ غَارْ ثمُّورْثْ مَانِي ثْخڒْقذْ.‘ “
GEN 31:14 [خنِّي] أَرِّينْثْ-إِ-د رَاحِيلْ ذ لِييَا، نَّانْثْ أَسْ: ”مَا ذِينْ عَاذْ شَا ن ثسْغَارْثْ نِيغْ إِشْثْ ن ڒْوَارْثْ إِ نشِّينْ ذِي ثَادَّارْثْ ن بَابَاثْنغْ؟
GEN 31:15 مَا وَارْ نتّْوِيحْسِيبْ أَمْ ثْبَارَّانِييِّينْ؟ أَقَا نتَّا إِزّنْزْ أَنغْ ؤُ نتَّا أَقَا إِقطَّا مَارَّا نُّوقَارْثْ نّغْ.
GEN 31:16 مِينْزِي مَارَّا أَڭْڒَا نِّي إِكّسْ أَربِّي إِ بَابَاثْنغْ، نّغْ إِ إِدْجَا ؤُ ن إِحنْجِيرنْ نّغْ. ڒخُّو [عَاذْ]، أڭّْ مَارَّا مِينْ ذ أَشْ إِنَّا أَربِّي.“
GEN 31:17 [خنِّي] إِكَّارْ يَاعْقُوبْ ؤُشَا إِسّْڭعّذْ إِحنْجِيرنْ نّسْ ذ ثمْغَارِينْ نّسْ خْ إِڒغْمَانْ.
GEN 31:18 إِڭَّا ذڭْ وبْرِيذْ مَارَّا ڒبْهَايمْ نّسْ ذ مَارَّا أَڭْڒَا نّسْ نِّي د-إِكْسبْ، أَقَا ڒبْهَايمْ نِّي إِطّفْ، إِنِّي د-إِكْسبْ ذِي فَاذَانْ-أَرَامْ، حِيمَا أَذْ د-إِعْقبْ غَارْ إِسْحَاقْ، بَابَاسْ، ذِي ثمُّورْثْ ن كنْعَانْ.
GEN 31:19 ؤُمِي إِرُوحْ لَابَانْ غَارْ ثِيڒْسَا ن وُودْجِي نّسْ، ثُوشَارْ رَاحِيلْ ڒخْيَاڒَاثْ ثِيمژْيَانِينْ ن لْ-أَصْنَامْ ن بَابَاسْ.
GEN 31:20 يَاعْقُوبْ إِخْذعْ لَابَانْ، أَرَامِييُو، ڒَامِي وَارْ ذ أَسْ إِعْڒِيمْ أَقَا أَذْ يَارْوڒْ.
GEN 31:21 يَارْوڒْ س مَارَّا مِينْ غَارسْ. إِكَّارْ، إِژْوَا إِغْزَارْ [ن لْفُورَاطْ] ؤُشَا يَارَّا أَزدْجِيفْ نّسْ غَارْ إِذُورَارْ ن جِيلْعَاذْ.
GEN 31:22 ذڭْ وَاسّْ وِيسّْ ثْڒَاثَا خبَّارنْ لَابَانْ، أَقَا يَارْوڒْ يَاعْقُوبْ.
GEN 31:23 [خنِّي] يِيوِي أَيْثْمَاسْ أَكِيذسْ، إِرُوحْ أَوَارْنِي أَسْ ثِيشْڒِي ن سبْعَا ن وُوسَّانْ، إِخشّْ خَاسْ ذڭْ إِذُورَارْ ن جِيلْعَاذْ.
GEN 31:24 ؤُشَا يُوسَا-د أَربِّي غَارْ لَابَانْ، أَرَامِييُو، ذِي ثَارْجِيثْ ذِي دْجِيرثْ، إِنَّا أَسْ: ”غَاركْ أَذْ ثسِّيوْڒذْ س ڒْخَارْ نِيغْ س ڒْغَارْ أَكْ-ذ يَاعْقُوبْ.“
GEN 31:25 إِرحّڭْ خنِّي لَابَانْ خْ يَاعْقُوبْ. يَاعْقُوبْ ثُوغَا إِوْثَا أَقِيضُونْ نّسْ ذڭْ إِذُورَارْ. لَابَانْ عَاوذْ إِوْثَا إِقِيضَانْ نّسْ أَكْ-ذ أَيْثْمَاسْ ذڭْ إِذُورَارْ ن جِيلْعَاذْ.
GEN 31:26 [خنِّي] إِنَّا لَابَانْ إِ يَاعْقُوبْ: ”مِينْ ثڭِّيذْ، ثژْوِيذْ أَيِي ؤُڒْ ؤُشَا ثِيوْيِيذْ-د يسِّي أَمْ ثْمحْبَاسْ ن ڭَارَّا؟
GEN 31:27 مَايمِّي ثَاروْڒذْ س ثْنُوفّْرَا ؤُ ثُوشَارذْ أَيِي ؤُ [مَايمِّي] وَارْ ذ أَيِي ثْخبَّارذْ، حِيمَا أَذْ شكْ سّْقبّْضغْ س ڒفْرَاحثْ، س ڒغْنُوجْ، س ؤُبنْذِيرْ ؤُ س ڒْڭَامْبْرِي؟
GEN 31:28 وَارْ ذ أَيِي ثجِّيذْ أَذْ سُّوذْمغْ إِحنْجِيرنْ إِنُو ذ ثْحنْجِيرِينْ إِنُو. ڒخُّو ذ ثُوبُّوهڒْيَا إِ ثڭِّيذْ.
GEN 31:29 غَارِي ثِيزمَّارْ ذڭْ إِفَاسّنْ إِنُو، حِيمَا أَذْ شكْ ضَارّغْ، [مَاشَا] أَربِّي ن بَابَاثْومْ إِسِّيوڒْ أَكِيذِي دْجِيرثْ-أَ، إِنَّا: ’غَاركْ أَذْ ثسِّيوْڒذْ س ڒْخَارْ نِيغْ س ڒْغَارْ أَكْ-ذ يَاعْقُوبْ.‘
GEN 31:30 ؤُشَا ڒخُّو ثُويُورذْ، ؤُمِي زعْمَا ثْوحّْشذْ ثَادَّارْثْ ن بَابَاشْ. [مَاشَا] مَاغَارْ إِ ذ أَيِي ثُوشَارذْ إِربِّيثنْ إِنُو؟“
GEN 31:31 يَارَّا-د يَاعْقُوبْ، إِنَّا إِ لَابَانْ: ”مِينْزِي ثُوغَا ڭّْوذغْ، نِّيغْ [أَكْ-ذ يِيخفْ إِنُو] أَذْ ثَاغْ أَذْ أَيِي ثكّْسذْ يسِّيشْ س ؤُغِيڒْ!
GEN 31:32 غَارْ ونِّي إِ غَا ثَافذْ لْ-أَصْنَامْ نّشْ، أجّْ إِ-ث وَارْ إِدَّارْ [عَاذْ]! قِيبَاتْشْ إِ وَاوْمَاثنْ نّغْ أَذْ ثْميّْزذْ مِينْ إِدْجَانْ نّشْ جَارْ مِينْ إِدْجَانْ غَارِي ؤُشَا أَوْيِي ث أَكِيذكْ.“ [مَاغَارْ] يَاعْقُوبْ وَارْ إِسِّينْ بلِّي رَاحِيلْ إِ ثنْ يُوشَارنْ.
GEN 31:33 ؤُشَا يُوذفْ لَابَانْ غَارْ ؤُقِيضُونْ ن يَاعْقُوبْ، غَارْ ؤُقِيضُونْ ن لِييَا، غَارْ ؤُقِيضُونْ ن ثْنَاينْ ن ثِييَّا ؤُشَا وَارْ يُوفِي وَالُو. [ڒَْامِي] د-إِفّغْ زڭْ ؤُقِيضُونْ ن لِييَا، يُوذفْ غَارْ ؤُقِيضُونْ ن رَاحِيلْ.
GEN 31:34 [مَاشَا] ثكْسِي رَاحِيلْ ڒخْيَاڒَاثْ ثِيمژْيَانِينْ ن لْ-أَصْنَامْ، ثڭَّا إِ-ثنْثْ ذڭْ إِغَايْننْ ن وڒْغمْ ؤُشَا ثقِّيمْ خَاسنْ. يَارْزُو لَابَانْ ذڭْ ؤُقِيضُونْ أَمْ إِكْمڒْ، مَاشَا وَارْ يُوفِي وَالُو.
GEN 31:35 ثنَّا إِ بَابَاسْ: ”وَارْ إِتِّيڒِي أَيَا ذ ڒْغَارْ ذِي ثِيطَّاوِينْ ن سِيذِي إِنُو، مِينْزِي وَارْ زمَّارغْ أَذْ كَّارغْ قِيبَاتْشْ نّشْ، مَاغَارْ أَقَا أَيِي س ثْنَامِيثْ ن ثمْغَارِينْ.“ ؤُشَا يَارْزُو، مَاشَا وَارْ يُوفِي ڒخْيَاڒَاثْ ثِيمژْيَانِينْ ن لْ-أَصْنَامْ.
GEN 31:36 [خنِّي] إِخيّقْ يَاعْقُوبْ ؤُشَا إِمْشُوبّشْ أَكْ-ذ لَابَانْ. يَاعْقُوبْ إِطّفْ ذڭْ وَاوَاڒْ، إِنَّا إِ لَابَانْ: ”مَانِي إِدْجَا ؤُخطُّو إِنُو؟ مَانْ ونْ إِدْجَانْ ذ دّنْبْ إِنُو، ؤُمِي ذ أَيِي د-ثضْفَارذْ س زّْعَافْ؟
GEN 31:37 شكْ ثْبقْشذْ مَارَّا ڒْقشّْ إِنُو. مِينْ ثُوفِيذْ زِي مَارَّا ڒحْوَايجْ ن ثَادَّارْثْ نّشْ؟ أڭّْ إِ-ث ذَا زَّاثْ ن يَايْثْمَا ذ أَيْثْمَاشْ ؤُشَا أجّْ إِ-ثنْ أَذْ حكْمنْ جَارْ أَنغْ س ثْنَاينْ.
GEN 31:38 عِيشْرِينْ ن إِسڭّْوُوسَا إِ كِيكْ كِّيغْ. ثِيخسْوِينْ نّشْ ذ ثْغَايْضِينْ نّشْعمَّارْصْ سُّوثْمنْثْ نِيغْعمَّارْصْ شِّيغْ إِشَارِّيينْ ن وُودْجِي نّشْ.
GEN 31:39 وَارْ ذ أَشْ إِوْيغْ مِينْ إِتّْوَامزّْقنْ، [مَاشَا] خطْصغْ ث سِيمَانْثْ إِنُو. مِينْ إِتّْوَاشَارنْ زَّايِي ذڭْ وَاسّْ نِيغْ ذِي دْجِيرثْ، أَقَا زڭْ إِفَاسّنْ إِنُو ثتَّارذْ ث.
GEN 31:40 س ؤُزِيڒْ إِتّتّْ أَيِي ڒحْمُو يُوژْغنْ [ثِيڒْمشْثْ] ؤُ س دْجِيرثْ تّجْمِيذغْ [زِي سْقِيعْ]، [أَڒَامِي] يَارْوڒْ إِضصْ زِي غَارِي.
GEN 31:41 أَمُّو إِ ذ أَيِي ثُوغَا ذِي ثَادَّارْثْ نّشْ عِيشْرِينْ ن إِسڭّْوُوسَا. خذْمغْ غَاركْ أَرْبعْطَاشْ ن إِسڭّْوُوسَا خْ ثْنَاينْ ن يسِّيشْ ذ ستَّا ن إِسڭّْوُوسَا خْ وُودْجِي ؤُشَا ثْبدّْڒذْ ڒْمُونثْ إِنُوعشْرَا ن ثْوَاڒَاوِينْ.
GEN 31:42 مَاڒَا أَربِّي ن بَابَا، أَربِّي ن إِبْرَاهِيمْ ذ ثِيڭّْوُوذِي ن إِسْحَاقْ، إِڒِي وَارْ كِيذِي إِدْجِي، ذ صّحْ إِڒِي أَذْ أَيِي ثسّْقَاذذْ ڒخُّو س إِفَاسّنْ خْوَانْ! إِژْرَا أَربِّي ثَامَارَا ذ ثُومَارْ ن إِفَاسّنْ إِنُو ؤُشَا إِذقْمَارْ إِ شكْ دْجِيڒثْ ن إِضنَّاضْ.“
GEN 31:43 يَارَّا-د لَابَانْ ؤُشَا إِنَّا إِ يَاعْقُوبْ: ”ثِيحنْجِيرِينْ-أَ ذ يسِّي ؤُ إِحنْجِيرنْ-أَ ذ إِحنْجِيرنْ إِنُو، ؤُ ؤُدْجِي-يَا ذ ؤُدْجِي إِنُو، ؤُ مَارَّا مِينْ ثتّْوَاڒِيذْ أَقَا إِنُو. مِينْ زمَّارغْ خنِّي أَذْ ڭّغْ ڒخُّو س يسِّي نِيغْ س إِحنْجِيرنْ نْسنْثْ نِّي ؤُرْونْثْ؟
GEN 31:44 غَاورْ عَاذْ ڒخُّو، أَذْ نڭّْ إِجّْ ن ڒْعَاهْذْ، نشّْ ذ شكْ، أَذْ يِيڒِي نتَّا ذ شّْهَاذثْ جَارْ أَيِي ذ شكْ!“
GEN 31:45 ؤُشَا إِكْسِي يَاعْقُوبْ أَژْرُو، إِسّْڭعّذْ إِ-ث أَمْ وژْرُو ن ڒِيذَارثْ.
GEN 31:46 ؤُشَا إِنَّا يَاعْقُوبْ إِ يَايْثْمَاسْ: ”سْمُونمْ إِژْرَا!“ كْسِينْ إِژْرَا ؤُشَا ڭِّينْ ثَاعُورِّيشْثْ ؤُشَا شِّينْ ذِينْ خْ ثْعُورِّيشْثْ نِّي.
GEN 31:47 ؤُشَا إِڭَّا لَابَانْ [إِ ؤُعُورِّيشْ ن إِژْرَا نِّي] ’جِيڭَارْ-سَاهَاذُوثَا‘، مَاشَا يَاعْقُوبْ إِڭَّا أَسْ ’جِيلْعَاذْ‘.
GEN 31:48 [خنِّي] إِنَّا لَابَانْ: ”ثَاعُورِّيشْثْ-أَ أَذْ ثِيڒِي ذ شّْهَاذثْ أَسّْ-أَ جَارْ أَيِي ذ شكْ!“ خْ ؤُيَا ثڭَّا أَسْ جِيلْعَاذْ
GEN 31:49 ذ مِيصْفَا، مِينْزِي نتَّا إِنَّا: ”إِڒِي سِيذِي أَذْ إِحْضَا جَارْ أَيِي ذ شكْ، خْمِي غَا نِيڒِي أَمْ ننُوفَّارْ إِجّنْ زڭْ ونّغْنِي.
GEN 31:50 مَاڒَا ثسّحْقَارذْ يسِّي نِيغْ أَذْ ثْمڒْشذْ ثِيمْغَارِينْ نّغْنِي خْ يسِّي، [أَمْ] وَارْ ذِينْ إِدْجِي حذْ أَكِيذْنغْ [حِيمَا أَذْ يِيڒِي ذ أَشهَّاذْ]، أَقَا أَربِّي أَذْ يِيڒِي ذ أَشهَّاذْ جَارْ أَيِي ذ شكْ!“
GEN 31:51 إِنَّا عَاوذْ لَابَانْ إِ يَاعْقُوبْ: ”خْزَارْ، ثَاعُورِّيشْثْ-أَ [ن يژْرَا]، خْزَارْ، أَژْرُو ن ڒِيذَارثْ نِّي سّْبدّغْ جَارْ أَيِي ذ شكْ.
GEN 31:52 ثَاعُورِّيشْثْ-أَ [ن يژْرَا] ذ وژْرُو-يَا ن ڒِيذَارثْ أَذْ شهْذنْ بلِّي نشّْ وَارْ غَاركْ د-ژكّْوِيغْ شَا خْ ثْعُورِّيشْثْ-أَ ؤُشَا ؤُڒَا ذ شكْ وَارْ غَارِي د-ثْژكّْوِّيذْ شَا إِ ڒْغَارْ خْ ثْعُورِّيشْثْ-أَ ؤُڒَا خْ وژْرُو-يَا ن ڒِيذَارثْ!
GEN 31:53 أَربِّي ن إِبْرَاهِيمْ ذ أَربِّي ن نَاحُورْ، أَقَا أَربِّي ن بَابَاثْسنْ، أجّْ إِ-ث أَذْ إِحْكمْ جَارْ أَنغْ!“ [مَاشَا] يَاعْقُوبْ إِجُّودْجْ س ’ثِيڭّْوُوذِي ن إِسْحَاقْ بَابَاسْ‘.
GEN 31:54 [خنِّي] إِغَارْصْ يَاعْقُوبْ إِ يِيشْثْ ن ثْغَارْصْثْ ذڭْ إِذُورَارْ ؤُشَا إِڒَاغَا إِ يَايْثْمَاسْ أَذْ شّنْ أَغْرُومْ. ؤُشَا شِّينْ أَغْرُومْ، سنْسّنْ دْجِيرثْ نِّي ذڭْ إِذُورَارْ.
GEN 32:1 إِكَّارْ لَابَانْ غَارْ ثُوفُّوثْ ن صّْبحْ، إِسُّوذمْ إِحنْجِيرنْ نّسْ ذ يسِّيسْ، إِبَارْكْ إِ-ثنْ. [خنِّي] إِرُوحْ لَابَانْ، إِعْقبْ غَارْ ومْشَانْ نّسْ.
GEN 32:2 ؤُشَا إِطّفْ يَاعْقُوبْ عَاوذْ أَبْرِيذْ نّسْ ؤُشَا ؤُسِينْثْ-إِ-د لْمَالَاكَاثْ ن أَربِّي، ڒْقَانْثْ ث-إِ-د.
GEN 32:3 إِنَّا يَاعْقُوبْ ؤُمِي ثنْ إِژْرَا: ”ڒْمَارْڭحْ ن ڒْعسْكَارْ ن أَربِّي ذ وَا!“، ؤُشَا إِڒَاغَا إِسمْ ن ومْشَانْ نِّي مَاحَانَايِيمْ.
GEN 32:4 إِسّكّْ يَاعْقُوبْ إِرقَّاسنْ غَارْ زَّاثْ، غَارْ عِيسُو ؤُمَاسْ غَارْ ثمُّورْثْ ن سَاعِيرْ، أَقَا-ت ذ جِّيهثْ ن إِذُومْ.
GEN 32:5 ؤُشَا إِوصَّا إِ-ثنْ، إِنَّا أَسنْ: ”أَمُّو إِ غَا ثِينِيمْ إِ سِيذِي إِنُو عِيسُو: ’أَمُّو إِ إِقَّارْ ؤُمْسخَّارْ نّشْ يَاعْقُوبْ: ثُوغَا زدّْغغْ أَكْ-ذ لَابَانْ أَمْ ؤُبَارَّانِي ؤُشَا قِّيمغْ ذِينْ أَڒْ إِ ڒخُّو.
GEN 32:6 غَارِي إِفُونَاسنْ ذ يغْيَاڒْ ذ وُودْجِي ذ إِسمْغَانْ ذ ثِييَّا ؤُشَا سّكّغْ [إِرقَّاسنْ]، مَاحنْذْ أَذْ [ث] إِنِيغْ إِ سِيذِي إِنُو، مَاحنْذْ أَذْ أَفغْ أَرْضَا ذِي ثِيطَّاوِينْ نّشْ.‘ “
GEN 32:7 إِرقَّاسنْ ذوْڒنْ-د غَارْ يَاعْقُوبْ، نَّانْ: ”نْرُوحْ غَارْ ؤُمَاشْ عِيسُو، ؤُ نتَّا عَاوذْ يُوسَا-د أَذْ شكْ إِڒْقَا ؤُ أَقَا ذِينْ أَربْعَا-مْيَا ن يرْيَازنْ أَكِيذسْ.“
GEN 32:8 [خنِّي] يَاعْقُوبْ ثُوذفْ إِ-ث ثِيڭّْوُوذِي ثمْغَارْ ؤُشَا إِسّْقنْضْ إِ-ث ڒْحَاڒْ. نتَّا إِبْضَا إِوْذَانْ، إِنِّي أَكِيذسْ ذ وُودْجِي ذ إِفُونَاسنْ ذ ثْفُونَاسِينْ ذ إِڒغْمَانْ خْ ثْنَاينْ ن ڒمْرَاڭحْ ن ڒْعسْكَارْ.
GEN 32:9 إِنَّا: ”مَاڒَا يُوسَا-د عِيسُو غَارْ إِجّْ ن ڒْمَارْڭحْ ن ڒْعسْكَارْ، أَذْ خَاسْ إِغْڒبْ، [خنِّي] أَذْ يَارْوڒْ ڒْمَارْڭحْ ن ڒْعسْكَارْ إِ إِقِّيمنْ.“
GEN 32:10 ؤُشَا إِنَّا يَاعْقُوبْ: ”[أَ] أَربِّي ن بَابَا إِبْرَاهِيمْ ذ أَربِّي ن بَابَا إِسْحَاقْ، [أَ] سِيذِي، [شكْ] ونِّي ذ أَيِي إِنَّانْ: ’ذْوڒْ غَارْ ثمُّورْثْ نّشْ ذ رَادْجْ نّشْ ؤُشَا نشّْ أَذْ أَشْ ڭّغْ مِينْ إِشْنَانْ!‘
GEN 32:11 أَقَا أَيِي قلّْ خْ مَارَّا ثِيمڭَّا ن ثْمخْسِيوْثْ إِشوَّارنْ ذ مَارَّا ڒَامَانْ إِ ثسّشْنذْ إِ ؤُمْسخَّارْ نّشْ، مِينْزِي ژْوِيغْ لْ-ؤُرْذُونْ س ثغَّارْشْثْ إِنُو [ڒَامِي د-فّْغغْ] ؤُشَا ڒخُّو ذوْڒغْ-د ذ ثْنَاينْ ن ڒمْرَاڭحْ ن ڒْعسْكَارْ.
GEN 32:12 فكّْ أَيِي ڒخُّو زڭْ ؤُفُوسْ ن عِيسُو ؤُمَا، مِينْزِي تّڭّْوذغْ بَالَاكْ أَذْ د-يَاسْ ؤُشَا أَذْ إِنغْ ؤُڒَا ذ ثِييمَّاثِينْ أَكْ-ذ إِحنْجِيرنْ!
GEN 32:13 ؤُشَا شكْ ثنِّيذْ: ’نشّْ أَذْ كِيكْ ڭّغْ مْلِيحْ، أَذْ ڭّغْ زَّارِيعثْ نّشْ أَمْ يِيجْذِي ن ڒبْحَارْ إِ وَارْ إِزمَّارْ أَذْ إِتّْوَاحْسبْ زِي سِّيبّثْ ن ؤُبَارُّو نّسْ!‘ “
GEN 32:14 إِسّنْسْ ذِينْ دْجِيڒثْ نِّي ؤُشَا إِكْسِي زِي مِينْ د-يُوسِينْ ذڭْ إِفَاسّنْ نّسْ ذ أَڭْڒَا، مَاحنْذْ أَذْ ث يوْشْ ذ أَرِّيغَالُو إِ ؤُمَاسْ عِيسُو:
GEN 32:15 مِيثَاينْ ن ثْغَايْضِينْ ذ عِيشْرِينْ ن إِمُويَانْ ذ مِيثَاينْ ن ثْخسْوِينْ ذ عِيشْرِينْ ن إِشَارِّييّنْ
GEN 32:16 ذ ثْڒَاثِينْ ن ثْڒغْمِينْ إِسُّوطُّوضنْ أَكْ-ذ ثَارْوَا نْسنْثْ، أَربْعِينْ ن ثْفُونَاسِينْ ثِيمژْيَانِينْ،عشْرَا ن إِفُونَاسنْ إِمژْيَاننْ ذ عِيشْرِينْ ن ثغْيَاڒْ ذعشْرَا ن يغْيَاڒْ إِمژْيَانِينْ.
GEN 32:17 إِسّعْذُو ثنْ غَارْ إِفَاسّنْ ن إِمْسخَّارنْ نّسْ، كُوڒْ ثَاحِيمَارْثْ وحّْذسْ، ؤُشَا إِنَّا إِ إِمْسخَّارنْ نّسْ: ”عْذُومْ كنِّيوْ [ڒخُّو] زَّاثْ إِنُو، ڭّمْ تَّاسِيعْ جَارْ ثْحِيمَارْثْ ذ ثْحِيمَارْثْ.“
GEN 32:18 [خنِّي] يُومُورْ ؤُمزْوَارْ، إِنَّا أَسْ: ”مَاڒَا يُوسَا-د عِيسُو إِ ؤُمْسَاڭَارْ أَكِيذكْ ؤُشَا إِسّقْسَا أَشْ، إِنَّا: ’وِي شكْ يِيڒَانْ ذ مَانِي غَا ثْرَاحذْ؟‘ ؤُ ’ؤُمِي ثِينَا إِ إِدْجَانْ زَّاثكْ؟‘،
GEN 32:19 [ڒخْذنِّي] أَذْ ثِينِيذْ: ’ذ أَرِّيغَالُو إِ يدْجَا ن ؤُمْسخَّارْ نّشْ يَاعْقُوبْ، ونِّي د-إِسّكّْ إِ سِيذِي إِنُو عِيسُو. خْزَارْ، نتَّا عَاوذْ [يُوسَا-د] أَوَارْنِي [أَنغْ]!‘ “
GEN 32:20 يُومُورْ عَاوذْ ونِّي وِيسّْ ثْنَاينْ ذ وِيسّْ ثْڒَاثَا إِنِّي إِڭُّورنْ أَوَارْنِي إِ ثْحِيمْرِيوِينْ، إِنَّا: ”سِيوْڒمْ أَوَاڒنْ-أَ ذ إِجّنْ أَكْ-ذ عِيسُو، خْمِي ث غَا ثڒْقَامْ.
GEN 32:21 كنِّيوْ عَاوذْ أَذْ ثِينِيمْ: ’خْزَارْ، أَمْسخَّارْ نّشْ يَاعْقُوبْ يُوسَا-د أَوَارْنِي أَنغْ!‘ “ مِينْزِي إِنَّا: ”أَذْ ث سَّاريّْحغْ س أَرِّيغَالُو-يَا إِ د-يُوسِينْ زَّاثْ إِنُو. خنِّي أَوَارْنِي مَانْ أَيَا أَذْ ژَترغْ أَغمْبُوبْ نّسْ، بَالَاكْ أَذْ إِقْبڒْ أَغمْبُوبْ إِنُو [زَّاثسْ].“
GEN 32:22 [أَمُّو] إِ إِسِّيزَّارْ أَرِّيغَالُو زَّاثسْ غَارْ ؤُجمَّاضْ أَمْ إِسّنْسْ نتَّا دْجِيرثْ نِّي ذِي ڒْمَارْڭحْ ن ڒْعسْكَارْ.
GEN 32:23 إِكَّارْ دْجِيڒثْ نِّي ؤُشَا إِكْسِي ثْنَاينْ ن ثمْغَارِينْ نّسْ ذ ثْنَاينْ ن ثِييَّا نّسْ ذ حِيطَاشْ ن إِحنْجِيرنْ نّسْ، إِژْوَا أَمْشَانْ ن ؤُژكّْوُو ن [يغْزَارْ ن] يَابُّوقْ.
GEN 32:24 يِيوْيِي إِ-ثنْ ؤُشَا إِسّژْوَا ثنْ إِ ثغْزُورْثْ ؤُ [مَارَّا] مِينْ غَارسْ إِسّعْذُو ث غَارْ ؤُجمَّاضْ.
GEN 32:25 [مَاشَا] إِقِّيمْ يَاعْقُوبْ وحّْذسْ ؤُ نتَّا إِمُّوغْزڒْ أَكْ-ذ إِجّْ ن ورْيَازْ أَڒْمِي ذ ثُوفُّوثْ ن ڒفْجَارْ.
GEN 32:26 [ؤُمِي] إِژْرَا وَانِيثَا أَقَا وَارْ خَاسْ إِقدّْ شَا، إِحَاذَا ث غَارْ ومْشَانْ ن ثمْقِيقّشْثْ ن ثْمصَّاضْثْ نّسْ، مَاحنْذْ أَذْ د-ثنْخُوخرْ ثَامْقِيقّشْثْ ن ثْمصَّاضْثْ ن يَاعْقُوبْ ؤُمِي كِيذسْ ثُوغَا إِتّْمُوغْزُوڒْ.
GEN 32:27 إِنَّا: ”أجّْ أَيِي أَذْ رَاحغْ، أَقَا إِصْبحْ ڒْحَاڒْ.“ مَاشَا نتَّا إِنَّا: ”وَارْ شكْ تّجِّيغْ، مْغِيرْ مَاڒَا ثْبَارْكذْ أَيِي.“
GEN 32:28 ؤُشَا نتَّا إِنَّا أَسْ: ”مَامّشْ ذ أَشْ قَّارنْ؟“ يَارَّا-د خَاسْ: ”يَاعْقُوبْ.“
GEN 32:29 [خنِّي] إِنَّا أَسْ: ”وَارْ ذ أَشْ قَّارنْ عَاذْ يَاعْقُوبْ، مَاشَا إِسْرَائِيل، مِينْزِي ثمّنْغذْ أَكْ-ذ أَربِّي ذ إِوْذَانْ، ؤُشَا شكْ ثْغڒْبذْ.“
GEN 32:30 إِسّقْسَا يَاعْقُوبْ [خنِّي]، إِنَّا: ”إِنِي أَيِي ڒخُّو إِسمْ نّشْ!“ يَارَّا-د خَاسْ: ”مَاغَارْ ثسّقْسِيذْ خْ يِيسمْ إِنُو؟“ ؤُشَا إِبَارْكْ إِ-ث ذِينْ.
GEN 32:31 ؤُشَا إِسمَّا يَاعْقُوبْ أَمْشَانْ نِّي فَانُووِيلْ، إِنَّا: ”مِينْزِي ژْرِيغْ أَربِّي أَغمْبُوبْ ذڭْ ؤُغمْبُوبْ ؤُشَا إِنْجمْ ڒعْمَارْ إِنُو.“
GEN 32:32 ثنْقَارْ-د خَاسْ ثْفُوشْثْ ؤُمِي ثُوغَا إِعْذُو خْ فَانُووِيلْ، ؤُشَا يُويُورْ إِتّْزحّفْ زِي ثْمصَّاضْثْ نّسْ.
GEN 32:33 خْ ؤُيَا وَارْ تّتّنْ أَيْثْ ن إِسْرَائِيل أَڒْ أَسّْ-أَ زڭْ وژْوَارْ إِڭْذَارنْ إِ إِتّكّنْ خْ ثمْقِيقّشْثْ ن ثْمصَّاضْثْ، مِينْزِي إِحَاذَا ثَامصَّاضْثْ ن يَاعْقُوبْ غَارْ مَانِي إِدْجَا وژْوَارْ إِڭْذَارنْ.
GEN 33:1 إِسّْڭعّذْ يَاعْقُوبْ ثَامُوغْڒِي نّسْ ؤُشَا إِژْرَا عِيسُو ذ أَربْعَا-مْيَا ن يرْيَازنْ أَكِيذسْ خشّنْ-د. إِفَارْقْ [يَاعْقُوبْ] إِحنْجِيرنْ خْ لِييَا ذ رَاحِيلْ ذ ثْنَاينْ ن ثِييَّا.
GEN 33:2 إِڭَّا ثِييَّا ذ ثَارْوَا نْسنْثْ غَارْ زَّاثْ، أَوَارْنِي أَسنْثْ لِييَا ذ ثَارْوَا نّسْ ؤُ رَاحِيلْ ذ يُوسُوفْ ذ إِنڭُّورَا.
GEN 33:3 ؤُمِي إِعْذُو زَّاثْ إِ ثِيطَّاوِينْ نْسنْ، إِبنْذقْ غَارْ ثمُّورْثْ سبْعَا ن ثْوَاڒَاوِينْ أَڒَامِي د-يِيوضْ غَارْ ؤُمَاسْ.
GEN 33:4 عِيسُو يُوزّڒْ-د حِيمَا أَذْ ث إِڒْقَا، إِذَارّعْ أَسْ، إِنْڭزْ أَسْ خْ يِيرِي نّسْ، إِسُّوذمْ إِ-ث ؤُشَا رُونْ س ثْنَاينْ.
GEN 33:5 [خَاسْ ؤُشَا] إِسّْڭعّذْ ثِيطَّاوِينْ نّسْ، إِژْرَا ثِيمْغَارِينْ ذ إِحنْجِيرنْ نِّي ؤُشَا إِنَّا: ”مِينْ عْنَانْ إِنَا إِنِّي أَكِيذكْ؟“ نتَّا يَارَّا-د خَاسْ: ”ذ ثَارْوَا نِّي إِوْشَا أَربِّي زڭْ أَرْضَا [نّسْ] إِ ؤُمْسخَّارْ نّشْ.“
GEN 33:6 ؤُشَا رحّْڭنْثْ-إِ-د ثِييَّا، نِيثنْثِي ذ ثَارْوَا نْسنْثْ، ؤُشَا بنْذْقنْثْ.
GEN 33:7 ثْرحّڭْ-د عَاوذْ لِييَا ذ إِحنْجِيرنْ نّسْ ؤُشَا بنْذْقنْ. ڒخْذنِّي إِقَارّبْ-د يُوسُوفْ ذ رَاحِيلْ ؤُشَا بنْذْقنْ.
GEN 33:8 إِنَّا أَسْ: ”مِينْ ثخْسذْ أَكْ-ذ ؤُبَارُّو-يَا ن ڒْعسْكَارْ نِّي ڒْقِيغْ؟“ نتَّا إِنَّا: ”[نشّْ سّكّغْ ث،] مَاحنْذْ أَذْ أَفغْ أَرْضَا ذِي ثِيطَّاوِينْ ن سِيذِي إِنُو!“
GEN 33:9 إِنَّا عِيسُو: ”أَقَا غَارِي أَطَّاسْ، ؤُمَا إِنُو! أَذْ يِيڒِي إِ شكْ مِينْ إِدْجَانْ نّشْ!“
GEN 33:10 [خَاسْ ؤُشَا] إِنَّا يَاعْقُوبْ: ”لَّ، تّْزَاوَاڭغْ شكْ! مَاڒَا ؤُفِيغْ ڒخُّو أَرْضَا ذِي ثِيطَّاوِينْ نّشْ، كْسِي أَرِّيغَالُو إِنُو زڭْ إِفَاسّنْ إِنُو، مَاغَارْ ژْرِيغْ ؤُذمْ نّشْ أَخْمِي ژْرِيغْ ؤُذمْ ن أَربِّي ؤُشَا ثْقبْڒذْ خَافِي س ڒمْڒَاحثْ.
GEN 33:11 تّْزَاوْڭغْ شكْ، كْسِي لْبَارَاكَا إِنُو إِ ذ أَشْ د-إِوْيغْ، مِينْزِي أَربِّي إِمْصُورُّوفْ أَكِيذِي س أَرْضَا ؤُشَا نشّْ غَارِي كُوڒْشِي.“ إِكلّفْ إِ-ث ؤُشَا إِكْسِي ث.
GEN 33:12 نتَّا إِنَّا: ”أجّْ أَنغْ أَذْ نفْسِي إِقِيضَانْ نّغْ، أَذْ نْرَاحْ. نشّْ أَذْ رَاحغْ زَّاثشْ.“
GEN 33:13 [مَاشَا] نتَّا إِنَّا أَسْ: ”سِيذِي إِنُو إِسّنْ، أَقَا إِحنْجِيرنْ-أَ أَرهْفنْ ؤُ أَقَا غَارِي ؤُدْجِي ذ ثْفُونَاسِينْ ؤُرْونْثْ سُّوطُّوضنْثْ. مَاڒَا بْنَاذمْ إِزيَّارْ خَاسنْثْ أَطَّاسْ، [وَاخَّا مْغِيرْ إِ] يِيجّْ ن وَاسّْ، أَذْ إِمّثْ وُودْجِي مَارَّا.
GEN 33:14 أَذْ إِعْذُو ڒخُّو سِيذِي إِنُو زَّاثْ إِ ؤُغمْبُوبْ ن ؤُمْسخَّارْ نّسْ ؤُ نشّْ أَذْ د-أَسغْ شْوَايْثْ شْوَايْثْ أَكْ-ذ إِصُورَافْ ن ڒكْسِيبثْ إِ إِدْجَانْ زَّاثِي ؤُڒَا أَكْ-ذ إِصُورَافْ ن إِحنْجِيرنْ، أَڒْ د غَا أَوْضغْ غَارْ سِيذِي إِنُو ذِي سَاعِيرْ.“
GEN 33:15 إِنَّا عِيسُو: ”أَذْ جّغْ ڒخُّو أَكِيذكْ [شَا ن] إِوْذَانْ إِنِّي إِدْجَانْ أَكِيذِي.“ [مَاشَا] نتَّا إِنَّا: ”ؤُمِي دّڭَّا؟ أجّْ أَيِي أَذْ أَفغْ أَرْضَا ذِي ثِيطَّاوِينْ ن سِيذِي إِنُو!“
GEN 33:16 إِعْقبْ-د عِيسُو ذڭْ وَاسّْ نِّي خْ وبْرِيذْ غَارْ سَاعِيرْ.
GEN 33:17 ؤُشَا إِفْسِي يَاعْقُوبْ إِقِيضَانْ نّسْ، [يُويُورْ] غَارْ سُوكُّوثْ، إِبْنَا ذِينْ ثَادَّارْثْ إِ يِيخفْ نّسْ ؤُشَا إِڭَّا إِعُوشُّوثنْ ن ثْسطَّا إِ ڒبْهَايمْ نّسْ. خْ ؤُيَا إِڒَاغَا إِسمْ ن ومْشَانْ نِّي سُوكُّوثْ، [إِخْسْ أَذْ يِينِي ’إِعُوشُّوثنْ‘].
GEN 33:18 ؤُمِي د-إِعْقبْ يَاعْقُوبْ زِي فَاذَانْ-أَرَامْ، يُوسَا-د غَارْ شَالِيمْ، إِشْثْ ن ثنْذِينْثْ ن شَاكِيمْ، ثنِّي إِدْجَانْ ذِي ثمُّورْثْ ن كنْعَانْ، ؤُشَا إِوْثَا إِقِيضَانْ نّسْ زَّاثْ إِ ثنْذِينْثْ.
GEN 33:19 إِسْغَا طَّارْفْ ن ييَّارْ مَانِي إِوْثَا إِقِيضَانْ نّسْ، زڭْ إِفَاسّنْ ن إِحنْجِيرنْ ن حَامُورْ، بَابَاسْ ن شَاكِيمْ، س مْيَا ن إِزِييْنَاثْ ن نُّوقَارْثْ إِوزْننْ.
GEN 33:20 إِسّْڭعّذْ ذِينْ إِجّْ ن ؤُعَالْطَارْ [مِينْ خفْ ثمَّارْسْ ثْغَارْصْثْ] ؤُشَا إِڒَاغَا أَسْ: ’أَربِّي [ذ] أَربِّي ن إِسْرَائِيل!‘
GEN 34:1 ذِينَا، يدْجِيسْ ن لِييَا، ثنِّي د-ثُورُووْ إِ يَاعْقُوبْ، ثفّغْ، حِيمَا أَذْ ثمّڒْقَا أَكْ-ذ يسِّيسْ ن ثمُّورْثْ.
GEN 34:2 شَاكِيمْ، مِّيسْ ن حَامُورْ أَحِيوِي، ڒْحَاكمْ ن ثمُّورْثْ نِّي، إِژْرَا إِ-ت، إِكْسِي ت ؤُشَا إِطّصْ أَكِيذسْ، إِسّخْسَارْ إِ-ت.
GEN 34:3 إِطَّارْبطْ ذِي ذِينَا، يدْجِيسْ ن يَاعْقُوبْ، ؤُ نتَّا إِخْسْ ثَابْڒِيغْثْ ؤُشَا إِسِّيوڒْ غَارْ وُوڒْ ن ثبْڒِيغْثْ.
GEN 34:4 إِسِّيوڒْ شَاكِيمْ غَارْ حَامُورْ بَابَاسْ، إِنَّا أَسْ: ”أَوْيِي أَيِي-د ثَابْڒِيغْثْ-أَ ذ ثَامْغَارْثْ.“
GEN 34:5 ڒَامِي إِسْڒَا يَاعْقُوبْ بلِّي شَاكِيمْ إِضيّعْ [شَّارَافْ ن] يدْجِيسْ ذِينَا، ثُوغَا إِحنْجِيرنْ نّسْ أَكْ-ذ ڒبْهَايمْ ذڭْ إِيَّارْ. إِسُّوسمْ يَاعْقُوبْ أَڒَامِي د -عقْبنْ نِيثْنِي.
GEN 34:6 إِرُوحْ حَامُورْ، بَابَاسْ ن شَاكِيمْ غَارْ يَاعْقُوبْ، حِيمَا أَذْ كِيسْ إِسِّيوڒْ.
GEN 34:7 ثَارْوَا ن يَاعْقُوبْ ذوْڒنْ-د زڭْ إِيَّارْ ؤُشَا أَرڭّْبنْ خْ ڒخْبَارْ. خيّْقنْ خْ مَانْ أَيَا [ذڭْ وُوڒْ] ؤُ فُّوڭْمنْ أَطَّاسْ، مِينْزِي إِڭَّا ڒفْضِيحثْ-أَ ذِي إِسْرَائِيل ؤُمِي إِطّصْ أَكْ-ذ يدْجِيسْ ن يَاعْقُوبْ. مَانْ أَيَا وَارْ إِشُووَّارْ أَذْ ث يڭّْ.
GEN 34:8 إِسِّيوڒْ حَامُورْ أَكِيذْسنْ، إِنَّا: ”ڒعْمَارْ ن مِّي شَاكِيمْ إِقّنْ غَارْ يدْجِيثْومْ، تّْزَاوَاڭغْ، أَذْ أَسْ ت ثوْشمْ ذ ثَامْغَارْثْ،
GEN 34:9 ؤُشَا أَذْ نمْضڭّْوَاڒْ. أَذْ أَنغْ ثوْشمْ يدْجِيثْومْ، كنِّيوْ أَذْ ثكْسِيمْ يسِّيثْنغْ إِ يِيخفْ نْومْ.
GEN 34:10 زذْغمْ أَكِيذْنغْ، مِينْزِي ثَامُّورْثْ أَقَا-ت زَّاثْومْ. زذْغمْ ؤُ ؤُيُورمْ ذَايسْ ؤُشَا طّْفمْ ذَايسْ أَڭْڒَا إِ كنِّيوْ.“
GEN 34:11 ؤُشَا إِنَّا شَاكِيمْ [عَاوذْ] إِ بَابَاسْ ذ أَيْثْمَاسْ: ”أجّْ أَيِي أَذْ أَفغْ أَرْضَا ذِي ثِيطَّاوِينْ نْومْ ؤُشَا أَذْ وْشغْ مِينْ ذ أَيِي غَا ثِينِيمْ.
GEN 34:12 [وَاخَّا] أَذْ ثسّْضقْڒمْ خَافِي [ڒحْمڒْ] أَطَّاسْ [ن] صَّاذَاقْ ذ سُّونَانْ، أَقَا نشّْ أَذْ وْشغْ مشْحَاڒْ مَا ذ أَيِي غَا ثِينِيمْ. وْشمْ أَيِي مْغِيرْ ثَابْڒِيغْثْ ذ ثَامْغَارْثْ.“
GEN 34:13 أَرِّينْ-د إِحنْجِيرنْ ن يَاعْقُوبْ خْ شَاكِيمْ ذ حَامُورْ، بَابَاسْ، س إِشْثْ ن ثحْرَايْمشْثْ، مِينْزِي أَقَا إِسّخْسَارْ ذِينَا، ؤُتْشْمَاثْسنْ.
GEN 34:14 نِيثْنِي سِّيوْڒنْ، نَّانْ أَسنْ: ”وَارْ نْزمَّارْ أَذْ نڭّْ أَمُّو، أَذْ نوْشْ ؤُتْشْمَاثْنغْ إِ ورْيَازْ نِّي [عَاذْ] س ڒعْذَاڒْيثْ. ذڭَّا ذ ڒْعَارْ خَانغْ.
GEN 34:15 مْغِيرْ س ؤُمْثَاوِي-يَا وَاهَا أَذْ كنِّيوْ نْسعّفْ، مَاڒَا ثڭِّيمْ أَمْ نشِّينْ، أَذْ ثتّْوَاخثْنمْ مَارَّا إِوثْمَانْ نْومْ.
GEN 34:16 [خنِّي] أَذْ أَومْ نوْشْ يدْجِيثْنغْ ؤُشَا أَذْ نكْسِي يسِّيثْومْ، أَذْ كِيذْونْ نزْذغْ، أَذْ نِيڒِي ذ إِجّْ ن ڒْڭنْسْ.
GEN 34:17 [مَاشَا] مَاڒَا وَارْ ذ أَنغْ ثسْڒِيمْ ذِي ثْمسْڒَاشْثْ ن وخْثَانْ، [خنِّي] أَذْ نكْسِي يدْجِيثْنغْ ؤُشَا أَذْ نُويُورْ.“
GEN 34:18 بَاننْ وَاوَاڒنْ نْسنْ مْلِيحْ ذڭْ إِمزُّوغنْ ن حَامُورْ ؤُ ذڭْ إِمجَّانْ ن شَاكِيمْ، مِّيسْ ن حَامُورْ.
GEN 34:19 أَعزْرِي وَارْ ذ أَسْ إِشْقِي أَذْ إِڭّْ مَانْ أَيَا، مِينْزِي نتَّا إِتّخْسْ أَطَّاسْ يدْجِيسْ ن يَاعْقُوبْ ؤُ نتَّا ثُوغَا-ث قَاعْ مْوقَّارْ ذِي مَارَّا ثَادَّارْثْ ن بَابَاسْ.
GEN 34:20 ؤُشَا ؤُسِينْ-د حَامُورْ ذ مِّيسْ شَاكِيمْ غَارْ ثوَّارْثْ ن ثنْذِينْثْ نّسْ، سِّيوْڒنْ أَكْ-ذ يرْيَازنْ ن ثنْذِينْثْ، نَّانْ:
GEN 34:21 ”إِرْيَازنْ-أَ ذ إِمْهُوذْننْ أَكِيذْنغْ. أجّْ أَنغْ أَذْ ثنْ نجّْ أَذْ زذْغنْ ذِي ثمُّورْثْ-أَ ؤُشَا أَذْ ذَايسْ ؤُيُورنْ. خْزَارْ، ثَامُّورْثْ ثوْسعْ إِ نِيثْنِي غَارْ مَارَّا إِغزْذِيسنْ نّسْ. نشِّينْ أَذْ نكْسِي يسِّيثْسنْ ذ ثِيمْغَارِينْ، أَذْ أَسنْ نوْشْ يسِّيثْنغْ.
GEN 34:22 [مَاشَا] س ؤُمْثَاوِي-يَا وَاهَا أَذْ سعّْفنْ يرْيَازنْ-أَ، حِيمَا أَذْ كِيذْنغْ زذْغنْ ؤُ حِيمَا أَذْ ذوْڒنْ ذ إِجّْ ن ڒْڭنْسْ [أَكِيذْنغْ]، مَاڒَا مَارَّا إِرْيَازنْ إِ إِدْجَانْ جَارْ أَنغْ أَذْ تّْوَاخثْننْ أَمْ مَامّشْ تّْوَاخثْننْ نِيثْنِي.
GEN 34:23 ڒبْهَايمْ نْسنْ ذ أَڭْڒَا نْسنْ ذ مَارَّا ڒْمَاڒْ نْسنْ، مَا وَارْ تِّيڒِينْ نّغْ؟ أجّْ أَنغْ أَذْ ثنْ نْسعّفْ، [خنِّي] أَذْ زذْغنْ أَكِيذْنغْ.“
GEN 34:24 مَارَّا إِنِّي د-يُوسِينْ غَارْ ثوَّارْثْ ن ثنْذِينْثْ نّسْ سْڒِينْ إِ حَامُورْ ذ مِّيسْ شَاكِيمْ ؤُشَا مَارَّا إِرْيَازنْ إِنِّي د-يُوسِينْ غَارْ ثوَّارْثْ ن ثنْذِينْثْ نّسْ، تّْوَاخثْننْ.
GEN 34:25 ؤُمِي ثُوغَا عَاذْ ذَايْسنْ ڒهْرِيقْ ذڭْ وَاسّْ وِيسّْ ثْڒَاثَا، ثمْسَارْ بلِّي إِحنْجِيرنْ ن يَاعْقُوبْ، شِيمْعُونْ ذ لَاوِي، أَيْثْمَاسْ ن ذِينَا، أَقَا كُوڒْ إِجّْ زَّايْسنْ إِكْسِي سِّيفْ نّسْ ؤُشَا رُوحنْ غَارْ ثنْذِينْثْ مَانِي ذ أَسنْ إِتّْغِيڒْ أَقَا ذَايسْ ڒَامَانْ ؤُشَا نْغِينْ مَارَّا إِرْيَازنْ.
GEN 34:26 نْغِينْ حَامُورْ ذ مِّيسْ شَاكِيمْ س ڒقْضعْ ن سِّيفْ ؤُشَا كْسِينْ ذِينَا زِي ثَادَّارْثْ ن شَاكِيمْ، فّْغنْ.
GEN 34:27 ثَارْوَا ن يَاعْقُوبْ ؤُسِينْ-د غَارْ يِينِّي إِتّْوَانْغنْ ؤُشَا كشّْضنْ ثَانْذِينْثْ، مِينْزِي نِيثْنِي سّخْسَارنْ ؤُتْشْمَاثْسنْ.
GEN 34:28 كْسِينْ ؤُدْجِي نْسنْ ذ إِفُونَاسنْ ذ ثْفُونَاسِينْ نْسنْ ذ يغْيَاڒْ نْسنْ ذ مَارَّا مِينْ ثُوغَا ذِي ثنْذِينْثْ ؤُ ذڭْ إِيَّارْ.
GEN 34:29 كْسِينْ مَارَّا أَڭْڒَا نّسْ ؤُشَا إِوْينْ-د مَارَّا إِحنْجِيرنْ ذ ثمْغَارِينْ نْسنْ ذ إِمحْبَاسْ ؤُشَا ؤُشَارنْ مَارَّا مِينْ ثُوغَا ذِي ثُوذْرِينْ.
GEN 34:30 [خنِّي] إِنَّا يَاعْقُوبْ إِ شِيمْعُونْ ذ لَاوِي: ”كنِّيوْ ثسِّيذْفمْ أَيِي ذڭْ إِمْخُومْبَارْ أَڒَامِي ذ أَيِي ثسَّارْزْڭمْ غَارْ إِمزْذَاغْ ن ثمُّورْثْ-أَ، غَارْ أَيْثْ ن كنْعَانْ ذ إِفِيرِيزِييّنْ. ذ نشّْ غَارِي إِجّْ ن وُورُو ن يرْيَازنْ [وَاهَا]. [مَاڒَا] أَذْ مُوننْ خْ ؤُزڒْمَاضْ إِنُو، أَذْ أَيِي قژّْرنْ، أَذْ إِڒِيغْ أَريّْثغْ، نشّْ ذ ثَادَّارْثْ إِنُو.“
GEN 34:31 نِيثْنِي نَّانْ: ”مَا إِعدّڒْ خنِّي أَذْ إِحْسبْ ؤُتْشْمَاثْنغْ أَمشْنَاوْ إِشْثْ ن لْفَاسْذَا؟“
GEN 35:1 ؤُشَا إِنَّا أَربِّي إِ يَاعْقُوبْ: ”كَّارْ، ڭعّذْ غَارْ بَايْثْ-إِلْ ؤُشَا قِّيمْ ذِينْ. أڭّْ ذِينْ إِجّْ ن ؤُعَالْطَارْ [مِينْ خفْ إِ غَا ثسَّارْسذْ ثَاغَارْصْثْ] إِ أَربِّي، ونِّي ذ أَشْ د-إِبَاننْ ؤُمِي د-ثَاروْڒذْ زڭْ ؤُغمْبُوبْ ن ؤُمَاشْ عِيسُو.“
GEN 35:2 [خنِّي] إِنَّا يَاعْقُوبْ إِ ڒْوَاشُونْ [ن ثَادَّارْثْ] نّسْ ؤُ إِ مَارَّا إِنِّي ثُوغَا أَكِيذسْ: ”كّْسمْ إِربِّيثنْ إِغْرِيبنْ نِّي إِدْجَانْ جَارْ أَومْ، سِيزذْڭمْ إِخفْ نْومْ ؤُشَا بدّْڒمْ أَرُّوضْ نْومْ.
GEN 35:3 أَذْ نكَّارْ، أَذْ نْڭعّذْ غَارْ بَايْثْ-إِلْ. نشّْ أَذْ ڭّغْ ذِينْ إِجّْ ن ؤُعَالْطَارْ إِ أَربِّي نِّي خَافِي د-يَارِّينْ ذڭْ وَاسّْ ن ڒحْصَارثْ إِنُو، ذ ونِّي ثُوغَا أَكِيذِي ذڭْ وبْرِيذْ نِّي ؤُيُورغْ.“
GEN 35:4 ؤُشَا وْشِينْ إِ يَاعْقُوبْ مَارَّا إِربِّيثنْ إِغْرِيبنْ نِّي ثُوغَا غَارْسنْ ؤُڒَا ذ ثِيخْرَازِينْ ذڭْ إِمزُّوغنْ نْسنْ ؤُشَا إِفَّارْ إِ-ثنْ يَاعْقُوبْ سَاذُو ثْشجَّارْثْ ن يِيڭّْ إِ ثُوغَا زَّاثْ إِ شَاكِيمْ.
GEN 35:5 [ڒَْامِي] فسْينْ إِقِيضَانْ، [ؤُيُورنْ] سّنِّي، ثُوغَا ثِيڭّْوُوذِي ن أَربِّي خْ ثْندَّامْ نِّي ثُوغَا ذِي جّْوَايهْ إِ ذ أَسنْ د-إِنّْضنْ، أَڒَامِي نِيثْنِي وَارْ ضفَّارنْ إِحنْجِيرنْ ن يَاعْقُوبْ.
GEN 35:6 أَمُّو إِ يِيوضْ يَاعْقُوبْ غَارْ لُوزْ ذِي ثمُّورْثْ ن كنْعَانْ، أَقَا-ت ذ بَايْثْ-إِلْ، نتَّا ذ مَارَّا ڒْڭنْسْ إِ ثُوغَا أَكِيذسْ.
GEN 35:7 إِبْنَا ذِينْ إِجّْ ن ؤُعَالْطَارْ ؤُشَا إِڒَاغَا إِ ومْشَانْ نِّي إِلْ-بَايْثْ-إِلْ، مِينْزِي ذِينِّي إِ ذ أَسْ د-إِضْهَارْ أَربِّي، ؤُمِي د-يَارْوڒْ زڭْ ؤُغمْبُوبْ ن ؤُمَاسْ.
GEN 35:8 ثمُّوثْ ذِيبُورَا، ثَامسّطَّاضْثْ ن رِيفْقَا ؤُشَا نضْڒنْ ت سْوَادَّايْ إِ بَايْثْ-إِلْ، سَاذُو ثَابدْجُوضْثْ ؤُشَا إِڒَاغَا إِسمْ نّسْ ’أَلُّونْ-بَاكُوثْ‘، [أَقَا-ت ذ ’ثَابدْجُوضْثْ ن إِمطَّاونْ‘].
GEN 35:9 إِضْهَارْ أَسْ-د عَاوذْ أَربِّي إِ يَاعْقُوبْ ؤُمِي د-إِذْوڒْ زِي فَاذَانْ-أَرَامْ ؤُشَا إِبَارْكْ إِ-ث.
GEN 35:10 إِنَّا أَسْ أَربِّي: ”إِسمْ نّشْ ذ يَاعْقُوبْ. زِي سَّا ذ ثْسَاونْثْ وَارْ تّڭّنْ عَاذْ إِسمْ نّشْ ’يَاعْقُوبْ‘، مَاشَا ’إِسْرَائِيل‘، ذ وَا إِ غَا يِيڒِينْ ذ إِسمْ نّشْ.“ ؤُشَا إِسمَّا ث إِسْرَائِيل.
GEN 35:11 إِنَّا أَسْ أَربِّي: ”نشّْ ذ أَربِّي، أَمْزمَّارْ خْ كُوڒْشِي! أڭّْ ڒْغِيدْجثْ، مَّارْنِييْ! زَّايكْ إِ غَا إِفّغْ إِجّْ ن ڒْڭنْسْ، وَاهْ، ذ إِجّْ ن وڭْرَاوْ ن ڒڭْنُوسْ أَذْ فّْغنْ زَّايكْ ؤُ إِجدْجِيذنْ أَذْ فّْغنْ زِي ثجْعِينَّا نّشْ.
GEN 35:12 ؤُشَا ثَامُّورْثْ-أَ إِ وْشِيغْ إِ إِبْرَاهِيمْ ذ إِسْحَاقْ، إِ شكْ ؤُمِي ت إِ غَا وْشغْ ؤُشَا ؤُڒَا إِ زَّارِيعثْ نّشْ أَوَارْنِي أَشْ أَذْ وْشغْ ثَامُّورْثْ.“
GEN 35:13 [خَاسْ ؤُشَا] إِڭعّذْ أَربِّي سنّجْ زڭْ ومْشَانْ مَانِي كِيذسْ إِسِّيوڒْ.
GEN 35:14 يَاعْقُوبْ إِسّْڭعّذْ إِجّْ ن وژْرُو ن ڒِيذَارثْ ذڭْ ومْشَانْ مَانِي كِيسْ إِسِّيوڒْ، إِجّْ ن وژْرُو ن ڒِيذَارثْ. إِسيّبْ خَاسْ إِشْثْ ن ثوْهِيبْثْ ن ؤُسيّبْ ؤُشَا إِفَارّغْ زّشْثْ خْ ؤُزدْجِيفْ نّسْ.
GEN 35:15 إِڭَّا يَاعْقُوبْ إِسمْ ن ومْشَانْ مَانِي كِيذسْ إِسِّيوڒْ أَربِّي ’بَايْثْ-إِلْ!‘
GEN 35:16 فسْينْ نِيثْنِي إِقِيضَانْ نْسنْ، [فّْغنْ] زِي بَايْثْ-إِلْ ؤُشَا ؤُمِي ثُوغَا تّڭّْوِيجنْ مْغِيرْ شْوَايْثْ خْ إِفْرَاثَا، خنِّي ثُورُووْ-د رَاحِيلْ ؤُ ثعْذُو خَاسْ ثَارْوَا ثقْسحْ.
GEN 35:17 إِمْسَارْ، ؤُمِي ثغُّوضذْ ذِي ثَارْوَا نّسْ، ثنَّا أَسْ ڒْقَابْڒَا: ”وَارْ تّڭّْوذْ، أَقَا وَا عَاوذْ أَذْ يِيڒِي ذ مِّيمْ!“
GEN 35:18 ڒَامِي ثضْڒقْ إِ بُوحْبڒْ أَمْ ثمُّوثْ [ذِينْ]، أَقَا ثْڒَاغَا أَسْ بِينْ-ؤُنِي، [إِسمْ-أَ إِخْسْ أَذْ يِينِي ’مِّيسْ ن ڒحْرِيقْ إِنُو‘]، [مَاشَا] بَابَاسْ إِڒَاغَا أَسْ بِينْيَامِينْ، [إِخْسْ أَذْ يِينِي ’مِّيسْ ن زّْهَارْ إِنُو‘].
GEN 35:19 [أَمُّو] إِ ثمُّوثْ رَاحِيلْ ؤُشَا نضْڒنْثْ ت ذڭْ وبْرِيذْ غَارْ إِفْرَاثَا، إِخْسْ أَذْ يِينِي بَايْثْ-لَاحْمْ.
GEN 35:20 ؤُشَا إِڭَّا يَاعْقُوبْ إِجّْ ن وژْرُو ن ڒِيذَارثْ خْ ونْضڒْ نّسْ. ذ وَا ذ أَژْرُو ن ڒِيذَارثْ ن رَاحِيلْ خْ ونْضڒْ ن رَاحِيلْ أَڒْ أَسّْ-أَ.
GEN 35:21 [خَاسْ ؤُشَا] إِفْسِي إِسْرَائِيل إِقِيضَانْ ؤُشَا إِوْثَا أَقِيضُونْ نّسْ خْ ؤُعدُّو ن مَاجْذَالْ-عِيذْرْ.
GEN 35:22 ؤُمِي إِزْذغْ إِسْرَائِيل ذِي ثمُّورْثْ نِّي، إِمْسَارْ بلِّي رُوبِينْ إِرُوحْ إِطّصْ أَكْ-ذ بِيلْهَا، ثَايَّا ن بَابَاسْ، ؤُشَا يِيوضْ أَذْ [ث] إِفْهمْ إِسْرَائِيل. أَقَا ڒخُّو إِوْضنْ أَيْثْ ن يَاعْقُوبْ ثنْعَاشْ.
GEN 35:23 ثَارْوَا ن لِييَا [ثُوغَا أَثنْ]: رُوبِينْ، أَمنْزُو ن يَاعْقُوبْ ذ شِيمْعُونْ ذ لَاوِي ذ يَاهُوذَا ذ إِسَّاكَارْ ذ زابُولُونْ.
GEN 35:24 ثَارْوَا ن رَاحِيلْ [ثُوغَا أَثنْ]: يُوسُوفْ ذ بِينْيَامِينْ.
GEN 35:25 ثَارْوَا ن بِيلْهَا، ثَايَّا ن رَاحِيلْ، [ثُوغَا أَثنْ]: ذَانْ ذ نَافْثَالِي.
GEN 35:26 ثَارْوَا ن زِيلْپَا، ثَايَّا ن لِييَا، [ثُوغَا أَثنْ]: جَاذْ ذ أَشِيرْ. إِنَا [ثُوغَا أَثنْ ذ] إِحنْجِيرنْ ن يَاعْقُوبْ إِنِّي ذ أَسْ د-إِتّْوَاخڒْقنْ ذِي فَاذَانْ-أَرَامْ.
GEN 35:27 ؤُشَا يُوسَا-د يَاعْقُوبْ غَارْ بَابَاسْ إِسْحَاقْ ذِي مَامْرِي، ذِي ثنْذِينْثْ ن أَرْبَاعْ، ثنِّي إِدْجَانْ ذ [ثَانْذِينْثْ ن] حَابْرُونْ، مَانِي ثُوغَا إِبْرَاهِيمْ إِزدّغْ أَمْ ؤُبَارَّانِي، ؤُشَا إِسْحَاقْ أَمنِّي [أَوَارْنِي أَسْ].
GEN 35:28 إِدَّارْ إِسْحَاقْ مْيَا ؤُ-ثْمَانْيِينْ ن إِسڭّْوُوسَا.
GEN 35:29 إِضْڒقْ إِسْحَاقْ إِ بُوحْبڒْ، إِمُّوثْ ؤُشَا إِمَّارْنِي غَارْ ڒْڭنْسْ نّسْ، إِوْسَارْ، إِجِّيونْ زِي ثُوذَارْثْ، ؤُشَا عِيسُو ذ يَاعْقُوبْ، إِحنْجِيرنْ نّسْ، نضْڒنْ ث.
GEN 36:1 إِنَا ذ إِمزْرُوينْ ن يِينِّي د-إِتّْوَاخڒْقنْ زِي عِيسُو، ونِّي إِدْجَانْ ذ إِذُومْ.
GEN 36:2 عِيسُو إِكْسِي ثِيمْغَارِينْ نّسْ زڭْ يسِّيسْ ن كنْعَانْ: عَاذَا، يدْجِيسْ ن إِلُونْ، أَحِيتِّي، ذ أَهُولِيبَامَا، يدْجِيسْ ن عَانَا، يدْجِيسْ ن صَابْعُونْ، أَحِيوِي،
GEN 36:3 ذ بَاسْمَاثْ، يدْجِيسْ ن إِسْمَاعِيلْ، ؤُتْشْمَاسْ ن نَابَايُوثْ.
GEN 36:4 عَاذَا ثُورُووْ-د إِلِيفَازْ إِ عِيسُو ؤُشَا بَاسْمَاثْ ثُورُووْ [أَسْ-د] رَاعُووِيلْ.
GEN 36:5 أَهُولِيبَامَا ثُورُووْ-د يَاعُوسْ ذ يَاعْلَامْ ذ قُورَاحْ. إِنَا [ثُوغَا أَثنْ ذ] إِحنْجِيرنْ ن عِيسُو، إِنِّي ذ أَسْ د-يُورْونْ ذِي ثمُّورْثْ ن كنْعَانْ.
GEN 36:6 ؤُشَا إِكْسِي عِيسُو ثِيمْغَارِينْ نّسْ ذ إِحنْجِيرنْ نّسْ ذ يسِّيسْ ذ مَارَّا أَيْثْبَابْ ن ثَادَّارْثْ نّسْ ؤُڒَا ذ ڒبْهَايمْ نّسْ ذ مَارَّا ڒْمَاڒْ نّسْ ذ مَارَّا أَڭْڒَا نّسْ نِّي ثُوغَا د-إِكْسبْ زِي ثمُّورْثْ ن كنْعَانْ ؤُشَا إِرُوحْ غَارْ ثمُّورْثْ [نّغْنِي] إِ إِڭّْوجنْ خْ ؤُغمْبُوبْ ن ؤُمَاسْ يَاعْقُوبْ،
GEN 36:7 مِينْزِي أَڭْڒَا نْسنْ ثُوغَا إِمْغَارْ أَڒَامِي وَارْ زمَّارنْ أَذْ زذْغنْ جْمِيعْ، ؤُشَا ثَامُّورْثْ مَانِي ثُوغَا زدّْغنْ أَمْ ڒْبَارَّانِي، وَارْ ثْقدّْ إِ ڒبْهَايمْ نْسنْ.
GEN 36:8 [خنِّي] إِزْذغْ عِيسُو ذڭْ إِذُورَارْ ن سَاعِيرْ. عِيسُو، نتَّا ذ إِذُومْ.
GEN 36:9 إِنَا ذ إِمزْرُوينْ ن يِينِّي د-إِتّْوَاخڒْقنْ زِي عِيسُو، بَابَاسْ ن إِذُومْ، ذڭْ إِذُورَارْ ن سَاعِيرْ.
GEN 36:10 إِنَا ثُوغَا أَثنْ ذ إِسْمَاونْ ن إِحنْجِيرنْ ن عِيسُو: إِلِيفَازْ، مِّيسْ ن عَاذَا ثنِّي ذ ثَامْغَارْثْ ن عِيسُو، رَاعُووِيلْ، مِّيسْ ن بَاسْمَاثْ، ثنِّي ذ ثَامْغَارْثْ ن عِيسُو.
GEN 36:11 إِحنْجِيرنْ ن إِلِيفَازْ ثُوغَا أَثنْ ذ ثَايْمَانْ، ؤُمَارْ، صَافُو، جَاعْثَامْ ذ قَانَازْ.
GEN 36:12 ثِيمْنَاعْ ثذْوڒْ ذ ثَايَّا ن إِلِيفَازْ، مِّيسْ ن عِيسُو، ؤُ نتَّاثْ ثُورُووْ-د عَامَالِيقْ إِ إِلِيفَازْ. إِنَا ثُوغَا أَثنْ ذ إِحنْجِيرنْ ن عَاذَا، ثَامْغَارْثْ ن عِيسُو.
GEN 36:13 إِنَا ثُوغَا أَثنْ ذ إِحنْجِيرنْ ن رَاعُووِيلْ: نَاحَاثْ، زَارَاحْ، شَامَّا ذ مِيزَّا. إِنَا ثُوغَا أَثنْ ذ إِحنْجِيرنْ ن بَاسْمَاثْ، ثنِّي ذ ثَامْغَارْثْ ن عِيسُو.
GEN 36:14 إِنَا ثُوغَا أَثنْ ذ إِحنْجِيرنْ ن أَهُولِيبَامَا، ثنِّي ذ ثَامْغَارْثْ ن عِيسُو، يدْجِيسْ ن عَانَا، ثنِّي ذ يدْجِيسْ ن زِيبْيُونْ. نتَّاثْ ثُورُووْ-د يَاعُوشْ، جَاعْلَامْ ذ قُورَاحْ إِ عِيسُو.
GEN 36:15 إِنَا ثُوغَا أَثنْ ذ إِمْغَارنْ ن ثْقبَّاڒْ ن أَيْثْ ن عِيسُو. إِحنْجِيرنْ ن إِلِيفَازْ، أَمنْزُو ن عِيسُو: أَمْغَارْ ثِيمَانْ ذ ؤُمْغَارْ ؤُمَارْ ذ ؤُمْغَارْ صَافُو ذ ؤُمْغَارْ قِينَازْ،
GEN 36:16 ذ ؤُمْغَارْ قُورَاحْ، ذ ؤُمْغَارْ ڭَاثَامْ، ذ ؤُمْغَارْ عَامَالِيقْ. إِنَا ثُوغَا أَثنْ ذ إِمْغَارنْ ن إِلِيفَازْ ذِي ثمُّورْثْ ن إِذُومْ، إِنَا ثُوغَا أَثنْ ذ إِحنْجِيرنْ ن عَاذَا.
GEN 36:17 إِنَا ثُوغَا أَثنْ ذ إِحنْجِيرنْ ن رَاعُووِيلْ، مِّيسْ ن عِيسُو: أَمْغَارْ نَاحَاثْ ذ ؤُمْغَارْ زَارَاحْ ذ ؤُمْغَارْ سَامَّا ذ ؤُمْغَارْ مِيزَّا. إِنَا ثُوغَا أَثنْ ذ إِمْغَارنْ ن رَاعُووِيلْ ذِي ثمُّورْثْ ن إِذُومْ، ذ إِنَا ثُوغَا أَثنْ ذ إِحنْجِيرنْ ن بَاسْمَاثْ، ثَامْغَارْثْ ن عِيسُو.
GEN 36:18 إِنَا ثُوغَا أَثنْ ذ أَيْثْ ن أَهُولِيبَامَا، ثَامْغَارْثْ ن عِيسُو: أَمْغَارْ يَاعُوشْ ذ ؤُمْغَارْ يَاعْلَامْ ذ ؤُمْغَارْ قُورَاحْ. إِنَا ثُوغَا أَثنْ ذ إِمْغَارنْ ن أَهُولِيبَامَا، ثَامْغَارْثْ ن عِيسُو، يدْجِيسْ ن عَانَا.
GEN 36:19 إِنَا ثُوغَا أَثنْ ذ إِحنْجِيرنْ ن عِيسُو ذ إِنَا ثُوغَا أَثنْ ذ إِمْغَارنْ [ن ثْقبَّاڒْ نْسنْ]، نِيثْنِي ذ إِذُومْ.
GEN 36:20 إِنَا ثُوغَا أَثنْ ذ إِحنْجِيرنْ ن سَاعِيرْ، أَخُورِي، إِنِّي ذ إِمزْذَاغْ ن ثمُّورْثْ نِّي: لُوطَانْ، شُوبَالْ، صَابْعُونْ، عَانَا،
GEN 36:21 ذِيشُونْ، إِصَارْ ذ ذِيشَانْ. إِنَا ثُوغَا أَثنْ ذ إِمْغَارنْ ن ثْقبَّاڒْ ن إِخُورِييّنْ، أَيْثْ ن سَاعِيرْ ذِي ثمُّورْثْ ن إِذُومْ.
GEN 36:22 إِحنْجِيرنْ ن لُوطَانْ ثُوغَا أَثنْ ذ أَخُورِي ذ هَايْمَامْ ؤُشَا ثُوغَا ثِيمْنَاعْ ذ ؤُتْشْمَاسْ ن لُوطَانْ.
GEN 36:23 إِنَا ثُوغَا أَثنْ ذ إِحنْجِيرنْ ن شُوبَالْ: عَالْوَانْ، مَانَاحَاثْ، عِيبَالْ، شَافُو ذ ؤُنَامْ.
GEN 36:24 إِنَا ثُوغَا أَثنْ ذ إِحنْجِيرنْ ن صَابْعُونْ: أَيَا ذ عَانَا. ذ عَانَا وَانِيثَا ذ ونِّي ذ يُوفِينْ ڒْعُونْصَارَاثْ س وَامَانْ إِحْمَانْ ذِي ڒخْڒَا، ؤُمِي يَارْوسْ إِغْيَاڒْ ن زِيبِييُونْ بَابَاسْ.
GEN 36:25 إِنَا ثُوغَا أَثنْ ذ إِحنْجِيرنْ ن عَانَا: [مْغِيرْ] ذِيشُونْ، ذ أَهُولِيبَامَا، يدْجِيسْ ن عَانَا.
GEN 36:26 إِنَا ثُوغَا أَثنْ ذ إِحنْجِيرنْ ن ذِيشَانْ: حَامْذَانْ ذ أَهْبَانْ ذ يِيثْرَانْ ذ كَارَانْ.
GEN 36:27 إِنَا ثُوغَا أَثنْ ذ إِحنْجِيرنْ ن إِصَارْ: بِيلْهَانْ، زَاعْوَانْ ذ عَاقَانْ.
GEN 36:28 إِنَا ثُوغَا أَثنْ ذ إِحنْجِيرنْ ن ذِيشَانْ: عُوصْ ذ أَرَانْ.
GEN 36:29 إِنَا ثُوغَا أَثنْ ذ إِمْغَارنْ ن ثْقبَّاڒْ ن إِخُورِييّنْ: أَمْغَارْ لُوطَانْ ذ ؤُمْغَارْ شُوبَالْ ذ ؤُمْغَارْ صَابْعُونْ ذ ؤُمْغَارْ عَانَا
GEN 36:30 ذ ؤُمْغَارْ ذِيشُونْ ذ ؤُمْغَارْ إِصَارْ ذ ؤُمْغَارْ ذِيشَانْ. إِنَا ثُوغَا أَثنْ ذ إِمْغَارنْ ن إِخُورِييّنْ عْلَاحْسَابْ إِمْغَارنْ نْسنْ ذِي ثمُّورْثْ ن سَاعِيرْ.
GEN 36:31 إِنَا ثُوغَا أَثنْ ذ إِجدْجِيذنْ نِّي إِحكْمنْ ذِي ثمُّورْثْ ن إِذُومْ قْبڒْ مَا أَذْ إِحْكمْ ؤُجدْجِيذْ خْ أَيْثْ ن إِسْرَائِيل:
GEN 36:32 بِيلَاعْ، مِّيسْ ن بَاعُورْ، إِحْكمْ ذِي إِذُومْ ؤُشَا إِسمْ ن ثنْذِينْثْ نّسْ ثُوغَا-ث ذ ذِينْهَابَا.
GEN 36:33 إِمُّوثْ بِيلَاعْ ؤُشَا يُوبَابْ، مِّيسْ ن زَارَاحْ زِي بُوصْرَا إِذْوڒْ ذ أَجدْجِيذْ ذڭْ ومْشَانْ نّسْ.
GEN 36:34 يُوبَابْ إِمُّوثْ ؤُشَا حُوشَامْ، زِي ثمُّورْثْ ن إِثَايْمَانِييّنْ، إِذْوڒْ ذ أَجدْجِيذْ ذڭْ ومْشَانْ نّسْ.
GEN 36:35 إِمُّوثْ حُوشَامْ ؤُشَا هَاذَاذْ، مِّيسْ ن بَاذَاذْ، ونِّي إِغڒْبنْ خْ مِيذْيَانْ ذڭْ إِيَّارْ ن مُوآبَ، إِذْوڒْ ذ أَجدْجِيذْ ذڭْ ومْشَانْ نّسْ. إِسمْ ن ثنْذِينْثْ نّسْ قَّارنْ أَسْ عَاوِيثْ.
GEN 36:36 إِمُّوثْ هَاذَاذْ ؤُشَا سَامْلَا زِي مَاسْرِيقَا إِذْوڒْ ذ أَجدْجِيذْ ذڭْ ومْشَانْ نّسْ.
GEN 36:37 إِمُّوثْ سَامْلَا ؤُشَا شَاوُولْ، زِي رِيحُوبُوثْ غَارْ يغْزَارْ [ن لْفُورَاطْ]، إِذْوڒْ ذ أَجدْجِيذْ ذڭْ ومْشَانْ نّسْ.
GEN 36:38 إِمُّوثْ شَاوُولْ ؤُشَا بَاعْلْ-حَانَانْ، مِّيسْ ن عَاكْبُورْ، إِذْوڒْ ذ أَجدْجِيذْ ذڭْ ومْشَانْ نّسْ.
GEN 36:39 إِمُّوثْ بَاعْلْ-حَانَانْ، مِّيسْ ن عَاكْبُورْ، ؤُشَا هَاذَارْ إِذْوڒْ ذ أَجدْجِيذْ ذڭْ ومْشَانْ نّسْ. ثَانْذِينْثْ نّسْ قَّارنْ أَسْ فَاعُو ؤُ ثَامْغَارْثْ نّسْ قَّارنْ أَسْ مَاهِيطَابْ‘إِلْ، يدْجِيسْ ن مَاطْرِيذْ، يدْجِيسْ ن مَا-ذَاهَابْ.
GEN 36:40 إِنَا ثُوغَا أَثنْ ذ إِسْمَاونْ ن إِمْغَارنْ ن ثْقبَّاڒْ ن عِيسُو عْلَاحْسَابْ ڒَادْجَاثْ نْسنْ ذ إِمُوشَانْ نْسنْ ذ إِسْمَاونْ نْسنْ: أَمْغَارْ ثِيمْنَاعْ ذ ؤُمْغَارْ عَالْوَا ذ ؤُمْغَارْ يَاثِيثْ
GEN 36:41 ذ ؤُمْغَارْ أَهُولِيبَامَا ذ ؤُمْغَارْ إِلَا ذ ؤُمْغَارْ فِينُونْ
GEN 36:42 ذ ؤُمْغَارْ قَانَازْ ذ ؤُمْغَارْ ثَايْمَانْ ذ ؤُمْغَارْ مِيبْصَارْ
GEN 36:43 ذ ؤُمْغَارْ مَاجْذِييِيلْ ذ ؤُمْغَارْ عِيرَامْ. إِنَا ثُوغَا أَثنْ ذ إِمْغَارنْ ن إِذُومْ عْلَاحْسَابْ إِمُوشَانْ نْسنْ، ذِي ثمُّورْثْ ن ڒْملْكْ نْسنْ. وَانِيثَا ذ إِذُومْ، ونِّي ذ بَابَاسْ ن إِذُومِييّنْ.
GEN 36:44 ؤُشَا إِزْذغْ يَاعْقُوبْ ذِي ثمُّورْثْ ن كنْعَانْ مَانِي ثُوغَا إِزدّغْ بَابَاسْ أَمْ ؤُبَارَّانِي. إِنَا ذ إِمزْرُوينْ ن يِينِّي د-إِتّْوَاخڒْقنْ زِي يَاعْقُوبْ.
GEN 37:1 ڒَامِي ثُوغَا غَارْ يُوسُوفْ سْبعْطَاشْ ن إِسڭّْوُوسَا، يَارْوسْ ؤُدْجِي ن بَابَاسْ أَكْ-ذ أَيْثْمَاسْ. ثُوغَا يُوسُوفْ ذ أَمْسخَّارْ غَارْ إِحنْجِيرنْ ن بِيلْهَا ذ إِحنْجِيرنْ ن زِيلْپَا، ثِيمْغَارِينْ ن بَابَاسْ ؤُشَا إِسِّيوضْ يُوسُوفْ أَوَاڒنْ نْسنْ إِعفَّاننْ إِ بَابَاثْسنْ.
GEN 37:2 ؤُشَا إِخْسْ إِسْرَائِيل يُوسُوفْ قَاعْ خْ مَارَّا إِحنْجِيرنْ نّسْ، مِينْزِي ثُوغَا-ث غَارسْ ذ مِّيسْ خْ ثوْسَارْ نّسْ ؤُشَا إِڭَّا أَسْ أَرُّوضْ [س إِفَاسّنْ ذ إِزِيرَارنْ].
GEN 37:3 [ڒَْامِي] ژْرِينْ أَيْثْمَاسْ بلِّي بَابَاسْ إِتّخْسْ إِ-ث قَاعْ خَاسنْ، شَارْهنْ ث ؤُشَا وَارْ زمَّارنْ أَكِيذسْ سِّيوْڒنْ [عَاذْ] س ڒهْنَا.
GEN 37:4 ؤُشَا يُورْجَا يُوسُوفْ إِشْثْ ن ثَارْجِيثْ، إِعَاوْذْ إِ-ت إِ يَايْثْمَاسْ. س ؤُيَا نِيثْنِي ذوْڒنْ شَارْهنْ ث عَاذْ كْثَارْ.
GEN 37:5 إِنَّا أَسنْ: ”سْڒمْ ڒخُّو ثَارْجِيثْ-أَ نِّي ؤُرْجِيغْ.
GEN 37:6 خْزَارْ، ثُوغَا نتّْشدَّا ثِيقبِّيضِينْ [ن إِمنْذِي] ذِي ڒْوسْطْ ن ييَّارْ. ؤُ خْزَارْ، ثَاقبِّيضْثْ إِنُو ثْبدّْ، ثقِّيمْ ثْبدّْ ؤُ ثِيقبِّيضِينْ نْومْ نِّي ثُوغَا ذ أَسْ د-إِنّْضنْثْ، بنْذْقنْ إِ ثْقبِّيضْثْ إِنُو.“
GEN 37:7 أَرِّينْ-د خَاسْ أَيْثْمَاسْ: ”مَا أَذْ ثْحكْمذْ [زعْمَا] نِيشَانْ خَانغْ [أَمْ ؤُجدْجِيذْ] نِيغْ أَذْ خَانغْ ثْسدْجْضذْ ذ أَسدْجضْ؟“ ؤُشَا شَارْهنْ ث عَاذْ كْثَارْ ذِي سِّيبّثْ ن ثِيرْجَا نّسْ ذ وَاوَاڒنْ نّسْ.
GEN 37:8 ؤُشَا يُورْجَا عَاذْ ثَارْجِيثْ نّغْنِي، إِعَاوْذْ إِ-ت إِ يَايْثْمَاسْ، إِنَّا: ”خْزَارْ، أَرْجِيغْ عَاذْ ثَارْجِيثْ نّغْنِي. خْزَارْ ثَافُوشْثْ ذ ؤُيُورْ ذ حِيطَاشْ ن إِثْرَانْ بنْذْقنْ أَيِي.“
GEN 37:9 إِعَاوذْ [إِ-ت] إِ بَابَاسْ ذ أَيْثْمَاسْ ؤُشَا إِوبّخْ إِ-ث بَابَاسْ، إِنَّا أَسْ: ”مَانَا ثَارْجِيثْ-أَ إِ ثَارْجِيذْ؟ مَا أَذْ د-نَاسْ [جْمِيعْ]، نشّْ ذ يمَّاشْ ذ أَيْثْمَاشْ، أَذْ أَشْ نْبنْذقْ غَارْ ثمُّورْثْ؟“
GEN 37:10 أَيْثْمَاسْ ؤُسْمنْ زَّايسْ. مَاشَا بَابَاسْ إِعْقڒْ خْ وَاوَاڒنْ[-أَ].
GEN 37:11 ؤُشَا رُوحنْ أَيْثْمَاسْ، حِيمَا أَذْ أَروْسنْ ؤُدْجِي ن بَابَاثْسنْ غَارْ شَاكِيمْ.
GEN 37:12 [خنِّي] إِنَّا إِسْرَائِيل إِ يُوسُوفْ: ”مَا وَارْ أَروْسنْ أَيْثْمَاشْ [ؤُدْجِي] غَارْ شَاكِيمْ؟ زِيذْ، أَذْ شكْ غَارْسنْ سّكّغْ.“ ؤُشَا يَارَّا-د خَاسْ: ”أَقَا أَيِي ذَا!“
GEN 37:13 ؤُشَا إِنَّا أَسْ: ”رُوحْ شكْ، خْزَارْ مُوخَاسْ دْجَانْ أَيْثْمَاشْ ذ مُوخَاسْ دْجَانْ وُودْجِي ؤُشَا أَوِي أَيِي-د ڒخْبَارْ عَاوذْ.“ [أَمُّو] إِ-ث إِسّكّْ زِي ڒوْضَا ن ثغْزُورْثْ ن حَابْرُونْ ؤُشَا نتَّا يِيوضْ-د غَارْ شَاكِيمْ.
GEN 37:14 يُوفَا إِ-ث إِجّْ ن ورْيَازْ ؤُمِي إِودَّارْ ذڭْ إِيَّارْ. إِسّقْسَا ث ورْيَازْ، إِنَّا: ”مِينْ ثَارزُّوذْ؟“
GEN 37:15 إِنَّا: ”أَرزُّوغْ خْ أَيْثْمَا. تّْزَاوْڭغْ شكْ، إِنِي أَيِي مَانِي أَروْسنْ.“
GEN 37:16 أَرْيَازْ يَارَّا-د: ”أَقَا مُوطِّيينْ إِقِيضَانْ نْسنْ سَّا، نشّْ سْڒِيغْ أَسنْ قَّارنْ: ’أجّْ أَنغْ أَذْ نْرَاحْ غَارْ ذُوثَانْ.‘ “ [ڒخْذنِّي] إِرُوحْ يُوسُوفْ أَوَارْنِي أَيْثْمَاسْ ؤُشَا يُوفَا إِ-ثنْ ذِي ذُوثَانْ.
GEN 37:17 ؤُمِي ث ژْرِينْ زِي ڒَاڭّْوَاجْ، قْبڒْ مَا أَذْ غَارْسنْ د-إِقَارّبْ، مْعَاهَاذنْ ضِيدّْ نّسْ حِيمَا أَذْ ث نْغنْ،
GEN 37:18 نَّانْ إِجّْ إِ ونّغْنِي: ”خْزَارْ، يُوسَا-د بُو-ثِيرْجَا نِّي!
GEN 37:19 زِيذْ ڒخُّو، أجّْ أَنغْ أَذْ ث ننّغْ ؤُشَا أَذْ ث ننْضَارْ ذڭْ وَانُو، أَذْ نِينِي: ’شَا ن ڒْوحْشْ يوْعَارْ إِشَّا إِ-ث!‘، ؤُشَا [خنِّي] أَذْ نْژَارْ مِينْ غَا إِڒِينْثْ ثِيرْجَا نّسْ.“
GEN 37:20 إِسْڒَا رُوبِينْ مَانْ أَيَا ؤُشَا إِفكّْ إِ-ث زڭْ إِفَاسّنْ نْسنْ، إِنَّا: ”وَارْ ث نّقّْ شَا!“
GEN 37:21 إِنَّا أَسنْ [عَاوذْ] رُوبِينْ: ”وَارْ سِيزِّيڒمْ إِذَامّنْ! نْضَارمْ ث ذڭْ وَانُو-يَا [ذَا] ذِي ڒخْڒَا. وَارْ خَاسْ تّڭّمْ أَفُوسْ!“. إِنَّا أَمُّو حِيمَا أَذْ ث إِفكّْ زڭْ إِفَاسّنْ نْسنْ ؤُشَا أَذْ ث يَارّْ غَارْ بَابَاسْ.
GEN 37:22 ؤُشَا إِمْسَارْ، ؤُمِي د-يِيوضْ يُوسُوفْ غَارْ أَيْثْمَاسْ، كّْسنْ نِيثْنِي أَرُّوضْ خْ يُوسُوفْ، أَرُّوضْ [س إِفَاسّنْ ذ إِزِيرَارنْ] نِّي خَاسْ ثُوغَا،
GEN 37:23 ؤُشَا طّْفنْ ث، نْضَارنْ ث ذڭْ وَانُو. [مَاشَا] أَنُو ثُوغَا إِخْوَا، وَارْ ذَايسْ ثُوغِي شَا أَمَانْ.
GEN 37:24 أَوَارْنِي مَانْ أَيَا قِّيمنْ مَاحنْذْ أَذْ شّنْ أَغْرُومْ، ؤُشَا ڒَامِي سّْڭعّْذنْ نِيثْنِي ثِيطَّاوِينْ نْسنْ، زْڒِينْ إِجّْ ن ؤُكَارَابَانْ ن إِسْمَاعِيلِييّنْ إِ د-يُوسِينْ زِي جِيلْعَاذْ. إِڒغْمَانْ نْسنْ أَرْبُونْ ڒعْطُورْ ذ ڒفْوَاهْ ن بَالْسَامْ ذ مِيرُّو، ڭُّورنْ أَذْ ث أَوْينْ غَارْ مِيصْرَا.
GEN 37:25 [خنِّي] إِنَّا يَاهُوذَا إِ يَايْثْمَاسْ: ”مَانْ ڒفْضڒْ مَاڒَا ننْغَا ؤُمَاثْنغْ ؤُشَا أَذْ نفَّارْ إِذَامّنْ نّسْ؟
GEN 37:26 غَاوْرمْ، أَذْ ث نزّنْزْ إِ إِسْمَاعِيلِييّنْ، وَارْ إِتِّيڒِي ؤُفُوسْ نّغْ خَاسْ، أَقَا ذ ؤُمَاثْنغْ ذ أَيْسُومْ نّغْ.“ ؤُشَا سْڒِينْ أَيْثْمَاسْ غَارسْ.
GEN 37:27 أَمْ د-عْذُونْ ثُوجَّارْ ن مِيذْيَانْ، سّْڭعّْذنْ-د يُوسُوفْ زڭْ وَانُو ؤُشَا زّنْزنْ ث س عِيشْرِينْ ن [ؤُقِييَّاثْ ن] نُّوقَارْثْ إِ إِسْمَاعِيلِييّنْ، إِنِّي د-يِيوْينْ يُوسُوفْ غَارْ مِيصْرَا.
GEN 37:28 [ڒَْامِي] د-إِذْوڒْ رُوبِينْ غَارْ وَانُو، وَارْ ذِينْ يُوفِي يُوسُوفْ عَاذْ ذڭْ وَانُو. [خنِّي] إِشَارّڭْ أَرُّوضْ نّسْ.
GEN 37:29 إِذْوڒْ غَارْ أَيْثْمَاسْ ؤُشَا إِنَّا: ”أَحنْجِيرْ وَارْ ذِينْ إِدْجِي [عَاذْ]. إِ نشّْ، مَانِي غَا رَاحغْ؟“
GEN 37:30 [خنِّي] كْسِينْ أَرُّوضْ ن يُوسُوفْ ؤُشَا غَارْصنْ إِ يِيجّْ ن ؤُمْيَانْ زڭْ إِغَايْضنْ ؤُشَا مَارْغنْ أَرُّوضْ س إِذَامّنْ.
GEN 37:31 سّكّنْ [إِجّنْ] س أَرُّوضْ ذ لمْلِيحْ [س إِفَاسّنْ ذ إِزِيرَارنْ]، جِّينْ ث أَذْ ث يَاوِي غَارْ بَابَاثْسنْ، نَّانْ: ”ذ وَا إِ نُوفَا. خْزَارْ ڒخُّو، مَا وَاهْ نِيغْ لَّا أَرُّوضْ ن مِّيشْ؟“
GEN 37:32 ؤُشَا نتَّا إِعقْڒْ إِ-ث، إِنَّا: ”أَرُّوضْ ن مِّي إِ يدْجَا! شَا ن ڒْوحْشْ يوْعَارْ إِشَّا إِ-ث. يُوسُوفْ س ثِيذتّْ بتّْقنْ ث!“
GEN 37:33 إِشَارّڭْ يَاعْقُوبْ أَرُّوضْ نّسْ ؤُشَا يَارْضْ إِشْثْ ن ثْخَانْشثْ [ن وشْضَانْ] خْ ثجْعِينَّا نّسْ، إِشْضنْ خْ مِّيسْ أَطَّاسْ ن وُوسَّانْ.
GEN 37:34 كَّارنْ مَارَّا إِحنْجِيرنْ نّسْ ذ مَارَّا ثِيحنْجِيرِينْ نّسْ مَاحنْذْ أَذْ ثعزَّانْ، عَاذْ نتَّا وَارْ إِخْسْ أَذْ إِتّْوَاعزَّا، إِنَّا: ”لَّ، أَذْ د-هْوِيغْ نُّورْيغْ غَارْ ڒَاخَارْثْ.“ ؤُشَا إِسْغُويْ خَاسْ بَابَاسْ.
GEN 37:35 إِمِيذِييَانِييّنْ زّنْزنْ ث ذِي مِيصْرَا إِ بُوثِيفَارْ، أَمْسخَّارْ أَمْشنّعْ ن فِيرْعُونْ، ڒْقبْطَانْ ن إِعسَّاسنْ ن أَرِّيمثْ.
GEN 38:1 ذِي ڒْوقْثْ ذ إِشْثْ إِهْوَا يَاهُوذَا، [إِفّغْ] خْ أَيْثْمَاسْ، ؤُشَا إِوْثَا [إِقِيضَانْ نّسْ] غَارْ يِيجّْ ن ورْيَازْ ذ أَذُولَّامِيثِي ونِّي ؤُمِي قَّارنْ حِيرَا.
GEN 38:2 ؤُشَا إِژْرَا ذِينْ يَاهُوذَا يدْجِيسْ ن يِيجّْ ن ورْيَازْ ذ أَكنْعَانِي ونِّي ؤُمِي قَّارنْ شُوعَا. ؤُشَا [يَاهُوذَا] يِيوِي [يدْجِيسْ ن شُوعَا] [ذ ثَامْغَارْثْ]، ؤُشَا يُوذفْ خَاسْ.
GEN 38:3 نتَّاثْ ثكْسِي س دّيْسثْ ؤُشَا ثُورُووْ-د أَحنْجِيرْ ؤُشَا [يَاهُوذَا] إِڒَاغَا أَسْ عِيرْ.
GEN 38:4 ؤُشَا ثكْسِي عَاوذْ س دّيْسثْ، ثُورُووْ-د أَحنْجِيرْ ؤُشَا ثْڒَاغَا أَسْ ؤُنَانْ.
GEN 38:5 ؤُشَا ثُورُووْ-د عَاوذْ أَحنْجِيرْ ؤُشَا ثْڒَاغَا أَسْ شَايْلَا. نتَّا ثُوغَا-ث ذِي كَازِيبْ ؤُمِي ذ أَسْ ث-إِ-د-ثُورُووْ.
GEN 38:6 يَاهُوذَا إِكْسِي ثَامْغَارْثْ إِ عِيرْ، أَمنْزُو نّسْ. ثَامْغَارْثْ-أَ قَّارنْثْ أَسْ ثَامَارْ.
GEN 38:7 عِيرْ، أَمنْزُو ن يَاهُوذَا، ثُوغَا-ث ذ أَعفَّانْ ذِي ثِيطَّاوِينْ ن سِيذِي ؤُشَا إِنْغَا إِ-ث سِيذِي.
GEN 38:8 [خنِّي] إِنَّا يَاهُوذَا إِ ؤُنَانْ: ”أَذفْ خْ ثمْغَارْثْ ن ؤُمَاشْ، مْڒشْ أَكِيذسْ ذڭْ ومْشَانْ ن ؤُمَاشْ، ثجّذْ-د زَّارِيعثْ إِ ؤُمَاشْ.“
GEN 38:9 [مَاشَا] ؤُنَانْ إِسّنْ بلِّي زَّارِيعثْ وَارْ ثتِّيڒِي نّسْ. ؤُشَا أَمُّو إِمْسَارْ، ؤُمِي يُوذفْ خْ ثمْغَارْثْ ن ؤُمَاسْ، إِنْغڒْ [زَّارِيعثْ نّسْ] ذِي ثمُّورْثْ، حِيمَا وَارْ إِتِّيشْ زَّارِيعثْ إِ ؤُمَاسْ.
GEN 38:10 مِينْ إِڭَّا ثُوغَا ذ أَعفَّانْ ذِي ثِيطَّاوِينْ ن سِيذِي ؤُشَا إِنْغَا إِ-ث ؤُڒَا ذ نتَّا.
GEN 38:11 [خنِّي] إِنَّا يَاهُوذَا إِ ثَامَارْ، ثَاسْڒِيثْ نّسْ: ”قِّيمْ [أَمْ] ثَاجَّاتْشْ ذِي ثَادَّارْثْ ن بَابَامْ، أَڒْ غَا إِمْغَارْ مِّي شَايْلَا!“، مِينْزِي إِنَّا: ”أَقَا وَارْ إِتّْمتِّي ؤُڒَا ذ وَا أَمْ يَايْثْمَاسْ.“ ؤُشَا ثْرُوحْ ثَامَارْ، ثزْذغْ ذِي ثَادَّارْثْ ن بَابَاسْ.
GEN 38:12 عْذُونْ وُوسَّانْ أَطَّاسْ، خنِّي ثمُّوثْ يدْجِيسْ ن شُوعَا، ثَامْغَارْثْ ن يَاهُوذَا. يَاهُوذَا يَارزُّو أَذْ إِتّْوَاعزَّا ؤُشَا إِڭعّذْ غَارْ ثْحِيمَارْثْ ن وُودْجِي نّسْ غَارْ ثِيمْنَاثَا، نتَّا ذ حِيرَا، أَمدُّوكّڒْ نّسْ زِي أَذُولَّامْ.
GEN 38:13 عڒْمنْ ث إِ ثَامَارْ، نَّانْ: ”خْزَارْ، أَضڭّْوَاڒْ نّمْ إِڭعّذْ غَارْ ثِيمْنَاثَا، أَذْ إِڒْسْ ؤُدْجِي نّسْ.“
GEN 38:14 [خنِّي] ثكّسْ خَاسْ أَرُّوضْ ن ثَاجَّاتْشْ، ثْڒحّفْ س ثْكنْبُوشْثْ، ثسْڒحْهفْ إِخفْ نّسْ زَّايسْ، ؤُشَا ثْرُوحْ أَذْ ثقِّيمْ غَارْ وَاذَافْ ن عَايْنَايِيمْ، ونِّي إِدْجَانْ ذڭْ وبْرِيذْ غَارْ ثِيمْنَاثَا، مِينْزِي ثژْرَا شَايْلَا إِمْغَارْ، ؤُ نتَّاثْ ثُوغَا وَارْ ذ أَسْ ثمّوْشْ ذ ثَامْغَارْثْ.
GEN 38:15 ؤُشَا إِژْرَا إِ-ت يَاهُوذَا، إِحسْبْ إِ-ت ذ لْفَاسْذَا، مِينْزِي ثُوغَا-ت ثْڒحّفْ إِ ؤُغمْبُوبْ نّسْ.
GEN 38:16 ؤُشَا إِميّڒْ غَارسْ غَارْ وبْرِيذْ، إِنَّا أَسْ: ”أجّْ أَيِي أَذْ خَامْ أَذْفغْ!“، مِينْزِي نتَّا ثُوغَا وَارْ إِسِّينْ، بلِّي نتَّاثْ ذ ثَاسْڒِيثْ نّسْ. نتَّاثْ ثنَّا: ”مِينْ ذ أَيِي غَا ثوْشذْ، حِيمَا أَذْ خَافِي ثَاذْفذْ؟“
GEN 38:17 يَارَّا-د: ”نشّْ أَذْ [أَمْ]-د سّكّغْ إِجّْ ن إِغَايْضْ ذ أَمژْيَانْ زڭْ إِغَايْضنْ، زڭْ وُودْجِي.“ ثنَّا أَسْ: ”مْغِيرْ أوْشْ أَيِي إِجّْ ن وَارْهَانْ أَڒْ ذ أَيِي ث-إِ-د ثسّكّذْ.“
GEN 38:18 إِنَّا: ”مَانْ أَضْمَانْ إِ ذ أَمْ إِ غَا وْشغْ؟“ نتَّاثْ ثنَّا: ”ثَاخَاذنْثْ نّشْ ن ؤُشمِّيعْ ذ تّسْبِيحْ نّشْ ذ ثَاغَّارْشْثْ إِ غَاركْ ذڭْ ؤُفُوسْ.“ ؤُشَا إِوْشَا أَسْ ثنْ، يُوذفْ خَاسْ ؤُشَا ثكْسِي زَّايسْ دّيْسثْ.
GEN 38:19 ؤُشَا ثكَّارْ، ثْرُوحْ، ثكّسْ خَاسْ ثَاكنْبُوشْثْ نّسْ ؤُشَا ثْيَارْضْ أَرُّوضْ نّسْ ن ثَاجَّاتْشْ.
GEN 38:20 ؤُشَا إِسّكّْ يَاهُوذَا إِغَايْضْ ذ أَمژْيَانْ زڭْ إِغَايْضنْ خْ ؤُفُوسْ ن ؤُمدُّوكّڒْ نّسْ أَذُولَّامِي، حِيمَا أَذْ إِطّفْ [عَاوذْ] أَضْمَانْ زڭْ ؤُفُوسْ ن ثمْغَارْثْ، [مَاشَا] وَارْ ت يُوفِي.
GEN 38:21 إِسّقْسَا إِرْيَازنْ خْ ومْشَانْ نّسْ، إِنَّا: ” مَانِي ثدْجَا ثمْغَارْثْ ن فَارْقْ-شّْغڒْ نِّي ثُوغَا إِقِّيمنْ خْ وبْرِيذْ غَارْ عَانَايِيمْ؟“ نِيثْنِي أَرِّينْ-د خَاسْ: ”وَارْ ذَا ثُوغِي قَاعْ شَا ن ثمْغَارْثْ ن فَارْقْ-شّْغڒْ غَارْ زَّاوشْثْ.“
GEN 38:22 [خنِّي] إِعْقبْ-د غَارْ يَاهُوذَا، إِنَّا: ”وَارْ ت ؤُفِيغْ شَا، ؤُڒَا ذ إِرْيَازنْ ن ومْشَانْ [نِّي] نَّانْ: ’وَارْ ذَا ثُوغِي قَاعْ شَا ن ثمْغَارْثْ ن فَارْقْ-شّْغڒْ [غَارْ زَّاوشْثْ].‘ “
GEN 38:23 ؤُشَا إِنَّا يَاهُوذَا: ”أجّْ إِ-ت أَذْ ثطّفْ [أَضْمَانْ] غَارسْ، حِيمَا وَارْ نتِّيڒِي ذ ڒْعَارْ. خْزَارْ، نشّْ أَقَا سّكّغْ إِغَايْضْ-أَ ذ أَمژْيَانْ، [مَاشَا] شكْ وَارْ ت ثُوفِيذْ.“
GEN 38:24 عْڒَاحَاڒْ أَوَارْنِي ثْڒَاثَا ن إِيُورنْ ثمْسَارْ، أَقَا خبَّارنْ يَاهُوذَا، نَّانْ: ”ثَامَارْ، ثَاسْڒِيثْ نّشْ، أَقَا ثسّفْسذْ إِخفْ نّسْ ؤُشَا ڒخُّو نتَّاثْ أَقَا-ت س دّيْسثْ س فَارْقْ-شّْغڒْ [نّسْ].“ [خنِّي] إِنَّا يَاهُوذَا: ”سُوفّْغمْ ت-إِ-د، أَذْ ثشْمضْ!“
GEN 38:25 ؤُمِي ت-إِ-د-يِيوْينْ غَارْ بَارَّا، ثسّكّْ-د [إِجّنْ] غَارْ ؤُضڭّْوَاڒْ نّسْ، مَاحنْذْ أَذْ يِينِي: ”زڭْ ورْيَازْ ن ڒحْوَايجْ-أَ، أَقَا كْسِيغْ س دّيْسثْ.“ ثنَّا عَاذْ: ”أَرْزُو خنِّي وِي إِڒَانْ ثَاخَاذنْثْ-أَ ن ؤُشمِّيعْ ذ تّسْبِيحِينْ-أَ ذ ثَاغَّارْشْثْ-أَ.“
GEN 38:26 يَاهُوذَا إِعقْڒْ [إِ-ثنْثْ]، إِنَّا: ”أَقَا-ت ذ نِيشَانْ خَافِي، مِينْزِي وَارْ ت وْشِيغْ [ذ ثَامْغَارْثْ] إِ شَايْلَا مِّي.“ وَارْ إِقِّيمْ إِسّنْ إِ-ت [عَاذْ].
GEN 38:27 ذِي ڒْوقْثْ ؤُمِي د-ثِيوضْ أَذْ د-ثَارُووْ، أَقَا ذَا أَشْنِيونْ ذڭْ ؤُعذِّيسْ نّسْ.
GEN 38:28 إِمْسَارْ ؤُمِي د-ثُورُووْ، إِسُّوفّغْ-د إِجّنْ أَفُوسْ ؤُشَا ثكْسِي ث ڒْقَابْڒَا ؤُشَا ثْشدّْ إِ-ث غَارْ ؤُفُوسْ نّسْ س ؤُفِيڒُو ذ أَزڭّْوَاغْ، ثنَّا: ”وَا إِ د-إِفّْغنْ ذ أَمزْوَارْ.“
GEN 38:29 ڒَامِي د يَارَّا أَفُوسْ نّسْ، إِبَانْ-د ؤُمَاسْ، ؤُشَا ثنَّا: ”مَامّشْ ثڭِّيذْ ثَازِّيثْ. [أَذْ ثِيڒِيذْ] ذ بُو-إِتَّارژَّانْ!“ ؤُشَا سمَّانْ ث فَارِيصْ.
GEN 38:30 أَوَارْنِي مَانْ أَيَا إِفّغْ-د ؤُمَاسْ، ونِّي غَارْ إِدْجَا ؤُفِيڒُو أَزڭّْوَاغْ ذڭْ ؤُفُوسْ نّسْ ؤُشَا إِسمَّا ث زَارَاحْ.
GEN 39:1 نذْهنْ [خنِّي] يُوسُوفْ غَارْ مِيصْرَا. بُوثِيفَارْ، أَمْسخَّارْ أَمْشنّعْ ن فِيرْعُونْ، ڒْقبْطَانْ ن إِعسَّاسنْ ن أَرِّيمثْ، إِجّْ ن ؤُمِيصْرِي، إِسْغَا إِ-ث زڭْ ؤُفُوسْ ن إِسْمَاعِيلِييّنْ، إِنِّي ذِينْ ث يِيوْينْ.
GEN 39:2 ثُوغَا سِيذِي أَكْ-ذ يُوسُوفْ. ثُوغَا نتَّا ذ أَرْيَازْ إِفْڒحْ ؤُشَا ثُوغَا-ث ذِي ثَادَّارْثْ ن سِيذِيسْ، أَمِيصْرِي.
GEN 39:3 إِژْرَا سِيذِيسْ بلِّي سِيذِي ثُوغَا-ث أَكِيذسْ ؤُ بلِّي سِيذِي إِسّكّْوَاضْ س ؤُفُوسْ نّسْ مَارَّا مِينْ ثُوغَا إِتّڭّْ.
GEN 39:4 [أَمُّو إِ] يُوفَا يُوسُوفْ أَرْضَا ذِي ثِيطَّاوِينْ نّسْ، إِسخَّارْ أَسْ. ؤُشَا إِڭَّا إِ-ث [بُوثِيفَارْ] ذ أَمحْضَايْ خْ ثَادَّارْثْ نّسْ ؤُشَا إِڭَّا أَسْ ذڭْ ؤُفُوسْ نّسْ مَارَّا مِينْ غَارسْ.
GEN 39:5 زڭْ وَاسّْ مِينْ ذِي ث إِڭَّا خْ ثَادَّارْثْ نّسْ ؤُ خْ مَارَّا مِينْ غَارسْ، إِبَارْكْ سِيذِي ثَادَّارْثْ ن ؤُمِيصْرِي ذِي طّْوعْ ن يُوسُوفْ. ثُوغَا لْبَارَاكَا ن سِيذِي خْ مَارَّا مِينْ غَارسْ، [أَمْ] ذَاخڒْ ن ثَادَّارْثْ، [أَمْ بَارَّا] ذڭْ إِيَّارْ.
GEN 39:6 مَارَّا مِينْ غَارسْ، إِجَّا إِ-ث ذڭْ إِفَاسّنْ ن يُوسُوفْ، أَڒْ وَارْ إِسِّينْ نتَّا شَا كْثَارْ مْغِيرْ أَغْرُومْ إِ إِتّتّْ. ثُوغَا يُوسُوفْ إِشْنَا ذڭْ وَادُّوذْ ؤُ ؤُذمْ نّسْ ذَايسْ أَژْرِي.
GEN 39:7 إِمْسَارْ أَوَارْنِي مَانْ أَيَا، أَقَا ثَامْغَارْثْ ن سِيذِيسْ ثنْضَارْ ثِيطَّاوِينْ نّسْ ذِي يُوسُوفْ، ثنَّا: ”زِيذْ، طّصْ أَكِيذِي.“
GEN 39:8 [مَاشَا] نتَّا يُوڭِي، إِنَّا إِ ثمْغَارْثْ ن سِيذسْ: ”خْزَارْ، سِيذِي إِنُو وَارْ إِسِّينْ مِينْ إِدْجَانْ ذِي ثَادَّارْثْ ڒَامِي ذَا أَكِيذسْ دْجِيغْ. مَارَّا مِينْ غَارسْ، إِڭَّا إِ-ث ذڭْ ؤُفُوسْ إِنُو.
GEN 39:9 نتَّا وَارْ إِدْجِي سنّجْ إِنُو ذِي ثَادَّارْثْ-أَ، وَارْ ذ أَيِي إِطِّيفْ س وَالُو مْغِيرْ شمْ، ؤُمِي ثدْجِيذْ ذ ثَامْغَارْثْ نّسْ. مَامّشْ إِ غَا ڭّغْ لْجَارِيمَا-يَا ثَامقّْرَانْثْ أَمْ ثَانِيثَا ؤُشَا أَذْ ڭّغْ دّنْبْ أَكْ-ذ أَربِّي!“
GEN 39:10 ثُوغَا ثسَّاوَاڒْ أَكْ-ذ يُوسُوفْ كُوڒْ أَسّْ، وَارْ غَارسْ إِتّسْڒِي، حِيمَا أَذْ إِطّصْ طَّارْفْ نّسْ ؤُ حِيمَا أَذْ أَكِيذسْ يِيڒِي.
GEN 39:11 ذڭْ [إِجّْ ن] وَاسّْ ثمْسَارْ، ؤُمِي د-يُوذفْ غَارْ ثَادَّارْثْ، حِيمَا أَذْ إِڭّْ ڒْخذْمثْ نّسْ، وَارْ ثُوغِي [ذِينْ] ؤُڒَا ذ إِجّْ زڭْ يرْيَازنْ ن ثَادَّارْثْ.
GEN 39:12 [خنِّي] ثطّفّْ إِ-ث زڭْ وَارُّوضْ نّسْ، ثنَّا: ”أَرَاحْ-د زّڒْ أَكِيذِي!“ [ڒخْذنِّي] إِجَّا أَسْ نتَّا أَرُّوضْ نّسْ ذڭْ ؤُفُوسْ، يَارْوڒْ، إِفّغْ بَارَّا.
GEN 39:13 ؤُمِي ثژْرَا بلِّي إِجَّا أَسْ أَرُّوضْ نّسْ ذڭْ ؤُفُوسْ نّسْ، يَارْوڒْ غَارْ بَارَّا،
GEN 39:14 ثْڒَاغَا إِ أَيْثْبَابْ ن ثَادَّارْثْ، ثنَّا أَسنْ: ”خْزَارمْ، أَقَا نتَّا يِيوْيْ أَنغْ-د أَرْيَازْ أَعِيبْرَانِي، حِيمَا أَذْ خَانغْ إِضْحشْ. يُوسَا-د غَارِي، حِيمَا أَكِيذِي إِطّصْ ؤُشَا نشّْ سْغُويغْ س جّهْذْ.
GEN 39:15 ؤُمِي إِسْڒَا بلِّي سّْڭعّْذغْ ثْمِيجَّا إِنُو ؤُشَا سْغُويغْ، إِجَّا غَارِي أَرُّوضْ نّسْ، يَارْوڒْ، إِفّغْ بَارَّا.“
GEN 39:16 ؤُشَا نتَّاثْ ثڭَّا أَرُّوضْ نّسْ زَّاثسْ، أَڒْ د غَا يَاسْ سِيذِيسْ غَارْ ثَادَّارْثْ.
GEN 39:17 [خنِّي] ثسِّيوڒْ أَكِيذسْ س وَاوَاڒنْ نِّي ذ إِجّنْ، ثنَّا: ”أَمْسخَّارْ أَعِيبْرَانِي ونِّي د-ثِيوْيذْ غَارْنغْ، يُوسَا-د غَارِي حِيمَا أَذْ أَيِي إِسّْعُورَّا.
GEN 39:18 [ؤُمِي] سّْڭعّْذغْ ثْمِيجَّا إِنُو، سْغُويغْ، إِجَّا أَرُّوضْ نّسْ غَارِي ؤُشَا يَارْوڒْ بَارَّا.“
GEN 39:19 سِيذسْ إِسْڒَا إِ وَاوَاڒنْ إِنِّي ذ أَسْ ثنَّا ثمْغَارْثْ نّسْ، ثنَّا: ”أَمُّو إِ ذ أَيِي إِڭَّا ؤُمْسخَّارْ نّشْ!“، ؤُشَا إِخيّقْ أَطَّاسْ.
GEN 39:20 إِطّفْ إِ-ث سِيذِي ن يُوسُوفْ، إِڭَّا إِ-ث ذِي ڒحْبسْ، مَانِي ثُوغَا إِمحْبَاسْ ن ؤُجدْجِيذْ. أَمُّو إِ إِقِّيمْ ذِي ڒحْبسْ.
GEN 39:21 مَاشَا سِيذِي ثُوغَا-ث أَكْ-ذ يُوسُوفْ ؤُشَا إِسّْوِيژّضْ غَارسْ س ثْمخْسِيوْثْ نّسْ إِشوَّارنْ ؤُشَا إِوْشَا أَسْ أَرْضَا نّسْ ذِي ثِيطَّاوِينْ ن ؤُمقّْرَانْ ن ڒحْبسْ.
GEN 39:22 ؤُشَا أَمقّْرَانْ ن ڒحْبسْ يَارَّا مَارَّا إِمحْبَاسْ نِّي ثُوغَا ذِي ڒحْبسْ سَاذُو ؤُفُوسْ ن يُوسُوفْ. مَارَّا مِينْ ثُوغَا تّڭّنْ ذِينْ ثُوغَا إِتّكّْ خْ ؤُفُوسْ نّسْ.
GEN 39:23 أَمقّْرَانْ ن ڒحْبسْ وَارْ ذ أَسْ إِقِّيمْ مِينْ خفْ غَا إِنّهْوڒْ زِي مِينْ ثُوغَا سَاذُو ؤُفُوسْ نّسْ، مِينْزِي سِيذِي ثُوغَا أَكْ-ذ يُوسُوفْ. مِينْ مَا ثُوغَا إِتّڭّْ نتَّا، سِيذِي إِسّكّْوَاضْ إِ-ث.
GEN 40:1 إِمْسَارْ أَوَارْنِي مَانْ أَيَا بلِّي أَوَارَّاذْ ن ؤُجدْجِيذْ ن مِيصْرَا ذ ؤُخبَّازْ ذنّْبنْ ضِيدّْ إِ سِيذِيثْسنْ، أَجدْجِيذْ ن مِيصْرَا.
GEN 40:2 إِفُّوڭمْ فِيرْعُونْ خْ ثْنَاينْ ن إِمْسخَّارنْ إِشنّْعنْ نّسْ، خْ ؤُمقّْرَانْ ن إِوَارَّاذنْ ؤُ خْ ؤُمقّْرَانْ ن إِخبَّازنْ.
GEN 40:3 إِڭَّا إِ-ثنْ ذڭْ ؤُحطُّو ذِي ثَادَّارْثْ ن ڒْقبْطَانْ ن إِعسَّاسنْ ن أَرِّيمثْ، ذِي ثَادَّارْثْ ن ثْعسَّاسْثْ، مَانِي إِحبّسْ يُوسُوفْ.
GEN 40:4 ڒْقبْطَانْ ن إِعسَّاسنْ ن أَرِّيمثْ إِڭَّا يُوسُوفْ ذ أَمحْضَايْ نْسنْ، ؤُشَا نتَّا ثُوغَا إِتّْسخَّارْ خَاسنْ. [أَمُّو] ثُوغَا أَثنْ ؤُسَّانْ [ذ إِزِيرَارنْ] ذِي ڒحْبسْ.
GEN 40:5 ؤُرْجِينْ ثَارْجِيثْ س ثْنَاينْ إِذْسنْ نْسنْ، كُوڒْ إِجّنْ زَّايْسنْ يُورْجَا ذِي دْجِيڒثْ نِّي ثَارْجِيثْ نّسْ س ڒْمعْنَا نّسْ، أَمْ ؤُوَارَّاذْ أَمْ ؤُخبَّازْ ن ؤُجدْجِيذْ ن مِيصْرَا، إِنِّي ثُوغَا إِتّْوَاحبّْسنْ ذِي ثَادَّارْثْ ن ثْعسَّاسْثْ.
GEN 40:6 ؤُشَا يُوسَا-د غَارْسنْ يُوسُوفْ خْ صّْبحْ، إِخْزَارْ ذَايْسنْ ؤُشَا إِژْرَا إِ-ثنْ تّْقلّْقنْ.
GEN 40:7 [ڒخْذنِّي] إِسّقْسَا نتَّا إِمْسخَّارنْ إِشنّْعنْ ن فِيرْعُونْ، إِنِّي ثُوغَا أَكِيذسْ ذِي ڒحْبسْ ذِي ثَادَّارْثْ ن سِيذِيسْ، إِنَّا: ”مَاغَارْ بَارشْننْ ؤُذْمَاونْ نْومْ أَسّْ-أَ قَاعْ أَمُّو؟“
GEN 40:8 نِيثْنِي نَّانْ: ”أَقَا نُورْجَا ثَارْجِيثْ، وَارْ ذَا وِي ت غَا إِفكّنْ.“ إِنَّا أَسنْ يُوسُوفْ: ”مَا وَارْ دْجِينْ شَا إِفسَّارنْ زِي أَربِّي؟ إِوَا، عَاوْذمْ أَيِي ثنْثْ ڒخُّو!“
GEN 40:9 [خنِّي] إِعَاوذْ ؤُمقّْرَانْ ن إِوَارَّاذنْ ثَارْجِيثْ نّسْ إِ يُوسُوفْ، إِنَّا أَسْ: ”نشّْ ذِي ثَارْجِيثْ إِنُو ژْرِيغْ ثَازَايَارْثْ زَّاثِي ثْبدّْ.
GEN 40:10 ثَازَايَارْثْ [نِّي] غَارسْ ثْڒَاثَا ن ثْسضْوِينْ. [خْمِي] ثسّنْذِييْ، إِتّْڭعَّاذْ نُّووَّارْ نّسْ ؤُ غَارْ إِزكُّوننْ نّسْ إِبَانْ-د ڒْحبّْ ن ؤُضِيڒْ يِيوضْ.
GEN 40:11 ؤُشَا ڒْكَاسْ ن فِيرْعُونْ ثُوغَا-ث غَارِي ذڭْ ؤُفُوسْ إِنُو ؤُشَا كْسِيغْ أَضِيڒْ نِّي ؤُشَاعسَّارغْ ث ذِي ڒْكَاسْ ن فِيرْعُونْ ؤُشَا سّعْذُوغْ ڒْكَاسْ غَارْ ؤُفُوسْ ن فِيرْعُونْ.“
GEN 40:12 إِنَّا أَسْ يُوسُوفْ: ”ذ وَا ذ أَفسَّارْ نّسْ: ثْڒَاثَا ن ثِيسضْوِينْ، أَقَا ذ ثْڒَاثَا ن وُوسَّانْ.
GEN 40:13 عَاذْ ثْڒَاثَا ن وُوسَّانْ [خنِّي] أَذْ أَشْ إِسّْڭعّذْ فِيرْعُونْ أَزدْجِيفْ نّشْ ؤُشَا أَذْ شكْ يَارّْ غَارْ ثْسخَّارْثْ نّشْ، أَذْ ثسّعْذُوذْ ڒْكَاسْ إِ فِيرْعُونْ ذڭْ ؤُفُوسْ نّسْ، أَمْ مَامّشْ ثُوغَا ثَاسْغَارْثْ نّشْ زِيشْ ڒَامِي شكْ ثُوغَا ذ أَوَارَّاذْ نّسْ.
GEN 40:14 مَاشَا عْقڒْ خَافِي خْمِي ذ أَشْ د غَا يَاسْ ڒْخَارْ، تّْزَاوَاڭغْ شكْ أَذْ كِيذِي ثڭّذْ س ثْمخْسِيوْثْ إِشوَّارنْ ؤُشَا أجّْ فِيرْعُونْ أَذْ خَافِي إِعْقڒْ ؤُشَا فكّْ أَيِي-د زِي ثَادَّارْثْ-أَ.
GEN 40:15 مِينْزِي ؤُشَارنْ أَيِي زِي ثمُّورْثْ ن إِعِيبْرَانِييّنْ ؤُ ذَا وَارْ ڭِّيغْ خْ مِينْ خفْ ذَايِي إِ غَا ڭّنْ ذڭْ وحْفُورْ [ن إِمحْبَاسْ].“
GEN 40:16 [ڒَْامِي] إِژْرَا ؤُمقّْرَانْ ن إِخبَّازنْ بلِّي إِفسَّارْ أَسْ مْلِيحْ، إِنَّا إِ يُوسُوفْ: ”ؤُڒَا ذ نشّْ ژْرِيغْ ذِي ثَارْجِيثْ إِنُو ثْڒَاثَا ن ثْسُودْجَاثِينْ س وغْرُومْ ذ أَشمْڒَاڒْ خْ ؤُزدْجِيفْ إِنُو.
GEN 40:17 ذِي ثْسُودْجثْ ن سنّجْ ثُوغَا ذَايسْ أَطَّاسْ ن مَاشَّا إِ فِيرْعُونْ إِ إِڭَّا ؤُخبَّازْ ؤُ إِجْضَاضْ تّتّنْ زِي ثْسُودْجثْ إِ إِدْجَانْ خْ ؤُزدْجِيفْ إِنُو.“
GEN 40:18 يَارَّا-د [خَاسْ] يُوسُوفْ، إِنَّا: ”ذ وَا ذ أَفسَّارْ نّسْ. ثْڒَاثَا ن ثْسُودْجَاثِينْ ذ ثْڒَاثَا ن وُوسَّانْ.
GEN 40:19 عَاذْ ثْڒَاثَا ن وُوسَّانْ [خنِّي] أَذْ خَاكْ إِسّْڭعّذْ فِيرْعُونْ أَزدْجِيفْ نّشْ [جْمِيعْ أَكِيكْ] ؤُشَا أَذْ شكْ يَايڒْ خْ إِشْثْ ن ثْشجَّارْثْ ؤُ إِجْضَاضْ أَذْ شّنْ أَيْسُومْ نّشْ.“
GEN 40:20 ذڭْ وَاسّْ وِيسّْ ثْڒَاثَا، أَسّْ ن وخْڒَاقْ ن فِيرْعُونْ، إِمْسَارْ بلِّي إِسّوْجذْ إِشْثْ ن زَّارْذثْ إِ مَارَّا إِمْسخَّارنْ نّسْ ؤُشَا إِسّْڭعّذْ أَزدْجِيفْ ن ؤُمقّْرَانْ ن إِوَارَّاذنْ ؤُ أَزدْجِيفْ ن ؤُمقّْرَانْ ن إِخبَّازنْ ثُوغَا-ث جَارْ إِمْسخَّارنْ نّسْ.
GEN 40:21 ؤُشَا نتَّا يَارَّا أَمقّْرَانْ ن إِوَارَّاذنْ غَارْ ڒْخذْمثْ نّسْ ن ؤُوَارَّاذْ، أَڒَامِي وَانِيثَا إِوْشَا [عَاوذْ] أَغَارَّافْ ذڭْ ؤُفُوسْ ن فِيرْعُونْ.
GEN 40:22 [مَاشَا] أَمقّْرَانْ ن إِخبَّازنْ يُويڒْ إِ-ث، أَمْ مَامّشْ ذ أَسْ إِفسَّارْ يُوسُوفْ.
GEN 40:23 مَاشَا أَمقّْرَانْ ن إِوَارَّاذنْ وَارْ إِفكَّارْ شَا [عَاذْ] ذِي يُوسُوفْ، إِتُّو ث.
GEN 41:1 أَوَارْنِي ڒَامِي عْذُونْ ثْنَاينْ ن إِسڭّْوُوسَا يُورْجَا فِيرْعُونْ أَقَا نتَّا زعْمَا إِبدّْ خْ يغْزَارْ [ن نِيلْ].
GEN 41:2 خْزَارْ، ڭعّْذنْثْ-إِ-د سبْعَا ن ثْفُونَاسِينْ زڭْ إِغْزَارْ، صبْحنْثْ إِ ڒْخزْرَاثْ ؤُعمَّارنْثْ س ويْسُومْ، هدَّانْثْ جَارْ وحْثِيشْ ن ؤُغَانِيمْ.
GEN 41:3 ؤُ خْزَارْ، سبْعَا ن ثْفُونَاسِينْ نّغْنِي ڭعّْذنْثْ-إِ-د أَوَارْنِي أَسنْثْ زڭْ إِغْزَارْ. نِيثنْثِي وَارْ حْڒِينْثْ إِ ڒْخزْرَاثْ، أَقَا كُّوشّْضنْثْ ؤُشَا بدّنْثْ زَّاثْ إِ ثْفُونَاسِينْ نّغْنِي غَارْ ثْمَا ن إِغْزَارْ.
GEN 41:4 ثِيفُونَاسِينْ إِ وَارْ إِحْڒِينْ إِ ڒْخژْرَاثْ، ثِينِّي إِكُوشّْضنْ، صَارْضنْثْ سبْعَا ن ثْفُونَاسِينْ إِصبْحنْ إِ ڒْخزْرَاثْ، ثِينِّي إِصحّنْ. ؤُشَا إِفَاقْ-د فِيرْعُونْ.
GEN 41:5 إِطّصْ [عَاوذْ] ؤُشَا يُورْجَا ثْوَاڒَا نّغْنِي، ؤُ خْزَارْ، زڭْ إِشْثْ ن ثْسطَّا ڭعّْذنْثْ سبْعَا ن ثِيذْرِينْ شُّورنْثْ، شْنَانْثْ.
GEN 41:6 ؤُ خْزَارْ،غمْينْثْ-إِ-د سبْعَا ن ثِيذْرِينْ قُّوسْبَارنْ أَوَارْنِي أَسنْثْ، إِسّْشمْضْ إِ-ثنْثْ ؤُسمِّيضْ أَشَارْقِي.
GEN 41:7 سبْعَا ن ثِيذْرِينْ قُّوسْبَارنْثْ صَارْضنْثْ سبْعَا ن ثِيذْرِينْ إِيْمَانْ ذ إِشُّورنْ. ؤُشَا إِفَاقْ-د فِيرْعُونْ، ؤُ خْزَارْ، أَقَا ذ إِشْثْ ن ثرْجِيثْ.
GEN 41:8 غَارْ صّْبحْ إِبَانْ-د بلِّي بُوحْبڒْ نّسْ إِنّهْوڒْ ؤُشَا إِسّكّْ مَاحنْذْ أَذْ د-ڒَْاغَانْ إِ مَارَّا ثَارْوَا ن ثْسحَّارْثْ ن مِيصْرَا ؤُ إِ مَارَّا إِمِيغِيسنْ. إِعَاوْذْ أَسنْ فِيرْعُونْ ثَارْجِيثْ نّسْ، مَاشَا وَارْ ذِينْ ثُوغِي حذْ إِزمَّارْ أَذْ [ت] إِفسَّارْ إِ فِيرْعُونْ.
GEN 41:9 إِسِّيوڒْ  ؤُمقّْرَانْ ن إِوَارَّاذنْ أَكْ-ذ فِيرْعُونْ، إِنَّا: ”ذڭْ وَاسّْ-أَ أَذْ تّْوَاسْعقْڒغْ خْ دّْنُوبْ إِنُو.
GEN 41:10 [ؤُمِي] إِفُّوڭمْ فِيرْعُونْ خْ إِمْسخَّارنْ نّسْ، إِڭَّا أَيِي ذِي ڒحْبسْ ذِي ثَادَّارْثْ ن ڒْقبْطَانْ ن إِعسَّاسنْ ن أَرِّيمثْ، [أَمْ] نشّْ [أَمْ] ؤُمقّْرَانْ ن إِخبَّازنْ.
GEN 41:11 نشّْ ذ نتَّا نُورْجَا إِشْثْ ن ثَارْجِيثْ ذِي دْجِيرثْ ذ إِشْثْ. كُوڒْ إِجّْ زَّايْنغْ يُورْجَا ثَارْجِيثْ نّسْ س ڒْمعْنَا نّسْ.
GEN 41:12 ثُوغَا ذِينْ أَكِيذْنغْ إِجّْ ن ؤُبْڒِيغْ ذ أَعِيبْرَانِي. ثُوغَا-ث ذ أَمْسخَّارْ ن ڒْقبْطَانْ ن إِعسَّاسنْ ن أَرِّيمثْ. نْحَاجَا أَسْ ثِيرْجَا نّغْ ؤُشَا إِفسَّارْ أَنغْ ثنْثْ. إِ كُوڒْ إِجّْ [زَّايْنغْ] إِفسَّارْ أَسْ ثَارْجِيثْ نّسْ.
GEN 41:13 أَمْ مَامّشْ ثنْثْ إِفسَّارْ، أَمنِّي إِ إِمْسَارْ. أَقَا [فِيرْعُونْ] يَارَّا أَيِي نشّْ غَارْ ڒْخذْمثْ إِنُو ؤُ ونّغْنِي يُويڒْ إِ-ث.“
GEN 41:14 إِسّكّْ فِيرْعُونْ حِيمَا أَذْ د-ڒَْاغَانْ خْ يُوسُوفْ ؤُشَا سُّوفّْغنْ ث-إِ-د ذغْيَا زڭْ وحْفُورْ [ن إِمحْبَاسْ]. إِحفّْ أَشُوَّافْ، إِبدّڒْ أَرُّوضْ ؤُشَا أَمُّو إِ يُوذفْ غَارْ فِيرْعُونْ.
GEN 41:15 إِنَّا فِيرْعُونْ إِ يُوسُوفْ: ”نشّْ ؤُرْجِيغْ إِشْثْ ن ثَارْجِيثْ، وَارْ إِدْجِي وِي ت غَا إِفسَّارنْ. [مَاشَا] أَقَا سْڒِيغْ خَاكْ بلِّي شكْ، [خْمِي إِ غَا] ثسْڒِيذْ إِ ثَارْجِيثْ، ثْزمَّارذْ أَذْ ت ثْفسَّارذْ.“
GEN 41:16 يَارَّا-د يُوسُوفْ خْ فِيرْعُونْ، إِنَّا: ”وَارْ إِدْجِي شَا زَّايِي، [مَاشَا] أَربِّي أَذْ د-يَارّْ خْ مَامّشْ غَا إِذْوڒْ ؤُمدُّورْ ن فِيرْعُونْ.“
GEN 41:17 إِنَّا فِيرْعُونْ إِ يُوسُوفْ: ”ذِي ثَارْجِيثْ إِنُو ژْرِيغْ إِخفْ إِنُو بدّغْ خْ ثْمَا ن إِغْزَارْ.
GEN 41:18 أَقَا ڭعّْذنْثْ-إِ-د سبْعَا ن ثْفُونَاسِينْ زڭْ إِغْزَارْ، صحّنْثْ ؤُ صبْحنْثْ إِ ڒْخزْرَاثْ، هدَّانْثْ جَارْ وحْثِيشْ ن ؤُغَانِيمْ.
GEN 41:19 أَوَارْنِي أَسنْثْ سبْعَا ن ثْفُونَاسِينْ نّغْنِي ڭعّْذنْثْ-إِ-د. ثُوغَا كُّوشّْضنْثْ ؤُ وَارْ حْڒِينْثْ ذڭْ وُوذمْ، ؤُژْغنْثْ. أَمُّو وَارْ حْڒِينْثْ،عمَّارْصْ وَارْ ثنْثْ ژْرِيغْ ذِي ثمُّورْثْ ن مِيصْرَا أَمْ ثكْمڒْ.
GEN 41:20 ثِيفُونَاسِينْ يُوژْغنْ، وَارْ إِحْڒِينْ، سَارْضنْثْ سبْعَا ن ثْينْذُوزِينْ ثِيمزْوُورَا إِصحّنْ.
GEN 41:21 [ؤُمِي] ؤُذْفنْثْ ثِينَا ذڭْ ؤُعذِّيسْ نْسنْثْ، عَاذْ وَارْ إِسِّينْ حذْ، بلِّي أَقَا ؤُذْفنْثْ ذڭْ ؤُعذِّيسْ نْسنْثْ، أَقَا قِّيمنْثْ وَارْ حْڒِينْثْ إِ ڒْخزْرَاثْ أَمْ قْبڒْ. [خنِّي] فَاقغْ.
GEN 41:22 [عَاوذْ] ژْرِيغْ ذِي ثَارْجِيثْ إِنُو، خْزَارْ، زڭْ إِشْثْ ن ثْسطَّا فّْغنْثْ-إِ-د سبْعَا ن ثِيذْرِينْ شُّورنْثْ ؤُ شْنَانْثْ.
GEN 41:23 خْزَارْ، ژْرِيغْ، ڭعّْذنْثْ-إِ-د سبْعَا ن ثِيذْرِينْ قُّوسْبَارنْثْ، ؤُژْغنْثْ، إِسّْشمْضْ إِ-ثنْثْ ؤُسمِّيضْ أَشَارْقِي.
GEN 41:24 ؤُ سبْعَا ن ثِيذْرِينْ يُوژْغنْ، صَارْضنْثْ سبْعَا ن ثِيذْرِينْ نِّي إِشْنَانْ. نِّيغْ [ثَارْجِيثْ] إِ ثَارْوَا ن ثْسحَّارْثْ، مَاشَا وَارْ ذِينْ ثُوغِي حذْ إِ إِزمَّارنْ أَذْ إِفسَّارْ [ثَارْجِيثْ-أَ].“
GEN 41:25 [خنِّي] إِنَّا يُوسُوفْ إِ فِيرْعُونْ: ”ثَارْجِيثْ ن فِيرْعُونْ ذ إِشْثْ. أَربِّي إِبيّنْ إِ فِيرْعُونْ مِينْ إِ غَا يڭّْ نتَّا.
GEN 41:26 سبْعَا ن ثْفُونَاسِينْ شْنَانْثْ أَقَا أَثنْثْ ذ سبْعَا ن إِسڭّْوُوسَا. ؤُشَا ثِيذْرِينْ شْنَانْثْ أَقَا ذ سبْعَا ن إِسڭّْوُوسَا. ذ ثَارْجِيثْ ذ إِشْثْ.
GEN 41:27 سبْعَا ن ثْفُونَاسِينْ ؤُژْغنْثْ وَارْ إِحْڒِينْ ثِينِّي د-يُوڒْينْ أَوَارْنِي أَسنْثْ، أَقَا ذ سبْعَا ن إِسڭّْوُوسَا، ؤُ سبْعَا ن ثِيذْرِينْ قُّوسْبَارنْثْ، ثِينِّي إِسّْشمْضْ ؤُسمِّيضْ أَشَارْقِي، أَقَا أَثنْثْ ذ سبْعَا ن إِسڭّْوُوسَا إِ ذِي غَا يِيڒِي ڒَاژْ.
GEN 41:28 ذ وَا ذ أَوَاڒْ إِ نِّيغْ إِ فِيرْعُونْ. مِينْ غَا يڭّْ أَربِّي، أَقَا إِسّْشنْ إِ-ث إِ فِيرْعُونْ.
GEN 41:29 خْزَارْ، ذِي سبْعَا ن إِسڭّْوُوسَا إِ د-إِڭُّورنْ أَذْ ثِيڒِي ثْيَاوَانْثْ ثَامقّْرَانْثْ خْ مَارَّا ثَامُّورْثْ ن مِيصْرَا.
GEN 41:30 أَوَارْنِي أَسنْ أَذْ د-أَسنْ سبْعَا ن إِسڭّْوُوسَا ن ڒَاژْ. ذِي مَارَّا ثَامُّورْثْ ن مِيصْرَا أَذْ تُّونْ مَارَّا ثْيَاوَانْثْ ؤُشَا ڒَاژْ أَذْ إِثحَّا ثَامُّورْثْ.
GEN 41:31 ؤُشَا ثْيَاوَانْثْ وَارْ ثتِّيڒِي ثتّْوَاسّنْ [عَاذْ] زِي سِّيبّثْ ن ڒَاژْ إِ ت-إِ-د-إِضْفَارنْ، مَاغَارْ ڒْحَاڒْ أَذْ يِيڒِي إِقْسحْ أَطَّاسْ.
GEN 41:32 عْلَاحْسَابْ طّْبِيعثْ ن ثْنَاينْ ن وُوذْمَاونْ ن ثَارْجِيثْ ن فِيرْعُونْ، أَقَا ثْنَاينْ ن ثْسقَّارْ، أَقَا مَانْ أَيَا س مِينْزِي يُورَا ت أَربِّي نِيشَانْ ؤُ أَربِّي أَقَا أَذْ ت يڭّْ ذغْيَا.
GEN 41:33 أجّْ فِيرْعُونْ ڒخُّو أَذْ يَارْزُو خْ إِجّْ ن ورْيَازْ س ڒفْهَامثْ ذ ثِيغِيثْ، مَاحنْذْ أَذْ ث إِڭّْ خْ ثمُّورْثْ ن مِيصْرَا.
GEN 41:34 أجّْ فِيرْعُونْ أَذْ إِڭّْ [أَمُّو]: أجّْ إِ-ث أَذْ إِڭّْ إِوقَّافنْ خْ ثمُّورْثْ، مَاحنْذْ أَذْ كْسِينْ ڒخْمُوسْ [ن ڒْغِيدْجثْ] ن ثمُّورْثْ ن مِيصْرَا ذِي سبْعَا ن إِسڭّْوُوسَا ن ثْيَاوَانْثْ.
GEN 41:35 أجّْ إِ-ثنْ أَذْ سّْمُوننْ مَارَّا ڒعْوتْشْ ذڭْ إِسڭّْوُوسَا إِصبْحنْ إِ د غَا يَاسنْ ؤُشَا أَذْ خمّْڒنْ ڒْحبّْ ن يِيرْذنْ سَاذُو ؤُفُوسْ ن فِيرْعُونْ، مَاحنْذْ أَذْ ث خمّْڒنْ ذ مَاشَّا ذِي ثْندَّامْ.
GEN 41:36 أَذْ يِيڒِي ذ ڒخْزنْ ن مَاشَّا إِ ثمُّورْثْ إِ سبْعَا ن إِسڭّْوُوسَا ن ڒَاژْ نِّي د غَا إِوْضَانْ خْ ثمُّورْثْ ن مِيصْرَا، حِيمَا ثَامُّورْثْ وَارْ ثتّْمتِّي شَا س ڒَاژْ.“
GEN 41:37 أَوَاڒنْ-أَ بَاننْ-د ذ لمْلِيحْ إِ فِيرْعُونْ ذ مَارَّا إِمْسخَّارنْ نّسْ.
GEN 41:38 [خنِّي] إِنَّا فِيرْعُونْ إِ إِمْسخَّارنْ نّسْ: ”مَا إِزمَّارْ أَذْ إِتّْوَافْ شَا ن ورْيَازْ أَمْ وَا إِ ذِي إِزدّغْ أَرُّوحْ ن أَربِّي؟“
GEN 41:39 ؤُشَا إِنَّا فِيرْعُونْ إِ يُوسُوفْ: ”ؤُمِي أَربِّي إِمّڒْ أَشْ-د مَارَّا أَيَا، خْ ؤُيَا وَارْ ذِينْ يدْجِي ونِّي غَارْ ثدْجَا ڒفْهَامثْ ذ ثِيغِيثْ أَمْ شكْ.
GEN 41:40 شكْ أَذْ ثِيڒِيذْ خْ ثَادَّارْثْ إِنُو ؤُ إِ وَاوَاڒْ نّشْ أَذْ إِطَاعْ ڒْڭنْسْ إِنُو مَارَّا. مْغِيرْ خْ ڒْعَارْشْ وَاهَا أَذْ إِڒِيغْ نشّْ ذ أَمقّْرَانْ خَاكْ.“
GEN 41:41 [يَارْنِي] إِنَّا فِيرْعُونْ إِ يُوسُوفْ: ”خْزَارْ، ڭِّيغْ شكْ خْ مَارَّا ثَامُّورْثْ ن مِيصْرَا.“
GEN 41:42 ؤُشَا إِكّسْ فِيرْعُونْ ثَاخَاذنْثْ نّسْ زڭْ ؤُفُوسْ نّسْ، إِڭَّا إِ-ت ذڭْ ؤُفُوسْ ن يُوسُوفْ ؤُشَا إِسّْيَارْضْ أَسْ أَرُّوضْ ن ڒقْطنْ أَزْذَاذْ ؤُشَا إِڭَّا أَسْ ثَاسدّشْثْ ن وُورغْ ذڭْ يِيرِي نّسْ.
GEN 41:43 إِسّنْيَا إِ-ث ذِي ثْكَارُّوثْ وِيسّْ ثْنَاينْ إِ ثُوغَا غَارسْ ؤُشَا ڒَاغَانْ [أَمْ ڭُّورنْ] زَّاثسْ: ”قوْسْ!“ أَمُّو إِ ث إِڭَّا خْ مَارَّا ثَامُّورْثْ ن مِيصْرَا.
GEN 41:44 إِنَّا فِيرْعُونْ إِ يُوسُوفْ: ”نشّْ ذ فِيرْعُونْ، بْڒَا شكْ ؤُڒَا ذ إِجّْ أَذْ إِڭعّذْ أَفُوسْ نّسْ نِيغْ أَضَارْ نّسْ ذِي مَارَّا ثَامُّورْثْ ن مِيصْرَا.“
GEN 41:45 إِڒَاغَا فِيرْعُونْ إِ يُوسُوفْ س يِيسمْ ن صَافْنَاثْ-فَاعْنِيحْ ؤُشَا إِوْشَا أَسْ أَسْنَاثْ ذ ثَامْغَارْثْ، ثنِّي ذ يدْجِيسْ ن فُوثِي-فَارَاعْ، أَكهَّانْ ن ؤُنْ. ؤُشَا إِجُوڒْ يُوسُوفْ ذِي ثمُّورْثْ ن مِيصْرَا.
GEN 41:46 ثُوغَا يُوسُوفْ ذ مِّيسْ ن ثْڒَاثِينْ ن إِسڭّْوُوسَا ڒَامِي إِبدّْ نتَّا زَّاثْ إِ فِيرْعُونْ، أَجدْجِيذْ ن مِيصْرَا، ؤُشَا إِفّغْ يُوسُوفْ زَّاثْ إِ فِيرْعُونْ ؤُشَا إِجُوڒْ خْ مَارَّا ثَامُّورْثْ ن مِيصْرَا.
GEN 41:47 ؤُشَا ثسّغْمِي-د ثمُّورْثْ ذِي سبْعَا ن إِسڭّْوُوسَا س ثْيَاوَانْثْ.
GEN 41:48 إِسّْمُونْ مَارَّا مَاشَّا ن سبْعَا ن إِسڭّْوُوسَا [ن ثْيَاوَانْثْ]، إِنِّي ثُوغَا ذِي ثمُّورْثْ ن مِيصْرَا، ؤُشَا إِخمّڒْ مَاشَّا ذِي ثْندَّامْ. مَاشَّا ن إِيَّارنْ إِ ذ أَسْ د-إِنّْضنْ إِ كُوڒْ ثَانْذِينْثْ، إِخمّڒْ إِ-ت ذَايسْ ذَاخڒْ [ذِي ثنْذِينْثْ].
GEN 41:49 يُوسُوفْ إِخمّڒْ ڒْحبّْ ن إِرْذنْ أَطَّاسْ، أَنشْثْ ن إِجْذِي ن ڒبْحَارْ، أَڒَامِي وَارْ إِزمَّارْ أَذْ إِتّْوَاحْسبْ، مِينْزِي ثُوغَا-ث بْڒَا ڒحْسَابْ.
GEN 41:50 قْبڒْ إِ د-يُوسَا ؤُسڭّْوَاسْ [أَمزْوَارُو] ن ڒَاژْ، مَّارنْينْ-د غَارْ يُوسُوفْ ثْنَاينْ ن إِحنْجِيرنْ، إِنِّي ذ أَسْ د-ثُورُووْ أَسْنَاثْ، يدْجِيسْ ن فُوثِي-فَارَاعْ، أَكهَّانْ ن ؤُنْ.
GEN 41:51 إِسمَّا يُوسُوفْ أَمنْزُو مَانَاسَّا، مِينْزِي [إِنَّا:] ”أَربِّي أَقَا إِسّتُّو أَيِي مَارَّا ثَامَارَا إِنُو ذ مَارَّا ثَادَّارْثْ ن بَابَا.“
GEN 41:52 وِيسّْ ثْنَاينْ إِسمَّا إِ-ث إِفْرَايِيمْ، مِينْزِي إِنَّا: ”أَربِّي إِڭَّا أَيِي س ڒْغِيدْجثْ ذِي ثمُّورْثْ ن ڒحْصَارثْ إِنُو.“
GEN 41:53 [خنِّي] كمّْڒنْ سبْعَا ن إِسڭّْوُوسَا ن ؤُفيّضْ [ن ڒْغِيدْجثْ] نِّي إِكِّينْ خْ ثمُّورْثْ ن مِيصْرَا،
GEN 41:54 ؤُشَا بْذَانْ أَذْ د-أَسنْ سبْعَا ن إِسڭّْوُوسَا ن ڒَاژْ، أَمْ مَامّشْ خَاسْ إِسِّيوڒْ يُوسُوفْ. ثُوغَا ڒَاژْ ذِي مَارَّا ثِيمُّورَا، [مَاشَا] ذِي مَارَّا ثَامُّورْثْ ن مِيصْرَا ثُوغَا ذَايسْ [عَاذْ] أَغْرُومْ.
GEN 41:55 [أَڒَامِي] ثُوغَا ڒَاژْ ذِي مَارَّا ثَامُّورْثْ ن مِيصْرَا، إِسْغُويْ ڒْڭنْسْ غَارْ فِيرْعُونْ خْ وغْرُومْ. ؤُشَا إِنَّا فِيرْعُونْ إِ مَارَّا إِمِيصْرِييّنْ: ”رُوحمْ غَارْ يُوسُوفْ، ڭّمْ مِينْ ذ أَومْ غَا يِينِي!“
GEN 41:56 ثُوغَا ڒَاژْ إِزدْجعْ خْ مَارَّا ثَامُّورْثْ ؤُشَا يَارْزمْ يُوسُوفْ خْ مَارَّا مِينْ ثُوغَا إِخمّڒْ، ؤُشَا إِزّنْزْ إِ-ث إِ إِمِيصْرِييّنْ، مِينْزِي ثُوغَا ڒَاژْ إِذْوڒْ إِمْغَارْ أَطَّاسْ ذِي ثمُّورْثْ ن مِيصْرَا.
GEN 41:57 زِي مَارَّا ثِيمُّورَا ؤُسِينْ-د [إِوْذَانْ] غَارْ مِيصْرَا غَارْ يُوسُوفْ حِيمَا أَذْ سْغنْ، مِينْزِي ذِي مَارَّا ثِيمُّورَا ثُوغَا ڒَاژْ إِمْغَارْ أَطَّاسْ.
GEN 42:1 [ڒَْامِي] إِژْرَا يَاعْقُوبْ بلِّي أَقَا ذِينْ ڒْحبّْ [ن يِيرْذنْ] ذِي مِيصْرَا، [خنِّي] إِنَّا إِ إِحنْجِيرنْ نّسْ ”مَاغَارْ ثقِّيممْ ثْخزَّارمْ إِجّنْ ذڭْ ونّغْنِي؟“
GEN 42:2 إِنَّا: ”أَقَا نشّْ سْڒِيغْ بلِّي ذِينْ إِمنْذِي ذِي مِيصْرَا. رُوحمْ ذِينِّي ؤُشَا سْغمْ أَنغْ-د سّنِّي [ڒْْحبّْ]، حِيمَا أَذْ نقِّيمْ ندَّارْ ؤُشَا وَارْ نتّْمتِّي شَا.“
GEN 42:3 هْوَانْعشْرَا ن وَاوْمَاثنْ ن يُوسُوفْ، مَاحنْذْ أَذْ رَاحنْ أَذْ سْغنْ إِمنْذِي زِي مِيصْرَا.
GEN 42:4 [مَاشَا] يَاعْقُوبْ وَارْ إِسّكّْ بِينْيَامِينْ، ؤُمَاسْ ن يُوسُوفْ، أَكْ-ذ أَيْثْمَاسْ، مِينْزِي إِنَّا: ”حِيمَا وَارْ ذ أَسْ إِتّمْسَارْ شَا ن ڒْحَاجّثْ ذ ثَاعفَّانْثْ.“
GEN 42:5 جَارْ إِنِّي د-يُوسِينْ [ذِينِّي]، ؤُسِينْ-د [عَاوذْ] أَيْثْ ن إِسْرَائِيل، مَاحنْذْ أَذْ سْغنْ [مَاشَّا]، مِينْزِي ثُوغَا ذِينْ ڒَاژْ ذِي ثمُّورْثْ ن كنْعَانْ.
GEN 42:6 ثُوغَا يُوسُوفْ ذ ڒْحَاكمْ خْ ثمُّورْثْ ؤُشَا إِزّنْزْ [إِمنْذِي] إِ مَارَّا ڒْڭنْسْ ن ثمُّورْثْ. ؤُمِي د-إِوْضنْ أَيْثْمَاسْ ن يُوسُوفْ، بنْذْقنْ أَسْ س ؤُغمْبُوبْ نْسنْ غَارْ ثمُّورْثْ.
GEN 42:7 [ؤُمِي] إِژْرَا يُوسُوفْ أَيْثْمَاسْ، إِعْقڒْ إِ-ثنْ، مَاشَا إِڭَّا إِخفْ نّسْ أَخْمِي وَارْ ثنْ إِسِّينْ ؤُشَا إِسِّيوڒْ أَكِيذْسنْ س ڒقْسَاحثْ، إِنَّا أَسنْ: ”مَانِيسْ د-ثُوسِيمْ؟“ نَّانْ: ”زِي ثمُّورْثْ ن كنْعَانْ، مَاحنْذْ أَذْ نْسغْ مَاشَّا.“
GEN 42:8 يُوسُوفْ إِعقْڒْ أَيْثْمَاسْ، مَاشَا نِيثْنِي وَارْ ث عْقِيڒنْ شَا.
GEN 42:9 إِفكَّارْ يُوسُوفْ ذِي ثِيرْجَا نِّي ثُوغَا خَاسنْ يُورْجَا، إِنَّا أَسنْ: ”كنِّيوْ ذ إِبرْڭَاڭنْ إِ ثدْجَامْ، ثُوسِيمْ-د، حِيمَا أَذْ ثْژَارمْ مَانِي وَارْ ثتّْوَاحْضِي ثمُّورْثْ.“
GEN 42:10 أَرِّينْ-د خَاسْ: ”لَّ، أَ سِيذِي إِنُو، عَاذْ إِمْسخَّارنْ نّشْ ؤُسِينْ-د، مَاحنْذْ أَذْ سْغنْ مَاشَّا.
GEN 42:11 مَارَّا نشِّينْ أَقَا أَنغْ ذ ثَارْوَا ن إِجّْ ن ورْيَازْ. أَقَا أَنغْ ذ [إِرْيَازنْ] ذ إِمْثِيقَّانْ، إِمْسخَّارنْ نّشْ وَارْ دْجِينْ شَا ذ إِبرْڭَاڭنْ.“
GEN 42:12 نتَّا يَارَّا-د خَاسنْ: ”لَّ، كنِّيوْ ثُوسِيمْ-د مَاحنْذْ أَذْ ثْژَارمْ ثُوعَّارْينْثْ ن ثمُّورْثْ.“
GEN 42:13 نَّانْ نِيثْنِي: ”نشِّينْ ذ إِمْسخَّارنْ نّشْ، أَقَا أَنغْ ذِي ثنْعَاشْ ن وَاوْمَاثنْ، ثَارْوَا ن إِجّْ ن ورْيَازْ ذِي ثمُّورْثْ ن كنْعَانْ. أَقَا أَمَاژُوژْ أَقَا-ث أَكْ-ذ بَابَاثْنغْ ؤُ ونّغْنِي وَارْ إِدْجِي [عَاذْ].“
GEN 42:14 إِنَّا أَسنْ يُوسُوفْ: ”مَا وَارْ ذ أَومْ ث نِّيغْ ؤُمِي نِّيغْ: ’أَقَا كنِّيوْ ذ إِبرْڭَاڭنْ!‘
GEN 42:15 س ؤُيَا ثتّْوَاقدْجْبمْ. س ثِيذتّْ أَمْ إِدَّارْ فِيرْعُونْ، كنِّيوْ وَارْ د-تّفّْغمْ سَّا، مْغِيرْ خْمِي د غَا يَاسْ ؤُمَاثْومْ أَمَاژُوژْ ذَانِيثَا!
GEN 42:16 سكّمْ إِجّْ ن زَّايْومْ، مَاحنْذْ أَذْ د-يَاوِي ؤُمَاثْومْ. [خنِّي] كنِّيوْ أَذْ ثتّْوَاحبّْسمْ ؤُشَا أَوَاڒنْ نْومْ أَذْ تّْوَاقدْجْبنْ، مَا ذَايْومْ ڒَامَانْ. مَاڒَا لَّا، س ثِيذتّْ أَمْ إِدَّارْ فِيرْعُونْ، أَقَا كنِّيوْ ذ إِبرْڭَاڭنْ!“
GEN 42:17 ؤُشَا إِڭَّا إِ-ثنْ ثْڒَاثَا ن وُوسَّانْ ذِي ڒحْبسْ.
GEN 42:18 ذڭْ وَاسّْ وِيسّْ ثْڒَاثَا إِنَّا أَسنْ يُوسُوفْ: ”ڭّمْ أَيَا، حِيمَا أَذْ ثقِّيممْ ثدَّارمْ، نشّْ تّڭّْوْذغْ أَربِّي.
GEN 42:19 مَاڒَا كنِّيوْ ذ إِرْيَازنْ ذ إِمْثِيقَّانْ، جّمْ [خنِّي] إِجّْ ن ؤُمَاثْومْ أَذْ إِقِّيمْ إِشَارْفْ ذِي ثَادَّارْثْ مَانِي ثتّْوَاحبّْسمْ كنِّيوْ، [خنِّي] رُوحمْ، كْسِيمْ إِمنْذِي إِ ڒَاژْ ن أَيْثْبَابْ ن ثَادَّارْثْ نْومْ.
GEN 42:20 أَوْيمْ-د [خنِّي] ؤُمَاثْومْ، أَمَاژُوژْ، مَاحنْذْ أَذْ تّْوَاقدْجْبنْ وَاوَاڒنْ نْومْ، وَارْ ثتّْمتِّيمْ شَا.“ ؤُشَا نِيثْنِي ڭِّينْ أَمنِّي.
GEN 42:21 نَّانْ إِ وَايَاوْيَا: ”س ثِيذتّْ أَقَا إِتّْخصَّا أَنغْ أَذْ د-نَارّْ دّيّثْ ن ؤُمَاثْنغْ، أَقَا نژْرَا ڒْحصْرَانْ ن ڒعْمَارْ نّسْ ؤُمِي ذ أَنغْ إِتَّارْ أَحِينِّي، مَاشَا وَارْ ذ أَسْ نسْڒِي شَا! خْ ؤُيَا د-يُوسَا ڒْحصْرَانْ-أَ خَانغْ.“
GEN 42:22 يَارَّا-د خَاسنْ رُوبِينْ، إِنَّا: ”مَا وَارْ ذ أَومْ ث نِّيغْ، ؤُمِي نِّيغْ: ’وَارْ خطِّيمْ شَا أَكْ-ذ ؤُحنْجِيرْ!‘، مَاشَا كنِّيوْ وَارْ ثسْڒِيمْ شَا. خْزَارْ، إِذَامّنْ نّسْ تّْوَاتَّارنْ [ڒخُّو]!“
GEN 42:23 نِيثْنِي وَارْ سِّيننْ بلِّي إِفْهمْ أَسنْ يُوسُوفْ، مِينْزِي ثُوغَا أَثُورْجْمَانْ جَارْ أَسنْ.
GEN 42:24 إِنّقْڒبْ خَاسنْ ؤُشَا إِسْغُويْ. [أَوَارْنِي أَسْ] إِنّقْڒبْ-د عَاوذْ غَارْسنْ، إِسِّيوڒْ أَكِيذْسنْ، إِكْسِي زَّايْسنْ شِيمْعُونْ ؤُشَا إِحبّسْ إِ-ث زَّاثْ إِ ثِيطَّاوِينْ نْسنْ.
GEN 42:25 يُومُورْ يُوسُوفْ مَاحنْذْ أَذْ شُّورنْ ثِيخُونْشَايْ نْسنْ س إِمنْذِي ؤُ أَذْ ڭّنْ [ثْمنْيَاثْ ن] نُّوقَارْثْ ذِي كُوڒْ إِشْثْ ن ثْخَانْشثْ نْسنْ ؤُشَا وْشِينْ أَسنْ مَاشَّا إِ وبْرِيذْ. ؤُ أَمُّو إِ كِيذْسنْ ڭِّينْ.
GEN 42:26 سَّارْبُونْ إِمنْذِي نْسنْ خْ يغْيَاڒْ نْسنْ ؤُشَا فّْغنْ سّنِّي.
GEN 42:27 [ؤُمِي] يَارْزمْ إِجّنْ زَّايْسنْ ثَاخَانْشثْ نّسْ، حِيمَا أَذْ إِسّشّْ أَغْيُوڒْ نّسْ غَارْ مَانِي غَا سّنْسنْ، إِژْرَا نُّوقَارْثْ نّسْ ذڭْ أَرْزَامْ ن ؤُقمُّومْ ن ثْخَانْشثْ نّسْ.
GEN 42:28 إِنَّا إِ يَايْثْمَاسْ: ”نُّوقَارْثْ إِنُو ثذْوڒْ أَيِي-د. خْزَارْ، أَقَا-ت ذَا ذِي ثْخَانْشثْ إِنُو!“ ڒخْذنِّي إِبدّْ أَسنْ وُوڒْ، أَرْجِيجنْ ؤُشَا نَّانْ إِ وَايَاوْيَا: ”مَانَاوْيَا إِ ذ أَنغْ إِتّڭّْ أَربِّي؟“
GEN 42:29 ؤُشَا رحّْڭنْ غَارْ بَابَاثْسنْ يَاعْقُوبْ ذِي ثمُّورْثْ ن كنْعَانْ ؤُشَا عَاوْذنْ أَسْ مَارَّا مِينْ خَاسنْ إِكِّينْ، نَّانْ:
GEN 42:30 ”أَرْيَازْ، بَابْ ن ثمُّورْثْ، إِسِّيوڒْ أَكِيذْنغْ س ڒقْسَاحثْ، إِحسْبْ أَنغْ ذ إِبرْڭَاڭنْ ن ثمُّورْثْ.
GEN 42:31 [مَاشَا] ننَّا أَسْ: ’نشِّينْ ذ إِرْيَازنْ ذ إِمْثِيقَّانْ، [عمَّارْصْ] وَارْ ندْجِي ذ إِبرْڭَاڭنْ.
GEN 42:32 أَقَا أَنغْ ذِي ثنْعَاشْ ن وَاوْمَاثنْ، إِحنْجِيرنْ ن بَابَاثْنغْ. إِجّنْ وَارْ إِقِّيمْ، أَمَاژُوژْ أَقَا-ث أَسّْ-أَ أَكْ-ذ بَابَاثْنغْ ذِي ثمُّورْثْ ن كنْعَانْ.‘
GEN 42:33 ؤُ أَرْيَازْ نِّي، بَابْ ن ثمُّورْثْ، إِنَّا أَنغْ: ’س ؤُيَا أَذْ سّْنغْ، مَا أَقَا كنِّيوْ ذ إِمْثِيقَّانْ. أَذْ كِيذِي ثجّمْ إِجّنْ زڭْ أَيْثْمَاثْومْ ؤُشَا أَذْ ثكْسِيمْ [مَاشَّا] إِ ڒَاژْ نِّي ذِينْ غَارْ أَيْثْبَابْ ن ثَادَّارْثْ نْومْ، خنِّي فّْغمْ.
GEN 42:34 أَوْيمْ-د [ذَا] ؤُمَاثْومْ، أَمَاژُوژْ، [خنِّي] أَذْ سّْنغْ بلِّي وَارْ ثدْجِيمْ ذ إِبرْڭَاڭنْ، مَاشَا ذ إِمْثِيقَّانْ ؤُشَا أَذْ أَومْ د-أَرْخُوغْ إِ وَامَاثْومْ نْومْ ؤُشَا أَذْ ثْرَاحمْ أَذْ ثْجُوڒمْ ذِي ثمُّورْثْ.‘ “
GEN 42:35 [ؤُمِي] سّخْوَانْ ثِيخُونْشَايْ نْسنْ، حكَّارنْ بلِّي ذِي ثْخَانْشثْ ن كُوڒْ إِجّنْ، أَقَا ذَايسْ ثَاشْيَارْثْ س نُّوقَارْثْ نّسْ. ژْرِينْ نِيثْنِي ذ بَابَاثْسنْ ثِيشْيَارْ س نُّوقَارْثْ نْسنْ ؤُشَا ثُوذفْ إِ-ثنْ ثِيڭّْوُوذِي.
GEN 42:36 إِنَّا أَسنْ بَابَاثْسنْ يَاعْقُوبْ: ”أَقَا ثْحَارّْممْ أَيِي [زڭْ إِحنْجِيرنْ إِنُو]! يُوسُوفْ وَارْ د-إِضْهَارْ [عَاذْ] ؤُڒَا ذ شِيمْعُونْ، ؤُشَا [ڒخُّو] ثتّخْسمْ أَذْ ثْنذْهمْ بِينْيَامِينْ. مَارَّا مَانْ أَيَا إِتّمْسَارنْ ذِي ڒعْكسْ إِنُو!“
GEN 42:37 [خنِّي] إِسِّيوڒْ رُوبِينْ غَارْ بَابَاسْ، إِنَّا: ”أَذْ ثنْغذْ ثْنَاينْ ن إِحنْجِيرنْ إِنُو، مَاڒَا وَارْ ذ أَشْ ث-إِ-د-أَرِّيغْ. أوْشْ أَيِي ث ذڭْ ؤُفُوسْ إِنُو، نشّْ أَقَا أَذْ أَشْ ث-إِ-د-أَرّغْ!“
GEN 42:38 [مَاشَا] نتَّا إِنَّا أَسْ: ”مِّي وَارْ إِتّْرِيحْ شَا أَكِيذْومْ، مِينْزِي ؤُمَاسْ إِمُّوثْ ؤُ نتَّا وحّْذسْ إِ ذ أَيِي إِقِّيمنْ. مَاڒَا إِڒْقفْ إِ-ث شَا ن ڒْغَارْ ذڭْ وبْرِيذْ نِّي إِ غَا ثكّمْ، أَذْ ثسّهْوَامْ شِّيبْ إِنُو س وشْضَانْ غَارْ ڒَاخَارْثْ.“
GEN 43:1 [مَاشَا] ڒَاژْ ثُوغَا إِمْغَارْ أَطَّاسْ ذِي ثمُّورْثْ.
GEN 43:2 [ڒَْامِي] كمّْڒنْ شِّينْ ڒْحبّْ [ن يِيرْذنْ] نِّي كِيذْسنْ د-إِوْينْ زِي مِيصْرَا، إِنَّا أَسنْ بَابَاثْسنْ: ”ذوْڒمْ-د عَاوذْ ؤُشَا سْغمْ أَنغْ-د شْوَايْثْ ن مَاشَّا.“
GEN 43:3 [خنِّي] إِسِّيوڒْ يَاهُوذَا، إِنَّا: ”أَقَا أَرْيَازْ نِّي إِنَّا أَنغْ س ؤُركّزْ: ”وَارْ ثْژَارّمْ [عَاذْ] ؤُذمْ إِنُو، مْغِيرْ مَاڒَا ثِيوْيمْ-د ؤُمَاثْومْ أَكِيذْومْ.“
GEN 43:4 مَاڒَا ثسّكّذْ ؤُمَاثْنغْ أَكِيذْنغْ، أَذْ نْرَاحْ ذِينْ ؤُشَا أَذْ أَشْ د-نْسغْ مَاشَّا،
GEN 43:5 مَاشَا مَاڒَا وَارْ ث ثسّكِّيذْ [أَكِيذْنغْ]، خنِّي وَارْ ذِينِّي نتّْرَاحْ، مِينْزِي أَرْيَازْ نِّي إِنَّا أَنغْ: ’وَارْ ثْژَارّمْ [عَاذْ] ؤُذمْ إِنُو مْغِيرْ مَاڒَا يُوسَا-د ؤُمَاثْومْ أَكِيذْومْ.‘ “
GEN 43:6 إِنَّا إِسْرَائِيل: ”مَاغَارْ ذ أَيِي ثڭِّيمْ ڒْغَارْ ؤُشَا ثنَّامْ إِ ورْيَازْ نِّي بلِّي أَقَا غَارْومْ عَاذْ ؤُمَاثْومْ نّغْنِي؟“
GEN 43:7 نِيثْنِي نَّانْ: ”أَرْيَازْ نِّي إِسّقْسَا خَانغْ نِيشَانْ، ؤُ خْ ثمُّورْثْ مَانِي نخْڒقْ، إِنَّا: ’مَا إِدَّارْ عَاذْ بَابَاثْومْ؟ مَا غَارْومْ شَا ن ؤُمَاثْومْ نّغْنِي؟‘ [خنِّي] نْعَاوذْ أَسْ [ث]. مَا نْزمَّارْ زڭْ وَاوَاڒنْ-أَ أَذْ د-نجْبذْ إِلَّا أَذْ نسّنْ زعْمَا أَذْ يِينِي: ’أَوْيمْ-د ؤُمَاثْومْ؟‘ “
GEN 43:8 ؤُشَا إِنَّا يَاهُوذَا إِ بَابَاسْ إِسْرَائِيل: ”سكّْ أَكِيذِي أَحنْجِيرْ ؤُشَا أَذْ نكَّارْ أَذْ نْرَاحْ، حِيمَا أَذْ ندَّارْ ؤُ وَارْ نتّْمتِّي شَا نشِّينْ ذ شكْ ذ ثَارْوَا نّغْ.
GEN 43:9 نشّْ أَذْ أَسْ إِڒِيغْ ذ أَضْمَانْ ؤُ زڭْ ؤُفُوسْ إِنُو أَذْ ث ثتَّارذْ عَاوذْ. مَاڒَا وَارْ ذ أَشْ ث-إِ-د-أَرِّيغْ، أَذْ ث سّْبدّغْ زَّاثكْ، أَذْ يِيڒِي خْضِيغْ أَكِيذكْ إِ ڒبْذَا!
GEN 43:10 معْلِيكْ وَارْ نقِّيمْ نتّْرَاجَا [أَطَّاسْ]، ثِيڒِي ڒخُّو نذْوڒْ-د ثْنَاينْ ن ثْوَاڒَاوِينْ.“
GEN 43:11 [ؤُشَا] يَارَّا-د خَاسنْ إِسْرَائِيل، بَابَاثْسنْ: ”مَاڒَا أَمُّو إِ يدْجَا س ثِيذتّْ، ڭّمْ أَمُّو ؤُشَا كْسِيمْ مِينْ إِشْنَانْ أَطَّاسْ ن ثمُّورْثْ ذِي ثْخُونْشَايْ نْومْ، هْوَامْ-د مَاحنْذْ أَذْ ث ثِيوْيمْ ذ أَرِّيغَالُو إِ ورْيَازْ نِّي: شْوَايْثْ ن بَالْسَامْ ذ شْوَايْثْ ن ثَامّنْثْ، ڒعْطُورْ ذ مِيرُّو ذ ثغْيَاشْثْ ن پِيسْثَاشْ ذ دْجُوزْ.
GEN 43:12 كْسِيمْ ثْنَاينْ ن ثْسقَّارْ ن [ثنْعَاشِينْ ن] نُّوقَارْثْ أَكِيذْومْ ؤُشَا أَرّمْ س ؤُفُوسْ نْومْ نُّوقَارْثْ إِ د-إِعقْبنْ ذِي ثْخُونْشَايْ نْومْ. أَذْ ثَاغْ ثُوغَا ذ شَا ن لْغَالَاطْ.
GEN 43:13 أَوْيمْ-د عَاوذْ ؤُمَاثْومْ أَكِيذْومْ، كَّارمْ،عقْبمْ غَارْ ورْيَازْ نِّي.
GEN 43:14 ؤُشَا أَقَا أَربِّي، أَمْزمَّارْ خْ كُوڒْشِي، أَذْ أَومْ إِوْشْ أَرّحْمثْ زَّاثْ إِ وُوذمْ ن ورْيَازْ نِّي ؤُشَا أَذْ يَارْخُو إِ ؤُمَاثْومْ نّغْنِي ذ بِينْيَامِينْ. ؤُ مِينْ ذ أَيِي إِقِّيمنْ نشّْ، مَاڒَا تّْوَاحَارّْمغْ زڭْ إِحنْجِيرنْ إِنُو، أَقَا أَذْ زَّايْسنْ تّْوَاحَارّْمغْ!“
GEN 43:15 [خنِّي] إِوْينْ إِرْيَازنْ أَرِّيغَالُو ؤُشَا كْسِينْ ذڭْ ؤُفُوسْ نْسنْ ثْنَاينْ ن ثْسقَّارْ ن [ثْمنْيَاثْ] ن نُّوقَارْثْ ؤُڒَا ذ بِينْيَامِينْ ؤُشَا كَّارنْ، هْوَانْ غَارْ مِيصْرَا ؤُشَا بدّنْ زَّاثْ إِ وُوذمْ ن يُوسُوفْ.
GEN 43:16 [ؤُمِي] إِژْرَا يُوسُوفْ بِينْيَامِينْ أَكِيذْسنْ، إِنَّا إِ ونِّي [ثُوغَا] خْ ثَادَّارْثْ نّسْ: ”سِيذفْ إِرْيَازنْ-أَ غَارْ ثَادَّارْثْ، ثْغَارْصذْ [إِ شَا] مِينْ إِدْجَانْ إِ ثْغَارْصْثْ، سوْجذْ إِ-ت، مِينْزِي إِرْيَازنْ-أَ أَذْ كِيذِي شّنْ غَارْ وزْينْ ن وَاسّْ.“
GEN 43:17 إِڭَّا ورْيَازْ أَمْ مَامّشْ ذ أَسْ إِنَّا يُوسُوفْ ؤُشَا يِيوِي إِرْيَازنْ غَارْ ثَادَّارْثْ ن يُوسُوفْ.
GEN 43:18 [خنِّي] ذوْڒنْ يرْيَازنْ نِّي ڭّْوذنْ أَطَّاسْ، ؤُمِي ثنْ سِّيذْفنْ ذِي ثَادَّارْثْ ن يُوسُوفْ ؤُشَا نِيثْنِي نَّانْ: ”خْ [ثْمنْيَاثْ ن] نُّوقَارْثْ إِ ذ أَنغْ د-إِذوْڒنْ ذِي ثْخُونْشَايْ نّغْ ثْوَاڒَا ثَامزْوَارُوثْ إِوْينْ أَنغْ-د ذَا حِيمَا [خنِّي عَاوذْ] أَذْ خَانغْعفْسنْ ؤُشَا أَذْ خَانغْعدَّانْ، [خنِّي] أَذْ أَنغْ كْسِينْ ذ إِسمْغَانْ أَكْ-ذ يغْيَاڒْ نّغْ.“
GEN 43:19 قَارّْبنْ-د غَارْ ورْيَازْ نِّي إِڭَّا يُوسُوفْ خْ ثَادَّارْثْ ؤُشَا سِّيوْڒنْ أَكِيذسْ غَارْ وَاذَافْ ن ثَادَّارْثْ،
GEN 43:20 نَّانْ: ”أَ سِيذِي إِنُو، نشِّينْ أَقَا نِيشَانْ نهْوَا-د ذ أَمزْوَارْ، مَاحنْذْ أَذْ نْسغْ مَاشَّا.
GEN 43:21 إِمْسَارْ ؤُمِي د-نِيوضْ غَارْ ڒمْرَاحْ ؤُشَا نَارْزمْ ثِيخُونْشَايْ نّغْ، نژْرَا نُّوقَارْثْ ن كُوڒْ إِجّْ غَارْ ورْزَامْ ن ؤُقمُّومْ ن ثْخَانْشثْ نّسْ، نُّوقَارْثْ نّغْ س ڒْمِيزَانْ نّسْ نِيشَانْ. أَقَا نَارَّا إِ-ت-إِ-د س إِفَاسّنْ نّغْ.
GEN 43:22 عَاوذْ نِيوِي-د ذڭْ إِفَاسّنْ نّغْ نُّوقَارْثْ نّغْنِي، حِيمَا أَذْ نْسغْ مَاشَّا. نشِّينْ وَارْ نسِّينْ وِي إِڭِّينْ نُّوقَارْثْ ذِي ثْخُونْشَايْ نّغْ.“
GEN 43:23 يَارَّا-د [خَاسنْ]: ”سْڒَامْ خَاومْ، وَارْ تّڭّْوذمْ شَا! أَربِّي نْومْ ذ أَربِّي ن بَابَاثْومْ إِوْشَا أَومْ إِشْثْ ن ثْخَابشْثْ ذِي ثْخُونْشَايْ نْومْ. أَقَا نُّوقَارْثْ نْومْ طّْفغْ ت.“ ؤُشَا إِسُّوفّغْ-د غَارْسنْ شِيمْعُونْ.
GEN 43:24 [خنِّي] إِسِّيذفْ ورْيَازْ إِرْيَازنْ نِّي غَارْ ثَادَّارْثْ ن يُوسُوفْ، إِوْشَا [أَسنْ] أَمَانْ ؤُشَا سِيرْذنْ إِضَارنْ نْسنْ. إِوْشَا [أَسنْ] عَاوذْ ڒعْڒفْ إِ يغْيَاڒْ نْسنْ.
GEN 43:25 ؤُ نِيثْنِي سّْوجْذنْ أَرِّيغَالُو إِ يُوسُوفْ، ونِّي إِڭُّورنْ أَذْ د-يَاسْ غَارْ وزْينْ ن وَاسّْ، مِينْزِي نِيثْنِي سْڒِينْ أَقَا أَذْ شّنْ ذِينِّي.
GEN 43:26 [ڒَْامِي د-] يُوذفْ يُوسُوفْ غَارْ ثَادَّارْثْ، وْشِينْ أَسْ-د ذِي ثَادَّارْثْ أَرِّيغَالُو نِّي د-إِوْينْ أَكِيذْسنْ، ؤُشَا بنْذْقنْ أَسْ غَارْ ثمُّورْثْ.
GEN 43:27 إِسّقْسَا ثنْ خْ مَامّشْ دْجَانْ ؤُشَا إِنَّا: ”مَامّشْ إِدْجَا بَابَاثْومْ أَوسَّارْ إِ خفْ ثسِّيوْڒمْ؟ مَا أَقَا عَاذْ إِدَّارْ؟“
GEN 43:28 نِيثْنِي أَرِّينْ: ”مْلِيهْ إِ يدْجَا ؤُمْسخَّارْ نّشْ، بَابَاثْنغْ، نتَّا عَاذْ إِدَّارْ.“ ؤُضَارنْ نِيثْنِي ؤُشَا نتَّا إِبنْذقْ.
GEN 43:29 [ڒَْامِي] نتَّا إِسّْڭعّذْ ثِيطَّاوِينْ نّسْ ؤُشَا إِژْرَا بِينْيَامِينْ، ؤُمَاسْ، مِّيسْ ن يمَّاسْ، إِنَّا: ”مَا ذ وَا ذ ؤُمَاثْومْ، أَمَاژُوژْ، مِينْ خفْ ذ أَيِي ثسِّيوْڒمْ؟“ [خنِّي] إِنَّا: ”أَذْ خَاكْ إِحِينّْ أَربِّي، أَ مِّي!“
GEN 43:30 يُوسُوفْ إِفّغْ خنِّي ذغْيَا، مِينْزِي ثَاحْنُونشْثْ نّسْ خْ ؤُمَاسْ ثُوغَا ثمْغَارْ. يَارْزُو خْ مَانِي غَا إِرُو ؤُشَا يُوذفْ غَارْ إِجّْ ن وخَّامْ ؤُشَا إِرُو ذِينْ.
GEN 43:31 إِسِّيرْذْ ؤُذمْ نّسْ ؤُشَا إِفّغْ-د غَارْ بَارَّا، إِطّفْ ذڭْ إِخفْ نّسْ، إِنَّا: ”قذْممْ-د مَاشَّا.“
GEN 43:32 نِيثْنِي سّْوجْذنْ أَسْ إِ نتَّا وحّْذسْ ؤُ إِ نِيثْنِي وحّذْسنْ ؤُڒَا إِ إِمِيصْرِييّنْ إِنِّي أَكِيذسْ شِّينْ وحّذْسنْ، مِينْزِي إِمِيصْرِييّنْ وَارْ زمَّارنْ أَذْ شّنْ أَغْرُومْ أَكْ-ذ إِعِيبْرَانِييّنْ، مِينْزِي ذ مَانْ أَيَا ذ جّْعِيفشْثْ غَارْ إِمِيصْرِييّنْ.
GEN 43:33 ؤُشَا نِيثْنِي قِّيمنْ زَّاثْ إِ وُوذمْ نّسْ: أَمنْزُو [ذڭْ ومْشَانْ نّسْ] عْلَاحْسَابْ ثَاسْغَارْثْ ن ثْمنْزُوثْ نّسْ ؤُشَا أَمَاژُوژْ [ذڭْ ومْشَانْ نّسْ] عْلَاحْسَابْ ثمْژِي نّسْ. ثُوغَا إِرْيَازنْ تّْبهَاثنْ، خزَّارنْ إِجّنْ ذڭْ ونّغْنِي.
GEN 43:34 ؤُشَا نتَّا إِقدّمْ أَسنْ-د زِي مِينْ [ثُوغَا إِدْجَانْ] زَّاثسْ، مَاشَا ثَاسْغَارْثْ ن بِينْيَامِينْ ثُوغَا-ت خمْسَا ن ثْسقَّارْ كْثَارْ زِي ثْسقَّارْ ن مَارَّا إِذْسنْ. ؤُشَا سْوِينْ نِيثْنِي، سّنِّي ذوْڒنْ فَارْحنْ أَكِيذسْ.
GEN 44:1 إِسّكّْ يُوسُوفْ غَارْ [ؤُمْسخَّارْ] نِّي [ثُوغَا] خْ ثَادَّارْثْ نّسْ، إِنَّا أَسْ: &عمَّارْ ثِيخُونْشَايْ ن يرْيَازنْ نِّي س مَاشَّا، مَارَّا مِينْ زمَّارنْ أَذْ كْسِينْ. أڭّْ نُّوقَارْثْ ن كُوڒْ إِجّْ ذڭْ وَارْزَامْ ن ؤُقمُّومْ ن ثْخَانْشثْ نّسْ.
GEN 44:2 سَارْسْ ڒْكَاسْ إِنُو، ڒْكَاسْ ن نُّوقَارْثْ، ذڭْ وَارْزَامْ ن ؤُقمُّومْ ن ثْخَانْشثْ ن ؤُمَاژُوژْ أَكْ-ذ [ثْمنْيَاثْ] ن نُّوقَارْثْ ن ڒْحبّْ نّسْ [ن يِيرْذنْ].“ ؤُشَا إِڭَّا أَمْ مَامّشْ ذ أَسْ إِنَّا يُوسُوفْ.
GEN 44:3 غَارْ صّْبحْ ؤُمِي د-يفُّو ڒْهَاڒْ، جِّينْ إِرْيَازنْ أَذْ ؤُيُورنْ، نِيثْنِي أَكْ-ذ يغْيَاڒْ نْسنْ.
GEN 44:4 ؤُمِي فّْغنْ نِيثْنِي زِي ثنْذِينْثْ، ثُوغَا [عَاذْ] وَارْ ڭّْوِيجنْ شَا، إِنَّا يُوسُوفْ إِ ونِّي [ثُوغَا] خْ ثَادَّارْثْ نّسْ: ”كَّارْ، ضْفَارْ إِرْيَازنْ نِّي ؤُشَا، خْمِي خَاسنْ غَا ثعْذُوذْ، إِنِي أَسنْ: ’مَاغَارْ د-ثَارَّامْ ڒْخَارْ س ڒْغَارْ؟
GEN 44:5 مَا وَارْ إِدْجِي ذ وَا [ذ ڒْكَاسْ] إِ زِي إِسسّْ سِيذِي إِنُو ؤُ [مَا وَارْ إِدْجِي] س وَا إِ زِي غَا إِكَاشفْ مِينْ غَا إِمْسَارنْ ثِيوشَّا؟ أَقَا ثڭِّيمْ ڒْغَارْ ؤُمِي ثڭِّيمْ أَمْيَا.‘ “
GEN 44:6 [أَمْ] ثنْ إِعْذُو، إِنَّا أَسنْ أَوَاڒنْ-أَ سِيمَانْثْ نْسنْ.
GEN 44:7 نِيثْنِي أَرِّينْ-د خَاسْ: ”مَايمِّي إِقَّارْ سِيذِي إِنُو أَوَاڒنْ-أَ؟ إِڭّْوجْ خْ إِمْسخَّارنْ نّشْ أَذْ ڭّنْ مَانْ أَيَا.
GEN 44:8 خْزَارْ، نُّوقَارْثْ إِ نُوفَا ذڭْ وَارْزَامْ ن ؤُقمُّومْ ن ثْخُونْشَايْ نّغْ، أَقَا نَارّْ أَشْ ت-إِ-د زِي ثمُّورْثْ ن كنْعَانْ. مَامّشْ [عَاذْ] إِ غَا نڭّْ أَذْ نَاشَارْ نُّوقَارْثْ نِيغْ ؤُرغْ زِي ثَادَّارْثْ ن سِيذِي نّشْ؟
GEN 44:9 وِي زڭْ إِمْسخَّارنْ نّشْ إِ غَارْ إِ غَا إِتّْوَافْ [ڒْْكَاسْ]، أَذْ إِمّثْ، ؤُشَا نشِّينْ عَاوذْ أَذْ نِيڒِي ذ إِسمْغَانْ ن سِيذِي إِنُو!“
GEN 44:10 نتَّا إِنَّا: ”خنِّي ڒخُّو أَذْ يِيڒِي أَمْ مَامّشْ ثنَّامْ كنِّيوْ. ونِّي غَارْ ث غَا نَافْ، ذ نتَّا أَذْ يِيڒِي ذ إِسْمغْ إِنُو، مَاشَا كنِّيوْ أَذْ ثِيڒِيمْ ذ إِفُورَّا.“
GEN 44:11 ؤُشَا كُوڒْ إِجّْ زَّايْسنْ إِقدْجقْ أَذْ إِسَّارْسْ ثَاخَانْشثْ نّسْ ذِي ثمُّورْثْ ؤُشَا كُوڒْ إِجّْ يَارْزمْ ثَاخَانْشثْ.
GEN 44:12 ؤُشَا نتَّا إِفتّشْ إِ-ثنْثْ، إِبْذَا زڭْ ؤُمقّْرَانْ، إِكمّڒْ زڭْ ؤُمژْيَانْ، ؤُشَا ؤُفِينْ ڒْكَاسْ ذِي ثْخَانْشثْ ن بِينْيَامِينْ.
GEN 44:13 [خنِّي] شَارّْڭنْ أَرُّوضْ نْسنْ، ؤُشَا كُوڒْ إِجّْ إِسَّارْبُو [عَاوذْ] خْ وغْيُوڒْ نّسْ ؤُشَاعقْبنْ نِيثْنِي غَارْ ثنْذِينْثْ.
GEN 44:14 ؤُشَا يِيوضْ يَاهُوذَا أَكْ-ذ أَيْثْمَاسْ غَارْ ثَادَّارْثْ ن يُوسُوفْ، ونِّي ثُوغَا ذِينْ عَاذْ، ؤُشَا وْضَانْ زَّاثسْ غَارْ ثمُّورْثْ.
GEN 44:15 إِنَّا أَسنْ يُوسُوفْ: ”مَانَا شْغڒْ-أَ إِ ثڭِّيمْ؟ مَا وَارْ ثفْهِيممْ شَا بلِّي إِجّْ ن ورْيَازْ أَمْ نشّْ، إِڭُّورْ أَذْ خَاسْ إِكَاشفْ نِيشَانْ؟“
GEN 44:16 إِنَّا يَاهُوذَا: ”مِينْ غَا نِينِي إِ سِيذِي إِنُو ذ مَامّشْ إِ غَا نسِّيوڒْ نِيغْ س مِينْ زِي غَا نْسڭّذْ إِخفْ نّغْ؟ أَربِّي إِقدْجبْ دّنْبْ ن إِمْسخَّارنْ نّشْ، خْزَارْ، نشِّينْ ذ إِمْسخَّارنْ ن سِيذِي إِنُو، نشِّينْ ذ وِي غَارْ ؤُفِينْ ڒْكَاسْ.“
GEN 44:17 [مَاشَا] نتَّا يَارَّا: ”إِڭّْوجْ خَافِي أَذْ ڭّغْ أَيَا! أَرْيَازْ نِّي غَارْ ؤُفِينْ ڒْكَاسْ، نتَّا أَذْ يِيڒِي ذ إِسْمغْ إِنُو، [مَاشَا] كنِّيوْ رُوحمْ ذِي ڒهْنَا غَارْ بَابَاثْومْ.“
GEN 44:18 [خنِّي] يِيوضْ-د يَاهُوذَا غَارسْ، إِنَّا: ”[أَ] سِيذِي إِنُو، أجّْ أَذْ إِسِّيوڒْ ؤُمْسخَّارْ نّشْ إِجّْ ن وَاوَاڒْ ذڭْ ؤُمزُّوغْ ن سِيذِي إِنُو، وَارْ يَارقّْ ؤُخيّقْ نّشْ خْ ؤُمْسخَّارْ نّشْ، مِينْزِي أَقَا شكْ أَمْ فِيرْعُونْ.
GEN 44:19 سِيذِي إِنُو إِسّقْسَا إِمْسخَّارنْ نّسْ، إِنَّا: ’مَا غَارْومْ [عَاذْ] بَابَاثْومْ نِيغْ ثَاوْمَاثْ؟‘
GEN 44:20 ؤُشَا نشِّينْ نَارَّا خْ سِيذِي إِنُو: ’أَقَا غَارْنغْ بَابَاثْنغْ ذ أَوسَّارْ ذ يِيجّْ ن ؤُحنْجِيرْ، [ونِّي ذ أَسْ د-إِتّْوَاخڒْقنْ] خْ ثوْسَارْ نّسْ، ذ أَمَاژُوژْ عَاذْ. ؤُمَاسْ إِمُّوثْ، نتَّا وَاهَا إِ إِقِّيمنْ [زڭْ إِحنْجِيرنْ] ن يمَّاسْ، ؤُ بَابَاسْ إِتّخْسْ إِ-ث.‘
GEN 44:21 [خَاسْ ؤُشَا] ثنِّيذْ شكْ إِ إِمْسخَّارنْ نّشْ: ’أَوْيمْ ث-إِ-د [ذَا] غَارِي، حِيمَا أَذْ ث ژَترغْ س ثِيطَّاوِينْ إِنُو.‘
GEN 44:22 ؤُشَا نشِّينْ ننَّا إِ سِيذِي إِنُو: ’وَارْ إِزمَّارْ ؤُحنْجِيرْ أَذْ يجّْ بَابَاسْ، مِينْزِي مَاڒَا إِجَّا إِ-ث، بَابَاسْ أَذْ إِمّثْ.‘
GEN 44:23 [خنِّي] ثنِّيذْ إِ إِمْسخَّارنْ نّشْ: ’مَاڒَا ؤُمَاثْومْ أَمَاژُوژْ وَارْ د-يُوسِي أَكِيذْومْ، وَارْ ثْژَارّمْ عَاذْ ؤُذمْ إِنُو.‘
GEN 44:24 ڒَامِي نْڭعّذْ غَارْ بَابَا، أَمْسخَّارْ نّشْ، نسّعْذُو أَسْ أَوَاڒنْ ن سِيذِي إِنُو.
GEN 44:25 ؤُشَا بَابَاثْنغْ إِنَّا: عقْبمْ عَاوذْ مَاحنْذْ أَذْ ثسْغمْ شْوَايْثْ ن مَاشَّا إِ نشِّينْ.‘
GEN 44:26 [خنِّي] نَارَّا-د: ’وَارْ نْزمَّارْ أَذْ نْرَاحْ. [مَاشَا] مَاڒَا ؤُمَاثْنغْ، أَمَاژُوژْ، إِرُوحْ أَكِيذْنغْ، أَذْ نْرَاحْ، مِينْزِي وَارْ نْزمَّارْ أَذْ نْژَارْ ؤُذمْ ن ورْيَازْ نِّي، مْغِيرْ مَاڒَا أَقَا أَكِيذْنغْ ؤُمَاثْنغْ أَمَاژُوژْ.‘
GEN 44:27 [خنِّي] إِنَّا أَنغْ ؤُمْسخَّارْ نّشْ، بَابَاثْنغْ: ’كنِّيوْ ثسّْنمْ بلِّي ثْنَاينْ [ن إِحنْجِيرنْ] إِ ذ أَيِي د-ثُورُووْ ثمْغَارْثْ إِنُو.
GEN 44:28 إِفّغْ إِجّنْ زِي غَارِي ؤُشَا نِّيغْ: أَقَا س ثِيذتّْ إِتّْوَابتّقْ! ؤُ أَڒْ ڒخُّو عَاذْ وَارْ ث ژْرِيغْ.
GEN 44:29 مَاڒَا عَاوذْ ثكّْسمْ أَيِي وَا ؤُشَا إِمْسَارْ شَا ن ڒْغَارْ، أَذْ ثسّهْوَامْ شِّيبْ إِنُو س وشْضَانْ غَارْ ڒَاخَارْثْ!‘
GEN 44:30 ڒخُّو [خنِّي]، مَاڒَا رُوحغْ نشّْ غَارْ ؤُمْسخَّارْ نّشْ، بَابَا، ؤُشَا أَحنْجِيرْ وَارْ كِيذِي إِدْجِي - ڒعْمَارْ نّسْ إِڒْصقْ غَارْ ڒعْمَارْ ن [بَابَاسْ] -
GEN 44:31 أَقَا أَذْ إِمّثْ خْمِي غَا إِژَارْ أَحنْجِيرْ وَارْ إِدْجِي، ؤُشَا إِمْسخَّارنْ نّشْ أَذْ سّهْوَانْ شِّيبْ ن ؤُمْسخَّارْ نّشْ، بَابَاثْنغْ، س وشْضَانْ غَارْ ڒَاخَارْثْ.
GEN 44:32 أَقَا زعْمَا أَمْسخَّارْ نّشْ ذ أَضْمَانْ إِ ؤُحنْجِيرْ-أَ غَارْ بَابَا ؤُمِي إِنَّا: ’مَاڒَا وَارْ ذ أَشْ ث-إِ-د-أَرِّيغْ، ڒخْذنِّي نشّْ أَذْ إِڒِيغْ ذ أَمذْنُوبْ إِ بَابَا إِ ڒبْذَا!‘
GEN 44:33 إِوَا ڒخُّو، أجّْ أَمْسخَّارْ نّشْ أَذْ إِقِّيمْ ذڭْ ومْشَانْ ن ؤُحنْجِيرْ-أَ أَمْ يِيسْمغْ غَارْ سِيذِي إِنُو، ؤُشَا أجّْ أَحنْجِيرْ أَذْ إِرَاحْ أَكْ-ذ أَيْثْمَاسْ!
GEN 44:34 مَاغَارْ مَامّشْ غَا ڭّغْ أَذْ ڭعّْذغْ غَارْ بَابَا، بْڒَا أَحنْجِيرْ[-أَ] أَكِيذِي؟ مَامّشْ إِ غَا ژَترغْ ڒمْحَاينْ إِ د غَا إِوْضَانْ خْ بَابَا؟“
GEN 45:1 [خنِّي] وَارْ إِزمَّارْ [عَاذْ] يُوسُوفْ أَذْ إِطّفْ إِخفْ نّسْ زَّاثْ إِ يِينِّي أَكِيذسْ مَارَّا ؤُشَا إِڒَاغَا: ”سُوفّْغمْ مَارَّا إِنِّي أَكِيذِي [ذَا]!“ وَارْ إِقِّيمْ حذْ أَكِيذسْ ڒَامِي إِسّْشنْ يُوسُوفْ إِ يَايْثْمَاسْ مِينْ إِعْنَا.
GEN 45:2 [ڒخْذنِّي] يَارْخُو ثْمِيجَّا نّسْ س إِغُويَّانْ، [أَڒَامِي ذ أَسْ] سْڒِينْ إِمِيصْرِييّنْ، ؤُشَا ؤُڒَا ذ ثَادَّارْثْ ن فِيرْعُونْ ثسْڒَا [أَيَا].
GEN 45:3 إِنَّا يُوسُوفْ إِ يَايْثْمَاسْ: ”نشّْ ذ يُوسُوفْ! مَا إِدَّارْ عَاذْ بَابَا؟“ أَيْثْمَاسْ وَارْ زمَّارنْ أَذْ خَاسْ د-أَرّنْ، مِينْزِي ثُوغَا ڭّْوذنْ زَّايسْ.
GEN 45:4 إِنَّا يُوسُوفْ إِ يَايْثْمَاسْ: ”قَارّْبمْ-د ڒخُّو غَارِي!“ ؤُشَا نِيثْنِي قَارّْبنْ [غَارسْ]. إِنَّا خنِّي: ”نشّْ ذ يُوسُوفْ ؤُمَاثْومْ، ونِّي ثزّنْزمْ إِ مِيصْرَا.
GEN 45:5 ڒخُّو، وَارْ كسِّيمْ س ومْنُوسْ ؤُ وَارْ ث تّجِّيمْ أَذْ يِيڒِي ذ أَخيّقْ ذِي ثِيطَّاوِينْ نْومْ ؤُمِي ذ أَيِي ثزّنْزمْ ذَانِيثَا [إِ مِيصْرَا]، أَقَا أَربِّي إِسّكّْ أَيِي-د، مَاحنْذْ أَذْ [كنِّيوْ] جّغْ ثدَّارمْ.
GEN 45:6 أَقَا ڒخُّو [عَاذْ] ثْنَاينْ ن إِسڭّْوُوسَا ن ڒَاژْ ذِي ثمُّورْثْ ؤُشَا قِّيمْ عَاذْ خمْسَا ن إِسڭّْوُوسَا وَارْ ذَايْسنْ إِتِّيڒِي ثْيَارْزَا نِيغْ ثَاميْرَا.
GEN 45:7 [مَاشَا] أَربِّي إِسّكّْ أَيِي-د زَّاثْومْ، حِيمَا أَذْ أَومْ ڭّغْ مِينْ إِقِّيمنْ خْ ثمُّورْثْ ؤُ حِيمَا أَذْ حْضِيغْ ثُوذَارْثْ نْومْ إِ يِيجّْ ن ؤُسنْجمْ إِمْغَارْ.
GEN 45:8 [خنِّي] ڒخُّو، كنِّيوْ وَارْ ذ أَيِي د-ثسّكّمْ شَا ذَا، مَاشَا أَربِّي ذ ونِّي ذ أَيِي إِڭِّينْ ذ بَابَاسْ إِ فِيرْعُونْ ذ سِيذِي خْ مَارَّا ثَادَّارْثْ نّسْ ذ ڒْحَاكمْ خْ مَارَّا ثَامُّورْثْ ن مِيصْرَا.
GEN 45:9 قدْجْقمْ ذغْيَا، سْڭعّْذمْ غَارْ بَابَا، إِنِيمْ أَسْ: ’أَمُّو إِ إِقَّارْ مِّيشْ يُوسُوفْ: أَربِّي إِڭَّا أَيِي ذ سِيذِي ن مَارَّا مِيصْرَا. أَرَاحْ-د غَارِي، وَارْ تّعْڭِيزْ.
GEN 45:10 أَذْ ثْزذْغذْ ذِي ثمُّورْثْ ن جُوشَانْ، أَذْ ثِيڒِيذْ زَّاثِي، شكْ ذ إِحنْجِيرنْ نّشْ، ذ إِحنْجِيرنْ ن إِحنْجِيرنْ نّشْ، ذ وُودْجِي ذ إِفُونَاسنْ ذ ثْفُونَاسِينْ ؤُڒَا ذ مَارَّا مِينْ غَاركْ.
GEN 45:11 أَذْ أَشْ ڭّغْ أَرْزقْ ذِينْ، مِينْزِي [أَذْ د-أَسنْ] عَاذْ خمْسَا ن إِسڭّْوُوسَا ن ڒَاژْ، حِيمَا وَارْ ثتّضْعِيفذْ، شكْ [لَّ]، ثَادَّارْثْ نّشْ [لَّ]، ؤُڒَا ذ مَارَّا مِينْ غَاركْ [لَّ]!
GEN 45:12 خْزَارْ، ثِيطَّاوِينْ نْومْ ژْرِينْثْ، ؤُڒَا ذ ثِيطَّاوِينْ ن ؤُمَا بِينْيَامِينْ، أَقَا ذ نشّْ إِ كِيذْومْ إِسَّاوَاڒنْ.
GEN 45:13 عڒْممْ إِ بَابَا خْ مَارَّا أَعُودْجِي إِنُو ذِي مِيصْرَا ؤُ خْ مَارَّا مِينْ ثژْرِيمْ. قدْجْقمْ ذغْيَا، ثِيوْيمْ-د بَابَا ذَا.“
GEN 45:14 ؤُشَا إِنْڭزْ خْ يِيرِي ن بِينْيَامِينْ ؤُمَاسْ، إِرُو، ؤُشَا بِينْيَامِينْ إِرُو خْ يِيرِي نّسْ.
GEN 45:15 إِسُّوذمْ مَارَّا أَيْثْمَاسْ، إِرُو خَاسنْ. أَوَارْنِي مَانْ أَيَا سِّيوْڒنْ أَكِيذسْ أَيْثْمَاسْ.
GEN 45:16 [ڒَْامِي] ثسْڒَا ثَادَّارْثْ ن فِيرْعُونْ ڒخْبَارْ[-أَ]، نَّانْ: ”أَيْثْمَاسْ ن يُوسُوفْ ؤُسِينْ-د!“. ثُوغَا-ث ذ ڒخْبَارْ أَصبْحَانْ ذِي ثِيطَّاوِينْ ن فِيرْعُونْ ذ إِمْسخَّارنْ نّسْ.
GEN 45:17 إِنَّا فِيرْعُونْ إِ يُوسُوفْ: ”إِنِي إِ أَيْثْمَاشْ: ’ڭّمْ أَيَا: سَارْبُومْ زْوَايڒْ نْومْ ؤُشَا ڭعّْذمْ، رُوحمْ غَارْ ثمُّورْثْ ن كنْعَانْ.
GEN 45:18 كْسِيمْ-د بَابَاثْومْ ذ رَادْجْ نْومْ، ثُوسِيمْ-د غَارِي. أَقَا أَذْ أَومْ وْشغْ لمْلِيحْ ن ثمُّورْثْ ن مِيصْرَا ؤُشَا أَذْ ثشّمْ زِي مِينْ إِشْنَانْ ن ثمُّورْثْ.
GEN 45:19 أَقَا تّْوَاڭّنْثْ ثِيوصَّا ذِي طّْوعْ نّكْ. ڭّمْ أَيَا: كْسِيمْ زِي ثمُّورْثْ ن مِيصْرَا إِكَارُّوثنْ إِ إِحنْجِيرنْ نْومْ ؤُ إِ ثمْغَارِينْ نْومْ، أَوْيمْ-د [زَّايسْ] بَابَاثْومْ ؤُشَا أَسمْ-د [ذَا].
GEN 45:20 وَارْ تّجِّيمْ ثِيطَّاوِينْ نْومْ أَذْ سّْحِيسّْفنْثْ إِ ڒْقشّْ نْومْ، مِينْزِي لمْلِيحْ ن ثمُّورْثْ ن مِيصْرَا أَذْ يِيڒِي نْومْ.‘ “
GEN 45:21 ؤُشَا أَمُّو إِ ڭِّينْ أَيْثْ ن إِسْرَائِيل. إِوْشَا أَسنْ يُوسُوفْ إِكَارُّوثنْ خْ ڒُومُورْ ن فِيرْعُونْ ؤُشَا إِوْشَا أَسنْ [عَاوذْ] مَاشَّا إِ وبْرِيذْ.
GEN 45:22 إِوْشَا إِ كُوڒْ إِجّْ زَّايْسنْ وحّْذسْ أَرُّوضْ ن جْذِيذْ، مَاشَا إِ بِينْيَامِينْ إِوْشَا أَسْ ثڒْثْ-مْيَا ن [ؤُقِييَّاثْ ن] نُّوقَارْثْ ذ خمْسَا ن وَارُّوضْ ذ جْذِيذْ.
GEN 45:23 ؤُ أَمُّو [عَاوذْ] إِسّكّْ إِ بَابَاسْعشْرَا ن يغْيَاڒْ شُّورنْ س مِينْ إِفَارْزنْ ن مِيصْرَا ؤُعشْرَا ن ثغْيَاڒْ شُّورنْثْ س إِمنْذِي ذ وغْرُومْ ذ مَاشَّا إِ بَابَاسْ [ؤُمِي غَا يِيڒِي نتَّا] ذڭْ وبْرِيذْ.
GEN 45:24 إِقبّضْ أَيْثْمَاسْ ؤُشَا رُوحنْ. إِنَّا أَسنْ نتَّا: ”وَارْ تّْمنْغِيمْ شَا ذڭْ وبْرِيذْ.“
GEN 45:25 ڭعّْذنْ زِي مِيصْرَا، إِوْضنْ غَارْ ثمُّورْثْ ن كنْعَانْ غَارْ يَاعْقُوبْ، بَابَاثْسنْ.
GEN 45:26 وْشِينْ أَسْ ڒخْبَارْ، نَّانْ: ”يُوسُوفْ أَقَا إِدَّارْ عَاذْ، وَاهْ، أَقَا-ث ذ ڒْحَاكمْ ن مَارَّا ثَامُّورْثْ ن مِيصْرَا!“ [خنِّي] إِسْخفْ وُوڒْ نّسْ، مِينْزِي وَارْ ثنْ يُومِينْ شَا.
GEN 45:27 ؤُمِي ذ أَسْ عَاوْذنْ مَارَّا أَوَاڒنْ ن يُوسُوفْ إِنِّي ذ أَسنْ إِنَّا ؤُ [ڒَْامِي] إِژْرَا إِكَارُّوثنْ إِنِّي د-إِسّكّْ يُوسُوفْ حِيمَا أَذْ ث أَوْينْ، إِعْقبْ-د بُوحْبڒْ ن بَابَاثْسنْ يَاعْقُوبْ.
GEN 45:28 ؤُشَا إِنَّا إِسْرَائِيل: ”كْفَا! يُوسُوفْ مِّي أَقَا إِدَّارْ! أَذْ رَاحغْ ؤُشَا أَذْ ث ژَترْغْ قْبڒْ إِ غَا مّْثغْ!“
GEN 46:1 إِفْسِي إِسْرَائِيل إِقِيضَانْ نّسْ [سّنِّي]، [يُويُورْ] س مَارَّا مِينْ غَارسْ ؤُشَا يِيوضْ غَارْ بِئرْ-سبْعَا. إِقدّمْ [ذِينْ] ثِيغَارْصَا إِ أَربِّي ن بَابَاسْ إِسْحَاقْ.
GEN 46:2 ؤُشَا إِسِّيوڒْ أَربِّي أَكْ-ذ إِسْرَائِيل ذِي إِوحَّانْ ذِي دْجِيڒثْ، إِنَّا: ”يَاعْقُوبْ، يَاعْقُوبْ!“ ؤُشَا إِنَّا نتَّا: ”أَقَا أَيِي ذَا!“
GEN 46:3 [خنِّي] إِنَّا: ”نشّْ ذ أَربِّي، أَربِّي ن بَابَاشْ. وَارْ تّڭّْوذْ، مَاحنْذْ أَذْ ثهْوِيذْ غَارْ مِيصْرَا، مِينْزِي نشّْ أَذْ شكْ ڭّغْ ذِينْ ذ إِجّْ ن ڒْڭنْسْ إِمْغَارْ.
GEN 46:4 أَذْ كِيذكْ هْوِيغْ غَارْ مِيصْرَا ؤُشَا نشّْ أَذْ شكْ سّْڭعّْذغْ [عَاوذْ] ؤُ يُوسُوفْ أَذْ خَاكْ إِسَّارْسْ إِفَاسّنْ نّسْ خْ ثِيطَّاوِينْ نّشْ.“
GEN 46:5 إِكَّارْ يَاعْقُوبْ، إِفّغْ زِي بِئرْ-سبْعَا. كْسِينْ أَيْثْ ن إِسْرَائِيل بَابَاثْسنْ يَاعْقُوبْ ذ إِحنْجِيرنْ نْسنْ ذ ثمْغَارِينْ نْسنْ ذڭْ إِكَارُّوثنْ نِّي د-إِسّكّْ فِيرْعُونْ مَاحنْذْ أَذْ ث يَاوِي.
GEN 46:6 كْسِينْ ڒبْهَايمْ نْسنْ ذ وَاڭْڒَا إِ يَاربْحنْ ذِي ثمُّورْثْ ن كنْعَانْ ؤُشَا إِوْضنْ غَارْ مِيصْرَا، يَاعْقُوبْ ذ مَارَّا إِحنْجِيرنْ نّسْ أَكِيذسْ:
GEN 46:7 إِحنْجِيرنْ نّسْ ذ إِحنْجِيرنْ ن إِحنْجِيرنْ نّسْ [جْمِيعْ] أَكِيذسْ، ؤُڒَا ذ يسِّيسْ ذ يسِّيثْسنْ ن إِحنْجِيرنْ نّسْ، أَقَا يِيوِي أَكِيذسْ مَارَّا ثَارْوَا نّسْ غَارْ مِيصْرَا.
GEN 46:8 إِنَا ذ إِسْمَاونْ ن أَيْثْ ن إِسْرَائِيل، إِنِّي يُوذْفنْ غَارْ مِيصْرَا: يَاعْقُوبْ ذ إِحنْجِيرنْ نّسْ. أَمنْزُو ن يَاعْقُوبْ: رُوبِينْ.
GEN 46:9 ثَارْوَا ن رُوبِينْ: حَانُوكْ ذ فَالُّو ذ حَاصْرُونْ ذ كَارْمِي.
GEN 46:10 ثَارْوَا ن شِيمْعُونْ: يَامُويِيلْ ذ يَامِينْ ذ ؤُهَاذْ ذ يَاكِينْ ذ صُوحَارْ ذ شَاوُولْ، مِّيسْ ن [ثمْغَارْثْ] ثَاكنْعَانِيثْ.
GEN 46:11 ثَارْوَا ن لَاوِي: جَارْشُونْ ذ قَاهَاثْ ذ مَارَارِي.
GEN 46:12 ثَارْوَا ن يَاهُوذَا: عِيرْ ذ ؤُنَانْ ذ شَايْلَا ذ فَارِيصْ ذ زَارَاحْ. مَاشَا عِيرْ ذ ؤُنَانْ مُّوثنْ ذِي ثمُّورْثْ ن كنْعَانْ. ثَارْوَا ن فَارِيصْ ثُوغَا أَثنْ حَاصْرُونْ ذ حَامُولْ.
GEN 46:13 ثَارْوَا ن إِسَّاكَارْ: ثُولَاعْ ذ فَاوَّا ذ يُوبْ ذ شِيمْرُونْ.
GEN 46:14 ثَارْوَا ن زابُولُونْ: سَارَاذْ ذ إِلُونْ ذ يَاحْلِييِيلْ.
GEN 46:15 إِنَا ثُوغَا أَثنْ ذ إِحنْجِيرنْ ن لِييَا إِنِّي ذ أَسْ د-ثُورُووْ إِ يَاعْقُوبْ ذِي فَاذَانْ-أَرَامْ، ؤُشَا [عَاوذْ] يدْجِيسْ ذِينَا. مَارَّا ڒعْمُورْ ن إِحنْجِيرنْ نّسْ ذ ثْحنْجِيرِينْ ثُوغَا أَثنْ ذِي ثْڒَاثَا ؤُ-ثْڒَاثِينْ.
GEN 46:16 ثَارْوَا ن جَاذْ: صِيفْيُونْ ذ حَاجِّي ذ شُونِي ذ أَصْبُونْ ذ عِيرِي ذ أَرُوذِي ذ أَرْوِيلِي.
GEN 46:17 إِحنْجِيرنْ ن أَشِيرْ: يِيمْنَا ذ يِيسْوِي ذ بَارِيعَا ذ ؤُتْشْمَاثْسنْ شَارَاحْ. ذ إِحنْجِيرنْ ن بَارِيعَا: حَابِيرْ ذ مَالْكِييِيلْ.
GEN 46:18 إِنَا ثُوغَا أَثنْ ذ إِحنْجِيرنْ ن زِيلْپَا ثنِّي إِوْشَا لَابَانْ إِ يدْجِيسْ لِييَا. نتَّاثْ ثُورُووْ-د إِنَا إِ يَاعْقُوبْ، إِنَا سطَّاشْ ذ أَرُّوحْ.
GEN 46:19 ثَارْوَا ن رَاحِيلْ، ثَامْغَارْثْ ن يَاعْقُوبْ: يُوسُوفْ ذ بِينْيَامِينْ.
GEN 46:20 تّْوَاخڒْقنْ-د إِ يُوسُوفْ ذِي ثمُّورْثْ ن مِيصْرَا مَانَاسَّا ذ إِفْرَايِيمْ، إِنِّي ذ أَسْ د-ثُورُووْ أَسْنَاثْ، يدْجِيسْ ن فُوطِي-فَارَاعْ، أَكهَّانْ ن ؤُنْ.
GEN 46:21 ثَارْوَا ن بِينْيَامِينْ: بِيلَاعْ ذ بَاكِيرْ ذ أَشْبِيلْ ذ جِيرَا ذ نَاعْمَانْ ذ إِحِي ذ رُوشْ ذ مُوفِّيمْ ذ حُوفِّيمْ ذ أَرْذْ.
GEN 46:22 إِنَا ثُوغَا أَثنْ ذ إِحنْجِيرنْ ن رَاحِيلْ، إِنِّي د-إِتّْوَاوَارْونْ إِ يَاعْقُوبْ، مَارَّا أَرْبعْطَاشْ ذ أَرُّوحْ.
GEN 46:23 ثَارْوَا ن ذَانْ: [مْغِيرْ] حُوشِيمْ.
GEN 46:24 ثَارْوَا ن نَافْثَالِي: يَاحَاصْوِيلْ ذ جُونِي ذ يِيصْرُو ذ شِيلِّيمْ.
GEN 46:25 إِنَا ثُوغَا أَثنْ ذ إِحنْجِيرنْ ن بِيلْهَا، ثنِّي إِ ذ أَسْ إِوْشَا لَابَانْ إِ رَاحِيلْ يدْجِيسْ. ثُورُووْ أَسْ-د إِنَا إِ يَاعْقُوبْ، إِنَا مَارَّا [ثُوغَا أَثنْ] سبْعَا ذ أَرُّوحْ.
GEN 46:26 مَارَّا ڒعْمُورْ نِّي د-يُوسِينْ غَارْ مِيصْرَا أَكْ-ذ يَاعْقُوبْ، إِنِّي د-إِفّْغنْ زڭْ ؤُغزْذِيسْ نّسْ، بْڒَا ثِيمْغَارِينْ ن إِحنْجِيرنْ ن يَاعْقُوبْ، إِنَا مَارَّا ثُوغَا أَثنْ ذِي ستَّا ؤُ-ستِّينْ ڒعْمُورْ.
GEN 46:27 ثَارْوَا ن يُوسُوفْ إِنِّي ذ أَسْ د-إِتّْوَاخڒْقنْ ذِي مِيصْرَا، أَقَا ثْنَاينْ ن ڒعْمُورْ. مَارَّا ڒعْمُورْ ن ثَادَّارْثْ ن يَاعْقُوبْ نِّي د-يُوسِينْ غَارْ مِيصْرَا، [ثُوغَا أَثنْ] ذِي سبْعِينْ.
GEN 46:28 ؤُشَا نتَّا إِسّكّْ يَاهُوذَا زَّاثسْ غَارْ يُوسُوفْ، حِيمَا أَذْ إِسّْشنْ أَبْرِيذْ زَّاثسْ غَارْ جُوشَانْ ؤُشَا إِوْضنْ غَارْ ثمُّورْثْ ن جُوشَانْ.
GEN 46:29 إِنْذهْ يُوسُوفْ [عَاوذْ] أَكَارُّو نّسْ ؤُشَا إِڭعّذْ غَارْ جُوشَانْ، مَاحنْذْ أَذْ إِڒْقَا إِسْرَائِيل، بَابَاسْ. ؤُمِي ذ أَسْ إِمّڒْ إِخفْ نّسْ، إِنْڭزْ أَسْ خْ يِيرِي، إِقِّيمْ إِتّْرُو خْ يِيرِي نّسْ أَطَّاسْ.
GEN 46:30 إِنَّا إِسْرَائِيل إِ يُوسُوفْ: ”ڒخُّو زمَّارغْ نشّْ أَذْ مّْثغْ، ڒخُّو ؤُمِي ژْرِيغْ أَغمْبُوبْ نّشْ، زعْمَا أَقَا عَاذْ ثدَّارذْ!“
GEN 46:31 [خنِّي] إِنَّا يُوسُوفْ إِ يَايْثْمَاسْ ؤُ إِ [أَيْثْبَابْ ن] ثَادَّارْثْ ن بَابَاسْ: ”أَذْ ڭعّْذغْ أَذْ خبَّارغْ فِيرْعُونْ، أَذْ إِنِيغْ: ’أَيْثْمَا ذ ثَادَّارْثْ ن بَابَا، إِنِّي إِدْجَانْ ذِي ثمُّورْثْ ن كنْعَانْ، أَقَا ؤُسِينْ-د غَارِي.
GEN 46:32 إِرْيَازنْ ذ إِمكْسَاونْ ن وُودْجِي، ثُوغَا شغْڒنْ إِخفْ نْسنْ أَكْ ذ ڒبْهَايمْ. أَقَا إِوْينْ-د ؤُدْجِي نْسنْ ذ إِفُونَاسنْ ذ ثْفُونَاسِينْ نْسنْ ذ مَارَّا مِينْ غَارْسنْ.‘
GEN 46:33 مَاڒَا إِمْسَارْ أَذْ أَومْ د-إِڒَاغَا فِيرْعُونْ ؤُشَا أَذْ أَومْ يِينِي: ’مِينْ ثعْنَا ڒْخذْمثْ إِ ثتّڭّمْ؟‘،
GEN 46:34 أَذْ ثِينِيمْ: ’إِمْسخَّارنْ نّشْ ذ إِرْيَازنْ إِنِّي إِشغْڒنْ أَكْ-ذ ڒبْهَايمْ زِي ثمْژِي نْسنْ أَڒْ إِ ڒخُّو، نشِّينْ ؤُڒَا ذ ڒجْذُوذْ نّغْ!‘، حِيمَا أَذْ غَارْومْ يِيڒِي تّسْرِيحْ مَاحنْذْ أَذْ ثْزذْغمْ ذِي ثمُّورْثْ ن جُوشَانْ، مِينْزِي كُوڒْ أَمكْسَاوْ ن وُودْجِي، أَقَا-ث ذ جّْعِيفشْثْ إِ إِمِيصْرِييّنْ.“
GEN 47:1 [ڒَْامِي] د-يُوسَا يُوسُوفْ، إِخبَّارْ فِيرْعُونْ، إِنَّا أَسْ: ”بَابَا ذ أَيْثْمَا ذ وُودْجِي نْسنْ ذ إِفُونَاسنْ ذ ثْفُونَاسِينْ نْسنْ ذ مَارَّا مِينْ غَارْسنْ، أَقَا ؤُسِينْ-د زِي ثمُّورْثْ ن كنْعَانْ. خْزَارْ، [أَقَا أَثنْ] ذِي ثمُّورْثْ ن جُوشَانْ.“
GEN 47:2 ؤُشَا زِي جَارْ مَارَّا أَيْثْمَاسْ يِيوِي خمْسَا ن يرْيَازنْ، إِقدّمْ أَسْ ثنْ إِ فِيرْعُونْ.
GEN 47:3 [خنِّي] إِنَّا فِيرْعُونْ إِ يَايْثْمَاسْ: ”مِينْ ثعْنَا ڒْخذْمثْ إِ ثتّڭّمْ؟“ نِيثْنِي أَرِّينْ-د خْ فِيرْعُونْ: ”إِمْسخَّارنْ نّشْ ذ إِمكْسَاونْ ن وُودْجِي، أَمْ نشِّينْ أَمْ ڒجْذُوذْ نّغْ.“
GEN 47:4 نَّانْ عَاوذْ إِ فِيرْعُونْ: ”إِ ثْزذِّيغْثْ ذِي ثمُّورْثْ-أَ أَمْ إِبَارَّانِييّنْ إِ د-نُوسَا، مِينْزِي وَارْ يدْجِي وفْسُو إِ وُودْجِي ن إِمْسخَّارنْ نّشْ، مِينْزِي ڒَاژْ إِقْسحْ ذِي ثمُّورْثْ ن كنْعَانْ. [خنِّي] ڒخُّو، نتّْزَاوڭْ إِ شكْ، أجّْ إِمْسخَّارنْ نّشْ أَذْ زذْغنْ ذِي ثمُّورْثْ ن جُوشَانْ!“
GEN 47:5 ؤُشَا إِسِّيوڒْ فِيرْعُونْ أَكْ-ذ يُوسُوفْ، إِنَّا: ”بَابَاشْ ذ أَيْثْمَاشْ ؤُسِينْ-د غَاركْ.
GEN 47:6 ثَامُّورْثْ ن مِيصْرَا أَقَا-ت نّشْ مَارَّا. أجّْ بَابَاشْ ذ أَيْثْمَاشْ أَذْ زذْغنْ ذِي ثمُّورْثْ إِصبْحنْ، أجّْ إِ-ثنْ أَذْ زذْغنْ ذِي ثمُّورْثْ ن جُوشَانْ ؤُشَا مَاڒَا ثْحكَّارذْ بلِّي أَقَا جَارْ أَسنْ إِرْيَازنْ إِونْڭِيثنْ، ڭّمْ ثنْ ذ إِمحْضَاينْ خْ ڒبْهَايمْ إِنُو.“
GEN 47:7 ؤُشَا إِنْذهْ يُوسُوفْ بَابَاسْ، إِقدّمْ إِ-ث إِ فِيرْعُونْ ؤُشَا يَاعْقُوبْ إِبَاركْ فِيرْعُونْ.
GEN 47:8 إِنَّا فِيرْعُونْ إِ يَاعْقُوبْ: ”مشْهَاڒْ غَاركْ ن إِسڭّْوُوسَا؟“
GEN 47:9 يَاعْقُوبْ يَارَّا-د خْ فِيرْعُونْ: ”مْيَا ؤُ-ثْڒَاثِينْ ن إِسڭّْوُوسَا إِ دَّارغْ ذ أَبَارَّانِي. ؤُسَّانْ ن إِسڭّْوُوسَا ن ثُوذَارْثْ إِنُو يُوقْڒِيڒنْ ؤُ [شُّورنْ س] ڒْغَارْ. وَارْ إِوِيضنْ شَا وُوسَّانْ ن إِسڭّْوُوسَا ن ثُوذَارْثْ ن ڒجْذُوذْ إِنُو ذڭْ وُوسَّانْ ن لْغُورْبَا نْسنْ.“
GEN 47:10 [خنِّي] يَاعْقُوبْ إِبَارْكْ فِيرْعُونْ ؤُشَا إِفّغْ سّنِّي زَّاثْ إِ وُوذمْ ن فِيرْعُونْ.
GEN 47:11 إِسّْشنْ يُوسُوفْ ثَازذِّيغْثْ إِ بَابَاسْ ذ أَيْثْمَاسْ، إِوْشَا أَسنْ ثَاسْغَارْثْ ذِي ثمُّورْثْ ن مِيصْرَا، زِي لمْلِيحْ ن ثمُّورْثْ، ذِي ثمُّورْثْ ن رَاعَامْسِيسْ أَمْ مَامّشْ ث إِوصَّا فِيرْعُونْ.
GEN 47:12 إِعوّڒْ يُوسُوفْ بَابَاسْ ذ أَيْثْمَاسْ ذ مَارَّا ثَادَّارْثْ ن بَابَاسْ. [إِعوّڒْ ؤُڒَا ذ] مَاشَّا إِ إِحنْجِيرنْ إِمژْيَاننْ.
GEN 47:13 أَغْرُومْ ثُوغَا وَارْ إِدْجِي ذِي ثمُّورْثْ مَارَّا، مِينْزِي ڒَاژْ ثُوغَا إِقْسحْ أَطَّاسْ، أَڒَامِي ثِيوضْ ثمُّورْثْ ن مِيصْرَا ذ ثمُّورْثْ ن كنْعَانْ فنَّانْثْ س ڒَاژْ.
GEN 47:14 [خنِّي] إِيْرُو يُوسُوفْ مَارَّا نُّوقَارْثْ نِّي إِتّْوَافنْ ذِي ثمُّورْثْ ن مِيصْرَا ؤُ ذِي ثمُّورْثْ ن كنْعَانْ ذڭْ ؤُبدّڒْ ن إِمنْذِي إِ إِسْغِينْ. إِڭَّا يُوسُوفْ نُّوقَارْثْ نِّي ذِي ثَادَّارْثْ ن فِيرْعُونْ.
GEN 47:15 [ؤُمِي] ثقْضَا نُّوقَارْثْ زِي ثمُّورْثْ ن مِيصْرَا ذ ثمُّورْثْ ن كنْعَانْ، ؤُسِينْ-د مَارَّا إِمِيصْرِييّنْ غَارْ يُوسُوفْ نَّانْ: ”أوْشْ أَنغْ أَغْرُومْ، مَاغَارْ مَايمِّي غَا نمّثْ زَّاثكْ؟ وَارْ ذِينْ [عَاذْ] شَا نُّوقَارْثْ.“
GEN 47:16 يُوسُوفْ إِنَّا: ”مَاڒَا وَارْ غَارْومْ بُو نُّوقَارْثْ عَاذْ، وْشمْ [خنِّي] ڒبْهَايمْ نْومْ ؤُ نشّْ أَذْ أَومْ وْشغْ [مَاشَّا] ذڭْ ؤُبدّڒْ ن ڒبْهَايمْ نْومْ.“
GEN 47:17 نِيثْنِي إِوْينْ-د ڒبْهَايمْ نْسنْ غَارْ يُوسُوفْ ؤُشَا إِوْشَا أَسنْ يُوسُوفْ أَغْرُومْ ذڭْ [ومْشَانْ ن] إِيْسَانْ ذ وُودْجِي ذ إِفُونَاسنْ ذ ثْفُونَاسِينْ ذ يغْيَاڒْ [نْسنْ] ؤُشَا إِسّشّْ إِ-ثنْ س وغْرُومْ ذڭْ [ومْشَانْ ن] مَارَّا ڒبْهَايمْ نْسنْ ذڭْ ؤُسڭّْوَاسْ نِّي.
GEN 47:18 [ؤُمِي] إِعْذُو ؤُسڭّْوَاسْ نِّي، ؤُسِينْ-د غَارسْ ذڭْ ؤُسڭّْوَاسْ وِيسّْ ثْنَاينْ ؤُشَا نَّانْ أَسْ: ”وَارْ نتّفَّارْ شَا خْ سِيذِي إِنُو بلِّي أَقَا نُّوقَارْثْ نّغْ ثقْضَا ؤُشَا ڒبْهَايمْ أَقَا أَثنْثْ [ذڭْ ؤُفُوسْ] ن سِيذِي إِنُو. وَارْ إِقِّيمْ وَالُو زَّاثْ إِ وُوذمْ ن سِيذِي إِنُو، مْغِيرْ أَرِّيمثْ نّغْ ذ إِيَّارنْ نّغْ.
GEN 47:19 مَايمِّي غَا نمّثْ زَّاثْ إِ ثِيطَّاوِينْ نّشْ، ؤُڒَا ذ نشِّينْ ؤُڒَا ذ إِيَّارنْ نّغْ؟ سغْ أَنغْ، ثسْغذْ ثَامُّورْثْ نّغْ إِ وغْرُومْ ؤُشَا نشِّينْ ذ ثمُّورْثْ نّغْ أَذْ نِيڒِي ذ إِمْسخَّارنْ ن فِيرْعُونْ. أوْشْ [أَنغْ] زَّارِيعثْ [حِيمَا] أَذْ ندَّارْ وَارْ نتّْمتِّي شَا ؤُشَا ثَامُّورْثْ وَارْ ثذِّيكّْوِيڒْ ذ أَمسُّوشِي!“
GEN 47:20 [خنِّي] إِسْغَا يُوسُوفْ مَارَّا ثَامُّورْثْ ن مِيصْرَا إِ فِيرْعُونْ، مِينْزِي إِمِيصْرِييّنْ زّنْزنْ مَارَّا إِيَّارْ نْسنْ، مِينْزِي ثُوغَا ڒَاژْ إِقْسحْ خَاسنْ. ؤُ [أَمُّو إِ] ثذْوڒْ ثمُّورْثْ [ذ أَڭْڒَا] ن فِيرْعُونْ.
GEN 47:21 ؤُشَا إِسّْمُوطِّييْ ڒْڭنْسْ زڭْ ؤُنڭَّارُو ن ويْمِيرْ أَڒْ أَنڭَّارُو نّغْنِي ن [ويْمِيرْ] ن مِيصْرَا غَارْ ثْندَّامْ.
GEN 47:22 مْغِيرْ ثَامُّورْثْ ن إِكهَّاننْ وَارْ ت إِسْغِي شَا. أَقَا إِكهَّاننْ غَارْسنْ إِشْثْ ن ڒْمُونثْ زِي فِيرْعُونْ، نِيثْنِي تّتّنْ ثَاسْغَارْثْ نْسنْ، ثنِّي إِ ذ أَسنْ إِوْشَا فِيرْعُونْ. خْ ؤُيَا وَارْ زّنْزنْ شَا ثَامُّورْثْ نْسنْ.
GEN 47:23 [خنِّي] إِنَّا يُوسُوفْ إِ ڒْڭنْسْ: ”خْزَارْ، أَسّْ-أَ نشّْ سْغِيغْ كنِّيوْ ؤُڒَا ذ ثَامُّورْثْ نْومْ إِ فِيرْعُونْ. خْزَارمْ، أَقَا ذَا زَّارِيعثْ نْومْ. زَارْعمْ زَّايسْ ثَامُّورْثْ!
GEN 47:24 زِي ڒْغِيدْجثْ أَذْ ثوْشمْ ثَاسْغَارْثْ ثخْمُوسشْثْ إِ فِيرْعُونْ ؤُ أَربْعَا ن ثْسقَّارْ [إِ إِقِّيمنْ] أَذْ إِڒِينْثْ [إِ يِيخفْ] نْومْ ذ زَّارِيعثْ إِ ييَّارْ ؤُشَا [أَذْ إِڒِينْثْ]، مَاحنْذْ أَذْ زَّايْسنْثْ ثشّمْ كنِّيوْ أَكْ-ذ أَيْثْبَابْ ن ثَادَّارْثْ نْومْ ؤُ [عَاوذْ]، مَاحنْذْ أَذْ [زَّايْسنْثْ] شّنْ إِحنْجِيرنْ إِمژْيَاننْ نْومْ.“
GEN 47:25 نِيثْنِي نَّانْ: ”شكْ ثحْضِيذْ ثُوذَارْثْ نّغْ. أجّْ أَنغْ أَذْ نَافْ أَرْضَا ذِي ثِيطَّاوِينْ ن سِيذِي إِنُو ؤُشَا نشِّينْ أَذْ نِيڒِي ذ إِمْسخَّارنْ إِ فِيرْعُونْ.“
GEN 47:26 إِڭَّا يُوسُوفْ مَانْ أَيَا ذ ثَاوْصيّثْ إِ ذِينْ إِدْجَانْ أَڒْ أَسّْ-أَ، بلِّي إِشْثْ ن ثسْغَارْثْ ن ثخْمُوسشْثْ [ن ڒْغِيدْجثْ] ن ثمُّورْثْ ن مِيصْرَا أَذْ ثِيڒِي إِ فِيرْعُونْ. مْغِيرْ إِيَّارنْ ن إِكهَّاننْ [قِّيمنْ] ذ أَڭْڒَا نْسنْ، وَارْ دِّيكّْوِيڒنْ شَا [ذ أَڭْڒَا] ن فِيرْعُونْ.
GEN 47:27 أَمُّو إِ إِزْذغْ إِسْرَائِيل ذِي ثمُّورْثْ ن مِيصْرَا، ذِي ثمُّورْثْ ن جُوشَانْ، ملّْكنْ ذَايسْ ؤُشَا وْشِينْ ڒْغِيدْجثْ ؤُشَا كْثَارنْ س يِيجّْ ن شّْكلْ إِمْغَارْ.
GEN 47:28 إِدَّارْ يَاعْقُوبْ ذِي ثمُّورْثْ ن مِيصْرَا سْبعْطَاشْ ن إِسڭّْوُوسَا ؤُشَا ثُوغَا ؤُسَّانْ ن يَاعْقُوبْ، إِسڭّْوُوسَا ن ثُوذَارْثْ نّسْ، مْيَا ؤُ-سبْعَا ؤُ-ربْعِينْ ن إِسڭّْوُوسَا.
GEN 47:29 [ؤُمِي] د-إِوْضنْ وُوسَّانْ إِ إِسْرَائِيل أَذْ إِمّثْ، إِڒَاغَا-د خْ يُوسُوفْ مِّيسْ، إِنَّا أَسْ: ”مَاڒَا ؤُفِيغْ أَرْضَا ذِي ثِيطَّاوِينْ نّشْ، تّْزَاوَاڭغْ شكْ، أَذْ ثڭّذْ أَفُوسْ نّشْ سَاذُو ثْمصَّاضْثْ إِنُو ؤُشَا أڭّْ أَكِيذِي س ثْمخْسِيوْثْ إِشوَّارنْ ذ ڒَامَانْ ؤُ وَارْ ذ أَيِي نطّڒْ شَا ذِي مِيصْرَا،
GEN 47:30 مَاشَا خْمِي غَا ڭّغْ أَذْ أَريّْحغْ جَارْ ڒجْذُوذْ إِنُو، [خنِّي] أَوِي أَيِي زِي مِيصْرَا ؤُشَا نْضڒْ أَيِي ذڭْ ونْضڒْ نْسنْ. يَارَّا-د خَاسْ: ”نشّْ أَذْ ڭّغْ مِينْ ثنِّيذْ!“
GEN 47:31 [خَاسْ ؤُشَا] إِنَّا أَسْ: ”جَادْجْ أَيِي!“، ؤُشَا إِجُّودْجْ أَسْ. ڒخْذنِّي يُوضَارْ إِسْرَائِيل خْ ؤُزدْجِيفْ ن قَامَا.
GEN 48:1 أَوَارْنِي مَانْ أَيَا إِمْسَارْ، إِتّْوَانَّا إِ يُوسُوفْ: ”خْزَارْ، أَقَا بَابَاشْ إِحْڒشْ!“ [خنِّي] إِكْسِي أَكِيذسْ ثْنَاينْ ن إِحنْجِيرنْ نّسْ مَانَاسَّا ذ إِفْرَايِيمْ.
GEN 48:2 خبَّارنْ يَاعْقُوبْ، نَّانْ: ”خْزَارْ، أَقَا مِّيشْ يُوسُوفْ أَذْ غَاركْ د-يَاسْ!“ [خنِّي] إِڭَّا إِسْرَائِيل ؤُڒْ ذڭْ إِخفْ نّسْ ؤُشَا إِكَّارْ إِقِّيمْ خْ قَامَا.
GEN 48:3 [خنِّي] إِنَّا يَاعْقُوبْ إِ يُوسُوفْ: ”أَربِّي، أَمْزمَّارْ خْ كُوڒْشِي، أَقَا إِبَانْ أَيِي-د ذِي لُوزْ، ذِي ثمُّورْثْ ن كنْعَانْ، ؤُ أَقَا نتَّا إِبَارْكْ أَيِي.
GEN 48:4 ؤُ أَقَا نتَّا إِنَّا أَيِي: ”خْزَارْ، أَذْ شكْ أَرّغْ أَذْ ثڭّذْ ڒْغِيدْجثْ ؤُشَا أَذْ شكْ كتَّارغْ، أَذْ شكْ ڭّغْ ذ إِجّْ ن وڭْرَاوْ ن ڒڭْنُوسْ، أَذْ أَشْ وْشغْ ثَامُّورْثْ-أَ ذ أَڭْڒَا إِ ڒبْذَا ؤُ إِ زَّارِيعثْ نّشْ أَوَارْنِي أَشْ.
GEN 48:5 ؤُشَا ڒخُّو، أَقَا ثْنَاينْ ن إِحنْجِيرنْ نّشْ، إِفْرَايِيمْ ذ مَانَاسَّا، إِنِّي ذ أَشْ د-إِتّْوَاخڒْقنْ ذِي ثمُّورْثْ ن مِيصْرَا قْبڒْ إِ غَاركْ د-ؤُسِيغْ ذِي ثمُّورْثْ ن مِيصْرَا، أَقَا أَثنْ إِنُو، أَمْ رُوبِينْ ذ شِيمْعُونْ إِ إِدْجَانْ إِنُو.
GEN 48:6 [مَاشَا] إِنِّي ذ أَشْ د-إِتّْوَاخڒْقنْ أَوَارْنِي أَسنْ، أَذْ إِڒِينْ نّشْ. أَذْ تّْوَاسمَّانْ خْ يِيسمْ ن أَيْثْمَاثْسنْ ذِي ڒْوَارْثْ نْسنْ.
GEN 48:7 ؤُمِي د-ؤُسِيغْ زِي فَاذَانْ-أَرَامْ، ثمُّوثْ رَاحِيلْ زَّاثِي ذِي ثمُّورْثْ ن كنْعَانْ ذڭْ وبْرِيذْ، ڒَامِي ثُوغَا عَاذْ وَارْ ثِيڭّْوِيجْ خْ إِفْرَاثَا. نضْڒغْ ت ذِينْ ذڭْ وبْرِيذْ غَارْ إِفْرَاثَا!“، أَقَا-ت ذ بَايْثْ-لَاحْمْ.
GEN 48:8 إِژْرَا إِسْرَائِيل إِحنْجِيرنْ ن يُوسُوفْ، إِنَّا: ”مِينْ عْنَانْ إِنَا؟“
GEN 48:9 يَارَّا-د يُوسُوفْ خْ بَابَاسْ: ”ذ إِحنْجِيرنْ إِنُو إِ ذ أَيِي إِوْشَا أَربِّي ذَانِيثَا.“ إِنَّا [أَسْ]: ”سْقَارّْبمْ ثنْ-د غَارِي ؤُشَا أَذْ ثنْ بَارْكغْ!“
GEN 48:10 ثُوغَا ثِيطَّاوِينْ ن إِسْرَائِيل ؤُژْغنْثْ س ثوْسَارْ، وَارْ إِقِّيمْ إِتّْوَاڒَا. إِسّْقَارّبْ أَسْ ثنْ-د، خنِّي إِسُّوذمْ إِ-ثنْ، إِذَارّعْ أَسنْ.
GEN 48:11 إِنَّا إِسْرَائِيل إِ يُوسُوفْ: ”وَارْ ذ أَيِي إِتّْغِيڒْ أَذْ ژَترغْ [عَاذْ] ؤُذمْ نّشْ. خْزَارْ، أَربِّي إِڭَّا أَيِي أَذْ ژَترغْ عَاذْ ثَارْوَا نّشْ!“
GEN 48:12 [خنِّي] إِسّْضَارْ إِ-ثنْ يُوسُوفْ خْ إِفَادّنْ نّسْ ؤُشَا إِبنْذقْ س وُوذمْ نّسْ غَارْ ثمُّورْثْ.
GEN 48:13 ؤُشَا إِكْسِي إِ-ثنْ يُوسُوفْ س ثْنَاينْ إِذْسنْ، إِفْرَايِيمْ س ؤُفُوسِي نّسْ أَرنْذَاذْ ن ؤُزڒْمَاضْ ن إِسْرَائِيل ؤُ مَانَاسَّا س ؤُزڒْمَاضْ نّسْ أَرنْذَاذْ ن ؤُفُوسِي ن إِسْرَائِيل ؤُشَا إِسّْقَارّبْ أَسْ [ثنْ]-د.
GEN 48:14 إِسّْوِيژّضْ إِسْرَائِيل يفُوسْ نّسْ، إِسَّارْسْ إِ-ث خْ ؤُزدْجِيفْ ن إِفْرَايِيمْ، وَاخَّا ثُوغَا-ث ذ أَمَاژُوژْ، ذ أَزڒْمَاضْ نّسْ خْ ؤُزدْجِيفْ ن مَانَاسَّا. إِسَّارْسْ أَمُّو إِفَاسّنْ نّسْ مَامّشْ نّغْنِي نعْمَاذَا، وَاخَّا مَانَاسَّا ثُوغَا-ث ذ أَمنْزُو.
GEN 48:15 إِسْرَائِيل إِبَارْكْ يُوسُوفْ، إِنَّا: ”ذ أَربِّي، ونِّي ؤُمِي ڒجْذُوذْ إِنُو، إِبْرَاهِيمْ ذ إِسْحَاقْ، ؤُيُورنْ زَّاثسْ، أَربِّي، ونِّي إِدْجَانْ ذ أَمكْسَاوْ إِنُو زڭْ وَامِي دْجِيغْ أَڒْ أَسّْ-أَ،
GEN 48:16 لْمَالَاكْ نِّي ذ أَيِي إِفْذِينْ زِي مَارَّا ثُوعفّْنَا، إِڒِي نتَّا أَذْ إِبَارْكْ إِحنْجِيرنْ-أَ ؤُ إِڒِي أَذْ إِتّْوَاڒَاغَا إِسمْ إِنُو ذَايْسنْ ؤُڒَا ذ إِسمْ ن ڒجْذُوذْ إِنُو، إِبْرَاهِيمْ ذ إِسْحَاقْ. إِڒِي أَذْ مَّارنْينْ أَڒْ غَا ذوْڒنْ ذ إِجّْ ن ؤُبَارُّو [أَمْ إِسڒْمَانْ ذڭْ وَامَانْ] ذِي ڒْوسْطْ ن ثمُّورْثْ!“
GEN 48:17 [ؤُمِي] إِژْرَا يُوسُوفْ، بلِّي بَابَاسْ إِڭَّا أَفُوسْ أَفُوسِي نّسْ خْ ؤُزدْجِيفْ ن إِفْرَايِيمْ، ثُوغَا-ت ذ إِشْثْ ن ڒعْڒَامثْ وَارْ ثحّْڒِي غَارسْ ذِي ثِيطَّاوِينْ نّسْ ؤُشَا إِطّفْ أَفُوسْ ن بَابَاسْ، حِيمَا أَذْ ث إِبدّڒْ زڭْ ؤُزدْجِيفْ ن إِفْرَايِيمْ غَارْ ؤُزدْجِيفْ ن مَانَاسَّا.
GEN 48:18 إِنَّا يُوسُوفْ إِ بَابَاسْ: ”وَارْ تّڭّْ شَا أَمُّو، [أَ] بَابَا، مِينْزِي ذ وَا ذ أَمنْزُو، أڭّْ أَفُوسِي نّشْ خْ ؤُزدْجِيفْ نّسْ.“
GEN 48:19 [مَاشَا] بَابَاسْ وَارْ إِخْسْ شَا، إِنَّا: ”سّْنغْ، [أَ] مِّي، سّْنغْ. عَاوذْ نتَّا أَذْ إِذْوڒْ ذ إِجّْ ن ڒْڭنْسْ، أَذْ إِمْغَارْ عَاوذْ، مَاشَا ؤُمَاسْ أَمَاژُوژْ أَذْ يِيڒِي كْثَارْ زَّايسْ، زَّارِيعثْ نّسْ أَذْ ثذْوڒْ ذ ثَاشُورّثْ ن ڒڭْنُوسْ.“
GEN 48:20 ؤُشَا [أَمُّو] إِ ثنْ إِبَاركْ ذڭْ وَاسّْ نِّي، إِنَّا: ”ذَايكْ، [ذڭْ يِيسمْ نّكْ]، [أَ يُوسُوفْ] أَذْ إِبَاركْ [ڒْْڭنْسْ] إِسْرَائِيل، أَذْ إِنِينْ: ’أَذْ كنِّيوْ يَارّْ أَربِّي أَمْ إِفْرَايِيمْ ذ مَانَاسَّا!‘ “ ؤُشَا يَارَّا إِفْرَايِيمْ أَذْ إِبدّْ زَّاثْ إِ مَانَاسَّا.
GEN 48:21 [أَوَارْنِي أَسْ] إِنَّا إِسْرَائِيل إِ يُوسُوفْ: ”خْزَارْ، أَذْ مّْثغْ، مَاشَا أَربِّي أَذْ يِيڒِي أَكِيذْومْ، أَذْ كنِّيوْ إِسّْمُوطِّييْ غَارْ ثمُّورْثْ ن ڒجْذُوذْ نْومْ.
GEN 48:22 أَقَا وْشِيغْ أَشْ إِشْثْ ن ثسْغَارْثْ ن إِذُورَارْ خْ مِينْ وْشِيغْ إِ يَايْثْمَاشْ، ثنِّي كْسِيغْ نشّْ زڭْ إِفَاسّنْ ن إِمُورِييّنْ س سِّيفْ ذ ڒْقوْسْ إِنُو.“
GEN 49:1 إِڒَاغَا يَاعْقُوبْ خْ إِحنْجِيرنْ نّسْ، إِنَّا: ”سْمُونمْ-د إِخفْ نْومْ، أَذْ أَومْ إِنِيغْ مِينْ ذ أَومْ غَا إِمْسَارنْ ذڭْ ؤُنڭَّارْ ن وُوسَّانْ.
GEN 49:2 سْمُونمْ-د إِخفْ نْومْ ؤُشَا سْڒمْ، [أَ] ثَارْوَا ن يَاعْقُوبْ، سْڒمْ إِ إِسْرَائِيل، بَابَاثْومْ.
GEN 49:3 رُوبِينْ، شكْ ذ أَمنْزُو إِنُو، جّهْذْ إِنُو، ذ أَمزْوَارْ ن ثرْيَاسْثْ إِنُو، أَقَا شكْ ذ أَمْسضْفَارْ إِنُو ذِي ڒُوعْڒَا، ذ أَمْسضْفَارْ [إِنُو] ذِي ڒْعزّْ.
GEN 49:4 شكْ أَمشْنَاوْ أَمَانْ إِتّْنقْڒَابنْ، وَارْ د أَيِي ثْضفَّارذْ، أَقَا شكْ ثْڭعّْذذْ غَارْ ڒشْثُو ن ڒمْڒَاشْ ن بَابَاشْ، ڒخْذنِّي ثسّْفضْحذْ [ث]، أَقَا غَارْ ڒشْثُو إِنُو إِڭعّذْ.
GEN 49:5 شِيمْعُونْ ذ لَاوِي ذ أَوْمَاثنْ! ڒمْوَاسْ نْسنْ ذ ڒسْنَاحْ ن لْعُونْفْ.
GEN 49:6 ذِي ثْمعْمُوتْشْ نْسنْ وَارْ إِتِّيذفْ ڒعْمَارْ إِنُو، ذڭْ وڭْرَاوْ نْسنْ وَارْ إِشَارّشْ وُوڒْ إِنُو. أَقَا ذڭْ ؤُخيّقْ نْسنْ نْغِينْ إِجّْ ن ورْيَازْ ؤُشَا إِعْجبْ أَسنْ أَذْ قسّنْ إِژوْرَانْ ن إِضَارنْ ن ؤُفُونَاسْ.
GEN 49:7 ذ أَمنْعُوڒْ أَخيّقْ نْسنْ، مِينْزِي وَانِيثَا إِجْهذْ أَطَّاسْ، ؤُڒَا ذ أَذُوقّزْ [ن ؤُفُوڭمْ] نْسنْ، مِينْزِي إِقْسحْ. نشّْ أَذْ ثنْ بْضِيغْ خْ يَاعْقُوبْ، أَذْ ثنْ سُّويُوسغْ ذِي إِسْرَائِيل.
GEN 49:8 يَاهُوذَا، أَيْثْمَاشْ أَذْ شكْ سّمْغَارنْ. أَفُوسْ نّشْ أَذْ يِيڒِي خْ يِيرِي ن ڒْعذْيَانْ نّشْ ؤُ إِحنْجِيرنْ ن بَابَاشْ أَذْ أَشْ بنْذْقنْ.
GEN 49:9 يَاهُوذَا ذ إِجّْ ن مِّيسْ ن وَايْرَاذْ. زِي زَّارْذثْ إِ ثُوڒْيذْ، [أَ] مِّي. إِقْوسْ أَمشْنَاوْ أَيْرَاذْ ؤُ أَمشْمَاوْ ثَايْرَاذْثْ. وِي إِزعّمنْ أَذْ ث-د-إِسّْفَاقْ؟
GEN 49:10 ثَاغَّارْشْثْ [ن ڒْحَاكمْ] وَارْ إِتّْوَاكّسْ خْ يَاهُوذَا ؤُڒَا ذ أَزدْجَاضْ [ن صُّولْطَا] زِي جَارْ إِضَارنْ نّسْ، أَڒْ د غَا يَاسْ ونِّي إِ غَا إِوْشنْ أَرَّاحثْ ؤُشَا أَذْ أَسْ طَاعنْ ڒڭْنُوسْ.
GEN 49:11 إِقّنْ غَارْ ثْزَايَارْثْ أَسْنُوسْ نّسْ ذ مِّيسْ نّسْ ن ثغْيُوتْشْ غَارْ ثْزَايَارْثْ إِشنّْعنْ أَطَّاسْ، إِسِّيرْذْ أَرُّوضْ نّسْ ذِي بِينُو ؤُ أَرُّوضْ نّسْ ذڭْ إِذَامّنْ ن ؤُضِيڒْ.
GEN 49:12 ثِيطَّاوِينْ [نّسْ] ذ ثِيبَارْشَانِينْ س بِينُو ؤُ ثِيغْمَاسْ [نّسْ] ذ ثِيشمْڒَاڒِينْ س ؤُغِي.
GEN 49:13 زابُولُونْ أَذْ إِزْذغْ غَارْ ثْمَا ن ڒبْحَارْ، أَذْ يِيڒِي ذ ڒْمُويِّي إِ إِغَارُّوبَا. أَغزْذِيسْ نّسْ أَذْ يَاريّحْ خْ صِيذُونْ.
GEN 49:14 إِسَّاكَارْ ذ إِجّْ ن وغْيُوڒْ إِقْسحْ، إِزّڒْ جَارْ ثْنَاينْ ن ڒْمذْوَاثْ.
GEN 49:15 ؤُمِي إِژْرَا أَرَّاحثْ ذ لمْلِيحْ ؤُ ثَامُّورْثْ أَقَا ثَارشّقْ، إِقْوسْ، إِڭَّا ثِيغَارْضِينْ نّسْ مَاحنْذْ أَذْ يَارْبُو [أَرّْمحْ] ؤُشَا [أَمُّو إِ] إِذْوڒْ سَاذُو أَزَايْڒُو ن إِسْمغْ.
GEN 49:16 ذَانْ أَذْ إِحْكمْ ڒْڭنْسْ نّسْ أَمْ يِيشْثْ زِي ثْقبَّاڒْ ن إِسْرَائِيل.
GEN 49:17 أَذْ يِيڒِي ذَانْ ذ أَفِيغَارْ ذڭْ وبْرِيذْ، ثَاڒفْسَا ذڭْ ؤُمسْرُوقْ، ونِّي إِزعّْفنْ ذڭْ إِنِيرْزَاونْ ن ؤُيِيسْ، أَڒْ غَا إِوْضَا ونِّي [خَاسْ] إِنْيِينْ غَارْ ضفَّارْ.
GEN 49:18 أَسنْجمْ نّشْ إِ تّْرَاجِيغْ، [أَ] سِيذِي!
GEN 49:19 جَاذْ، أَذْ خَاسْ حجْمنْثْ بَانْذِييَّاثْ، [مَاشَا] أَذْ خَاسنْ إِذَارّشْ.
GEN 49:20 أَشِيرْ، أَغْرُومْ نّسْ أَذْ يِيڒِي ذ أَغْرُومْ إِسْمنْ، نتَّا أَذْ إِقدّمْ مَاشَّا يِيزِيذنْ إِڭلّْذنْ.
GEN 49:21 نَافْثَالِي ذ إِشْثْ ن ثُوذَاذْثْ إِتّْوَاضڒْقنْ، إِسُّوفُّوغْ أَوَاڒنْ شْنَانْ.
GEN 49:22 يُوسُوفْ ذ مِّيسْ ن ثْشجَّارْثْ إِتِّيشنْ ڒْغِيدْجثْ، مِّيسْ ن ثْشجَّارْثْ إِتِّيشنْ ڒْغِيدْجثْ غَارْ ثَاڒَا. يسِّيسْ ڭُّورنْثْ خْ وغْبَارْ.
GEN 49:23 نِيثْنِي سَّارزْڭنْ خَاسْ [ثُوذَارْثْ]، نيّْشنْ خَاسْ، [وَاهْ] إِمْجبَّاذنْ نْ ڒْقوْسْ ضْفَارنْ ث،
GEN 49:24 مَاشَا ڒْقوْسْ نّسْ إِقِّيمْ إِمْحضْ ؤُ إِغَادْجنْ ن إِفَاسّنْ نّسْ قِّيمنْ أَرْخُونْ س إِفَاسّنْ ن ؤُمْزمَّارْ ن يَاعْقُوبْ - خْ ؤُيَا نتَّا ذ أَمكْسَاوْ ذ ثَاصْضَارْثْ ن إِسْرَائِيل -
GEN 49:25 س أَربِّي ن بَابَاشْ ونِّي شكْ إِ غَا إِعَاوْننْ، أَمْزمَّارْ خْ كُوڒْشِي، ونِّي شكْ إِ غَا إِبَارْكنْ س لْبَارَاكَاثْ ن ؤُجنَّا سنّجْ، س لْبَارَاكَاثْ ن [وَامَانْ] إِهوْڒنْ إِ ذِينْ إِدْجَانْ سْوَادَّايْ، س لْبَارَاكَاثْ ن ثُوبّشْثْ ذ ڒمْڒَاوثْ.
GEN 49:26 لْبَارَاكَاثْ ن بَابَاشْ ذ ثِيمقّْرَانِينْ ؤُعْڒَانْثْ خْ لْبَارَاكَاثْ ن يِينِّي ذ أَيِي د-يجِّينْ [ؤُشَا تَّاكّْوَاضنْثْ] غَارْ ثْقِيشَّاثِينْ ن ثوْرِيرِينْ ن ڒبْذَا. أَذْ إِڒِينْثْ خْ ؤُزدْجِيفْ ن يُوسُوفْ، خْ ثُوشّنْثْ ن ؤُشُوَّافْ ن ونِّي يَاربُّو تَّاجْ [ن وعْزَارْ] جَارْ أَيْثْمَاسْ.
GEN 49:27 بِينْيَامِينْ ذ إِجّْ ن وُوشّنْ إِتّْمزَّاقْ. غَارْ صّْبحْ أَذْ إِسَارْضْ زَّارْذثْ ؤُ س دْجِيڒثْ إِبطَّا ثَاكشَّاضْثْ.“
GEN 49:28 مَارَّا إِنَا ذ ثنْعَاشْ ن ثْقبَّاڒْ ن إِسْرَائِيل. ذ مَانْ أَيَا مِينْ ذ أَسنْ إِنَّا بَابَاثْسنْ ؤُشَا إِبَارْكْ إِ-ثنْ، [وَاهْ،] إِبَارْكْ إِ-ثنْ، كُوڒْ إِجّْ س لْبَارَاكَا نّسْ.
GEN 49:29 يُومُورْ إِ-ثنْ، إِنَّا أَسنْ: ”أَذْ مَّارنْيغْ غَارْ ڒْڭنْسْ إِنُو. نضْڒمْ أَيِي أَكْ-ذ ڒجْذُوذْ إِنُو ذڭْ إِفْرِي ونِّي إِدْجَانْ ذڭْ إِيَّارْ ن إِفْرُونْ، أَحِيتِّي،
GEN 49:30 ذڭْ إِفْرِي ونِّي إِدْجَانْ ذڭْ إِيَّارْ ن مَاكْفِيلَا إِ إِدْجَانْ زَّاثْ إِ مَامْرِي ذِي ثمُّورْثْ ن كنْعَانْ، ثنِّي إِسْغَا إِبْرَاهِيمْ أَكْ-ذ ييَّارْ زِي إِفْرُونْ، أَحِيتِّي، حِيمَا أَذْ يِيڒِي ذ أَنْضڒْ نّسْ.
GEN 49:31 ذِينِّي إِ نضْڒنْ إِبْرَاهِيمْ ذ سَارَا ثَامْغَارْثْ نّسْ. ذِينِّي إِ نضْڒنْ إِسْحَاقْ ذ ثمْغَارْثْ نّسْ رِيفْقَا. ؤُ نشّْ نضْڒغْ ذِينْ لِييَا.
GEN 49:32 إِيَّارْ س إِفْرِي إِ ثُوغَا ذَايسْ إِدْجَانْ إِمّْسغْ خْ ثَارْوَا ن حِيثْ.“
GEN 49:33 [ؤُمِي] إِكمّڒْ يَاعْقُوبْ أَذْ إِوصَّا إِحنْجِيرنْ نّسْ، إِكمّشْ إِضَارنْ نّسْ ذِي قَامَا، إِفّغْ إِ-ث بُوحْبڒْ ؤُشَا إِمَّارْنِي غَارْ ڒْڭنْسْ نّسْ.
GEN 50:1 [خنِّي] إِنْڭزْ يُوسُوفْ خْ ؤُغمْبُوبْ ن بَابَاسْ، إِرُو خَاسْ ؤُشَا إِسُّوذمْ إِ-ث.
GEN 50:2 يُومُورْ يُوسُوفْ إِ إِمْسخَّارنْ نّسْ، إِضْبِيبنْ، أَذْ حنّْضنْ بَابَاسْ ؤُشَا إِضْبِيبنْ حنّْضنْ إِسْرَائِيل.
GEN 50:3 أَربْعِينْ ن وُوسَّانْ إِ ذَايسْ كِّينْ، مِينْزِي حْذَاجنْ ؤُسَّانْ نِّي مَاحنْذْ أَذْ كمّْڒنْ أَحنّطْ ؤُشَا رُونْ مَارَّا إِمِيصْرِييّنْ سبْعِينْ ن وُوسَّانْ ذِي سِّيبّثْ نّسْ.
GEN 50:4 [ؤُمِي] عْذُونْ وُوسَّانْ ن ڒعْزَاثْ خَاسْ، إِسِّيوڒْ يُوسُوفْ أَكْ-ذ [ينِّي ن] ثَادَّارْثْ ن فِيرْعُونْ، إِنَّا: ”مَاڒَا ؤُفِيغْ ڒخُّو أَرْضَا ذِي ثِيطَّاوِينْ نْومْ، تّْزَاوَاڭغْ كنِّيوْ، أَذْ ثسِّيوْڒمْ ذڭْ إِمجَّانْ ن فِيرْعُونْ، إِنِيمْ:
GEN 50:5 ”بَابَا إِنُو إِجَّا أَيِي أَذْ جَّادْجغْ ؤُشَا إِنَّا: ’أَقَا تّْمتِّيغْ. إِتّْخصَّا أَذْ أَيِي ثْنضْڒذْ ذڭْ ونْضڒْ نِّي نقْشغْ إِ يِيخفْ إِنُو ذِي ثمُّورْثْ ن كنْعَانْ!‘ خنِّي، تّْزَاوَاڭغْ، أجّْ أَيِي أَذْ رَاحغْ ڒخُّو أَذْ نضْڒغْ بَابَا ؤُشَا [أَوَارْنِي مَانْ أَيَا] أَذْ د -عقْبغْ.“
GEN 50:6 ؤُشَا إِنَّا فِيرْعُونْ: ”رُوحْ، نْضڒْ بَابَاشْ، أَمْ مَامّشْ يَارَّا شكْ أَذْ أَسْ ثجُّودْجذْ.“
GEN 50:7 ؤُشَا إِڭعّذْ يُوسُوفْ حِيمَا أَذْ إِنْضڒْ بَابَاسْ ؤُشَا ڭعّْذنْ مَارَّا إِمْسخَّارنْ ن فِيرْعُونْ أَكِيذسْ، إِمْغَارنْ ن ثَادَّارْثْ نّسْ ذ مَارَّا إِمْغَارنْ ن ثمُّورْثْ ن مِيصْرَا،
GEN 50:8 ؤُڒَا ذ مَارَّا ثَادَّارْثْ ن يُوسُوفْ ذ أَيْثْمَاسْ نّسْ ذ ثَادَّارْثْ ن بَابَاسْ. مْغِيرْ إِحنْجِيرنْ إِمژْيَاننْ نْسنْ ذ وُودْجِي نْسنْ ذ إِفُونَاسنْ ذ ثْفُونَاسِينْ نْسنْ جِّينْ ثنْ ذِي ثمُّورْثْ ن جُوشَانْ.
GEN 50:9 ڭعّْذنْ أَكِيذسْ إِكَارُّوثنْ ذ يِينِّي إِنْيِينْ خْ ييْسَانْ ؤُشَا ڭِّينْ إِجّْ ن ؤُقَارُّو ن ڒْعسْكَارْ إِمْغَارْ.
GEN 50:10 [ؤُمِي] إِوْضنْ غَارْ ؤُنذْرَارْ ن أَثَاذْ، ونِّي إِدْجَانْ خْ ؤُجمَّاضْ ن لْ-ؤُرْذُونْ، سّْڭعّْذنْ ذِينْ إِشْثْ ن ثْغُويِّيثْ ثمْغَارْ، ثجْهذْ أَطَّاسْ ؤُشَا إِڭَّا يُوسُوفْ [ذِينْ] إِجّْ ن وشْضَانْ خْ بَابَاسْ إِ يِيجّْ ن ڒْمِيجَاڒْ ن سبْعَا ن وُوسَّانْ.
GEN 50:11 ژْرِينْ إِمزْذَاغْ ن ثمُّورْثْ، أَيْثْ ن كنْعَانْ، أَشْضَانْ ذڭْ ؤُنذْرَارْ ن أَثَاذْ، نَّانْ: ”وَا ذ أَشْضَانْ إِمْغَارْ ن إِمِيصْرِييّنْ.“ خْ ؤُيَا ڒَاغَانْ إِسمْ نّسْ أَبَالْ-مِيصْرَايِيمْ، ونِّي إِدْجَانْ خْ ؤُجمَّاضْ ن لْ-ؤُرْذُونْ.
GEN 50:12 ڭِّينْ أَسْ إِحنْجِيرنْ نّسْ أَمْ مَامّشْ ثنْ إِوصَّا.
GEN 50:13 أَرْبُونْ ث إِحنْجِيرنْ نّسْ غَارْ ثمُّورْثْ ن كنْعَانْ، نضْڒنْ ث ذڭْ إِفْرِي ذڭْ إِيَّارْ ن مَاكْفِيلَا نِّي إِسْغَا إِبْرَاهِيمْ أَكْ-ذ ييَّارْ زِي إِفْرُونْ، أَحِيتِّي، أَرنْذَاذْ ن مَامْرِي، مَاحنْذْ أَذْ يِيڒِي ذ أَنْضڒْ نّسْ.
GEN 50:14 أَوَارْنِي ڒَامِي إِنْضڒْ بَابَاسْ، إِعْقبْ يُوسُوفْ غَارْ مِيصْرَا، نتَّا ذ يَايْثْمَاسْ ذ مَارَّا إِنِّي أَكِيذسْ د-إِڭعّْذنْ، مَاحنْذْ أَذْ نضْڒنْ بَابَاسْ.
GEN 50:15 [ؤُمِي] ژْرِينْ أَيْثْمَاسْ ن يُوسُوفْ بَابَاثْسنْ إِمُّوثْ، نَّانْ: ”مَاڒَا إِشَارْهْ أَنغْ يُوسُوفْ، أَذْ أَنغْ إِخدْجصْ نِيشَانْ مَارَّا ڒْغَارْ نِّي ذَايسْ نڭَّا.“
GEN 50:16 [س ؤُينِّي] سّكّنْ أَذْ خبَّارنْ يُوسُوفْ [س مَانْ أَيَا]، نَّانْ: ”بَابَاشْ إِوصَّا قْبڒْ ڒْموْثْ نّسْ، إِنَّا:
GEN 50:17 ’أَمُّو إِ غَا ثِينِيمْ إِ يُوسُوفْ: تّْزَاوْڭغْ شكْ، غْفَارْ ڒخُّو أَخطُّو ن أَيْثْمَاشْ ذ دّنْبْ نْسنْ ذ ڒْغَارْ إِ ذ أَشْ ڭِّينْ. غْفَارْ ڒخُّو أَخطُّو ن إِمْسخَّارنْ ن أَربِّي ن بَابَاشْ!‘ “ ؤُشَا إِسْغُويْ يُوسُوفْ أَمْ كِيسْ سِّيوْڒنْ [أَمُّو].
GEN 50:18 [خنِّي] ؤُسِينْ-د عَاوذْ أَيْثْمَاسْ [س يِيخفْ نْسنْ]، وْضَانْ أَسْ زَّاثْ إِ ؤُغمْبُوبْ نّسْ، نَّانْ: ”أَقَا-نغْ ذَا ذ إِمْسخَّارنْ نّشْ!“
GEN 50:19 يَارَّا-د خَاسنْ يُوسُوفْ: ”وَارْ تّڭّْوْذمْ شَا! مَا أَقَا أَيِي نشّْ ذڭْ ومْشَانْ ن أَربِّي؟
GEN 50:20 وَاخَّا كنِّيوْ ثْخَارّْصمْ ذَايِي س ڒْغَارْ، أَقَا أَربِّي إِنْوَا زَّايسْ ڒْخَارْ، حِيمَا أَذْ يڭّْ أَمْ مَامّشْ [إِ ثدْجَا] أَسّْ-أَ، أَذْ يجّْ ذِي ثُوذَارْثْ إِجّْ ن ڒْڭنْسْ ذ أَمقّْرَانْ.
GEN 50:21 ڒخُّو، وَارْ تّڭّْوْذمْ شَا! نشّْ أَذْ كنِّيوْعوّْڒغْ، كنِّيوْ ذ إِحنْجِيرنْ إِمژْيَاننْ نْومْ.“ أَمُّو ثنْ إِسّْفوّجْ ؤُشَا إِسِّيوڒْ أَكِيذْسنْ غَارْ وُوڒَاونْ نْسنْ.
GEN 50:22 ثُوغَا يُوسُوفْ إِزدّغْ ذِي مِيصْرَا، نتَّا ذ ثَادَّارْثْ ن بَابَاسْ، ؤُشَا إِدَّارْ يُوسُوفْ مْيَا ؤُ -عشْرَا ن إِسڭّْوُوسَا.
GEN 50:23 إِژْرَا يُوسُوفْ إِحنْجِيرنْ ن إِفْرَايِيمْ أَڒْ جِّيڒْ وِيسّْ ثْڒَاثَا. أَقَا تّْوَارْونْ-د إِحنْجِيرنْ ن مَاكِيرْ، مِّيسْ ن مَانَاسَّا، عَاوذْ خْ إِفَادّنْ ن يُوسُوفْ.
GEN 50:24 ؤُشَا إِنَّا يُوسُوفْ إِ يَايْثْمَاسْ: ”نشّْ أَذْ مّْثغْ، مَاشَا أَربِّي أَذْ كنِّيوْ يَارْزفْ س ثِيذتّْ ؤُشَا أَذْ كنِّيوْ إِسّْڭعّذْ زِي ثمُّورْثْ-أَ غَارْ ثمُّورْثْ إِ إِوَاعْذْ س ثْجَادْجِيثْ إِ إِبْرَاهِيمْ ذ إِسْحَاقْ ذ يَاعْقُوبْ.“
GEN 50:25 [خَاسْ ؤُشَا] إِسّْجِّيدْجْ يُوسُوفْ أَيْثْ ن إِسْرَائِيل، إِنَّا: ”أَربِّي أَذْ كنِّيوْ يَارْزفْ س ثِيذتّْ ؤُشَا [خنِّي] أَذْ ثكْسِيمْ سَّا إِغْسَانْ إِنُو!“
GEN 50:26 إِمُّوثْ يُوسُوفْ ؤُمِي ثُوغَا غَارسْ مْيَا ؤُ -عشْرَا ن إِسڭّْوُوسَا. حنّْضنْ ث ؤُشَا سَّارْسنْ ث ذِي ڒْمحْمڒْ ن ؤُمتِّينْ ذِي مِيصْرَا.
EXO 1:1 إِنَا ذ إِسْمَاونْ ن أَيْثْ ن إِسْرَائِيل إِ د-يِيوْضنْ أَكْ-ذ يَاعْقُوبْ غَارْ مِيصْرَا. يُوسَا-د كُوڒْ إِجّْ [زَّايْسنْ] أَكْ-ذ [أَيْثْبَابْ] ن ثَادَّارْثْ نّسْ:
EXO 1:2 رُوبِينْ، شِيمْعُونْ، لَاوِي ذ يَاهُوذَا،
EXO 1:3 إِسَّاكَارْ، زابُولُونْ ذ بِينْيَامِينْ،
EXO 1:4 ذَانْ ذ نَافْثَالِي، جَاذْ ذ أَشِيرْ.
EXO 1:5 مَارَّا ڒعْمُورْ نِّي د-إِفّْغنْ زِي ثْمصَّاضْثْ ن يَاعْقُوبْ، [ثُوغَا أَثنْ] ذِي سبْعِينْ. يُوسُوفْ ثُوغَا-ث ذِي مِيصْرَا.
EXO 1:6 إِمُّوثْ يُوسُوفْ ذ مَارَّا أَيْثْمَاسْ، ذ جِّيڒْ نِّي مَارَّا.
EXO 1:7 مَّارنْينْ أَيْثْ ن إِسْرَائِيل ؤُ جِّينْ-د ڒْغِيدْجثْ [أَڒَامِي] زَّايْسنْ ثسْفُوفِّي [ثمُّورْثْ] ؤُشَا تّْوَاكْثَارنْ ؤُشَا ذوْڒنْ جهْذنْ أَطَّاسْ، [مِينْزِي] ثشُّورْ زَّايْسنْ ثمُّورْثْ.
EXO 1:8 إِفّغْ-د خنِّي إِجّْ ن ؤُجدْجِيذْ ذ جْذِيذْ [إِحكّمْ] خْ مِيصْرَا، ونِّي ثُوغَا وَارْ إِسِّينْ يُوسُوفْ.
EXO 1:9 إِنَّا إِ ڒْڭنْسْ نّسْ: ”خْزَارْ، ڒْڭنْسْ ن أَيْثْ ن إِسْرَائِيل إِمْغَارْ ؤُ إِجْهذْ خَانغْ.
EXO 1:10 ڒخُّو، أَقَا أَذْ خَاسْ نحْكمْ س ڒعْقڒْ، حِيمَا وَارْ إِتّْمَارْنِي [ڒْڭنْسْ كْثَارْ،] ؤُشَا، مَاڒَا إِمْسَارْ إِكَّارْ شَا ن ڒْبَارُوضْ، أَذْ إِذْوڒْ أَكْ-ذ ڒْعذْيَانْ نّغْ، أَذْ يڭّْ ڒْحَارْبْ أَكِيذْنغْ ؤُشَا [خنِّي] أَذْ إِفّغْ زِي ثمُّورْثْ.“
EXO 1:11 نِيثْنِي ڭِّينْ خَاسنْ إِمحْضَاينْ خْ وَارْبَارْ ن ثسْمُوغِي، حِيمَا أَذْ سّْذدْجنْ ڒْڭنْسْ س دّْقُوڒَاثْ إِ خَاسنْ سَّاربُّونْ. بْنَانْ إِ فِيرْعُونْ، [أَجدْجِيذْ]، ثِيندَّامْ ن ڒخْزنْ: فِيثُومْ ذ رَاعَامْسِيسْ.
EXO 1:12 [مَاشَا] مشْحَاڒْ مَا ذدْجنْ نِيثْنِي ڒْڭنْسْ، أَمنِّي إِ إِڭْمَا ؤُ إِبزّعْ [ڒْڭنْسْ]، أَڒَامِي إِوْضنْ نِيثْنِي أَذْ شَارْهنْ أَيْثْ ن إِسْرَائِيل أَطَّاسْ.
EXO 1:13 ؤُشَا أَرِّينْ إِمِيصْرِييّنْ أَيْثْ ن إِسْرَائِيل ذ إِسمْغَانْ س ؤُغِيڒْ
EXO 1:14 ؤُشَا سَّارزْڭنْ ثُوذَارْثْ نْسنْ س ثسْمُوغِي إِقسْحنْ ذڭْ ؤُبدْجَاعْ ذ لَّاجُورْ ؤُڒَا ذِي مَارَّا ثسْمُوغِي ذڭْ إِيَّارنْ. مَارَّا ثَاسْمُوغِي إِ ڭِّينْ نِيثْنِي ذِي [ڒْْوسْثْ] نْسنْ، ثُوغَا ت س ؤُغِيڒْ.
EXO 1:15 إِسِّيوڒْ ؤُجدْجِيضْ ن مِيصْرَا أَكْ-ذ ڒْقَابْڒَاثْ ثِيعِيبْرَانِييِّينْ، إِشْثنْ زَّايْسنْثْ قَّارنْ أَسْ سِيفْرَا، ؤُ ثنّغْنِي قَّارنْ أَسْ فُوعَاثْ.
EXO 1:16 إِنَّا: ”خْمِي غَا ثْعَاوْننْثْ ثِيمْغَارِينْ ثِيعِيبْرَانِييِّينْ أَذْ أَرْونْثْ، ؤُشَا أَذْ ثخْزَارنْثْ خْمِي تّْغِيمَانْثْ خْ إِژْرَا [مَاحنْذْ أَذْ أَرْونْثْ]، إِتّْخصَّا كنِّينْثْ أَذْ نْغنْثْ [أَحنْجِيرْ] مَاڒَا ذ مِّيسْ، [مَاشَا] مَاڒَا ذ يدْجِيسْ، جّنْثْ ت أَذْ ثدَّارْ!“
EXO 1:17 [مَاشَا] ڒْقَابْڒَاثْ ثُوغَا تّڭّْوذنْثْ أَربِّي، وَارْ ڭِّينْثْ مُوخَاسْ ثنْثْ يُومُورْ ؤُجدْجِيذْ ن مِيصْرَا، [مَاشَا] حْضَانْثْ ثُوذَارْثْ ن إِحنْجِيرنْ.
EXO 1:18 [خنِّي] إِڒَاغَا ؤُجدْجِيذْ ن مِيصْرَا إِ ڒْقَابْڒَاثْ، إِنَّا أَسنْثْ: ”مَاغَارْ ثڭِّينْثْ أَيَا، أَقَا ثحْضَانْثْ ثُوذَارْثْ ن إِحنْجِيرنْ؟“
EXO 1:19 ڒْقَابْڒَاثْ أَرِّينْثْ خْ فِيرْعُونْ: ”ثِيعِيبْرَانِييِّينْ وَارْ دْجِينْثْ أَمْ ثِيمِيصْرِييِّينْ، مِينْزِي نِيثنْثِي جهْذنْثْ، تَّارْونْثْ قْبڒْ مَا أَذْ غَارْسنْثْ د-ثَاسْ ڒْقَابْڒَا.“
EXO 1:20 ؤُشَا أَربِّي إِڭَّا مْلِيحْ إِ ڒْقَابْڒَاثْ ؤُشَا إِمَّارْنِي ڒْڭنْسْ، ذوْڒنْ جهْذنْ س وَاطَّاسْ.
EXO 1:21 مِينْزِي ڒْقَابْڒَاثْ ڭّْوذنْثْ أَربِّي، إِمْسَارْ، أَقَا يَارْزقْ إِ-ثنْثْ-إِ-د س ثُوذْرِينْ [أَكْ-ذ ڒْوَاشُونْ].
EXO 1:22 [ڒخْذنِّي] يُومُورْ فِيرْعُونْ مَارَّا ڒْڭنْسْ نّسْ، إِنَّا: ”كُوڒْ أَحنْجِيرْ إِ د غَا إِخڒْقنْ أَذْ ث ثنْضَارمْ ذڭْ إِغْزَارْ ؤُ مَارَّا ثَاحنْجِيرْثْ [إِ د غَا إِخڒْقنْ] أَذْ ت ثجّمْ أَذْ ثدَّارْ.“   *
EXO 2:1 ؤُشَا إِفّغْ إِجّْ ن ورْيَازْ زِي [رَادْجْ ن] ثَادَّارْثْ ن لَاوِي، يِيوِي إِشْثْ ن ثْحنْجِيرْثْ ن لَاوِي [ذ ثَامْغَارْثْ].
EXO 2:2 ثكْسِي ثمْغَارْثْ س دّيْسثْ ؤُشَا ثُورُووْ-د أَحنْجِيرْ. [ؤُمِي] ثژْرَا بلِّي إِصْبحْ [ؤُحنْجِيرْ]، ثفَّارْ إِ-ث ثْڒَاثَا ن إِيُورنْ.
EXO 2:3 [ؤُمِي] وَارْ ثزْمَارْ عَاذْ أَذْ ث ثفَّارْ، ثكْسِي أَسْ-د إِشْثْ ن ثْسنْذُوقْثْ ن ؤُغَانِيمْ، ثبْرَا إِ-ت س ؤُشَارْمُوضْ ذ ثِيزفْثْ ؤُشَا ثسَّارْسْ ذَايسْ أَحنْجِيرْ، ثڭَّا [ثَاسنْذُوقْثْ نِّي] جَارْ ؤُغَانِيمْ خْ ثْمَا ن إِغْزَارْ.
EXO 2:4 ثْبدّْ وُوتْشْمَاسْ غَارْ ڒَاڭّْوَاجْ، مَاحنْذْ أَذْ ثْژَارْ مِينْ زَّايسْ غَا ڭّنْ.
EXO 2:5 ؤُ [خْزَارْ]، ثهْوَا يدْجِيسْ ن فِيرْعُونْ، مَاحنْذْ أَذْ ثسِّيرْذْ إِخفْ نّسْ ذڭْ إِغْزَارْ. ثُوغَا ثِيمْسخَّارِينْ ثِيبْڒِيغِينْ نّسْ ڭُّورنْثْ خْ ثْمَا ن إِغْزَارْ. نتَّاثْ ثژْرَا ثَاسنْذُوقْثْ ذڭْ ؤُغَانِيمْ ؤُشَا ثسّكّْ ثِيسْمغْثْ نّسْ ؤُشَا ثكْسِي ت-إِ-د.
EXO 2:6 أَڒَامِي ت ثَارْزمْ، ثژْرَا أَحنْجِيرْ نِّي، ؤُشَا خْزَارْ، أَحنْجِيرْ ثُوغَا إِتّْرُو. يُوذفْ إِ-ت ؤُزِيدْجزْ، ثنَّا: ”وَا ذ [إِجّْ] زڭْ إِحنْجِيرنْ ن إِعِيبْرَانِييّنْ!“
EXO 2:7 [ڒخْذنِّي] ثنَّا ؤُتْشْمَاسْ إِ يدْجِيسْ ن فِيرْعُونْ: ”مَا أَذْ رَاحغْ أَذْ ڒَاغِيغْ خْ إِشْثْ ن ثمْسُوضضْثْ زِي ثْعِيبْرَانِييِّينْ مَاحنْذْ أَذْ أَمْ ثسُّوطّضْ أَحنْجِيرْ؟“
EXO 2:8 ثنَّا أَسْ يدْجِيسْ ن فِيرْعُونْ: ”رُوحْ!“ ثْرُوحْ ثعْزَارشْثْ، ثْڒَاغَا إِ يمَّاسْ ن ؤُحنْجِيرْ.
EXO 2:9 [ڒخْذنِّي] ثنَّا أَسْ يدْجِيسْ ن فِيرْعُونْ: ”أَوِي-د أَحنْجِيرْ-أَ، ثسُّوطّضْ إِ-ث إِ نشّْ ؤُ نشّْ أَذْ شمْ خدْجْصغْ.“ ثكْسِي ثمْغَارْثْ أَحنْجِيرْ ؤُشَا ثسُّوطّضْ إِ-ث.
EXO 2:10 [ؤُمِي] إِڭْمَا ؤُحنْجِيرْ، ثِيوْيِي إِ-ث غَارْ يدْجِيسْ ن فِيرْعُونْ، إِذْوڒْ أَسْ أَمْ مِّيسْ ؤُشَا ثڭَّا أَسْ مُوسَا، ثنَّا: ”أَقَا جبْذغْ ث-إِ-د زڭْ وَامَانْ.“
EXO 2:11 ذڭْ وُوسَّانْ نِّي إِمْسَارْ، ؤُمِي إِڭْمَا مُوسَا، أَقَا إِفّغْ-د غَارْ أَيْثْمَاسْ، ؤُشَا إِژْرَا دّْقُوڒَاثْ إِ خَاسنْ [سَّاربُّونْ]. إِژْرَا إِجّْ ن ؤُمِيصْرِي إِشَّاثْ إِجّْ ن ؤُعِيبْرَانِي، [إِجّنْ] زڭْ أَيْثْمَاسْ.
EXO 2:12 إِخْزَارْ ذَا ذ ذِيهَا، إِژْرَا بلِّي وَارْ ذِينْ حذْ، [خنِّي] إِنْغَا أَمِيصْرِي نِّي ؤُشَا إِسّْنُوفَّارْ إِ-ث ذڭْ إِجْذِي.
EXO 2:13 ؤُمِي د-إِفّغْ ثِيوشَّا نّسْ، إِژْرَا ثْنَاينْ ن يرْيَازنْ إِعِيبْرَانِييّنْ تّْمنْغَانْ. إِنَّا [مُوسَا] إِ ؤُعفَّانْ نِّي إِتّْعدَّانْ: ”مَاغَارْ ثشَّاثذْ جَّارْ نّشْ؟“
EXO 2:14 إِنَّا نتَّا: ”وِي إِ شكْ إِڭِّينْ ذ ڒْحَاكمْ ذ ڒْقَاضِي خَانغْ؟ مَا شكْ ثقَّارذْ أَيَا ؤُمِي شكْ ثنْوِيذْ أَذْ أَيِي ثنْغذْ أَمْ مَامّشْ ثنْغِيذْ أَمِيصْرِي؟“ [ڒخْذنِّي] إِڭّْوذْ مُوسَا، إِنَّا: ”س ثِيذتّْ ثَامسْڒَاشْثْ ثتّْوَاسّنْ!“
EXO 2:15 ؤُمِي إِسْڒَا فِيرْعُونْ مَانْ أَيَا، يَارْزُو أَذْ إِنغْ مُوسَا. [مَاشَا] مُوسَا يَارْوڒْ زِي فِيرْعُونْ ؤُشَا إِزْذغْ ذِي ثمُّورْثْ ن مِيذْيَانْ ؤُشَا إِقِّيمْ [ذِينْ] غَارْ إِجّْ ن وَانُو.
EXO 2:16 أَكهَّانْ ن مِيذْيَانْ ثُوغَا غَارسْ سبْعَا ن يسِّيسْ، ثِينِّي إِ د-يُوسِينْ أَذْ أَيْمنْثْ أَمَانْ [ذِينْ] ؤُشَا شُّورنْثْ سّْوَارجْ، حِيمَا أَذْ وَارْذنْثْ ؤُدْجِي ن بَابَاثْسنْثْ.
EXO 2:17 ؤُسِينْ-د إِمكْسَاونْ ؤُشَا ؤُژّْڒنْ خَاسنْثْ. إِكَّارْ مُوسَا [ڒخْذنِّي]، إِفكّْ إِ-ثنْثْ، إِوَارْذْ ؤُدْجِي نْسنْثْ.
EXO 2:18 [ؤُمِي] ذوْڒنْثْ غَارْ بَابَاثْسنْثْ [ؤُمِي قَّارنْ] رَاعُويِيلْ، إِنَّا [أَسنْثْ]: ”مَايمِّي د-تّْعقْبنْثْ أَسّْ-أَ ذغْيَا؟“
EXO 2:19 نِيثنْثِي أَرِّينْثْ-إِ-د خَاسْ: ”إِجّْ ن ورْيَازْ ذ أَمِيصْرِي إِفكّْ أَنغْ زڭْ إِفَاسّنْ ن إِمكْسَاونْ ؤُشَا [عَاوذْ] يُويمْ أَنغْ-د أَطَّاسْ ن وَامَانْ ؤُشَا إِوَارْذْ ؤُدْجِي.“
EXO 2:20 إِنَّا إِ يسِّيسْ: ”إِ مَانِي يدْجَا؟ مَايمِّي ثجِّينْثْ أَرْيَازْ [نِّي ذِينْ]؟ رُوحنْثْ ڒَاغَانْثْ-إِ-د خَاسْ حِيمَا أَذْ إِشّْ أَغْرُومْ!“
EXO 2:21 ؤُشَا إِقْبڒْ مُوسَا أَذْ إِزْذغْ أَكْ-ذ ورْيَازْ نِّي ؤُشَا نتَّا إِوْشَا أَسْ إِ مُوسَا يدْجِيسْ صَافُّورَا [ذ ثَامْغَارْثْ].
EXO 2:22 ثجَّا أَسْ-د أَحنْجِيرْ، إِڭَّا أَسْ جَارْشُومْ، مِينْزِي إِنَّا: ”نشّْ ثُوغَا أَيِي ذ أَغْرِيبْ ذڭْ إِشْثْ ن ثمُّورْثْ ذ ثَاغْرِيبْثْ خَافِي.“
EXO 2:23 ڒَامِي ثعْذُو وَاطَّاسْ ن ڒْوقْثْ، إِمُّوثْ ؤُجدْجِيذْ ن مِيصْرَا ؤُشَا وحْوحنْ أَيْثْ ن إِسْرَائِيل ذِي ثسْمُوغِي [إِ ذِي ثُوغَا دَّارنْ]، سّْغُوينْ ؤُشَا إِغُويَّانْ نْسنْ ڭعّْذنْ غَارْ أَربِّي زِي ثسْمُوغِي [نْسنْ].
EXO 2:24 ؤُشَا إِسّْحسّْ أَربِّي إِ ثْغُويِّيثْ نْسنْ ؤُشَا إِخَارّصْ أَربِّي ذِي ڒْعَاهْذْ نّسْ أَكْ-ذ إِبْرَاهِيمْ ؤُ أَكْ-ذ إِسْحَاقْ ؤُ أَكْ-ذ يَاعْقُوبْ.
EXO 2:25 إِخْزَارْ أَربِّي غَارْ أَيْثْ ن إِسْرَائِيل ؤُشَا يَارْڭبْ أَربِّي [خْ ڒغْبنْ نْسنْ].
EXO 3:1 يَارْوسْ مُوسَا ؤُدْجِي ن يِيثْرُو، أَضڭّْوَاڒْ نّسْ، أَكهَّانْ ن مِيذْيَانْ. إِنْذهْ ؤُدْجِي أَوَارْنِي إِ ڒخْڒَا ؤُشَا يِيوِيضْ-د غَارْ وذْرَارْ ن أَربِّي، غَارْ حُورِيبْ.
EXO 3:2 إِبَانْ أَسْ-د لْمَالَاكْ ن سِيذِي ذڭْ إِجّْ ن ؤُشعُّوڒْ ذِي ڒْوسْطْ ن إِجّْ ن شْبَارْقْ أَكْ-ذ إِسنَّاننْ، ؤُ خْزَارْ، نتَّا إِژْرَا بلِّي شْبَارْقْ أَكْ-ذ إِسنَّاننْ ثُوغَا ثكَّارْ ذَايسْ ثْمسِّي، [مَاشَا] شْبَارْقْ وَارْ إِتّْوَاشْمضْ شَا.
EXO 3:3 إِنَّا مُوسَا: ”أجّْ أَيِي أَذْ قوْسغْ [شْوَايْثْ]، مَاحنْذْ أَذْ ژَترغْ ثَامژْرِيوْثْ نِّي ثَامقّْرَانْثْ، مَايمِّي شْبَارْقْ أَكْ-ذ إِسنَّاننْ وَارْ إِشمّضْ شَا.“
EXO 3:4 [ڒَْامِي] إِژْرَا أَربِّي بلِّي إِجَّا أَبْرِيذْ، مَاحنْذْ أَذْ إِژَارْ [مَانْ أَيَا]، إِڒَاغَا-د خَاسْ أَربِّي زِي ڒْوسْطْ ن شْبَارْقْ أَكْ-ذ إِسنَّاننْ، إِنَّا: ”مُوسَا، مُوسَا!“ نتَّا يَارَّا: ”أَقَا أَيِي ذَا!“
EXO 3:5 [خنِّي] إِنَّا نتَّا: ”وَارْ د-تّْقَارَّابْ شَا ذَانِيثَا! كّسْ ثِيسِيڒَا نّشْ زڭْ إِضَارنْ نّشْ، مِينْزِي أَمْشَانْ إِ خفْ ثْبدّذْ، أَقَا-ث ذ ثَامُّورْثْ ثْقدّسْ.“
EXO 3:6 إِنَّا [عَاوذْ:] ”نشّْ ذ أَربِّي ن بَابَاشْ، أَربِّي ن إِبْرَاهِيمْ، أَربِّي ن إِسْحَاقْ ذ أَربِّي ن يَاعْقُوبْ.“ [ڒخْذنِّي] إِسّْذُورِييْ مُوسَا أَغمْبُوبْ نّسْ، مِينْزِي إِڭّْوذْ أَذْ إِسْوضْ ذِي أَربِّي.
EXO 3:7 إِنَّا سِيذِي: ”أَقَا ژْرِيغْ ڒْمحْنثْ [إِ ذِي إِدَّارْ] ڒْڭنْسْ إِنُو إِ إِدْجَانْ ذِي مِيصْرَا ؤُشَا سْڒِيغْ إِغُويَّانْ نْسنْ زَّاثْ إِ إِمْزيَّارنْ نْسنْ، أَقَا سّْنغْ ثَامَارَا نْسنْ.
EXO 3:8 هْوِيغْ-د حِيمَا أَذْ فكّغْ [ڒْْڭنْسْ] زڭْ إِفَاسّنْ ن إِمِيصْرِييّنْ، أَذْ ث سُّوفّْغغْ زِي ثمُّورْثْ نِّي غَارْ إِشْثْ ن ثمُّورْثْ ثصْبحْ ذ ثْمِيرِيوْثْ، غَارْ إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ، غَارْ ومْشَانْ ن أَيْثْ ن كنْعَانْ ذ إِحِيتِّييّنْ ذ إِمُورِييّنْ ذ إِفِيرِيزِييّنْ ذ إِحِيوِييّنْ ذ إِيِيبُوسِييّنْ.
EXO 3:9 خْزَارْ ڒخُّو، أَقَا ثِيوضْ-د غَارِي ثْغُويِّيثْ ن أَيْثْ ن إِسْرَائِيل ؤُشَا عَاوذْ ژْرِيغْ دّدْجْ نْسنْ إِ زِي ثنْ ذدْجنْ إِمِيصْرِييّنْ.
EXO 3:10 ڒخُّو [خنِّي]، رُوحْ، نشّْ أَذْ شكْ سّكّغْ غَارْ فِيرْعُونْ ؤُ شكْ أَذْ ثْسُوفّْغذْ ڒْڭنْسْ إِنُو، أَيْثْ ن إِسْرَائِيل، زِي مِيصْرَا.“
EXO 3:11 [خنِّي] إِنَّا مُوسَا إِ أَربِّي: ”مِينْ عْنِيغْ نشّْ أَڒَامِي غَا رَاحغْ غَارْ فِيرْعُونْ، أَذْ سُّوفّْغغْ أَيْثْ ن إِسْرَائِيل زِي مِيسْرَا؟“
EXO 3:12 نتَّا إِنَّا أَسْ: ”نشّْ أَذْ كِيكْ إِڒِيغْ ؤُ ثَانِيثَا أَذْ أَشْ ثِيڒِي ذ ڒعْڒَامثْ، بلِّي نشّْ سّكّغْ-د شكْ: خْ مِينِّي إِ غَا ثسُّوفّْغذْ ڒْڭنْسْ-أَ زِي مِيصْرَا، أَذْ ثْعبْذمْ أَربِّي خْ وذْرَارْ-أَ.“
EXO 3:13 [خنِّي] إِنَّا مُوسَا إِ أَربِّي: ”خْزَارْ، خْمِي د غَا أَوْضغْ نشّْ غَارْ أَيْثْ ن إِسْرَائِيل، أَذْ أَسنْ إِنِيغْ: ’أَربِّي ن ڒجْذُوذْ نْومْ إِسّكّْ أَيِي-د غَارْومْ!‘، [ؤُشَا] نِيثْنِي أَذْ أَيِي سّقْسَانْ: ’مَامّشْ ذ أَسْ قَّارنْ؟‘، مِينْ ذ أَسنْ غَا إِنِيغْ [خنِّي]؟“
EXO 3:14 إِنَّا أَربِّي إِ مُوسَا: ”نشّْ ذ نشّْ إِ دْجِيغْ“. ؤُشَا إِنَّا [عَاوذْ]: ”أَمُّو إِ غَا ثِينِيذْ إِ أَيْثْ ن إِسْرَائِيل: نشّْ ذ نشّْ إِ دْجِيغْ! أَقَا نتَّا ذ ونِّي ذ أَيِي د-إِسّكّنْ غَارْومْ.“
EXO 3:15 إِنَّا أَربِّي عَاوذْ إِ مُوسَا: ”أَمُّو إِ غَا ثِينِيذْ إِ أَيْثْ ن إِسْرَائِيل: ’سِيذِي، أَربِّي ن ڒجْذُوذْ نْومْ، أَربِّي ن إِبْرَاهِيمْ ذ أَربِّي ن إِسْحَاقْ ذ أَربِّي ن يَاعْقُوبْ، إِسّكّْ أَيِي-د غَارْومْ. ذ وَا ذ إِسمْ إِنُو إِ ڒبْذَا ؤُ [يِيسمْ] وَانِيثَا [أَذْ يِيڒِي] إِ ڒِيذَارثْ ذَايِي زِي جِّيڒْ أَڒْ جِّيڒْ.‘
EXO 3:16 رُوحْ، ثسّْمُونذْ إِمْغَارنْ ن إِسْرَائِيل، إِنِي أَسنْ: ’سِيذِي، أَربِّي ن ڒجْذُوذْ نْومْ، أَربِّي ن إِبْرَاهِيمْ ذ إِسْحَاقْ ذ يَاعْقُوبْ إِبَانْ أَيِي-د، إِنَّا: ’أَقَا خَاومْ حِينّغْ ؤُشَا [ژْرِيغْ] مِينْ خَاومْ سّعْذُونْ ذِي مِيصْرَا.
EXO 3:17 نِّيغْ: نشّْ أَذْ كنِّيوْ سُّوفّْغغْ زِي ڒْمحْنثْ ذِي مِيصْرَا غَارْ ثمُّورْثْ ن أَيْثْ ن كنْعَانْ ذ إِحِيتِّييّنْ ذ إِمُورِييّنْ ذ إِفِيرِيزِييّنْ ذ إِحِيوِييّنْ ذ إِيِيبُوسِييّنْ، غَارْ إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ.‘
EXO 3:18 أَذْ سْڒنْ إِ ثْمِيجَّا نّشْ، ؤُشَا أَذْ ثْرَاحذْ، شكْ ذ إِمْغَارنْ ن إِسْرَائِيل، غَارْ ؤُجدْجِيذْ ن مِيصْرَا، أَذْ أَسْ ثِينِيمْ: ’سِيذِي، أَربِّي ن إِعِيبْرَانِييّنْ، إِمْسَاڭَارْ أَكِيذْنغْ. خنِّي ڒخُّو، أجّْ أَنغْ أَذْ نطّفْ أَبْرِيذْ ثِيشْڒِي ن ثْڒَاثَا ن وُوسَّانْ ذِي ڒخْڒَا، حِيمَا أَذْ نْقدّمْ ثِيغَارْصَا إِ سِيذِي، أَربِّي نّغْ.‘
EXO 3:19 [مَاشَا] نشّْ سّْنغْ بلِّي أَجدْجِيذْ ن مِيصْرَا وَارْ كنِّيوْ إِتّجِّي أَذْ ثْرَاحمْ ؤُڒَا س ؤُفُوسْ إِجهْذنْ.
EXO 3:20 خنِّي أَذْ سّْوِيژّْضغْ أَفُوسْ إِنُو، أَذْ وْثغْ مِيصْرَا س مَارَّا لْمُوعْجِيزَاثْ إِنُو إِ ذَايسْ إِ غَا ڭّغْ ذِي ڒْوسْطْ نّسْ، ؤُشَا أَوَارْنِي إِ مَانْ أَيَا، نتَّا أَذْ كنِّيوْ يجّْ أَذْ ثْرَاحمْ.
EXO 3:21 أَذْ حِينّغْ خْ ڒْڭنْسْ-أَ زَّاثْ إِ ثِيطَّاوِينْ ن إِمِيصْرِييّنْ ؤُشَا أَذْ إِمْسَارْ، خْمِي غَا ثْرَاحمْ، وَارْ ثتّفّْغمْ شَا س إِفَاسّنْ خْوَانْ.
EXO 3:22 أَذْ ثتَّارْ كُوڒْ ثَامْغَارْثْ زِي ثَاجَّارْثْ نّسْ ؤُ زِي ثْبَارَّانِيثْ نِّي أَكِيذسْ إِزدّْغنْ ذِي ثَادَّارْثْ، ڒقْشُوعْ ن نُّوقَارْثْ ذ وُورغْ ذ وَارُّوضْ، ؤُشَا كنِّيوْ أَذْ ثنْ ثڭّمْ خْ إِحنْجِيرنْ ذ ثْحنْجِيرِينْ نْومْ، ؤُشَا [أَمُّو إِ] غَا ثْكشّْضمْ مِيصْرَا.“
EXO 4:1 [خنِّي] يَارَّا-د مُوسَا، إِنَّا: ”خْزَارْ، نِيثْنِي وَارْ ذَايِي تِّيمْننْ شَا ؤُشَا وَارْ تّسْڒِينْ شَا إِ وَاوَاڒْ إِنُو، مِينْزِي أَذْ إِنِينْ: ’سِيذِي وَارْ ذ أَشْ د-إِبَانْ شَا!‘ “
EXO 4:2 [خنِّي] إِنَّا أَسْ سِيذِي: ”مِينْ غَاركْ ذڭْ ؤُفُوسْ نّشْ؟“ ؤُشَا يَارَّا-د: ”ذ ثَاغَّارْشْثْ.“
EXO 4:3 إِنَّا: ”نْضَارْ إِ-ت خْ ثمُّورْثْ!“ إِنْضَارْ إِ-ت خْ ثمُّورْثْ، ثذْوڒْ ذ إِجّْ ؤُفِيغَارْ ؤُشَا يَارْوڒْ مُوسَا زَّايسْ.
EXO 4:4 [ڒخْذنِّي] إِنَّا سِيذِي إِ مُوسَا: ”سْوِيژّضْ أَفُوسْ نّشْ، طّفْ إِ-ت زڭْ ؤُنوَّارْ نّسْ ...“ - ؤُشَا إِسّْوِيژّضْ [مُوسَا] أَفُوسْ نّسْ، إِطّفْ إِ-ت ؤُشَا ثذْوڒْ [عَاوذْ] ذ ثَاغَّارْشْثْ ذڭْ ؤُفُوسْ نّسْ -
EXO 4:5 ”... حِيمَا أَذْ أَمْننْ بلِّي أَقَا إِبَانْ أَشْ-د سِيذِي، أَربِّي ن ڒجْذُوذْ نْسنْ، أَربِّي ن إِبْرَاهِيمْ، أَربِّي ن إِسْحَاقْ ذ أَربِّي ن يَاعْقُوبْ.“
EXO 4:6 إِنَّا أَسْ سِيذِي عَاوذْ: ”سِيذفْ أَفُوسْ نّشْ ذڭْ وحْسِينْ نّشْ.“ ؤُشَا إِسِّيذفْ أَفُوسْ نّسْ ذڭْ وحْسِينْ ؤُشَا ؤُمِي ث-إِ-د-إِكّسْ، خْزَارْ، أَفُوسْ نّسْ إِبَارْصْ أَمْ وذْفڒْ.
EXO 4:7 ؤُشَا إِنَّا: ”أَرّْ أَفُوسْ نّشْ [عَاوذْ] ذڭْ وحْسِينْ!“ يَارَّا أَفُوسْ نّسْ ذڭْ وحْسِينْ ؤُشَا إِعْقبْ إِسُّوفّغْ إِ-ث-إِ-د [عَاوذْ] زڭْ وحْسِينْ، ؤُشَا خْزَارْ، إِذْوڒْ [عَاوذْ] أَمْ [مِينْ إِقِّيمنْ ن] أَرِّيمثْ نّسْ.
EXO 4:8 ”مَاڒَا وَارْ زَّايكْ ؤُمِيننْ شَا ؤُ وَارْ غَاركْ د-تّسْڒِينْ إِ مِينْ ذ أَسنْ إِ غَا ثِينِي ڒعْڒَامثْ ثَامزْوَارُوثْ، [خنِّي] أَذْ أَمْننْ ذِي مِينْ ذ أَسنْ غَا ثِينِي ڒعْڒَامثْ ثَانڭَّارُوثْ.
EXO 4:9 مَاڒَا نِيثْنِي وَارْ ؤُمِيننْ شَا ذِي ثْنَاينْ ن ڒعْڒَامَاثْ-أَ ؤُ وَارْ ذ أَشْ سْڒِينْ شَا، خنِّي كْسِي أَمَانْ ن إِغْزَارْ ؤُشَا فَارّغْ إِ-ثنْ خْ ڒَاژَاغْ ؤُ أَمَانْ نِّي ثكْسِيذْ زڭْ إِغْزَارْ أَذْ ذوْڒنْ ذ إِذَامّنْ خْ ڒَاژَاغْ.“
EXO 4:10 [ڒخْذنِّي] إِنَّا مُوسَا إِ سِيذِي: ”أَ سِيذِي إِنُو!، نشّْ وَارْ [دْجِيغْ شَا] ذ أَرْيَازْ ن بُو-ثَاوَاڒِينْ، إِضنَّاضْ لَّا، [ؤُڒَا ذ] فَارِيضنَّاضْ لَّا ؤُ زڭْ وَامِي ثبْذِيذْ أَذْ ثسِّيوْڒذْ أَكْ-ذ ؤُمْسخَّارْ نّشْ لَّا، مِينْزِي نشّْ غَارِي أَقمُّومْ إِذقْڒنْ ذ إِڒسْ إِذقْڒنْ.“
EXO 4:11 إِنَّا أَسْ سِيذِي: ”وِي إِوْشِينْ أَقمُّومْ إِ بْنَاذمْ؟ نِيغْ وِي إِڭِّينْ حذْ ذ أَزِييْنُونْ نِيغْ ذ أَذهْشُورْ نِيغْ ذ ونِّي إِتّْوَاڒَانْ نِيغْ ذ أَذَارْغَاڒْ؟ مَا وَارْ [إِدْجِي] ذ نشّْ، سِيذِي؟
EXO 4:12 ڒخُّو، رُوحْ [ذِينْ]، أَذْ إِڒِيغْ أَكْ-ذ ؤُقمُّومْ نّشْ، أَذْ أَشْ سّشْنغْ مْلِيحْ مِينْ غَا ثِينِيذْ.“
EXO 4:13 [مَاشَا] نتَّا إِنَّا: ”أَ سِيذِي إِنُو، سكّْ س ؤُفُوسْ نّشْ [مَانْ ونْ إِ ثخْسذْ] أَذْ ثسّكّذْ.“
EXO 4:14 [ڒخْذنِّي] إِتّْوَاسَّارْغْ وغْضَابْ ن سِيذِي خْ مُوسَا، إِنَّا: ”مَا وَارْ إِدْجِي هَارُونْ، أَلَاوِي، ذ ؤُمَاشْ؟ نشّْ سّْنغْ، أَقَا نتَّا إِسّنْ أَذْ إِسِّيوڒْ. خْزَارْ، أَقَا أَذْ كِيشْ إِمْسَاڭَارْ ؤُ خْمِي شكْ غَا إِژَارْ، أَذْ إِفَارْحْ وُوڒْ نّسْ.
EXO 4:15 ؤُشَا شكْ أَذْ كِيسْ ثسِّيوْڒذْ، أَذْ أَسْ ثڭّذْ أَوَاڒنْ ذڭْ ؤُقمُّومْ [نّسْ]. ڭُّورْ أَذْ إِڒِيغْ أَكْ-ذ ؤُقمُّومْ نّشْ ذ ؤُقمُّومْ نّسْ، أَذْ أَومْ سّْغَارغْ مِينْ غَا ثِينِيمْ.
EXO 4:16 نتَّا أَذْ إِسِّيوڒْ أَكْ-ذ ڒْڭنْسْ ذڭْ ومْشَانْ نّشْ. أَذْ إِمْسَارْ أَمُّو: نتَّا أَذْ أَشْ يِيڒِي [أَمشْنَاوْ] أَقمُّومْ نّشْ ؤُ شكْ أَذْ ثِيڒِيذْ إِ نتَّا [أَمشْنَاوْ] أَربِّي.
EXO 4:17 أَذْ ثكْسِيذْ ثَاغَّارْشْثْ-أَ إِ زِي غَا ثڭّذْ ڒعْڒَامَاثْ ذڭْ ؤُفُوسْ نّشْ.“
EXO 4:18 إِرُوحْ مُوسَا ؤُشَا إِذْوڒْ غَارْ ؤُضڭّْوَاڒْ نّسْ يِيثْرُو، إِنَّا أَسْ: ”أجّْ أَيِي أَذْ رَاحغْ، أَذْعقْبغْ غَارْ أَيْثْمَا نِّي إِدْجَانْ ذِي مِيصْرَا، حِيمَا أَذْ ژَترغْ، مَا عَاذْ دَّارنْ.“ إِنَّا يِيثْرُو إِ مُوسَا: ”رُوحْ ذِي ڒهْنَا.“
EXO 4:19 إِنَّا سِيذِي عَاوذْ إِ مُوسَا ذِي مِيذْيَانْ: ”ڒُْوحْ، ثْذوْڒذْ غَارْ مِيصْرَا، مِينْزِي أَقَا مُّوثنْ مَارَّا إِنِّي ثُوغَا يَارزُّونْ ڒْموْثْ نّشْ.“
EXO 4:20 إِكْسِي مُوسَا ثَامْغَارْثْ نّسْ ذ إِحنْجِيرنْ نّسْ ؤُشَا إِسّنْيَا إِ-ثنْ خْ وغْيُوڒْ، إِذْوڒْ-د غَارْ ثمُّورْثْ ن مِيصْرَا ؤُشَا إِكْسِي مُوسَا ثَاغَّارْشْثْ ن أَربِّي ذڭْ ؤُفُوسْ نّسْ.
EXO 4:21 إِنَّا سِيذِي إِ مُوسَا: ”خْمِي غَا ثْرَاحذْ، أَذْ د-ثْذوْڒذْ عَاوذْ غَارْ مِيصْرَا، خْزَارْ أَذْ ثڭّذْ إِ فِيرْعُونْ مَارَّا لْمُوعْجِيزَاثْ نِّي ذ أَشْ ڭِّيغْ ذڭْ ؤُفُوسْ نّشْ. [مَاشَا] نشّْ أَذْ سّْقسْحغْ ؤُڒْ نّسْ، ڒَامِي وَارْ إِخْسْ أَذْ إِضْڒقْ إِ ڒْڭنْسْ.
EXO 4:22 [خنِّي] أَذْ ثِينِيذْ إِ فِيرْعُونْ: ’أَمُّو إِ إِقَّارْ سِيذِي: إِسْرَائِيل ذ مِّي ذ أَمنْزُو إِنُو.
EXO 4:23 أَقَا نِّيغْ أَشْ: أجّْ أَذْ إِفّغْ مِّي أَذْ أَيِي إِعْبذْ! [مَاشَا] شكْ ثُوڭِيذْ أَذْ ث ثجّذْ. خْزَارْ، نشّْ أَذْ نْغغْ مِّيشْ، أَمنْزُو نّشْ.‘ “
EXO 4:24 إِمْسَارْ ذڭْ وبْرِيذْ، ذڭْ إِجّْ ن ومْشَانْ مَانِي غَا سّنْسنْ، إِمّڒْقَا سِيذِي أَكِيذسْ ؤُ نتَّا ثُوغَا إِخْسْ أَذْ ث إِنغْ.
EXO 4:25 [ڒخْذنِّي] ثكْسِي صَافُّورَا إِشْثْ ن ثْخذْمشْثْ ن وژْرُو، ثخْثنْ ڒعْذَاڒْيثْ ن مِّيسْ ؤُشَا ثڒْقفْ أَسْ إِضَارنْ نّسْ، ثنَّا: ”س ثِيذتّْ شكْ [ثدْجِيذْ] أَمْ يِيجّْ ن يسْڒِي ن إِذَامّنْ إِ نشّْ“
EXO 4:26 إِجَّا إِ-ث خنِّي. ڒخْضنِّي ثنَّا: ”شكْ ذ إِسْڒِي ن إِذَامّنْ إِ ثدْجِيذْ!“، ذِي سِّيبّثْ ن إِخْثَاننْ.
EXO 4:27 إِنَّا سِيذِي إِ هَارُونْ: ”رُوحْ أَذْ ثڒْقِيذْ مُوسَا ذِي ڒخْڒَا!“ ؤُشَا إِرُوحْ، إِمْسَاڭَارْ أَكِيذسْ غَارْ وذْرَارْ ن أَربِّي، إِسُّوذمْ إِ-ث.
EXO 4:28 إِخبَّارْ مُوسَا هَارُونْ خْ مَارَّا أَوَاڒنْ [إِ ذ أَسْ إِنَّا] سِيذِي ونِّي إِ-ث-إِ-د-إِسّكّنْ ؤُڒَا خْ مَارَّا ڒعْڒَامَاثْ إِ ذ أَسْ يُومُورْ [أَذْ إِڭّْ].
EXO 4:29 [خنِّي] إِرُوحْ مُوسَا ذ هَارُونْ، سّْمُوننْ مَارَّا إِمْغَارنْ ن أَيْثْ ن إِسْرَائِيل،
EXO 4:30 ؤُشَا إِسِّيوڒْ هَارُونْ س مَارَّا أَوَاڒنْ إِ ثُوغَا إِنَّا سِيذِي إِ مُوسَا ؤُشَا إِڭَّا ڒعْڒَامَاثْ قِيبَاتْشْ إِ ثِيطَّاوِينْ ن ڒْڭنْسْ.
EXO 4:31 ؤُشَا يُومنْ زَّايْسنْ ڒْڭنْسْ، سْڒِينْ بلِّي سِيذِي إِزِّيدْجزْ أَسْ أَيْثْ ن إِسْرَائِيل ؤُمِي إِژْرَا ڒْمحْنثْ [إِ ذِي دْجَانْ]، ؤُضَارنْ ؤُشَا بنْذْقنْ [أَسْ].
EXO 5:1 أَوَارْنِي مَانْ أَيَا يُوذفْ مُوسَا ذ هَارُونْ غَارْ فِيرْعُونْ، نَّانْ أَسْ: ”أَمُّو إِ إِقَّارْ سِيذِي، أَربِّي ن إِسْرَائِيل: ’أجّْ أَذْ إِرَاحْ ڒْڭنْسْ إِنُو، حِيمَا أَذْ أَيِي إِعيّذْ ذِي ڒخْڒَا!‘ “
EXO 5:2 [مَاشَا] فِيرْعُونْ إِنَّا: ”مِينْ إِعْنَا سِيذِي ؤُمِي غَا سْڒغْ إِ وَاوَاڒْ نّسْ ؤُشَا أَذْ جّغْ إِسْرَائِيل أَذْ إِفّغْ. نشّْ وَارْ سِّينغْ سِيذِي ؤُ وَارْ تّجِّيغْ أَذْ إِرَاحْ إِسْرَائِيل.“
EXO 5:3 نِيثْنِي نَّانْ: ”أَربِّي ن إِعِيبْرَانِييّنْ إِمْسَاڭَارْ أَكِيذْنغْ، أجّْ أَنغْ خنِّي أَذْ نْرَاحْ ثِيشْڒِي ن ثْڒَاثَا ن وُوسَّانْ ذِي ڒخْڒَا، أَذْ نْقدّمْ ثَاغَارْصْثْ إِ سِيذِي، أَربِّي نّغْ، حِيمَا وَارْ ذ أَنغْ إِڒقّفْ س طَّاعُونْ نِيغْ س سِّيفْ.“
EXO 5:4 [ڒخْذنِّي] إِنَّا أَسنْ ؤُجدْجِيذْ ن مِيصْرَا: ”مَايمِّي، [أَ كنِّيوْ،] مُوسَا ذ هَارُونْ، ثسّْبدّمْ ڒْڭنْسْ خْ ڒْخذْمثْ نّسْ؟ رُوحمْ كنِّيوْ، ذوْڒمْ غَارْ دّْقُوڒَاثْ إِ خَاومْ إِدْجَانْ!“
EXO 5:5 إِنَّا فِيرْعُونْ: ”خْزَارْ، أَقَا ڒخُّو ڒْڭنْسْ ن ثمُّورْثْ ذ أَطَّاسْ ؤُ كنِّيوْ ثخْسمْ أَذْ ثنْ ثسّْبدّمْ خْ وَارْبَارْ ن دّْقُوڒَاثْ إِ خَاسنْ تّْوَاڭّنْثْ.“
EXO 5:6 يُومُورْ فِيرْعُونْ ذڭْ وَاسّْ نِّي إِ إِمْزيَّارنْ ن ڒْڭنْسْ ؤُ إِ إِوقَّافنْ نْسنْ، إِنَّا:
EXO 5:7 ”زِي سَّا ذ ثْسَاونْثْ وَارْ تِّيشمْ عَاذْ ڒُومْ إِ ڒْڭنْسْ مَاحنْذْ أَذْ زَّايسْ ڭّنْ لَّاجُورْ أَمْ يِيضنَّاضْ ذ فَارِيضنَّاضْ. جّمْ ثنْ أَذْ رَاحنْ نِيثْنِي، أَذْ يْرُونْ ڒُومْ إِ يِيخفْ نْسنْ.
EXO 5:8 ڒْقدّْ ن لَّاجُورْ إِ ڭِّينْ إِضنَّاضْ ذ فَارِيضنَّاضْ أَذْ خَاسنْ ث ثڭّمْ [عَاوذْ]، وَارْ زَّايسْ ثسّْنقِّيسمْ وَالُو، مِينْزِي نِيثْنِي ذ إِفِينْيَاننْ. خْ ؤُيَا سْغُويُّونْ [أَمُّو]، قَّارنْ: ’أجّْ أَنغْ أَذْ نْرَاحْ أَذْ نْقدّمْ ثَاغَارْصْثْ إِ أَربِّي نّغْ.‘
EXO 5:9 إِتّْخصَّا ڒْخذْمثْ أَذْ ثِيڒِي ثذْقڒْ خْ إِرْيَازنْ-أَ، حِيمَا أَذْ ذَايسْ ڒْهَانْ أَمُّو ؤُشَا وَارْ تِّيشنْ [عَاذْ] ثَايْنِيثْ إِ وَاوَاڒنْ إِخَارِّيقنْ.“
EXO 5:10 [ڒخْذنِّي] رُوحنْ إِمْزيَّارنْ ن ڒْڭنْسْ ذ إِوقَّافنْ نْسنْ [ڭّْوجنْ خْ فِيرْعُونْ] ؤُشَا سِّيوْڒنْ أَكْ-ذ ڒْڭنْسْ، نَّانْ: ”أَمُّو إِ إِقَّارْ فِيرْعُونْ: ’نشّْ وَارْ ذ أَومْ تِّيشغْ شَا عَاذْ ڒُومْ.‘
EXO 5:11 رُوحمْ كنِّيوْ أَذْ ثْيَارْومْ ڒُومْ مَانِي ث غَا ثَافمْ، مَاغَارْ وَارْ خَاومْ ثتّْوَاكّسْ وَالُو زِي ڒْخذْمثْ نْومْ.“
EXO 5:12 [ڒخْذنِّي] إِمْبزّعْ ڒْڭنْسْ خْ مَارَّا ثَامُّورْثْ ن مِيصْرَا، حِيمَا أَذْ يْرُونْ إِغدْجْ ذڭْ ومْشَانْ ن ؤُڒُومْ.
EXO 5:13 إِمْزيَّارنْ زِييَّارنْ خَاسنْ، نَّانْ: ”كمّْڒمْ ڒْخذْمثْ نْومْ، كُوڒْ أَسّْ مِينْ د-إِتَّاسنْ إِ كُوڒْ أَسّْ، أَمْ مَامّشْ ثُوغَا ذِينْ ڒخْذنِّي ڒُومْ.“
EXO 5:14 تّْوَافَارْشنْ إِوقَّافنْ ن أَيْثْ ن إِسْرَائِيل، إِنِّي خَاسنْ ڭِّينْ إِمْزيَّارنْ ن فِيرْعُونْ، نَّانْ [أَسنْ]: ”مَايمِّي وَارْ ثْكمّْڒمْ ثَاسْغَارْثْ نْومْ ن لَّاجُورْ أَمْ ڒبْذَا، إِضنَّاضْ لَّا ؤُ عَاوذْ أَسّْ-أَ لَّا؟“
EXO 5:15 [ڒخْذنِّي] ؤُسِينْ-د إِوقَّافنْ ن أَيْثْ ن إِسْرَائِيل، سْغُوينْ غَارْ فِيرْعُونْ، نَّانْ: ”مَايمِّي ثتّڭّذْ أَمُّو أَكْ-ذ إِسمْغَانْ نّشْ؟
EXO 5:16 وَارْ إِتّْموْشِي بُو ؤُڒُومْ إِ إِسمْغَانْ نّشْ، [وَاخَّا] قَّارنْ أَنغْ: ’ڭّمْ لَّاجُورْ!‘ ؤُ خْزَارْ، أَقَا إِسمْغَانْ نّشْ تّتّنْ أَعْمُوذْ، وَاخَّا ڒْعِيبْ أَقَا-ث ذِي ڒْڭنْسْ نّشْ!“
EXO 5:17 نتَّا يَارَّا-د: ”كنِّيوْ ذ إِفِينْيَاننْ، ذ إِفِينْيَاننْ [أَطَّاسْ]. خْ ؤُيَا ثقَّارمْ: ’جّمْ أَنغْ أَذْ نْرَاحْ مَاحنْذْ أَذْ نْقدّمْ ثَاغَارْصْثْ إِ سِيذِي.‘
EXO 5:18 رُوحمْ ڒخُّو أَذْ ثْخذْممْ. وَارْ ذ أَومْ تِّيشنْ عَاذْ [أَ]ڒُْومْ، [وَاخَّا] إِتّْخصَّا كنِّيوْ أَذْ ثقِّيممْ ثْسبّْڒمْ ڒعْبَارْ ن لَّاجُورْ!“
EXO 5:19 [ڒخْذنِّي] ژْرِينْ إِوقَّافنْ ن أَيْثْ ن إِسْرَائِيل، أَقَا-ثنْ حَاڒَا، مِينْزِي إِتّْوَانَّا: ”كنِّيوْ وَارْ سّْنقْصمْ وَالُو زِي لَّاجُورْ إِ د-إِتَّاسنْ إِ كُوڒْ أَسّْ.“
EXO 5:20 [ؤُمِي] د-فّْغنْ خْ فِيرْعُونْ، مّْصَاذَافنْ أَكْ-ذ مُوسَا ذ هَارُونْ، إِنِّي ثُوغَا ذِينْ إِبدّنْ حِيمَا أَذْ ثنْ رَاجَانْ.
EXO 5:21 نَّانْ أَسنْ: ”ذ سِيذِي، ذ ونِّي كنِّيوْ إِتّْوَاڒَانْ، ذ ونِّي خَاومْ إِ غَا إِحكْمنْ، مِينْزِي كنِّيوْ أَقَا ثسَّارْزْڭمْ أَنغْ غَارْ فِيرْعُونْ ذ إِمْسخَّارنْ نّسْ ؤُمِي ذ أَسنْ ثڭِّيمْ سِّيفْ ذڭْ إِفَاسّنْ نْسنْ مَاحنْذْ أَذْ أَنغْ نْغنْ.“
EXO 5:22 [ڒخْذنِّي] إِذْوڒْ مُوسَا غَارْ سِيذِي، إِنَّا: ”[أَ] سِيذِي إِنُو، مَايمِّي ثڭّذْ ڒْغَارْ ذِي ڒْڭنْسْ-أَ، مَايمِّي ذ أَيِي ثسّْقَاذذْ خنِّي؟
EXO 5:23 زڭْ وَامِي ؤُذْفغْ غَارْ فِيرْعُونْ حِيمَا أَذْ سِّيوْڒغْ س يِيسمْ نّشْ، إِذدْجْ [فِيرْعُونْ] ڒْڭنْسْ-أَ ؤُ شكْ قَاعْ وَارْ ثْفكِّيذْ شَا ڒْڭنْسْ نّشْ.“
EXO 6:1 [ڒخْذنِّي] إِنَّا سِيذِي إِ مُوسَا: ”ڒخُّو أَذْ ثْژَارذْ مِينْ غَا ڭّغْ إِ فِيرْعُونْ، مِينْزِي س ؤُفُوسْ إِجهْذنْ أَذْ ثنْ يجّْ أَذْ رَاحنْ، [وَاهْ،] س ؤُفُوسْ إِجهْذنْ أَذْ خَاسنْ يَاژّڒْ زِي ثمُّورْثْ نّسْ.“
EXO 6:2 إِسِّيوڒْ أَربِّي غَارْ مُوسَا، إِنَّا أَسْ: ”نشّْ ذ سِيذِي،
EXO 6:3 نشّْ بَانغْ-د إِ إِبْرَاهِيمْ، ذ إِسْحَاقْ ذ يَاعْقُوبْ أَمْ أَربِّي، أَمْزمَّارْ خْ كُوڒْشِي، [مَاشَا] س يِيسمْ إِنُو ’سِيذِي‘، ثُوغَا وَارْ غَارْسنْ تّْوَاسّْنغْ شَا.
EXO 6:4 عَاوذْ سّْڭعّْذغْ ڒْعَاهْذْ إِنُو أَكِيذْسنْ أَقَا أَذْ أَسنْ وْشغْ ثَامُّورْثْ ن كنْعَانْ، ثَامُّورْثْ ن ؤُنوْجِي نْسنْ مَانِي ثنْ ثُوغَا أَمْ يِيبَارَّانِييّنْ.
EXO 6:5 عَاوذْ نشّْ سْڒِيغْ أَنِيخْسسْ ن أَيْثْ ن إِسْرَائِيل، إِنِّي إِتّْوَاڭّنْ ذ إِسمْغَانْ زڭْ إِمِيصْرِييّنْ، أَقَا خَارّْصغْ ذِي ڒْعَاهْذْ إِنُو.
EXO 6:6 س ؤُيَا أَذْ ثِينِيذْ إِ أَيْثْ ن إِسْرَائِيل: نشّْ أَقَا أَيِي ذ سِيذِي ؤُ نشّْ أَذْ كنِّيوْ سُّوفّْغغْ زِي سَاذُو زَايْڒُو ن إِمِيصْرِييّنْ. نشّْ أَذْ كنِّيوْ فكّغْ زِي ثسْمُوغِي نْسنْ، أَذْ كنِّيوْ فْذِيغْ س ؤُغِيڒْ إِسّْوِيژّْضنْ ذ ڒحْكَامَاثْ إِمْغَارنْ.
EXO 6:7 أَذْ كنِّيوْ قبْڒغْ ذ ڒْڭنْسْ إِنُو ؤُشَا أَذْ أَومْ إِڒِيغْ ذ أَربِّي ؤُ كنِّيوْ أَذْ ثسّْنمْ بلِّي نشّْ ذ سِيذِي، أَربِّي نْومْ، ذ ونِّي ثُوغَا كنِّيوْ إِسُّوفُّوغنْ زِي سَاذُو زَايْڒُو ن إِمِيصْرِييّنْ.
EXO 6:8 أَذْ كنِّيوْ سِّيذْفغْ غَارْ ثمُّورْثْ مِيخفْ سّْڭعّْذغْ أَفُوسْ إِنُو مَاحنْذْ أَذْ ت وْشغْ إِ إِبْرَاهِيمْ ذ إِسْحَاقْ ذ يَاعْقُوبْ ؤُ نشّْ أَذْ أَومْ ت وْشغْ ذ ڒْوَارْثْ، نشّْ ذ سِيذِي!“
EXO 6:9 أَمُّو إِ إِسِّيوڒْ مُوسَا أَكْ-ذ أَيْثْ ن إِسْرَائِيل، مَاشَا نِيثْنِي وَارْ سْڒِينْ شَا غَارْ مُوسَا زِي سِّيبّثْ ن ڒحْصَارثْ ن ثْنفْسشْثْ ذ ثَاسْمُوغِي إِقسْحنْ.
EXO 6:10 ؤُشَا إِسِّيوڒْ سِيذِي أَكْ-ذ مُوسَا، إِنَّا:
EXO 6:11 ”أَذفْ غَارْ فِيرْعُونْ، أَجدْجِيذْ ن مِيصْرَا، ثِينِيذْ أَسْ أَذْ إِضْڒقْ إِ أَيْثْ ن إِسْرَائِيل مَاحنْذْ أَذْ فّْغنْ زِي ثمُّورْثْ نّسْ.“
EXO 6:12 [مَاشَا] مُوسَا إِسِّيوڒْ زَّاثْ إِ سِيذِي، إِنَّا: ”خْزَارْ، أَيْثْ ن إِسْرَائِيل وَارْ غَارِي د-سْڒِينْ، مَامّشْ إِ ذ أَيِي غَا إِسڒْ فِيرْعُونْ ؤُ نشّْ [أَقَا] غَارِي إِينْشِيشنْ وَارْ إِتّْوَاخثْننْ.“
EXO 6:13 [ڒخْذنِّي] إِسِّيوڒْ سِيذِي غَارْ مُوسَا ذ هَارُونْ ؤُشَا يُومُورْ إِ-ثنْ أَذْ ؤُيُورنْ غَارْ أَيْثْ ن إِسْرَائِيل ذ فِيرْعُونْ، أَجدْجِيذْ ن مِيصْرَا، حِيمَا أَذْ إِسُّوفّغْ أَيْثْ ن إِسْرَائِيل زِي ثمُّورْثْ ن مِيصْرَا.
EXO 6:14 إِنَا ذ إِزدْجِيفنْ خْ ڒَادْجَاثْ زِي ثُوذْرِينْ ن إِبَابَاثنْ نْسنْ. أَيْثْ ن رُوبِينْ، أَمنْزُو ن إِسْرَائِيل، [نِيثْنِي ذ] هَانُوكْ ذ فَالُّو، حَاصْرُونْ ذ كَارْمِي. ذ يِينَا ذ ڒَادْجَاثْ ن رُوبِينْ.
EXO 6:15 أَيْثْ ن شِيمْعُونْ ثُوغَا أَثنْ ذ يَامُويِيلْ ذ يَامِينْ ذ ؤُهَاذْ ذ يَاكِينْ ذ صُوحَارْ ذ شَاوُولْ، مِّي ن إِشْثْ ن ثمْغَارْثْ ثَاكنْعَانِيثْ. إِنَا ذ ڒَادْجَاثْ ن شِيمْعُونْ.
EXO 6:16 إِنَا ذ إِسْمَاونْ ن أَيْثْ ن لَاوِي عْلَاحْسَابْ أَستّفْ ن وخْڒَاقْ نْسنْ: جَارْشُومْ ذ قَاهَاثْ ذ مَارَارِي. ثُوغَا [ڒْْمِيجَاڒْ ن] ثُوذَارْثْ ن لَاوِي مْيَا ؤُ-سبْعَا ؤُ-ثْڒَاثِينْ ن إِسڭّْوُوسَا.
EXO 6:17 أَيْثْ ن جَارْشُومْ ثُوغَا أَثنْ ذ لِيبْنَا ذ شِيمْعِي عْلَاحْسَابْ ڒَادْجَاثْ نْسنْ.
EXO 6:18 أَيْثْ ن قَاهَاثْ ثُوغَا أَثنْ ذ عَامْرَامْ ذ يِيصْهَارْ ذ حَابْرُونْ ذ عُوزِّييِيلْ. ثُوغَا [ڒْْمِيجَاڒْ ن] ثُوذَارْثْ ن قَاهَاثْ مْيَا ؤُ-ثْڒَاثَا ؤُ-ثْڒَاثِينْ ن إِسڭّْوُوسَا.
EXO 6:19 أَيْثْ ن مَارَارِي ثُوغَا أَثنْ ذ مَاحْلِي ذ مُوشِي. إِنَا ذ ڒَادْجَاثْ ن لَاوِي عْلَاحْسَابْ [أَستّفْ ن] وخْڒَاقْ نْسنْ.
EXO 6:20 ؤُشَا عَامْرَامْ إِكْسِي يُوكَابَاذْ،عنْثِيسْ، ذ ثَامْغَارْثْ إِ يِيخفْ نّسْ ؤُ نتَّاثْ ثُورُووْ أَسْ-د هَارُونْ ذ مُوسَا. ثُوغَا [ڒْْمِيجَاڒْ] ن ثُوذَارْثْ ن عَامْرَامْ مْيَا ؤُ-سبْعَا ؤُ-ثْڒَاثِينْ ن إِسڭّْوُوسَا.
EXO 6:21 أَيْثْ ن يِيصْهَارْ ثُوغَا أَثنْ ذ قُورَاحْ ذ نَافَاجْ ذ ذِيكْرِي.
EXO 6:22 أَيْثْ ن عُوزِّييِيلْ ثُوغَا أَثنْ ذ مِيشَايِيلْ ذ أَلْصَافَانْ ذ سِيثْرِي.
EXO 6:23 ؤُشَا إِكْسِي هَارُونْ إِلِيشَابَاعْ، يدْجِيسْ ن عَامِّينَاذَابْ، ؤُتْشْمَاسْ ن نَاحْشُونْ، ذ ثَامْغَارْثْ إِ يِيخفْ نّسْ ؤُ نتَّاثْ ثُورُووْ أَسْ-د نَاذَابْ ذ أَبِيهُو ذ أَلِيعَازَارْ ذ إِثَامَارْ.
EXO 6:24 أَيْثْ ن قُورَاحْ [ثُوغَا أَثنْ ذ] أَسِّيرْ ذ أَلْقَانَا ذ أَبِييَاسَافْ. إِنَا ذ ڒَادْجَاثْ ن إِقُورَاحِييّنْ.
EXO 6:25 ؤُشَا أَلِيعَازَارْ، مِّيسْ ن هَارُونْ، إِكْسِي إِشْثنْ زڭْ يسِّيسْ ن فُوثِييِيلْ ذ ثَامْغَارْثْ إِ يِيخفْ نّسْ ؤُشَا نتَّاثْ ثُورُووْ أَسْ-د فِينَاحَاسْ. إِنَا ذ إِزدْجِيفنْ [ن ثُوذْرِينْ] ن إِبَابَاثنْ ن إِلَاوِييّنْ عْلَاحْسَابْ ڒَادْجَاثْ نْسنْ.
EXO 6:26 أَقَا وَا ذ هَارُونْ ذ مُوسَا إِ ؤُمِي إِنَّا سِيذِي: ”سُوفّْغمْ أَيْثْ ن إِسْرَائِيل زِي ثمُّورْثْ ن مِيصْرَا [أَمْ تّْوَاستّْفنْ نِيثْنِي] عْلَاحْسَابْ إِسذِّييّنْ ن ڒْعسْكَارْ نْسنْ.“
EXO 6:27 إِنَا ذ إِنِّي إِسِّيوْڒنْ أَكْ-ذ فِيرْعُونْ، أَجدْجِيذْ ن مِيصْرَا، حِيمَا أَذْ سُّوفّْغنْ أَيْثْ ن إِسْرَائِيل زِي مِيصْرَا، مُوسَا ذ هَارُونْ، [نِيثْنِي] ذ إِنَا.
EXO 6:28 إِمْسَارْ ذڭْ وَاسّْ إِ إِسِّيوڒْ سِيذِي أَكْ-ذ مُوسَا ذِي ثمُّورْثْ ن مِيصْرَا،
EXO 6:29 أَقَا إِسِّيوڒْ سِيذِي أَكْ-ذ مُوسَا، إِنَّا: ”نشّْ ذ سِيذِي إِ دْجِيغْ! مَارَّا مِينْ ذ أَشْ قَّارغْ، إِنِي ث إِ فِيرْعُونْ، أَجدْجِيذْ ن مِيصْرَا.“
EXO 6:30 [خنِّي] إِنَّا مُوسَا زَّاثْ إِ سِيذِي: ”أَقَا غَارِي نشّْ إِينْشِيشنْ وَارْ إِتّْوَاخثْننْ، مَامّشْ غَا يڭّْ [خنِّي] أَذْ غَارِي إِسدْجْ فِيرْعُونْ؟“
EXO 7:1 إِنَّا سِيذِي إِ مُوسَا: ”خْزَارْ، نشّْ أَقَا ڭِّيغْ شكْ ذ أَربِّي إِ فِيرْعُونْ ذ ؤُمَاشْ هَارُونْ أَذْ أَشْ يِيڒِي ذ أَنَابِي إِ شكْ.
EXO 7:2 شكْ أَذْ ثِينِيذْ مَارَّا مِينْ زِي شكْ غَا ؤُمُورغْ ؤُشَا هَارُونْ، ؤُمَاشْ، أَذْ إِسِّيوڒْ أَكْ-ذ فِيرْعُونْ، حِيمَا أَذْ يجّْ أَذْ فّْغنْ أَيْثْ ن إِسْرَائِيل زِي ثمُّورْثْ نّسْ.
EXO 7:3 [مَاشَا] نشّْ أَذْ سّْقسْحغْ ؤُڒْ ن فِيرْعُونْ ؤُشَا أَذْ كتَّارغْ ڒعْڒَامَاثْ ذ لْمُوعْجِيزَاثْ إِنُو ذِي ثمُّورْثْ ن مِيصْرَا.
EXO 7:4 [مَاشَا] فِيرْعُونْ وَارْ غَارْومْ-د إِسّْحسِّي ؤُ نشّْ أَذْ ڭّغْ أَفُوسْ إِنُو خْ مِيصْرَا ؤُشَا أَذْ سُّوفّْغغْ ڒْعسْكَارَاثْ إِنُو، ڒْڭنْسْ إِنُو، أَيْثْ ن إِسْرَائِيل، زِي ثمُّورْثْ ن مِيصْرَا س ڒحْكَامَاثْ إِمْغَارنْ.
EXO 7:5 [ڒخْذنِّي] أَذْ سّْننْ إِمِيصْرِييّنْ بلِّي نشّْ ذ سِيذِي إِ دْجِيغْ خْمِي غَا سّْوِيژّْضغْ أَفُوسْ إِنُو خْ مِيصْرَا ؤُشَا أَذْ سُّوفّْغغْ أَيْثْ ن إِسْرَائِيل زِي ڒْوسْطْ نْسنْ.“
EXO 7:6 ؤُشَا ڭِّينْ مُوسَا ذ هَارُونْ أَمْ مَامّشْ ثنْ يُومُورْ سِيذِي، [وَاهْ،] أَمنِّي إِ ڭِّينْ.
EXO 7:7 ثُوغَا مُوسَا ذ إِجّْ ن بْنَاذمْ ن ثْمنْيِينْ ن إِسڭّْوُوسَا ؤُ ثُوغَا هَارُونْ [ذ إِجّْ ن بْنَاذمْ] ن ثْڒَاثَا ؤُ-ثْمنْيِينْ ن إِسڭّْوُوسَا، ڒَامِي سِّيوْڒنْ أَكْ-ذ فِيرْعُونْ.
EXO 7:8 ؤُشَا إِسِّيوڒْ سِيذِي أَكْ-ذ مُوسَا ذ هَارُونْ، إِنَّا:
EXO 7:9 ”مَاڒَا إِسِّيوڒْ أَكِيذْومْ فِيرْعُونْ، أَذْ يِينِي: ’سشْنمْ، أَقَا كنِّيوْ ثْزمَّارمْ أَذْ ثڭّمْ إِشْثْ ن لْمُوعْجِيزَا!‘، خنِّي أَذْ ثِينِيذْ إِ هَارُونْ: ’طّفْ ثَاغَّارْشْثْ نّشْ ؤُشَا نْضَارْ إِ-ت زَّاثْ إِ فِيرْعُونْ!‘، [خنِّي] أَذْ ثذْوڒْ ذ إِشْثْ ن ڒْهَايْشثْ.“
EXO 7:10 ؤُذْفنْ [خنِّي] مُوسَا ذ هَارُونْ غَارْ فِيرْعُونْ ؤُشَا ڭِّينْ مَامّشْ [إِ ذ أَسنْ] يُومُورْ سِيذِي. إِنْضَارْ هَارُونْ ثَاغَّارْشْثْ نّسْ زَّاثْ إِ فِيرْعُونْ ذ إِمْسخَّارنْ نّسْ ؤُشَا ثذْوڒْ ذ إِشْثْ ن ڒْهَايْشثْ.
EXO 7:11 [ڒخْذنِّي] إِڒَاغَا-د عَاوذْ فِيرْعُونْ خْ إِمِيغِيسنْ ذ إِسحَّارنْ، ؤُشَا ثَارْوَا ن ثْسحَّارْثْ ن مِيصْرَا ڭِّينْ عَاوذْ أَمنِّي س ثْمڭَّا نْسنْ ن سْوَادَّايْ سْوَادَّايْ ذ إِشْثْ.
EXO 7:12 إِنْضَارْ كُوڒْ إِجّنْ ثَاغَّارْشْثْ نّسْ ؤُشَا ذوْڒنْثْ [ثِيغَّارْينْ نِّي] ذ ڒْهَايْشَاثْ. [مَاشَا] ثَاغَّارْشْثْ ن هَارُونْ ثْسَارْضْ ثِيغَّارْينْ نْسنْ.
EXO 7:13 ؤُڒْ ن فِيرْعُونْ إِذْوڒْ إِقْسحْ ؤُشَا وَارْ غَارْسنْ إِسْڒِي شَا، أَمْ مَامّشْ ثُوغَا إِ ذ أَسنْ إِنَّا سِيذِي [قْبڒْ].
EXO 7:14 [ڒخْذنِّي] إِنَّا سِيذِي إِ مُوسَا: ”ؤُڒْ ن فِيرْعُونْ إِذْوڒْ إِقْسحْ. وَارْ إِخْسْ أَذْ يجّْ أَذْ إِفّغْ ڒْڭنْسْ.
EXO 7:15 رُوحْ ثِيوشَّا غَارْ صّْبحْ غَارْ فِيرْعُونْ. خْزَارْ، نتَّا أَذْ إِفّغْ غَارْ وَامَانْ. شكْ رَاجَا ذِينْ غَارْ ثْمَا ن يِيغْزَارْ ؤُشَا كْسِي-د ثَاغَّارْشْثْ نِّي إِذوْڒنْ ذ أَفِيغَارْ ذڭْ ؤُفُوسْ نّشْ.
EXO 7:16 أَذْ أَسْ ثِينِيذْ: ’سِيذِي، أَربِّي ن إِعِيبْرَانِييّنْ إِسّكّْ أَيِي-د غَاركْ، إِنَّا: أجّْ أَذْ إِرَاحْ ڒْڭنْسْ إِنُو، حِيمَا أَذْ أَيِي إِعْبذْ ذِي ڒخْڒَا! خْزَارْ، أَڒْ ڒخُّو وَارْ ثخْسذْ أَذْ ثْسدْجذْ.
EXO 7:17 أَمُّو إِ إِقَّارْ سِيذِي: ’س مَانْ أَيَا أَذْ ثسّْنذْ بلِّي نشّْ ذ سِيذِي!‘ خْزَارْ، نشّْ أَذْ وْثغْ أَمَانْ إِ إِدْجَانْ ذڭْ إِغْزَارْ س ثغَّارْشْثْ إِ غَارِي ذڭْ ؤُفُوسْ إِنُو ؤُشَا أَذْ ذوْڒنْ ذ إِذَامّنْ.
EXO 7:18 إِسڒْمَانْ إِ إِدْجَانْ ذڭْ إِغْزَارْ أَذْ مّْثنْ [أَڒْ غَا] يُورْصُوضْ إِغْزَارْ [ن نِيلْ]، أَذْ عِيفّنْ إِمِيصْرِييّنْ أَذْ سْونْ أَمَانْ ن إِغْزَارْ [ن نِيلْ].‘ “
EXO 7:19 إِنَّا سِيذِي [عَاوذْ] إِ مُوسَا: ”إِنِي إِ هَارُونْ: ’كْسِي ثَاغَّارْشْثْ نّشْ، سْوِيژّضْ أَفُوسْ نّشْ خْ وَامَانْ ن مِيصْرَا، خْ إِغزْرَانْ نْسنْ، خْ ثْغزْرَاثِينْ نْسنْ، خْ إِيڒْمَامنْ نْسنْ خْ مَارَّا إِمُوشَانْ مَانِيسْ تّْمُونَانْ وَامَانْ ؤُشَا أَذْ ذوْڒنْ ذ إِذَامّنْ. أَذْ ذوْڒنْ ذ إِذَامّنْ خْ مَارَّا ثَامُّورْثْ ن مِيصْرَا، [ؤُڒَا] ذِي [ڒقْشُوعْ] ن ؤُكشُّوضْ ذ وژْرُو.‘ “
EXO 7:20 مُوسَا ذ هَارُونْ ڭِّينْ أَمْ مَامّشْ [إِ ذ أَسنْ] يُومُورْ سِيذِي. إِسّْڭعّذْ هَارُونْ ثَاغَّارْشْثْ، إِوْثَا أَمَانْ نِّي ثُوغَا ذڭْ إِغْزَارْ قِيبَاتْشْ إِ ثِيطَّاوِينْ ن فِيرْعُونْ ذ إِمْسخَّارنْ نّسْ ؤُشَا مَارَّا أَمَانْ نِّي ثُوغَا ذڭْ إِغْزَارْ ذوْڒنْ ذ إِذَامّنْ.
EXO 7:21 مُّوثنْ إِسڒْمَانْ إِنِّي ثُوغَا ذڭْ إِغْزَارْ ؤُشَا يُورْصُوضْ يغْزَارْ أَڒَامِي ذوْڒنْ إِمِيصْرِييّنْ وَارْ زمَّارنْ أَذْ زَّايسْ سْونْ أَمَانْ ؤُشَا ذوْڒنْ [وَامَانْ] ذ إِذَامّنْ ذِي مَارَّا ثَامُّورْثْ ن مِيصْرَا.
EXO 7:22 [مَاشَا] ثَارْوَا ن ثْسحَّارْثْ ن مِيصْرَا ڭِّينْ أَمنِّي س ثْمڭَّا نْسنْ ن سْوَادَّايْ سْوَادَّايْ [أَڒَامِي] ؤُڒْ ن فِيرْعُونْ إِذْوڒْ إِقْسحْ، ؤُ نتَّا وَارْ غَارْسنْ إِسّْحسّْ شَا، أَمْ مَامّشْ ذ أَسنْ ثُوغَا إِنَّا سِيذِي.
EXO 7:23 إِنّقْڒبْ فِيرْعُونْ ؤُشَا يُوذفْ غَارْ ثَادَّارْثْ نّسْ ؤُشَا وَارْ إِڭِّي ؤُڒْ نّسْ عَاذْ ذِي مَانْ أَيَا.
EXO 7:24 مَارَّا إِمِيصْرِييّنْ غْزَانْ خْ ثْمَا ن إِغْزَارْ [ن نِيلْ] مَاحنْذْ أَذْ أَفنْ أَمَانْ ن ثسِّيثْ، مِينْزِي وَارْ زمَّارنْ أَذْ سْونْ أَمَانْ ن إِغْزَارْ [ن نِيلْ].
EXO 7:25 [أَمُّو إِ] عْذُونْ سبْعَا ؤُسَّانْ أَوَارْنِي ڒَامِي إِوْثَا سِيذِي إِغْزَارْ [ن نِيلْ].
EXO 7:26 [خنِّي] إِنَّا سِيذِي إِ مُوسَا: ”أَذفْ غَارْ فِيرْعُونْ، إِنِي أَسْ: ’أَمُّو إِ إِقَّارْ سِيذِي: أجّْ أَذْ إِفّغْ ڒْڭنْسْ إِنُو حِيمَا أَذْ أَيِي إِعْبذْ.
EXO 7:27 مَاڒَا ثُوڭِيذْ أَذْ [ثنْ] ثجّذْ أَذْ رَاحنْ، أَقَا أَذْ وْثغْ مَارَّا ثَامُّورْثْ نّشْ س إِقَارْقْرِيونْ
EXO 7:28 ؤُشَا إِغْزَارْ [ن نِيلْ] أَذْ د-إِسفِّييْ خْ إِقَارْقْرِيونْ، أَذْ [زَّايسْ-د] ڭعّْذنْ، أَذْ أَذْفنْ غَارْ ثَادَّارْثْ نّشْ ؤُ غَارْ وخَّامْ نّشْ ن يِيضصْ، [أَذْ د-أَسنْ] خْ قَامَا نّشْ ؤُڒَا ذِي ثَادَّارْثْ ن إِمْسخَّارنْ نّشْ ؤُ جَارْ ڒْڭنْسْ نّشْ، ؤُ [عَاذْ] ذڭْ إِفَارَّاننْ نّشْ ؤُ ذِي ثْبقْيِينْ نّشْ.
EXO 7:29 أَذْ خَاكْ د-ڭعّْذنْ إِقَارْقْرِيونْ ؤُڒَا خْ ڒْڭنْسْ نّشْ ؤُ خْ مَارَّا إِمْسخَّارنْ نّشْ.‘ “
EXO 8:1 إِنَّا سِيذِي [عَاوذْ] إِ مُوسَا: ”إِنِي إِ هَارُونْ: ’سْوِيژّضْ أَفُوسْ نّشْ س ثغَّارْشْثْ نّشْ خْ إِغزْرَانْ، خْ ثْغزْرَاثِينْ ؤُڒَا خْ إِيڒْمَامنْ، سْڭعّذْ إِقَارْقْرِيونْ خْ ثمُّورْثْ ن مِيصْرَا.‘ “
EXO 8:2 ؤُشَا إِسّْوِيژّضْ هَارُونْ أَفُوسْ نّسْ خْ وَامَانْ ن مِيصْرَا ؤُشَا ڭعّْذنْ-د إِقَارْقْرِيونْ ؤُشَا ذْڒِينْ ثَامُّورْثْ ن مِيصْرَا.
EXO 8:3 ؤُشَا ؤُڒَا ذ ثَارْوَا ن ثْسحَّارْثْ ڭِّينْ أَمنِّي س ثْمڭَّا نْسنْ ن سْوَادَّايْ سْوَادَّايْ ذ إِشْثْ، ؤُشَا سّْڭعّْذنْ-د [عَاوذْ] إِقَارْقْرِيونْ خْ ثمُّورْثْ ن مِيصْرَا.
EXO 8:4 إِڒَاغَا-د فِيرْعُونْ خْ مُوسَا ذ هَارُونْ، إِنَّا أَسنْ: ”ژَتدْجمْ س ڒَادْجَاغْ إِ سِيذِي حِيمَا أَذْ خَافِي إِكْسِي إِقَارْقْرِيونْ ؤُ خْ ڒْڭنْسْ إِنُو، ؤُشَا خنِّي أَذْ جّغْ أَذْ إِفّغْ ڒْڭنْسْ، مَاحنْذْ أَذْ قدّْمنْ ثِيغَارْصَا إِ سِيذِي.“
EXO 8:5 إِنَّا مُوسَا إِ فِيرْعُونْ: ”طّفْ خَافِي ڒْحُورْمثْ مڒْمِي ذ أَيِي غَا ثِينِيذْ أَذْ خَاكْ ژَّادْجغْ ؤُ خْ إِمْسخَّارنْ نّشْ ؤُ خْ ڒْڭنْسْ نّشْ، مَاحنْذْ أَذْ خَاكْ قضْعغْ إِقَارْقْرِيونْ ؤُ خْ ثُوذْرِينْ نّشْ، أَذْ قِّيمنْ ذڭْ إِغْزَارْ وَاهَا.“
EXO 8:6 يَارَّا-د خَاسْ: ”ثِيوشَّا!“ إِنَّا [مُوسَا]: ”أَذْ يِيڒِي أَمْ مَامّشْ ثنِّيذْ حِيمَا أَذْ ثسّْنذْ بلِّي وَارْ [ذِينْ] إِدْجِي حذْ أَمْ سِيذِي، أَربِّي نّغْ.
EXO 8:7 ؤُشَا إِقَارْقْرِيونْ أَذْ مّكْسِينْ خَاكْ ؤُ خْ ثُوذْرِينْ نّشْ ؤُڒَا خْ إِمْسخَّارنْ نّشْ ؤُ خْ ڒْڭنْسْ نّشْ، أَذْ قِّيمنْ ذڭْ إِغْزَارْ وَاهَا.“
EXO 8:8 [ڒخْذنِّي] إِفّغْ مُوسَا ذ هَارُونْ خْ فِيرْعُونْ ؤُشَا إِڒَاغَا مُوسَا إِ سِيذِي ذِي سِّيبّثْ [ن جّْرِيحشْثْ] ن إِقَارْقْرِيونْ نِّي ثُوغَا إِڭَّا خْ فِيرْعُونْ.
EXO 8:9 ؤُشَا إِڭَّا سِيذِي أَمْ مَامّشْ د-إِتَّاسْ أَكْ-ذ وَاوَاڒْ ن مُوسَا ؤُشَا مُّوثنْ إِقَارْقْرِيونْ [ؤُشَا ودَّارنْ] زِي ثُوذْرِينْ، زِي ڒمْرَاحَاثْ ؤُ زڭْ إِيَّارنْ.
EXO 8:10 ؤُشَا سّْمُوننْ ثنْ ذ إِعُورَّاشْ ؤُشَا ثُورْصُوضْ [زَّايْسنْ] ثمُّورْثْ.
EXO 8:11 [ڒَْامِي] إِژْرَا فِيرْعُونْ بلِّي أَقَا بْنَاذمْ إِزمَّارْ أَذْ يَارّْ نّفْسْ، إِسّقْسحْ ؤُڒْ نّسْ ؤُشَا وَارْ غَارْسنْ إِسّْحسّْ، أَمْ مَامّشْ ثُوغَا إِنَّا سِيذِي.
EXO 8:12 [ڒخْذنِّي] إِنَّا سِيذِي إِ مُوسَا: ”إِنِي إِ هَارُونْ: ’سْوِيژّضْ ثَاغَّارْشْثْ نّشْ، ثوْثذْ [زَّايسْ] أَشَاڒْ ن ثمُّورْثْ. [خنِّي] أَذْ إِذْوڒْ ذ نَّامُوسْ خْ مَارَّا ثَامُّورْثْ ن مِيصْرَا.‘ “
EXO 8:13 ؤُشَا أَمُّو إِ ڭِّينْ نِيثْنِي. إِسّْوِيژّضْ هَارُونْ أَفُوسْ نّسْ س ثغَّارْشْثْ نّسْ إِ ذَايسْ، إِوْثَا أَشَاڒْ ن ثمُّورْثْ. ؤُشَا يُوسَا-د نَّامُوسْ أَمْ خْ إِوْذَانْ أَمْ خْ ڒْمَاڒْ. مَارَّا أَشَاڒْ ن ثمُّورْثْ إِذْوڒْ ذ نَّامُوسْ ذِي مَارَّا ثَامُّورْثْ ن مِيصْرَا.
EXO 8:14 ثَارْوَا ن ثْسحَّارْثْ ڭِّينْ ثِيزمَّارْ نْسنْ أَمنِّي [عَاوذْ] س ثْمڭَّا نْسنْ ن سْوَادَّايْ سْوَادَّايْ، مَاحنْذْ أَذْ سُّوفّْغنْ نَّامُوسْ، مَاشَا وَارْ زمَّارنْ. ؤُشَا ثُوغَا نَّامُوسْ خْ إِوْذَانْ ذ ڒْمَاڒْ.
EXO 8:15 [ڒخْذنِّي] نَّانْ ثَارْوَا ن ثْسحَّارْثْ إِ فِيرْعُونْ: ”مَانْ أَيَا ذ أَضَاضْ ن أَربِّي!“ [مَاشَا] إِسّقْسحْ ؤُڒْ ن فِيرْعُونْ ؤُشَا وَارْ د غَارْسنْ إِسدْجْ شَا، أَمْ مَامّشْ ثُوغَا إِنَّا سِيذِي.
EXO 8:16 ؤُشَا إِنَّا سِيذِي إِ مُوسَا: ”ثِيوشَّا كَّارْ زِيشْ، أَذْ ثْبدّذْ زَّاثْ إِ فِيرْعُونْ. خْزَارْ، نتَّا أَذْ إِفّغْ غَارْ ثْمَا ن وَامَانْ، أَذْ أَسْ ثِينِيذْ: ’أَمُّو إِ إِقَّارْ سِيذِي: أجّْ أَذْ إِرَاحْ ڒْڭنْسْ إِنُو، حِيمَا أَذْ أَيِي إِعْبذْ!
EXO 8:17 مِينْزِي مَاڒَا وَارْ ثجِّيذْ ڒْڭنْسْ إِنُو أَذْ إِرَاحْ، خْزَارْ، نشّْ أَذْ خَاكْ سّكّغْ إِيْڒَافنْ ن إِبعَّاشْ، خْ إِمْسخَّارنْ نّشْ، خْ ڒْڭنْسْ نّشْ، خْ ثُوذْرِينْ نّشْ، أَڒْ غَا تّْوَاشُّورنْثْ ثُوذْرِينْ ن إِمِيصْرِييّنْ س إِيْڒَافنْ ن إِبعَّاشْ ؤُشَا أَمنِّي ؤُڒَا ذ ثَامُّورْثْ مَانِي [زدّْغنْ].
EXO 8:18 ذڭْ وَاسّْ نِّي أَذْ سّْحُوزغْ ثَامُّورْثْ ن جُوشَانْ مَانِي إِزدّغْ ڒْڭنْسْ إِنُو، حِيمَا وَارْ ذِينْ تِّيڒِينْ ويْڒَافنْ ن إِبعَّاشْ حِيمَا أَذْ ثسّْنذْ بلِّي نشّْ ذ سِيذِي ذِي ڒْوسْطْ ن ثمُّورْثْ.
EXO 8:19 ؤُشَا أَذْ ڭّغْ إِجّْ ن تَّامَانْ ن وصْڒَاحْ جَارْ ڒْڭنْسْ إِنُو ذ ونِّي نّشْ. ثِيوشَّا أَذْ ثِيڒِي ڒعْڒَامثْ-أَ.‘ “
EXO 8:20 ؤُشَا أَمُّو إِ إِڭَّا سِيذِي. ؤُسِينْ-د إِيْڒَافنْ إِمقّْرَاننْ ن إِبعَّاشْ خْ ثَادَّارْثْ ن فِيرْعُونْ، خْ ثُوذْرِينْ ن إِمْسخَّارنْ نّسْ ؤُ خْ مَارَّا ثَامُّورْثْ ن مِيصْرَا ؤُشَا ثتّْوَاخَارّبْ ثمُّورْثْ س إِيْڒَافنْ ن إِبعَّاشْ.
EXO 8:21 [ڒخْذنِّي] إِڒَاغَا فِيرْعُونْ إِ مُوسَا ذ هَارُونْ، إِنَّا أَسنْ: ”رُوحمْ، ثْقدّْممْ ثَاغَارْصْثْ إِ أَربِّي نْومْ ذِي ثمُّورْثْ-أَ.“
EXO 8:22 إِنَّا مُوسَا: ”وَارْ د-يُوسِي أَذْ نڭّْ أَمُّو، مِينْزِي أَذْ نْقدّمْ ثَاغَارْصْثْ إِ سِيذِي، أَربِّي نّغْ، مِينْ إِدْجَانْ ذ إِشْثْ ن جّْعِيفشْثْ غَارْ إِمِيصْرِييّنْ. خْزَارْ، مَاڒَا نْقدّمْ ذ ثَاغَارْصْثْ زَّاثْ إِ ثِيطَّاوِينْ ن إِمِيصْرِييّنْ [مِينْ ذ أَسنْ إِتّْغِيڒْ ذْ] جّْعِيفشْثْ، مَا وَارْ ذ أَنغْ ثَارجّْمنْ شَا؟
EXO 8:23 أجّْ أَنغْ أَذْ نْرَاحْ ثِيشْڒِي ن ثْڒَاثَا ن وُوسَّانْ ذِي ڒخْڒَا، حِيمَا أَذْ نْقدّمْ ثَاغَارْصْثْ إِ سِيذِي، أَربِّي نّغْ، أَمْ مَامّشْ ذ أَنغْ يُومُورْ نتَّا.“
EXO 8:24 [خنِّي] إِنَّا فِيرْعُونْ: ”نشّْ أَذْ كنِّيوْ جّغْ أَذْ ثْرَاحمْ ؤُشَا أَذْ ثْقدّْممْ ثَاغَارْصْثْ إِ سِيذِي، أَربِّي نْومْ، ذِي ڒخْڒَا، مَاشَا وَارْ إِعدّڒْ أَذْ ثِيڭّْوِيجمْ أَطَّاسْ. ژَتدْجمْ [ؤُڒَا] خَافِي.“
EXO 8:25 مُوسَا إِنَّا: ”أَقَا أَذْ خَاكْ فّْغغْ، أَذْ ژَّادْجغْ إِ سِيذِي، حِيمَا أَذْ إِكّسْ ثِيوشَّا إِيْڒَافنْ ن إِبعَّاشْ خْ فِيرْعُونْ، خْ إِمْسخَّارنْ نّسْ ؤُڒَا خْ ڒْڭنْسْ نّسْ. مَاشَا إِتّْخصَّا فِيرْعُونْ وَارْ إِخدّعْ ثْوَاڒَا نّغْنِي، وَارْ إِتّجِّي أَذْ إِرَاحْ ڒْڭنْسْ، مَاحنْذْ أَذْ إِقدّمْ ثَاغَارْصْثْ إِ سِيذِي.“
EXO 8:26 [ڒخْذنِّي] إِفّغْ مُوسَا خْ فِيرْعُونْ ؤُشَا إِژُّودْجْ إِ سِيذِي.
EXO 8:27 إِڭَّا سِيذِي عْلَاحْسَابْ أَوَاڒْ [إِ إِنَّا] مُوسَا ؤُشَا إِكّسْ إِيْڒَافنْ ن إِبعَّاشْ خْ فِيرْعُونْ، خْ إِمْسخَّارنْ نّسْ، ؤُڒَا خْ ڒْڭنْسْ نّسْ. وَارْ إِقِّيمْ ؤُڒَا ذ إِجّْ [ن ؤُبعُّوشْ].
EXO 8:28 [مَاشَا] فِيرْعُونْ إِسّقْسحْ ؤُڒْ نّسْ ثْوَاڒَا-يَا عَاوذْ، وَارْ إِجِّي أَذْ إِرَاحْ ڒْڭنْسْ.
EXO 9:1 [ڒخْذنِّي] إِنَّا سِيذِي إِ مُوسَا: ”أَذفْ غَارْ فِيرْعُونْ، إِنِي أَسْ: ’سِيذِي، أَربِّي ن إِعِيبْرَانِييّنْ إِقَّارْ أَمُّو: أجّْ أَذْ إِرَاحْ ڒْڭنْسْ إِنُو، مَاحنْذْ أَذْ أَيِي إِعْبذْ.
EXO 9:2 مِينْزِي مَاڒَا ثُوڭِيذْ أَذْ [ثنْ] ثجّذْ أَذْ رَاحنْ ؤُشَا أَذْ ثنْ ثطّْفذْ عَاذْ كْثَارْ،
EXO 9:3 خْزَارْ، أَفُوسْ ن سِيذِي أَذْ يِيڒِي خْ ڒْمَاڒْ نّشْ نِّي إِدْجَانْ ذڭْ إِيَّارْ، خْ إِيْسَانْ ذ يغْيَاڒْ ذ يِيڒغْمَانْ ذ إِفُونَاسنْ ذ ثْفُونَاسِينْ ؤُڒَا خْ وُودْجِي س يِيجّْ ن طَّاعُونْ إِقسْحنْ أَطَّاسْ.
EXO 9:4 أَذْ إِفَارْزْ سِيذِي جَارْ ڒبْهَايمْ ن أَيْثْ ن إِسْرَائِيل ذ ڒبْهَايمْ ن إِمِيصْرِييّنْ، حِيمَا وَارْ إِتّْمتِّي وَالُو زِي مَارَّا مِينْ إِدْجَانْ ن أَيْثْ ن إِسْرَائِيل.‘ “
EXO 9:5 ؤُشَا إِنيّشْ سِيذِي إِشْثْ ن ڒْوقْثْ ؤُمِي إِنَّا: ”ثِيوشَّا أَذْ يڭّْ سِيذِي مَانْ أَيَا ذِي ثمُّورْثْ.“
EXO 9:6 ثِيوشَّا نّسْ إِڭَّا سِيذِي دّقّْ نِّي ؤُشَا مُّوثنْ مَارَّا ڒبْهَايمْ ن مِيصْرَا، مَاشَا زِي ڒبْهَايمْ ن أَيْثْ ن إِسْرَائِيل وَارْ ثمُّوثْ ؤُڒَا ذ إِشْثْ [زَّايْسنْثْ].
EXO 9:7 ؤُشَا إِسّكّْ فِيرْعُونْ [إِجّنْ]، ؤُشَا أَقَا ذَا، وَارْ ثمُّوثْ ؤُڒَا ذ إِشْثْ زِي ڒبْهَايمْ ن أَيْثْ ن إِسْرَائِيل. [مَاشَا] ؤُڒْ ن فِيرْعُونْ إِذْوڒْ إِقْسحْ ؤُشَا وَارْ يجِّي أَذْ إِفّغْ ڒْڭنْسْ.
EXO 9:8 [ڒخْذنِّي] إِنَّا سِيذِي إِ مُوسَا ذ هَارُونْ: ”عمَّارْ ؤُرُو [ن إِفَاسّنْ] نْومْ س إِغّضْ زِي ثفْقُونْثْ ؤُشَا أجّْ مُوسَا أَذْ ث إِزُّوزَارْ ذڭْ ؤُجنَّا قِيبَاتْشْ إِ ثِيطَّاوِينْ ن فِيرْعُونْ.
EXO 9:9 أَذْ إِذْوڒْ [إِغّضْ] ذ ثَاعجَّاجْثْ إِفْسُوسنْ خْ مَارَّا ثَامُّورْثْ ن مِيصْرَا ؤُشَا [ثَاعجَّاشْثْ] أَذْ ثذْوڒْ ذ ثِيحبَّا س ڒوْعِي خْ بْنَاذمْ ؤُ خْ ڒْمَاڒْ ذِي مَارَّا ثَامُّورْثْ ن مِيصْرَا.“
EXO 9:10 ؤُشَا كْسِينْ إِغّضْ زِي ثفْقُونْثْ [أَمْ] ثُوغَا بدّنْ زَّاثْ إِ فِيرْعُونْ ؤُشَا إِزُّوزَارْ إِ-ث مُوسَا ذڭْ ؤُجنَّا ؤُشَا إِذْوڒْ ذ ثِيحبَّا س ڒوْعِي أَمْ ذڭْ إِوْذَانْ أَمْ ذِي ڒْمَاڒْ،
EXO 9:11 [أَڒَامِي] ثَارْوَا ن ثْسحَّارْثْ وَارْ زمَّارنْ أَذْ قِّيمنْ بدّنْ زَّاثْ إِ مُوسَا ذِي سِّيبّثْ ن ثْحبَّا، مِينْزِي [ثِيحبَّا] حكْمنْثْ إِسحَّارنْ ذ مَارَّا إِمِيصْرِييّنْ.
EXO 9:12 [مَاشَا] سِيذِي إِسّقْسحْ ؤُڒْ ن فِيرْعُونْ، [أَڒَامِي] وَارْ ذ أَسنْ إِسدْجْ شَا، أَمْ مَامّشْ ثُوغَا إِنَّا سِيذِي إِ مُوسَا.
EXO 9:13 [ڒخْذنِّي] إِنَّا سِيذِي إِ مُوسَا: ”ثِيوشَّا كَّارْ زِيشْ، ثْبدّذْ زَّاثْ إِ وُوذمْ ن فِيرْعُونْ ؤُشَا إِنِي أَسْ: ’أَمُّو إِ إِقَّارْ سِيذِي، أَربِّي ن إِعِيبْرَانِييّنْ: أجّْ أَذْ إِرَاحْ ڒْڭنْسْ إِنُو، مَاحنْذْ أَذْ أَيِي إِعْبذْ.
EXO 9:14 مِينْزِي ثْوَاڒَا-يَا نشّْ أَذْ شكْ ڒقْفغْ ذڭْ وُوڒْ س مَارَّا جّْرَايحْ إِنُو ؤُشَا ؤُڒَا ذ إِمْسخَّارنْ نّشْ ذ ڒْڭنْسْ نّشْ، حِيمَا أَذْ ثسّْنذْ بلِّي وَارْ إِدْجِي حذْ أَمْ نشّْ ذِي مَارَّا ثَامُّورْثْ.
EXO 9:15 مِينْزِي [عَاذْ] ڒخُّو ثُوغَا زمَّارغْ أَذْ سّْوِيژّْضغْ أَفُوسْ إِنُو، حِيمَا أَذْ شكْ وْثغْ ؤُڒَا ذ ڒْڭنْسْ نّشْ س طَّاعُونْ ؤُشَا ثُوغَا إِزمَّارْ أَذْ ثتّْوَاثحِّيذْ زِي ثمُّورْثْ.
EXO 9:16 [مَاشَا] س ثِيذتّْ نشّْ سّْبدّغْ شكْ حِيمَا أَذْ أَشْ سّشْنغْ جّهْذْ إِنُو ؤُ حِيمَا أَذْ إِتّْوَاشنّعْ إِسمْ إِنُو ذِي مَارَّا ثَامُّورْثْ.
EXO 9:17 مَا ثتّڭّذْ عَاذْ ثِيعِينْكْرِيفِينْ ضِيدّْ إِ ڒْڭنْسْ إِنُو، حِيمَا وَارْ ثنْ ثجِّيذْ أَذْ رَاحنْ؟
EXO 9:18 خْزَارْ، ثِيوشَّا غَارْ ثْسَاعّثْ-أَ نشّْ أَذْ أَرّغْ ثَابْرُورِّي إِدّقْڒنْ أَذْ ثوّثْ، [ثَابْرُورِّي] إِ وَارْ ثُوغِيعمَّارْصْ ذِي مِيصْرَا زڭْ وَاسّْ إِ ذِي ثتّْوَابْنَا أَڒْ إِ ڒخُّو.
EXO 9:19 [خنِّي] سكّْ ڒخُّو [إِمْسخَّارنْ نّكْ]، مَاحنْذْ أَذْ سِّيذْفنْ ڒبْهَايمْ ذ مَارَّا مِينْ غَاركْ ذڭْ إِيَّارْ غَارْ ذَاخڒْ. كُوڒْ بْنَاذمْ نِيغْ ذ ڒْمَاڒْ نِّي إِ غَا إِتّْوَافنْ ذڭْ إِيَّارْ، وَارْ ث سِّيذْفنْ غَارْ [ذَاخڒْ ن] ثَادَّارْثْ، أَذْ خَاسْ د-ثوْضَا ثبْرُورِّي ؤُشَا نِيثْنِي أَذْ مّْثنْ.‘ “
EXO 9:20 ونِّي إِڭّْوذنْ أَوَاڒْ ن سِيذِي زڭْ إِمْسخَّارنْ ن فِيرْعُونْ، إِجَّا إِمْسخَّارنْ نْسنْ ذ ڒبْهَايمْ نْسنْ أَروْڒنْ غَارْ ذَاخڒْ ذِي ثُوذْرِينْ.
EXO 9:21 [مَاشَا] ونِّي وَارْ إِتِّيقّنْ أَوَاڒْ ن سِيذِي س وُوڒْ نّسْ، أَقَا إِجَّا إِمْسخَّارنْ نّسْ ذ ڒبْهَايمْ نّسْ ذڭْ إِيَّارْ.
EXO 9:22 [خنِّي] إِنَّا سِيذِي إِ مُوسَا: ”سْوِيژّضْ أَفُوسْ نّشْ غَارْ ؤُجنَّا ؤُشَا أَذْ ثِيڒِي ثبْرُورِّي خْ مَارَّا ثَامُّورْثْ ن مِيصْرَا، خْ إِوْذَانْ، خْ ڒْمَاڒْ ؤُ خْ مَارَّا أَفْسُو ذڭْ إِيَّارنْ ذِي ثمُّورْثْ ن مِيصْرَا.“
EXO 9:23 [خنِّي] إِسّْوِيژّضْ مُوسَا ثَاغَّارْشْثْ نّسْ غَارْ ؤُجنَّا ؤُشَا سِيذِي إِڭَّا أَجَّاجْ ذ ثبْرُورِّي ؤُشَا ثسّْوِيژّضْ ثْمسِّي غَارْ ثمُّورْثْ. [أَمُّو] إِ إِڭَّا سِيذِي مَاحنْذْ أَذْ ثوّثْ ثبْرُورِّي خْ ثمُّورْثْ ن مِيصْرَا.
EXO 9:24 ثُوغَا [ذِينْ] ثَابْرُورِّي ذ ثْمسِّي إِخدْجْضنْ أَكْ-ذ ثبْرُورِّي. ثُوغَا ثجْهذْ أَطَّاسْ، وَارْ ت ثُوغِيعمَّارْصْ ذِي مَارَّا ثَامُّورْثْ ن مِيصْرَا زڭْ وَامِي ثُوغَا ثذْوڒْ ذ إِجّْ ن ڒْڭنْسْ.
EXO 9:25 ؤُشَا ثوْثَا ثبْرُورِّي خْ مَارَّا ثَامُّورْثْ ن مِيصْرَا، خْ مَارَّا مِينْ ثُوغَا ذڭْ إِيَّارْ، خْ إِوْذَانْ ذ ڒْمَاڒْ. ثوْثَا ثبْرُورِّي [عَاوذْ] خْ مَارَّا أَفْسُو ذڭْ إِيَّارْ ؤُشَا تّْوَارْژنْثْ مَارَّا ثْشجُّورَا ن ڒخْڒَا.
EXO 9:26 مْغِيرْ ذِي ثَامُّورْثْ ن جُوشَانْ، مَانِي دْجَانْ أَيْثْ ن إِسْرَائِيل، وَارْ ثوْثِي ثبْرُورِّي.
EXO 9:27 [ڒخْذنِّي] إِسّكّْ فِيرْعُونْ أَذْ ڒَاغَانْ إِ مُوسَا ذ هَارُونْ ؤُشَا إِنَّا أَسنْ: ”نشّْ خْضِيغْ ثْوَاڒَا-يَا. سِيذِي، أَقَا-ث ذ أَمْسڭّذْ ؤُشَا نشّْ ذ ڒْڭنْسْ إِنُو ذ إِعفَّاننْ!
EXO 9:28 ژَتدْجمْ س ڒَادْجَاغْ إِ سِيذِي، مِينْزِي شْفَا، أَقَا أَجَّاجنْ ن أَربِّي ذ أَطَّاسْ ؤُڒَا ذ ثَابْرُورِّي. نشّْ أَذْ كنِّيوْ جّغْ أَذْ ثْرَاحمْ، وَارْ كنِّيوْ تّطّْفغْ شَا عَاذْ [ذَانِيثَا].“
EXO 9:29 [خنِّي] إِنَّا أَسْ مُوسَا: ”مڒْمِي غَا فّْغغْ زِي ثنْذِينْثْ أَذْ سّْوِيژّْضغْ إِفَاسّنْ إِنُو غَارْ سِيذِي ؤُشَا أَذْ بدّنْ وَاجَّاجنْ، وَارْ ثتِّيڒِي عَاذْ ثبْرُورِّي، مَاحنْذْ أَذْ ثسّْنذْ بلِّي ثَامُّورْثْ أَقَا-ت ن سِيذِي.
EXO 9:30 [مَاشَا] خَاكْ ذ خْ إِمْسخَّارنْ نّشْ، أَقَا سّْنغْ [مَازَالْ] وَارْ ثڭّْوذمْ شَا زِي سِيذِي أَربِّي.“
EXO 9:31 ثِيفّسْثْ ذ إِمنْذِي ثُوغَا تّْوَاڒقْفنْ، مِينْزِي إِمنْذِي ثُوغَا-ث س ثِيذْرِينْ ذ ثِيفّسْثْ ثْنوَّارْ.
EXO 9:32 [مَاشَا] إِرْذنْ ذ كَارْصَانَا وَارْ تّْوَاڒقْفنْ شَا، مِينْزِي ثُوغَا أَثنْ وَارْ د-فِّيغنْ [عَاذْ].
EXO 9:33 [خنِّي] يُويُورْ مُوسَا زِي فِيرْعُونْ، إِفّغْ زِي ثنْذِينْثْ ؤُشَا إِكْسِي إِفَاسّنْ نّسْ غَارْ سِيذِي. [ڒخْذنِّي] بدّنْ وَاجَّاجنْ ذ ثبْرُورِّي ؤُڒَا ذ إِبُوذَا ن ونْژَارْ خْ ثمُّورْثْ.
EXO 9:34 [ؤُمِي] إِژْرَا فِيرْعُونْ بلِّي أَنْژَارْ ذ ثبْرُورِّي ذ وَاجَّاجنْ بدّنْ، إِخْضَا عَاذْ كْثَارْ ؤُشَا إِسّقْسحْ ؤُڒْ نّسْ، نتَّا ذ إِمْسخَّارنْ نّسْ.
EXO 9:35 ؤُڒْ ن فِيرْعُونْ يَارْنِي ذِي ڒقْسَاحثْ، وَارْ إِجِّي أَذْ إِرَاحْ أَيْثْ ن إِسْرَائِيل، أَمْ مَامّشْ ثُوغَا إِنَّا سِيذِي س ثْسخَّارْثْ ن مُوسَا.
EXO 10:1 [خنِّي] إِنَّا سِيذِي إِ مُوسَا: ”أَذفْ غَارْ فِيرْعُونْ، مِينْزِي نشّْ سّْقسْحغْ ؤُڒْ نّسْ ذ وُوڒْ ن إِمْسخَّارنْ نّسْ، حِيمَا أَذْ سّشْنغْ ڒعْڒَامَاثْ [إِنُو] ذِي ڒْوسْطْ [ن ثمُّورْثْ] نّسْ،
EXO 10:2 ؤُ حِيمَا أَذْ ثْعَاوْذذْ ذڭْ إِمزُّوغنْ ن مِّيشْ ذ مِّيسْ ن مِّيشْ مِينْ ڭِّيغْ أَكْ-ذ مِيصْرَا، ؤُ [أَذْ ثْعَاوْذذْ خْ] ڒعْڒَامَاثْ إِ ڭِّيغْ جَارْ أَسنْ، [مَاحنْذْ] أَذْ ثسّْنمْ بلِّي نشّْ ذ سِيذِي.“
EXO 10:3 [ڒخْذنِّي] يُوذفْ مُوسَا ذ هَارُونْ غَارْ فِيرْعُونْ، نَّانْ أَسْ: ”سِيذِي، أَربِّي ن إِعِيبْرَانِييّنْ إِنَّا: ’مشْحَاڒْ غَا ثكّذْ ثُوڭِيذْ أَذْ ثهْوِيذْ غَارْ وُوذمْ إِنُو؟ أجّْ أَذْ إِرَاحْ ڒْڭنْسْ إِنُو حِيمَا أَذْ أَيِي إِعْبذْ.
EXO 10:4 مِينْزِي مَاڒَا ثُوڭِيذْ أَذْ ثجّذْ أَذْ إِرَاحْ ڒْڭنْسْ إِنُو، أَقَا أَذْ سِّيوْضغْ ثِيوشَّا ثْمُورْغِي خْ ثمُّورْثْ نّشْ.
EXO 10:5 أَذْ ذْڒنْ ؤُذمْ ن ثمُّورْثْ أَڒْ وَارْ إِزمَّارْ حذْ أَذْ إِثْوَاڒَا ثَامُّورْثْ [عَاذْ] ؤُشَا أَذْ شّنْ مِينْ إِقِّيمنْ إِ إِتّْوَانجْمنْ، مِينْ ذ أَومْ إِقِّيمنْ عَاذْ أَوَارْنِي إِ ثبْرُورِّي. أَذْ ثشّْ [ثْمُوغْرِي] [عَاوذْ] مَارَّا ثِيشجُّورَا إِ ذ أَومْ د-إِغمّْينْ ذڭْ إِيَّارْ.
EXO 10:6 ؤُشَا أَذْ شُّورنْثْ ثُوذْرِينْ نّشْ ذ ثُوذْرِينْ ن إِمْسخَّارنْ نّشْ ذ ثُوذْرِينْ ن مَارَّا إِمِيصْرِييّنْ. أَمُّو وَارْ ت ژْرِينْعمَّارْصْ إِبَابَاثنْ نّشْ ذ ڒجْذُوذْ ن إِبَابَاثنْ نّشْ زڭْ وَامِي ثنْ ثُوغَا خْ ثمُّورْثْ غَارْ وَاسّْ-أَ.‘ “ ؤُشَا إِذْوڒْ-د نتَّا، إِسْمحْ ذِي فِيرْعُونْ.
EXO 10:7 نَّانْ أَسْ إِمْسخَّارنْ ن فِيرْعُونْ: ”أَڒْ مڒْمِي إِ ذ أَنغْ غَا يِيڒِي وَانِيثَا ذ ڒْفخْ؟ أجّْ أَذْ رَاحنْ إِرْيَازنْ نِّي، مَاحنْذْ أَذْعبْذنْ سِيذِي أَربِّي نْسنْ! مَا وَارْ ثسِّينذْ عَاذْ بلِّي مِيصْرَا أَقَا ثتّْوَاخَارّبْ؟“
EXO 10:8 [ڒخْذنِّي] سِّيوْضنْ [إِمْسخَّارنْ ن فِيرْعُونْ] مُوسَا ذ هَارُونْ عَاوذْ غَارْ فِيرْعُونْ. نتَّا إِنَّا أَسنْ: ”رُوحمْ،عبْذمْ سِيذِي، أَربِّي نْومْ! [إِنِي أَيِي]، مِينْ عْنَانْ إِنِّي إِخْسنْ أَذْ رَاحنْ؟“
EXO 10:9 إِنَّا مُوسَا: ”أَذْ نْرَاحْ [أَكْ-ذ] إِحْرَامنْ نّغْ ذ إِوسُّورَا نّغْ، س إِحنْجِيرنْ نّغْ ذ ثْحنْجِيرِينْ نّغْ، س وُودْجِي نّغْ ذ إِفُونَاسنْ ذ ثْفُونَاسِينْ نّغْ، مِينْزِي غَارْنغْ إِجّْ ن ڒْعِيذْ إِ سِيذِي.“
EXO 10:10 [خنِّي] يَارَّا-د خَاسنْ: ”[خنِّي] إِتّْخصَّا أَذْ يِيڒِي سِيذِي [أَطَّاصْ] أَكِيذْومْ مَاڒَا أَذْ جّغْ أَذْ ثْرَاحمْ كنِّيوْ ذ إِحنْجِيرنْ إِمژْيَاننْ نْومْ. خْزَارمْ، أَقَا كنِّيوْ ثنْوِيمْ ڒْغَارْ!
EXO 10:11 وَارْ إِتِّيڒِي أَمنِّي. جّمْ أَذْعبْذنْ إِرْيَازنْ إِجهْذنْ إِ سِيذِي، مِينْزِي ذ مَانْ أَيَا إِ ثتّخْسمْ.“ ؤُشَا ؤُژّْڒنْ خَاسنْ زِي قِيبَاتْشْ ن وُوذمْ ن فِيرْعُونْ.
EXO 10:12 [خنِّي] إِنَّا سِيذِي إِ مُوسَا: ”سْوِيژّضْ أَفُوسْ نّشْ خْ ثمُّورْثْ ن مِيصْرَا، حِيمَا ثَامُورْغِي أَذْ ثْڭعّذْ خْ ثمُّورْثْ ن مِيصْرَا، مَاحنْذْ أَذْ ثشّْ مَارَّا أَفْسُو [أَزِيزَا] ن ثمُّورْثْ، مَارَّا مِينْ إِشطّنْ خْ ثبْرُورِّي.“
EXO 10:13 إِسّْوِيژّضْ مُوسَا غَارْ ثغَّارْشْثْ نّسْ خْ ثمُّورْثْ ن مِيصْرَا ؤُشَا إِڭَّا سِيذِي أَذْ د-إِسُوضْ إِجّْ ن ؤُسمِّيضْ إِ د-يُوسِينْ زِي شَّارْقْ خْ ثمُّورْثْ وَارْ إِقطِّينْ مَارَّا أَسّْ نِّي ذ مَارَّا دْجِيڒثْ نِّي. غَارْ صّْبحْ يِيوِي-د ؤُسمِّيضْ ثَامُورْغِي.
EXO 10:14 ثْڭعّذْ-د ثْمُورْغِي خْ مَارَّا ثَامُّورْثْ ن مِيصْرَا، ثْصيّحْ خْ مَارَّا جّْوَايهْ ن مِيصْرَا. أَقَا ثُوغَا ڒْحَاڒْ يوْعَارْ أَطَّاسْ. ثَامُورْغِي أَمْ ثَانِيثَا وَارْ ت ثُوغِي قْبڒْ ؤُشَا وَارْ ثتِّيڒِيعمَّارْصْ زِي سَّا غَارْ زَّاثْ.
EXO 10:15 أَقَا ذْڒِينْثْ ؤُذمْ ن مَارَّا ثَامُّورْثْ أَڒَامِي ثسُّوثمْ ثمُّورْثْ. نِيثنْثِي شِّينْثْ مَارَّا أَفْسُو ن ثمُّورْثْ ذ مَارَّا ڒْغِيدْجثْ ن ثْشجُّورَا إِ ثُوغَا إِقِّيمنْ زِي ثبْرُورِّي. ذِي مَارَّا ثَامُّورْثْ ن مِيصْرَا وَارْ إِقِّيمْ وَالُو زِي مَارَّا ثُوزِّيزوْثْ ذِي ثْشجُّورَا نِيغْ ذڭْ وفْسُو ن إِيَّارْ.
EXO 10:16 [ڒخْذنِّي] إِڒَاغَا فِيرْعُونْ ذغْيَا إِ مُوسَا ذ هَارُونْ، إِنَّا: ”أَقَا خْضِيغْ أَكْ-ذ سِيذِي، أَربِّي نْومْ، ؤُڒَا أَكِيذْومْ.
EXO 10:17 تّْزَاوْڭغْ ڒخُّو أَذْ أَيِي ثْسَامْحمْ خْ ؤُخطُّو إِنُو ثْوَاڒَا-يَا. ژَتدْجمْ س ڒَادْجَاغْ إِ سِيذِي، أَربِّي نْومْ، حِيمَا أَذْ خَافِي إِكّسْ ڒْموْثْ-أَ وَاهَا.“
EXO 10:18 ؤُشَا إِفّغْ خْ فِيرْعُونْ ؤُشَا إِژُّودْجْ س ڒَادْجَاغْ غَارْ سِيذِي.
EXO 10:19 [خنِّي] إِجَّا سِيذِي أَذْ د-إِعْقبْ ؤُسمِّيضْ إِ د-يُوسِينْ زِي شَّارْقْ غَارْ ڒْغَارْبْ، [إِسّْجهْذْ إِ-ث] أَطَّاسْ، ؤُشَا إِكّسْ [ؤُسمِّيضْ] ثَامُورْغِي، إِنْضَارْ إِ-ت ذِي ڒبْحَارْ ن ثلْڭَا. وَارْ ثقِّيمْ ؤُڒَا ذ إِشْثْ ن ثْمُورْغِي ذِي مَارَّا جّْوَايهْ ن مِيصْرَا.
EXO 10:20 [مَاشَا] إِسّقْسحْ سِيذِي ؤُڒْ ن فِيرْعُونْ [ؤُمِي] وَارْ إِجِّي أَيْثْ ن إِسْرَائِيل أَذْ رَاحنْ.
EXO 10:21 [خنِّي] إِنَّا سِيذِي إِ مُوسَا: ”سْوِيژّضْ أَفُوسْ نّشْ غَارْ ؤُجنَّا، [خنِّي] أَذْ ثِيڒِي ثَادْجسْثْ خْ ثمُّورْثْ ن مِيصْرَا أَڒْ غَا ثَافذْ ثْزمَّارذْ أَذْ ثْحَاذِيذْ ثَادْجسْثْ.“
EXO 10:22 إِسّْوِيژّضْ مُوسَا أَفُوسْ نّسْ غَارْ ؤُجنَّا ؤُشَا ثهْوَا-د ثَادْجسْثْ ثجْهذْ خْ مَارَّا ثَامُّورْثْ ن مِيصْرَا، ثْڒَاثَا ن وُوسَّانْ.
EXO 10:23 ؤُڒَا ذ إِجّْ وَارْ إِثْوِيڒِي ونّغْنِي. ؤُڒَا ذ إِجّْ وَارْ إِكَّارْ زڭْ ومْشَانْ نّسْ ثْڒَاثَا ن وُوسَّانْ. [مَاشَا] مَارَّا أَيْثْ ن إِسْرَائِيل ثُوغَا غَارْسنْ ثَافَاوْثْ ذڭْ إِمُوشَانْ مَانِي ثُوغَا زدّْغنْ.
EXO 10:24 [ڒخْذنِّي] إِڒَاغَا فِيرْعُونْ إِ مُوسَا، إِنَّا: ”رُوحمْ، ثْعبْذمْ سِيذِي! جّمْ وَاهَا أَذْ إِقِّيمْ وُودْجِي نْومْ ذ إِفُونَاسنْ ذ ثْفُونَاسِينْ نْومْ. [مَاشَا] ثْزمَّارمْ أَذْ د-ثَاوْيمْ إِحنْجِيرنْ إِمژْيَاننْ أَكِيذْومْ.“
EXO 10:25 يَارَّا-د [خَاسْ] مُوسَا: ”إِتّْخصَّا شكْ عَاوذْ أَذْ أَنغْ ثوْشذْ ذڭْ ؤُفُوسْ ثِيغَارْصَا ؤُڒَا ذ ثِيغَارْصَا ن وشْمَاضْ. أَذْ ثنْثْ نسّوْجذْ [ذ ثْغَارْصْطْ] إِ سِيذِي، أَربِّي نّغْ.
EXO 10:26 ؤُڒَا ذ ڒبْهَايمْ نّغْ إِتّْخصَّا أَذْ كِيذْنغْ رَاحنْثْ، وَارْ إِتّْغِيمِي ؤُڒَا ذ إِجّْ ن ؤُشكْرُوذْ، مِينْزِي زَّايْسنْثْ إِ غَا نكْسِي، حِيمَا أَذْ نعْبذْ سِيذِي، أَربِّي نّغْ، مِينْزِي وَارْ نسِّينْ س مِينْزِي غَا نعْبذْ سِيذِي، أَربِّي نّغْ، أَڒْ ذِينْ غَا نَاوضْ.“
EXO 10:27 [مَاشَا] سِيذِي إِسّقْسحْ ؤُڒْ ن فِيرْعُونْ ؤُشَا يُوڭِي أَذْ ثنْ يجّْ أَذْ رَاحنْ.
EXO 10:28 إِنَّا أَسْ فِيرْعُونْ: ”أَڭّْوجْ خَافِي! حْضَا، حِيمَا وَارْ ثْژَارّذْ [عَاذْ] ؤُذمْ إِنُو، مِينْزِي أَسّْ إِ ذِي غَا ثْژَارذْ ؤُذمْ إِنُو، أَذْ ثمّْثذْ!“
EXO 10:29 إِنَّا مُوسَا: ”[أَذْ يِيڒِي] أَمْ مَامّشْ إِ ثنِّيذْ: وَارْ ژَترّغْ عَاذْ ؤُذمْ نّشْ!“
EXO 11:1 إِنَّا سِيذِي إِ مُوسَا: ”أَذْ ڒقْفغْ عَاذْ [مْغِيرْ] س يِيشْثنْ جّْرِيحشْثْ خْ فِيرْعُونْ ذ مِيصْرَا. أَوَارْنِي ثَا أَذْ كنِّيوْ إِسّكّْ سَّا. غَارْ ؤُنڭَّارْ خْمِي كنِّيوْ غَا يجّْ أَذْ ثْرُوحمْ مَارَّا، أَذْ خَاومْ يَاژّڒْ سَّا س ثِيذتّْ.
EXO 11:2 سِيوڒْ خنِّي ذڭْ إِمزُّوغنْ ن ڒْڭنْسْ مَاحنْذْ أَذْ إِتَّارْ كُوڒْ أَرْيَازْ زڭْ وَاجَّارْ نّسْ ؤُ كُوڒْ ثَامْغَارْثْ زِي ثَاجَّارْثْ نّسْ ڒقْشُوعْ ن نُّوقَارْثْ ذ وُورغْ.“
EXO 11:3 سِيذِي إِوْشَا أَسْ إِ ڒْڭنْسْ أَرْضَا ذِي ثِيطَّاوِينْ ن إِمِيصْرِييّنْ. عَاوذْ ثُوغَا مُوسَا ذ إِجّْ ورْيَازْ س شَّانْ أَمقّْرَانْ ذِي ثمُّورْثْ ن مِيصْرَا ذِي ثِيطَّاوِينْ ن ڒْڭنْسْ ؤُ ذِي ثِيطَّاوِينْ ن إِمْسخَّارنْ ن فِيرْعُونْ.
EXO 11:4 إِنَّا مُوسَا: ”أَمُّو إِ إِنَّا سِيذِي: ’غَارْ وزْينْ ن دْجِيڒثْ نشّْ أَذْ عْذُوغْ ذِي ڒْوسْطْ ن مِيصْرَا
EXO 11:5 ؤُشَا أَذْ إِمّثْ كُوڒْ أَمنْزُو ذِي ثمُّورْثْ ن مِيصْرَا، زڭْ ؤُمنْزُو ن فِيرْعُونْ، ونِّي إِقِّيمنْ خْ ڒْعَارْشْ ن ثْڭلْذِيثْ، أَڒْ أَمنْزُو ن ثَايَّا، ثنِّي إِقِّيمنْ أَوَارْنِي إِ ثْسِيرْثْ [ثْحَارِّي إِمنْذِي]، ؤُڒَا ذ كُوڒْ أَمنْزُو زِي ڒبْهَايمْ.
EXO 11:6 أَذْ ذِينْ ثِيڒِي إِشْثْ ن ثْغُويِّيثْ ذ ثَامقّْرَانْثْ خْ مَارَّا ثَامُّورْثْ ن مِيصْرَا إِ وَارْ ثُوغِيعمَّارْصْ نِيغْعمَّارْصْ عَاذْ أَذْ ثِيڒِي.
EXO 11:7 [مَاشَا] غَارْ مَارَّا أَيْثْ ن إِسْرَائِيل، وَارْ إِتّْژُو ؤُڒَا ذ إِجّْ ن وقْزِينْ خْ إِوْذَانْ ؤُڒَا خْ ڒْمَاڒْ، مَاحنْذْ أَذْ ثسّْنمْ، بلِّي سِيذِي إِتّڭّْ ڒْفَارْزْ جَارْ إِمِيصْرِييّنْ ذ إِسْرَائِيل.‘
EXO 11:8 [خنِّي] أَذْ غَارِي د-هْوَانْ مَارَّا إِمْسخَّارنْ نّشْ، أَذْ أَيِي بنْذْقنْ، أَذْ إِنِينْ: ’فّغْ شكْ ذ مَارَّا ڒْڭنْسْ إِ شكْ إِضفَّارنْ ذڭْ إِصُورَافْ نّشْ!‘ أَوَارْنِي مَانْ أَيَا نشّْ أَذْ فّْغغْ.‘ “ ؤُشَا إِفّغْ خْ فِيرْعُونْ، ثكَّارْ ذَايسْ ثْمسِّي س ؤُخيّقْ.
EXO 11:9 [أَقَا] إِنَّا سِيذِي إِ مُوسَا: ”فِيرْعُونْ وَارْ ذ أَومْ إِتّسْڒِي شَا، حِيمَا أَذْ مْغَارنْثْ ڒعْڒَامَاثْ إِنُو ذِي ثمُّورْثْ ن مِيصْرَا.“
EXO 11:10 أَقَا مُوسَا ذ هَارُونْ ڭِّينْ مَارَّا ڒعْڒَامَاثْ-أَ زَّاثْ إِ وُوذمْ ن فِيرْعُونْ، مَاشَا سِيذِي ثُوغَا إِسّقْسحْ ؤُڒْ ن فِيرْعُونْ أَڒَامِي وَارْ إِجِّي أَذْ فّْغنْ أَيْثْ ن إِسْرَائِيل زِي ثمُّورْثْ نّسْ.
EXO 12:1 إِسِّيوڒْ سِيذِي أَكْ-ذ مُوسَا ذ هَارُونْ ذِي ثمُّورْثْ ن مِيصْرَا، إِنَّا:
EXO 12:2 ”أَيُورْ-أَ أَذْ أَومْ يِيڒِي ذ أَزدْجِيفْ ن إِيُورنْ. أَذْ أَومْ يِيڒِي وَا إِ كنِّيوْ ذ أَمزْوَارُو ن إِيُورنْ ن ؤُسڭّْوَاسْ.
EXO 12:3 سِيوڒْ غَارْ مَارَّا ثَامسْمُونْثْ ن إِسْرَائِيل، إِنِي: ’ذڭْ وَاسّْ وِيسّْعشْرَا أَذْ إِكْسِي كُوڒْ إِجّْ إِ يِيخفْ نّسْ إِجّْ ن يزْمَارْ خْ [مَارَّا] [ڒَْادْجْ ن] ثَادَّارْثْ [إِ د-إِقَّارْصنْ زڭْ] إِبَابَاثنْ، [إِجّْ ن] يزْمَارْ خْ [إِشْثْ ن] ثَادَّارْثْ.
EXO 12:4 [مَاشَا] مَاڒَا [رَادْجْ ن] ثَادَّارْثْ ثُوغَا إِمْژِي إِ يزْمَارْ، [خنِّي] إِتّْخصَّا أَذْ إِكْسِي أَكْ-ذ وَاجَّارْ نّسْ يُوذْسنْ غَارْ ثَادَّارْثْ نّسْ عْلَاحْسَابْ [ڒْْقدّْ ن] إِوْذَانْ. زِي جِّيهثْ ن يزْمَارْ أَذْ ثوْثمْ ڒحْسَابْ إِ مِينْ غَا يشّْ كُوڒْ إِجّنْ.
EXO 12:5 أَذْ يِيڒِي ذ إِزْمَارْ إِشْنَانْ قَاعْ، أَوْثمْ ن إِجّْ ن ؤُسڭّْوَاسْ. أَذْ [ث] ثكْسِيمْ زڭْ إِحُوڒِييّنْ نِيغْ زڭْ إِغَايْضنْ.
EXO 12:6 أَذْ ث ثْخمّْڒمْ أَڒْ أَسّْ أَرْبعْطَاشْ زڭْ ؤُيُورْ-أَ ؤُشَا أَذْ أَسْ إِغَارْصْ مَارَّا أَڭْرَاوْ ن ثْمسْمُونْثْ ن إِسْرَائِيل جَارْ بدُّو ن وزْينْ ن وَاسّْ أَڒْ د-ثوْضَا ثْمذِّيثْ.
EXO 12:7 أَذْ كْسِينْ شَا زڭْ إِذَامّنْ ؤُشَا أَذْ ث ڭّنْ خْ ثْنَاينْ ن ڒضْرُوفْ [إِ إِدْجَانْ غَارْ ؤُغزْذِيسْ ن ثوَّارْثْ] ؤُ خْ ثْنبْذَاثْ سنّجْ [إِ ثوَّارْثْ] ن ثُوذْرِينْ مَانِي ث غَا شّنْ.
EXO 12:8 أَذْ شّنْ أَيْسُومْ ذِي دْجِيڒثْ نِّي، [أَيْسُومْ] إِشنّْفنْ غَارْ ثْمسِّي أَكْ-ذ وغْرُومْ بْڒَا أَنْثُونْ. أَذْ ث شّنْ س ڒبْزَارْ [يَارْزڭْ].
EXO 12:9 وَارْ ث تّتّمْ شَا ذ أَزِيزَا نِيغْ ينْوَانْ ذڭْ وَامَانْ، مَاشَا مْغِيرْ مَاڒَا إِتّْوَاشنّفْ ذِي ثْمسِّي، أَكْ-ذ ؤُزدْجِيفْ نّسْ ذ إِضَارنْ نّسْ ذ وَاذَانْ نّسْ.
EXO 12:10 وَارْ زَّايسْ تّجِّيمْ وَالُو غَارْ صّْبحْ، مَاشَا مِينْ زَّايسْ غَا إِقِّيمنْ غَارْ صّْبحْ، إِتّْخصَّا كنِّيوْ أَذْ ث ثْشمْضمْ ذِي ثْمسِّي.
EXO 12:11 أَمُّو إِ ذ أَومْ إِتّْخصَّا أَذْ ث ثشّمْ: ثَاجْعِينَّا نْومْ أَذْ ثِيڒِي ثبْيسْ، سَانْذَالِييَاثْ نْومْ ذڭْ إِضَارنْ نْومْ ؤُ ثَاغَّارْشْثْ نْومْ ذڭْ ؤُفُوسْ نْومْ ؤُشَا أَذْ ث ثشّمْ ذغْيَا. أَقَا-ث ذ ثَاغَارْصْثْ ن ؤُسعْذُو ن سِيذِي.
EXO 12:12 [مِينْزِي] ذِي دْجِيڒثْ-أَ، نشّْ أَذْ عْذُوغْ خْ ثمُّورْثْ ن مِيصْرَا ؤُشَا أَذْ وْثغْ كُوڒْ أَمنْزُو ذِي ثمُّورْثْ ن مِيصْرَا، أَمُّو ذڭْ إِوْذَانْ ؤُڒَا ذِي ڒْمَاڒْ، ؤُشَا أَذْ سِّيوْضغْ ڒحْكَامَاثْ إِنُو خْ مَارَّا إِربِّيثنْ ن مِيصْرَا، نشّْ ذ سِيذِي!
EXO 12:13 ؤُشَا إِذَامّنْ أَذْ أَومْ إِڒِينْ ذ إِشْثْ ن ڒعْڒَامثْ خْ ثُوذْرِينْ مَانِي [ثْزدّْغمْ] كنِّيوْ. [مَاڒَا] ژْرِيغْ إِذَامّنْ، أَذْ خَاومْ عْذُوغْ. وَارْ ثتِّيڒِي جّْرِيحشْثْ إِنقّنْ جَارْ أَومْ، خْمِي غَا وْثغْ ثَامُّورْثْ ن مِيصْرَا.
EXO 12:14 أَسّْ-أَ أَذْ أَومْ يِيڒِي ذ إِجّْ ن وَاسّْ إِ ڒِيذَارثْ ؤُشَا أَذْ زَّايسْ ثْعيّْذمْ إِ سِيذِي. أَقَا-ت ذ إِشْثْ ن ثوْصيّثْ إِ ڒبْذَا إِ [مَارَّا] جِّيڒَاثْ نْومْ، حِيمَا أَذْ زَّايسْ ثْعيّْذمْ.
EXO 12:15 سبْعَا ن وُوسَّانْ أَذْ ثشّمْ أَغْرُومْ بْڒَا أَنْثُونْ. نِيشَانْ ذڭْ وَاسّْ أَمزْوَارُو أَذْ ثسُّوفّْغمْ أَنْثُونْ زِي ثُوذْرِينْ نْومْ، مِينْزِي مَانْ ونْ إِ غَا إِشّنْ شَا س ونْثُونْ، زڭْ وَاسّْ أَمزْوَارُو أَڒْ أَسّْ وِيسّْ سبْعَا، بْنَاذمْ نِّي أَذْ إِتّْوَاقسّْ زِي إِسْرَائِيل.
EXO 12:16 ذڭْ وَاسّْ أَمزْوَارُو أَذْ يِيڒِي إِجّْ ن ؤُمُونِي إِقدّْسنْ ؤُشَا [عَاوذْ] ذڭْ وَاسّْ وِيسّْ سبْعَا أَذْ ذِينْ يِيڒِي إِجّْ ن ؤُمُونِي إِقدّْسنْ. ؤُڒَا ذ إِشْثْ ن ڒْخذْمثْ وَارْ ثتّْوَاڭّْ شَا ذڭْ [وُوسَّانْ] نِّي. مْغِيرْ مِينْ غَا يشّْ كُوڒْ إِجّْ، ذ مَانْ أَيَا وَاهَا إِعدّڒْ أَذْ زَّايْومْ إِتّْوَاسّوْجذْ.
EXO 12:17 أَذْ ثحْضَامْ [ڒْْعِيذْ ن] وغْرُومْ بْڒَا أَنْثُونْ، مِينْزِي ذڭْ وَاسّْ نِّي أَقَا سُّوفّْغغْ-د كنِّيوْ زِي ثمُّورْثْ ن مِيصْرَا. أَذْ ثحْضَامْ أَسّْ-أَ ذِي [مَارَّا] جِّيڒَاثْ نْومْ، أَقَا-ت ذ إِشْثْ ن ثوْصيّثْ إِ ڒبْذَا.
EXO 12:18 ذڭْ [ؤُيُورْ] أَمزْوَارُو، ذڭْ وَاسّْ وِيسّْ أَرْبعْطَاشْ ن ؤُيُورْ، ذِي دْجِيڒثْ، أَذْ ثشّمْ أَغْرُومْ بْڒَا أَنْثُونْ أَڒْ دْجِيڒثْ ن وَاسّْ وَاحِيثْ ؤُ-عِيشْرِينْ زڭْ ؤُيُورْ.
EXO 12:19 سبْعَا ن وُوسَّانْ وَارْ إِتّْوِيفِّي ونْثُونْ ذِي ثُوذْرِينْ نْومْ، مِينْزِي مَانْ ونْ إِ غَا إِشّنْ زِي مِينْ إِدْجَانْ س ونْثُونْ، مَا ذ أَبَارَّانِي نِيغْ ذ مِّيسْ ن ثمُّورْثْ، بْنَاذمْ نِّي أَذْ إِتّْوَاقسّْ زِي ثْمسْمُونْثْ ن إِسْرَائِيل.
EXO 12:20 وَارْ تّتّمْ وَالُو زِي مِينْ إِدْجَانْ س ونْثُونْ. ذِي مَارَّا ثِيزدَّاغْ نْومْ أَذْ ثشّمْ أَغْرُومْ بْڒَا أَنْثُونْ.‘ “
EXO 12:21 إِڒَاغَا مُوسَا إِ مَارَّا إِمْغَارنْ ن إِسْرَائِيل، إِنَّا أَسنْ: ”طّْفمْ، كْسِيمْ [إِجّنْ زڭْ] وُودْجِي إِ يِيخفْ نْومْ، إِ ڒَادْجَاثْ نْومْ ؤُ غَارْصمْ ث إِ [ثْغَارْصْثْ ن] ؤُسعْذُو.
EXO 12:22 طّْفمْ إِشْثْ ن ثْقبِّيضْثْ ن ثْعلْدْجثْ، سْغضْسمْ [ت] ذڭْ إِذَامّنْ نِّي إِدْجَانْ ذِي طّبْصِي،غمْسنْ خنِّي زڭْ إِذَامّنْ إِ إِدْجَانْ ذِي طّبْصِي خْ ثْنبْذَاثْ سنّجْ [إِ ثوَّارْثْ] ؤُ خْ ثْنَاينْ ن ڒضْرُوفْ [غَارْ ؤُغزْذِيسْ ن ثوَّارْثْ]. أَڒْ صّْبحْ وَارْ إِتّفّغْ ؤُڒَا ذ إِجّنْ زَّايْومْ زِي ثوَّارْثْ ن ثَادَّارْثْ نّسْ.
EXO 12:23 سِيذِي أَذْ إِژْوَا [خْ ثمُّورْثْ]، مَاحنْذْ أَذْ إِوّثْ إِمِيصْرِييّنْ، [مَاشَا خْمِي] غَا إِژَارْ إِذَامّنْ خْ ثْنبْذَاثْ ن نّجْ ؤُ خْ ثْنَاينْ ن ڒضْرُوفْ [غَارْ ؤُغزْذِيسْ ن ثوَّارْثْ]، خنِّي أَذْ إِعْذُو سِيذِي ثَاوَّارْثْ نِّي، وَارْ إِتّجِّي أَمْثحَّايْ أَذْ يَاذفْ غَارْ ثُوذْرِينْ نْومْ، حِيمَا أَذْ إِوّثْ.
EXO 12:24 حْضَامْ أَوَاڒْ-أَ [إِ نِّيغْ]، أَقَا ذ ثوْصيّثْ إِ شكْ ؤُ إِ إِحنْجِيرنْ نّشْ إِ ڒبْذَا.
EXO 12:25 أَذْ يِيڒِي، خْمِي غَا ثَاذْفمْ غَارْ ثمُّورْثْ ثنِّي ذ أَومْ غَا يوْشْ سِيذِي، أَمْ مَامّشْ إِنَّا نتَّا، أَذْ ثحْضَامْ أَعْبَاذْ-أَ [ن ڒِيذَارثْ].
EXO 12:26 ؤُشَا خْ مِينِّي ذ أَومْ غَا إِنِينْ إِحنْجِيرنْ نْومْ: ’مِينْ إِخْسْ أَذْ يِينِي وعْبَاذْ-أَ [ن ڒِيذَارثْ] إِ كنِّيوْ؟‘،
EXO 12:27 [خنِّي] أَذْ ثِينِيمْ: ’أَقَا ذ ثَاغَارْصْثْ ن ؤُسعْذُو إِ سِيذِي ونِّي إِعْذُونْ خْ ثُوذْرِينْ ن أَيْثْ ن إِسْرَائِيل ذِي مِيصْرَا، ؤُمِي إِوْثَا إِمِيصْرِييّنْ ؤُشَا إِفكّْ ثُوذْرِينْ نّغْ.‘ “ ڒخْذنِّي يُوضَارْ ڒْڭنْسْ ؤُشَا بنْذْقنْ نِيثْنِي.
EXO 12:28 رُوحنْ أَيْثْ ن إِسْرَائِيل ؤُشَا ڭِّينْ أَمْ مَامّشْ ثنْ يُومُورْ سِيذِي إِ مُوسَا ذ هَارُونْ ؤُ أَمُّو إِ ت ڭِّينْ.
EXO 12:29 ثُوغَا غَارْ وزْينْ ن دْجِيڒثْ ؤُمِي إِوْثَا سِيذِي مَارَّا إِمنْزَا ذِي ثمُّورْثْ ن مِيصْرَا س ڒْموْثْ، زڭْ ؤُمنْزُو ن فِيرْعُونْ، ونِّي إِقِّيمنْ خْ ڒْعَارْشْ نّسْ، أَڒْ أَمنْزُو ن ؤُمحْبُوسْ إِ إِدْجَانْ ذِي ڒحْبسْ، ؤُڒَا ذ مَارَّا إِمنْزَا ن ڒبْهَايمْ.
EXO 12:30 إِكَّارْ فِيرْعُونْ ذِي دْجِيڒثْ نِّي، نتَّا ذ مَارَّا إِمْسخَّارنْ نّسْ ذ مَارَّا إِمِيصْرِييّنْ ؤُشَا ثُوغَا ذِينْ إِشْثْ ن ثْغُويِّيثْ ثمْغَارْ مِينْزِي وَارْ ثُوغِي ؤُڒَا ذ إِشْثْ ن ثَادَّارْثْ مَانِي وَارْ إِدْجِي ؤُمتِّينْ.
EXO 12:31 ؤُشَا إِڒَاغَا-د إِ مُوسَا ذ هَارُونْ س دْجِيڒثْ، إِنَّا: ”كَّارمْ، ثفّْغمْ زِي ڒْوسْطْ ن ڒْڭنْسْ إِنُو، كنِّيوْ [جْمِيعْ] أَكْ-ذ أَيْثْ ن إِسْرَائِيل، رُوحمْ، ثْعبْذمْ سِيذِي، أَمْ مَامّشْ ثنَّامْ كنِّيوْ.
EXO 12:32 أَوْيمْ ؤُدْجِي نْومْ ذ إِفُونَاسنْ ذ ثْفُونَاسِينْ نْومْ، أَمْ مَامّشْ ثنَّامْ. رُوحمْ، [مَاشَا تّْزَاوْڭغْ كنِّيوْ،] بَارْكمْ أَيِي نشّْ عَاوذْ!“
EXO 12:33 زيَّارنْ إِمِيصْرِييّنْ أَطَّاسْ خْ ڒْڭنْسْ، مَاحنْذْ نِيثْنِي أَذْ فّْغنْ س ؤُقدْجقْ زِي ثمُّورْثْ، مِينْزِي [إِمِيصْرِييّنْ] نَّانْ: ”أَقَا نشِّينْ مَارَّا ذ إِمتَّانْ!“
EXO 12:34 ؤُشَا يِيوِي ڒْڭنْسْ أَرشْثِي نّسْ قْبڒْ مَا غَا إِنْضُو ؤُشَا ثِيبقْيِينْ نّْضنْ ثنْثْ جَارْ وَارُّوضْ نْسنْ خْ طْغَارْضِينْ نْسنْ.
EXO 12:35 أَيْثْ ن إِسْرَائِيل ڭِّينْ عْلَاحْسَابْ أَوَاڒْ [إِ ذ أَسنْ إِنَّا] مُوسَا، تَّارنْ ڒقْشُوعْ ن نُّوقَارْثْ ذ وُورغْ ذ وَارُّوضْ زڭْ إِمِيصْرِييّنْ.
EXO 12:36 سِيذِي إِوْشَا ڒْڭنْسْ أَرْضَا ذِي ثِيطَّاوِينْ ن إِمِيصْرِييّنْ، وْشِينْ أَسنْ مِينْ تَّارنْ، ؤُ [أَمُّو إِ] كشّْضنْ نِيثْنِي إِمِيصْرِييّنْ.
EXO 12:37 فسْينْ أَيْثْ ن إِسْرَائِيل إِقِيضَانْ نْسنْ، [ؤُيُورنْ] زِي رَاعَامْسِيسْ غَارْ سُوكُّوثْ، [ثُوغَا أَثنْ] عْڒَاحَاڒْ ذِي ستَّا-مْيَاثْ-أَڒفْ خْ إِضَارنْ، تّْوَاحسْبنْ إِرْيَازنْ وَاهَا، بْڒَا إِحنْجِيرنْ.
EXO 12:38 إِڭعّذْ أَكِيذْسنْ إِجّْ ن ؤُبَارُّو ذ أَمقّْرَانْ ن عْڒَامْ كُوڒْ إِوْذَانْ، [خنِّي عَاوذْ] ؤُدْجِي ذ إِفُونَاسنْ ذ ثْفُونَاسِينْ، أَقَا-ت ذ إِشْثْ ن ثْحِيمَارْثْ ثمْغَارْ أَطَّاسْ.
EXO 12:39 س وَارشْثِي إِ كِيذْسنْ د-إِوْينْ زِي مِيصْرَا ڭّْوِينْ ثِيفْضِيرِينْ بْڒَا أَنْثُونْ، مِينْزِي ثُوغَا [عَاذْ] وَارْ إِسْمِيمْ، مِينْزِي ؤُژّْڒنْ خَاسنْ-د زِي مِيصْرَا ؤُ وَارْ زمَّارنْ أَذْ بدّنْ مَاحنْذْ أَذْ أَريّْحنْ ؤُ وَارْ سّْوجْذنْ مَاشَّا إِ وبْرِيذْ إِ يِيخفْ نْسنْ.
EXO 12:40 ثُوغَا [ڒْْمِيجَاڒْ ن] ثْزذِّيغْثْ ن أَيْثْ ن إِسْرَائِيل ذِي مِيصْرَا، [ڒْْمِيجَارْ] إِ [ذِينْ] إِزذْغنْ، أَربْعَا-مْيَا ؤُ-ثْڒَاثِينْ ن إِسڭّْوُوسَا.
EXO 12:41 غَارْ ؤُنڭَّارْ ن أَربْعَا-مْيَا ؤُ-ثْڒَاثِينْ ن إِسڭّْوُوسَا، ذڭْ وَاسّْ نِّي سِيمَانْثْ نّسْ، فّْغنْ مَارَّا ڒْعسْكَارْ ن سِيذِي زِي ثمُّورْثْ ن مِيصْرَا.
EXO 12:42 ثَانِيثَا أَقَا-ت ذ إِشْثْ ن دْجِيرثْ إِتّْخصَّا أَذْ ثتّْوَاحْضَا [إِ ڒوْقَارْ] إِ سِيذِي، مَاغَارْ نتَّا إِنْذهْ إِ-ثنْ زِي ثمُّورْثْ ن مِيصْرَا. دْجِيڒثْ-أَ ثَانِيثَا، أَقَا-ت إِ سِيذِي. إِتّْخصَّا أَذْ ثتّْوَاحْذَا زِي مَارَّا أَيْثْ ن إِسْرَائِيل، ذِي [مَارَّا] جِّيڒَاثْ نْسنْ.
EXO 12:43 إِنَّا سِيذِي إِ مُوسَا ذ هَارُونْ: ”ذ ثَا ذ ثَاوْصيّثْ خْ [ثْغَارْصْثْ ن] ؤُسعْذُو: وَارْ زَّايسْ إِتّتّْ مِّيسْ ن ؤُبَارَّانِي،
EXO 12:44 [مَاشَا] كُوڒْ إِسْمغْ إِمّسْغنْ زڭْ إِجّْ ن ورْيَازْ س نُّوقَارْثْ، إِزمَّارْ أَذْ زَّايسْ يشّْ، مَاڒَا ثْخثْنذْ أَسْ.
EXO 12:45 أَمْعزّبْ ذ ؤُشوَّاڒْ وَارْ زَّايسْ تّتّنْ شَا.
EXO 12:46 أَذْ إِتّْوَاشّْ ذِي ثَادَّارْثْ ذ إِشْثْ ؤُ وَارْ إِتّفّغْ وَالُو زڭْ ويْسُومْ نِّي غَارْ بَارَّا ن ثَادَّارْثْ ؤُشَا وَارْ زَّايسْ إِتَّارژِّي ؤُڒَا ذ إِجّْ ن يِيغسْ.
EXO 12:47 مَارَّا ثَامسْمُونْثْ ن إِسْرَائِيل أَذْ ثڭّْ [أَمنِّي].
EXO 12:48 مَاڒَا شَا ن ؤُبَارَّانِي إِنّوْجوْ-د غَاركْ ؤُشَا إِخْسْ أَذْ إِسّوْجذْ [ثَاغَارْصْثْ ن] ؤُسعْذُو إِ سِيذِي، إِتّْخصَّا أَذْ إِتّْوَاخْثنْ كُوڒْ أَرْيَازْ نِّي غَارسْ إِدْجَانْ. ڒخْذنِّي أَذْ د-إِقَارّبْ، أَذْ ت إِسّوْجذْ، ؤُشَا أَذْ يِيڒِي أَمْ ونِّي د-إِخڒْقنْ ذِي ثمُّورْثْ. مَاشَا ؤُڒَا ذ إِجّْ زڭْ إِنِّي وَارْ إِخْثِيننْ وَارْ إِزمَّارْ أَذْ زَّايسْ يشّْ.
EXO 12:49 أَذْ ذِينْ يِيڒِي إِجّْ ن ؤُزرْفْ إِ ونِّي د-إِخڒْقنْ [ذِي ثمُّورْثْ] ؤُ إِ ؤُبَارَّانْ إِ إِزدّْغنْ جَارْ أَومْ أَمْ ؤُبَارَّانِي.“
EXO 12:50 ؤُشَا مَارَّا أَيْثْ ن إِسْرَائِيل ڭِّينْ أَمْ مَامّشْ ذ أَسنْ يُومُورْ مُوسَا ذ هَارُونْ، أَمُّو إِ ت ڭِّينْ.
EXO 12:51 ؤُشَا إِمْسَارْ ذڭْ وَاسّْ نِّي سِيمَانْثْ نّسْ إِسُّوفُّوغْ سِيذِي أَيْثْ ن إِسْرَائِيل زِي ثمُّورْثْ ن مِيصْرَا [أَمْ تّْوَاستّْفنْ نِيثْنِي] عْلَاحْسَابْ [إِسذِّييّنْ ن] ڒْعسْكَارْ نْسنْ.
EXO 13:1 إِسِّيوڒْ سِيذِي أَكْ-ذ مُوسَا، إِنَّا:
EXO 13:2 ”سْقدّسْ أَيِي كُوڒْ أَمنْزُو، ونِّي زِي جَارْ أَيْثْ ن إِسْرَائِيل يَارزْمنْ ڒمْڒَاوثْ [ذ أَمزْوَارُو]، أَمْ زڭْ إِوْذَانْ أَمْ زِي ڒبْهَايمْ. نتَّا أَقَا إِنُو.“
EXO 13:3 إِنَّا مُوسَا إِ ڒْڭنْسْ: ”إِذَارمْ أَسّْ-أَ مِينْ ذِي ثفّْغمْ زِي مِيصْرَا، زِي ثَادَّارْثْ ن ثسْمُوغِي، مِينْزِي سِيذِي إِسُّوفّغْ-د كنِّيوْ زَّايسْ س ؤُفُوسْ إِجهْذنْ. [ذڭْ وَاسّْ-أَ] وَارْ ثتّتّمْ وَالُو مِينْ ذِي إِدْجَا ونْثُونْ.
EXO 13:4 أَسّْ-أَ أَذْ ثفّْغمْ، ذڭْ ؤُيُورْ ن أَبِيبْ.
EXO 13:5 مَاڒَا سِيذِي إِسِّيذفْ إِ شكْ غَارْ ثمُّورْثْ ن أَيْثْ ن كنْعَانْ ذ إِحِيتِّييّنْ ذ إِمُورِييّنْ ذ إِحِيوِييّنْ ذ إِيابُوسِييّنْ، خْ ثنِّي إِجُّودْجْ إِ ڒجْذُوذْ نْومْ أَذْ أَشْ ت إِوْشْ، ثَامُّورْثْ إِفيّْضنْ س ؤُغِي ذ ثَامّنْثْ، [خنِّي] أَذْ ثحْضَامْ أَعْبَاذْ-أَ [ن ڒِيذَارثْ] ذڭْ ؤُيُورْ-أَ.
EXO 13:6 سبْعَا ن وُوسَّانْ أَذْ ثشّذْ أَغْرُومْ بْڒَا أَنْثُونْ ؤُشَا ذڭْ وَاسّْ وِيسّْ سبْعَا [أَذْ ذِينْ يِيڒِي] إِجّْ ن ڒْعِيذْ إِ سِيذِي.
EXO 13:7 سبْعَا ن وُوسَّانْ أَذْ إِتّْوَاشّْ وغْرُومْ بْڒَا أَنْثُونْ ؤُشَا وَارْ غَاركْ إِتّْوِيفِّي مِينْ إِخمّْرنْ. ذِي مَارَّا جّْوَايهْ نّشْ وَارْ إِتّْوِيفِي ونْثُونْ غَاركْ.
EXO 13:8 ذڭْ وَاسّْ نِّي أَذْ ثْحَاجِيذْ إِ مِّيشْ، أَذْ أَسْ ثِينِيذْ: مَانْ أَيَا ذِي طّْوعْ ن مِينْ ذ أَيِي إِڭَّا سِيذِي ؤُمِي د-فّْغغْ زِي مِيصْرَا.
EXO 13:9 أَذْ أَشْ يِيڒِي أَمْ يِيجّْ ن ؤُشيَّارْ خْ ؤُفُوسْ نّشْ ؤُ إِ ڒِيذَارثْ جَارْ ثِيطَّاوِينْ نّشْ، مَاحنْذْ شَّارِيعَا ن سِيذِي أَذْ ثِيڒِي ذڭْ ؤُقمُّومْ نّشْ، مِينْزِي س ؤُفُوسْ إِجهْذنْ إِسُّوفّغْ سِيذِي إِ كنِّيوْ زِي مِيصْرَا.
EXO 13:10 س ؤُيَا إِ غَا ثحْضِيذْ ثَاوْسِييّثْ-أَ ذِي ڒْوقْثْ نّسْ إِ ذ أَسْ إِتّْوَاڭّنْ، زڭْ ؤُسڭّْوَاسْ غَارْ ؤُسڭّْوَاسْ.
EXO 13:11 أَذْ يِيڒِي خْمِي شكْ غَا إِسِّيذفْ سِيذِي ذِي ثمُّورْثْ ن أَيْثْ ن كنْعَانْ، أَمْ مَامّشْ إِ ذ أَشْ إِجُّودْجْ ؤُڒَا إِ ڒجْذُوذْ نّشْ، ؤُشَا إِوْشَا أَشْ ت،
EXO 13:12 [خنِّي] أَذْ ثسّعْذُوذْ غَارْ سِيذِي كُوڒْ [أَمنْزُو] إِ يَارزْمنْ ڒمْڒَاوثْ [ذ أَمزْوَارُو] ؤُڒَا ذ كُوڒْ أَمنْزُو ن ڒبْهَايمْ إِ يَارزْمنْ ڒمْڒَاوثْ [ذ أَمزْوَارُو]: إِوثْمَانْ أَذْ إِڒِينْ إِ سِيذِي.
EXO 13:13 مَاشَا كُوڒْ [أَمنْزُو] إِ يَارزْمنْ ڒمْڒَاوْڒثْ ن وغْيُوڒْ [ذ أَمزْوَارُو]، أَذْ ث ثفْذِيذْ س يِيجّْ زڭْ وُودْجِي. مَاڒَا وَارْ ث ثفْذِيذْ، أَذْ أَسْ ثَارْژذْ إِرِي. كُوڒْ أَمنْزُو ن بْنَاذمْ زڭْ إِحنْجِيرنْ نّشْ أَذْ ث ثفْذِيذْ.
EXO 13:14 ؤُشَا أَذْ إِمْسَارْ، خْمِي شكْ غَا إِسّقْسَا مِّيشْ ثِيوشَّا، أَذْ يِينِي: ’مَانَاوْيَا؟‘، أَذْ أَسْ ثِينِيذْ: ’أَقَا إِسُّوفُّوغْ أَنغْ-د سِيذِي زِي مِيصْرَا س ؤُفُوسْ إِجهْذنْ، زِي ثَادَّارْثْ ن ثسْمُوغِي.
EXO 13:15 [ڒَْامِي] ذ أَنغْ إِبدّْ فِيرْعُونْ ذڭْ وبْرِيذْ إِ وُوفُّوغْ نّغْ، إِمْسَارْ أَقَا سِيذِي إِنْغَا مَارَّا إِمنْزَا ذِي ثمُّورْثْ ن مِيصْرَا، زڭْ ؤُمنْزُو ن بْنَاذمْ أَڒْ أَمنْزُو ن ڒبْهِيمثْ. خْ ؤُيَا قدّْمغْ كُوڒْ أَمنْزُو إِ يَارزْمنْ ڒمْڒَاوثْ [ذ أَمزْوَارُو] ذ ثَاغْرَاصْثْ إِ سِيذِي، [مَاشَا] كُوڒْ أَمنْزُو جَارْ إِحنْجِيرنْ إِنُو، أَذْ ث فْذِيغْ.
EXO 13:16 أَذْ يِيڒِي ذ أَشيَّارْ خْ ؤُفُوسْ نّشْ ذ إِجّْ ن ؤُفِيڒُو ن ؤُسڭّمْ جَارْ ثِيطَّاوِينْ نّشْ، مِينْزِي سِيذِي أَقَا إِسُّوفّغْ أَنغْ-د زِي مِيصْرَا س ؤُفُوسْ إِجهْذنْ.‘ “
EXO 13:17 [ؤُمِي] إِجَّا فِيرْعُونْ ڒْڭنْسْ أَذْ إِرَاحْ، وَارْ ثنْ إِنْذِيهْ أَربِّي غَارْ وبْرِيذْ ن ثمُّورْثْ ن إِفِيلِيسْطِينِييّنْ، وَاخَّا نتَّاثْ ثُوذسْ، مِينْزِي أَربِّي إِنَّا: ”مَاحنْذْ وَارْ إِتّنْذمِّي ڒْڭنْسْ خْمِي غَا إِژَارْ ڒْبَارُوضْ ؤُشَا أَذْ د-إِذْوڒْ غَارْ مِيصْرَا.“
EXO 13:18 إِنْذهْ أَربِّي ڒْڭنْسْ، مَاحنْذْ أَذْ إِكّْ خْ وبْرِيذْ ن ڒخْڒَا غَارْ ڒبْحَارْ ن ثلْڭَا. ؤُشَا ڭعّْذنْ أَيْثْ ن إِسْرَائِيل زِي مِيصْرَا وجْذنْ إِ ؤُمنْغِي.
EXO 13:19 إِكْسِي مُوسَا أَكِيذسْ إِغْسَانْ ن يُوسُوفْ، مِينْزِي نتَّا إِسّْجُودْجْ أَيْثْ ن إِسْرَائِيل س إِشْثْ ن ثْژَادْجِيثْ، إِنَّا: ”س ثِيذتّْ أَذْ غَارْومْ د-يَارْزفْ أَربِّي، ؤُشَا أَذْ ثسّْڭعّْذمْ إِغْسَانْ إِنُو سَّا أَكِيذْومْ!“
EXO 13:20 ؤُشَا فسْينْ إِقِيضَانْ نْسنْ، [ڭّْوجنْ] خْ سُوكُّوثْ ؤُشَا وْثِينْ إِقِيضَانْ نْسنْ ذِي إِثَامْ، غَارْ طَّارْفْ ن ڒخْڒَا.
EXO 13:21 سِيذِي إِزْوَارْ إِ ثِيطَّاوِينْ نْسنْ ذڭْ ؤُژِيڒْ ذڭْ إِجّْ ن ؤُقلِّيجْ ن ؤُسيْنُو، مَاحنْذْ أَذْ ثنْ إِڭوّذْ ذڭْ وبْرِيذْ، ؤُ ذِي دْجِيڒثْ ذڭْ إِجّْ ن ؤُقلِّيجْ ن ثْمسِّي، حِيمَا أَذْ غَارْسنْ إِڭّْ ثَافَاوْثْ، حِيمَا [أَذْ ثَافْ زمَّارنْ] أَذْ ؤُيُورنْ أَسّْ ذ دْجِيڒثْ.
EXO 13:22 ذڭْ وَاسّْ وَارْ د-إِكِّيسْ أَقلِّيجْ ن ؤُسيْنُو زَّاثْ إِ ؤُغمْبُوبْ ن ڒْڭنْسْ ؤُڒَا ذِي دْجِيڒثْ [وَارْ د-إِكِّيسْ] أَقلِّيجْ ن ثْمسِّي.
EXO 14:1 [خنِّي] إِسِّيوڒْ سِيذِي أَكْ-ذ مُوسَا، إِنَّا:
EXO 14:2 ”سِيوڒْ أَكْ-ذ أَيْثْ ن إِسْرَائِيل، [مَاحنْذْ] أَذْ د-ذوْڒنْ ؤُشَا أَذْ وْثنْ إِقِيضَانْ نْسنْ زَّاثْ إِ فِي-هَاخِيرُوثْ، جَارْ مِيڭْذُولْ ذ ڒبْحَارْ، قِيبَاتْشْ إِ بَاعَالْ-صَافُونْ. أَرنْذَاذْ نّسْ أَذْ ثوْثمْ إِقِيضَانْ نْومْ خْ ثْمَا ن ڒبْحَارْ.
EXO 14:3 [خنِّي] أَذْ يِينِي فِيرْعُونْ خْ أَيْثْ ن إِسْرَائِيل: ’أَقَا نِيثْنِي ودَّارنْ ذِي ثمُّورْثْ، أَقَا ڒخْڒَا إِحْصَارْ إِ-ثنْ.‘
EXO 14:4 ؤُشَا نشّْ أَذْ سّْقسْحغْ ؤُڒْ ن فِيرْعُونْ، [حِيمَا] أَذْ ثنْ إِضْفَارْ ؤُ نشّْ أَذْ تّْوَاسّْعُودْجِيغْ خْ فِيرْعُونْ ؤُ خْ مَارَّا ڒْعسْكَارْ نّسْ ؤُشَا أَذْ سّْننْ إِمِيصْرِييّنْ بلِّي نشّْ ذ سِيذِي.“ ؤُشَا أَمُّو إِ ت ڭِّينْ نِيثْنِي.
EXO 14:5 ؤُشَا خبَّارنْ إِ ؤُجدْجِيضْ ن مِيصْرَا بلِّي ڒْڭنْسْ يَارْوڒْ. [خنِّي] إِبدّڒْ وُوڒْ ن فِيرْعُونْ ذ إِمْسخَّارنْ نّسْ خْ ڒْڭنْسْ ؤُشَا نَّانْ: ”مَامّشْ إِ نڭَّا أَيَا، نسّكّْ إِسْرَائِيل زِي ثسْمُوغِي إِ إِڭِّينْ إِ نشِّينْ؟“
EXO 14:6 ؤُشَا إِحزّمْ [فِيرْعُونْ] أَكَارُّو نّسْ، إِكْسِي أَكِيذسْ ڒْڭنْسْ نّسْ.
EXO 14:7 إِكْسِي أَكِيذسْ ستَّا-مْيَا ن إِكَارُّوثنْ إِشوَّارنْ ذ مَارَّا إِكَارُّوثنْ ن مِيصْرَا ؤُشَا [إِڭَّا] أَشوَّارْ ن إِنغْرَافنْ [زِي ڒْعسْكَارْ] نّسْ خْ كُوڒْ [إِجّْ زَّايْسنْ].
EXO 14:8 أَقَا إِسّقْسحْ سِيذِي ؤُڒْ ن فِيرْعُونْ، أَجدْجِيذْ ن مِيصْرَا، ؤُشَا يَارْذفْ نتَّا أَيْثْ ن إِسْرَائِيل، مَاشَا أَيْثْ ن إِسْرَائِيل ثُوغَا فّْغنْ س يِيجّْ ن ؤُفُوسْ إِتّْوَاسّْڭعّْذنْ.
EXO 14:9 أَرذْفنْ ثنْ إِمِيصْرِييّنْ ؤُشَا إِوْضنْ غَارْسنْ س مَارَّا إِيْسَانْ ذ إِكَارُّوثنْ ن فِيرْعُونْ ذ إِمْنَاينْ نّسْ ذ ڒْعسْكَارْ نّسْ، غَارْ فِي-هَاخَارُوثْ، غَارْ ؤُجمَّاضْ ن بَاعَالْ-صَافُونْ، مَانِي وْثِينْ إِقِيضَانْ نْسنْ غَارْ ڒبْحَارْ.
EXO 14:10 [ڒَْامِي] ثنْ د-يُوذسْ فِيرْعُونْ، سّْڭعّْذنْ أَيْثْ ن إِسْرَائِيل ثَامُوغْڒِي نْسنْ، ژْرِينْ بلِّي إِمِيصْرِييّنْ ضْفَارنْ ثنْ-د ؤُشَا نِيثْنِي ڭّْوذنْ أَطَّاسْ. [خنِّي] سْغُوينْ أَيْثْ ن إِسْرَائِيل غَارْ سِيذِي.
EXO 14:11 نَّانْ إِ مُوسَا: ”مَا وَارْ دْجِينْ [عَاذْ] إِمضْڒَانْ ذِي مِيصْرَا أَڒْ ذ أَنغْ د-ثَاوْيذْ، مَاحنْذْ أَذْ نمّثْ ذِي ڒخْڒَا-يَا؟ مَاغَارْ ثڭِّيذْ أَمُّو، ثسُّوفّْغذْ أَنغْ-د زِي مِيصْرَا؟
EXO 14:12 مَا وَارْ كِيذكْ نسِّيوڒْ مَارَّا أَوَاڒنْ-أَ ذِي مِيصْرَا، ننَّا: ’أجّْ أَنغْ أَذْ نخْذمْ إِ إِمِيصْرِييّنْ‘؟ خَارْ مَاڒَا [ثُوغَا نقِّيمْ] نخْذمْ إِ إِمِيصْرِييّنْ خْ مَاڒَا نمُّوثْ ذِي ڒخْڒَا.“
EXO 14:13 [خنِّي] إِنَّا مُوسَا إِ ڒْڭنْسْ: ”وَارْ تّڭّْوذمْ، بدّمْ، ثخْزَارمْ أَسنْجمْ ن سِيذِي إِ ذ أَومْ غَا يوْشْ أَسّْ-أَ، مِينْزِي إِمِيصْرِييّنْ نِّي ثتّْوَاڒَامْ أَسّْ-أَ،عمَّارْصْ أَذْ ثنْ ثْژَارمْ عَاذْ إِ ڒبْذَا.
EXO 14:14 سِيذِي أَذْ خَاومْ إِمّْنغْ ؤُشَا كنِّيوْ أَذْ ثْسغْذمْ [وَاهَا].“
EXO 14:15 إِنَّا سِيذِي إِ مُوسَا: ”مَايمِّي غَارِي ثتّْڒَاغِيذْ؟ إِنِي إِ أَيْثْ ن إِسْرَائِيل [حِيمَا] أَذْ فسْينْ إِقِيضَانْ نْسنْ.
EXO 14:16 سْڭعّذْ ثَاغَّارْشْثْ نّشْ، سْوِيژّضْ أَفُوسْ نّشْ خْ ڒبْحَارْ ؤُشَا فَارْقْ إِ-ث، حِيمَا أَذْ إِژْوَا أَيْثْ ن إِسْرَائِيل خْ ڒْبَارّْ ذِي ڒْوسْطْ ن ڒبْحَارْ.
EXO 14:17 خْزَارْ، نشّْ أَذْ سّْقسْحغْ ؤُڒْ ن إِمِيصْرِييّنْ، مَاحنْذْ أَذْ ثنْ أَرذْفنْ [ذِي ڒبْحَارْ] ؤُ نشّْ أَذْ سّْعُودْجِيغْ إِخفْ إِنُو س فِيرْعُونْ ؤُ س مَارَّا ڒْعسْكَارْ نّسْ، إِكَارُّوثنْ نّسْ ذ إِمْنَاينْ نّسْ [ن إِيْسَانْ].
EXO 14:18 أَذْ سّْننْ إِمِيصْرِييّنْ بلِّي نشّْ ذ سِيذِي، خْمِي غَا تّْوَاسّْعُودْجِيغْ س فِيرْعُونْ، س إِكَارُّوثنْ نّسْ ذ إِمْنَاينْ نّسْ [ن إِيْسَانْ].“
EXO 14:19 [خنِّي] إِمُّوطِّي لْمَالَاكْ ن أَربِّي نِّي يُويُورنْ زَّاثْ إِ ڒْعسْكَارْ ن إِسْرَائِيل ؤُشَا إِذْوڒْ غَارْ ضفَّارْ [نْسنْ]: أَقلِّيجْ ن ؤُسيْنُو إِمُّوطِّي زِي زَّاثْ إِ وُوذمْ نْسنْ ؤُشَا إِبدّْ غَارْ ضفَّارْ نْسنْ.
EXO 14:20 يُوذفْ [ؤُقلِّيجْ] جَارْ ڒْعسْكَارْ ن إِمِيصْرِييّنْ ذ ڒْعسْكَارْ ن إِسْرَائِيل. ثُوغَا أَسيْنُو ذ ثَادْجسْثْ [غَارْ ؤُغزْذِيسْ-أَ] ؤُ إِسِّيغْ [إِ ؤُغزْذِيسْ نّغْنِي] س دْجِيڒثْ ؤُ وَارْ د-إِقَارّبْ إِجّنْ غَارْ ونّغْنِي دْجِيڒثْ ثكْمڒْ.
EXO 14:21 ؤُشَا إِسّْوِيژّضْ مُوسَا أَفُوسْ نّسْ خْ ڒبْحَارْ ؤُشَا إِعَارْنْ سِيذِي خنِّي ڒبْحَارْ غَارْ ؤُغزْذِيسْ س يِيجّْ ن ؤُسمِّيضْ ذ أَشَارْقِي إِجْهذْ، مَارَّا دْجِيڒثْ [نِّي]، ؤُشَا يَارَّا ڒبْحَارْ أَذْ إِجفّفْ. [أَمُّو] إِ تّْوَامّْسبْضَانْ وَامَانْ.
EXO 14:22 ؤُيُورنْ أَيْثْ ن إِسْرَائِيل خْ مِينْ يُوژْغنْ ذِي ڒْوسْطْ ن ڒبْحَارْ ؤُشَا أَمَانْ ڭِّينْ أَمشْنَاوْ ڒْحِيضْ خْ يفُوسْ نْسنْ ذ ؤُزڒْمَاضْ نْسنْ.
EXO 14:23 أَرذْفنْ ثنْ إِمِيصْرِييّنْ، رُوحنْ أَوَارْنِي أَسنْ ذِي ڒْوسْطْ ن ڒبْحَارْ س مَارَّا إِيْسَانْ ن فِيرْعُونْ ذ إِكَارُّوثنْ نّسْ ذ إِمْنَاينْ نّسْ [ن يِييْسَانْ].
EXO 14:24 ڒَامِي ذ يفُّو ڒْحَاڒْ، إِمْسَارْ بلِّي سِيذِي إِصْوضْ غَارْ ڒْعسْكَارْ ن إِمِيصْرِييّنْ زڭْ ؤُقلِّيجْ ن ثْمسِّي ذ إِسيْنُوثنْ ؤُشَا إِسّْخَارْوضْ ڒْعسْكَارْ ن مِيصْرَا.
EXO 14:25 إِجَّا ثِيجَارَّارِينْ ن إِكَارُّوثنْ نْسنْ أَذْ فسْخنْثْ، أَڒَامِي إِذْوڒْ إِوْعَارْ خَاسنْ أَذْ ؤُيُورنْ غَارْ زَّاثْ. [ڒخْذنِّي] نَّانْ إِمِيصْرِييّنْ، [كُوڒْ إِجّنْ زَّايْسنْ إِ يِيخفْ نّسْ]: ”إِتّْخصَّا أَيِي أَذْ أَروْڒغْ زِي زَّاثْ ن ثِيطَّاوِينْ ن إِسْرَائِيل، مِينْزِي سِيذِي إِمّْنغْ ذِي طّْوعْ نْسنْ ضِيدّْ إِ إِمِيصْرِييّنْ.“
EXO 14:26 إِنَّا سِيذِي إِ مُوسَا: ”سْوِيژّضْ أَفُوسْ نّشْ خْ ڒبْحَارْ، حِيمَا أَذْ ذوْڒنْ وَامَانْ خْ إِمِيصْرِييّنْ، خْ إِكَارُّوثنْ نْسنْ ؤُ خْ إِمْنَاينْ نْسنْ [ن إِيْسَانْ].“
EXO 14:27 [خنِّي] إِسّْوِيژّضْ مُوسَا أَفُوسْ نّسْ خْ ڒبْحَارْ ؤُ غَارْ ڒفْجَارْ ن صّْبحْ إِذْوڒْ ڒبْحَارْ غَارْ مَانِي ث ثُوغَا قْبڒْ ؤُشَا أَروْڒنْ إِمِيصْرِييّنْ نِيشَانْ ضِيدّْ نّسْ ؤُشَا إِغْضڒْ سِيذِي إِمِيصْرِييّنْ ذِي ڒْوسْطْ ن ڒبْحَارْ.
EXO 14:28 ذوْڒنْ-د وَامَانْ ؤُشَا تّْوَانضْڒنْ إِكَارُّوثنْ ذ إِمْنَاينْ [ن إِيْسَانْ] ن مَارَّا ڒْعسْكَارْ ن فِيرْعُونْ إِ ثُوغَا يُوذفْ أَوَارْنِي أَسنْ غَارْ ڒبْحَارْ. وَارْ زَّايْسنْ إِقِّيمْ ؤُڒَا ذ إِجّنْ.
EXO 14:29 [مَاشَا] أَيْثْ ن إِسْرَائِيل ؤُيُورنْ خْ مِينْ يُوژْغنْ ذِي ڒْوسْطْ ن ڒبْحَارْ ؤُ أَمَانْ ثُوغَا ڭِّينْ أَمشْنَاوْ ڒْحِيضْ غَارْ يفُوسْ نْسنْ ذ ؤُزڒْمَاضْ نْسنْ.
EXO 14:30 [أَمُّو] إِ إِسّنْجمْ سِيذِي إِسْرَائِيل ذڭْ وَاسّْ نِّي زڭْ ؤُفُوسْ ن إِمِيصْرِييّنْ ؤُشَا إِسْرَائِيل إِژْرَا إِمِيصْرِييّنْ إِ إِمُّوثنْ خْ ثْمَا ن ڒبْحَارْ.
EXO 14:31 إِژْرَا إِسْرَائِيل أَفُوسْ إِمْغَارنْ إِ إِڭَّا سِيذِي ذڭْ إِمِيصْرِييّنْ ؤُشَا إِڭّْوذْ ڒْڭنْسْ زِي سِيذِي، ؤُشَا ؤُمْننْ نِيثْنِي ذِي سِيذِي ؤُ ذِي مُوسَا، أَمْسخَّارْ نّسْ.
EXO 15:1 ڒخْذنِّي إِزهّذْ مُوسَا جْمِيعْ أَكْ-ذ أَيْثْ ن إِسْرَائِيل زْهِيذْ-أَ إِ سِيذِي، نَّانْ: ”أَذْ زهّْذغْ إِ سِيذِي، مِينْزِي نتَّا يُوعْڒَا ذِي ڒُوعْڒَا! أَيِيسْ ذ ونِّي خَاسْ ينْيِينْ إِنْضَارْ إِ-ثنْ ذِي ڒبْحَارْ.
EXO 15:2 سِيذِي ذ جّهْذْ إِنُو ذ أَزهّذْ إِنُو. نتَّا إِذْوڒْ ذ أَسنْجمْ إِنُو. وَا ذ أَربِّي إِنُو، نشّْ أَذْ ث سّمْغَارغْ. نتَّا ذ أَربِّي ن بَابَا، نشّْ أَذْ ث سّْعُودْجغْ!
EXO 15:3 سِيذِي ذ أَرْيَازْ ن ؤُمنْغِي، سِيذِي ذ إِسمْ نّسْ!
EXO 15:4 إِكَارُّوثنْ ن فِيرْعُونْ ذ ڒْعسْكَارْ نّسْ إِنْضَارْ إِ-ثنْ ذِي ڒبْحَارْ ؤُ أَشوَّارْ ن إِنغْرَافنْ نّسْ ن ڒْعسْكَارْ غَارْقنْ ذِي ڒبْحَارْ ن ثلْڭَا.
EXO 15:5 أَمَانْ إِهوْڒنْ ذْڒِينْ إِ-ثنْ. أَمشْنَاوْ أَژْرُو، هْوَانْ غَارْ ڒَادْجَاغْ.
EXO 15:6 أَ سِيذِي، أَفُوسْ أَفُوسِي نّشْ إِتّْوَاعزّْ س جّهْذْ، أَفُوسْ أَفُوسِي نّشْ، أَ سِيذِي، أَقَا إِڒْبزْ ڒعْذُو.
EXO 15:7 س ڒمْغَارثْ ن ؤُعُودْجِي نّشْ ثثحِّيذْ إِنِّي كِيكْ إِتّمْعَاڒَانْ. مَاڒَا ثسّكّذْ ڒْحَاذُوقْ ن وغْضَابْ نّشْ، أَذْ ثنْ يشّْ وَانِيثَا أَمشْنَاوْ إِغدْجْ.
EXO 15:8 س ؤُسُوضِي ن ونْزَارنْ نّشْ عُورّْشنْ وَامَانْ، تّْوَاسّْبدّنْ ثْسدْجْيَا أَمْ وغْبَارْ، أَمَانْ إِهوْڒنْ جمْذنْ ذِي ڒْوسْطْ ن ڒبْحَارْ.
EXO 15:9 إِنَّا ڒعْذُو: ’أَذْ ثنْ أَرذْفغْ، أَذْ ثنْ عْذُوغْ، أَذْ بْضِيغْ ڒْمُورْ، ڒعْمَارْ إِنُو أَذْ زَّايْسنْ إِجِّيونْ، أَذْ د-جبْذغْ سِّيفْ إِنُو، أَفُوسْ إِنُو أَذْ زَّايْسنْ إِكّسْ ڒْوَارْثْ نْسنْ.‘
EXO 15:10 ثْسُوضذْ س نّفْسْ نّشْ ؤُشَا إِذڒْ إِ-ثنْ ڒبْحَارْ. نِيثْنِي هْوَانْ-د أَمْ ڒخْفِيفْ ذڭْ وَامَانْ إِمْغَارنْ.
EXO 15:11 أَ سِيذِي، مَانْ ونْ إِ إِدْجَانْ أَمْ شكْ جَارْ إِربِّيثنْ؟ وِي إِدْجَانْ أَمْ شكْ، ذ ونِّي إِتّْوَاسّْعُودْجنْ ذِي ثْقدَّاسْثْ، أَمْوقَّارْ ذڭْ إِزْڒَانْ ن ؤُصبّحْ، مَانْ ونْ إِتّڭّنْ ڒعْجَايبْ أَمْ شكْ؟
EXO 15:12 ثسّْوِيژّْضذْ أَفُوسْ أَفُوسِي نّشْ، ثْسَارْضْ إِ-ثنْ ثمُّورْثْ.
EXO 15:13 شكْ ثْڭوّْذذْ ڒْڭنْسْ-أَ س ثْمخْسِيوْثْ نّشْ إِشُووَّارنْ، أَقَا ثفْذِيذْ ث، س جّهْذْ نّشْ ثْنذْهذْ ثنْ غَارْ ثْزذِّيغْثْ إِقدّْسنْ نّشْ.
EXO 15:14 ڒڭْنُوسْ سْڒِينْ خْ ؤُيَا ؤُشَا أَرْجِيجنْ. ثطّفْ ثڭّْوُوذِي ذڭْ إِمزْذَاغْ ن فِيلِيشِيثْ.
EXO 15:15 ڒخْذنِّي إِمقّْرَاننْ ن ثْقبَّاڒْ ن إِذُومْ تّْبهْثنْ، إِنِّي غَارْ ثدْجَا صُّولْطَا ذِي مُوآبَ تَّارْجِيجنْ، ؤُ مَارَّا إِمزْذَاغْ ن كنْعَانْ أَقَا فسْينْ!
EXO 15:16 ثوْضَا خَاسنْ ڒْعُورّثْ ذ ثِيڭّْوُوذِي. س ڒمْغَارثْ ن ؤُغِيڒْ نّشْ سغْذنْ أَمْ وژْرُو، أَڒَامِي إِژْوَا ڒْڭنْسْ نّشْ، أَ سِيذِي، أَڒَامِي إِژْوَا ڒْڭنْسْ-أَ إِ ثْكسْبذْ إِ يِيخفْ نّشْ.
EXO 15:17 شكْ أَذْ ثنْ ثْنذْهذْ ؤُشَا أَذْ ثنْ ثژُّوذْ خْ وذْرَارْ ن ڒْوَارْثْ نّشْ، أَمْشَانْ إِ ثڭِّيذْ ذ ثَازذِّيغْثْ نّشْ، أَ سِيذِي، زَّاوشْثْ إِقدّْسنْ إِ إِڭِّينْ إِفَاسّنْ نّشْ، أَ سِيذِي إِنُو.
EXO 15:18 سِيذِي أَذْ إِحْكمْ إِ ڒبْذَا قَاعْ!
EXO 15:19 مِينْزِي أَيِيسْ ن فِيرْعُونْ يُوذفْ غَارْ ڒبْحَارْ س إِكَارُّوثنْ نّسْ ذ إِمْنَاينْ نّسْ ؤُشَا إِقْڒبْ خَاسنْ سِيذِي عَاوذْ أَمَانْ ن ڒبْحَارْ. مَاشَا أَيْثْ ن إِسْرَائِيل ژْوَانْ خْ ڒَاژَاغْ ذِي ڒْوسْطْ ن ڒبْحَارْ.“
EXO 15:20 ؤُ مَارْيَامْ، ثَانَابِيثْ، ؤُتْشْمَاسْ ن هَارُونْ، ثكْسِي أَدْجُونْ ذڭْ ؤُفُوسْ نّسْ ؤُ مَارَّا ثِيمطَّا فّْغنْثْ أَوَارْنِي أَسْ س إِبنْذِيرنْ ذ شّْضِيحْ [س نُّوبْثَاثْ].
EXO 15:21 [خنِّي] ثَارَّا-د خَاسنْ مَارْيَامْ سْنُّوبثْ نّسْ: ”غنّْجمْ إِ سِيذِي، مِينْزِي أَقَا نتَّا يُوعْڒَانْ أَطَّاسْ! إِنْضَارْ أَيِيسْ أَكْ-ذ ونِّي خَاسْ ينْيِينْ ذِي ڒبْحَارْ.“
EXO 15:22 [خنِّي] إِجَّا مُوسَا [ڒْْڭنْسْ ن] إِسْرَائِيل أَذْ إِفْسِي إِقِيضَانْ نْسنْ، إِنِّي إِدْجَانْ خْ ثْمَا ن ڒبْحَارْ ن ثلْڭَا، ؤُشَا رُوحنْ ذِي ڒخْڒَا ن شُورْ، ؤُيُورنْ ثْڒَاثَا ن وُوسَّانْ ذِي ڒخْڒَا بْڒَا أَذْ أَفنْ أَمَانْ.
EXO 15:23 ؤُشَا إِوْضنْ غَارْ مَارَا، [مَاشَا] وَارْ زمَّارنْ أَذْ سْونْ أَمَانْ ن مَارَا، مِينْزِي ثُوغَا أَثنْ ذ إِمرْزَاڭنْ. خْ ؤُيَا ڭِّينْ أَسْ إِ ومْشَانْ نِّي ’مَارَا‘.
EXO 15:24 إِنّذْقمْ ڒْڭنْسْ خْ مُوسَا، إِنَّا: ”مِينْ غَا نْسُو؟“
EXO 15:25 نتَّا إِڒَاغَا إِ سِيذِي ؤُشَا سِيذِي إِمّڒْ أَسْ إِجّْ ن ؤُكشُّوضْ ؤُشَا إِنْضَارْ إِ-ث ذَاخڒْ ذڭْ وَامَانْ ؤُشَا ذوْڒنْ وَامَانْ ذ إِمِيژِيذنْ. ذِينْ إِ ذ أَسْ إِڭَّا [إِ ڒْڭنْسْ] إِشْثْ ن ثوْصيّثْ ذ إِشْثْ ن لْفَارِيضَا ؤُ ذِينِّي إِ-ثنْ إِقدْجبْ.
EXO 15:26 إِنَّا: ”مَاڒَا ثسْڒِيذْ مْلِيحْ إِ وَاوَاڒْ ن سِيذِي، أَربِّي نّشْ، ثڭِّيذْ مِينْ إِدْجَانْ نِيشَانْ ذِي ثِيطَّاوِينْ نّسْ، أَذْ ثسْڒذْ إِ ڒُومَارَاثْ نّسْ، أَذْ ثحْضِيذْ مَارَّا ثِيوصَّا نّسْ، [خنِّي] نشّْ وَارْ ذ أَومْ-د سّكِّيغْ ڒهْڒَاشْ إِ د-سّكّغْ خْ مِيصْرَا، مِينْزِي نشّْ ذ سِيذِي، أَمسْڭنْفِي نّشْ!“
EXO 15:27 [ڒخْذنِّي] إِوْضنْ غَارْ إِلِيمْ، مَانِي ثُوغَا ثنْعَاشْ ن ڒْعُونْصَارَاثْ ن وَامَانْ، ذ سبْعِينْ ن ثْشجُّورَا ن ثِينِي ؤُشَا وْثِينْ إِقِيضَانْ نْسنْ ذِينِّي زَّاثْ إِ وَامَانْ.
EXO 16:1 ؤُشَا فسْينْ إِقِيضَانْ نْسنْ، [ؤُيُورنْ] زِي إِلِيمْ، ؤُ مَارَّا ثَامسْمُونْثْ ن أَيْثْ ن إِسْرَائِيل ثِيوضْ غَارْ ڒخْڒَا ن سِينْ إِ إِدْجَانْ جَارْ إِلِيمْ ذ سِينَا. ثُوغَا [مَانْ أَيَا] ذڭْ وَاسّْ خمّسْطَاشْ ن ؤُيُورْ وِيسّْ ثْنَاينْ أَوَارْنِي ڒَامِي د-فّْغنْ زِي ثمُّورْثْ ن مِيصْرَا.
EXO 16:2 مَارَّا ثَامسْمُونْثْ ن أَيْثْ ن إِسْرَائِيل ثنّذْقمْ زِي مُوسَا ذ هَارُونْ ذِي ڒخْڒَا.
EXO 16:3 نَّانْ أَسنْ أَيْثْ ن إِسْرَائِيل: ”مْڒِي نمُّوثْ س ؤُفُوسْ ن سِيذِي ذِي ثمُّورْثْ ن مِيصْرَا ؤُمِي ثُوغَا نقِّيمْ غَارْ طّْبَاصِي ن ويْسُومْ، نشَّا أَغْرُومْ أَڒَامِي نجِّيونْ! مِينْزِي كنِّيوْ ثسُّوفّْغمْ أَنغْ-د غَارْ ڒخْڒَا-يَا مَاحنْذْ أَذْ ثنْغمْ مَارَّا أَڭْرَاوْ أَيَا س ڒَاژْ.“
EXO 16:4 [خنِّي] إِنَّا سِيذِي إِ مُوسَا: ”خْزَارْ، أَذْ جّغْ أَغْرُومْ أَذْ خَاومْ د-إِوْضَا زڭْ ؤُجنَّا أَمْ ونْژَارْ. [خنِّي] أَذْ إِفّغْ ڒْڭنْسْ، أَذْ كْسِينْ مِينْ حْذَاجنْ إِ وَاسّْ ذڭْ وَاسّْ نِّي، حِيمَا أَذْ ثنْ قدْجْبغْ، مَا ڭُّورنْ ذِي [ثْغُورِي ن] شَّارِيعَا إِنُو، نِيغْ لَّا.
EXO 16:5 أَذْ يِيڒِي ذڭْ وَاسّْ وِيسّْ ستَّا، أَذْ سّْوجْذنْ مِينْ د-إِوْينْ غَارْ ذَاخڒْ. مَانْ أَيَا أَذْ يِيڒِي ذ ثْنَاينْ ن ثْسقَّارْ خْ مِينْ غَا سّْمُوننْ كُوڒْ أَسّْ.“
EXO 16:6 [ڒخْذنِّي] إِنَّا مُوسَا ذ هَارُونْ إِ مَارَّا أَيْثْ ن إِسْرَائِيل: ”غَارْ ؤُعشِّي أَذْ ثسّْنمْ بلِّي سِيذِي إِ كنِّيوْ د-إِسُّوفّْغنْ زِي ثمُّورْثْ ن مِيصْرَا،
EXO 16:7 ؤُ غَارْ صّْبحْ أَذْ ثْژَارمْ أَعُودْجِي ن سِيذِي، مِينْزِي أَقَا نتَّا إِسْڒَا أَنذْقمْ نْومْ خْ سِيذِي. مَا نشِّينْ، [مِينْ نعْنَا]، حِيمَا كنِّيوْ أَذْ خَانغْ ثنّْذقْممْ؟“
EXO 16:8 إِنَّا مُوسَا: ”ڒَْامِي ذ أَومْ إِوْشَا سِيذِي أَيْسُومْ إِ مَاشَّا ذڭْ ؤُعشِّي ؤُ أَغْرُومْ ذِي ثْيَاوَانْثْ ذِي صّْبحْ، أَقَا إِسْڒَا سِيذِي أَنذْقمْ نْومْ إِ زِي خَاسْ ثتّْنذْقَاممْ. إِ نشِّينْ، [مِينْ نعْنَا]؟ كنِّيوْ وَارْ خَانغْ ثتّْنذْقَاممْ، مَاشَا خْ سِيذِي.“
EXO 16:9 إِنَّا مُوسَا إِ هَارُونْ: ”إِنِي إِ ثْمسْمُونْثْ ن أَيْثْ ن إِسْرَائِيل مَارَّا: ’رحّْڭمْ-د غَارْ زَّاثْ إِ وُوذمْ ن سِيذِي، مِينْزِي أَقَا إِسْڒَا إِ ؤُنذْقمْ نْومْ.‘ “
EXO 16:10 [أَمْ] إِسِّيوڒْ هَارُونْ أَكْ-ذ ثْمسْمُونْثْ ن أَيْثْ ن إِسْرَائِيل مَارَّا، ثُوغَا خزَّارنْ غَارْ ڒخْڒَا ؤُشَا خْزَارْ، أَعُودْجِي ن سِيذِي إِضْهَارْ-د ذڭْ ؤُسيْنُو.
EXO 16:11 إِسِّيوڒْ سِيذِي أَكْ-ذ مُوسَا، إِنَّا:
EXO 16:12 ”نشّْ سْڒِيغْ إِ ؤُنذْقمْ ن أَيْثْ ن إِسْرَائِيل. سِيوڒْ أَكِيذْسنْ ؤُشَا إِنِي: جَارْ بدُّو ن وزْينْ ن وَاسّْ أَڒْ د-ثوْضَا ثْمذِّيثْ أَذْ ثشّمْ أَيْسُومْ، غَارْ صّْبحْ أَذْ ثجِّيوْنمْ س وغْرُومْ ؤُشَا أَذْ ثسّْنمْ بلِّي نشّْ ذ سِيذِي، أَربِّي نْومْ.“
EXO 16:13 غَارْ ؤُعشِّي ؤُڒْينْثْ إِ-د إِجْضَاضْ قَّارنْ أَسْ ’ثْسَالْوَا‘ ؤُشَا ذْڒِينْثْ ڒْمَارْڭحْ ن ڒْعسْكَارْ ؤُ غَارْ صّْبحْ ثُوغَا نّْذَا إِنّضْ-د إِ ڒْمَارْڭحْ.
EXO 16:14 ڒَامِي د-إِڭعّذْ نّْذَا، أَقَا ذَا، إِشْثْ ن ڒْحَاجّثْ ذ ثَازْذَاثْ أَمْ ثقْشُورْثْ، ذ ثَازْذَاثْ أَمْ نّْذَا إِڭَارْسنْ، [ثتّْوَافْ] خْ وُوذمْ ن ڒخْڒَا، خْ ثمُّورْثْ.
EXO 16:15 ژْرِينْ ت أَيْثْ ن إِسْرَائِيل، نَّانْ إِجّنْ إِ ونّغْنِي: ”مَانَاوْيَا؟“، مِينْزِي وَارْ سِّيننْ مِينْ إِعْنَا. [ڒخْذنِّي] إِنَّا أَسنْ مُوسَا: ”وَا ذ أَغْرُومْ نِّي ذ أَومْ إِوْشَا سِيذِي، حِيمَا أَذْ ثشّمْ.
EXO 16:16 وَا ذ أَوَاڒْ إِ [ذ أَومْ] يُومُورْ سِيذِي: ’أجّْ أَذْ زَّايسْ إِكْسِي كُوڒْ إِجّْ عْلَاحْسَابْ مِينْ إِحْذَاجْ، [ڒقْيَاسْ ن] إِجّْ ن ؤُعُومِيرْ، [عْڒَاحَاڒْ ثْنَاينْ لِيثْرُو]، إِ [إِجّنْ] بْنَاذمْ. [كُوڒْ] أَرْيَازْ أَذْ إِكْسِي عْلَاحْسَابْ ڒْقدّْ ن إِوْذَانْ إِ غَارسْ ذڭْ ؤُقِيضُونْ.‘ “
EXO 16:17 ؤُشَا أَمُّو إِ ڭِّينْ أَيْثْ ن إِسْرَائِيل. يْرُونْ [زَّايسْ]، [إِجّنْ] أَطَّاسْ، [ونّغْنِي] ذْرُوسْ.
EXO 16:18 وزْننْ أَيَا س [ڒقْيَاسْ ن] ؤُعُومِيرْ. ونِّي يْرُونْ أَطَّاسْ وَارْ غَارسْ زّْيَاذَا ذ ونِّي يْرُونْ ذْرُوسْ، وَارْ ذ أَسْ إِتّْخصِّي عَاذْ. كُوڒْ إِجّْ إِيْرُو مَاشَّا نّسْ عْلَاحْسَابْ مِينْ إِحْذَاجْ.
EXO 16:19 إِنَّا أَسنْ مُوسَا: ”ؤُڒَا ذ إِجّْ أَذْ زَّايسْ يجّْ أَڒْ صّْبحْ.“
EXO 16:20 [مَاشَا] نِيثْنِي وَارْ سْڒِينْ شَا إِ مُوسَا ؤُ شَا ن يرْيَازنْ خمّْڒنْ [شَا] زَّايسْ أَڒْ صّْبحْ. [خنِّي] ؤُذْفنْ ذَايسْ إِكشَّاونْ ؤُشَا إِبْذَا أَذْ إِڭّْ شُّومْ. ؤُشَا إِفُّوڭمْ خَاسنْ مُوسَا أَطَّاسْ.
EXO 16:21 كُوڒْ صّْبحْ يْرُونْ ث، كُوڒْ إِجّْ عْلَاحْسَابْ إِزمَّارْ أَذْ إِشّْ نتَّا، مِينْزِي مَاڒَا ثحْمَا ثْفُوشْثْ، ثُوغَا إِتّْفسِّي.
EXO 16:22 ذڭْ وَاسّْ وِيسّْ ستَّا يْرُونْ ثْنَاينْ ن ثْسقَّارْ ن وغْرُومْ، [ڒقْيَاسْ ن] ثْنَاينْ ن إِعُومِيرنْ إِ كُوڒْ أَزدْجِيفْ. ؤُشَا ؤُسِينْ-د مَارَّا ڒْحُوكَّامْ ن ثْمسْمُونْثْ ؤُشَا خبَّارنْ مُوسَا.
EXO 16:23 نتَّا إِنَّا أَسنْ: ”ذ مَانْ أَيَا مِينْ خفْ إِسِّيوڒْ سِيذِي: ’ثِيوشَّا ذ إِجّْ ن [وَاسّْ ن] أَرَّاحثْ، إِجّْ [ن وَاسّْ] ن سّبْثْ ذ أَمْقدَّاسْ إِ سِيذِي. سنْڭْومْ مِينْ ثخْسمْ أَذْ ثسّنْڭْومْ، سْننَّامْ مِينْ ثخْسمْ أَذْ ثسّنَّامْ ؤُشَا مَارَّا مِينْ غَا إِقِّيمنْ، خمّْڒمْ ث أَڒْ صّْبحْ.‘ “
EXO 16:24 نِيثْنِي خمّْڒنْ ث أَڒْ صّْبحْ أَمْ مَامّشْ ثنْ يُومُورْ مُوسَا ؤُشَا وَارْ يَارْصُوضْ ؤُ وَارْ ذَايسْ ثُوغِي ثْكشَّا.
EXO 16:25 [خنِّي] إِنَّا مُوسَا: ”شّمْ أَيَا أَسّْ-أَ، مِينْزِي أَسّْ-أَ ذ أَسّْ ن سّبْثْ ن سِيذِي. أَسّْ-أَ وَارْ ث ثتِّيفمْ ذڭْ إِيَّارْ.
EXO 16:26 ستَّا ن وُوسَّانْ أَذْ ثيْرُومْ، مَاشَا ذڭْ وَاسّْ وِيسّْ سبْعَا أَقَا ذ سّبْثْ، وَارْ إِتِّيڒِي وَالُو.“
EXO 16:27 ذڭْ وَاسّْ وِيسّْ سبْعَا إِمْسَارْ بلِّي فّْغنْ شَا زِي ڒْڭنْسْ، مَاحنْذْ أَذْ يْرُونْ [شَا]، مَاشَا وَارْ ؤُفِينْ وَالُو.
EXO 16:28 إِنَّا سِيذِي إِ مُوسَا: ”أَڒْ مڒْمِي ثُوڭِيمْ أَذْ ثحْضَامْ ڒُومُورَاثْ إِنُو ذ إِزرْفَانْ إِنُو؟
EXO 16:29 خْزَارمْ، مِينْزِي سِيذِي إِوْشَا أَومْ [أَسّْ ن] سّبْثْ، خْ ؤُيَا إِوْشَا أَومْ ذڭْ وَاسّْ وِيسّْ ستَّا أَغْرُومْ إِ ثْنَاينْ ن وُوسَّانْ. كُوڒْ إِجّْ زَّايْومْ أَذْ إِقِّيمْ ذڭْ ومْشَانْ نّسْ! ذڭْ وَاسّْ وِيسّْ سبْعَا وَارْ د-إِتّفِّيغْ ؤُڒَا ذ إِجّْ زڭْ ومْشَانْ نّسْ!“
EXO 16:30 ؤُشَا يَاريّحْ ڒْڭنْسْ ذڭْ وَاسّْ ن سّبْثْ.
EXO 16:31 ثَادَّارْثْ ن إِسْرَائِيل ثْڒَاغَا أَسْ ’مَانَّا‘. ثُوغَا-ت ذ ثَاشمْڒَاڒْثْ أَمْ زَّارِيعثْ ن ڒْقصْبُورْ ؤُشَا أَڒذِّي نّسْ أَمشْنَاوْ ثِيفْضِيرِينْ ن ثَامّنْثْ.
EXO 16:32 [خنِّي] إِنَّا مُوسَا: ”دّڭَّا ذ أَوَاڒْ إِ زِي يُومُورْ سِيذِي: ’شُّورمْ زَّايسْ [ڒقْيَاسْ ن] يِيجّْ ن ؤُعُومِيرْ ؤُشَا خمّڒْ إِ-ث إِ [مَارَّا] جِّيڒَاثْ نْومْ [إِ د غَا يَاسنْ]، حِيمَا أَذْ ژَترنْ أَغْرُومْ مِينْ زِي كنِّيوْ سّشّغْ ذِي ڒخْڒَا، ؤُمِي كنِّيوْ سُّوفّْغغْ زِي ثمُّورْثْ ن مِيصْرَا.“
EXO 16:33 إِنَّا مُوسَا إِ هَارُونْ: ”كْسِي إِجّْ ن ؤُزنْبِيڒْ ؤُشَاعمَّارْ إِ-ث س يِيجّْ ن ؤُعُومِيرْ ن ’مَانَّا‘ ؤُشَا أڭّْ إِ-ث زَّاثْ إِ وُوذمْ ن سِيذِي، حِيمَا أَذْ إِتّْوَاخمّڒ إِ [مَارَّا] جِّيڒَاثْ نْومْ.“
EXO 16:34 ؤُشَا إِڭَّا إِ-ت هَارُونْ زَّاثْ إِ شّْهَاذثْ، حِيمَا أَذْ ثتّْوَاخمّڒْ أَمْ مَامّشْ ذ أَسْ يُومُورْ سِيذِي إِ مُوسَا.
EXO 16:35 أَمُّو إِ شِّينْ أَيْثْ ن إِسْرَائِيل ’مَانَّا‘ أَربْعِينْ ن إِسڭّْوُوسَا، أَڒَامِي إِوْضنْ غَارْ ثمُّورْثْ مَانِي غَا رَاحنْ أَذْ زذْغنْ. شِّينْ مَانَّا أَڒَامِي إِوْضنْ غَارْ ويْمِيرْ ن ثمُّورْثْ ن كنْعَانْ.
EXO 16:36 إِجّْ ن ؤُعُومِيرْ ذعشْرَا ذِي ثسْغَارْثْ ن إِجّْ ن إِفَا.
EXO 17:1 ؤُشَا فسْينْ مَارَّا ثَامسْمُونْثْ ن أَيْثْ ن إِسْرَائِيل إِقِيضَانْ نْسنْ، [ؤُيُورنْ] زِي ڒخْڒَا ن سِينْ، أَمْ مَامّشْ ذ أَسنْ يُومُورْ سِيذِي ؤُشَا وْثِينْ إِقِيضَانْ نْسنْ ذِي رَافِيذِيمْ. وَارْ ذِينْ ثُوغِي أَمَانْ، حِيمَا أَذْ إِسُّو ڒْڭنْسْ.
EXO 17:2 [خنِّي] إِمْشُوبّشْ ڒْڭنْسْ أَكْ-ذ مُوسَا، نِيثْنِي نَّانْ: ”أوْشْ أَنغْ أَمَانْ، حِيمَا أَذْ نْسُو!“ مُوسَا إِنَّا أَسنْ: ”مَايمِّي ثتّخْسمْ أَذْ كِيذِي ثمْشُوبُّوشمْ؟ مَايمِّي ثتّْقدْجَابمْ سِيذِي؟“
EXO 17:3 ثُوغَا ڒْڭنْسْ إِفُّوذْ أَطَّاسْ غَارْ وَامَانْ ؤُشَا نّْذقْمنْ زِي مُوسَا، نَّانْ: ”مَاغَارْ ذ أَنغْ ثسّْڭعّْذذْ زِي مِيصْرَا؟ مَا حِيمَا أَذْ أَيِي ثْهلّْكذْ س ؤُفَاذِي ؤُڒَا ذ ثَارْوَا إِنُو ذ ڒبْهَايمْ إِنُو؟“
EXO 17:4 [ڒخْذنِّي] إِسْغُويْ مُوسَا غَارْ سِيذِي، إِنَّا: ”مِينْ غَا ڭّغْ أَكْ-ذ ڒْڭنْسْ-أَ؟ مْغِيرْ شْوَايْثْ ؤُشَا أَذْ أَيِي أَرجْمنْ.“
EXO 17:5 إِنَّا سِيذِي إِ مُوسَا: ”أكّْ زَّاثْ إِ ڒْڭنْسْ ؤُشَا كْسِي أَكِيذكْ شَا زڭْ إِمْغَارنْ ن إِسْرَائِيل ؤُشَا كْسِي عَاوذْ ذڭْ ؤُفُوسْ نّشْ ثَاغَّارْشْثْ نِّي زِي ثوْثِيذْ إِغْزَارْ ؤُشَا رُوحْ.
EXO 17:6 خْزَارْ، نشّْ أَذْ بدّغْ ذِينْ زَّاثكْ خْ ثصْضَارْثْ غَارْ حُورِيبْ، أَذْ ثوْثذْ ثَاصْضَارْثْ، أَذْ زَّايسْ د-فّْغنْ وَامَانْ ؤُشَا أَذْ إِسُّو ڒْڭنْسْ.“ إِڭَّا مُوسَا أَمنِّي زَّاثْ إِ ثِيطَّاوِينْ ن إِمْغَارنْ ن إِسْرَائِيل.
EXO 17:7 ؤُشَا إِڒَاغَا إِسمْ ن ومْشَانْ نِّي مَاسَّا ذ مَارِيبَا، مِينْزِي أَيْثْ ن إِسْرَائِيل مّْشُوبّْشنْ [ذِينْ] ؤُ مِينْزِي نِيثْنِي قدْجْبنْ سِيذِي، نَّانْ: ”مَا سِيذِي أَقَا-ث ڒخُّو ذِي ڒْوسْطْ نّغْ نِيغْ لَّا؟“
EXO 17:8 [خنِّي] يُوسَا-د عَامَالِيقْ ؤُشَا إِمّْنغْ أَكْ-ذ إِسْرَائِيل ذِي رَافِيذِيمْ.
EXO 17:9 إِنَّا مُوسَا إِ يَاشُووَا: ”أجّْ أَنغْ أَذْ نِيخْضَارْ إِرْيَازنْ ؤُشَا أَذْ نفّغْ، مَاحنْذْ أَذْ نمّْنغْ أَكْ-ذ عَامَالِيقْ. ثِيوشَّا أَذْ بدّغْ سنّجْ خْ ثْقِيشَّاثْ ن ثوْرِيرْثْ ؤُشَا ثَاغَّارْشْثْ ن أَربِّي أَذْ ثِيڒِي ذڭْ ؤُفُوسْ إِنُو.“
EXO 17:10 إِڭَّا يَاشُووَا أَمْ مَامّشْ ذ أَسْ إِنَّا مُوسَا، إِمّْنغْ أَكْ-ذ عَامَالِيقْ، مَاشَا مُوسَا ذ هَارُونْ ذ حُورْ ؤُڒْينْ غَارْ ثْقِيشَّاثْ ن ثوْرِيرْثْ.
EXO 17:11 ؤُشَا إِمْسَارْ ڒَامِي إِسّْڭعّذْ مُوسَا أَفُوسْ نّسْ، [ڒخْذنِّي] ثُوغَا إِسْرَائِيل ثْغدْجبْ، مَاشَا خْمِي إِتّجَّا أَفُوسْ نّسْ أَذْ إِهْوَا، [ڒخْذنِّي]غدْجْبنْ [أَيْثْ ن] عَامَالِيقْ.
EXO 17:12 إِفَاسّنْ ن مُوسَا ذوْڒنْ دّقْڒنْ. [خنِّي] كْسِينْ إِجّْ ن وژْرُو ؤُشَا ڭِّينْ ث سَاذُو مُوسَا ؤُشَا إِقِّيمْ خَاسْ ؤُشَا هَارُونْ ذ حُورْ سنّْذنْ إِفَاسّنْ نّسْ، إِجّْ زڭْ ؤُغزْذِيسْ-أَ، ونّغْنِي زڭْ [ؤُغزْذِيسْ] نّغْنِي. أَمُّو إِ إِقِّيمنْ إِفَاسّنْ نّسْ ڭعّْذنْ أَڒَامِي ثغْڒِي ثْفُوشْثْ.
EXO 17:13 ؤُشَا إِغْڒبْ يَاشُووَا خْ عَامَالِيقْ ذ ڒْڭنْسْ نّسْ س ڒقْضعْ ن سِّيفْ.
EXO 17:14 [خنِّي] إِنَّا سِيذِي إِ مُوسَا: ”أَرِي أَيَا ذڭْ إِجّْ ن وذْلِيسْ إِتّْوَانّْضنْ إِ ڒِيذَارثْ [ذَايسْ] ؤُشَا أڭّْ إِ-ث ذڭْ إِمجَّانْ ن يَاشُووَا، بلِّي أَقَا نشّْ أَذْ مْحِيغْ قَاعْ ڒِيذَارثْ ذِي عَامَالِيقْ سَاذُو ؤُجنَّا.“
EXO 17:15 إِبْنَا مُوسَا إِجّْ ن ؤُعَالْطَارْ ؤُشَا إِڒَاغَا أَسْ س يِيسمْ: ”سِيذِي ذ ثَاعدْجَانْثْ إِنُو!“
EXO 17:16 ؤُشَا إِنَّا: ”أَفُوسْ ثُوغَا خْ ڒْعَارْشْ ن سِيذِي. سِيذِي أَذْ يڭّْ ڭَارَّا خْ عَامَالِيقْ زِي جِّيڒْ أَڒْ جِّيڒْ.“
EXO 18:1 إِسْڒَا يِيثْرُونْ، أَكهَّانْ ن مِيذْيَانْ، أَضڭّْوَاڒْ ن مُوسَا، مَارَّا مِينْ إِڭَّا أَربِّي أَكْ-ذ مُوسَا ؤُ أَكْ-ذ ڒْڭنْسْ نّسْ إِسْرَائِيل، أَقَا إِسُّوفّغْ-د سِيذِي إِسْرَائِيل زِي مِيصْرَا.
EXO 18:2 إِطّفْ يِيثْرُونْ، أَضڭّْوَاڒْ ن مُوسَا، صَافُّورَا، ثَامْغَارْثْ ن مُوسَا، أَوَارْنِي ڒَامِي ذ أَسْ إِوْشَا ثِيرْزِيفِينْ نّسْ ن ثسْڒِيثْ،
EXO 18:3 ؤُڒَا ذ ثْنَاينْ ن إِحنْجِيرنْ نّسْ، إِجّنْ قَّارنْ أَسْ جَارْشُومْ، مِينْزِي ثُوغَا إِنَّا: ”ثُوغَا أَيِي ذ أَبَارَّانِي ذِي ثمُّورْثْ ذ ثَابَارَّانشْثْ!“،
EXO 18:4 ؤُ ونّغْنِي قَّارنْ أَسْ أَلِيعَازِيرْ، [مِينْزِي ثُوغَا إِنَّا:] ”أَربِّي ن بَابَا إِعَاونْ أَيِي ؤُشَا إِفكّْ أَيِي زِي سِّيفْ ن فِيرْعُونْ.“
EXO 18:5 يِيثْرُونْ أَضڭّْوَاڒْ ن مُوسَا، أَكْ-ذ إِحنْجِيرنْ نّسْ ذ ثْمطُّوثْ نّسْ، إِوْضنْ غَارْ مُوسَا ذِي ڒخْڒَا، غَارْ مَانِي إِوْثَا إِقِيضَانْ، غَارْ وذْرَارْ ن أَربِّي.
EXO 18:6 ؤُشَا نتَّا إِجَّا أَذْ إِنِينْ إِ مُوسَا: ”نشّْ، أَضڭّْوَاڒْ نّشْ يِيثْرُونْ، ؤُسِيغْ-د غَاركْ س ثمْغَارْثْ نّشْ ذ ثْنَاينْ ن إِحنْجِيرنْ نّسْ أَكِيذسْ.“
EXO 18:7 [خنِّي] إِفّغْ مُوسَا أَذْ إِڒْقَا أَضڭّْوَاڒْ نّسْ، إِبنْذقْ ؤُشَا إِسُّوذمْ إِ-ث. إِجّنْ إِسّقْسَا ونّغْنِي خْ ؤُمدُّورْ نّسْ ؤُشَا ؤُذْفنْ غَارْ ؤُقِيضُونْ.
EXO 18:8 مُوسَا إِحَاجَا إِ ؤُضڭّْوَاڒْ نّسْ مَارَّا مِينْ إِڭَّا سِيذِي أَكْ-ذ فِيرْعُونْ ؤُ أَكْ-ذ إِمِيصْرِييّنْ ذِي طّْوعْ ن إِسْرَائِيل ؤُ خْ مَارَّا ثَامَارَا نِّي خَاسنْ إِكِّينْ ذڭْ وبْرِيذْ ذ مَامّشْ ثنْ إِفكّْ سِيذِي.
EXO 18:9 إِفَارْحْ يِيثْرُونْ زِي مَارَّا ڒْخِيرْ نِّي إِڭَّا سِيذِي إِ إِسْرَائِيل، ؤُمِي ث إِفكّْ زڭْ ؤُفُوسْ ن إِمِيصْرِييّنْ.
EXO 18:10 إِنَّا يِيثْرُونْ: ”أَذْ إِتّْوَابَاركْ سِيذِي ذ ونِّي كنِّيوْ إِفكّنْ زڭْ ؤُفُوسْ ن إِمِيصْرِييّنْ ؤُ زڭْ ؤُفُوسْ ن فِيرْعُونْ، ذ ونِّي إِفكّنْ ڒْڭنْسْ زڭْ ؤُفُوسْ ن إِمِيصْرِييّنْ!
EXO 18:11 ڒخُّو سّْنغْ بلِّي سِيذِي إِمْغَارْ أَطَّاسْ خْ مَارَّا إِربِّيثنْ، أَقَا ذِي ثْمسْڒَاشْثْ نِّي ذسَّارنْ خَاسنْ.“
EXO 18:12 [خنِّي] إِكْسِي يِيثْرُونْ، أَضڭّْوَاڒْ ن مُوسَا، ثَاغَارْصْثْ ن وشْمَاضْ ذ ثِيغَارْصَا إِ أَربِّي ؤُشَا يُوسَا-د هَارُونْ جْمِيعْ أَكْ-ذ مَارَّا إِمْغَارنْ ن أَيْثْ ن إِسْرَائِيل، مَاحنْذْ أَذْ يشّْ أَغْرُومْ [جْمِيعْ] أَكْ-ذ ؤُضڭّْوَاڒْ ن مُوسَا زَّاثْ إِ وُوذمْ ن أَربِّي.
EXO 18:13 ثِيوشَّا نّسْ ثُوغَا مُوسَا إِتّْغِيمَا [خْ ڒْكُورْسِي]، مَاحنْذْ أَذْ إِحْكمْ ڒْڭنْسْ. ثُوغَا ڒْڭنْسْ إِبدّْ زَّاثْ إِ مُوسَا زِي صّْبحْ [زِيشْ] أَڒْ دْجِيڒثْ.
EXO 18:14 إِژْرَا ؤُضڭّْوَاڒْ ن مُوسَا مَارَّا مِينْ ثُوغَا إِتّڭّْ [مُوسَا] إِ ڒْڭنْسْ، إِنَّا: ”مَانَاوَايَا إِ ثڭِّيذْ شكْ إِ ڒْڭنْسْ؟ مَايمِّي ثتّْغِيمِيذْ شكْ وحّْذكْ ؤُ مَارَّا ڒْڭنْسْ إِبدّْ زَّاثكْ زِي ضّْبحْ [زِيشْ] أَڒْ دْجِيڒثْ؟“
EXO 18:15 يَارَّا-د مُوسَا خْ ؤُضڭّْوَاڒْ نّسْ: ”مِينْزِي ڒْڭنْسْ إِتَّاسْ-د غَارِي حِيمَا أَذْ إِتَّارْ [شّْوَارْ] ن أَربِّي.
EXO 18:16 خْ مِينِّي غَارْسنْ ثتِّيڒِي شَا ن ثْمسْڒَاشْثْ، تَّاسنْ-د غَارِي [س مَانْ أَيَا] ؤُشَا نشّْ أَذْ شَارّْعغْ جَارْ إِجّْ ذ ونّغْنِي، سّشَانغْ أَسنْ ثِيوصَّا ذ إِزرْفَانْ ن أَربِّي.“
EXO 18:17 [ڒخْذنِّي] إِنَّا أَسْ ؤُضڭّْوَاڒْ ن مُوسَا: ”مِينْ ثڭِّيذْ وَارْ إِدْجِي شَا مْلِيحْ.
EXO 18:18 أَمُّو إِ غَا ثَاحْڒذْ أَطَّاسْ، شكْ ذ ڒْڭنْسْ-أَ إِ كِيكْ إِدْجَانْ، مِينْزِي مَانْ أَيَا إِذْقڒْ خَاكْ أَطَّاسْ، وَارْ ذ أَسْ ثْزمَّارذْ أَذْ ث ثڭّذْ وحّْذكْ.
EXO 18:19 سڒْ ڒخُّو إِ وَاوَاڒْ إِنُو، نشّْ أَذْ شكْ نصْحغْ ؤُشَا أَربِّي أَذْ كِيكْ يِيڒِي. إِڒِي شكْ ذ أَوصَّايْ خْ ڒْڭنْسْ زَّاثْ إِ أَربِّي ؤُشَا قدّمْ دّْعَاوِي زَّاثْ إِ أَربِّي.
EXO 18:20 سْشنْ أَسنْ ثِيوصَّا ذ إِزرْفَانْ ؤُشَا سْشنْ أَسنْ أَبْرِيذْ إِ ثنْ إِتّْخصَّانْ أَذْ ؤُيُورنْ ؤُ ڒْخذْمثْ إِ ذ أَسنْ إِتّْخصَّانْ أَذْ ت ڭّنْ.
EXO 18:21 عَاوذْ خْزَارْ شكْ، أَذْ ثَارْزُوذْ جَارْ مَارَّا ڒْڭنْسْ خْ إِرْيَازنْ إِزعَّامنْ، إِنِّي إِتّڭّْوذنْ أَربِّي، إِرْيَازنْ إِصْذِيقنْ، إِنِّي إِشَارّْهنْ ثَارزُّوثْ خْ أَرْبحْ. أڭّْ إِ-ثنْ ذ إِمقّْرَاننْ خْ وَاڒفْ، ذ إِمقّْرَاننْ خْ مْيَا، ذ إِمقّْرَاننْ خْ خمْسِينْ ذ إِمقّْرَاننْ خْعشْرَا.
EXO 18:22 أجّْ إِ-ثنْ أَذْ شَارّْعنْ جَارْ ڒْڭنْسْ ڒبْذَا. أجّْ إِ-ثنْ أَذْ قدّْمنْ مَارَّا دّْعَاوِي إِوْعَارنْ زَّاثكْ، [مَاشَا] مَارَّا دّْعَاوِي ثِيمژْيَانِينْ أَذْ خَاسنْثْ شَارّْعنْ س يِيخفْ نْسنْ. أڭّْ إِ-ث ثفْسُوسْ خْ يِيخفْ نّشْ ؤُشَا أجّْ إِ-ثنْ أَذْ ت أَرْبُونْ أَكِيذكْ.
EXO 18:23 مَاڒَا ثڭِّيذْ أَيَا، ؤُ أَربِّي إِ شكْ يُومُورنْ، ثْزمَّارذْ أَذْ ثقِّيمذْ ثْبدّذْ ؤُشَا مَارَّا ڒْڭنْسْ أَيَا أَذْ يَاوضْ عَاوذْ ذِي ڒهْنَا غَارْ ومْشَانْ إِ ذ أَسنْ إِتّْوَاڭّْ.“
EXO 18:24 إِسْڒَا مُوسَا غَارْ وَاوَاڒْ ن ؤُضڭّْوَاڒْ نّسْ، إِڭَّا مَارَّا مِينْ [ذ أَسْ] إِنَّا.
EXO 18:25 إِخْضَارْ مُوسَا إِرْيَازنْ إِزعَّامنْ زِي مَارَّا إِسْرَائِيل ؤُشَا إِڭَّا إِ-ثنْ ذ إِزدْجِيفنْ خْ ڒْڭنْسْ: إِمقّْرَاننْ خْ وَاڒفْ، إِمقّْرَاننْ خْ مْيَا، إِمقّْرَاننْ خْ خمْسِينْ ذ إِمقّْرَاننْ خْعشْرَا.
EXO 18:26 ؤُشَا نِيثْنِي ثُوغَا تّْشَارّْعنْ ڒْڭنْسْ ڒبْذَا ؤُشَا دّْعَاوِي إِوْعَارنْ قذْمنْ ثنْثْ غَارْ مُوسَا، [مَاشَا] مَارَّا دّْعَاوِي ثِيمژْيَانِينْ شَارّْعنْ ثنْثْ س يِيخفْ نْسنْ.
EXO 18:27 إِقبّضْ مُوسَا أَضڭّْوَاڒْ نّسْ ؤُشَا إِعْقبْ نتَّا غَارْ ثمُّورْثْ نّسْ.
EXO 19:1 ذڭْ ؤُيُورْ وِيسّْ ثْڒَاثَا أَوَارْنِي إِ وُوفُّوغْ ن أَيْثْ ن إِسْرَائِيل زِي ثمُّورْثْ ن مِيصْرَا، ذڭْ وَاسّْ نِّي نِّيثْ، إِوْضنْ-د غَارْ ڒخْڒَا ن سِينَا.
EXO 19:2 أَقَا فسْينْ إِقِيضَانْ نْسنْ، [ؤُيُورنْ] زِي رَافِيذِيمْ ؤُشَا إِوْضنْ غَارْ ڒخْڒَا ن سِينَا ؤُشَا وْثِينْ إِقِيضَانْ نْسنْ ذِي ڒخْڒَا. إِوْثَا إِسْرَائِيل إِقِيضَانْ نّسْ قِيبَاتْشْ إِ وذْرَارْ.
EXO 19:3 يُوڒِي مُوسَا غَارْ أَربِّي ؤُشَا إِڒَاغَا أَسْ-د سِيذِي زڭْ وذْرَارْ، إِنَّا أَسْ: ”أَمُّو إِ غَا ثسِّيوْڒذْ أَكْ-ذ ثَادَّارْثْ ن يَاعْقُوبْ ؤُ [أَمُّو إِ] غَا ثِينِيذْ إِ أَيْثْ ن إِسْرَائِيل:
EXO 19:4 ’كنِّيوْ ثژْرِيمْ مِينْ ڭِّيغْ أَكْ-ذ إِمِيصْرِييّنْ ؤُ [مَامّشْ] كنِّيوْ كْسِيغْ خْ وَافْرِيونْ ن ؤُڭِيذرْ ؤُشَا إِوْيغْ-د كنِّيوْ غَارِي.
EXO 19:5 [خنِّي] ڒخُّو، مَاڒَا ثسْڒِيمْ مْلِيحْ غَارْ وَاوَاڒْ إِنُو ؤُ أَذْ ثحْضَامْ ڒْعَاهْذْ إِنُو، أَذْ غَارِي ثِيڒِيمْ كنِّيوْ ثِيغْڒَامْ خْ مَارَّا ڒڭْنُوسْ، مِينْزِي مَارَّا ثَامُّورْثْ أَقَا-ت إِنُو.
EXO 19:6 كنِّيوْ أَذْ أَيِي ثِيڒِيمْ ذ إِشْثْ ن ثْڭلْذِيثْ ن إِكهَّاننْ ذ إِجّْ ن ڒْڭنْسْ أَمْقدَّاسْ.‘ إِنَا ذ أَوَاڒنْ نِّي ذ أَشْ إِتّْخصَّانْ أَذْ ثنْ ثِينِيذْ إِ أَيْثْ ن إِسْرَائِيل.“
EXO 19:7 إِهْوَا-د مُوسَا ؤُشَا إِڒَاغَا-د خْ إِمْغَارنْ ن ڒْڭنْسْ ؤُشَا إِبَارّحْ أَسنْ مَارَّا أَوَاڒنْ-أَ إِ ذ أَسْ يُومُورْ سِيذِي.
EXO 19:8 ؤُشَا يَارَّا-د مَارَّا ڒْڭنْسْ، نَّانْ: ”مَارَّا مِينْ إِسِّيوڒْ سِيذِي، أَذْ ث نڭّْ!“ ؤُشَا إِسِّيوضْ مُوسَا أَوَاڒنْ ن ڒْڭنْسْ عَاوذْ إِ سِيذِي.
EXO 19:9 إِنَّا سِيذِي إِ مُوسَا: ”خْزَارْ، نشّْ أَذْ غَاركْ د-أَسغْ ذڭْ إِجّْ ن ؤُسيْنُو ذ أَبَارْشَانْ، حِيمَا أَذْ إِسڒْ ڒْڭنْسْ خْمِي نشّْ كِيكْ غَا سِّيوْڒغْ ؤُشَا عَاوذْ أَذْ زَّايكْ أَمْننْ إِ ڒبْذَا.“ [مِينْزِي] مُوسَا إِخبَّارْ أَوَاڒنْ ن سِيذِي إِ ڒْڭنْسْ.
EXO 19:10 سِيذِي إِنَّا إِ مُوسَا: ”رُوحْ غَارْ ڒْڭنْسْ ؤُشَا سْقدّسْ إِ-ثنْ أَسّْ-أَ ذ ثِيوشَّا، أجّْ إِ-ثنْ أَذْ سِّيرْذنْ أَرُّوضْ نْسنْ
EXO 19:11 ؤُشَا أَذْ إِڒِينْ وجْذنْ إِ وَاسّْ وِيسّْ ثْڒَاثَا، مِينْزِي ذڭْ وَاسّْ وِيسّْ ثْڒَاثَا أَذْ د-إِهْوَا سِيذِي غَارْ وذْرَارْ ن سِينَا زَّاثْ إِ ثِيطَّاوِينْ ن مَارَّا ڒْڭنْسْ.
EXO 19:12 أڭّْ إِيْمِيرنْ إِ ڒْڭنْسْ ذڭْ ونّضْ ن وذْرَارْ، إِنِي: ’غَارْومْ، وَارْ ثِيڒْيمْ غَارْ وذْرَارْ نِيغْ أَذْ ثْحَاذَامْ طَّارْفْ نّسْ. مَانْ ونْ إِ غَا إِحَاذَانْ أَذْرَارْ، أَذْ إِتّْوَانغْ نِيشَانْ.
EXO 19:13 وَارْ ث إِتّْحِيذِي [حذْ س] ؤُفُوسْ، مِينْزِي [خنِّي] أَذْ إِتّْوَارْجمْ نِيغْ أَذْ إِتّْوَاوّثْ نِيشَانْ [س فْڒِيثْشَاثْ] مِينْ مَا إِعْنَا، ڒبْهِيمثْ نِيغْ ذ بْنَاذمْ، وَارْ إِتّْغِيمِي إِدَّارْ. مَاڒَا أَذْ ذِينْ يِيڒِي إِجّْ ن ؤُسُوضِي [ذڭْ ؤُيِيشّْ ن ؤُسْڒِيوْڒوْ] ذ أَزِيرَارْ، زمَّارنْ نِيثْنِي أَذْ أَڒْينْ أَذْرَارْ.‘ “
EXO 19:14 [خنِّي] إِهْوَا-د مُوسَا زڭْ وذْرَارْ غَارْ ڒْڭنْسْ، إِسّْقدّسْ ڒْڭنْسْ ؤُشَا سِّيرْذنْ أَرُّوضْ نْسنْ.
EXO 19:15 إِنَّا إِ ڒْڭنْسْ: ”إِڒِيمْ تّْوجْذمْ إِ وَاسّْ وِيسّْ ثْڒَاثَا، وَارْ د-تّْقَارَّابمْ غَارْ ثمْغَارْثْ.“
EXO 19:16 ذِي صّْبحْ ن وَاسّْ وِيسّْ ثْڒَاثَا ؤُسِينْ-د وَاجَّاجنْ ذ وَاسَّامنْ. أَقَا يَارْسَا إِجّْ ن ؤُسيْنُو إِدّقْڒنْ خْ وذْرَارْ ؤُ ڒْحسّْ [ن ؤُسُوضِي] ذڭْ ؤُيِيشّْ ن إِشَارِّي إِذْوڒْ إِجْهذْ أَطَّاسْ. مَارَّا ڒْڭنْسْ ذِي ڒْمَارْڭحْ ن ڒْعسْكَارْ يَارْجِيجْ.
EXO 19:17 مُوسَا إِنْذهْ ڒْڭنْسْ زِي ڒْمَارْڭحْ ن ڒْعسْكَارْ، مَاحنْذْ أَذْ إِڒْقَا أَربِّي ؤُشَا بدّنْ نِيثْنِي سْوَادَّايْ إِ وذْرَارْ.
EXO 19:18 مَارَّا أَذْرَارْ ن سِينَا إِدّخّنْ، مِينْزِي سِيذِي ثُوغَا إِهْوَا-د خَاسْ ذِي ثْمسِّي. دّخَّانْ نّسْ يُوڒِي-د أَمْ دّخَّانْ ن ؤُفَارَّانْ ؤُشَا مَارَّا أَذْرَارْ إِنْهزّْ أَطَّاسْ.
EXO 19:19 أَمْ إِذْوڒْ ؤُسُوضِي ذڭْ ؤُيِيشّْ ن إِشَارِّي إِجْهذْ [أَطَّاسْ]، إِسِّيوڒْ مُوسَا ؤُشَا يَارَّا-د خَاسْ أَربِّي س يِيجّْ ن ڒْحسّْ [إِجْهذْ].
EXO 19:20 ؤُشَا إِهْوَا-د سِيذِي خْ وذْرَارْ ن سِينَا، خْ ثْقِيشّثْ ن وذْرَارْ، ؤُشَا إِڒَاغَا سِيذِي إِ مُوسَا غَارْ ثْقِيشّثْ ن وذْرَارْ. [خنِّي] إِڭعّذْ مُوسَا.
EXO 19:21 إِنَّا سِيذِي إِ مُوسَا: ”هْوَا-د، عْڒمْ إِ ڒْڭنْسْ، مَاحنْذْ وَارْ تّْشُوقِينْ ذِي سِيذِي، مَاحنْذْ أَذْ ث ژَترنْ ؤُشَا [خنِّي] بَالَاكْ أَذْ تّْوَاهلّْكنْ أَطَّاسْ زَّايْسنْ.
EXO 19:22 أجّْ عَاوذْ إِكهَّاننْ، إِنِّي إِ د غَا إِقَارّْبنْ غَارْ سِيذِي، أَذْ سّْقدّْسنْ إِخفْ نْسنْ، حِيمَا سِيذِي وَارْ خَاسنْ إِسعَّارْ شَا.“
EXO 19:23 إِنَّا مُوسَا إِ سِيذِي: ”ڒْْڭنْسْ وَارْ إِزمَّارْ أَذْ إِڭعّذْ أَذْرَارْ ن سِينَا، مِينْزِي شكْ ثْعڒْمذْ أَنغْ ثنِّيذْ: ’أڭّْ إِيْمِيرنْ خْ وذْرَارْ ؤُشَا سْقدّسْ إِ-ث.‘ “
EXO 19:24 إِنَّا أَسْ سِيذِي: ”رُوحْ، هْوَا! أَذْ ثْڭعّْذذْ شكْ ذ هَارُونْ أَكِيذكْ، [مَاشَا] إِكهَّاننْ ذ ڒْڭنْسْ وَارْ زمَّارنْ أَذْ شُوقنْ، حِيمَا أَذْ ڭعّْذنْ غَارْ سِيذِي، حِيمَا نتَّا وَارْ خَاسنْ إِسعَّارْ شَا.“
EXO 19:25 [ڒخْذنِّي] إِهْوَا-د مُوسَا غَارْ ڒْڭنْسْ ؤُشَا إِنَّا أَسنْ [مَارَّا] أَيَا.
EXO 20:1 إِسِّيوڒْ أَربِّي مَارَّا أَوَاڒنْ-أَ، إِنَّا:
EXO 20:2 ”نشّْ ذ سِيذِي، أَربِّي نّشْ، ونِّي شكْ د-إِسُّوفّْغنْ زِي ثمُّورْثْ ن مِيصْرَا، زِي ثَادَّارْثْ ن ثسْمُوغِي.
EXO 20:3 وَارْ غَاركْ تِّيڒِينْ إِربِّيثنْ نّغْنِي زَّاثْ إِ وُوذمْ إِنُو.
EXO 20:4 وَارْ تّڭّْ إِ يِيخفْ نّشْ ڒخْيَاڒْ إِنقْشنْ نِيغْ شَا ن ڒْحَاجّثْ ثَارْوسْ ذِي مِينْ [إِدْجَانْ] سنّجْ ذڭْ ؤُجنَّا نِيغْ ذِي شَا [ذَا] سْوَادَّايْ ذِي ثمُّورْثْ نِيغْ ذِي شَا ذڭْ وَامَانْ [إِ إِدْجَانْ] سَاذُو ثمُّورْثْ.
EXO 20:5 وَارْ ذ أَسنْ تّْبنْذِيقْ ؤُڒَا أَذْ خَاسنْ ثْسخَّارذْ، مِينْزِي نشّْ، سِيذِي، أَربِّي نّشْ، ذ إِجّْ ن أَربِّي إِتَّاسْمنْ، ونِّي د-يَارزْفنْ ڒْمُوعْصِييّثْ ن إِبَابَاثنْ ذِي ثَارْوَا أَڒْ [جِّيڒْ] وِيسّْ ثْڒَاثَا ذ وِيسّْ أَربْعَا ن يِينِّي ذ أَيِي إِشَارّْهنْ،
EXO 20:6 ذ ونِّي إِسّْشَاننْ ثَامخْسِيوْثْ نّسْ إِشوَّارنْ إِ ڒُوڒُوفْ ن يِينِّي ذ أَيِي إِتّخْسنْ ؤُ حطَّانْ ڒُومُورَاثْ إِنُو.
EXO 20:7 وَارْ نطّقْ س يِيسمْ ن سِيذِي، أَربِّي نّشْ، ذِي ڒْبَاطڒْ، مِينْزِي وَارْ إِتّْبَارِّي سِيذِي إِ ونِّي إِ غَا إِنطْقنْ س يِيسمْ نّسْ ذِي ڒْبَاطڒْ.
EXO 20:8 إِذَارْ أَسّْ ن سّبْثْ، حِيمَا أَذْ ث ثسّْقدّْسذْ.
EXO 20:9 ستَّا ن وُوسَّانْ إِ غَا ثْخذْمذْ، أَذْ ثڭّذْ مَارَّا ڒْخذْمثْ نّشْ.
EXO 20:10 أَسّْ وِيسّْ سبْعَا ذ وَاسّْ ن سّبْثْ ن سِيذِي، أَربِّي نّشْ. وَارْ [ذَايسْ] تّڭّْ ؤُڒَا ذ إِشْثْ ن ڒْخذْمثْ، شكْ لَّا، ؤُڒَا ذ مِّيشْ لَّا، ذ يدْجِيشْ لَّا، ذ إِسْمغْ نّشْ لَّا، ذ ثَايَّا نّشْ لَّا، ذ ڒبْهِيمثْ نّشْ لَّا، ؤُڒَا ذ أَبَارَّانِي نِّي أَكِيذكْ إِدْجَانْ ذَاخڒْ إِ ثوُّورَا نّشْ لَّا.
EXO 20:11 مِينْزِي ذِي ستَّا ن وُوسَّانْ إِڭَّا سِيذِي إِجنْوَانْ ذ ثمُّورْثْ، ڒبْحَارْ ذ مَارَّا مِينْ ذَايسْ ؤُشَا يَاريّحْ ذڭْ وَاسّْ وِيسّْ سبْعَا. خْ ؤُيَا إِبَاركْ سِيذِي أَسّْ ن سّبْثْ ؤُشَا إِسّْقدّسْ إِ-ث.
EXO 20:12 وقَّارْ بَابَاشْ ذ يمَّاشْ، مَاحنْذْ ؤُسَّانْ [ن ثُوذَارْثْ] نّشْ [زمَّارنْ] أَذْ زُّوڭَّارْثنْ ذِي ثمُّورْثْ إِ ذ أَشْ غَا يوْشْ سِيذِي، أَربِّي نّشْ.
EXO 20:13 وَارْ نقّْ.
EXO 20:14 وَارْ زنَّا.
EXO 20:15 وَارْ تَّاشَارْ.
EXO 20:16 وَارْ شهّذْ س ژُورْ ضِيدّْ إِ جَّارْ نّشْ.
EXO 20:17 وَارْ مژْرِي ذِي شَا، ثَادَّارْثْ ن جَّارْ نّشْ [وَارْ ذَايسْ مژْرِي]. وَارْ مژْرِي ذِي ثَامْغَارْثْ ن جَّارْ نّشْ، نِيغْ ذڭْ يِيسْمغْ نّسْ، نِيغْ ذِي ثَايَّا نّسْ، نِيغْ ذڭْ ؤُفُونَاسْ نّسْ، نِيغْ ذڭْ وغْيُوڒْ نّسْ ؤُڒَا ذڭْ إِشْثْ ن ڒْحَاجّثْ إِ إِدْجَانْ ن جَّارْ نّشْ.“
EXO 20:18 مَارَّا ڒْڭنْسْ إِژْرَا [ؤُ إِسْڒَا] إِ وَاجَّاجنْ ذ وَاسَّامنْ ذ دّْرِيزْ ن ؤُسُوضِي ذڭْ ؤُيِيشّْ ن إِشَارِّي ذ وذْرَارْ إِدُّوخُّوننْ. [ؤُمِي] إِژْرَا ڒْڭنْسْ مَانْ أَيَا، [خنِّي] أَرْجِيجنْ ؤُشَا بعّْذنْ [نِيثْنِي] غَارْ ڒَاڭّْوَاجْ.
EXO 20:19 نَّانْ إِ مُوسَا: ”سِيوڒْ شكْ أَكِيذْنغْ ؤُشَا أَذْ نْسڒْ. [مَاشَا] إِتّْخصَّا أَربِّي وَارْ كِيذْنغْ إِسِّيوِيڒْ، حِيمَا وَارْ نتّْمتِّي!“
EXO 20:20 إِنَّا مُوسَا إِ ڒْڭنْسْ: ”وَارْ ثڭّْوذمْ شَا، أَقَا يُوسَا-د أَربِّي، حِيمَا أَذْ كنِّيوْ إِقدْجبْ ؤُ حِيمَا أَذْ زَّايسْ ثڭّْوذمْ مَاحنْذْ وَارْ ثْخطِّيمْ شَا.“
EXO 20:21 إِبدّْ ڒْڭنْسْ زِي ڒَاڭّْوَاجْ، مَاشَا مُوسَا إِقَارّبْ-د غَارْ ؤُسيْنُو إِبُّومْبْسنْ مَانِي [ثُوغَا] أَربِّي.
EXO 20:22 إِنَّا سِيذِي إِ مُوسَا: ”أَمُّو إِتّْخصَّا أَذْ ثِينِيذْ إِ أَيْثْ ن إِسْرَائِيل: ’كنِّيوْ ثژْرِيمْ بلِّي سِّيوْڒغْ-د أَكِيذْومْ زڭْ ؤُجنَّا.
EXO 20:23 وَارْ كِيذِي تّڭّمْ إِربِّيثنْ ن نُّوقَارْثْ ؤُ وَارْ تّڭّمْ إِربِّيثنْ ن وُورغْ إِ يِيخفْ نْومْ.
EXO 20:24 أڭّْ أَيِي إِجّْ ن ؤُعَالْطَارْ س ؤُشَاڒْ، قدّمْ خَاسْ ثِيغَارْصَا نّشْ ن وشْمَاضْ ذ ثِيغَارْصَا نّشْ ن ڒهْنَا، ؤُدْجِي نّشْ ذ إِفُونَاسنْ ذ ثْفُونَاسِينْ نّشْ. ذِي كُوڒْ أَمْشَانْ مَانِي غَا ڭّغْ ڒِيذَارثْ ن يِيسمْ إِنُو، أَذْ غَاركْ د-أَسغْ ؤُشَا أَذْ أَشْ بَارْكغْ.
EXO 20:25 مَاڒَا ثڭِّيذْ أَيِي إِجّْ ن ؤُعَالْطَارْ ن إِژْرَا، وَارْ ث ثْبنِّيذْ س ثْصُوضَارْ إِتّْوَاسُّويْذَانْ، مِينْزِي مَاڒَا ثدّْزذْ س ؤُڒيْزِيمْ نّشْ، [إِڒِي] أَذْ ث ثسّْعِيدْجْثذْ.
EXO 20:26 وَارْ تّْڭِيعِّيذْ غَارْ ؤُعَالْطَارْ إِنُو س يِيجّْ ن دّْرُوجْ، حِيمَا وَارْ إِتّْبِينْ ؤُسضْحِي نّشْ.“
EXO 21:1 ”ثِينَا [إِ إِدْجَانْ] ذ لْفَارَايِيضْ نِّي ذ أَسنْ غَا ثسِّيوْضذْ.
EXO 21:2 مَاڒَا ثسْغِيذْ إِسْمغْ ذ أَعِيبْرَانِي، [خنِّي] نتَّا أَذْ أَشْ إِسخَّارْ ستَّا ن إِسڭّْوُوسَا، مَاشَا ذڭْ [ؤُسڭّْوَاسْ] وِيسّْ سبْعَا أَذْ إِفّغْ ذ أَحُورِّي بَاطڒْ.
EXO 21:3 مَاڒَا يُوذفْ وحّْذسْ، وحّْذسْ إِ غَا إِفّغْ، مَاڒَا غَارسْ ثَامْغَارْثْ، أَذْ إِفّغْ نتَّا ذ ثمْغَارْثْ نّسْ.
EXO 21:4 مَاڒَا سِيذِيسْ إِوْشَا أَسْ ثَامْغَارْثْ ؤُشَا نتَّاثْ ثجَّا أَسْ-د إِحنْجِيرنْ ذ ثْحنْجِيرِينْ، [خنِّي] ثَامْغَارْثْ ذ ثَارْوَا نّسْ أَذْ إِڒِينْ ن سِيذِيسْ، ؤُ خنِّي نتَّا أَذْ إِفّغْ س إِمَانْ نّسْ.
EXO 21:5 [مَاشَا] مَاڒَا إِسْمغْ إِنَّا نِيشَانْ: ’نشّْ خْسغْ سِيذِي إِنُو ذ ثمْغَارْثْ إِنُو ذ ثَارْوَا إِنُو، وَارْ خْسغْ أَذْ فّْغغْ ذ أَحُورِّي!‘،
EXO 21:6 [ڒخْذنِّي] سِيذِيسْ أَذْ ث إِسّْبدّْ زَّاثْ إِ أَربِّي. أَذْ ث يَاوِي غَارْ ثوَّارْثْ نِيغْ غَارْ ثفْڒَاوْثْ [غَارْ ؤُغزْذِيسْ ن ثوَّارْثْ] ؤُشَا سِيذِيسْ أَذْ أَسْ إِسّْنُوقّبْ أَمجِّينْ نّسْ س يِيشْثْ ن ثْسِينفْثْ ؤُشَا نتَّا أَذْ أَسْ إِسخَّارْ إِ ڒبْذَا.
EXO 21:7 مَاڒَا إِزّنْزْ حذْ يدْجِيسْ ذ ثَايَّا، وَارْ إِتّفِّيغْ أَمْ مُوخَاسْ تّفّْغنْ إِسمْغَانْ.
EXO 21:8 مَاڒَا وَارْ ثعْجِيبْ إِ ثِيطَّاوِينْ ن سِيذِيسْ ؤُ نتَّا ثُوغَا إِخْضبْ إِ-ت، أَذْ ت يجّْ أَذْ ثتّْوَافْذِي. وَارْ إِزمَّارْ أَذْ ت إِزّنْزْ إِ يِيجّْ ن ڒْڭنْسْ ن بَارَّا مِينْزِي نتَّا إِغْذَارْ زَّايسْ س [مِينْ إِڭَّا].
EXO 21:9 مَاڒَا إِخْضبْ إِ-ت إِ مِّيسْ، أَذْ كِيذسْ يڭّْ عْلَاحْسَابْ لْفَارِيضَا زِي جّْهثْ ن يدْجِيسْ.
EXO 21:10 مَاڒَا إِكْسِي [ثَامْغَارْثْ] نّغْنِي إِ يِيخفْ نّسْ، وَارْ إِنقّصْ [ڒْعُوتْشْ ن] ويْسُومْ نّسْ، نِيغْ أَرُّوضْ نّسْ، نِيغْ ڒْعَاشَارْثْ نّسْ.
EXO 21:11 مَاڒَا نتَّا وَارْ ذ أَسْ إِڭِّي ثْڒَاثَا-يَا، [خنِّي] نتَّاثْ أَذْ ثفّغْ بَاطڒْ، بْڒَا ڒخْرَاصْ.“
EXO 21:12 ”ونِّي إِ غَا إِوْثنْ حذْ أَڒْ غَا إِمّثْ، أَذْ ث نْغنْ نِيشَانْ.
EXO 21:13 مَاڒَا وَارْ ث إِڭِّي نعْمَاذَا، [مَاشَا] أَربِّي إِڭَّا أَسْ-د ذڭْ ؤُفُوسْ نّسْ، [ڒخْذنِّي] نشّْ أَذْ أَشْ سّشْنغْ أَمْشَانْ مَانِي إِزمَّارْ أَذْ يَارْوڒْ.
EXO 21:14 [مَاشَا] مَاڒَا يُوفّْ حذْ خْ وَاجَّارْ نّسْ ؤُشَا إِنْغَا إِ-ث س ڒغْذَارثْ، [خنِّي] أَذْ ث ثكْسِيذْ غَارْ ؤُعَالْطَارْ إِنُو، مَاحنْذْ أَذْ ث نْغنْ.
EXO 21:15 ونِّي إِوْثِينْ بَابَاسْ نِيغْ يمَّاسْ، أَذْ إِتّْوَانغْ نِيشَانْ.
EXO 21:16 ونِّي يُوشَارنْ بْنَاذمْ ؤُشَا إِزّنْزْ إِ-ث، نِيغْ إِتّْوَافْ [عَاذْ] غَارسْ، أَذْ إِتّْوَانغْ نِيشَانْ.
EXO 21:17 ونِّي إِ غَا إِنعْڒنْ بَابَاسْ نِيغْ يمَّاسْ، أَذْ إِتّْوَانغْ نِيشَانْ.
EXO 21:18 مَاڒَا إِرْيَازنْ مّْشُوبّْشنْ ؤُشَا إِجّنْ إِوْثَا ونّغْنِي س وژْرُو نِيغْ س ڒْپُونِييّثْ، ؤُشَا وَانِيثَا وَارْ إِمُّوثْ، [مَاشَا] إِوْضَا ذِي ثَاسُّوثْ،
EXO 21:19 [خنِّي]، مَاڒَا وَانِيثَا إِكَّارْ عَاوذْ ؤُشَا يُويُورْ غَارْ بَارَّا خْ ثغَّارْشْثْ، أَذْ يِيڒِي ونِّي ث إِوْثِينْ ذ أَمزْذَاڭْ. أَذْ أَسْ إِخدْجصْ مْغِيرْ مِينْ يَاريّحْ ؤُشَا أَذْ ث يجّْ أَذْ إِڭّنْفَا مْلِيحْ.
EXO 21:20 مَاڒَا إِوْثَا حذْ إِسْمغْ نّسْ نِيغْ ثَايَّا نّسْ س وعْمُوذْ ؤُشَا إِمُّوثْ سَاذُو ؤُفُوسْ نّسْ، [خنِّي] إِتّْخصَّا أَذْ أَسْ يَاغْ خْ ثسْغَارْثْ نّسْ نِيشَانْ.
EXO 21:21 مَاشَا مَاڒَا إِقِّيمْ إِبدّْ إِجّْ نِيغْ ثْنَاينْ ن وُوسَّانْ، وَارْ ذ أَسْ يُوغِي ثَاسْغَارْثْ، مِينْزِي نتَّا ذ [ثَامنْيَاثْ ن] نُّوقَارْثْ نّسْ إِ يدْجَا.
EXO 21:22 مَاڒَا إِرْيَازنْ مّنْغنْ ؤُشَا وْثِينْ إِشْثْ ن ثمْغَارْثْ س دّيْسثْ ؤُشَا إِوْضَا أَسْ-د ؤُعذِّيسْ نّسْ، مَاشَا وَارْ إِدْجِي شَا ذ أَيزِّيمْ، [خنِّي] نتَّا أَذْ إِخدْجصْ نِيشَانْ إِجّْ ن مُولْثَا عْلَاحْسَابْ مِينْ ذ أَسْ غَا إِتَّارْ ورْيَازْ ن ثمْغَارْثْ ؤُشَا أَذْ ت إِوْشْ إِ ڒْقُوضَاثْ.
EXO 21:23 مَاڒَا إِمْسَارْ شَا ن ؤُيزِّيمْ ذ أَعفَّانْ، [ڒخْذنِّي] أَذْ ثوْشذْ ثُوذَارْثْ س ثُوذَارْثْ،
EXO 21:24 ثِيطّْ س ثِيطّْ، ثِيغْمسْثْ س ثغْمسْثْ، أَفُوسْ س ؤُفُوسْ، أَضَارْ س ؤُضَارْ،
EXO 21:25 أَشْمَاضْ س وشْمَاضْ، أَيزِّيمْ س ؤُيزِّيمْ، ثِيشْثِي س ثشْثِي.
EXO 21:26 مَاڒَا إِڒْقفْ حذْ ثِيطّْ ن إِسْمغْ نّسْ نِيغْ ثِيطّْ ن ثَايَّا نّسْ، إِضيّعْ إِ-ت، [خنِّي] أَذْ ث يجّْ أَذْ يُويُورْ أَمنِّي زِي سِّيبّثْ ن ثِيطّْ نّسْ.
EXO 21:27 مَاڒَا س ثشْثِي إِتّكّسْ ثِيغْمسْثْ ن إِسْمغْ نّسْ، نِيغْ ثِيغْمسْثْ ن ثَايَّا نّسْ، [خنِّي] أَذْ أَسْ يجّْ أَذْ يُويُورْ أَمنِّي زِي سِّيبّثْ ن ثغْمسْثْ نّسْ.
EXO 21:28 مَاڒَا أَفُونَاسْ إِبَارّزْ أَرْيَازْ نِيغْ ثَامْغَارْثْ، ؤُ وَانِيثَا إِمُّوثْ، [خنِّي] أَذْ أَرْجْمنْ أَفُونَاسْ ؤُ أَيْسُومْ نّسْ وَارْ زَّايسْ تّتّنْ. بَابْ ن ؤُفُونَاسْ أَذْ يِيڒِي ذ أَفُورِّي.
EXO 21:29 [مَاشَا] مَاڒَا أَفُونَاسْ ثُوغَا ذ أَبَارّزْ إِضنَّاضْ ذ فَارِيضنَّاضْ ؤُشَا بَابْ نّسْ ثُوغَا إِسّنْ ؤُشَا وَارْ ث إِحْضِي ؤُشَا إِنْغَا أَرْيَازْ نِيغْ ثَامْغَارْثْ، [خنِّي] أَذْ أَرْجْمنْ أَفُونَاسْ ؤُشَا عَاوذْ أَذْ نْغنْ بَابْ نّسْ.
EXO 21:30 مَاڒَا ڭِّينْ خَاسْ دّيّثْ، [ڒخْذنِّي] أَذْ إِوْشْ مَارَّا مِينْ خَاسْ ڭِّينْ ذ تَّامَانْ ن ؤُفكِّي إِ ثُوذَارْثْ نّسْ،
EXO 21:31 نِيغْ مَاڒَا [أَفُونَاسْ] إِبَارّزْ أَحنْجِيرْ نِيغْ ثَاحنْجِيرْثْ. أَذْ أَسْ ڭّنْ عْلَاحْسَابْ لْفَارِيضَا-يَا.
EXO 21:32 مَاڒَا أَفُونَاسْ إِبَارّزْ إِسْمغْ نِيغْ ثَايَّا، أَذْ وْشنْ ثْڒَاثِينْ شِيقْلُو ن نُّوقَارْثْ إِ سِيذِيسْ، ؤُشَا أَفُونَاسْ أَذْ ث أَرْجْمنْ.
EXO 21:33 مَاڒَا يَارْزمْ حذْ أَنُو نِيغْ مَاڒَا إِغْزَا حذْ أَنُو ؤُشَا وَارْ ث إِذْڒِي، ؤُشَا إِوْضَا ذَايسْ ؤُفُونَاسْ نِيغْ أَغْيُوڒْ،
EXO 21:34 [خنِّي] بَابْ ن وَانُو أَذْ إِخدْجصْ. أَذْ يَارّْ نُّوقَارْثْ إِ بَابْ نّسْ ؤُشَا [ڒبْهِيمثْ] إِمُّوثنْ أَذْ ثِيڒِي نّسْ.
EXO 21:35 مَاڒَا أَفُونَاسْ إِيْزمْ أَفُونَاسْ ن وَاجَّارْ نّسْ أَڒَامِي إِمُّوثْ، [ڒخْذنِّي] أَذْ زّنْزنْ أَفُونَاسْ إِدَّارنْ، أَذْ بْضَانْ ثَامنْيَاثْ-أَ [جَارْ أَسنْ] ؤُشَا أَذْ بْضَانْ عَاوذْ [أَفُونَاسْ] أَمتِّينْ.
EXO 21:36 [مَاشَا مَاڒَا] إِسّنْ بلِّي أَفُونَاسْ إِبَارّزْ إِضنَّاضْ ذ فَارِيضنَّاضْ، ؤُشَا بَابْ نّسْ وَارْ ث إِحْضِي، أَذْ إِخدْجصْ أَفُونَاسْ س ؤُفُونَاسْ ؤُشَا [أَفُونَاسْ] أَمتِّينْ أَذْ يِيڒِي نّسْ.
EXO 21:37 مَاڒَا يُوشَارْ حذْ أَفُونَاسْ نِيغْ إِجّنْ زڭْ وُودْجِي ؤُشَا إِغَارْصْ أَسْ نِيغْ إِزّنْزْ إِ-ث، [خنِّي] أَذْ إِخدْجصْ خمْسَا ن إِفُونَاسنْ خْ يِيجّْ ن ؤُفُونَاسْ ؤُ أَربْعَا ن وُودْجِي خْ يِيجّنْ ن وُودْجِي.“
EXO 22:1 ”مَاڒَا إِتّْوَافْ ؤُشفَّارْ [عَاذْ] أَمْ إِتَّاشَارْ، ؤُشَا إِوْثَا إِ-ث ؤُشَا إِمُّوثْ، وَارْ [تِّيڒِينْ] إِذَامّنْ خْ ونِّي ث يُوفِينْ.
EXO 22:2 مَاڒَا ثنْقَارْ-د خَاسْ ثْفُوشْثْ، [أَذْ] خَاسْ [إِڒِينْ] إِذَامّنْ ذِي سِّيبّثْ-أَ. أَذْ أَسْ إِخدْجصْ ؤُشفَّارْ مَارَّا. مَاڒَا وَارْ غَارسْ شَا، أَذْ إِمّنْزْ ذِي سِّيبّثْ ن ثُوشّفّْرَا نّسْ.
EXO 22:3 مَاڒَا ثتّْوَافْ ثُوشّفَّارْثْ ثدَّارْ ذڭْ ؤُفُوسْ نّسْ، مَا ذ أَفُونَاسْ [إِ ت ثُوغَا] نِيغْ ذ أَغْيُوڒْ نِيغْ ذ إِجّنْ زڭْ وُودْجِي، إِتّْخصَّا أَسْ أَذْ إِخدْجصْ ثْنَاينْ ن ثْسقَّارْ.
EXO 22:4 مَاڒَا إِجَّا حذْ أَذْ هدَّانْ [ڒْْمَاڒْ] إِيَّارْ نِيغْ أَمَارْجعْ ن ؤُضِيڒْ ؤُشَا يَارْوسْ ذَايسْ ثَاحِيمَارْثْ نّسْ ؤُشَا أَذْ أَسنْ إِضْڒقْ أَڒَامِي أَذْ هدَّانْ ذِي ثمُّورْثْ ن ونّغْنِي، [خنِّي] أَذْ [ت] إِخدْجصْ زِي ڒمْخيّرْ ن ييَّارْ نّسْ ؤُ زِي ڒمْخيّرْ ن ؤُمَارْجعْ ن ؤُضِيڒْ نّسْ.
EXO 22:5 مَاڒَا ثفّغْ-د ثْمسِّي ؤُشَا ثڒْقفْ أَسنَّانْ ؤُشَا ثشَّا ثِيقبِّيضِينْ [ن إِمنْذِي] نِيغْ إِمنْذِي إِبدّنْ نِيغْ إِيَّارْ، [خنِّي] ونِّي إِقّْذنْ ثِيمسِّي أَذْ إِخدْجصْ مَارَّا مِينْ إِتّْوَاشمْضنْ.
EXO 22:6 مَاڒَا إِحْضَا حذْ إِ وَاجَّارْ نّسْ نُّوقَارْثْ نِيغْ ڒقْشُوعْ ؤُ مَانْ أَيَا إِتّْوَاشَارْ أَسْ زِي ثَادَّارْثْ ن ورْيَازْ [نِّي]، [خنِّي] أَشفَّارْ، مَاڒَا ؤُفِينْ ث، أَذْ إِخدْجصْ ثْنَاينْ ن ثْسقَّارْ.
EXO 22:7 مَاڒَا وَارْ إِتّْوِيفْ ؤُشفَّارْ، [ڒخْذنِّي] أَذْ سّْقَارّْبنْ بَابْ ن ثَادَّارْثْ غَارْ أَربِّي [مَاحنْذْ أَذْ سّْننْ] مَا [وَارْ] إِسّْوِيژّضْ ؤُفُوسْ نّسْ غَارْ وَاڭْڒَا ن وَاجَّارْ نّسْ.
EXO 22:8 كُوڒْ أَعذِّي زِي جِّيهثْ ن ؤُفُونَاسْ نِيغْ ن وغْيُوڒْ نِيغْ ن إِجّْ زڭْ وُودْجِي نِيغْ ن وَارُّوضْ نِيغْ ن مِينْ إِودَّارنْ إِ زَّايسْ إِنَّا [حذْ:] ’أَقَا-ث ذ وَا!‘، أَذْ د-ثَاسْ ثْمسْڒَاشْثْ إِ إِدْجَانْ جَارْ أَسنْ س ثْنَاينْ زَّاثْ إِ ڒْقُوضَاثْ ؤُشَا ونِّي أَذْ خَاسْ حكْمنْ ڒْقُوضَاثْ أَذْ إِخدْجصْ إِ وَاجَّارْ نّسْ ثْنَاينْ ن ثْسقَّارْ.
EXO 22:9 مَاڒَا إِوْشَا حذْ إِ وَاجَّارْ نّسْ أَغْيُوڒْ نِيغْ أَفُونَاسْ نِيغْ إِجّْ ن زڭْ وُودْجِي، نِيغْ مَامّشْ مَا ثڭَّا ڒبْهِيمثْ، حِيمَا أَذْ ث إِحْضَا ؤُشَا إِمُّوثْ نِيغْ يَارّژْ نِيغْ ؤُشَارنْ ث، أَمْ وَارْ إِژْرِي حذْ،
EXO 22:10 [خنِّي] أَذْ ثِيڒِي ثْجَادْجِيثْ غَارْ سِيذِي جَارْ أَسنْ س ثْنَاينْ بلِّي وَارْ إِسّْوِيژّضْ أَفُوسْ نّسْ غَارْ وَاڭْڒَا ن وَاجَّارْ نّسْ. بَابْ نّسْ أَذْ إِقْبڒْ [ثَاجَادْجِيثْ نّسْ] ؤُشَا أَذْ ثَافْ بْڒَا مَا أَذْ [ث] إِتّْخدْجصْ ونّغْنِي.
EXO 22:11 [مَاشَا] مَاڒَا إِتّْوَاشَارْ نِيشَانْ زَّايسْ، [ذِي لْحَالَا-يَا] أَذْ إِخدْجصْ إِ بَابْ نّسْ.
EXO 22:12 مَاڒَا إِبَانْ أَقَا إِتّْوَامزّقْ نِيشَانْ، أَذْ ث يَاوِي ذ بُورْهَانْ ؤُشَا وَارْ إِتّْخدْجِيصْ مِينْ إِتّْوَامزّْقنْ.
EXO 22:13 مَاڒَا يَارْضڒْ حذْ شَا خْ وَاجَّارْ نّسْ ؤُشَا ثَارّژْ نِيغْ ثمُّوثْ ذِي ڒْغَايبْ ن بَابْ نّسْ، إِتّْخصَّا أَسْ أَذْ ت إِخدْجصْ مَارَّا.
EXO 22:14 مَاشَا مَاڒَا بَابْ نّسْ ثُوغَا إِحْضَارْ، وَارْ ت إِتّْخِيدْجَاصْ. مَاڒَا ثُوغَا إِشْرَا ت [خَاسْ]، أَذْ د-يَاسْ خْ ڒخْڒَاصْ نّسْ.“
EXO 22:15 ”ؤُشَا مَاڒَا إِمَّارْضنْ حذْ خْ شَا ن ثعْزَاڒشْثْ، ثُوغَا وَارْ ت إِخْضِيبْ حذْ عَاذْ، ؤُشَا إِطّصْ أَكِيذسْ، إِتّْخصَّا أَسْ أَذْ أَسْ إِوْشْ صَّاذَاقْ إِمُونْ [مَاحنْذْ] أَذْ ت يَاوِي ذ ثَامْغَارْثْ.
EXO 22:16 مَاڒَا بَابَاسْ وَارْ إِخْسْ أَذْ أَسْ ت إِوْشْ، أَذْ [أَسْ] إِوْزنْ عَاذْ صَّاذَاقْ ن ثعْزُورَايْ س نُّوقَارْثْ.
EXO 22:17 وَارْ تّجِّي ثَاسحَّارْثْ أَذْ ثدَّارْ.
EXO 22:18 مَانْ ونْ إِ غَا إِطّْصنْ أَكْ-ذ إِجّْ ن ڒْمَاڒْ، أَذْ ث نْغنْ نِيشَانْ.
EXO 22:19 ونِّي إِ غَا إِوهّْبنْ شَا ن ثْغَارْصْثْ إِ إِربِّيثنْ، وَارْ إِدْجِي مْغِيرْ إِ سِيذِي وَاهَا، إِتّْخصَّا أَذْ إِتّْوَاحَارّمْ [إِ ؤُثحِّي].
EXO 22:20 وَارْ دّدْجمْ أَبَارَّانِي ؤُ وَارْ خَاسْ تّْزيَّارمْ، مِينْزِي ثُوغَا ؤُڒَا ذ كنِّيوْ ذ إِبَارَّانِييّنْ ذِي ثمُّورْثْ ن مِيصْرَا.
EXO 22:21 وَارْ تّْذدْجِي شَا إِشْثْ ن ثَاجَّاتْشْ نِيغْ إِجّْ ن ؤُيُوجِيڒْ.
EXO 22:22 مَاڒَا ثِيوْضذْ أَذْ ث ثسّحْقَارذْ أَطَّاسْ ؤُشَا نتَّا إِسْغُويْ-د غَارِي، أَقَا نشّْ س ؤُغِيڒْ أَذْ سْڒغْ إِ ثْغُويِّيثْ نّسْ.
EXO 22:23 أَذْ يَارغْ وغْضَابْ إِنُو ؤُشَا نشّْ أَذْ كنِّيوْ نْغغْ س سِّيفْ، ثِيمطَّا نْومْ أَذْ ذوْڒنْثْ ذ ثِيجَّاڒْ ذ ثَارَّاوْثْ نْومْ ذ إِيُوجِيڒنْ.
EXO 22:24 مَاڒَا ثَارضْڒذْ نُّوقَارْثْ إِ ڒْڭنْسْ إِنُو، إِ ؤُمزْڒُوضْ إِ [ذِينْ] غَاركْ، [خنِّي] وَارْ كِيذسْ تّڭّذْ أَمْ إِتّڭّْ بَابْ ن ؤُمَارْوَاسْ: وَارْ خَاسْ تّڭّْ شَا أَرِّيبَا.
EXO 22:25 مَاڒَا ثكْسِيذْ أَرُّوضْ ن وَاجَّارْ نّشْ ذ أَضْمَانْ، أَرّْ أَسْ ث قْبڒْ مَا أَذْ ثغْڒِي ثْفُوشْثْ.
EXO 22:26 مِينْزِي وَارْ غَارسْ مْغِيرْ أَڒحَّافْ وَانِيثَا، أَقَا-ث ذ أَرُّوضْ خْ ثڒْمشْثْ نّسْ. مِينْ ذِي غَا إِطّصْ [خنِّي]؟ خْمِي غَارِي د غَا إِسْغُويْ، ڒخْذنِّي أَذْ أَسْ سْڒغْ، مِينْزِي نشّْ أَقَا ذ أَحْنِينْ!
EXO 22:27 وَارْ تّْشقِّيفْ ذِي أَربِّي ؤُ وَارْ تّكّْوَارْ ڒْحَاكمْ ن ڒْڭنْسْ نّشْ.
EXO 22:28 وَارْ سْعطَّاڒَا ثَاشُّورثْ [ن ثْميْرَا] نّشْ نِيغْ أَحْڒَايْ [ن ثيْسَارْثْ] نّشْ. أَذْ أَيِي ثوْشذْ [ؤُڒَا] ذ أَمنْزُو ن إِحنْجِيرنْ نّشْ.
EXO 22:29 أَمُّو إِ غَا ثڭّذْ [عَاوذْ] س إِفُونَاسنْ نّشْ ذ وُودْجِي نّشْ. سبْعَا ن وُوسَّانْ أَذْ إِڒِينْ أَكْ-ذ يمَّاثْسنْ ؤُشَا غَارْ وَاسّْ وِيسّْ ثْمنْيَا أَذْ أَيِي ثنْ ثوْشذْ.
EXO 22:30 أَذْ أَيِي ثِيڒِيمْ ذ إِمْقدَّاسنْ ؤُ وَارْ تّتّمْ أَيْسُومْ إِ إِتّْوَامزّْقنْ ذِي ڒخْڒَا. أَذْ ث ثنْضَارمْ إِ يِيطَانْ.“
EXO 23:1 ”وَارْ سُّوفُّوغْ ڒخْبَارْ إِسّْخَارِّيقنْ. وَارْ تِّيشْ أَفُوسْ نّشْ إِ ؤُعفَّانْ، مَاحنْذْ أَذْ ثِيڒِيذْ ذ أَشهَّاذْ ن دّدْجْ.
EXO 23:2 وَارْ أَردّفْ أَزْينْ أَمقّْرَانْ ذِي ڒْغَارْ ؤُ وَارْ د-تَّارِّي ذِي دّعْوثْ أَڒْ غَا ثْميّْڒذْ [ثڭّْوجذْ خْ ڒْحقّْ] أَوَارْنِي إِ وَاطَّاسْ، أَذْ ثْفَارْغذْ [ڒْحقّْ].
EXO 23:3 ذِي دّعْوثْ نّسْ وَارْ تّْرِيحْ شَا أَكْ-ذ ڒْمسْكِينْ.
EXO 23:4 مَاڒَا ثڒْقِيذْ أَفُونَاسْ نِيغْ أَغْيُوڒْ إِودَّارْ ن ڒعْذُو نّشْ، إِتّْخصَّا أَذْ أَسْ ث ثَارّذْ نِيشَانْ.
EXO 23:5 مَاڒَا ثژْرِيذْ أَغْيُوڒْ ن ونِّي ثْشَارّْهذْ إِوْضَا س دّْقڒْ نّسْ، إِتّْخصَّا شكْ أَذْ ثحْضِيذْ إِخفْ نّشْ أَذْ ثجّذْ [ثَامسْڒَاشْثْ] إِ نتَّا وَاهَا، [مَاشَا] شكْ ذ نتَّا جْمِيعْ أَذْ ثْفكّمْ [أَغْيُوڒْ] قَاعْ.
EXO 23:6 وَارْ سْفَارَّاغْ ثَاسْغَارْثْ ن ؤُمزْڒُوضْ إِ [ذِينْ] غَاركْ ذِي دّعْوثْ نّسْ.
EXO 23:7 بعّذْ خْ ثْمسْڒَاشْثْ إِغشّنْ. وَارْ نقّْ أَفُورِّي نِيغْ أَمْسڭّذْ، مِينْزِي نشّْ وَارْ تّْبَارِّيغْ أَعفَّانْ.
EXO 23:8 وَارْ كسِّي ثَارْزفْثْ، مِينْزِي ثَارْزفْثْ ثسّْذَارْغَاڒْ ثِيطَّاوِينْ يَارزْمنْ ؤُ ثسّْفَارَّاغْ أَوَاڒنْ ن إِمْسڭّْذنْ.
EXO 23:9 وَارْ ثْزيَّارمْ خْ ؤُبَارَّانِي. أَقَا كنِّيوْ ثسّْنمْ نّفْسْ ن ؤُبَارَّانِي، مِينْزِي ثُوغَا كنِّيوْ ذ إِبَارَّانِييّنْ ذِي ثمُّورْثْ ن مِيصْرَا.
EXO 23:10 ستَّا ن إِسڭّْوُوسَا أَذْ ثْزَارْعذْ ثَامُّورْثْ نّشْ ؤُشَا أَذْ ثسّْمُونذْ ڒْغِيدْجثْ نّسْ.
EXO 23:11 ذڭْ [ؤُسڭّْوَاسْ] وِيسّْ سبْعَا أَذْ ت ثجّذْ أَذْ ثَاريّْحذْ ؤُشَا أَذْ أَسْ ثَارْخُوذْ، حِيمَا أَذْ [زَّايسْ] شّنْ إِمزْڒَاضْ ن ڒْڭنْسْ نّشْ. ؤُشَا مِينْ غَا جّنْ نِيثْنِي أَذْ [زَّايسْ] شّنْ ڒْمَاڒْ ن ڒخْڒَا. أَمُّو إِ غَا ثڭّذْ عَاوذْ س ؤُمَارْجعْ ن ؤُضِيڒْ نّشْ ذ زِّيثُونْ نّشْ.
EXO 23:12 ذِي ستَّا ن وُوسَّانْ أَذْ ثڭّذْ ڒْخذْمثْ نّشْ ؤُ ذڭْ وَاسّْ وِيسّْ سبْعَا أَذْ ثَاريّْحذْ، مَاحنْذْ أَذْ يَاريّحْ ؤُفُونَاسْ نّشْ ذ وغْيُوڒْ نّشْ ؤُ أَذْ يَارّْ نّفْسْ مِّيسْ ن ثَايَّا نّشْ ذ ؤُبَارَّانِي.“
EXO 23:13 ذِي مَارَّا مِينْ ذ أَومْ نِّيغْ، حْضَامْ ث. وَارْ تِّيذَارمْ إِسمْ ن إِربِّيثنْ نّغْنِي. وَارْ تّسْڒَانْ [إِسمْ نّسْ] زڭْ ؤُقمُّومْ نّشْ.
EXO 23:14 ثْڒَاثَا ن ثْوَاڒَاوِينْ ذڭْ ؤُسڭّْوَاسْ أَذْ أَيِي ثْعيّْذمْ إِجّْ ن ڒْعِيذْ.
EXO 23:15 ڒْعِيذْ ن وغْرُومْ بْڒَا أَنْثُونْ أَذْ ث ثحْضَامْ. سبْعَا ن وُوسَّانْ أَذْ ثشّذْ أَغْرُومْ بْڒَا أَنْثُونْ، أَمْ مَامّشْ كنِّيوْ ؤُمُورغْ نشّْ، ذِي ڒْوقْثْ إِتّْوَاڭّنْ ذڭْ ؤُيُورْ أَبِيبْ، مِينْزِي ذَايسْ إِ د-ثفّْغذْ زِي مِيصْرَا. وَارْ د-تُّوسِيمْ [س إِفَاسّنْ] خْوَانْ زَّاثْ إِ وُوذمْ إِنُو.
EXO 23:16 [حْضَامْ عَاوذْ] ڒْعِيذْ ن ثْميْرَا، [ڒْعِيذْ ن] ثْمنْزُوثْ ن ڒْخذْمثْ نّشْ إِ ثْزَارْعذْ ذڭْ إِيَّارْ، ؤُ ڒْعِيذْ ن ؤُسْمُونِي [ن صَّابثْ] ذڭْ ؤُنڭَّارْ ن ؤُسڭّْوَاسْ، خْمِي غَا ثسّْمُونذْ [ڒْغِيدْجثْ ن] ڒْخذْمثْ نّشْ زڭْ إِيَّارْ.
EXO 23:17 ثْڒَاثَا ن ثْوَاڒَاوِينْ ذڭْ ؤُسڭّْوَاسْ أَذْ ضْهَارنْ مَارَّا إِرْيَازنْ [ن ڒْڭنْسْ نّشْ] إِ وُوذمْ ن سِيذِي، سِيذِي.
EXO 23:18 وَارْ تّْقدَّامْ إِذَامّنْ ن ثْغَارْصْثْ إِنُو أَكْ-ذ مِينْ إِخمَّارنْ، ؤُ ثَاذُونْثْ ن [ثْغَارْصْثْ ن] ڒْعِيذْ إِنُو وَارْ تّْنُوسِي دْجِيڒثْ [ثكْمڒْ] أَڒْ صّْبحْ.
EXO 23:19 ثَامزْوَارُوثْ ن ثْمنْزُوثْ زڭْ وُوذمْ ن ثمُّورْثْ نّشْ أَذْ [ت] ثَاوْيذْ غَارْ ثَادَّارْثْ ن سِيذِي، أَربِّي نّشْ. وَارْ سْننِّي إِغَايْضْ ذ أَمژْيَانْ س ؤُغِي ن يمَّاسْ.
EXO 23:20 خْزَارْ، أَذْ سّكّغْ إِجّْ ن لْمَالَاكْ زَّاثْ إِ وُوذمْ نّشْ، حِيمَا أَذْ شكْ إِحْضَا ذڭْ وبْرِيذْ ؤُشَا أَذْ شكْ يَاوِي غَارْ ومْشَانْ نِّي سّْوجْذغْ.
EXO 23:21 حْضَا أَرنْذَاذْ إِ وُوذمْ نّسْ ؤُشَا سڒْ إِ وَاوَاڒْ نّسْ، وَارْ خَاسْ سَّارْزِيڭْ شَا [ڒعْمَارْ]، مِينْزِي نتَّا وَارْ إِتّكّسْ إِعذِّيينْ نْومْ، مِينْزِي إِسمْ إِنُو أَقَا-ث ذَايسْ.
EXO 23:22 مَاشَا مَاڒَا س ثِيذتّْ أَذْ ثسْڒذْ إِ وَاوَاڒْ نّسْ، أَذْ ثڭّذْ مَارَّا مِينْ ذ أَشْ غَا إِنِيغْ، أَذْ إِڒِيغْ ذ ڒعْذُو إِ ڒْعذْيَانْ نّشْ ؤُشَا أَذْ حْصَارغْ إِنِّي شكْ إِحصَّارنْ.
EXO 23:23 مِينْزِي لْمَالَاكْ إِنُو أَذْ يِيڒِي زَّاثكْ، أَذْ شكْ سِّيذْفغْ ذِي [ثمُّورْثْ ن] إِمُورِييّنْ ذ إِحِيتِّييّنْ ذ إِفِيرِيزِييّنْ ذ أَيْثْ ن كنْعَانْ ذ إِحِيوِييّنْ ذ إِيابُوسِييّنْ، ؤُ نشّْ أَذْ ثنْ ثحِّيغْ.
EXO 23:24 وَارْ تّْبنْذِيقْ إِ إِربِّيثنْ نْسنْ نِيغْ أَذْ ثنْ ثْعبْذذْ نِيغْ أَذْ ثڭّذْ أَمْ تّڭّنْ نِيثْنِي، مَاشَا أَذْ ثنْ ثثحِّيذْ قَاعْ ؤُشَا أَذْ ثَارْژذْ مَارَّا إِمَايْضُوثنْ نْسنْ [إِقدّْسنْ].
EXO 23:25 أَذْ ثْعبْذمْ سِيذِي، أَربِّي نْومْ، ؤُ نتَّا أَذْ إِبَاركْ أَغْرُومْ نّشْ ذ وَامَانْ نّشْ. نشّْ أَذْ كّْسغْ ڒهْڒَاشَاثْ زِي ڒْوسْطْ نّشْ.
EXO 23:26 وَارْ تِّيڒِي [ثمْغَارْثْ] نِّي ؤُمِي إِوْضَا ؤُعذِّيسْ نِيغْ وَارْ إِتِّيرْونْ ذِي ثمُّورْثْ نّشْ. نشّْ أَذْ كمّْڒغْ ڒْقدّْ ن وُوسَّانْ نّشْ.
EXO 23:27 أَذْ سّكّغْ أَنخْڒِيعْ زَّاثْ إِ ؤُغمْبُوبْ نّشْ، أَذْ سّْخَاروْضغْ مَارَّا ڒْڭنْسْ إِ غَا ثَافذْ [ذڭْ وبْرِيذْ نّشْ] ؤُشَا أَذْ أَرّغْ مَارَّا ڒْعذْيَانْ نّشْ أَذْ خَاكْ أَروْڒنْ.
EXO 23:28 نشّْ أَذْ سّكّغْ إِرزَّانْ زَّاثْ إِ ؤُغمْبُوبْ نّشْ، إِنِّي غَا يَاژّْڒنْ خْ إِحِيوِييّنْ ذ أَيْثْ ن كنْعَانْ ذ إِحِيتِّييّنْ زَّاثْ إِ وُوذمْ نّشْ.
EXO 23:29 وَارْ خَاسنْ تَّاژّْڒغْ زِي زَّاثْ نْومْ ذڭْ إِجّْ ن ؤُسڭّْوَاسْ، مَاحنْذْ وَارْ ثتّْغِيمِي ثمُّورْثْ ذ ڒخْڒَا ؤُ ڒْمَاڒْ [ن ڒخْڒَا] وَارْ خَاكْ تّْمَارْنِينْ أَطَّاسْ.
EXO 23:30 س شْوَايْ شْوَايْ أَذْ خَاسنْ أَژّْڒغْ زِي زَّاثْ نشّْ، أَڒْ غَا ثمَّارنْيذْ [ذڭْ وَاطَّاسْ] ؤُشَا [أَذْ ثْزمَّارذْ] أَذْ ثكْسِيذْ ثَامُّورْثْ ذ ڒْوَارْثْ.
EXO 23:31 نشّْ أَذْ ڭّغْ إِيْمِيرنْ زِي ڒبْحَارْ ن ثلْڭَا أَڒْ ڒبْحَارْ ن إِفِيلِيسْطِينِييّنْ ؤُ زِي ڒخْڒَا أَڒْ إِغْزَارْ [ن لْفُورَاطْ]، مِينْزِي أَذْ أَرّغْ إِمزْذَاغْ ن ثمُّورْثْ ذڭْ ؤُفُوسْ نّشْ ؤُشَا [أَذْ شكْ أَرّغْ] أَذْ خَاسنْ ثَاژّْڒذْ زِي زَّاثْ نّشْ.
EXO 23:32 وَارْ كِيذْسنْ تّڭّْ ڒْعَاهْذْ نِيغْ أَكْ-ذ إِربِّيثنْ نْسنْ.
EXO 23:33 وَارْ إِعدّڒْ أَذْ زذْغنْ ذِي ثمُّورْثْ نّشْ، حِيمَا وَارْ شكْ تَّارِّينْ أَذْ أَكِيذِي ثخْضِيذْ. مَاڒَا ثْعبْذذْ إِ إِربِّيثنْ نْسنْ، أَذْ أَشْ يِيڒِي مَانْ أَيَا ذ ڒْفخْ إِ شكْ.“
EXO 24:1 ؤُشَا إِنَّا نتَّا إِ مُوسَا: ”ڭعّذْ غَارْ سِيذِي، شكْ ذ هَارُونْ ذ نَاذَابْ ذ أَبِيهُو، ذ سبْعِينْ ن إِمْغَارنْ ن إِسْرَائِيل، ؤُشَا بنْذْقمْ زِي ڒَاڭّْوَاجْ.
EXO 24:2 مُوسَا وحّْذسْ أَذْ د-إِقَارّبْ غَارْ سِيذِي، [مَاشَا] وَارْ إِعدّڒْ أَذْ قَارّْبنْ نِيثْنِي. ؤُڒَا ذ ڒْڭنْسْ وَارْ كِيذسْ إِتّْڭِيعِّيذْ شَا.“
EXO 24:3 مُوسَا إِعْقبْ-د ؤُشَا إِخبَّارْ ڒْڭنْسْ خْ مَارَّا أَوَاڒنْ ن سِيذِي ؤُ خْ مَارَّا لْفَارَايِيضْ. مَارَّا ڒْڭنْسْ يَارَّا-د س يِيجّْ ن وَاوَاڒْ، نَّانْ: ”مَارَّا أَوَاڒنْ إِ إِنَّا سِيذِي أَذْ زَّايْسنْ نڭّْ.“
EXO 24:4 مُوسَا يُورَا مَارَّا أَوَاڒنْ ن سِيذِي. غَارْ صّْبحْ زِيشْ إِكَّارْ ؤُشَا إِبْنَا إِجّْ ن ؤُعَالْطَارْ غَارْ إِضَارنْ ن وذْرَارْ ؤُشَا [إِڭَّا] ثنْعَاشْ ن إِمَايْضُوثنْ ن وژْرُو، عْلَاحْسَابْ [ڒْْقدّْ ن] ثنْعَاشْ ن ثْقبَّاڒْ ن إِسْرَائِيل.
EXO 24:5 إِسّكّْ إِحُوذْرِييّنْ زڭْ أَيْثْ ن إِسْرَائِيل، إِنِّي إِسّْبخَّارنْ ثِيغَارْصِي ن وشْمَاضْ ؤُ قدّْمنْ ثِيغَارْصِي ن ڒهْنَا زڭْ إِفُونَاسنْ إِمژْيَاننْ إِ سِيذِي.
EXO 24:6 إِكْسِي مُوسَا أَزْينْ ن إِذَامّنْ، إِڭَّا [إِ-ث] ذِي طّْبَاصِي ؤُشَا أَزْينْ [نّغْنِي] ن إِذَامّنْ إِزدْجعْ إِ-ثنْ خْ ؤُعَالْطَارْ.
EXO 24:7 إِكْسِي أَذْلِيسْ إِتّْوَانّْضنْ ن ڒْعَاهْذْ، إِغْرَا إِ-ث خْ إِمزُّوغنْ ن ڒْڭنْسْ ؤُشَا نِيثْنِي نَّانْ: ”مَارَّا مِينْ [ذ أَنغْ] إِنَّا سِيذِي، أَذْ [ث] نڭّْ، أَذْ [ث] نْطَاعْ.“
EXO 24:8 إِكْسِي مُوسَا إِذَامّنْ، إِرُوشّْ إِ-ثنْ خْ ڒْڭنْسْ، إِنَّا: ”خْزَارْ، إِنَا ذ إِذَامّنْ ن ڒْعَاهْذْ نِّي إِڭَّا سِيذِي أَكِيذْومْ خْ مَارَّا أَوَاڒنْ-أَ.“
EXO 24:9 إِڭعّذْ مُوسَا أَكْ-ذ هَارُونْ ذ نَاذَابْ ذ أَبِيهُو ذ سبْعِينْ ن إِمْغَارنْ ن إِسْرَائِيل.
EXO 24:10 ژْرِينْ أَربِّي ن إِسْرَائِيل. ثُوغَا سَاذُو إِضَارنْ نّسْ أَمْ ثِيسِي ن زّلِّيجْ إِ إِتّْوَاڭّنْ ن صَافِّيرْ أَزِيزَا، إِصْفَا أَمْ ؤُجنَّا سِيمَانْثْ نّسْ.
EXO 24:11 وَارْ إِسّْوِيژّضْ أَفُوسْ نّسْ خْ إِمْشنّْعنْ ن أَيْثْ ن إِسْرَائِيل ؤُشَا نِيثْنِي خْزَارنْ غَارْ أَربِّي، شِّينْ، سْوِينْ.
EXO 24:12 إِنَّا سِيذِي إِ مُوسَا: ”ڭعّذْ-د غَارِي غَارْ وذْرَارْ ؤُشَا قِّيمْ ذِينْ ؤُشَا نشّْ أَذْ أَشْ وْشغْ ثِيڒْوِيحِينْ ن وژْرُو، شَّارِيعَا ذ ڒُومَارَاثْ ثِينِّي ؤُرِيغْ خْ ثڒْوِيحِينْ، حِيمَا أَذْ أَسنْ [ثنْثْ] ثسّْڒمْذذْ.“
EXO 24:13 إِكَّارْ مُوسَا أَكْ-ذ يَاشُووَا، أَمْسخَّارْ نّسْ، ؤُشَا إِڭعّذْ مُوسَا غَارْ وذْرَارْ ن أَربِّي.
EXO 24:14 إِنَّا إِ إِمْغَارنْ: ”رَاجَامْ أَنغْ ذَانِيثَا أَڒْ د غَارْومْ إِ غَا نذْوڒْ. خْزَارْ، هَارُونْ ذ حُورْ أَكِيذْومْ. مَاڒَا ذِينْ حذْ غَارسْ دّْعَاوِي، إِتّْخصَّا أَسْ أَذْ غَارْسنْ إِرَاحْ.“
EXO 24:15 [خنِّي] إِڭعّذْ مُوسَا غَارْ وذْرَارْ، ؤُشَا إِجّْ ن ؤُسيْنُو إِذْڒَا أَذْرَارْ.
EXO 24:16 أَعُودْجِي ن سِيذِي ثُوغَا إِزدّغْ ذڭْ وذْرَارْ ن سِينَا ؤُ أَسيْنُو إِذْڒَا إِ-ث ستَّا ن وُوسَّانْ ؤُشَا ذڭْ وَاسّْ وِيسّْ سبْعَا إِڒَاغَا-د نتَّا خْ مُوسَا زِي ڒْوسْطْ ن ؤُسيْنُو.
EXO 24:17 أَسْشَانْ ن ؤُعُودْجِي ن سِيذِي ثُوغَا-ث ذِي ثِيطَّاوِينْ ن أَيْثْ ن إِسْرَائِيل أَمْ ثْمسِّي إِتّتّنْ خْ ثْقِيشَّاثْ ن وذْرَارْ.
EXO 24:18 يُوذفْ مُوسَا غَارْ ڒْوسْطْ ن ؤُسيْنُو ؤُشَا إِڭعّذْ أَذْرَارْ. ثُوغَا مُوسَا إِقِّيمْ أَربْعِينْ ن وُوسَّانْ ذ أَربْعِينْ ن دْجْيَاڒِي ذڭْ وذْرَارْ.
EXO 25:1 إِسِّيوڒْ سِيذِي أَكْ-ذ مُوسَا، إِنَّا:
EXO 25:2 ”إِنِي إِ أَيْثْ ن إِسْرَائِيل أَذْ أَيِي د-سّْڭَاعّْذنْ ثَاوْهِيبْثْ. زِي كُوڒْ أَرْيَازْ نِّي ذ أَسْ إِعَارّنْ وُوڒْ نّسْ، أَذْ زَّايسْ ثكْسِيمْ ثَاوْهِيبْثْ ن ؤُسْڭَاعّذْ إِ نشّْ.
EXO 25:3 ثَا ذ ثَاوْهِيبْثْ ن ؤُسْڭعّذْ، ثنِّي إِ غَا ثكْسِيذْ زَّايْسنْ: ؤُرغْ ذ نُّوقَارْثْ ذ نّْحَاسْ،
EXO 25:4 ذ [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ذ ڒقْطنْ أَزْذَاذْ ذ شّْعَارْ ن إِغَايْضنْ،
EXO 25:5 ذ إِڒْمَاونْ إِزڭّْوَاغنْ ن إِشَارِّييّنْ، ذ إِڒْمَاونْ ن دّنْفِيڒَاثْ، ذ ؤُكشُّوضْ ن [ثْشجَّارْثْ ن] ؤُكَاسِييَا،
EXO 25:6 زّشْثْ إِ ثْفَاوْثْ ن ڒْقنْذِيڒْ، ڒعْطُورْ إِ زّشْثْ ن وذْهَانْ ؤُ إِ ڒبْخُورْ إِتّْفُوحنْ،
EXO 25:7 إِژْرَا ن ؤُنِيكْسْ ذ إِژْرَا [إِغْڒَانْ نّغْنِي]، مَاحنْذْ أَذْ ثنْ ڭّنْ خْ ؤُپَالْطُو ؤُ خْ ثَاجْمشْثْ.
EXO 25:8 أَذْ أَيِي ڭّنْ إِشْثْ ن زَّاوشْثْ إِقدّْسنْ، حِيمَا أَذْ زذْغغْ ذِي ڒْوسْطْ نْسنْ.
EXO 25:9 أَذْ [ث] ثڭّذْ أَمْ مَارَّا مِينْ ذ أَشْ غَا سّشْنغْ، [عْلَاحْسَابْ] أَمذْيَا ن ثْزذِّيغْثْ ؤُ [عْلَاحْسَابْ] أَمذْيَا ن مَارَّا ڒقْشُوعْ إِ ذَايسْ إِدْجَانْ.
EXO 25:10 أَذْ ڭّنْ عَاوذْ إِشْثْ ن تَّابُوثْ ن ؤُكشُّوضْ ن [ثْشجَّارْثْ ن] ؤُكَاسِييَا. أَذْ ثِيڒِي ثُوزّڭَّارْثْ [نّسْ] ثْنَاينْ ن إِغَادْجنْ ذ وزْينْ ؤُ ثِيرُو [نّسْ] إِجّْ ن ؤُغِيڒْ ذ وزْينْ ؤُ ڒُوعْڒَا [نّسْ] إِجّْ ن ؤُغِيڒْ ذ وزْينْ.
EXO 25:11 أَذْ ث تّْشلّذْ س وُورغْ إِصْفَانْ، زِي ذَاخڒْ ؤُ زِي بَارَّا أَذْ ت ثْشلّذْ، ؤُشَا غَارْ سنّجْ أَذْ أَسْ ثنّْضذْ إِجّْ ن زّْوَاقْ ن وُورغْ.
EXO 25:12 أَذْ أَسْ ثسّْفسْيذْ أَربْعَا ن ثخْرَازِينْ ن وُورغْ. أَذْ ثنْثْ ثْشدّذْ غَارْ أَربْعَا ن ثْيَارْسَاوِينْ نّسْ. ثْنَاينْ ن ثخْرَازِينْ أَذْ إِڒِينْثْ غَارْ يِيجّْ ن ؤُغزْذِيسْ ؤُ ثْنَاينْ ن ثخْرَازِينْ إِ ؤُغزْذِيسْ نّغْنِي.
EXO 25:13 أَذْ ثڭّذْ إِعُومَاذْ [إِ ثْربُّوثْ] زڭْ ؤُكشُّوضْ ن [ثْشجَّارْثْ ن] ؤُكَاسِييَا ؤُشَا أَذْ ثنْ ثذْڒذْ س وُورغْ.
EXO 25:14 سِيذْفمْ إِعُومَاذْ ذِي ثخْرَازِينْ نِّي إِدْجَانْ غَارْ إِغزْذِيسنْ ن تَّابُوثْ، حِيمَا أَذْ زَّايْسنْ أَرْبُونْ تَّابُوثْ.
EXO 25:15 إِعُومَاذْ أَذْ إِڒِينْ ذِي ثخْرَازِينْ ن تَّابُوثْ، وَارْ زَّايْسنْثْ ثنْ تّكّْسنْ شَا.
EXO 25:16 أَذْ ثسَّارْسذْ شّْهَاذثْ، ثنِّي إِ ذ أَشْ غَا وْشغْ، ذِي تَّابُوثْ.
EXO 25:17 أَذْ ثڭّذْ عَاوذْ إِشْثْ ن ثْقبَّارْثْ ن وصْڒَاحْ ن وُورغْ إِصْفَانْ س يِيشْثْ ن ثُوزّڭَّارْثْ ن ثْنَاينْ ن إِغَادْجنْ ذ وزْينْ ؤُ س إِشْثْ ن ثِيرُو ن إِجّْ ن ؤُغِيڒْ ذ وزْينْ.
EXO 25:18 أَذْ ثڭّذْ عَاوذْ ثْنَاينْ ن إِكِيرُوبنْ ن وُورغْ إِعْذڒْ س وفْضِيسْ، أَڒَامِي إِ غَا فّْغنْ [إِكِيرُوبنْ] زِي ثْنَاينْ ن إِخْفَاونْ ن ثْقبَّارْثْ ن وصْڒَاحْ.
EXO 25:19 أَذْ ثڭّذْ إِجّْ ن ؤُكِيرُوبْ غَارْ إِجّْ ن يِيخفْ ؤُ إِجّْ ن ؤُكِيرُوبْ نّغْنِي غَارْ يِيخفْ نّغْنِي. أَذْ ثڭّمْ إِكِيرُوبنْ زِي ثْقبَّارْثْ ن وصْڒَاحْ غَارْ ثْنَاينْ ن إِخْفَاونْ نّسْ.
EXO 25:20 أَذْ بزّْعنْ إِكِيرُوبنْ أَفْرِيونْ نْسنْ سنّجْ نْسنْ ؤُشَا أَذْ ذْڒنْ ثَاقبَّارْثْ ن وصْڒَاحْ س وَافْرِيونْ نْسنْ. ؤُذْمَاونْ نْسنْ أَذْ إِڒِينْ إِجّْ قِيبَاتْشْ إِ ونّغْنِي ؤُشَا أَذْ ژَترنْ ؤُذْمَاونْ ن إِكِيرُوبنْ غَارْ ثْقبَّارْثْ ن وصْڒَاحْ.
EXO 25:21 أَذْ ثڭّذْ ثَاقبَّارْثْ ن وصْڒَاحْ خْ تَّابُوثْ ؤُشَا أَذْ ثسَّارْسذْ شّْهَاذثْ إِ ذ أَشْ غَا وْشغْ ذِي تَّابُوثْ.
EXO 25:22 ذِينِّي إِ كِيشْ غَا مّڒْقِيغْ ؤُشَا أَذْ كِيكْ سِّيوْڒغْ زِي سنّجْ إِ ثْقبَّارْثْ ن وصْڒَاحْ، زِي جَارْ ثْنَاينْ ن إِكِيرُوبنْ نِّي إِدْجَانْ سنّجْ إِ تَّابُوثْ ن شّْهَاذثْ، خْ مَارَّا مِينْ ذ أَشْ غَا ؤُمُورغْ إِ أَيْثْ ن إِسْرَائِيل.
EXO 25:23 أَذْ ثڭّذْ إِشْثْ ن ثْزوْضَا ن ؤُكشُّوضْ ن [ثْشجَّارْثْ ن] ؤُكَاسِييَا، أَذْ غَارسْ ثِيڒِي إِشْثْ ن ثُوزّڭَّارْثْ ن ثْنَاينْ ن إِغَادْجنْ ذ إِشْثْ ن ثِيرُو ن إِجّنْ ؤُغِيڒْ ذ إِجّْ ن ڒُوعْڒَا ن إِجّنْ ؤُغِيڒْ ذ وزْينْ.
EXO 25:24 أَذْ ت ثذْڒذْ س وُورغْ إِصْفَانْ ؤُشَا أَذْ أَسْ ثڭّذْ غَارْ ثْمَا نّسْ إِجّْ زّْوَاقْ ن وُورغْ.
EXO 25:25 أَذْ ثڭّذْ إِشْثْ ن ثْمَا إِ ذ أَسْ د-إِنّْضنْ ن إِجّنْ شْبَارْ ن ؤُفُوسْ ؤُ غَارْ ثْمَا إِ ذ أَسْ د-إِنّْضنْ أَذْ ثڭّذْ إِجّْ ن زّْوَاقْ ن وُورغْ.
EXO 25:26 أَذْ ثڭّذْ أَربْعَا ن ثخْرَازِينْ ن وُورغْ ؤُشَا أَذْ ثنْثْ ثْشدّذْ غَارْ أَربْعَا ن ثْغمُّورَا نِّي إِدْجَانْ غَارْ أَربْعَا ن إِضَارنْ نْسنْ.
EXO 25:27 ثِيخْرَازِينْ أَذْ إِڒِينْثْ ؤُذْسنْثْ إِ ثْمَا، مَاحنْذْ أَذْ [ذَايْسنْثْ] تّْوَاطّْفنْ إِعُومَاذْ إِ ثَاربُّوثْ ن ثْزوْضَا.
EXO 25:28 أَذْ ثڭّذْ إِعُومَاذْ [إِ ثَاربُّوثْ] زڭْ ؤُكشُّوضْ ن [ثْشجَّارْثْ ن] ؤُكَاسِييَا، أَذْ ثنْ ثْغدْجْفذْ س وُورغْ ؤُشَا أَذْ زَّايْسنْ أَرْبُونْ ثَازوْضَا.
EXO 25:29 أَذْ ثڭّذْ عَاوذْ طّْبَاصِي نّسْ ذ ثْغنْجَايِينْ نّسْ ذ إِغَارَّافنْ نّسْ ذ ڒْكِيسَانْ نّسْ إِ زِي غَا فَارّْغنْ. أَذْ ثنْ ثڭّذْ س وُورغْ إِصْفَانْ.
EXO 25:30 خْ ثْزوْضَا أَذْ ثڭّذْ أَغْرُومْ ن وسْشَانْ ڒبْذَا زَّاثْ إِ وُوذمْ إِنُو.
EXO 25:31 أَذْ ثڭّذْ ڒْقنْذِيڒْ س وُورغْ إِصْفَانْ. أَذْ ثڭّذْ ڒْقنْذِيڒْ س وفْضِيسْ ن ومْزِيڒْ. أَفُوذْ أَكْ-ذ ؤُضَارْ نّسْ ذ إِغَادْجنْ نّسْ ؤُڒَا ذ ڒْكِيسَانْ نّسْ ذ ثْعبُّوزِينْ نّسْ إِ د-إِتَّاسنْ أَكْ-ذ نُّووَّارَاثْ نّسْ أَذْ إِڒِينْ ذ أَغزْذِيسْ ذ إِجّْ.
EXO 25:32 ستَّا ن إِغَادْجنْ أَذْ د-فّْغنْ زڭْ إِغزْذِيسنْ نّسْ، ثْڒَاثَا ن إِغَادْجنْ زڭْ إِجّْ ن ؤُغزْذِيسْ نْ ڒْقنْذِيڒْ ذ ثْڒَاثَا ن إِغَادْجنْ زڭْ ؤُغزْذِيسْ نّغْنِي ن ڒْقنْذِيڒْ.
EXO 25:33 ثْڒَاثَا ن ڒْكِيسَانْ [أَذْ إِڒِينْ] ذڭْ إِجّْ ن ؤُغِيڒْ ذِي فُورْمَا ن نُّووَّارَاثْ ن دْجوْزْ [أَكْ-ذ] ثْعبُّوزْثْ ذ نّوَّاشْ، ؤُشَا [عَاوذْ] غَارْ ؤُغِيڒْ نّغْنِي ثْڒَاثَا ن ڒْكِيسَانْ ذِي فُورْمَا ن نُّووَّارَاثْ ن دْجوْزْ [أَكْ-ذ] ثْعبُّوزْثْ ذ نّوَّاشْ. أَمُّو [إِ غَا ڭّنْ] مَارَّا ستَّا ن إِغَادْجنْ نِّي د-إِفّْغنْ زِي ڒْقنْذِيڒْ.
EXO 25:34 غَارْ ڒْقنْذِيڒْ [سِيمَانْثْ نّسْ أَذْ ذِينْ إِڒِينْ] أَربْعَا ن ڒْكِيسَانْ ذِي فُورْمَا ن نُّووَّارَاثْ ن دْجوْزْ، [أَكْ-ذ] ثْعبُّوزِينْ نْسنْ إِ د-إِتَّاسنْ أَكْ-ذ نُّووَّارَاثْ نْسنْ.
EXO 25:35 أَذْ [ذِينْ] ثِيڒِي إِشْثْ ن ثْعبُّوزْثْ سَاذُو ثْيُويَا ن إِغَادْجنْ إِ زَّايسْ د-إِفّْغنْ ؤُ إِشْثْ ن ثْعبُّوزْثْ سَاذُو ثْيُويَا ن إِغَادْجنْ إِ زَّايسْ د-إِفّْغنْ [أَوَارْنِي أَسْ]، ؤُ [عَاوذْ] إِشْثْ ن ثْعبُّوزْثْ سَاذُو ثْيُويَا ن إِغَادْجنْ إِ زَّايسْ د-إِفّْغنْ [أَوَارْنِي أَسْ]. [أَمُّو إِ غَا يِيڒِي] إِ ستَّا ن إِغَادْجنْ إِ د-إِفّْغنْ زِي ڒْقنْذِيڒْ.
EXO 25:36 ثِيعبُّوزِينْ [نْسنْ] ذ إِغَادْجنْ نْسنْ أَذْ زَّايسْ-د فّْغنْ ؤُشَا مَارَّا أَيَا أَذْ يِيڒِي ذ إِشْثْ ن ڒْقشْعثْ ثتّْوَاعْذڒْ س وفْضِيسْ ن ومْزِيڒْ س وُورغْ إِصْفَانْ.
EXO 25:37 أَذْ ثڭّذْ ستَّا ن ڒفْنَارَاثْ نّسْ ؤُشَا أَذْ سَّارْسنْ ڒفْنَارَاثْ نّسْ خْ ڒْقنْذِيڒْ، مَاحنْذْ أَذْ وْشنْثْ ثْفَاوْثْ غَارْ طَّارْفْ ن ؤُجمَّاضْ.
EXO 25:38 ثِيجقَّاضِينْ [ن ثفْثِيتْشْ] نّسْ ذ ثْمجْمَارِينْ نّسْ [أَذْ إِڒِينْثْ] س وُورغْ إِصْفَانْ.
EXO 25:39 أَذْ إِتّْوَاڭّْ [ڒْْقنْذِيڒْ] زڭْ إِشْثْ ن ثَالِينْثْ ن وُورغْ إِصْفَانْ س مَارَّا ڒقْشُوعْ-أَ [أَكِيذسْ].
EXO 25:40 ؤُشَا خْزَارْ، أَذْ ث ثڭّذْ أَمْ ؤُمذْيَا نّسْ، ونِّي إِ ذ أَشْ إِتّْوَامْڒنْ ذڭْ وذْرَارْ.“   *
EXO 26:1 ”أَذْ ثڭّذْ ثَازذِّيغْثْ سعشْرَا ن ثْجَارْثِيڒِينْ س ڒقْطنْ أَزْذَاذْ إِمُوذنْ ؤُ س ؤُفِيڒُو أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ، أَكْ-ذ إِكِيرُوبنْ. أَذْ ثنْ ثڭّذْ [أَمْ] ڒْخذْمثْ ن ؤُفنَّانْ.
EXO 26:2 ثُوزّڭَّارْثْ ن يِيشْثْ ن ثْجَارْثِيڒْثْ أَذْ ثِيڒِي ثْمنْيَا ؤُ-عِيشْرِينْ ن إِغَادْجنْ ؤُ ثِيرُو ن يِيشْثْ ن ثْجَارْثِيڒْثْ أَربْعَا ن إِغَادْجنْ. مَارَّا ثِيجَارْثِيڒِينْ [أَذْ غَارْسنْثْ يِيڒِي] ڒعْبَارْ ذ إِجّْ.
EXO 26:3 خمْسَا ن ثْجَارْثِيڒِينْ أَذْ ثنْثْ سّْمُوننْ إِشْثْ أَكْ-ذ ثنّغْنِي ؤُ [عَاوذْ] خمْسَا ن ثْجَارْثِيڒِينْ أَذْ ثنْثْ سّْمُوننْ إِشْثْ أَكْ-ذ ثنّغْنِي.
EXO 26:4 غَارْ ثْمَا ن يِيشْثْ ن ثْجَارْثِيڒْثْ غَارْ طَّارْفْ مَانِي ت غَا سّْمُوننْ، أَذْ ثڭّذْ ثِيسَارَاوِينْ ثِيذحْمَانِينْ. أَمُّو إِ ثنْثْ غَا ثڭّذْ [عَاوذْ] غَارْ ثْمَا ن ثْجَارْثِيڒْثْ [نّغْنِي] غَارْ طَّارْفْ إِ غَارْ إِدْجَا ؤُسڒْقِي نّغْنِي.
EXO 26:5 خمْسِينْ ن ثْسَارَاوِينْ إِ غَا ثڭّذْ ذڭْ إِشْثْ ن ثْجَارْثِيڒْثْ ؤُ خمْسِينْ ن ثْسَارَاوِينْ غَارْ طَّارْفْ ن ثْجَارْثِيڒْثْ نِّي غَارْ إِدْجَا ؤُسڒْقِي نّغْنِي، مَاحنْذْ ثِيسَارَاوِينْ أَذْ مّڒْقَانْثْ إِشْثْ أَكْ-ذ ثنّغْنِي.
EXO 26:6 أَذْ ثڭّذْ عَاوذْ خمْسِينْ ن ثْسنَّارِينْ ن وُورغْ ؤُشَا أَذْ ثسّْمُونذْ ثِيجَارْثِيڒِينْ إِشْثْ أَكْ-ذ ثنّغْنِي س ثْسنَّارِينْ، مَاحنْذْ أَذْ ثذْوڒْ ذ إِشْثْ ن ثْزذِّيغْثْ.
EXO 26:7 أَذْ ثڭّذْ عَاوذْ ثِيجَاڒْثِيڒِينْ س شّْعَارْ ن إِغَايْضنْ، مَاحنْذْ أَذْ إِڒِينْثْ ذ إِجّْ ن ؤُقِيضُونْ خْ ثْزذِّيغْثْ. أَذْ ثڭّذْ حِيطَاشْ ن ثْجَارْثِيڒِينْ.
EXO 26:8 ثُوزّڭَّارْثْ ن إِشْثْ ن ثْجَارْثِيڒْثْ [أَذْ ثِيڒِي] ثْڒَاثِينْ ن إِغَادْجنْ ؤُ ثِيرُو ن إِشْثْ ن ثْجَارْثِيڒْثْ [أَذْ ثِيڒِي] أَربْعَا ن إِغَادْجنْ. حِيطْعَاشْ ن ثْجَارْثِيڒِينْ [أَذْ غَارْسنْثْ يِيڒِي] ڒعْبَارْ ذ إِجّْ.
EXO 26:9 أَذْ ثسّْمُونذْ خمْسَا ن ثْجَارْثِيڒِينْ وحّذْسنْثْ ذ ستَّا ن ثْجَارْثِيڒِينْ [عَاوذْ] وحّذْسنْثْ. ثَاجَارْثِيڒْثْ وِيسّْ ستَّا أَذْ ت ثْضفْصذْ زَّاثْ إِ وُوذمْ ن ؤُقِيضُونْ.
EXO 26:10 أَذْ ثڭّذْ خمْسِينْ ن ثْسَارَاوِينْ غَارْ ثْمَا ن يِيشْثْ ن ثْجَارْثِيڒْثْ غَارْ طَّارْفْ غَارْ ؤُسڒْقِي، ؤُشَا خمْسِينْ ن ثْسَارَاوِينْ خْ ثْمَا ن ثْجَارْثِيڒْثْ غَارْ ؤُسڒْقِي نّغْنِي.
EXO 26:11 أَذْ ثڭّذْ خمْسِينْ ن ثْسنَّارِينْ ن نّْحَاسْ ؤُشَا أَذْ ثنْثْ ثسِّيذْفذْ ذِي ثْسَارَاوِينْ ؤُشَا أَذْ ثسّْمُونذْ أَقِيضُونْ، مَاحنْذْ أَذْ يِيڒِي ذ إِجّنْ.
EXO 26:12 مِينْ إِشطّنْ ن ثْجَارْثِيڒِينْ ن ؤُقِيضُونْ، أَزْينْ ن ثْجَارْثِيڒْثْ نِّي إِشطّنْ أَذْ يَايڒْ غَارْ ضفَّارْ ن ثْزذِّيغْثْ.
EXO 26:13 زِي مِينْ إِشطّنْ ذِي ثُوزّڭَّارْثْ ن ثْجَارْثِيڒِينْ، إِجّْ ن ؤُغِيڒْ أَذْ يَايڒْ غَارْ يِيجّْ ن طَّارْفْ ذ إِجّْ ن ؤُغِيڒْ غَارْ طَّارْفْ نّغْنِي، غَارْ ثْنَاينْ ن إِغزْذِيسنْ ن ثْزذِّيغْثْ، مَاحنْذْ أَذْ أَسْ إِڒحّفْ إِ يِيجّْ [ن ؤُغزْذِيسْ] ؤُ إِ [ؤُغزْذِيسْ] نّغْنِي.
EXO 26:14 أَذْ ثڭّذْ إِ ؤُقِيضُونْ [عَاوذْ] إِشْثْ ن ثْسقَّافْثْ ن إِڒْمَاونْ إِزڭّْوَاغنْ ن إِشَارِّييّنْ ؤُ سنّجْ إِ مَانْ أَيَا إِشْثْ ن ثْسقَّافْثْ ن إِڒْمَاونْ ن دّنْفِيڒَاثْ.
EXO 26:15 أَذْ ثڭّذْ إِ ثْزذِّيغْثْ ثِيفڒْوِينْ ن ؤُكشُّوضْ ن [ثْشجَّارْثْ ن] ؤُكَاسِييَا نِّي إِبدّنْ نِيشَانْ.
EXO 26:16 ڒعْبَارْ ن ثُوزّڭَّارْثْ ن إِشْثْ ن ثفْڒَاوْثْ ذَايسْعشْرَا ن إِغَادْجنْ ؤُ ڒعْبَارْ ن ثِيرُو ن إِشْثْ ن ثفْڒَاوْثْ ذَايسْ إِجّْ ن ؤُغِيڒْ ذ وزْينْ.
EXO 26:17 إِ كُوڒْ ثَافْڒَاوْثْ أَذْ غَارسْ إِڒِينْ ثْنَاينْ ن إِضَارنْ، إِنِّي إِسّْمڒْقَانْ ثْوتْشْمَاثِينْ إِشْثْ أَكْ-ذ ثنّغْنِيثْ، أَمُّو إِ غَا ثڭّذْ إِ مَارَّا ثِيفڒْوِينْ ن ثْزذِّيغْثْ.
EXO 26:18 أَذْ ثڭّذْ إِ ثْزذِّيغْثْ ثِيفڒْوِينْ، عِيشْرِينْ ن ثْفڒْوِينْ غَارْ جِّيهثْ ن لْجَانُوبْ، غَارْ يفُوسْ.
EXO 26:19 أَذْ ثڭّذْ أَربْعِينْ ن ثْيَارْسَاوِينْ ن نُّوقَارْثْ [مَاحنْذْ أَذْ ثنْثْ سَّارْسنْ] سَاذُو عِيشْرِينْ ن ثْفڒْوِينْ، ثْنَاينْ ن ثْيَارْسَاوِينْ سَاذُو إِشْثْ ن ثفْڒَاوْثْ إِ ثْنَاينْ ن إِضَارنْ نّسْ، ذ ثْنَاينْ ن ثْيَارْسَاوِينْ سَاذُو ثَافْڒَاوْثْ نّغْنِي إِ ثْنَاينْ ن إِضَارنْ نّسْ.
EXO 26:20 [عَاوذْ أَذْ ثڭّذْ] عِيشْرِينْ ن ثْفڒْوِينْ إِ ؤُغزْذِيسْ نّغْنِي ن ثْزذِّيغْثْ، غَارْ جِّيهثْ ن شَّامَالْ،
EXO 26:21 س أَربْعِينْ ن ثْيَارْسَاوِينْ نْسنْ ن نُّوقَارْثْ: ثْنَاينْ ن ثْيَارْسَاوِينْ إِ كُوڒْ ثَافْڒَاوْثْ ذ ثْنَاينْ ن ثْيَارْسَاوِينْ سَاذُو ثَافْڒَاوْثْ نّغْنِي.
EXO 26:22 ؤُ غَارْ ؤُغزْذِيسْ ن ڒْغَارْبْ ن ثْزذِّيغْثْ أَذْ أَسْ ثڭّذْ ستَّا ن ثْفڒْوِينْ.
EXO 26:23 أَذْ ثڭّذْ ثْنَاينْ ن ثْفڒْوِينْ إِ ثْغمُّورَا ن ثْزذِّيغْثْ إِ إِدْجَانْ غَارْ ثْنَاينْ ن إِغزْذِيسنْ ن ضفَّارْ.
EXO 26:24 زِي سْوَادَّايْ أَذْ إِڒِينْثْ صْقنْثْ أَمْ وَاشْنِيونْ ؤُشَا أَمُّو إِ غَا إِڒِينْثْ نِيشَانْ ذ إِشْثنْ أَڒْ غَا أَوْضنْثْ سنّجْ ذڭْ إِشْثْ ن ثخْرَازْثْ. أَمُّو إِ غَا يِيڒِي إِ ثْنَاينْ [ن ثْفڒْوِينْ] غَارْ ثْنَاينْ ن ثْغمُّورَا.
EXO 26:25 أَذْ [ذِينْ] إِڒِينْثْ ثْمنْيَا ن ثْفڒْوِينْ أَكْ-ذ ثْيَارْسَاوِينْ نْسنْثْ ن نُّوقَارْثْ. [خنِّي] سطَّاشْ ن ثْيَارْسَاوِينْ، ثْنَاينْ ن ثْيَارْسَاوِينْ سَاذُو إِشْثْ ن ثفْڒَاوْثْ ذ ثْنَاينْ ن ثْيَارْسَاوِينْ سَاذُو ثَافْڒَاوْثْ نّغْنِي.
EXO 26:26 أَذْ ثڭّذْ ثِيحنْيَا ن ؤُعَارّضْ زڭْ ؤُكشُّوضْ ن [ثْشجَّارْثْ ن] ؤُكَاسِييَا، [إِنِّي غَا إِعْذُونْ خْ ثْفڒْوِينْ]، خمْسَا إِ ثْفڒْوِينْ ن إِجّْ ن ؤُغزْذِيسْ ن ثْزذِّيغْثْ
EXO 26:27 ؤُ خمْسَا ن ثْحنْيَا ن ؤُعَارّضْ إِ ثْفڒْوِينْ غَارْ ؤُغزْذِيسْ نّغْنِي ن ثْزذِّيغْثْ ؤُ خمْسَا ن ثْحنْيَا ن ؤُعَارّضْ إِ ثْفڒْوِينْ ن ؤُغزْذِيسْ ن ثْزذِّيغْثْ غَارْ ؤُغزْذِيسْ ن ڒْغَارْبْ غَارْ ثْنَاينْ ن إِغزْذِيسنْ ن ضفَّارْ.
EXO 26:28 ثَاحْنَاشْثْ ن ؤُعَارّضْ ذِي ڒْوسْطْ أَذْ ثعْذُو خْ ثْفڒْوِينْ ذِي ڒْوسْطْ، زڭْ إِجّْ ن يِيخفْ غَارْ ونّغْنِي.
EXO 26:29 أَذْ ثْغدْجْفذْ ثِيفڒْوِينْ س وُورغْ ؤُشَا أَذْ ثڭّذْ ثِيخْرَازِينْ نْسنْ ن وُورغْ، مَاحنْذْ أَذْ ذَايْسنْثْ سِّيذْفنْ ثِيحنْيَا ن ؤُعَارّضْ. أَذْ ثذْڒذْ [عَاوذْ] ثِيحنْيَا ن ؤُعَارّضْ س وُورغْ.
EXO 26:30 أَذْ ثسّْڭعّْذذْ ثَازذِّيغْثْ عْلَاحْسَابْ أَمذْيَا [ن ڒبْنِي] نِّي ذ أَشْ إِتّْوَامْڒنْ خْ وذْرَارْ.
EXO 26:31 أَذْ ثڭّضْ إِجّْ ن ؤُڒحَّافْ س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ؤُ س ڒقْطنْ أَزْذَاذْ إِمُوذنْ، أَذْ ث ڭّنْ [أَمْ] ڒْخذْمثْ ن ؤُفنَّانْ، ؤُشَا إِكِيرُوبنْ [أَذْ خَاسْ إِڒِينْ].
EXO 26:32 أَذْ ث ثَايْڒذْ خْ أَربْعَا ن إِپِيلَارنْ ن ؤُكشُّوضْ ن [ثْشجَّارْثْ ن] ؤُكَاسِييَا إِ إِذْڒِينْ س وُورغْ. ثِيسنَّارِينْ نْسنْ [أَذْ إِڒِينْثْ] ن وُورغْ ؤُشَا [إِپِيلَارنْ نِّي] [أَذْ بدّنْ] خْ أَربْعَا ن ثْيَارْسَاوِينْ ن نُّوقَارْثْ.
EXO 26:33 أَذْ ثَايْڒذْ أَڒحَّافْ غَارْ وَادَّايْ ن ثْسنَّارِينْ ؤُشَا أَذْ ثسِّيذْفذْ تَّابُوثْ ن شّْهَاذثْ ذَاخڒْ إِ ؤُڒحَّافْ ؤُشَا أَڒحَّافْ أَذْ إِبْضَا جَارْ ؤُقدَّاسْ ذ وقْذَاسْ خْ ؤُقدَّاسْ.
EXO 26:34 أَذْ ثسَّارْسذْ ثَاقبَّارْثْ ن وصْڒَاحْ خْ تَّابُوثْ ن شّْهَاذثْ ذڭْ وقْذَاسْ خْ ؤُقدَّاسْ.
EXO 26:35 أَذْ ثڭّذْ ثَازوْضَا بَارَّا إِ ؤُڒحَّافْ ؤُشَا أَذْ ثسَّارْسذْ ڒْقنْذِيڒْ قِيبَاتْشْ إِ ثْزوْضَا غَارْ ؤُغزْذِيسْ ن ثْزذِّيغْثْ غَارْ جِّيهثْ ن لْجَانُوبْ ؤُ أَذْ ثڭّذْ ثَازوْضَا غَارْ ؤُغزْذِيسْ غَارْ جِّيهثْ ن شَّامَالْ.
EXO 26:36 أَذْ ثڭّذْ أَرْوَاقْ س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ؤُ س ڒقْطنْ أَزْذَاذْ إِمُوذنْ إِ وَاذَافْ ن ؤُقِيضُونْ، [أَمْ] إِجّْ ن ؤُمُوذِي ن ؤُخيَّاضْ.
EXO 26:37 ؤُشَا أَذْ ثڭّذْ إِ أَرْوَاقْ خمْسَا ن إِپِيلَارنْ ن ؤُكشُّوضْ ن [ثْشجَّارْثْ ن] ؤُكَاسِييَا ؤُشَا أَذْ ثنْ ثْشلّذْ س وُورغْ. ثِيسنَّارِينْ نْسنْ أَذْ إِڒِينْثْ ن وُورغْ ؤُ [إِ إِپِيلَارنْ نِّي] أَذْ أَسنْ ثْفسْيذْ خمْسَا ن ثْيَارْسَاوِينْ ن نّْحَاسْ.“ *
EXO 27:1 ”أَذْ ثڭّذْ أَعَالْطَارْ ن ؤُكشُّوضْ ن ؤُكَاسِييَا ن خمْسَا ن إِغَادْجنْ ذِي ثُوزّڭَّارْثْ ذ خمْسَا ن إِغَادْجنْ ذِي ثِيرُو. أَذْ يِيڒِي س أَربْعَا ن ثْغمُّورَا ؤُ ڒُوعْڒَا نّسْ [أَذْ يِيڒِي] ثْڒَاثَا ن إِغَادْجنْ.
EXO 27:2 غَارْ أَربْعَا ن ثْغمُّورَا أَذْ ثڭّذْ أَشَّاونْ نّسْ. أَشَّاونْ نّسْ أَذْ ذوْڒنْ ذ إِجّنْ أَكِيذسْ ؤُشَا أَذْ ث ثْڒحّْفذْ س نّْحَاسْ.
EXO 27:3 أَذْ ثڭّذْ ثِييْذُورِينْ نّسْ، حِيمَا أَذْ ذَايْسنْثْ ثنْضَارذْ إِغّضْ ن مِينْ إِقِّيمنْ ن ثَاذُونْثْ نّسْ إِتّْوَاشمْضنْ ؤُشَا [أَذْ ثڭّذْ] عَاوذْ إِغنْجَاينْ نّسْ ذ طَّاوْيَاثْ نّسْ إِ ؤُرُوشِّي ذ فُورْشَايَاثْ نّسْ ذ ثْمجْمَارِينْ نّسْ. أَذْ ثڭّذْ مَارَّا ڒقْشُوعْ نّسْ س نّْحَاسْ.
EXO 27:4 أَذْ ثڭّذْ إِشْثْ ن ثْرَاشَّا، إِشْثْ ن ؤُمُوذِي ن نّْحَاسْ، ؤُشَا أَذْ ثڭّذْ أَربْعَا ن ثخْرَازِينْ ن نّْحَاسْ إِ ؤُمُوذِي نِّي، غَارْ أَربْعَا ن ثْغمُّورَا نّسْ.
EXO 27:5 أَذْ ث ثْزيَّارذْ سَاذُو إِ ثْمَا ن ؤُعَالْطَارْ، سْوَادَّايْ، [مَاحنْذْ] أَذْ يِيڒِي ؤُمُوذِي [ن نّْحَاسْ نِّي] غَارْ وزْينْ ن ؤُعَالْطَارْ.
EXO 27:6 أَذْ ثڭّذْ إِعُومَاذْ [إِ ثَاربُّوثْ] إِ ؤُعَالْطَارْ، إِعُومَاذْ ن ؤُكشُّوضْ ن ؤُكَاسِييَا ؤُشَا أَذْ ثنْ ثْڒحّْفذْ س نّْحَاسْ.
EXO 27:7 إِعُومَاذْ نّسْ أَذْ تّْوَاسِّيذْفنْ ذِي ثخْرَازِينْ. أَذْ إِڒِينْ إِعُومَاذْ [إِ ثَاربُّوثْ] غَارْ ثْنَاينْ ن إِغزْذِيسنْ ن ؤُعَالْطَارْ خْمِي [ث] غَا أَرْبُونْ.
EXO 27:8 أَذْ ثڭّذْ إِجّْ ن ڒْخَاوِي [غَارْ ذَاخڒْ] ن ثْفڒْوِينْ. أَمْ مَامّشْ إِ ذ أَشْ إِمْڒَا خْ وذْرَارْ، أَمُّو إِ [ث] غَا ڭّنْ نِيثْنِي.
EXO 27:9 أَذْ ثڭّذْ ڒمْرَاحْ ن ثْزذِّيغْثْ. غَارْ جِّيهثْ ن لْجَانُوبْ، غَارْ يفُوسْ، أَذْ ثڭّذْ ڒِيزَارَاثْ س ڒقْطنْ أَزْذَاذْ إِمُوذنْ، [كُوڒْ إِشْثْ زَّايْسنْثْ] ن مْيَا ن إِغَادْجنْ ذِي ثُوزّڭَّارْثْ إِ يِيجّْ ن ؤُغزْذِيسْ.
EXO 27:10 عِيشْرِينْ ن إِپِيلَارنْ نّسْ ذ عِيشْرِينْ ن ثْيَارْسَاوِينْ نّسْ [أَذْ إِڒِينْ] ن نّْحَاسْ. ثِيسنَّارِينْ ن إِپِيلَارنْ ذ إِقضْبَانْ نْسنْ إِ ؤُسڒْقِي [أَذْ إِڒِينْ] ن نُّوقَارْثْ.
EXO 27:11 أَمُّو غَارْ جِّيهثْ ن شَّامَالْ، ذِي ثُوزّڭَّارْثْ، [أَذْ ذِينْ إِڒِينْثْ] ڒِيزَارَاثْ ن مْيَا [إِغَادْجنْ]. أَذْ إِڒِينْ عِيشْرِينْ ن إِپِيلَارنْ نْسنْثْ ذ عِيشْرِينْ ن ثْيَارْسَاوِينْ نْسنْ ن نّْحَاسْ. ثِيسنَّارِينْ ن إِپِيلَارنْ ذ إِقضْبَانْ نْسنْ إِ ؤُسڒْقِي [أَذْ إِڒِينْ] ن نُّوقَارْثْ.
EXO 27:12 ذِي ثِيرُو ن ڒمْرَاهْ، غَارْ ؤُغزْذِيسْ ن ڒْغَارْبْ، [أَذْ ذِينْ إِڒِينْثْ] ڒِيزَارَاثْ ن خمْسِينْ ن إِغَادْجنْ [ذِي ثُوزّڭَّارْثْ] أَكْ-ذعشْرَا ن إِپِيلَارنْ نْسنْثْ ذعشْرَا ن ثْيَارْسَاوِينْ نْسنْ.
EXO 27:13 ثِيرُو ن ڒمْرَاحْ غَارْ ؤُغزْذِيسْ ن شَّارْقْ، زِي مَانِيسْ د-ثْنقَّارْ ثْفُوشْثْ، [أَذْ ثِيڒِي] خمْسِينْ [إِغَادْجنْ].
EXO 27:14 ڒِيزَارَاثْ غَارْ [يِيجّْ] ن ؤُغزْذِيسْ ن زَّاثْ [أَذْ إِڒِينْثْ] خمّسْطَاشْ ن إِغَادْجنْ [ذِي ثُوزّڭَّارْثْ]، أَكْ-ذ ثْڒَاثَا ن إِپِيلَارنْ نْسنْثْ ذ ثْڒَاثَا ن ثْيَارْسَاوِينْ نْسنْ.
EXO 27:15 غَارْ ؤُغزْذِيسْ ن زَّاثْ نّغْنِي [أَذْ ذِينْ إِڒِينْثْ عَاوذْ] ڒِيزَارَاثْ ن خمّسْطَاشْ ن إِغَادْجنْ [ذِي ثُوزّڭَّارْثْ] أَكْ-ذ ثْڒَاثَا ن إِپِيلَارنْ نْسنْثْ ذ ثْڒَاثَا ن ثْيَارْسَاوِينْ نْسنْ.
EXO 27:16 غَارْ وَاذَافْ ن ڒمْرَاحْ [أَذْ ذِينْ يِيڒِي] إِجّْ ن أَرْوَاقْ ن عِيشْرِينْ ن إِغَادْجنْ، [ڭِّينْ ث] س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ؤُ س ڒقْطنْ أَزْذَاذْ إِمُوذنْ، إِجّْ ن ؤُمُوذِي ن ؤُخيَّاضْ، أَكْ-ذ أَربْعَا ن إِپِيلَارنْ نّسْ ذ أَربْعَا ن ثْيَارْسَاوِينْ نْسنْ.
EXO 27:17 مَارَّا إِپِيلَارنْ إِ ذ أَسْ د-إِنّْضنْ إِ ڒمْرَاحْ [أَذْ إِڒِينْ] س إِقضْبَانْ ن نُّوقَارْثْ إِ ؤُسڒْقِي ؤُشَا ثِيسنَّارِينْ نْسنْ [أَذْ إِڒِينْثْ] ن نُّوقَارْثْ ذ ثْيَارْسَاوِينْ نْسنْ ن نّْحَاسْ.
EXO 27:18 ثُوزّڭَّارْثْ ن ڒمْرَاحْ [أَذْ ثِيڒِي] مْيَا ن إِغَادْجنْ ؤُ ثِيرُو [أَذْ ثِيڒِي] خمْسِينْ ن إِغَادْجنْ ذ خمْسِينْ [عَاوذْ] ؤُشَا ڒُوعْڒَا [أَذْ يِيڒِي] خمْسَا ن إِغَادْجنْ، [مَارَّا] س ڒقْطنْ أَزْذَاذْ إِمُوذنْ ؤُشَا ثْيَارْسَاوِينْ نْسنْ [أَذْ إِڒِينْثْ] ن نّْحَاسْ.
EXO 27:19 مَارَّا ڒقْشُوعْ ن ثْزذِّيغْثْ إِ إِدْجَانْ إِ مَارَّا ثَاسخَّارْثْ نّسْ ؤُڒَا ذ مَارَّا ڒوْثَاذْ نّسْ ذ مَارَّا ڒوْثَاذْ ن ڒمْرَاحْ [أَذْ إِڒِينْ] ن نّْحَاسْ. *
EXO 27:20 أَذْ ثُومُورذْ أَيْثْ ن إِسْرَائِيل، حِيمَا أَذْ أَشْ د-أَوْينْ زّشْثْ ثصْفَا ثدّزْ زِي زِّيثُونْ إِ ثْفَاوْثْ، حِيمَا أَذْ ثَارغْ ثْفَاوْثْ ڒبْذَا.
EXO 27:21 هَارُونْ ذ وَارَّاوْ نّسْ أَذْ حْضَانْ مَانْ أَيَا زِي دْجِيڒثْ أَڒْ صّْبحْ زَّاثْ إِ وُوذمْ ن سِيذِي ذڭْ ؤُقِيضُونْ ن ؤُمْسَاڭَارْ زَّاثْ إِ ؤُڒحَّافْ إِ إِدْجَانْ زَّاثْ إِ شّْهَاذثْ. ذ مَانْ أَيَا أَذْ يِيڒِي ذ إِشْثْ ن ثوْصيّثْ إِ ڒبْذَا [نِّي إِتّْخصَّا أَذْ ثتّْوَاحْضَا] زِي جِّيهثْ ن أَيْثْ ن إِسْرَائِيل ذِي [مَارَّا] جِّيڒَاثْ نْسنْ.“
EXO 28:1 ”ؤُشَا شكْ أَذْ غَاركْ د-ثسّْقَارّْبذْ هَارُونْ، ؤُمَاشْ، ذ وَارَّاوْ نّسْ أَكِيذسْ زِي ڒْوسْطْ ن أَيْثْ ن إِسْرَائِيل، حِيمَا أَذْ أَيِيعبْذنْ أَمْ يِيكهَّاننْ، هَارُونْ، نَاذَابْ، أَبِيهُو، أَلِيعَازَارْ ذ إِثَامَارْ، زڭْ وَارَّاوْ ن هَارُونْ.
EXO 28:2 أَذْ ثڭّذْ أَرُّوضْ إِقدّْسنْ إِ هَارُونْ، ؤُمَاشْ، أَذْ [أَسْ] يِيڒِي إِ ؤُعُودْجِي ذ ثلْوِيزْثْ.
EXO 28:3 أَذْ ثسِّيوْڒذْ غَارْ مَارَّا إِنِّي إِدْجَانْ ذ إِمِيغِيسنْ ن وُوڒْ، إِنِّي شُّورغْ س أَرُّوحْ ن ثِيغِيثْ، [مَاحنْذْ] أَذْ ڭّنْ أَرُّوضْ إِ هَارُونْ، حِيمَا أَذْ أَسْ سّْقدّْسنْ ذ أَكهَّانْ إِ نشّْ.
EXO 28:4 إِنَا ذ أَرُّوضْ إِ غَا ڭّنْ: إِشْثْ ن ثجْمشْثْ ذ إِجّْ ن ؤُپَالْطُو ذ إِجّْ ن ؤُسڒْهَامْ ذ إِشْثْ ثْشَامِيرْ إِمُوذنْ أَمْ إِجّْ ن ؤُرقَّامْ ن ؤُفنَّانْ، ذ إِشْثْ ن أَرژّثْ ذ إِشْثْ ن ثْحزَّامْثْ. أَذْ ڭّنْ أَرُّوضْ إِقدّْسنْ إِ هَارُونْ، ؤُمَاشْ، ؤُ إِ وَارَّاوْ نّسْ، حِيمَا أَذْ أَيِي سخَّارنْ أَمْ ؤُكهَّانْ.
EXO 28:5 نِيثْنِي أَذْ كْسِينْ [إِفِيڒَانْ ن] وُورغْ ذ [أَفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ذ ڒقْطنْ أَزْذَاذْ،
EXO 28:6 ؤُشَا أَذْ ڭّنْ أَپَالْطُو س [إِفِيڒَانْ ن] وُورغْ ؤُ س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ؤُ س ڒقْطنْ أَزْذَاذْ إِمُوذنْ، [أَذْ يِيڒِي] [أَمْ] ڒْخذْمثْ ن ؤُفنَّانْ.
EXO 28:7 أَذْ غَارسْ يِيڒِي ثْنَاينْ ن ثْغَارْضِينْ إِمّْسڒْسَاقنْ غَارْ ثْنَاينْ ن طّْرُوفَا نّسْ إِ زِي غَا إِتّْوَاسّْمُونْ [ؤُپَالْطُو].
EXO 28:8 ثَاحزَّامْثْ إِزوّْقنْ، ونِّي إِدْجَانْ خْ ؤُپَالْطُو نّسْ ن ؤُكهَّانْ، أَذْ زَّايسْ ثتّْوَاڭّْ ذ إِشْثنْ أَكِيذسْ، س [إِفِيڒَانْ ن] وُورغْ ؤُ س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ؤُ س ڒقْطنْ أَزْذَاذْ إِمُوذنْ.
EXO 28:9 أَذْ ثكْسِيذْ ثْنَاينْ ن إِژْرَا ن ؤُنِيكْسْ ؤُشَا أَذْ خَاسنْ ثْنقْشذْ إِسْمَاونْ ن أَيْثْ ن إِسْرَائِيل.
EXO 28:10 ستَّا ن إِسْمَاونْ خْ يِيجّْ ن وژْرُو ذ ستَّا ن إِسْمَاونْ نّغْنِي خْ وژْرُو نّغْنِي عْلَاحْسَابْ [أَستّفْ ن] وخْڒَاقْ نْسنْ.
EXO 28:11 [ذ مَانْ أَيَا] ذ إِشْثْ ن صّنْعثْ ن ؤُنقَّاشْ ن وژْرُو [إِغْڒَانْ]. أَمْ إِشْثْ ن ثْخَاذنْثْ ن ؤُشمِّيعْ، [أَمُّو إِ] غَا تّْوَانقْشنْ ثْنَاينْ ن يژْرَا س إِسْمَاونْ ن أَيْثْ ن إِسْرَائِيل. أَذْ أَسنْ ثڭّذْ ثِيشُويَارْ ن وُورغْ إِ ذ أَسْ د-إِنّْضنْ.
EXO 28:12 أَذْ ثڭّذْ إِژْرَا نِّي خْ ثْغَارْضِينْ ن ؤُپَالْطُو، [أَقَا أَثنْ ذ] إِژْرَا ن ڒِيذَارثْ إِ أَيْثْ ن إِسْرَائِيل. هَارُونْ أَذْ يَارْبُو إِسْمَاونْ نْسنْ إِ ڒِيذَارثْ زَّاثْ إِ وُوذمْ ن سِيذِي خْ ثْنَاينْ ثْغَارْضِينْ نّسْ.
EXO 28:13 أَذْ ثڭّذْ ثِيشُويَارْ ن وُورغْ
EXO 28:14 ؤُشَا [عَاوذْ] ثْنَاينْ ن سّْنَاسڒْ ن وُورغْ إِصْفَانْ. أَذْ ثنْ ثڭّذْ [أَمشْنَاوْ] إِفِيڒَانْ، [أَمشْنَاوْ] إِشْثْ ن ڒْخذْمثْ ن ؤُمُوذِي. أَذْ ثْشدّذْ سّْنَاسڒْ إِمُوذنْ غَارْ ثْشُويَارْ.
EXO 28:15 أَذْ ثڭّذْ ثَاجْمشْثْ إِ ڒحْكَامْ. أَذْ ت ثڭّذْ [أَمْ] ڒْخذْمثْ ن ؤُفنَّانْ، أَمْ ؤُپَالْطُو [ن ؤُكهَّانْ]. أَذْ ت ثڭّذْ س [إِفِيڒَانْ ن] وُورغْ ؤُ س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ؤُ س ڒقْطنْ أَزْذَاذْ إِمُوذنْ.
EXO 28:16 [ثَاجْمشْثْ] أَذْ [ثِيڒِي] س أَربْعَا ن ثْغمُّورَا، ثتّْوَاضْفصْ. ثُوزّڭَّارْثْ نّسْ أَذْ ثِيڒِي ذ إِجّْ ن وزْينْ ن ؤُغِيڒْ، ؤُ ثِيرُو نّسْ ذ إِجّْ ن وزْينْ ن ؤُغِيڒْ.
EXO 28:17 أَذْ خَاسْ ثڭّذْ إِژْرَا، أَربْعَا ن ڒصْفُوفْ ن إِژْرَا. إِجّْ ن صّفْ [أَذْ يِيڒِي س] يِيجّْ ن ڒعْقِيقْ ذ أَزڭّْوَاغْ ذ إِشْثْ ن ثْيَاقُوثْ ذ إِشْثْ ن سْمَارَاخْثْ. [وَا] ذ صّفْ أَمزْوَارُو.
EXO 28:18 صّفْ وِيسّْ ثْنَاينْ [أَذْ يِيڒِي س] يِيجّْ ن كَارْبُونْكلْ ذ يِيجّْ ن صَافِّيرْ أَزِيزَا ذ يِيجّْ ن ذِيأَمَانْثِي.
EXO 28:19 صّفْ وِيسّْ ثْڒَاثَا [أَذْ يِيڒِي س] يِيجّْ ن [وژْرُو ن] يَاسِينْثُو ذ يِيجّْ ن أَخَاثْ ذ يِيجّْ ن ؤُمَاثِيسْثْ.
EXO 28:20 ؤُ صّفْ وِيسّْ أَربْعَا [أَذْ يِيڒِي س] يِيشْثْ ن ثخْرِيسُولِيثْ ذ يِيجّْ ن ؤُنِيكْسْ ذ يِيجّْ ن يَاسْبِيسْ. إِنَا أَذْ تّْوَاطّْفنْ ذڭْ وُورغْ ذِي ثْشُويَارْ نْسنْ.
EXO 28:21 إِژْرَا أَذْ خَاسنْ إِڒِينْ إِسْمَاونْ ن أَيْثْ ن إِسْرَائِيل، ثنْعَاشْ [ن يژْرَا] عْلَاحْسَابْ إِسْمَاونْ نْسنْ، س إِنقَّاشنْ ن ثْخَاذنْثْ ن ؤُشمِّيعْ، كُوڒْ [أَنقِّيشْ] عْلَاحْسَابْ إِسمْ نّسْ إِ ذ أَسْ د-يُوسِينْ. أَقَا أَثنْ إِ ثنْعَاشْ ن ثْقبَّاڒْ.
EXO 28:22 أَذْ ثڭّذْ سّْنَاسڒْ خْ ثجْمشْثْ، إِفِيڒَانْ إِمُوذنْ ن وُورغْ إِصْفَانْ.
EXO 28:23 أَذْ ثڭّذْ ثْنَاينْ ن ثخْرَازِينْ ن وُورغْ غَارْ ثجْمشْثْ ؤُشَا أَذْ ثْشدّذْ ثْنَاينْ ن ثخْرَازِينْ نِّي غَارْ ثْنَاينْ ن طّْرُوفَا ن ثجْمشْثْ.
EXO 28:24 أَذْ ثْشدّذْ ثْنَاينْ ن سّْنَاسڒْ ن وُورغْ إِمُوذنْ غَارْ ثْنَاينْ ن ثخْرَازِينْ غَارْ ڒضْرُوفْ ن ثجْمشْثْ.
EXO 28:25 أَذْ ثْشدّذْ ثْنَاينْ ن إِخْفَاونْ ن ثْنَاينْ ن [سّْنَاسڒْ] إِمُوذنْ غَارْ ثْنَاينْ ن ثْشُويَارْ ؤُشَا أَذْ ثنْثْ ثْشدّذْ غَارْ ثْغَارْضِينْ [إِ إِدْجَانْ] غَارْ ؤُغزْذِيسْ ن زَّاثْ ن ؤُپَالْطُو [ن ؤُكهَّانْ].
EXO 28:26 أَذْ ثڭّذْ [عَاوذْ] ثْنَاينْ ن ثخْرَازِينْ ن وُورغْ ؤُشَا أَذْ ثنْثْ ثڭّذْ غَارْ ثْنَاينْ ن إِخْفَاونْ ن ثجْمشْثْ [غَارْ سْوَادَّايْ]، خْ ثْمَا نْسنْ [نِّي إِدْجَانْ] غَارْ ؤُپَالْطُو، غَارْ ذَاخڒْ.
EXO 28:27 أَذْ ثڭّذْ ثْنَاينْ ن ثخْرَازِينْ ن وُورغْ، ثِينِّي إِ غَا ثْشذْنذْ خْ ثْنَاينْ ن ثْغَارْضِينْ ن ؤُپَالْطُو [ن ؤُكهَّانْ]، سْوَادَّايْ، غَارْ زَّاثْ، قِيبَاتْشْ إِ ؤُسڒْقِي نّسْ غَارْ سنّجْ إِ ثْحزَّامْثْ إِزوّْقنْ ن ؤُپَالْطُو.
EXO 28:28 أَذْ ثسّْمُونذْ ثَاجْمشْثْ س ثخْرَازِينْ نّسْ غَارْ ثخْرَازِينْ ن ؤُپَالْطُو أَكْ-ذ إِجّْ ن ؤُفِيڒُو إِمُوذنْ أَذحْمِي، مَاحنْذْ أَذْ ثِيڒِي [ثجْمشْثْ] سنّجْ إِ ثْحزَّامْثْ إِزوّْقنْ ن ؤُپَالْطُو ؤُشَا وَارْ ثتّْبطِّي ثجْمشْثْ خْ ؤُپَالْطُو.
EXO 28:29 [أَمُّو] إِ غَا يَاوِي هَارُونْ إِسْمَاونْ ن أَيْثْ ن إِسْرَائِيل ذِي ثجْمشْثْ ن ڒحْكَامْ خْ وُوڒْ نّسْ خْ مِينِّي إِ غَا يَاذفْ غَارْ ؤُقدَّاسْ، [أَڒَامِي إِ غَا قِّيمنْ] إِ ڒِيذَارثْ زَّاثْ إِ وُوذمْ ن سِيذِي إِ ڒبْذَا.
EXO 28:30 أَذْ ثسَّارْسذْ [إِژْرَا ن] ’ؤُرِيمْ‘ ذ ’ثُومِّيمْ‘ ذِي ثجْمشْثْ ن ڒحْكَامْ، [مَاحنْذْ] أَذْ إِڒِينْ خْ وُوڒْ ن هَارُونْ خْ مِينِّي إِ غَا يَاذفْ زَّاثْ إِ وُوذمْ ن سِيذِي. [أَمُّو] إِ غَا يَارْبُو هَارُونْ ڒبْذَا ڒحْكَامْ ن أَيْثْ ن إِسْرَائِيل خْ وُوڒْ نّسْ زَّاثْ إِ وُوذمْ ن سِيذِي.
EXO 28:31 أَذْ ثڭّذْ أَسڒْهَامْ ن ؤُپَالْطُو [ن ؤُكهَّانْ] مَارَّا زڭْ [ؤُفِيڒُو] أَذحْمِي.
EXO 28:32 أَذْ يِيڒِي وَارْزَامْ إِ ؤُزدْجِيفْ نّسْ ذِي ڒْوسْطْ نّسْ. غَارْ ثْمَا ن وَارْزَامْ أَذْ ذِينْ ثِيڒِي إِشْثْ ن ثْمَا إِمُوذنْ، ثنِّي إِ غَا يِيڒِينْ أَمْ وَارْزَامْ [إِ يِيرِي] ذڭْ إِجّْ ن وَارُّوضْ ن وُوزَّاڒْ ن ؤُعسْكَارِي، وَارْ ثتّْشَارِّيڭْ.
EXO 28:33 غَارْ ثْمُووَّا نّسْ أَذْ ثڭّذْ ثِيرمَّانِينْ ن [إِفِيڒَانْ] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ، غَارْ ثْمُووَّا نّسْ إِ ذ أَسْ د-إِنّْضنْ، ؤُ جَارْ أَسنْثْ [أَذْ ثڭّذْ] نّْوَاقسْ ن وُورغْ إِ ذ أَسْ د-إِنّْضنْ.
EXO 28:34 إِجّْ أَوَارْنِي إِ ونّغْنِي، إِجّْ ن نَّاقُوسْ ن وُورغْ ذ إِشْثْ ن ثْرمَّانْثْ، ؤُشَا [عَاوذْ] إِجّْ أَوَارْنِي إِ ونّغْنِي، إِجّْ ن نَّاقُوسْ ن وُورغْ ذ إِشْثْ ن ثْرمَّانْثْ، [أَمُّو إِ غَا إِڒِينْ] غَارْ ثْمُووَّا ن ؤُسڒْهَامْ ؤُ ذڭْ ونّضْ نّسْ.
EXO 28:35 هَارُونْ أَذْ ث يَارْضْ خْمِي إِتّْسّخَّارْ نتَّا، [أَڒَامِي] إِ غَا إِتّْوَاسڒْ دّْرِيزْ نّسْ خْ مِينِّي إِ غَا يَاذفْ غَارْ زَّاوشْثْ إِقدّْسنْ زَّاثْ إِ وُوذمْ ن سِيذِي ؤُ خْمِي غَا إِفّغْ [عَاوذْ]، [حِيمَا] وَارْ إِتّْمتِّي.
EXO 28:36 أَذْ ثڭّذْ إِشْثْ ن ثڒْوِيحْثْ س نُّووَّارْ ن وُورغْ إِصْفَانْ ؤُشَا أَذْ خَاسْ ثْنقْشذْ [أَوَاڒنْ-أَ] أَمْ مَامّشْ نقّْشنْ ثَاخَاذنْثْ ن ؤُشمِّيعْ: ”أَمْقدَّاسْ إِ سِيذِي.“
EXO 28:37 أَذْ ت ثْشدّذْ غَارْ يِيجّْ ن ؤُفِيڒُو أَذحْمِي خْ أَرژّثْ. أَذْ ثِيڒِي [ثڒْوِيحْثْ] غَارْ زَّاثْ ن ؤُرژّثْ.
EXO 28:38 أَذْ ثِيڒِي [ثڒْوِيحْثْ] خْ ثنْيَارْثْ ن هَارُونْ، [حِيمَا] هَارُونْ أَذْ يَارْبُو ڒْمُوعْصِييّثْ إِ إِدْجَانْ ذِي ثْمسْڒَايِينْ إِقدّْسنْ نِّي إِ غَا سّْقدّْسنْ أَيْثْ ن إِسْرَائِيل أَكْ-ذ مَارَّا ثِيوْهِيبِينْ ن ثْمسْڒَايِينْ نْسنْ إِقدّْسنْ. أَذْ ثِيڒِي ڒبْذَا خْ ثنْيَارْثْ نّسْ، حِيمَا أَذْ إِڒِينْثْ [ثْمسْڒَايِينْ نِّي] أَرْضَانْثْ زَّاثْ إِ وُوذمْ ن سِيذِي.
EXO 28:39 أَذْ ثڭّذْ ثْشَامِيرْ س ڒقْطنْ أَزْذَاذْ. أَذْ ثڭّذْ أَرژّثْ [عَاوذْ] س ڒقْطنْ أَزْذَاذْ. ثَاحزَّامْثْ أَذْ ت ثڭّذْ [أَمْ] إِجّْ ن ؤُمُوذِي ن ؤُخيَّاضْ.“*
EXO 28:40 ”إِ وَارَّاوْ ن هَارُونْ أَذْ ثڭّذْ ثْشَامِيرْ ؤُ أَذْ أَسنْ ثڭّذْ ثِيحزَّامِينْ ؤُ أَذْ أَسنْ ثڭّذْ ثِيشُوشَّايْ، مَاحنْذْ أَذْ [أَسنْ] إِڒِينْ إِ ؤُعُودْجِي ذ ثلْوِيزْثْ.
EXO 28:41 أَذْ ثسّْيَارْضذْ هَارُونْ، ؤُمَاشْ، ذ وَارَّاوْ نّسْ إِ كِيذسْ إِدْجَانْ، ؤُشَا شكْ أَذْ ثنْ ثْذهْنذْ، أَذْ ثنْ ثْڒقّْمذْ ؤُ أَذْ ثنْ ثسّْقدّْسذْ، حِيمَا أَذْ أَيِي خذْمنْ أَمْ يِيكهَّاننْ.
EXO 28:42 أڭّْ أَسنْ سّْرَاوڒْ ن ڒقْطنْ، حِيمَا أَذْ ذْڒنْ أَيْسُومْ ن ؤُسضْحِي نْسنْ. أَذْ إِڒِينْ زِي ثجْعِينَّا ؤُشَا أَذْ أَوْضنْ غَارْ إِفَادّنْ.
EXO 28:43 [سّْڒَاوڒْ نِّي] أَذْ إِڒِينْ خْ [أَرِّيمثْ] ن هَارُونْ ذ وَارَّاوْ نّسْ خْمِي غَا يَاذْفنْ غَارْ ؤُقِيضُونْ ن ؤُمْسَاڭَارْ نِيغْ خْمِي د غَا قَارّْبنْ غَارْ ؤُعَالْطَارْ مَاحنْذْ أَذْ سخَّارنْ ذِي زَّاوشْثْ إِقدّْسنْ، [حِيمَا] وَارْ د-تِّيوْينْ ڒْمُوعْصِييّثْ ؤُشَا أَذْ مّْثنْ. ثَا أَذْ ثِيڒِي ذ إِشْثْ ن ثوْصيّثْ إِ ڒبْذَا إِ نتَّا ؤُ إِ زَّارِيعثْ نّسْ أَوَارْنِي أَسْ.“
EXO 29:1 ”ذ مَانْ أَيَا إِ ذ أَسنْ غَا ثڭّذْ، حِيمَا أَذْ ثنْ ثسّْقدّْسذْ، مَاحنْذْ أَذْ أَيِي إِڒِينْ ذ إِكهَّاننْ. كْسِي إِجّْ ن ؤُفُونَاسْ - أَمژْيَانْ ن ؤُفُونَاسْ - ذ ثْنَاينْ ن وَاشْرَارنْ إِشْنَانْ قَاعْ،
EXO 29:2 ؤُ [عَاوذْ] أَغْرُومْ بْڒَا أَنْثُونْ ذ ڒمْسمْنَاثْ بْڒَا أَنْثُونْ إِخدْجْضنْ س زّشْثْ ذ ثڒْفَافْ بْڒَا أَنْثُونْ تّْوَاذهْننْثْ س زّشْثْ، ثِينِّي إِ غَا ثڭّذْ [مَارَّا] س وَارنْ أَزْذَاذْ ن يِيرْذنْ.
EXO 29:3 أَذْ ثنْثْ ثڭّذْ ذڭْ إِشْثْ ن ثْسُودْجثْ ؤُشَا أَذْ ثنْثْ ثَاوْيذْ ذِي ثْسُودْجثْ [جْمِيعْ] أَكْ-ذ ؤُفُونَاسْ أَمژْيَانْ ذ ثْنَاينْ ن إِشَارِّييّنْ.
EXO 29:4 أَذْ د-ثسّْقَارّْبذْ هَارُونْ ذ وَارَّاوْ نّسْ غَارْ وَاذَافْ ن ؤُقِيضُونْ ن ؤُمْسَاڭَارْ ؤُشَا أَذْ ثنْ ثسِّيرْذذْ س وَامَانْ.
EXO 29:5 أَذْ ثكْسِيذْ أَرُّوضْ، أَذْ ثْيَارْضذْ هَارُونْ ثْشَامِيرْ ذ ؤُسڒْحَامْ إِ ؤُپَالْطُو ذ ؤُپَالْطُو [سِيمَانْثْ نّسْ] ذ ثجْمشْثْ ؤُشَا أَذْ أَسْ ثْبيْسذْ س ثْحزَّامْثْ إِزوّْقنْ ن ؤُپَالْطُو.
EXO 29:6 أَذْ ثسَّارْسذْ أَرژّثْ خْ ؤُزدْجِيفْ نّسْ ؤُ خْ أَرژّثْ أَذْ ثڭّذْ تَّاجْ إِقدّْسنْ [ن وعْزَاڒْ].
EXO 29:7 أَذْ ثكْسِيذْ زّشْثْ إِ وذْهَانْ ؤُشَا أَذْ ت ثْزدْجْعذْ خْ ؤُزدْجِيفْ نّسْ ؤُشَا أَذْ ث ثْذهْنذْ.
EXO 29:8 [خنِّي] أَذْ ثَاوْيذْ إِحنْجِيرنْ نّسْ، أَذْ أَسنْ ثْيَارْضذْ ثْشَامِيرَاثْ.
EXO 29:9 أَذْ أَسنْ ثْبيْسذْ س ثْحزَّامْثْ، إِ هَارُونْ ذ وَارَّاوْ نّسْ، ؤُشَا أَذْ أَسنْ ثَاركّْبذْ ثِيشُوشَّايْ. أَذْ غَارْسنْ ثِيڒِي ثُوكهَّانْثْ عْلَاحْسَابْ إِشْثْ ن ثوْصيّثْ إِ ڒبْذَا. أَذْ ثَاڒقّْمذْ هَارُونْ ذ وَارَّاوْ نّسْ.
EXO 29:10 [خنِّي] أَذْ ثَاوْيذْ أَفُونَاسْ أَمژْيَانْ زَّاثْ إِ ؤُقِيضُونْ ن ؤُمْسَاڭَارْ ؤُ هَارُونْ ذ وَارَّاوْ نّسْ أَذْ سَّارْسنْ إِفَاسّنْ نْسنْ خْ ؤُزدْجِيفْ ن ؤُفُونَاسْ أَمژْيَانْ.
EXO 29:11 أَذْ ثْغَارْصذْ إِ ؤُفُونَاسْ أَمژْيَانْ زَّاثْ إِ وُوذمْ ن سِيذِي، غَارْ وَاذَافْ ن ؤُقِيضُونْ ن ؤُمْسَاڭَارْ.
EXO 29:12 [خنِّي] أَذْ ثكْسِيذْ إِذَامّنْ ن ؤُفُونَاسْ أَمژْيَانْ ؤُشَا أَذْ ثنْ ثڭّذْ س ؤُضَاضْ نّشْ خْ وَاشَّاونْ ن ؤُعَالْطَارْ ؤُشَا أَذْ ثْزدْجْعذْ مَارَّا إِذَامّنْ [إِقِّيمنْ] غَارْ إِضَارنْ ن ؤُعَالْطَارْ.
EXO 29:13 أَذْ ثكْسِيذْ [عَاوذْ] مَارَّا ثَاذُونْثْ نِّي إِذْڒِينْ أَذَانْ ذ مِينْ يُويْڒنْ غَارْ ثْسَا، ذ ثْنَاينْ ن ثِيژَّاڒْ أَكْ-ذ ثَاذُونْثْ إِ خَاسنْثْ [إِدْجَانْ] ؤُشَا أَذْ ثسّْبخَّارذْ أَيَا خْ ؤُعَالْطَارْ.
EXO 29:14 [مَاشَا] أَيْسُومْ ن ؤُفُونَاسْ أَمژْيَانْ ذ يِيڒمْ نّسْ ذ ؤُمسَّاڒْ نّسْ أَذْ ثنْ ثسّْشمْضذْ س ثْمسِّي بَارَّا إِ ڒْمَارْڭحْ ن ڒْعسْكَارْ، أَقَا ذ ثَاغَارْصْثْ ن دّنْبْ.
EXO 29:15 [خنِّي] أَذْ ثكْسِيذْ إِجّْ ن ؤُشَارِّي ؤُشَا هَارُونْ ذ وَارَّاوْ نّسْ أَذْ سَّارْسنْ إِفَاسّنْ نْسنْ خْ ؤُزدْجِيفْ ن إِشَارِّي.
EXO 29:16 أَذْ ثْغَارْصذْ إِ إِشَارِّي ؤُشَا أَذْ ثكْسِيذْ إِذَامّنْ نّسْ، أَذْ [ثنْ] ثْزدْجْعذْ خْ ؤُعَالْطَارْ زِي مَارَّا إِغزْذِيسنْ نّسْ.
EXO 29:17 أَذْ ثبْضِيذْ إِشَارِّي ذ إِشدْجِيقنْ، أَذْ ثسِّيرْذذْ أَذَانْ نّسْ ذ إِشكْرَاذْ نّسْ ؤُشَا أَذْ ثنْ ثڭّذْ خْ إِشدْجِيقنْ نّسْ ؤُ خْ ؤُزدْجِيفْ نّسْ.
EXO 29:18 أَذْ ثسِّيغذْ إِ إِشَارِّي أَمْ إِكْمڒْ خْ ؤُعَالْطَارْ، أَقَا ذ ثَاغَارْصْثْ ن وشْمَاضْ إِ سِيذِي، إِشْثْ ن ڒفْوَاحثْ إِتّْفُوحنْ، أَقَا ذ إِشْثْ ن ثوْهِيبْثْ ن ثْمسِّي إِ سِيذِي.
EXO 29:19 [خنِّي] أَذْ ثكْسِيذْ إِشَارِّي نّغْنِي ؤُشَا هَارُونْ ذ وَارَّاوْ نّسْ أَذْ سَّارْسنْ إِفَاسّنْ نْسنْ خْ ؤُزدْجِيفْ ن إِشَارِّي.
EXO 29:20 أَذْ ثْغَارْصذْ إِ إِشَارِّي ؤُشَا أَذْ ثكْسِيذْ زڭْ إِذَامّنْ نّسْ ؤُشَا أَذْ ثڭّذْ مَانْ أَيَا خْ إِغسْ ن ؤُمزُّوغْ أَفُوسِي ن هَارُونْ ؤُ خْ إِغسْ ن ؤُمزُّوغْ أَفُوسِي ن وَارَّاوْ نّسْ ؤُ [عَاوذْ] خْ ؤُضَاضْ ن يِيمزْ ن ؤُفُوسْ نْسنْ أَفُوسِي ؤُ خْ ؤُضَاضْ ن يِيمزْ ن ؤُضَارْ نْسنْ أَفُوسِي ؤُشَا أَذْ ثْزدْجْعذْ إِضَامّنْ [إِقِّيمنْ] خْ ؤُعَالْطَارْ زِي كُوڒْ جِّيهثْ.
EXO 29:21 [خنِّي] أَذْ ثكْسِيذْ زڭْ إِذَامّنْ نِّي إِدْجَانْ خْ ؤُعَالْطَارْ ؤُ زِي زّشْثْ إِ وذْهَانْ ؤُشَا أَذْ زَّايْسنْ ثْرُوشّذْ هَارُونْ ذ وَارُّوضْ نّسْ ؤُشَا [أَذْ ثْرُوشّذْ عَاوذْ] أَرَّاوْ نّسْ ذ أَرُّوضْ ن وَارَّاوْ نّسْ أَكِيذسْ، حِيمَا أَذْ يِيڒِي إِتّْوَاقدّسْ، نتَّا ذ أَرُّوضْ نّسْ، ؤُڒَا ذ ثَارْوَا نّسْ ذ أَرُّوضْ ن ثَارْوَا نّسْ أَكِيذسْ.
EXO 29:22 أَذْ ثكْسِيذْ ثَاذُونْثْ ن إِشَارِّي ڒَا ذ ثَاذُونْثْ غَارْ ؤُنوَّارْ ڒَا ثَاذُونْثْ نِّي إِذْڒِينْ أَذَانْ، ؤُڒَا مِينْ يُويْڒنْ غَارْ ثْسَا ذ ثْنَاينْ ن ثِيژَّاڒْ س ثَاذُونْثْ إِ خَاسنْثْ إِدْجَانْ ذ أَشكْرُوذْ أَفُوسِي، مِينْزِي وَا ذ إِشَارِّي إِ ؤُذشّنْ [ن إِكهَّاننْ].
EXO 29:23 كْسِي [عَاوذْ] إِشْثْ ن ثشْنِيفْثْ ن وغْرُومْ ذ إِشْثْ ن ثمْسمّنْثْ ن وغْرُومْ [إِتّْوَاسّْوجْذنْ] س زّشْثْ ذ إِشْثْ ن ثڒْففْثْ زِي ثْسُودْجثْ ن وغْرُومْ بْڒَا أَنْثُونْ [إِ إِدْجَانْ] زَّاثْ إِ وُوذمْ ن سِيذِي.
EXO 29:24 سَارْسْ مَانْ أَيَا مَارَّا خْ إِفَاسّنْ ن هَارُونْ ؤُ خْ إِفَاسّنْ ن وَارَّاوْ نّسْ ؤُشَا أَذْ ثنْ ثسّنْهزّذْ زِي سَّا غَارْ ذَا [أَمْ] إِشْثْ ن ثوْهِيبْثْ ن ونْهزِّي زَّاثْ إِ وُوذمْ ن سِيذِي.
EXO 29:25 [أَوَارْنِي أَسْ] أَذْ ت ثكْسِيذْ زڭْ إِفَاسّنْ نْسنْ ؤُشَا أَذْ ت ثسّْبخَّارذْ خْ ؤُعَالْطَارْ، خْ ثْغَارْصْثْ ن وشْمَاضْ، [أَذْ ثِيڒِي] ذ إِشْثْ ن ڒفْوَاحثْ إِتّْفُوحنْ زَّاثْ إِ وُوذمْ ن سِيذِي. [أَقَا-ت] ذ إِشْثْ ن ثوْهِيبْثْ ن ثْمسِّي إِ سِيذِي.
EXO 29:26 أَذْ ثكْسِيذْ إِذْمَارنْ ن إِشَارِّي إِ ؤُذشّنْ ن هَارُونْ ؤُشَا أَذْ ثنْ ثسّنْهزّذْ زِي سَّا غَارْ ذَا [أَمْ] إِشْثْ ن ثوْهِيبْثْ ن ونْهزِّي زَّاثْ إِ وُوذمْ ن سِيذِي. ثَانِيثَا أَذْ ثِيڒِي ذ ثَاسْغَارْثْ نّشْ.
EXO 29:27 أَذْ ثسّْقدّْسذْ إِذْمَارنْ ن ثوْهِيبْثْ ن ونْهزِّي إِ إِتّْوَانْهزّنْ زِي سَّا غَارْ ذَا، ؤُڒَا ذ ؤُشكْرُوذْ إِ إِتّْوَانْهزّنْ زِي سَّا غَارْ ذَا ذ ونِّي إِتّْوَاسّْڭعّْذنْ. أَقَا-ثنْ زڭْ إِشَارِّي ن ؤُذشّنْ، أَمْ زڭْ ونِّي إِ يدْجَانْ إِ هَارُونْ أَمْ زڭْ ونِّي إِ يدْجَانْ إِ وَارَّاوْ نّسْ.
EXO 29:28 أَيَا أَذْ يِيڒِي إِ هَارُونْ ذ وَارَّاوْ نّسْ ذ إِشْثْ ن ثوْصيّثْ إِ ڒبْذَا زِي جِّيهثْ ن أَيْثْ ن إِسْرَائِيل، مِينْزِي ذ ثَاوْهِيبْثْ ن ؤُسْڭعّذْ إِ ثدْجَا. أَذْ ثِيڒِي ذ إِشْثْ ن ثوْهِيبْثْ إِ غَا سّْڭعّْذنْ أَيْثْ ن إِسْرَائِيل زِي ثْغَارْصَا نْسنْ ن ڒهْنَا. أَقَا ذ ثَاوْهِيبْثْ نْسنْ ن ؤُسْڭعّذْ إِ سِيذِي.
EXO 29:29 أَرُّوضْ إِقدّْسنْ ن هَارُونْ أَذْ يِيڒِي إِ وَارَّاوْ نّسْ أَوَارْنِي أَسْ، مَاحنْذْ أَذْ ثنْ ذهْننْ ؤُ أَذْ ثنْ أَڒقْمنْ ذَايسْ.
EXO 29:30 مَانْ ونْ زڭْ إِحنْجِيرنْ نّسْ [إِ غَا يِيڒِينْ] ذ أَكهَّانْ ذڭْ ومْشَانْ نّسْ ؤُشَا أَذْ يَاذفْ غَارْ ؤُقِيضُونْ ن ؤُمْسَاڭَارْ، مَاحنْذْ أَذْ إِسخَّارْ ذِي زَّاوشْثْ إِقدّْسنْ، أَذْ ث يَارْضْ سبْعَا ن وُوسَّانْ.
EXO 29:31 أَذْ ثكْسِيذْ إِشَارِّي إِ ؤُذشّنْ ؤُشَا أَذْ ثسّنْڭْوذْ أَيْسُومْ نّسْ ذڭْ إِجّْ ن ومْشَانْ إِقدّْسنْ.
EXO 29:32 هَارُونْ ذ وَارَّاوْ نّسْ أَذْ شّنْ أَيْسُومْ ن إِشَارِّي ذ وغْرُومْ إِ إِدْجَانْ ذِي ثْسُودْجثْ غَارْ وَاذَافْ ن ؤُقِيضُونْ ن ؤُمْسَاڭَارْ.
EXO 29:33 أَذْ شّنْ زِي مِينْ زِي إِتّْوَاڭّْ وسْڒَاحْ، حِيمَا أَذْ ثنْ ڒقّْمنْ ؤُ أَذْ ثنْ سّْقدّْسنْ. [مَاشَا] إِجّْ ن ؤُبَارَّانِي وَارْ زَّايسْ إِتّتّْ، مِينْزِي أَقَا ذ إِشْثْ ن ڒْحَاجّثْ ذ ثَامْقدّسْثْ.
EXO 29:34 مَاڒَا إِشطّْ شَا زڭْ ويْسُومْ [ن ثْغَارْصَا] إِ ؤُذشّنْ نِيغْ زڭْ وغْرُومْ أَڒْ صّْبحْ، أَذْ ثسّْشمْضذْ مِينْ إِشطّنْ ذِي ثْمسِّي. إِتّْخصَّا وَارْ ث إِتّتّْ حذْ، مِينْزِي ذ إِشْثْ ن ڒْحَاجّثْ إِقدّْسنْ [إِ يدْجَا].
EXO 29:35 أَمُّو إِ غَا ثڭّذْ أَكْ-ذ هَارُونْ ؤُ أَكْ-ذ وَارَّاوْ نّسْ، [أَذْ ثڭّذْ] عْلَاحْسَابْ مَارَّا مِينْ ذ أَشْ وصِّيغْ. أَذْ ثنْ ثَاڒقّْمذْ سبْعَا ن وُوسَّانْ.
EXO 29:36 كُوڒْ أَسّْ أَذْ ثسّْوجْذذْ أَفُونَاسْ أَمژْيَانْ ذ ثَاغَارْصْثْ ن دّنْبْ إِ وصْڒَاحْ ؤُشَا أَذْ ثكّْسذْ دّنْبْ خْ ؤُعَالْطَارْ ؤُمِي خَاسْ غَا ثسِّيوْضذْ أَصْڒَاحْ، ؤُشَا [خنِّي] أَذْ ث ثْذهْنذْ، مَاحنْذْ أَذْ ث ثسّْقدّْسذْ.
EXO 29:37 سبْعَا ن وُوسَّانْ أَذْ ثڭّذْ أَصْڒَاحْ خْ ؤُعَالْطَارْ ؤُشَا أَذْ ث ثسّْقدّْسذْ، [خنِّي] أَذْ يِيڒِي ذ أَمْقدَّاسْ قَاعْ. ونِّي إِ غَا إِحَاذَانْ أَعَالْطَارْ، أَذْ يِيڒِي ذ أَمْقدَّاسْ.
EXO 29:38 ذ مَانْ أَيَا إِ غَا ثسّْوجْذذْ خْ ؤُعَالْطَارْ: ثْنَاينْ ن إِزْمَارنْ ن إِجّْ ن ؤُسڭّْوَاسْ، كُوڒْ أَسّْ ڒبْذَا.
EXO 29:39 أَذْ ثسّْوجْذذْ إِجّْ ن يزْمَارْ ذِي صّْبحْ ؤُ إِزْمَارْ نّغْنِي أَذْ ث ثسّْوجْذذْ جَارْ بدُّو ن وزْينْ ن وَاسّْ أَڒْ د-ثوْضَا ثْمذِّيثْ.
EXO 29:40 إِ يِيجّْ ن يزْمَارْ [أَذْ ثكْسِيذْ]عشْرَا ذِي ثسْغَارْثْ ن إِجّْ ن إِفَا ن وَارنْ أَزْذَاذْ إِخدْجْضنْ س زّشْثْ دّْزنْ ت-إِ-د [زِي زِّيثُونْ]، ؤُ أَربْعَا ذِي ثسْغَارْثْ ن إِجّْ ن ؤُهِينُو ن بِينُو ذ ثَاوْهِيبْثْ ن ؤُسيّبْ.
EXO 29:41 أَذْ ثْغَارْصذْ إِ يزْمَارْ نّغْنِي جَارْ بدُّو ن وزْينْ ن وَاسّْ أَڒْ د-ثوْضَا ثْمذِّيثْ. أَذْ غَارسْ ثَارْنِيذْ ثَاوْهِيبْثْ [ن ڒْغِيدْجثْ] أَمْ مَامّشْ ثنِّي ن صّْبحْ ؤُ [عَاوذْ] ثَاوْهِيبْثْ نّسْ ن ؤُسيّبْ. أَقَا ذ ڒفْوَاحثْ إِتّْفُوحنْ. [أَقَا] ذ ثَاوْهِيبْثْ ن ثْمسِّي إِ سِيذِي.
EXO 29:42 [أَذْ ثِيڒِي] ذ ثَاغَارْصْثْ ن وشْمَاضْ ڒبْذَا ذِي [مَارَّا] جِّيڒَاثْ نْومْ غَارْ وَاذَافْ ن ؤُقِيضُونْ ن ؤُمْسَاڭَارْ زَّاثْ إِ وُوذمْ ن سِيذِي، مَانِي غَا سّْمُونغْ أَكِيذْومْ، مَاحنْذْ أَذْ كِيذكْ سِّيوْڒغْ ذِينْ.
EXO 29:43 أَذْ مّْسَاڭَارغْ ذِينْ أَكْ-ذ أَيْثْ ن إِسْرَائِيل، ؤُ [أَقِيضُونْ] أَذْ إِتّْوَاقدّسْ س ؤُعُودْجِي إِنُو.
EXO 29:44 أَذْ سّْقدّْسغْ أَقِيضُونْ ن ؤُمْسَاڭَارْ ذ ؤُعَالْطَارْ. أَذْ سّْقدّْسغْ [عَاوذْ] هَارُونْ ذ وَارَّاوْ نّسْ، حِيمَا أَذْ أَيِي إِڒِينْ ذ إِكهَّاننْ.
EXO 29:45 أَذْ زذْغغْ ذِي ڒْوسْطْ ن أَيْثْ ن إِسْرَائِيل، أَذْ أَسنْ إِڒِيغْ ذ أَربِّي
EXO 29:46 ؤُشَا أَذْ سّْننْ بلِّي نشّْ ذ سِيذِي، أَربِّي نْسنْ، ونِّي ثنْ إِسُّوفّْغنْ زِي ثمُّورْثْ ن مِيصْرَا، مَاحنْذْ أَذْ زذْغغْ ذِي ڒْوسْطْ نْسنْ. نشّْ ذ سِيذِي، أَربِّي نْسنْ.“
EXO 30:1 ”أَذْ ثڭّذْ [عَاوذْ] أَعَالْطَارْ ن ڒبْخُورْ. أَذْ ث ثڭّذْ زڭْ ؤُكشُّوضْ ن [ثْشجَّارْثْ ن] ؤُكَاسِييَا.
EXO 30:2 ثُوزّڭَّارْثْ أَذْ ثِيڒِي ذ إِجّنْ ؤُغِيڒْ، ؤُ ثِيرُو [عَاوذْ] ذ إِجّنْ ؤُغِيڒْ. أَذْ يِيڒِي [ؤُعَالْطَارْ] س أَربْعَا ن ثْغمُّورَا. ڒُْوعْڒَا نّسْ أَذْ يِيڒِي ذ ثْنَاينْ ن إِغَادْجنْ ؤُ أَشَّاونْ نّسْ أَذْ إِڒِينْ ذ إِجّنْ أَكِيذسْ.
EXO 30:3 أَذْ ث ثْغدْجْفذْ س وُورغْ إِصْفَانْ، ؤُذمْ نّسْ ن سنّجْ ذ إِغزْذِيسنْ نّسْ إِ ذ أَسْ د-إِنّْضنْ ذ وَاشَّاونْ نّسْ. أَذْ أَسْ ثڭّذْ إِجّْ ن زّْوَاقْ ن وُورغْ إِ ذ أَسْ د-إِنّْضنْ.
EXO 30:4 أَذْ أَسْ ثڭّذْ ثْنَاينْ ن ثخْرَازِينْ ن وُورغْ سَاذُو زّْوَاقْ نّسْ. أَذْ ثنْثْ ثڭّذْ غَارْ ثْنَاينْ ن إِغزْذِيسنْ نّسْ، غَارْ ثْنَاينْ ن ثْغمَّارْ نّسْ. أَذْ إِڒِينْثْ إِ إِعُومَاذْ، حِيمَا أَذْ زَّايْسنْ أَرْبُونْ [أَعَالْطَارْ ن ڒبْخُورْ].
EXO 30:5 أَذْ ثڭّذْ ثْنَاينْ ن إِعُومَاذْ [إِ ثَاربُّوثْ] زڭْ ؤُكشُّوضْ ن ؤُكَاسِييَا ؤُشَا أَذْ ثنْ ثْغدْجْفذْ س وُورغْ.
EXO 30:6 أَذْ ث ثسَّارْسذْ زَّاثْ إِ ؤُڒحَّافْ إِ إِدْجَانْ زَّاثْ إِ تَّابُوثْ ن شّْهَاذثْ، زَّاثْ إِ ثْقبَّارْثْ ن وصْڒَاحْ ثنِّي إِدْجَانْ خْ شّْهَاذثْ، مَانِي كِيكْ إِ غَا مّْسَاڭَارغْ.
EXO 30:7 أَذْ إِسّْبخَّارْ هَارُونْ ڒبْخُورْ إِتّْفُوحنْ كُوڒْ صّْبحْ. [أَوَارْنِي ڒَامِي] إِعْذڒْ ثِيفْثِيڒِينْ، أَذْ إِسّْبخَّارْ.
EXO 30:8 مڒْمِي إِ غَا إِسِّيرغْ هَارُونْ ثِيفْثِيڒِينْ جَارْ بدُّو ن وزْينْ ن وَاسّْ أَڒْ د-ثوْضَا ثْمذِّيثْ، أَذْ يجّْ ڒبْخُورْ أَذْ إِبخَّارْ. [أَذْ يِيڒِي] ذ إِجّْ ن ڒبْخُورْ إِ ڒبْذَا زَّاثْ إِ وُوذمْ ن سِيذِي إِ [مَارَّا] جِّيڒَاثْ نْومْ.
EXO 30:9 كنِّيوْ وَارْ خَاسْ ثسّْڭعّْذمْ شَا ڒبْخُورْ ذ أَغْرِيبْ، نِيغْ ثَاغَارْصْثْ ن وشْمَاضْ نِيغْ ثَاوْهِيبْثْ [ن ڒْغِيدْجثْ] ؤُ وَارْ خَاسْ تّْزدْجَاعمْ ثَاوْهِيبْثْ ن ؤُسيّبْ.
EXO 30:10 هَارُونْ أَذْ إِڭّْ أَصْڒَاحْ خْ وَاشَّاونْ نّسْ إِشْثْ ن ثْوَاڒَا ذڭْ ؤُسڭّْوَاسْ س إِذَامّنْ ن ثْغَارْصَا ن دّنْبْ إِ وصْڒَاحْ. أَذْ ث إِسّصْڒحْ إِشْثْ ن ثْوَاڒَا ذڭْ ؤُسڭّْوَاسْ إِ [مَارَّا] جِّيڒَاثْ نْومْ. [أَقَا-ث] ذ أَمْقدَّاسْ قَاعْ إِ سِيذِي.“
EXO 30:11 إِسِّيوڒْ سِيذِي أَكْ-ذ مُوسَا، إِنَّا:
EXO 30:12 ”خْمِي غَا ثكْسِيذْ ڒْقدّْ ن أَيْثْ ن إِسْرَائِيل، [ڒْقدّْ ن] يِينِّي إِتّْوَاحسْبنْ، [خنِّي] نِيثْنِي أَذْ وْشنْ، كُوڒْ إِجّْ إِ يِيخفْ نّسْ، تَّامَانْ ن وصْڒَاحْ إِ سِيذِي غَارْ ؤُسذِّي نْسنْ، [حِيمَا] وَارْ ثتِّيڒِي جّْرِيحشْثْ جَارْ أَسنْ خْ مِينِّي ثنْ غَا ثْحسْبذْ.
EXO 30:13 ذ مَانْ أَيَا إِ غَا وْشنْ نِيثْنِي، كُوڒْ إِجّْ زڭْ إِنِّي غَا إِژْوَانْ غَارْ يِينِّي إِتّْوَاحسْبنْ: أَزْينْ شِيقْلُو عْلَاحْسَابْ شِيقْلُو ن زَّاوشْثْ إِقدّْسنْ - شِيقْلُو-يَا ذ عِيشْرِينْ جِيرَا - أَزْينْ شِيقْلُو-يَا أَذْ يِيڒِي ذ ثَاوْهِيبْثْ ن ؤُسْڭعّذْ إِ سِيذِي.
EXO 30:14 كُوڒْ إِجّْ زڭْ إِنِّي غَا إِژْوَانْ غَارْ يِينِّي إِتّْوَاحسْبنْ، زِي عِيشْرِينْ إِسڭّْوُوسَا سنّجْ، أَذْ إِسّْڭعّذْ ثَاوْهِيبْثْ إِ سِيذِي.
EXO 30:15 بُو-وَاڭْڒَا وَارْ إِتِّيشْ كْثَارْ ؤُ أَمزْڒُوضْ وَارْ إِسّنْقِيسْ زڭْ وزْينْ شِيقْلُو، خْمِي غَا ثسّْڭعّْذمْ ثَاوْهِيبْثْ ن سِيذِي إِ وصْڒَاحْ ن ڒعْمُورْ نْومْ.
EXO 30:16 أَذْ ثكْسِيذْ نُّوقَارْثْ إِ وصْڒَاحْ ن أَيْثْ ن إِسْرَائِيل ؤُشَا أَذْ ت ثْفَارْزذْ إِ ثْسخَّارْثْ ن ؤُقِيضُونْ ن ؤُمْسَاڭَارْ. أَذْ ثِيڒِي ذ ڒِيذَارثْ إِ أَيْثْ ن إِسْرَائِيل زَّاثْ إِ وُوذمْ ن سِيذِي إِ وصْڒَاحْ ن ڒعْمُورْ نْومْ.“
EXO 30:17 إِسِّيوڒْ سِيذِي أَكْ-ذ مُوسَا، إِنَّا:
EXO 30:18 ”أَذْ ثڭّذْ عَاوذْ ثْبَانْيُوثْ ن نّْحَاسْ إِ ؤُسِيرْذْ، أَكْ-ذ ؤُضَارْ ن نُّوقَارْثْ نّسْ إِ خْ ت غَا سَّارْسنْ، مَاحنْذْ أَذْ سِّيرْذنْ [إِخفْ نْسنْ]. أَذْ ت ثسَّارْسذْ جَارْ ؤُقِيضُونْ ن ؤُمْسَاڭَارْ ذ ؤُعَالْطَارْ ؤُشَا أَذْ ذَايسْ ثڭّذْ أَمَانْ،
EXO 30:19 مَاحنْذْ هَارُونْ ذ وَارَّاوْ نّسْ أَذْ زَّايسْ سِّيرْذنْ إِفَاسّنْ نْسنْ ذ إِضَارنْ نْسنْ.
EXO 30:20 خْمِي غَا يَاذْفنْ غَارْ ؤُقِيضُونْ ن ؤُمْسَاڭَارْ أَذْ سِّيرْذنْ س وَامَانْ [حِيمَا] وَارْ تّْمتِّينْ شَا، ؤُڒَا خْمِي د غَا قَارّْبنْ غَارْ ؤُعَالْطَارْ، مَاحنْذْ أَذْ سخَّارنْ خْمِي غَا سّْبخَّارنْ ثَاوْهِيبْثْ ن ثْمسِّي إِ سِيذِي.
EXO 30:21 [خنِّي] أَذْ سِّيرْذنْ إِفَاسّنْ نْسنْ ذ إِضَارنْ نْسنْ حِيمَا وَارْ تّْمتِّينْ شَا. مَانْ أَيَا أَذْ أَسنْ يِيڒِي ذ إِشْثْ ن ثوْصيّثْ إِ ڒبْذَا، إِ نتَّا ؤُ إِ زَّارِيعثْ نّسْ، إِ [مَارَّا] جِّيڒَاثْ نْسنْ.“
EXO 30:22 إِسِّيوڒْ سِيذِي أَكْ-ذ مُوسَا، إِنَّا:
EXO 30:23 ”شكْ، كْسِي ڒخُّو غَاركْ ڒعْطُورْ إِشْنَانْ أَطَّاسْ: خمْسْ-مْيَا [شِيقْلُو] ن مِيرُّو يُوزّْڒنْ أَكْ-ذ ڒْقدّْ ن وزْينْ ن مَانَاونِّي، أَقَا-ث ذ مِيثَاينْ ؤُ-خمْسِينْ [شِيقْلُو] زِي ڒْقَارْفَا إِتّْفُوحنْ ؤُ مِيثَاينْ ؤُ-خمْسِينْ [شِيقْلُو] زڭْ ؤُغَانِيمْ ؤُحمُّومْ إِتّْفُوحنْ،
EXO 30:24 خمْسَا-مْيَا [شِيقْلُو] ن قَاسِّييَا [إِوزّْننْ] عْلَاحْسَابْ شِيقْلُو ن زَّاوشْثْ إِقدّْسنْ، ذ إِجّْ ن ؤُهِينُو ن زّشْثْ ن زِّيثُونْ.
EXO 30:25 أڭّْ زَّايْسنْ إِشْثْ ن زّشْثْ ثَامْقدَّاسْثْ إِ وذْهَانْ، إِجّْ ن ڒعْطُورْ إِخدْجْضنْ عْلَاحْسَابْ صّنْعثْ ن ؤُعطَّارْ. أَيَا أَذْ يِيڒِي ذ إِشْثْ ن زّشْثْ ثَامْقدّسْثْ إِ وذْهَانْ.
EXO 30:26 س مَانْ أَيَا أَذْ ثْذهْنذْ أَقِيضُونْ ن ؤُمْسَاڭَارْ، تَّابُوثْ ن شّْهَاذثْ،
EXO 30:27 ثَازوْضَا أَكْ-ذ مَارَّا ڒقْشُوعْ نّسْ ذ ڒْقنْذِيڒْ أَكْ-ذ مَارَّا ڒقْشُوعْ نّسْ ذ ؤُعَالْطَارْ ن ڒبْخُورْ،
EXO 30:28 ذ ؤُعَالْطَارْ ن وشْمَاضْ أَكْ-ذ مَارَّا ڒقْشُوعْ نّسْ ذ ثْبَانْيُوثْ أَكْ-ذ ؤُضَارْ نّسْ.
EXO 30:29 أَذْ ثسّْقدّْسذْ مَارَّا أَيَا، حِيمَا أَذْ يِيڒِي ذ أَمْقدَّاسْ قَاعْ. مَارَّا وِي غَا إِحَاذَانْ زِي مَانْ أَيَا، أَذْ إِتّْوَاقدّسْ.
EXO 30:30 أَذْ ثْذهْنذْ هَارُونْ ذ وَارَّاوْ نّسْ ؤُشَا أَذْ ثنْ ثسّْقدّْسذْ، حِيمَا [أَذْ] أَيِي [إِڒِينْ] ذ إِكهَّاننْ.
EXO 30:31 أَذْ ثسِّيوْڒذْ أَكْ-ذ أَيْثْ ن إِسْرَائِيل ؤُشَا أَذْ ثِينِيذْ: ’ثَا أَذْ ثِيڒِي ذ إِشْثْ ن زّشْثْ ثَامْقدَّاسْثْ إِ وذْهَانْ إِ نشّْ ذِي [مَارَّا] جِّيڒَاثْ نْومْ.
EXO 30:32 وَارْ إِعدّڒْ أَذْ ت فَارّْغنْ خْ أَرِّيمثْ ن بْنَاذمْ، ؤُ مَامّشْ ثدْجَا وَارْ زَّايسْ تّڭّمْ ؤُتْشْمَاسْ. ثَامْقدَّاسْثْ إِ ثدْجَا ؤُشَا أَذْ ثِيڒِي ذ ثَامْقدَّاسْثْ إِ كنِّيوْ.
EXO 30:33 ونِّي إِ غَا إِسّْوجْذنْ س ڒبْزَارْ [إِشْثْ ن زّشْثْ ن وذْهَانْ] أَمْ ثَانِيثَا ؤُشَا أَذْ زَّايسْ ثْمسْحذْ خْ يِيجّْ ن ؤُبَارَّانِي، أَذْ إِتّْوَاقسّْ زِي ڒْڭنْسْ نّسْ.‘ “
EXO 30:34 إِنَّا سِيذِي إِ مُوسَا: ”كْسِي إِ يِيخفْ نّشْ ڒبْزَارْ إِتّْفُوحنْ: ثُوذِّيمِينْ ن ؤُسرْغَاغْ ذ وقْشُورْ ن ثْشجَّارْثْ ن ڒْقَارْفَا ذ غَالْبَا، ڒبْزَارْ إِتّْفُوحنْ ذ جَّاوِي إِصْفَانْ. [أَذْ يِيڒِي] ڒْقدّْ نّسْ أَمْ ڒْقدّْ ن ونّغْنِي.
EXO 30:35 أڭّْ زَّايسْ إِجّْ ن ڒعْطُورْ، إِجّْ ن ؤُخدْجضْ أَمْ ثنِّي إِڭَّا ؤُعطَّارْ: إِتّْوَامدْجذْ، إِصْفَا، إِقدّسْ.
EXO 30:36 حْرِي-د زَّايسْ ثَانغْذَا ثَازْذَاذْثْ ؤُشَا سَارْسْ [شَا] زَّايسْ زَّاثْ إِ شّْهَاذثْ ذڭْ ؤُقِيضُونْ ن ؤُمْسَاڭَارْ مَانِي أَكِيذكْ غَا مْسَاڭَارغْ. أَذْ أَومْ ثِيڒِي ذ ثَامْقدَّاسْثْ قَاعْ.
EXO 30:37 ڒعْثُورْ نِّي إِ غَا ثڭّذْ، وَارْ ث تّڭّمْ س ؤُخدْجضْ ذ إِجّنْ أَكِيذسْ إِ يِيخفْ نْومْ. أَذْ يِيڒِي ذ أَمْقدَّاسْ إِ شكْ، [أَذْ يِيڒِي] إِ سِيذِي.
EXO 30:38 ونِّي إِ إِڭِّنْ شَا أَمْ وَانِيثَا ؤُشَا أَذْ ث إِشمّْ، أَذْ إِتّْوَاقسّْ زِي ڒْڭنْسْ نّسْ.“
EXO 31:1 إِسِّيوڒْ سِيذِي أَكْ-ذ مُوسَا، إِنَّا:
EXO 31:2 ”خْزَارْ، نشّْ ڒَاغِيغْ-د خْ بَاصَالِييِيلْ، مِّيسْ ن ؤُرِي، مِّيسْ ن حُورْ، زِي ثقْبِيتْشْ ن يَاهُوذَا س يِيسمْ نّسْ.
EXO 31:3 شُّورغْ ث س أَرُّوحْ ن أَربِّي، س ثِيغِيثْ، س ڒعْقڒْ، س ثُوسّْنَا ؤُ س مَارَّا [مِينْ إِتّْخصَّانْ ن] ثْزمَّارْ ن صّْنَايعْ،
EXO 31:4 حِيمَا أَذْ إِخمّمْ إِرقَّامنْ س لْفنّْ، مَاحنْذْ أَذْ [ثنْ] تّڭّنْ س وُورغْ ذ نُّوقَارْثْ ذ نّْحَاسْ،
EXO 31:5 ؤُ حِيمَا أَذْ نقْشنْ إِژْرَا [إِغْڒَانْ] مَاحنْذْ أَذْ ثنْ ڭّنْ [ذِي ثْشُويَارْ نْسنْ]، ؤُ حِيمَا أَذْ نقْشنْ أَكشُّوضْ، حِيمَا [أَمُّو] إِ غَا ڭّنْ مَارَّا ڒْخذْمثْ.
EXO 31:6 أَقَا نشّْ ڭِّيغْ أَكِيذسْ أَهُولِييَابْ، مِّيسْ ن أَخِيسَامَاكْ، زِي ڒَادْجْ ن دَان. ذڭْ وُوڒْ ن مَارَّا [إِنِّي غَارْ إِدْجَا] وُوڒْ ذ أَمِيغِيسْ، ڭِّيغْ ثِيغِيثْ. نِيثْنِي أَذْ ڭّنْ مَارَّا مِينْ خفْ وصِّيغْ:
EXO 31:7 أَقِيضُونْ ن ؤُمْسَاڭَارْ، تَّابُوثْ ن شّْهَاذثْ، ثَاقبَّارْثْ ن وصْڒَاحْ نِّي خَاسْ إِدْجَانْ، ؤُ مَارَّا ڒقْشُوعْ ن ؤُقِيضُونْ:
EXO 31:8 ثَازوْضَا أَكْ-ذ مَارَّا ڒقْشُوعْ نّسْ، ذ ڒْقنْذِيڒْ إِصْفَانْ س مَارَّا ڒقْشُوعْ نّسْ ذ ؤُعَالْطَارْ ن ڒبْخُورْ،
EXO 31:9 أَعَالْطَارْ ن وشْمَاضْ أَكْ-ذ مَارَّا ڒقْشُوعْ نّسْ ذ ثْبَانْيُوثْ س ؤُضَارْ نّسْ،
EXO 31:10 أَرُّوضْ ن ثْسخَّارْثْ ذ وَارُّوضْ إِقدّْسنْ ن هَارُونْ، أَكهَّانْ، ذ وَارُّوضْ ن وَارَّاوْ نّسْ، مَاحنْذْ أَذْ سخَّارنْ أَمْ ؤُكهَّانْ،
EXO 31:11 ذ زّشْثْ إِ وذْهَانْ، ذ ڒبْخُورْ إِتّْفُوحنْ إِ زَّاوشْثْ إِقدّْسنْ. عْلَاحْسَابْ مَارَّا مِينْزِي شكْ ؤُمُورغْ أَذْ ڭّنْ [مَارَّا] أَيَا.“
EXO 31:12 إِسِّيوڒْ سِيذِي أَكْ-ذ مُوسَا، إِنَّا:
EXO 31:13 ”شكْ، سِيوڒْ أَكْ-ذ أَيْثْ ن إِسْرَائِيل، إِنِي: ’أَذْ ثحْضَامْ [ؤُسَّانْ ن] سّبْثْ إِنُو، مِينْزِي [سّبْثْ] ذ ڒعْڒَامثْ جَارْ أَيِي ذ كنِّيوْ، إِ [مَارَّا] جِّيڒَاثْ نْومْ، حِيمَا أَذْ ثسّْنمْ بلِّي نشّْ ذ سِيذِي، ونِّي كنِّيوْ إِسّْقدّْسنْ.
EXO 31:14 حْضَامْ [أَسّْ ن] سّبْثْ، مِينْزِي إِقدّسْ [إِ إِدْجَا] إِ كنِّيوْ! ونِّي ث غَا إِسّْفسْذنْ، أَذْ ث نْغنْ نِيشَانْ، مِينْزِي مَانْ ونْ إِ ذَايسْ غَا إِڭّنْ شَا ن ڒْخذْمثْ، أَذْ إِتّْوَاقْضعْ زِي ڒْوسْطْ ن ڒْڭنْسْ نّسْ.
EXO 31:15 ستَّا ن وُوسَّانْ أَذْ ثڭّذْ ڒْخذْمثْ ؤُشَا ذڭْ وَاسّْ وِيسّْ سبْعَا أَذْ يِيڒِي ذ سّبْثْ، أَرَّاحثْ ثْمُونْ، ثْقدّسْ إِ ثدْجَا إِ سِيذِي! كُوڒْ إِجّْ، ونِّي إِڭِّنْ [شَا ن] ڒْخذْمثْ ذڭْ وَاسّْ ن سّبْثْ، أَذْ ث نْغنْ نِيشَانْ.
EXO 31:16 أَيْثْ ن إِسْرَائِيل أَذْ حْضَانْ [أَسّْ ن] سّبْثْ، أَذْ حْضَانْ سّبْثْ ذِي [مَارَّا] جِّيڒَاثْ نْسنْ [أَمْ] إِجّْ ن ڒْعَاهْذْ إِ ڒبْذَا.
EXO 31:17 [أَذْ ثِيڒِي] ذ إِشْثْ ن ڒعْڒَامثْ جَارْ أَيِي ذ أَيْثْ ن إِسْرَائِيل، مِينْزِي ذِي ستَّا ن وُوسَّانْ إِڭَّا سِيذِي أَجنَّا ذ ثمُّورْثْ ؤُ ذڭْ وَاسّْ وِيسّْ سبْعَا يَاريّحْ، يَارَّا نّفْسْ.“
EXO 31:18 [ڒَْامِي] إِكمّڒْ [سِيذِي] أَوَاڒْ إِ كِيذسْ إِسِّيوْڒنْ خْ وذْرَارْ ن سِينَا، إِوْشَا إِ مُوسَا ثْنَاينْ ن ثڒْوِيحِينْ ن شّْهَاذثْ. [ثُوغَا] ثِيڒْوِيحِينْ نِّي زڭْ وژْرُو، تّْوَارِينْثْ س ؤُضَاضْ ن أَربِّي.
EXO 32:1 [ڒَْامِي] إِژْرَا ڒْڭنْسْ بلِّي مُوسَا إِعطَّاڒْ، وَارْ د-إِهْوِي عَاذْ زڭْ وذْرَارْ، إِنّيْرُو-د ڒْڭنْسْ غَارْ هَارُونْ، نَّانْ أَسْ: ”كَّارْ، أڭّْ أَنغْ إِربِّيثنْ، إِنِّي إِ غَا يُويُورنْ زَّاثْنغْ، مِينْزِي مُوسَا أَيَا، أَرْيَازْ نِّي ذ أَنغْ د-إِسُّوفّْغنْ زِي مِيصْرَا، وَارْ نسِّينْ مِينْ ث يُوغِينْ.“
EXO 32:2 هَارُونْ إِنَّا أَسنْ: ”قڒْعمْ ثِيخْرَازِينْ ن وُورغْ نِّي إِدْجَانْ ذڭْ إِمجَّانْ ن ثمْغَارِينْ نْومْ ؤُ ن إِحنْجِيرنْ نْومْ ؤُڒَا ن يسِّيثْومْ، أَوْيمْ [ثنْثْ-إِ-د] غَارِي.“
EXO 32:3 إِكّسْ مَارَّا ڒْڭنْسْ ثِيخْرَازِينْ ن وُورغْ نِّي إِدْجَانْ ذڭْ إِمجَّانْ نْسنْ ؤُشَا إِوْينْ أَسْ ثنْثْ-إِ-د غَارْ هَارُونْ.
EXO 32:4 نتَّا إِكْسِي [ثنْثْ] زڭْ إِفَاسّنْ نْسنْ ؤُشَا إِشكّڒْ إِ-ثنْثْ س إِميْذِي، إِڭَّا زَّايْسنْثْ إِجّْ ن ؤُعجْمِي ن ؤُفسِّي. [ڒخْذنِّي] نَّانْ: ”[أَ] إِسْرَائِيل، وَا ذ أَربِّي نّشْ، ونِّي شكْ د-إِسُّوفّْغنْ زِي ثمُّورْثْ ن مِيصْرَا.“
EXO 32:5 [ڒَْامِي] إِژْرَا هَارُونْ أَيَا، إِبْنَا إِجّْ ن ؤُعَالْطَارْ زَّاثْ إِ [ؤُعجْمِي] ؤُشَا إِڒَاغَا هَارُونْ، إِنَّا: ”ثِيوشَّا [أَذْ يِيڒِي] ذ ڒْعِيذْ إِ سِيذِي.“
EXO 32:6 ثِيوشَّا نّسْ كَّارنْ زِيشْ ؤُشَا سّْبخَّارنْ ثِيغَارْصَا ن وشْمَاضْ ؤُشَا قدّْمنْ [أَكِيذْسنْثْ] [عَاوذْ] ثِيغَارْصَا ن ڒهْنَا. [خنِّي] إِقِّيمْ ڒْڭنْسْ، إِشَّا، إِسْوَا، إِكَّارْ، مَاحنْذْ أَذْ يڭّْ ڒفْرَايجْ.
EXO 32:7 [خَاسْ ؤُشَا] إِسِّيوڒْ سِيذِي أَكْ-ذ مُوسَا: ”ؤُيُورْ، هْوَا، مِينْزِي ڒْڭنْسْ نّشْ، ونِّي د-ثسُّوفّْغذْ زِي ثمُّورْثْ ن مِيصْرَا، أَقَا إِڭَّا مِينْ وَارْ إِحْڒِينْ.
EXO 32:8 أَقَا فّْغنْ ذغْيَا خْ وبْرِيذْ نِّي خْ ثنْ وصِّيغْ. ڭِّينْ إِجّْ ن ؤُعجْمِي ن ؤُفسِّي إِ يِيخفْ نْسنْ ؤُشَا بنْذْقنْ أَسْ، قدّْمنْ أَسْ ثِيغَارْصَا ؤُشَا نَّانْ: ’أَ إِسْرَائِيل، وَانِيثَا ذ أَربِّي نّشْ، ونِّي شكْ د-إِسُّوفّْغنْ زِي ثمُّورْثْ ن مِيصْرَا.‘ “
EXO 32:9 إِنَّا سِيذِي إِ مُوسَا: ”نشّْ ژْرِيغْ ڒْڭنْسْ-أَ، خْزَارْ، أَقَا-ث ذ إِجّْ ن ڒْڭنْسْ إِقْسحْ!
EXO 32:10 ڒخُّو أجّْ أَيِي أَذْ رَاحغْ، أَذْ أَرغْ أَغْضَابْ إِنُو خَاسنْ ؤُشَا أَذْ ثنْ ثحِّيغْ، ؤُ نشّْ أَذْ شكْ أَرّغْ ذ إِجّْ ن ڒْڭنْسْ إِمْغَارْ.“
EXO 32:11 [مَاشَا] مُوسَا إِزَاوْڭْ زَّاثْ إِ وُوذمْ ن سِيذِي، أَربِّي نّسْ، إِنَّا: ”[أَ] سِيذِي، مَايمِّي غَا يَارغْ وغْضَابْ نّشْ خْ ڒْڭنْسْ نّشْ، ونِّي د-ثسُّوفّْغذْ زِي ثمُّورْثْ ن مِيصْرَا س يِيجّْ ن جّهْذْ إِمْغَارْ ؤُ س ؤُفُوسْ إِجهْذنْ؟
EXO 32:12 مَايمِّي سَّاوَاڒنْ إِمِيصْرِييّنْ جَارْ أَسنْ، قَّارنْ: ’نتَّا إِسُّوفّغْ إِ-ثنْ س نّيّثْ ثَاعفَّانْثْ، مَاحنْذْ أَذْ ثنْ إِنغْ خْ إِذُورَارْ ؤُ مَاحنْذْ أَذْ ثنْ إِثحَّا زڭْ وُوذمْ ن ثمُّورْثْ؟‘ ذْوڒْ خْ ڒْحَاذُوقْ ن وغْضَابْ نّشْ ؤُشَا نْذمْ خْ ثُوعفّْنَا [إِ ثخْسذْ أَذْ ثَارّذْ] خْ ڒْڭنْسْ نّشْ.
EXO 32:13 فكَّارْ ذِي إِبْرَاهِيمْ ذ إِسْحَاقْ ذ إِسْرَائِيل، إِمْسخَّارنْ نّشْ، إِنِّي ؤُمِي ثجُّودْجذْ س يِيخفْ نّشْ ؤُ ثسِّيوْڒذْ أَكِيذْسنْ: ’نشّْ أَذْ أَرْنِيغْ زَّارِيعثْ نْومْ أَمْ يِيثْرَانْ ن ؤُجنَّا ؤُشَا أَذْ وْشغْ مَارَّا ثَامُّورْثْ-أَ إِ خفْ سِّيوْڒغْ إِ زَّارِيعثْ نّشْ ؤُشَا نِيثْنِي أَذْ ت طّْفنْ ذ إِشْثْ ن ڒْوَارْثْ إِ ڒبْذَا.“
EXO 32:14 [خنِّي] إِنْذمْ سِيذِي خْ ثُوعفّْنَا إِ ثُوغَا إِنَّا أَذْ ت يڭّْ خْ ڒْڭنْسْ نّسْ.
EXO 32:15 ؤُشَا إِذْوڒْ-د مُوسَا، إِهْوَا-د زڭْ وذْرَارْ س ثْنَاينْ ن ثڒْوِيحِينْ ن شّْهَاذثْ ذڭْ ؤُفُوسْ نّسْ. ثِيڒْوِيحِينْ-أَ تّْوَارِينْثْ خْ ثْنَاينْ ن إِغزْذِيسنْ نْسنْثْ: تّْوَارِينْثْ خْ يِيجّْ ن ؤُغزْذِيسْ ؤُ خْ ؤُغزْذِيسْ نّغْنِي.
EXO 32:16 ثِيڒْوِيحِينْ ثُوغَا أَثنْثْ ذ ڒْخذْمثْ ن أَربِّي ؤُشَا ثِيرَا نِّي إِنقْشنْ ذِي ثڒْوِيحِينْ ذ ثِيرَا ن أَربِّي.
EXO 32:17 إِسْڒَا يَاشُووَا إِ ڒْحسّْ ن ڒْڭنْسْ إِسْغُويُّو ؤُشَا إِنَّا إِ مُوسَا: ”[أَقَا ذَا]، ڒْحسّْ ن ؤُمنْغِي ذِي ڒْمَارْڭحْ ن ڒْعسْكَارْ.“
EXO 32:18 [مَاشَا] نتَّا إِنَّا: ”وَارْ إِدْجِي ذ ڒْحسّْ ن ؤُسْڒوْڒِيوْ غَارْ ڒغْڒبْ نِيغْ ذ ڒْحسّْ ن ؤُسْغُويِّي غَارْ ثْخسَّارْثْ، مَاشَا مِينْ تّسْڒِيغْ ذ ڒْحسّْ ن إِغُويَّانْ وَارْ إِحْڒِينْ.“
EXO 32:19 ؤُشَا إِمْسَارْ، أَمْ د-إِرحّڭْ غَارْ ڒْمَارْڭحْ ن ڒْعسْكَارْ ؤُشَا إِژْرَا أَعجْمِي ذ شّْضِيحْ [س نُّوبْثَاثْ]، يَارْغَا وغْضَابْ ن مُوسَا ؤُشَا إِنْضَارْ ثِيڒْوِيحِينْ زڭْ إِفَاسّنْ نّسْ، يَارْژَا إِ-ثنْثْ غَارْ إِضَارنْ ن وذْرَارْ.
EXO 32:20 إِطّفْ ؤُعجْمِي نِّي ڭِّينْ، إِسّْشمْضْ إِ-ث ذِي ثْمسِّي، أَڒَامِي إِذْوڒْ ذ إِغّضْ ؤُشَا إِزُّوزَارْ إِ-ث خْ وُوذمْ ن وَامَانْ ؤُشَا يَارَّا أَيْثْ ن إِسْرَائِيل أَذْ [ث] سْونْ.
EXO 32:21 إِنَّا مُوسَا إِ هَارُونْ: ”مِينْ زَّايكْ إِڭَّا ڒْڭنْسْ-أَ أَڒَامِي ذ أَسْ د-ثِيوْيذْ إِجّْ ن دّنْبْ ذ أَمقّْرَانْ أَطَّاسْ؟“
EXO 32:22 هَارُونْ إِنَّا: ”وَارْ يَارقّْ وغْضَابْ ن سِيذِي إِنُو! شكْ ثسّْنذْ ڒْڭنْسْ-أَ، أَقَا-ث ذِي ڒْغَارْ.
EXO 32:23 نَّانْ أَيِي: ’أڭّْ أَنغْ إِربِّيثنْ نِّي غَا يُويُورنْ زَّاثْ إِ ؤُغمْبُوبْ نّغْ، مِينْزِي مُوسَا وَانِيثَا، أَرْيَازْ ونِّي ذ أَنغْ د-إِسُّوفّْغنْ زِي ثمُّورْثْ ن مِيصْرَا، وَارْ نسِّينْ مِينْ ث يُوغِينْ.‘
EXO 32:24 [خنِّي] نِّيغْ أَسنْ: ’وِي غَارْ إِدْجَا ؤُرغْ، أَذْ [ث-إِ-د-]إِكّسْ، ؤُشَا أَذْ أَيِي ث يوْشْ!‘ ؤُشَا نْضَارغْ ث ذِي ثْمسِّي ؤُشَا إِفّغْ-د ؤُعجْمِي-يَا.“
EXO 32:25 [ؤُمِي] إِژْرَا مُوسَا، أَقَا ڒْڭنْسْ إِذْوڒْ ذ إِمْفلّسْ، مِينْزِي هَارُونْ إِجَّا أَفلّسْ [نْسنْ] أَذْ إِذْوڒْ ذ ثَاضحَّاشْثْ جَارْ ڒْعذْيَانْ نْسنْ،
EXO 32:26 إِبدّْ مُوسَا غَارْ وَاذَافْ ن ڒْمَارْڭحْ، إِنَّا: ”مَانْ ونْ إِ إِدْجَانْ إِ سِيذِي، [أَسْ-د ذَا] غَارِي!“ ؤُشَا مُوننْ-د غَارسْ مَارَّا إِحنْجِيرنْ ن لَاوِي.
EXO 32:27 إِنَّا أَسنْ: ”أَمُّو إِ إِقَّارْ سِيذِي، أَربِّي ن إِسْرَائِيل! سَارْسمْ كُوڒْ إِجّْ سِّيفْ نّسْ خْ ثْمصَّاضْثْ نّسْ، عْذُومْ ؤُشَاعقْبمْ خْ ڒْمَارْڭحْ زڭْ وَاذَافْ غَارْ وَاذَافْ [نّغْنِي] ؤُشَا أَذْ إِنغْ كُوڒْ إِجّْ ؤُمَاسْ ذ كُوڒْ إِجّْ ؤُمدُّوكّڒْ نّسْ ذ كُوڒْ إِجّْ جَّارْ نّسْ!“
EXO 32:28 ثَارْوَا ن لَاوِي ڭِّينْ عْلَاحْسَابْ أَوَاڒْ ن مُوسَا. ذڭْ وَاسّْ نِّي وْضَانْ عْڒَاحَاڒْ ثڒْثْ-أَڒَافْ ن يرْيَازنْ ن ڒْڭنْسْ.
EXO 32:29 مُوسَا إِنَّا: ”كْسِيمْ إِفَاسّنْ نْومْ أَسّْ-أَ غَارْ سِيذِي، كُوڒْ إِجّْ خْ مِّيسْ ؤُ خْ ؤُمَاسْ. معْلِيكْ ؤُفِيغْ نتَّا أَذْ إِبَاركْ إِ كنِّيوْ [أَمُّو] أَسّْ-أَ!“
EXO 32:30 ثِيوشَّا نّسْ إِنَّا مُوسَا إِ ڒْڭنْسْ: ”كنِّيوْ ثڭِّيمْ إِجّْ ن دّنْبْ إِمْغَارْ. [عَاذْ] نشّْ أَذْ أَڒْيغْ ڒخُّو غَارْ سِيذِي، بَالَاكْ أَذْ ؤُفِيغْ أَصْڒَاحْ خْ دّنْبْ نْومْ.“
EXO 32:31 إِذْوڒْ-د مُوسَا غَارْ سِيذِي ؤُشَا إِنَّا [أَسْ]: ”[وَايَّاوْ]، ڒْڭنْسْ-أَ إِڭَّا إِجّْ ن دّنْبْ إِمْغَارْ، مِينْزِي ڭِّينْ إِجّْ ن أَربِّي ن وُورغْ إِ يِيخفْ نْسنْ.
EXO 32:32 ڒخُّو، غْفَارْ [أَسنْ] إِ دّنْبْ نْسنْ! نِيغْ مْحَا أَيِي زڭْ وذْلِيسْ نّشْ إِتّْوَانّْضنْ نِّي ثُورِيذْ.“
EXO 32:33 إِنَّا سِيذِي إِ مُوسَا: ”ونِّي خَافِي إِخْضَانْ، ذ وَا إِ غَا مْحِيغْ زڭْ وذْلِيسْ إِنُو إِتّْوَانّْضنْ.
EXO 32:34 رُوحْ ڒخُّو، أَوِي ڒْڭنْسْ-أَ غَارْ مَانِي ذ أَشْ نِّيغْ. أَقَا لْمَالَاكْ إِنُو أَذْ إِرَاحْ زَّاثْ نّشْ! ذڭْ وَاسّْ ن ؤُخدْجصْ إِنُو أَذْ أَسنْ خدْجْصغْ دّْنُوبْ نْسنْ!“
EXO 32:35 [أَمُّو إِ] إِوْثَا سِيذِي ڒْڭنْسْ، مِينْزِي ڭِّينْ أَعجْمِي نِّي إِڭَّا هَارُونْ.
EXO 33:1 إِسِّيوڒْ سِيذِي أَكْ-ذ مُوسَا: ”رُوحْ، ڭعّذْ سَّا، شكْ ذ ڒْڭنْسْ نِّي د-ثسُّوفّْغذْ زِي ثمُّورْثْ ن مِيصْرَا، غَارْ ثمُّورْثْ نِّي خْ جُّودْجغْ إِ إِبْرَاهِيمْ ذ إِسْحَاقْ ذ يَاعْقُوبْ، نِّيغْ: ’إِ زَّارِيعثْ نّشْ أَذْ ت وْشغْ!‘
EXO 33:2 نشّْ أَذْ سّكّغْ زَّاثْ إِ ؤُغمْبُوبْ نّشْ لْمَالَاكْ، ؤُشَا أَذْ أَژّْڒغْ خْ أَيْثْ ن كنْعَانْ ذ إِمُورِييّنْ ذ إِحِيتِّييّنْ ذ إِفِيرِيزِييّنْ ذ إِحِيوِييّنْ ذ إِيِيبُوسِييّنْ
EXO 33:3 [ذڭْ وبْرِيذْ نْومْ] غَارْ إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ. نشّْ [س إِمَانْثْ إِنُو] وَارْ تّْڭِيعِّيذغْ أَكِيذْومْ، حِيمَا وَارْ كنِّيوْ ثتّحِّيغْ ذڭْ وبْرِيذْ، مِينْزِي كنِّيوْ ذ إِجّْ ن ڒْڭنْسْ إِقْسحْ.“
EXO 33:4 ؤُمِي إِسْڒَا ڒْڭنْسْ أَوَاڒْ-أَ أَعفَّانْ، شضْننْ ؤُشَا ؤُڒَا ذ إِجّْ إِڭَّا [عَاذْ] ڒهْزُوطْ نّسْ.
EXO 33:5 أَقَا إِنَّا سِيذِي إِ مُوسَا: ”إِنِي إِ أَيْثْ ن إِسْرَائِيل: ’كنِّيوْ ذ إِجّْ ن ڒْڭنْسْ إِقْسحْ. مَاڒَا ڭعّْذغْ جَارْ أَومْ مْغِيرْ إِجّْ ن ورْمَاشْ، أَذْ كنِّيوْ ثحِّيغْ. [خنِّي] ڒخُّو كّْسمْ ڒهْزُوطْ نْومْ، أَقَا نشّْ أَذْ سّْنغْ مِينْ ذ أَشْ غَا ڭّغْ.‘ “
EXO 33:6 كّْسنْ أَيْثْ ن إِسْرَائِيل ڒهْزُوطْ نْسنْ زڭْ وذْرَارْ ن هُورِيبْ.
EXO 33:7 إِكْسِي مُوسَا أَقِيضُونْ ؤُشَا إِوْثَا [أَقِيضُونْ] بَارَّا إِ ڒْمَارْڭحْ ن ڒْعسْكَارْ، إِڭّْوجْ أَطَّاسْ خْ ڒْمَارْڭحْ، ؤُشَا إِڒَاغَا أَسْ ’أَقِيضُونْ ن ؤُمْسَاڭَارْ‘. كُوڒْ إِجّْ ونِّي ثُوغَا يَارزُّونْ سِيذِي، إِفّغْ غَارْ ؤُقِيضُونْ ن ؤُمْسَاڭَارْ، ونِّي إِدْجَانْ بَارَّا إِ ڒْمَارْڭحْ.
EXO 33:8 ؤُمِي إِفّغْ مُوسَا غَارْ ؤُقِيضُونْ، إِكَّارْ مَارَّا ڒْڭنْسْ، بدّنْ بَارَّا، كُوڒْ إِجّْ غَارْ وَاذَافْ ن ؤُقِيضُونْ نّسْ، ؤُشَا نِيثْنِي خْزَارنْ غَارسْ أَمْ ثِيطَّاوِينْ نْسنْ ضفَّارنْ مُوسَا أَڒَامِي يُوذفْ غَارْ ؤُقِيضُونْ.
EXO 33:9 ؤُمِي يُوذفْ مُوسَا غَارْ ؤُقِيضُونْ، أَقَا أَقلِّيجْ ن ؤُسيْنُو إِهْوَا، إِبدّْ غَارْ وَاذَافْ ن ؤُقِيضُونْ ؤُشَا نتَّا إِسِّيوڒْ أَكْ-ذ مُوسَا.
EXO 33:10 ؤُشَا مَارَّا ڒْڭنْسْ إِژْرَا أَقلِّيجْ ن ؤُسيْنُو إِبدّْ غَارْ وَاذَافْ ن ؤُقِيضُونْ، [خنِّي] إِكَّارْ مَارَّا ڒْڭنْسْ ؤُشَا إِبنْذقْ كُوڒْ إِجّْ غَارْ وَاذَافْ ن ؤُقِيضُونْ نّسْ.
EXO 33:11 إِسِّيوڒْ سِيذِي أَكْ-ذ مُوسَا أَغمْبُوبْ ذڭْ ؤُغمْبُوبْ، أَمْ مَامّشْ إِسِّيوڒْ بْنَاذمْ أَكْ-ذ ؤُمدُّوكّڒْ نّسْ. خنِّي إِعْقبْ-د غَارْ ڒْمَارْڭحْ ن ڒْعسْكَارْ، [مَاشَا] أَمْسخَّارْ نّسْ يَاشُووَا، مِّيسْ ن نُونْ، [ونِّي عَاذْ ذ] أَحُوذْرِي،عمَّارْصْ وَارْ إِبعّذْ خْ ڒْوسْطْ ن ؤُقِيضُونْ.
EXO 33:12 إِنَّا مُوسَا إِ سِيذِي: ”خْزَارْ، شكْ ثنِّيذْ أَيِي: ’نْذهْ ڒْڭنْسْ-أَ!‘، مَاشَا شكْ وَارْ ذ أَيِي ثسّشْنذْ وِي كِيذِي إِ غَا ثسّكّذْ. شكْ ثنِّيذْ: ’نشّْ سّْنغْ شكْ س يِيسمْ نّشْ!‘ ؤُڒَا: ’ثُوفِيذْ أَرْضَا ذِي ثِيطَّاوِينْ إِنُو!‘
EXO 33:13 ڒخُّو خنِّي، مَاڒَا ؤُفِيغْ أَرْضَا ذِي ثِيطَّاوِينْ نّشْ، زَاوْڭغْ شكْ أَذْ أَيِي ثسّشْنذْ أَبْرِيذْ نّشْ، حِيمَا أَذْ شكْ سّْنغْ، مَاحنْذْ أَذْ أَفغْ أَرْضَا ذِي ثِيطَّاوِينْ نّشْ. خْزَارْ، شّعْبْ-أَ ذ ڒْڭنْسْ نّشْ!“
EXO 33:14 إِنَّا: ”[لْمَالَاكْ ن] وُوذمْ إِنُو أَذْ يُويُورْ [أَكِيذكْ] ؤُ نشّْ أَذْ شكْ سَّاريّْحغْ.“
EXO 33:15 [خنِّي] يَارَّا-د خَاسْ: ”مَاڒَا ؤُذمْ نّشْ وَارْ [كِيذْنغْ] إِتّْرِيحْ، وَارْ تّجِّي [خنِّي] أَذْ نْڭعّذْ سَّا!
EXO 33:16 مَامّشْ غَا سّْننْ بلِّي أَقَا ؤُفِيغْ أَرْضَا ذِي ثِيطَّاوِينْ نّشْ، نشّْ ذ ڒْڭنْسْ نّشْ؟ مَا وَارْ إِدْجِي مِينْزِي شكْ ثْرُوحذْ أَكِيذْنغْ، أَقَا نشِّينْ، نشّْ ذ ڒْڭنْسْ نّشْ، نْفَارّزْ خْ كُوڒْ ڒْڭنْسْ إِ إِدْجَانْ خْ وُوذمْ ن ثمُّورْثْ؟“
EXO 33:17 إِنَّا سِيذِي إِ مُوسَا: ”[عَاوذْ] أَذْ ڭّغْ أَوَاڒْ-أَ إِ ثنِّيذْ ؤُمِي ثُوفِيذْ أَرْضَا ذِي ثِيطَّاوِينْ إِنُو ؤُشَا سّْنغْ شكْ س يِيسمْ [نّشْ].“
EXO 33:18 [خَاسْ ؤُشَا] إِنَّا [مُوسَا]: ”زَاوْڭغْ شكْ، سْشنْ أَيِي أَعُودْجِي نّشْ!“
EXO 33:19 إِنَّا: ”نشّْ أَذْ سّعْذُوغْ مَارَّا ثْشُونِي إِنُو زَّاثكْ ؤُشَا أَذْعيّْذغْ إِسمْ ن سِيذِي زَّاثْ إِ ؤُغمْبُوبْ نّشْ ؤُشَا أَذْ حِينّغْ خْ وِي غَا حِينّغْ، أَذْ أَرحْمغْ خْ وِي غَا أَرحْمغْ.“
EXO 33:20 إِنَّا [عَاوذْ]: ”شكْ وَارْ ثْزمَّارذْ أَذْ ثْژَارذْ ؤُذمْ إِنُو، مِينْزِي وَارْ ذ أَيِي إِژَارّْ بْنَاذمْ ؤُشَا أَذْ إِقِّيمْ إِدَّارْ.“
EXO 33:21 [خَاسْ ؤُشَا] إِنَّا سِيذِي: ”خْزَارْ، زَّاثْ إِنُو أَمْشَانْ [مَانِي] غَا ثْبدّذْ خْ ثصْضَارْثْ.
EXO 33:22 خْمِي غَا إِعْذُو ؤُعُودْجِي إِنُو، أَذْ شكْ ڭّغْ ذڭْ إِجّْ ن ؤُفدْجِيقْ ن ثصْضَارْثْ ؤُشَا أَذْ شكْ ذْڒغْ س ثْڒقَّا ن ؤُفُوسْ إِنُو أَڒْ د-ژْوِيغْ.
EXO 33:23 ؤُ خْمِي غَا كّْسغْ أَفُوسْ إِنُو، [خنِّي] أَذْ أَيِي ثْژَارذْ زِي ضفَّارْ، [مَاشَا] وَارْ ثْژَارّذْ ؤُذمْ إِنُو!“
EXO 34:1 سِيذِي إِنَّا إِ مُوسَا: ”قسّْ إِ يِيخفْ نّشْ ثْنَاينْ ن ثڒْوِيحِينْ ن وژْرُو أَمْ ثْمزْوُورَا، ؤُشَا نشّْ أَذْ أَرِيغْ خْ ثڒْوِيحِينْ نِّي أَوَاڒنْ [ذ إِجّنْ] إِ ثُوغَا ذِي ثڒْوِيحِينْ ثِيمزْوُورَا إِ ثَارْژِيذْ.
EXO 34:2 سوْجذْ إِ صّْبحْ ؤُشَا ڭعّذْ ذِي صّْبحْ غَارْ وذْرَارْ ن سِينَا ؤُشَا بدّْ ذِينْ زَّاثِي خْ ثْقِيشّثْ ن وذْرَارْ.
EXO 34:3 وَارْ إِعدّڒْ أَذْ إِڭعّذْ ؤُڒَا ذ إِجّْ ن بْنَاذمْ أَكِيذكْ، نِيغْ أَذْ إِبَانْ حذْ ذڭْ وذْرَارْ أَمْ إِكْمڒْ. ؤُڒَا ذ ؤُدْجِي ذ إِفُونَاسنْ ذ ثْفُونَاسِينْ وَارْ زمَّارنْ أَذْ أَروْسنْ طَّارْفْ إِ وذْرَارْ.“
EXO 34:4 [خنِّي] إِقسّْ ثْنَاينْ ن ثڒْوِيحِينْ ن وژْرُو أَمْ ثْمزْوُورَا، ؤُشَا إِكَّارْ مُوسَا ذِي صّْبحْ زِيشْ ؤُشَا إِڭعّذْ غَارْ وذْرَارْ ن سِينَا أَمْ مَامّشْ ث إِوصَّا سِيذِي ؤُشَا يِيوِي [أَكِيسْ] ذڭْ ؤُفُوسْ نّسْ ثْنَاينْ ن ثڒْوِيحِينْ ن وژْرُو.
EXO 34:5 إِهْوَا-د سِيذِي ذڭْ ؤُسيْنُو، إِبدّْ أَكِيذسْ ذِينْ ؤُشَا إِڒَاغَا س يِيسمْ ن ’سِيذِي‘.
EXO 34:6 إِژْوَا سِيذِي زَّاثْ إِ ؤُغمْبُوبْ نّسْ ؤُشَا إِعيّذْ: ”سِيذِي، سِيذِي، أَربِّي، ذ ونِّي إِشُّورنْ س أَرّحْمثْ ذ ثحْنُونشْثْ، غَارسْ تَّاسِيعْ ن ڒْخَاضَارْ، ذَايسْ أَطَّاسْ ن ثْمخْسِيوْثْ إِشوَّارنْ ذ ڒَامَانْ،
EXO 34:7 ذ ونِّي إِحطَّانْ ثَامخْسِيوْثْ [نّسْ] إِشوَّارنْ إِ ڒُوڒُوفْ، ذ ونِّي إِغفَّارنْ ڒْمُوعْصِييّثْ ذ خطُّو ذ دّْنُوبْ، ذ ونِّي وَارْ إِتّْبَارِّينْ ونِّي إِتّڭّنْ دّنْبْ، ذ ونِّي د-يَارزْفنْ ڒْمُوعْصِييّثْ ن إِبَابَاثنْ ذڭْ إِحنْجِيرنْ ؤُ ذڭْ إِحنْجِيرنْ ن إِحنْجِيرنْ نْسنْ أَڒْ [جِّيڒْ] وِيسّْ ثْڒَاثَا ذ وِيسّْ أَربْعَا.“
EXO 34:8 مُوسَا يُوضَارْ [س وُوذمْ نّسْ] غَارْ ثمُّورْثْ ؤُشَا إِبنْذقْ.
EXO 34:9 إِنَّا: ”[أَ] سِيذِي إِنُو، مَاڒَا ؤُفِيغْ خنِّي أَرْضَا ذِي ثِيطَّاوِينْ نّشْ، أَذْ يُويُورْ خنِّي سِيذِي إِنُو ذِي ڒْوسْطْ نّغْ، مِينْزِي ڒْڭنْسْ إِقْسحْ. غْفَارْ أَنغْ ڒْمُوعْصِييّثْ نّغْ ؤُ قْبڒْ أَنغْ ذ ڒْوَارْثْ نّشْ!“
EXO 34:10 نتَّا إِنَّا: ”خْزَارْ، نشّْ أَذْ ڭّغْ ڒْعَاهْذْ. زَّاثْ إِ مَارَّا ڒْڭنْسْ نّكْ، أَذْ ڭّغْ ڒعْجَايبْ وَارْ إِتّْوَاڭّنْ شَا ذِي مَارَّا ثَامُّورْثْ ؤُ جَارْ مَارَّا ڒڭْنُوسْ، أَڒَامِي مَارَّا ڒْڭنْسْ ذِي ڒْوسْطْ نّسْ إِ زِي ثدْجِيذْ، أَذْ إِژَارْ مِينْ إِڭَّا سِيذِي، مِينْزِي مِينْ غَا ڭّغْ أَكِيذكْ أَذْ إِسّڭّْوذْ أَطَّاسْ.
EXO 34:11 حْضَا مِينْ خْ شكْ وصِّيغْ أَسّْ-أَ! خْزَارْ، أَذْ أَژّْڒغْ زَّاثْ إِ ؤُغمْبُوبْ نّشْ خْ إِمُورِييّنْ ذ أَيْثْ ن كنْعَانْ ذ إِحِيتِّييّنْ ذ إِفِيرِيزِييّنْ ذ إِحِيوِييّنْ ذ إِيِيبُوسِييّنْ.
EXO 34:12 غَاركْ أَذْ ثڭّذْ ڒْعَاهْذْ أَكْ-ذ ؤُمزْذُوغْ ن ثمُّورْثْ مَانِي غَا ثَاذْفذْ، حِيمَا نتَّا وَارْ ذ أَشْ إِتِّيڒِي ذ ڒْفخْ ذِي ڒْوسْطْ نّشْ.
EXO 34:13 إِتّْخصَّا أَومْ أَذْ ثْغضْڒمْ إِعَالْطَارنْ نْسنْ ؤُ أَذْ ثَارْژَامْ إِمَايْضُوثنْ نْسنْ [إِقدّْسنْ] ؤُ أَذْ ثْهذْممْ ثِيربِّينْ نْسنْ ن شْوَارْثِي.
EXO 34:14 وَارْ تّْبنْذِيقْ إِ أَربِّي نّغْنِي، مِينْزِي سِيذِي، ونِّي ؤُمِي قَّارنْ ’أَنسَّامْ‘، أَقَا-ث ذ إِجّْ ن أَربِّي إِتَّاسْمنْ.
EXO 34:15 غَاركْ أَذْ ثڭّذْ ڒْعَاهْذْ أَكْ-ذ إِمزْذَاغْ ن ثمُّورْثْ، ؤُشَا [خنِّي] أَذْ سّْفسْذنْ نِيثْنِي إِخفْ نْسنْ ؤُمِي غَا ذوْڒنْ أَوَارْنِي إِ إِربِّيثنْ نْسنْ، أَذْ قدّْمنْ ثِيغَارْصَا إِ إِربِّيثنْ نْسنْ، ؤُشَا أَذْ شكْ عَارْضنْ إِ مَاشَّا ن ثْغَارْصَا نْسنْ.
EXO 34:16 أَذْ ثكْسِيذْ ثِيحنْجِيرِينْ نْسنْ [ذ ثِيمْغَارِينْ] إِ إِحنْجِيرنْ نّشْ، [مَاشَا] أَذْ سّْفسْذنْثْ ثْحنْجِيرِينْ نْسنْ إِخفْ نْسنْثْ ؤُمِي غَا ذوْڒنْ أَوَارْنِي إِ إِربِّيثنْ نْسنْثْ ؤُشَا أَذْ أَرّنْثْ إِحنْجِيرنْ نّشْ أَذْ ذوْڒنْ أَوَارْنِي إِ إِربِّيثنْ نْسنْثْ.
EXO 34:17 وَارْ تّڭّْ إِ يِيخفْ نّشْ إِربِّيتّنْ ن ؤُفسَّايْ.
EXO 34:18 أَذْ ثحْضِيضْ ڒْعِيذْ ن وغْرُومْ بْڒَا أَنْثُونْ: سبْعَا ن وُوسَّانْ أَذْ ثشّذْ أَغْرُومْ بْڒَا أَنْثُونْ، ذِي ڒْوقْثْ إِتّْوَاڭّنْ ذڭْ ؤُيُورْ أَبِيبْ، أَمْ مَامّشْ شكْ وصِّيغْ، مِينْزِي ذڭْ ؤُيُورْ أَبِيبْ إِ د-ثفّْغذْ زِي مِيصْرَا.
EXO 34:19 مَارَّا مِينْ يَارزّْمنْ ڒمْڒَاوثْ [ذ أَمزْوَارُو] إِنُو، مَارَّا إِوثْمَانْ ن ڒبْهَايمْ نّشْ إِ غَا يَارْزّْمنْ [ڒمْڒَاوثْ ذ أَمزْوَارُو]، أَمْ ونِّي ن ؤُفُونَاسْ، أَمْ ونِّي ن وُودْجِي.
EXO 34:20 [مَاڒَا] أَمنْزُو ن وغْيُوڒْ يَارْزمْ [ڒمْڒَاوْرَاثْ ذ أَمزْوَارُو]، أَذْ ث ثفْذِيذْ س يِيجّْ زڭْ وُودْجِي. مَاڒَا وَارْ ث ثفْذِيذْ، أَذْ أَسْ ثَارْژذْ إِرِي. أَذْ ثفْذِيذْ مَارَّا إِمنْزَا ن إِحنْجِيرنْ نّشْ. وَارْ إِعدّڒْ أَذْ ضْهَارنْ س إِفَاسّنْ خْوَانْ زَّاثْ إِ وُوذمْ إِنُو.
EXO 34:21 ستَّا ن وُوسَّانْ أَذْ ثْخذْمذْ، [مَاشَا] ذڭْ وَاسّْ وِيسّْ سبْعَا أَذْ ثَاريّْحذْ. ؤُڒَا ذِي [ڒْْوقْثْ ن] ثْيَارْزَا ذ ثْميْرَا أَذْ ثَاريّْحذْ.
EXO 34:22 أَذْ ثڭّذْ ڒْعِيذْ ن سِيمَانَاثْ، أَقَا-ث ذ [ڒْعِيذْ ن] ثْمنْزُوثْ ن ثْميْرَا ن يِيرْذنْ، ؤُڒَا ذ ڒْعِيذْ ن ؤُسْمُونِي غَارْ ؤُنڭَّارْ ن ؤُسڭّْوَاسْ.
EXO 34:23 كُوڒْ أَرْيَازْ أَذْ د-إِبَانْ ثْڒَاثَا ن ثْوَاڒَاوِينْ ذڭْ ؤُسڭّْوَاسْ زَّاثْ إِ وُوذمْ ن سِيذِي، سِيذِي، أَربِّي ن إِسْرَائِيل،
EXO 34:24 مِينْزِي زَّاثْ إِ ؤُغمْبُوبْ نّشْ أَذْ كّْسغْ ثَاسْغَارْثْ ن ڒْوَارْثْ خْ ڒڭْنُوسْ ؤُشَا أَذْ سّْوسْعغْ إِيْمِيرنْ نّشْ ؤُشَا ؤُڒَا ذ إِجّنْ أَذْ إِمّژْرِي [أَذْ يَاشَارْ] ثَامُّورْثْ نّشْ، خْمِي غَا ثْڭعّْذذْ ثْڒَاثَا ن ثْوَاڒَاوِينْ ذڭْ ؤُسڭّْوَاسْ، حِيمَا أَذْ ثْبَانذْ زَّاثْ إِ وُوذمْ ن سِيذِي، أَربِّي نّشْ.
EXO 34:25 وَارْ تّْقدّمْ إِذَامّنْ ن ثْغَارْصْثْ إِنُو أَكْ-ذ مِينْ إِخمَّارنْ. ثَاغَارْصْثْ ن ڒْعِيذْ [ن ثْغَارْصْثْ] ن ؤُسعْذُو وَارْ تّْنُوسِي دْجِيڒثْ أَڒْ صّْبحْ.
EXO 34:26 ثَامزْوَارُوثْ ن ثْمنْزُوثْ ن وُوذمْ ن ثمُّورْثْ نّشْ أَذْ [ت]-إِ-د-ثَاوْيذْ غَارْ ثَادَّارْثْ ن سِيذِي، أَربِّي نّشْ. وَارْ سْننِّي إِغَايْضْ ذ أَمژْيَانْ س ؤُغِي ن يمَّاسْ.“
EXO 34:27 إِنَّا سِيذِي إِ مُوسَا: ”أَرِي أَوَاڒنْ-أَ إِ يِيخفْ نّشْ، مِينْزِي أَمْ مَامّشْ قَّارنْ وَاوَاڒنْ-أَ، أَقَا ڭِّيغْ ڒْعَاهْذْ أَكِيذكْ ؤُ أَكْ-ذ إِسْرَائِيل.“
EXO 34:28 ؤُشَا [مُوسَا] ثُوغَا ذِينْ أَكْ-ذ سِيذِي أَربْعِينْ ن وُوسَّانْ ذ أَربْعِينْ ن دْجْيَاڒِي. وَارْ إِشِّي أَغْرُومْ نِيغْ إِسْوَا أَمَانْ. ؤُشَا يُورَا ذِي ثڒْوِيحِينْ أَوَاڒنْ ن ڒْعَاهْذْ،عشْرَا ن وَاوَاڒنْ.
EXO 34:29 [ڒَْامِي] د-إِهْوَا مُوسَا زڭْ وذْرَارْ ن سِينَا، أَمْ ثُوغَا ثْنَاينْ ن ثڒْوِيحِينْ ن شّْهَاذثْ ذڭْ إِفَاسّنْ ن مُوسَا أَمْ د-إِهْوَا زڭْ وذْرَارْ، إِمْسَارْ أَقَا وَارْ إِسِّينْ مُوسَا بلِّي ثِيڒْمشْثْ ن ؤُغمْبُوبْ نّسْ ثَارقّْ مِينْزِي ثُوغَا أَكِيذسْ إِسَّاوَاڒْ.
EXO 34:30 هَارُونْ ذ مَارَّا أَيْثْ ن إِسْرَائِيل صوْضنْ غَارْ مُوسَا، ؤُ خْزَارْ، ثِيڒْمشْثْ ن وُوذمْ نّسْ ثُوغَا ثَارقّْ، ڭّْوذنْ أَذْ غَارسْ د-قَارّْبنْ.
EXO 34:31 إِڒَاغَا-د خَاسنْ مُوسَا ؤُشَا إِذْوڒْ-د هَارُونْ ذ مَارَّا ڒْحُوكَّامْ ن ثْمسْمُونْثْ غَارسْ ؤُشَا إِسِّيوڒْ مُوسَا أَكِيذْسنْ.
EXO 34:32 أَوَارْنِي أَسْ قَارّْبنْ-د مَارَّا أَيْثْ ن إِسْرَائِيل ؤُشَا نتَّا يُومُورْ إِ-ثنْ مَارَّا مِينْ خفْ إِسِّيوڒْ سِيذِي أَكِيذسْ ذڭْ وذْرَارْ ن سِينَا.
EXO 34:33 [ڒَْامِي] إِكمّڒْ مُوسَا أَوَاڒْ نّسْ أَكِيذْسنْ، إِڭَّا أَڒحَّافْ خْ وُوذمْ نّسْ.
EXO 34:34 [خْمِي] إِ غَا يِيڒِي مُوسَا زَّاثْ إِ وُوذمْ ن سِيذِي حِيمَا أَذْ كِيذسْ إِسِّيوڒْ، إِكّسْ أَڒحَّافْ، أَڒْ د-إِفّغْ [عَاوذْ]. ؤُ ڒَامِي د-إِفّغْ غَارْ بَارَّا، إِسِّيوڒْ أَكْ-ذ أَيْثْ ن إِسْرَائِيل مِينْ ذ أَسْ يُومُورْ [سِيذِي].
EXO 34:35 ؤُشَا ژْرِينْ أَيْثْ ن إِسْرَائِيل أَغمْبُوبْ ن مُوسَا، أَقَا ثِيڒْمشْثْ ن وُوذمْ نّسْ ثَارقّْ، [خنِّي] يَارَّا مُوسَا أَڒحَّافْ خْ وُوذمْ نّسْ، أَڒْ د-يُوذفْ [عَاوذْ]، حِيمَا أَكِيذسْ إِسِّيوڒْ.
EXO 35:1 مُوسَا إِسّْمُونْ مَارَّا ثَامسْمُونْثْ ن أَيْثْ ن إِسْرَائِيل ؤُشَا إِنَّا أَسنْ: ”إِنَا ذ أَوَاڒنْ نِّي يُومُورْ سِيذِي، حِيمَا أَذْ ثنْ ثڭّمْ.
EXO 35:2 ستَّا ن وُوسَّانْ أَذْ ثڭّذْ ڒْخذْمثْ ؤُ أَسّْ وِيسّْ سبْعَا أَذْ أَومْ يِيڒِي إِقدّسْ، أَقَا ذ سّبْثْ، أَرَّاحثْ ثْمُونْ إِ سِيذِي. كُوڒْ إِجّْ، ونِّي ذَايسْ إِڭِّنْ [شَا ن] ڒْخذْمثْ، أَذْ إِتّْوَانغْ.
EXO 35:3 وَارْ ثسّْرُوغِيمْ كنِّيوْ ثِيمسِّي ذِي مَارَّا ثِيزذِّيغِينْ نْومْ ذڭْ وَاسّْ ن سّبْثْ.“
EXO 35:4 إِسِّيوڒْ مُوسَا أَكْ-ذ مَارَّا ثَامسْمُونْثْ ن أَيْثْ ن إِسْرَائِيل، إِنَّا: ”ذ وَا ذ مِينْ إِوصَّا سِيذِي، [ؤُمِي] إِنَّا:
EXO 35:5 ’كْسِيمْ زِي مِينْ غَارْومْ إِشْثْ ن ثوْهِيبْثْ ن ؤُسْڭعّذْ إِ سِيذِي. كُوڒْ إِجّْ، ونِّي ؤُمِي ينُّورْزمْ وُوڒْ نّسْ، أَذْ ت يَاوِي، أَقَا-ت ذ ثَاوْهِيبْثْ ن ؤُسْڭعّذْ إِ سِيذِي: ؤُرغْ ذ نُّوقَارْثْ ذ نّْحَاسْ،
EXO 35:6 [أَفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ذ ڒقْطنْ أَزْذَاذْ ذ شّْعَارْ ن إِغَايْضنْ،
EXO 35:7 إِڒْمَاونْ إِزڭّْوَاغنْ ن إِشَارِّييّنْ ذ إِڒْمَاونْ ن دّنْفِيڒَاثْ ذ ؤُكشُّوضْ ن ؤُكَاسِييَا،
EXO 35:8 زّشْثْ إِ ثْفَاوْثْ، ڒعْطُورْ إِ زّشْثْ ن وذْهَانْ ؤُ إِ ڒبْخُورْ إِتّْفُوحنْ،
EXO 35:9 إِژْرَا ن ؤُنِيكْسْ ذ إِژْرَا [إِغْڒَانْ نّغْنِي]، مَاحنْذْ أَذْ ثنْ ڭّنْ خْ ؤُپَالْطُو ؤُ خْ ثجْمشْثْ.
EXO 35:10 مَارَّا إِنِّي [إِدْجَانْ] جَارْ أَومْ س وُوڒْ ذ أَمِيغِيسْ، أَذْ د-أَسنْ أَذْ ڭّنْ مَارَّا مِينْ يُومُورْ سِيذِي:
EXO 35:11 ثَازذِّيغْثْ، أَقِيضُونْ نّسْ ذ ثْسقَّافْثْ نّسْ ذ ثْسنَّارِينْ نّسْ ذ ثْفڒْوِينْ نّسْ ذ ثْحنْيَا نّسْ ن ؤُعَارّضْ ذ إِپِيلَارنْ نّسْ ذ ثْيَارْسَاوِينْ نّسْ،
EXO 35:12 ذ تَّابُوثْ أَكْ-ذ إِعُومَاذْ نّسْ [إِ ثَاربُّوثْ] ذ ثْقبَّارْثْ ن وصْڒَاحْ ذ ؤُڒحَّافْ إِ دُّورِي،
EXO 35:13 ذ ثْزوْضَا أَكْ-ذ إِعُومَاذْ نّسْ [إِ ثَاربُّوثْ] ذ مَارَّا ڒقْشُوعْ نّسْ ذ وغْرُومْ ن وسْشَانْ،
EXO 35:14 ذ ڒْقنْذِيڒْ إِ ثْفَاوْثْ ذ ڒقْشُوعْ نّسْ ذ ثفْثِيڒِينْ نّسْ ذ زّشْثْ إِ ثْفَاوْثْ
EXO 35:15 ذ ؤُعَالْطَارْ ن ڒبْخُورْ أَكْ-ذ إِعُومَاذْ نّسْ [إِ ثَاربُّوثْ] ذ زّشْثْ إِ وذْهَانْ ذ ڒبْخُورْ إِتّْفُوحنْ ذ أَرْوَاقْ ن وَاذَافْ غَارْ وَاذَافْ ن ثْزذِّيغْثْ،
EXO 35:16 ذ ؤُعَالْطَارْ ن وشْمَاضْ ذ ثْرَاشَّا نّسْ ن نّْحَاسْ ذ إِعُومَاذْ نّسْ [إِ ثَاربُّوثْ] ذ مَارَّا ڒقْشُوعْ نّسْ ذ ثْبَانْيُوثْ س ؤُضَارْ نّسْ،
EXO 35:17 ذ ڒِيزَارَاثْ ن ڒمْرَاحْ، إِپِيلَارنْ نّسْ أَكْ-ذ ثْيَارْسَاوِينْ نْسنْ ذ أَرْوَاقْ إِ وَاذَافْ ن ڒمْرَاحْ،
EXO 35:18 ذ ڒوْثَاذْ ن ثْزذِّيغْثْ ذ ڒوْثَاذْ ن ڒمْرَاحْ ذ إِفِيڒَانْ نْسنْ،
EXO 35:19 أَرُّوضْ إِ ڒْخذْمثْ ذڭْ ؤُقدَّاسْ، أَرُّوضْ إِقدّْسنْ ن ؤُكهَّانْ هَارُونْ ذ وَارُّوضْ ن وَارَّاوْ نّسْ، مَاحنْذْ أَذْ خذْمنْ أَمْ يِيكهَّاننْ.‘ “
EXO 35:20 [خنِّي] فّْغنْ نِيثْنِي، مَارَّا ثَامسْمُونْثْ ن أَيْثْ ن إِسْرَائِيل، [ڭّْوجنْ] زِي زَّاثْ ن ؤُغمْبُوبْ ن مُوسَا.
EXO 35:21 [خنِّي] يُوسَا-د كُوڒْ إِجّْ، ونِّي ؤُمِي إِنْهزّْ وُوڒْ نّسْ، ؤُ مَارَّا ونِّي ؤُمِي إِنُّورْزمْ بُوحْبڒْ نّسْ، ؤُشَا إِوْينْ-د نِيثْنِي ثَاوْهِيبْثْ ن ؤُسْڭعّذْ، [ثنِّي سّْڭعّْذنْ نِيثْنِي غَارْ] سِيذِي، ذ ثنِّي إِ غَا يِيڒِينْ إِ ؤُقِيضُونْ ن ؤُمْسَاڭَارْ ؤُ إِ ثْسخَّارْثْ إِ ذَايسْ ؤُ إِ وَارُّوضْ إِقدّْسنْ.
EXO 35:22 [أَمُّو] د-ؤُسِينْ إِرْيَازنْ جْمِيعْ أَكْ-ذ ثمْغَارِينْ، مَارَّا إِنِّي ؤُمِي إِنُّورْزمْ وُوڒْ [نْسنْ] ؤُشَا إِوْينْ-د ثِيمسَّاكِينْ ذ ثخْرَازِينْ ن ؤُمزُّوغْ ذ ثِينْزَارْ ذ ثْخُوذَانْ [ن ؤُشمِّيعْ] ذ ثْسذِّييِينْ س وذْمَامْ ن وُورغْ ذ مَارَّا ڒقْشُوعْ ن وُورغْ، [وَاهْ،] كُوڒْ  إِجّنْ يِيوِي إِشْثْ ن ثوْهِيبْثْ ن ونْهزِّي ن وُورغْ إِ سِيذِي.
EXO 35:23 مَارَّا وِي غَارْ إِتّْوَافْ [أَفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ نِيغْ ڒقْطنْ أَزْذَاذْ نِيغْ شّْعَارْ ن إِغَايْضنْ نِيغْ إِڒْمَاونْ إِزڭّْوَاغنْ ن إِشَارِّييّنْ نِيغْ إِڒْمَاونْ ن دّنْفِيڒَاثْ، إِوْينْ-د [مَانْ أَيَا].
EXO 35:24 مَارَّا وِي إِسّْڭعّْذنْ ثَاوْهِيبْثْ ن نُّوقَارْثْ نِيغْ ن نّْحَاسْ، إِوْينْ ثَاوْهِيبْثْ-أَ ن ؤُسْڭعّذْ غَارْ سِيذِي، ذ مَارَّا وِي غَارْ إِتّْوَافْ ؤُكشُّوضْ ن ؤُكَاسِييَا إِ مَارَّا ڒْخذْمثْ ن ثْسخَّارْثْ، إِوْينْ [مَانْ أَيَا].
EXO 35:25 مَارَّا ثِيمْغَارِينْ س وُوڒْ أَمِيغِيسْ تّْقَارْضْشنْثْ س إِفَاسّنْ نْسنْثْ ؤُشَا نِيثنْثِي إِوْينْثْ-إِ-د مِينْ قَارضْشنْثْ: [أَفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ذ ڒقْطنْ أَزْذَاذْ.
EXO 35:26 مَارَّا ثِيمْغَارِينْ نِّي ؤُمِي إِنْهزّْ وُوڒْ نْسنْثْ س ثِيغِيثْ، قَارضْشنْثْ شّْعَارْ ن إِغَايْضنْ.
EXO 35:27 ڒْحُوكَّامْ إِوْينْ-د إِژْرَا ن ؤُنِيكْسْ ذ إِژْرَا [إِغْڒَانْ نّغْنِي]، حِيمَا أَذْ ثنْ ڭّنْ خْ ؤُپَالْطُو ؤُ خْ ثجْمشْثْ،
EXO 35:28 ڒعْطُورْ ذ زّشْثْ إِ ثْفَاوْثْ ذ زّشْثْ إِ وذْهَانْ ؤُ إِ ڒبْخُورْ إِتّْفُوحنْ.
EXO 35:29 أَيْثْ ن إِسْرَائِيل وْشِينْ س ڒْخَاضَارْ إِ سِيذِي، مَارَّا إِرْيَازنْ ذ ثمْغَارِينْ، إِنِّي ؤُمِي إِنْهزّْ وُوڒْ نْسنْ، مَاحنْذْ أَذْ وْشنْ س ڒْخَاضَارْ إِ مَارَّا ڒْخذْمثْ نِّي يُومُورْ سِيذِي، حِيمَا أَذْ ثتّْوَاڭّْ س ثْسخَّارْثْ ن مُوسَا.
EXO 35:30 [خنِّي] إِنَّا مُوسَا إِ أَيْثْ ن إِسْرَائِيل: ”خْزَارمْ، سِيذِي إِڒَاغَا-د إِ بَاصَالِييِيلْ، مِّيسْ ن ؤُرِي، مِّيسْ ن حُورْ، زِي ڒَادْجْ ن يَاهُوذَا، س يِيسمْ [نّسْ].
EXO 35:31 إِشُّورْ إِ-ث أَرُّوحْ ن أَربِّي س ثِيغِيثْ ذ ڒعْقڒْ ذ ثُوسّْنَا ؤُ س مَارَّا [مِينْ إِتّْخصَّانْ ن] ثْزمَّارْ ن صّْنَايعْ
EXO 35:32 إِ ؤُخمّمْ ن [عْڒَامْ كُوڒْ] إِرقَّامنْ، حِيمَا أَذْ ثنْ يڭّْ س وُورغْ ذ نُّوقَارْثْ ذ نّْحَاسْ،
EXO 35:33 ؤُ إِ ؤُنقَّاشْ ن إِژْرَا [إِغْڒَانْ] ذ ؤُسَارْسِي نْسنْ، ؤُ إِ ؤُنقَّاشْ ن ؤُكشُّوضْ ؤُ حِيمَا أَذْ إِڭّْ مَارَّا إِرقَّامنْ س لْفنّْ.
EXO 35:34 إِڭَّا [أَربِّي] ذڭْ وُوڒْ نّسْ ثَاونْڭِيثْ إِ ؤُسڒْمذْ، [ذڭْ وُوڒْ] نّسْ ؤُ [ذڭْ وُوڒْ ن] أَهُولِييَابْ، مِّيسْ ن أَخِيسَامَاكْ، زِي ڒَادْجْ ن دَان.
EXO 35:35 إِشُّورْ إِ-ثنْ س ثِيغِيثْ ن وُوڒْ، مَاحنْذْ أَذْ ڭّنْ مَارَّا ڒْخذْمثْ: [ڒْخذْمثْ ن] ثَانقَّاشْثْ ذ وَارْشَامْ ذ ؤُمُوذِي س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ذ ڒقْطنْ أَزْذَاذْ ؤُڒَا ذ [ڒْخذْمثْ ن] ؤُخيَّاضْ.“ نِيثْنِي ڭِّينْ كُوڒْ ڒْخذْمثْ ؤُ تّْسَاقَارنْ أَرْشَامنْ س لْفنّْ.
EXO 36:1 بَاصَالِييِيلْ ذ أَهُولِييَابْ ذ كُوڒْ أَرْيَازْ س وُوڒْ أَمِيغِيسْ إِ ؤُمِي إِوْشَا سِيذِي ثِيغِيثْ ذ ڒعْقڒْ، مَاحنْذْ أَذْ سّْننْ مَامّشْ غَا ڭّنْ مَارَّا ڒْخذْمثْ إِ ثْسخَّارْثْ ن زَّاوشْثْ إِقدّْسنْ، ڭِّينْ مَارَّا أَمْ مَامّشْ ثنْ يُومُورْ سِيذِي.
EXO 36:2 مُوسَا إِڒَاغَا-د إِ بَاصَالِييِيلْ ذ أَهُولِييَابْ ذ كُوڒْ أَرْيَازْ س وُوڒْ أَمِيغِيسْ، ؤُمِي إِڭَّا سِيذِي ثِيغِيثْ ذڭْ وُوڒْ نّسْ، ؤُڒَا مَارَّا ونِّي ؤُمِي إِنْهزّْ وُوڒْ نّسْ، مَاحنْذْ أَذْ د-يَاسْ غَارْ ڒْخذْمثْ ؤُشَا أَذْ ت إِڭّْ.
EXO 36:3 نِيثْنِي كْسِينْ زِي زَّاثْ ن وُوذمْ ن مُوسَا مَارَّا ثَاوْهِيبْثْ نِّي سّْڭعّْذنْ أَيْثْ ن إِسْرَائِيل إِ ڒْخذْمثْ ذِي طّْوعْ نِي ثْسخَّارْثْ ن زَّاوشْثْ إِقدّْسنْ، مَاحنْذْ أَذْ ڭّنْ ڒْخذْمثْ نِّي. ؤُشَا [أَقَا] عَاذْ ڭِّينْ أَذْ أَسْ د-أَوْينْ كُوڒْ صّْبحْ ثِيوْهِيبِينْ س ڒْخَاضَارْ.
EXO 36:4 [خنِّي] ؤُسِينْ-د مَارَّا إِرْيَازنْ إِمِيغِيسنْ، إِنِّي ثُوغَا إِشغْڒنْ خْ مَارَّا ڒْخذْمثْ ن زَّاوشْثْ إِقدّْسنْ، إِجّْ إِجّْ ذوْڒنْ-د زِي ڒْخذْمثْ نِّي ڭِّينْ نِيثْنِي،
EXO 36:5 ؤُشَا سِّيوْڒنْ أَكْ-ذ مُوسَا، نَّانْ: ”ڒْْڭنْسْ يِيوِي-د كْثَارْ زِي مِينْ إِتّْخصَّانْ ذِي طّْوعْ نْ ڒْخذْمثْ نِّي إِ [ذ أَنغْ] يُومُورْ سِيذِي، حِيمَا أَذْ ت نڭّْ.“
EXO 36:6 [خَاسْ ؤُشَا] يُومُورْ مُوسَا، حِيمَا أَذْ بَارّْحنْ ذِي ڒْمَارْڭحْ ن ڒْعسْكَارْ، أَذْ إِنِينْ: ”وَارْ تّجِّي أَرْيَازْ نِيغْ ثَامْغَارْثْ عَاذْ أَذْ يڭّْ شَا ن ڒْخذْمثْ نِّي إِ غَا إِسّْڭعّذْ ذ ثَاوْهِيبْثْ إِ زَّاوشْثْ إِقدّْسنْ!“ أَمُّو إِ إِسّْبدّْ [مُوسَا] ڒْڭنْسْ أَذْ يَاوِي [عَاذْ كْثَارْ]،
EXO 36:7 مِينْزِي شْفَا ثِيمسْڒَايِينْ نِّي ذ إِوْينْ إِ مَارَّا ڒْخذْمثْ إِ غَا ڭّنْ، أَقَا ثْشطّْ [عَاذْ] كْثَارْ.
EXO 36:8 جَارْ يِينِّي غَارْ ثُوغَا ڒْخذْمثْ، أَقَا مَارَّا إِمِيغِيسنْ ن وُوڒْ ڭِّينْ ثَازذِّيغْثْ زِي عشْرَا ن ثْجَارْثِيڒِينْ ن ڒقْطنْ أَزْذَاذْ إِمُوذنْ ؤُ س ؤُفِيڒُو أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ أَكْ-ذ إِكِيرُوبنْ نِّي [خَاسنْثْ] إِڭَّا أَمْ يِيجّْ ن وَارْشَامْ ن ؤُفنَّانْ.
EXO 36:9 ثُوزّڭَّارْثْ ن إِشْثْ ن ثْجَارْثِيڒْثْ ثُوغَا-ت ثْمنْيَا ؤُ -عشْرِينْ ن إِغَادْجنْ ؤُ ثِيرُو ن إِشْثْ ن ثْجَارْثِيڒْثْ ثُوغَا-ث أَربْعَا ن إِغَادْجنْ ؤُ مَارَّا ثِيجَارْثِيڒِينْ غَارْسنْثْ ذ ڒعْبَارْ ذ إِجّْ.
EXO 36:10 إِسّْمُونْ خمْسَا ن ثْجَارْثِيڒِينْ إِشْثْ أَكْ-ذ ثنّغْنِي ؤُشَا خمْسَا ن ثْجَارْثِيڒِينْ إِسّْمُونْ إِ-ثنْثْ [عَاوذْ] إِشْثْ أَكْ-ذ ثنّغْنِيثْ.
EXO 36:11 [خنِّي] إِڭَّا ثِيسَارَاوِينْ إِذحْمَانِييّنْ ذِي ثْمَا ن يِيشْثْ ن ثْجَارْثِيڒْثْ غَارْ طَّارْفْ غَارْ ؤُسڒْقِي ؤُشَا أَمنِّي إِ ثنْثْ إِڭَّا [عَاوذْ] ذِي ثْمَا ن ثْجَارْثِيڒْثْ نّغْنِي غَارْ طَّارْفْ، غَارْ [مَانِي إِدْجَا] ؤُسڒْقِي نّغْنِي.
EXO 36:12 إِڭَّا خمْسِينْ ن ثْسَارَاوِينْ خْ ثْمَا ن يِيشْثْ ن ثْجَارْثِيڒْثْ ذ خمْسِينْ ن ثْسَارَاوِينْ غَارْ طَّارْفْ ن ثْجَارْثِيڒْثْ [نّغْنِي] غَارْ ؤُسڒْقِي نّغْنِي. ثِيسَارَاوِينْ طّْفنْثْ [نِيشَانْ] إِشْثْ ذِي ثنّغْنِيثْ.
EXO 36:13 إِڭَّا [عَاوذْ] خمْسِينْ ن ثْسنَّارِينْ ن وُورغْ ؤُشَا إِسّْمُونْ ثِيجَارْثِيڒِينْ إِشْثْ إِ ثنّغْنِي س ثْسنَّارِينْ ؤُشَا [أَمُّو] ثذْوڒْ ثْزذِّيغْثْ ذ إِشْثْ.
EXO 36:14 إِڭَّا [عَاوذْ] ثِيجَاڒْثِيڒِينْ ن شّْعَارْ ن إِغَايْضنْ، أَذْ إِڒِينْثْ ذ أَقِيضُونْ خْ ثْزذِّيغْثْ. إِڭَّا حِيطَاشْ ن ثْجَارْثِيڒِينْ.
EXO 36:15 ثُوزّڭَّارْثْ ن إِشْثْ ن ثْجَارْثِيڒْثْ ثُوغَا-ت ثْڒَاثِينْ ن إِغَادْجنْ ؤُ ثِيرُو ن إِشْثْ ن ثْجَارْثِيڒْثْ ذ أَربْعَا ن إِغَادْجنْ. حِيطْعَاشْ ن ثْجَارْثِيڒِينْ غَارْسنْثْ ڒعْبَارْ ذ إِجّْ.
EXO 36:16 نتَّا إِسّْمُونْ خمْسَا ن ثْجَارْثِيڒِينْ وحّذْسنْثْ ؤُ [عَاوذْ] ستَّا ن ثْجَارْثِيڒِينْ وحّذْسنْثْ.
EXO 36:17 إِڭَّا خمْسِينْ ن ثْسَارَاوِينْ خْ ثْمَا ن ثْجَارْثِيڒْثْ ثَانڭَّارُوثْ غَارْ [طَّارْفْ ن] ؤُسڒْقِي [أَكْ-ذ ثنّغْنِي] ؤُشَا إِڭَّا [عَاوذْ] خمْسِينْ ن ثْسَارَاوِينْ خْ ثْمَا ن ثْجَارْثِيڒْثْ غَارْ [طَّارْفْ ن] ؤُسڒْقِي نّغْنِي.
EXO 36:18 إِڭَّا [عَاوذْ] خمْسِينْ ن ثْسنَّارِينْ ن نّْحَاسْ، حِيمَا أَذْ إِسّْمُونْ أَقِيضُونْ مَاحنْذْ أَذْ ث يَارّْ ذ إِجّنْ.
EXO 36:19 إِڭَّا [عَاوذْ] إِشْثْ ن ثْسقَّافْثْ ن إِڒْمَاونْ إِزڭّْوَاغنْ ن إِشَارِّييّنْ إِ ؤُقِيضُونْ ؤُشَا سنّجْ إِ مَانْ أَيَا إِشْثْ ن ثْسقَّافْثْ ن إِڒْمَاونْ ن دّنْفِيڒَاثْ.
EXO 36:20 إِڭَّا ثِيفڒْوِينْ إِ ثْزذِّيغْثْ س ؤُكشُّوضْ ن ؤُكَاسِييَا نِّي إِبدّنْ [نِيشَانْ].
EXO 36:21 ثُوزّڭَّارْثْ ن [إِشْثْ ن] ثفْڒَاوْثْ ثُوغَا-تعشْرَا ن إِغَادْجنْ ؤُ ثِيرُو ن يِيشْثْ ن ثفْڒَاوْثْ ذ إِجّْ ن ؤُغِيڒْ ذ وزْينْ.
EXO 36:22 كُوڒْ ثَافْڒوْثْ غَارسْ ثْنَاينْ ن إِضَارنْ، إِنِّي إِسّْمڒْقَانْ إِشْثْ أَكْ-ذ ثنّغْنِيثْ أَمْ ثْوتْشْمَاثِينْ أَمُّو إِ إِڭَّا س مَارَّا ثِيفڒْوِينْ ن ثْزذِّيغْثْ.
EXO 36:23 إِڭَّا ثِيفڒْوِينْ إِ ثْزذِّيغْثْ، عِيشْرِينْ ن ثْفڒْوِينْ غَارْ جِّيهثْ ن لْجَانُوبْ، غَارْ يفُوسْ.
EXO 36:24 إِڭَّا عَاوذْ أَربْعِينْ ن ثْيَارْسَاوِينْ ن نُّوقَارْثْ سَاذُو عِيشْرِينْ ن ثْفڒْوِينْ، ثْنَاينْ ن ثْيَارْسَاوِينْ سَاذُو إِشْثْ ن ثفْڒَاوْثْ إِ ثْنَاينْ ن إِضَارنْ نّسْ، ؤُڒَا ذ ثْنَاينْ ن ثْيَارْسَاوِينْ سَاذُو ثَافْڒَاوْثْ نّغْنِي إِ ثْنَاينْ ن إِضَارنْ نّسْ.
EXO 36:25 إِڭَّا [عَاوذْ] عِيشْرِينْ ن ثْفڒْوِينْ إِ ؤُغزْذِيسْ نّغْنِي ن ثْزذِّيغْثْ، غَارْ ؤُغزْذِيسْ ن شَّامَالْ،
EXO 36:26 س أَربْعِينْ ن ثْيَارْسَاوِينْ نّسْ ن نُّوقَارْثْ: ثْنَاينْ ن ثْيَارْسَاوِينْ سَاذُو إِشْثْ ن ثفْڒَاوْثْ ذ ثْنَاينْ ن ثْيَارْسَاوِينْ سَاذُو ثَافْڒَاوْثْ نّغْنِي.
EXO 36:27 إِ إِغزْذِيسنْ ن ضفَّارْ ن ثْزذِّيغْثْ، غَارْ ؤُغزْذِيسْ ن ڒْغَارْبْ، إِڭَّا ستَّا ن ثْفڒْوِينْ.
EXO 36:28 إِڭَّا ثْنَاينْ ن ثْفڒْوِينْ [ذ ثِيفڒْوِينْ] إِ ثْغمُّورَا ن ثْزذِّيغْثْ غَارْ ثْنَاينْ ن إِغزْذِيسنْ غَارْ ضفَّارْ.
EXO 36:29 زِي سْوَادَّايْ ثُوغَا ڒصْقنْثْ أَمْ وَاشْنِيونْ ؤُشَا أَمُّو إِ ثنْثْ ثُوغَا ذ إِشْثنْ أَڒْ د-أَوْضنْثْ سنّجْ ذڭْ إِشْثْ ن ثخْرَازْثْ. أَمُّو إِ إِڭَّا س ثْنَاينْ [ن ثْفڒْوِينْ] إِ ثْنَاينْ ن ثْغمُّورَا.
EXO 36:30 [أَمُّو] إِ ذِينْ ثُوغَا ثْمنْيَا ن ثْفڒْوِينْ س ثْيَارْسَاوِينْ نْسنْثْ ن نُّوقَارْثْ، [أَقَا أَثنْثْ] ذ سطَّاشْ ن ثْيَارْسَاوِينْ، ثْنَاينْ ن ثْيَارْسَاوِينْ سَاذُو كُوڒْ ثَافْڒوْثْ.
EXO 36:31 إِڭَّا عَاوذْ ثِيحنْيَا ن ؤُعَارّضْ زڭْ ؤُكشُّوضْ ن ؤُكَاسِييَا، خمْسَا ن ثْفڒْوِينْ غَارْ إِجّْ ن ؤُغزْذِيسْ ن ثْزذِّيغْثْ،
EXO 36:32 ؤُ خمْسَا ن ثْحنْيَا ن ؤُعَارّضْ إِ ثْفڒْوِينْ غَارْ ؤُغزْذِيسْ نّغْنِي ن ثْزذِّيغْثْ ذ خمْسَا ن ثْحنْيَا ن ؤُعَارّضْ إِ ثْفڒْوِينْ ن ثْزذِّيغْثْ غَارْ ثْنَاينْ ن ثْغمُّورَا نْ ضفَّارْ غَارْ ڒْغَارْبْ.
EXO 36:33 ثَاحْنَاشْثْ ن ؤُعَارّضْ ذِي ڒْوسْطْ إِڭَّا إِ-ت أَذْ ثژْوَا زِي ڒْوسْطْ ن ثْفڒْوِينْ زڭْ إِخفْ أَڒْ ونّغْنِي.
EXO 36:34 إِغدْجفْ ثِيفڒْوِينْ س وُورغْ ؤُشَا إِڭَّا ثِيخْرَازِينْ نْسنْثْ ن وُورغْ، مَاحنْذْ أَذْ ذَايْسنْثْ سِّيذْفنْ ثِيحنْيَا ن ؤُعَارّضْ ؤُشَا [ؤُڒَا ذ] ثِيحنْيَا ن ؤُعَارّضْ إِشلّلْ إِ-ثنْثْ س وُورغْ.
EXO 36:35 إِڭَّا إِجّْ ن ؤُڒحَّافْ س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ؤُ س ڒقْطنْ أَزْذَاذْ إِمُوذنْ، إِڭَّا إِ-ث ذ إِجّْ ن وَارْشَامْ ن ؤُفنَّانْ أَكْ-ذ إِكِيرُوبنْ [خَاسْ].
EXO 36:36 إِڭَّا أَسْ أَربْعَا ن إِپِيلَارنْ ن ؤُكشُّوضْ ن ؤُكَاسِييَا ؤُشَا إِغدْجفْ إِ-ثنْ س وُورغْ. ثِيسنَّارِينْ نْسنْ ثُوغَا أَثنْثْ ن وُورغْ. إِسّفْسِي [إِ إِپِيلَارنْ] أَربْعَا ن ثْيَارْسَاوِينْ نْسنْثْ ن نُّوقَارْثْ.
EXO 36:37 إِڭَّا إِجّْ ن أَرْوَاقْ إِ وَاذَافْ ن ؤُقِيضُونْ س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ؤُ س ڒقْطنْ أَزْذَاذْ إِمُوذنْ، [إِڭَّا إِ-ث] ذ إِجّْ ن ؤُمُوذِي ن ؤُخيَّاضْ،
EXO 36:38 س خمْسَا ن إِپِيلَارنْ نّسْ ذ ثْسنَّارِينْ نّسْ. إِغدْجفْ ثِيزدْجِيفِينْ نْسنْ ذ إِقضْبَانْ نْسنْ إِ ؤُسڒْقِي س وُورغْ. ثِييَارْسَاوِينْ نْسنْ ثُوغَا أَثنْثْ ن نّْحَاسْ.
EXO 37:1 إِڭَّا بَاصَالِييِيلْ تَّابُوثْ ن ؤُكشُّوضْ ن [ثْشجَّارْثْ ن] ؤُكَاسِييَا. ثُوزّڭَّارْثْ نّسْ ثُوغَا-ت ثْنَاينْ ن إِغَادْجنْ ذ وزْينْ ؤُ ثِيرُو نّسْ إِجّْ ن ؤُغِيڒْ ذ وزْينْ ؤُشَا ڒُوعْڒَا نّسْ إِجّْ ن ؤُغِيڒْ ذ وزْينْ.
EXO 37:2 إِغدْجفْ إِ-ث زِي ذَاخڒْ ذ بَارَّا س وُورغْ إِصْفَانْ ؤُشَا إِڭَّا أَسْ إِجّْ ن زّْوَاقْ ن وُورغْ إِ ذ أَسْ د-إِنّْضنْ.
EXO 37:3 إِسّفْسِي أَسْ أَربْعَا ن ثخْرَازِينْ إِ أَربْعَا ن ثْغمُّورَا نّسْ: ثْنَاينْ ن ثخْرَازِينْ غَارْ يِيجّْ ن ؤُغزْذِيسْ ذ ثْنَاينْ ن ثخْرَازِينْ غَارْ ؤُغزْذِيسْ نّغْنِي.
EXO 37:4 إِڭَّا إِعُومَاذْ [إِ ثَاربُّوثْ] زڭْ ؤُكشُّوضْ ن ؤُكَاسِييَا ؤُشَا إِغدْجفْ إِ-ثنْ س وُورغْ.
EXO 37:5 إِڭَّا إِعُومَاذْ [إِ ثَاربُّوثْ] ذِي ثخْرَازِينْ غَارْ ثْنَاينْ ن إِغزْذِيسنْ ن تَّابُوثْ، مَاحنْذْ أَذْ [زَّايْسنْ] أَرْبُونْ تَّابُوثْ.
EXO 37:6 إِڭَّا ثَاقبَّارْثْ ن وصْڒَاحْ ن وُورغْ إِصْفَانْ س ثُوزّڭَّارْثْ نّسْ ن ثْنَاينْ ن إِغَادْجنْ ذ وزْينْ ؤُ ثِيرُو نّسْ ن إِجّْ ن ؤُغِيڒْ ذ وزْينْ.
EXO 37:7 إِڭَّا ثْنَاينْ ن إِكِيرُوبنْ ن وُورغْ. إِعْذڒْ إِ-ثنْ [أَمْ] ڒْخذْمثْ ن ومْزِيڒْ [إِ د-إِتّفّْغنْ] زِي ثْنَاينْ ن إِخْفَاونْ ن ثْقبَّارْثْ ن وصْڒَاحْ.
EXO 37:8 إِجّْ ن ؤُكِيرُوبْ [إِفّغْ] زڭْ إِجّْ ن إِخفْ غَارْ ؤُغزْذِيسْ-أَ ؤُ أَكِيرُوبْ نّغْنِي زڭْ إِخفْ نّغْنِي غَارْ ؤُغزْذِيسْ نّغْنِي. إِڭَّا إِكِيرُوبنْ زِي ثْنَاينْ ن إِخْفَاونْ ن ثْقبَّارْثْ ن وصْڒَاحْ.
EXO 37:9 إِكِيرُوبنْ سّْوِيژّْضنْ أَفْرِيونْ نْسنْ سنّجْ ؤُشَا س وَافْرِيونْ نْسنْ ذْڒِينْ ثَاقبَّارْثْ ن وصْڒَاحْ. إِغمْبَابْ نْسنْ ثُوغَا إِجّنْ قِيبَاتْشْ إِ ونّغْنِي ؤُشَا [ذِي ڒْوقْثْ ذ إِشْثنْ ثُوغَا] إِغمْبَابْ ن إِكِيرُوبنْ غَارْ ثْقبَّارْثْ ن وصْڒَاحْ.
EXO 37:10 إِڭَّا ثَازوْضَا ن ؤُكشُّوضْ ن [ثْشجَّارْثْ ن] ؤُكَاسِييَا. ثُوغَا ثُوزّڭَّارْثْ نّسْ ثْنَاينْ ن إِغَادْجنْ ؤُ ثِيرُو نّسْ إِجّْ ن ؤُغِيڒْ ذ ڒُوعْڒَا نّسْ إِجّْ ن ؤُغِيڒْ ذ وزْينْ.
EXO 37:11 إِغدْجفْ إِ-ت س وُورغْ إِصْفَانْ ؤُشَا إِڭَّا أَسْ إِجّْ ن زّْوَاقْ ن وُورغْ إِ ذ أَسْ د-إِنّْضنْ.
EXO 37:12 إِڭَّا [عَاوذْ] إِشْثْ ن ثْمَا إِ ذ أَسْ د-إِنّْضنْ ن إِجّْ ن شْبَارْ ن ؤُفُوسْ ؤُشَا إِڭَّا إِجّْ ن زّْوَاقْ ن وُورغْ غَارْ ثْموَّا نّسْ إِ ذ أَسْ د-إِنّْضنْ.
EXO 37:13 إِسّفْسِي أَسْ أَربْعَا ن ثخْرَازِينْ ن وُورغْ ؤُشَا إِڭَّا ثِيخْرَازِينْ غَارْ أَربْعَا ن ثْغمُّورَا نِّي إِدْجَانْ غَارْ أَربْعَا ن إِضَارنْ نّسْ.
EXO 37:14 ثُوغَا ثِيخْرَازِينْ زَّاثْ ن ثْمَا، مَاحنْذْ أَذْ [ذَايْسنْثْ] سِّيذْفنْ إِعُومَاذْ [إِ ثَاربُّوثْ]، حِيمَا أَذْ [زَّايْسنْ] أَرْبُونْ ثَازوْضَا.
EXO 37:15 إِڭَّا إِعُومَاذْ [إِ ثَاربُّوثْ] زڭْ ؤُكشُّوضْ ن ؤُكَاسِييَا ؤُشَا إِغدْجفْ إِ-ثنْ س وُورغْ، مَاحنْذْ أَذْ [زَّايْسنْ] أَرْبُونْ ثَازوْضَا.
EXO 37:16 إِڭَّا ڒقْشُوعْ إِ غَا يِيڒِينْ خْ ثْزوْضَا س وُورغْ إِصْفَانْ: طّْبَاصِي نّسْ ذ ثْغنْجَايِينْ نّسْ ذ ڒْكِيسَانْ نّسْ ذ إِغَارَّافنْ، مَاحنْذْ أَذْ زَّايْسنْ كبّنْ.
EXO 37:17 إِڭَّا ڒْقنْذِيڒْ ن وُورغْ إِصْفَانْ. إِعْذڒْ ڒْقنْذِيڒْ س وفْضِيسْ ن ومْزِيڒْ: أَفُوذْ خْ ؤُضَارْ نّسْ ذ إِغَادْجنْ نّسْ ذ ڒْكِيسَانْ نّسْ ذ ثْعبُّوزِينْ نّسْ إِ د-إِتَّاسنْ أَكْ-ذ نُّووَارَاثْ نّسْ، أَقَا-ثنْ [مَارَّا] ثُوغَا زَّايسْ [د-إِتّفّْغنْ].
EXO 37:18 زڭْ إِغزْذِيسنْ نّسْ فّْغنْ-د ستَّا ن إِغَادْجنْ، ثْڒَاثَا ن إِغَادْجنْ ن ڒْقنْذِيڒْ زڭْ إِجّْ ن ؤُغزْذِيسْ ذ ثْڒَاثَا ن إِغَادْجنْ ن ڒْقنْذِيڒْ زڭْ ؤُغزْذِيسْ نّغْنِي.
EXO 37:19 غَارْ إِجّْ ن ؤُغِيڒْ [ثُوغَا] ذِينْ ثْڒَاثَا ن ڒْكِيسَانْ أَمْ [نّوَّاشْ ن] دْجوْزْ س ثْعبُّوزْثْ ذ نّوَّاشْ ؤُشَا خْ ؤُغِيڒْ نّغْنِي [عَاوذْ] ثْڒَاثَا ن ڒْكِيسَانْ أَمْ [نّوَّاشْ ن] دْجوْزْ س [إِشْثْ ن] ثْعبُّوزْثْ إِ د-إِتَّاسنْ أَكْ-ذ [إِجّْ ن] نّوَّاشْ. أَمُّو [إِ يدْجَانْ مَارَّا] ستَّا ن إِغَادْجنْ نِّي د-إِتّفّْغنْ زِي ڒْقنْذِيڒْ.
EXO 37:20 غَارْ ڒْقنْذِيڒْ [سِيمَانْثْ نّسْ] ثُوغَا ذِينْ أَربْعَا ن ڒْكِيسَانْ أَمْ [نُّووَارَاثْ ن] دْجوْزْ أَكْ-ذ ثْعبُّوزِينْ نْسنْ إِ د-إِتَّاسنْ أَكْ-ذ نُّووَارَاثْ نْسنْ.
EXO 37:21 سَاذُو ثْيُويَا ن إِغَادْجنْ إِ زَّايسْ [د-إِفّْغنْ ذ أَمزْوَارُو] أَقَا ذِينْ إِشْثْ ن ثْعبُّوزْثْ ؤُشَا [أَمنِّي] إِ ذِينْ إِشْثْ ن ثْعبُّوزْثْ سَاذُو ثْيُويَا ن إِغَادْجنْ إِ زَّايسْ [د-إِفّْغنْ أَوَارْنِي أَسْ] ؤُشَا عَاوذْ ذِينْ إِشْثْ ن ثْعبُّوزْثْ سَاذُو ثْيُويَا ن إِغَادْجنْ إِ زَّايسْ [د-إِفّْغنْ ذ أَنڭَّارُو]. [مَانْ أَيَا إِدْجَا أَمنِّي] إِ ستَّا ن إِغَادْجنْ إِ زَّايسْ د-إِفّْغنْ.
EXO 37:22 ثُوغَا ثِيعبُّوزِينْ نْسنْ ذ إِغَادْجنْ نْسنْ فّْغنْ-د زَّايسْ. مَارَّا أَيَا [ثُوغَا] ذ إِشْثْ ن ڒْخذْمثْ ن ومْزِيڒْ س وُورغْ إِصْفَانْ.
EXO 37:23 إِڭَّا ستَّا ن ڒفْنَارَاثْ نّسْ أَكْ-ذ ثْجقَّاضِينْ [ن ثفْثِيتْشْ] نّسْ ذ ثْمجْمَارِينْ نّسْ، [مَارَّا] س وُورغْ إِصْفَانْ.
EXO 37:24 إِڭَّا [ڒْْقنْذِيڒْ] أَكْ-ذ مَارَّا ڒقْشُوعْ نّسْ زڭْ إِشْثْ ن ثَالِينْثْ ن وُورغْ إِصْفَانْ.
EXO 37:25 إِڭَّا أَعَالْطَارْ ن ڒبْخُورْ زڭْ ؤُكشُّوضْ ن [ثْشجَّارْثْ ن] ؤُكَاسِييَا س ثُوزّڭَّارْثْ نّسْ ن إِجّْ ؤُغِيڒْ ؤُ ثِيرُو نّسْ ن إِجّْ ن ؤُغِيڒْ. ثُوغَا-ث س أَربْعَا ن ثْغمُّورَا. ڒُْوعْڒَا نّسْ ثُوغَا-ث ثْنَاينْ ن إِغَادْجنْ. زَّايسْ ثُوغَا أَشَّاونْ نّسْ [ذ إِجّْ أَكِيذسْ].
EXO 37:26 إِغدْجفْ إِ-ث س وُورغْ إِصْفَانْ، ؤُذمْ نّسْ ن سنّجْ ذ إِغزْذِيسنْ نّسْ إِ ذ أَسْ د-إِنّْضنْ ؤُ عَاوذْ أَشَّاونْ نّسْ. إِڭَّا أَسْ إِجّْ ن زّْوَاقْ ن وُورغْ إِ ذ أَسْ د-إِنّْضنْ.
EXO 37:27 إِڭَّا أَسْ ثْنَاينْ ن ثخْرَازِينْ ن وُورغْ سَاذُو زّْوَاقْ نّسْ إِ ثْنَاينْ ن ثْغمُّورَا نّسْ، غَارْ ثْنَاينْ ن إِغزْذِيسنْ نّسْ، حِيمَا أَذْ ذَايْسنْثْ سِّيذْفنْ إِعُومَاذْ، مَاحنْذْ أَذْ زَّايْسنْ أَرْبُونْ أَعَالْطَارْ ن ڒبْخُورْ.
EXO 37:28 إِڭَّا إِعُومَاذْ [إِ ثَاربُّوثْ] زڭْ ؤُكشُّوضْ ن ؤُكَاسِييَا ؤُشَا إِغدْجفْ إِ-ثنْ س وُورغْ.
EXO 37:29 إِڭَّا عَاوذْ زّشْثْ ثَامْقدّسْثْ إِ وذْهَانْ ذ ڒبْخُورْ إِصْفَانْ إِتّْفُوحنْ، [عْلَاحْسَابْ] صّنْعثْ ن ؤُعطَّاڒْ.
EXO 38:1 إِڭَّا أَعَالْطَارْ ن وشْمَاضْ س ؤُكشُّوضْ ن ؤُكَاسِييَا. ثُوزّڭَّارْثْ نّسْ ثُوغَا-ت خمْسَا ن إِغَادْجنْ ؤُ ثِيرُو نّسْ خمْسَا ن إِغَادْجنْ، ثُوغَا-ث س أَربْعَا ن ثْغمُّورَا، ؤُ ڒُوعْڒَا نّسْ ثُوغَا-ث ثْڒَاثَا ن إِغَادْجنْ.
EXO 38:2 غَارْ أَربْعَا ن ثْغمُّورَا إِڭَّا أَشَّاونْ نّسْ. أَشَّاونْ نّسْ ثُوغَا أَثنْ ذ إِجّنْ أَكِيذسْ. إِغدْجفْ إِ-ث س نّْحَاسْ.
EXO 38:3 إِڭَّا مَارَّا ڒقْشُوعْ إِ ؤُعَالْطَارْ: ثِييْذُورِينْ ذ إِغنْجَاينْ ذ طَّاوْيَاثْ إِ ؤُرُوشِّي ذ فُورْشَايَاثْ ذ ثْمجْمَارِينْ، مَارَّا ڒقْشُوعْ-أَ إِڭَّا إِ-ثنْ س نّْحَاسْ.
EXO 38:4 إِڭَّا إِشْثْ ن ثْرَاشَّا إِ ؤُعَالْطَارْ، إِجّْ ن ؤُمُوذِي ن نّْحَاسْ سَاذُو ثْمَا نّسْ، سْوَادَّايْ غَارْ وزْينْ [ن ؤُعَالْطَارْ].
EXO 38:5 إِسّفْسِي أَربْعَا ن ثخْرَازِينْ إِ أَربْعَا ن إِخْفَاونْ ن ثْرَاشَّا ن نّْحَاسْ مَاحنْذْ أَذْ ذَايْسنْثْ سِّيذْفنْ إِعُومَاذْ [إِ ثَاربُّوثْ].
EXO 38:6 إِڭَّا إِعُومَاذْ [إِ ثَاربُّوثْ] زڭْ ؤُكشُّوضْ ن ؤُكَاسِييَا ؤُشَا إِغدْجفْ إِ-ثنْ س نّْحَاسْ.
EXO 38:7 إِڭَّا إِعُومَاذْ [إِ ثَاربُّوثْ] ذِي ثخْرَازِينْ غَارْ إِغزْذِيسنْ ن ؤُعَالْطَارْ، مَاحنْذْ أَذْ زَّايْسنْ ث أَرْبُونْ. إِڭَّا إِ-ث س ثْفڒْوِينْ [أَكْ-ذ] ڒْخَاوِي [ذِي ذَاخڒْ نْسنْثْ].
EXO 38:8 إِڭَّا ثَابَانْيُوثْ ن نّْحَاسْ س ؤُضَارْ نّسْ ن نّْحَاسْ زِي ثِيسِيثِينْ ن ثرْبِيعِينْ ن ثمْغَارِينْ نِّي خذْمنْثْ غَارْ وَاذَافْ ن ؤُقِيضُونْ ن ؤُمْسَاڭَارْ.
EXO 38:9 إِڭَّا ڒمْرَاحْ. غَارْ جِّيهثْ ن لْجَانُوبْ، غَارْ يفُوسْ، ثُوغَا ثُوزّڭَّارْثْ ن ڒِْيزَارَاثْ ن ڒمْرَاحْ مْيَا ن إِغَادْجنْ ن ڒقْطنْ أَزْذَاذْ إِمُوذنْ.
EXO 38:10 عِيشْرِينْ ن إِپِيلَارنْ نّسْ ذ عِيشْرِينْ ن ثْيَارْسَاوِينْ نْسنْ [ثُوغَا أَثنْ] ن نّْحَاسْ. ثِيسنَّارِينْ ن إِپِيلَارنْ ذ إِقضْبَانْ نْسنْ إِ ؤُسڒْقِي [ثُوغَا أَثنْ] ن نُّوقَارْثْ.
EXO 38:11 غَارْ ؤُغزْذِيسْ ن شَّامَالْ [ثُوغَا ذِينْ ڒِيزَارَاثْ س إِشْثْ ن ثُوزّڭَّارْثْ ن] مْيَا ن إِغَادْجنْ أَكْ-ذ عِيشْرِينْ ن إِپِيلَارنْ نْسنْثْ ؤُ أَكْ-ذ عِيشْرِينْ ن ثْيَارْسَاوِينْ نْسنْ ن نّْحَاسْ. ثِيسنَّارِينْ ن إِپِيلَارنْ ذ إِقضْبَانْ نْسنْ إِ ؤُسڒْقِي [ثُوغَا أَثنْ] ن نُّوقَارْثْ.
EXO 38:12 غَارْ ؤُغزْذِيسْ ن ڒْغَارْبْ [ثُوغَا ذِينْ] ڒِيزَارَاثْ ن خمْسِينْ ن إِغَادْجنْ أَكْ-ذعشْرَا ن إِپِيلَارنْ نْسنْثْ ذعشْرَا ن ثْيَارْسَاوِينْ نْسنْ. ثِيسنَّارِينْ ن إِپِيلَارنْ ذ إِقضْبَانْ نْسنْ إِ ؤُسڒْقِي [ثُوغَا أَثنْ] ن نُّوقَارْثْ.
EXO 38:13 غَارْ ؤُغزْذِيسْ ن شَّارْقْ، غَارْ جِّيهثْ ن ونْقَارْ ن ثْفُوشْثْ، [ثُوغَا ذِينْ ڒِيزَارَاثْ ن] خمْسِينْ ن إِغَادْجنْ.
EXO 38:14 ثُوغَا ڒِيزَارَاثْ غَارْ إِجّْ ن ؤُغزْذِيسْ ن زَّاثْ خمّسْطَاشْ ن إِغَادْجنْ [ذِي ثُوزّڭَّارْثْ] أَكْ-ذ ثْڒَاثَا ن إِپِيلَارنْ نْسنْثْ ذ ثْڒَاثَا ن ثْيَارْسَاوِينْ نْسنْ.
EXO 38:15 غَارْ ؤُغزْذِيسْ ن زَّاثْ نّغْنِي ن وَاذَافْ ن ڒمْرَاحْ، غَارْ ؤُغزْذِيسْ-أَ ذ ؤُغزْذِيسْ نِّي، [ثُوغَا] ڒِيزَارَاثْ ذَايْسنْثْ خمّسْطَاشْ ن إِغَادْجنْ ذِي ثُوزّڭَّارْثْ، أَكْ-ذ ثْڒَاثَا ن إِپِيلَارنْ نْسنْثْ ذ ثْڒَاثَا ن ثْيَارْسَاوِينْ نْسنْ.
EXO 38:16 مَارَّا ڒِيزَارَاثْ نِّي ذ أَسْ د-إِنّْضنْ إِ ڒمْرَاحْ ثُوغَا أَثنْثْ ن ڒقْطنْ أَزْذَاذْ إِمُوذنْ.
EXO 38:17 ثِييَارْسَاوِينْ ن إِپِيلَارنْ [ثُوغَا أَثنْثْ] ن نّْحَاسْ ذ ثْسنَّارِينْ ن إِپِيلَارنْ ذ إِقضْبَانْ نْسنْ إِ ؤُسڒْقِي [ثُوغَا أَثنْ] س نُّوقَارْثْ ؤُشَا ثَاكُورْسِيثْ خْ ثْزدْجِيفِينْ نْسنْ [ثُوغَا-ت] زِي نُّوقَارْثْ ذ مَارَّا إِپِيلَارنْ ن ڒمْرَاحْ [ثُوغَا غَارْسنْ] إِقضْبَانْ ن نُّوقَارْثْ إِ ؤُسڒْقِي.
EXO 38:18 أَرْوَاقْ غَارْ وَاذَافْ ن ڒمْرَاحْ ڭِّينْ ث ذ إِجّْ ن ؤُمُوذِي ن ؤُخيَّاضْ س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ؤُ س ڒقْطنْ أَزْذَاذْ إِمُوذنْ. ثُوزّڭَّارْثْ [نّسْ] ثُوغَا عِيشْرِينْ ن إِغَادْجنْ ؤُ ڒُوعْڒَا خْ [مَارَّا] ثِيرُو [ن ڒمْرَاحْ] خمْسَا ن إِغَادْجنْ، أَمْ ڒِيزَارَاثْ ن ڒمْرَاحْ.
EXO 38:19 أَربْعَا ن إِپِيلَارنْ ذ أَربْعَا ن ثْيَارْسَاوِينْ نْسنْ ثُوغَا أَثنْ س نّْحَاسْ ذ ثْسنَّارِينْ نْسنْ س نُّوقَارْثْ ؤُشَا ثَاكُورْسِيثْ خْ ثْزدْجِيفِينْ نْسنْ ؤُڒَا ذ إِقضْبَانْ نْسنْ إِ ؤُسڒْقِي [ثُوغَا أَثنْ] س نُّوقَارْثْ.
EXO 38:20 مَارَّا ڒوْثَاذْ ن ثْزذِّيغْثْ ذ ڒمْرَاحْ إِ ذ أَسْ د-إِنّْضنْ [ثُوغَا أَثنْ] س نّْحَاسْ.
EXO 38:21 مَانْ أَيَا ذ مِينْ سُّوفّْغنْ نِيثْنِي إِ ثْزذِّيغْثْ، ثَازذِّيغْثْ ن شّْهَاذثْ، ؤُشَا زمّنْ ث س ڒُومُورْ ن مُوسَا سْ ثْسخَّارْثْ ن إِلَاوِييّنْ، س ؤُفُوسْ ن إِثَامَارْ، مِّيسْ ن هَارُونْ، أَكهَّانْ.
EXO 38:22 بَاصَالِييِيلْ مِّيسْ ن ؤُرِي، مِّيسْ ن حُورْ، زِي ثقْبِيتْشْ ن يَاهُوذَا، إِڭَّا مَارَّا مِينْ ذ أَسْ يُومُورْ سِيذِي إِ مُوسَا.
EXO 38:23 [ثُوغَا] أَكِيذسْ أَهُولِييَابْ، مِّيسْ ن أَخِيسَامَاكْ، زِي ثقْبِيتْشْ ن دَان. [ثُوغَا-ث] ذ أَنقَّاشْ ذ بُو-صّنْعثْ، أَخيَّاضْ ن [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ذ ڒقْطنْ أَزْذَاذْ.
EXO 38:24 مَارَّا ؤُرغْ إِ سّْخذْمنْ نِيثْنِي إِ ڒْخذْمثْ غَارْ مَارَّا ڒْخذْمثْ [إِ إِڭِّينْ] ذِي زَّاوشْثْ إِقدّْسنْ، [إِخْسْ أَذْ يِينِي] ؤُرغْ ن ثوْهِيبِينْ ن ونْهزِّي، ثُوغَا: ثسْعَا ؤُ-عِيشْرِينْ ثَالِينْثْ ؤُ سبْعَا-مْيَا ؤُ-ثْڒَاثِينْ شِيقْلُو عْلَاحْسَابْ شِيقْلُو إِقدّْسنْ.
EXO 38:25 نُّوقَارْثْ ن يِينِّي إِتّْوَاحسْبنْ ن ثْمسْمُونْثْ ثُوغَا-ت مْيَا ثَالِينْثْ ذ أَڒفْ ؤُ-سبْعَا-مْيَا ؤُ-خمْسَا ؤُ-سبْعِينْ شِيقْلُو، عْلَاحْسَابْ شِيقْلُو إِقدّْسنْ.
EXO 38:26 إِجّْ ن وزْينْ إِ يِيجّْ ن بْنَاذمْ، أَقَا-ث ذ أَزْينْ شِيقْلُو عْلَاحْسَابْ مِينْ د-إِتَّاوِي شِيقْلُو إِقدّْسنْ، زِي مَارَّا وِي إِعْذُونْ غَارْ يِينِّي إِتّْوَاحسْبنْ زِي عِيشْرِينْ ن إِسڭّْوُوسَا سنّجْ، [ذ مَانْ أَيَا] إِ ستَّا-مْيَا ؤُ-ثڒْثْ-أَڒَافْ ؤُ-خمْسَا-مْيَا ؤُ-خمْسِينْ [ن يرْيَازنْ].
EXO 38:27 مْيَا ثَالِينْثْ ن نُّوقَارْثْ نِّي ثُوغَا أَثنْثْ حِيمَا أَذْ [زَّايْسنْثْ] سّْفسْينْ ثْيَارْسَاوِينْ ن زَّاوشْثْ إِقدّْسنْ ذ ثْيَارْسَاوِينْ ن ؤُڒحَّافْ: مْيَا ن ثْيَارْسَاوِينْ زِي مْيَا ثَالِينْثْ، [إِخْسْ أَذْ يِينِي] إِشْثْ ن ثَالِينْثْ إِ يِيشْثْ ن ثْيَارْسَا.
EXO 38:28 زڭْ وَاڒفْ ؤُ-سبْعَا-مْيَا ؤُ-خمْسَا ؤُ-سبْعِينْ [شِيقْلُو] إِڭَّا ثِيسنَّارِينْ إِ إِپِيلَارنْ. إِغدْجفْ ثِيزدْجِيفِينْ نْسنْ ؤُشَا إِشدّْ [غَارْسنْ] إِقضْبَانْ إِ ؤُسڒْقِي.
EXO 38:29 نّْحَاسْ ن ثوْهِيبِينْ ن ونْهزِّي [ثُوغَا-ث] سبْعِينْ ثَالِينْثْ ذ أَڒْفَاينْ ؤُ-أَربْعَا-مْيَا شِيقْلُو.
EXO 38:30 س مَانْ أَيَا إِڭَّا ثْيَارْسَاوِينْ إِ وَاذَافْ ن ؤُقِيضُونْ ن ؤُمْسَاڭَارْ ذ ؤُعَالْطَارْ ن نّْحَاسْ ذ ثْرَاشَّا نّسْ ن نّْحَاسْ ذ مَارَّا ڒقْشُوعْ ن ؤُعَالْطَارْ
EXO 38:31 ذ ثْيَارْسَاوِينْ [ن إِپِيلَارنْ] ن ڒمْرَاحْ إِ ذ أَسْ د-إِنّْضنْ ذ ثْيَارْسَاوِينْ ن وَاذَافْ ن ڒمْرَاحْ ذ مَارَّا ڒوْثَاذْ ن ثْزذِّيغْثْ ذ مَارَّا ڒوْثَاذْ ن [إِپِيلَارنْ] إِ ذ أَسْ د-إِنّْضنْ إِ ڒمْرَاحْ.
EXO 39:1 ڭِّينْ [عَاوذْ] أَرُّوضْ إِ ثْسخَّارْثْ س [ؤُفِيڒِي] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ، حِيمَا أَذْ [زَّايسْ] سخَّارنْ [إِكهَّاننْ] ذِي زَّاوشْثْ إِقدّْسنْ. [عَاوذْ] ڭِّينْ أَرُّوضْ إِقدّْسنْ إِ هَارُونْ، أَمْ مَامّشْ ذ أَسْ يُومُورْ سِيذِي إِ مُوسَا.
EXO 39:2 إِڭَّا أَپَالْطُو ن ؤُكهَّانْ س [إِفِيڒَانْ ن] وُورغْ ؤُ س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ؤُ س ڒقْطنْ أَزْذَاذْ إِمُوذنْ.
EXO 39:3 نِيثْنِي بزّْعنْ ثِيڒْوِيحِينْ ن وُورغْ ؤُشَا قسّنْ زَّايْسنْثْ إِفِيڒَانْ، حِيمَا أَذْ ثنْ خيّْضنْ جَارْ [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ؤُ جَارْ ڒقْطنْ أَزْذَاذْ، [ذ مَانْ أَيَا ثُوغَا] ذ إِشْثْ ن ڒْخذْمثْ [أَمْ] ت إِتّڭّْ ؤُفنَّانْ.
EXO 39:4 ڭِّينْ أَسْ ثِيغَارْضِينْ إِمْسڒْسَاقنْ ؤُشَا سّْمُوننْ [أَپَالْطُو] غَارْ ثْنَاينْ ن إِخْفَاونْ نّسْ.
EXO 39:5 ثَاحزَّامْثْ إِزوّْقنْ إِ ثُوغَا غَارْ ؤُپَالْطُو نّسْ، ثُوغَا ثڒْسقْ ذَايسْ، ثذْوڒْ ذ إِشْثْ أَكِيذسْ. ثتّْوَاڭّْ ثْحزَّامْثْ س وبْرِيذْ ذ إِجّنْ [أَكْ-ذ ؤُپَالْطُو] س [إِفِيڒَانْ ن] وُورغْ ؤُ س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ؤُ س ڒقْطنْ أَزْذَاذْ إِمُوذنْ، أَمْ مَامّشْ يُومُورْ سِيذِي إِ مُوسَا.
EXO 39:6 نِيثْنِي ڭِّينْ عَاوذْ إِژْرَا ن ؤُنِيكْسْ، إِنِّي إِتّْوَاطّْفنْ ذِي ثْشُويَارْ ن وُورغْ، نقْشنْ ثنْ أَمْ يِيجّْ ن ونْقَاشْ ن ثْخَاذنْثْ ن ؤُشمِّيعْ س إِسْمَاونْ ن أَيْثْ ن إِسْرَائِيل.
EXO 39:7 إِڭَّا إِ-ثنْ خْ ثْغَارْضِينْ ن ؤُپَالْطُو، [أَمْ] إِژْرَا ن ڒِيذَارثْ إِ أَيْثْ ن إِسْرَائِيل، أَمْ مَامّشْ يُومُورْ سِيذِي إِ مُوسَا.
EXO 39:8 إِڭَّا ثَاجْمشْثْ، إِشْثْ ن ڒْخذْمثْ [أَمْ] ت إِتّڭّْ ؤُفنَّانْ، [أَمْ مَامّشْ إِڭَّا] أَپَالْطُو، س [إِفِيڒَانْ ن] وُورغْ ؤُ س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ ؤُ س ڒقْطنْ أَزْذَاذْ إِمُوذنْ.
EXO 39:9 [ثُوغَا-ت] س أَربْعَا ن ثْغمُّورَا. ضفْسنْ ثَاجْمشْثْ. [ثُوغَا] ثُوزّڭَّارْثْ نّسْ ذ إِجّْ ن وزْينْ ن ؤُغِيڒْ ؤُشَا ؤُڒَا ذ ثِيرُو نّسْ ذ إِجّْ ن وزْينْ ن ؤُغِيڒْ. ثُوغَا إِضْفسْ خْ ثْنَاينْ.
EXO 39:10 ستّْفنْ ذَايسْ أَربْعَا ن ڒصْفُوفْ ن يژْرَا: إِجّْ ن صّفْ [س] يِيجّْ ن ڒعْقِيقْ ذ أَزڭّْوَاغْ ذ إِشْثْ ن ثْيَاقُوثْ ذ يِيشْثْ ن سْمَارَاخْثْ. ذ وَا ذ صّفْ أَمزْوَارْ.
EXO 39:11 صّفْ وِيسّْ ثْنَاينْ س يِيجّْ ن كَارْبُونْكلْ ذ يِيجّْ ن صَافِّيرْ أَزِيزَا ذ يِيجّْ ن ذِيأَمَانْثِي.
EXO 39:12 صّفْ وِيسّْ ثْڒَاثَا س يِيجّْ [ن وژْرُو] ن يَاسِينْثُو ذ يِيجّْ ن أَخَاثْ ذ يِيجّْ ؤُمَاثِيسْثْ.
EXO 39:13 صّفْ وِيسّْ أَربْعَا س يِيشْثْ ن ثخْرِيسُولِيثْ ذ يِيجّْ ن ؤُنِيكْسْ ذ يِيجّْ ن يَاسْبِيسْ. ثُوغَا تّْوَاطّْفنْ ذِي ثْشُويَارْ نْسنْ ن وُورغْ.
EXO 39:14 إِژْرَا ثُوغَا خَاسنْ إِسْمَاونْ ن أَيْثْ ن إِسْرَائِيل، ثنْعَاشْ [ن يژْرَا] عْلَاحْسَابْ إِسْمَاونْ نْسنْ، س إِنقَّاشنْ ن إِجّْ ن ؤُشمِّيعْ، كُوڒْ [أَنقَّاشْ] أَكْ-ذ يِيسمْ نّسْ إِ ذ أَسْ د-يُوسِينْ. أَقَا أَثنْ إِ ثنْعَاشْ ن ثْقبَّاڒْ.
EXO 39:15 غَارْ إِخْفَاونْ ن ثجْمشْثْ ڭِّينْ ثِيسدّْيِينْ س وُورغْ إِصْفَانْ، [ثِينِّي] إِمُوذنْ أَمْ يِيجّْ ن ؤُفِيڒُو.
EXO 39:16 ڭِّينْ ثْنَاينْ ن ثْشُويَارْ ن وُورغْ ذ ثْنَاينْ ن ثخْرَازِينْ ن وُورغْ ؤُشَا شدّنْ ثْنَاينْ ن ثخْرَازِينْ غَارْ ثْنَاينْ ن إِخْفَاونْ ن ثجْمشْثْ.
EXO 39:17 شدّنْ ثْنَاينْ ن سّْنَاسڒْ إِمُوذنْ ن وُورغْ غَارْ ثْنَاينْ ن ثخْرَازِينْ غَارْ إِخْفَاونْ ن ثجْمشْثْ.
EXO 39:18 ثْنَاينْ ن إِخْفَاونْ نّغْنِي ن ثْنَاينْ ن سّْنَاسڒْ إِمُوذنْ، شدّنْ ثنْ غَارْ ثْنَاينْ ن ثْشُويَارْ ؤُشَا وْشِينْ ثنْ خْ طْغَارْضِينْ ن ؤُپَالْطُو، ذڭْ وُوذمْ ن زَّاثْ.
EXO 39:19 ڭِّينْ [عَاوذْ] ثْنَاينْ ن ثخْرَازِينْ ن وُورغْ، شدّنْ ثنْثْ غَارْ ثْنَاينْ ن إِخْفَاونْ نّغْنِي ن ثجْمشْثْ، ذِي ثْمَا نّسْ نِّي قِيبَاتْشْ إِ ؤُپَالْطُو، غَارْ ذَاخڒْ.
EXO 39:20 ڭِّينْ [عَاوذْ] ثْنَاينْ ن ثخْرَازِينْ ن وُورغْ، شدّنْ ثنْثْ خْ ثْنَاينْ ن ثْغَارْضِينْ ن ؤُپَالْطُو [ن ؤُكهَّانْ]، سْوَادَّايْ، غَارْ زَّاثْ، قِيبَاتْشْ إِ ؤُسڒْقِي نّسْ غَارْ سنّجْ إِ ثْحزَّامْثْ إِزوّْقنْ ن ؤُپَالْطُو.
EXO 39:21 ؤُشَا شدّنْ ثَاجْمشْثْ س ثخْرَازِينْ نّسْ غَارْ ثخْرَازِينْ ن ؤُپَالْطُو [ن ؤُكهَّانْ] أَكْ-ذ إِجّْ ن ؤُفِيڒُو أَذحْمِي أَڒَامِي إِذْوڒْ سنّجْ إِ ثْحزَّامْثْ إِزوّْقنْ ن ؤُپَالْطُو، ؤُشَا [خنِّي] وَارْ ثْبطِّي ثجْمشْثْ خْ ؤُپَالْطُو، أَمْ مَامّشْ يُومُورْ سِيذِي إِ مُوسَا.
EXO 39:22 إِڭَّا عَاوذْ أَسڒْهَامْ ن ؤُپَالْطُو [ن ؤُكهَّانْ] [أَمْ مَامّشْ ث] إِتّڭّْ ؤُخيَّاضْ، [ثُوغَا-ث ذ] أَذحْمِي مَارَّا.
EXO 39:23 أَرْزَامْ ن ؤُسڒْهَامْ [ثُوغَا-ث] ذِي ڒْوسْطْ نّسْ [أَمْ مَامّشْ ڭِّينْ] أَرْزَامْ ن يِيرِي ن وَارُّوضْ ن وُوزَّاڒْ ن ؤُعسْكَارِي. ذڭْ ونّضْ ن وَارْزَامْ ثُوغَا ذِينْ إِشْثْ ن ثْمَا، [حِيمَا] وَارْ إِتّْشَارِّيڭْ.
EXO 39:24 غَارْ ثْمُووَّا [ن وَادَّايْ] ن ؤُسڒْهَامْ ڭِّينْ ثِيرمَّانِينْ س [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ [زڭْ إِفِيڒَانْ] إِمُوذنْ.
EXO 39:25 ڭِّينْ عَاوذْ نّْوَاقسْ ن وُورغْ إِصْفَانْ ؤُشَا سَّارْسنْ نّْوَاقسْ نِّي جَارْ ثْرمَّانِينْ غَارْ ثْمُووَّا [ن وَادَّايْ] ن ؤُسڒْهَامْ، ذڭْ ونّضْ جَارْ ثْرمَّانِينْ.
EXO 39:26 إِجّْ ن نَّاقُوسْ ذ إِشْثْ ن ثْرمَّانْثْ، [خنِّي عَاوذْ] إِجّْ ن نَّاقُوسْ ذ إِشْثْ ن ثْرمَّانْثْ غَارْ ثْمُووَّا [ن وَادَّايْ] ن ؤُسڒْهَامْ ذڭْ ونّضْ، مَاحنْذْ أَذْ ذَايسْ ڭّنْ ثَاسخَّارْثْ نْسنْ، أَمْ مَامّشْ يُومُورْ سِيذِي إِ مُوسَا.
EXO 39:27 ڭِّينْ ثْشَامِيرْ إِ هَارُونْ ذ وَارَّاوْ نّسْ س ڒقْطنْ أَزْذَاذْ، [أَمْ مَامّشْ ث] إِتّڭّْ ؤُخيَّاضْ،
EXO 39:28 أَرژّثْ ن ڒقْطنْ أَزْذَاذْ ذ ثْشُوشَّايْ إِزوّْقنْ ن ڒقْطنْ أَزْذَاذْ ذ سّْرَاوڒْ ن ڒقْطنْ س ڒقْطنْ أَزْذَاذْ إِمُوذنْ
EXO 39:29 ؤُ ثُوغَا ثَاحزَّامْثْ ن ڒقْطنْ أَزْذَاذْ إِمُوذنْ ؤُ ن [ؤُفِيڒُو] أَذحْمِي ذ ؤُرْجُووَانِي ذ ؤُزڭّْوَاغْ إِحذْقنْ، أَقَا-ت ذ إِجّْ ن ؤُمُوذِي ن ؤُخيَّاضْ، أَمْ مَامّشْ يُومُورْ سِيذِي إِ مُوسَا.
EXO 39:30 ڭِّينْ ثَاڒْوِيحْثْ س نُّووَارْ ن تَّاجْ إِقدّْسنْ ن وعْزَاڒْ س وُورغْ إِصْفَانْ ؤُشَا نقْشنْ ذَايسْ ثِيرَا-يَا: ”أَمْقدَّاسْ إِ سِيذِي!“، أَمْ مَامّشْ نقْشنْ ثَاخَاذنْثْ ن ؤُشمِّيعْ.
EXO 39:31 ؤُشَا شدّنْ أَسْ إِجّْ ن ؤُفِيڒُو إِمُوذنْ أَذحْمِي، حِيمَا أَذْ ت أَيْڒنْ سنّجْ إِ أَرژّثْ، أَمْ مَامّشْ يُومُورْ سِيذِي إِ مُوسَا.
EXO 39:32 أَمُّو إِ ثْكمّڒْ مَارَّا ڒْخذْمثْ ن ثْزذِّيغْثْ، أَقِيضُونْ ن ؤُمْسَاڭَارْ. أَيْثْ ن إِسْرَائِيل أَقَا ڭِّينْ ت أَمْ مَامّشْ يُومُورْ سِيذِي إِ مُوسَا، أَمُّو إِ ت ڭِّينْ.
EXO 39:33 كْسِينْ ثَازذِّيغْثْ غَارْ مُوسَا، أَقِيضُونْ ذ مَارَّا ڒقْشُوعْ نّسْ ذ ثْسنَّارِينْ نّسْ ذ ثْفڒْوِينْ نّسْ ذ ثْحنْيَا نّسْ ن ؤُعَارّضْ ذ إِپِيلَارنْ نّسْ ذ ثْيَارْسَاوِينْ نّسْ
EXO 39:34 ذ ثْسقَّافْثْ ن إِڒْمَاونْ إِزڭّْوَاغنْ ن إِشَارِّييّنْ ذ ثْسقَّافْثْ ن إِڒْمَاونْ ن دّنْفِيڒَاثْ ذ ؤُڒحَّافْ إِ دُّورِي،
EXO 39:35 تَّابُوثْ ن شّْهَاذثْ ذ إِعُومَاذْ نّسْ [إِ ثَاربُّوثْ] ذ ثْقبَّارْثْ ن وصْڒَاحْ
EXO 39:36 ذ ثَازوْضَا أَكْ-ذ مَارَّا ڒقْشُوعْ نّسْ ذ وغْرُومْ ن وسْشَانْ
EXO 39:37 ذ ڒْقنْذِيڒْ [ن وُورغْ] إِصْفَانْ ذ ڒفْنَارَاثْ نّسْ - ڒفْنَارَاثْ نِّي ثُوغَا إِتّْخصَّا أَذْ تّْوَاسّْوجْذنْثْ، ذ مَارَّا ڒقْشُوعْ نّسْ ذ زّشْثْ إِ ثْفَاوْثْ -
EXO 39:38 ذ ؤُعَالْطَارْ ن وُورغْ ذ زّشْثْ إِ وذْهَانْ ذ ڒبْخُورْ إِتّْفُوحنْ ذ أَرْوَاقْ إِ وَاذَافْ ن ؤُقِيضُونْ
EXO 39:39 ذ ؤُعَالْطَارْ ن نّْحَاسْ س ثْرَاشَّا ن نّْحَاسْ ذ إِعُومَاذْ نّسْ [إِ ثَاربُّوثْ] ذ مَارَّا ڒقْشُوعْ نّسْ ذ ثْبَانْيُوثْ أَكْ-ذ ؤُضَارْ نّسْ
EXO 39:40 ذ ڒِيزَارَاثْ ن ڒمْرَاحْ أَكْ-ذ إِپِيلَارنْ نْسنْثْ ذ ثْيَارْسَاوِينْ نْسنْ، ؤُڒَا ذ أَرْوَاقْ ن وَاذَافْ ن ڒمْرَاحْ ذ إِفِيڒَانْ نّسْ ذ ڒوْثَاذْ نّسْ ذ مَارَّا ڒقْشُوعْ إِ ثْسخَّارْثْ ن ثْزذِّيغْثْ، إِ ؤُقِيضُونْ ن ؤُمْسَاڭَارْ
EXO 39:41 ؤُڒَا ذ أَرُّوضْ إِ ثْسخَّارْثْ، حِيمَا أَذْ [زَّايسْ] سخَّارنْ [إِكهَّاننْ] ذِي زَّاوشْثْ إِقدّْسنْ، أَرُّوضْ إِقدّْسنْ إِ ؤُكهَّانْ هَارُونْ ذ أَرُّوضْ إِ وَارَّاوْ نّسْ، حِيمَا [أَذْ سخَّارنْ ذ] إِكهَّاننْ.
EXO 39:42 ڭِّينْ أَيْثْ ن إِسْرَائِيل مَارَّا ڒْخذْمثْ أَمْ مَامّشْ مَارَّا إِ يُومُورْ سِيذِي إِ مُوسَا.
EXO 39:43 إِخْزَارْ مُوسَا غَارْ مَارَّا ڒْخذْمثْ ؤُشَا إِژْرَا بلِّي ثتّْوَاڭّْ أَمْ مَامّشْ يُومُورْ سِيذِي، [وَاهْ،] أَمُّو إِ-ت ڭِّينْ. ؤُشَا إِبَارْكْ إِ-ثنْ مُوسَا.
EXO 40:1 إِسِّيوڒْ سِيذِي أَكْ-ذ مُوسَا، إِنَّا:
EXO 40:2 ”ذڭْ وَاسّْ أَمزْوَارُو ن ؤُيُورْ أَمزْوَارُو أَذْ ثسّْڭعّْذذْ ثَازذِّيغْثْ، أَقِيضُونْ ن ؤُمْسَاڭَارْ.
EXO 40:3 أَذْ ذَايسْ ثڭّذْ تَّابُوثْ ن شّْهَاذثْ ؤُشَا أَذْ ثذْڒذْ تَّابُوثْ س ؤُڒحَّافْ.
EXO 40:4 أَذْ ثسِّيذْفذْ ثَازوْضَا ؤُشَا أَذْ ت ثْستّْفذْ أَستّفْ نّسْ. أَذْ ثسِّيذْفذْ ڒْقنْذِيڒْ ؤُشَا أَذْ ثسِّيغذْ ڒفْنَارَاثْ نّسْ.
EXO 40:5 أَذْ ثسَّارْسذْ أَعَالْطَارْ ن وُورغْ إِ ڒبْخُورْ زَّاثْ إِ تَّابُوثْ ن شّْهَاذثْ ؤُشَا أَذْ ثڭّذْ أَرْوَاقْ ن وَاذَافْ زَّاثْ ن ثْزذِّيغْثْ.
EXO 40:6 أَذْ ثسَّارْسذْ أَعَالْطَارْ ن وشْمَاضْ زَّاثْ إِ وَاذَافْ ن ثْزذِّيغْثْ، أَقِيضُونْ ن ؤُمْسَاڭَارْ.
EXO 40:7 أَذْ ثسَّارْسذْ ثَابَانْيُوثْ جَارْ ؤُقِيضُونْ ن ؤُمْسَاڭَارْ ذ ؤُعَالْطَارْ ؤُشَا أَذْ ذَايسْ ثڭّذْ أَمَانْ.
EXO 40:8 أَذْ ثسّْبدّذْ ڒمْرَاحْ غَارْ مَارَّا إِغزْذِيسنْ نّسْ ؤُشَا أَذْ ثَايْڒذْ أَرْوَاقْ ن وَاذَافْ ن ڒمْرَاحْ.
EXO 40:9 أَذْ ثكْسِيذْ زّشْثْ إِ وذْهَانْ ؤُشَا أَذْ ثْذهْنذْ ثَازذِّيغْثْ ذ مَارَّا مِينْ ذَايسْ [إِدْجَانْ]. أَذْ ت ثسّْقدّْسذْ أَكْ-ذ مَارَّا ڒقْشُوعْ نّسْ. أَذْ ثِيڒِي نتَّاثْ ذ ثَامْقدَّاسْثْ.
EXO 40:10 أَذْ ثْذهْنذْ أَعَالْطَارْ ن وشْمَاضْ س مَارَّا ڒقْشُوعْ نّسْ. أَذْ ثسّْقدّْسذْ أَعَالْطَارْ. أَعَالْطَارْ [أَذْ يِيڒِي] ذ أَمْقدَّاسْ قَاعْ.
EXO 40:11 أَذْ ثْذهْنذْ ثَابَانْيُوثْ ذ ؤُضَارْ نّسْ ؤُشَا أَذْ ت ثسّْقدّْسذْ.
EXO 40:12 أَذْ د-ثسّْقَارّْبذْ هَارُونْ ذ وَارَّاوْ نّسْ غَارْ وَاذَافْ ن ؤُقِيضُونْ ن ؤُمْسَاڭَارْ ؤُشَا أَذْ ثنْ ثسِّيرْذذْ س وَامَانْ.
EXO 40:13 أَذْ ثسّْيَارْضذْ إِ هَارُونْ أَرُّوضْ إِقدّْسنْ ؤُشَا أَذْ ث ثْذهْنذْ ؤُشَا أَذْ ث ثسّْقدّْسذْ، مَاحنْذْ أَذْ أَيِي يِيڒِي ذ أَكهَّانْ إِ نشّْ.
EXO 40:14 خنِّي أَذْ د-ثسّْقَارّْبذْ إِحنْجِيرنْ نّسْ ؤُشَا أَذْ أَسنْ ثْيَارْضذْ ثْشَامِيرَاثْ.
EXO 40:15 أَذْ ثنْ ثْذهْنذْ أَمْ مَامّشْ ثْذهْنذْ بَابَاثْسنْ، مَاحنْذْ أَذْ أَيِي سخَّارنْ أَمْ يِيكهَّاننْ. أَذْ يِيڒِي وذْهَانْ نْسنْ إِ نِيثْنِي ذ إِشْثْ ن ثُوكهَّانْثْ إِ ڒبْذَا إِ [مَارَّا] جِّيڒَاثْ نْسنْ.“
EXO 40:16 إِڭَّا مُوسَا مَارَّا أَمْ مَامّشْ يُومُورْ سِيذِي، [وَاهْ،] أَمُّو إِ ث إِڭَّا.
EXO 40:17 إِمْسَارْ ذڭْ ؤُيُورْ أَمزْوَارُو ن ؤُسڭّْوَاسْ وِيسّْ ثْنَاينْ، ذڭْ وَاسّْ أَمزْوَارُو ن ؤُيُورْ، أَقَا سّْڭعّْذنْ ثَازذِّيغْثْ.
EXO 40:18 مُوسَا إِسّْڭعّذْ ثَازذِّيغْثْ، إِسَّارْسْ ثِييَارْسَاوِينْ نّسْ، إِڭَّا ذَايْسنْثْ ثِيفڒْوِينْ، إِڭَّا خَاسنْثْ ثِيحنْيَا ن ؤُعَارّضْ [ثِينِّي خَاسنْثْ إِژْوَانْ]، ؤُشَا إِسّْبدّْ إِپِيلَارنْ نّسْ.
EXO 40:19 إِبزّعْ أَقِيضُونْ خْ ثْزذِّيغْثْ ؤُشَا إِسَّارْسْ خَاسْ ثَاسقَّافْثْ ن ؤُقِيضُونْ أَمْ مَامّشْ يُومُورْ سِيذِي إِ مُوسَا.
EXO 40:20 إِكْسِي شّْهَاذثْ ؤُشَا إِسَّارْسْ إِ-ت ذَاخڒْ ذِي تَّابُوثْ ؤُشَا إِشدّْ إِعُومَاذْ [إِ ثَاربُّوثْ] غَارْ تَّابُوثْ ؤُشَا إِسَّارْسْ ثَاقبَّارْثْ ن وصْڒَاحْ خْ تَّابُوثْ.
EXO 40:21 إِسِّيذفْ تَّابُوثْ ذِي ثْزذِّيغْثْ ؤُشَا يُويڒْ أَڒحَّافْ أَمْ دُّورِي ؤُشَا إِسّْذُورِييْ تَّابُوثْ ن شّْهَاذثْ أَمْ مَامّشْ يُومُورْ سِيذِي إِ مُوسَا.
EXO 40:22 إِسَّارْسْ ثَازوْضَا ذڭْ ؤُقِيضُونْ ن ؤُمْسَاڭَارْ، غَارْ ؤُغزْذِيسْ ن شَّامَالْ ن ثْزذِّيغْثْ، غَارْ بَارَّا ن ؤُڒحَّافْ.
EXO 40:23 إِستّفْ خَاسْ أَغْرُومْ زَّاثْ إِ وُوذمْ ن سِيذِي، أَمْ مَامّشْ يُومُورْ سِيذِي إِ مُوسَا.
EXO 40:24 إِسَّارْسْ ڒْقنْذِيڒْ ذڭْ ؤُقِيضُونْ ن ؤُمْسَاڭَارْ، نِيشَانْ ذڭْ ؤُرنْذَاذْ ن ثْزوْضَا، غَارْ جِّيهثْ ن لْجَانُوبْ ن ثْزذِّيغْثْ.
EXO 40:25 إِسَّارْسْ خَاسْ ثِيفْثِيڒِينْ زَّاثْ إِ وُوذمْ ن سِيذِي، أَمْ مَامّشْ يُومُورْ سِيذِي إِ مُوسَا.
EXO 40:26 إِوْشَا أَمْشَانْ إِ ؤُعَالْطَارْ ن وُورغْ ذڭْ ؤُقِيضُونْ ن ؤُمْسَاڭَارْ زَّاثْ إِ ؤُڒحَّافْ.
EXO 40:27 إِسّْبخَّارْ خَاسْ ڒبْخُورْ إِتّْفُوحنْ أَمْ مَامّشْ يُومُورْ سِيذِي إِ مُوسَا.
EXO 40:28 يُويڒْ أَرْوَاقْ غَارْ وَاذَافْ ن ثْزذِّيغْثْ.
EXO 40:29 إِوْشَا أَمْشَانْ إِ ؤُعَالْطَارْ ن وشْمَاضْ غَارْ وَاذَافْ ن ثْزذِّيغْثْ، أَقِيضُونْ ن ؤُمْسَاڭَارْ. إِسّْبخَّارْ خَاسْ ثَاغَارْصْثْ ن وشْمَاضْ ذ ثوْهِيبْثْ [ن ڒْغِيدْجثْ]، أَمْ مَامّشْ يُومُورْ سِيذِي إِ مُوسَا.
EXO 40:30 إِسَّارْسْ ثَابَانْيُوثْ جَارْ ؤُقِيضُونْ ن ؤُمْسَاڭَارْ ذ ؤُعَالْطَارْ. إِڭَّا ذَايسْ أَمَانْ إِ ؤُسِيرْذْ.
EXO 40:31 مُوسَا ذ هَارُونْ ذ وَارَّاوْ نّسْ سِّيرْذنْ زَّايسْ إِفَاسّنْ ذ إِضَارنْ نْسنْ.
EXO 40:32 ڒَامِي ثُوغَا تَّاذْفنْ غَارْ ؤُقِيضُونْ ن ؤُمْسَاڭَارْ ؤُ ڒَامِي د-تّْقَارَّابنْ غَارْ ؤُعَالْطَارْ، سِّيرْذنْ إِخفْ نْسنْ أَمْ مَامّشْ يُومُورْ سِيذِي إِ مُوسَا.
EXO 40:33 غَارْ مَارَّا إِغزْذِيسنْ ن ثْزذِّيغْثْ ذ ؤُعَالْطَارْ إِتّْوَاڭّْ أَسْ-د ڒمْرَاحْ ؤُشَا يُويڒْ نتَّا أَرْوَاقْ ن وَاذَافْ ن ڒمْرَاحْ. [أَمُّو] إِ إِكمّڒْ مُوسَا ڒْخذْمثْ.
EXO 40:34 [خنِّي] إِذْڒَا ؤُسيْنُو أَقِيضُونْ ن ؤُمْسَاڭَارْ ؤُشَا أَعُودْجِي ن سِيذِي إِشُّورْ ثَازذِّيغْثْ.
EXO 40:35 وَارْ إِزمَّارْ مُوسَا أَذْ يَاذفْ غَارْ ؤُقِيضُونْ ن ؤُمْسَاڭَارْ، مِينْزِي أَسيْنُو يَارْسَا خَاسْ ؤُ أَعُودْجِي ن سِيذِي إِشُّورْ ثَازذِّيغْثْ.
EXO 40:36 ڒَامِي د-إِڭعّذْ ؤُسيْنُو زِي سنّجْ ن ثْزذِّيغْثْ، فسْينْ أَيْثْ ن إِسْرَائِيل إِقِيضَانْ نْسنْ ؤُشَا [أَمُّو] مُوطّْينْ [زڭْ ومْشَانْ غَارْ ومْشَانْ].
EXO 40:37 مَاڒَا وَارْ د-إِڭعّذْ ؤُسيْنُو، وَارْ فسْينْ إِقِيضَانْ نْسنْ أَڒْ أَسّْ إِ ذِي ثُوغَا إِتّْڭعّذْ.
EXO 40:38 مِينْزِي أَسيْنُو ن سِيذِي ثُوغَا يَارْسَا خْ ثْزذِّيغْثْ س ؤُزِيڒْ ؤُشَا ذِي دْجِيڒثْ ثُوغَا ثِيمسِّي زَّاثْ إِ ثِيطَّاوِينْ ن مَارَّا ثَادَّارْثْ ن إِسْرَائِيل ذڭْ إِمُوطُّوينْ نْسنْ [زڭْ ومْشَانْ غَارْ ومْشَانْ].
LEV 1:1 إِڒَاغَا إِ مُوسَا ؤُشَا إِسِّيوڒْ سِيذِي أَكِيذسْ زڭْ ؤُقِيضُونْ ن ؤُمْسَاڭَارْ، إِنَّا:
LEV 1:2 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي أَسنْ: ’مَاڒَا إِسّْقَارّبْ إِجّْ ن بْنَاذمْ زَّايْومْ ثَاوْهِيبْثْ إِ سِيذِي، [خنِّي] أَذْ د-ثسّْقَارّْبمْ ثَاوْهِيبْثْ نْومْ زِي ڒبْهَايمْ، زڭْ إِفُونَاسنْ ذ ثْفُونَاسِينْ نِيغْ زڭْ وُودْجِي.
LEV 1:3 مَاڒَا ثَاوْهِيبْثْ نّسْ ذ ثَاغَارْصْثْ ن وشْمَاضْ زڭْ إِفُونَاسنْ ذ ثْفُونَاسِينْ، [خنِّي] أَذْ د-إِسّْقَارّبْ إِجّْ ن ؤُوْثمْ إِشْنَانْ قَاعْ. أَذْ ث يِيوِي غَارْ وَاذَافْ ن ؤُقِيضُونْ ن ؤُمْسَاڭَارْ، مَاحنْذْ أَذْ يَافْ أَرْضَا زَّاثْ إِ وُوذمْ ن سِيذِي.
LEV 1:4 أَذْ يڭّْ أَفُوسْ نّسْ خْ ؤُزدْجِيفْ ن ثْغَارْصْثْ ن وشْمَاضْ ؤُشَا أَمُّو إِ غَا ثتّْوَاقْبڒْ [ثْغَارْصْثْ] س أَرْضَا ذِي طّْوعْ نّسْ، مَاحنْذْ أَذْ يِيڒِي إِ وصْڒَاحْ نّسْ.
LEV 1:5 أَذْ إِغَارْصْ إِ ؤُمژْيَانْ ن ؤُفُونَاسْ زَّاثْ إِ وُوذمْ ن سِيذِي ؤُشَا أَرَّاوْ ن هَارُونْ، إِكهَّاننْ، أَذْ د-إِوْينْ إِذَامّنْ، أَذْ زدْجْعنْ إِذَامّنْ غَارْ مَارَّا إِغزْذِيسنْ خْ ؤُعَالْطَارْ نِّي إِدْجَانْ غَارْ وَاذَافْ ن ؤُقِيضُونْ ن ؤُمْسَاڭَارْ.
LEV 1:6 أَذْ إِكّسْ ثِيڒْمشْثْ ن ثْغَارْصْثْ ن وشْمَاضْ ؤُشَا أَذْ إِبْضَا [أَفُونَاسْ] ذ إِشدْجِيقنْ.
LEV 1:7 أَرَّاوْ ن أَكهَّانْ هَارُونْ أَذْ سَّارْغنْ ثِيمسِّي خْ ؤُعَالْطَارْ ؤُشَا أَذْ ستّْفنْ أَكشُّوضْ خْ ثْمسِّي.
LEV 1:8 أَرَّاوْ ن هَارُونْ، إِكهَّاننْ، أَذْ ستّْفنْ إِشدْجِيقنْ ذ ؤُزدْجِيفْ ذ ثَاذُونْثْ خْ ؤُكشُّوضْ نِّي إِدْجَانْ خْ ثْمسِّي إِ إِدْجَانْ خْ ؤُعَالْطَارْ.
LEV 1:9 نتَّا أَذْ إِسِّيرْذْ أَذَانْ نّسْ ذ إِضَارنْ نّسْ س وَامَانْ. أَكهَّانْ أَذْ إِسّْبخَّارْ مَانْ أَيَا مَارَّا خْ ؤُعَالْطَارْ، أَقَا ذ ثَاغَارْصْثْ ن وشْمَاضْ، ذ ثَاوْهِيبْثْ ن ثْمسِّي، ذ إِشْثْ ن ڒفْوَاحثْ إِتّْفُوحنْ إِ سِيذِي.
LEV 1:10 مَاڒَا ثَاوْهِيبْثْ نّسْ ذ ثَاغَارْصْثْ ن وشْمَاضْ زڭْ وُودْجِي، زڭْ إِحُوڒِييّنْ نِيغْ زڭْ إِغَايْضنْ، [خنِّي] إِتّْخصَّا أَذْ د-إِسّْقَارّبْ أَوْثمْ إِشْنَانْ قَاعْ.
LEV 1:11 أَذْ أَسْ إِغَارْصْ زَّاثْ إِ وُوذمْ ن سِيذِي غَارْ ؤُغزْذِيسْ ن شَّامَالْ ن ؤُعَالْطَارْ ؤُشَا أَرَّاوْ ن هَارُونْ، إِكهَّاننْ، أَذْ زدْجْعنْ إِذَامّنْ نّسْ خْ ؤُعَالْطَارْ غَارْ مَارَّا إِغزْذِيسنْ نّسْ.
LEV 1:12 أَذْ ث إِبْضَا ذ إِشدْجِيقنْ، أَكْ-ذ أَزدْجِيفْ نّسْ ذ ثَاذُونْثْ نّسْ، ؤُشَا أَكهَّانْ أَذْ ثنْ إِستّفْ خْ ؤُكشُّوضْ نِّي إِدْجَانْ خْ ثْمسِّي [إِ إِدْجَانْ] خْ ؤُعَالْطَارْ.
LEV 1:13 أَذْ إِسِّيرْذْ أَذَانْ نّسْ ذ إِشكْرَاذنْ نّسْ س وَامَانْ. أَكهَّانْ أَذْ يَاوِي مَانْ أَيَا مَارَّا ؤُ أَذْ ث إِسّْبخَّارْ خْ ؤُعَالْطَارْ. [أَقَا] ذ إِشْثْ ن ثْغَارْصْثْ ن وشْمَاضْ، إِشْثْ ن ثوْهِيبْثْ ن ثْمسِّي، إِشْثْ ن ڒفْوَاحثْ إِتّْفُوحنْ إِ سِيذِي.
LEV 1:14 مَاڒَا ثَاوْهِيبْثْ نّسْ ذ ثَاغَارْصْثْ ن وشْمَاضْ زڭْ إِجْضَاضْ إِ سِيذِي، [خنِّي] أَذْ يَاوِي ثَاوْهِيبْثْ نّسْ زِي ثجْلِيلِّيحِينْ نِيغْ زڭْ إِذْبِيرنْ إِمژْيَاننْ.
LEV 1:15 أَكهَّانْ أَذْ ث يَاوِي غَارْ ؤُعَالْطَارْ، أَذْ أَسْ إِكّسْ أَزدْجِيفْ ؤُشَا أَذْ ث إِسّْبخَّارْ خْ ؤُعَالْطَارْ. أَذْ إِژمّْ إِذَامّنْ نّسْ خْ ؤُغزْذِيسْ ن ؤُعَالْطَارْ
LEV 1:16 ؤُشَا أَذْ أَسْ إِكّسْ أَسيْرُو أَكْ-ذ مِينْ ذَايسْ إِقِّيمنْ ؤُ أَذْ إِنْضَارْ أَيَا زَّاثْ إِ ؤُعَالْطَارْ غَارْ ؤُغزْذِيسْ ن شَّارْقْ خْ ومْشَانْ ن إِغّضْ ن مِينْ إِقِّيمنْ ن ثَاذُونْثْ
LEV 1:17 أَذْ ث إِشَارّڭْ غَارْ وفْرِيونْ، [مَاشَا] وَارْ ث إِبطِّي شَا قَاعْ، ؤُشَا أَكهَّانْ أَذْ ث إِسّْبخَّارْ خْ ؤُعَالْطَارْ، خْ ؤُكشُّوضْ نِّي إِدْجَانْ خْ ثْمسِّي. أَقَا ذ إِشْثْ ن ثْغَارْصْثْ ن وشْمَاضْ، ذ إِشْثْ ن ثوْهِيبْثْ ن ثْمسِّي، ذ إِشْثْ ن ڒفْوَاحثْ إِتّْفُوحنْ إِ سِيذِي.‘ “
LEV 2:1 ”مَاڒَا إِقدّمْ حذْ ثَاوْهِيبْثْ ن ڒْغِيدْجثْ غَارْ سِيذِي، أَذْ ثِيڒِي ثوْهِيبْثْ نّسْ ن وَارنْ أَزْذَاذْ ؤُشَا أَذْ خَاسْ إِسيّبْ زّشْثْ ؤُشَا أَذْ خَاسْ إِسَّارْسْ جَّاوِي.
LEV 2:2 أَذْ ت يَاوِي غَارْ وَارَّاوْ ن هَارُونْ، إِكهَّاننْ، ؤُشَا أَذْ زَّايسْ إِكْسِي ؤُكهَّانْ إِجّْ ن وُورُو إِشُّورْ زڭْ وَارنْ أَزْذَاذْ نِّي ؤُ زِي زّشْثْ نِّي أَكْ-ذ مَارَّا جَّاوِي، ؤُشَا أَكهَّانْ أَذْ إِسّْبخَّارْ أَيَا خْ ؤُعَالْطَارْ إِ ڒِيذَارثْ [إِ ثوْهِيبْثْ نِّي]، أَقَا ذ إِشْثْ ن ثوْهِيبْثْ ن ثْمسِّي ذ إِشْثْ ن ڒفْوَاحثْ إِتّْفُوحنْ إِ سِيذِي.
LEV 2:3 مِينْ إِقِّيمنْ ن ثوْهِيبْثْ [ن ڒْغِيدْجثْ] [أَذْ يِيڒِي] إِ هَارُونْ ؤُ إِ وَارَّاوْ نّسْ. [أَقَا] ذ أَمْقدَّاسْ قَاعْ زِي مَارَّا ثِيوْهِيبِينْ ن ثْمسِّي ن سِيذِي.
LEV 2:4 مَاڒَا ثْقدّْمذْ ثَاوْهِيبْثْ إِ إِدْجَانْ ذ ثَاوْهِيبْثْ ن ڒْغِيدْجثْ ذَارْحنْ ت ذِي ثفْقُونْثْ، [خنِّي أَذْ ثِيڒِي] ذ ڒمْسمْنَاثْ بْڒَا أَنْثُونْ، إِخدْجْضنْ س زّشْثْ، ؤُڒَا ذ ثِيڒْفَافْ بْڒَا أَنْثُونْ تّْوَاذهْننْثْ س زّشْثْ، [مَارَّا] زڭْ وَارنْ أَزْذَاذْ.
LEV 2:5 مَاڒَا ثَاوْهِيبْثْ نّشْ ذ ثَاوْهِيبْثْ ن ڒْغِيدْجثْ ڭّْوِينْ ت خْ وخْذِيمْ، أَذْ ثِيڒِي ن وَارنْ أَزْذَاذْ إِخدْجْضنْ س زّشْثْ، وَارْذَايسْ بُو ونْثُونْ.
LEV 2:6 أَذْ ثنْ ثَارْژذْ ذ إِفثْوِيثنْ ؤُشَا أَذْ خَاسْ ثْسيّْبذْ زّشْثْ. أَقَا-ت ذ إِشْثْ ن ثوْهِيبْثْ [ن ڒْغِيدْجثْ].
LEV 2:7 مَاڒَا ثَاوْهِيبْثْ نّشْ ذ ثَاوْهِيبْثْ ن ڒْغِيدْجثْ ڭّْوِينْ ت ذِي طَّاجِّينْ، أَذْ ثِيڒِي ثوْجذْ س وَارنْ أَزْذَاذْ أَكْ-ذ زّشْثْ.
LEV 2:8 ثَاوْهِيبْثْ [ن ڒْغِيدْجثْ] إِ زَّايْسنْ إِوجْذنْ، أَذْ ت ثَاوْيذْ غَارْ سِيذِي. بْنَاذمْ أَذْ زَّايسْ د-إِقَارّبْ غَارْ ؤُكهَّانْ ؤُشَا وَانِيثَا أَذْ ت يَاوِي غَارْ ؤُعَالْطَارْ.
LEV 2:9 أَذْ إِكْسِي ؤُكهَّانْ زِي ثوْهِيبْثْ [ن ڒْغِيدْجثْ] إِشْثْ ن ڒِيذَارثْ ؤُشَا أَذْ [ت] إِسّْبخَّارْ خْ ؤُعَالْطَارْ، [أَقَا] ذ ثَاوْهِيبْثْ ن ثْمسِّي، ذ ڒفْوَاحثْ إِتّْفُوحنْ إِ سِيذِي.
LEV 2:10 مِينْ إِقِّيمنْ ن ثوْهِيبْثْ [ن ڒْغِيدْجثْ] أَذْ يِيڒِي إِ هَارُونْ ؤُ إِ وَارَّاوْ نّسْ. [أَقَا-ث] ذ أَمْقدَّاسْ قَاعْ زِي ثوْهِيبِينْ ن ثْمسِّي ن سِيذِي.
LEV 2:11 وَارْ إِعدّڒْ إِ ؤُڒَا ذ إِشْثْ ن ثوْهِيبْثْ [ن ڒْغِيدْجثْ] إِ غَا ثْقدّْممْ إِ سِيذِي أَذْ ثِيڒِي ثوْجذْ س ونْثُونْ. مَاغَارْ زِي مِينْ مَا ن ونْثُونْ ذ زِي مِينْ مَا ثَامّنْثْ وَارْ زَّايسْ ثسّْبخَّارَامْ شَا ؤُڒَا ذ إِشْثْ ن ثوْهِيبْثْ ن ثْمسِّي إِ سِيذِي.
LEV 2:12 أَذْ ثِيوْيمْ ثَاوْهِيبْثْ ن ؤُسُوفّغْ أَمزْوَارُو ن صَّابثْ غَارْ سِيذِي، مَاشَا نِيثْنِي وَارْ زمَّارنْ أَذْ سّْبخَّارنْ [ثَاوْهِيبْثْ-أَ] خْ ؤُعَالْطَارْ [أَمْ] ڒفْوَاحثْ إِتّْفُوحنْ إِ سِيذِي.
LEV 2:13 كُوڒْ ثَاوْهِيبْثْ ن ثوْهِيبْثْ [ن ڒْغِيدْجثْ] نّشْ أَذْ ثِيڒِي ثْمدْجْحذْ س ثْمدْجَاحْطْ. ثَامدْجَاحْثْ ن ڒْعَاهْذْ ن أَربِّي نّشْ وَارْ ثْزمَّارْ أَذْ ثنْقصْ غَارْ ثوْهِيبْثْ [ن ڒْغِيدْجثْ] نّشْ. أَذْ ثْقدّْمذْ ثَامدْجَاحْثْ غَارْ كُوڒْ ثَاوْهِيبْثْ نّشْ.
LEV 2:14 مَاڒَا ثِيوْيذْ إِشْثْ ن ثوْهِيبْثْ [ن ڒْغِيدْجثْ] ن ثْمنْزُوثْ، أَذْ ثِيوْيذْ ثِيذْرِينْ يِيوْضنْ، ثِينِّي إِتّْوَافَارنْ خْ ثْمسِّي، أَكْ-ذ ڒْحبّْ أَزِيزَا إِبَارْينْ أَمْ ثوْهِيبْثْ [ن ڒْغِيدْجثْ] زِي ثْمنْزُوثْ نّشْ.
LEV 2:15 أَذْ خَاسْ ثْسيّْبذْ زّشْثْ ؤُ أَذْ خَاسْ ثسَّارْسذْ جَّاوِي، أَقَا ذ ثَاوْهِيبْثْ [ن ڒْغِيدْجثْ].
LEV 2:16 [خنِّي] أَذْ إِسّْبخَّارْ ؤُكهَّانْ [إِجّْ ن وزْينْ] زِي ڒْحبّْ إِبَارْينْ ؤُ زِي زّشْثْ نّسْ أَكْ-ذ مَارَّا جَّاوِي نّسْ إِ خَاسْ إِدْجَانْ أَمْ ثوْهِيبْثْ ن ڒِيذَارثْ ذِي مَانْ أَيَا. [أَقَا] ذ ثَاوْهِيبْثْ ن ثْمسِّي إِ سِيذِي.“
LEV 3:1 ”مَاڒَا ثَاوْهِيبْثْ نّسْ ذ ثَاغَارْصْثْ ن ڒهْنَا، إِتّْخصَّا، مَاڒَا خنِّي إِسّْقَارّبْ-د [أَمُودَّارْ]، أَذْ يِيڒِي ذ أَوْثمْ [نِيغْ] ذ ثَاوْثمْثْ ن إِفُونَاسنْ ذ ثْفُونَاسِينْ، أَذْ د-إِسّْقَارّبْ [إِجّْ ن ؤُمُودَّارْ] إِشْنَانْ قَاعْ زَّاثْ إِ وُوذمْ ن سِيذِي.
LEV 3:2 أَذْ إِسَّارْسْ أَفُوسْ نّسْ خْ ؤُزدْجِيفْ ن ثوْهِيبْثْ نّسْ ؤُشَا أَذْ أَسْ إِغَارْصْ قِيبَاتْشْ إِ وَاذَافْ ن ؤُقِيضُونْ ن ؤُمْسَاڭَارْ ؤُشَا أَرَّاوْ ن هَارُونْ، إِكهَّاننْ، أَذْ زدْجْعنْ إِذَامّنْ نّسْ خْ ؤُعَالْطَارْ غَارْ [مَارَّا] إِغزْذِيسنْ [نّسْ].
LEV 3:3 زِي ثوْهِيبْثْ ن ڒهْنَا أَذْ إِقدّمْ إِشْثْ ثوْهِيبْثْ ن ثْمسِّي إِ سِيذِي، [إِخْسْ أَذْ يِينِي] ثَاذُونْثْ إِ إِذْڒِينْ أَذَانْ ذ مَارَّا ثَاذُونْثْ [إِ إِدْجَانْ] خْ وَاذَانْ.
LEV 3:4 أَذْ إِكّسْ ثْنَاينْ ن ثِيژَّاڒْ أَكْ-ذ ثَاذُونْثْ إِ خَاسنْثْ [إِدْجَانْ] غَارْ ثجْعِينَّا ؤُڒَا ذ مِينْ يُويْڒنْ غَارْ ثْسَا ؤُ [يَارْسَا] خْ ثِيژَّاڒْ.
LEV 3:5 أَرَّاوْ ن هَارُونْ أَذْ سّْبخَّارنْ أَيَا خْ ؤُعَالْطَارْ خْ ثْغَارْصْثْ ن وشْمَاضْ إِ إِدْجَانْ خْ ؤُكشُّوضْ إِ ذِينْ إِدْجَانْ خْ ثْمسِّي. أَقَا-ث ذ ثَاوْهِيبْثْ ن ثْمسِّي، ذ إِشْثْ ن ڒفْوَاحثْ إِتّْفُوحنْ إِ سِيذِي.
LEV 3:6 مَاڒَا ثَاوْهِيبْثْ نّسْ ذ ثَاغَارْصْثْ ن ڒهْنَا إِ سِيذِي، أَوْثمْ [نِيغْ] ذ ثَاوْثمْثْ ن وُودْجِي، [خنِّي] أَذْ د-إِسّْقَارّبْ [إِجّْ ن ؤُمُوذَارْ] إِشْنَانْ قَاعْ.
LEV 3:7 مَاڒَا ذ ؤُحُوڒِي إِ د-إِسّْقَارّبْ ذ ثَاغَارْصْثْ، [خنِّي] أَذْ ث-إِ-د إِسّْقَارّبْ زَّاثْ إِ وُوذمْ ن سِيذِي.
LEV 3:8 نتَّا أَذْ إِسَّارْسْ أَفُوسْ نّسْ خْ ؤُزدْجِيفْ ن ثوْهِيبْثْ نّسْ ؤُشَا أَذْ أَسْ إِغَارْصْ زَّاثْ إِ ؤُقِيضُونْ ن ؤُمْسَاڭَارْ، ؤُشَا أَرَّاوْ ن هَارُونْ أَذْ زدْجْعنْ إِذَامّنْ نّسْ خْ ؤُعَالْطَارْ غَارْ [مَارَّا] إِغزْذِيسنْ [نّسْ].
LEV 3:9 أَذْ إِقدّمْ ثَاذُونْثْ ن ثْغَارْصْثْ نْ ڒهْنَا أَمْ يِيشْثْ ن ثوْهِيبْثْ ن ثْمسِّي إِ سِيذِي: مَارَّا ثَانوَّارْثْ [ن ثَاذُونْثْ] نِّي يُوذْسنْ أَبعْصُوصْ أَذْ ت إِكّسْ، ؤُڒَا ذ ثَاذُونْثْ إِ إِذْڒِينْ أَذَانْ ذ مَارَّا ثَاذُونْثْ [إِ إِدْجَانْ] خْ وَاذَانْ
LEV 3:10 ؤُشَا أَذْ إِكّسْ ؤُڒَا ذ ثْنَاينْ ن ثِيژَّاڒْ أَكْ-ذ ثَاذُونْثْ إِ خَاسنْثْ [إِدْجَانْ] غَارْ ثجْعِينَّا ذ مِينْ يُويْڒنْ غَارْ ثْسَا ؤُ [يَارْسَا] خْ ثِيژَّاڒْ.
LEV 3:11 أَكهَّانْ أَذْ إِسّْبخَّارْ أَيَا خْ ؤُعَالْطَارْ. [أَقَا] ذ مَاشَّا، إِشْثْ ن ثوْهِيبْثْ ن ثْمسِّي إِ سِيذِي.
LEV 3:12 مَاڒَا ثَاوْهِيبْثْ نّسْ ذ إِغَايْضْ، [خنِّي] أَذْ ث-إِ-د-إِسّْقَارّبْ زَّاثْ إِ وُوذمْ ن سِيذِي.
LEV 3:13 أَذْ إِسَّارْسْ أَفُوسْ نّسْ خْ ؤُزدْجِيفْ نّسْ ؤُشَا أَذْ أَسْ إِغَارْصْ زَّاثْ إِ ؤُقِيضُونْ ن ؤُمْسَاڭَارْ، ؤُشَا أَرَّاوْ ن هَارُونْ أَذْ زدْجْعنْ [شْوَايْثْ ن] إِذَامّنْ نّسْ خْ ؤُعَالْطَارْ غَارْ [مَارَّا] إِغزْذِيسنْ [نّسْ].
LEV 3:14 أَذْ زَّايسْ إِقدّمْ ثَاوْهِيبْثْ نّسْ، [إِخْسْ أَذْ يِينِي] ثَاذُونْثْ إِ إِذْڒِينْ أَذَانْ، ؤُ مَارَّا ثَاذُونْثْ إِ [إِدْجَانْ] خْ وَاذَانْ، أَمْ ثوْهِيبْثْ ن ثْمسِّي إِ سِيذِي
LEV 3:15 ؤُشَا أَذْ إِكّسْ ؤُڒَا ذ ثْنَاينْ ن ثِيژَّاڒْ أَكْ-ذ ثَاذُونْثْ إِ خَاسنْثْ [إِدْجَانْ] غَارْ ثجْعِينَّا ؤُڒَا ذ مِينْ يُويْڒنْ غَارْ ثْسَا ؤُ [يَارْسَا] خْ ثِيژَّاڒْ.
LEV 3:16 أَكهَّانْ أَذْ إِسّْبخَّارْ أَيَا خْ ؤُعَالْطَارْ، [أَقَا] ذ مَاشَّا ن ثوْهِيبْثْ ن ثْمسِّي س إِشْثْ ن ڒفْوَاحثْ إِتّْفُوحنْ. مَارَّا ثَاذُونْثْ [أَذْ ثِيڒِي] إِ سِيذِي.
LEV 3:17 [ثَا] ذ ثَاوْصيّثْ إِ ڒبْذَا إِ [مَارَّا] جِّيڒَاثْ نْومْ، مَانِي مَا إِ غَا ثْزذْغمْ: مَارَّا ثَاذُونْثْ ذ مَارَّا إِذَامّنْ وَارْ ثنْ تّتّمْ.“
LEV 4:1 إِسِّيوڒْ سِيذِي أَكْ-ذ مُوسَا، إِنَّا:
LEV 4:2 ”سِيوڒْ أَكْ-ذ أَيْثْ ن إِسْرَائِيل، إِنِي: ’مَاڒَا شَا ن يِيجّنْ إِخْضَا أَمْ إِودَّارْ خْ مَارَّا ثِيوصَّا ن سِيذِي، مِينْ وَارْ إِتّْخصِّي أَذْ إِتّْوَاڭّْ، ؤُ نتَّا إِخْضَا ذڭْ إِشْثْ زَّايْسنْثْ، [خنِّي أَذْ ثِيڒِي ثْمسْڒَاشْثْ أَمُّو]:
LEV 4:3 مَاڒَا أَكهَّانْ أَمذْهُونْ إِخْضَا، أَڒَامِي إِذْوڒْ ڒْڭنْسْ إِخْضَا، أَذْ د-إِسّْقَارّبْ إِجّْ ن ؤُفُونَاسْ. - أَمژْيَانْ إِشْنَانْ قَاعْ ن إِشْثْ ن ثْفُونَاسْثْ - أَمْ ثْغَارْصْثْ ن دّنْبْ إِ سِيذِي ذِي طّْوعْ ن دّنْبْ نّسْ إِ إِڭَّا.
LEV 4:4 أَذْ يَاوِي أَفُونَاسْ [نِّي] أَمژْيَانْ غَارْ وَاذَافْ ن ؤُقِيضُونْ ن ؤُمْسَاڭَارْ، زَّاثْ إِ وُوذمْ ن سِيذِي، ؤُشَا نتَّا أَذْ إِسَّارْسْ أَفُوسْ نّسْ خْ ؤُزدْجِيفْ ن ؤُفُونَاسْ أَمژْيَانْ ؤُشَا أَذْ أَسْ إِغَارْصْ إِ ؤُفُونَاسْ أَمژْيَانْ زَّاثْ إِ وُوذمْ ن سِيذِي.
LEV 4:5 [خنِّي] أَكهَّانْ أَمذْهُونْ أَذْ إِكْسِي [شَا] زڭْ إِذَامّنْ ن ؤُفُونَاسْ أَمژْيَانْ ؤُشَا أَذْ ث يَاوِي غَارْ ؤُقِيضُونْ ن ؤُمْسَاڭَارْ.
LEV 4:6 أَذْ إِسُّوفْ ؤُكهَّانْ أَضَاضْ نّسْ ذڭْ إِذَامّنْ ؤُشَا أَذْ إِرُوشّْ شَا زڭْ إِذَامّنْ نِّي سبْعَا ن ثْوَاڒَاوِينْ زَّاثْ إِ وُوذمْ ن سِيذِي، زَّاثْ إِ ؤُڒحَّافْ ن زَّاوشْثْ إِقدّْسنْ.
LEV 4:7 أَذْ إِڭّْ ؤُكهَّانْ [شْوَايْثْ] ن إِذَامّنْ خْ وَاشَّاونْ ن ؤُعَالْطَارْ إِ ڒبْخُورْ إِتّْفُوحنْ إِ [ذِينْ] زَّاثْ إِ وُوذمْ ن سِيذِي ذڭْ ؤُقِيضُونْ ن ؤُمْسَاڭَارْ. نتَّا أَذْ إِفَارّغْ مَارَّا إِذَامّنْ [إِ إِقِّيمنْ] ن ؤُفُونَاسْ أَمژْيَانْ غَارْ ؤُضَارْ ن ؤُعَالْطَارْ ن وشْمَاضْ غَارْ وَاذَافْ ن ؤُقِيضُونْ ن ؤُمْسَاڭَارْ.
LEV 4:8 أَذْ إِكّسْ مَارَّا ثَاذُونْثْ ن ؤُفُونَاسْ أَمژْيَانْ ن ثْغَارْصْثْ: ثَاذُونْثْ إِ إِذْڒِينْ أَذَانْ ذ مَارَّا ثَاذُونْثْ [إِ إِدْجَانْ] خْ وَاذَانْ
LEV 4:9 ؤُشَا أَذْ إِكّسْ ثْنَاينْ ن ثِيژَّاڒْ أَكْ-ذ ثَاذُونْثْ إِ خَاسنْثْ [إِدْجَانْ] غَارْ ثجْعِينَّا ؤُڒَا ذ مِينْ يُويْڒنْ غَارْ ثْسَا ؤُ [يَارْسَا] خْ ثِيژَّاڒْ،
LEV 4:10 أَمْ مَامّشْ إِكّسْ مَانْ أَيَا خْ ؤُفُونَاسْ ن ثْغَارْصِي ن ڒهْنَا، ؤُشَا أَكهَّانْ أَذْ إِسّْبخَّارْ أَيَا خْ ؤُعَالْطَارْ ن وشْمَاضْ.
LEV 4:11 إِڒمْ ن ؤُفُونَاسْ أَمژْيَانْ ذ مَارَّا أَيْسُومْ نّسْ أَكْ-ذ ؤُزدْجِيفْ ذ إِشكْرَاذْ نّسْ ذ وَاذَانْ نّسْ ذ ؤُمسَّاڒْ نّسْ [إِ ذَايسْ]،
LEV 4:12 أَقَا مَارَّا أَفُونَاسْ أَمژْيَانْ أَذْ ث إِسُّوفّغْ بَارَّا إِ ڒْمَارْڭحْ ن ڒْعسْكَارْ غَارْ إِجّْ ن ومْشَانْ إِصْفَا مَانِي تّڭّنْ إِغّضْ إِ إِقِّيمنْ ن ثَاذُونْثْ ؤُشَا أَذْ ث إِسّشْمضْ س ثْمسِّي خْ ؤُكشُّوضْ. أَذْ ث شمْضنْ مَانِي زدْجْعنْ إِغّضْ.
LEV 4:13 مَاڒَا ثفّغْ ثْمسْمُونْثْ ن إِسْرَائِيل مَارَّا زڭْ وبْرِيذْ ؤُشَا ثفَّارْ ثْمسْڒَاشْثْ خْ ثِيطَّاوِينْ ن وڭْرَاوْ [ن ڒْڭنْسْ]، ؤُشَا نِيثْنِي ڭِّينْ إِشْثْ [ن ڒْحَاجّثْ] [نِّي إِفّْغنْ] خْ مَارَّا ثِيوصَّا ن سِيذِي، [زِي جِّيهثْ ن] مِينْ وَارْ إِتّْخصِّي أَذْ يڭّْ، ؤُشَا إِذْوڒْ ذَايْسنْ ؤُمَارْوَاسْ،
LEV 4:14 ؤُشَا إِبَانْ-د دّنْبْ إِ زِي إِفّْغنْ خْ وبْرِيذْ ن ڒُومُورَاثْ، [خنِّي] أَذْ د-إِسّْقَارّبْ وڭْرَاوْ [ن ڒْڭنْسْ] إِجّْ ن ؤُفُونَاسْ - أَمژْيَانْ ن ثْفُونَاسْثْ - ذ ثَاغَارْصْثْ إِ دّنْبْ، ؤُشَا أَذْ ث أَوْينْ زَّاثْ إِ ؤُقِيضُونْ ن ؤُمْسَاڭَارْ.
LEV 4:15 إِمْغَارنْ ن ثْمسْمُونْثْ أَذْ سَّارْسنْ إِفَاسّنْ نْسنْ خْ ؤُزدْجِيفْ ن ؤُفُونَاسْ أَمژْيَانْ زَّاثْ إِ وُوذمْ ن سِيذِي ؤُشَا نتَّا أَذْ أَسْ إِغَارْصْ إِ ؤُفُونَاسْ [نِّي] أَمژْيَانْ زَّاثْ إِ وُوذمْ ن سِيذِي.
LEV 4:16 أَكهَّانْ أَمذْهُونْ أَذْ يَاوِي [شْوَايْثْ] زڭْ إِذَامّنْ ن ؤُفُونَاسْ أَمژْيَانْ غَارْ ؤُقِيضُونْ ن ؤُمْسَاڭَارْ،
LEV 4:17 ؤُشَا أَذْ إِسُّوفْ ؤُكهَّانْ أَضَاضْ نّسْ ذڭْ إِذَامّنْ ؤُشَا أَذْ إِرُوشّْ [س إِذَامّنْ نِّي] سبْعَا ن ثْوَاڒَاوِينْ زَّاثْ إِ وُوذمْ ن سِيذِي، زَّاثْ إِ ؤُڒحَّافْ.
LEV 4:18 نتَّا أَذْ إِڭّْ [شْوَايْثْ] زڭْ إِذَامّنْ [نِّي] خْ وَاشَّاونْ ن ؤُعَالْطَارْ نِّي [إِدْجَانْ] زَّاثْ إِ وُوذمْ ن سِيذِي ذڭْ ؤُقِيضُونْ ن ؤُمْسَاڭَارْ. [خنِّي] أَذْ إِفَارّغْ مَارَّا إِذَامّنْ [إِشطّنْ] غَارْ ؤُضَارْ ن ؤُعَالْطَارْ ن وشْمَاذْ إِ ذِينْ زَّاثْ إِ وَاذَافْ ن ؤُقِيضُونْ ن ؤُمْسَاڭَارْ.
LEV 4:19 أَذْ خَاسْ إِكّسْ مَارَّا ثَاذُونْثْ ؤُشَا أَذْ [ت] إِسّْبخَّارْ خْ ؤُعَالْطَارْ.
LEV 4:20 ؤُشَا أَذْ إِڭّْ س ؤُفُونَاسْ أَمژْيَانْ أَمْ مَامّشْ إِڭَّا س ؤُفُونَاسْ أَمژْيَانْ ن ثْغَارْصْثْ ن دّنْبْ، أَمُّو إِ غَا يڭّْ. أَكهَّانْ أَذْ خَاسنْ إِڭّْ أَصْڒَاحْ ؤُشَا أَذْ أَسنْ إِتّْوَاغْفَارْ.
LEV 4:21 [خنِّي] أَذْ إِسُّوفّغْ أَفُونَاسْ أَمژْيَانْ بَارَّا إِ ڒْمَارْڭحْ ن ڒْعسْكَارْ ؤُشَا أَذْ ث إِسّشْمضْ أَمْ مَامّشْ إِسّشْمضْ أَفُونَاسْ أَمزْوَارُو. [أَقَا-ت] ذ ثَاغَارْصْثْ ن دّنْبْ ن وڭْرَاوْ [ن ڒْڭنْسْ].
LEV 4:22 مَاڒَا إِجّْ ن ڒْحَاكمْ إِخْضَا، ؤُشَا س ؤُودَّارْ إِڭَّا إِشْثْ ن ڒْحَاجّثْ [نِّي إِتّفّْغنْ خْ وبْرِيذْ] ن مَارَّا ثِيوصَّا ن سِيذِي، أَربِّي نّسْ، إِ وَارْ إِتّْشُووَّارنْ أَذْ إِتّْوَاڭّْ، ؤُشَا إِذْوڒْ ذَايسْ ؤُمَارْوَاسْ،
LEV 4:23 نِيغْ [مَاڒَا] إِتّْوَاسَّارْڭبْ أَسْ ؤُخطُّو نّسْ إِ إِڭَّا ضِيدّْ إِ [ڒُْومُورْ]، أَذْ ثِيڒِي ثوْهِيبْثْ نّسْ، ثنِّي إِ غَا إِقدّمْ، ذ إِجّْ ن ؤُمْيَانْ زڭْ إِغَايْضنْ، إِجّْ ن ووْثمْ إِشْنَانْ قَاعْ.
LEV 4:24 أَذْ إِسَّارْسْ أَفُوسْ نّسْ خْ ؤُزدْجِيفْ ن ؤُمْيَانْ ؤُشَا أَذْ أَسْ إِغَارْصْ ذڭْ ومْشَانْ مَانِي غَارْصنْ إِ ثَاغَارْصْثْ ن وشْمَاضْ زَّاثْ إِ وُوذمْ ن سِيذِي. [أَقَا] ذ ثَاغَارْصْثْ ن دّنْبْ.
LEV 4:25 [خنِّي] أَذْ إِكْسِي ؤُكهَّانْ س ؤُضَاضْ نّسْ [شْوَايْثْ] زڭْ إِذَامّنْ ن ثْغَارْصْثْ ن دّنْبْ ؤُشَا أَذْ ثنْ إِڭّْ خْ وَاشَّاونْ ن ؤُعَالْطَارْ ن وشْمَاضْ ؤُشَا [خنِّي] أَذْ إِفَارّغْ إِذَامّنْ [إِشطّنْ] غَارْ ؤُضَارْ ن ؤُعَالْطَارْ ن وشْمَاضْ.
LEV 4:26 أَذْ إِسّْبخَّارْ مَارَّا ثَاذُونْثْ نّسْ خْ ؤُعَالْطَارْ، أَمْ مَامّشْ [ذ أَسْ إِڭَّا إِ] ثَاذُونْثْ ن ثْغَارْصْثْ ن ڒهْنَا. أَكهَّانْ أَذْ خَاسْ إِڭّْ أَصْڒَاحْ ذِي طّْوعْ ن دّنْبْ نّسْ ؤُشَا أَذْ أَسْ إِتّْوَاغْفَارْ.
LEV 4:27 مَاڒَا إِجّنْ بْنَاذمْ زِي ڒْڭنْسْ ن ثمُّورْثْ إِخْضَا س ؤُودَّارْ أَمْ إِڭَّا [مْغِيرْ] إِشْثْ ن ڒْحَاجّثْ [نِّي إِتّفّْغنْ] خْ إِشْثنْ ن ثْوصَّا ن سِيذِي، مِينْ وَارْ إِتّْشُووَّارْ أَذْ إِتّْوَاڭّْ، ؤُشَا إِذْوڒْ ذَايسْ ؤُمَارْوَاسْ،
LEV 4:28 نِيغْ إِتّْوَاسَّارْڭبْ أَسْ ؤُخطُّو نّسْ إِ إِڭَّا، [خنِّي] أَذْ ثِيڒِي ثوْهِيبْثْ نّسْ نِّي إِ غَا إِقدّمْ ذ إِشْثْ ن ثْغَايْضثْ، إِشْثْ ن ثوْثمْثْ إِشْنَانْ قَاعْ، ذ ثَاغَارْصْثْ خْ دّنْبْ إِ إِڭَّا.
LEV 4:29 أَذْ إِسَّارْسْ أَفُوسْ نّسْ خْ ؤُزدْجِيفْ ن ثْغَارْصْثْ ن دّنْبْ ؤُشَا أَذْ أَسْ إِغَارْصْ إِ ثْغَارْصْثْ ن دّنْبْ ذڭْ ومْشَانْ ن ثْغَارْصْثْ ن وشْمَاضْ.
LEV 4:30 [خنِّي] أَذْ إِكْسِي ؤُكهَّانْ س ؤُضَاضْ نّسْ [شْوَايْثْ] زڭْ إِذَامّنْ ؤُشَا أَذْ ث إِڭّْ غَارْ وَاشَّاونْ ن ؤُعَالْطَارْ ن ثْغَارْصْثْ ن وشْمَاضْ ؤُشَا أَذْ إِفَارّغْ مَارَّا إِذَامّنْ [إِشطّنْ] غَارْ ؤُضَارْ ن ؤُعَالْطَارْ.
LEV 4:31 أَذْ خَاسْ إِكّسْ مَارَّا ثَاذُونْثْ نّسْ أَمْ مَامّشْ كّْسنْ ثَاذُونْثْ ن ثْغَارْصْثْ ن ڒهْنَا ؤُشَا أَكهَّانْ أَذْ ت إِسّْبخَّارْ خْ ؤُعَالْطَارْ، أَذْ ثِيڒِي ذ إِشْثْ ن ڒفْوَاحثْ إِتّْفُوحنْ إِ سِيذِي. ؤُشَا أَكهَّانْ أَذْ خَاسْ إِڭّْ أَصْڒَاحْ ؤُشَا أَذْ أَسْ إِتّْوَاغْفَارْ.
LEV 4:32 مَاڒَا إِقدّمْ إِجّْ ن إِزْمَارْ ذ ثَاوْهِيبْثْ إِ ثْغَارْصْثْ ن دّنْبْ، [خنِّي] أَذْ إِقدّمْ إِشْثْ ن ثَاوْثمْثْ إِشْنَانْ قَاعْ.
LEV 4:33 أَذْ إِسَّارْسْ أَفُوسْ نّسْ خْ ؤُزدْجِيفْ ن ثْغَارْصْثْ ن دّنْبْ ؤُشَا أَذْ أَسْ إِغَارْصْ إِ ثْغَارْصْثْ ن دّنْبْ ذڭْ ومْشَانْ مَانِي غَارْصنْ إِ ثْغَارْصْثْ ن وشْمَاضْ.
LEV 4:34 [خنِّي] أَذْ إِكْسِي ؤُكهَّانْ س ؤُضَاضْ نّسْ [شْوَايْثْ] زڭْ إِذَامّنْ ن ثْغَارْصْثْ ن دّنْبْ ؤُشَا أَذْ ث إِڭّْ خْ وَاشَّاونْ ن ؤُعَالْطَارْ ن وشْمَاضْ ؤُشَا أَذْ إِفَارّغْ مَارَّا إِذَامّنْ نّسْ [إِشطّنْ] غَارْ ؤُضَارْ ن ؤُعَالْطَارْ.
LEV 4:35 أَذْ خَاسْ إِكّسْ مَارَّا ثَاذُونْثْ نّسْ، أَمْ مَامّشْ إِكّسْ ثَاذُونْثْ ن ؤُحُوڒِي ن ثْغَارْصْثْ ن ڒهْنَا، ؤُشَا أَكهَّانْ أَذْ ت إِسّْبخَّارْ خْ ؤُعَالْطَارْ، خْ ثوْهِيبِينْ ن ثْمسِّي إِ سِيذِي ؤُشَا أَكهَّانْ أَذْ خَاسْ إِڭّْ أَصْڒَاحْ خْ دّنْبْ إِ إِڭَّا، ؤُشَا أَذْ أَسْ إِتّْوَاغْفَارْ.‘ “
LEV 5:1 ”مَاڒَا إِخْضَا حذْ [ؤُمِي] إِسْڒَا أَهجِّي ن إِشْثْ ن نّعْڒثْ ؤُشَا نتَّا ذ أَشهَّاذْ خَاسْ، نِيغْ إِژْرَا [إِ-ث] نِيغْ إِسّنْ [إِ-ث]: مَاڒَا وَارْ [خَاسْ] إِقَّارْ وَالُو، [خنِّي] أَذْ يَارْبُو ڒْمُوعْصِييّثْ نّسْ.
LEV 5:2 نِيغْ مَاڒَا إِحَاذَا حذْ مِينْ مَا زِي ثْمسْڒَاشْثْ إِخمْجنْ، ڒْخشْبثْ ن ڒْمَاڒْ إِخْمجْ، نِيغْ ڒْخشْبثْ ن ڒبْهِيمثْ إِخمْجنْ، نِيغْ ڒْخشْبثْ ن [ؤُمُودَّارْ] إِخْمجْ إِتّْبُوعنْ، ؤُشَا نتَّا وَارْ إِسِّينْ [أَيَا]، أَقَا إِخْمجْ ؤُ ذَايسْ أَمَارْوَاسْ.
LEV 5:3 نِيغْ مَاڒَا إِحَاذَا شَا ن ڒخْمجْ ن بْنَاذمْ، مِينْ مَا زِي ڒخْمجْ نّسْ إِ زِي إِذْوڒْ نتَّا إِخْمجْ، مَاڒَا ثنُّوفَّارْ خَاسْ ؤُشَا إِسّنْ إِثْ [أَوَارْنِي أَسْ]، أَقَا ذَايسْ أَمَارْوَاسْ.
LEV 5:4 نِيغْ مَاڒَا إِژُّودْجْ حذْ س ثْشَارْفَايحْ نّسْ، مَاحنْذْ أَذْ إِڭّْ ڒْغَارْ نِيغْ أَذْ إِڭّْ ڒْخَارْ، [نِيغْ] مِينْ مَا إِزمَّارْ بْنَاذمْ أَذْ إِنْطقْ أَمنِّي وَاهَا س إِشْثْ ن ثْجَادْجِيثْ، أَمْ وَارْ ت إِسِّينْ، [مَاشَا] إِسّنْ إِ-ث [أَوَارْنِي مَانْ أَيَا]، أَقَا ذَايسْ أَمَارْوَاسْ ذِي سِّيبّثْ ن إِشْثْ زِي ثْمسْڒَايِينْ-أَ.
LEV 5:5 [خنِّي] أَذْ إِمْسَارْ، مَاڒَا ذَايسْ أَمَارْوَاسْ ذِي سِّيبّثْ ن إِشْثنْ [زِي ثْمسْڒَايِينْ-أَ]، أَذْ إِنْعمْ خْ مِينْ ثُوغَا إِخْضَا.
LEV 5:6 خْ دّنْبْ إِ إِڭَّا، إِتّْخصَّا أَسْ أَذْ إِقدّمْ إِشْثْ ن ثوْثمْثْ ن وُودْجِي ذ ثَاغَارْصْثْ ن ؤُمَارْوَاسْ، إِشْثْ ن ثخْسِي نِيغْ إِشْثْ ن ثْغَايْضثْ، ذ ثَاغَارْصْثْ ن دّنْبْ إِ سِيذِي، ؤُشَا أَكهَّانْ أَذْ خَاسْ إِڭّْ أَصْڒَاحْ ذِي سِّيبّثْ ن دّنْبْ نّسْ.
LEV 5:7 مَاشَا مَاڒَا أَفُوسْ نّسْ وَارْ [غَارسْ مِينْ] إِقدّنْ إِ يِيجّْ زڭْ وُودْجِي، [خنِّي] أَذْ يَاوِي إِ سِيذِي إِ ثْغَارْصْثْ ن ؤُمَارْوَاسْ خْ دّنْبْ إِ إِڭَّا، ثْنَاينْ ن ثجْلِيلِّيحِينْ نِيغْ ثْنَاينْ ن إِذْبِيرنْ إِمژْيَاننْ، إِجّنْ إِ ثْغَارْصْثْ ن دّنْبْ ؤُ إِجّنْ إِ ثْغَارْصْثْ ن وشْمَاضْ.
LEV 5:8 أَذْ ثنْ يَاوِي غَارْ ؤُكهَّانْ، ونِّي د غَا يَاوْينْ ذ أَمزْوَارُو [ثَاجْلِيلِّيحْثْ نِيغْ أَضْبِيرْ] إِ [إِدْجَانْ] إِ ثْغَارْصْثْ ن دّنْبْ ؤُشَا أَذْ إِكّسْ أَزدْجِيفْ نّسْ زِي شْوَايْثْ أَوَارْنِي يِيرِي نّسْ، [مَاشَا] وَارْ ث إِبطِّي [مَارَّا].
LEV 5:9 أَذْ إِرُوشّْ [شْوَايْثْ] ن إِذَامّنْ غَارْ ؤُغزْذِيسْ ن ؤُعَالْطَارْ ؤُشَا مِينْ إِشطّنْ زڭْ إِذَامّنْ، أَذْ [ث] إِژمّْ غَارْ ؤُضَارْ ن ؤُعَالْطَارْ. [أَقَا-ت] ذ ثَاغَارْصْثْ ن دّنْبْ.
LEV 5:10 أَذْ إِسّوْجذْ [أَمدَّارْ] نّغْنِي أَمْ ثْغَارْصْثْ ن وشْمَاضْ عْلَاحْسَابْ لْفَارِيضَا ؤُشَا [أَمُّو] إِ خَاسْ إِ غَا يڭّْ ؤُكهَّانْ أَصْڒَاحْ خْ دّنْبْ نّسْ إِ إِڭَّا ؤُشَا أَذْ أَسْ إِتّْوَاغْفَارْ.
LEV 5:11 مَاڒَا أَفُوسْ نّسْ وَارْ [غَارسْ مِينْ] إِقدّنْ إِ ثْنَاينْ ن ثجْلِيلِّيحِينْ نِيغْ إِ ثْنَاينْ ن إِذْبِيرنْ إِمژْيَاننْ، [خنِّي] ونِّي إِخْضَانْ، أَذْ يَاوِي أَمْ ثوْهِيبْثْ نّسْ ثَاعْشَارْثْ ن إِجّْ ن إِفَا ن وَارنْ أَزْذَاذْ ذ ثَاوْهِيبْثْ ن دّنْبْ. وَارْ خَاسْ إِتّڭّْ زّشْثْ ؤُڒَا وَارْ خَاسْ إِسّْرُوسِي جَّاوِي، مِينْزِي أَقَا-ت ذ ثَاغَارْصْثْ ن دّنْبْ.
LEV 5:12 أَذْ ت يَاوِي غَارْ ؤُكهَّانْ ؤُشَا أَكهَّانْ أَذْ زَّايسْ إِكْسِي إِجّْ ن وُورُو إِشُّورْ ؤُشَا أَذْ إِسّْبخَّارْ أَيَا أَمْ ڒِيذَارثْ ذَايسْ خْ ؤُعَالْطَارْ، خْ ثوْهِيبِينْ ن ثْمسِّي إِ سِيذِي. [أَقَا-ت] ذ ثَاغَارْصْثْ ن دّنْبْ.
LEV 5:13 [أَمُّو إِ] خَاسْ غَا يڭّْ ؤُكهَّانْ أَصْڒَاحْ خْ دّنْبْ نّسْ نِّي إِڭَّا زِي جِّيهثْ ن إِشْثنْ زِي ثْمسْڒَايِينْ-أَ ؤُشَا أَذْ أَسْ إِتّْوَاغْفَارْ. مِينْ إِشطّنْ أَذْ يِيڒِي إِ إِكهَّاننْ أَمْ مَامّشْ [إِ يدْجَانْ أَكْ-ذ] ثوْهِيبْثْ [ن ڒْغِيدْجثْ].“
LEV 5:14 إِسِّيوڒْ سِيذِي أَكْ-ذ مُوسَا، إِنَّا:
LEV 5:15 ”مَاڒَا إِڭَّا حذْ س ڒغْذَارْ ؤُشَا إِخْضَا س ؤُودَّارْ ذِي ثْمسْڒَايِينْ إِقدّْسنْ ن سِيذِي، إِتّْخصَّا أَذْ يَاوِي إِشَارِّي إِشْنَانْ قَاعْ زڭْ وُودْجِي ذ ثَاغَارْصْثْ ن ؤُمَارْوَاسْ إِ سِيذِي. [أَذْ ثِيڒِي ڒْقِيمثْ نّسْ] عْلَاحْسَابْ ڒْقِيمثْ إِ ثْقدَّارذْ شكْ ذڭْ إِشِيقْلُوثنْ ن نُّوقَارْثْ عْلَاحْسَابْ شِيقْلُو ن زَّاوشْثْ إِقدّْسنْ. [أَقَا] ذ ثَاغَارْصْثْ ن ؤُمَارْوَاسْ.
LEV 5:16 زِي ثْمسْڒَايِينْ إِقدّْسنْ أَذْ يَارّْ ذِي مِينْ ذِي إِخْضَا قْبڒْ، ؤُشَا أَذْ ذَايسْ يَارْنِي ڒخْمُوسْ. ؤُشَا أَذْ إِوْشْ مَانْ أَيَا إِ ؤُكهَّانْ ؤُشَا أَكهَّانْ أَذْ ث إِسّصْڒحْ س إِشَارِّي ن ثْغَارْصْثْ ن ؤُمَارْوَاسْ ؤُشَا أَذْ أَسْ إِتّْوَاغْفَارْ.
LEV 5:17 مَاڒَا إِخْضَا حذْ ؤُشَا إِڭَّا إِشْثْ ن ثْمسْڒَاشْثْ إِ وَارْ ثتّْشُووَّارْ أَذْ ثتّْوَاڭّْ، [أَمْ د-إِفّغْ] ذڭْ إِشْثْ ن ثْمسْڒَاشْثْ زِي ثْوصَّا ن سِيذِي، ؤُشَا ثُوغَا ثْنُوفَّارْ خَاسْ، أَذْ ذَايسْ يِيڒِي ؤُمَارْوَاسْ ؤُشَا أَذْ يَارْبُو ڒْمُوعْصِييّثْ نّسْ.
LEV 5:18 أَذْ يَاوِي إِجّْ ن إِشَارِّي إِشْنَانْ قَاعْ زڭْ وُودْجِي غَارْ ؤُكهَّانْ إِ ثْغَارْصْثْ ن ؤُمَارْوَاسْ، [أَذْ ثِيڒِي ڒْقِيمثْ نّسْ] عْلَاحْسَابْ ڒْقِيمثْ إِ ثْقدَّارذْ شكْ ؤُشَا أَذْ ث إِسّصْڒحْ ؤُكهَّانْ خْ ؤُودَّارْ نّسْ إِ ذِي إِودَّارْ أَمْ وَارْ ث إِسِّينْ ؤُشَا أَذْ أَسْ إِتّْوَاغْفَارْ.
LEV 5:19 أَقَا ذ ثَاغَارْصْثْ ن ؤُمَارْوَاسْ. س ثِيذتّْ ثُوغَا ذَايسْ أَمَارْوَاسْ زَّاثْ إِ سِيذِي.“
LEV 5:20 إِسِّيوڒْ سِيذِي أَكْ-ذ مُوسَا، إِنَّا:
LEV 5:21 ”مَاڒَا إِخْضَا حذْ ؤُشَا إِغْذَارْ سِيذِي أَمْ إِسّْخَارِّيقْ خْ جَّارْ نّسْ خْ مِينْ [ذ أَسْ] إِمّوْشنْ، مَاحنْذْ أَذْ ث إِحْضَا، نِيغْ خْ مِينْ إِجَّا ذڭْ ؤُفُوسْ نّسْ، نِيغْ خْ مِينْ [خَاسْ] يُوشَارنْ، نِيغْ خْ شَا ن ؤُبعّجْ إِ إِڭَّا إِ جَّارْ نّسْ،
LEV 5:22 نِيغْ أَمْ إِسّْخَارِّيقْ خْ [شَا] مِينْ إِودَّارنْ [إِ شَا ن يِيجّنْ] ؤُ إِتّْوَافْ زَّايسْ ؤُشَا [خنِّي] نتَّا إِجُّودْجْ ژُورْ، [وَاهْ، أَمْ إِسّْخَارِّيقْ نتَّا] خْ إِشْثنْ زِي مَارَّا [ثِيمسْڒَايِينْ نِّي] إِتّڭّْ بْنَاذمْ أَڒَامِي إِخطَّا س مَانْ أَيَا،
LEV 5:23 خنِّي إِتّْخصَّا، ؤُمِي إِخْضَا ؤُشَا إِذْوڒْ ذَايسْ ؤُمَارْوَاسْ، أَقَا نتَّا أَذْ د-يَارّْ ثُوشفَّارْثْ نِّي يُوشَارْ، نِيغْ مِينْ إِتّْوَاكّْسنْ نِّي إِكْسِي نتَّا س ؤُغِيڒْ، نِيغْ مِينْ ثُوغَا إِحْضَا نِّي ذ أَسْ إِمّوْشنْ مَاحنْذْ أَذْ ت إِحْضَا، نِيغْ مِينْ إِودَّارنْ نِّي يُوفَا.
LEV 5:24 ؤُشَا مَارَّا مِينْ خفْ إِجُّودْجْ ژُورْ، أَذْ د-يَارّْ ڒْقِيمثْ نّسْ ثْمُونْ ؤُشَا أَذْ يَارْنِي ڒخْمُوسْ. نتَّا أَذْ ث إِوْشْ إِ ونِّي ؤُمِي د-ثُوسَا ذڭْ وَاسّْ ن ثْغَارْصْثْ نّسْ ن ؤُمَارْوَاسْ.
LEV 5:25 نتَّا أَذْ يَاوِي ثَاغَارْصْثْ نّسْ ن ؤُمَارْوَاسْ غَارْ سِيذِي، إِجّْ ن إِشَارِّي إِشْنَانْ قَاعْ زڭْ وُودْجِي، [ونِّي ڒْقِيمثْ نّسْ أَذْ ثِيڒِي] عْلَاحْسَابْ ڒْقِيمثْ إِ ثْقدَّارذْ شكْ، أَذْ ثِيڒِي ذ ثَاغَارْصْثْ ن ؤُمَارْوَاسْ، [ؤُشَا أَذْ ث يَاوِي] غَارْ ؤُكهَّانْ.
LEV 5:26 [خنِّي] أَكهَّانْ أَذْ خَاسْ إِڭّْ أَسْڒَاحْ زَّاثْ إِ وُوذمْ ن سِيذِي ؤُشَا أَذْ أَسْ إِتّْوَاغْفَارْ خْ مِينْ إِڭَّا، مَاڒَا إِذْوڒْ ذَايسْ أَمَارْوَاسْ س إِشْثْ ن ثْمسْڒَاشْثْ زِي مَارَّا ثِيمسْڒَايِينْ-أَ.“
LEV 6:1 إِسِّيوڒْ سِيذِي أَكْ-ذ مُوسَا، إِنَّا:
LEV 6:2 ”ؤُمُورْ هَارُونْ ذ وَارَّاوْ نّسْ، إِنِي أَسنْ: ’وَا ذ أَزرْفْ إِ ثْغَارْصْثْ ن وشْمَاضْ. ثَاغَارْصْثْ ن وشْمَاضْ خْ ؤُكشُّوضْ خْ ؤُعَالْطَارْ أَذْ ثقِّيمْ ثَارقّْ دْجِيڒثْ ثكْمڒْ أَڒْ صّْبحْ ؤُ إِتّْخصَّا ثِيمسِّي ن ؤُعَالْطَارْ أَذْ ثقِّيمْ أَذْ ثشْمضْ ذَايسْ.
LEV 6:3 أَكهَّانْ أَذْ يَارْضْ أَسڒْهَامْ نّسْ ن ڒقْطنْ، أَذْ إِبْيسْ سَّارْوَاڒْ نّسْ ن ڒقْطنْ خْ أَرِّيمثْ نّسْ، ؤُشَا أَذْ إِكْسِي إِغّضْ ن مِينْ إِقِّيمنْ ن ثَاذُونْثْ ن ثْغَارْصْثْ ن وشْمَاضْ، ثنِّي ثشَّا ثْمسِّي، ؤُشَا أَذْ ث إِسَّارْسْ زَّاثْ إِ ؤُعَالْطَارْ.
LEV 6:4 [خنِّي] أَذْ إِكّسْ أَرُّوضْ نّسْ ؤُشَا أَذْ يَارْضْ أَرُّوضْ نّغْنِي، أَذْ يَاوِي إِغّضْ ن مِينْ إِقِّيمنْ ن ثَاذُونْثْ بَارَّا إِ ڒْمَارْڭحْ ن ڒْعسْكَارْ غَارْ يِيجّْ ن ومْشَانْ إِصْفَا.
LEV 6:5 إِتّْخصَّا أَذْ ثقِّيمْ ثْمسِّي ثَارقّْ خْ ؤُعَالْطَارْ، إِتّْخصَّا وَارْ ثْخسِّي شَا. أَكهَّانْ أَذْ خَاسْ إِسَّارْغْ أَكشُّوضْ كُوڒْ صّْبحْ ؤُشَا أَذْ خَاسْ إِستّفْ ثَاغَارْصْثْ ن وشْمَاضْ ؤُشَا أَذْ خَاسْ إِسّْبخَّارْ ثَاذُونْثْ ن ثْغَارْصَا ن ڒهْنَا.
LEV 6:6 ثِيمسِّي خْ ؤُعَالْطَارْ أَذْ ثقِّيمْ ثَارقّْ ڒبْذَا، وَارْ ثْخسِّي.‘ “
LEV 6:7 ”وَا ذ أَزرْفْ إِ ثوْهِيبْثْ ن ڒْغِيدْجثْ. أَرَّاوْ ن هَارُونْ أَذْ ت أَوْينْ زَّاثْ إِ وُوذمْ ن سِيذِي زَّاثْ إِ ؤُعَالْطَارْ.
LEV 6:8 نتَّا أَذْ زَّايسْ إِكْسِي إِجّْ ن وُورُو زڭْ وَارنْ أَزْذَاذْ ن ثوْهِيبْثْ [ن ڒْغِيدْجثْ] أَكْ-ذ [شَا ن] زّشْثْ نّسْ ذ مَارَّا جَّاوِي إِ إِدْجَانْ خْ ثوْهِيبْثْ [ن ڒْغِيدْجثْ]. أَذْ إِسّْبخَّارْ [أَيَا خْ] ؤُعَالْطَارْ. [أَقَا] ذ إِشْثْ ن ڒفْوَاحثْ إِتّْفُوحنْ، إِشْثْ ن ڒِيذَارثْ ذَايسْ إِ سِيذِي.
LEV 6:9 هَارُونْ ذ وَارَّاوْ نّسْ أَذْ شّنْ مِينْ زَّايسْ إِشطّنْ. إِتّْخصَّا أَذْ ث شّنْ بْڒَا أَنْثُونْ ذڭْ ومْشَانْ أَمْقدَّاسْ. أَذْ ث شّنْ ذِي ڒمْرَاحْ ن ؤُقِيضُونْ ن ؤُمْسَاڭَارْ.
LEV 6:10 وَارْ إِعدّڒْ أَذْ ث ڭّْونْ س ونْثُونْ. ثَا ذ ثَاغَارْصْثْ نْسنْ نِّي وْشِيغْ نشّْ زِي ثوْهِيبِينْ إِنُو ن ثْمسِّي. أَقَا-ت ذ ثَامْقدَّاسْثْ قَاعْ أَمْ ثْغَارْصْثْ ن دّنْبْ ذ ثْغَارْصْثْ ن ؤُمَارْوَاسْ.
LEV 6:11 مَارَّا إِوثْمَانْ جَارْ وَارَّاوْ ن هَارُونْ أَذْ زَّايسْ شّنْ. أَقَا-ت ذ إِشْثْ ن ثوْصيّثْ إِ ڒبْذَا خْ ثوْهِيبِينْ ن ثْمسِّي ن سِيذِي إِ [مَارَّا] جِّيڒَاثْ نْومْ. مَارَّا وِي ت غَا إِحَاذَانْ، أَذْ إِتّْوَاقدّسْ.“
LEV 6:12 إِسِّيوڒْ سِيذِي أَكْ-ذ مُوسَا، إِنَّا:
LEV 6:13 ”ثَا ذ ثَاوْهِيبْثْ ن هَارُونْ ذ وَارَّاوْ نّسْ إِ زِي د غَا قَارّْبنْ غَارْ سِيذِي ذڭْ وَاسّْ مِينْ ذِي إِ غَا إِتّْوَاذْهنْ هَارُونْ: ثَاعْشَارْثْ ن إِجّْ ن إِفَا ن وَارنْ أَزْذَاذْ [أَمْ] إِشْثْ ن ثوْهِيبْثْ [ن ڒْغِيدْجثْ] إِ ڒبْذَا، أَزْينْ نّسْ ذِي صّْبحْ ذ وزْينْ نّسْ [نّغْنِي] غَارْ ؤُعشِّي.
LEV 6:14 ذڭْ إِجّْ ن ؤُخْذِيمْ أَذْ ثسّوْجذْ أَيَا س زّشْثْ [ن زِّيثُونْ] ؤُشَا أَذْ ث ثَاوْيذْ [ذ ثَاوْهِيبْثْ] أَوَارْنِي ث ثْخدْجْضذْ. أَذْ ثْقدّْمذْ إِڒقّْوَازْ تّْوَارْژَانْ ن ثوْهِيبْثْ [ن ڒْغِيدْجثْ أَمْ] إِشْثْ ن ڒفْوَاحثْ إِتّْفُوحنْ إِ سِيذِي.
LEV 6:15 أَكهَّانْ نِّي غَا ذهْننْ ذڭْ ومْشَانْ نّسْ زڭْ إِحنْجِيرنْ نّسْ، أَذْ ت إِسّوْجذْ. أَقَا-ت ذ ثَاوْصيّثْ إِ ڒبْذَا. [ثَاوْهِيبْثْ-أَ] أَذْ ثتّْوَابخَّارْ إِ سِيذِي مَارَّا.
LEV 6:16 مَارَّا ثَاوْهِيبْثْ [ن ڒْغِيدْجثْ] ن ؤُكهَّانْ أَذْ ثِيڒِي ثكْمڒْ. وَارْ زَّايسْ تّتّنْ شَا.“
LEV 6:17 إِسِّيوڒْ سِيذِي أَكْ-ذ مُوسَا، إِنَّا:
LEV 6:18 ”سِيوڒْ أَكْ-ذ هَارُونْ ذ وَارَّاوْ نّسْ، إِنِي أَسنْ: ’وَا ذ أَزرْفْ إِ ثْغَارْصْثْ ن دّنْبْ: ذڭْ ومْشَانْ مَانِي ثتّْوَاغَارْصْ ثَاغَارْصْثْ ن وشْمَاضْ، أَذْ ثتّْوَاغَارْصْ [عَاوذْ] ثَاغَارْصْثْ ن دّنْبْ زَّاثْ إِ وُوذمْ ن سِيذِي. أَقَا-ت ذ ثَامْقدَّاسْثْ قَاعْ.
LEV 6:19 أَكهَّانْ نِّي ت غَا إِقدّْمنْ ذ ثَاغَارْصْثْ أَذْ زَّايسْ يشّْ. إِتّْخصَّا أَذْ ثتّْوَاشّْ ذڭْ إِجّْ ن ومْشَانْ أَمْقدَّاسْ ذِي ڒمْرَاحْ ن ؤُقِيضُونْ ن ؤُمْسَاڭَارْ.
LEV 6:20 مَارَّا وِي غَا إِحَاذَانْ أَيْسُومْ نّسْ أَذْ [زَّايسْ] إِتّْوَاقدّسْ. مَاڒَا إِنْڭزْ [شْوَايْثْ] زڭْ إِذَامّنْ خْ يِيجّْ ن وَارُّوضْ، [خنِّي] إِتّْخصَّا أَذْ ثسِّيرْذذْ مِينْ خَاسْ إِبقّْضنْ ذڭْ إِجّْ ن ومْشَانْ أَمْقدَّاسْ.
LEV 6:21 ؤُشَا ڒْقشْعثْ ن ثْڒَاخْثْ إِ ذِي ت سّْننَّانْ، أَذْ ثتّْوَارْژْ، [مَاشَا] مَاڒَا سّنْونْ ت ذڭْ إِشْثْ ن ڒْقشْعثْ ن نّْحَاسْ، [خنِّي] إِتّْخصَّا أَذْ حكّنْ ؤُ أَذْ سّْڒِيڒنْ [ڒْقشْعثْ] س وَامَانْ.
LEV 6:22 مَارَّا وِي إِدْجَانْ ذ أَوْثمْ جَارْ إِكهَّاننْ أَذْ زَّايسْ يشّْ. أَقَا-ت ذ ثَامْقدَّاسْثْ قَاعْ.
LEV 6:23 [مَاشَا] ؤُڒَا ذ إِشْثْ ن ثْغَارْصْثْ ن دّنْبْ إِ زِي تّْوَاقدّْمنْ إِذَامّنْ نّسْ ذڭْ ؤُقِيضُونْ ن ؤُمْسَاڭَارْ، مَاحنْذْ أَذْ إِڒِينْ إِ وصْڒَاحْ ذِي زَّاوشْثْ إِقدّْسنْ، وَارْ زَّايسْ إِتّْوَاشّْ شَا. أَذْ ثتّْوَاشْمضْ س ثْمسِّي.‘ “
LEV 7:1 ”وَا ذ أَزرْفْ إِ ثْغَارْصْثْ ن ؤُمْوَارْوَاسْ. أَقَا ذ ثَامْقدَّاسْثْ قَاعْ.
LEV 7:2 ذڭْ ومْشَانْ مَانِي غَارّْصنْ إِ ثْغَارْصْثْ ن وشْمَاضْ، أَذْ غَارْصنْ إِ ثْغَارْصْثْ ن ؤُمَارْوَاسْ. أَذْ إِزدْجعْ إِذَامّنْ نّسْ خْ ؤُعَالْطَارْ غَارْ [مَارَّا] إِغزْذِيسنْ [نّسْ].
LEV 7:3 أَذْ يَاوِي مَارَّا ثَاذُونْثْ نّسْ: أَنوَّارْ ن ثَاذُونْثْ ذ ثَاذُونْثْ نِّي إِذْڒِينْ أَذَانْ،
LEV 7:4 ؤُشَا أَذْ إِكّسْ ثْنَاينْ ن ثِيژَّاڒْ أَكْ-ذ ثَاذُونْثْ إِ خَاسنْثْ إِدْجَانْ غَارْ ثجْعِينَّا، ؤُڒَا ذ مِينْ يُويْڒنْ غَارْ ثْسَا ؤُشَا [يَارْسَا] خْ ثِيژَّاڒْ،
LEV 7:5 ؤُشَا أَكهَّانْ أَذْ إِسّْبخَّارْ أَيَا خْ ؤُعَالْطَارْ أَمْ يِيشْثْ ن ثوْهِيبْثْ ن ثْمسِّي إِ سِيذِي. أَقَا-ت ذ ثَاغَارْصْثْ ن ؤُمَارْوَاسْ.
LEV 7:6 مَارَّا أَوْثمْ جَارْ إِكهَّاننْ أَذْ زَّايسْ يشّْ. أَذْ إِتّْوَاشّْ ذڭْ إِجّْ ن ومْشَانْ أَمْقدَّاسْ، أَقَا-ت ذ ثَامْقدَّاسْثْ قَاعْ.
LEV 7:7 أَذْ يِيڒِي إِجّْ ن ؤُزرْفْ أَمْ إِ ثْغَارْصْثْ ن دّنْبْ أَمْ إِ ثْغَارْصْثْ ن ؤُمْوَارْوَاسْ. أَذْ يِيڒِي [ويْسُومْ ن ثْغَارْصْثْ] إِ ؤُكهَّانْ، ونِّي ثُوغَا زَّايسْ إِڭّْ أَصْڒَاحْ [خْ شَا ن يِيجّنْ].
LEV 7:8 أَكهَّانْ نِّي إِ غَا إِقدّْمنْ ثَاغَارْصْثْ ن وشْمَاضْ ن شَا ن إِجّنْ، إِ ؤُكهَّانْ [نِّي] [أَذْ ثِيڒِي] ثڒْمشْثْ ن ثْغَارْصْثْ ن ثْمسِّي نِّي د-إِقدّمْ، [ثِيڒْمشْثْ] أَذْ ثِيڒِي إِ نتَّا.
LEV 7:9 كُوڒْ ثَاوْهِيبْثْ [ن ڒْغِيدْجثْ] نِّي ضَارّْحنْ نِيثْنِي ذِي ثفْقُونْثْ ؤُڒَا ذ مَارَّا مِينْ إِتّْوَاسّْوجْذنْ ذِي طَّاجِّينْ نِيغْ ذڭْ وخْذِيمْ، ذ مَانْ أَيَا أَذْ يِيڒِي إِ ؤُكهَّانْ نِّي ث إِقدّْمنْ، أَذْ يِيڒِي إِ نتَّا.
LEV 7:10 كُوڒْ ثَاوْهِيبْثْ [ن ڒْغِيدْجثْ] إِ إِتّْوَاخدْجْضنْ س زّشْثْ [ن زِّيثُونْ] نِيغْ يُوژْغنْ، أَذْ ثِيڒِي إِ مَارَّا أَرَّاوْ ن هَارُونْ، أَمْ إِ يِيجّْ أَمْ إِ ونّغْنِي.“
LEV 7:11 ”وَا ذ أَزرْفْ إِ ثْغَارْصْثْ ن ڒهْنَا ثنِّي إِ غَا إِقدّمْ [بْنَاذمْ] إِ سِيذِي.
LEV 7:12 مَاڒَا أَذْ ت إِقدّمْ إِ ؤُقَاذِي، [خنِّي] أَذْ إِقدّمْ أَكْ-ذ [ثوْهِيبْثْ ن] ؤُقَاذِي ؤُڒَا ذ ڒمْسمْنَاثْ بْڒَا أَنْثُونْ إِخدْجْضنْ س زّشْثْ ذ ثڒْفَافْ بْڒَا أَنْثُونْ تّْوَاذهْننْثْ س زّشْثْ ذ ڒمْسمْنَاثْ ن وَارنْ أَزْذَاذْ تّْوَاخدْجْضنْثْ س زّشْثْ.
LEV 7:13 أَذْ إِقدّمْ ثَاوْهِيبْثْ نّسْ أَكْ-ذ ڒمْسمْنَاثْ ن وغْرُومْ س ونْثُونْ، [جْمِيعْ] أَكْ-ذ [ثوْهِيبْثْ ن] ؤُقَاذِي، [ثنِّي إِدْجَانْ] زِي ثوْهِيبِينْ نّسْ ن ڒهْنَا.
LEV 7:14 زِي كُوڒْ [دَّارْبْ ن] ثَاوْهِيبْثْ أَذْ إِقدّمْ إِشْثنْ زَّايسْ [أَمْ] ثوْهِيبْثْ ن ؤُسْڭعّذْ إِ سِيذِي. [أَذْ ثِيڒِي] إِ ؤُكهَّانْ نِّي إِ غَا إِزدْجْعنْ إِذَامّنْ ن ثْغَارْصَا ن ڒهْنَا خْ ؤُعَالْطَارْ [غَارْ مَارَّا إِغزْذِيسنْ نّسْ]، أَذْ ثِيڒِي إِ نتَّا.
LEV 7:15 أَيْسُومْ ن ثوْهِيبْثْ ن ؤُقَاذِي، [ثنِّي إِدْجَانْ زِي] ثوْهِيبِينْ نّسْ ن ڒهْنَا، أَذْ إِتّْوَاشّْ ذڭْ وَاسّْ [إِ ذِي غَا إِقدّمْ] ثَاوْهِيبْثْ نّسْ. وَارْ إِتّجِّي زَّايسْ وَالُو أَڒْ صّْبحْ.
LEV 7:16 مَاڒَا ثَاوْهِيبْثْ نّسْ [ثُوسَا-د أَكْ-ذ] إِجّْ ن لْوَاعْذْ نِيغْ [ثدْجَا] ذ إِشْثْ ن ثوْهِيبْثْ س ڒْخَاضَارْ، أَذْ ثتّْوَاشّْ ذڭْ وَاسّْ إِ ذِي إِ غَا إِقدّمْ ثَاغَارْصْثْ نّسْ ؤُشَا مِينْ زَّايسْ إِشطّنْ أَذْ إِتّْوَاشّْ ذڭْ وَاسّْ إِ-ث-إِ-د-إِضْفَارنْ.
LEV 7:17 مِينْ إِشطّنْ عَاذْ زڭْ ويْسُومْ ن ثْغَارْصْثْ أَذْ إِتّْوَاشْمضْ س ثْمسِّي ذڭْ وَاسّْ وِيسّْ ثْڒَاثَا.
LEV 7:18 مَاڒَا إِتّْوَاشّْ [عَاذْ] زڭْ ويْسُومْ ن ثْغَارْصْثْ نّسْ ن ڒهْنَا ذڭْ وَاسّْ وِيسّْ ثْڒَاثَا، [خنِّي] ونِّي ت إِقدّْمنْ وَارْ إِتِّيڒِي إِ أَرْضَا [ن سِيذِي] ؤُ [ثَاغَارْصْثْ نّسْ] وَارْ ذ أَسْ ثتّْوِيحْسِيبْ شَا [ذ ثَاغَارْصْثْ ن ڒهْنَا]. أَذْ ثِيڒِي ذ إِشْثْ ن جّْعِيفشْثْ ؤُشَا ونِّي زَّايسْ غَا إِشّنْ أَذْ يَارْبُو ڒْمُوعْصِييّثْ نّسْ.
LEV 7:19 أَيْسُومْ نِّي إِحَاذَانْ شَا ن ثْمسْڒَاشْثْ إِخمْجنْ، وَارْ زَّايسْ تّتّمْ. أَذْ ث سّْشمْضنْ س ثْمسِّي. زِي [مِينْ إِشطّنْ ن] ويْسُومْ، إِزمَّارْ أَذْ زَّايسْ يشّْ مَارَّا ونِّي إِزذْڭنْ.
LEV 7:20 ذ ونِّي إِ غَا إِشّنْ زڭْ ويْسُومْ ن ثْغَارْصْثْ ن ڒهْنَا، ثنِّي إِدْجَانْ إِ سِيذِي، أَمْ خَاسْ يَارْسَا ڒخْمجْ نّسْ، ڒعْمَارْ نِّي أَذْ إِتّْوَاقسّْ زِي ڒْڭنْسْ نّسْ.
LEV 7:21 مَاڒَا إِحَاذَا حذْ شَا ن ثْمسْڒَاشْثْ إِخْمجْ، [أَمشْنَاوْ] ڒخْمجْ ن بْنَاذمْ نِيغْ [ڒخْمجْ] ن يِيشْثْ ن ڒبْهِيمثْ إِخمْجنْ نِيغْ شَا ن ثْمسْڒَاشْثْ إِ إِدْجَانْ ذ نّْعِي ن ڒخْمجْ، ؤُشَا [خنِّي] أَذْ يشّْ زڭْ ويْسُومْ ن ثْغَارْصِينْ ن ڒهْنَا إِ سِيذِي، ڒعْمَارْ نِّي أَذْ إِتّْوَاقسّْ زِي ڒْڭنْسْ نّسْ.“
LEV 7:22 إِسِّيوڒْ سِيذِي أَكْ-ذ مُوسَا، إِنَّا:
LEV 7:23 ”سِيوڒْ أَكْ-ذ أَيْثْ ن إِسْرَائِيل، إِنِي: ’كنِّيوْ وَارْ تّتّمْ شَا قَاعْ ثَاذُونْثْ ن ؤُفُونَاسْ نِيغْ ن إِزْمَارْ نِيغْ ن إِغَايْضْ.
LEV 7:24 ثَاذُونْثْ ن إِشْثْ ن ڒْخشْبثْ ذ ثَاذُونْثْ ن [إِجّْ ن ؤُمُودَّارْ] مزّْقنْ ث، ثْعدّڒْ أَذْ ثتّْوَاڭّْ إِ مَامّشْ مَا ثڭَّا ڒْخذْمثْ، مَاشَا كنِّيوْ وَارْ زَّايسْ تّتّمْ وَالُو.
LEV 7:25 مَانْ ونْ إِ غَا إِشّنْ ثَاذُونْثْ ن يِيشْثْ ن ڒبْهِيمثْ إِ زِي د غَا سّْقَارّْبنْ إِشْثْ ن ثوْهِيبْثْ ن ثْمسِّي إِ سِيذِي، ڒعْمَارْ نِّي زَّايسْ إِ غَا إِشّنْ، أَذْ إِتّْوَاقسّْ زِي ڒْڭنْسْ نّسْ.
LEV 7:26 ذِي مَارَّا ثِيزذِّيغِينْ نْومْ وَارْ تّتّمْ ؤُڒَا ذ شَا زڭْ إِذَامّنْ، أَمْ زڭْ إِجْضَاضْ أَمْ زِي ڒبْهَايمْ.
LEV 7:27 كُوڒْ إِجّْ ن ڒعْمَارْ نِّي إِ غَا إِشّنْ [مْغِيرْ شَا] زڭْ إِذَامّنْ، ڒعْمَارْ نِّي أَذْ إِتّْوَاقسّْ زِي ڒْڭنْسْ نّسْ.‘ “
LEV 7:28 إِسِّيوڒْ سِيذِي أَكْ-ذ مُوسَا، إِنَّا:
LEV 7:29 ”سِيوڒْ أَكْ-ذ أَيْثْ ن إِسْرَائِيل، إِنِي: ’وِي إِ د غَا إِسّْقَارّْبنْ ثْغَارْصْثْ نّسْ ن ڒهْنَا إِ سِيذِي، أَذْ إِقدّمْ ثَاوْهِيبْثْ نّسْ إِ سِيذِي زِي ثْغَارْصْثْ ن ڒهْنَا نّسْ.
LEV 7:30 س إِفَاسّنْ نّسْ أَذْ يَاوِي ثِيوْهِيبِينْ ن ثْمسِّي زَّاثْ إِ سِيذِي. ثَاذُونْثْ [إِ إِدْجَانْ] خْ إِذْمَارنْ أَذْ ت يَاوِي أَكْ-ذ إِذْمَارنْ نِّي، مَاحنْذْ أَذْ ت إِسّنْهزّْ زِي سَّا غَارْ ذَا أَمْ يِيشْثْ ن ثوْهِيبْثْ ن ونْهزِّي زَّاثْ إِ وُوذمْ ن سِيذِي.
LEV 7:31 أَكهَّانْ أَذْ إِسّْبخَّارْ ثَاذُونْثْ خْ ؤُعَالْطَارْ، [مَاشَا] إِذْمَارنْ أَذْ إِڒِينْ إِ هَارُونْ ذ وَارَّاوْ نّسْ.
LEV 7:32 زِي ثْغَارْصَا نْومْ ن ڒهْنَا أَذْ ثْقدّْممْ إِ ؤُكهَّانْ [عَاوذْ] أَشكْرُوذْ أَفُوسِي ذ ثَاوْهِيبْثْ ن ؤُسْڭعّذْ.
LEV 7:33 أَشكْرُوذْ أَفُوسِي أَذْ يِيڒِي ذ ثَاسْغَارْثْ ن ونِّي زڭْ وَارَّاوْ ن هَارُونْ إِ غَا إِقدّْمنْ إِذَامّنْ ن ثْغَارْصِي ن ڒهْنَا ذ ثَاذُونْثْ [نْسنْثْ].
LEV 7:34 مِينْزِي نشّْ كْسِيغْ إِذْمَارنْ ن ونْهزِّي ذ ؤُشكْرُوذْ إِ د-إِتّْوَاسّْڭعّْذنْ ذ ثَاوْهِيبْثْ زِي ثْغَارْصِي ن ڒهْنَا ن أَيْثْ ن إِسْرَائِيل ؤُ وْشِيغْ ثنْ إِ ؤُكهَّانْ هَارُونْ ؤُ إِ وَارَّاوْ نّسْ أَمْ يِيشْثْ ن لْفَارِيضَا إِ ڒبْذَا، زِي جِّيهثْ ن أَيْثْ ن إِسْرَائِيل.
LEV 7:35 ثَا ذ ثَاسْغَارْثْ إِتّْوَاسّْذهْننْ ن هَارُونْ ذ ثسْغَارْثْ إِتّْوَاسّْذهْننْ ن وَارَّاوْ نّسْ زِي ثوْهِيبِينْ ن ثْمسِّي ن سِيذِي ذڭْ وَاسّْ إِ ثنْ د-إِسّْقَارّبْ، مَاحنْذْ أَذْ إِڒِينْ ذ إِكهَّاننْ إِ سِيذِي،
LEV 7:36 [ثَاسْغَارْثْ] نِّي إِوْشَا سِيذِي إِ أَيْثْ ن إِسْرَائِيل ذڭْ وَاسّْ إِ ثنْ إِذْهنْ. أَقَا ذ إِشْثْ ن ثوْصيّثْ إِ ڒبْذَا إِ [مَارَّا] جِّيڒَاثْ نْسنْ.‘ “
LEV 7:37 وَا ذ أَزرْفْ إِ ثْغَارْصْثْ ن وشْمَاضْ ذ ثوْهِيبْثْ [ن ڒْغِيدْجثْ] ذ ثْغَارْصْثْ ن دّنْبْ ذ ثْغَارْصْثْ ن ؤُمَارْوَاسْ ذ ثْغَارْصَا إِ ؤُذشّنْ ذ ثْغَارْصَا ن ڒهْنَا،
LEV 7:38 [أَزرْفْ] إِ إِوصَّا سِيذِي إِ مُوسَا ذڭْ وذْرَارْ ن سِينَا، أَسّْ مِينْ ذِي إِوصَّا أَيْثْ ن إِسْرَائِيل أَذْ قدّْمنْ ثِيوْهِيبِينْ نْسنْ إِ سِيذِي ذِي ڒخْڒَا ن سِينَا.
LEV 8:1 إِسِّيوڒْ سِيذِي أَكْ-ذ مُوسَا، إِنَّا:
LEV 8:2 ”كْسِي هَارُونْ جْمِيعْ أَكْ-ذ وَارَّاوْ نّسْ ذ وَارُّوضْ ذ زّشْثْ إِ وذْهَانْ ذ ؤُفُونَاسْ أَمژْيَانْ ن ثْغَارْصْثْ ن دّنْبْ ذ ثْنَاينْ ن إِشَارِّييّنْ ذ ثْسُودْجثْ س وغْرُومْ بْڒَا أَنْثُونْ،
LEV 8:3 ؤُ ڒَاغَا إِ مَارَّا ثَامسْمُونْثْ غَارْ وَاذَافْ ن ؤُقِيضُونْ ن ؤُمْسَاڭَارْ.“
LEV 8:4 إِڭَّا مُوسَا أَمْ مَامّشْ ذ أَسْ إِوصَّا سِيذِي ؤُشَا ثْمُونْ ثْمسْمُونْثْ غَارْ وَاذَافْ ن ؤُقِيضُونْ ن ؤُمْسَاڭَارْ.
LEV 8:5 إِنَّا مُوسَا إِ ثْمسْمُونْثْ: ”وَا ذ مِينْ إِوصَّا سِيذِي أَذْ إِتّْوَاڭّْ.“
LEV 8:6 مُوسَا إِسّْقَارّبْ-د هَارُونْ ذ وَارَّاوْ نّسْ ؤُشَا إِسِّيرْذْ إِ-ثنْ س وَامَانْ.
LEV 8:7 إِسَّارْسْ خَاسْ ثْشَامِيرْ، إِبْيسْ أَسْ س ثْحزَّامْثْ، إِسّْيَارْضْ أَسْ أَسڒْهَامْ. إِڭَّا خَاسْ أَپَالْطُو ؤُشَا إِبْيسْ أَسْ س ثْحزَّامْثْ إِزوّْقنْ ن ؤُپَالْطُو ؤُشَا إِقّنْ أَسْ زَّايسْ [أَبَالْثُو].
LEV 8:8 إِسّمْثنْ خَاسْ ثَاجْمشْثْ ؤُشَا إِڭَّا [إِژْرَا ن] ’ؤُرِيمْ‘ ذ ’ثُومِيمْ‘ ذِي ثَاجْمشْثْ.
LEV 8:9 إِڭَّا أَرژّثْ خْ ؤُزدْجِيفْ نّسْ ؤُشَا غَارْ زَّاثْ خْ أَرژّثْ إِڭَّا [ثَاڒْوِيحْثْ س] نُّووَّارْ ن وُورغْ ن تَّاجْ إِقدّْسنْ [ن وعْزَاڒْ]، أَمْ مَامّشْ يُومُورْ سِيذِي إِ مُوسَا.
LEV 8:10 [خنِّي] إِكْسِي مُوسَا زّشْثْ إِ وذْهَانْ ؤُشَا إِذْهنْ ثَازذِّيغْثْ ذ مَارَّا مِينْ ذَايسْ إِدْجَانْ ؤُشَا إِسّْقدّسْ [مَارَّا] أَيَا.
LEV 8:11 إِرُوشّْ زَّايسْ خْ ؤُعَالْطَارْ سبْعَا ن ثْوَاڒَاوِينْ ؤُشَا إِذْهنْ [عَاوذْ] أَعَالْطَارْ ذ مَارَّا ڒقْشُوعْ نّسْ ؤُڒَا ذ ثَابَانْيُوثْ أَكْ-ذ ؤُضَارْ نّسْ مَاحنْذْ أَذْ ثنْ إِسّْقدّسْ.
LEV 8:12 إِسيّبْ زّشْثْ إِ وذْهَانْ خْ ؤُزدْجِيفْ ن هَارُونْ ؤُشَا إِذْهنْ إِ-ث، حِيمَا أَذْ ث إِسّْقدّسْ.
LEV 8:13 إِسّْقَارّبْ-د مُوسَا أَرَّاوْ ن هَارُونْ ؤُشَا يَارْضْ أَسنْ ثْشَامِيرَاثْ ؤُشَا إِبْيسْ أَسنْ س ثْحزَّامِينْ ؤُشَا إِنّضْ أَسنْ ثِيشُوشَّايْ أَمْ مَامّشْ يُومُورْ سِيذِي إِ مُوسَا.
LEV 8:14 إِسّْقَارّبْ-د أَفُونَاسْ أَمژْيَانْ ن ثْغَارْصْثْ ن دّنْبْ ؤُشَا هَارُونْ ذ وَارَّاوْ نّسْ سَّارْسنْ إِفَاسّنْ نْسنْ خْ ؤُزدْجِيفْ ن ؤُفُونَاسْ أَمژْيَانْ ن ثْغَارْصْثْ ن دّنْبْ.
LEV 8:15 إِغَارْصْ [أَسْ] ؤُشَا [إِكْسِي] مُوسَا إِذَامّنْ ؤُشَا إِڭَّا [شْوَايْثْ زَّايْسنْ] س ؤُضَاضْ نّسْ خْ وَاشَّاونْ ن ؤُعَالْطَارْ [إِ إِدْجَانْ] غَارْ [مَارَّا] إِغزْذِيسنْ نّسْ ؤُشَا [أَمُّو إِ] إِسِّيزْذڭْ أَعَالْطَارْ. [خنِّي] إِسيّبْ إِذَامّنْ غَارْ ؤُضَارْ ن ؤُعَالْطَارْ. [أَمُّو إِ] إِسّْقدّسْ إِ-ث إِ وصْڒَاحْ خَاسْ.
LEV 8:16 إِكْسِي مَارَّا ثَاذُونْثْ نِّي إِدْجَانْ خْ وَاذَانْ ذ مِينْ يُويْڒنْ غَارْ ثْسَا ذ ثْنَاينْ ن ثِيژَّاڒْ ذ ثَاذُونْثْ نْسنْثْ ؤُشَا مُوسَا إِسّْبخَّارْ [أَيَا] خْ ؤُعَالْطَارْ.
LEV 8:17 [مَاشَا] أَفُونَاسْ أَمژْيَانْ ذ يِيڒمْ نّسْ ذ ويْسُومْ نّسْ ذ أَمسَّاڒْ نّسْ، إِسَّارْغْ [إِ-ثنْ] بَارَّا إِ ڒْمَارْڭحْ ن ڒْعسْكَارْ، أَمْ مَامّشْ يُومُورْ سِيذِي إِ مُوسَا.
LEV 8:18 إِسّْقَارّبْ-د [مُوسَا] إِشَارِّي ن ثْغَارْصْثْ ن وشْمَاضْ ؤُشَا هَارُونْ ذ وَارَّاوْ نّسْ سَّارْسنْ إِفَاسّنْ نْسنْ خْ ؤُزدْجِيفْ ن إِشَارِّي.
LEV 8:19 إِغَارْصْ [إِ إِشَارِّي] ؤُشَا إِزدْجعْ مُوسَا إِذَامّنْ خْ ؤُعَالْطَارْ غَارْ [مَارَّا] إِغزْذِيسنْ نّسْ.
LEV 8:20 إِبْضَا إِشَارِّي ذ إِشدْجِيقنْ نّسْ ؤُشَا إِسّْبخَّارْ مُوسَا أَزدْجِيفْ ذ إِشدْجِيقنْ ذ ثَاذُونْثْ.
LEV 8:21 إِسِّيرْذْ أَذَانْ ذ إِضَارنْ س وَامَانْ ؤُشَا إِسّْبخَّارْ مُوسَا مَارَّا إِشَارِّي خْ ؤُعَالْطَارْ، أَقَا ذ ثَاغَارْصْثْ ن وشْمَاضْ س يِيشْثْ ن ڒفْوَاحثْ إِتّْفُوحنْ، أَقَا ذ ثَاوْهِيبْثْ ن ثْمسِّي إِ سِيذِي، أَمْ مَامّشْ يُومُورْ سِيذِي إِ مُوسَا.
LEV 8:22 إِسّْقَارّبْ-د [خنِّي] إِشَارِّي نّغْنِي، إِشَارِّي إِ ؤُذشّنْ، ؤُشَا هَارُونْ ذ وَارَّاوْ نّسْ سَّارْسنْ إِفَاسّنْ نْسنْ خْ ؤُزدْجِيفْ ن إِشَارِّي.
LEV 8:23 ؤُشَا إِغَارْصْ [أَسْ] ؤُشَا إِكْسِي مُوسَا [شْوَايْثْ] زڭْ إِذَامّنْ ؤُشَا إِڭَّا إِ-ثنْ خْ إِغسْ ن ؤُمزُّوغْ أَفُوسِي ن هَارُونْ ؤُ خْ ؤُضَاضْ ن يِيمزْ ن ؤُفُوسْ نّسْ أَفُوسِي ؤُ خْ ؤُضَاضْ ن يِيمزْ ن ؤُضَارْ نّسْ أَفُوسِي.
LEV 8:24 إِسّْقَارّبْ-د [عَاوذْ] أَرَّاوْ ن هَارُونْ ؤُشَا إِڭَّا مُوسَا [شْوَايْثْ] زڭْ إِذَامّنْ خْ إِغسْ ن ؤُمزُّوغْ نْسنْ أَفُوسِي ؤُ خْ ؤُضَاضْ ن يِيمزْ ن ؤُفُوسْ نْسنْ أَفُوسِي ؤُ خْ ؤُضَاضْ ن يِيمزْ ن ؤُضَارْ نْسنْ أَفُوسِي ؤُشَا إِزدْجعْ مُوسَا إِذَامّنْ [إِقِّيمنْ] خْ ؤُعَالْطَارْ غَارْ [مَارَّا] إِغزْذِيسنْ [نّسْ].
LEV 8:25 إِكْسِي ثَاذُونْثْ ذ ؤُنوَّارْ [س ثَاذُونْثْ] ذ مَارَّا ثَاذُونْثْ ثنِّي إِدْجَانْ خْ وَاذَانْ ذ مِينْ يُويْڒنْ غَارْ ثْسَا ذ ثْنَاينْ ن ثِيژَّاڒْ أَكْ-ذ ثَاذُونْثْ نْسنْثْ ؤُڒَا ذ أَشكْرُوذْ أَفُوسِي.
LEV 8:26 زِي ثْسُودْجثْ س وغْرُومْ بْڒَا أَنْثُونْ، ثنِّي ثُوغَا زَّاثْ إِ وُوذمْ ن سِيذِي، إِكْسِي إِجّْ ن ڒمْسمّمْ بْڒَا أَنْثُونْ ذ يِيشْثْ ن ثمْسمّمْثْ [إِسّْوجْذنْ] س زّشْثْ ذ إِشْثْ ن ثڒْففْثْ ؤُشَا إِسَّارْسْ إِ-ثنْ خْ ثَاذُونْثْ ؤُ خْ ؤُشكْرُوذْ أَفُوسِي.
LEV 8:27 إِڭَّا مَارَّا مَانْ أَيَا ذڭْ إِفَاسّنْ ن هَارُونْ ؤُ ذڭْ إِفَاسّنْ ن وَارَّاوْ نّسْ ؤُشَا إِسّنْهزّْ أَيَا أَمْ يِيشْثْ ن ثوْهِيبْثْ ن ونْهزِّي زَّاثْ إِ وُوذمْ ن سِيذِي.
LEV 8:28 [أَوَارْنِي أَسْ] إِكْسِي ثنْ مُوسَا [عَاوذْ] زڭْ إِفَاسّنْ نْسنْ ؤُشَا إِسّْبخَّارْ [إِ-ثنْ] خْ ؤُعَالْطَارْ، خْ ثْغَارْصْثْ ن وشْمَاضْ. أَقَا ذ ثِيغَارْصَا إِ ؤُذشّنْ س يِيشْثْ ن ڒفْوَاحثْ إِتّْفُوحنْ، أَقَا ذ ثَاوْهِيبْثْ ن ثْمسِّي إِ سِيذِي.
LEV 8:29 إِكْسِي مُوسَا إِذْمَارنْ ؤُشَا إِسّنْهزّْ إِ-ثنْ أَمْ يِيشْثْ ن ثوْهِيبْثْ ن ونْهزِّي زَّاثْ إِ وُوذمْ ن سِيذِي. مَانْ أَيَا ذ ثَاسْغَارْثْ ن ؤُشَارِّي إِ ؤُذشّنْ، ثنِّي إِدْجَانْ إِ مُوسَا، أَمْ مَامّشْ يُومُورْ سِيذِي إِ مُوسَا.
LEV 8:30 إِكْسِي مُوسَا [شْوَايْثْ] ن زّشْثْ إِ وذْهَانْ ؤُ ن إِذَامّنْ إِ إِدْجَانْ خْ ؤُعَالْطَارْ ؤُشَا إِرُوشّْ مَانْ أَيَا خْ هَارُونْ ؤُ خْ وَارُّوضْ نّسْ، خْ وَارَّاوْ نّسْ ؤُ خْ وَارُّوضْ ن وَارَّاوْ نّسْ، [إِنِّي] أَكِيذسْ [إِدْجَانْ]. [أَمُّو إِ] إِسّْقدّسْ هَارُونْ ذ وَارُّوضْ نّسْ ذ وَارَّاوْ نّسْ ذ وَارُّوضْ ن وَارَّاوْ نّسْ أَكِيذسْ.
LEV 8:31 إِنَّا مُوسَا إِ هَارُونْ ؤُ إِ وَارَّاوْ نّسْ: ”سنْومْ أَيْسُومْ نِّي غَارْ وَاذَافْ ن ؤُقِيضُونْ ن ؤُمْسَاڭَارْ ؤُشَا ثشّمْ ث ذِينِّي س وغْرُومْ نِّي إِدْجَانْ ذِي ثْسُودْجثْ ن ثْغَارْصَا إِ ؤُذشّنْ، أَمْ مَامّشْ وصِّيغْ نشّْ، نِّيغْ: ’هَارُونْ ذ وَارَّاوْ نّسْ أَذْ ث شّنْ.‘
LEV 8:32 مِينْ إِشطّنْ ن ويْسُومْ ذ وغْرُومْ، أَذْ ث ثسّْشمْضنْ س ثْمسِّي.
LEV 8:33 زڭْ وَاذَافْ ن ؤُقِيضُونْ ن ؤُمْسَاڭَارْ وَارْ زَّايسْ د-ثتّفّْغمْ شَا سبْعَا ن وُوسَّانْ، أَڒْ أَسّْ مِينْ ذِي إِ غَا كمّْڒنْ وُوسَّانْ ن ؤُڒقّمْ نْومْ، مِينْزِي نتَّا أَذْ كنِّيوْ يَاڒقّمْ سبْعَا ن وُوسَّانْ.
LEV 8:34 أَمْ مَامّشْ إِڭَّا [مَارَّا] ذڭْ وَاسّْ-أَ، [أَمُّو] إِ إِوصَّا سِيذِي، مَاحنْذْ أَذْ خَاومْ إِڭّْ أَصْڒَاحْ.
LEV 8:35 أَذْ ثقِّيممْ غَارْ وَاذَافْ ن ؤُقِيضُونْ ن ؤُمْسَاڭَارْ، أَسّْ ذ دْجِيڒثْ، سبْعَا ن وُوسَّانْ ؤُشَا أَذْ ثطّْفمْ [أَ]حطُّو إِ سِيذِي، حِيمَا وَارْ ثتّْمتِّيمْ شَا، مِينْزِي أَمُّو إِ [ث] تّْوصِّيغْ نشّْ.“
LEV 8:36 هَارُونْ ذ وَارَّاوْ نّسْ ڭِّينْ مَارَّا مِينْ ذ [أَسنْ] إِوصَّا سِيذِي س ثْسخَّارْثْ ن مُوسَا.
LEV 9:1 ذڭْ وَاسّْ وِيسّْ ثْمنْيَا إِمْسَارْ، أَقَا مُوسَا إِڒَاغَا إِ هَارُونْ ذ وَارَّاوْ نّسْ ذ إِمْغَارنْ ن إِسْرَائِيل
LEV 9:2 ؤُشَا إِنَّا إِ هَارُونْ: ”كْسِي غَاركْ إِجّْ ن ؤُعجْمِي، أَمژْيَانْ ن ؤُفُونَاسْ، [أَمْ] ثْغَارْصْثْ ن دّنْبْ، ؤُڒَا ذ إِجّْ ن إِشَارِّي [أَمْ] ثْغَارْصْثْ ن وشْمَاضْ، [أَقَا أَذْ إِڒِينْ] شْنَانْ قَاعْ، ؤُشَا أجّْ إِ-ثنْ أَذْ د-قَارّْبنْ غَارْ وُوذمْ ن سِيذِي.
LEV 9:3 سِيوڒْ أَكْ-ذ أَيْثْ ن إِسْرَائِيل ؤُشَا إِنِي: ”كْسِيمْ إِجّْ ن ؤُمْيَانْ زڭْ إِغَايْضنْ أَمْ ثْغَارْصْثْ ن دّنْبْ ؤُ [كْسِي] إِجّْ ن ؤُعجْمِي ذ إِجّْ ن يزْمَارْ، [أَقَا أَذْ إِڒِينْ إِمُودَّارنْ] شْنَانْ قَاعْ ن إِجّْ ن ؤُسڭّْوَاسْ، إِ ثْغَارْصْثْ ن وشْمَاضْ،
LEV 9:4 ؤُشَا [كْسِي عَاوذْ] إِجّْ ن ؤُفُونَاسْ ذ إِجّْ ن ؤُشَارِّي أَمْ ثْغَارْصَا ن ڒهْنَا، مَاحنْذْ أَذْ [ثنْ] قدّْمنْ [ذ دّْبِيحثْ] إِ سِيذِي، ؤُڒَا ذ إِشْثْ ن ثوْهِيبْثْ [ن ڒْغِيدْجثْ] إِخدْجْضنْ س زّشْثْ، مِينْزِي أَسّْ-أَ أَذْ أَومْ د-إِبَانْ سِيذِي.“
LEV 9:5 [خنِّي] أَوْينْ مِينْ خفْ إِوصَّا مُوسَا غَارْ زَّاثْ ن ؤُقِيضُونْ ن ؤُمْسَاڭَارْ ؤُشَا ثَامسْمُونْثْ ثْقَارّبْ-د ؤُشَا بدّنْ نِيثْنِي زَّاثْ إِ وُوذمْ ن سِيذِي.
LEV 9:6 ؤُشَا مُوسَا إِنَّا: ”ذ مَانْ أَيَا مِينْ خفْ إِوصَّا سِيذِي مَاحنْذْ أَذْ [ث] ثڭّمْ. ؤُشَا [خنِّي] أَذْ أَومْ د-إِبَانْ ؤُعُودْجِي ن سِيذِي.“
LEV 9:7 إِنَّا مُوسَا إِ هَارُونْ: ”قَارّبْ-د غَارْ ؤُعَالْطَارْ ؤُشَا سوْجذْ ثَاغَارْصْثْ نّشْ ن دّنْبْ ذ ثْغَارْصْثْ نّشْ ن وشْمَاضْ ؤُشَا أڭّْ أَصْڒَاحْ خْ يِيخفْ نّشْ ؤُ خْ ڒْڭنْسْ. سوْجذْ [عَاوذْ] ثَاوْهِيبْثْ ن ڒْڭنْسْ ؤُشَا أڭّْ خَاسنْ أَصْڒَاحْ أَمْ مَامّشْ [ث] إِوصَّا سِيذِي.“
LEV 9:8 [خنِّي] إِقَارّبْ-د هَارُونْ غَارْ ؤُعَالْطَارْ ؤُشَا إِغَارْصْ إِ ؤُعجْمِي ن ثْغَارْصْثْ ن دّنْبْ [إِ إِدْجَانْ] إِ يِيخفْ نّسْ.
LEV 9:9 أَرَّاوْ ن هَارُونْ إِوْينْ أَسْ-د إِذَامّنْ ؤُشَا نتَّا إِسُّوفْ أَضَاضْ نّسْ ذڭْ إِذَامّنْ ؤُشَا إِڭَّا إِ-ثنْ خْ وَاشَّاونْ ن ؤُعَالْطَارْ. [مِينْ إِشطّنْ ن] إِذَامّنْ إِسيّبْ إِ-ثنْ غَارْ ؤُضَارْ ن ؤُعَالْطَارْ.
LEV 9:10 إِسّْبخَّارْ ثَاذُونْثْ ذ ثِيژَّاڒْ ذ مِينْ يُويْڒنْ غَارْ ثْسَا ن ثْغَارْصْثْ ن دّنْبْ خْ ؤُعَالْطَارْ أَمْ مَامّشْ يُومُورْ سِيذِي إِ مُوسَا.
LEV 9:11 إِسّشْمضْ أَيْسُومْ ذ يِيڒمْ س ثْمسِّي بَارَّا إِ ڒْمَارْڭحْ ن ڒْعسْكَارْ.
LEV 9:12 إِغَارْصْ ثَاغَارْصْثْ ن وشْمَاضْ ؤُشَا أَرَّاوْ نْ هَارُونْ قدّْمنْ أَسْ إِذَامّنْ ؤُشَا نتَّا إِزدْجعْ [إِ-ثنْ] خْ ؤُعَالْطَارْ غَارْ [مَارَّا] إِغزْذِيسنْ نّسْ.
LEV 9:13 [خنِّي] قدّْمنْ أَسْ ثَاغَارْصْثْ ن وشْمَاضْ [إِ تّْوَابْضَانْ] ذ إِشدْجِيقنْ، ؤُڒَا ذ أَزدْجِيفْ، ؤُشَا نتَّا إِسّْبخَّارْ إِ-ت خْ ؤُعَالْطَارْ.
LEV 9:14 إِسِّيرْذْ أَذَانْ ذ إِضَارنْ ؤُشَا إِسّْبخَّارْ [إِ-ثنْ] خْ ثْغَارْصْثْ ن وشْمَاضْ إِ إِدْجَانْ خْ ؤُعَالْطَارْ.
LEV 9:15 [أَوَارْنِي أَسْ] إِسّْقَارّبْ-د ثَاوْهِيبْثْ ن ڒْڭنْسْ. نتَّا إِكْسِي أَمْيَانْ ن ثْغَارْصْثْ ن دّنْبْ إِ ڒْڭنْسْ ؤُشَا إِغَارْصْ أَسْ ؤُشَا إِسّوْجذْ إِ-ث ذ ثَاغَارْصْثْ ن دّنْبْ أَمْ مَامّشْ [إِسّوْجذْ إِشَارِّي] أَمزْوَارُو.
LEV 9:16 إِسّْقَارّبْ-د ثَاغَارْصْثْ ن وشْمَاضْ ؤُشَا إِسّوْجذْ إِ-ت عْلَاحْسَابْ لْفَارِيضَا.
LEV 9:17 إِقدّمْ ثَاوْهِيبْثْ [ن ڒْغِيدْجثْ] ؤُشَا إِكْسِي زَّايسْ إِجّْ ن وُورُو إِشُّورْ ؤُشَا إِسّْبخَّارْ [أَيَا] خْ ؤُعَالْطَارْ، زَّاثْ إِ ثْغَارْصْثْ ن وشْمَاضْ ن صّْبحْ.
LEV 9:18 إِغَارْصْ عَاوذْ إِ ؤُفُونَاسْ ؤُ إِ يِيشَارِّي ن ثْغَارْصْثْ ن ڒهْنَا ذِي طّْوعْ ن ڒْڭنْسْ، ؤُشَا أَرَّاوْ ن هَارُونْ قدّْمنْ أَسْ إِذَامّنْ ؤُشَا إِزدْجعْ إِ-ثنْ خْ ؤُعَالْطَارْ غَارْ [مَارَّا] إِغزْذِيسنْ نّسْ.
LEV 9:19 خْ ثَاذُونْثْ ن ؤُفُونَاسْ ؤُ ن إِشَارِّي: أَنوَّارْ [س ثَاذُونْثْ نّسْ] ذ مِينْ إِذْڒِينْ [أَضَانْ] ذ ثِيژَّاڒْ ذ مِينْ يُويْڒنْ غَارْ ثْسَا،
LEV 9:20 أَقَا سَّارْسنْ ثَاذُونْثْ [نِّي] خْ إِذْمَارنْ ؤُشَا نتَّا إِسّْبخَّارْ ثَاذُونْثْ خْ ؤُعَالْطَارْ.
LEV 9:21 [مَاشَا] إِذْمَارنْ ذ ؤُشكْرُوذْ أَفُوسِي إِسّنْهزّْ إِ-ثنْ هَارُونْ [أَمشْنَاوْ] إِشْثْ ن ثوْهِيبْثْ ن ونْهزِّي زَّاثْ إِ وُوذمْ ن سِيذِي، أَمْ مَامّشْ [ث] إِوصَّا مُوسَا.
LEV 9:22 [خنِّي] إِسّْڭعّذْ هَارُونْ إِفَاسّنْ نّسْ غَارْ ڒْڭنْسْ ؤُشَا إِبَاركْ إِ-ثنْ ؤُشَا إِهْوَا أَوَارْنِي ڒَامِي إِقدّمْ ثَاغَارْصْثْ ن دّنْبْ ذ ثْغَارْصْثْ ن وشْمَاضْ ذ ثْغَارْصْثْ ن ڒهْنَا.
LEV 9:23 ؤُشَا يُوذفْ مُوسَا أَكْ-ذ هَارُونْ غَارْ ؤُقِيضُونْ ن ؤُمْسَاڭَارْ ؤُشَا نِيثْنِي فّْغنْ [زَّايسْ عَاوذْ] ؤُشَا بَارْكنْ ڒْڭنْسْ ؤُشَا إِبَانْ ؤُعُودْجِي ن سِيذِي إِ مَارَّا ڒْڭنْسْ
LEV 9:24 ؤُشَا ثفّغْ-د ثْمسِّي زِي زَّاثْ إِ وُوذمْ ن سِيذِي، ثشَّا ثَاغَارْصْثْ ن وشْمَاضْ خْ ؤُعَالْطَارْ ؤُڒَا ذ ثَاذُونْثْ. [ؤُمِي] إِژْرَا ڒْڭنْسْ [مَانْ أَيَا]، سْڒِيوڒْونْ ؤُشَا وْضَانْ [غَارْ ثمُّورْثْ] خْ ؤُغمْبُوبْ نْسنْ.
LEV 10:1 نَاذَابْ ذ أَبِيهُو، أَرَّاوْ ن هَارُونْ، كْسِينْ كُوڒْ إِجّْ ڒْمجْمَارْ نّسْ ؤُشَا ڭِّينْ ذَايسْ ڒبْخُورْ ؤُشَا [أَمُّو إِ] يِيوْينْ نِيثْنِي ثِيمسِّي ثغْرِيبْ زَّاثْ إِ وُوذمْ ن سِيذِي، مِينْ وَارْ ذ أَسنْ إِوصَّا نتَّا.
LEV 10:2 ثفّغْ-د ثْمسِّي زِي زَّاثْ إِ وُوذمْ ن سِيذِي، ثشّْ إِ-ثنْ ؤُشَا مُّوثنْ زَّاثْ إِ وُوذمْ ن سِيذِي.
LEV 10:3 إِنَّا مُوسَا إِ هَارُونْ: ”ذ مَانْ أَيَا خْ مِينْ خفْ إِسِّيوڒْ سِيذِي [ؤُمِي] إِنَّا: ’س يِينِّي إِ غَارِي د غَا إِقَارّْبنْ أَذْ تّْوَاقدّْسغْ ؤُشَا زَّاثْ إِ وُوذمْ ن مَارَّا ڒْڭنْسْ أَذْ تّْوَاسّْعُودْجغْ.‘ “ ؤُشَا إِسْقَارْ هَارُونْ.
LEV 10:4 إِڒَاغَا مُوسَا إِ مِيشَايِيلْ ذ إِ إِلْصَافَانْ، أَرَّاوْ ن عُوزِّييِيلْ، عمِّيسْ ن هَارُونْ، ؤُشَا إِنَّا أَسنْ: ”قَارّْبمْ-د، ثَارْبُومْ أَيْثْمَاثْومْ زِي قِيبَاتْشْ ن زَّاوشْثْ إِقدّْسنْ، [أَوْيِي ثنْ بَارَّا] إِ ڒْمَارْڭحْ ن ڒْعسْكَارْ.“
LEV 10:5 قَارّْبنْ-د نِيثْنِي ؤُشَا أَرْبُونْ ثنْ ذِي ثْشَامِيرَاثْ نْسنْ بَارَّا إِ ڒْمَارْڭحْ ن ڒْعسْكَارْ، أَمْ مَامّشْ [ث] إِنَّا مُوسَا.
LEV 10:6 [خنِّي] إِنَّا مُوسَا إِ هَارُونْ ؤُ إِ أَلِيعَازَارْ ذ إِثَامَارْ، أَرَّاوْ نّسْ: ”وَارْ ضدْجْقمْ إِ [ؤُشُوَّافْ خْ] إِزدْجِيفنْ نْومْ نِيغْ تّْشَارّْڭمْ أَرُّوضْ نْومْ [إِ وشْضَانْ]، حِيمَا وَارْ ثتّْمتِّيمْ ؤُشَا أَذْ يِيڒِي ؤُذُوقّزْ ن وغْضَابْ خْ مَارَّا ثَامسْمُونْثْ. [مَاشَا] أَيْثْمَاثْومْ، مَارَّا ثَادَّارْثْ ن إِسْرَائِيل، أَذْ رُونْ خْ ثْمسِّي-يَا، ثنِّي إِسّشْمضْ سِيذِي.
LEV 10:7 وَارْ د-تّفّْغمْ شَا زِي وَاذَافْ ن ؤُقِيضُونْ ن ؤُمْسَاڭَارْ، حِيمَا وَارْ ثتّْمتِّيمْ شَا، مِينْزِي زّشْثْ ن وذْهَانْ ن سِيذِي أَقَا ت خَاومْ.“ ؤُشَا نِيثْنِي طَّاعنْ إِ وَاوَاڒْ ن مُوسَا.
LEV 10:8 إِسِّيوڒْ سِيذِي أَكْ-ذ هَارُونْ، إِنَّا:
LEV 10:9 ”وَارْ إِعدّڒْ أَذْ ثْسسّذْ بِينُو نِيغْ شّْرَابْ إِجهْذنْ خْمِي غَا ثَاذْفمْ غَارْ ؤُقِيضُونْ ن ؤُمْسَاڭَارْ، شكْ [لَّ] ؤُڒَا ذ إِحنْجِيرنْ نّشْ [نِّي] أَكِيذكْ [لَّ]، حِيمَا وَارْ ثتّْمتِّيمْ شَا. أَقَا-ت ذ إِشْثْ ن ثوْصيّثْ إِ ڒبْذَا إِ [مَارَّا] جِّيڒَاثْ نْومْ،
LEV 10:10 حِيمَا أَذْ أَفْ ثْزمَّارمْ أَذْ ثْفَارْزمْ جَارْ مِينْ [إِدْجَانْ] إِقدّْسنْ ذ مِينْ وَارْ [إِدْجِينْ] إِقدّْسنْ ؤُ جَارْ مِينْ إِصْفَانْ ذ مِينْ وَارْ إِصْفِينْ،
LEV 10:11 ؤُ حِيمَا أَذْ ثسّْڒمْذمْ إِ أَيْثْ ن إِسْرَائِيل مَارَّا ثِيوصَّا نِّي غَارْسنْ إِسِّيوڒْ سِيذِي س ثْسخَّارْثْ ن مُوسَا.“
LEV 10:12 ؤُشَا إِسِّيوڒْ مُوسَا أَكْ-ذ هَارُونْ ؤُ أَكْ-ذ أَلِيعَازَارْ ذ إِثَامَارْ، أَرَّاوْ نّسْ إِقِّيمنْ: ”كْسِيمْ ثَاوْهِيبْثْ [ن ڒْغِيدْجثْ] نِّي إِشطّنْ زِي ثوْهِيبِينْ ن ثْمسِّي إِ سِيذِي ؤُشَا شّمْ ت بْڒَا أَنْثُونْ زَّاثْ إِ ؤُعَالْطَارْ، مِينْزِي أَقَا-ت ذ ثَامْقدَّاسْثْ قَاعْ.
LEV 10:13 أَذْ ت ثشّمْ ذڭْ إِجّْ ن ومْشَامْ إِقدّْسنْ، مِينْزِي ثَا ذ ثَاغَارْصْثْ إِ شكْ ؤُ إِ إِحنْجِيرنْ نّشْ زِي ثوْهِيبِينْ ن ثْمسِّي ن سِيذِي، مِينْزِي أَمُّو إِ ذ أَيِي إِتّْوَاوصَّا.
LEV 10:14 ذڭْ إِجّْ ن ومْشَانْ إِصْفَا أَذْ ثشّمْ [عَاوذْ] إِذْمَارنْ ن ونْهزِّي ذ ؤُشكْرُوذْ ن ثوْهِيبْثْ إِ د-إِتّْوَاسّْڭعّْذنْ، شكْ ذ إِحنْجِيرنْ نّشْ ذ ثْحنْجِيرِينْ نّشْ أَكِيذكْ، مِينْزِي [ذ مَانْ أَيَا] ذ ثَاسْغَارْثْ نّشْ ذ ثَاسْغَارْثْ ن ثَارْوَا نّشْ زِي ثْغَارْصَا نْ ڒهْنَا ن أَيْثْ ن إِسْرَائِيل.
LEV 10:15 أَذْ أَوْينْ أَشكْرُوذْ ن ثوْهِيبْثْ إِ د-إِتّْوَاسّْڭعّْذنْ ؤُڒَا ذ إِذْمَارنْ ن ونْهزِّي أَكْ-ذ ثوْهِيبِينْ ن ثْمسِّي ن ثَاذُونْثْ، مَاحنْذْ أَذْ ثنْ سّنْهزّنْ زَّاثْ إِ وُوذمْ ن سِيذِي أَمْ ثوْهِيبْثْ ن ونْهزِّي. أَقَا ذ إِشْثْ ن ثوْصيّثْ إِ ڒبْذَا إِ شكْ ؤُ إِ إِحنْجِيرنْ نّشْ أَكِيذكْ، أَمْ مَامّشْ [ث] إِوصَّا سِيذِي.“
LEV 10:16 ؤُشَا مُوسَا يَارْزُو س شْضَارثْ خْ ؤُمْيَانْ ن ثْغَارْصْثْ ن دّنْبْ، [مَاشَا] خْزَارْ، إِشمْضْ. [خنِّي] إِفُّوڭمْ خْ أَلِيعَازَارْ ذ إِثَامَارْ، أَرَّاوْ إِقِّيمنْ ن هَارُونْ، إِنَّا:
LEV 10:17 ”مَايمِّي وَارْ ثشِّيمْ ثَاغَارْصْثْ ن دّنْبْ ذڭْ ومْشَانْ إِقدّْسنْ؟ مِينْزِي أَقَا-ت ذ ثَامْقدَّاسْثْ قَاعْ ؤُشَا نتَّا إِوْشَا أَومْ ت-إِ-د حِيمَا كنِّيوْ أَذْ ثَارْبُومْ ڒْمُوعْصِييّثْ ن ثْمسْمُونْثْ، مَاحنْذْ أَذْ خَاسنْ ثڭّمْ أَصْڒَاحْ زَّاثْ إِ وُوذمْ ن سِيذِي.
LEV 10:18 خْزَارمْ، حْذَامْ وَارْ سِّيذْفنْ وَالُو زڭْ إِذَامّنْ ذَاخڒْ إِ زَّاوشْثْ إِقدّْسنْ. ثُوغَا إِتّْخصَّا كنِّيوْ أَذْ ت ثشّمْ ذِي زَّاوشْثْ إِقدّْسنْ أَمْ مَامّشْ ذ أَومْ وصِّيغْ نشّْ.“
LEV 10:19 [خنِّي] إِسِّيوڒْ هَارُونْ أَكْ-ذ مُوسَا: ”خْزَارْ، أَسّْ-أَ أَقَا قدّْمنْ ثَاغَارْصْثْ ن دّنْبْ ذ ثْغَارْصْثْ ن وشْمَاضْ زَّاثْ إِ وُوذمْ ن سِيذِي. [مَاڒَا] نشّْ، أَوَارْنِي ڒَامِي خَافِي كّنْثْ ثْمسْڒَايِينْ-أَ، أَقَا شِّيغْ زِي ثْغَارْصْثْ ن دّنْبْ أَسّْ-أَ، مَا [خنِّي] مَانْ أَيَا إِشْنَا ذِي ثِيطَّاوِينْ ن سِيذِي؟“
LEV 10:20 [ؤُمِي] إِسْڒَا مُوسَا أَيَا، إِبَانْ أَسْ-د [مَانْ أَيَا] ذ لمْلِيحْ ذِي ثِيطَّاوِينْ نّسْ.
LEV 11:1 إِسِّيوڒْ سِيذِي أَكْ-ذ مُوسَا ذ هَارُونْ، إِنَّا أَسنْ:
LEV 11:2 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِيمْ: ’إِنَا أَقَا أَثنْ ذ ڒْمَاڒْ، إِنِّي ؤُمِي إِعدّڒْ أَذْ ثشّمْ زِي جَارْ مَارَّا ڒْمَاڒْ نِّي ذِينْ خْ ثمُّورْثْ.
LEV 11:3 إِعدّڒْ أَذْ ثشّمْ زِي مَارَّا ڒْمَاڒْ إِ غَارْ ثدْجَا ثشْضشْثْ إِمّْسبْضَانْ، أَقَا فَارْقَا ن ثشْضشْثْ إِمْسّبْضَانْ [قَاعْ]، ؤُ [سنّجْ إِ مَانْ أَيَا] تَّارَّانْ إِفژْ.
LEV 11:4 مَاشَا زڭْ إِنِّي إِتَّارَّانْ إِفژْ ذ يِينِّي غَارْ ثدْجَا ثشْضشْثْ إِمّْسبْضَانْ، وَارْ تّتّمْ إِنَا: أَڒْغمْ، مِينْزِي إِتّفّژْ، [مَاشَا] وَارْ غَارسْ بُو ثشْضشْثْ إِمّْسبْضَانْ، [س ؤُينِّي] أَقَا إِخْمجْ إِ كنِّيوْ،
LEV 11:5 أَكَاوْكَا ن ثصْضَارْثْ، مِينْزِي إِتَّارَّا إِفژْ، [مَاشَا] ثَاشْضشْثْ وَارْ ثمّْسبْضِي، ؤُ [س ؤُينِّي] أَقَا إِخْمجْ إِ كنِّيوْ،
LEV 11:6 أَمنِّي أَيَارْزِيزْ، مِينْزِي إِتَّارَّا إِفژْ، مَاشَا وَارْ غَارسْ ثَاشْضشْثْ إِمّْسبْضَانْ، [س ؤُينِّي] أَقَا إِخْمجْ إِ كنِّيوْ،
LEV 11:7 عَاوضْ إِڒفْ، مِينْزِي غَارسْ ثَاشْضشْثْ إِمّْسبْضَانْ ؤُشَا أَقَا فَارْقَا ن ثشْضشْثْ إِمّْسبْضَانْ [قَاعْ]، مَاشَا وَارْ إِتَّارِّي إِفژْ، [س ؤُينِّي] أَقَا إِخْمجْ إِ كنِّيوْ.
LEV 11:8 زڭْ ويْسُومْ نْسنْ وَارْ زَّايسْ تّتّمْ نِيغْ أَذْ ثْحَاذَامْ ڒْخشْبَاثْ نْسنْ، أَقَا خمْجنْ إِ كنِّيوْ.‘ “
LEV 11:9 ”إِنَا إِعدّڒْ أَذْ ثنْ ثشّمْ زِي جَارْ مَارَّا [إِمُودَّارنْ] نِّي [إِدَّارنْ] ذڭْ وَامَانْ: مَارَّا وِي غَارْ إِدْجَا وَافْرِيونْ ذ ثقْشُورْثْ ذڭْ وَامَانْ ؤُ ذِي ڒبْحُورْ ؤُ ذِي ثْغزْرَاثِينْ، إِنَا إِعدّڒْ أَذْ ثنْ ثشّمْ،
LEV 11:10 [مَاشَا] مَارَّا وِي وَارْ غَارْ يدْجِي إِفْرِيونْ نِيغْ ثَاقْشُورْثْ ذِي ڒبْحُورْ ؤُ ذِي ثْغزْرَاثِينْ، زِي جَارْ مَارَّا إِ زِي سّفّْينْ أَمَانْ ؤُڒَا زِي جَارْ مَارَّا مِينْ إِدَّارنْ ذڭْ وَامَانْ، أَذْ أَومْ يِيڒِي ذ نّْعِي.
LEV 11:11 [وَاهْ] أَذْ أَومْ يِيڒِي ذ نّْعِي. وَارْ إِعدّڒْ أَذْ ثشّمْ زڭْ ويْسُومْ نْسنْ ؤُ ڒْخشْبَاثْ نْسنْ أَذْ غَارْومْ إِڒِينْثْ ذ نّْعِي.
LEV 11:12 مَارَّا مِينْ إِدْجَانْ ذڭْ وَامَانْ بْڒَا إِفْرِيونْ ذ ثقْشُورْثْ، أَذْ غَارْومْ يِيڒِي ذ نّْعِي.“
LEV 11:13 ”زڭْ إِجْضَاضْ أَذْ غَارْومْ إِڒِينْ إِنَا ذ نّْعِي، وَارْ زَّايْسنْ تّتّمْ شَا، أَقَا أَثنْ ذ نّْعِي: أَڭِيذرْ، إِسْغِي، أَڭِيذرْ ن ڒبْحَارْ،
LEV 11:14 [أَشفَّارْ] إِطَّاونْ س ثَازْڒَا، أَمسّْغُويْ [أَمُوقْضِيعْ ن ثِيطَّاوِينْ] أَكْ-ذ مَارَّا مَارْكَاثْ نّسْ،
LEV 11:15 مَارَّا مَارْكَاثْ ن ؤُبَاغڒْ،
LEV 11:16 يدْجِيسْ ن ثْغُويِّيثْ، أَعنَّافْ، أَجْضِيضْ ن ڒبْحَارْ، ڒْبَازْ أَكْ-ذ مَارْكَاثْ نّسْ،
LEV 11:17 [أَحمَّاڒْ] ن ڒْكَاسْ، بُو-ثْشَارَارُّوثْ، بُو-ؤُسُوضِي [ن ڒْموْثْ]،
LEV 11:18 بُو-يُونْثَاحْ، بُو-ؤُعُوقِّي، بُو-ؤُحَاوَارْ،
LEV 11:19 أَبلَّارْجْ، بُو-ؤُسُوضِي إِعفّْننْ أَكْ-ذ مَارَّا مَارْكَاثْ نّسْ، ذُونْذُونْ ذ ڒْوضْوَاضْ.“
LEV 11:20 ”مَارَّا وِي غَارْ إِدْجَا أَفْرِيونْ إِ إِتّْبُوعنْ ؤُ إِڭُّورنْ خْ أَربْعَا ن إِضَارنْ، أَذْ غَارْومْ يِيڒِي ذ نّْعِي.
LEV 11:21 [مَاشَا] زِي مَارَّا إِنِّي إِتّْبُوعنْ أَمْ غَارْسنْ أَفْرِيونْ [ؤُ] ڭُّورنْ خْ أَربْعَا ن إِضَارنْ، إِعدّڒْ إِ كنِّيوْ أَذْ ثشّمْ إِنِّي غَارْ إِدْجَا إِضَارنْ إِ ونْڭَازْ سنّجْ إِ إِضَارنْ نْسنْ إِ ثشْڒِي، حِيمَا أَذْ زَّايْسنْ نڭْزنْ خْ ثمُّورْثْ.
LEV 11:22 إِنَا ثْزمَّارمْ أَذْ زَّايْسنْ ثشّمْ: ثَامُورْغِي ن ويْڒَافْ أَكْ-ذ مَارْكَاثْ نّسْ، ثَامُوغْرِي ن ثصْضَارْثْ أَكْ-ذ مَارْكَاثْ نّسْ، ثَامُوغْرِي إِنڭّْزنْ أَكْ-ذ مَارْكَاثْ نّسْ ذ ثَامُوغْرِي إِڒحّْفنْ أَكْ-ذ مَارْكَاثْ نّسْ.
LEV 11:23 مَارَّا وِي غَارْ إِدْجَا أَفْرِيونْ إِ إِتّْبُوعنْ ؤُ غَارسْ أَربْعَا ن إِضَارنْ، أَذْ غَارْومْ يِيڒِي ذ نّْعِي.“
LEV 11:24 ”س [إِمُودَّارنْ-أَ] إِ غَا ثتّْوَاخمْجمْ. مَارَّا وِي غَا إِحَاذَانْ ڒْخشْبَاثْ نْسنْ، أَذْ يِيڒِي إِخْمجْ أَڒْ ثَامذِّيثْ.
LEV 11:25 مَانْونْ يِيوْينْ شَا زِي ڒْخشْبَاثْ نْسنْ، أَذْ إِسِّيرْذْ أَرُّوضْ نّسْ ؤُشَا أَذْ يِيڒِي إِخْمجْ أَڒْ ثَامذِّيثْ.
LEV 11:26 مَارَّا ڒبْهَايمْ، إِنِّي غَارْ ثدْجَا ثشْضشْثْ إِمّْسبْضَانْ إِ زِي فَارْقَا [ن ثشْضشْثْ] وَارْ ثْفَارْقْ قَاعْ، ؤُڒَا وَارْ تَّارَّانْ إِفژْ، أَذْ غَارْومْ إِڒِينْ خمْجنْ. مَارَّا وِي ثنْ إِ غَا إِحَاذَانْ، أَذْ يِيڒِي إِخْمجْ.
LEV 11:27 كُوڒْ [أَمُودَّارْ] جَارْ إِمُودَّارنْ إِ إِڭُّورنْ خْ أَربْعَا ن ثْڒقَّا [ن إِضَارنْ] نْسنْ، أَذْ غَارْومْ يِيڒِي إِخْمجْ. مَارَّا وِي غَا إِحَاذَانْ ڒْخشْبَاثْ نْسنْ، أَذْ يِيڒِي إِخْمجْ أَڒْ ثَامذِّيثْ.
LEV 11:28 وِي يِيوْينْ شَا ن ڒْخشْبَاثْ نْسنْ، أَذْ إِسِّيرْذْ أَرُّوضْ نّسْ ؤُشَا أَذْ يِيڒِي إِخْمجْ أَڒْ ثْمذِّيثْ. أَذْ أَومْ إِڒِينْ خمْجنْ.“
LEV 11:29 ”زِي جَارْ إِمُودَّارنْ إِتّْبُوعنْ، إِنِّي إِتّْبُوعنْ خْ ثمُّورْثْ، ذ إِنَا أَذْ خَاومْ إِڒِينْ خمْجنْ إِ كنِّيوْ: أَجَارْبُوعْ، أَغرْذَا، إِشْفَارْ أَكْ-ذ مَارْكَاثْ نّسْ،
LEV 11:30 إِقّْلِي، ثَاكْنَاكَارْثْ، أَزرْمُومُّويْ، أَحْذِيضْ ذ ثَاثَا.
LEV 11:31 إِنَا أَذْ غَارْومْ إِڒِينْ خمْجنْ زِي جَارْ مَارَّا [إِمُودَّارنْ] نِّي إِتّْبُوعنْ [خْ ثمُّورْثْ]. مَارَّا وِي ثنْ إِ غَا إِحَاذَانْ أَوَارْنِي ڒْموْثْ نْسنْ، أَذْ يِيڒِي إِخْمجْ أَڒْ ثَامذِّيثْ.
LEV 11:32 مَارَّا مِينْ خفْ إِوْضَا شَا زِي ڒْخشْبَاثْ نْسنْ أَذْ يِيڒِي إِخْمجْ، نِيغْ إِشْثْ ن ڒْقشْعثْ ن ثفْڒَاوْثْ، نِيغْ أَرُّوضْ، نِيغْ ثِيڒْمشْثْ، نِيغْ ثَاخَانْشثْ، نِيغْ مِينْ مَا ڒْقشْعثْ إِ خفْ إِوْضَا شَا زَّايْسنْثْ، إِتّْخصَّا أَذْ إِتّْوَاسَّارْسْ ذڭْ وَامَانْ، أَذْ يِيڒِي إِخْمجْ أَڒْ ثَامذِّيثْ ؤُ [أَوَارْنِي أَيَا] أَذْ يِيڒِي إِزْذِيڭْ.
LEV 11:33 مَارَّا ڒْقشْعثْ ن ثْڒَاخْثْ، ثنِّي ؤُمِي ذِي إِوْضَا [شْوَايْثْ زَّايسْ]، أَقَا مَارَّا مِينْ ذَايسْ إِدْجَانْ أَذْ يِيڒِي إِخْمجْ ؤُشَا إِتّْخصَّا إِ كنِّيوْ أَذْ ثَارْژمْ طّبْصِي.
LEV 11:34 مَارَّا مَاشَّا نِّي تّْنُومَانْ [إِوْذَانْ] أَذْ شّنْ، ثنِّي خْ وْضَانْ وَامَانْ نِّي، أَذْ ثِيڒِي ثخْمجْ، ؤُ مَارَّا ثِيسِّيثْ نِّي تّْنُومَانْ [إِوْذَانْ] أَذْ سْونْ، مَامّشْ مَا ثڭَّا ڒْقشْعثْ إِ ذِي ثدْجَا [مَاشَّا نِيغْ ثِيسِّيثْ]، أَذْ ثِيڒِي ثخْمجْ.
LEV 11:35 مَارَّا مِينْ خفْ إِوْضَا شَا ن ڒْخشْبَاثْ نْسنْ، أَذْ يِيڒِي إِخْمجْ. أَفَارْنُو ذ ثْزوْضَا أَذْ تّْوَارْژنْ، أَقَا خمْجنْ ؤُشَا أَذْ غَارْومْ إِڒِينْ خمْجنْ.
LEV 11:36 مَاشَا ڒْعُونْصَارْ نِيغْ ذ أَنُو مَانِي غَارْ سِّيزّْڒنْ أَمَانْ، أَذْ يِيڒِي إِزْذڭْ. [مَاشَا] وِي غَا إِحَاذَانْ ڒْخشْبَاثْ نْسنْ، أَذْ يِيڒِي إِخْمجْ.
LEV 11:37 ؤُشَا مَاڒَا إِوْضَا [شَا] زِي ڒْخشْبَاثْ نْسنْ خْ شَا ن زَّارِيعثْ إِ ؤُزَارْعْ، ثنِّي إِتّْخصَّا عَاذْ أَذْ زَارْعنْ، [خنِّي] أَذْ ثِيڒِي ثِيزْذڭْ.
LEV 11:38 [مَاشَا] مَاڒَا سيّْبنْ أَمَانْ خْ زَّارِيعثْ ؤُشَا إِوْضَا خَاسْ [شَا] زِي ڒْخشْبَاثْ نْسنْ، [خنِّي] أَذْ غَارْومْ ثِيڒِي [زَّارِيعثْ نِّي] ثخْمجْ.
LEV 11:39 ؤُشَا مَاڒَا إِمُّوثْ [إِجّْ] زِي جَارْ ڒْمَاڒْ نِّي ثشِّيمْ، [خنِّي] وِي غَا إِحَاضَانْ ڒْخشْبثْ نّسْ، أَذْ يِيڒِي إِخْمجْ أَڒْ ثَامذِّيثْ.
LEV 11:40 ونِّي إِشّنْ زِي ڒْخشْبثْ نّسْ، أَذْ إِسِّيرْذْ أَرُّوضْ نّسْ ؤُشَا أَذْ يِيڒِي إِخْمجْ أَڒْ ثَامذِّيثْ. ونِّي يَارْبُونْ شَا زِي ڒْخشْبثْ نّسْ، أَذْ إِسِّيرْذْ أَرُّوضْ نّسْ ؤُشَا أَذْ يِيڒِي إِخْمجْ أَڒْ ثَامذِّيثْ.
LEV 11:41 كُوڒْ [أَمُودَّارْ] إِتّْبُوعنْ خْ ثمُّورْثْ، أَقَا-ث ذ نّْعِي. وَارْ إِعدّڒْ أَذْ إِتّْوَاشّْ.
LEV 11:42 زِي جَارْ مَارَّا [إِمُودَّارنْ] إِتّْبُوعنْ، إِنِّي إِتّْبُوعنْ خْ [وُوذمْ ن] ثمُّورْثْ، وَارْ تّتّمْ شَا مَارَّا مِينْ إِڭُّورنْ خْ ؤُعذِّيسْ نِيغْ مَارَّا مِينْ إِڭُّورنْ خْ أَربْعَا [ن إِضَارنْ] أَڒْ مَارَّا مِينْ إِڭُّورنْ خْ وَاطَّاسْ ن إِضَارنْ، مِينْزِي أَقَا أَثنْ ذ نّْعِي.
LEV 11:43 وَارْ تّڭّمْ نّْعِي إِ ڒعْمُورْ نْومْ س مَارَّا إِمُودَّارنْ إِتّْبُوعنْ نِّي [ذِينْ] إِتّْبُوعنْ [خْ وُوذمْ ن ثمُّورْثْ]، وَارْ زَّايسْ سّْخمَّاجمْ إِخفْ نْومْ أَڒَامِي أَذْ زَّايْسنْ ثْخمْجمْ.
LEV 11:44 مِينْزِي نشّْ ذ سِيذِي، أَربِّي نْومْ. كنِّيوْ أَذْ ثسّْقذْسمْ إِخفْ نْومْ ؤُشَا أَذْ ثِيڒِيمْ ذ إِمْقدَّاسنْ، مِينْزِي نشّْ أَقَا ذ أَمْقدَّاسْ. وَارْ سّْخمَّاجمْ ڒعْمُورْ نْومْ س مَارَّا إِمُّوذَارنْ إِتّْبُوعنْ، إِنِّي إِتّْبُوعنْ خْ [وُوذمْ ن] ثمُّورْثْ.
LEV 11:45 مِينْزِي نشّْ ذ سِيذِي، ونِّي كنِّيوْ د-إِسّْڭعّْذنْ زِي ثمُّورْثْ ن مِيصْرَا، حِيمَا أَذْ إِڒِيغْ ذ أَربِّي نْومْ. إِڒِيمْ ذ إِمْقدَّاسنْ، مَاغَارْ أَقَا نشّْ ذ أَمْقدَّاسْ.“
LEV 11:46 وَا ذ أَزرْفْ خْ ڒْمَاڒْ، خْ إِجْضَاضْ ؤُ خْ مَارَّا إِمُودَّارنْ نِّي زَّايْسنْ إِسّفْينْ وَامَانْ ؤُشَا خْ مَارَّا إِمُودَّارنْ نِّي إِتّْبُوعنْ خْ ثمُّورْثْ،
LEV 11:47 حِيمَا أَذْ إِتّْوَاڭّْ ڒْفَارْقْ جَارْ مِينْ إِخمْجنْ ذ مِينْ إِزْذِيڭنْ ؤُ جَارْ إِمُودَّارنْ إِنِّي إِعدّْڒنْ إِ مَاشَّا ذ إِمُودَّارنْ إِنِّي وَارْ إِعدّْڒنْ إِ مَاشَّا.
LEV 12:1 إِسِّيوڒْ سِيذِي أَكْ-ذ مُوسَا، إِنَّا:
LEV 12:2 ”سِيوڒْ أَكْ-ذ أَيْثْ ن إِسْرَائِيل، إِنِي: ’مَاڒَا ثكْسِي إِشْثْ ن ثمْغَارْثْ دّيْسثْ ؤُشَا ثُورُووْ-د أَحنْجِيرْ، أَذْ ثِيڒِي ثخْمجْ سبْعَا ن وُوسَّانْ. أَذْ ثِيڒِي ثخْمجْ أَمْ [ذڭْ] وُوسَّانْ ن وعْزَاڒْ خْمِي خَاسْ إِذَامّنْ.
LEV 12:3 ذڭْ وَاسّْ وِيسّْ ثْمنْيَا إِتّْخصَّا أَذْ إِتّْوَاخْثنْ أَيْسُومْ ن ڒعْذَاڒْيثْ نّسْ.
LEV 12:4 أَوَارْنِي مَانْ أَيَا أَذْ ثقِّيمْ ثْڒَاثَا ؤُ-ثْڒَاثِينْ ن وُوسَّانْ ذڭْ إِذَامّنْ ن ؤُسِيزْذڭْ نّسْ. وَارْ ثتّْحِيذِي وَالُو زِي مِينْ إِدْجَانْ إِقدّسْ ؤُ وَارْ ثتّْرَاحْ غَارْ زَّاوشْثْ إِقدّْسنْ أَڒْ غَا كمّْڒنْ وُوسَّانْ ن ؤُسِيزْذڭْ نّسْ.
LEV 12:5 مَاڒَا ثُورُووْ ذ ثَاحنْجِيرْثْ، أَذْ ثِيڒِي ثخْمجْ ثْنَاينْ ن سِّيمَانَاثْ، أَمْ ذڭْ وُوسَّانْ ن وعْزَاڒْ نّسْ. [أَوَارْنِي مَانْ أَيَا] أَذْ ثقِّيمْ ستَّا ؤُ-ستِّينْ ن وُوسَّانْ ذڭْ إِذَامّنْ ن ؤُسِيزْذڭْ نّسْ.
LEV 12:6 خْمِي غَا كمّْڒنْ وُوسَّانْ ن ؤُسِيزْذڭْ ن مِّيسْ نِيغْ ن يدْجِيسْ، [خنِّي] أَذْ ثَاوِي إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ نِيغْ إِجّْ ن وذْبِيرْ ذ أَمژْيَانْ نِيغْ إِشْثْ ن ثجْلِيلِّيحْثْ أَمْ ثْغَارْصْثْ ن دّنْبْ غَارْ ؤُكهَّانْ غَارْ وَاذَافْ ن ؤُقِيضُونْ ن ؤُمْسَاڭَارْ.
LEV 12:7 ذ نتَّا أَذْ يَاوِي مَانْ أَيَا زَّاثْ إِ وُوذمْ ن سِيذِي ؤُشَا أَذْ خَاسْ إِڭّْ أَصْڒَاحْ. [خنِّي] أَذْ ثِيڒِي ثِيزْذڭْ زِي ڒْعُونْصَارْ ن إِذَامّنْ نّسْ. وَا ذ أَزرْفْ إِ ثنِّي إِ غَا يَارْونْ إِجّْ ن مِّيسْ نِيغْ إِشْثْ ن يدْجِيسْ.
LEV 12:8 مَاڒَا وَارْ ثِيوِيضْ أَذْ ثَاوِي إِجّْ زڭْ وُودْجِي، [خنِّي] أَذْ ثطّفْ ثْنَاينْ ن ثجْلِيلِّيحِينْ نِيغْ ثْنَاينْ ن إِذْبِيرنْ إِمژْيَاننْ، إِجّْ إِ ثْغَارْصْثْ ن وشْمَاضْ ؤُ إِجّْ إِ ثْغَارْصْثْ ن دّنْبْ، ؤُشَا أَكهَّانْ أَذْ خَاسْ إِڭّْ أَصْڒَاحْ. [خنِّي] أَذْ ثِيڒِي ثِيزْذڭْ.‘ “
LEV 13:1 إِسِّيوڒْ سِيذِي أَكْ-ذ مُوسَا ذ هَارُونْ، إِنَّا:
LEV 13:2 ”مَاڒَا إِجّْ ن بْنَاذمْ غَارسْ ذِي ثڒْمشْثْ ن أَرِّيمثْ نّسْ أَعبُّوزْ نِيغْ إِشْثْ ن ثْحبُّوشْثْ نِيغْ إِجّْ ن ونْڭَازْ إِشّمْڒڒْ، ؤُشَا وَانِيثَا إِزمَّارْ أَذْ إِذْوڒْ ذ ؤُضُونْ ن ڒْبَارْصْ ذِي ثڒْمشْثْ ن أَرِّيمثْ نّسْ، أَذْ ث أَوْينْ غَارْ هَارُونْ، أَكهَّانْ، نِيغْ غَارْ يِيجّنْ زڭْ وَارَّاوْ نّسْ، غَارْ إِكهَّاننْ.
LEV 13:3 أَكهَّانْ أَذْ إِخْزَارْ غَارْ وُوضُونْ ذِي ثڒْمشْثْ ن أَرِّيمثْ نّسْ ؤُشَا مَاڒَا إِژْرَا أَقَا إِژُوطَّانْ ذڭْ [ومْشَانْ ن] وُوضُونْ ذوْڒنْ ذ إِشمْڒَاڒنْ ؤُشَا إِبَانْ وُوضُونْ عَاذْ يُودْجغْ خْ ثڒْمشْثْ ن أَرِّيمثْ نّسْ، أَقَا [خنِّي] ذ ؤُضُونْ ن ڒْبَارْصْ. خْمِي ث غَا إِژَارْ ؤُكهَّانْ، أَذْ [ث] إِبَارّحْ ذ أَمخْمُوجْ.
LEV 13:4 مَاشَا مَاڒَا أَنْڭَازْ إِشّمْڒڒْ ذِي ثڒْمشْثْ ن أَرِّيمثْ نّسْ ذ أَشمْڒَاڒْ ؤُ وَارْ يُودْجِيغْ خْ ثڒْمشْثْ ؤُ إِژطَّانْ وَارْ ذْوِيڒنْ ذ إِشمْڒَاڒنْ، [خنِّي] أَذْ إِبلّعْ ؤُكهَّانْ خْ ونِّي ذِي إِدْجَا ؤُضُونْ [نِّي] سبْعَا ن وُوسَّانْ.
LEV 13:5 [مَاڒَا] إِژْرَا إِ-ث ؤُكهَّانْ ذڭْ وَاسّْ وِيسّْ سبْعَا ؤُشَا إِژْرَا أَقَا ؤُضُونْ أَمنِّي إِقِّيمْ، وَارْ إِمْغِيرْ وُوضُونْ ذِي ثڒْمشْثْ، [خنِّي] أَذْ ث إِبلّعْ ؤُكهَّانْ [عَاوذْ] سبْعَا ن وُوسَّانْ نّغْنِي.
LEV 13:6 ذڭْ وَاسّْ وِيسّْ سبْعَا أَذْ ث إِژَارْ ؤُكهَّانْ عَاوذْ ؤُشَا [مَاڒَا] إِبَانْ أَقَا ؤُضُونْ يَارْسَا ؤُشَا وَارْ إِمْغِيرْ [عَاذْ كْثَارْ] خْ ثڒْمشْثْ، [خنِّي] أَكهَّانْ أَذْ ث إِبَارّحْ ذ أَمزْذَاڭْ. ثُوغَا-ت ذ إِشْثْ ن ثْفُورِييْ. أَذْ إِسِّيرْذْ أَرُّوضْ نّسْ ؤُشَا أَذْ يِيڒِي إِزْذِيڭْ.
LEV 13:7 [مَاشَا] مَاڒَا إِمْغَارْ وُوضُونْ أَطَّاسْ خْ ثڒْمشْثْ أَوَارْنِي ڒَامِي ث إِژْرَا ؤُكهَّانْ ذِي طّْوعْ ن ؤُسِيزْذڭْ نّسْ، إِتّْخصَّا أَذْ إِسّْشنْ [إِخفْ نّسْ] إِ ؤُكهَّانْ ثْوَاڒَا نّغْنِي.
LEV 13:8 [مَاڒَا] إِژْرَا ؤُكهَّانْ، أَقَا ڒهْڒَاشْ إِمْغَارْ خْ ثڒْمشْثْ، أَذْ ث إِبَارّحْ ذ أَمخْمُوجْ. أَقَا-ث ذ ڒهْڒَاشْ ن ڒْبَارْصْ [إِ إِدْجَا].
LEV 13:9 خْمِي ؤُضُونْ نْ ڒْبَارْصْ أَقَا-ث ذڭْ إِجّْ ن بْنَاذمْ، أَذْ ث أَوْينْ غَارْ ؤُكهَّانْ.
LEV 13:10 [مَاڒَا] إِژْرَا ؤُكهَّانْ، أَقَا إِبَانْ إِجّْ ن ؤُعبُّوزْ ذ أَشمْڒَاڒْ ذِي ثڒْمشْثْ، ؤُ إِژطَّانْ ذوْڒنْ ذ إِشمْڒَاڒنْ ؤُ إِبَانْ-د ويْسُومْ إِدَّارْ ذڭْ ؤُعبُّوزْ،
LEV 13:11 أَقَا-ث ذ ڒْبَارْسْ أَقْذِيمْ ذِي ثڒْمشْثْ ن أَرِّيمثْ نّسْ ؤُشَا أَكهَّانْ أَذْ زَّايسْ إِبَارّحْ ذ أَمخْمُوجْ. وَارْ خَاسْ إِتّْبلِّيعْ شَا، مِينْزِي نتَّا أَقَا إِخْمجْ.
LEV 13:12 مَاڒَا يُويُورْ ڒْبَارْصْ خْ ثِيڒْمشْثْ مَارَّا ؤُشَا إِذْڒَا ڒْبَارْصْ مَارَّا ثِيڒْمشْثْ ن ونِّي غَارْ إِدْجَا ؤُضُونْ زڭْ ؤُزدْجِيفْ نّسْ أَڒْ إِضَارنْ نّسْ، أَڒْ مَانِي إِزمَّارْ أَذْ إِژَارْ ؤُكهَّانْ س ثِيطَّاوِينْ نّسْ،
LEV 13:13 ؤُشَا إِژْرَا [إِ-ث] ؤُكهَّانْ، إِژْرَا ڒْبَارْسْ إِذْڒَا مَارَّا أَرِّيمثْ نّسْ، [خنِّي] نتَّا أَذْ إِبَارّحْ ذ أَمزْذَاڭْ إِ ونِّي ذِي إِدْجَا وُوضُونْ. [ثِيڒْمشْثْ] أَقَا-ت ذ ثَاشمْڒَاتْشْ قَاعْ. نتَّا أَقَا إِزْذِيڭْ.
LEV 13:14 [مَاشَا] ذڭْ وَاسّْ مَانِي ذَايسْ إِ غَا د-إِبَانْ ويْسُومْ إِدَّارْ، أَذْ يِيڒِي إِخْمجْ.
LEV 13:15 [مَاڒَا] إِژْرَا ؤُكهَّانْ أَيْسُومْ [نِّي] إِدَّارْ، أَذْ ث إِبَارّحْ ذ أَمخْمُوجْ. أَيْسُومْ إِدَّارنْ إِخْمجْ، أَقَا-ث ذ ڒهْڒَاشْ ن ڒْبَارْصْ.
LEV 13:16 [مَاشَا] مَاڒَا إِبدّڒْ ويْسُومْ إِدَّارنْ ؤُ إِذْوڒْ ذ أَشمْڒَاڒْ، إِتّْخصَّا أَسْ أَذْ د-يَاسْ غَارْ ؤُكهَّانْ.
LEV 13:17 [مَاڒَا] إِژْرَا إِ-ث ؤُكهَّانْ ؤُشَا أَقَا [أَمْشَانْ ن] ؤُضُونْ إِذْوڒْ ذ أَشمْڒَاڒْ، أَذْ إِبَارّحْ ؤُكهَّانْ ونِّي ذِي إِدْجَا ڒهْڒَاشْ ذ أَمزْذَاڭْ. نتَّا أَقَا إِزْذِيڭْ.
LEV 13:18 [مَاڒَا] ذِينْ خْ ثڒْمشْثْ ن ويْسُومْ إِشْثْ ن ثْحبُّوشْثْ ؤُ ثتّْوَاسّْڭنْفَا ثَانِيثَا،
LEV 13:19 [مَاشَا] ذڭْ ومْشَانْ ن ثْحبُّوشْثْ إِذْوڒْ ذ إِجّْ ن ؤُعبُّوزْ إِمْڒڒْ نِيغْ ذ إِجّْ ن ونْڭَازْ إِشّمْڒڒْ، أَشمْڒَاڒْ إِرُوحْ غَارْ ثزْوغْ، [خنِّي] أَذْ إِژَارْ ؤُكهَّانْ مَانْ أَيَا.
LEV 13:20 [خْمِي] غَارسْ إِ غَا إِخْزَارْ ؤُكهَّانْ ؤُشَا إِژْرَا أَقَا-ث سَاذُو ثڒْمشْثْ ؤُشَا إِژطَّانْ نّسْ ذ إِشمْڒَاڒنْ، [خنِّي] أَكهَّانْ أَذْ ث إِبَارّحْ ذ أَمخْمُوجْ، أَقَا-ث ذ ؤُضُونْ ن ڒْبَارْصْ ونِّي يُويُورنْ س ثْحبُّوشْثْ.
LEV 13:21 [مَاشَا] مَاڒَا إِژْرَا إِ-ث ؤُكهَّانْ ؤُشَا وَارْ [ذَايسْ] يُوفِي ؤُڒَا ذ إِجّْ ن ؤُژطُّو ذ أَشمْڒَاڒْ ؤُشَا وَارْ إِذْوِيڒْ يُودْجغْ خْ ثڒْمشْثْ، [مَاشَا] إِذْوڒْ يَارْسَا، [خنِّي] أَذْ خَاسْ إِبلّعْ ؤُكهَّانْ سبْعَا ن وُوسَّانْ.
LEV 13:22 مَاڒَا ثُويُورْ خْ ثڒْمشْثْ مَارَّا، [خنِّي] أَكهَّانْ أَذْ ث إِبَارّحْ ذ أَمخْمُوجْ. أَقَا-ث ذ ؤُضُونْ [ن ڒْبَارْصْ].
LEV 13:23 [مَاشَا] مَاڒَا أَنْڭَازْ إِشّمْڒڒْ ن ثڒْمشْثْ إِقِّيمْ ذڭْ ومْشَانْ نّسْ، وَارْ إِمْغِيرْ شَا، أَقَا-ث ذ شَّامثْ ن ثْحبُّوشْثْ ؤُشَا أَكهَّانْ أَذْ ث إِبَارّحْ ذ أَمزْذَاڭْ.
LEV 13:24 نِيغْ مَاڒَا إِذْوڒْ ذِي ثڒْمشْثْ ن أَرِّيمثْ إِجّْ ن ؤُيزِّيمْ ن وشْمَاضْ ؤُشَا أَيْسُومْ إِدَّارنْ ن ؤُيزِّيمْ ن وشْمَاضْ إِذْوڒْ ذ إِجّْ ن ونْڭَازْ إِشّمْڒڒْ، أَشمْڒَاڒْ إِرُوحْ غَارْ ثزْوغْ نِيغْ ذ أَشمْڒَاڒْ،
LEV 13:25 ؤُشَا إِژْرَا ؤُكهَّانْ مَانْ أَيَا، ؤُشَا خْزَارْ، إِژطَّانْ إِ إِدْجَانْ ذڭْ ونْڭَازْ إِشّمْڒڒْ أَقَا ذوْڒنْ ذ إِشمْڒَاڒنْ، ؤُشَا إِبَانْ [أَقَا أَمْشَانْ ن ونْڭَازْ] يُودْجغْ ذِي ثڒْمشْثْ، أَقَا-ث ذ ڒْبَارْصْ نِّي د-إِفّْغنْ زڭْ ؤُيزِّيمْ ن وشْمَاضْ. أَكهَّانْ أَذْ ث إِبَارّحْ ذ أَمخْمُوجْ. أَقَا-ث ذ ؤُضُونْ ن ڒْبَارْصْ.
LEV 13:26 [مَاشَا] مَاڒَا أَكهَّانْ إِژْرَا مَانْ أَيَا ؤُشَا وَارْ إِتّْوِيڒِي إِژطَّانْ إِشمْڒَاڒنْ ذڭْ ونْڭَازْ إِشّمْڒڒْ ؤُشَا [إِژْرَا أَنْڭَازْ] وَارْ يُودْجِيغْ خْ ثڒْمشْثْ ؤُشَا يَارْسَا، [خنِّي] أَذْ خَاسْ إِبلّعْ ؤُكهَّانْ سبْعَا ن وُوسَّانْ.
LEV 13:27 ذڭْ وَاسّْ وِيسّْ سبْعَا أَذْ ث إِژَارْ ؤُكهَّانْ ؤُشَا مَاڒَا إِمْغَارْ [ونْڭَازْ] كْثَارْ خْ ثڒْمشْثْ، أَكهَّانْ أَذْ ث إِبَارّحْ ذ أَمخْمُوجْ. أَقَا-ث ذ ؤُضُونْ ن ڒْبَارْصْ.
LEV 13:28 [مَاشَا] مَاڒَا أَنْڭَازْ إِشّمْڒڒْ إِقِّيمْ ذڭْ ومْشَانْ نّسْ، وَارْ إِمْغِيرْ خْ ثڒْمشْثْ ؤُشَا يَارْسَا، أَقَا-ث ذ أَعبُّوزْ ن وشْمَاضْ. أَكهَّانْ أَذْ ث إِبَارّحْ ذ أَمزْذَاڭْ، مِينْزِي أَقَا-ت ذ شَّامثْ ن وشْمَاضْ.
LEV 13:29 مَاڒَا إِجّْ ن ورْيَازْ نِيغْ إِشْثْ ن ثمْغَارْثْ ذَايسْ ؤُضُونْ ذڭْ ؤُزدْجِيفْ نِيغْ ذِي ثْمَارْثْ،
LEV 13:30 ؤُشَا إِخْزَارْ ؤُكهَّانْ غَارْ ؤُضُونْ، ؤُ خْزَارْ، أَقَا إِتّْبَانْ يُودْجغْ ذِي ثڒْمشْثْ ؤُشَا ذَايسْ إِژطَّانْ إِوَارْغنْ ذ إِزْذَاذنْ، [خنِّي] أَكهَّانْ أَذْ ث إِبَارّحْ ذ أَمخْمُوجْ. أَقَا-ت ذ ثْفُورِي [ن يِيڒمْ]، أَقَا-ث ذ ڒْبَارْصْ ن ؤُزدْجِيفْ نِيغْ ن ثْمَارْثْ.
LEV 13:31 [مَاشَا] مَاڒَا إِژْرَا ؤُكهَّانْ ؤُضُونْ ن ثْفُورِي [ن يِيڒمْ]، إِژْرَا أَقَا وَارْ يُودْجِيغْ ذِي ثڒْمشْثْ ؤُشَا وَارْ ذَايسْ إِژطَّانْ إِبَارْشَاننْ، [خنِّي] أَذْ خَاسْ إِبلّعْ ؤُكهَّانْ خْ ونِّي ذِي إِدْجَا وُوضُونْ ن ثْفُورِي [ن يِيڒمْ] إِ يِيجّْ ن ڒْمِيجَاڒْ ن سبْعَا ن وُوسَّانْ.
LEV 13:32 أَذْ إِژَارْ ؤُكهَّانْ ؤُضُونْ ذڭْ وَاسّْ وِيسّْ سبْعَا ؤُشَا مَاڒَا إِژْرَا، أَقَا ثْفُورِي [ن يِيڒمْ] وَارْ ثمْغِيرْ، وَارْ ذَايسْ يُوفِي إِژطَّانْ إِوَارْغنْ ؤُشَا ثْفُورِي [ن يِيڒمْ] وَارْ ثُودْجِيغْ خْ ثڒْمشْثْ،
LEV 13:33 [خنِّي] نتَّا أَذْ إِحفّْ إِ يِيخفْ نّسْ، [مَاشَا] [أَمْشَانْ ن] ثْفُورِي [ن يِيڒمْ] وَارْ ث إِتّْحفِّي شَا ؤُشَا أَكهَّانْ أَذْ إِبلّعْ خْ ونِّي ذِي إِدْجَا ثْفُورِي [ن يِيڒمْ] عَاذْ إِشْثْ ن ثْوَاڒَا نّغْنِي إِ يِيجّْ ن ڒْمِيجَاڒْ ن سبْعَا ن وُوسَّانْ.
LEV 13:34 ذڭْ وَاسّْ وِيسّْ سبْعَا أَذْ إِژَارْ ؤُكهَّانْ [أَمْشَانْ ن] ثْفُورِي [ن يِيڒمْ]. [مَاڒَا] إِژْرَا أَقَا ثْفُورِي [ن يِيڒمْ] وَارْ ثمْغِيرْ شَا، وَارْ ثُودْجِيغْ خْ ثڒْمشْثْ، [خنِّي] أَكهَّانْ أَذْ ث إِبَارّهْ ذ أَمزْذَاڭْ. أَذْ إِسِّيرْذْ أَرُّوضْ نّسْ ؤُشَا أَذْ يِيڒِي إِزْذِيڭْ.
LEV 13:35 مَاشَا مَاڒَا ثْفُورِي [ن يِيڒمْ] ثمْغَارْ أَطَّاسْ خْ ثڒْمشْثْ أَوَارْنِي إِ ؤُسِيزْذڭْ نّسْ،
LEV 13:36 ؤُشَا إِژْرَا إِ-ث ؤُكهَّانْ ؤُشَا إِژْرَا ثْفُورِي [ن يِيڒمْ] ثمْغَارْ خْ ثڒْمشْثْ، [خنِّي] وَارْ يَارزُّو ؤُكهَّانْ خْ إِژطَّانْ إِوَارْغنْ عَاذْ، نتَّا أَقَا إِخْمجْ.
LEV 13:37 [مَاشَا] مَاڒَا ثْفُورِي [ن يِيڒمْ] أَقَا ثْبَانْ-د ثْبدّْ ذِي ثِيطَّاوِينْ نّسْ، ؤُشَا فّْغنْ-د زَّايسْ إِژطَّانْ إِبَارْشَاننْ، [خنِّي] أَقَا ثڭّنْفَا ثْفُورِي [ن يِيڒمْ] ؤُشَا نتَّا أَقَا إِزْذڭْ. أَكهَّانْ أَذْ ث إِبَارّحْ ذ أَمزْذَاڭْ.
LEV 13:38 مَاڒَا بَاننْ-د إِمُوشَانْ شّمْڒڒنْ، إِشّمْڒڒنْ ذ إِشمْڒَاڒنْ، ذِي ثڒْمشْثْ ن إِجّْ ن ورْيَازْ نِيغْ ن إِشْثْ ن ثمْغَارْثْ،
LEV 13:39 ؤُشَا إِژْرَا ؤُكهَّانْ مَانْ أَيَا ؤُشَا إِژْرَا أَقَا ذِي ثڒْمشْثْ ن أَرِّيمثْ بَاننْ-د إِمُوشَانْ أَرْسَانْ، إِشمْڒَاڒنْ، [خنِّي] أَقَا-ت ذ إِشْثْ ن ثْفُورِي ن ثڒْمشْثْ، نتَّا أَقَا إِزْذڭْ.
LEV 13:40 [مَاڒَا] إِوْضَا ؤُشُوَّافْ ن ؤُزدْجِيفْ ن إِجّْ ن ورْيَازْ، أَقَا ذ أَقشَّارْ، [خنِّي] نتَّا أَقَا إِزْذِيڭْ.
LEV 13:41 مَاڒَا ثَانْيَارْثْ ن شَا ن يِيجّْ أَذْ ثذْوڒْ ثَاڒقَّاغْثْ، أَقَا ثَانْيَارْثْ نّسْ ثْقشَّارْ [وَاهَا]، نتَّا أَقَا إِزْذِيڭْ.
LEV 13:42 [مَاشَا] مَاڒَا [ذِينْ] إِجّْ ن ؤُضُونْ إِمْڒڒْ إِرُوحْ غَارْ ثزْوغْ خْ ؤُزدْجِيفْ أَقشَّارْ نِيغْ خْ ثنْيَارْثْ ثَاقشَّارْثْ، أَقَا-ث ذ ڒْبَارْصْ نِّي د-إِفّْغنْ خْ ؤُزدْجِيفْ نّسْ أَقشَّارْ نِيغْ خْ ثنْيَارْثْ نّسْ ثَاقشَّارْثْ.
LEV 13:43 [مَاڒَا] إِژْرَا إِ-ث ؤُكهَّانْ ؤُشَا إِژْرَا أَقَا أَعبُّوزْ ن وُوضُونْ إِمْڒڒْ، إِرُوحْ غَارْ ثزْوغْ خْ ؤُزدْجِيفْ نّسْ أَقشَّارْ نِيغْ خْ ثنْيَارْثْ نّسْ ثَاقشَّارْثْ، إِبَانْ-د أَمْ ڒْبَارْصْ ن ثڒْمشْثْ ن أَرِّيمثْ،
LEV 13:44 [خنِّي] أَقَا أَرْيَازْ ذ بُو-ڒْْبَارْصْ إِ إِدْجَا، نتَّا أَقَا إِخْمجْ. أَكهَّانْ أَذْ ث إِبَارّحْ ذ أَمخْمُوجْ، ؤُضُونْ أَقَا-ث خْ ؤُزدْجِيفْ نّسْ.“
LEV 13:45 ”إِتّْخصَّا أَذْ إِتّْوَاشَارّڭْ وَارُّوضْ ن بُو-ڒْْبَارْصْ إِ ذِي إِدْجَا وُوضُونْ ؤُشَا أَذْ إِضْڒقْ إِ [ؤُشُوَّافْ خْ] ؤُزدْجِيفْ نّسْ، أَذْ إِڒحّفْ أَشْڒَاغمْ غَارْ ؤُينْشِيشْ، أَذْ إِڒَاغَا: ’أَمخْمُوجْ! أَمخْمُوجْ!‘
LEV 13:46 مَارَّا ؤُسَّانْ إِ ذَايسْ إِ غَا يِيڒِي وُوضُونْ، أَذْ يِيڒِي إِخْمجْ. نتَّا ذ أَمخْمُوجْ. نتَّا أَذْ إِزْذغْ وحّْذسْ ؤُشَا ثْزذِّيغْثْ نّسْ أَذْ ثِيڒِي بَارَّا إِ ڒْمَارْڭحْ ن ڒْعسْكَارْ.“
LEV 13:47 ”[مَاڒَا] ؤُضُونْ ن ڒْْبَارْصْ ذڭْ إِجّْ ن وَارُّوضْ، ذڭْ إِجّْ ن وَارُّوضْ ن ثَاضُوفْثْ نِيغْ ذڭْ إِجّْ ن وَارُّوضْ ن ڒقْطنْ،
LEV 13:48 نِيغْ ذڭْ وشْضَاضْ إِخيّْضنْ نِيغْ ذڭْ ؤُفِيڒُو إِمُّوذنْ، [نِيغْ] ن ڒقْطنْ نِيغْ ن ثَاضُوفْثْ، نِيغْ غَارْ يِيڒمْ، نِيغْ غَارْ مَامّشْ مَا ڒْقشْعثْ ن يِيڒمْ،
LEV 13:49 ؤُ [ثِيشْثِي] إِتّْوَاوْثنْ ذڭْ وَارُّوضْ نِيغْ ذڭْ يِيڒمْ، نِيغْ غَارْ وشْضَاضْ إِخيّْضنْ نِيغْ غَارْ ؤُفِيڒُو إِمُّوذنْ، نِيغْ ذِي مَامّشْ مَا ن ڒْقشْعثْ [نِّي تّڭّنْ] س يِيڒمْ، ثزِّيزُو نِيغْ ثزْوغْ، أَقَا-ث ذ ؤُضُونْ ن ڒْبَارْصْ. أَذْ إِتّْوَاسّْشنْ أَيَا إِ ؤُكهَّانْ.
LEV 13:50 أَكهَّانْ أَذْ إِخْزَارْ [غَارْ ومْشَانْ ن] ؤُضُونْ ؤُشَا مِينْ إِضْننْ أَذْ ث إِبلّعْ سبْعَا ن وُوسَّانْ.
LEV 13:51 ذڭْ وَاسّْ وِيسّْ سبْعَا أَذْ إِخْزَارْ غَارْ وُوضُونْ. مَاڒَا إِمْغَارْ ؤُضُونْ ذڭْ وَارُّوضْ، نِيغْ غَارْ وشْضَاضْ إِخيّْضنْ نِيغْ غَارْ ؤُفِيڒُو إِمُّوذنْ، نِيغْ ذڭْ يِيڒمْ ن مَامّشْ مَا ڒْقشْعثْ نِّي تّڭّنْ س يِيڒمْ، أَقَا ؤُضُونْ ذ ڒْبَارْسْ إِقسْحنْ إِ يدْجَا، أَقَا إِخْمجْ.
LEV 13:52 أَذْ إِسّشْمضْ أَرُّوضْ نِيغْ أَفِيڒُو ذ أَزِيرَارْ نِيغْ أَفِيڒُو إِمُّوذنْ، نِيغْ ن ثَاضُوفْثْ نِيغْ ن ڒقْطنْ [إِ إِدْجَا]، نِيغْ مَامّشْ مَا ڒْقشْعثْ [نِّي تّڭّنْ] س يِيڒمْ إِ ذَايسْ ثُوغَا ؤُضُونْ، مِينْزِي أَقَا-ث ذ ڒْبَارْصْ إِقسْحنْ. إِتّْخصَّا أَذْ إِتّْوَاسّشْمضْ س ثْمسِّي.
LEV 13:53 [مَاشَا] مَاڒَا إِژْرَا ؤُكهَّانْ مَانْ أَيَا ؤُشَا أَقَا ؤُضُونْ وَارْ إِمْغِيرْ شَا ذڭْ وَارُّوضْ، نِيغْ ذڭْ وشْضَاضْ إِخيّْضنْ نِيغْ ذڭْ ؤُفِيڒُو إِمُّوذنْ، نِيغْ ذِي مَامّشْ مَا ڒْقشْعثْ [نِّي تّڭّنْ] س يِيڒمْ،
LEV 13:54 [خنِّي] أَذْ يُومُورْ ؤُكهَّانْ مَاحنْذْ أَذْ سِّيرْذنْ مِينْ ذِي يدْجَا وُوضُونْ، ؤُشَا [أَوَارْنِي إِ مَانْ أَيَا] أَذْ خَاسْ إِبلّعْ ثْوَاڒَا نّغْنِي ڒْقدّْ ن سبْعَا ن وُوسَّانْ.
LEV 13:55 [مَاڒَا] إِژْرَا ؤُكهَّانْ ؤُضُونْ أَوَارْنِي إِ ؤُسِيرْذْ، ؤُشَا إِژْرَا ؤُضُونْ وَارْ إِبذِّيڒْ شَا ؤُشَا ؤُضُونْ وَارْ إِمْغِيرْ، أَقَا [أَرُّوضْ نِّي] إِخْمجْ. إِتّْخصَّا أَذْ ث ثسّشْمضذْ س ثْمسِّي. أَقَا [ؤُضُونْ] إِذْوڒْ يُودْجغْ إِتّتّْ غَارْ ضفَّارْ نِيغْ غَارْ زَّاثْ.
LEV 13:56 [مَاشَا] مَاڒَا إِژْرَا ؤُكهَّانْ مَانْ أَيَا ؤُشَا إِژْرَا بلِّي ؤُضُونْ يَارْسَا أَوَارْنِي إِ ؤُسِيرْذْ، [خنِّي] أَذْ ث إِقسّْ زڭْ وَارُّوضْ، نِيغْ زڭْ يِيڒمْ، نِيغْ زڭْ وشْضَاضْ إِخيّْضنْ نِيغْ زڭْ ؤُفِيڒُو إِمُّوذنْ.
LEV 13:57 [مَاشَا] مَاڒَا إِبَانْ [وُوضُونْ] ثْوَاڒَا نّغْنِي ذڭْ وَارُّوضْ، نِيغْ غَارْ وشْضَاضْ إِخيّْضنْ نِيغْ غَارْ ؤُفِيڒُو إِمُّوذنْ، نِيغْ ذِي مَامّشْ مَا ڒْقشْعثْ [نِّي تّڭّنْ] س يِيڒمْ، [أَقَا] إِدُّوقّزْ [ڒْبَارْصْ]. إِتّْخصَّا أَذْ ثسّشْمضْ س ثْمسِّي مِينْ ذَايسْ إِ إِدْجَانْ ؤُضُونْ.
LEV 13:58 أَرُّوضْ، نِيغْ أَفِيڒُو ذ أَزِيرَارْ نِيغْ أَفِيڒُو إِمُّوذنْ نِيغْ مَامّشْ مَا ڒْقشْعثْ [نِّي تّڭّنْ] س يِيڒمْ، ونِّي ثسِّيرْذذْ ؤُشَا إِرُوحْ خَاسْ وُوضُونْ، أَذْ ث ثسِّيرْذذْ ثْوَاڒَا نّغْنِي ؤُشَا [خنِّي] أَذْ يِيڒِي إِزْذِيڭْ.“
LEV 13:59 وَا ذ أَزرْفْ ن وُوضُونْ ن ڒْبَارْصْ ن وَارُّوضْ ن ثَاضُوفْثْ نِيغْ ن ڒقْطنْ، نِيغْ ن وشْضَاضْ إِخيّْضنْ نِيغْ ن ؤُفِيڒُو إِمُّوذنْ، نِيغْ ن مَامّشْ مَا ڒْقشْعثْ [نِّي تّڭّنْ] س يِيڒمْ، مَاحنْذْ خنِّي أَذْ بَارّْحنْ س ثزْذڭْ [نّسْ] نِيغْ س ڒخْمجْ [نّسْ].
LEV 14:1 إِسِّيوڒْ سِيذِي أَكْ-ذ مُوسَا، إِنَّا:
LEV 14:2 ”وَا ذ أَزرْفْ ن بُو-ڒْْبَارْصْ إِ وَاسّْ ن ؤُسِيزْذڭْ نّسْ. إِتّْخصَّا أَذْ ث نذْهنْ غَارْ ؤُكهَّانْ،
LEV 14:3 ؤُشَا أَذْ إِفّغْ ؤُكهَّانْ غَارْ بَارَّا إِ ڒْمَارْڭحْ ن ڒْعسْكَارْ. خْمِي غَارسْ إِ غَا إِخْزَارْ ؤُكهَّانْ ؤُشَا إِژْرَا أَقَا إِڭّنْفَا وُوضُونْ ن ڒْبَارْصْ ن بُو-ڒْبَارْصْ،
LEV 14:4 أَذْ يُومُورْ ؤُكهَّانْ، مَاحنْذْ أَذْ كْسِينْ إِ ونِّي إِ غَا إِتّْوَاسِّيزذْڭنْ ثْنَاينْ ن إِجْضَاضْ إِدَّارنْ إِزْذِيڭنْ، ؤُڒَا ذ أَكشُّوضْ ن [ثْشجَّارْثْ ن] ثنْڭلْثْ، ذ ؤُزڭّْوَاغْ إِحذْقنْ، ذ ثْعلْدْجثْ.
LEV 14:5 أَذْ يُومُورْ ؤُكهَّانْ مَاحنْذْ أَذْ غَارْصنْ إِ يِيجّْ ن وجْضِيضْ ذڭْ إِشْثْ ن ڒْقشْعثْ ن ثْڒَاخْثْ، سنّجْ إِ وَامَانْ إِتَّازّْڒنْ.
LEV 14:6 [خنِّي] أَذْ إِكْسِي أَجْضِيضْ إِدَّارنْ ذ ؤُكشُّوضْ ن [ثْشجَّارْثْ ن] ثنْڭلْثْ ذ ؤُزڭّْوَاغْ إِحذْقنْ ذ ثْعلْدْجثْ ؤُشَا أَذْ ثنْ إِسُّوفْ أَكْ-ذ وجْضِيضْ إِدَّارنْ ذڭْ إِذَامّنْ ن وجْضِيضْ إِ إِتّْوَاغَارْصنْ سنّجْ إِ وَامَانْ إِتَّازّْڒنْ.
LEV 14:7 أَذْ إِرُوشّْ سبْعَا ن ثْوَاڒَاوِينْ خْ ونِّي إِتّْوَاسِّيزذْڭنْ زِي ڒْبَارْصْ. [خنِّي] أَذْ ث إِبَارّحْ ذ أَمزْذَاڭْ ؤُشَا أَذْ يَارْخُو إِ وجْضِيضْ إِدَّارنْ مَاحنْذْ أَذْ إِضوْ سنّجْ إِ وُوذمْ ن ييَّارْ.
LEV 14:8 ؤُشَا ونِّي إِتّْوَاسِّيزذْڭنْ أَذْ إِصبّنْ أَرُّوضْ نّسْ ؤُشَا أَذْ إِحفّْ مَارَّا أَشُوَّافْ نّسْ، أَذْ إِسِّيرْذْ إِخفْ نّسْ س وَامَانْ. [خنِّي] أَذْ يِيڒِي إِزْذڭْ. أَوَارْنِي أَسْ أَذْ يَاذفْ غَارْ ڒْمَارْڭحْ ن ڒْعسْكَارْ ؤُشَا أَذْ إِزْذغْ بَارَّا إِ ؤُقِيضُونْ نّسْ عَاذْ سبْعَا ن وُوسَّانْ.
LEV 14:9 ذڭْ وَاسّْ وِيسّْ سبْعَا أَذْ إِحفّْ مَارَّا أَشُوَّافْ ن ؤُزدْجِيفْ نّسْ ذ ثْمَارْثْ نّسْ ذ ثمِّيوِينْ ن ثِيطَّاوِينْ نّسْ، [وَاهْ،] أَذْ إِحفّْ مَارَّا أَشُوَّافْ نّسْ، أَذْ إِصبّنْ أَرُّوضْ نّسْ ؤُشَا أَذْ إِسِّيرْذْ أَرِّيمثْ نّسْ س وَامَانْ، [خنِّي] أَذْ يِيڒِي إِزْذڭْ.
LEV 14:10 ذڭْ وَاسّْ وِيسّْ ثْمنْيَا أَذْ إِكْسِي ثْنَاينْ ن إِزْمَارنْ كمّْڒنْ ذ إِشْثنْ ثخْسِي إِشْنَانْ قَاعْ ن إِجّنْ ؤُسڭّْوَاسْ أَكْ-ذ ثْڒَاثَا زِيعشْرَا ن إِجّنْ إِفَا ن وَارنْ أَزْذَاذْ أَمْ ثوْهِيبْثْ [ن ڒْغِيدْجثْ] إِخدْجْضنْ س زّشْثْ، ؤُ [عَاوذْ] إِجّنْ ؤُلُوخْ ن زّشْثْ.
LEV 14:11 أَكهَّانْ، ونِّي ث إِسِّيزذْڭنْ، أَذْ يَارّْ أَرْيَازْ نِّي إِتّْخصَّا أَذْ إِتّْوَاسِّيزْذڭْ، أَكْ-ذ مَارَّا أَيَا زَّاثْ إِ وُوذمْ ن سِيذِي غَارْ وَاذَافْ ن ؤُقِيضُونْ ن ؤُمْسَاڭَارْ.
LEV 14:12 أَذْ إِكْسِي ؤُكهَّانْ إِزْمَارْ نِّي ؤُشَا أَذْ ث-إِ-د-إِسّْقَارّبْ أَمْ ثْغَارْصْثْ ن ؤُمَارْوَاسْ أَكْ-ذ ؤُلُوخْ ن زّشْثْ، ؤُشَا أَذْ ث إِسّنْهزّْ أَمْ ثوْهِيبْثْ ن ونْهزِّي زَّاثْ إِ وُوذمْ ن سِيذِي.
LEV 14:13 [خنِّي] أَذْ إِغَارْصْ إِ يزْمَارْ نِّي ذڭْ ومْشَانْ مَانِي غَارّْصنْ ثَاغَارْصْثْ ن دّنْبْ ذ ثْغَارْصْثْ ن وشْمَاضْ، ذڭْ ومْشَانْ أَمْقدَّاسْ. مِينْزِي ثَاغَارْصْثْ ن ؤُمَارْوَاسْ، أَمْ ثْغَارْصْثْ ن دّنْبْ، إِ ؤُكهَّانْ إِ ثدْجَا، أَقَا-ت ذ ثَامْقدَّاسْثْ قَاعْ.
LEV 14:14 أَذْ إِكْسِي ؤُكهَّانْ [شْوَايْثْ] زڭْ إِذَامّنْ ن ثْغَارْصْثْ ن ؤُمَارْوَاسْ ؤُشَا أَكهَّانْ أَذْ ثنْ إِڭّْ خْ إِغسْ ن ؤُمزُّوغْ أَفُوسِي ن ونِّي إِ غَا إِتّْوَاسِّيزذْڭنْ ؤُڒَا خْ يِيمزْ ن ؤُفُوسْ نّسْ أَفُوسِي ؤُ خْ يِيمزْ ن ؤُضَارْ نّسْ أَفُوسِي.
LEV 14:15 أَمنِّي إِ غَا إِكْسِي ؤُكهَّانْ [شَا] زڭْ ؤُلُوخْ ن زّشْثْ ؤُشَا أَذْ ت إِنْغڒْ خْ ثْڒقَّا ن ؤُفُوسْ نّسْ أَزڒْمَاضْ.
LEV 14:16 أَذْ إِسُّوفْ ؤُكهَّانْ أَضَاضْ نّسْ أَفُوسِي س زّشْثْ نِّي غَارسْ ذڭْ ؤُفُوسْ نّسْ أَزڒْمَاضْ ؤُشَا [أَمُّو إِ] غَا إِرُوشّْ س ؤُضَاضْ نّسْ [شْوَايْثْ] زِي زّشْثْ سبْعَا ن ثْوَاڒَاوِينْ زَّاثْ إِ وُوذمْ ن سِيذِي.
LEV 14:17 ؤُشَا مِينْ إِقِّيمنْ زِي زّشْثْ نِّي غَارسْ ذڭْ ؤُفُوسْ نّسْ، أَذْ ت إِڭّْ ؤُكهَّانْ خْ إِغسْ ن ؤُمزُّوغْ أَفُوسِي ن ونِّي إِ غَا إِتّْوَاسِّيزذْڭنْ، ؤُڒَا خْ يِيمزْ ن ؤُفُوسْ نّسْ أَفُوسِي ؤُ خْ يِيمزْ ن ؤُضَارْ نّسْ أَفُوسِي، ثِيوَا ن إِذَامّنْ ن ثْغَارْصْثْ ن ؤُمَارْوَاسْ [إِ خَاسنْ إِڭَّا قْبڒْ].
LEV 14:18 مِينْ إِقِّيمنْ ن زّشْثْ نِّي إِدْجَانْ غَارْ ؤُكهَّانْ ذِي ثْڒقَّا ن ؤُفُوسْ نّسْ، أَذْ ث إِنْغڒْ خْ ؤُزدْجِيفْ ن ونِّي إِ غَا إِتّْوَاسِّيزذْڭنْ ؤُشَا [أَمُّو إِ] ث غَا إِسّصْڒحْ ؤُكهَّانْ زَّاثْ إِ وُوذمْ ن سِيذِي.
LEV 14:19 أَذْ إِسّوْجذْ ؤُكهَّانْ [خنِّي] ثَاغَارْصْثْ ن دّنْبْ ؤُشَا أَذْ إِسّصْڒحْ ونِّي إِتّْوَاسِّيزذْڭنْ زِي ڒخْمجْ نّسْ. أَوَارْنِي أَسْ أَذْ إِغَارْصْ إِ ثْغَارْصْثْ ن وشْمَاضْ.
LEV 14:20 أَذْ إِسّْبخَّارْ ؤُكهَّانْ ثَاغَارْصْثْ ن وشْمَاضْ ذ ثوْهِيبْثْ [ن ڒْغِيدْجثْ] خْ ؤُعَالْطَارْ. [أَمُّو إِ] ث غَا إِسّصْڒحْ ؤُكهَّانْ ؤُشَا أَذْ يِيڒِي إِزْذڭْ.
LEV 14:21 مَاڒَا نتَّا إِژْڒضْ ؤُشَا أَفُوسْ نّسْ وَارْ ث إِسِّيوضْ، [خنِّي] أَذْ إِكْسِي إِجّْ ن يِيزْمَارْ أَمْ ثْغَارْصْثْ ن ؤُمَارْوَاسْ مَاحنْذْ أَذْ خَاسْ إِڭّْ أَصْڒَاحْ أَمْ إِڭَّا إِزْمَارْ ذ ثوْهِيبْثْ ن ونْهزِّي. أَذْ إِكْسِي ڒَا ذ إِشْثْ ن ثعْشَارْثْ ن [إِجّْ ن إِفَا] ن وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ [ن ڒْغِيدْجثْ]، ؤُڒَا ذ إِجّْ ن ؤُلُوخْ ن زّشْثْ
LEV 14:22 ذ ثْنَاينْ ن ثجْلِيلِّيحِينْ نِيغْ ثْنَاينْ ن إِذْبِيرنْ إِمژْيَانِينْ، أَنشْثْ إِزمَّارْ ؤُفُوسْ نّسْ أَذْ إِسِّيوضْ. إِشْثْ أَذْ ثِيڒِي ذ ثَاغَارْصْثْ ن دّنْبْ ؤُ ثنّغْنِي أَذْ ثِيڒِي ذ ثَاغَارْصْثْ ن وشْمَاضْ.
LEV 14:23 ذڭْ وَاسّْ وِيسّْ ثْمنْيَا أَذْ ثنْ يَاوِي ذِي طّْوعْ ن ؤُسِيزْذڭْ نّسْ غَارْ ؤُكهَّانْ، غَارْ وَاذَافْ ن ؤُقِيضُونْ ن ؤُمْسَاڭَارْ، زَّاثْ إِ وُوذمْ ن سِيذِي.
LEV 14:24 أَذْ إِكْسِي ؤُكهَّانْ إِزْمَارْ ن ثْغَارْصْثْ ن ؤُمَارْوَاسْ ذ ؤُلُوخْ نِّي ن زّشْثْ ؤُشَا أَكهَّانْ أَذْ ثنْ إِسّنْهزّْ أَمْ ثوْهِيبْثْ ن ونْهزِّي زَّاثْ إِ وُوذمْ ن سِيذِي.
LEV 14:25 [خنِّي] أَذْ إِغَارْصْ إِ إِزْمَارْ ن ثْغَارْصْثْ ن ؤُمَارْوَاسْ ؤُشَا أَكهَّانْ أَذْ إِكْسِي [شْوَايْثْ] زڭْ إِذَامّنْ ن ثْغَارْصْثْ ن ؤُمَارْوَاسْ، أَذْ ثنْ يَارّْ خْ إِغسْ ن ؤُمزُّوغْ أَفُوسِي ن ونِّي إِتّْوَاسِّيزذْڭنْ ؤُڒَا خْ يِيمزْ ن ؤُفُوسْ نّسْ أَفُوسِي ؤُ خْ يِيمزْ ن ؤُضَارْ نّسْ أَفُوسِي.
LEV 14:26 أَذْ إِفَارّغْ ؤُكهَّانْ [شَا] ن زّشْثْ خْ ثْڒقَّا ن ؤُفُوسْ أَژڒْمَاضْ ن يِيخفْ نّسْ.
LEV 14:27 س ؤُضَاضْ نّسْ أَفُوسِي أَذْ إِرُوشّْ ؤُكهَّانْ س زّشْثْ نِّي غَارسْ ذڭْ ؤُفُوسْ نّسْ أَژڒْمَاضْ سبْعَا ن ثْوَاڒَاوِينْ زَّاثْ إِ وُوذمْ ن سِيذِي.
LEV 14:28 أَكهَّانْ أَذْ إِڭّْ [شْوَايْثْ] زِي زّشْثْ نِّي غَارسْ إِدْجَانْ ذڭْ ؤُفُوسْ نّسْ خْ إِغسْ ن ؤُمزُّوغْ أَفُوسِي ن ونِّي إِتّْوَاسِّيزذْڭنْ ؤُڒَا خْ يِيمزْ ن ؤُفُوسْ نّسْ أَفُوسِي ؤُ خْ يِيمزْ ن ؤُضَارْ نّسْ أَفُوسِي، ذڭْ ومْشَانْ [نِّيثْ مَانِي] تّْوَاڭّنْ إِذَامّنْ ن ثْغَارْصْطْ ن ؤُمَارْوَاسْ [قْبڒْ].
LEV 14:29 مِينْ إِقِّيمنْ زِي زّشْثْ نِّي غَارْ ؤُكهَّانْ ذڭْ ؤُفُوسْ نّسْ، أَذْ ث إِڭّْ خْ ؤُزدْجِيفْ ن ونِّي إِتّْوَاسِّيزذْڭنْ، مَاحنْذْ أَذْ خَاسْ إِڭّْ أَصْڒَاحْ زَّاثْ إِ وُوذمْ ن سِيذِي.
LEV 14:30 [خنِّي] أَذْ إِسّوْجذْ إِجّْ زِي ثْنَاينْ ن ثجْلِيلِّيحِينْ نِيغْ زڭْ إِذْبِيرنْ إِمژْيَاننْ، أَنشْثْ ؤُمِي إِزمَّارْ ؤُفُوسْ نّسْ أَذْ إِسِّيوضْ.
LEV 14:31 زِي مِينْ ذ أَسْ غَا إِسِّيوضْ ؤُفُوسْ نّسْ، أَذْ يِيڒِي إِجّْ إِ ثْغَارْصْثْ ن دّنْبْ ؤُ ونّغْنِي إِ ثْغَارْصْثْ ن وشْمَاضْ، سنّجْ إِ ثوْهِيبْثْ [ن ڒْغِيدْجثْ]. أَكهَّانْ أَذْ إِڭّْ أَصْڒَاحْ خْ ونِّي إِتّْوَاسِّيزذْڭنْ زَّاثْ إِ وُوذمْ ن سِيذِي.
LEV 14:32 وَا ذ أَزرْفْ إِ ونِّي ذِي إِدْجَا وُوضُونْ ن ڒْبَارْصْ ؤُشَا أَفُوسْ نّسْ وَارْ إِزمَّارْ أَذْ إِسِّيوضْ إِ ؤُسِيزْذڭْ نّسْ.“
LEV 14:33 إِسِّيوڒْ سِيذِي أَكْ-ذ مُوسَا ذ هَارُونْ، إِنَّا:
LEV 14:34 ”خْمِي غَا ثَاذْفمْ غَارْ ثمُّورْثْ ن كنْعَانْ، ثنِّي ذ أَومْ غَا وْشغْ ذ أَڭْڒَا، ؤُشَا مَاڒَا ڭِّيغْ نشّْ ؤُضُونْ ن ڒْبَارْصْ خْ شَا ن ثَادَّارْثْ ن ثمُّورْثْ نِّي غَارْومْ ذ أَڭْڒَا،
LEV 14:35 أَذْ د-يَاسْ [خنِّي] ونِّي غَارْ ثدْجَا ثَادَّارْثْ نِّي، أَذْ إِخبَّارْ أَكهَّانْ، أَذْ يِينِي: ’إِتّْغِيڒْ أَيِي-د أَخْمِي ذِينْ شَا ن وُوضُونْ ذِي ثَادَّارْثْ.‘
LEV 14:36 [خنِّي] أَكهَّانْ أَذْ إِسّكّْ، مَاحنْذْ أَذْ سّخْوَانْ ثَادَّارْثْ قْبڒْ إِ د غَا يَاسْ ؤُكهَّانْ [س يِيخفْ نّسْ]، حِيمَا أَذْ إِخمّْ ؤُضُونْ، حِيمَا وَارْ إِتّْوَاسّخْمِيجْ مَارَّا مِينْ إِدْجَانْ ذِي ثَادَّارْثْ. أَوَارْنِي أَسْ أَذْ د-يَاسْ ؤُكهَّانْ، مَاحنْذْ أَذْ إِخمّمْ ثَادَّارْثْ.
LEV 14:37 مَاڒَا إِخْزَارْ غَارْ ؤُضُونْ ؤُشَا إِژْرَا أَقَا ؤُضُونْ ن ڒحْيُوضْ ن ثَادَّارْثْ بَاننْ-د ذَايسْ إِحُوفَارْ زِّيزْونْ نِيغْ زوْغنْ، ؤُدْجْغنْ خْ [وُوذمْ ن] ڒْحِيضْ،
LEV 14:38 [خنِّي] أَذْ إِفّغْ ؤُكهَّانْ زِي ثَادَّارْثْ [نِّي] زِي وَاذَافْ ن ثَادَّارْثْ ؤُشَا أَذْ إِقّنْ ثَادَّارْثْ سبْعَا ن وُوسَّانْ.
LEV 14:39 ذڭْ وَاسّْ وِيسّْ سبْعَا أَذْ د-إِذْوڒْ ؤُكهَّانْ ؤُشَا مَاڒَا إِژْرَا أَقَا ؤُضُونْ إِبزّعْ خْ ڒحْيُوضْ ن ثَادَّارْثْ،
LEV 14:40 [خنِّي] أَذْ إِوصَّا ؤُكهَّانْ، مَاحنْذْ أَذْ كّْسنْ إِژْرَا مَانِي إِڒْسقْ وُوضُونْ ؤُ أَذْ ثنْ نْضَارنْ ذڭْ إِجّْ ن ومْشَانْ إِخمْجنْ بَارَّا إِ ثنْذِينْثْ.
LEV 14:41 أَذْ يجّْ أَذْ قشَّارنْ ذَاخڒْ ن ثَادَّارْثْ غَارْ [مَارَّا] إِغزْذِيسنْ نّسْ، ؤُشَا أَذْ زدْجْعنْ أَبدْجَاعْ إِ قشَّارنْ بَارَّا إِ ثنْذِينْثْ ذڭْ إِجّْ ن ومْشَانْ ذ أَمخْمُوجْ.
LEV 14:42 [خنِّي] أَذْ كْسِينْ إِژْرَا نّغْنِي، أَذْ ثنْ ڭّنْ ذڭْ ومْشَانْ ن إِژْرَا [نِّي إِهڒْشنْ] ؤُشَا أَذْ كْسِينْ أَبدْجَاعْ نّغْنِي مَاحنْذْ أَذْ زَّايسْ حنّْشنْ ثَادَّارْثْ.
LEV 14:43 مَاڒَا ؤُضُونْ إِذْوڒْ-د ؤُشَا إِسّْفُوفِّي [عَاوذْ] ذِي ثَادَّارْثْ أَوَارْنِي ڒَامِي كّْسنْ إِژْرَا ؤُ قشَّارنْ ثَادَّارْثْ أَوَارْنِي ڒَامِي ت حنّْشنْ،
LEV 14:44 [خنِّي] أَذْ د-يَاسْ ؤُكهَّانْ أَذْ [ت] إِقدْجبْ. مَاڒَا إِژْرَا، أَقَا ؤُضُونْ إِبزّعْ ذِي ثَادَّارْثْ، [خنِّي] أَقَا ذِينْ إِجّْ ن ڒْبَارْصْ إِقسْحنْ ذِي ثَادَّارْثْ. أَقَا-ت ثخْمجْ.
LEV 14:45 أَذْ هذْمنْ ثَادَّارْثْ، إِژْرَا نّسْ ذ ثْحنْيَا نّسْ ذ مَارَّا ثَارِّيسْثْ ن ثَادَّارْثْ ؤُشَا أَذْ سِّيڭّْوجنْ أَيَا بَارَّا إِ ثنْذِينْثْ غَارْ إِجّْ ن ومْشَانْ ذ أَمخْمُوجْ.
LEV 14:46 وِي غَا يَاذْفنْ غَارْ ثَادَّارْثْ ذڭْ إِجّْ ن وَاسّْ زڭْ وُوسَّانْ أَوَارْنِي ڒَامِي بلّْعنْ [ثَادَّارْثْ]، نتَّا أَذْ يِيڒِي إِخْمجْ أَڒْ ثَامذِّيثْ.
LEV 14:47 وِي غَا إِطّْصنْ ذِي ثَادَّارْثْ، أَذْ إِصبّنْ أَرُّوضْ نّسْ ؤُ وِي غَا إِشّنْ ذِي ثَادَّارْثْ، أَذْ إِسِّيرْذْ أَرُّوضْ نّسْ.
LEV 14:48 مَاڒَا يُوذفْ ؤُكهَّانْ، مَاحنْذْ أَذْ [ت] إِقدْجبْ ؤُشَا إِژْرَا أَقَا ؤُضُونْ وَارْ إِمْغِيرْ ذِي ثَادَّارْثْ، أَوَارْنِي ڒَامِي حنّْشنْ ثَادَّارْثْ، [خنِّي] أَذْ إِبَارّحْ ؤُكهَّانْ بلِّي ثَادَّارْثْ ثزْذڭْ، مِينْزِي ؤُضُونْ إِتّْوَاسّْڭنْفَا.
LEV 14:49 أَذْ إِكْسِي ثْنَاينْ ن إِجْضَاضْ ذ ؤُكشُّوضْ ن [ثْشجَّارْثْ ن] ثنْڭلْثْ ذ ؤُزڭّْوَاغْ إِحذْقنْ ذ ثْعلْدْجثْ، مَاحنْذْ أَذْ زَّايْسنْ إِكّسْ دّنْبْ خْ ثَادَّارْثْ.
LEV 14:50 أَذْ إِغَارْصْ إِ يِيجّْ ن وجْضِيضْ ذڭْ إِشْثْ ن ڒْقشْعثْ ن ثْڒَاخْثْ، سنّجْ إِ وَامَانْ إِدَّارنْ.
LEV 14:51 أَذْ إِكْسِي أَكشُّوضْ ن [ثْشجَّارْثْ ن] ثنْڭلْثْ ذ ثْعلْدْجثْ ذ ؤُزڭّْوَاغْ إِحذْقنْ ؤُڒَا ذ أَجْضِيضْ إِدَّارنْ ؤُشَا أَذْ إِسُّوفْ [مَارَّا] أَيَا ذڭْ إِذَامّنْ ن وجْضِيضْ إِتّْوَاغَارْصنْ ؤُ ذڭْ وَامَانْ إِدَّارنْ ؤُشَا أَذْ إِرُوشّْ ثَادَّارْثْ سبْعَا ن ثْوَاڒَاوِينْ.
LEV 14:52 [أَمُّو] إِ غَا إِكّسْ دّنْبْ خْ ثَادَّارْثْ س إِذَامّنْ ن وجْضِيضْ، س وَامَانْ إِدَّارنْ ذ وجْضِيضْ إِدَّارنْ ذ ؤُكشُّوضْ ن [ثْشجَّارْثْ ن] ثنْڭلْثْ ذ ثْعلْدْجثْ ذ ؤُزڭّْوَاغْ إِحذْقنْ.
LEV 14:53 أَذْ يجّْ أَجْضِيضْ إِدَّارنْ أَذْ إِضْوَا بَارَّا إِ ثنْذِينْثْ سنّجْ إِ وُوذمْ ن ييَّارْ. [أَمُّو إِ] غَا إِڭّْ أَصْڒَاحْ خْ ثَادَّارْثْ [نِّي] ؤُشَا أَذْ ثِيڒِي ثِيزْذِيڭْ.“
LEV 14:54 ”وَا ذ أَزرْفْ خْ مَارَّا ڒهْڒَاشَاثْ ن ڒْبَارْصْ ؤُ خْ ثْفُورِي [ن يِيڒمْ]،
LEV 14:55 خْ ڒْبَارْصْ ن أَرُّوضْ ؤُ ن ثَادَّارْثْ،
LEV 14:56 خْ إِجّْ ن ؤُعبُّوزْ، خْ إِشْثْ ن ثْحبُّوشْثْ ؤُ خْ إِجّْ ن ونْڭَازْ إِشّمْڒڒْ [ن ثڒْمشْثْ].
LEV 14:57 [أَزرْفْ-أَ] أَقَا إِ ثْغُورِي ذڭْ وَاسّْ إِ ذِي غَا يِيڒِي حذْ إِخْمجْ نِيغْ ذڭْ وَاسّْ إِ ذِي غَا يِيڒِي حذْ إِزْذڭْ. وَا ذ أَزرْفْ ن ڒْبَارْصْ.“
LEV 15:1 إِسِّيوڒْ سِيذِي أَكْ-ذ مُوسَا ذ هَارُونْ، إِنَّا:
LEV 15:2 ”سِيوڒْ أَكْ-ذ أَيْثْ ن إِسْرَائِيل، إِنِيمْ أَسنْ: ’مَاڒَا أَرْيَازْ غَارسْ إِجّْ ن ؤُسيّڒْ زِي أَرِّيمثْ نّسْ، [خنِّي] أَذْ يِيڒِي إِخْمجْ زِي سِّيبّثْ ن ؤُسيّڒْ.
LEV 15:3 وَا أَذْ يِيڒِي ذ ڒخْمجْ نّسْ زِي سِّيبّثْ ن ؤُسيّڒْ نّسْ: [مَاڒَا] أَرِّيمثْ نّسْ ثتّجَّا أَسيّڒْ نّسْ نِيغْ أَرِّيمثْ نّسْ ثسّْبدَّا أَسيّڒْ نّسْ، أَقَا-ث ذ ڒخْمجْ نّسْ.
LEV 15:4 كُوڒْ قَامَا مِينْ خفْ غَا إِطّصْ ونِّي ذِي إِدْجَا ؤُسيّڒْ، أَذْ يِيڒِي إِخْمجْ ؤُ كُوڒْ ڒْقشْعثْ إِ خفْ غَا إِقِّيمْ، أَذْ ثِيڒِي ثخْمجْ.
LEV 15:5 مَارَّا وِي غَا إِحَاذَانْ قَامَا نّسْ، أَذْ إِصبّنْ أَرُّوضْ نّسْ، أَذْ إِسِّيرْذْ إِخفْ نّسْ [عَاوذْ] س وَامَانْ ؤُشَا أَذْ يِيڒِي إِخْمجْ أَڒْ ثَامذِّيثْ.
LEV 15:6 ونِّي إِ غَا إِقِّيمنْ خْ شَا خْ مِينْ خفْ ثُوغَا إِقِّيمْ ونِّي ذِي إِدْجَا ؤُسيّڒْ، أَذْ إِصبّنْ أَرُّوضْ نّسْ، أَذْ إِسِّيرْذْ إِخفْ نّسْ [عَاوذْ] س وَامَانْ ؤُشَا أَذْ يِيڒِي إِخْمجْ أَڒْ ثَامذِّيثْ.
LEV 15:7 ونِّي إِ غَا إِحَاذَانْ أَرِّيمثْ ن ونِّي ذِي إِدْجَا ؤُسيّڒْ، أَذْ إِصبّنْ أَرُّوضْ نّسْ ؤُشَا نتَّا سِيمَانْثْ نّسْ أَذْ إِسِّيرْذْ س وَامَانْ، ؤُشَا أَذْ يِيڒِي إِخْمجْ أَڒْ ثَامذِّيثْ.
LEV 15:8 مَاڒَا وِي ذِي إِدْجَا ؤُسيّڒْ إِسُّوسفْ خْ إِجّْ ن ؤُمزْذَاڭْ، أَقَا [وَا] أَذْ إِصبّنْ أَرُّوضْ نّسْ، أَذْ إِسِّيرْذْ إِخفْ نّسْ س وَامَانْ ؤُشَا أَذْ يِيڒِي إِخْمجْ أَڒْ ثَامذِّيثْ.
LEV 15:9 كُوڒْ ثْرِيشْثْ مِينْ خفْ إِقِّيمْ ونِّي ذِي إِدْجَا ؤُسيّڒْ، أَذْ ثِيڒِي ثخْمجْ.
LEV 15:10 مَارَّا وِي غَا إِحَاذَانْ [مَامّشْ مَا] ڒْقشْعثْ نِّي إِدْجَانْ سَاذُو نّسْ، أَذْ يِيڒِي إِخْمجْ أَڒْ ثَامذِّيثْ ؤُشَا وِي ت غَا إِكْسِينْ، أَذْ إِصبّنْ أَرُّوضْ نّسْ، أَذْ إِسِّيرْذْ إِخفْ نّسْ س وَامَانْ ؤُشَا أَذْ يِيڒِي إِخْمجْ أَڒْ ثَامذِّيثْ.
LEV 15:11 مَارَّا وِي غَا إِتّْوَاحَاذَانْ زڭْ ونِّي ذِي إِدْجَا ؤُسيّڒْ بْڒَا مَا أَذْ إِسِّيرْذْ وَا إِفَاسّنْ نّسْ [أَمزْوَارُو]، أَذْ إِصبّنْ أَرُّوضْ نّسْ، أَذْ إِسِّيرْذْ إِخفْ نّسْ س وَامَانْ ؤُشَا أَذْ يِيڒِي إِخْمجْ أَڒْ ثَامذِّيثْ.
LEV 15:12 طّبْصِي ن ثْڒَاخْثْ نِّي إِحَاذَا ونِّي ذِي إِدْجَا ؤُسيّڒْ، إِتّْخصَّا أَذْ إِتّْوَارْژْ، [مَاشَا] مَارَّا ڒْقشْعثْ ن ثفْڒَاوْثْ أَذْ ت سِيرْذنْ س وَامَانْ.
LEV 15:13 خْمِي ونِّي ذِي إِدْجَا ؤُسيّڒْ أَذْ إِتّْوَاسِّيزْذڭْ زڭْ ؤُسيّڒْ نّسْ، إِتّْخصَّا أَسْ سِيمَانْثْ نّسْ أَذْ إِحْسبْ إِ سبْعَا ن وُوسَّانْ. [خنِّي] أَذْ إِصبّنْ أَرُّوضْ نّسْ، أَذْ إِسِّيرْذْ أَرِّيمثْ نّسْ س وَامَانْ إِدَّارنْ ؤُشَا أَذْ يِيڒِي إِزْذِيڭْ.
LEV 15:14 ذڭْ وَاسّْ وِيسّْ ثْمنْيَا أَذْ إِكْسِي ثْنَاينْ ن ثجْلِيلِّيحِينْ نِيغْ ثْنَاينْ ن إِذْبِيرنْ إِمژْيَاننْ ؤُشَا أَذْ د-يَاسْ زَّاثْ إِ وُوذمْ ن سِيذِي غَارْ وَاذَافْ ن ؤُقِيضُونْ ن ؤُمْسَاڭَارْ ؤُشَا أَذْ ثنْ إِوْشْ إِ ؤُكهَّانْ.
LEV 15:15 أَكهَّانْ أَذْ إِسّوْجذْ إِشْثْ ن ثْغَارْصْثْ ن دّنْبْ ذ إِشْثْ ن ثْغَارْصْثْ ن وشْمَاضْ. أَكهَّانْ أَذْ خَاسْ إِڭّْ أَصْڒَاحْ زَّاثْ إِ وُوذمْ ن سِيذِي خْ ؤُسيّڒْ نّسْ.‘ “
LEV 15:16 ”مَاڒَا إِفّغْ-د ؤُسيّڒْ ن وَادْجُو زڭْ ورْيَازْ، أَذْ إِسِّيرْذْ أَرِّيمثْ نّسْ مَارَّا س وَامَانْ ؤُشَا أَذْ يِيڒِي إِخْمجْ أَڒْ ثَامذِّيثْ.
LEV 15:17 كُوڒْ أَرُّوضْ ذ كُوڒْ إِڒمْ إِ خفْ إِدْجَا ؤُسيّڒْ ن وَادْجُو، إِتّْخصَّا أَذْ ث سِيرْذنْ س وَامَانْ ؤُشَا أَذْ يِيڒِي إِخْمجْ أَڒْ ثَامذِّيثْ.
LEV 15:18 [مَاڒَا] إِطّصْ يِيجّْ ورْيَازْ أَكْ-ذ ثمْغَارْثْ ؤُشَا إِنْضَارْ [ذَايسْ] نتَّا، [خنِّي] أَذْ سِّيرْذنْ [س ثْنَاينْ إِذْسنْ] س وَامَانْ ؤُشَا أَذْ إِڒِينْ خمْجنْ أَڒْ ثَامذِّيثْ.“
LEV 15:19 ”مَاڒَا ثَامْغَارْثْ ثُوغَا-ت ثْسيّڒْ، أَقَا خَاسْ إِذَامّنْ ذِي أَرِّيمثْ نّسْ، [خنِّي] أَذْ ثعْزڒْ سبْعَا ن وُوسَّانْ. مَارَّا وِي ت غَا إِحَاذَانْ أَذْ يِيڒِي إِخْمجْ أَڒْ ثَامذِّيثْ.
LEV 15:20 مَارَّا مِينْ خفْ ثُوغَا ثطّصْ ذڭْ وعْزَاڒْ نّسْ، أَذْ يِيڒِي إِخْمجْ ؤُشَا مَارَّا مِينْ خفْ ثُوغَا ثقِّيمْ، أَذْ يِيڒِي إِخْمجْ.
LEV 15:21 مَارَّا وِي غَا إِحَاذَانْ قَامَا نّسْ، أَذْ إِسِّيرْذْ أَرُّوضْ نّسْ، أَذْ إِسِّيرْذْ إِخفْ نّسْ س وَامَانْ ؤُشَا أَذْ يِيڒِي إِخْمجْ أَڒْ ثَامذِّيثْ.
LEV 15:22 مَارَّا وِي غَا إِحَاذَانْ شَا ن ڒْقشْعثْ مِينْ خفْ ثُوغَا ثتّْغِيمَا، أَذْ إِصبّنْ أَرُّوضْ نّسْ، أَذْ إِسِّيرْذْ إِخفْ نّسْ س وَامَانْ ؤُشَا أَذْ يِيڒِي إِخْمجْ أَڒْ ثَامذِّيثْ.
LEV 15:23 نِيغْ مَاڒَا إِقِّيمْ خْ قَامَا نِيغْ خْ ڒْقشْعثْ إِ خفْ ثُوغَا ثقِّيمْ نتَّاثْ، ؤُمِي إِحَاذَا أَيَا أَذْ يِيڒِي إِخْمجْ أَڒْ ثَامذِّيثْ.
LEV 15:24 مَاڒَا إِطّصْ أَكِيذسْ إِجّْ ن ورْيَازْ ؤُشَا يُوسَا-د خَاسْ وعْزَاڒْ نّسْ، [خنِّي] أَذْ يِيڒِي إِخْمجْ سبْعَا ن وُوسَّانْ. كُوڒْ قَامَا إِ خْ ثُوغَا إِطّصْ، أَذْ ثِيڒِي ثخْمجْ.
LEV 15:25 مَاڒَا ؤُسِينْ-د إِذَامّنْ خْ إِشْثْ ن ثمْغَارْثْ أَطَّاسْ ن وُوسَّانْ بَارَّا إِ ڒْمِيجَاڒْ ن وعْزَاڒْ نّسْ نِيغْ مَاڒَا ثُوغَا أَسيّڒْ كْثَارْ خْ ڒْمِيجَاڒْ ن وعْزَاڒْ نّسْ، [خنِّي] أَذْ ثِيڒِي ثخْمجْ مَارَّا ؤُسَّانْ ن ؤُسيّڒْ إِ د-يُوسِينْ أَكْ-ذ ڒخْمجْ نّسْ، أَمْ ذڭْ وُوسَّانْ ن وعْزَاڒْ نّسْ.
LEV 15:26 كُوڒْ قَامَا مِينْ خفْ ثطّصْ مَارَّا ؤُسَّانْ ن ؤُسيّڒْ نّسْ، أَذْ أَسْ ثِيڒِي أَمْ قَامَا ن وعْزَاڒْ نّسْ ؤُ مَارَّا ڒْقشْعثْ مِينْ خفْ ثقِّيمْ، أَذْ ثِيڒِي ثخْمجْ أَمشْنَاوْ ڒخْمجْ ن وعْزَاڒْ نّسْ.
LEV 15:27 مَارَّا وِي غَا إِحَاذَانْ ثِيمسْڒَايِينْ نِّي، أَذْ يِيڒِي إِخْمجْ. أَذْ إِصبّنْ أَرُّوضْ نّسْ ؤُشَا أَذْ إِسِّيرْذْ إِخفْ نّسْ س وَامَانْ ؤُشَا أَذْ يِيڒِي إِخْمجْ أَڒْ ثَامذِّيثْ.
LEV 15:28 مَاڒَا ثتّْوَاسِّيزْذڭْ زڭْ ؤُسيّڒْ نّسْ، إِتّْخصَّا أَذْ ثحْسبْ إِ يِيخفْ نّسْ سبْعَا ن وُوسَّانْ، أَوَارْنِي أَسْ أَذْ ثِيڒِي ثزْذڭْ.
LEV 15:29 ذڭْ وَاسّْ وِيسّْ ثْمنْيَا أَذْ ثكْسِي إِ يِيخفْ نّسْ ثْنَاينْ ن ثجْلِيلِّيحِينْ نِيغْ ثْنَاينْ ن إِذْبِيرنْ إِمژْيَاننْ ؤُشَا أَذْ ثنْ ثَاوِي غَارْ ؤُكهَّانْ غَارْ وَاذَافْ ن ؤُقِيضُونْ ن ؤُمْسَاڭَارْ.
LEV 15:30 أَكهَّانْ أَذْ إِسّوْجذْ إِشْثْ ن ثْغَارْصْثْ ن دّنْبْ ذ إِشْثْ ن ثْغَارْصْثْ ن وشْمَاضْ ؤُشَا أَكهَّانْ أَذْ خَاسْ إِڭّْ أَصْڒَاحْ [ذِي ثْمسْڒَاشْثْ] ن ؤُسيّڒْ ن ڒخْمجْ نّسْ زَّاثْ إِ وُوذمْ ن سِيذِي.
LEV 15:31 [أَمُّو] إِ غَا ثْعزْڒذْ أَيْثْ ن إِسْرَائِيل خْ ڒخْمجْ نْسنْ، حِيمَا وَارْ تّمتِّينْ ذِي ڒخْمجْ نْسنْ، ؤُمِي سّْخمَّاجنْ ثَازذِّيغْثْ إِنُو نِّي [إِدْجَانْ] ذِي ڒْوسْطْ نْسنْ.“
LEV 15:32 وَا ذ أَزرْفْ إِ ونِّي غَارْ إِدْجَا ؤُسيّڒْ ؤُ إِ ونِّي زِي غَا إِفّغْ وَادْجُو نّسْ ؤُشَا [خنِّي] أَذْ يِيڒِي إِخْمجْ
LEV 15:33 ؤُ [عَاوذْ] إِ ثنِّي مِينْ خفْ إِدْجَا إِذَامّنْ ؤُشَا [خنِّي] ثعْزڒْ إِخفْ نّسْ ؤُ [عَاوذْ] إِ وِي ذِي ثُوغَا أَسيّڒْ، إِ ورْيَازْ ؤُڒَا إِ ثمْغَارْثْ، ؤُ [عَاوذْ] إِ ورْيَازْ إِ ثُوغَا إِطّْصنْ أَكْ-ذ ثنِّي إِدْجَانْ ثخْمجْ.
LEV 16:1 إِسِّيوڒْ سِيذِي أَكْ-ذ مُوسَا أَوَارْنِي إِ ڒْموْثْ ن ثْنَاينْ ن وَارَّاوْ ن هَارُونْ، أَوَارْنِي ڒَامِي د-قَارّْبنْ نِيثْنِي زَّاثْ إِ وُوذمْ ن سِيذِي ؤُشَا مُّوثنْ.
LEV 16:2 سِيذِي إِنَّا إِ مُوسَا: ”سِيوڒْ أَكْ-ذ هَارُونْ، ؤُمَاشْ، حِيمَا وَارْ إِتِّيذفْ ڒبْذَا غَارْ ؤُقدَّاسْ ذَاخڒْ إِ ؤُڒحَّافْ زَّاثْ إِ ثْقبَّارْثْ ن وصْڒَاحْ نِّي إِدْجَانْ خْ تَّابُوثْ، حِيمَا وَارْ إِتّْمتِّي شَا، مِينْزِي نشّْ تّْبَانغْ-د ذڭْ إِجّْ ن ؤُسيْنُو سنّجْ إِ ثْقبَّارْثْ ن وصْڒَاحْ.
LEV 16:3 س ؤُيَا أَذْ يَاذفْ هَارُونْ غَارْ ؤُقدَّاسْ: س إِجّْ ن ؤُفُونَاسْ، أَمژْيَانْ ن ثْفُونَاسْثْ، إِ ثْغَارْصْثْ ن دّنْبْ، ؤُ [س] يِيجّْ ن إِشَارِّي إِ ثْغَارْصْثْ ن وشْمَاضْ.
LEV 16:4 أَذْ يَارْضْ ثْشَامِيرْ إِقدّْسنْ ن ڒقْطنْ ؤُشَا سَّارْوَاڒْ نْ ڒقْطنْ أَذْ يِيڒِي خْ أَرِّيمثْ نّسْ. أَذْ إِبْيسْ ثَاحزَّامْثْ ن ڒقْطنْ ؤُشَا أَذْ يَاركّبْ أَرژّثْ ن ڒقْطنْ. أَقَا مَانْ أَيَا ذ أَرُّوضْ إِقدّْسنْ. مَاڒَا أَذْ ثنْ يَارْضْ، إِتّْخصَّا أَسْ أَذْ إِسِّيرْذْ أَرِّيمثْ نّسْ س وَامَانْ ذ أَمزْوَارُو.
LEV 16:5 أَذْ إِكْسِي زِي ثْمسْمُونْثْ ن أَيْثْ ن إِسْرَائِيل ثْنَاينْ ن إِمْيَاننْ زڭْ إِغَايْضنْ إِ ثْغَارْصْثْ ن دّنْبْ ذ إِجّْ ن إِشَارِّي إِ ثْغَارْصْثْ ن وشْمَاضْ.
LEV 16:6 أَذْ د-إِسّْقَارّبْ هَارُونْ أَفُونَاسْ أَمژْيَانْ ن ثْغَارْصْثْ ن وشْمَاضْ، ونِّي إِدْجَانْ إِ يِيخفْ نّسْ، ؤُشَا أَذْ إِڭّْ أَصْڒَاحْ إِ يِيخفْ نّسْ ؤُ إِ ثَادَّارْثْ نّسْ.
LEV 16:7 أَذْ إِكْسِي ثْنَاينْ ن إِمْيَاننْ ؤُشَا أَذْ ثنْ إِڭّْ زَّاثْ إِ وُوذمْ ن سِيذِي غَارْ وَاذَافْ ن ؤُقِيضُونْ ن ؤُمْسَاڭَارْ.
LEV 16:8 أَذْ إِنْضَارْ هَارُونْ ثَاقدُّوحْثْ خْ ثْنَاينْ ن إِمْيَاننْ: إِشْثْ ن ثْقدُّوحْثْ خْ سِيذِي ؤُ إِشْثْ ن ثْقدُّوحْثْ خْ إِغَايْضْ إِنُّوفْسْڒنْ، [قَّارنْ أَسْ ’عَازَازِيلْ‘].
LEV 16:9 أَذْ د-إِسّْقَارّبْ هَارُونْ أَمْيَانْ نِّي خْ د-ثوْضَا ثَاقدُّوحْثْ إِ سِيذِي ؤُشَا أَذْ ث إِسّوْجذْ ذ ثْغَارْصْثْ ن دّنْبْ.
LEV 16:10 أَمْيَانْ إِ خْ د-ثوْضَا ثَاقدُّوحْثْ ن إِغَايْضْ إِنُّوفْسْڒنْ، أَذْ ث إِڭّْ إِدَّارْ زَّاثْ إِ وُوذمْ ن سِيذِي، مَاحنْذْ أَذْ زَّايسْ إِڭّْ أَصْڒَاحْ ؤُشَا [خنِّي] أَذْ ث إِسّكّْ أَمْ يِيغَايْضْ إِنُّوفْسْڒنْ غَارْ ڒخْڒَا.
LEV 16:11 أَذْ د-إِسّْقَارّبْ هَارُونْ أَفُونَاسْ أَمژْيَانْ ن ثْغَارْصْثْ ن دّنْبْ، ونِّي ثُوغَا إِ يِيخفْ نّسْ، ؤُشَا أَذْ إِڭّْ أَصْڒَاحْ إِ يِيخفْ نّسْ ؤُ إِ [أَيْثْبَابْ ن] ثَادَّارْثْ نّسْ ؤُشَا أَذْ إِغَارْصْ إِ ؤُفُونَاسْ أَمژْيَانْ ن ثْغَارْصْثْ ن دّنْبْ، ونِّي [إِدْجَانْ] إِ يِيخفْ نّسْ.
LEV 16:12 أَذْ إِكْسِي [عَاوذْ] إِجّْ ن ڒْمجْمَارْ إِشُّورْ س ڒفْحمْ إِتّحْذُوذُوقنْ ن ؤُعَالْطَارْ زَّاثْ إِ وُوذمْ ن سِيذِي ؤُشَا أَذْ إِشُّورْ ثْنَاينْ ن إِفَاسّنْ نّسْ س ڒبْخُورْ أَزْذَاذْ إِتّْفُوحنْ، ؤُشَا أَذْ يَاوِي مَارَّا أَيَا ذَاخڒْ إِ ؤُڒحَّافْ.
LEV 16:13 أَذْ إِڭّْ ڒبْخُورْ خْ ثْمسِّي زَّاثْ إِ وُوذمْ ن سِيذِي، حِيمَا أَسيْنُو [ن ڒفْوَارْ] ن ڒبْخُورْ أَذْ إِذڒْ ثَاقبَّارْثْ ن وصْڒَاحْ إِ إِدْجَانْ خْ شّْهَاذثْ، ؤُشَا وَارْ إِتّْمتِّي شَا.
LEV 16:14 أَذْ إِكْسِي [شْوَايْثْ] زڭْ إِذَامّنْ ن ؤُفُونَاسْ أَمژْيَانْ ؤُشَا أَذْ ثنْ إِرُوشّْ س ؤُضَاضْ نّسْ خْ وُوذمْ ن ثْقبَّارْثْ ن وصْڒَاحْ غَارْ ؤُغزْذِيسْ ن شَّارْقْ ؤُشَا [عَاوذْ] أَذْ إِرُوشّْ [شْوَايْثْ] زڭْ إِذَامّنْ سبْعَا ن ثْوَاڒَاوِينْ س ؤُضَاضْ نّسْ زَّاثْ إِ ثْقبَّارْثْ ن وصْڒَاحْ.
LEV 16:15 [خنِّي] أَذْ إِغَارْصْ إِ ؤُمْيَانْ ن ثْغَارْصْثْ ن دّنْبْ، ونِّي [إِدْجَانْ] إِ ڒْڭنْسْ ؤُشَا أَذْ يَاوِي إِذَامّنْ غَارْ ذَاخڒْ إِ ؤُڒحَّافْ ؤُشَا أَذْ إِڭّْ س إِذَامّنْ نّسْ أَمْ مَامّشْ إِڭَّا س إِذَامّنْ ن ؤُفُونَاسْ أَمژْيَانْ: أَذْ ثنْ إِرُوشّْ خْ ثْقبَّارْثْ ن وصْڒَاحْ ؤُ زَّاثْ إِ ثْقبَّارْثْ ن وصْڒَاحْ.
LEV 16:16 [أَمُّو إِ] إِ غَا إِڭّْ أَصْڒَاحْ خْ ؤُقدَّاسْ إِ ڒْحَاجَّاثْ إِخمْجنْ ن أَيْثْ ن إِسْرَائِيل ؤُ إِ إِخطَّانْ نْسنْ إِ د-إِتَّاسنْ أَكْ-ذ مَارَّا دّْنُوبْ نْسنْ. أَمُّو إِ غَا يڭّْ ذِي سِّيبّثْ ن ؤُقِيضُونْ ن ؤُمْسَاڭَارْ، ونِّي إِدْجَانْ أَكِيذْسنْ ذِي ڒْوسْطْ ن مَارَّا ثِيمسْڒَايِينْ إِخمْجنْ نْسنْ.
LEV 16:17 ؤُڒَا ذ إِجّْ ن بْنَاذمْ أَذْ يِيڒِي عَاذْ ذڭْ ؤُقِيضُونْ ن ؤُمْسَاڭَارْ زڭْ وَامِي إِ غَا يَاذفْ مَاحنْذْ أَذْ إِڭّْ أَصْڒَاحْ ذڭْ ؤُقدَّاسْ أَڒْ غَا إِفّغْ [عَاوذْ]. [أَمُّو] إِ غَا إِڭّْ أَصْڒَاحْ إِ يِيخفْ نّسْ ؤُ إِ مَارَّا أَڭْرَاوْ [ن ڒْڭنْسْ] ن إِسْرَائِيل.
LEV 16:18 أَذْ إِفّغْ أَڒْ ؤُعَالْطَارْ إِ إِدْجَانْ زَّاثْ إِ وُوذمْ ن سِيذِي ؤُشَا أَذْ إِڭّْ أَسْڒَاحْ خْ ؤُعَالْطَارْ. أَذْ إِكْسِي [شْوَايْثْ] زڭْ إِذَامّنْ ن ؤُفُونَاسْ أَمژْيَانْ ؤُ [شْوَايْثْ] زڭْ إِذَامّنْ ن ؤُمْيَانْ ؤُشَا أَذْ إِسَّارْسْ [أَيَا] خْ وَاشَّاونْ ن ؤُعَالْطَارْ ذڭْ ونّضْ نّسْ.
LEV 16:19 سبْعَا ن ثْوَاڒَاوِينْ أَذْ خَاسْ إِرُوشّْ س ؤُضَاضْ نّسْ [شْوَايْثْ] زڭْ إِذَامّنْ ؤُشَا أَذْ ث إِسِّيزْذڭْ ؤُ أَذْ ث إِسّْقدّسْ زِي ڒخْمجْ ن أَيْثْ ن إِسْرَائِيل.
LEV 16:20 [أَوَارْنِي ڒَامِي] إِكمّڒْ أَصْڒَاحْ ن ؤُقدَّاسْ ذ ؤُقِيضُونْ ن ؤُمْسَاڭَارْ ذ ؤُعَالْطَارْ، أَذْ د-إِسّْقَارّبْ [خنِّي] أَمْيَانْ إِدَّارنْ.
LEV 16:21 أَذْ إِسَّارْسْ هَارُونْ ثْنَاينْ ن إِفَاسّنْ نّسْ خْ ؤُزدْجِيفْ ن ؤُمْيَانْ إِدَّارنْ ؤُشَا [أَمُّو إِ] غَا إِنْعمْ هَارُونْ سنّجْ [إِ ؤُزدْجِيفْ ن ؤُمْيَانْ] خْ مَارَّا ڒْمُوعْصِييّثْ ن أَيْثْ ن إِسْرَائِيل ذ مَارَّا إِخطَّانْ نْسنْ إِ د-يُوسِينْ أَكْ-ذ مَارَّا دّْنُوبْ نْسنْ ؤُشَا أَذْ ثنْ إِسَّارْسْ خْ ؤُزدْجِيفْ ن ؤُمْيَانْ ؤُشَا أَذْ ث إِسّكّْ غَارْ ڒخْڒَا س ؤُفُوسْ ن إِجّْ ن ورْيَازْ [ونِّي إِسّْوجْذنْ] إِ دّڭَّا.
LEV 16:22 ؤُشَا إِغَايْضْ أَذْ يَاوِي أَكْ-ذ إِخفْ نّسْ مَارَّا ڒْمُوعْصِييّثْ نْسنْ غَارْ إِشْثْ ن جِّيهثْ ثخْڒَا. نتَّا أَذْ إِسّكّْ أَمْيَانْ غَارْ ڒخْڒَا.
LEV 16:23 [خنِّي] أَذْ يَاذفْ هَارُونْ غَارْ ؤُقِيضُونْ ن ؤُمْسَاڭَارْ ؤُشَا أَذْ إِكّسْ أَرُّوضْ ن ڒقْطنْ نِّي يَارْضْ، ؤُمِي يُوذفْ غَارْ ؤُقدَّاسْ ؤُشَا أَذْ ث يجّْ ذِينْ.
LEV 16:24 أَذْ إِسِّيرْذْ أَرِّيمثْ نّسْ س وَامَانْ ذڭْ ومْشَانْ أَمْقدَّاسْ ؤُشَا أَذْ يَارْضْ أَرُّوضْ نّسْ. [خنِّي] أَذْ إِفّغْ، أَذْ إِسّوْجذْ ثَاغَارْصْثْ ن وشْمَاضْ نّسْ ذ ثْغَارْصْثْ ن ڒْڭنْسْ ؤُشَا أَذْ إِڭّْ أَصْڒَاحْ إِ يِيخفْ نّسْ ؤُ إِ ڒْڭنْسْ.
LEV 16:25 أَذْ إِسّْبخَّارْ ثَاذُونْثْ ن ثْغَارْصْثْ نْ دّنْبْ خْ ؤُعَالْطَارْ.
LEV 16:26 وِي د-إِسكّنْ أَمْيَانْ أَمْ ؤُمْيَانْ إِنُّوفْسْڒنْ، أَذْ إِصبّنْ أَرُّوضْ نّسْ، أَذْ إِسِّيرْذْ أَرِّيمثْ نّسْ س وَامَانْ. أَوَارْنِي أَسْ أَذْ يَاذفْ غَارْ ڒْمَارْڭحْ ن ڒْعسْكَارْ.
LEV 16:27 أَفُونَاسْ أَمژْيَانْ ن ثْغَارْصْثْ ن دّنْبْ ذ ؤُمْيَانْ ن طْغَارْصْثْ ن دّنْبْ إِ زِي تّْوَاسِّيذْفنْ إِذَامّنْ نْسنْ، مَاحنْذْ أَذْ زَّايْسنْ إِتّْوَاڭّْ أَصْڒَاحْ ذڭْ ؤُقدَّاسْ، أَذْ ثنْ سُّوفّْغنْ بَارَّا إِ ڒْمَارْڭحْ ن ڒْعسْكَارْ ؤُشَا أَذْ زَّايْسنْ سّْشمْضنْ إِڒْمَاونْ نْسنْ ذ ويْسُومْ نْسنْ ذ ؤُمسَّاڒْ نْسنْ س ثْمسِّي.
LEV 16:28 وِي ثنْ غَا إِسّْشمْضنْ، أَذْ إِصبّنْ أَرُّوضْ نّسْ، أَذْ إِسِّيرْذْ أَرِّيمثْ نّسْ س وَامَانْ. أَوَارْنِي أَسْ أَذْ يَاذفْ غَارْ ڒْمَارْڭحْ ن ڒْعسْكَارْ.
LEV 16:29 ثَا ذ إِشْثْ ن ثوْصيّثْ إِ ڒبْذَا إِ كنِّيوْ. ذڭْ ؤُيُورْ وِيسّْ سبْعَا، ذڭْ [وَاسّْ] وِيسّْعشْرَا ن ؤُيُورْ، أَذْ ثسّْوَاضْعمْ إِخفْ نْومْ ؤُشَا وَارْ تّڭّمْ ؤُڒَا ذ إِشْثْ ن ڒْخذْمثْ، نِيغْ ونِّي د-إِخڒْقنْ ذِي ثمُّورْثْ نِيغْ ؤُبَارَّانِي نِّي إِزدّْغنْ ذِي ڒْوسْثْ نْومْ.
LEV 16:30 مِينْزِي ذڭْ وَاسّْ نِّي أَذْ إِتّْوَاڭّْ وصْڒَاحْ إِ كنِّيوْ، مَاحنْذْ أَذْ ثتّْوَاسِّيزذْڭمْ. كنِّيوْ مَارَّا أَذْ ثتّْوَاسِّيزذْڭمْ زَّاثْ إِ وُوذمْ ن سِيذِي.
LEV 16:31 [أَسّْ نِّي] أَذْ يِيڒِي ذ إِجّْ وَاسّْ ن سّبْثْ، أَرَّاحثْ ثْمُونْ إِ كنِّيوْ. أَذْ ثسّْوَاضْعمْ إِخفْ نْومْ، أَقَا-ت ذ إِشْثْ ن ثوْصيّثْ إِ ڒبْذَا.
LEV 16:32 أَكهَّانْ، ونِّي ذهْننْ ؤُ ڒقّْمنْ نِيثْنِي ذڭْ ومْشَانْ ن بَابَاسْ، مَاحنْذْ أَذْ يِيڒِي ذ أَكهَّانْ، أَذْ إِڭّْ أَصْڒَاحْ ؤُشَا أَذْ يَارْضْ أَرُّوضْ ن ڒقْطنْ، أَرُّوضْ إِقدّْسنْ.
LEV 16:33 أَذْ إِڭّْ أَصْڒَاحْ خْ زَّاوشْثْ إِقدّْسنْ ؤُ خْ ثْقِيضُونْثْ ن ؤُمْسَاڭَارْ ؤُ خْ ؤُعَالْطَارْ. أَذْ إِڭّْ أَصْڒَاحْ [عَاوذْ] خْ مَارَّا إِكهَّاننْ ؤُ خْ مَارَّا ڒْڭنْسْ ن وڭْرَاوْ.
LEV 16:34 ثَا ذ إِشْثْ ن ثوْصيّثْ إِ ڒبْذَا إِ كنِّيوْ، حِيمَا أَذْ إِتّْوَاڭّْ وصْڒَاحْ خْ مَارَّا أَيْثْ ن إِسْرَائِيل إِ مَارَّا دّْنُوبْ نْسنْ، إِشْثْ ن ثْوَاڒَا ذڭْ ؤُسڭّْوَاسْ.“ ؤُشَا إِڭَّا أَمْ مَامّشْ إِوصَّا سِيذِي إِ مُوسَا.
LEV 17:1 إِسِّيوڒْ سِيذِي أَكْ-ذ مُوسَا، إِنَّا:
LEV 17:2 ”سِيوڒْ أَكْ-ذ هَارُونْ ذ وَارَّاوْ نّسْ ؤُ أَكْ-ذ مَارَّا أَيْثْ ن إِسْرَائِيل، إِنِي أَسنْ: ’وَا ذ أَوَاڒْ إِ إِوصَّا سِيذِي، إِقَّارْ:
LEV 17:3 كُوڒْ أَرْيَازْ زِي ثَادَّارْثْ ن إِسْرَائِيل، ونِّي إِغَارْصنْ إِ ؤُفُونَاسْ نِيغْ إِ يزْمَارْ نِيغْ إِ إِغَايْضْ ذِي ڒْمَارْڭحْ نِيغْ ونِّي [ث] إِغَارْصنْ بَارَّا إِ ڒْمَارْڭحْ،
LEV 17:4 [مَاشَا] وَارْ ث يِيوِي ذ ثَاوْهِيبْثْ غَارْ وَاذَافْ ن ؤُقِيضُونْ ن ؤُمْسَاڭَارْ، مَاحنْذْ أَذْ ث-إِ-د-إِسّْقَارّبْ ذ ثَاوْهِيبْثْ غَارْ سِيذِي زَّاثْ ن ثْزذِّيغْثْ ن سِيذِي، أَذْ أَسْ د-إِتّْوَاحْسبْ إِذَامّنْ [نِّي]. نتَّا إِسِّيزّڒْ إِذَامّنْ، [س ؤُينِّي] أَذْ إِتّْوَاقسْ ورْيَازْ نِّي زِي ڒْڭنْسْ نّسْ،
LEV 17:5 مَاحنْذْ، خْمِي غَا قدّْمنْ أَيْثْ ن إِسْرَائِيل ثِيغَارْصَا نْسنْ، ثِينِّي [نُّومنْ] غَارّْصنْ بَارَّا ذڭْ إِيَّارْ، نِيثْنِي أَذْ ثنْثْ أَوْينْ غَارْ سِيذِي، غَارْ ؤُكهَّانْ غَارْ وَاذَافْ ن ؤُقِيضُونْ ن ؤُمْسَاڭَارْ، مَاحنْذْ أَذْ ثنْثْ قدّْمنْ [ذِينْ أَمْ] ثْغَارْصَا ن ڒهْنَا إِ سِيذِي.
LEV 17:6 أَكهَّانْ أَذْ إِزدْجعْ إِذَامّنْ خْ ؤُعَالْطَارْ ن سِيذِي غَارْ وَاذَافْ ن ؤُقِيضُونْ ن ؤُمْسَاڭَارْ ؤُ نتَّا أَذْ إِسّْبخَّارْ ثَاذُونْثْ أَمْ يِيشْثْ ن ڒفْوَاحثْ إِتّْفُوحنْ إِ سِيذِي.
LEV 17:7 وَارْ تّْقدَّامنْ عَاذْ ثِيغَارْصَا نْسنْ إِ إِمُويَانْ [إِجنِّينْ]، إِنِّي ضفَّارنْ نِيثْنِي أَمْ أَيْثْ ن فَارْقْ-شّْغڒْ. ثَا ذ إِشْثْ ن ثوْصيّثْ إِ ڒبْذَا إِ نِيثْنِي إِ [مَارَّا] جِّيڒَاثْ نْسنْ.‘
LEV 17:8 أَذْ أَسنْ ثِينِيذْ عَاوذْ: ’كُوڒْ أَرْيَازْ ن أَيْثْ ن إِسْرَائِيل ؤُ ن إِبَارَّانِييّنْ، إِنِّي إِدْجَانْ ذِي ڒْوسْطْ نْسنْ، ونِّي إِخْسنْ أَذْ إِسّْبخَّارْ إِشْثْ ن ثْغَارْصْثْ ن وشْمَاضْ نِيغْ شَا ن طَاغَارْصْثْ [إِ غَارسْ]،
LEV 17:9 [مَاشَا] وَارْ ت-إِ-د-يِيوِي غَارْ وَاذَافْ ن ؤُقِيضُونْ ن ؤُمْسَاڭَارْ، حِيمَا أَذْ ت إِسّوْجذْ إِ سِيذِي، أَرْيَازْ نِّي أَذْ إِتّْوَاقسّْ زِي ڒْڭنْسْ نّسْ.‘ “
LEV 17:10 ”كُوڒْ إِجّْ زِي ثَادَّارْثْ ن إِسْرَائِيل نِيغْ زڭْ إِبَارَّانِييّنْ، إِنِّي إِزدّْغنْ ذِي ڒْوسْطْ نْسنْ، ونِّي إِ غَا إِشّنْ إِذَامّنْ مَامّشْ مَا ڭِّينْ، نشّْ أَذْ قڒْبغْ ؤُذمْ إِنُو خْ ڒعْمَارْ نِّي إِشّنْ إِذَامّنْ نِّي، ؤُشَا أَذْ ث قضْعغْ زِي ڒْوسْطْ نْ ڒْڭنْسْ نّسْ.
LEV 17:11 مِينْزِي ڒعْمَارْ ن أَرِّيمثْ ذڭْ إِذَامّنْ ؤُشَا نشّْ وْشِيغْ أَومْ [إِذَامّنْ] خْ ؤُعَالْطَارْ، مَاحنْذْ أَذْ زَّايْسنْ إِتّْوَاڭّْ وصْڒَاحْ إِ ڒعْمُورْ نْومْ، مِينْزِي إِذَامّنْ ذ إِنَا إِ غَا إِوْينْ أَصْڒَاحْ إِ ڒعْمَارْ.
LEV 17:12 خْ ؤُيَا أَقَا نِّيغْ إِ أَيْثْ ن إِسْرَائِيل: ؤُڒَا ذ إِجّْ زَّايْومْ وَارْ إِتّتّْ زڭْ إِذَامّنْ، ؤُڒَا ذ أَبَارَّانِي إِ إِزدّْغنْ ذِي ڒْوسْطْ نْومْ وَارْ إِتّتّْ إِذَامّنْ.
LEV 17:13 كُوڒْ  إِجّْ زڭْ أَيْثْ ن إِسْرَائِيل ؤُ زڭْ إِبَارَّانِييّنْ إِ إِزدّْغنْ ذِي ڒْوسْطْ نْومْ، ونِّي إِيْمَارنْ إِجّْ ن ؤُمُودَّارْ نِيغْ إِجّْ ن وجْضِيضْ نِّي إِزمَّارْ أَذْ إِتّْوَاشّْ، أَذْ إِسِّيزّڒْ إِذَامّنْ نّسْ ؤُشَا أَذْ ثنْ إِسّْذُورِييْ س ؤُشَاڒْ.
LEV 17:14 مِينْزِي ڒعْمَارْ ن كُوڒْ أَيْسُومْ ذ إِذَامّنْ نّسْ، أَقَا أَثنْ [ذ إِجّنْ] أَكْ-ذ ڒعْمَارْ نّسْ. س ؤُينِّي نِّيغْ إِ أَيْثْ ن إِسْرَائِيل: ’وَارْ تّتّمْ زڭْ إِذَامّنْ ن مَامّشْ مَا إِڭَّا ويْسُومْ!‘، مِينْزِي ڒعْمَارْ ن مَارَّا أَيْسُومْ ذ إِذَامّنْ نّسْ. ونِّي زَّايْسنْ غَا إِشّنْ، أَذْ إِتّْوَاقسّْ [زِي ڒْڭنْسْ نّسْ].
LEV 17:15 مَارَّا ونِّي إِ غَا إِشّنْ زڭْ إِشْثْ نْ ڒْخشْبثْ نِيغْ زڭْ إِجّْ ن [ؤُمُودَّارْ] إِمزّْقنْ، مَا نتَّا زِي ثَارْوَا ن ثمُّورْثْ نِيغْ نتَّا ذ إِجّْ ن ؤُبَارَّانِي، أَذْ إِصبّنْ أَرُّوضْ نّسْ ؤُشَا أَذْ إِسِّيرْذْ إِخفْ نّسْ س وَامَانْ ؤُشَا أَذْ يِيڒِي إِخْمجْ أَڒْ ثَامذِّيثْ. [أَوَارْنِي أَيَا] أَذْ يِيڒِي إِزْذڭْ.
LEV 17:16 مَاڒَا وَارْ إِسِّيرْذْ [أَرُّوضْ] ؤُ وَارْ إِسِّيرْذْ أَرِّيمثْ نّسْ، [خنِّي] أَذْ يَارْبُو ڒْمُوعْصِييّثْ نّسْ.“
LEV 18:1 إِسِّيوڒْ سِيذِي أَكْ-ذ مُوسَا، إِنَّا:
LEV 18:2 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي أَسنْ: ’نشّْ ذ سِيذِي، أَربِّي نْومْ!
LEV 18:3 وَارْ تّڭّمْ أَمْ مَامّشْ تّڭّنْ ذِي ثمُّورْثْ ن مِيصْرَا مَانِي ثُوغَا ثْزدّْغمْ كنِّيوْ، ؤُ وَارْ ثتّڭّمْ أَمْ مَامّشْ تّڭّنْ ذِي ثمُّورْثْ ن كنْعَانْ مَانِي كنِّيوْ غَا نذْهغْ، ؤُ وَارْ ثتّڭّمْ عْلَاحْسَابْ ثِيوصَّا نْسنْ.
LEV 18:4 أَذْ ثڭّمْ لْفَارَايِيضْ إِنُو ؤُشَا أَذْ ثحْضَامْ ثِيوصَّا إِنُو، مَاحنْذْ أَذْ ذَايْسنْ ثُويُورمْ: نشّْ ذ سِيذِي، أَربِّي نْومْ!
LEV 18:5 أَذْ ثحْضَامْ ثِيوصَّا إِنُو ذ لْفَارَايِيضْ إِنُو: بْنَاذمْ نِّي ثنْثْ إِتّڭّنْ، أَذْ زَّايْسنْثْ إِدَّارْ، نشّْ ذ سِيذِي!
LEV 18:6 ؤُڒَا ذ إِجّْ أَذْ د-إِقَارّبْ غَارْ شَا ن يِيجّنْ زِي رَادْجْ نّسْ، حِيمَا أَذْ إِسّْعَارَّا ڒْعَارْ نّسْ: نشّْ ذ سِيذِي.
LEV 18:7 وَارْ تّسّْعَارِّي شَا ڒْعَارْ ن بَابَاشْ ذ ڒْعَارْ ن يمَّاشْ. أَقَا-ت ذ يمَّاشْ، وَارْ تّسّْعَارِّي شَا ڒْعَارْ نّسْ.
LEV 18:8 ڒْعَارْ ن ثمْغَارْثْ ن بَابَاشْ وَارْ ث تّسّْعَارِّي شَا. أَقَا-ث ذ ڒْعَارْ ن بَابَاشْ.
LEV 18:9 [خْ] ڒْعَارْ ن ؤُتْشْمَاشْ، يدْجِيسْ ن بَابَاشْ نِيغْ يدْجِيسْ ن يمَّاشْ، نِيغْ نتَّاثْ ثتّْوَاخْڒقْ-د ذِي ثَادَّارْثْ نِيغْ بَارَّا إِ ثَادَّارْثْ، أَقَا ڒْعَارْ نّسْ وَارْ ث ثسّْعَارِّي شَا.
LEV 18:10 [خْ] ڒْعَارْ ن يدْجِيسْ ن مِّيشْ نِيغْ ن يدْجِيسْ ن يدْجِيشْ، وَارْ تّسّْعَارِّي شَا ڒْعَارْ نْسنْ مِينْزِي أَقَا ذ ڒْعَارْ نّشْ.
LEV 18:11 وَارْ تّسّْعَارِّي شَا ڒْعَارْ ن يدْجِيسْ ن ثمْغَارْثْ ن بَابَاشْ، ثنِّي د-إِتّْوَاخڒْقنْ إِ بَابَاشْ. أَقَا-ت ذ ؤُتْشْمَاشْ.
LEV 18:12 وَارْ تّسّْعَارِّي شَا ڒْعَارْ ن ؤُتْشْمَاسْ ن بَابَاشْ. أَقَا-ت ذ رَادْجْ ن بَابَاشْ.
LEV 18:13 وَارْ تّسّْعَارِّي شَا ڒْعَارْ ن ؤُتْشْمَاسْ ن يمَّاشْ، مِينْزِي نتَّاثْ ذ رَادْجْ ن يمَّاشْ.
LEV 18:14 وَارْ تّسّْعَارِّي شَا ڒْعَارْ ن ؤُمَاسْ ن بَابَاشْ ؤُ وَارْ د-تّْقَارَّابذْ غَارْ ثمْغَارْثْ نّسْ، أَقَا-ت ذعنْثِيشْ.
LEV 18:15 وَارْ تّسّْعَارِّي شَا ڒْعَارْ ن ثمْغَارْثْ ن مِّيشْ، أَقَا-ت ذ ثَامْغَارْثْ ن مِّيشْ. وَارْ تّسّْعَارِّي شَا ڒْعَارْ نّسْ.
LEV 18:16 وَارْ تّسّْعَارِّي شَا ڒْعَارْ ن ثمْغَارْثْ ن ؤُمَاشْ، أَقَا-ث ذ ڒْعَارْ ن ؤُمَاشْ.
LEV 18:17 وَارْ ثسّْعَارِّي شَا ڒْعَارْ ن ثمْغَارْثْ ذ يدْجِيسْ. وَارْ د-تَّاوِي شَا يدْجِيسْ ن مِّيسْ نِيغْ يدْجِيسْ ن يدْجِيسْ، مَاحنْذْ أَذْ ثسّْعَارِّيذْ ڒْعَارْ نّسْ. أَقَا أَثنْثْ ذ رَادْجْ [نّشْ]، أَقَا-ت ذ إِشْثْ ن ثْمعْمُوتْشْ [إِفسْذنْ].
LEV 18:18 وَارْ د-تَّاوِي ثَامْغَارْثْ [ذ ثَاشْنَا] أَكْ-ذ ؤُتْشْمَاسْ مَاحنْذْ أَذْ ت ثْغنّذْ [أَمُّو]، خْمِي غَا ثسّْعَارِّيذْ ڒْعَارْ نّسْ أَمْ عَاذْ ثدَّارْ.
LEV 18:19 وَارْ د-تّْقَارَّابْ شَا غَارْ إِشْثْ ن ثمْغَارْثْ خْمِي غَا ثعْزڒْ إِخفْ نّسْ زِي سِّيبّثْ ن ڒخْمجْ نّسْ حِيمَا أَذْ ثسّْعَارِّيذْ ڒْعَارْ نّسْ.
LEV 18:20 وَارْ تّطّصْ أَكْ-ذ ثمْغَارْثْ ن جَّارْ نّشْ، مَاغَارْ [أَمُّو] إِ غَا ثْفسْذذْ إِخفْ نّشْ زَّايسْ.
LEV 18:21 وَارْ تّجِّي أَرَّاوْ نّشْ أَذْ ژْوَانْ غَارْ مُولَاكْ، وَارْ سّخْسَارَا إِسمْ ن أَربِّي نّشْ، نشّْ ذ سِيذِي!
LEV 18:22 وَارْ تّطّصْ شَا أَكْ-ذ شَا ن ورْيَازْ أَمْ ثطّصذْ أَكْ-ذ ثمْغَارْثْ. أَقَا-ت ذ جّْعِيفشْثْ.
LEV 18:23 وَارْ فسّذْ شَا إِخفْ نّشْ أَكْ-ذ شَا ن ڒبْهِيمثْ أَمْ ثْفحّْڒذْ إِخفْ نّشْ أَكِيذسْ، ؤُ ثَامْغَارْثْ وَارْ ثتّْبذِّي زَّاثْ إِ ڒبْهِيمثْ مَاحنْذْ أَذْ ثْفسْذذْ إِخفْ نّسْ زَّايسْ. أَقَا ذ إِجّْ ن ؤُخدْجضْ [إِفسْذنْ].
LEV 18:24 وَارْ فسّْذمْ شَا إِخفْ نْومْ س مَارَّا ثِيمسْڒَايِينْ-أَ، مِينْزِي ڒڭْنُوسْ نِّي إِ غَا سُّوفّْغغْ زَّاثْ إِ ؤُغمْبُوبْ نْومْ، ثُوغَا فسّْذنْ إِخفْ نْسنْ س مَارَّا ثِيمسْڒَايِينْ-أَ.
LEV 18:25 [س ؤُينِّي] ثذْوڒْ ثمُّورْثْ ثفْسذْ ؤُشَا نشّْ أَذْ أَسْ خدْجْصغْ ڒْمُوعْصِييّثْ نّسْ، ؤُشَا أَذْ ثْعُوقّْ ثمُّورْثْ إِمزْذَاغْ نّسْ.
LEV 18:26 [مَاشَا] كنِّيوْ أَذْ ثحْضَامْ ثِيوصَّا ذ لْفَارَايِيضْ إِنُو، وَارْ تّڭّمْ ؤُڒَا ذ إِشْثْ ن ڒْحَاجّثْ زِي مَارَّا جّْعَايفْ-أَ، نِيغْ ونِّي زِي ثَارْوَا ن ثمُّورْثْ ؤُڒَا ذ أَبَارَّانِي نِّي إِزدّْغنْ ذِي ڒْوسْطْ نْومْ.
LEV 18:27 مِينْزِي إِرْيَازنْ ن ثمُّورْثْ، [إِنِّي ثُوغَا] قْبڒْ نْومْ، أَقَا ڭِّينْ مَارَّا جّْعَايفْ-أَ ؤُشَا [أَمُّو إِ] ثذْوڒْ ثمُّورْثْ ثفْسذْ.
LEV 18:28 وَارْ تّجِّي ثَامُّورْثْ أَذْ كنِّيوْ ثْعُوقّْ ؤُمِي ت ثْفسّْذمْ، أَمْ مَامّشْ ثْعُوقّْ [ثمُّورْثْ] ڒْڭنْسْ نِّي ثُوغَا [ذِينْ] قْبڒْ نْومْ.
LEV 18:29 مِينْزِي مَارَّا إِنِّي إِڭِّينْ شَا زِي مَارَّا جّْعَايفْ-أَ، أَقَا ڒعْمُورْ إِ غَا إِڭِّينْ [أَمُّو]، أَذْ تّْوَاقضْعنْ زِي ڒْڭنْسْ نْسنْ.
LEV 18:30 أَذْ ثحْضَامْ مِينْ ذ أَومْ ؤُمُورغْ، مَاحنْذْ وَارْ ثْضفَّارمْ ثِيوصَّا يُورْصُوضنْ أَمْ مَامّشْ ت ڭِّينْ [ڒڭْنُوسْ] قْبڒْ نْومْ. وَارْ زَّايْسنْثْ ثْفسّْذمْ إِخفْ نْومْ، نشّْ ذ سِيذِي، أَربِّي نْومْ!‘ “
LEV 19:1 إِسِّيوڒْ سِيذِي غَارْ مُوسَا، إِنَّا:
LEV 19:2 ”سِيوڒْ أَكْ-ذ مَارَّا ثَامسْمُونْثْ ن أَيْثْ ن إِسْرَائِيل ؤُشَا إِنِي أَسنْ: ’إِتّْخصَّا أَذْ ثِيڒِيمْ ذ إِمْقدَّاسنْ، مِينْزِي نشّْ ذ سِيذِي، أَربِّي نْومْ، أَقَا أَيِي ذ أَمْقدَّاسْ!
LEV 19:3 كُوڒْ إِجّْ أَذْ إِوقَّارْ يمَّاسْ ذ بَابَاسْ ؤُشَا ؤُسَّانْ إِنُو ن سّبْثْ أَذْ ثنْ ثحْضَامْ، نشّْ ذ سِيذِي، أَربِّي نْومْ!
LEV 19:4 وَارْ دِّيكّْوِيڒمْ غَارْ لْ-أَصْنَامْ ؤُ وَارْ تّڭّمْ إِ يِيخفْ نْومْ [ڒخْيَاڒَاثْ] إِفسْينْ ذ إِربِّيثنْ. نشّْ ذ سِيذِي، أَربِّي نْومْ!
LEV 19:5 خْمِي غَا ثْقدّْمنْ ثَاغَارْصْثْ ن ڒهْنَا إِ سِيذِي، [خنِّي] أَذْ ت ثْقدّْممْ س إِجّْ ن وبْرِيذْ إِ زِي غَا ثتّْوَاقبْڒمْ س أَرْضَا.
LEV 19:6 إِتّْخصَّا أَذْ ثتّْوَاشّْ ذڭْ وَاسّْ ن ثْغَارْصْثْ نْومْ ؤُڒَا ذِي ثِيوشَّا أَوَارْنِي أَسْ. مِينْ إِقِّيمنْ أَڒْ وَاسّْ وِيسّْ ثْڒَاثَا أَذْ إِتّْوَاسّشْمضْ س ثْمسِّي.
LEV 19:7 مَاڒَا ثتّْوَاشّْ عَاذْ ذڭْ وَاسّْ وِيسّْ ثْڒَاثَا، أَذْ ثِيڒِي ذ جّْعِيفشْثْ، وَارْ ثتّْوَاقبّڒْ س أَرْضَا.
LEV 19:8 وِي زَّايسْ غَا إِشّنْ أَذْ يَارْبُو ڒْمُوعْصِييّثْ نّسْ، مِينْزِي إِسّخْسَارَا مِينْ إِدْجَانْ ذ أَمْقدَّاسْ ن سِيذِي ؤُشَا [خنِّي] أَذْ إِتّْوَاقسّْ بْنَاذمْ نِّي زِي ڒْڭنْسْ نّسْ.
LEV 19:9 مَاڒَا ثمْجَارمْ صَّابثْ ن ثمُّورْثْ نْومْ، وَارْ مجَّارْ شكْ إِيَّارْ نّشْ أَڒْ أَغزْذِيسْ أَنڭَّارْ نِيغْ أَذْ ثْجمْعذْ مِينْ إِقِّيمنْ أَوَارْنِي ثَاميْرَا نّشْ.
LEV 19:10 وَارْ ڒقّضْ ؤُضِيڒْ ن ؤُمَارْجعْ نّشْ كُوڒْشِي، وَارْ حْرُووْ مَارَّا مِينْ ذِينْ إِقِّيمنْ [ذِي ثمُّورْثْ] ذڭْ ؤُمَارْجعْ نّشْ ن ؤُضِيڒْ. أَذْ ثجّذْ أَيَا إِ ؤُمزْڒُوضْ ؤُ إِ ؤُبَارَّانِي، نشّْ ذ سِيذِي، أَربِّي نْومْ!
LEV 19:11 وَارْ تَّاشَارْ ؤُ وَارْ سّْخَارِّيقْ، ؤُڒَا ذ إِجّْ أَذْ إِشْمثْ جَّارْ نّسْ.
LEV 19:12 وَارْ تّْجَادْجَامْ ژُورْ س يِيسمْ إِنُو. وَارْ سّخْسَارَا إِسمْ ن أَربِّي نّشْ. نشّْ ذ سِيذِي.
LEV 19:13 وَارْ سّْحِيسِّيفْ جَّارْ نّشْ نِيغْ أَذْ [ث] ثَاشَارذْ. وَارْ تّطّفْ ڒْمُونثْ ن إِشوَّاڒنْ زِي دْجِيڒثْ أَڒْ ثِيوشَّا.
LEV 19:14 وَارْ تّكّْوَارْ أَذهْشُورْ ؤُ وَارْ تّڭّْ شَا مِينْ ذِي غَا إِنْقَارضْ ؤُذَارْغَاڒْ، مَاشَا إِتّْخصَّا أَذْ ثڭّْوذذْ أَربِّي، نشّْ ذ سِيذِي!
LEV 19:15 غَارْ وحْكَامْ وَارْ تّْغشِّيمْ. وَارْ سْعِيزِّي أَمزْڒُوضْ ؤُ وَارْ سْعدُّو غَارْ بُو-ثْخُوبَا. إِتّْخصَّا أَذْ ثْحكْمذْ خْ جَّارْ نّشْ س ؤُسڭّذْ.
LEV 19:16 وَارْ ڭُّورْ جَارْ ڒْڭنْسْ نّشْ س ؤُنمّمْ، وَارْ تّْبذِّي خْ إِذَامّنْ ن جَّارْ نّشْ، نشّْ ذ سِيذِي!
LEV 19:17 وَارْ شَارّهْ ؤُمَاشْ ذڭْ وُوڒْ نّشْ. أَذْ ثْعڒْمذْ أَعْڒَامْ إِ جَّارْ نّشْ ؤُ وَارْ ثْكسِّيذْ دّنْبْ خَاكْ زِي سِّيبّثْ نّسْ.
LEV 19:18 وَارْ تّنْثِيقِيمْ نِيغْ أَذْ ثْخمّْڒذْ أَنْثَاقمْ خْ ثَارْوَا ن ڒْڭنْسْ نّشْ. أَذْ ثخْسذْ جَّارْ نّشْ أَمشْنَاوْ إِخفْ نّشْ، نشّْ ذ سِيذِي.
LEV 19:19 أَذْ ثحْضَامْ ثِيوصَّا إِنُو. وَارْ تّْڒقَّامْ شَا ڒبْهِيمثْ نّشْ أَكْ-ذ إِجّْ ن مَارْكَا نّغْنِي. وَارْ زَارّعْ ثْنَاينْ ن مَارْكَاثْ ن زَّارِيعثْ ذڭْ إِيَّارْ نّشْ ؤُ وَارْ يَارّضْ أَرُّوضْ إِتّْوَاڭّنْ س ثْنَاينْ ن مَارْكَاثْ ن ؤُكتَّانْ.
LEV 19:20 مَاڒَا أَرْيَازْ إِطّصْ أَكْ-ذ إِشْثْ ن ثمْغَارْثْ، إِشْثْ ن ثَايَّا إِخْضبْ إِ-ت يِيجّْ ن ورْيَازْ [نّغْنِي]، مَاشَا وَارْ إِتّْوَاخدْجصْ عَاذْ تَّامَانْ نّسْ ن ؤُفكِّي نِيغْ ثمّوْشْ أَسْ ثْڒلِّي، [خنِّي] أَذْ يِيڒِي ڒحْسَابْ، [مَاشَا] وَارْ تّْوَانقّنْ شَا، مِينْزِي نتَّاثْ ثُوغَا [عَاذْ] وَارْ ثتّْوَاحَارْ شَا.
LEV 19:21 نتَّا أَذْ يَاوِي ثَاغَارْصْثْ ن ؤُمَارْوَاسْ نّسْ إِ سِيذِي غَارْ وَاذَافْ ن ؤُقِيضُونْ ن ؤُمْسَاڭَارْ، إِجّْ ن إِشَارِّي [أَمْ] ثْغَارْصْثْ ن ؤُمَارْوَاسْ.
LEV 19:22 أَكهَّانْ أَذْ خَاسْ إِڭّْ أَصْڒَاحْ س إِشَارِّي ن ثْغَارْصْثْ ن ؤُمَارْوَاسْ زَّاثْ إِ وُوذمْ ن سِيذِي إِ دّنْبْ نّسْ إِ إِڭَّا ؤُشَا دّنْبْ نّسْ إِ إِڭَّا أَذْ أَسْ إِتّْوَاغْفَارْ.
LEV 19:23 خْمِي غَا ثَاوْضمْ ذِي ثمُّورْثْ ؤُشَا ثژُّومْ عْڒَامْ كُوڒْ ثِيشجُّورَا، مَاحنْذْ أَذْ زَّايْسنْثْ ثشّمْ، [خنِّي] وَارْ ثْختّْنمْ ’ڒعْذَاڒْيثْ نّسْ‘، ثنِّي ذ ڒْغِيدْجثْ نّسْ. ثْڒَاثَا ن إِسڭّْوُوسَا وَارْ ثنْثْ ثْختّْنمْ، وَارْ زَّايْسنْثْ تّتّمْ شَا.
LEV 19:24 ذڭْ ؤُسڭّْوَاسْ وِيسّْ أَربْعَا أَذْ ثِيڒِي مَارَّا ڒْغِيدْجثْ نّسْ ثْقدّسْ، إِ ؤُسمْغَارْ إِ سِيذِي.
LEV 19:25 ذڭْ ؤُسڭّْوَاسْ وِيسّْ خمْسَا أَذْ ثشّمْ ڒْغِيدْجثْ نّسْ ؤُشَا صَّابثْ نّسْ أَذْ ت ثوْشمْ إِ يِيخفْ نْومْ. نشّْ ذ سِيذِي، أَربِّي نْومْ!
LEV 19:26 وَارْ تّتّمْ شَا أَكْ-ذ إِذَامّنْ. وَارْ إِعدّڒْ أَذْ ثْڭزّْنمْ نِيغْ أَذْ ثْشغْڒمْ إِخفْ نْومْ س ثْبزْڭِيوْثْ.
LEV 19:27 وَارْ تّْحفِّيمْ أَشُوَّافْ ن ؤُزدْجِيفْ نْومْ ذڭْ ونّضْ نّسْ ؤُ وَارْ تّْضيِّيعمْ شَا ثْمَا ن ثْمَارْثْ نْومْ.
LEV 19:28 وَارْ إِعدّڒْ أَذْ ثْشَارْضمْ أَرِّيمثْ نْومْ زِي سِّيبّثْ ن يِيجّْ ن ؤُمتِّينْ نِيغْ أَذْ ثَارشْممْ ثِيڭَّازْ ذِي [أَرِّيمثْ] نْومْ. نشّْ ذ سِيذِي!
LEV 19:29 وَارْ سْذدْجِي يدْجِيشْ، أَذْ ت ثَارّذْ ذ ثَامْغَارْثْ ن فَارْقْ-شّْغڒْ، حِيمَا وَارْ ثْوطِّي ثمُّورْثْ ذِي فَارْقْ-شّْغڒْ ؤُشَا [خنِّي] أَذْ ثشُّورْ ثمُّورْثْ س ڒفْضِيحثْ.
LEV 19:30 أَذْ ثحْضَامْ ؤُسَّانْ إِنُو ن سّبْثْ ؤُشَا أَذْ ثْوقَّارمْ زَّاوشْثْ إِنُو إِقدّْسنْ. نشّْ ذ سِيذِي!
LEV 19:31 وَارْ تّْذِيكّْوِيڒمْ غَارْ يِينِّي إِسَّاوَاڒَانْ أَكْ-ذ إِمتَّانْ ؤُ غَارْ إِڭزَّاننْ، وَارْ غَارْسنْ أَرزّْفمْ، حِيمَا أَذْ زَّايْسنْ ثتّْوَاخمْجمْ. نشّْ ذ سِيذِي، أَربِّي نْومْ!
LEV 19:32 أَذْ ثكَّارذْ إِ ونِّي غَارْ إِدْجَا ؤُشُوَّافْ إِشَابْ ؤُشَا أَذْ ثْوقَّارذْ ؤُذمْ ن إِوسُّورَا ؤُشَا أَذْ ثڭّْوذذْ أَربِّي نّشْ. نشّْ ذ سِيذِي!
LEV 19:33 خْمِي كِيذكْ غَا إِزْذغْ إِجّْ ن ؤُبَارَّانِي ذِي ثمُّورْثْ نْومْ، وَارْ ث تّْضدْجْممْ.
LEV 19:34 أَبَارَّانِي، ونِّي غَارْومْ إِزدّْغنْ، أَذْ أَومْ يِيڒِي أَمْ يِيجّنْ زِي ثَارْوَا ن ثمُّورْثْ نْومْ. أَذْ ث ثخْسذْ أَمْ يِيخفْ نّشْ، مِينْزِي ثُوغَا كنِّيوْ ذ إِبَارَّانِييّنْ ذِي ثمُّورْثْ ن مِيصْرَا. نشّْ ذ سِيذِي، أَربِّي نْومْ!
LEV 19:35 خْمِي غَا ثِيڒِيمْ غَارْ وحْكَامْ وَارْ تّْغشّمْ شَا س [ڒعْبَارْ ن] ثُوزّڭَّارْثْ نِيغْ ن دّْقڒْ نِيغْ س [ڒعْبَارْ] ن مِينْ ذَايسْ.
LEV 19:36 أَذْ غَارْومْ يِيڒِي ذ إِجّْ ن ڒْمِيزَانْ نِيشَانْ ذ إِژْرَا ن ڒْمِيزَانْ نِيشَانْ ؤُڒَا ذ إِجّْ ن إِفَا نِيشَانْ ذ إِجّْ ن ؤُهِينُو نِيشَانْ، نشّْ ذ سِيذِي، أَربِّي نْومْ، ونِّي كنِّيوْ د-إِسُّوفّْغنْ زِي ثمُّورْثْ ن مِيصْرَا.
LEV 19:37 أَذْ ثحْضَامْ مَارَّا ثِيوصَّا ذ ڒُومُورْ إِنُو ؤُشَا أَذْ ثنْ ثڭّمْ. نشّْ ذ سِيذِي!‘ “
LEV 20:1 إِسِّيوڒْ سِيذِي أَكْ-ذ مُوسَا، إِنَّا:
LEV 20:2 ”أَذْ ثِينِيذْ إِ أَيْثْ ن إِسْرَائِيل: ’كُوڒْ إِجّنْ زڭْ أَيْثْ ن إِسْرَائِيل نِيغْ زڭْ إِبَارَّانِييّنْ، ونِّي إِ غَا إِوْشِينْ زڭْ إِحنْجِيرنْ نّسْ إِ مُولَاكْ، أَذْ إِتّْوَانغْ نِيشَانْ. ڒْڭنْسْ ن ثمُّورْثْ أَذْ ث يَارْجمْ.
LEV 20:3 نشّْ أَذْ قڒْبغْ ؤُذمْ إِنُو خْ ورْيَازْ نِّي ؤُشَا أَذْ ث قضْعغْ زِي ڒْڭنْسْ نّسْ، مِينْزِي نتَّا أَقَا إِوْشَا زِي زَّارِيعثْ نّسْ إِ مُولَاكْ. س ؤُينِّي ثُوغَا إِسّخْمجْ زَّاوشْثْ إِنُو إِقدّْسنْ ؤُشَا إِسّخْسَارْ إِسمْ أَمْقدَّاسْ إِنُو.
LEV 20:4 مَاڒَا ثَارْوَا ن ثمُّورْثْ قّْننْ ثِيطَّاوِينْ نْسنْ خْ ورْيَازْ نِّي، خْمِي غَا إِوْشْ نتَّا زِي زَّارِيعثْ نّسْ إِ مُولَاكْ، ؤُشَا نِيثْنِي وَارْ ث نقّنْ،
LEV 20:5 خنِّي نشّْ أَذْ قڒْبغْ ؤُذمْ إِنُو خْ ورْيَازْ نِّي ؤُ خْ ڒَادْجْ نّسْ ؤُشَا أَذْ ث قضْعغْ زِي جَارْ ڒْڭنْسْ نّسْ، نتَّا ذ مَارَّا إِنِّي إِسّفْسَاذنْ إِخفْ نْسنْ أَمْ دّكّْوَاڒنْ أَوَارْنِي أَسْ مَاحنْذْ أَذْ سّْفسْذنْ إِخفْ نْسنْ أَكْ-ذ مُولَاكْ.‘ “
LEV 20:6 ”بْنَاذمْ نِّي إِ غَا إِقڒْبنْ إِخفْ نّسْ غَارْ يِينِّي إِسَّاوَاڒَانْ أَكْ-ذ إِمتَّانْ ذ إِڭزَّاننْ، مَاحنْذْ أَذْ ذوْڒنْ أَوَارْنِي أَسنْ أَمْ سّْفسْذنْ إِخفْ نْسنْ، نشّْ أَذْ قڒْبغْ ؤُذمْ إِنُو خْ بْنَاذمْ نِّي ؤُشَا أَذْ ث قضْعغْ زِي جَارْ ڒْڭنْسْ نّسْ.“
LEV 20:7 ”سْقدّْسمْ إِخفْ نْومْ، إِڒِيمْ ذ إِمْقدَّاسنْ، مِينْزِي نشّْ ذ سِيذِي، أَربِّي نْومْ!
LEV 20:8 حْضَامْ ثِيوصَّا إِنُو ؤُشَا ڭّمْ زَّايْسنْثْ. نشّْ ذ سِيذِي، ونِّي كنِّيوْ إِسّْقدّْسنْ.“
LEV 20:9 ”مَاغَارْ كُوڒْ أَرْيَازْ نِّي إِ غَا إِنعْڒنْ خْ بَابَاسْ نِيغْ خْ يمَّاسْ، أَذْ إِتّْوَانغْ نِيشَانْ. إِنْعڒْ خْ بَابَاسْ نِيغْ خْ يمَّاسْ، إِذَامّنْ نّسْ [أَقَا أَثنْ] خَاسْ.
LEV 20:10 [مَاڒَا] إِجّْ ن ورْيَازْ إِزْنَا أَكْ-ذ ثمْغَارْثْ ن ورْيَازْ [نّغْنِي]، [خنِّي] ونِّي ثُوغَا إِزنَّانْ أَكْ-ذ ثمْغَارْثْ ن جَّارْ نّسْ أَذْ إِتّْوَانغْ نِيشَانْ، ونِّي إِزْنَانْ ذ ثنِّي إِزْنَانْ.
LEV 20:11 [مَاڒَا] إِجّْ ن ورْيَازْ، أَمْ إِطّصْ أَكْ-ذ ثمْغَارْثْ ن بَابَاسْ، أَقَا إِسّْعُورِّي ڒْعَارْ ن بَابَاسْ، [خنِّي] نِيثْنِي س ثْنَاينْ أَذْ تّْوَانْغنْ نِيشَانْ. إِذَامّنْ نْسنْ أَقَا أَثنْ خَاسنْ.
LEV 20:12 [مَاڒَا] إِجّْ ن ورْيَازْ إِطّصْ أَكْ-ذ ثمْغَارْثْ ن مِّيسْ، [خنِّي] نِيثْنِي س ثْنَاينْ أَذْ تّْوَانْغنْ نِيشَانْ. أَقَا ڭِّينْ إِجّْ ن ؤُخدْجضْ إِفسْذنْ. إِذَامّنْ نْسنْ أَقَا أَثنْ خَاسنْ.
LEV 20:13 [مَاڒَا] إِجّْ ن ورْيَازْ إِطّصْ أَكْ-ذ إِجّْ ن ورْيَازْ نّغْنِي أَمْ مَامّشْ إِتّطّصْ [ورْيَازْ] أَكْ-ذ إِشْثْ ن ثمْغَارْثْ، [خنِّي] أَقَا نِيثْنِي س ثْنَاينْ إِذْسنْ ڭِّينْ إِشْثْ ن ڒفْضِيحثْ ثمْغَارْ. أَذْ تّْوَانْغنْ نِيشَانْ. إِذَامّنْ نْسنْ [أَقَا أَثنْ] خَاسنْ.
LEV 20:14 [مَاڒَا] إِمڒْشْ إِجّْ ن ورْيَازْ شَا ن ثمْغَارْثْ ؤُڒَا ذ يمَّاسْ، أَقَا-ت ذ ڒفْضِيحثْ. أَذْ ث سّْشمْضنْ س ثْمسِّي، نتَّا ذ نِيثنْثِي [س ثْنَاينْ]، حِيمَا خنِّي وَارْ ثتِّيڒِي [عَاذْ] ذ ڒفْضِيحثْ ذِي ڒْوسْطْ نْومْ.
LEV 20:15 [مَاڒَا] إِجّْ ن ورْيَازْ إِصُّورْ إِخفْ نّسْ أَكْ-ذ إِشْثْ ن ڒبْهِيمثْ، [خنِّي] إِتّْخصَّا أَذْ إِتّْوَانغْ نِيشَانْ. إِتّْخصَّا [عَاوذْ] أَذْ ثنْغمْ ڒبْهِيمثْ.
LEV 20:16 [مَاڒَا] شَا ن ثمْغَارْثْ ثْقَارّبْ-د غَارْ شَا ن ڒبْهِيمثْ مَامّشْ مَا ثڭَّا، مَاحنْذْ أَذْ كِيذسْ ثْفحّڒْ، [خنِّي] أَذْ ثنْغذْ ثَامْغَارْثْ ذ ڒبْهِيمثْ. أَذْ تّْوَانْغنْ نِيشَانْ. إِذَامّنْ نْسنْ [أَقَا أَثنْ] خَاسنْ.
LEV 20:17 [مَاڒَا] إِجّْ ن ورْيَازْ إِطّفْ ؤُتْشْمَاسْ، يدْجِيسْ ن بَابَاسْ نِيغْ يدْجِيسْ ن يمَّاسْ، ؤُشَا إِژْرَا ڒْعَارْ نّسْ ؤُشَا نتَّاثْ ثژْرَا ڒْعَارْ نّسْ، أَقَا-ت ذ ڒفْضِيحثْ. أَذْ تّْوَانْغنْ [س ثْنَاينْ] زَّاثْ إِ ثِيطَّاوِينْ ن ثَارْوَا ن ڒْڭنْسْ نْسنْ. أَقَا إِسّْعُورِّي ڒْعَارْ ن ؤُتْشْمَاسْ، أَذْ يَارْبُو ڒْمُوعْصِييّثْ نّسْ.
LEV 20:18 [مَاڒَا] إِجّْ ن ورْيَازْ إِطّصْ أَكْ-ذ إِشْثْ ن ثمْغَارْثْ ثنِّي خْ إِدْجَا إِذَامّنْ ؤُشَا أَقَا إِسّْعُورِّي ڒْعَارْ نّسْ، إِسّْعُورِّي أَنُو [ن إِذَامّنْ] نّسْ، ؤُشَا نتَّاثْ سِيمَانْثْ نّسْ ثسّْعُورِّي أَنُو ن إِذَامّنْ نّسْ، [خنِّي] أَذْ تّْوَاقضْعنْ س ثْنَاينْ زِي ڒْوسْطْ ن ڒْڭنْسْ نْسنْ.
LEV 20:19 وَارْ سْعَارِّي شَا ؤُتْشْمَاسْ ن يمَّاشْ نِيغْ ؤُتْشْمَاسْ ن بَابَاشْ، مِينْزِي [خنِّي] إِسّْفطَّاحْ [بْنَاذمْ] ڒْعَارْ ن رَادْجْ نّسْ. نِيثْنِي أَذْ أَرْبُونْ ڒْمُوعْصِييّثْ نْسنْ.
LEV 20:20 [مَاڒَا] إِجّْ ن ورْيَازْ، ونِّي إِتّطّْصنْ أَكْ-ذعنْثِيسْ، أَقَا إِسّْعُورِّي ڒْعَارْ نعمِّيسْ، أَذْ أَرْبُونْ نِيثْنِي ڒْمُوعْصِييّثْ نْسنْ. أَذْ مّْثنْ بْڒَا ثَارْوَا.
LEV 20:21 [مَاڒَا] إِجّْ ن ورْيَازْ يِيوِي ثَامْغَارْثْ ن ؤُمَاسْ، [أَقَا] مَانْ أَيَا ذ [أَعذِّي] خْ وعْزَاڒْ [ن ثمْغَارْثْ]. أَقَا إِسّْعُورِّي ڒْعَارْ ن ؤُمَاسْ. أَذْ إِڒِينْ بْڒَا إِحنْجِيرنْ.‘ “
LEV 20:22 ”حْضَامْ مَارَّا ثِيوصَّا إِنُو ذ مَارَّا لْفَارَايِيضْ إِنُو ؤُشَا ڭّمْ ثنْثْ، مَاحنْذْ وَارْ كنِّيوْ ثتّْعُوقِّي ثمُّورْثْ مَانِي كنِّيوْ إِ غَا نذْهغْ، حِيمَا أَذْ ذَايسْ ثْزذْغمْ.
LEV 20:23 وَارْ ڭُّورمْ خْ ثبْرِيذْثْ ن ثْوصَّا ن ڒْڭنْسْ نِّي غَا سُّوفّْغغْ زَّاثْ إِ وُوذمْ نْومْ، مِينْزِي نِيثْنِي ڭِّينْ مَارَّا ثِيمسْڒَايِينْ-أَ ؤُ [س ؤُيَا] شَارّْهغْ ثنْ.
LEV 20:24 نشّْ نِّيغْ أَومْ: كنِّيوْ أَذْ ثْوَارْثمْ ثَامُّورْثْ نْسنْ ؤُشَا أَذْ أَومْ ت-إِ-د وْشغْ ذ ڒْوَارْثْ، إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ. نشّْ ذ سِيذِي، أَربِّي نْومْ، ونِّي كنِّيوْ إِفَارْزنْ زِي جَارْ ڒڭْنُوسْ.
LEV 20:25 [خْ ؤُيَا] كنِّيوْ أَذْ ثْميّْزمْ جَارْ ڒبْهَايمْ ن ڒحْڒَاڒْ ذ يِينِّي إِخمْجنْ ؤُ جَارْ إِجْضَاضْ إِخمْجنْ ذ يِينِّي ن ڒحْڒَاڒْ. وَارْ سّخْسَارَامْ ڒعْمُوڒْ نْومْ أَكْ-ذ [شَا] ن ڒبْهِيمثْ نِيغْ أَكْ-ذ [شَا] ن وجْضِيضْ نِيغْ أَكْ-ذ [شَا] زِي مَارَّا مِينْ إِتّْبُوعنْ خْ ثمُّورْثْ، [مَارَّا] مِينْ ذ أَومْ حَارّْمغْ، حِيمَا أَذْ ث ثْحسْبمْ ذ ڒخْمجْ.“
LEV 20:26 ”أَقَا كنِّيوْ أَذْ أَيِي ثِيڒِيمْ ذ إِمْقدَّاسنْ، مِينْزِي نشّْ ذ سِيذِي ذ أَمْقدَّاسْ ؤُشَا نشّْ فَارْزغْ كنِّيوْ زِي ڒڭْنُوسْ، حِيمَا أَذْ ثِيڒِيمْ إِنُو.
LEV 20:27 مَاڒَا إِجّْ ن ورْيَازْ نِيغْ إِشْثْ ن ثمْغَارْثْ غَارسْ بُوحْبڒْ ن ؤُعزّمْ ن إِمتَّانْ نِيغْ ن ثْڭزَّانْثْ، [خنِّي] أَذْ تّْوَانْغنْ نِيشَانْ. أَذْ ثنْ أَرجْمنْ. إِذَامّنْ نْسنْ [أَقَا أَثنْ] خَاسنْ.“
LEV 21:1 إِنَّا سِيذِي إِ مُوسَا: ”سِيوڒْ أَكْ-ذ إِكهَّاننْ، أَرَّاوْ ن هَارُونْ، ؤُشَا إِنِي أَسنْ: ’وَارْ إِعدّڒْ إِ ؤُڒَا ذ إِجّْ [زَّايْومْ] أَذْ إِسّخْمجْ إِخفْ نّسْ س إِجّْ ن ؤُمتِّينْ جَارْ ڒْڭنْسْ نّسْ.
LEV 21:2 مْغِيرْ س رَادْجْ نّسْ يُوذْسنْ، س يمَّاسْ نِيغْ س بَابَاسْ نِيغْ س مِّيسْ نِيغْ س يدْجِيسْ نِيغْ س ؤُمَاسْ.
LEV 21:3 ؤُڒَا س ؤُتْشْمَاسْ نِّي ذ ثَاعْزَارْشْثْ، ثنِّي ذ ڒَادْجْ نّسْ يُوذْسنْ ؤُ وَارْ غَارسْ ثُوغِي ورْيَازْ، أَقَا إِعدّڒْ أَذْ زَّايسْ إِسّخْمجْ إِخفْ نّسْ.
LEV 21:4 بَابْ [ن ثَادَّارْثْ] وَارْ إِسّْخمَّاجْ إِخفْ نّسْ جَارْ ڒْڭنْسْ نّسْ. س ؤُيَا إِتّْوَافْ إِسّخْسَارْ إِخفْ نّسْ.“
LEV 21:5 ”وَارْ تّڭّنْ شَا ن ومْشَانْ إِقُوشَّارْ خْ إِزدْجِيفْ نْسنْ، ؤُ وَارْ تّْحفِّينْ طَّارْفْ ن ثْمَارْثْ نْسنْ ؤُ وَارْ شَارّْضنْ أَشَارّضْ ذڭْ ويْسُومْ نْسنْ.
LEV 21:6 أَذْ إِڒِينْ ذ إِمْقدَّاسنْ إِ أَربِّي نْسنْ ؤُشَا وَارْ فطّْحنْ إِسمْ ن أَربِّي نْسنْ، مِينْزِي أَقَا ذ نِيثْنِي إِ إِتَّاوْينْ ثِيوْهِيبِينْ ن ثْمسِّي غَارْ أَربِّي، ثِينِّي ذ مَاشَّا ن أَربِّي نْسنْ. س ؤُيَا أَذْ إِڒِينْ ذ إِمْقدَّاسنْ.
LEV 21:7 وَارْ إِعدّڒْ أَذْ أَوْينْ ثَامْغَارْثْ نِّي إِدْجَانْ ذ لْفَاسْذَا نِيغْ إِشْثنْ ثتّْوَاغْصبْ. ؤُڒَا ذ إِشْثْ ن ثمْغَارْثْ نِّي إِتّْوَادْجْفنْ زڭْ ورْيَازْ نّسْ، وَارْ ت تِّيوْينْ، مِينْزِي [أَكهَّانْ] ذ أَمْقدَّاسْ إِ أَربِّي نّسْ.
LEV 21:8 أَذْ ث ثْحسْبذْ ذ أَمْقدَّاسْ، مِينْزِي نتَّا إِتَّاوِي مَاشَّا ن أَربِّي نّشْ. أَذْ يِيڒِي ذ أَمْقدَّاسْ إِ شكْ، مِينْزِي نشّْ ذ أَمْقدَّاسْ، [نشّْ ذ] سِيذِي ونِّي كنِّيوْ إِسّْقدّْسنْ.“
LEV 21:9 ”مَاڒَا يدْجِيسْ ن إِجّْ ن ورْيَازْ [نِّي إِدْجَانْ ذ] أَكهَّانْ ثسّفْضحْ إِخفْ نّسْ س فَارْقْ-شّْغڒْ [نّسْ]، [خنِّي] أَقَا ثسّفْضحْ بَابَاسْ ؤُشَا إِتّْخصَّا أَسْ أَذْ ثتّْوَاسّشْمضْ س ثْمسِّي.“
LEV 21:10 ”أَرَّايْسْ ن إِكهَّاننْ جَارْ أَيْثْمَاسْ، ونِّي خْ ؤُزدْجِيفْ نّسْ ثتّْوَافَارّغْ زّشْثْ ن وذْهَانْ ؤُ ونِّي إِتّْوَاڒقّْمنْ، مَاحنْذْ أَذْ يَارْضْ أَرُّوضْ [ن ؤُكهَّانْ]، نتَّا وَارْ إِزمَّارْ أَذْ إِضْڒقْ إِ [ؤُشُوَّافْ خْ] ؤُزدْجِيفْ نّسْ نِيغْ أَذْ إِشَارّڭْ أَرُّوضْ نّسْ.
LEV 21:11 وَارْ إِعدّڒْ أَذْ د-إِقَارّبْ غَارْ إِجّْ ن ؤُمتِّينْ، [عَاذْ] س بَابَاسْ ذ يمَّاسْ وَارْ إِعدّڒْ أَذْ إِسّخْمجْ إِخفْ نّسْ.
LEV 21:12 وَارْ إِتّفّغْ زِي زَّاوشْثْ إِقدّْسنْ، حِيمَا وَارْ إِسّخْسَارَا زَّاوشْثْ إِقدّْسنْ ن أَربِّي، مِينْزِي تَّاجْ [ن وعْزَاڒْ] ن زّشْثْ ن وذْهَانْ ن أَربِّي نّسْ أَقَا-ث خَاسْ. نشّْ ذ سِيذِي!
LEV 21:13 أَذْ يَاوِي إِشْثْ ن ثعْزَارشْثْ ذ ثَامْغَارْثْ.
LEV 21:14 وَارْ إِتِّيوِي ثَاجَّاتْشْ نِيغْ ثَاندْجَافْثْ نِيغْ ثنِّي إِتّْوَاغصْبنْ [ذ ثَامْغَارْثْ]، مَاشَا أَذْ يَاوِي إِشْثْ ن ثعْزَارشْثْ زِي ڒْڭنْسْ نّسْ ذ ثَامْغَارْثْ.
LEV 21:15 وَارْ إِسّخْسَارَا زَّارِيعثْ نّسْ جَارْ ڒْڭنْسْ نّسْ، مِينْزِي نشّْ ذ سِيذِي، ونِّي ث إِسّْقدّْسنْ.“
LEV 21:16 إِسِّيوڒْ سِيذِي أَكْ-ذ مُوسَا، إِنَّا:
LEV 21:17 ”سِيوڒْ أَكْ-ذ هَارُونْ، إِنِي: ’ؤُڒَا ذ إِجّْ زِي زَّارِيعثْ نّشْ ذِي [مَارَّا] جِّيڒَاثْ نْسنْ إِ ذِي إِدْجَا شَا ن ؤُنعْضَابْ، أَذْ د-إِقَارّبْ، حِيمَا أَذْ يَاوِي مَاشَّا [ن ثوْهِيبْثْ] ن أَربِّي نّسْ.
LEV 21:18 مِينْزِي ؤُڒَا ذ إِجّْ ن ورْيَازْ وَارْ د-إِتّْقَارِّيبْ شَا س يِيجّْ ن ڒْعِيبْ، مَا ذ أَذَارْغَاڒْ إِ إِدْجَا نِيغْ ذ أَقِيذَارْ نِيغْ س شَا وَارْ إِحْڒِي نِيغْ غَارسْ صِّيفثْ ثْفَارْغْ
LEV 21:19 نِيغْ إِجّْ ن ورْيَازْ يَارْژْ أَسْ ؤُضَارْ نِيغْ أَفُوسْ
LEV 21:20 نِيغْ بُو-ثعْرُورْثْ نِيغْ [حذْ يَاڒْوسْ ذِي شَا ن] يِيجّْ ن تّجَّاڒْ نِيغْ س إِشْثْ ن ثِيطّْ ثُوفّْ نِيغْ س جْذَامْ نِيغْ س إِشْثْ ن شَّامثْ ثخْسَارْ نِيغْ س إِقدْجَاڒنْ إِذْڭذْڭنْ.
LEV 21:21 وَارْ إِعدّڒْ إِ ؤُڒَا ذ إِجّْ ن ورْيَازْ زِي زَّارِيعثْ ن ؤُكهَّانْ هَارُونْ، ونِّي ذِي إِدْجَا شَا ن ڒْعِيبْ، أَذْ إِرحّڭْ، مَاحنْذْ أَذْ إِقدّمْ ثِيوْهِيبِينْ ن ثْمسِّي ن سِيذِي. أَقَا ذَايسْ أَنعْضَابْ، وَارْ إِزمَّارْ أَذْ إِفّغْ مَاحنْذْ أَذْ إِقدّمْ مَاشَّا [ن ثوْهِيبْثْ] ن أَربِّي نّسْ.
LEV 21:22 زِي مَاشَّا [ن ثوْهِيبْثْ] ن أَربِّي نّسْ إِعدّڒْ أَذْ زَّايسْ يشّْ، أَمْ زِي مِينْ إِدْجَانْ إِقدّْسنْ قَاعْ أَمْ زِي مِينْ إِقدّْسنْ.
LEV 21:23 مَاشَا وَارْ إِعدّڒْ أَذْ د-إِقَارّبْ غَارْ ؤُڒحَّافْ ؤُڒَا غَارْ ؤُعَالْطَارْ، مِينْزِي ذَايسْ إِشْثْ ن ؤُنعْضَابْ، حِيمَا وَارْ إِسّخْسَارَا ثِيزَاوِييِّينْ إِقدّْسنْ إِنُو، مِينْزِي نشّْ ذ سِيذِي ونِّي ثنْ إِسّْقدّْسنْ.‘ “
LEV 21:24 [أَمُّو] إِ إِسِّيوڒْ مُوسَا أَكْ-ذ هَارُونْ ؤُ أَكْ-ذ وَارَّاوْ نّسْ ؤُ أَكْ-ذ مَارَّا أَيْثْ ن إِسْرَائِيل.
LEV 22:1 إِسِّيوڒْ سِيذِي أَكْ-ذ مُوسَا، إِنَّا:
LEV 22:2 ”سِيوڒْ أَكْ-ذ هَارُونْ ؤُ أَكْ-ذ وَارَّاوْ نّسْ، مَاحنْذْ، [مَاڒَا إِتّْخصَّا]، وَارْ تَّاكّْوَاضنْ غَارْ ثوْهِيبِينْ إِقدّْسنْ ن أَيْثْ ن إِسْرَائِيل ثِينِّي ذ أَيِي سّْقدّْسنْ، حِيمَا وَارْ سّخْسَارَانْ إِسمْ أَمْقدَّاسْ إِنُو. نشّْ ذ سِيذِي!
LEV 22:3 إِنِي أَسنْ: ’مَارَّا أَرْيَازْ زِي زَّارِيعثْ نْومْ ذِي [مَارَّا] جِّيڒَاثْ نْومْ، ونِّي د غَا إِقَارّْبنْ غَارْ ثوْهِيبِينْ إِقدّْسنْ، ثِينِّي سّْقدّْسنْ أَيْثْ ن إِسْرَائِيل إِ سِيذِي، أَمْ إِخْمجْ نتَّا، أَقَا أَذْ إِتّْوَاقسّْ ڒعْمَارْ نِّي زِي زَّاثْ إِ وُوذمْ إِنُو. نشّْ ذ سِيذِي.
LEV 22:4 ؤُڒَا ذ إِجّنْ زِي زَّارِيعثْ ن هَارُونْ نِّي ذِي إِدْجَا ڒْبَارْصْ نِيغْ ونِّي غَارْ إِدْجَا ؤُسيّڒْ، وَارْ إِتّتّْ زِي ثوْهِيبِينْ إِقدّْسنْ أَڒْ غَا يِيڒِي إِزْذِيڭْ. ونِّي إِحَاذَانْ شَا زِي مِينْ إِتّْوَاسّْخمْجنْ س إِجّْ ن ؤُمتِّينْ نِيغْ س إِجّْ ن ورْيَازْ نِّي ثُوغَا س ؤُسيّڒْ ن وَادْجُو،
LEV 22:5 نِيغْ س إِجّْ ن ورْيَازْ نِّي إِحَاذَانْ شَا مِينْ إِتّْبُوعنْ إِ زِي إِذْوڒْ إِخْمجْ، نِيغْ [إِحَاذَا] إِجّْ ن بْنَاذمْ إِ زِي إِذْوڒْ إِخْمجْ س مَامّشْ مَا ثڭَّا ثخْمُوجِي نّسْ،
LEV 22:6 ڒعْمَارْ نِّي إِحَاذَانْ ثْمسْڒَاشْثْ نِيغْ بْنَاذمْ نِّي أَذْ يِيڒِي إِخْمجْ أَڒْ ثَامذِّيثْ، وَارْ إِتّتّْ زِي ثوْهِيبِينْ إِقدّْسنْ، مْغِيرْ أَوَارْنِي إِ غَا إِسِّيرْذْ أَرِّيمثْ نّسْ س وَامَانْ.
LEV 22:7 [خْمِي] د غَا ثغْڒِي ثْفُوشْثْ، أَذْ يِيڒِي إِزْذِيڭْ. أَوَارْنِي أَيَا أَذْ يشّْ زِي ثوْهِيبِينْ إِقدّْسنْ، مِينْزِي أَقَا أَثنْثْ ذ مَاشَّا نّسْ.
LEV 22:8 وَارْ إِتّتّْ زڭْ إِشْثْ ن ڒْخشْبثْ نِيغْ زڭْ [إِجّْ ن ؤُمُودَّارْ] إِمزّْقنْ، مِينْزِي زَّايسْ إِ غَا إِسّخْمجْ إِخفْ نّسْ، نشّْ ذ سِيذِي!
LEV 22:9 أَذْ حْضَانْ مِينْ خفْ ثنْ وصِّيغْ، حِيمَا وَارْ سَّاربُّونْ خْ يِيخفْ نْسنْ دّنْبْ ؤُ خنِّي أَذْ زَّايسْ مّْثنْ، خْمِي غَا سّْعِيدْجْثنْ أَيَا. نشّْ ذ سِيذِي ونِّي ثنْ إِسّْقدّْسنْ.
LEV 22:10 ؤُڒَا ذ إِجّْ ن ؤُبَارَّانِي وَارْ إِتّتّْ زِي ثوْهِيبْثْ إِقدّْسنْ. أَمْعزّبْ [إِ إِزدّْغنْ] جَارْ إِكهَّاننْ ؤُڒَا ذ أَشوَّاڒْ وَارْ تّتّنْ زِي ثوْهِيبْثْ إِقدّْسنْ.
LEV 22:11 [مَاشَا] مَاڒَا أَكهَّانْ إِسْغَا إِجّْ ن بْنَاذمْ س نُّوقَارْثْ نّسْ، أَقَا إِعدّڒْ إِ وَا مَاحنْذْ أَذْ يشّْ زِي مَاشَّا [ن ثوْهِيبْثْ] نّسْ، ؤُڒَا إِ يِينِّي د-إِتّْوَاخڒْقنْ ذِي ثَادَّارْثْ نّسْ.
LEV 22:12 مَاڒَا يدْجِيسْ ن ؤُكهَّانْ ثذْوڒْ ذ ثَامْغَارْثْ ن إِجّْ ن ؤُبَارَّانِي، وَارْ ثتّتّْ شَا زِي [ثوْهِيبْثْ] إِ د-إِتّْوَاسّْڭعّْذنْ زِي ثوْهِيبِينْ إِقدّْسنْ.
LEV 22:13 [مَاشَا] مَاڒَا يدْجِيسْ ن ؤُكهَّانْ أَقَا-ت ذ ثَاجَّاتْشْ نِيغْ ثتّْوَادْجفْ [زڭْ ورْيَازْ نّسْ] ؤُشَا وَارْ غَارسْ أَحنْجِيرْ ؤُشَا ثذْوڒْ-د غَارْ ثَادَّارْثْ ن بَابَاسْ، أَمْ ذِي ثمْژِي نّسْ، [خنِّي] أَذْ ثشّْ زِي مَاشَّا [ن ثوْهِيبْثْ] ن بَابَاسْ، [مَاشَا] ؤُڒَا ذ إِجّْ ن ؤُبَارَّانِي أَذْ زَّايسْ يشّْ.
LEV 22:14 مَاڒَا شَا ن يِيجّنْ إِشَّا زِي ثوْهِيبْثْ إِقدّْسنْ س ؤُودَّارْ، [خنِّي] أَذْ غَارسْ يَارْنِي ثَاسْغَارْثْ ن ثخْمُوسشْثْ ؤُشَا أَذْ يَارّْ ثَاوْهِيبْثْ إِقدّْسنْ غَارْ ؤُكهَّانْ.
LEV 22:15 وَارْ إِعدّڒْ أَذْ سّخْسَارنْ ثِيوْهِيبِينْ إِقدّْسنْ ن أَيْثْ ن إِسْرَائِيل، ثِينِّي سّْڭعّْذنْ نِيثْنِي غَارْ سِيذِي،
LEV 22:16 [أَڒَامِي] إِ غَا سَّارْبُونْ أَمَارْوَاسْ ن ڒْمُوعْصِييّثْ [خْ أَيْثْ ن إِسْرَايِيلْ]، ؤُمِي غَا شّنْ نِيثْنِي زِي ثوْهِيبِينْ نْسنْ إِقدّْسنْ [إِ ذ يَاوْينْ نِيثْنِي س يِيخفْ نْسنْ]، مِينْزِي نشّْ ذ سِيذِي، ونِّي ثنْ إِسّْقدّْسنْ.‘ “
LEV 22:17 إِسِّيوڒْ سِيذِي أَكْ-ذ مُوسَا إِنَّا:
LEV 22:18 ”سِيوڒْ أَكْ-ذ هَارُونْ ذ وَارَّاوْ نّسْ ؤُ أَكْ-ذ مَارَّا أَيْثْ ن إِسْرَائِيل ؤُشَا إِنِي أَسنْ: ’ذ مَانْ أَيَا إِڭُّورْ إِ كُوڒْ إِجّنْ زِي ثَادَّارْثْ ن إِسْرَائِيل ؤُ إِ إِبَارَّانِييّنْ ذِي إِسْرَائِيل، ونِّي إِ غَا يِيوْينْ ثَاوْهِيبْثْ نّسْ ثنِّي د-يُوسِينْ أَكْ-ذ مَارَّا ڒوْعُوذْ نْسنْ ذ مَارَّا ثِيوْهِيبِينْ نْسنْ نِّي وْشِينْ س ڒْخَاضَارْ، ثنِّي قدّْمنْ نِيثْنِي ذ ثَاغَارْصْثْ ن وشْمَاضْ إِ سِيذِي.
LEV 22:19 مَاحنْذْ أَذْ كنِّيوْ يَارّْ أَذْ ثِيڒِيمْ ثتّْوَاقبّْڒمْ إِتّْخصَّا أَذْ ثِيڒِي ثوْهِيبْثْ ذ إِجّْ ن ووْثمْ إِشْنَانْ قَاعْ زڭْ إِفُونَاسنْ نِيغْ زڭْ إِزْمَارنْ نِيغْ زڭْ إِشَارِّييّنْ.
LEV 22:20 وَارْ إِعدّڒْ أَذْ ثْقدّْممْ شَا [ن ڒْمَاڒْ] ذَايسْ أَنعْضَابْ، مِينْزِي أَيَا وَارْ كنِّيوْ د-إِتَّارِّي أَذْ ذَايْومْ إِتّْوَافْ أَرْضَا.
LEV 22:21 مَاڒَا إِجّْ ن ورْيَازْ إِقدّمْ إِشْثْ ن ثْغَارْصْثْ ن ڒهْنَا غَارْ سِيذِي، مَاحنْذْ أَذْ إِكمّڒْ إِجّْ ن لْوَاعْذْ نِيغْ أَمْ يِيشْثْ ن ثوْهِيبْثْ س ڒْخَاضَارْ، [خنِّي أَذْ ثِيڒِي ثَاغَارْصْثْ ذ إِجّْ ن ؤُمُودَّارْ] إِشْنَانْ قَاعْ زِي ڒبْهَايمْ نِيغْ زڭْ وُودْجِي، حِيمَا أَذْ ذَايسْ إِتّْوَافْ أَرْضَا. وَارْ إِعدّڒْ أَذْ ذَايسْ يِيڒِي ؤُڒَا ذ إِجّْ ن ڒْعِيبْ.
LEV 22:22 مِينْ إِدْجَانْ ذ أَذَارْغَاڒْ نِيغْ مِينْ إِتّْوَارْژنْ نِيغْ مِينْ ذِي إِدْجَانْ إِجّْ ن ؤُيزِّيمْ يَارزْمنْ نِيغْ مِينْ ذِي دْجَانْثْ ثْفِيضْڒِيوِينْ نِيغْ جْذَامْ نِيغْ شَّامثْ ثخْسَارْ وَارْ ث-إِ-د-ثسّْقَارَّابمْ شَا غَارْ سِيذِي ؤُشَا وَارْ زَّايسْ تِّيوْيمْ ثَاوْهِيبْثْ ن ثْمسِّي إِ سِيذِي خْ ؤُعَالْطَارْ.
LEV 22:23 [مَاشَا] إِجّْ ن ؤُفُونَاسْ نِيغْ إِجّنْ زڭْ وُودْجِي إِ إِقبْحنْ زِي سِّيبّثْ ن ثُوزّڭَّارْثْ نِيغْ ثُوقُوضضْثْ أَطَّاسْ، إِعدّڒْ أَذْ ث-إِ-د-ثسّْوجْذذْ أَمْ يِيشْثْ ن ثوْهِيبْثْ س ڒْخَاضَارْ، مَاشَا وَارْ ذَايسْ إِتّْوَافْ أَرْضَا إِ يِيجّْ ن لْوَاعْذْ.
LEV 22:24 مِينْ إِذْڭدّْڭنْ، مِينْ إِڒبْزنْ، مِينْ إِمزّْقنْ، مِينْ إِتّْوَاقسّنْ وَارْ ث تِّيوْيمْ غَارْ سِيذِي، وَارْ تّڭّمْ [أَيَا] ذِي ثمُّورْثْ نْومْ.
LEV 22:25 زڭْ ؤُفُوسْ ن مِّيسْ ن ؤُبَارَّانِي وَارْ تّْقدَّاممْ شَا زِي مَارَّا مَانْ أَيَا ؤُڒَا ذ [إِشْثْ ن ثوْهِيبْثْ ذ مَاشَّا] إِ أَربِّي، مِينْزِي ذَايسْ ڒْغشّْ نْسنْ ؤُڒَا ذ نّقْصَانْ نّسْ، [مَانْ أَيَا] وَارْ إِتّْوَاقبِّيڒْ شَا ذِي طّْوعْ نْومْ.‘ “
LEV 22:26 إِسِّيوڒْ سِيذِي أَكْ-ذ مُوسَا، إِنَّا:
LEV 22:27 ”خْمِي د-إِخدْجقْ ؤُفُونَاسْ نِيغْ إِزْمَارْ نِيغْ إِغَايْضْ، [خنِّي] أَذْ يِيڒِي سَاذُو [حطُّو] ن يمَّاسْ سبْعَا ن وُوسَّانْ. زڭْ وَاسّْ وِيسّْ ثْمنْيَا ؤُ أَوَارْنِي أَسْ أَذْ إِصْڒحْ إِ يَارْضَا أَمْ ثوْهِيبْثْ ن ثْمسِّي إِ سِيذِي.
LEV 22:28 وَارْ إِعدّڒْ أَذْ ثْغَارْصذْ إِ ؤُفُونَاسْ نِيغْ إِ يِيجّنْ زڭْ وُودْجِي أَكْ-ذ مِّيسْ ذڭْ وَاسّْ ذ إِجّْ.
LEV 22:29 خْ مِينِّي ثخْسمْ أَذْ ثْقدّْممْ ثَاوْهِيبْثْ ن ؤُقَاذِي إِ سِيذِي، قدّمْ [خنِّي] مِينْ إِصڒْحنْ إِ يَارْضَا نْومْ.
LEV 22:30 أَذْ ثتّْوَاشّْ ذڭْ وَاسّْ نِّي نِّيثْ. وَارْ زَّايسْ تّجِّيمْ شَا أَڒْ صّْبحْ. نشّْ ذ سِيذِي!
LEV 22:31 أَذْ ثحْضَامْ ثِيوصَّا إِنُو ؤُشَا أَذْ زَّايْسنْثْ ثڭّمْ. نشّْ ذ سِيذِي!
LEV 22:32 وَارْ سّخْسَارَامْ إِسمْ إِنُو إِقدّْسنْ، [حِيمَا] نشّْ أَذْ تّْوَاقدّْسغْ ذِي ڒْوسْثْ ن أَيْثْ ن إِسْرَائِيل. نشّْ ذ سِيذِي، ونِّي كنِّيوْ إِسّْقدّْسنْ،
LEV 22:33 ذ ونِّي كنِّيوْ د-إِسُّوفّْغنْ زِي ثمُّورْثْ ن مِيصْرَا، حِيمَا أَذْ إِڒِيغْ ذ أَربِّي إِ كنِّيوْ. نشّْ ذ سِيذِي!‘ “
LEV 23:1 إِسِّيوڒْ سِيذِي أَكْ-ذ مُوسَا، إِنَّا:
LEV 23:2 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي أَسنْ: ’ڒعْيُوذَاثْ إِتّْوَاڭّنْ ن سِيذِي، إِنِّي خْ غَا ثْبَارّْحمْ، أَذْ إِڒِينْ ذ إِمُونِيثنْ إِقدّْسنْ، أَقَا أَثنْثْ ذ ڒعْيُوذَاثْ إِنُو إِتّْوَاڭّنْ.
LEV 23:3 ستَّا ن وُوسَّانْ أَذْ ثْخذْممْ، مَاشَا ذڭْ وَاسّْ وِيسّْ سبْعَا أَذْ يِيڒِي ذ سّبْثْ، أَرَّاحثْ إِمُونْ، إِجّْ ن ؤُمُونِي إِقدّْسنْ. إِتّْخصَّا وَارْ ذَايسْ ثْخدّْممْ. أَقَا ذ سّبْثْ إِ سِيذِي ذِي مَارَّا ثِيزذِّيغِينْ نْومْ.
LEV 23:4 أَقَا ذ إِنَا ذ ڒعْيُوذَاثْ إِتّْوَاڭّنْ ن سِيذِي، إِمُونِيثنْ إِقدّْسنْ، إِنِّي إِ غَا ثْبَارّْحمْ ذڭْ وُوسَّانْ نْسنْ إِتّْوَاڭّنْ.
LEV 23:5 ذڭْ ؤُيُورْ أَمزْوَارُو، ذڭْ [وَاسّْ] وِيسّْ أَرْبعْطَاشْ ن ؤُيُورْ، جَارْ بدُّو ن وزْينْ ن وَاسّْ أَڒْ د-ثوْضَا ثْمذِّيثْ، أَذْ ثِيڒِي ذ ثْغَارْصْثْ ن ؤُسعْذُو ن سِيذِي.
LEV 23:6 ذڭْ وَاسّْ وِيسّْ خمّسْطَاشْ ن ؤُيُورْ نِّيثْ، [أَذْ يِيڒِي] ذ ڒْْعِيذْ ن وغْرُومْ بْڒَا أَنْثُونْ إِ سِيذِي. سبْعَا ن وُوسَّانْ أَذْ ثشّمْ أَغْرُومْ بْڒَا أَنْثُونْ.
LEV 23:7 أَسّْ أَمزْوَارْ أَذْ ثڭّمْ إِجّْ ن ؤُمُونِي إِقدّْسنْ. وَارْ تّڭّمْ ؤُڒَا ذ إِشْثْ ن ڒْخذْمثْ إِ إِتّْخصَّانْ أَذْ ثتّْوَاڭّْ.
LEV 23:8 سبْعَا ن وُوسَّانْ [كمّْڒنْ] أَذْ ثَاوْيمْ إِشْثْ ن ثوْهِيبْثْ ن ثْمسِّي إِ سِيذِي ؤُشَا ذڭْ وَاسّْ وِيسّْ سبْعَا أَذْ ذِينْ يِيڒِي إِجّْ ن ؤُمُونِي إِقدّْسنْ. وَارْ تّڭّمْ ؤُڒَا ذ إِشْثْ ن ڒْخذْمثْ إِ إِتّْخصَّانْ أَذْ ثتّْوَاڭّْ.‘ “
LEV 23:9 إِسِّيوڒْ سِيذِي أَكْ-ذ مُوسَا، إِنَّا:
LEV 23:10 ”سِيوڒْ أَكْ-ذ أَيْثْ ن إِسْرَائِيل، إِنِي أَسنْ: ’مَاڒَا ثِيوْضمْ غَارْ ثمُّورْثْ نِّي ذ أَومْ غَا وْشغْ ؤُشَا أَذْ ثمْجَارمْ صَّابثْ نّسْ، خنِّي أَذْ ثَاوْيمْ إِشْثْ ن ثْقبِّيضْثْ زِي ثْمزْوَارُوثْ ن صَّابثْ نْومْ غَارْ ؤُكهَّانْ.
LEV 23:11 ؤُشَا نتَّا أَذْ إِسّنْهزّْ ثَاقبِّيضْثْ [نِّي] زِي سَّا غَارْ ذَا زَّاثْ إِ وُوذمْ ن سِيذِي، مَاحنْذْ أَذْ ثتّْوَاقبْڒمْ س أَرْضَا. ذِي ثُوفُّوثْ أَوَارْنِي سّبْثْ أَذْ ت إِسّنْهزّْ ؤُكهَّانْ.
LEV 23:12 ذڭْ وَاسّْ مِينْ ذِي إِ غَا ثنْهزّمْ ثَاقبِّيضْثْ، أَذْ ثسّْوجْذمْ [عَاوذْ] إِجّْ ن إِزْمَارْ إِشْنَانْ قَاعْ ن إِجّْ ن ؤُسڭّْوَاسْ أَمْ يِيشْثْ ن ثْغَارْصْثْ ن وشْمَاضْ إِ سِيذِي.
LEV 23:13 أَذْ ثِيڒِي ثوْهِيبْثْ [ن ڒْغِيدْجثْ] زِي ثْنَاينْ ن ثعْشُورَايْ ن إِجّْ ن إِفَا ن وَارنْ أَزْذَاذْ إِخدْجْضنْ س زّشْثْ، أَقَا-ت ذ إِشْثْ ن ثوْهِيبْثْ ن ثْمسِّي س إِشْثْ ن ڒفْوَاحثْ إِتّْفُوحنْ إِ سِيذِي، ؤُ ثَاوْهِيبْثْ نّسْ ن ؤُسيّبْ أَذْ ثِيڒِي ذ بِينُو، إِجّْ ن أَرْبعْ زڭْ إِجّْ ن ؤُهِينُو.
LEV 23:14 وَارْ تّتّمْ أَغْرُومْ ؤُڒَا ذ ثِيذْرِينْ يُورْفنْ نِيغْ ثِيزِيزَاوِينْ أَڒْ أَسّْ مِينْ ذِي د-ثِيوْيمْ ثَاوْهِيبْثْ نْومْ غَارْ أَربِّي. أَقَا-ت ذ إِشْثْ ن ثوْصيّثْ إِ ڒبْذَا إِ [مَارَّا] جِّيڒَاثْ نْومْ مَانِي مَا ثْزدّْغمْ.
LEV 23:15 [أَوَارْنِي أَسْ] أَذْ ثْحسْبمْ س ڒْمقْڒُوبْ إِ يِيخفْ نْومْ زِي صّْبحْ أَوَارْنِي إِ سّبْثْ، زڭْ وَاسّْ مِينْ ذِي د-ثِيوْيمْ ثَاقبِّيضْثْ ن ثوْهِيبْثْ ن ونْهزِّي: إِتّْخصَّا أَذْ إِڒِينْ سبْعَا ن وُوسَّانْ ن سّبْثْ كمّْڒنْ.
LEV 23:16 أَذْ ثْحسّْبمْ خمْسِينْ ن وُوسَّانْ أَڒْ ثُوفُّوثْ ن سّبْثْ وِيسّْ سبْعَا. خنِّي أَذْ ثَاوْيمْ إِشْثْ ن ثوْهِيبْثْ [ن ڒْغِيدْجثْ] ن جْذِيذْ إِ سِيذِي.
LEV 23:17 أَذْ د-ثَاوْيمْ ثْنَاينْ ن ثشْنِيفِينْ ن وغْرُومْ إِ ونْهزِّي زڭْ إِمُوشَانْ مَانِي ثْزدّْغمْ. أَذْ إِڒِينْثْ زِي ثْنَاينْ ن ثعْشُورَايْ [ن يِيجّْ ن إِفَا] ن وَارنْ أَزْذَاذْ، ڭّْوِينْثْ س ونْثُونْ. أَقَا أَثنْثْ ذ ثِيمنْزَا إِ سِيذِي.
LEV 23:18 كنِّيوْ أَذْ د-ثسّْقَارّْبمْ أَكْ-ذ وغْرُومْ [عَاوذْ] سبْعَا ن إِزْمَارنْ شْنَانْ قَاعْ ن إِجّْ ن ؤُسڭّْوَاسْ ذ إِجّْ ن ؤُفُونَاسْ - أَمژْيَانْ ن ثْفُونَاسْثْ - ذ ثْنَاينْ ن إِشَارِّييّنْ. أَذْ إِڒِينْ إِ ثْغَارْصْثْ ن وشْمَاضْ إِ سِيذِي أَكْ-ذ ثوْهِيبْثْ نْسنْ [ن ڒْغِيدْجثْ] ذ ثوْهِيبِينْ نْسنْ ن ؤُسيّبْ، [أَقَا] ذ إِشْثْ ن ثوْهِيبْثْ ن ثْمسِّي س إِشْثْ ن ڒفْوَاحثْ إِتّْفُوحنْ إِ سِيذِي.
LEV 23:19 أَذْ ثسّْوجْذمْ [عَاوذْ] إِجّْ ن ؤُمْيَانْ زڭْ إِغَايْضنْ ذ ثَاغَارْصْثْ ن دّنْبْ ؤُ ثْنَاينْ ن إِزْمَارنْ ن إِجّْ ن ؤُسڭّْوَاسْ ذ ثْغَارْصْثْ نْ ڒهْنَا.
LEV 23:20 أَذْ ثنْ إِسّنْهزّْ ؤُكهَّانْ أَكْ-ذ وغْرُومْ ن ثَامنْزُوثْ زِي سَّا غَارْ ذَا أَمْ يِيشْثْ ن ثوْهِيبْثْ ن ونْهزِّي زَّاثْ إِ وُوذمْ ن سِيذِي، ؤُڒَا ذ ثْنَاينْ ن إِزْمَارنْ. أَذْ إِڒِينْ قدّْسنْ إِ سِيذِي، إِ ؤُكهَّانْ.
LEV 23:21 ذڭْ وَاسّْ نِّيثْ أَذْ ثْبَارّْحمْ إِ يِيجّْ ن ؤُمُونِي إِقدّْسنْ. وَارْ تّڭّمْ ؤُڒَا ذ إِشْثْ ن ڒْخذْمثْ إِ إِتّْخصَّانْ أَذْ ثتّْوَاڭّْ. [أَقَا-ت] ذ إِشْثْ ن ثوْصيّثْ إِ ڒبْذَا مَانِي مَا إِ غَا ثْزذْغمْ إِ [مَارَّا] جِّيڒَاثْ نْومْ.
LEV 23:22 خْمِي غَا ثمْجَارمْ ڒْغِيدْجثْ ن ثمُّورْثْ نْومْ، وَارْ مجَّارْ أَڒْ أَنڭَّارْ ن طَّارْفْ ن ييَّارْ نّشْ، ؤُ مِينْ إِقِّيمنْ ن ڒْغِيدْجثْ نّشْ وَارْ ث ثْكسّذْ شَا. إِتّْخصَّا أَذْ ثجّمْ [شْوَايْثْ] إِ ؤُمزْڒُوضْ ؤُ إِ ؤُبَارَّانِي. نشّْ ذ سِيذِي، أَربِّي نْومْ!‘ “
LEV 23:23 إِسِّيوڒْ سِيذِي أَكْ-ذ مُوسَا، إِنَّا:
LEV 23:24 ”سِيوڒْ أَكْ-ذ أَيْثْ ن إِسْرَائِيل، إِنِي أَسنْ: ’ذڭْ ؤُيُورْ وِيسّْ سبْعَا، ذڭْ [وَاسّْ] أَمزْوَارُو ن ؤُيُورْ، أَذْ يِيڒِي ذ سّبْثْ إِ كنِّيوْ، إِجّْ ن وَاسّْ ن ڒِيذَارثْ أَكْ-ذ ؤُسُوضِي س وسْرُودّحْ ذڭْ ؤُيِيشّْ ن إِشَارِّي، إِجّْ ن ؤُمُونِي إِقدّْسنْ.
LEV 23:25 وَارْ تّڭّمْ ؤُڒَا ذ إِشْثْ ن ڒْخذْمثْ إِ إِتّْخصَّانْ أَذْ ثتّْوَاڭّْ. أَذْ د-ثسْقَارّْبمْ إِشْثْ ن ثوْهِيبْثْ ن ثْمسِّي إِ سِيذِي.‘ “
LEV 23:26 إِسِّيوڒْ سِيذِي أَكْ-ذ مُوسَا، إِنَّا:
LEV 23:27 ”ذڭْ [وَاسّْ] وِيسّْعشْرَا ن ؤُيُورْ وِيسّْ سبْعَا أَذْ يِيڒِي ذ أَسّْ ن وصْڒَاحْ. أَذْ ثڭّمْ إِجّْ ن ؤُمُونِي إِقدّْسنْ إِ كنِّيوْ. أَذْ ثسّْوَاضْعمْ إِخفْ نْومْ ؤُشَا أَذْ ثْقدّْممْ إِشْثْ ن ثوْهِيبْثْ ن ثْمسِّي إِ سِيذِي.
LEV 23:28 وَارْ تّڭّمْ ؤُڒَا ذ إِشْثْ ن ڒْخذْمثْ ذڭْ وَاسّْ نِّي نِّيثْ، مِينْزِي أَقَا-ث ذ أَسّْ ن وصْڒَاحْ، مَاحنْذْ أَذْ إِتّْوَاڭّْ وصْڒَاحْ إِ كنِّيوْ زَّاثْ إِ وُوذمْ ن سِيذِي، أَربِّي نْومْ.
LEV 23:29 مِينْزِي مَارَّا بْنَاذمْ نِّي وَارْ إِسّْوَاضْعنْ إِخفْ نّسْ ذڭْ وَاسّْ نِّي نِّيثْ، أَذْ إِتّْوَاقسّْ زِي ڒْڭنْسْ نّسْ.
LEV 23:30 كُوڒْ بْنَاذمْ نِّي إِ غَا إِڭِّينْ شَا ن ڒْخذْمثْ ذڭْ وَاسّْ نِّي نِّيثْ، نشّْ أَذْ ثحِّيغْ بْنَاذمْ نِّي زِي ڒْوسْطْ ن ڒْڭنْسْ نّسْ.
LEV 23:31 وَارْ تّڭّمْ ؤُڒَا ذ إِشْثْ نْ ڒْخذْمثْ. [أَقَا-ت] ذ إِشْثْ ن ثوْصيّثْ إِ ڒبْذَا إِ [مَارَّا] جِّيڒَاثْ نْومْ مَانِي مَا إِ غَا ثْزذْغمْ.
LEV 23:32 أَذْ يِيڒِي ذ إِجّْ ن سّبْثْ ن أَرَّاحثْ ثْمُونْ إِ كنِّيوْ. أَذْ إِڒِينْ ڒعْمُورْ نْومْ حْصَارنْ. ذڭْ [وَاسّْ] وِيسّْ ثسْعَا ن ؤُيُورْ، ذِي دْجِيڒثْ، زڭْ ؤُعشِّي غَارْ ؤُعشِّي نّغْنِي أَذْ ثحْضَامْ أَرَّاحثْ نْومْ ن سّبْثْ.“
LEV 23:33 إِسِّيوڒْ سِيذِي أَكْ-ذ مُوسَا، إِنَّا:
LEV 23:34 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي: ’ذڭْ وَاسّْ وِيسّْ خمّسْطَاشْ ن ؤُيُورْ وِيسّْ سبْعَا [أَذْ يِيڒِي] ذ ڒْْعِيذْ ن إِعُوشُّوثنْ إِ سِيذِي، سبْعَا ن وُوسَّانْ.
LEV 23:35 ذڭْ وَاسّْ أَمزْوَارُو أَذْ يِيڒِي يِيجّْ ن ؤُمُونِي إِقدّْسنْ. وَارْ تّڭّمْ ؤُڒَا ذ إِشْثْ ن ڒْخذْمثْ إِ إِتّْخصَّانْ أَذْ ثتّْوَاڭّْ.
LEV 23:36 سبْعَا ن وُوسَّانْ أَذْ ثْقدّْممْ ثِيوْهِيبِينْ ن ثْمسِّي غَارْ سِيذِي. ذڭْ وَاسّْ وِيسّْ ثْمنْيَا أَذْ ذِينْ يِيڒِي يِيجّْ ن ؤُمُونِي إِقدّْسنْ ؤُشَا أَذْ ثَاوْيمْ إِشْثْ ن ثوْهِيبْثْ ن ثْمسِّي إِ سِيذِي. أَقَا ذ إِجّْ ن ؤُمُونِي إِفَارْزنْ [ذ أَمْقدّسْ]، وَارْ تّڭّمْ ؤُڒَا ذ إِشْثْ نْ ڒْخذْمثْ إِ إِتّْخصَّانْ أَذْ ثتّْوَاڭّْ.
LEV 23:37 ثِينَا ذ ڒعْيُوذَاثْ إِتّْوَاڭّنْ ن سِيذِي، ثِينِّي زِي غَا ثْبَارّْحمْ ذ إِمُونِيثنْ إِقدّْسنْ، مَاحنْذْ أَذْ ثْقدّْممْ إِشْثْ ن ثوْهِيبْثْ ن ثْمسِّي غَارْ سِيذِي، إِشْثْ ن ثْغَارْصْثْ ن وشْمَاضْ ذ إِشْثْ ن ثوْهِيبْثْ [ن ڒْغِيدْجثْ،] إِشْثْ ن ثوْهِيبْثْ إِ ثْغَارْصْثْ ذ ثوْهِيبِينْ ن ؤُسيّبْ، كُوڒْ أَسّْ مِينْ إِتّْوَاڭّنْ إِ وَاسّْ نِّي،
LEV 23:38 بَارَّا إِ [ثْغَارْصَا نْومْ ن] وُوسَّانْ ن سّبْثْ ن سِيذِي ذ ثوْهِيبِينْ نْومْ ن لْوُوعُوذْ نْومْ ذ ثوْهِيبِينْ نْومْ س ڒْخَاضَارْ، إِنِّي [ثتّْنُوممْ] أَذْ ثنْثْ ثوْشمْ إِ سِيذِي.
LEV 23:39 مَاشَا ذڭْ وَاسّْ وِيسّْ خمّسْطَاشْ ن ؤُيُورْ وِيسّْ سبْعَا، خْمِي غَا ثسّْمُونمْ ڒْغِيدْجثْ ن ثمُّورْثْ، [خنِّي] أَذْ ثْعيّْذمْ ڒْعِيذْ ن سِيذِي، سبْعَا ن وُوسَّانْ. ذڭْ وَاسّْ أَمزْوَارُو [أَذْ يِيڒِي] يِيجّْ ن وَاسّْ ن سّبْثْ ؤُڒَا ذڭْ وَاسّْ وِيسّْ ثْمنْيَا [أَذْ ذِينْ يِيڒِي] يِيجّْ ن وَاسّْ ن سّبْثْ.
LEV 23:40 ذڭْ وَاسّْ أَمزْوَارُو أَذْ ثكْسِيمْ ڒْغِيدْجثْ ن ثْشجُّورَا إِشوَّارنْ: ثِيسضْوِينْ ن ثِينِي ذ ثِيسضْوِينْ ن ثْشجُّورَا س ثفْرَايْ أَطَّاسْ ذ [ثْسضْوِينْ] ن ثْشجَّارْثْ ن ثْنمْڒَاتْشْ ن ثْغزْرَاثِينْ. سبْعَا ن وُوسَّانْ أَذْ ثْفَارْحمْ زَّاثْ إِ وُوذمْ ن سِيذِي، أَربِّي نْومْ.
LEV 23:41 أَذْ ثْعيّْذمْ ڒْعِيذْ [ن إِعُوشُّوثنْ] سبْعَا ن وُوسَّانْ ذڭْ ؤُسڭّْوَاسْ إِ سِيذِي. [أَقَا-ت] ذ إِشْثْ ن ثوْصيّثْ إِ ڒبْذَا إِ [مَارَّا] جِّيڒَاثْ نْومْ. أَذْ ث ثْعيّْذمْ ذڭْ ؤُيُورْ وِيسّْ سبْعَا.
LEV 23:42 أَذْ ثْزذْغمْ سبْعَا ن وُوسَّانْ ذڭْ إِعُوشُّوثنْ. مَارَّا إِنِّي د-إِتّْوَاخڒْقنْ ذِي إِسْرَائِيل أَذْ زذْغنْ ذڭْ إِعُوشُّوثنْ،
LEV 23:43 حِيمَا أَذْ سّْننْ [مَارَّا] جِّيڒَاثْ نْومْ، بلِّي نشّْ ڭِّيغْ أَذْ زذْغنْ أَيْثْ ن إِسْرَائِيل ذڭْ إِعُوشُّوثنْ، ؤُمِي ثنْ سُّوفّْغغْ زِي ثمُّورْثْ ن مِيصْرَا. نشّْ ذ سِيذِي، أَربِّي نْومْ!‘ “
LEV 23:44 [أَمُّو] إِ إِسِّيوڒْ مُوسَا أَكْ-ذ أَيْثْ ن إِسْرَائِيل خْ ڒعْيُوذَاثْ إِتّْوَاڭّنْ ن سِيذِي.
LEV 24:1 إِسِّيوڒْ سِيذِي أَكْ-ذ مُوسَا، إِنَّا:
LEV 24:2 ”ؤُمُورْ أَيْثْ ن إِسْرَائِيل مَاحنْذْ أَذْ أَشْ د-أَوْينْ إِ ثْفَاوْثْ زّشْثْ إِصْفَانْ تّْوَادّْزنْ ت-إِ-د زِي زِّيثُونْ، حِيمَا أَذْ ثجّمْ ثَافَاوْثْ ثَارقّْ ڒبْذَا.
LEV 24:3 هَارُونْ أَذْ ت إِستّفْ ڒبْذَا زَّاثْ إِ وُوذمْ ن سِيذِي زِي دْجِيڒثْ أَڒْ صّْبحْ زَّاثْ ن ؤُڒحَّافْ ن شّْهَاذثْ ذڭْ ؤُقِيضُونْ ن ؤُمْسَاڭَارْ. [أَقَا-ت] ذ إِشْثْ ن ثوْصيّثْ إِ ڒبْذَا إِ [مَارَّا] جِّيڒَاثْ نْومْ.
LEV 24:4 إِتّْخصَّا أَسْ أَذْ إِستّفْ ڒبْذَا [ثِيفْثِيڒِينْ ن] ثْفَاوِينْ إِ إِدْجَانْ خْ ڒْقنْذِيڒْ إِزْذِيڭنْ زَّاثْ إِ وُوذمْ ن سِيذِي.
LEV 24:5 أَذْ ثكْسِيذْ وَارنْ أَزْذَاذْ ؤُشَا أَذْ زَّايسْ ثسّنْڭّْوذْ ثنْعَاشْ ن ڒمْسمْنَاثْ. إِشْثْ ن ثمْسمّمْثْ أَذْ ثِيڒِي زِي ثْنَاينْ ن ثعْشُورِينْ [ن يِيجّْ ن إِفَا ن وَارنْ أَزْذَاذْ].
LEV 24:6 أَذْ ثنْثْ ثڭّذْ ذِي ثْنَاينْ ن إِستِّيفنْ، ستَّا ذڭْ إِجّْ ن ؤُستِّيفْ خْ ثْزوْضَا إِزْذِيڭنْ زَّاثْ إِ وُوذمْ ن سِيذِي.
LEV 24:7 أَذْ ثڭّذْ خْ [كُوڒْ] أَستِّيفْ جَّاوِي إِصْفَانْ نِّي غَا يِيڒِي إِ ڒِيذَارثْ أَكْ-ذ وغْرُومْ. [أَقَا-ت] ذ إِشْثْ ن ثوْهِيبْثْ ن ثْمسِّي إِ سِيذِي.
LEV 24:8 ذِي كُوڒْ أَسّْ ن سّبْثْ أَذْ إِستّفْ أَيَا ڒبْذَا زَّاثْ إِ وُوذمْ ن سِيذِي ذِي طّْوعْ ن أَيْثْ ن إِسْرَائِيل. [أَقَا-ث] ذ إِجّْ ن ڒْعَاهْذْ إِ ڒبْذَا.
LEV 24:9 أَذْ يِيڒِي [وغْرُومْ] إِ هَارُونْ ذ وَارَّاوْ نّسْ، إِنِّي ث غَا إِشّنْ ذڭْ ومْشَانْ أَمْقدَّاسْ، مِينْزِي إِ نتَّا إِ إِدْجَا ؤُيَا ذ أَمْقدَّاسْ قَاعْ زِي ثوْهِيبِينْ ن ثْمسِّي ن سِيذِي. [أَقَا-ت] ذ إِشْثْ ن ثوْصيّثْ إِ ڒبْذَا.“
LEV 24:10 مِّيسْ ن إِشْثْ ن ثمْغَارْثْ ثِيسْرَا‘إِلشْثْ ثفّغْ غَارْ بَارَّا. نتَّا ثُوغَا-ث ذ مِّيسْ ن إِجّْ ن ورْيَازْ ذ أَمِيصْرِي إِزدّْغنْ جَارْ أَيْثْ ن إِسْرَائِيل. مِّيسْ ن ثمْغَارْثْ-أَ ثِيسْرَا‘إِلشْثْ ؤُ إِجّْ ن ورْيَازْ إِسْرَايِيلِي مّنْغنْ أَكْ-ذ وَايَاوْيَا ذِي ڒْمَارْڭحْ ن ڒْعسْكَارْ.
LEV 24:11 مِّيسْ ن ثمْغَارْثْ ثِيسْرَا‘إِلشْثْ إِشقّفْ ذڭْ يِيسمْ ؤُشَا إِكّْوَارْ. [خنِّي] إِوْينْ ث غَارْ مُوسَا. يمَّاسْ، قَّارنْ أَسْ شِيلُومِييَا، يدْجِيسْ ن ذِيبْرِي، زِي ثقْبِيتْشْ ن دَان.
LEV 24:12 ڭِّينْ أَذْ خَاسْ حْضَانْ أَڒَامِي ذ أَسنْ إِ غَا إِمّڒْ [مِينْ إِ غَا ڭّنْ] زڭْ ؤُقمُّومْ ن سِيذِي.
LEV 24:13 ؤُشَا إِسِّيوڒْ سِيذِي أَكْ-ذ مُوسَا، إِنَّا:
LEV 24:14 ”سُوفّغْ ونِّي إِنعْڒنْ بَارَّا إِ ڒْمَارْڭحْ ن ڒْعسْكَارْ ؤُشَا أجّْ مَارَّا إِنِّي ذ أَسْ إِسْڒِينْ أَذْ سَّارْسنْ إِفَاسّنْ نْسنْ خْ ؤُزدْجِيفْ نّسْ. [خنِّي] أَذْ ث ثَارْجمْ ثْمسْمُونْثْ أَمْ ثكْمڒْ.
LEV 24:15 أَذْ ثسِّيوْڒذْ أَكْ-ذ مَارَّا أَيْثْ ن إِسْرَائِيل ؤُشَا أَذْ أَسنْ ثِينِيذْ: ’كُوڒْ أَرْيَازْ إِ غَا إِنعْڒنْ أَربِّي، أَذْ يَارْبُو دّنْبْ نّسْ.
LEV 24:16 ونِّي إِتّْشقَّافنْ ذڭْ يِيسمْ ن سِيذِي، أَذْ إِتّْوَانغْ نِيشَانْ!‘ مَارَّا ثَامسْمُونْثْ أَذْ ث ثَارْجمْ. أَذْ إِتّْوَانغْ ؤُبَارَّانِي ؤُڒَا ذ ونِّي د-إِتّْوَاخڒْقنْ ذِي ثمُّورْثْ مَاڒَا إِتّْشقّفْ ذڭْ يِيسمْ.“
LEV 24:17 ”مَاڒَا إِجّْ ن ورْيَازْ إِنْغَا ڒعْمَارْ ن شَا ن بْنَاذمْ نّغْنِي، [خنِّي] أَذْ إِتّْوَانغْ نِيشَانْ.
LEV 24:18 [مَاشَا] ونِّي إِنْغِينْ ڒعْمَارْ ن إِشْثْ ن ڒبْهِيمثْ، أَذْ يَارّْ ڒعْمَارْ س ڒعْمَارْ.
LEV 24:19 مَاڒَا إِجّْ ن ورْيَازْ إِسّْيِيزمْ جَّارْ نّسْ، [خنِّي] أَذْ زَّايسْ ڭّنْ أَمْ مَامّشْ إِڭَّا نتَّا:
LEV 24:20 ثَارژِّيثْ س ثَارژِّيثْ، ثِيطّْ س ثِيطّْ، ثِيغْمسْثْ س ثغْمسْثْ. أَنشْثْ إِسّْيِيزّمْ نتَّا إِجّْ ن بْنَاذمْ، [أَمُّو] إِ ذ أَسْ غَا ڭّنْ [عَاوذْ].
LEV 24:21 ونِّي إِنْغِينْ إِشْثْ ن ڒبْهِيمثْ، أَذْ ت يَارّْ، ؤُ ونِّي إِنْغِينْ إِجّْ ن بْنَاذمْ، أَذْ إِتّْوَانغْ [سِيمَانْثْ نّسْ].
LEV 24:22 أَذْ غَارْومْ يِيڒِي ذ إِجّْ ن ؤُزرْفْ إِ ؤُبَارَّانِي أَمْ إِ ونِّي د-إِخڒْقنْ ذِي ثمُّورْثْ، مِينْزِي نشّْ ذ سِيذِي، أَربِّي نْومْ!“
LEV 24:23 [خنِّي] إِنَّا مُوسَا إِ أَيْثْ ن إِسْرَائِيل أَذْ سُّوفّْغنْ ونِّي ثُوغَا إِنعّْڒنْ بَارَّا إِ ڒْمَارْڭحْ ن ڒْعسْكَارْ، حِيمَا أَذْ ث أَرجْمنْ. ؤُشَا أَيْثْ ن إِسْرَائِيل ڭِّينْ أَمْ مَامّشْ ذ أَسْ يُومُورْ سِيذِي إِ مُوسَا.
LEV 25:1 إِسِّيوڒْ سِيذِي أَكْ-ذ مُوسَا خْ وذْرَارْ ن سِينَا، إِنَّا:
LEV 25:2 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي أَسنْ: ’خْمِي غَا ثَاوْضمْ غَارْ ثمُّورْثْ نِّي ذ أَومْ غَا وْشغْ، خنِّي أَذْ ثَاريّحْ ثمُّورْثْ، إِجّْ ن وَاريّحْ ن سّبْثْ إِ سِيذِي.
LEV 25:3 ستَّا ن إِسڭّْوُوسَا أَذْ ثْزَارْعذْ إِيَّارْ نّشْ ؤُشَا ستَّا ن إِسڭّْوُوسَا أَذْ ثزْبَارذْ ثِيزَايَارِينْ ن ؤُمَارْجعْ نّشْ ؤُشَا أَذْ ثسّْمُونذْ ڒْغِيدْجثْ نّسْ،
LEV 25:4 مَاشَا ذڭْ ؤُسڭّْوَاسْ وِيسّْ سبْعَا أَذْ ثِيڒِي إِشْثْ ن أَرَّاحثْ ن سّبْثْ إِ ثمُّورْثْ، إِجّْ ن سّبْثْ إِ سِيذِي. وَارْ ثْزَارّْعذْ شَا إِيَّارْ نّشْ ؤُ وَارْ ثْزبَّارذْ شَا ثِيزَايَارِينْ ن ؤُمَارْجعْ نّشْ.
LEV 25:5 مِينْ د-إِغمّْينْ أَمنِّي وَاهَا، وَارْ ث مجَّارمْ ؤُ أَضِيڒْ وَارْ ث زبَّارمْ زِي [ثْزَايَارْثْ] نّشْ إِ وَارْ إِتّْوِيحِيذِينْ. أَذْ يِيڒِي ذ إِجّْ ن ؤُسڭّْوَاسْ ن سّبْثْ إِ ثمُّورْثْ.
LEV 25:6 صَّابثْ ن أَرَّاحثْ ن سّبْثْ ن ثمُّورْثْ نّشْ أَذْ أَومْ ثِيڒِي ذ مَاشَّا، إِ شكْ، إِ يِيسْمغْ نّشْ، إِ ثَايَّا نّشْ، إِ ؤُشوَّاڒْ نّشْ ؤُڒَا إِ ؤُمْعزّبْ نّشْ، إِنِّي أَكِيذكْ إِزدّْغنْ أَمْ يِيبَارَّانِييّنْ.
LEV 25:7 صَّابثْ نّسْ مَارَّا أَذْ ثِيڒِي ذ مَاشَّا إِ ڒبْهَايمْ ؤُ إِ ڒْمَاڒْ نِّي [إِدْجَانْ] ذِي ثمُّورْثْ نّشْ.‘ “
LEV 25:8 ”أَذْ ثْحسّْبمْ كنِّيوْ [عَاوذْ] سبْعَا ن سِّيمَانَاثْ ن إِسڭّْوُوسَا، سبْعَا وّثْ إِ-ت ذِي سبْعَا ن إِسڭّْوُوسَا، مَاحنْذْ أَذْ أَوْضنْ وُوسَّانْ ن سبْعَا ن سِيمَانَاثْ ن إِسڭّْوُوسَا [مُوننْ] غَارْ ثسْعَا ؤُ-ربْعِينْ ن إِسڭّْوُوسَا.
LEV 25:9 خنِّي ذڭْ ؤُيُورْ وِيسّْ سبْعَا، ذڭْ وَاسّْ وِيسّْعشْرَا ن ؤُيُورْ، أَذْ ثجّذْ أَسُوضِي ذڭْ ؤُيِيشّْ ن إِشَارِّي أَذْ إِتّكّْ [خْ ثمُّورْثْ نْومْ] س وسْرُودّحْ. ذڭْ وَاسّْ ن وصْڒَاحْ أَذْ ثجّمْ أَذْ إِتّكّْ ؤُسُوضِي ذڭْ ؤُيِيشّْ ن إِشَارِّي خْ مَارَّا ثَامُّورْثْ نْومْ.
LEV 25:10 أَذْ ثسّْقدّْسمْ أَسڭّْوَاسْ ن ؤُسڭّْوَاسْ وِيسّْ خمْسِينْ. أَذْ ثْبَارّْحمْ س ثْڒلِّي إِ مَارَّا إِمزْذَاغْ ذِي [مَارَّا] ثَامُّورْثْ. أَذْ يِيڒِي ذ إِجّْ ن ؤُسڭّْوَاسْ ن ؤُسْڒِيوْڒوْ إِ كنِّيوْ ؤُشَا أَذْ د-إِعْقبْ كُوڒْ أَرْيَازْ غَارْ وَاڭْڒَا نّسْ ؤُ غَارْ رَادْجْ نّسْ.
LEV 25:11 أَسڭّْوَاسْ ن ؤُسڭّْوَاسْ وِيسّْ خمْسِينْ أَذْ أَومْ يِيڒِي ذ إِجّْ ن [ؤُسڭّْوَاسْ] ن ؤُسْڒِيوْڒوْ. وَارْ ثْزَارّْعمْ ؤُ وَارْ ثْمجَّارمْ مِينْ د-إِغمّْينْ أَمنِّي وَاهَا، ؤُ وَارْ ثْزبَّارمْ شَا زِي ثْزَايَارْثْ وَارْ إِتّْوِيحِيذِينْ،
LEV 25:12 مِينْزِي أَقَا ذ أَسڭّْوَاسْ ن ؤُسْڒِيوْڒوْ! أَقَا ثْزمَّارمْ أَذْ ثشّمْ ڒْغِيدْجثْ ن ييَّارْ.
LEV 25:13 ذڭْ ؤُسڭّْوَاسْ-أَ ن ؤُسْڒِيوْڒوْ أَذْ د-إِعْقبْ كُوڒْ  إِجّنْ غَارْ وَاڭْڒَا نّسْ.“
LEV 25:14 ”مڒْمِي شكْ غَا ثزّنْزذْ شَا إِ جَّارْ نّشْ نِيغْ مَاڒَا ثسْغِيذْ شَا زڭْ ؤُفُوسْ ن جَّارْ نّشْ، وَارْ إِعدّڒْ ؤُڒَا ذ إِجّنْ أَذْ إِغبّنْ ونّغْنِي.
LEV 25:15 [عْلَاحْسَابْ] ڒْقدّْ ن إِسڭّْوُوسَا زڭْ وَامِي إِدْجَا ؤُسڭّْوَاسْ ن ؤُسْڒِيوْڒوْ أَذْ ثسْغذْ [ثَامُّورْثْ] زِي جَّارْ نّشْ ؤُ [عْلَاحْسَابْ] ڒْقدّْ ن إِسڭّْوُوسَا ن صَّابثْ أَذْ كِيكْ يڭّْ ثَامنْزِيوْثْ.
LEV 25:16 مَا أَقَا ذِينِّي عَاذْ أَطَّاسْ ن إِسڭّْوُوسَا غَارْ زَّاثْ، خنِّي أَذْ ثَارْنِيذْ ذِي تَّامَانْ ن ثْمسْغِيوْثْ نّسْ ؤُ مَاڒَا أَقَا ذِينِّي عَاذْ ذْرُوسْ ن إِسڭّْوُوسَا غَارْ زَّاثْ، خنِّي أَذْ ثسّْنقْصمْ ذِي تَّامَانْ ن ثْمسْغِيوْثْ نّسْ، مِينْزِي نتَّا أَذْ أَشْ ت إِزّنْزْ عْلَاحْسَابْ ڒْقدّْ ن [إِسڭّْوُوسَا ن] صَّابثْ.
LEV 25:17 وَارْ إِتّْغبِّي حذْ جَّارْ نّسْ. ڭّْوذْ أَربِّي نّشْ، مِينْزِي أَقَا نشّْ ذ سِيذِي، أَربِّي نْومْ!“
LEV 25:18 ”ضْفَارمْ ثِيوصَّا إِنُو، حْضَامْ لْفَارَايِيضْ إِنُو ؤُشَا ڭّمْ زَّايْسنْثْ، أَذْ ثْزذْغمْ [خنِّي] ذِي ثمُّورْثْ ذِي ڒَامَانْ.
LEV 25:19 ثَامُّورْثْ أَذْ ثوْشْ ڒْغِيدْجثْ نّسْ ؤُ كنِّيوْ أَذْ زَّايسْ ثشّمْ أَڒْ غَا ثجِّيوْنمْ ؤُشَا أَذْ ذِينْ ثْزذْغمْ ذِي ڒَامَانْ.
LEV 25:20 ؤُشَا مَاڒَا ثنِّيمْ: ’مِينْ غَا نشّْ ذڭْ ؤُسڭّْوَاسْ وِيسّْ سبْعَا؟ خْزَارْ، وَارْ نْزمَّارْ أَذْ نْزَارّعْ ؤُ وَارْ نْزمَّارْ أَذْ نسّْمُونِي صَّابثْ نّغْ!‘،
LEV 25:21 [خنِّي] ذڭْ ؤُسڭّْوَاسْ وِيسّْ ستَّا نشّْ أَذْ أَومْ د-سّكّغْ لْبَارَاكَا إِنُو حِيمَا ثَامُّورْثْ أَذْ ثوْشْ رْغِيدْجثْ إِ ثْڒَاثَا ن إِسڭّْوُوسَا.
LEV 25:22 ذڭْ ؤُسڭّْوَاسْ وِيسّْ ثْمنْيَا أَذْ ثْزَارْعمْ [عَاوذْ]. ؤُشَا أَذْ ثشّمْ زِي صَّابثْ ثَاقْذِيمْثْ أَڒْ أَسڭّْوَاسْ وِيسّْ ثسْعَا. أَڒْ إِ غَا ثِيڒِي صَّابثْ نّسْ ن جْذِيذْ، أَذْ ثشّمْ [عَاذْ] زِي [صَّابثْ] ثَاقْذِيمْثْ.“
LEV 25:23 ”ثَامُّورْثْ وَارْ ثتّْمنْزِي إِ ڒبْذَا، مِينْزِي ثَامُّورْثْ أَقَا-ت إِنُو ؤُشَا كنِّيوْ [خنِّي] ذ إِبَارَّانِييّنْ ذ إِمعْزَابْ غَارِي.
LEV 25:24 س ؤُيَا إِتّْخصَّا كنِّيوْ أَذْ ثوْشمْ تّسْرِيحْ مَاحنْذْ أَذْ إِفْذِي ثَامُّورْثْ ذِي مَارَّا ثَامُّورْثْ إِ غَارْومْ إِدْجَانْ ذ وَاڭْڒَا.
LEV 25:25 مَاڒَا ؤُمَاشْ إِژْڒضْ ؤُشَا إِزّنْزْ شَا زڭْ وَاڭْڒَا نّسْ، أَذْ د-يَاسْ ؤُمفْذِي نّسْ، ڒَادْجْ نّسْ يُوذْسنْ، مَاحنْذْ أَذْ إِفْذِي مِينْ إِزّنْزْ ؤُمَاسْ.
LEV 25:26 مَاڒَا أَرْيَازْ وَارْ غَارسْ بُو ؤُمفْذِي، [مَاشَا] أَفُوسْ نّسْ إِزمَّارْ أَذْ يَافْ مِينْ إِشْفَانْ، مَاحنْذْ أَذْ ث إِفْذِي،
LEV 25:27 [خنِّي] أَذْ إِحْسبْ إِسڭّْوُوسَا زڭْ وَامِي ثتّْوَامّنْزْ [ثمُّورْثْ] ؤُشَا أَذْ إِخدْجصْ مِينْ إِقِّيمنْ إِ ورْيَازْ ؤُمِي ت إِزّنْزْ ؤُشَا أَذْ ت-إِ-د-يَارّْ غَارْ وَاڭْڒَا نّسْ.
LEV 25:28 مَاڒَا أَفُوسْ نّسْ وَارْ يُوفِي ڒْقدّْ، حِيمَا أَذْ أَسْ د-يَارّْ مِينْ ثُوغَا إِزّنْزْ، [خنِّي] مِينْ ثُوغَا إِزّنْزْ أَذْ إِقِّيمْ ذڭْ ؤُفُوسْ ن ونِّي ث إِسْغِينْ أَڒْ [أَسڭّْوَاسْ ن] ؤُسْڒِيوْڒوْ. [مَاشَا] ذڭْ ؤُسڭّْوَاسْ ن ؤُسْڒِيوْڒوْ أَذْ إِتّْوَافكّْ مَانْ أَيَا ؤُشَا أَذْ ث-إِ-د-يَارّْ غَارْ وَاڭْڒَا نّسْ.“
LEV 25:29 ”مَاڒَا شَا ن يِيجّنْ إِزّنْزْ ثَادَّارْثْ نّسْ ذڭْ إِشْثْ ن ثنْذِينْثْ ؤُمِي د-نّْضنْ س وغْبَارْ [خنِّي] إِعدّڒْ أَذْ يِيڒِي ؤُفكِّي نّسْ أَڒْ ذ إِعْذُو إِجّْ ن ؤُسڭّْوَاسْ أَمْ إِكْمڒْ زِي ثْمنْزِيوْثْ نّسْ. [مَارَّا] ؤُسَّانْ نِّي إِعدّڒْ أَذْ ت إِفْذِي.
LEV 25:30 [مَاشَا] مَاڒَا وَارْ ثتّْوَافْذِي ذِي ڒْمِيجَاڒْ ن إِجّْ ن ؤُسڭّْوَاسْ، [خنِّي] ثَادَّارْثْ ذِي ثنْذِينْثْ نِّي د-إِنّْضنْ س وغْبَارْ، أَذْ ثِيڒِي ڒبْذَا إِ ونِّي ت إِسْغِينْ، إِ [مَارَّا] جِّيڒَاثْ نّسْ. وَارْ ثتّْوَافكّْ ذڭْ ؤُسڭّْوَاسْ ن ؤُسْڒِيوْڒوْ.
LEV 25:31 [مَاشَا] ثُوذْرِينْ نِّي ن ڒذْشُورْ إِ ؤُمِي وَارْ د-إِنِّيضْ ڒغْبَارْ أَذْ تّْوَاحسْبنْثْ أَمْ يِيجّْ ن ييَّارْ ن ثمُّورْثْ. ذَانِيثَا إِزمَّارْ أَذْ يِيڒِي ڒْحقّْ ن ؤُفكِّي ؤُشَا أَذْ إِتّْوَافكّْ ييَّارْ ذڭْ ؤُسڭّْوَاسْ ن ؤُسْڒِيوْڒوْ.
LEV 25:32 [خْ] ثْندَّامْ ن إِلَاوِييّنْ، ثُوذْرِينْ ذِي ثْندَّامْ ن وَاڭْڒَا نْسنْ، أَقَا إِلَاوِييّنْ غَارْسنْ ڒْحقّْ إِ ڒبْذَا حِيمَا أَذْ ثنْثْ فْذِينْ.
LEV 25:33 مَاڒَا شَا ن يِيجّنْ إِفْذَا [إِ-ت] زڭْ [ؤُفُوسْ ن] إِلَاوِييّنْ، خنِّي أَذْ ثتّْوَافكّْ ثَادَّارْثْ إِ إِمّنْزنْ [إِ إِجّنْ إِ وَارْ إِدْجِينْ زڭْ إِلَاوِييّنْ]، [ثنِّي إِدْجَانْ] ذِي ثنْذِينْثْ ن وَاڭْڒَا نّسْ، ذڭْ ؤُسڭّْوَاسْ ن ؤُسْڒِيوْڒوْ، مِينْزِي ثُوذْرِينْ ن ثْندَّامْ ن إِلَاوِييّنْ أَقَا أَثنْثْ ذ أَڭْڒَا نْسنْ ذِي ڒْوسْطْ ن أَيْثْ ن إِسْرَائِيل.
LEV 25:34 إِيَّارْ نِّي إِقّْننْ غَارْ ثْندَّامْ، وَارْ إِتّْمنْزِي، مِينْزِي [أَقَا-ث] ذ أَڭْڒَا نْسنْ إِ ڒبْذَا.“
LEV 25:35 ”مَاڒَا ؤُمَاشْ إِژْڒضْ ؤُشَا إِفَاسّنْ نّسْ بْذَانْ أَذْ أَرْجِيجنْ ذِينْ غَاركْ، [خنِّي] إِتّْخصَّا أَذْ ث-إِ-د-ثْسنّْذذْ مَاحنْذْ أَذْ إِبدّْ، ؤُڒَا ذ أَبَارَّانِي نِيغْ ذ أَمْعزّبْ، مَاحنْذْ أَذْ إِقِّيمْ أَذْ غَاركْ إِدَّارْ.
LEV 25:36 وَارْ زَّايسْ ثْكسِّيذْ أَرِّيبَا ؤُڒَا ذ أَرْبحْ، مَاشَا أَذْ ثڭّْوْذذْ أَربِّي نّشْ، حِيمَا ؤُمَاشْ إِ ذِينْ غَاركْ أَذْ إِقِّيمْ إِدَّارْ.
LEV 25:37 وَارْ ذ أَسْ تِّيشْ [ثْمنْيَاثْ ن] نُّوقَارْثْ س أَرِّيبَا ؤُ وَارْ ذ أَسْ تِّيشْ مَاشَّا س وَارْبحْ.
LEV 25:38 أَقَا نشّْ ذ سِيذِي، أَربِّي نْومْ، ونِّي كنِّيوْ د-إِسُّوفّْغنْ زِي ثمُّورْثْ ن مِيصْرَا، حِيمَا أَذْ أَومْ وْشغْ ثَامُّورْثْ ن كنْعَانْ ؤُ حِيمَا أَذْ إِڒِيغْ ذ أَربِّي إِ كنِّيوْ.“
LEV 25:39 ”مَاڒَا ؤُمَاشْ إِژْڒضْ أَمْ كِيكْ إِدْجَا ؤُشَا إِمّنْزْ أَشْ إِ شكْ، وَارْ ث ثتَّارِّيذْ أَذْ إِخْذمْ أَمْ يِيسْمغْ.
LEV 25:40 أَذْ كِيكْ إِزْذغْ أَمشْنَاوْ أَشوَّاڒْ، أَمشْنَاوْ إِجّْ ن ؤُمْعزّبْ، ؤُشَا أَذْ غَاركْ إِخْذمْ أَڒْ أَسڭّْوَاسْ ن ؤُسْڒِيوْڒوْ.
LEV 25:41 [خنِّي] أَذْ خَاكْ إِفّغْ، نتَّا [سِيمَانْثْ نّسْ] أَكْ-ذ ثَارْوَا نّسْ، ؤُشَا أَذْ إِذْوڒْ غَارْ ڒَادْجْ نّسْ ؤُ أَذْ إِذْوڒْ غَارْ وَاڭْڒَا ن ڒجْذُوذْ نّسْ.
LEV 25:42 مِينْزِي أَقَا أَثنْ ذ إِمْسخَارّنْ إِنُو إِنِّي سُّوفّْغغْ نشّْ زِي ثمُّورْثْ ن مِيصْرَا. وَارْ تّْمنْزِينْ أَمْ مَامّشْ إِتّْمنْزَا إِجّْ ن إِسْمغْ.
LEV 25:43 وَارْ خَاسْ تّْصدْجضْ س ڒقْسَاحثْ، مَاشَا أَذْ ثڭّْوْذذْ أَربِّي نّشْ.
LEV 25:44 [خْ] إِسْمغْ نّشْ نِيغْ خْ ثَايَّا نّشْ، إِنِّي غَاركْ غَا يِيڒِينْ، أَذْ إِڒِينْ زِي ڒڭْنُوسْ إِ ذ أَشْ د-إِنّْضنْ. زَّايْسنْ أَذْ ثسْغذْ إِسمْغَانْ ذ ثيَّاوِينْ.
LEV 25:45 ثْزمَّارمْ أَذْ ثنْ ثسْغمْ زڭْ إِحنْجِيرنْ ن إِمعْزَابْ نِّي إِزدّْغنْ جَارْ أَومْ أَمْ يِيبَارَّانِييّنْ ؤُ زِي ڒَادْجَاثْ نْسنْ، إِنِّي أَكِيذْومْ إِدْجَانْ، إِنِّي ثنْ د-إِجِّينْ ذِي ثمُّورْثْ نْومْ. نِيثْنِي أَذْ ذوْڒنْ ذ أَڭْڒَا نْومْ.
LEV 25:46 ؤُشَا أَذْ ثنْ ثجّذْ ذ ڒْوَارْثْ إِ إِحنْجِيرنْ نْومْ أَوَارْنِي أَومْ. ثْزمَّارمْ أَذْ ثنْ ثَارّمْ أَذْ أَومْ سخَّارنْ ڒبْذَا، [مَاشَا] خْ أَيْثْمَاثْومْ، أَيْثْ ن إِسْرَائِيل، وَارْ تّْصلّْطمْ كُوڒْ إِجّْ خْ ونّغْنِي س ڒقْسَاحثْ.“
LEV 25:47 ”مَاڒَا يِيوضْ ؤُفُوسْ ن إِجّْ ن ؤُبَارَّانِي نِيغْ ن إِجّْ ن ؤُمْعزّبْ [إِ إِزدّْغنْ] جَارْ أَومْ، ؤُشَا ؤُمَاشْ إِ غَارسْ إِزدّْغنْ إِذْوڒْ إِژْڒضْ ؤُشَا أَذْ إِزّنْزْ إِخفْ نّسْ إِ ؤُبَارَّانِي نِّي إِزدّْغنْ غَاركْ نِيغْ إِ يِيجّنْ زِي جَّاذِيرَا ن ڒَادْجْ ن ؤُبَارَّانِي نِّي،
LEV 25:48 [خنِّي] إِعدّڒْ، أَوَارْنِي مَا إِزّنْزْ إِخفْ نّسْ، أَذْ إِتّْوَافْذِي. إِجّنْ زڭْ أَيْثْمَاسْ أَذْ ث إِفْذِي.
LEV 25:49 إِعدّڒْ إِعمِّيسْ نِيغْ إِ مِّيسْ نعمِّيسْ أَذْ ث إِفْذِي نِيغْ إِجّنْ زِي رَادْجْ نّسْ إِ-ث-إِ-د-يُوذْسنْ، زِي ڒْوَاشُونْ نّسْ، أَذْ ث إِفْذِي، نِيغْ مَاڒَا غَارسْ س مِينْ زِي، [خنِّي] إِعدّڒْ أَذْ إِفْذِي إِخفْ نّسْ.
LEV 25:50 أَذْ إِڭّْ ڒحْسَابْ أَكْ-ذ ونِّي ث إِسْغِينْ زڭْ ؤُسڭّْوَاسْ مِينْ ذِي إِزّنْزْ إِخفْ نّسْ أَڒْ أَسڭّْوَاسْ ن ؤُسْڒِيوْڒوْ ؤُ تَّامَانْ ن ثْمنْزِيوْثْ س نُّوقَارْثْ أَذْ يِيڒِي عْلَاحْسَابْ ڒْقدّْ ن إِسڭّْوُوسَا، [إِنِّي إِ غَا إِتّْوَاحسْبنْ] أَمْ وُوسَّانْ ن إِجّْ ن ؤُشوَّاڒْ [إِخدّْمنْ] أَكِيذسْ.
LEV 25:51 مَاڒَا أَقَا ذِينْ عَاذْ أَطَّاسْ ن إِسڭّْوُوسَا غَارْ زَّاثْ، أَذْ إِخدْجصْ مَاحنْذْ أَذْ إِتّْوَافْذِي أَنشْثْ ن ثسْغَارْثْ ن تَّامَانْ س [ثْمنْيَاثْ ن] نُّوقَارْثْ إِ زِي إِتّْوَاسغْ.
LEV 25:52 مَاڒَا [عَاذْ] ذْرُوسْ إِ إِقِّيمنْ ن إِسڭّْوُوسَا أَڒْ أَسڭّْوَاسْ ن ؤُسْڒِيوْڒوْ، [خنِّي] أَذْ إِڭّْ إِ يِيخفْ نّسْ إِجّْ ن ڒحْسَابْ ؤُشَا أَذْ إِخدْجصْ تَّامَانْ ن ؤُفكِّي نّسْ عْلَاحْسَابْ إِسڭّْوُوسَا [إِ ذِينْ إِقِّيمنْ].
LEV 25:53 أَمْ يِيجّْ ن ؤُشوَّاڒْ أَذْ غَارسْ إِقِّيمْ زڭْ ؤُسڭّْوَاسْ أَڒْ أَسڭّْوَاسْ. وَارْ إِعدّڒْ أَذْ خَاسْ صلّْطنْ س ڒقْسَاحثْ زَّاثْ إِ ثِيطَّاوِينْ نّشْ.
LEV 25:54 مَاڒَا وَارْ إِتّْوَافْذِي س مَارَّا أَيَا، [خنِّي] أَذْ إِفكّْ ذڭْ ؤُسڭّْوَاسْ ن ؤُسْڒِيوْڒوْ، نتَّا ذ ثَارْوَا نّسْ أَكِيذسْ.
LEV 25:55 مِينْزِي أَيْثْ ن إِسْرَائِيل أَقَا أَثنْ ذ إِمْسخَّارنْ إِنُو، إِنِّي سُّوفّْغغْ زِي ثمُّورْثْ ن مِيصْرَا. أَقَا نشّْ ذ سِيذِي، أَربِّي نْومْ.“
LEV 26:1 ”وَارْ تّڭّمْ إِ يِيخفْ نْومْ لْ-أَصْنَامْ، وَارْ سْبدَّامْ ڒخْيَاڒْ إِنقْشنْ ؤُڒَا ذ ؤُمَايْضُو [إِقدّْسنْ]، وَارْ سّْرُوسَامْ ڒخْيَاڒْ ن وژْرُو ذِي ثمُّورْثْ نْومْ، حِيمَا أَذْ أَسْ ثْبنْذْقمْ، مِينْزِي نشّْ ذ سِيذِي، أَربِّي نْومْ!
LEV 26:2 أَذْ ثحْضَامْ ؤُسَّانْ ن سّبْثْ إِنُو ؤُشَا أَذْ أَومْ إِقَارّْ إِجّْ ن ؤُوقَّارْ يُودْجْغنْ إِ زَّاوشْثْ إِنُو إِقدّْسنْ، أَقَا نشّْ ذ سِيذِي!“
LEV 26:3 ”مَاڒَا أَذْ ثُويُورمْ ذِي ثْوصَّا إِنُو ؤُشَا أَذْ ثطّْفمْ ذِي ثْوصَّا إِنُو ؤُشَا أَذْ زَّايْسنْثْ ثڭّمْ،
LEV 26:4 [خنِّي] نشّْ أَذْ أَومْ وْشغْ أَنْژَارْ ذِي ڒْوقْثْ نّسْ، ؤُشَا ثَامُّورْثْ أَذْ د-ثَاوِي صَّابثْ نّسْ، ؤُشَا ثِيشجُّورَا ن ييَّارْ أَذْ وْشنْثْ ڒْغِيدْجثْ نْسنْثْ.
LEV 26:5 أَذْ يِيڒِي ؤُسَارْوثْ أَڒْ أَڒْقَاضْ ن ؤُضِيڒْ ؤُشَا أَڒْقَاضْ ن ؤُضِيڒْ أَذْ يِيڒِي أَڒْ [ڒْْوقْثْ ن] ؤُزَارّعْ ؤُشَا أَذْ ثشّمْ أَڒْ غَا ثجِّيوْنمْ ؤُشَا أَذْ ثْزذْغمْ ذِي ڒَامَانْ ذِي ثمُّورْثْ نْومْ.
LEV 26:6 نشّْ أَذْ ڭّغْ ڒهْنَا ذِي ثمُّورْثْ. [مَاڒَا] ثطّْصمْ، وَارْ إِتِّيڒِي وِي [كنِّيوْ] إِ غَا إِسِّيڭّْوْذنْ. نشّْ أَذْ مْحِيغْ ڒوْحُوشْ إِوْعَارنْ زِي ثمُّورْثْ ؤُشَا سِّيفْ وَارْ د-إِژكّْوِي خْ ثمُّورْثْ نْومْ.
LEV 26:7 أَذْ ثضْفَارمْ ڒْعذْيَانْ نْومْ ؤُشَا نِيثْنِي أَذْ وْضَانْ س سِّيفْ نْومْ زَّاثْ إِ ثِيطَّاوِينْ نْومْ.
LEV 26:8 خمْسَا ن يرْيَازنْ زَّايْومْ أَذْ ضْفَارنْ مْيَا ؤُشَا مْيَا زَّايْومْ أَذْ ضْفَارنْعشْرَا-أَڒَافْ ؤُشَا ڒْعذْيَانْ نْومْ أَذْ وْضَانْ س [ڒقْضعْ ن] سِّيفْ زَّاثْ إِ ثِيطَّاوِينْ نْومْ.
LEV 26:9 مِينْزِي نشّْ أَذْ غَارْومْ د-ذوْڒغْ ؤُشَا أَذْ أَومْ د-جّغْ ڒْغِيدْجثْ ؤُشَا أَذْ كنِّيوْ أَرْنِيغْ ؤُشَا أَذْ سّْمثْنغْ ڒْعَاهْذْ إِنُو أَكِيذْومْ.
LEV 26:10 [أَمْ] إِ غَا ثشّمْ [عَاذْ] زِي زَّاذْ نِّي ثْخزْنمْ، أَذْ ثكّْسمْ ذغْيَا [زَّاذْ] أَقْذِيمْ، [مَاحنْذْ أَذْ ثجّمْ أَمْشَانْ] إِ جْذِيذْ.
LEV 26:11 نشّْ أَذْ ڭّغْ ثَازذِّيغْثْ إِنُو ذِي ڒْوسْثْ نْومْ ؤُشَا ڒعْمَارْ إِنُو وَارْ زَّايْومْ إِتّْعِيفِّي شَا [عَاذْ].
LEV 26:12 أَذْ ؤُيُورغْ جَارْ أَومْ، نشّْ أَذْ إِڒِيغْ ذ أَربِّي نْومْ ؤُشَا كنِّيوْ أَذْ أَيِي ثِيڒِيمْ ذ ڒْڭنْسْ إِنُو.
LEV 26:13 نشّْ ذ سِيذِي، أَربِّي نْومْ، ونِّي كنِّيوْ د-إِسُّوفّْغنْ زِي ثمُّورْثْ ن مِيصْرَا، حِيمَا وَارْ ثتِّيڒِيمْ [عَاذْ] ذ إِسمْغَانْ نْسنْ. نشّْ أَرْژِيغْ إِمْقدْجَاضنْ ن ؤُزَايْڒُو نْومْ ؤُشَا نذْهغْ كنِّيوْ س وُوذمْ يُوڒِي.“
LEV 26:14 ”[مَاشَا] مَاڒَا وَارْ ذ أَيِي ثسْڒِيمْ نِيغْ وَارْ ثتّڭِّيمْ مَارَّا مِينْ زِي كنِّيوْ وصِّيغْ،
LEV 26:15 ؤُشَا مَاڒَا ثسّحْقَارمْ ثِيوصَّا إِنُو ؤُ ڒعْمَارْ نْومْ أَذْ إِعِيفّْ زِي لْفَارَايِيضْ إِنُو، أَڒْ غَا ثَاوْضمْ وَارْ ثتّڭّمْ [عَاذْ] مَارَّا ثِيوصَّا إِنُو، ؤُشَا [أَمُّو إِ] غَا ثَارْژمْ ڒْعَاهْذْ إِنُو،
LEV 26:16 [خنِّي] نشّْ أَذْ أَومْ ڭّغْ أَيَا: أَذْ خَاومْ د-سّهْوِيغْ أَرْجفْ ذ بُو-ذدْجِيسْ ذ ثْمسِّي ن أَرْوَاحْ نِّي إِ غَا إِثحَّانْ ثِيطَّاوِينْ ؤُشَا أَذْعدّْبنْ ڒعْمَارْ. أَذْ ثْزَارْعمْ زَّارِيعثْ نْومْ بَاطڒْ، [مِينْزِي] ڒْعذْيَانْ نْومْ أَذْ ت شّنْ.
LEV 26:17 أَذْ ڭّغْ ؤُذمْ إِنُو ضِيدّْ نْومْ أَڒَامِي إِ غَا تّْوَاسّخْسَارمْ زَّاثْ إِ وُوذمْ ن ڒْعذْيَانْ نْومْ ؤُشَا إِنِّي كنِّيوْ إِشَارّْهنْ أَذْ خَاومْ صلّْطنْ ؤُشَا كنِّيوْ أَذْ ثَاروْڒمْ بْڒَا أَذْ يِيڒِي وِي كنِّيوْ إِرَارَانْ.“
LEV 26:18 ”ؤُ مَاڒَا أَوَارْنِي مَانْ أَيَا عَاذْ وَارْ غَارِي ثسْڒِيمْ، نشّْ أَذْ غَارسْ أَرْنِيغْ سبْعَا ن ثْوَاڒَاوِينْ، مَاحنْذْ أَذْ كنِّيوْ وبّْخغْ خْ دّْنُوبْ نْومْ.
LEV 26:19 نشّْ أَذْ أَرْژغْ أَعفَّارْ ن جّهْذْ نْومْ، نشّْ أَذْ أَرّغْ أَجنَّا نْومْ أَمْ وُوزَّاڒْ ذ ثمُّورْثْ نْومْ أَمْ نّْحَاصْ.
LEV 26:20 أَذْ ثْضيّْعمْ جّهْذْ نْومْ بَاطڒْ، [مِينْزِي] ثَامُّورْثْ نْومْ وَارْ ثتِّيشْ صَّابثْ نّسْ ؤُ ثِيشجُّورَا ن ثمُّورْثْ وَارْ تِّيشنْثْ ڒْغِيدْجثْ.
LEV 26:21 مَاڒَا ثمْعَاڒَامْ كِيذِي ؤُشَا وَارْ ثتّخْسمْ أَذْ أَيِي ثسْڒِيمْ، [خنِّي] نشّْ أَذْ خَاومْ د-سّهْوِيغْ [عَاذْ] سبْعَا ن جّْرَايحْ أَنشْثْ ن دّْنُوبْ نْومْ.
LEV 26:22 أَذْ غَارْومْ د-سّكّغْ ڒوْحُوشْ ن ڒخْڒَا، مَاحنْذْ أَذْ أَومْ خضْفنْ ثَارْوَا نْومْ، أَذْ سّْهلّْكنْ ڒبْهَايمْ نْومْ، ؤُشَا أَذْ سّْنقْصنْ [لْعَاذَاذْ نْومْ]، [أَڒَامِي] إِبْرِيذنْ نْومْ أَذْ ذوْڒنْ ذ دّْمَانِي.“
LEV 26:23 ”مَاڒَا س مَانْ أَيَا كنِّيوْ وَارْ غَارِي د-تّسْڒِيمْ، مَاشَا [ثقِّيممْ] ثتّمْعَاڒَامْ أَكِيذِي،
LEV 26:24 [خنِّي] ؤُڒَا ذ نشّْ أَذْ قِّيمغْ تّمْعَاڒَاغْ أَكِيذْومْ ؤُشَا أَذْ خَاومْ د-سّهْوِيغْ [عَاذْ] سبْعَا ن جّْرَايحْ خْ دّْنُوبْ نْومْ.
LEV 26:25 أَذْ خَاومْ سّكّغْ إِجّْ ن سِّيفْ نِّي إِ غَا إِسّكَّارنْ أَنْثَاقمْ ن ڒْعَاهْذْ إِنُو أَڒْ غَا ثتّْوَاسّْمُونمْ ذِي ثْندَّامْ نْومْ. [خنِّي] نشّْ أَذْ سّكّغْ طَّاعُونْ ذِي ڒْوسْطْ نْومْ ؤُشَا كنِّيوْ أَذْ ثتّْوَاسلّْممْ ذڭْ ؤُفُوسْ ن ڒعْذُو نْومْ.
LEV 26:26 خْمِي غَا أَرْژغْ ڒعْوتْشْ ن وغْرُومْ نْومْ، [خنِّي]عشْرَا ن ثمْغَارِينْ أَذْ سّنْڭّْونْثْ أَغْرُومْ نْومْ ذِي ثفْقُونْثْ ذ إِشْثْ، ؤُشَا أَوَارْنِي إِ غَا وزْننْثْ أَغْرُومْ أَذْ ث إِ-د-أَرّنْثْ ؤُشَا كنِّيوْ أَذْ ث ثشّمْ، مَاشَا وَارْ ثتّْجِيوِينمْ.
LEV 26:27 مَاڒَا [عَاذْ] س مَانْ أَيَا وَارْ غَارِي د-ثتّسْڒِيمْ، [مَاشَا أَذْ ثقِّيممْ] أَذْ ثمْعَاڒَامْ أَكِيذِي،
LEV 26:28 [خنِّي] نشّْ أَذْ خَاومْ سْعَارغْ ؤُ أَذْ كنِّيوْ أَربِّيغْ، وَاهْ سبْعَا ن إِمُورنْ نشّْ [أَذْ كنِّيوْ أَربِّيغْ] ذِي سِّيبّثْ ن دّْنُوبْ نْومْ.
LEV 26:29 أَذْ ثشّمْ أَيْسُومْ ن إِحنْجِيرنْ نْومْ ؤُڒَا ذ أَيْسُومْ ن ثْحنْجِيرِينْ نْومْ أَذْ ث ثشّمْ.
LEV 26:30 أَذْ أَردّْدْجغْ ڒڭْعُوذِي [مَانِي ثتّْوهَّابمْ دّْبَايحْ نْومْ]، أَذْ نْضَارغْ إِپِيلَارنْ نْومْ ن أَربِّي ن ثْفُوشْثْ، أَذْ أَرّغْ ڒْخشْبَاثْ نْومْ خْ ڒْخشْبَاثْ ن إِميْضَا [ن لْ-أَصْنَامْ نْومْ] ؤُشَا ڒعْمَارْ إِنُو أَذْ زَّايْومْ إِعِيفّْ.
LEV 26:31 أَذْ أَرّغْ ثِيندَّامْ نْومْ ذ ڒْخَارْبثْ ؤُشَا أَذْ أَردّْدْجغْ ثِيزَاوِييِّينْ إِقدّْسنْ نْومْ ؤُشَا وَارْ تّخْسغْ أَذْ شمّغْ [عَاذْ] ڒفْوَاحثْ إِتّْفُوحنْ نْومْ.
LEV 26:32 وَاهْ، نشّْ أَذْ أَردّْدْجغْ ثَامُّورْثْ ؤُشَا ڒْعذْيَانْ نْومْ، إِنِّي ذَايسْ إِزدّْغنْ، أَذْ زَّايسْ نّْخڒْعنْ.“
LEV 26:33 ”أَذْ كنِّيوْ زُوزَّارغْ جَارْ ڒڭْنُوسْ ؤُشَا أَذْ كْسغْ سِّيفْ أَوَارْنِي أَومْ ؤُشَا ثَامُّورْثْ نْومْ أَذْ ثذْوڒْ ذ ڒخْڒَا ؤُشَا ثِيندَّامْ نْومْ أَذْ إِڒِينْثْ ذ ڒْخَارْبثْ.
LEV 26:34 خنِّي ثَامُّورْثْ أَذْ خَاسْ أَرْضَانْ وُوسَّانْ ن سّبْثْ نّسْ، مَارَّا ؤُسَّانْ ن وَاردّدْجْ [ن ثمُّورْثْ]، [ؤُمِي] إِ غَا ثِيڒِيمْ ذِي ثمُّورْثْ ن ڒْعذْيَانْ نْومْ. خنِّي أَذْ ثَاريّحْ ثمُّورْثْ ؤُ أَذْ ثڭّْ ثْشُونِي خْ وُوسَّانْ ن سّبْثْ نّسْ.
LEV 26:35 مَاڒَا ؤُسَّانْ ن وَاردّدْجْ أَذْ غَارسْ يِيڒِي وَاريّحْ، مِينْزِي ثَامُّورْثْ وَارْ ثَاريِّيحْ شَا ذڭْ وُوسَّانْ ن سّبْثْ نْومْ ڒَامِي ثُوغَا كنِّيوْ ثْزدّْغمْ ذِينِّي.“
LEV 26:36 ”أَذْ ڭّغْ ثِيڭّْوُوذِي ذڭْ وُوڒَاونْ ن يِينِّي زَّايْومْ إِ غَا إِقِّيمنْ ذِي ثمُّورَا ن ڒْعذْيَانْ نْسنْ، أَڒَامِي ڒْحسّْ ن إِشْثْ ن ثْفَارشْثْ إِ يِيوِي ؤُسمِّيضْ أَذْ خَاسنْ يَاژّڒْ ؤُ أَذْ ثنْ يَارّْ أَذْ أَروْڒنْ أَمْ مَامّشْ إِتَّاركّْوَاڒْ بْنَاذمْ زِي سِّيفْ. نِيثْنِي أَذْ وْضَانْ، وَاخَّا وَارْ خَاسنْ إِتِّيژّڒْ حذْ.
LEV 26:37 أَذْ نْقَارْضنْ إِجّنْ ذڭْ ونّغْنِي أَمْ خْمِي ژْرِينْ [ڒقْذعْ ن] يِيجّْ ن سِّيفْ، وَاخَّا وَارْ خَاومْ إِتِّيژّڒْ حذْ. كنِّيوْ وَارْ ثْزمَّارنْ أَذْ ثقِّيممْ ثْبدّمْ زَّاثْ إِ ثِيطَّاوِينْ ن ڒْعذْيَانْ نْومْ،
LEV 26:38 [مَاشَا] كنِّيوْ أَذْ ثتّْوَاهلّْكمْ جَارْ ڒڭْنُوسْ ؤُشَا ثَامُّورْثْ ن ڒْعذْيَانْ نْومْ أَذْ كنِّيوْ ثشّْ.“
LEV 26:39 ”إِنِّي زَّايْومْ إِ غَا إِقِّيمنْ أَذْ إِسْڒَاونْ ذِي ثمُّورَا ن ڒْعذْيَانْ نْومْ ذِي سِّيبّثْ ن ڒْمُوعْصِييّثْ نْسنْ. ؤُڒَا ذِي سِّيبّثْ ن ڒْمُوعْصِييّثْ ن ڒجْذُوذْ نْسنْ أَذْ سْڒَاونْ نِيثْنِي [جْمِيعْ] أَكِيذْسنْ.
LEV 26:40 [مَاشَا] مَاڒَا نعْمنْ خْ ڒْمُوعْصِييّثْ نْسنْ ذ ڒْمُوعْصِييّثْ ن إِبَابَاثنْ نْسنْ زِي سِّيبّثْ ن ڒغْذَارْ نْسنْ إِ زِي ذ أَيِي غْذَارنْ ؤُشَا عَاوذْ مّْعَاڒَانْ أَكِيذِي
LEV 26:41 - ؤُشَا [خنِّي] ؤُڒَا ذ نشّْ مّْعَاڒِيغْ أَكِيذْسنْ ؤُ إِوْيغْ ثنْ غَارْ ثمُّورْثْ ن ڒْعذْيَانْ نْسنْ، مَاحنْذْ أَذْ ثَاغْ ؤُڒْ نْسنْ وَارْ إِخْثِيننْ أَذْ يَاضَارْ ؤُشَا أَذْ قبْڒنْ ڒخْڒَاصْ إِ ڒْمُوعْصِييّثْ نْسنْ -
LEV 26:42 [خنِّي] نشّْ أَذْ خَارّْصغْ [عَاوذْ] ذِي ڒْعَاهْذْ إِنُو أَكْ-ذ يَاعْقُوبْ ؤُشَا عَاوذْ ذِي ڒْعَاهْذْ إِنُو أَكْ-ذ إِسْحَاقْ ؤُشَا أَذْ خَارّْصغْ ذِي ڒْعَاهْذْ إِنُو أَكْ-ذ إِبْرَاهِيمْ ؤُشَا أَذْ خَارّْصغْ [عَاوذْ] ذِي ثمُّورْثْ.
LEV 26:43 ثَامُّورْثْ أَذْ ثتّْوَاجّْ زَّايْسنْ ؤُشَا أَذْ خَاسْ أَرْضَانْ وُوسَّانْ ن سّبْثْ نّسْ ؤُمِي غَا ثقِّيمْ ذ إِشْثْ ن ڒْخَارْبثْ خْمِي وَارْ ذَايسْ زدّْغنْ عَاذْ، ؤُشَا نِيثْنِي [أَذْ ڒمْذنْ] أَذْ قبْڒنْ لْعِيقَابْ ن ڒْمُوعْصِييّثْ نْسنْ، مِينْزِي نْضَارنْ لْفَارَايِيضْ إِنُو ؤُ مِينْزِي ڒعْمَارْ نْسنْ إِعِيفّْ زِي ثْوصَّا إِنُو.“
LEV 26:44 ”سنّجْ إِ ؤُيَا، أَقَا ذ مَانْ أَيَا: مَاڒَا أَقَا أَثنْ ذِي ثمُّورْثْ نْ ڒعْذْيَانْ نْسنْ، نشّْ وَارْ ثنْ نطَّارغْ شَا ؤُ وَارْ ثنْ تّْعِيفِّيغْ أَڒْ ثنْ غَا ثحِّيغْ ؤُ أَذْ مْحِيغْ ڒْعَاهْذْ إِنُو أَكِيذْسنْ مِينْزِي نشّْ ذ سِيذِي، أَربِّي نْسنْ!
LEV 26:45 [مَاشَا] ذِي طّْوعْ نْسنْ أَذْعقْڒغْ خْ ڒْعَاهْذْ إِنُو أَكْ-ذ إِمزْوُورَا، إِنِّي نذْهغْ زِي ثمُّورْثْ ن مِيصْرَا زَّاثْ إِ ثِيطَّاوِينْ ن ڒڭْنُوسْ، مَاحنْذْ أَذْ إِڒِيغْ ذ أَربِّي إِ نِيثْنِي، نشّْ ذ سِيذِي!“
LEV 26:46 ثِينَا ذ ثِيوصَّا ذ لْفَارَايِيضْ ذ إِزرْفَانْ نِّي إِڭَّا سِيذِي جَارْ أَسْ ذ جَارْ أَيْثْ ن إِسْرَائِيل ذڭْ وذْرَارْ ن سِينَا س ثْسخَّارْثْ ن مُوسَا.
LEV 27:1 إِسِّيوڒْ سِيذِي أَكْ-ذ مُوسَا، إِنَّا:
LEV 27:2 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي أَسنْ، أَقَا مَاڒَا إِخْسْ حذْ أَذْ إِڭّْ إِجّْ ن لْوَاعْذْ إِ أَربِّي، أَذْ يِيڒِي تَّامَانْ ن ؤُفكِّي ن ڒعْمُورْ [إِتّْوَاسّْقدّْسنْ] إِ سِيذِي عْلَاحْسَابْ ڒْقِيمثْ إِ ثْقدَّارذْ شكْ.
LEV 27:3 مَاڒَا ڒْقِيمثْ إِ ثْقدَّارذْ شكْ أَقَا ذ ڒْقدّْ ن إِجّْ ن ورْيَازْ زِي عِيشْرِينْ أَڒْ ستِّينْ ن إِسڭّْوُوسَا، [خنِّي] أَذْ ثِيڒِي ڒْقِيمثْ إِ ثْقدَّارذْ خمْسِينْ شِيقْلُو ن نُّوقَارْثْ عْلَاحْسَابْ شِيقْلُو ن زَّاوشْثْ إِقدّْسنْ.
LEV 27:4 مَاڒَا ذ إِشْثْ ن ثمْغَارْثْ، [خنِّي] أَذْ ثِيڒِي ڒْقِيمثْ إِ ثْقدَّارذْ ثْڒَاثِينْ شِيقْلُو.“
LEV 27:5 ”ؤُشَا مَاڒَا ذ إِجّْ ن ؤُبْڒِيغْ زِي خمْسَا أَڒْ عِيشْرِينْ ن إِسڭّْوُوسَا، [خنِّي] أَذْ ثِيڒِي ڒْقِيمثْ إِ ثْقدَّارذْ إِ يِيجّْ ن ورْيَازْ عِيشْرِينْ شِيقْلُو ؤُ إِ يِيشْثْ ن ثمْغَارْثْعشْرَا شِيقْلُو.“
LEV 27:6 ”مَاڒَا ذ إِجّْ ن ؤُحنْجِيرْ زڭْ يِيجّْ ن ؤُيُورْ أَڒْ خمْسَا ن إِسڭّْوُوسَا، [خنِّي] أَذْ ثِيڒِي ڒْقِيمثْ إِ ثْقدَّارذْ إِ يِيجّْ ن ورْيَازْ خمْسَا شِيقْلُو ن نُّوقَارْثْ ؤُ إِ يِيشْثْ ن ثمْغَارْثْ ثْڒَاثَا شِيقْلُو ن نُّوقَارْثْ.“
LEV 27:7 ”مَاڒَا ذ إِجّْ ن مِّيسْ [ن بْنَاذمْ] زِي ستِّينْ إِسڭّْوُوسَا نِيغْ سنّجْ، [خنِّي]، مَاڒَا نتَّا ذ أَرْيَازْ، أَذْ ثِيڒِي ڒْقِيمثْ إِ ثْقدَّارذْ خمّسْطَاشْ شِيقْلُو ؤُ مَاڒَا ذ ثَامْغَارْثْ [أَذْ ثِيڒِي ڒْقِيمثْ إِ ثْقدَّارذْ]عشْرَا ن شِيقْلُو.“
LEV 27:8 ”مَاڒَا ثُوغَا إِژْڒضْ أَطَّاسْ ؤُ وَارْ إِزمَّارْ [أَذْ إِوْشْ] ڒْقِيمثْ [إِ ثْقدَّارذْ] شكْ، [خنِّي] أَذْ ث سّْبدّنْ زَّاثْ إِ وُوذمْ ن ؤُكهَّانْ ؤُشَا [خنِّي] أَذْ إِقدَّارْ ؤُكهَّانْ ڒْقِيمثْ نّسْ. أَذْ ث إِقدَّارْ ؤُكهَّانْ عْلَاحْسَابْ مِينْ إِزمَّارْ أَذْ إِسّْمُونْ ؤُفُوسْ ن ونِّي إِوْشِينْ أَوَاڒْ، [أَمُّو] إِ ث غَا إِقدَّارْ ؤُكهَّانْ.“
LEV 27:9 ”مَاڒَا ذ ڒبْهَايمْ إِ زِي غَا قدّْمنْ ثَاوْهِيبْثْ إِ سِيذِي، [خنِّي] مَارَّا مِينْ زَّايْسنْ غَا إِوْشْ نتَّا إِ سِيذِي، أَذْ يِيڒِي إِقدّسْ.
LEV 27:10 وَارْ إِتّْبذِّيڒْ ؤُ وَارْ إِخدْجفْ [أَمُودَّارْ] إِشْنَانْ خْ ونِّي إِقبْحنْ نِيغْ [أَمُودَّارْ] إِقبْحنْ خْ ونِّي إِشْنَانْ. مَاڒَا إِبدّڒْ عَاذْ إِشْثْ ن ڒبْهِيمثْ س إِشْثْ ن ڒبْهِيمثْ نّغْنِي، [خنِّي] ثَا ذ ثنِّي إِ خْ ت إِبدّڒْ أَذْ إِڒِينْثْ قدّْسنْثْ.
LEV 27:11 مَاڒَا ثدْجَا ذ إِشْثْ ن ڒبْهِيمثْ ثخْمجْ، وَارْ إِعدّڒْ أَذْ ت قدّْمنْ ذ ثَاوْهِيبْثْ إِ سِيذِي، [خنِّي] أَذْ يَارّْ ڒبْهِيمثْ نِّي أَذْ ثْبدّْ زَّاثْ إِ وُوذمْ ن ؤُكهَّانْ.
LEV 27:12 أَكهَّانْ أَذْ إِقدَّارْ ڒْقِيمثْ نّسْ جَارْ مِينْ إِشْنَانْ ذ مِينْ وَارْ إِحْڒِينْ. ؤُشَا أَمْ مَامّشْ إِ ت غَا ثْقدَّارذْ شكْ، أَمْ ؤُكهَّانْ، أَمُّو إِ غَا ثِيڒِي.
LEV 27:13 مَاڒَا نتَّا إِخْسْ عَاذْ أَذْ ت إِفْذِي، أَذْ خَاسْ يَارْنِي إِشْثْ ن ثسْغَارْثْ ن ثخْمُوسشْثْ نْ ڒْقِيمثْ إِ ثْقدَّارذْ شكْ.“
LEV 27:14 ”مَاڒَا شَا ن يِيجّنْ إِسّْقدّسْ ثَادَّارْثْ نّسْ، مَاحنْذْ أَذْ ثِيڒِي ثْقدّسْ إِ سِيذِي، [خنِّي] أَذْ إِقدَّارْ ؤُكهَّانْ ڒْقِيمثْ نّسْ جَارْ مِينْ إِشْنَانْ ذ مِينْ إِقبْحنْ. أَمْ مَامّشْ إِقدَّارْ ؤُكهَّانْ ڒْقِيمثْ نّسْ، [أَمُّو إِ] غَا ثِيڒِي.
LEV 27:15 مَاڒَا ونِّي ت إِسّْقدّْسنْ إِخْسْ أَذْ إِفْذِي ثَادَّارْثْ نّسْ، [خنِّي] نتَّا أَذْ خَاسْ يَارْنِي إِشْثْ ن ثسْغَارْثْ ن ثخْمُوسشْثْ ن ڒْقِيمثْ إِتّْوَاڭّنْ س نُّوقَارْثْ ؤُشَا أَذْ ثِيڒِي نّسْ [عَاوذْ].“
LEV 27:16 ”مَاڒَا شَا ن يِيجّنْ إِسّْقدّسْ إِ سِيذِي [شَا ن ثسْغَارْثْ] ن ييَّارْ نِّي غَارسْ إِدْجَانْ، [خنِّي] أَذْ ثْقدَّارذْ ڒْقِيمثْ نّسْ عْلَاحْسَابْ زَّارِيعثْ نّسْ. زَّارِيعثْ ن إِجّْ ن ؤُحُومِيرْ ن إِمنْذِي [أَذْ أَسْ ڭّنْ] خمْسِينْ شِيقْلُو.
LEV 27:17 مَاڒَا ثُوغَا إِسّْقدّسْ إِيَّارْ نّسْ زڭْ ؤُسڭّْوَاسْ ن ؤُسْڒِيوْڒوْ، [خنِّي] أَذْ ثذْوڒْ [ڒْقِيمثْ ن ييَّارْ] ثْبدّْ عْلَاحْسَابْ ڒْقِيمثْ إِ ثْقدَّارذْ.
LEV 27:18 مَاڒَا ثُوغَا إِسّْقدّسْ إِيَّارْ نّسْ أَوَارْنِي إِ ؤُسڭّْوَاسْ ن ؤُسْڒِيوْڒوْ، [خنِّي] أَكهَّانْ أَذْ أَسْ إِهْصبْ [ڒْقِيمثْ س] نُّوقَارْثْ ن إِسڭّْوُوسَا إِقِّيمنْ أَڒْ أَسڭّْوَاسْ ن ؤُسْڒِيوْڒوْ [إِ د غَا يَاسنْ] ؤُ [خنِّي] أَذْ ثِيڒِي ڒْقِيمثْ قلّْ خْ ڒْقِيمثْ [ثْمُونْ] إِ ثُوغَا ثْقدَّارذْ شكْ.
LEV 27:19 مَاڒَا ونِّي إِسّْقدّْسنْ إِيَّارْ، إِخْسْ أَذْ ث إِفْذِي نِيشَانْ، [خنِّي] أَذْ يَارْنِي إِشْثْ ن ثسْغَارْثْ ن ثخْمُوسشْثْ ذِي نُّوقَارْثْ خْ ڒْقِيمثْ إِ ثْقدَّارذْ شكْ ؤُشَا [خنِّي] أَذْ أَسْ يِيڒِي [عَاوذْ].“
LEV 27:20 ”مَاڒَا وَارْ إِخْسْ أَذْ إِفْذِي إِيَّارْ [نِّي] نِيغْ مَاڒَا إِزّنْزْ إِيَّارْ إِ يِيجّْ ن ورْيَازْ نّغْنِي، [خنِّي] وَارْ إِزمَّارْ أَذْ إِتّْوَافْذِي عَاذْ [ييَّارْ].
LEV 27:21 أَوَارْنِي ڒَامِي د-إِفّغْ ذڭْ ؤُسڭّْوَاسْ ن ؤُسْڒِيوْڒوْ، أَذْ يِيڒِي إِيَّارْ إِقدّسْ إِ سِيذِي أَمْ يِيجّْ ن ييَّارْ إِتّْوَاحَارّْمنْ قَاعْ. أَذْ يِيڒِي ذ أَڭْڒَا ن ؤُكهَّانْ.“
LEV 27:22 ”مَاڒَا شَا ن يِيجّنْ إِسّْقدّسْ إِجّْ ن ييَّارْ نِّي إِسْغَا إِ سِيذِي، [مَاشَا] وَارْ إِدْجِي ييَّارْ ن وَاڭْڒَا نّسْ،
LEV 27:23 [خنِّي] أَكهَّانْ أَذْ أَسْ إِحْسبْ تَّامَانْ ن ڒْقِيمثْ إِ ثْقدَّارذْ شكْ أَڒْ أَسڭّْوَاسْ ن ؤُسْڒِيوْڒوْ ؤُشَا نتَّا أَذْ إِخدْجصْ ڒْقِيمثْ إِ ثْقدَّارذْ ذڭْ وَاسّْ نِّي ذ إِجّْ [أَمْ] إِشْثْ ن ثْمسْڒَاشْثْ ثْقدّسْ إِ سِيذِي.
LEV 27:24 ذڭْ ؤُسڭّْوَاسْ ن ؤُسْڒِيوْڒوْ أَذْ د-إِعْقبْ ييَّارْ عَاوذْ إِ ونِّي خْ ث إِسْغَا، إِ ونِّي ثُوغَا غَارْ ثدْجَا ثمُّورْثْ ذ أَڭْڒَا.
LEV 27:25 أَقدَّارْ أَذْ يِيڒِي عْلَاحْسَابْ شِيقْلُو ن زَّاوشْثْ إِقدّْسنْ. أَذْ يِيڒِي شِيقْلُو عِيشْرِينْ جِيرَا.“
LEV 27:26 ”مَاشَا أَمنْزُو، ونِّي إِفَارْزنْ إِ سِيذِي زِي ڒبْهَايمْ أَمْ ؤُمنْزُو، وَارْ إِعدّڒْ أَذْ ث إِسّْقدّسْ ؤُڒَا ذ إِجّنْ، نِيغْ ذ أَفُونَاسْ [إِ إِدْجَا] نِيغْ ذ إِجّنْ زڭْ وُودْجِي، أَقَا-ث إِ سِيذِي.
LEV 27:27 [مَاشَا] مَاڒَا ثُوغَا-ث زڭْ إِشْثْ ن ڒبْهِيمثْ إِخمْجنْ، إِزمَّارْ أَذْ ت إِفْذِي عْلَاحْصَابْ ڒْقِيمثْ إِ ثْقدَّارذْ شكْ ؤُشَا أَذْ خَاسْ يَارْنِي إِشْثْ ن ثسْغَارْثْ ن ثخْمُوسشْثْ. مَاڒَا وَارْ ثتّْوَافذِّي، [خنِّي] أَذْ ثمّنْزْ عْلَاحْسَابْ ڒْقدّْ إِ ثْقدَّارذْ شكْ.“
LEV 27:28 ”[مَاشَا] ؤُڒَا ذ إِشْثْ ن ڒْحَاجّثْ نِّي إِتّْوَاحَارّْمنْ زڭْ إِجّْ ن ورْيَازْ إِ سِيذِي زِي مَارَّا مِينْ غَارسْ إِدْجَانْ ن إِوْذَانْ ذ ڒبْهَايمْ ذ إِيَّارنْ، وَارْ إِعدّڒْ أَذْ ثمّنْزْ نِيغْ أَذْ ثتّْوَافْذِي. مَارَّا مِينْ إِتّْوَاحَارّْمنْ، أَذْ يِيڒِي ذ أَمْقدَّاسْ قَاعْ إِ سِيذِي.
LEV 27:29 مَارَّا مِينْ إِتّْوَاحَارّْمنْ قَاعْ [إِ ؤُثحِّي]، مِينْ إِتّْوَاحَارّْمنْ زڭْ إِوْذَانْ، وَارْ إِعدّڒْ أَذْ إِتّْوَافْذِي، [مَاشَا] إِتّْخصَّا أَذْ إِتّْوَانغْ نِيشَانْ.“
LEV 27:30 ”مَارَّا ثِيعْشُورَايْ ن ثمُّورْثْ، زِي زَّارِيعثْ ن ثمُّورْثْ ؤُ زِي ڒْغِيدْجثْ ن ثْشجُّورَا، [أَذْ إِڒِينْثْ] إِ سِيذِي، أَقَا أَثنْثْ قدّْسنْثْ إِ سِيذِي.
LEV 27:31 مَاڒَا شَا ن يِيجّنْ إِخْسْ أَذْ إِفْذِي شَا زِي ڒعْشُورْ نّسْ، [خنِّي] أَذْ خَاسْ يَارْنِي إِشْثْ ن ثسْغَارْثْ ذِي خمْسَا.
LEV 27:32 خْ مَارَّا ثِيعْشُورَايْ زڭْ إِفُونَاسنْ ذ ثْفُونَاسِينْ ذ وُودْجِي، زِي مَارَّا مِينْ إِكِّينْ سَاذُو ؤُزدْجَاضْ [ن ؤُمكْسَاوْ]، أَذْ يِيڒِي [ؤُمُودَّارْ] وِيسّْعشْرَا إِقدّسْ إِ سِيذِي.
LEV 27:33 وَارْ إِعدّڒْ أَذْ يَارْزُو مَامّشْ ثشْنَا نِيغْ مَامّشْ وَارْ ثحْڒِي [إِ ثدْجَا]، ؤُڒَا وَارْ ث إِتّْبذِّيڒْ شَا، [مَاشَا] مَاڒَا إِبدّڒْ إِ-ث، [خنِّي] [أَمُودَّارْ] نِّي ذ ونِّي زِي ث إِ غَا إِبدّڒْ أَذْ إِڒِينْ قدّْسنْ. وَارْ إِعدّڒْ أَذْ إِتّْوَافْذِي.“
LEV 27:34 أَقَا ثِينَا ذ ثِيوصَّا نِّي إِ زِي إِوصَّا سِيذِي إِ مُوسَا ؤُ إِ أَيْثْ ن إِسْرَائِيل ذڭْ وذْرَارْ ن سِينَا.
NUM 1:1 إِسِّيوڒْ سِيذِي أَكْ-ذ مُوسَا ذِي ڒخْڒَا ن سِينَا، ذڭْ ؤُقِيضُونْ ن ؤُمْسَاڭَارْ، ذڭْ [وَاسّْ] أَمزْوَارُو ن ؤُيُورْ وِيسّْ ثْنَاينْ، ذڭْ ؤُسڭّْوَاسْ وِيسّْ ثْنَاينْ أَوَارْنِي ڒَامِي د-فّْغنْ زِي ثمُّورْثْ ن مِيصْرَا، إِنَّا:
NUM 1:2 ”كْسِيمْ ڒْقدّْ ن إِسْمَاونْ ن مَارَّا إِرْيَازنْ ن مَارَّا ثَامسْمُونْثْ ن أَيْثْ ن إِسْرَائِيل، أَزدْجِيفْ أَزدْجِيفْ، [أَمْ تّْوَاستّْفنْ نِيثْنِي] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ.
NUM 1:3 إِتّْخصَّا شكْ ذ هَارُونْ أَذْ ثْحسْبمْ كُوڒْ إِجّْ ذِي إِسْرَائِيل زِي عِيشْرِينْ ن إِسڭّْوُوسَا سنّجْ، [مَارَّا] إِنِّي د-إِفّْغنْ أَكْ-ذ ڒْعسْكَارْ، عْلَاحْسَابْ [ثِيرْبِيعِينْ ن] ڒْعسْكَارْ نْسنْ.
NUM 1:4 أَذْ أَومْ إِوْشْ أَفُوسْ إِجّْ ن ورْيَازْ زِي [كُوڒْ] ثَاقْبِيتْشْ، أَرْيَازْ إِ إِدْجَانْ ذ أَزدْجِيفْ ن ثَادَّارْثْ ن بَابَاسْ.
NUM 1:5 أَقَا ذ إِنَا ذ إِسْمَاونْ ن يرْيَازنْ نِّي ذ أَومْ غَا إِوْشنْ أَفُوسْ: إِ رُوبِينْ، إِلِيصُورْ مِّيسْ ن شَاذَايُورْ،
NUM 1:6 إِ شِيمْعُونْ، شَالُومِييِيلْ، مِّيسْ ن صُورِييْشَادَّايْ،
NUM 1:7 إِ يَاهُوذَا، نَاحْشُونْ، مِّيسْ ن عَامِّينَاذَابْ،
NUM 1:8 إِ إِسَّاكَارْ، نَاثَانَايِيلْ، مِّيسْ ن صُوغَارْ.
NUM 1:9 إِ زابُولُونْ، إِلِييَابْ، مِّيسْ ن حِيلُونْ،
NUM 1:10 إِ أَيْثْ ن يُوسُوفْ: إِ إِفْرَايِيمْ، إِلِيشَامَاعْ، مِّيسْ ن أَمِّيهُوذْ، إِ مَانَاسَّا، جَامْلِييِيلْ، مِّيسْ ن فَاذَاهْصُورْ،
NUM 1:11 إِ بِينْيَامِينْ، أَبِيذَانْ مِّيسْ ن جِيذْعُونِي،
NUM 1:12 إِ ذَانْ، أَخِيعَازَارْ، مِّيسْ ن عَامِّيشَادَّايْ،
NUM 1:13 إِ أَشِيرْ، فَاجْعِييِيلْ، مِّيسْ ن عُوكْرَانْ،
NUM 1:14 إِ جَاذْ، إِلِييَاسَافْ، مِّيسْ ن ذَاعُويِيلْ،
NUM 1:15 إِ نَافْثَالِي، أَخِيرَاعْ، مِّيسْ ن عِينَانْ.“
NUM 1:16 إِنَا ثُوغَا ذ إِنِّي إِتّْوَاڒَاغَانْ زِي ثْمسْمُونْثْ، [نِيثْنِي] ذ ڒْحُوكَّامْ ن ثْقبَّاڒْ ن إِبَابَاثنْ نْسنْ، إِزدْجِيفنْ خْ ڒُوڒُوفْ ن إِسْرَائِيل.
NUM 1:17 كْسِينْ مُوسَا ذ هَارُونْ إِرْيَازنْ نِّي ثُوغَا إِتّْوَارشْمنْ س إِسْمَاونْ نْسنْ
NUM 1:18 ؤُشَا سّْمُوننْ ثَامسْمُونْثْ مَارَّا ذڭْ وَاسّْ أَمزْوَارُو ن ؤُيُورْ وِيسّْ ثْنَاينْ ؤُشَا نِيثْنِي خبَّارنْ جّْذِيرَا نْسنْ، عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ، أَمْ تّْوَازمّمنْ إِسْمَاونْ ن يِينِّي غَارْ إِدْجَا عِيشْرِينْ ن إِسڭّْوُوسَا سنّجْ، أَزدْجِيفْ أَزدْجِيفْ.
NUM 1:19 أَمْ مَامّشْ ذ أَسْ يُومُورْ سِيذِي إِ مُوسَا، أَقَا إِحْسبْ إِ-ثنْ ذِي ڒخْڒَا ن سِينَا.
NUM 1:20 أَيْثْ ن رُوبِينْ، أَمنْزُو ن إِسْرَائِيل: ثَارْوَا نْسنْ - [تّْوَاستّْفنْ] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ - إِنِّي زَّايسْ إِتّْوَاحسْبنْ عْلَاحْسَابْ إِسْمَاونْ [نْسنْ] أَزدْجِيفْ أَزدْجِيفْ، كُوڒْ أَرْيَازْ زِي عِيشْرِينْ إِسڭّْوُوسَا سنّجْ، مَارَّا ونِّي إِ غَا إِفّْغنْ أَكْ-ذ ڒْعسْكَارْ،
NUM 1:21 [وَاهْ،] إِنِّي إِتّْوَاحسْبنْ [أَمُّو] إِ ثقْبِيتْشْ ن رُوبِينْ، ثُوغَا أَثنْ ذِي ستَّا ؤُ-ربْعِينْ-أَڒفْ ؤُ-خمْسَا مْيَا.
NUM 1:22 أَيْثْ ن شِيمْعُونْ: ثَارْوَا نْسنْ - [تّْوَاستّْفنْ] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ - إِنِّي زَّايسْ إِتّْوَاحسْبنْ عْلَاحْسَابْ لْعَاذَاذْ ن إِسْمَاونْ [نْسنْ]، أَزدْجِيفْ أَزدْجِيفْ، كُوڒْ أَرْيَازْ زِي عِيشْرِينْ إِسڭّْوُوسَا سنّجْ، مَارَّا ونِّي إِ غَا إِفّْغنْ أَكْ-ذ ڒْعسْكَارْ،
NUM 1:23 [وَاهْ،] إِنِّي إِتّْوَاحسْبنْ [أَمُّو] إِ ثقْبِيتْشْ ن شِيمْعُونْ ثُوغَا أَثنْ ذِي ثسْعَا ؤُ-خمْسِينْ-أَڒفْ ؤُ-ثڒْثْ-مْيَا.
NUM 1:24 أَيْثْ ن جَاذْ: ثَارْوَا نْسنْ - [تّْوَاستّْفنْ] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ - إِنِّي زَّايسْ إِتّْوَاحسْبنْ عْلَاحْسَابْ إِسْمَاونْ ن [مَارَّا إِرْيَازنْ] زِي عِيشْرِينْ إِسڭّْوُوسَا سنّجْ، مَارَّا ونِّي إِ غَا إِفّْغنْ أَكْ-ذ ڒْعسْكَارْ،
NUM 1:25 [وَاهْ،] إِنِّي إِتّْوَاحسْبنْ [أَمُّو] إِ ثقْبِيتْشْ ن جَاذْ ثُوغَا أَثنْ ذِي خمْسَا ؤُ-ربْعِينْ-أَڒفْ ؤُ-ستَّا-مْيَا ؤُ-خمْسِينْ.
NUM 1:26 أَيْثْ ن يَاهُوذَا: ثَارْوَا نْسنْ - [تّْوَاستّْفنْ] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ - إِنِّي زَّايسْ إِتّْوَاحسْبنْ عْلَاحْسَابْ إِسْمَاونْ ن [مَارَّا إِرْيَازنْ] زِي عِيشْرِينْ إِسڭّْوُوسَا سنّجْ، كُوڒْ إِجّنْ إِ د-إِتّفّْغنْ أَكْ-ذ ڒْعسْكَارْ،
NUM 1:27 [وَاهْ،] إِنِّي إِتّْوَاحسْبنْ [أَمُّو] إِ ثقْبِيتْشْ ن يَاهُوذَا ثُوغَا أَثنْ ذِي أَربْعَا ؤُ-سبْعِينْ-أَڒفْ ؤُ-ستَّا-مْيَا.
NUM 1:28 أَيْثْ ن إِسَّاكَارْ: ثَارْوَا نْسنْ - [تّْوَاستّْفنْ] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ - إِنِّي زَّايسْ إِتّْوَاحسْبنْ عْلَاحْصَابْ إِسْمَاونْ ن [مَارَّا إِرْيَازنْ] زِي عِيشْرِينْ إِسڭّْوُوسَا سنّجْ، مَارَّا ونِّي إِ غَا إِفّْغنْ أَكْ-ذ ڒْعسْكَارْ،
NUM 1:29 [وَاهْ،] إِنِّي إِتّْوَاحسْبنْ [أَمُّو] إِ ثقْبِيتْشْ ن إِسَّاكَارْ ثُوغَا أَثنْ ذِي أَربْعَا ؤُ-خمْسِينْ-أَڒفْ ؤُ-أَربْعَا-مْيَا.
NUM 1:30 أَيْثْ ن زابُولُونْ: ثَارْوَا نْسنْ - [تّْوَاستّْفنْ] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ - إِنِّي زَّايسْ إِتّْوَاحسْبنْ عْلَاحْسَابْ إِسْمَاونْ ن [مَارَّا إِرْيَازنْ] زِي عِيشْرِينْ إِسڭّْوُوسَا سنّجْ، مَارَّا ونِّي إِ غَا إِفّْغنْ أَكْ-ذ ڒْعسْكَارْ،
NUM 1:31 [وَاهْ،] إِنِّي إِتّْوَاحسْبنْ [أَمُّو] إِ ثقْبِيتْشْ ن زابُولُونْ ثُوغَا أَثنْ ذِي سبْعَا ؤُ-خمْسِينْ-أَڒفْ ؤُ-أَربْعَا-مْيَا.
NUM 1:32 أَيْثْ ن يُوسُوفْ: أَيْثْ ن إِفْرَايِيمْ: ثَارْوَا نْسنْ - [تّْوَاستّْفنْ] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ، إِنِّي زَّايسْ إِتّْوَاحسْبنْ عْلَاحْسَابْ إِسْمَاونْ ن [مَارَّا إِرْيَازنْ] زِي عِيشْرِينْ إِسڭّْوُوسَا سنّجْ، مَارَّا ونِّي إِ غَا إِفّْغنْ أَكْ-ذ ڒْعسْكَارْ،
NUM 1:33 [وَاهْ،] إِنِّي إِتّْوَاحسْبنْ [أَمُّو] إِ ثقْبِيتْشْ ن إِفْرَايِيمْ ثُوغَا أَثنْ ذِي أَربْعِينْ-أَڒفْ ؤُ-خمْسَا-مْيَا.
NUM 1:34 أَيْثْ ن مَانَاسَّا: ثَارْوَا نْسنْ - [تّْوَاستّْفنْ] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ، إِنِّي زَّايسْ إِتّْوَاحسْبنْ عْلَاحْسَابْ إِسْمَاونْ ن [مَارَّا إِرْيَازنْ] زِي عِيشْرِينْ إِسڭّْوُوسَا سنّجْ، مَارَّا ونِّي إِ غَا إِفّْغنْ أَكْ-ذ ڒْعسْكَارْ،
NUM 1:35 [وَاهْ،] إِنِّي إِتّْوَاحسْبنْ [أَمُّو] إِ ثقْبِيتْشْ ن مَانَاسَّا ثُوغَا أَثنْ ذِي ثْنَاينْ ؤُ-ثْڒَاثِينْ-أَڒفْ ؤُ-مِيثَاينْ.
NUM 1:36 أَيْثْ ن بِينْيَامِينْ: ثَارْوَا نْسنْ - [تّْوَاستّْفنْ] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ، إِنِّي زَّايسْ إِتّْوَاحسْبنْ عْلَاحْسَابْ إِسْمَاونْ ن [مَارَّا إِرْيَازنْ] زِي عِيشْرِينْ إِسڭّْوُوسَا سنّجْ، مَارَّا ونِّي إِ غَا إِفّْغنْ أَكْ-ذ ڒْعسْكَارْ،
NUM 1:37 [وَاهْ،] إِنِّي إِتّْوَاحسْبنْ [أَمُّو] إِ ثقْبِيتْشْ ن بِينْيَامِينْ ثُوغَا أَثنْ ذِي خمْسَا ؤُ-ثْڒَاثِينْ-أَڒفْ ؤُ-أَربْعَا-مْيَا.
NUM 1:38 أَيْثْ ن ذَانْ: ثَارْوَا نْسنْ - [تّْوَاستّْفنْ] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ، إِنِّي زَّايسْ إِتّْوَاحسْبنْ عْلَاحْسَابْ إِسْمَاونْ ن [مَارَّا إِرْيَازنْ] زِي عِيشْرِينْ إِسڭّْوُوسَا سنّجْ، مَارَّا ونِّي إِ غَا إِفّْغنْ أَكْ-ذ ڒْعسْكَارْ،
NUM 1:39 [وَاهْ،] إِنِّي إِتّْوَاحسْبنْ [أَمُّو] إِ ثقْبِيتْشْ ن ذَانْ ثُوغَا ثنْ ذِي ثْنَاينْ ؤُ-ستِّينْ-أَڒفْ ؤُ-سبْعَا-مْيَا.
NUM 1:40 أَيْثْ ن أَشِيرْ: ثَارْوَا نْسنْ - [تّْوَاستّْفنْ] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ، إِنِّي زَّايسْ إِتّْوَاحسْبنْ عْلَاحْسَابْ إِسْمَاونْ ن [مَارَّا إِرْيَازنْ] زِي عِيشْرِينْ إِسڭّْوُوسَا سنّجْ، مَارَّا ونِّي إِ غَا إِفّْغنْ أَكْ-ذ ڒْعسْكَارْ،
NUM 1:41 [وَاهْ،] إِنِّي إِتّْوَاحسْبنْ [أَمُّو] إِ ثقْبِيتْشْ ن أَشِيرْ ثُوغَا ثنْ ذِي وَاحِيثْ ؤُ-ربْعِينْ-أَڒفْ ؤُ-خمْسَا-مْيَا.
NUM 1:42 أَيْثْ ن نَافْثَالِي: ثَارْوَا نْسنْ - [تّْوَاستّْفنْ] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ، إِنِّي زَّايسْ إِتّْوَاحسْبنْ عْلَاحْسَابْ إِسْمَاونْ ن [مَارَّا إِرْيَازنْ] زِي عِيشْرِينْ إِسڭّْوُوسَا سنّجْ، مَارَّا ونِّي إِ غَا إِفّْغنْ أَكْ-ذ ڒْعسْكَارْ،
NUM 1:43 [وَاهْ،] إِنِّي إِتّْوَاحسْبنْ [أَمُّو] إِ ثقْبِيتْشْ ن نَافْثَالِي ثُوغَا أَثنْ ذِي ثْڒَاثَا ؤُ-خمْسِينْ-أَڒفْ ؤُ-أَربْعَا-مْيَا.
NUM 1:44 إِنَا ذ إِنِّي إِتّْوَاحسْبنْ، إِنِّي تّْوَاحسْبنْ س [ؤُفُوسْ] ن مُوسَا ذ هَارُونْ ذ ڒْحُوكَّامْ ن إِسْرَائِيل، ثنْعَاشْ ن يرْيَازنْ، إِجّنْ ورْيَازْ إِ ثَادَّارْثْ ن بَابَاسْ.
NUM 1:45 مَارَّا إِنِّي إِتّْوَاحسْبنْ زڭْ أَيْثْ ن إِسْرَائِيل - [أَمْ تّْوَاستّْفنْ نِيثْنِي] عْلَاحْسَابْ ثَادَّارْثْ ن إِبَابَاثنْ نْسنْ - مَارَّا إِنِّي غَارْ إِدْجَا عِيشْرِينْ ن إِسڭّْوُوسَا سنّجْ، كُوڒْ  إِجّْ ونِّي د-إِتّفّْغنْ أَكْ-ذ ڒْعسْكَارْ،
NUM 1:46 [وَاهْ،] مَارَّا إِنِّي إِتّْوَاحسْبنْ ثُوغَا أَثنْ ذِي ستَّا-مْيَا ؤُ-طڒْثْ-أَڒَافْ ؤُ-خمْسَا-مْيَا ؤُ-خمْسِينْ.
NUM 1:47 إِلَاوِييّنْ وَارْ شَارْشنْ شَا جَارْ أَسنْ ذِي ڒحْسَابْ ذِي طّْوعْ ن ثقْبِيتْشْ ن إِبَابَاثنْ نْسنْ،
NUM 1:48 مِينْزِي سِيذِي ثُوغَا إِسِّيوڒْ أَكْ-ذ مُوسَا، إِنَّا:
NUM 1:49 ”مْغِيرْ ثَاقْبِيتْشْ ن لَاوِي وَارْ ت تّحْسبْ شَا ؤُ وَارْ ت زمِّي شَا [أَزدْجِيفْ] أَزدْجِيفْ جَارْ أَيْثْ ن إِسْرَائِيل.
NUM 1:50 [مَاشَا] إِتّْخصَّا شكْ س يِيخفْ نّشْ، أَذْ ثڭّذْ إِلَاوِييّنْ خْ ثْزذِّيغْثْ ن شّْهَاذثْ ؤُ خْ مَارَّا ڒقْشُوعْ نّسْ ؤُ خْ مَارَّا مِينْ ذ أَسْ د-يُوسِينْ. نِيثْنِي أَذْ أَرْبُونْ ثَازذِّيغْثْ أَكْ-ذ ڒقْشُوعْ نّسْ مَارَّا، ؤُشَا أَذْ ذَايسْ سخَّارنْ. إِتّْخصَّا أَذْ وْثنْ إِقِيضَانْ نْسنْ مِينْ د-إِنّْضنْ إِ ثْزذِّيغْثْ.
NUM 1:51 مَاڒَا أَذْ ثتّْوَافْسِي ثْزذِّيغْثْ، أَذْ ت هذْمنْ إِلَاوِييّنْ ؤُشَا مَاڒَا ثِيوضْ ثْزذِّيغْثْ غَارْ ڒْمَارْڭهْ [أَنضْفَارْ]، [خنِّي] أَذْ ت سّْبدّنْ إِلَاوِييّنْ [عَاوذْ]. مَاڒَا د-إِقَارّبْ شَا ن ؤُبَارَّانِي، خنِّي نتَّا أَذْ إِتّْوَانغْ.
NUM 1:52 أَيْثْ ن إِسْرَائِيل أَذْ وْثنْ إِقِيضَانْ ن ڒْمَارْڭحْ نْسنْ، كُوڒْ إِجّْ غَارْ ثْعدْجَانْثْ نّسْ، [أَمْ تّْوَاستّْفنْ نِيثْنِي] عْلَاحْسَابْ [ثِيرْبِيعِينْ ن] ڒْعسْكَارْ نْسنْ.
NUM 1:53 إِلَاوِييّنْ أَذْ وْثنْ إِقِيضَانْ نْسنْ غَارْ كُوڒْ جِّيهثْ ن ثْزذِّيغْثْ ن شّْهَاذثْ، حِيمَا وَارْ إِتِّيڒِي ؤُذُوقّزْ [ن وغْضَابْ] خْ ثْمسْمُونْثْ ن أَيْثْ ن إِسْرَائِيل. إِتّْخصَّا إِ إِلَاوِييّنْ أَذْ حْضَانْ خْ ثْزذِّيغْثْ ن شّْهَاذثْ.“
NUM 1:54 ؤُشَا ڭِّينْ أَيْثْ ن إِسْرَائِيل س مَارَّا مِينْ يُومُورْ سِيذِي إِ مُوسَا، [وَاهْ،] أَمُّو [إِ-ث] ڭِّينْ.
NUM 2:1 إِسِّيوڒْ سِيذِي أَكْ-ذ مُوسَا ذ هَارُونْ، إِنَّا:
NUM 2:2 ”أَيْثْ ن إِسْرَائِيل أَذْ وْثنْ إِقِيضَانْ نْسنْ كُوڒْ إِجّْ غَارْ ثْعدْجَانْثْ نّسْ، غَارْ ڒعْڒَامَاثْ ن ثَادَّارْثْ ن إِبَابَاثنْ نْسنْ. أَذْ وْثنْ إِقِيضَانْ نْسنْ شْوَايْثْ غَارْ ڒَاڭّْوَاجْ غَارْ مَارَّا إِغزْذِيسنْ ن ؤُقِيضُونْ ن ؤُمْسَاڭَارْ.“
NUM 2:3 إِنِّي إِدْجَانْ سَاذُو ن ثْعدْجَانْثْ ن ڒْمَارْڭحْ ن ڒْعسْكَارْ ن يَاهُوذَا أَذْ وْثنْ إِقِيضَانْ نْسنْ، [أَمْ تّْوَاستّْفنْ نِيثْنِي] عْلَاحْسَابْ [ثِيرْبِيعِينْ ن] ڒْعسْكَارْ نْسنْ غَارْ شَّارْقْ، غَارْ مَانِيسْ د-ثْنقَّارْ ثْفُوشْثْ. نَاحْشُونْ، مِّيسْ ن عَامِّينَاذَابْ، [أَذْ يِيڒِي] ذ ڒْحَاكمْ ن أَيْثْ ن يَاهُوذَا.
NUM 2:4 إِنِّي إِتّْوَاحسْبنْ إِ ڒْعسْكَارْ نّسْ، ثُوغَا أَثنْ ذِي أَربْعَا ؤُ-سبْعِينْ-أَڒفْ ؤُ-ستَّا-مْيَا.
NUM 2:5 زَّاثسْ أَذْ ثوّثْ ثقْبِيتْشْ ن إِسَّاكَارْ إِقِيضَانْ نّسْ. نَاثَانَايِيلْ، مِّيسْ ن صُوغَارْ، [أَذْ يِيڒِي] ذ ڒْحَاكمْ ن أَيْثْ ن إِسَّاكَارْ.
NUM 2:6 إِنِّي إِتّْوَاحسْبنْ إِ ڒْعسْكَارْ نّسْ، ثُوغَا أَثنْ ذِي أَربْعَا ؤُ-خمْسِينْ-أَڒفْ ؤُ-أَربْعَا-مْيَا.
NUM 2:7 [خنِّي] ثَاقْبِيتْشْ ن زابُولُونْ. إِلِييَابْ، مِّيسْ ن هِيلُونْ، [أَذْ يِيڒِي] ذ ڒْحَاكمْ ن أَيْثْ ن زابُولُونْ.
NUM 2:8 إِنِّي إِتّْوَاحسْبنْ إِ ڒْعسْكَارْ نّسْ، ثُوغَا أَثنْ ذِي سبْعَا ؤُ-خمْسِينْ-أَڒفْ ؤُ-أَربْعَا-مْيَا.
NUM 2:9 إِنِّي إِتّْوَاحسْبنْ إِ ڒْمَارْڭحْ ن ڒْعسْكَارْ ن يَاهُوذَا ثُوغَا أَثنْ مَارَّا [جْمِيعْ] ذِي مْيَا ؤُ-ستَّا ؤُ-ثْمَانِينْ-أَڒفْ ؤُ-أَربْعَا-مْيَا [ن يرْيَازنْ]، [تّْوَاستّْفنْ] عْلَاحْسَابْ [ثِيرْبِيعِينْ ن] ڒْعسْكَارْ نْسنْ. نِيثْنِي أَذْ فسْينْ إِقِيضَانْ نْسنْ أَمزْوَارُو.
NUM 2:10 غَارْ لْجَانُوبْ أَذْ ثِيڒِي ثْعدْجَانْثْ ن ڒْمَارْڭحْ ن ڒْعسْكَارْ ن رُوبِينْ. [نِيثْنِي أَذْ إِڒِينْ تّْوَاستّْفنْ] عْلَاحْسَابْ [ثِيرْبِيعِينْ ن] ڒْعسْكَارْ نْسنْ. إِلِيصُورْ، مِّيسْ ن شَاذَايُّورْ، [أَذْ يِيڒِي] ذ ڒْحَاكمْ ن أَيْثْ ن رُوبِينْ.
NUM 2:11 إِنِّي إِتّْوَاحسْبنْ إِ ڒْعسْكَارْ نّسْ، ثُوغَا أَثنْ ذِي ستَّا ؤُ-ربْعِينْ-أَڒفْ ؤُ-خمْسَا-مْيَا.
NUM 2:12 زَّاثسْ أَذْ ثوّثْ ثقْبِيتْشْ ن شِيمْعُونْ إِقِيضَانْ نّسْ. شَالُومِييِيلْ، مِّيسْ ن صُورِييْشَادَّايْ، [أَذْ يِيڒِي] ذ ڒْحَاكمْ ن أَيْثْ ن شِيمْعُونْ.
NUM 2:13 إِنِّي إِتّْوَاحسْبنْ إِ ڒْعسْكَارْ نّسْ، ثُوغَا أَثنْ ذِي ثسْعَا ؤُ-خمْسِينْ-أَڒفْ ؤُ-ثڒْثْ-مْيَا.
NUM 2:14 [خنِّي] ثَاقْبِيتْشْ ن جَاذْ. إِلْيَاسَافْ، مِّيسْ ن رَاعُويِيلْ، [أَذْ يِيڒِي] ذ ڒْحَاكمْ ن أَيْثْ ن جَاذْ.
NUM 2:15 إِنِّي إِتّْوَاحسْبنْ إِ ڒْعسْكَارْ نّسْ، ثُوغَا أَثنْ ذِي خمْسَا ؤُ-ربْعِينْ-أَڒفْ ؤُ-ستَّا-مْيَا ؤُ-خمْسِينْ.
NUM 2:16 إِنِّي إِتّْوَاحسْبنْ إِ ڒْمَارْڭحْ ن ڒْعسْكَارْ ن رُوبِينْ، ثُوغَا أَثنْ مَارَّا ذِي مْيَا ؤُ-وَاحِيثْ ؤُ-خمْسِينْ-أَڒفْ ؤُ-أَربْعَا-مْيَا ؤُ-خمْسِينْ [ن يرْيَازنْ]، [تّْوَاستّْفنْ] عْلَاحْسَابْ [ثِيرْبِيعِينْ ن] ڒْعسْكَارْ نْسنْ. نِيثْنِي أَذْ فسْينْ إِقِيضَانْ نْسنْ وِيسّْ ثْنَاينْ.
NUM 2:17 [خنِّي] أَذْ إِتّْوَافْسِي ؤُقِيضُونْ ن ؤُمْسَاڭَارْ أَكْ-ذ ڒْمَارْڭحْ ن إِلَاوِييّنْ، ذِي ڒْوسْطْ ن مَارَّا ڒْعسْكَارْ. أَمْ مَامّشْ غَا وْثنْ إِقِيضَانْ نْسنْ، أَمُّو إِتّْخصَّا أَذْ مُّوطِّيينْ [عَاوذْ]، كُوڒْ إِجّْ ذڭْ ومْشَانْ نّسْ، [أَمْ تّْوَاستّْفنْ نِيثْنِي] عْلَاحْسَابْ ثِيعدْجَانِينْ نْسنْ.
NUM 2:18 غَارْ ڒْغَارْبْ أَذْ ثِيڒِي ثْعدْجَانْثْ ن ڒْمَارْڭحْ ن ڒْعسْكَارْ ن إِفْرَايِيمْ. [نِيثْنِي أَذْ إِڒِينْ تّْوَاستّْفنْ] عْلَاحْسَابْ [ثِيرْبِيعِينْ ن] ڒْعسْكَارْ نْسنْ. إِلِيشَامَاعْ، مِّيسْ ن عَامِّيهُوذْ، [أَذْ يِيڒِي] ذ ڒْحَاكمْ ن أَيْثْ ن إِفْرَايِيمْ.
NUM 2:19 إِنِّي إِتّْوَاحسْبنْ إِ ڒْعسْكَارْ نّسْ، ثُوغَا أَثنْ ذِي أَربْعِينْ-أَڒفْ ؤُ-خمْسَا-مْيَا.
NUM 2:20 زَّاثسْ [أَذْ ثِيڒِي] ثقْبِيتْشْ ن مَانَاسَّا. جَامْلِييِيلْ، مِّيسْ ن فَاذَاهْصُورْ [أَذْ يِيڒِي] ذ ڒْحَاكمْ ن أَيْثْ ن مَانَاسَّا.
NUM 2:21 إِنِّي إِتّْوَاحسْبنْ إِ ڒْعسْكَارْ نّسْ، ثُوغَا أَثنْ ذِي ثْنَاينْ ؤُ-ثْڒَاثِينْ-أَڒفْ ؤُ-مِيثَايْنْ.
NUM 2:22 [خنِّي] ثَاقْبِيتْشْ ن بِينْيَامِينْ. أَبِيذَانْ، مِّيسْ ن جِيذْعُونِي، [أَذْ يِيڒِي] ذ ڒْحْكامْ ن أَيْثْ ن بِينْيَامِينْ.
NUM 2:23 إِنِّي إِتّْوَاحسْبنْ إِ ڒْعسْكَارْ نّسْ، ثُوغَا أَثنْ ذِي خمْسَا ؤُ-طْڒَاثِينْ-أَڒفْ ؤُ-أَربْعَا-مْيَا.
NUM 2:24 إِنِّي إِتّْوَاحسْبنْ إِ ڒْمَارْڭحْ ن ڒْعسْكَارْ ن إِفْرَايِيمْ، ثُوغَا أَثنْ ذِي مْيَا ؤُ-ثْمنْيَا-أَڒفْ ؤُ-مْيَا [ن يرْيَازنْ]، [تّْوَاستّْفنْ] عْلَاحْسَابْ [ثِيرْبِيعِينْ ن] ڒْعسْكَارْ نْسنْ. نِيثْنِي أَذْ فسْينْ إِقِيضَانْ نْسنْ وِيسّْ ثْڒَاثَا.
NUM 2:25 غَارْ شّْمَالْ أَذْ ثِيڒِي ثْعدْجَانْثْ ن ڒْمَارْڭحْ ن ڒْعسْكَارْ ن ذَانْ. [نِيثْنِي أَذْ إِڒِينْ تّْوَاستّْفنْ] عْلَاحْسَابْ [ثِيرْبِيعِينْ ن] ڒْعسْكَارْ نْسنْ. أَخِيعَازَارْ، مِّيسْ ن عَامِّيشَادَّايْ، [أَذْ يِيڒِي] ذ ڒْحَاكمْ ن أَيْثْ ن دَان.
NUM 2:26 إِنِّي إِتّْوَاحسْبنْ إِ ڒْعسْكَارْ نّسْ، ثُوغَا أَثنْ ذِي ثْنَاينْ ؤُ-ستِّينْ-أَڒفْ ؤُ-سبْعَا-مْيَا.
NUM 2:27 زَّاثسْ أَذْ ثوّثْ ثقْبِيتْشْ ن أَشِيرْ إِقِيضَانْ نّسْ. فَاجْعِييِيلْ، مِّيسْ ن عُوكْرَانْ، [أَذْ يِيڒِي] ذ ڒْحَاكمْ ن أَيْثْ ن أَشِيرْ.
NUM 2:28 إِنِّي إِتّْوَاحسْبنْ إِ ڒْعسْكَارْ نّسْ، ثُوغَا أَثنْ ذِي وَاحِيثْ ؤُ-ربْعِينْ-أَڒفْ ؤُ-خمْسَا-مْيَا.
NUM 2:29 [خنِّي] ثَاقْبِيتْشْ ن نَافْثَالِي. أَخِيرَاعْ، مِّيسْ ن عِينَانْ، [أَذْ يِيڒِي] ذ ڒْحَاكمْ ن أَيْثْ ن نَافْثَالِي.
NUM 2:30 إِنِّي إِتّْوَاحسْبنْ إِ ڒْعسْكَارْ نّسْ، ثُوغَا أَثنْ ذِي ثْڒَاثَا ؤُ-خمْسِينْ-أَڒفْ ؤُ-أَربْعَا-مْيَا.
NUM 2:31 إِنِّي إِتّْوَاحسْبنْ إِ ڒْمَارْڭحْ ن ڒْعسْكَارْ ن ذَانْ، ثُوغَا أَثنْ ذِي مْيَا ؤُ-سبْعَا ؤُ-خمْسِينْ-أَڒفْ ؤُ-ستَّا-مْيَا [ن يرْيَازنْ]. نِيثْنِي أَذْ فسْينْ إِقِيضَانْ نْسنْ ذ أَنڭَّارُو، [أَمْ تّْوَاستّْفنْ نِيثْنِي] عْلَاحْسَابْ ثِيعدْجَانِينْ نْسنْ.
NUM 2:32 إِنَا ذ إِنِّي إِتّْوَاحسْبنْ ن أَيْثْ ن إِسْرَائِيل، [أَمْ تّْوَاستّْفنْ نِيثْنِي] عْلَاحْسَابْ ثَادَّارْثْ ن إِبَابَاثنْ نْسنْ. مَارَّا إِنِّي إِتّْوَاحسْبنْ ذِي ڒمْرَاڭحْ ن ڒْعسْكَارْ، [أَمْ تّْوَاستّْفنْ نِيثْنِي] عْلَاحْسَابْ [ثِيرْبِيعِينْ ن] ڒْعسْكَارْ نْسنْ، [ثُوغَا أَثنْ] ذِي ستَّا-مْيَا ؤُ-ثڒْثْ-أَڒَافْ ؤُ-خمْسَا-مْيَا ؤُ-خمْسِينْ [ن يرْيَازنْ].“
NUM 2:33 إِلَاوِييّنْ جَارْ أَيْثْ ن إِسْرَائِيل وَارْ تّْوَاحسْبنْ شَا، [نِيشَانْ] أَمْ مَامّشْ ذ أَسْ يُومُورْ سِيذِي إِ مُوسَا.
NUM 2:34 ؤُشَا ڭِّينْ أَيْثْ ن إِسْرَائِيل أَمْ مَامّشْ مَارَّا مِينْ ذ أَسْ يُومُورْ سِيذِي إِ مُوسَا: أَمْ مَامّشْ وْثِينْ إِقِيضَانْ نْسنْ س ؤُستّفْ غَارْ ثْعدْجَانِينْ نْسنْ، أَمُّو إِ غَا فسْينْ إِقِيضَانْ نْسنْ [عَاوذْ]، كُوڒْ إِجّنْ [إِتّْوَاستّفْ] عْلَاحْسَابْ ڒَادْجَاثْ نّسْ، غَارْ ثَادَّارْثْ ن إِبَابَاثنْ نّسْ.
NUM 3:1 أَقَا إِنَا ذ ثَارْوَا ن هَارُونْ ذ مُوسَا ذڭْ وُوسَّانْ نِّي إِسِّيوڒْ سِيذِي أَكْ-ذ مُوسَا خْ وذْرَارْ ن سِينَا.
NUM 3:2 أَقَا إِنَا ذ إِسْمَاونْ ن وَارَّاوْ ن هَارُونْ: نَاذَابْ ذ أَمنْزُو، [خنِّي] أَبِيهُو، أَلِيعَازَارْ ذ إِثَامَارْ.
NUM 3:3 أَقَا إِنَا ذ إِسْمَاونْ ن وَارَّاوْ ن هَارُونْ، إِكهَّاننْ إِنِّي إِتّْوَاذهْننْ ؤُ إِنِّي إِتّْوَاڒقّْمنْ أَمْ يِيكهَّاننْ.
NUM 3:4 [مَاشَا] نَاذَابْ ذ أَبِيهُو مُّوثنْ زَّاثْ إِ وُوذمْ ن سِيذِي، ؤُمِي قدّْمنْ ثِيمسِّي ثَاڒْغِيبْثْ زَّاثْ إِ وُوذمْ ن سِيذِي ذِي ڒخْڒَا ن سِينَا. وَارْ ثُوغِي غَارْسنْ أَرَّاوْ. [س ؤُيَا] ثُوغَا أَلِيعَازَارْ ذ إِثَامَارْ سخَّارنْ [أَمْ] ؤُكهَّانْ زَّاثْ إِ وُوذمْ ن بَابَاثْسنْ هَارُونْ.
NUM 3:5 إِسِّيوڒْ سِيذِي أَكْ-ذ مُوسَا، إِنَّا:
NUM 3:6 ”سْقَارّبْ-د ثَاقْبِيتْشْ ن لَاوِي ؤُشَا أڭّْ إِ-ثنْ زَّاثْ إِ وُوذمْ ن ؤُكهَّانْ هَارُونْ، حِيمَا أَذْ خَاسْ سخَّارنْ.
NUM 3:7 أجّْ إِ-ثنْ أَذْ ڒْهَانْ ثَاسخَّارْثْ نّسْ ذ ثْسخَّارْثْ ن مَارَّا ثَامسْمُونْثْ زَّاثْ إِ ؤُقِيضُونْ ن ؤُمْسَاڭَارْ، مَاحنْذْ أَذْ كمّْڒنْ ڒْخذْمثْ ن ثْزذِّيغْثْ.
NUM 3:8 أَذْ حْضَانْ خْ مَارَّا ڒقْشُوعْ ن ؤُقِيضُونْ ن ؤُمْسَاڭَارْ ؤُشَا أَذْ طّْفنْ أَحطُّو ن أَيْثْ ن إِسْرَائِيل مَاحنْذْ أَذْ سخَّارنْ ذِي ثْسخَّارْثْ ن ثْزذِّيغْثْ.
NUM 3:9 شكْ أَذْ ثوْشذْ إِلَاوِييّنْ إِ هَارُونْ ؤُ إِ وَارَّاونْ نّسْ. أَقَا ذ يِينَا إِ ذ أَسْ إِمّوْشنْ إِ نتَّا وَاهَا زڭْ أَيْثْ ن إِسْرَائِيل.
NUM 3:10 أَذْ ثْڒقّْمذْ هَارُونْ ذ وَارَّاوْ نّسْ مَاحنْذْ أَذْ حْضَانْ خْ ثُوكهَّانْثْ. أَبَارَّانِي نِّي إِ دّْ غَا إِقَارّْبنْ أَذْ إِتّْوَانغْ.“
NUM 3:11 إِسِّيوڒْ سِيذِي أَكْ-ذ مُوسَا، إِنَّا:
NUM 3:12 ”خْزَارْ، نشّْ كْسِيغْ إِلَاوِييّنْ زِي ڒْوسْطْ ن أَيْثْ ن إِسْرَائِيل ذڭْ ومْشَانْ ن إِمنْزَا، مَارَّا إِنِّي يَارزْمنْ ڒمْڒَاوثْ [ذ أَمزْوَارُو] جَارْ أَيْثْ ن إِسْرَائِيل. إِلَاوِييّنْ أَذْ إِڒِينْ إِنُو،
NUM 3:13 مِينْزِي كُوڒْ أَمنْزُو أَقَا إِنُو. ذڭْ وَاسّْ مِينْ ذِي وْثِيغْ مَارَّا إِمنْزَا ذِي ثمُّورْثْ ن مِيصْرَا، أَقَا سّْقدّْسغْ إِ يِيخفْ إِنُو مَارَّا إِمنْزَا ذِي إِسْرَائِيل، زِي بْنَاذمْ أَڒْ ڒْمَاڒْ. نِيثْنِي أَذْ إِڒِينْ إِنُو، نشّْ ذ سِيذِي!“
NUM 3:14 إِسِّيوڒْ سِيذِي أَكْ-ذ مُوسَا ذِي ڒخْڒَا ن سِينَا، إِنَّا:
NUM 3:15 ”حْسبْ أَيْثْ ن لَاوِي، [أَمْ تّْوَاستّْفنْ نِيثْنِي] عْلَاحْسَابْ ثُوذْرِينْ ن إِبَابَاثنْ نْسنْ، عْلَاحْسَابْ ڒَادْجَاثْ نْسنْ. مَارَّا إِوثْمَانْ نِّي إِدْجَانْ ذ [إِجّْ ن] ؤُيُورْ سنّجْ، أَذْ ثنْ ثحْسبْ.“
NUM 3:16 ؤُشَا مُوسَا إِحْسبْ إِ-ثنْ خْ ڒُومُورْ ن سِيذِي، أَمْ مَامّشْ [ذ أَسْ] إِوصَّا.
NUM 3:17 ثُوغَا إِنَا ذ أَيْثْ ن لَاوِي أَكْ-ذ إِسْمَاونْ نْسنْ: جَارْشُونْ، ذ قَاهَاثْ ذ مَارَارِي.
NUM 3:18 [ثُوغَا] إِنَا ذ إِسْمَاونْ ن أَيْثْ ن جَارْشُونْ، عْلَاحْسَابْ ڒَادْجَاثْ نْسنْ: لِيبْنِي ذ شِيمْعِي.
NUM 3:19 أَيْثْ ن قَاهَاثْ، عْلَاحْسَابْ ڒَادْجَاثْ نْسنْ: عَامْرَامْ ذ يِيصْهَارْ ذ حَابْرُونْ ذ عُوزِّييِيلْ.
NUM 3:20 أَيْثْ ن مَارَارِي، عْلَاحْسَابْ ڒَادْجَاثْ نْسنْ: مَاحْلِي ذ مُوشِي. [ثُوغَا] إِنَا ذ ڒَادْجَاثْ ن إِلَاوِييّنْ، [تّْوَاستّْفنْ] عْلَاحْسَابْ ثُوذْرِينْ ن إِبَابَاثنْ نْسنْ.
NUM 3:21 غَارْ جَارْشُونْ [ثُوغَا ثدْجَا] ڒَادْجْ ن إِلِيبْنِييّنْ ذ ڒَادْجْ ن إِشِيمْعِييّنْ. [ثُوغَا] ثِينَا ذ ڒَادْجَاثْ ن إِجَارْشُونِييّنْ.
NUM 3:22 ڒْقدّْ ن يِينِّي زَّايْسنْ إِتّْوَاحسْبنْ، ن مَارَّا إِوثْمَانْ زڭْ [إِجّْ ن] ؤُيُورْ سنّجْ، [أَقَا ڒْقدّْ نِّي ن] يِينِّي زَّايْسنْ إِتّْوَاحسْبنْ ثُوغَا ذِي سبْعَا-أَڒَافْ ؤُ-خمْسَا-مْيَا.
NUM 3:23 وْثِينْثْ ڒَادْجَاثْ ن إِجَارْشُونِييّنْ إِقِيضَانْ نْسنْ غَارْ ضفَّارْ ن ثْزذِّيغْثْ، غَارْ ڒْغَارْبْ.
NUM 3:24 [ثُوغَا] إِلْيَاسَافْ، مِّيسْ ن لَايِيلْ، ذ ڒْحَاكمْ ن ثَادَّارْثْ ن بَابَاثْسنْ ن إِجَارْشُونِييّنْ.
NUM 3:25 زِي جِّيهثْ ن ؤُقِيضُونْ ن ؤُمْسَاڭَارْ حْضَانْ أَيْثْ ن جَارْشُونْ خْ ثْزذِّيغْثْ، خْ ؤُقِيضُونْ أَكْ-ذ ثْسقَّافِينْ نّسْ، خْ وَارْوَاقْ غَارْ وَاذَافْ ن ؤُقِيضُونْ ن ؤُمْسَاڭَارْ،
NUM 3:26 خْ ڒِيزَارَاثْ ن ڒمْرَاحْ ذ وَارْوَاقْ غَارْ وَاذَافْ ن ڒمْرَاحْ إِ زِي ثتّْوَانّضْ ثْزذِّيغْثْ ذ ؤُعَالْطَارْ، ؤُ خْ إِفِيڒَانْ نّسْ، ؤُڒَا خْ مَارَّا [مِينْ د-إِتَّاسنْ أَكْ-ذ] ثْسخَّارْثْ نِّي.
NUM 3:27 زِي قَاهَاثْ [ثُوغَا إِقَّارْصْ-د] ڒَادْجْ ن إِعَامْرَامِييّنْ ذ ڒَادْجْ ن إِصْهَارِييّنْ ذ ڒَادْجْ ن إِحِيبْرُونِييّنْ ذ ڒَادْجْ ن إِعَازِييِيلِييّنْ. [ثُوغَا] ثِينَا ذ ڒَادْجَاثْ ن إِقَاهَاثِييّنْ.
NUM 3:28 [ثُوغَا] ڒْقدّْ ن مَارَّا إِوثْمَانْ زڭْ [إِجّْ ن] ؤُيُورْ سنّجْ ثمْنْ-أَڒَافْ ؤُ-ستَّا-مْيَا. نِيثْنِي حْضَانْ خْ زَّاوشْثْ إِقدّْسنْ.
NUM 3:29 وْثِينْثْ ڒَادْجَاثْ ن أَيْثْ ن قَاهَاثْ إِقِيضَانْ نْسنْ غَارْ ؤُغزْذِيسْ ن ثْزذِّيغْثْ، غَارْ لْجَانُوبْ.
NUM 3:30 إِلِيصَافَانْ، مِّيسْ ن عُوزِّييِيلْ، [ثُوغَا] ذ ڒْحَاكمْ ن ثَادَّارْثْ ن بَابَاثْسنْ ن ڒَادْجَاثْ ن إِقُوهَاثِييّنْ.
NUM 3:31 نِيثْنِي ثُوغَا حطَّانْ خْ تَّابُوثْ ذ ثْزوْضَا ذ ڒْقنْذِيڒْ ذ إِعَالْطَارنْ ؤُ خْ ڒقْشُوعْ ن زَّاوشْثْ إِقدّْسنْ إِ سّْخذْمنْ ؤُ خْ ؤُڒحَّافْ، [وَاهْ،] خْ مَارَّا [إِ د-إِتَّاسنْ أَكْ-ذ] ثْسخَّارْثْ نِّي.
NUM 3:32 [ثُوغَا] أَلِيعَازَارْ، مِّيسْ ن ؤُكهَّانْ هَارُونْ، ذ ڒْحَاكمْ أَمزْوَارُو قَاعْ خْ [مَارَّا] ڒْحُوكَّامْ ن لَاوِي. نتَّا إِطّفْ أَشْبَارْ خْ يِينِّي ثُوغَا إِحطَّانْ خْ زَّاوشْثْ إِقدّْسنْ.
NUM 3:33 زِي مَارَارِي [ثُوغَا إِقَّارْصْ] ڒَادْجْ ن إِمَاحْلِييّنْ ذ ڒَادْجْ ن إِمُوشِييّنْ. [ثُوغَا] ثِينَا ذ ڒَادْجَاثْ ن مَارَارِي.
NUM 3:34 [ثُوغَا] ڒْقدّْ ن يِينِّي زَّايْسنْ إِتّْوَاحسْبنْ، ن مَارَّا إِوثْمَانْ زڭْ [إِجّْ ن] ؤُيُورْ سنّجْ، ذِي ستَّا-أَڒَافْ ؤُ-مِيثَايْنْ.
NUM 3:35 [ثُوغَا] سُورِييِيلْ، مِّيسْ ن أَبِيخَايِيلْ، ذ ڒْحَاكمْ ن ثَادَّارْثْ ن بَابَاثْسنْ ن ڒَادْجَاثْ ن مَارَارِي. نِيثْنِي وْثِينْ إِقِيضَانْ نْسنْ غَارْ ؤُغزْذِيسْ ن ثْزذِّيغْثْ، غَارْ شَّامَالْ.
NUM 3:36 أَيْثْ ن مَارَارِي ثُوغَا ثطّْفنْ أَشْبَارْ مَاحنْذْ أَذْ وْشنْ ثَايْنِيثْ إِ مَارَّا ثِيفڒْوِينْ ن ثْزذِّيغْثْ، إِ ثْحنْيَا ن ؤُعَارّضْ، إِ إِپِيلَارنْ نّسْ، إِ ثْيَارْسَاوِينْ نّسْ ؤُ إِ مَارَّا ڒقْشُوعْ نّسْ، [وَاهْ.] إِ مَارَّا [مِينْ د-إِتَّاسنْ أَكْ-ذ] ثْسخَّارْثْ نِّي،
NUM 3:37 ؤُڒَا إِ إِپِيلَارنْ نِّي د-إِنّْضنْ إِ ڒمْرَاحْ أَكْ-ذ ثْيَارْسَاوِينْ نْسنْ ذ ڒوْثَاذْ نْسنْ ذ إِفِيڒَانْ نْسنْ.
NUM 3:38 مُوسَا ذ هَارُونْ أَكْ-ذ وَارَّاوْ نّسْ وْثِينْ إِقِيضَانْ نْسنْ زَّاثْ إِ وُوذمْ ن ثْزذِّيغْثْ، زَّاثْ إِ وُوذمْ ن ؤُقِيضُونْ ن ؤُمْسَاڭَارْ، غَارْ شَّارْقْ مَانِيسْ د-ثْنقَّارْ ثْفُوشْثْ. نِيثْنِي حْضَانْ خْ زَّاوشْثْ إِقدّْسنْ ذِي طّْوعْ ن أَيْثْ ن إِسْرَائِيل. أَبَارَّانِي نِّي د-إِقَارّْبنْ، ثُوغَا إِتّْخصَّا أَذْ إِتّْوَانغْ.
NUM 3:39 مَارَّا إِنِّي إِتّْوَاحسْبنْ ن إِلَاوِييّنْ، إِنِّي إِحْسبْ مُوسَا أَكْ-ذ هَارُونْ عْلَاحْسَابْ ڒُومُورْ ن سِيذِي، [أَمْ تّْوَاستّْفنْ نِيثْنِي] عْلَاحْسَابْ ڒَادْجَاثْ نْسنْ، مَارَّا إِوثْمَانْ زڭْ [إِجّْ ن] ؤُيُورْ سنّجْ، ثُوغَا أَثنْ ذِي ثْنَاينْ ؤُ-عِيشْرِينْ-أَڒفْ.
NUM 3:40 إِنَّا سِيذِي إِ مُوسَا: ”حْسبْ مَارَّا إِمنْزَا ن إِوثْمَانْ ن أَيْثْ ن إِسْرَائِيل، زڭْ [إِجّْ ن] ؤُيُورْ سنّجْ، ؤُشَا كْسِي ڒْقدّْ ن إِسْمَاونْ نْسنْ.
NUM 3:41 أَذْ ثكْسِيذْ إِلَاوِييّنْ إِ نشّْ - نشّْ ذ سِيذِي! - ذڭْ ومْشَانْ ن مَارَّا إِمنْزَا جَارْ أَيْثْ ن إِسْرَائِيل ؤُڒَا ذ ڒبْهَايمْ ن إِلَاوِييّنْ ذڭْ ومْشَانْ ن مَارَّا إِمنْزَا جَارْ ڒبْهَايمْ ن أَيْثْ ن إِسْرَائِيل.“
NUM 3:42 ؤُشَا إِحْسبْ مُوسَا مَارَّا إِمنْزَا جَارْ أَيْثْ ن إِسْرَائِيل أَمْ مَامّشْ ذ أَسْ يُومُورْ سِيذِي.
NUM 3:43 ڒْقدّْ ن إِسْمَاونْ ن مَارَّا إِمنْزَا إِوثْمَانْ ن [إِجّْ ن] ؤُيُورْ سنّجْ، ن يِينِّي زَّايْسنْ إِتّْوَاحسْبنْ، ثُوغَا أَثنْ ذِي ثْنَاينْ ؤُ-عِيشْرِينْ-أَڒفْ ؤُ-مِيثَايْنْ ؤُ-ثْڒَاثَا ؤُ-سبْعِينْ.
NUM 3:44 إِسِّيوڒْ سِيذِي أَكْ-ذ مُوسَا، إِنَّا:
NUM 3:45 ”كْسِي إِلَاوِييّنْ ذڭْ ومْشَانْ ن مَارَّا إِمنْزَا جَارْ أَيْثْ ن إِسْرَائِيل ؤُڒَا ذ ڒبْهَايمْ ن إِلَاوِييّنْ ذڭْ ومْشَانْ ن ڒبْهَايمْ نْسنْ، مِينْزِي إِلَاوِييّنْ أَذْ إِڒِينْ إِنُو. أَقَا نشّْ ذ سِيذِي.
NUM 3:46 زِي جِّيهثْ ن مِيثَاينْ ؤُ-ثْڒَاثَا ؤُ-سبْعِينْ، إِنِّي إِتّْخصَّا أَذْ تّْوَافْذِينْ، مَاغَارْ نِيثْنِي قِّيمنْ سنّجْ إِ إِلَاوِييّنْ ن إِمنْزَا ن أَيْثْ ن إِسْرَائِيل،
NUM 3:47 إِتّْخصَّا أَذْ ثكْسِيذْ خمْسَا شِيقْلُو إِ [كُوڒْ إِجّْ ن] ؤُزدْجِيفْ. أَذْ ث ثكْسِيذْ أَنشْثْ ن شِيقْلُو ن زَّاوشْثْ إِقدّْسنْ. شِيقْلُو [وَانِيثَا] أَقَا ذَايسْ عِيشْرِينْ جِيرَا.
NUM 3:48 أَذْ ثوْشذْ نُّوقَارْثْ نِّي إِ هَارُونْ ؤُ إِ وَارَّاوْ نّسْ، أَقَا-ت إِ تَّامَانْ ن ؤُفكِّي ن يِينِّي إِقِّيمنْ [سنّجْ إِ ڒْقدّْ ن إِلَاوِييّنْ].“
NUM 3:49 [خنِّي] إِكْسِي مُوسَا نُّوقَارْثْ ن تَّامَانْ ن ؤُفكِّي ن يِينِّي إِقِّيمنْ سنّجْ ن يِينِّي إِتّْوَافْذِينْ س إِلَاوِييّنْ.
NUM 3:50 ؤُشَا إِطّفْ نُّوقَارْثْ [نِّي] زڭْ إِمنْزَا ن أَيْثْ ن إِسْرَائِيل: أَڒفْ ؤُ-ثڒْثْ-مْيَا ؤُ-خمْسَا ؤُ-ستِّينْ [شِيقْلُو]، عْلَاحْسَابْ شِيقْلُو ن زَّاوشْثْ إِقدّْسنْ.
NUM 3:51 ؤُ مُوسَا إِوْشَا نُّوقَارْثْ ن يِينِّي إِوْشِينْ تَّامَانْ ن ؤُفكِّي إِ هَارُونْ ؤُ إِ وَارَّاوْ نّسْ، عْلَاحْسَابْ [أَوَاڒْ ن] ؤُقمُّومْ ن سِيذِي، أَمْ مَامّشْ ذ أَسْ يُومُورْ سِيذِي إِ مُوسَا.
NUM 4:1 إِسِّيوڒْ سِيذِي أَكْ-ذ مُوسَا ذ هَارُونْ، إِنَّا:
NUM 4:2 ”حْسبْ أَيْثْ ن قَاهَاثْ أَزدْجِيفْ [أَزدْجِيفْ] جَارْ أَيْثْ ن لَاوِي، [أَمْ تّْوَاستّْفنْ نِيثْنِي] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ،
NUM 4:3 زِي ثْڒَاثِينْ ن إِسڭّْوُوسَا سنّجْ أَڒْ خمْسِينْ ن إِسڭّْوُوسَا، مَارَّا ونِّي إِ غَا يَاذْفنْ غَارْ ڒْعسْكَارْ مَاحنْذْ أَذْ يڭّْ ڒْخذْمثْ ذڭْ ؤُقِيضُونْ ن ؤُمْسَاڭَارْ.
NUM 4:4 ذ ثَا [إِ غَا يِيڒِينْ] ذ ثَاسخَّارْثْ ن أَيْثْ ن قَاهَاثْ ذڭْ ؤُقِيضُونْ ن ؤُمْسَاڭَارْ: [أَحطُّو خْ] وقْذَاسْ خْ ؤُقدَّاسْ.
NUM 4:5 خْمِي د غَا فسْينْ ڒْمَارْڭحْ، أَذْ د-يَاسْ هَارُونْ ذ وَارَّاوْ نّسْ ؤُشَا أَذْ كّْسنْ أَڒحَّافْ إِ إِدْجَانْ إِ دُّورِي ؤُشَا أَذْ زَّايسْ سّْذُورْينْ تَّابُوثْ ن شّْهَاذثْ.
NUM 4:6 إِتّْخصَّا أَذْ خَاسْ ڭّنْ إِجّْ ن دُّورِي ن إِڒْمَاونْ ن دّنْفِيڒَاثْ ؤُشَا أَذْ خَاسْ بزّْعنْ إِجّْ ن دُّورِي مَارَّا ذ أَذحْمِي ؤُشَا أَذْ أَسْ ڭّنْ إِعُومَاذْ نّسْ [إِ ثَاربُّوثْ].
NUM 4:7 أَذْ بزّْعنْ إِشْثْ ن ثْجَارْثِيڒْطْ ثَاذحْمِيثْ خْ ثْزوْضَا إِ وغْرُومْ ن وسْشَانْ ؤُشَا أَذْ خَاسْ ڭّنْ طّْبَاصِي، ثِيغنْجَايِينْ ذ ڒْكِيسَانْ ذ إِغَارَّافنْ س إِنِّي إِ غَا كبّنْ. ؤُشَا إِتّْخصَّا أَذْ خَاسْ يِيڒِي وغْرُومْ ن ڒبْذَا.
NUM 4:8 [أَوَارْنِي ؤُيَا] أَذْ خَاسْ بزّْعنْ إِجّْ ن دُّورِي أَزڭّْوَاغْ إِحذْقنْ ؤُشَا أَذْ ت ذْڒنْ [عَاوذْ] س إِجّْ ن دُّورِي ن إِڒْمَاونْ ن دّنْفِيڒَاثْ ؤُشَا أَذْ أَسْ ڭّنْ إِعُومَاذْ نّسْ [إِ ثَاربُّوثْ].
NUM 4:9 [خنِّي] أَذْ كْسِينْ إِشْثْ ن ثْجَارْثِيڒْثْ ثَاذحْمَانِيثْ ؤُشَا أَذْ زَّايسْ ذْڒنْ ڒْقنْذِيڒْ إِ ثْفَاوْثْ ؤُڒَا ذ ڒفْنَارَاثْ نّسْ ذ ثْجقَّاضِينْ [ن ثفْثِيتْشْ] نّسْ ذ ثْمجْمَارِينْ نّسْ ذ مَارَّا ڒقْشُوعْ نّسْ إِ زّشْثْ ذِي طّْوعْ ن ثْسخَّارْثْ إِ [ڒْقنْذِيڒْ].
NUM 4:10 أَذْ ڭّنْ [ڒْْقنْذِيڒْ-أَ] ذ مَارَّا ڒقْشُوعْ نّسْ ذڭْ إِجّْ ن دُّورِي ن إِڒْمَاونْ ن دّنْفِيڒَاثْ ؤُشَا أَذْ ث سَّارْسنْ خْ دْجُوحْ ن ثْكسِّيثْ.
NUM 4:11 أَذْ بزّْعنْ إِجّْ ن دُّورِي أَذحْمَانِي خْ ؤُعَالْطَارْ [ن ڒبْخُورْ] ؤُشَا أَذْ ث ذْڒنْ [عَاوذْ] س يِيجّْ ن دُّورِي ن إِڒْمَاونْ ن دّنْفِيڒَاثْ ؤُشَا أَذْ أَسْ ڭّنْ إِعُومَاذْ نّسْ [إِ ثَاربُّوثْ].
NUM 4:12 ؤُشَا أَذْ كْسِينْ مَارَّا ڒقْشُوعْ إِ ثْسخَّارْثْ إِ سّْخدّْمنْ ذِي زَّاوشْثْ إِقدّْسنْ ؤُشَا أَذْ ثنْ ڭّنْ ذڭْ إِجّْ ن دُّورِي أَذحْمَانِي ؤُشَا أَذْ ث ذْڒنْ س يِيجّْ ن دُّورِي ن إِڒْمَاونْ ن دّنْفِيڒَاثْ، [خنِّي] أَذْ سَّارْسنْ أَيَا خْ دْجُوحْ ن ثْكسِّيثْ.
NUM 4:13 أَذْ كّْسنْ مِينْ إِقِّيمنْ ن ثَاذُونْثْ ن ؤُعَالْطَارْ ؤُشَا أَذْ خَاسْ بزّْعنْ إِشْثْ ن ثْجَارْثِيڒْثْ ثَارْجُووَانِيثْ.
NUM 4:14 أَذْ خَاسْ سَّارْسنْ مَارَّا ڒقْشُوعْ إِ سّْخذْمنْ إِ ثْسخَّارْثْ: ثِيمجْمَارِينْ، فُورْشَايَاثْ، إِغنْجَاينْ، طَّاوْيَاثْ إِ ؤُرُوشِّي ذ مَارَّا دُّوزَانْ ن ؤُعَالْطَارْ. ثِيوَّا نّسْ أَذْ بزّْعنْ إِجّْ ن دُّورِي ن إِڒْمَاونْ ن دّنْفِيڒَاثْ ؤُشَا أَذْ أَسْ ڭّنْ إِعُومَاذْ نّسْ [إِ ثَاربُّوثْ].
NUM 4:15 خْمِي غَا إِكمّڒْ هَارُونْ ذ وَارَّاوْ نّسْ دُّورِي ن زَّاوشْثْ إِقدّْسنْ ذ مَارَّا ڒقْشُوعْ ن زَّاوشْثْ إِقدّْسنْ خْمِي غَا فسْينْ إِقِيضَانْ ن ڒْمَارْڭحْ ن ڒْعسْكَارْ، [خنِّي] أَذْ د-أَسنْ وَارَّاوْ ن قُوهَاثْ حِيمَا أَذْ أَرْبُونْ [مَارَّا]، مَاشَا إِتّْخصَّا وَارْ تّْحِيذِينْ مِينْ إِدْجَانْ إِقدّْسنْ، مِينْزِي مَاڒَا لَّا أَذْ مّْثنْ. مَانْ أَيَا ذ مِينْ إِتّْخصَّا أَذْ أَرْبُونْ وَارَّاوْ ن قَاهَاثْ ذِي ثْمسْڒَاشْثْ ن ؤُقِيضُونْ ن ؤُمْسَاڭَارْ.
NUM 4:16 أَلِيعَازَارْ، مِّيسْ ن ؤُكهَّانْ هَارُونْ، أَذْ إِطّفْ أَشْبَارْ خْ زّشْثْ إِ ثْفَاوْثْ ذ ڒبْخُورْ إِتّْفُوحنْ ذ ثوْهِيبْثْ [ن ڒْغِيدْجثْ] ن ڒبْذَا ذ زّشْثْ إِ وذْهَانْ، [وَاهْ، هَارُونْ أَذْ إِطّفْ أَشْبَارْ] خْ ثْزذِّيغْثْ مَارَّا ؤُ خْ مَارَّا مِينْ ذَايسْ، ڒَا خْ مِينْ إِدْجَانْ ذِي زَّاوشْثْ إِقدّْسنْ ؤُڒَا خْ ڒقْشُوعْ نّسْ.“
NUM 4:17 إِسِّيوڒْ سِيذِي أَكْ-ذ مُوسَا ذ هَارُونْ، إِنَّا:
NUM 4:18 ”غَارْومْ أَذْ ثْقضْعمْ ثَاقْبِيتْشْ ن ڒَادْجَاثْ ن إِقَاهَاثِييّنْ زِي ڒْوسْطْ ن إِلَاوِييّنْ.
NUM 4:19 ڭّمْ كِيسنْ أَمُّو حِيمَا أَذْ دَّارنْ، وَارْ تّْمتِّينْ خْمِي د غَا قَارّْبنْ غَارْ وقْذَاسْ خْ ؤُقدَّاسْ: إِتّْخصَّا أَسْ إِ هَارُونْ ذ وَارَّاوْ نّسْ أَذْ د-أَذْفنْ ؤُشَا أَذْ ڭّنْ كُوڒْ أَرْيَازْ ذِي ڒْخذْمثْ نّسْ ؤُ ذِي دّْقڒْ إِ إِتّْخصَّا أَذْ يَارْبُو.
NUM 4:20 وَارْ إِعدّڒْ أَذْ أَذْفنْ مَاحنْذْ أَذْ ژَترنْ زَّاوشْثْ إِقدّْسنْ، مْغِيرْ إِ يِيشْثْ ن ورْمَاشْ ن وَابْڒِيونْ وَاهَا، [مَاغَارْ خنِّي] أَذْ مّْثنْ.“
NUM 4:21 إِسِّيوڒْ سِيذِي أَكْ-ذ مُوسَا، إِنَّا:
NUM 4:22 ”حْسبْ عَاوذْ أَيْثْ ن جَارْشُونْ أَزدْجِيفْ [أَزدْجِيفْ]، [أَمْ تّْوَاستّْفنْ نِيثْنِي] عْلَاحْسَابْ ثُوذْرِينْ ن إِبَابَاثنْ نْسنْ، عْلَاحْسَابْ ڒَادْجَاثْ نْسنْ.
NUM 4:23 أَذْ ثنْ ثْحسْبذْ زِي ثْڒَاثِينْ ن إِسڭّْوُوسَا سنّجْ، أَڒْ خمْسِينْ ن إِسڭّْوُوسَا، كُوڒْ إِجّْ إِ غَا يَاذْفنْ غَارْ ڒْعسْكَارْ حِيمَا أَذْ يڭّْ ثَاسخَّارْثْ ذڭْ ؤُقِيضُونْ ن ؤُمْسَاڭَارْ.
NUM 4:24 ذ ثَا ذ ثَاسخَّارْثْ ن ڒَادْجَاثْ ن جَارْشُونْ ذِي ثْمسْڒَاشْثْ ن ثْسخَّارْثْ ذ ثَاربُّوثْ.
NUM 4:25 أَذْ أَرْبُونْ ثِيجَارْثِيڒِينْ ن ثْزذِّيغْثْ ذ ؤُقِيضُونْ ن ؤُمْسَاڭَارْ: ثَاسقَّافْثْ نّسْ ذ ثْسقَّافْثْ نّسْ ن إِڒْمَاونْ ن دّنْفِيڒَاثْ نِّي إِ غَا يِيڒِينْ ثِيوَّا نّسْ، ذ وَارْوَاقْ ن وَاذَافْ ن ؤُقِيضُونْ ن ؤُمْسَاڭَارْ،
NUM 4:26 ذ ڒِيزَارَاثْ ن ڒمْرَاحْ ذ أَرْوَاقْ إِ ثوَّارْثْ ن وَاذَافْ غَارْ ڒمْرَاحْ إِ د-إِنّْضنْ إِ ثْزذِّيغْثْ ذ ؤُعَالْطَارْ ذ [مَارَّا] إِفِيڒَانْ نْسنْ ذ مَارَّا ڒقْشُوعْ [إِ د-إِتَّاسنْ أَكْ-ذ] ثْسخَّارْثْ نْسنْ ؤُ مَارَّا مِينْ ذ أَسْ صنّْعنْ، [ذ مَانْ أَيَا] أَذْ ثِيڒِي ڒْخذْمثْ نْسنْ.
NUM 4:27 مَارَّا ڒْخذْمثْ ن أَيْثْ ن جَارْشُونْ ذِي ثْمسْڒَاشْثْ ن مَارَّا ثَاربُّوثْ ذ مَارَّا ثَاسخَّارْثْ نْسنْ، أَذْ ثِيڒِي عْلَاحْسَابْ ڒُومُورْ ن هَارُونْ ذ وَارَّاوْ نّسْ. إِتّْخصَّا أَومْ أَذْ ثنْ ثسّشْنمْ س [ؤُ]حطُّو مَارَّا مِينْ إِتّْخصَّا أَذْ أَرْبُونْ.
NUM 4:28 ثَا ذ ثَاسخَّارْثْ ن ڒَادْجَاثْ ن أَيْثْ ن جَارْشُونْ ذڭْ ؤُقِيضُونْ ن ؤُمْسَاڭَارْ. نِيثْنِي أَذْ كْسِينْ أَمْنُوسْ [إِ ؤُيَا] سَاذُو ؤُفُوسْ ن إِثَامَارْ، مِّيسْ ن هَارُونْ، أَكهَّانْ.
NUM 4:29 أَذْ ثْحسْبذْ أَيْثْ ن مَارَارِي، [أَمْ تّْوَاستّْفنْ نِيثْنِي] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ.
NUM 4:30 أَذْ ثنْ ثْحسْبذْ زِي ثْڒَاثِينْ ن إِسڭّْوُوسَا سنّجْ، أَڒْ خمْسِينْ ن إِسڭّْوُوسَا، مَارَّا ونِّي إِ غَا يَاذْفنْ غَارْ ڒْعسْكَارْ مَاحنْذْ أَذْ إِسخَّارْ ذِي ثْسخَّارْثْ ن ؤُقِيضُونْ ن ؤُمْسَاڭَارْ.
NUM 4:31 ذ ثَا ذ ثَاسْغَارْثْ نْسنْ ذِي ثْربُّوثْ غَارْ مَارَّا ثَاسخَّارْثْ نْسنْ ذڭْ ؤُقِيضُونْ ن ؤُمْسَاڭَارْ: ثِيفڒْوِينْ ن ثْزذِّيغْثْ ذ ثْحنْيَا ن ؤُعَارّضْ ذ إِپِيلَارنْ نّسْ ذ ثْيَارْسَاوِينْ نّسْ،
NUM 4:32 ذ إِپِيلَارنْ ن ڒمْرَاحْ إِ ذ أَسْ د-إِنّْضنْ أَكْ-ذ ثْيَارْسَاوِينْ نْسنْ ذ ڒوْثَاذْ نْسنْ ذ إِسغْوَانْ نْسنْ، [أَقَا ذ ثَا ذ ثَاسْغَارْثْ نْسنْ ذِي ثْربُّوثْ] ن مَارَّا ڒقْشُوعْ نْسنْ ؤُ ذِي مَارَّا ثَاسخَّارْثْ [إِ د-إِتَّاسنْ أَكْ-ذ مَارَّا مَانْ أَيَا]. ڒقْشُوعْ إِ إِتّْخصَّا أَذْ ثنْ أَرْبُونْ، إِتّْخصَّا كنِّيوْ أَذْ ثنْ ثْزمّذْ س إِسْمَاونْ نْسنْ.
NUM 4:33 ذ ثَا ذ ثَاسخَّارْثْ ن ڒَادْجَاثْ ن أَيْثْ ن مَارَارِي غَارْ مَارَّا ثَاسخَّارْثْ نْسنْ ذڭْ ؤُقِيضُونْ ن ؤُمْسَاڭَارْ سَاذُو ؤُفُوسْ ن إِثَامَارْ، مِّيسْ ن هَارُونْ، أَكهَّانْ.“
NUM 4:34 مُوسَا ذ هَارُونْ ذ ڒْحُوكَّامْ ن ثْمسْمُونْثْ حسْبنْ أَيْثْ ن قَاهَاثْ، [أَمْ تّْوَاستّْفنْ نِيثْنِي] عْلَاحْسَابْ ڒَادْجَاثْ نْسنْ ؤُ عْلَاحْسَابْ ثُوذْرِينْ ن إِبَابَاثنْ نْسنْ،
NUM 4:35 زڭْ [ونِّي غَارْ إِدْجَا] ثْڒَاثِينْ ن إِسڭّْوُوسَا سنّجْ، أَڒْ [ونِّي غَارْ إِدْجَا] خمْسِينْ ن إِسڭّْوُوسَا، كُوڒْ إِجّْ إِ غَا يَاذْفنْ مَاحنْذْ أَذْ إِسخَّارْ ذڭْ ؤُقِيضُونْ ن ؤُمْسَاڭَارْ.
NUM 4:36 إِنِّي زَّايْسنْ إِتّْوَاحسْبنْ، [أَمْ تّْوَاستّْفنْ نِيثْنِي] عْلَاحْسَابْ ڒَادْجَاثْ نْسنْ، ثُوغَا أَثنْ ذِي أَڒْفَاينْ ؤُ-سبْعَا-مْيَا ؤُ-خمْسِينْ.
NUM 4:37 إِنَا ذ إِنِّي إِتّْوَاحسْبنْ زِي ڒَادْجَاثْ ن إِقَاهَاثِييّنْ، مَارَّا وِي إِتّْسخَّارنْ ذڭْ ؤُقِيضُونْ ن ؤُمْسَاڭَارْ، إِنِّي حسْبنْ مُوسَا ذ هَارُونْ خْ ڒُومُورْ ن سِيذِي سَاذُو ؤُفُوسْ ن مُوسَا.
NUM 4:38 إِنِّي إِتّْوَاحسْبنْ زڭْ أَيْثْ ن جَارْشُونْ، [أَمْ تّْوَاستّْفنْ نِيثْنِي] عْلَاحْسَابْ ڒَادْجَاثْ نْسنْ ؤُ عْلَاحْسَابْ ثُوذْرِينْ ن إِبَابَاثنْ نْسنْ،
NUM 4:39 زڭْ [ونِّي غَارْ إِدْجَا] ثْڒَاثِينْ ن إِسڭّْوُوسَا سنّجْ، أَڒْ [ونِّي غَارْ إِدْجَا] خمْسِينْ ن إِسڭّْوُوسَا، كُوڒْ إِجّْ إِ غَا يَاذْفنْ مَاحنْذْ أَذْ إِسخَّارْ ذڭْ ؤُقِيضُونْ ن ؤُمْسَاڭَارْ،
NUM 4:40 أَقَا إِنِّي زَّايْسنْ إِتّْوَاحسْبنْ، [أَمْ تّْوَاستّْفنْ نِيثْنِي] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ، ثُوغَا أَثنْ ذِي أَڒْفَاينْ ؤُ-ستَّا-مْيَا ؤُ-ثْڒَاثِينْ،
NUM 4:41 إِنَا ذ إِنِّي إِتّْوَاحسْبنْ ن ڒَادْجَاثْ ن أَيْثْ ن جَارْشُونْ، مَارَّا وِي إِتّْسخَّارنْ ذڭْ ؤُقِيضُونْ ن ؤُمْسَاڭَارْ، إِنِّي حسْبنْ مُوسَا ذ هَارُونْ خْ ڒُومُورْ ن سِيذِي.
NUM 4:42 إِنَا ذ إِنِّي إِتّْوَاحسْبنْ ن ڒَادْجَاثْ ن أَيْثْ ن مَارَارِي، [أَمْ تّْوَاستّْفنْ نِيثْنِي] عْلَاحْسَابْ ڒَادْجَاثْ نْسنْ، عْلَاحْسَابْ ثُوذْرِينْ ن إِبَابَاثنْ نْسنْ،
NUM 4:43 زڭْ [ونِّي غَارْ إِدْجَا] ثْڒَاثِينْ ن إِسڭّْوُوسَا سنّجْ، أَڒْ [ونِّي غَارْ إِدْجَا] خمْسِينْ ن إِسڭّْوُوسَا، كُوڒْ إِجّْ إِ غَا يَاذْفنْ ذِي ڒْعسْكَارْ مَاحنْذْ أَذْ إِسخَّارْ ذڭْ ؤُقِيضُونْ ن ؤُمْسَاڭَارْ،
NUM 4:44 أَقَا إِنِّي زَّايْسنْ إِتّْوَاحسْبنْ، [أَمْ تّْوَاستّْفنْ نِيثْنِي] عْلَاحْسَابْ ڒَادْجَاثْ نْسنْ، ثُوغَا أَثنْ ذِي ثڒْثْ-أَڒَافْ ؤُ-مِيثَاينْ.
NUM 4:45 إِنَا ذ إِنِّي إِتّْوَاحسْبنْ ن ڒَادْجَاثْ ن مَارَارِي، إِنِّي حسْبنْ مُوسَا ذ هَارُونْ خْ ڒُومُورْ ن سِيذِي سَاذُو ؤُفُوسْ ن مُوسَا.
NUM 4:46 مَارَّا إِنِّي إِتّْوَاحسْبنْ، إِنِّي حسْبنْ مُوسَا ذ هَارُونْ ذ ڒْحُوكَّامْ ن إِسْرَائِيل زڭْ إِلَاوِييّنْ، [أَمْ تّْوَاستّْفنْ نِيثْنِي] عْلَاحْسَابْ ڒَادْجَاثْ نْسنْ ؤُ عْلَاحْسَابْ ثُوذْرِينْ ن إِبَابَاثنْ نْسنْ،
NUM 4:47 زڭْ [ونِّي غَارْ إِدْجَا] ثْڒَاثِينْ ن إِسڭّْوُوسَا سنّجْ أَڒْ [ونِّي غَارْ إِدْجَا] خمْسِينْ ن إِسڭّْوُوسَا، مَارَّا ونِّي إِ غَا يَاذْفنْ مَاحنْذْ أَذْ إِڭّْ ڒْخذْمثْ ن ثْسخَّارْثْ ؤُ ڒْخذْمثْ ن [ثْربُّوثْ] ن دّْقُوڒَاثْ ذڭْ ؤُقِيضُونْ ن ؤُمْسَاڭَارْ،
NUM 4:48 أَقَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ثمْنْ-أَڒَافْ ؤُ-خمْسَا-مْيَا ؤُ-ثْمَانِينْ.
NUM 4:49 نِيثْنِي تّْوَاحسْبنْ خْ ڒُومُورْ ن سِيذِي سَاذُو ؤُفُوسْ ن مُوسَا، كُوڒْ أَرْيَازْ [إِتّْوَاڒقّمْ] ذِي ثْسخَّارْثْ نّسْ ؤُ خْ دّْقڒْ نّسْ. نِيثْنِي تّْوَاحسْبنْ زَّايسْ أَمْ مَامّشْ ذ أَسْ يُومُورْ سِيذِي إِ مُوسَا.
NUM 5:1 إِسِّيوڒْ سِيذِي أَكْ-ذ مُوسَا، إِنَّا:
NUM 5:2 ”ؤُمُورْ أَيْثْ ن إِسْرَائِيل أَذْ سُّوفّْغنْ مَارَّا أَيْثْ ن ڒْبَارْصْ زِي ڒْمَارْڭحْ ن ڒْعسْكَارْ، ؤُڒَا ذ مَارَّا إِنِّي غَارْ إِدْجَا ؤُسيّڒْ ذ مَارَّا إِنِّي إِتّْوَاسّْخمْجنْ زڭْ إِشْثْ ن ڒْخشْبثْ.
NUM 5:3 أَذْ ثنْ ثسُّوفّْغمْ، أَمْ يرْيَازنْ أَمْ ثمْغَارِينْ. كنِّيوْ أَذْ ثنْ ثسُّوفّْغمْ بَارَّا إِ ڒْمَارْڭحْ ن ڒْعسْكَارْ حِيمَا وَارْ سّْخمَّاجنْ ڒمْرَاڭحْ نْسنْ مَانِي زدّْغغْ نشّْ ذِي ڒْوسْطْ نْسنْ.“
NUM 5:4 ؤُشَا ڭِّينْ أَيْثْ ن إِسْرَائِيل أَمُّو. نِيثْنِي سُّوفّْغنْ ثنْ بَارَّا إِ ڒْمَارْڭحْ ن ڒْعسْكَارْ. أَيْثْ ن إِسْرَائِيل ڭِّينْ أَمْ مَامّشْ إِ إِنَّا سِيذِي إِ مُوسَا.
NUM 5:5 إِسِّيوڒْ سِيذِي أَكْ-ذ مُوسَا، إِنَّا:
NUM 5:6 ”سِيوڒْ أَكْ-ذ أَيْثْ ن إِسْرَائِيل: ’مَاڒَا إِجّْ ن ورْيَازْ نِيغْ إِشْثْ ن ثمْغَارْثْ إِ إِڭِّينْ شَا ن دّنْبْ ن بْنَاذمْ إِ زِي إِغْذَارْ ذِي سِيذِي، [خنِّي] أَذْ يِيڒِي ڒعْمَارْ نِّي ذ بُو-ؤُمَارْوَاسْ.
NUM 5:7 أَذْ نعْمنْ خْ دّنْبْ نْسنْ إِ ڭِّينْ. نتَّا أَذْ إِخدْجصْ أَمَارْوَاسْ نّسْ مَارَّا ؤُ أَذْ أَسْ يَارْنِي إِشْثْ ن ثسْغَارْثْ ثخْمُوسشْثْ ؤُشَا أَذْ إِوْشْ أَيَا إِ ونِّي إِذوْڒنْ إِتُّورْسْ أَسْ نتَّا.
NUM 5:8 [مَاشَا] مَاڒَا وَارْ ذِينْ إِدْجِي ؤُمفْذِي إِ ورْيَازْ [نِّي]، مَاحنْذْ أَذْ أَسْ إِخدْجصْ أَمَارْوَاسْ، [خنِّي] أَذْ يِيڒِي ؤُمَارْوَاسْ، إِ إِتّْخصَّا أَذْ إِخدْجصْ إِ سِيذِي، إِ ؤُكهَّانْ، أَكْ-ذ ذْ إِشَارِّي ن وصْڒَاحْ إِ زَّايسْ ث غَا إِسّصْڒحْ.
NUM 5:9 كُوڒْ ثَاوْهِيبْثْ نِّي سّْڭعّْذنْ أَيْثْ ن إِسْرَائِيل ن ثوْهِيبِينْ إِقدّْسنْ نِّي د-إِتَّاوْينْ غَارْ ؤُكهَّانْ أَذْ ثِيڒِي نّسْ.
NUM 5:10 مَارَّا [ثِيوْهِيبِينْ] إِقدّْسنْ ن شَا ن ورْيَازْ أَذْ إِڒِينْثْ إِ نتَّا، مِينْ مَا إِ غَا إِوْشْ إِجّْ ن ورْيَازْ إِ ؤُكهَّانْ، [ذ مَانْ أَيَا] أَذْ يِيڒِي إِ نتَّا.‘ “
NUM 5:11 إِسِّيوڒْ سِيذِي أَكْ-ذ مُوسَا، إِنَّا:
NUM 5:12 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي أَسنْ: ’مَاڒَا ثَامْغَارْثْ ن شَا ن ورْيَازْ ثفّغْ ؤُ ثغْذَارْ إِ-ث،
NUM 5:13 ؤُ شَا ن ورْيَازْ إِسّنْ إِ-ت، ؤُشَا مَانْ أَيَا إِنُّوفَارنْ إِ ثِيطَّاوِينْ ن ورْيَازْ نّسْ ؤُ نتَّاثْ ثسّْنُوفَّارْ إِ-ث ؤُشَا [أَمُّو] ثسّخْمجْ إِخفْ نّسْ ؤُ وَارْ ذِينْ وِي خَاسْ غَا إِشهْذنْ ؤُ نتَّاثْ [عمَّارْصْ] وَارْ ثتّْوَاطّفْ،
NUM 5:14 ؤُشَا [خنِّي] يُوسَا-د خَاسْ بُوحْبڒْ ن ثُوسْمِي ؤُشَا يُوسمْ خْ ثمْغَارْثْ نّسْ ؤُمِي نتَّاثْ ثتّْوَاسّخْمجْ، نِيغْ يُوسَا-د خَاسْ بُوحْبڒْ ن ثُوسْمِي ؤُشَا يُوسمْ خْ ثمْغَارْثْ نّسْ ؤُمِي نتَّاثْ وَارْ ثتّْوَاسّخْمِيجْ شَا،
NUM 5:15 [خنِّي] أَرْيَازْ أَذْ يَاوِي ثَامْغَارْثْ نّسْ غَارْ ؤُكهَّانْ ؤُشَا أَذْ يَاوِي ثَاوْهِيبْثْ نّسْ إِ نتَّاثْ، أَقَا-ت ذ ثَاعْشَارْثْ ن إِجّْ ن إِفَا ن وَارنْ ن إِمنْذِي. وَارْ خَاسْ إِفَارّغْ زّشْثْ نِيغْ أَذْ خَاسْ إِسَّارْسْ جَّاوِي، مِينْزِي أَقَا-ت ذ ثَاوْهِيبْثْ [ن ڒْغِيدْجثْ] ذِي سِّيبّثْ ن ثُوسْمِي، إِشْثْ ن ثوْهِيبْثْ [ن ڒْغِيدْجثْ] إِ ڒِيذَارثْ، [ثنِّي] د غَا يَاوْينْ أَخَارّصْ ذِي ڒْمُوعْصِييّثْ.
NUM 5:16 أَذْ ت-إِ-د-إِسّْقَارّبْ ؤُكهَّانْ ؤُشَا أَذْ ت إِسَّارْسْ زَّاثْ إِ وُوذمْ ن سِيذِي.
NUM 5:17 أَذْ إِكْسِي ؤُكهَّانْ أَمَانْ إِقدّْسنْ ذڭْ إِشْثْ ن ڒْقشْعثْ ن ثْڒَاخْثْ ؤُشَا أَذْ إِكْسِي [شَا] زڭْ ؤُشَاڒْ إِ إِدْجَانْ ذِي ثمُّورْثْ ن ثْزذِّيغْثْ، أَذْ يڭّْ [أَيَا] ذڭْ وَامَانْ.
NUM 5:18 [خنِّي] أَذْ إِڭّْ ؤُكهَّانْ ثَامْغَارْثْ [نِّي] زَّاثْ إِ وُوذمْ ن سِيذِي، أَذْ إِفكّْ [أَشُوَّافْ ن] ؤُزدْجِيفْ ن ثمْغَارْثْ ؤُشَا أَذْ إِڭّْ ثَاوْهِيبْثْ [ن ڒْغِيدْجثْ] إِ ڒِيذَارثْ ذڭْ إِفَاسّنْ نّسْ، أَقَا ذ ثَاوْهِيبْثْ [ن ڒْغِيدْجثْ] ن ثُوسْمِي. أَكهَّانْ أَذْ إِطّفْ ذڭْ ؤُفُوسْ نّسْ أَمَانْ إِمرْزَاڭنْ نِّي د-إِتَّاوْينْ نّعْڒثْ.
NUM 5:19 أَكهَّانْ أَذْ ت يجّْ أَذْ ثجَّادْجْ ؤُشَا أَذْ يِينِي إِ ثمْغَارْثْ: مَاڒَا وَارْ كِيمْ إِطِّيصْ حذْ ؤُ وَارْ ثوْضِيذْ زڭْ ورْيَازْ نّمْ ذِي ثخْمُوجِي، أَقَا أَذْ ثِيڒِيذْ ثتّْوَاصْفِيذْ زڭْ وَامَانْ-أَ إِمرْزَاڭنْ إِنِّي د-إِتَّاوْينْ نّعْڒثْ.
NUM 5:20 [مَاشَا ؤُشْثْ خَامْ،] مَاڒَا ثوْضِيذْ زڭْ ورْيَازْ نّمْ ؤُشَا ثتّْوَاسّْخمْجذْ ؤُشَا إِجّْ ن ورْيَازْ مْغِيرْ أَرْيَازْ نّمْ إِطّصْ أَكِيمْ!
NUM 5:21 [خنِّي] أَذْ يجّْ ؤُكهَّانْ ثَامْغَارْثْ أَذْ ثجَّادْجْ ثَاجَادْجِيثْ ن نّعْڒثْ. أَذْ يِينِي ؤُكهَّانْ إِ ثمْغَارْثْ: سِيذِي أَذْ شمْ يَارّْ ذ [إِجّْ ن ؤُمذْيَا] ن نّعْڒثْ[-أَ] ذ ثْجَادْجِيثْ[-أَ] ذِي ڒْوسْطْ ن ڒْڭنْسْ نّمْ، خْمِي غَا يجّْ سِيذِي أَذْ إِوْضَا ؤُمصَّاضْ نّمْ ؤُشَا أَذْ يَارّْ أَعذِّيسْ نّمْ يُوفّْ،
NUM 5:22 ؤُشَا أَمَانْ-أَ إِ د-إِتَّاوْينْ نّعْڒثْ أَذْ أَذْفنْ غَارْ وَاذَانْ نّمْ مَاحنْذْ أَذْ سُّوفّنْ أَعذِّيسْ نّمْ ؤُشَا أَذْ سّْغضْڒنْ أَمصَّاضْ نّمْ! ؤُشَا أَذْ ثِينِي ثمْغَارْثْ: أَمِينْ أَمِينْ!
NUM 5:23 أَذْ يَارِي ؤُكهَّانْ نّْعَاڒِي-يَا خْ إِشْثْ ن ثوْرِيقْثْ إِتّْوَانّْضنْ ؤُشَا [خنِّي] أَذْ [ثنْثْ] إِمْحَا ذڭْ وَامَانْ إِمرْزَاڭنْ.
NUM 5:24 أَذْ إِوْشْ أَمَانْ إِمرْزَاڭنْ إِ د-إِتَّاوْينْ نّعْڒثْ إِ ثمْغَارْثْ ؤُ نتَّاثْ أَذْ ثْسُو أَڒَامِي أَمَانْ إِ د-إِتَّاوْينْ نّعْڒثْ أَذْ ذَايسْ أَذْفنْ ذَاخڒْ ؤُشَا أَذْ ذوْڒنْ ذ إِمرْزَاڭنْ.
NUM 5:25 أَكهَّانْ أَذْ إِكْسِي ثَاوْهِيبْثْ [ن ڒْغِيدْجثْ] ن ثُوسْمِي زڭْ ؤُفُوسْ ن ثمْغَارْثْ ؤُشَا أَذْ إِسّنْهزّْ ثَاوْهِيبْثْ [ن ڒْغِيدْجثْ] زَّاثْ إِ وُوذمْ ن سِيذِي ؤُشَا أَذْ ت-إِ-د إِسّْقَارّبْ غَارْ ؤُعَالْطَارْ.
NUM 5:26 أَذْ إِكْسِي ؤُكهَّانْ إِجّْ ن وُورُو زِي ثوْهِيبْثْ [ن ڒْغِيدْجثْ]، أَقَا-ت ذ ثَاوْهِيبْثْ نْ ڒِيذَارثْ، ؤُشَا أَذْ إِسّْبخَّارْ أَيَا خْ ؤُعَالْطَارْ ؤُشَا خنِّي أَذْ إِوْشْ أَمَانْ إِ ثمْغَارْثْ أَذْ ثْسُو.
NUM 5:27 مَاڒَا إِوْشَا أَسْ أَمَانْ أَذْ ثْسُو، [خنِّي]، مَاڒَا ثتّْوَاسّخْمجْ ؤُشَا نتَّاثْ ثغْذَارْ أَرْيَازْ نّسْ، أَمَانْ إِ د-إِتَّاوْينْ نّعْڒثْ أَذْ ذَايسْ ذوْڒنْ ذ إِمرْزَاڭنْ ؤُشَا أَعذِّيسْ نّسْ أَذْ يُوفّْ ؤُشَا أَمصَّاضْ نّسْ أَذْ إِتّْوَاغْضڒْ ؤُ ثَامْغَارْثْ أَذْ ثذْوڒْ ذ نّعْڒثْ ذِي ڒْوسْطْ ن ڒْڭنْسْ نّسْ.
NUM 5:28 [مَاشَا] مَاڒَا وَارْ ثخْمِيجْ شَا ثمْغَارْثْ، [مَاشَا] ثزْذڭْ، [خنِّي] أَذْ ثِيڒِي وَارْ خَاسْ شَا، أَذْ ثِيڒِي ثتَّارُو.‘ “
NUM 5:29 وَا ذ أَزرْفْ زِي جِّيهثْ ن ثُوسْمِي، خْمِي ثوْضَا إِشْثْ ن ثمْغَارْثْ زڭْ ورْيَازْ نّسْ ؤُشَا ثتّْوَاسّخْمجْ
NUM 5:30 نِيغْ خْمِي د يُوسَا بُوحْبڒْ ن ثُوسْمِي خْ ورْيَازْ ؤُشَا نتَّا يُوسمْ خْ ثمْغَارْثْ نّسْ. [خنِّي] أَذْ يَارَّا ثَامْغَارْثْ أَذْ ثْبدّْ زَّاثْ إِ وُوذمْ ن سِيذِي ؤُ أَكهَّانْ أَذْ أَسْ إِكمّڒْ مَارَّا أَزرْفْ-أَ وَا.
NUM 5:31 أَرْيَازْ أَذْ يِيڒِي ذ أَمزْذَاڭْ زِي سِّيبّثْ ن ڒْمُوعْصِييّثْ، ثَامْغَارْثْ-أَ أَذْ ثَارْبُو ڒْمُوعْصِييّثْ نّسْ.
NUM 6:1 إِسِّيوڒْ سِيذِي أَكْ-ذ مُوسَا، إِنَّا:
NUM 6:2 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي أَسنْ: ’مَاڒَا إِجّْ ن ورْيَازْ نِيغْ إِشْثْ ن ثمْغَارْثْ إِ إِوجْذنْ مَاحنْذْ أَذْ إِوْشْ أَوَاڒْ ن تَّاجْ [ن ؤُشُوَّافْ ن لْوَاعْذْ]، مَاحنْذْ أَذْ إِعْزڒْ إِخفْ نّسْ [س تَّاجْ نِّي] إِ سِيذِي،
NUM 6:3 [خنِّي] أَذْ إِڭّْوجْ خْ بِينُو ذ شّْرَابْ. وَارْ إِسسّْ ڒْخدْجْ زِي بِينُو نِيغْ ڒْخدْجْ زِي شّْرَابْ ؤُ وَارْ إِسسّْ أَمَانْ ن ؤُضِيڒْ، ؤُ وَارْ إِتّتّْ زڭْ ؤُضِيڒْ أَزيْزَا نِيغْ زڭْ ؤُضِيڒْ يُوژْغنْ.
NUM 6:4 مَارَّا ؤُسَّانْ ن تَّاجْ نّسْ [ن وعْزَاڒْ] وَارْ إِتّتّْ شَا مِينْ د-إِفّْغنْ زِي ثْزَايَارْثْ، زڭْ ؤُعقَّا [نّسْ] أَڒْ ثَاقْشُورْثْ [نّسْ].‘ “
NUM 6:5 ”مَارَّا ؤُسَّانْ ن وَاوَاڒْ إِ د تَّاسنْ أَكْ-ذ تَّاجْ نّسْ [ن وعْزَاڒْ] وَارْ إِتّكّْ ڒْمُوسْ خْ ؤُزدْجِيفْ نّسْ أَڒْ غَا كمّْڒنْ وُوسَّانْ نِّي إِعْزڒْ إِ سِيذِي ؤُشَا أَذْ يِيڒِي إِقدّسْ ؤُشَا أَذْ يجّْ إِعيَّاشنْ ن ؤُشُوَّافْ ن ؤُزدْجِيفْ نّسْ أَذْ مْغَارنْ.
NUM 6:6 مَارَّا ؤُسَّانْ إِ إِسّْحُوزّْ إِ سِيذِي، وَارْ د-إِتّْقَارِّيبْ شَا غَارْ ڒعْمَارْ ن إِجّْ ن ؤُمتِّينْ.
NUM 6:7 وَارْ إِسّْخمِّيجْ إِخفْ نّسْ خْ بَابَاسْ نِيغْ خْ يمَّاسْ نِيغْ خْ ؤُمَاسْ نِيغْ خْ ؤُتْشْمَاسْ مَاڒَا ڭُّورنْ أَذْ مّْثنْ، مِينْزِي تَّاجْ [ن وعْزَاڒْ] ن أَربِّي نّسْ أَقَا-ت خْ ؤُزدْجِيفْ نّسْ.“
NUM 6:8 ”مَارَّا ؤُسَّانْ ن تَّاجْ نّسْ [ن وعْزَاڒْ] أَذْ يِيڒِي إِقدّسْ إِ سِيذِي.
NUM 6:9 مَاڒَا ونِّي إِتّْمتَّانْ أَذْ إِمّثْ ذغْيَا ذڭْ ورْمَاشْ ن وَابْڒِيونْ ؤُشَا إِسّخْمجْ أَزدْجِيفْ [نّسْ] س تَّاجْ نّسْ [ن وعْزَاڒْ]، [خنِّي] أَذْ إِحفّْ أَزدْجِيفْ نّسْ ذڭْ وَاسّْ ن ؤُسِيزْذڭْ نّسْ. ذڭْ وَاسّْ وِيسّْ سبْعَا إِتّْخصَّا أَذْ ث إِحفّْ.
NUM 6:10 ذڭْ وَاسّْ وِيسّْ ثْمنْيَا أَذْ يَاوِي ثْنَاينْ ن ثجْلِيلِّيحِينْ نِيغْ ثْنَاينْ ن إِضْبِيرنْ غَارْ ؤُكهَّانْ غَارْ وَاذَافْ ن ؤُقِيضُونْ ن ؤُمْسَاڭَارْ.
NUM 6:11 أَكهَّانْ أَذْ إِسّوْجذْ إِشْثْ ذ ثَاغَارْصْثْ ن دّنْبْ ذ إِشْثْ ذ ثَاغَارْصْثْ ن وشْمَاضْ ؤُشَا أَذْ ث إِسّصْڒحْ، مِينْزِي نتَّا أَقَا إِخْضَا ذِي سِّيبّثْ ن ؤُمتِّينْ. نتَّا أَذْ إِسّْقدّسْ أَزدْجِيفْ نّسْ [عَاوذْ] ذڭْ وَاسّْ نِّي
NUM 6:12 ؤُشَا [ثْوَاڒَا نّغْنِي] أَذْ إِنيّشْ نتَّا ؤُسَّانْ ن تَّاجْ نّسْ [ن وعْزَاڒْ] إِ سِيذِي ؤُشَا أَذْ إِقدّمْ إِجّْ ن إِزْمَارْ ن إِجّْ ن ؤُسڭّْوَاسْ ذ ثَاغَارْصْثْ ن ؤُمَارْوَاسْ. ؤُسَّانْ إِعْذُونْ أَذْ إِڒِينْ وْضَانْ مِينْزِي أَقَا ثتّْوَاسّخْمجْ تَّاجْ نّسْ [ن وعْزَاڒْ].“
NUM 6:13 ”وَا ذ أَزرْفْ ن ونِّي يَاربُّونْ تَّاجْ [ن وعْزَاڒْ]: ذڭْ وَاسّْ مِينْ ذِي تّْوَاكمّْڒنْ وُوسَّانْ ن تَّاجْ نّسْ [ن وعْزَاڒْ]، أَذْ ث أَوْينْ غَارْ وَاذَافْ ن ؤُقِيضُونْ ن ؤُمْسَاڭَارْ.
NUM 6:14 [خنِّي] أَذْ د-إِسّْقَارّبْ ثَاوْهِيبْثْ نّسْ غَارْ سِيذِي، إِجّْ ن إِزْمَارْ إِشْنَانْ قَاعْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ ذ إِشْثْ ن ثخْسِي إِشْنَانْ قَاعْ ن إِجّْ ن ؤُسڭّْوَاسْ أَمْ ثْغَارْصْثْ ن دّنْبْ ذ إِجّْ ن إِشَارِّي إِشْنَانْ قَاعْ أَمْ ثْغَارْصْثْ ن ڒهْنَا
NUM 6:15 ذ إِشْثْ ن ثْسُودْجثْ أَكْ-ذ وغْرُومْ بْڒَا أَنْثُونْ ذ ڒمْسمْنَاثْ ن وَارنْ أَزْذَاذْ إِخدْجْضنْ س زّشْثْ ذ ثڒْفَافْ ن وغْرُومْ بْڒَا أَنْثُونْ تّْوَاذهْننْثْ س زّشْثْ ؤُڒَا ذ ثَاوْهِيبْثْ نّسْ [ن ڒْغِيدْجثْ] ذ ثوْهِيبِينْ نّسْ ن ؤُسيّبْ.“
NUM 6:16 ”أَكهَّانْ أَذْ يَاوِي [مَانْ أَيَا] زَّاثْ إِ وُوذمْ ن سِيذِي ؤُشَا أَذْ إِسّوْجذْ ثَاغَارْصْثْ نّسْ ن دّنْبْ ذ ثْغَارْصْثْ نّسْ ن وشْمَاضْ.
NUM 6:17 أَذْ إِسّوْجذْ إِشَارِّي أَمْ ثْغَارْصْثْ ن ڒهْنَا إِ سِيذِي ؤُڒَا ذ ثَاسُودْجثْ أَكْ-ذ ثشْنِيفِينْ بْڒَا أَنْثُونْ ؤُشَا أَكهَّانْ أَذْ إِسّوْجذْ [عَاوذْ] ثَاوْهِيبْثْ [ن ڒْغِيدْجثْ] نّسْ ذ ثوْهِيبِينْ ن ؤُسيّبْ نّسْ.“
NUM 6:18 ”[خنِّي] ونِّي يَاربُّونْ تَّاجْ [ن وعْزَاڒْ] أَذْ إِحفّْ أَزدْجِيفْ ن تَّاجْ نّسْ [ن وعْزَاڒْ] غَارْ وَاذَافْ ن ؤُقِيضُونْ ن ؤُمْسَاڭَارْ ؤُشَا أَذْ إِكْسِي أَشُوَّافْ ن ؤُزدْجِيفْ ن تَّاجْ نّسْ [ن وعْزَاڒْ] ؤُشَا أَذْ يڭّْ أَيَا خْ ثْمسِّي [إِ إِدْجَانْ] سَاذُو ثْغَارْصْثْ ن ڒهْنَا.
NUM 6:19 [خنِّي] أَذْ إِكْسِي ؤُكهَّانْ ثَامصَّاضْثْ ن زَّاثْ ينْڭّْوَانْ ن إِشَارِّي ذ إِشْثْ ن ثمْسمّنْثْ بْڒَا أَنْثُونْ زِي ثْسُودْجثْ ذ إِشْثْ ن ثڒْففْثْ بْڒَا أَنْثُونْ ؤُشَا أَذْ ثنْثْ إِسَّارْسْ خْ إِفَاسّنْ ن ونِّي يَاربُّونْ تَّاجْ [ن وعْزَاڒْ] أَوَارْنِي مَا إِحفّْ تَّاجْ نّسْ [ن وعْزَاڒْ].
NUM 6:20 أَكهَّانْ أَذْ ثنْثْ إِسّنْهزّْ زِي سَّا غَارْ ذَا زَّاثْ إِ وُوذمْ ن سِيذِي. أَقَا-ت ذ إِشْثْ ن ثْمسْڒَاشْثْ ثَامْقدَّاسْثْ إِ ؤُكهَّانْ، أَكْ-ذ إِذْمَارنْ ن ونْهزِّي ؤُ أَكْ-ذ ؤُشكْرُوذْ ن ثوْهِيبْثْ إِتّْوَاسّْڭعّْذنْ. أَوَارْنِي أَيَا إِعدّڒْ إِ ونِّي يَاربُّونْ تَّاجْ [ن وعْزَاڒْ] مَاحنْذْ أَذْ إِسُو بِينُو.“
NUM 6:21 ”وَا ذ أَزرْفْ ن ونِّي يَاربُّونْ تَّاجْ [ن وعْزَاڒْ]، ونِّي ثُوغَا إِوَاعْذنْ إِ سِيذِي ثَاوْهِيبْثْ نّسْ ذِي سِّيبّثْ ن تَّاجْ [ن وعْزَاڒْ] نّسْ، بَارَّا مِينْ إِزمَّارْ ؤُفُوسْ نّسْ [عَاذْ] أَذْ إِسِّيوضْ. إِتّْخصَّا أَسْ أَذْ يڭّْ عْلَاحْسَابْ أَوَاڒْ إِ إِوْشِينْ، [عْلَاحْسَابْ] أَزرْفْ ن تَّاجْ [ن وعْزَاڒْ] نّسْ.“
NUM 6:22 إِسِّيوڒْ سِيذِي أَكْ-ذ مُوسَا، إِنَّا:
NUM 6:23 ”سِيوڒْ أَكْ-ذ هَارُونْ ذ وَارَّاوْ نّسْ ؤُشَا إِنِي: ’أَمُّو أَذْ ثْبَارْكمْ أَيْثْ ن إِسْرَائِيل ؤُشَا أَذْ أَسنْ ثِينِيمْ:
NUM 6:24 سِيذِي أَذْ أَشْ إِبَاركْ ؤُشَا أَذْ شكْ إِحْضَا!
NUM 6:25 سِيذِي أَذْ يَارّْ ؤُذمْ نّسْ أَذْ خَاكْ يڭّْ ثْفَاوْثْ ؤُشَا أَذْ خَاكْ إِحِينّْ.
NUM 6:26 سِيذِي أَذْ غَاركْ د-إِنّقْڒبْ ؤُذمْ نّسْ ؤُشَا أَذْ أَشْ إِوْشْ ڒهْنَا!‘
NUM 6:27 أَذْ سِّيوْضنْ إِسمْ إِنُو خْ أَيْثْ ن إِسْرَائِيل ؤُ نشّْ أَذْ ثنْ بَارْكغْ.‘ “
NUM 7:1 إِمْسَارْ ذڭْ وَاسّْ مِينْ ذِي إِكمّڒْ مُوسَا أَسْبذِّي ن ثْزذِّيغْثْ، إِذْهنْ ؤُ إِسّْقدّسْ إِ-ت أَكْ-ذ ڒقْشُوعْ نّسْ ؤُڒَا ذ مَارَّا أَعَالْطَارْ أَكْ-ذ ڒقْشُوعْ نّسْ. أَقَا إِذْهنْ إِ-ثنْ ؤُشَا إِسّْقدّسْ إِ-ثنْ.
NUM 7:2 [خنِّي] قَارّْبنْ-د ڒْحُوكَّامْ ن إِسْرَائِيل، إِزدْجِيفنْ ن ثُوذْرِينْ ن ڒجْذُوذْ نْسنْ. نِيثْنِي ذ ڒْحُوكَّامْ ن ثْقبَّاڒْ، نِيثْنِي ثُوغَا خْ يِينِّي إِتّْوَاحسْبنْ.
NUM 7:3 نِيثْنِي إِوْينْ-د ثَاوْهِيبْثْ نْسنْ زَّاثْ إِ وُوذمْ ن سِيذِي: ستَّا ن إِكَارُّوثنْ أَكْ-ذ ثْسقِّيفْثْ ذ ثنْعَاشْ ن إِفُونَاسنْ، أَقَا ذ إِجّْ ن ؤُكَارُّو إِ ثْنَاينْ ن ڒْحُوكَّامْ ذ إِجّْ ن ؤُفُونَاسْ إِ كُوڒْ إِجّْ [ن ڒْحَاكمْ] ؤُشَا إِوْينْ ثنْ زَّاثْ إِ وُوذمْ ن ثْزذِّيغْثْ.
NUM 7:4 إِسِّيوڒْ سِيذِي أَكْ-ذ مُوسَا، إِنَّا:
NUM 7:5 ”كْسِي أَيَا زَّايْسنْ، حِيمَا أَذْ إِڒِينْ إِ ڒْخذْمثْ ن ثْسخَّارْثْ ن ؤُقِيضُونْ ن ؤُمْسَاڭَارْ. إِتّْخصَّا أَذْ ثنْ ثوْشذْ إِ إِلَاوِييّنْ، [إِ كُوڒْ أَرْيَازْ] أَمْ مَامّشْ د-إِتَّاسْ أَكْ-ذ ثْسخَّارْثْ نّسْ.“
NUM 7:6 ؤُشَا مُوسَا إِطّفْ إِكَارُّوثنْ ذ إِفُونَاسنْ ؤُشَا إِوْشَا إِ-ثنْ إِ إِلَاوِييّنْ.
NUM 7:7 ثْنَاينْ ن إِكَارُّوثنْ ذ أَربْعَا ن إِفُونَاسنْ إِ إِوْشَا إِ أَيْثْ ن جَارْشُونْ، أَمْ مَامّشْ د-إِتَّاسْ أَكْ-ذ ثْسخَّارْثْ نْسنْ،
NUM 7:8 ؤُ إِ أَيْثْ ن مَارَارِي إِوْشَا أَسنْ أَربْعَا ن إِكَارُّوثنْ ذ ثْمنْيَا ن إِفُونَاسنْ، أَمْ مَامّشْ د-إِتَّاسْ أَكْ-ذ ثْسخَّارْثْ نْسنْ سَاذُو ؤُفُوسْ ن إِثَامَارْ، مِّيسْ ن ؤُكهَّانْ هَارُونْ.
NUM 7:9 إِ أَيْثْ ن قَاهَاثْ وَارْ ذ أَسنْ إِوْشِي وَالُو، مِينْزِي ثُوغَا خَاسنْ ثَاسخَّارْثْ ن زَّاوشْثْ إِقدّْسنْ، نِيثْنِي أَرْبُونْ [زَّاوشْثْ] خْ ثْغَارْوَاضْ [نْسنْ].
NUM 7:10 [خنِّي] قَارّْبنْ-د ڒْحُوكَّامْ أَكْ-ذ ثوْهِيبْثْ إِ ؤُذشّنْ ن ؤُعَالْطَارْ ذڭْ وَاسّْ مِينْ ذِي إِتّْوَاذْهنْ [ؤُعَالْطَارْ]. إِوْينْ ڒْحُوكَّامْ ثِيوْهِيبِينْ نْسنْ زَّاثْ إِ وُوذمْ ن ؤُعَالْطَارْ.
NUM 7:11 إِنَّا سِيذِي إِ مُوسَا: ”إِجّْ ن ڒْحَاكمْ ذڭْ [إِجّْ ن] وَاسّْ، [خنِّي عَاوذْ] إِجّْ ن ڒْحَاكمْ ذڭْ وَاسّْ [أَوَارْنِي أَسْ]، [أَمُّو] إِ غَا قدّْمنْ نِيثْنِي ثِيوْهِيبِينْ نْسنْ إِ ؤُذشّنْ ن ؤُعَالْطَارْ.“
NUM 7:12 ذڭْ وَاسّْ أَمزْوَارُو إِقدّمْ نَاحْشُونْ، مِّيسْ ن عَامِّينَاذَابْ، زِي ثقْبِيتْشْ ن يَاهُوذَا، ثَاوْهِيبْثْ نّسْ.
NUM 7:13 ثُوغَا-ت ثَاوْهِيبْثْ نّسْ: إِجّنْ طّبْصِي ن نُّوقَارْثْ ن مْيَا ؤُ-ثْڒَاثِينْ شِيقْلُو [ن دّْقڒْ]، ذ إِشْثنْ طَّاوْيَا إِ ؤُرُوشِّي ن نُّوقَارْثْ ن سبْعِينْ شِيقْلُو، عْلَاحْسَابْ شِيقْلُو ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ [ن ڒْغِيدْجثْ].
NUM 7:14 [خنِّي] إِشْثْ ن ثْغنْجَاشْثْ ن وُورغْ نعشْرَا [شِيقْلُو] ثشُّورْ س ڒبْخُورْ،
NUM 7:15 إِجّْ ن ؤُفُونَاسْ - أَمژْيَانْ ن ثْفُونَاسْثْ - إِجّْ ن إِشَارِّي، إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ،
NUM 7:16 إِجّْ ن ؤُمْيَانْ زڭْ إِغَايْضنْ إِ ثْغَارْصْثْ ن دّنْبْ
NUM 7:17 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ ذ خمْسَا ن إِشَارِّييّنْ ذ خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن نَاحْشُونْ، مِّيسْ ن عَامِّينَاذَابْ.
NUM 7:18 ذڭْ وَاسّْ وِيسّْ ثْنَاينْ إِقدّمْ نَاثَانَايِيلْ، مِّيسْ ن صُوغَارْ، ونِّي ذ ڒْحَاكمْ ن إِسَّاكَارْ، ثَاوْهِيبْثْ نّسْ.
NUM 7:19 ثُوغَا-ت ثَاوْهِيبْثْ نّسْ: إِجّنْ طّبْصِي ن نُّوقَارْثْ ن مْيَا ؤُ-ثْڒَاثِينْ شِيقْلُو [ن دّْقڒْ]، ذ إِشْثنْ طَّاوْيَا إِ ؤُرُوشِّي ن نُّوقَارْثْ ن سبْعِينْ شِيقْلُو، عْلَاحْسَابْ شِيقْلُو ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ [ن ڒْغِيدْجثْ].
NUM 7:20 [خنِّي] إِشْثْ ن ثْغنْجَاشْثْ ن وُورغْ نعشْرَا [شِيقْلُو] ثشُّورْ س ڒبْخُورْ،
NUM 7:21 إِجّْ ن ؤُفُونَاسْ - أَمژْيَانْ ن ثْفُونَاسْثْ - إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ،
NUM 7:22 إِجّْ ن ؤُمْيَانْ زڭْ إِغَايْضنْ إِ ثْغَارْصْثْ ن دّنْبْ
NUM 7:23 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن نَاثَانَايِيلْ، مِّيسْ ن صُوغَارْ.
NUM 7:24 ذڭْ وَاسّْ وِيسّْ ثْڒَاثَا إِقدّمْ ڒْحَاكمْ ن أَيْثْ ن زابُولُونْ، إِلِييَابْ، مِّيسْ ن حِيلُونْ، ثَاوْهِيبْثْ نّسْ.
NUM 7:25 ثُوغَا-ت ثَاوْهِيبْثْ نّسْ: إِجّنْ طّبْصِي ن نُّوقَارْثْ ن مْيَا ؤُ-ثْڒَاثِينْ شِيقْلُو [ن دّْقڒْ]، ذ إِشْثنْ طَّاوْيَا إِ ؤُرُوشِّي ن نُّوقَارْثْ ن سبْعِينْ شِيقْلُو، عْلَاحْسَابْ شِيقْلُو ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ [ن ڒْغِيدْجثْ].
NUM 7:26 [خنِّي] إِشْثْ ن ثْغنْجَاشْثْ ن وُورغْ نعشْرَا [شِيقْلُو] ثشُّورْ س ڒبْخُورْ،
NUM 7:27 إِجّْ ن ؤُفُونَاسْ - أَمژْيَانْ ن ثْفُونَاسْثْ - إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ،
NUM 7:28 إِجّْ ن ؤُمْيَانْ زڭْ إِغَايْضنْ إِ ثْغَارْصْثْ ن دّنْبْ
NUM 7:29 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن إِلِييَابْ، مِّيسْ ن حِيلُونْ.
NUM 7:30 ذڭْ وَاسّْ وِيسّْ أَربْعَا إِقدّمْ ڒْحَاكمْ ن أَيْثْ ن رُوبِينْ، أَلِيصُورْ، مِّيسْ ن شَاذَايُّورْ، ثَاوْهِيبْثْ نّسْ.
NUM 7:31 ثُوغَا-ت ثَاوْهِيبْثْ نّسْ: إِجّنْ طّبْصِي ن نُّوقَارْثْ ن مْيَا ؤُ-ثْڒَاثِينْ شِيقْلُو [ن دّْقڒْ]، ذ إِشْثنْ طَّاوْيَا إِ ؤُرُوشِّي ن نُّوقَارْثْ ن سبْعِينْ شِيقْلُو، عْلَاحْسَابْ شِيقْلُو ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ [ن ڒْغِيدْجثْ].
NUM 7:32 [خنِّي] إِشْثْ ن ثْغنْجَاشْثْ ن وُورغْ نعشْرَا [شِيقْلُو] ثشُّورْ س ڒبْخُورْ،
NUM 7:33 إِجّْ ن ؤُفُونَاسْ - أَمژْيَانْ ن ثْفُونَاسْثْ - إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ،
NUM 7:34 إِجّْ ن ؤُمْيَانْ زڭْ إِغَايْضنْ إِ ثْغَارْصْثْ ن دّنْبْ
NUM 7:35 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن أَلِيصُورْ، مِّيسْ ن شَاذَايُّورْ.
NUM 7:36 ذڭْ وَاسّْ وِيسّْ خمْسَا إِقدّمْ ڒْحَاكمْ ن أَيْثْ ن شِيمْعُونْ، شَالُومِييِيلْ، مِّيسْ ن صُورِيشَادَّايْ، ثَاوْهِيبْثْ نّسْ.
NUM 7:37 ثُوغَا-ت ثَاوْهِيبْثْ نّسْ: إِجّنْ طّبْصِي ن نُّوقَارْثْ ن مْيَا ؤُ-ثْڒَاثِينْ شِيقْلُو [ن دّْقڒْ]، ذ إِشْثنْ طَّاوْيَا إِ ؤُرُوشِّي ن نُّوقَارْثْ ن سبْعِينْ شِيقْلُو، عْلَاحْسَابْ شِيقْلُو ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ [ن ڒْغِيدْجثْ].
NUM 7:38 [خنِّي] إِشْثْ ن ثْغنْجَاشْثْ ن وُورغْ نعشْرَا [شِيقْلُو] ثشُّورْ س ڒبْخُورْ،
NUM 7:39 إِجّْ ن ؤُفُونَاسْ - أَمژْيَانْ ن ثْفُونَاسْثْ - إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ،
NUM 7:40 إِجّْ ن ؤُمْيَانْ زڭْ إِغَايْضنْ إِ ثْغَارْصْثْ ن دّنْبْ
NUM 7:41 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن شَالُومِييِيلْ، مِّيسْ ن صُورِيشَادَّايْ.
NUM 7:42 ذڭْ وَاسّْ وِيسّْ ستَّا إِقدّمْ ڒْحَاكمْ ن أَيْثْ ن جَاذْ، أَلِييَاسَافْ، مِّيسْ ن ذَاعُويِيلْ، ثَاوْهِيبْثْ نّسْ.
NUM 7:43 ثُوغَا-ت ثَاوْهِيبْثْ نّسْ: إِجّنْ طّبْصِي ن نُّوقَارْثْ ن مْيَا ؤُ-ثْڒَاثِينْ شِيقْلُو [ن دّْقڒْ]، ذ إِشْثنْ طَّاوْيَا إِ ؤُرُوشِّي ن نُّوقَارْثْ ن سبْعِينْ شِيقْلُو، عْلَاحْسَابْ شِيقْلُو ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ [ن ڒْغِيدْجثْ].
NUM 7:44 [خنِّي] إِشْثْ ن ثْغنْجَاشْثْ ن وُورغْ نعشْرَا [شِيقْلُو] ثشُّورْ س ڒبْخُورْ،
NUM 7:45 إِجّْ ن ؤُفُونَاسْ - أَمژْيَانْ ن ثْفُونَاسْثْ - إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ،
NUM 7:46 إِجّْ ن ؤُمْيَانْ زڭْ إِغَايْضنْ إِ ثْغَارْصْثْ ن دّنْبْ
NUM 7:47 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن أَلِييَاسَافْ، مِّيسْ ن ذَاعُويِيلْ.
NUM 7:48 ذڭْ وَاسّْ وِيسّْ سبْعَا إِقدّمْ ڒْحَاكمْ ن أَيْثْ ن إِفْرَايِيمْ، إِلِيشَامَاعْ، مِّيسْ ن عَامِّيهُوذْ، ثَاوْهِيبْثْ نّسْ.
NUM 7:49 ثُوغَا-ت ثَاوْهِيبْثْ نّسْ: إِجّنْ طّبْصِي ن نُّوقَارْثْ ن مْيَا ؤُ-ثْڒَاثِينْ شِيقْلُو [ن دّْقڒْ]، ذ إِشْثنْ طَّاوْيَا إِ ؤُرُوشِّي ن نُّوقَارْثْ ن سبْعِينْ شِيقْلُو، عْلَاحْسَابْ شِيقْلُو ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ [ن ڒْغِيدْجثْ].
NUM 7:50 [خنِّي] إِشْثْ ن ثْغنْجَاشْثْ ن وُورغْ نعشْرَا [شِيقْلُو] ثشُّورْ س ڒبْخُورْ،
NUM 7:51 إِجّْ ن ؤُفُونَاسْ - أَمژْيَانْ ن ثْفُونَاسْثْ - إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ،
NUM 7:52 إِجّْ ن ؤُمْيَانْ زڭْ إِغَايْضنْ إِ ثْغَارْصْثْ ن دّنْبْ
NUM 7:53 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن إِلِيشَامَاعْ، مِّيسْ ن عَامِّيهُوذْ.
NUM 7:54 ذڭْ وَاسّْ وِيسّْ ثْمنْيَا إِقدّمْ ڒْحَاكمْ ن أَيْثْ ن مَانَاسَّا، جَامَالِييِيلْ، مِّيسْ ن فَاذَاهْصُورْ، ثَاوْهِيبْثْ نّسْ.
NUM 7:55 ثُوغَا-ت ثَاوْهِيبْثْ نّسْ: إِجّنْ طّبْصِي ن نُّوقَارْثْ ن مْيَا ؤُ-ثْڒَاثِينْ شِيقْلُو [ن دّْقڒْ]، ذ إِشْثنْ طَّاوْيَا إِ ؤُرُوشِّي ن نُّوقَارْثْ ن سبْعِينْ شِيقْلُو، عْلَاحْسَابْ شِيقْلُو ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ [ن ڒْغِيدْجثْ].
NUM 7:56 [خنِّي] إِشْثْ ن ثْغنْجَاشْثْ ن وُورغْ نعشْرَا [شِيقْلُو] ثشُّورْ س ڒبْخُورْ،
NUM 7:57 إِجّْ ن ؤُفُونَاسْ - أَمژْيَانْ ن ثْفُونَاسْثْ - إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ،
NUM 7:58 إِجّْ ن ؤُمْيَانْ زڭْ إِغَايْضنْ إِ ثْغَارْصْثْ ن دّنْبْ
NUM 7:59 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن جَامَالِييِيلْ، مِّيسْ ن فَاذَاهْصُورْ.
NUM 7:60 ذڭْ وَاسّْ وِيسّْ ثسْعَا إِقدّمْ ڒْحَاكمْ ن أَيْثْ ن بِينْيَامِينْ، أَبِيذَانْ، مِّيسْ ن جِيذْعُونِي، ثَاوْهِيبْثْ نّسْ.
NUM 7:61 ثُوغَا-ت ثَاوْهِيبْثْ نّسْ: إِجّنْ طّبْصِي ن نُّوقَارْثْ ن مْيَا ؤُ-ثْڒَاثِينْ شِيقْلُو [ن دّْقڒْ]، ذ إِشْثنْ طَّاوْيَا إِ ؤُرُوشِّي ن نُّوقَارْثْ ن سبْعِينْ شِيقْلُو، عْلَاحْسَابْ شِيقْلُو ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ [ن ڒْغِيدْجثْ].
NUM 7:62 [خنِّي] إِشْثْ ن ثْغنْجَاشْثْ ن وُورغْ نعشْرَا [شِيقْلُو] ثشُّورْ س ڒبْخُورْ،
NUM 7:63 إِجّْ ن ؤُفُونَاسْ - أَمژْيَانْ ن ثْفُونَاسْثْ - إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ،
NUM 7:64 إِجّْ ن ؤُمْيَانْ زڭْ إِغَايْضنْ إِ ثْغَارْصْثْ ن دّنْبْ
NUM 7:65 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن أَبِيذَانْ، مِّيسْ ن جِيذْعُونِي.
NUM 7:66 ذڭْ وَاسّْ وِيسّْعشْرَا إِقدّمْ ڒْحَاكمْ ن أَيْثْ ن ذَانْ، أَخِيعَازَارْ، مِّيسْ ن عَامِيشَادَّايْ، ثَاوْهِيبْثْ نّسْ.
NUM 7:67 ثُوغَا-ت ثَاوْهِيبْثْ نّسْ: إِجّنْ طّبْصِي ن نُّوقَارْثْ ن مْيَا ؤُ-ثْڒَاثِينْ شِيقْلُو [ن دّْقڒْ]، ذ إِشْثنْ طَّاوْيَا إِ ؤُرُوشِّي ن نُّوقَارْثْ ن سبْعِينْ شِيقْلُو، عْلَاحْسَابْ شِيقْلُو ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ [ن ڒْغِيدْجثْ].
NUM 7:68 [خنِّي] إِشْثْ ن ثْغنْجَاشْثْ ن وُورغْ نعشْرَا [شِيقْلُو] ثشُّورْ س ڒبْخُورْ،
NUM 7:69 إِجّْ ن ؤُفُونَاسْ - أَمژْيَانْ ن ثْفُونَاسْثْ - إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ،
NUM 7:70 إِجّْ ن ؤُمْيَانْ زڭْ إِغَايْضنْ إِ ثْغَارْصْثْ ن دّنْبْ
NUM 7:71 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن أَخِيعَازَارْ، مِّيسْ ن عَامِيشَادَّايْ.
NUM 7:72 ذڭْ وَاسّْ وِيسّْ حِيطَاشْ إِقدّمْ ڒْحَاكمْ ن أَيْثْ ن أَشِيرْ، فَاجْعِييِيلْ، مِّيسْ ن عُوكْرَانْ، ثَاوْهِيبْثْ نّسْ.
NUM 7:73 ثُوغَا-ت ثَاوْهِيبْثْ نّسْ: إِجّنْ طّبْصِي ن نُّوقَارْثْ ن مْيَا ؤُ-ثْڒَاثِينْ شِيقْلُو [ن دّْقڒْ]، ذ إِشْثنْ طَّاوْيَا إِ ؤُرُوشِّي ن نُّوقَارْثْ ن سبْعِينْ شِيقْلُو، عْلَاحْسَابْ شِيقْلُو ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ [ن ڒْغِيدْجثْ].
NUM 7:74 [خنِّي] إِشْثْ ن ثْغنْجَاشْثْ ن وُورغْ نعشْرَا [شِيقْلُو] ثشُّورْ س ڒبْخُورْ،
NUM 7:75 إِجّْ ن ؤُفُونَاسْ - أَمژْيَانْ ن ثْفُونَاسْثْ - إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ،
NUM 7:76 إِجّْ ن ؤُمْيَانْ زڭْ إِغَايْضنْ إِ ثْغَارْصْثْ ن دّنْبْ
NUM 7:77 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن فَاجْعِييِيلْ، مِّيسْ ن عُوكْرَانْ.
NUM 7:78 ذڭْ وَاسّْ وِيسّْ ثنْعَاشْ إِقدّمْ ڒْحَاكمْ ن أَيْثْ ن نَافْثَالِي، أَخِيرَاعْ، مِّيسْ ن عِييْنَانْ، ثَاوْهِيبْثْ نّسْ.
NUM 7:79 ثُوغَا-ت ثَاوْهِيبْثْ نّسْ: إِجّنْ طّبْصِي ن نُّوقَارْثْ ن مْيَا ؤُ-ثْڒَاثِينْ شِيقْلُو [ن دّْقڒْ]، ذ إِشْثنْ طَّاوْيَا إِ ؤُرُوشِّي ن نُّوقَارْثْ ن سبْعِينْ شِيقْلُو، عْلَاحْسَابْ شِيقْلُو ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ [ن ڒْغِيدْجثْ].
NUM 7:80 [خنِّي] إِشْثْ ن ثْغنْجَاشْثْ ن وُورغْ نعشْرَا [شِيقْلُو] ثشُّورْ س ڒبْخُورْ،
NUM 7:81 إِجّْ ن ؤُفُونَاسْ - أَمژْيَانْ ن ثْفُونَاسْثْ - إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ،
NUM 7:82 إِجّْ ن ؤُمْيَانْ زڭْ إِغَايْضنْ إِ ثْغَارْصْثْ ن دّنْبْ
NUM 7:83 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن أَخِيرَاعْ، مِّيسْ ن عِييْنَانْ.
NUM 7:84 ثُوغَا ثَا ذ ثَاوْهِيبْثْ إِ ؤُذشّنْ ن ؤُعَالْطَارْ زِي ڒْحُوكَّامْ ن إِسْرَائِيل ذڭْ وَاسّْ نِّي ذِي إِتّْوَاذْهنْ [ؤُعَالْطَارْ]: ثنْعَاشْ ن طّْبَاصِي ن نُّوقَارْثْ ذ ثنْعَاشْ ن طَّاوْيَاثْ إِ ؤُرُوشِّي ن نُّوقَارْثْ ذ ثنْعَاشْ ن ثْغنْجَايِينْ ن وُورغْ.
NUM 7:85 إِجّنْ طّبْصِي ن نُّوقَارْثْ [إِوْزنْ] مْيَا ؤُ-ثْڒَاثِينْ [شِيقْلُو] ذ إِشْثنْ طَّاوْيَا إِ ؤُرُوشِّي [إِوْزنْ] سبْعِينْ [شِيقْلُو]. مَارَّا نُّوقَارْثْ ن ڒقْشُوعْ [نِّي ثوْزنْ] أَڒْفَاينْ ؤُ-أَربْعَا-مْيَا [شِيقْلُو] عْلَاحْسَابْ شِيقْلُو ن زَّاوشْثْ إِقدّْسنْ.
NUM 7:86 ثنْعَاشْ ن ثْغنْجَايِينْ ن وُورغْ شُّورنْثْ س ڒبْخُورْ. كُوڒْ ثَاغنْجَايْثْ [ثوْزنْ]عشْرَا شِيقْلُو، عْلَاحْسَابْ شِيقْلُو ن زَّاوشْثْ إِقدّْسنْ. مَارَّا ؤُرغْ ن ثْغنْجَايِينْ [إِوْزنْ] مْيَا ؤُ-عِيشْرِينْ [شِيقْلُو].
NUM 7:87 مَارَّا ڒبْهَايمْ إِ ثْغَارْصْثْ ن وشْمَاضْ أَقَا ذَايْسنْثْ ثنْعَاشْ ن إِفُونَاسنْ إِمژْيَاننْ، ثنْعَاشْ ن إِشَارِّييّنْ، ثنْعَاشْ ن إِزْمَارنْ ن إِجّْ ن ؤُسڭّْوَاسْ أَكْ-ذ ثوْهِيبْثْ [ن ڒْغِيدْجثْ] نْسنْ، ؤُ ثنْعَاشْ إِمْيَاننْ زڭْ إِغَايْضنْ إِ ثْغَارْصْثْ ن دّنْبْ.
NUM 7:88 مَارَّا ڒبْهَايمْ ن ثْغَارْصْثْ ن ڒهْنَا أَقَا ذَايْسنْثْ أَربْعَا ؤُ-عِيشْرِينْ ن إِفُونَاسنْ إِمژْيَاننْ، ستِّينْ ن إِشَارِّييّنْ ذ ستِّينْ ن إِغَايْضنْ ذ ستِّينْ ن إِزْمَارنْ ن إِجّْ ن ؤُسڭّْوَاسْ. مَانْ أَيَا ذ ثَاوْهِيبْثْ إِ ؤُذشّنْ ن ؤُعَالْطَارْ أَوَارْنِي إِتّْوَاذْهنْ.
NUM 7:89 [ؤُمِي] يُوذفْ مُوسَا غَارْ ؤُقِيضُونْ ن ؤُمْسَاڭَارْ، حِيمَا أَذْ كِيذسْ إِسِّيوڒْ، إِسْڒَا ثْمِيجَّا ثسِّيوڒْ أَكِيذسْ زِي سنّجْ ن ثْقبَّارْثْ ن وصْڒَاحْ إِ إِدْجَانْ خْ تَّابُوثْ ن شّْهَاذثْ، زِي جَارْ ثْنَاينْ ن إِكِيرُوبنْ. [أَمُّو إِ] إِسِّيوڒْ [سِيذِي] أَكِيذسْ.
NUM 8:1 إِسِّيوڒْ سِيذِي أَكْ-ذ مُوسَا، إِنَّا:
NUM 8:2 ”سِيوڒْ أَكْ-ذ هَارُونْ، إِنِي أَسْ: ’خْمِي غَا ثسَّارْسذْ ثِيفَاوِينْ [خْ ڒْقنْذِيڒْ]، إِتّْخصَّا سبْعَا ن ثْفَاوِينْ أَذْ وْشنْثْ ثَافَاوْثْ غَارْ زَّاثْ ن ڒْقنْذِيڒْ.‘ “
NUM 8:3 ؤُشَا أَمُّو إِ إِڭَّا هَارُونْ. إِسَّارْسْ ثِيفَاوِينْ نّسْ غَارْ زَّاثْ ن ڒْقنْذِيڒْ، أَمْ مَامّشْ ذ أَسْ يُومُورْ سِيذِي إِ مُوسَا.
NUM 8:4 ثُوغَا ڒْقنْذِيڒْ ذ إِشْثْ ن صّنْعثْ ن وُورغْ يعْذڒْ س وفْضِيسْ. زڭْ ؤُفُوضْ خْ ؤُضَارْ نّسْ أَڒْ نُّووَّارَاثْ نّسْ ثُوغَا إِتّْوَاڭّْ س وفْضِيسْ. عْلَاحْسَابْ أَمذْيَا إِ ذ أَسْ إِسْشّنْ سِيذِي، أَمُّو إِ إِصنّعْ ڒْقنْذِيڒْ.
NUM 8:5 إِسِّيوڒْ سِيذِي أَكْ-ذ مُوسَا، إِنَّا:
NUM 8:6 ”كْسِي إِلَاوِييّنْ زِي جَارْ ڒْوسْطْ ن أَيْثْ ن إِسْرَائِيل ؤُشَا سِيزْذڭْ إِ-ثنْ.
NUM 8:7 أَمُّو إِ ذ أَسنْ غَا ثڭّذْ حِيمَا أَذْ ثنْ ثسِّيزذْڭذْ: رُوشّْ إِ-ثنْ س وَامَانْ ن ؤُسِيزْذڭْ. إِتّْخصَّا أَسنْ أَذْ حفّنْ مَارَّا أَرِّيمثْ نْسنْ ؤُشَا أَذْ سِّيرْذنْ أَرُّوضْ نْسنْ ؤُشَا أَذْ سِّيزْذڭنْ إِخفْ نْسنْ.
NUM 8:8 خنِّي أَذْ كْسِينْ إِجّْ ن ؤُفُونَاسْ، أَمژْيَانْ ن ثْفُونَاسْثْ، أَكْ-ذ ثوْهِيبْثْ [ن ڒْغِيدْجثْ] نّسْ ن وَارنْ أَزْذَاذْ إِخدْجْضنْ س زّشْثْ ؤُ [عَاوذْ] إِجّْ ن ؤُفُونَاسْ وِيسّْ ثْنَاينْ، أَمژْيَانْ ن ثْفُونَاسْثْ، أَمْ ثْغَارْصْثْ ن دّنْبْ.
NUM 8:9 أَذْ ثَاوْيذْ إِلَاوِييّنْ زَّاثْ إِ ؤُقِيضُونْ ن ؤُمْسَاڭَارْ ؤُشَا أَذْ ثسّْمُونذْ مَارَّا ثَامسْمُونْثْ ن أَيْثْ ن إِسْرَائِيل.
NUM 8:10 أَذْ د-ثسّْقَارّْبذْ إِلَاوِييّنْ زَّاثْ إِ وُوذمْ ن سِيذِي ؤُشَا أَيْثْ ن إِسْرَائِيل أَذْ سَّارْسنْ إِفَاسّنْ نْسنْ خْ إِلَاوِييّنْ.
NUM 8:11 أَذْ يجّْ هَارُونْ أَذْ هزّنْ إِلَاوِييّنْ زِي سَّا غَارْ ذَا زَّاثْ إِ وُوذمْ ن سِيذِي أَمْ يِيشْثْ ن ثوْهِيبْثْ ن ونْهزِّي ذِي طّْوعْ ن أَيْثْ ن إِسْرَائِيل. نِيثْنِي أَذْ ذوْڒنْ تّْسخَّارنْ ذِي ثْسخَّارْثْ ن سِيذِي.
NUM 8:12 إِلَاوِييّنْ أَذْ سَّارْسنْ إِفَاسّنْ نْسنْ خْ إِزدْجِيفنْ ن إِفُونَاسنْ إِمژْيَاننْ ؤُشَا أَذْ ثسّْوجْذذْ إِجّْ إِ ثْغَارْصْثْ ن دّنْبْ ذ يِيجّْ إِ ثْغَارْصْثْ ن وشْمَاضْ إِ سِيذِي، حِيمَا أَذْ زَّايْسنْ إِتّْوَاڭّْ وصْڒَاحْ إِ إِلَاوِييّنْ.
NUM 8:13 أَذْ ثڭّذْ إِلَاوِييّنْ أَذْ بدّنْ زَّاثْ إِ وُوذمْ ن هَارُونْ ؤُ زَّاثْ إِ وُوذمْ ن وَارَّاوْ نّسْ ؤُشَا [أَذْ ثنْ ثَارّذْ] أَذْ هزّنْ زِي سَّا غَارْ ذَا أَمْ يِيشْثْ ن ثوْهِيبْثْ ن ونْهزِّي زَّاثْ إِ وُوذمْ ن سِيذِي.
NUM 8:14 [أَمُّو] إِ غَا ثْحُوزّذْ إِلَاوِييّنْ زِي ڒْوسْطْ ن أَيْثْ ن إِسْرَائِيل حِيمَا إِلَاوِييّنْ أَذْ إِڒِينْ إِنُو.
NUM 8:15 أَوَارْنِي مَانْ أَيَا أَذْ د-أَسنْ إِلَاوِييّنْ حِيمَا أَذْ سخَّارنْ ذڭْ ؤُقِيضُونْ ن ؤُمْسَاڭَارْ. أَذْ ثنْ ثسِّيزذْڭذْ ؤُشَا أَذْ ثنْ ثَارّذْ أَذْ هزّنْ زِي سَّا غَارْ ذَا أَمْ يِيشْثْ ن ثوْهِيبْثْ ن ونْهزِّي،
NUM 8:16 مِينْزِي نِيثْنِي تّْوَامّوْشنْ أَيِي نِيشَانْ زِي ڒْوسْطْ ن أَيْثْ ن إِسْرَائِيل، ؤُشَا نشّْ كْسِيغْ ثنْ إِ يِيخفْ إِنُو ذڭْ ومْشَانْ ن مَارَّا مِينْ يَارزْمنْ ڒمْڒَاوثْ [ذ أَمزْوَارُو]، [ذڭْ ومْشَانْ ن] ؤُمنْزُو ن مَارَّا أَيْثْ ن إِسْرَائِيل.
NUM 8:17 مِينْزِي مَارَّا أَمنْزُو جَارْ أَيْثْ ن إِسْرَائِيل أَقَا-ث إِنُو، زڭْ إِوْذَانْ، أَمُّو زِي ڒْمَاڒْ، زڭْ وَاسّْ إِ ذِي نْغِيغْ نشّْ مَارَّا إِمنْزَا ذِي ثمُّورْثْ ن مِيصْرَا، سّْقدّْسغْ ثنْ إِ نشّْ.
NUM 8:18 نشّْ كْسِيغْ إِلَاوِييّنْ ذڭْ ومْشَانْ ن مَارَّا إِمنْزَا جَارْ أَيْثْ ن إِسْرَائِيل.
NUM 8:19 نشّْ وْشِيغْ إِلَاوِييّنْ إِ هَارُونْ ؤُ إِ وَارَّاوْ نّسْ أَمْ يِيجّْ ن ؤُرِيغَالُو زِي ڒْوسْطْ ن أَيْثْ ن إِسْرَائِيل، مَاحنْذْ أَذْ ڭّنْ ثَاسخَّارْثْ ن أَيْثْ ن إِسْرَائِيل ذڭْ ؤُقِيضُونْ ن ؤُمْسَاڭَارْ ؤُ مَاحنْذْ أَذْ إِتّْوَاڭّْ وصْڒَاحْ ذِي طّْوعْ ن أَيْثْ ن إِسْرَائِيل، حِيمَا وَارْ ثتِّيڒِي جّْرِيحشْثْ خْ أَيْثْ ن إِسْرَائِيل خْمِي د غَا قَارّْبنْ أَيْثْ ن إِسْرَائِيل غَارْ زَّاوشْثْ إِقدّْسنْ.“
NUM 8:20 مُوسَا ذ هَارُونْ ذ مَارَّا ثَامسْمُونْثْ ن أَيْثْ ن إِسْرَائِيل ڭِّينْ أَكْ-ذ إِلَاوِييّنْ عْلَاحْسَابْ مَارَّا مِينْ ذ أَسْ يُومُورْ سِيذِي إِ مُوسَا زِي جِّيهثْ ن إِلَاوِييّنْ، أَمُّو إِ ڭِّينْ أَيْثْ ن إِسْرَائِيل أَكِيذْسنْ.
NUM 8:21 إِلَاوِييّنْ سِّيزْذِيڭنْ إِخفْ نْسنْ زِي دّنْبْ نْسنْ ؤُشَا صبّْننْ أَرُّوضْ نْسنْ ؤُشَا هَارُونْ يَارَّا إِ-ثنْ أَذْ نْهزّنْ زِي سَّا غَارْ ذَا أَمْ يِيشْثْ ن ثوْهِيبْثْ ن ونْهزِّي زَّاثْ إِ وُوذمْ ن سِيذِي ؤُشَا هَارُونْ إِسّصْڒحْ إِ-ثنْ إِ ؤُسِيزْذڭْ نْسنْ.
NUM 8:22 أَوَارْنِي مَانْ أَيَا ؤُسِينْ-د إِلَاوِييّنْ حِيمَا أَذْ سخَّارنْ ذڭْ ؤُقِيضُونْ ن ؤُمْسَاڭَارْ زَّاثْ إِ وُوذمْ ن هَارُونْ ؤُ زَّاثْ إِ وُوذمْ ن وَارَّاوْ نّسْ أَمْ مَامّشْ ذ أَسْ يُومُورْ سِيذِي إِ مُوسَا زِي جِّيهثْ ن إِلَاوِييّنْ، أَمُّو إِ كِيذْسنْ ڭِّينْ.
NUM 8:23 إِسِّيوڒْ سِيذِي أَكْ-ذ مُوسَا، إِنَّا:
NUM 8:24 ”ثَا زِي جِّيهثْ ن إِلَاوِييّنْ: [أَقَا] إِتّْخصَّا إِ [كُوڒْ] مِّيسْ ن خمْسَا ؤُ-عِيشْرِينْ ن إِسڭّْوُوسَا سنّجْ أَذْ د-يَاسْ، حِيمَا أَذْ إِسخَّارْ ذِي طّْوعْ ن ثْسخَّارْثْ ن ؤُقِيضُونْ ن ؤُمْسَاڭَارْ
NUM 8:25 ؤُ خْمِي إِ غَا يِيوضْ غَارْ خمْسِينْ ن إِسڭّْوُوسَا أَذْ إِفّغْ زِي ڒْعسْكَارْ ن ثْسخَّارْثْ ؤُ وَارْ إِقِّيمْ إِتّْسخَّارْ عَاذْ كْثَارْ.
NUM 8:26 أَذْ إِوْشْ أَفُوسْ إِ يَايْثْمَاسْ ذڭْ ؤُقِيضُونْ ن ؤُمْسَاڭَارْ حِيمَا أَذْ [خَاسْ] حْضَانْ، [مَاشَا] نتَّا [س يِيخفْ نّسْ] وَارْ إِزمَّارْ أَذْ إِسخَّارْ. أَمُّو إِ غَا ثڭّذْ أَكْ-ذ إِلَاوِييّنْ زِي جِّيهثْ ن ؤُحطُّو إِ خَاسنْ إِتّْوَاڭّنْ.“
NUM 9:1 إِسِّيوڒْ سِيذِي أَكْ-ذ مُوسَا ذِي ڒخْڒَا ن سِينَا ذڭْ ؤُسڭّْوَاسْ وِيسّْ ثْنَاينْ أَوَارْنِي ڒَامِي د-فّْغنْ زِي ثمُّورْثْ ن مِيصْرَا، ذڭْ ؤُيُورْ أَمزْوَارُو، إِنَّا:
NUM 9:2 ”جّمْ أَيْثْ ن إِسْرَائِيل أَذْ سّْوجْذنْ [ثَاغَارْصْثْ ن] ؤُسعْذُو ذِي ڒْوقْثْ نّسْ إِتّْوَاڭّنْ.
NUM 9:3 ذڭْ وَاسّْ وِيسّْ أَرْبعْطَاشْ ن ؤُيُورْ-أَ، جَارْ بدُّو ن وزْينْ ن وَاسّْ أَڒْ د-ثوْضَا ثْمذِّيثْ، إِتّْخصَّا أَذْ ت ثسّْوجْذمْ ذِي ڒْوقْثْ نّسْ إِتّْوَاڭّنْ. إِتّْخصَّا أَذْ ت ثسّْوجْذمْ عْلَاحْسَابْ مَارَّا ثِيوصَّا ذ لْفَارَايِيضْ نّسْ.“
NUM 9:4 إِسِّيوڒْ مُوسَا أَكْ-ذ أَيْثْ ن إِسْرَائِيل، [إِنَّا] إِتّْخصَّا أَسنْ أَذْ سّْوجْذنْ [ثَاغَارْصْثْ ن] ؤُسعْذُو.
NUM 9:5 ؤُشَا نِيثْنِي سّْوجْذنْ [ثَاغَارْصْثْ ن] ؤُسعْذُو ذڭْ وَاسّْ وِيسّْ أَرْبعْطَاشْ ن [ؤُيُورْ] أَمزْوَارُو ذِي ڒخْڒَا ن سِينَا، جَارْ بدُّو ن وزْينْ ن وَاسّْ أَڒْ د-ثوْضَا ثْمذِّيثْ، عْلَاحْسَابْ مَارَّا مِينْ ذ أَسْ يُومُورْ سِيذِي إِ مُوسَا، أَمُّو إِ ت سّْوجْذنْ أَيْثْ ن إِسْرَائِيل.
NUM 9:6 شَا ن يرْيَازنْ تّْوَاسّْخمْجنْ س ڒْخشْبثْ ن إِجّْ ن بْنَاذمْ [إِمُّوثنْ] ؤُشَا وَارْ زمَّارنْ أَذْ سّْوجْذنْ [ثَاغَارْصْثْ ن] ؤُسعْذُو. [خْ ؤُيَا] قَارّْبنْ-د نِيثْنِي ذڭْ وَاسّْ نِّي زَّاثْ إِ وُوذمْ ن مُوسَا ؤُ زَّاثْ إِ وُوذمْ ن هَارُونْ
NUM 9:7 ؤُشَا نَّانْ أَسْ يرْيَازنْ نِّي: ”نشِّينْ نخْمجْ س ڒْخشْبثْ ن إِجّْ ن بْنَاذمْ [إِمُّوثنْ]. مَايمِّي إِ نتّْوَاسّْبدّْ أَڒَامِي وَارْ نْزمَّارْ أَذْ د-نسّْقَارّبْ ثَاوْهِيبْثْ ن سِيذِي ذڭْ وَاسّْ نّسْ إِتّْوَاڭّنْ ذِي ڒْوسْطْ ن أَيْثْ ن إِسْرَائِيل؟“
NUM 9:8 مُوسَا إِنَّا أَسنْ: ”قِّيممْ ثْبدّمْ، [حِيمَا] أَذْ سْڒغْ مِينْ ذ أَومْ غَا إِوصَّا سِيذِي.“
NUM 9:9 إِسِّيوڒْ سِيذِي أَكْ-ذ مُوسَا، إِنَّا:
NUM 9:10 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي: ’مَاڒَا حذْ زَّايْومْ نِيغْ زِي جِّيڒَاثْ نْومْ [إِ د غَا يَاسنْ] إِتّْوَاسّخْمجْ زِي ڒْخشْبثْ [ن يِيجّْ ن ؤُمتِّينْ]، نِيغْ نتَّا ذڭْ وبْرِيذْ ذ أَزِيرَارْ، [خنِّي] أَذْ إِسّوْجذْ [عَاذْ] [ثَاغَارْصْثْ ن] ؤُسعْذُو إِ سِيذِي.
NUM 9:11 ذڭْ ؤُيُورْ وِيسّْ ثْنَاينْ، ذڭْ وَاسّْ وِيسّْ أَرْبعْطَاشْ، جَارْ بدُّو ن وزْينْ ن وَاسّْ أَڒْ د-ثوْضَا ثْمذِّيثْ، أَذْ ت سّْوجْذنْ. [خنِّي] أَذْ ت شّنْ أَكْ-ذ وغْرُومْ بْڒَا أَنْثُونْ ؤُ أَكْ-ذ ڒبْزَارْ يَارزْڭنْ.
NUM 9:12 وَارْ تّجِّينْ زَّايسْ وَالُو أَڒْ صّْبحْ ؤُشَا وَارْ زَّايسْ تَّارژَّانْ إِغسْ. إِتّْخصَّا أَذْ ت سّْوجْذنْ عْلَاحْسَابْ مَارَّا ثِيوصَّا ن [ثْغَارْصْثْ ن] ؤُسعْذُو.‘ “
NUM 9:13 ”مَاڒَا إِجّْ ن ورْيَازْ ذ أَمزْذَاڭْ إِ وَارْ إِدْجِينْ ذڭْ وبْرِيذْ، أَذْ يجّْ أَذْ إِسّوْجذْ [ثَاغَارْصْثْ ن] ؤُسعْذُو، [خنِّي] أَذْ إِتّْوَاقسّْ ڒعْمَارْ نِّي زِي ڒْڭنْسْ نّسْ، مِينْزِي نتَّا وَارْ د-إِسّْقَارّبْ شَا ثَاوْهِيبْثْ ن سِيذِي ذِي ڒْوقْثْ نّسْ إِتّْوَاڭّنْ. أَرْيَازْ نِّي أَذْ يَارْبُو دّنْبْ نّسْ.
NUM 9:14 مَاڒَا إِزْذغْ أَكِيذْومْ إِجّْ ن ؤُبَارَّانِي، ونِّي إِ غَا إِسّْوجْذنْ [ثَاغَارْصْثْ ن] ؤُسعْذُو ن سِيذِي، [خنِّي] أَذْ إِسّوْجذْ [ثَاغَارْصْثْ ن] ؤُسعْذُو عْلَاحْسَابْ ثَاوْصيّثْ ن [ثَاغَارْصْثْ ن] ؤُسعْذُو ؤُ عْلَاحْسَابْ لْفَارَايِيضْ نّسْ. أَذْ ذِينْ ثِيڒِي إِشْثْ ن ثوْصيّثْ إِ كنِّيوْ، إِ ؤُبَارَّانِي أَمُّو إِ ونِّي د-إِخڒْقنْ ذِي ثمُّورْثْ.“
NUM 9:15 ذڭْ وَاسّْ مِينْ ذِي ثتّْوَاسّْڭعّذْ ثْزذِّيغْثْ، إِذْڒَا ؤُسيْنُو ثَازذِّيغْثْ أَكْ-ذ ؤُقِيضُونْ ن شّْهَاذثْ ؤُ ذِي دْجِيڒثْ إِضْهَارْ-د خْ ثْزذِّيغْثْ أَمْ ثْمسِّي أَڒْ صّْبحْ.
NUM 9:16 أَمُّو إِ ثُوغَا ڒبْذَا، أَسيْنُو إِذْڒَا إِ-ت ؤُ ذِي دْجِيڒثْ إِضْهَارْ-د أَمْ ثْمسِّي.
NUM 9:17 ڒَامِي د-إِڭعّذْ ؤُسيْنُو زِي سنّجْ ن ؤُقِيضُونْ، [خنِّي] أَوَارْنِي أَيَا فسْينْ أَيْثْ ن إِسْرَائِيل إِقِيضَانْ نْسنْ ؤُ ذڭْ ومْشَانْ مَانِي ثُوغَا د-إِبدّْ ؤُسيْنُو، ذِينْ إِ وْثِينْ أَيْثْ ن إِسْرَائِيل إِقِيضَانْ نْسنْ.
NUM 9:18 فسْينْ أَيْثْ ن إِسْرَائِيل إِقِيضَانْ نْسنْ عْلَاحْسَابْ ڒُومُورْ ن سِيذِي ؤُشَا خْ ڒُومُورْ ن سِيذِي وْثِينْ إِقِيضَانْ نْسنْ. مَارَّا ؤُسَّانْ ثُوغَا أَسيْنُو إِقِّيمْ سنّجْ إِ ثْزذِّيغْثْ، قِّيمنْ نِيثْنِي زدّْغنْ [ذِينْ].
NUM 9:19 ڒَامِي د-إِبدّْ ؤُسيْنُو أَطَّاسْ ن وُوسَّانْ سنّجْ إِ ثْزذِّيغْثْ، حْضَانْ أَيْثْ ن إِسْرَائِيل ثَاسخَّارْثْ ن سِيذِي ؤُشَا وَارْ فسْينْ شَا إِقِيضَانْ نْسنْ.
NUM 9:20 ؤُمِي إِقِّيمْ ؤُسيْنُو شْوَايْثْ ن وُوسَّانْ سنّجْ إِ ثْزذِّيغْثْ، [خنِّي] وْثِينْ نِيثْنِي إِقِيضَانْ نْسنْ عْلَاحْسَابْ ڒُومُورْ ن سِيذِي ؤُ خْ ڒُومُورْ ن سِيذِي فسْينْ إِقِيضَانْ نْسنْ [عَاوذْ].
NUM 9:21 مَاڒَا إِمْسَارْ بلِّي أَسيْنُو إِبدّْ ذِينْ زِي دْجِيڒثْ أَڒْ صّْبحْ ؤُشَا إِڭعّذْ ؤُسيْنُو ذِي صّْبحْ، [خنِّي] فسْينْ نِيثْنِي إِقِيضَانْ نْسنْ. مَا ذڭْ وَاسّْ [إِ إِدْجَا] نِيغْ ذِي دْجِيڒثْ، خْمِي د-إِڭعّذْ ؤُسيْنُو، فسْينْ نِيثْنِي إِقِيضَانْ نْسنْ.
NUM 9:22 ؤُشَا مَاڒَا إِقِّيمْ ؤُسيْنُو إِبدّْ سنّجْ إِ ثْزذِّيغْثْ ثْنَاينْ ن وُوسَّانْ، نِيغْ إِجّْ ن ؤُيُورْ، نِيغْ أَطَّاسْ ن وُوسَّانْ، أَڒَامِي خَاسْ غَا يَارْسَا، [خنِّي] قِّيمنْ أَيْثْ ن إِسْرَائِيل تّْخيّْمنْ [ذِينِّي]، وَارْ فسْينْ شَا إِقِيضَانْ نْسنْ. مَاڒَا إِڭعّذْ ؤُسيْنُو، [خنِّي] فسْينْ نِيثْنِي إِقِيضَانْ نْسنْ.
NUM 9:23 خْ ڒُومُورْ ن سِيذِي وْثِينْ إِقِيضَانْ نْسنْ ؤُ خْ ڒُومُورْ ن سِيذِي فسْينْ إِقِيضَانْ نْسنْ. أَقَا حْضَانْ مِينْ ذ أَسنْ يُومُورْ سِيذِي، خْ ڒُومُورْ ن سِيذِي، س ثْسخَّارْثْ ن مُوسَا.
NUM 10:1 إِسِّيوڒْ سِيذِي أَكْ-ذ مُوسَا، إِنَّا:
NUM 10:2 ”أڭّْ إِ يِيخفْ نّشْ ثْنَاينْ ن ڒبْوَاقْ [إِزِيرَارنْ] ن نُّوقَارْثْ، [س يِيجّْ ن ؤُمَارْسُو] س وفْضِيسْ أَذْ ثنْ ثڭّذْ ؤُشَا أَذْ إِڒِينْ إِ ؤُبَارّحْ ن ثْمسْمُونْثْ ؤُ إِ ؤُسْمُوطِّي ن ڒمْرَاڭحْ ن ڒْعسْكَارْ.
NUM 10:3 [خْمِي] ذَايْسنْ غَا سُوضنْ، أَذْ غَاركْ ثْمُونْ ثْمسْمُونْثْ مَارَّا غَارْ وَاذَافْ ن ؤُقِيضُونْ ن ؤُمْسَاڭَارْ.
NUM 10:4 خْمِي غَا سُوضنْ ذڭْ إِجّْ [زِي ثْنَاينْ نِّي]، [خنِّي] [مْغِيرْ] ڒْحُوكَّامْ، إِزدْجِيفنْ خْ ڒُوڒُوفْ ن إِسْرَائِيل، إِ خَاكْ د غَا إِمُوننْ.
NUM 10:5 خْمِي غَا ثْسُوضمْ س وسْرُودّحْ [ذِي ڒْبُوقْ]، [خنِّي] أَذْ مُّوطِّيينْثْ ڒمْرَاڭحْ نِّي إِمَّارْسنْ غَارْ شَّارْقْ.
NUM 10:6 خْمِي غَا ثْسُوضمْ س وسْرُودّحْ [ذِي ڒْبُوقْ] ثْنَاينْ ن ثْوَاڒَاوِينْ، [خنِّي] أَذْ مُّوطِّيينْثْ ڒمْرَاڭحْ نِّي إِمَّارْسنْ غَارْ ؤُغزْذِيسْ ن لْجَانُوبْ. أَذْ سُوضنْ س وسْرُودّحْ ؤُمِي غَا مُوطِّيينْ زڭْ ومْشَانْ غَارْ ومْشَانْ [نّغْنِي].
NUM 10:7 إِ ثْمسْمُونْثْ ن وڭْرَاوْ [ن ڒْڭنْسْ] إِتّْخصَّا أَذْ ثْسُوضمْ [ذِي ڒبْوَاقْ]، [مَاشَا] بْڒَا أَسْرُودّحْ.
NUM 10:8 أَذْ سُوضنْ وَارَّاوْ ن هَارُونْ، إِكهَّاننْ، ذِي ڒبْوَاقْ. أَذْ ثِيڒِي ذ إِشْثْ ن ثوْصيّثْ إِ ڒبْذَا إِ [مَارَّا] جِّيڒَاثْ نْومْ.“
NUM 10:9 ”خْمِي د غَا ثفّْغمْ غَارْ ڭَارَّا ذِي ثمُّورْثْ نْومْ، حِيمَا أَذْ ثْمنْغمْ أَكْ-ذ وغْرِيمْ نِّي كنِّيوْ د-إِهكّْوڒنْ، [خنِّي] أَذْ ثْسُوضمْ س وسْرُودّحْ ذِي ڒبْوَاقْ ؤُشَا كنِّيوْ أَذْ ثتّْوَاثِيذَارمْ زَّاثْ إِ وُوذمْ ن سِيذِي، أَربِّي نْومْ، ؤُشَا أَذْ ثْنجْممْ زِي ڒْعذْيَانْ نْومْ.
NUM 10:10 [أَمُّو] ذِي كُوڒْ إِجّْ ن وَاسّْ ن ڒفْرَاحثْ ؤُ ذِي ڒعْيُوذَاثْ إِتّْوَاڭّنْ ؤُ ذڭْ ؤُمزْوَارُو ن إِيُورنْ نْومْ أَذْ ثْسُوضمْ ذِي ڒبْوَاقْ خْمِي [غَا ثَاوْيمْ] ثِيغَارْصَا ن وشْمَاضْ نْومْ ذ ثْغَارْصَا ن ؤُقَاذِي نْومْ ؤُشَا [أَمُّو إِ] غَا إِڒِينْثْ ذِي طّْوعْ نْومْ إِ ڒِيذَارثْ زَّاثْ إِ وُوذمْ ن أَربِّي، نشّْ ذ سِيذِي، أَربِّي نْومْ.“
NUM 10:11 إِمْسَارْ ذڭْ ؤُسڭّْوَاسْ وِيسّْ ثْنَاينْ، ذڭْ ؤُيُورْ وِيسّْ ثْنَاينْ، ذڭْ [وَاسّْ] وِيسّْ عِيشْرِينْ ن ؤُيُورْ، أَقَا إِتّْوَاسّْڭعّذْ ؤُسيْنُو زِي سنّجْ ن ثْزذِّيغْثْ ن شّْهَاذثْ.
NUM 10:12 ؤُشَا فسْينْ أَيْثْ ن إِسْرَائِيل إِقِيضَانْ نْسنْ، مُّوطِّيينْ زڭْ ومْشَانْ غَارْ ومْشَانْ زِي ڒخْڒَا ن سِينَا ؤُشَا إِبدّْ-د ؤُسيْنُو ذِي ڒخْڒَا ن فَارَانْ.
NUM 10:13 [أَمُّو] فسْينْ إِقِيضَانْ نْسنْ ثْوَاڒَا ثَامزْوَارُوثْ، خْ ڒُومُورْ ن سِيذِي، خْ ؤُفُوسْ ن مُوسَا.
NUM 10:14 ذ أَمزْوَارُو ثتّْوَاكّسْ ثْعدْجَانْثْ ن ڒْمَارْڭحْ ن ڒْعسْكَارْ ن أَيْثْ ن يَاهُوذَا، [ؤُيُورنْ أَمْ تّْوَاستّْفنْ] عْلَاحْسَابْ [ثِيرْبِيعِينْ ن] ڒْعسْكَارْ نْسنْ. نَاحْشُونْ، مِّيسْ ن عَامِّينَاذَابْ، ثُوغَا [ذ أَزدْجِيفْ] خْ ڒْعسْكَارْ.
NUM 10:15 نَاثَانَايِيلْ، مِّيسْ ن صُوغَارْ، ثُوغَا [ذ أَزدْجِيفْ] خْ ڒْعسْكَارْ ن ثقْبِيتْشْ ن أَيْثْ ن إِسَّاكَارْ.
NUM 10:16 إِلِييَابْ، مِّيسْ ن حِيلُونْ، ثُوغَا [ذ أَزدْجِيفْ] خْ ڒْعسْكَارْ ن ثقْبِيتْشْ ن أَيْثْ ن زِيبُولُونْ.
NUM 10:17 أَوَارْنِي مَانْ أَيَا هذْمنْ ثْزذِّيغْثْ ؤُشَا فسْينْ أَيْثْ ن جَارْشُونْ ذ أَيْثْ ن مَارَارِي إِقِيضَانْ نْسنْ ؤُشَا أَرْبُونْ ثَازذِّيغْثْ.
NUM 10:18 خنِّي ثتّْوَاكّسْ ثْعدْجَانْثْ ن ڒْمَارْڭحْ ن ڒْعسْكَارْ ن رُوبِينْ [ؤُيُورنْ، تّْوَاستّْفنْ] عْلَاحْسَابْ [ثِيرْبِيعِينْ ن] ڒْعسْكَارْ نْسنْ. إِلِيصُورْ، مِّيسْ ن شَاذَايُورْ، ثُوغَا [ذ أَزدْجِيفْ] خْ ڒْعسْكَارْ نّسْ.
NUM 10:19 شَالُومِييِيلْ، مِّيسْ ن صُورِيشَادَّايْ، ثُوغَا [ذ أَزدْجِيفْ] خْ ڒْعسْكَارْ ن ثقْبِيتْشْ ن أَيْثْ ن شِيمْعُونْ.
NUM 10:20 إِلْيَاسَافْ، مِّيسْ ن ذَاعُويِيلْ، ثُوغَا [ذ أَزدْجِيفْ] خْ ڒْعسْكَارْ ن ثقْبِيتْشْ ن أَيْثْ ن جَاذْ.
NUM 10:21 [خنِّي] فسْينْ أَيْثْ ن قَاهَاثْ إِقِيضَانْ نْسنْ، أَرْبُونْ زَّاوشْثْ إِقدّْسنْ. ؤُشَا [أَيْثْ ن جَارْشُونْ ذ أَيْثْ ن مَارَارِي] بْنَانْ ثَازذِّيغْثْ قْبڒْ ثْوَاسِيثْ نْسنْ.
NUM 10:22 أَوَارْنِي أَسْ ثتّْوَاكّسْ ثْعدْجَانْثْ ن ڒْمَارْڭحْ ن ڒْعسْكَارْ ن أَيْثْ ن إِفْرَايِيمْ، [ؤُيُورنْ، تّْوَاستّْفنْ] عْلَاحْسَابْ [ثِيرْبِيعِينْ ن] ڒْعسْكَارْ نْسنْ. إِلِيشَامَاعْ، مِّيسْ ن عَامِّيهُوذْ، ثُوغَا [ذ أَزدْجِيفْ] خْ ڒْعسْكَارْ نّسْ.
NUM 10:23 جَامَالِييِيلْ، مِّيسْ ن فَاذَاهْصُورْ، ثُوغَا [ذ أَزدْجِيفْ] خْ ڒْعسْكَارْ ن ثقْبِيتْشْ ن أَيْثْ ن مَانَاسَّا.
NUM 10:24 أَبِيذُونْ، مِّيسْ ن جِيذْعُونِي، ثُوغَا [ذ أَزدْجِيفْ] خْ ڒْعسْكَارْ ن ثقْبِيتْشْ ن أَيْثْ ن بِينْيَامِينْ.
NUM 10:25 خنِّي ثتّْوَاكّسْ ثْعدْجَانْثْ ن ڒْمَارْڭحْ ن ڒْعسْكَارْ ن أَيْثْ ن ذَانْ، أَمْ ؤُغزْذِيسْ ؤُنڭَّارْ ن مَارَّا ڒمْرَاڭحْ، [ؤُشَا ؤُيُورنْ، تّْوَاستّْفنْ] عْلَاحْسَابْ [ثِيرْبِيعِينْ ن] ڒْعسْكَارْ نْسنْ. أَخِيعَازَارْ، مِّيسْ ن عَامِّيشَادَّايْ، ثُوغَا [ذ أَزدْجِيفْ] خْ ڒْعسْكَارْ نّسْ.
NUM 10:26 فَاجْعِييِيلْ، مِّيسْ ن عُوكْرَانْ، ثُوغَا [ذ أَزدْجِيفْ] خْ ڒْعسْكَارْ ن ثقْبِيتْشْ ن أَيْثْ ن أَشِيرْ.
NUM 10:27 أَخِيرَاعْ، مِّيسْ ن عِينَانْ، ثُوغَا [ذ أَزدْجِيفْ] خْ ڒْعسْكَارْ ن ثقْبِيتْشْ ن أَيْثْ ن زِيبُولُونْ.
NUM 10:28 [أَمُّو إِ] سّْمُوطِّيينْ أَيْثْ ن إِسْرَائِيل إِقِيضَانْ نْسنْ [زڭْ ومْشَانْ غَارْ ومْشَانْ]، [أَمْ تّْوَاستّْفنْ نِيثْنِي] عْلَاحْسَابْ ڒْعسْكَارَاثْ نْسنْ، [أَمُّو إِ] فسْينْ نِيثْنِي إِقِيضَانْ نْسنْ.
NUM 10:29 إِنَّا مُوسَا إِ حُوبَابْ، مِّيسْ ن رَاعُويِيلْ، أَمِيذْيَانِي، أَضڭّْوَاڒْ ن مُوسَا: ”نشِّينْ أَذْ نمُّوطِّي غَارْ ومْشَانْ إِ ذ أَنغْ إِنَّا سِيذِي: ’نشّْ أَذْ أَومْ ث-إِ-د وْشغْ!‘ أَسْ-د أَكِيذْنغْ، أَذْ أَشْ نڭّْ ثْشُونِي، مِينْزِي سِيذِي إِسِّيوڒْ خْ إِسْرَائِيل س ڒْخِيرْ.“
NUM 10:30 نتَّا إِنَّا أَسْ: ”نشّْ وَارْ تّْرِيحغْ، مَاغَارْ أَذْ ؤُيُورغْ غَارْ ثمُّورْثْ إِنُو ؤُ غَارْ ڒَادْجْ إِنُو.“
NUM 10:31 ؤُشَا نتَّا إِنَّا أَسْ: ”تّْزَاوْڭغْ شكْ، وَارْ ذ أَنغْ تّجِّي، مِينْزِي شكْ ثسّْنذْ مَامّشْ إِشُووَّارْ أَذْ نوّثْ إِقِيضَانْ نّغْ. شكْ أَقَا ثْذوْڒذْ أَنغْ [- أَمْ مَامّشْ نقَّارْ -] أَمْ ثِيطَّاوِينْ.
NUM 10:32 خْمِي غَا ثْرَاحذْ أَكِيذْنغْ ؤُشَا أَذْ أَنغْ د-يَاسْ ڒْخِيرْ إِ ذَايْنغْ غَا إِڭّْ سِيذِي، أَقَا نشِّينْ أَذْ أَشْ نڭّْ ثْشُونِي [عَاوذْ].“
NUM 10:33 ؤُشَا فسْينْ إِقِيضَانْ نْسنْ، [ؤُيُورنْ] زڭْ وذْرَارْ ن سِيذِي ثِيشْڒِي ن ثْڒَاثَا ن وُوسَّانْ. تَّابُوثْ ن ڒْعَاهْذْ ثُويُورْ زَّاثْ إِ وُوذمْ نْسنْ ثِيشْڒِي ن ثْڒَاثَا ن وُوسَّانْ، حِيمَا أَذْ يَارْزُو خْ إِجّْ ن ومْشَانْ إِ أَرَّاحثْ.
NUM 10:34 ذڭْ ؤُزِيڒْ ثُوغَا أَسيْنُو ن سِيذِي سنّجْ نْسنْ ؤُمِي كّْسنْ إِقِيضَانْ نْسنْ زِي ڒْمَارْڭحْ ن ڒْعسْكَارْ.
NUM 10:35 ڒَامِي ثتّْوَاسّْمُوطِّي تَّابُوثْ، ثمْسَارْ [ڒبْذَا] بلِّي مُوسَا إِنَّا: ”كَّارْ، [أَ] سِيذِي، أجّْ ڒعْذْيَانْ نّشْ أَذْ مّْزدْجَاعنْ ؤُ إِنِّي كنِّيوْ إِشَارّْهنْ أَذْ أَروْڒنْ زڭْ وُوذمْ نّشْ!“
NUM 10:36 غَارْ ؤُبذِّي [ن تَّابُوثْ]، إِنَّا: ”ذْوڒْ-د، [أَ] سِيذِي، غَارْعشْرَا ن ڒُوڒُوفْ ن ڒُوڒُوفْ ن إِسْرَائِيل!“
NUM 11:1 إِمْسَارْ ؤُمِي إِذْوڒْ ڒْڭنْسْ أَمْ يِيجّْ ن ؤُبَارُّو إِتّْشثْشَانْ، ثُوغَا مَانْ أَيَا ذ ڒحْرِيقْ إِ إِمزُّوغنْ ن سِيذِي. [ڒَْامِي] إِسْڒَا سِيذِي أَيَا، يَارْغَا وغْضَابْ نّسْ ؤُ ثِيمسِّي ن سِيذِي ثَارْغَا ذِي ڒْوسْطْ نْسنْ ؤُشَا ثشَّا ڒضْرُوفْ ن ڒْمَارْڭحْ ن ڒْعسْكَارْ.
NUM 11:2 [خنِّي] إِڒَاغَا-د ڒْڭنْسْ خْ مُوسَا ؤُشَا مُوسَا إِژُّودْجْ إِ سِيذِي ؤُشَا ثخْسِي ثْمسِّي.
NUM 11:3 ؤُشَا إِڒَاغَا أَسْ إِ ومْشَانْ نِّي ’ثَابْعِيرَا‘، مِينْزِي ثِيمسِّي ن سِيذِي ثُوغَا ثَارْغَا ذِي ڒْوسْطْ نْسنْ.
NUM 11:4 أَبَارُّو إِمْخدْجَاضنْ [ن إِبَارَّانِييّنْ نِّي إِدْجَانْ] ذِي ڒْوسْطْ نْسنْ، ذوْڒنْ شُورّنْ س ؤُمژْرِي ؤُ بْذَانْ أَيْثْ ن إِسْرَائِيل عَاوذْ أَذْ شتّْشَانْ، نَّانْ: ”وِي ذ أَنغْ غَا إِوْشِينْ أَيْسُومْ؟
NUM 11:5 نْعقّڒْ عَاذْ خْ إِسڒْمَانْ نِّي نشَّا ذِي مِيصْرَا بَاطڒْ ؤُ خْ ڒخْيَارْ ذ دّلَّاعْ ذ ڒبْصڒْ يُوژْغنْ ذ ڒبْصڒْ ذ ثِيشَّارْثْ.
NUM 11:6 ڒخُّو ڒعْمُورْ نّغْ ؤُژْغنْ ؤُشَا وَارْ ذِينْ وَالُو مْغِيرْ ’مَانَّا‘-يَا زَّاثْ إِ ثِيطَّاوِينْ نّغْ!“
NUM 11:7 ثُوغَا ’مَانَّا‘ إِتّمْشَابهْ ذِي زَّارِيعثْ ن ڒْقصْبُورْ ؤُشَا شُّوفْ نّسْ أَمشْنَاوْ شُّوفْ ن [ؤُسرْغَاغْ أَشمْڒَاڒْ قَّارنْ أَسْ] ’بذُولَا‘.
NUM 11:8 ڒْڭنْسْ إِفّغْ، إِمّْسبْضَا ؤُشَا يْرُونْ [ت] ؤُشَا حَارْينْ [ت] سَاذُو ثْسِيرْثْ نِيغْ دّْزنْ [ت] س وزْذُوزْ ؤُشَا [خنِّي] سّنْڭّْونْ ت ذِي أَرْوَا ؤُشَا ڭِّينْ زَّايسْ ثِيفْضِيرِينْ. ثُوغَا أَڒذِّي نّسْ أَمْ مِينْ إِنْڭّْوَانْ س زّشْثْ.
NUM 11:9 خْمِي د-إِهكّْوَا نّْذَا خْ ڒْمَارْڭحْ ن ڒْعسْكَارْ، [خنِّي] ثْهكّْوَا-د خَاسْ ’مَانَّا‘ [عَاوذْ].
NUM 11:10 ؤُشَا إِسْڒَا مُوسَا أَقَا ڒْڭنْسْ إِسْغُويْ، ڒَادْجْ أَوَارْنِي إِنّغْنِي، كُوڒْ إِجّْ غَارْ وَاذَافْ ن ؤُقِيضُونْ نّسْ. يَارْغَا وغْضَابْ ن سِيذِي أَطَّاسْ، ؤُشَا ثُوغَا مَانْ أَيَا ؤُڒَا ذ ثُوعفّْنَا ذِي ثِيطَّاوِينْ ن مُوسَا.
NUM 11:11 إِنَّا مُوسَا إِ سِيذِي: ”مَايمِّي ثڭِّيذْ ڒْغَارْ ذڭْ ؤُمْسخَّارْ نّشْ ؤُ مَايمِّي وَارْ ؤُفِيغْ ڒْخَاضَارْ ذِي ثِيطَّاوِينْ نّشْ، ؤُمِي خَافِي د-ثسَّارْسذْ دّْقڒْ ن مَارَّا ڒْڭنْسْ-أَ؟
NUM 11:12 مَا نشّْ ذيْسغْ [بَالَاكْ] س مَارَّا ڒْڭنْسْ-أَ؟ نِيغْ نشّْ إِ-ث-إِ-د يُورْونْ، مَاحنْذْ ثْزمَّارذْ أَذْ أَيِي ثِينِيذْ: ’أَوْيِي ث ذڭْ وشْيُونْ نّشْ!‘، أَمْ ونِّي إِسُّوطُّوضنْ يَاربُّو أَسيْمِي، غَارْ ثمُّورْثْ مِينْ خفْ ثجُّودْجذْ شكْ إِ ڒجْذُوذْ نّسْ.
NUM 11:13 زِي مَانِيسْ [ذ أَسنْ-د] غَا يَاوْيغْ أَيْسُومْ إِ غَا وْشغْ [ذ مَاشَّا] إِ مَارَّا ڒْڭنْسْ-أَ؟ مِينْزِي نِيثْنِي سْغُويُّونْ-د غَارِي، قَّارنْ: ’أوْشْ أَنغْ أَيْسُومْ إِ غَا نشّْ!‘
NUM 11:14 نشّْ وحّْذِي وَارْ زمَّارغْ أَذْ أَرْبُوغْ ڒْڭنْسْ-أَ مَارَّا، أَقَا مَانْ أَيَا إِذْقڒْ خَافِي أَطَّاسْ.
NUM 11:15 مَاڒَا ذَايِي ثڭِّيذْ أَمُّو، نشّْ تّْزَاوَاڭغْ أَذْ أَيِي ثنْغذْ [حْسنْ]، مَاڒَا ؤُفِيغْ أَرْضَا ذِي ثِيطَّاوِينْ نّشْ، [خنِّي] نشّْ وَارْ ژَترّغْ ڒغْبنْ إِنُو [عَاذْ] كْثَارْ!“
NUM 11:16 خنِّي إِنَّا سِيذِي إِ مُوسَا: ”سْمُونْ أَيِي-د سبْعِينْ ن يرْيَازنْ زڭْ إِمْغَارنْ ن إِسْرَائِيل، إِنِّي ثسّْنذْ شكْ ذ إِمْغَارنْ ن ڒْڭنْسْ ؤُ ذ إِمحْضَاينْ. أَوْيِي ثنْ-د غَارْ ؤُقِيضُونْ ن ؤُمْسَاڭَارْ ؤُشَا أجّْ إِثنْ أَذْ ذِينْ بدّنْ زَّاثكْ.
NUM 11:17 [خنِّي] نشّْ أَذْ هْوِيغْ ؤُشَا أَذْ كِيكْ سِّيوْڒغْ. أَذْ كْسِيغْ زِي أَرُّوحْ إِ خَاكْ إِدْجَانْ ؤُشَا أَذْ خَاسنْ ث سَّارْسغْ. [أَمُّو إِ كِيكْ غَا] أَرْبُونْ دّْقڒْ ن ڒْڭنْسْ-أَ، مَاحنْذْ وَارْ ث ثَاربُّوذْ شَا وحّْذكْ.
NUM 11:18 أَذْ ثِينِيذْ إِ ڒْڭنْسْ: ’سْقدّْسمْ إِخفْ نْومْ إِ ثِيوشَّا، [خنِّي] أَذْ ثشّمْ أَيْسُومْ، مِينْزِي أَقَا ثْرُومْ ذڭْ إِمزُّوغنْ ن سِيذِي، ثنَّامْ: وِي ذ أَنغْ غَا إِوْشنْ أَذْ نشّْ أَيْسُومْ؟ ثُوغَا-نغْ مْلِيحْ ذِي مِيصْرَا! [س ؤُيَا] إِ ذ أَومْ غَا إِوْشْ سِيذِي أَيْسُومْ أَذْ ثشّمْ.
NUM 11:19 وَارْ ث ثتّتّمْ إِجّْ ن وَاسّْ [وَاهَا] ؤُڒَا ذ ثْنَاينْ ن وُوسَّانْ، نِيغْ خمْسَا ن وُوسَّانْ، نِيغْعشْرَا ن وُوسَّانْ، نِيغْ عِيشْرِينْ ن وُوسَّانْ،
NUM 11:20 [مَاشَا] [مَارَّا] ؤُسَّانْ ن ؤُيُورْ أَڒْ ذ أَومْ د-إِفّغْ زڭْ ونْزَارنْ نْومْ ؤُشَا أَذْ زَّايسْ ثْعِيفّمْ، ؤُمِي ثنْضَارمْ سِيذِي ونِّي إِدْجَانْ ذِي ڒْوسْطْ نْومْ، ؤُشَا ثْرُومْ زَّاثْ إِ ؤُغمْبُوبْ نّسْ، ثنَّامْ: مَايمِّي [عَاذْ] د-نفّغْ زِي مِيصْرَا؟‘ “
NUM 11:21 ؤُشَا مُوسَا إِنَّا: ”ڒْڭنْسْ-يَا، ذِي ڒْوسْطْ نْسنْ إِ دْجِيغْ، أَقَا-ث ذِي ستَّا-أَڒَافْ ن يرْيَازنْ خْ إِضَارنْ ؤُشَا شكْ ثقَّارذْ: ’أَذْ أَسنْ وْشغْ أَيْسُومْ ؤُشَا أَذْ [زَّايسْ] شّنْ إِجّْ ن ؤُيُورْ أَمنْ إِكْمڒْ!‘
NUM 11:22 [مَاڒَا] غَارْصنْ أَسنْ إِ [مَارَّا] وُودْجِي ذ إِفُونَاسنْ، مَا أَذْ يِيڒِي شْفَا أَسنْ؟ [نِيغْ مَاڒَا] سّْمُوننْ أَسنْ مَارَّا إِسڒْمَانْ ن ڒبْحَارْ، مَا أَذْ يِيڒِي شْفَا أَسنْ؟“
NUM 11:23 إِنَّا سِيذِي إِ مُوسَا: ”مَا [خنِّي] يبْرِي ؤُفُوسْ ن سِيذِي؟ ڒخُّو [خنِّي]، أَذْ ثْژَارذْ مَا أَذْ إِقْفڒْ أَوَاڒْ نّسْ نِيغْ لَّا!“
NUM 11:24 إِفّغْ-د مُوسَا ؤُشَا إِنَّا أَوَاڒنْ ن سِيذِي إِ ڒْڭنْسْ ؤُشَا إِسّْمُونْ سبْعِينْ ن يرْيَازنْ زڭْ إِمْغَارنْ ن ڒْڭنْسْ ؤُشَا إِسّْبدّْ إِ-ثنْ أَمْ د-نّْضنْ إِ ؤُقِيضُونْ.
NUM 11:25 [خنِّي] إِهْوَا-د سِيذِي ذڭْ ؤُسيْنُو ؤُشَا إِسِّيوڒْ أَكِيذسْ ؤُشَا إِكْسِي زِي أَرُّوحْ نِّي ثُوغَا خَاسْ ؤُشَا إِسَّارْسْ إِ-ث خْ سبْعِينْ ن يرْيَازنْ، [خْ] إِمْغَارنْ. ؤُشَا إِمْسَارْ، ؤُمِي ثُوغَا خَاسنْ أَرُّوحْ، [بْذَانْ] أَذْ نبَّانْ، مَاشَا أَوَارْنِي إِ ؤُيَا وَارْ إِقِّيمْ عَاذْ.
NUM 11:26 ؤُشَا قِّيمنْ ثْنَاينْ ن يرْيَازنْ ذِي ڒْمَارْڭحْ ن ڒْعسْكَارْ، إِجّنْ قَّارنْ أَسْ إِلْذَاذْ ؤُ ونّغْنِي قَّارنْ أَسْ مِيذَاذْ ؤُشَا أَرُّوحْ ن سِيذِي ثُوغَا-ث خَاسنْ، [مِينْزِي] نِيثْنِي أَقَا أَثنْ زڭْ إِنِّي يُورَانْ، [مَاشَا] وَارْ د-فِّيغنْ غَارْ ؤُقِيضُونْ ؤُشَا ثُوغَا تّْنبَّانْ ذِي ڒْمَارْڭحْ ن ڒْعسْكَارْ.
NUM 11:27 يُوزّڒْ-د إِجّْ ن ؤُحنْجِيرْ ؤُشَا إِخبَّارْ مَانْ أَيَا إِ مُوسَا، إِنَّا: ”إِلْذَاذْ ذ مِيذَاذْ تّْنبَّانْ ذِي ڒْمَارْڭحْ ن ڒْعسْكَارْ.“
NUM 11:28 يَارَّا-د يَاشُووَا، مِّيسْ ن نُونْ، [إِجّنْ] زڭْ إِبْڒِيغنْ إِتّْفَارْزنْ، إِنَّا: ”سِيذِي إِنُو، مُوسَا، حَارّمْ إِ-ثنْ!“
NUM 11:29 إِنَّا أَسْ مُوسَا: ”مَا شكْ ثشْضَارذْ ذِي طّْوعْ إِنُو؟ مْڒِي مَارَّا ڒْڭنْسْ ن سِيذِي ثُوغَا-ث مَارَّا ذ إِنَابِييّنْ، إِڒِي إِڭَّا خَاسنْ سِيذِي أَرُّوحْ نّسْ!“
NUM 11:30 إِذْوڒْ-د مُوسَا غَارْ ڒْمَارْڭحْ ن ڒْعسْكَارْ، نتَّا ذ إِمْغَارنْ ن إِسْرَائِيل.
NUM 11:31 [خنِّي] يُوسَا-د إِجّْ ن ؤُسمِّيضْ، [إِسّكَّارْ إِ-ث] سِيذِي، إِنْذهْ-د إِجْضَاضْ قَّارنْ أَسْ ’ثْسَالْوَا‘ زِي ڒبْحَارْ ؤُشَا إِنْضَارْ إِ-ثنْثْ خْ ڒْمَارْڭحْ ن ڒْعسْكَارْ، ثِيشْڒِي ن وبْرِيذْ ن إِجّْ ن وَاسّْ غَارْ إِجّْ ن ثْمَا ذ ثِيشْڒِي ن وبْرِيذْ غَارْ ثْمَا نّغْنِي، ذڭْ ونّضْ ن ڒْمَارْڭحْ ن ڒْعسْكَارْ، أَڒْ عْڒَاينْ ثْنَاينْ ن إِغَادْجنْ خْ وُوذمْ ن ثمُّورْثْ.
NUM 11:32 إِكَّارْ ڒْڭنْسْ ؤُشَا أَسّْ [نِّي] إِكْمڒْ ذ دْجِيڒثْ [نِّي] ثكْمڒْ ذ مَارَّا أَسّْ إِ ث-إِ-د إِضْفَارنْ يْرُونْ نِيثْنِي إِجْضَاضْ قَّارنْ أَسْ ’ثْسَالْوَا‘. ونِّي غَارسْ ذْرُوسْ، إِكْسِيعشْرَا إِحُومِيرنْ. بزّْعنْ ثنْثْ قِيبَاتْشْ نْسنْ خْ ثِيرُو إِ إِنّْضنْ إِ ڒْمَارْڭحْ ن ڒْعسْكَارْ.
NUM 11:33 مِينْثْرَا أَيْسُومْ عَاذْ جَارْ ثغْمَاسْ نْسنْ، قْبڒْ مَا أَذْ ث فّْژنْ، يَارْغَا وغْضَابْ ن سِيذِي خْ ڒْڭنْسْ ؤُشَا سِيذِي إِوْثَا ڒْڭنْسْ س إِشْثْ ن ثشْثِي ثمْغَارْ أَطَّاسْ.
NUM 11:34 إِسمَّا [مُوسَا] أَمْشَانْ نِّي ’قَابَارُوثْ-هَاثَاآوَاثْ‘، مِينْزِي ذِينِّي إِ نضْڒنْ ڒْڭنْسْ إِ ثُوغَا إِمّژْرنْ [أَمُّو].
NUM 11:35 زِي قَابَارُوثْ-هَاثَاآوَاثْ إِفْسِي ڒْڭنْسْ إِقِيضَانْ [نّسْ]، [ؤُيُورنْ] غَارْ حَاضَايْرُوثْ ؤُشَا قِّيمنْ ذِي حَاضَايْرُوثْ.
NUM 12:1 ثسِّيوڒْ مَارْيَامْ أَكْ-ذ هَارُونْ خْ مُوسَا ذِي سِّيبّثْ ن ثمْغَارْثْ ثَاكُوشِيثْ نِّي ثُوغَا د-يِيوِي، مِينْزِي نتَّا يِيوِي-د إِشْثْ ن ثمْغَارْثْ ثَاكُوشِيثْ.
NUM 12:2 ؤُشَا نَّانْ: ”مَا إِسِّيوڒْ سِيذِي زِي مُوسَا وَاهَا؟ مَا وَارْ زَّايْنغْ إِسِّيوڒْ عَاوذْ؟“ ؤُشَا إِسْڒَا سِيذِي [مَانْ أَيَا].
NUM 12:3 ثُوغَا مُوسَا ذ أَرْيَازْ أَمْوَاضعْ أَطَّاسْ، كْثَارْ زِي مَارَّا إِوْذَانْ إِ إِدَّارنْ خْ ثمُّورْثْ.
NUM 12:4 ذغْيَا إِسِّيوڒْ سِيذِي أَكْ-ذ مُوسَا ذ هَارُونْ ذ مَارْيَامْ: ”فّْغمْ كنِّيوْ س ثْڒَاثَا، [ؤُيُورمْ] غَارْ ؤُقِيضُونْ ن ؤُمْسَاڭَارْ!“ ؤُشَا فّْغنْ-د س ثْڒَاثَا.
NUM 12:5 [خنِّي] إِهْوَا-د سِيذِي ذڭْ ؤُقلِّيجْ ن ؤُسيْنُو ؤُشَا إِبدّْ غَارْ وَاذَافْ ن ؤُقِيضُونْ، إِڒَاغَا إِ هَارُونْ ذ مَارْيَامْ. فّْغنْ-د نِيثْنِي س ثْنَاينْ.
NUM 12:6 ؤُشَا إِنَّا أَسنْ نتَّا: ”سْڒمْ خنِّي إِ وَاوَاڒنْ إِنُو! مَاڒَا ذِينْ جَارْ أَومْ إِجّْ ن ؤُنَابِي، أَذْ أَسْ سّشْنغْ إِخفْ إِنُو، نشّْ، سِيذِي، س إِجْ ن ڒوْحِييْ [ؤُشَا] أَذْ كِيسْ سِّيوْڒغْ س إِشْثْ ن ثَارْجِيثْ.
NUM 12:7 [مَاشَا] وَارْ تّڭّغْ [أَمنِّي] س ؤُمْسخَّارْ إِنُو مُوسَا، أَقَا نتَّا ذ أَمْثِيقِّي ذِي ثَادَّارْثْ إِنُو ثكْمڒْ.
NUM 12:8 نشّْ سِّيوْڒغْ أَكِيذسْ زڭْ ؤُقمُّومْ غَارْ ؤُقمُّومْ، وَارْ إِدْجِي س ڒمْعَانِي إِنُّوفَارنْ. أَقَا إِژْرَا أَدُّوذْ ن سِيذِي. مَايمِّي وَارْ ثڭّْوِيذمْ زڭْ ؤُمْسخَّارْ إِنُو ؤُ [مَايمِّي] إِ ثسِّيوْڒمْ [أَمُّو] خْ مُوسَا؟“
NUM 12:9 [خنِّي] يَارْغَا خَاسنْ وغْضَابْ ن سِيذِي ؤُشَا إِرُوحْ.
NUM 12:10 ؤُشَا أَسيْنُو إِفّغْ خْ ؤُقِيضُونْ، ؤُشَا خْزَارْ، مَارْيَامْ ذَايسْ ڒهْڒَاشْ ن ڒْبَارْصْ، أَقَا-ت ذ ثَاشمْڒَاڒْثْ أَمْ وذْفڒْ. ؤُشَا هَارُونْ إِنّقْڒبْ-د غَارْ مَارْيَامْ، ؤُ خْزَارْ، أَقَا نتَّاثْ ذَايسْ ڒْبَارْصْ.
NUM 12:11 ؤُشَا إِنَّا هَارُونْ إِ مُوسَا: ”أَ، سِيذِي إِنُو، وَارْ خَانغْ سْرُوسِّي دّنْبْ إِ نڭَّا س ثفْغُورِي ؤُمِي ذَايسْ نخْضَا!
NUM 12:12 وَارْ ت تّجِّي أَذْ ثذْوڒْ أَمْ ؤُمتِّينْ إِ زِي إِتّْوَاشّْ وزْينْ ن أَرِّيمثْ نّسْ أَمْ د-ثفّغْ زِي ڒمْڒَاوثْ ن يمَّاسْ.“
NUM 12:13 إِڒَاغَا مُوسَا إِ سِيذِي، إِنَّا: ”[أَ] أَربِّي، تّْزَاوَاڭغْ أَذْ ت ثسّْڭنْفِيذْ!“
NUM 12:14 إِنَّا سِيذِي إِ مُوسَا: ”مَا مَاڒَا بَابَاسْ أَقَا إِنْخَارْ ذڭْ وُوذمْ نّسْ، مَا وَارْ ثسضْحِي سبْعَا ن وُوسَّانْ؟ أجّْ إِ-ت أَذْ ثتّْوَاسُّوفّغْ زِي ڒْمَارْڭحْ ن ڒْعسْكَارْ سبْعَا ن وُوسَّانْ ؤُشَا أَوَارْنِي أَسْ أَذْ ثتّْوَاقْبڒْ [عَاوذْ].“
NUM 12:15 ثتّْوَاسُّوفّغْ مَارْيَامْ سبْعَا ن وُوسَّانْ بَارَّا إِ ڒْمَارْڭحْ ن ڒْعسْكَارْ ؤُشَا ڒْڭنْسْ وَارْ إِكِّيسْ إِقِيضَانْ نّسْ أَڒَامِي ثتّْوَاقْبڒْ مَارْيَامْ [عَاوذْ].
NUM 12:16 أَوَارْنِي مَانْ أَيَا إِفْسِي ڒْڭنْسْ إِقِيضَانْ نّسْ، [يُويُورْ] زِي حَاضَايْرُوثْ ؤُشَا وْثِينْ إِقِيضَانْ نْسنْ ذِي ڒخْڒَا ن فَارَانْ.
NUM 13:1 إِسِّيوڒْ سِيذِي أَكْ-ذ مُوسَا، إِنَّا:
NUM 13:2 ”سكّْ إِرْيَازنْ زَّاثكْ حِيمَا أَذْ برْڭَاڭنْ ثَامُّورْثْ ن كنْعَانْ، ثنِّي إِ غَا وْشغْ إِ أَيْثْ ن إِسْرَائِيل. إِ كُوڒْ ثَاقْبِيتْشْ ن ڒجْذُوذْ أَذْ ثسّكّمْ إِجّْ ن ورْيَازْ، كُوڒْ إِجّْ [أَذْ يِيڒِي] ذ ڒْحَاكمْ جَارْ أَسنْ.“
NUM 13:3 مُوسَا إِسّكّْ إِ-ثنْ زِي ڒخْڒَا ن فَارَانْ، خْ ڒُومُورْ ن سِيذِي. ثُوغَا مَارَّا إِرْيَازنْ [نِّي] ذ إِزدْجِيفنْ ن أَيْثْ ن إِسْرَائِيل.
NUM 13:4 أَقَا ذ إِنَا ذ إِسْمَاونْ نْسنْ: زِي ثقْبِيتْشْ ن رُوبِينْ، شَامُّوعْ، مِّيسْ ن زَاكُّورْ،
NUM 13:5 زِي ثقْبِيتْشْ ن شِيمْعُونْ، شَافَاثْ، مِّيسْ ن أَخُورِي،
NUM 13:6 زِي ثقْبِيتْشْ ن يَاهُوذَا، كَالِيبْ، مِّيسْ ن يَافُونِّي،
NUM 13:7 زِي ثقْبِيتْشْ ن إِسَّاكَارْ، يِيجْعَالْ، مِّيسْ ن يُوسُوفْ،
NUM 13:8 زِي ثقْبِيتْشْ ن إِفْرَايِيمْ، هُوشَاعْ، مِّيسْ ن نُونْ،
NUM 13:9 زِي ثقْبِيتْشْ ن بِينْيَامِينْ، فَالْطِي، مِّيسْ ن رَافُو،
NUM 13:10 زِي ثقْبِيتْشْ ن زابُولُونْ، جَاذِّييِيلْ، مِّيسْ ن سُوذِي،
NUM 13:11 زِي ثقْبِيتْشْ ن يُوسُوفْ، إِ ثقْبِيتْشْ ن مَانَاسَّا، جَاذِّي، مِّيسْ ن سُوسِي،
NUM 13:12 زِي ثقْبِيتْشْ ن ذَانْ، عَامِّييِيلْ، مِّيسْ ن جَامَالِّي،
NUM 13:13 زِي ثقْبِيتْشْ ن أَشِيرْ، سَاثُورْ، مِّيسْ ن مِيخَايِيلْ،
NUM 13:14 زِي ثقْبِيتْشْ ن نَافْثَالِي، نَاحْبِي، مِّيسْ ن وَافْسِي،
NUM 13:15 زِي ثقْبِيتْشْ ن جَاذْ، جَا‘ؤُيِيلْ، مِّيسْ ن مَاكِي.
NUM 13:16 أَقَا إِنَا ذ إِسْمَاونْ ن يرْيَازنْ نِّي إِسّكّْ مُوسَا حِيمَا أَذْ برْڭَاڭنْ ثَامُّورْثْ ؤُشَا مُوسَا إِڒَاغَا إِ هُوشِيعَا، مِّيسْ ن نُونْ، س يِيسمْ ن يَاشُووَا.
NUM 13:17 إِسّكّْ إِ-ثنْ مُوسَا حِيمَا أَذْ برْڭَاڭنْ ثَامُّورْثْ ن كنْعَانْ، إِنَّا أَسنْ: ”أَڒْيمْ سِّيهَا أَڒْ [ثَامُّورْثْ ن] لْجَانُوبْ ؤُشَا أَڒْيمْ خنِّي غَارْ إِذُورَارْ،
NUM 13:18 ؤُشَا خْزَارمْ مَامّشْ ثدْجَا ثمُّورْثْ ذ ڒْڭنْسْ إِ ذَايسْ إِزدّْغنْ، مَا إِجْهذْ نِيغْ إِضْعفْ [إِ يدْجَا]، مَا [أَقَا ذِينْ] ذْرُوسْ نِيغْ أَطَّاسْ.
NUM 13:19 [خْزَارمْ عَاوذْ] مَامّشْ ثدْجَا ثمُّورْثْ إِ ذِي إِزدّغْ [ڒْْڭنْسْ]، مَا [ثَامُّورْثْ] ذ ثَاصبْحَانْثْ نِيغْ ذ ثَاعفَّانْثْ إِ [ثدْجَا]، ؤُ مَامّشْ دْجَانْثْ ثْندَّامْ إِ ذِي إِزدّغْ [ڒْْڭنْسْ]، مَا [زدّْغنْ ذِي] ڒمْرَاڭحْ ن إِقِيضَانْ نِيغْ [ذِي] ثْندَّامْ إِفَارْينْ [س إِغبْڒَاونْ].
NUM 13:20 [ؤُ عَاوذْ] مَامّشْ ثدْجَا ثمُّورْثْ، مَا ثسّْغمِّي نِيغْ ثُوژغْ، مَا أَقَا ذِينْ ثِيشجُّورَا نِيغْ لَّا. ڭّمْ ثَارْيَاسْثْ ؤُشَا كْسِيمْ [شَا] زِي ڒْغِيدْجثْ ن ثمُّورْثْ. ؤُسَّانْ نِّي ثُوغَا أَثنْ ذ ؤُسَّانْ ن ثْمنْزُوثْ ن ؤُضِيڒْ.“
NUM 13:21 ؤُشَا نِيثْنِي ڭعّْذنْ ؤُشَا برْڭَاڭنْ ثَامُّورْثْ زِي ڒخْڒَا ن صِينْ أَڒْ رَاحُوبْ، مَانِي غَا ثِيوْضذْ غَارْ حَامَاثْ.
NUM 13:22 ڭعّْذنْ [عَاذْ كْثَارْ] غَارْ [ثمُّورْثْ ن] لْجَانُوبْ ؤُشَا إِوْضنْ غَارْ حَابْرُونْ. ذِينِّي إِ ثُوغَا أَخِيمَانْ، شِيشَايْ ذ ثَالْمَايْ، [نِيثْنِي] ذ إِحنْجِيرنْ ن عَانَاقْ. حَابْرُونْ ثُوغَا ثتّْوَابْنَا سبْعَا ن إِسڭّْوُوسَا قْبڒْ صُوعَانْ ذِي مِيصْرَا.
NUM 13:23 [خنِّي] إِوْضنْ أَڒْ ثَاغْزُورْثْ ن أَشْكُولْ ؤُشَا سّنِّي كّْسنْ إِشْثْ ن ثزْرمْثْ س يِيجّْ ن ؤُزكُّونْ ن ؤُضِيڒْ ونِّي د-إِوْينْ س ثْنَاينْ س يِيجّْ ن ؤُزدْجَاضْ ن ثْربُّوثْ. [كّْسنْ عَاوذْ] زڭْ أَرمَّامْ ؤُ زِي ثَازَارْثْ.
NUM 13:24 قَّارنْ أَسْ إِ ومْشَانْ نِّي ثَاغْزُورْثْ ن إِشْكُولْ، [إِسمْ وَانِيثَا إِخْسْ أَذْ يِينِي] ’ثَاغْزُورْثْ ن ؤُزكُّونْ‘، ذِي سِّيبّثْ ن ؤُزكُّونْ [ن ؤُضِيڒْ] نِّي قسّنْ أَيْثْ ن إِسْرَائِيل ذِينْ.
NUM 13:25 ؤُمِي كمّْڒنْ أَربْعِينْ ن وُوسَّانْ، ذوْڒنْ-د زڭْ ؤُبرْڭَاڭْ ن ثمُّورْثْ.
NUM 13:26 عقْبنْ نِيثْنِي ؤُشَا ؤُسِينْ-د غَارْ مُوسَا ذ هَارُونْ ؤُ غَارْ مَارَّا ثَامسْمُونْثْ ن أَيْثْ ن إِسْرَائِيل ذِي ڒخْڒَا ن فَارَانْ، غَارْ قَاذَاشْ، ؤُشَا وْشِينْ ڒخْبَارْ إِ مَارَّا ثَامسْمُونْثْ ؤُشَا سّشْننْ أَسنْ ڒْغِيدْجثْ ن ثمُّورْثْ.
NUM 13:27 حَاجَانْ أَسْ، نَّانْ: ”أَقَا نُوذفْ غَارْ ثمُّورْثْ نِّي مَانِي ذ أَنغْ ثسّكّذْ. س ثِيذتّْ ثْفيّضْ س ؤُغِي ذ ثَامّنْثْ ؤُ ثَانِيثَا ذ ڒْغِيدْجثْ نّسْ.
NUM 13:28 مَاشَا ڒْڭنْسْ، ونِّي إِزدّْغنْ ذِي ثمُّورْثْ، إِجْهذْ ؤُ ثِيندَّامْ غَارْسنْثْ إِغبْرَاونْ مْغَارنْثْ أَطَّاسْ، ؤُ نژْرَا عَاوذْ أَرَّاونْ ن عَانَاقْ.
NUM 13:29 أَيْثْ ن عَامَالِيقْ زدّْغنْ ذِي ثمُّورْثْ ن لْجَانُوبْ، ؤُ إِحِيتِّييّنْ ذ إِيابُوسِييّنْ ذ إِمُورِييّنْ زدّْغنْ ذڭْ إِذُورَارْ ؤُ أَيْثْ ن كنْعَانْ زدّْغنْ غَارْ ڒبْحَارْ ؤُ خْ ثْمَا ن لْ-ؤُرْذُونْ.“
NUM 13:30 خنِّي إِسّسْقَارْ كَالِيبْ ڒْڭنْسْ زَّاثْ إِ مُوسَا، إِنَّا: ”أجّْ أَنغْ أَذْ نْڭعّذْ س جّهْذْ ؤُشَا أَذْ ت نطّفْ ذ ڒْوَارْثْ، [مِينْزِي] نْزمَّارْ أَسْ نشِّينْ!“
NUM 13:31 [مَاشَا] إِرْيَازنْ نِّي ڭعّْذنْ أَكِيذسْ، نَّانْ: ”وَارْ نْزمَّارْ أَذْ نْڭعّذْ ضِيدّْ إِ ڒْڭنْسْ نِّي، مِينْزِي أَقَا إِجْهذْ خَانغْ أَطَّاسْ.“
NUM 13:32 [أَمُّو] إِ د-إِوْينْ إِجّْ ن ڒخْبَارْ وَارْ إِحْڒِينْ إِ أَيْثْ ن إِسْرَائِيل خْ ثمُّورْثْ نِّي خْ ثُوغَا تّْبرْڭَاڭنْ، نَّانْ: ”ثَامُّورْثْ خْ مَانِيسْ نكَّا حِيمَا أَذْ ت نْبرْڭڭْ، أَقَا ذ إِشْثْ ن ثمُّورْثْ ثْسَارّضْ إِمزْذَاغْ نّسْ ؤُشَا مَارَّا إِوْذَانْ نِّي نژْرَا، أَقَا أَثنْ ذ إِرْيَازنْ ن وَادَّاذْ إِمْغَارْ.
NUM 13:33 أَقَا نژْرَا ذِينْ ’نِيفِيلِيمْ‘، [إِخْسْ أَذْ يِينِي] ’جّْوَاهڒْ إِوْضَانْ‘، أَيْثْ ن عَانَاقْ، أَرَّاسَا ن جّْوَاهڒْ إِوْضَانْ. ثُوغَا نشِّينْ ذِي ثِيطَّاوِينْ نّغْ أَمشْنَاوْ ثَامُورْغِي ؤُشَا أَمُّو إِ د أَسنْ نتّْبَانْ ذِي ثِيطَّاوِينْ نْسنْ.“
NUM 14:1 مَارَّا ثَامسْمُونْثْ ثبْذَا ثسْغُويُّو س جّهْذْ ؤُشَا ڒْڭنْسْ إِرُو مَارَّا دْجِيڒثْ نِّي.
NUM 14:2 مَارَّا أَيْثْ ن إِسْرَائِيل ثُوغَا تّْنذْقَامنْ ضِيدّْ إِ مُوسَا ؤُ ضِيدّْ إِ هَارُونْ ؤُشَا ثنَّا أَسْ مَارَّا ثْمسْمُونْثْ: ”معْلِيكْ قَاعْ نمُّوثْ ذِي ثمُّورْثْ ن مِيصْرَا!“ نِيغْ: ”معْلِيكْ قَاعْ نمُّوثْ ذِي ڒخْڒَا-يَا!“
NUM 14:3 ”مَايمِّي ذ أَنغْ د-يِيوِي سِيذِي غَارْ ثمُّورْثْ-أَ حِيمَا أَذْ نوْضَا س سِّيفْ ؤُ [خنِّي] أَذْ ذوْڒنْثْ ثمْغَارِينْ نّغْ ذ ثَارْوَا نّغْ ذ ثَاكشَّاضْثْ؟ مَا وَارْ يدْجِي حْسنْ زعْمَا أَذْ نعْقبْ غَارْ مِيصْرَا؟“
NUM 14:4 ؤُشَا نَّانْ إِجّْ إِ ونّغْنِي: ”أجّْ أَنغْ أَذْ نڭّْ إِجّْ ذ أَزدْجِيفْ [خَانغْ] ؤُشَا أَذْ نعْقبْ غَارْ مِيصْرَا!“
NUM 14:5 [ڒخْذنِّي] وْضَانْ مُوسَا ذ هَارُونْ خْ ؤُغمْبُوبْ نْسنْ زَّاثْ إِ وُوذمْ ن مَارَّا أَڭْرَاوْ ن ثْمسْمُونْثْ ن أَيْثْ ن إِسْرَائِيل.
NUM 14:6 يَاشُووَا، مِّيسْ ن نُونْ، ذ كَالِيبْ، مِّيسْ ن يَافُونِّي، إِنِّي ثُوغَا زڭْ إِنِّي ثُوغَا إِتّْبرْڭَاڭنْ خْ ثمُّورْثْ، شَارّْڭنْ أَرُّوضْ نْسنْ.
NUM 14:7 نِيثْنِي سِّيوْڒنْ غَارْ مَارَّا ثَامسْمُونْثْ ن أَيْثْ ن إِسْرَائِيل، نَّانْ: ”ثَامُّورْثْ نِّي خْ نكَّا مَاحنْذْ أَذْ ت نْبرْڭڭْ، أَقَا-ت ذ إِشْثْ ن ثمُّورْثْ مْلِيحْ أَطَّاسْ.
NUM 14:8 مَاڒَا سِيذِي إِسّْفَارْننْ غَارْنغْ، نتَّا أَذْ أَنغْ د-يَاوِي غَارْ ثمُّورْثْ-أَ ؤُشَا أَذْ أَنغْ ت إِوْشْ، إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ.
NUM 14:9 مَاشَا وَارْ تِّيڒِيمْ ذ إِمْغوّْغنْ ضِيدّْ إِ سِيذِي ؤُشَا وَارْ تّڭّْوذمْ شَا زِي ڒْڭنْسْ ن ثمُّورْثْ-أَ، مِينْزِي أَقَا أَثنْ ذ أَغْرُومْ نّغْ. ثِيڒِي نْسنْ ثفّغْ-د سنّجْ نْسنْ، أَقَا سِيذِي أَكِيذْنغْ، وَارْ زَّايْسنْ تّڭّْوْذمْ شَا!“
NUM 14:10 [مَاشَا ڒَامِي] ثسِّيوڒْ مَارَّا ثَامسْمُونْثْ بلِّي إِتّْخصَّا أَذْ ثنْ أَرجْمنْ، إِبَانْ-د ؤُعُودْجِي ن سِيذِي ذڭْ ؤُقِيضُونْ ن ؤُمْسَاڭَارْ زَّاثْ إِ مَارَّا أَيْثْ ن إِسْرَائِيل.
NUM 14:11 إِنَّا سِيذِي إِ مُوسَا: ”أَڒْ مڒْمِي ذ أَيِي غَا إِسْعَارْ ڒْڭنْسْ-أَ؟ أَڒْ مڒْمِي وَارْ ذ أَيِي تِّيمْننْ س مَارَّا ڒعْڒَامَاثْ نِّي ڭِّيغْ ذِي ڒْوسْطْ نْسنْ؟
NUM 14:12 نشّْ أَذْ ثنْ وْثغْ س طَّاعُونْ ؤُشَا أَذْ خَاسنْ كّْسغْ ڒْوَارْثْ ؤُشَا أَذْ شكْ ڭّغْ ذ إِجّْ ن ڒْڭنْسْ ذ أَمقّْرَانْ، إِجْهذْ خَاسنْ.“
NUM 14:13 إِنَّا مُوسَا إِ سِيذِي: ”أَذْ سْڒنْ إِمِيصْرِييّنْ مَانْ أَيَا، مِينْزِي شكْ ثسُّوفّْغذْ ڒْڭنْسْ-أَ س جّهْذْ نّشْ زِي ڒْوسْطْ نْسنْ.
NUM 14:14 ؤُشَا أَذْ ث إِنِينْ إِ إِمزْذَاغْ ن ثمُّورْثْ-أَ، إِنِّي إِسْڒِينْ بلِّي شكْ، [أَ] سِيذِي، ذِي ڒْوسْطْ ن ڒْڭنْسْ-أَ، بلِّي شكْ، أَ سِيذِي، ثْبَانذْ-د [أَمشْنَاوْ] ؤُذمْ ذڭْ وُوذمْ، بلِّي أَسيْنُو نّشْ إِتّْبدَّا سنّجْ نْسنْ ؤُ بلِّي شكْ ثڭُّورذْ زَّاثْ إِ وُوذمْ نْسنْ ذڭْ إِجّْ ن ؤُقلِّيجْ ن ؤُسيْنُو س ؤُزِيڒْ ؤُشَا س دْجِيڒثْ ذڭْ إِجّْ ن ؤُقلِّيجْ ن ثْمسِّي.
NUM 14:15 مَاڒَا ثنْغِيذْ ڒْڭنْسْ-أَ أَمْ يِيجّْ ن ورْيَازْ، خنِّي ڒڭْنُوسْ نِّي إِسْڒِينْ خْ ؤُسمْغَارْ نّشْ أَذْ سِّيوْڒنْ أَذْ إِنِينْ:
NUM 14:16 ’مِينْزِي سِيذِي وَارْ إِزمَّارْ أَذْ إِسِّيذفْ ڒْڭنْسْ-أَ ذِي ثمُّورْثْ نِّي خْ إِجُّودْجْ [أَذْ أَسنْ ت إِوْشْ]، أَقَا س ؤُينِّي ذ أَسنْ إِغَارْصْ ذِي ڒخْڒَا!‘
NUM 14:17 ڒخُّو خنِّي، أجّْ أَذْ يِيڒِي جّهْذْ ن سِيذِي إِنُو إِمْغَارْ أَمْ مَامّشْ ثُوغَا ثسِّيوْڒذْ، ثنِّيذْ:
NUM 14:18 ’سِيذِي غَارسْ تَّاسِيعْ ن ڒْخَاضَارْ ؤُڒَا ذ أَطَّاسْ ن ثْمخْسِيوْثْ إِشوَّارنْ. أَقَا يَاربُّو ڒْمُوعْصِييّثْ ذ ؤُخطُّو [نّغْ] ؤُ نتَّا وَارْ إِتّْبَارِّي ونِّي إِتّڭّنْ دّنْبْ [ؤُ] إِسّعّْذُو ڒْمُوعْصِييّثْ ن إِبَابَاثنْ غَارْ إِحنْجِيرنْ [نّسْ] أَڒْ [جِّيڒْ] وِيسّْ ثْڒَاثَا ذ [جِّيڒْ] وِيسّْ أَربْعَا.‘
NUM 14:19 غْفَارْ إِ ڒْڭنْسْ-أَ ڒْمُوعْصِييّثْ نّسْ عْلَاحْسَابْ ڒمْغَارثْ ن ثْمخْسِيوْثْ نّشْ إِشوَّارنْ ؤُ أَمْ مَامّشْ ثْهمْڒذْ أَكْ-ذ ڒْڭنْسْ-أَ زِي ثمُّورْثْ ن مِيصْرَا أَڒْ ذَانِيثَا!“
NUM 14:20 إِنَّا سِيذِي: ”نشّْ غْفَارغْ أَسنْ عْلَاحْسَابْ أَوَاڒْ نّشْ.
NUM 14:21 س ثِيذتّْ [أَمْ] دَّارغْ نشّْ، أَقَا مَارَّا ثَامُّورْثْ أَذْ ثتّْوَاشُّورْ س ؤُعُودْجِي ن سِيذِي!
NUM 14:22 مِينْزِي مَارَّا إِرْيَازنْ نِّي إِژْرِينْ أَعُودْجِي إِنُو ذ ڒعْڒَامَاثْ إِنُو إِ ڭِّيغْ ذِي مِيصْرَا ؤُ ذِي ڒخْڒَا، ذ يِينِّي ذ أَيِي إِقدْجْبنْ ذِي ڒخْڒَا [عَاذْ]عشْرَا ن ثْوَاڒَاوِينْ ؤُ وَارْ سْڒِينْ إِ ثْمِيجَّا إِنُو،
NUM 14:23 وَارْ ژَترّنْ ثَامُّورْثْ نِّي خْ جُّودْجغْ إِ ڒجْذُوذْ نْسنْ [أَذْ أَسنْ ت وْشغْ]، [وَاهْ،] مَارَّا إِنِّي ذ أَيِي إِسّْدُّوقّْزنْ [أَمُّو]، وَارْ ت ژَترّنْ.
NUM 14:24 [مَاشَا] أَذْ سِّيوْضغْ أَمْسخَّارْ إِنُو كَالِيبْ غَارْ ثمُّورْثْ مَانِي ثُوغَا يُوذفْ [قْبڒْ] ؤُشَا أَذْ ت وَارْثنْ ثَارْوَا نّسْ، مِينْزِي ثُوغَا أَكِيذسْ إِجّْ ن أَرُّوحْ نّغْنِي ؤُشَا نتَّا إِضْفَارْ أَيِي نِيشَانْ.
NUM 14:25 أَقَا أَيْثْ ن عَامَالِيقْ ذ أَيْثْ ن كنْعَانْ زدّْغنْ ذِي ڒوْضَا ن ثغْزُورْثْ. أَذْ د-ثْذوْڒمْ ثِيوشَّا ؤُشَا أَذْ ثكّْسمْ إِقِيضَانْ نْومْ [سَّا]، فّْغمْ غَارْ ڒخْڒَا، [ؤُيُورمْ] ذڭْ وبْرِيذْ غَارْ ڒبْحَارْ ن ثلْڭَا.“
NUM 14:26 إِسِّيوڒْ سِيذِي أَكْ-ذ مُوسَا ذ هَارُونْ، إِنَّا:
NUM 14:27 ”أَڒْ مڒْمِي غَا ثقِّيمْ ثْمسْمُونْثْ-أَ ثَاعفَّانْثْ ثتّْنذْقَامْ خَافِي؟ أَنذْقمْ ن أَيْثْ ن إِسْرَائِيل إِ زِي خَافِي تّْنذْقَامنْ، أَقَا سْڒِيغْ ث.
NUM 14:28 إِنِي أَسنْ: ’س ثِيذتّْ أَمْ دَّارغْ نشّْ، إِقَّارْ سِيذِي، مَاڒَا وَارْ ذ أَومْ تّڭّغْ أَمْ مَامّشْ ذ أَومْ سْڒِيغْ س إِمزُّوغنْ إِنُو مِينْ ثنَّامْ كنِّيوْ.
NUM 14:29 ڒْخشْبَاثْ نْومْ أَذْ وْضَانْثْ ذِي ڒخْڒَا-يَا، [ڒْخشْبَاثْ ن] مَارَّا إِنِّي إِتّْوَاحسْبنْ [ن ڒْڭنْسْ]، مَارَّا ڒْقدّْ ن إِحنْجِيرنْ نْومْ زِي عِيشْڒِينْ إِسڭّْوُوسَا سنّجْ إِ ثُوغَا خَافِي إِتّْنذْقَامنْ.
NUM 14:30 كنِّيوْ وَارْ ثتِّيذْفمْ شَا غَارْ ثمُّورْثْ مِينْ خفْ سّْڭعّْذغْ أَفُوسْ إِنُو [مَاحنْذْ أَذْ جَّادْجغْ] أَذْ كنِّيوْ ڭّغْ أَذْ ذَايسْ ثْزذْغمْ، مْغِيرْ كَالِيبْ، مِّيسْ ن يَافُونِّي، ذ يَاشُووَا، مِّيسْ ن نُونْ.
NUM 14:31 ثَارْوَا نْومْ إِ خفْ ثنَّامْ: ’أَذْ تّْوَاكشّْضنْ!‘، نشّْ أَذْ ثنْ سِّيذْفغْ ذَايسْ ؤُشَا نِيثْنِي أَذْ سّْننْ ثَامُّورْثْ نِّي ثنْضَارمْ كنِّيوْ أَمُّو س ؤُسحْقَارْ.
NUM 14:32 [مَاشَا] ڒْخشْبَاثْ نْومْ، [وَاهْ،] كنِّيوْ [سِيمَانْثْ نْومْ]، أَذْ ثوْضَامْ ذِي ڒخْڒَا-يَا،
NUM 14:33 ؤُشَا إِحنْجِيرنْ نْومْ أَذْ ثلّْعنْ ذِي ڒخْڒَا-يَا ڒْمِيجَاڒْ ن أَربْعِينْ ن إِسڭّْوُوسَا ؤُشَا كنِّيوْ أَذْ [كِيومْ] ثَارْبُومْ فَارْقْ-شّْغڒْ نْومْ أَڒْ غَا فْنَانْثْ ڒْخشْبَاثْ نْومْ ذِي ڒخْڒَا.
NUM 14:34 أَنشْثْ إِ ڒْقدّْ ن وُوسَّانْ إِ ثُوغَا ثتّْبرْڭَاڭمْ ثَامُّورْثْ، [إِقَّارْ] أَربْعِينْ ن وُوسَّانْ - أَقَا إِجّْ ن وَاسّْ ذ إِجّْ ن ؤُسڭّْوَاسْ - أَذْ ثَارْبُومْ ڒْمُوعْصِييّثْ نْومْ، ڒْمِيجَاڒْ ن أَربْعِينْ ن إِسڭّْوُوسَا. كنِّيوْ أَذْ ثسّْنمْ أَقَا نشّْ بعّْذغْ [خَاومْ].
NUM 14:35 نشّْ [ذ] سِيذِي سِّيوْڒغْ: مَاڒَا وَارْ تّڭّغْ أَمُّو أَكْ-ذ مَارَّا ثَامسْمُونْثْ-أَ ثَاعفَّانْثْ ثنِّي إِكّْسنْ أَوَاڒْ خَافِي: أَذْ مّْثنْ ذِي ڒخْڒَا-يَا، أَذْ مّْثنْ ذِينْ!“
NUM 14:36 إِرْيَازنْ نِّي إِسّكّْ مُوسَا مَاحنْذْ أَذْ برْڭَاڭنْ ثَامُّورْثْ، [ڒَْامِي] د-ذوْڒنْ، ثَامسْمُونْثْ أَمْ ثكْمڒْ ثذْوڒْ ضِيدّْ نّسْ ؤُمِي نِيثْنِي سِّيوْڒنْ س ڒْغَارْ خْ ثَامُّورْثْ،
NUM 14:37 أَقَا إِرْيَازنْ نِّي إِبهْذْڒنْ ثَامُّورْثْ، مُّوثنْ س إِشْثْ ن جّْرِيحشْثْ زَّاثْ إِ وُوذمْ ن سِيذِي.
NUM 14:38 [مَاشَا] يَاشُووَا، مِّيسْ ن نُونْ، ذ كَالِيبْ، مِّيسْ ن يَافُونِّي، قِّيمنْ دَّارنْ جَارْ إِرْيَازنْ نِّي إِرُوحنْ أَذْ برْڭَاڭنْ ثَامُّورْثْ.
NUM 14:39 إِسِّيوڒْ مُوسَا أَوَاڒنْ-أَ غَارْ مَارَّا أَيْثْ ن إِسْرَائِيل. إِحْزنْ [خنِّي] ڒْڭنْسْ أَطَّاسْ.
NUM 14:40 ؤُشَا نِيثْنِي كَّارنْ زِيشْ ؤُشَا ؤُڒْينْ أَڒْ ثَاقِيشَّاثْ ن وذْرَارْ، نَّانْ: ”أَقَا-نغْ ذَا ؤُشَا أَذْ نْڭعّذْ غَارْ ومْشَانْ مِينْ خفْ إِسِّيوڒْ سِيذِي، مِينْزِي نشِّينْ أَقَا نخْضَا!“
NUM 14:41 مَاشَا مُوسَا إِنَّا: ”مَايمِّي ثتّْعدَّامْ أَمُّو ڒُومُورْ ن سِيذِي؟ مَانْ أَيَا وَارْ إِعدُّو!
NUM 14:42 وَارْ تّْڭعِّيذمْ شَا مِينْزِي سِيذِي وَارْ إِتِّيڒِي ذِي ڒْوسْطْ نْومْ. وَارْ تّجِّيمْ إِخفْ نْومْ أَذْ ثخْسَارمْ زَّاثْ إِ وُوذمْ ن ڒْعذْيَانْ نْومْ.
NUM 14:43 مِينْزِي أَيْثْ ن عَامَالِيقْ ذ أَيْثْ ن كنْعَانْ أَقَا أَثنْ ذِينْ زَّاثْ نْومْ ؤُشَا أَذْ ثوْضَامْ كنِّيوْ س سِّيفْ مِينْزِي كنِّيوْ ثِيڭّْوجمْ خْ سِيذِي. س ؤُيَا سِيذِي وَارْ كِيومْ إِتِّيڒِي.“
NUM 14:44 مَاشَا نِيثْنِي ثُوغَا تُّوفّنْ مَاحنْذْ أَذْ د-أَڒْينْ أَڒْ ثَاقِيشَّاثْ ن وذْرَارْ. [مَاشَا] تَّابُوثْ ن ڒْعَاهْذْ ن سِيذِي ذ مُوسَا وَارْ فِّيغنْ زِي ڒْوسْطْ ن ڒْمَارْڭحْ ن ڒْعسْكَارْ.
NUM 14:45 [خنِّي] هْوَانْ-د أَيْثْ ن عَامَالِيقْ ذ أَيْثْ ن كنْعَانْ نِّي ثُوغَا إِزدّْغنْ ذڭْ وذْرَارْ نِّي ؤُشَا أَرنْينْ ثنْ ؤُ ڒبْزنْ ثنْ أَڒْ حُورْمَا.
NUM 15:1 إِسِّيوڒْ سِيذِي أَكْ-ذ مُوسَا، إِنَّا:
NUM 15:2 ”سِيوڒْ أَكْ-ذ أَيْثْ ن إِسْرَائِيل، إِنِي أَسنْ: ’خْمِي غَا ثَاذْفمْ غَارْ ثمُّورْثْ [مَانِي غَا] ثْزدّْغمْ، [ثَامُّورْثْ] نِّي ذ أَومْ غَا وْشغْ،
NUM 15:3 ؤُشَا أَذْ ثسّْوجْذمْ [ذِينْ] إِشْثْ ن ثوْهِيبْثْ ن ثْمسِّي إِ سِيذِي، إِشْثْ ن ثْغَارْصْثْ ن وشْمَاضْ نِيغْ إِشْثْ ن ثوْهِيبْثْ إِ ثْغَارْصْثْ إِ ؤُكمّڒْ ن إِجّْ ن لْوَاعْذْ نِيغْ إِشْثْ ن ثوْهِيبْثْ س ڒْخَاضَارْ نِيغْ [إِشْثْ ن ثوْهِيبْثْ] إِ ڒعْيُوذَاثْ نْومْ إِتّْوَاڭّنْ، مَاحنْذْ أَذْ ثِيڒِي ذ إِشْثْ ن ڒفْوَاحثْ إِتّْفُوحنْ إِ سِيذِي، زِي ڒبْهَايمْ نِيغْ زڭْ وُودْجِي،
NUM 15:4 [خنِّي] ونِّي د غَا إِقدّْمنْ ثَاوْهِيبْثْ نّسْ إِ سِيذِي، أَذْ يَاوِي [عَاوذْ] إِشْثْ ن ثوْهِيبْثْ [ن ڒْغِيدْجثْ] زڭْ إِشْثْ ن ثعْشَارْثْ [ن يِيجّْ ن إِفَا] ن وَارنْ أَزْذَاذْ إِخدْجْضنْ س يِيجّْ ن أَرْبعْ ن إِجّْ ن ؤُهِينُو ن زّشْثْ.
NUM 15:5 أَذْ ثسّْوجْذذْ [أَكْ-ذ مَانْ أَيَا] إِجّْ ن أَرْبعْ ن إِجّْ ن ؤُهِينُو ن بِينُو أَمْ ثوْهِيبْثْ ن ؤُسيّبْ إِ كُوڒْ إِجّْ ن إِزْمَارْ، [مَاحنْذْ أَذْ ثِيڒِي] خْ ثْغَارْصْثْ ن وشْمَاضْ نِيغْ خْ ثوْهِيبْثْ إِ ثْغَارْصْثْ،
NUM 15:6 نِيغْ، [مَاڒَا أَذْ ثِيڒِي] إِ يِيجّْ ن إِشَارِّي، [خنِّي] إِتّْخصَّا أَذْ ثسّْوجْذذْ إِشْثْ ن ثوْهِيبْثْ [ن ڒْغِيدْجثْ] زِي ثْنَاينْ ن ثعْشُورَايْ ن إِجّْ ن إِفَا ن وَارنْ أَزْذَاذْ إِخدْجْضنْ س إِشْثْ ن تُّوڒُوثْ ن إِجّْ ن ؤُهِينُو ن زّشْثْ،
NUM 15:7 ؤُشَا أَذْ ثْقدّْمذْ [عَاوذْ] إِشْثْ ن تُّوڒُوثْ ن إِجّْ ن ؤُهِينُو ن بِينُو أَمْ ثوْهِيبْثْ ن ؤُسيّبْ، أَمْ يِيشْثْ ن ڒفْوَاحثْ إِتّْفُوحنْ إِ سِيذِي.‘ “
NUM 15:8 ”خْمِي غَا ثسّْوجْذذْ أَمژْيَانْ ن ؤُفُونَاسْ أَمْ ثْغَارْصْثْ ن وشْمَاضْ نِيغْ أَمْ ثوْهِيبْثْ إِ ثْغَارْصْثْ [مَاحنْذْ أَذْ يِيڒِي] إِ ؤُكمّڒْ ن إِجّْ ن لْوَاعْذْ نِيغْ أَمْ ثْغَارْصْثْ ن ڒهْنَا إِ سِيذِي،
NUM 15:9 [خنِّي] إِتّْخصَّا أَذْ ثْقدّْمذْ أَكْ-ذ ؤُمژْيَانْ ن ؤُفُونَاسْ [عَاوذْ] إِشْثْ ن ثوْهِيبْثْ [ن ڒْغِيدْجثْ] ن ثْڒَاثَا ن ثعْشُورَايْ ن إِجّْ ن [إِفَا] ن وَارنْ أَزْذَاذْ إِخدْجْضنْ ذڭْ وزْينْ ن ؤُهِينُو ن زّشْثْ،
NUM 15:10 ؤُشَا إِتّْخصَّا [عَاوذْ] أَذْ د-ثَاوْيذْ أَزْينْ ن ؤُهِينُو ن بِينُو أَمْ ثوْهِيبْثْ ن ؤُسيّبْ، [أَمْ] ثوْهِيبْثْ ن ثْمسِّي، إِشْثْ ن ڒفْوَاحثْ إِتّْفُوحنْ إِ سِيذِي.
NUM 15:11 أَمُّو إِ إِتّْخصَّا أَذْ ڭّنْ إِ [كُوڒْ] أَفُونَاسْ، نِيغْ إِ [كُوڒْ] إِشَارِّي، نِيغْ إِ [كُوڒْ] إِجّْ زڭْ وُودْجِي، زڭْ إِحُوڒِييّنْ نِيغْ زڭْ إِغَايْضنْ.
NUM 15:12 عْلَاحْسَابْ ڒْقدّْ [ن إِمُودَّارنْ إِ ثْغَارْصْثْ] إِ غَا ثسّْوجْذمْ، أَذْ ثڭّمْ أَمُّو إِ كُوڒْ إِجّْ [ن ؤُمُودَّارْ]، عْلَاحْسَابْ ڒْقدّْ إِكمّْڒنْ [ن إِمُودَّارنْ].
NUM 15:13 مَارَّا إِنِّي د-إِتّْوَاخڒْقنْ ذِي ثمُّورْثْ أَذْ ڭّنْ ثِيمسْڒَايِينْ-أَ أَمُّو، خْمِي د غَا قدّْمنْ نِيثْنِي إِشْثْ ن ثوْهِيبْثْ ن ثْمسِّي، إِشْثْ ن ڒفْوَاحثْ إِتّْفُوحنْ إِ سِيذِي.
NUM 15:14 خْمِي غَا ثَافذْ جَارْ [مَارَّا] جِّيڒَاثْ نْومْ إِجّْ ن ؤُبَارَّانِي إِ إِقِّيمنْ أَكِيذْومْ، نِيغْ إِجّنْ ونِّي [إِزدّْغنْ] ذِي ڒْوسْطْ نْومْ، أَقَا نتَّا أَذْ إِسّوْجذْ إِشْثْ ن ثوْهِيبْثْ ن ثْمسِّي، إِشْثْ ن ڒفْوَاحثْ إِتّْفُوحنْ إِ سِيذِي، [خنِّي] أَذْ [ت] إِڭّْ أَمْ مَامّشْ [ت] ثتّڭّمْ كنِّيوْ.“
NUM 15:15 [أَيْ،] أَڭْرَاوْ [ن ڒْڭنْسْ]، أَذْ ذِينْ ثِيڒِي إِشْثْ ن ثوْصيّثْ، إِشْثْ ن ثوْصيّثْ إِ ڒبْذَا إِ كنِّيوْ ؤُ إِ ؤُبَارَّانِي نِّي [أَكِيذْومْ] إِقِّيمنْ إِ [مَارَّا] جِّيڒَاثْ نْومْ. أَذْ يِيڒِي ؤُبَارَّانِي أَمْ مَامّشْ [ثدْجَامْ] كنِّيوْ زَّاثْ إِ وُوذمْ ن سِيذِي.
NUM 15:16 أَذْ يِيڒِي إِجّْ ن ؤُزرْفْ ذ إِشْثْ ن لْفَارِيضَا إِ كنِّيوْ ؤُ إِ ؤُبَارَّانِي نِّي أَكِيذْومْ إِقِّيمنْ.“
NUM 15:17 إِسِّيوڒْ سِيذِي أَكْ-ذ مُوسَا، إِنَّا:
NUM 15:18 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي أَسنْ: ’خْمِي غَا ثَاذْفمْ غَارْ ثَامُّورْثْ مَانِي كنِّيوْ غَا [يْ]أَوْيغْ،
NUM 15:19 [خنِّي] أَذْ إِمْسَارْ، ؤُمِي غَا ثشّمْ أَغْرُومْ [زِي ڒْغِيدْجثْ] ن ثمُّورْثْ، أَقَا كنِّيوْ أَذْ ثسّْڭعّْذمْ إِشْثْ ن ثوْهِيبْثْ ن ؤُسْڭعّذْ إِ سِيذِي.
NUM 15:20 زِي ثْمزْوَارُوثْ ن وَارشْثِي نْومْ أَذْ ثسّْڭعّْذمْ إِشْثْ ن ثمْسمّنْثْ [أَمْ] ثوْهِيبْثْ ن ؤُسْڭعّذْ. أَذْ ت ثسّْڭعّْذمْ أَمْ مَامّشْ ثسّْڭعّْذمْ ثَاوْهِيبْثْ ن ؤُسْڭعّذْ ن ؤُنذْرَارْ.
NUM 15:21 زِي ثْمزْوَارُوثْ ن وَارشْثِي نْومْ أَذْ ثْقدّْممْ إِشْثْ ن ثوْهِيبْثْ ن ؤُسْڭعّذْ إِ سِيذِي ذِي [مَارَّا] جِّيڒَاثْ نْومْ.‘ “
NUM 15:22 ”مَاڒَا ثْودَّارمْ ؤُ وَارْ ثتّڭّمْ مَارَّا ڒُومُورَاثْ-أَ إِ ثُوغَا إِسَّاوَاڒْ سِيذِي أَكْ-ذ مُوسَا
NUM 15:23 - مَارَّا مِينْ ذ أَومْ يُومُورْ سِيذِي س ثْسخَّارْثْ ن مُوسَا زڭْ وَاسّْ مِينْ زِي [ث] يُومُورْ سِيذِي، سّنِّي ذ ثْسَاونْثْ، ذِي [مَارَّا] رجْيُوڒْ نْومْ -
NUM 15:24 [خنِّي] أَذْ إِمْسَارْ، مَاڒَا إِتّْوَاڭّْ س ؤُودَّارْ بَارَّا إِ ثِيطَّاوِينْ ن ثْمسْمُونْثْ، أَقَا ثَامسْمُونْثْ مَارَّا أَذْ ثسّوْجذْ إِجّْ ن ؤُفُونَاسْ، أَمژْيَانْ ن ثْفُونَاسْثْ، أَمْ ثْغَارْصْثْ ن وشْمَاضْ، [أَمْ] إِشْثْ ن ڒفْوَاحثْ إِتّْفُوحنْ إِ سِيذِي أَكْ-ذ ثوْهِيبْثْ نّسْ [ن ڒْغِيدْجثْ] ذ ثوْهِيبْثْ نّسْ ن ؤُسيّبْ عْلَاحْسَابْ لْفَارِيضَا ؤُ أَكْ-ذ يِيجّْ ن ؤُمْيَانْ زڭْ إِغَايْضنْ أَمْ ثْغَارْصْثْ ن دّنْبْ.
NUM 15:25 [خنِّي] أَذْ إِڭّْ ؤُكهَّانْ أَسْڒَاحْ إِ مَارَّا ثَامسْمُونْثْ ن أَيْثْ ن إِسْرَائِيل ؤُشَا أَذْ أَسنْ إِتّْوَاغْفَارْ، مِينْزِي مَانْ أَيَا إِمْسَارْ زڭْ ؤُودَّارْ، ؤُشَا نِيثْنِي قدّْمنْ ثَاوْهِيبْثْ نْسنْ، إِشْثْ ن ثوْهِيبْثْ ن ثْمسِّي إِ سِيذِي، ؤُڒَا ذ ثَاغَارْصْثْ نْسنْ ن دّنْبْ، زَّاثْ إِ وُوذمْ ن سِيذِي.
NUM 15:26 مَارَّا ثَامسْمُونْثْ ن أَيْثْ ن إِسْرَائِيل أَذْ ثتّْوَاغْفَارْ، ؤُڒَا ذ أَبَارَّانِي نِّي إِزدّْغنْ ذِي ڒْوسْطْ نْومْ، خْ ؤُمِي إِمْسَارْ أَمْ إِودَّارْ مَارَّا ڒْڭنْسْ.“
NUM 15:27 ”مَاڒَا إِجّنْ بْنَاذمْ إِخْضَا أَمْ نتَّا إِودَّارْ، [خنِّي] أَذْ د-إِسّْقَارّبْ إِشْثْ ن ثْغَايْضثْ ن إِجّْ ن ؤُسڭّْوَاسْ أَمْ ثْغَارْصْثْ ن دّنْبْ.
NUM 15:28 أَكهَّانْ أَذْ إِڭّْ أَصْڒَاحْ زَّاثْ إِ وُوذمْ ن سِيذِي خْ بْنَاذمْ نِّي ثُوغَا إِودَّارْ، أَمْ ثُوغَا إِخْضَا س ؤُودَّارْ زَّاثْ إِ وُوذمْ ن سِيذِي، أَمْ خَاسْ إِ غَا يڭّْ أَسْڒَاحْ ؤُشَا [خنِّي] أَذْ أَسْ إِتّْوَاغْفَارْ.
NUM 15:29 أَذْ [ذِينْ] يِيڒِي إِجّْ ن ؤُزرْفْ إِ ونِّي إِڭِّينْ [شَا] س ؤُودَّارْ، إِ ونِّي د-إِخڒْقنْ ذِي ثمُّورْثْ ؤُڒَا إِ ؤُبَارَّانِي نِّي إِزدّْغنْ ذِي ڒْوسْطْ نْومْ.“
NUM 15:30 ”مَاشَا بْنَاذمْ نِّي إِڭِّينْ شَا س ؤُفُوسْ إِڭعّْذنْ، مَا نتَّا إِتّْوَاخْڒقْ-د ذِي ثمُّورْثْ نِيغْ نتَّا ذ أَبَارَّانِي، أَقَا نتَّا إِشقّفْ ذِي سِيذِي ؤُشَا بْنَاذمْ نِّي أَذْ إِتّْوَاقسّْ زِي ڒْوسْطْ ن ڒْڭنْسْ نّسْ،
NUM 15:31 ؤُمِي إِسّحْقَارْ أَوَاڒْ ن سِيذِي ؤُ يَارْژَا ڒُومُورْ نّسْ. بْنَاذمْ نِّي أَذْ إِتّْوَاقسّْ قَاعْ [زِي ڒْڭنْسْ نّسْ]، ڒْمُوعْصِييّثْ نّسْ أَذْ ثِيڒِي خَاسْ.“
NUM 15:32 [ڒَْامِي] ثُوغَا أَيْثْ ن إِسْرَائِيل ذِي ڒخْڒَا، ؤُفِينْ إِجّْ ن ورْيَازْ إِتّْحَارْوَاشْ أَكشُّوضْ ذڭْ وَاسّْ ن سّبْثْ.
NUM 15:33 إِنِّي ث يُوفِينْ أَمْ ثُوغَا إِتّْحَارْوَاشْ أَكشُّوضْ، إِوْينْ ث غَارْ مُوسَا ذ هَارُونْ ذ مَارَّا ثَامسْمُونْثْ.
NUM 15:34 ڭِّينْ ث ذِي ثْحطُّوثْ، مِينْزِي ثُوغَا وَارْ د-إِبِينْ مِينْ زَّايسْ غَا ڭّنْ.
NUM 15:35 [خنِّي] إِنَّا سِيذِي إِ مُوسَا: ”أَرْيَازْ [نِّي] أَذْ إِتّْوَانغْ نِيشَانْ. مَارَّا ثَامسْمُونْثْ أَذْ ث ثَارْجمْ بَارَّا إِ ڒْمَارْڭحْ ن ڒْعسْكَارْ.“
NUM 15:36 [خنِّي] ثسُّوفّغْ إِ-ث مَارَّا ثْمسْمُونْثْ بَارَّا إِ ڒْمَارْڭحْ ن ڒْعسْكَارْ ؤُشَا نِيثْنِي أَرجْمنْ ث أَڒَامِي إِمُّوثْ، أَمْ مَامّشْ [ث] يُومُورْ سِيذِي إِ مُوسَا.
NUM 15:37 إِسِّيوڒْ سِيذِي أَكْ-ذ مُوسَا، إِنَّا:
NUM 15:38 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي أَسنْ، أَذْ ڭّنْ إِ يِيخفْ نْسنْ ثِيشَارْشِيفَا غَارْ ثْغمُّورَا ن وَارُّوضْ نْسنْ ذِي [مَارَّا] جِّيڒَاثْ نْسنْ ؤُشَا أَذْ ڭّنْ إِجّْ ن ؤُفِيڒُو ذ أَذحْمِي غَارْ ثْشَارْشِيفَا، ثِينِّي غَارْ ثْغمُّورَا.
NUM 15:39 أَذْ يِيڒِي [ؤُفِيڒُو] غَارْ ثْشَارْشِيفْثْ، حِيمَا أَذْ ثْوَاڒَامْ أَفِيڒُو نِّي ؤُشَا أَذْ ثِيذَارمْ ذِي مَارَّا ڒُومُورَاثْ ن سِيذِي ؤُشَا أَذْ ثنْثْ ثڭّمْ ؤُ وَارْ ثْضفَّارمْ [شّهْوَاثْ ن] وُوڒَاونْ نْومْ ذ ثِيطَّاوِينْ نْومْ، إِنِّي أَوَارْنِي أَسنْثْ ثنُّوممْ أَذْ ثسّفْسذمْ إِخفْ نْومْ،
NUM 15:40 [ؤُ] حِيمَا أَذْ ثْخَارّْصمْ ذِي ڒُومُورَاثْ إِنُو، أَذْ [زَّايْسنْثْ] ثڭّمْ، [مَاحنْذْ] أَذْ ثِيڒِيمْ ثتّْوَاقدّْسمْ زَّاثْ إِ أَربِّي نْومْ.
NUM 15:41 نشّْ ذ سِيذِي، أَربِّي نْومْ ونِّي كنِّيوْ د-إِسُّوفّْغنْ زِي ثمُّورْثْ ن مِيصْرَا حِيمَا أَذْ إِڒِيغْ ذ أَربِّي نْومْ. نشّْ ذ سِيذِي، أَربِّي نْومْ!“
NUM 16:1 قُورَاحْ، مِّيسْ ن يِيصْهَارْ، مِّيسْ ن قَاهَاثْ، مِّيسْ ن لَاوِي، أَكْ-ذ ذَاثَانْ ذ أَبِيرَامْ، ثْنَاينْ ن إِحنْجِيرنْ ن إِلِييَابْ، ذ ؤُنْ، مِّيسْ ن فَالَاثْ، إِحنْجِيرنْ ن رُوبِينْ، إِوْينْ [إِرْيَازنْ]،
NUM 16:2 ؤُشَا كَّارنْ ضِيدّْ إِ مُوسَا، [جْمِيعْ] أَكْ-ذ إِرْيَازنْ [نّغْنِي] زڭْ أَيْثْ ن إِسْرَائِيل، مِيثَاينْ ؤُ-خمْسِينْ ن ڒْحُوكَّامْ ن ثْمسْمُونْثْ، أَقَا أَثنْ زڭْ إِنِّي د-إِتّْوَاڒَاغَانْ غَارْ ؤُمُونِي، إِرْيَازنْ س شَّانْ.
NUM 16:3 نِيثْنِي مُوننْ ضِيدّْ إِ مُوسَا ذ هَارُونْ، نَّانْ أَسنْ: ”شْفَا أَومْ كنِّيوْ! مِينْزِي مَارَّا ثَامسْمُونْثْ، [وَاهْ،] مَارَّا نِيثْنِي ذ إِمْقدَّاسنْ ؤُشَا سِيذِي ذِي ڒْوسْطْ نْسنْ. مَايمِّي ثسُّوعْڒَامْ إِخفْ نْومْ سنّجْ إِ وڭْرَاوْ [ن ڒْڭنْسْ] ن سِيذِي؟“
NUM 16:4 ؤُمِي إِسْڒَا مُوسَا [إِ مَانْ أَيَا]، إِوْضَا خْ وُوذمْ نّسْ.
NUM 16:5 ؤُشَا إِسِّيوڒْ أَكْ-ذ قُورَاحْ ذ مَارَّا أَبَارُّو نّسْ، إِنَّا: ”ثِيوشَّا أَذْ إِسّْشنْ سِيذِي ونِّي إِدْجَانْ نّسْ ذ ونِّي [إِدْجَانْ] ذ أَمْقدَّاسْ ذ ونِّي إِ غَارسْ د غَا إِسّْقَارّبْ. ونِّي إِفَارْزْ نتَّا، ذ ونِّي إِ د غَا إِسّْقَارّبْ نتَّا غَارسْ.
NUM 16:6 ڭّمْ أَيَا! أجّْ قُورَاحْ ذ مَارَّا أَبَارُّو نّسْ أَذْ أَوْينْ ثِيمجْمَارِينْ.
NUM 16:7 ثِيوشَّا ڭّمْ خَاسنْثْ [ڒفْحمْ إِ] ثْمسِّي، سَارْسمْ خَاسْ ڒبْخُورْ زَّاثْ إِ وُوذمْ ن سِيذِي. [خنِّي] أَذْ إِمْسَارْ بلِّي أَرْيَازْ نِّي إِخْضَارْ سِيذِي، أَذْ يِيڒِي ذ أَمْقدَّاسْ. أَقَا ثْرُوحمْ ثِيڭّْوِيجمْ، أَيْثْ ن لَاوِي!“
NUM 16:8 إِنَّا مُوسَا إِ قُورَاحْ: ”سْڒمْ ڒخُّو، تّْزَاوَاڭغْ، كنِّيوْ، أَيْثْ ن لَاوِي!
NUM 16:9 مَا وَارْ خَاومْ إِشْفِي ؤُمِي كنِّيوْ إِسّْفَارْزْ أَربِّي ن إِسْرَائِيل خْ ثْمسْمُونْثْ ن إِسْرَائِيل مَاحنْذْ أَذْ كنِّيوْ غَارسْ د-إِسّْقَارّبْ، حِيمَا أَذْ ثْسخَّارمْ ذِي ثْزذِّيغْثْ ن سِيذِي ؤُشَا [حِيمَا] أَذْ ثْبدّمْ زَّاثْ إِ وُوذمْ ن ثْمسْمُونْثْ مَاحنْذْ أَذْ ثنْ ثْسخَّارمْ؟
NUM 16:10 نتَّا إِسّْقَارّبْ إِ شكْ-د [غَارسْ]، شكْ ذ مَارَّا أَيْثْمَاشْ، أَيْثْ ن لَاوِي، [جْمِيعْ] أَكِيذكْ. مَا ثَارزُّومْ [ڒخُّو] عَاوذْ ثُوكهَّانْثْ؟
NUM 16:11 س ؤُيَا، شكْ ذ مَارَّا أَبَارُّو نّشْ، أَقَا كنِّيوْ ثْمُونمْ ضِيدّْ ن سِيذِي، مِينْزِي مِينْ إِعْنَا هَارُونْ، مِينْ إِعْنَا حِيمَا أَذْ خَاسْ ثنّذْقمْ؟“
NUM 16:12 ؤُشَا إِسّكّْ مُوسَا أَذْ ڒَاغَانْ خْ ذَاثَانْ ذ أَبِيرَامْ، إِحنْجِيرنْ ن إِلِييَابْ، مَاشَا نِيثْنِي نَّانْ: ”وَارْ د-نتِّيسْ شَا!“
NUM 16:13 مَا وَارْ إِدْجِي إِشْفَا أَومْ ؤُمِي ذ أَنغْ د-ثْسُّوفّْغمْ زڭْ إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ، حِيمَا أَذْ أَنغْ ثسّْهلّكذْ ذِي ڒخْڒَا ؤُشَا [خنِّي] عَاوذْ ثڭّذْ إِخفْ نّشْ ذ ڒْحَاكمْ خَانغْ؟
NUM 16:14 ؤُڒَا ذ شكْ وَارْ ذ أَنغْ د-ثسِّيذْفذْ شَا ذڭْ إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ، ؤُ وَارْ ذ أَنغْ ثوْشِيذْ إِيَّارْ[أنْ] ذ إِمَارْجَاعنْ ن ؤُضِيڒْ ذ ڒْوَارْثْ. مَا إِتّْغِيڒْ أَشْ ثْزمَّارذْ أَذْ ثسّْذَاغْڒذْ ثِيطَّاوِينْ ن يرْيَازنْ-أَ؟ نشِّينْ وَارْ د-نتِّيسْ شَا!“
NUM 16:15 [خنِّي] إِتّْوَاسَّارْغْ ؤُفُوڭمْ ن مُوسَا، إِنَّا إِ سِيذِي: ”وَارْ خزَّارْ غَارْ ثوْهِيبْثْ نْسنْ! نشّْ وَارْ زَّايْسنْ كسِّيغْ قَاعْ إِجّْ ن ؤُغْيُوڒْ ؤُشَا وَارْ ڭِّيغْ ڒْغَارْ ؤُڒَا إِ يِيجّْ زَّايْسنْ.“
NUM 16:16 إِنَّا مُوسَا إِ قُورَاحْ: ”شكْ ذ مَارَّا أَبَارُّو نّشْ، [أَسمْ-د] ثِيوشَّا زَّاثْ إِ وُوذمْ ن سِيذِي، شكْ ذ نِيثْنِي، ذ هَارُونْ.
NUM 16:17 كْسِيمْ كُوڒْ إِجّْ [زَّايْومْ] إِجّْ ن ڒْمجْمَارْ، ڭّمْ ذَايسْ ڒبْخُورْ ؤُشَا قَارّْبمْ-د أَكِيذسْ زَّاثْ إِ وُوذمْ ن سِيذِي. كُوڒْ أَرْيَازْ أَكْ-ذ ڒْمجْمَارْ نّسْ، مِيثَاينْ ؤُ-خمْسِينْ ن ثْمجْمَارِينْ، ؤُشَا [عَاوذْ] شكْ ذ هَارُونْ، كُوڒْ إِجّْ [أَكْ-ذ] ڒْمجْمَارْ نّسْ.“
NUM 16:18 إِكْسِي كُوڒْ إِجّْ ڒْمجْمَارْ نّسْ ؤُشَا ڭِّينْ ذَايسْ ثِيمسِّي ؤُ سَّارْسنْ خَاسْ ڒبْخُورْ ؤُشَا ؤُيُورنْ أَذْ بدّنْ زَّاثْ إِ وَاذَافْ ن ؤُقِيضُونْ ن ؤُمْسَاڭَارْ، ؤُڒَا ذ مُوسَا ذ هَارُونْ.
NUM 16:19 قُورَاحْ إِغوّغْ خَاسنْ مَارَّا أَبَارُّو [نّسْ] غَارْ وَاذَافْ ن ؤُقِيضُونْ ن ؤُمْسَاڭَارْ. [ڒخْذنِّي] إِبَانْ-د ؤُعُودْجِي ن سِيذِي غَارْ مَارَّا ثَامسْمُونْثْ.
NUM 16:20 إِسِّيوڒْ سِيذِي أَكْ-ذ مُوسَا ذ هَارُونْ، إِنَّا:
NUM 16:21 ”حيْذمْ إِخفْ نْومْ زڭْ ؤُبَارُّو-يَا، [خنِّي] أَذْ ثنْ هلّْكغْ ذڭْ ورْمَاشْ ن وَابْڒِيونْ!“
NUM 16:22 [مَاشَا] نِيثْنِي وْضَانْ خْ وُوذمْ نْسنْ، نَّانْ: ”[أَ] أَربِّي، أَربِّي ن مَارَّا بُوحْبڒَاثْ ن مَارَّا دَّاثْ! [مَاڒَا] إِخْضَا إِجّْ ن ورْيَازْ، مَا [خنِّي] أَذْ ثڭّذْ أَغْضَابْ نّشْ أَذْ إِدُّوقّزْ خْ مَارَّا ثَامسْمُونْثْ؟“
NUM 16:23 إِسِّيوڒْ سِيذِي أَكْ-ذ مُوسَا، إِنَّا:
NUM 16:24 ”سِيوڒْ أَكْ-ذ ثْمسْمُونْثْ، إِنِي: ’بعّْذمْ خْ ثْزذِّيغْثْ ن قُورَاحْ ذ ذَاثَانْ ذ أَبِيرَامْ ذ مِينْ ذ أَسْ د-إِنّْضنْ.‘ “
NUM 16:25 [خنِّي] مُوسَا إِكَّارْ ؤُشَا إِرُوحْ غَارْ ذَاثَانْ ذ أَبِيرَامْ ؤُشَا ؤُيُورنْ إِمْغَارنْ ن إِسْرَائِيل أَوَارْنِي أَسْ.
NUM 16:26 ؤُشَا إِسِّيوڒْ نتَّا أَكْ-ذ ثْمسْمُونْثْ، إِنَّا: ”تّْزَاوْڭغْ، بعّْذمْ خْ إِقِيضَانْ ن يرْيَازنْ-أَ إِقجْحنْ ؤُ وَارْ تّْحَاذَامْ ؤُڒَا ذ إِشْثْ ن ڒْحَاجّثْ ن مِينْ إِدْجَانْ نْسنْ، حِيمَا كنِّيوْ وَارْ ثتّْوَاهلِّيكمْ شَا س دّْنُوبْ نْسنْ!“
NUM 16:27 كَّارنْ نِيثْنِي ؤُشَا بعّْذنْ خْ إِقِيضَانْ ن قُورَاحْ ذ ذَاثَانْ ذ أَبِيرَامْ ذ مِينْ ذ أَسْ د-إِنّْضنْ. ذَاثَانْ ذ أَبِيرَامْ فّْغنْ-د، بدّنْ غَارْ وَاذَافْ ن إِقِيضَانْ نْسنْ أَكْ-ذ ثمْغَارِينْ نْسنْ ذ إِحنْجِيرنْ نْسنْ ذ إِحنْجِيرنْ نْسنْ إِمژْيَاننْ.
NUM 16:28 [خنِّي] إِنَّا مُوسَا: ”س مَانْ أَيَا إِ غَا ثسّْنمْ بلِّي سِيذِي إِسّكّْ أَيِي-د، حِيمَا أَذْ ڭّغْ مَارَّا ثِيمڭَّا-يَا، مِينْزِي وَارْ د-فِّيغنْثْ شَا زڭْ وُوڒْ إِنُو.
NUM 16:29 مَاڒَا إِنَا أَذْ مّْثنْ أَمْ مَامّشْ [مُّوثنْ] إِوْذَانْ مَارَّا ؤُ أَذْ ثنْ إِڒْقفْ مِينْ إِڒقْفنْ مَارَّا إِوْذَانْ، [خنِّي] أَذْ ثَافْ سِيذِي وَارْ ذ أَيِي د-إِسّكّْ.
NUM 16:30 [مَاشَا] مَاڒَا سِيذِي إِخْڒقْ-د شَا ن ڒْحَاجّثْ ذ ثَامَايْنُوثْ قَاعْ ؤُشَا ثَامُّورْثْ أَذْ ثَارْزمْ أَقمُّومْ نّسْ، أَذْ ثنْ ثْسَارْضْ أَكْ-ذ مَارَّا [مِينْ إِدْجَانْ] نْسنْ ؤُشَا أَذْ هْوَانْ دَّارنْ ذِي ڒَاخَارْثْ، خنِّي إِ غَا ثسّْنمْ بلِّي إِرْيَازنْ-أَ أَقَا سّْذُوقّْزنْ سِيذِي.“
NUM 16:31 ؤُشَا إِمْسَارْ، ؤُمِي إِكمّڒْ أَوَاڒنْ-أَ، ثْفدْجقْ ثمُّورْثْ نِّي سْوَادَّايْ نْسنْ.
NUM 16:32 ثَارْزمْ ثمُّورْثْ أَقمُّومْ نّسْ ؤُشَا ثْسَارْضْ إِ-ثنْ أَكْ-ذ أَيْثْبَابْ ن ثَادَّارْثْ نْسنْ ؤُ أَكْ-ذ مَارَّا إِوْذَانْ ن قُورَاحْ ذ مَارَّا أَڭْڒَا [نْسنْ].
NUM 16:33 هْوَانْ-د دَّارنْ ذِي ڒَاخَارْثْ أَكْ-ذ مَارَّا [مِينْ إِدْجَانْ] نْسنْ ؤُشَا ثَامُّورْثْ ثسّْذُورِييْ إِ-ثنْ ؤُ تّْوَاثحَّانْ زِي ڒْوسْطْ ن وڭْرَاوْ [ن ڒْڭنْسْ].
NUM 16:34 مَارَّا إِسْرَائِيل، إِنِّي ثُوغَا د-إِنّْضنْ، أَروْڒنْ [ؤُمِي سْڒِينْ] إِ ثْغُويِّيثْ نْسنْ، مِينْزِي نَّانْ: ”نِيغْ أَذْ ثَافْ [ؤُڒَا ذ نشِّينْ] أَذْ أَنغْ ثْصَارْضْ ثمُّورْثْ.“
NUM 16:35 ؤُشَا ثفّغْ-د ثْمسِّي زِي سِيذِي، ثشَّا مِيثَاينْ ؤُ-خمْسِينْ ن يرْيَازنْ نِّي د-يِيوْينْ ڒبْخُورْ.
NUM 17:1 إِسِّيوڒْ سِيذِي أَكْ-ذ مُوسَا، إِنَّا:
NUM 17:2 ”إِنِي إِ أَلِيعَازَارْ، مِّيسْ ن ؤُكهَّانْ هَارُونْ، بلِّي أَذْ إِكْسِي ثِيمجْمَارِينْ زڭْ ؤُحَاذُوقْ ن ثْمسِّي ؤُشَا أَذْ إِسُّويسْ [مِينْ إِقِّيمنْ ن] ثْمسِّي ذِي ڒَاڭّْوَاجْ، مِينْزِي أَقَا ثِيمجْمَارِينْ نِّي، قدّْسنْثْ إِ دْجَانْثْ!
NUM 17:3 جّمْ ثنْ أَذْ ڭّنْ زِي ثْمجْمَارِينْ ن [يرْيَازنْ-أَ]، إِنِّي ثُوغَا إِخطَّانْ ضِيدّْ إِ ڒعْمُورْ نْسنْ، ثِيڒْوِيحِينْ ذ ثِيزِيرَارِينْ إِ دُّورِي إِ ؤُعَالْطَارْ، مِينْزِي إِوْينْ ثنْثْ زَّاثْ إِ وُوذمْ ن سِيذِي، س ؤُيَا تّْوَاقدّْسنْثْ ثِينَا. أَذْ إِڒِينْثْ ذ إِجّْ ن ؤُشيَّارْ إِ أَيْثْ ن إِسْرَائِيل.“
NUM 17:4 [خنِّي] إِكْسِي ؤُكهَّانْ أَلِيعَازَارْ ثِيمجْمَارِينْ ن نّْحَاسْ نِّي د-إِوْينْ يِينِّي إِتّْوَاشمْضنْ [إِ ثوْهِيبْثْ]، ؤُشَا ثْكثْكنْ ثنْثْ حِيمَا أَذْ [زَّايْسنْثْ] ذْڒنْثْ أَعَالْطَارْ
NUM 17:5 إِ ڒِيذَارثْ إِ أَيْثْ ن إِسْرَائِيل، حِيمَا ؤُڒَا ذ إِجّْ ن ورْيَازْ وَارْ إِدْجِينْ زِي زَّارِيعثْ ن هَارُونْ، وَارْ د-إِتّْقَارِّيبْ شَا بْڒَا تّسْرِيحْ زَّاثْ إِ وُوذمْ ن سِيذِي، حِيمَا أَذْ إِسّْبخَّارْ ڒبْخُورْ، مَاحنْذْ وَارْ ذ أَسْ إِڒْقفْ مِينْ إِڒقْفنْ قُورَاحْ ذ ؤُبَارُّو نّسْ، أَمْ مَامّشْ ثُوغَا إِسِّيوڒْ سِيذِي س ؤُقمُّومْ ن مُوسَا.
NUM 17:6 ثِيوشَّا نّسْ ثُوغَا مَارَّا ثَامسْمُونْثْ ن أَيْثْ ن إِسْرَائِيل ثتّْنذْقَامْ ضِيدّْ إِ مُوسَا ذ هَارُونْ، نَّانْ: ”كنِّيوْ ثنْغِيمْ ڒْڭنْسْ ن سِيذِي!“
NUM 17:7 ؤُشَا [ؤُمِي] ثْمُونْ ثْمسْمُونْثْ ضِيدّْ إِ مُوسَا ذ هَارُونْ ؤُشَا بْذَانْ نِيثْنِي ڭُّورنْ غَارْ ؤُقِيضُونْ ن ؤُمْسَاڭَارْ، خْزَارْ، أَقَا ذِينْ أَسيْنُو نِّي ث إِذْڒِينْ ؤُشَا إِبَانْ-د ؤُعُودْجِي ن سِيذِي.
NUM 17:8 يُوسَا-د مُوسَا أَكْ-ذ هَارُونْ، [بدّنْ] زَّاثْ إِ ؤُقِيضُونْ ن ؤُمْسَاڭَارْ.
NUM 17:9 إِسِّيوڒْ سِيذِي أَكْ-ذ مُوسَا، إِنَّا:
NUM 17:10 ”كَّارمْ، [أَڭّْوجمْ] زِي ڒْوسْطْ ن ثْمسْمُونْثْ ؤُ نشّْ أَذْ ثنْ مْحِيغْ ذڭْ إِجّْ ن ورْمَاشْ ن وَابْڒِيونْ!“ [خنِّي] وْضَانْ خْ وُوذمْ نْسنْ.
NUM 17:11 إِنَّا مُوسَا إِ هَارُونْ: ”كْسِي [ذغْيَا] إِجّْ ن ڒْمجْمَارْ، أڭّْ خَاسْ ثِيمسِّي ن ؤُعَالْطَارْ ؤُشَا سَارْسْ خَاسْ ڒبْخُورْ. أَزّڒْ غَارْ ثْمسْمُونْثْ ؤُشَا أڭّْ أَصْڒَاحْ ذِي طّْوعْ نْسنْ، مِينْزِي إِفّغْ-د ؤُذُوقّزْ [ن وغْضَابْ] زِي زَّاثْ إِ وُوذمْ ن سِيذِي. أَقَا ذَا جّْرِيحشْثْ أَمْ ثبْذَا [عَاذْ].“
NUM 17:12 إِكْسِي هَارُونْ [ڒْمجْمَارْ]، أَمْ مَامّشْ إِنَّا مُوسَا، ؤُشَا يُوزّڒْ غَارْ ڒْوسْطْ ن وڭْرَاوْ [ن ڒْڭنْسْ]، ؤُشَا خْزَارْ، جّْرِيحشْثْ ثُوغَا أَمْ ثبْذَا [عَاذْ] جَارْ ڒْڭنْسْ، ؤُشَا نتَّا إِسَّارْسْ ذَايسْ ڒبْخُورْ ؤُشَا إِڭَّا أَصْڒَاحْ ذِي طّْوعْ ن ڒْڭنْسْ.
NUM 17:13 ثُوغَا إِبدّْ جَارْ إِمتَّانْ ذ إِمُودَّارنْ ؤُشَا ثتّْوَاسّْبدّْ جّْرِيحشْثْ.
NUM 17:14 وِي إِمُّوثنْ زِي جّْرِيحشْثْ ثُوغَا أَثنْ ذِي أَرْبعْطَاشْ-أَڒفْ ؤُ-سبْعَا-مْيَا، بْڒَا إِنِّي إِمُّوثنْ ذِي سِّيبّثْ ن قُورَاحْ.
NUM 17:15 إِذْوڒْ هَارُونْ غَارْ مُوسَا غَارْ وَاذَافْ ن ؤُقِيضُونْ ن ؤُمْسَاڭَارْ. أَقَا ثتّْوَاسّْبدّْ جّْرِيحشْثْ.
NUM 17:16 إِسِّيوڒْ سِيذِي أَكْ-ذ مُوسَا، إِنَّا:
NUM 17:17 ”سِيوڒْ أَكْ-ذ أَيْثْ ن إِسْرَائِيل ؤُشَا كْسِي زَّايْسنْ إِشْثْ ن ثغَّارْشْثْ إِ كُوڒْ ثَادَّارْثْ ن إِبَابَاثنْ [نْسنْ]، زِي مَارَّا ڒْحُوكَّامْ نْسنْ، عْلَاحْسَابْ [لْعَاذَاذْ ن] ثُوذْرِينْ ن إِبَابَاثنْ نْسنْ، ثنْعَاشْ ن ثغَّارْينْ. إِتّْخصَّا أَذْ ثَارِيذْ إِسمْ ن كُوڒْ إِجّْ [زَّايْسنْ] خْ ثغَّارْشْثْ نّسْ.
NUM 17:18 أَذْ ثَارِيذْ إِسمْ ن هَارُونْ خْ ثغَّارْشْثْ ن لَاوِي، مِينْزِي [أَذْ ذِينْ ثِيڒِي] إِشْثْ ن ثغَّارْشْثْ إِ يِيجّْ ن ؤُزدْجِيفْ ن ثَادَّارْثْ ن ڒجْذُوذْ نْسنْ.
NUM 17:19 أَذْ ثنْثْ ثڭّذْ ذڭْ ؤُقِيضُونْ ن ؤُمْسَاڭَارْ، زَّاثْ إِ شّْهَاذثْ، مَانِي كِيذْومْ غَا مْسَاڭَارغْ.
NUM 17:20 [خنِّي] أَذْ إِمْسَارْ، أَقَا أَذْ ثْنُووَّارْ ثغَّارْشْثْ ن ورْيَازْ نِّي إِخْضَارغْ نشّْ ؤُشَا أَذْ سّْبدّغْ أَنذْقمْ ضِيدّْ إِنُو إِ زِي خَاومْ نّْذقْمنْ أَيْثْ ن إِسْرَائِيل.“
NUM 17:21 إِسِّيوڒْ مُوسَا أَكْ-ذ أَيْثْ ن إِسْرَائِيل، ؤُشَا مَارَّا ڒْحُوكَّامْ نْسنْ وْشِينْ إِشْثْ ن ثغَّارْشْثْ إِ مْكُوڒْ إِجّْ ن ڒْحَاكمْ، عْلَاحْسَابْ [ڒْقدّْ ن] ثُوذْرِينْ ن إِبَابَاثنْ نْسنْ، ثنْعَاشْ ن ثغَّارْينْ. ؤُشَا ثَاغَّارْشْثْ ن هَارُونْ ثُوغَا-ث جَارْ ثغَّارْينْ نْسنْ.
NUM 17:22 مُوسَا إِسَّارْسْ ثِيغَّارْينْ [نِّي] زَّاثْ إِ وُوذمْ ن سِيذِي ذڭْ ؤُقِيضُونْ ن شّْهَاذثْ.
NUM 17:23 ثِيوشَّا نّسْ يُوذفْ مُوسَا غَارْ ؤُقِيضُونْ ن شّْهَاذثْ، ؤُشَا خْزَارْ، ثَاغَّارْشْثْ ن هَارُونْ ذِي طّْوعْ ن ثَادَّارْثْ ن لَاوِي ثُوغَا ثڭَّا ثَاشْڒَاڒْثْ ؤُشَا ثَاعبُّوزْثْ ثسُّوفّغْ-د ؤُشَا نُّووَّارْ [نّسْ] يَارْزمْ ؤُشَا يِيوِي-د دْجُوزْ يِيوْضنْ.
NUM 17:24 خنِّي إِسُّوفّغْ مُوسَا مَارَّا ثِيغَّارْينْ زِي زَّاثْ إِ وُوذمْ ن سِيذِي غَارْ مَارَّا أَيْثْ ن إِسْرَائِيل. ژْرِينْ أَيَا ؤُشَا طّْفنْ كُوڒْ إِجّْ ثَاغَّارْشْثْ نّسْ.
NUM 17:25 [خنِّي] إِنَّا سِيذِي إِ مُوسَا: ”أَرّْ ثَاغَّارْشْثْ ن هَارُونْ زَّاثْ إِ شّْهَاذثْ، أَذْ ت ثحْضِيذْ أَمْ يِيجّْ ن ؤُشيَّارْ ضِيدّْ إِ يِينِّي إِغوّْغنْ. [أَمُّو] إِ غَا ثسّْبدّذْ أَنذْقمْ نْسنْ ضِيدّْ إِنُو مَاحنْذْ نِيثْنِي وَارْ تّْمتِّينْ شَا.“
NUM 17:26 ؤُشَا إِڭَّا مُوسَا أَمْ مَامّشْ ذ أَسْ يُومُورْ سِيذِي، أَمُّو إِ إِڭَّا نتَّا.
NUM 17:27 [خنِّي] سِّيوْڒنْ أَيْثْ ن إِسْرَائِيل أَكْ-ذ مُوسَا، نَّانْ: ”خْزَارْ، أَذْ زَّايْنغْ إِفّغْ بُوحْبڒْ، أَذْ نتّْوَاهلّكْ، أَذْ نتّْوَاهلّكْ مَارَّا نشِّينْ!
NUM 17:28 مَانْ ونْ مَا إِ د غَا إِقَارّْبنْ غَارْ ؤُقِيضُونْ ن سِيذِي، أَذْ إِمّثْ. مَا أَذْ نتّْوَاثحَّا أَڒْ زَّايْنغْ إِفّغْ بُوحْبڒْ؟“
NUM 18:1 إِنَّا سِيذِي إِ هَارُونْ: ”شكْ ذ وَارَّاوْ نّشْ ذ ثَادَّارْثْ ن بَابَاشْ أَكِيذكْ، أَذْ ثَارْبُومْ ڒْمُوعْصِييّثْ ن زَّاوشْثْ إِقدّْسنْ نْومْ. شكْ ذ وَارَّاوْ نّشْ أَكِيذكْ أَذْ أَرْبُونْ ڒْمُوعْصِييّثْ ن ثُوكهَّانْثْ نْومْ.
NUM 18:2 أَذْ د-ثِيوْيذْ أَكِيذكْ ؤُڒَا ذ أَيْثْمَاشْ، ثَاقْبِيتْشْ ن لَاوِي، ثَاقْبِيتْشْ ن بَابَاشْ. نِيثْنِي أَذْ د-مَّارنْينْ غَاركْ، أَذْ أَشْ سخَّارنْ، [مَاشَا] شكْ، جْمِيعْ أَكْ-ذ إِحنْجِيرنْ نّشْ، [أَذْ ثْسخَّارذْ] زَّاثْ إِ وُوذمْ ن ؤُقِيضُونْ ن شّْهَاذثْ.
NUM 18:3 أَذْ طّْفنْ أَشْبَارْ نّشْ ؤُشَا أَذْ حْضَانْ خْ مَارَّا أَقِيضُونْ، مَاشَا وَارْ زمَّارنْ أَذْ د-قَارّْبنْ غَارْ ڒقْشُوعْ ن زَّاوشْثْ إِقدّْسنْ ؤُ غَارْ ؤُعَالْطَارْ حِيمَا وَارْ تّتّْمتِّينْ، وَارْ إِدْجِي ڒَا ذ نِيثْنِي ؤُڒَا ذ كنِّيوْ.
NUM 18:4 إِتّْخصَّا أَسنْ أَذْ مَّارنْينْ غَاركْ ؤُشَا أَذْ طّْفنْ أَشْبَارْ خْ ؤُقِيضُونْ ن ؤُمْسَاڭَارْ ؤُ خْ مَارَّا ثَاسخَّارْثْ ن ؤُقِيضُونْ. ونِّي وَارْ غَارْ إِدْجِي تّسْرِيحْ وَارْ إِزمَّارْ أَذْ غَارْومْ د-إِقَارّبْ.
NUM 18:5 أَذْ ثطّْفمْ أَشْبَارْ خْ زَّاوشْثْ إِقدّْسنْ ؤُڒَا خْ ؤُعَالْطَارْ، حِيمَا وَارْ د-إِتِّيسْ [عَاذْ] ؤُذُوقّزْ [ن وغْضَابْ] خْ أَيْثْ ن إِسْرَائِيل.
NUM 18:6 نشّْ، أَقَا ذَا نشّْ، كْسِيغْ أَوْمَاثنْ نْومْ، إِلَاوِييّنْ، زِي جَارْ ڒْوسْطْ ن أَيْثْ ن إِسْرَائِيل. أَقَا نِيثْنِي أَمْ يِيشْثْ ن ثوْهِيبْثْ إِ كنِّيوْ ثنِّي إِتّْخصَّا أَذْ ثْوهّْبمْ إِ سِيذِي مَاحنْذْ أَذْ سخَّارنْ نِيثْنِي ذڭْ ؤُقِيضُونْ ن ؤُمْسَاڭَارْ.
NUM 18:7 [مَاشَا] شكْ ذ إِحنْجِيرنْ نّشْ أَكِيذكْ أَذْ ثطّْفمْ ثُوكهَّانْثْ نْومْ ذِي مَارَّا مِينْ إِقّْننْ أَكْ-ذ ؤُعَالْطَارْ ذ مِينْ إِدْجَانْ ذَاخڒْ إِ ؤُڒحَّافْ ؤُشَا [أَمُّو] أَذْ ثْسخَّارمْ كنِّيوْ. نشّْ أَذْ أَومْ وْشغْ ثُوكهَّانْثْ ذ ثْسخَّارْثْ أَمْ يِيشْثْ ن ثرْزفْثْ. أَبَارَّانِي نِّي د غَا إِقَارّْبنْ، أَذْ إِتّْوَانغْ.“
NUM 18:8 إِسِّيوڒْ سِيذِي أَكْ-ذ هَارُونْ: ”نشّْ، خْزَارْ، أَقَا ذ نشّْ إِ ذ أَشْ إِوْشِينْ [أَ]حطُّو خْ [ثوْهِيبِينْ ن] ؤُسْڭعّذْ [إِ قدّْمنْ نِيثْنِي] إِ نشّْ. نشّْ وْشِيغْ ثنْثْ أَكْ-ذ مَارَّا [ثِيوْهِيبِينْ] إِقدّْسنْ ن أَيْثْ ن إِسْرَائِيل أَمْ ثسْغَارْثْ إِ خْ إِتّْوَاڭّْ وذْهَانْ، إِ شكْ ؤُ إِ وَارَّاوْ نّشْ، أَمْ يِيشْثْ ن ثوْصيّثْ إِ ڒبْذَا.
NUM 18:9 زِي [ثوْهِيبِينْ] إِقدّْسنْ أَذْ إِڒِينْثْ إِزِييْنَاثْ إِ وَارْ يُوذِيفنْ غَارْ ثْمسِّي إِ شكْ: مَارَّا ثِيوْهِيبِينْ نْسنْ أَكْ-ذ مَارَّا ثِيوْهِيبِينْ نْسنْ [ن ڒْغِيدْجثْ]، أَكْ-ذ مَارَّا ثِيغَارْصَا نْسنْ ن دّنْبْ ؤُ أَكْ-ذ مَارَّا ثِيغَارْصَا نْسنْ ن ؤُمَارْوَاسْ نِّي ذ أَيِي د غَا يَارّنْ [أَمْ ثخْرِيصْثْ]. [مَانْ أَيَا مَارَّا] أَذْ يِيڒِي ذ أَمْقدَّاسْ قَاعْ إِ شكْ ؤُ إِ إِحنْجِيرنْ نّشْ.
NUM 18:10 أَذْ ثشّذْ أَيَا ذڭْ إِجّْ ن ومْشَانْ إِقدّْسنْ قَاعْ. كُوڒْ أَوْثمْ أَذْ زَّايسْ يشّْ. أَيَا أَذْ يِيڒِي ذ أَمْقدَّاسْ إِ كنِّيوْ.“
NUM 18:11 ”[عَاوذْ] ذ مَانْ أَيَا [أَذْ يِيڒِي] إِ شكْ: ثَاوْهِيبْثْ ن ؤُسْڭعّذْ ن ثوْهِيبْثْ نْسنْ أَكْ-ذ مَارَّا ثِيوْهِيبِينْ ن ونْهزِّي ن أَيْثْ ن إِسْرَائِيل. وْشِيغْ ثنْثْ إِ شكْ ؤُ إِ وَارَّاونْ نّشْ ذ ثَارَّاوِينْ نّشْ نِّي كِيذكْ [إِدْجَانْ]. [أَقَا-ت] ذ إِشْثْ ن ثوْصيّثْ إِ ڒبْذَا. كُوڒْ إِجّنْ ذِي ثَادَّارْثْ نّشْ نِّي إِدْجَانْ ذ أَمزْذَاڭْ، أَذْ زَّايْسنْثْ يشّْ.“
NUM 18:12 ”مِينْ إِدْجَانْ ڒمْخيَّارْ ن زّشْثْ ذ مِينْ إِدْجَانْ ڒمْخيَّارْ ن بِينُو ن جْذِيذْ ؤُ زڭْ إِرْذنْ، أَقَا ذ ثَامزْوَارُوثْ إِ زَّايْسنْ أَذْ وْشنْ إِ سِيذِي، أَقَا وْشِيغْ أَشْ ت.
NUM 18:13 ثَامنْزُوثْ ن مَارَّا مِينْ إِدْجَانْ خْ ثمُّورْثْ نْسنْ، نِّي د غَا يَاوْينْ غَارْ سِيذِي، أَقَا [مَارَّا] مَانْ أَيَا أَذْ يِيڒِي إِ شكْ. كُوڒْ إِجّنْ ونِّي إِدْجَانْ ذ أَمزْذَاڭْ ذِي ثَادَّارْثْ نّشْ، إِزمَّارْ أَذْ زَّايسْ يشّْ.“
NUM 18:14 ”مَارَّا مِينْ إِتّْوَاحَارّْمنْ ذِي إِسْرَائِيل، أَذْ يِيڒِي نّشْ.
NUM 18:15 مَارَّا مِينْ يَارزْمنْ ڒمْڒَاوَاثْ [ذ أَمزْوَارُو] جَارْ مَارَّا أَيْسُومْ إِ غَا قدّْمنْ إِ سِيذِي، زِي بْنَاذمْ نِيغْ زِي ڒبْهِيمثْ، أَذْ يِيڒِي نّشْ. مَاشَا أَذْ ثفْذِيذْ قَاعْ أَمنْزُو ن إِوْذَانْ ؤُشَا إِتّْخصَّا [عَاوذْ] أَذْ ثفْذِيذْ أَمنْزُو ن ڒبْهَايمْ إِخمْجنْ.
NUM 18:16 وِي زَّايْسنْ غَا تّْوَافْذِينْ نِيثْنِي، أَذْ تّْوَافْذِينْ ذ مِّيسْ ن إِجّْ ن ؤُيُورْ عْلَاحْسَابْ ڒْقِيمثْ إِ ثْقدَّارذْ شكْ ذِي نُّوقَارْثْ، خمْسَا شِيقْلُو عْلَاحْسَابْ شِيقْلُو ن زَّاوشْثْ إِقدّْسنْ، ونِّي [إِدْجَانْ] عِيشْرِينْ جِيرَا.
NUM 18:17 مَاشَا أَمنْزُو ن ؤُفُونَاسْ ذ ؤُمنْزُو ن ؤُحُوڒِي ذ ؤُمنْزُو ن إِغَايْضْ، وَارْ ث ثْفذِّيمْ شَا. أَقَا أَثنْ قدّْسنْ [إِ دْجَانْ]. أَذْ ثْزدْجْعذْ إِذَامّنْ نْسنْ خْ ؤُعَالْطَارْ ؤُ ثَاذُونْثْ نْسنْ أَذْ ت ثسّْبخَّارذْ أَمْ ثوْهِيبْثْ ن ثْمسِّي، أَمْ يِيشْثْ ن ڒفْوَاحثْ إِتّْفُوحنْ إِ سِيذِي.
NUM 18:18 أَيْسُومْ نّسْ أَذْ يِيڒِي نّشْ، أَمْ يِيذْمَارنْ ن ونْهزِّي أَمْ ؤُشكْرُوذْ أَفُوسِي أَذْ إِڒِينْ نّشْ.
NUM 18:19 مَارَّا [ثِيوْهِيبِينْ ن] ؤُسْڭعّذْ زِي [ثوْهِيبِينْ] إِقدّْسنْ نِّي غَا سّْڭعّْذنْ أَيْثْ ن إِسْرَائِيل إِ سِيذِي، وْشِيغْ ثنْثْ إِ شكْ ؤُ إِ إِحنْجِيرنْ نّشْ ذ ثْحنْجِيرِينْ نّشْ [إِنِّي] أَكِيذكْ [إِدْجَانْ]. [أَقَا] ذ إِشْثْ ن ثوْصيّثْ إِ ڒبْذَا، أَذْ يِيڒِي ذ إِجّْ ن ڒْعَاهْذْ س ڒمْڒَاحثْ إِ ڒبْذَا زَّاثْ إِ وُوذمْ ن سِيذِي، إِ شكْ ؤُ إِ زَّارِيعثْ نّشْ نِّي أَكِيذكْ [إِدْجَانْ].“
NUM 18:20 إِنَّا سِيذِي إِ هَارُونْ: ”وَارْ ثتّطّْفذْ ڒْوَارْثْ ذِي ثمُّورْثْ نْسنْ ؤُ وَارْ غَاركْ ثتِّيڒِي بُو ثسْغَارْثْ ذِي ڒْوسْطْ نْسنْ. نشّْ ذ ثَاسْغَارْثْ نّشْ ذ ڒْوَارْثْ نّشْ ذِي ڒْوسْطْ ن أَيْثْ ن إِسْرَائِيل.
NUM 18:21 خْزَارْ، نشّْ وْشِيغْ إِ أَيْثْ ن لَاوِي مَارَّا ڒعْشُورْ ذِي إِسْرَائِيل ذ ڒْوَارْثْ ذِي طّْوعْ ن ثْسخَّارْثْ نِّي ڭِّينْ نِيثْنِي، ثَاسخَّارْثْ ن ؤُقِيضُونْ ن ؤُمْسَاڭَارْ.
NUM 18:22 أَيْثْ ن إِسْرَائِيل وَارْ د-تّْقَارِّيبنْ عَاذْ غَارْ ؤُقِيضُونْ ن ؤُمْسَاڭَارْ، حِيمَا وَارْ د-تِّيوْينْ [أَمُّو] دّنْبْ خْ يِيخفْ نْسنْ ؤُشَا أَذْ مّْثنْ.
NUM 18:23 [مَاشَا] إِلَاوِييّنْ أَذْ سخَّارنْ ذِي ثْسخَّارْثْ ن ؤُقِيضُونْ ن ؤُمْسَاڭَارْ ؤُشَا أَذْ أَرْبُونْ ڒْمُوعْصِييّثْ نْسنْ. [أَقَا-ت] ذ إِشْثْ ن ثوْصيّثْ إِ ڒبْذَا إِ [مَارَّا] جِّيڒَاثْ نْومْ، أَقَا نِيثْنِي وَارْ تّطّْفنْ ڒْوَارْثْ ذِي ڒْوسْطْ ن أَيْثْ ن إِسْرَائِيل،
NUM 18:24 مِينْزِي ڒعْشُورْ ن أَيْثْ ن إِسْرَائِيل نِّي سّْڭعّْذنْ نِيثْنِي إِ سِيذِي أَمْ ثوْهِيبْثْ ن ؤُسْڭعّذْ، وْشِيغْ ثنْ إِ إِلَاوِييّنْ. خْ ؤُيَا نِّيغْ أَسنْ: وَارْ وَارّْثنْ ذِي ڒْوسْطْ ن أَيْثْ ن إِسْرَائِيل!“
NUM 18:25 إِسِّيوڒْ سِيذِي أَكْ-ذ مُوسَا، إِنَّا:
NUM 18:26 ”أَمُّو إِ غَا ثسِّيوْڒذْ أَكْ-ذ إِلَاوِييّنْ ؤُشَا أَذْ أَسنْ ثِينِيذْ: ’خْمِي ثكْسِيمْ ڒعْشُورْ ن أَيْثْ ن إِسْرَائِيل نِّي وْشِيغْ كنِّيوْ ذ ڒْوَارْثْ، [خنِّي] أَذْ زَّايْسنْ ثسّْڭعّْذمْ إِشْثْ ن ثوْهِيبْثْ ن ؤُسْڭعّذْ إِ سِيذِي، ڒعْشُورْ زِي ڒعْشُورْ.
NUM 18:27 أَذْ أَومْ د-ثتّْوَاحْسبْ أَمْ ثوْهِيبْثْ ن ؤُسْڭعّذْ، أَمْ يِيرْذنْ ن ؤُنذْرَارْ ؤُ أَمْ ثشُّورثْ ن ثْسِيرْثْ [ن ؤُضِيڒْ].
NUM 18:28 أَمُّو إِ ذ أَومْ إِتّْخصَّا أَذْ ثسّْڭعّْذمْ إِشْثْ ن ثوْهِيبْثْ ن ؤُسْڭعّذْ إِ سِيذِي زِي مَارَّا ڒعْشُورْ نْومْ نِّي غَا ثكْسِيمْ زڭْ أَيْثْ ن إِسْرَائِيل. إِتّْخصَّا أَذْ ثوْشمْ ثَاوْهِيبْثْ، ثنِّي ثسّْڭعّْذمْ زَّايْسنْ إِ سِيذِي، غَارْ ؤُكهَّانْ هَارُونْ.
NUM 18:29 زِي مَارَّا مِينْ ذ أَومْ غَا وْشنْ، أَذْ ثسّْڭعّْذمْ ثَاوْهِيبْثْ ن ؤُسْڭعّذْ ثْمُونْ إِ سِيذِي، زِي ڒمْخيَّارْ نّسْ، ثَاسْغَارْثْ نّسْ إِقدّْسنْ زَّايسْ.‘
NUM 18:30 ؤُشَا إِتّْخصَّا أَشْ أَذْ أَسنْ ثِينِيمْ: ’مَاڒَا ثكْسِيمْ زَّايسْ ڒمْخيَّارْ نّسْ، [أَقَا] أَيَا أَذْ د-إِتّْوَاحْسبْ ذ ڒْغِيدْجثْ ن ؤُنذْرَارْ ذ ڒْغِيدْجثْ ن ثْسِيرْثْ [ن ؤُضِيڒْ] إِ إِلَاوِييّنْ.
NUM 18:31 أَذْ ثشّمْ أَيَا ذِي كُوڒْ أَمْشَانْ، كنِّيوْ ذ [أَيْثْبَابْ ن] ثَادَّارْثْ نْومْ، مِينْزِي ثَا ذ ڒْمُونثْ إِ ثْسخَّارْثْ نْومْ ذڭْ ؤُقِيضُونْ ن ؤُمْسَاڭَارْ.
NUM 18:32 مَاڒَا أَذْ زَّايسْ ثكْسِيمْ مِينْ إِدْجَانْ حْسنْ، [خنِّي] وَارْ خَاومْ ثَاربُّومْ دّنْبْ. وَارْ إِعدّڒْ أَذْ ثْفسْذمْ [ثِيوْهِيبِينْ] إِقدّْسنْ ن أَيْثْ ن إِسْرَائِيل، [حِيمَا] وَارْ ثتّْمتِّيمْ شَا.‘ “
NUM 19:1 إِسِّيوڒْ سِيذِي أَكْ-ذ مُوسَا ذ هَارُونْ، إِنَّا:
NUM 19:2 ”ثَا ذ ثَاوْصيّثْ ن شَّارِيعَا نِّي يُومُورْ سِيذِي، [ؤُمِي] إِنَّا: ’سِيوڒْ أَكْ-ذ أَيْثْ ن إِسْرَائِيل أَذْ أَشْ د-أَوْينْ إِشْثْ ن ثْفُونَاسْثْ ثَازڭّْوَاغْثْ، ثنِّي إِشْنَانْ ؤُ ثنِّي وَارْ ذِي إِدْجِي ؤُنعْضَابْ ؤُشَا وَارْ خَاسْ سَّارْسنْ عَاذْ أَزَايْڒُو.
NUM 19:3 أَذْ ت ثوْشمْ إِ ؤُكهَّانْ أَلِيعَازَارْ ؤُ نتَّا أَذْ ت إِسُّوفّغْ بَارَّا إِ ڒْمَارْڭحْ ن ڒْعسْكَارْ ؤُ أَذْ أَسْ غَارْصنْ زَّاثْ إِ وُوذمْ نّسْ.
NUM 19:4 أَكهَّانْ أَلِيعَازَارْ أَذْ إِكْسِي [شْوَايْثْ] ن إِذَامّنْ نّسْ س ؤُضَاضْ نّسْ ؤُشَا أَذْ إِرُوشّْ سبْعَا ن ثْوَاڒَاوِينْ [شْوَايْثْ] زڭْ إِذَامّنْ نّسْ جِّيهثْ ن وُوذمْ ن ؤُقِيضُونْ ن ؤُمْسَاڭَارْ.
NUM 19:5 أَذْ سّْشمْضنْ ثَافُونَاسْثْ زَّاثْ إِ ثِيطَّاوِينْ نّسْ. ثِيڒْمشْثْ نّسْ، أَيْسُومْ نّسْ ذ إِذَامّنْ نّسْ أَذْ ثنْ سّْشمْضنْ [جْمِيعْ] أَكْ-ذ ؤُمسَّاڒْ نّسْ.
NUM 19:6 أَذْ إِكْسِي ؤُكهَّانْ أَكشُّوضْ ن [ثْشجَّارْثْ ن] ثنْڭلْثْ ذ ثْعلْدْجثْ ذ ؤُزڭّْوَاغْ إِحذْقنْ ؤُشَا أَذْ إِنْضَارْ أَيَا ذِي ڒْوسْطْ ن ثْمسِّي [إِ ذِي ثتّْوَاشْمضْ] ثْفُونَاسْثْ.
NUM 19:7 خنِّي أَذْ إِصبّنْ ؤُكهَّانْ أَرُّوضْ نّسْ، أَذْ إِسِّيرْذْ أَرِّيمثْ نّسْ ذڭْ وَامَانْ، ؤُشَا أَوَارْنِي أَسْ أَذْ يَاذفْ غَارْ ڒْمَارْڭحْ. أَكهَّانْ أَذْ يِيڒِي إِخْمجْ أَڒْ ثَامذِّيثْ.
NUM 19:8 ذ ونِّي ت إِسّْشمْضنْ، أَذْ إِصبّنْ [عَاوذْ] أَرُّوضْ نّسْ ذڭْ وَامَانْ ؤُشَا أَذْ إِسِّيرْذْ أَرِّيمثْ نّسْ س وَامَانْ. نتَّا أَذْ يِيڒِي إِخْمجْ أَڒْ ثَامذِّيثْ.
NUM 19:9 أَرْيَازْ أَمزْذَاڭْ أَذْ إِيْرُو إِغّضْ ن ثْفُونَاسْثْ ؤُشَا أَذْ ثنْ إِڭّْ بَارَّا إِ ڒْمَارْڭحْ ذڭْ إِجّْ ن ومْشَانْ إِزْذِيڭْ. أَقَا خْ ثْمسْمُونْثْ ن أَيْثْ ن إِسْرَائِيل مَاحنْذْ أَذْ ثحْضَا خْ وَامَانْ ن وعْزَاڒْ، أَقَا أَثنْ إِ ؤُسِيزْذڭْ ن دّنْبْ.
NUM 19:10 ونِّي إِيْرُونْ إِغّضْ ن ثْفُونَاسْثْ أَذْ إِصبّنْ أَرُّوضْ نّسْ ؤُشَا أَذْ يِيڒِي إِخْمجْ أَڒْ ثَامذِّيثْ. [أَقَا] ذ إِشْثْ ن ثوْصيّثْ إِ ڒبْذَا إِ أَيْثْ ن إِسْرَائِيل ؤُ إِ ؤُبَارَّانِي نِّي إِزدّْغنْ ذِي ڒْوسْطْ نْسنْ.‘ “
NUM 19:11 ”وِي غَا إِحَاذَانْ شَا ن ؤُمتِّينْ، مَامّشْ مَا [ثڭَّا] شَا ن ڒْخشْبثْ ن بْنَاذمْ، أَذْ يِيڒِي إِخْمجْ سبْعَا ن وُوسَّانْ.
NUM 19:12 ذڭْ وَاسّْ وِيسّْ ثْڒَاثَا أَذْ إِكّسْ دّنْبْ خْ يِيخفْ نّسْ [س وَامَانْ ن وعْزَاڒْ]. [خنِّي] أَذْ يِيڒِي إِزْذِيڭْ ذڭْ وَاسّْ وِيسّْ سبْعَا. مَاڒَا وَارْ إِكِّيسْ دّنْبْ خْ يِيخفْ نّسْ ذڭْ وَاسّْ وِيسّْ ثْڒَاثَا، وَارْ إِتِّيڒِي إِزْذِيڭْ ذڭْ وَاسّْ وِيسّْ سبْعَا.
NUM 19:13 مَارَّا وِي إِحَاذَانْ إِجّْ ن ؤُمتِّينْ، ڒعْمَارْ ن إِجّْ ن بْنَاذمْ إِمُّوثْ، ؤُشَا وَارْ إِكِّيسْ دّنْبْ خْ يِيخفْ نّسْ، أَقَا إِسّخْمجْ ثَازذِّيغْثْ ن سِيذِي. ڒعْمَارْ نِّي أَذْ إِتّْوَاقسّْ زِي إِسْرَائِيل. مِينْزِي وَارْ خَاسْ زُّوزَارنْ شَا أَمَانْ ن وعْزَاڒْ، أَذْ يِيڒِي إِخْمجْ. ڒخْمجْ نّسْ [أَقَا-ث] خَاسْ عَاذْ.“
NUM 19:14 ”وَا ذ أَزرْفْ خْ إِجّْ ن بْنَاذمْ نِّي إِمُّوثنْ ذڭْ إِجّْ ن ؤُقِيضُونْ. مَارَّا وِي غَا يَاذْفنْ غَارْ ؤُقِيضُونْ نِّي ؤُ مَارَّا وِي [غَا إِقِّيمنْ] ذڭْ ؤُقِيضُونْ نِّي، أَذْ يِيڒِي إِخْمجْ سبْعَا ن وُوسَّانْ.
NUM 19:15 [عَاوذْ] كُوڒْ ڒْقشْعثْ يَارزْمنْ، وَارْ خَاسْ ثَاقبَّارْثْ ثقّنْ س ثسْغُونْثْ، أَذْ ثِيڒِي ثخْمجْ،
NUM 19:16 مَارَّا وِي إِحَاذَانْ حذْ إِتّْوَاسّْنُوقّْبنْ س سِّيفْ ذڭْ إِيَّارْ، نِيغْ شَا ن ؤُمتِّينْ نِيغْ إِغْسَانْ ن إِجّْ ن بْنَاذمْ، نِيغْ إِجّْ ن ونْضڒْ، أَذْ يِيڒِي إِخْمجْ سبْعَا ن وُوسَّانْ.
NUM 19:17 إِ يِيجّْ ن ؤُمخْمُوجْ إِتّْخصَّا أَذْ كْسِينْ [شْوَايْثْ] ن إِغّضْ ن [ثْغَارْصْثْ ن] دّنْبْ إِشمْضنْ ؤُشَا أَذْ خَاسْ سّْفَارّْغنْ أَمَانْ إِدَّارنْ ذڭْ إِشْثْ ن ڒْقشْعثْ.
NUM 19:18 إِجّْ ن ورْيَازْ ذ أَمزْذَاڭْ أَذْ إِكْسِي ثْعلْدْجثْ، أَذْ [ت] إِسُّوفْ ذڭْ وَامَانْ ؤُشَا [خنِّي] أَذْ ت إِرُوشّْ خْ ؤُقِيضُونْ ؤُ خْ مَارَّا ڒقْشُوعْ ؤُ خْ ڒعْمُورْ نِّي ثُوغَا ذِينْ إِدْجَانْ، ؤُشَا [أَمُّو عَاوذْ] خْ وِي إِحَاذَانْ إِغْسَانْ نِيغْ شَا ن يِيجّنْ نِّي إِتّْوَاسّْنُوقّْبنْ نِيغْ شَا ن ؤُمتِّينْ نِيغْ شَا ن ونْضڒْ.
NUM 19:19 أَمزْذَاڭْ أَذْ إِرُوشّْ خْ ؤُمخْمُوجْ ذڭْ وَاسّْ وِيسّْ ثْڒَاثَا ؤُ ذڭْ وَاسّْ وِيسّْ سبْعَا أَذْ خَاسْ إِرُوشّْ ؤُ ذڭْ وَاسّْ وِيسّْ سبْعَا أَذْ خَاسْ إِكّسْ دّنْبْ. أَذْ إِصبّنْ أَرُّوضْ نّسْ أَذْ إِسِّيرْذْ إِخفْ نّسْ س وَامَانْ ؤُشَا أَذْ يِيڒِي إِزْذڭْ أَڒْ ثَامذِّيثْ.
NUM 19:20 أَرْيَازْ إِخمْجنْ إِ وَارْ إِتّجِّينْ أَذْ إِكّسْ دّنْبْ خْ يِيخفْ نّسْ، ڒعْمَارْ نِّي أَذْ إِتّْوَاقسّْ زِي ڒْوسْطْ ن وڭْرَاوْ [ن ڒْڭنْسْ]، مِينْزِي أَقَا إِسّخْمجْ زَّاوشْثْ إِقدّْسنْ ن سِيذِي. وَارْ خَاسْ رُوشّنْ أَمَانْ ن وعْزَاڒْ، أَقَا إِخْمجْ.
NUM 19:21 ثَا ذ إِشْثْ ن ثوْصيّثْ إِ ڒبْذَا إِ نِيثْنِي. ونِّي إِرُوشّنْ أَمَانْ ن وعْزَاڒْ أَذْ إِصبّنْ أَرُّوضْ نّسْ ؤُ وِي غَا إِحَاذَانْ أَمَانْ ن وعْزَاڒْ، أَذْ يِيڒِي إِخْمجْ أَڒْ ثَامذِّيثْ.
NUM 19:22 مَارَّا مِينْ إِتّْوَاحَاذَانْ زڭْ ؤُمخْمُوجْ، أَذْ يِيڒِي إِخْمجْ، ؤُشَا بْنَاذمْ نِّي إِ غَا إِحَاذَانْ أَيَا، أَذْ يِيڒِي إِخْمجْ أَڒْ ثَامذِّيثْ.“
NUM 20:1 ذڭْ ؤُيُورْ أَمزْوَارُو ثِيوضْ مَارَّا ثَامسْمُونْثْ ن أَيْثْ ن إِسْرَائِيل غَارْ ڒخْڒَا ن صِينْ. ڒْڭنْسْ إِقِّيمْ ذِي قَاذَاشْ. ذِينْ إِ ثمُّوثْ مَارْيَامْ ؤُشَا نضْڒنْ ت ذِينْ.
NUM 20:2 وَارْ ثُوغِي ذِينْ شَا أَمَانْ إِ ثْمسْمُونْثْ. [خنِّي] مُوننْ ضِيدّْ إِ مُوسَا ذ هَارُونْ.
NUM 20:3 ثُوغَا ڒْڭنْسْ إِمْشُوبّشْ أَكْ-ذ مُوسَا، نَّانْ: ”مْڒِي ثُوغَا زَّايْنغْ إِفّغْ بُوحْبڒْ ؤُمِي ثُوغَا إِفّغْ بُوحْبڒْ زڭْ أَيْثْمَاثْنغْ زَّاثْ إِ وُوذمْ ن سِيذِي!
NUM 20:4 مَايمِّي ثسِّيذْفمْ وڭْرَاوْ [ن ڒْڭنْسْ] ن سِيذِي ذِي ڒخْڒَا-يَا مَاحنْذْ أَذْ مّْثنْ ذِينْ، نشِّينْ ذ ڒبْهَايمْ نّغْ؟
NUM 20:5 ؤُ مَايمِّي ذ أَنغْ د-ثسِّيڒْيمْ زِي مِيصْرَا حِيمَا أَذْ أَنغْ ثسِّيوْضمْ غَارْ ومْشَانْ-أَ أَعفَّانْ؟ ذڭْ ومْشَانْ-أَ وَارْ [ذِينْ] زَّارِيعثْ نِيغْ ثَازَارْثْ نِيغْ ثْزَايَارْثْ نِيغْ أَرمَّامْ ؤُ وَارْ ذِينْ عَاذْ أَمَانْ حِيمَا أَذْ نْسُو.“
NUM 20:6 [خنِّي] يِيوضْ مُوسَا أَكْ-ذ هَارُونْ زِي زَّاثْ ن وُوذمْ ن وڭْرَاوْ [ن ڒْڭنْسْ] غَارْ وَاذَافْ ن ؤُقِيضُونْ ن ؤُمْسَاڭَارْ ؤُشَا وْضَانْ خْ وُوذْمَاونْ نْسنْ ؤُشَا إِبَانْ أَسنْ-د ؤُعُودْجِي ن سِيذِي.
NUM 20:7 إِسِّيوڒْ سِيذِي أَكْ-ذ مُوسَا، إِنَّا:
NUM 20:8 ”كْسِي ثَاغَّارْشْثْ ؤُشَا سْمُونْ ثَامسْمُونْثْ، شكْ ذ هَارُونْ، ؤُمَاشْ. إِتّْخصَّا أَذْ ثسِّيوْڒمْ أَكْ-ذ ثصْضَارْثْ زَّاثْ إِ ثِيطَّاوِينْ نْسنْ ؤُشَا [خنِّي] أَذْ ثوْشْ أَمَانْ نّسْ. [أَمُّو] إِ غَا ثسُّوفّْغمْ أَمَانْ إِ نِيثْنِي زِي ثصْضَارْثْ ؤُشَا أَذْ ثسّسُّوذْ ثَامسْمُونْثْ ذ ڒبْهَايمْ.“
NUM 20:9 [خنِّي] إِكْسِي مُوسَا ثَاغَّارْشْثْ زِي زَّاثْ ن وُوذمْ ن سِيذِي أَمْ مَامّشْ ذ أَسْ يُومُورْ نتَّا،
NUM 20:10 ؤُشَا إِسّْمُونْ مُوسَا ذ هَارُونْ أَڭْرَاوْ [ن ڒْڭنْسْ] زَّاثْ إِ وُوذمْ ن ثصْضَارْثْ. نتَّا إِنَّا أَسنْ: ”سْڒمْ [ڒخُّو]، [أَ كنِّيوْ] إِنِّي إِغوّْغنْ، مَا إِتّْخصَّا أَنغْ أَذْ د-نسُّوفّغْ أَمَانْ زِي ثصْضَارْثْ-أَ؟“
NUM 20:11 ؤُشَا إِسّْڭعّذْ مُوسَا أَفُوسْ نّسْ ؤُشَا إِوْثَا ثَاصْضَارْثْ ثْنَاينْ ن ثْوَاڒَاوِينْ س ثَاغَّارْشْثْ نّسْ ؤُشَا فّْغنْ-د زَّايسْ أَطَّاسْ ن وَامَانْ ؤُشَا ثسْوَا ثْمسْمُونْثْ ذ ڒبْهَايمْ نْسنْ.
NUM 20:12 [خنِّي] إِنَّا سِيذِي إِ مُوسَا ذ هَارُونْ: ”مِينْزِي كنِّيوْ وَارْ ذ أَيِي ثتّشْڒمْ زَّاثْ إِ ثِيطَّاوِينْ ن أَيْثْ ن إِسْرَائِيل أَڒَامِي ذ أَيِي ثْوقَّارمْ س ؤُوقَّارْ إِقدّْسنْ، س ؤُيَا وَارْ ثسِّيذِيفمْ أَڭْرَاوْ-أَ [ن ڒْڭنْسْ] ذِي ثمُّورْثْ نِّي ذ أَسنْ وْشِيغْ.“
NUM 20:13 إِنَا أَقَا ذ أَمَانْ ن مَارِيبَا مِينْ خفْ أَرزُّونْ أَيْثْ ن إِسْرَائِيل أَذْ مْشُوبّْشنْ أَكْ-ذ سِيذِي ؤُ [مَانِي] نتَّا إِبَانْ-د ذ أَمْقدّسْ جَارْ أَسنْ.
NUM 20:14 إِسّكّْ مُوسَا إِرقَّاسنْ زِي قَاذَاشْ غَارْ ؤُجدْجِيذْ ن إِذُومْ، نَّانْ: ”أَمُّو إِ إِقَّارْ إِسْرَائِيل، ؤُمَاشْ: ’شكْ ثسّْنذْ مَارَّا ثَامَارَا نِّي خَانغْ إِكِّينْ،
NUM 20:15 أَقَا ڒجْذُوذْ نّغْ هْوَانْ-د غَارْ مِيصْرَا ؤُ ثُوغَا نْزدّغْ أَطَّاسْ ن إِسڭّْوُوسَا ذِي مِيصْرَا ؤُ إِمِيصْرِييّنْ ڭِّينْ ذَايْنغْ ؤُ ذِي ڒجْذُوذْ نّغْ أَطَّاسْ ن ڒْغَارْ.
NUM 20:16 نْڒَاغَا خْ سِيذِي ؤُشَا نتَّا إِسْڒَا ثْمِيجَّا نّغْ ؤُشَا إِسّكّْ-د لْمَالَاكْ ؤُشَا إِسُّوفّغْ أَنغْ-د زِي مِيصْرَا. خْزَارْ، أَقَا أَنغْ ذِي قَاذَاشْ، إِشْثْ ن ثنْذِينْثْ غَارْ طَّارْفْ ن جِّيهثْ نّشْ.
NUM 20:17 أجّْ أَنغْ، مَاڒَا ثخْسذْ، أَذْ نژْوَا خْ ثمُّورْثْ نّشْ. وَارْ نْژكّْوِي خْ إِيَّارنْ نِيغْ خْ إِمَارْجَاعنْ نّشْ ن ؤُضِيڒْ ؤُ وَارْ نسسّْ أَمَانْ زڭْ وَانُوثنْ. خْ وبْرِيذْ إِڭلّْذنْ أَذْ نعْذُو بْڒَا مَا أَذْ نْحيّذْ [غَارْ] يفُوسْ ؤُڒَا [غَارْ] ؤُزڒْمَاضْ، أَڒْ غَا نعْذُو [عَاوذْ] إِيْمِيرنْ [ن ثمُّورْثْ] نّشْ.‘ “
NUM 20:18 إِنَّا أَسْ إِذُومْ: ”وَارْ تّْژكّْوِيذْ خَافِي، نِيغْ أَكْ كِيشْ مّْسَاڭَارغْ س سِّيفْ بَالَاكْ!“
NUM 20:19 [خنِّي] نَّانْ أَسْ أَيْثْ ن إِسْرَائِيل: ”أَذْ نضْفَارْ أَبْرِيذْ أَمقّْرَانْ ؤُ مَاڒَا أَذْ سْوغْ أَمَانْ نّشْ، نشّْ ذ ڒبْهَايمْ إِنُو، أَذْ ثنْ خدْجْصغْ. أَذْ ژْوِيغْ [ثَامُّورْثْ] خْ إِضَارنْ ذ ونِّي نتَّا وَاهَا.“
NUM 20:20 [مَاشَا] نتَّا إِنَّا: ”وَارْ خَاسْ ثْژكّْوِيذْ!“ ؤُشَا إِفّغْ إِذُومْ مَاحنْذْ أَذْ كِيسْ إِمْسَاڭَارْ س يِيجّْ ن ؤُبَارُّو ذ أَمقّْرَانْ ذ ؤُفُوسْ إِجهْذنْ.
NUM 20:21 [أَمُّو] يُوڭِي إِذُومْ أَذْ إِوْشْ تّسْرِيحْ إِ إِسْرَائِيل مَاحنْذْ أَذْ إِژْوَا أَيْمِيرْ نّسْ. س ؤُينِّي إِ إِجَّا إِسْرَائِيل أَبْرِيذْ ذِي سِّيبّثْ نّسْ.
NUM 20:22 فسْينْ إِقِيضَانْ نْسنْ، [فّْغنْ] زِي قَاذَاشْ، ؤُشَا [خنِّي] إِوْضنْ أَيْثْ ن إِسْرَائِيل غَارْ وذْرَارْ ن هُورْ، ثَامسْمُونْثْ مَارَّا.
NUM 20:23 إِسِّيوڒْ سِيذِي أَكْ-ذ مُوسَا ذ هَارُونْ غَارْ وذْرَارْ ن هُورْ، غَارْ ويْمِيرْ ن ثمُّورْثْ ن إِذُومْ، إِنَّا:
NUM 20:24 ”أَذْ إِمَّارْنِي هَارُونْ غَارْ ڒْڭنْسْ نّسْ، مِينْزِي وَارْ إِتِّيذفْ غَارْ ثمُّورْثْ نِّي وْشِيغْ إِ أَيْثْ ن إِسْرَائِيل، مِينْزِي كنِّيوْ ثْغنَّانمْ خْ ڒُومُورْ إِنُو غَارْ وَامَانْ ن مَارِيبَا.
NUM 20:25 كْسِي هَارُونْ ذ أَلِيعَازَارْ، مِّيسْ، ؤُشَا أَرّْ إِ-ثنْ أَذْ ڭعّْذنْ خْ وذْرَارْ ن هُورْ.
NUM 20:26 عَارَّا هَارُونْ زڭْ وَارُّوضْ نّسْ ؤُشَا سْيَارْضْ إِ-ث إِ أَلِيعَازَارْ، مِّيسْ. [خنِّي] أَذْ إِتّْوَاكْسِي هَارُونْ ؤُشَا أَذْ إِمّثْ ذِينْ.“
NUM 20:27 مُوسَا إِڭَّا أَمْ مَامّشْ ذ أَسْ يُومُورْ سِيذِي. ؤُڒْينْ أَذْرَارْ ن هُورْ زَّاثْ إِ ثِيطَّاوِينْ ن مَارَّا ثَامسْمُونْثْ.
NUM 20:28 مُوسَا إِعَارَّا هَارُونْ زڭْ وَارُّوضْ نّسْ ؤُشَا إِسّْيَارْضْ إِ-ث إِ أَلِيعَازَارْ، مِّيسْ. ؤُشَا إِمُّوثْ هَارُونْ ذِينْ خْ ثْقِيشَّاثْ ن وذْرَارْ. [خنِّي] إِهْوَا-د مُوسَا زڭْ وذْرَارْ أَكْ-ذ أَلِيعَازَارْ.
NUM 20:29 مَارَّا ثَامسْمُونْثْ ثژْرَا بلِّي هَارُونْ إِضْڒقْ إِ بُوحْبڒْ نّسْ ؤُشَا رُونْ ثْڒَاثِينْ ن وُوسَّانْ ذِي سِّيبّثْ ن هَارُونْ، مَارَّا ثَادَّارْثْ ن إِسْرَائِيل.
NUM 21:1 [ؤُمِي] إِسْڒَا أَكنْعَانِي، أَجدْجِيذْ ن عَارَاذْ نِّي إِزدّْغنْ ذِي [ثمُّورْثْ ن] لْجَانُوبْ، بلِّي يُوسَا-د إِسْرَائِيل خْ وبْرِيذْ ن إِبرْڭَاڭنْ، إِمّْنغْ ضِيدّْ إِ إِسْرَائِيل ؤُشَا إِطّفْ [شَا] زَّايْسنْ ذ إِمحْبَاسْ.
NUM 21:2 [خنِّي] إِوْشَا إِسْرَائِيل إِجّْ ن وَاوَاڒْ إِ سِيذِي ؤُشَا إِنَّا: ”مَاڒَا ذ ثِيذتّْ ثْعَارّْنذْ ڒْڭنْسْ-أَ ذڭْ ؤُفُوسْ إِنُو، نشّْ أَذْ حَارّْمغْ ثِيندَّامْ نْسنْ [إِ ؤُثحِّي].“
NUM 21:3 سِيذِي إِسْثَاجبْ إِ إِسْرَائِيل ؤُشَا إِسلّمْ أَسْ أَيْثْ ن كنْعَانْ ؤُشَا نِيثْنِي حَارّْمنْ إِ-ثنْ إِ ؤُثحِّي ؤُڒَا ذ مَارَّا ثِيندَّامْ نْسنْ ؤُشَا إِڒَاغَا أَمْشَانْ نِّي س يِيسمْ ن حُورْمَا.
NUM 21:4 [خنِّي] فسْينْ إِقِيضَانْ نْسنْ زڭْ وذْرَارْ ن هُورْ، [رُوحنْ] خْ وبْرِيذْ غَارْ ڒبْحَارْ ن ثلْڭَا ؤُشَا س مَانْ أَيَا [ثُوغَا إِتّْخصَّا] أَذْ نّْضنْ إِ ثمُّورْثْ ن إِذُومْ. ؤُشَا ڒْڭنْسْ وَارْ إِصْبِيرْ ذڭْ وبْرِيذْ.
NUM 21:5 أَقَا إِقَاشحْ ڒْڭنْسْ ضِيدّْ إِ أَربِّي ذ مُوسَا: ”مَايمِّي ذ أَنغْ د-ثسُّوفّْغمْ زِي مِيصْرَا، مَاحنْذْ أَذْ نمّثْ ذِي ڒخْڒَا-يَا؟ وَارْ ذَا إِدْجِي وغْرُومْ ؤُڒَا ذ أَمَانْ. ڒعْمَارْ نّغْ إِعِيفّْ زڭْ وغْرُومْ-أَ إِ وَارْ إِسكّْوِينْ!“
NUM 21:6 [خنِّي] إِضْڒقْ سِيذِي إِفِيغْرَانْ يَارقّنْ جَارْ ڒْڭنْسْ، إِنِّي إِزعْفنْ ڒْڭنْسْ ؤُشَا إِمُّوثْ وَاطَّاسْ ن ڒْڭنْسْ ن إِسْرَائِيل.
NUM 21:7 يُوسَا-د ڒْڭنْسْ غَارْ مُوسَا، نَّانْ: ”أَقَا نخْضَا، مِينْزِي نْقَاشحْ أَكْ-ذ سِيذِي ؤُ أَكِيذكْ. ژَتدْجْ إِ سِيذِي مَاحنْذْ أَذْ خَانغْ إِكّسْ إِفِيغْرَانْ-أَ.“ [خنِّي] إِژُودْجْ مُوسَا ذِي طّْوعْ ن ڒْڭنْسْ.
NUM 21:8 إِنَّا سِيذِي إِ مُوسَا: ”أڭّْ إِجّْ ن ؤُفِيغَارْ يَارقّنْ ؤُشَا سَارْسْ إِ-ث خْ إِشْثْ ن ثحْنَاشْثْ ؤُشَا مَانْ ونْ مَا إِتّْوَازعْفنْ ؤُ أَذْ غَارسْ إِخْزَارْ، أَذْ إِدَّارْ.“
NUM 21:9 ؤُشَا إِڭَّا مُوسَا إِجّْ ن ؤُفِيغَارْ ن نّْحَاسْ ؤُشَا إِسَّارْسْ إِ-ث خْ ثحْنَاشْثْ ؤُشَا خْمِي إِزعّفْ شَا ن ؤُفِيغَارْ شَا ن يِيجّنْ، ؤُشَا وَانِيثَا إِخزَّارْ غَارْ ؤُفِيغَارْ ن نّْحَاسْ، [خنِّي] أَذْ إِقِّيمْ إِدَّارْ.
NUM 21:10 [خنِّي] فسْينْ أَيْثْ ن إِسْرَائِيل إِقِيضَانْ نْسنْ ؤُشَا وْثِينْ إِقِيضَانْ نْسنْ ذِي ؤُبُوثْ.
NUM 21:11 [خنِّي] كّْسنْ إِقِيضَانْ نْسنْ زِي ؤُبُوثْ، وْثِينْ إِقِيضَانْ نْسنْ غَارْ أَرْوِينَاثْ ن عَابَارِيمْ ذِي ڒخْڒَا إِ [إِدْجَانْ] زَّاثْ إِ وُوذمْ ن مُوآبَ مَانِيسْ د-ثْنقَّارْ ثْفُوشْثْ.
NUM 21:12 سّنِّي كّْسنْ إِقِيضَانْ نْسنْ ؤُشَا وْثِينْ إِقِيضَانْ نْسنْ ذِي ثغْزُورْثْ ن زَارَاذْ.
NUM 21:13 سّنِّي كّْسنْ إِقِيضَانْ نْسنْ ؤُشَا وْثِينْ إِقِيضَانْ نْسنْ خْ ؤُجمَّاضْ ن [يغْزَارْ ن] أَرْنُونْ، ونِّي [إِسِّيزْڒنْ] ذِي ڒخْڒَا، إِفّغْ زِي جِّيهثْ ن ويْمِيرْ ن إِمُورِييّنْ، مِينْزِي أَقَا أَرْنُونْ ذ أَيْمِيرْ أَكْ-ذ مُوآبَ، جَارْ مُوآبَ ذ إِمُورِييّنْ.
NUM 21:14 خْ ؤُيَا قَّارنْ ذڭْ وذْلِيسْ إِتّْوَانّْضنْ ن ڭَارَّاثْ ن سِيذِي: ”وَاهِيبْ ذِي سُوفَا ذ ثْغزْرَاثِينْ ن أَرْنُونْ،
NUM 21:15 ؤُ ثِيغزْرَاثِينْ إِ د-إِهكّْوَانْ، أَڒَامِي ميّْڒنْثْ غَارْ ثْزذِّيغْثْ ن عَارْ، ذ ثنِّي إِسنّْذنْ خْ ويْمِيرْ ن مُوآبَ.“
NUM 21:16 سّنِّي [رُوحنْ] غَارْ بِي‘رْ، [’أَنُو‘]. وَا أَقَا ذ أَنُو مِينْ خفْ إِنَّا سِيذِي إِ مُوسَا: ”سْمُونْ ڒْڭنْسْ، [خنِّي] أَذْ أَسنْ وْشغْ أَمَانْ.“
NUM 21:17 خنِّي إِغنّجْ إِسْرَائِيل إِزْڒِي-يَا: ”نْڭزْ، أَ أَنُو!“ أَرِّيمْ-د خَاسْ س إِجّْ ن إِزْڒِي:
NUM 21:18 ”شكْ أَنُو، ونِّي غْزِينْ ڒْحُوكَّامْ، ونِّي إِنقْشنْ ثَارْوَا ن ثَاصِيڒثْ ن ڒْڭنْسْ أَكْ-ذ ؤُمْڭوَّاذْ نْسنْ س إِزدْجَاضنْ نْسنْ ن ڒحْكَامثْ.“ زِي ڒخْڒَا رُوحنْ غَارْ مَاتَّانَا،
NUM 21:19 ؤُشَا زِي مَاتَّانَا غَارْ نَاحْلِييِيلْ، زِي نَاحْلِييِيلْ غَارْ بَامُوثْ،
NUM 21:20 ؤُشَا زِي بَامُوثْ غَارْ ثغْزُورْثْ نِّي [إِدْجَانْ] ذڭْ إِيَّارْ ن مُوآبَ، خْ ثْقِيشَّاثْ ن فِيسْجَا نِّي إِتّْسِيجَّانْ غَارْ ثْنزْرُوفْثْ.
NUM 21:21 [خنِّي] إِسّكّْ إِسْرَائِيل إِرقَّاسنْ غَارْ سِيحُونْ، أَجدْجِيذْ ن إِمُورِييّنْ، إِنَّا:
NUM 21:22 ”أجّْ أَيِي أَذْ شُوقغْ ذِي ثمُّورْثْ نّشْ. وَارْ نتّْميِّيڒْ شَا غَارْ إِيَّارنْ نِيغْ غَارْ إِمَارْجَاعنْ [نّشْ] ن ؤُضِيڒْ ؤُ وَارْ نْسسّْ أَمَانْ زڭْ وَانُوثنْ. أَذْ نعْذُو خْ وبْرِيذْ إِڭلّْذنْ، أَڒْ غَا نعْذُو خْ ثمُّورْثْ نّشْ.“
NUM 21:23 [مَاشَا] سِيحُونْ وَارْ يجِّي أَذْ إِژْوَا إِسْرَائِيل خْ جّْوَايهْ نّسْ. إِسّْمُونْ سِيحُونْ مَارَّا ڒْڭنْسْ نّسْ ؤُشَا إِفّغْ، حِيمَا أَذْ إِمْسَاڭَارْ أَكْ-ذ إِسْرَائِيل، غَارْ ڒخْڒَا، ؤُشَا يُوسَا-د ذِي يَاهَاصْ ؤُشَا إِمّْنغْ أَكْ-ذ إِسْرَائِيل.
NUM 21:24 ؤُشَا إِسْرَائِيل إِوْثَا إِ-ث س ڒقْضعْ ن سِّيفْ ؤُشَا إِكْسِي ثمُّورْثْ نّسْ ذ ڒْوَارْثْ، زِي أَرْنُونْ أَڒْ يَابُّوقْ، أَڒْ أَيْثْ ن عَامُّونْ، مِينْزِي جِّيهثْ ن أَيْثْ ن عَامُّونْ أَقَا-ث ذ [إِجّْ ن لْبُورْجْ] إِجهْذنْ.
NUM 21:25 إِكْسِي إِسْرَائِيل مَارَّا ثِيندَّامْ-أَ ؤُشَا إِزْذغْ إِسْرَائِيل ذِي مَارَّا ثِيندَّامْ ن إِمُورِييّنْ، ذِي حَاشْبُونْ ؤُ ذِي مَارَّا ثْندَّامْ إِ غَارسْ د-إِقّْننْ.
NUM 21:26 مِينْزِي حَاشْبُونْ ثُوغَا ذ ثَانْذِينْثْ ن سِيحُونْ، أَجدْجِيذْ ن إِمُورِييّنْ، ؤُشَا نتَّا ثُوغَا إِمّْنغْ أَكْ-ذ ؤُجدْجِيذْ إِ ذ أَسْ د-إِزْوَارنْ ن مُوآبَ ؤُشَا إِكْسِي زَّايسْ مَارَّا ثَامُّورْثْ نّسْ أَڒْ أَرْنُونْ.
NUM 21:27 خْ ؤُيَا قَّارنْ إِنِّي إِسَّاوَاڒنْ س وَاوَاڒنْ إِوزْننْ: ”أَسمْ-د غَارْ حَاشْبُونْ، أَذْ ثتّْوَابْنَا ؤُ أَذْ ثتّْوَاعْذڒْ ثنْذِينْثْ ن سِيحُونْ!
NUM 21:28 مِينْزِي ثفّغْ-د ثْمسِّي زِي حَاشْبُونْ ذ إِجّْ ن ؤُعشَّاڒْ زِي ثنْذِينْثْ ن سِيحُونْ، أَشعَّاڒْ نِّي إِشَّا عَارْ ن أَيْثْ ن مُوآبَ ڒْْحُوكَّامْ ن ڒُوعْڒَاثْ ن أَرْنُونْ.
NUM 21:29 ؤُشْثْ خَاكْ، مُوآبَ! أَقَا إِتّْوَاهلّكْ ڒْڭنْسْ ن كَامُوشْ. إِحنْجِيرنْ نّسْ إِ ثُوغَا يَاروْڒنْ ذ ثْحنْجِيرِينْ نّسْ، أَقَا إِسلّمْ إِ-ثنْ ذ إِمحْبَاسْ إِ سِيحُونْ، أَجدْجِيذْ ن إِمُورِييّنْ.
NUM 21:30 أَقَا نوّثْ إِ-ثنْ س فْڒِيثْشَاثْ. حَاشْبُونْ إِتّْوَاهلّكْ أَڒْ ذِيبُونْ. نَاردّدْجْ إِ-ثنْ أَڒْ نُوفَاحْ ثنِّي إِدْجَانْ أَڒْ مِيذَابَا.“
NUM 21:31 أَمُّو إِ إِذْوڒْ إِسْرَائِيل أَذْ إِزْذغْ ذِي ثمُّورْثْ ن إِمُورِييّنْ.
NUM 21:32 ؤُشَا إِسّكّْ مُوسَا إِبرْڭَاڭنْ غَارْ يَاعْزِيرْ ؤُشَا كْسِينْ ثِيندَّامْ إِ غَارسْ د-إِقّْننْ ؤُشَا كّْسنْ ثَاسْغَارْثْ ن إِمُورِييّمْ نِّي ثُوغَا ذِينْ [إِزدّْغنْ].
NUM 21:33 [خنِّي] ميّْڒنْ زڭْ وبْرِيذْ نْسنْ، ؤُڒْينْ أَبْرِيذْ غَارْ بَاشَانْ. [خنِّي] إِفّغْ-د عُوجْ، أَجدْجِيذْ ن بَاشَانْ، نتَّا ذ مَارَّا ڒْڭنْسْ نّسْ، مَاحنْذْ أَذْ كِيذْسنْ إِمْسَاڭَارْ إِ ؤُمنْغِي ذِي إِذْرَاعِي.
NUM 21:34 إِنَّا سِيذِي إِ مُوسَا: ”وَارْ زَّايسْ تّڭّْوذْ شَا، مِينْزِي نشّْ ڭِّيغْ ث ذڭْ ؤُفُوسْ نّشْ، أَكْ-ذ مَارَّا ڒْڭنْسْ نّسْ ذ ثمُّورْثْ نّسْ ؤُشَا أَذْ زَّايسْ ثڭّذْ أَمْ مَامّشْ ثڭِّيذْ زِي سِيحُونْ أَجدْجِيذْ ن إِمُورِييّنْ، ونِّي ثُوغَا إِزدّْغنْ ذِي حَاشْبُونْ.“
NUM 21:35 ؤُشَا أَردّْدْجنْ ث، نتَّا ذ إِحنْجِيرنْ نّسْ ذ مَارَّا ڒْڭنْسْ نّسْ، أَڒْ مَانِي وَارْ إِقِّيمْ ؤُڒَا ذ إِجّْ ن ؤُمَاڒْوَارْ زَّايسْ ؤُشَا كْسِينْ ثَامُّورْثْ نّسْ ذ ڒْوَارْثْ.
NUM 22:1 [خنِّي] فسْينْ أَيْثْ ن إِسْرَائِيل إِقِيضَانْ نْسنْ ؤُشَا وْثِينْ إِقِيضَانْ نْسنْ ذِي ڒوْضَاثْ ن مُوآبَ، أَرنْذَاذْ ن أَرِيحَا نِّي إِدْجَانْ خْ ؤُجمَّاضْ ن لْ-ؤُرْذُونْ.
NUM 22:2 ؤُشَا إِژْرَا بَالَاقْ، مِّيسْ ن صِيفُّورْ، مَارَّا مِينْ إِڭَّا إِسْرَائِيل ذڭْ إِمُورِييّنْ.
NUM 22:3 مُوآبَ ثُوغَا إِتّڭّْوذْ أَطَّاسْ زِي ڒْڭنْسْ-أَ، مِينْزِي ثُوغَا أَثنْ ذڭْ وَاطَّاسْ. مُوآبَ ثُوغَا إِتّْنخْڒَاعْ زڭْ أَيْثْ ن إِسْرَائِيل.
NUM 22:4 [خنِّي] إِنَّا مُوآبَ إِ إِمْغَارنْ ن مِيذْيَانْ: ”ڒخُّو ڒْغَاشِي-يَا أَذْ إِڒْسحْ مَارَّا مِينْ ذ أَنغْ-د إِنّْضنْ، أَمْ مَامّشْ إِڒسّحْ ؤُفُونَاسْ ثَازِييْزَاوْثْ ن ييَّارْ.“ [ثُوغَا] بَالَاقْ، مِّيسْ ن صِيفُّورْ، أَجدْجِيذْ ن مُوآبَ.
NUM 22:5 إِسّكّْ إِرقَّاسنْ غَارْ بَالْعَامْ، مِّيسْ ن بَاعُورْ، غَارْ [ثنْذِينْثْ ن] فَاثُورْ غَارْ يغْزَارْ [ن لْفُورَاطْ]، [ذِي] ثمُّورْثْ ن أَيْثْ ن ڒْڭنْسْ نّسْ، مَاحنْذْ أَذْ أَسْ د-ڒَْاغَانْ ؤُشَا [نتَّا] إِنَّا: ”خْزَارْ، إِفّغْ-د إِجّْ ن ڒْڭنْسْ زِي مِيصْرَا ؤُشَا خْزَارْ، أَقَا إِذْڒَا ؤُذمْ ن ثمُّورْثْ ؤُشَا أَقَا نِيثْنِي زدّْغنْ نِيشَانْ أَرنْذَاذْ إِنُو.
NUM 22:6 أَسْ-د ڒخُّو، نْعڒْ ڒْڭنْسْ ذِي طّْوعْ إِنُو، مِينْزِي أَقَا إِجْهذْ خَافِي. أَذْ ثَاغْ نشّْ زمَّارغْ أَذْ ثغڒْبغْ نِيغْ أَذْ ث سُّوفّْغغْ زِي ثمُّورْثْ، مِينْزِي نشّْ سّْنغْ بلِّي وِي غَا ثْبَارْكذْ شكْ، أَذْ إِتّْوَابَاركْ ؤُ وِي غَا ثْنعْڒذْ، أَذْ إِتّْوَانْعڒْ.“
NUM 22:7 [خنِّي] رُوحنْ إِمْغَارنْ ن مُوآبَ ذ إِمْغَارنْ ن مِيذْيَانْ أَكْ-ذ ڒْمُونثْ ن ؤُعزّمْ ذڭْ ؤُفُوسْ نْسنْ، إِوْضنْ غَارْ بَالْعَامْ ؤُشَا سِّيوْڒنْ أَكِيذسْ [س] وَاوَاڒنْ ن بَالَاكْ.
NUM 22:8 نتَّا إِنَّا أَسنْ: ”سنْسمْ ذَا دْجِيڒثْ-أَ، [خنِّي] نشّْ أَذْ خَاومْ د-أَرّغْ أَمْ مَامّشْ غَارِي غَا إِسِّيوڒْ سِيذِي.“ [خنِّي] قِّيمنْ ڒْحُوكَّامْ ن مُوآبَ غَارْ بَالْعَامْ.
NUM 22:9 يُوسَا-د أَربِّي غَارْ بَالْعَامْ، إِنَّا: ”مِينْ عْنَانْ إِرْيَازنْ نِّي إِدْجَانْ أَكِيذكْ؟“
NUM 22:10 إِنَّا بَالْعَامْ إِ أَربِّي: ”بَالَاكْ، مِّيسْ ن صِيفُّورْ، أَجدْجِيذْ ن مُوآبَ، إِسّكّْ إِ-ثنْ-د غَارِي، [إِنَّا]:
NUM 22:11 ’خْزَارْ، إِجّْ ن ڒْڭنْسْ إِفّغْ-د زِي مِيصْرَا ؤُ أَقَا إِذْڒَا ؤُذمْ ن ثمُّورْثْ. أَسْ-د، نْعڒْ إِ-ث ذِي طّْوعْ إِنُو. أَذْ ثَاغْ زمَّارغْ [خنِّي] أَذْ كِيسنْ منْغغْ نِيغْ أَذْ ثنْ سُّوفّْغغْ.‘ “
NUM 22:12 إِنَّا أَربِّي إِ بَالْعَامْ: ”وَارْ تّْرِيحْ كِيسنْ نِيغْ أَذْ ثْنعْڒذْ ڒْڭنْسْ نِّي، مِينْزِي ڒْڭنْسْ أَقَا إِتّْوَابَاركْ.“
NUM 22:13 [خنِّي] إِكَّارْ بَالْعَامْ ذِي صّْبحْ ؤُشَا إِنَّا إِ ڒْحُوكَّامْ ن بَالَاكْ: ”ذوْڒمْ-د غَارْ ثمُّورْثْ نْومْ، مِينْزِي سِيذِي وَارْ ذ أَيِي إِسْمِيحْ حِيمَا أَذْ رَاحغْ أَكِيذْومْ.“
NUM 22:14 [خنِّي] كَّارنْ ڒْحُوكَّامْ ن مُوآبَ ؤُشَا ذوْڒنْ-د غَارْ بَالَاكْ ؤُشَا نَّانْ: ”بَالْعَامْ يُوڭِي أَذْ د-يَاسْ أَكِيذْنغْ.“
NUM 22:15 إِسّكّْ بَالَاكْ عَاوذْ ڒْحُوكَّامْ، [عَاذْ] كْثَارْ ؤُ [عَاذْ] ونِّي إِشنّْعنْ كْثَارْ خْ يِينَا [إِمزْوُورَا].
NUM 22:16 ؤُسِينْ-د غَارْ بَالْعَامْ، نَّانْ: ”أَمُّو إِ إِقَّارْ بَالَاكْ، مِّيسْ ن صِيفُّورْ: ’تّْزَاوْڭغْ شكْ، وَارْ تّجِّي إِخفْ نّشْ مَاحنْذْ وَارْ غَارِي د-تَّاسذْ،
NUM 22:17 مِينْزِي أَذْ شكْ كَارّْمغْ س وَاطَّاسْ ؤُشَا أَذْ ڭّغْ مَارَّا مِينْ ذ أَيِي غَا ثِينِيذْ. تّْزَاوْڭغْ شكْ، أَسْ-د ؤُشَا نْعڒْ ڒْڭنْسْ-أَ ذِي طّْوعْ إِنُو!“
NUM 22:18 يَارَّا-د بَالْعَامْ ؤُشَا إِنَّا إِ إِمْسخَّارنْ ن بَالَاكْ: ”وَاخَّا بَالَاكْ أَذْ أَيِي إِوْشْ ثَادَّارْثْ نّسْ ثشُّورْ س نُّوقَارْثْ ذ وُورغْ، [عَاذْ] وَارْ زْمِيرغْ أَذْ فّْغغْ خْ ڒُومُورْ ن سِيذِي، أَربِّي إِنُو، [مَاحنْذْ أَذْ ڭّغْ] شَا ن ڒْحَاجّثْ ذ ثَامژْيَانْثْ نِيغْ شَا ن ڒْحَاجّثْ ذ ثَامقّْرَانْثْ.
NUM 22:19 [خنِّي] ڒخُّو، تّْزَاوَاڭغْ كنِّيوْ، قِّيممْ ذَانِيثَا دْجِيڒثْ-أَ حِيمَا أَذْ سّْنغْ مِينْ ذ أَيِي غَا يِينِي سِيذِي عَاذْ كْثَارْ.“
NUM 22:20 ذِي دْجِيڒثْ يُوسَا-د أَربِّي غَارْ بَالْعَامْ، إِنَّا أَسْ: ”مَاڒَا ذوْڒنْ-د يرْيَازنْ نِّي مَاحنْذْ أَذْ أَشْ د-ڒَْاغَانْ، كَّارْ [خنِّي] ؤُشَا رُوحْ أَكِيذْسنْ. مَاشَا وَارْ تّڭّْ مْغِيرْ مِينْ ذ أَشْ غَا إِنِيغْ.“
NUM 22:21 إِكَّارْ بَالْعَامْ غَارْ صّْبحْ ؤُشَا إِحزّمْ إِ ثغْيُوتْشْ نّسْ ؤُشَا يُويُورْ أَكْ-ذ ڒْحُوكَّامْ ن مُوآبَ.
NUM 22:22 [خنِّي] يَارْغَا وغْضَابْ ن أَربِّي، مِينْزِي نتَّا إِرُوحْ ؤُشَا لْمَالَاكْ ن سِيذِي إِبدّْ ذڭْ وبْرِيذْ [أَمْ] شِّيطَانْ ضِيدّْ نّسْ. نتَّا إِنْيَا خْ ثغْيُوتْشْ نّسْ ؤُشَا ثْنَاينْ ن إِمْسخَّارنْ ثُوغَا أَثنْ أَكِيذسْ.
NUM 22:23 ؤُشَا ثَاغْيُوتْشْ ثژْرَا لْمَالَاكْ ن سِيذِي إِبدّْ ذڭْ وبْرِيذْ س سِّيفْ نّسْ إِتّْوَاجبْذنْ ذڭْ ؤُفُوسْ نّسْ. س ؤُينِّي ثڒْحمْ ثغْيُوتْشْ زڭْ وبْرِيذْ ؤُشَا ثُويُورْ ذڭْ إِيَّارْ. [خنِّي] إِوْثَا بَالْعَامْ ثَاغْيُوتْشْ حِيمَا أَذْ ت يَارّْ غَارْ وبْرِيذْ.
NUM 22:24 مَاشَا لْمَالَاكْ ن سِيذِي إِبدّْ ذڭْ إِشْثْ ن ثبْرِيذْثْ ثحْصَارْ جَارْ إِمَارْجَاعنْ ن ؤُضِيڒْ س يِيجّْ ن وغْبَارْ غَارْ طَّارْفْ ذ إِجّْ ن وغْبَارْ غَارْ طَّارْفْ نّغْنِيثْ.
NUM 22:25 ؤُمِي ثژْرَا ثغْيُوتْشْ لْمَالَاكْ ن سِيذِي، ثڒْصقْ غَارْ وغْبَارْ ؤُشَا إِتّْوَاحْصَارْ ؤُضَارْ ن بَالْعَامْ أَكْ-ذ وغْبَارْ ؤُشَا نتَّا إِقِّيمْ إِشَّاثْ إِ-ت.
NUM 22:26 [ؤُشَا] إِرُوحْ لْمَالَاكْ ن سِيذِي غَارْ زَّاثْ ؤُشَا إِبدّْ ذڭْ إِجّْ ن ومْشَانْ إِحْصَارْ أَطَّاسْ أَڒْ مَانِي وَارْ إِتّْوِيفْ تَّاسِيعْ مَاحنْذْ أَذْ إِحيّذْ [غَارْ] يفُوسْ ؤُڒَا [غَارْ] ؤُزڒْمَاضْ.
NUM 22:27 ؤُمِي ثژْرَا ثغْيُوتْشْ لْمَالَاكْ ن سِيذِي، ثْبَارْشْ سَاذُو بَالْعَامْ ؤُشَا بَالْعَامْ إِخيّقْ أَطَّاسْ ؤُشَا إِفَارْشْ ثَاغْيُوتْشْ س يِيجّْ ن ؤُكشُّوضْ.
NUM 22:28 [خنِّي] يَارْزمْ سِيذِي أَقمُّومْ ن ثغْيُوتْشْ ؤُشَا ثنَّا إِ بَالْعَامْ: ”مِينْ ذ أَشْ ڭِّيغْ ؤُمِي ذ أَيِي ثْفَارْشذْ [ڒخُّو عَاذْ] ثْڒَاثَا ن إِمُورنْ؟“
NUM 22:29 [خنِّي] إِنَّا بَالْعَامْ إِ ثغْيُوتْشْ: ”مِينْزِي شمْ ثْبُوصَارذْ خَافِي. مْڒِي غَارِي سِّيفْ ذڭْ ؤُفُوسْ إِنُو، أَذْ ثِيڒِي خنِّي نْغِيغْ شمْ!“
NUM 22:30 ثنَّا ثغْيُوتْشْ إِ بَالْعَامْ: ”مَا وَارْ دْجِيغْ نشّْ ثَاغْيُوتْشْ نّشْ إِ خفْ ثنْيِيذْ زڭْ وَامِي نشّْ غَاركْ دْجِيغْ أَڒْ أَسّْ-أَ؟ مَا أَقَا نشّْ نُّومغْ تّڭّغْ أَكْ كِيكْ أَمُّو؟“ ؤُشَا يَارَّا-د [خَاسْ]: ”لَّ!“
NUM 22:31 خنِّي يَارْزمْ سِيذِي ثِيطَّاوِينْ ن بَالْعَامْ أَڒَامِي إِژْرَا لْمَالَاكْ ن سِيذِي إِبدّْ ذڭْ وبْرِيذْ س سِّيفْ نّسْ إِتّْوَاجبْذنْ ذڭْ ؤُفُوسْ نّسْ. [خنِّي] يُوضَارْ بَالْعَامْ، إِبنْذقْ س ؤُغمْبُوبْ نّسْ [غَارْ ثمُّورْثْ].
NUM 22:32 إِنَّا أَسْ لْمَالَاكْ ن سِيذِي: ”مَايمِّي ثوْثِيذْ ثَاغْيُوتْشْ نّشْ ثْڒَاثَا ن إِمُورنْ؟ خْزَارْ، أَقَا نشّْ فّْغغْ-د [أَمْ] إِجّْ ن وغْرِيمْ، مِينْزِي أَبْرِيذْ-أَ إِتّْضَارَّا أَيِي نشّْ نِيشَانْ.
NUM 22:33 ثژْرَا أَيِي ثغْيُوتْشْ ؤُشَا ثڒْحمْ خنِّي زِي زَّاثْ إِ وُوذمْ إِنُو ثْڒَاثَا ن إِمُورنْ. مَاڒَا وَارْ ثڒْحِيمْ زِي زَّاثْ إِ وُوذمْ إِنُو، [خنِّي] نشّْ أَذْ يِيڒِي أَقَا ڒخُّو نْغِيغْ شكْ ؤُ نتَّاثْ أَذْ ت جّغْ أَذْ ثدَّارْ.“
NUM 22:34 [خنِّي] إِنَّا بَالْعَامْ إِ لْمَالَاكْ ن سِيذِي: ”أَقَا نشّْ خْضِيغْ، مِينْزِي وَارْ سِّينغْ بلِّي شكْ ثْبدّذْ زَّاثِي ذڭْ وبْرِيذْ. عَاذْ ڒخُّو، مَاڒَا أَيَا ذ ڒْعِيبْ ذِي ثِيطَّاوِينْ نّشْ، نشّْ أَذْ د-ذوْڒغْ.“
NUM 22:35 إِنَّا لْمَالَاكْ ن سِيذِي إِ بَالْعَامْ: ”رُوحْ أَكْ-ذ إِوْذَانْ-أَ، مَاشَا سِيوڒْ وَاهَا مِينْ ذ أَشْ غَا إِنِيغْ نشّْ.“ [أَمُّو] إِرُوحْ بَالْعَامْ أَكْ-ذ ڒْحُوكَّامْ ن بَالَاكْ.
NUM 22:36 [ؤُمِي] بَالَاكْ إِسْڒَا، أَقَا بَالْعَامْ يُوسَا-د، إِرُوحْ حِيمَا أَذْ ث إِمّڒْقَا غَارْ ثَانْذِينْثْ ن مُوآبَ إِ إِدْجَانْ غَارْ جِّيهثْ ن ويْمِيرْ ن أَرْنُونْ، غَارْ طَّارْفْ ن جِّيهثْ ن ويْمِيرْ.
NUM 22:37 ؤُشَا بَالَاكْ إِنَّا إِ بَالْعَامْ: ”مَا وَارْ سّكّغْ نشّْ [إِوْذَانْ] أَذْ أَشْ د-ڒَْاغَانْ؟ مَايمِّي وَارْ غَارِي د-ثُوسِيذْ؟ مَا وَارْ زمَّارغْ نشّْ أَذْ شكْ كَارْمغْ؟“
NUM 22:38 [خنِّي] يَارَّا-د بَالْعَامْ خْ بَالَاكْ: ”خْزَارْ، نشّْ ؤُسِيغْ-د غَاركْ، [مَاشَا] مَا زمَّارغْ نشّْ ڒخُّو أَذْ سِّيوْڒغْ خْ شَا؟ أَوَاڒْ نِّي إِ غَا يڭّْ سِيذِي ذڭْ ؤُقمُّومْ إِنُو، أَذْ ث إِنِيغْ.“
NUM 22:39 ؤُشَا إِرُوحْ بَالْعَامْ أَكْ-ذ بَالَاكْ ؤُشَا ؤُسِينْ-د غَارْ قَارْيَاثْ-حَاصُوثْ.
NUM 22:40 [خنِّي] إِغَارْصْ بَالَاكْ إِ إِفُونَاسنْ ذ وُودْجِي، إِسّكّْ [زَّايْسنْ] غَارْ بَالْعَامْ ؤُ غَارْ ڒْحُوكَّامْ نِّي ثُوغَا أَكِيذسْ.
NUM 22:41 غَارْ صّْبحْ إِمْسَارْ بلِّي بَالَاكْ يِيوِي أَكِيسْ بَالْعَامْ ؤُشَا إِسِّيڒِي إِ-ث خْ ڒُوعْڒَاثْ ن بَاعْلْ مَانِي ثُوغَا إِزمَّارْ أَذْ إِژَارْ ڒْڭنْسْ أَڒْ طَّارْفْ إِڭّْوجنْ قَاعْ.
NUM 23:1 [خنِّي] إِنَّا بَالْعَامْ إِ بَالَاكْ: ”بْنَا سبْعَا ن إِعَالْطَارنْ ذَانِيثَا إِ نشّْ ؤُشَا سوْجذْ أَيِي سبْعَا ن إِفُونَاسنْ إِمژْيَاننْ ذ سبْعَا ن إِشَارِّييّنْ.“
NUM 23:2 بَالَاكْ إِڭَّا أَمْ مَامّشْ ذ أَسْ إِنَّا بَالْعَامْ ؤُشَا بَالَاكْ ذ بَالْعَامْ قدّْمنْ إِجّْ ن ؤُفُونَاسْ أَمژْيَانْ ذ إِجّْ ن إِشَارِّي خْ [كُوڒْ إِجّْ ن] ؤُعَالْطَارْ.
NUM 23:3 [خنِّي] بَالْعَامْ إِنَّا إِ بَالَاكْ: ”بدّْ [ذِينْ] زَّاثْ إِ ثْغَارْصْثْ ن وشْمَاضْ نّشْ، [خنِّي] نشّْ أَذْ رَاحغْ. أَذْ ثَاغْ أَذْ كِيذِي إِمْسَاڭَارْ سِيذِي ؤُشَا مَامّشْ مَا إِڭَّا وَاوَاڒْ نِّي ذ أَيِي غَا إِسّْشنْ، نشّْ أَذْ أَشْ ث-إِ-د-سَّارْڭْبغْ.“ [خنِّي] إِرُوحْ [بَالْعَامْ] غَارْ [ثْقِيشَّاثْ] ذ ثَاقشَّارْثْ [ن وذْرَارْ].
NUM 23:4 ؤُ إِمّڒْقَا أَربِّي أَكْ-ذ بَالْعَامْ ؤُشَا [نتَّا] إِنَّا أَسْ: ”أَقَا سّْوجْذغْ سبْعَا ن إِعَالْطَارنْ ؤُشَا قدّْمغْ إِجّْ ن ؤُفُونَاسْ أَمژْيَانْ ذ إِجّْ ن إِشَارِّي خْ [كُوڒْ إِجّْ ن] ؤُعَالْطَارْ.“
NUM 23:5 [خنِّي] إِڭَّا سِيذِي إِجّْ ن وَاوَاڒْ ذڭْ ؤُقمُّومْ ن بَالْعَامْ ؤُشَا إِنَّا: ”ذْوڒْ غَارْ بَالَاكْ ؤُشَا سِيوڒْ [أَكِيذسْ] أَمُّو.“
NUM 23:6 ؤُشَا [ؤُمِي] غَارسْ-د إِذْوڒْ، خْزَارْ، إِبدّْ زَّاثْ إِ ثْغَارْصْثْ ن وشْمَاضْ نّسْ، [جْمِيعْ] أَكْ-ذ مَارَّا ڒْحُوكَّامْ ن مُوآبَ.
NUM 23:7 [خنِّي] إِبْذَا إِقَّارْ أَوَاڒْ نّسْ إِوزْننْ، إِنَّا: ”زِي أَرَامْ إِنْذهْ أَيِي-د بَالَاكْ، أَجدْجِيذْ ن مُوآبَ، زڭْ إِذُورَارْ ن شَّارْقْ، إِنَّا: ’أَسْ-د، نْعڒْ أَيِي يَاعْقُوبْ، أَسْ-د، زَاوَارْ إِسْرَائِيل!‘
NUM 23:8 مَاشَا مَامّشْ غَا نعْڒغْ، ونِّي وَارْ إِتّْوَانعْڒنْ زِي أَربِّي، ؤُ مَامّشْ غَا زَاوَارغْ ونِّي وَارْ إِزَاوَارْ سِيذِي؟
NUM 23:9 مِينْزِي زِي ثْقِيشَّاثْ ن ثْصُوضَارْ ثْوَاڒِيغْ ث، ؤُشَا زِي ثِيوْرِيرِينْ خزَّارغْ ذَايسْ. أَقَا وَا ذ إِجّْ ن ڒْڭنْسْ إِزدّْغنْ وحّْذسْ ؤُ وَارْ إِحسّبْ إِخفْ نّسْ جَارْ ڒڭْنُوسْ.
NUM 23:10 وِي غَا إِحسْبنْ أَشَاڒْ ن يَاعْقُوبْ نِيغْ وِي إِ غَا إِحسْبنْ ڒْقدّْ ن إِجّْ ن أَرْبعْ زِي إِسْرَائِيل؟ أجّْ أَذْ إِمّثْ ڒعْمَارْ إِنُو ڒْموْثْ ن إِمْسڭَّاذنْ ؤُ أجّْ عَاوذْ أَذْ يِيڒِي ؤُنڭَّارْ ن ثُوذَارْثْ إِنُو أَذْ إِمْقُودَّا أَكِيذسْ!“
NUM 23:11 [خنِّي] إِنَّا بَالَاكْ إِ بَالْعَامْ: ”مِينْ ذ أَيِي ثڭِّيذْ؟ نشّْ إِوْيغْ شكْ حِيمَا أَذْ ثْنعْڒذْ ڒْعذْيَانْ إِنُو، [مَاشَا] خْزَارْ، أَقَا نِيشَانْ ثْبَارْكذْ إِ-ثنْ!“
NUM 23:12 نتَّا يَارَّا-د، إِنَّا: ”مَا وَارْ إِتّْخصِّي أَذْ حْضِيغْ مَاحنْذْ أَذْ سِّيوْڒغْ مِينْ إِڭَّا سِيذِي ذڭْ ؤُقمُّومْ إِنُو؟“
NUM 23:13 [خنِّي] إِنَّا بَالَاكْ: ”تّْزَاوْڭغْ شكْ أَذْ د-ثَاسذْ أَكِيذِي غَارْ إِجّْ ن ومْشَانْ نّغْنِي زِي مَانِيسْ غَا ثْژَارذْ ڒْڭنْسْ [عَاوذْ]. أَذْ ثْژَارذْ طّْرُوفَا نّسْ وَاهَا، وَارْ ث ثْژَارّذْ مَارَّا. سّنِّي أَذْ ث ثْنعْڒذْ ذِي طّْوعْ إِنُو!“
NUM 23:14 ؤُشَا يِيوْيِي إِ-ث غَارْ ڒوْضَا ن صُوفِيمْ خْ ثْقِيشَّاثْ ن فِيسْجَا ؤُشَا إِبْنَا [ذِينْ] سبْعَا ن إِعَالْطَارنْ ؤُشَا خْ [كُوڒْ إِجّْ ن] ؤُعَالْطَارْ إِقدّمْ إِجّْ ن ؤُفُونَاسْ أَمژْيَانْ ذ إِجّْ ن إِشَارِّي.
NUM 23:15 نتَّا إِنَّا إِ بَالَاكْ: ”مَاڒَا شكْ أَذْ ثْبدّذْ ذَا زَّاثْ إِ ثْغَارْصْثْ نّشْ ن وشْمَاضْ، خنِّي نشّْ أَذْ [كِيسْ] مّْسَاڭَارغْ ذِينْ.“
NUM 23:16 ؤُشَا إِمْسَاڭَارْ سِيذِي أَكْ-ذ بَالْعَامْ ؤُشَا إِڭَّا إِجّْ ن وَاوَاڒْ ذڭْ ؤُقمُّومْ نّسْ، إِنَّا: ”ذْوڒْ غَارْ بَالَاكْ ؤُشَا إِنِي أَسْ أَمُّو.“
NUM 23:17 ؤُشَا نتَّا يُوسَا-د غَارسْ، ؤُ خْزَارْ، نتَّا ثُوغَا إِبدّْ زَّاثْ إِ ثْغَارْصْثْ ن وشْمَاضْ نّسْ ؤُشَا ڒْحُوكَّامْ ن مُوآبَ بدّنْ زَّاثسْ. إِنَّا أَسْ بَالَاكْ: ”مِينْ إِنَّا سِيذِي؟“
NUM 23:18 [خنِّي] إِبْذَا نتَّا أَوَاڒْ نّسْ إِوزْننْ، إِنَّا: ”كَّارْ، بَالَاكْ، سْحسّْ! سڒْ غَارِي، شكْ، مِّيسْ ن صِيفُّورْ!
NUM 23:19 أَربِّي وَارْ إِدْجِي ذ مِّيسْ ن بْنَاذمْ، مَاحنْذْ زعْمَا أَذْ إِسّْخَارِّيقْ، نِيغْ ذ مِّيسْ ن بْنَاذمْ مَاحنْذْ زعْمَا أَذْ ث إِڒْقفْ ونْذَامْ. مَا أَذْ يِينِي ؤُشَا وَارْ ت إِتّڭّْ، نِيغْ أَذْ إِسِّيوڒْ ؤُشَا وَارْ ت إِتّْكمِّيڒْ؟
NUM 23:20 خْزَارْ، أَقَا طّْفغْ ڒُْومُورْ حِيمَا أَذْ بَارْكغْ. ؤُمِي إِبَاركْ نتَّا، نشّْ وَارْ زمَّارغْ أَذْ د-أَرّغْ أَيَا.
NUM 23:21 وَارْ إِتّْوِيڒِي ڒْمُوعْصِييّثْ ن يَاعْقُوبْ ؤُ ڒغْبنْ ن إِسْرَائِيل وَارْ ث إِژَارْ. سِيذِي، أَربِّي نّسْ، أَقَا-ث أَكِيذسْ ؤُشَا أَسُوضِي سْ وسْرُودّحْ ذِي ڒْبُوقْ ذِي طّْوعْ ن ؤُجدْجِيذْ أَقَا-ث ذَايسْ.
NUM 23:22 أَربِّي إِسُّوفّغْ إِ-ثنْ-د زِي مِيصْرَا. نتَّا إِ نِيثْنِي أَمْ وَاشَّاونْ إِزِيرَارنْ ن إِغَايْضْ ن ڒخْڒَا.
NUM 23:23 أَقَا زعْمَا وَارْ ذِينْ أَعزّمْ ذِي يَاعْقُوبْ ؤُ وَارْ ذِينْ ثَاڭزَّانْثْ ذِي إِسْرَائِيل. ثَا ذ ڒْوقْثْ إِ ذِي ثتّْوَانَّا خْ يَاعْقُوبْ ذ إِسْرَائِيل: ’أَقَا خْزَارْ، مِينْ إِڭَّا أَربِّي!‘
NUM 23:24 أَقَا ذَا، ڒْڭنْسْ أَذْ إِكَّارْ أَمْ ثيْرَاذْثْ ؤُ أَذْ د-إِڭعّذْ أَمْ ويْرَاذْ. وَارْ إِسّزّڒْ إِخفْ نّسْ أَڒْ غَا يشّْ ثَايْمَارْثْ نّسْ ؤُشَا أَذْ إِسُّو إِذَامّنْ ن مِينْ إِمزّقْ.“
NUM 23:25 [خنِّي] إِنَّا بَالَاكْ إِ بَالْعَامْ: ”مَاڒَا [خنِّي] وَارْ ثخْسذْ قَاعْ أَذْ ث ثْنعْڒذْ، وَارْ ث تّْبَارَاكْ شَا عَاوذْ.“
NUM 23:26 بَالْعَامْ يَارَّا-د، إِنَّا إِ بَالَاكْ: ”مَا وَارْ ذ أَشْ نِّيغْ: ’مَارَّا مِينْ ذ أَيِي غَا يِينِي سِيذِي، أَذْ ث ڭّغْ؟‘ “
NUM 23:27 [خنِّي] إِنَّا بَالَاكْ إِ بَالْعَامْ: ”تّْزَاوْڭغْ شكْ أَذْ د-ثَاسذْ، أَذْ شكْ أَوْيغْ غَارْ إِجّْ ن ومْشَانْ نّغْنِي. أَذْ ثَاغْ أَذْ يِيڒِي نِيشَانْ ذِي ثِيطَّاوِينْ ن أَربِّي مَاڒَا أَذْ ث ثْنعْڒذْ سّنِّي ذِي طّْوعْ إِنُو.“
NUM 23:28 ؤُشَا بَالَاكْ إِنْذهْ بَالْعَامْ غَارْ ثْقِيشَّاثْ ن فَاغُورْ نِّي إِخزَّارنْ غَارْ ثْنزْرُوفْثْ.
NUM 23:29 [خنِّي] إِنَّا بَالْعَامْ إِ بَالَاكْ: ”بْنَا ذَانِيثَا سبْعَا ن إِعَالْطَارنْ ؤُشَا سوْجذْ أَيِي ذَانِيثَا سبْعَا ن إِفُونَاسنْ إِمژْيَاننْ ذ سبْعَا ن إِشَارِّييّنْ.“
NUM 23:30 بَالَاكْ إِڭَّا أَمْ مَامّشْ ذ أَسْ إِنَّا بَالْعَامْ ؤُشَا خْ كُوڒْ إِجّْ ن ؤُعَالْطَارْ إِقدّمْ [ذِينْ] إِجّْ ن ؤُفُونَاسْ أَمژْيَانْ ذ إِجّْ ن إِشَارِّي.
NUM 24:1 إِژْرَا بَالْعَامْ بلِّي أَقَا يَارْضَا إِ ثِيطَّاوِينْ ن سِيذِي ؤُمِي إِبَاركْ إِسْرَائِيل ؤُشَا [خنِّي] وَارْ يَارزُّو، أَمْ ؤُمُورْ [أَمزْوَارُو] ذ ؤُمُورْ [وِيسّْ ثْنَاينْ]، حِيمَا [أَذْ إِعزّمْ] س إِفِيغْرَانْ، مَاشَا يَارَّا ؤُذمْ نّسْ غَارْ ڒخْڒَا.
NUM 24:2 [ؤُمِي] إِسّْڭعّذْ ثَامُوغْڒِي نّسْ، إِژْرَا إِسْرَائِيل إِزْذغْ [ذِينْ]، [ثتّْوَاستّفْ] عْلَاحْسَابْ ثِيقبَّاڒْ نّسْ، [خنِّي] يُوسَا-د أَرُّوحْ ن أَربِّي خَاسْ.
NUM 24:3 إِبْذَا نتَّا أَوَاڒْ نّسْ إِوزْننْ، إِنَّا: ”أَوَاڒْ ن بَالْعَامْ، مِّيسْ ن بَاعُورْ، أَوَاڒْ ن ورْيَازْ إِجهْذنْ، ونِّي ؤُمِي ثقّنْ ثِيطّْ،
NUM 24:4 إِجّْ ن وَاوَاڒْ ن ونِّي إِسْڒِينْ أَوَاڒنْ ن أَربِّي، ذ ونِّي إِخزَّارنْ ڒوْحِييْ ن ؤُمْزمَّارْ خْ كُوڒْشِي، أَمْ د-إِوْضَا س ثِيطَّاوِينْ يَارزْمنْ.
NUM 24:5 أَ يَاعْقُوبْ، مشْحَاڒْ صبْحنْ إِقِيضَانْ نّشْ، ذ ثْزذِّيغِينْ نّشْ، أَ إِسْرَائِيل!،
NUM 24:6 أَقَا سّْوِيژَّاضنْ أَمشْنَاوْ ثِيغْزُورِينْ، أَمشْنَاوْ أَغمُّويْ إِشوَّارنْ أَكْ-ذ يغْزَارْ، أَمشْنَاوْ أَشْفِيڒْ نِّي إِژُّو سِيذِي، أَمشْنَاوْ ثِيشجُّورَا ن ثنْڭلْثْ زَّاثْ إِ وَامَانْ.
NUM 24:7 زڭْ إِبُوقَاڒنْ نّسْ أَذْ سِّيزّْڒنْ وَامَانْ ؤُشَا زَّارِيعثْ نّسْ أَذْ ثِيڒِي ذِي ثُوفّثْ. أَجدْجِيذْ نّسْ أَذْ إِتّْوَاسّْڭعّذْ خْ أَجَاجْ ؤُ ثَاڭلْذِيثْ نّسْ أَذْ ثتّْوَاسُّوعْڒَا.
NUM 24:8 أَربِّي إِسُّوفّغْ إِ-ث-إِ-د زِي مِيصْرَا. جّهْذْ نّسْ أَمْ وَاشَّاونْ إِزِيرَارنْ ن إِغَايْضْ ن ڒخْڒَا. أَذْ يشّْ ڒڭْنُوسْ، إِغْرِيمنْ نّسْ، أَذْ إِڒْبزْ إِغُوسَّانْ نْسنْ ؤُشَا أَذْ ثنْ إِسّْنُوقّبْ س فْڒِيثْشَاثْ نّسْ.
NUM 24:9 أَقَا إِغْنسْ، إِسّزّڒْ إِخفْ نّسْ أَمْ ويْرَاذْ، أَمْ ثيْرَاذْثْ. وِي ث إِ د غَا إِسّكَّارنْ؟ ونِّي شكْ إِتّْبَارْكنْ، أَذْ إِتّْوَابَاركْ ؤُ ونِّي شكْ إِنعّْڒنْ، أَذْ يِيڒِي إِتّْوَانْعڒْ!‘ “
NUM 24:10 [خنِّي] يَارْغَا ؤُخيّقْ ن بَالَاكْ خْ بَالْعَامْ. إِوْثَا نتَّا ذڭْ إِفَاسّنْ نّسْ ؤُشَا بَالَاكْ إِنَّا إِ بَالْعَامْ: ”أَقَا ڒَاغِيغْ-د شكْ مَاحنْذْ أَذْ ثْنعْڒذْ ڒْعذْيَانْ إِنُو، [مَاشَا] خْزَارْ، أَقَا ثْبَارْكذْ [إِ-ثنْ] عَاذْ نِيشَانْ ثْڒَاثَا ن إِمُورنْ!
NUM 24:11 خنِّي ڒخُّو، أَرْوڒْ غَارْ ومْشَانْ مَانِي ثْزدّْغذْ! نشّْ نِّيغْ أَشْ ث، أَذْ شكْ شنْعغْ أَطَّاسْ، [مَاشَا] خْزَارْ، سِيذِي إِمْنعْ خَاكْ شّنْعثْ نِّي!“
NUM 24:12 [خنِّي] إِنَّا بَالْعَامْ إِ بَالَاكْ: ”مَا وَارْ سِّيوْڒغْ أَكْ-ذ إِرقَّاسنْ نِّي ذ أَيِي د-ثسّكّذْ ؤُشَا نِّيغْ:
NUM 24:13 ’وَاخَّا بَالَاكْ أَذْ أَيِي إِوْشْ ثَادَّارْثْ نّسْ ثشُّورْ س نُّوقَارْثْ ذ وُورغْ، [خنِّي] نشّْ [عَاذْ] وَارْ زْمِيرغْ أَذْعذِّيغْ خْ ڒُومُورْ ن سِيذِي، مَاحنْذْ أَذْ ڭّغْ شَا ن ڒْحَاجّثْ ن ڒْخَارْ نِيغْ ن ڒْغَارْ [إِ د-إِتّفّْغنْ] زڭْ وُوڒْ إِنُو. مِينْ غَا يِينِي سِيذِي، أَذْ ث إِنِيغْ.‘
NUM 24:14 ڒخُّو خنِّي، خْزَارْ، نشّْ أَذْ د-ذوْڒغْ غَارْ ڒْڭنْسْ إِنُو. أَسْ-د، نشّْ أَذْ شكْ سَّارڭْبغْ خْ ڒفْهَامثْ ؤُشَا أَذْ أَشْ إِنِيغْ مِينْ ذ أَشْ غَا يڭّْ ڒْڭنْسْ-أَ ذڭْ ؤُنڭَّارْ ن وُوسَّانْ.“
NUM 24:15 [خنِّي] إِبْذَا نتَّا أَوَاڒْ إِوزْننْ نّسْ، إِنَّا: ”أَوَاڒْ ن بَالْعَامْ، مِّيسْ ن بَاعُورْ، أَوَاڒْ ن ورْيَازْ إِجهْذنْ، ونِّي ؤُمِي ثقّنْ ثِيطّْ!
NUM 24:16 ثَاوَاڒْثْ ن ونِّي إِسْڒِينْ أَوَاڒنْ ن أَربِّي، ذ ونِّي إِسّْننْ زِي ثُوسّْنَا ن ونِّي ذ أَمْعُودْجِي خْ كُوڒْشِي، ذ ونِّي إِخزَّارنْ ڒوْحِييْ ن ؤُمْزمَّارْ خْ كُوڒْشِي، أَمْ د-إِوْضَا س ثِيطَّاوِينْ يَارزْمنْ.
NUM 24:17 أَذْ ث ژَترْغْ، وَارْ إِدْجِي ڒخُّو، أَذْ ث ثْوَاڒِيغْ، مَاشَا وَارْ إِدْجِي زِي ڒَاذَاسثْ. أَذْ د-إِفّغْ إِثْرِي زِي يَاعْقُوبْ ؤُشَا أَذْ ثكَّارْ ؤُزدْجَاضْ ن ڒْحَاكمْ زِي إِسْرَائِيل، ونِّي إِ غَا إِڒبْزنْ لْحنْكَاثْ ن ؤُزدْجِيفْ ن مُوآبَ ؤُشَا أَذْ إِڒْبزْ مَارَّا ثَارْوَا ن سّْذعْ
NUM 24:18 ؤُشَا أَذْ إِتّْوَاطّفْ إِذُومْ ذ ڒْوَارْثْ ؤُ سَاعِيرْ، ونِّي ذ ڒعْذُو نّسْ، أَذْ ث طّْفنْ ذ ڒْوَارْثْ عَاوذْ، ؤُشَا أَمُّو إِ غَا يڭّْ إِسْرَائِيل س ثَارْيَاسْثْ.
NUM 24:19 ؤُ ونِّي إِ د غَا إِفّْغنْ زِي يَاعْقُوبْ أَذْ إِحْكمْ ؤُ نتَّا أَذْ إِسّْهلّكْ ونِّي يَاروْڒنْ زِي ثنْذِينْثْ.“
NUM 24:20 [ؤُمِي] نتَّا إِژْرَا عَامَالِيقْ، إِبْذَا أَوَاڒْ إِوزْننْ نّسْ، إِنَّا: ”عَامَالِيقْ ذ أَمزْوَارُو ن ڒڭْنُوسْ، مَاشَا أَنڭَّارُو نّسْ أَذْ إِذْوڒْ ذ أَهلّكْ!“
NUM 24:21 [ڒَْامِي] إِژْرَا إِقِينِييّنْ، إِبْذَا نتَّا أَوَاڒْ إِوزْننْ نّسْ، إِنَّا: ”ثَازذِّيغْثْ نّشْ ثمْثنْ ؤُشَا ثڭِّيذْ ڒْعُوشّْ نّشْ ذِي ثصْضَارْثْ.
NUM 24:22 عَاذْ قَايِينْ أَذْ إِتّْوَاسّشْمضْ. أَڒْ مڒْمِي إِزمَّارْ أَشُّورْ أَذْ أَشْ د-يَاوِي ذ أَمحْبُوسْ؟“
NUM 24:23 ؤُشَا إِبْذَا نتَّا أَوَاڒْ إِوزْننْ نّسْ، إِنَّا: ”أَيْ، وِي غَا إِقِّيمنْ إِدَّارنْ خْمِي خَاسْ إِ غَا إِسَّارْسْ أَربِّي مَانْ أَيَا؟
NUM 24:24 إِغَارُّوبَا زِي جّْوَايهْ ن كِيتِّيمْ أَذْغزَّانْ أَشُّورْ ؤُشَا أَذْغزَّانْ عَاوذْ عَابِيرْ ؤُ نتَّا أَذْ إِتّْوَاثحَّا.“
NUM 24:25 إِكَّارْ بَالْعَامْ، يُويُورْ ؤُشَا إِذْوڒْ غَارْ ومْشَانْ نّسْ [ن ثْزذِّيغْثْ]. ؤُڒَا ذ بَالَاكْ إِطّفْ أَبْرِيذْ نّسْ.
NUM 25:1 إِزْذغْ إِسْرَائِيل ذِي شِيطِّيمْ ؤُشَا إِبْذَا ڒْڭنْسْ أَذْ إِسّفْسذْ إِخفْ نّسْ أَكْ-ذ يسِّيسْ ن مُوآبَ.
NUM 25:2 عَارْضنْ-د ڒْڭنْسْ غَارْ ثْغَارْصِي ن إِربِّيثنْ نْسنْثْ ؤُشَا ڒْڭنْسْ إِشَّا [زَّايْسنْثْ]، ؤُشَا نِيثْنِي بنْذْقنْ إِ إِربِّيثنْ نْسنْثْ.
NUM 25:3 [أَمُّو] إِمُونْ ڒْڭنْسْ أَكْ-ذ بَاعْلْ-فَاغُورْ ؤُشَا يَارْغَا وغْضَابْ ن سِيذِي خْ إِسْرَائِيل.
NUM 25:4 إِنَّا سِيذِي إِ مُوسَا: ”كْسِي مَارَّا [إِرْيَازنْ نِّي إِدْجَانْ] ذ إِزدْجِيفنْ نْ ڒْڭنْسْ ؤُشَا أَيڒْ إِ-ثنْ زَّاثْ إِ سِيذِي ذِي ثْفُوشْثْ [إِحَارّنْ]، [خنِّي] أَذْ إِڭّْوجْ ڒْحَاذُوقْ ن وغْضَابْ ن سِيذِي خْ إِسْرَائِيل.“
NUM 25:5 [خنِّي] إِنَّا مُوسَا إِ ڒْقُوضَاثْ ن إِسْرَائِيل: ”أجّْ كُوڒْ إِجّْ أَذْ إِنغْ [إِنِّي] زِي جَارْ يرْيَازنْ نّسْ إِ إِمُوننْ أَكْ-ذ بَاعْلْ-فَاغُورْ!“
NUM 25:6 ؤُشَا خْزَارْ، إِجّْ ن ورْيَازْ زڭْ أَيْثْ ن إِسْرَائِيل يُوسَا-د ؤُشَا نتَّا يِيوِي-د إِشْثْ ن [ثمْغَارْثْ] ثْمِيذِييَانشْثْ غَارْ أَيْثْمَاسْ زَّاثْ إِ ثِيطَّاوِينْ ن مُوسَا ؤُ زَّاثْ إِ ثِيطَّاوِينْ ن مَارَّا ثَامسْمُونْثْ ن أَيْثْ ن إِسْرَائِيل، أَمْ تّْرُونْ نِيثْنِي غَارْ وَاذَافْ ن ؤُقِيضُونْ ن ؤُمْسَاڭَارْ.
NUM 25:7 إِژْرَا إِ-ث فِينَاحَاسْ، مِّيسْ ن أَلِيعَازَارْ، مِّيسْ ن هَارُونْ. نتَّا إِكَّارْ زِي ڒْوسْطْ ن ثْمسْمُونْثْ، إِكْسِي إِجّْ ن ؤُحْرِيشْ ذڭْ ؤُفُوسْ نّسْ
NUM 25:8 ؤُشَا إِرُوحْ أَوَارْنِي إِ ورْيَازْ زِي إِسْرَائِيل غَارْ ؤُقِيضُونْ س ڒْقُوبّثْ ؤُشَا إِسّْنُوقّبْ إِ-ثنْ س ثْنَاينْ، [أَمْ] ورْيَازْ نِّي زِي إِسْرَائِيل، أَمْ ثمْغَارْثْ س ؤُعذِّيسْ نّسْ. [خنِّي] ثْبدّْ جّْرِيحشْثْ خْ أَيْثْ ن إِسْرَائِيل.
NUM 25:9 ؤُشَا مُّوثنْ ذِي جّْرِيحشْثْ أَربْعَا ؤُ-عِيشْرِينْ-أَڒفْ [ن إِوْذَانْ].
NUM 25:10 إِسِّيوڒْ سِيذِي أَكْ-ذ مُوسَا، إِنَّا:
NUM 25:11 ”فِينحَاسْ، مِّيسْ ن أَلِيعَازَارْ، مِّيسْ ن هَارُونْ، أَكهَّانْ، إِسّڭّْوجْ أَسْعَارْ إِنُو خْ أَيْثْ ن إِسْرَائِيل، مِينْزِي نتَّا ثُوغَا إِمْحضْ [أَطَّاسْ] ذِي ڒْوسْطْ نْسنْ ذِي طّْوعْ ن ثُوسْمِي إِنُو [إِقدّْسنْ]، أَڒَامِي نشّْ وَارْ [هْذِيجغْ عَاذْ] أَذْ ثحِّيغْ أَيْثْ ن إِسْرَائِيل ذِي [ڒْوقْثْ ن] ثُوسْمِي إِنُو [إِقدّْسنْ].
NUM 25:12 س ؤُيَا إِنِي: ’خْژَارْ، نشّْ أَذْ أَسْ وْشغْ ڒْعَاهْذْ إِنُو ن ڒهْنَا.
NUM 25:13 إِ نتَّا ؤُ إِ زَّارِيعثْ نّسْ أَوَارْنِي أَسْ أَذْ غَارْسنْ يِيڒِي ڒْعَاهْذْ ن ثُوكهَّانْثْ إِ ڒبْذَا، مِينْزِي نتَّا ثُوغَا إِمْحضْ ذِي طّْوعْ ن أَربِّي نّسْ ؤُشَا إِڭَّا أَصْڒَاحْ ذِي طّْوعْ ن أَيْثْ ن إِسْرَائِيل.‘ “
NUM 25:14 إِسمْ ن ورْيَازْ ن إِسْرَائِيل نِّي إِنْغَا فِينحَاسْ، إِ ثُوغَا إِتّْوَانغْ [جْمِيعْ] أَكْ-ذ ثمْغَارْثْ ثَامِيذْيَانشْثْ، [ثُوغَا-ث] ذ زِيمْرِي، مِّيسْ ن سَالُو، إِجّْ ن ڒْحَاكمْ خْ ثَادَّارْثْ ن بَابَاثْسنْ، خْ إِشِيمْعُونِييّنْ.
NUM 25:15 إِسمْ ن ثمْغَارْثْ ثَامِيذْيَانِيشْثْ إِ ثُوغَا إِتّْوَانْغنْ [ثُوغَا-ت] كُوزْبِي، يدْجِيسْ ن صُورْ، ونِّي ذ إِجّْ ن ؤُزدْجِيفْ خْ ثْقبَّاڒْثْ ن ثَادَّارْثْ ن إِجّْ ن ثْبَابَاثْ ن إِمِيذْيَانِييّنْ.
NUM 25:16 إِسِّيوڒْ سِيذِي أَكْ-ذ مُوسَا، إِنَّا:
NUM 25:17 ”حْصَارمْ خْ إِمِيذْيَانِييّنْ ؤُشَاغلّْبمْ خَاسنْ،
NUM 25:18 مِينْزِي نِيثْنِي حْصَارنْ كنِّيوْ س ثحْرَايْمشْثْ نْسنْ س مِينْزِي كنِّيوْ زڒْغنْ زِي جِّيهثْ ن فَاغُورْ ذ كُوزْبِي، يدْجِيسْ ن ڒْحَاكمْ ن مِيذْيَانْ، ؤُتْشْمَاثْسنْ، ثنِّي إِتّْوَانْغنْ ذڭْ وَاسّْ ن جّْرِيحشْثْ ذِي سِّيبّثْ ن فَاغُورْ.“
NUM 25:19 ؤُشَا أَوَارْنِي إِ جّْرِيحشْثْ إِمْسَارْ [مِينْ د-إِڭُّورنْ.]
NUM 26:1 إِسِّيوڒْ سِيذِي أَكْ-ذ مُوسَا ذ أَلِيعَازَارْ، مِّيسْ ن هَارُونْ، أَكهَّانْ، إِنَّا:
NUM 26:2 ”حسْبمْ مَارَّا ثَامسْمُونْثْ ن أَيْثْ ن إِسْرَائِيل، أَزدْجِيفْ [أَزدْجِيفْ]، زِي عِيشْڒِينْ ن إِسڭّْوُوسَا سنّجْ، [أَمْ تّْوَاستّْفنْ نِيثْنِي] عْلَاحْسَابْ ثَادَّارْثْ ن إِبَابَاثنْ نْسنْ، مَارَّا ونِّي د-إِتّفّْغنْ ذِي إِسْرَائِيل أَكْ-ذ ڒْعسْكَارْ.“
NUM 26:3 مُوسَا ذ أَلِيعَازَارْ، أَكهَّانْ، سِّيوْڒنْ أَكِيذْسنْ ذِي ڒوْضَاثْ ن مُوآبَ، غَارْ لْ-ؤُرْذُونْ [أَرنْذَاذْ ن] أَرِيحَا ؤُشَا نَّانْ:
NUM 26:4 ”زِي عِيشْڒِينْ ن إِسڭّْوُوسَا سنّجْ!“ أَمْ مَامّشْ [ث] يُومُورْ سِيذِي إِ مُوسَا. [إِنَا ذ] أَيْثْ ن إِسْرَائِيل نِّي ثُوغَا د-إِفّْغنْ زِي ثمُّورْثْ ن مِيصْرَا:
NUM 26:5 رُوبِينْ ثُوغَا ذ أَمنْزُو ن إِسْرَائِيل. أَقَا إِنَا ذ إِحنْجِيرنْ ن رُوبِينْ: [زِي] حَانُوكْ ڒَادْجْ ن إِحَانُوكِييّنْ، زِي فَالُّو ڒَادْجْ ن إِفَالُّووِييّنْ،
NUM 26:6 زِي حَاصْرُونْ ڒَادْجْ ن إِحَاصْرُونِييّنْ، زِي كَارْمِي ڒَادْجْ ن إِكَارْمِييّنْ.
NUM 26:7 ثِينَا [ثُوغَا] ذ ڒَادْجَاثْ ن إِرُوبِينِييّنْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ثْڒَاثَا ؤُ-ربْعِينْ-أَڒفْ ؤُ-سبْعَا-مْيَا ؤُ-ثْڒَاثِينْ [ن يرْيَازنْ].
NUM 26:8 ثَارْوَا ن فَالُّو [ثُوغَا أَثنْ]: [مْغِيرْ] إِلِييَابْ.
NUM 26:9 [ثُوغَا] أَرَّاوْ ن إِلِييَابْ: نِيمُويِيلْ، ذَاثَانْ ذ أَبِيرَامْ. إِنَا، ذَاثَانْ ذ أَبِيرَامْ، ثُوغَا أَثنْ ذ إِمْڒَاغَانْ ن ثْمسْمُونْثْ إِنِّي إِغوّْغنْ ضِيدّْ إِ مُوسَا ذ هَارُونْ، [جْمِيعْ] أَكْ-ذ ؤُبَارُّو ن قُورَاحْ، ؤُمِيغوّْغنْ ضِيدّْ إِ سِيذِي.
NUM 26:10 ثَامُّورْثْ ثَارْزمْ أَقمُّومْ نّسْ ؤُشَا ثْسَارْضْ إِ-ثنْ، [جْمِيعْ] أَكْ-ذ قُورَاحْ، ڒَامِي إِمُّوثْ ؤُبَارُّو نِّي ؤُمِي ثِيمسِّي ثشَّا مِيثَاينْ ؤُ-خمْسِينْ ن يرْيَازنْ. ذوْڒنْ نِيثْنِي ذ إِجّْ ن وعْڒَامْ [إِسِّيڭّْوِيذنْ].
NUM 26:11 مَاشَا إِحنْجِيرنْ ن قُورَاحْ وَارْ مُّوثنْ شَا.
NUM 26:12 إِنَا ثُوغَا ذ إِحنْجِيرنْ ن شِيمْعُونْ عْلَاحْسَابْ ڒَادْجَاثْ نْسنْ: [زِي] نِيمُويِيلْ [إِقَّارْصْ] ڒَادْجْ ن إِنِيمُويِيلِييّنْ، زِي يَامِينْ ڒَادْجْ ن إِيَامِينِييّنْ، زِي يَاكِينْ ڒَادْجْ ن إِيَاكِينِييّنْ،
NUM 26:13 زِي زَارَاحْ ڒَادْجْ ن إِزَارَاحِييّنْ، زِي شَاوُولْ ڒَادْجْ ن إِشَاوُولِييّنْ.
NUM 26:14 ثِينَا [ثُوغَا] ذ ڒَادْجَاثْ ن إِشِيمْعُونِييّنْ: ثْنَاينْ ؤُ-عِيشْرِينْ-أَڒفْ ؤُ-مِيثَايْنْ [ن يرْيَازنْ].
NUM 26:15 إِنَا ثُوغَا ذ إِحنْجِيرنْ ن جَاذْ عْلَاحْسَابْ ڒَادْجَاثْ نْسنْ: [زِي] صِيفُونْ [إِقَّارْصْ] ڒَادْجْ ن إِصِيفُونِييّنْ، زِي حَاجِّي ڒَادْجْ ن إِحَاجِّيوِييّنْ، زِي شُونِي ڒَادْجْ ن إِشُونِييّنْ،
NUM 26:16 زِي ؤُزْنِي ڒَادْجْ ن إِيُوزْنِييّنْ، زِي عِيرِي ڒَادْجْ ن إِعِيرِييّنْ،
NUM 26:17 زِي أَرُوذْ ڒَادْجْ ن إِرُوذِييّنْ، زِي أَرِييِيلِي ڒَادْجْ ن إِرِييِيلِييّنْ.
NUM 26:18 ثِينَا [ثُوغَا أَثنْثْ ذ] ڒَادْجَاثْ ن جَاذْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي أَربْعِينْ-أَڒفْ ؤُ-خمْسَا-مْيَا.
NUM 26:19 أَيْثْ ن يَاهُوذَا [ثُوغَا أَثنْ ذ] عِيرْ ذ ؤُنَانْ. [مَاشَا] مُّوثنْ عِيرْ ذ ؤُنَانْ ذِي ثمُّورْثْ ن كنْعَانْ.
NUM 26:20 إِنَا ثُوغَا أَثنْ ذ إِحنْجِيرنْ ن يَاهُوذَا عْلَاحْسَابْ ڒَادْجَاثْ نْسنْ: [زِي] شَايْلَا [إِقَّارْصْ] ڒَادْجْ ن إِشِيلَايّنْ، زِي فَارِيصْ ڒَادْجْ ن إِفَارَاصِييّنْ، زِي زَارَاحْ ڒَادْجْ ن إِزَارَاحِييّنْ.
NUM 26:21 إِنَا ثُوغَا أَثنْ ذ إِحنْجِيرنْ ن فَارِيصْ: [زِي] حَاصْرُونْ [إِقَّارْصْ] ڒَادْجْ ن إِحَاصْرُونِييّنْ، زِي حَامُولْ ڒَادْجْ ن إِحَامُولِييّنْ.
NUM 26:22 ثِينَا [ثُوغَا أَثنْثْ ذ] ڒَادْجَاثْ ن يَاهُوذَا ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ستَّا ؤُ-سبْعِينْ-أَڒفْ ؤُ-خمْسَا-مْيَا [ن يرْيَازنْ].
NUM 26:23 إِنَا ثُوغَا أَثنْ ذ إِحنْجِيرنْ ن إِسَّاكَارْ عْلَاحْسَابْ ڒَادْجَاثْ نْسنْ: [زِي] ثُولَاعْ [إِقَّارْصْ] ڒَادْجْ ن إِثُولَاعِييّنْ، زِي بُووَا ڒَادْجْ ن إِپُووَانِييّنْ،
NUM 26:24 زِي يَاشُوبْ ڒَادْجْ ن إِيَاشُوبِييّنْ، زِي شِيمْرُونْ ڒَادْجْ ن إِشِيمْرُونِييّنْ.
NUM 26:25 ثِينَا [ثُوغَا أَثنْثْ ذ] ڒَادْجَاثْ ن إِسَّاكَارْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي أَربْعَا ؤُ-ستِّينْ-أَڒفْ ؤُ-ثڒْثْ-مْيَا [ن يرْيَازنْ].
NUM 26:26 إِنَا ثُوغَا أَثنْ ذ إِحنْجِيرنْ ن زابُولُونْ عْلَاحْسَابْ ڒَادْجَاثْ نْسنْ: [زِي] سَارِيذْ [إِقَّارْصْ] ڒَادْجْ ن إِسَارِيذِييّنْ، زِي إِلُونْ ڒَادْجْ ن إِلُونِييّنْ، زِي يَاحْلِييِيلْ ڒَادْجْ ن إِيَاحْلِييِيلِييّنْ.
NUM 26:27 ثِينَا [ثُوغَا أَثنْثْ ذ] ڒَادْجَاثْ ن إِزابُولُونِييّنْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ستِّينْ-أَڒفْ ؤُ-خمْسَا-مْيَا [ن يرْيَازنْ].
NUM 26:28 إِنَا ثُوغَا أَثنْ ذ إِحنْجِيرنْ ن يُوسُوفْ عْلَاحْسَابْ ڒَادْجَاثْ نْسنْ: مَانَاسَّا ذ إِفْرَايِيمْ.
NUM 26:29 إِنَا ثُوغَا أَثنْ ذ إِحنْجِيرنْ ن مَانَاسَّا: [زِي] مَاكِيرْ [إِقَّارْصْ] ڒَادْجْ ن إِمَاكِيرِييّنْ. مَاكِيرْ يجّْ-د جِيلْعَاذْ. زِي جِيلْعَاذْ [إِقَّارْصْ] ڒَادْجْ ن إِجِيلْعَاذِييّنْ.
NUM 26:30 إِنَا ثُوغَا أَثنْ ذ إِحنْجِيرنْ ن جِيلْعَاذْ: [زِي] إِعَازَارْ [إِقَّارْصْ] ڒَادْجْ ن إِعَازَارِييّنْ، زِي حَالَاقْ ڒَادْجْ ن إِحَالَاقِييّنْ،
NUM 26:31 زِي أَسْرِييِيلْ ڒَادْجْ ن إِسْرِييِيلِييّنْ، زِي شَاكَامْ ڒَادْجْ ن إِشَاكَامِييّنْ،
NUM 26:32 زِي شِيمِيذَاعْ ڒَادْجْ ن إِشِيمْذَاعِييّنْ، زِي حَافَارْ ڒَادْجْ ن إِحَافَارِييّنْ.
NUM 26:33 صَالُوفْحَاذْ، مِّيسْ ن حَافَارْ، وَارْ ثُوغِي غَارسْ شَا إِحنْجِيرنْ، مْغِيرْ ثِيحنْجِيرِينْ. [إِنَا ثُوغَا أَثنْ] ذ إِسْمَاونْ ن يسِّيسْ ن صَالُوفْحَاذْ: مَاحْلَا، نُوعَا، حُوجْلَا، مِيلْكَا ذ ثِيرْصَا.
NUM 26:34 ثِينَا [ثُوغَا أَثنْثْ ذ] ڒَادْجَاثْ ن مَانَاسَّا ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ثْنَاينْ ؤُ-خمْسِينْ-أَڒفْ ؤُ-سبْعَا-مْيَا [ن يرْيَازنْ].
NUM 26:35 إِنَا ثُوغَا أَثنْ ذ إِحنْجِيرنْ ن إِفْرَايِيمْ، عْلَاحْسَابْ ڒَادْجَاثْ نْسنْ: [زِي] شُوثَالَاحْ [إِقَّارْصْ] ڒَادْجْ ن إِشُوثَالَاحِييّنْ، زِي بَاكَارْ ڒَادْجْ ن إِبَاكَارِييّنْ، زِي ثَاحَانْ ڒَادْجْ ن إِثَاحَانِييّنْ.
NUM 26:36 إِنَا [ثُوغَا أَثنْ ذ] إِحنْجِيرنْ ن شُوثَالَاحْ: زِي عِيرَانْ ڒَادْجْ ن إِعِيرَانِييّنْ.
NUM 26:37 ثِينَا [ثُوغَا أَثنْثْ ذ] ڒَادْجَاثْ ن وَارَّاونْ ن إِفْرَايِيمْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ثْنَاينْ ؤُ-ثْڒَاثِينْ-أَڒفْ ؤُ-خمْسَا-مْيَا [ن يرْيَازنْ]. إِنَا ثُوغَا أَثنْ ذ أَرَّاونْ ن يُوسُوفْ، [تّْوَاستّْفنْ] عْلَاحْسَابْ ڒَادْجَاثْ نْسنْ.
NUM 26:38 إِنَا ثُوغَا أَثنْ ذ إِحنْجِيرنْ ن بِينْيَامِينْ عْلَاحْسَابْ ڒَادْجَاثْ نْسنْ: [زِي] بِيلَاعْ [إِقَّارْصْ] ڒَادْجْ ن إِبِيلَاعِييّنْ، زِي أَشْبِيلْ ڒَادْجْ ن إِشْبِيلِييّنْ، زِي أَحِيرَامْ ڒَادْجْ ن إِحِيرَامِييّنْ،
NUM 26:39 زِي شَافُوفَامْ ڒَادْجْ ن إِشَافُوفَامِييّنْ، زِي حُوفَامْ ڒَادْجْ ن إِحُوفَامِييّنْ.
NUM 26:40 إِنَا ثُوغَا أَثنْ ذ إِحنْجِيرنْ ن بَالَاعْ: أَرْذْ ذ نُوعْمَانْ. [زِي] أَرْذْ [إِقَّارْصْ] ڒَادْجْ ن إِرْذِييّنْ، زِي نُوعْمَانْ ڒَادْجْ ن إِنُوعْمَانِييّنْ.
NUM 26:41 إِنَا [ثُوغَا أَثنْ ذ] إِحنْجِيرنْ ن بِينْيَامِينْ، عْلَاحْسَابْ ڒَادْجَاثْ نْسنْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي خمْسَا ؤُ-ربْعِينْ-أَڒفْ ؤُ-ستَّا-مْيَا [ن يرْيَازنْ].
NUM 26:42 إِنَا ثُوغَا أَثنْ ذ إِحنْجِيرنْ ن ذَانْ عْلَاحْسَابْ ڒَادْجَاثْ نْسنْ: [زِي] شُوحَامْ [إِقَّارْصْ] ڒَادْجْ ن إِشُوحَامِييّنْ. ثِينَا [ثُوغَا] ذ ڒَادْجَاثْ ن ذَانْ، [تّْوَاستّْفنْثْ] عْلَاحْسَابْ ڒَادْجَاثْ نْسنْ.
NUM 26:43 مَارَّا ڒَادْجَاثْ ن إِشُوحَامِييّنْ، أَقَا إِنِّي زَّايْسنْ إِتّْوَاحسْبنْ ثُوغَا أَثنْ ذِي أَربْعَا ؤُ-ستِّينْ-أَڒفْ ؤُ-أَربْعَا-مْيَا [ن يرْيَازنْ].
NUM 26:44 إِنَا ثُوغَا أَثنْ ذ إِحنْجِيرنْ ن أَشِيرْ عْلَاحْسَابْ ڒَادْجَاثْ نْسنْ: [زِي] يِيمْنَا [إِقَّارْصْ] ڒَادْجْ ن إِيِيمْنِييّنْ، زِي يِيشْوِي ڒَادْجْ ن إِيِيشْوِييّنْ، زِي برِيعَا ڒَادْجْ ن إِبَارِيعِييّنْ.
NUM 26:45 إِنَا ثُوغَا أَثنْ ذ إِحنْجِيرنْ ن برِيعَا: [زِي] حَابِيرْ [إِقَّارْصْ] ڒَادْجْ ن إِحَابِيرِييّنْ، زِي مَالْكِييِيلْ ڒَادْجْ ن إِمَالْكِييِيلِييّنْ.
NUM 26:46 إِسمْ ن يدْجِيسْ ن أَشِيرْ ثُوغَا-ت ذ سَارَاحْ.
NUM 26:47 إِنَا [ثُوغَا أَثنْ] ذ إِحنْجِيرنْ ن أَشِيرْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ثْڒَاثَا ؤُ-خمْسِينْ-أَڒفْ ؤُ-أَربْعَا-مْيَا [ن يرْيَازنْ].
NUM 26:48 إِنَا ثُوغَا أَثنْ ذ إِحنْجِيرنْ ن نَافْثَالِي عْلَاحْسَابْ ڒَادْجَاثْ نْسنْ: [زِي] يَاحَاسْيِيلْ [إِقَّارْصْ] ڒَادْجْ ن إِيَاحَاسْلِييّنْ، زِي جُونِي ڒَادْجْ ن إِجُونِييّنْ،
NUM 26:49 زِي يَاصِيرْ ڒَادْجْ ن إِيَاصِيرِييّنْ، زِي شِيلِّيمْ ڒَادْجْ ن إِشِيلِّيمِييّنْ.
NUM 26:50 ثِينَا [ثُوغَا أَثنْثْ] ذ ڒَادْجَاثْ ن نَافْثَالِي، عْلَاحْسَابْ ڒَادْجَاثْ نْسنْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي خمْسَا ؤُ-ربْعِينْ أَڒَافْ ؤُ-أَربْعَا-مْيَا [ن يرْيَازنْ].
NUM 26:51 إِنَا ذ إِنِّي إِتّْوَاحسْبنْ زڭْ أَيْثْ ن إِسْرَائِيل: ستَّا-مْيَا ؤُ-وَاحِيثْ-أَڒفْ ؤُ-سبْعَا-مْيَا ؤُ-ثْڒَاثِينْ ن يرْيَازنْ.
NUM 26:52 إِسِّيوڒْ سِيذِي أَكْ-ذ مُوسَا، إِنَّا:
NUM 26:53 ”جَارْ إِنَا أَذْ ثتّْوَابْضَا ثمُّورْثْ ذ ڒْوَارْثْ، عْلَاحْسَابْ ڒْقدّْ ن إِسْمَاونْ [نْسنْ].
NUM 26:54 إِ ونِّي ؤُمِي غَارْ إِدْجَا أَطَّاسْ [ن إِوْذَانْ]، أَذْ ثوْشذْ كْثَارْ ذ ڒْوَارْثْ ؤُشَا إِ ونِّي ؤُمِي غَارْ إِدْجَا ذْرُوسْ [ن إِوْذَانْ]، أَذْ ثوْشذْ قلّْ ذ ڒْوَارْثْ. كُوڒْ إِجّنْ عْلَاحْسَابْ إِنِّي إِتّْوَاحسْبنْ أَذْ أَسْ ثمّوْشْ ثَاسْغَارْثْ نّسْ.
NUM 26:55 ثَامُّورْثْ أَذْ ثتّْوَابْضَا س ثْقدُّوحْثْ. نِيثْنِي أَذْ وَارْثنْ عْلَاحْسَابْ إِسْمَاونْ ن ثْقبَّاڒْ ن ڒجْذُوذْ نْسنْ.
NUM 26:56 أَذْ ثتّْوَابْضَا ثسْغَارْثْ ن كُوڒْ إِجّْ س ثْقدُّوحْثْ جَارْ [إِنِّي إِدْجَانْ س] وَاطَّاسْ ذ [إِنِّي إِدْجَانْ] ذْرُوسْ.“
NUM 26:57 إِنَا ثُوغَا أَثنْ ذ إِنِّي إِتّْوَاحسْبنْ زِي لَاوِي عْلَاحْسَابْ ڒَادْجَاثْ نْسنْ: زِي جَارْشُونْ ڒَادْجْ ن إِجَارْشُونِييّنْ، زِي قَاهَاثْ ڒَادْجْ ن إِقَاهَاثِييّنْ، زِي مَارَارِي ڒَادْجْ ن إِمَارَارِييّنْ.
NUM 26:58 [ثُوغَا] ثِينَا ذ ڒَادْجَاثْ ن إِلَاوِييّنْ: ڒَادْجْ ن إِلِيبْنِييّنْ، ڒَادْجْ ن إِحِيبْرُونِييّنْ، ڒَادْجْ ن إِمَاهْلِييّنْ، ڒَادْجْ ن إِمُوشِييّنْ، ڒَادْجْ ن إِقُورَاحِييّنْ. ؤُشَا قَاهَاثْ يجّْ-د عَامْرَامْ.
NUM 26:59 ثَامْغَارْثْ ن عَامْرَامْ قَّارنْثْ أَسْ جُوكَابَاذْ، يدْجِيسْ ن لَاوِي، ثنِّي د-إِتّْوَارْونْ إِ لَاوِي ذِي مِيصْرَا. ذ نتَّاثْ ثُورُووْ-د هَارُونْ ذ مُوسَا ذ مَارْيَامْ، ؤُتْشْمَاثْسنْ، إِ عَامْرَامْ.
NUM 26:60 إِ هَارُونْ تّْوَارْونْ أَسْ-د نَاذَابْ ذ أَبِيهُو، أَلِيعَازَارْ ذ إِثَامَارْ.
NUM 26:61 مَاشَا نَاذَابْ ذ أَبِيهُو مُّوثنْ، ؤُمِي د-إِوْينْ ثِيمسِّي ثَاغْرِيبْثْ زَّاثْ إِ وُوذمْ ن سِيذِي.
NUM 26:62 إِنِّي زَّايْسنْ إِتّْوَاحسْبنْ، زڭْ إِلَاوِييّنْ، مَارَّا إِوثْمَانْ ن إِجّْ ن ؤُيُورْ سنّجْ، ثُوغَا أَثنْ ذِي ثْڒَاثَا ؤُ-عِيشْرِينْ-أَڒفْ. إِنَا مَاشَا وَارْ تّْوَاحسْبنْ شَا أَكْ-ذ أَيْثْ ن إِسْرَائِيل، مِينْزِي وَارْ ذ أَسنْ ثمّوْشْ ثسْغَارْثْ ذ ڒْوَارْثْ جَارْ أَيْثْ ن إِسْرَائِيل.
NUM 26:63 إِنَا [ثُوغَا أَثنْ ذ] إِنِّي إِتّْوَاحسْبنْ س [ؤُفُوسْ ن] مُوسَا ذ أَلِيعَازَارْ، أَكهَّانْ. نِيثْنِي حسْبنْ أَيْثْ ن إِسْرَائِيل ذِي ڒوْضَاثْ ن مُوآبَ، غَارْ لْ-ؤُرْذُونْ أَرنْذَاذْ ن أَرِيحَا.
NUM 26:64 وَارْ ثُوغِي جَارْ أَسنْ ؤُڒَا ذ إِجّْ زڭْ إِنِّي إِتّْوَاحسْبنْ ن مُوسَا ذ هَارُونْ، أَكهَّانْ، ؤُمِي حسْبنْ نِيثْنِي أَيْثْ ن إِسْرَائِيل ذِي ڒخْڒَا ن سِينَا.
NUM 26:65 مِينْزِي خَاسنْ ثُوغَا إِنَّا سِيذِي أَذْ مّْثنْ س ثِيذتّْ ذِي ڒخْڒَا. وَارْ زَّايْسنْ إِقِّيمْ ؤُڒَا ذ إِجّْ، مْغِيرْ كَالِيبْ، مِّيسْ ن يَافُونِّي، ذ يَاشُووَا، مِّيسْ ن نُونْ.
NUM 27:1 [خنِّي] ؤُسِينْثْ-إِ-د يسِّيسْ ن صَالُوفْحَاذْ، مِّيسْ ن حَافَارْ، مِّيسْ ن جِيلْعَاذْ، مِّيسْ ن مَاكِيرْ، مِّيسْ ن مَانَاسَّا، [إِنِّي إِدْجَانْ] ن ڒَادْجَاثْ ن مَانَاسَّا، مِّيسْ ن يُوسُوفْ. إِنَا ذ إِسْمَاونْ ن يسِّيسْ: مَاحْلَا، نُوعَا، حُوجْلَا، مِيلْكَا ذ ثِيرْصَا.
NUM 27:2 ثُوغَا بدّنْثْ زَّاثْ إِ وُوذمْ ن مُوسَا ؤُ زَّاثْ إِ وُوذمْ ن أَلِيعَازَارْ، أَكهَّانْ، ؤُ زَّاثْ إِ وُوذمْ ن ڒْحُوكَّامْ ؤُ زَّاثْ إِ وُوذمْ ن مَارَّا ثَامسْمُونْثْ غَارْ وَاذَافْ ن ؤُقِيضُونْ ن ؤُمْسَاڭَارْ، نَّانْثْ:
NUM 27:3 ”بَابَاثْنغْ إِمُّوثْ ذِي ڒخْڒَا ؤُ وَارْ ث ثُوغِي جَارْ ؤُبَارُّو ن يِينِّي إِمُوننْ ضِيدّْ إِ سِيذِي، ذڭْ ؤُبَارُّو ن قُورَاحْ [وَارْ ذِينْ ث ثُوغِي نتَّا]، مِينْزِي إِمُّوثْ ذِي دّْنُوبْ نّسْ ؤُ وَارْ غَارسْ ثُوغِي إِحنْجِيرنْ.
NUM 27:4 مَايمِّي غَا إِكّسْ إِسمْ ن بَابَاثْنغْ زِي جَارْ ڒَادْجْ نّسْ، مَا مِينْزِي وَارْ غَارسْ ثُوغِي بُو ؤُحنْجِيرْ؟ أوْشْ أَنغْ أَڭْڒَا ذِي ڒْوسْطْ ن أَيْثْمَاسْ ن بَابَاثْنغْ.“
NUM 27:5 مُوسَا يِيوِي دّعْوَا نْسنْثْ زَّاثْ إِ وُوذمْ ن سِيذِي.
NUM 27:6 إِسِّيوڒْ سِيذِي أَكْ-ذ مُوسَا، إِنَّا:
NUM 27:7 ”[أَقَا أَيَا] أَمْ مَامّشْ ث نَّانْثْ يسِّيسْ ن صَالُوفْحَاذْ. إِتّْخصَّا أَذْ أَسنْثْ ثوْشذْ ثَاسْغَارْثْ ن ڒْوَارْثْ ذِي  ڒْوسْثْ ن أَيْثْمَاسْ ن بَابَاثْسنْ ؤُشَا أَذْ خَاسنْثْ ثسّعْذُوذْ ڒْوَارْثْ ن بَابَاثْسنْثْ.
NUM 27:8 ؤُشَا أَذْ ثسِّيوْڒذْ أَكْ-ذ أَيْثْ ن إِسْرَائِيل، أَذْ ثِينِيذْ: ’مَاڒَا شَا ن يِيجّنْ إِمُّوثْ بْڒَا مِّيسْ، [خنِّي] أَذْ ثسّعْذُومْ ڒْوَارْثْ نّسْ غَارْ يدْجِيسْ،
NUM 27:9 ؤُ مَاڒَا وَارْ غَارسْ يدْجِيسْ، أَذْ ثوْشمْ ڒْوَارْثْ نّسْ إِ يَايْثْمَاسْ.
NUM 27:10 مَاڒَا وَارْ غَارسْ أَيْثْمَاسْ [عَاوذْ]، أَذْ ثوْشمْ ڒْوَارْثْ نّسْ إِ يَايْثْمَاسْ ن بَابَاسْ.
NUM 27:11 مَاڒَا بَابَاسْ وَارْ غَارسْ أَيْثْمَاسْ [عَاوذْ]، أَذْ ثوْشمْ ڒْوَارْثْ نّسْ إِ رَادْجْ نّسْ، [إِ] ونِّي [إِ ذ أَسْ د-]يُوذْسنْ زِي ڒَادْجْ نّسْ، حِيمَا أَذْ ت إِوَارْثْ نتَّا.‘ مَانْ أَيَا أَذْ ثِيڒِي ذ إِشْثْ ن ثوْصيّثْ ن ؤُزرْفْ إِ ڒبْذَا إِ أَيْثْ ن إِسْرَائِيل، أَمْ مَامّشْ [ث] يُومُورْ سِيذِي إِ مُوسَا.“
NUM 27:12 [خنِّي] إِنَّا سِيذِي إِ مُوسَا: ”ڭعّذْ-د أَذْرَارْ-أَ أَبَارِيمْ ؤُشَا خْزَارْ ثَامُّورْثْ نِّي وْشِيغْ إِ أَيْثْ ن إِسْرَائِيل.
NUM 27:13 خْمِي ت غَا ثْژَارذْ، أَذْ ثمَّارْنِيذْ غَارْ ڒْڭنْسْ نّشْ، ؤُڒَا ذ شكْ، أَمْ مَامّشْ ؤُڒَا ذ ؤُمَاشْ هَارُونْ إِمَّارْنِي غَارْ ڒْڭنْسْ نّسْ،
NUM 27:14 مِينْزِي كنِّيوْ ثْغوّْغمْ زَّاثْ إِ ثِيطَّاوِينْ نْسنْ ضِيدّْ إِ ڒُومُورْ إِنُو مَاحنْذْ أَذْ أَيِي ثسّْقدّْسمْ ذِي ڒخْڒَا ن صِينْ، ڒَامِي ذِينْ [ثُوغَا] أَمْشُوبّشْ ذِي ثْمسْمُونْثْ. أَقَا ذ إِنَا ذ أَمَانْ ن مَارِيبَا، غَارْ قَاذَاشْ ذِي ڒخْڒَا ن صِينْ.“
NUM 27:15 إِسِّيوڒْ مُوسَا أَكْ-ذ سِيذِي، إِنَّا:
NUM 27:16 ”أَذْ إِڭّْ سِيذِي، أَربِّي ن بُوحْبڒَاثْ ن مَارَّا دَّاثْ، أَحطُّو خْ ثْمسْمُونْثْ [ذڭْ ؤُفُوسْ ن] إِجّْ ن ورْيَازْ،
NUM 27:17 [حِيمَا] نتَّا أَذْ إِفّغْ زَّاثْ إِ وُوذمْ نْسنْ ؤُشَا أَذْ يَاذفْ زَّاثْ إِ وُوذمْ نْسنْ ؤُشَا أَذْ ثنْ إِنْذهْ غَارْ بَارَّا، أَذْ ثنْ إِسِّيذفْ غَارْ ذَاخڒْ، مَاحنْذْ ثَامسْمُونْثْ ن سِيذِي وَارْ ثتِّيڒِي أَمْ وُودْجِي بْڒَا أَمكْسَاوْ.“
NUM 27:18 [خنِّي] إِنَّا سِيذِي إِ مُوسَا: ”كْسِي يَاشُووَا، مِّيسْ ن نُونْ، إِجّْ ن ورْيَازْ إِ ذِي إِدْجَا أَرُّوحْ، ؤُشَا سَارْسْ خَاسْ أَفُوسْ نّشْ
NUM 27:19 ؤُشَا أَذْ ث ثڭّذْ زَّاثْ إِ وُوذمْ ن ؤُكهَّانْ أَلِيعَازَارْ ؤُ زَّاثْ إِ مَارَّا ثَامسْمُونْثْ، أَذْ أَسْ ثوْشذْ ڒُومُورْ زَّاثْ إِ ثِيطَّاوِينْ نْسنْ.
NUM 27:20 أوْشْ أَسْ [شَا] زڭْ ؤُوقَّارْ نّشْ حِيمَا أَذْ [أَسْ] ثْسڒْ مَارَّا ثَامسْمُونْثْ ن أَيْثْ ن إِسْرَائِيل.
NUM 27:21 نتَّا أَذْ إِبدّْ زَّاثْ إِ ؤُكهَّانْ أَلِيعَازَارْ، ونِّي إِ غَا إِشَاوَارْ زَّاثْ إِ وُوذمْ ن سِيذِي عْلَاحْسَابْ ڒحْكَامْ ن ؤُرِيمْ. خْ ڒُومُورْ نّسْ أَذْ د-فّْغنْ غَارْ بَارَّا ؤُ خْ ڒُومُورْ نّسْ أَذْ أَذْفنْ غَارْ ذَاخڒْ، نتَّا ذ مَارَّا أَيْثْ ن إِسْرَائِيل ؤُڒَا ذ مَارَّا ثَامسْمُونْثْ.“
NUM 27:22 ؤُشَا مُوسَا إِڭَّا أَمْ مَامّشْ ذ أَسْ يُومُورْ سِيذِي. يِيوِي يَاشُووَا ؤُشَا إِسّْبدّْ إِ-ث زَّاثْ إِ ؤُكهَّانْ أَلِيعَازَارْ ؤُ زَّاثْ إِ وُوذمْ ن مَارَّا ثَامسْمُونْثْ.
NUM 27:23 إِسَّارْسْ خَاسْ إِفَاسّنْ نّسْ ؤُشَا إِسّعْذُو أَسْ ڒُومُورْ أَمْ مَامّشْ ذ أَسْ إِنَّا سِيذِي س ثْسخَّارْثْ ن مُوسَا.
NUM 28:1 إِسِّيوڒْ سِيذِي أَكْ-ذ مُوسَا، إِنَّا:
NUM 28:2 ”ؤُمُورْ أَيْثْ ن إِسْرَائِيل، إِنِي أَسنْ: ’إِتّْخصَّا كنِّيوْ أَذْ ثحْضَامْ خْ ثْغَارْصْطْ إِنُو، مَاشَّا إِنُو إِ ثوْهِيبِينْ إِنُو ن ثْمسِّي، إِشْثْ ن ڒفْوَاحثْ إِتّْفُوحنْ إِ نشّْ، مَاحنْذْ أَذْ أَيِي ثنْثْ ثْقدّْممْ ذِي ڒْوقْثْ نّسْ إِتّْوَاڭّنْ.‘
NUM 28:3 أَذْ أَسنْ ثِينِيذْ: ’أَقَا ثَا ذ ثَاوْهِيبْثْ ن ثْمسِّي إِ إِتّْخصَّانْ أَذْ ثْقدّْممْ: ثْنَاينْ ن إِزْمَارنْ إِشْنَانْ ن إِجّْ ن ؤُسڭّْوَاسْ، [أَمْ] ثْغَارْصْثْ ن وشْمَاضْ ڒبْذَا.
NUM 28:4 إِجّْ ن إِزْمَارْ أَذْ ث ثسّْوجْذذْ ذِي صّْبحْ ؤُشَا إِزْمَارْ نّغْنِي أَذْ ث ثسّْوجْذذْ جَارْ بدُّو ن وزْينْ ن وَاسّْ أَڒْ د-ثوْضَا ثْمذِّيثْ
NUM 28:5 ؤُشَا [أَكْ-ذ مَانْ أَيَا] أَمْ ثوْهِيبْثْ [ن ڒْغِيدْجثْ] إِشْثْ ن ثعْشَارْثْ [ن يِيجّْ ن إِفَا] ن وَارنْ أَزْذَاذْ إِخدْجْضنْ س يِيجّْ ن أَرْبعْ ن إِجّْ ن ؤُهِينُو ن زّشْثْ، تّْوَادّْزنْ ث-إِ-د [زِي زِّيثُونْ].
NUM 28:6 أَقَا-ت ذ ثَاغَارْصْطْ ن وشْمَاضْ ن ڒبْذَا، ثنِّي ثُوغَا إِتّْوَاڭّنْ ذڭْ وذْرَارْ ن سِينَا أَمْ يِيشْثْ ن ڒفْوَاحثْ إِتّْفُوحنْ، [أَقَا-ت] ذ إِشْثْ ن ثوْهِيبْثْ ن ثْمسِّي إِ سِيذِي.
NUM 28:7 ثَاوْهِيبْثْ نّسْ ن ؤُسيّبْ أَذْ ثِيڒِي ذ إِجّْ ن أَرْبعْ ن إِجّْ ن ؤُهِينُو إِ يِيجّْ ن إِزْمَارْ. سيّبْ ثَاوْهِيبْثْ ن ؤُسيّبْ ن شّْرَابْ ذِي زَّاوشْثْ إِقدّْسنْ زَّاثْ إِ سِيذِي.
NUM 28:8 أَذْ ثسّْوجْذذْ إِزْمَارْ نّغْنِي جَارْ بدُّو ن وزْينْ ن وَاسّْ أَڒْ د-ثوْضَا ثْمذِّيثْ. أَذْ ث ثسّْوجْذذْ أَمْ مَامّشْ [ثسّْوجْذذْ] ثَاوْهِيبْثْ [ن ڒْغِيدْجثْ] ذِي صّْبحْ ؤُ أَمْ مَامّشْ [ثسّْوجْذذْ] ثَاوْهِيبْثْ ن ؤُسيّبْ نّسْ، [أَمْ] إِشْثْ ن ثوْهِيبْثْ ن ثْمسِّي، إِشْثْ ن ڒفْوَاحثْ إِتّْفُوحنْ إِ سِيذِي.‘ “
NUM 28:9 ”ذڭْ وَاسّْ ن سّبْثْ [أَذْ ثسّْوجْذذْ] ثْنَاينْ ن إِزْمَارنْ إِشْنَانْ ن إِجّْ ن ؤُسڭّْوَاسْ ذ ثْنَاينْ ن ثعْشُورِينْ [ن يِيجّْ ن إِفَا] ن وَارنْ أَزْذَاذْ أَمْ ثوْهِيبْثْ [ن ڒْغِيدْجثْ] إِخدْجْضنْ س زّشْثْ أَكْ-ذ ثوْهِيبْثْ نّسْ ن ؤُسيّبْ.
NUM 28:10 أَقَا-ت ذ ثَاغَارْصْطْ ن وشْمَاضْ ن سّبْثْ إِ مْكُوڒْ سّبْثْ، أَذْ ت ثَارْنِيذْ إِ ثْغَارْصْثْ ن وشْمَاضْ ن ڒبْذَا ذ ثوْهِيبْثْ نّسْ ن ؤُسيّبْ.“
NUM 28:11 ”ذڭْ ؤُمزْوَارْ ن [كُوڒْ إِجّْ ن] إِيُورنْ نْومْ إِتّْخصَّا أَذْ ثْقدّْممْ إِشْثْ ن ثْغَارْصْثْ ن وشْمَاضْ إِ سِيذِي: ثْنَاينْ ن إِفُونَاسنْ - إِمژْيَاننْ ن إِشْثْ ن ثْفُونَاسْثْ - إِجّْ ن إِشَارِّي، سبْعَا ن إِزْمَارنْ إِشْنَانْ قَاعْ ن إِجّْ ن ؤُسڭّْوَاسْ
NUM 28:12 ؤُشَا [أَكْ-ذ مَانْ أَيَا] ثْڒَاثَا ن ثعْشُورِينْ ن [إِجّْ ن إِفَا ن] وَارنْ أَزْذَاذْ [أَمْ] ثوْهِيبْثْ [ن ڒْغِيدْجثْ] إِخدْجْضنْ س زّشْثْ إِ يِيجّْ ن ؤُفُونَاسْ أَمژْيَانْ ؤُ ثْنَاينْ ن ثعْشُورِينْ ن [يِيجّْ ن إِفَا ن] وَارنْ أَزْذَاذْ [أَمْ] ثوْهِيبْثْ [ن ڒْغِيدْجثْ] إِخدْجْضنْ س زّشْثْ إِ يِيجّْ ن إِشَارِّي
NUM 28:13 [ؤُشَا أَرْنِي] إِشْثْ ن ثعْشَارْثْ ن [يِيجّْ ن إِفَا] ن وَارنْ أَزْذَاذْ [أَمْ] ثوْهِيبْثْ [ن ڒْغِيدْجثْ] إِخدْجْضنْ س زّشْثْ إِ يِيجّْ ن إِزْمَارْ. [أَقَا-ت] ذ ثَاغَارْصْثْ ن وشْمَاضْ س إِشْثْ ن ڒفْوَاحثْ إِتّْفُوحنْ، [أَقَا-ت] ذ إِشْثْ ن ثوْهِيبْثْ ن ثْمسِّي إِ سِيذِي.
NUM 28:14 ثِيوْهِيبِينْ نْسنْ ن ؤُسيّبْ أَذْ إِڒِينْثْ ذ أَزْينْ ن ؤُهِينُو ن بِينُو أَكْ-ذ ؤُفُونَاسْ أَمژْيَانْ ذ إِشْثْ ن تُّوڒُوثْ ن إِجّْ ن ؤُهِينُو أَكْ-ذ إِشَارِّي ذ يِيجّْ ن أَرْبعْ ن إِجّْ ن ؤُهِينُو أَكْ-ذ إِزْمَارْ. ثَا ذ ثَاغَارْصْثْ ن وشْمَاضْ ن كُوڒْ أَيُورْ، إِ كُوڒْ أَيُورْ زڭْ إِيُورنْ ن ؤُسڭّْوَاسْ.
NUM 28:15 إِتّْخصَّا أَذْ ثسّْوجْذذْ إِجّْ ن ؤُمْيَانْ زڭْ إِغَايْضنْ ذ ثَاغَارْصْثْ ن دّنْبْ إِ سِيذِي، أَذْ ت ثَارْنِيذْ إِ ثْغَارْصْثْ ن وشْمَاضْ نْ ڒبْذَا أَكْ-ذ ثوْهِيبْثْ نّسْ ن ؤُسيّبْ.“
NUM 28:16 ذڭْ ؤُيُورْ أَمزْوَارُو، ذڭْ وَاسّْ وِيسّْ أَرْبعْطَاشْ ن ؤُيُورْ، أَذْ ثِيڒِي [ثْغَارْصْثْ ن] ؤُسعْذُو ن سِيذِي.
NUM 28:17 ذڭْ وَاسّْ وِيسّْ خمّسْطَاشْ ن سِيمَانْثْ ن ؤُيُورْ [أَذْ يِيڒِي] ڒْعِيذْ. سبْعَا ن وُوسَّانْ أَذْ شّنْ أَغْرُومْ بْڒَا أَنْثُونْ.
NUM 28:18 ذڭْ وَاسّْ أَمزْوَارُو [ن ڒْعِيذْ] أَذْ يِيڒِي يِيجّْ ن ؤُمُونِي إِقدّْسنْ. وَارْ تّڭّمْ ؤُڒَا ذ إِشْثْ ڒْخذْمثْ إِ إِتّْخصَّانْ أَذْ ثتّْوَاڭّْ.
NUM 28:19 أَذْ ثْقدّْممْ إِشْثْ ن ثوْهِيبْثْ ن ثْمسِّي [أَمْ] ثْغَارْصْثْ ن وشْمَاضْ إِ سِيذِي: ثْنَاينْ ن إِفُونَاسنْ إِمژْيَاننْ ذ إِجّْ ن إِشَارِّي ذ سبْعَا ن إِزْمَارنْ ن إِجّْ ن ؤُسڭّْوَاسْ. إِتّْخصَّا أَذْ إِڒِينْ شْنَانْ قَاعْ.
NUM 28:20 [أَذْ ثِيڒِي] ثوْهِيبْثْ [ن ڒْغِيدْجثْ] ن وَارنْ أَزْذَاذْ إِخدْجْضنْ س زّشْثْ. أَذْ [زَّايسْ] ثسّْوجْذمْ ثْڒَاثَا ن ثعْشُورِينْ [ن يِيجّْ ن إِفَا] إِ يِيجّْ ن ؤُفُونَاسْ أَمژْيَانْ ذ ثْنَاينْ ن ثعْشُورِينْ [ن يِيجّْ ن إِفَا] إِ يِيجّْ ن إِشَارِّي.
NUM 28:21 أَذْ ثسّْوجْذذْ إِشْثْ ن ثعْشَارْثْ [ن يِيجّْ ن إِفَا] إِ يِيجّْ ن إِزْمَارْ، [ؤُشَا أَمُّو] إِ [مَارَّا] سبْعَا ن إِزْمَارنْ [نِّي].
NUM 28:22 [سوْجذْ عَاوذْ] إِجّْ ن ؤُمْيَانْ زڭْ إِغَايْضنْ ذ ثَاغَارْصْثْ ن دّنْبْ مَاحنْذْ أَذْ إِتّْوَاڭّْ وصْڒَاحْ إِ كنِّيوْ.
NUM 28:23 أَذْ ثسّْوجْذمْ مَانْ أَيَا سنّجْ إِ [ؤُسوْجذْ ن] ثْغَارْصْثْ وشْمَاضْ ذِي صّْبحْ نِّي [إِدْجَانْ] ذ إِشْثْ ن ثْغَارْصْثْ ن وشْمَاضْ إِ ڒبْذَا.
NUM 28:24 أَمْ مَامّشْ ؤُيَا أَذْ ثسّْوجْذمْ مَاشَّا ن ثوْهِيبِينْ ن ثْمسِّي سبْعَا ن وُوسَّانْ، ذِي كُوڒْ أَسّْ [زَّايْسنْ]، [أَمْ] إِشْثْ ن ڒفْوَاحثْ إِتّْفُوحنْ إِ سِيذِي. أَذْ إِتّْوَاسّوْجذْ سنّجْ إِ [ؤُسوْجذْ ن] ثْغَارْصْثْ ن وشْمَاضْ ن ڒبْذَا أَكْ-ذ ثوْهِيبْثْ نّسْ ن ؤُسيّبْ.
NUM 28:25 ذڭْ وَاسّْ وِيسّْ سبْعَا أَذْ ثڭّمْ إِجّْ ن ؤُمُونِي إِقدّْسنْ. وَارْ تّڭّمْ ؤُڒَا ذ إِشْثْ ڒْخذْمثْ إِ إِتّْخصَّانْ أَذْ ثتّْوَاڭّْ.“
NUM 28:26 ”ذڭْ وَاسّْ ن ثْمنْزُوثْ [ن صَّابثْ] ذِي ڒْعِيذْ ن سِّيمَانَاثْ، خْمِي د غَا ثْقدّْممْ إِشْثْ ن ثوْهِيبْثْ [ن ڒْغِيدْجثْ] ن جْذِيذْ غَارْ سِيذِي، أَذْ ثڭّمْ إِجّْ ن ؤُمُونِي إِقدّْسنْ. وَارْ تّڭّمْ ؤُڒَا ذ إِشْثْ ن ڒْخذْمثْ إِ إِتّْخصَّانْ أَذْ ثتّْوَاڭّْ.
NUM 28:27 أَذْ ثْقدّْممْ إِشْثْ ن ثْغَارْصْثْ ن وشْمَاضْ أَمْ يِيشْثْ ن ڒفْوَاحثْ إِتّْفُوحنْ إِ سِيذِي: ثْنَاينْ ن إِفُونَاسنْ إِمژْيَاننْ إِ يِيجّْ ن إِشَارِّي ذ سبْعَا ن إِزْمَارنْ ن إِجّْ ن ؤُسڭّْوَاسْ
NUM 28:28 أَكْ-ذ ثوْهِيبْثْ نّسْ [ن ڒْغِيدْجثْ] ن وَارنْ أَزْذَاذْ إِخدْجْضنْ س زّشْثْ: ثْڒَاثَا ن ثعْشُورِينْ [ن يِيجّْ ن إِفَا] إِ يِيجّْ ن ؤُفُونَاسْ أَمژْيَانْ ذ ثْنَاينْ ن ثعْشُورِينْ [ن يِيجّْ ن إِفَا] إِ يِيجّْ ن إِشَارِّي
NUM 28:29 ؤُڒَا ذ إِشْثْ ن ثعْشَارْثْ [ن يِيجّْ ن إِفَا] إِ كُوڒْ إِزْمَارْ، [ؤُشَا أَمُّو] إِ [مَارَّا] سبْعَا ن إِزْمَارنْ [نِّي].
NUM 28:30 [سْوجْذمْ عَاوذْ] إِجّْ ن ؤُمْيَانْ زڭْ إِغَايْضنْ أَمْ ثْغَارْصْثْ ن دّنْبْ مَاحنْذْ أَذْ إِتّْوَاڭّْ وصْڒَاحْ إِ كنِّيوْ.
NUM 28:31 أَذْ ثنْ ثسّْوجْذمْ سنّجْ إِ [ؤُسوْجذْ ن] ثْغَارْصْثْ ن وشْمَاضْ ن ڒبْذَا ذ ثوْهِيبْثْ نّسْ [ن ڒْغِيدْجثْ]. أَذْ إِڒِينْ شْنَانْ قَاعْ إِ كنِّيوْ أَكْ-ذ ثوْهِيبِينْ نْسنْ ن ؤُسيّبْ.“
NUM 29:1 ”ذڭْ ؤُيُورْ وِيسّْ سبْعَا، ذڭْ [وَاسّْ] أَمزْوَارُو ن ؤُيُورْ، أَذْ ثڭّمْ إِجّْ ن ؤُمُونِي إِقدّْسنْ. وَارْ تّڭّمْ ؤُڒَا ذ إِشْثْ ن ڒْخذْمثْ إِ إِتّْخصَّانْ أَذْ ثتّْوَاڭّْ. أَذْ أَومْ يِيڒِي ذ إِجّْ ن وَاسّْ ن ؤُسُوضِي س وسْرُودّحْ [ذڭْ ؤُيِيشّْ ن إِشَارِّي].
NUM 29:2 أَذْ ثسّْوجْذمْ إِشْثْ ن ثْغَارْصْثْ ن وشْمَاضْ أَمْ يِيشْثْ ن ڒفْوَاحثْ إِتّْفُوحنْ إِ سِيذِي: إِجّْ ن ؤُفُونَاسْ - أَمژْيَانْ ن إِشْثْ ن ثْفُونَاسْثْ - ذ يِيجّْ ن إِشَارِّي ذ سبْعَا ن إِزْمَارنْ إِشْنَانْ قَاعْ ن إِجّْ ن ؤُسڭّْوَاسْ
NUM 29:3 أَكْ-ذ ثوْهِيبْثْ نْسنْ [ن ڒْغِيدْجثْ] زڭْ وَارنْ أَزْذَاذْ إِخدْجْضنْ س زّشْثْ: ثْڒَاثَا ن ثعْشُورِينْ [ن يِيجّْ ن إِفَا] إِ ؤُفُونَاسْ أَمژْيَانْ ذ ثْنَاينْ ن ثعْشُورِينْ [ن يِيجّْ ن إِفَا] إِ إِشَارِّي
NUM 29:4 أَكْ-ذ إِشْثْ ن ثعْشَارْثْ [ن يِيجّْ ن إِفَا] إِ كُوڒْ إِزْمَارْ، [ؤُشَا أَمُّو] إِ سبْعَا ن إِزْمَارنْ [مَارَّا].
NUM 29:5 [سْوجْذمْ عَاوذْ] إِجّْ ن ؤُمْيَانْ زڭْ إِغَايْضنْ أَمْ ثْغَارْصْثْ ن دّنْبْ مَاحنْذْ أَذْ إِتّْوَاڭّْ وصْڒَاحْ إِ كنِّيوْ.
NUM 29:6 سنّجْ إِ [ؤُسوْجذْ ن] ثْغَارْصْثْ ن وشْمَاضْ أَكْ-ذ ثوْهِيبْثْ نّسْ [ن ڒْغِيدْجثْ] ذ [سنّجْ إِ ؤُسوْجذْ ن] ثْغَارْصْثْ ن وشْمَاضْ ن ڒبْذَا أَكْ-ذ ثوْهِيبْثْ نّسْ [ن ڒْغِيدْجثْ] ذ ثوْهِيبِينْ نْسنْ ن ؤُسيّبْ، عْلَاحْسَابْ لْفَارِيضَا نْسنْثْ، أَمْ يِيشْثْ ن ڒفْوَاحثْ إِتّْفُوحنْ، إِشْثْ ن ثْغَارْصْثْ ن ثْمسِّي إِ سِيذِي.
NUM 29:7 ذڭْ [وَاسّْ] وِيسّْعشْرَا أَذْ ثڭّمْ إِجّْ ن ؤُمُونِي إِقدّْسنْ ؤُشَا أَذْ ثسّْوَاضْعمْ إِخفْ نْومْ. وَارْ تّڭّمْ ؤُڒَا ذ إِشْثْ ن ڒْخذْمثْ إِ إِتّْخصَّانْ أَذْ ثتّْوَاڭّْ.
NUM 29:8 أَذْ ثْقدّْممْ إِشْثْ ن ثْغَارْصْثْ ن وشْمَاضْ أَمْ يِيشْثْ ن ڒفْوَاحثْ إِتّْفُوحنْ إِ سِيذِي: إِجّْ ن ؤُفُونَاسْ أَمژْيَانْ ذ يِيجّْ ن إِشَارِّي ذ سبْعَا ن إِزْمَارنْ إِشْنَانْ قَاعْ ن إِجّْ ن ؤُسڭّْوَاسْ. إِتّْخصَّا أَذْ أَومْ إِڒِينْ شْنَانْ [أَطَّاسْ].
NUM 29:9 [عَاوذْ] ثَاوْهِيبْثْ نْسنْ [ن ڒْغِيدْجثْ] ن وَارنْ أَزْذَاذْ إِخدْجْضنْ س زّشْثْ: ثْڒَاثَا ن ثعْشُورِينْ [ن يِيجّْ ن إِفَا] إِ يِيجّْ ن ؤُفُونَاسْ أَمژْيَانْ، ثْنَاينْ ن ثعْشُورِينْ [ن يِيجّْ ن إِفَا] إِ يِيجّْ ن إِشَارِّي
NUM 29:10 ؤُ إِشْثْ ن ثعْشَارْثْ [ن يِيجّْ ن إِفَا] إِ كُوڒْ إِزْمَارْ، [ؤُشَا أَمُّو] إِ سبْعَا ن إِزْمَارنْ [مَارَّا].
NUM 29:11 [سْوجْذمْ عَاوذْ] إِجّْ ن ؤُمْيَانْ زڭْ إِغَايْضنْ أَمْ ثْغَارْصْثْ ن دّنْبْ، سنّجْ إِ [ؤُسوْجذْ ن] ثْغَارْصْثْ ن دّنْبْ إِ زِي ثتّْوَاڭّْ وصْڒَاحْ ؤُشَا ؤُڒَا ذ ثَاغَارْصْثْ ن وشْمَاضْ ن ڒبْذَا أَكْ-ذ ثوْهِيبْثْ نّسْ [ن ڒْغِيدْجثْ] ذ ثوْهِيبِينْ نْسنْ ن ؤُسيّبْ.
NUM 29:12 ذڭْ وَاسّْ وِيسّْ خمّسْطَاشْ ن ؤُيُورْ وِيسّْ سبْعَا أَذْ ثڭّمْ إِجّْ ن ؤُمُونِي إِقدّْسنْ. وَارْ تّڭّمْ ؤُڒَا ذ إِشْثْ ن ڒْخذْمثْ إِ إِتّْخصَّانْ أَذْ ثتّْوَاڭّْ. سبْعَا ن وُوسَّانْ أَذْ ثْعيّْذمْ ڒْعِيذْ إِ سِيذِي.
NUM 29:13 أَذْ ثْقدّْممْ إِشْثْ ن ثْغَارْصْثْ ن وشْمَاضْ [أَمْ] ثوْهِيبْثْ ن ثْمسِّي، [أَمْ] إِشْثْ ن ڒفْوَاحثْ إِتّْفُوحنْ إِ سِيذِي: ثْڒطَّاشْ ن إِفُونَاسنْ - إِمژْيَاننْ ن إِشْثْ ن ثْفُونَاسْثْ - ثْنَاينْ ن إِشَارِّييّنْ [ؤُ] أَرْبعْطَاشْ ن إِزْمَارنْ ن إِجّْ ن ؤُسڭّْوَاسْ. إِتّْخصَّا أَذْ إِڒِينْ شْنَانْ [قَاعْ].
NUM 29:14 [عَاوذْ] ثَاوْهِيبْثْ نْسنْ [ن ڒْغِيدْجثْ] ن وَارنْ أَزْذَاذْ إِخدْجْضنْ س زّشْثْ: ثْڒَاثَا ن ثعْشُورِينْ [ن يِيجّْ ن إِفَا] إِ يِيجّْ ن ؤُفُونَاسْ أَمژْيَانْ، إِ [مَارَّا] ثْڒطَّاشْ ن إِفُونَاسنْ إِمژْيَاننْ، ؤُ ثْنَاينْ ن ثعْشُورِينْ [ن يِيجّْ ن إِفَا] إِ يِيجّْ ن ؤُشَارِّي، إِ ثْنَاينْ ن إِشَارِّييّنْ [نِّي]
NUM 29:15 ؤُڒَا ذ إِشْثْ ن ثعْشَارْثْ [ن يِيجّْ ن إِفَا] إِ كُوڒْ إِزْمَارْ، [ؤُشَا أَمُّو] إِ [مَارَّا] أَرْبعْطَاشْ ن إِزْمَارنْ [نِّي].
NUM 29:16 [سْوجْذمْ عَاوذْ] إِجّْ ن إِجّْ ن ؤُمْيَانْ زڭْ إِغَايْضنْ أَمْ ثْغَارْصْثْ ن دّنْبْ، سنّجْ إِ [ؤُسوْجذْ ن] ثْغَارْصْثْ ن وشْمَاضْ ن ڒبْذَا [أَكْ-ذ] ثوْهِيبْثْ نّسْ [ن ڒْغِيدْجثْ] ذ ثوْهِيبْثْ نّسْ ن ؤُسيّبْ.
NUM 29:17 ذڭْ وَاسّْ وِيسّْ ثْنَاينْ: ثنْعَاشْ ن إِفُونَاسنْ إِمژْيَاننْ ذ ثْنَاينْ ن إِشَارِّييّنْ ذ أَرْبعْطَاشْ ن إِزْمَارنْ إِشْنَانْ ن إِجّْ ن ؤُسڭّْوَاسْ،
NUM 29:18 أَكْ-ذ ثوْهِيبْثْ نْسنْ [ن ڒْغِيدْجثْ] ذ ثوْهِيبِينْ نْسنْ ن ؤُسيّبْ إِ إِفُونَاسنْ إِمژْيَاننْ، إِ إِشَارِّييّنْ ؤُ إِ إِزْمَارنْ، عْلَاحْسَابْ ڒْقدّْ نْسنْ، عْلَاحْسَابْ لْفَارِيضَا.
NUM 29:19 [سْوجْذمْ عَاوذْ] إِجّْ ن ؤُمْيَانْ زڭْ إِغَايْضنْ أَمْ ثْغَارْصْثْ ن دّنْبْ، سنّجْ إِ [ؤُسوْجذْ ن] ثْغَارْصْثْ ن وشْمَاضْ ن ڒبْذَا أَكْ-ذ ثوْهِيبْثْ نّسْ [ن ڒْغِيدْجثْ] ذ ثوْهِيبِينْ نْسنْ ن ؤُسيّبْ.
NUM 29:20 ذڭْ وَاسّْ وِيسّْ ثْڒَاثَا: حِيطَاشْ ن إِفُونَاسنْ إِمژْيَاننْ ذ ثْنَاينْ ن إِشَارِّييّنْ ذ أَرْبعْطَاشْ ن إِزْمَارنْ ن إِجّْ ن ؤُسڭّْوَاسْ، إِشَانْ [قَاعْ]،
NUM 29:21 أَكْ-ذ ثوْهِيبْثْ نْسنْ [ن ڒْغِيدْجثْ] ذ ثوْهِيبِينْ نْسنْ ن ؤُسيّبْ إِ إِفُونَاسنْ إِمژْيَاننْ، إِ إِشَارِّييّنْ ؤُ إِ إِزْمَارنْ، عْلَاحْسَابْ ڒْقدّْ نْسنْ، عْلَاحْسَابْ لْفَارِيضَا.
NUM 29:22 [سْوجْذمْ عَاوذْ] إِجّْ ن ؤُمْيَانْ زڭْ إِغَايْضنْ أَمْ ثْغَارْصْثْ ن دّنْبْ، سنّجْ إِ [ؤُسوْجذْ ن] ثْغَارْصْثْ ن وشْمَاضْ ن ڒبْذَا أَكْ-ذ ثوْهِيبْثْ نّسْ [ن ڒْغِيدْجثْ] ذ ثوْهِيبْثْ نّسْ ن ؤُسيّبْ.
NUM 29:23 ذڭْ وَاسّْ وِيسّْ أَربْعَا:عشْرَا ن إِفُونَاسنْ إِمژْيَاننْ ذ ثْنَاينْ ن إِشَارِّييّنْ ذ أَرْبعْطَاشْ ن إِزْمَارنْ إِشْنَانْ ن إِجّْ ن ؤُسڭّْوَاسْ،
NUM 29:24 أَكْ-ذ ثوْهِيبْثْ نْسنْ [ن ڒْغِيدْجثْ] ذ ثوْهِيبِينْ نْسنْ ن ؤُسيّبْ إِ إِفُونَاسنْ إِمژْيَاننْ، إِ إِشَارِّييّنْ ؤُ إِ إِزْمَارنْ، عْلَاحْسَابْ ڒْقدّْ نْسنْ، عْلَاحْسَابْ لْفَارِيضَا.
NUM 29:25 [سْوجْذمْ عَاوذْ] إِجّْ ن ؤُمْيَانْ زڭْ إِغَايْضنْ أَمْ ثْغَارْصْثْ ن دّنْبْ، سنّجْ إِ [ؤُسوْجذْ ن] ثْغَارْصْثْ ن وشْمَاضْ ن ڒبْذَا أَكْ-ذ ثوْهِيبْثْ نّسْ [ن ڒْغِيدْجثْ] ذ ثوْهِيبْثْ نّسْ ن ؤُسيّبْ.
NUM 29:26 ذڭْ وَاسّْ وِيسّْ خمْسَا: ثسْعَا ن إِفُونَاسنْ إِمژْيَاننْ ذ ثْنَاينْ ن إِشَارِّييّنْ ذ أَرْبعْطَاشْ ن إِزْمَارنْ إِشْنَانْ ن إِجّْ ن ؤُسڭّْوَاسْ،
NUM 29:27 أَكْ-ذ ثوْهِيبْثْ نْسنْ [ن ڒْغِيدْجثْ] ذ ثوْهِيبِينْ نْسنْ ن ؤُسيّبْ إِ إِفُونَاسنْ إِمژْيَاننْ، إِ إِشَارِّييّنْ ؤُ إِ إِزْمَارنْ، عْلَاحْسَابْ ڒْقدّْ نْسنْ، عْلَاحْسَابْ لْفَارِيضَا.
NUM 29:28 [سْوجْذمْ عَاوذْ] إِجّْ ن ؤُمْيَانْ [زڭْ إِغَايْضنْ] أَمْ ثْغَارْصْثْ ن دّنْبْ، سنّجْ إِ [ؤُسوْجذْ ن] ثْغَارْصْثْ ن وشْمَاضْ ن ڒبْذَا أَكْ-ذ ثوْهِيبْثْ نّسْ [ن ڒْغِيدْجثْ] ذ ثوْهِيبْثْ نّسْ ن ؤُسيّبْ.
NUM 29:29 ذڭْ وَاسّْ وِيسّْ ستَّا: ثْمنْيَا ن إِفُونَاسنْ إِمژْيَاننْ ذ ثْنَاينْ ن إِشَارِّييّنْ ذ أَرْبعْطَاشْ ن إِزْمَارنْ إِشْنَانْ ن إِجّْ ن ؤُسڭّْوَاسْ،
NUM 29:30 أَكْ-ذ ثوْهِيبْثْ نْسنْ [ن ڒْغِيدْجثْ] ذ ثوْهِيبِينْ نْسنْ ن ؤُسيّبْ إِ إِفُونَاسنْ إِمژْيَاننْ، إِ إِشَارِّييّنْ ؤُ إِ إِزْمَارنْ، عْلَاحْسَابْ ڒْقدّْ نْسنْ، عْلَاحْسَابْ لْفَارِيضَا.
NUM 29:31 [سْوجْذمْ عَاوذْ] إِجّْ ن ؤُمْيَانْ [زڭْ إِغَايْضنْ] أَمْ ثْغَارْصْثْ ن دّنْبْ، سنّجْ إِ [ؤُسوْجذْ ن] ثْغَارْصْثْ ن وشْمَاضْ ن ڒبْذَا أَكْ-ذ ثوْهِيبْثْ نّسْ [ن ڒْغِيدْجثْ] ذ ثوْهِيبِينْ نّسْ ن ؤُسيّبْ.
NUM 29:32 ذڭْ وَاسّْ وِيسّْ سبْعَا: سبْعَا ن إِفُونَاسنْ إِمژْيَاننْ ذ ثْنَاينْ ن إِشَارِّييّنْ ذ أَرْبعْطَاشْ ن إِزْمَارنْ إِشْنَانْ ن إِجّْ ن ؤُسڭّْوَاسْ،
NUM 29:33 أَكْ-ذ ثوْهِيبْثْ نْسنْ [ن ڒْغِيدْجثْ] ذ ثوْهِيبِينْ نْسنْ ن ؤُسيّبْ إِ إِفُونَاسنْ إِمژْيَاننْ، إِ إِشَارِّييّنْ ؤُ إِ إِزْمَارنْ، عْلَاحْسَابْ ڒْقدّْ نْسنْ، عْلَاحْسَابْ لْفَارِيضَا.
NUM 29:34 [سْوجْذمْ عَاوذْ] إِجّْ ن ؤُمْيَانْ [زڭْ إِغَايْضنْ] أَمْ ثْغَارْصْثْ ن دّنْبْ، سنّجْ إِ [ؤُسوْجذْ ن] ثْغَارْصْثْ ن وشْمَاضْ ن ڒبْذَا أَكْ-ذ ثوْهِيبْثْ نّسْ [ن ڒْغِيدْجثْ] ذ ثوْهِيبْثْ نّسْ ن ؤُسيّبْ.
NUM 29:35 ذڭْ وَاسّْ وِيسّْ ثْمنْيَا أَذْ ثڭّمْ إِجّْ ن ؤُمُونِي إِفَارْزنْ. وَارْ تّڭّمْ ؤُڒَا ذ إِشْثْ ڒْخذْمثْ إِ إِتّْخصَّانْ أَذْ ثتّْوَاڭّْ.
NUM 29:36 أَذْ ثْقدّْممْ إِشْثْ ن ثْغَارْصْثْ ن وشْمَاضْ [أَمْ] ثوْهِيبْثْ ن ثْمسِّي، [أَمْ] إِشْثْ ن ڒفْوَاحثْ إِتّْفُوحنْ إِ سِيذِي: إِجّْ ن ؤُفُونَاسْ أَمژْيَانْ ذ يِيجّْ ن إِشَارِّي ذ سبْعَا ن إِزْمَارنْ إِشْنَانْ ن إِجّْ ن ؤُسڭّْوَاسْ
NUM 29:37 أَكْ-ذ ثوْهِيبْثْ نْسنْ [ن ڒْغِيدْجثْ] ذ ثوْهِيبِينْ نْسنْ ن ؤُسيّبْ إِ ؤُفُونَاسْ أَمژْيَانْ، إِ إِشَارِّي ؤُ إِ إِزْمَارنْ، عْلَاحْسَابْ ڒْقدّْ نْسنْ، عْلَاحْسَابْ لْفَارِيضَا.
NUM 29:38 [سْوجْذمْ عَاوذْ] إِجّْ ن ؤُمْيَانْ [زڭْ إِغَايْضنْ] أَمْ ثْغَارْصْثْ ن دّنْبْ، سنّجْ إِ [ؤُسوْجذْ ن] ثْغَارْصْثْ ن وشْمَاضْ ن ڒبْذَا أَكْ-ذ ثوْهِيبْثْ نّسْ [ن ڒْغِيدْجثْ] ذ ثوْهِيبْثْ نّسْ ن ؤُسيّبْ.
NUM 29:39 أَذْ ثڭّمْ ثِيمسْڒَايِينْ-أَ إِ سِيذِي ذِي ڒعْيُوذَاثْ نْومْ إِتّْوَاڭّنْ سنّجْ إِ ثوْهِيبِينْ ن ڒوْعُوذْ نْومْ ذ ثوْهِيبِينْ نْومْ س ڒْخَاضَارْ إِ إِتّْرَاحنْ أَكْ-ذ ثْغَارْصَا ن وشْمَاضْ نْومْ ذ ثوْهِيبِينْ نْومْ [ن ڒْغِيدْجثْ] ذ ثوْهِيبِينْ نْومْ ن ؤُسيّبْ ذ ثوْهِيبِينْ نْومْ ن ڒهْنَا.“
NUM 30:1 ؤُشَا إِسِّيوڒْ مُوسَا أَكْ-ذ أَيْثْ ن إِسْرَائِيل عْلَاحْسَابْ مَارَّا مِينْ يُومُورْ سِيذِي إِ مُوسَا.
NUM 30:2 إِسِّيوڒْ مُوسَا أَكْ-ذ إِزدْجِيفنْ ن ثْقبَّاڒْ ن أَيْثْ ن إِسْرَائِيل، إِنَّا: ”أَقَا ذ ثَا مِينْ خفْ يُومُورْ سِيذِي:
NUM 30:3 ’خْمِي غَا ثَافذْ إِجّْ ن ورْيَازْ إِوْشَا أَوَاڒْ نِيغْ إِجُّودْجْ إِشْثْ ن ثْجَادْجِيثْ حِيمَا أَذْ إِقّنْ إِخفْ نّسْ س يِيجّْ ن ڒْعَاهْذْ، [خنِّي] وَارْ إِتَّارژِّي أَوَاڒْ نّسْ. إِتّْخصَّا أَسْ أَذْ إِڭّْ عْلَاحْسَابْ مِينْ د-إِفّْغنْ زڭْ ؤُقمُّومْ نّسْ.
NUM 30:4 خْمِي غَا ثَافذْ إِشْثْ ن ثمْغَارْثْ ثوْشَا أَوَاڒْ نّسْ إِ سِيذِي ؤُشَا أَذْ ثقّنْ إِخفْ نّسْ س يِيجّْ ن ڒْعَاهْذْ ذِي ثمْژِي نّسْ ذِي ثَادَّارْثْ ن بَابَاسْ،
NUM 30:5 ؤُشَا بَابَاسْ إِسْڒَا إِ وَاوَاڒْ ن لْوَاعْذْ نّسْ ذ ڒْعَاهْذْ نّسْ إِ زِي ثقّنْ إِخفْ نّسْ، ؤُشَا بَابَاسْ إِسْقَارْ زَّاثسْ، [خنِّي] مَارَّا لْوُوعُوذْ نّسْ أَذْ إِڒِينْ صڒْحنْ ذ كُوڒْ أَقَّانْ نّسْ أَذْ يِيڒِي إِصْڒحْ.
NUM 30:6 [مَاشَا] مَاڒَا بَابَاسْ إِسّْبدّْ إِ-ت [زِي مَانْ أَيَا] ذڭْ وَاسّْ نِّي ذِي إِسْڒَا أَيَا، [خنِّي] ؤُڒَا ذ إِجّْ زِي لْوُوعُوذْ نّسْ ؤُ ؤُڒَا ذ إِجّْ زڭْ وَاقَّانْ نّسْ إِ زِي ثقّنْ إِخفْ نّسْ، وَارْ إِصدْجحْ شَا. سِيذِي أَذْ أَسْ إِغْفَارْ، مِينْزِي بَابَاسْ إِسّْبدّْ إِ-ت [خْ مَانْ أَيَا].
NUM 30:7 مَاڒَا ثُوغَا-ت ثمْڒشْ أَكْ-ذ يِيجّْ ن ورْيَازْ ؤُشَا خَاسْ لْوُوعُوذْ نِيغْ نتَّاثْ ثُوغَا ثقّنْ إِخفْ نّسْ س يِيجّْ ن وَاوَاڒْ إِفّغْ-د س ثْشَارْفَايحْ زڭْ إِينْشِيشنْ نّسْ،
NUM 30:8 ؤُشَا أَرْيَازْ نّسْ إِسْڒَا أَسْ ؤُشَا إِسْقَارْ زَّاثسْ ذڭْ وَاسّْ إِ ذِي إِسْڒَا [أَيَا]، [خنِّي] أَذْ سڒْحنْ لْوُوعُوذْ نّسْ ذ كُوڒْ أَقَّانْ نّسْ أَذْ يِيڒِي إِصْڒحْ.
NUM 30:9 [مَاشَا] مَاڒَا أَرْيَازْ نّسْ ذڭْ وَاسّْ نِّي ذِي إِسْڒَا [أَيَا]، إِنْهَارْ إِ-ت، [خنِّي] نتَّا إِسّبْضڒْ لْوَاعْذْ نِّي خَاسْ ؤُڒَا ذ أَوَاڒْ س ثْشَارْفَايحْ زڭْ إِينْشِيشنْ نّسْ إِ زِي ثُوغَا ثقّنْ إِخفْ نّسْ ؤُشَا أَربِّي أَذْ أَسْ إِغْفَارْ [أَيَا].‘ “
NUM 30:10 ”خْ لْوَاعْذْ ن ثَاجَّاتْشْ نِيغْ ن ثنِّي إِتّْوَادْجْفنْ: مَارَّا مِينْ زِي ثُوغَا ثقّنْ إِخفْ نّسْ، أَذْ يِيڒِي إِصدْجحْ.
NUM 30:11 مَاڒَا ثُوغَا ثوْشَا أَوَاڒْ نِيغْ ثقّنْ إِخفْ نّسْ س إِشْثْ ن ثْجَادْجِيثْ إِ يِيجّْ ن ڒْعَاهْذْ ذِي ثَادَّارْثْ ن ورْيَازْ نّسْ،
NUM 30:12 ؤُشَا أَرْيَازْ نّسْ إِسْڒَا [إِ ؤُيَا] ؤُشَا إِسْقَارْ زَّاثسْ ؤُشَا وَارْ ت إِسّْبدّْ خْ مَانْ أَيَا، [خنِّي] أَذْ صڒْحنْ مَارَّا لْوُوعُوذْ نّسْ ؤُ كُوڒْ أَقَّانْ نّسْ إِ زِي ثُوغَا ثقّنْ إِخفْ نّسْ أَذْ يِيڒِي إِصْڒحْ.
NUM 30:13 [مَاشَا] مَاڒَا أَرْيَازْ نّسْ إِسّبْضڒْ أَيَا قَاعْ ذڭْ وَاسّْ إِ ذِي إِسْڒَا، [خنِّي] وَارْ إِتِّيڒِي إِصدْجحْ شَا قَاعْ زِي مِينْ د-إِفّْغنْ زڭْ إِينْشِيشنْ نّسْ ن لْوُوعُوذْ نِيغْ ن وَاقَّانْ. أَرْيَازْ نّسْ إِسّبْضڒْ أَيَا ؤُشَا أَربِّي أَذْ أَسْ إِغْفَارْ.
NUM 30:14 كُوڒْ لْوَاعْذْ ذ كُوڒْ أَقَّانْ س إِشْثْ ن ثْجَادْجِيثْ إِ ؤُمِي غَا ثسّْوَاضعْ إِخفْ نّسْ، أَرْيَازْ نّسْ إِزمَّارْ أَذْ ث إِسّمْثنْ نِيغْ أَرْيَازْ نّسْ إِزمَّارْ أَذْ ث إِسّبْضڒْ.
NUM 30:15 مَاڒَا أَرْيَازْ نّسْ إِسْقَارْ قَاعْ زڭْ وَاسّْ خْ وَاسّْ، [خنِّي] إِسّمْثنْ مَارَّا لْوُوعُوذْ نّسْ نِيغْ كُوڒْ أَقَّانْ نّسْ إِ خَاسْ إِدْجَانْ. أَقَا إِسّمْثنْ إِ-ثنْ مِينْزِي إِسْقَارْ زَّاثسْ ذڭْ وَاسّْ إِ ذِي [ثنْ] إِسْڒَا.
NUM 30:16 مَاڒَا نتَّا، أَوَارْنِي ڒَامِي [ذ أَسنْ] إِسْڒَا، أَذْ ثنْ إِسّبْضڒْ، [خنِّي] أَذْ يَارْبُو نتَّا ڒْمُوعْصِييّثْ ن [ثمْغَارْثْ] نّسْ.“
NUM 30:17 أَقَا ذ ثِينَا ذ ثِيوصَّا إِ زِي يُومُورْ سِيذِي إِ مُوسَا، [إِ إِدْجَانْ] جَارْ ورْيَازْ ذ ثمْغَارْثْ، جَارْ بَابَاسْ ذ يسِّيسْ، [ثنِّي إِقِّيمنْ] ذِي ثَادَّارْثْ ن بَابَاسْ ذِي ثمْژِي نّسْ.
NUM 31:1 إِسِّيوڒْ سِيذِي أَكْ-ذ مُوسَا، إِنَّا:
NUM 31:2 ”نْثَاقمْ ذِي طّْوعْ ن أَيْثْ ن إِسْرَائِيل خْ إِمِيذْيَانِييّنْ. أَوَارْنِي أَسْ أَذْ ثمَّارْنِيذْ غَارْ ڒْڭنْسْ نّشْ.“
NUM 31:3 إِسِّيوڒْ مُوسَا أَكْ-ذ ڒْڭنْسْ، إِنَّا: ”سْوجْذمْ زِي غَارْومْ إِرْيَازنْ إِ ؤُمنْغِي ضِيدّْ إِ مِيذْيَانْ ؤُ نِيثْنِي أَذْ إِڒِينْ ضِيدّْ إِ مِيذْيَانْ مَاحنْذْ أَذْ سِّيوْضنْ نّقْمثْ ن سِيذِي خْ مِيذْيَانْ.
NUM 31:4 إِتّْخصَّا أَومْ أَذْ ثسّكّمْ أَڒفْ [ن يرْيَازنْ] زِي كُوڒْ ثَاقْبِيتْشْ غَارْ ؤُمنْغِي، [زِي كُوڒْ إِشْثْ زِي] مَارَّا ثِيقبَّاڒْ ن إِسْرَائِيل.“
NUM 31:5 [أَمُّو] إِ تّْوَافَارْزنْ زِي ڒُوڒُوفْ ن إِسْرَائِيل أَڒفْ [ن يرْيَازنْ] زِي كُوڒْ ثَاقْبِيتْشْ، أَقَا أَثنْ [جْمِيعْ] ثنْعَاشْ-ن-ڒُوڒُوفْ [ن يرَازنْ] إِوجْذنْ إِ ؤُمنْغِي.
NUM 31:6 مُوسَا إِسّكّْ إِ-ثنْ غَارْ ؤُمنْغِي، أَڒفْ [ن يرْيَازنْ] زِي كُوڒْ ثَاقْبِيتْشْ. [نتَّا إِسّكّْ] إِ-ثنْ غَارْ ؤُمنْغِي أَكْ-ذ فِينَاحَاسْ، مِّيسْ ن ؤُكهَّانْ أَلِيعَازَارْ، ؤُ [نتَّا غَارسْ] ڒقْشُوعْ إِقدّْسنْ ذ ڒبْوَاقْ إِ ؤُسُوضِي س وسْرُودّحْ [إِ ؤُمنْغِي] ذڭْ ؤُفُوسْ نّسْ
NUM 31:7 ؤُشَا مّنْغنْ ضِيدّْ إِ إِمِيذْيَانِييّنْ، أَمْ مَامّشْ [ث] يُومُورْ سِيذِي إِ مُوسَا ؤُشَا نْغِينْ مَارَّا مِينْ إِدْجَانْ ذ أَوْثمْ.
NUM 31:8 سنّجْ إِ يِينِّي [زَّايْسنْ] إِتّْوَاسّْنُوقّْبنْ، نْغِينْ عَاوذْ إِجدْجِيذنْ ن مِيذْيَانْ: إِوِي، رَاقِيمْ، صُورْ، حُورْ ذ رَابَاعْ، خمْسَا ن إِجدْجِيذنْ ن مِيذْيَانْ، [ؤُڒَا] بَالْعَامْ، مِّيسْ ن بَاعُورْ، نْغِينْ ث س سِّيفْ.
NUM 31:9 أَيْثْ ن إِسْرَائِيل حبّْسنْ ثِيمْغَارِينْ ن مِيذْيَانْ ذ ثَارْوَا نْسنْ، ؤُ كشّْضنْ ڒبْهَايمْ نْسنْ ذ ثْحِيمْرِيوِينْ نْسنْ ذ مَارَّا مِينْ غَارْسنْ.
NUM 31:10 سّْشمْضنْ س ثْمسِّي مَارَّا ثِيندَّامْ نْسنْ مَانِي ثُوغَا زدّْغنْ ذ مَارَّا لْقلْعَاثْ نْسنْ.
NUM 31:11 كْسِينْ مَارَّا مِينْ كشّْضنْ، مَارَّا ثَاكشَّاضْثْ ن إِوْذَانْ ذ ڒبْهَايمْ
NUM 31:12 ؤُشَا إِوْينْ-د إِمحْبَاسْ ذ مَارَّا ثَاكشَّاضْثْ غَارْ مُوسَا ؤُ غَارْ ؤُكهَّانْ أَلِيعَازَارْ ؤُ غَارْ ثْمسْمُونْثْ ن أَيْثْ ن إِسْرَائِيل، ذِي ڒْمَارْڭحْ ن ڒْعسْكَارْ، ذِي ڒوْضَاثْ ن مُوآبَ، غَارْ لْ-ؤُرْذُونْ، [أَرنْذَاذْ ن] أَرِيحَا.
NUM 31:13 ؤُشَا إِفّغْ-د مُوسَا أَكْ-ذ ؤُكهَّانْ أَلِيعَازَارْ ذ مَارَّا ڒْحُوكَّامْ ن ثْمسْمُونْثْ بَارَّا إِ ڒْمَارْڭحْ ن ڒْعسْكَارْ مَاحنْذْ أَذْ ثنْ مّْسَاڭَارنْ.
NUM 31:14 إِفُّوڭمْ مُوسَا أَطَّاسْ خْ إِمْڭوَّاذنْ ن ڒْعسْكَارْ، خْ إِمقّْرَاننْ خْ وَاڒفْ ؤُ خْ إِمقّْرَاننْ خْ مْيَا، إِنِّي د-إِعقْبنْ زڭْ ؤُمنْغِي.
NUM 31:15 إِنَّا أَسنْ مُوسَا: ”مَا ثجِّيمْ مَارَّا مِينْ إِدْجَانْ ذ ثَاوْثنْثْ إِدَّارْ؟
NUM 31:16 خْزَارْ، س وسْشَانْ ن بَالْعَامْ، [ثِيمْغَارِينْ-أَ] ثُوغَا أَثنْثْ ذ ڒسْبَابْ أَقَا أَيْثْ ن إِسْرَائِيل غْذَارنْ سِيذِي ذِي ثْمسْڒَاشْثْ ن فَاغُورْ ؤُشَا ثوْضَا-د جّْرِيحشْثْ خْ ثْمسْمُونْثْ ن سِيذِي.
NUM 31:17 ڒخُّو [خنِّي]، نْغمْ مَارَّا إِوثْمَانْ نِّي جَارْ إِحنْجِيرنْ إِمژْيَاننْ ؤُشَا نْغمْ مَارَّا ثَامْغَارْثْ نِّي إِمُوننْ أَكْ-ذ إِجّْ ن ورْيَازْ أَمْ ثطّصْ نتَّاثْ أَكْ-ذ إِجّْ ن ورْيَازْ.
NUM 31:18 مَاشَا مَارَّا ثِيحنْجِيرِينْ جَارْ ثمْغَارِينْ نِّي وَارْ إِمُوننْ أَكْ-ذ إِجّْ ن ورْيَازْ أَمْ [أَكِيذسْ] طّْصنْثْ، جّمْ ثنْثْ إِ يِيخفْ نْومْ أَذْ دَّارنْثْ.
NUM 31:19 إِتّْخصَّا أَومْ أَذْ ثوْثمْ إِقِيضَانْ نْومْ بَارَّا إِ ڒْمَارْڭحْ ن ڒْعسْكَارْ ڒْمِيجَاڒْ ن سبْعَا ن وُوسَّانْ. كُوڒْ إِجّنْ، ونِّي إِنْغِينْ إِجّْ ن ڒعْمَارْ [ن بْنَاذمْ]، ؤُ كُوڒْ إِجّنْ، ونِّي إِحَاذَانْ إِجّنْ إِ إِتّْوَاسّْنُوقّْبنْ، أَذْ يجّْ أَذْ كّْسنْ دّنْبْ خْ يِيخفْ نّسْ ذڭْ وَاسّْ وِيسّْ ثْڒَاثَا ؤُ ذڭْ وَاسّْ وِيسْ سبْعَا، [أَمُّو] إِ غَا ثڭّمْ كنِّيوْ ؤُڒَا ذ إِمحْبَاسْ نْومْ.
NUM 31:20 إِتّْخصَّا أَذْ ثكّْسمْ دّنْبْ عَاوذْ خْ مَارَّا أَرُّوضْ ذ مَارَّا ڒقْشُوعْ ن إِڒْمَاونْ ذ مَارَّا مِينْ إِتّْوَاڭّنْ س ثْهِيضُورْثْ ن إِغَايْضْ ذ مَارَّا ڒقْشُوعْ ن ؤُكشُّوضْ.“
NUM 31:21 أَلِيعَازَارْ، أَكهَّانْ، إِنَّا إِ إِعسْكَارِييّنْ نِّي د-إِفّْغنْ غَارْ ؤُمنْغِي: ”ثَا ذ ثَاوْصيّثْ زِي شَّارِيعَا نِّي يُومُورْ سِيذِي إِ مُوسَا:
NUM 31:22 مْغِيرْ ؤُرغْ ذ نُّوقَارْثْ ذ نّْحَاسْ ذ ؤُزَّاڒْ ذ إِسْثَانْيُو ذ ڒخْفِيفْ،
NUM 31:23 مَارَّا مِينْ إِزمَّارنْ إِ ثْمسِّي، خْ ثْمسِّي أَذْ ث ثسّكّمْ، [خنِّي] أَذْ يِيڒِي إِزْذِيڭْ، [مَاشَا] إِتّْخصَّا أَذْ زَّايسْ ثكّْسمْ دّنْبْ س وَامَانْ ن وعْزَاڒْ. مَارَّا مِينْ وَارْ إِزمَّارنْ إِ ثْمسِّي، أَذْ ث ثسّكّمْ خْ وَامَانْ.
NUM 31:24 ذڭْ وَاسّْ وِيسّْ سبْعَا أَذْ ثْصبّْنمْ أَرُّوضْ نْومْ، [خنِّي] أَذْ ثِيڒِيمْ ذ إِمزْذَاڭنْ. أَوَارْنِي ؤُيَا ثْزمَّارمْ أَذْ ثَاذْفمْ غَارْ ڒْمَارْڭحْ ن ڒْعسْكَارْ.“
NUM 31:25 إِسِّيوڒْ سِيذِي أَكْ-ذ مُوسَا، إِنَّا:
NUM 31:26 ”طّفْ ڒعْبَارْ ن ثْكشَّاضْثْ ن إِوْذَانْ ذ ڒبْهَايمْ نِّي ثتّْوَاحبّسْ، شكْ [جْمِيعْ] أَكْ-ذ ؤُكهَّانْ أَلِيعَازَارْ ؤُ أَكْ-ذ إِزدْجِيفنْ ن [ثُوذْرِينْ ن] إِبَابَاثنْ ن ثْمسْمُونْثْ.
NUM 31:27 بْضَا ثَاكشَّاضْثْ خْ ثْنَاينْ جَارْ إِنِّي إِشَارْشنْ ذڭْ ؤُمنْغِي ذ يِينِّي إِفّْغنْ أَكْ-ذ ڒْعسْكَارْ [زڭْ إِشْثْ ن جِّيهثْ] ذ مَارَّا ثَامسْمُونْثْ [زِي جِّيهثْ نّغْنِيثْ].
NUM 31:28 سْڭعّْذثْ إِشْثْ ن صّذْقثْ إِ سِيذِي زڭْ إِعسْكَارِييّنْ نِّي د-إِفّْغنْ غَارْ ؤُمنْغِي أَكْ-ذ ڒْعسْكَارْ: إِجّْ ن ڒعْمَارْ زِي خمْسَا مْيَا ن إِوْذَانْ ؤُشَا [أَمنِّي] زڭْ إِفُونَاسنْ ذ ثْفُونَاسِينْ ؤُ زڭْ إِغْيَاڒْ ؤُ زڭْ وُودْجِي.
NUM 31:29 زڭْ وزْينْ نْسنْ ن [ثْكشَّاضْثْ] أَذْ ثكْسِيذْ [صّذْقثْ-أَ] ؤُشَا أَذْ ت ثوْشذْ إِ ؤُكهَّانْ أَلِيعَازَارْ [أَمْ] إِشْثْ ن ثوْهِيبْثْ ن ؤُسْڭعّذْ إِ سِيذِي.
NUM 31:30 زڭْ وزْينْ [ن ثْكشَّاضْثْ] ن أَيْثْ ن إِسْرَائِيل أَذْ ثكْسِيذْ إِجّْ زِي كُوڒْ خمْسِينْ: زڭْ إِوْذَانْ، زڭْ إِفُونَاسنْ ذ ثْفُونَاسِينْ، زڭْ إِغْيَاڒْ ؤُ زڭْ وُودْجِي، [وَاهْ،] زِي مَارَّا ڒبْهَايمْ. أَذْ ثوْشذْ أَيَا إِ إِلَاوِييّنْ نِّي إِطّْفنْ أَشْبَارْ خْ ثْزذِّيغْثْ ن سِيذِي.“
NUM 31:31 ؤُشَا إِڭَّا مُوسَا ذ ؤُكهَّانْ أَلِيعَازَارْ أَمْ مَامّشْ [ث] يُومُورْ سِيذِي إِ مُوسَا.
NUM 31:32 [أَوَارْنِي أَسْ] ثُوغَا ڒكْسِيبثْ نِّي إِقِّيمنْ ن ثْكشَّاضْثْ نِّي إِكشّضْ ڒْڭنْسْ ن ڒْعسْكَارْ ستَّا-مْيَا ؤُ-خمْسَا ؤُ-سبْعِينْ-أَڒفْ ن وُودْجِي.
NUM 31:33 ثْنَاينْ ؤُ-سبْعِينْ-أَڒفْ ن إِفُونَاسنْ ذ ثْفُونَاسِينْ،
NUM 31:34 وَاحِيثْ ؤُ-ستِّينْ-أَڒفْ ن إِغْيَاڒْ
NUM 31:35 ؤُشَا [زِي جِّيهثْ ن] ڒعْمَارْ ن بْنَاذمْ، زِي ثمْغَارِينْ نِّي وَارْ إِطِّيصنْ ذِي قَامَا أَكْ-ذ إِجّْ ن ورْيَازْ، أَقَا أَثنْثْ مَارَّا ثْنَاينْ ؤُ-ثْڒَاثِينْ-أَڒفْ.
NUM 31:36 إِجّْ ن وزْينْ، ثَاسْغَارْثْ ن يِينِّي د-إِفّْغنْ أَكْ-ذ ڒْعسْكَارْ، أَقَا-ث ذِي ثڒْثْ-مْيَا ؤُ-سبْعَا ؤُ-ثْڒَاثِينْ-أَڒفْ ن وُودْجِي.
NUM 31:37 صّذْقثْ إِ سِيذِي ن وُودْجِي [ثُوغَا-ت ذِي] ستَّا-مْيَا ؤُ-خمْسَا ؤُ-سبْعِينْ.
NUM 31:38 ؤُشَا [ثُوغَا ذِينْ] ستَّا ؤُ-ثْڒَاثِينْ-أَڒفْ ن إِفُونَاسنْ ذ ثْفُونَاسِينْ ؤُشَا صّذْقثْ [زَّايْسنْ] إِ سِيذِي [ثُوغَا-ت] ذِي ثْنَاينْ ؤُ-سبْعِينْ.
NUM 31:39 ؤُشَا [ثُوغَا ذِينْ] ثْڒَاثِينْ-أَڒفْ ؤُ-خمْسَا-مْيَا ن إِغْيَاڒْ ؤُشَا صّذْقنْ زَّايْسنْ إِ سِيذِي، وَاحِيثْ ؤُ-ستِّينْ.
NUM 31:40 ؤُشَا [زِي جِّيهثْ ن] ڒعْمُورْ ن بْنَاذمْ [ثُوغَا ذِينْ] سطَّاشْ-أَڒفْ [ن ثمْغَارِينْ] ؤُ أَصدّقْ زَّايْسنْثْ إِ سِيذِي أَقَا ثْنَاينْ ؤُ-ثْڒَاثِينْ [ن ثمْغَارِينْ].
NUM 31:41 إِوْشَا مُوسَا صّذْقثْ، ثنِّي ذ ثَاوْهِيبْثْ ن ؤُسْڭعّذْ إِ سِيذِي، إِ ؤُكهَّانْ أَلِيعَازَارْ، أَمْ مَامّشْ [ث] يُومُورْ سِيذِي إِ مُوسَا.
NUM 31:42 زڭْ وزْينْ [نّغْنِي] إِ أَيْثْ ن إِسْرَائِيل، ونِّي إِفَارْزْ مُوسَا [ذِي طّْوعْ نْسنْ] زڭْ يرْيَازنْ نِّي ثُوغَا إِمّنْغنْ،
NUM 31:43 - أَزْينْ نِّي ن ثسْغَارْثْ إِ ثْمسْمُونْثْ ثُوغَا-ث ذِي ثڒْثْ-مْيَا ؤُ-سبْعَا ؤُ-ثْڒَاثِينْ-أَڒفْ ؤُ-خمْسَا مْيَا ن وُودْجِي،
NUM 31:44 ستَّا ؤُ-ثْڒَاثِينْ-أَڒفْ ن إِفُونَاسنْ ذ ثْفُونَاسِينْ،
NUM 31:45 ثْڒَاثِينْ-أَڒفْ ؤُ-خمْسَا-مْيَا ن يغْيَاڒْ
NUM 31:46 ؤُشَا سطَّاشْ-أَڒفْ ن ڒعْمُورْ ن إِوْذَانْ -
NUM 31:47 زڭْ وزْينْ نِّي إِ أَيْثْ ن إِسْرَائِيل إِكْسِي مُوسَا إِجّْ زِي كُوڒْ خمْسِينْ، [أَمُّو] زڭْ إِوْذَانْ [أَمْ] زِي ڒبْهَايمْ، ؤُشَا إِوْشَا أَيَا إِ إِلَاوِييّنْ، إِنِّي إِطّْفنْ أَشْبَارْ خْ ثْزذِّيغْثْ ن سِيذِي، أَمْ مَامّشْ [ث] يُومُورْ سِيذِي إِ مُوسَا.
NUM 31:48 [خنِّي] ؤُسِينْ-د إِكُومَانْذَارنْ خْ ڒُوڒُوفْ ن ڒْعسْكَارْ، إِمقّْرَاننْ خْ وَاڒفْ ذ إِمقّْرَاننْ خْ مْيَا، غَارْ مُوسَا،
NUM 31:49 نَّانْ إِ مُوسَا: ”إِمْسخَّارنْ نّشْ أَقَا حسْبنْ مَارَّا إِعسْكَارِييّنْ نِّي سَاذُو ؤُفُوسْ نّغْ ؤُ وَارْ ذ أَنغْ إِرُوحْ ؤُڒَا ذ [إِجّْ ن] ورْيَازْ.
NUM 31:50 س ؤُيَا نِيوِي ثَاوْهِيبْثْ ن سِيذِي، كُوڒْ  إِجّْ مِينْ يُوفَا: إِشْثْ ن ڒْقشْعثْ ن وُورغْ، إِشْثْ ن ثْخڒْخَاڒْثْ، إِشْثْ ن ثْمقْيَاسْثْ، إِشْثْ ن ثْخَاثنْثْ [ن ؤُشمِّيعْ]، إِشْثْ ن ثخْرَازْثْ نِيغْ إِشْثْ ن ثْسدّشْثْ س وذْمَامْ ن وُورغْ، حِيمَا أَذْ زَّايْسنْثْ إِتّْوَاڭّْ وصْڒَاحْ خْ ڒعْمُورْ نّغْ زَّاثْ إِ وُوذمْ ن سِيذِي.“
NUM 31:51 مُوسَا ذ ؤُكهَّانْ أَلِيعَازَارْ كْسِينْ زَّايْسنْ ؤُرغْ نْسنْ، مَارَّا ڒقْشُوعْ إِ ڭِّينْ [س لْفنّْ].
NUM 31:52 مَارَّا ؤُرغْ ن ثوْهِيبْثْ نِّي سّْڭعّْذنْ إِ سِيذِي زڭْ إِمقّْرَاننْ خْ وَاڒفْ ؤُ زڭْ إِمقّْرَاننْ خْ مْيَا ثُوغَا ذِي سطَّاشْ-أَڒفْ ؤُ-سبْعَا-مْيَا ؤُ-خمْسِينْ شِيقْلُو.
NUM 31:53 إِعسْكَارِييّنْ أَقَا كشّْضنْ كُوڒْ إِجّْ إِ يِيخفْ نّسْ [مِينْ خْسنْ].
NUM 31:54 مُوسَا ذ ؤُكهَّانْ أَلِيعَازَارْ طّْفنْ ؤُرغْ [نِّي] ن إِمقّْرَاننْ خْ وَاڒفْ ؤُ خْ مْيَا ؤُشَا إِوْينْ ث غَارْ ؤُقِيضُونْ ن ؤُمْسَاڭَارْ، أَمْ يِيشْثْ ن ڒِيذَارثْ إِ أَيْثْ ن إِسْرَائِيل زَّاثْ إِ وُوذنْ ن سِيذِي.
NUM 32:1 أَيْثْ ن رُوبِينْ غَارْسنْ أَطَّاسْ ن ڒبْهَايمْ ؤُ أَيْثْ ن جَاذْ غَارْسنْ أَطَّاسْ س وَاطَّاسْ [ن ڒبْهَايمْ] ؤُشَا نِيثْنِي ژْرِينْ ثَامُّورْثْ ن يَاعْزِيرْ ذ ثمُّورْثْ ن جِيلْعَاذْ، ؤُشَا خْزَارْ، جِّيهثْ [نِّي] [ثشْنَا] إِ ڒبْهَايمْ.
NUM 32:2 ؤُسِينْ-د أَيْثْ ن جَاذْ ؤُ أَيْثْ ن رُوبِينْ، سِّيوْڒنْ أَكْ-ذ مُوسَا ذ ؤُكهَّانْ أَلِيعَازَارْ ؤُ أَكْ-ذ ڒْحُوكَّامْ ن ثْمسْمُونْثْ، نَّانْ:
NUM 32:3 ”عَاطَارُوثْ، ذِيبُونْ، يَاعْزِيرْ، نِيمْرَا، حَاشْبُونْ، أَلِيعَالَا، شَابَامْ، نابُو ذ بَاعُونْ،
NUM 32:4 ثَامُّورْثْ نِّي خْ إِغْڒبْ سِيذِي زَّاثْ إِ وُوذمْ ن ثْمسْمُونْثْ ن إِسْرَائِيل، أَقَا-ت ذ إِشْثْ ن ثمُّورْثْ [ثشْنَا] إِ ڒبْهَايمْ ؤُ [نشِّينْ]، إِمْسخَّارنْ نّشْ غَارْسنْ ڒبْهَايمْ.“
NUM 32:5 نَّانْ: ”مَاڒَا نُوفَا أَرْضَا ذِي ثِيطَّاوِينْ نّشْ، مَا زعْمَا أَذْ ثمّوْشْ ثمُّورْثْ-أَ ذ أَڭْڒَا إِ إِمْسخَّارنْ نّشْ ؤُ وَارْ ذ أَنغْ تّجِّي أَذْ نژْوَا لْ-ؤُرْذُونْ.“
NUM 32:6 يَارَّا-د مُوسَا خْ أَيْثْ ن جَاذْ ؤُ خْ أَيْثْ ن رُوبِينْ: ”مَاڒَا أَيْثْمَاثْومْ أَذْ د-فّْغنْ غَارْ ڭَارَّا، مَا خنِّي كنِّيوْ أَذْ ثقِّيممْ ذَا؟
NUM 32:7 مَايمِّي غَا ثسّْعڭْزمْ ؤُڒْ ن أَيْثْ ن إِسْرَائِيل مَاحنْذْ وَارْ ژكّْوِينْ غَارْ ثمُّورْثْ إِ ذ أَسنْ إِوْشَا سِيذِي؟
NUM 32:8 أَمُّو إِ ڭِّينْ ڒجْذُوذْ نْومْ ؤُمِي ثنْ سّكّغْ زِي قَاذَاشْ-بَارْنِيعْ حِيمَا خنِّي أَذْ ژَترنْ ثَامُّورْثْ.
NUM 32:9 إِوْضنْ نِيثْنِي غَارْ ثغْزُورْثْ [ن ثغْزَارْثْ] ن إِشْكُولْ ؤُشَا ژْرِينْ ثَامُّورْثْ ؤُشَا قڒْبنْ ؤُڒَاونْ ن أَيْثْ ن إِسْرَائِيل، مَاحنْذْ وَارْ تِّيذْفنْ شَا ذِي ثمُّورْثْ إِ ذ أَسنْ إِوْشَا سِيذِي.
NUM 32:10 ذڭْ وَاسّْ نِّي يَارْغَا وغْضَابْ ن سِيذِي ؤُشَا إِجِّيدْجْ، إِنَّا:
NUM 32:11 ’إِرْيَازنْ نِّي د-إِفّْغنْ زِي مِيصْرَا، زِي عِيشْرِينْ إِسڭّْوُوسَا سنّجْ، وَارْ ژَترّنْ ثَامُّورْثْ نِّي خْ جُّودْجغْ أَذْ ت وْشغْ إِ إِبْرَاهِيمْ ذ إِسْحَاقْ ذ يَاعْقُوبْ، مِينْزِي نِيثْنِي وَارْ ذ أَيِي ضْفَارنْ نِيشَانْ،
NUM 32:12 مْغِيرْ كَالِيبْ، مِّيسْ ن يَافُونِّي، أَقِينِيزِي، ذ يَاشُووَا، مِّيسْ ن نُونْ، مِينْزِي نِيثْنِي ضْفَارنْ نِيشَانْ إِ سِيذِي.‘
NUM 32:13 ؤُشَا [أَمُّو] يَارْغَا وغْذَابْ ن سِيذِي خْ إِسْرَائِيل ؤُشَا إِڭَّا إِ-ثنْ أَذْ ثلّْعنْ ذِي ڒخْڒَا أَربْعِينْ ن إِسڭّْوُوسَا، أَڒَامِي إِفْنَا مَارَّا جِّيڒْ نِّي إِڭِّينْ ڒْغَارْ ذِي ثِيطَّاوِينْ ن سِيذِي،
NUM 32:14 ؤُشَا خْزَارْ، كنِّيوْ ثْغوّْغمْ أَمْ ڒجْذُوذْ نْومْ، [كنِّيوْ] ذ إِجّْ ن ؤُبَارُّو ن يرْيَازنْ ذ إِمذْنَابْ، [ؤُشَا أَمُّو] إِ غَا ثَارْنِيمْ عَاذْ ڒْحَاذُوقْ ن وغْضَابْ ن سِيذِي خْ إِسْرَائِيل.
NUM 32:15 مَاڒَا ثْذوْڒمْ-د كنِّيوْ زِي ضفَّارْ نّسْ، نتَّا أَذْ يجّْ [ڒْڭنْسْ] ذِي ڒخْڒَا عَاوذْ ؤُشَا [أَمُّو إِ غَا] ثجّمْ مَارَّا ڒْڭنْسْ أَيَا أَذْ إِهلّكْ.“
NUM 32:16 خنِّي قَارّْبنْ-د غَارسْ، نَّانْ: ”أَذْ نبْنَا ذَا ڒْكُورِييَّاثْ إِ وُودْجِي نّغْ ؤُ ثِيندَّامْ إِ إِحنْجِيرنْ نّغْ،
NUM 32:17 مَاشَا نشِّينْ أَذْ د-نفّغْ نوْجذْ إِ ؤُمنْغِي زَّاثْ إِ وُوذمْ ن أَيْثْ ن إِسْرَائِيل س ڒسْنَاحْ [نّغْ]، أَڒَامِي ثنْ نسِّيوضْ غَارْ ومْشَانْ نْسنْ. إِحنْجِيرنْ نّغْ أَذْ قِّيمنْ ذِي ثْندَّامْ إِفَارْينْ زِي سِّيبّثْ ن إِمزْذَاغْ ن ثمُّورْثْ.
NUM 32:18 وَارْ ندّكّْوِيڒْ غَارْ ثُوذْرِينْ نّغْ أَڒْ إِ غَا ثمّوْشْ ثسْغَارْثْ ن ڒْوَارْثْ إِ كُوڒْ إِجّْ زڭْ أَيْثْ ن إِسْرَائِيل.
NUM 32:19 مِينْزِي وَارْ نْثطّفْ ذِي ڒْوَارْثْ أَكِيذْسنْ غَارْ ثْمَا نّغْنِي ن لْ-ؤُرْذُونْ ؤُڒَا غَارْ زَّاثْ، مِينْزِي ثَاسْغَارْثْ إِ ذ أَنغْ د-إِتَّاسنْ أَقَا-ت غَارْ ثْمَا-يَا ثَانِيثَا ن لْ-ؤُرْذُونْ، غَارْ شَّارْقْ.“
NUM 32:20 [خنِّي] إِنَّا أَسنْ مُوسَا: ”مَاڒَا ثڭِّيمْ أَمُّو، مَاڒَا ثسّْوجْذمْ إِخفْ نْومْ إِ ؤُمنْغِي زَّاثْ إِ وُوذمْ ن سِيذِي،
NUM 32:21 ؤُ كُوڒْ إِجّْ، ونِّي إِسّْوجْذنْ إِخفْ نّسْ إِ ؤُمنْغِي، أَذْ إِژْوَا لْ-ؤُرْذُونْ زَّاثْ إِ وُوذمْ ن سِيذِي، أَڒْ نتَّا أَذْ يَاژّڒْ خْ ڒْعذْيَانْ نّسْ زَّاثْ إِ وُوذمْ نّسْ زِي ثسْغَارْثْ نْسنْ ن ڒْوَارْثْ،
NUM 32:22 ؤُ أَذْ ثِيڒِي ثمُّورْثْ ثتّْوَاخْضعْ زَّاثْ إِ وُوذمْ ن سِيذِي، [خنِّي] إِعدّڒْ أَذْ د-ثْذوْڒمْ ؤُ أَذْ ثِيڒِيمْ ثْبدّمْ زَّاثْ إِ سِيذِي ؤُ زَّاثْ إِ إِسْرَائِيل بْڒَا أَمَارْوَاسْ ؤُ أَذْ ثِيڒِي ثمُّورْثْ-أَ ذ أَڭْڒَا نْومْ زَّاثْ إِ وُوذمْ ن سِيذِي.
NUM 32:23 [مَاشَا] مَاڒَا وَارْ ثڭِّيمْ أَمُّو، [خنِّي] أَقَا ثخْضَامْ ضِيدّْ إِ سِيذِي ؤُشَا أَذْ ثسّْنمْ أَقَا دّنْبْ نْومْ أَذْ كنِّيوْ يَافْ.
NUM 32:24 بْنَامْ ثِيندَّامْ إِ إِحنْجِيرنْ نْومْ ذ ڒْكُورِييَّاثْ إِ وُودْجِي نْومْ ؤُشَا ڭّمْ مِينْ د-إِفّْغنْ زڭْ ؤُقمُّومْ نْومْ.“
NUM 32:25 [خنِّي] سِّيوْڒنْ أَيْثْ ن جَاذْ ذ أَيْثْ ن رُوبِينْ أَكْ-ذ مُوسَا، نَّانْ: ”إِمْسخَّارنْ نّشْ أَذْ ڭّنْ أَمْ مَامّشْ ثنْ يُومُورْ سِيذِي إِنُو.
NUM 32:26 ثَارْوَا نّغْ، ثِيمْغَارِينْ نّغْ، ڒكْسِيبثْ نّغْ ذ مَارَّا ڒبْهَايمْ نّغْ أَذْ قِّيمنْ ذِي ثْندَّامْ ن جِيلْعَاذْ،
NUM 32:27 [مَاشَا] إِمْسخَّارنْ نّشْ أَذْ ژْوَانْ إِ ؤُمنْغِي زَّاثْ إِ وُوذمْ ن سِيذِي، مَارَّا إِنِّي إِسّْوجْذنْ [إِخفْ نْسنْ] إِ ؤُمنْغِي، أَمْ مَامّشْ إِسِّيوڒْ سِيذِي إِنُو.“
NUM 32:28 ؤُشَا يُومُورْ خَاسنْ مُوسَا إِ ؤُكهَّانْ أَلِيعَازَارْ ؤُ إِ يَاشُووَا، مِّيسْ ن نُونْ، ؤُ إِ إِزدْجِيفنْ ن [ثُوذْرِينْ ن] إِبَابَاثنْ ن ثْقبَّاڒْ ن أَيْثْ ن إِسْرَائِيل،
NUM 32:29 إِنَّا أَسنْ مُوسَا: ”مَاڒَا أَيْثْ ن جَاذْ ذ أَيْثْ ن رُوبِينْ أَذْ كِيومْ ژْوَانْ لْ-ؤُرْذُونْ، كُوڒْ إِجّْ ونِّي إِسّْوجْذنْ إِخفْ نّسْ إِ ؤُمنْغِي زَّاثْ إِ وُوذمْ ن سِيذِي، ؤُ مَاڒَا [خنِّي] ثَامُّورْثْ أَذْ ثِيڒِي ثتّْوَاخْضعْ زَّاثْ إِ وُوذمْ نْومْ، [أَذْ ثَافْ] أَذْ أَسنْ ثوْشمْ ثَامُّورْثْ ن جِيلْعَاذْ ذ أَڭْڒَا.
NUM 32:30 مَاشَا مَاڒَا وَارْ كِيومْ ژكّْوِيمْ وجْذنْ إِ ؤُمنْغِي، [خنِّي] أَذْ طّْفنْ أَڭْڒَا ذِي ڒْوسْطْ نْومْ ذِي ثمُّورْثْ ن كنْعَانْ.“
NUM 32:31 أَيْثْ ن جَاذْ ذ أَيْثْ ن رُوبِينْ أَرِّينْ-د، نَّانْ: ”أَمْ مَامّشْ إِسِّيوڒْ سِيذِي أَكْ-ذ إِمْسخَّارنْ نّشْ، أَمُّو إِ غَا نڭّْ.
NUM 32:32 نشِّينْ أَذْ نژْوَا غَارْ ثمُّورْثْ ن كنْعَانْ أَذْ نِيڒِي نوْجذْ إِ ؤُمنْغِي زَّاثْ إِ وُوذمْ ن سِيذِي، [مَاشَا] ثَاسْغَارْثْ نّغْ ن ڒْوَارْثْ أَذْ ثِيڒِي غَارْ ثْمَا-يَا وَانِيثَا ن لْ-ؤُرْذُونْ.“
NUM 32:33 ؤُ إِوْشَا أَسنْ مُوسَا، إِ أَيْثْ ن جَاذْ ؤُ إِ أَيْثْ ن رُوبِينْ ؤُ إِ وزْينْ ن ثقْبِيتْشْ ن مَانَاسَّا، مِّيسْ ن يُوسُوفْ، ثَاڭلْذِيثْ ن سِيحُونْ، أَجدْجِيذْ ن إِمُورِييّنْ، ذ ثْڭلْذِيثْ ن عُوجْ، أَجدْجِيذْ ن بَاشَانْ، ثَامُّورْثْ س ثْندَّامْ نّسْ نِّي إِدْجَانْ ذِي جّْوَايهْ نّسْ ؤُڒَا ذ ثِيندَّامْ ذِي ثمُّورْثْ إِ ذ أَسْ د-إِنّْضنْ.
NUM 32:34 أَيْثْ ن جَاذْ بْنَانْ ذِيبُونْ، عَاطَارُوثْ، عَارُوعِيرْ،
NUM 32:35 عَاطْرُوثْ-شُوفَانْ، يَاعْزِيرْ، يُوجْبَاهَا،
NUM 32:36 بَايْثْ-نِيمْرَا ذ بَايْثْ-هَارَانْ، ثِيندَّامْ إِفَارْينْ ذ ڒْكُورِييَّاثْ إِ وُودْجِي.
NUM 32:37 أَيْثْ ن رُوبِينْ بْنَانْ حَاشْبُونْ، أَلِيعَالَا، قَارْيَاثَايِيمْ،
NUM 32:38 نابُو، بَاعْلْ-مَاعُونْ، ثنِّي زِي إِتّْوَابدّڒْ إِسمْ نْسنْ، ذ سِيبْمَا، ؤُشَا ڒَاغَانْ إِسْمَاونْ ن ثْندَّامْ إِ بْنَانْ [عَاوذْ] س يِيسمْ [نّغْنِي].
NUM 32:39 أَيْثْ ن مَاكِيرْ، مِّيسْ ن مَانَاسَّا، رُوحنْ غَارْ جِيلْعَاذْ ؤُشَا طّْفنْ ت ؤُشَا ؤُژّْڒنْ خْ إِمُورِييّنْ نِّي ذِينْ إِدْجَانْ زِي ڒْوَارْثْ نْسنْ.
NUM 32:40 ؤُشَا مُوسَا إِوْشَا جِيلْعَاذْ إِ مَاكِيرْ، مِّيسْ ن مَانَاسَّا، ؤُشَا إِرُوحْ نتَّا أَذْ إِزْذغْ ذِينْ.
NUM 32:41 ؤُشَا يَا‘إِرْ، مِّيسْ ن مَانَاسَّا، إِرُوحْ ؤُشَا إِطّفْ ذْشُورَاثْ نّسْ ؤُشَا إِڒَاغَا أَسنْثْ ذْشُورَاثْ ن يَا‘إِرْ.
NUM 32:42 أَمنِّي إِرُوحْ نُوبَاحْ ؤُشَا إِطّفْ قِينَاثْ ذ ثْندَّامْ إِ غَارسْ د-إِقّْننْ ؤُشَا إِسمَّا أَسْ نُوبَاحْ س يِيسمْ نّسْ.
NUM 33:1 أَمُّو إِ سّْمُّوطِّيينْ أَيْثْ ن إِسْرَائِيل إِنِّي د-إِفّْغنْ زِي ثمُّورْثْ ن مِيصْرَا، زڭْ ومْشَانْ غَارْ ومْشَانْ، [أَمْ تّْوَاستّْفنْ نِيثْنِي] عْلَاحْسَابْ [ثِيرْبِيعِينْ ن] ڒْعسْكَارْ نْسنْ، س ؤُفُوسْ ن مُوسَا ذ هَارُونْ.
NUM 33:2 خْ ڒُومُورْ ن سِيذِي يُورَا مُوسَا إِمُوشَانْ مَانِيسْ د-فّْغنْ أَكْ-ذ إِرحَّالنْ نْسنْ. إِنَا ذ إِرحَّالنْ نْسنْ أَكْ-ذ إِمُوشَانْ مَانِيسْ د-فّْغنْ.
NUM 33:3 فسْينْ إِقِيضَانْ نْسنْ، [فّْغنْ] زِي رَاعَامْسِيسْ ذڭْ ؤُيُورْ أَمزْوَارُو، ذڭْ وَاسّْ وِيسّْ خمّسْطَاشْ ن ؤُيُورْ أَمزْوَارُو. ذِي صّْبحْ، [ذغْيَا] أَوَارْنِي إِ [ثْغَارْصْثْ ن] ؤُسعْذُو فّْغنْ-د أَيْثْ ن إِسْرَائِيل س يِيجّْ ن ؤُفُوسْ إِتّْوَاسّْڭعّْذنْ زَّاثْ إِ ثِيطَّاوِينْ ن مَارَّا إِمِيصْرِييّنْ،
NUM 33:4 [ؤُمِي] ثُوغَا شغْڒنْ إِمِيصْرِييّنْ نطّْڒنْ مَارَّا إِمنْزَا نْسنْ، إِنِّي إِوْثَا سِيذِي [س ڒْموْثْ] جَارْ أَسنْ. [عَاوذْ] إِسِّيوضْ سِيذِي ڒحْكَامْ [نّسْ] خْ إِربِّيثنْ نْسنْ.
NUM 33:5 فسْينْ أَيْثْ ن إِسْرَائِيل إِقِيضَانْ نْسنْ، [فّْغنْ] زِي رَاعَامْسِيسْ ؤُشَا وْثِينْ إِقِيضَانْ نْسنْ ذِي سُوكُّوثْ.
NUM 33:6 فسْينْ إِقِيضَانْ نْسنْ، [فّْغنْ] زِي سُوكُّوثْ ؤُشَا وْثِينْ إِقِيضَانْ نْسنْ ذِي إِثَامْ غَارْ ثْمَا ن ڒخْڒَا.
NUM 33:7 فسْينْ إِقِيضَانْ نْسنْ، [فّْغنْ] زِي إِثَامْ ؤُشَا ذوْڒنْ-د غَارْ بِي-هَاحِيرُوثْ نِّي إِدْجَانْ أَرنْذَاذْ ن بَاعْلْ-صَافُونْ ؤُشَا وْثِينْ إِقِيضَانْ نْسنْ زَّاثْ إِ وُوذمْ ن مَاجْذَالْ.
NUM 33:8 فسْينْ إِقِيضَانْ نْسنْ، [فّْغنْ] زِي بِي-هَاحِيرُوثْ ؤُشَا شُوكّنْ ذِي ڒْوسْطْ ن ڒبْحَارْ غَارْ ڒخْڒَا ؤُشَا ؤُيُورنْ ثِيشْڒِي ن ثْڒَاثَا ن وُوسَّانْ ذِي ڒخْڒَا ن إِثَامْ، [خنِّي] وْثِينْ إِقِيضَانْ نْسنْ ذِي مَارَا.
NUM 33:9 فسْينْ إِقِيضَانْ نْسنْ، [فّْغنْ] زِي مَارَا ؤُشَا إِوْضنْ غَارْ إِلِيمْ، مَانِي إِدْجَا ثنْعَاشْ ن إِغْبَالُوثنْ ن وَامَانْ ذ سبْعِينْ ن ثْشجُّورَا ن ثِينِي ؤُشَا وْثِينْ إِقِيضَانْ نْسنْ ذِينْ.
NUM 33:10 فسْينْ إِقِيضَانْ نْسنْ، [فّْغنْ] زِي إِلِيمْ ؤُشَا وْثِينْ إِقِيضَانْ نْسنْ غَارْ ڒبْحَارْ ن ثلْڭَا.
NUM 33:11 فسْينْ إِقِيضَانْ نْسنْ، [فّْغنْ] زِي ڒبْحَارْ ن ثلْڭَا ؤُشَا وْثِينْ إِقِيضَانْ نْسنْ ذِي ڒخْڒَا ن سِينْ.
NUM 33:12 فسْينْ إِقِيضَانْ نْسنْ، [فّْغنْ] زِي ڒخْڒَا ن سِينْ ؤُشَا وْثِينْ إِقِيضَانْ نْسنْ ذِي ذُوفْقَا.
NUM 33:13 فسْينْ إِقِيضَانْ نْسنْ، [فّْغنْ] زِي ذُوفْقَا ؤُشَا وْثِينْ إِقِيضَانْ نْسنْ ذِي أَلُوشْ.
NUM 33:14 فسْينْ إِقِيضَانْ نْسنْ، [فّْغنْ] زِي أَلُوشْ ؤُشَا وْثِينْ إِقِيضَانْ نْسنْ ذِي رَافِيذِيمْ، مَانِي وَارْ يُوفِي أَمَانْ إِ ڒْڭنْسْ مَاحنْذْ أَذْ سْونْ.
NUM 33:15 فسْينْ إِقِيضَانْ نْسنْ، [فّْغنْ] زِي رَافِيذِيمْ ؤُشَا وْثِينْ إِقِيضَانْ نْسنْ ذِي ڒخْڒَا ن سِينَا.
NUM 33:16 فسْينْ إِقِيضَانْ نْسنْ، [فّْغنْ] زِي ڒخْڒَا ن سِينَا ؤُشَا وْثِينْ إِقِيضَانْ نْسنْ ذِي قَابَارُوثْ-هَاثَاآوَاثْ.
NUM 33:17 فسْينْ إِقِيضَانْ نْسنْ، [فّْغنْ] زِي قَابَارُوثْ-هَاثَاآوَاثْ ؤُشَا وْثِينْ إِقِيضَانْ نْسنْ ذِي حَاضَايْرُوثْ.
NUM 33:18 فسْينْ إِقِيضَانْ نْسنْ، [فّْغنْ] زِي حَاضَايْرُوثْ ؤُشَا وْثِينْ إِقِيضَانْ نْسنْ ذِي رِيثْمَا.
NUM 33:19 فسْينْ إِقِيضَانْ نْسنْ، [فّْغنْ] زِي رِيثْمَا ؤُشَا وْثِينْ إِقِيضَانْ نْسنْ ذِي رِيمُّونْ-فَارِيصْ.
NUM 33:20 فسْينْ إِقِيضَانْ نْسنْ، [فّْغنْ] زِي رِيمُّونْ-فَارِيصْ ؤُشَا وْثِينْ إِقِيضَانْ نْسنْ ذِي لِيبْنَا.
NUM 33:21 فسْينْ إِقِيضَانْ نْسنْ، [فّْغنْ] زِي لِيبْنَا ؤُشَا وْثِينْ إِقِيضَانْ نْسنْ ذِي رِيسَّا.
NUM 33:22 فسْينْ إِقِيضَانْ نْسنْ، [فّْغنْ] زِي رِيسَّا ؤُشَا وْثِينْ إِقِيضَانْ نْسنْ ذِي قِيهَايْلَاثَا.
NUM 33:23 فسْينْ إِقِيضَانْ نْسنْ، [فّْغنْ] زِي قِيهَايْلَاثَا ؤُشَا وْثِينْ إِقِيضَانْ نْسنْ ذِي وذْرَارْ ن شَافَارْ.
NUM 33:24 فسْينْ إِقِيضَانْ نْسنْ، [فّْغنْ] زڭْ وذْرَارْ ن شَافَارْ ؤُشَا وْثِينْ إِقِيضَانْ نْسنْ ذِي حَارَاذَا.
NUM 33:25 فسْينْ إِقِيضَانْ نْسنْ، [فّْغنْ] زِي حَارَاذَا ؤُشَا وْثِينْ إِقِيضَانْ نْسنْ ذِي مَاقْهَايْلُوثْ.
NUM 33:26 فسْينْ إِقِيضَانْ نْسنْ، [فّْغنْ] زِي مَاقْهَايْلُوثْ ؤُشَا وْثِينْ إِقِيضَانْ نْسنْ ذِي ثَاحَاثْ.
NUM 33:27 فسْينْ إِقِيضَانْ نْسنْ، [فّْغنْ] زِي ثَاحَاثْ ؤُشَا وْثِينْ إِقِيضَانْ نْسنْ ذِي ثَارَاحْ.
NUM 33:28 فسْينْ إِقِيضَانْ نْسنْ، [فّْغنْ] زِي ثَارَاحْ ؤُشَا وْثِينْ إِقِيضَانْ نْسنْ ذِي مِيثْقَا.
NUM 33:29 فسْينْ إِقِيضَانْ نْسنْ، [فّْغنْ] زِي مِيثْقَا ؤُشَا وْثِينْ إِقِيضَانْ نْسنْ ذِي حَاشْمُونَا.
NUM 33:30 فسْينْ إِقِيضَانْ نْسنْ، [فّْغنْ] زِي حَاشْمُونَا ؤُشَا وْثِينْ إِقِيضَانْ نْسنْ ذِي مُوسِيرُوثْ.
NUM 33:31 فسْينْ إِقِيضَانْ نْسنْ، [فّْغنْ] زِي مُوسِيرُوثْ ؤُشَا وْثِينْ إِقِيضَانْ نْسنْ ذِي بَانِي-يَاعْقَانْ.
NUM 33:32 فسْينْ إِقِيضَانْ نْسنْ، [فّْغنْ] زِي بَانِي-يَاعْقَانْ ؤُشَا وْثِينْ إِقِيضَانْ نْسنْ ذِي حُورْ-جِيذْجَاذْ.
NUM 33:33 فسْينْ إِقِيضَانْ نْسنْ، [فّْغنْ] زِي زِي هُورْ-جِيذْجَاذْ ؤُشَا وْثِينْ إِقِيضَانْ نْسنْ ذِي يُوثْبَاثْ.
NUM 33:34 فسْينْ إِقِيضَانْ نْسنْ، [فّْغنْ] زِي زِي يُوثْبَاثْ ؤُشَا وْثِينْ إِقِيضَانْ نْسنْ ذِي عَابْرُونَا.
NUM 33:35 فسْينْ إِقِيضَانْ نْسنْ، [فّْغنْ] زِي زِي عَابْرُونَا ؤُشَا وْثِينْ إِقِيضَانْ نْسنْ ذِي عِيصْيُونْ-جَابَارْ.
NUM 33:36 فسْينْ إِقِيضَانْ نْسنْ، [فّْغنْ] زِي زِي عِيصْيُونْ-جَابَارْ ؤُشَا ؤُشَا وْثِينْ إِقِيضَانْ نْسنْ ذِي ڒخْڒَا ن صِينْ نِّي [يدْجَا] قَاذَاشْ.
NUM 33:37 فسْينْ إِقِيضَانْ نْسنْ، [فّْغنْ] زِي قَاذَاشْ ؤُشَا وْثِينْ إِقِيضَانْ نْسنْ غَارْ وذْرَارْ ن هُورْ، غَارْ ثْمَا ن ثمُّورْثْ ن إِذُومْ.
NUM 33:38 يُوڒِي ؤُكهَّانْ هَارُونْ أَذْرَارْ ن هُورْ أَمْ مَامّشْ ذ أَسْ إِنَّا سِيذِي ؤُشَا إِمُّوثْ ذِينْ ذڭْ ؤُسڭّْوَاسْ وِيسّْ أَربْعِينْ أَوَارْنِي إِ ؤُفُّوغْ ن أَيْثْ ن إِسْرَائِيل زِي ثمُّورْثْ ن مِيصْرَا، ذڭْ ؤُيُورْ وِيسّْ خمْسَا، ذڭْ وَاسّْ أَمزْوَارُو ن ؤُيُورْ.
NUM 33:39 ثُوغَا هَارُونْ غَارسْ مْيَا ؤُ-ثْڒَاثَا ؤُ-عِيشْرِينْ ن إِسڭّْوُوسَا ؤُمِي إِمُّوثْ ذڭْ وذْرَارْ ن هُورْ.
NUM 33:40 ؤُشَا أَكنْعَانِي، أَجدْجِيذْ ن عَارَاذْ، [ونِّي] ثُوغَا إِزدّْغنْ ذِي لْجَانُوبْ ن ثمُّورْثْ ن كنْعَانْ، إِسْڒَا س ثْوَاسِيثْ ن أَيْثْ ن إِسْرَائِيل.
NUM 33:41 فسْينْ إِقِيضَانْ نْسنْ، [فّْغنْ] زڭْ وذْرَارْ ن هُورْ ؤُشَا وْثِينْ إِقِيضَانْ نْسنْ ذِي صَالْمُونَا.
NUM 33:42 فسْينْ إِقِيضَانْ نْسنْ، [فّْغنْ] زِي صَالْمُونَا ؤُشَا وْثِينْ إِقِيضَانْ نْسنْ ذِي فُونُونْ.
NUM 33:43 فسْينْ إِقِيضَانْ نْسنْ، [فّْغنْ] زِي فُونُونْ ؤُشَا وْثِينْ إِقِيضَانْ نْسنْ ذِي ؤُبُوثْ.
NUM 33:44 فسْينْ إِقِيضَانْ نْسنْ، [فّْغنْ] زِي ؤُبُوثْ ؤُشَا وْثِينْ إِقِيضَانْ نْسنْ ذِي ڒْخِيرْبَاثْ ن عَابَارِيمْ ذِي جّْوَايهْ ن ويْمِيرْ أَكْ-ذ مُوآبَ.
NUM 33:45 فسْينْ إِقِيضَانْ نْسنْ، [فّْغنْ] زِي ڒْخِيرْبَاثْ [ن عَابَارِيمْ] ؤُشَا وْثِينْ إِقِيضَانْ نْسنْ ذِي ذِيبُونْ-جَاذْ.
NUM 33:46 فسْينْ إِقِيضَانْ نْسنْ، [فّْغنْ] زِي ذِيبُونْ-جَاذْ ؤُشَا وْثِينْ إِقِيضَانْ نْسنْ ذِي عَالْمُونْ-ذِيبْلَاثَايِيمْ.
NUM 33:47 فسْينْ إِقِيضَانْ نْسنْ، [فّْغنْ] زِي عَالْمُونْ-ذِيبْلَاثَايِيمْ ؤُشَا وْثِينْ إِقِيضَانْ نْسنْ ذڭْ إِذُورَارْ ن عَابَارِيمْ زَّاثْ إِ وُوذمْ ن وذْرَارْ ن نابُو.
NUM 33:48 فسْينْ إِقِيضَانْ نْسنْ، [فّْغنْ] زڭْ إِذُورَارْ ن عَابَارِيمْ ؤُشَا وْثِينْ إِقِيضَانْ نْسنْ ذِي ڒوْضَاثْ ن مُوآبَ غَارْ لْ-ؤُرْذُونْ أَرنْذَاذْ إِ أَرِيحَا.
NUM 33:49 نِيثْنِي وْثِينْ إِقِيضَانْ نْسنْ غَارْ لْ-ؤُرْذُونْ زِي بَايْثْ-يَاشِيمُوثْ أَڒْ أَبَالْ-شِيطِّيمْ ذِي ڒوْضَاثْ ن مُوآبَ.
NUM 33:50 إِسِّيوڒْ سِيذِي أَكْ-ذ مُوسَا ذِي ڒوْضَاثْ ن مُوآبَ غَارْ لْ-ؤُرْذُونْ [أَرنْذَاذْ ن] أَرِيحَا، إِنَّا:
NUM 33:51 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي أَسنْ: ’خْمِي إِ غَا ثژْوَامْ لْ-ؤُرْذُونْ غَارْ ثمُّورْثْ ن كنْعَانْ،
NUM 33:52 [خنِّي] إِتّْخصَّا كنِّيوْ أَذْ ثسُّوفّْغمْ مَارَّا إِمزْذَاغْ ن ثمُّورْثْ زَّاثْ إِ ؤُغمْبُوبْ نْومْ ذ مَارَّا ڒخْيَاڒَاثْ نْسنْ إِنقْشنْ أَذْ ثنْثْ ثَارذْدْجمْ. [عَاوذْ] إِتّْخصَّا كنِّيوْ أَذْ ثثحَّامْ مَارَّا ڒخْيَاڒَاثْ إِفسْينْ نْسنْ ذ مَارَّا ڒڭْعُوذِي نْسنْ.
NUM 33:53 أَذْ ثطّْفمْ ثَامُّورْثْ ذ ڒْوَارْثْ ؤُشَا أَذْ ذَايسْ ثْزذْغمْ، مِينْزِي نشّْ وْشِيغْ أَومْ ثَامُّورْثْ نِّي ذ أَڭْڒَا.
NUM 33:54 أَذْ ثبْضَامْ ثَامُّورْثْ س ثْقدُّوحْثْ أَمْ ڒْوَارْثْ خْ ڒَادْجَاثْ نْومْ. وِي غَارْ إِدْجَا أَطَّاسْ، أَذْ أَسْ ثوْشمْ أَطَّاسْ، ؤُ ونِّي غَارْ إِدْجَا ذْرُوسْ، أَذْ أَسْ ثوْشمْ ذْرُوسْ. مَانِي ذ أَسْ د-ثُوسَا ثْقدُّوحْثْ، أَذْ يِيڒِي نّسْ. عْلَاحْسَابْ ثِيقبَّاڒْ ن ڒجْذُوذْ نْومْ أَذْ ثْوَارْثمْ ثَاسْغَارْثْ نْومْ.
NUM 33:55 مَاشَا مَاڒَا كنِّيوْ وَارْ ثسُّوفُّوغمْ شَا إِمزْذَاغْ ن ثمُّورْثْ زَّاثْ إِ وُوذمْ نْومْ، [خنِّي] أَذْ إِمْسَارْ أَقَا إِنِّي إِ غَا ثجّمْ أَذْ قِّيمنْ، أَذْ ذوْڒنْ ذ إِسنَّاننْ ذِي ثِيطَّاوِينْ نْومْ ذ إِوزْوِيزنْ ذڭْ إِغزْذِيسنْ نْومْ ؤُشَا نِيثْنِي أَذْ كنِّيوْ حْصَارنْ ذِي ثمُّورْثْ نِّي مَانِي ثْزدّْغمْ.
NUM 33:56 ؤُشَا [خنِّي] أَذْ إِمْسَارْ أَذْ أَومْ ڭّغْ أَمْ مَامّشْ ثُوغَا خَارّْصغْ أَذْ أَكِيذْسنْ ڭّغْ.“
NUM 34:1 إِسِّيوڒْ سِيذِي أَكْ-ذ مُوسَا، إِنَّا:
NUM 34:2 ”ؤُمُورْ أَيْثْ ن إِسْرَائِيل ؤُشَا إِنِي أَسنْ: ’خْمِي غَا ثَاذْفمْ ثَامُّورْثْ ن كنْعَانْ، [خنِّي] ثَا ذ ثَامُّورْثْ إِ ذ أَومْ غَا يِيڒِينْ ذ ڒْوَارْثْ، ثَامُّورْثْ ن كنْعَانْ أَكْ-ذ إِيْمِيرنْ نّسْ [أَذْ ثِيڒِي أَمُّو]:
NUM 34:3 جِّيهثْ ن لْجَانُوبْ أَذْ غَارْومْ ثِيڒِي زِي ڒخْڒَا ن صِينْ أَڒْ أَيْمِيرْ ن إِذُومْ ؤُشَا أَيْمِيرْ ن لْجَانُوبْ أَذْ غَارْومْ يِيڒِي زِي طَّارْفْ أَنڭَّارُو ن ڒبْحَارْ أَمدْجَاحْ ذِي شَّارْقْ
NUM 34:4 ؤُشَا أَيْمِيرْ أَذْ إِميّڒْ زِي لْجَانُوبْ غَارْ ثْسُونْثَا ن ثْغَارْضْمِيوِينْ ؤُشَا أَذْ إِعْذُو غَارْ صِينْ ؤُشَا طّْرُوفَا نّسْ [أَذْ د-أَوْضنْ] جِّيهثْ ن لْجَانُوبْ ن قَاذَاشْ-بَارْنِيعْ ؤُشَا أَذْ إِعْذُو غَارْ حَاصَارْ-أَدَّارْ ؤُشَا أَذْ إِژْوَا غَارْ أَصْمُونْ.
NUM 34:5 أَذْ إِنّضْ ويْمِيرْ زِي أَصْمُونْ غَارْ ثغْزَارْثْ ن مِيصْرَا ؤُشَا طّْرُوفَا نّسْ [أَذْ أَوْضنْ] أَڒْ ڒبْحَارْ.
NUM 34:6 ؤُشَا أَيْمِيرْ ن ڒْغَارْبْ أَذْ أَومْ يِيڒِي ڒبْحَارْ أَمقّْرَانْ. وَا أَذْ أَومْ يِيڒِي ذ أَيْمِيرْ ن ڒْغَارْبْ.“
NUM 34:7 وَا أَذْ أَومْ يِيڒِي ذ أَيْمِيرْ ن شَّامَالْ: أَذْ ث ثَارْشْممْ إِ يِيخفْ نْومْ زڭْ ڒبْحَارْ أَمقّْرَانْ أَڒْ أَذْرَارْ ن هُورْ.
NUM 34:8 زڭْ وذْرَارْ ن هُورْ أَذْ ث ثَارْشْممْ أَڒْ مَانِي غَا ثَاوْضذْ غَارْ حَامَاثْ ؤُشَا طّْرُوفَا ن ويْمِيرْ أَذْ أَوْضنْ أَڒْ صَاذَاذْ.
NUM 34:9 أَذْ يعْذُو ويْمِيرْ أَڒْ زِيفْرُونْ ؤُشَا طّْرُوفَا نّسْ أَذْ أَوْضنْ أَڒْ حَاصَارْ-عِينَانْ. وَا أَذْ أَومْ يِيڒِي ذ أَيْمِيرْ ن شَّامَالْ.
NUM 34:10 أَذْ ثَارْشْممْ أَيْمِيرْ نْومْ ن شَّارْقْ زِي حَاصَارْ-عِينَانْ غَارْ شَافَامْ
NUM 34:11 ؤُشَا أَذْ د-إِهْوَا ويْمِيرْ زِي شْفَامْ أَڒْ رِيبْلَا، شَّارْقْ ن عَايْنْ. [خنِّي] أَذْ د-إِهْوَا ويْمِيرْ [عَاذْ] كْثَارْ ؤُشَا أَذْ إِمُونْ أَكْ-ذ ثْمَا ن شَّارْقْ ن ڒبْحَارْ ن كِينَّارَاثْ.
NUM 34:12 [خنِّي] أَذْ د-إِهْوَا ويْمِيرْ غَارْ لْ-ؤُرْذُونْ ؤُشَا طّْرُوفَا نّسْ أَذْ أَوْضنْ أَڒْ ڒبْحَارْ أَمدْجَاحْ. ثَا أَذْ أَومْ ثِيڒِي ذ ثَامُّورْثْ أَكْ-ذ إِيْمِيرنْ نّسْ إِ ذ أَسْ د-إِنّْضنْ.“
NUM 34:13 ؤُشَا مُوسَا يُومُورْ أَيْثْ ن إِسْرَائِيل، إِنَّا: ”ثَا ذ ثَامُّورْثْ نِّي إِ غَا ثبْضَامْ جَارْ أَومْ س ثْقدُّوحْثْ، ثنِّي خْ يُومُورْ سِيذِي أَذْ ثمّوْشْ إِ ثسْعَا ن ثْقبَّاڒْ ؤُ إِ وزْينْ ن ثقْبِيتْشْ [ن مَانَاسَّا].
NUM 34:14 مِينْزِي ثَاقْبِيتْشْ ن أَيْثْ ن رُوبِينْ [ثتّْوَاستّفْ] عْلَاحْسَابْ ثَادَّارْثْ ن إِبَابَاثنْ نْسنْ ؤُ ثَاقْبِيتْشْ ن جَاذْ [ثتّْوَاستّفْ] عْلَاحْصَابْ ثَادَّارْثْ ن إِبَابَاثنْ نْسنْ، أَقَا نِيثْنِي طّْفنْ [عَاذْ ثَاسْغَارْثْ نْسنْ]، ؤُ أَزْينْ ن ثقْبِيتْشْ ن مَانَاسَّا ثطّفْ [ؤُڒَا ذ نتَّاثْ] ثَاسْغَارْثْ نّسْ ن ڒْوَارْثْ.
NUM 34:15 ثْنَاينْ ن ثْقبَّاڒْ ذ وزْينْ أَقَا طّْفنْثْ ڒْوَارْثْ نْسنْثْ غَارْ ؤُجمَّاضْ ن لْ-ؤُرْذُونْ، زِي أَرِيحَا غَارْ شَّارْقْ غَارْ مَانِيسْ د-ثْنقَّارْ [ثْفُوشْثْ].“
NUM 34:16 إِسِّيوڒْ سِيذِي أَكْ-ذ مُوسَا، إِنَّا:
NUM 34:17 ”إِنَا ذ إِسْمَاونْ ن يرْيَازنْ إِنِّي إِ غَا إِبْضَانْ ثَامُّورْثْ جَارْ أَومْ: أَكهَّانْ أَلِيعَازَارْ ذ يَاشُووَا، مِّيسْ ن نُونْ.
NUM 34:18 أَذْ ثكْسِيمْ [عَاوذْ] إِجّْ ن ڒْحَاكمْ زِي كُوڒْ ثَاقْبِيتْشْ مَاحنْذْ أَذْ ثبْضَامْ ثَامُّورْثْ.
NUM 34:19 إِنَا ذ إِسْمَاونْ ن يرْيَازنْ: إِ ثقْبِيتْشْ ن يَاهُوذَا، كَالِيبْ، مِّيسْ ن يَافُونِّي
NUM 34:20 إِ ثقْبِيتْشْ ن أَيْثْ ن شِيمْعُونْ، شِيمُووِيلْ، مِّيسْ ن عَامِّيهُوذْ،
NUM 34:21 إِ ثقْبِيتْشْ ن بِينْيَامِينْ، إِلِيذَاذْ، مِّيسْ ن كَاسْلُونْ،
NUM 34:22 إِ ثقْبِيتْشْ ن أَيْثْ ن ذَانْ، ڒْحَاكمْ بُوقِّي، مِّيسْ ن يُوجْلِي،
NUM 34:23 إِ ثقْبِيتْشْ ن أَيْثْ ن يُوسُوفْ: إِ ثقْبِيتْشْ ن أَيْثْ ن مَانَاسَّا، ڒْحَاكمْ حَانِّييِيلْ، مِّيسْ ن إِفُوذْ،
NUM 34:24 إِ ثقْبِيتْشْ ن أَيْثْ ن إِفْرَايِيمْ، ڒْحَاكمْ قِيمُويِيلْ، مِّيسْ ن شِيفْطَانْ،
NUM 34:25 إِ ثقْبِيتْشْ ن أَيْثْ ن زابُولُونْ، ڒْحَاكمْ إِلِيصَافَانْ، مِّيسْ ن فَارْنَاخْ،
NUM 34:26 إِ ثقْبِيتْشْ ن أَيْثْ ن إِسَّاكَارْ، ڒْحَاكمْ فَالْطِييِيلْ، مِّيسْ ن عَازَّانْ،
NUM 34:27 إِ ثقْبِيتْشْ ن أَيْثْ ن أَشِيرْ، ڒْحَاكمْ أَخِيهُوذْ، مِّيسْ ن شَالُومِي،
NUM 34:28 إِ ثقْبِيتْشْ ن أَيْثْ ن نَافْثَالِي، ڒْحَاكمْ فَاذَاهْيِيلْ، مِّيسْ ن عَامِّيهُوذْ.“
NUM 34:29 إِنَا ذ إِنِّي خْ يُومُورْ سِيذِي أَذْ بْضَانْ ڒْوَارْثْ إِ أَيْثْ ن إِسْرَائِيل ذِي ثمُّورْثْ ن كنْعَانْ.
NUM 35:1 إِسِّيوڒْ سِيذِي أَكْ-ذ مُوسَا ذِي ڒوْضَاثْ ن مُوآبَ غَارْ لْ-ؤُرْذُونْ [أَرنْذَاذْ ن] أَرِيحَا ؤُشَا إِنَّا:
NUM 35:2 ”ؤُمُورْ أَيْثْ ن إِسْرَائِيل حِيمَا أَذْ وْشنْ، زِي ڒْوَارْثْ نْسنْ إِ طّْفنْ، ثِيندَّامْ إِ إِلَاوِييّنْ مَاحنْذْ أَذْ ذَايْسنْثْ زذْغنْ. أَذْ ثوْشمْ إِ إِلَاوِييّنْ [عَاوذْ] دّْمَانِي ن ثَاروْسَا، إِنِّي ذ أَسنْ د-إِنّْضنْ إِ ثْندَّامْ.
NUM 35:3 ثِيندَّامْ-أَ أَذْ إِڒِينْثْ مَاحنْذْ أَذْ ذَايْسنْثْ زذْغنْ، ؤُشَا دّْمَانِي ن ثَاروْسَا أَذْ إِڒِينْ إِ ڒبْهَايمْ نْسنْ ؤُ إِ وَاڭْڒَا نْسنْ ؤُ إِ مَارَّا إِمُودَّارنْ نْسنْ.
NUM 35:4 ؤُشَا دّْمَانِي ن ثَاروْسَا إِ إِدْجَانْ غَارْ ثْندَّامْ نِّي إِ غَا ثوْشمْ إِ إِلَاوِييّنْ، أَذْ إِڒِينْ زڭْ وغْبَارْ ن ثنْذِينْثْ غَارْ بَارَّا أَڒفْ ن إِغَادْجنْ ؤُشَا [أَمنِّي] غَارْ مَارَّا إِغزْذِيسنْ [نّسْ].
NUM 35:5 بَارَّا ن ثنْذِينْثْ غَارْ شَّارْقْ أَذْ ثْعبَّارمْ أَڒْفَاينْ ن إِغَادْجنْ ؤُ غَارْ لْجَانُوبْ أَڒْفَاينْ ن إِغَادْجنْ ؤُ غَارْ ڒْغَارْبْ أَڒْفَاينْ ن إِغَادْجنْ ؤُ غَارْ شَّامَالْ أَڒْفَاينْ ن إِغَادْجنْ ؤُشَا ثَانْذِينْثْ [أَذْ ثِيڒِي] ذِي ڒْوسْطْ. إِنَا أَذْ أَسنْ إِڒِينْ ذ دّْمَانِي ن ثَاروْسَا ن ثْندَّامْ.
NUM 35:6 ثِيندَّامْ إِ غَا ثوْشمْ إِ إِلَاوِييّنْ [أَذْ إِڒِينْثْ] ستَّا ن ثْندَّامْ ن ثَاروْڒَا. أَذْ ثنْثْ ثوْشمْ مَاحنْذْ أَذْ ذِينْ يَارْوڒْ ؤُقتَّاڒْ. سنّجْ إِ مَانْ أَيَا أَذْ [ثنْثْ] ثوْشمْ [عَاذْ] ثْنَاينْ ؤُ-ربْعِينْ ن ثْندَّامْ.
NUM 35:7 مَارَّا ثِيندَّامْ إِ غَا ثوْشمْ إِ إِلَاوِييّنْ، [أَذْ إِڒِينْثْ] ثْمنْيَا ؤُ-ربْعِينْ ن ثْندَّامْ، ثِينَا [سِيمَانْثْ نْسنْثْ] ذ دّْمَانِي نْسنْثْ ن ثَاروْسَا.
NUM 35:8 خْ ثْندَّامْ إِ غَا ثوْشمْ زڭْ وَاڭْڒَا ن أَيْثْ ن إِسْرَائِيل، أَذْ ثنْثْ ثكْسِيمْ كْثَارْ زڭْ ونِّي غَارْ إِدْجَا وَاطَّاسْ ؤُ زڭْ ونِّي غَارْ إِدْجَا ذْرُوسْ، أَذْ ثكْسِيذْ ذْرُوسْ. كُوڒْ إِجّْ أَذْ إِوْشْ زِي ثْندَّامْ نّسْ إِ إِلَاوِييّنْ عْلَاحْسَابْ [ڒْقدّْ ن] ثسْغَارْثْ نّسْ زِي ڒْوَارْثْ إِ إِطّفْ.“
NUM 35:9 إِسِّيوڒْ سِيذِي أَكْ-ذ مُوسَا، إِنَّا:
NUM 35:10 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي أَسنْ: ’خْمِي غَا ثژْوَامْ لْ-ؤُرْذُونْ غَارْ ثمُّورْثْ ن كنْعَانْ،
NUM 35:11 أَذْ ثْنيّْشمْ إِ يِيخفْ نْومْ ثِيندَّامْ نِّي ذ أَومْ إِ غَا إِڒِينْثْ ذ ثِيندَّامْ ن ثَاروْڒَا، حِيمَا أَقتَّاڒْ، ونِّي إِنْغِينْ حذْ زڭْ ؤُودَّارْ، إِزمَّارْ أَذْ ذِينْ يَارْوڒْ.
NUM 35:12 ثِيندَّامْ-أَ أَذْ أَومْ إِڒِينْثْ إِ ثَاروْڒَا زڭْ ؤُنقَّامْ ن إِذَامّنْ، حِيمَا وَارْ إِتّْمتِّي ؤُقتَّاڒْ قْبڒْ مَا أَذْ إِبدّْ زَّاثْ إِ وُوذمْ ن ثْمسْمُونْثْ إِ ڒْحُوكْمْ.
NUM 35:13 زِي ثْندَّامْ إِ غَا ثوْشمْ، أَذْ [زَّايْسنْثْ] إِڒِينْثْ ستَّا ذ ثِيندَّامْ ن ثَاروْڒَا إِ كنِّيوْ.
NUM 35:14 ثْڒَاثَا ن ثْندَّامْ أَذْ [ثنْثْ] ثوْشمْ غَارْ ؤُجمَّاضْ ن لْ-ؤُرْذُونْ ؤُ ثْڒَاثَا ن ثْندَّامْ أَذْ [ثنْثْ] ثوْشمْ ذِي ثمُّورْثْ ن كنْعَانْ. أَذْ إِڒِينْثْ ذ ثِيندَّامْ ن ثَاروْڒَا.
NUM 35:15 ستَّا ن ثْندَّامْ-أَ أَذْ إِڒِينْثْ إِ ثَاروْڒَا إِ أَيْثْ ن إِسْرَائِيل ؤُڒَا إِ ؤُبَارَّانِي ذ ؤُمْعزّبْ ذِي ڒْوسْطْ نْسنْ، حِيمَا ونِّي إِنْغِينْ حذْ زڭْ ؤُودَّارْ، إِزمَّارْ أَذْ ذِينْ يَارْوڒْ.
NUM 35:16 مَاڒَا إِوّثْ إِ-ث س إِشْثْ ن ڒْقشْعثْ ن وُوزَّاڒْ ؤُشَا إِمُّوثْ، [خنِّي] أَقَا نتَّا ذ أَقتَّاڒْ. أَقتَّاڒْ أَذْ إِتّْوَانغْ نِيشَانْ.
NUM 35:17 مَاڒَا إِوّثْ إِ-ث س إِجّْ ن وژْرُو ذڭْ ؤُفُوسْ إِ زِي إِزمَّارْ أَذْ إِمّثْ ؤُشَا [خنِّي] إِمُّوثْ، أَقَا نتَّا ذ أَنقَّامْ. أَنقَّامْ أَذْ إِتّْوَانغْ نِيشَانْ.
NUM 35:18 نِيغْ [مَاڒَا] إِوّثْ إِ-ث س إِشْثْ ن ڒْقشْعثْ ن ؤُكشُّوضْ ذڭْ ؤُفُوسْ إِ زِي إِزمَّارْ أَذْ إِمّثْ ؤُشَا [خنِّي] إِمُّوثْ، أَقَا نتَّا ذ أَقتَّاڒْ. أَقتَّاڒْ أَذْ إِتّْوَانغْ نِيشَانْ.
NUM 35:19 أَنقَّامْ ن إِذَامّنْ أَذْ إِنغْ أَقتَّاڒْ. مَاڒَا أَذْ ث إِڒْقَا، أَذْ ث إِنغْ.
NUM 35:20 ؤُ مَاڒَا إِعَارْنْ إِ-ث س وشْرَاهْ، نِيغْ إِنْضَارْ غَارسْ [شَا] س نعْمَاذَا أَڒَامِي [زَّايسْ] إِمُّوثْ،
NUM 35:21 نِيغْ إِوّثْ إِ-ث س ڒعْذَاوثْ س ؤُفُوسْ نّسْ، أَڒَامِي [زَّايسْ] إِمُّوثْ، [خنِّي] ونِّي [ث] إِنْغِينْ أَذْ إِتّْوَانغْ نِيشَانْ. أَقَا-ث ذ أَقتَّاڒْ. أَنقَّامْ ن إِذَامّنْ أَذْ إِنغْ أَقتَّاڒْ خْمِي ث غَا إِڒْقَا.
NUM 35:22 [مَاشَا] مَاڒَا ثُوغَا إِعَارّنْ إِ-ث أَمنِّي ذڭْ ورْمَاشْ ن وَابْڒِيونْ بْڒَا ڒعْذَاوثْ، نِيغْ إِنْضَارْ غَارسْ شَا ن ڒْقشْعثْ أَمْ إِودَّارْ،
NUM 35:23 نِيغْ أَمْ وَارْ ث إِژْرِي، إِڭَّا أَذْ خَاسْ د-إِوْضَا شَا ن وژْرُو إِ زِي إِزمَّارْ أَذْ إِمّثْ، ؤُشَا [خنِّي] إِمُّوثْ أَمْ وَارْ ثُوغِي ذ ڒعْذُو نّسْ ؤُ نتَّا ثُوغَا وَارْ ذ أَسْ يَارزُّو ڒْغَارْ،
NUM 35:24 [خنِّي] ثَامسْمُونْثْ أَذْ ثحْكمْ جَارْ ؤُقتَّاڒْ ذ ؤُنقَّامْ ن إِذَامّنْ عْلَاحْسَابْ لْفَارَايِيضْ-أَ.
NUM 35:25 ثَامسْمُونْثْ أَذْ ثْفكّْ أَقتَّاڒْ زڭْ ؤُفُوسْ ن ؤُنقَّامْ ن إِذَامّنْ ؤُشَا ثَامسْمُونْثْ أَذْ ثجّْ نتَّا أَذْ إِعْقبْ غَارْ ثنْذِينْثْ نّسْ ن ثَاروْڒَا. أَذْ ذِينْ إِقِّيمْ أَڒْ ڒْموْثْ ن أَرَّايْسْ ن إِكهَّاننْ، ونِّي ذهْننْ نِيثْنِي س زّشْثْ إِقدّْسنْ.
NUM 35:26 [مَاشَا] مَاڒَا أَقتَّاڒْ إِفّغْ بَارَّا ن إِيْمِيرنْ ن ثنْذِينْثْ ن ثَاروْڒَا مَانِي يَارْوڒْ،
NUM 35:27 ؤُشَا أَنقَّامْ ن إِذَامّنْ يُوفَا إِ-ث بَارَّا ن إِيْمِيرنْ ن ثنْذِينْثْ ن ثَاروْڒَا ؤُشَا أَنقَّامْ ن إِذَامّنْ إِنْغَا ونِّي إِنْغِينْ، وَارْ خَاسْ شَا إِذَامّنْ [خنِّي].
NUM 35:28 مِينْزِي ثُوغَا خَاسْ أَذْ إِقِّيمْ ذِي ثنْذِينْثْ نّسْ ن ثَاروْڒَا أَڒْ ڒْموْثْ ن أَرَّايْسْ ن إِكهَّاننْ. [مَاشَا] أَوَارْنِي ڒْموْثْ ن أَرَّايْسْ ن إِكهَّاننْ إِزمَّارْ أَذْ إِعْقبْ ؤُقتَّاڒْ غَارْ ثمُّورْثْ نِّي إِدْجَانْ نّسْ.
NUM 35:29 أَيَا أَذْ أَومْ ثِيڒِي ذ ثَاوْصيّثْ ن ڒْحقّْ إِ [مَارَّا] جِّيڒَاثْ نْومْ مَانِي مَا غَا ثْزذْغمْ.
NUM 35:30 كُوڒْ إِجّْ، ونِّي إِنْغِينْ حذْ، أَقَا أَقتَّاڒْ أَذْ إِتّْوَانغْ عْلَاحْسَابْ أَقمُّومْ ن ڒشْهُوذْ، [مَاشَا] إِجّْ ن ؤُشهَّاذْ [وَاهَا]، وَارْ إِزمَّارْ أَذْ إِشْهذْ خْ إِشْثْ ن نّفْسْ س ڒْموْثْ.
NUM 35:31 وَارْ كسِّيمْ دّيّثْ خْ ڒعْمَارْ ن ؤُقتَّاڒْ نِّي خْ إِتّْوَاحْكمْ س ڒْموْثْ، مَاغَارْ إِتّْخصَّا أَذْ إِتّْوَانغْ نِيشَانْ.
NUM 35:32 وَارْ كسِّيمْ دّيّثْ خْ ونِّي يَاروْڒنْ غَارْ ثنْذِينْثْ نّسْ ن ثَاروْڒَا ذِي طّْوعْ ن وعْقَابْ نّسْ، مَاحنْذْ أَذْ إِزْذغْ ذِي ثمُّورْثْ قْبڒْ ڒْموْثْ ن أَرَّايْسْ ن إِكهَّاننْ.
NUM 35:33 وَارْ إِعدّڒْ أَذْ ثسّخْسَارمْ ثَامُّورْثْ مَانِي ثدْجَامْ، مِينْزِي إِذَامّنْ سّخْسَارَانْ ثَامُّورْثْ ؤُشَا وَارْ إِزمَّارْ أَذْ إِتّْوَاڭّْ وصْڒَاحْ إِ ثمُّورْثْ ذِي طّْوعْ ن إِذَامّنْ إِ ذَايسْ إِتّْوَاسِّيزْڒنْ، مْغِيرْ س إِذَامّنْ ن ونِّي ثنْ إِسِّيزّْڒنْ.
NUM 35:34 وَارْ سْخمِّيجمْ ثَامُّورْثْ مَانِي غَا ثْزذْغمْ كنِّيوْ، ذِي ڒْوسْطْ نّسْ إِ غَا زذْغغْ نشّْ، مِينْزِي نشّْ ذ سِيذِي، ونِّي إِزدّْغنْ ذِي ڒْوسْطْ ن أَيْثْ ن إِسْرَائِيل.“
NUM 36:1 زِي ڒَادْجَاثْ ن إِحنْجِيرنْ ن يُوسُوفْ قَارّْبنْ-د إِزدْجِيفنْ جَارْ إِبَابَاثنْ ن ڒَادْجْ ن إِحنْجِيرنْ ن جِيلْعَاذْ، مِّيسْ ن مَاكِيرْ، مِّيسْ ن مَانَاسَّا ؤُشَا نِيثْنِي سِّيوْڒنْ زَّاثْ إِ وُوذمْ ن مُوسَا ؤُ زَّاثْ إِ وُوذمْ ن ڒْحُوكَّامْ، إِزدْجِيفنْ [نّغْنِي] خْ إِبَابَاثنْ [ن ڒَادْجَاثْ] ن أَيْثْ ن إِسْرَائِيل
NUM 36:2 ؤُشَا نِيثْنِي نَّانْ: ”سِيذِي يُومُورْ سِيذِي إِنُو مَاحنْذْ أَذْ إِوْشْ ثَامُّورْثْ س ثْقدُّوحْثْ إِ أَيْثْ ن إِسْرَائِيل ذ ڒْوَارْثْ. ؤُشَا يُومُورْ سِيذِي إِ سِيذِي إِنُو أَذْ إِوْشْ ثَاسْغَارْثْ ن ڒْوَارْثْ ن ؤُمَاثْنغْ صَالُوفْحَاذْ إِ يسِّيسْ.
NUM 36:3 مَاڒَا ذوْڒنْثْ نِيثنْثِي ذ ثِينمْڒَاتْشْ أَكْ-ذ إِجّنْ زڭْ إِحنْجِيرنْ ن ثْقبَّاڒْ نّغْنِي ن أَيْثْ ن إِسْرَائِيل، خنِّي أَذْ ثتّْوَاكّسْ ثسْغَارْثْ نْسنْثْ ذِي ڒْوَارْثْ ن ڒجْذُوذْ نّغْ ؤُشَا أَذْ ثتّْوَارْنِي [ثَاسْغَارْثْ نْسنْثْ] إِ ثسْغَارْثْ ن ثقْبِيتْشْ إِ غَارْ غَا مُوننْثْ ؤُشَا [أَمُّو] أَذْ إِتّْوَاسّمْژِي مِينْ إِدْجَانْ ذ ثَاسْغَارْثْ نّغْ س ثْقدُّوحْثْ.
NUM 36:4 خْمِي د غَا يَاسْ ؤُسڭّْوَاسْ ن ؤُسْڒِيوْڒوْ إِ أَيْثْ ن إِسْرَائِيل، [خنِّي] أَذْ ثتّْوَامَارْنِي ثسْغَارْثْ نْسنْثْ إِ ثسْغَارْثْ ن ثقْبِيتْشْ أَكْ-ذ وِي غَا مُوننْثْ. [أَمُّو] إِ غَا ثتّْوَاكّسْ [خنِّي] ثسْغَارْثْ نْسنْثْ ذِي ڒْوَارْثْ ن ثقْبِيتْشْ ن ڒجْذُوذْ نّغْ.“
NUM 36:5 [خنِّي] يُومُورْ مُوسَا إِ أَيْثْ ن إِسْرَائِيل عْلَاحْسَابْ ڒُومُورْ ن سِيذِي، إِنَّا: ”[أَقَا ذ ثِيذتّْ] أَمْ مَامّشْ ثسِّيوڒْ ثقْبِيتْشْ ن أَيْثْ ن يُوسُوفْ.
NUM 36:6 وَا ذ أَوَاڒْ إِ زِي يُومُورْ سِيذِي خْ يسِّيسْ ن صَالُوفْحَاذْ، إِقَّارْ: ’أجّْ إِ-ثنْثْ أَذْ مڒْشنْثْ أَكْ-ذ ونِّي ذ أَسنْثْ يَارشْقنْ. إِتّْخصَّا مْغِيرْ أَذْ مڒْشنْثْ ذِي ڒَادْجْ ن ثقْبِيتْشْ ن بَابَاثْسنْثْ.
NUM 36:7 وَارْ إِعدّڒْ أَذْ ثْرَاحْ ثسْغَارْثْ ن أَيْثْ ن إِسْرَائِيل زِي ثقْبِيتْشْ غَارْ ثقْبِيتْشْ [نّغْنِي]، مِينْزِي كُوڒْ أَرْيَازْ ن أَيْثْ ن إِسْرَائِيل أَذْ إِقِّيمْ إِطّفْ ذِي ثسْغَارْثْ ن ثقْبِيتْشْ ن ڒجْذُوذْ نّسْ.
NUM 36:8 يدْجِيسْ ن كُوڒْ إِجّْ إِ غَا إِطّْفنْ إِشْثْ ن ثسْغَارْثْ زڭْ أَيْثْ ن إِسْرَائِيل، إِتّْخصَّا أَسْ أَذْ ثمْڒشْ أَكْ-ذ إِجّْ زڭْ إِجّْ ن ڒَادْجْ زِي ثقْبِيتْشْ ن بَابَاسْ، حِيمَا كُوڒْ إِجّْ زڭْ أَيْثْ ن إِسْرَائِيل أَذْ إِوَارْثْ ثَاسْغَارْثْ ن ڒجْذُوذْ نّسْ.
NUM 36:9 وَارْ إِعدّڒْ أَذْ ثْرَاحْ ثسْغَارْثْ ن إِشْثْ ن ثقْبِيتْشْ غَارْ ثقْبِيتْشْ نّغْنِي، مِينْزِي إِتّْخصَّا إِ كُوڒْ إِشْثْ زِي ثْقبَّاڒْ ن أَيْثْ ن إِسْرَائِيل أَذْ إِقِّيمْ إِطّفْ ذِي ثسْغَارْثْ نّسْ.‘ “
NUM 36:10 يسِّيسْ ن صَالُوفْحَاذْ ڭِّينْثْ أَمْ مَامّشْ [ث] يُومُورْ سِيذِي إِ مُوسَا.
NUM 36:11 مَاحْلَا، ثِيرْصَا، حُوجْلَا، مِيلْكَا ذ نُوعَا، يسِّيسْ ن صَالُوفْحَاذْ، ذوْڒنْثْ ذ ثِينمْڒَاتْشْ أَكْ-ذ إِحنْجِيرنْ نعمِّيثْسنْثْ.
NUM 36:12 ذوْڒنْثْ ذ ثِينمْڒَاتْشْ ذِي ڒَادْجَاثْ ن أَيْثْ ن مَانَاسَّا، مِّيسْ ن يُوسُوفْ. [أَمُّو إِ] ثقِّيمْ ثسْغَارْثْ نْسنْثْ ذِي ثقْبِيتْشْ ن بَابَاثْسنْثْ.
NUM 36:13 ثِينَا ذ ثِيوصَّا ذ لْفَارَايِيضْ نِّي يُومُورْ سِيذِي س ثْسخَّارْثْ ن مُوسَا إِ أَيْثْ ن إِسْرَائِيل ذِي ڒوْضَاثْ ن مُوآبَ، غَارْ لْ-ؤُرْذُونْ [أَرنْذَاذْ ن] أَرِيحَا.
DEU 1:1 إِنَا ذ أَوَاڒنْ نِّي إِسِّيوڒْ مُوسَا إِ مَارَّا إِسْرَائِيل خْ ؤُجمَّاضْ ن لْ-ؤُرْذُونْ، ذِي ڒخْڒَا، ذِي ڒوْضَا أَرنْذَاذْ ن صُوفْ، جَارْ فَارَانْ ذ ثُوفَالْ ذ لَابَانْ ذ حَاضَايْرُوثْ ذ ذِي-ذَاهَابْ.
DEU 1:2 زِي حُورِيبْ خْ وبْرِيذْ ن إِذُورَارْ ن سَاعِيرْ أَڒْ قَاذَاشْ-بَارْنِيعْ أَقَا-ت ذ إِشْثْ ن ثِيشْثِي ن حِيطَاشْ ن وُوسَّانْ.
DEU 1:3 إِمْسَارْ ذڭْ ؤُسڭّْوَاسْ وِيسّْ أَربْعِينْ، ذڭْ ؤُيُورْ وِيسّْ حِيطَاشْ، ذڭْ [وَاسّْ] أَمزْوَارُو ن ؤُيُورْ، إِسِّيوڒْ مُوسَا أَكْ-ذ أَيْثْ ن إِسْرَائِيل عْلَاحْسَابْ مَارَّا مِينْ ذ أَسْ إِوصَّا سِيذِي زِي جِّيهثْ نْسنْ،
DEU 1:4 أَوَارْنِي ؤُمِي إِغْڒبْ ذِي إِذْرَاعِي خْ سِيحُونْ، أَجدْجِيذْ ن إِمُورِييّنْ ونِّي ثُوغَا إِزدّْغنْ ذِي حَاشْبُونْ، ؤُ خْ عُوجْ، أَجدْجِيذْ ن بَاشَانْ، ونِّي ثُوغَا إِزدّْغنْ ذِي عَاشْثَارُوثْ.
DEU 1:5 خْ ؤُجمَّاضْ ن لْ-ؤُرْذُونْ، ذِي ثمُّورْثْ ن مُوآبَ، إِبْذَا مُوسَا أَذْ إِفسَّارْ شَّارِيعَا-يَا، إِنَّا:
DEU 1:6 ”سِيذِي، أَربِّي نّغْ، إِسِّيوڒْ أَكِيذْنغْ غَارْ حُورِيبْ، إِنَّا: ’كنِّيوْ ثقِّيمنْ أَطَّاسْ غَارْ وذْرَارْ-أَ، أَقَا ذ أَطَّاسْ.
DEU 1:7 ذوْڒمْ، كّْسمْ إِقِيضَانْ نْومْ ؤُشَا أَذْفمْ غَارْ إِذُورَارْ ن إِمُورِييّنْ ؤُ غَارْ مَارَّا [إِمُوشَانْ] يُوذْسنْ ذِي ڒوْضَا، ذِي ثمُّورْثْ ن إِذُورَارْ، ذِي ثمُّورْثْ إِوَاطَانْ، ذِي [ثمُّورْثْ ن] لْجَانُوبْ ؤُ غَارْ ثْمَا ن ڒبْحَارْ، ثَامُّورْثْ ن أَيْثْ ن كنْعَانْ، ذ لُوبْنَانْ أَڒْ إِغْزَارْ أَمقّْرَانْ، إِغْزَارْ ن لْفُورَاطْ.
DEU 1:8 خْزَارْ، نشّْ وْشِيغْ أَومْ ثَامُّورْثْ إِ إِدْجَانْ زَّاثْ إِ وُوذمْ نْومْ. أَذْفمْ غَارسْ، ثطّْفمْ ثَامُّورْثْ نِّي خْ إِجُّودْجْ سِيذِي أَذْ ت إِوْشْ إِ ڒجْذُوذْ نْومْ، إِ إِبْرَاهِيمْ، إِسْحَاقْ ذ يَاعْقُوبْ، ؤُ إِ زَّارِيعثْ نْسنْ أَوَارْنِي أَسنْ.‘
DEU 1:9 ذِي ڒْوقْثْ نِّي سِّيوْڒغْ نشّْ أَكِيذْومْ، نِّيغْ: ’نشّْ وَاهَا وَارْ زمَّارغْ أَذْ أَرْبُوغْ [أَمْنُوسْ إِ كنِّيوْ].
DEU 1:10 سِيذِي، أَربِّي نْومْ، إِڭَّا كنِّيوْ ذ أَطَّاسْ، ؤُشَا خْزَارْ، كنِّيوْ ڒخُّو ذ أَطَّاسْ أَمْ يِيثْرَانْ ن ؤُجنَّا.
DEU 1:11 أَذْ ثَافْ أَذْ ذَايْومْ إِمَّارْنِي سِيذِي، أَربِّي ن ڒجْذُوذْ نْومْ، أَمْ مَامّشْ كنِّيوْ [ثدْجَامْ ڒخُّو] أَڒفْ ن ثْوَاڒَاوِينْ ؤُشَا أَذْ ثَافْ أَذْ كنِّيوْ إِبَاركْ أَمْ مَامّشْ ثُوغَا غَارْومْ د-إِسِّيوڒْ.
DEU 1:12 مَامّشْ زمَّارغْ نشّْ وحّْذِي وَاهَا أَذْ أَرْبُوغْ إِسْحسِّيفنْ نْومْ ذ دّْقُوڒَاثْ نْومْ ذ إِمْشُوبّشنْ نْومْ؟
DEU 1:13 كْسِيمْ زِي جَارْ ثقْبِيتْشْ نْومْ إِرْيَازنْ إِمِيغِيسنْ، إِفهّْمنْ، إِنِّي إِتّْوَاسّْننْ [إِشْنَانْ]، حِيمَا أَذْ ثنْ ڭّغْ ذ إِزدْجِيفنْ خَاومْ.‘
DEU 1:14 [خنِّي] كنِّيوْ ثَارِّيمْ-د خَافِي، ثنَّامْ أَيِي: ’أَوَاڒْ إِ ثسِّيوْڒذْ، أَقَا إِبَانْ-د إِشْنَا، حِيمَا أَذْ [ث] نڭّْ.‘
DEU 1:15 ؤُشَا كْسِيغْ إِزدْجِيفنْ ن ثقْبِيتْشْ نْومْ، إِرْيَازنْ إِمِيغِيسنْ، إِفهّْمنْ، إِنِّي إِتّْوَاسّْننْ إِشْنَانْ، ؤُشَا ڭِّيغْ ثنْ ذ إِزدْجِيفنْ خَاومْ، [أَمْ] إِمقّْرَاننْ خْ وَاڒفْ، إِمقّْرَاننْ خْ مْيَا، إِمقّْرَاننْ خْ خمْسِينْ ذ إِمقّْرَاننْ خْعشْرَا، ؤُ [أَمْ] إِمحْضَاينْ خْ ثْقبَّاڒْ نْومْ.
DEU 1:16 ذِي ڒْوقْثْ نِّي ؤُمُورغْ إِ ڒْقُوضَاثْ نْومْ ؤُشَا نِّيغْ: ’سْڒمْ غَارْ أَيْثْمَاثْومْ ؤُشَا حكْممْ س يِيجّْ ن ڒْحُوكْمْ إِسڭّْذنْ جَارْ ورْيَازْ ذ ؤُمَاسْ ذ ؤُبَارَّانِي [نِّي] كِيذسْ [إِدْجَانْ].
DEU 1:17 وَارْ تّڭّمْ س وُوذْمَاونْ ذِي ڒحْكَامْ. أَذْ ثسْڒمْ غَارْ ؤُمژْيَانْ ذ ؤُمقّْرَانْ. وَارْ ثڭّْوْذمْ زڭْ وُوذمْ ن شَا ن يِيجّنْ، مِينْزِي ڒحْكَامْ غَارْ أَربِّي. ثَامسْڒَاشْثْ نِّي ثوْعَارْ خَاومْ، أَوْيمْ ت-إِ-د غَارِي ؤُشَا نشّْ أَذْ ت سْڒغْ.‘
DEU 1:18 [أَمُّو] إِ كنِّيوْ ؤُمُورغْ ذِي ڒْوقْثْ نِّي مَارَّا ثِيمسْڒَايِينْ نِّي خَاومْ أَذْ ثنْثْ ثڭّمْ.“
DEU 1:19 ”[خنِّي] نفْسِي إِقِيضَانْ نّغْ [ؤُشَا نفّغْ] زِي حُورِيبْ ؤُشَا نژْوَا مَارَّا ڒخْڒَا أَمقّْرَانْ إِسَّاڭّْوَاذنْ نِّي ثژْرِيمْ، [نُويُورْ] ذڭْ وبْرِيذْ ن إِذُورَارْ ن إِمُورِييّنْ أَمْ مَامّشْ ذ أَنغْ يُومُورْ سِيذِي، أَربِّي نّغْ، ؤُشَا نِيوضْ غَارْ قَاذَاشْ-بَارْنِيعْ.
DEU 1:20 [خنِّي] نِّيغْ أَومْ: ’أَقَا ثِيوْضمْ غَارْ إِذُورَارْ ن إِمُورِييّنْ نِّي إِ ذ أَنغْ غَا إِوْشْ سِيذِي، أَربِّي نّغْ.
DEU 1:21 خْزَارْ، سِيذِي، أَربِّي نّشْ، أَقَا إِوْشَا [أَسْ] ثَامُّورْثْ إِ ذِينْ إِدْجَانْ زَّاثْ إِ وُوذمْ نّشْ. ڭعّذْ، طّفْ إِ-ت، أَمْ مَامّشْ غَاركْ إِسِّيوڒْ سِيذِي، أَربِّي ن ڒجْذُوذْ نْومْ. وَارْ تّڭّْوذْ ؤُ وَارْ تّجِّي أَذْ إِعْڭزْ وُوڒْ نّشْ.‘
DEU 1:22 ثُوسِيمْ-د غَارِي مَارَّا كنِّيوْ، ثنَّامْ: ’أجّْ أَنغْ أَذْ نسّكّْ إِرْيَازنْ زَّاثْ إِ وُوذمْ نّغْ حِيمَا أَذْ برْڭَاڭنْ ثَامُّورْثْ مَاحنْذْ أَذْ أَنغْ خبَّارنْ خْ مَانْ أَبْرِيذْ إِ زِي غَا نْڭعّذْ ذِي [ثَامُّورْثْ] ؤُ مَامّشْ [دْجَانْثْ] ثْندَّامْ إِ غَارْ د غَا نَاسْ.‘
DEU 1:23 ثُوغَا أَوَاڒْ-أَ ذ لمْلِيحْ إِ نشّْ ؤُشَا كْسِيغْ ثنْعَاشْ ن يرْيَازنْ زِي [ڒْْوسْثْ] نْومْ، زِي [كُوڒْ] ثَاقْبِيتْشْ إِجّْ ن ورْيَازْ.
DEU 1:24 نّْضنْ نِيثْنِي ؤُشَا ؤُيُورنْ خْ وبْرِيذْ غَارْ إِذُورَارْ ؤُشَا ؤُسِينْ-د غَارْ ثغْزُورْثْ ن إِشْكُولْ ؤُشَا برْڭَاڭنْ ثمُّورْثْ.
DEU 1:25 كْسِينْ س إِفَاسّنْ نْسنْ ڒْغِيدْجثْ ن ثمُّورْثْ ؤُشَا هْوَانْ-د غَارْنغْ. إِوْينْ أَنغْ-د ڒخْبَارْ، نَّانْ: ’ثَامُّورْثْ إِ ذ أَنغْ غَا إِوْشْ سِيذِي، أَربِّي نّغْ، ثصْبحْ.‘ “
DEU 1:26 ”قَاعْ أَمنِّي، وَارْ ثخْسمْ أَذْ ثْڭعّْذمْ ؤُشَا ثْغوّْغمْ ضِيدّْ إِ ڒُومُورْ ن سِيذِي، أَربِّي نْومْ.
DEU 1:27 ؤُشَا ثْنذْقمْ-د ذڭْ إِقِيضَانْ نْومْ، ثنَّامْ: ’ذڭْ وقْڒَابْ نّسْ خَانغْ، أَقَا إِسُّوفّغْ أَنغْ سِيذِي زِي ثمُّورْثْ ن مِيصْرَا مَاحنْذْ أَذْ أَنغْ يَارّْ غَارْ إِفَاسّنْ ن إِمُورِييّنْ مَاحنْذْ أَذْ أَنغْ يَاردّدْجْ.
DEU 1:28 مَانِي [خنِّي] إِ غَا نْڭعّذْ؟ أَيْثْمَاثْنغْ سّْفسّْينْ ؤُڒَاونْ نّغْ، نَّانْ: ڒْڭنْسْ إِمْغَارْ ؤُشَا زُّوڭَارنْ خَانغْ. ثِيندَّامْ مْغَارنْثْ ؤُشَا تّْوَافَارْينْثْ أَڒْ أَجنَّا ؤُشَا نژْرَا ذِينْ ؤُڒَا ذ أَيْثْ ن عَانَاقْ.‘
DEU 1:29 نشّْ نِّيغْ أَومْ: ’وَارْ ثَارْجِيجمْ شَا ؤُ وَارْ زَّايْسنْ تّڭّْوْذمْ.
DEU 1:30 سِيذِي، أَربِّي نْومْ، ونِّي إِڭُّورنْ زَّاثْومْ، أَذْ إِمّْنغْ ذِي طّْوعْ نْومْ، أَمُّو نِيشَانْ أَمْ مَامّشْ إِڭَّا زَّاثْ إِ ثِيطَّاوِينْ نْومْ ذِي طّْوعْ نْومْ ذِي مِيصْرَا
DEU 1:31 ؤُڒَا ذِي رخْڒَا، مَانِي ثژْرِيذْ مَامّشْ ثُوغَا شكْ يَاربُّو سِيذِي، أَربِّي نّشْ، مَارَّا أَبْرِيذْ نِّي ثُويُورذْ، أَمْ يِيجّْ ن ورْيَازْ يَاربُّونْ مِّيسْ، أَڒَامِي د-ثِيوْضمْ غَارْ ومْشَانْ-أَ.‘
DEU 1:32 [مَاشَا] كنِّيوْ عَاذْ وَارْ ثُومِينمْ شَا س وَاوَاڒْ-أَ ذِي سِيذِي، أَربِّي نْومْ،
DEU 1:33 ونِّي ثُوغَا إِڭُّورنْ زَّاثْ إِ وُوذمْ نْومْ ذڭْ وبْرِيذْ، حِيمَا أَذْ أَومْ يَارْزُو مَانِي غَا ثوْثمْ إِقِيضَانْ نْومْ، [ؤُ ونِّي ثُوغَا إِڭُّورنْ]، س دْجِيڒثْ ذِي ثْمسِّي، مَاحنْذْ أَذْ أَومْ إِسّْشنْ أَبْرِيذْ مَانِي كنِّيوْ إِتّْخصَّا أَذْ ثُويُورمْ، ؤُ س ؤُزِيڒْ ذڭْ إِجّْ ن ؤُسيْنُو.
DEU 1:34 سِيذِي إِسْڒَا [ڒْْحسّْ ن] وَاوَاڒنْ نْومْ ؤُشَا إِجَّا أَغْضَابْ نّسْ أَذْ إِدُّوقّزْ، إِجِّيدْجْ، إِنَّا:
DEU 1:35 ’ؤُڒَا ذ إِجّْ زڭْ يرْيَازنْ-أَ ن جِّيڒْ-أَ أَعفَّانْ وَارْ إِژَارّْ ثَامُّورْثْ إِشْنَانْ نِّي خْ جُّودْجغْ مَاحنْذْ أَذْ ت وْشغْ إِ ڒجْذُوذْ نْومْ،
DEU 1:36 مْغِيرْ كَالِيبْ، مِّيسْ ن يَافُونِّي، نتَّا أَذْ ت إِژَارْ ؤُشَا إِ نتَّا ذ إِحنْجِيرنْ نّسْ أَذْ وْشغْ ثَامُّورْثْ نِّي خْ إِڭَّا إِضَارنْ نّسْ، مِينْزِي نتَّا ثُوغَا إِضفَّارْ سِيذِي نِيشَانْ.‘
DEU 1:37 إِسْعَارْ خَافِي سِيذِي ذِي سِّيبّثْ نْومْ، إِنَّا: ’ؤُڒَا ذ شكْ وَارْ [غَارسْ] تِّيذْفذْ شَا!
DEU 1:38 يَاشُووَا، مِّيسْ ن نُونْ، ونِّي إِبدّنْ زَّاثْ إِ وُوذمْ نّشْ، أَذْ غَارسْ يَاذفْ. سْجهْذْ إِ-ث، مِينْزِي نتَّا ذ ونِّي ت غَا إِوْشنْ ذ ڒْوَارْثْ إِ إِسْرَائِيل.
DEU 1:39 ؤُشَا ثَارْوَا نْومْ إِ خْ ثنَّامْ: أَذْ ذوْڒنْ ذ ثيْمَارْثْ!، إِحنْجِيرنْ نْومْ نِّي وَارْ سِّيننْ [عَاذْ] ڒْخَارْ نِيغْ ڒْغَارْ، نِيثْنِي أَذْ غَارسْ أَذْفنْ ؤُشَا نشّْ أَذْ أَسنْ ت-إِ-د-وْشغْ ؤُشَا نِيثْنِي أَذْ ت وَارْثنْ.
DEU 1:40 [مَاشَا] كنِّيوْ أَذْ د-ثْذوْڒمْ، أَذْ ثكّْسمْ إِقِيضَانْ نْومْ سَّا [ؤُشَا أَذْ ثُويُورمْ] غَارْ ڒخْڒَا غَارْ ڒبْحَارْ ن ثلْڭَا.‘
DEU 1:41 كنِّيوْ ثَارِّيمْ-د، ثنَّامْ أَيِي: ’أَقَا نخْضَا أَكْ-ذ سِيذِي. أَذْ نْڭعّذْ ؤُشَا أَذْ نمّْنغْ قَاعْ أَمْ مَامّشْ ذ أَنغْ يُومُورْ سِيذِي، أَربِّي نّغْ.‘ [خنِّي] ثْبيْسمْ، كُوڒْ إِجّْ س ڒسْنَاحْ نّسْ ن ڭَارَّا ؤُ كنِّيوْ س زّْعَامثْ نْومْ ثْبدّمْ أَذْ ثْڭعّْذمْ غَارْ وذْرَارْ.
DEU 1:42 [خنِّي] إِنَّا أَيِي سِيذِي: ’إِنِي أَسنْ: وَارْ تّْڭعّْذمْ، وَارْ تّْمنْغِيمْ، مِينْزِي نشّْ وَارْ دْجِيغْ ذِي ڒْوسْطْ نْومْ، حِيمَا وَارْ ثْخصَّارمْ زَّاثْ إِ وُوذمْ ن ڒْعذْيَانْ نْومْ.‘
DEU 1:43 [أَمُّو] إِ كِيومْ سِّيوْڒغْ، [مَاشَا] كنِّيوْ وَارْ تّسْڒِيمْ ؤُشَا ثْغوّْغمْ ضِيدّْ إِ ڒُومُورْ ن سِيذِي ؤُشَا ثڭِّيمْ س ثُوفّثْ، ثْڭعّْذمْ غَارْ إِذُورَارْ.
DEU 1:44 ؤُشَا فّْغنْ إِمُورِييّنْ نِّي ثُوغَا إِزدّْغنْ ذڭْ إِذُورَارْ ؤُشَا ؤُژّْڒنْ خَاومْ، أَمْ تّڭّنْثْ ثْزِيزْوَا، ؤُشَا ڒبْزنْ كنِّيوْ ذِي صَاعِيرْ أَڒْ حُورْمَا.
DEU 1:45 ثْذوْڒمْ-د، ثسّْغُويمْ زَّاثْ إِ وُوذمْ ن سِيذِي. سِيذِي وَارْ إِسْڒِي إِ ثْمِيجَّا نْومْ، وَارْ ذ أَومْ إِوْشِي أَمزُّوغْ،
DEU 1:46 ؤُشَا ثقِّيممْ ذِي قَاذَاشْ إِشْثْ ن ڒْوقْثْ ذ أَزِيرَارْ، ؤُسَّانْ أَطَّاسْ إِ ذِينِّي ثقِّيممْ.“
DEU 2:1 ”[خنِّي] نذْوڒْ-د ؤُشَا نفْسِي إِقِيضَانْ [ؤُشَا نُويُورْ] غَارْ ڒخْڒَا، ذڭْ وبْرِيذْ غَارْ ڒبْحَارْ ن ثلْڭَا، أَمْ مَامّشْ ذ أَيِي إِنَّا سِيذِي ؤُشَا ننّضْ أَطَّاسْ ن وُوسَّانْ إِ إِذُورَارْ ن سَاعِيرْ.
DEU 2:2 [خنِّي] إِسِّيوڒْ سِيذِي أَكِيذِي، إِنَّا:
DEU 2:3 ’أَطَّاسْ إِ ثنّْضمْ إِ وذْرَارْ-أَ، أَقَا شْفَا. أَرّمْ [أَزدْجِيفْ] غَارْ شَّامَالْ
DEU 2:4 ؤُشَا ؤُمُورْ ڒْڭنْسْ، إِنِي: أَذْ ثكّمْ كنِّيوْ خْ ويْمِيرْ ن أَيْثْمَاثْومْ، أَيْثْ ن عِيسُو، إِنِّي إِزدّْغنْ ذِي سَاعِيرْ. نِيثْنِي أَذْ زَّايْومْ ڭّْوذنْ، [مَاشَا] إِتّْخصَّا كنِّيوْ أَذْ ثحْضَامْ إِخفْ نْومْ أَطَّاسْ.
DEU 2:5 وَارْ كِيسنْ تّمْعَاڒَامْ، مِينْزِي وَارْ ذ أَومْ تِّيشغْ ؤُڒَا ذ إِجّْ ن شْبَارْ زِي ثمُّورْثْ نْسنْ، مِينْزِي نشّْ وْشِيغْ إِذُورَارْ ن سَاعِيرْ ذ ڒْوَارْثْ إِ عِيسُو.
DEU 2:6 أَذْ خَاسنْ ثسْغمْ ڒعْوتْشْ س نُّوقَارْثْ حِيمَا [أَذْ ثْزمَّارمْ] أَذْ ثشّمْ ؤُ أَذْ خَاسنْ ثسْغمْ عَاوذْ أَمَانْ س نُّوقَارْثْ حِيمَا أَذْ ثسْومْ.
DEU 2:7 مِينْزِي سِيذِي، أَربِّي نّشْ، ثُوغَا إِبَاركْ إِ شكْ ذِي مَارَّا ڒْخذْمثْ ن إِفَاسّنْ نّشْ. نتَّا إِسّنْ ثِيشْڒِي نّشْ ذِي ڒخْڒَا-يَا أَمقّْرَانْ. [مَارَّا] أَربْعِينْ ن إِسڭّْوُوسَا-يَا ثُوغَا سِيذِي، أَربِّي نّشْ، أَكِيذكْ ؤُشَا وَارْ ذ أَشْ إِخصِّي وَالُو.‘ “
DEU 2:8 ”[ؤُمِي] نكَّا خْ يَايْثْمَاثْنغْ، أَيْثْ ن عِيسُو نِّي ثُوغَا إِزدّْغنْ ذِي سَاعِيرْ، خْ وبْرِيذْ ن ڒوْضَا ن إِلَاثْ ذ عِيصْيُونْ-جَابِيرْ، نذْوڒْ-د ؤُشَا نكَّا خْ وبْرِيذْ ن ڒخْڒَا ن مُوآبَ.
DEU 2:9 [خنِّي] إِسِّيوڒْ أَكِيذِي سِيذِي: ’وَارْ سَّاڭّْوَاذْ مُوآبَ ؤُ وَارْ كِيسنْ تّْمنْغَامْ، مِينْزِي نشّْ وَارْ ذ أَومْ تِّيشغْ وَالُو ذ ڒْوَارْثْ زِي ثمُّورْثْ نْسنْ، مِينْزِي نشّْ وْشِيغْ عَارْ ذ ڒْوَارْثْ إِ أَيْثْ ن لُوطْ.‘
DEU 2:10 ثُوغَا زدّْغنْ ذِينْ إِمِييّنْ، إِجّْ ن ڒْڭنْسْ ذ أَمقّْرَانْ ذ أَطَّاسْ ؤُشَا نِيثْنِي ذ إِزِيرَارنْ أَمْ إِعَانَاقِييّنْ.
DEU 2:11 نِيثْنِي تّْوَاحسْبنْ ذ إِرَافَاوِييّنْ أَمْ إِعَانَاقِييّنْ ؤُشَا أَيْثْ ن مُوآبَ قَّارنْ أَسْ إِمِييّنْ.
DEU 2:12 ؤُڒَا ذ إِخُورِييّنْ ثُوغَا زدّْغنْ قْبڒْ ذِي سَاعِيرْ، مَاشَا أَيْثْ ن عِيسُو كْسِينْ ڒْوَارْثْ نْسنْ ؤُشَا ثحَّانْ ثنْ زَّاثْ إِ وُوذمْ نْسنْ ؤُشَا ڭِّينْ زدّْغنْ ذِينْ ذڭْ ومْشَانْ نْسنْ، أَمْ مَامّشْ ثُوغَا إِتّڭّْ إِسْرَائِيل س ثمُّورْثْ ن ڒْوَارْثْ نّسْ، ثنِّي إِ ذ أَسنْ إِوْشَا سِيذِي.
DEU 2:13 ’كَّارمْ ڒخُّو، ثژْوَامْ ثغْزُورْثْ ن زَارَاذْ!‘ ؤُشَا نژْوَا ثغْزُورْثْ ن زَارَاذْ.
DEU 2:14 ثْمنْيَا ؤُ-ثْڒَاثِينْ ن إِسڭّْوُوسَا إِ نُويُورْ زِي قَاذَاشْ-بَارْنِيعْ أَڒَامِي نژْوَا ثَاغْزُورْثْ ن زَارَاذْ، أَڒَامِي إِقْضَا جِّيڒْ نِّي ن إِعسْكَارِييّنْ إِنِّي إِسّْننْ أَمنْغِي زِي ڒْوسْطْ ن ڒْمَارْڭحْ ن ڒْعسْكَارْ، أَمْ مَامّشْ ثُوغَا ذ أَسنْ إِجُّودْجْ سِيذِي.
DEU 2:15 أَمُّو إِ خَاسنْ ثُوغَا أَفُوسْ ن سِيذِي، [حِيمَا] أَذْ ثنْ إِثحَّا زِي ڒْوسْطْ ن ڒْمَارْڭحْ ن ڒْعسْكَارْ أَڒَامِي قْضَانْ مَارَّا.
DEU 2:16 ؤُمِي قْضَانْ ؤُ مُّوثنْ مَارَّا إِعسْكَارِييّنْ إِنِّي إِسّْننْ أَمنْغِي زِي ڒْوسْطْ ن ڒْڭنْسْ، إِمْسَارْ
DEU 2:17 أَقَا إِسِّيوڒْ أَكِيذِي سِيذِي، إِنَّا:
DEU 2:18 ’أَسّْ-أَ أَذْ ثژْوِيذْ أَيْمِيرْ ن [ثمُّورْثْ ن] مُوآبَ، غَارْ [ثنْذِينْثْ ن] عَارْ.
DEU 2:19 أَذْ د-ثْقَارّْبذْ غَارْ ؤُرنْذَاذْ ن أَيْثْ ن عَامُّونْ. وَارْ ثنْ تّسِّيڭّْوِيذْ شَا، وَارْ خَاسنْ تّْعذِّيذْ شَا، مِينْزِي وَارْ ذ أَومْ تِّيشغْ ڒْوَارْثْ زِي ثمُّورْثْ ن أَيْثْ ن عَامُّونْ، مِينْزِي وْشِيغْ ت ذ ڒْوَارْثْ إِ أَيْثْ ن لُوطْ.‘
DEU 2:20 ثتّْوَاحْسبْ ؤُڒَا ذ عَامُّونْ ذ إِشْثْ ن ثمُّورْثْ ن إِرَافَاوِييّنْ. ثُوغَا إِرَافَاوِييّنْ زدّْغنْ ذِينْ قْبڒْ ؤُ إِعَامُونِييّنْ قَّارنْ أَسنْ إِزَامْزُومِييّنْ.
DEU 2:21 ثُوغَا-ثنْ ذ إِجّْ ن ڒْڭنْسْ إِمْغَارْ أَطَّاسْ، ذ أَزِيرَارْ ن وَادُّوذْ أَمْ إِعَانَاقِييّنْ. ثُوغَا يَاردّدْجْ إِ-ثنْ سِيذِي زَّاثْ إِ وُوذمْ نّسْ ؤُ نِيثْنِي كْسِينْ ڒْوَارْثْ نْسنْ ؤُشَا زدّْغنْ ذڭْ ومْشَانْ نْسنْ.
DEU 2:22 ثُوغَا نتَّا إِڭَّا أَمُّو عَاوذْ إِ أَيْثْ ن عِيسُو، إِنِّي ثُوغَا إِزذْغنْ ذِي سَاعِيرْ، مَاغَارْ إِثحَّا إِخُورِييّنْ زَّاثْسنْ ؤُشَا نِيثْنِي كْسِينْ ڒْوَارْثْ نْسنْ ؤُشَا زدّْغنْ ذِينْ أَڒْ أَسّْ-أَ.
DEU 2:23 ؤُشَا إِكَافْثُورِييّنْ نِّي ثُوغَا إِفّْغنْ زِي كَافْثُورْ، ثحَّانْ إِعَاوِييّنْ، إِنِّي ثُوغَا إِزدّْغنْ ذِي ذْشُورَاثْ أَڒْ غَازَّا، ؤُشَا نِيثْنِي ڭِّينْ أَذْ ذِينْ زذْغنْ أَڒْ أَسّْ-أَ.
DEU 2:24 ’كَّارمْ، فسْيمْ [إِقِيضَانْ نْومْ] ؤُشَا ژْوَامْ ثَاغْزُورْثْ [ن ثغْزَارْثْ] ن أَرْنُونْ. خْزَارْ، وْشِيغْ سِيحُونْ، أَجدْجِيذْ ن حَاشْبُونْ، أَمُورِي، ذ ثمُّورْثْ نّسْ ذڭْ إِفَاسّنْ نْومْ. بْذَا أَذْ ت ثكْسِيذْ ؤُشَا ثَاذْفذْ أَكِيذسْ غَارْ ڭَارَّا.
DEU 2:25 أَسّْ-أَ أَذْ بْذِيغْ أَذْ أَرّغْ ثِيڭّْوُوذِي ذ ڒْعُورّثْ زَّايكْ خْ [مَارَّا] ڒڭْنُوسْ سَاذُو أَجنَّا مَارَّا، إِنِّي إِ خَاكْ غَا إِسْڒنْ ڒخْبَارْ ؤُشَا أَذْ أَرْجِيجنْ ؤُ أَذْ قْذِيدّْسنْ زَّاثكْ.‘
DEU 2:26 [خنِّي] سّكّغْ إِرقَّاسنْ زِي ڒخْڒَا ن قَاذِيمُوثْ غَارْ سِيحُونْ، أَجدْجِيذْ ن حَاشْبُونْ س وَاوَاڒنْ ن ڒهْنَا، نِّيغْ:
DEU 2:27 ’أَذْ كّغْ خْ ثمُّورْثْ نّشْ ذ أَبْرِيذْ، خْ وبْرِيذْ أَذْ رَاحغْ. وَارْ هيّْضغْ خْ [وبْرِيذْ] [غَارْ] يفُوسْ ؤُڒَا [غَارْ] ؤُزڒْمَاضْ.
DEU 2:28 أَذْ أَيِي ثزّنْزذْ مَاشَّا إِ نُّوقَارْثْ حِيمَا أَذْ شّغْ، أَمَانْ أَذْ أَيِي ثنْ ثوْشذْ إِ نُّوقَارْثْ حِيمَا أَذْ سْوغْ. أَذْ ژْوِيغْ خْ إِضَارنْ إِنُو وَاهَا
DEU 2:29 - أَمْ مَامّشْ ذ أَيِي سَارّْحنْ أَيْثْ ن عِيسُو نِّي إِزدّْغنْ ذِي سَاعِيرْ ذ أَيْثْ ن مُوآبَ نِّي إِزدّْغنْ ذِي عَارْ - أَڒَامِي غَا ژْوِيغْ لْ-ؤُرْذُونْ غَارْ ثمُّورْثْ إِ ذ أَنغْ غَا إِوْشْ سِيذِي، أَربِّي نّغْ.‘
DEU 2:30 [مَاشَا] سِيحُونْ، أَجدْجِيذْ ن حَاشْبُونْ وَارْ إِخْسْ أَذْ أَنغْ يجّْ أَذْ ت نژْوَا، مِينْزِي سِيذِي، أَربِّي نّشْ، إِسّقْسَاحْ بُوحْبڒْ نّسْ، ؤُ إِسّقْسَاحْ ؤُڒْ نّسْ حِيمَا أَذْ ث إِسلّمْ ذڭْ إِفَاسّنْ نّشْ، أَمْ [ثدْجَا] أَسّْ-أَ.
DEU 2:31 ؤُشَا إِنَّا أَيِي سِيذِي: ’خْزَارْ، نشّْ بْذِيغْ أَذْ سلّْمغْ سِيحُونْ ذ ثمُّورْثْ نّسْ غَاركْ. بْذَا أَذْ ت ثكْسِيذْ حِيمَا أَذْ ثْوَارْثذْ ثَامُّورْثْ نّسْ.‘
DEU 2:32 [خنِّي] إِفّغْ-د سِيحُونْ غَارْ ؤُمْسَاڭَارْ أَكِيذْنغْ، نتَّا أَكْ-ذ مَارَّا ڒْڭنْسْ نّسْ، إِ ڭَارَّا ذِي يَاهَاصْ.
DEU 2:33 سِيذِي، أَربِّي نّغْ، إِسلّمْ أَنغْ ث ؤُشَا نَارْنِي ث، نتَّا ذ إِحنْجِيرنْ نّسْ ذ مَارَّا ڒْڭنْسْ نّسْ.
DEU 2:34 نكْسِي مَارَّا ثِيندَّامْ نّسْ ؤُشَا نْحَارّمْ كُوڒْ ثَانْذِينْثْ [إِ ؤُثحِّي]، إِرْيَازنْ ذ ثمْغَارِينْ ذ إِحنْجِيرنْ، وَارْ نجِّي أَذْ إِقِّيمْ ؤُڒَا ذ إِجّْ ن ؤُمَارْوڒْ.
DEU 2:35 مْغِيرْ ڒبْهَايمْ ذ مِينْ إِتّْوَاكشّْضنْ زِي ثْندَّامْ أَقَا نكْسِي أَيَا ذ ثْكشَّاضْثْ إِ يِيخفْ نّغْ.
DEU 2:36 زِي أَرُوعِيرْ نِّي يدْجَانْ غَارْ ثْمَا ن ثغْزَارْثْ ن أَرْنُونْ، ؤُ [زِي] ثنْذِينْثْ نِّي [يدْجَانْ] ذِي ثغْزُورْثْ أَڒْ جِيلْعَاذْ، وَارْ ذِينْ ثُوغِي ؤُڒَا ذ إِشْثْ ن ثنْذِينْثْ ثُوعْڒَا خَانغْ عَاذْ. سِيذِي، أَربِّي نّغْ، إِسلّمْ أَنغْ مَارَّا.
DEU 2:37 مَاشَا شكْ وَارْ د-ثْقَارّْبذْ شَا غَارْ ثمُّورْثْ ن أَيْثْ ن عَامُّونْ، مَارَّا مِينْ ثُوغَا غَارْ ثْمَا ن ثغْزَارْثْ ن يَابُّوقْ ذ ثْندَّامْ خْ إِذُورَارْ، ؤُ وَارْ د-ثْقَارّْبذْ شَا غَارْ ؤُڒَا ذ إِشْثْ ن [ثمُّورْثْ] إِ ذ أَنغْ إِحَارّمْ سِيذِي.“
DEU 3:1 ”[خنِّي] نذْوڒْ-د ؤُشَا نْڭعّذْ أَبْرِيذْ ن بَاشَانْ. إِفّغْ-د عُوجْ، أَجدْجِيذْ ن بَاشَانْ، إِ ؤُمْسَاڭَارْ أَكِيذْنغْ، نتَّا ذ مَارَّا ڒْڭنْسْ نّسْ، إِ ڭَارَّا ذِي إِذْرَاعِي.
DEU 3:2 [خنِّي] إِنَّا أَيِي سِيذِي: ’وَارْ زَّايسْ تّڭّْوذْ شَا، مِينْزِي سلّْمغْ ث، نتَّا ذ مَارَّا ڒْڭنْسْ نّسْ ذ ثمُّورْثْ نّسْ، غَارْ إِفَاسّنْ نّشْ ؤُشَا أَذْ زَّايسْ ثڭّذْ أَمْ مَامّشْ ثڭِّيذْ س سِيحُونْ، أَجدْجِيذْ ن إِمُورِييّنْ نِّي ثُوغَا إِزدّْغنْ ذِي حَاشْبُونْ.‘
DEU 3:3 ؤُشَا سِيذِي، أَربِّي نّغْ، إِسلّمْ عُوجْ، أَجدْجِيذْ ن بَاشَانْ ذ مَارَّا ڒْڭنْسْ نّسْ غَارْ إِفَاسّنْ نّغْ ؤُشَا نَارْنِييْ ث أَڒْ مَانِي وَارْ نجِّي أَذْ إِقِّيمْ ؤُڒَا ذ إِجّْ ن ؤُمَارْوڒْ.
DEU 3:4 ذِي ڒْوقْثْ نِّي نطّفْ مَارَّا ثِيندَّامْ. وَارْ ذِينْ ثُوغِي ؤُڒَا ذ إِشْثْ ن ثنْذِينْثْ وَارْ زَّايْسنْ ت نطِّيفْ: ستِّينْ ن ثْندَّامْ ذ مَارَّا جِّيهثْ ن أَرْجُوبْ، ثَاڭلْذِيثْ ن عُوجْ ذِي بَاشَانْ.
DEU 3:5 مَارَّا ثِيندَّامْ نِّي تّْوَافَارْينْثْ س ڒحْيُوضْ ذ ثِيوُّورَا ذ إِزكْرُوننْ. سنّجْ إِ ؤُيَا [ثُوغَا ذِينْ] أَطَّاسْ ن ثْندَّامْ ذڭْ إِيَّارنْ.
DEU 3:6 ؤُشَا نْحَارّمْ إِ-ثنْثْ [إِ ؤُثحِّي]، أَمْ مَامّشْ نڭَّا زِي سِيحُونْ، أَجدْجِيذْ ن حَاشْبُونْ. ذِي كُوڒْ ثَانْذِينْثْ أَقَا نْحَارّمْ إِرْيَازنْ ذ ثمْغَارِينْ ذ إِحنْجِيرنْ [إِ ؤُثحِّي].
DEU 3:7 [مَاشَا] نكْسِي إِ يِيخفْ نّغْ مَارَّا ڒبْهَايمْ ذ مِينْ إِقِّيمنْ ذ ثَاكشَّاضْثْ زِي ثِيندَّامْ.
DEU 3:8 أَمُّو إِ نطّفْ ذِي ڒْوقْثْ نِّي ثَامُّورْثْ زِي ثْنَاينْ ن إِجدْجِيذنْ ن إِمُورِييّنْ نِّي إِدْجَانْ خْ ؤُجمَّاضْ ن لْ-ؤُرْذُونْ، زِي ثغْزَارْثْ ن أَرْنُونْ أَڒْ أَذْرَارْ ن حَارْمُونْ
DEU 3:9 - ثنِّي ؤُمِي قَّارنْ إِصَايْذُونِييّنْ س يِيسمْ ن هِيرْمُونْ سِيرْيُونْ ؤُ إِمُورِييّنْ قَّارنْ أَسْ سِينِيرْ -
DEU 3:10 مَارَّا ثِيندَّامْ ن ڒْوَاطَا [يُوعْڒَانْ] ذ مَارَّا جِيلْعَاذْ ذ مَارَّا بَاشَانْ أَڒْ سَالْخَا ذ إِذْرَاعِي، [مَارَّا] ثِيندَّامْ ن ثْڭلْذِيثْ ن عُوجْ ذِي بَاشَانْ.
DEU 3:11 مِينْزِي مْغِيرْ عُوجْ، أَجدْجِيذْ ن بَاشَانْ، ثُوغَا إِقِّيمْ زِي مِينْ إِقِّيمنْ ن إِرَافَاوِييّنْ. خْزَارْ، قَامَا نّسْ ذ إِشْثْ ن قَامَا ن وُوزَّاڒْ، مَا وَارْ إِدْجِي ذِي رَابَّا ن أَيْثْ ن عَامُّونْ؟ ثُوزّڭَّارْثْ نّسْ ثسْعَا ن إِغَادْجنْ ؤُ ثِيرُو نّسْ أَربْعَا ن نْ إِغَادْجنْ، [عْبَارنْ ت] س ؤُغِيڒْ ن إِجّْ ن ورْيَازْ.
DEU 3:12 ذِي ڒْوقْثْ نِّي نطّفْ ثَامُّورْثْ-أَ ذ ڒْوَارْثْ، زِي [ثنْذِينْثْ ن] عَارُوعِيرْ، نِّي إِدْجَانْ غَارْ ثغْزَارْثْ ن أَرْنُونْ، ؤُڒَا ذ أَزْينْ ن إِذُورَارْ ن جِيلْعَاذْ أَكْ-ذ ثْندَّامْ نّسْ، ؤُشَا وْشِيغْ ت إِ إِرُوبِينِييّنْ ذ إِجَاذِييّنْ.
DEU 3:13 مِينْ إِقِّيمنْ ن جِيلْعَاذْ ذ مَارَّا بَاشَانْ، ثَاڭلْذِيثْ ن عُوجْ، وْشِيغْ ت إِ وزْينْ ن ثقْبِيتْشْ ن مَانَاسَّا. مَارَّا جِّيهثْ ن أَرْجُوبْ أَكْ-ذ مَارَّا بَاشَانْ قَّارنْ أَسْ ثَامُّورْثْ ن إِرَافَاوِييّنْ.
DEU 3:14 يَا‘إِرْ، مِّيسْ ن مَانَاسَّا، إِطّفْ مَارَّا ثَامُّورْثْ ن أَرْجُوبْ أَڒْ ويْمِيرْ إِ إِدْجَانْ أَكْ-ذ إِجَاشُورِييّنْ ذ إِمَاعْكِييّنْ ؤُشَا إِڒَاغَا جّْوَايهْ نِّي س يِيسمْ نّسْ: [جِّيهثْ ن] بَاشَانْ، ذْشُورَاثْ ن يَا‘إِرْ. ذ وَا [ذ إِسمْ نْسنْ أَڒْ] أَسّْ-أَ.“
DEU 3:15 ”إِ مَاكِيرْ وْشِيغْ أَسْ جِيلْعَاذْ.
DEU 3:16 إِ إِرُوبِينِييّنْ ذ إِجَاذِييّنْ وْشِيغْ أَسنْ [مِينْ إِقِّيمنْ] ن جِيلْعَاذْ أَڒْ ثغْزَارْثْ ن أَرْنُونْ، [أَڒْ] ڒْوسْطْ ن إِغْزَارْ [نِّي إِدْجَانْ] ذ أَيْمِيرْ، أَڒْ ثِيغْزَارْثْ ن يَابُّوقْ [نِّي إِدْجَانْ] ذ أَيْمِيرْ أَكْ-ذ أَيْثْ ن عَامُّونْ.
DEU 3:17 [عَاوذْ وْشِيغْ أَسنْ] ڒوْضَا ذ لْ-ؤُرْذُونْ [نِّي إِدْجَانْ] ذ أَيْمِيرْ زِي كِينَّارَاثْ أَڒْ ڒبْحَارْ ن ڒوْضَا، ڒبْحَارْ أَمدْجَاهْ، وَادَّايْ ن ثيْسَارِينْ [ن وذْرَارْ ن] فِيسْجَا، غَارْ ؤُغزْذِيسْ ن شَّارْقْ.“
DEU 3:18 ”ذِي ڒْوقْثْ نِّي وصِّيغْ كنِّيوْ، نِّيغْ: ’سِيذِي، أَربِّي نْومْ، إِوْشَا أَومْ ثَامُّورْثْ-أَ، حِيمَا أَذْ ت ثطّْفمْ ذ ڒْوَارْثْ. إِتّْخصَّا أَذْ ثژْوَامْ ثْوجْذمْ إِ ؤُمنْغِي زَّاثْ إِ أَيْثْمَاثْومْ، أَيْثْ ن إِسْرَائِيل، مَارَّا أَيْثْ ن ؤُمنْغِي.
DEU 3:19 إِعدّڒْ أَذْ قِّيمنْ ذِي ثْندَّامْ نْومْ، ثنِّي ذ أَومْ وْشِيغْ نشّْ، مْغِيرْ ثمْغَارِينْ نْومْ ذ إِحنْجِيرنْ نْومْ ذ ڒبْهَايمْ نْومْ - أَقَا سّْنغْ بلِّي غَارْومْ أَطَّاسْ ن ڒبْهَايمْ -
DEU 3:20 أَڒْ غَا إِوْشْ سِيذِي أَرَّاحثْ إِ أَيْثْمَاثْومْ أَمْ مَامّشْ إِ ذ أَومْ إِوْشَا، ؤُشَا ؤُڒَا ذ نِيثْنِي أَذْ كْسِينْ ثَامُّورْثْ نِّي إِ ذ أَسنْ غَا إِوْشْ سِيذِي، أَربِّي نْومْ، ذ ڒْوَارْثْ خْ ؤُجمَّاضْ ن [يغْزَارْ ن] لْ-ؤُرْذُونْ. خنِّي إِعدّڒْ أَذْ د-ثْذوْڒمْ، كُوڒْ إِجّْ غَارْ ثسْغَارْثْ إِ ذ أَومْ وْشِيغْ نشّْ [إِ كُوڒْ إِجّنْ زَّايْومْ].‘
DEU 3:21 ذِي ڒْوقْثْ نِّي وصِّيغْ إِ يَاشُووَا، نِّيغْ: ’ثِيطَّاوِينْ نّشْ ژْرِينْثْ مَارَّا مِينْ إِڭَّا سِيذِي، أَربِّي نْومْ، س ثْنَاينْ ن إِجدْجِيذنْ-أَ. أَمُّو إِ غَا يڭّْ سِيذِي س مَارَّا ثِيڭلْذِيوِينْ إِ غَارْ غَا ثژْوِيذْ.
DEU 3:22 وَارْ زَّايْسنْ ثڭّْوْذمْ، مِينْزِي سِيذِي، أَربِّي نْومْ، أَذْ إِمّْنغْ ذِي طّْوعْ نْومْ.‘
DEU 3:23 ؤُشَا ژُودْجغْ غَارْ سِيذِي ذِي ڒْوقْثْ نِّي، نِّيغْ:
DEU 3:24 ’سِيذِي إِنُو، سِيذِي! شكْ ثبْذِيذْ أَذْ ثسّشْنذْ إِ ؤُمْسخَّارْ نّشْ ڒمْغَارثْ نّشْ ذ ؤُفُوسْ نّشْ إِجهْذنْ، مِينْزِي مَانْ أَربِّي إِ ذِينْ ذڭْ ؤُجنَّا نِيغْ ذِي ثمُّورْثْ إِزمَّارْ أَذْ يڭّْ ڒخْذَايمْ ذ جّهْذْ أَمْ مَامّشْ ثنْ ثتّڭّذْ شكْ؟
DEU 3:25 أجّْ أَيِي أَذْ ژْوِيغْ، زَاوْڭغْ شكْ، ؤُشَا أَذْ ژَترْغْ ثَامُّورْثْ إِشْنَانْ، ثنِّي إِدْجَانْ خْ ؤُجمَّاضْ ن لْ-ؤُرْذُونْ، أَقَا إِذُورَارْ نِّي إِشْنَانْ ذ لُوبْنَانْ!‘
DEU 3:26 مَاشَا سِيذِي إِصْخضْ خَافِي [أَفُوڭمْ نّسْ] ذِي طّْوعْ نْومْ ؤُشَا وَارْ ذ أَيِي إِسْڒِي. إِنَّا أَيِي سِيذِي: ’شْفَا مِينْ ذ أَيِي ثتَّارذْ، أَقَا ذ أَطَّاسْ. وَارْ كِيذِي سِّيوِيڒْ عَاذْ خْ ثْمسْڒَاشْثْ-أَ.
DEU 3:27 أَڒِي غَارْ ثْقِيشَّاثْ ن فِيسْجَا ؤُشَا سْڭعّذْ ثَامُوغْڒِي نّشْ غَارْ ڒْغَارْبْ، غَارْ شَّامَالْ، عَارْ لْجَانُوبْ ؤُ غَارْ شَّارْقْ ؤُ خْزَارْ [إِ ت] س إِخفْ ن ثِيطَّاوِينْ نّشْ، مِينْزِي وَارْ ثْژكّْوِّيذْ شَا لْ-ؤُرْذُونْ-أَ.
DEU 3:28 سلّمْ [ڒُْومُورْ] إِ يَاشُووَا، أڭّْ ذَايسْ ؤُڒْ ؤُ سجْهذْ إِ-ث، مِينْزِي نتَّا أَذْ إِژْوَا زَّاثْ إِ وُوذمْ ن ڒْڭنْسْ-أَ ؤُشَا نتَّا أَذْ ثنْ يَارّْ أَذْ وَارْثنْ ثَامُّورْثْ إِ غَا ثْژَارذْ [خْ وذْرَارْ فِيسْجَا].‘
DEU 3:29 ؤُشَا نقِّيمْ ذِي ثغْزُورْثْ زَّاثْ إِ بَايْثْ-فَاغُورْ.“
DEU 4:1 ”خنِّي ڒخُّو، [أَ] إِسْرَائِيل، سڒْ غَارْ ثْوصَّا ذ لْفَارَايِيضْ نِّي ذ أَومْ سّڒْمَاذغْ، مَاحنْذْ أَذْ [ثنْثْ] ثڭّمْ حِيمَا أَذْ ثدَّارمْ ؤُشَا أَذْ ثَاذْفمْ غَارْ ثمُّورْثْ نِّي إِ ذ أَومْ غَا إِوْشْ سِيذِي، أَربِّي ن ڒجْذُوذْ نْومْ، ؤُشَا أَذْ ت ثْوَارْثمْ.
DEU 4:2 وَارْ أَرنّْيمْ غَارْ وَاوَاڒْ إِ ذ أَومْ غَا ؤُمُورغْ ؤُ وَارْ زَّايسْ تّكّْسمْ، حِيمَا أَذْ ثِيڒِيمْ ثتّطّْفمْ ذِي ثْوصَّا ن سِيذِي، أَربِّي نْومْ، ثِينِّي زِي ذ أَومْ تُّومُورغْ.
DEU 4:3 ثِيطَّاوِينْ نْومْ ژْرِينْثْ مِينْ إِڭَّا سِيذِي أَكْ-ذ بَاعْلْ-فَاغُورْ، مِينْزِي [مَارَّا] أَرْيَازْ نِّي إِضفَّارنْ بَاعْلْ-فَاغُورْ، أَقَا إِثحَّا إِ-ث سِيذِي، أَربِّي نْومْ، زِي ڒْوسْطْ نْومْ.
DEU 4:4 [مَاشَا] كنِّيوْ، إِنِّي إِڒسّْقنْ غَارْ سِيذِي، أَربِّي نْومْ، أَقَا كنِّيوْ مَارَّا ثدَّارمْ [عَاذْ] أَسّْ-أَ.
DEU 4:5 خْزَارمْ، نشّْ سّْڒمْذغْ أَومْ ثِيوصَّا ذ لْفَارَايِيضْ أَمْ مَامّشْ ذ أَيِي يُومُورْ سِيذِي، أَربِّي إِنُو، حِيمَا أَذْ [زَّايْسنْثْ] ثڭّمْ ذِي ثمُّورْثْ إِ غَارْ غَا ثَاذْفمْ مَاحنْذْ أَذْ ت ثْوَارْثمْ.
DEU 4:6 طّْفمْ [ذَايْسنْثْ] ؤُ ڭّمْ [ثنْثْ]، مِينْزِي ثَا أَذْ ثِيڒِي ثِيغِيثْ نْومْ ذ ڒعْقڒْ نْومْ زَّاثْ إِ ثِيطَّاوِينْ ن ڒڭْنُوسْ نِّي إِ غَا إِسْڒنْ مَارَّا ثِيوصَّا-يَا. [خنِّي] أَذْ إِنِينْ نِيثْنِي: ’ڒْڭنْسْ-أَ أَمقّْرَانْ وَانِيثَا ذ ثِيذتّْ ذ إِجّْ ن ڒْڭنْسْ ذ أَمِيغِيسْ ؤُ س ڒعْقڒْ!‘
DEU 4:7 مِينْزِي مَانْ ڒْڭنْسْ إِمْغَارنْ إِ ذَا إِدْجَانْ، أَقَا غَارسْ أَربِّي يُوذْسنْ أَمْ سِيذِي، أَربِّي نّغْ، ڒبْذَا خْمِي خَاسْ نتّْڒَاغَا؟
DEU 4:8 ؤُ مَانْ ڒْڭنْسْ ذَا إِدْجَانْ إِمْغَارْ، أَقَا غَارسْ ثِيوصَّا ذ لْفَارَايِيضْ إِسڭّْمنْ أَمْ مَارَّا شَّارِيعَا-يَا نِّي ذ أَومْ غَا وْشغْ أَسّْ-أَ؟
DEU 4:9 مَاشَا حْضَا خْ يِيخفْ نّشْ ؤُشَا طّفْ نِيشَانْ أَشْبَارْ خْ ڒعْمُورْ نّشْ حِيمَا وَارْ ثتُّوذْ مِينْ ژْرِينْثْ ثِيطَّاوِينْ نّشْ ؤُ حِيمَا [ثِيمسْڒَايِينْ-أَ] وَارْ د-تّفِّيغنْثْ شَا زڭْ وُوڒَاونْ نّشْ. إِتّْخصَّا أَذْ ثنْثْ ثسَّارْڭْبذْ إِ إِحنْجِيرنْ نّشْ ؤُ إِ إِحنْجِيرنْ ن إِحنْجِيرنْ نّشْ.
DEU 4:10 أَسّْ مِينْ ذِي ثُوغَا ثْبدّذْ غَارْ [وذْرَارْ ن] حُورِيبْ زَّاثْ إِ وُوذمْ ن سِيذِي، أَربِّي نّشْ، ڒَامِي ذ أَيِي إِنَّا سِيذِي: ’سْمُونْ غَارِي ڒْڭنْسْ-أَ، [خنِّي] نشّْ أَذْ ثنْ أَرّغْ أَذْ سْڒنْ أَوَاڒنْ إِنُو مَاحنْذْ أَذْ ثنْ سّْڒمْذنْ حِيمَا أَذْ زَّايِي ڭّْوذنْ مَارَّا ؤُسَّانْ نِّي إِدَّارنْ ذِي ثمُّورْثْ ؤُشَا [حِيمَا] أَذْ [ثنْ] سّْڒمْذنْ إِ إِحنْجِيرنْ نْسنْ.‘
DEU 4:11 [خنِّي] ثْقَارّْبمْ-د كنِّيوْ ؤُشَا ثْبدّمْ غَارْ إِضَارنْ ن وذْرَارْ ؤُشَا أَذْرَارْ يَارْغَا أَڒَامِي ثِيمسِّي نّسْ [ثِيوضْ] غَارْ ڒْوسْطْ ن ؤُجنَّا، [ؤُشَا أَقَا ذِينْ] ثَادْجسْثْ ذ إِسيْنُوثنْ ذ يِيجّْ ن ؤُسيْنُو إِبُّومْبسْ.
DEU 4:12 [خنِّي] إِسِّيوڒْ أَكِيذْومْ سِيذِي زِي ڒْوسْطْ ن ثْمسِّي. كنِّيوْ ثسْڒِيمْ إِ ڒْحسّْ ن وَاوَاڒنْ، [مَاشَا] وَارْ ثژْرِيمْ شَا أَدُّوذْ [نّسْ]، مْغِيرْ إِشْثْ ن ثْمِيجَّا [ؤُمِي ثسْڒِيمْ] وَاهَا.
DEU 4:13 نتَّا إِسَّارْڭبْ كنِّيوْ خْ ڒْعَاهْذْ نّسْ، ونِّي يُومُورْ أَذْ ث ثڭّمْ،عشْرَا ن وَاوَاڒنْ. يُورَا ثنْ ذِي ثْنَاينْ ن ثڒْوِيحِينْ ن وژْرُو.
DEU 4:14 إِ نشّْ [عَاوذْ] يُومُورْ سِيذِي ذِي ڒْوقْثْ نِّي مَاحنْذْ أَذْ كنِّيوْ سّْڒمْذغْ ثِيوصَّا ذ لْفَارَايِيضْ مَاحنْذْ أَذْ زَّايْسنْثْ ثڭّمْ ذِي ثمُّورْثْ إِ غَارْ غَا ثژْوَامْ حِيمَا أَذْ ت ثْوَارْثمْ.“
DEU 4:15 ”حْضَامْ نِيشَانْ خْ ڒعْمُورْ نْومْ، مِينْزِي كنِّيوْ وَارْ ثژْرِيمْ ؤُڒَا ذ إِجّْ ن وَادُّوذْ ذڭْ وَاسّْ ؤُمِي أَكِيذْومْ إِسِّيوڒْ سِيذِي [خْ وذْرَارْ ن] حُورِيبْ زِي ڒْوسْطْ ن ثْمسِّي!
DEU 4:16 وَارْ تّسّفْسَاذمْ [إِخفْ نْومْ] ؤُمِي غَا ثڭّمْ إِ يِيخفْ نْومْ إِجّْ ن ڒخْيَاڒْ إِنقْشنْ، أَدُّوذْ ن شَا ن إِجّْ ن صَّانَامْ، أَدُّوذْ ن شَا ن إِجّْ ن ووْثمْ نِيغْ ن إِشْثْ ن ثوْثمْثْ،
DEU 4:17 إِجّْ ن ڒخْيَاڒْ ن شَا ن إِجّْ ن ؤُمُودَّارْ نِّي [إِدْجَانْ] خْ ثمُّورْثْ، [نِيغْ] إِجّْ ن ڒخْيَاڒْ ن شَا ن إِجّْ ن وجْضِيضْ س وفْرِيونْ إِ إِطَّاونْ ذڭْ ؤُجنَّا،
DEU 4:18 [نِيغْ] إِجّْ ن ڒخْيَاڒْ ن شَا ن إِجّْ [ن ؤُمُودَّارْ] نِّي إِتّْبُوعنْ خْ ثمُّورْثْ، [نِيغْ] إِجّْ ن ڒخْيَاڒْ ن شَا ن إِجّْ ن وسْڒمْ نِّي إِدْجَانْ ذڭْ وَامَانْ سَاذُو ثمُّورْثْ.
DEU 4:19 غَاركْ أَذْ ثسّْڭعّْذذْ ثَامُوغْڒِي نّشْ غَارْ ؤُجنَّا ؤُشَا [خنِّي] أَذْ ثْژَارذْ ثَافُوشْثْ ذ ؤُيُورْ ذ إِثْرَانْ، مَارَّا ڒْعسْكَارْ ن ؤُجنَّا، ؤُشَا [خنِّي] أَذْ تّْوَاعَارّْنذْ أَذْ أَسنْ ثْبنْذْقذْ ؤُشَا أَذْ أَسنْ ثْعبْذذْ إِ نِيثْنِي، إِنِّي إِبْضَا سِيذِي، أَربِّي نّشْ، إِ مَارَّا ڒڭْنُوسْ سَاذُو مَارَّا أَجنَّا.
DEU 4:20 سِيذِي أَقَا إِقْبڒْ إِ كنِّيوْ ؤُشَا إِسُّوفّغْ إِ كنِّيوْ-د زڭْ ؤُفَارَّانْ ن وُوزَّاڒْ، زِي مِيصْرَا، حِيمَا أَذْ أَسْ ثِيڒِيمْ ذ ڒْڭنْسْ نّسْ إِ إِوَارْثْ، أَمْ [ثدْجَا] أَسّْ-أَ.
DEU 4:21 عَاوذْ إِسْعَارْ خَافِي سِيذِي ذِي سِّيبّثْ ن وَاوَاڒنْ نْومْ ؤُشَا إِجُّودْجْ بلِّي وَارْ ژكّْوِّيغْ شَا لْ-ؤُرْذُونْ ؤُ وَارْ تِّيذْفغْ غَارْ ثمُّورْثْ إِصبْحنْ نِّي إِ ذ أَشْ غَا إِوْشْ سِيذِي، أَربِّي نّشْ، ذ ڒْوَارْثْ،
DEU 4:22 مِينْزِي نشّْ أَذْ مّْثغْ ذِي ثمُّورْثْ-أَ، وَارْ ژكّْوِيغْ شَا لْ-ؤُرْذُونْ. كنِّيوْ أَذْ ثژْوَامْ ؤُشَا أَذْ ثطّْفمْ ثَامُّورْثْ-أَ إِشْنَانْ.
DEU 4:23 حْضَامْ وَارْ ثتُّومْ ڒْعَاهْذْ ن سِيذِي، أَربِّي نْومْ، ونِّي إِڭَّا أَكِيذْومْ ؤُشَا [حْضَامْ] وَارْ تّڭّمْ إِ يِيخفْ نْومْ إِجّْ ن ڒخْيَاڒْ إِنقْشنْ زِي شَا ن [ن ڒْحَاجّثْ] إِ ذ أَشْ إِحَارّمْ سِيذِي، أَربِّي نّشْ.
DEU 4:24 مِينْزِي سِيذِي، أَربِّي نّشْ، أَقَا-ث ذ إِشْثْ ن ثْمسِّي إِتّتّنْ، ذ إِجّْ ن أَربِّي إِتَّاسْمنْ.
DEU 4:25 خْمِي غَا ثَارْومْ أَرَّاوْ ذ أَيَّاونْ ؤُشَا أَذْ ثوْسَارمْ ذِي ثمُّورْثْ ؤُشَا [خنِّي] أَذْ ثْذدْجْممْ [إِخفْ نْومْ]، أَذْ ثڭّمْ إِجّْ ن ڒخْيَاڒْ إِنقْشنْ، صِّيفّثْ ن شَا ن ڒْحَاجّثْ ؤُشَا أَذْ ثڭّمْ ڒْغَارْ ذِي ثِيطَّاوِينْ ن سِيذِي، أَربِّي نْومْ ؤُمِي ث غَا ثسْعَارمْ [أَمُّو]،
DEU 4:26 [خنِّي] نشّْ أَسّْ-أَ أَذْ ڒَاغِيغْ خْ ؤُجنَّا ذ ثمُّورْثْ ذ ڒشْهُوذْ خَاومْ، أَقَا كنِّيوْ أَذْ ثتّْوَاهلّْكمْ ذغْيَا س ثِيذتّْ ذِي ثمُّورْثْ إِ غَارْ غَا ثژْوَامْ خْ لْ-ؤُرْذُونْ مَاحنْذْ أَذْ ت ثكْسِيمْ ذ ڒْوَارْثْ. وَارْ ذَايسْ ثتّْغِيمِيمْ كنِّيوْ شَا ن وُوسَّانْ كْثَارْ عَاذْ، مِينْزِي أَذْ ثتّْوَاثحَّامْ قَاعْ.
DEU 4:27 سِيذِي أَذْ كنِّيوْ إِبزّعْ جَارْ ڒڭْنُوسْ ؤُشَا أَذْ زَّايْومْ إِقِّيمْ إِجّْ ن وُورُو ن يرْيَازنْ [وَاهَا] جَارْ ڒڭْنُوسْ مَانِي كنِّيوْ غَا إِنْذهْ سِيذِي.
DEU 4:28 ذِينْ أَذْ ثْسخَّارمْ إِربِّيثنْ نِّي إِتّْوَاڭّنْ س إِفَاسّنْ ن بْنَاذمْ س ؤُكشُّوضْ ذ وژْرُو، إِنِّي وَارْ إِتّْوَاڒِينْ، وَارْ إِتّسْڒِينْ، وَارْ إِتّتّنْ ؤُ وَارْ إِتّْشمَّانْ.“
DEU 4:29 ”أَذْ ثَارْزُومْ سّنِّي سِيذِي، أَربِّي نّشْ، ؤُ شكْ أَذْ ث ثَافذْ، مَاڒَا ثَارزُّوذْ خَاسْ س مَارَّا ؤُڒْ نّشْ ذ مَارَّا ڒعْمَارْ نّشْ.
DEU 4:30 مَاڒَا شكْ ذِي ڒحْصَارثْ ؤُشَا أَذْ غَاركْ د-أَسنْ مَارَّا أَوَاڒنْ-أَ ذڭْ ؤُنڭَّارْ ن وُوسَّانْ، [خنِّي] أَذْ د-ثْذوْڒذْ غَارْ سِيذِي، أَربِّي نّشْ، ؤُ أَذْ ثسْڒذْ إِ ثْمِيجَّا نّسْ،
DEU 4:31 مِينْزِي سِيذِي، أَربِّي نّشْ، ذ إِجّْ ن أَربِّي يَارحّْمنْ، وَارْ شكْ إِتّجِّي ؤُ وَارْ شكْ إِتَّاردّدْجْ. وَارْ إِتّتُّو ڒْعَاهْذْ ن ڒجْذُوذْ نّشْ، ونِّي ذ أَسنْ إِجِّيدْجْ.
DEU 4:32 سقْسَا خنِّي خْ وُوسَّانْ إِعْذُونْ، إِنِّي إِدْجَانْ قْبڒْ إِ شكْ، زڭْ وَاسّْ مِينْ ذِي إِڭَّا أَربِّي بْنَاذمْ خْ ثمُّورْثْ، [سقْسَا] زِي طَّارْفْ ن ؤُجنَّا غَارْ طَّارْفْ نّغْنِي ن ؤُجنَّا، مَا [عمَّارْصْ] ثمْسَارْ شَا ن ڒْحَاجّثْ ثمْغَارْ أَنشْثْ ن ثَانِيثَا نِيغْ إِتّْوَاسڒْ [شَا] أَمْ مَانْ أَيَا؟
DEU 4:33 مَا [عمَّارْصْ] إِسْڒَا شَا ن ڒْڭنْسْ ثْمِيجَّا ن أَربِّي ثسِّيوڒْ زِي ڒْوسْطْ ن ثْمسِّي أَمْ مَامّشْ ت تّسْڒِيذْ شكْ ؤُشَا [خنِّي إِقِّيمْ] إِدَّارْ؟
DEU 4:34 نِيغْ مَا إِقدْجبْ [عمَّارْصْ] إِجّْ ن أَربِّي أَذْ د-يَاسْ مَاحنْذْ أَذْ إِكْسِي إِ يِيخفْ نّسْ إِجّْ ن ڒْڭنْسْ زِي ڒْوسْطْ ن إِجّْ ن ڒْڭنْسْ [نّغْنِي] س ثْجَارِّيبِينْ، س ڒعْڒَامَاثْ، س لْمُوعْجِيزَاثْ، س ؤُمنْغِي، س ؤُفُوسْ إِجهْذنْ، س ؤُغِيڒْ إِسّْوِيژّْضنْ ؤُ س ثْمڭَّا سِّيڭّْوِيذنْثْ مْغَارنْثْ، أَمْ مَارَّا مِينْ إِڭَّا سِيذِي، أَربِّي نْومْ، زَّاثْ إِ ثِيطَّاوِينْ نْومْ ذِي مِيصْرَا؟
DEU 4:35 أَقَا إِ شكْ ؤُمِي د-إِتّْوَاسّْبَانْ أَيَا، حِيمَا أَذْ ثسّْنذْ بلِّي سِيذِي ذ أَربِّي [إِ إِدْجَا]. وَارْ ذِينْ شَا نّغْنِي مْغِيرْ نتَّا.
DEU 4:36 زڭْ ؤُجنَّا إِڭَّا أَذْ ثسْڒذْ إِ ثْمِيجَّا نّسْ حِيمَا أَذْ شكْ إِنبّهْ ؤُ خْ ثمُّورْثْ أَقَا إِسّْشنْ أَشْ ثِيمسِّي نّسْ إِمْغَارنْ ؤُ أَقَا ثسْڒِيذْ أَوَاڒنْ نّسْ زِي ڒْوسْطْ ن ثْمسِّي.
DEU 4:37 مِينْزِي نتَّا ثُوغَا إِخْسْ ڒجْذُوذْ نّشْ، ؤُ إِفَارْزْ زَّارِيعثْ نّسْ أَوَارْنِي أَسْ، أَقَا إِسُّوفّغْ إِ شكْ-د س يِيخفْ نّسْ زِي مِيصْرَا س جّهْذْ نّسْ إِمْغَارنْ
DEU 4:38 حِيمَا أَذْ يَاژّڒْ زَّاثْ إِ وُوذمْ نّشْ خْ ڒڭْنُوسْ إِمْغَارنْ ذ يِينِّي خَاكْ إِجهْذنْ زِي ثصْغَارْثْ نْسنْ، ؤُ [حِيمَا] أَذْ ذَايسْ إِسِّيذفْ شكْ ؤُ أَذْ أَشْ إِوْشْ ثَامُّورْثْ نْسنْ ذ ڒْوَارْثْ، أَمْ مَامّشْ [إِ ثدْجَا] أَسّْ-أَ.
DEU 4:39 [خنِّي] سّنْ أَسّْ-أَ ؤُشَا خَارّصْ [خْ مَانْ أَيَا] ذڭْ وُوڒْ نّشْ بلِّي سِيذِي ذ أَربِّي إِ يدْجَا، سنّجْ ذڭْ ؤُجنَّا ؤُ سْوَادَّايْ ذِي ثمُّورْثْ، وَارْ ذِينْ حذْ نّغْنِي!
DEU 4:40 طّفْ ذِي ثْوصَّا نّسْ ؤُ ذِي ڒُومُورَاثْ نّسْ، ثِينِّي ذ أَشْ ؤُمُورغْ أَسّْ-أَ حِيمَا أَذْ إِفّغْ ؤُمدُّورْ مْلِيحْ إِ شكْ ؤُ إِ إِحنْجِيرنْ نّشْ أَوَارْنِي أَشْ ؤُشَا أَذْ زُّوڭَارْثنْ ؤُسَّانْ ذِي ثمُّورْثْ إِ ذ أَشْ غَا إِوْشْ سِيذِي، أَربِّي نّشْ، إِ ڒبْذَا.“
DEU 4:41 خنِّي إِفَارْزْ مُوسَا ثْڒَاثَا ن ثْندَّامْ ن ثَاروْڒَا خْ ؤُجمَّاضْ ن لْ-ؤُرْذُونْ مَانِيسْ د-ثْنقَّارْ ثْفُوشْثْ،
DEU 4:42 حِيمَا أَذْ ذِينْ يَاڒْورْ ؤُقتَّاڒْ نِّي إِنْغِينْ، بْڒَا مَا أَذْ أَسْ إِڭّْ ڒحْسَابْ، جَّارْ نّسْ، ونِّي ؤُمِي وَارْ إِشَارّْهنْعمَّارْصْ [إِضنَّاضْ ؤُڒَا ذ فَارِيضنَّاضْ]. وَانِيثَا إِزمَّارْ أَذْ يَارْوڒْ غَارْ إِشْثْ زِي ثْندَّامْ-أَ أَڒَامِي [إِقِّيمْ] إِدَّارْ نتَّا.
DEU 4:43 بَاصِيرْ ذِي ڒخْڒَا، ذِي ڒْوَاطَا [يُوعْڒَانْ]، إِ رُوبِينِييّنْ، ؤُ رَامُوثْ ذِي جِيلْعَاذْ إِ إِجَاذِييّنْ ؤُ جُولَانْ ذ بَاشَانْ إِ إِمَانَاسِّييّنْ.
DEU 4:44 ثَا ذ شَّارِيعَا نِّي إِڭَّا مُوسَا زَّاثْ إِ أَيْثْ ن إِسْرَائِيل.
DEU 4:45 إِنَا ذ شّْهَاذَاثْ ذ ثِيوصَّا ذ لْفَارَايِيضْ نِّي إِسِّيوڒْ مُوسَا غَارْ أَيْثْ ن إِسْرَائِيل ؤُمِي د-فّْغنْ زِي مِيصْرَا.
DEU 4:46 [أَيَا ثُوغَا] خْ ؤُجمَّاضْ ن لْ-ؤُرْذُونْ، ذِي ثغْزُورْثْ أَرنْذَاذْ ن بَايْثْ-فَاغُورْ، ذِي ثمُّورْثْ ن سِيحُونْ، أَجدْجِيذْ ن إِمُورِييّنْ، ونِّي ثُوغَا إِزدّْغنْ ذِي حَاشْبُونْ، ونِّي خْ إِغْڒبْ مُوسَا أَكْ-ذ أَيْثْ ن إِسْرَائِيل ؤُمِي د-فّْغنْ زِي مِيصْرَا.
DEU 4:47 [أَقَا] كْسِينْ ثَامُّورْثْ نّسْ أَمْ ڒْوَارْثْ ؤُڒَا ذ ثَامُّورْثْ ن عُوجْ، أَجدْجِيذْ ن بَاشَانْ، [ثِيمُّورَا ن] ثْنَاينْ ن إِجدْجِيذنْ ن إِمُورِييّنْ نِّي [ثُوغَا زدّْغنْ] خْ ؤُجمَّاضْ ن لْ-ؤُرْذُونْ مَانِيسْ د-ثْنقَّارْ ثْفُوشْثْ،
DEU 4:48 زِي عَارُوعِيرْ نِّي إِدْجَانْ غَارْ ثْمَا ن ثغْزَارْثْ ن أَرْنُونْ أَڒْ وذْرَارْ ن سِييُونْ نِّي إِدْجَانْ ذ [وذْرَارْ ن] حِيرْمُونْ،
DEU 4:49 ذ مَارَّا ڒوْضَا خْ ؤُجمَّاضْ ن لْ-ؤُرْذُونْ، غَارْ شَّارْقْ، أَڒْ ڒبْحَارْ ن ڒوْضَا نِّي [إِدْجَانْ] وَادَّايْ ن ثيْسَارِينْ [ن وذْرَارْ ن] فِيسْجَا.
DEU 5:1 إِڒَاغَا مُوسَا إِ مَارَّا إِسْرَائِيل ؤُشَا إِنَّا أَسنْ: ”سْڒمْ، أَ إِسْرَائِيل، إِ ثْوصَّا ذ لْفَارَايِيضْ، ثِينِّي إِ خفْ سِّيوْڒغْ نشّْ أَسّْ-أَ ذڭْ إِمزُّوغنْ نْومْ، حِيمَا أَذْ ثنْثْ ثْڒمْذمْ ؤُ أَذْ ثنْثْ ثحْضَامْ مَاحنْذْ أَذْ زَّايْسنْثْ ثڭّمْ.
DEU 5:2 سِيذِي، أَربِّي نّغْ، إِڭَّا إِجّْ ن ڒْعَاهْذْ أَكِيذْنغْ ذِي حُورِيبْ.
DEU 5:3 وَارْ إِدْجِي أَكْ-ذ ڒجْذُوذْ نّغْ إِ إِڭَّا أَربِّي ڒْعَاهْذْ-أَ، مَاشَا أَكِيذْنغْ، نشِّينْ، إِنِّي ذَا [إِبدّنْ] دَّارنْ مَارَّا أَسّْ-أَ.
DEU 5:4 ؤُذمْ أَكْ-ذ وُوذمْ إِسِّيوڒْ أَكِيذْومْ سِيذِي خْ وذْرَارْ، زِي ڒْوسْطْ ن ثْمسِّي.
DEU 5:5 ثُوغَا أَيِي ذِي ڒْوقْثْ نِّي بدّغْ جَارْ سِيذِي ذ كنِّيوْ حِيمَا أَذْ كنِّيوْ سَّارڭْبغْ خْ وَاوَاڒْ ن سِيذِي، مِينْزِي ثُوغَا كنِّيوْ ثڭّْوْذمْ زِي ثْمسِّي ؤُ وَارْ ثْڭعَّاذمْ شَا غَارْ وذْرَارْ. [ؤُشَا] نتَّا إِنَّا:
DEU 5:6 ’نشّْ ذ سِيذِي، أَربِّي نّشْ، ونِّي شكْ-د إِسُّوفّْغنْ زِي ثمُّورْثْ ن مِيصْرَا، زِي ثَادَّارْثْ ن ثسْمُوغِي.
DEU 5:7 وَارْ غَاركْ تِّيڒِينْ شَا إِربِّيثنْ نّغْنِي زَّاثْ إِ وُوذمْ إِنُو.
DEU 5:8 وَارْ تّڭّْ إِ يِيخفْ نّشْ إِجّْ ن ڒخْيَاڒْ إِنقْشنْ [نِيغْ] مِينْ مَا ڒخْيَاڒْ ن مِينْ [ذِينْ إِدْجَانْ] سنّجْ ذڭْ ؤُجنَّا نِيغْ سْوَادَّايْ خْ ثمُّورْثْ نِيغْ ذڭْ وَامَانْ سَاذُو ثمُّورْثْ.
DEU 5:9 وَارْ ذ أَسنْ تّْبنْذقْ ؤُ أَذْ أَسنْ ثْعبْذذْ، مِينْزِي نشّْ، سِيذِي، أَربِّي نّشْ، ذ إِجّْ ن أَربِّي إِتَّاسْمنْ، ونِّي د-يَارزْفنْ ڒْمُوعْصِييّثْ ن إِبَابَاثنْ ذڭْ إِحنْجِيرنْ أَڒْ [جِّيڒْ] وِيسّْ ثْڒَاثَا ؤُ وِيسّْ أَربْعَا ن يِينِّي ذ أَيِي إِشَارّْهنْ،
DEU 5:10 [مَاشَا] ونِّي إِسّشْننْ ثَامخْسِيوْثْ إِشوَّارنْ إِ ڒُوڒُوفْ ن يِينِّي ذ أَيِي إِتّخْسنْ ؤُ حطَّانْ ثِيوصَّا إِنُو.
DEU 5:11 وَارْ نطّقْ س يِيسمْ ن سِيذِي، أَربِّي نّشْ، ذِي ڒْبَاطڒْ، مِينْزِي سِيذِي وَارْ إِتّْبَارِّي ونِّي إِ غَا إِنطْقنْ س يِيسمْ نّسْ ذِي ڒْبَاطڒْ.
DEU 5:12 حْضَا أَسّْ ن سّبْثْ حِيمَا أَذْ ث ثسّْقدّْسذْ أَمْ مَامّشْ ذ أَشْ يُومُورْ سِيذِي، أَربِّي نّشْ.
DEU 5:13 ستَّا ن وُوسَّانْ أَذْ ثْخذْمذْ، أَذْ ثڭّذْ مَارَّا ڒْخذْمثْ نّشْ،
DEU 5:14 مَاشَا أَسّْ وِيسّْ سبْعَا ذ أَسّْ ن سّبْثْ ن سِيذِي، أَربِّي نّشْ. وَارْ [ذَايسْ] ثتّڭّذْ ؤُڒَا ذ إِشْثْ ن ڒْخذْمثْ، شكْ [لَّ] ؤُڒَا ذ مِّيشْ ذ يدْجِيشْ ذ يِيسْمغْ نّشْ ذ ثَايَّا نّشْ ذ ؤُفُونَاسْ نّشْ ذ وغْيُوڒْ نّشْ ذ ڒبْهَايمْ نّشْ ؤُڒَا ذ أَبَارَّانِي نِّي [أَكِيكْ] إِدْجَانْ ذَاخڒْ إِ ثوُّورَا نّشْ [لَّ]، حِيمَا إِسْمغْ نّشْ ذ ثَايَّا نّشْ أَذْ أَريّْحنْ أَمْ شكْ.
DEU 5:15 أَذْ ثْعقْڒمْ بلِّي ثُوغَا شكْ ذ إِسْمغْ ذِي ثمُّورْثْ ن مِيصْرَا ؤُ سِيذِي، أَربِّي نّشْ، أَقَا إِسُّوفّغْ إِ شكْ-د سّنِّي س يِيجّْ ن ؤُفُوسْ إِجهْذنْ ذ إِجّْ ن ؤُغِيڒْ إِسّْوِيژّْضنْ. خْ ؤُيَا يُومُورْ شكْ سِيذِي، أَربِّي نّشْ، أَذْ ثحْضِيذْ أَسّْ ن سّبْثْ.
DEU 5:16 وقَّارْ بَابَاشْ ذ يمَّاشْ، أَمْ مَامّشْ إِ ذ أَكْ يُومُورْ سِيذِي، أَربِّي نّشْ مَاحنْذْ ؤُسَّانْ [ن ثُوذَارْثْ] نّشْ [زمَّارنْ] أَذْ زُّوڭَّارْثنْ ؤُشَا أَذْ إِفّغْ ؤُمدُّورْ نّشْ مْلِيحْ خْ وُوذمْ [ن ثمُّورْثْ] إِ ذ أَشْ غَا إِوْشْ سِيذِي، أَربِّي نّشْ.
DEU 5:17 وَارْ نقّْ.
DEU 5:18 وَارْ زنَّا.
DEU 5:19 وَارْ تَّاشَارْ.
DEU 5:20 وَارْ شهّذْ س ژُورْ ضِيدّْ إِ جَّارْ نّشْ.
DEU 5:21 وَارْ تّڭّْ مژْرِي ذِي ثمْغَارْثْ ن جَّارْ نّشْ ؤُ وَارْ ضمّعْ ذِي ثَادَّارْثْ ن جَّارْ نّشْ، نِيغْ ذڭْ إِيَّارْ نّسْ، نِيغْ ذڭْ يِيسْمغْ نّسْ، نِيغْ ذِي ثَايَّا نّسْ، نِيغْ ذڭْ ؤُفُونَاسْ نّسْ، نِيغْ ذڭْ وغْيُوڒْ نّسْ، نِيغْ ذِي شَا زِي مَارَّا مِينْ إِدْجَانْ غَارْ جَّارْ نّشْ.‘
DEU 5:22 إِسِّيوڒْ سِيذِي أَوَاڒنْ-أَ أَكْ-ذ مَارَّا أَڭْرَاوْ نْومْ [ن ڒْڭنْسْ] س إِشْثْ ن ثْمِيجَّا إِجهْذنْ خْ وذْرَارْ، زِي ڒْوسْطْ ن ثْمسِّي، زڭْ إِسيْنُوثنْ ؤُ زڭْ ؤُسيْنُو إِبُّومْبسْ ؤُ وَارْ إِمَّارْنِي شَا كْثَارْ. يُورِي ثنْ خْ ثْنَاينْ ن ثڒْوِيحِينْ ن وژْرُو ؤُشَا إِوْشَا إِ-ثنْثْ إِ نشّْ.
DEU 5:23 ؤُشَا إِمْسَارْ، ؤُمِي ثسْڒِيمْ كنِّيوْ إِ ثْمِيجَّا زِي ڒْوسْطْ ن ثَادْجسْثْ ؤُشَا أَذْرَارْ إِشمّضْ س ثْمسِّي، أَقَا ثْقَارّْبمْ-د غَارِي، مَارَّا إِزدْجِيفنْ ن ثْقبَّاڒْ نْومْ ذ إِمْغَارنْ نْومْ،
DEU 5:24 ثنَّامْ أَيِي: ’خْزَارْ، سِيذِي، أَربِّي نّغْ، إِسّْشنْ أَنغْ-د أَعُودْجِي نّسْ ذ ڒمْغَارثْ نّسْ ؤُشَا نسْڒَا إِ ثْمِيجَّا نّسْ زِي ڒْوسْطْ ن ثْمسِّي. أَسّْ-أَ نژْرَا بلِّي سِيذِي إِسِّيوڒْ أَكْ-ذ بْنَاذمْ ؤُشَا وَا [إِقِّيمْ] إِدَّارْ.
DEU 5:25 ڒخُّو [خنِّي]، مَايمِّي غَا نمّثْ؟ مِينْزِي ثِيمسِّي-يَا إِمْغَارنْ أَذْ أَنغْ ثشّْ. مَاڒَا نقِّيمْ نتّسْڒَا إِ ثْمِيجَّا ن سِيذِي، أَربِّي نّغْ، أَذْ نمّثْ.
DEU 5:26 مِينْزِي مَانْ ونْ [إِ ذِينْ يدْجَانْ] جَارْ مَارَّا مِينْ غَارسْ أَرِّيمثْ، ونِّي إِسْڒَانْ إِ ثْمِيجَّا ن أَربِّي إِدَّارنْ ثسِّيوڒْ-د زِي ڒْوسْطْ ن ثْمسِّي أَمْ نشِّينْ، ذ ونِّي إِدَّارنْ [عَاذْ]؟
DEU 5:27 أَذْ د-ثْقَارّْبذْ شكْ ؤُ أَذْ ثسْڒذْ غَارْ مَارَّا مِينْ غَا يِينِي سِيذِي، أَربِّي نّغْ، ؤُشَا [خنِّي] أَذْ ثسِّيوْڒذْ أَكِيذْنغْ خْ مَارَّا مِينْ ذ أَشْ غَا يِينِي سِيذِي، أَربِّي نّغْ، ؤُ نشِّينْ أَذْ [أَسْ] نْسڒْ ؤُشَا أَذْ [زَّايسْ] نڭّْ.‘
DEU 5:28 إِسْڒَا سِيذِي إِ ثْمِيجَّا ن وَاوَاڒنْ نْومْ ؤُمِي كِيذِي ثسِّيوْڒمْ ؤُشَا إِنَّا أَيِي سِيذِي: ’سْڒِيغْ إِ ثْمِيجَّا ن وَاوَاڒنْ ن ڒْڭنْسْ-أَ، [أَوَاڒنْ] نِّي كِيكْ سِّيوْڒنْ. أَقَا مْلِيحْ، مَارَّا كِيكْ سِّيوْڒنْ نِيثْنِي.
DEU 5:29 إِڒِي أَذْ أَسنْ إِمّوْشْ إِجّْ ن وُوڒْ مَاحنْذْ أَذْ أَيِي ڭّْوذنْ ؤُشَا أَذْ حْضَانْ ثِيوصَّا إِنُو مَارَّا ؤُسَّانْ قَاعْ حِيمَا نِيثْنِي ذ ثَارْوَا نْسنْ أَذْ إِڒِينْ مْلِيحْ إِ ڒبْذَا!
DEU 5:30 رُوحْ، ثِينِيذْ أَسنْ: ذوْڒمْ-د غَارْ إِقِيضَانْ نْومْ!
DEU 5:31 ؤُشَا شكْ، بدّْ ذَا كِيذِي، حِيمَا أَذْ أَكِيذكْ سِّيوْڒغْ ثِيوصَّا ذ لْفَارَايِيضْ نِّي إِ ذ أَسنْ غَا ثسّْڒمْذذْ حِيمَا أَذْ زَّايْسنْثْ ڭّنْ ذِي ثمُّورْثْ نِّي إِ ذ أَسنْ غَا وْشغْ ذ ڒْوَارْثْ.‘
DEU 5:32 حْضَامْ حِيمَا أَذْ ثڭّمْ أَمْ مَامّشْ إِ ذ أَومْ يُومُورْ سِيذِي، أَربِّي نْومْ، وَارْ تّْحيّْذمْ [خْ مَانْ أَيَا]، وَارْ إِدْجِي [غَارْ] يفُوسْ ؤُڒَا [غَارْ] ؤُزڒْمَاضْ.
DEU 5:33 أَذْ ثُويُورمْ مَارَّا أَبْرِيذْ نِّي ذ أَومْ يُومُورْ سِيذِي، أَربِّي نْومْ، حِيمَا أَذْ ثدَّارمْ ؤُشَا أَذْ ثِيڒِيمْ مْلِيحْ ؤُ حِيمَا أَذْ زُّوڭَّارْثنْ ؤُسَّانْ نْومْ ذِي ثمُّورْثْ نِّي إِ غَا ثكْسِيمْ ذ ڒْوَارْثْ.“
DEU 6:1 ”ثِينَا ذ ثِيوصَّا ذ لْفَارَايِيضْ نِّي يُومُورْ سِيذِي، أَربِّي نْومْ، مَاحنْذْ أَذْ أَومْ ثنْثْ سّْڒمْذغْ، حِيمَا أَذْ زَّايْسنْثْ ثڭّمْ ذِي ثمُّورْثْ إِ غَارْ غَا ثژْوَامْ مَاحنْذْ أَذْ ت ثكْسِيمْ ذ ڒْوَارْثْ،
DEU 6:2 حِيمَا أَذْ ثڭّْوْذذْ سِيذِي، أَربِّي نّشْ، ؤُشَا أَذْ ثحْضِيذْ مَارَّا ثِيوصَّا نّسْ ذ ڒُومُورَاثْ نّسْ نِّي إِ ذ أَشْ ؤُمُورغْ، شكْ ذ مِّيشْ ذ مِّيسْ ن مِّيشْ، مَارَّا ؤُسَّانْ ن ثُوذَارْثْ نّشْ، حِيمَا ؤُسَّانْ [ن ثُوذَارْثْ] نّشْ أَذْ زُّوڭَّارْثنْ.
DEU 6:3 سڒْ، أَ إِسْرَائِيل، حْضَا أَذْ [زَّايْسنْثْ] ثڭّذْ، حِيمَا أَذْ ثِيڒِيذْ مْلِيحْ ؤُ حِيمَا كنِّيوْ أَذْ ثمَّارْنِيمْ س وَاطَّاسْ ذِي ثمُّورْثْ إِفيّْضنْ س ؤُغِي ذ ثَامّنْثْ، أَمْ مَامّشْ ثُوغَا إِنَّا سِيذِي، أَربِّي ن ڒجْذُوذْ نّشْ.“
DEU 6:4 ”سڒْ، أَ إِسْرَائِيل، سِيذِي، أَربِّي نّغْ، سِيذِي ذ إِجّْ.
DEU 6:5 أَذْ ثخْسذْ سِيذِي، أَربِّي نّشْ، س مَارَّا وُوڒْ نّشْ ؤُ س مَارَّا ڒعْمَارْ نّشْ ؤُ س مَارَّا جّهْذْ نّشْ.
DEU 6:6 أَوَاڒنْ-أَ نِّي إِ ذ أَشْ ؤُمُورغْ أَسّْ-أَ، أَذْ إِڒِينْ ذڭْ وُوڒْ نّشْ.
DEU 6:7 أَذْ ثنْ ثسِّيڭّْزذْ إِ إِحنْجِيرنْ نّشْ ؤُشَا أَذْ خَاسنْثْ ثسِّيوْڒذْ خْمِي غَا ثقِّيمذْ ذِي ثَادَّارْثْ نّشْ ؤُ خْمِي غَا ثُويُورذْ ذڭْ وبْرِيذْ ؤُ خْمِي غَا ثطّْصذْ ؤُ خْمِي غَا ثكَّارذْ.
DEU 6:8 أَذْ ثنْ ثْبيْسذْ أَمْ يِيشْثْ ن ڒعْڒَامثْ ذڭْ ؤُفُوسْ نّشْ، أَذْ إِڒِينْثْ أَمْ يِيجّْ ن ؤُفِيڒُو ن ؤُسڭّمْ جَارْ ثِيطَّاوِينْ نّشْ.
DEU 6:9 ؤُشَا أَذْ ثنْ ثَارِيذْ خْ ڒضْرُوفْ [غَارْ ؤُغزْذِيسْ ن ثوَّارْثْ] ن ثَادَّارْثْ نّشْ ؤُ ذِي ثوُّورَا نّشْ.“
DEU 6:10 ”ؤُشَا أَذْ إِمْسَارْ، خْمِي سِيذِي، أَربِّي نّشْ، أَذْ شكْ يَاوِي ذِي ثمُّورْثْ إِ خْ إِجُّودْجْ إِ ڒجْذُوذْ نْومْ، إِ إِبْرَاهِيمْ ذ إِسْحَاقْ ذ يَاعْقُوبْ، مَاحنْذْ أَذْ أَشْ ت إِوْشْ، [س] ثْندَّامْ إِمْغَارنْ إِشْنَانْ، ثِينِّي وَارْ ثبْنِيذْ شكْ
DEU 6:11 ؤُ س ثُوذْرِينْ إِشُّورنْ [س] مَارَّا ڒْخَارْ إِ زِي وَارْ [ثنْثْ] ثشُّورذْ شكْ، ؤُ [س] ثغْزِينْ نِّي شكْ وَارْ ثغْزِيذْ، ؤُ [س] ثْزَايَارِينْ ذ ثْزمُّورِينْ نِّي وَارْ ثژُّوذْ شكْ. ؤُشَا خْمِي غَا ثشّذْ ؤُ أَذْ ثجِّيوْنذْ،
DEU 6:12 حْضَا [خنِّي] مَاحنْذْ وَارْ تّتُّوذْ سِيذِي ونِّي شكْ د-إِسُّوفّْغنْ زِي ثمُّورْثْ ن مِيصْرَا، زِي ثَادَّارْثْ ن ثسْمُوغِي.
DEU 6:13 أَذْ ثڭّْوْذذْ سِيذِي، أَربِّي نّشْ، أَذْ ث ثْعبْذذْ ؤُ س يِيسمْ نّسْ أَذْ ثجَّادْجذْ.
DEU 6:14 وَارْ ڭُّورمْ أَوَارْنِي إِ إِربِّيثنْ نّغْنِي زِي إِربِّيثنْ ن ڒڭْنُوسْ إِ ذ أَومْ د-إِنّْضنْ
DEU 6:15 - مِينْزِي سِيذِي، أَربِّي نْومْ ذ إِجّْ ن أَربِّي إِتَّاسْمنْ ذِي ڒْوسْطْ نّشْ - حِيمَا وَارْ خَاكْ يَارقّْ وغْضَابْ ن سِيذِي، أَربِّي نّشْ، ؤُشَا أَذْ شكْ إِثحَّا زڭْ [وُوذمْ ن] ثمُّورْثْ.
DEU 6:16 وَارْ تّْقدْجَابمْ شَا سِيذِي، أَربِّي نْومْ، أَمْ مَامّشْ [ث] ثْقدْجْبمْ ذِي مَاسَّا.
DEU 6:17 أَذْ ثحْضِيذْ نِيشَانْ ڒُومُورَاثْ ن سِيذِي، أَربِّي نْومْ ؤُڒَا ذ شّْهَاذَاثْ نّسْ ذ ثْوصَّا نّسْ نِّي إِ ذ أَشْ يُومُورْ.
DEU 6:18 أڭّْ مِينْ إِدْجَانْ إِسڭّْذنْ ذ مِينْ إِشْنَانْ ذِي ثِيطَّاوِينْ ن سِيذِي، حِيمَا أَذْ ثِيڒِيذْ مْلِيحْ ؤُ حِيمَا أَذْ ثَاذْفذْ غَارْ ثمُّورْثْ إِشْنَانْ إِ زِي إِجُّودْجْ سِيذِي إِ ڒجْذُوذْ نّشْ، [حِيمَا أَذْ أَسنْ ت إِوْشْ].
DEU 6:19 حِيمَا أَذْ ثَاژّْڒذْ خْ مَارَّا ڒْعذْيَانْ زَّاثْ إِ وُوذمْ نّشْ، أَمْ مَامّشْ إِسِّيوڒْ سِيذِي.“
DEU 6:20 ”خْمِي شكْ غَا إِسّقْسَا مِّيشْ، أَذْ يِينِي: ’مِينْ ثعْنَا شّْهَاذَاثْ ذ ثْوصَّا ذ لْفَارَايِيضْ نِّي ذ أَومْ يُومُورْ سِيذِي، أَربِّي نّغْ؟‘،
DEU 6:21 [خنِّي] أَذْ ثِينِيذْ إِ مِّيشْ: ’نشِّينْ ثُوغَا أَنغْ ذ إِسمْغَانْ ن فِيرْعُونْ ذِي مِيصْرَا، [مَاشَا] سِيذِي إِسُّوفّغْ أَنغْ-د زِي مِيصْرَا س ؤُفُوسْ إِجهْذنْ.
DEU 6:22 سِيذِي إِڭَّا، قِيبَاتْشْ إِ ثِيطَّاوِينْ نّغْ، ڒعْڒَامَاثْ ذ لْمُوعْجِيزَاثْ إِمْغَارنْ ذ إِسِّيڭّْوْذنْ ذِي مِيصْرَا، غَارْ فِيرْعُونْ ؤُ غَارْ مَارَّا ثَادَّارْثْ نّسْ.
DEU 6:23 ؤُشَا إِسُّوفّغْ أَنغْ-د سّنِّي حِيمَا أَذْ أَنغْ إِسِّيذفْ مَاحنْذْ أَذْ أَنغْ يوْشْ ثَامُّورْثْ نِّي خْ إِجُّودْجْ إِ ڒجْذُوذْ نّغْ،[حِيمَا أَذْ أَسنْ ت إِوْشْ].
DEU 6:24 سِيذِي يُومُورْ أَنغْ أَذْ نڭّْ عْلَاحْسَابْ مَارَّا ثِيوصَّا-يَا، أَذْ نڭّْوذْ زِي سِيذِي، أَربِّي نّغْ، إِ ڒبْذَا، ذِي طّْوعْ ن ثِيزِي نّغْ حِيمَا أَذْ ندَّارْ أَمْ [ثدْجَا] أَسّْ-أَ.
DEU 6:25 مَانْ أَيَا أَذْ يِيڒِي ذ ثَاسڭْذَا نّغْ خْمِي غَا نحْضَا مَاحنْذْ أَذْ نڭّْ مَارَّا ڒُومُورَاثْ-أَ زَّاثْ إِ وُوذمْ ن سِيذِي، أَمْ مَامّشْ ذ أَنغْ يُومُورْ نتَّا.“
DEU 7:1 ”خْمِي سِيذِي، أَربِّي نّشْ، أَذْ شكْ إِسِّيذفْ ذِي ثمُّورْثْ مَانِي غَا ثْرَاحذْ مَاحنْذْ أَذْ ت ثكْسِيذْ ذ ڒْوَارْثْ، ؤُشَا نتَّا أَذْ يَاژّڒْ زِي زَّاثكْ أَطَّاسْ ن ڒڭْنُوسْ: إِحِيتِّييّنْ ذ إِجِيرْجَاشِييّنْ ذ إِمُورِييّنْ ذ أَيْثْ ن كنْعَانْ ذ إِفِيرِيزِييّنْ ذ إِحِيوِييّنْ ذ إِيابُوسِييّنْ، سبْعَا ن ڒڭْنُوسْ مْغَارنْ ؤُ جهْذنْ خَاكْ أَطَّاسْ،
DEU 7:2 ؤُشَا سِيذِي، أَربِّي نّشْ، أَذْ ثنْ إِسلّمْ زَّاثْ إِ وُوذمْ نّشْ ؤُ شكْ أَذْ ثنْ ثْغڒْبذْ، [خنِّي] إِتّْخصَّا أَذْ ثنْ ثْحَارّْمذْ قَاعْ إِ ؤُثحِّي. وَارْ كِيسنْ تّڭّْ ڒْعَاهْذْ ؤُ وَارْ ذ أَسنْ سّْشنْ ڒحْنُونشْثْ نّشْ.
DEU 7:3 وَارْ ثذِّيكّْوِيڒمْ ذ إِضڭّْوَاڒنْ عَاوذْ أَكِيذْسنْ. وَارْ تِّيشْ يدْجِيشْ إِ مِّيسْ ؤُ وَارْ د-تَّاوِي يدْجِيسْ إِ مِّيشْ،
DEU 7:4 مِينْزِي أَيَا أَذْ يَارّْ مِّيشْ أَذْ د-إِذْوڒْ زِي ضفَّارْ إِنُو ؤُشَا أَذْ إِسخَّارْ إِ إِربِّيثنْ نّغْنِي ؤُشَا [أَمُّو] أَذْ خَاومْ يَارغْ وغْضَابْ ن سِيذِي ؤُشَا أَذْ كنِّيوْ إِثحَّا ذغْيَا.
DEU 7:5 أَمُّو [مَاشَا] إِ إِتّْخصَّا أَذْ كِيسنْ ثڭّمْ: أَذْ ثْهذْممْ إِعَالْطَارنْ نْسنْ، أَذْ ثَارْژَامْ إِمَايْضُوثنْ نْسنْ [إِقدّْسنْ] ؤُ أَذْ ثْهذْمنْ ثِيربِّينْ نْسنْ ن شْوَارْثِي ؤُشَا أَذْ ثسّْشمْضمْ ڒخْيَاڒَاثْ نْسنْ إِنقْشنْ ن ؤُكشُّوضْ س ثْمسِّي.
DEU 7:6 مِينْزِي شكْ ذ إِجّْ ن ڒْڭنْسْ إِقدّسْ إِ سِيذِي، أَربِّي نّشْ. سِيذِي، أَربِّي نّشْ، ونِّي شكْ إِفَارْزنْ حِيمَا أَذْ أَسْ ثِيڒِيذْ ذ إِجّْ ن ڒْڭنْسْ إِغْڒَانْ خْ مَارَّا ڒڭْنُوسْ [نِّي يدْجَانْ] خْ وُوذمْ ن ثمُّورْثْ.
DEU 7:7 سِيذِي وَارْ غَارْومْ إِقّنْ ؤُ وَارْ كنِّيوْ إِخْضَارْ ؤُمِي ثُوغَا كنِّيوْ ذ أَطَّاسْ زِي مَارَّا ڒڭْنُوسْ، مِينْزِي ثُوغَا كنِّيوْ ثسْوَامْ قلّْ جَارْ مَارَّا ڒڭْنُوسْ،
DEU 7:8 مَاشَا ثَايْرِي ن سِيذِي إِ كنِّيوْ ذ ؤُحطُّو نّسْ خْ ثْجَادْجِيثْ نِّي إِجُّودْجْ إِ ڒجْذُوذْ نْومْ، [ثَاجَادْجِيثْ] إِ زِي كنِّيوْ د-إِسُّوفّغْ سِيذِي س ؤُفُوسْ إِجهْذنْ ذ [إِ زِي] شكْ إِسّنْجمْ زِي ثَادَّارْثْ ن ثسْمُوغِي، زڭْ ؤُفُوسْ ن فِيرْعُونْ، أَجدْجِيذْ ن مِيصْرَا.
DEU 7:9 سّنْ خنِّي، بلِّي سِيذِي، أَربِّي نّشْ، ذ أَربِّي، أَقَا نتَّا ذ أَربِّي أَمْثِيقِّي، ونِّي إِحطَّانْ ڒْعَاهْذْ ذ ثْمخْسِيوْثْ إِشوَّارنْ زِي جِّيهثْ ن يِينِّي ث إِتّخْسنْ ؤُشَا حطَّانْ ڒُومُورَاثْ نّسْ، أَڒْ جِّيڒْ وِيسّْ أَڒفْ،
DEU 7:10 [مَاشَا] مَارَّا وِي ث إِشَارّْهنْ ذڭْ ؤُغمْبُوبْ نّسْ، أَقَا نتَّا أَذْ زَّايْسنْ ت إِخْڒفْ أَمْ ثنْ إِ غَا يَاردّدْجْ. وَارْ إِتّْرِيجِي، مَاحنْذْ أَذْ إِخدْجصْ ونِّي ث إِشَارّْهنْ ذڭْ ؤُغمْبُوبْ نّسْ.
DEU 7:11 حْضَا خنِّي ڒُومُورَاثْ ذ ثْوصَّا ذ لْفَارَايِيضْ نِّي ذ أَشْ ؤُمُورغْ نشّْ أَسّْ-أَ مَاحنْذْ أَذْ زَّايْسنْثْ ثڭّذْ.“
DEU 7:12 ”أَذْ إِمْسَارْ، ؤُمِي ثسْڒِيمْ إِ لْفَارَايِيضْ-أَ ؤُ كنِّيوْ أَذْ ثنْثْ ثحْضَامْ ؤُ أَذْ زَّايْسنْثْ ثڭّمْ، أَقَا سِيذِي، أَربِّي نّشْ، أَذْ أَشْ إِبدّْ خْ ڒْعَاهْذْ ذ ثَامخْسِيوْثْ إِشوَّارنْ إِ ثُوغَا إِجُّودْجْ إِ ڒجْذُوذْ نّشْ.
DEU 7:13 نتَّا أَذْ شكْ إِخْسْ، أَذْ شكْ إِبَاركْ ؤُ أَذْ شكْ يَارّْ ذڭْ وَاطَّاسْ. أَذْ إِبَاركْ ڒْغِيدْجثْ ن ؤُعذِّيسْ نّشْ ذ ڒْغِيدْجثْ ن ثمُّورْثْ نّشْ، إِرْذنْ نّشْ، بِينُو نّشْ ن جْذِيذْ، زّشْثْ نّشْ [ن طّْرِي]، ثَارَّاوْثْ ن ثْفُونَاسِينْ نّشْ ذ إِمژْيَاننْ إِعِيزّنْ ن وُودْجِي نّشْ، ذِي ثمُّورْثْ نِّي ثُوغَا إِجُّودْجْ إِ ڒجْذُوذْ نّكْ أَذْ أَشْ ت-إِ-د-إِوْشْ.
DEU 7:14 أَقَا شكْ ثتّْوَابَارْكذْ جَارْ ڒڭْنُوسْ! وَارْ ذَايكْ إِتّْغِيمِي [عَاذْ] حذْ إِ وَارْ د-إِتّجِّينْ ؤُڒَا ذ ثنِّي وَارْ إِتِّيرِيونْ، ؤُشَا أَمُّو ؤُڒَا ذِي ڒبْهَايمْ نّشْ.
DEU 7:15 أَذْ زَّايكْ إِكّسْ سِيذِي مَارَّا ڒهْڒَاشْ ؤُ وَارْ شكْ إِڒقّفْ ؤُڒَا س شَا ن ڒهْڒَاشَاثْ ثِيعفَّانِينْثْ إِ غَاركْ إِتّْوَاسّْننْ زِي مِيصْرَا، [مَاشَا] نتَّا أَذْ ثنْثْ إِسِّيوضْ خْ مَارَّا إِنِّي إِ شكْ إِشَارّْهنْ.
DEU 7:16 أَذْ ثشّذْ مَارَّا ڒڭْنُوسْ نِّي ذ أَشْ غَا إِوْشْ سِيذِي، أَربِّي نّشْ. ثِيطّْ نّشْ وَارْ خَاسنْ ثتّْحِينِّي ؤُ إِربِّيثنْ نْسنْ وَارْ ثنْ ثْسخَّارذْ، مِينْزِي أَيَا أَذْ يِيڒِي ذ ڒْفخْ إِ شكْ.
DEU 7:17 مَاڒَا ثنِّيذْ ذڭْ وُوڒْ نّشْ: ڒڭْنُوسْ-أَ مْغَارنْ خَافِي، مَامّشْ غَا زمَّارغْ أَذْ زَّايْسنْ كّْسغْ [عمَّارْصْ] ڒْوَارْثْ نْسنْ؟
DEU 7:18 [خنِّي] وَارْ زَّايْسنْ تّڭّْوذْ. خَارّصْ مْلِيحْ ذِي مِينْ إِڭَّا سِيذِي، أَربِّي نّشْ، أَكْ-ذ فِيرْعُونْ ؤُ أَكْ-ذ مَارَّا إِمِيصْرِييّنْ،
DEU 7:19 [خَارّصْ ذِي] ثْقدْجَابِينْ إِمْغَارنْ، ثِينِّي ثژْرِيذْ س ثِيطَّاوِينْ نّشْ ؤُ [ذِي] ڒعْڒَامَاثْ ذ لْمُوعْجِيزَاثْ ذ ؤُفُوسْ إِجهْذنْ ذ ؤُغِيڒْ إِسّْوِيژّْضنْ أَكْ-ذ وِي شكْ د-إِسُّوفّغْ سِيذِي، أَربِّي نّشْ. أَمُّو إِ غَا يڭّْ سِيذِي، أَربِّي نّشْ، س مَارَّا ڒڭْنُوسْ إِ زِي تّڭّْوذذْ.
DEU 7:20 سِيذِي، أَربِّي نّشْ، أَذْ إِسّكّْ إِرزَّانْ إِضَارْغَاڒنْ جَارْ أَسنْ، أَڒْ غَا تّْوَاهلّْكنْ إِنِّي إِقِّيمنْ، إِنِّي إِتّْوَاسّْنُوفَّارنْ زَّاثكْ.
DEU 7:21 وَارْ تّڭّْوذْ زَّاثْ إِ وُوذمْ نْسنْ، مِينْزِي سِيذِي، أَربِّي نّشْ، أَقَا-ث ذِي ڒْوسْطْ نّشْ، أَقَا-ث ذ أَربِّي إِمْغَارنْ ؤُ إِسَّاڭّْوَاذنْ.
DEU 7:22 سِيذِي، أَربِّي نّشْ، أَذْ إِسُّوفّغْ ڒڭْنُوسْ-أَ زَّاثكْ شْوَايْثْ شْوَايْثْ. وَارْ إِزمَّارْ أَذْ خَاسنْ ثقْضِيذْ ذغْيَا، مَاڒَا لَّا أَذْ مَّارنْينْ ڒوْحُوشْ ذڭْ إِيَّارْ أَطَّاسْ خَاكْ.
DEU 7:23 سِيذِي، أَربِّي نّشْ، أَذْ ثنْ إِسلّمْ زَّاثْ إِ وُوذمْ نّشْ ؤُ أَذْ ثنْ إِسّْخَارْوضْ س يِيجّْ ن ؤُخَارْوضْ إِمْغَارْ أَڒْ غَا تّْوَاثحَّانْ.
DEU 7:24 أَذْ إِسلّمْ إِجدْجِيذنْ نْسنْ ذڭْ ؤُفُوسْ نّشْ ؤُشَا أَذْ ثمْحِيذْ إِسمْ نْسنْ زِي سَاذُو ؤُجنَّا. ؤُڒَا ذ إِجّْ ن ورْيَازْ وَارْ إِزمَّارْ أَذْ إِبدّْ زَّاثْ إِ وُوذمْ نّشْ أَڒْ ثنْ غَا ثثحِّيذْ.
DEU 7:25 ڒخْيَاڒَاثْ إِنقْشنْ أَذْ ثنْثْ ثسّْشمْضذْ س ثْمسِّي. نُّوقَارْثْ ذ وُورغْ إِ خَاسنْثْ إِدْجَانْ وَارْ ذَايسْعشّقْ ؤُ وَارْ ث كسِّي إِ يِيخفْ نّشْ، حِيمَا وَارْ زَّايسْ ثتّْخَارْوِيضذْ، مِينْزِي أَيَا ذ إِشْثْ ن جّْعِيفشْثْ إِ سِيذِي، أَربِّي نّشْ.
DEU 7:26 وَارْ تِّيوِي إِشْثْ ن جّْعِيفشْثْ [أَمْ ثَا] غَارْ ثَادَّارْثْ نّشْ، مَاڒَا لَّا أَذْ ثتّْوَاحَارّْمذْ [إِ ؤُثحِّي] أَمْ نتَّا. أَذْ زَّايسْ ثْعِيفّذْ أَطَّاسْ ؤُ أَذْ أَشْ ثِيڒِي ذ ثَامنّْعِيثْ، مِينْزِي أَقَا-ت ذ إِشْثْ ن ڒْقشْعثْ ن ڒحْرَامْ.“
DEU 8:1 ”أَذْ ثحْضَامْ مَارَّا ڒُومُورَاثْ إِ زِي ذ أَومْ ؤُمُورغْ أَسّْ-أَ، مَاحنْذْ أَذْ ثنْثْ ثڭّمْ، حِيمَا أَذْ ثدَّارمْ ؤُ أَذْ ثمَّارنْيمْ ؤُشَا أَذْ ثَاذْفمْ غَارْ ثمُّورْثْ، ثنِّي إِجُّودْجْ سِيذِي إِ ڒجْذُوذْ نْومْ، ؤُشَا أَذْ ت ثكْسِيمْ ذ ڒْوَارْثْ.
DEU 8:2 أَذْ ثِيذَارذْ مَارَّا أَبْرِيذْ خْ مَانِي شكْ إِڭوّذْ سِيذِي، أَربِّي نّشْ، أَربْعِينْ ن إِسڭّْوُوسَا ذِي ڒخْڒَا حِيمَا أَذْ شكْ إِسّْوَاضعْ ؤُ أَذْ شكْ إِقدْجبْ مَاحنْذْ أَذْ إِسّنْ مِينْ [ذِينْ] ذڭْ وُوڒْ نّشْ، مَا أَذْ ثحْضِيذْ ڒُومُورَاثْ نّسْ نِيغْ لَّا.
DEU 8:3 نتَّا إِسّْوَاضعْ إِ شكْ ؤُ إِسّْڒَاژْ إِ شكْ ؤُ إِوْشَا أَشْ ’مَانَّا‘ ذ مَاشَّا، ثنِّي وَارْ ثسِّينذْ شَا شكْ ؤُڒَا ذ ڒجْذُوذْ نّشْ وَارْ ت سِّيننْ شَا، حِيمَا أَذْ أَشْ إِسّْشنْ بلِّي بْنَاذمْ وَارْ إِدَّارْ س وغْرُومْ وَاهَا، مَاشَا أَقَا بْنَاذمْ إِدَّارْ س مَارَّا مِينْ د-إِفّْغنْ زڭْ ؤُقمُّومْ ن سِيذِي.
DEU 8:4 أَرُّوضْ نّشْ [عمَّارْصْ] وَارْ خَاكْ إِوْسَارْ ؤُڒَا ذ أَضَارْ نّشْ وَارْ يُوفّْ شَا ذِي [مَارَّا] أَربْعِينْ ن إِسڭّْوُوسَا-يَا.
DEU 8:5 سنْ ذڭْ وُوڒْ نّشْ، بلِّي سِيذِي، أَربِّي نّشْ، أَقَا يَاربَّا إِ شكْ، أَمْ مَامّشْ يَاربَّا أَرْيَازْ مِّيسْ
DEU 8:6 ؤُشَا حْضَا ڒُومُورَاثْ ن سِيذِي، أَربِّي نّشْ، أَڒَامِي ثدْجِيذْ ذڭْ إِبْرِيذنْ نّسْ ؤُ أَڒَامِي زَّايسْ تّڭّْوذذْ.“
DEU 8:7 ”مِينْزِي سِيذِي، أَربِّي نّشْ، أَذْ شكْ إِسِّيذفْ ذڭْ إِشْثْ ن ثمُّورْثْ إِشْنَانْ، إِشْثْ ن ثمُّورْثْ ن ثْغزْرَاثِينْ ذ ڒْعُونْصَارَاثْ ذ [وَامَانْ] إِهوْڒنْ، إِنِّي د-إِفّْغنْ زِي ثيْسَارْثْ ذ وذْرَارْ،
DEU 8:8 إِشْثْ ن ثمُّورْثْ ن إِرْذنْ ذ إِمنْذِي ذ ثْزَايَارِينْ ذ وَارْثَانْ ن ثَازَارْثْ ذ إِرمَّامنْ، إِشْثْ ن ثمُّورْثْ [ثشُّورْ] س زّشْثْ ن ثْزِيثُونْثْ ؤُ ن ثَامّنْثْ،
DEU 8:9 إِشْثْ ن ثمُّورْثْ مَانِي غَا ثشّذْ أَغْرُومْ ؤُمِي وَارْ ذِينْ ڒخْصصْ ؤُ وَارْ شكْ إِتّْخصِّي شَا ذَايسْ، إِشْثْ ن ثمُّورْثْ، إِژْرَا نّسْ [شُّورنْ] س وُوزَّاڒْ ؤُ زڭْ إِذُورَارْ نّسْ أَذْ ثْنقْشذْ نّْحَاسْ.
DEU 8:10 مَاڒَا ثشِّيذْ ؤُ ثجِّيوْنذْ، أَذْ ثْبَارْكذْ سِيذِي، أَربِّي نّشْ، خْ ثمُّورْثْ إِشْنَانْ، ثنِّي ذ أَشْ إِوْشَا.“
DEU 8:11 ”حْضَا إِخفْ نّشْ، حِيمَا وَارْ ثتُّوذْ سِيذِي، أَربِّي نّشْ، أَڒَامِي وَارْ ثحْضِيذْ ڒُومُورَاثْ نّسْ، لْفَارَايِيضْ نّسْ ذ ثْوصَّا نّسْ، ثِينِّي ذ أَشْ ؤُمُورغْ أَسّْ-أَ،
DEU 8:12 حِيمَا وَارْ إِتِّيڒِي - مَاڒَا ثشِّيذْ ؤُ ثجِّيوْنذْ ؤُشَا أَقَا ثبْنِيذْ ثُوذْرِينْ إِشْنَانْ، ثِينِّي إِ ذِي ثڭِّيذْ أَذْ [ذَايْسنْثْ] ثْزذْغذْ،
DEU 8:13 ؤُشَا إِفُونَاسنْ ذ ثْفُونَاسِينْ نّشْ ذ وُودْجِي نّشْ تّْوَامَّارْنِينْ ؤُ نُّوقَارْثْ ذ وُورغْ نِّي غَاركْ أَقَا تّْوَامَّارْنِينْ، ؤُ مَارَّا مِينْ غَاركْ أَقَا إِتّْوَامَّارْنِي -
DEU 8:14 أَذْ ثسّْڭعّْذذْ ؤُڒْ نّشْ، أَذْ ثتُّوذْ سِيذِي، أَربِّي نّشْ، ونِّي شكْ د-إِسُّوفّْغنْ زِي ثمُّورْثْ ن مِيصْرَا، زِي ثَادَّارْثْ ن ثسْمُوغِي ...
DEU 8:15 ذ ونِّي إِ شكْ د-إِنذْهنْ ذِي ڒخْڒَا إِمْغَارنْ ؤُ إِسَّاڭّْوَاذنْ مَانِي ثُوغَا إِفِيغْرَانْ يَارْغِينْ ذ ثْغَارْضْمِيوِينْ ؤُڒَا ذِي ثَامُّورْثْ إِتّْفَاذَانْ بْڒَا أَمَانْ، ذ ونِّي د-إِسُّوفّْغنْ أَمَانْ زڭْ وژْرُو ن سّدْجَاحْ،
DEU 8:16 ذ ونِّي ذ أَشْ إِوْشِينْ ’مَانَّا‘ إِ مَاشَّا ذِي ڒخْڒَا، [مَانَّا] نِّي وَارْ سِّيننْ ڒجْذُوذْ نْومْ، حِيمَا أَذْ شكْ إِسّْوَاضعْ ؤُ حِيمَا أَذْ شكْ إِقدْجبْ ؤُ حِيمَا أَذْ أَشْ إِڭّْ ثْشُونِي غَارْ ؤُنڭَّارْ،
DEU 8:17 ؤُشَا [خنِّي] أَذْ ثِينِيذْ ذڭْ وُوڒْ نّشْ: ’[س] ثْزمَّارْ إِنُو ذ جّهْذْ ن ؤُفُوسْ إِنُو طّْفغْ مَارَّا ڒكْسِيبثْ-أَ إِ يِيخفْ إِنُو.‘
DEU 8:18 إِذَارْ سِيذِي، أَربِّي نّشْ أَقَا نتَّا إِ ذ أَشْ إِوْشِينْ جّهْذْ حِيمَا أَذْ ثْكسْبذْ إِشْثْ ن ڒكْسِيبثْ ثمْغَارْ مَاحنْذْ أَذْ إِمْثنْ [أَمُّو] ڒْعَاهْذْ نّسْ نِّي ثُوغَا إِجُّودْجْ إِ ڒجْذُوذْ نّشْ، أَمْ [ثدْجَا] أَسّْ-أَ.
DEU 8:19 مَاڒَا ثِيوْضذْ أَذْ ثتُّوذْ سِيذِي، أَربِّي نّشْ، ؤُشَا أَذْ ثُويُورذْ أَوَارْنِي إِ إِربِّيثنْ نّغْنِي، أَذْ أَسنْ ثْعبْذذْ ؤُ أَذْ أَسنْ ثْبنْذْقذْ، نشّْ أَسّْ-أَ بَارّْحغْ أَشْ-د، أَقَا أَذْ ثتّْوَاهلّْكمْ س تِّيذثْ.
DEU 8:20 أَذْ ثتّْوَاهلّْكمْ أَمْ ڒڭْنُوسْ نِّي خْ يُوژّڒْ سِيذِي زَّاثْ إِ وُوذمْ نْومْ، مِينْزِي وَارْ ثسْڒِيمْ إِ ثْمِيجَّا ن سِيذِي، أَربِّي نْومْ.“
DEU 9:1 ”سڒْ، إِسْرَائِيل، أَسّْ-أَ أَذْ ثژْوِيذْ لْ-ؤُرْذُونْ، مَاحنْذْ أَذْ ثَاذْفذْ [غَارْ ثمُّورْثْ]، حِيمَا أَذْ ثكّْسذْ ڒْوَارْثْ ن ڒڭْنُوسْ إِمْغَارنْ ؤُ زڭْ إِنِّي خَاكْ إِجهْذنْ، [إِنِّي غَارْسنْ] ثِيندَّامْ ثِيمقّْرَانِينْ نِّي تّْوَافَارْينْثْ أَڒْ أَجنَّا،
DEU 9:2 إِجّْ ن ڒْڭنْسْ [ن إِوْذَانْ] إِزُّوڭَارْثنْ، أَيْثْ ن إِعَانَاقِييّنْ إِنِّي ثسّْنذْ [عَاذْ] ؤُ خْ يِينِّي ثسْڒِيذْ [قَّارنْ]: ’وِي غَا إِبدّْ زَّاثْ إِ وُوذمْ ن أَيْثْ ن إِعَانَاقِييّنْ؟‘
DEU 9:3 سّنْ خنِّي، أَقَا سِيذِي، أَربِّي نّشْ، ذ ونِّي إِزْوَارنْ زَّاثْ إِ وُوذمْ نّشْ. نتَّا ذ إِشْثْ ن ثْمسِّي إِتّتّنْ، نتَّا أَذْ ثنْ إِثحَّا ؤُ أَذْ ثنْ إِسّْوَاضعْ زَّاثْ إِ وُوذمْ نّشْ ؤُشَا شكْ أَذْ زَّايْسنْ ثكّْسذْ ڒْوَارْثْ نْسنْ ؤُ أَذْ ثنْ ثَارذْدْجذْ ذغْيَا أَمْ مَامّشْ غَاركْ د-إِسِّيوڒْ سِيذِي.
DEU 9:4 ڒَامِي سِيذِي، أَربِّي نّشْ، خَاسنْ يُوژّڒْ زَّاثكْ، [خنِّي] وَارْ قَّارْ ذڭْ وُوڒْ نّشْ، أَذْ ثِينِيذْ: ’سِيذِي إِسِّيذفْ أَيِي-د ذِي سِّيبّثْ ن ثْسڭْذَا إِنُو مَاحنْذْ أَذْ كْسِيغْ ثَامُّورْثْ-أَ ذ ڒْوَارْثْ‘. [مِينْزِي] ذِي سِّيبّثْ ن ثُوعفّْنَا ن ڒڭْنُوسْ-أَ أَذْ زَّايْسنْ إِكّسْ سِيذِي ڒْوَارْثْ نْسنْ زَّاثْ إِ وُوذمْ نّشْ.
DEU 9:5 وَارْ إِدْجِي ذِي سِّيبّثْ ن ثْسڭْذَا نّشْ، وَارْ إِدْجِي ذِي سِّيبّثْ ن ڒصْفَايثْ ن وُوڒْ نّشْ، أَذْ ذِينْ ثْرَاحذْ حِيمَا أَذْ ثكْسِيذْ ثَامُّورْثْ نْسنْ ذ ڒْوَارْثْ، مَاشَا ذِي سِّيبّثْ ن ثُوعفّْنَا ن ڒڭْنُوسْ-أَ ؤُ حِيمَا أَذْ إِحْضَا أَوَاڒْ نِّي زِي إِجُّودْجْ سِيذِي، أَربِّي نّشْ، إِ ڒجْذُوذْ نّشْ، إِ إِبْرَاهِيمْ ذ إِسْحَاقْ ذ يَاعْقُوبْ، أَذْ زَّايْسنْ إِكّسْ سِيذِي، أَربِّي نّشْ، ڒْوَارْثْ نْسنْ زَّاثْ إِ وُوذمْ نّشْ.“
DEU 9:6 ”س ؤُيَا إِ غَا ثسّْنذْ، بلِّي وَارْ إِدْجِي ذِي سِّيبّثْ ن ثْسڭْذَا نّشْ إِ ذ أَشْ إِوْشَا سِيذِي، أَربِّي نّشْ، ثَامُّورْثْ-أَ إِشْنَانْ مَاحنْذْ أَذْ ت ثكْسِيذْ ذ ڒْوَارْثْ، مِينْزِي كنِّيوْ ذ إِجّْ ن ڒْڭنْسْ ذ أَغنَّانْ.
DEU 9:7 إِذَارْ، وَارْ تّتُّو، بلِّي ثڭِّيذْ أَذْ إِدُّوقّزْ وغْضَابْ ن سِيذِي، أَربِّي نّشْ، ذِي ڒخْڒَا. زڭْ وَاسّْ نِّي ذِي ثفّْغذْ زِي ثمُّورْثْ ن مِيصْرَا أَڒَامِي د-ثُوذْفذْ غَارْ ومْشَانْ-أَ، ثُوغَا ثْغوّْغمْ كنِّيوْ خْ سِيذِي.
DEU 9:8 مِينْزِي ذِي هُورِيبْ ثڭِّيمْ أَذْ إِدُّوقّزْ وغْضَابْ ن سِيذِي، أَڒَامِي خَاومْ إِسْعَارْ سِيذِي أَڒَامِي إِخْسْ أَذْ كنِّيوْ إِثحَّا.
DEU 9:9 ڒَامِي ؤُڒْيغْ غَارْ وذْرَارْ حِيمَا أَذْ طّْفغْ ثِيڒْوِيحِينْ ن وژْرُو، ثِيڒْوِيحِينْ ن ڒْعَاهْذْ نِّي أَكِيذْومْ إِڭَّا سِيذِي، قِّيمغْ أَربْعِينْ ن وُوسَّانْ ذ دْجْيَاڒِي ذڭْ وذْرَارْ. أَغْرُومْ وَارْ ث شِّيغْ، أَمَانْ وَارْ ثنْ سْوِيغْ.
DEU 9:10 إِوْشْ أَيِي سِيذِي ثْنَاينْ ن ثڒْوِيحِينْ ن وژْرُو ؤُرِينْثْ س ؤُضَاضْ ن أَربِّي ؤُ ذَايْسنْثْ مَارَّا أَوَاڒنْ نِّي ثُوغَا كِيومْ إِسِّيوڒْ سِيذِي ذڭْ وذْرَارْ زِي ڒْوسْطْ ن ثْمسِّي ذڭْ وَاسّْ ن وڭْرَاوْ [ن ڒْڭنْسْ].
DEU 9:11 إِمْسَارْ غَارْ ؤُنڭَّارْ ن أَربْعِينْ ن وُوسَّانْ ذ أَربْعِينْ ن دْجِييَاڒِي، ڒَامِي ذ أَيِي إِوْشَا سِيذِي ثْنَاينْ ن ثڒْوِيحِينْ ن وژْرُو، ثِيڒْوِيحِينْ ن ڒْعَاهْذْ،
DEU 9:12 إِنَّا أَيِي سِيذِي: ’كَّارْ، هْوَا ذغْيَا سَّا، مِينْزِي ڒْڭنْسْ نّشْ، ونِّي ثْنذْهذْ زِي مِيصْرَا، أَقَا إِضيّعْ إِ-ث. ودَّارنْ ذغْيَا أَبْرِيذْ نِّي إِ خْ ثنْ وصِّيغْ. ڭِّينْ إِ يِيخفْ نْسنْ إِجّْ ن ڒخْيَاڒْ إِفسْينْ.‘
DEU 9:13 إِسِّيوڒْ أَكِيذِي سِيذِي عَاوذْ، إِنَّا: ’نشّْ ژْرِيغْ ڒْڭنْسْ-أَ، ؤُشَا خْزَارْ، نتَّا ذ إِجّْ ن ڒْڭنْسْ إِقْسحْ.
DEU 9:14 أجّْ أَيِي أَذْ ثنْ ثحِّيغْ ؤُ أَذْ مْحِيغْ إِسمْ نْسنْ زِي سْوَادَّايْ ن ؤُجنَّا، أَذْ شكْ ڭّغْ ذ إِجّْ ن ڒْڭنْسْ إِجهْذنْ ؤُ إِمْغَارْ خْ وَانِيثَا.‘ “
DEU 9:15 ”ؤُشَا ذوْڒغْ-د، هْوِيغْ-د زڭْ وذْرَارْ. ثُوغَا أَذْرَارْ يَارقّْ س ثْمسِّي ؤُ ثُوغَا غَارِي ثْنَاينْ ن ثڒْوِيحِينْ ن ڒْعَاهْذْ ذِي ثْنَاينْ ن إِفَاسّنْ إِنُو.
DEU 9:16 ژْرِيغْ، أَقَا ذَا، كنِّيوْ ثخْضَامْ أَكْ-ذ سِيذِي، أَربِّي نْومْ. ثڭِّيمْ إِ يِيخفْ نْومْ إِجّْ ن ؤُعجْمِي إِفسْينْ. كنِّيوْ ثِيڭّْوجمْ ذغْيَا خْ وبْرِيذْ نِّي خْ ذ أَومْ يُومُورْ سِيذِي.
DEU 9:17 [خنِّي] طّْفغْ ثْنَاينْ ن ثڒْوِيحِينْ، نْضَارغْ ثنْثْ زِي ثْنَاينْ ن إِفَاسّنْ إِنُو، أَرْژِيغْ ثنْثْ زَّاثْ إِ ثِيطَّاوِينْ نْومْ.
DEU 9:18 وْضِيغْ [غَارْ ثمُّورْثْ] زَّاثْ إِ وُوذمْ ن سِيذِي أَمْ ؤُمُورْ أَمزْوَارُو، أَربْعِينْ ن وُوسَّانْ ذ أَربْعِينْ ن دْجْيَاڒِي وَارْ شِّيغْ أَغْرُومْ ؤُ وَارْ سْوِيغْ أَمَانْ ذِي سِّيبّثْ ن دّْنُوبْ إِ ثڭِّيمْ ؤُمِي ثڭِّيمْ مِينْ إِدْجَانْ ذ ڒْغَارْ ذِي ثِيطَّاوِينْ ن سِيذِي ؤُ ؤُمِي ث ثسْعَارمْ.
DEU 9:19 مِينْزِي ڭّْوذغْ زڭْ وغْضَابْ ذ وسْعَارْ إِ زِي خَاومْ ثُوغَا سِيذِي إِفُّوڭمْ ؤُ ثُوغَا إِخْسْ أَذْ كنِّيوْ إِثحَّا. [مَاشَا] سِيذِي إِسْڒَا أَيِي عَاذْ ثْوَاڒَا-يَا.
DEU 9:20 ثُوغَا سِيذِي عَاوذْ إِسْعَارْ أَطَّاسْ خْ هَارُونْ أَڒَامِي ثُوغَا إِخْسْ أَذْ ث إِثحَّا. ژُّودْجغْ عَاوذْ ذِي طّْوعْ ن هَارُونْ ذِي ڒْوقْثْ نِّي ذ إِجّنْ.
DEU 9:21 دّنْبْ نْومْ، ونِّي ذ أَعجْمِي نِّي ثڭِّيمْ، كْسِيغْ ث ؤُشَا سّْشمْضغْ ث ذِي ثْمسِّي، شدْجْقغْ ث، هَارْيغْ ث مْلِيحْ، أَڒَامِي إِذْوڒْ ذ إِفْسُوسْ أَمْ ثْعجَّاجْثْ ؤُشَا نْضَارغْ ثَاعجَّاشْثْ نّسْ ذِي ثغْزَارْثْ نِّي د-إِهكّْوَانْ زڭْ وذْرَارْ.
DEU 9:22 ثَانْيَا ذِي ثَابْعِيرَا، ذِي مَاسَّا ؤُ ذِي قَابَارُوثْ-هَاثَاآوَاثْ ثسّْفُّوڭْممْ سِيذِي.
DEU 9:23 ؤُشَا ؤُمِي كنِّيوْ إِسّكّْ سِيذِي زِي قَاذَاشْ-بَارْنِيعْ، إِنَّا: ’أَڒْيمْ ؤُ طّْفمْ ثَامُّورْثْ ذ ڒْوَارْثْ، [ثَامُّورْثْ] نِّي إِ ذ أَومْ وْشِيغْ نشّْ!‘، ثُوغَا كنِّيوْ [عَاوذْ] ثْغوّْغمْ خْ [ڒُْومُورْ زڭْ] ؤُقمُّومْ ن سِيذِي، أَربِّي نْومْ، وَارْ ثُومِينمْ، وَارْ ثسْڒِيمْ إِ ثْمِيجَّا نّسْ.
DEU 9:24 ثُوغَا كنِّيوْ ثْغوّْغمْ خْ سِيذِي زڭْ وَاسّْ نِّي كنِّيوْ سّْنغْ.
DEU 9:25 غنْسغْ إِخفْ إِنُو زَّاثْ إِ وُوذمْ ن سِيذِي، [مَارَّا] أَربْعِينْ ن وُوسَّانْ ذ أَربْعِينْ ن دْجْيَاڒِي نِّي، ثُوغَا أَيِي [ذِينْ]غنْسغْ زَّاثْ إِ وُوذمْ ن سِيذِي، مِينْزِي سِيذِي إِنَّا، بلِّي نتَّا أَذْ كنِّيوْ إِثحَّا.
DEU 9:26 ژُودْجغْ إِ سِيذِي ؤُشَا نِّيغْ: ’[أَ] سِيذِي إِنُو، سِيذِي، وَارْ تّْهلَّاكْ ڒْڭنْسْ ذ ڒْوَارْثْ نّشْ، ونِّي ثْفكّذْ س ڒمْغَارثْ نّشْ، أَقَا شكْ ثْنذْهذْ ثنْ زِي مِيصْرَا س ؤُفُوسْ نّشْ إِجهْذنْ.
DEU 9:27 إِذَارْ إِمْسخَّارنْ نّشْ، إِبْرَاهِيمْ، إِسْحَاقْ ذ يَاعْقُوبْ، وَارْ خزَّارْ غَارْ ثْغنَّانْثْ ن ڒْڭنْسْ-أَ ؤُڒَا غَارْ ثُوعفّْنَا نّسْ ذ دّنْبْ نّسْ،
DEU 9:28 حِيمَا، إِنِّي [ذِي] ثمُّورْثْ إِ زِي ذ أَنغْ د-ثسُّوفّْغذْ، وَارْ قَّارنْ: مِينْزِي سِيذِي وَارْ إِزمَّارْ أَذْ ثنْ إِسِّيذفْ ذِي ثمُّورْثْ إِ خْ ثُوغَا كِيسنْ إِسَّاوَاڒْ، ؤُ مِينْزِي إِشَارْهْ إِ-ثنْ، أَقَا إِسُّوفّغْ إِ-ثنْ-د مَاحنْذْ أَذْ ثنْ إِنغْ ذِي ڒخْڒَا.
DEU 9:29 أَقَا نِيثْنِي ذ ڒْڭنْسْ نّشْ ذ ڒْوَارْثْ نّشْ، ونِّي د-ثسُّوفّْغذْ س ثْزمَّارْ نّشْ ثَامقّْرَانْثْ ؤُ س ؤُغِيڒْ نّشْ إِسّْوِيژّْضنْ!‘ “
DEU 10:1 ”ذِي ڒْوقْثْ نِّي ذ إِجّنْ إِنَّا أَيِي سِيذِي: ’نْقشْ ثْنَاينْ ن ثڒْوِيحِينْ ن وژْرُو أَمْ ثِينِّي ثِيمزْوُورَا ؤُشَا ڭعّذْ-د غَارِي غَارْ وذْرَارْ ؤُشَا أڭّْ إِ شكْ إِشْثْ ن تَّابُوثْ ن ؤُكشُّوضْ.
DEU 10:2 أَذْ أَرِيغْ ذِي ثڒْوِيحِينْ أَوَاڒنْ نِّي ثُوغَا ذِي ثڒْوِيحِينْ ثِيمزْوُورَا نِّي ثَارْژِيذْ ؤُشَا أَذْ ثنْثْ ثسَّارْسذْ ذِي تَّابُوثْ.
DEU 10:3 نشّْ ڭِّيغْ إِشْثْ ن تَّابُوثْ ن ؤُكشُّوضْ ن ؤُكَاسِييَا ؤُشَا نقْشغْ ثْنَاينْ ن ثڒْوِيحِينْ ن وژْرُو أَمْ ثْمزْوُورَا. ڭعّْذغْ غَارْ وذْرَارْ س ثْنَاينْ ن ثڒْوِيحِينْ ذڭْ ؤُفُوسْ إِنُو.
DEU 10:4 يُورَا خْ ثڒْوِيحِينْ، أَنشْثْ ن ثِيرَا ثَامزْوَارُوثْ،عشْرَا ن وَاوَاڒنْ نِّي ثُوغَا إِسِّيوڒْ سِيذِي ذڭْ وَاسّْ ن وڭْرَاوْ [ن ڒْڭنْسْ] خْ وذْرَارْ زِي ڒْوسْطْ ن ثْمسِّي ؤُشَا إِوْشَا إِ-ثنْثْ أَيِي-د سِيذِي.
DEU 10:5 ذوْڒغْ-د ؤُ هْوِيغْ-د زڭْ وذْرَارْ ؤُشَا سَّارْسغْ ثِيڒْوِيحِينْ ذِي تَّابُوثْ نِّي ڭِّيغْ ؤُشَا ذِيهَا إِ دْجَانْثْ [عَاذْ]، أَمْ مَامّشْ ذ أَيِي يُومُورْ سِيذِي.“
DEU 10:6 فسْينْ أَيْثْ ن إِسْرَائِيل إِقِيضَانْ نْسنْ زِي بِيعْرُوثْ-بَانِي-يَاعْقَانْ، فّْغنْ غَارْ مُوسِيرَا. ذِينِّي إِمُّوثْ هَارُونْ ؤُشَا إِتّْوَانْضڒْ ذِينْ. مِّيسْ أَلِيعَازَارْ إِذْوڒْ ذ أَكهَّانْ ذڭْ ومْشَانْ نّسْ.
DEU 10:7 سّنِّي مُّوطِّيينْ غَارْ جُوذْجُوذْ ؤُ زِي جُوذْجُوذْ غَارْ يُوطْبَاثَا، ثَامُّورْثْ ن ثْغزْرَاثِينْ ن وَامَانْ.
DEU 10:8 ذِي ڒْوقْثْ نِّي ذ إِجّنْ إِحُوزّْ سِيذِي ثَاقْبِيتْشْ ن لَاوِي حِيمَا أَذْ أَرْبُونْ تَّابُوثْ ن ڒْعَاهْذْ ن سِيذِي مَاحنْذْ أَذْ بدّنْ زَّاثْ إِ وُوذمْ ن سِيذِي، أَذْ أَسْ سخَّارنْ ؤُ أَذْ بَارْكنْ ذڭْ يِيسمْ نّسْ، أَڒْ أَسّْ-أَ.
DEU 10:9 خْ ؤُيَا لَاوِي وَارْ غَارسْ ثُوغِي شَا ن ثسْغَارْثْ، ؤُڒَا ذ شَا ن ڒْوَارْثْ أَكْ-ذ أَيْثْمَاسْ. سِيذِي ذ ڒْوَارْثْ نّسْ، أَمْ مَامّشْ ذ أَسْ إِنَّا سِيذِي، أَربِّي نّشْ.
DEU 10:10 ”ؤُشَا نشّْ قِّيمغْ خْ وذْرَارْ، أَمْ وُوسَّانْ إِمزْوُورَا، أَربْعِينْ ن ؤُسَّانْ ذ أَربْعِينْ ن دْجْيَاڒِي ؤُشَا إِسْڒَا أَيِي سِيذِي عَاوذْ ثْوَاڒَا-يَا، أَقَا سِيذِي ثُوغَا وَارْ إِخْسْ أَذْ كنِّيوْ إِسّخْسَارْ.
DEU 10:11 إِنَّا أَيِي سِيذِي: ’كَّارْ، ؤُيُورْ ذڭْ وبْرِيذْ زَّاثْ إِ وُوذمْ ن ڒْڭنْسْ، حِيمَا أَذْ أَذْفنْ غَارْ ثمُّورْثْ، ثنِّي جُّودْجغْ إِ ڒجْذُوذْ نْسنْ أَذْ أَسنْ ت-إِ-د-وْشغْ، أَذْ ت كْسِينْ ذ ڒْوَارْثْ.‘
DEU 10:12 ڒخُّو خنِّي، [أَ] إِسْرَائِيل! مِينْ زَّايكْ إِتَّارْ سِيذِي، أَربِّي نّشْ، مْغِيرْ أَذْ ثڭّْوذذْ سِيذِي، أَربِّي نّشْ، أَذْ ثُويُورذْ ذڭْ إِبْرِيذنْ نّسْ ؤُ أَذْ ث ثخْسذْ ؤُشَا أَذْ ثْسخَّارذْ إِ سِيذِي، أَربِّي نّشْ س مَارَّا ؤُڒْ نّشْ ؤُ س مَارَّا ڒعْمَارْ نّشْ،
DEU 10:13 ؤُشَا أَذْ ثحْضِيذْ ڒُومُورَاثْ ن سِيذِي ذ ثْوصَّا نِّي نشّْ خَاكْ شَارْضغْ أَسّْ-أَ إِ ثِيزِي نّشْ.
DEU 10:14 خْزَارْ، أَجنَّا ذ ؤُجنَّا ن إِجنْوَانْ ذ مَارَّا مِينْ ذَايسْ إِ سِيذِي، أَربِّي نّشْ إِ إِدْجَانْ.
DEU 10:15 مْغِيرْ غَارْ ڒجْذُوذْ نّشْ وَاهَا إِ إِقّنْ سِيذِي إِخفْ نّسْ حِيمَا أَذْ ثنْ إِخْسْ ؤُ نتَّا إِخْضَارْ زَّارِيعثْ نْسنْ أَوَارْنِي أَسنْ، أَقَا ذ كنِّيوْ، زِي مَارَّا ڒڭْنُوسْ، أَمْ [ثدْجَا] أَسّْ-أَ.
DEU 10:16 خثْنمْ خنِّي إِ ڒعْذَاڒْيثْ ن وُوڒْ نْومْ، وَارْ سْقسِّيحمْ شَا عَاذْ كْثَارْ ؤُڒَاونْ نْومْ،
DEU 10:17 مِينْزِي سِيذِي، أَربِّي نْومْ، ذ أَربِّي خْ [مَارَّا] إِربِّيثنْ ذ سِيذِي خْ [مَارَّا] إِسِيذِيثنْ، إِجّْ ن أَربِّي إِمْغَارْ ذ أَجبَّارْ ذ أَمڭّْوذْ، ونِّي وَارْ إِتّڭّنْ ڒْفَارْزْ ذڭْ إِوْذَانْ نِيغْ إِكسِّي شَّارْضْ،
DEU 10:18 ونِّي إِتّڭّنْ ثَاسڭْذَا إِ ؤُيُوجِيڒْ ذ ثَاجَّاتْشْ، ونِّي إِتّخْسنْ أَبَارَّانِي ؤُ إِوْشَا أَسْ أَغْرُومْ ذ أَرُّوضْ.
DEU 10:19 إِتّْخصَّا أَذْ ثخْسمْ أَبَارَّانِي، مِينْزِي ثُوغَا كنِّيوْ ذ إِبَارَّانِييّنْ ذِي ثمُّورْثْ ن مِيصْرَا.
DEU 10:20 أَذْ ثڭّْوذذْ سِيذِي، أَربِّي نّشْ، أَذْ أَسْ ثْسخَّارذْ ؤُشَا أَذْ أَسْ ثْڒصْقذْ ؤُ س يِيسمْ نّسْ أَذْ ثجَّادْجذْ.
DEU 10:21 أَقَا نتَّا ذ أَسبَّاحْ نّشْ، ؤُشَا نتَّا ذ أَربِّي نّشْ، ونِّي غَاركْ إِڭِّينْ ڒْخذْمثْ-أَ ذ ثَامقّْرَانْثْ ؤُڒَا ذ [مَارَّا] ثِيمسْڒَايِينْ-أَ إِسَّاڭّْوَاذنْ ثِينِّي ژْرِينْثْ ثِيطَّاوِينْ نّشْ.
DEU 10:22 ڒجْذُوذْ نْومْ هْوَانْ-د س سبْعِينْ ن ڒعْمُورْ غَارْ مِيصْرَا ؤُشَا ڒخُّو إِڭَّا إِ-شْ سِيذِي، أَربِّي نّشْ، أَطَّاسْ أَمْ يِيثْرَانْ ن ؤُجنَّا.“
DEU 11:1 ”أَذْ ثخْسذْ سِيذِي، أَربِّي نّشْ ؤُشَا أَذْ ثحْضِيذْ مِينْ [ذ أَشْ] يُومُورْ نتَّا، ثِيوصَّا نّسْ ذ لْفَارَايِيضْ نّسْ ذ ڒُومُورَاثْ نّسْ، مَارَّا ؤُسَّانْ.
DEU 11:2 إِتّْخصَّا أَذْ ثسّْنمْ أَسّْ-أَ، نشّْ وَارْ سِّيوْڒغْ أَكْ-ذ إِحنْجِيرنْ نْومْ، إِنِّي وَارْ ت إِسِّيننْ ؤُ وَارْ ژْرِينْ تَّارْبِييّثْ ن سِيذِي، أَربِّي نْومْ، ذ ڒمْغَارثْ نّسْ ذ ؤُفُوسْ نّسْ إِجهْذنْ ذ ؤُغِيڒْ نّسْ إِسّْوِيژّْضنْ
DEU 11:3 ذ ڒعْڒَامَاثْ نّسْ ذ ثِيمڭَّا نّسْ، ثِينِّي إِڭَّا ذِي ڒْوسْطْ ن مِيصْرَا، زَّاثْ إِ فِيرْعُونْ، أَجدْجِيذْ ن مِيصْرَا، ؤُ زَّاثْ إِ مَارَّا ثَامُّورْثْ نّسْ،
DEU 11:4 ... مِينْ إِڭَّا أَكْ-ذ ڒْعسْكَارْ ن إِمِيصْرِييّنْ ذ إِيْسَانْ نْسنْ ذ إِكَارُّوثنْ نْسنْ، مَامّشْ ذ يَارَّا أَمَانْ ن ڒبْحَارْ ن ثلْڭَا أَذْ فيّْضنْ خْ إِزدْجِيفنْ نْسنْ ؤُمِي كنِّيوْ ضْفَارنْ. أَقَا إِهلّكْ إِ-ثنْ سِيذِي، أَڒْ أَسّْ-أَ،
DEU 11:5 ... ذ مِينْ أَكِيذْومْ إِڭَّا ذِي ڒخْڒَا أَڒَامِي ثِيوْضمْ غَارْ ومْشَانْ-أَ،
DEU 11:6 ... ذ مِينْ إِڭَّا أَكْ-ذ ذَاثَانْ ذ أَبِيرَامْ، إِحنْجِيرنْ ن إِلِييَابْ، مِّيسْ ن رُوبِينْ، مَامّشْ ثَارْزمْ ثمُّورْثْ أَقمُّومْ نّسْ ؤُشَا ثْسَارْضْ إِ-ثنْ أَكْ-ذ رَادْجْ نْسنْ ذ إِقِيضَانْ نْسنْ ؤُ أَكْ-ذ مَارَّا إِنِّي [ذِينْ] إِبدّنْ، إِنِّي ثنْ د-إِضْفَارنْ ذڭْ إِصُورَافْ نْسنْ، ذِي ڒْوسْطْ ن مَارَّا إِسْرَائِيل.
DEU 11:7 أَقَا ثِيطَّاوِينْ نْومْ ژْرِينْثْ مَارَّا ثِيمڭَّا ثِيمقّْرَانِينْ ن سِيذِي نِّي ثُوغَا إِڭَّا نتَّا.“
DEU 11:8 [خنِّي] حْضَامْ مَارَّا ثِيوصَّا نِّي إِ ذ أَومْ ؤُمُورغْ أَسّْ-أَ، حِيمَا أَذْ زَّايْسنْثْ ثْجهْذمْ ؤُشَا أَذْ ثَاذْفمْ غَارْ ثمُّورْثْ إِ غَارْ غَا ثژْوَامْ، مَاحنْذْ أَذْ ت ثطّْفمْ ذ ڒْوَارْثْ، ؤُشَا [خنِّي] أَذْ ت ثطّْفمْ ذ ڒْوَارْثْ،
DEU 11:9 ؤُ حِيمَا أَذْ زُّوڭَارْثنْ وُوسَّانْ نْومْ خْ وُوذمْ [ن ثمُّورْثْ] نِّي إِجُّودْجْ سِيذِي إِ ڒجْذُوذْ نْومْ أَذْ أَسنْ ت-إِ-د-إِوْشْ ؤُ إِ زَّارِيعثْ نْسنْ، إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ.
DEU 11:10 مِينْزِي ثَامُّورْثْ نِّي مَانِي ثتّْرَاحذْ حِيمَا أَذْ ت ثطّْفذْ ذ ڒْوَارْثْ، وَارْ ثدْجِي أَمْ ثمُّورْثْ ن مِيصْرَا مَانِيسْ د-ثفّْغمْ، مَانِي ثْزَارْعذْ زَّارِيعثْ نّشْ ؤُ ثنِّي ثسّْوذْ س إِضَارنْ نّشْ أَمْ يِيشْثْ ن ثحْوِيشْثْ ثَازِيزَاوْثْ.
DEU 11:11 ثَامُّورْثْ إِ غَارْ غَا ثژْوَامْ مَاحنْذْ أَذْ ت ثطّْفمْ ذ ڒْوَارْثْ، أَقَا-ت ذ إِشْثْ ن ثمُّورْثْ ن إِذُورَارْ ذ ثيْسَارِينْ، ثنِّي إِسسّنْ أَمَانْ ن ونْژَارْ زڭْ ؤُجنَّا،
DEU 11:12 إِشْثْ ن ثمُّورْثْ إِ خْ إِحطَّا سِيذِي، أَربِّي نّشْ، إِ خْ دْجَانْثْ ڒبْذَا ثِيطَّاوِينْ ن سِيذِي، أَربِّي نّشْ، زِي بدُّو ن ؤُسڭّْوَاسْ أَڒْ أَنڭَّارْ ن ؤُسڭّْوَاسْ.
DEU 11:13 مَاڒَا ثسْڒِيمْ نِيشَانْ إِ ثْوصَّا إِنُو، ثِينِّي ذ أَومْ ؤُمُورغْ أَسّْ-أَ، حِيمَا أَذْ ثخْسمْ سِيذِي، أَربِّي نْومْ، ؤُشَا أَذْ أَسْ ثْسخَّارمْ س مَارَّا ؤُڒْ نْومْ ؤُ س مَارَّا ڒعْمَارْ نْومْ، [خنِّي] أَذْ إِمْسَارْ،
DEU 11:14 أَقَا نشّْ أَذْ وْشغْ أَنْژَارْ ذِي ثمُّورْثْ نْومْ ذِي ڒْوقْثْ نّسْ، [أَنْژَارْ] ن زِيشْ ذ ؤُنڭَّارْ، حِيمَا أَذْ ثسّْمُونذْ إِرْذنْ نّشْ ذ بِينُو نّشْ ن جْذِيذْ ذ زّشْثْ نّشْ [ن طّْرِي]
DEU 11:15 ؤُشَا نشّْ أَذْ أَشْ وْشغْ أَرْبِيعْ ذڭْ إِيَّارْ نّشْ إِ ڒبْهَايمْ نّشْ ؤُشَا شكْ أَذْ ثشّذْ ؤُ أَذْ ثجِّيوْنذْ.“
DEU 11:16 ”حْضَامْ وَارْ إِتّْوَاسّْغكّْوِي وُوڒْ نْومْ ؤُشَا أَذْ ثفّْغمْ [زڭْ وبْرِيذْ]، أَذْ ثْعبْذمْ إِ إِربِّيثنْ نّغْنِي، أَذْ أَسنْ ثْبنْذْقمْ.
DEU 11:17 إِڒِي [خنِّي] أَذْ خَاومْ يَارغْ وغْضَابْ ن سِيذِي ؤُشَا أَذْ إِقّنْ إِجنْوَانْ مَاحنْذْ وَارْ إِشِّيثْ ونْژَارْ [عَاذْ] ؤُ وَارْ ثتِّيشْ ثمُّورْثْ [عَاذْ] صَّابثْ نّسْ ؤُ كنِّيوْ أَذْ تّْوَارذْدْجمْ ذغْيَا زِي ثمُّورْثْ إِشْنَانْ، ثنِّي إِ ذ أَومْ غَا إِوْشْ سِيذِي.
DEU 11:18 س ؤُيَا حْضَامْ أَوَاڒنْ-أَ إِنُو ذڭْ وُوڒَاونْ نْومْ ؤُ ذِي ڒعْمَارْ نْومْ ؤُ أَذْ ثنْ ثْبيْسمْ أَمْ يِيشْثْ ن ڒعْڒَامثْ خْ ؤُفُوسْ نْومْ، أَذْ إِڒِينْ ذ إِفِيڒَانْ ن ؤُسڭّمْ خْ ثِيطَّاوِينْ نْومْ
DEU 11:19 ؤُشَا سْڒمْذمْ ثنْ إِ إِحنْجِيرنْ نْومْ أَمْ خَاسنْ ثسَّاوَاڒمْ خْمِي غَا ثِيڒِيمْ ذِي ثُوذْرِينْ نْومْ ؤُ خْمِي غَا ثِيڒِيذْ ذڭْ وبْرِيذْ ؤُ ذڭْ يِيضصْ نّشْ ؤُ خْمِي غَا ثِيڒِيذْ ثْفَاقذْ،
DEU 11:20 ؤُ أَرِيمْ ثنْ خْ ڒضْرُوفْ [غَارْ ؤُغزْذِيسْ ن ثوَّارْثْ] ن ثَادَّارْثْ نّشْ ؤُ خْ ثوُّورَا نّشْ
DEU 11:21 حِيمَا أَذْ كْثَارنْ وُوسَّانْ نْومْ ذ وُوسَّانْ ن إِحنْجِيرنْ نْومْ خْ ثمُّورْثْ، ثنِّي مِينْ خفْ إِجُّودْجْ سِيذِي إِ ڒجْذُوذْ نْومْ أَذْ أَسنْ ثنْ-إِ-د-إِوْشْ، أَمْ وُوسَّانْ ن ؤُجنَّا [قِّيمنْ كْثَارنْ] سنّجْ إِ ثمُّورْثْ.
DEU 11:22 مِينْزِي مَاڒَا ثحْضَامْ نِيشَانْ مَارَّا ثَاوْصيّثْ-أَ نِّي ذ أَومْ ؤُمُورغْ أَسّْ-أَ مَاحنْذْ أَذْ ت ثڭّمْ ؤُ مَاحنْذْ أَذْ ثخْسمْ سِيذِي، أَربِّي نْومْ، أَذْ ثُويُورمْ ذڭْ إِبْرِيذنْ نّسْ مَارَّا ؤُ أَذْ غَارسْ د-ثْڒصْقمْ،
DEU 11:23 [خنِّي] سِيذِي أَذْ إِسُّوفّغْ مَارَّا ڒڭْنُوسْ-أَ زَّاثْ إِ وُوذمْ نْومْ ؤُشَا [أَمُّو إِ] غَا ثْوَارْثمْ ثَاسْغَارْثْ ن ڒڭْنُوسْ إِمْغَارنْ ذ إِجهْذنْ خَاومْ.
DEU 11:24 مَارَّا أَمْشَانْ نِّي إِ غَا ثعْجنْ ثْڒقَّا ن ؤُضَارْ نْومْ أَذْ يِيڒِي نْومْ. زِي ڒخْڒَا ؤُ زِي لُوبْنَانْ، ؤُ زڭْ إِغْزَارْ، إِغْزَارْ ن لْفُورَاطْ، أَڒْ ڒبْحَارْ ذِي ڒْغَارْبْ، أَذْ يِيڒِي ويْمِيرْ [ن ثمُّورْثْ] نّشْ.
DEU 11:25 وَارْ إِزمَّارْ ؤُڒَا ذ إِجّْ أَذْ إِقِّيمْ إِبدّْ زَّاثْ إِ وُوذمْ نْومْ. سِيذِي، أَربِّي نْومْ، أَذْ إِڭّْ ثِيڭّْوُوذِي ذ ڒْعُورّثْ زَّايْومْ خْ مَارَّا ثَامُّورْثْ نِّي إِ خْ غَا ثْعجْنمْ، أَمْ مَامّشْ ثُوغَا أَكِيذْومْ إِسِّيوڒْ.“
DEU 11:26 ”خْزَارْ، نشّْ أَذْ ڭّغْ أَسّْ-أَ لْبَارَاكَا ذ نّعْڒثْ زَّاثْ إِ وُوذمْ نْومْ:
DEU 11:27 ... لْبَارَاكَا، مَاڒَا أَذْ ثسْڒمْ إِ ثْوصَّا ن سِيذِي، أَربِّي نْومْ، ثِينِّي خْ ذ أَومْ ؤُمُورغْ أَسّْ-أَ،
DEU 11:28 ... ذ نّعْڒثْ، مَاڒَا وَارْ ثسْڒِيمْ إِ ثْوصَّا ن سِيذِي، أَربِّي نْومْ، ؤُشَا أَذْ ثڭّْوجمْ خْ وبْرِيذْ إِ خْ ذ أَومْ ؤُمُورغْ أَسّْ-أَ، خْ مِينِّي إِ غَا ثضْفَارمْ إِربِّيثنْ نّغْنِي إِ وَارْ ثسِّينمْ شَا.
DEU 11:29 خْمِي سِيذِي، أَربِّي نّشْ، أَذْ شكْ إِسِّيذفْ ذِي ثمُّورْثْ نِّي إِ غَارْ غَا ثْرَاحذْ حِيمَا أَذْ ت ثطّْفذْ ذ ڒْوَارْثْ، [خنِّي] أَذْ ثڭّذْ لْبَارَاكَا خْ وذْرَارْ ن جِيرِيزِيمْ ذ نّعْڒثْ خْ وذْرَارْ ن عِيبَالْ.
DEU 11:30 مَا وَارْ دْجِينْ [إِذُورَارْ نِّي] خْ ؤُجمَّاضْ ن لْ-ؤُرْذُونْ، أَوَارْنِي إِ وبْرِيذْ، مَانِيسْ د-ثْنقَّارْ ثْفُوشْثْ، ذِي ثمُّورْثْ ن أَيْثْ ن كنْعَانْ نِّي إِزدّْغنْ ذِي ڒوْضَا، أَرنْذَاذْ نْ جِيلْجَالْ، زَّاثْ إِ ثْشجُّورَا ن يِيڭّْ ن مُورَا؟
DEU 11:31 مِينْزِي كنِّيوْ أَذْ ثژْوَامْ لْ-ؤُرْذُونْ حِيمَا أَذْ [ذِينْ] ثَاذْفمْ ؤُ حِيمَا أَذْ ثطّْفمْ ثَامُّورْثْ، ثنِّي إِ ذ أَومْ غَا إِوْشْ سِيذِي، ذ ڒْوَارْثْ ؤُ كنِّيوْ أَذْ ت ثْوَارْثمْ ؤُ أَذْ ذَايسْ ثْزذْغمْ.
DEU 11:32 حْضَامْ [خنِّي] مَارَّا ثِيوصَّا ذ لْفَارَايِيضْ نِّي إِ ذ أَومْ سّشْنغْ أَسّْ-أَ.“
DEU 12:1 ”ذ ثِينَا ذ ثِيوصَّا ذ لْفَارَايِيضْ نِّي إِ غَا ثحْضَامْ مَاحنْذْ أَذْ ثنْثْ ثڭّمْ ذِي ثمُّورْثْ نِّي إِ ذ أَشْ إِوْشَا سِيذِي، أَربِّي ن ڒجْذُوذْ نّشْ، حِيمَا أَذْ ت ثكْسِيذْ ذ ڒْوَارْثْ، مَارَّا ؤُسَّانْ نِّي إِ غَا ثدَّارمْ كنِّيوْ خْ وُوذمْ ن ثمُّورْثْ.
DEU 12:2 أَذْ ثَاردّْدْجمْ قَاعْ مَارَّا إِمُوشَانْ مَانِي ثُوغَا سخَّارنْ ڒڭْنُوسْ إِ إِربِّيثنْ نْسنْ، [مَارَّا إِمُوشَانْ] نِّي إِ غَا ثطّْفمْ ذ ڒْوَارْثْ: خْ إِذُورَارْ يُوعْڒَانْ، خْ ثوْرِيرِينْ ؤُ سَاذُو كُوڒْ ثَاشجَّارْثْ ثَازِيزَاوْثْ.
DEU 12:3 أَذْ ثنْضَارمْ إِعَالْطَارنْ نْسنْ، أَذْ ثَارْژمْ إِمَايْضُوثنْ نْسنْ [إِقدّْسنْ] ؤُ ثِيربِّينْ نْسنْ ن شْوَارْثِي أَذْ ثنْثْ ثسّْشمْضمْ س ثْمسِّي ؤُشَا أَذْ ثْهذْممْ ڒخْيَاڒَاثْ إِنقْشنْ ن إِربِّيثنْ نْسنْ ؤُشَا أَذْ ثمْحَامْ إِسمْ نْسنْ زڭْ ومْشَانْ نِّي.
DEU 12:4 [مِينْزِي أَمُّو] وَارْ ثْعبّْذمْ إِ سِيذِي، أَربِّي نْومْ أَمْ [تّڭّنْ نِيثْنِي]،
DEU 12:5 مَاشَا أَذْ ثَارْزُومْ خْ ومْشَانْ نِّي إِ غَا يِيخْضَارْ سِيذِي، أَربِّي نْومْ، زِي جَارْ مَارَّا ثِيقبَّاڒْ نْومْ، حِيمَا أَذْ ذِينْ إِڭّْ إِسمْ نّسْ، [وَاهْ،] غَارْ ثْزذِّيغْثْ نّسْ إِ غَا ثَارْزُومْ ؤُ ذِينْ إِ غَا ثَاوْضمْ
DEU 12:6 ؤُشَا ذِينِّي إِ غَا ثَاوْيمْ ثِيغَارْصَا نْومْ ن وشْمَاضْ ذ ثْغَارْصَا نْومْ ذ ڒعْشُورْ نْومْ ذ ثوْهِيبْثْ نِّي إِسّْڭعّذْ ؤُفُوسْ نْومْ ذ ثوْهِيبِينْ نْومْ س ڒْخَاضَارْ ذ إِمنْزَا ن إِفُونَاسنْ ذ ثْفُونَاسِينْ نْومْ ذ [إِمنْزَا] ن وُودْجِي نْومْ،
DEU 12:7 ؤُشَا ذِينِّي إِ غَا ثشّمْ زَّاثْ إِ وُوذمْ ن سِيذِي، أَربِّي نْومْ، أَذْ ثْفَارْحمْ، كنِّيوْ ذ [ڒَْادْجْ ن] ثُوذْرِينْ نْومْ، زِي مَارَّا مِينْ إِڭَّا ؤُفُوسْ نْومْ ؤُ زِي مِينْ ذِي كنِّيوْ إِبَاركْ سِيذِي، أَربِّي نّشْ.
DEU 12:8 وَارْ تّڭّمْ أَمْ مَارَّا مِينْ نتّڭّْ نشِّينْ ذَا أَسّْ-أَ: كُوڒْ أَرْيَازْ [إِتّڭّْ] مِينْ ذ أَسْ إِتّْوَاڒَا نِيشَانْ ذِي ثِيطَّاوِينْ نّسْ.
DEU 12:9 مِينْزِي أَقَا [عَاذْ] ڒخُّو وَارْ ثُوذِيفمْ شَا غَارْ أَرَّاحثْ ؤُ غَارْ ڒْوَارْثْ نِّي ذ أَومْ إِوْشَا سِيذِي، أَربِّي نّشْ.
DEU 12:10 خْمِي غَا ثژْوَامْ لْ-ؤُرْذُونْ ؤُشَا أَذْ ثْزذْغمْ ذِي ثمُّورْثْ نِّي ذ أَومْ غَا إِوْشْ سِيذِي، أَربِّي نْومْ، ذ ڒْوَارْثْ، نتَّا أَذْ أَومْ إِوْشْ أَرَّاحثْ زِي مَارَّا ڒْعذْيَانْ نْومْ إِ ذ أَومْ د-إِنّْضنْ ؤُشَا أَذْ ثْزذْغمْ ذِي ڒَامَانْ.
DEU 12:11 ذِينْ إِ غَا يِيڒِي ومْشَانْ نِّي إِ غَا يِيخْضَارْ سِيذِي، أَربِّي نْومْ، حِيمَا أَذْ إِسّزْذغْ ذِينْ إِسمْ نّسْ ؤُشَا ذِينِّي إِ غَا ثَاوْيمْ مَارَّا مِينْ خْ شكْ ؤُمُورغْ: ثِيغَارْصَا ن وشْمَاضْ نْومْ، ثِيغَارْصَا نْومْ، ڒعْشُورْ نْومْ، ثِيوْهِيبِينْ ن ؤُسْڭعّذْ ن ؤُفُوسْ نْومْ ذ مَارَّا [ثِيوْهِيبِينْ] ن لْوَاعْذْ نِّي إِ غَا ثْوعْذمْ إِ سِيذِي.
DEU 12:12 أَذْ ثْفَارْحمْ زَّاثْ إِ وُوذمْ ن سِيذِي، أَربِّي نْومْ، كنِّيوْ ذ إِحنْجِيرنْ نْومْ ذ ثْحنْجِيرِينْ نْومْ ذ إِسمْغَانْ نْومْ ذ ثِييَّا نْومْ ذ ؤُلَاوِي نِّي إِزدّْغنْ ذَاخڒْ إِ ثوُّورَا نْومْ، مِينْزِي وَارْ غَارسْ ثَاسْغَارْثْ نِيغْ ڒْوَارْثْ أَكِيذْومْ.
DEU 12:13 حْضَا وَارْ سّْبخَّارَا ثِيغَارْصَا نّشْ ن وشْمَاضْ ذِي مِينْ مَا أَمْشَانْ نِّي ثْوَاڒِيذْ،
DEU 12:14 مَاشَا [وَاهَا] ذڭْ ومْشَانْ نِّي إِ غَا يِيخْضَارْ سِيذِي ذڭْ إِشْثنْ زِي ثْقبَّاڒْ نّشْ، ذِينِّي [وَاهَا] إِ غَا ثسّْبخَّارذْ ثِيغَارْصَا ن وشْمَاضْ ؤُشَا ذِينِّي إِ غَا ثڭّذْ مَارَّا مِينْ ذ أَشْ ؤُمُورغْ.
DEU 12:15 س مَارَّا ثْزمَّارذْ أَذْ ثْغَارْصذْ ذَاخڒْ إِ ثوُّورَا نّشْ مَارَّا مِينْ إِمّژْرِي وُوڒْ نّشْ ؤُشَا أَذْ [زَّايسْ] ثشّذْ عْلَاحْسَابْ لْبَارَاكَا نِّي ذ أَشْ غَا إِوْشْ سِيذِي، أَربِّي نّشْ، ذَاخڒْ إِ ثوُّورَا نّشْ. أَمخْمُوجْ ذ ؤُمزْذَاڭْ زمَّارنْ أَذْ زَّايسْ شّنْ، أَخْمِي [تّتّنْ زڭْ] إِغَايْضْ ن وزْغَارْ ؤُ [زڭْ] ؤُذَاذْ.
DEU 12:16 مْغِيرْ إِذَامّنْ وَارْ ثنْ ثتّتّذْ. أَذْ ثنْ ثْنغْڒذْ خْ ثمُّورْثْ أَمْ وَامَانْ.
DEU 12:17 وَارْ إِعدّڒْ أَذْ ثشّذْ ذَاخڒْ إِ ثوُّورَا نّشْ زِي ڒعْشُورْ ن إِرْذنْ ذ بِينُو نّشْ ن جْذِيذْ ذ زّشْثْ نّشْ [ن طّْرِي] ؤُڒَا زڭْ إِمنْزَا ن إِفُونَاسنْ ذ ثْفُونَاسِينْ ذ وُودْجِي نّشْ نِيغْ زِي ثوْهِيبِينْ ن وَاوَاڒْ إِ ثوْشِيذْ نِيغْ زِي ثوْهِيبِينْ س ڒْخَاضَارْ نِيغْ زِي ثوْهِيبْثْ نِّي إِسّْڭعّذْ ؤُفُوسْ نّشْ.
DEU 12:18 مِينْزِي أَذْ ثنْ ثشّذْ زَّاثْ إِ وُوذمْ ن سِيذِي، أَربِّي نّشْ، ذڭْ ومْشَانْ نِّي غَا يِيخْضَارْ سِيذِي، أَربِّي نّشْ، شكْ، مِّيشْ، يدْجِيشْ، إِسْمغْ نّشْ، ثَايَّا نّشْ ذ ؤُلَاوِي نِّي إِزدّْغنْ ذَاخڒْ إِ ثوُّورَا نّشْ ؤُشَا أَذْ ثْفَارْحذْ زَّاثْ إِ وُوذمْ ن سِيذِي، أَربِّي نّشْ، ذِي مَارَّا مِينْ غَارْ غَا إِسّْوِيژّذْ ؤُفُوسْ نّشْ.
DEU 12:19 حْضَا، وَارْ سمّحْ [غَارْ ؤُزدْجِيفْ نّسْ] أَلَاوِي ذِي مَارَّا ؤُسَّانْ نّشْ خْ ثمُّورْثْ نّشْ.“
DEU 12:20 ”خْمِي سِيذِي، أَربِّي نّشْ، أَذْ إِسِّييْرُو أَيْمِيرْ [ن ثمُّورْثْ] نّشْ، أَمْ مَامّشْ ذ أَشْ إِنَّا، ؤُشَا أَذْ ثِينِيذْ: ’خْسغْ أَذْ شّغْ أَيْسُومْ‘، مِينْزِي إِمّژْرِي ڒعْمَارْ نّشْ أَذْ يشّْ أَيْسُومْ، [خنِّي] أَذْ ثشّذْ أَيْسُومْ أَنشْثْ ن مَارَّا مِينْ إِمژْرِي ڒعْمَارْ نّشْ.
DEU 12:21 مَاڒَا ثُوغَا شكْ ثِيڭّْوجذْ خْ ومْشَانْ نِّي إِ غَا يِيخْضَارْ سِيذِي، أَربِّي نّشْ، حِيمَا أَذْ ذِينْ إِسّمْثنْ إِسمْ نّسْ، [خنِّي] ثْزمَّارذْ أَذْ ثْغَارْصذْ زڭْ إِفُونَاسنْ ذ ثْفُونَاسِينْ نّشْ ؤُ زڭْ وُودْجِي نّشْ نِّي ذ أَشْ إِوْشَا سِيذِي، أَمْ مَامّشْ شكْ ؤُمُورغْ، ؤُشَا أَذْ زَّايسْ ثشّذْ ذَاخڒْ إِ ثوُّورَا نّشْ أَنشْثْ ن مَارَّا مِينْ ذَايسْ إِمّژْرِي ڒعْمَارْ نّشْ.
DEU 12:22 أَمْ مَامّشْ إِتّْوَاشّْ إِغَايْضْ ن وزْغَارْ ذ ؤُذَاذْ، أَمنِّي إِ زَّايسْ غَا ثشّذْ. أَمخْمُوجْ ذ ؤُمزْذَاڭْ زمَّارنْ أَذْ زَّايسْ شّنْ.
DEU 12:23 مْغِيرْ وَارْ تّتّْعمَّارْصْ زڭْ إِذَامّنْ، مِينْزِي إِذَامّنْ ذ ڒعْمَارْ. وَارْ تّتّْ ڒعْمَارْ أَكْ-ذ ويْسُومْ.
DEU 12:24 وَارْ ثنْ ثتّتّذْ، [مَاشَا] أَذْ ثنْ ثْنغْڒذْ خْ ثمُّورْثْ أَمْ وَامَانْ.
DEU 12:25 وَارْ ثنْ ثتّتّذْ، حِيمَا أَذْ ثِيڒِيذْ شكْ مْلِيحْ ذ إِحنْجِيرنْ نّشْ أَوَارْنِي أَشْ، خْمِي غَا ثڭّذْ مِينْ إِسڭّْذنْ زَّاثْ إِ ثِيطَّاوِينْ ن سِيذِي.
DEU 12:26 أَذْ ثَاوْيذْ مْغِيرْ ثِيمسْڒَايِينْ نِّي غَاركْ قدّْسنْثْ ذ [ثْغَارْصَا ن] لْوَاعْذْ نّشْ ؤُشَا أَذْ [كِيذْسنْثْ] د-ثَاسذْ غَارْ ومْشَانْ إِ غَا يِيخْضَارْ سِيذِي
DEU 12:27 ؤُشَا أَذْ ثسّْوجْذذْ ثِيغَارْصَا ن وشْمَاضْ، أَيْسُومْ نّسْ ذ إِذَامّنْ نّسْ، خْ ؤُعَالْطَارْ ن سِيذِي، أَربِّي نّشْ، ؤُشَا إِذَامّنْ ن ثْغَارْصَا أَذْ تّْوَازدْجْعنْ خْ ؤُعَالْطَارْ ن سِيذِي، أَربِّي نّشْ، [مَاشَا] إِعدّڒْ أَذْ ثشّذْ أَيْسُومْ.
DEU 12:28 حْضَا، ؤُ سڒْ إِ مَارَّا أَوَاڒنْ-أَ نِّي ذ أَشْ ؤُمُورغْ، حِيمَا أَذْ ثِيڒِيذْ مْلِيحْ، شكْ ذ إِحنْجِيرنْ نّشْ أَوَارْنِي أَشْ إِ ڒبْذَا، ؤُمِي غَا ثڭّذْ مِينْ إِشْنَانْ ذ مِينْ إِسڭّْذنْ ذِي ثِيطَّاوِينْ ن سِيذِي، أَربِّي نّشْ.“
DEU 12:29 ”خْمِي غَا إِثحَّا سِيذِي، أَربِّي نّشْ، ڒڭْنُوسْ مَانِي غَا ثْرَاحذْ حِيمَا أَذْ ثنْ ثكْسِيذْ ذ ڒْوَارْثْ ؤُشَا [خنِّي] شكْ أَذْ ثنْ ثكْسِيذْ ذ ڒْوَارْثْ ؤُشَا أَذْ ثْزذْغذْ ذِي ثمُّورْثْ نْسنْ،
DEU 12:30 حْضَا مَاحنْذْ وَارْ ثْضفَّارذْ أَوَارْنِي أَسنْ ذِي ڒْفخْ ذ إِشْثْ، أَوَارْنِي مَا أَذْ تّْوَاثحَّانْ زَّاثْ إِ وُوذمْ نّشْ، ؤُشَا أَذْ ثَارْزُوذْ خْ إِربِّيثنْ نْسنْ، أَذْ ثِينِيذْ: ’أَمْ مَامّشْ سخَّارنْ نِيثْنِي إِ إِربِّيثنْ نْسنْ، أَمُّو إِ غَا ڭّغْ ؤُڒَا ذ نشّْ.‘
DEU 12:31 وَارْ تّڭّْ أَمنِّي إِ سِيذِي، أَربِّي نّشْ، مِينْزِي مَارَّا مِينْ إِدْجَانْ ذ جّْعِيفشْثْ إِ سِيذِي ذ مِينْ إِشَارّهْ نتَّا، أَقَا ڭِّينْ ث نِيثْنِي إِ إِربِّيثنْ نْسنْ. عَاذْ سّْشمْضنْ إِحنْجِيرنْ نْسنْ ذ يسِّيثْسنْ ذِي ثْمسِّي إِ إِربِّيثنْ نْسنْ.“
DEU 13:1 ”مَارَّا أَوَاڒْ نِّي خْ كنِّيوْ وصِّيغْ، أَذْ ث ثحْضَامْ أَذْ زَّايسْ ثڭّمْ. وَارْ غَارسْ أَرنِّي ؤُ وَارْ زَّايسْ تّكّسْ.
DEU 13:2 مَاڒَا إِكَّارْ إِجّْ ن ؤُنَابِي نِيغْ إِجّْ ن ؤُمرْجِي ن ثِيرْجَا ذِي ڒْوسْطْ نّشْ ؤُشَا إِڭَّا شَا ن ڒعْڒَامثْ نِيغْ س شَا ن لْمُوعْجِيزَا غَاركْ،
DEU 13:3 ؤُشَا ڒعْڒَامثْ نِّي نِيغْ لْمُوعْجِيزَا نِّي خْ ذ أَشْ إِسِّيوڒْ ثمْسَارْ ؤُشَا [خنِّي] إِنَّا: ’أجّْ أَذْ نُويُورْ أَوَارْنِي إِ إِربِّيثنْ نّغْنِي!‘، إِنِّي وَارْ ثسِّينذْ، ؤُشَا: ’أجّْ أَنغْ أَذْ أَسنْ نعْبذْ!‘،
DEU 13:4 [خنِّي] وَارْ تّسْڒِي إِ وَاوَاڒنْ ن ؤُنَابِي نِّي نِيغْ ن ؤُمرْجِي ن ثِيرْجَا نِّي، مِينْزِي سِيذِي، أَربِّي نْومْ، إِتّْقدْجَابْ كنِّيوْ، حِيمَا أَذْ إِسّنْ مَا ثتّخْسمْ سِيذِي، أَربِّي نْومْ س مَارَّا ؤُڒْ نْومْ ؤُ س مَارَّا ڒعْمَارْ نْومْ.
DEU 13:5 أَذْ ثُويُورمْ أَوَارْنِي إِ سِيذِي، أَربِّي نْومْ، أَذْ زَّايسْ ثڭّْوْذمْ، أَذْ ثطّْفمْ ذِي ثْوصَّا نّسْ، أَذْ ثسْڒمْ إِ ثْمِيجَّا نّسْ، أَذْ أَسْ ثْسخَّارمْ ؤُ أَذْ ذَايسْ ثْڒصْقمْ.
DEU 13:6 إِتّْخصَّا أَذْ إِتّْوَانغْ ؤُنَابِي نِّي نِيغْ ؤُمرْجِي نِّي ن ثِيرْجَا، مِينْزِي إِسِّيوڒْ خْ ڒَاڭّْوَاجثْ خْ وبْرِيذْ ن سِيذِي، أَربِّي نْومْ - ونِّي كنِّيوْ إِسُّوفّْغنْ زِي ثمُّورْثْ ن مِيصْرَا، ذ ونِّي شكْ إِفْذِينْ زِي ثَادَّارْثْ ن ثسْمُوغِي - مَاحنْذْ أَذْ شكْ إِسُّوفّغْ زڭْ وبْرِيذْ نِّي خْ يُومُورْ سِيذِي، أَربِّي نّشْ، أَذْ [ذَايسْ] ثُويُورذْ. إِتّْخصَّا أَذْ ثكّْسذْ ڒْغَارْ زِي ڒْوسْطْ نّشْ.
DEU 13:7 مَاڒَا ؤُمَاشْ، مِّيسْ ن يمَّاشْ، نِيغْ مِّيشْ نِيغْ يدْجِيشْ نِيغْ ثَامْغَارْثْ ن وُوڒْ نّشْ نِيغْ أَمدُّوكّڒْ نّشْ نِّي إِ إِدْجَانْ أَمْ ڒعْمَارْ نّشْ، أَذْ شكْ إِغَارْ س ثْنُوفّْرَا أَذْ يِينِي: ’أجّْ أَنغْ أَذْ نُويُورْ أَذْ نْسخَّارْ إِ إِربِّيثنْ نّغْنِي!‘ إِنِّي وَارْ ثسِّينذْ شَا شكْ ؤُڒَا ذ ڒجْذُوذْ نّشْ،
DEU 13:8 إِنِّي إِدْجَانْ زڭْ إِربِّيثنْ ن ڒڭْنُوسْ إِ ذ أَشْ-د إِنّْضنْ، إِنِّي يُوذْسنْ نِيغْ إِنِّي خَاكْ إِڭّْوجنْ زِي طَّارْفْ ن ثمُّورْثْ أَڒْ طَّارْفْ نّغْنِي،
DEU 13:9 [خنِّي] وَارْ خَاسْ تّڭّْ شَا، وَارْ غَارسْ تّسْڒِي شَا. وَارْ ث أَرحّمْ شَا، وَارْ ذ أَشْ إِزِّيدْجِيزْ شَا نِيغْ أَذْ ث ثفَّارذْ،
DEU 13:10 مَاشَا إِتّْخصَّا أَذْ ث ثنْغذْ نِيشَانْ. أَفُوسْ نّشْ أَذْ خَاسْ يِيڒِي ذ أَمزْوَارُو، مَاحنْذْ أَذْ ث ثنْغذْ ؤُ خنِّي [أَذْ خَاسْ يِيڒِي] ؤُفُوسْ ن ڒْڭنْسْ مَارَّا.
DEU 13:11 أَذْ ث ثْحجَّارمْ س يژْرَا أَڒْ غَا إِمّثْ، مِينْزِي ثُوغَا يَارزُّو أَذْ شكْ إِسِّيڭّْوجْ خْ سِيذِي، أَربِّي نّشْ، ونِّي إِ شكْ د-إِسُّوفّْغنْ زِي ثمُّورْثْ ن مِيصْرَا، زِي ثَادَّارْثْ ن ثسْمُوغِي.
DEU 13:12 مَارَّا إِسْرَائِيل أَذْ سْڒنْ ؤُشَا أَذْ ڭّْوذنْ، [أَڒَامِي] وَارْ د-ذِيكّْوِيڒنْ أَذْ ڭّنْ ڒْغَارْ-أَ ذِي ڒْوسْطْ نّشْ.“
DEU 13:13 ”مَاڒَا ثسْڒِيذْ أَقَا قَّارنْ ذڭْ إِشْثنْ زِي ثْندَّامْ نِّي إِ ذ أَومْ غَا إِوْشْ سِيذِي حِيمَا أَذْ ذَايْسنْثْ ثْزذْغذْ:
DEU 13:14 ’أَقَا فّْغنْ-د زِي ڒْوسْطْ نْومْ يرْيَازنْ، أَيْثْ إِ وَارْ إِسكّْوِينْ، ؤُشَا سّْغكّْوَانْ إِمزْذَاغْ ن ثنْذِينْثْ نْسنْ، قَّارنْ: أجّْ أَذْ نْرَاحْ أَذْ نعْبذْ إِربِّيثنْ نّغْنِي، إِنِّي وَارْ ثسِّينمْ!‘،
DEU 13:15 [خنِّي] أَذْ ثَارْزُوذْ ؤُ أَذْ ثسّقْسِيذْ مْلِيحْ، ؤُ خْزَارْ، مَاڒَا ثُوفِيذْ ثَامسْڒَاشْثْ نِّي ثْبدّْ خْ ثِيذتّْ، أَقَا جّْعِيفشْثْ نِّي ثتّْوَاڭّْ ذِي ڒْوسْطْ نّشْ،
DEU 13:16 [ڒخْذنِّي] أَذْ ثڭّذْ إِشْثْ ن ثشْثِي إِ إِمزْذَاغْ ن ثنْذِينْثْ س ڒقْضعْ ن سِّيفْ. أَذْ ت ثْحَارّْمذْ إِ ؤُثحِّي س مَارَّا مِينْ ذَايسْ، ؤُڒَا ذ ڒبْهَايمْ نّسْ، س ڒقْضعْ ن سِّيفْ.
DEU 13:17 أَذْ ثسّْمُونذْ مَارَّا ثَاكشَّاضْثْ نّسْ غَارْ ڒْوسْطْ ن وَازَّايْ نّسْ، أَذْ ثسّشْمضْ ثَانْذِينْثْ س ثْمسِّي أَكْ-ذ مَارَّا ثَاكشَّاضْثْ إِ ذَايسْ، إِ سِيذِي، أَربِّي نّشْ، ؤُشَا أَذْ ثذْوڒْ [ثنْذِينْثْ] ذ إِشْثْ ن ڒْخَارْبثْ إِ ڒبْذَا،عمَّارْصْ أَذْ ثتّْوَابْنَا عَاوذْ.
DEU 13:18 وَارْ تّجِّي مِينْ إِتّْوَاحَارّْمنْ [إِ ؤُثحِّي] أَذْ إِقِّيمْ إِڒصّقْ جَارْ إِفَاسّنْ نّشْ، حِيمَا سِيذِي أَذْ [خَاكْ] إِسِّيڭّْوجْ ڒْحَاذُوقْ ن وغْضَابْ نّسْ ؤُشَا أَذْ أَشْ إِوْشْ أَرّحْمثْ، أَذْ شكْ يَارْحمْ أَذْ شكْ يَارْنِي، أَمْ مَامّشْ إِجُّودْجْ إِ ڒجْذُوذْ نّشْ،
DEU 13:19 خْمِي غَا ثسْڒذْ غَارْ ثْمِيجَّا ن سِيذِي، أَربِّي نّشْ، حِيمَا أَذْ ثحْضِيذْ مَارَّا ثِيوصَّا نّسْ، ثِينِّي إِ خْ ذ أَشْ وصِّيغْ أَسّْ-أَ، ؤُ حِيمَا أَذْ ثڭّذْ مِينْ إِسڭّْذنْ ذِي ثِيطَّاوِينْ ن سِيذِي، أَربِّي نّشْ.“
DEU 14:1 ”كنِّيوْ ذ إِحنْجِيرنْ ن سِيذِي، أَربِّي نْومْ. وَارْ خبّْشمْ شَا خْ [أَرِّيمثْ] نْومْ، وَارْ ثْقشَّارمْ شَا جَارْ ثِيطَّاوِينْ نْومْ ذِي سِّيبّثْ ن إِجّْ ن ؤُمتِّينْ.
DEU 14:2 مِينْزِي أَقَا شكْ ذ إِجّْ ن ڒْڭنْسْ إِقدّسْ غَارْ سِيذِي، أَربِّي نّشْ، ؤُشَا سِيذِي إِفَارْزْ شكْ حِيمَا أَذْ أَسْ ثِيڒِيذْ ذ ڒْڭنْسْ إِغْڒَانْ زِي مَارَّا ڒڭْنُوسْ إِ إِدْجَانْ خْ ثمُّورْثْ.
DEU 14:3 وَارْ تّتّْ زِي كُوڒْشِي مِينْ إِدْجَانْ ذ جّْعِيفشْثْ.
DEU 14:4 أَقَا ذ إِنَا ذ إِمُودَّارنْ إِ إِعدّڒْ أَذْ ثنْ ثشّمْ: أَفُونَاسْ، إِجّنْ زڭْ إِحُوڒِييّنْ، إِجّنْ زڭْ إِغَايْضنْ،
DEU 14:5 ؤُذَاذْ، إِغَايْضْ ن وزْغَارْ، إِزرْزرْ، إِغَايْضْ أَكْ-ذ وَاشَّاونْ إِمقّْرَاننْ، أَملَّالْ، أَفُونَاسْ ن ڒخْڒَا ذ إِغَايْضْ ن إِذُورَارْ.
DEU 14:6 إِعدّڒْ أَذْ ثشّمْ مَارَّا ڒْمَاڒْ إِ غَارْ إِدْجَا ثْڒقَّا ن ثشْضشْثْ إِمّْسبْضَانْ، ثَاشْضشْثْ إِمّْسبْضَانْ خْ ثْنَاينْ، ؤُ [سنّجْ إِ مَانْ أَيَا] تَّارَّانْ إِفژْ جَارْ ڒْمَاڒْ.
DEU 14:7 مَاشَا زڭْ إِنِّي إِتَّارَّانْ إِفژْ ذ يِينِّي إِ غَارْ ثدْجَا ثشْضشْثْ إِمّْسبْضَانْ قَاعْ خْ ثْنَاينْ، وَارْ إِعدّڒْ أَذْ ثشّمْ إِنَا: أَڒْغمْ، ذ ؤُيَارْزِيزْ ذ ؤُكَاوْكَا ن ثصْضَارْثْ مِينْزِي تّفّْژنْ، [مَاشَا] وَارْ غَارْسنْ بُو ثشْضشْثْ إِمّْسبْضَانْ، ؤُ [خنِّي] أَذْ غَارْومْ إِڒِينْ خمْجنْ.
DEU 14:8 [أَمُّو ؤُڒَا ذ] إِڒفْ، وَاخَّا غَارسْ ثَاشْضشْثْ إِمّْسبْضَانْ، وَارْ إِتَّارِّي إِفژْ، [س ؤُينِّي] أَذْ غَارْومْ يِيڒِي إِخْمجْ. وَارْ تّتّمْ شَا زڭْ ويْسُومْ نّسْ، وَارْ تّْحَاذَامْ شَا ڒْخشْبَاثْ نْسنْ.
DEU 14:9 إِعدّڒْ أَذْ ثشّمْ إِنَا زِي مَارَّا مِينْ إِدْجَانْ ذڭْ وَامَانْ: مَارَّا وِي غَارْ إِدْجَا وَافْرِيونْ ذ ثقْشُورْثْ إِعدّڒْ أَذْ ثنْ ثشّمْ.
DEU 14:10 [مَاشَا] مَارَّا مِينْ وَارْ غَارْ دْجِينْ وَافْرِيونْ نِيغْ ثَاقْشُورْثْ، وَارْ إِعدّڒْ أَذْ ثنْ ثشّمْ، أَذْ غَارْومْ إِڒِينْ خمْجنْ.
DEU 14:11 مَارَّا إِجْضَاضْ إِزْذِيڭنْ إِعدّڒْ أَذْ ثنْ ثشّمْ،
DEU 14:12 [مَاشَا] وَارْ إِعدّڒْ أَذْ زَّايْسنْ ثشّمْ إِنَا: أَڭِيذرْ، إِسْغِي، أَڭِيذرْ ن ڒبْحَارْ،
DEU 14:13 بُو-ڒْْخژْرَاثْ ذ أَمسْغُويْ [أَمُوقْضِيعْ ن ثِيطَّاوِينْ] ذ بُو-ؤُمطَّاوْ س ثَازْڒَا أَكْ-ذ مَارَّا مَارْكَاثْ نّسْ،
DEU 14:14 مَارَّا مَارْكَاثْ ن ؤُبَاغڒْ،
DEU 14:15 يدْجِيسْ ن بُوهيَّافْ، أَعنَّافْ، أَجْضِيضْ ن ڒبْحَارْ، ڒْبَازْ أَكْ-ذ مَارْكَاثْ نّسْ،
DEU 14:16 [أَحمَّاڒْ ن] ڒْكَاسْ، بُو-ؤُسُوضِي [ن ڒْموْثْ]، بُو-يُونْثَاحْ،
DEU 14:17 بُو-ؤُعُوقِّي، بُو-ؤُحَاوَاڒْ، بُو-ثْشَارَارُّوثْ،
DEU 14:18 أَبلَّارْجْ، بُو-ؤُسُوضِي إِعفّْننْ أَكْ-ذ مَارْكَاثْ نّسْ، ذُونْذُونْ ذ ڒْوضْوَاضْ.
DEU 14:19 مَارَّا مِينْ غَارْ إِدْجَا وَافْرِيونْ نِّي إِتّْبُوعنْ أَذْ غَارْومْ يِيڒِي إِخْمجْ. وَارْ إِعدّڒْ أَذْ تّْوَاشّنْ.
DEU 14:20 مَارَّا إِجْضَاضْ إِزْذِيڭنْ إِعدّڒْ أَذْ ثنْ ثشّمْ.
DEU 14:21 وَارْ إِعدّڒْ أَذْ ثشّمْ ؤُڒَا زڭْ إِشْثْ ن ڒْخشْبثْ. أَذْ ت ثوْشذْ إِ ؤُبَارَّانِي نِّي [إِدْجَانْ] ذَاخڒْ إِ ثوُّورَا نّشْ، حِيمَا أَذْ زَّايسْ يشّْ، نِيغْ أَذْ ت ثزّنْزذْ إِ ؤُبَارَّانِي، مِينْزِي شكْ ذ إِجّْ ن ڒْڭنْسْ ذ أَمْقدَّاسْ إِ سِيذِي، أَربِّي نّشْ.“ ”وَارْ سْننِّي إِغَايْضْ ذ أَمژْيَانْ ذڭْ ؤُغِي ن يمَّاسْ.“
DEU 14:22 أَذْ ثْعشَّارذْ نِيشَانْ مَارَّا ڒْغِيدْجثْ ن زَّارِيعثْ نِّي إِتّجَّا إِيَّارْ نّشْ زڭْ ؤُسڭّْوَاسْ غَارْ ؤُسڭّْوَاسْ [نّغْنِي].
DEU 14:23 أَذْ ثشّذْ ڒعْشُورْ ن إِرْذنْ نّشْ، ن بِينُو نّشْ ن جْذِيذْ، ن زّشْثْ نّشْ [ن طّْرِي]، ؤُڒَا ن إِمنْزَا ن ڒبْهَايمْ نّشْ ؤُ ن وُودْجِي نّشْ زَّاثْ إِ وُوذمْ ن سِيذِي، أَربِّي نّشْ، ذڭْ ومْشَانْ إِ غَا يِيخْضَارْ نتَّا مَاحنْذْ أَذْ ذِينْ إِزمّمْ إِسمْ نّسْ، حِيمَا أَذْ ثْڒمْذذْ أَذْ ثڭّْوذذْ سِيذِي، أَربِّي نّشْ كُوڒْ أَسّْ.
DEU 14:24 مَاڒَا أَبْرِيذْ إِزُّوڭَّارْثْ خَاكْ أَطَّاسْ، أَڒْ غَا ثَافذْ وَارْ ثْزمَّارذْ أَذْ ثَاوْيذْ [ڒعْشُورْ] ذِينْ، مِينْزِي أَمْشَانْ نِّي يِيخْضَارْ سِيذِي، أَربِّي نّشْ، حِيمَا أَذْ ذِينْ إِزمّْ إِسمْ نّسْ، إِدْجَانْ إِڭّْوجْ خَاكْ أَطَّاسْ، [ؤُشَا] مَاڒَا [خنِّي] سِيذِي، أَربِّي نّشْ إِبَاركْ إِ شكْ،
DEU 14:25 قْڒبْ إِ-ثنْ [خنِّي] ذ [ثْمنْيَاثْ ن] نُّوقَارْثْ ؤُشَا ؤُيُورْ س ثْكمُّوسْثْ ن ثْمنْيَاثْ ذڭْ ؤُفُوسْ نّشْ غَارْ ومْشَانْ نِّي إِ غَا يِيخْضَارْ سِيذِي، أَربِّي نّشْ،
DEU 14:26 أَذْ ثْصَارْفذْ ثْمنْيَاثْ نِّي خْ مَارَّا مِينْ ذِي إِمّژْرِي وُوڒْ نّشْ، خْ إِفُونَاسنْ ذ ثْفُونَاسِينْ، خْ وُودْجِي، خْ بِينُو، خْ شّْرَابْ نِيغْ خْ مِينْ مَا إِخْسْ وُوڒْ نّشْ ؤُشَا أَذْ ثشّذْ ذِينْ زَّاثْ إِ وُوذمْ ن سِيذِي، أَربِّي، أَذْ ثْفَارْحذْ، شكْ ذ [ڒَْادْجْ ن] ثَادَّارْثْ نّشْ.“
DEU 14:27 ”وَارْ سمّحْ شَا ذِي أَلَاوِي نِّي إِزدّْغنْ غَارْ ذَاخڒْ إِ ثوُّورَا نّشْ، مِينْزِي وَارْ غَارسْ بُو ثَاسْغَارْثْ نِيغْ ڒْوَارْثْ أَكِيذكْ.
DEU 14:28 غَارْ ؤُنڭَّارْ ن ثْڒَاثَا ن إِسڭّْوُوسَا أَذْ ثسُّوفّْغذْ مَارَّا ڒعْشُورْ ن ڒْغِيدْجثْ ذڭْ ؤُسڭّْوَاسْ نِّي ؤُشَا أَذْ ثنْ ثْخزْنذْ جَارْ ذَاخڒْ ن ثوُّورَا نّشْ.
DEU 14:29 [خنِّي] أَلَاوِي أَذْ د-يَاسْ، مِينْزِي وَارْ غَارسْ ثدْجِي ثسْغَارْثْ نِيغْ ڒْوَارْثْ أَكِيذكْ، ؤُڒَا ذ أَبَارَّانِي ذ ؤُيُوجِيڒْ ذ ثَاجَّاتْشْ نِّي إِدْجَانْ غَارْ ذَاخڒْ إِ ثوُّورَا نّشْ ؤُشَا أَذْ شّنْ، أَذْ جِّيوْننْ، حِيمَا [خنِّي] سِيذِي، أَربِّي نّشْ، أَذْ أَشْ إِبَاركْ ذِي مَارَّا ڒْخذْمثْ إِ غَا ثڭّذْ س ؤُفُوسْ نّشْ.“
DEU 15:1 ”غَارْ ؤُنڭَّارْ ن سبْعَا ن إِسڭّْوُوسَا أَذْ يِيڒِي إِجّْ ن وسْمَاحْ ن إِمرْوُوسَا.
DEU 15:2 ثَا ذ ثَامسْڒَاشْثْ ن ؤُفكِّي زڭْ إِمرْوُوسَا: كُوڒْ بَابْ ن ؤُمَارْوَاسْ، ونِّي يَارضْڒنْ زڭْ ؤُفُوسْ نّسْ إِ جَّارْ نّسْ، أَذْ [أَسْ] إِسمْحْ إِ ؤُمَارْوَاسْ. وَارْ إِتّتَّارْ شَا أَمَارْوَاسْ زڭْ جَّارْ نّسْ ؤُڒَا زڭْ ؤُمَاسْ، مِينْزِي إِتّْوَابَارّحْ س ؤُفكِّي ن إِمرْوُوسَا إِ سِيذِي.
DEU 15:3 إِعدّڒْ أَذْ ثْڒَاغِيذْ أَبَارَّانِي خْ ؤُمَارْوَاسْ، [مَاشَا] مِينْ إِدْجَانْ نّشْ غَارْ ؤُمَاشْ، [ذ مَانْ أَيَا] أَذْ ذَايسْ إِسْمحْ ؤُفُوسْ نّشْ.
DEU 15:4 أَقَا وَارْ إِتّْخصِّي شَا أَذْ غَاركْ يِيڒِي ؤُڒَا ذ إِجّْ ن ؤُمزْڒُوضْ، مِينْزِي سِيذِي أَذْ شكْ إِبَاركْ أَطَّاسْ ذِي ثمُّورْثْ نِّي إِ ذ أَشْ غَا إِوْشْ، سِيذِي، أَربِّي نّشْ، ذ ثَاسْغَارْثْ إِ غَا ثْوَارْثذْ،
DEU 15:5 مَاڒَا [خنِّي] ثسْڒِيذْ س ثيْنِيثْ غَارْ ثْمِيجَّا ن سِيذِي، أَربِّي نّشْ، حِيمَا أَذْ ثحْضِيذْ ؤُشَا أَذْ ثڭّذْ مَارَّا ثِيوصَّا-يَا، ثِينِّي خْ ذ أَشْ وصِّيغْ أَسّْ-أَ.
DEU 15:6 مِينْزِي سِيذِي، أَربِّي نّشْ، أَذْ أَشْ إِبَاركْ أَمْ مَامّشْ ثُوغَا ذ أَشْ إِنَّا، ؤُشَا أَطَّاسْ ن ڒڭْنُوسْ أَذْ خَاكْ أَرْضْڒنْ س وضْمَانْ، مَاشَا شكْ وَارْ ثَارطّْڒذْ وَالُو س وضْمَانْ [خْ ؤُڒَا ذ يِيجّنْ زَّايْسنْ]. شكْ أَذْ ثْحكْمذْ خْ وَاطَّاسْ ن ڒڭْنُوسْ، مَاشَا نِيثْنِي وَارْ خَاكْ حكّْمنْ شَا.“
DEU 15:7 ”خْمِي [ذِينْ] غَاركْ غَا يِيڒِي إِجّْ ن ؤُمزْڒُوضْ، إِجّْ زڭْ أَيْثْمَاشْ، غَارْ ذَاخڒْ إِ يِيشْثْ زِي ثوُّورَا ن ثمُّورْثْ نّشْ نِّي إِ ذ أَشْ غَا يوْشْ سِيذِي، أَربِّي نّشْ، [خنِّي] وَارْ سّقْسَاحْ شَا ؤُڒْ نّشْ ؤُ وَارْ تّْزيَّارْ شَا أَفُوسْ نّشْ خْ ؤُمَاشْ نِّي إِزڒْضنْ،
DEU 15:8 مَاشَا أَذْ أَسْ ثَارْزْمذْ أَفُوسْ نّشْ س وشْرِيمْ ؤُ أَذْ أَسْ ثَارضْڒذْ س وضْمَانْ، عْلَاحْسَابْ مِينْ إِحْوَاجْ ذڭْ ؤُزيَّارْ نّسْ.
DEU 15:9 حْضَا، وَارْ إِتِّيڒِي ذڭْ وُوڒْ نّشْ ؤُڒَا ذ إِجّْ ن ؤُخَارِّيصْ بَاطڒْ، ثقَّارذْ [ذڭْ يِيخفْ نّشْ]: ’أَقَا يُوذسْ-د ؤُسڭّْوَاسْ وِيسّْ سبْعَا، أَسڭّْوَاسْ ن ؤُفكِّي ن إِمرْوُوسَا!‘، ؤُشَا [خنِّي] أَذْ ثخْزَارذْ س ثِيطَّاوِينْ إِخيّْقنْ خْ ؤُمَاشْ نِّي إِ ذِي إِدْجَا زّڒْضْ ؤُشَا وَارْ ذ أَسْ ثتِّيشذْ وَالُو ؤُ نتَّا أَذْ زَّايكْ إِشثْشَا غَارْ سِيذِي ؤُشَا أَذْ خَاكْ يِيڒِي دّنْبْ.
DEU 15:10 إِتّْخصَّا أَذْ أَسْ ثوْشذْ ذغْيَا، وَارْ إِتِّيڒِي ؤُخيّقْ ذڭْ وُوڒْ نّشْ خْمِي إِ ذ أَسْ غَا ثوْشذْ، مِينْزِي خْ ؤُيَا أَذْ أَشْ إِبَاركْ سِيذِي، أَربِّي نّشْ، ذِي مَارَّا ڒْخذْمثْ نّشْ ؤُ ذِي مَارَّا مَانِي غَا يَاوضْ ؤُفُوسْ نّشْ.
DEU 15:11 مِينْزِي أَمژْڒُوضْ وَارْ إِتّْوَامحِّي زِي ثمُّورْثْ. خْ ؤُيَا نشّْ ؤُمُورغْ شكْ، قَّارغْ: أَرْزمْ أَفُوسْ نّشْ أَڒْ طَّارْفْ إِ ؤُمَاشْ، إِ ونِّي إِتّْوَاحْصَارنْ ؤُ إِ ؤُمزْڒُوضْ نِّي [إِدْجَانْ] ذِي ثمُّورْثْ نّشْ.“
DEU 15:12 ”مَاڒَا ؤُمَاشْ، إِجّْ ن ؤُعِيبْرَانِي نِيغْ إِشْثْ ن ثْعِيبْرَانشْثْ، إِتّْوَازّنْزْ غَاركْ، [خنِّي] أَذْ أَشْ إِخْذمْ ستَّا ن إِسڭّْوُوسَا، [مَاشَا] ذڭْ ؤُسڭّْوَاسْ وِيسّْ سبْعَا أَذْ أَسْ ثْسَارّْحذْ أَذْ أَسْ ثَارْخُوذْ زِي غَاركْ س ثْڒلِّي.
DEU 15:13 خْمِي إِ ذ أَسْ غَا ثْسَارّْحذْ، [خنِّي] وَارْ ث تّجِّي أَذْ إِرَاحْ س [إِفَاسّنْ] خْوَانْ.
DEU 15:14 [أَخْمِي] ذ أَسْ غَا ثڭّذْ ثِيسدّشْثْ [أَمُّو إِ ذ أَسْ غَا ثڭّذْ إِشْثْ ن ثوْهِيبْثْ] زڭْ وُودْجِي ؤُ زڭْ ؤُنذْرَارْ ؤُ زِي ثْسِيرْثْ [ن ؤُضِيڒْ]. س مِينْ ذ أَشْ إِبَاركْ سِيذِي، أَربِّي نّشْ، أَذْ أَسْ ثوْشذْ إِ نتَّا.
DEU 15:15 أَذْ ثِيذَارذْ بلِّي ثُوغَا شكْ ذ إِسْمغْ ذِي ثمُّورْثْ ن مِيصْرَا ؤُشَا سِيذِي، أَربِّي نّشْ، أَقَا إِفْذِي خَاكْ. خْ ؤُيَا، نشّْ ؤُمُورغْ شكْ ثِيوصَّا-يَا أَسّْ-أَ.
DEU 15:16 مَاڒَا نتَّا إِنَّا أَشْ: ’وَارْ خَاكْ تَّاڭّْوْجغْ!‘، مِينْزِي إِتّخْسْ إِ شكْ ذ [ڒَْادْجْ ن] ثَادَّارْثْ نّشْ، مِينْزِي أَقَا نتَّا مْلِيحْ غَاركْ،
DEU 15:17 خنِّي أَذْ ثكْسِيذْ إِجّْ ن ؤُسِييْنِي ؤُشَا أَذْ ثسّْنُوقّبْ أَمزُّوغْ نّسْ ؤُڒَا ذ ثوَّارْثْ ؤُشَا [أَمُّو إِ] غَا يِيڒِي ذ إِسْمغْ نّشْ إِ ڒبْذَا ؤُ أَمُّو إِ غَا ثڭّذْ [عَاوذْ] س ثَايَّا نّشْ.
DEU 15:18 وَارْ د-إِتّْبِينْ إِقْسحْ ذِي ثِيطَّاوِينْ نّشْ، خْمِي ث غَا ثسّكّذْ ذِي ثْڒلِّي، مِينْزِي ثُوغَا إِسخَّارْ إِ شكْ ستَّا ن إِسڭّْوُوسَا، يَاربّحْ إِ شكْ ڒخْڒَاصْ ن إِجّْ ن ؤُشوَّاڒْ ثْنَاينْ ن ثْسقَّارْ. [أَمُّو] إِ شكْ غَا إِبَاركْ سِيذِي، أَربِّي نّشْ، ذِي مَارَّا مِينْ غَا ثڭّذْ.“
DEU 15:19 ”أَذْ ثسّْقدّْسذْ إِ سِيذِي، أَربِّي نّشْ، مَارَّا إِمنْزَا إِوثْمَانْ نِّي د-إِتّْوَاخڒْقنْ جَارْ إِفُونَاسنْ ذ ثْفُونَاسِينْ نّشْ ذ وُودْجِي نّشْ. وَارْ إِعدّڒْ أَذْ ثسّْخذْمذْ أَمنْزُو ن إِفُونَاسنْ نّشْ ؤُشَا أَمنْزُو ن وُودْجِي نّشْ وَارْ ث تّدْجَاسْ.
DEU 15:20 أَسڭّْوَاسْ أَوَارْنِي إِ ؤُسڭّْوَاسْ أَذْ ثنْ ثشّذْ، شكْ ذ [ڒَْادْجْ ن] ثَادَّارْثْ نّشْ، زَّاثْ إِ وُوذمْ ن سِيذِي، أَربِّي نّشْ، ذڭْ ومْشَانْ إِ غَا يِيخْضَارْ سِيذِي.
DEU 15:21 مَاشَا مَاڒَا ثُوغَا ذَايسْ ڒْعِيبْ، ثُوغَا-ث ذ أَقِيذَارْ نِيغْ ذ أَذَارْغَاڒْ نِيغْ مِينْ مَا ڒْعِيبْ أَعفَّانْ [إِ غَارسْ إِدْجَانْ]، وَارْ ذ أَسْ غَارّصْ شَا إِ سِيذِي، أَربِّي نّشْ.
DEU 15:22 ذَاخڒْ إِ ثوُّورَا نّشْ أَذْ زَّايسْ ثشّذْ، أَمْ ؤُمخْمُوجْ أَمْ ؤُمزْذَاڭْ، أَمْ مَامّشْ [إِ غَا ثشّذْ] زڭْ إِغَايْضْ ن وزْغَارْ ؤُ زڭْ ؤُذَاذْ.
DEU 15:23 مْغِيرْ إِذَامّنْ نّسْ، وَارْ ثنْ تّتّْ شَا، أَذْ ثنْ ثْفَارّْغذْ خْ ثمُّورْثْ أَمْ وَامَانْ.“
DEU 16:1 ”حْضَا أَيُورْ ن أَبِيبْ، أَذْ ثسّْوجْذذْ ثَاغَارْصْثْ ن ؤُسعْذُو إِ سِيذِي، أَربِّي نّشْ، مِينْزِي ذڭْ ؤُيُورْ ن أَبِيبْ إِسُّوفّغْ إِ شكْ-د سِيذِي، أَربِّي نّشْ، زِي ثمُّورْثْ ن مِيصْرَا س دْجِيڒثْ.
DEU 16:2 أَذْ ثْغَارْصذْ إِ [ثَاغَارْصْثْ ن] ؤُسعْذُو إِ سِيذِي، أَربِّي نّشْ، ؤُدْجِي ذ إِفُونَاسنْ ذ ثْفُونَاسِينْ ذڭْ ومْشَانْ نِّي إِ غَا يِيخْضَارْ سِيذِي، مَاحنْذْ أَذْ ذِينْ إِسّزْذغْ إِسمْ نّسْ.
DEU 16:3 وَارْ كِيسْ تّتّْ شَا س ونْثُونْ. سبْعَا ن وُوسَّانْ أَذْ كِيسْ ثشّذْ أَغْرُومْ بْڒَا أَنْثُونْ، أَغْرُومْ ن ثَامَارَا، مِينْزِي ذغْيَا ثفّْغذْ زِي ثمُّورْثْ ن مِيصْرَا، حِيمَا أَذْ ثْعقْڒذْ خْ وَاسّْ إِ د-تّفّْغذْ زِي مِيصْرَا مَارَّا ؤُسَّانْ ن ثُوذَارْثْ نّشْ.
DEU 16:4 وَارْ كِيكْ إِتّمْژَارْ ونْثُونْ ذِي مَارَّا جِّيهثْ نّشْ سبْعَا ن وُوسَّانْ ؤُشَا زڭْ ويْسُومْ نِّي إِ ثْغَارْصذْ غَارْ ؤُعشِّي ن وَاسّْ أَمزْوَارُو، وَارْ إِتّْنُوسِي شَا أَڒْ ثِيوشَّا نّسْ.
DEU 16:5 وَارْ إِحدْجڒْ أَذْ ثْغَارْصذْ إِ [ثْغَارْصْطْ ن] ؤُسعْذُو غَارْ ذَاخڒْ إِ يِيشْثْ ن ثوُّورَا [ن ثْندَّامْ] إِ ذ أَشْ غَا يوْشْ سِيذِي، أَربِّي نّشْ،
DEU 16:6 مَاشَا ذڭْ ومْشَانْ نِّي إِ غَا يِيخْضَارْ سِيذِي، أَربِّي نّشْ، حِيمَا أَذْ ذِينْ إِسِّيزْذغْ إِسمْ نّسْ، ذِينْ إِ إِتّْخصَّا أَذْ ثْغَارْصذْ إِ [ثْغَارْصْثْ ن] ؤُسعْذُو غَارْ ؤُعشِّي خْمِي غَا ثغْڒِي ثْفُوشْثْ ذِي ثْسَاعّثْ نِّي ذِي ثفّْغذْ زِي مِيصْرَا.
DEU 16:7 ؤُشَا أَذْ ت ثسّنْڭْوذْ أَذْ ت ثشّذْ ذڭْ ومْشَانْ نِّي إِ غَا يِيخْضَارْ سِيذِي، أَربِّي نّشْ. غَارْ صّْبحْ [أَوَارْنِي أَسْ] أَذْ ثْعقْبذْ ؤُشَا أَذْ ثْرَاحذْ غَارْ إِقِيضَانْ نّشْ.
DEU 16:8 ستَّا ن وُوسَّانْ أَذْ ثشّذْ أَغْرُومْ بْڒَا أَنْثُونْ ؤُشَا ذڭْ وَاسّْ وِيسّْ سبْعَا أَذْ يِيڒِي إِجّْ ن ؤُمُونِي إِفَارْزنْ إِ سِيذِي، أَربِّي نّشْ. [خنِّي] وَارْ إِحدْجڒْ أَذْ ثڭّذْ ؤُڒَا ذ إِشْثْ ن ڒْخذْمثْ [إِ إِتّْخصَّا أَذْ ثتّْوَاڭّْ].“
DEU 16:9 ”أَذْ ثْحسْبذْ سبْعَا ن سِّيمَانَاثْ إِ يِيخفْ نّشْ. زڭْ وَامِي [إِ غَا ثبْذِيذْ أَذْ ثڭّذْ] أَمْجَارْ ذڭْ إِمنْذِي إِبدّنْ، أَذْ ثبْذِيذْ أَذْ ثْحسْبذْ سبْعَا ن سِيمَانَاثْ.
DEU 16:10 [خَاسْ ؤُشَا] أَذْ ثڭّذْ ڒْعِيذْ ن سِّيمَانَاثْ إِ سِيذِي، أَربِّي نّشْ. أَذْ ثوْشذْ إِشْثْ ن صّذْقثْ س ڒْخَاضَارْ زڭْ ؤُفُوسْ نّشْ أَمْ مَامّشْ شكْ إِبَاركْ سِيذِي، أَربِّي نّشْ.
DEU 16:11 أَذْ ثْفَارْحذْ زَّاثْ إِ وُوذمْ ن سِيذِي، أَربِّي نّشْ، شكْ، مِّيشْ، يدْجِيشْ، إِسْمغْ نّشْ، ثَايَّا نّشْ، أَلَاوِي نِّي [إِتّْغِيمَانْ] ذَاخڒْ إِ ثوُّورَا نّشْ، أَبَارَّانِي، أَيُوجِيڒْ ذ ثَاجَّاتْشْ نِّي إِدْجَانْ ذِي ڒْوسْطْ نّشْ، ذڭْ ومْشَانْ نِّي إِ غَا يِيخْضَارْ سِيذِي، أَربِّي نّشْ، حِيمَا أَذْ ذِينْ إِسّزْذغْ إِسمْ نّسْ.
DEU 16:12 أَذْ ثْعقْڒذْ بلِّي ثُوغَا شكْ ذ إِسْمغْ ذِي مِيصْرَا ؤُشَا إِتّْخصَّا أَذْ ثحْضِيذْ ثِيوصَّا-يَا ؤُ أَذْ ثنْ ثڭّذْ.“
DEU 16:13 ”أَذْ ثْعيّْذذْ ڒْْعِيذْ ن إِعُوشُّوثنْ سبْعَا ن وُوسَّانْ، خْمِي ثْكمّْڒذْ أَسْمُونِي ن صَّابثْ ن ؤُنذْرَارْ نّشْ ذ ؤُژمِّي ن ثْسِيرْثْ نّشْ [ن ؤُضِيڒْ].
DEU 16:14 ؤُشَا أَذْ ثْفَارْحذْ ذِي ڒْعِيذْ نّشْ، شكْ، مِّيشْ، يدْجِيشْ، إِسْمغْ نّشْ، ثَايَّا نّشْ، أَلَاوِي، أَبَارَّانِي، أَيُوجِيڒْ ذ ثَاجَّاتْشْ نِّي [إِتّْغِيمَانْ] ذَاخڒْ إِ ثوُّورَا نّشْ.
DEU 16:15 سبْعَا ن وُوسَّانْ أَذْ ثْعيّْذذْ إِ سِيذِي، أَربِّي نّشْ، ذڭْ ومْشَانْ نِّي إِ غَا يِيخْضَارْ سِيذِي، مِينْزِي سِيذِي، أَربِّي نّشْ، أَذْ شكْ إِبَاركْ ذِي مَارَّا ڒْغِيدْجثْ نّشْ ؤُ ذِي مَارَّا ڒْخذْمثْ ن إِفَاسّنْ نّشْ ؤُشَا أَذْ ثْفَارْحذْ س ثِيذتّْ!“
DEU 16:16 ”ثْڒَاثَا ن ثْوَاڒَاوِينْ ذڭْ ؤُسڭّْوَاسْ أَذْ د-بَاننْ مَارَّا إِوثْمَانْ نّشْ زَّاثْ إِ وُوذمْ ن سِيذِي، أَربِّي نّشْ، ذڭْ ومْشَانْ نِّي إِ غَا يِيخْضَارْ نتَّا: ذِي ڒْعِيذْ ن وغْرُومْ بْڒَا أَنْثُونْ، ذِي ڒْعِيذْ ن سِّيمَانَاثْ، ذِي ڒْعِيذْ ن إِعُوشُّوثنْ. وَارْ د-إِتّْبِينْ ؤُڒَا ذ إِجّْ [س إِفَاسّنْ] خْوَانْ زَّاثْ إِ وُوذمْ ن سِيذِي.
DEU 16:17 كُوڒْ أَرْيَازْ [أَذْ إِوْشْ] أَمْ مَامّشْ ذ أَسْ إِمّوْشنْ ذڭْ ؤُفُوسْ نّسْ، أَنشْثْ ن لْبَارَاكَا إِ ذ أَشْ إِوْشَا سِيذِي، أَربِّي نّشْ.
DEU 16:18 أَذْ ثْفَارْنذْ ڒْقُوضَاثْ ذ إِمحْضَاينْ غَارْ ذَاخڒْ إِ ثوُّورَا نِّي ذ أَشْ غَا إِوْشْ سِيذِي، أَربِّي نّشْ، جَارْ [مَارَّا] ثِيقبَّاڒْ نّشْ. نِيثْنِي أَذْ حكْمنْ [جَارْ] ڒْڭنْسْ س إِشْثْ ن ڒحْكَامثْ إِسڭّْذنْ.
DEU 16:19 وَارْ تّفّغْ شَا خْ وبْرِيذْ ن ثِيذتّْ، وَارْ تّڭّْ س وُوذْمَاونْ [خْمِي غَا ثْحكْمذْ]. وَارْ تّطّفْ شَا أَرّشْوثْ، مِينْزِي أَرّشْوثْ ثسّْذَارْغَاڒْ ثِيطَّاوِينْ ن يِينِّي إِحكّْمنْ ؤُ ثسّْفَارَّاغْ أَوَاڒنْ ن يِينِّي إِقَّارنْ ثِيذتّْ.
DEU 16:20 ثَاسڭْذَا [ؤُشَا عَاوذْ] ثَاسڭْذَا أَذْ ثضْفَارذْ، حِيمَا أَذْ ثدَّارذْ ؤُشَا أَذْ ثْوَارْثذْ ثَامُّورْثْ نِّي إِ ذ أَشْ غَا إِوْشْ سِيذِي، أَربِّي نّشْ.
DEU 16:21 وَارْ تّڭّْ شَا ثَاربِّيثْ ن شْوَارْثِي زِي شَا ن ثْشجَّارْثْ زَّاثْ إِ ؤُعَالْطَارْ ن سِيذِي، أَربِّي نّشْ، ونِّي غَا ثڭّذْ.
DEU 16:22 وَارْ سّْڭعَّاذْ أَميْضَا [إِقدّْسنْ] إِ يِيخفْ نّشْ، مِينْزِي ذ مَانْ أَيَا إِشَارّهْ سِيذِي، أَربِّي نّشْ.“
DEU 17:1 ”وَارْ غَارّصْ شَا إِ ؤُفُونَاسْ نِيغْ إِ يِيجّنْ زڭْ وُودْجِي إِ ذِي إِدْجَا شَا ن ڒْعِيبْ، [نِيغْ] شَا ن ڒْمَاڒْ إِعفّْننْ، إِ سِيذِي، أَربِّي نّشْ، مِينْزِي مَانْ أَيَا ذ جّْعِيفشْثْ إِ سِيذِي، أَربِّي نّشْ.
DEU 17:2 ؤُمِي يُوفَا ذِي ڒْوسْطْ نّشْ، غَارْ ذَاخڒْ إِ ثوُّورَا نّشْ، ثِينِّي ذ أَشْ إِوْشَا سِيذِي، أَربِّي نّشْ، شَا ن ورْيَازْ نِيغْ شَا ن ثمْغَارْثْ إِ إِڭِّينْ مِينْ إِدْجَانْ ذ ڒْغَارْ ذِي [ثِيطَّاوِينْ ن] سِيذِي، أَربِّي نّشْ، [ؤُشَا أَمُّو] إِ غَا إِعدُّو خْ ڒْعَاهْذْ نّسْ،
DEU 17:3 ؤُشَا أَذْ يُويُورْ، أَذْ إِعْبذْ إِ إِربِّيثنْ نّغْنِي ؤُشَا أَذْ أَسنْ إِبنْذقْ، إِ ثْفُوشْثْ نِيغْ إِ يُويُورْ نِيغْ إِ مَارَّا إِثْرَانْ ن ؤُجنَّا، مِينْ وَارْ خفْ ؤُمُورغْ نشّْ،
DEU 17:4 ؤُشَا يِيوضْ إِ شكْ-د ڒخْبَارْ ؤُشَا ثسْڒِيذْ [ت]، [خنِّي] إِتّْخصَّا أَذْ ت ثَارْزُوذْ مْلِيحْ، ؤُ خْزَارْ، مَاڒَا ذ ثِيذتّْ ؤُشَا ثْبَانْ بلِّي ثتّْوَاڭّْ ذِي إِسْرَائِيل جّْعِيفشْثْ ثَانِيثَا،
DEU 17:5 [خنِّي] أَذْ ثسُّوفّْغذْ أَرْيَازْ نِّي نِيغْ ثَامْغَارْثْ نِّي إِ إِڭِّينْ ڒْغَارْ-أَ غَارْ ثوُّورَا نّشْ، أَرْيَازْ نِّي نِيغْ ثَامْغَارْثْ نِّي، ؤُشَا أَذْ ثنْ ثْحجَّارذْ س إِژْرَا أَڒْ غَا مّْثنْ.“
DEU 17:6 ”خْ [وَاوَاڒْ زڭْ] ؤُقمُّومْ ن ثْنَاينْ نِيغْ ثْڒَاثَا ن ڒشْهُوذْ أَذْ إِتّْوَانغْ ونِّي إِتّْوَاحْكمْ سْ ڒْموْثْ. خْ [وَاوَاڒْ زڭْ] ؤُقمُّومْ ن إِجّْ ن ؤُشهَّاذْ وَارْ إِحدْجڒْ أَذْ إِتّْوَانغْ.
DEU 17:7 أَفُوسْ ن ڒشْهُوذْ أَذْ خَاسْ وْضَانْ ذ أَمزْوَارُو مَاحنْذْ أَذْ ث نْغنْ ؤُشَا أَوَارْنِي أَسْ [أَذْ خَاسْ وْضَانْ إِفَاسّنْ] ن مَارَّا ڒْڭنْسْ. أَمُّو إِ غَا ثكّْسذْ ڒْغَارْ زِي ڒْوسْطْ نّشْ.“
DEU 17:8 ”خْمِي خَاكْ غَا ثقْسحْ شَا ن ثْمسْڒَاشْثْ ذِي لْحُوكْمْ جَارْ [ؤُسِيزّڒْ ن] إِذَامّنْ ذ [ؤُسِيزّڒْ ن] إِذَامّنْ [نّغْنِي]، جَارْ دّعْوثْ ذ دّعْوثْ، جَارْ ثِيشْثِي ذ ثشْثِي، [نِيغْ ذِي لْحُوكْمْ ذڭْ] إِمْشُوبَّاشْ غَارْ ذَاخڒْ إِ ثوُّورَا نّشْ، [خنِّي] أَذْ ثكَّارذْ، أَذْ ثْڭعّْذذْ غَارْ ومْشَانْ نِّي غَا يِيخْضَارْ سِيذِي، أَربِّي نّشْ.
DEU 17:9 ؤُشَا أَذْ د-ثَاوْضذْ غَارْ إِكهَّاننْ، غَارْ إِلَاوِييّنْ، ؤُشَا [خنِّي] غَارْ ڒْقَاضِي نِّي ذِينْ إِدْجَانْ ذڭْ وُوسَّانْ نِّي، ؤُشَا أَذْ ثسّقْسِيذْ ؤُ نِيثْنِي أَذْ شكْ خبَّارنْ خْ ڒحْكَامْ.
DEU 17:10 أَذْ ثڭّذْ أَمْ ثنْفُوتْشْ نِّي إِ شكْ غَا خبَّارنْ ذڭْ ومْشَانْ نِّي إِ غَا يِيخْضَارْ سِيذِي ؤُشَا أَذْ ثحْضِيذْ مَارَّا مِينْ ذ أَشْ غَا سّعْذُونْ.
DEU 17:11 أَذْ ثڭّذْ عْلَاحْسَابْ أَوَاڒْ ن شَّارِيعَا نِّي ذ أَشْ غَا سشّْننْ ؤُ عْلَاحْسَابْ ڒحْكَامْ نِّي ذ أَشْ غَا إِنِينْ. وَارْ تّْحيِّيذْ خْ وَاوَاڒْ إِ ذ أَشْ غَا إِنِينْ [غَارْ] يفُوسْ ؤُڒَا [غَارْ] ؤُزڒْمَاضْ.
DEU 17:12 أَرْيَازْ نِّي إِتّڭّنْ س ثُوفّثْ ؤُ وَارْ إِتّسْڒِي غَارْ ؤُكهَّانْ نِّي [إِ ذِينْ] إِبدّنْ، حِيمَا أَذْ ذِينْ إِسخَّارْ سِيذِي، أَربِّي نّشْ، نِيغْ [وَارْ إِتّسْڒِي] غَارْ ڒْقَاضِي، أَقَا أَرْيَازْ نِّي أَذْ إِمّثْ. إِتّْخصَّا أَذْ ثكّْسذْ ڒْغَارْ زِي إِسْرَائِيل.
DEU 17:13 مَارَّا ڒْڭنْسْ إِتّْخصَّا أَسنْ أَذْ سْڒنْ ؤُ أَذْ ڭّْوذنْ ؤُ وَارْ تُّوفّنْ عَاذْ.“
DEU 17:14 ”خْمِي غَا ثَاذْفذْ غَارْ ثمُّورْثْ نِّي إِ ذ أَشْ غَا إِوْشْ سِيذِي، أَربِّي نّشْ ؤُشَا أَذْ ت ثطّْفذْ ذ ڒْوَارْثْ ؤُشَا أَذْ ذَايسْ ثْزذْغذْ ؤُ [خنِّي] أَذْ ثِينِيذْ: ’أَذْ خَافِي ڭّغْ إِجّْ ن ؤُجدْجِيذْ أَمْ مَارَّا ڒڭْنُوسْ إِ ذ أَيِي د-إِنّْضنْ!‘،
DEU 17:15 [خنِّي] أَذْ خَاكْ ثڭّذْ ذ أَجدْجِيذْ ونِّي إِ غَا يِيخْضَارْ سِيذِي، أَربِّي نّشْ. زِي ڒْوسْطْ ن أَيْثْمَاشْ أَذْ ثڭّذْ ذ إِجّْ ن ؤُجدْجِيذْ خَاكْ، وَارْ خَاكْ تّڭّْ شَا أَبَارَّانِي إِ وَارْ إِدْجِينْ شَا ذ ؤُمَاشْ.
DEU 17:16 مَاشَا وَارْ إِحدْجڒْ أَذْ يَارْنِي إِيْسَانْ إِ إِخفْ نّسْ ؤُ وَارْ إِتَّارِّي شَا ڒْڭنْسْ غَارْ مِيصْرَا مَاحنْذْ أَذْ يَارْنِي إِيْسَانْ، [مِينْزِي] سِيذِي إِنَّا أَومْ: زِي سَّا ذ ثْسَاونْثْ وَارْ د-ثْعِيقِّيبمْعمَّارْصْ خْ وبْرِيذْ-أَ!
DEU 17:17 وَارْ إِكسِّي شَا إِ إِخفْ نّسْ أَطَّاسْ ن ثمْغَارِينْ، حِيمَا وَارْ إِتّْغَارِّي وُوڒْ نّسْ. وَارْ يَارنِّي شَا إِ يِيخفْ نّسْ نُّوقَارْثْ نِيغْ ؤُرغْ س وَاطَّاسْ.
DEU 17:18 خْمِي غَا إِقِّيمْ خْ ڒْعَارْشْ ن ثْڭلْذِيثْ نّسْ، [خنِّي] أَذْ يَارِي إِ يِيخفْ نّسْ إِشْثْ ن ؤُعَاوذْ ن ثِيرَا ن شَّارِيعَا-يَا ذڭْ إِجّْ ن وذْلِيسْ إِتّْوَانّْضنْ زَّاثْ إِ وُوذمْ ن إِكهَّاننْ، إِلَاوِييّنْ.
DEU 17:19 أَذْ غَارسْ يِيڒِي [ؤُعَاوذْ ن ثِيرَا-يَا]، أَذْ ذَايسْ إِغَارْ مَارَّا ؤُسَّانْ ن ثُوذَارْثْ نّسْ، حِيمَا أَذْ إِڒْمذْ أَذْ إِڭّْوذْ سِيذِي، أَربِّي نّسْ، أَذْ إِحْضَا مَارَّا أَوَاڒنْ ن شَّارِيعَا-يَا ذ ثْوصَّا-يَا ؤُشَا أَذْ زَّايْسنْثْ إِڭّْ،
DEU 17:20 حِيمَا وَارْ إِسِّيڒِييْ ؤُڒْ نّسْ خْ يَايْثْمَاسْ نِيغْ أَذْ إِحيّذْ خْ وبْرِيذْ ن ثوْصيّثْ، [وَارْ إِدْجِي] [غَارْ] يفُوسْ ؤُڒَا [غَارْ] ؤُزڒْمَاضْ، مَاحنْذْ أَذْ إِزُّوڭَارْثْ ؤُسَّانْ ن ثْڭلْذَا نّسْ، نتَّا ذ وَارَّاوْ نّسْ، ذِي ڒْوسْطْ ن إِسْرَائِيل.“
DEU 18:1 ”وَارْ ثتِّيڒِي ثسْغَارْثْ نِيغْ ڒْوَارْثْ أَكْ-ذ إِسْرَائِيل إِ إِكهَّاننْ، إِلَاوِييّنْ، إِ مَارَّا ثَاقْبِيتْشْ ن لَاوِي. أَذْ شّنْ ثِيغَارْصَا ن وشْمَاضْ ن سِيذِي ؤُ زِي ثصْغَارْثْ نّسْ.
DEU 18:2 وَارْ غَارسْ إِتِّيڒِي ذ ڒْوَارْثْ ذِي ڒْوسْطْ ن أَيْثْمَاسْ. سِيذِي ذ ڒْوَارْثْ نّسْ، أَمْ مَامّشْ ذ أَسْ إِنَّا.
DEU 18:3 مَانْ أَيَا أَذْ يِيڒِي ذ ثَاسْغَارْثْ ن ڒْحقّْ ن إِكهَّاننْ قِيبَاتْشْ إِ ڒْڭنْسْ، قِيبَاتْشْ إِ يِينِّي إِصدّْقنْ إِشْثْ ن ثْغَارْصْثْ، مَا ذ أَفُونَاسْ نِيغْ إِجّنْ زڭْ وُودْجِي: أَذْ وْشنْ إِ ؤُكهَّانْ ثَامصَّاضْثْ ن زَّاثْ، ثْنَاينْ ن إِغسْمِيرنْ ذ ثكْرِيشْثْ.
DEU 18:4 أَسُوفُّوغْ أَمزْوَارُو [ن صَّابثْ] ن إِرْذنْ نّشْ ؤُ زِي بِينُو ن جْذِيذْ نّشْ ؤُ زِي زّشْثْ نّشْ [ن طّْرِي] ؤُ ثَامزْوَارُوثْ ن وَادْجَاسْ زِي [ثَاضُوفْثْ ن] وُودْجِي نّشْ، أَذْ أَسْ ثوْشذْ.
DEU 18:5 مِينْزِي يِيخْضَارْ إِ-ث سِيذِي، أَربِّي نّشْ زِي جَارْ مَارَّا ثِيقبَّاڒْ نّشْ، حِيمَا أَذْ إِكَّارْ، أَذْ إِسخَّارْ ذِي طّْوعْ ن يِيسمْ ن سِيذِي، نتَّا ذ أَرَّاوْ نّسْ، مَارَّا ؤُسَّانْ.
DEU 18:6 خْمِي د غَا يَاسْ ؤُلَاوِي زڭْ إِجّنْ زِي ثوُّورَا نّشْ زِي مَارَّا إِسْرَائِيل، مَانِي إِزدّغْ [أَمْ ؤُبَارَّانِي]، ؤُشَا يُوسَا-د س مَارَّا ڒْخَاضَارْ نّسْ غَارْ ومْشَانْ إِ غَا يِيخْضَارْ سِيذِي
DEU 18:7 ؤُشَا أَذْ إِسخَّارْ [ذِينِّي] ذڭْ يِيسمْ ن سِيذِي، أَربِّي نّسْ، أَمْ مَارَّا أَيْثْمَاسْ، إِلَاوِييّنْ، إِنِّي ذِينْ إِبدّنْ زَّاثْ إِ وُوذمْ ن سِيذِي،
DEU 18:8 [خنِّي] أَذْ شّنْ نِيثْنِي ثَاسْغَارْثْ أَنشْثْ ن وَايَاوْيَا، بَارَّا إِ [تَّامَانْ ن] مِينْ إِمّنْزنْ زڭْ [مِينْ إِدْجَانْ نّسْ] عْلَاحْصَابْ [جَّاذِيرَا نّسْ ن ثَادَّارْثْ ن] ڒجْذُوذْ.“
DEU 18:9 ”خْمِي غَا ثَاذْفذْ غَارْ ثمُّورْثْ نِّي إِ ذ أَشْ غَا يوْشْ سِيذِي، أَربِّي نّشْ، وَارْ سّڒْمَاذْ شَا إِ يِيخفْ نّشْ أَذْ ثڭّذْ أَمْ جّْعَايفْ ن ڒڭْنُوسْ-أَ.
DEU 18:10 وَارْ إِتّْوِيفِّي حذْ جَارْ أَومْ ونِّي إِ غَا إِسّعْذُونْ مِّيسْ نِيغْ يدْجِيسْ خْ ثْمسِّي نِيغْ ونِّي [إِدْجَانْ] ذ أَعزّمْ، [نِيغْ] أَبزْڭَاوْ، [نِيغْ] أَمڭْزُو، [نِيغْ] أَسحَّارْ،
DEU 18:11 [نِيغْ] ونِّي إِتّڭّنْ ثِيرَا، [نِيغْ] ونِّي إِسَّاوَاڒَانْ أَكْ-ذ إِمتَّانْ [نِيغْ] ونِّي إِتّْڭزَّانْ ؤُڒَا ذ ونِّي يَارزُّونْ شّْوَارْ زڭْ إِمتَّانْ.
DEU 18:12 مِينْزِي مَارَّا ونِّي إِتّڭّنْ ثِيمسْڒَايِينْ-أَ، أَقَا-ث ذ جّْعِيفشْثْ غَارْ سِيذِي ؤُ زِي سِّيبّثْ ن جّْعَايفْ-أَ أَذْ زَّايْسنْ إِكّسْ سِيذِي، أَربِّي نّشْ، ڒْوَارْثْ نْسنْ زَّاثْ إِ وُوذمْ نّشْ.
DEU 18:13 [مَاشَا] شكْ أَذْ ثِيڒِيذْ ذ أَدُّوذْ زَّاثْ إِ سِيذِي، أَربِّي نّشْ.
DEU 18:14 مِينْزِي ڒڭْنُوسْ نِّي إِ غَا ثْوَارْثذْ س ؤُغِيڒْ، أَذْ سْڒنْ إِ إِبزْڭَاونْ ذ إِعزَّامنْ، مَاشَا شكْ، وَارْ ذ أَشْ إِسمّحْ سِيذِي، أَربِّي نّشْ، [أَذْ ثڭّذْ] أَيَا.“
DEU 18:15 ”أَذْ أَشْ إِڭّْ سِيذِي، أَربِّي نّشْ، إِجّْ ن ؤُنَابِي زِي ڒْوسْطْ نّشْ، زڭْ أَيْثْمَاشْ، أَمْ نشّْ، إِ نتَّا ؤُمِي غَا ثسْڒمْ،
DEU 18:16 [مِينْزِي ذ مَانْ أَيَا] أَمْ مَامّشْ مَارَّا مِينْ ثتَّارذْ زِي سِيذِي، أَربِّي نّشْ، ذِي حُورِيبْ ذڭْ وَاسّْ ن وڭْرَاوْ [ن ڒْڭنْسْ]، ؤُمِي ثنِّيذْ: ’وَارْ د-دِّيكّْوِيڒغْ نشّْ أَذْ سْڒغْ إِ ثْمِيجَّا ن سِيذِي، أَربِّي إِنُو، ؤُشَا وَارْ ژَترّغْ نشّْ عَاذْ ثِيمسِّي-يَا إِمْغَارنْ، [حِيمَا] وَارْ تّْمتِّيغْ.‘
DEU 18:17 [خنِّي] إِنَّا أَيِي سِيذِي: ’أَقَا ڭِّينْ مْلِيحْ ؤُمِي كِيكْ سِّيوْڒنْ مَارَّا أَيَا.‘
DEU 18:18 أَذْ أَسنْ د-سّكّغْ إِجّْ ن ؤُنَابِي زِي ڒْوسْطْ ن أَيْثْمَاثْسنْ، أَمْ شكْ، ؤُشَا نشّْ أَذْ ڭّغْ أَوَاڒنْ إِنُو ذڭْ ؤُقمُّومْ نّسْ ؤُشَا نتَّا أَذْ أَومْ إِسِّيوڒْ خْ مَارَّا مِينْ خفْ ذ أَسْ وصِّيغْ.
DEU 18:19 ؤُشَا أَذْ إِمْسَارْ، أَذْ تَّارغْ ڒحْسَابْ زڭْ ورْيَازْ نِّي وَارْ إِسْڒِينْ إِ وَاوَاڒنْ إِنُو إِ غَا إِسِّيوڒْ س يِيسمْ إِنُو.
DEU 18:20 مَاشَا أَنَابِي نِّي إِ غَا يُوفّنْ حِيمَا أَذْ إِسِّيوڒْ إِجّْ ن وَاوَاڒْ س يِيسمْ إِنُو، ونِّي نشّْ وَارْ ؤُمُورغْ شَا أَذْ زَّايسْ إِسِّيوڒْ، ذ ونِّي إِ غَا إِسِّيوْڒنْ س يِيسمْ ن إِربِّيثنْ نّغْنِي، أَقَا أَنَابِي نِّي أَذْ إِمّثْ.
DEU 18:21 مَاڒَا ثقَّارذْ ذڭْ وُوڒْ نّشْ: ’مَامّشْ غَا نڭّْ أَذْ نسّنْ أَقَا سِيذِي وَارْ إِسِّيوڒْ أَوَاڒْ نِّي؟‘،
DEU 18:22 [خنِّي إِتّْخصَّا أَذْ ثسّْنمْ،] خْمِي أَنَابِي نِّي ثُوغَا إِسَّاوَاڒْ س يِيسمْ ن سِيذِي ؤُشَا [خنِّي] أَوَاڒْ نّسْ وَارْ إِمْسَارْ ؤُ وَارْ د-إِفِّيغْ، أَقَا أَوَاڒْ نِّي وَارْ ذ أَسْ إِتّْوَانَّا زِي غَارْ سِيذِي. أَنَابِي نِّي إِسَّاوَاڒْ س ؤُعفَّارْ. وَارْ زَّايسْ تّڭّْوذْ شَا.“
DEU 19:1 ”خْمِي سِيذِي، أَربِّي نّشْ، غَا إِثحَّا ڒڭْنُوسْ إِ زَّايْسنْ ذ أَشْ غَا إِوْشْ، سِيذِي، أَربِّي نّشْ، ثَامُّورْثْ ؤُشَا [خنِّي] أَذْ ثكْسِيذْ ڒْوَارْثْ نْسنْ ؤُشَا أَذْ ثْزذْغذْ ذِي ثْندَّامْ نْسنْ ؤُ ذِي ثُوذْرِينْ نْسنْ،
DEU 19:2 [خنِّي] إِتّْخصَّا شكْ أَذْ ثْحُوزذْ إِ يِيخفْ نّشْ ثْڒَاثَا ن ثْندَّامْ ذِي ڒْوسْطْ ن ثمُّورْثْ إِ ذ أَشْ غَا إِوْشْ سِيذِي، أَربِّي نّشْ، مَاحنْذْ أَذْ ت ثكْسِيذْ ذ ڒْوَارْثْ.
DEU 19:3 أَذْ ثْعذْڒذْ إِجّْ ن وبْرِيذْ ؤُشَا ثَامُّورْثْ، ثنِّي ذ أَشْ غَا إِوْشْ سِيذِي، أَربِّي نّشْ، ذ ڒْوَارْثْ، أَذْ ت ثبْضِيذْ خْ ثْڒَاثَا ن ثْسقَّارْ. مَانْ أَيَا حِيمَا كُوڒْ أَقتَّاڒْ إِزمَّارْ أَذْ ذِينْ يَارْوڒْ.
DEU 19:4 ذ وَا ذ أَمْثَاوِي إِ زِي إِعدّڒْ إِ ؤُقتَّاڒْ مَاحنْذْ أَذْ ذِينْ يَارْوڒْ، حِيمَا أَذْ [إِقِّيمْ] إِدَّارْ: مَاڒَا إِنْغَا جَّارْ نّسْ بْڒَا مَا أَذْ أَسْ إِڭّْ ڒحْسَابْ، ؤُ ثُوغَا وَارْ ث إِشَارّهْ شَا إِضنَّاضْ ذ فَارِيضنَّاضْ.“
DEU 19:5 ”ونِّي إِرُوحنْ أَكْ-ذ جَّارْ نّسْ غَارْ وزْغَارْ حِيمَا أَذْ إِقسّْ ثِيشجُّورَا ؤُشَا إِسّْوِيژّضْ أَفُوسْ نّسْ س شَّاقُورْ حِيمَا أَذْ إِحَارْوشْ ثَاشجَّارْثْ ؤُشَا [خنِّي] إِفّغْ أَسْ وُوزَّاڒْ ن شَّاقُورْ ؤُشَا إِڒْقفْ جَّارْ نّسْ ؤُشَا وَانِيثَا إِمُّوثْ، أَقَا وَانِيثَا إِزمَّارْ أَذْ يَارْوڒْ غَارْ إِشْثنْ زِي ن ثْندَّامْ-أَ مَاحنْذْ أَذْ [إِقِّيمْ] إِدَّارْ.
DEU 19:6 أَمُّو وَارْ إِزمَّارْ ؤُنقَّامْ ن إِذَامّنْ، خْمِي غَا إِغڒْغڒْ وُوڒْ نّسْ، أَذْ إِضْفَارْ أَقتَّاڒْ ؤُشَا أَذْ خَاسْ إِحَارْثْ، مَاڒَا أَبْرِيذْ ذ أَزِيرَارْ ؤُشَا أَذْ ث إِنغْ أَمْ وَارْ خَاسْ إِدْجِي ڒحْكَامْ س ڒْموْثْ، مِينْزِي ثُوغَا وَارْ ث إِشَارّهْ، [وَارْ إِدْجِي] إِضنَّاضْ [ؤُڒَا ذ] فَارِيضنَّاضْ.
DEU 19:7 خْ ؤُيَا نشّْ ؤُمُورغْ شكْ، قَّارغْ: ’حُوزْ ثْڒَاثَا ن ثْندَّامْ إِ يِيخفْ نّشْ.‘
DEU 19:8 ؤُشَا مَاڒَا سِيذِي، أَربِّي نّشْ أَذْ إِوسّعْ ثَامُّورْثْ نّشْ، أَمْ مَامّشْ إِجُّودْجْ إِ ڒجْذُوذْ نّشْ، ؤُ أَذْ أَشْ إِوْشْ مَارَّا ثَامُّورْثْ إِ خْ إِنَّا أَذْ ت إِوْشْ إِ إِبَابَاثنْ نّشْ،
DEU 19:9 - مَاڒَا أَذْ ثحْضِيذْ مَارَّا ثَاوْصيّثْ-أَ مَاحنْذْ أَذْ ت ثڭّذْ أَمْ مَامّشْ ذ أَشْ ؤُمُورغْ أَسّْ-أَ حِيمَا أَذْ ثخْسذْ سِيذِي، أَربِّي نّشْ، ؤُشَا أَذْ ثُويُورذْ ذڭْ إِبْرِيذنْ نّسْ إِ ڒبْذَا - خنِّي أَذْ ثَارْنِيذْ عَاذْ ثْڒَاثَا ن ثْندَّامْ غَارْ ثْڒَاثَا-يَا،
DEU 19:10 حِيمَا وَارْ تّْوَاسِّيزْڒنْ إِذَامّنْ إِمزْذَاڭنْ ذِي ڒْوسْطْ ن ثمُّورْثْ نّشْ، ثنِّي إِ ذ أَشْ غَا إِوْشْ سِيذِي، أَربِّي، ذ ڒْوَارْثْ ؤُشَا أَذْ خَاكْ يِيڒِي دّنْبْ.
DEU 19:11 [مَاشَا] مَاڒَا شَا ن ورْيَازْ إِشَارْهْ جَّارْ نّسْ ؤُشَا إِقَابڒْ إِ-ث ؤُشَا إِكَّارْ غَارسْ ؤُ [خنِّي] إِڭَّا أَسْ إِشْثْ ن ثشْثِي ؤُشَا إِمُّوثْ، خنِّي يَارْوڒْ غَارْ إِشْثنْ زِي ثْندَّامْ نِّي،
DEU 19:12 [خنِّي] أَذْ سّكّنْ إِمْغَارنْ ن ثنْذِينْثْ نّسْ، أَذْ ث كْسِينْ ث زڭْ ومْشَانْ نِّي، أَذْ ث ڭّنْ ذڭْ إِفَاسّنْ ن ؤُنقَّامْ ن إِذَامّنْ ؤُشَا أَذْ إِمّثْ.
DEU 19:13 وَارْ ذ أَشْ إِزِّيدْجِيزْ، [مَاشَا] أَذْ ثمْحِيذْ زِي إِسْرَائِيل إِذَامّنْ ن ونِّي وَارْ إِڭِّينْ دّنْبْ حِيمَا أَذْ ثِيڒِيذْ مْلِيحْ.“
DEU 19:14 ”وَارْ سْمُوطِّييْ أَيْمِيرْ ن جَّارْ نّشْ، ونِّي نيّْشنْ ڒجْيُوڒْ [ن قْبڒْ] ذِي ثسْغَارْثْ نّشْ، ثنِّي إِ غَا ثْوَارْثذْ ذِي ثمُّورْثْ إِ ذ أَشْ غَا إِوْشْ سِيذِي، أَربِّي نّشْ، حِيمَا أَذْ ت ثطّْفذْ.
DEU 19:15 إِجّْ ن ؤُشهَّاذْ [وَاهَا] وَارْ إِزمَّارْ أَذْ إِكَّارْ [ذ أَشهَّاذْ] خْ شَا ن ورْيَازْ ذِي سِّيبّثْ ن شَا ن ڒْمُوعْصِييّثْ نِيغْ ذِي شَا ن دّنْبْ نِّي إِزمَّارْ أَذْ إِتّْوَاڭّْ. خْ [وَاوَاڒْ زڭْ] ؤُقمُّومْ ن ثْنَاينْ نِيغْ خْ [وَاوَاڒْ زڭْ] ؤُقمُّومْ ن طْرَاثَا ن ڒشْهُوذْ أَذْ ثتّْوَاضْمنْ ثْمسْڒَاشْثْ.
DEU 19:16 خْمِي غَا إِكَّارْ إِجّْ ن ؤُشهَّاذْ أَقْطَاطْعِييْ خْ شَا ن ورْيَازْ حِيمَا أَذْ زَّايسْ إِشثْشَا خْ شَا ن دّنْبْ،
DEU 19:17 [خنِّي] أَذْ بدّنْ ثْنَاينْ ن يرْيَازنْ، إِنِّي إِتّمّْشُوبُّوشنْ زَّاثْ إِ وُوذمْ ن سِيذِي، زَّاثْ إِ وُوذمْ ن إِكهَّاننْ ذ ڒْقُوضَاثْ نِّي إِ ذِينْ غَا يِيڒِينْ ذڭْ وُوسَّانْ نِّي.
DEU 19:18 ؤُشَا ڒْقُوضَاثْ أَذْ أَرْزُونْ مْلِيهْ [ذِي ثْمسْڒَاشْثْ]، ؤُ أَقَا، مَاڒَا أَشهَّاذْ ذ إِجّْ ن ؤُشهَّاذْ إِسّْخَارِّيقنْ، أَذْ إِشْهذْ س ڒْبَاطڒْ خْ ؤُمَاسْ،
DEU 19:19 [خنِّي] أَذْ زَّايسْ ثڭّمْ أَمْ مَامّشْ ثُوغَا إِتّْخَارّصْ أَذْ إِڭّْ نتَّا أَكْ-ذ ؤُمَاسْ. [أَمُّو] إِ غَا ثكّْسذْ ڒْغَارْ زِي ڒْوسْطْ نّشْ،
DEU 19:20 حِيمَا إِنِّي إِقِّيمنْ أَذْ سْڒنْ، أَذْ ڭّْوذنْ، وَارْ دِّيكّْوِيرنْ أَذْ ڭّنْ ڒْحَاجّثْ ثَاعفَّانْثْ ذِي ڒْوسْطْ نّشْ.
DEU 19:21 وَارْ ذ أَشْ إِزِّيدْجِيزْ: ڒعْمَارْ س ڒعْمَارْ، ثِيطّْ س ثِيطّْ، ثِيغْمسْثْ س ثغْمسْثْ، أَفُوسْ س ؤُفُوسْ، أَضَارْ س ؤُضَارْ.“
DEU 20:1 ”مَاڒَا ثفّْغذْ غَارْ ؤُمنْغِي أَكْ-ذ ڒْعذْيَانْ نّشْ ؤُشَا ثژْرِيذْ إِيْسَانْ ذ إِكَارُّوثنْ، إِجّْ ن ڒْڭنْسْ كْثَارْ زَّايكْ، وَارْ زَّايْسنْ تّڭّْوذْ شَا، س مِينْزِي سِيذِي، أَربِّي نّشْ، ونِّي شكْ د-إِسُّوفّْغنْ زِي ثمُّورْثْ ن مِيصْرَا، أَقَا-ث أَكِيذكْ.
DEU 20:2 خْمِي غَا ثَاذْسمْ إِ ؤُمنْغِي، أَذْ د-إِقَارّبْ ؤُكهَّانْ ؤُشَا أَذْ إِسِّيوڒْ غَارْ ڒْڭنْسْ،
DEU 20:3 أَذْ أَسنْ يِينِي: ’سڒْ، إِسْرَائِيل، كنِّيوْ قَارّْبمْ-د أَسّْ-أَ غَارْ ؤُمنْغِي أَكْ-ذ ڒْعذْيَانْ نْومْ. وَارْ سّمْژَايمْ ؤُڒْ نْومْ، وَارْ تّڭّْوْذمْ نِيغْ أَذْ ثَارْجِيجمْ، نِيغْ [عَاوذْ] أَذْ ثْقفْقِيفمْ زَّاثْ إِ وُوذمْ نْسنْ،
DEU 20:4 مِينْزِي سِيذِي، أَربِّي نْومْ، نتَّا أَقَا أَذْ كِيومْ يُويُورْ حِيمَا أَذْ خَاومْ إِمّْنغْ زَّاثْ إِ ڒْعذْيَانْ نْومْ مَاحنْذْ أَذْ كنِّيوْ إِسّنْجمْ.‘
DEU 20:5 ؤُشَا إِمحْضَاينْ أَذْ سِّيوْڒنْ أَكْ-ذْ ڒْڭنْسْ أَذْ إِنِينْ: ’وِي إِبْنَانْ ثَادَّارْثْ ن جْذِيذْ ؤُشَا وَارْ ذَايسْ إِزْذِيغْ عَاذْ؟ أجّْ إِ-ث أَذْ يُويُورْ، أَذْ د-إِذْوڒْ غَارْ ثَادَّارْثْ نّسْ، حِيمَا وَارْ إِتّْمتِّي ذڭْ ؤُمنْغِي ؤُشَا أَذْ د-يَاسْ حذْ نّغْنِي أَذْ ذَايسْ إِزْذغْ.
DEU 20:6 وِي يژُّونْ ثِيزَايَارِينْ ؤُشَا وَارْ إِغبِّي عَاذْ زِي ڒْغِيدْجثْ نّسْ؟ أجّْ إِ-ث أَذْ يُويُورْ، أَذْ د-إِذْوڒْ غَارْ ثَادَّارْثْ نّسْ، حِيمَا وَارْ إِتّْمتِّي ذڭْ ؤُمنْغِي ؤُشَا أَذْ زَّايسْ إِغبَّا حذْ نّغْنِي.
DEU 20:7 وِي إِخضْبنْ ثَامْغَارْثْ ؤُ وَارْ ت إِمْڒِيشْ عَاذْ؟ أجّْ إِ-ث أَذْ يُويُورْ، أَذْ د-إِذْوڒْ غَارْ ثَادَّارْثْ نّسْ، حِيمَا وَارْ إِتّْمتِّي ذڭْ ؤُمنْغِي ؤُشَا أَذْ ت يَاوِي ورْيَازْ نّغْنِي.
DEU 20:8 إِمحْضَاينْ أَذْ أَرْنِينْ ذڭْ وَاوَاڒْ أَكْ-ذ ڒْڭنْسْ، أَذْ إِنِينْ: ’وِي إِدْجَانْ ذ أَرْيَازْ ذ أَمَاڭّْوَاذْ نِيغْ إِتّْغَاشَا؟ أجّْ إِ-ث أَذْ يُويُورْ، أَذْ د-إِذْوڒْ غَارْ ثَادَّارْثْ نّسْ، حِيمَا وَارْ تّغْنِيسنْ وُوڒَاونْ ن أَيْثْمَاسْ أَمْ وُوڒْ نّسْ.‘
DEU 20:9 خْمِي غَا كمّْڒنْ إِمحْضَاينْ أَوَاڒْ أَكْ-ذ ڒْڭنْسْ، خنِّي أَذْ ڭّنْ إِكُومَانْذَارنْ ن ڒْعسْكَارْ غَارْ ؤُزدْجِيفْ ن ڒْڭنْسْ.“
DEU 20:10 ”خْمِي غَا ثَاذْسذْ شَا ن ثنْذِينْثْ حِيمَا أَذْ كِيذسْ ثمّنْغذْ، إِتّْخصَّا أَذْ أَسْ ثْڒَاغِيذْ إِ وصْڒَاحْ.
DEU 20:11 مَاڒَا ثَارَّا-د خَاكْ س وصْڒَاحْ، [خنِّي] مَارَّا ڒْڭنْسْ نِّي ذَايسْ إِتّْوَافْ، أَذْ شكْ إِسخَّارْ س ؤُغِيڒْ ؤُشَا أَذْ شكْ إِخْذمْ.
DEU 20:12 مَاڒَا وَارْ كِيكْ ثڭِّي ڒهْنَا، مَاشَا ذ أَمنْغِي إِ ثَارزُّو، [خنِّي] أَذْ أَسْ ثنّْضذْ.
DEU 20:13 سِيذِي، أَربِّي نّشْ، أَذْ أَشْ ت إِوْشْ إِ شكْ ذڭْ ؤُفُوسْ نّشْ ؤُ مَارَّا [مِينْ إِدْجَانْ ذ] أَوْثمْ ذَايسْ، أَذْ ث ثوْثذْ س ڒقْضعْ ن سِّيفْ.
DEU 20:14 مْغِيرْ ثِيمطَّا ذ إِحنْجِيرنْ ذ ڒبْهَايمْ ذ مَارَّا مِينْ ذَايسْ ذِي ثنْذِينْثْ، مَارَّا ثَاكشَّاضْثْ نّسْ، أَذْ ت ثكْسِيذْ إِ يِيخفْ نّشْ ذ ثْكشَّاضْثْ ؤُشَا أَذْ ثشّذْ زِي ثْكشَّاضْثْ ن ڒْعذْيَانْ نّشْ، إِنِّي ذ أَشْ إِوْشَا سِيذِي، أَربِّي نّشْ.
DEU 20:15 أَمنِّي إِ غَا ثڭّذْ ذِي مَارَّا ثِيندَّامْ نِّي خَاكْ إِڭّْوجنْ أَطَّاسْ، ثِينِّي وَارْ إِدْجِينْ زِي ثْندَّامْ ن ڒڭْنُوسْ-أَ.
DEU 20:16 مَاشَا ثِيندَّامْ ن ڒڭْنُوسْ نِّي ذ أَشْ إِوْشَا سِيذِي، أَربِّي نّشْ، ذ ڒْوَارْثْ، وَارْ زَّايْسنْثْ ثجِّيذْ ؤُڒَا ذ شَا مِينْ غَا يَارّنْ نّفْسْ أَذْ إِقِّيمْ إِدَّارْ.
DEU 20:17 أَذْ ثنْثْ ثْحَارّْمذْ إِ ؤُثحِّي: إِحِيتِّييّنْ، إِمُورِييّنْ، أَيْثْ ن كنْعَانْ، إِفِيرِيزِييّنْ، إِحِيوِييّنْ ذ إِيابُوسِييّنْ، أَمْ مَامّشْ إِ ذ أَشْ يُومُورْ سِيذِي، أَربِّي نّشْ،
DEU 20:18 حِيمَا نِيثْنِي وَارْ ذ أَومْ سّْڒمَّاذنْ أَذْ ثضْفَارمْ مَارَّا جّْعَايفْ نِّي ڭِّينْ نِيثْنِي إِ إِربِّيثنْ نْسنْ ؤُشَا [خنِّي] أَذْ ثخْضَامْ أَكْ-ذ سِيذِي، أَربِّي نْومْ.
DEU 20:19 مَاڒَا ثنّْضذْ إِ يِيشْثْ ن ثنْذِينْثْ أَطَّاسْ ن وُوسَّانْ ڒَامِي ثمّنْغذْ أَكِيذسْ مَاحنْذْ أَذْ ت ثطّْفذْ، [خنِّي] وَارْ تَّاردَّادْجْ شَا ثِيشجُّورَا س ثيِّيثَا ن شَّاقُورْ، مِينْزِي أَذْ زَّايْسنْثْ ثشّذْ. س ؤُيَا وَارْ ثنْثْ تّْقسِّيذْ، مِينْزِي مَا ثَاشجَّارْثْ ن ييَّارْ أَمْ بْنَاذمْ نِّي د-إِتّْبَاننْ زَّاثْ إِ وُوذمْ نّشْ ؤُمِي ثحْصَارذْ [ثَانْذِينْثْ]؟
DEU 20:20 مْغِيرْ ثَاشجَّارْثْ نِّي ثسّْنذْ وَارْ ثدْجِي ذ ثَاشجَّارْثْ إِ زِي غَا ثشّذْ، أَقَا ثَانِيثَا أَذْ ت ثَارذْدْجذْ، أَذْ ت ثْقسّذْ، أَذْ [زَّايسْ] ثبْنِيذْ إِجّْ ن سُّورْ خْ ثنْذِينْثْ نِّي أَكِيذكْ إِتّْمنْغَانْ، أَڒْ غَا ثْغضْڒذْ [ثَانْذِينْثْ نِّي].“
DEU 21:1 ”مَاڒَا إِتّْوَافْ حذْ إِتّْوَانغْ ذِي ثمُّورْثْ نِّي ذ أَشْ غَا إِوْشْ سِيذِي، أَربِّي نّشْ، مَاحنْذْ أَذْ ت ثطّْفذْ ذ ڒْوَارْثْ، إِزّڒْ ذڭْ إِيَّارْ ؤُشَا وَارْ إِسِّينْ حذْ وِي ث إِنْغِينْ،
DEU 21:2 [خنِّي] إِمْغَارنْ نّشْ ذ ڒْقُوضَاثْ نّشْ أَذْ د-فّْغنْ ؤُشَا أَذْ كْسِينْ ڒعْبَارْ أَڒْ ثِيندَّامْ إِ ذ أَسْ د-إِنّْضنْ إِ ونِّي إِتّْوَانْغنْ.
DEU 21:3 زِي ثنْذِينْثْ نِّي يُوذْسنْ إِ ونِّي إِتّْوَانْغنْ، أَذْ زَّايسْ كْسِينْ يمْغَارنْ إِشْثْ ن ثْعجْمِيثْ ن ثْفُونَاسِينْ نِّيعمَّارْصْ وَارْ زَّايسْ شْرِيزنْ شَا ؤُ ثنِّي وَارْ إِجْبِيذنْ عَاذْ أَزَايْڒُو.
DEU 21:4 ؤُشَا إِمْغَارنْ ن ثنْذِينْثْ نِّي أَذْ سّهْوَانْ ثَاعجْمِيثْ [نِّي] غَارْ إِشْثْ ن ثغْزُورْثْ [إِتَّازْڒنْ] ڒبْذَا [س وَامَانْ]،عمَّارْصْ وَارْ ثتّْوَاشَارْزْ ؤُ وَارْ ثتّْوَاژُّو ؤُشَا أَذْ أَرْژنْ إِرِي ن ثْعجْمِيثْ ذِينْ ذِي ثغْزُورْثْ.
DEU 21:5 [خنِّي] أَذْ د-قَارّْبنْ إِكهَّاننْ، أَيْثْ ن لَاوِي، مِينْزِي سِيذِي، أَربِّي نّشْ، إِخْضَارْ إِ-ثنْ مَاحنْذْ أَذْ خَاسْ سخَّارنْ ؤُ مَاحنْذْ أَذْ بَارْكنْ س يِيسمْ ن سِيذِي، ؤُ عْلَاحْسَابْ أَوَاڒْ نْسنْ [أَذْ إِتّْوَاحْكمْ] كُوڒْ أَمْشُوبّشْ ذ كُوڒْ ڒخْشُونثْ.
DEU 21:6 ؤُشَا مَارَّا إِمْغَارنْ ن ثنْذِينْثْ نِّي يُوذْسنْ خْ ونِّي إِتّْوَانْغنْ، أَذْ سِّيرْذنْ إِفَاسّنْ نْسنْ سنّجْ إِ ثْعجْمِيثْ نِّي ؤُمِي إِتّْوَارْژْ يِيرِي ذِي ثغْزُورْثْ.
DEU 21:7 أَذْ بَارّْحنْ، أَذْ إِنِينْ: ’إِفَاسّنْ نّغْ وَارْ سِّيزّْڒنْ شَا إِذَامّنْ-أَ ؤُ ثِيطَّاوِينْ نّغْ وَارْ ث ژْرِينْ.
DEU 21:8 أڭّْ أَصْڒَاحْ إِ ڒْڭنْسْ نّشْ إِسْرَائِيل نِّي ثفْذِيذْ، [أَ] سِيذِي، ؤُشَا وَارْ سّْرُوسَا إِذَامّنْ إِمزْذَاڭنْ ذِي ڒْوسْطْ ن ڒْڭنْسْ نّشْ إِسْرَائِيل!‘ [خنِّي] إِذَامّنْ [إِتّْوَاسِّيزْڒنْ] نِّي أَذْ تّْوَاحسْبنْ ذ ڒفْذِييّثْ إِ نِيثْنِي.
DEU 21:9 أَمُّو إِ غَا ثكّْسذْ إِذَامّنْ إِمزْذَاڭنْ زِي ڒْوسْطْ نّشْ، مِينْزِي إِتّْخصَّا أَذْ ثڭّذْ مِينْ إِدْجَانْ نِيشَانْ ذِي ثِيطَّاوِينْ ن سِيذِي.“
DEU 21:10 ”خْمِي غَا ثفّْغذْ غَارْ ؤُمنْغِي أَكْ-ذ ڒْعذْيَانْ نّشْ ؤُشَا سِيذِي، أَربِّي نّشْ، إِڭَّا أَشْ ثنْ ذڭْ إِفَاسّنْ نّشْ ؤُشَا ثِييذْ ثنْ ذ إِمحْبَاسْ،
DEU 21:11 ؤُشَا ثژْرِيذْ جَارْ إِمحْبَاسْ إِشْثْ ن ثمْغَارْثْ، ثشْنَا ذڭْ وَادُّوذْ، ؤُشَا ثمّژْرذْ أَذْ ت ثكْسِيذْ ذ ثَامْغَارْثْ إِ يِيخفْ نّشْ،
DEU 21:12 [خنِّي] أَذْ ت ثسِّيذْفذْ غَارْ ثَادَّارْثْ نّشْ ؤُشَا أَذْ ثْحفّْ أَزدْجِيفْ نّسْ، أَذْ ثْقسّذْ إِشَّارنْ نّسْ.
DEU 21:13 أَذْ ثكّسْ أَرُّوضْ ن ثْمحْبَاسْثْ نّسْ ؤُشَا أَذْ ثقِّيمْ ذِي ثَادَّارْثْ نّشْ ؤُشَا أَذْ ثسْغُويْ إِ بَابَاسْ ذ يمَّاسْ إِجّْ ن ؤُيُورْ إِكْمڒْ ؤُ أَوَارْنِي مَانْ أَيَا ثْزمَّارذْ أَذْ خَاسْ ثَاذْفذْ ؤُشَا أَذْ ثِيڒِيذْ ذ أَرْيَازْ نّسْ ؤُ نتَّاثْ أَذْ ثِيڒِي ذ ثَامْغَارْثْ نّشْ.
DEU 21:14 ؤُشَا مَاڒَا وَارْ ذ أَشْ ثعْجِيبْ، أَذْ ت ثجّذْ أَذْ ثُويُورْ غَارْ ڒْخَاضَارْ نّسْ، وَارْ ت زْنُوزِي س نُّوقَارْثْ. وَارْ زَّايسْ ثڭّذْ أَخْمِي سّڒْعثْ [إِ ثدْجَا]، مِينْزِي أَقَا ثسّحْقَارذْ ت.“
DEU 21:15 ”مَاڒَا أَرْيَازْ غَارسْ ثْنَاينْ ن ثمْغَارِينْ، إِشْثنْ إِتّخْسْ إِ-ت، ثنّغْنِيثْ إِشَارّهْ إِ-ت، ؤُشَا ثنِّي إِشَارّهْ ذ ثنِّي إِتّخْسْ ؤُرْونْثْ أَسْ-د إِحنْجِيرنْ، مَاشَا أَمنْزُو ثُوغَا-ث ن ثنِّي إِشَارّهْ،
DEU 21:16 [خنِّي] ذڭْ وَاسّْ نِّي إِ ذِي غَا إِبْضَا ڒْوَارْثْ ن مِينْ غَارسْ إِدْجَانْ إِ إِحنْجِيرنْ نّسْ، وَارْ إِزمَّارْ أَذْ إِوْشْ ثَاسْغَارْثْ ن ؤُمنْزُو إِ مِّيسْ ن ثنِّي إِتّخْسْ ذڭْ ومْشَانْ إِ غَا إِوْشْ إِ مِّيسْ ن ثنِّي إِشَارّهْ، [ونِّي ذ] أَمنْزُو [إِ يدْجَا].
DEU 21:17 إِتّْخصَّا أَذْ إِنْعمْ س مِّيسْ أَمنْزُو ن ثنِّي إِشَارّهْ ؤُمِي ذ أَسْ غَا إِوْشْ ثْنَاينْ ن ثْسقَّارْ زِي مَارَّا مِينْ ذ أَسْ د-إِكَّارنْ، مِينْزِي نتَّا ذ أَمزْوَارْ ن ثرْيَاسْثْ نّسْ ؤُ ثَاسْغَارْثْ ن ثْمنْزُوثْ نّسْ إِ ثدْجَا.“
DEU 21:18 ”مَاڒَا إِجّْ ن ورْيَازْ غَارسْ مِّيسْ ذ أَغنَّانْ ذ أَمْغوّغْ نِّي وَارْ إِتّسْڒِينْ إِ وَاوَاڒْ ن بَابَاسْ نِيغْ إِ وَاوَاڒْ ن يمَّاسْ، ؤُشَا نِيثْنِي وْثِينْثْ ث، [مَاشَا] نتَّا وَارْ ذ أَسنْ إِتّسْڒِي،
DEU 21:19 [خنِّي] بَابَاسْ ذ يمَّاسْ أَذْ ث كْسِينْ ؤُشَا أَذْ ث أَوْينْ بَارَّا زَّاثْ إِ إِمْغَارنْ ن ثنْذِينْثْ نّسْ، غَارْ ثوَّارْثْ ن ومْشَانْ [مَانِي إِزدّغْ].
DEU 21:20 أَذْ إِنِينْ إِ إِمْغَارنْ ن ثنْذِينْثْ: ’وَا ذ مِّيثْنغْ ذ أَغنَّانْ ذ أَمْغوّغْ، وَارْ إِتّسْڒِي إِ وَاوَاڒْ نّغْ، أَقَا أَفُوسْ نّسْ إِنُّوقّبْ ؤُ نتَّا ذ أَمسْكَارْ.‘
DEU 21:21 [خنِّي] مَارَّا إِرْيَازنْ ن ثنْذِينْثْ أَذْ ث أَرجْمنْ أَڒْ غَا إِمّثْ. إِتّْخصَّا أَذْ ثكّْسذْ أَعفَّانْ زِي ڒْوسْطْ نْومْ [حِيمَا] مَارَّا إِسْرَائِيل أَذْ ثْسڒْ ؤُشَا أَذْ ثڭّْوذْ.“
DEU 21:22 ”مَاڒَا إِجّْ ن ورْيَازْ إِڭَّا إِجّْ ن دّنْبْ إِ خْ [إِدْجَا] ڒْحُوكْمْ ن ڒْموْثْ ؤُشَا إِتّْوَانغْ، ثُويْڒذْ إِ-ث خْ إِشْثْ ن ثحْنَاشْثْ [ن ؤُكشُّوضْ]،
DEU 21:23 [خنِّي] وَارْ تّجِّيمْ ڒْخشْبثْ نّسْ أَذْ ثسّنْسْ خْ ثحْنَاشْثْ، مَاشَا أَذْ ث ثْنضْڒذْ ذڭْ وَاسّْ نِّي، مِينْزِي ونِّي إِتّْوَايْڒنْ أَقَا-ث ذ أَمنْعُوڒْ زِي أَربِّي. وَارْ سْخمَّاجْ ثَامُّورْثْ نّشْ، ثنِّي ذ أَشْ غَا إِوْشْ سِيذِي، أَربِّي نّشْ، ذ ڒْوَارْثْ.“
DEU 22:1 ”وَارْ إِعدّڒْ أَذْ ثْخزَّارذْ [وَاهَا] ذڭْ ؤُودَّارْ ن ؤُفُونَاسْ نِيغْ ن إِجّنْ زڭْ وُودْجِي ن ؤُمَاشْ، نِيغْ أَذْ خَاسنْ ثْقڒْبذْ ثِيطَّاوِينْ، مَاشَا إِتّْخصَّا أَذْ أَشْ ثنْ-إِ-د-ثَارّذْ نِيشَانْ إِ ؤُمَاشْ.
DEU 22:2 مَاڒَا ؤُمَاشْ وَارْ إِدْجِي شَا يُوذسْ نِيغْ وَارْ ث ثسِّينذْ، أَذْ ث ثسِّيذْفذْ غَارْ ذَاخڒْ إِ ثَادَّارْثْ نّشْ ؤُشَا أَذْ غَاركْ إِقِّيمْ أَڒْ د غَا يَاسْ ؤُمَاشْ أَذْ خَاسْ يَارْزُو ؤُشَا [خنِّي] أَذْ أَسْ [ث-إِ-]د ثَارّذْ.
DEU 22:3 أَمنِّي إِ غَا ثڭّذْ س وغْيُوڒْ نّسْ، أَمنِّي إِ غَا ثڭّذْ [عَاوذْ] س وَارُّوضْ نّسْ، [وَاهْ،] أَمُّو إِ غَا ثڭّذْ أَكْ-ذ مَارَّا ثَامسْڒَاشْثْ ن ؤُمَاشْ، ثنِّي ذ أَسْ إِودَّارنْ ؤُشَا ثُوفِيذْ ت شكْ. وَارْ إِعدّڒْ أَذْ أَسْ ثنُّوفَارذْ.
DEU 22:4 وَارْ [ثقِّيمذْ] أَذْ ثخْزَارذْ ذڭْ وغْيُوڒْ ن ؤُمَاشْ نِيغْ ذڭْ ؤُفُونَاسْ نّسْ أَمْ وْضَانْ ذڭْ وبْرِيذْ، وَارْ خَاسنْ قدْجبْ شَا ثِيطَّاوِينْ. س ثِيذتّْ أَذْ ثنْ ثسّكَّارذْ أَكِيذسْ.“
DEU 22:5 ”ثَامْغَارْثْ وَارْ ثْيَارّضْ مِينْ إِتّْڒِيقنْ إِ ورْيَازْ، نِيغْ أَرْيَازْ أَذْ يَارْضْ أَرُّوضْ ن ثمْغَارْثْ، مِينْزِي مَارَّا وِي إِتّڭّنْ أَيَا أَقَا-ت ذ جّْعِيفشْثْ إِ سِيذِي، أَربِّي نّشْ.
DEU 22:6 مَاڒَا إِبَانْ-د زَّاثْ إِ وُوذمْ نّشْ خْ وبْرِيذْ شَا ن ڒْعُوشّْ ن وجْضِيضْ، ذِي شَا ن ثْشجَّارْثْ نِيغْ خْ ثمُّورْثْ، [س] إِوَارُّوذنْ نِيغْ [س] ثْمدْجَاڒِينْ، ؤُشَا يمَّاثْسنْ ثسّْذڒْ خْ إِوَارُّوذنْ نِيغْ خْ ثْمدْجَاڒِينْ، [خنِّي] وَارْ تّطّفْ يمَّاثْسنْ أَكْ-ذ إِوَارُّوذنْ.
DEU 22:7 أَذْ ثجّذْ أَذْ ثُويُورْ يمَّاثْسنْ، مَاشَا أَذْ ثكْسِيذْ إِوَارُّوذنْ إِ يِيخفْ نّشْ، حِيمَا أَذْ ثِيڒِيذْ مْلِيحْ، ؤُشَا أَذْ أَشْ زُوڭَّارْثنْ وُوسَّانْ [ن ثُوذَارْثْ] نّشْ.
DEU 22:8 خْمِي غَا ثبْنِيذْ ثَادَّارْثْ ن جْذِيذْ، أَذْ ثڭّذْ ثَاعْمَاذْثْ خْ ثْزقَّا نّشْ، [حِيمَا] وَارْ تِّيكّْوِيضنْ إِذَامّنْ غَارْ ثَادَّارْثْ نّشْ، مَاڒَا إِوْضَا-د زَّايسْ حذْ.
DEU 22:9 وَارْ زَارّعْ شَا أَمَارْجعْ ن ؤُضِيڒْ نّشْ س ثْنَاينْ ن مَارْكَاثْ ن زَّارِيعثْ، حِيمَا وَارْ ثتّْوَاسّْعِيدْجِيثْ مَارَّا صَّابثْ ن زَّارِيعثْ نِّي ثْزَارْعذْ ؤُڒَا ذ ڒْغِيدْجثْ ن ؤُمَارْجعْ ن ؤُضِيڒْ.
DEU 22:10 وَارْ شَارّزْ شَا س ؤُفُونَاسْ ذ وغْيُوڒْ جْمِيعْ.
DEU 22:11 وَارْ يَارّضْ شَا أَرُّوضْ إِتّْوَاڭّنْ زِي ثْخدْجضْثْ ن ثَاضُوفْثْ ذ ڒقْطنْ جْمِيعْ.
DEU 22:12 أَذْ ثڭّذْ ثْشَارْشِيفَا خْ أَربْعَا ن إِغمُّورَا ن ؤُسڒْهَامْ نّشْ إِ زِي ثْڒحّْفذْ.“
DEU 22:13 ”مَاڒَا إِجّْ ن ورْيَازْ يِيوِي إِشْثْ ن ثمْغَارْثْ ؤُشَا يُوذفْ-د خَاسْ، [خنِّي] أَذْ ت إِشَارْهْ،
DEU 22:14 ؤُشَا إِسّكَّارْ خَاسْ أَوَاڒنْ ؤُشَا يَارَّا إِسمْ نّسْ ذ أَعفَّانْ، إِنَّا: ’أَقَا ثَامْغَارْثْ-أَ إِوْيغْ ت، ؤُشَا [ؤُمِي] غَارسْ-د قَارّْبغْ، إِوْضغْ أَذْ سّْنغْ أَقَا وَارْ ثدْجِي شَا ذ ثَاعْزَارشْثْ!‘،
DEU 22:15 [خنِّي] أَذْ إِسّْشنْ بَابَاسْ ن ثبْڒِيغْثْ نِّي ذ يمَّاسْ [لْبُورْهَانَاثْ] ن ثْغُونِي ن ثبْڒِيغْثْ إِ يمْغَارنْ غَارْ ثوَّارْثْ ن ثنْذِينْثْ.
DEU 22:16 أَذْ يِينِي بَابَاسْ ن ثبْڒِيغْثْ نِّي إِ يمْغَارنْ: ’نشّْ وْشِيغْ يدْجِي إِ ورْيَازْ-أَ ذ ثَامْغَارْثْ ؤُشَا نتَّا إِذْوڒْ إِشَارْهْ إِ-ت،
DEU 22:17 ؤُشَا أَقَا نتَّا إِسّكَّارْ خَاسْ أَوَاڒنْ، إِنَّا: وَارْ ؤُفِيغْ غَارْ يدْجِيشْ [لْبُورْهَانَاثْ] ن ثْغُونِي ن ثبْڒِيغْثْ. أَقَا أَيَا ذ [لْبُورْهَانَاثْ ن] ثْغُونِي ن يدْجِي!‘ ؤُشَا نِيثْنِي أَذْ بزّْعنْ أَڒحَّافْ زَّاثْ إِ وُوذمْ ن إِمْغَارنْ ن ثنْذِينْثْ.
DEU 22:18 [خنِّي] أَذْ طّْفنْ إِمْغَارنْ ن ثنْذِينْثْ أَرْيَازْ نِّي ؤُشَا أَذْ ث فَارْشنْ
DEU 22:19 ؤُشَا أَذْ أَسْ ڭّنْ مُولْثَا ن مْيَا [ن ؤُقِييَّاثْ] ن نُّوقَارْثْ ؤُشَا أَذْ ثنْثْ وْشِينْ إِ بَابَاسْ ن ثبْڒِيغْثْ [نِّي]، مِينْزِي نتَّا يَارَّا إِسمْ ذ أَعفَّانْ خْ إِشْثْ ن ثعْزَارشْثْ زِي إِسْرَائِيل. أَذْ ثِيڒِي ذ ثَامْغَارْثْ نّسْ، وَارْ إِحدْجڒْ أَذْ أَسْ إِدْجفْ مَارَّا ؤُسَّانْ [مِينْ غَا يكّْ إِدَّارْ].
DEU 22:20 [مَاشَا] مَاڒَا إِفّغْ مَانْ أَيَا ذ ثِيذتّْ ؤُشَا وَارْ ؤُفِينْ [لْبُورْهَانَاثْ] ن ثْغُونِي غَارْ ثبْڒِيغْثْ،
DEU 22:21 [خنِّي] أَذْ سُّوفّْغنْ ثَابْڒِيغْثْ نِّي غَارْ ثوَّارْثْ ن ثَادَّارْثْ ن بَابَاسْ ؤُشَا أَذْ ت أَرجْمنْ يرْيَازنْ ن ثنْذِينْثْ، [أَڒْ] غَا ثمّثْ، مِينْزِي ثڭَّا ڒفْضِيحثْ ذِي إِسْرَائِيل ؤُمِي ثسّفْضحْ إِخفْ نّسْ ذِي ثَادَّارْثْ ن بَابَاسْ. إِتّْخصَّا أَذْ ثكّْسذْ ڒْغَارْ زِي ڒْوسْطْ نّشْ.“
DEU 22:22 ”مَاڒَا إِتّْوَاطّفْ إِجّْ ن ورْيَازْ ؤُمِي إِطّصْ أَكْ-ذ شَا ن ثمْغَارْثْ إِ [إِدْجَانْ] أَكْ-ذ ورْيَازْ، [خنِّي] أَذْ مّْثنْ س ثْنَاينْ، أَرْيَازْ نِّي إِطّْصنْ أَكْ-ذ ثمْغَارْثْ ذ ثمْغَارْثْ [عَاوذْ]. إِتّْخصَّا أَذْ ثكّْسذْ ڒْغَارْ زِي إِسْرَائِيل.
DEU 22:23 مَاڒَا إِشْثْ ن ثبْڒِيغْثْ ذ ثَاعْزَارشْثْ ثتّْوَاخْضبْ زڭْ إِجّْ ن ورْيَازْ، ؤُشَا يُوفَا إِ-ت إِجّْ ن ورْيَازْ ذِي ثنْذِينْثْ ؤُشَا إِطّصْ أَكِيذسْ،
DEU 22:24 [خنِّي] أَذْ ثنْ ثسُّوفّْغمْ بَارَّا س ثْنَاينْ غَارْ ثوَّارْثْ ن ثنْذِينْثْ، أَذْ تّْوَارجْمنْ أَڒْ غَا مّْثنْ نِيثْنِي: ثَابْڒِيغْثْ مِينْزِي وَارْ ثسّكَّارْ شَا ثْغُويِّيثْ ذِي ثنْذِينْثْ، أَرْيَازْ مِينْزِي إِسّحْقَارْ ثَامْغَارْثْ ن جَّارْ نّسْ. إِتّْخصَّا أَذْ ثكّْسذْ ڒْغَارْ زِي ڒْوسْطْ نّشْ.
DEU 22:25 مَاڒَا إِجّْ ن ورْيَازْ يُوفَا إِشْثْ ن ثبْڒِيغْثْ إِتّْوَاخضْبنْ ذڭْ إِيَّارْ ؤُشَا إِسّخْسَارْ إِ-ت ورْيَازْ، إِطّصْ أَكِيذسْ، [خنِّي] إِتّْخصَّا أَذْ إِمّثْ ورْيَازْ وَاهَا، ونِّي كِيسْ إِطّْصنْ.
DEU 22:26 وَارْ تّڭّْ وَالُو إِ ثبْڒِيغْثْ. ثَابْڒِيغْثْ وَارْ ثڭِّي شَا دّنْبْ أَڒْ ڒْموْثْ، مِينْزِي ثَامسْڒَاشْثْ-أَ أَمْ [ثْمسْڒَاشْثْ] ن ورْيَازْ نِّي إِكَّارنْ أَكْ-ذ جَّارْ نّسْ ؤُشَا إِنْغَا إِ-ث،
DEU 22:27 مِينْزِي نتَّا يُوفِي ت ذڭْ إِيَّارْ، ثسْغُويْ ثبْڒِيغْثْ نِّي إِتّْوَاخضْبنْ، مَاشَا وَارْ ثُوغِي ذِينْ وِي ت غَا إِسّْنجْمنْ.
DEU 22:28 خْمِي شَا ن ورْيَازْ يُوفَا إِشْثْ ن ثبْڒِيغْثْ ذ ثَاعْزَارشْثْ، وَارْ ت إِخْضِيبْ حذْ، ؤُشَا نتَّا إِطّفْ إِ-ت، إِطّصْ أَكِيذسْ ؤُشَا تّْوَافنْ نِيثْنِي،
DEU 22:29 [خنِّي] أَرْيَازْ نِّي إِطّْصنْ أَكِيذسْ أَذْ إِوْشْ إِ بَابَاسْ ن ثبْڒِيغْثْ خمْسِينْ ن [ؤُقِييَّاثْ ن] نُّوقَارْثْ ؤُ نتَّاثْ أَذْ ثذْوڒْ ذ ثَامْغَارْثْ نّسْ، ؤُمِي ت إِسّحْقَارْ. وَارْ إِزمَّارْ أَذْ أَسْ إِدْجفْ مَارَّا ؤُسَّانْ [ن ثُوذَارْثْ] نّسْ.
DEU 22:30 وَارْ إِعدّڒْ إِ ورْيَازْ أَذْ إِكْسِي ثَامْغَارْثْ ن بَابَاسْ ؤُ وَارْ إِعدّڒْ أَذْ إِسّْعَارَّا خْ وَافْرِيوْ [إِتّْسَارَّانْ] ن وَارُّوضْ ن بَابَاسْ.“
DEU 23:1 ”وَارْ إِعدّڒْ إِ ونِّي ؤُمِي ذقْفنْ، ؤُمِي تّْوَادّْزنْ [إِمدْجَاڒنْ] نِيغْ تّْوَاكّْسنْ إِمنْيَارنْ أَذْ يَاذفْ غَارْ وڭْرَاوْ [ن ڒْڭنْسْ] ن سِيذِي.
DEU 23:2 وَارْ إِعدّڒْ إِ مِّيسْ ن ڒحْرَامْ أَذْ يَاذفْ غَارْ وڭْرَاوْ [ن ڒْڭنْسْ] ن سِيذِي. عَاذْ أَڒْ جِّيڒْ وِيسّْعشْرَا نّسْ [ؤُڒَا ذ إِجّْ زَّايسْ] وَارْ ذ أَسْ إِعدّڒْ أَذْ يَاذفْ غَارْ ثْمسْمُونْثْ ن سِيذِي.
DEU 23:3 وَارْ إِعدّڒْ إِ يِيجّنْ ن زڭْ أَيْثْ ن عَامُّونْ نِيغْ إِ يِيجّنْ زڭْ أَيْثْ ن مُوآبَ إِ أَذْ يَاذفْ غَارْ وڭْرَاوْ ن ڒْڭنْسْ ن سِيذِي. وَاخَّا أَڒْ جِّيڒْ وِيسّْعشْرَا نّسْ عَاذْ وَارْ إِعدّڒْ إِ [ؤُڒَا ذ إِجّْ زَّايْسنْ] أَذْ يَاذفْ غَارْ وڭْرَاوْ [ن ڒْڭنْسْ] ن سِيذِي إِ ڒبْذَا،
DEU 23:4 مِينْزِي نِيثْنِي وَارْ غَارْومْ د-فِّيغنْ حِيمَا أَذْ كِيذْومْ مْسَاڭَارنْ غَارْ وبْرِيذْ س وغْرُومْ ذ وَامَانْ ؤُمِي د-ثفّْغمْ زِي مِيصْرَا ؤُشَا ؤُمِي نتَّا خَاكْ إِشْرَا بَالْعَامْ، مِّيسْ ن بَاعُورْ، زِي فَاثُورْ زِي [ثمُّورْثْ ن] أَرَامْ-نَاهْرَايْنْ، [أَقَا-ت ذ مِيسُوپُوثَامْيَا]، مَاحنْذْ أَذْ شكْ إِنْعڒْ.
DEU 23:5 [مَاشَا] سِيذِي، أَربِّي نّشْ، ثُوغَا وَارْ إِخْسْ أَذْ إِسڒْ إِ بَالْعَامْ ؤُشَا سِيذِي، أَربِّي نّشْ، يَارَّا نّعْڒثْ ذ لْبَارَاكَا، مِينْزِي سِيذِي، أَربِّي نّشْ، ثُوغَا إِتّخْسْ إِ شكْ.
DEU 23:6 وَارْ ثَارزُّو خْ ڒهْنَا نْسنْ ذ ڒْخَارْ نْسنْ، مَارَّا ؤُسَّانْ [ن ثُوذَارْثْ نّشْ]، أَڒْ إِ ڒبْذَا.
DEU 23:7 وَارْ شَارّهْ أَذُومِي، مِينْزِي نتَّا ذ ؤُمَاشْ، وَارْ شَارّهْ أَمِيصْرِي، مِينْزِي ثُوغَا شكْ ذ أَبَارَّانِي ذِي ثمُّورْثْ نّسْ.
DEU 23:8 إِحنْجِيرنْ إِ ذ أَسنْ إِتّْوَارْونْ إِعدّڒْ أَسنْ أَذْ أَذْفنْ غَارْ وڭْرَاوْ [ن ڒْڭنْسْ] ن سِيذِي زِي جِّيڒْ وِيسّْ ثْڒَاثَا.“
DEU 23:9 ”ؤُمِي د غَا ثفّْغذْ س ڒْعسْكَارْ ضِيدّْ إِ ڒْعذْيَانْ نّشْ، أَذْ ثحْضِيذْ إِخفْ نّشْ زِي مَارَّا ڒْغَارْ.
DEU 23:10 مَاڒَا ذِينْ إِجّْ ن ورْيَازْ أَكِيذكْ، وَارْ إِدْجِي شَا ذ أَمزْذَاڭْ أَكْ-ذ مِينْ إِمْسَارنْ س دْجِيڒثْ، أَذْ إِفّغْ بَارَّا إِ ڒْمَارْڭحْ ن ڒْعسْكَارْ. وَارْ ذ أَسْ إِعدّڒْ مَاحنْذْ أَذْ يَاذفْ غَارْ ذَاخڒْ ن ڒْمَارْڭحْ.
DEU 23:11 غَارْ ؤُوطُّو ن ثْمذِّيثْ، أَذْ إِسِّيرْذْ إِخفْ نّسْ س وَامَانْ ؤُ أَوَارْنِي إِ ؤُغدْجَايْ ن ثْفُوشْثْ إِزمَّارْ أَذْ يَاذفْ [عَاوذْ] غَارْ ڒْمَارْڭحْ.
DEU 23:12 إِتّْخصَّا أَذْ غَاركْ يِيڒِي ومْشَانْ بَارَّا إِ ڒْمَارْڭحْ ن ڒْعسْكَارْ مَانِي غَا ثفّْغذْ ذِي بَارَّا.
DEU 23:13 أَذْ غَاركْ يِيڒِي عَاوذْ جَارْ ڒقْشُوعْ نّشْ إِجّْ ن ؤُجِيجْ ؤُشَا خْمِي غَا ثقِّيمذْ بَارَّا، أَذْ زَّايسْ ثْخبْشذْ إِجّْ ن وحْفُورْ، أَذْ ثنْقڒْبذْ ؤُ أَذْ ثْخمّْڒذْ إِسُوفّْغَانْ نّشْ.
DEU 23:14 مِينْزِي سِيذِي، أَربِّي نّشْ، إِڭُّورْ ذِي ڒْمَارْڭحْ نّشْ ن ڒْعسْكَارْ حِيمَا أَذْ شكْ إِفكّْ ؤُ حِيمَا أَذْ [أَشْ] إِسلّمْ ڒْعذْيَانْ نّشْ زَّاثْ إِ وُوذمْ نّشْ. ثَاسْقِيفْثْ نّشْ أَثْ ثِيڒِي ثْقدّسْ، حِيمَا نتَّا وَارْ ذَايكْ إِتّْوِيڒِي شَا ن ڒفْضِيحثْ ؤُشَا أَذْ خَاكْ إِنّقْڒبْ أَوَارْنِي أَشْ.“
DEU 23:15 ”إِسْمغْ إِ غَاركْ د-يَاروْڒنْ زِي بَابْ نّسْ، وَارْ ثْزمَّارذْ أَذْ ث ثْسلّْمذْ [عَاوذْ] إِ بَابْ نّسْ.
DEU 23:16 أَذْ كِيكْ إِزْذغْ ذِي ڒْوسْطْ نّشْ، ذڭْ ومْشَانْ نِّي غَا يِيخْضَارْ غَارْ ذَاخڒْ إِ يِيشْثْ زِي ثوُّورَا نّشْ، مَانِي غَا يِيڒِي مْلِيحْ. وَارْ إِعدّڒْ أَذْ ث ثْضڒْمذْ.
DEU 23:17 وَارْ ثتِّيڒِي ؤُڒَا ذ إِشْثْ ن ثمْغَارْثْ ن فَارْقْ-شّْغڒْ ن زَّاوشْثْ جَارْ يسِّيسْ ن إِسْرَائِيل ؤُشَا وَارْ إِتِّيڒِي ؤُڒَا ذ إِجّْ ن ؤُمثْلِي [ن زَّاوشْثْ] جَارْ أَيْثْ ن إِسْرَائِيل.
DEU 23:18 مَامّشْ مَا يڭَّا وَاوَاڒْ نّشْ، وَارْ إِعدّڒْ أَذْ د-ثَاوْيذْ إِ ؤُيَا ڒْمُونثْ ن فَارْقْ-شّْغڒْ نِيغْ تَّامَانْ ن وقْزِينْ غَارْ ثَادَّارْثْ ن سِيذِي، أَربِّي نّشْ، مِينْزِي أَقَا أَثنْ س ثْنَاينْ ذ إِشْثْ ن جّْعِيفشْثْ غَارْ سِيذِي، أَربِّي نّشْ.
DEU 23:19 وَارْ تّڭّْ أَرِّيبَا خْ ؤُمَاشْ، وَارْ إِدْجِي أَرِّيبَا خْ نُّوقَارْثْ، وَارْ إِدْجِي أَرِّيبَا خْ مَاشَّا، وَارْ إِدْجِي أَرِّيبَا خْ مَارَّا ثَامسْڒَاشْثْ نِّي إِزمَّارنْ أَذْ د-ثَاوِي أَرِّيبَا.
DEU 23:20 ثْزمَّارذْ أَذْ ثڭّذْ أَرِّيبَا خْ ؤُبَارَّانِي، مَاشَا وَارْ ثْزمَّارذْ أَذْ ثڭّذْ أَرِّيبَا خْ ؤُمَاشْ، حِيمَا أَذْ أَشْ إِبَاركْ سِيذِي، أَربِّي نّشْ، ذِي مَارَّا ڒْخذْمثْ ن إِفَاسّنْ نّشْ ذِي ثمُّورْثْ مَانِي غَا ثْرَاحذْ حِيمَا أَذْ ت ثكْسِيذْ ذ ڒْوَارْثْ.
DEU 23:21 خْمِي غَا ثڭّذْ إِجّْ ن لْوَاعْذْ إِ سِيذِي، أَربِّي نّشْ، وَارْ ثذِّيكّْوِيڒذْ شَا غَارْ ضفَّارْ مَاحنْذْ أَذْ ث ثْكمّْڒذْ، مِينْزِي سِيذِي، أَربِّي نّشْ، أَذْ زَّايكْ إِتَّارْ [أَذْ] ث [ثْكمّْڒذْ]، [مَاڒَا لَّا] أَذْ خَاكْ يِيڒِي ذ دّنْبْ.
DEU 23:22 مَاڒَا وَارْ ثڭِّيذْ إِجّْ ن لْوَاعْذْ، وَارْ خَاكْ إِتِّيڒِي دّنْبْ.
DEU 23:23 مِينْ د-إِفّْغنْ زِي جَارْ إِينْشِيشنْ نّشْ، أَذْ ث ثْكمّْڒذْ س ثِيذتّْ، أَمْ مَامّشْ إِتّْخصَّا أَذْ ثْكمّْڒذْ لْوَاعْذْ ن ثوْهِيبْثْ س ڒْخَاضَارْ نِّي زِي ثْوَاعْذذْ سِيذِي، أَربِّي نّشْ، ؤُ ونِّي خْ ثسِّيوْڒذْ س ؤُقمُّومْ نّشْ.
DEU 23:24 خْمِي غَا ثَاذْفذْ غَارْ ؤُمَارْجعْ ن ؤُضِيڒْ ن ؤُمْقَارَّابْ نّشْ، ثْزمَّارذْ أَذْ ثشّذْ أَضِيڒْ عْلَاحْسَابْ مژْرِي ن ڒعْمَارْ نّشْ، مَاشَا إِتّْخصَّا وَارْ ثتّڭّذْ وَالُو ذِي ثْسُودْجثْ نّشْ.
DEU 23:25 مَاڒَا ثُوذْفذْ غَارْ إِمنْذِي إِبدّنْ ن جَّارْ نّشْ، ثْزمَّارذْ أَذْ ثكْسِيذْ ثِيذْرِينْ س إِفَاسّنْ نّشْ، مَاشَا وَارْ إِعدّڒْ أَذْ ثوْثذْ أَمْجَارْ ذڭْ إِمنْذِي إِبدّنْ ن جَّارْ نّشْ.“
DEU 24:1 ”خْمِي غَا يَاوِي إِجّْ ن ورْيَازْ إِشْثْ ن ثمْغَارْثْ ؤُشَا إِمْڒشْ أَكِيذسْ ؤُشَا وَارْ ذ أَسْ ثعْجِيبْ ؤُمِي ذَايسْ يُوفَا شَا ن ڒفْضِيحثْ، ؤُشَا [خنِّي] أَذْ أَسْ يَارِي ثَابْرَاثْ ن ودْجَافْ، أَذْ أَسْ ت إِوْشْ ذڭْ ؤُفُوسْ نّسْ ؤُشَا أَذْ ت إِسُّوفغْ زِي ثَادَّارْثْ نّسْ،
DEU 24:2 ؤُشَا [خنِّي] ثفّغْ نتَّاثْ زِي ثَادَّارْثْ نّسْ، ثْرُوحْ ؤُشَا ثذْوڒْ ذ ثَامْغَارْثْ غَارْ إِجّْ ن ورْيَازْ نّغْنِي،
DEU 24:3 ؤُشَا أَرْيَازْ أَنڭَّارُو إِشَارْهْ إِ-ت، أَذْ أَسْ يَارِي ثَابْرَاثْ ن ودْجَافْ ؤُشَا أَذْ أَسْ ت إِوْشْ ذڭْ ؤُفُوسْ نّسْ ؤُشَا أَذْ ت إِسّكّْ زِي ثَادَّارْثْ نّسْ، نِيغْ أَرْيَازْ أَنڭَّارُو نِّي إِ-ت يِيوْينْ ذ ثَامْغَارْثْ [نّسْ]، إِمُّوثْ،
DEU 24:4 [خنِّي] وَارْ إِعدّڒْ إِ ورْيَازْ نّسْ أَمزْوَارُو، ونِّي ذ أَسْ إِطلّْقنْ، أَذْ ت يڭّْ [عَاوذْ] ذ ثَامْغَارْثْ إِ يِيخفْ نّسْ، أَوَارْنِي ؤُمِي ثتّْوَاسّخْمجْ نتَّاثْ، مِينْزِي مَانْ أَيَا ذ جّْعِيفشْثْ زَّاثْ إِ وُوذمْ ن سِيذِي. وَارْ إِعدّڒْ أَذْ ثسِّيوِيضْ دّنْبْ خْ ثمُّورْثْ إِ ذ أَشْ إِوْشَا سِيذِي، أَربِّي نّشْ، ذ ڒْوَارْثْ.“
DEU 24:5 ”خْمِي إِجّْ ن ورْيَازْ ثُوغَا أَمْ إِمْڒشْ، [خنِّي] وَارْ إِتّفّغْ شَا أَكْ-ذ ڒْعسْكَارْ ؤُ وَارْ خَاسْ ثتّْوَاڭّْ ؤُڒَا ذ إِشْثْ ن ثْمسْڒَاشْثْ. أَذْ يِيڒِي إِجّْ ن ؤُسڭّْوَاسْ إِ ثَادَّارْثْ نّسْ وَاهَا ؤُ أَذْ إِسّْفَارْحْ ثَامْغَارْثْ نّسْ إِ يِيوِي [إِ يِيخفْ نّسْ].“
DEU 24:6 ”وَارْ إِعدّڒْ أَذْ ثكْسِيذْ إِژْرَا ن ثْسِيرْثْ س ثْنَاينْ ذ أَضْمَانْ، نِيغْ [أَژْرُو] نِّي [زَّايْسنْ] إِتّنْهزَّانْ [وَاهَا]، مِينْزِي أَقَا [خنِّي] أَذْ يِيڒِي ڒعْمَارْ ذ أَضْمَانْ.“
DEU 24:7 ”مَاڒَا إِتّْوَافْ إِجّْ ن ورْيَازْ يُوشَارْ شَا ن يِيجّْ زڭْ وَاوْمَاثنْ نّسْ، زڭْ أَيْثْ ن إِسْرَائِيل، ؤُشَا نتَّا يَارَّا إِ-ث ذ إِسْمغْ ؤُشَا إِزّنْزْ إِ-ث، [خنِّي] أَذْ إِمّثْ ؤُشفَّارْ [نِّي]. إِتّْخصَّا أَذْ ثكّْسذْ ڒْغَارْ زِي ڒْوسْطْ نّشْ.“
DEU 24:8 ”خْمِي [ذِينْ ثدْجَا] جّْرِيحشْثْ ن ڒْبَارْصْ، حْضَا أَذْ ثحْضِيذْ ؤُ أَذْ ثڭّذْ نِيشَانْ عْلَاحْسَابْ مَارَّا مِينْ ذ أَشْ غَا سّْڒمْذنْ إِكهَّاننْ إِلَاوِييّنْ. أَذْ ثحْضَامْ مَاحنْذْ أَذْ ثڭّمْ مَارَّا أَمْ مَامّشْ ثنْ ؤُمُورغْ.
DEU 24:9 إِذَارْ مِينْ إِڭَّا سِيذِي، أَربِّي نّشْ، أَكْ-ذ مَارْيَامْ ذڭْ وبْرِيذْ ؤُمِي د-ثفّْغمْ زِي مِيصْرَا.“
DEU 24:10 ”مَاڒَا ثَارْضْڒذْ شَا إِ جَّارْ نّشْ، [خنِّي] وَارْ تِّيذفْ غَارْ ثَادَّارْثْ نّسْ حِيمَا أَذْ زَّايسْ ثكْسِيذْ شَا ذ أَضْمَانْ [إِ يِيخفْ نّشْ].
DEU 24:11 أَذْ ثقِّيمذْ بَارَّا ؤُشَا أَرْيَازْ إِ ؤُمِي ثَارْضْڒذْ أَذْ أَشْ د-يَاوِي دِّييّثْ غَارْ بَارَّا.
DEU 24:12 مَاڒَا ثُوغَا ذ أَرْيَازْ ذ أَمزْڒُوضْ، [خنِّي] وَارْ تّتّْنُوسِي ذڭْ ورْهَانْ نّسْ [أَمشْنَاوْ إِ يدْجَا ذ ثَاسُّوثْ نّسْ].
DEU 24:13 أَذْ أَسْ د-ثَارّذْ دِّييّثْ نِّي نِيشَانْ غَارْ ؤُغدْجِي ن ثْفُوشْثْ، حِيمَا أَذْ إِطّصْ ذِي ثَاسُّوثْ نّسْ ؤُشَا أَذْ أَشْ إِبَاركْ. مَانْ أَيَا أَذْ أَشْ ثِيڒِي ذ ثَاسڭْذَا زَّاثْ إِ وُوذمْ ن سِيذِي، أَربِّي نّشْ.“
DEU 24:14 ”وَارْ سْحِيسّْفمْ أَشوَّاڒْ أَمحْذَاجْ أَمزْڒُوضْ زڭْ أَيْثْمَاشْ نِيغْ زڭْ إِبَارَّانِييّنْ إِ إِزدّْغنْ ذِي ثمُّورْثْ نّشْ ؤُ ذَاخڒْ إِ ثوُّورَا نّشْ.
DEU 24:15 أَذْ أَسْ ثوْشذْ ڒْمُونثْ نّسْ كُوڒْ أَسّْ. وَارْ خَاسْ ثْغدْجِي ثْفُوشْثْ خْ مَانْ أَيَا، مِينْزِي نتَّا ذ أَمزْڒُوضْ ؤُشَا إِمّژْرِي ذَايسْ، حِيمَا نتَّا وَارْ إِتّْڒِيغِي إِ سِيذِي ذِي سِّيبّثْ نّشْ ؤُشَا أَذْ ذَايكْ يِيڒِي دّنْبْ.“
DEU 24:16 ”إِبَابَاثنْ وَارْ تّْوَانقّنْ ذِي سِّيبّثْ ن إِحنْجِيرنْ نْسنْ ؤُ إِحنْجِيرنْ وَارْ تّْوَانقّنْ ذِي سِّيبّثْ ن إِبَابَاثنْ نْسنْ. كُوڒْ إِجّْ أَذْ إِتّْوَانغْ ذِي سِّيبّثْ ن دّنْبْ نّسْ.“
DEU 24:17 ”وَارْ سْفَارَّاغْ ڒحْكَامْ ن ؤُبَارَّانِي ذ ؤُيُوجِيڒْ نِيغْ أَذْ ثكْسِيذْ أَرُّوضْ ن ثَاجَّاتْشْ ذ أَضْمَانْ.
DEU 24:18 أَذْ ثْعقْڒذْ بلِّي ثُوغَا شكْ ذ إِسْمغْ ذِي مِيصْرَا ؤُشَا أَقَا سِيذِي، أَربِّي نّشْ، إِفْذِي شكْ سّنِّي. خْ ؤُيَا نشّْ تُّومُورغْ شكْ أَذْ ثڭّذْ مَانْ أَيَا.
DEU 24:19 خْمِي ثْمجَّارذْ صَّابثْ نّشْ ذڭْ إِيَّارْ نّشْ ؤُشَا ثتُّوذْ شَا ن ثْقبِّيضْثْ ذڭْ إِيَّارْ، [خنِّي] وَارْ د-ثذِّيكّْوِيڒذْ مَاحنْذْ أَذْ ت ثكْسِيذْ. أَذْ ثِيڒِي [ذ ثَاسْغَارْثْ] إِ ؤُبَارَّانِي، إِ ؤُيُوجِيڒْ ؤُ إِ ثَاجَّاتْشْ، حِيمَا أَذْ شكْ إِبَاركْ سِيذِي، أَربِّي نّشْ، ذِي مَارَّا ڒْخذْمثْ ن إِفَاسّنْ نّشْ.
DEU 24:20 خْمِي غَا ثْژوْضذْ ثَاشجَّارْثْ نّشْ ن زِّيثُونْ، وَارْ تِّيشْ ثَايْنِيثْ [عَاذْ] إِ مِينْ إِقِّيمنْ أَوَارْنِي أَشْ. ذ مَانْ أَيَا إِ غَا يِيڒِينْ إِ ؤُبَارَّانِي، إِ ؤُيُوجِيڒْ ؤُ إِ ثَاجَّاتْشْ.
DEU 24:21 أَوَارْنِي ڒَامِي ثْڒقْضذْ أَضِيڒْ ن ؤُمَارْجعْ نّشْ ن ؤُضِيڒْ، وَارْ أَرزُّو أَذْ ثْڒقْضذْ مِينْ إِقِّيمنْ أَوَارْنِي أَشْ عَاوذْ. أَقَا مَانْ أَيَا أَذْ يِيڒِي إِ ؤُبَارَّانِي، إِ ؤُيُوجِيڒْ ؤُ إِ ثَاجَّاتْشْ.
DEU 24:22 أَذْ ثْعقْڒذْ بلِّي ثُوغَا شكْ ذ إِسْمغْ ذِي ثمُّورْثْ ن مِيصْرَا. خْ ؤُيَا نشّْ تُّومُورغْ شكْ أَذْ ثڭّذْ مَانْ أَيَا.“
DEU 25:1 ”مَاڒَا [ذِينْ] إِجّْ ن ؤُمْشُوبّشْ جَارْ إِرْيَازنْ ؤُشَا إِتّْخصَّا أَسنْ أَذْ ؤُيُورنْ غَارْ ڒْمحْكَامَا، أَذْ [خَاسنْ] حكْمنْ، [خنِّي] أَذْ بَارّْحنْ خْ ونِّي غَارْ إِدْجَا ڒْحقّْ ؤُشَا أَذْ حكْمنْ خْ ؤُمذْنُوبْ.
DEU 25:2 مَاڒَا أَمذْنُوبْ إِسّْذَاهدْجْ ثِييِّيثَا، [خنِّي] ڒْقَاضِي أَذْ يجّْ أَذْ ثغضْڒنْ غَارْ ثمُّورْثْ ؤُشَا أَذْ [ث] فَارْشنْ زَّاثْ إِ وُوذمْ نّسْ أَنشْثْ إِتُّورْسْ [ذِي ڒحْسَابْ] ن ڒْغشّْ نّسْ.
DEU 25:3 إِعدّڒْ أَذْ أَسْ إِوْشْ أَربْعِينْ ن ثيِّيثَا، وَارْ غَارْسنْثْ يَارنِّي شَا، مِينْزِي مَاڒَا أَذْ ث إِفَارْشْ عَاذْ كْثَارْ سنّجْ إِ ثِييِّيثَا-يَا، أَقَا ؤُمَاشْ أَذْ أَشْ د-إِبَانْ ذ أَمحْڭُورْ جَارْ ثِيطَّاوِينْ نّشْ.“
DEU 25:4 ”وَارْ تّڭّْ ثَاشْمَانْثْ إِ ؤُفُونَاسْ خْمِي إِسَّارْوَاثْ.“
DEU 25:5 ”خْمِي زدّْغنْ وَاوْمَاثنْ أَكْ-ذ وَايَاوْيَا ؤُشَا إِمُّوثْ إِجّْ زَّايْسنْ، ؤُشَا وَارْ د-يجِّي شَا مِّيسْ، [خنِّي] ثَامْغَارْثْ ن ؤُمتِّينْ وَارْ ثْمدْجشْ شَا أَكْ-ذ شَا ن ورْيَازْ بَارَّا فَامِيلِييَا نّسْ. أَذْ خَاسْ يَاذفْ وَاڒوْسْ ؤُشَا أَذْ ت إِڭّْ ذ ثَامْغَارْثْ نّسْ ؤُشَا أَذْ أَسْ يڭّْ خنِّي لْوَاجِيبْ ن وَاڒوْسْ.
DEU 25:6 ؤُشَا أَمنْزُو نِّي إِ د غَا ثَارُووْ، أَذْ إِخْڒفْ إِسمْ ن ؤُمَاسْ إِمُّوثنْ، [حِيمَا] إِسمْ ن وَا وَارْ إِمحِّي شَا زِي إِسْرَائِيل.
DEU 25:7 [مَاشَا] مَاڒَا أَرْيَازْ وَارْ إِخْسْ أَذْ إِكْسِي ثَامْغَارْثْ ن ؤُمَاسْ، أَذْ ثْڒَاهْ [خنِّي] ثمْغَارْثْ ن ؤُمَاسْ غَارْ ثوَّارْثْ، غَارْ إِمْغَارنْ، أَذْ ثِينِي: ’أَڒوْسْ إِنُو يُوڭِي أَذْ إِخْڒفْ إِسمْ ن ؤُمَاسْ ذِي إِسْرَائِيل، وَارْ إِخْسْ أَذْ إِڭّْ لْوَاجِيبْ ن وَاڒوْسْ.‘
DEU 25:8 [خنِّي] إِمْغَارنْ ن ثنْذِينْثْ نِّي أَذْ أَسْ د-ڒَْاغَانْ ؤُشَا أَذْ أَكِيذسْ سِّيوْڒنْ. مَاڒَا نتَّا إِمْنعْ ذڭْ وَاوَاڒْ نّسْ ؤُشَا إِنَّا: ’وَارْ خْسغْ شَا أَذْ ت أَوْيغْ!‘،
DEU 25:9 أَذْ غَارسْ د-ثْقَارّبْ [خنِّي] ثَاڒوْسْثْ زَّاثْ إِ ثِيطَّاوِينْ ن إِمْغَارنْ، أَذْ أَسْ ثكّسْ سَانْذَالَا نّسْ زڭْ ؤُضَارْ ؤُشَا أَذْ خَاسْ ثسُّوسفْ خْ ؤُغمْبُوبْ، أَذْ ثْبَارّحْ، أَذْ ثِينِي: ’أَمُّو إِ إِتّْوَاڭّْ ذڭْ ورْيَازْ نِّي وَارْ إِخْسنْ أَذْ إِبْنَا ثَادَّارْثْ ن ؤُمَاسْ!‘
DEU 25:10 ؤُشَا أَذْ أَسْ ڒَاغَانْ ذِي إِسْرَائِيل س يِيسمْ وَانِيثَا: ’ثَادَّارْثْ ن ونِّي ؤُمِي إِتّْوَاكّسْ سَانْذَالَا نّسْ!‘ “
DEU 25:11 ”مَاڒَا [ذِينْ] إِرْيَازنْ مْشُوبُّوشنْ ؤُشَا ثْرحّڭْ-د ثمْغَارْثْ ن شَا ن إِجّْ حِيمَا أَذْ ثْفكّْ أَرْيَازْ نّسْ زڭْ ؤُفُوسْ ن وِي ث إِشَّاثنْ ؤُشَا نتَّاثْ ثسّْوِيژّضْ أَفُوسْ نّسْ ؤُشَا ثطّفْ إِ-ث زِي ثْفُولِينْ ن ؤُسضْحِي نّسْ،
DEU 25:12 أَذْ أَسْ ثْقسّذْ [خنِّي] أَفُوسْ نّسْ، وَارْ ذ أَمْ تّزِّيدْجِيزْ.“
DEU 25:13 ”وَارْ غَاركْ إِتِّيڒِي ذِي ثْخَانْشثْ نّشْ إِجّْ ن وژْرُو [ن ڒوْزنْ] ذ إِجّْ ن وژْرُو [نّغْنِي]، إِجّْ ن وژْرُو ذ أَمقّْرَانْ ؤُڒَا ذ إِجّْ ن وژْرُو ذ أَمژْيَانْ.
DEU 25:14 وَارْ غَاركْ إِتِّيڒِي ذِي ثَادَّارْثْ نّشْ، [ڒْْمُوذْ] ن إِجّْ ن إِفَا ؤُڒَا ذ إِجّْ ن إِفَا [نّغْنِي]، إِجّْ ن إِفَا ذ أَمقّْرَانْ ؤُڒَا ذ إِجّْ ن إِفَا ذ أَمژْيَانْ.
DEU 25:15 إِجّْ ن وژْرُو ن ڒوْزنْ إِوَاطَا، إِسڭّمْ أَذْ غَاركْ يِيڒِي ؤُڒَا ذ إِجْ ن ڒْمُوذْ ن يِيجّْ ن إِفَا نِيشَانْ، إِوَاطَا، حِيمَا ؤُسَّانْ نّشْ أَذْ زُّوڭَّارْثنْ خْ وُوذمْ [ن ثمُّورْثْ] نِّي إِ ذ أَشْ غَا إِوْشْ، سِيذِي، أَربِّي نّشْ.
DEU 25:16 مِينْزِي مَارَّا وِي غَا إِڭِّينْ مَانْ أَيَا، مَارَّا وِي غَا إِڭِّينْ ڒْغشّْ، أَقَا نتَّا ذ نّْعِي غَارْ سِيذِي، أَربِّي نّشْ.“
DEU 25:17 ”إِذَارْ مِينْ زَّايكْ إِڭَّا عَامَالِيقْ ذڭْ وبْرِيذْ، ؤُمِي د-ثفّْغذْ زِي مِيصْرَا،
DEU 25:18 مَامّشْ د-إِفّغْ غَارْ ؤُمْسَاڭَارْ أَكِيذكْ ذڭْ وبْرِيذْ ؤُشَا إِهْجمْ خَاكْ زِي ضفَّارْ [مَانِي دْجَانْ] مَارَّا إِنِّي إِضعْفنْ، ؤُمِي شكْ ثُوغَا ثُوحْڒذْ، ثفْنِيذْ. نتَّا وَارْ إِڭّْوِيذْ شَا أَربِّي.
DEU 25:19 أَذْ إِمْسَارْ، خْمِي سِيذِي، أَربِّي نّشْ، أَذْ شكْ إِسَّاريّحْ زِي مَارَّا ڒْعذْيَانْ إِ ذ أَشْ-د إِنّْضنْ ذِي ثمُّورْثْ إِ ذ أَشْ غَا إِوْشْ سِيذِي، أَربِّي نّشْ، ذ ڒْوَارْثْ، حِيمَا أَذْ ت ثكْسِيذْ، أَقَا أَذْ ثمْحِيذْ ڒِيذَارثْ ن عَامَالِيقْ زِي سَاذُو ؤُجنَّا. وَارْ ث تّتُّو!“
DEU 26:1 ”خْمِي غَا ثَاذْفذْ غَارْ ثمُّورْثْ نِّي ذ أَشْ غَا إِوْشْ سِيذِي، أَربِّي نّشْ، ذ ڒْوَارْثْ، ؤُشَا أَذْ ت ثطّْفذْ ؤُشَا أَذْ ذَايسْ ثْزذْغذْ،
DEU 26:2 [خنِّي] أَذْ ثكْسِيذْ زِي ثْمزْوَارُوثْ ن كُوڒْ ڒْغِيدْجثْ إِ غَا ثسّْمُونذْ زِي ثمُّورْثْ نِّي ذ أَشْ غَا إِوْشْ سِيذِي، أَربِّي نّشْ، أَذْ ث ثڭّذْ ذِي ثْسُودْجثْ ؤُشَا أَذْ ثْرَاحذْ غَارْ ومْشَانْ إِ غَا يِيخْضَارْ سِيذِي مَاحنْذْ أَذْ ذِينْ إِسّزْذغْ إِسمْ نّسْ.
DEU 26:3 ؤُشَا أَذْ د-ثَاسذْ غَارْ ؤُكهَّانْ، ونِّي [ذِينْ] غَا يِيڒِينْ ذڭْ وُوسَّانْ نِّي، أَذْ أَسْ ثِينِيذْ: ’أَقَا أَسّْ-أَ أَذْ بَارّْحغْ إِ سِيذِي، أَربِّي نّشْ، بلِّي أَقَا ؤُذْفغْ غَارْ ثمُّورْثْ نِّي خْ إِجُّودْجْ سِيذِي إِ ڒجْذُوذْ نّغْ حِيمَا أَذْ أَنغْ ت إِوْشْ.‘
DEU 26:4 ؤُشَا أَذْ إِكْسِي ؤُكهَّانْ ثَاسُودْجثْ زڭْ ؤُفُوسْ نّشْ، أَذْ ت إِسَّارْسْ زَّاثْ إِ ؤُعَالْطَارْ ن سِيذِي، أَربِّي نّشْ.
DEU 26:5 أَذْ ثْبَارّْحذْ زَّاثْ إِ وُوذمْ ن سِيذِي، أَربِّي نّشْ، أَذْ ثِينِيذْ: ’أَرَامِييُو نِّي ثُوغَا إِدْجَانْ عْڒَاحَاڒْ أَذْ إِفْنَا أَقَا ثُوغَا-ث ذ بَابَا. نتَّا إِهْوَا غَارْ مِيصْرَا ؤُشَا إِزْذغْ ذِينْ أَمْ ؤُبَارَّانِي أَكْ-ذ إِجّْ ن وُورُو ن يرْيَازنْ [وَاهَا] ؤُشَا إِيْمَا، إِذْوڒْ ذ إِجّْ ن ڒْڭنْسْ إِمْغَارْ، إِجْهذْ ؤُ ذڭْ وَاطَّاسْ.
DEU 26:6 إِمِيصْرِييّنْ ضڒْمنْ ؤُ حْصَارنْ أَنغْ ؤُ ڭِّينْ خَانغْ ثَاسْمُوغِي ثقْسحْ.
DEU 26:7 ؤُشَا نسْغُويْ غَارْ سِيذِي، أَربِّي ن ڒجْذُوذْ نّغْ، ؤُشَا إِسْڒَا سِيذِي إِ ثْمِيجَّا نّغْ ؤُ إِژْرَا أَرْژِييّثْ نّغْ ذ ڒغْبنْ نّغْ ذ ڒْمحْنثْ نّغْ.
DEU 26:8 إِسُّوفّغْ أَنغْ-د سِيذِي زِي مِيصْرَا س ؤُفُوسْ إِجهْذنْ، س ؤُغِيڒْ إِسّْوِيژّْضنْ، س ثِيمڭَّا إِمْغَارنْ إِسِّيڭّْوِيذنْ، س ڒعْڒَامَاثْ ؤُ س لْمُوعْجِيزَاثْ،
DEU 26:9 ؤُشَا إِسِّيذفْ أَنغْ غَارْ ومْشَانْ-أَ ؤُشَا إِوْشَا أَنغْ ثَامُّورْثْ-أَ، ثَامُّورْثْ إِفيّْضنْ س ؤُغِي ذ ثَامّنْثْ.
DEU 26:10 ؤُشَا ڒخُّو، خْزَارْ، إِوْيغْ-د ثَامزْوَارُوثْ ن ڒْغِيدْجثْ ن ثمُّورْثْ نِّي ذ أَيِي ثوْشِيذْ، [أَ] سِيذِي!‘ [خنِّي] أَذْ ث ثڭّذْ زَّاثْ إِ وُوذمْ ن سِيذِي، أَربِّي نّشْ، أَذْ ثْبنْذْقذْ زَّاثْ إِ وُوذمْ ن سِيذِي، أَربِّي نّشْ.
DEU 26:11 أَذْ ثْفَارّْحذْ زِي مَارَّا ڒْخَاڒْ إِ غَا إِوْشْ سِيذِي، أَربِّي نّشْ، إِ شكْ ؤُ إِ [أَيْثْبَابْ ن] ثَادَّارْثْ نّشْ: شكْ ذ ؤُلَاوِي ذ ؤُبَارَّانِي إِ إِدْجَانْ ذِي ڒْوسْطْ نّشْ.“
DEU 26:12 ”خْمِي غَا ثْكمّْڒذْ زڭْ ؤُعشَّارْ ن مَارَّا ڒعْشُورْ ن ڒْغِيدْجثْ نّشْ ذڭْ ؤُسڭّْوَاسْ وِيسّْ ثْڒَاثَا، ونِّي ذ أَسڭّْوَاسْ ن ڒعْشُورْ، خنِّي أَذْ ثنْ ثوْشذْ إِ ؤُلَاوِي، إِ ؤُبَارَّانِي، إِ ؤُيُوجِيڒْ، إِ ثَاجَّاتْشْ، [حِيمَا] أَذْ شّنْ ذَاخڒْ إِ ثوُّورَا نّشْ ؤُ أَذْ جِّيوْننْ.
DEU 26:13 ؤُشَا أَذْ ثِينِيذْ زَّاثْ إِ وُوذمْ ن سِيذِي، أَربِّي نّشْ: ’أَقَا كْسِيغْ مِينْ إِدْجَانْ إِقدّْسنْ زِي ثَادَّارْثْ إِنُو ؤُشَا عَاوذْ وْشِيغْ ث إِ ؤُلَاوِي، إِ ؤُبَارَّانِي، إِ ؤُيُوجِيڒْ، إِ ثَاجَّاتْشْ، أَمْ مَامّشْ مَارَّا ثِيوصَّا إِ ذ أَيِي ثْوصِّيذْ. نشّْ وَارْعذِّيغْ ؤُڒَا خْ إِشْثنْ زِي ثْوصَّا نّشْ ؤُ وَارْ تُّوغْ وَالُو.
DEU 26:14 وَارْ زَّايسْ شِّيغْ ذڭْ وشْضَانْ إِنُو ؤُ وَارْ زَّايسْ كْسِيغْ ؤُمِي خمْجغْ ؤُڒَا وَارْ زَّايسْ وْشِيغْ إِ يِيجّْ ن ؤُمتِّينْ. أَقَا سْڒِيغْ إِ ثْمِيجَّا ن سِيذِي، أَربِّي إِنُو، ؤُ ڭِّيغْ مَارَّا مِينْ ذ أَيِي ثُومُورذْ.
DEU 26:15 خْزَارْ زِي ثْزذِّيغْثْ نّشْ إِقدّْسنْ، زڭْ ؤُجنَّا، غَارْ سْوَادَّايْ ؤُشَا بَاركْ ڒْڭنْسْ نّشْ إِسْرَائِيل ذ ثمُّورْثْ نِّي ذ أَنغْ ثوْشِيذْ، أَمْ مَامّشْ ثجُّودْجذْ إِ ڒجْذُوذْ نّغْ، ثَامُّورْثْ نِّي إِتّْفيّْضنْ س ؤُغِي ذ ثَامّنْثْ.‘ “
DEU 26:16 ”سِيذِي، أَربِّي نّشْ، أَقَا يُومُورْ إِ شكْ أَسّْ-أَ، أَذْ ثڭّذْ ثِيوصَّا-يَا ذ لْفَارَايِيضْ-أَ. حْضَا ثنْثْ ؤُشَا أڭّْ زَّايْسنْ س مَارَّا ؤُڒْ نّشْ ذ مَارَّا ڒعْمَارْ نّشْ.
DEU 26:17 أَسّْ-أَ ثنِّيذْ أَقَا سِيذِي أَذْ يِيڒِي ذ أَربِّي نّشْ، أَذْ ثُويُورذْ ذڭْ إِبْرِيذنْ نّسْ، أَذْ ثحْضِيذْ ثِيوصَّا ذ ڒُومُورَاثْ نّسْ ذ لْفَارَايِيضْ نّسْ ؤُشَا أَذْ ثسْڒذْ إِ ثْمِيجَّا نّسْ.
DEU 26:18 ؤُشَا سِيذِي إِنَّا أَشْ أَسّْ-أَ إِ شكْ، أَقَا شكْ أَذْ غَارسْ ثِيڒِيذْ ذ إِجّْ ن ڒْڭنْسْ إِغْڒَا أَطَّاسْ، أَمْ مَامّشْ ذ أَومْ إِنَّا، ؤُ إِتّْخصَّا أَشْ أَذْ ثحْضِيذْ مَارَّا ثِيوصَّا نّسْ،
DEU 26:19 حِيمَا نتَّا أَذْ شكْ إِسُّوعْڒَا خْ مَارَّا ڒڭْنُوسْ إِ ؤُسمْغَارْ ذ يِيسمْ ذ ڒْعزّْ، حِيمَا أَذْ ثِيڒِيذْ ذ إِجّْ ن ڒْڭنْسْ إِقدّْسنْ إِ سِيذِي، أَربِّي نّشْ، أَمْ مَامّشْ ثُوغَا إِنَّا.“
DEU 27:1 مُوسَا، أَكْ-ذ إِمْغَارنْ ن إِسْرَائِيل، يُومُورْ ڒْڭنْسْ، إِنَّا: ”حْضَامْ مَارَّا ثِيوصَّا-يَا، ثِينِّي ذ أَومْ ؤُمُورغْ نشّْ أَسّْ-أَ.
DEU 27:2 أَذْ إِمْسَارْ ذڭْ وَاسّْ ؤُمِي غَا ثژْوَامْ إِغْزَارْ ن لْ-ؤُرْذُونْ غَارْ ثمُّورْثْ نِّي ذ أَشْ غَا إِوْشْ سِيذِي، أَربِّي نّشْ، أَقَا أَذْ ثسّْبدّذْ إِژْرَا إِمقّْرَاننْ ؤُشَا أَذْ ثنْ ثْحنّْشذْ س جَّارْ.
DEU 27:3 أَذْ ذَايسْ ثَارِيذْ مَارَّا أَوَاڒنْ ن شَّارِيعَا-يَا، خْمِي غَا ثژْوِيذْ حِيمَا أَذْ ثَاذْفذْ غَارْ ثمُّورْثْ نِّي ذ أَشْ غَا إِوْشْ سِيذِي، أَربِّي نّشْ، إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ، أَمْ مَامّشْ إِ ذ أَشْ إِنَّا سِيذِي، أَربِّي ن ڒجْذُوذْ نّشْ.
DEU 27:4 خْمِي غَا ثژْوَامْ إِغْزَارْ ن لْ-ؤُرْذُونْ، أَذْ ثسّْبدّمْ إِژْرَا، إِنِّي خْ ذ أَومْ ؤُمُورغْ أَسّْ-أَ خْ وذْرَارْ ن عِيبَالْ ؤُشَا أَذْ ثنْ ثْحنّْشذْ س جَّارْ.
DEU 27:5 أَذْ ذِينْ ثبْنِيذْ إِجّْ ن ؤُعَالْطَارْ إِ سِيذِي، أَربِّي نّشْ، إِجّْ ن ؤُعَالْطَارْ ن يژْرَا. وَارْ خَاسْ ثسِّيڒِييذْ [دُّوزَانْ ن] وُوزَّاڒْ زِي سَّا غَارْ ذَا.
DEU 27:6 إِتّْخصَّا أَذْ ثبْنِيذْ أَعَالْطَارْ ن سِيذِي، أَربِّي نّشْ، س يژْرَا كمْڒنْ [وَاهَا] ؤُشَا أَذْ خَاسْ ثسّْبخَّارذْ ثِيغَارْصَا ن وشْمَاضْ إِ سِيذِي، أَربِّي نّشْ.
DEU 27:7 [عَاوذْ] أَذْ أَسْ ثْقدّْمذْ ثِيغَارْصِي نّشْ ن ڒهْنَا. أَذْ ذِينْ ثشّذْ ؤُشَا أَذْ ثْفَارْحذْ زَّاثْ إِ وُوذمْ ن سِيذِي، أَربِّي نّشْ.
DEU 27:8 أَذْ ثَارِيذْ مَارَّا أَوَاڒنْ ن شَّارِيعَا-يَا ذڭْ يژْرَا س إِجّْ ن ونْقَاشْ إِشوَّارنْ إِشْنَانْ.“
DEU 27:9 ثُوغَا مُوسَا إِسَّاوَاڒْ أَكْ-ذ إِكهَّاننْ، إِلَاوِييّنْ، غَارْ مَارَّا إِسْرَائِيل، إِنَّا: ”سْقَارْ، سْحسّْ، [أَ] إِسْرَائِيل! أَسّْ-أَ ثِيوْضذْ أَذْ ثِيڒِيذْ ذ إِجّْ ن ڒْڭنْسْ إِ سِيذِي، أَربِّي نّشْ.
DEU 27:10 أَذْ ثسْڒذْ إِ ثْمِيجَّا ن سِيذِي، أَربِّي نّشْ، ؤُشَا أَذْ ثڭّذْ زِي ڒُومُورَاثْ نّسْ ذ ثْوصَّا نّسْ، ثِينِّي خْ شكْ ؤُمُورغْ أَسّْ-أَ.“
DEU 27:11 إِوصَّا مُوسَا ڒْڭنْسْ ذڭْ وَاسّْ نِّي، إِنَّا:
DEU 27:12 ”خْمِي غَا ثژْوَامْ لْ-ؤُرْذُونْ أَذْ بدّنْ ثْقبَّاڒْ أَيَا خْ وذْرَارْ ن جِيرِيزِيمْ حِيمَا أَذْ بَارْكنْ ڒْڭنْسْ: شِيمْعُونْ ذ لَاوِي ذ يَاهُوذَا ذ إِسَّاكَارْ ذ يُوسُوفْ ذ بِينْيَامِينْ.“
DEU 27:13 ”ؤُشَا [ثِيقبَّاڒْ-أَ] أَذْ بدّنْ خْ وذْرَارْ ن عِيبَالْ حِيمَا أَذْ نعْڒنْ: رُوبِينْ، جَاذْ ذ عَاشِيرْ ذ زابُولُونْ، ذَانْ ذ نَافْثَالِي.“
DEU 27:14 ”أَذْ بَارّْحنْ إِلَاوِييّنْ ؤُشَا أَذْ إِنِينْ س ثْمِيجَّا إِجهْذنْ إِ مَارَّا أَرَّاوْ ن إِسْرَائِيل:
DEU 27:15 ’ذ أَمنْعُوڒْ أَرْيَازْ نِّي إِڭِّنْ إِجّْ ن ڒخْيَاڒْ إِنقْشنْ نِيغْ إِفسْينْ، أَقَا-ث ذ جّْعِيفشْثْ إِ سِيذِي، إِشْثْ نْ ڒْخذْمثْ ن إِفَاسّنْ ن ؤُحْرَايْفِي، ؤُشَا أَذْ ت إِڭّْ ذڭْ ومْشَانْ نّسْ س ثْنُوفّْرَا.‘ ؤُشَا مَارَّا ڒْڭنْسْ أَذْ د-يَارّْ أَذْ يِينِي: ’أَمِينْ!‘
DEU 27:16 ’ذ أَمنْعُوڒْ وِي غَا إِسّحْقَارنْ بَابَاسْ نِيغْ يمَّاسْ!‘ ؤُشَا مَارَّا ڒْڭنْسْ أَذْ يِينِي: ’أَمِينْ!‘
DEU 27:17 ’ذ أَمنْعُوڒْ وِي غَا إِسّْمُوطّْينْ أَيْمِيرْ ن جَّارْ نّسْ!‘ ؤُشَا مَارَّا ڒْڭنْسْ أَذْ يِينِي: ’أَمِينْ!‘
DEU 27:18 ’ذ أَمنْعُوڒْ وِي غَا إِسّْودَّارنْ أَذَارْغَاڒْ ذڭْ وبْرِيذْ!“ ؤُشَا مَارَّا ڒْڭنْسْ أَذْ يِينِي: ’أَمِينْ!‘
DEU 27:19 ’ذ أَمنْعُوڒْ وِي غَا إِسّْفَارّْغنْ ثَاسْغَارْثْ ن ؤُبَارَّانِي، ن ؤُيُوجِيڒْ ؤُ ن ثَاجَّاتْشْ!‘ ؤُشَا مَارَّا ڒْڭنْسْ أَذْ يِينِي: ’أَمِينْ!‘
DEU 27:20 ’ذ أَمنْعُوڒْ وِي غَا إِطّْصنْ أَكْ-ذ ثمْغَارْثْ ن بَابَاسْ، مِينْزِي إِتّْعَارَّا بَابَاسْ‘ ؤُشَا مَارَّا ڒْڭنْسْ أَذْ يِينِي: ’أَمِينْ!“
DEU 27:21 ’ذ أَمنْعُوڒْ وِي غَا إِطّْصنْ أَكْ-ذ شَا ن ؤُمُودَّارْ!‘ ؤُشَا مَارَّا ڒْڭنْسْ أَذْ يِينِي: ’أَمِينْ!‘
DEU 27:22 ’ذ أَمنْعُوڒْ وِي غَا إِطّْصنْ أَكْ-ذ ؤُتْشْمَاسْ، يدْجِيسْ ن بَابَاسْ نِيغْ يدْجِيسْ ن يمَّاسْ!‘ ؤُشَا مَارَّا ڒْڭنْسْ أَذْ يِينِي: ’أَمِينْ!‘
DEU 27:23 ’ذ أَمنْعُوڒْ وِي غَا إِطّْصنْ أَكْ-ذ ثَاذڭّْوَاتْشْ نّسْ!‘ ؤُشَا مَارَّا ڒْڭنْسْ أَذْ يِينِي: ’أَمِينْ!‘
DEU 27:24 ’ذ أَمنْعُوڒْ وِي غَا إِنْغنْ جَّارْ نّسْ س ثْنُوفّْرَا!‘ ؤُشَا مَارَّا ڒْڭنْسْ أَذْ يِينِي: ’أَمِينْ!‘
DEU 27:25 ’ذ أَمنْعُوڒْ وِي غَا إِطّْفنْ أَرّشْوثْ مَاحنْذْ أَذْ إِنْغَا إِجّْ ن بْنَاذمْ، [مَاهنْذْ أَذْ إِسِّيزّڒْ] إِذَامّنْ إِمزْذَاڭنْ!‘ ؤُشَا مَارَّا ڒْڭنْسْ أَذْ يِينِي: ’أَمِينْ!‘
DEU 27:26 ’ذ أَمنْعُوڒْ وِي وَارْ إِتّْقَارَّانْ أَوَاڒنْ ن شَّارِيعَا-يَا مَاحنْذْ أَذْ ثنْ يڭّْ!‘ ؤُشَا مَارَّا ڒْڭنْسْ أَذْ يِينِي: ’أَمِينْ!‘ “
DEU 28:1 ”أَذْ إِمْسَارْ، مَاڒَا ثسْڒِيذْ مْلِيحْ إِ ثْمِيجَّا ن سِيذِي، أَربِّي نّشْ، أَذْ ثحْضِيذْ مَارَّا ثِيوصَّا نّسْ، ثِينِّي ذ أَشْ تُّومُورغْ أَسّْ-أَ حِيمَا أَذْ ثنْثْ ثڭّذْ، [خنِّي] أَذْ شكْ إِسُّوعْڒَا سِيذِي، أَربِّي نّشْ، خْ مَارَّا ڒڭْنُوسْ ن ثمُّورْثْ.
DEU 28:2 مَارَّا لْبَارَاكَاثْ-أَ أَذْ خَاكْ د-أَسنْثْ، أَذْ أَشْ د-أَوْضنْثْ، مَاڒَا ثسْڒِيذْ إِ ثْمِيجَّا ن سِيذِي، أَربِّي نّشْ.
DEU 28:3 أَذْ ثتّْوَابَارْكذْ ذِي ثنْذِينْثْ ؤُ أَذْ ثتّْوَابَارْكذْ ذڭْ إِيَّارْ.
DEU 28:4 أَذْ ثتّْوَابَاركْ ڒْغِيدْجثْ ن ؤُعذِّيسْ نّشْ ذ ڒْغِيدْجثْ ن ثمُّورْثْ نّشْ ذ ڒْغِيدْجثْ ن ڒبْهَايمْ نّشْ ذ ثْوَارُورَا ن ثْفُونَاسِينْ نّشْ ذ إِمژْيَاننْ إِعِيزّنْ ن وُودْجِي نّشْ.
DEU 28:5 أَذْ ثتّْوَابَاركْ ثْسُودْجثْ نّشْ ذ ثبْقشْثْ نّشْ.
DEU 28:6 أَذْ ثتّْوَابَارْكذْ غَارْ وَاذَافْ نّشْ، أَذْ ثتّْوَابَارْكذْ ذڭْ وُوفُّوغْ نّشْ.“
DEU 28:7 ”سِيذِي أَذْ إِسلّمْ ڒْعذْيَانْ نّشْ، إِنِّي خَاكْ غَا إِكَّارنْ ذ إِبَارْحَاضْ زَّاثْ إِ وُوذمْ نّشْ. أَذْ خَاكْ د-فّْغنْ ذڭْ وبْرِيذْ ذ إِجّْ ؤُشَا أَذْ أَروْڒنْ زَّاثْ إِ وُوذمْ نّشْ خْ سبْعَا ن إِبْرِيذنْ.
DEU 28:8 سِيذِي أَذْ أَشْ يُومُورْ س لْبَارَاكَا ذِي ثسْرَافِينْ نّشْ ؤُ خْ مَارَّا مِينْ إِڭَّا ؤُفُوسْ نّشْ. نتَّا أَذْ شكْ إِبَاركْ ذِي ثمُّورْثْ نِّي إِ ذ أَشْ غَا إِوْشْ سِيذِي، أَربِّي نّشْ.
DEU 28:9 سِيذِي أَذْ شكْ يَارّْ أَذْ ثكَّارذْ أَمْ يِيجّْ ن ڒْڭنْسْ إِقدّْسنْ إِ يِيخفْ نّسْ أَمْ مَامّشْ إِ ذ أَشْ إِجِّيدْجْ، خْمِي غَا ثحْضِيذْ ثِيوصَّا ن سِيذِي، أَربِّي نّشْ، ؤُشَا أَذْ ثُويُورذْ ذڭْ إِبْرِيذنْ نّسْ.
DEU 28:10 مَارَّا ڒڭْنُوسْ ن ثمُّورْثْ أَذْ ژَترنْ بلِّي إِسمْ ن سِيذِي إِتّْوَاذنَّا خَاكْ ؤُشَا أَذْ زَّايكْ ڭّْوذنْ.
DEU 28:11 سِيذِي أَذْ أَشْ إِوْشْ ڒْخَارْ س ؤُفيّضْ ذِي ڒْغِيدْجثْ ن ؤُعذِّيسْ نّشْ ؤُ ذِي ڒْغِيدْجثْ ن ڒبْهَايمْ نّشْ ؤُ ذِي ڒْغِيدْجثْ ن ثمُّورْثْ نّشْ، ذِي ثمُّورْثْ نِّي إِجُّودْجْ سِيذِي إِ ڒجْذُوذْ نّشْ أَذْ أَشْ ت-إِ-د-إِوْشْ.
DEU 28:12 سِيذِي أَذْ أَشْ يَارْزمْ [ثَاوَّارْثْ ن] وخَّامْ نّسْ ن ثْخُوبَايْ إِصڒْحنْ، إِجنْوَانْ، حِيمَا أَذْ إِوْشْ أَنْژَارْ إِ ثمُّورْثْ نّشْ ذِي ڒْوقْثْ نّسْ ؤُ حِيمَا أَذْ إِبَاركْ مَارَّا ڒْخذْمثْ ن ؤُفُوسْ نّشْ. أَذْ ثَارْضْڒذْ إِ وَاطَّاسْ ن ڒڭْنُوسْ، مَاشَا شكْ وَارْ [خَاسنْ] ثَارطّْڒذْ.
DEU 28:13 سِيذِي أَذْ شكْ يَارّْ ذ أَزدْجِيفْ، وَارْ إِدْجِي ذ ؤُنوَّارْ، ؤُشَا شكْ وَاهَا أَذْ ثِيڒِيذْ سنّجْ، وَارْ ثتِّيڒِيذْ سْوَادَّايْ، مَاڒَا ثسْڒِيذْ إِ ثْوصَّا ن سِيذِي، أَربِّي نّشْ، ونِّي إِ ذ أَشْ تُّومُورغْ أَسّْ-أَ حِيمَا أَذْ ثنْثْ ثحْضِيذْ ؤُشَا أَذْ زَّايْسنْثْ ثڭّذْ.
DEU 28:14 وَارْ تّْحيِّيذْ شَا [غَارْ] يفُوسْ ؤُڒَا [غَارْ] ؤُزڒْمَاضْ خْ مَارَّا أَوَاڒنْ نِّي ذ أَشْ ؤُمُورغْ أَسّْ-أَ أَڒَامِي غَا ثضْفَارذْ إِربِّيثنْ نّغْنِي، أَذْ خَاسنْ ثْسخَّارذْ.
DEU 28:15 [مَاشَا] أَذْ إِمْسَارْ، مَاڒَا وَارْ ثسْڒِيذْ إِ وَاوَاڒْ ن سِيذِي، أَربِّي نّشْ، حِيمَا أَذْ ثحْضِيذْ مَارَّا ڒُومُورَاثْ ذ ثْوصَّا نّسْ إِ خْ ذ أَشْ تُّومُورغْ أَسّْ-أَ، حِيمَا أَذْ زَّايْسنْثْ ثڭّذْ، [خنِّي] مَارَّا نّْعَاڒِي-يَا أَذْ خَاكْ د-هْوَانْثْ ؤُ أَذْ شكْ ڒقْفنْثْ:
DEU 28:16 [أَذْ ثِيڒِيذْ] ذ أَمنْعُوڒْ ذِي ثنْذِينْثْ ؤُ [أَذْ ثِيڒِيذْ] ذ أَمنْعُوڒْ ذڭْ إِيَّارْ.
DEU 28:17 ثَاسُودْجثْ نّشْ ذ ثبْقشْثْ نّشْ [أَذْ إِڒِينْثْ] تّْوَانعْڒنْثْ.
DEU 28:18 ذ ثَامنْعُوڒْثْ إِ غَا ثِيڒِي ڒْغِيدْجثْ ن ؤُعذِّيسْ نّشْ ذ ڒْغِيدْجثْ ن ثمُّورْثْ نّشْ ؤُ ثْوَارُورَا ن ثْفُونَاسِينْ نّشْ ذ إِمژْيَاننْ إِعِيزّنْ ن وُودْجِي نّشْ.
DEU 28:19 [أَذْ ثِيڒِيذْ] ذ أَمنْعُوڒْ غَارْ وَاذَافْ نّشْ ؤُ [أَذْ ثِيڒِيذْ] ذ أَمنْعُوڒْ ذڭْ ؤُفُّوغْ نّشْ.“
DEU 28:20 ”أَذْ أَشْ د-إِسّكّْ سِيذِي نّعْڒثْ ذ ؤُخَارْوضْ ذ ؤُهذِّي غَارْ مَارَّا مَانِي إِسّْوِيژّذْ ؤُفُوسْ نّشْ، أَڒْ غَا ثتّْوَامْحِيذْ ؤُ أَذْ ثفْنِيذْ ذغْيَا زَّاثْ إِ وُوذمْ إِنُو ذِي سِّيبّثْ ن ڒخْذَايمْ نّشْ ثِيعفَّانِينْ، مِينْزِي ثجِّيذْ أَيِي.
DEU 28:21 سِيذِي أَذْ ذَايكْ إِسّڒْصقْ طَّاعُونْ أَڒْ شكْ غَا إِقْضَا زِي ثمُّورْثْ نِّي غَارْ غَا ثَاذْفذْ حِيمَا أَذْ ت ثكْسِيذْ ذ ڒْوَارْثْ.
DEU 28:22 سِيذِي أَذْ شكْ إِوّثْ س بُو-ذدْجِيسْ، س ثْمسِّي [ن أَرْوَاحْ] ذ ؤُڭيّحْ، س ڒحْمُو ذ ڒَاژَاغْ، س [إِمنْذِي] إِتّْوَاسّْشمْضنْ [زڭْ ؤُسمِّيضْ] ؤُڒَا ذ جّْرِيحشْثْ ن وفْسُو. إِنَا أَذْ شكْ ضْفَارنْ أَڒْ غَا ثْهلّْكذْ.
DEU 28:23 أَجنَّا نِّي [إِدْجَانْ] ثِيوَا إِ ؤُزدْجِيفْ نّشْ أَذْ يِيڒِي ذ نّْحَاسْ ؤُ ثَامُّورْثْ نِّي [إِدْجَانْ] سَاذُو نّشْ ذ ؤُزَّاڒْ.
DEU 28:24 أَذْ يَارّْ سِيذِي، أَربِّي نّشْ، أَنْژَارْ ن ثمُّورْثْ نّشْ ذ [إِجّْ ن ؤُسيْنُو ن] ڒعْجَاجْ ذ [إِبْقُوقنْ ن] ڒعْجَاجْ. مَانْ أَيَا أَذْ خَاكْ د-إِهْوَا أَڒْ غَا ثتّْوَاثحِّيذْ.
DEU 28:25 سِيذِي أَذْ شكْ يَارّْ ثتّْوَاغڒْبذْ زَّاثْ إِ وُوذمْ ن ڒْعذْيَانْ نّشْ. ذڭْ إِجّْ ن وبْرِيذْ أَذْ د-ثفّْغذْ ضِيدّْ إِ ڒعْذُو نّشْ ؤُشَا أَذْ ثَاروْڒذْ زَّاثْ إِ وُوذمْ نّسْ خْ سبْعَا ن إِبْرِيذنْ ؤُشَا أَذْ ثِيڒِيذْ ذ [إِشْثْ ن ڒْقشْعثْ] ن ؤُنخْڒِيعْ إِ مَارَّا ثِيڭلْذِيوِينْ ن دُّونشْثْ.
DEU 28:26 ڒْخشْبثْ نّشْ أَذْ ثِيڒِي ذ مَاشَّا إِ إِجْضَاضْ ن ؤُجنَّا ؤُ إِ مَارَّا ڒْمَاڒْ خْ ثمُّورْثْ ؤُشَا ؤُڒَا ذ إِجّْ وَارْ إِزمَّارْ أَذْ ثنْ إِسِّيڭّْوذْ.
DEU 28:27 سِيذِي أَذْ شكْ إِوّثْ س ثْحبَّا ن مِيصْرَا، س إِعبُّوزنْ، س جْذَامْ، س وَاجِّيضْ أَڒْ غَا ثَافْ وَارْ ثْزمَّارذْ أَذْ ثڭّنْفِيذْ.
DEU 28:28 سِيذِي أَذْ شكْ إِوّثْ س ثُوبُّوهڒْيَا، س ثُودَّارْغتْشْ ؤُ س أَرْجفْ ن وُوڒْ.“
DEU 28:29 ”ذڭْ وزْينْ ن ؤُزِيڒْ أَذْ ثْحَاذِيذْ أَمْ ؤُحَاذِي ن ؤُذَارْغَاڒْ ذِي ثَادْجسْثْ. إِبْرِيذنْ نّشْ وَارْ تِّيڒِينْ صڒْحنْ، [وَاهْ،] أَذْ ثِيڒِيذْ ثتّْوَاحْصَارذْ ؤُ ثتّْوَاكشّْضذْ مَارَّا ؤُسَّانْ [ن ثُوذَارْثْ نّشْ] ؤُشَا وَارْ إِتِّيڒِي وِي شكْ غَا إِسّنْجْمنْ.
DEU 28:30 أَذْ ثْخضْبذْ إِشْثْ ن ثمْغَارْثْ ؤُشَا إِجّْ ن ورْيَازْ نّغْنِي أَذْ ت إِسّْنُوقّبْ، أَذْ ثبْنِيذْ ثَادَّارْثْ إِ يِيخفْ نّشْ ؤُشَا وَارْ ذَايسْ ثْزدّْغذْ، أَذْ ثڭِّيذْ إِجّْ ن ؤُمَارْجعْ ن ؤُضِيڒْ أَذْ ذَايسْ ثژُّوذْ ثِيزَايَارِينْ مَاشَا وَارْ زَّايْسنْثْ ثسْثنْفِيعذْ.
DEU 28:31 أَفُونَاسْ نّشْ أَذْ إِتّْوَاغَارْصْ زَّاثْ إِ ثِيطَّاوِينْ نّشْ ؤُشَا وَارْ زَّايسْ ثتّتّذْ، أَغْيُوڒْ نّشْ أَذْ ث ؤُشَارنْ زَّاثْ إِ وُوذمْ نّشْ ؤُشَا وَارْ ذ أَشْ د-إِتّْعِيقِّيبْ. ؤُدْجِي نّشْ أَذْ ث وْشنْ إِ ڒْعذْيَانْ نّشْ ؤُشَا وَارْ غَاركْ إِتِّيڒِي وِي غَا إِسّنْجْمنْ.
DEU 28:32 أَذْ مّوْشنْ إِحنْجِيرنْ نّشْ ذ ثْحنْجِيرِينْ نّشْ إِ يِيجّْ ن ڒْڭنْسْ نّغْنِي. ثِيطَّاوِينْ نّشْ أَذْ ثْوَاڒَانْثْ ؤُشَا أَذْ ذَايْسنْ ثمّژْرذْ أَسّْ إِكْمڒْ ؤُشَا وَارْ إِتِّيڒِي جّهْذْ ذڭْ ؤُفُوسْ نّشْ.
DEU 28:33 ڒْغِيدْجثْ ن ثمُّورْثْ نّشْ ذ مَارَّا ڒْخذْمثْ نّشْ أَذْ ث إِشّْ إِجّْ ن ڒْڭنْسْ إِ وَارْ ثسِّينذْ ؤُشَا أَذْ ثِيڒِيذْ ثحْصَارذْ ؤُ أَذْ ثْڒبْزذْ وَاهَا مَارَّا ؤُسَّانْ [ن ثُوذَارْثْ نّشْ].
DEU 28:34 أَذْ ثْذوْڒذْ ذ أَبُوهَاڒِي زِي سِّيبّثْ ن مِينْ غَا ثْژَارذْ س ثِيطَّاوِينْ نّشْ.“
DEU 28:35 ”سِيذِي أَذْ شكْ إِوّثْ س ثْحبَّا ثِيعفَّانِينْ غَارْ إِفَادّنْ ؤُ غَارْ إِضَارنْ إِ زِي وَارْ ثْزمَّارذْ أَذْ زَّايْسنْ ثڭّنْفِيذْ، زِي ثْڒقَّا ن ؤُضَارْ نّشْ أَڒْ أَشقُّوفْ [ن ؤُزدْجِيفْ] نّشْ.
DEU 28:36 سِيذِي أَذْ شكْ يَارّْ [جْمِيعْ] أَكْ-ذ ؤُجدْجِيذْ نّشْ، ونِّي شكْ غَا ثڭّذْ خْ يِيخفْ نّشْ، أَذْ ثْرَاحذْ غَارْ إِجّْ ن ڒْڭنْسْ نِّي وَارْ ثسِّينذْ شَا، ؤُڒَا ذ ڒجْذُوذْ نّشْ، ؤُشَا ذِينْ إِ غَا ثْسخَّارذْ إِ إِربِّيثنْ نّغْنِي ن ؤُكشُّوضْ ذ وژْرُو.
DEU 28:37 أَذْ ثِيڒِيذْ ذ [إِشْثْ ن ڒْقشْعثْ ن] ؤُنخْڒِيعْ ذ إِجّْ ن ؤُمذْيَا ذ إِشْثْ [ن سِّيبّثْ إِ] ؤُسْثهْزِي إِقسْحنْ جَارْ مَارَّا ڒڭْنُوسْ مَانِي شكْ غَا إِنْذهْ سِيذِي.
DEU 28:38 أَذْ ثسُّوفّْغذْ أَطَّاسْ ن زَّارِيعثْ غَارْ ييَّارْ ؤُشَا أَذْ ثْڒقْضذْ ذْرُوسْ، مِينْزِي ثَامُورْغِي أَذْ ت ثحْڒُووْ.
DEU 28:39 أَذْ ثڭِّيذْ إِمَارْجَاعنْ ن ؤُضِيڒْ أَذْ ذَايْسنْ ثژُّوذْ ثِيزَايَارِينْ ؤُشَا أَذْ ثنْثْ ثْعَارّْصذْ، [مَاشَا] وَارْ ثْسسّذْ بِينُو ؤُشَا وَارْ ثْڒقّْضذْ وَالُو، مِينْزِي أَذْ ثنْثْ إِشّْ ؤُكشَّا.
DEU 28:40 أَذْ غَاركْ إِڒِينْ إِزمُّورنْ ذِي مَارَّا ثَامُّورْثْ نّشْ، [مَاشَا] وَارْ ثْذهّْنذْ إِخفْ نّشْ س زّشْثْ، مِينْزِي أَذْ إِوْضَا [زِّيثُونْ] زڭْ ؤُزمُّورْ نّشْ [قْبڒْ ڒْوقْثْ].
DEU 28:41 أَذْ د-ثجّذْ إِحنْجِيرنْ ذ ثْحنْجِيرِينْ، [مَاشَا] وَارْ تِّيڒِينْ شَا نّشْ، مِينْزِي أَذْ رُوحنْ ذِي ثْمحْبَاسْثْ.
DEU 28:42 مَارَّا ثِيشجُّورَا ذ ڒْغِيدْجثْ ن ثمُّورْثْ نّشْ أَذْ ثنْثْ ثطّفْ ثْمُورْغِي ذ ثَاسْغَارْثْ نّسْ.
DEU 28:43 أَبَارَّانِي نِّي [إِدْجَانْ] ذِي ڒْوسْطْ نّشْ، أَذْ خَاكْ إِسُّوعْڒَا إِخفْ نّسْ، سنّجْ ؤُ سنّجْ عَاذْ، ؤُشَا شكْ أَذْ ثتّْوَاسّهْوِيذْ غَارْ ثمُّورْثْ، سْوَادَّايْ غَارْ وَادَّايْ.
DEU 28:44 نتَّا أَذْ أَشْ يَارْضڒْ، [مَاشَا] شكْ وَارْ ذ أَسْ ثَارطّْڒذْ. نتَّا أَذْ يِيڒِي ذ أَزدْجِيفْ، شكْ أَذْ ثِيڒِيذْ ذ أَنوَّارْ.
DEU 28:45 ؤُشَا أَذْ خَاكْ د-هْوَانْثْ مَارَّا نّْعَاڒِي-يَا، أَذْ شكْ ضْفَارنْثْ، أَذْ شكْ ڒقْفنْثْ أَڒْ غَا ثتّْوَامْحِيذْ، ؤُمِي وَارْ ثسْڒِيذْ إِ ثْمِيجَّا ن سِيذِي، أَربِّي نّشْ، حِيمَا أَذْ ثحْضِيذْ ڒُومُورَاثْ نّسْ ذ ثِيوصَّا نّسْ، إِنِّي ذ أَشْ يُومُورْ نتَّا.
DEU 28:46 أَذْ إِڒِينْثْ ذ إِشْثْ ن ڒعْڒَامثْ ذ إِجّْ ن ؤُسِيڭّْوِيذْ يوْعَارنْ إِ شكْ ؤُ إِ زَّارِيعثْ نّشْ إِ ڒبْذَا.
DEU 28:47 مِينْزِي وَارْ ثْسخَّارذْ إِ سِيذِي، أَربِّي نّشْ س ڒفْرَاحثْ ذ ثْشُونِي ن وُوڒْ زِي سِّيبّثْ ن ؤُفيّضْ ن مَارَّا مِينْ ذِينْ [إِدْجَانْ]،
DEU 28:48 أَذْ ثْسخَّارذْ إِ ڒْعذْيَانْ، إِنِّي إِ خَاكْ غَا إِسّكّْ سِيذِي، س ڒَاژْ ذ ؤُفَاذِي، س ثُوعَّارْينْثْ ذ ڒخْصصْ ن مَارَّا ثِيمسْڒَايِينْ، ؤُشَا نتَّا أَذْ إِڭّْ أَزَايْڒُو ن وُوزَّاڒْ خْ يِيرِي نّشْ، أَڒْ شكْ غَا إِمْحَا.
DEU 28:49 سِيذِي أَذْ خَاكْ د-إِسّْڭعّذْ إِجّْ ن ڒْڭنْسْ إِڭّْوجْ، زڭْ ؤُنڭَّارُو ن ثمُّورْثْ، أَمْ يِيجّْ ن ؤُڭِيذرْ إِطَّاونْ، إِجّْ ن ڒْڭنْسْ إِ ؤُمِي وَارْ ثْزمَّارذْ أَذْ ثْفهْمذْ إِڒسْ نّسْ،
DEU 28:50 إِجّْ ن ڒْڭنْسْ غَارسْ ؤُذمْ إِقْضعْ، وَارْ إِتّْوقَّارْ أَوسَّارْ، وَارْ يَارحّمْ خْ ؤُحنْجِيرْ.
DEU 28:51 أَذْ يشّْ ڒْغِيدْجثْ ن ڒبْهَايمْ نّشْ ذ ڒْغِيدْجثْ ن ثمُّورْثْ نّشْ، أَڒْ غَا ثتّْوَامْحِيذْ، مِينْزِي وَارْ ذ أَشْ إِتّجِّي إِرْذنْ، نِيغْ بِينُو ن جْذِيذْ، نِيغْ زّشْثْ [ن طّْرِي]، نِيغْ ثْوَارُورَا ن ثْفُونَاسِينْ نّشْ نِيغْ إِمژْيَاننْ إِعِيزّنْ ن وُودْجِي نّشْ، أَڒْ شكْ إِ غَا يَاردّدْجْ.
DEU 28:52 أَذْ شكْ إِحْصَارْ جَارْ مَارَّا ثوُّورَا نّشْ، أَڒْ غَا وْضَانْ ڒحْيُوضْ يُوعْڒَانْ إِمثْننْ، إِنِّي خْ ثُوغَا ثتّشْڒذْ ذِي مَارَّا ثَامُّورْثْ نّشْ. أَذْ شكْ إِحْصَارْ جَارْ مَارَّا ثوُّورَا نّشْ ذِي مَارَّا ثَامُّورْثْ نِّي ذ أَشْ إِوْشَا سِيذِي، أَربِّي نّشْ.
DEU 28:53 خْمِي ذ أَكْ-د غَا إِنّْضنْ ؤُ ذِي ڒحْصَارثْ إِ زِي شكْ غَا إِحْصَارنْ ڒْعذْيَانْ نّشْ، أَذْ ثشّذْ ڒْغِيدْجثْ ن ؤُعذِّيسْ نّشْ ذ ويْسُومْ ن إِحنْجِيرنْ نّشْ ذ ثْحنْجِيرِينْ نّشْ نِّي ذ أَشْ غَا إِوْشْ سِيذِي، أَربِّي نّشْ.
DEU 28:54 أَرْيَازْ نِّي إِ يَارضْبنْ ؤُ ونِّي إِضبْعنْ أَطَّاسْ أَذْ ثِيڒِي ثَامُوغْڒِي نّسْ ذ ثَاعفَّانْثْ غَارْ ؤُمَاسْ ؤُ غَارْ ثمْغَارْثْ ن وُوڒْ نّسْ ؤُ غَارْ مِينْ ذ أَسْ إِقِّيمنْ زڭْ إِحنْجِيرنْ نّسْ،
DEU 28:55 مَاحنْذْ وَارْ إِتِّيشْ ؤُڒَا إِ يِيجّْ زَّايْسنْ شَا ن ويْسُومْ ن إِحنْجِيرنْ نّسْ، إِنِّي إِ غَا يشّْ ؤُمِي وَارْ ذ أَسْ إِقِّيمْ شَا [زِي] مَارَّا [مَانْ أَيَا] ذِي ڒحْصَارثْ ؤُ ذِي ضِّيقَا إِ زِي خَاكْ غَا إِبزّزْ ڒعْذُو نّشْ ذِي مَارَّا ثِيوُّورَا نّشْ.
DEU 28:56 ثَامْغَارْثْ إِ يَارضْبنْ ؤُ ثنِّي إِضبْعنْ أَطَّاسْ،عمَّارْصْ وَارْ ثڭِّي ثْڒقَّا ن ؤُضَارْ نّسْ خْ ثمُّورْثْ ذِي سِّيبّثْ ن وَارْضَابْ ؤُ ن وضْبعْ نّسْ، أَذْ ثِيڒِي ثْمُوغْڒِي نّسْ ذ ثَاعفَّانْثْ غَارْ ورْيَازْ ن وُوڒْ نّسْ ؤُ غَارْ مِّيسْ ذ يدْجِيسْ،
DEU 28:57 ذِي سِّيبّثْ ن لُّوفَانْ نِّي د-إِفّْغنْ جَارْ إِضَارنْ نّسْ ؤُ ذِي سِّيبّثْ ن إِحنْجِيرنْ نِّي ثُورُووْ، مِينْزِي أَذْ ثنْ ثشّْ س ثْنُوفّْرَا ذِي سِّيبّثْ ن ڒخْصصْ ن مَارَّا ذِي ڒحْصَارثْ ؤُ ذِي ضِّيقَا إِ خَاكْ غَا إِبزّزْ ڒعْذُو نّشْ ذِي مَارَّا ثِيوُّورَا نّشْ.“
DEU 28:58 ”مَاڒَا وَارْ ثحْضِيذْ مَارَّا أَوَاڒنْ ن شَّارِيعَا-يَا نِّي يُورَانْ ذڭْ وذْلِيسْ-أَ إِتّْوَانّْضنْ مَاحنْذْ أَذْ ثڭّْوذذْ إِسمْ-أَ إِعُودْجَانْ، إِسَّاڭّْوَاذنْ، سِيذِي، أَربِّي نّشْ،
DEU 28:59 [خنِّي] أَذْ يَارّْ سِيذِي جّْرَايحْ نّشْ ذ جّْرَايحْ جَارْ زَّارِيعثْ نّشْ ذ إِجّْ ن أَرْجفْ أَڒْ طَّارْفْ. أَذْ إِڒِينْثْ ذ جّْرَايحْ مْغَارنْثْ، أَذْ ذُومنْثْ، ؤُشَا أَذْ إِڒِينْ ڒهْڒَاشَاثْ إِعفّْننْ إِ غَا إِقِّيمنْ غَارْ زَّاثْ.
DEU 28:60 نتَّا أَذْ غَاركْ د-يَارّْ مَارَّا ڒهْڒَاشَاثْ ن مِيصْرَا إِ زِي ثُوغَا ثڭّْوْذذْ ؤُشَا أَذْ ذَايكْ ڒصْقنْثْ.
DEU 28:61 أَمنِّي أَذْ غَاركْ د-يَارّْ سِيذِي مَارَّا ڒهْڒَاشَاثْ ذ مَارَّا جّْرَايحْ نِّي وَارْ يُورِينْ ذڭْ وذْلِيسْ إِتّْوَانْضنْ ن شَّارِيعَا-يَا، أَڒْ غَا ثتّْوَامْحِيذْ.
DEU 28:62 أَذْ ثقِّيمذْ أَكْ-ذ إِجّْ ن وُورُو ن يرْيَازنْ ذڭْ ومْشَانْ إِ ذِي غَا ثِيڒِيمْ أَمْ يِيثْرَانْ ن ؤُجنَّا ذڭْ وَاطَّاسْ، ؤُمِي وَارْ ثسْڒِيذْ إِ ثْمِيجَّا ن سِيذِي، أَربِّي نّشْ.
DEU 28:63 أَمْ مَامّشْ زَّايْومْ إِفَارْحْ سِيذِي حِيمَا أَذْ ذَايْومْ إِڭّْ ثْشُونِي ؤُ أَذْ أَومْ إِتّْمَارْنِي، أَمُّو زَّايْومْ إِ غَا إِفَارْحْ سِيذِي مَاحنْذْ أَذْ كنِّيوْ إِهلّكْ ؤُ مَاحنْذْ أَذْ كنِّيوْ إِثحَّا ؤُشَا كنِّيوْ أَذْ ثتّْوَاقڒْعمْ زِي ثمُّورْثْ نِّي غَارْ غَا ثَاذْفذْ حِيمَا أَذْ ت ثكْسِيذْ ذ ڒْوَارْثْ.
DEU 28:64 سِيذِي أَذْ أَشْ إِبزّعْ خْ مَارَّا ڒڭْنُوسْ، زڭْ ؤُجمَّاضْ ن دُّونشْثْ أَڒْ ؤُجمَّاضْ نّغْنِي ن دُّونشْثْ ؤُشَا ذِينْ أَذْ ثْسخَّارذْ إِ إِربِّيثنْ نّغْنِي [ن] ؤُكشُّوضْ ذ وژْرُو نِّي وَارْ ثسِّينذْ شكْ نِيغْ ڒجْذُوذْ نّشْ.
DEU 28:65 وَارْ ثتِّيفذْ ڒْهُوذْنثْ جَارْ ڒڭْنُوسْ-أَ ؤُشَا ثَاڒقَّا ن ؤُضَارْ نّشْ وَارْ ثتِّيفْ أَريَّاحْ، [مِينْزِي] سِيذِي أَذْ أَشْ إِوْشْ ذِينْ ؤُڒْ يَارجْفنْ ذ ثْمُوغْڒِي ثْخسِّي ذ إِجّْ ن ڒعْمَارْ إِسْڒَاونْ.
DEU 28:66 ثُوذَارْثْ نّشْ أَذْ أَشْ ثِيڒِي أَمْ ثُويڒْ زَّاثْ نّشْ، أَذْ ثِيڒِيذْ ثڭّْوذذْ دْجِيڒثْ ذ وَاسّْ ؤُشَا وَارْ إِتِّيڒِي وضْمَانْ خْ ثُوذَارْثْ نّشْ.
DEU 28:67 غَارْ صّْبحْ أَذْ ثِينِيذْ: ’أَ، إِڒِي أَذْ ثِيڒِي ذ دْجِيڒثْ!‘ ؤُ ذِي دْجِيڒثْ أَذْ ثِينِيذْ: ’أَ، إِڒِي أَذْ يِيڒِي ذْ ضّْبحْ!‘ زِي سِّيبّثْ ن ثِيڭّْوُوذِي ذڭْ وُوڒْ نّشْ إِ ذ أَشْ إِسِّيڭّْوِيذنْ ؤُ زِي سِّيبّثْ ن مِينْ غَا ثْوَاڒِينْثْ ثِيطَّاوِينْ نّشْ.
DEU 28:68 سِيذِي أَذْ شكْ يَارّْ غَارْ مِيصْرَا ذڭْ إِغُورُّوبَا خْ وبْرِيذْ مِينْ خفْ ذ أَشْ نِّيغْ: ’وَارْ ث ثْژَارّذْعمَّارْصْ!‘، ؤُشَا ذِينْ أَذْ ثزّنْزمْ إِخفْ نْومْ إِ ڒْعذْيَانْ نّشْ ذ إِسمْغَانْ ذ ثِييَّا، [مَاشَا] وَارْ إِتِّيڒِي وِي كنِّيوْ إِ غَا إِسْغنْ.“
DEU 28:69 إِنَا ذ أَوَاڒنْ ن ڒْعَاهْذْ نِّي يُومُورْ سِيذِي إِ مُوسَا حِيمَا أَذْ ث إِڭّْ أَكْ-ذ أَيْثْ ن إِسْرَائِيل ذِي ثمُّورْثْ ن مُوآبَ، سنّجْ إِ ڒْعَاهْذْ إِ كِيذْسنْ إِڭَّا غَارْ حُورِيبْ.
DEU 29:1 إِڒَاغَا-د مُوسَا خْ مَارَّا إِسْرَائِيل، إِنَّا أَسنْ: ”كنِّيوْ أَقَا ثژْرِيمْ مَارَّا مِينْ إِڭَّا سِيذِي ذِي ثمُّورْثْ ن مِيصْرَا زَّاثْ إِ ثِيطَّاوِينْ نْومْ ذِي فِيرْعُونْ ذ مَارَّا إِمْسخَّارنْ نّسْ ذ مَارَّا ثَامُّورْثْ نّسْ،
DEU 29:2 ثِيقدْجُوبَا ثِيمقّْرَانِينْ، ثِينِّي ثژْرِيمْ س ثِيطَّاوِينْ نْومْ، ڒعْڒَامَاثْ ذ لْمُوعْجِيزَاثْ نِّي إِمْغَارنْ.
DEU 29:3 أَڒْ أَسّْ-أَ سِيذِي وَارْ ذ أَومْ إِوْشِي ؤُڒْ حِيمَا أَذْ ثْفهْممْ ؤُڒَا ذ ثِيطَّاوِينْ حِيمَا أَذْ ثْژَارمْ ؤُڒَا ذ إِمزُّوغنْ حِيمَا أَذْ ثسْڒمْ.
DEU 29:4 سّْنذْهغْ كنِّيوْ أَربْعِينْ ن إِسڭّْوُوسَا ذِي ڒخْڒَا. أَرُّوضْ نْومْ وَارْ إِذْوِيڒْ ذ ڒْبَاڒِي ؤُ ثِيسِيڒَا نْومْ وَارْ دُّويْسَارنْثْ خْ إِضَارنْ نْومْ.
DEU 29:5 وَارْ ثشِّيمْ أَغْرُومْ، وَارْ ثسْوِيمْ بِينُو ؤُڒَا ذ شّْرَابْ، حِيمَا أَذْ ثسّْنمْ بلِّي نشّْ ذ سِيذِي، أَربِّي نْومْ.“
DEU 29:6 ”[ڒَْامِي] ثْرحّْڭمْ غَارْ ومْشَانْ-أَ، إِفّغْ-د سِيحُونْ، أَجدْجِيذْ ن حَاشْبُونْ، أَكْ-ذ عُوجْ، أَجدْجِيذْ ن بَاشَانْ، حِيمَا أَذْ كِيذْنغْ إِمْسَاڭَارْ إِ ؤُمنْغِي ؤُشَا نغْڒبْ إِ-ثنْ
DEU 29:7 ؤُشَا نطّفْ ثَامُّورْثْ نْسنْ ؤُشَا نوْشْ إِ-ت ذ ڒْوَارْثْ إِ إِرُوبِينِييّنْ ذ إِجَاذِييّنْ ؤُ إِ وزْينْ ن ثقْبِيتْشْ ن مَانَاسَّا.
DEU 29:8 حْضَامْ أَوَاڒنْ ن ڒْعَاهْذْ-أَ، ثڭّمْ ثنْ، حِيمَا أَذْ ثَاوْضمْ س ڒعْقڒْ غَارْ مَارَّا مِينْ غَا ثڭّمْ.
DEU 29:9 أَسّْ-أَ مَارَّا كنِّيوْ ثْبدّمْ زَّاثْ إِ وُوذمْ ن سِيذِي، أَربِّي نْومْ - إِزدْجِيفنْ ن ثْقبَّاڒْ نْومْ ذ إِمْغَارنْ نْومْ ذ إِمحْضَاينْ نْومْ، مَارَّا إِرْيَازنْ ن إِسْرَائِيل،
DEU 29:10 إِمژْيَاننْ نْومْ، ذ ثمْغَارِينْ نْومْ، إِبَارَّانِييّنْ نِّي إِزدّْغنْ ذِي ڒْوسْثْ ن ڒْمَارْڭحْ ن ڒْعسْكَارْ نْومْ، زڭْ ونِّي إِتّْقسّنْ أَكشُّوضْ أَڒْ ونِّي د-إِتَّايْمنْ أَمَانْ -
DEU 29:11 حِيمَا أَذْ يَاذفْ [كُوڒْ إِجّْ زَّايْومْ] غَارْ ڒْعَاهْذْ ن سِيذِي، أَربِّي نّشْ نِّي إِ غَا إِقّنْ سِيذِي، أَربِّي نّشْ أَسّْ-أَ أَكِيذكْ، ؤُ غَارْ نّعْڒثْ [إِ إِدْجَانْ ذ ؤُغزْذِيسْ نّسْ نّغْنِي]،
DEU 29:12 حِيمَا أَذْ أَشْ يڭّْ أَسّْ-أَ أَذْ ثكَّارذْ أَمْ ڒْڭنْسْ نّسْ ؤُشَا نتَّا أَذْ أَشْ يِيڒِي ذ أَربِّي، أَمْ ذ أَشْ إِنَّا ؤُ أَمْ إِجُّودْجْ إِ ڒجْذُوذْ نّشْ إِبْرَاهِيمْ ذ إِسْحَاقْ ذ يَاعْقُوبْ.
DEU 29:13 وَارْ إِدْجِي أَكِيذْومْ وَاهَا إِ غَا ڭّغْ ڒْعَاهْذْ-أَ ذ نّعْڒثْ-أَ [إِ إِدْجَانْ ذ ؤُغزْذِيسْ نّسْ نّغْنِي]،
DEU 29:14 أَكْ-ذ يِينِّي ذَا غَارْنغْ إِحْضَارنْ أَسّْ-أَ زَّاثْ إِ وُوذمْ ن سِيذِي، أَربِّي نّغْ، [مَاشَا عَاوذْ] أَكْ-ذ يِينِّي وَارْ ذَا غَارْنغْ إِدْجِينْ أَسّْ-أَ.
DEU 29:15 مِينْزِي كنِّيوْ ثسّْنمْ مَامّشْ ثُوغَا نْزدّغْ ذِي ثمُّورْثْ ن مِيصْرَا، ؤُ مَامّشْ نژْوَا ذِي ڒْوسْطْ [ن ثمُّورَا] ن ڒڭْنُوسْ نِّي خْ د-ثكّمْ ؤُڒَا ذ كنِّيوْ،
DEU 29:16 ؤُشَا ثژْرِيمْ نّْعَاوَاثْ نْسنْ ن لْ-أَصْنَامْ ذ إِميْضَا [ن لْ-أَصْنَامْ نْسنْ] نِّي غَارْسنْ ن وژْرُو ذ ؤُكشُّوضْ ذ نُّوقَارْثْ ذ وُورغْ.“
DEU 29:17 ”وَارْ إِتِّيڒِي جَارْ أَومْ أَرْيَازْ نِيغْ ثَامْغَارْثْ نِيغْ ڒَادْجْ نِيغْ ثَاقْبِيتْشْ أَذْ إِسِّيڭّْوجْ أَسّْ-أَ ؤُڒْ نّسْ خْ سِيذِي، أَربِّي نْومْ، حِيمَا أَذْ إِسخَّارْ إِ إِربِّيثنْ ن ڒڭْنُوسْ نِّي ؤُ وَارْ إِتِّيڒِي جَارْ أَومْ أَژْوَارْ نِّي إِ غَا إِتَّارْونْ أَرّْهَاجْ نِيغْ شِّيحْ،
DEU 29:18 [ؤُشَا] أَذْ إِمْسَارْ، ؤُمِي غَا إِسڒْ أَوَاڒنْ ن نّعْڒثْ-أَ، أَقَا نتَّا أَذْ إِسڭّمْ إِخفْ نّسْ ذڭْ وُوڒْ نّسْ، أَذْ يِينِي: ’أَذْ غَارِي يِيڒِي ڒهْنَا، وَاخَّا ڭُّورغْ ذِي ڒقْسَاحثْ ن وُوڒْ إِنُو، أَڒْ غَا إِهلّكْ مِينْ إِسُّونْ أَكْ-ذ مِينْ إِفُّوذنْ.‘
DEU 29:19 سِيذِي وَارْ ذ أَسْ إِسمّحْ، مَاشَا أَغْضَابْ ن سِيذِي ذ ثُوسْمِي نّسْ [إِقدّْسنْ] أَذْ دُّوخّْننْ ذڭْ ورْيَازْ نِّي، ؤُ مَارَّا نّعْڒثْ نِّي يُورِينْ ذڭْ وذْلِيسْ-أَ إِتّْوَانّْضنْ أَذْ خَاسْ ثِيڒِي ؤُشَا سِيذِي أَذْ إِمْحَا إِسمْ نّسْ زِي سَاذُو ؤُجنَّا.
DEU 29:20 سِيذِي أَذْ ث إِحُوزْ خْ مَارَّا ثِيقبَّاڒْ ن إِسْرَائِيل إِ ڒْغَارْ، عْلَاحْسَابْ مَارَّا نّْعَاڒِي ن ڒْعَاهْذْ نِّي يُورِينْ ذڭْ وذْلِيسْ-أَ إِتّْوَانْضنْ ن شَّارِيعَا-يَا.
DEU 29:21 [خنِّي] جِّيڒْ إِ د غَا يَاسنْ، إِحنْجِيرنْ نْومْ، إِنِّي غَا إِڭعّْذنْ أَوَارْنِي أَومْ، ؤُڒَا ذ ؤُبَارَّانِي نِّي إِ د غَا يَاسنْ زڭْ إِشْثْ ن ثمُّورْثْ ثِيڭّْوجْ، [مَارَّا] نِيثْنِي أَذْ إِنِينْ [أَمُّو] خْمِي غَا ژَترنْ جّْرَايحْ ن ثمُّورْثْ-أَ ذ ڒهْڒَاشَاثْ إِ زِي إِسّهْڒشْ سِيذِي ثَامُّورْثْ:
DEU 29:22 ’ڒشْبَارِييّثْ ذ ثْمدْجَاحْثْ، أَقَا ثشْمضْ مَارَّا ثَامُّورْثْ، وَارْ ثتّْوَاژُّو نِيغْ ثسّْغمِّي [عَاذْ] ؤُ وَارْ إِسّْڭعِّيذْ أَفْسُو [أَزِيزَا]، أَمْ مَامّشْ [إِمْسَارْ] ذڭْ ؤُنقْڒبْ ن سَاذُومْ ذ عَامُورَّا ذ أَذْمَا ذ صابُويِيمْ نِّي إِسّْنقْڒبْ سِيذِي ذڭْ وغْضَابْ نّسْ ذ وسْعَارْ نّسْ!‘،
DEU 29:23 ؤُشَا [عَاوذْ] مَارَّا ڒڭْنُوسْ أَذْ إِنِينْ: ’مَايمِّي إِڭَّا سِيذِي مَانْ أَيَا إِ ثمُّورْثْ-أَ؟ مَانَا ڒْحَاذُوقْ ن وغْضَابْ-أَ إِمْغَارنْ؟‘
DEU 29:24 [خنِّي] أَذْ د-أَرّنْ: ’مِينْزِي نِيثْنِي جِّينْ ڒْعَاهْذْ ن سِيذِي، أَربِّي ن ڒجْذُوذْ نْسنْ، [ڒْعَاهْذْ] نِّي إِقّنْ نتَّا أَكِيذْسنْ ؤُمِي ثنْ د-إِسُّوفّغْ زِي ثمُّورْثْ ن مِيصْرَا.
DEU 29:25 ؤُيُورنْعبْذنْ إِ إِربِّيثنْ نّغْنِي ؤُشَا بنْذْقنْ أَسنْ، [إِ] إِربِّيثنْ نِّي وَارْ سِّيننْ نِيثْنِي، وَارْ ذ أَسنْ ثنْثْ-إِ-د-إِوْشِي نتَّا.
DEU 29:26 أَغْضَابْ ن سِيذِي يَارْغَا خْ ثمُّورْثْ-أَ مَاحنْذْ أَذْ غَارسْ إِنْذهْ مَارَّا نّعْڒثْ نِّي يُورِينْ ذڭْ وذْلِيسْ-أَ إِتّْوَانّْضنْ.
DEU 29:27 سِيذِي إِقْڒعْ إِ-ثنْ زِي ثمُّورْثْ ذڭْ وغْضَابْ ذ وسْعَارْ ذ ؤُذُوقّزْ [ن وغْضَابْ] إِمْغَارْ ؤُشَا إِنْضَارْ إِ-ثنْ غَارْ ثمُّورْثْ نّغْنِي، أَمْ [ثدْجَا] أَسّْ-أَ.‘
DEU 29:28 ثِيمسْڒَايِينْ إِنُّوفَارنْ أَقَا ثنْثْ إِ سِيذِي، أَربِّي نّغْ، مَاشَا [ثِيمسْڒَايِينْ] تّْوَاسَّارڭْبنْثْ أَقَا ثنْثْ إِ نشِّينْ ؤُ إِ إِحنْجِيرنْ نّغْ إِ ڒبْذَا، مَاحنْذْ أَذْ نڭّْ مَارَّا أَوَاڒنْ ن شَّارِيعَا-يَا.“
DEU 30:1 ”خْمِي خَاكْ د غَا يَاسنْثْ مَارَّا ثْمسْڒَايِينْ-أَ، لْبَارَاكَا ذ نّعْڒثْ نِّي ڭِّيغْ زَّاثكْ، ؤُشَا أَذْ ثنْثْ ثَارّذْ غَارْ وُوڒْ [نّشْ] جَارْ مَارَّا ڒڭْنُوسْ غَارْ مَانِي سِيذِي، أَربِّي نّشْ، خَاكْ يُوژّڒْ،
DEU 30:2 ؤُشَا أَذْ ثْعقْبذْ غَارْ سِيذِي، أَربِّي نّشْ، أَذْ ثسْڒذْ إِ ثْمِيجَّا نّسْ س مَارَّا ؤُڒْ نّشْ ؤُ س مَارَّا ڒعْمَارْ نّشْ أَنشْثْ ن مَارَّا مِينْ خْ شكْ ؤُمُورغْ أَسّْ-أَ، شكْ [جْمِيعْ] أَكْ-ذ إِحنْجِيرنْ نّشْ،
DEU 30:3 [خنِّي] سِيذِي، أَربِّي نّشْ، أَذْ إِبْضڒْ أَحبّسْ نّشْ ؤُشَا أَذْ خَاكْ يَارْحمْ ؤُشَا أَذْ شكْ إِسّْمُونْ زِي جَارْ مَارَّا ڒڭْنُوسْ غَارْ مَانِي شكْ إِبزّعْ سِيذِي، أَربِّي نّشْ.
DEU 30:4 وَاخَّا إِنِّي خْ يُوژّْڒنْ زَّايكْ، أَقَا أَثنْ غَارْ ؤُنڭَّارُو ن ؤُجنَّا، أَقَا سِيذِي، أَربِّي نّشْ، أَذْ شكْ إِسّْمُونْ ؤُشَا أَذْ شكْ د-إِنْذهْ سّنِّي.
DEU 30:5 سِيذِي، أَربِّي نّشْ، أَذْ شكْ إِسِّيذفْ غَارْ ثمُّورْثْ نِّي وَارْثنْ ڒجْذُوذْ نّشْ ؤُشَا أَذْ ت ثكْسِيذْ [عَاوذْ] ذ ڒْوَارْثْ. نتَّا أَذْ ذَايكْ إِڭّْ ثْشُونِي ؤُ أَذْ ذَايكْ يَارْنِي [عَاذْ] كْثَارْ زِي ڒجْذُوذْ نّشْ.
DEU 30:6 سِيذِي، أَربِّي نّشْ، أَذْ إِخْثنْ ؤُڒْ نّشْ ذ وُوڒْ ن ثَارْوَا نّشْ حِيمَا أَذْ ثخْسذْ سِيذِي، أَربِّي نّشْ، س مَارَّا ؤُڒْ نّشْ ذ مَارَّا ڒعْمَارْ نّشْ، حِيمَا أَذْ ثدَّارذْ.
DEU 30:7 سِيذِي، أَربِّي نّشْ، أَذْ يَارّْ مَارَّا نّْعَاڒِي نِّي خْ ڒْعذْيَانْ نّشْ ؤُ خْ يِينِّي شكْ إِشَارّْهنْ، إِنِّي خَاكْ د-إِذَارّْشنْ [عَاوذْ].
DEU 30:8 أَذْ ثْعقْبذْ، أَذْ ثسْڒذْ إِ ثْمِيجَّا ن سِيذِي ؤُشَا أَذْ ثڭّذْ مَارَّا ڒُومُورَاثْ نِّي خفْ أَشْ تُّومُورغْ أَسّْ-أَ.
DEU 30:9 سِيذِي، أَربِّي نّشْ، أَذْ أَشْ إِوْشْ أَفيّضْ ذِي مَارَّا ڒْخذْمثْ ن إِفَاسّنْ نّشْ، ذِي ڒْغِيدْجثْ ن ؤُعذِّيسْ نّشْ، ذِي ڒْغِيدْجثْ ن ڒبْهَايمْ نّشْ ؤُ ذِي ڒْغِيدْجثْ ن ثمُّورْثْ نّشْ، [أَيَا أَذْ يِيڒِي] إِ ڒْخَارْ نّشْ، مِينْزِي سِيذِي أَذْ إِعْقبْ حِيمَا أَذْ زَّايكْ إِفَارْحْ إِ ڒْخَارْ نّشْ، أَمْ مَامّشْ ثُوغَا إِفَارْحْ إِ ڒجْذُوذْ نّشْ،
DEU 30:10 خْمِي غَا ثسْڒذْ إِ ثْمِيجَّا ن سِيذِي، أَربِّي نّشْ حِيمَا أَذْ ثحْضِيذْ ڒُومُورَاثْ نّسْ ذ ثْوصَّا نّسْ، ثِينِّي يُورِينْ ذڭْ وذْلِيسْ-أَ إِتّْوَانْضنْ ن شَّارِيعَا ؤُشَا خْمِي د غَا ثْذوْڒذْ غَارْ سِيذِي، أَربِّي نّشْ، س مَارَّا ؤُڒْ نّشْ، س مَارَّا ڒعْمَارْ نّشْ.“
DEU 30:11 ”مِينْزِي ڒُومُورْ-أَ إِ خْ شكْ تُّومُورغْ نشّْ أَسّْ-أَ، وَارْ إِدْجِي يُوعْڒَا خَاكْ ؤُ وَارْ إِڭّْوِيجْ شَا.
DEU 30:12 وَارْ إِدْجِي ذڭْ ؤُجنَّا، حِيمَا أَذْ ثِينِيذْ: ’وِي غَا إِڭعّْذنْ غَارْ ؤُجنَّا ذِي طّْوعْ نّغْ حِيمَا أَذْ أَنغْ ث-إِ-د-يَاوِي إِ نشِّينْ ؤُشَا أَذْ أَسْ نْسڒْ، [حِيمَا] [نْزمَّارْ] أَذْ زَّايسْ نڭّْ؟‘
DEU 30:13 وَارْ إِدْجِي خْ ؤُجمَّاضْ ن ڒبْحَارْ، أَڒَامِي [غَا ثْزمَّارذْ] أَذْ ثِينِيذْ: ’وِي غَا إِژْوَانْ غَارْ ؤُجمَّاضْ ن ڒبْحَارْ حِيمَا أَذْ أَنغْ ث-إِ-د-يَاوِي إِ نشِّينْ ؤُشَا أَذْ أَسْ نْسڒْ، [حِيمَا] نْزمَّارْ أَذْ زَّايسْ نڭّْ؟‘،
DEU 30:14 مِينْزِي أَوَاڒْ-أَ يُوذسْ إِ شكْ أَطَّاسْ، أَقَا-ث ذڭْ ؤُقمُّومْ نّشْ، أَقَا-ث ذڭْ وُوڒْ نّشْ، حِيمَا أَذْ زَّايسْ ثڭّذْ.“
DEU 30:15 ”خْزَارْ، نشّْ ڭِّيغْ زَّاثكْ أَسّْ-أَ ثُوذَارْثْ ذ ڒْخَارْ ؤُڒَا ذ ڒْموْثْ ذ ڒْغَارْ،
DEU 30:16 مِينْزِي نشّْ تُّومُورغْ شكْ أَسّْ-أَ حِيمَا أَذْ ثخْسذْ سِيذِي، أَربِّي نّشْ، أَذْ ثُويُورذْ ذڭْ إِبْرِيذنْ نّسْ ؤُشَا أَذْ ثحْضِيذْ ڒُومُورَاثْ نّسْ ذ ثْوصَّا نّسْ ذ لْفَارَايِيضْ نّسْ مَاحنْذْ أَذْ ثدَّارذْ ؤُ أَذْ ثتّْوَامَّارْنِيذْ، ؤُشَا سِيذِي، أَربِّي نّشْ، أَذْ أَشْ إِبَاركْ ذِي ثمُّورْثْ نِّي غَارْ غَا ثَاذْفذْ حِيمَا أَذْ ت ثطّْفذْ ذ ڒْوَارْثْ.
DEU 30:17 [مَاشَا] مَاڒَا ؤُڒْ نّشْ إِتَّاڭّْوجْ ؤُ وَارْ ثتّسْڒِيذْ ؤُشَا أَذْ ثتّْوَاسُّوفّْغذْ [زڭْ وبْرِيذْ]، أَذْ ثْبنْذْقذْ زَّاثْ إِ إِربِّيثنْ نّغْنِي ؤُشَا أَذْ أَسنْ ثْعبْذذْ،
DEU 30:18 [خنِّي] نشّْ تّْبَارّْحغْ أَومْ أَسّْ-أَ بلِّي س ثِيذتّْ أَذْ ثمّْثمْ. وَارْ ثَارنّْيذْ شَا ؤُسَّانْ نّشْ خْ ثمُّورْثْ مَانِي غَا ثَاذْفذْ أَوَارْنِي ڒَامِي ثژْوِيذْ لْ-ؤُرْذُونْ، حِيمَا أَذْ ت ثطّْفذْ ذ ڒْوَارْثْ.
DEU 30:19 أَسّْ-أَ نشّْ ڒَاغِيغْ خْ ؤُجنَّا ذ ثمُّورْثْ، مَاحنْذْ أَذْ إِڒِينْ ذ ڒشْهُوذْ خَاومْ: ڭِّيغْ زَّاثكْ ثُوذَارْثْ ذ ڒْموْثْ، لْبَارَاكَا ذ نّعْڒثْ! إِخْضَارْ [خنِّي] ثُوذَارْثْ، حِيمَا أَذْ ثدَّارذْ، شكْ ذ زَّارِيعثْ نّشْ،
DEU 30:20 مَاحنْذْ أَذْ ثخْسذْ سِيذِي، أَربِّي نّشْ، ؤُشَا أَذْ ثسْڒذْ إِ ثْمِيجَّا نّسْ، أَذْ أَسْ ثْڒصْقذْ، مِينْزِي نتَّا ذ ثُوذَارْثْ نّشْ ؤُڒَا ذ ثُوزّڭَارْثْ ن وُوسَّانْ نّشْ، حِيمَا ثْزمَّارذْ أَذْ ثْزذْغذْ خْ ثمُّورْثْ نِّي خْ إِجُّودْجْ سِيذِي إِ ڒجْذُوذْ نّشْ أَذْ أَسنْ ت-إِ-د-إِوْشْ، إِ إِبْرَاهِيمْ ذ إِسْحَاقْ ذ يَاعْقُوبْ.“
DEU 31:1 إِرُوحْ مُوسَا ؤُشَا إِسِّيوڒْ س وَاوَاڒنْ-أَ أَكْ-ذ مَارَّا إِسْرَائِيل،
DEU 31:2 إِنَّا أَسنْ: ”أَسّْ-أَ نشّْ غَارِي مْيَا ؤُ-عِيشْرِينْ ن إِسڭّْوُوسَا. وَارْ زمَّارغْ عَاذْ أَذْ فّْغغْ ؤُڒَا أَذْ أَذْفغْ ؤُشَا سِيذِي إِنَّا أَيِي: ’وَارْ ثْژكّْوِيذْ [إِغْزَارْ-أَ ن] لْ-ؤُرْذُونْ!‘
DEU 31:3 سِيذِي، أَربِّي نّشْ، أَذْ إِژْوَا زَّاثْ إِ وُوذمْ نّشْ. نتَّا أَذْ يَاردّدْجْ ڒڭْنُوسْ-أَ زَّاثْ إِ وُوذمْ نّشْ ؤُشَا أَذْ ثطّْفذْ ڒْوَارْثْ نْسنْ. يَاشُووَا أَذْ إِژْوَا زَّاثْ إِ وُوذمْ نّشْ، أَمْ مَامّشْ إِنَّا سِيذِي.
DEU 31:4 سِيذِي أَذْ كِيسنْ إِڭّْ أَمْ مَامّشْ إِڭَّا أَكْ-ذ سِيحُونْ ذ عُوجْ، إِجدْجِيذنْ ن إِمُورِييّنْ، إِنِّي يَاردّدْجْ نتَّا س ثْنَاينْ، ؤُ أَمْ مَامّشْ إِڭَّا أَكْ-ذ ثمُّورْثْ نْسنْ.
DEU 31:5 [خْمِي] ثنْ غَا إِسلّمْ سِيذِي زَّاثْ إِ وُوذمْ نْومْ، أَذْ كِيسنْ ثڭّمْ عْلَاحْسَابْ مَارَّا ثَاوْصيّثْ نِّي زِي كنِّيوْ وصِّيغْ
DEU 31:6 إِڒِيمْ ذ إِرْيَازنْ ؤُ إِڒِيمْ ثْمحْضمْ، وَارْ تّڭّْوذمْ، وَارْ تَّارْجِيجمْ شَا زَّاثْ إِ وُوذمْ نْسنْ، مِينْزِي سِيذِي، أَربِّي نّشْ، ذ ونِّي أَكِيذكْ إِڭُّورنْ. نتَّا وَارْ ذَايكْ إِسمّحْ نِيغْ شكْ إِتّجِّي.“
DEU 31:7 إِڒَاغَا مُوسَا إِ يَاشُووَا، إِنَّا أَسْ زَّاثْ إِ ثِيطَّاوِينْ ن مَارَّا إِسْرَائِيل: ”إِڒِي ذ أَرْيَازْ ؤُ إِڒِي ثْمحْضذْ، مِينْزِي أَذْ ثَاذْفذْ أَكْ-ذ ڒْڭنْسْ-أَ غَارْ ثمُّورْثْ نِّي إِجُّودْجْ سِيذِي إِ ڒجْذُوذْ نْسنْ أَذْ أَسنْ ت-إِ-د-إِوْشْ ؤُشَا شكْ أَذْ ثنْ ثجّذْ أَذْ ت طّْفنْ ذ ڒْوَارْثْ.
DEU 31:8 سِيذِي، ذ ونِّي يُويُورنْ زَّاثْ إِ وُوذمْ نّشْ، ذ نتَّا إِ غَا يِيڒِينْ أَكِيذكْ، وَارْ شكْ إِتّتُّو شَا نِيغْ أَذْ ذَايكْ إِسْمحْ. وَارْ تّڭّْوذْ ؤُ وَارْ تَّارْجِيجِي.“
DEU 31:9 يُورَا مُوسَا شَّارِيعَا-يَا ؤُشَا إِوْشَا إِ-ت إِ إِكهَّاننْ، أَيْثْ ن لَاوِي، إِنِّي يَارْبُونْ تَّابُوثْ ن ڒْعَاهْذْ ن سِيذِي، ؤُ إِ مَارَّا إِمْغَارنْ ن إِسْرَائِيل.
DEU 31:10 مُوسَا يُومُورْ إِ-ثنْ، إِنَّا: ”أَوَارْنِي سبْعَا ن إِسڭّْوُوسَا، ذِي ڒْوقْثْ إِتّْوَاڭّنْ ن ؤُسڭّْوَاسْ ن ؤُفكِّي ن إِمرْوُوسنْ ذِي ڒْعِيذْ ن إِعُوشُّوثنْ،
DEU 31:11 خْمِي غَا إِمُونْ مَارَّا إِسْرَائِيل مَاحنْذْ أَذْ إِحْضَارْ زَّاثْ إِ وُوذمْ ن سِيذِي، أَربِّي نّشْ، ذڭْ ومْشَانْ نِّي إِ غَا يِيخْضَارْ نتَّا، أَذْ ثْغَارذْ س جّهْذْ شَّارِيعَا-يَا زَّاثْ إِ مَارَّا إِسْرَائِيل ذڭْ إِمزُّوغنْ نْسنْ.
DEU 31:12 أجّْ أَذْ إِمُونْ ڒْڭنْسْ، إِرْيَازنْ ذ ثمْغَارِينْ ذ إِحنْجِيرنْ ذ إِبَارَّانِييّنْ نِّي إِدْجَانْ غَارْ ذَاخڒْ ن ثوُّورَا نّشْ حِيمَا أَذْ سْڒنْ ؤُ حِيمَا أَذْ ڒمْذنْ أَذْ ڭّْوذنْ سِيذِي، أَربِّي نْومْ ؤُشَا أَذْ حْضَانْ مَارَّا أَوَاڒنْ ن شَّارِيعَا-يَا
DEU 31:13 ؤُ حِيمَا إِحنْجِيرنْ نْسنْ، إِنِّي وَارْ ت إِسِّيننْ، أَذْ سْڒنْ ؤُشَا أَذْ ڒمْذنْ أَذْ ڭّْوذنْ سِيذِي، أَربِّي نْومْ مَارَّا ؤُسَّانْ نِّي إِ غَا ثدَّارمْ خْ وُوذمْ [ن ثمُّورْثْ] نِّي غَارْ غَا ثژْوَامْ خْ لْ-ؤُرْذُونْ مَاحنْذْ أَذْ ت ثطّْفمْ ذ ڒْوَارْثْ.“
DEU 31:14 سِيذِي إِنَّا إِ مُوسَا: ”أَقَا إِوْضنْ-د وُوسَّانْ نّشْ إِ ذِي غَا ثمّْثذْ. ڒَاغَا إِ يَاشُووَا ؤُ سْبدّمْ إِخفْ نْومْ ذڭْ ؤُقِيضُونْ ن ؤُمْسَاڭَارْ حِيمَا أَذْ ث ؤُمُورغْ.“ مُوسَا ذ يَاشُووَا رُوحنْ، بدّنْ ذڭْ ؤُقِيضُونْ ن ؤُمْسَاڭَارْ.
DEU 31:15 [خنِّي] إِبَانْ-د سِيذِي ذڭْ ؤُقِيضُونْ، ذڭْ إِجّْ ن ؤُقلِّيجْ ن ؤُسيْنُو، ؤُشَا إِبدّْ ؤُقلِّيجْ ن ؤُسيْنُو سنّجْ إِ وَاذَافْ ن ؤُقِيضُونْ.
DEU 31:16 سِيذِي إِنَّا إِ مُوسَا: ”أَقَا شكْ أَذْ ثتّْوَاسّْمُونذْ أَكْ-ذ ڒجْذُوذْ نّشْ ؤُشَا [خنِّي] ڒْڭنْسْ-أَ أَذْ إِكَّارْ أَذْ إِسّفْسذْ إِخفْ نّسْ أَمْ غَا يُويُورْ أَوَارْنِي إِ إِربِّيثنْ ن إِبَارَّانِييّنْ ن ثمُّورْثْ نِّي غَارْ غَا يَاذفْ [ڒْڭنْسْ] أَڒْ ڒْوسْطْ نّسْ ؤُشَا [ڒْڭنْسْ] أَذْ ذَايِي إِسْمحْ، أَذْ يَارْژْ ڒْعَاهْذْ إِنُو ونِّي كِيذْسنْ ڭِّيغْ.
DEU 31:17 ذڭْ وَاسّْ نِّي أَذْ يَارغْ وغْضَابْ إِنُو خْ [ڒْْڭنْسْ] ؤُشَا أَذْ ثنْ جّغْ، أَذْ زَّايْسنْ فَّارغْ ؤُذمْ إِنُو ؤُشَا أَذْ إِتّْوَاصَارْضْ [ڒْْڭنْسْ] ؤُشَا أَذْ خَاسْ د-أَسنْ وَاطَّاسْ ن إِشڒْوَاونْ ذ ڒحْصَارَاثْ، أَڒْ غَا يِينِي [ڒْْڭنْسْ] ذڭْ وَاسّْ نِّي: ’مَا وَارْ خَافِي د-ؤُسِينْ إِشڒْوَاونْ-أَ، مِينْزِي أَربِّي وَارْ كِيذِي إِدْجِي؟‘
DEU 31:18 ذڭْ وَاسّْ نِّي أَذْ فَّارغْ ؤُذمْ إِنُو مَارَّا ذِي سِّيبّثْ ن ڒْغَارْ نِّي إِڭَّا ؤُمِي إِذْوڒْ غَارْ إِربِّيثنْ نّغْنِي.
DEU 31:19 ڒخُّو خنِّي، أَرِي ثِيزْڒِيثْ-أَ إِ يِيخفْ نْومْ ؤُشَا سڒْمذْ إِ-ت إِ أَيْثْ ن إِسْرَائِيل، أڭّْ إِ-ت ذڭْ ؤُقمُّومْ نْسنْ، حِيمَا ثِيزْڒِيثْ-أَ أَذْ ثِيڒِي ذ أَشهَّاذْ ذِي طّْوعْ إِنُو ضِيدّْ إِ إِسْرَائِيل،
DEU 31:20 مِينْزِي نشّْ أَذْ سِّيذْفغْ ڒْڭنْسْ-أَ غَارْ ثمُّورْثْ نِّي خْ جُّودْجغْ إِ ڒجْذُوذْ نْسنْ [أَذْ أَسنْ ت وْشغْ]، [إِشْثْ ن ثمُّورْثْ] إِفيّْضنْ س ؤُغِي ذ ثَامّنْثْ، ؤُشَا أَذْ شّنْ، أَذْ جِّيوْننْ، أَذْ ذوْڒنْ قْبُوبّْزنْ. [خنِّي] أَذْ ذوْڒنْ غَارْ إِربِّيثنْ نّغْنِي، أَذْ خَاسنْ سخَّارنْ ؤُشَا أَذْ أَيِي سّْذُوقْزنْ، أَذْ أَرْژنْ ڒْعَاهْذْ إِنُو.
DEU 31:21 ؤُشَا أَذْ إِمْسَارْ ؤُمِي ذ أَسْ د-ؤُسِينْ [إِ ڒْڭنْسْ-أَ] أَطَّاسْ ن إِشڒْوَاونْ ذ ڒحْصَارَاثْ، أَقَا [خنِّي] إِزْڒِي-يَا أَذْ د-ثَارّْ ذڭْ وُوذمْ نّسْ أَمْ يِيجّْ ن ؤُشهَّاذْ، مِينْزِي وَارْ ثتِّيڒِي ثتّْوَاتُّو زڭْ ؤُقمُّومْ ن ثَارْوَا نّسْ، مِينْزِي نشّْ سّْنغْ أَخَارّصْ نِّي إِحطَّا [عَاذْ] أَسّْ-أَ [ذِي ذَاخڒْ نّسْ]، قْبڒْ مَا أَذْ ث سِّيذْفغْ ذِي ثمُّورْثْ نِّي خْ جُّودْجغْ [أَذْ أَسنْ ت وْشغْ].“
DEU 31:22 ذڭْ وَاسّْ نِّي يُورَا مُوسَا ثِيزْڒِيثْ-أَ ؤُشَا إِسّڒْمذْ إِ-ت إِ أَيْثْ ن إِسْرَائِيل.
DEU 31:23 ؤُشَا نتَّا يُومُورْ إِ يَاشُووَا، مِّيسْ ن نُونْ، إِنَّا: ”إِڒِي ذ أَرْيَازْ، إِڒِي ثْمحْضذْ، مِينْزِي أَذْ ثسِّيذْفذْ أَيْثْ ن إِسْرَائِيل ذِي ثمُّورْثْ نِّي خْ ذ أَسنْ جُّودْجغْ [مَاحنْذْ أَذْ أَسنْ ت وْشغْ] ؤُشَا نشّْ أَذْ أَكِيذكْ إِڒِيغْ.“
DEU 31:24 ؤُشَا إِمْسَارْ ؤُمِي إِكمّڒْ مُوسَا ثِيرَا ن وَاوَاڒنْ ن شَّارِيعَا-يَا ذڭْ إِجّْ ن وذْلِيسْ إِتّْوَانّْضنْ، أَڒْ أَنڭَّارْ نْسنْ،
DEU 31:25 أَقَا مُوسَا يُومُورْ إِلَاوِييّنْ نِّي يَارْبُونْ تَّابُوثْ ن ڒْعَاهْذْ ن سِيذِي، إِنَّا:
DEU 31:26 ”كْسِيمْ أَذْلِيسْ-أَ إِتّْوَانْضنْ ن شَّارِيعَا ؤُشَا ثڭّمْ ث زَّاثْ إِ تَّابُوثْ ن ڒْعَاهْذْ ن سِيذِي، أَربِّي نْومْ، مَاحنْذْ أَذْ ذِينْ يِيڒِي ذ أَشهَّاذْ ضِيدّْ نْومْ،
DEU 31:27 مِينْزِي نشّْ سّْنغْ أَغوّغْ نْومْ ذ ثْغنَّانْثْ نْومْ. خْزَارْ، ؤُمِي نشّْ دَّارغْ عَاذْ أَكِيذْومْ أَسّْ-أَ، كنِّيوْ أَقَا ثْغوّْغمْ خْ سِيذِي، مشْحَاڒْ عَاذْ كْثَارْ إِ غَا ثڭّمْ أَوَارْنِي إِ ڒْموْثْ إِنُو!
DEU 31:28 سْمُونمْ-د غَارِي مَارَّا إِمْغَارنْ ن ثْقبَّاڒْ نْومْ ذ إِمحْضَاينْ نْومْ، [خنِّي] أَذْ سِّيوْڒغْ أَوَاڒنْ-أَ ذڭْ إِمزُّوغنْ نْسنْ ؤُشَا أَذْ ڭّغْ أَجنَّا ذ ثمُّورْثْ ذ ڒشْهُوذْ ضِيدّْ نْسنْ.
DEU 31:29 مِينْزِي نشّْ سّْنغْ أَقَا أَوَارْنِي ڒْموْثْ إِنُو أَذْ ثْفسْذمْ أَڒْ طَّارْفْ ؤُشَا أَذْ ثفّْغمْ خْ وبْرِيذْ نِّي خْ كنِّيوْ ؤُمُورغْ. ذڭْ ؤُنڭَّارْ ن وُوسَّانْ، أَذْ ثڭّمْ ڒْغَارْ ذِي ثِيطَّاوِينْ ن سِيذِي أَڒْ غَا ث ثسْعَارمْ س ڒْخذْمثْ إِ ثڭِّيمْ س إِفَاسّنْ نْومْ.“
DEU 31:30 [خنِّي] إِسِّيوڒْ مُوسَا ذڭْ إِمزُّوغنْ ن مَارَّا أَڭْرَاوْ [ن ڒْڭنْسْ] ن إِسْرَائِيل س وَاوَاڒنْ ن ثِيزْڒِيثْ-أَ أَڒَامِي ثنْ إِكمّڒْ.
DEU 32:1 ”سْڒمْ، [أَ] إِجنْوَانْ، أَذْ سِّيوْڒغْ! أجّْ ثَامُّورْثْ أَذْ ثْسڒْ إِ وَاوَاڒنْ ن ؤُقمُّومْ إِنُو!
DEU 32:2 أجّْ ثَاغُورِي إِنُو أَذْ ثُوذمْ أَمْ ونْژَارْ، أَذْ هْوَانْثْ ثِيوَاڒِينْ إِنُو أَمْ نّْذَا، أَمْ إِشْثْ ن ثْهِيضُورْثْ خْ ؤُغمُّويْ أَزِيزَا ؤُ أَمْ ثْنشْنَاشِينْ خْ وفْسُو،
DEU 32:3 مِينْزِي نشّْ أَذْ بَارّْحغْ إِسمْ ن سِيذِي، أَرّمْ-د ڒمْغَارثْ إِ أَربِّي نّغْ!
DEU 32:4 [نتَّا] ذ ثَاصْضَارْثْ، ڒْخذْمثْ نّسْ نِيشَانْ، مِينْزِي مَارَّا إِبْرِيذنْ نّسْ تّْوَاسڭّْذنْ، إِجّْ ن أَربِّي ذ أَمْثِيقِّي بْڒَا ڒْغشّْ، أَقَا-ث ذ أَمْسڭّذْ، نِيشَانْ إِ يدْجَا.
DEU 32:5 [ڒْْڭنْسْ] أَقَا إِسّفْسذْ إِخفْ نّسْ، نِيثْنِي وَارْ دْجِينْ شَا ذ إِحنْجِيرنْ نّسْ، [مَاشَا] ذ ڒفْضِيحثْ، [أَقَا-ث] ذ إِجّْ ن جِّيڒْ إِفَارْغْ، إِخْنُونّسْ.
DEU 32:6 مَا ثخْسمْ أَذْ ثڭّمْ أَيَا إِ سِيذِي، [أَ] ڒْڭنْسْ أَبُوهَاڒِي ذ وفْغُورْ! مَا وَارْ إِدْجِي نتَّا ذ بَابَاشْ نِّي شكْ إِسْغِينْ، ذ ونِّي شكْ إِڭِّينْ ؤُ ذ ونِّي شكْ إِكوّْننْ؟
DEU 32:7 إِذَارمْ ؤُسَّانْ إِعْذُونْ، خمّمْ إِسڭّْوُوسَا ن جِّيڒْ أَڒْ جِّيڒْ، سقْسَا بَابَاشْ ؤُ نتَّا أَذْ أَشْ ث إِعَاوذْ [سقْسَا] إِمْغَارنْ ؤُ نِيثْنِي أَذْ أَشْ ث إِنِينْ.
DEU 32:8 ؤُمِي إِوْشَا ؤُمْعُودْجِي خْ كُوڒْشِي ثَاسْغَارْثْ [نْسنْ] إِ مَارَّا ڒڭْنُوسْ، ؤُمِي إِبْضَا ثَارْوَا ن بْنَاذمْ، إِسّْڭعّذْ إِيْمِيرنْ ن ڒڭْنُوسْ عْلَاحْسَابْ ڒْقدّْ ن أَيْثْ ن إِسْرَائِيل.
DEU 32:9 مِينْزِي ثَاسْغَارْثْ ن سِيذِي ذ ڒْڭنْسْ نّسْ، يَاعْقُوبْ ذ أَفِيڒُو [ن ڒعْبَارْ] ن ثسْغَارْثْ نّسْ.
DEU 32:10 يُوفَا إِ-ث ذِي ثمُّورْثْ ن ڒخْڒَا، ذِي ثْنزْرُوفْثْ إِخْڒَانْ [أَكْ-ذ ڒوْحُوشْ] إِتّْزُونْ، إِسّْغُويُّونْ. إِنّضْ أَسْ-د، إِسّڒْمذْ إِ-ث، إِحْضَا إِ-ث أَمْ مُومُّو ن ثِيطّْ نّسْ.
DEU 32:11 أَمْ ؤُڭِيذرْ نِّي إِسّْفَاقنْ ڒْعُوشّْ نّسْ، إِطَّاوْ سنّجْ إِ وَارُّوذْ نّسْ زِي سَّا غَارْ ذَا، إِتّْبزّعْ أَفْرِيونْ نّسْ، إِكْسِي إِ-ث ؤُشَا يَاربُّو ث خْ وَافْرِيونْ نّسْ،
DEU 32:12 [أَمُّو] إِ إِنْذهْ إِ-ث سِيذِي وَاهَا ؤُشَا وَارْ ثُوغِي ذِينْ أَكِيذسْ شَا ن أَربِّي ذ أَغْرِيبْ.
DEU 32:13 إِسّنْيَا إِ-ث خْ ثْعُوڒَاڒْ ن ثمُّورْثْ ؤُشَا إِشَّا ڒْغِيدْجثْ ن ييَّارْ. إِجَّا إِ-ث أَذْ إِژمّْ ثَامّنْثْ زِي جَّارْفْ، ذ زّشْثْ زڭْ وژْرُو ن ثصْضَارْثْ،
DEU 32:14 ذ ثْرُوسِّي ن ثْفُونَاسِينْ ذ ؤُغِي ن وُودْجِي س ثَاذُونْثْ ن إِزْمَارنْ ذ إِشَارِّييّنْ، [إِنِّي إِدْجَانْ أَمْ] ثَارْوَا ن بَاشَانْ، [ؤُ س ثَاذُونْثْ ن] إِغَايْضنْ، س مُومُّو ن وَارنْ ن إِرْذنْ. [عَاوذْ] شكْ ثسْوِيذْ زڭْ إِذَامّنْ ن ؤُضِيڒْ، أَكْ-ذ ؤُكُوفُّو نّسْ خَاسْ.
DEU 32:15 إِذْوڒْ يَاشُورُونْ إِقْبُوبّزْ ؤُشَا إِژّعْبضْ - ’أَقَا ثْمسْڒذْ ؤُ ثقْبُوبّْزذْ، وَاهْ، س ثَاذُونْثْ ثتّْوَاذْڒذْ!‘ - ؤُشَا إِسْمحْ ذِي أَربِّي نِّي إِ-ث د-إِخڒْقنْ ؤُشَا إِسّحْقَارْ ثَاصْضَارْثْ ن ؤُسنْجمْ نّسْ.
DEU 32:16 س إِربِّيثنْ إِغْرِيبنْ سّكَّارنْ نِيثْنِي ثُوسْمِي نّسْ، س جّْعَايفْ سْعَارنْ ث.
DEU 32:17 نِيثْنِي قدّْمنْ ثِيغَارْصَا إِ شّْوَاطنْ، وَارْ إِدْجِي إِ أَربِّي، إِ إِربِّيثنْ نِّي وَارْ سِّيننْ، [إِربِّيثنْ] ن جْذِيذْ، إِنِّي د-يُوسِينْ عَاذْ مَامّشْ، وَارْ زَّايْسنْ تَّارْجِيجنْ ڒجْذُوذْ نْومْ.
DEU 32:18 ثَاصْضَارْثْ نِّي إِ شكْ د-يجِّينْ، ثْسمْحذْ ذَايسْ ؤُ ثتُّوذْ أَربِّي نِّي إِ شكْ د-يُورْونْ س ڒوْجعْ.
DEU 32:19 إِژْرَا سِيذِي [مَانْ أَيَا] ؤُشَا إِسّهْقَارْ إِ-ثنْ، زِي سِّيبّثْ ن ؤُسْذُوقّزْ ن إِحنْجِيرنْ نّسْ ذ يسِّيسْ.
DEU 32:20 نتَّا إِنَّا: ’أَذْ زَّايْسنْ فَّارغْ ؤُذمْ إِنُو، أَذْ ژَترغْ مَامّشْ غَا يِيڒِي [زّْمَانْ] ؤُنڭَّارُو نْسنْ، مِينْزِي نِيثْنِي ذ إِجّْ ن جِّيڒْ إِتّْنقْڒَابْ، ذ ثَارْوَا إِ ذِي وَارْ إِدْجِي ڒْمَانثْ.
DEU 32:21 نِيثْنِي سّكَّارنْ ثُوسْمِي إِنُو س مِينْ وَارْ إِدْجِينْ ذ أَربِّي، سْعَارنْ أَيِي س [لْ-أَصْنَامْ] نْسنْ إِبطّْڒنْ. نشّْ أَذْ سّكَّارغْ ثُوسْمِي نْسنْ س [مِينْ] وَارْ إِدْجِينْ ذ ڒْڭنْسْ، س يِيجّْ ن ڒْڭنْسْ ذ أَبُوهَاڒِي أَذْ ثنْ سْعَارغْ.
DEU 32:22 مِينْزِي س وغْضَابْ إِنُو ثكَّارْ ثْمسِّي، أَذْ ثشْمضْ أَڒْ ڒَاخَارْثْ [ذِينْ] سْوَادَّايْ، ؤُشَا أَذْ ثشّْ ثَامُّورْثْ ذ ڒْغِيدْجثْ نّسْ، ؤُ أَذْ ثسّشْمضْ ثِيسِي ن إِذُورَارْ.
DEU 32:23 نشّْ أَذْ أَسنْ أَرْنِيغْ إِشڒْوَاونْ، أَذْ خَاسنْ نيّْشغْ فْڒِيثْشَاثْ إِنُو.
DEU 32:24 أَذْ تّْوَاهيّْفنْ س ڒَاژْ ؤُشَا أَذْ تّْوَاصَارْضنْ س طَّاعُونْ ؤُ س وَاردّدْجْ أَمرْزَاڭْ ؤُ نشّْ أَذْ ذَايْسنْ سّكّغْ ثِيغْمَاسْ ن ڒْمَاڒْ س سّمْ إِنقّنْ ن [إِفِيغْرَانْ] إِنِّي إِتّْمُودْجُوغنْ ذِي ثْعجَّاجْثْ.
DEU 32:25 زِي بَارَّا أَذْ إِكّسْ سِّيفْ [ثَارَّاوْثْ]، ؤُ زڭْ وخَّامْ ن ذَاخڒْ [أَذْ ثڒْقفْ] ثِيڭّْوُوذِي: أَمْ ؤُبْڒِيغْ أَمْ ثعْزَارشْثْ، أَسيْمِي أَكْ-ذ ؤُمشَّايْبُو.
DEU 32:26 ثُوغَا خْسغْ أَذْ إِنِيغْ: ’أَمْ ؤُسمِّيضْ أَذْ ثنْ فَارثْكغْ، أَذْ سّْبدّغْ ڒِيذَارثْ نْسنْ جَارْ إِوْذَانْ!‘،
DEU 32:27 مْڒِي وَارْ دْجِيغْ تّڭّْوِيذغْ زڭْ وسْعَارْ ن ڒعْذُو، حِيمَا إِغْرِيمنْ نْسنْ وَارْ ث نكَّارنْ ؤُشَا أَذْ إِنِينْ: ’إِفَاسّنْ نّغْ، إِنِّي إِتّْوَاسّْڭعّْذنْ أَمُّو [س جّهْذْ]، ڭِّينْ أَيَا مَارَّا، [وَارْ إِدْجِي] ذ سِيذِي.‘
DEU 32:28 مِينْزِي نِيثْنِي ذ إِجّْ ن ڒْڭنْسْ بْڒَا أَرَّايْ ؤُ وَارْ ذَايْسنْ ڒفْهَامثْ.
DEU 32:29 مْڒِي ڭِّينْ ثِيغِيثْ، [خنِّي] إِڭُّورْ أَذْ فهْمنْ أَيَا ؤُ أَذْ وْشنْ ثَايْنِيثْ إِ ؤُنڭَّارْ نْسنْ.
DEU 32:30 مَامّشْ إِزمَّارْ أَذْ إِضْفَارْ إِجّْ [ن بْنَاذمْ] أَڒفْ [ن إِوْذَانْ] ؤُ [مَامّشْ زمَّارنْ] ثْنَاينْ أَذْ أَرّنْعشْرَا-أَڒَافْ أَذْ أَروْڒنْ، مَاڒَا وَارْ ذ أَسنْ ثمّنْزْ ثصْضَارْثْ نْسنْ ؤُشَا [وَارْ ذ أَسنْ] إِسلّمْ سِيذِي إِ نِيثْنِي؟
DEU 32:31 مِينْزِي ثَاصْضَارْثْ نْسنْ وَارْ ثدْجِي أَمْ ثَاصْضَارْثْ نّغْ. أجّْ أَذْ حكْمنْ ڒْعذْيَانْ نّغْ [س إِخفْ نْسنْ].
DEU 32:32 مِينْزِي ثَازَايَارْثْ نْسنْ [ثدْجَا] زِي ثْزَايَارْثْ ن سَاذُومْ ؤُ زڭْ إِيَّارنْ ن عَامُورَّا. أَضِيڒْ نْسنْ ذ أَضِيڒْ ن سّمْ، غَارْسنْ إِزكُّوننْ [شُّورنْ س] ثَارْزُوڭِي.
DEU 32:33 بِينُو نْسنْ [أَمشْنَاوْ أَسُوضِي ن] ثْمسِّي ن ڒْهَايْشَاثْ، [أَمشْنَاوْ] سّمْ إِنقّنْ ن ثْڒفْسِيوِينْ.
DEU 32:34 مَا [مَارَّا] أَيَا وَارْ غَارِي إِتّْوَاخْزنْ، إِتّْوَاشمّعْ ذڭْ إِخَّامنْ ن ثْخُوبَايْ إِنُو؟
DEU 32:35 ذ نشّْ إِ يدْجَانْ خْ نّقْمثْ ذ ڒخْڒَاصْ، خْمِي غَا إِحْڒُودْجضْ ؤُضَارْ نْسنْ. أَسّْ ن ؤُضيّعْ نْسنْ أَقَا يُوذسْ، ؤُشَا مِينْ خَاسنْ إِ غَا يِيڒِي، أَذْ إِمْسَارْ ذغْيَا.
DEU 32:36 مِينْزِي سِيذِي أَذْ إِڭّْ س ڒْحقّْ ذِي طّْوعْ ن ڒْڭنْسْ نّسْ، نتَّا أَذْ إِحنّْ خْ إِمْسخَّارنْ نّسْ خْمِي غَا إِژَارْ بلِّي جّهْذْ إِمّكْسِي، ؤُشَا وَارْ ذِينْ إِقِّيمْ [عَاذْ] ونِّي إِتّْوَاطّْفنْ ذ ونِّي إِجِّينْ.
DEU 32:37 [خنِّي] أَذْ يِينِي: ’مَانِي دْجَانْ إِربِّيثنْ نْسنْ، [مَانِي] ثَاصْضَارْثْ إِ غَارسْ ؤُفِينْ أَذُورِّي؟
DEU 32:38 [مَانِي دْجَانْ إِربِّيثنْ] نِّي زِي شِّينْ ثَاذُونْثْ ن ثْغَارْصَا نْسنْ، إِنِّي زِي سسّنْ بِينُو ن ثوْهِيبِينْ ن ؤُسيّبْ نْسنْ؟ أجّْ إِ-ثنْ أَذْ كَّارنْ، أَذْ شكْ عَاوْننْ ؤُ أجّْ إِ-ث أَذْ خَاومْ إِسّْذُورِي.‘
DEU 32:39 خْزَارمْ ڒخُّو، أَقَا ذ نشّْ، وَاهْ ذ نشّْ، ؤُ وَارْ [ذِينْ] شَا ؤُڒَا ذ إِجّْ ن أَربِّي أَكِيذِي. نشّْ نقّغْ ؤُ نشّْ سّدَّارغْ، نشّْ ڒبّْزغْ ؤُ سّْڭنْفِيغْ ؤُ وَارْ ذِينْ وِي غَا إِفكّنْ زڭْ ؤُفُوسْ إِنُو.
DEU 32:40 مِينْزِي نشّْ أَذْ سّْوِيژّْضغْ أَفُوسْ إِنُو غَارْ ؤُجنَّا، أَذْ إِنِيغْ: ’نشّْ أَقَا دَّارغْ إِ ڒبْذَا!‘
DEU 32:41 مَاڒَا سّْقضْعغْ سِّيفْ إِنُو إِتّْوسّْڭنْ ؤُشَا أَفُوسْ إِنُو أَذْ إِطّفْ ذِي ڒْحُوكْمْ، [خنِّي] نشّْ أَذْ نْثَاقْمغْ زِي إِغْرِيمنْ إِنُو ؤُ زڭْ إِنِّي ذ أَيِي إِشَارّْهنْ.
DEU 32:42 أَذْ سّسْشَارغْ فْڒِيثْشَاثْ [ن ڒْقوْسْ إِنُو] س إِذَامّنْ، ؤُشَا سِّيفْ إِنُو أَذْ إِسَارْضْ أَيْسُومْ، إِذَامّنْ ن ونِّي إِتّْوَانْغنْ ؤُ ن ونِّي إِتّْوَاحبّْسنْ أَزدْجِيفْ ن ڒعْذُو أَكْ-ذ [إِجطَّاينْ ن] ؤُشُوَّافْ نّسْ.
DEU 32:43 سْڒِيوْڒومْ، [أَ] ڒڭْنُوسْ!، [أَكْ-ذ] ڒْڭنْسْ نّسْ، مِينْزِي نتَّا أَذْ إِنْثَاقمْ إِ إِذَامّنْ ن إِمْسخَّارنْ نّسْ، أَذْ يَارَّا نّقْمثْ خْ إِغْرِيمنْ نّسْ، ؤُشَا أَذْ إِڭّْ وصْڒَاحْ إِ ثمُّورْثْ نّسْ ذ ڒْڭنْسْ نّسْ.“
DEU 32:44 يُوسَا-د مُوسَا ؤُشَا إِسِّيوڒْ مَارَّا أَوَاڒنْ ن ثِيزْڒِيثْ-أَ خْ إِمزُّوغنْ ن ڒْڭنْسْ، نتَّا [جْمِيعْ أَكْ-ذ] هُوشِيعَا، مِّيسْ ن نُونْ.
DEU 32:45 [ؤُمِي] إِكمّڒْ مُوسَا مَارَّا أَوَاڒنْ-أَ إِ زِي إِسِّيوڒْ غَارْ مَارَّا إِسْرَائِيل،
DEU 32:46 إِنَّا أَسنْ: ”أَرّمْ مَارَّا أَوَاڒنْ-أَ نِّي خْ ذ أَومْ نِّيغْ أَسّْ-أَ غَارْ وُوڒْ نْومْ، حِيمَا أَذْ ثنْ ثُومُورمْ إِ إِحنْجِيرنْ نْومْ مَاحنْذْ أَذْ حْضَانْ مَارَّا أَوَاڒنْ ن شَّارِيعَا-يَا أَذْ زَّايْسنْ ڭّنْ،
DEU 32:47 مِينْزِي وَارْ إِدْجِي ذ أَوَاڒْ ن بَاطڒْ إِ كنِّيوْ، مَاشَا ذ ثُوذَارْثْ نْومْ. س وَاوَاڒْ-أَ أَذْ ثزُّوڭَّارْثمْ ؤُسَّانْ نْومْ خْ ثمُّورْثْ إِ غَارْ غَا ثژْوِيمْ خْ لْ-ؤُرْذُونْ، مَاحنْذْ أَذْ ت ثطّْفمْ ذ ڒْوَارْثْ.“
DEU 32:48 إِسِّيوڒْ سِيذِي أَكْ-ذ مُوسَا ذڭْ وَاسّْ نِّي، إِنَّا:
DEU 32:49 ”ڭعّذْ أَذْرَارْ ن أَبَارِيمْ، [أَقَا-ث] ذ أَذْرَارْ ن نابُو نِّي [إِدْجَانْ] ذِي ثمُّورْثْ ن مُوآبَ أَرنْذَاذْ ن أَرِيحَا، ؤُشَا خْزَارْ ثَامُّورْثْ ن كنْعَانْ نِّي إِ غَا وْشغْ ذ ڒْوَارْثْ إِ أَيْثْ ن إِسْرَائِيل،
DEU 32:50 ؤُشَا مّثْ خْ وذْرَارْ نِّي غَارْ غَا ثْڭعّْذذْ. أَذْ ثْذوْڒذْ أَذْ ثمَّارْنِيذْ غَارْ ڒْڭنْسْ نّشْ، أَمْ مَامّشْ إِمُّوثْ ؤُمَاشْ هَارُونْ خْ وذْرَارْ ن هُورْ ؤُشَا إِمَّارْنِي غَارْ ڒْڭنْسْ نّسْ،
DEU 32:51 مِينْزِي كنِّيوْ ثغْذَاڒمْ زَّايِي ذِي ڒْوسْطْ ن أَيْثْ ن إِسْرَائِيل غَارْ وَامَانْ ن مَارِيبَا-قَاذَاشْ ذِي ڒخْڒَا ن صِينْ، مِينْزِي كنِّيوْ وَارْ ذ أَيِي ثسّْقدّْسمْ ذِي ڒْوسْطْ ن أَيْثْ ن إِسْرَائِيل.
DEU 32:52 [خنِّي ڒخُّو] أَذْ طْژَارذْ ثَامُّورْثْ زَّاثكْ، مَاشَا وَارْ تِّيذْفذْ شَا غَارْ ثمُّورْثْ نِّي إِ غَا وْشغْ إِ أَيْثْ ن إِسْرَائِيل.“
DEU 33:1 ذ ثَا ذ لْبَارَاكَا نِّي زِي إِبَاركْ، مُوسَا، أَرْيَازْ ن سِيذِي، أَيْثْ ن إِسْرَائِيل قْبڒْ ڒْموْثْ نّسْ.
DEU 33:2 إِنَّا: ”سِيذِي يُوسَا-د زڭْ [وذْرَارْ ن] سِينَا، إِڭعّذْ-د إِتّْوسّڭْ أَرنْذَاذْ نْسنْ زِي سَاعِيرْ، ثُوغَا إِتِّيسِّيقْ ؤُمِي د-إِبَانْ زڭْ وذْرَارْ ن فَارَانْ ؤُشَا إِفّغْ-د زِي [جَارْ]عشْرَا-أَڒَافْ ن إِمْقدَّاسنْ. زڭْ ؤُفُوسْ نّسْ أَفُوسِي إِسّْبرْبِيشْ س وَاسَّامنْ أَرنْذَاذْ نْسنْ.
DEU 33:3 وَاهْ، نتَّا إِتّخْسْ ڒڭْنُوسْ! مَارَّا إِمْقدَّاسنْ [إِدْجَانْ] ذڭْ ؤُفُوسْ نّشْ، أَقَا أَثنْ غَارْ إِضَارنْ نّشْ، [وَاهْ،] أَذْ إِكَّارْ [كُوڒْ إِجّنْ زَّايْسنْ] زڭْ وَاوَاڒنْ نّشْ.
DEU 33:4 مُوسَا يُومُورْ أَنغْ خْ شَّارِيعَا، أَقَا-ت ذ ڒْوَارْثْ ن ثْمسْمُونْثْ ن يَاعْقُوبْ.
DEU 33:5 ثُوغَا نتَّا ذ أَجدْجِيذْ ذِي يَاشُورُونْ ؤُمِي نْيَارْونْ إِزدْجِيفنْ ن ڒْڭنْسْ، جْمِيعْ أَكْ-ذ ثْقبَّاڒْ ن إِسْرَائِيل.“
DEU 33:6 ”إِڒِي أَذْ إِدَّارْ رُوبِينْ، وَارْ إِثْمتِّي، ؤُشَا إِڒِي وَارْ تِّيڒِينْ إِرْيَازنْ نّسْ ؤُذْرُوسنْ!“
DEU 33:7 ذ مَانْ أَيَا إِ إِنَّا خْ يَاهُوذَا: ”[أَ] سِيذِي، سڒْ غَارْ ثْمِيجَّا ن يَاهُوذَا ؤُشَا يَارّْ إِ-ث غَارْ ڒْڭنْسْ نّسْ. س إِفَاسّنْ نّسْ إِمّْنغْ ذِي طّْوعْ نّسْ ؤُشَا إِڒِي شكْ أَذْ أَسْ إِوْشْ أَفُوسْ ضِيدّْ ن إِغْرِيمنْ نّسْ!“
DEU 33:8 ؤُ خْ لَاوِي إِنَّا: ”ثُومِّيمْ نّشْ ذ ؤُرِيمْ نّشْ [أَذْ إِڒِينْ] إِ ورْيَازْ نِّي ذ أَمدُّوكّڒْ نّشْ ذ أَمْثِيقِّي، ونِّي ثْقدْجْبذْ ذِي مَاسَّا، أَكْ-ذ وِي ثْقَاشْحذْ غَارْ وَامَانْ ن مَارِيبَا،
DEU 33:9 ونِّي إِنَّانْ خْ بَابَاسْ ذ يمَّاسْ: ’وَارْ ثنْ تّْوِيڒِيغْ!‘، ذ ونِّي وَارْ إِسّْعِيزّْ خْ يَايْثْمَاسْ نِيغْ وَارْ إِخْسْ أَذْ إِسّنْ إِحنْجِيرنْ نّسْ، مِينْزِي نِيثْنِي طّْفنْ ذِي مِينْ ثنِّيذْ شكْ ؤُشَا حْضَانْ ڒْعَاهْذْ نّشْ.
DEU 33:10 نِيثْنِي أَذْ سّْڒمْذنْ لْفَارَايِيضْ نّشْ إِ يَاعْقُوبْ ؤُ شَّارِيعَا نّشْ إِ إِسْرَائِيل. أَذْ سُّويُوسنْ ڒبْخُورْ زَّاثْ إِ ونْزَارنْ نّشْ ؤُڒَا ذ ثَاغَارْصْثْ [ن وشْمَاضْ] إِكمّْڒنْ خْ ؤُعَالْطَارْ نّشْ.
DEU 33:11 بَاركْ ثِيزمَّارْ نّسْ ذِي مِينْ إِڭَّا، [أَ] سِيذِي، ؤُشَا طّفْ أَرْضَا س ڒْخذْمثْ ن إِفَاسّنْ نّسْ، غْضڒْ ثِيمصَّاضِينْ ن يِينِّي أَكِيذسْ إِتّمْعَاڒَانْ ذ ن يِينِّي ث إِشَارّْهنْ حِيمَاعمَّارْصْ وَارْ تّْبذِّينْ عَاذْ!“
DEU 33:12 ؤُ خْ بِينْيَامِينْ إِنَّا: ”أَمْعِيزّْ ن سِيذِي، نتَّا أَذْ غَارسْ إِزْذغْ ذِي ڒَامَانْ، أَسّْ مَارَّا أَذْ ث إِذڒْ ؤُشَا أَذْ إِزْذغْ جَارْ ثِيغَارْضِينْ نّسْ!“
DEU 33:13 ؤُ خْ يُوسُوفْ إِنَّا: ”أَذْ إِبَاركْ سِيذِي ثَامُّورْثْ نّسْ س مِينْ إِدْجَانْ إِغْڒَانْ قَاعْ زڭْ ؤُجنَّا، س نّْذَا، ؤُ س [وَامَانْ] إِهوْڒنْ، إِنِّي [ذِينْ] إِدْجَانْ سْوَادَّايْ،
DEU 33:14 ؤُ س ڒْغِيدْجثْ إِغْڒَانْ ن ثْفُوشْثْ ؤُ س مِينْ إِدْجَانْ إِغْڒَانْ إِ إِتِّيشْ ؤُيُورْ،
DEU 33:15 ؤُ س ڒْقِيمثْ ن إِذُورَارْ ثِيقْذِيمِينْ ؤُ س مِينْ إِغْڒَانْ ن ثوْرِيرِينْ ن ڒبْذَا،
DEU 33:16 ؤُ س مِينْ إِغْڒَانْ أَطَّاسْ ن ثمُّورْثْ ذ ؤُعمَّارْ نّسْ، ؤُ س ثْشُونِي ن ونِّي ثُوغَا إِزدّْغنْ ذِي شْبَارْقْ أَكْ-ذ إِسنَّاننْ. إِڒِي أَذْ د-يَاسْ خْ ؤُزدْجِيفْ ن يُوسُوفْ ؤُ خْ ثُوشّنْثْ ن ؤُشُوَّافْ ن ونِّي يَاربُّونْ تَّاجْ [ن وعْزَاڒْ] جَارْ أَيْثْمَاسْ.
DEU 33:17 أَمنْزُو ن ؤُفُونَاسْ نّسْ ذ ؤُشوَّارْ نّسْ ؤُ أَشَّاونْ نّسْ أَمْ وَاشَّاونْ [إِزِيرَارنْ] ن إِغَايْضْ ن ڒخْڒَا، أَذْ زَّايْسنْ إِوّثْ ڒڭْنُوسْ مَارَّا جْمِيعْ أَڒْ ثِينڭُّورَا ن دُّونشْثْ. إِنَا ذعشْرَا ن ڒُوڒُوفْ ن إِفْرَايِيمْ ؤُ إِنَا ذ ڒُوڒُوفْ ن مَانَاسَّا!“
DEU 33:18 ؤُ خْ زابُولُونْ إِنَّا: ”فَارْحْ، أَ زابُولُونْ، س وُوفُّوغْ نّشْ، ؤُ شكْ، [أَ] إِسَّاكَارْ!، [فَارْحْ] س إِقِيضَانْ نّشْ.
DEU 33:19 أَذْ ڒَاغَانْ إِ ڒڭْنُوسْ غَارْ وذْرَارْ. ذِينْ إِ غَا غَارْصنْ ثِيغَارْصَا ن ثْسڭْذَا، مِينْزِي أَذْ ژمّنْ أَفيّضْ ن ڒبْحُورْ ذ ثْخُوبَايْ إِنُّوفَارنْ ذڭْ إِجْذِي.“
DEU 33:20 ؤُ خْ جَاذْ إِنَّا: ”أَذْ إِتّْوَابَاركْ ونِّي إِڭِّينْ تَّاسِيعْ إِ جَاذْ! نتَّا إِزدّغْ [ذِينْ] أَمْ ثيْرَاذْثْ ؤُشَا إِشَارّڭْ أَغِيڒْ، [وَاهْ،] ؤُڒَا ذ أَشقُّوفْ ن ؤُزدْجِيفْ.
DEU 33:21 إِكْسِي ثَامُّورْثْ إِشْنَانْ إِ يِيخفْ نّسْ، مِينْزِي أَقَا ذِينْ ثتّْوَاحْضَا ثسْغَارْثْ ن ؤُمْڭوَّاذْ [س وضْمَانْ]. يُوسَا-د أَكْ-ذ إِزدْجِيفنْ ن ڒْڭنْسْ، إِكمّڒْ ثَاسڭْذَا ن سِيذِي ذ ڒحْكَامَاثْ نّسْ، [جْمِيعْ] أَكْ-ذ إِسْرَائِيل.“
DEU 33:22 ؤُ خْ ذَانْ إِنَّا: ”ذَانْ ذ إِجّْ ن مِّيسْ ن وَايْرَاذْ نِّي إِ إِنڭّْزنْ غَارْ زَّاثْ زِي بَاشَانْ.“
DEU 33:23 ؤُ خْ نَافْثَالِي إِنَّا: ”[أَ] نَافْثَالِي، إِڒِي ثجِّيوْنذْ س ثْشُونِي ؤُ ثشُّورذْ س لْبَارَاكَا ن سِيذِي. كْسِي لْغَارْبْ ذ لْجَانُوبْ ذ ڒْوَارْثْ.“
DEU 33:24 ؤُ خْ أَشِيرْ إِنَّا: ”أَقَا إِتّْوَابَاركْ أَشِيرْ أَكْ-ذ إِحنْجِيرنْ نّسْ. إِڒِي أَذْ يَافْ أَرْضَا زڭْ أَيْثْمَاسْ ؤُشَا أَذْ إِسُّورْ أَضَارْ نّسْ ذِي زّشْثْ.
DEU 33:25 زّكْرُونَاثْ نّشْ [أَقَا أَثنْ] زڭْ وُوزَّاڒْ ذ نّْحَاسْ، أَذْ يِيڒِي جّهْذْ نّشْ أَمْ وُوسَّانْ نّشْ!“
DEU 33:26 ”وَارْ [ذِينْ] إِدْجِي أَمْ أَربِّي، [أَ] يَاشُورُونْ، ونِّي إِنَّاينْ خْ ؤُجنَّا حِيمَا أَذْ أَشْ إِوْشْ أَفُوسْ، [ونِّي إِنَّاينْ] خْ إِسيْنُوثنْ س لْعَاضَامَا نّسْ.
DEU 33:27 أَربِّي ن ڒبْذَا ذ ثَازذِّيغْثْ [إِ ؤُذُورِّي]، ؤُ سْوَادَّايْ [تّْعَاوَاننْ] إِغَادْجنْ نّسْ ن ڒبْذَا. نتَّا أَذْ يَاژّڒْ خْ ڒعْذُو زَّاثْ إِ وُوذمْ نّشْ، أَذْ يِينِي: ’أَرذدْجْ!‘
DEU 33:28 إِسْرَائِيل أَذْ إِزْذغْ وحّْضسْ ذِي ڒَامَانْ. أَذْ يِيڒِي وَانُو ن يَاعْقُوبْ ذڭْ إِشْثْ ن ثمُّورْثْ [إِشُّورنْ] ن إِرْذنْ ذ بِينُو ن جْذِيذْ، [وَاهْ،] إِجنْوَانْ نّسْ أَذْ ؤُذْمنْ س نّْذَا.
DEU 33:29 سّعْذْ نّشْ، [أَ] إِسْرَائِيل! وِي إِدْجَانْ أَمْ شكْ؟ إِجّْ ن ڒْڭنْسْ إِتّْوَاسّْنجْمنْ زِي سِيذِي. أَقَا نتَّا ذ أَسڒْقِي إِ ؤُعَاونْ ؤُڒَا ذ إِجّْ ن سِّيفْ ن لْعَاضَامَا نّشْ. ڒْعذْيَانْ نّشْ أَذْ سّْنِيعْمِيڒنْ أَذْ سّْوَاضْعنْ إِ شكْ ؤُشَا شكْ أَذْ ثْعفْسذْ خْ إِذمْرَاونْ نْسنْ!“
DEU 34:1 [خنِّي] إِڭعّذْ مُوسَا زِي ڒوْضَاثْ ن مُوآبَ غَارْ وذْرَارْ ن نابُو، غَارْ ثْقِيشّثْ ن فِيسْجَا نِّي إِوجّْهنْ أَرِيحَا ؤُشَا إِسّْشنْ أَسْ سِيذِي مَارَّا ثَامُّورْثْ، زِي جِيلْعَاذْ أَڒْ ذَانْ،
DEU 34:2 مَارَّا نَافْثَالِي ذ ثمُّورْثْ ن إِفْرَايِيمْ ذ مَانَاسَّا ذ مَارَّا ثَامُّورْثْ ن يَاهُوذَا أَڒْ ڒبْحَارْ ذ مِينْ ذِينْ أَوَارْنِي أَسْ،
DEU 34:3 ذ [ثمُّورْثْ ن] لْجَانُوبْ ذ ؤُذوَّارْ ن ڒوْضَا ن أَرِيحَا، ثَانْذِينْثْ ن ثْشجِّيرَا ن ثِينِي أَڒْ صُوغَارْ.
DEU 34:4 ؤُشَا إِنَّا أَسْ سِيذِي: ”ثَا ذ ثَامُّورْثْ نِّي خْ جُّودْجغْ إِ إِبْرَاهِيمْ، ذ إِسْحَاقْ ذ يَاعْقُوبْ، نِّيغْ: ’إِ زَّارِيعثْ نّشْ، أَذْ ت وْشغْ!“ جِّيغْ شكْ أَذْ ت ثْژَارذْ س ثِيطَّاوِينْ نّشْ، [مَاشَا] وَارْ ثْژكّْوِيذْ شَا ذِيهَا.“
DEU 34:5 [أَمُّو] إِ ذِينِّي إِمُّوثْ مُوسَا، أَمْسخَّارْ ن سِيذِي، ذِي ثمُّورْثْ ن مُوآبَ، أَمْ مَامّشْ [أَوَاڒْ إِ د-إِفّْغنْ] زڭْ ؤُقمُّومْ ن سِيذِي.
DEU 34:6 ؤُشَا نتَّا إِنْضڒْ إِ-ث ذِي ثغْزُورْثْ ذِي ثمُّورْثْ ن مُوآبَ قِيبَاتْشْ إِ بَايْثْ-فَاغُورْ ؤُشَا ؤُڒَا ذ إِجّْ إِسّنْ أَمْشَانْ ن ونْضڒْ نّسْ أَڒْ أَسّْ-أَ.
DEU 34:7 ثُوغَا مُوسَا غَارسْ مْيَا ؤُ-عِيشْرِينْ ن إِسڭّْوُوسَا ؤُمِي إِمُّوثْ. ثِيطّْ نّسْ وَارْ ثغْرِي شَا، وَارْ ذ أَسْ إِرُوحْ ڒمْعزّْ.
DEU 34:8 سْغُويّنْ أَيْثْ ن إِسْرَائِيل خْ مُوسَا ذِي ڒوْضَاثْ ن مُوآبَ ثْڒَاثِينْ ن وُوسَّانْ ؤُشَا [أَمُّو إِ] تّْوَاكمّْڒنْ ؤُسَّانْ ن إِغُويَّانْ ذ وشْضَانْ ن مُوسَا.
DEU 34:9 يَاشُووَا، مِّيسْ ن نُونْ، ثُوغَا إِشُّورْ س بُوحْبڒْ ن ثِيغِيثْ، مِينْزِي مُوسَا ثُوغَا إِسَّارْسْ خَاسْ إِفَاسّنْ نّسْ ؤُ أَيْثْ ن إِسْرَائِيل سْڒِينْ غَارسْ ؤُشَا ڭِّينْ أَمْ مَامّشْ [ث] يُومُورْ سِيذِي إِ مُوسَا.
DEU 34:10 عمَّارْصْ عَاذْ وَارْ د-إِكَّارْ أَنَابِي ذِي إِسْرَائِيل أَمْ مُوسَا، ونِّي ثُوغَا إِسّْننْ سِيذِي ؤُذمْ غَارْ وُوذمْ،
DEU 34:11 س مَارَّا ڒعْڒَامَاثْ نِّي زِي ث إِسّكّْ سِيذِي، حِيمَا أَذْ ثنْثْ إِڭّْ ذِي ثمُّورْثْ ن مِيصْرَا، زَّاثْ إِ فِيرْعُونْ ذ مَارَّا إِمْسخَّارنْ نّسْ ذ مَارَّا ثَامُّورْثْ نّسْ،
DEU 34:12 ؤُ س مَارَّا أَفُوسْ نِّي إِجهْذنْ ؤُ س مَارَّا [ثِيمڭَّا] إِمْغَارنْ إِسَّاڭّْوَاذنْ، ثِينِّي إِڭَّا مُوسَا زَّاثْ إِ ثِيطَّاوِينْ ن مَارَّا إِسْرَائِيل.
JOS 1:1 أَوَارْنِي إِ ڒْموْثْ ن مُوسَا، أَمْسخَّارْ ن سِيذِي، إِسِّيوڒْ سِيذِي أَكْ-ذ يَاشُووَا، مِّيسْ ن نُونْ، أَمْسخَّارْ ن مُوسَا، إِنَّا:
JOS 1:2 ”مُوسَا، أَمْسخَّارْ إِنُو إِمُّوثْ. ڒخُّو كَّارْ، أكّْ خْ لْ-ؤُرْذُونْ-أَ، شكْ ذ مَارَّا ڒْڭنْسْ-أَ، غَارْ ثمُّورْثْ إِ ذ أَسنْ غَا وْشغْ نشّْ، إِ أَيْثْ ن إِسْرَائِيل.
JOS 1:3 كُوڒْ أَمْشَانْ مِينْ خفْ غَا ثعْجنْ ثْڒقَّا ن ؤُضَارْ نْومْ، أَقَا وْشِيغْ أَومْ ث إِ كنِّيوْ، أَمْ مَامّشْ إِ سِّيوْڒغْ نشّْ أَكْ-ذ مُوسَا.
JOS 1:4 ثَامُّورْثْ نْومْ أَذْ ثِيڒِي زِي ڒخْڒَا أَڒْ لُوبْنَانْ-أَ، أَڒْ إِغْزَارْ أَمقّْرَانْ، إِغْزَارْ ن لْفُورَاطْ، مَارَّا ثَامُّورْثْ ن إِحِيتِّييّنْ أَڒْ ڒبْحَارْ أَمقّْرَانْ [غَارْ ڒْغَارْبْ] مَانِي ثْغدْجِي ثْفُوشْثْ.
JOS 1:5 ؤُڒَا ذ إِجّْ وَارْ إِزمَّارْ أَذْ إِقِّيمْ إِبدّْ زَّاثْ إِ وُوذمْ نّشْ مَارَّا ؤُسَّانْ ن ثُوذَارْثْ نّشْ. أَمْ مَامّشْ ذ أَيِي ثُوغَا أَكْ-ذ مُوسَا، أَذْ إِڒِيغْ ؤُڒَا أَكِيذكْ. نشّْ وَارْ ذَايكْ سمّْحغْ نِيغْ أَذْ شكْ تّجِّيغْ.
JOS 1:6 إِڒِي ذ أَرْيَازْ ؤُ إِڒِي ثْمحْضذْ، مِينْزِي شكْ أَذْ ثَارّذْ ڒْڭنْسْ-أَ أَذْ إِطّفْ ثَامُّورْثْ ذ ڒْوَارْثْ، [ثَامُّورْثْ نِّي] خْ نشّْ جُّودْجغْ إِ ڒجْذُوذْ نْسنْ أَذْ أَسنْ ت وْشغْ.
JOS 1:7 إِڒِي وَاهَا ذ أَرْيَازْ ؤُ إِڒِي ثْمحْضذْ، مَاحنْذْ أَذْ ثحْضِيذْ أَذْ ثڭّذْ مَارَّا شَّارِيعَا نِّي ذ أَشْ يُومُورْ مُوسَا، أَمْسخَّارْ إِنُو. وَارْ [خَاسْ] تّْحيّذْ [غَارْ] يفُوسْ ؤُڒَا [غَارْ] ؤُزڒْمَاضْ، مَاحنْذْ أَذْ ثڭّذْ س ڒعْقڒْ مَانِي مَا إِ غَا ثْرَاحذْ.
JOS 1:8 وَارْ تّجِّي شَا أَذْلِيسْ ن شَّارِيعَا-يَا أَذْ أَشْ إِتّْوَاكّسْ خْ يِيڒسْ نّشْ، مَاشَا خَارّصْ ذَايسْ أَسّْ ذ دْجِيڒثْ، مَاحنْذْ أَذْ ثحْضِيضْ أَذْ ثڭّذْ أَمُّو نِيشَانْ أَمْ مَامّشْ مَارَّا مِينْ ذَايسْ ثُورَا، مِينْزِي [خنِّي] إِ غَا ثْفڒْحذْ ذڭْ وبْرِيذْ نّشْ ؤُشَا أَذْ ت ثڭّذْ س ڒعْقڒْ.
JOS 1:9 مَا وَارْ ذ أَشْ ث نِّيغْ؟ إِڒِي ذ أَرْيَازْ ؤُ إِڒِي ثْمحْضذْ، وَارْ تّڭّْوذْ ؤُ وَارْ تّجِّي أَذْ إِعْڭزْ وُوڒْ نّشْ، مِينْزِي سِيذِي، أَربِّي نّشْ، أَقَا-ث أَكِيذكْ قَاعْ مَانِي مَا إِ غَا ثْرَاحذْ.“
JOS 1:10 ؤُشَا يُومُورْ يَاشُووَا إِ إِمحْضَاينْ ن ڒْڭنْسْ، إِنَّا:
JOS 1:11 ”ؤُيُورمْ خْ ڒْوسْطْ ن ڒْمَارْڭحْ ن ڒْعسْكَارْ ؤُشَا ؤُمُورْ ڒْڭنْسْ، إِنِيمْ [أَسنْ]: ’سْوجْذثْ ڒعْوتْشْ إِ يِيخفْ نْومْ، مِينْزِي أَوَارْنِي إِ ثْڒَاثَا ن وُوسَّانْ أَذْ ثژْوَامْ لْ-ؤُرْذُونْ-أَ، حِيمَا أَذْ ثَاذْفمْ غَارْ ثمُّورْثْ إِ ذ أَومْ غَا إِوْشْ سِيذِي، أَربِّي نْومْ، ذ ڒْوَارْثْ ؤُشَا أَذْ ت ثكْسِيمْ ذ ڒْوَارْثْ.‘ “
JOS 1:12 إِسِّيوڒْ يَاشُووَا أَكْ-ذ إِرُوبِينِييّنْ ذ إِجَاذِييّنْ ؤُ أَكْ-ذ وزْينْ ن ثقْبِيتْشْ ن مَانَاسَّا، إِنَّا:
JOS 1:13 ”عقْڒثْ خْ وَاوَاڒْ نِّي خْ إِ ذ أَومْ يُومُورْ مُوسَا، أَمْسخَّارْ ن سِيذِي، ؤُمِي إِنَّا أَومْ: ’سِيذِي، أَربِّي نْومْ، إِوْشَا أَومْ أَرَّاحثْ ؤُشَا إِوْشَا أَومْ ثَامُّورْثْ-أَ.
JOS 1:14 ثِيمْغَارِينْ نْومْ، إِحنْجِيرنْ نْومْ ذ ڒبْهَايمْ نْومْ أَذْ قِّيمنْ ذِي ثمُّورْثْ إِ ذ أَومْ إِوْشَا مُوسَا خْ ؤُجمَّاضْ ن لْ-ؤُرْذُونْ ؤُشَا كنِّيوْ أَذْ ثژْوَامْ ثْحزّْممْ زَّاثْ إِ وُوذمْ ن أَيْثْمَاثْومْ، مَارَّا أَيْثْ ن بُو-ثغْرُوضْثْ إِمحْضنْ، ؤُشَا كنِّيوْ أَذْ أَسنْ ثوْشمْ أَفُوسْ،
JOS 1:15 أَڒْ غَا يوْشْ سِيذِي أَرَّاحثْ إِ أَيْثْمَاثْومْ، أَمْ [ثُوغَا إِوْشَا إِ] كنِّيوْ، ؤُشَا ؤُڒَا ذ نِيثْنِي أَذْ طّْفنْ ثَامُّورْثْ إِ ذ أَسنْ إِوْشَا سِيذِي، أَربِّي نْومْ، ذ ڒْوَارْثْ. [خنِّي] أَذْ إِعدّڒْ أَذْ د-ثْذوْڒمْ غَارْ ثمُّورْثْ ثنِّي ذ ڒْوَارْثْ نْومْ ؤُشَا أَذْ ثْوَارْثمْ مِينْ ذ أَومْ إِوْشَا مُوسَا، أَمْسخَّارْ ن سِيذِي، خْ ؤُجمَّاضْ ن لْ-ؤُرْذُونْ مَانِيسْ د-ثْنقَّارْ ثْفُوشْثْ.“
JOS 1:16 نِيثْنِي أَرِّينْ-د خْ يَاشُووَا، نَّانْ: ”مَارَّا مِينْ خفْ إِ ذ أَنغْ ثُومُورذْ، أَذْ ث نڭّْ ؤُ مَانِي مَا إِ ذ أَنغْ غَا ثسّكّذْ، أَذْ نُويُورْ.
JOS 1:17 أَمُّو نِيشَانْ أَمْ مَامّشْ نسْڒَا غَارْ مُوسَا، أَذْ غَاركْ نْسڒْ. مْغِيرْ إِڒِي أَذْ كِيكْ يِيڒِي سِيذِي، أَربِّي نّشْ، أَمْ مَامّشْ ثُوغَا إِدْجَا أَكْ-ذ مُوسَا!
JOS 1:18 كُوڒْ أَرْيَازْ نِّي إِ غَا إِعْصَانْ ڒُومُورْ نّشْ ؤُ وَارْ إِخْسْ أَذْ إِسڒْ إِ وَاوَاڒنْ نّشْ غَارْ مَارَّا مِينْ ذ أَسْ غَا ثُومُورذْ، أَذْ إِتّْوَانغْ. إِڒِي وَاهَا ذ أَرْيَازْ ؤُ إِڒِي ثْمحْضذْ!“
JOS 2:1 يَاشُووَا، مِّيسْ ن نُونْ، إِسّكّْ زِي شِيطِّيمْ ثْنَاينْ ن يرْيَازنْ مَاحنْذْ أَذْ برْڭَاڭنْ س ثْنُوفّْرَا، إِنَّا: ”ؤُيُورمْ، خْزَارمْ ثَامُّورْثْ ذ أَرِيحَا!“ فّْغنْ، إِوْضنْ غَارْ ثَادَّارْثْ ن إِشْثْ ن ثمْغَارْثْ ن فَارْقْ-شّْغڒْ، قَّارنْ أَسْ رَاحَابْ، ؤُشَا سّنْسنْ ذِينْ.
JOS 2:2 خبَّارنْ ث إِ ؤُجدْجِيذْ ن أَرِيحَا، نَّانْ: ”خْزَارْ، ذِي دْجِيڒثْ-أَ ؤُسِينْ-د ذَانِيثَا شَا ن يرْيَازنْ ن أَيْثْ ن إِسْرَائِيل، حِيمَا أَذْ برْڭَاڭنْ ذِي ثمُّورْثْ.“
JOS 2:3 إِسّكّْ ؤُجدْجِيذْ ن أَرِيحَا غَارْ رَاحَابْ مَاحنْذْ أَذْ أَسْ إِنِينْ: ”سُوفّغْ-د إِرْيَازنْ إِ د يُوذْفنْ غَارْ ثَادَّارْثْ نّمْ، مِينْزِي ؤُسِينْ-د، حِيمَا أَذْ كْسِينْ ڒخْبَارْ خْ مِينْ إِتّمْسَارَانْ ذِي مَارَّا ثَامُّورْثْ.“
JOS 2:4 أَقَا ثسِّيذفْ ثمْغَارْثْ ثْنَاينْ ن يرْيَازنْ نِّي ؤُشَا ثسّْنُوفَّارْ إِ-ثنْ. ثنَّا: ”س ثِيذتّْ، إِرْيَازنْ ؤُسِينْ-د غَارِي، مَاشَا وَارْ سِّينغْ مَانِيسْ نِيثْنِي.
JOS 2:5 ؤُمِي تّْوَابلّْعنْثْ ثوُّورَا [ن ثنْذِينْثْ] غَارْ ؤُوطُّو ن ثَادْجسْثْ، فّْغنْ يرْيَازنْ. نشّْ وَارْ سِّينغْ مَانِي ؤُيُورنْ يرْيَازنْ [نِّي]. ضْفَارمْ ثنْ ذغْيَا، خنِّي ثْزمَّارمْ أَذْ خَاسنْ ثْحَارْثمْ.“
JOS 2:6 [مَاشَا] نتَّاثْ ثسّْڭعّذْ إِ-ثنْ خْ ثْزقَّا ؤُشَا ثسّْنُوفَّارْ إِ-ثنْ سَاذُو إِغذِّيونْ ن ثِيفّسْثْ نِّي ثُوغَا تّْوَاسَّارْسنْ إِ نتَّاثْ خْ ثْزقَّا.
JOS 2:7 ثُوغَا ثنْ ضفَّارنْ يرْيَازنْ خْ وبْرِيذْ ن لْ-ؤُرْذُونْ أَڒْ إِمُوشَانْ ن ؤُژكّْوُو ؤُشَا أَوَارْنِي ڒَامِي فّْغنْ إِنِّي ثُوغَا ثنْ إِضفَّارنْ، بلّْعنْ خَاسنْ ثَاوَّارْثْ.
JOS 2:8 قْبڒْ إِ غَا طّْصنْ، ثْڭعّذْ [رَاحَابْ] غَارْسنْ غَارْ ثْزقَّا،
JOS 2:9 ثنَّا أَسنْ: ”نشّْ سّْنغْ، أَقَا سِيذِي إِوْشَا أَومْ ثَامُّورْثْ-أَ ؤُ بلِّي ثِيڭّْوُوذِي زَّايْومْ ثوْضَا-د خَانغْ ؤُ مَارَّا إِمزْذَاغْ ن ثمُّورْثْ فسْينْ ذڭْ وُوذمْ نْومْ.
JOS 2:10 مَاغَارْ نشِّينْ نسْڒَا، مَامّشْ إِسِّيژغْ سِيذِي أَمَانْ ن ڒبْحَارْ ن ثلْڭَا ذڭْ وُوذمْ نْومْ ؤُمِي د-ثفّْغمْ زِي مِيصْرَا، ؤُشَا [نسْڒَا عَاوذْ] مِينْ ثڭِّيمْ أَكْ-ذ سِيحُونْ ذ عُوجْ، ثْنَاينْ ن إِجدْجِيذنْ ن إِمُورِييّنْ، إِنِّي ثُوغَا أَغِيرِينْ إِ لْ-ؤُرْذُونْ، إِنِّي ثْحَارّْممْ ؤُ ثتّحَّامْ.
JOS 2:11 [ؤُمِي] نسْڒَا أَيَا، إِفْسِييْ وُوڒْ نّغْ، ؤُ وَارْ إِقِّيمْ شَا بُوحْبڒْ إِدَّارْ ذِي شَا ن يرْيَازْ ذِي سِّيبّثْ نْومْ، مِينْزِي سِيذِي، أَربِّي نْومْ، ذ أَربِّي، سنّجْ ذڭْ ؤُجنَّا ذ [ذَا] سْوَادَّايْ خْ ثمُّورْثْ.
JOS 2:12 ڒخُّو [خنِّي]، جَّادْجمْ أَيِي غَارْ سِيذِي، مِينْزِي نشّْ ڭِّيغْ زَّايْومْ س ثَامخْسِيوْثْ إِشوَّارنْ، أَقَا ؤُڒَا ذ كنِّيوْ أَذْ ثڭّمْ س ثْمخْسِيوْثْ إِشوَّارنْ أَكْ-ذ [ڒَادْجْ ن] ثَادَّارْثْ ن بَابَا ؤُ وْشمْ أَيِي إِجّْ ن وعْڒَامْ ن ڒَامَانْ [نْومْ]،
JOS 2:13 أَقَا كنِّيوْ أَذْ ثجّمْ بَابَا ذ يمَّا، أَيْثْمَا ذ سُويثْمَا أَكْ-ذ مَارَّا مِينْ إِدْجَانْ نْسنْ، أَذْ دَّارنْ ؤُ بلِّي كنِّيوْ أَذْ ثْفكّمْ ڒعْمُورَاثْ نّغْ زِي ڒْموْثْ.“
JOS 2:14 أَرِّينْ-د خَاسْ يرْيَازنْ: ”مَاڒَا وَارْ ثفْضِيحمْ ثَامسْڒَاشْثْ نّغْ، أَذْ إِمّثْ ڒعْمَارْ نّغْ ذڭْ ومْشَانْ نْومْ. ؤُشَا أَذْ إِمْسَارْ خْمِي ذ أَنغْ غَا إِوْشْ سِيذِي ثَامُّورْثْ[-أَ]، أَذْ أَمْ نسّْشنْ ثَامخْسِيوْثْ إِشوَّارنْ ذ ڒَامَانْ [نّغْ].“
JOS 2:15 خَاسْ ؤُشَا ثْسيّبْ إِ-ثنْ ثمْغَارْثْ س يِيجّْ ن وسْغُونْ زِي ڒْكَازِي، مِينْزِي ثُوغَا ثَادَّارْثْ نّسْ غَارْ ڒْحِيضْ [ن بَارَّا] ن وشْبَارْ [ن ثنْذِينْثْ] ؤُشَا ثُوغَا ثْزدّغْ ذڭْ وشْبَارْ [ن ثنْذِينْثْ]. *
JOS 2:16 نتَّاثْ ثنَّا أَسنْ: ”فّْغمْ غَارْ إِذُورَارْ، مَاحنْذْ إِنِّي إِ كنِّيوْ إِضفَّارنْ وَارْ خَاومْ حَارّْثنْ ؤُ فَّارمْ ذِينِّي ثْڒَاثَا ن وُوسَّانْ أَڒْ غَاعقْبنْ إِنِّي [كنِّيوْ] إِضفَّارنْ. أَوَارْنِي مَانْ أَيَا ثْزمَّارمْ أَذْ ثْمنْعمْ أَبْرِيذْ نْومْ.“
JOS 2:17 إِرْيَازنْ نَّانْ أَسْ: ”أَذْ نِيڒِي نتّْوَاسِّيزْذڭْ زِي ثْجَادْجِيثْ-أَ إِ ذ أَنغْ ثڭِّيذْ أَذْ ت نجَّادْجْ،
JOS 2:18 [إِلَا مَاڒَا أَذْ ثڭّذْ أَمُّو:] خْزَارْ، خْمِي إِ غَا نَاذفْ غَارْ ثمُّورْثْ، إِتّْخصَّا أَذْ ثڭّذْ أَسْغُونْ-أَ أَزڭّْوَاغْ إِمُوذنْ إِ زِي ذ أَنغْ ثْسيّْبذْ غَارْ ڒْكَازِي، ؤُشَا أَذْ ثسّْمُونذْ بَابَامْ ذ يمَّامْ ذ أَيْثْمَامْ ذ مَارَّا ڒَادْجْ ن بَابَامْ غَارمْ ذِي ثَادَّارْثْ نّمْ.
JOS 2:19 [مَاشَا] قَاعْ وِي غَا إِفّْغنْ زِي ثوُّورَا ن ثَادَّارْثْ نّمْ، أَذْ إِڒِينْ إِذَامّنْ نّسْ خْ ؤُزدْجِيفْ نّسْ، ؤُ نشِّينْ أَذْ نِيڒِي نتّْوَاسِّيزْذڭْ زَّايْسنْ، [مَاشَا] قَاعْ ونِّي أَكِيذمْ غَا إِقِّيمنْ ذِي ثَادَّارْثْ، إِذَامّنْ نّسْ أَذْ إِڒِينْ خْ ؤُزدْجِيفْ نّغْ مَاڒَا [شَا ن يِيجّْ] أَذْ خَاسْ إِسَّارْسْ أَفُوسْ.
JOS 2:20 مَاڒَا شمْ ثسُّوفّْغذْ ثَامسْڒَاشْثْ نّغْ، [خنِّي] أَذْ نِيڒِي نتّْوَاسِّيزْذڭْ [عَاوذْ] زِي ثْجَادْجِيثْ إِ ذ أَنغْ ثڭِّيذْ أَذْ أَمْ نجُّودْجْ إِ شمْ.“
JOS 2:21 نتَّاثْ ثَارَّا-د خَاسنْ: ”عْلَاحْسَابْ أَوَاڒنْ نْومْ، أَمُّو [إِ غَا يِيڒِي]!“ [خنِّي] ثجَّا إِ-ثنْ أَذْ ؤُيُورنْ ؤُشَا ثْشدّْ أَسْغُونْ أَزڭّْوَاغْ غَارْ ڒْكَازِي.
JOS 2:22 ؤُيُورنْ نِيثْنِي ؤُشَا إِوْضنْ غَارْ وذْرَارْ ؤُشَا قِّيمنْ ذِينِّي ثْڒَاثَا ن وُوسَّانْ، أَڒَامِي د -عقْبنْ إِنِّي إِ ثنْ إِضفَّارنْ. إِنِّي ثنْ إِضفَّارنْ ثُوغَا أَرزُّونْ [خَاسنْ] ذڭْ وبْرِيذْ مَارَّا، مَاشَا وَارْ [ثنْ] ؤُفِينْ.
JOS 2:23 [خنِّي] أَرڭّْوْحنْ-د ثْنَاينْ نِّي ن يرْيَازنْ، هْوَانْ-د زڭْ وذْرَارْ، ژْوَانْ-د ؤُشَا ؤُسِينْ-د غَارْ يَاشُووَا، مِّيسْ ن نُونْ، ؤُ حَاجَانْ أَسْ مَارَّا مِينْ ذ أَسنْ إِمْسَارنْ.
JOS 2:24 نَّانْ إِ يَاشُووَا: ”س ثِيذتّْ، سِيذِي إِڭَّا أَنغْ مَارَّا ثَامُّورْثْ ذڭْ إِفَاسّنْ ؤُ [عَاوذْ] فسْينْ مَارَّا إِمزْذَاغْ ن ثمُّورْثْ ذِي سِّيبّثْ نّغْ.“
JOS 3:1 غَارْ ثُوفُّوثْ زِيشْ، إِكَّارْ يَاشُووَا ؤُشَا كْسِينْ إِقِيضَانْ نْسنْ زِي شِيطِّيمْ ؤُشَا ؤُسِينْ-د غَارْ لْ-ؤُرْذُونْ، نتَّا ذ مَارَّا أَيْثْ ن إِسْرَائِيل، ؤُشَا سّنْسنْ ذِينِّي قْبڒْ إِ غَا ژْوَانْ.
JOS 3:2 إِمْسَارْ أَوَارْنِي ثْڒَاثَا ن وُوسَّانْ، أَقَا إِمحْضَاينْ ؤُيُورنْ خْ ڒْوسْطْ ن ڒْمَارْڭحْ ن ڒْعسْكَارْ
JOS 3:3 ؤُشَا ؤُمُورنْ ڒْڭنْسْ، نَّانْ: ”خْمِي غَا ثْژَارمْ تَّابُوثْ ن ڒْعَاهْذْ ن سِيذِي، أَربِّي نْومْ، ؤُشَا إِكهَّاننْ إِلَاوِييّنْ أَرْبُونْ ت، [خنِّي] ؤُڒَا ذ كنِّيوْ أَذْ ثمُّوطّْيمْ زڭْ ومْشَامْ نْومْ، أَذْ ت ثضْفَارمْ.
JOS 3:4 مَاشَا إِتّْخصَّا أَذْ ثْعبَّارمْ تَّاسِيعْ عْڒَاحَاڒْ إِ أَڒْفَاينْ ن إِغَادْجنْ جَارْ أَومْ ذ نتَّا، وَارْ غَارسْ ثَاذْسمْ. أَمُّو إِ غَا ثسّْنمْ أَبْرِيذْ إِ غَا ثكّمْ، مَاغَارْ كنِّيوْ [زِيشْ]عمَّارْصْ وَارْ ثكِّيمْ أَبْرِيذْ-أَ، [وَارْ إِدْجِي] إِضنَّاضْ ؤُ [وَارْ إِدْجِي] فَارِيضنَّاضْ.“
JOS 3:5 إِنَّا يَاشُووَا إِ ڒْڭنْسْ: ”قدّْسمْ إِخفْ نْومْ، مِينْزِي ثِيوشَّا أَذْ إِڭّْ سِيذِي ڒعْجَايبْ ذِي ڒْوسْطْ نْومْ.“
JOS 3:6 إِسِّيوڒْ يَاشُووَا [عَاوذْ] أَكْ-ذ إِكهَّاننْ، إِنَّا: ”سْڭعّْذمْ تَّابُوثْ ن ڒْعَاهْذْ ؤُشَا ژْوَامْ زَّاثْ إِ وُوذمْ ن ڒْڭنْسْ!“ نِيثْنِي سّْڭعّْذنْ تَّابُوثْ ن ڒْعَاهْذْ ؤُ إِزْوَارنْ غَارْ زَّاثْ إِ وُوذمْ ن ڒْڭنْسْ.
JOS 3:7 ثُوغَا سِيذِي إِنَّا إِ يَاشُووَا: ”أَسّْ-أَ أَذْ كَّارغْ أَذْ شكْ سّمْغَارغْ زَّاثْ إِ ثِيطَّاوِينْ ن مَارَّا إِسْرَائِيل، مَاحنْذْ مَارَّا أَذْ سّْننْ، أَقَا نشّْ أَكِيذكْ إِ دْجِيغْ، أَمْ مَامّشْ إِ ذ أَيِي ثُوغَا أَكْ-ذ مُوسَا.
JOS 3:8 شكْ أَذْ ثُومُورذْ إِكهَّاننْ إِنِّي يَاربُّونْ تَّابُوثْ ن ڒْعَاهْذْ، أَذْ ثِينِيذْ: ’خْ مِينِّي إِ غَا ثَاوْضمْ غَارْ ثْمَا ن وَامَانْ ن لْ-ؤُرْذُونْ، أَذْ ذِينْ ثْبدّمْ ذِي لْ-ؤُرْذُونْ!‘ “
JOS 3:9 [خَاسْ ؤُشَا] إِنَّا يَاشُووَا إِ أَيْثْ ن إِسْرَائِيل: ”أَسمْ-د ذَا ؤُ ثسْڒمْ أَوَاڒنْ ن سِيذِي، أَربِّي نْومْ.“
JOS 3:10 ؤُشَا إِنَّا يَاشُووَا: ”س مَانْ أَيَا أَذْ ثسّْنمْ، أَقَا إِجّْ ن أَربِّي إِدَّارْ أَقَا-ث جَارْ أَومْ ؤُ نتَّا أَذْ إِسُّوفّغْ أَيْثْ ن كنْعَانْ ذ إِحِيتِّييّنْ ذ إِحِيوِييّنْ ذ إِفَارِيزِييّنْ ذ إِجِيرْجَاشِييّنْ ذ إِمُورِييّنْ ذ إِيابُوسِييّنْ زَّاثْ إِ ثِيطَّاوِينْ نْومْ زِي ڒْوَارْثْ نْسنْ.
JOS 3:11 خْزَارمْ، تَّابُوثْ ن ڒْعَاهْذْ ن سِيذِي ن مَارَّا ثَامُّورْثْ ثزْوَارْ أَومْ زَّاثْ إِ وُوذمْ نْومْ ذِي لْ-ؤُرْذُونْ.
JOS 3:12 ڒخُّو [خنِّي]، فَارْنمْ ثنْعَاشْ ن يرْيَازنْ زِي ثْقبَّاڒْ ن إِسْرَائِيل أَكِيذْومْ، إِجّْ ن ورْيَازْ زِي كُوڒْ ثَاقْبِيتْشْ.
JOS 3:13 خْمِي إِضَارنْ ن إِكهَّاننْ، إِنِّي يَاربُّونْ تَّابُوثْ ن سِيذِي، سِيذِي ن مَارَّا ثَامُّورْثْ، أَذْ بدّنْ ذڭْ وَامَانْ ن لْ-ؤُرْذُونْ، [خنِّي] أَذْ إِمْسَارْ أَقَا أَمَانْ ن لْ-ؤُرْذُونْ أَذْ نْقضْعنْ، أَمَانْ إِ د-إِهكّْوَانْ زِي سنّجْ غَارْ سْوَادَّايْ، ؤُشَا أَذْ [قِّيمنْ] بدّنْ أَمْ يِيجّْ ن وغْبَارْ.“
JOS 3:14 [ڒَْامِي] إِكّسْ ڒْڭنْسْ إِقِيضَانْ نّسْ حِيمَا أَذْ إِژْوَا لْ-ؤُرْذُونْ، أَرْبُونْ إِكهَّاننْ تَّابُوثْ ن ڒْعَاهْذْ زَّاثْ إِ وُوذمْ ن ڒْڭنْسْ.
JOS 3:15 [ؤُمِي] إِوْضنْ إِحمَّاڒنْ ن تَّابُوثْ غَارْ لْ-ؤُرْذُونْ ؤُشَا حَاذَانْ إِضَارنْ ن إِكهَّاننْ، إِنِّي يَارْبُونْ تَّابُوثْ، خْ ثْمَا ن وَامَانْ - ثُوغَا لْ-ؤُرْذُونْ إِسّْفِييْ خْ مَارَّا ثْموَّا نّسْ ذِي مَارَّا ؤُسَّانْ ن ثْميْرَا -
JOS 3:16 بدّنْ وَامَانْ نِّي د-إِهكّْوَانْ زِي سنّجْ. [أَمَانْ] بدّنْ نِيشَانْ أَمْ يِيجّْ ن وغْبَارْ إِڭّْوجْ أَطَّاسْ، غَارْ ثنْذِينْثْ ن أَذَامْ ثنِّي زَّاثْ إِ صَارْثَانْ. [أَمُّو] إِ بدّنْ [وَامَانْ] إِنِّي د-إِهكّْوَانْ غَارْ سْوَادَّايْ، غَارْ ڒبْحَارْ ن ڒوْضَا، غَارْ ڒبْحَارْ أَمدْجَاحْ، أَقَا تّْوَاقضْعنْ قَاعْ. [خنِّي] إِژْوَا ڒْڭنْسْ ذڭْ ؤُرنْذَاذْ ن أَرِيحَا.
JOS 3:17 إِكهَّاننْ، إِنِّي يَارْبُونْ تَّابُوثْ ن ڒْعَاهْذْ ن سِيذِي، بدّنْ ذِي ڒَامَانْ خْ ڒَاژَاغْ، ذِي ڒْوسْطْ ن لْ-ؤُرْذُونْ [ؤُمِي] إِژْوَا مَارَّا إِسْرَائِيل خْ ڒَاژَاغْ أَڒَامِي إِكمّڒْ مَارَّا ڒْڭنْسْ أَژْوِي خْ لْ-ؤُرْذُونْ.
JOS 4:1 ؤُمِي ثُوغَا إِكمّڒْ مَارَّا ڒْڭنْسْ أَژْوِي خْ لْ-ؤُرْذُونْ، إِمْسَارْ أَقَا سِيذِي إِسِّيوڒْ أَكْ-ذ يَاشُووَا، إِنَّا:
JOS 4:2 ”فَارْنمْ ثنْعَاشْ ن يرْيَازنْ زِي ڒْڭنْسْ، إِجّنْ ورْيَازْ زِي كُوڒْ ثَاقْبِيتْشْ،
JOS 4:3 ؤُ ثُومُورذْ خَاسنْ، إِنِي: ’كْسِيمْ سَّا، زِي ڒْوسْثْ ن لْ-ؤُرْذُونْ، زڭْ ومْشَانْ مَانِي ثُوغَا بدّنْ إِضَارنْ ن إِكهَّاننْ ذِي ڒَامَانْ، ثنْعَاشْ ن إِژْرَا، كْسِيمْ ثنْ أَكِيذْومْ غَارْ ؤُجمَّاضِينْ، سَّارْسمْ ثنْ ذِي ڒْمَارْڭحْ ن ڒْعسْكَارْ مَانِي غَا ثسّنْسمْ دْجِيڒثْ-أَ.‘ “
JOS 4:4 [خنِّي] إِڒَاغَا يَاشُووَا ثنْعَاشْ ن يرْيَازنْ نِّي إِفَارْنْ إِ-ثنْ زڭْ أَيْثْ ن إِسْرَائِيل، إِجّْ ن ورْيَازْ زِي كُوڒْ ثَاقْبِيتْشْ،
JOS 4:5 ؤُشَا يَاشُووَا إِنَّا أَسنْ: ”ؤُيُورمْ زَّاثْ إِ وُوذمْ ن تَّابُوثْ ن سِيذِي، أَربِّي نْومْ، غَارْ ڒْوسْطْ ن لْ-ؤُرْذُونْ ؤُشَا أَذْ إِكْسِي كُوڒْ أَرْيَازْ إِ يِيخفْ نّسْ إِجّْ ن وژْرُو خْ ثغْرُوضْثْ نّسْ، عْلَاحْسَابْ ڒْقدّْ ن ثْقبَّاڒْ ن أَيْثْ ن إِسْرَائِيل،
JOS 4:6 حِيمَا أَذْ يِيڒِي أَيَا ذ إِشْثْ ن ڒعْڒَامثْ جَارْ أَومْ. مِينْزِي [مَاڒَا] إِحنْجِيرنْ نْومْ أَذْ سّقْسَانْ، أَذْ إِنِينْ: ’مِينْ [إِخْسْ أَذْ إِنِينْ] يژْرَا-يَا إِ كنِّيوْ؟‘،
JOS 4:7 [خنِّي] كنِّيوْ أَذْ أَسنْ ثِينِيمْ: ’[أَقَا-ثنْ ذِينْ] مِينْزِي نْقضْعنْ وَامَانْ ن لْ-ؤُرْذُونْ زَّاثْ إِ وُوذمْ ن تَّابُوثْ ن ڒْعَاهْذْ ن سِيذِي! غَارْ ؤُژْوِي خْ لْ-ؤُرْذُونْ نْقضْعنْ وَامَانْ ن لْ-ؤُرْذُونْ ؤُشَا إِژْرَا-يَا ذ إِشْثْ ن ڒِيذَارثْ إِ أَيْثْ ن إِسْرَائِيل [ذِي مَانْ أَيَا] إِ ڒبْذَا.‘ “
JOS 4:8 أَيْثْ ن إِسْرَائِيل ڭِّينْ أَمْ مَامّشْ ثُوغَا يُومُورْ يَاشُووَا ؤُشَا كْسِينْ ثنْعَاشْ ن إِژْرَا زِي ڒْوسْطْ ن لْ-ؤُرْذُونْ، أَمْ مَامّشْ ثُوغَا إِسِّيوڒْ سِيذِي غَارْ يَاشُووَا، عْلَاحْسَابْ ڒْقدّْ ن ثْقبَّاڒْ ن أَيْثْ ن إِسْرَائِيل، ؤُشَا كْسِينْ ثنْ أَكِيذْسنْ غَارْ ؤُجمَّاضِينْ، غَارْ ڒْمَارْڭحْ مَانِي ثُوغَا سّنْسنْ، ؤُشَا سَّارْسنْ ثنْ ذِينْ.
JOS 4:9 إِسَّارْسْ يَاشُووَا [عَاوذْ] ثنْعَاشْ ن إِژْرَا ذِي ڒْوسْطْ ن لْ-ؤُرْذُونْ، ذڭْ ومْشَانْ مَانِي ثُوغَا مَّارْسنْ إِضَارنْ ن إِكهَّاننْ، إِنِّي يَارْبُونْ تَّابُوثْ ن ڒْعَاهْذْ، ؤُ أَقَا أَثنْ عَاذْ ذِينْ أَڒْ أَسّْ-أَ.
JOS 4:10 إِكهَّاننْ، إِنِّي يَارْبُونْ تَّابُوثْ، قِّيمنْ بدّنْ ذِي ڒْوسْطْ ن لْ-ؤُرْذُونْ، أَڒَامِي ثُوغَا إِتّْوَاكمّڒْ مِينْ إِنَّا سِيذِي إِ يَاشُووَا مَاحنْذْ أَذْ ث يِينِي إِ ڒْڭنْسْ عْلَاحْسَابْ مَارَّا مِينْ يُومُورْ مُوسَا إِ يَاشُووَا، ؤُشَا إِقدْجقْ ڒْڭنْسْ سّنِّي، إِژْوَا.
JOS 4:11 ؤُمِي ثُوغَا مَارَّا ڒْڭنْسْ إِكمّڒْ أَژْوِي، ثژْوَا تَّابُوثْ ن سِيذِي أَكْ-ذ إِكهَّاننْ زَّاثْ إِ وُوذمْ ن ڒْڭنْسْ.
JOS 4:12 أَيْثْ ن رُوبِينْ ذ أَيْثْ ن جَاذْ ذ وزْينْ ن ثقْبِيتْشْ ن مَانَاسَّا ژْوَانْ حزّْمنْ إِ ؤُمنْغِي زَّاثْ إِ وُوذمْ ن أَيْثْ ن إِسْرَائِيل، أَمْ مَامّشْ ثُوغَا أَكِيذْسنْ إِسِّيوڒْ مُوسَا.
JOS 4:13 ثُوغَا-ثنْ عْڒَاحَاڒْ ذِي أَربْعِينْ-أَڒفْ [ن يرْيَازنْ]، حزّْمنْ [مَارَّا] إِ ؤُمنْغِي. نِيثْنِي ژْوَانْ غَارْ [وَازَّايْ ن] ؤُمنْغِي زَّاثْ إِ وُوذمْ ن سِيذِي، غَارْ ڒوْضَاثْ ن أَرِيحَا.
JOS 4:14 سِيذِي إِسّمْغَارْ يَاشُووَا ذڭْ وَاسّْ نِّي ذِي ثِيطَّاوِينْ ن مَارَّا إِسْرَائِيل ؤُشَا ڭّْوذنْ زَّايسْ أَمْ مَامّشْ ثُوغَا ڭّْوذنْ زِي مُوسَا، مَارَّا ؤُسَّانْ ن ثُوذَارْثْ نّسْ.
JOS 4:15 سِيذِي إِسِّيوڒْ أَكْ-ذ يَاشُووَا، إِنَّا:
JOS 4:16 ”ؤُمُورْ إِ إِكهَّاننْ، إِنِّي يَاربُّونْ تَّابُوثْ ن شّْهَاذثْ، أَذْ ڭعّْذنْ زِي لْ-ؤُرْذُونْ.“
JOS 4:17 [خنِّي] يُومُورْ يَاشُووَا إِكهَّاننْ، إِنَّا: ”ڭَاعّْذمْ زِي لْ-ؤُرْذُونْ غَارْ سنّجْ!“
JOS 4:18 ؤُمِي ڭعّْذنْ إِكهَّاننْ، إِنِّي يَارْبُونْ تَّابُوثْ ن ڒْعَاهْذْ ن سِيذِي، زِي ڒْوسْطْ ن لْ-ؤُرْذُونْ ؤُ ثُوغَا ثِيسِي ن إِضَارنْ ن إِكهَّاننْ عَاذْ أَمْ مَامّشْ د-فّْغنْ [زڭْ وَامَانْ]، إِمْسَارْ أَقَا أَمَانْ ن لْ-ؤُرْذُونْ ذوْڒنْ غَارْ ومْشَانْ نْسنْ ؤُشَا ذوْڒنْ سّْفَاينْ خْ مَارَّا ثِيمَّاوِينْ نّسْ أَمْ يِيضنَّاضْ ذ فَارِيضنَّاضْ.
JOS 4:19 ثُوغَا ڒْڭنْسْ إِڭعّذْ زِي لْ-ؤُرْذُونْ ذڭْ وَاسّْ وِيسّْعشْرَا ذڭْ ؤُيُورْ أَمزْوَارُو ؤُشَا وْثِينْ إِقِيضَانْ نْسنْ ذِي جِيلْجَالْ، غَارْ شَّارْقْ ن أَرِيحَا.
JOS 4:20 ذِي جِيلْجَالْ إِسّْبدّْ يَاشُووَا ثنْعَاشْ ن إِژْرَا إِ ثُوغَا أَكِيذْسنْ-د إِكْسِينْ زِي لْ-ؤُرْذُونْ.
JOS 4:21 ؤُشَا نتَّا إِسِّيوڒْ أَكْ-ذ أَيْثْ ن إِسْرَائِيل، إِنَّا: ”مَاڒَا سّقْسَانْ ثِيوشَّا إِحنْجِيرنْ نْومْ إِبَابَاثنْ نْسنْ ؤُشَا أَذْ إِنِينْ: ’مِينْ [خْسنْ أَذْ إِنِينْ] يژْرَا-يَا؟‘
JOS 4:22 [خنِّي] أَذْ ثْعڒْممْ إِ إِحنْجِيرنْ نْومْ، أَذْ ثِينِيمْ: ’[ذَانِيثَا] إِژْوَا إِسْرَائِيل لْ-ؤُرْذُونْ-أَ خْ ڒَاژَاغْ،
JOS 4:23 مِينْزِي سِيذِي، أَربِّي نْومْ، إِسِّيژغْ أَمَانْ ن لْ-ؤُرْذُونْ زَّاثْ إِ وُوذمْ نْومْ أَڒَامِي ثژْوَامْ، أَمْ مَامّشْ إِ ثُوغَا إِڭَّا سِيذِي، أَربِّي نْومْ، [عَاوذْ] أَكْ-ذ ڒبْحَارْ ن ثلْڭَا نِّي إِسِّيژغْ زَّاثْ إِ وُوذمْ نّغْ أَڒَامِي [ذِينْ] نژْوَا،
JOS 4:24 حِيمَا مَارَّا ڒڭْنُوسْ خْ ثمُّورْثْ أَذْ سّْننْ، أَقَا أَفُوسْ ن سِيذِي إِجْهذْ، حِيمَا كنِّيوْ أَذْ ثڭّْوْذمْ سِيذِي، أَربِّي نْومْ، إِ ڒبْذَا.‘ “
JOS 5:1 ؤُمِي مَارَّا إِجدْجِيذنْ ن إِمُورِييّنْ [إِ إِدْجَانْ] خْ ثْمَا ن ڒْغَارْبْ ن لْ-ؤُرْذُونْ ذ مَارَّا إِجدْجِيذنْ ن أَيْثْ ن كنْعَانْ [إِ إِدْجَانْ] غَارْ ڒبْحَارْ، سْڒَانْ، أَقَا سِيذِي إِسِّيژغْ أَمَانْ ن لْ-ؤُرْذُونْ زَّاثْ إِ وُوذمْ ن أَيْثْ ن إِسْرَائِيل، أَڒَامِي نژْوَا غَارْ ؤُجمَّاضِينْ، [خنِّي] إِفْسِييْ وُوڒْ نْسنْ ؤُ وَارْ ذَايْسنْ إِقِّيمْ شَا أَرُّوحْ زَّاثْ إِ وُوذمْ ن أَيْثْ ن إِسْرَائِيل.
JOS 5:2 ذِي ڒْوقْثْ نِّي إِسِّيوڒْ سِيذِي أَكْ-ذ يَاشُووَا: ”أڭّْ إِ يِيخفْ نّشْ إِفَارِّيشنْ ن وژْرُو ؤُشَا خْثنْ إِ أَيْثْ ن إِسْرَائِيل إِ ثْوَاڒَا وِيسّْ ثْنَاينْ!“
JOS 5:3 [خنِّي] إِڭَّا يَاشُووَا إِفَارِّيشنْ ن وژْرُو إِ يِيخفْ نّسْ ؤُشَا إِخْثنْ إِ أَيْثْ ن إِسْرَائِيل غَارْ جِيبْعَا-هَاعْرَالُوثْ، [أَقَا ذ ’ثَاوْرِيرْثْ ن ڒعْذَاڒيَّاثْ ن وخْثَانْ‘].
JOS 5:4 مَانْ أَيَا ذ ڒسْبَابْ إِ زِي إِخْثنْ إِ-ثنْ يَاشُووَا: مَارَّا ڒْڭنْسْ إِ ثُوغَا د-إِفّْغنْ زِي مِيصْرَا، [مَارَّا] إِوثْمَانْ، [إِخْسْ أَذْ يِينِي] مَارَّا إِعسْكَارِييّنْ مُّوثنْ ذڭْ وبْرِيذْ ذِي ڒخْڒَا أَوَارْنِي إِ وُوفُّوغْ نْسنْ زِي مِيصْرَا.
JOS 5:5 مِينْزِي مَارَّا ڒْڭنْسْ نِّي د-إِفّْغنْ، ثُوغَا-ث إِتّْوَاخْثنْ، [مَاشَا] مَارَّا ڒْڭنْسْ نِّي د-إِتّْوَاخڒْقنْ ذڭْ وبْرِيذْ ذِي ڒخْڒَا أَوَارْنِي إِ ؤُفُّوغْ نْسنْ زِي مِيصْرَا، نِيثْنِي وَارْ تّْوَاخثْننْ شَا.
JOS 5:6 مِينْزِي أَربْعِينْ ن إِسڭّْوُوسَا ڭُّورنْ أَيْثْ ن إِسْرَائِيل ذِي ڒخْڒَا أَڒَامِي إِتّْوَاهلّكْ ڒْڭنْسْ مَارَّا، مَارَّا إِعسْكَارِييّنْ إِ ثُوغَا د-إِفّْغنْ زِي مِيصْرَا، إِنِّي ثُوغَا وَارْ إِسْڒِينْ غَارْ ثْمِيجَّا ن سِيذِي [ذ إِنِّي] ثُوغَا إِجُّودْجْ أَسنْ سِيذِي، وَارْ ثنْ إِتّجِّي شَا أَذْ ژَترنْ ثَامُّورْثْ نِّي خْ ثُوغَا إِجُّودْجْ سِيذِي إِ ڒجْذُوذْ نْسنْ أَذْ أَسنْ ت إِوْشْ، إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ.
JOS 5:7 إِحنْجِيرنْ نْسنْ إِنِّي إِسّْنكَّارْ نتَّا ذڭْ ومْشَانْ نْسنْ، ذ إِنَا ذ إِنِّي ثُوغَا إِخْثنْ يَاشُووَا، مِينْزِي نِيثْنِي غَارْسنْ عَاذْ ڒعْذَاڒْيثْ مِينْزِي وَارْ ذ أَسنْ خثْننْ ذڭْ وبْرِيذْ.
JOS 5:8 ؤُمِي كمّْڒنْ أَذْ خْثنْ مَارَّا ڒْڭنْسْ، إِمْسَارْ بلِّي قِّيمنْ ذڭْ ومْشَانْ نْسنْ ذِي ڒْمَارْڭحْ ن ڒْعسْكَارْ أَڒَامِي ڭّنْفَانْ.
JOS 5:9 إِنَّا سِيذِي إِ يَاشُووَا: ”أَسّْ-أَ أَقَا كّْسغْ خَاومْ ڒفْضِيحثْ ن مِيصْرَا.“ [خْ ؤُينِّي] قَّارنْ أَسْ إِ ومْشَانْ نِّي جِيلْجَالْ، أَڒْ أَسّْ-أَ.
JOS 5:10 وْثِينْ أَيْثْ ن إِسْرَائِيل إِقِيضَانْ نْسنْ ذِي جِيلْجَالْ ؤُشَا سّْوجْذنْ [ثَاغَارْصْثْ ن] ؤُسعْذُو ذڭْ وَاسّْ أَرْبعْطَاشْ ن ؤُيُورْ [نِّي]، ذِي دْجِيڒثْ، ذِي ڒوْضَاثْ ن أَرِيحَا.
JOS 5:11 نِيثْنِي شِّينْ أَغْرُومْ بْڒَا أَنْثُونْ ذ ثغْوَاوِينْ إِشنّْفنْ زِي ڒْغِيدْجثْ ن ثمُّورْثْ، زِي ثِيوشَّا أَوَارْنِي إِ [ثَاغَارْصْثْ ن] ؤُسعْذُو، ذڭْ وَاسّْ نِّي سِيمَانْثْ نّسْ.
JOS 5:12 ثِيوشَّا نّسْ، أَوَارْنِي ڒَامِي شِّينْ زِي ڒْغِيدْجثْ ن ثمُّورْثْ، إِنّقْضعْ مَانَّا. سّنِّي وَارْ إِقِّيمْ عَاذْ ’مَانَّا‘ إِ أَيْثْ ن إِسْرَائِيل. ذڭْ ؤُسڭّْوَاسْ نِّي شِّينْ زِي ڒْغِيدْجثْ ن ثمُّورْثْ ن كنْعَانْ.
JOS 5:13 ؤُمِي ثُوغَا إِدْجَا يَاشُووَا زَّاثْ إِ أَرِيحَا، إِسّْڭعّذْ ثِيطَّاوِينْ نّسْ، ؤُشَا خْزَارْ، ثُوغَا إِجّْ ن ورْيَازْ إِبدّْ زَّاثسْ، غَارسْ سِّيفْ نّسْ ذڭْ ؤُفُوسْ نّسْ. يَاشُووَا إِرُوحْ غَارسْ إِنَّا أَسْ: ”شكْ مَا زَّايْنغْ نِيغْ زڭْ إِغْرِيمنْ نّغْ؟“
JOS 5:14 نتَّا يَارَّا-د: ”لَّ، مِينْزِي نشّْ ذ أَكُومَانْذَارْ ن ڒْعسْكَارْ ن سِيذِي. نشّْ ڒخُّو إِ د-ؤُسِيغْ!“ ؤُشَا إِوْضَا يَاشُووَا خْ ؤُغمْبُوبْ نّسْ غَارْ ثمُّورْثْ، يُوضَارْ، ؤُشَا إِنَّا أَسْ: ”مِينْ إِخْسْ أَذْ يِينِي سِيذِي إِنُو إِ ؤُمْسخَّارْ نّسْ؟“
JOS 5:15 [خنِّي] إِنَّا أَكُومَانْذَارْ ن ڒْعسْكَارْ ن سِيذِي إِ يَاشُووَا: ”كّسْ ثِيسِيڒَا نّشْ زڭْ إِضَارنْ نّشْ، مِينْزِي أَمْشَانْ إِ خفْ ثْبدّذْ ذ أَمْقدَّاسْ [إِ إِدْجَا].“ ؤُشَا أَمنِّي إِ إِڭَّا يَاشُووَا.
JOS 6:1 أَرِيحَا ثُوغَا ثقّنْ [ثِيوُّورَا نّسْ] نِيشَانْ زَّاثْ إِ وُوذمْ ن أَيْثْ ن إِسْرَائِيل. ؤُڒَا ذ إِجّْ وَارْ إِزمَّارْ أَذْ إِفّغْ، ؤُڒَا ذ إِجّْ وَارْ إِزمَّارْ أَذْ [ذِينْ] يَاذفْ.
JOS 6:2 [خنِّي] إِنَّا سِيذِي إِ يَاشُووَا: ”خْزَارْ، نشّْ ڭِّيغْ أَشْ أَرِيحَا أَكْ-ذ ؤُجدْجِيذْ نّسْ، أَيْثْ ن بُو-ثغْرُوضْثْ إِمحْضنْ، ذڭْ ؤُفُوسْ نّشْ.
JOS 6:3 إِتّْخصَّا كنِّيوْ أَذْ ثنّْضمْ إِ ثنْذِينْثْ. مَارَّا إِعسْكَارِييّنْ أَذْ نّْضنْ إِ ثنْذِينْثْ إِشْثْ ن ثْوَاڒَا. أَمْيَا إِ غَا ثڭّمْ ستَّا ن وُوسَّانْ.
JOS 6:4 سبْعَا ن إِكهَّاننْ أَذْ إِزْوَارنْ زَّاثْ إِ تَّابُوثْ أَذْ أَرْبُونْ سبْعَا ن وَاشَّاونْ ن إِشَارِّي إِ ؤُسْڒِيوْڒوْ. ذڭْ وَاسّْ وِيسّْ سبْعَا أَذْ ثنّْضمْ إِ ثنْذِينْثْ سبْعَا ن ثْوَاڒَاوِينْ ؤُ [خنِّي] أَذْ سُوضنْ إِكهَّاننْ ذڭْ وَاشَّاونْ ن إِشَارِّي.
JOS 6:5 خْمِي غَا يِيڒِي إِجّْ ن ؤُسُوضِي ذ أَزِيرَارْ ذڭْ يِيشّْ ن ؤُسْڒِيوْڒوْ ؤُ كنِّيوْ أَذْ ثسْڒمْ ڒْحسّْ-أَ ن ؤُسُوضِي ذڭْ ؤُيِيشّْ ن إِشَارِّي، [خنِّي] أَذْ يَارّژْ ڒْڭنْسْ إِمُونْ س ثْغُويِّيثْ ذڭْ ؤُجنَّا. خَاسْ ؤُشَا أَذْ إِوْضَا ڒْحِيضْ ن ثنْذِينْثْ ؤُشَا أَذْ خَاسْ إِژْوَا ڒْڭنْسْ، كُوڒْ إِجّْ ن ورْيَازْ أَذْ يُويُورْ نِيشَانْ غَارْ زَّاثْ.“
JOS 6:6 [خنِّي] إِڒَاغَا يَاشُووَا، مِّيسْ ن نُونْ، خْ إِكهَّاننْ، إِنَّا أَسنْ: ”كْسِيمْ كنِّيوْ تَّابُوثْ ن ڒْعَاهْذْ ؤُ تّجّمْ سبْعَا ن إِكهَّاننْ أَذْ إِزْوَارنْ غَارْ زَّاثْ إِ وُوذمْ ن تَّابُوثْ ن سِيذِي أَذْ أَرْبُونْ سبْعَا ن وَاشَّاونْ ن إِشَارِّي إِ ؤُسْڒِيوْڒوْ.“
JOS 6:7 نَّانْ إِ ڒْڭنْسْ: ”ژْوَامْ ؤُ ثنّْضمْ إِ ثنْذِينْثْ. جّمْ إِعسْكَارِييّنْ س ڒسْنَاحْ أَذْ ژْوَانْ زَّاثْ إِ وُوذمْ ن تَّابُوثْ ن سِيذِي.“
JOS 6:8 إِمْسَارْ أَمْ مَامّشْ ثُوغَا إِنَّا يَاشُووَا إِ ڒْڭنْسْ. سبْعَا ن إِكهَّاننْ ثُوغَا أَربُّونْ سبْعَا ن وَاشَّاونْ ن إِشَارِّي إِ ؤُسْڒِيوْڒوْ ؤُشَا ژْوَانْ زَّاثْ إِ وُوذمْ ن سِيذِي، سُوضنْ ذڭْ وَاشَّاونْ ن إِشَارِّي ؤُشَا تَّابُوثْ ن ڒْعَاهْذْ ن سِيذِي ثڭُّورْ أَوَارْنِي أَسنْ.
JOS 6:9 [إِرْيَازنْ] إِحزّْمنْ س ڒسْنَاحْ إِزْوَارنْ زَّاثْ إِ وُوذمْ ن إِكهَّاننْ نِّي إِسُوضنْ ذڭْ وَاشَّاونْ ن إِشَارِّي ؤُ خْ ضفَّارْ ن تَّابُوثْ يُوسَا-د ؤُغزْذِيسْ أَنڭَّارُو [ن ڒْعسْكَارْ]، أَمْ ڭُّورنْ، تّْسُوضنْ نِيثْنِي ذڭْ وَاشَّاونْ ن إِشَارِّي.
JOS 6:10 يَاشُووَا أَقَا يُومُورْ ڒْڭنْسْ، إِنَّا ”وَارْ تّسْغُويُّومْ، وَارْ تّجِّيمْ ثْمِيجَّا نْومْ أَذْ أَسْ إِسڒْ حذْ، وَارْ د-إِتّفّغْ ؤُڒَا ذ إِجّْ ن وَاوَاڒْ زڭْ ؤُقمُّومْ نْومْ أَڒْ أَسّْ نِّي ذ أَومْ غَا إِنِيغْ: ’سْغُويّمْ!‘ [خنِّي] أَذْ ثسْغُويّمْ إِ ؤُمنْغِي.“
JOS 6:11 خَاسْ ؤُشَا يجَّا تَّابُوثْ ن سِيذِي أَذْ ثنّضْ إِ ثنْذِينْثْ، إِشْثْ ن ثْوَاڒَا ثنّضْ أَسْ-د. [خنِّي] ذوْڒنْ غَارْ ڒْمَارْڭحْ ن ڒْعسْكَارْ، سّنْسنْ ذِي ڒْمَارْڭحْ.
JOS 6:12 ثِيوشَّا نّسْ غَارْ ثُوفُّوثْ ن زِيشْ إِكَّارْ يَاشُووَا ؤُشَا أَرْبُونْ إِكهَّاننْ تَّابُوثْ ن سِيذِي.
JOS 6:13 سبْعَا ن إِكهَّاننْ نِّي ثُوغَا يَاربُّونْ سبْعَا ن وَاشَّاونْ ن إِشَارِّي إِ ؤُسْڒِيوْڒوْ زَّاثْ إِ وُوذمْ ن تَّابُوثْ ن سِيذِي، قِّيمنْ ڭُّورنْ، سُوضنْ ذڭْ وَاشَّاونْ ن إِشَارِّي ؤُ [إِرْيَازنْ] إِحزّْمنْ س ڒسْنَاحْ إِزْوَارنْ غَارْ زَّاثْ ؤُ خْ ضفَّارْ ن تَّابُوثْ ن سِيذِي إِضْفَارْ ؤُغزْذِيسْ أَنڭَّارُو [ن ڒْعسْكَارْ]، أَمْ [قِّيمنْ] ڭُّورنْ أَمْ تّْسُوضنْ ذڭْ وَاشَّاونْ ن إِشَارِّي.
JOS 6:14 ذڭْ وَاسّْ وِيسّْ ثْنَاينْ نّْضنْ [عَاوذْ] إِشْثْ ن ثْوَاڒَا إِ ثنْذِينْثْ ؤُشَا ذوْڒنْ غَارْ ڒْمَارْڭحْ ن ڒْعسْكَارْ. أَمُّو إِ ڭِّينْ ستَّا ن وُوسَّانْ.
JOS 6:15 ذڭْ وَاسّْ وِيسّْ سبْعَا، إِمْسَارْ، أَقَا كَّارنْ زِيشْ، ؤُمِي إِصْبحْ ڒْحَاڒْ، ؤُشَا نّْضنْ أَمُّو سبْعَا ن ثْوَاڒَاوِينْ إِ ثنْذِينْثْ. ذڭْ وَاسّْ نِّي وَاهَا نّْضنْ إِ ثنْذِينْثْ سبْعَا ن ثْوَاڒَاوِينْ.
JOS 6:16 ؤُشَا إِمْسَارْ غَارْ ثْوَاڒَا وِيسّْ سبْعَا ؤُمِي سُوضنْ إِكهَّاننْ ذڭْ وَاشَّاونْ ن إِشَارِّي، أَقَا يَاشُووَا إِنَّا إِ ڒْڭنْسْ: ”سْغُويّمْ، مِينْزِي سِيذِي إِڭَّا أَومْ ثَانْذِينْثْ ذڭْ ؤُفُوسْ!
JOS 6:17 ثَانْذِينْثْ أَذْ ثتّْوَاحَارّمْ إِ سِيذِي، ثَانْذِينْثْ ذ مَارَّا مِينْ ذَايسْ. مْغِيرْ ثَامْغَارْثْ ن فَارْقْ-شّْغڒْ رَاحَابْ وَاهَا ذ مَارَّا إِنِّي غَارسْ إِدْجَانْ ذِي ثَادَّارْثْ نّسْ أَذْ قِّيمنْ دَّارنْ، مِينْزِي نتَّاثْ ثسّْنُوفَّارْ خْ إِرقَّاسنْ نِّي ثُوغَا نسّكّْ.
JOS 6:18 حْضَامْ إِخفْ نْومْ زِي مَارَّا مِينْ إِتّْوَاحَارّْمنْ، مَاحنْذْ كنِّيوْ وَارْ ثذِّيكّْوِيڒمْ ذ أَيْثْ ن ڒحْرَامْ [أَمْ] ثكْسِيمْ [شَا] ن مِينْ إِدْجَانْ ذ ڒحْرَامْ ؤُ أَذْ ثَارّمْ ڒْمَارْڭحْ ن ڒْعسْكَارْ ن إِسْرَائِيل ذ ڒحْرَامْ ؤُ أَذْ ث ثْغضْڒمْ ذ أَرّْژِييثْ.
JOS 6:19 مَارَّا نُّوقَارْثْ ذ وُورغْ ذ ڒقْشُوعْ ن نّْحَاسْ ذ وُوزَّاڒْ، [مَارَّا أَيَا] ذ أَمْقدَّاسْ إِ سِيذِي ؤُشَا أَذْ ث ثسِّيذْفمْ ذڭْ وخَّامْ ن ثْخُوبَايْ ن سِيذِي.“
JOS 6:20 خَاسْ ؤُشَا إِسْغُويْ ڒْڭنْسْ إِ ؤُمنْغِي ؤُشَا سُوضنْ ذڭْ وَاشَّاونْ ن إِشَارِّي. ؤُشَا إِمْسَارْ، ؤُمِي إِسْڒَا ڒْڭنْسْ ڒْحسّْ ن ؤُسُوضِي ذڭْ ؤُيِيشّْ ن إِشَارِّي، أَقَا ڒْڭنْسْ يَارّژْ ذڭْ إِشْثْ ن ثْغُويِّيثْ ذڭْ ؤُجنَّا ؤُ ڒْحِيضْ ن ثنْذِينْثْ إِهْذمْ ؤُ ڒْڭنْسْ إِڭعّذْ، يُوذفْ غَارْ ثنْذِينْثْ، كُوڒْ إِجّْ ن ورْيَازْ يُويُورْ نِيشَانْ غَارْ زَّاثْ، ؤُشَا طّْفنْ نِيثْنِي ثَانْذِينْثْ.
JOS 6:21 حَارّْمنْ مَارَّا مِينْ إِدْجَانْ ذِي ثنْذِينْثْ إِ ڒْحُوكْمْ س ڒقْضعْ ن سِّيفْ، زڭْ إِرْيَازنْ أَڒْ ثِيمْغَارِينْ، زڭْ إِحْرَامنْ أَڒْ إِوسُّورَا، أَڒْ أَفُونَاسْ، ؤُدْجِي ذ وغْيُوڒْ.
JOS 6:22 إِنَّا يَاشُووَا إِ ثْنَاينْ ن يرْيَازنْ نِّي ثُوغَا إِتّْبرْڭَاڭنْ ثَامُّورْثْ: ”أَذْفمْ غَارْ ثَادَّارْثْ ن ثمْغَارْثْ ن فَارْقْ-شّْغڒْ، ؤُ سُّوفّْغمْ ثَامْغَارْثْ نِّي أَكْ-ذ مَارَّا مِينْ غَارسْ، أَمْ مَامّشْ كنِّيوْ إِ ذ أَسْ ثجُّودْجمْ.“
JOS 6:23 [خنِّي] ؤُذْفنْ إِبْڒِيغنْ، إِبرْڭَاڭنْ، ؤُشَا سُّوفّْغنْ-د رَاحَابْ أَكْ-ذ بَابَاسْ ذ يمَّاسْ ذ أَيْثْمَاسْ ذ مَارَّا مِينْ إِدْجَانْ نّسْ. سُّوفّْغنْ مَارَّا ڒَادْجْ نّسْ ؤُشَا ڭِّينْ أَسنْ مَانِي غَا قِّيمنْ بَارَّا إِ ڒْمَارْڭحْ ن ڒْعسْكَارْ ن إِسْرَائِيل.
JOS 6:24 سّْشمْضنْ ثَانْذِينْثْ ذ مَارَّا مِينْ ذَايسْ س ثْمسِّي. مْغِيرْ نُّوقَارْثْ ذ وُورغْ ذ ڒقْشُوعْ ن نّْحَاسْ ذ وُوزَّاڒْ، سِّيذْفنْ ثنْ غَارْ وخَّامْ ن ثْخُوبَايْ ذِي ثَادَّارْثْ ن سِيذِي.
JOS 6:25 رَاحَابْ، ثَامْغَارْثْ ن فَارْقْ-شّْغڒْ ذ [ڒَْادْجْ ن] ثَادَّارْثْ ن بَابَاسْ ذ مَارَّا مِينْ إِدْجَانْ نّسْ، إِجَّا إِ-ثنْ يَاشُووَا أَذْ دَّارنْ. ؤُ نتَّاثْ ثْزدّغْ ذِي ڒْوسْطْ ن إِسْرَائِيل أَڒْ أَسّْ-أَ، مِينْزِي ثُوغَا ثسّْنُوفَّارْ خْ إِرقَّاسنْ إِ ثُوغَا إِسّكّْ يَاشُووَا، حِيمَا أَذْ برْڭَاڭنْ ثَامُّورْثْ.
JOS 6:26 ذِي ڒْوقْثْ نِّي إِجُّودْجْ يَاشُووَا، إِنَّا: ”أَرْيَازْ نِّي إِ غَا إِسّْبدّْ أَرِيحَا عَاوذْ أَذْ يِيڒِي إِتّْوَانْعڒْ زَّاثْ إِ وُوذمْ ن سِيذِي. أَذْ أَسْ يڭّْ ذْسَاسْ نّسْ ذِي ثَارژِّيثْ ن ؤُمنْزُو نّسْ، أَذْ إِسّْبدّْ ثِيوُّورَا نّسْ ذِي ثَارژِّيثْ ن مِّيسْ أَمَاژُوژْ.“
JOS 6:27 [أَمُّو] إِ ثُوغَا سِيذِي أَكْ-ذ يَاشُووَا، ؤُشَا ڒخْبَارْ إِكَّا مَارَّا ثَامُّورْثْ.
JOS 7:1 أَيْثْ ن إِسْرَائِيلغشّنْ أَكْ-ذ مِينْ إِدْجَانْ إِتّْوَاحَارّْمنْ [إِ ؤُثحِّي]. عَاخَانْ، مِّيسْ ن كَارْمِي، مِّيسْ ن زَابْذِي، مِّيسْ ن زَارَاحْ، زِي ثقْبِيتْشْ ن يَاهُوذَا، إِكْسِي شَا زِي مِينْ إِتّْوَاحَارّْمنْ [إِ ؤُثحِّي]. [خنِّي] يَارْغَا وغْضَابْ ن سِيذِي خْ أَيْثْ ن إِسْرَائِيل.
JOS 7:2 يَاشُووَا إِسّكّْ إِرْيَازنْ زِي أَرِيحَا غَارْ عَايْ إِ إِدْجَانْ غَارْ بَايْثْ-أَوِينْ، غَارْ شَّارْقْ ن بَايْثْ-إِلْ. نتَّا إِسِّيوڒْ أَكِيذْسنْ، إِنَّا: ”ڭَاعّْذمْ، برْڭَاڭمْ ثَامُّورْثْ!“ إِرْيَازنْ فّْغنْ ؤُ برْڭَاڭنْ خْ عَايْ.
JOS 7:3 [ؤُمِي] د -عقْبنْ غَارْ يَاشُووَا، نَّانْ أَسْ: ”نْهْڒَا مَا إِڭعّذْ ذِينْ مَارَّا ڒْڭنْسْ. أجّْ أَذْ ڭعّْذنْ ذِينْ عْڒَاحَاڒْ أَڒْفَاينْ نِيغْ ثڒْثْ-أَڒَافْ ن يرْيَازنْ حِيمَا أَذْغڒْبنْ خْ عَايْ. وَارْ د-تِّيوْيذْ شَا ذِينِّي مَارَّا ڒْڭنْسْ، مِينْزِي نِيثْنِي أَقَا أَثنْ ذِي ذْرُوسْ.
JOS 7:4 [أَمُّو] إِ ڭعّْذنْ زِي ڒْڭنْسْ عْڒَاحَاڒْ ثڒْثْ-أَڒَافْ ن يرْيَازنْ، [مَاشَا] نِيثْنِي أَروْڒنْ زَّاثْ إِ وُوذمْ ن يرْيَازنْ ن عَايْ.
JOS 7:5 إِرْيَازنْ ن عَايْ نْغِينْ زَّايْسنْ ستَّا ؤُ-ثْڒَاثِينْ ن يرْيَازنْ ؤُشَا ضْفَارنْ ثنْ زِي زَّاثْ ن وُوذمْ ن ثوَّارْثْ أَڒْ شَابَارِيمْ ؤُشَاغڒْبنْ خَاسنْ ذڭْ ؤُهكّْوُو. [خنِّي] إِفْسِييْ وُوڒْ ن ڒْڭنْسْ، إِذْوڒْ أَمْ وَامَانْ.
JOS 7:6 يَاشُووَا إِشَارّڭْ أَرُّوضْ نّسْ، إِوْضَا خْ ؤُغمْبُوبْ نّسْ غَارْ ثمُّورْثْ زَّاثْ إِ تَّابُوثْ ن سِيذِي، أَڒْ دْجِيڒثْ، نتَّا ذ إِمْغَارنْ ن إِسْرَائِيل، ؤُشَا نِيثْنِي سُّويُوسنْ ؤُشَاڒْ خْ ؤُزدْجِيفْ نْسنْ.
JOS 7:7 يَاشُووَا إِنَّا: ”أَ، سِيذِي إِنُو، سِيذِي، مَايمِّي ثجِّيذْ ڒْڭنْسْ-أَ أَذْ إِژْوَا لْ-ؤُرْذُونْ؟ مَا حِيمَا أَذْ أَنغْ ثڭّذْ ذڭْ ؤُفُوسْ ن أَيْثْ ن إِمُورِييّنْ، مَاحنْذْ أَذْ أَنغْ ثحَّانْ؟ إِڒِي، نڭَّا أَذْ نقْبڒْ أَذْ نزْذغْ غَارْ ؤُجمَّاضْ ن لْ-ؤُرْذُونْ.“
JOS 7:8 أَ سِيذِي إِنُو، مِينْ غَا إِنِيغْ، أَوَارْنِي إِ ؤُمِي يَارَّا إِسْرَائِيل أَعْرُورْ غَارْ وُوذمْ ن ڒْعذْيَانْ نّسْ [مَاحنْذْ أَذْ يَارْوڒْ]؟
JOS 7:9 مَاڒَا أَذْ ث سْڒنْ أَيْثْ ن كنْعَانْ ذ مَارَّا إِمزْذَاغْ ن ثمُّورْثْ، أَذْ أَنغْ قوَّارنْ، أَذْ قضْعنْ إِسمْ نّغْ زِي ثَامُّورْثْ. مِينْ إِ غَا ثڭّذْ [خنِّي] إِ يِيسمْ نّشْ أَمقّْرَانْ؟“
JOS 7:10 [خنِّي] إِنَّا سِيذِي إِ يَاشُووَا: ”كَّارْ، مَايمِّي [ذَا] ثْمدّذْ أَمُّو خْ ؤُغمْبُوبْ نّشْ غَارْ ثمُّورْثْ؟
JOS 7:11 أَقَا إِسْرَائِيل إِخْضَا ؤُشَا نِيثْنِيعدَّانْ ڒْعَاهْذْ إِنُو نِّي خْ ذ أَسنْ ؤُمُورغْ. كْسِينْ [عَاوذْ] زِي مِينْ إِدْجَانْ إِتّْوَاحَارّْمنْ [إِ ؤُثحِّي]، ؤُشَارنْ [عَاوذْ]، سّْخَارّْقنْ [عَاوذْ] ؤُشَا سَّارْسنْ [أَيَا] [عَاوذْ] غَارْ ڒقْشُوعْ نْسنْ.
JOS 7:12 [خْ ؤُيَا] وَارْ زمَّارنْ أَيْثْ ن إِسْرَائِيل أَذْ قِّيمنْ بدّنْ زَّاثْ إِ وُوذمْ ن ڒْعذْيَانْ نْسنْ. أَذْ أَرِّينْ أَعْرُورْ غَارْ وُوذمْ ن ڒْعذْيَانْ نْسنْ [مَاحنْذْ أَذْ أَروْڒنْ]، مِينْزِي نِيثْنِي ذوْڒنْ تّْوَاحَارّْمنْ [قَاعْ] إِ لْحُوكْمْ. نشّْ وَارْ كِيومْ تِّيڒِيغْ عَاذْ، مَاڒَا وَارْ ثكّْسمْ زِي ڒْوسْطْ نْومْ مِينْ إِتّْوَاحَارّْمنْ [إِ ؤُثحِّي].
JOS 7:13 كَّارْ، سْقدّسْ ڒْڭنْسْ، أَذْ ثِينِيذْ: ’سْقدّْسمْ إِخفْ نْومْ إِ ثِيوشَّا، مِينْزِي أَمُّو إِ إِقَّارْ سِيذِي، أَربِّي ن إِسْرَائِيل: أَقَا ذِينْ شَا مِينْ إِتّْوَاحَارّْمنْ [إِ ؤُثحِّي] ذِي ڒْوسْطْ نْومْ، إِسْرَائِيل! وَارْ ثْزمَّارذْ أَذْ ثسّْبدّذْ ڒْعذْيَانْ نّشْ، أَڒْ غَا ثكّْسمْ زِي ڒْوسْطْ نْومْ مِينْ إِتّْوَاحَارّْمنْ [إِ ؤُثحِّي].
JOS 7:14 ثِيوشَّا أَذْ د-ثْقَارّْبمْ، [أَذْ ثِيڒِيمْ ثتّْوَاستّْفمْ] عْلَاحْسَابْ ثِيقبَّاڒْ نْومْ ؤُشَا [خنِّي] أَذْ د-ثْقَارّبْ ثقْبِيتْشْ نِّي إِعدْجمْ سِيذِي، عْلَاحْسَابْ ڒَادْجَاثْ [نّسْ] ؤُ ڒَادْجْ إِ غَا إِعدْجمْ سِيذِي أَذْ د-إِقَارّبْ عْلَاحْسَابْ [ڒَادْجَاثْ ن] ثُوذْرِينْ [نّسْ] ؤُشَا [ڒَادْجْ ن] ثَادَّارْثْ نِّي إِ غَا إِعدْجمْ سِيذِي أَذْ د-إِقَارّبْ [أَمْ تّْوَاستّْفنْ نِيثْنِي] عْلَاحْسَابْ [إِرْيَازنْ] إِبْڒِيغنْ [نْسنْ].
JOS 7:15 ؤُشَا أَذْ إِمْسَارْ، أَقَا ونِّي إِكْسِينْ شَا زِي مِينْ إِتّْوَاحَارّْمنْ [إِ ؤُثحِّي] أَذْ إِتّْوَاسّشْمضْ س ثْمسِّي أَكْ-ذ مَارَّا مِينْ غَارسْ إِدْجَانْ، مِينْزِي نتَّا إِعدَّا خْ ڒْعَاهْذْ ن سِيذِي ؤُ إِڭَّا ڒفْضِيحثْ ذِي إِسْرَائِيل.‘ “
JOS 7:16 إِكَّارْ يَاشُووَا زِيشْ ؤُشَا إِجَّا أَذْ د-إِسْقَارّبْ إِسْرَائِيل ثَاقْبِيتْشْ ثَاقْبِيتْشْ ؤُشَا ثتّْوَاعدْجمْ ثقْبِيتْشْ ن يَاهُوذَا.
JOS 7:17 إِجَّا أَذْ د-ثْقَارّبْ ڒَادْجْ ن يَاهُوذَا ؤُشَا ثتّْوَاعدْجمْ ڒَادْجْ ن إِزَارَاحِييّنْ. [خنِّي] إِجَّا أَذْ د-ثْقَارّبْ ڒَادْجْ ن إِزَارَاحِييّنْ، [ثتّْوَاستّفْ] عْلَاحْسَابْ [إِرْيَازنْ] إِبْڒِيغنْ [نّسْ] ؤُشَا إِتّْوَاعدْجمْ زَابْذِي.
JOS 7:18 نتَّا إِجَّا أَذْ د-إِقَارّبْ [ڒَْادْجْ ن] ثَادَّارْثْ نّسْ، [أَمْ تّْوَاستّْفنْ نِيثْنِي] عْلَاحْسَابْ [إِرْيَازنْ] إِبْڒِيغنْ [نْسنْ]، ؤُشَا إِتّْوَاعدْجمْ عَاخَانْ، مِّيسْ ن كَارْمِي، مِّيسْ ن زَابْذِي، مِّيسْ ن زَارَاحْ، زِي ثقْبِيتْشْ ن يَاهُوذَا.
JOS 7:19 يَاشُووَا إِنَّا إِ عَاخَانْ: ”أَ مِّي، أوْشْ ڒْعزّْ إِ سِيذِي، أَربِّي ن إِسْرَائِيل، ؤُ قَاذَا إِ-ث! إِنِي أَيِي، مِينْ ثڭِّيذْ شكْ، وَارْ خَافِي سْنُوفَّارْ شَا“
JOS 7:20 عَاخَانْ يَارَّا-د خْ يَاشُووَا، إِنَّا: ”أَقَا س ثِيذتّْ، نشّْ خْضِيغْ أَكْ-ذ سِيذِي، أَربِّي ن إِسْرَائِيل، [مَاغَارْ] نشّْ ڭِّيغْ ثَا ذ ثَا.
JOS 7:21 نشّْ ژْرِيغْ جَارْ ثْكشَّاضْثْ إِجّْ ن ؤُپَارْثسُّو إِزوّْقنْ زِي شِينَارْ ذ مِيثَاينْ شِيقْلُو ن نُّوقَارْثْ ذ إِشْثْ ن ثْبَارَّاثْ ن وُورغْ ثوْزنْ خمْسِينْ شِيقْلُو. نشّْ مژْرغْ ذَايْسنْ ؤُشَا إِوْيغْ ثنْ-د غَارِي، أَقَا أَثنْ نُّوفَارنْ ذِي ثمُّورْثْ، ذِي ڒْوسْطْ ن ؤُقِيضُونْ إِنُو، ذ نُّوقَارْثْ سْوَادَّايْ.“
JOS 7:22 يَاشُووَا إِسّكّْ إِرقَّاسنْ. نِيثْنِي ؤُزّْڒنْ غَارْ ؤُقِيضُونْ، خْزَارْ، [ڒحْوَايجْ] ثُوغَا أَثنْ نُوفَّارنْ ذڭْ ؤُقِيضُونْ، ذ نُّوقَارْثْ سْوَادَّايْ.
JOS 7:23 كْسِينْ نِيثْنِي [ڒحْوَايجْ نِّي] زِي ڒْوسْطْ ن ؤُقِيضُونْ ؤُشَا إِوْينْ ثنْ غَارْ يَاشُووَا ؤُ غَارْ مَارَّا أَيْثْ ن إِسْرَائِيل ؤُشَا سَّارْسنْ ثنْ زَّاثْ إِ وُوذمْ ن سِيذِي.
JOS 7:24 يَاشُووَا، ذ مَارَّا إِسْرَائِيل أَكِيذسْ، إِكْسِي عَاخَانْ، مِّيسْ ن زَارَاحْ، ؤُڒَا ذ نُّوقَارْثْ ذ ؤُپَارْثسُّو إِزوّْقنْ ذ ثْبَارَّاثْ ن وُورغْ ذ إِحنْجِيرنْ نّسْ ذ يسِّيسْ نّسْ ذ إِفُونَاسنْ نّسْ ذ إِغْيَاڒْ نّسْ ذ وُودْجِي نّسْ ذ ؤُقِيضُونْ نّسْ ذ مَارَّا مِينْ غَارسْ ؤُشَا إِوْينْ ثنْ غَارْ ثغْزُورْثْ ن أَخُورْ.
JOS 7:25 إِنَّا يَاشُووَا: ”مَايمِّي ذ أَنغْ ثڭِّيذْ ذِي أَرّْژِييثْ؟ سِيذِي أَذْ شكْ يڭّْ ذِي أَرّْژِييثْ أَسّْ-أَ!“ ذ مَارَّا إِسْرَائِيل يَارْجمْ إِ-ث س إِژْرَا ؤُشَا سّْشمْضنْ ثنْ س ثْمسِّي ؤُشَا نْضَارنْ خَاسنْ إِژْرَا.
JOS 7:26 سّْبدّنْ خَاسْ إِجّْ ن ؤُعُورِّيشْ ذ أَمقّْرَانْ ن إِژْرَا [ونِّي ذِينْ إِدْجَانْ] أَڒْ أَسّْ-أَ. ؤُشَا سِيذِي إِڭَّا أَذْ د-إِعْقبْ ڒْحَاذُوقْ ن وغْضَابْ نّسْ. خْ ؤُيَا قَّارنْ أَسْ إِ ثمُّورْثْ نِّي: ’ثَاغْزُورْثْ ن أَخُورْ‘ أَڒْ أَسّْ-أَ.
JOS 8:1 [خنِّي] إِنَّا سِيذِي إِ يَاشُووَا: ”وَارْ تّڭّْوذْ، وَارْ تّجِّي أَذْ إِعْڭزْ وُوڒْ نّشْ. كْسِي أَكِيذكْ مَارَّا ڒْڭنْسْ ن ڒْعسْكَارْ، كَّارْ، ثُويُورذْ غَارْ عَايْ! خْزَارْ، نشّْ ڭِّيغْ أَجدْجِيذْ ن عَايْ ذ ڒْڭنْسْ نّسْ ذ ثنْذِينْثْ نّسْ ذ ثمُّورْثْ نّسْ ذڭْ ؤُفُوسْ نّشْ.
JOS 8:2 شكْ أَذْ ثڭّذْ أَكْ-ذ عَايْ ؤُ أَكْ-ذ ؤُجدْجِيذْ نّسْ أَمْ مَامّشْ ثڭِّيذْ أَكْ-ذ أَرِيحَا ؤُ أَكْ-ذ ؤُجدْجِيذْ نّسْ، أَذْ ثكْسِيمْ مْغِيرْ ثَاكشَّاضْثْ ذ ڒبْهَايمْ وَاهَا إِ يِيخفْ نْومْ. أڭّْ ذڭْ وعْرُورْ ن ثنْذِينْثْ إِجْنْ ن ڒْفخْ.“   *
JOS 8:3 [خَاسْ ؤُشَا] إِكَّارْ يَاشُووَا أَكْ-ذ مَارَّا ڒْڭنْسْ ن ڒْعسْكَارْ حِيمَا أَذْ إِڭعّذْ غَارْ عَايْ. إِخْضَارْ يَاشُووَا ثڒْثْ-أَڒَافْ ن يرْيَازنْ، أَيْثْ ن بُو-ثغْرُوضْثْ إِمحْضنْ، ؤُشَا إِسّكّْ إِ-ثنْ سْ دْجِيڒثْ
JOS 8:4 ؤُشَا يُومُورْ إِ-ثنْ، إِنَّا: ”خْزَارمْ، أَذْ ثڭّمْ ڒْفخْ غَارْ وعْڒُوڒْ ن ثنْذِينْثْ. وَارْ ثِيڭّْوجمْ أَطَّاسْ خْ ثنْذِينْثْ ؤُ إِڒِيمْ ثْحزّْممْ.
JOS 8:5 نشّْ أَذْ د-قَارّْبغْ غَارْ ثنْذِينْثْ أَكْ-ذ مَارَّا ڒْڭنْسْ. أَذْ إِمْسَارْ مَاڒَا فّْغنْ إِ ؤُمْسَاڭَارْ أَكِيذْنغْ أَمْ [ثْوَاڒَاثْ] ثَامزْوَارُوثْ، [خنِّي] أَذْ زَّايْسنْ نَارْوڒْ زَّاثْ إِ وُوذمْ نْسنْ.
JOS 8:6 نِيثْنِي أَذْ أَنغْ د-ضْفَارنْ أَڒْ ثنْ د-نسِّيڭّْوجْ خْ ثنْذِينْثْ، مِينْزِي نِيثْنِي أَذْ إِنِينْ: ’نِيثْنِي أَروْڒنْ زَّاثْ إِ وُوذمْ نّغْ أَمْ [ثْوَاڒَاثْ] ثَامزْوَارُوثْ.‘ [خْمِي] زَّايْسنْ غَا نَارْوڒْ زَّاثْ إِ وُوذمْ نْسنْ،
JOS 8:7 إِتّْخصَّا كنِّيوْ أَذْ ثكَّارمْ زڭْ وشْبَارْ، أَذْ ثطّْفمْ ثَانْذِينْثْ، مِينْزِي سِيذِي، أَربِّي نْومْ، أَذْ ت إِوْشْ ذڭْ ؤُفُوسْ نْومْ.
JOS 8:8 ؤُشَا أَذْ إِمْسَارْ خْ مِينِّي إِ غَا ثِيڒِي ثطّْفمْ ثَانْذِينْثْ، أَذْ ثسَّارْغمْ ثَانْذِينْثْ س ثْمسِّي. إِتّْخصَّا أَذْ ثڭّمْ عْلَاحْسَابْ أَوَاڒْ ن سِيذِي. خْزَارمْ، نشّْ أَقَا ؤُمُورغْ كنِّيوْ.“
JOS 8:9 [خنِّي] إِسّكّْ إِ-ثنْ يَاشُووَا ؤُشَا نِيثْنِي ڭِّينْ ڒْفخْ ؤُشَا قِّيمنْ جَارْ بَايْثْ-إِلْ ذ عَايْ، غَارْ ڒْغَارْبْ خْ عَايْ. يَاشُووَا إِسّنْسْ دْجِيڒثْ نِّي ذِي ڒْوسْطْ ن ڒْڭنْسْ.
JOS 8:10 ثِيوشَّا زِيشْ إِكَّارْ يَاشُووَا. إِحْسبْ ڒْڭنْسْ [إِ ؤُمنْغِي] ؤُشَا إِڭعّذْ أَكْ-ذ إِمْغَارنْ ن إِسْرَائِيل زَّاثْ إِ وُوذمْ ن ڒْڭنْسْ غَارْ عَايْ.
JOS 8:11 مَارَّا ڒْڭنْسْ ن ڒْعسْكَارْ، إِنِّي كِيسْ إِدْجَانْ، إِفّغْ-د ؤُشَا نِيثْنِي قَارّْبنْ-د ؤُشَا إِوْضنْ أَڒْ قِيبَاتْشْ إِ ثنْذِينْثْ. نِيثْنِي وْثِينْ إِقِيضَانْ نْسنْ غَارْ شَّامَالْ نْ عَايْ. ثُوغَا [ذِينْ] إِشْثْ ن ثغْزُورْثْ جَارْ أَسْ-د ذ عَايْ.
JOS 8:12 إِكْسِي نتَّا عْڒَاحَاڒْ خمْسَا-أَڒَافْ ن يرْيَازنْ ؤُشَا إِڭَّا أَسنْ ڒْفخْ جَارْ بَايْثْ-إِلْ ذ عَايْ، غَارْ ڒْغَارْبْ ن ثنْذِينْثْ.
JOS 8:13 سّْبدّنْ ڒْڭنْسْ، زعْمَا مَارَّا ڒْعسْكَارْ غَارْ شَّامَالْ ن ثنْذِينْثْ، ؤُشَا أَغزْذِيسْ أَنڭَّارُو [ن ڒْعسْكَارْ] غَارْ ڒْغَارْبْ ن ثنْذِينْثْ. يَاشُووَا إِرُوحْ دْجِيڒثْ نِّي غَارْ ڒْوسْطْ ن ڒوْضَا ن ثغْزُورْثْ.
JOS 8:14 [ؤُمِي] إِژْرَا-يَا ؤُجدْجِيذْ ن عَايْ، قدْجْقنْ ؤُشَا كَّارنْ زِيشْ. فّْغنْ إِرْيَازنْ ن ثنْذِينْثْ إِ ؤُمْسَاڭَارْ أَكْ-ذ إِسْرَائِيل، إِ ؤُمنْغِي، نتَّا أَكْ-ذ مَارَّا ڒْڭنْسْ نّسْ، غَارْ وَازَّايْ [ن ؤُمنْغِي] زَّاثْ إِ وُوذمْ ن ڒوْضَا. مَاشَا نتَّا وَارْ إِسِّينْ بلِّي ثُوغَا ڭِّينْ أَسْ إِجّْ ن ڒْفخْ غَارْ وعْرُورْ ن ثنْذِينْثْ.
JOS 8:15 يَاشُووَا ذ مَارَّا إِسْرَائِيل ڭِّينْ أَخْمِي جِّينْ إِخفْ نْسنْ أَذْ تّْوَاوْثنْ قِيبَاتْشْ نْسنْ ؤُشَا أَروْڒنْ خْ وبْرِيذْ ن ڒخْڒَا.
JOS 8:16 مَارَّا ڒْڭنْسْ إِ ثُوغَا إِدْجَانْ ذِي ثنْذِينْثْ ڒَاغَانْ ثنْ حِيمَا أَذْ ثنْ ضْفَارنْ. ضْفَارنْ يَاشُووَا ؤُشَا ذوْڒنْ إِڭّْوجنْ خْ ثنْذِينْثْ.
JOS 8:17 ؤُڒَا ذ إِجّْ ن ورْيَازْ وَارْ إِقِّيمْ ذِي عَايْ نِيغْ ذِي بَايْثْ-إِلْ، ونِّي وَارْ د-إِفِّيغنْ شَا إِ وضْفَارْ أَوَارْنِي إِ إِسْرَائِيل، ؤُشَا نِيثْنِي جِّينْ ثَانْذِينْثْ ثَارْزمْ ؤُشَا قِّيمنْ ضفَّارنْ [أَيْثْ ن] إِسْرَائِيل.
JOS 8:18 [خنِّي] إِسِّيوڒْ سِيذِي أَكْ-ذ يَاشُووَا: ”سْوِيژّضْ أَحْرِيشْ نِّي ذڭْ ؤُفُوسْ نّشْ غَارْ عَايْ، مِينْزِي نشّْ أَذْ وْشغْ ثَانْذِينْثْ ذڭْ ؤُفُوسْ نّشْ.“ [خنِّي] إِسّْوِيژّضْ يَاشُووَا أَحْرِيشْ نِّي ذڭْ ؤُفُوسْ نّسْ غَارْ ثنْذِينْثْ.
JOS 8:19 [خنِّي] إِكَّارْ ؤُغزْذِيسْ أَنڭَّارُو [ن ڒْعسْكَارْ] ذغْيَا ؤُشَا ؤُمِي إِسَارّحْ [يَاشُوعَا] أَفُوسْ نّسْ، بْذَانْ أَذْ أَزّْڒنْ ؤُشَا إِوْضنْ غَارْ ثنْذِينْثْ ؤُشَا طّْفنْ ت. ڭِّينْ ث س ثَازْڒَا ؤُشَا سّكَّارنْ ثِيمسِّي ذِي ثنْذِينْثْ.
JOS 8:20 إِرْيَازنْ ن عَايْ نّْقڒْبنْ ؤُشَا ژْرِينْ دّخَّانْ يُوڒِي غَارْ ؤُجنَّا زِي ثنْذِينْثْ. نِيثْنِي وَارْ زمَّارنْ أَذْ أَروْڒنْ غَارْ ذَا ؤُڒَا غَارْ ذِينْ، [مِينْزِي] ڒْڭنْسْ إِ ثُوغَا يَاروْڒنْ غَارْ ڒخْڒَا، إِنّقْڒبْ-د [إِ ؤُمنْغِي] خْ ونِّي ثنْ إِضفَّارنْ.
JOS 8:21 [ؤُمِي] إِژَارْ يَاشُووَا ذ مَارَّا أَيْثْ ن إِسْرَائِيل بلِّي [إِنِّي ثُوغَا رَاجَانْ ذِي] ثْنُوفّْرَا، طّْفنْ ثَانْذِينْثْ ؤُشَا يُوڒِي دّخَّانْ زِي ثنْذِينْثْ،عقْبنْ-د نِيثْنِي ؤُشَا وْثِينْ إِرْيَازنْ ن عَايْ.
JOS 8:22 إِنِّي د-إِفّْغنْ زِي ثنْذِينْثْ، رُوحنْ إِ ؤُمْسَاڭَارْ أَكِيذْسنْ، أَڒَامِي [إِرْيَازنْ ن عَايْ] ذوْڒنْ ذِي ڒْوسْطْ ن إِسْرَائِيل إِيّنْ، إِنَا غَارْ ؤُغزْذِيسْ-أَ ذ إِنَا غَارْ ؤُغزْذِيسْ نّغْنِي، ؤُشَا نِيثْنِيغڒْبنْ خَاسنْ أَڒَامِي وَارْ زَّايْسنْ إِقِّيمْ ؤُڒَا ذ إِجّنْ أَذْ يَارْوڒْ نِيغْ أَذْ إِنْجمْ.
JOS 8:23 منْعنْ أَجدْجِيذْ ن عَايْ أَمْ إِدَّارْ [عَاذْ] ؤُ إِوْينْ ث غَارْ يَاشُووَا.
JOS 8:24 [ؤُمِي] أَيْثْ ن إِسْرَائِيل كمّْڒنْ أَذْ نْغنْ مَارَّا إِمزْذَاغْ ن عَايْ، [أَمْ] ذڭْ إِيَّارْ [أَمْ] ذِي ڒخْڒَا مَانِي ثُوغَا ثنْ د-ضْفَارنْ ؤُشَا تّْوَانْغنْ مَارَّا س ڒقْضعْ ن سِّيفْ، [خنِّي] إِعْقبْ إِسْرَائِيل غَارْ عَايْ ؤُشَا وْثِينْ ت س ڒقْضعْ ن سِّيفْ.
JOS 8:25 مَارَّا إِنِّي إِتّْوَانْغنْ ذڭْ وَاسّْ نِّي، إِرْيَازنْ ذ ثمْغَارِينْ، ثُوغَا أَثنْ ذِي ثنْعَاشْ-أَڒَافْ، ذَايسْ مَارَّا إِرْيَازنْ ن عَايْ.
JOS 8:26 يَاشُووَا وَارْ إِسّهْوِي أَفُوسْ نّسْ إِ إِسّْوِيژّْضنْ س ؤُحْرِيشْ أَڒَامِي ثُوغَا إِحَارّمْ مَارَّا إِمزْذَاغْ ن عَايْ [إِ ؤُثحِّي].
JOS 8:27 كْسِينْ إِسْرَائِيل إِيّنْ مْغِيرْ ڒبْهَايمْ ذ ثْكشَّاضْثْ ن ثنْذِينْثْ نِّي إِ يِيخفْ نْسنْ عْلَاحْسَابْ أَوَاڒْ ن سِيذِي، [أَوَاڒْ] نِّي يُومُورْ نتَّا إِ يَاشُووَا.
JOS 8:28 إِسّشْمضْ يَاشُووَا [ثَانْذِينْثْ ن] عَايْ ؤُشَا يَارَّا إِ-ت ذ إِشْثْ ن ڒْخِيرْبثْ إِ ڒبْذَا، ذ إِشْثْ ن ثمُّورْثْ ذ ڒخْڒَا أَڒْ أَسّْ-أَ.
JOS 8:29 نتَّا يُويڒْ أَجدْجِيذْ ن عَايْ غَارْ إِشْثْ ن ثحْنَاشْثْ أَڒْ ثَامذِّيثْ ؤُ ؤُمِي ثغْڒِي ثْفُوشْثْ، يُومُورْ يَاشُووَا أَذْ كّْسنْ ڒْخشْبثْ نّسْ زِي ثحْنَاشْثْ. نْضَارنْ ت غَارْ وَاذَافْ ن ثوَّارْثْ ن ثنْذِينْثْ ؤُ سّْبدّنْ خَاسْ إِجّْ ن ؤُعُورِّيشْ ذ أَمقّْرَانْ ن يژْرَا، [إِ ذِينْ إِدْجَانْ] عَاذْ أَڒْ أَسّْ-أَ.
JOS 8:30 [خنِّي] إِبْنَا يَاشُووَا إِجّْ ن ؤُعَالْطَارْ إِ سِيذِي، أَربِّي ن إِسْرَائِيل، خْ وذْرَارْ ن عِيبَالْ،
JOS 8:31 أَمْ مَامّشْ [ث] يُومُورْ مُوسَا، أَمْسخَّارْ ن سِيذِي، إِ أَيْثْ ن إِسْرَائِيل، عْلَاحْسَابْ مِينْ يُورَانْ ذڭْ وذْلِيسْ إِتّْوَانّْضنْ ن شَّارِيعَا ن مُوسَا: إِجّْ ن ؤُعَالْطَارْ ن وژْرُو قَاعْ، وَارْ خَاسْ ميّْڒنْ س [ؤُڒَا ذ إِجّْ ن دُّوزَانْ ن] وُوزَّاڒْ زِي سَّا غَارْ ذَا. نِيثْنِي بخَّارنْ خَاسْ ثِيغَارْصَا ن ثْمسِّي إِ سِيذِي. غَارْصنْ [عَاوذْ] ثِيغَارْصَا ن ڒهْنَا.
JOS 8:32 خْ يژْرَا إِڭَّا نتَّا إِشْثْ ن ثِيڒمْثْ ن ثِيرَا ن شَّارِيعَا ن مُوسَا، ثنِّي يُورَا زَّاثْ إِ وُوذمْ ن أَيْثْ ن إِسْرَائِيل.
JOS 8:33 مَارَّا أَيْثْ ن إِسْرَائِيل ذ إِمْغَارنْ ذ إِمحْضَاينْ ذ ڒْقُوضَاثْ بدّنْ غَارْ ؤُغزْذِيسْ-أَ ؤُ غَارْ ؤُغزْذِيسْ نّغْنِي ن تَّابُوثْ قِيبَاتْشْ إِ إِكهَّاننْ زِي [أَيْثْ ن] لَاوِي إِنِّي يَارْبُونْ تَّابُوثْ ن ڒْعَاهْذْ ن سِيذِي، أَمْ ؤُبَارَّانِي أَمْ أَيْثْبَابْ ن ثمُّورْثْ. أَزْينْ زَّايْسنْ ثُوغَا زَّاثْ ن وذْرَارْ ن جِيرِيزِيمْ ؤُ أَزْينْ نّغْنِي غَارْ زَّاثْ ن وذْرَارْ ن عِيبَالْ، أَمْ مَامّشْ ثُوغَا يُومُورْ مُوسَا، أَمْسخَّارْ ن سِيذِي زِيشْ، مَاحنْذْ أَذْ بَارْكنْ [أَمُّو] أَيْثْ ن إِسْرَائِيل.
JOS 8:34 أَوَارْنِي ؤُيَا إِغْرَا مَارَّا أَوَاڒنْ ن شَّارِيعَا، لْبَارَاكَا ذ نّعْڒثْ، عْلَاحْسَابْ مَارَّا مِينْ يُورَانْ ذڭْ وذْلِيسْ ن شَّارِيعَا.
JOS 8:35 زِي مَارَّا مِينْ ثُوغَا يُومُورْ مُوسَا، وَارْ إِدْجِي ؤُڒَا ذ إِجّْ ن وَاوَاڒْ، وَارْ ث إِغْرِي يَاشُووَا إِ مَارَّا أَڭْرَاوْ [ن ڒْڭنْسْ] ن إِسْرَائِيل، ؤُڒَا ذ ثِيمْغَارِينْ ذ إِحنْجِيرنْ إِمژْيَاننْ ذ ؤُبَارَّانِي ونِّي أَكِيذْسنْ إِرُوحنْ، [ثُوغَا أَثنْ ذِينْ].
JOS 9:1 ؤُمِي مَارَّا إِجدْجِيذنْ، إِنِّي يدْجَانْ خْ ؤُجمَّاضْ ن لْ-ؤُرْذُونْ صْرِينْ خْ مَانْ أَيَا - [إِجدْجِيذنْ] خْ ثمُّورْثْ ن إِذُورَارْ، ذِي ثمُّورْثْ إِوَاطَانْ ؤُ غَارْ مَارَّا ثْمَا ن ڒبْحَارْ أَمقّْرَانْ أَڒْ قِيبَاتْشْ إِ [إِذُورَارْ ن] لُوبْنَانْ: إِحِيتِّييّنْ ذ إِمُورِييّنْ ذ أَيْثْ ن كنْعَانْ ذ إِفَارِيزِييّنْ ذ إِحِيوِييّنْ ذ إِيابُوسِييّنْ -
JOS 9:2 مُوننْ نِيثْنِي حِيمَا أَذْ مّنْغنْ أَكْ-ذ يَاشُووَا ؤُ أَكْ-ذ إِسْرَائِيل خْ إِجّْ ن أَرَّايْ.
JOS 9:3 [ؤُمِي] إِمزْذَاغْ ن جِيبْعُونْ سْڒِينْ مِينْ ثُوغَا إِڭَّا يَاشُووَا أَكْ-ذ أَرِيحَا ذ عَايْ،
JOS 9:4 ڭِّينْ ث س ثحْرَايْمشْثْ. نِيثْنِي ؤُيُورنْ ذڭْ وبْرِيذْ ؤُشَا ڭِّينْ إِخفْ نْسنْ ذ إِمْسكَّانْ. إِوْينْ ثِيخُونْشَايْ ثِيبُوڒَايْ خْ إِغْيَاڒْ نْسنْ، ثِيخُونْشَايْ ن يِيڒمْ ثِيبُوڒَايْ تّْوَاشَارّْڭنْثْ ؤُ ثْوَاخيّْضنْثْ [عَاوذْ] إِ بِينُو.
JOS 9:5 [قّْننْ عَاوذْ] ثِيسِيڒَا ذ ڒْبَارِي، إِتّْوَاضَارّْفنْ خْ إِضَارنْ نْسنْ ؤُ يَارْضنْ أَرُّوضْ أَبُوڒَايْ، ؤُ مَارَّا أَغْرُومْ ن ڒعْوتْشْ نْسنْ ثُوغَا يُوژغْ إِتّْفْرُورُويْ.
JOS 9:6 ؤُيُورنْ [أَمُّو] غَارْ يَاشُووَا ذِي ڒْمَارْڭحْ ن ڒْعسْكَارْ ن جِيلْجَالْ، نَّانْ أَسْ إِ نتَّا ؤُ إِ أَيْثْ ن إِسْرَائِيل: ”نشِّينْ نُوسَا-د زڭْ إِشْثْ ن ثمُّورْثْ ثِيڭّْوجْ. ڒخُّو خنِّي، ڭّمْ إِجّْ ن ڒْعَاهْذْ أَكِيذْنغْ.“
JOS 9:7 أَرِّينْ-د إِرْيَازنْ ن إِسْرَائِيل خْ إِحِيوِييّنْ: ”أَذْ ثَاغْ كنِّيوْ ثْزدّْغمْ جَارْ أَنغْ. مَامّشْ نْزمَّارْ أَذْ كِيذْومْ نڭّْ إِجّْ ن ڒْعَاهْذْ؟“
JOS 9:8 نِيثْنِي مَاشَا نَّانْ إِ يَاشُووَا: ”نشِّينْ ذ إِمْسخَّارنْ نّشْ.“ [خنِّي] إِنَّا أَسنْ يَاشُووَا: ”مِينْ ثعْنَامْ كنِّيوْ ذ مَانِيسْ إِ د-ثُوسِيمْ؟“
JOS 9:9 نِيثْنِي أَرِّينْ-د خَاسْ: ”إِمْسخَّارنْ نّشْ ؤُسِينْ-د زڭْ إِشْثْ ن ثمُّورْثْ ثِيڭّْوجْ أَطَّاسْ ذِي طّْوعْ ن يِيسمْ ن سِيذِي، أَربِّي نْومْ. مِينْزِي نشِّينْ نسْڒَا خَاسْ ڒخْبَارْ ؤُ خْ مَارَّا مِينْ إِڭَّا ذِي مِيصْرَا،
JOS 9:10 ذ مَارَّا مِينْ إِڭَّا نتَّا أَكْ-ذ إِجدْجِيذنْ ن أَيْثْ ن إِمُورِييّنْ إِنِّي يدْجَانْ أَغِيرِينْ إِ لْ-ؤُرْذُونْ، سِيحُونْ، أَجدْجِيذْ ن حَاشْبُونْ، ذ عُوجْ، أَجدْجِيذْ ن بَاشَانْ نِّي ثُوغَا إِزدّغْ ذِي عَاشْثَارُوثْ.
JOS 9:11 ؤُشَا سِّيوْڒنْ أَكِيذْنغْ إِمْغَارنْ نّغْ ذ مَارَّا إِمزْذَاغْ ن ثمُّورْثْ، نَّانْ: ’طّْفمْ ڒعْوتْشْ ذڭْ ؤُفُوسْ نْومْ إِ وبْرِيذْ، ؤُيُورمْ إِ ؤُمْسَاڭَارْ أَكِيذْسنْ ؤُشَا أَذْ أَسنْ ثِينِيمْ: نشِّينْ ذ إِمْسخَّارنْ نْومْ.‘ خنِّي ڒخُّو، ڭّمْ أَكِيذْنغْ إِجّْ ن ڒْعَاهْذْ.
JOS 9:12 أَغْرُومْ-أَ نّغْ ذَا ثُوغَا عَاذْ إِحْمَا ؤُمِي ث-إِ-د أَكِيذْنغْ نكْسِي زِي ثُوذْرِينْ نّغْ ذ ڒعْوتْشْ ذڭْ وَاسّْ أَڒَامِي غَارْومْ د-نطّفْ أَبْرِيذْ. ڒخُّو أَقَا-ث يُوژغْ إِذْوڒْ إِتّْفْرُورُويْ.
JOS 9:13 ؤُڒَا ذ ثِيخُونْشَايْ ن يِيڒمْ ن بِينُو نِّي نشُّورْ، ثُوغَا أَثنْثْ ن جْذِيذْ، مَاشَا خْزَارمْ، ڒخُّو فدْجْقنْثْ. أَقَا [ذ] أَرُّوضْ نّغْ ذ سَانْذَالِييَاثْ نّغْ حْفَانْثْ س وبْرِيذْ إِ إِڭّْوجنْ س وَاطَّاسْ.“
JOS 9:14 [خنِّي] كْسِينْ إِرْيَازنْ ن إِسْرَائِيل زِي ڒعْوتْشْ. وَارْ كْسِينْ شّْوَارْ زڭْ ؤُقمُّومْ ن سِيذِي.
JOS 9:15 إِڭَّا يَاشُووَا أَكِيذْسنْ ڒهْنَا ؤُ إِڭَّا أَكِيذْسنْ [عَاوذْ] إِجّْ ن ڒْعَاهْذْ، أَذْ ثنْ يجّْ أَذْ دَّارنْ ؤُشَا ؤُڒَا ذ ڒْحُوكَّامْ ن ثْمسْمُونْثْ جُّودْجنْ أَسنْ.
JOS 9:16 أَوَارْنِي ثْڒَاثَا ن وُوسَّانْ أَوَارْنِي إِ ؤُمِي ثُوغَا إِ ذ أَسنْ وْشِينْ ڒْعَاهْذْ، سْڒَانْ نِيثْنِي بلِّي أَقَا ذ جِّيرَانْ نْسنْ، ؤُ أَقَا زدّْغنْ ذِي ڒْوسْطْ نْسنْ.
JOS 9:17 [مِينْزِي] أَيْثْ ن إِسْرَائِيل كّْسنْ [إِقِيضَانْ نْسنْ] ؤُشَا إِوْضنْ غَارْ ثْندَّامْ نْسنْ ذڭْ وَاسّْ وِيسّْ ثْڒَاثَا. ثُوغَا ثِيندَّامْ نْسنْ جِيبْعُونْ ذ كَافِيرَا ذ بِيعْرُوثْ ذ قَارْيَاثْ-يَاعَارِيمْ.
JOS 9:18 أَيْثْ ن إِسْرَائِيل وَارْ ثنْ نْغِينْ شَا، مِينْزِي ڒْحُوكَّامْ ن ثْمسْمُونْثْ ثُوغَا جُّودْجنْ أَسنْ [أَيَا] غَارْ سِيذِي، أَربِّي ن إِسْرَائِيل. س ؤُينِّي إِ ثقِّيمْ مَارَّا ثْمسْمُونْثْ ثْمُوغْمُوغْ خْ ڒْحُوكَّامْ.
JOS 9:19 [خنِّي] نَّانْ مَارَّا ڒْحُوكَّامْ ن ثْمسْمُونْثْ: ”نشِّينْ نجُّودْجْ أَسنْ [أَيَا] غَارْ سِيذِي، أَربِّي ن إِسْرَائِيل. س ؤُينِّي ڒخُّو وَارْ نْزمَّارْ أَذْ ثنْ نْحَاذَا.
JOS 9:20 إِتّْخصَّا أَذْ نْكمّڒْ [ثَاجَادْجِيثْ-أَ] ؤُ أَذْ ثنْ نجّْ أَذْ دَّارنْ، مَاحنْذْ وَارْ خَانغْ د-إِوطِّي ؤُذُوقّزْ ن وغْضَابْ ذِي سِّيبّثْ ن ثْجَادْجِيثْ نِّي ذ أَسنْ نڭَّا.
JOS 9:21 ڒْحُوكَّامْ نَّانْ أَسنْ: ”نِيثْنِي أَذْ قِّيمنْ دَّارنْ ؤُشَا أَذْ ذوْڒنْ ذ إِنزْذَامنْ ذ إِنُويَامْ إِ مَارَّا ثَامسْمُونْثْ، أَمْ مَامّشْ ذ أَسنْ ث نَّانْ ڒْحُوكَّامْ.“
JOS 9:22 إِڒَاغَا إِ-ثنْ يَاشُووَا، إِنَّا: ”مَايمِّي خَانغْ ثْشمْثمْ، ثنَّامْ: ’نشِّينْ نْزدّغْ غَارْ ڒَاڭّْوَاجْ س وَاطَّاسْ خَاومْ!‘، وَاخَّا كنِّيوْ ثْزدّْغمْ ذِي ڒْوسْثْ ن ثمُّورْثْ نّغْ؟
JOS 9:23 ڒخُّو خنِّي، كنِّيوْ ثتّْوَانعْڒمْ. وَارْ زَّايْومْ إِتّْوَاكّسْ أَذْ ثِيڒِيمْ ذ إِمْسخَّارنْ، إِنزْذَامنْ ذ إِنُويَامْ إِ ثَادَّارْثْ ن أَربِّي إِنُو.“
JOS 9:24 نِيثْنِي أَرِّينْ-د خْ يَاشُووَا، نَّانْ: ”إِ إِمْسخَّارنْ نّشْ إِتّْوَانَّا نِيشَانْ بلِّي سِيذِي، أَربِّي نْومْ، يُومُورْ أَمْسخَّارْ نّسْ مُوسَا، أَقَا نتَّا أَذْ أَومْ إِوْشَا مَارَّا ثَامُّورْثْ ؤُشَا أَذْ إِهلّكْ مَارَّا إِمزْذَاغْ ن ثمُّورْثْ زَّاثْ إِ ثِيطَّاوِينْ نْومْ. [س ؤُيَا] ثُوغَا نڭّْوذْ أَطَّاسْ خْ ثُوذَارْثْ نّغْ زَّاثْ إِ وُوذمْ نْومْ. س ؤُينِّي إِ نڭَّا نشِّينْ أَيَا.
JOS 9:25 ڒخُّو [خنِّي]، خْزَارْ، أَقَا أَنغْ ذڭْ ؤُفُوسْ نّشْ. أڭّْ أَكِيذْنغْ مِينْ ثتّْوَاڒِيذْ مْلِيحْ ذ مِينْ إِدْجَانْ نِيشَانْ ذِي ثِيطَّاوِينْ نّشْ حِيمَا أَذْ زَّايْنغْ ثڭّذْ.“
JOS 9:26 أَمُّو إِ زَّايْسنْ إِڭَّا ؤُشَا نتَّا إِفكّْ إِ-ثنْ زڭْ ؤُفُوسْ ن أَيْثْ ن إِسْرَائِيل، أَڒَامِي نِيثْنِي وَارْ ثنْ نْغِينْ شَا.
JOS 9:27 ذڭْ وَاسّْ نِّي سِيمَانْثْ نّسْ إِڭَّا إِ-ثنْ يَاشُووَا ذ إِنزْذَامنْ ذ إِنُويَامْ إِ ثْمسْمُونْثْ ؤُ إِ ؤُعَالْطَارْ ن سِيذِي، أَڒْ أَسّْ-أَ، ذڭْ ومْشَانْ نِّي غَا يِيخْضَارْ نتَّا.
JOS 10:1 إِمْسَارْ، ؤُمِي أَذُونِي-صَاذَاقْ، أَجدْجِيذْ ن ؤُرْشَالِيمْ إِسْڒَا، أَقَا يَاشُووَا ثُوغَا إِطّفْ عَايْ، إِحَارّمْ إِ-ت قَاعْ ؤُشَا أَقَا إِڭَّا أَكْ-ذ عَايْ ذ أَجدْجِيذْ نّسْ أَمْ ثُوغَا إِڭَّا أَكْ-ذ أَرِيحَا ؤُ أَكْ-ذ ؤُجدْجِيذْ نّسْ ؤُ أَقَا إِمزْذَاغْ ن جِيبْعُونْ ڭِّينْ ڒهْنَا أَكْ-ذ أَيْثْ ن إِسْرَائِيل ؤُ زدّْغنْ ذِي ڒْوسْطْ نْسنْ،
JOS 10:2 [أَقَا] نِيثْنِي ڭّْوذنْ أَطَّاسْ، مِينْزِي جِيبْعُونْ ثُوغَا ذ إِشْثْ ن ثنْذِينْثْ ثمْغَارْ، ؤُمِي ت ثُوغَا أَمْ يِيشْثنْ زِي [جَارْ] ثْندَّامْ ن ثْڭلْذِيثْ. ثُوغَا-ت ثمْغَارْ خْ عَايْ ؤُ مَارَّا إِرْيَازنْ نّسْ ثُوغَا أَثنْ ذ أَيْثْ ن بُو-ثغْرُوضْثْ.
JOS 10:3 إِسّكّْ أَذُونِي-زذكْ، أَجدْجِيذْ ن ؤُرْشَالِيمْ، [إِمْسكَّانْ] غَارْ هُوهَامْ، أَجدْجِيذْ ن حَابْرُونْ، غَارْ فِيرْ‘أَمْ، أَجدْجِيذْ ن يَارْمُوثْ، غَارْ يَافِيعْ، أَجدْجِيذْ ن لَاخِيشْ ؤُ غَارْ ذَابِيرْ، أَجدْجِيذْ ن عَاجْلُونْ، إِنَّا:
JOS 10:4 ”ڭعّْذمْ-د غَارِي ؤُ ثوْشمْ أَيِي أَفُوسْ. أجّْ أَنغْ أَذْ نوّثْ جِيبْعُونْ، مِينْزِي ثڭَّا ڒهْنَا أَكْ-ذ يَاشُووَا ؤُ أَكْ-ذ أَيْثْ ن إِسْرَائِيل.“
JOS 10:5 نِيثْنِي مُوننْ ؤُشَا ڭعّْذنْ خمْسَا ن إِجدْجِيذنْ ن إِمُورِييّنْ: أَجدْجِيذْ ن ؤُرْشَالِيمْ، أَجدْجِيذْ ن حَابْرُونْ، أَجدْجِيذْ ن يَارْمُوثْ، أَجدْجِيذْ ن عَاجْلُونْ، نِيثْنِي ذ مَارَّا ڒْعسْكَارْ نْسنْ ؤُشَا نّْضنْ إِ جِيبْعُونْ ؤُشَا كَّارنْ مّنْغنْ أَكِيذسْ.
JOS 10:6 سّكّنْ إِرْيَازنْ ن جِيبْعُونْ [إِرقَّاسنْ] إِ يَاشُووَا، غَارْ ڒْمَارْڭحْ ن ڒْعسْكَارْ ذِي جِيلْجَالْ، نَّانْ: ”وَارْ سمّحْ إِفَاسّنْ نّشْ ذڭْ إِمْسخَّارنْ نّشْ، أَسْ-د ذغْيَا غَارْنغْ. سنْجمْ أَنغْ ذ ثوْشذْ أَنغْ أَفُوسْ، مِينْزِي مَارَّا إِجدْجِيذنْ ن أَيْثْ ن إِمُورِييّنْ، إِنِّي إِ إِزدّْغنْ ذڭْ إِذُورَارْ، أَقَا مُوننْ خَانغْ.“
JOS 10:7 [خنِّي] إِڭعّذْ-د يَاشُووَا زِي جِيلْجَالْ، نتَّا ذ مَارَّا ڒْڭنْسْ ن ڒْعسْكَارْ أَكِيذسْ ذ مَارَّا أَيْثْ ن بُو-ثغْرُوضْثْ إِمحْضنْ.
JOS 10:8 [مِينْزِي] سِيذِي إِنَّا إِ يَاشُووَا ”وَارْ تّڭّْوذْ شَا زَّايْسنْ، مِينْزِي وْشِيغْ ثنْ ذڭْ ؤُفُوسْ نّشْ. ؤُڒَا ذ إِجّْ زَّايْسنْ وَارْ إِزمَّارْ أَذْ إِبدّْ زَّاثْ إِ وُوذمْ نّشْ.“
JOS 10:9 يَاشُووَا إِهْوَا-د خَاسنْ س ڒْغفْڒثْ. إِڭعَّاذنْ-د زِي جِيلْجَالْ دْجِيڒثْ أَمْ ثكْمڒْ.
JOS 10:10 سِيذِي إِسّْنخْڒعْ إِ-ثنْ زَّاثْ إِ وُوذمْ ن إِسْرَائِيل ؤُشَا إِڭَّا أَسنْ إِجّْ ن وغْضَارْ ذ أَمقّْرَانْ غَارْ جِيبْعُونْ ؤُشَا نتَّا إِضْفَارْ إِ-ثنْ خْ وبْرِيذْ إِتّْڭعَّاذنْ غَارْ بَايْثْ-حُورُونْ ؤُشَا إِوّثْ إِ-ثنْ أَڒْ طَّارْفْ ن عَازِيقَّا ذ مَاقِيذَا.
JOS 10:11 إِمْسَارْ ؤُمِي نِيثْنِي أَروْڒنْ زَّاثْ إِ وُوذمْ ن إِسْرَائِيل ذڭْ ؤُهكّْوُو غَارْ بَايْثْ-حُورُونْ، أَقَا سِيذِي إِنْضَارْ خَاسنْ إِژْرَا ذ إِمقّْرَاننْ زڭْ ؤُجنَّا أَڒْ عَازِيقَّا ؤُشَا مُّوثنْ. إِنِّي إِمُّوثنْ س إِبْقُوقنْ ن ثبْرُورِي ثُوغَا أَثنْ كْثَارْ زڭْ إِنِّي إِتّْوَانْغنْ س سِّيفْ س إِفَاسّنْ ن أَيْثْ ن إِسْرَائِيل.
JOS 10:12 خنِّي إِسِّيوڒْ يَاشُووَا أَكْ-ذ سِيذِي، ذڭْ وَاسّْ ؤُمِي إِسلّمْ سِيذِي إِمُورِييّنْ إِ أَيْثْ ن إِسْرَائِيل، إِنَّا زَّاثْ إِ ثِيطَّاوِينْ ن إِسْرَائِيل إِيّنْ: ”[أَ] ثَافُوشْثْ، بدّْ غَارْ جِيبْعُونْ، إِ [شكْ أَ،] أَيُورْ، غَارْ ثغْزُورْثْ ن أَيَالُونْ“
JOS 10:13 ؤُشَا ثَافُوشْثْ ثْبدّْ ذ ؤُيُورْ إِقِّيمْ إِبدّْ أَڒَامِي يُوغَا ڒْڭنْسْ ثَاسْغَارْثْ خْ ڒْعذْيَانْ نّسْ. مَا وَارْ يُورَا مَانْ أَيَا ذڭْ وذْلِيسْ إِتّْوَانّْضنْ ن ؤُمْسڭّذْ؟ ثَافُوشْثْ ثْبدّْ ذِي ڒْوسْطْ ن ؤُجنَّا ؤُ وَارْ ثْقدْجقْ أَذْ ثْغدْجِي، عْڒَاينْ إِجّْ ن وَاسّْ إِكْمڒْ.
JOS 10:14 وَارْ ذِينْ إِدْجِي ؤُڒَا ذ إِجّْ ن وَاسّْ أَمْ وَانِيثَا، [وَارْ إِمْسَارْ] زِيشْ ؤُڒَا أَوَارْنِي أَسْ، إِجّْ ن وَاسّْ إِ ذِي ثُوغَا إِسْڒَا سِيذِي غَارْ ثْمِيجَّا ن إِجّْ ن ورْيَازْ أَمُّو، مِينْزِي سِيذِي ثُوغَا إِمّْنغْ ذِي طّْوعْ ن إِسْرَائِيل.
JOS 10:15 [خنِّي] إِعْقبْ-د يَاشُووَا ذ مَارَّا إِسْرَائِيل أَكِيذسْ، غَارْ ڒْمَارْڭحْ ن ڒْعسْكَارْ ذِي جِيلْجَالْ.
JOS 10:16 خمْسَا ن إِجدْجِيذنْ نِّي أَروْڒنْ ؤُشَا نُّوفَارنْ ذڭْ إِفْرِي غَارْ مَاقِّيذَا.
JOS 10:17 إِتّْوَانَّا مَانْ أَيَا إِ يَاشُووَا، نَّانْ: ”أَقَا تّْوَافنْ خمْسَا ن إِجدْجِيذنْ. نِيثْنِي نُّوفَّارنْ ذڭْ إِفْرِي غَارْ مَاقِّيذَا.
JOS 10:18 [خنِّي] إِنَّا يَاشُووَا: ”سقْنُونِّييمْ ثِيصُوضَارْ ذ ثِيمقّْرَانِينْ خْ ؤُقمُّومْ ن إِفْرِي ؤُشَا سّْبدّمْ إِرْيَازنْ خَاسنْ، حِيمَا أَذْ خَاسنْعسّنْ.
JOS 10:19 كنِّيوْ [س يِيخفْ نْومْ]، وَارْ ثتّْغِيمَامْ ثْبدّمْ. ضْفَارمْ ڒْعذْيَانْ نْومْ، وْثمْ أَغزْذِيسْ أَنڭَّارُو نْسنْ. وَارْ ثنْ تّجِّيمْ أَذْ أَذْفنْ غَارْ ثْندَّامْ نْسنْ، مِينْزِي سِيذِي، أَربِّي نْومْ، إِڭَّا أَومْ ثنْ ذڭْ ؤُفُوسْ نْومْ.“
JOS 10:20 ؤُمِي إِكمّڒْ إِ-ثنْ يَاشُووَا ذ أَيْثْ ن إِسْرَائِيل س إِشْثْ ن ثشْثِي ثَامقّْرَانْثْ أَڒَامِي تّْوَاقْضَانْ نِيثْنِي، ؤُشَا إِوْضنْ [مْغِيرْ] إِنِّي يَاروْڒنْ غَارْ ثْندَّامْ إِفَارْينْ،
JOS 10:21 أَقَا يَارڭّْوحْ مَارَّا ڒْڭنْسْ ذِي ڒهْنَا غَارْ يَاشُووَا ذِي ڒْمَارْڭحْ ن ڒْعسْكَارْ غَارْ مَاقِّيذَا. ؤُڒَا ذ إِجّْ [وَارْ إِزْعِيمْ] أَذْ إِسّنْهزْ إِڒسْ نّسْ خْ أَيْثْ ن إِسْرَائِيل.
JOS 10:22 [خنِّي] إِنَّا يَاشُووَا: ”أَرْزْممْ أَقمُّومْ ن إِفْرِي ؤُشَا أَوْيمْ-د خمْسَا ن إِجدْجِيذنْ نِّي زڭْ إِفْرِي غَارِي ذَا!“
JOS 10:23 نِيثْنِي ڭِّينْ [ث] أَمُّو، سُّوفّْغنْ-د خمْسَا ن إِجدْجِيذنْ زڭْ إِفْرِي غَارسْ: أَجدْجِيذْ ن ؤُرْشَالِيمْ، أَجدْجِيذْ ن حَابْرُونْ، أَجدْجِيذْ ن يَارْمُوثْ، أَجدْجِيذْ ن لَاخِيشْ ذ ؤُجدْجِيذْ ن عَاجْلُونْ.
JOS 10:24 ؤُمِي د-سُّوفّْغنْ نِيثْنِي إِجدْجِيذنْ نِّي غَارْ يَاشُووَا، إِڒَاغَا يَاشُووَا مَارَّا إِرْيَازنْ ن إِسْرَائِيل ؤُشَا إِنَّا إِ إِكُومَانْذَارنْ خْ إِعسْكَارِييّنْ نِّي ثُوغَا أَكِيذسْ إِرُوحنْ: ”قَارّْبمْ-د ؤُشَا سَارْسمْ إِضَارنْ نْومْ خْ ثْمجَّارِينْ ن إِجدْجِيذنْ-أَ.“ قَارّْبنْ-د نِيثْنِي ؤُشَا سَّارْسنْ إِضَارنْ خْ ثِيمجَّارِينْ نْسنْ.
JOS 10:25 [خنِّي] إِنَّا أَسنْ يَاشُووَا: ”وَارْ تّڭّْوْذمْ شَا، وَارْ تّجِّيمْ أَذْ إِعْقزْ وُوڒْ نْومْ، إِڒِيمْ ذ إِرْيَازنْ ؤُ إِڒِيمْ ثْمحْضمْ، مِينْزِي أَمُّو إِ غَا إِڭّْ سِيذِي أَكْ-ذ مَارَّا ڒْعذْيَانْ نْومْ، إِنِّي أَكْ-ذ ثتّْمنْغَامْ.“
JOS 10:26 خنِّي إِوّثْ إِ-ثنْ يَاشُووَا ؤُشَا إِنْغَا إِ-ثنْ. يَايڒْ إِ-ثنْ غَارْ خمْسَا ن ثْحنْيَا ؤُشَا قِّيمنْ أَيْڒنْ غَارْ ثْحنْيَا أَڒَامِي ذ ثَامذِّيثْ.
JOS 10:27 إِمْسَارْ غَارْ ڒْوقْثْ ن ؤُغدْجَايْ ن ثْفُوشْثْ، إِسّكّْ يَاشُووَا مَاحنْذْ أَذْ ثنْ-إِ-د-كّْسنْ زِي ثْحنْيَا، أَذْ ثنْ نْضَارنْ ذڭْ إِفْرِي إِ ذِي ثُوغَا نُّوفَّارنْ. خنِّي ڭِّينْ ثِيصُوضَارْ ذ ثِيمقّْرَانِينْ خْ ؤُقمُّومْ ن إِفْرِي، [إِنِّي ذِينْ إِدْجَانْ] أَڒْ أَسّْ-أَ.
JOS 10:28 ذڭْ وَاسّْ نِّي إِطّفْ يَاشُووَا مَاقِّيذَا ؤُشَا إِوّثْ إِ-ت س ڒقْضعْ ن سِّيفْ. ؤُشَا أَجدْجِيذْ نّسْ، إِحَارّمْ إِ-ث ؤُڒَا ذ [مَارَّا] نِيثْنِي ذ كُوڒْ ڒعْمَارْ نِّي [إِدْجَانْ] ذڭْ ومْشَانْ نِّي. وَارْ إِجِّي أَذْ إِقِّيمْ ؤُڒَا ذ إِجّْ ن ؤُمَارْوڒْ ؤُشَا إِڭَّا أَكْ-ذ ؤُجدْجِيذْ ن مَاقِّيذَا أَمْ مَامّشْ ثُوغَا إِڭَّا أَكْ-ذ ؤُجدْجِيذْ ن أَرِيحَا.
JOS 10:29 [خنِّي] إِژْوَا يَاشُووَا أَكْ-ذ مَارَّا أَيْثْ ن إِسْرَائِيل زِي مَاقِّيذَا غَارْ لِيبْنَا ؤُشَا إِمّْنغْ أَكْ-ذ لِيبْنَا.
JOS 10:30 ؤُشَا سِيذِي إِوْشَا إِ-ت ذڭْ ؤُفُوسْ ن إِسْرَائِيل، أَكْ-ذ ؤُجدْجِيذْ نّسْ. إِوّثْ إِ-ت س ڒقْضعْ ن سِّيفْ أَكْ-ذ مَارَّا ڒعْمَارْ إِ ذَايسْ [إِدْجَانْ]، وَارْ إِجِّي أَذْ إِقِّيمْ ؤُڒَا ذ إِجّْ ن ؤُمَارْوڒْ، ؤُشَا إِڭَّا أَكْ-ذ ؤُجدْجِيذْ نّسْ أَمْ مَامّشْ ثُوغَا إِڭَّا أَكْ-ذ ؤُجدْجِيذْ ن أَرِيحَا.
JOS 10:31 [خنِّي] إِژْوَا يَاشُووَا زِي لِيبْنَا غَارْ لَاخِيشْ ذ مَارَّا إِسْرَائِيل أَكِيذسْ ؤُشَا إِنّضْ أَسْ-د إِ ثنْذِينْثْ ؤُشَا إِمّْنغْ أَكِيذسْ.
JOS 10:32 سِيذِي إِوْشَا لَاخِيشْ ذڭْ ؤُفُوسْ ن إِسْرَائِيل. ؤُشَا إِسْرَائِيل إِطّفْ إِ-ت ذڭْ وَاسّْ وِيسّْ ثْنَاينْ ؤُشَا إِوّثْ إِ-ت س ڒقْضعْ ن سِّيفْ أَكْ-ذ مَارَّا ڒعْمَارْ إِ ذَايسْ [إِدْجَانْ]، أَمُّو نِيشَانْ أَمْ مَامّشْ ثُوغَا إِ-ت إِڭَّا أَكْ-ذ لِيبْنَا.
JOS 10:33 خنِّي إِڭعّذْ هُورَامْ، أَجدْجِيذْ ن جَازَارْ، مَاحنْذْ أَذْ إِعَاونْ لَاخِيشْ، [مَاشَا] يَاشُووَا إِوّثْ إِ-ث ؤُڒَا ذ ڒْڭنْسْ نّسْ أَڒَامِي وَارْ إِجِّي أَذْ غَارسْ إِقِّيمْ ؤُڒَا ذ إِجّْ ن ؤُمَارْوڒْ.
JOS 10:34 يَاشُووَا إِژْوَا زِي لَاخِيشْ غَارْ عَاجْلُونْ ذ مَارَّا إِسْرَائِيل أَكِيذسْ ؤُشَا نّْضنْ أَسْ-د ؤُشَا مّنْغنْ أَكِيذسْ.
JOS 10:35 طّْفنْ ت ذڭْ وَاسّْ نِّي ؤُشَا وْثِينْ ت س ڒقْضعْ ن سِّيفْ ؤُشَا ذڭْ وَاسّْ نِّي إِحَارّمْ مَارَّا ڒعْمَارْ إِ ذَايسْ [إِدْجَانْ]، أَمُّو نِيشَانْ أَمْ مَامّشْ ثُوغَا إِڭَّا أَكْ-ذ لَاخِيشْ.
JOS 10:36 إِژْوَا يَاشُووَا زِي عَاجْلُونْ غَارْ حَابْرُونْ ذ مَارَّا إِسْرَائِيل أَكِيذسْ، ؤُشَا مّنْغنْ أَكِيذسْ.
JOS 10:37 نِيثْنِي طّْفنْ ت ؤُشَا وْثِينْ ت س ڒقْضعْ ن سِّيفْ، أَجدْجِيذْ نّسْ ذ مَارَّا ثِيندَّامْ نّسْ أَكْ-ذ مَارَّا ڒعْمَارْ إِ ذَايسْ [إِدْجَانْ]. وَارْ إِجِّي أَذْ إِقِّيمْ ؤُڒَا ذ إِجّْ ن ؤُمَارْوڒْ، أَمُّو نِيشَانْ أَمْ مَامّشْ ثُوغَا إِڭَّا أَكْ-ذ عَاجْلُونْ. نتَّا إِحَارّمْ إِ-ت أَكْ-ذ مَارَّا ڒعْمَارْ إِ ذَايسْ [إِدْجَانْ].
JOS 10:38 ؤُشَا إِذْوڒْ-د يَاشُووَا غَارْ ذَابِيرْ ذ مَارَّا إِسْرَائِيل أَكِيذسْ ؤُشَا إِمّْنغْ أَكِيذسْ.
JOS 10:39 نتَّا إِطّفْ إِ-ت ؤُ نِيثْنِي وْثِينْ أَجدْجِيذْ نّسْ ذ مَارَّا ثِيندَّامْ نّسْ س ڒقْضعْ ن سِّيفْ ؤُشَا حَارّْمنْ مَارَّا ڒعْمَارْ إِ ذَايسْ [إِدْجَانْ]. نتَّا وَارْ إِجِّي أَذْ إِقِّيمْ ؤُڒَا ذ إِجّْ ن ؤُمَارْوڒْ. أَمْ مَامّشْ ثُوغَا إِڭَّا نتَّا أَكْ-ذ حَابْرُونْ، أَمُّو إِڭَّا [عَاوذْ] أَكْ-ذ ذَابِيرْ ؤُ أَكْ-ذ ؤُجدْجِيذْ نّسْ إِڭَّا أَمْ ثُوغَا إِڭَّا أَكْ-ذ ؤُجدْجِيذْ ن لِيبْنَا.
JOS 10:40 [أَمُّو] إِ إِغْڒبْ يَاشُووَا خْ مَارَّا ثَامُّورْثْ: ثَامُّورْثْ ن إِذُورَارْ ذ [ثمُّورْثْ ن] لْجَانُوبْ ذ ثمُّورْثْ إِوَاطَانْ، ذ مَارَّا إِجدْجِيذنْ نْسنْ. وَارْ إِجِّي أَذْ إِقِّيمْ ؤُڒَا ذ إِجّْ ن ؤُمَارْوڒْ. مَارَّا مِينْ ثُوغَا إِتَّارَّانْ نّفْسْ، إِحَارّمْ إِ-ث إِ ؤُثحِّي، أَمْ مَامّشْ ثُوغَا إِ ذ أَسْ يُومُورْ سِيذِي أَربِّي ن إِسْرَائِيل.
JOS 10:41 يَاشُووَا إِوّثْ إِ-ثنْ زِي قَاذَاشْ-بَارْنِيعْ أَڒْ غَازَّا ؤُ أَمُّو ؤُڒَا ذ مَارَّا ثَامُّورْثْ ن جُوشَانْ، أَڒْ جِيبْعُونْ.
JOS 10:42 إِطّفْ يَاشُووَا إِجدْجِيذنْ-أَ ذ ثمُّورْثْ نْسنْ س إِشْثْ ن ثشْثِي، مِينْزِي سِيذِي، أَربِّي ن إِسْرَائِيل، إِمّْنغْ ذِي طّْوعْ ن إِسْرَائِيل.
JOS 10:43 [خنِّي] إِعْقبْ يَاشُووَا غَارْ ڒْمَارْڭحْ ن ڒْعسْكَارْ ذِي جِيلْجَالْ ذ مَارَّا إِسْرَائِيل أَكِيذسْ.
JOS 11:1 ؤُمِي يَابِينْ، أَجدْجِيذْ ن حَاصُورْ، إِسْڒَا أَيَا، إِسّكّْ غَارْ يُوبَابْ، أَجدْجِيذْ ن مَاذُونْ، غَارْ ؤُجدْجِيذْ ن شِيمْرُونْ، غَارْ ؤُجدْجِيذْ ن أَكْشَافْ،
JOS 11:2 ؤُ غَارْ إِجدْجِيذنْ إِنِّي ثُوغَا [إِزدّْغنْ] غَارْ شَّامَالْ ذِي ثمُّورْثْ ن إِذُورَارْ ؤُ ذِي ڒوْضَا غَارْ لْجَانُوبْ زِي كِينَّارُوثْ ؤُ ذِي ثمُّورْثْ إِوَاطَانْ ؤُ خْ ثِيوْرِيرِينْ ن ذُورْ غَارْ ڒْغَارْبْ،
JOS 11:3 غَارْ أَيْثْ ن كنْعَانْ ذِي شَّارْقْ ذ ڒْغَارْبْ، إِمُورِييّنْ، إِحِيتِّييّنْ، إِفِيرِيزِييّنْ، إِيابُوسِييّنْ ذڭْ إِذُورَارْ ذ إِحِيوِييّنْ غَارْ ؤُضَارْ ن [وذْرَارْ] ن هِيرْمُونْ، ذِي ثمُّورْثْ ن مِيصْفَا.
JOS 11:4 فّْغنْ-د نِيثْنِي س مَارَّا ڒْعسْكَارْ نْسنْ أَكِيذْسنْ، إِجّْ ن ؤُبَارَّا أَمقّْرَانْ ن ڒْڭنْسْ، أَمْ يِيجْذِي غَارْ ثْمَا ن ڒبْحَارْ، أَنشْثْ أَطَّاسْ، ؤُشَا [أَرْنِي غَارسْ] أَطَّاسْ س وَاطَّاسْ ن إِيْسَانْ ذ إِكَارُّوثنْ.
JOS 11:5 مَارَّا إِجدْجِيذنْ-أَ ڒَاغَانْ-د خَاسنْ ؤُشَا ؤُسِينْ-د، وْثِينْ إِقِيضَانْ نْسنْ جْمِيعْ غَارْ وَامَانْ ن مَايْرُومْ إِ ؤُمنْغِي ضِيدّْ إِ إِسْرَائِيل.*
JOS 11:6 إِنَّا سِيذِي إِ يَاشُووَا: ”وَارْ زَّايْسنْ تّڭّْوذْ، مِينْزِي ثِيوشَّا غَارْ ڒْوقْثْ أَمُّو ڒخُّو أَذْ ثنْ ڭّغْ تّْوَاغڒْبنْ مَارَّا زَّاثْ إِ وُوذمْ ن إِسْرَائِيل. شكْ أَذْ ثْقسّذْ إِژوْرَانْ ن إِضَارنْ ن إِيْسَانْ نْسنْ ؤُشَا أَذْ ثسّْشمْضذْ إِكَارُّوثنْ نْسنْ ذِي ثْمسِّي.“
JOS 11:7 يَاشُووَا س مَارَّا ڒْعسْكَارْ أَكِيذسْ، إِفّغْ-د غَارْسنْ س إِشْثْ ن ڒْغفْڒثْ غَارْ وَامَانْ ن مَايْرُومْ ؤُشَا وْضَانْ-د خَاسنْ.
JOS 11:8 سِيذِي إِڭَّا إِ-ثنْ ذڭْ ؤُفُوسْ ن إِسْرَائِيل ؤُشَا نِيثْنِي وْثِينْ ثنْ، ضْفَارنْ ثنْ أَڒْ صِيذُونْ-أَمقّْرَانْ ذ مِيسْرَافُوثْ-مَايِيمْ، ؤُ أَڒْ ثَايْسَارْثْ ن مِيصْفَا غَارْ شَّارْقْ. نِيثْنِي قْضَانْ ثنْ أَڒَامِي وَارْ زَّايْسنْ جِّينْ أَذْ إِقِّيمْ ؤُڒَا ذ إِجّْ ن ؤُمَارْوڒْ.
JOS 11:9 يَاشُووَا إِڭَّا أَكِيذْسنْ أَمْ مَامّشْ ذ أَسْ إِنَّا سِيذِي. نتَّا إِقسّْ إِژوْرَانْ ن إِضَارنْ ن إِيْسَانْ نْسنْ ؤُشَا إِسّشْمضْ إِكَارُّوثنْ نْسنْ س ثْمسِّي.
JOS 11:10 ذِي ڒْوقْثْ نِّي إِعْقبْ يَاشُووَا ؤُشَا إِطّفْ حَاصُورْ ؤُشَا إِوْثَا أَجدْجِيذْ نّسْ س [ڒقْضعْ ن] سِّيفْ، مِينْزِي حَاصُورْ ثُوغَا-ث قْبڒْ ذ أَزدْجِيفْ خْ مَارَّا ثِيڭلْذِيوِينْ-أَ.
JOS 11:11 وْثِينْ مَارَّا ڒعْمَارْ [إِدَّارنْ] نِّي ذَايسْ إِدْجَانْ س ڒقْضعْ ن سِّيفْ ؤُشَا حَارّْمنْ ثنْ ؤُ نْغِينْ ثنْ. وَارْ إِقِّيمْ وَالُو زِي مَارَّا مِينْ إِتَّارَّانْ نّفْسْ ؤُشَا إِسّشْمضْ حَاصُورْ س ثْمسِّي.
JOS 11:12 إِطّفْ يَاشُووَا مَارَّا ثِيندَّامْ ن إِجدْجِيذنْ-أَ س مَارَّا إِجدْجِيذنْ نْسنْ ؤُشَا إِوْثَا إِ-ثنْ س ڒقْضعْ ن سِّيفْ ؤُشَا إِحَارّمْ إِ-ثنْ، أَمْ مَامّشْ ثُوغَا يُومُورْ مُوسَا، أَمْسخَّارْ ن سِيذِي.
JOS 11:13 مَارَّا ثِيندَّامْ نِّي إِبدّنْ خْ ثِيوْرِيرِينْ وَارْ ثنْثْ سّْشمْضنْ إِسْرَائِيل إِيّنْ س ثْمسِّي، مْغِيرْ حَاصُورْ ؤُمِي إِسّشْمضْ يَاشُووَا س ثْمسِّي.
JOS 11:14 كشّْضنْ أَيْثْ ن إِسْرَائِيل مَارَّا ثَاكشَّاضْثْ ن ثْندَّامْ ذ ڒبْهَايمْ إِ إِخفْ نْسنْ. مَاشَا نِيثْنِي نْغِينْ مَارَّا إِوْذَانْ س ڒقْضعْ ن سِّيفْ، أَڒَامِي ثنْ ثحَّانْ. مَارَّا مِينْ إِتَّارَانْ نّفْسْ، وَارْ زَّايسْ جِّينْ ؤُڒَا ذ إِجّْ.
JOS 11:15 أَمْ مَامّشْ [ث] يُومُورْ سِيذِي إِ ؤُمْسخَّارْ نّسْ مُوسَا، أَمُّو إِ ث إِڭَّا مُوسَا خْ يَاشُووَا، ؤُشَا أَمُّو [إِ-ث] إِڭَّا يَاشُووَا. نتَّا وَارْ إِسْمِيحْ ؤُڒَا ذڭْ إِجّْ ن وَاوَاڒْ زِي مَارَّا [أَوَاڒنْ] إِ يُومُورْ سِيذِي إِ مُوسَا [مَاحنْذْ أَذْ ث إِڭّْ].
JOS 11:16 [أَمُّو] إِطّفْ يَاشُووَا مَارَّا ثَامُّورْثْ نِّي: ثَامُّورْثْ ن إِذُورَارْ ذ مَارَّا [ثَامُّورْثْ ن] لْجَانُوبْ ذ مَارَّا ثَامُّورْثْ ن جُوشَانْ ذ ثمُّورْثْ إِوَاطَانْ ذ ڒوْضَا ذ إِذُورَارْ ن إِسْرَائِيل ذ ڒْوَاطَا نّسْ،
JOS 11:17 [مَارَّا ثَامُّورْثْ] زڭْ وذْرَارْ ذ أَقشَّارْ، ونِّي إِسْڭعَّاذنْ غَارْ سَاعِيرْ أَڒْ بَاعْلْ-جَاذْ، ذِي ثيْسَارْثْ ن لُوبْنَانْ، سْوَادَّايْ إِ وذْرَارْ ن حِيرْمُونْ. مَارَّا إِجدْجِيذنْ نْسنْ إِحبّسْ إِ-ثنْ، إِوْثَا إِ-ثنْ ؤُشَا إِنْغَا إِ-ثنْ.
JOS 11:18 أَطَّاسْ ن وُوسَّانْ إِ إِمّْنغْ يَاشُووَا أَكْ-ذ مَارَّا إِجدْجِيذنْ-أَ.
JOS 11:19 وَارْ إِدْجِي ؤُڒَا ذ إِشْثْ ن ثنْذِينْثْ إِ إِڭِّينْ ڒهْنَا أَكْ-ذ أَيْثْ ن إِسْرَائِيل، مْغِيرْ إِحِيوِييّنْ، إِنِّي ثُوغَا إِزدّْغنْ ذِي جِيبْعُونْ. نِيثْنِي طّْفنْ ثنْثْ مَارَّا س ؤُمنْغِي.
JOS 11:20 مِينْزِي سِيذِي ثُوغَا إِڭَّا أَذْ إِسّقْسحْ ؤُڒْ نْسنْ أَڒْ د غَا فّْغنْ أَذْ مّنْغنْ أَكْ-ذ إِسْرَائِيل، حِيمَا أَذْ ثنْ إِحَارّمْ ؤُشَا وَارْ خَاسنْ يَارحّمْ، حِيمَا أَذْ ثنْ إِقْضَا، أَمْ مَامّشْ ثُوغَا يُومُورْ سِيذِي إِ مُوسَا.
JOS 11:21 ذِي ڒْوقْثْ نِّي إِفّغْ يَاشُووَا ؤُشَا إِثحَّا إِعَانَاقِييّنْ زِي ثمُّورْثْ ن إِذُورَارْ، زِي حَابْرُونْ، زِي ذَابِيرْ، زِي عَانَابْ، زِي مَارَّا ثَامُّورْثْ ن إِذُورَارْ ن يَاهُوذَا ؤُ زِي مَارَّا ثَامُّورْثْ ن إِذُورَارْ ن إِسْرَائِيل. يَاشُووَا إِحَارّمْ إِ-ثنْ أَكْ-ذ ثْندَّامْ نْسنْ إِ ؤُثحِّي.
JOS 11:22 ذِي ثمُّورْثْ ن أَيْثْ إِسْرَائِيل وَارْ قِّيمنْ عَاذْ إِعَانَاقِييّنْ. قِّيمنْ مْغِيرْ ذِي غَازَّا، جَاثْ ذ أَشْذُوذْ.
JOS 11:23 إِطّفْ يَاشُووَا مَارَّا ثَامُّورْثْ نِّي، أَمْ مَامّشْ مَارَّا إِ ثُوغَا إِسِّيوڒْ سِيذِي غَارْ مُوسَا، ؤُشَا يَاشُووَا إِوْشَا إِ-ت ذ ڒْوَارْثْ إِ إِسْرَائِيل عْلَاحْسَابْ ثِيرْبِيعِينْ ن ثْقبَّاڒْ نْسنْ. [خنِّي] ثُوغَا ثَامُّورْثْ ثَاريّحْ زڭْ ؤُمنْغِي.
JOS 12:1 إِنَا ذ إِجدْجِيذنْ ن ثمُّورْثْ، إِنِّي خْغڒْبنْ أَيْثْ ن إِسْرَائِيل ؤُشَا [خنِّي] طّْفنْ نِيثْنِي ثَامُّورْثْ نْسنْ ذ ڒْوَارْثْ، أَغِيرِينْ إِ لْ-ؤُرْذُونْ زِي مَانِيسْ إِ ذ ثْنقَّارْ ثْفُوشْثْ، زِي ثغْزَارْثْ ن أَرْنُونْ أَڒْ إِذُورَارْ ن حِيرْمُونْ ذ مَارَّا ڒوْضَا ذِي شَّارْقْ.
JOS 12:2 غَارْ ؤُمزْوَارُو نْسنْ، سِيحُونْ، أَجدْجِيذْ ن إِمُورِييّنْ، ونِّي ثُوغَا إِزدّْغنْ ذِي حَاشْبُونْ، نتَّا إِحْكمْ [خْ جّْوَايهْ] زِي عَارُوعِيرْ إِ إِدْجَانْ غَارْ ثْمَا ن ثغْزَارْثْ ن أَرْنُونْ، [أَڒْ] ڒْوسْطْ ن ثغْزَارْثْ، ؤُ خْ وزْينْ ن جِيلْعَاذْ أَڒْ ثِيغْزَارْثْ ن يَابُّوقْ، [أَقَا-ث] ذ أَيْمِيرْ ن أَيْثْ ن عَامُّونْ،
JOS 12:3 ؤُ خْ ڒوْضَا أَڒْ ڒبْحَارْ ن كِينَّارُوثْ ذِي شَّارْقْ ؤُ أَڒْ ڒبْحَارْ ن ڒوْضَا، ڒبْحَارْ أَمدْجَاحْ، ذِي شَّارْقْ، أَبْرِيذْ ن بَايْثْ-يَاشِيمُوثْ، ؤُ زِي لْجَانُوبْ أَڒْ سْوَادَّايْ إِ ثيْسَارِينْ ن فِيسْجَا.
JOS 12:4 [خنِّي] ثَامُّورْثْ ن عُوجْ، أَجدْجِيذْ ن بَاشَانْ، [ونِّي إِدْجَانْ] زِي مِينْ إِقِّيمنْ زڭْ إِرَافَاوِييّنْ، [جْوَاهڒْ] إِ ثُوغَا إِزدّْغنْ ذِي عَاشْثَارُوثْ ذ إِذْرَاعِي.
JOS 12:5 نتَّا إِحْكمْ خْ إِذُورَارْ ن حِيرْمُونْ، خْ سَالْخَا ؤُ خْ مَارَّا بَاشَانْ أَڒْ ويْمِيرْ ن إِجَاشُورِييّنْ ذ إِمَاعْكِييّنْ ؤُ خْ وزْينْ ن جِيلْعَاذْ أَڒْ ثَامُّورْثْ ن سِيحُونْ، أَجدْجِيذْ ن حَاشْبُونْ.
JOS 12:6 مُوسَا، أَمْسخَّارْ ن سِيذِي، أَكْ-ذ أَيْثْ ن إِسْرَائِيل، وْثِينْ ثنْ ؤُ مُوسَا، أَمْسخَّارْ ن سِيذِي، ثُوغَا إِوْشَا [ثَامُّورْثْ نِّي] ذ ڒْوَارْثْ إِ إِرُوبِينِييّنْ ذ إِجَاذِييّنْ ؤُ إِ وزْينْ ن ثقْبِيتْشْ ن مَانَاسَّا.
JOS 12:7 إِنَا ذ إِجدْجِيذنْ ن ثمُّورْثْ إِنِّي خْ إِغْڒبْ يَاشُووَا ذ أَيْثْ ن إِسْرَائِيل، غَارْ ؤُجمَّاضْ ن لْ-ؤُرْذُونْ ذِي لْغَارْبْ، زِي بَاعْلْ-جَاذْ ذِي ثيْسَارْثْ ن لُوبْنَانْ أَڒْ أَذْرَارْ أَقشَّارْ ونِّي إِسّْڭعّْذنْ غَارْ سَاعِيرْ. ؤُشَا يَاشُووَا إِوْشَا إِ-ت ذ ڒْوَارْثْ إِ ثْقبَّاڒْ ن إِسْرَائِيل عْلَاحْسَابْ ثِيرْبِيعِينْ نْسنْ،
JOS 12:8 ذِي ثمُّورْثْ ن إِذُورَارْ ؤُ ذِي ثمُّورْثْ إِوَاطَانْ ؤُ ذِي ڒوْضَا ؤُ ذِي ثيْسَارِينْ ؤُ ذِي ڒخْڒَا ؤُ ذِي [ثمُّورْثْ ن] لْجَانُوبْ: إِحِيتِّييّنْ، إِمُورِييّنْ، أَيْثْ ن كنْعَانْ، إِفَارِيزِييّنْ، إِحِيوِييّنْ ذ إِيابُوسِييّنْ.
JOS 12:9 أَجدْجِيذْ ن أَرِيحَا: ذ إِجّْ. أَجدْجِيذْ ن عَايْ [إِ إِدْجَانْ] غَارْ ؤُغزْذِيسْ ن بَايْثْ-إِلْ: ذ إِجّْ.
JOS 12:10 أَجدْجِيذْ ن ؤُرْشَالِيمْ: ذ إِجّْ. أَجدْجِيذْ ن حَابْرُونْ: ذ إِجّْ.
JOS 12:11 أَجدْجِيذْ ن يَارْمُوثْ: ذ إِجّْ. أَجدْجِيذْ ن لَاخِيشْ: ذ إِجّْ.
JOS 12:12 أَجدْجِيذْ ن عَاجْلُونْ: ذ إِجّْ. أَجدْجِيذْ ن جَازَارْ: ذ إِجّْ.
JOS 12:13 أَجدْجِيذْ ن ذَابِيرْ: ذ إِجّْ. أَجدْجِيذْ ن جَاذَارْ: ذ إِجّْ.
JOS 12:14 أَجدْجِيذْ ن حُورْمَا: ذ إِجّْ. أَجدْجِيذْ ن عَارَاذْ: ذ إِجّْ.
JOS 12:15 أَجدْجِيذْ ن لِيبْنَا: ذ إِجّْ. أَجدْجِيذْ ن عَاذُولَّامْ: ذ إِجّْ.
JOS 12:16 أَجدْجِيذْ ن مَاقِّيذَا: ذ إِجّْ. أَجدْجِيذْ ن بَايْثْ-إِلْ: ذ إِجّْ.
JOS 12:17 أَجدْجِيذْ ن ثَافُّوحْ: ذ إِجّْ. أَجدْجِيذْ ن حَافَارْ: ذ إِجّْ.
JOS 12:18 أَجدْجِيذْ ن أَفِيقْ: ذ إِجّْ. أَجدْجِيذْ ن لَاشَّارُونْ: ذ إِجّْ.
JOS 12:19 أَجدْجِيذْ ن مَاذُونْ: ذ إِجّْ. أَجدْجِيذْ ن حَاصُورْ: ذ إِجّْ.
JOS 12:20 أَجدْجِيذْ ن شِيمْرُونْ-مَارَا‘ؤُنْ: ذ إِجّْ. أَجدْجِيذْ ن أَكْشَافْ: ذ إِجّْ.
JOS 12:21 أَجدْجِيذْ ن ثَاعْنَاكْ: ذ إِجّْ. أَجدْجِيذْ ن مَاجِيدُّو: ذ إِجّْ.
JOS 12:22 أَجدْجِيذْ ن قَاذَاشْ: ذ إِجّْ. أَجدْجِيذْ ن يُوقْنَاعَامْ غَارْ كَارْمَالْ: ذ إِجّْ.
JOS 12:23 أَجدْجِيذْ ن ذُورْ خْ ثِيوْرِيرِينْ غَارْ ذُورْ: ذ إِجّْ. أَجدْجِيذْ ن جُويِيمْ ذِي جِيلْجَالْ: ذ إِجّْ.
JOS 12:24 أَجدْجِيذْ ن ثِيرْصَا: ذ إِجّْ. مَارَّا إِجدْجِيذنْ-أَ أَقَا أَثنْ ذِي وَاحِيثْ ؤُ-ثْڒَاثِينْ.
JOS 13:1 ؤُمِي ثُوغَا يَاشُووَا ذ أَوسَّارْ ؤُشَا إِمْغَارْ ذڭْ وُوسَّانْ [ن ثُوذَارْثْ نّسْ]، إِنَّا أَسْ سِيذِي: ”شكْ ثوْسَارذْ ؤُ ثمْغَارذْ ذڭْ وُوسَّانْ ؤُشَا [عَاذْ] ثقِّيمْ أَطَّاسْ ن ثمُّورْثْ مَاحنْذْ أَذْ ت ثكْسِيذْ ذ ڒْوَارْثْ.
JOS 13:2 ثَا ذ ثَامُّورْثْ إِقِّيمنْ: مَارَّا إِذُووَّارنْ ن إِفِيلِيسْطِينِييّنْ ؤُ مَارَّا [جّْوَايهْ ن] إِجَاشُورِييّنْ،
JOS 13:3 زڭْ [يغْزَارْ ن] شِيحُورْ نِّي [إِسِّيزّْڒنْ] زَّاثْ إِ وُوذمْ ن مِيصْرَا، أَڒْ أَيْمِيرْ ن عِيقْرُونْ ذِي شَّامَالْ نِّي إِتّْوَاحْسبْ-د [ذ ثَامُّورْثْ] ن أَيْثْ ن كنْعَانْ، [ذَايسْ] خمْسَا ن ڒْبَاشَاثْ [ن ثْندَّامْ] ن إِفِيلِيسْطِينِييّنْ، [إِخْسْ أَذْ يِينِي] أَغَازِي ذ أَشْذُوذِي ذ أَشْقَالُونِي، أَجِيتِّي، ذ أَعَاقْرُونِي، ذ إِعَاوِييّنْ،
JOS 13:4 [ؤُشَا خنِّي] زِي لْجَانُوبْ مَارَّا ثَامُّورْثْ ن أَيْثْ ن كنْعَانْ ذ مُوغَارَا ثنِّي ن إِصِيذُونِييّنْ، أَڒْ أَفِيقْ ؤُ أَڒْ ويْمِيرْ ن إِمُورِييّنْ،
JOS 13:5 ؤُشَا [خنِّي] ثَامُّورْثْ ن إِجِيبْلِييّنْ ذ مَارَّا لُوبْنَانْ مَانِيسْ إِ د-ثْنقَّارْ ثْفُوشْثْ، زِي بَاعْلْ-جَاذْ سْوَادَّايْ إِ وذْرَارْ ن حِيرْمُونْ أَڒْ مَانِي إِتَّاكّْوَاضْ [بْنَاذمْ] غَارْ حَامَاثْ،
JOS 13:6 مَارَّا إِنِّي إِزدّْغنْ [ذِي جّْوَايهْ] زڭْ إِذُورَارْ ن لُوبْنَانْ أَڒْ مِيسْرَافُوثْ-مَايِيمْ، مَارَّا إِصِيذُونِييّنْ. نشّْ أَذْ خَاسنْ أَژّْڒغْ زَّاثْ إِ وُوذمْ ن أَيْثْ ن إِسْرَائِيل. أڭّْ [مَاشَا] ثَامُّورْثْ ذ ڒْوَارْثْ إِ إِسْرَائِيل وَاهَا، أَمْ مَامّشْ ذ أَشْ ؤُمُورغْ.“ *
JOS 13:7 ”بْضَا ڒخُّو ثَامُّورْثْ-أَ ذ ڒْوَارْثْ جَارْ ثسْعَا ن ثْقبَّاڒْ ذ وزْينْ ن ثقْبِيتْشْ ن مَانَاسَّا،
JOS 13:8 [إِرْيَازنْ ن مَانَاسَّا] نِّي إِكْسِينْ أَكْ-ذ إِرُوبِينِييّنْ ذ إِجَاذِييّنْ ثَاسْغَارْثْ ن ڒْوَارْثْ نْسنْ نِّي إِ ذ أَسنْ إِوْشَا مُوسَا خْ ؤُجمَّاضْ ن لْ-ؤُرْذُونْ ذِي شَّارْقْ، أَمْ مَامّشْ ذ أَسنْ [ت] إِوْشَا مُوسَا، أَمْسخَّارْ ن سِيذِي:
JOS 13:9 زِي أَرُوعِيرْ [إِ إِدْجَانْ] خْ ثْمَا ن أَرْنُونْ ذ ثنْذِينْثْ إِ إِدْجَانْ ذِي ڒْوسْطْ ن ثغْزُورْثْ ذ مَارَّا ڒْوَاطَا [يُوعْڒَانْ] زِي مِييْذَابَا أَڒْ ذِيبُونْ،
JOS 13:10 ذ مَارَّا ثِيندَّامْ ن سِيحُونْ، أَجدْجِيذْ ن إِمُورِييّنْ ونِّي ثُوغَا إِحكّْمنْ ذِي حَاشْبُونْ، أَڒْ أَيْمِيرْ ن أَيْثْ ن عَامُّونْ
JOS 13:11 ؤُڒَا ذ جِيلْعَاذْ ذ ثمُّورْثْ ن إِجَاشُورِييّنْ ذ إِمَاعْكِييّنْ ذ قَاعْ وذْرَارْ ن حِيرْمُونْ ذ مَارَّا بَاشَانْ أَڒْ سَالْخَا،
JOS 13:12 مَارَّا ثَاڭلْذِيثْ ن عُوجْ، ذِي بَاشَانْ، ونِّي ثُوغَا إِحكّْمنْ ذِي عَاشْثَارُوثْ ذ إِذْرَاعِي. نتَّا ثُوغَا إِقِّيمْ زِي مِينْ إِقِّيمنْ ن إِرَافَاوِييّنْ نِّي ثُوغَا إِوْثَا إِ-ثنْ مُوسَا ؤُشَا يُوژّڒْ خَاسنْ [زِي ثسْغَارْثْ نْسنْ].
JOS 13:13 [مَاشَا] أَيْثْ ن إِسْرَائِيل وَارْ ؤُژّْڒنْ خْ أَيْثْ ن إِجَاشُورِييّنْ ذ إِمَاعْكِييّنْ [زِي ثسْغَارْثْ نْسنْ]. جَاشُورْ ذ مَاعْكَاثْ قِّيمنْ زدّْغنْ ذِي ڒْوسْطْ ن أَيْثْ ن إِسْرَائِيل أَڒْ أَسّْ-أَ.
JOS 13:14 إِ ثقْبِيتْشْ ن لَاوِي وَاهَا ؤُمِي إِ وَارْ إِوْشِي ثَاسْغَارْثْ. ثِيغَارْصَا ن ثْمسِّي ن سِيذِي، أَربِّي ن إِسْرَائِيل، ذ ثَاسْغَارْثْ نّسْ، أَمْ مَامّشْ ثُوغَا إِ ذ أَسْ إِسِّيوڒْ نتَّا.
JOS 13:15 إِوْشَا مُوسَا إِ ثقْبِيتْشْ ن أَيْثْ ن رُوبِينْ [ثَاسْغَارْثْ نْسنْ]، عْلَاحْسَابْ ڒَادْجَاثْ نْسنْ.
JOS 13:16 إِ نِيثْنِي ؤُمِي د-ثكَّارْ ثمُّورْثْ ن أَرُوعِيرْ، ثنِّي إِ إِدْجَانْ غَارْ ثْمَا ن ثغْزَارْثْ ن أَرْنُونْ أَكْ-ذ ثنْذِينْثْ نِّي [إِدْجَانْ] ذِي ڒْوسْطْ ن ثغْزُورْثْ ذ مَارَّا ڒْوَاطَا [يُوعْڒَانْ] أَڒْ مِيذِيبَا.
JOS 13:17 حَاشْبُونْ ذ مَارَّا ثِيندَّامْ نّسْ نِّي [إِدْجَانْ] خْ ڒْوَاطَا [يُوعْڒَانْ]: ذِيبُونْ، بَامُوثْ-بَاعْلْ ذ بَايْثْ-بَاعْلْ-مَاعُونْ
JOS 13:18 ذ يَاهْصَا ذ قَاذِيمُوثْ ذ مَايْفَاعَا
JOS 13:19 ذ قَارْيَاثَايِيمْ ذ سِيبْمَا ذ صَارَاثْ-هَا-شَاحَارْ خْ وذْرَارْ ن ڒوْضَا ن ثغْزُورْثْ،
JOS 13:20 ذ بَايْثْ-فَاغُورْ ذ ثِيسَاوْنِينْ ن فِيسْجَا ذ بَايْثْ-يَاشِيمُوثْ،
JOS 13:21 مَارَّا ثِيندَّامْ خْ ڒْوَاطَا [يُوعْڒَانْ] ذ مَارَّا ثَاڭلْذِيثْ ن سِيحُونْ، أَجدْجِيذْ ن إِمُورِييّنْ، إِنِّي إِ ثُوغَا إِحكّْمنْ ذِي حَاشْبُونْ، إِ خْ إِغْڒبْ مُوسَا، [أَمْ إِغْڒبْ] ؤُڒَا خْ ڒْحُوكَّامْ ن مِيذْيَانْ: أَوِي ذ رَاقَامْ ذ صُورْ ذ حُورْ ذ رَابَاعْ، إِنِّي إِ ذ أَسنْ إِوْشَا صِيهُونْ جّهْذْ أَكِيذسْ، إِمزْذَاغْ ن ثمُّورْثْ.
JOS 13:22 سنّجْ إِ مَارَّا إِنِّي إِتّْوَانْغنْ ذِي ڭَارَّا، نْغِينْ أَيْثْ ن إِسْرَائِيل عَاوذْ بَالْعَامْ، مِّيسْ ن بَاعُورْ، أَڭزَّانْ، س ڒقْضعْ ن سِّيفْ.
JOS 13:23 ثُوغَا لْ-ؤُرْذُونْ أَكْ-ذ جّْوَايهْ نّسْ ذ أَيْمِيرْ ن أَيْثْ ن رُوبِينْ أَكْ-ذ ثمُّورْثْ غَارْ ثْمَا نّسْ. ثَا ذ ثَاسْغَارْثْ ن أَيْثْ ن رُوبِينْ عْلَاحْسَابْ ڒَادْجَاثْ نْسنْ، أَكْ-ذ ثْندَّامْ ذ ذْشُورَاثْ نْسنْ.
JOS 13:24 إِوْشَا مُوسَا إِ ثقْبِيتْشْ ن جَاذْ، إِ أَيْثْ ن جَاذْ، [ثَاسْغَارْثْ نْسنْ] عْلَاحْسَابْ ڒَادْجَاثْ نْسنْ.
JOS 13:25 إِ نِيثْنِي ؤُمِي د-ثكَّارْ ثمُّورْثْ ن يَاعَازِيرْ ذ مَارَّا ثِيندَّامْ ن جِيلْعَاذْ ذ وزْينْ ن ثمُّورْثْ ن أَيْثْ ن عَامُّونْ أَڒْ أَرُوعِيرْ نِّي [إِدْجَانْ] زَّاثْ إِ وُوذمْ ن رَابَّا،
JOS 13:26 زِي حَاشْبُونْ أَڒْ رَامَاثْ-مِيصْفَا ذ بُوطُونِيمْ، ؤُ زِي مَاحَانَايِيمْ أَڒْ أَيْمِيرْ ن ذَابِيرْ.
JOS 13:27 ؤُ ذِي ڒوْضَا ن ثغْزُورْثْ: بَايْثْ-هَارَامْ ذ بَايْثْ-نِيمْرَا ذ سُوكُّوثْ ذ صَافُونْ ذ مِينْ إِقِّيمنْ ن ثْڭلْذِيثْ ن سِيحُونْ، أَجدْجِيذْ ن حَاشْبُونْ، لْ-ؤُرْذُونْ ذ جّْوَايهْ نّسْ أَڒْ أَنڭَّارْ نْ ڒبْحَارْ ن كِينَّارَاثْ خْ ؤُجمَّاضْ ن لْ-ؤُرْذُونْ غَارْ شَّارْقْ.
JOS 13:28 ثَا ذ ثَاسْغَارْثْ ن أَيْثْ ن جَاذْ، عْلَاحْسَابْ ڒَادْجَاثْ نْسنْ، ثِيندَّامْ ذ ذْشُورَاثْ نّسْ.
JOS 13:29 إِوْشَا مُوسَا إِ وزْينْ ن ثقْبِيتْشْ ن مَانَاسَّا [ثَاسْغَارْثْ نْسنْ]. ثكَّارْ أَسْ-د إِ وزْينْ ن ثقْبِيتْشْ ن مَانَاسَّا، عْلَاحْسَابْ ڒَادْجَاثْ نْسنْ.
JOS 13:30 ثُوغَا ثَامُّورْثْ نْسنْ زِي مَاحَانَايِيمْ: مَارَّا بَاشَانْ، مَارَّا ثَاڭلْذِيثْ ن عُوجْ، أَجدْجِيذْ ن بَاشَانْ، ذ مَارَّا ذْشُورَاثْ ن يَا‘إِرْ نِّي [إِدْجَانْ] ذِي بَاشَانْ، ستِّينْ ن ثْندَّامْ.
JOS 13:31 ذ وزْينْ ن جِيلْعَاذْ ذ عَاشْثَارُوثْ ذ إِذْرِيعِي، ثِيندَّامْ ن ثْڭلْذِيثْ ن عُوجْ ذِي بَاشَانْ، كَّارنْ-د إِ إِحنْجِيرنْ ن مَاخِيرْ، مِّيسْ ن مَانَاسَّا، أَقَا إِ وزْينْ ن إِحنْجِيرنْ ن مَاخِيرْ، عْلَاحْسَابْ ڒَادْجَاثْ نْسنْ.
JOS 13:32 ثِينَا ذ [جّْوَايهْ] إِ ثُوغَا إِبْضَا مُوسَا ذ ڒْوَارْثْ ذِي ڒوْضَاثْ ن مُوآبَ، خْ ؤُجمَّاضْ ن لْ-ؤُرْذُونْ، غَارْ أَرِيحَا، غَارْ شَّارْقْ.
JOS 13:33 مَاشَا إِ ثقْبِيتْشْ ن لَاوِي وَارْ ذ أَسْ إِوْشِي مُوسَا شَا ثَاسْغَارْثْ. سِيذِي، أَربِّي ن إِسْرَائِيل ذ ثَاسْغَارْثْ نْسنْ، أَمْ مَامّشْ ثُوغَا أَكِيذْسنْ إِسِّيوڒْ.
JOS 14:1 ثِينَا ذ ثْسقَّارْ إِ طّْفنْ أَيْثْ ن إِسْرَائِيل ذِي ثمُّورْثْ ن كنْعَانْ، ثِينِّي إِ ذ أَسنْ إِبْضَا [ذ ڒْوَارْثْ] ؤُكهَّانْ أَلِيعَازَارْ ذ يَاشُووَا، مِّيسْ ن نُونْ، ذ إِزدْجِيفنْ [ن ثُوذْرِينْ] ن إِبَابَاثنْ ن ثْقبَّاڒْ ن أَيْثْ ن إِسْرَائِيل.
JOS 14:2 س ثْقدُّوحْثْ [طّْفنْ] مَارَّا ثَاسْغَارْثْ نْسنْ، أَمْ مَامّشْ [ث] يُومُورْ سِيذِي س ثْسخَّارْثْ ن مُوسَا زِي جِّيهثْ ن ثسْعَا ن ثْقبَّاڒْ ذ وزْينْ ن ثقْبِيتْشْ.
JOS 14:3 مَاغَارْ مُوسَا ثُوغَا إِوْشَا إِ ثْنَاينْ ن ثْقبَّاڒْ ذ وزْينْ ن ثقْبِيتْشْ إِشْثْ ن ثسْغَارْثْ أَغِيرِينْ إِ لْ-ؤُرْذُونْ، [مَاشَا] إِ إِلَاوِييّنْ وَارْ ذ أَسنْ إِوْشِي شَا ثَاسْغَارْثْ ذِي ڒْوسْطْ نْسنْ.
JOS 14:4 أَقَا أَيْثْ ن يُوسُوفْ ڭِّينْ ثْنَاينْ ن ثْقبَّاڒْ، مَانَاسَّا ذ إِفْرَايِيمْ، ؤُ إِ إِلَاوِييّنْ وَارْ ذ أَسْ وْشِينْ شَا ثَاسْغَارْثْ ذِي ثمُّورْثْ مَاشَا [مْغِيرْ] ثِيندَّامْ إِ ثْزذِّيغْثْ ذ مِينْ إِدْجَانْ زَّاثْسنْثْ ن دّْمَانِي ن ثَاروْسَا إِ ڒبْهَايمْ ؤُ إِ مِينْ غَارْسنْ إِدْجَانْ.
JOS 14:5 أَمْ مَامّشْ ثُوغَا يُومُورْ سِيذِي إِ مُوسَا، أَمُّو إِ ڭِّينْ أَيْثْ ن إِسْرَائِيل ڒَامِي بْضَانْ ثَامُّورْثْ.
JOS 14:6 [خنِّي] قَارّْبنْ-د أَيْثْ ن يَاهُوذَا غَارْ يَاشُووَا ذِي جِيلْجَالْ. كَالِيبْ، مِّيسْ ن يَافُونِّي، أَقِينِيزِي، إِنَّا أَسْ: ”شكْ ثسّْنذْ مِينْ خَافِي ذ خَاكْ إِنَّا سِيذِي إِ مُوسَا، أَرْيَازْ ن أَربِّي، ذِي قَاذَاشْ-بَارْنِيعْ.
JOS 14:7 نشّْ ڭِّيغْ أَربْعِينْ ن إِسڭّْوُوسَا، ؤُمِي إِ د أَيِي إِسّكّْ مُوسَا، أَمْسخَّارْ ن سِيذِي، زِي قَاذَاشْ-بَارْنِيعْ مَاحنْذْ أَذْ برْڭَاڭغْ ثَامُّورْثْ ؤُ نشّْعقْبغْ غَارسْ، خبَّارغْ أَسْ أَمْ مَامّشْ [ث] ثُوغَا ذڭْ وُوڒْ إِنُو.
JOS 14:8 [وَاخَّا أَمنِّي] أَيْثْمَا، إِنِّي إِ ثُوغَا أَكِيذِي إِڭعّْذنْ، سّْفسّْينْ ؤُڒْ ن ڒْڭنْسْ، [مَاشَا] نشّْ ثُوغَا ڒبْذَا ضفَّارغْ سِيذِي، أَربِّي إِنُو.
JOS 14:9 ذڭْ وَاسّْ نِّي إِجُّودْجْ مُوسَا، إِنَّا: ”[وَايَّاوْ،] مَاڒَا ثَامُّورْثْ إِ ذِي ثسَّارْسذْ أَضَارْ نّشْ، وَارْ ثتِّيڒِي إِ شكْ ذ إِحنْجِيرنْ نّشْ ذ ثَاسْغَارْثْ إِ ڒبْذَا، مِينْزِي ثُوغَا شكْ ڒبْذَا ثْضفَّارذْ سِيذِي، أَربِّي إِنُو!“
JOS 14:10 ڒخُّو، خْزَارْ، سِيذِي إِجَّا أَيِي دَّارغْ، أَمْ مَامّشْ إِسِّيوڒْ. ڒخُّو أَقَا خمْسَا ؤُ-ربْعِينْ ن إِسڭّْوُوسَا زڭْ وَامِي إِسِّيوڒْ سِيذِي غَارْ مُوسَا أَوَاڒْ-أَ، ؤُمِي إِسْرَائِيل يُويُورْ ذِي ڒخْڒَا. ؤُشَا ڒخُّو، أَقَا ذَا، أَمْ مَامّشْ ثتّْوَاڒِيذْ، غَارِي خمْسَا ؤُ-ثْمَانْيِينْ ن إِسڭّْوُوسَا.
JOS 14:11 نشّْ عَاذْ محْضغْ أَمْ مَامّشْ [محْضغْ] ذڭْ وَاسّْ نِّي ؤُمِي إِ ذ أَيِي د-إِسّكّْ مُوسَا. أَمْ مَامّشْ ثُوغَا جهّْذغْ ذڭْ وُوسَّانْ نِّي، أَمُّو إِ جهّْذغْ عَاوذْ إِضَا إِ ؤُمنْغِي مَاحنْذْ أَذْ فّْغغْ ؤُ أَذْ أَرڭّْوْحغْ.
JOS 14:12 ڒخُّو [خنِّي]، أوْشْ أَيِي [ثَامُّورْثْ-أَ ن] إِذُورَارْ إِ خْ إِسِّيوڒْ سِيذِي ذڭْ وَاسّْ نِّي، مَاغَارْ شكْ ثسْڒِيذْ سِيمَانْثْ نّشْ ذڭْ وَاسّْ نِّي، أَقَا أَيْثْ ن إِعَانَاقِييّنْ أَقَا أَثنْ ذِينِّي ؤُڒَا ذ ثِيندَّامْ مْغَارنْثْ ؤُ فَارْينْثْ. أَذْ ثَاغْ أَذْ كِيذِي يِيڒِي سِيذِي، أَذْ أَوْضغْ أَذْ خَاسنْ أَژّْڒغْ أَمْ مَامّشْ إِنَّا سِيذِي.“
JOS 14:13 [خنِّي] إِبَاركْ إِ-ث يَاشُووَا ؤُشَا إِوْشَا حَابْرُونْ ذ ڒْوَارْثْ إِ كَالِيبْ، مِّيسْ ن يَافُونِّي.
JOS 14:14 خْ ؤُيَا ثدْجَا [ثنْذِينْثْ ن] حَابْرُونْ ذ ڒْوَارْثْ ن كَالِيبْ، مِّيسْ ن يَافُونِّي، أَقِينِيزِي، أَڒْ أَسّْ-أَ، مِينْزِي نتَّا ثُوغَا ڒبْذَا إِضفَّارْ سِيذِي، أَربِّي ن إِسْرَائِيل.
JOS 14:15 حَابْرُونْ ثُوغَا قَّارنْ أَسْ زِيشْ ’ثَانْذِينْثْ ن أَرْبَاعْ‘. ثُوغَا [أَرْبَاعْ] ذ أَرْيَازْ ذ أَمقّْرَانْ ذڭْ أَيْثْ ن إِعَانَاقِييّنْ. ؤُشَا ثَامُّورْثْ ثُوغَا ذَايسْ ڒْهُوذْنثْ زڭْ ؤُمنْغِي.
JOS 15:1 ثَاقدُّوحْثْ إِ أَيْثْ ن يَاهُوذَا، عْلَاحْسَابْ ڒَادْجَاثْ نْسنْ، ثكَّارْ-أَسنْثْ غَارْ ويْمِيرْ ن إِذُومْ، ڒخْڒَا ن صِينْ، غَارْ لْجَانُوبْ، [أَڒْ] لْجَانُوبْ قَاعْ.
JOS 15:2 أَيْمِيرْ ن لْجَانُوبْ ثُوغَا-ث إِ نِيثْنِي زِي مَانِيسْ إِقطَّا ڒبْحَارْ أَمدْجَاحْ، زڭْ يِيڒسْ [ن ؤُقمُّومْ] [ن ڒبْحَارْ] إِ د-إِتّفّْغنْ غَارْ لْجَانُوبْ،
JOS 15:3 ؤُشَا إِعدُّو [خنِّي] غَارْ لْجَانُوبْ ن ثْسُونْثَا ن ثْغَارْضْمِيوِينْ ؤُشَا إِعدُّو غَارْ صِينْ ؤُشَا إِتّْڭعّذْ زِي لْجَانُوبْ ن قَاذَاشْ-بَارْنِيعْ، إِتّكّْ خْ حَاصْرُونْ ؤُ إِتّْڭعَّاذْ غَارْ أَدَّارْ ؤُشَا إِذكّْوَاڒْ غَارْ قَارْقَاعْ
JOS 15:4 ؤُ [خنِّي] إِتّكّْ خْ عَاصْمُونْ ؤُ إِتّفّغْ غَارْ ثغْزَارْثْ ن مِيصْرَا ؤُشَا طّْرُوفَا ن ويْمِيرْ [تَّاكّْوَاضنْ] أَڒْ ڒبْحَارْ. وَا أَقَا ذ أَيْمِيرْ ن لْجَانُوبْ إِ كنِّيوْ.
JOS 15:5 أَيْمِيرْ ن شَّارْقْ أَقَا-ث ذ ڒبْحَارْ أَمدْجَاحْ غَارْ قطُّو ن لْ-ؤُرْذُونْ ؤُ أَيْمِيرْ ن شَّامَالْ زڭْ يِيڒسْ ن ڒبْحَارْ، زِي مَانِيسْ إِقطَّا لْ-ؤُرْذُونْ
JOS 15:6 ؤُ [سّنِّي] إِتّْڭعّذْ ويْمِيرْ [غَارْ] بَايْثْ-حُوجْلَا ؤُشَا إِعدُّو غَارْ شَّامَالْ ن بَايْثْ-عَارَابَا ؤُ [خنِّي] إِتّْڭعّذْ أَڒْ وژْرُو ن بُوهَانْ، مِّيسْ ن رُوبِينْ،
JOS 15:7 ؤُشَا إِتّْڭعّذْ ويْمِيرْ زِي ذَابِيرْ زِي ثغْزُورْثْ ن أَخُورْ ؤُ إِتّنّضْ غَارْ شَّامَالْ غَارْ جِيلْجَالْ ونِّي [إِدْجَانْ] أَجمَّاضْ إِ وبْرِيذْ ن ؤُژكّْوُو خْ إِذُورَارْ ن أَذُومِّيمْ إِ [إِدْجَانْ] غَارْ لْجَانُوبْ ن ثغْزَارْثْ ؤُ [خنِّي] إِعدُّو ويْمِيرْ غَارْ وَامَانْ ن عَايْنْ-شَامْشْ ؤُشَا إِتّفّغْ غَارْ عَايْنْ-رُوجَالْ.
JOS 15:8 [زِي سَّا] إِتّْڭعّذْ ويْمِيرْ زِي ثغْزُورْثْ ن مِّيسْ ن هِينُّومْ، غَارْ ؤُغزْذِيسْ ن لْجَانُوبْ [ن وذْرَارْ ن] ن ؤُيابُوسِي، أَقَا-ث ذ ؤُرْشَالِيمْ، ؤُ أَيْمِيرْ يَارنِّي إِتّْڭعّذْ غَارْ ثْقِيشَّاثْ ن وذْرَارْ ونِّي إِدْجَانْ غَارْ ڒْغَارْبْ ن ثغْزُورْثْ ن مِّيسْ ن هِينُّومْ ثنِّي إِدْجَانْ غَارْ جِّيهثْ ن شَّامَالْ ن ؤُنڭَّارُو ن ثغْزُورْثْ ن إِرَافَاوِييّنْ.
JOS 15:9 زِي ثْقِيشَّاثْ ن وذْرَارْ إِمَّارْسْ ويْمِيرْ غَارْ ثَاڒَا ن نفْثُوحَا ؤُ إِعدُّو غَارْ ثْندَّامْ ن إِذُورَارْ ن إِفْرُونْ ؤُ [خنِّي] إِمَّارْسْ ويْمِيرْ غَارْ بَاعَالَا، ثنِّي ذ قَارْيَاثْ-يَاعَارِيمْ.
JOS 15:10 زِي بَاعَالَا إِتَّاكّْوَاضْ ويْمِيرْ غَارْ ڒْغَارْبْ غَارْ إِذُورَارْ ن سَاعِيرْ ؤُشَا إِعدُّو زِي شَّامَالْ غَارْ ؤُغزْذِيسْ ن وذْرَارْ ن يَاعَارِيمْ، أَقَا-ث ذ كَاسَالُونْ، ؤُشَا إِهكّْوَا غَارْ بَايْثْ-شَامْسْ ؤُ إِتّكّْ خْ ثِيمْنَاهْ.
JOS 15:11 [خنِّي] إِعدُّو ويْمِيرْ غَارْ ؤُغزْذِيسْ ن شَّامَالْ ن عَاقْرُونْ. [خنِّي] إِمَّارْسْ ويْمِيرْ غَارْ شَاكْرُونْ ؤُ إِتّكّْ خْ ؤُغزْذِيسْ ن وذْرَارْ ن بَاعْلَا ؤُ إِتّفّغْ غَارْ يَابْنِييِيلْ ؤُشَا طّْرُوفَا ن ويْمِيرْ ثَاكّْوَاضنْ أَڒْ ڒبْحَارْ.
JOS 15:12 أَيْمِيرْ ن ڒْغَارْبْ [إِعدُّو] أَڒْ ڒبْحَارْ أَمقّْرَانْ ذ ثْمَا [ن ڒبْحَارْ]. وَا ذ أَيْمِيرْ ن أَيْثْ ن يَاهُوذَا زِي مَارَّا إِغزْذِيسنْ، عْلَاحْسَابْ ڒَادْجَاثْ نْسنْ.
JOS 15:13 [مَاشَا] كَالِيبْ، مِّيسْ ن يَافُونِّي، إِوْشَا أَسْ إِشْثْ ن ثسْغَارْثْ ذِي ڒْوسْطْ ن أَيْثْ ن يَاهُوذَا، عْلَاحْسَابْ ثَاوْصيّثْ زڭْ ؤُقمُّومْ ن سِيذِي إِ يَاشُووَا، [أَقَا-ت] ذ ثَانْذِينْثْ ن أَرْبَاعْ. [أَرْبَاعْ] ثُوغَا ذ بَابَاسْ ن عَانَاقْ، إِخْسْ أَذْ يِينِي حَابْرُونْ.
JOS 15:14 يُوژّڒْ كَالِيبْ سّنِّي خْ ثْڒَاثَا ن إِحنْجِيرنْ ن عَانَاقْ: شِيشَايْ، أَخِيمَانْ ؤُ ثَالْمَايْ، [إِنِّي] د-إِتّْوَاخڒْقنْ إِ عَانَاقْ.
JOS 15:15 سّنِّي إِڭعّذْ غَارْ إِمزْذَاغْ ن ذَابِيرْ. ذَابِيرْ ثُوغَا قَّارنْ أَسْ زِيشْ: ثَانْذِينْثْ ن سِيفْرْ.
JOS 15:16 إِنَّا كَالِيبْ: ”مَانْ ونْ إِ غَا إِوْثنْ ثَانْذِينْثْ ن سِيفْرْ أَذْ ت إِطّفْ، أَذْ أَسْ وْشغْ يدْجِي أَخْسَا ذ ثَامْغَارْثْ!“
JOS 15:17 عُوثْنِييِيلْ، مِّيسْ ن قَانَازْ، ؤُمَاسْ ن كَالِيبْ، إِطّفْ إِ-ت ؤُ [كَالِيبْ] إِوْشَا أَسْ يدْجِيسْ أَخْسَا ذ ثَامْغَارْثْ.
JOS 15:18 إِمْسَارْ ؤُمِي نتَّاثْ ثُوسَا-د غَارْ عُوثْنِييِيلْ، ثَارَّا إِ-ث أَذْ إِتَّارْ إِجّْ ن ييَّارْ خْ بَابَاسْ ؤُشَا ثضْرَا خْ وغْيُوڒْ [نّسْ]. كَالِيبْ إِسّقْسَا ت: ”مِينْ شمْ يُوغِينْ؟“
JOS 15:19 نتَّاثْ ثَارَّا: ”أوْشْ أَيِي إِشْثْ ن لْبَارَاكَا، مَاغَارْ شكْ ثوْشِيذْ أَيِي إِشْثْ ن ثمُّورْثْ ثُوژغْ، [خنِّي] أوْشْ أَيِي ؤُڒَا ذ ڒْعُونْصَارَاثْ ن وَامَانْ!“ ؤُشَا إِوْشَا أَسْ ڒْعُونْصَارَاثْ ن نّجْ ذ ڒْعُونْصَارَاثْ ن وَادَّايْ.
JOS 15:20 ثَا ذ ثَاسْغَارْثْ ن ثقْبِيتْشْ ن أَيْثْ ن يَاهُوذَا، عْلَاحْسَابْ ڒَادْجَاثْ نْسنْ.
JOS 15:21 [ثِينَا] ثُوغَا ذ ثِيندَّامْ إِڭّْوجنْ ن ثقْبِيتْشْ ن أَيْثْ ن يَاهُوذَا، غَارْ ويْمِيرْ أَكْ-ذ إِذُومْ ذِي ثمُّورْثْ ن لْجَانُوبْ: قَابْصِييِيلْ ذ عِيذَارْ ذ يَاجُورْ
JOS 15:22 ذ قِينَا ذ ذِيمُونَا ذ عَاذَاذَا
JOS 15:23 ذ قَاذَاشْ ذ حَاصُورْ ذ يِيثْنَانْ
JOS 15:24 ذ زِيفْ ذ طَالَامْ ذ بَاعْلُوثْ
JOS 15:25 ذ حَاصُورْ-خَاذَاثَا ذ ثْندَّامْ [ن] حَاصْرُونْ، ثَا ذ حَاصُورْ.
JOS 15:26 [خنِّي] أَمَامْ ذ شَامَاعْ ذ مُولَاذَا
JOS 15:27 ذ حَاصَا-جَادَّا ذ حَاشْمُونْ ذ بَايْثْ-فَالَاطْ
JOS 15:28 ذ حَاصَارْ-شُوعَالْ ذ بِئرْ-سبْعَا ذ بِيزْيُوثِييَا
JOS 15:29 ذ بَاعْلَا ذ عَايِّيمْ ذ عَازَامْ،
JOS 15:30 ذ أَلْثُولَاذْ ذ كِيسِيلْ ذ حُورْمَا
JOS 15:31 ذ صِيقْلَاغْ ذ مَاذْمَانَّا ذ سَانْسَانَّا
JOS 15:32 ذ لَابَايُوثْ ذ شِيلْحِيمْ ذ عَايْنْ ذ رِيمُّونْ. مَارَّا ثِيندَّامْ أَقَا أَثنْثْ ذِي ثسْعَا ؤُ-عِيشْرِينْ أَكْ-ذ ڒذْشُورْ نْسنْثْ.
JOS 15:33 ذِي ثمُّورْثْ إِوَاطَانْ: إِشْثَاؤُولْ ذ صُورْعَا ذ أَشْنَا
JOS 15:34 ذ زَانُوخْ ذ عَايْنْ-جَانِّيمْ ذ ثَافُّوحْ ذ عَايْنَامْ،
JOS 15:35 ذ يَارْمُوثْ ذ أَذُولَّامْ ذ سُوكُو ذ أَزِيقَا
JOS 15:36 ذ شَاعَارَايِيمْ ذ عَاذِيثَايِيمْ ذ جُوذَايْرَا ذ جُوذَايْرَاثَايِيمْ. [مَارَّا جْمِيعْ] ثُوغَا أَثنْثْ ذِي أَرْبعْطَاشْ ن ثْندَّامْ أَكْ-ذ ڒذْشُورْ نْسنْثْ.
JOS 15:37 صَانَانْ ذ حَاذَاشَا ذ مِيجْذَالْ-جَاذْ
JOS 15:38 ذ ذِيلَانْ ذ مِيصْفَا ذ يَاقْثِييِيلْ
JOS 15:39 ذ لَاخِيشْ ذ بُوصْقَاثْ ذ عَاجْلُونْ
JOS 15:40 ذ كَابُّونْ ذ لَاحْمَاسْ ذ كِيثْلِيشْ
JOS 15:41 ذ جُوذَايْرُوثْ ذ بَايْثْ-ذَاجُونْ ذ نَاعَامَا ذ مَاقَّاذَا. [مَارَّا جْمِيعْ] ثُوغَا أَثنْثْ ذِي سطَّاشْ ن ثْندَّامْ أَكْ-ذ ڒذْشُورْ نْسنْثْ.
JOS 15:42 لِيبْنَا ذ عَاثِيرْ ذ عَاشَانْ
JOS 15:43 ذ يَافْثَاحْ ذ أَشْنَا ذ نَاصِيبْ
JOS 15:44 ذ قَاعِيلَا ذ أَكْسِيبْ ذ مَارِيشَا. [مَارَّا جْمِيعْ] ثُوغَا أَثنْثْ ذِي ثسْعَا ن ثْندَّامْ أَكْ-ذ ڒذْشُورْ نْسنْثْ.
JOS 15:45 عَاقْرُونْ أَكْ-ذ ثْندَّامْ إِ غَارسْ د-إِقّْننْ ذ ڒذْشُورْ نّسْ.
JOS 15:46 زِي عَاقْرُونْ أَڒْ ربْحَارْ، مَارَّا مِينْ إِدْجَانْ غَارْ ؤُغزْذِيسْ ن أَشْذُوذْ أَكْ-ذ ڒذْشُورْ نْسنْ.
JOS 15:47 أَشْذُوذْ أَكْ-ذ ثْندَّامْ إِ غَارسْ د-إِقّْننْ ذ ڒذْشُورْ نّسْ، غَازَّا أَكْ-ذ ثْندَّامْ إِ غَارسْ د-إِقّْننْ ذ ڒذْشُورْ نّسْ أَڒْ ثَاغْزَارْثْ ن مِيصْرَا ذ ڒبْحَارْ أَمقّْرَانْ أَكْ-ذ [ثمُّورْثْ ن] ثْمَا [ن ڒبْحَارْ].
JOS 15:48 ذِي ثمُّورْثْ ن إِذُورَارْ: شَامِيرْ ذ يَاتِّيرْ ذ سُوكُو
JOS 15:49 ذ ذَانَّا ذ ثنْذِينْثْ ن سَانَّا، ثَا ذ ذَابِيرْ،
JOS 15:50 ذ عَانَابْ ذ أَشْثِيمُو ذ عَانِيمْ
JOS 15:51 ذ جُوشَانْ ذ حُولُونْ ذ جِيلُو. [مَارَّا جْمِيعْ] ثُوغَا أَثنْثْ ذِي حِيطَاشْ ن ثْندَّامْ أَكْ-ذ ڒذْشُورْ نْسنْثْ.
JOS 15:52 أَرَابْ ذ ذُومَا ذ أَشْعَانْ
JOS 15:53 ذ يَانُومْ ذ بَايْثْ-ثَافُّوحْ ذ أَفِيقَا
JOS 15:54 ذ حُومْطَا ذ قَارْيَاثْ-أَرْبَاعْ، ثنِّي ذ حَابْرُونْ، ذ صَاعُورْ. [مَارَّا جْمِيعْ] ثُوغَا أَثنْثْ ذِي ثسْعَا ن ثْندَّامْ أَكْ-ذ ڒذْشُورْ نْسنْثْ.
JOS 15:55 مَاعُونْ ذ كَارْمَالْ ذ زِيفْ ذ يُوطَا
JOS 15:56 ذ يِيزْرَاعِيلْ ذ يُوقْذَاعَامْ ذ زَانُوحْ
JOS 15:57 ذ قَايِينْ ذ جِيبْعَا ذ ثِيمْنَاهْ. [مَارَّا جْمِيعْ] ثُوغَا أَثنْثْ ذِي عشْرَا ن ثْندَّامْ أَكْ-ذ ڒذْشُورْ نْسنْثْ.
JOS 15:58 حَالْحُولْ ذ بَايْثْ-صُورْ ذ جَاذُورْ
JOS 15:59 ذ مَاعَارَاثْ ذ بَايْثْ-عَانُوثْ ذ إِلْثَاقُونْ. [مَارَّا جْمِيعْ] ثُوغَا أَثنْثْ ذِي ستَّا ن ثْندَّامْ أَكْ-ذ ڒذْشُورْ نْسنْثْ.
JOS 15:60 قَارْيَاثْ-بَاعْلْ، أَقَا-ث ذ قَارْيَاثْ-يِيعَارِيمْ ذ رَابَّا. [مَارَّا جْمِيعْ] ثُوغَا أَثنْثْ ذِي ثْنَاينْ ن ثْندَّامْ أَكْ-ذ ڒذْشُورْ نْسنْثْ.
JOS 15:61 ذِي ڒخْڒَا بَايْثْ-عَارَابَا ذ مِيذِّينْ ذ سَاكَاكَا
JOS 15:62 ذ نِيبْشَانْ ذ ثنْذِينْثْ ن ؤُمدْجَاحْ ذ عَايْنْ-جَاذِي. [مَارَّا جْمِيعْ] ثُوغَا أَثنْثْ ذِي ستَّا ن ثْندَّامْ أَكْ-ذ ڒذْشُورْ نْسنْثْ.
JOS 15:63 [مَاشَا] أَيْثْ ن يَاهُوذَا وَارْ زمَّارنْ أَذْ أَژّْڒنْ خْ إِيابُوسِييّنْ إِنِّي ذ إِمزْذَاغْ ن ؤُرْشَالِيمْ. [خْ ؤُينِّي] زدّْغنْ إِيابُوسِييّنْ [عَاذْ] أَكْ-ذ أَيْثْ ن يَاهُوذَا ذِي ؤُرْشَالِيمْ أَڒْ أَسّْ-أَ.
JOS 16:1 ثَاقدُّوحْثْ إِ أَيْثْ ن يُوسُوفْ ثكَّارْ أَسْ-د زِي لْ-ؤُرْذُونْ غَارْ أَرِيحَا، [ؤُشَا أَيْمِيرْ] إِتّكّْ خْ ثْمَا ن شَّارْقْ ن وَامَانْ ن أَرِيحَا، [خْ] ڒخْڒَا نِّي د-إِتّْڭعَّاذنْ زِي أَرِيحَا خْ إِذُورَارْ ن بَايْثْ-إِلْ.
JOS 16:2 ؤُ زِي بَايْثْ-إِلْ إِتّفّغْ غَارْ لُوزْ، إِتّكّْ خْ ثمُّورْثْ ن أَيْثْ ن أَرْكِيثْ غَارْ عَاطَارُوثْ
JOS 16:3 ؤُشَا إِهكّْوَا-د غَارْ ڒْغَارْبْ غَارْ ثمُّورْثْ ن إِفَالَاطِييّنْ أَڒْ ثَامُّورْثْ ن بَايْثْ-حُورُونْ ن وَادَّايْ ؤُ أَڒْ جَازَارْ ؤُ طّْرُوفَا نّسْ تَّاكّْوَاضنْ أَڒْ ڒبْحَارْ.
JOS 16:4 [خنِّي] طّْفنْ ؤُڒَا ذ أَيْثْ ن يُوسُوفْ، مَانَاسَّا ذ إِفْرَايِيمْ، ڒْوَارْثْ نْسنْ.
JOS 16:5 أَيْمِيرْ ن أَيْثْ ن إِفْرَايِيمْ، عْلَاحْسَابْ ڒَادْجَاثْ نْسنْ، ذ وَا. أَيْمِيرْ ن ثسْغَارْثْ نْسنْ إِبدَّا غَارْ شَّارْقْ ن عَاطَارُوثْ-أَذَارْ [ؤُشَا إِڭُّورْ] أَڒْ بَايْثْ-حُورُونْ ن نّجْ،
JOS 16:6 ؤُشَا إِڭُّورْ غَارْ ڒْغَارْبْ غَارْ ؤُغزْذِيسْ ن شَّامَالْ ن مِيكْمَاثَا ؤُشَا إِتّفْرِيغْ ويْمِيرْ غَارْ شَّارْقْ غَارْ تَآنَثْ-شِيلُو ؤُ [خنِّي] إِتّكّْ خَاسْ خْ ؤُغزْذِيسْ نّسْ ن شَّارْقْ غَارْ يَانُوحَا،
JOS 16:7 ؤُ زِي يَانُوحَا إِهكّْوَا غَارْ عَاطَارُوثْ ذ نَاعَارَاثَا ؤُشَا عْڒَاينْ إِنحّذْ أَرِيحَا ؤُ [خنِّي] إِتّفّغْ غَارْ لْ-ؤُرْذُونْ.
JOS 16:8 زِي ثَافُّوحْ إِعدُّو ويْمِيرْ غَارْ ڒْغَارْبْ غَارْ ثِيغْزَارْثْ ن قَانَا ؤُشَا طّْرُوفَا نّسْ تَّاكّْوَاضنْ أَڒْ ڒبْحَارْ. ثَا ذ ثَاسْغَارْثْ ن ثقْبِيتْشْ ن أَيْثْ ن إِفْرَايِيمْ، عْلَاحْسَابْ ڒَادْجَاثْ نْسنْ.
JOS 16:9 ثِيندَّامْ إِ إِتّْوَاحُوزنْ إِ أَيْثْ ن إِفْرَايِيمْ أَقَا أَثنْثْ ذِي ڒْوسْطْ ن ثسْغَارْثْ ن مَانَاسَّا، مَارَّا ثِيندَّامْ أَكْ-ذ ڒذْشُورْ نْسنْثْ.
JOS 16:10 وَارْ ؤُژِّيڒنْ شَا خْ أَيْثْ ن كنْعَانْ نِّي ثُوغَا إِزدّْغنْ ذِي جَازَارْ [زِي ثسْغَارْثْ نْسنْ]. [أَمُّو] زدّْغنْ إِكنْعَانِييّنْ [عَاذْ] ذِي ڒْوسْطْ ن أَيْثْ ن إِفْرَايِيمْ أَڒْ أَسّْ-أَ. ثتّْوَاڭّْ خَاسنْ [مَاشَا] لْجِيزْيَا ن ثْسخَّارْثْ.
JOS 17:1 ثُوغَا ذِينْ [عَاوذْ] إِشْثْ ن ثَاقدُّوحْثْ إِ ثقْبِيتْشْ ن مَانَاسَّا، مِينْزِي نتَّا ثُوغَا ذ أَمنْزُو ن يُوسُوفْ، ثكَّارْ أَسْ-د إِ مَاكِيرْ، أَمنْزُو ن مَانَاسَّا، بَابَاسْ ن [ثمُّورْثْ ن] جِيلْعَاذْ، جِيلْعَاذْ ذ بَاشَانْ، مَاغَارْ نتَّا ثُوغَا ذ إِجّْ ن ؤُعسْكَارِي إِمحْضنْ.
JOS 17:2 ثكَّارْ أَسنْ-د ثْقدُّوحْثْ إِ أَيْثْ إِقِّيمنْ ن مَانَاسَّا عْلَاحْسَابْ ڒَادْجَاثْ نْسنْ، إِ أَيْثْ ن أَبِيعَازَارْ ذ أَيْثْ ن حَالَاقْ ذ أَيْثْ ن أَسْرِييِيلْ ذ أَيْثْ ن شَاكَامْ ذ أَيْثْ ن حَافَارْ ذ أَيْثْ ن شَامِيذَاعْ. إِنَا ذ أَيْثْ ن مَانَاسَّا، مِّيسْ ن يُوسُوفْ، عْلَاحْسَابْ ڒَادْجَاثْ نْسنْ.
JOS 17:3 ؤُ زلُوحْفَاذْ، مِّيسْ ن حَافَارْ، مِّيسْ ن جِيلْعَاذْ، مِّيسْ ن مَاكِيرْ، مِّيسْ ن مَانَاسَّا، وَارْ غَارسْ ثُوغِي شَا إِحنْجِيرنْ، مَاشَا ثُوغَا غَارسْ يسِّيسْ. إِنَا ذ إِسْمَاونْ ن يسِّيسْ: مَاحْلَا ذ نُوعَا، حُوجْلَا، مِيلْكَا ذ ثِيرْصَا.
JOS 17:4 نِيثنْثِي قَارّْبنْثْ-إِ-د زَّاثْ إِ وُوذمْ ن ؤُكهَّانْ أَلِيعَازَارْ ؤُ زَّاثْ إِ وُوذمْ ن يَاشُووَا، مِّيسْ ن نُونْ، ؤُ زَّاثْ إِ وُوذمْ ن ڒْحُوكَّامْ، نَّانْثْ: ”سِيذِي يُومُورْ مُوسَا، أَذْ أَنغْ إِوْشْ ثَاسْغَارْثْ جَارْ أَيْثْمَاثْنغْ.“ ؤُشَا إِوْشَا أَسنْثْ، عْلَاحْسَابْ ڒُومُورْ ن سِيذِي، إِشْثْ ن ثَاسْغَارْثْ جَارْ وَاوْمَاثنْ ن بَابَاثْسنْثْ.
JOS 17:5 أَمُّو إِ إِوْضَانْ إِفِيڒَانْ [ن ڒعْبَارْ]عشْرَا ن ثْوَاڒَاوِينْ إِ مَانَاسَّا، بْڒَا ثَامُّورْثْ ن جِيلْعَاذْ ذ بَاشَانْ إِ إِدْجَانْ أَغِيرِينْ ن لْ-ؤُرْذُونْ.
JOS 17:6 مَاغَارْ يسِّيسْ ن مَانَاسَّا طّْفنْثْ ثَاسْغَارْثْ ذِي ڒْوسْطْ ن وَارَّاونْ نّسْ ؤُ ثَامُّورْثْ ن جِيلْعَاذْ ثُوغَا إِ وَارَّاونْ ن مَانَاسَّا إِ إِقِّيمنْ.
JOS 17:7 أَيْمِيرْ ن مَانَاسَّا إِتّفّغْ زِي أَشِيرْ إِعدُّو غَارْ مِيكْمَاثَا إِ إِدْجَانْ أَجمَّاضْ إِ شَاكِيمْ ؤُ أَيْمِيرْ إِتّفّغْ غَارْ ؤُفُوسِي غَارْ إِمزْذَاغْ ن عَايْنْ-ثَافُّوحْ.
JOS 17:8 مَانَاسَّا غَارسْ ثَامُّورْثْ ن ثَافُّوحْ، مَاشَا ثَافُّوحْ [سِيمَانْثْ نّسْ] [نِّي] إِدْجَانْ خْ ويْمِيرْ أَكْ-ذ مَانَاسَّا، ثُوغَا إِ أَيْثْ ن إِفْرَايِيمْ.
JOS 17:9 [خنِّي] إِهكّْوَا ويْمِيرْ غَارْ ثغْزَارْثْ ن قَانَا غَارْ لْجَانُوبْ ن ثغْزَارْثْ. ثِيندَّامْ ن إِفْرَايِيمْ أَقَا-ثنْثْ ذِينْ جَارْ ثْندَّامْ ن مَانَاسَّا. ثَامُّورْثْ ن مَانَاسَّا ثدْجَا غَارْ ثْمَا ن شَّامَالْ ن إِغْزَارْ ؤُشَا طّْرُوفَا نّسْ تَّاكّْوَاضنْ أَڒْ ڒبْحَارْ.
JOS 17:10 لْجَانُوبْ أَقَا ن إِفْرَايِيمْ، شَّامَالْ أَقَا ن مَانَاسَّا ؤُ ڒبْحَارْ ذ أَيْمِيرْ نّسْ. ذِي شَّامَالْ تّنْحَاذَانْ خْ أَشِيرْ ؤُ ذِي شَّارْقْ خْ إِسَّاكَارْ.
JOS 17:11 ذِي إِسَّاكَارْ ؤُ ذِي أَشِيرْ ذوْڒنْ إِنَا غَارْ مَانَاسَّا: بَايْثْ-شَانْ أَكْ-ذ ثْندَّامْ إِ غَارسْ د-إِقّْننْ ؤُ يَابْلَاعَامْ أَكْ-ذ ثْندَّامْ نّسْ ذ إِمزْذَاغْ ن ذُورْ أَكْ-ذ ثْندَّامْ نّسْ ذ إِمزْذَاغْ ن عَايْنْ-ذُورْ أَكْ-ذ ثْندَّامْ نّسْ ذ إِمزْذَاغْ ن ثَاعْنَاكْ أَكْ-ذ ثْندَّامْ نّسْ ذ إِمزْذَاغْ ن مَاجِيدُّو أَكْ-ذ ثْندَّامْ نّسْ، ثْڒَاثَا ن ثْرقِّيعِينْ ؤُيْڒنْثْ.
JOS 17:12 أَيْثْ ن مَانَاسَّا وَارْ زمَّارنْ أَذْ [زَّايْسنْ] طّْفنْ ثِيندَّامْ-أَ [ذ ثسْغَارْثْ ن ڒْوَارْثْ]، مِينْزِي أَيْثْ ن كنْعَانْ ڭِّينْ [أَذْ قِّيمنْ] زدّْغنْ ذِي ثمُّورْثْ.
JOS 17:13 ؤُمِي أَيْثْ ن إِسْرَائِيل ذوْڒنْ جهْذنْ، ڭِّينْ نِيثْنِي لْجِيزْيَا خْ أَيْثْ ن كنْعَانْ، [مَاشَا] وَارْ خَاسنْ ؤُژّْڒنْ قَاعْ.
JOS 17:14 سِّيوْڒنْ أَيْثْ ن يُوسُوفْ أَكْ-ذ يَاشُووَا، نَّانْ: ”مَايمِّي ذ أَيِي ثوْشِيذْ ذ ثَاسْغَارْثْ مْغِيرْ إِشْثْ ن ثْقدُّوحْثْ ذ يِيجّْ ن ؤُفِيڒُو [ن ڒعْبَارْ]، وَاخَّا نشّْ ذ إِجّْ ن ڒْڭنْسْ ذ أَمقّْرَانْ، أَوَارْنِي إِ ؤُمِي ذ أَيِي إِڭَّا سِيذِي لْبَارَاكَا أَمُّو؟“
JOS 17:15 يَاشُووَا إِنَّا أَسنْ: ”مَاڒَا شكْ [خنِّي] ذ إِجّْ ن ڒْڭنْسْ أَمقّْرَانْ، ڭعّذْ [خنِّي] غَارْ وزْغَارْ ؤُشَا زْذمْ ذِينِّي تَّاسِيعْ إِ يِيخفْ نّشْ ذِي ثمُّورْثْ ن إِفِيرِيزِييّنْ ذ إِرَافَاوِييّنْ، مَاڒَا حْصَارنْ خَاكْ إِذُورَارْ ن إِفْرَايِيمْ.“
JOS 17:16 [خنِّي] نَّانْ أَيْثْ ن يُوسُوفْ: ”إِذُورَارْ نِّي وَارْ ذ أَنغْ تّْقِيذِّينْ. مَارَّا أَيْثْ ن كنْعَانْ نِّي إِزدّْغنْ ذِي ثمُّورْثْ ن ڒوْضَا ن ثغْزُورْثْ غَارْسنْ إِكَارُّوثنْ ن ؤُمنْغِي ن وُوزَّاڒْ، أَمْ يِينِّي [إِزدّْغنْ] ذِي بَايْثْ-شَانْ أَكْ-ذ ثْندَّامْ إِ غَارسْ د-إِقّْننْ ؤُ أَمْ يِينِّي ذِي ڒوْضَا ن ثغْزُورْثْ ن يَازْرَاعِيلْ.“
JOS 17:17 إِسِّيوڒْ يَاشُووَا أَكْ-ذ ثَادَّارْثْ ن يُوسُوفْ، أَكْ-ذ إِفْرَايِيمْ ذ مَانَاسَّا، إِنَّا: ”كنِّيوْ ذ إِجّْ ن ڒْڭنْسْ ذ أَمقّْرَانْ ؤُ غَارْومْ جّهْذْ أَمقّْرَانْ. كنِّيوْ وَارْ ثتّطّْفمْ مْغِيرْ إِشْثْ ن ثْقدُّوحْثْ،
JOS 17:18 مَاغَارْ ؤُڒَا ذ إِذُورَارْ أَذْ إِڒِينْ نْومْ ؤُشَا ؤُمِي [ثدْجَا] ذ أَزْغَارْ، إِتّْخصَّا أَذْ ثْزذْممْ ؤُشَا طّْرُوفَا نّسْ أَذْ إِڒِينْ إِ كنِّيوْ، مَاغَارْ أَذْ ثَاژّْڒمْ خْ أَيْثْ ن كنْعَانْ [زِي ثسْغَارْثْ نْسنْ]، وَاخَّا غَارْسنْ إِكَارُّوثنْ ن ؤُمنْغِي ن وُوزَّاڒْ ؤُ وَاخَّا نِيثْنِي جهْذنْ.“
JOS 18:1 مَارَّا ثَامسْمُونْثْ ن أَيْثْ ن إِسْرَائِيل ثْمُونْ ذِي شِيلُو ؤُشَا ذِينِّي إِ وْثِينْ أَقِيضُونْ ن ؤُمْسَاڭَارْ، [أَوَارْنِي] ؤُمِي سّْوَاضْعنْ ثَامُّورْثْ إِ يِيخفْ نْسنْ.
JOS 18:2 ثُوغَا قِّيمنْثْ جَارْ أَيْثْ ن إِسْرَائِيل سبْعَا ن ثْقبَّاڒْ، ثِينِّي ثُوغَا وَارْ ذ أَسنْثْ إِمّوْشنْ [عَاذْ] ذ ثَاسْغَارْثْ نْسنْثْ.
JOS 18:3 إِنَّا يَاشُووَا إِ أَيْثْ ن إِسْرَائِيل: ”أَڒْ مڒْمِي تّْرَاجَامْ [عَاذْ] أَڒْ غَا ثَاذْفمْ أَذْ ثطّْفمْ ثَامُّورْثْ إِ ذ أَومْ إِوْشَا سِيذِي، أَربِّي ن ڒجْذُوذْ نْومْ، [ذ ڒْوَارْثْ]؟
JOS 18:4 كْسِيمْ إِ يِيخفْ نْومْ ثْڒَاثَا ن يرْيَازنْ زِي كُوڒْ ثَاقْبِيتْشْ، حِيمَا نشّْ أَذْ ثنْ سّكّغْ ؤُشَا نِيثْنِي أَذْ كَّارنْ أَذْ كّنْ خْ ثمُّورْثْ ؤُشَا أَذْ ت زمّنْ زِي جِّيهثْ مَامّشْ إِتّْخصَّا أَذْ ثِيڒِي ثسْغَارْثْ نْسنْ، [خنِّي] أَذْ غَارِي د -عقْبنْ.
JOS 18:5 أَذْ ت بْضَانْ خْ سبْعَا ن ثْسقَّارْ. يَاهُوذَا أَذْ إِقِّيمْ خْ ثمُّورْثْ نّسْ ذِي لْجَانُوبْ ؤُ ثَادَّارْثْ ن يُوسُوفْ أَذْ ثقِّيمْ خْ ثمُّورْثْ نّسْ ذِي شَّامَالْ.
JOS 18:6 كنِّيوْ أَذْ ثْزمّمْ ثَامُّورْثْ خْ سبْعَا ن ثْسقَّارْ ؤُشَا إِزمَّاننْ نِّي أَذْ أَيِي ثنْ د-ثَاوْيمْ ذَانِيثَا، [خنِّي] نشّْ أَذْ أَومْ نْضَارغْ ثَاقدُّوحْثْ زَّاثْ إِ وُوذمْ ن سِيذِي، أَربِّي نّغْ.
JOS 18:7 مِينْزِي إِلَاوِييّنْ وَارْ غَارْسنْ بُو ثَاسْغَارْثْ ذِي ڒْوسْثْ نْومْ، مِينْزِي ثُوكهَّانْثْ ن سِيذِي ذ ثَاسْغَارْثْ نْسنْ. جَاذْ ذ رُوبِينْ ذ وزْينْ ن ثقْبِيتْشْ ن مَانَاسَّا طّْفنْ ثَاسْغَارْثْ نْسنْ خْ ؤُجمَّاضْ ن لْ-ؤُرْذُونْ، غَارْ شَّارْقْ، [ثَاسْغَارْثْ] نِّي إِ ذ أَسنْ إِوْشَا مُوسَا، أَمْسخَّارْ ن سِيذِي.
JOS 18:8 كَّارنْ إِرْيَازنْ ؤُشَا طّْفنْ أَبْرِيذْ. يُومُورْ يَاشُووَا إِ يِينِّي إِطّْفنْ أَبْرِيذْ مَاحنْذْ أَذْ زمّنْ ثَامُّورْثْ س ثِيرَا، إِنَّا: ”ؤُيُورمْ، تّكّمْ خْ ثمُّورْثْ ؤُشَا زمّممْ ت. [خنِّي]عقْبتِّيوْ-د غَارِي ؤُ نشّْ أَذْ أَومْ ذَا نْضَارغْ ثَاقدُّوحْثْ ذِي شِيلُو زَّاثْ إِ وُوذمْ ن سِيذِي.“
JOS 18:9 إِرْيَازنْ طّْفنْ أَبْرِيذْ، شُوقنْ ثَامُّورْثْ ؤُشَا زمّنْ ت ذڭْ إِجّْ ن وذْلِيسْ إِتّْوَانّْضنْ، [ستّْفنْ ت] عْلَاحْسَابْ ثِيندَّامْ، عْلَاحْسَابْ سبْعَا ن ثْسقَّارْ، ؤُشَاعقْبنْ غَارْ يَاشُووَا ذِي ڒْمَارْڭحْ ن ڒْعسْكَارْ ذِي شِيلُو.
JOS 18:10 [خنِّي] إِنْضَارْ يَاشُووَا ثَاقدُّوحْثْ زَّاثْ إِ وُوذمْ ن سِيذِي. ذِينْ إِ ذ أَسنْ إِبْضَا يَاشُووَا ثَامُّورْثْ جَارْ أَيْثْ ن إِسْرَائِيل، عْلَاحْسَابْ ثِيرْبِيعِينْ نْسنْ.
JOS 18:11 ثَاقدُّوحْثْ ن ثقْبِيتْشْ ن بِينْيَامِينْ ثضْهَارْ-د عْلَاحْسَابْ ڒَادْجَاثْ نْسنْ، ؤُ ثَاسْغَارْثْ ن ثْقدُّوحْثْ نْسنْ ثُوسَا-د جَارْ أَيْثْ ن يَاهُوذَا ذ أَيْثْ ن يُوسُوفْ.
JOS 18:12 إِتّفّغْ ويْمِيرْ نْسنْ غَارْ ؤُغزْذِيسْ ن شَّامَالْ زِي لْ-ؤُرْذُونْ ؤُشَا إِتّْڭعَّاذْ غَارْ وعْرُورْ ن شَّامَالْ ن أَرِيحَا، إِعدُّو [خنِّي] غَارْ ڒْغَارْبْ إِتّكّْ خْ إِذُورَارْ ؤُشَا طّْرُوفَا نّسْ تَّاكّْوَاضنْ أَڒْ ڒخْڒَا ن بَايْثْ-أَوَانْ.
JOS 18:13 سّنِّي إِژكّْوَا ويْمِيرْ غَارْ لُوزْ خْ وعْرُورْ ن لْجَانُوبْ ن لُوزْ، وَا ذ بَايْثْ-إِلْ، ؤُشَا [خنِّي] إِهكّْوَا-د غَارْ عَاطَارُوثْ خْ وذْرَارْ [إِ إِدْجَانْ] غَارْ لْجَانُوبْ ن بَايْثْ-حُورُونْ ن وَادَّايْ.
JOS 18:14 أَيْمِيرْ إِعدُّو ؤُشَا إِتّْميّڒْ جِّيهثْ ن ڒْغَارْبْ، [خنِّي] غَارْ لْجَانُوبْ زڭْ وذْرَارْ [إِ إِدْجَانْ] أَرنْذَاذْ ن بَايْثْ-حُورُونْ، [خنِّي] يَارنِّي إِڭُّورْ غَارْ لْجَانُوبْ ؤُشَا طّْرُوفَا نّسْ تَّاكّْوَاضنْ أَڒْ قَارْيَاثْ-بَاعْلَا، ثَا ذ قَارْيَاثْ-يَاعَارِيمْ، إِشْثْ ن ثنْذِينْثْ ن أَيْثْ ن يَاهُوذَا. وَا ذ أَغزْذِيسْ ن ڒْغَارْبْ.
JOS 18:15 أَغزْذِيسْ ن لْجَانُوبْ [إِتّفّغْ] زِي طَّارْفْ أَنڭَّارْ ن قَارْيَاثْ-يَاعَارِيمْ. إِبدَّا ويْمِيرْ زِي ڒْغَارْبْ ؤُ إِتَّاكّْوَاضْ غَارْ ثَاڒَا ن وَامَانْ ن نَافْثُوحَا.
JOS 18:16 [خنِّي] إِهكّْوَا-د ويْمِيرْ غَارْ طَّارْفْ ن وذْرَارْ إِ زِي ثتّْوَاڒِيذْ ثَاغْزُورْثْ ن مِّيسْ ن هِينُّومْ نِّي إِدْجَانْ غَارْ طَّارْفْ ن شَّامَالْ ن ثغْزُورْثْ ن إِرَافَاوِييّنْ ؤُشَا [خنِّي] إِهكّْوَا-د خْ ثغْزُورْثْ ن هِينُّومْ غَارْ ؤُغزْذِيسْ ن لْجَانُوبْ ن [وذْرَارْ ن] إِيابُوسِييّنْ ؤُشَا إِهكّْوَا-د غَارْ ثَاڒَا ن رُوجِيلْ.
JOS 18:17 ؤُشَا إِتّكّْ خْ شَّامَالْ ؤُشَا إِتَّاكّْوَاضْ غَارْ عَايْنْ-شَامْشْ ؤُشَا إِعدُّو غَارْ جَالِيلُوثْ، نِّي [إِدْجَانْ] أَرنْذَاذْ ن وبْرِيذْ ن ؤُژكّْوُو خْ إِذُورَارْ ن أَذُومِّيمْ ؤُشَا إِهكّْوَا-د غَارْ وژْرُو ن بُوهَانْ، مِّيسْ ن رُوبِينْ،
JOS 18:18 ؤُ إِژكّْوَا غَارْ ڒْڭعّْذثْ نِّي [إِدْجَانْ] غَارْ شَّامَالْ أَرنْذَاذْ ن ڒوْضَا ؤُشَا [خنِّي] إِهكّْوَا ذِي ڒوْضَا.
JOS 18:19 [خنِّي] إِعدُّو ويْمِيرْ غَارْ شَّامَالْ غَارْ ڒْڭعّْذثْ ن بَايْثْ-حُوجْلَا ؤُ طّْرُوفَا نّسْ أَقَا أَثنْ غَارْ إِڒسْ ن شَّامَالْ ن ڒبْحَارْ أَمدْجَاحْ، غَارْ ؤُنڭَّارْ ن لْ-ؤُرْذُونْ ذِي لْجَانُوبْ. وَا ذ أَيْمِيرْ ن لْجَانُوبْ.
JOS 18:20 لْ-ؤُرْذُونْ ثُوغَا ذ أَيْمِيرْ نّسْ خْ ؤُغزْذِيسْ ن شَّارْقْ. ثَا ذ ثَاسْغَارْثْ ن أَيْثْ ن بِينْيَامِينْ عْلَاحْسَابْ إِيْمِيرنْ نّسْ إِ ذ أَسْ إِقُووَّارنْ، عْلَاحَاسَابْ ڒَادْجَاثْ نْسنْ.
JOS 18:21 ثِيندَّامْ ن ثقْبِيتْشْ ن أَيْثْ ن بِينْيَامِينْ، عْلَاحْسَابْ ڒَادْجَاثْ نْسنْ ذ ثِينَا: أَرِيحَا ذ بَايْثْ-حُوجْلَا ذ عِيمَاقْ-قِيصِيصْ
JOS 18:22 ذ بَايْثْ-عَارَابَا ذ صَامَارَايِيمْ ذ بَايْثْ-إِلْ
JOS 18:23 ذ إِعَاوِييّنْ ذ هَا-فَارَا ذ عُوفْرَا،
JOS 18:24 ذ كَافَارْ-عَامُّونِي ذ هَا-عُوفْنِي ذ جَابَاعْ. [مَارَّا جْمِيعْ] ثُوغَا أَثنْثْ ذِي ثنْعَاشْ ن ثْندَّامْ أَكْ-ذ ڒذْشُورْ نْسنْثْ.
JOS 18:25 جِيبْعُونْ ذ رَامَا ذ بِيعْرُوثْ
JOS 18:26 ذ مِيصْفَا ذ كَافِيرَا ذ مُوصَا
JOS 18:27 ذ رَاقَامْ ذ يَارَافْوِيلْ ذ ثَارَالَا
JOS 18:28 ذ صَالَاعْ ذ أَلَافْ ذ أَيابُوسِي، ونِّي ذ ؤُرْشَالِيمْ، ذ جِيبْعَا ذ قَارْيَاثْ. [مَارَّا جْمِيعْ] ثُوغَا أَثنْثْ ذِي أَرْبعْطَاشْ ن ثْندَّامْ أَكْ-ذ ڒذْشُورْ نْسنْثْ. ثَا ذ ثَاسْغَارْثْ ن أَيْثْ ن بِينْيَامِينْ عْلَاحْسَابْ ڒَادْجَاثْ نْسنْ.
JOS 19:1 ثَاقدُّوحْثْ وِيسّْ ثْنَاينْ ثكَّارْ أَسْ-د إِ شِيمْعُونْ، إِ ثقْبِيتْشْ ن شِيمْعُونْ، عْلَاحْسَابْ ڒَادْجَاثْ نْسنْ. ثَاسْغَارْثْ نْسنْ ثدْجَا ذِي ڒْوسْثْ ن ثسْغَارْثْ ن أَيْثْ ن يَاهُوذَا.
JOS 19:2 ذِي ثسْغَارْثْ نْسنْ ذوْڒنْثْ غَارْسنْ [ثْندَّامْ-أَ]: بِئرْ-سبْعَا ذ شَابْعَا ذ مُولَاذَا
JOS 19:3 ذ حَاصَارْ-شُوعَالْ ذ بَاعْلَا ذ عَاصَامْ
JOS 19:4 ذ إِلْثُولَاذْ ذ بَاثُولْ ذ حُورْمَا
JOS 19:5 ذ صِيقْلَاغْ ذ بَايْثْ-مَارْكابُوثْ ذ حَاصَارْ-سُوسَا
JOS 19:6 ذ بَايْثْ-لَابَاوُوثْ ذ شَارُوحَايْنْ. [مَارَّا جْمِيعْ] ثُوغَا أَثنْثْ ذِي ثْڒطَّاشْ ن ثْندَّامْ أَكْ-ذ ڒذْشُورْ نْسنْثْ.
JOS 19:7 [خنِّي] عَايْنْ ذ رِيمُّونْ ذ عَاثَارْ ذ عَاشَانْ. [مَارَّا جْمِيعْ] ثُوغَا أَثنْثْ ذِي أَربْعَا ن ثْندَّامْ أَكْ-ذ ڒذْشُورْ نْسنْثْ،
JOS 19:8 ؤُڒَا ذ مَارَّا ڒذْشُورْ إِ د-إِتّنّْضنْ إِ ثْندَّامْ-أَ أَڒْ بَاعْلَاثْ-بِي‘رْ، ثنِّي ذ رَامَا ن لْجَانُوبْ. ثَا ذ ثَاسْغَارْثْ ن ثقْبِيتْشْ ن أَيْثْ ن شِيمْعُونْ، عْلَاحْسَابْ ڒَادْجَاثْ نْسنْ.
JOS 19:9 ثَاسْغَارْثْ ن أَيْثْ ن شِيمْعُونْ ثُوغَا [ثتّْوَاكْسِي] زِي [مِينْعبَّارنْ س] ؤُفِيڒُو [ن ڒعْبَارْ] إِ أَيْثْ ن يَاهُوذَا، مِينْزِي ثَاسْغَارْثْ ن أَيْثْ ن يَاهُوذَا ثُوغَا-ت إِ إِنَا ذ ثَامقّْرَانْثْ أَطَّاسْ. [خْ ؤُينِّي] وَارْثنْ أَيْثْ ن شِيمْعُونْ إِشْثْ ن ثسْغَارْثْ ذِي ثسْغَارْثْ نْسنْ.
JOS 19:10 ثَاقدُّوحْثْ وِيسّْ ثْڒَاثَا ثضْهَارْ-د إِ أَيْثْ ن زابُولُونْ، عْلَاحْسَابْ ڒَادْجَاثْ نْسنْ. أَيْمِيرْ ن ثسْغَارْثْ نْسنْ إِعدُّو أَڒْ سَارِيذْ.
JOS 19:11 إِتّْڭعّذْ ويْمِيرْ نْسنْ غَارْ ڒْغَارْبْ ؤُ [غَارْ] مَارْعَالَا ؤُشَا إِتَّاكّْوَاضْ أَڒْ ذَابَّاشَا ؤُ أَڒْ ثِيغْزَارْثْ نِّي إِسِّيزّْڒنْ زَّاثْ إِ يُوكْنَاعَامْ.
JOS 19:12 زِي سَارِيذْ إِتّْميّڒْ ويْمِيرْ غَارْ شَّارْقْ، غَارْ مَانِيسْ ذ ثْنقَّارْ ثْفُوشْثْ، أَڒْ ويْمِيرْ ن كِيسْلُوثْ-ثابُورْ ؤُشَا إِتّفّغْ غَارْ ذُوبْرَا ؤُ إِتّْڭعّذْ غَارْ يَافِيعْ.
JOS 19:13 سّنِّي إِعدُّو غَارْ شَّارْقْ، غَارْ مَانِيسْ د-ثْنقَّارْ ثْفُوشْثْ، غَارْ جَاثْ-حَافَارْ ؤُ غَارْ عِيثْ-قَاصِينْ ؤُ إِتّفّغْ غَارْ رِيمُّونْ، إِتّفْرِيغْ [خنِّي غَارْ] نَايْعَا.
JOS 19:14 إِتّفْرِيغْ ويْمِيرْ زِي شَّامَالْ غَارْ حَانَّاثُونْ ؤُ طّْرُوفَا نّسْ تَّاكّْوَاضنْ أَڒْ ثغْزُورْثْ ن جِيفْثَاحْ-إِلْ.
JOS 19:15 [خنِّي] قَاطَّا ذ نَاهْلَالْ ذ شِيمْرُونْ ذ يَاذَالَا ذ بَايْثْ-لَاحْمْ. [مَارَّا جْمِيعْ] ثُوغَا أَثنْثْ ذِي ثنْعَاشْ ن ثْندَّامْ أَكْ-ذ ڒذْشُورْ نْسنْثْ.
JOS 19:16 ثَا ذ ثَاسْغَارْثْ ن أَيْثْ ن زابُولُونْ، عْلَاحْسَابْ ڒَادْجَاثْ نْسنْ، ثِيندَّامْ-أَ أَكْ-ذ ڒذْشُورْ نْسنْثْ.
JOS 19:17 ثَاقدُّوحْثْ وِيسّْ أَربْعَا ثكَّارْ أَسْ-د إِ إِسَّاكَارْ، إِ أَيْثْ ن إِسَّاكَارْ، عْلَاحْسَابْ ڒَادْجَاثْ نْسنْ.
JOS 19:18 إِعدُّو ويْمِيرْ نْسنْ غَارْ يَازْرَاعِيلْ ذ كِيسْلُوثْ ذ شُونَامْ
JOS 19:19 ذ حَافَارَايِيمْ ذ شِييُونْ ذ أَنَاحَارَا
JOS 19:20 ذ رَابِّيثْ ذ قِيشْيُونْ ذ أَبَاصْ
JOS 19:21 ذ رَامَا ذ عَايْنْ-جَانِّيمْ ذ عَايْنْ-حَادَّا ذ بَايْثْ-قَاصَّايْسْ.
JOS 19:22 إِتَّاكّْوَاضْ ويْمِيرْ أَڒْ ثابُورْ ذ شَاحْصِيمَا ذ بَايْثْ-شَامْسْ ؤُ طّْرُوفَا ن ويْمِيرْ تَّاكّْوَاضنْ أَڒْ لْ-ؤُرْذُونْ. [مَارَّا جْمِيعْ] ثُوغَا أَثنْثْ ذِي سطَّاشْ ن ثْندَّامْ أَكْ-ذ ڒذْشُورْ نْسنْثْ.
JOS 19:23 ثَا ذ ثَاسْغَارْثْ ن أَيْثْ ن إِسَّاكَارْ، عْلَاحْسَابْ ڒَادْجَاثْ نْسنْ، ثِيندَّامْ أَكْ-ذ ڒذْشُورْ نْسنْثْ.
JOS 19:24 ثَاقدُّوحْثْ وِيسّْ خمْسَا ثكَّارْ أَسْ-د إِ ثقْبِيتْشْ ن أَيْثْ ن أَشِيرْ، عْلَاحْسَابْ ڒَادْجَاثْ نْسنْ.
JOS 19:25 أَيْمِيرْ نْسنْ أَقَا-ث ذ حَالْقَا ذ حَالِي ذ بَاطَانْ ذ أَكْشَافْ
JOS 19:26 ذ أَلَّامَّالَاكْ ذ أَمْعَاذْ ذ مِيشْ-أَلْ، ؤُشَا إِتَّاكّْوَاضْ أَڒْ [وذْرَارْ ن] كَارْمِيلْ ذِي ڒْغَارْبْ ؤُ أَڒْ شِيخُورْ-لِيبْنَا.
JOS 19:27 إِتّْميّڒْ ويْمِيرْ غَارْ مَانِيسْ د-ثْنقَّارْ ثْفُوشْثْ غَارْ بَايْثْ-ذَاجُونْ ؤُشَا إِتَّاكّْوَاضْ أَڒْ زابُولُونْ ذ ثغْزُورْثْ ن يِيفْثَاحْ-إِلْ غَارْ شَّامَالْ، [خنِّي أَڒْ] بَايْثْ-عَامِيقْ ذ نَاعِييِيلْ، ؤُشَا إِتّفّغْ خْ ؤُزڒْمَاضْ ن كابُولْ
JOS 19:28 ؤُشَا [إِعدُّو غَارْ] عَابْرُونْ ذ رَاحُوبْ ذ حَامُّونْ ذ قَانَا أَڒْ صِيذُونْ أَمقّْرَانْ.
JOS 19:29 إِتّْميّڒْ ويْمِيرْ غَارْ رَامَا إِڭُّورْ أَڒْ ثَانْذِينْثْ ن صُورْ إِ إِفَارْينْ ؤُ [خنِّي] إِتّْميّڒْ ويْمِيرْ غَارْ حُوصَا ؤُ طّْرُوفَا نّسْ تَّاكّْوَاضنْ أَڒْ ڒبْحَارْ، زِي حِيبْلْ أَڒْ أَكْزِيبْ
JOS 19:30 ذ عُومَّا ذ أَفِيقْ ذ رَاحُوبْ. [مَارَّا جْمِيعْ] ثُوغَا أَثنْثْ ذِي ثْنَاينْ ؤُ-عِيشْرِينْ ن ثْندَّامْ أَكْ-ذ ڒذْشُورْ نْسنْثْ.
JOS 19:31 ثَا ذ ثَاسْغَارْثْ ن ثقْبِيتْشْ ن أَيْثْ ن أَشِيرْ، عْلَاحْسَابْ ڒَادْجَاثْ نْسنْ، ثِيندَّامْ-أَ أَكْ-ذ ڒذْشُورْ نْسنْثْ.
JOS 19:32 ثَاقدُّوحْثْ وِيسّْ ستَّا ثكَّارْ أَسْ-د إِ أَيْثْ ن نَافْثَالِي، إِ أَيْثْ ن نَافْثَالِي، عْلَاحْسَابْ ڒَادْجَاثْ نْسنْ.
JOS 19:33 إِعدُّو ويْمِيرْ نْسنْ زِي حَالَافْ، زِي ثْشجَّارْثْ ن يِيڭّْ ذِي صَاعَانَايِيمْ، ذ أَذَامِي-نَاقِيبْ ذ يَابْنِييِيلْ أَڒْ لَاقُّومْ ؤُشَا طّْرُوفَا نّسْ تَّاكّْوَاضنْ أَڒْ لْ-ؤُرْذُونْ.
JOS 19:34 إِتّْميّڒْ ويْمِيرْ غَارْ ڒْغَارْبْ غَارْ أَزْنُوثْ-ثابُورْ ؤُ سّنِّي إِعدُّو غَارْ حُوقُوقْ ؤُ إِتَّاكّْوَاضْ أَڒْ زابُولُونْ ذِي لْجَانُوبْ ؤُ ذِي ڒْغَارْبْ إِسُّوفُّوغْ أَڒْ أَشِيرْ ؤُ ذِي شَّارْقْ أَڒْ يَاهُوذَا [غَارْ] لْ-ؤُرْذُونْ.
JOS 19:35 ثِيندَّامْ إِفَارْينْ أَقَا أَثنْثْ صِيذِّيمْ ذ صَايْرْ ذ حَامَّاثْ ذ رَاقَّاثْ ذ كِينَّارَاثْ
JOS 19:36 ذ أَذَامَا ذ رَامَا ذ حَاصُورْ
JOS 19:37 ذ قَاذَاشْ ذ إِذْڒَاعِي ذ عَايْنْ-حَاصُورْ
JOS 19:38 ذ يِيرُونْ ذ مِيجْذَالْ-إِلْ ذ حُورِيمْ ذ بَايْثْ-عَانَاثْ ذ بَايْثْ-شَامْسْ. [مَارَّا جْمِيعْ] ثُوغَا أَثنْثْ ذِي ثْسعْطَاشْ ن ثْندَّامْ أَكْ-ذ ڒذْشُورْ نْسنْثْ.
JOS 19:39 ثَا ذ ثَاسْغَارْثْ ن أَيْثْ ن نَافْثَالِي، عْلَاحْسَابْ ڒَادْجَاثْ نْسنْ، ثِيندَّامْ أَكْ-ذ ڒذْشُورْ نْسنْثْ.
JOS 19:40 ثَاقدُّوحْثْ وِيسّْ سبْعَا ثكَّارْ أَسْ-د إِ ثقْبِيتْشْ ن أَيْثْ ن ذَانْ، عْلَاحْسَابْ ڒَادْجَاثْ نْسنْ.
JOS 19:41 أَيْمِيرْ ن ثسْغَارْثْ نْسنْ أَقَا-ث ذ صُورْعَا ذ إِشْثَاؤُولْ ذ عِيرْ-شَامْشْ
JOS 19:42 ذ شَاعَالْبِيمْ ذ أَيَالُونْ ذ يِيثْلَا،
JOS 19:43 ذ إِيْلُونْ ذ ثِيمْنَاثَا ذ عَاقْرُونْ
JOS 19:44 ذ إِلْثَاقَايْ ذ جِيبَّاثُونْ ذ بَاعْلَاثْ
JOS 19:45 ذ يَاهُوذْ ذ بَانِي-بَارَاقْ ذ جَاثْ-رِيمُّونْ
JOS 19:46 ذ مِييَاهْ-يَارْقُونْ ذ رَاقُّونْ أَكْ-ذ ثمُّورْثْ قِيبَاتْشْ إِ يَافَا.
JOS 19:47 [مَاشَا] ثَامُّورْثْ ن أَيْثْ ن ذَانْ ثحْسَارْ إِ نِيثْنِي. خنِّي ڭعّْذنْ أَيْثْ ن ذَانْ غَارْ لَاشَامْ، أَرْزْمنْ أَمنْغِي أَكْ-ذ لَاشَامْ، ڒغْبنْ ت، وْثِينْ ت س ڒقْضعْ ن سِّيفْ ؤُشَا طّْفنْ ت [ذ ثَاسْغَارْثْ نْسنْ] ؤُشَا قِّيمنْ زدّْغنْ ذِينْ. نِيثْنِي ڭِّينْ أَسْ إِ لَاشَامْ [إِسمْ] ذَانْ عْلَاحْسَابْ إِسمْ ن بَابَاثْسنْ دَان.
JOS 19:48 ثَا ذ ثَاسْغَارْثْ ن ثقْبِيتْشْ ن أَيْثْ ن ذَانْ، عْلَاحْسَابْ ڒَادْجَاثْ نْسنْ، ثِيندَّامْ-أَ أَكْ-ذ ڒذْشُورْ نْسنْثْ.
JOS 19:49 [ؤُمِي] كمّْڒنْ أَيْثْ ن إِسْرَائِيل أَبطُّو ن ثمُّورْثْ ذِي ثْسقَّارْ ن ڒْوَارْثْ عْلَاحْسَابْ إِيْمِيرنْ نّسْ، وْشِينْ أَيْثْ ن إِسْرَائِيل ؤُڒَا إِ يَاشُووَا، مِّيسْ ن نُونْ، إِشْثْ ن ثسْغَارْثْ ذِي ڒْوسْطْ نْسنْ.
JOS 19:50 وْشِينْ أَسْ، س ڒُومُورْ ن سِيذِي، ثَانْذِينْثْ إِ ثُوغَا إِتَّارْ، ثِيمْنَاثْ-سَارَاحْ خْ إِذُورَارْ ن إِفْرَايِيمْ. نتَّا إِبْنَا ثَانْذِينْثْ نِّي، ؤُشَا إِرُوحْ إِزْذغْ ذِينِّي.
JOS 19:51 ثِينَا ذ ثِيسقَّارْ نِّي إِتّْوَابْضَانْ [ذ ڒْوَارْثْ] س ثْقدُّوحْثْ إِ أَيْثْ ن إِسْرَائِيل ذِي شِيلُو زَّاثْ إِ وُوذمْ ن سِيذِي غَارْ وَاذَافْ ن ؤُقِيضُونْ ن ؤُمْسَاڭَارْ س ؤُفُوسْ ن ؤُكهَّانْ أَلِيعَازَارْ ذ يَاشُووَا، مِّيسْ ن نُونْ، ذ إِمْغَارنْ [ن ثُوذْرِينْ] ن إِبَابَاثنْ ن ثْقبَّاڒْ. [أَمُّو] كمّْڒنْ أَبطُّو ن ثمُّورْثْ.
JOS 20:1 إِسِّيوڒْ سِيذِي أَكْ-ذ يَاشُووَا، إِنَّا:
JOS 20:2 ”سِيوڒْ أَكْ-ذ أَيْثْ ن إِسْرَائِيل، إِنِي: ’أَذْ ثْفَارْزمْ ثِيندَّامْ ن ثَاروْڒَا إِ يِيخفْ نْومْ، مِينْ خفْ ذ أَومْ سِّيوْڒغْ س ثْسخَّارْثْ ن مُوسَا،
JOS 20:3 حِيمَا أَذْ يَارْوڒْ ذِينْ ؤُقتَّاڒْ نِّي إِنْغِينْ إِجّْ ن بْنَاذمْ زڭْ ؤُودَّارْ، بْڒَا مَا أَذْ أَسْ إِڭّْ ڒحْسَابْ. أَذْ إِڒِينْثْ ذ إِمُوشَانْ مَانِي غَا ثَاروْڒمْ زڭْ ؤُنقَّامْ ن إِذَامّنْ.
JOS 20:4 مَاڒَا نتَّا يَارْوڒْ غَارْ إِشْثنْ زِي ثْندَّامْ نِّي، أَذْ إِبدّْ غَارْ ثوَّارْثْ ن ثنْذِينْثْ ؤُشَا أَذْ إِحَاجَا ثَامْسَارْثْ نّسْ ذڭْ إِمزُّوغنْ ن إِمقّْرَاننْ ن ثنْذِينْثْ. [خنِّي] أَذْ ث سِّيذْفنْ ذِي ثنْذِينْثْ، أَذْ أَسْ وْشنْ إِجّْ ن ومْشَانْ مَاحنْذْ أَذْ غَارْسنْ إِزْذغْ.
JOS 20:5 مَاڒَا [خنِّي] إِضْفَارْ إِ-ث ؤُنقَّامْ ن إِذَامّنْ، وَارْ ذ أَسْ تِّيشنْ أَقتَّاڒْ ذڭْ ؤُفُوسْ نّسْ، مَاغَارْ نتَّا إِنْغَا جَّارْ نّسْ بْڒَا مَا أَذْ أَسْ إِڭّْ ڒحْسَابْ، ثُوغَا وَارْ ث إِشَارّهْ شَا إِضنَّاضْ نِيغْ فَارِيضنَّاضْ.
JOS 20:6 نتَّا أَذْ إِقِّيمْ إِزْذغْ ذِي ثنْذِينْثْ نِّي، أَڒْ غَا إِبدّْ إِ ڒحْكَامْ زَّاثْ إِ وُوذمْ ن ثْمسْمُونْثْ، [ؤُشَا أَوَارْنِي مَانْ أَيَا] أَڒْ غَا إِمّثْ أَرَّايْسْ ن إِكهَّاننْ ونِّي ذِينْ إِدْجَانْ ذڭْ وُوسَّانْ نِّي. خنِّي إِزمَّارْ ؤُقتَّاڒْ أَذْ إِعْقبْ غَارْ ثنْذِينْثْ نّسْ ؤُ غَارْ ثَادَّارْثْ نّسْ، غَارْ ثنْذِينْثْ إِ زِي د-يَارْوڒْ.
JOS 20:7 [خنِّي] قدّْسنْ قَاذَاشْ ذڭْ إِذُورَارْ ن نَافْثَالِي ذِي لْجَالِيلْ ؤُ شَاكِيمْ خْ إِذُورَارْ ن إِفْرَايِيمْ ؤُ قَارْيَاثْ-أَرْبَاعْ، ثنِّي ذ حَابْرُونْ، ذِي ثمُّورْثْ ن إِذُورَارْ ن يَاهُوذَا.
JOS 20:8 أَغِيرِينْ ن لْ-ؤُرْذُونْ، ذِي جِّيهثْ ن شَّارْقْ زِي أَرِيحَا، وْشِينْ نِيثْنِي زِي ثقْبِيتْشْ ن رُوبِينْ بَاصَارْ ذِي ڒخْڒَا خْ ڒْوَاطَا [يُوعْڒَانْ] ؤُ زِي ثقْبِيتْشْ ن جَاذْ [وْشِينْ نِيثْنِي] رَامُوثْ ذِي جِيلْعَاذْ ؤُ زِي ثقْبِيتْشْ ن مَانَاسَّا [ثَانْذِينْثْ ن] جُولَانْ ذِي بَاشَانْ.
JOS 20:9 ثِينَا ذ ثِيندَّامْ نِّي إِتّْوَاڭّنْ إِ مَارَّا أَيْثْ ن إِسْرَائِيل ؤُ إِ ؤُبَارَّانِي نِّي إِ إِزدّْغنْ ذِي ڒْوسْطْ نْسنْ، حِيمَا كُوڒْ إِجّْ زڭْ إِنِّي إِنْغِينْ إِجّْ ن بْنَاذمْ س ؤُودَّارْ، إِزمَّارْ أَذْ ذِينْ يَارْوڒْ، حِيمَا وَارْ إِتّْمتِّي س ؤُفُوسْ ن إِنقَّامنْ ن إِذَامّنْ أَڒْ غَا إِبدّْ إِ ڒْحُوكْمْ زَّاثْ إِ وُوذمْ ن ثْمسْمُونْثْ.
JOS 21:1 [خنِّي] قَارّْبنْ-د إِزدْجِيفنْ ن [ثُوذْرِينْ ن] إِبَابَاثنْ ن إِلَاوِييّنْ غَارْ ؤُكهَّانْ أَلِيعَازَارْ ذ يَاشُووَا، مِّيسْ ن نُونْ، ؤُ [قَارّْبنْ-د] غَارْ إِزدْجِيفنْ ن [ثُوذْرِينْ ن] إِبَابَاثنْ ن ثْقبَّاڒْ ن أَيْثْ ن إِسْرَائِيل.
JOS 21:2 سِّيوْڒنْ أَكِيذْسنْ ذِي شِيلُو ذِي ثمُّورْثْ ن كنْعَانْ، نَّانْ: ”سِيذِي يُومُورْ س ؤُفُوسْ ن مُوسَا، أَذْ أَنغْ مّوْشنْثْ ثْندَّامْ، حِيمَا أَذْ ذَايْسنْثْ نزْذغْ، أَكْ-ذ دّْمَانِي نْسنْثْ ن ثَاروْسَا إِ ڒبْهَايمْ نّغْ.“
JOS 21:3 [خنِّي] وْشِينْ أَيْثْ ن إِسْرَائِيل س ڒُومُورْ ن سِيذِي، زِي ثسْغَارْثْ نْسنْ، ثِيندَّامْ أَكْ-ذ دّْمَانِي نْسنْثْ ن ثَاروْسَا إِ إِلَاوِييّنْ.
JOS 21:4 ؤُشَا ثكَّارْ أَسنْثْ-د ثْقدُّوحْثْ إِ ڒَادْجَاثْ ن قَاهَاثْ. س ثْقدُّوحْثْ كَّارنْثْ أَسنْ-د إِ وَارَّاوْ ن ؤُكهَّانْ هَارُونْ زڭْ إِلَاوِييّنْ ثْڒطَّاشْ ن ثْندَّامْ زِي [ثمُّورْثْ ن] ثقْبِيتْشْ ن يَاهُوذَا ؤُ ن ثقْبِيتْشْ ن شِيمْعُونْ ؤُ ن ثقْبِيتْشْ ن بِينْيَامِينْ.
JOS 21:5 إِ إِنِّي إِقِّيمنْ ن أَيْثْ ن قَاهَاثْ [كَّارنْثْ أَسنْ-د] س ثْقدُّوحْثْعشْرَا ن ثْندَّامْ زِي [ثمُّورْثْ ن] ڒَادْجَاثْ ن ثقْبِيتْشْ ن إِفْرَايِيمْ ؤُ ن ثقْبِيتْشْ ن ذَانْ ؤُ ن وزْينْ ن ثقْبِيتْشْ ن مَانَاسَّا.
JOS 21:6 إِ أَيْثْ ن جَارْشُونْ [كَّارنْثْ أَسنْ-د] س ثْقدُّوحْثْ ثْڒطَّاشْ ن ثْندَّامْ زِي [ثمُّورْثْ ن] ڒَادْجَاثْ ن ثقْبِيتْشْ ن إِسَّاكَارْ ؤُ ن ثقْبِيتْشْ ن أَشِيرْ ؤُ ن ثقْبِيتْشْ ن نَافْثَالِي ؤُ ن وزْينْ ن ثقْبِيتْشْ ن مَانَاسَّا ذِي بَاشَانْ.
JOS 21:7 إِ أَيْثْ ن مَارَارِي [كَّارنْثْ أَسنْ-د س ثْقدُّوحْثْ] ثنْعَاشْ ن ثْندَّامْ، عْلَاحْسَابْ ڒَادْجَاثْ نْسنْ، زِي [ثمُّورْثْ ن] ثقْبِيتْشْ ن رُوبِينْ ؤُ ن ثقْبِيتْشْ ن جَاذْ ؤُ ن ثقْبِيتْشْ ن زابُولُونْ.
JOS 21:8 أَيْثْ ن إِسْرَائِيل وْشِينْ ثِيندَّامْ-أَ أَكْ-ذ دّْمَانِي نْسنْثْ ن ثَاروْسَا س ثْقدُّوحْثْ إِ إِلَاوِييّنْ، أَمْ مَامّشْ [ث] يُومُورْ سِيذِي س ثْسخَّارْثْ ن مُوسَا.
JOS 21:9 زِي [ثمُّورْثْ ن] ثقْبِيتْشْ ن أَيْثْ ن يَاهُوذَا ؤُ زِي ثقْبِيتْشْ ن أَيْثْ ن شِيمْعُونْ وْشِينْ أَسنْ ثِيندَّامْ-أَ إِ إِتّْوَانَّانْ س يِيسمْ نْسنْثْ
JOS 21:10 ؤُ [مَارَّا أَيَا] إِكَّارْ أَسنْ-د إِ وَارَّاوْ ن هَارُونْ نِّي إِدْجَانْ زِي ڒَادْجَاثْ ن إِقَاهَاثِييّنْ زڭْ أَيْثْ ن لَاوِي، مِينْزِي ثَاقدُّوحْثْ ثَامزْوَارُوثْ ثوْضَا خَاسنْ.
JOS 21:11 نِيثْنِي وْشِينْ أَسنْ ثَانْذِينْثْ ن أَرْبَاعْ، بَابَاسْ ن عَانَاقْ، ثنِّي ذ حَابْرُونْ، ذِي ثمُّورْثْ ن إِذُورَارْ ن يَاهُوذَا أَكْ-ذ دّْمَانِي نّسْ ن ثَاروْسَا إِ ذ أَسْ د-إِنّْضنْ.
JOS 21:12 [مَاشَا] إِيَّارنْ ن ثنْذِينْثْ ذ ڒذْشُورْ نّسْ وْشِينْ ثنْ ذ أَڭْڒَا إِ كَالِيبْ، مِّيسْ ن يَافُونِّي.
JOS 21:13 إِ أَيْثْ ن ؤُكهَّانْ هَارُونْ وْشِينْ أَسنْ [ثِيندَّامْ-أَ ذ] ثَانْذِينْثْ ن ثَاروْڒَا إِ ؤُقتَّاڒْ: حَابْرُونْ أَكْ-ذ دّْمَانِي نّسْ ن ثَاروْسَا، ذ لِيبْنَا أَكْ-ذ دّْمَانِي نّسْ ن ثَاروْسَا،
JOS 21:14 ذ يَاتِّيرْ أَكْ-ذ دّْمَانِي نّسْ ن ثَاروْسَا، ذ إِشْثُومَاعْ أَكْ-ذ دّْمَانِي نّسْ ن ثَاروْسَا،
JOS 21:15 ذ حُولُونْ أَكْ-ذ دّْمَانِي نّسْ ن ثَاروْسَا، ذ ذَابِيرْ أَكْ-ذ دّْمَانِي نّسْ ن ثَاروْسَا،
JOS 21:16 ذ عَايْنْ أَكْ-ذ دّْمَانِي نّسْ ن ثَاروْسَا، ذ يُوطَّا أَكْ-ذ دّْمَانِي نّسْ ن ثَاروْسَا، ذ بَايْثْ-شَامْسْ أَكْ-ذ دّْمَانِي نّسْ ن ثَاروْسَا، [مَارَّا جْمِيعْ] ثُوغَا أَثنْثْ ذِي ثسْعَا ن ثْندَّامْ زِي ثْنَاينْ ن ثْقبَّاڒْ-أَ.
JOS 21:17 زِي ثقْبِيتْشْ ن بِينْيَامِينْ [وْشِينْ أَسنْ] جِيبْعُونْ أَكْ-ذ دّْمَانِي نّسْ ن ثَاروْسَا، ذ جِيبْعَا أَكْ-ذ دّْمَانِي نّسْ ن ثَاروْسَا،
JOS 21:18 عَانَاثُوثْ أَكْ-ذ دّْمَانِي نّسْ ن ثَاروْسَا، ذ عَالْمُونْ أَكْ-ذ دّْمَانِي نّسْ ن ثَاروْسَا. [مَارَّا جْمِيعْ] ثُوغَا أَثنْثْ ذِي أَربْعَا ن ثْندَّامْ.
JOS 21:19 مَارَّا ثِيندَّامْ ن وَارَّاوْ ن هَارُونْ، ن إِكهَّاننْ، [ثُوغَا أَثنْثْ ذِي] ثْڒطَّاشْ ن ثْندَّامْ أَكْ-ذ دّْمَانِي نْسنْثْ ن ثَاروْسَا.
JOS 21:20 إِ ڒَادْجَاثْ ن أَيْثْ ن قَاهَاثْ، إِلَاوِييّنْ، نِّي إِقِّيمنْ زڭْ أَيْثْ ن قَاهَاثْ كَّارنْثْ أَسنْ-د س ثْقدُّوحْثْ ثِيندَّامْ زِي [ثمُّورْثْ ن] ثقْبِيتْشْ ن إِفْرَايِيمْ.
JOS 21:21 وْشِينْ أَسنْ [ثِيندَّامْ-أَ ذ] ثَانْذِينْثْ ن ثَاروْڒَا إِ ؤُقتَّاڒْ: شَاكِيمْ أَكْ-ذ دّْمَانِي نّسْ ن ثَاروْسَا خْ إِذُورَارْ ن إِفْرَايِيمْ، ذ جَازَارْ أَكْ-ذ دّْمَانِي نّسْ ن ثَاروْسَا،
JOS 21:22 ذ قِيبْصَايِيمْ أَكْ-ذ دّْمَانِي نّسْ ن ثَاروْسَا، ذ بَايْثْ-حُورُونْ أَكْ-ذ دّْمَانِي نّسْ ن ثَاروْسَا. [مَارَّا جْمِيعْ] ثُوغَا أَثنْثْ ذِي أَربْعَا ن ثْندَّامْ.
JOS 21:23 زِي ثقْبِيتْشْ ن ذَانْ [كَّارنْثْ أَسنْ-د:] إِلْثَاقَا أَكْ-ذ دّْمَانِي نّسْ ن ثَاروْسَا، جِيبَّاثُونْ أَكْ-ذ دّْمَانِي نّسْ ن ثَاروْسَا،
JOS 21:24 أَيَالُونْ أَكْ-ذ دّْمَانِي نّسْ ن ثَاروْسَا ذ جَاذْ-رِيمُّونْ أَكْ-ذ دّْمَانِي نّسْ ن ثَاروْسَا. [مَارَّا جْمِيعْ] ثُوغَا أَثنْثْ ذِي أَربْعَا ن ثْندَّامْ.
JOS 21:25 زِي [ثمُّورْثْ ن] وزْينْ ن ثقْبِيتْشْ ن مَانَاسَّا [كَّارنْثْ أَسنْ-د] ثَاعْنَاكْ أَكْ-ذ دّْمَانِي نّسْ ن ثَاروْسَا ذ جَاذْ-رِيمُّونْ أَكْ-ذ دّْمَانِي نّسْ ن ثَاروْسَا. [مَارَّا جْمِيعْ] ثُوغَا أَثنْثْ ذِي ثْنَاينْ ن ثْندَّامْ.
JOS 21:26 مَارَّا ثِيندَّامْ إِ ڒَادْجَاثْ ن أَيْثْ ن قَاهَاثْ نِّي إِقِّيمنْ [ثُوغَا أَثنْثْ] ذِيعشْرَا ن ثْندَّامْ أَكْ-ذ دّْمَانِي نْسنْثْ ن ثَاروْسَا.
JOS 21:27 زِي [ثمُّورْثْ ن] وزْينْ ن ثقْبِيتْشْ ن مَانَاسَّا [كَّارنْثْ أَسنْ-د ثْندَّامْ-أَ] إِ أَيْثْ ن جَارْشُونْ، زِي ڒَادْجَاثْ ن إِلَاوِييّنْ، أَمْ ثنْذِينْثْ ن ثَاروْڒَا إِ ؤُقتَّاڒْ: جُولَانْ ذِي بَاشَانْ أَكْ-ذ دّْمَانِي نّسْ ن ثَاروْسَا ذ بَاعَاشْثَارَا أَكْ-ذ دّْمَانِي نّسْ ن ثَاروْسَا. [مَارَّا جْمِيعْ] [ثُوغَا أَثنْثْ ذِي] ثْنَاينْ ن ثْندَّامْ.
JOS 21:28 زِي [ثمُّورْثْ ن] ثقْبِيتْشْ ن إِسَّاكَارْ [كَّارنْثْ أَسنْ-د:] قِيشْيُونْ أَكْ-ذ دّْمَانِي نّسْ ن ثَاروْسَا، ذ ذَابْرَاثْ أَكْ-ذ دّْمَانِي نّسْ ن ثَاروْسَا،
JOS 21:29 يَارْمُوثْ أَكْ-ذ دّْمَانِي نّسْ ن ثَاروْسَا، ذ عَايْنْ-جَانِّيمْ أَكْ-ذ دّْمَانِي نّسْ ن ثَاروْسَا. [مَارَّا جْمِيعْ] [ثُوغَا أَثنْثْ ذِي] أَربْعَا ن ثْندَّامْ.
JOS 21:30 زِي [ثمُّورْثْ ن] ثقْبِيتْشْ ن أَشِيرْ [كَّارنْثْ أَسنْ-د:] مِيشْ-أَلْ أَكْ-ذ دّْمَانِي نّسْ ن ثَاروْسَا، ذ عَابْذُونْ أَكْ-ذ دّْمَانِي نّسْ ن ثَاروْسَا،
JOS 21:31 ذ حَالْقَاثْ أَكْ-ذ دّْمَانِي نّسْ ن ثَاروْسَا ذ رَاحُوبْ أَكْ-ذ دّْمَانِي نّسْ ن ثَاروْسَا. [مَارَّا جْمِيعْ] [ثُوغَا أَثنْثْ ذِي] أَربْعَا ن ثْندَّامْ.
JOS 21:32 زِي [ثمُّورْثْ ن] ثقْبِيتْشْ ن نَافْثَالِي [كَّارنْثْ أَسنْ-د] أَمْ ثنْذِينْثْ ن ثَاروْڒَا إِ ؤُقتَّاڒْ: قَاذَاشْ ذِي لْجَالِيلْ أَكْ-ذ دّْمَانِي نّسْ ن ثَاروْسَا، ذ حَامُّوثْ-ذُورْ أَكْ-ذ دّْمَانِي نّسْ ن ثَاروْسَا ذ قَارْثَانْ أَكْ-ذ دّْمَانِي نّسْ ن ثَاروْسَا. [مَارَّا جْمِيعْ] [ثُوغَا أَثنْثْ] ذِي ثْڒَاثَا ن ثْندَّامْ.
JOS 21:33 مَارَّا ثِيندَّامْ ن أَيْثْ ن جَارْشُونْ عْلَاحْسَابْ ڒَادْجَاثْ نْسنْ [ثُوغَا أَثنْثْ ذِي] ثْڒطَّاشْ ن ثْندَّامْ أَكْ-ذ دّْمَانِي نْسنْثْ ن ثَاروْسَا.
JOS 21:34 إِ ڒَادْجَاثْ ن أَيْثْ ن مَارَارِي، أَقَا أَثنْ ذ إِنِّي إِقِّيمنْ [عَاذْ] زڭْ إِلَاوِييّنْ، [مّوْشنْثْ أَسنْ] زِي [ثمُّورْثْ ن] ثقْبِيتْشْ ن زابُولُونْ، جُوقْنَاعَامْ أَكْ-ذ دّْمَانِي نّسْ ن ثَاروْسَا، قَارْثَا أَكْ-ذ دّْمَانِي نّسْ ن ثَاروْسَا،
JOS 21:35 ذِيمْنَا أَكْ-ذ دّْمَانِي نّسْ ن ثَاروْسَا ذ نَاهَالَالْ أَكْ-ذ دّْمَانِي نّسْ ن ثَاروْسَا. [مَارَّا جْمِيعْ] ثُوغَا أَثنْثْ ذِي أَربْعَا ن ثْندَّامْ.
JOS 21:36 زِي [ثمُّورْثْ ن] ثقْبِيتْشْ ن رُوبِينْ [كَّارنْثْ أَسنْ-د] بَاصَارْ أَكْ-ذ دّْمَانِي نّسْ ن ثَاروْسَا، ذ يَاهْصَا أَكْ-ذ دّْمَانِي نّسْ ن ثَاروْسَا،
JOS 21:37 قَاذِيمُوثْ أَكْ-ذ دّْمَانِي نّسْ ن ثَاروْسَا ذ مَافَاعَا أَكْ-ذ دّْمَانِي نّسْ ن ثَاروْسَا. [مَارَّا جْمِيعْ] [ثُوغَا أَثنْثْ ذِي] أَربْعَا ن ثْندَّامْ.
JOS 21:38 زِي [ثمُّورْثْ ن] ثقْبِيتْشْ ن جَاذْ [كَّارنْثْ أَسنْ-د] أَمْ ثنْذِينْثْ ن ثَاروْڒَا إِ ؤُقتَّاڒْ: رَامُوثْ ذِي جِيلْعَاذْ أَكْ-ذ دّْمَانِي نّسْ ن ثَاروْسَا، ذ مَاحَانَايِيمْ أَكْ-ذ دّْمَانِي نّسْ ن ثَاروْسَا،
JOS 21:39 حَاشْبُونْ أَكْ-ذ دّْمَانِي نّسْ ن ثَاروْسَا، ذ يَاعْزِيرْ أَكْ-ذ دّْمَانِي نّسْ ن ثَاروْسَا. [مَارَّا جْمِيعْ] [ثُوغَا أَثنْثْ ذِي] أَربْعَا ن ثْندَّامْ.
JOS 21:40 [ثُوغَا ثِينَا] مَارَّا ذ ثِيندَّامْ إِ أَيْثْ ن مَارَارِي، عْلَاحْسَابْ ڒَادْجَاثْ نْسنْ، ثِينِّي إِقِّيمنْ زِي ڒَادْجَاثْ ن إِلَاوِييّنْ، ثِينِّي خْ د-ثوْضَا ثْقدُّوحْثْ نْسنْ، مَارَّا جْمِيعْ ثُوغَا ثنْثْ ذِي ثنْعَاشْ ن ثْندَّامْ.
JOS 21:41 مَارَّا ثِيندَّامْ ذِي ڒْوسْطْ ن ڒْوَارْثْ ن أَيْثْ ن إِسْرَائِيل [ثُوغَا أَثنْثْ ذِي] ثْمنْيَا ؤُ-ربْعِينْ ن ثْندَّامْ أَكْ-ذ دّْمَانِي نْسنْثْ ن ثَاروْسَا.
JOS 21:42 ثِيندَّامْ-أَ ثُوغَا أَثنْثْ مَارَّا أَكْ-ذ دّْمَانِي نْسنْثْ ن ثَاروْسَا إِ ذ أَسنْثْ إِنّْضنْ. أَمُّو [إِ ثُوغَا ثدْجَا] غَارْ مَارَّا ثِيندَّامْ-أَ.
JOS 21:43 أَمُّو إِوْشَا سِيذِي إِ إِسْرَائِيل مَارَّا ثَامُّورْثْ نِّي ثُوغَا إِجُّودْجْ أَذْ ت إِوْشْ إِ ڒجْذُوذْ نْسنْ ؤُشَا نِيثْنِي وَارْثنْ ت ؤُشَا رُوحنْ زدّْغنْ ذَايسْ.
JOS 21:44 ؤُشَا سِيذِي إِڭَّا أَسنْ ڒْهُوذْنثْ زِي مَارَّا إِغزْذِيسنْ، أَمْ مَامّشْ مَارَّا نِّي ثُوغَا إِجُّودْجْ إِ ڒجْذُوذْ نْسنْ. ؤُڒَا ذ إِجّْ زِي ڒْعذْيَانْ نْسنْ وَارْ ذ أَسنْ إِزمَّارْ زَّاثْ إِ وُوذمْ نْسنْ. سِيذِي إِوْشَا أَسنْ مَارَّا ڒْعذْيَانْ ذڭْ ؤُفُوسْ نْسنْ.
JOS 21:45 ؤُڒَا ذ إِجّْ ن وَاوَاڒْ زِي مَارَّا أَوَاڒنْ إِشْنَانْ إِ زِي إِسِّيوڒْ سِيذِي غَارْ ثَادَّارْثْ ن إِسْرَائِيل إِوْضَا. مَارَّا [أَيَا] إِتّْوَاكمّڒْ.
JOS 22:1 خنِّي إِڒَاغَا-د يَاشُووَا إِ إِرُوبِينِييّنْ ذ إِجَاذِييّنْ ذ وزْينْ ن ثقْبِيتْشْ ن مَانَاسَّا،
JOS 22:2 إِنَّا أَسنْ: ”كنِّيوْ ثحْضَامْ مَارَّا مِينْ خفْ إِ ذ أَومْ يُومُورْ مُوسَا، أَمْسخَّارْ ن سِيذِي، ؤُ كنِّيوْ ثسْڒَامْ [عَاوذْ] إِ ثْمِيجَّا إِنُو ذِي مَارَّا مِينْ خفْ ذ أَومْ ؤُمُورغْ.
JOS 22:3 كنِّيوْ وَارْ ثسْمِيحمْ شَا ذڭْ أَيْثْمَاثْومْ ذڭْ وَاطَّاسْ ن وُوسَّانْ أَڒْ أَسّْ-أَ ؤُ ثحْضَامْ أَحطُّو ن ڒُومُورْ ن سِيذِي، أَربِّي نْومْ.
JOS 22:4 ؤُشَا ڒخُّو إِڭَّا سِيذِي، أَربِّي نْومْ، إِ أَيْثْمَاثْومْ أَرَّاحثْ، أَمْ مَامّشْ ثُوغَا إِ ذ أَسنْ ت إِوَاعْذْ.عقْبمْ خنِّي ڒخُّو غَارْ إِقِيضَانْ نْومْ ذِي ثمُّورْثْ ن ڒْوَارْثْ نْومْ نِّي ذ أَومْ إِوْشَا مُوسَا، أَمْسخَّارْ ن سِيذِي، خْ ؤُجمَّاضْ ن لْ-ؤُرْذُونْ.
JOS 22:5 مَاشَا حْضَامْ مْلِيحْ أَذْ ثڭّمْ ڒُومُورْ ذ شَّارِيعَا إِ ذ أَومْ إِوْشَا مُوسَا، أَمْسخَّارْ ن سِيذِي، حِيمَا أَذْ ثخْسمْ سِيذِي، أَربِّي نْومْ، أَذْ ثُويُورمْ ذِي مَارَّا إِبْرِيذنْ نّسْ، أَذْ ثحْضَامْ مَارَّا ڒُومُورَاثْ نّسْ ؤُشَا أَذْ غَارسْ ثْڒصْقمْ ؤُ أَذْ أَسْ ثْسخَّارمْ س مَارَّا وُوڒْ ذ مَارَّا ڒعْمَارْ نْومْ.“
JOS 22:6 إِبَاركْ إِ-ثنْ يَاشُووَا، إِجَّا إِ-ثنْ أَذْ ؤُيُورنْ ؤُشَا نِيثْنِي أَرڭّْوْحنْ غَارْ إِقِيضَانْ نْسنْ.
JOS 22:7 إِ وزْينْ ن ثقْبِيتْشْ ن مَانَاسَّا ثُوغَا إِوْشَا مُوسَا إِشْثْ ن ثسْغَارْثْ ذِي بَاشَانْ، مَاشَا إِ يِيجّْ ن وزْينْ نّغْنِي إِوْشَا أَسْ يَاشُووَا إِشْثْ ن ثسْغَارْثْ غَارْ أَيْثْمَاثْسنْ خْ ؤُغزْذِيسْ-أَ ن لْ-ؤُرْذُونْ زِي مَانِيسْ ثْغدْجِي ثْفُوشْثْ. ؤُمِي ثنْ إِسّكّْ يَاشُووَا غَارْ إِقِيضَانْ نْسنْ، إِبَاركْ إِ-ثنْ
JOS 22:8 ؤُشَا إِسِّيوڒْ أَكِيذْسنْ، إِنَّا: ”س وَاڭْڒَا ذ أَمقّْرَانْ أَذْ ثْعقْبمْ غَارْ إِقِيضَانْ نْومْ، س وَاطَّاسْ ن ڒبْهَايمْ ؤُ س نُّوقَارْثْ ذ وُورغْ ؤُ س نّْحَاسْ ذ وُوزَّاڒْ ؤُ س وَاطَّاسْ ن وَارُّوضْ. بْضَامْ ثَاكشَّاضْثْ ن ڒْعذْيَانْ نْومْ أَكْ-ذ أَيْثْمَاثْومْ.“
JOS 22:9 عقْبنْ أَيْثْ ن رُوبِينْ ذ أَيْثْ ن جَاذْ ذ وزْينْ ن ثقْبِيتْشْ ن مَانَاسَّا، فّْغنْ زِي غَارْ أَيْثْ ن إِسْرَائِيل، إِڭّْوجّنْ خْ شِيلُو [نِّي إِدْجَانْ] ذِي ثمُّورْثْ ن كنْعَانْ، حِيمَا أَذْ رَاحنْ غَارْ ثمُّورْثْ ن جِيلْعَاذْ، غَارْ ثمُّورْثْ ن ڒْمُوڒْكْ نْسنْ نِّي إِطّْفنْ ذ أَڭْڒَا عْلَاحْسَابْ ڒُومُورْ ن سِيذِي س ثْسخَّارْثْ ن مُوسَا.
JOS 22:10 [ؤُمِي] إِوْضنْ نِيثْنِي غَارْ ثْمُووَّا ن لْ-ؤُرْذُونْ نِّي [إِدْجَانْ عَاذْ] ذِي ثمُّورْثْ ن كنْعَانْ، بْنَانْ أَيْثْ ن رُوبِينْ ذ أَيْثْ ن جَاذْ ذ وزْينْ ن ثقْبِيتْشْ ن مَانَاسَّا ذِينِّي إِجّْ ن ؤُعَالْطَارْ غَارْ لْ-ؤُرْذُونْ، إِجّْ ن ؤُعَالْطَارْ إِمْغَارْ أَطَّاسْ.
JOS 22:11 ؤُشَا سْڒِينْ أَيْثْ ن إِسْرَائِيل أَقَا قَّارنْ: ”خْزَارمْ، أَيْثْ ن رُوبِينْ ذ أَيْثْ ن جَاذْ ذ وزْينْ ن ثقْبِيتْشْ ن مَانَاسَّا بْنَانْ إِجّْ ن ؤُعَالْطَارْ غَارْ ويْمِيرْ ن ثمُّورْثْ ن كنْعَانْ خْ ثْمُووَّا ن لْ-ؤُرْذُونْ، خْ ؤُغزْذِيسْ [ن لْ-ؤُرْذُونْ] ن أَيْثْ ن إِسْرَائِيل.“
JOS 22:12 [ؤُمِي] سْڒِينْ أَيْثْ ن إِسْرَائِيل أَيَا، ثْمُونْ مَارَّا ثْمسْمُونْثْ ن أَيْثْ ن إِسْرَائِيل ذِي شِيلُو حِيمَا أَذْ فّْغنْ إِ ؤُمنْغِي أَكِيذْسنْ س إِجّْ ن ڒْعسْكَارْ.
JOS 22:13 ؤُشَا سّكّنْ أَيْثْ ن إِسْرَائِيل فِينَاحَاسْ، مِّيسْ ن ؤُكهَّانْ أَلِيعَازَارْ، غَارْ أَيْثْ ن رُوبِينْ ؤُ غَارْ أَيْثْ ن جَاذْ ؤُ غَارْ وزْينْ ن ثقْبِيتْشْ ن مَانَاسَّا ذِي جِيلْعَاذْ،
JOS 22:14 ؤُ [سّكّنْ] أَكِيذسْعشْرَا ن ڒْحُوكَّامْ، إِجّْ ن ڒْحَاكمْ زِي كُوڒْ ثَادَّارْثْ ن بَابَاسْ، زِي مَارَّا ثِيقبَّاڒْ ن إِسْرَائِيل. كُوڒْ إِجّْ [زَّايْسنْ] ثُوغَا ذ أَزدْجِيفْ ن ثَادَّارْثْ ن ڒجْذُوذْ نْسنْ إِ ڒُوڒُوفْ ن إِسْرَائِيل.
JOS 22:15 ؤُسِينْ-د نِيثْنِي غَارْ أَيْثْ ن رُوبِينْ ؤُ غَارْ أَيْثْ ن جَاذْ ؤُ غَارْ وزْينْ ن ثقْبِيتْشْ ن مَانَاسَّا ذِي ثمُّورْثْ ن جِيلْعَاذْ، نَّانْ أَسنْ:
JOS 22:16 ”أَمُّو إِ ثسِّيوڒْ مَارَّا ثْمسْمُونْثْ ن سِيذِي: مِينْ إِخْسْ أَذْ يِينِي ڒغْذَارْ-أَ إِ زِي ثغْذَارمْ أَربِّي ن إِسْرَائِيل ؤُمِي ثْحيّْذمْ أَسّْ-أَ زِي ضفَّارْ ن سِيذِي، ؤُمِي ثبْنَامْ إِ يِيخفْ نْومْ إِجّْ ن ؤُعَالْطَارْ مَاحنْذْ أَذْ ثْغوّْغمْ خْ سِيذِي أَسّْ-أَ؟
JOS 22:17 مَا وَارْ إِدْجِي شْفَا أَنغْ ڒْمُوعْصِييّثْ ن فَاغُورْ، [ڒْمُوعْصِييّثْ إِ زِي] غَارْ أَسّْ-أَ [عَاذْ] وَارْ نتّْوَاسِّيزْذڭْ ؤُ زَّايسْ إِ ثوْضَا جّْرِيحشْثْ خْ ثْمسْمُونْثْ ن سِيذِي؟
JOS 22:18 مَا أَقَا كنِّيوْ أَسّْ-أَ ثوْشِيمْ س وعْرُورْ إِ سِيذِي ؤُشَا أَذْ إِمْسَارْ [خنِّي]، ؤُمِي غَا ثْغوّْغمْ أَسّْ-أَ خْ سِيذِي، أَذْ إِفُّوڭمْ نتَّا خْ مَارَّا ثْمسْمُونْثْ ن إِسْرَائِيل؟
JOS 22:19 مَاڒَا زعْمَا ثخْمجْ ثمُّورْثْ إِ إِدْجَانْ ذ أَڭْڒَا نْومْ، [خنِّي] عْذُومْ غَارْ ثمُّورْثْ نِّي إِدْجَانْ ذ أَڭْڒَا ن سِيذِي ؤُ مَانِي ثدْجَا ثْزذِّيغْثْ ن سِيذِي ؤُشَا كْسِيمْ إِ يِيخفْ نْومْ إِجّْ ن وڭْرَا ذِي ڒْوسْطْ نّغْ، [مَاشَا] وَارْ ثْغوّْغمْ شَا خْ سِيذِي ؤُ وَارْ ثْغوّْغمْ شَا خَانغْ ؤُمِي غَا ثبْنَامْ إِجّْ ن ؤُعَالْطَارْ إِ يِيخفْ نْومْ، مْغِيرْ أَعَالْطَارْ ن سِيذِي، أَربِّي نّغْ.
JOS 22:20 مَا ثُوغَا عَاخَانْ، مِّيسْ ن زَارَاحْ، وَارْ إِغْذَارْ ذِي ثْمسْڒَاشْثْ ن مِينْ إِتّْوَاحَارّْمنْ [إِ ؤُثحِّي] ؤُ خنِّي مَا وَارْ د-إِتِّيسْ ؤُذُوقّزْ ن وغْضَابْ خْ مَارَّا ثَامسْمُونْثْ ن إِسْرَائِيل؟ ؤُشَا أَرْيَازْ نِّي وَارْ إِمُّوثْ وحّْضسْ وَاهَا ذِي ڒْمُوعْصِييّثْ نّسْ.‘ “
JOS 22:21 [خنِّي] أَرِّينْ-د أَيْثْ ن رُوبِينْ ذ أَيْثْ ن جَاذْ ذ وزْينْ ن ثقْبِيتْشْ ن مَانَاسَّا ؤُشَا سِّيوْڒنْ أَكْ-ذ إِزدْجِيفنْ خْ ڒُوڒُوفْ ن إِسْرَائِيل:
JOS 22:22 ”أَربِّي خْ [مَارَّا] إِربِّيثنْ، سِيذِي، أَربِّي خْ [مَارَّا] إِربِّيثنْ إِسّنْ [إِ-ث] ؤُ إِسْرَائِيل أَذْ [ث] إِسّنْ [عَاوذْ]! مَاڒَا إِفّغْ-د أَيَا زڭْ ؤُغوّغْ نِيغْ زِي ڒغْذَارْ خْ سِيذِي، [خنِّي] وَارْ خَانغْ ثْشطَّارْ شَا أَسّْ-أَ،
JOS 22:23 [مَاڒَا ثُوغَا] حِيمَا أَذْ نبْنَا إِ نشِّينْ إِجّْ ن ؤُعَالْطَارْ مَاحنْذْ أَذْ نوْشْ س وعْرُورْ إِ سِيذِي نِيغْ [مَاڒَا ثُوغَا] حِيمَا أَذْ نْقدّمْ إِشْثْ ن ثْغَارْصْثْ ن وشْمَاضْ نِيغْ إِشْثْ ن ثوْهِيبْثْ [ن ڒْغِيدْجثْ] نِيغْ إِ ؤُسوْجذْ ن ثْغَارْصَا ن ڒهْنَا، أجّْ سِيذِي سِيمَانْثْ نّسْ أَذْ [ث] إِبقّشْ.
JOS 22:24 [ؤُشْثْ خَانغْ]، مَاڒَا وَارْ نڭِّي أَيَا زڭْ ومْنُوسْ ؤُمِي نقَّارْ: ’إِحنْجِيرنْ نْومْ [زمَّارنْ] أَذْ إِنِينْ إِ إِحنْجِيرنْ نّغْ ثِيوشَّا: مِينْ جَارْ أَومْ-د أَكْ-ذ سِيذِي، أَربِّي ن إِسْرَائِيل؟
JOS 22:25 سِيذِي إِڭَّا لْ-ؤُرْذُونْ ذ أَيْمِيرْ جَارْ أَنغْ ذ كنِّيوْ، أَيْثْ ن رُوبِينْ ذ أَيْثْ ن جَاذْ! كنِّيوْ وَارْ غَارْومْ شَا ثَاسْغَارْثْ ذِي سِيذِي!‘ [أَمُّو] زمَّارنْ أَذْ سّْبدّنْ إِحنْجِيرنْ نْومْ إِحنْجِيرنْ نّغْ خْ ثِيڭّْوُوذِي ن سِيذِي.
JOS 22:26 [خْ ؤُينِّي] ننَّا: أجّْ أَنغْ أَذْ نبْنَا أَعَالْطَارْ-أَ، وَارْ إِدْجِي إِ ثْغَارْصْثْ ن وشْمَاضْ ؤُڒَا إِ ثْغَارْصْثْ،
JOS 22:27 [مَاشَا] حِيمَا أَذْ يِيڒِي ذ أَشهَّاذْ جَارْ نشِّينْ ذ كنِّيوْ ؤُ جَارْ جِّيڒَاثْ نّغْ أَوَارْنِي أَنغْ، حِيمَا أَذْ نْسخَّارْ ذِي ثْسخَّارْثْ ن سِيذِي زَّاثْ إِ وُوذمْ نّسْ س ثْغَارْصِي نّغْ ن وشْمَاضْ ذ ثْغَارْصِي نّغْ [نّغْنِي] ذ ثْغَارْصِي نّغْ ن ڒهْنَا ؤُ حِيمَا إِحنْجِيرنْ نْومْ وَارْ قَّارنْ إِ إِحنْجِيرنْ نّغْ: كنِّيوْ وَارْ غَارْومْ شَا ثَاسْغَارْثْ ذِي سِيذِي.
JOS 22:28 نشِّينْ ننَّا: مَاڒَا إِمْسَارْ ثِيوشَّا أَذْ إِنِينْ نِيثْنِي أَيَا إِ نشِّينْ ؤُ إِ جِّيڒَاثْ [أَوَارْنِي أَنغْ]، خنِّي أَذْ نِينِي: ’خْزَارمْ، أَمذْيَا ن ڒبْنِي ن ؤُعَالْطَارْ-أَ ن سِيذِي نِّي إِڭِّينْ ڒجْذُوذْ نّغْ، وَارْ إِدْجِي إِ ثْغَارْصْثْ ن وشْمَاضْ نِيغْ إِ ثْغَارْصْثْ [نّغْنِي]، [مَاشَا] حِيمَا أَذْ يِيڒِي ذ أَشهَّاذْ جَارْ نشِّينْ ذ كنِّيوْ.‘
JOS 22:29 إِڭّْوجْ خَانغْ أَقَا نشِّينْ أَذْ نْغوّغْ خْ سِيذِي نِيغْ أَسّْ-أَ أَذْ نوْشْ س وعْرُورْ إِ سِيذِي ؤُمِي غَا نبْنَا إِجّْ ن ؤُعَالْطَارْ إِ ثْغَارْصْثْ ن وشْمَاضْ نِيغْ إِ ثوْهِيبْثْ [ن ڒْغِيدْجثْ] نِيغْ إِ ثْغَارْصْثْ [نّغْنِي]، إِلَّا أَعَالْطَارْ ن سِيذِي، أَربِّي نّغْ، ونِّي إِدْجَانْ زَّاثْ إِ ثْزذِّيغْثْ نّسْ.“
JOS 22:30 أَكهَّانْ فِينَاحَاسْ ذ ڒْحُوكَّامْ ن ثْمسْمُونْثْ ذ إِزدْجِيفنْ خْ ڒُوڒُوفْ ن إِسْرَائِيل نِّي كِيذسْ [إِدْجَانْ]، سْڒِينْ أَوَاڒنْ إِ إِسِّيوْڒنْ أَيْثْ ن رُوبِينْ ذ أَيْثْ ن جَاذْ ذ أَيْثْ ن مَانَاسَّا ؤُ ثُوغَا أَيَا ذ لمْلِيحْ ذِي ثِيطَّاوِينْ نْسنْ.
JOS 22:31 فِينَاحَاسْ، مِّيسْ ن أَلِيعَازَارْ، إِنَّا إِ أَيْثْ ن رُوبِينْ ؤُ إِ أَيْثْ ن جَاذْ ؤُ إِ أَيْثْ ن مَانَاسَّا: ”أَسّْ-أَ أَذْ ثسّْنمْ بلِّي سِيذِي أَقَا-ث ذِي ڒْوسْطْ نّغْ ؤُمِي كنِّيوْ وَارْ ثغْذَارمْ شَا سِيذِي. س ؤُيَا كنِّيوْ ثْفكّمْ أَيْثْ ن إِسْرَائِيل زڭْ ؤُفُوسْ ن سِيذِي.“
JOS 22:32 [خنِّي] يَارڭّْوحْ ؤُكهَّانْ فِينَاحَاسْ، مِّيسْ ن أَلِيعَازَارْ، أَكْ-ذ ڒْحُوكَّامْ زڭْ أَيْثْ ن رُوبِينْ ذ أَيْثْ ن جَاذْ، زِي ثمُّورْثْ ن جِيلْعَاذْ غَارْ ثمُّورْثْ ن كنْعَانْ، غَارْ أَيْثْ ن إِسْرَائِيل، ؤُشَا نِيثْنِي ڭِّينْ ذَايْسنْ ڒخْبَارْ.
JOS 22:33 ثُوغَا ثَامسْڒَاشْثْ ذ لمْلِيحْ ذِي ثِيطَّاوِينْ ن أَيْثْ ن إِسْرَائِيل ؤُشَا حمْذنْ أَيْثْ ن إِسْرَائِيل أَربِّي ؤُ وَارْ ذ أَسنْ نَّانْ عَاذْ أَذْ فّْغنْ أَذْ مّنْغنْ مَاحنْذْ أَذْ أَردّْدْجنْ ثَامُّورْثْ إِ ذِي ثُوغَا زدّْغنْ أَيْثْ ن رُوبِينْ ذ أَيْثْ ن جَاذْ.
JOS 22:34 أَيْثْ ن رُوبِينْ ذ أَيْثْ ن جَاذْ ڒَاغَانْ أَسْ إِ ؤُعَالْطَارْ نِّي: ”أَذْ يِيڒِي ذ أَشهَّاذْ جَارْ أَنغْ أَقَا سِيذِي ذ أَربِّي.“
JOS 23:1 إِمْسَارْ ؤُمِي عْذُونْ أَطَّاسْ ن وُوسَّانْ أَوَارْنِي ؤُمِي سِيذِي ثُوغَا إِڭَّا إِ إِسْرَائِيل ڒْهُوذْنثْ زِي مَارَّا ڒْعذْيَانْ نّسْ إِ ذ أَسْ د-إِنّْضنْ ؤُ ؤُمِي ثُوغَا يَاشُووَا إِوْسَارْ، إِمْغَارْ ذڭْ وُوسَّانْ،
JOS 23:2 أَقَا إِڒَاغَا يَاشُووَا إِ مَارَّا إِسْرَائِيل، إِمْغَارنْ نّسْ ذ إِزدْجِيفنْ نّسْ ذ ڒْقُوضَاثْ نّسْ ذ إِمحْضَاينْ نّسْ، إِنَّا أَسنْ: ”نشّْ وْسَارغْ ؤُ مْغَارغْ ذڭْ وُوسَّانْ
JOS 23:3 ؤُشَا كنِّيوْ ثژْرِيمْ مَارَّا مِينْ إِڭَّا سِيذِي، أَربِّي نْومْ، أَكْ-ذ مَارَّا ڒڭْنُوسْ-أَ زَّاثْ إِ ثِيطَّاوِينْ نْومْ، مَاغَارْ سِيذِي، أَربِّي نْومْ سِيمَانْثْ نّسْ، ذ ونِّي ثُوغَا إِمّنْغنْ ذِي طّْوعْ نْومْ.
JOS 23:4 خْزَارْ نشّْ بْضِيغْ أَومْ ڒڭْنُوسْ-أَ إِ إِقِّيمنْ جَارْ أَومْ س ثْقدُّوحْثْ، أَمْ ثسْغَارْثْ [ن ڒْوَارْثْ] إِ ثْقبَّاڒْ نْومْ، أَكْ-ذ مَارَّا ڒڭْنُوسْ إِ ثحِّيغْ زِي لْ-ؤُرْذُونْ أَڒْ ڒبْحَارْ أَمقّْرَانْ مَانِي ثْغدْجِي ثْفُوشْثْ.
JOS 23:5 سِيذِي، أَربِّي نْومْ، أَذْ خَاسنْ إِبَارّزْ زَّاثْ إِ وُوذمْ نْومْ ؤُ أَذْ خَاسنْ يَاژّڒْ زَّاثْ إِ وُوذمْ نْومْ زِي ڒْوَارْثْ نْسنْ ؤُ كنِّيوْ أَذْ ثطّْفمْ ثَامُّورْثْ نْسنْ ذ ڒْوَارْثْ، أَمْ مَامّشْ إِ ذ أَومْ إِسِّيوڒْ سِيذِي، أَربِّي نْومْ.
JOS 23:6 حْضَامْ أَطَّاسْ س جّهْذْ ؤُ ڭّمْ مَارَّا مِينْ يُورِينْ ذڭْ وذْلِيسْ-أَ إِتّْوَانّْضنْ ن شَّارِيعَا ن مُوسَا، حِيمَا وَارْ خَاسْ ثْحيِّيذمْ ؤُڒَا [غَارْ] يفُوسْ ؤُڒَا [غَارْ] ؤُزڒْمَاضْ،
JOS 23:7 حِيمَا كنِّيوْ وَارْ تّْصُورَامْ إِخفْ نْومْ أَكْ-ذ ڒڭْنُوسْ-أَ إِنِّي [عَاذْ] إِقِّيمنْ غَارْومْ، ؤُ وَارْ تّْفكَّارمْ [عَاذْ] ذڭْ يِيسمْ ن إِربِّيثنْ نْسنْ ؤُ وَارْ [خَاسنْ] تّْجَادْجَامْ ؤُ [حِيمَا] كنِّيوْ وَارْ ذ أَسنْ ثْعبّْذمْ ؤُ وَارْ ذ أَسنْ ثتّْبنْذْقمْ.
JOS 23:8 مَاغَارْ إِتّْخصَّا أَذْ ثْڒصْقمْ إِ سِيذِي، أَربِّي نْومْ، أَمْ مَامّشْ إِ ث ثڭِّيمْ أَڒْ أَسّْ-أَ.
JOS 23:9 سِيذِي يُوژّڒْ خْ ڒڭْنُوسْ مْغَارنْ ؤُ جّهْذنْ زَّاثْ إِ وُوذمْ نْومْ. ؤُ خَاومْ كنِّيوْ، أَڒْ أَسّْ-أَ وَارْ ذِينْ حذْ إِ إِزمَّارنْ أَذْ إِبدّْ زَّاثْ إِ وُوذمْ نْومْ.
JOS 23:10 إِجّْ ن ورْيَازْ زَّايْومْ إِزمَّارْ أَذْ يَاژّڒْ خْ وَاڒفْ [ن يرْيَازنْ]، مِينْزِي سِيذِي، أَربِّي نْومْ سِيمَانْثْ نّسْ، ذ ونِّي إِتّْمنْغَانْ ذِي طّْوعْ نْومْ، أَمْ مَامّشْ ثُوغَا أَكِيذْومْ إِسِّيوڒْ.
JOS 23:11 حْضَامْ [خنِّي] أَڒْ طَّارْفْ خْ ڒعْمُورْ نْومْ حِيمَا أَذْ ثخْسمْ سِيذِي، أَربِّي نْومْ.
JOS 23:12 مِينْزِي مَاڒَا كنِّيوْ ثْحيّْذمْ خَاسْ ؤُڒَا ذ إِشْثْ ن جُّورّثْ [وَاهَا]، ؤُشَا أَذْ ثْڒصْقمْ إِ مِينْ كِيذْومْ إِقِّيمنْ [عَاذْ] ن ڒڭْنُوسْ، إِ يِينِّي كِيومْ إِقِّيمنْ، ؤُشَا أَذْ ثْذوْڒمْ ذ إِضڭّْوَاڒنْ ؤُ أَذْ غَارْسنْ ثَاذْفمْ ؤُ نِيثْنِي أَمْ نّغْنِي،
JOS 23:13 خنِّي أَذْ ثسّْنمْ نِيشَانْ، أَقَا سِيذِي، أَربِّي نْومْ، وَارْ إِتِّيژّڒْ عَاذْ خْ ڒڭْنُوسْ-أَ زَّاثْ إِ وُوذمْ نْومْ. نِيثْنِي أَذْ ذوْڒنْ ذ ڒْفخْ ذ ثْرَاشَّا إِ كنِّيوْ، ذ [ثِييِّيثَا س] ؤُركُّوضْ خْ إِغزْذِيسنْ نْومْ ذ إِسنَّاننْ إِ ثِيطَّاوِينْ نْومْ، أَڒْ غَا ثتّْوَاثحَّامْ زِي ثمُّورْثْ ثَاصبْحَانْثْ إِ ذ أَومْ إِوْشَا سِيذِي، أَربِّي نْومْ.
JOS 23:14 خْزَارْ، أَسّْ-أَ نشّْ سِيمَانْثْ إِنُو أَذْ ؤُيُورغْ أَبْرِيذْ ن مَارَّا ثَامُّورْثْ ؤُ كنِّيوْ أَذْ ثسّْنمْ س مَارَّا ؤُڒْ نْومْ ؤُ س مَارَّا ڒعْمَارْ نْومْ، أَقَا ؤُڒَا ذ إِجّْ ن وَاوَاڒْ زِي مَارَّا أَوَاڒنْ إِ خَاومْ إِنَّا سِيذِي، أَربِّي نْومْ، وَارْ د-إِفِّيغْ. مَارَّا فّْغنْ-د خَاومْ، ؤُڒَا ذ إِجّْ ن وَاوَاڒْ وَارْ إِقِّيمْ وَارْ د-إِفِّيغْ.
JOS 23:15 ؤُشَا أَذْ إِمْسَارْ، أَمْ مَامّشْ خَاومْ د-يُوسَا مَارَّا أَوَاڒْ إِشْنَانْ إِ كِيذْومْ إِسِّيوڒْ سِيذِي، أَربِّي نْومْ، أَمُّو إِ خَاومْ إِ غَا إِسّقْفڒْ سِيذِي ؤُڒَا ذ كُوڒْ أَوَاڒْ إِعفّْننْ أَڒْ نتَّا كنِّيوْ إِثحَّا زِي ثمُّورْثْ-أَ ثَاصبْحَانْثْ إِ ذ أَومْ إِوْشَا سِيذِي، أَربِّي نْومْ.
JOS 23:16 مَاڒَا كنِّيوْ ثْعدَّامْ خْ ڒْعَاهْذْ ن سِيذِي، أَربِّي نْومْ، [ڒْعَاهْذْ] نِّي خْ ذ أَومْ يُومُورْ نتَّا ؤُشَا كنِّيوْ أَذْ ثُويُورمْ أَذْ ثْعبْذمْ إِ إِربِّيثنْ نّغْنِي ؤُشَا أَذْ أَسنْ ثُوضَارمْ، [خنِّي] أَذْ خَاومْ يَارغْ وغْضَابْ ن سِيذِي ؤُشَا كنِّيوْ أَذْ ثتّْوَاثحَّامْ ذغْيَا زِي ثمُّورْثْ ثَاصبْحَانْثْ إِ ذ أَومْ إِوْشَا نتَّا.
JOS 24:1 يَاشُووَا إِسّْمُونْ مَارَّا ثِيقبَّاڒْ ن إِسْرَائِيل ذِي شَاكِيمْ ؤُشَا إِڒَاغَا إِ إِمْغَارنْ ن إِسْرَائِيل ذ إِزدْجِيفنْ نْسنْ ذ ڒْقُوضَاثْ نْسنْ ذ إِمحْضَاينْ نْسنْ ؤُشَا نِيثْنِي سّْبدّنْ إِخفْ نْسنْ زَّاثْ إِ وُوذمْ ن أَربِّي.
JOS 24:2 [خنِّي] إِنَّا يَاشُووَا إِ مَارَّا ڒْڭنْسْ: ”أَمُّو إِ إِقَّارْ سِيذِي، أَربِّي ن إِسْرَائِيل: ’ڒجْذُوذْ نْومْ زدّْغنْ زِي شْحَاڒْ ؤُيَا خْ ؤُجمَّاضْ ن يغْژَارْ [ن لْفُورَاطْ]، ثَارَاحْ، بَابَاسْ ن إِبْرَاهِيمْ ذ بَابَاسْ ن نَاحُورْ، ؤُ نِيثْنِي ثُوغَا تّْسخَّارنْ إِ إِربِّيثنْ نّغْنِي.
JOS 24:3 [خنِّي] إِوْيغْ-د جذِّيثْومْ إِبْرَاهِيمْ زڭْ ؤُغِيرِينْ إِ إِغْزَارْ [ن لْفُورَاطْ] ؤُ جِّيغْ ث يُويُورْ ذِي مَارَّا ثَامُّورْثْ ن كنْعَانْ. نشّْ أَرْنِيغْ إِ زَّارِيعثْ نّسْ ؤُ وْشِيغْ أَسْ إِسْحَاقْ.
JOS 24:4 إِ إِسْحَاقْ وْشِيغْ يَاعْقُوبْ ذ عِيسُو، ؤُ إِ عِيسُو وْشِيغْ [ثَامُّورْثْ ن] إِذُورَارْ ن سَاعِيرْ ذ ثَاسْغَارْثْ، [مَاشَا] يَاعْقُوبْ ذ إِحنْجِيرنْ نّسْ هْوَانْ غَارْ مِيصْرَا.
JOS 24:5 [خنِّي] سّكّغْ مُوسَا ذ هَارُونْ ؤُشَا وْثِيغْ مِيصْرَا أَمْ مَامّشْ [ث] ڭِّيغْ ذِي ڒْوسْطْ نّسْ ؤُ أَوَارْنِي أَسْ سُّوفّْغغْ-د كنِّيوْ.
JOS 24:6 نشّْ سُّوفّْغغْ-د ڒجْذُوذْ نْومْ زِي مِيصْرَا ؤُ كنِّيوْ ثِيوْضمْ-د غَارْ ڒبْحَارْ ؤُ إِمِيصْرِييّنْ ضْفَارنْ إِبَابَاثنْ نْومْ س إِكَارُّوثنْ ذ إِمْنَاينْ أَڒْ ڒبْحَارْ ن ثلْڭَا.
JOS 24:7 ؤُشَا سْغُوينْ غَارْ سِيذِي ؤُ نتَّا إِڭَّا ثَادْجسْثْ جَارْ أَومْ ذ إِمِيصْرِييّنْ ؤُشَا إِجَّا ڒبْحَارْ إِسّْفيّضْ خَاسنْ أَڒَامِي ثنْ إِذْڒَا. س ثِيطَّاوِينْ نْومْ ثژْرِيمْ مِينْ ڭِّيغْ ذِي مِيصْرَا. [أَوَارْنِي أَيَا] ثُوغَا ثْزدّْغمْ أَطَّاسْ ن وُوسَّانْ ذِي ڒخْڒَا.
JOS 24:8 نشّْ إِوْيغْ-د كنِّيوْ غَارْ ثمُّورْثْ ن إِمُورِييّنْ إِ ثُوغَا إِزدّْغنْ أَغِيرِينْ إِ لْ-ؤُرْذُونْ. نِيثْنِي مّنْغنْ أَكِيذْومْ، [مَاشَا] نشّْ ڭِّيغْ ثنْ ذڭْ ؤُفُوسْ نْومْ ؤُ كنِّيوْ ثطّْفمْ ثَامُّورْثْ نْسنْ ؤُ نشّْ قْضِيغْ خَاسنْ زَّاثْ إِ وُوذمْ نْومْ.
JOS 24:9 [خنِّي] إِكَّارْ بَالَاكْ، مِّيسْ ن سَافُّورْ، أَجدْجِيذْ ن مُوآبَ، ؤُشَا إِمّْنغْ أَكْ-ذ إِسْرَائِيل. نتَّا إِسّكّْ حِيمَا أَذْ ڒَاغَانْ إِ بِيلْعَامْ، مِّيسْ ن بَاعُورْ، مَاحنْذْ أَذْ كنِّيوْ إِنْعڒْ.
JOS 24:10 [مَاشَا] نشّْ وَارْ خْسغْ أَذْ سْڒغْ إِ بَالْعَامْ. [س ؤُيَا] إِبَاركْ نتَّا إِ كنِّيوْ أَطَّاسْ ؤُ نشّْ فكّغْ-د كنِّيوْ زڭْ ؤُفُوسْ نّسْ.
JOS 24:11 [خنِّي] ثژْوَامْ لْ-ؤُرْذُونْ، ثُوسِيمْ-د غَارْ أَرِيحَا. إِمزْذَاغْ ن أَرِيحَا، مّنْغنْ أَكِيذْومْ، إِمُورِييّنْ ذ إِفِيرِيزِييّنْ ذ أَيْثْ ن كنْعَانْ ذ إِحِيتِّييّنْ ذ إِجِيرْجَاسِييّنْ ذ إِحِيوِييّنْ ذ إِيابُوسِييّنْ ؤُشَا وْشِيغْ أَومْ ثنْ ذڭْ ؤُفُوسْ نْومْ.
JOS 24:12 نشّْ سّكّغْ إِرزَّانْ إِضَارْغَاڒنْ ؤُشَا ؤُژّْڒنْ خَاسنْ زَّاثْومْ، [أَمْ مَامّشْ تّْوَاژّْڒنْ] ثْنَاينْ ن إِجدْجِيذنْ نِّي زَّاثْ إِ وُوذمْ نْومْ. [ذ مَانْ أَيَا] وَارْ إِدْجِي س سِّيفْ نْومْ ؤُڒَا س ڒْقوْسْ نْومْ.
JOS 24:13 نشّْ وْشِيغْ أَومْ ثَامُّورْثْ إِ خْ وَارْ ثَاربْرمْ ؤُ ثِيندَّامْ نِّي وَارْ ثبْنِيمْ، حِيمَا أَذْ ثْزدّْغمْ ذَايْسنْثْ. ؤُشَا ثشِّيمْ [عَاوذْ] زِي ثْزَايَارِينْ ذ إِزمُّورنْ إِ ثُوغَا وَارْ ثژُّومْ.‘
JOS 24:14 [خنِّي] ڒخُّو، ڭّْوذمْ سِيذِي ؤُشَا سخَّارمْ أَسْ س ڒكْمَارثْ ذ ڒَامَانْ. نْضَارمْ إِربِّيثنْ نِّي ؤُمِي سخَّارنْ ڒجْذُوذْ نْومْ أَغِيرِينْ إِ إِغْزَارْ [ن لْفُورَاطْ] ؤُ ذِي مِيصْرَا ؤُشَا سخَّارمْ إِ سِيذِي.
JOS 24:15 [مَاشَا] مَاڒَا وَارْ د-ثُوسِي خْ ثِيطَّاوِينْ نْومْ مَاحنْذْ أَذْ ثْسخَّارمْ إِ سِيذِي، خنِّي إِخْضَارمْ أَسّْ-أَ إِ مَانْ ونْ ؤُمِي إِ غَا ثْسخَّارمْ، إِ إِربِّيثنْ نِّي ؤُمِي سخَّارنْ ڒجْذُوذْ نْومْ أَغِيرِينْ إِ إِغْزَارْ [ن لْفُورَاطْ]، نِيغْ إِ إِربِّيثنْ ن إِمُورِييّنْ نِّي ذِي ثمُّورْثْ نْسنْ ثْزدّْغمْ. نشّْ مَاشَا ذ ثَادَّارْثْ إِنُو، نشِّينْ أَذْ نْسخَّارْ إِ سِيذِي!“
JOS 24:16 [خنِّي] يَارَّا-د ڒْڭنْسْ: ”مَانْ أَيَا إِڭّْوجْ أَنغْ، أَقَا نشِّينْ أَذْ نجّْ سِيذِي أَذْ نخْذمْ إِربِّيثنْ نّغْنِي.
JOS 24:17 مَاغَارْ سِيذِي ذ أَربِّي نّغْ ذ نتَّا إِ ذ أَنغْ-د إِسّْڭعّْذنْ زِي ثمُّورْثْ ن مِيصْرَا، نشِّينْ ذ ڒجْذُوذْ نّغْ، زِي ثَادَّارْثْ ن ثسْمُوغِي ؤُ نتَّا ذ ونِّي إِڭِّينْ ڒعْڒَامَاثْ ثِيمقّْرَانِينْ زَّاثْ إِ ثِيطَّاوِينْ نّغْ ؤُ نتَّا إِسّْڒقَّا خَانغْ ذِي مَارَّا أَبْرِيذْ إِ نُويُورْ ؤُ جَارْ مَارَّا ڒڭْنُوسْ إِ ؤُمِي نْشُوقْ [ثَامُّورْثْ نْسنْ].
JOS 24:18 سِيذِي يُوژّڒْ خْ مَارَّا ڒڭْنُوسْ زَّاثْ إِ وُوذمْ نّغْ، ؤُڒَا خْ إِمُورِييّنْ، إِمزْذَاغْ ن ثمُّورْثْ. ؤُڒَا ذ نشِّينْ أَذْ نْسخَّارْ إِ سِيذِي، مَاغَارْ نتَّا ذ أَربِّي نّغْ.“
JOS 24:19 [خنِّي] إِنَّا يَاشُووَا إِ ڒْڭنْسْ: ”كنِّيوْ وَارْ ثْزمَّارمْ أَذْ ثْسخَّارمْ إِ سِيذِي، مَاغَارْ نتَّا ذ أَربِّي أَمْقدّسْ أَطَّاسْ ؤُ نتَّا ذ إِجّْ ن أَربِّي إِتَّاسْمنْ. نتَّا وَارْ ذ أَومْ إِغفَّارْ إِخطَّانْ نْومْ ذ دّْنُوبْ نْومْ.
JOS 24:20 مَاڒَا كنِّيوْ ثجِّيمْ سِيذِي، أَذْ ثْسخَّارمْ إِ إِربِّيثنْ نّغْنِي، [خنِّي] نتَّا أَذْ خَاومْ إِنّقْڒبْ، أَذْ ذ أَومْ إِڭّْ ڒْغَارْ ؤُشَا أَذْ كنِّيوْ إِقْضَا، أَوَارْنِي ڒَامِي نتَّا إِڭَّا أَكِيذْومْ [قْبڒْ] ثَاصبْحَانْثْ.“
JOS 24:21 [خنِّي] إِنَّا ڒْڭنْسْ إِ يَاشُووَا: ”لَّ، مِينْزِي نشِّينْ أَذْ نْسخَّارْ إِ سِيذِي.“
JOS 24:22 إِنَّا يَاشُووَا إِ ڒْڭنْسْ: ”كنِّيوْ ذ ڒشْهُوذْ خْ إِخفْ نْومْ، أَقَا كنِّيوْ ثْفَارْزمْ سِيذِي، حِيمَا أَذْ أَسْ ثْسخَّارمْ.“ نِيثْنِي نَّانْ ”[نشِّينْ] ذ ڒشْهُوذْ!“
JOS 24:23 ”[خنِّي] ڒخُّو، نْضَارمْ إِربِّيثنْ إِغْرِيبنْ نِّي [إِدْجَانْ] ذِي ڒْوسْطْ نْومْ ؤُ ثَارّمْ ؤُڒَاونْ نْومْ غَارْ سِيذِي، أَربِّي ن إِسْرَائِيل!“
JOS 24:24 إِنَّا ڒْڭنْسْ إِ يَاشُووَا: ”نشِّينْ أَذْ نْسخَّارْ إِ سِيذِي، أَربِّي نّغْ، ؤُشَا أَذْ نْسڒْ إِ ثْمِيجَّا نّسْ.“
JOS 24:25 ذڭْ وَاسّْ نِّي إِڭَّا يَاشُووَا إِجّْ ن ڒْعَاهْذْ أَكْ-ذ ڒْڭنْسْ ؤُشَا إِڭَّا أَسنْ ذِي شَاكِيمْ ثَاوْصيّثْ ذ لْفَارِيضَا.
JOS 24:26 يُورَا يَاشُووَا أَوَاڒنْ-أَ ذڭْ وذْلِيسْ إِتّْوَانّْضنْ ن شَّارِيعَا ن سِيذِي ؤُشَا نتَّا إِكْسِي إِجّْ ن وژْرُو ذ أَمقّْرَانْ ؤُشَا إِسّْبدّْ إِ-ث ذِي شَاكِيمْ سَاذُو إِشْثْ ن ثْشجَّارْثْ ن يِيڭّْ نِّي إِبدّنْ غَارْ زَّاوشْثْ إِقدّْسنْ ن سِيذِي.
JOS 24:27 إِنَّا يَاشُووَا إِ مَارَّا ڒْڭنْسْ: ”خْزَارمْ، أَژْرُو-يَا أَذْ خَانغْ يِيڒِي ذ أَشهَّاذْ، مِينْزِي نتَّا إِسْڒَا مَارَّا أَوَاڒنْ ن سِيذِي نِّي كِيذْنغْ إِسِّيوڒْ ؤُ نتَّا أَذْ يِيڒِي ذ أَشهَّاذْ إِ كنِّيوْ حِيمَا وَارْ تّْغشَّامْ أَربِّي نْومْ.“
JOS 24:28 [خنِّي] يَارْخُو يَاشُووَا إِ ڒْڭنْسْ، كُوڒْ أَرْيَازْ [إِرُوحْ] غَارْ ثسْغَارْثْ نّسْ.
JOS 24:29 أَوَارْنِي إِ ثْمسْڒَايِينْ-أَ إِمْسَارْ، بلِّي يَاشُووَا، مِّيسْ ن نُونْ، أَمْسخَّارْ ن سِيذِي، إِمُّوثْ، نتَّا ذ إِجّْ ن مِّيسْ [ن بْنَاذمْ] غَارسْ مْيَا ؤُ -عشْرَا ن إِسڭّْوُوسَا.
JOS 24:30 نضْڒنْ ث ذِي ثمُّورْثْ ن ثسْغَارْثْ نّسْ ذِي ثِيمْنَاثْ-سَارَاحْ نِّي إِدْجَانْ خْ إِذُورَارْ ن إِفْرَايِيمْ، غَارْ شَّامَالْ ن وذْرَارْ ن جَاعَاشْ.
JOS 24:31 إِسْرَائِيل إِسخَّارْ إِ سِيذِي مَارَّا ؤُسَّانْ ن يَاشُووَا ذ مَارَّا ؤُسَّانْ ن إِمْغَارنْ نِّي إِقِّيمنْ دَّارنْ إِشْثْ ن ڒْوقْثْ ذ أَزِيرَارْ أَوَارْنِي إِ يَاشُووَا ؤُ سّْننْ مَارَّا مِينْ إِڭَّا سِيذِي ذِي طّْوعْ ن إِسْرَائِيل.
JOS 24:32 إِخْسَانْ ن يُوسُوفْ إِ ثُوغَا د-إِوْينْ أَكِيذْسنْ أَيْثْ ن إِسْرَائِيل زِي مِيصْرَا، نضْڒنْ ثنْ ذِي شَاكِيمْ ذِي ثْكِيرَاثْ ن ييَّارْ إِ ثُوغَا إِسْغَا يَاعْقُوبْ خْ أَيْثْ ن حَامُورْ، بَابَاسْ ن شَاكِيمْ، س مْيَا ن إِزِييْنَاثْ ن نُّوقَارْثْ إِوزْننْ ؤُشَا ثذْوڒْ ذ ثَاسْغَارْثْ ن أَيْثْ ن يُوسُوفْ.
JOS 24:33 ؤُڒَا ذ أَلِيعَازَارْ، مِّيسْ ن هَارُونْ، إِمُّوثْ ؤُشَا نضْڒنْ ث ذِي ثوْرِيرْثْ ن مِّيسْ ن فِينَاحَاسْ، [ثَاوْرِيرْثْ] إِ ذ أَسْ إِمّوْشنْ [إِ فِينَاحَاسْ] ذڭْ إِذُورَارْ ن إِفْرَايِيمْ.
JDG 1:1 أَوَارْنِي إِ ڒْموْثْ ن يَاشُووَا، إِمْسَارْ أَقَا أَيْثْ ن إِسْرَائِيل سّقْسَانْ سِيذِي، نَّانْ: ”مَانْ ونْ زَّايْنغْ إِ غَا إِكَّارنْ ذ أَمزْوَارُو أَذْ إِڭعّذْ أَذْ إِمّْنغْ أَكْ-ذ أَيْثْ ن كنْعَانْ؟“
JDG 1:2 يَارَّا-د سِيذِي: ”يَاهُوذَا أَذْ إِڭعّذْ [ذ أَمزْوَارُو]. خْزَارْ، نشّْ وْشِيغْ أَسْ ثَامُّورْثْ ذڭْ ؤُفُوسْ نّسْ.“
JDG 1:3 ؤُشَا إِنَّا يَاهُوذَا إِ ؤُمَاسْ شِيمْعُونْ: ”ڭعّذْ أَكِيذِي ذِي [ثمُّورْثْ ن] ثْقدُّوحْثْ [ن ڒعْبَارْ] إِنُو ؤُشَا أجّْ أَنغْ أَذْ نمّْنغْ أَكْ-ذ أَيْثْ ن كنْعَانْ، [خنِّي] نشّْ أَذْ كِيكْ ڭعّْذغْ ذِي [ثمُّورْثْ ن] ثْقدُّوحْثْ نّشْ.“ ؤُشَا يُويُورْ أَكِيذسْ شِيمْعُونْ.
JDG 1:4 إِڭعّذْ يَاهُوذَا ؤُشَا سِيذِي إِعَارْنْ أَيْثْ ن كنْعَانْ ذ إِفِيرِيزِييْ[ينْ] ذڭْ ؤُفُوسْ نْسنْ ؤُشَاغڒْبنْ خَاسنْ غَارْ بَازَاقْ،عشْرَا-أَڒَافْ ن يِيرْيَازنْ.
JDG 1:5 نِيثْنِي ؤُفِينْ أَذُونِي-بَازَاقْ ذِي بَازَاقْ ؤُشَا مّنْغنْ أَكِيذسْ ؤُ نِيثْنِيغڒْبنْ خْ أَيْثْ ن كنْعَانْ ؤُ خْ إِفِيرِيزِييْ[ينْ].
JDG 1:6 [مَاشَا] أَذُونِي-بَازَاقْ يَارْوڒْ ؤُشَا نِيثْنِي ضْفَارنْ ث ؤُشَا طّْفنْ ث ؤُشَا قسّنْ أَسْ إِمْزَاونْ [ذ ثْفذْنِينْ ثِيمقّْرَانِينْ] زڭْ إِفَاسّنْ نّسْ ؤُ زڭْ إِضَارنْ نّسْ.
JDG 1:7 [خنِّي] إِنَّا أَذُونِي-بَازَاقْ: ”سبْعِينْ ن إِجدْجِيذنْ، تّْوَاقسّنْ أَسنْ إِمْزَاونْ [ذ ثْفذْنِينْ]، ثُوغَا ڒقّْضنْ [إِڒقّْوَازْ] سَاذُو طَّابْڒَا إِنُو. مَامّشْ إِ كِيذْسنْ ڭِّيغْ، أَمُّو إِ ذ أَيِي إِخدْجصْ أَربِّي!“ إِوْينْ ث غَارْ ؤُرْشَالِيمْ ؤُشَا نتَّا إِمُّوثْ ذِينِّي.
JDG 1:8 أَيْثْ ن يَاهُوذَا مّنْغنْ أَكْ-ذ ؤُرْشَالِيمْ ؤُشَا طّْفنْ ت، وْثِينْ ت س ڒقْضعْ ن سِّيفْ ؤُشَا قّذنْ ثَانْذِينْثْ س ثْمسِّي.
JDG 1:9 أَوَارْنِي أَسْ هْوَانْ أَيْثْ ن يَاهُوذَا حِيمَا أَذْ مّنْغنْ أَكْ-ذ أَيْثْ ن كنْعَانْ، إِنِّي إِزدّْغنْ ذِي ثمُّورْثْ ن إِذُورَارْ، ذِي [ثمُّورْثْ ن] لْجَانُوبْ ؤُ ذِي ثمُّورْثْ إِوَاطَانْ.
JDG 1:10 إِفّغْ يَاهُوذَا غَارْ أَيْثْ ن كنْعَانْ إِ ثُوغَا إِزدّْغنْ ذِي حَابْرُونْ. إِسمْ ن حَابْرُونْ [ثُوغَا] زِيشْ قَّارنْ أَسْ قَارْيَاثْ-أَرْبَاعْ. نِيثْنِيغڒْبنْ خْ شِيشَايْ ذ أَخِيمَانْ ذ ثَالْمَايْ.
JDG 1:11 سّنِّي إِفّغْ غَارْ إِمزْذَاغْ ن ذَابِيرْ. إِسمْ ن ذَابِيرْ [ثُوغَا] زِيشْ قَّارنْ أَسْ قَارْيَاثْ-سَافَارْ.
JDG 1:12 إِنَّا كَالِيبْ: ”ونِّي إِ غَا إِوْثنْ قَارْيَاثْ-سَافَارْ أَذْ ت إِطّفْ، أَذْ أَسْ وْشغْ يدْجِي أَخْسَا ذ ثَامْغَارْثْ.“
JDG 1:13 عُوثْنِييِيلْ، مِّيسْ ن قِينَازْ، ؤُمَاسْ أَمژْيَانْ ن كَالِيبْ، إِطّفْ إِ-ت. ؤُشَا كَالِيبْ إِوْشَا أَسْ يدْجِيسْ أَخْسَا ذ ثَامْغَارْثْ.
JDG 1:14 إِمْسَارْ ؤُمِي [غَارسْ] د-ثُوسَا نتَّاثْ، ثْعَارْنْ إِ-ث س ثُوثْرَا خْ ييَّارْ ن بَابَاسْ. ؤُشَا ثضْرَا خْ وغْيُوڒْ. إِسّقْسَا ت كَالِيبْ: ”مِينْ شمْ يُوغِينْ؟“
JDG 1:15 نتَّاثْ ثَارَّا-د خَاسْ: ”أوْشْ أَيِي إِشْثْ ن لْبَارَاكَا، مِينْزِي ثوْشِيذْ أَيِي إِشْثْ ن ثْرقِّيعْثْ ن ثمُّورْثْ [غَارْ] لْجَانُوبْ. تّْزَاوْڭغْ، أوْشْ أَيِي ؤُڒَا ذ ڒْعُونْصَارَاثْ!“ ؤُشَا إِوْشَا أَسْ كَالِيبْ ڒْعُونْصَارَاثْ ن نجْ ذ ڒْعُونْصَارَاثْ ن وَادَّايْ.
JDG 1:16 ڭعّْذنْ أَرَّاوْ ن ؤُقِينِي، ونِّي ذ أَضڭْوَاڒْ ن مُوسَا، أَكْ-ذ أَيْثْ ن يَاهُوذَا زِي ثنْذِينْثْ ن ثْشجِّيرَا ن ثِينِي غَارْ ڒخْڒَا ن يَاهُوذَا نِّي [إِدْجَانْ] ذِي [ثمُّورْثْ ن] لْجَانُوبْ غَارْ عَارَاذْ. فّْغنْ نِيثْنِي، زدّْغنْ أَكْ-ذ ڒْڭنْسْ.
JDG 1:17 إِرُوحْ يَاهُوذَا أَكْ-ذ ؤُمَاسْ شِيمْعُونْ ؤُشَاغڒْبنْ نِيثْنِي خْ أَيْثْ ن كنْعَانْ إِنِّي إِ ثُوغَا إِزدّْغنْ ذِي صَافَاثْ، حَارّْمنْ ثنْ قَاعْ ؤُشَا ثحَّانْ ثنْ ؤُشَا ڭِّينْ أَسْ إِ ثنْذِينْثْ [نِّي] حُورْمَا.
JDG 1:18 إِطّفْ يَاهُوذَا ؤُڒَا ذ غَازَّا أَكْ-ذ ثمُّورْثْ نّسْ ذ أَشْقَالُونْ أَكْ-ذ ثمُّورْثْ نّسْ ذ عَاقْرُونْ أَكْ-ذ ثمُّورْثْ نّسْ.
JDG 1:19 سِيذِي ثُوغَا-ث أَكْ-ذ يَاهُوذَا أَڒَامِي يُوژّڒْ خْ [إِمزْذَاغْ ن] ثمُّورْثْ ن إِذُورَارْ، مَاشَا [إِمزْذَاغْ] ن ڒوْذَا ن ثغْزُورْثْ وَارْ إِزمَّارْ أَذْ خَاسنْ يَاژّڒْ [زِي ثسْغَارْثْ نْسنْ]، مِينْزِي نِيثْنِي ثُوغَا غَارْسنْ إِكَارُّوثنْ ن ؤُمنْغِي ن وُوزَّاڒْ.
JDG 1:20 إِ كَالِيبْ وْشِينْ أَسْ حَابْرُونْ، أَمْ مَامّشْ ثُوغَا إِنَّا مُوسَا، ؤُشَا نتَّا يُوژّڒْ سّنِّي خْ ثْڒَاثَا ن إِحنْجِيرنْ ن عَانَاقْ.
JDG 1:21 أَيْثْ ن بِينْيَامِينْ وَارْ زمَّارنْ أَذْ أَژّْڒنْ خْ إِيابُوسِييّنْ، إِنِّي إِزدّْغنْ ذِي ؤُرْشَالِيمْ. أَمُّو إِ قِّيمنْ إِيابُوسِييّنْ زدّْغنْ غَارْ أَيْثْ ن بِينْيَامِينْ ذِي ؤُرْشَالِيمْ، أَڒْ أَسّْ-أَ.
JDG 1:22 ثَادَّارْثْ ن يُوسُوفْ ثْڭعّذْ غَارْ بَايْثْ-إِلْ ؤُشَا سِيذِي [ثُوغَا-ث] أَكِيذْسنْ.
JDG 1:23 ثُويُورْ ثَادَّارْثْ ن يُوسُوفْ حِيمَا أَذْ ثْبرْڭَاڭْ غَارْ بَايْثْ-إِلْ. إِسمْ ن ثنْذِينْثْ [ثُوغَا] زِيشْ قَّارنْ أَسْ لُوزْ.
JDG 1:24 إِنِّي ثُوغَا إِڒبْثنْ [إِ ثنْذِينْثْ]، ژْرِينْ إِجّْ ن ورْيَازْ إِفّغْ-د زِي ثنْذِينْثْ، نَّانْ أَسْ: ”سْشنْ أَنغْ مَانِيسْ نْزمَّارْ أَذْ نَاذفْ غَارْ ثنْذِينْثْ، خنِّي نشِّينْ أَذْ كِيكْ نڭّْ ثَامخْسِيوْثْ إِشوَّارنْ.“
JDG 1:25 [خنِّي] إِسّْشنْ أَسنْ ثَاوَّارْثْ ن وَاذَافْ غَارْ ثنْذِينْثْ ؤُشَا نِيثْنِي وْثِينْ ثَانْذِينْثْ س إِشْثْ ن ثشْثِي س ڒقْضعْ ن سِّيفْ، [مَاشَا] نِيثْنِي جِّينْ أَرْيَازْ نِّي أَذْ يُويُورْ أَكْ-ذ مَارَّا رَادْجْ نّسْ.
JDG 1:26 ؤُشَا يُويُورْ ورْيَازْ غَارْ ثمُّورْثْ ن إِحِيتِّييّنْ ؤُشَا إِبْنَا إِشْثْ ن ثنْذِينْثْ، إِڭَّا أَسْ إِسمْ لُوزْ. وَا ذ إِسمْ نّسْ أَڒْ أَسّْ-أَ.
JDG 1:27 مَانَاسَّا وَارْ إِزمَّارْ أَذْ يَاژّڒْ خْ [إِمزْذَاغْ] ن بَايْثْ-شَانْ ذ ثْندَّامْ إِ غَارسْ د-إِقّْننْ، ڒَا [خْ إِمزْذَاغْ ن] ثَاعْنَاكْ أَكْ-ذ ثْندَّامْ نّسْ ڒَا خْ إِمزْذَاغْ ن ذُورْ ذ ثْندَّامْ نّسْ ڒَا خْ إِمزْذَاغْ ن يِيبْلَاعَامْ ذ ثْندَّامْ نّسْ ؤُڒَا خْ إِمزْذَاغْ ن مَاجِيدُّو ذ ثْندَّامْ نّسْ. ثُوغَا أَيْثْ ن كنْعَانْعوّْڒنْ أَذْ قِّيمنْ زدّْغنْ ذِي ثمُّورْثْ [نِّي].
JDG 1:28 ثُوغَا إِسْرَائِيل إِذْوڒْ إِجْهذْ أَڒَامِي إِڭَّا لْجِيزْيَا خْ أَيْثْ ن كنْعَانْ، [مَاشَا] وَارْ زمَّارنْ أَذْ خَاسنْ أَژّْڒنْ مَارَّا.
JDG 1:29 [ؤُڒَا ذ] إِفْرَايِيمْ وَارْ إِزمَّارْ أَذْ يَاژّڒْ خْ أَيْثْ ن كنْعَانْ إِ ثُوغَا إِزدّْغنْ ذِي جَازَارْ ؤُ قِّيمنْ أَيْثْ ن كنْعَانْ زدّْغنْ ذِي ڒْوسْطْ نْسنْ ذِي جَازَارْ.
JDG 1:30 زابُولُونْ وَارْ إِزمَّارْ أَذْ يَاژّڒْ خْ إِمزْذَاغْ ن قِيطْرُونْ ذ إِمزْذَاغْ ن نَاهَالُولْ ؤُ قِّيمنْ أَيْثْ ن كنْعَانْ زدّْغنْ ذِي ڒْوسْطْ نْسنْ ؤُ ثتّْوَاڭّْ خَاسنْ لْجِيزْيَا.
JDG 1:31 أَشِيرْ وَارْ إِزمَّارْ أَذْ يَاژّڒْ خْ إِمزْذَاغْ ن عَاكُّو ؤُڒَا خْ [إِمزْذَاغْ] ن صِيذُونْ ذ أَحْلَابْ ذ أَكْزِيبْ ذ هَالْبَا ذ أَفِيقْ ذ رَاحُوبْ.
JDG 1:32 إِشِيرِييّنْ زدّْغنْ ذِي ڒْوسْطْ ن أَيْثْ ن كنْعَانْ، إِنِّي ذ إِمزْذَاغْ ن ثمُّورْثْ، مِينْزِي نِيثْنِي وَارْ زمَّارنْ أَذْ خَاسنْ أَژّْڒنْ.
JDG 1:33 نَافْثَالِي وَارْ إِزمَّارْ أَذْ يَاژّڒْ خْ إِمزْذَاغْ ن بَايْثْ-شَامْسْ ذ إِمزْذَاغْ ن بَايْثْ-عَانَاثْ. [أَمُّو] إِ ثُوغَا إِزْذغْ ذِي ڒْوسْطْ ن أَيْثْ ن كنْعَانْ، إِنِّي ذ إِمزْذَاغْ ن ثمُّورْثْ. ثتّْوَاڭّْ خَاسنْ لْجِيزْيَا خْ إِمزْذَاغْ ن بَايْثْ-شَامْسْ ذ بَايْثْ-عَانَاثْ.
JDG 1:34 إِمُورِييْ[ينْ] حْصَارنْ أَيْثْ ن ذَانْ غَارْ إِذُورَارْ، مِينْزِي وَارْ ثنْ جِّينْ أَذْ هْوَانْ غَارْ ڒوْضَا ن ثغْزُورْثْ.
JDG 1:35 ثُوغَا إِمُورِييْ[ينْ]عوّْڒنْ أَذْ قِّيمنْ زدّْغنْ ذڭْ إِذُورَارْ ن حَارَاسْ، ذِي أَيَالُونْ ؤُ ذِي شَاعَالْبِيمْ، [مَاشَا] أَفُوسْ ن ثَادَّارْثْ ن يُوسُوفْ ثُوغَا إِزيَّارْ [خَاسنْ] أَطَّاسْ [أَڒَامِي خَاسنْ] ثتّْوَاڭّْ لْجِيزْيَا.
JDG 1:36 ثُوغَا أَيْمِيرْ ن إِمُورِييْ[ينْ] زِي ثْسُونْثَا ن ثْغَارْضْمِيوِينْ، زِي جَّارْفْ ؤُشَا سّنِّي غَارْ سنّجْ.
JDG 2:1 لْمَالَاكْ ن سِيذِي إِڭعّذْ زِي جِيلْجَالْ غَارْ بُوكِيمْ، إِنَّا: ”نشّْ سُّوفّْغغْ-د كنِّيوْ زِي مِيصْرَا ؤُشَا إِوْيغْ-د كنِّيوْ غَارْ ثمُّورْثْ نِّي خْ جُّودْجغْ إِ ڒجْذُوذْ نْومْ، نِّيغْ: ’نشّْعمَّارْصْ وَارْ تَّارژِّيغْ ڒْعَاهْذْ إِنُو أَكِيذْومْ إِ ڒبْذَا.
JDG 2:2 ؤُشَا كنِّيوْ، وَارْ ذ أَومْ إِعدّڒْ أَذْ ثڭّمْ ؤُڒَا ذ إِجّْ ن ڒْعَاهْذْ أَكْ-ذ إِمزْذَاغْ ن ثمُّورْثْ-أَ، ؤُ إِتّْخصَّا أَومْ أَذْ ثْغضْڒمْ إِعَالْطَارنْ نْسنْ!‘ مَاشَا كنِّيوْ وَارْ ثسْڒِيمْ شَا إِ ثْمِيجَّا إِنُو. مَايمِّي ثڭِّيمْ أَيَا؟
JDG 2:3 ؤُ نشّْ نِّيغْ أَومْ عَاوذْ: ’أَقَا وَارْ خَاسنْ ثَاژّْڒغْ زَّاثْ إِ وُوذمْ نْومْ، مَاشَا نِيثْنِي أَذْ إِڒِينْ [أَمْ إِسنَّاننْ] ذڭْ إِغزْذِيسنْ نْومْ ؤُشَا إِربِّيثنْ نْسنْ أَذْ أَومْ ذوْڒنْ ذ ڒْفخْ.‘ “
JDG 2:4 ؤُمِي لْمَالَاكْ ن سِيذِي ثُوغَا إِسِّيوڒْ أَوَاڒنْ-أَ غَارْ مَارَّا أَيْثْ ن إِسْرَائِيل، إِمْسَارْ، أَقَا ڒْڭنْسْ إِسّْڭعّذْ ثْمِيجَّا نّسْ ؤُشَا رُونْ نِيثْنِي.
JDG 2:5 نِيثْنِي قَّارنْ أَسْ إِ ومْشَانْ نِّي ’بُوكِيمْ‘ ؤُشَا نِيثْنِي قدّْمنْ ذِينْ ثَاغَارْصْثْ إِ سِيذِي.
JDG 2:6 [ؤُمِي] إِسّكّْ يَاشُووَا ڒْڭنْسْ، فّْغنْ أَيْثْ ن إِسْرَائِيل، [كُوڒْ] أَرْيَازْ غَارْ ثسْغَارْثْ نّسْ، مَاحنْذْ أَذْ طّْفنْ ثَامُّورْثْ ذ ڒْوَارْثْ.
JDG 2:7 ثُوغَا ڒْڭنْسْ إِسخَّارْ إِ سِيذِي مَارَّا ؤُسَّانْ ن يَاشُووَا ذ مَارَّا ؤُسَّانْ ن إِمْغَارنْ، إِنِّي [عَاذْ] إِقِّيمنْ دَّارنْ أَطَّاسْ أَوَارْنِي إِ يَاشُووَا ؤُ إِنِّي إِژْرِينْ مَارَّا ڒْخذْمثْ ثَامقّْرَانْثْ ن سِيذِي ثنِّي إِڭَّا إِ إِسْرَائِيل.
JDG 2:8 يَاشُووَا، مِّيسْ ن نُونْ، أَمْسخَّارْ ن سِيذِي، إِمُّوثْ [أَمْ] إِجّْ ن بْنَاذمْ [ذ بَابْ] ن مْيَا ؤُ -عشْرَا ن إِسڭّْوُوسَا.
JDG 2:9 نضْڒنْ ث ذَاخڒْ إِ ويْمِيرْ ن ثسْغَارْثْ نّسْ ذِي ثِيمْنَاثْ-حَارَاسْ، ذِي ثمُّورْثْ ن إِذُورَارْ ن إِفْرَايِيمْ، غَارْ ؤُغزْذِيسْ ن شَّامَالْ ن وذْرَارْ ن جَاعَاشْ.
JDG 2:10 ؤُ عَاوذْ مَارَّا جِّيڒْ نِّي، أَقَا إِتّْوَاسّْمُونْ غَارْ ڒجْذُوذْ نْسنْ. أَوَارْنِي أَسنْ إِكَّارْ-د إِجّْ ن جِّيڒْ نّغْنِي، جِّيڒْ نِّي وَارْ إِسِّينْ شَا سِيذِي ؤُ وَارْ إِسِّينْ شَا ڒْخذْمثْ إِ إِڭَّا أَكْ-ذ إِسْرَائِيل.
JDG 2:11 [خنِّي] ڭِّينْ أَيْثْ ن إِسْرَائِيل مِينْ ثُوغَا إِدْجَانْ ذ أَعفَّانْ ذِي ثِيطَّاوِينْ ن سِيذِي ؤُشَا سخَّارنْ إِ ’إِبَاعْلنْ‘
JDG 2:12 نِيثْنِي جِّينْ سِيذِي، أَربِّي ن ڒجْذُوذْ نْسنْ، ونِّي ثنْ د-إِسُّوفّْغنْ زِي مِيصْرَا ؤُشَا نِيثْنِي ضْفَارنْ إِربِّيثنْ نّغْنِي، إِربِّيثنْ ن ڒڭْنُوسْ إِ ذ أَسنْ-د إِنّْضنْ، ؤُشَا ؤُضَارنْ أَسنْ ؤُ [أَمُّو إِ] سْعَارنْ سِيذِي.
JDG 2:13 مَاغَارْ نِيثْنِي جِّينْ سِيذِي ؤُشَا [ذوْڒنْ] سخَّارنْ إِ بَاعَالْ ؤُ إِ ’عَاشْثَارُوثِينْ‘.
JDG 2:14 [خْ ؤُيَا] يَارْغَا وغْضَابْ ن سِيذِي خْ إِسْرَائِيل. نتَّا إِڭَّا إِ-ثنْ ذڭْ ؤُفُوسْ ن إِشفَّارنْ إِ ثنْ إِكشّْضنْ ؤُ إِڭَّا إِ-ثنْ ذڭْ ؤُفُوسْ ن ڒْعذْيَانْ نْسنْ إِ ذ أَسنْ د-إِنّْضنْ ؤُشَا ذوْڒنْ وَارْ زمَّارنْ أَذْ [قِّيمنْ] بدّنْ زَّاثْ إِ وُوذمْ ن ڒْعذْيَانْ نْسنْ.
JDG 2:15 مَانِي مَا فّْغنْ نِيثْنِي، ثُوغَا أَفُوسْ ن سِيذِي ضِيدّْ نْسنْ إِ ڒْغَارْ، أَمْ مَامّشْ ثُوغَا إِسِّيوڒْ سِيذِي ؤُ أَمْ مَامّشْ ثُوغَا إِ ذ أَسنْ إِجُّودْجْ سِيذِي. أَقَا تّْوَاحْصَارنْ أَڒْ أَنڭَّارْ.
JDG 2:16 [مَاشَا] سِيذِي إِسّكَّارْ ڒْقُوضَاثْ، إِنِّي ثنْ إِسّْنجْمنْ زڭْ ؤُفُوسْ ن يِينِّي ثنْ إِكشّْضنْ.
JDG 2:17 نِيثْنِي وَارْ سْڒِينْ شَا ؤُڒَا غَارْ ڒْقُوضَاثْ نْسنْ، مَاشَا سّْفسْذنْ إِخفْ نْسنْ ؤُمِي ؤُيُورنْ أَوَارْنِي إِربِّيثنْ نّغْنِي ؤُشَا ؤُضَارنْ أَسنْ. ذغْيَا حيّْذنْ خْ وبْرِيذْ نِّي إِ ذِي ؤُيُورنْ ڒجْذُوذْ نْسنْ، إِنِّي ثُوغَا إِسْڒِينْ إِ ثْوصَّا ن سِيذِي. نِيثْنِي [مَاشَا] وَارْ ڭِّينْ أَمنِّي!
JDG 2:18 ؤُمِي ذ أَسنْ د-إِسّكَّارْ سِيذِي ڒْقُوضَاثْ، ثُوغَا سِيذِي أَكْ-ذ ڒْقَاضِي ؤُشَا إِسّنْجمْ إِ-ثنْ زڭْ ؤُفُوسْ ن ڒْعذْيَانْ نْسنْ، مَارَّا ؤُسَّانْ ن ڒْقَاضِي نِّي، مَاغَارْ سِيذِي ثُوغَا إِنْذمْ زِي سِّيبّثْ ن إِغُويَّانْ نْسنْ زَّاثْ إِ وُوذمْ ن يِينِّي ثنْ إِحْصَارنْ ذ يِينِّي إِ خَاسنْ إِتَّاژّْڒنْ.
JDG 2:19 ؤُشَا إِمْسَارْ ؤُمِي إِمُّوثْ ڒْقَاضِي، [أَقَا] نِيثْنِي ذوْڒنْ غَارْ ضفَّارْ ؤُشَا ذوْڒنْعفّْننْ كْثَارْ زڭْ ڒجْذُوذْ نْسنْ ؤُمِي ؤُيُورنْ أَوَارْنِي إِربِّيثنْ نّغْنِي، سخَّارنْ أَسنْ ؤُشَا بنْذْقنْ أَسنْ. نِيثْنِي وَارْ جِّينْ زِي ثْمڭَّا نْسنْ [ثِيعفَّانِينْ] ؤُ زِي وبْرِيذْ نْسنْ [إِ ثُوغَا ضفَّارنْ] س ثْغنَّانْثْ.
JDG 2:20 [خنِّي] يَارْغَا وغْضَابْ ن سِيذِي خْ إِسْرَائِيل ؤُشَا نتَّا إِنَّا: ”مِينْزِي ڒْڭنْسْ-أَ إِعدَّا ڒْعَاهْذْ إِنُو مِينْ خفْ وصِّيغْ ڒجْذُوذْ نْسنْ ؤُ وَارْ سْڒِينْ إِ ثْمِيجَّا إِنُو،
JDG 2:21 ؤُڒَا ذ نشّْ وَارْ قِّيمغْ عَاذْ أَذْ أَژّْڒغْ زَّاثْ إِ وُوذمْ نْسنْ خْ ڒڭْنُوسْ نِّي إِجَّا يَاشُووَا، ؤُمِي إِمُّوثْ،
JDG 2:22 أَڒَامِي نشّْ أَذْ زَّايْسنْ قدْجْبغْ إِسْرَائِيل، مَا أَذْ حْضَانْ نِيثْنِي أَبْرِيذْ ن سِيذِي مَاحنْذْ أَذْ ذَايسْ ؤُيُورنْ أَمْ مَامّشْ ث حْضَانْ ڒجْذُوذْ نْسنْ، نِيغْ لَّا.“
JDG 2:23 ؤُشَا إِجَّا سِيذِي ڒڭْنُوسْ-أَ [أَذْ أَريّْحنْ] ؤُشَا وَارْ خَاسنْ يُوژِّيڒْ ذغْيَا ؤُ [عَاوذْ] نتَّا وَارْ ثنْ إِڭِّي ذڭْ ؤُفُوسْ ن يَاشُووَا.
JDG 3:1 إِنَا ذ ڒڭْنُوسْ إِ إِجَّا سِيذِي [أَذْ أَريّْحنْ]، حِيمَا أَذْ زَّايْسنْ إِقدْجبْ إِسْرَائِيل، [إِخْسْ أَذْ يِينِي] مَارَّا إِنِّي وَارْ إِسِّيننْ شَا عَاذْ خْ مَارَّا ڭَارَّاثْ أَكْ-ذ كنْعَانْ،
JDG 3:2 مْغِيرْ حِيمَا أَذْ ذوْڒنْ جِّيڒَاثْ ن أَيْثْ ن إِسْرَائِيل أَذْ سّْننْ أَمنْغِي، حِيمَا أَذْ ڒمْذنْ أَذْ مّنْغنْ، مْغِيرْ إِنِّي وَارْ إِسِّيننْ شَا أَمنْغِي:
JDG 3:3 خمْسَا ن ڒْبَاشَاثْ [ن ثْندَّامْ] ن أَيْثْ ن إِفِيلِيسْطِينِييّنْ ذ مَارَّا أَيْثْ ن كنْعَانْ ذ إِصِيذُونِييْ[ينْ] ذ إِحِيوِييْ[ينْ] إِ إِزدّْغنْ خْ إِذُورَارْ ن لُوبْنَانْ، زڭْ وذْرَارْ ن بَاعْلْ-هِيرْمُونْ أَڒْ مَانِي غَا ثِيوْضذْ غَارْ حَامَاثْ.
JDG 3:4 نِيثْنِي ثُوغَا أَثنْ [ذِينْ] حِيمَا أَذْ زَّايْسنْ إِتّْوَاقدْجبْ إِسْرَائِيل، حِيمَا أَذْ يِيڒِي إِتّْوَاسّْننْ مَا نِيثْنِي أَذْ سْڒنْ إِ ثْوصَّا ن سِيذِي، ثِينِّي يُومُورْ نتَّا إِ ڒجْذُوذْ نْسنْ س ثْسخَّارْثْ ن مُوسَا.
JDG 3:5 أَيْثْ ن إِسْرَائِيل ثُوغَا زدّْغنْ ذِي ڒْوسْطْ ن أَيْثْ ن كنْعَانْ: إِحِيتِّييْ[ينْ] ذ إِمُورِييْ[ينْ] ذ إِفِيرِيزِييْ[ينْ] ذ إِحِيوِييْ[ينْ] ذ إِيابُوسِييْ[ينْ].
JDG 3:6 نِيثْنِي إِوْينْ يسِّيثْسنْ ذ ثمْغَارِينْ نْسنْ إِ يِيخفْ نْسنْ ؤُ ثِيحنْجِيرِينْ نْسنْ وْشِينْ ثنْثْ إِ إِحنْجِيرنْ نْسنْ ؤُشَا نِيثْنِي [بْذَانْ أَذْ] سخَّارنْ إِ إِربِّيثنْ نْسنْ. *
JDG 3:7 ؤُشَا ڭِّينْ أَيْثْ ن إِسْرَائِيل مِينْ [إِدْجَانْ] ذ أَعفَّانْ ذِي ثِيطَّاوِينْ ن سِيذِي، تُّونْ سِيذِي، أَربِّي نْسنْ، ؤُشَا ؤُيُورنْ أَذْ سخَّارنْ إِ ’إِبَاعْلنْ‘ ذ ثِيربِّينْ نْسنْ ن شْوَارْثِي.
JDG 3:8 [خنِّي] يَارْغَا وغْضَابْ ن سِيذِي خْ إِسْرَائِيل ؤُ نتَّا إِوْشَا إِ-ثنْ ذڭْ ؤُفُوسْ ن كُوشَانْ-رِيشَاعْثَايِيمْ، أَجدْجِيذْ ن أَرَامْ-نَاهْرَايْنْ، [أَقَا-ت ذ مِيسُوپُوثَامْيَا]. [خنِّي] سخَّارنْ أَيْثْ ن إِسْرَائِيل ثْمنْيَا ن إِسڭّْوُوسَا إِ كُوشَانْ-رِيشَاعْثَايِيمْ.
JDG 3:9 سْغُويّنْ أَيْثْ ن إِسْرَائِيل غَارْ سِيذِي ؤُشَا سِيذِي إِڭَّا أَذْ إِكَّارْ إِجّْ ن ؤُمْسنْجمْ إِ أَيْثْ ن إِسْرَائِيل، ونِّي إِ ثنْ إِفكّنْ، عُوثْنِييِيلْ، مِّيسْ ن قَانَازْ، ؤُمَاسْ ن كَالِيبْ، ونِّي ذ أَمژْيَانْ خَاسْ.
JDG 3:10 ثُوغَا خَاسْ أَرُّوحْ ن سِيذِي ؤُ ثُوغَا ذ ڒْقَاضِي خْ إِسْرَائِيل ؤُشَا إِفّغْ غَارْ ؤُمنْغِي. إِوْشَا أَسْ سِيذِي كُوشَانْ-رِيشَاعْثَايِيمْ، أَجدْجِيذْ ن أَرَامْ، ذڭْ ؤُفُوسْ نّسْ ؤُشَا إِغْڒبْ نتَّا خْ كُوشَانْ-رِيشَاعْثَايِيمْ.
JDG 3:11 ثَاريّحْ ثمُّورْثْ أَربْعِينْ ن إِسڭّْوُوسَا. [خنِّي] إِمُّوثْ عُوثْنِييِيلْ، مِّيسْ ن قَانَازْ.
JDG 3:12 أَيْثْ ن إِسْرَائِيل أَرْنِينْ أَذْ ڭّنْ مِينْ [إِدْجَانْ] ذ أَعفَّانْ ذِي ثِيطَّاوِينْ ن سِيذِي. ؤُشَا سِيذِي إِڭَّا جّهْذْ ذِي عِيجْلُونْ، أَجدْجِيذْ ن مُوآبَ، ضِيدّْ إِ إِسْرَائِيل، مِينْزِي نِيثْنِي ڭِّينْ [مِينْ إِدْجَانْ] ذ أَعفَّانْ ذِي ثِيطَّاوِينْ ن سِيذِي.
JDG 3:13 نتَّا إِسّْمُونْ غَارسْ أَيْثْ ن عَامُّونْ ؤُ ن عَامَالِيقْ ؤُشَا إِفّغْ، إِغْڒبْ خْ إِسْرَائِيل ؤُشَا نِيثْنِي طّْفنْ ثَانْذِينْثْ ن ثْشجِّيرَا ن ثِينِي.
JDG 3:14 ثْمنْطَاشْ ن إِسڭّْوُوسَا ثُوغَا أَيْثْ ن إِسْرَائِيل تّْسخَّارنْ إِ عِيجْلُونْ، أَجدْجِيذْ ن مُوآبَ.
JDG 3:15 [خنِّي] سْغُوينْ أَيْثْ ن إِسْرَائِيل غَارْ سِيذِي ؤُشَا سِيذِي إِڭَّا أَذْ د-إِكَّارْ إِجّْ ن ؤُمْسنْجمْ، إِهُوذْ، مِّيسْ ن جِيرَا، [زِي ثقْبِيتْشْ] ن بِينْيَامِينْ، إِجّْ ن ورْيَازْ إِ وَارْ إِتّْوَاذَارّبْ مْلِيحْ س ؤُفُوسِي نّسْ أَفُوسِي. ؤُشَا أَيْثْ ن إِسْرَائِيل سّكّنْ ث حِيمَا أَذْ وْشنْ إِشْثْ ن ثرْزفْثْ إِ عِيجْلُونْ، أَجدْجِيذْ ن مُوآبَ، س ؤُفُوسْ نّسْ.
JDG 3:16 إِهُوذْ إِڭَّا إِ يِيخفْ نّسْ إِجّْ ن سِّيفْ غَارسْ ثْنَاينْ ن ڒقْذُوعْ، ثُوزّڭَّارْثْ نّسْ أَنشْثْ ن إِجّْ ن ؤُغِيڒْ، إِقّنْ إِ-ث سَاذُو وَارُّوضْ نّسْ غَارْ ثْمصَّاضْثْ نّسْ ثَافُوسشْثْ.
JDG 3:17 أَمُّو إِ د-إِقَارّبْ س ثرْزفْثْ غَارْ عِيجْلُونْ، أَجدْجِيذْ ن أَيْثْ ن مُوآبَ، عِيجْلُونْ ثُوغَا ذ أَرْيَازْ إِصحّْ أَطَّاسْ.
JDG 3:18 ؤُمِي ثُوغَا إِهُوذْ إِكمّڒْ ثِيموْشَا ن ثَارْزفْثْ، إِمْسَارْ، أَقَا إِسّْقبّضْ إِوْذَانْ إِ ثُوغَا يَاربُّونْ ثَارْزفْثْ [غَارْ ڒَاڭّْوَاجْ]،
JDG 3:19 مَاشَا نتَّا سِيمَانْثْ نّسْ إِعْقبْ [أَوَارْنِي مَانْ أَيَا] زِي ڒخْيَاڒْ إِنقْشنْ [إِ ذِينْ إِدْجَانْ] ذِي جِيلْجَالْ، إِنَّا: ”نشّْ غَارِي إِجّْ ن سِّيرْ خَاكْ، أَجدْجِيذْ!“ ؤُشَا وَا إِنَّا: ”سْقَارمْ!“ مَارَّا وِي ثُوغَا إِبدّنْ غَارسْ، فّْغنْ زِي غَارسْ [غَارْ بَارَّا].
JDG 3:20 يُوسَا-د غَارسْ إِهُوذْ ؤُمِي عِيجْلُونْ إِقِّيمْ ذڭْ وخَّامْ ن نّجْ أَسمَّاضْ، ونِّي ثُوغَا إِ نتَّا وَاهَا. [خنِّي] إِنَّا إِهُوذْ: ”نشّْ غَارِي إِجّْ ن وَاوَاڒْ ن أَربِّي إِ شكْ.“ ؤُشَا إِكَّارْ [ؤُجدْجِيذْ] زِي ڒْكُورْسِي نّسْ إِڭلّْذنْ.
JDG 3:21 [خنِّي] إِسّْوِيژّضْ إِهُوذْ س ؤُفُوسْ نّسْ أَزڒْمَاضْ، إِجْبذْ-د سِّيفْ نِّي خْ ثْمصَّاضْثْ نّسْ ثَافُوسشْثْ، إِشُوكّْ إِ-ث ذڭْ ؤُعذِّيسْ نّسْ،
JDG 3:22 أَڒَامِي يُوذفْ س ؤُفُوسْ نِّي أَوَارْنِي إِ ڒْمُوسْ ن سِّيفْ ؤُشَا ثَاذُونْثْ ثْبلّعْ-د خْ ڒْمُوسْ، مَاغَارْ نتَّا وَارْ إِكِّيسْ سِّيفْ زڭْ ؤُعذِّيسْ نّسْ. [خَاسْ ؤُشَا] إِفّغْ س وبْرِيذْ ن وخَّامْ ن يِيضصْ.
JDG 3:23 [خنِّي] إِفّغْ إِهُوذْ زڭْ وُوفُّوغْ [ن وخَّامْ ن وسْقِيفْ]. إِبلّعْ ثِيوُّورَا ن وخَّامْ ن نّجْ أَوَارْنِي أَسْ ؤُ يَارَّا زّكْرُونْ.
JDG 3:24 [ؤُمِي] يُويُورْ نتَّا، ؤُسِينْ-د إِمْسخَّارنْ نّسْ ؤُشَا ؤُمِي ژْرِينْ أَقَا ثِيوُّورَا ن وخَّامْ ن نّجْ تّْوَابلّْعنْثْ س زّكْرُونْ، نَّانْ: ”نتَّا أَقَا إِذْڒَا [وَاهَا] إِضَارنْ نّسْ ذڭْ وخَّامْ أَسمَّاضْ ن ذَاخڒْ.“
JDG 3:25 نِيثْنِي قِّيمنْ تّْرَاجَانْ أَڒَامِي ذوْڒنْ سّصْحَانْ، ؤُ خْزَارْ، نتَّا وَارْ يَارْزِيمْ شَا ثِيوُّورَا ن وخَّامْ ن نّجْ. نِيثْنِي كْسِينْ سَّارُوثْ، أَرْزْمنْ ثَاوَّارْثْ، ؤُشَا خْزَارْ، إِمّنْضَارْ سِيذِيثْسنْ غَارْ ثمُّورْثْ إِمُّوثْ.
JDG 3:26 إِهُوذْ [مَاشَا] ثُوغَا يَارْوڒْ، أَمْ ثُوغَا تّْرَاجَانْ نِيثْنِي. نتَّا ثُوغَا إِكَّا خْ ڒخْيَاڒْ إِنقْشنْ ؤُشَا يَارْوڒْ غَارْ سِيعِيرَاثْ.
JDG 3:27 ڒَامِي د-يِيوضْ نتَّا [ذِينِّي]، إِسُوضْ ذڭْ ؤُيِيشّْ ن إِشَارِّي خْ إِذُورَارْ ن إِفْرَايِيمْ. [خنِّي] هْوَانْ أَيْثْ ن إِسْرَائِيل أَكِيذسْ زڭْ وذْرَارْ ؤُ نتَّا سِيمَانْثْ نّسْ [يُويُورْ] زَّاثْ إِ وُوذمْ نْسنْ.
JDG 3:28 نتَّا إِنَّا أَسنْ: ”ضْفَارمْ أَيِي-د، مِينْزِي سِيذِي إِوْشَا أَومْ ڒْعذْيَانْ نْومْ، أَيْثْ ن مُوآبَ، ذڭْ ؤُفُوسْ نْومْ.“ ؤُشَا نِيثْنِي ضْفَارنْ ث ؤُشَا طّْفنْ إِمُوشَانْ ن ؤُژكّْوُو ن لْ-ؤُرْذُونْ غَارْ مُوآبَ ؤُشَا وَارْ جِّينْ ؤُڒَا ذ إِجّْ أَذْ إِژْوَا.
JDG 3:29 ذِي ڒْوقْثْ نِّي وْثِينْ نِيثْنِي أَيْثْ ن مُوآبَ، عْڒَاحَاڒْ ثنْعَاشْ-أَڒفْ ن يرْيَازنْ، مَارَّا نِيثْنِي جهْذنْ، إِعسْكَارِييّنْ، ؤُڒَا ذ إِجّْ ن ورْيَازْ وَارْ إِنْجِيمْ.
JDG 3:30 [أَمُّو] إِتّْوَاسّْذدْجْ مُوآبَ ذڭْ وَاسّْ نِّي سَاذُو ؤُفُوسْ ن إِسْرَائِيل ؤُشَا ثَاريّحْ ثمُّورْثْ ثْمنْيِينْ ن إِسڭّْوُوسَا.
JDG 3:31 أَوَارْنِي أَسْ يُوسَا-د شَامْجَارْ، مِّيسْ ن عَانَاثْ، ونِّي إِنْغِينْ ستَّا-مْيَا ن يرْيَازنْ زڭْ إِفِيلِيسْطِينِييّنْ س يِيجّْ ن ڒْمَاشَامْ ن إِفُونَاسنْ. [أَمُّو] إِسّنْجمْ ؤُڒَا ذ نتَّا إِسْرَائِيل.
JDG 4:1 ؤُمِي ثُوغَا إِهُوذْ إِمُّوثْ، أَرْنِينْ أَيْثْ ن إِسْرَائِيل أَذْ ڭّنْ مِينْ [إِدْجَانْ] ذ أَعفَّانْ ذِي ثِيطَّاوِينْ ن سِيذِي.
JDG 4:2 سِيذِي إِڭَّا إِ-ثنْ سِيذِي ذڭْ ؤُفُوسْ ن يَابِينْ، أَجدْجِيذْ ن أَيْثْ ن كنْعَانْ، ونِّي ثُوغَا إِحكّمْ ذِي حَاصُورْ. ثُوغَا سِيسَارَا ذ أَكُومَانْذَارْ ن ڒْعسْكَارْ نّسْ. وَا ثُوغَا إِزدّْغنْ ذِي هَارُوشِيثْ-هَا-خُويِيمْ.
JDG 4:3 [خنِّي] سْغُوينْ أَيْثْ ن إِسْرَائِيل إِ سِيذِي، مَاغَارْ سِيسَارَا غَارسْ ثسْعَا-مْيَا ن إِكَارُّوثنْ ن ؤُزَّاڒْ إِ ؤُمنْغِي ؤُ نتَّا ثُوغَا إِسّْذدْجْ أَيْثْ ن إِسْرَائِيل س لْعُونْفْ [ڒْْمِيجَاڒْ ن] عِيشْرِينْ ن إِسڭّْوُوسَا.
JDG 4:4 ثُوغَا ذابُورَا، ثَانَابِيثْ، إِشْثْ ن ثمْغَارْثْ س أَرُّوحْ أَمْ ثْمسِّي، ثحْكمْ إِسْرَائِيل ذِي ڒْوقْثْ نِّي.
JDG 4:5 نتَّاثْ ثُوغَا ثقِّيمْ [خْ ڒْكُورْسِي ن ڒْحُوكْمْ] سْوَادَّايْ إِ ثْشجَّارْثْ ن ثِينِي ن ذابُورَا، جَارْ رَامَا ذ بَايْثْ-إِلْ، خْ إِذُورَارْ ن إِفْرَايِيمْ، ؤُشَا أَيْثْ ن إِسْرَائِيل ڭعّْذنْ غَارسْ مَاحنْذْ أَذْ أَسْ أَوْينْ دّعْوَاثْ [نْسنْ].
JDG 4:6 نتَّاثْ ثسّكّْ، ثْڒَاغَا إِ بَارَاقْ، مِّيسْ ن أَبِينُوعَامْ زِي قَاذَاشْ ذِي نَافْثَالِي، ثنَّا أَسْ: ”مَا وَارْ يُومُورْ سِيذِي، أَربِّي ن إِسْرَائِيل: ’ؤُيُورْ، فّغْ غَارْ وذْرَارْ ن ثابُورْ ؤُ ثَاوْيذْ أَكِيذكْعشْرَا أَڒفْ ن يرْيَازنْ زڭْ أَيْثْ ن نَافْثَالِي ؤُ زڭْ أَيْثْ ن زابُولُونْ!
JDG 4:7 غَارْ ثغْزَارْثْ ن قِيشُونْ نشّْ أَذْ غَاركْ نذْهغْ سِيسَارَا، أَكُومَانْذَارْ ن ڒْعسْكَارْ ن يَابِينْ، أَكْ-ذ إِكَارُّوثنْ نّسْ ذ ؤُبَارُّو نّسْ [ن يرْيَازنْ] ؤُشَا أَذْ أَشْ ث-إِ-د-وْشغْ ذڭْ إِفَاسّنْ نّشْ!‘ “
JDG 4:8 بَارَاقْ إِنَّا أَسْ: ”مَاڒَا شمْ ثُويُورذْ أَكِيذِي، أَذْ ؤُيُورغْ، [مَاشَا] مَاڒَا شمْ وَارْ كِيذِي ثُويُورذْ، وَارْ ڭُّورغْ.“
JDG 4:9 نتَّاثْ ثنَّا: ”نشّْ أَذْ كِيكْ ؤُيُورغْ نِيشَانْ، مْغِيرْ وَارْ ذ أَشْ إِتِّيڒِي شَّانْ ذڭْ وبْرِيذْ إِ غَا ثُويُورذْ، مِينْزِي سِيذِي أَذْ إِزّنْزْ سِيسَارَا غَارْ ؤُفُوسْ ن إِشْثْ ثمْغَارْثْ.“ [خنِّي] ثكَّارْ ذابُورَا ؤُشَا ثُويُورْ أَكْ-ذ بَارَاقْ غَارْ قَاذَاشْ.
JDG 4:10 [خنِّي] بَارَاقْ إِڒَاغَا-د إِ زابُولُونْ ذ نَافْثَالِي غَارْ قَاذَاشْ ؤُشَا إِڭعّذْ خْ إِضَارنْ أَكْ-ذعشْرَا-أَڒَافْ ن يرْيَازنْ ؤُشَا ؤُڒَا ذ ذابُورَا ثُويُورْ أَكِيذسْ.
JDG 4:11 حَابِيرْ، أَقِينِي، ونِّي ثُوغَا إِتّْنجْڒَا خْ قَايِينْ، نتَّا [ذ إِجّْ ن] زڭْ أَيْثْ ن حُوبَابْ، أَضڭّْوَاڒْ ن مُوسَا. أَقَا إِوْثَا إِقِيضَانْ نّسْ غَارْ ثْشجَّارْثْ ن يِيڭّْ ذِي صَاعَانَايِيمْ نِّي [إِدْجَانْ] غَارْ قَاذَاشْ.   *
JDG 4:12 خبَّارنْ إِ سِيسَارَا، أَقَا بَارَاقْ، مِّيسْ ن أَبِينُوعَامْ، إِڭعّذْ غَارْ وذْرَارْ ن ثابُورْ.
JDG 4:13 [خنِّي] إِسّْمُونْ-د سِيسَارَا مَارَّا إِكَارُّوثنْ نّسْ، ثسْعَا-مْيَا ن إِكَارُّوثنْ ن وُوزَّاڒْ، ذ مَارَّا ڒْڭنْسْ إِ ثُوغَا غَارسْ إِدْجَانْ، زِي حَارُوشَاثْ-هَا-خُويِيمْ أَڒْ ثغْزَارْثْ ن قِيشُونْ.
JDG 4:14 ؤُشَا ثنَّا ذابُورَا إِ بَارَاقْ: ”كَّارْ، مِينْزِي وَا ذ أَسّْ إِ ذِي إِوْشَا سِيذِي سِيسَارَا ذڭْ ؤُفُوسْ نّشْ. مَا وَارْ د-إِتّفّغْ سِيذِي [سِيمَانْثْ نّسْ] غَارْ زَّاثْ إِ شكْ!“ [خنِّي] إِهْوَا-د بَارَاقْ زڭْ وذْرَارْ ن ثابُورْ ؤُعشْرَا-أَڒَافْ ن يرْيَازنْ ضْفَارنْ ث.
JDG 4:15 سِيذِي يَاژّڒْ خْ سِيسَارَا ؤُ خْ مَارَّا إِكَارُّوثنْ نّسْ ؤُ خْ مَارَّا ڒْعسْكَارْ نّسْ س ڒقْضعْ ن سِّيفْ زَّاثْ إِ وُوذمْ ن بَارَاقْ، [أَڒَامِي] إِضْرَا خْ ؤُكَارُّو، يَارْوڒْ خْ إِضَارنْ.
JDG 4:16 ؤُشَا بَارَاقْ إِضْفَارْ إِكَارُّوثنْ ذ ڒْعسْكَارْ أَڒْ حَارُوشَاثْ-هَا-خُويِيمْ. مَارَّا ڒْعسْكَارْ ن سِيسَارَا إِوْضَا س ڒقْضعْ ن سِّيفْ، أَڒَامِي وَارْ إِقِّيمْ ؤُڒَا ذ إِجّْ.
JDG 4:17 سِيسَارَا يَارْوڒْ خْ إِضَارنْ غَارْ ؤُقِيضُونْ ن يَاعِيلْ، ثَامْغَارْثْ ن حَابِيرْ، أَقِينِي، مَاغَارْ ثُوغَا ڒهْنَا جَارْ يَابِينْ، أَجدْجِيذْ ن حَاصُورْ ذ ثَادَّارْثْ ن حَابِيرْ، أَقِينِي.
JDG 4:18 يَاعِيلْ ثفّغْ غَارْ سِيسَارَا، ثنَّا أَسْ: ”أجّْ أَبْرِيذْ، [أَ] سِيذِي إِنُو، أجّْ أَبْرِيذْ غَارِي، وَارْ تّڭّْوذْ!“ ؤُشَا نتَّا إِفّغْ [زڭْ وبْرِيذْ]، [يُويُورْ] غَارسْ غَارْ ؤُقِيضُونْ ؤُشَا نتَّاثْ ثذْڒَا إِ-ث س إِشْثْ ن ثْمَالْثَاثْ.
JDG 4:19 نتَّا إِنَّا أَسْ: ”أوْشْ أَيِي أَمَانْ أَذْ سْوغْ، نشّْ ذَايِي أَفَاذِي!“ نتَّاثْ ثَارْزمْ إِشْثْ ن ثْخَانْشثْ ن ؤُغِي ؤُ ثوْشَا أَسْ أَذْ إِسُو، خنِّي ثذْڒَا إِ-ث [ثْوَاڒَاثْ نّغْنِيثْ].
JDG 4:20 [خنِّي] إِنَّا أَسْ عَاوذْ: ”بدّْ غَارْ ثوَّارْثْ ن ؤُقِيضُونْ ؤُشَا مَاڒَا يُوسَا-د إِجّنْ إِسّقْسَا [شمْ]، إِقَّارْ: ’مَا ذَا شَا ن إِجّْ؟‘، خنِّي أَرّْ خَاسْ: ’ؤُڒَا ذ إِجّْ!‘ “
JDG 4:21 ثطّفْ يَاعِيلْ، ثَامْغَارْثْ ن حَابِيرْ، إِجّْ ن ڒوْثذْ ن ؤُقِيضُونْ ؤُشَا ثكْسِي إِجّْ ن وفْضِيسْ ذڭْ ؤُفُوسْ نّسْ ؤُشَا ثُوذفْ غَارسْ نْهْڒَا ڒْحسّْ ؤُشَا ثوْثَا أَسْ ڒوْثذْ ذڭْ ؤُغزْذِيسْ [ن ؤُزدْجِيفْ] نّسْ أَڒَامِي يِيوضْ [ڒوْثذْ] غَارْ ثمُّورْثْ. ثُوغَا نتَّا يُودْجغْ ذڭْ يِيضصْ س ڒْوحْڒَانْ، ؤُشَا [أَمُّو إِ] إِمُّوثْ.
JDG 4:22 ؤُ خْزَارْ، بَارَاقْ ثُوغَا إِضفَّارْ سِيسَارَا ؤُشَا ثفّغْ يَاعِيلْ، ثْرُوحْ أَذْ كِيسْ ثمّڒْقَا، ثنَّا أَسْ: ”أَسْ-د، أَذْ أَشْ سّشْنغْ أَرْيَازْ ونِّي خْ ثَارزُّوذْ!“ نتَّا يُوذفْ أَكِيذسْ ؤُشَا أَقَا سِيسَارَا إِتَّازّڒْ [خْ ثمُّورْثْ] ؤُ ڒوْثذْ ذِي لْحنْكْ [ن ؤُزدْجِيفْ] نّسْ.
JDG 4:23 أَمُّو إِ إِذدْجْ سِيذِي يَابِينْ، أَجدْجِيذْ ن كنْعَانْ، زَّاثْ إِ وُوذمْ ن أَيْثْ ن إِسْرَائِيل ذڭْ وَاسّْ نِّي.
JDG 4:24 أَفُوسْ ن أَيْثْ ن إِسْرَائِيل يَارنِّي أَذْ إِطّفْ ؤُشَا إِذْقڒْ أَطَّاسْ خْ يَابِينْ، أَجدْجِيذْ ن كنْعَانْ، أَڒَامِي ثُوغَا ثحَّانْ يَابِينْ، أَجدْجِيذْ ن كنْعَانْ.
JDG 5:1 ذڭْ وَاسّْ نِّيغنّْجنْ ذابُورَا ذ بَارَاقْ، مِّيسْ ن أَبِينُوعَامْ، نَّانْ:
JDG 5:2 ”بَارْكمْ سِيذِي إِ إِجطَّاينْ ن ؤُشُوَّافْ إِتّْوَافسّْينْ ذِي إِسْرَائِيل، س ؤُطوّعْ ن ڒْڭنْسْ س ڒْخَاضَارْ!
JDG 5:3 سْڒمْ، كنِّيوْ، إِجدْجِيذنْ، سْحسّمْ، كنِّيوْ، أَيْثْ ن جّهْذْ! نشّْ أَذْغنّْجغْ إِزْڒَانْ إِ سِيذِي، نشّْ أَذْ زهّْذغْ إِ سِيذِي، أَربِّي ن إِسْرَائِيل.
JDG 5:4 أَ سِيذِي، ؤُمِي شكْ د-ثفّْغذْ زِي سَاعِيرْ، ؤُمِي شكْ ثُوغَا ثڭُّورذْ زڭْ إِيَّارْ ن إِذُومْ، ثنْهزّْ ثمُّورْثْ، يَارْجِيجْ ؤُجنَّا، وَاهْ، ؤُڒَا ذ إِسيْنُوثنْ فَارّْغنْ-د س وَامَانْ.
JDG 5:5 إِذُورَارْ فسْينْ زَّاثْ إِ وُوذمْ ن سِيذِي، أَذْرَارْ نِّي ن سِينَا، إِفْسِي زَّاثْ إِ وُوذمْ ن سِيذِي، أَربِّي ن إِسْرَائِيل.
JDG 5:6 ذڭْ وُوسَّانْ ن شَامْجَارْ، مِّيسْ ن عَانَاثْ، ذڭْ وُوسَّانْ ن يَاعِيلْ، قِّيمنْ إِبْرِيذنْ خْڒَانْ، ؤُ إِنِّي ثُوغَا إِڭُّورنْ خْ ثبْرِيذِينْ، تّكّنْ إِمسْرَاقْ إِعَارّْقنْ.
JDG 5:7 إِمْجَاهذنْ وَارْ قِّيمنْ، وَارْ قِّيمنْ ذِي إِسْرَائِيل، أَڒَامِي كَّارغْ نشّْ، ذابُورَا، أَڒَامِي كَّارغْ نشّْ، يمَّاسْ ن إِسْرَائِيل.
JDG 5:8 ؤُمِي إِفَارْزْ ڒْْڭنْسْ إِربِّيثنْ نّغْنِي، خنِّي ثُوغَا ذِينْ إِجّْ ن ؤُمنْغِي إِنقّنْ غَارْ ثوُّورَا. ثَاسدَّارْثْ ن ؤُعسْكَارْ ذ ؤُحْرِيشْ، وَارْ إِتّْوَاژْرِي عَاذْ جَارْ أَربْعَا-أَڒَافْ ذِي إِسْرَائِيل!
JDG 5:9 ؤُڒْ إِنُو أَكْ-ذ إِمْڭوَّاذنْ ن إِسْرَائِيل، إِنِّي إِطوّْعنْ إِخفْ نْسنْ جَارْ ڒْڭنْسْ س ڒْخَاضَارْ، لْبَارَاكَا إِ سِيذِي!
JDG 5:10 أَ كنِّيوْ، إِنِّي إِنَّاينْ خْ ثغْيَاڒْ ذ ثِيشمْڒَاڒِينْ، كنِّيوْ إِنِّي إِتّْغِيمَانْ خْ ثْزَارْبِييِّينْ ذ كنِّيوْ إِنِّي إِڭُّورنْ ذڭْ وبْرِيذْ، سِيوْڒمْ خْ مَانْ أَيَا!
JDG 5:11 س ثْمِيجَّا ن إِمْجبَّاذنْ نْ ڒْقوْسْ إِ ذِينْ جَارْ وَانُوثنْ، أَقَا إِتّْوَاسڒْ وَاوَاڒْ خْ ثْمڭَّا إِسڭّْذنْ ن سِيذِي، ثِيمڭَّا إِسڭّْذنْ ن ؤُمْجَاهَاذْ ن إِسْرَائِيل. خنِّي إِهْوَا-د ڒْڭنْسْ ن سِيذِي غَارْ ثوُّورَا ن ثنْذِينْثْ.
JDG 5:12 حْضَاثْ، حْضَاثْ، ذابُورَا، حْضَاثْ، حْضَاثْ، سِيوڒْ س يِيجّْ ن إِزْڒِي! كَّارْ، بَارَاقْ، أَوِي إِمحْبَاسْ نّشْ، أَ شكْ، مِّيسْ ن أَبِينُوعَامْ!
JDG 5:13 خنِّي إِهْوَا كُوڒْ وِي يَاروْڒنْ غَارْ أَيْثْ ن جّهْذْ ن ڒْڭنْسْ، سِيذِي إِهْوَا-د غَارِي أَكْ-ذ أَيْثْ ن بُو-ثغْرُوضْثْ.
JDG 5:14 زڭْ إِفْرَايِيمْ ؤُسِينْ-د إِنِّي أَژْوَارْ نْسنْ ذِي عَامَالِيقْ ؤُ أَوَارْنِي أَشْ يُويُورْ بِينْيَامِينْ جَارْ ڒْْعسْكَارَاثْ ن يوْذَانْ نّشْ. زِي مَاخِيرْ هْوَانْ إِمْڭوَّاذنْ، ؤُ زِي زابُولُونْ إِنِّي إِطّْفنْ أَعكَّازْ ن ونِّي إِحسّْبنْ.
JDG 5:15 ڒْْحُوكَّامْ ن إِسَّاكَارْ هْوَانْ-د أَكْ-ذ ذابُورَا، ؤُشَا أَمْ مَامّشْ إِتّْوَاسّكّْ إِسَّاخَارْ، أَمُّو إِ إِتّْوَاسّكّْ ؤُڒَا ذ بَارَاقْ ذِي ڒوْضَا ن ثغْزُورْثْ. ذِي ڒصْفُوفْ ن رُوبِينْ ثُوغَا إِخَارِّيصنْ ن وُوڒْ ذ أَطَّاسْ.
JDG 5:16 مَايمِّي ثقِّيمذْ جَارْ إِغنْذِيفنْ، ثسّْحسّذْ غَارْ وسْبُوعْرِييْ ن ثْحِيمْرِيوِينْ؟ ذِي ڒصْفُوفْ ن رُوبِينْ ڭِّينْ أَذْ بقّْشنْذڭْ وُوڒْ أَطَّاسْ.
JDG 5:17 جِيلْعَاذْ إِقِّيمْ إِزدّغْ خْ ؤُجمَّاضْ ن لْ-ؤُرْذُونْ ؤُ مَايمِّي إِقِّيمْ ذَانْ غَارْ ثْغَارُّوبَا؟ أَشِيرْ إِقِّيمْ غَارْ ثْمَا ن ڒبْحَارْ ؤُشَا إِقِّيمْ إِزْذغْ غَارْ إِفْثَاسنْ نّسْ.
JDG 5:18 زابُولُونْ ذ إِجّْ ن ڒْڭنْسْ إِسبّڒْ ثُوذَارْثْ نّسْ أَڒْ ڒْموْثْ، أَمْ ث إِڭَّا ؤُڒَا ذ نَافْثَالِي خْ ڒڭْعُوذِي ن وَازَّايْ ن ؤُمنْغِي.
JDG 5:19 إِجدْجِيذنْ ؤُسِينْ-د، مّنْغنْ. ڒخْذنِّي مّنْغنْ إِجدْجِيذنْ ن كنْعَانْ ذِي ثَاعْنَاكْ غَارْ وَامَانْ ن مَاجِيدُّو، مَاشَا وَارْ كْسِينْ ثَاكشَّاضْثْ ن نُّوقَارْثْ.
JDG 5:20 مِينْزِي إِثْرَانْ مّنْغنْ زڭْ ؤُجنَّا، مّنْغنْ أَكْ-ذ سِيسَارَا زِي ثبْرِيذِينْ نْسنْ.
JDG 5:21 إِغْزَارْ ن قِيشُونْ إِوْيِي إِ-ثنْ، ثِيغْزَارْثْ ن مشْحَاڒْ ؤُيَا، ثِيغْزَارْثْ ن قِيشُونْ! ؤُيُورْ س جّهْذْ، أَ ڒعْمَارْ إِنُو.
JDG 5:22 ڒخْذنِّي نّْخُوخْڒنْثْ ثِيشضْيِينْ ن إِيْسَانْ زڭْ ؤُرَابعْ بْڒَا ؤُقطُّو زڭْ أَيْثْ ن بُو-صُّولْطَا نّسْ.
JDG 5:23 نعْڒمْ مِيرُوزْ، إِنَّا لْمَالَاكْ ن سِيذِي، نعْڒمْ إِمزْذَاغْ نّسْ س إِشْثْ ن نّعْڒثْ، مِينْزِي وَارْ د-ؤُسِينْ حِيمَا أَذْ وْشنْ أَفُوسْ إِ سِيذِي، حِيمَا أَذْ وْشنْ أَفُوسْ إِ سِيذِي س أَيْثْ ن بُو-ثغْرُوضْثْ نْسنْ.
JDG 5:24 ثتّْوَابَاركْ يَاعِيلْ، ثَامْغَارْثْ ن حَابِيرْ، أَقِينِي، سنّجْ إِ مَارَّا ثِيمْغَارِينْ. ثتّْوَابَاركْ نتَّاثْ سنّجْ إِ مَارَّا ثِيمْغَارِينْ إِزدّْغنْ ذڭْ إِقِيضَانْ.
JDG 5:25 نتَّا إِتَّارْ أَمَانْ، نتَّاثْ ثوْشَا أَسْ أَغِي، ثِيوِي أَسْ-د ثْرُوسِّي ذڭْ إِشْثْ ن طّبْصِي ذ أَمقّْرَانْ أَطَّاسْ.
JDG 5:26 س ؤُفُوسْ نّسْ ثسّْوِيژّضْ غَارْ ڒوْثذْ، أَفُوسْ أَفُوسِي نّسْ غَارْ وفْضِيسْ ن إِخدَّامنْ. نتَّاثْ ثوْثَا سِيسَارَا، ثخْبضْ أَسْ خْ ؤُزدْجِيفْ نّسْ، ثڒْبزْ ؤُشَا ثسّْنُوقّبْ أَسْ أَغزْذِيسْ ن ؤُزدْجِيفْ نّسْ.
JDG 5:27 إِكْمُومّشْ جَارْ إِضَارنْ نّسْ، إِبُّوزّڒْ، أَقَا إِزّڒْ ذِينْ. أَقَا إِكْمُومّشْ جَارْ إِضَارنْ نّسْ، إِبُّوزّڒْ. ؤُمِي ثُوغَا إِتّكْمُومُّوشْ، إِوْضَا ذِينْ، ؤُشَا إِوْضَا-د إِڒقّفْ!
JDG 5:28 زِي ڒْكَازِي نّسْ ثخْزَارْ-د يمَّاسْ ن سِيسَارَا ؤُشَا ثسْغُويْ جَارْ إِقْضِيبنْ ن وُوزَّاڒْ ’مَايمِّي إِعطَّاڒْ ؤُكَارُّو نّسْ ن ؤُمنْغِي أَمُّو أَطَّاسْ؟ مَايمِّي إِعطَّاڒْ دّْرِيزْ ن إِكَارُّوثنْ نّسْ‘
JDG 5:29 إِنِّي ذ ثِيغْمِيسِينْ أَطَّاسْ جَارْ ثْجدْجِيذِينْ نّسْ أَرِّينْثْ-إِ-د، ؤُشَا ؤُڒَا ذ نتَّاثْ سِيمَانْثْ نّسْ ثَارَّا-د خْ مِينْ ثنَّا:
JDG 5:30 ’مَا خنِّي نِيثْنِي وَارْ ؤُفِينْ وَالُو ؤُشَا أَقَا أَثنْ وَارْ بطِّينْ ثَاكشَّاضْثْ؟ إِ كُوڒْ أَرْيَازْ إِجهْذنْ إِشْثْ ن ثعْزَارشْثْ نِيغْ ثْنَاينْ ن ثعْزَارِييِّينْ؟ ثَاكشَّاضْثْ ن إِكتَّاننْ إِتّْوَاسّْقَارقْشنْ إِ سِيسَارَا، ثَاكشَّاضْثْ ن إِكتَّاننْ إِتّْوَاسّْقَارقْشنْ، أَبُورْضَا، ڒْخذْمثْ ن ؤُمُوذِي غَارْ ثْنَاينْ ن إِغزْذِيسنْ زڭْ ؤُكتَّانْ إِتّْوَاسّْقَارقْشنْ إِ إِرَاونْ، أَمْ ثْكشَّاضْثْ؟‘
JDG 5:31 أَمُّو إِ غَا هلّْكنْ ڒْعذْيَانْ نّشْ، أَ سِيذِي، مَاشَا إِنِّي شكْ إِتّخْسنْ أَذْ إِڒِينْ أَمْ ثْفُوشْثْ إِ د-إِنقَّارنْ ذِي جّهْذْ نّسْ.“ [أَوَارْنِي أَيَا] ثَاريّحْ ثمُّورْثْ أَربْعِينْ ن إِسڭّْوُوسَا.
JDG 6:1 [مَاشَا] أَيْثْ ن إِسْرَائِيل ڭِّينْ مِينْ [إِدْجَانْ] ذ أَعفَّانْ ذِي ثِيطَّاوِينْ ن سِيذِي ؤُشَا إِسلّمْ إِ-ثنْ سِيذِي ذڭْ ؤُفُوسْ ن مِيذْيَانْ، [إِجّْ ن ڒْمِيجَاڒْ ن] سبْعَا ن إِسڭّْوُوسَا.
JDG 6:2 [ؤُمِي] ثُوغَا أَفُوسْ ن مِيذْيَانْ إِجْهذْ خْ إِسْرَائِيل، ڭِّينْ أَيْثْ ن إِسْرَائِيل إِ يِيخفْ نْسنْ إِفْرَانْ ذڭْ إِذُورَارْ ذ إِخرْذُوسنْ ذ لْقلْعَاثْ ضِيدّْ إِ مِيذْيَانْ.
JDG 6:3 [أَوَارْنِي ڒَامِي] ثُوغَا زَارّْعنْ أَيْثْ ن إِسْرَائِيل، تّْڭعّذْ مِيذْيَانْ ؤُشَا ؤُڒَا ذ أَيْثْ ن عَامَالِيقْ ذ أَيْثْ ن شَّارْقْ تّْڭعّْذنْ ضِيدّْ نْسنْ.
JDG 6:4 نِيثْنِي وْثِينْ إِقِيضَانْ نْسنْ ضِيدّْ نْسنْ ؤُشَا أَردّْدْجنْ ڒْغِيدْجثْ ن ثمُّورْثْ أَڒْ [جّْوَايهْ] ن غَازَّا. نِيثْنِي وَارْ جِّينْ ذِي إِسْرَائِيل إِ زِي غَا إِدَّارْ [بْنَاذمْ]، ڒَا ذ ؤُدْجِي، ڒَا ذ أَفُونَاسْ ؤُڒَا ذ أَغْيُوڒْ.
JDG 6:5 مَاغَارْ نِيثْنِي ڭعّْذنْ س ثْحِيمْرِيوِينْ نْسنْ ذ إِقِيضَانْ نْسنْ ؤُشَا ؤُسِينْ-د أَمْ يِيجّْ ن ويْڒَافْ ن ثْمُورْغِي. وَارْ إِزمَّارْ أَذْ تّْوَاحسْبنْ أَكْ-ذ إِڒغْمَانْ نْسنْ ؤُشَا نِيثْنِي ؤُذْفنْ غَارْ ثَامُّورْثْ، حِيمَا أَذْ ت أَردّْدْجنْ.
JDG 6:6 [أَمُّو] إِژْڒضْ إِسْرَائِيل أَطَّاسْ زِي سِّيبّثْ ن مِيذْيَانْ. ؤُشَا [خنِّي] سْغُوينْ أَيْثْ ن إِسْرَائِيل غَارْ سِيذِي.
JDG 6:7 خْمِي سْغُوينْ أَيْثْ ن إِسْرَائِيل غَارْ سِيذِي ذِي سِّيبّثْ ن مِيذْيَانْ، إِمْسَارْ،
JDG 6:8 أَقَا سِيذِي إِسّكّْ-د إِجّْ ن ورْيَازْ، إِجّْ ن ؤُنَابِي، غَارْ أَيْثْ ن إِسْرَائِيل. نتَّا إِنَّا أَسنْ: ”أَمُّو إِ إِقَّارْ سِيذِي، أَربِّي ن إِسْرَائِيل: ’نشّْ سّْڭعّْذغْ كنِّيوْ زِي مِيصْرَا ؤُ سُّوفّْغغْ-د كنِّيوْ زِي ثَادَّارْثْ ن ثسْمُوغِي.
JDG 6:9 نشّْ فكّغْ-د كنِّيوْ زڭْ ؤُفُوسْ ن إِمِيصْرِييّنْ ؤُ زڭْ ؤُفُوسْ ن مَارَّا إِنِّي كنِّيوْ إِحْصَارنْ. نشّْ ؤُژّْڒغْ خَاسنْ زَّاثْ إِ وُوذمْ نْومْ ؤُ وْشِيغْ أَومْ ثَامُّورْثْ نْسنْ.
JDG 6:10 نشّْ نِّيغْ أَومْ: نشّْ ذ سِيذِي، أَربِّي نْومْ، وَارْ تّْعبّْذمْ إِربِّيثنْ ن إِمُورِييّنْ، إِنِّي ذِي ثمُّورْثْ نْسنْ ثْزدّْغمْ!‘ [مَاشَا] كنِّيوْ وَارْ ثسْڒِيمْ غَارْ ثْمِيجَّا إِنُو.“
JDG 6:11 [خنِّي] يُوسَا-د لْمَالَاكْ ن سِيذِي ؤُشَا إِقِّيمْ سَاذُو ن ثْشجُّورَا ن يِيڭّْ نِّي إِدْجَانْ غَارْ عَافْرَا، ثنِّي ن يُووَاشْ، أَبِيعَازَارِي. مِّيسْ جِيذْعُونْ ثُوغَا-ث [ذِينْ] إِسَّارْوَاثْ إِرْذنْ ذِي ثْسِيرْثْ ن ؤُضِيڒْ حِيمَا أَذْ ث إِسَّارْوڒْ أَمُّو زَّاثْ إِ وُوذمْ ن مِيذْيَانْ.
JDG 6:12 [ڒخْذنِّي] إِبَانْ أَسْ-د لْمَالَاكْ ن سِيذِي، إِنَّا أَسْ: ”سِيذِي أَكِيذكْ، أَ شكْ، بُو-ثغْرُوضْثْ إِمحْضنْ!“
JDG 6:13 جِيذْعُونْ إِنَّا أَسْ: ”أَ، سِيذِي إِنُو، مَاڒَا سِيذِي أَقَا-ث أَكِيذْنغْ، مَايمِّي إِ ذ أَنغْ إِڒْقفْ [خنِّي] مَارَّا ؤُيَا ؤُ مَانِي دْجَانْ مَارَّا ڒعْجَايبْ إِ خْ ذ أَنغْ سِّيوْڒنْ ڒجْذُوذْ نّغْ، ؤُمِي نِيثْنِي نَّانْ: ’مَا وَارْ ذ أَنغْ-د إِسُّوفّغْ سِيذِي زِي مِيصْرَا؟‘ مَاشَا ڒخُّو إِنْضَارْ أَنغْ سِيذِي، إِسلّمْ أَنغْ ذڭْ إِفَاسّنْ ن مِيذْيَانْ.“
JDG 6:14 [رخْذنِّي] إِذْوڒْ-د غَارسْ سِيذِي، إِنَّا: ”ؤُيُورْ ذِي جّهْذْ نّشْ وَانِيثَا ؤُشَا أَذْ ثْفكّذْ إِسْرَائِيل زڭْ ؤُفُوسْ ن مِيذْيَانْ. مَا نشّْ وَارْ شكْ-د سّكّغْ؟“
JDG 6:15 [مَاشَا] نتَّا يَارَّا-د خَاسْ: ”أَ سِيذِي إِنُو، س مِينْزِي إِ غَا فكّغْ إِسْرَائِيل؟ خْزَارْ ڒْوَاشُونْ إِنُو ذ ثَامزْڒُوضْثْ قَاعْ ذِي مَانَاسَّا ؤُ نشّْ ذ أَمُوذْرُوسْ قَاعْ ذِي ثَادَّارْثْ ن بَابَا.“
JDG 6:16 إِنَّا أَسْ سِيذِي: ”مِينْزِي نشّْ أَذْ إِڒِيغْ أَكِيذكْ، أَذْ ثْغڒْبذْ مِيذْيَانْ، أَخْمِي ذ إِجّْ ن ورْيَازْ وَاهَا.“
JDG 6:17 [خنِّي] إِنَّا أَسْ نتَّا: ”مَاڒَا [خنِّي] ؤُفِيغْ أَرْضَا ذِي ثِيطَّاوِينْ نّشْ، [خنِّي] إِوْشَا أَيِي إِشْثْ ن ڒعْڒَامثْ، أَقَا ذ شكْ سِيمَانْثْ نّشْ إِ كِيذِي إِسَّاوَاڒنْ.
JDG 6:18 وَارْ سَّا تّْرَاحْ شَا، أَڒْ غَاركْ د غَاعقْبغْ أَذْ ثِيڒِي إِوْيغْ-د ثوْهِيبْثْ إِنُو ؤُ أَذْ ت-إِ-د-سَّارْسغْ زَّاثكْ.“ نتَّا إِنَّا: ”أَذْ قِّيمغْ أَڒْ د غَا ثْعقْبذْ.“
JDG 6:19 ؤُشَا يُوذفْ جِيذْعُونْ، إِسّوْجذْ إِجّْ ن إِغَايْضْ ذ أَمژْيَانْ زڭْ إِغَايْضنْ ذ إِغْرُومنْ بْڒَا أَغْرُومْ زڭْ يِيجّْ ن إِفَا ن وَارنْ. نتَّا إِسَّارْسْ أَيْسُومْ ذِي ثْصُودْجثْ، إِڭَّا أَرّْوَا ذڭْ إِشْثْ ن ثيْذُورْثْ ؤُشَا يِيوِي [مَانْ أَيَا] غَارسْ غَارْ بَارَّا سَاذُو ثْشجَّارْثْ ن يِيڭّْ ؤُشَا إِسَّارْسْ أَسْ [مَانْ أَيَا].
JDG 6:20 [مَاشَا] إِنَّا أَسْ لْمَالَاكْ ن أَربِّي: ”كْسِي أَيْسُومْ ذ إِغْرُومنْ بْڒَا أَنْثُونْ ؤُ ثسَّارْسذْ ثنْ [ذَا] خْ ثصْضَارْثْ ؤُشَا زدْجعْ خَاسْ أَرّْوَا!“ ؤُشَا أَمُّو إِ ث إِڭَّا.
JDG 6:21 [خَاسْ] ؤُشَا إِسَارّحْ لْمَالَاكْ ن سِيذِي ثِيخفْثْ ن ثغَّارْشْثْ إِ ثُوغَا غَارسْ ذڭْ ؤُفُوسْ، إِحَاذَا زَّايسْ أَيْسُومْ ذ إِغْرُومنْ بْڒَا أَنْثُونْ. [ڒخْذنِّي] ثْڭعّذْ ثْمسِّي زِي ثصْضَارْثْ، ثشَّا أَيْسُومْ ذ إِغْرُومنْ. [خنِّي] إِنُّوفْسڒْ لْمَالَاكْ ن سِيذِي خْ ثِيطَّاوِينْ ن جِيذْعُونْ.
JDG 6:22 [ؤُمِي] جِيذْعُونْ إِژْرَا، أَقَا ثُوغَا-ث ذ لْمَالَاكْ ن سِيذِي، إِنَّا جِيذْعُونْ: ”أَ، سِيذِي إِنُو، سِيذِي، أَقَا نشّْ ژْرِيغْ لْمَالَاكْ ن سِيذِي أَغمْبُوبْ ذڭْ ؤُغمْبُوبْ.“
JDG 6:23 [مَاشَا] سِيذِي يَارَّا-د خَاسْ: ”[أَذْ] كِيذكْ [يِيڒِي] ڒهْنَا، وَارْ تّڭّْوذْ شَا، شكْ وَارْ تّْمتِّيذْ.“
JDG 6:24 ؤُشَا جِيذْعُونْ إِبْنَا ذِينِّي إِجّْ ن ؤُعَالْطَارْ إِ سِيذِي، إِڭَّا أَسْ: ”سِيذِي ذ ڒهْنَا!“ أَقَا-ث ذِي عَافْرَا ن [أَيْثْ ن] أَبِيعَازَارِي أَڒْ أَسّْ-أَ.
JDG 6:25 ذِي دْجِيڒثْ نِّي سِيمَانْثْ نّسْ، إِمْسَارْ أَقَا سِيذِي إِنَّا أَسْ: ”كْسِي إِجّْ ن ؤُفُونَاسْ أَمژْيَانْ زڭْ إِفُونَاسنْ [إِ إِدْجَانْ] ن بَابَاشْ، أَقَا أَفُونَاسْ أَمژْيَانْ وِيسّْ ثْنَاينْ ن سبْعَا ن إِسڭّْوُوسَا ؤُشَا غْضڒْ أَعَالْطَارْ ن بَاعْلْ [إِ إِدْجَانْ] ن بَابَاشْ ؤُ زْذمْ ثَاربِّيثْ ن شْوَارْثِي نِّي زَّاثسْ!
JDG 6:26 بْنَا [خنِّي] إِجّْ ن ؤُعَالْطَارْ إِ سِيذِي، أَربِّي نّشْ، خْ ثْقِيشَّاثْ ن لْقلْعَا-يَا، سوْجذْ إِ-ث، ؤُشَا كْسِي أَفُونَاسْ أَمژْيَانْ وِيسّْ ثْنَاينْ ؤُشَا أَوْيِي ث-إِ-د ذ ثْغَارْصْثْ ن وشْمَاضْ س ؤُكشُّوضْ ن ثْربِّيثْ ن شْوَارْثِي نِّي إِتّْخصَّا أَذْ ثْزذْمذْ.“
JDG 6:27 [خنِّي] إِكْسِي جِيذْعُونْعشْرَا ن يرْيَازنْ زڭْ إِمْسخَّارنْ نّسْ ؤُشَا إِڭَّا أَمْ مَامّشْ ذ أَسْ إِنَّا سِيذِي. [مَاشَا] ؤُمِي نتَّا إِڭّْوذْ زِي [ڒْْوَاشُونْ] ن ثَادَّارْثْ ن بَابَاسْ ؤُ زڭْ يرْيَازنْ ن ثنْذِينْثْ أَذْ ث إِڭّْ س وَاسّْ، إِڭَّا إِ-ث ذِي دْجِيڒثْ.
JDG 6:28 ؤُمِي د-كَّارنْ يرْيَازنْ ن ثنْذِينْثْ ثِيوشَّا زِيشْ، ژْرِينْ نِيثْنِي أَقَا أَعَالْطَارْ ن بَاعْلْ إِتّْوَاهْذمْ ؤُشَا ثتّْوَازْذمْ ثْربِّيثْ ن شْوَارْثِي نِّي زَّاثسْ ؤُ أَفُونَاسْ أَمژْيَانْ وِيسّْ ثْنَاينْ إِتّْوَابخَّارْ خْ ؤُعَالْطَارْ إِ [ذِينْ] إِتّْوَابْنَانْ.
JDG 6:29 ؤُشَا نَّانْ إِ وَايَاوْيَا: ”مَانْ ونْ إِڭِّينْ أَيَا؟“ نِيثْنِي سّقْسَانْ، أَرْزُونْ ؤُشَا نَّانْ: ”جِيذْعُونْ، مِّيسْ ن يُووَاشْ، إِ-ث إِڭِّينْ.“
JDG 6:30 [خنِّي] نَّانْ يرْيَازنْ ن ثنْذِينْثْ إِ يُووَاشْ: ”سُوفغْ-د مِّيشْ [حِيمَا] أَذْ إِمّثْ، مِينْزِي نتَّا إِغْضرْ أَعَالْطَارْ ن بَاعْلْ ؤُ مِينْزِي نتَّا إِزْذمْ ثَاربِّيثْ ن شْوَارْثِي إِ زَّاثسْ [إِدْجَانْ].“
JDG 6:31 يُووَاشْ يَارَّا-د خْ مَارَّا إِنِّي إِ د غَارسْ إِبدّنْ: ”مَا ثخْسمْ أَذْ ثْمنْغمْ إِ بَاعْلْ؟ مَا ثخْسمْ أَذْ ث ثسّْنجْممْ؟ ونِّي أَكِيذسْ إِ غَا إِبدّنْ، أَذْ إِتّْوَانغْ ذِي ضّْبحْ-أَ وَانِيثَا. مَاڒَا نتَّا ذ إِجّْ ن أَربِّي، أجّْ إِ-ث أَذْ إِمّْنغْ إِ يِيخفْ نّسْ نِّيثْ، مِينْزِيغضْڒنْ أَعَالْطَارْ نّسْ.“
JDG 6:32 ذڭْ وَاسّْ نِّي إِڒَاغَا أَسْ-د [إِ جِيذْعُونْ] يَارُوبَّاعْلْ، مِينْ إِخْسْ أَذْ يِينِي: ”بَاعْلْ إِمّْنغْ أَكِيذسْ، مَاغَارْ نتَّا إِغْضڒْ أَعَالْطَارْ نّسْ.“
JDG 6:33 مَارَّا مِيذْيَانْ ذ عَامَالِيقْ ذ أَيْثْ ن شَّارْقْ مُوننْ ؤُشَا ژْوَانْ-د [لْ-ؤُرْذُونْ] ؤُشَا وْثِينْ إِقِيضَانْ نْسنْ ذِي ڒوْضَا ن ثغْزُورْثْ ن يَازْرَاعِيلْ.
JDG 6:34 أَرُّوحْ ن سِيذِي إِسّْيَارْضْ إِ جِيذْعُونْ ؤُشَا نتَّا إِسُوضْ ذڭْ ؤُيِيشّْ ن إِشَارِّي ؤُشَا إِڒَاغَا-د خْ أَيْثْ ن أَبِيعَازَارْ مَاحنْذْ [أَذْ بدّنْ] أَوَارْنِي أَسْ.
JDG 6:35 إِسّكّْ إِرقَّاسنْ ذِي مَارَّا مَانَاسَّا ؤُشَا إِتّْوَاڒَاغَا مَانَاسَّا [مَاحنْذْ أَذْ بدّنْ نِيثْنِي] أَوَارْنِي أَسْ. خنِّي إِسّكّْ إِرقَّاسنْ غَارْ أَشِيرْ ؤُ غَارْ زابُولُونْ ؤُ غَارْ نَافْثَالِي ؤُشَا نِيثْنِي ڭعّْذنْ مَاحنْذْ أَذْ ثنْ مّڒْقَانْ.
JDG 6:36 [خَاسْ] ؤُشَا إِنَّا جِيذْعُونْ إِ أَربِّي: ”مَاڒَا شكْ ثخْسذْ [س ثِيذتّْ] أَذْ ثْفكّذْ إِسْرَائِيل س ؤُفُوسْ إِنُو أَمْ مَامّشْ إِ ذ أَيِي ثنِّيذْ،
JDG 6:37 خْزَارْ، [خنِّي] نشّْ أَذْ سَّارْسغْ ثَاهِيضُورْثْ ن ثَاضُوفْثْ خْ ؤُنذْرَارْ. مَاڒَا إِوْضَا نّْذَا مْغِيرْ خْ ثَاضُوفْثْ وَاهَا، [مَاشَا] ثَامُّورْثْ مَارَّا [ثقِّيمْ] ثُوژغْ، [خنِّي] سّْنغْ نشّْ، أَقَا شكْ أَذْ ثسّْنجْمذْ إِسْرَائِيل س ؤُفُوسْ إِنُو، أَمْ مَامّشْ إِ ذ أَيِي ثنِّيذْ.“
JDG 6:38 ؤُ أَمُّو إِ ثمْسَارْ. ثِيوشَّا نّسْ إِكَّارْ زِيشْ ؤُشَا إِزْڒِي ثَاهِيضُورْثْ ؤُشَا إِژمّْ-د نّْذَا زِي ثْهِيضُورْثْ، إِشْثْ ن طَّاوْيَا ثشُّورْ س وَامَانْ.
JDG 6:39 [خَاسْ ؤُشَا] إِنَّا جِيذْعُونْ إِ أَربِّي: ”تّْزَاوْڭغْ وَارْ خَافِي يَارقّْ وغْضَابْ نّشْ مَاڒَا نشّْ سِّيوْڒغْ إِشْثْ ن ثْوَاڒَا نّغْنِيثْ. أجّْ أَيِي أَذْ قدْجْبغْ س ثْهِيضُورْثْ [عَاذْ] إِشْثْ ن ثْوَاڒَا نّغْنِي وَاهَا، ؤُشَا أَذْ ثقِّيمْ ثْهِيضُورْثْ ثُوژغْ ؤُ خْ مَارَّا ثَامُّورْثْ [أَذْ ذِينْ يِيڒِي] نّْذَا.“
JDG 6:40 ؤُشَا ذِي دْجِيڒثْ نِّي إِڭَّا [إِ-ث] سِيذِي أَمُّو: ثَاهِيضُورْثْ وَاهَا إِ إِقِّيمنْ ثُوژغْ ؤُ ثُوغَا نّْذَا خْ مَارَّا ثَامُّورْثْ.
JDG 7:1 يَارُوبَّاعْلْ، وَا ذ جِيذْعُونْ، إِكَّارْ زِيشْ ؤُڒَا ذ مَارَّا ڒْڭنْسْ إِ غَارسْ إِدْجَانْ ؤُشَا وْثِينْ نِيثْنِي ڒْمَارْڭحْ ن ڒْعسْكَارْ نْسنْ غَارْ ثَاڒَا ن حَارُوذْ. ڒْمَارْڭحْ ن مِيذْيَانْ ثُوغَا إِدْجَانْ زَّاثسْ غَارْ شَّامَالْ، زِي ثوْرِيرْثْ ن مُورَا ذِي ڒوْضَا ن ثغْزُورْثْ.
JDG 7:2 سِيذِي إِنَّا إِ جِيذْعُونْ: ”ڒْْڭنْسْ إِ غَاركْ [إِدْجَانْ] أَقَا-ث ذڭْ وَاطَّاسْ. أَمُّو وَارْ زمَّارغْ أَذْ أَسنْ ڭّغْ مِيذْيَانْ ذڭْ ؤُفُوسْ نْسنْ، نِيغْ إِزمَّارْ إِسْرَائِيل أَذْ خَافِي إِفيّشْ أَذْ يِينِي: ’أَفُوسْ إِنُو إِسّنْجمْ أَيِي.‘
JDG 7:3 س ؤُيَا، ڒَاغَا ذڭْ إِمزُّوغنْ ن ڒْڭنْسْ، إِنِي: ’ونِّي إِتّڭّْوذنْ ذ ونِّي إِتَّارْجِيجنْ أَذْ إِعْقبْ ؤُشَا أَذْ إِفّغْ ذغْيَا زڭْ إِذُورَارْ ن جِيلْعَاذْ!‘ “ [خنِّي]عقْبنْ ثْنَاينْ ؤُ-عِيشْرِينْ-أَڒفْ [ن يرْيَازنْ] زِي ڒْڭنْسْ ؤُشَا قِّيمنْ [غَارسْ]عشْرَا-أَڒَافْ.
JDG 7:4 [مَاشَا] سِيذِي إِنَّا إِ جِيذْعُونْ: ”ڒْْڭنْسْ أَقَا-ث عَاذْ ذڭْ وَاطَّاسْ. سهْوَا ثنْ غَارْ وَامَانْ، ذِينِّي أَذْ ثنْ دّْزغْ إِ شكْ. أَذْ إِمْسَارْ خْ ونِّي إِ ذ أَشْ غَا إِنِيغْ: ’وَا أَذْ كِيكْ إِرَاحْ!‘، وِينْ أَذْ كِيكْ إِرَاحْ، مَاشَا كُوڒْ إِجّْ إِ خْ ذ أَشْ غَا إِنِيغْ: ’وَانِيثَا وَارْ كِيكْ إِتّْرِيحْ!‘، وِينْ وَارْ كِيكْ إِتّْرِيحْ.“
JDG 7:5 إِسّهْوَا ڒْڭنْسْ غَارْ وَامَانْ. [خنِّي] إِنَّا أَسْ سِيذِي: ”كُوڒْ إِجّْ ونِّي إِ غَا إِڒسْحنْ أَمَانْ س يِيڒسْ نّسْ، أَمْ مَامّشْ إِ [ثنْ] إِڒسّحْ وقْزِينْ، أَذْ ث ثڭّذْ غَارْ إِجّْ ن طَّارْفْ. أَمُّو ؤُڒَا ذ مَارَّا إِنِّي إِ غَا يَاضَارنْ خْ إِفَادّنْ مَاحنْذْ أَذْ سْونْ.“
JDG 7:6 ڒْقدّْ ن يِينِّي إِوْينْ [أَمَانْ] س ؤُفُوسْ نْسنْ غَارْ ؤُقمُّومْ نْسنْ مَاحنْذْ أَذْ ڒسْحنْ [أَمَانْ] س يِيڒسْ نْسنْ، ثُوغَا أَثنْ ذِي ثڒْثْ-مْيَا ن يرْيَازنْ، مَاشَا مَارَّا إِنّغْنِي ؤُضَارنْ خْ إِفَادّنْ حِيمَا أَذْ سْونْ أَمَانْ.
JDG 7:7 [خَاسْ] ؤُشَا إِنَّا سِيذِي إِ جِيذْعُونْ: ”س [ؤُفُوسْ ن] ثڒْثْ-مْيَا ن يرْيَازنْ-أَ، إِنِّي إِڒسْحنْ [أَمَانْ] س يِيڒسْ نْسنْ، أَذْ كنِّيوْ سّْنجْمغْ ؤُ نشّْ أَذْ ڭّغْ مِيذْيَانْ ذڭْ ؤُفُوسْ نّشْ. مَارَّا ڒْڭنْسْ [نّغْنِي إِ إِقِّيمنْ] أَذْ ؤُيُورنْ، كُوڒْ إِجّْ غَارْ ومْشَانْ نّسْ.
JDG 7:8 نِيثْنِي كْسِينْ ڒعْوتْشْ نْ ڒْڭنْسْ ذ وَاشَّاونْ نْسنْ ن إِشَارِّي ذڭْ ؤُفُوسْ، [ؤُمِي] نتَّا إِسّكّْ مَارَّا إِرْيَازنْ ن إِسْرَائِيل، كُوڒْ  إِجّْ غَارْ ؤُقِيضُونْ نّسْ. [مَاشَا] ثڒْثْ-مْيَا ن يرْيَازنْ نِّي إِجَّا إِ-ثنْ [غَارسْ]. ثُوغَا ڒْمَارْڭحْ ن ڒْعسْكَارْ ن مِيذْيَانْ سْوَادَّايْ نّسْ ذِي ڒوْضَا ن ثغْزُورْثْ.
JDG 7:9 ذِي دْجِيڒثْ نِّي ثمْسَارْ، أَقَا سِيذِي إِنَّا أَسْ: ”كَّارْ بدّْ، هْوَا غَارْ ڒْمَارْڭحْ ن ڒْعسْكَارْ، مَاغَارْ نشّْ ڭِّيغْ أَشْ ثنْ ذڭْ ؤُفُوسْ نّشْ.
JDG 7:10 مَاڒَا شكْ أَقَا ثڭّْوْذذْ [عَاذْ] مَاحنْذْ أَذْ د-ثهْوِيذْ، هْوَا-د [خنِّي] غَارْ ڒْمَارْڭحْ ن ڒْعسْكَارْ أَكْ-ذ فُورَا، أَمْسخَّارْ نّشْ.
JDG 7:11 أَذْ ثسْڒذْ مِينْ خفْ سَّاوَاڒنْ، ؤُشَا خنِّي أَذْ أَشْ إِمّوْشْ جّهْذْ ذڭْ إِفَاسّنْ نّشْ أَڒَامِي غَا ثْزمْعذْ أَذْ ثهْوِيذْ غَارْ ڒْمَارْڭحْ نْ ڒْعسْكَارْ.“ [خنِّي] إِهْوَا نتَّا أَكْ-ذ فُورَا، أَمْسخَّارْ نّسْ، أَڒَامِي [إِوْضنْ] أَڒْ زَّاثْ إِ ثرْبِيعِينْ إِسّْوجْذنْ إِ ؤُمنْغِي غَارْ طَّارْفْ ن ڒْمَارْڭحْ.
JDG 7:12 ؤُشَا مِيذْيَانْ ذ عَامَالِيقْ ذ مَارَّا أَيْثْ ن شَّارْقْ ثُوغَا سُّونْ ذِي ڒوْضَا ن ثغْزُورْثْ أَمْ يِيجّْ ن ويْڒَافْ ن ثْمُورْغِي ؤُ إِڒغْمَانْ نْسنْ وَارْ زمَّارنْ أَذْ تّْوَاحسْبنْ، ثُوغَا أَثنْ ذڭْ وَاطَّاسْ أَمْ يِيجْذِي غَارْ ثْمَا ن ڒبْحَارْ.
JDG 7:13 [ؤُمِي] يِيوضْ جِيذْعُونْ [ذِينْ]، خْزَارْ، إِجّْ ن ورْيَازْ، ثُوغَا إِتّْحَاجَا إِ ؤُمدُّوكّڒْ نّسْ إِشْثْ ن ثَارْجِيثْ، إِنَّا: ”خْزَارْ، نشّْ غَارِي إِشْثْ ن ثَارْجِيثْ ؤُشَا ژْرِيغْ مَامّشْ إِجّْ ن وغْرُومْ ن إِمنْذِي إِ إِوْضَانْ غَارْ سْوَادَّايْ إِقْنُونِّي-د غَارْ ذَاخڒْ ن ڒْمَارْڭحْ ن ڒْعسْكَارْ ن مِيذْيَانْ ؤُشَا يِيوضْ أَڒْ أَقِيضُونْ ؤُشَا إِڒْقفْ إِ-ث أَڒَامِي إِوْضَا ؤُ إِذْوڒْ خْ ؤُزدْجِيفْ. أَقَا [أَمُّو إِ] إِوْضَا ؤُقِيضُونْ.“
JDG 7:14 يَارَّا-د [خَاسْ] ؤُمدُّوكّڒْ نّسْ، إِنَّا: ”أَيَا وَارْ إِخْسْ أَذْ يِينِي مْغِيرْ سِّيفْ ن جِيذْعُونْ، مِّيسْ ن يُووَاشْ، أَرْيَازْ زِي إِسْرَائِيل. أَربِّي إِوْشَا مِيذْيَانْ ذ مَارَّا ڒْمَارْڭحْ ن ڒْعسْكَارْ ذڭْ ؤُفُوسْ نّسْ.“
JDG 7:15 [ؤُمِي] إِسْڒَا جِيذْعُونْ ثَارْجِيثْ-أَ ذ مِينْ ثخْسْ أَذْ ثِينِي، يُوضَارْ ؤُشَا [خنِّي] إِعْقبْ غَارْ ڒْمَارْڭحْ ن ڒْعسْكَارْ ن إِسْرَائِيل، إِنَّا: ”كَّارمْ، سِيذِي إِڭَّا ڒْمَارْڭحْ ن ڒْعسْكَارْ ن مِيذْيَانْ ذڭْ ؤُفُوسْ نْومْ.“
JDG 7:16 جِيذْعُونْ إِبْضَا ثڒْثْ-مْيَا ن يرْيَازنْ خْ ثْڒَاثَا ن إِبَاطَايُوننْ ؤُشَا إِوْشَا كُوڒْ إِجّْ [زَّايْسنْ] إِجّْ ن ؤُيِيشّْ ن إِشَارِّي ذڭْ ؤُفُوسْ نّسْ ذ إِجّْ ن وقْضُوحْ إِخْوَانْ ذ إِجّْ ن ؤُصفْضَاوْ ذڭْ وقْضُوحْ.
JDG 7:17 نتَّا إِنَّا أَسنْ: ”خْزَارمْ-د غَارِي ؤُشَا ڭّمْ أَمنِّي. خْزَارْ، مَاڒَا إِوْضغْ غَارْ طَّارْفْ ن ڒْمَارْڭحْ، خنِّي أَذْ ثڭّمْ ؤُڒَا ذ كنِّيوْ أَمْ مَامّشْ إِ غَا ڭّغْ نشّْ.
JDG 7:18 خْمِي غَا سُوضغْ نشّْ ذڭْ ؤُيِيشّْ ن إِشَارِّي ؤُڒَا ذ مَارَّا إِنِّي غَارِي إِدْجَانْ، خنِّي أَذْ ثْسُوضمْ ؤُڒَا ذ كنِّيوْ ذڭْ وَاشَّاونْ ن إِشَارِّي غَارْ مَارَّا إِغزْذِيسنْ ن ڒْمَارْڭحْ، أَذْ ثِينِيمْ: ’إِ سِيذِي ؤُ إِ جِيذْعُونْ!‘ “
JDG 7:19 ؤُشَا جِيذْعُونْ ذ مْيَا ن يرْيَازنْ نِّي ثُوغَا غَارسْ، إِوْضنْ-د غَارْ طَّارْفْ ن ڒْمَارْڭحْ ن ڒْعسْكَارْ غَارْ ؤُمزْوَارُو ن ثْعسَّاسْثْ ن وزْينْ [ن دْجِيڒثْ]، ؤُمِي ثنْ ثُوغَا [عَاذْ] ڭُّورْ أَذْ سّْبدّنْ إِعسَّاسنْ، ؤُشَا سُوضنْ ذڭْ وَاشَّاونْ ن إِشَارِّي، ؤُشَا نِيثْنِي وْثِينْ، أَرْژِينْ إِقْضُوحنْ نِّي غَارْسنْ ذڭْ ؤُفُوسْ نْسنْ.
JDG 7:20 ثْڒَاثَا ن إِبَاطَايُوننْ سُوضنْ ذڭْ وَاشَّاونْ ن إِشَارِّي ؤُشَا أَرْژِينْ إِقْضُوحنْ ؤُ س ؤُفُوسْ أَژڒْمَاضْ طّْفنْ إِصفْضَاونْ ؤُ س ؤُفُوسْ أَفُوسِي أَشَّاونْ ن إِشَارِّي حِيمَا أَذْ [ذَايْسنْ] سُوضنْ ؤُشَا سْغُوينْ: ”سِّيفْ ن سِيذِي ذ جِيذْعُونْ!“
JDG 7:21 قِّيمنْ بدّنْ غَارْ مَارَّا إِغزْذِيسنْ ن ڒْمَارْڭحْ كُوڒْ إِجّْ ذڭْ ومْشَانْ نّسْ. [خنِّي] بْذَانْ أَذْ أَژّْڒنْ [مَارَّا إِنِّي إِدْجَانْ ذِي] ڒْمَارْڭحْ، سْغُوينْ ؤُشَا أَروْڒنْ.
JDG 7:22 [ؤُمِي] سُوضنْ ثڒْثْ-مْيَا ن يرْيَازنْ ذڭْ وَاشَّاونْ ن إِشَارِّي، إِسّكَّارْ سِيذِي سِّيفْ ن إِجّنْ ضِيدّْ إِ ونّغْنِي ذِي مَارَّا ڒْمَارْڭحْ ؤُشَا يَارْوڒْ ڒْعسْكَارْ أَڒْ بَايْثْ-شِيطَّا، جِّيهثْ ن زَارَارَا أَڒْ ثْمَا ن [يغْزَارْ إِ إِدْجَانْ غَارْ] أَبِيلْ-مَاحُولَا غَارْ طَابَّاثْ.
JDG 7:23 [خنِّي] ڒَاغَانْ-د خْ يرْيَازنْ ن إِسْرَائِيل، زِي نَافْثَالِي ؤُ زِي أَشِيرْ ؤُ زِي مَارَّا مَانَاسَّا ؤُشَا ضْفَارنْ نِيثْنِي [أَيْثْ ن] مِيذْيَانْ.
JDG 7:24 [عَاوذْ] إِسّكّْ جِيذْعُونْ إِرقَّاسنْ غَارْ مَارَّا إِذُورَارْ ن إِفْرَايِيمْ، إِنَّا: ”هْوَامْ، ؤُيُورمْ غَارْ ؤُمْسَاڭَارْ أَكْ-ذ أَيْثْ ن مِيذْيَانْ ؤُ ثكّْسمْ أَسْ إِغزْرَانْ أَڒْ بَايْثْ-بَارَا ؤُڒَا ذ لْ-ؤُرْذُونْ.“ تّْوَاڒَاغَانْ مَارَّا إِرْيَازنْ ن إِفْرَايِيمْ ؤُشَا نِيثْنِي طّْفنْ إِغزْرَانْ أَڒْ بَايْثْ-بَارَا ذ لْ-ؤُرْذُونْ.
JDG 7:25 نِيثْنِي حبّْسنْ ثْنَاينْ ن ڒْحُوكَّامْ ن مِيذْيَانْ، غُورَابْ ذ ذِيئَابْ، ؤُشَا نْغِينْ غُورَابْ خْ ثصْضَارْثْ ن غُورَابْ ؤُ ذِيئَابْ نْغِينْ ث خْ ثْسِيرْثْ [ن ؤُضِيڒْ] ن ذِيئَابْ ؤُشَا نِيثْنِيعرْفنْ خْ إِمِيذْيَانِييّنْ. إِزدْجِيفنْ ن غُورَابْ ذ ذِيئَابْ إِوْينْ ثنْ غَارْ جِيذْعُونْ خْ ؤُجمَّاضْ ن لْ-ؤُرْذُونْ.
JDG 8:1 [خنِّي] نَّانْ أَسْ يرْيَازنْ ن إِفْرَايِيمْ: ”مَانَاوْيَا إِ ذ أَنغْ ذَا ثڭِّيذْ، أَقَا شكْ وَارْ إِ ذ خَانغْ ثْڒِيغِيذْ ؤُمِي ثفّْغذْ، حِيمَا أَذْ ثمّنْغذْ أَكْ-ذ مِيذْيَانْ؟“ ؤُشَا نِيثْنِي مّْشُوبّشنْ أَكِيذسْ أَطَّاسْ.
JDG 8:2 [جِيذْعُونْ] يَارَّا-د خَاسنْ: ”مَانِي إِ د غَا يَاسْ مِينْ ڭِّيغْ أَكْ-ذ مِينْ ثڭِّيمْ؟ مَا وَارْ إِدْجِي أَڒْقَاضْ ن مِينْ إِيُورَانْ ن ؤُضِيڒْ ن أَيْثْ ن إِفْرَايِيمْ خَارْ زِي ڒْغِيدْجثْ ن بِينُو ن أَيْثْ ن أَبِيعَازَارْ؟
JDG 8:3 سِيذِي إِڭَّا غُورَابْ ذ ذِيئَابْ، ڒْحُوكَّامْ ن مِيذْيَانْ، ذڭْ ؤُفُوسْ نْومْ. مِينْ زمَّارغْ أَذْ ڭّغْ أَذْ ث سّمْقُودّغْ أَكِيذْومْ؟“ ؤُمِي نتَّا إِنَّا أَوَاڒْ-أَ يَارْسَا ؤُخيّقْ نْسنْ.
JDG 8:4 [ؤُمِي] د-يُوسَا جِيذْعُونْ غَارْ لْ-ؤُرْذُونْ، إِژْوَا نتَّا أَكْ-ذ ثڒْثْ-مْيَا ن يرْيَازنْ نِّي ثُوغَا غَارسْ إِدْجَانْ. نِيثْنِي فْنَانْ ڒَامِي ثنْ قِّيمنْ ضفَّارنْ [أَيْثْ ن مِيذْيَانْ].
JDG 8:5 إِنَّا نتَّا إِ يرْيَازنْ ن سُوكُّوثْ: ”تّْزَاوْڭغْ، وْشمْ إِ ڒْڭنْسْ إِ د أَيِي إِضْفَارنْ خْ إِضَارنْ ثِيشْنِيفِينْ ن وغْرُومْ، مَاغَارْ نِيثْنِي فْنَانْ ؤُ نشّْ أَقَا ضفَّارغْ زَابَاحْ ذ صَالْمُونَّاعْ، إِجدْجِيذنْ ن مِيذْيَانْ.“
JDG 8:6 [مَاشَا] ڒْحُوكَّامْ ن سُوكُّوثْ نَّانْ: ”زَابَاحْ ذ صَالْمُونَّاعْ، مَا أَقَا أَثنْ ذڭْ ؤُفُوسْ نّشْ، مَاحنْذْ أَذْ نوْشْ أَغْرُومْ إِ ڒْعسْكَارْ نّشْ؟“
JDG 8:7 س ؤُيَا إِنَّا جِيذْعُونْ: ”خنِّي ڒخُّو، خْمِي ذ أَيِي غَا إِڭّْ سِيذِي زَابَاحْ ذ صَالْمُونَّاعْ ذڭْ ؤُفُوسْ إِنُو، [خنِّي] أَذْ أَومْ سَّاروْثغْ أَيْسُومْ ن أَرِّيمثْ نْومْ أَكْ-ذ إِسنَّاننْ ذ يژْرَا ن ثْمسِّي زِي ڒخْڒَا.“
JDG 8:8 ؤُشَا إِڭعّذْ سّنِّي غَارْ فَانُووِيلْ ؤُشَا إِسِّيوڒْ أَمنِّي أَكِيذْسنْ. أَرِّينْ-د خَاسْ يرْيَازنْ ن فَانُووِيلْ أَمْ مَامّشْ إِ د-أَرِّينْ يرْيَازنْ ن سُوكُّوثْ.
JDG 8:9 س ؤُينِّي إِسِّيوڒْ عَاوذْ أَكْ-ذ يرْيَازنْ ن فَانُووِيلْ، إِنَّا: ”مَاڒَا نشّْعقْبغْ-د ذِي ڒهْنَا، أَذْ هذْمغْ صُّومْعثْ-أَ ثَا.“
JDG 8:10 [ثُوغَا] زَابَاحْ ذ صَالْمُونَّاعْ أَكْ-ذ ڒْعسْكَارْ نْسنْ ذِي كَارْكُورْ، ثُوغَا أَثنْ عْڒَاحَاڒْ ذِي خمّسْطَاشْ-أَڒفْ ن يرْيَازنْ، مَارَّا إِنِّي ثُوغَا إِقِّيمنْ زِي مَارَّا ڒْعسْكَارْ ن أَيْثْ ن شَّارْقْ. أَقَا مْيَا ؤُ-عِيشْرِينْ-أَڒفْ ن يرْيَازنْ إِنِّي إِزمَّارنْ خْ سِّيفْ ثُوغَا تّْوَانْغنْ [عَاذْ].
JDG 8:11 ؤُشَا إِڭعّذْ جِيذْعُونْ أَكْ-ذ وبْرِيذْ ن يِينِّي إِزدّْغنْ ذڭْ إِقِيضَانْ، غَارْ شَّارْقْ ن نُوبَاحْ ذ يُوجْبَاهَا ؤُ نتَّا إِغْڒبْ خْ ڒْعسْكَارْ نِّي، ؤُمِي [إِعسْكَارِييّنْ ذِي] ڒْمَارْڭحْ [إِتّْغِيڒْ أَسنْ] أَقَا أَثنْ ذِي ڒَامَانْ.
JDG 8:12 زَابَاحْ ذ صَالْمُونَّاعْ أَروْڒنْ ؤُشَا نتَّا إِضْفَارْ إِ-ثنْ. إِطّفْ ثْنَاينْ ن إِجدْجِيذنْ ن مِيذْيَانْ، زَابَاحْ ذ صَالْمُونَّاعْ، ذ إِمحْبَاسْ ؤُشَا إِسِّيڭّْوذْ مَارَّا ڒْعسْكَارْ.
JDG 8:13 [ؤُمِي] د-إِعْقبْ جِيذْعُونْ، مِّيسْ ن يُووَاشْ، زڭْ ؤُمنْغِي، إِكَّا خْ ثْسُونْثَا ن حَارَاسْ،
JDG 8:14 إِطّفْ إِجّْ ن وبْڒِيغْ زڭْ يرْيَازنْ ن سُوكُّوثْ ذ أَمحْبُوسْ ؤُشَا إِسّقْسَا ث. وَانِيثَا يُورَا أَسْ [مَارَّا إِسْمَاونْ ن] ڒْحُوكَّامْ ن سُوكُّوثْ ذ إِمْغَارنْ نْسنْ، سبْعَا ؤُ-سبْعِينْ ن يرْيَازنْ.
JDG 8:15 [ؤُمِي] د-يِيوضْ نتَّا غَارْ يرْيَازنْ ن سُوكُّوثْ، إِنَّا: ”إِنَا ذ زَابَاحْ ذ صَالْمُونَّاعْ، إِنِّي زِي إِ ذ أَيِي ثسّْبَارّْقمْ ؤُمِي ثنَّامْ: ’مَا زَابَاحْ ذ صَالْمُونَّاعْ أَقَا أَثنْ ذڭْ ؤُفُوسْ نّشْ أَڒْ غَا نوْشْ أَغْرُومْ إِ يرْيَازنْ نّشْ نِّي يُوحْڒنْ؟‘ “
JDG 8:16 [خنِّي] إِطّفْ إِمْغَارنْ ن ثنْذِينْثْ ذ إِسنَّاننْ ذ إِژْرَا ن ثْمسِّي زِي ڒخْڒَا ؤُشَا إِڭَّا إِرْيَازنْ ن سُوكُّوثْ أَذْ زَّايسْ أَشَانْ.
JDG 8:17 لْبُورْجْ ن فَانُووِيلْ إِهْذمْ إِ-ث ؤُ إِنْغَا إِرْيَازنْ ن ثنْذِينْثْ.
JDG 8:18 [خنِّي] إِنَّا إِ زَابَاحْ ذ صَالْمُونَّاعْ: ”مَامّشْ إِدْجَانْ يرْيَازنْ نِّي ثنْغِيمْ ذِي ثابُورْ؟“ نِيثْنِي أَرِّينْ-د خَاسْ: ”نِيثْنِي ثُوغَا أَثنْ أَمْ شكْ، [غَارْسنْ] أَدُّوذْ ذ إِجّنْ [أَكْ-ذ] إِحنْجِيرنْ ن ؤُجدْجِيذْ.“
JDG 8:19 [خنِّي] إِنَّا: ”نِيثْنِي ثُوغَا ذ أَيْثْمَا، إِحنْجِيرنْ ن يمَّا. س ثِيذتّْ أَمْ إِدَّارْ سِيذِي، مْڒِي ثنْ ثجِّيمْ أَذْ دَّارنْ، إِڒِي وَارْ كنِّيوْ نقّغْ!“
JDG 8:20 [خنِّي] إِنَّا إِ يَاثَارْ، أَمنْزُو نّسْ: ”كَّارْ، نغْ إِ-ثنْ!“ [مَاشَا] أَبْڒِيغْ وَارْ د-إِكِّيسْ سِّيفْ نّسْ، مِينْزِي نتَّا إِڭّْوذْ ؤُمِي عَاذْ ذ أَبْڒِيغْ.
JDG 8:21 [خنِّي] نَّانْ زَابَاحْ ذ صَالْمُونَّاعْ: ”كَّارْ شكْ سِيمَانْثْ نّشْ ؤُشَا نغْ أَنغْ، مَاغَارْ مَامّشْ أَرْيَازْ، أَمُّو ثِيزمَّارْ نّسْ.“ ؤُشَا إِكَّارْ جِيذْعُونْ، إِنْغَا زَابَاحْ ذ صَالْمُونَّاعْ ؤُشَا إِكْسِي ثِيزِيرِيوِينْ ثِيمژْيَانِينْ إِ ذ يُويْڒنْ غَارْ إِرَاونْ ن إِڒغْمَانْ نْسنْ.
JDG 8:22 ؤُشَا إِرْيَازنْ ن إِسْرَائِيل نَّانْ إِ جِيذْعُونْ: ”حكْمثْ خَانغْ، شكْ ؤُڒَا ذ مِّيشْ ذ وَايَّاوْ نّشْ، مَاغَارْ شكْ ثْفكّذْ أَنغْ زڭْ ؤُفُوسْ ن مِيذْيَانْ.“
JDG 8:23 إِنَّا أَسنْ جِيذْعُونْ: ”نشّْ وَارْ خَاومْ حكّْمغْ ؤُڒَا ذ مِّي وَارْ خَاومْ إِحكّمْ. سِيذِي ذ ونِّي إِ خَاومْ إِ غَا إِحكْمنْ.“
JDG 8:24 جِيذْعُونْ يَارْنِي إِنَّا أَسنْ: ”نشّْ خْسغْ أَذْ زَّايْومْ تَّارغْ شَا. أَذْ أَيِي إِوْشْ كُوڒْ إِجّْ ن ورْيَازْ إِشْثْ ن ثخْرَازْثْ زِي ثْكشَّاضْثْ نّسْ!“، مِينْزِي [تّْوَافنْ] غَارْسنْ ثخْرَازِينْ ن وُورغْ، مَاغَارْ نِيثْنِي ثُوغَا أَثنْ ذ أَيْثْ ن إِسْمَاعِيلْ.
JDG 8:25 نِيثْنِي نَّانْ: ”نشِّينْ أَذْ أَشْ ثنْثْ نوْشْ س ڒْخَاضَارْ!“ نِيثْنِي بزّْعنْ إِجّْ ن ورُّوضْ ؤُشَا كُوڒْ أَرْيَازْ إِنْضَارْ خَاسْ إِشْثْ ن ثخْرَازْثْ زِي ثْكشَّاضْثْ نّسْ.
JDG 8:26 ثِيخْرَازِينْ ن وُورغْ نِّي إِتَّارْ وزْننْثْ سْبعْطَاشْ-مْيَا ن [شِيقْلُو] وُورغْ، نْهْڒَا ثِيزِيرِيوِينْ ثِيمژْيَانِينْ ذ ثخْرَازِينْ ذِي صِّيفثْ ن ثُوذِّيمِينْ ذ ورُّوضْ أَرْجُووَانِي إِ ثُوغَا يَارْضنْ إِجدْجِيذنْ ن مِيذْيَانْ، نْهْڒَا ثِيسدّْيِينْ [إِ يُويْڒنْ] غَارْ إِرَاونْ ن إِڒغْمَانْ نْسنْ.
JDG 8:27 جِيذْعُونْ إِڭَّا زَّايسْ إِجّْ ن ؤُپَالْطُو [ن ؤُكهَّانْ] ؤُشَا إِڭَّا إِ-ث ذِي ثنْذِينْثْ نّسْ، ذِي عَافْرَا، ؤُ مَارَّا إِسْرَائِيل يُويُورْ أَوَارْنِي أَسْ أَمْ أَوَارْنِي إِ يِيشْثْ نْ ثمْغَارْثْ ن فَارْقْ-شّْغڒْ. أَيَا إِذْوڒْ ذ ڒْفخْ إِ جِيذْعُونْ ذ ثَادَّارْثْ نّسْ.
JDG 8:28 [أَمُّو] ثُوغَا إِنّْبهْذڒْ مِيذْيَانْ زڭْ أَيْثْ ن إِسْرَائِيل ؤُشَا وَارْ زمَّارنْ أَذْ سّْڭعّْذنْ أَزدْجِيفْ نْسنْ عَاذْ. ثُوغَا ثَامُّورْثْ ثَاريّحْ أَربْعِينْ ن إِسڭّْوُوسَا ذڭْ وُوسَّانْ ن جِيذْعُونْ.
JDG 8:29 ؤُشَا يَارُوبَّاعْلْ، مِّيسْ ن يُووَاشْ، يُويُورْ ؤُشَا إِزْذغْ [عَاوذْ] ذِي ثَادَّارْثْ نّسْ.
JDG 8:30 جِيذْعُونْ ثُوغَا غَارسْ سبْعِينْ ن إِحنْجِيرنْ إِنِّي د-إِفّْغنْ زِي ثْمصَّاضْثْ نّسْ، مِينْزِي ثُوغَا غَارسْ أَطَّاسْ ن ثمْغَارِينْ.
JDG 8:31 ؤُڒَا ذ ثَايَّا نّسْ ثنِّي [ثُوغَا إِدْجَانْ] ذِي شَاكِيمْ، ثجَّا أَسْ-د إِجّْ ن ؤُحنْجِيرْ ؤُ نتَّا إِڭَّا أَسْ أَبِيمَالِيكْ.
JDG 8:32 جِيذْعُونْ، مِّيسْ ن يُووَاشْ، إِمُّوثْ [ؤُمِي] أَشُوَّافْ نّسْ [ثُوغَا] إِشَابْ أَطَّاسْ ؤُشَا نْضْڒنْ ث ذڭْ ونْضڒْ ن بَابَاسْ يُووَاشْ، ذِي عَافْرَا، [ثَانْذِينْثْ] ن أَبِيعَازَارِي.
JDG 8:33 [أَوَارْنِي ڒَامِي] إِمُّوثْ جِيذْعُونْ، إِمْسَارْ، أَقَا أَيْثْ ن إِسْرَائِيل ذوْڒنْ-د ؤُشَا سّْفسْذنْ إِخفْ نْسنْ أَمْ ؤُيُورنْ أَوَارْنِي إِ ’إِبَاعْلنْ‘ ؤُشَا ڭِّينْ بَاعْلْ-بَارِيثْ ذ أَربِّي نْسنْ.
JDG 8:34 أَيْثْ ن إِسْرَائِيل وَارْ فكَّارنْ عَاذْ ذِي سِيذِي، أَربِّي نْسنْ، ونِّي ثنْ إِفكّنْ زڭْ ؤُفُوسْ ن مَارَّا ڒْعذْيَانْ إِ ذ أَسنْ د-إِنّْضنْ
JDG 8:35 ؤُشَا وَارْ سّشْننْ ثَامخْسِيوْثْ إِشوَّارنْ إِ ثَادَّارْثْ ن يَارُوبَّاعْلْ، ذ ثنِّي ن جِيذْعُونْ، خْ مَارَّا ڒْخَارْ إِ إِڭَّا ذِي طّْوعْ ن إِسْرَائِيل.
JDG 9:1 أَبِيمَالِيكْ، مِّيسْ ن يَارُوبَّاعْلْ، يُويُورْ غَارْ شَاكِيمْ، غَارْ أَيْثْمَاسْ ن يمَّاسْ. نتَّا إِسِّيوڒْ أَكِيذْسنْ ؤُ أَكْ-ذ مَارَّا ڒْوَاشُونْ ن ثَادَّارْثْ ن بَابَاسْ ن يمَّاسْ، إِنَّا:
JDG 9:2 ”سِيوْڒمْ مَاشَا ذڭْ إِمزُّوغنْ ن مَارَّا إِمزْذَاغْ ن شَاكِيمْ: ’مِينْ إِدْجَانْ مْلِيحْ إِ كنِّيوْ: مَاڒَا سبْعِينْ ن يرْيَازنْ أَذْ خَاومْ حكْمنْ، مَارَّا إِحنْجِيرنْ ن يَارُوبَّاعْلْ، نِيغْ مَاڒَا مْغِيرْ إِجّْ ن ورْيَازْ وَاهَا أَذْ خَاومْ إِحْكمْ؟عقْڒمْ عَاوذْ، أَقَا نشّْ ذ إِغُوسَّانْ نْومْ ذ أَيْسُومْ نْومْ.‘ “
JDG 9:3 [خنِّي] سِّيوْڒنْ أَيْثْمَاسْ ن يمَّاسْ مَارَّا أَوَاڒنْ-أَ ذڭْ إِمزُّوغنْ ن مَارَّا إِمزْذَاغْ ن شَاكِيمْ أَڒَامِي ؤُڒْ نْسنْ إِميّڒْ أَذْ د-يَاسْ أَكْ-ذ أَبِيمَالِيكْ، مَاغَارْ نِيثْنِي نَّانْ: ”نتَّا ذ ؤُمَاثْنغْ.“
JDG 9:4 نِيثْنِي وْشِينْ أَسْ سبْعِينْ ن [ؤُقِييَّاثْ ن] نُّوقَارْثْ زِي زَّاوشْثْ ن بَاعْلْ-بَارِيثْ. زَّايْسنْثْ إِشْرَا أَبِيمَالِيكْ إِرْيَازنْ إِخْوَانْ ذ يِينِّي إِطَارّْشنْ، ؤُشَا نِيثْنِي ضفَّارنْ ث-إِ-د.
JDG 9:5 يُوذفْ غَارْ ثَادَّارْثْ ن بَابَاسْ ذِي عَافْرَا ؤُ إِنْغَا خْ إِجّْ ن وژْرُو أَيْثْمَاسْ، إِحنْجِيرنْ ن يَارُوبَّاعْلْ، سبْعِينْ ن يرْيَازنْ. مْغِيرْ يُوثَامْ، أَحنْجِيرْ أَمَاژُوژْ ن يَارُوبَّاعْلْ إِقِّيمْ وحّْذسْ، مِينْزِي نتَّا ثُوغَا إِنُّوفَّارْ.
JDG 9:6 ؤُشَا مُوننْ مَارَّا إِمزْذَاغْ ن شَاكِيمْ ذ مَارَّا إِنِّي ذِي لْقلْعَا ؤُشَا فّْغنْ، ڭِّينْ أَبِيمَالِيكْ ذ أَجدْجِيذْ غَارْ ثْشجَّارْثْ ن يِيڭّْ نِّي [إِدْجَانْ] ذڭْ ومْشَانْ [إِقدّْسنْ] غَارْ شَاكِيمْ.
JDG 9:7 نِيثْنِي خبَّارنْ أَيَا إِ يُوثَامْ، إِكَّارْ إِبدّْ خْ ثْقِيشَّاثْ ن وذْرَارْ ن جَارِيزِيمْ. إِسّْڭعّذْ ثْمِيجَّا نّسْ، إِنَّا أَسنْ: ”سْڒمْ غَارِي، [أَ كنِّيوْ] إِمزْذَاغْ ن شَاكِيمْ، ؤُشَا أَربِّي أَذْ غَارْومْ إِسڒْ!“
JDG 9:8 ”أَشْحَاڒْ ؤُيَا كَّارنْثْ ثْشجُّورَا، فّْغنْثْ حِيمَا أَذْ ذهْننْثْ إِجّْ ن ؤُجدْجِيذْ خْ يِيخفْ نْسنْثْ ؤُشَا نَّانْثْ إِ ؤُزمُّورْ: ’إِڒِي شكْ ذ أَجدْجِيذْ نّغْ!‘
JDG 9:9 أَزمُّورْ إِنَّا أَسنْ: ’مَا أَذْ سمْحغْ ذِي ثَاذُونْثْ [ن زّشْثْ] إِنُو نِّي إِ ذ أَيِي إِسّمْغَارْ أَربِّي ذ إِوْذَانْ؟ مَا أَذْ ضْوغْ سنّجْ إِ ثْشجُّورَا نّغْنِي؟‘
JDG 9:10 ؤُشَا نَّانْثْ ثْشجُّورَا إِ وَارْثُو: ’أَسْ-د، إِڒِي شكْ ذ أَجدْجِيذْ نّغْ!‘
JDG 9:11 ؤُرْثُو إِنَّا أَسنْ: ’مَا أَذْ سمْحغْ ذِي ثَاژْيُوذِي إِنُو ذ ڒْغِيدْجثْ إِصبْحنْ إِنُو؟ مَا أَذْ ضْوغْ سنّجْ إِ ثْشجُّورَا نّغْنِي؟‘
JDG 9:12 ؤُشَا نَّانْثْ ثْشجُّورَا إِ ثْزَايَارْثْ: ’أَسْ-د، إِڒِي شمْ ذ أَجدْجِيذْ نّغْ!‘
JDG 9:13 [مَاشَا] ثنَّا أَسنْ ثْزَايَارْثْ: ’مَا أَذْ سمْحغْ ذِي بِينُو ن جْذِيذْ إِنُو نِّي إِسّفْرَاحنْ أَربِّي ذ إِوْذَانْ؟ مَا أَذْ ضْوغْ سنّجْ إِ ثْشجُّورَا نّغْنِي؟‘
JDG 9:14 [خنِّي] نَّانْ مَارَّا ثِيشجُّورَا إِ شْبَارْقْ أَكْ-ذ إِسنَّاننْ: ’أَسْ-د، إِڒِي شكْ ذ أَجدْجِيذْ نّغْ!‘
JDG 9:15 ؤُشَا شْبَارْقْ أَكْ-ذ إِسنَّاننْ إِنَّا إِ ثْشجُّورَا: ’مَاڒَا ثخْسنْثْ كنِّينْثْ س ثِيذتّْ أَذْ أَيِي ثْذهْننْثْ ذ أَجدْجِيذْ خَاكنْثْ، أَسنْثْ-د خنِّي، أَفنْثْ أَذُورِّي ذِي ثِيڒِي إِنُو، مَاشَا مَاڒَا لَّا، [خنِّي] أَذْ ثكَّارْ ثْمسِّي زِي شْبَارْقْ أَكْ-ذ إِسنَّاننْ، أَذْ ثشّْ [ثِيشجُّورَا ن] ثنْڭلْثْ ن لُوبْنَانْ.‘ “
JDG 9:16 ڒخُّو خنِّي، كنِّيوْ، [إِمزْذَاغْ ن شَاكِيمْ]، مَاڒَا ثڭِّيمْ س ثِيذتّْ ذ ڒصْفَايثْ [ؤُمِي] ثڭِّيمْ أَبِيمَالِيكْ ذ أَجدْجِيذْ، ؤُ مَاڒَا كنِّيوْ ثڭِّيمْ مْلِيحْ ذِي يَارُوبَّاعْلْ ذ ثَادَّارْثْ نّسْ، ؤُ مَاڒَا كنِّيوْ ثڭِّيمْ ذَايسْ أَمْ مَامّشْ إِسّْذَاهدْجْ،
JDG 9:17 - أَقَا بَابَا إِمّْنغْ ذِي طّْوعْ نْومْ ؤُشَا إِسبّڒْ ثُوذَارْثْ نّسْ ؤُشَا إِفكّْ كنِّيوْ زڭْ ؤُفُوسْ ن مِيذْيَانْ،
JDG 9:18 [مَاشَا] كنِّيوْ ثْغوّْغمْ أَسّْ-أَ خْ ثَادَّارْثْ ن بَابَا ؤُ خْ إِجّْ ن وژْرُو أَقَا ثنْغِيمْ أَرَّاوْ نّسْ، سبْعِينْ ن يرْيَازنْ، ؤُ ثڭِّيمْ أَبِيمَالِيكْ، مِّيسْ ن ثَايَّا، ذ أَجدْجِيذْ خْ إِمزْذَاغْ ن شَاكِيمْ، مِينْزِي نتَّا ذ ؤُمَاثْومْ -
JDG 9:19 مَاڒَا كنِّيوْ ثڭِّيمْ أَسّْ-أَ س ثِيذتّْ ذ ڒصْفَايثْ ذِي يَارُوبَّاعْلْ ذ ثَادَّارْثْ نّسْ، خنِّي أَذْ ثْفَارْحمْ ذِي أَبِيمَالِيكْ ؤُ نتَّا أَذْ إِفَارْحْ ذَايْومْ.
JDG 9:20 مَاشَا مَاڒَا وَارْ إِدْجِي أَمنِّي، [خنِّي] أَذْ ثكَّارْ ثْمسِّي زِي أَبِيمَالِيكْ أَذْ ثشّْ إِرْيَازنْ ن شَاكِيمْ ذ إِمزْذَاغْ ن لْقلْعَا ؤُشَا أَذْ ثكَّارْ ثْمسِّي زڭْ إِمزْذَاغْ ن شَاكِيمْ ؤُ زِي مَارَّا إِنِّي ذِي لْقلْعَا، أَذْ ثشّْ أَبِيمَالِيكْ!‘ “
JDG 9:21 [خنِّي] يُويُورْ يُوثَامْ، يَارْوڒْ، إِرُوحْ غَارْ بِي‘رْ. ثُوغَا إِزدّغْ ذِينْ، [إِڭّْوجْ] خْ ؤُمَاسْ أَبِيمَالِيكْ.
JDG 9:22 [ڒَْامِي] ثُوغَا إِحكّمْ أَبِيمَالِيكْ خْ إِسْرَائِيل ثْڒَاثَا ن إِسڭّْوُوسَا،
JDG 9:23 إِسّكّْ أَربِّي إِجّْ ن ڒَارْيَاحْ ذ أَعفَّانْ جَارْ أَبِيمَالِيكْ ذ إِمزْذَاغْ ن شَاكِيمْ. إِمزْذَاغْ ن شَاكِيمْ غْذَارنْ زِي أَبِيمَالِيكْ،
JDG 9:24 حِيمَا أَغصّبْ، [نِّي إِتّْوَاڭّنْ إِ] سبْعِينْ ن إِحنْجِيرنْ ن يَارُوبَّاعْلْ، ذ إِذَامّنْ نْسنْ أَذْ د-أَسنْ خْ ؤُمَاثْسنْ أَبِيمَالِيكْ، ونِّي ثنْ إِنْغِينْ، ؤُ خْ إِمزْذَاغْ ن شَاكِيمْ، إِنِّي ثُوغَا إِسّْجهْذنْ إِفَاسّنْ نّسْ مَاحنْذْ أَذْ نْغنْ أَيْثْمَاسْ.
JDG 9:25 إِمزْذَاغْ ن شَاكِيمْ وجْذنْ أَسْ ڒفْخُوخْ خْ ثْقِيشَّاثْ ن إِذُورَارْ ؤُ نِيثْنِي كشّْضنْ مَارَّا ونِّي ذِينْ خَاسنْ إِ غَا إِكّنْ ذ أَبْرِيذْ. أَيَا إِتّْوَانَّا إِ أَبِيمَالِيكْ.
JDG 9:26 جَاعَالْ، مِّيسْ ن عَابِيذْ، يُوسَا-د أَكْ-ذ أَيْثْمَاسْ ؤُشَا نِيثْنِي ؤُيُورنْ غَارْ شَاكِيمْ ؤُ إِمزْذَاغْ ن شَاكِيمْ تِّيقّنْ ذَايسْ.
JDG 9:27 نِيثْنِي فّْغنْ غَارْ إِيَّارنْ، ڒقْضنْ ؤُضِيڒْ ذڭْ إِمَارْجَاعنْ نْسنْ،عفّْسنْ خْ ؤُضِيڒْ ؤُشَاغنّْجنْ إِزْڒَانْ ن ڒفْرَاحثْ، ؤُذْفنْ غَارْ ثَادَّارْثْ ن أَربِّي نْسنْ، شِّينْ سْوِينْ ؤُشَا نعْڒنْ أَبِيمَالِيكْ.
JDG 9:28 ؤُشَا جَاعَالْ، مِّيسْ ن عَابِيذْ، إِنَّا: ”مِينْ [إِعْنَا نتَّا] أَبِيمَالِيكْ ذ مَانْ ونْ [إِ إِدْجَانْ] ذ شَاكِيمْ، أَقَا نشِّينْ أَذْ أَسْ نَاضَارْ؟ مَا وَارْ إِدْجِي نتَّا ذ مِّيسْ ن يَارُوبَّاعْلْ؟ ؤُ مَا وَارْ إِدْجِي زابُولْ ذ لْوَالِي نّسْ؟ سخَّارمْ [خنِّي] إِ يرْيَازنْ ن حَامُورْ، بَابَاسْ ن شَاكِيمْ، مِينْزِي مَايمِّي إِ ذ أَسْ غَا نْسخَّارْ؟
JDG 9:29 مْڒِي مَاشَا ڒْڭنْسْ-أَ ذڭْ ؤُفُوسْ إِنُو، [خنِّي] نشّْ ثُوغَا خْسغْ أَذْ أَژّْڒغْ خْ أَبِيمَالِيكْ.“ ؤُشَا إِنَّا إِ أَبِيمَالِيكْ: ”أَرْنِي إِ ڒْعسْكَارْ نّشْ ؤُشَا فّغْ [غَارْ ؤُمنْغِي]!“
JDG 9:30 [ؤُمِي] زابُولْ، ڒْحَاكمْ ن ثنْذِينْثْ، إِسْڒَا أَوَاڒنْ ن جَاعَالْ، مِّيسْ ن عَابِيذْ، يَارْغَا ؤُخيّقْ نّسْ.
JDG 9:31 نتَّا إِسّكّْ إِرقَّاسنْ غَارْ أَبِيمَالِيكْ ذِي ثْنُوفّْرَا، نَّانْ: ”خْزَارْ، جَاعَالْ، مِّيسْ ن عَابِيذْ، ذ أَيْثْمَاسْ ؤُسِينْ-د غَارْ شَاكِيمْ، ؤُ خْزَارْ، أَقَا سّْغوّْغنْ خَاكْ ثَانْذِينْثْ.
JDG 9:32 [خنِّي] ڒخُّو، كَّارْ ذِي دْجِيڒثْ-أَ، شكْ ذ ڒْڭنْسْ نِّي غَاركْ إِدْجَانْ، ؤُشَا أڭّْ إِجّْ ن ڒْفخْ ذڭْ إِيَّارْ.
JDG 9:33 ؤُ غَارْ ثُوفُّوثْ، غَارْ ونْقَارْ ن ثْفُوشْثْ، إِتّْخصَّا أَذْ ثكَّارذْ زِيشْ ؤُشَا عْرفْ خْ ثنْذِينْثْ. ؤُ خْزَارْ، مَاڒَا نتَّا ذ ڒْڭنْسْ إِ غَارسْ أَذْ غَاركْ د-إِفّغْ، أڭّْ خنِّي أَكِيذسْ مِينْ خفْ إِزمَّارْ ؤُفُوسْ نّشْ أَذْ إِڭّْ.“
JDG 9:34 أَبِيمَالِيكْ ذ مَارَّا ڒْڭنْسْ إِ غَارسْ، إِكَّارْ-د ذِي دْجِيڒثْ ؤُ نِيثْنِي ڭِّينْ إِجّْ ن ڒْفخْ خْ شَاكِيمْ س أَربْعَا ن إِبَاطَايُوننْ.
JDG 9:35 ؤُ جَاعَالْ، مِّيسْ ن عَابِيذْ، إِفّغْ-د، يُويُورْ غَارْ ثوَّارْثْ ن ثنْذِينْثْ ؤُ أَبِيمَالِيكْ، ذ مَارَّا ڒْڭنْسْ إِ غَارسْ، إِكَّارْ زڭْ ومْشَانْ إِنُّوفَّارنْ.
JDG 9:36 [ؤُمِي] جَاعَالْ إِژْرَا ڒْڭنْسْ، إِنَّا إِ زابُولْ: ”خْزَارْ، أَقَا إِوْذَانْ هكّْوَانْ-د زِي ثْقِيشَّاثْ ن إِذُورَارْ.“ زابُولْ إِنَّا أَسْ: ”شكْ ثْوَاڒِيذْ ثِيڒِي ن إِذُورَارْ ذ إِوْذَانْ.“
JDG 9:37 جَاعَالْ يَارْنِي إِسَّاوَاڒْ، إِنَّا: ”خْزَارْ، أَقَا [إِجّْ ن ؤُبَارُّو] ن ڒْڭنْسْ إِهكّْوَا-د زِي ثْعبُّوضْثْ ن ثمُّورْثْ ؤُ إِشْثْ ن ڒْكُومْبَانِييّثْ ثُوسَا-د زڭْ وبْرِيذْ ن ثْشجَّارْثْ ن يِيڭّْ ن إِبزْڭَاونْ.“
JDG 9:38 خنِّي إِنَّا أَسْ زابُولْ: ”مَانِي إِ دْجَانْ ڒخُّو وَاوَاڒنْ نّشْ إِ زِي ثنِّيذْ: ’مِينْ [إِعْنَا] أَبِيمَالِيكْ، أَقَا نشِّينْ أَذْ أَسْ نْسخَّارْ؟ مَا وَارْ دْجِينْ إِنَا ذ ڒْڭنْسْ إِ ثسّحْقَارذْ شكْ؟ فّغْ [خنِّي] ڒخُّو ؤُ ثمّنْغذْ أَكِيذسْ!“
JDG 9:39 ؤُشَا إِفّغْ جَاعَالْ زَّاثْ إِ وُوذمْ ن إِمزْذَاغْ ن شَاكِيمْ ؤُشَا إِمّْنغْ أَكْ-ذ أَبِيمَالِيكْ.
JDG 9:40 إِضْفَارْ إِ-ث أَبِيمَالِيكْ، مِينْزِي نتَّا يَارْوڒْ زَّاثْ إِ وُوذمْ نّسْ ؤُشَا أَطَّاسْ ن يِينِّي إِتّْوَاسّْنُوقّْبنْ [س سِّيفْ] وْضَانْ أَڒْ أَذَافْ ن ثوَّارْثْ ن ثنْذِينْثْ.
JDG 9:41 إِقِّيمْ أَبِيمَالِيكْ ذِي أَرُومَا ؤُ زابُولْ يُوژّڒْ خْ جَاعَالْ ذ أَيْثْمَاسْ أَڒَامِي وَارْ زمَّارنْ أَذْ قِّيمنْ عَاذْ ذِي شَاكِيمْ.
JDG 9:42 ثِيوشَّا نّسْ، إِمْسَارْ، ڒْڭنْسْ إِفّغْ غَارْ إِيَّارْ. أَيَا عَاوْذنْ ث إِ أَبِيمَالِيكْ.
JDG 9:43 [خنِّي] إِكْسِي نتَّا ڒْڭنْسْ، إِبْضَا ث خْ ثْڒَاثَا ن إِبَاطَايُوننْ ؤُشَا إِڭَّا إِجّْ ن ڒْفخْ ذڭْ إِيَّارْ ؤُشَا نتَّا إِخزَّارْ، أَقَا ڒْڭنْسْ إِفّغْ زِي ثنْذِينْثْ. [خنِّي] إِكَّارْ ضِيدّْ نْسنْ ؤُشَا إِغْڒبْ خَاسنْ.
JDG 9:44 [مِينْزِي] أَبِيمَالِيكْ ذ إِبَاطَايُوننْ إِ غَارسْ، فّْغنْ ؤُشَا ؤُيُورنْ أَذْ بدّنْ غَارْ ثوَّارْثْ ن ثنْذِينْثْ، ؤُ ثْنَاينْ ن إِبَاطَايُوننْ نّغْنِيثْ ؤُذْفنْ خْ يِينِّي [ثُوغَا] ذڭْ إِيَّارْ ؤُشَا قْضَانْ خَاسنْ.
JDG 9:45 أَسّْ نِّي مَارَّا إِمّْنغْ أَبِيمَالِيكْ أَكْ-ذ ثنْذِينْثْ. نتَّا إِطّفْ إِ-ت، إِنْغَا ڒْڭنْسْ إِ ذَايسْ [إِدْجَانْ]. [خنِّي] إِهْذمْ ثَانْذِينْثْ ؤُشَا إِسُّويسْ خَاسْ ثَامدْجَاحْثْ.
JDG 9:46 [ؤُمِي] ث سْڒِينْ مَارَّا إِمزْذَاغْ ن لْبُورْجْ، ؤُذْفنْ غَارْ أَمْشَانْ ن وَارْوَاڒْ ن ثَادَّارْثْ ن أَربِّي [نْسنْ] بَارِيثْ.
JDG 9:47 إِتّْوَانَّا إِ أَبِيمَالِيكْ، أَقَا مَارَّا إِمزْذَاغْ ن لْبُورْجْ ن شَاكِيمْ ڭِّينْ أَذْ مُوننْ [ذِينْ].
JDG 9:48 [خَاسْ] ؤُشَا إِڭعّذْ أَبِيمَالِيكْ أَذْرَارْ ن صَالْمُونْ، نتَّا أَكْ-ذ مَارَّا ڒْڭنْسْ إِ غَارسْ [إِدْجَانْ]، ؤُ أَبِيمَالِيكْ إِطّفْ شَّاقُورْ نّسْ ذڭْ ؤُفُوسْ ؤُشَا إِقْڒعْ إِشْثْ ن ثْصطَّا ن ثْشجَّارْثْ، إِكْسِي ت ؤُ إِسَّارْسْ إِ-ت خْ ثغْرُوضْثْ نّسْ، إِنَّا إِ ڒْڭنْسْ نّسْ: ”مِينْ ثژْرِيمْ ڭِّيغْ نشّْ، قدْجْقمْ، ڭّمْ [ث] ؤُڒَا ذ كنِّيوْ أَمْ نشّْ!“
JDG 9:49 ؤُ مَارَّا ڒْڭنْسْ، كُوڒْ أَرْيَازْ، إِقْڒعْ ثَاصطَّا نّسْ ؤُشَا ضْفَارنْ أَبِيمَالِيكْ ؤُ سَّارْسنْ ثنْثْ غَارْ ومْشَانْ ن وَارْوَاڒْ ؤُشَا قّذْمنْ أَسنْ ثِيمسِّي خْ ومْشَانْ ن وَارْوَاڒْ أَڒَامِي مُّوثنْ ؤُڒَا ذ مَارَّا إِرْيَازنْ ن لْبُورْجْ ن شَاكِيمْ، عْڒَاحَاڒْ أَڒفْ ن يرْيَازنْ ذ ثمْغَارِينْ.
JDG 9:50 إِرُوحْ أَبِيمَالِيكْ [عَاوذْ] غَارْ ثَابَاصْ، إِوْثَا إِقِيضَانْ نّسْ غَارْ ثَابَاصْ ؤُشَا إِطّفْ إِ-ت.
JDG 9:51 ثُوغَا ذِي ڒْوسْطْ ن ثنْذِينْثْ إِجّْ ن لْبُورْجْ إِمتّْننْ ؤُ أَروْڒنْ غَارسْ مَارَّا إِرْيَازنْ ذ ثمْغَارِينْ ذ مَارَّا إِمزْذَاغْ ن ثنْذِينْثْ ؤُشَا نِيثْنِي بلّْعنْ خَاسنْ، نْيِينْ خْ ثْزقَّا ن لْبُورْجْ.
JDG 9:52 يِيوضْ أَبِيمَالِيكْ غَارْ لْبُورْجْ ؤُ إِمّْنغْ أَكِيذسْ، [مَاشَا] خْمِي نتَّا د-إِقَارّبْ غَارْ ثوَّارْثْ ن لْبُورْجْ حِيمَا أَذْ أَسْ إِقّذْ ثِيمسِّي،
JDG 9:53 ثنْضَارْ إِشْثْ ن ثمْغَارْثْ إِشْثْ ن ثَاصْضَارْثْ ن ثْسِيرْثْ يُوعْڒَانْ خْ ؤُزدْجِيفْ ن أَبِيمَالِيكْ ؤُشَا ثڒْبزْ أَسْ أَشقُّوفْ [ن ؤُزدْجِيفْ].
JDG 9:54 ذغْيَا إِڒَاغَا نتَّا إِ ؤُمْسخَّارْ [نّسْ] ونِّي ذ أَسْ يَاربُّونْ ڒسْنَاحْ، إِنَّا أَسْ: ”جْبدّْ سِّيفْ نّشْ ؤُشَا نغْ أَيِي، حِيمَا وَارْ خَافِي قَّارنْ: ’إِشْثْ ثمْغَارْثْ ثنْغَا إِ-ث‘.“ ؤُشَا أَحُوذْرِي نّسْ إِسّْنُوقّبْ إِ-ث ؤُشَا إِمُّوثْ.
JDG 9:55 [ؤُمِي] ژْرِينْ إِرْيَازنْ ن إِسْرَائِيل، أَقَا أَبِيمَالِيكْ إِمُّوثْ، فّْغنْ-د، [كُوڒْ إِجّْ ن] ورْيَازْ غَارْ ومْشَانْ [ن ثْزذِّيغْثْ] نّسْ.
JDG 9:56 [أَمُّو] إِ إِخدْجصْ أَربِّي ثُوعفّْنَا ن أَبِيمَالِيكْ نِّي إِڭَّا إِ بَابَاسْ ؤُمِي إِنْغَا سبْعِينْ ن أَيْثْمَاسْ.
JDG 9:57 مَارَّا ثُوعفّْنَا إِ إِڭِّينْ إِرْيَازنْ ن شَاكِيمْ يَارّْ إِ-ت أَربِّي خْ ؤُزدْجِيفْ نْسنْ ؤُ نّعْڒثْ ن يُوثَامْ، مِّيسْ ن يَارُوبَّاعْلْ، ثوْضَا-د خَاسنْ.
JDG 10:1 أَوَارْنِي أَبِيمَالِيكْ إِكَّارْ ثُولَاعْ، مِّيسْ ن فُووَا، مِّيسْ ن ذُوذُو، إِجّْ ن ورْيَازْ زِي [ثقْبِيتْشْ ن] إِسَّاكَارْ، حِيمَا أَذْ إِسّنْجمْ إِسْرَائِيل. نتَّا ثُوغَا إِزدّغْ ذِي شَامِيرْ خْ إِذُورَارْ ن إِفْرَايِيمْ.
JDG 10:2 نتَّا ثُوغَا ذ ڒْقَاضِي خْ إِسْرَائِيل ثْڒَاثَا ؤُ-عِيشْرِينْ ن إِسڭّْوُوسَا. [خنِّي] إِمُّوثْ، إِتّْوَانْضڒْ ذِي شَامِيرْ.
JDG 10:3 أَوَارْنِي أَسْ إِكَّارْ يَا‘إِرْ، أَجِيلْعَاذِي. نتَّا ثُوغَا ذ ڒْقَاضِي خْ إِسْرَائِيل ثْنَاينْ ؤُ-عِيشْرِينْ ن إِسڭّْوُوسَا.
JDG 10:4 نتَّا ثُوغَا غَارسْ ثْڒَاثِينْ ن إِحنْجِيرنْ، إِنِّي إِنَّاينْ خْ ثْڒَاثِينْ ن إِغْيَاڒْ ؤُ غَارْسنْ ثْڒَاثِينْ ن ثْندَّامْ، تّْڒَاغَانْ أَسنْثْ ’ذْشُورَاثْ ن يَا‘إِرْ‘ أَڒْ أَسّْ-أَ. أَقَا أَثنْثْ ذِي ثمُّورْثْ ن جِيلْعَاذْ.
JDG 10:5 ؤُشَا إِمُّوثْ يَا‘إِرْ، نضْڒنْ ث ذِي قَامُونْ.
JDG 10:6 أَيْثْ ن إِسْرَائِيل أَرْنِينْ أَذْ ڭّنْ مِينْ [إِدْجَانْ] ذ أَعفَّانْ ذِي ثِيطَّاوِينْ ن سِيذِي. نِيثْنِي سخَّارنْ إِ ’إِبَاعْلنْ‘ ذ ’عَاشْثَارُوثِينْ‘ ؤُڒَا ذ إِربِّيثنْ ن أَرَامْ ذ إِربِّيثنْ ن صِيذُونْ ذ إِربِّيثنْ ن مُوآبَ ذ إِربِّيثنْ ن عَامُّونْ ذ إِربِّيثنْ ن إِفِيلِيسْطِينِييّنْ. نِيثْنِي جِّينْ سِيذِي ؤُ وَارْ ذ أَسْ سخَّارنْ [عَاذْ].
JDG 10:7 يَارْغَا وغْضَابْ ن سِيذِي خْ إِ إِسْرَائِيل ؤُ نتَّا إِڭَّا إِ-ثنْ ذڭْ ؤُفُوسْ ن إِفِيلِيسْطِينِييّنْ ؤُ ذڭْ ؤُفُوسْ ن أَيْثْ ن عَامُّونْ.
JDG 10:8 ذڭْ ؤُسڭّْوَاسْ نِّي ڒبْزنْ ؤُ أَرْژِينْ نِيثْنِي أَيْثْ ن إِسْرَائِيل. [أَمُّو إِ إِڭِّينْ نِيثْنِي] ثْمنْطَاشْ ن إِسڭّْوُوسَا أَكْ-ذ أَيْثْ ن إِسْرَائِيل إِنِّي [إِدْجَانْ] خْ ؤُجمَّاضْ ن لْ-ؤُرْذُونْ، ذِي ثمُّورْثْ ن إِمُورِييْ[ينْ]، ثنِّي ذِي جِيلْعَاذْ.
JDG 10:9 ؤُشَا [عَاوذْ] ژْوَانْ أَيْثْ ن عَامُّونْ لْ-ؤُرْذُونْ حِيمَا أَذْ مّنْغنْ ؤُڒَا أَكْ-ذ يَاهُوذَا ذ بِينْيَامِينْ ذ ثَادَّارْثْ ن إِفْرَايِيمْ [أَڒَامِي] إِتّْوَاحْسَارْ إِسْرَائِيل أَطَّاسْ.
JDG 10:10 [خنِّي] سْغُوينْ أَيْثْ ن إِسْرَائِيل غَارْ سِيذِي، نَّانْ: ”نشِّينْ نخْضَا أَكِيذكْ، مِينْزِي نشِّينْ نسْمحْ ذِي أَربِّي نّغْ، نْسخَّارْ ’إِبَاعْلنْ‘.“
JDG 10:11 [خنِّي] إِنَّا سِيذِي إِ أَيْثْ ن إِسْرَائِيل: ”مَا وَارْ [كنِّيوْ سّْنجْمغْ] زڭْ [ؤُفُوسْ ن] إِمِيصْرِييّنْ ذ إِمُورِييّنْ ؤُ زڭْ [ؤُفُوسْ ن] أَيْثْ ن عَامُّونْ ذ إِفِيلِيسْطِينِييّنْ
JDG 10:12 ؤُ زڭْ [ؤُفُوسْ ن أَيْثْ ن] صِيذُونْ ؤُ زڭْ [ؤُفُوسْ ن] أَيْثْ ن عَامَالِيقْ ذ إِمَاعُونِييّنْ، إِنِّي ثُوغَا كنِّيوْ إِحْصَارنْ ؤُمِي كنِّيوْ إِ ذ غَارِي ثسْغُويمْ، مَا [خنِّي] نشّْ وَارْ سّْنجْمغْ كنِّيوْ زڭْ ؤُفُوسْ نْسنْ؟
JDG 10:13 [وَاخَّا أَمنِّي] كنِّيوْ ثْسمْحمْ ذَايِي ؤُ ثْسخَّارمْ إِ إِربِّيثنْ نّغْنِي. س ؤُيَا وَارْ كنِّيوْ سّنْجِيمغْ عَاذْ.
JDG 10:14 ؤُيُورمْ، ثسْغُويمْ غَارْ إِربِّيثنْ نِّي ثَارشّْحمْ إِ يِيخفْ نْومْ. جّمْ ثنْ أَذْ كنِّيوْ سّْنجْمنْ ذِي ڒْوقْثْ ن ڒحْصَارثْ نْومْ.“
JDG 10:15 [مَاشَا] أَيْثْ ن إِسْرَائِيل نَّانْ إِ سِيذِي: ”نشِّينْ أَقَا نخْضَا. أڭّْ شكْ أَكِيذْنغْ مَارَّا مِينْ إِ ذ أَشْ إِعجْبنْ ذِي ثِيطَّاوِينْ نّشْ، مْغِيرْ فكّْ أَنغْ أَسّْ-أَ وَاهَا!“
JDG 10:16 ؤُ نِيثْنِي سِّيڭّْوجنْ إِربِّيثنْ إِغْرِيبنْ زِي ڒْوسْطْ نْسنْ ؤُشَا سخَّارنْ إِ سِيذِي. [خنِّي] وَارْ إِزمَّارْ ڒعْمَارْ نّسْ أَذْ ثَارْبُو [عَاذْ] ڒغْبنْ ن إِسْرَائِيل.
JDG 10:17 تّْوَاسْمُوننْ أَيْثْ ن عَامُّونْ ؤُشَا وْثِينْ إِقِيضَانْ نْسنْ ذِي جِيلْعَاذْ. ؤُڒَا ذ أَيْثْ ن إِسْرَائِيل مُوننْ ؤُ نِيثْنِي وْثِينْ إِقِيضَانْ نْسنْ ذِي مِيصْفَا.
JDG 10:18 [خنِّي] إِنَّا ڒْڭنْسْ، ڒْحُوكَّامْ ن جِيلْعَاذْ، إِ وَايَاوْيَا: ”مَانْ أَرْيَازْ إِ غَا إِمّنْغنْ ذ أَمزْوَارُو أَكْ-ذ أَيْثْ ن عَامُّونْ؟ نتَّا أَذْ إِذْوڒْ ذ أَزدْجِيفْ خْ مَارَّا إِمزْذَاغْ ن جِيلْعَاذْ.“
JDG 11:1 يَافْثَاحْ، زِي [ثمُّورْثْ ن] جِيلْعَاذْ، ثُوغَا-ث ذ إِجّْ ن بُو-ثغْرُوضْثْ إِمحْضنْ، [مَاشَا] نتَّا [ثُوغَا] ذ مِّيسْ ن إِشْثْ ن ثمْغَارْثْ ن فَارْقْ-شّْغڒْ. جِيلْعَاذْ أَقَا إِجَّا-د يَافْثَاحْ [غَارسْ].
JDG 11:2 ؤُڒَا ذ ثَامْغَارْثْ ن جِيلْعَاذْ ثُورُووْ أَسْ-د إِحنْجِيرنْ. [ؤُمِي] إِحنْجِيرنْ ن ثمْغَارْثْ-أَ مْغَارنْ، ؤُژّْڒنْ خْ يَافْثَاحْ، نَّانْ أَسْ: ”شكْ وَارْ ثتّطِّيفذْ شَا ثَاسْغَارْثْ ذِي ثَادَّارْثْ ن بَابَاثْنغْ، مَاغَارْ شكْ ذ مِّيسْ ن إِشْثْ ن ثمْغَارْثْ نّغْنِيثْ.“
JDG 11:3 ؤُشَا يَارْوڒْ يَافْثَاحْ زڭْ وُوذمْ ن أَيْثْمَاسْ ؤُ نتَّا إِقِّيمْ إِزْذغْ ذِي ثمُّورْثْ ن طُوبْ. ؤُشَا إِشْثْ ن ثوْرَاوْثْ ن يرْيَازنْ خْوَانْ ؤُسِينْ-د غَارْ يَافْثَاحْ، فّْغنْ-د أَكِيذسْ.
JDG 11:4 أَوَارْنِي [أَطَّاسْ ن] وُوسَّانْ إِمْسَارْ، كَّارنْ أَيْثْ ن عَامُّونْ مّنْغنْ أَكْ-ذ إِسْرَائِيل.
JDG 11:5 ؤُشَا إِمْسَارْ، ؤُمِي أَيْثْ ن عَامُّونْ مّنْغنْ أَكْ-ذ إِسْرَائِيل، أَقَا إِمْغَارنْ ن جِيلْعَاذْ طّْفنْ أَبْرِيذْ حِيمَا أَذْ أَوْينْ يَافْثَاحْ زِي ثمُّورْثْ ن طُوبْ.
JDG 11:6 نِيثْنِي نَّانْ إِ يَافْثَاحْ: ”أَسْ-د، إِڒِي ذ أَكُومَانْذَارْ نّغْ ؤُ أجّْ أَنغْ أَذْ نمّْنغْ أَكْ-ذ أَيْثْ ن عَامُّونْ.“
JDG 11:7 يَافْثَاحْ إِنَّا إِ إِمْغَارنْ ن جِيلْعَاذْ: ”مَا وَارْ ذ أَيِي ثْعِيفّمْ ؤُ ثُوژّْڒمْ خَافِي زِي ثَادَّارْثْ ن بَابَا؟ مَايمِّي إِ د غَارِي ثُوسِيمْ ڒخُّو، [ڒخُّو] ؤُمِي ثدْجَامْ ذِي ڒحْصَارثْ؟“
JDG 11:8 أَرِّينْ-د إِمْغَارنْ ن جِيلْعَاذْ خْ يَافْثَاحْ: ”س ؤُيَا إِ د غَاركْ نُوسَا ڒخُّو، [حِيمَا] شكْ أَكِيذْنغْ ثُويُورذْ أَذْ ثمّنْغذْ أَكْ-ذ أَيْثْ ن عَامُّونْ. شكْ أَذْ غَارْنغْ ثِيڒِيذْ ذ أَزدْجِيفْ خْ مَارَّا إِمزْذَاغْ ن جِيلْعَاذْ.“
JDG 11:9 [خنِّي] إِنَّا يَافْثَاحْ إِ إِمْغَارنْ ن جِيلْعَاذْ: ”مَاڒَا كنِّيوْ ثَارِّيمْ أَيِي غَارْ ؤُمنْغِي أَكْ-ذ أَيْثْ ن عَامُّونْ ؤُ سِيذِي إِسلّمْ إِ-ثنْ زَّاثْ إِ وُوذمْ إِنُو، أَذْ ذوْڒغْ ذ أَزدْجِيفْ نْومْ!“
JDG 11:10 إِمْغَارنْ ن جِيلْعَاذْ نَّانْ إِ يَافْثَاحْ: ”أَذْ يِيڒِي سِيذِي ذ ونِّي إِتّسْڒَانْ جَارْ أَنغْ. [ؤُشْثْ خَانغْ] مَاڒَا وَارْ نتّڭّْ عْلَاحْسَابْ أَوَاڒنْ نّشْ.“
JDG 11:11 خَاسْ ؤُشَا يُويُورْ يَافْثَاحْ أَكْ-ذ إِمْغَارنْ ن جِيلْعَاذْ ؤُ ڒْڭنْسْ إِڭَّا إِ-ث ذ أَزدْجِيفْ ذ أَكُومَانْذَارْ خْ يِيخفْ نّسْ. ؤُشَا إِسِّيوڒْ يَافْثَاحْ مَارَّا أَوَاڒنْ نّسْ زَّاثْ إِ وُوذمْ ن سِيذِي ذِي مِيصْفَا.
JDG 11:12 ؤُشَا إِسّكّْ يَافْثَاحْ إِرقَّاسنْ غَارْ ؤُجدْجِيذْ ن أَيْثْ ن عَامُّونْ، إِنَّا: ”مِينْ ذِينْ جَارْ أَيِي ذ شكْ، أَقَا شكْ ثفّْغذْ، حِيمَا أَذْ ثمّنْغذْ ضِيدّْ إِ ثمُّورْثْ إِنُو؟“
JDG 11:13 إِنَّا ؤُجدْجِيذْ ن أَيْثْ ن عَامُّونْ إِ إِرقَّاسنْ ن يَافْثَاحْ: ”مِينْزِي إِسْرَائِيل ثُوغَا إِطّفْ ثَامُّورْثْ إِنُو زڭْ أَرْنُونْ أَڒْ يَابُّوقْ ؤُ أَڒْ لْ-ؤُرْذُونْ، ؤُمِي د-إِفّغْ زِي مِيصْرَا. أَرّْ أَيِي-ت ڒخُّو س ڒهْنَا!“
JDG 11:14 إِسّكّْ يَافْثَاحْ عَاوذْ إِرقَّاسنْ غَارْ ؤُجدْجِيذْ ن أَيْثْ ن عَامُّونْ.
JDG 11:15 إِنَّا أَسْ: ”أَمُّو إِ إِقَّارْ يَافْثَاحْ: ’إِسْرَائِيل وَارْ إِطِّيفْ شَا ثَامُّورْثْ ن مُوآبَ ذ ثمُّورْثْ ن أَيْثْ ن عَامُّونْ،
JDG 11:16 مِينْزِي ؤُمِي د-فّْغنْ زِي مِيصْرَا، يُويُورْ إِسْرَائِيل ذِي ڒخْڒَا أَڒْ ڒبْحَارْ ن ثلْڭَا ؤُشَا [غَارْ ؤُنڭَّارْ] يُوسَا-د غَارْ قَاذَاشْ.
JDG 11:17 [خنِّي] إِسّكّْ إِسْرَائِيل إِرقَّاسنْ غَارْ ؤُجدْجِيذْ ن إِذُومْ، إِنَّا: ’أجّْ أَيِي أَذْ شُوقغْ ذِي ثمُّورْثْ نّشْ!‘ مَاشَا أَجدْجِيذْ ن إِذُومْ وَارْ إِسْڒِي شَا. إِسّكّْ عَاوذْ [إِرقَّاسنْ] غَارْ ؤُجدْجِيذْ ن مُوآبَ ؤُشَا ؤُڒَا ذ نتَّا وَارْ إِوْشْ تّسْرِيحْ. [أَمُّو] إِقِّيمْ إِسْرَائِيل ذِي قَاذَاشْ.
JDG 11:18 ؤُشَا يُويُورْ [ڒْْڭنْسْ] ذِي ڒخْڒَا، إِنّضْ إِ ثمُّورْثْ ن إِذُومْ ذ ثمُّورْثْ ن مُوآبَ ؤُشَا يُوسَا-د [أَمُّو] غَارْ ؤُغزْذِيسْ ن ثمُّورْثْ ن مُوآبَ [إِ إِدْجَانْ] غَارْ مَانِي ثْنقَّارْ ثْفُوشْثْ ؤُشَا نِيثْنِي وْثِينْ إِقِيضَانْ نْسنْ أَغِيرِينْ إِ أَرْنُونْ، مَاشَا وَارْ د-ؤُسِينْ ذَاخڒْ إِ ويْمِيرْ [ن ثمُّورْثْ] ن مُوآبَ، مَاغَارْ أَرْنُونْ ذ أَيْمِيرْ ن مُوآبَ.
JDG 11:19 [خنِّي] إِسّكّْ إِسْرَائِيل إِرقَّاسنْ غَارْ سِيحُونْ، أَجدْجِيذْ ن إِمُورِييّنْ، أَجدْجِيذْ ن حَاشْبُونْ، ؤُشَا إِنَّا أَسْ إِسْرَائِيل: ’أجّْ أَنغْ أَذْ نْشُوقْ ثَامُّورْثْ نّشْ أَڒْ أَمْشَانْ [إِ غَارْ إِ غَا ؤُيُورغْ].‘
JDG 11:20 [مَاشَا] سِيحُونْ وَارْ إِتِّيقّْ إِسْرَائِيل أَڒْ إِ غَا إِشُوقْ ثَامُّورْثْ نّسْ [وَاهَا]. ؤُ سِيحُونْ إِسّْمُونْ مَارَّا ڒْڭنْسْ نّسْ ؤُشَا نِيثْنِي وْثِينْ إِقِيضَانْ نْسنْ ذِي جَاهَاصْ. ؤُشَا [خنِّي] إِمّْنغْ نتَّا أَكْ-ذ إِسْرَائِيل.
JDG 11:21 سِيذِي، أَربِّي ن إِسْرَائِيل، إِڭَّا [خنِّي] سِيحُونْ ذ مَارَّا ڒْڭنْسْ نّسْ ذڭْ ؤُفُوسْ ن إِسْرَائِيل ؤُشَاغڒْبنْ خَاسنْ. مَارَّا ثَامُّورْثْ ن إِمُورِييْ[ينْ]، إِنِّي ثُوغَا إِزدّْغنْ ذِي ثمُّورْثْ نِّي، إِطّفْ إِ-ت إِسْرَائِيل ذ ڒْوَارْثْ.
JDG 11:22 نِيثْنِي طّْفنْ مَارَّا ثَامُّورْثْ ن إِمُورِييْ[ينْ] ذ ثَاسْغَارْثْ، زڭْ أَرْنُونْ أَڒْ يَابُّوقْ ؤُ زِي ڒخْڒَا أَڒْ لْ-ؤُرْذُونْ.
JDG 11:23 [خنِّي] ڒخُّو، أَقَا يُوژّڒْ سِيذِي، أَربِّي ن إِسْرَائِيل، خْ إِمُورِييْ[ينْ] زَّاثْ إِ وُوذمْ ن ڒْڭنْسْ ن إِسْرَائِيل زِي ڒْوَارْثْ نْسنْ ؤُ مَا شكْ [خنِّي] أَذْ ت ثطّْفذْ ذ ثَاسْغَارْثْ؟
JDG 11:24 مَا وَارْ ثطِّيفذْ شَا ذ ثَاسْغَارْثْ مِينْ ذ أَشْ غَا إِوْشْ أَربِّي نّشْ كَامُوشْ ذ ڒْوَارْثْ؟ [أَمُّو] إِ غَا نطّفْ مَارَّا ذ ڒْوَارْثْ مِينْ ذ أَنغْ غَا إِوْشْ سِيذِي، أَربِّي نّغْ، ذ ڒْوَارْثْ.
JDG 11:25 خنِّي ڒخُّو، مَا شكْ خَارْ س وَاطَّاسْ خْ بَالَاكْ، مِّيسْ ن صِيفُّورْ، أَجدْجِيذْ ن مُوآبَ؟ مَا نتَّا [عمَّارْصْ مَا] إِمْشُوبّشْ أَكْ-ذ إِسْرَائِيل؟ مَا [عمَّارْصْ مَا] إِمّْنغْ أَكِيذْسنْ؟
JDG 11:26 إِسْرَائِيل ثُوغَا إِزْذغْ عَاذْ ثڒْثْ-مْيَا ن إِسڭّْوُوسَا ذِي حَاشْبُونْ ؤُ ذِي ثْندَّامْ إِ غَارسْ د-إِقّْننْ ؤُ ذِي عَارُوعِيرْ ذ ثْندَّامْ إِ غَارسْ د-إِقّْننْ ؤُ ذِي مَارَّا ثِيندَّامْ نِّي [إِدْجَانْ] غَارْ ثْمُووَّا ن أَرْنُونْ. مَايمِّي وَارْ ثنْثْ ثْفكّمْ [خنِّي] ذِي مَارَّا ڒْوقْثْ نِّي؟
JDG 11:27 نشّْ وَارْ كِيكْ خْضِيغْ، [مَاشَا] شكْ ثڭّذْ أَيِي ڒْغَارْ ؤُمِي أَكِيذِي ثمّنْغذْ. سِيذِي، ونِّي ذ ڒْقَاضِي، أَذْ إِحْكمْ أَسّْ-أَ جَارْ أَيْثْ ن إِسْرَائِيل ؤُ جَارْ أَيْثْ ن عَامُّونْ!“
JDG 11:28 [مَاشَا] أَجدْجِيذْ ن أَيْثْ ن عَامُّونْ وَارْ إِسْڒِي غَارْ وَاوَاڒنْ نِّي ذ أَسْ د-إِسّكّْ يَافْثَاحْ [س ؤُفُوسْ ن إِجّْ ن ؤُرقَّاسْ].
JDG 11:29 ؤُشَا إِهْوَا-د أَرُّوحْ ن سِيذِي خْ يَافْثَاحْ ؤُ نتَّا إِژْوَا جِيلْعَاذْ ذ مَانَاسَّا. نتَّا إِژْوَا [عَاوذْ] خْ مِيصْفَا ذِي جِيلْعَاذْ ؤُشَا إِژْوَا [خنِّي] غَارْ أَيْثْ ن عَامُّونْ.
JDG 11:30 ؤُشَا إِوَاعْذْ يَافْثَاحْ إِجّْ ن لْوَاعْذْ إِ سِيذِي، إِنَّا: ”مَاڒَا شكْ أَذْ ثڭّذْ أَيْثْ ن عَامُّونْ قَاعْ ذڭْ ؤُفُوسْ إِنُو،
JDG 11:31 [خنِّي]، مَاڒَاعقْبغْ-د ذِي ڒهْنَا زڭْ أَيْثْ ن عَامُّونْ، مِينْ إِ د غَا إِفّْغنْ زِي ثوُّورَا ن ثَادَّارْثْ إِنُو حِيمَا أَذْ كِيذِي إِمّڒْقَا، أَذْ يِيڒِي إِ سِيذِي ؤُ نشّْ أَذْ أَسْ ث قدّْمغْ ذ ثَاسْغَارْثْ ن وشْمَاضْ.“
JDG 11:32 [خَاسْ ؤُشَا] إِژْوَا يَافْثَاحْ غَارْ أَيْثْ ن عَامُّونْ حِيمَا أَذْ كِيسنْ إِمّْنغْ ؤُشَا سِيذِي إِڭَّا إِ-ثنْ ذڭْ ؤُفُوسْ نّسْ.
JDG 11:33 نتَّا إِغْڒبْ خَاسنْ زِي عَارُوعِيرْ أَڒْ مَانِي ثِيوْضذْ غَارْ مِينِّيثْ، عِيشْرِينْ ن ثْندَّامْ، أَڒْ أَبَالْ-كُورُومْ، أَقَا-ت ذ إِشْثْ ن ثشْثِي ذ ثَامقّْرَانْثْ أَطَّاسْ. [أَمُّو] إِ د-تّْوَاسّهْوَانْ أَيْثْ ن عَامُّونْ زَّاثْ إِ وُوذمْ ن أَيْثْ ن إِسْرَائِيل.
JDG 11:34 ؤُمِي د-يُوسَا يَافْثَاحْ غَارْ مِيصْفَا غَارْ ثَادَّارْثْ نّسْ، خْزَارْ، ثفّغْ-د غَارسْ يدْجِيسْ حِيمَا أَذْ ث-إِ-د ثڒْقَا بَارَّا س إِبنْذِيرنْ ذ شّْضِيحْ [س نُّوبْثَاثْ]. نتَّاثْ ثُوغَا ذ أَينِّي غَارسْ [ن يدْجِيسْ]، نتَّا ثُوغَا وَارْ غَارسْ أَحنْجِيرْ ؤُڒَا ذ ثَاحنْجِيرْثْ نّغْنِيثْ.
JDG 11:35 [ؤُمِي] ت إِژْرَا، إِشَارّڭْ أَرُّوضْ نّسْ، إِنَّا: ”أَ وَايَّاوْ، يدْجِي، شمْ ثسّهْوِيذْ أَيِي-د أَطَّاسْ ؤُ ثْذوْڒذْ غَارْ يِينِّي إِ ذ أَيِي إِتّڭّنْ ڒحْڒِيقْ مِينْزِي نشّْ أَرْزْمغْ أَقمُّومْ إِنُو إِ سِيذِي، وَارْ زمَّارغْ أَذْ د-ذوْڒغْ [عَاذْ].“
JDG 11:36 نتَّاثْ ثنَّا أَسْ: ”بَابَا إِنُو! [مَاڒَا] شكْ ثَارْزْمذْ أَقمُّومْ نّشْ إِ سِيذِي، [خنِّي] أڭّْ كِيذِي عْلَاحْسَابْ [أَوَاڒْ] إِ د-إِفّْغنْ زڭْ ؤُقمُّومْ نّشْ، مَاغَارْ إِنْثَاقمْ سِيذِي قَاعْ ذِي طّْوعْ نّشْ خْ ڒْعذْيَانْ نّشْ، خْ أَيْثْ ن عَامُّونْ.“
JDG 11:37 ؤُ نتَّاثْ ثنَّا [عَاوذْ] إِ بَابَاسْ: ”إِڒِي أَذْ كِيذِي إِتّْوَاڭّْ [عْلَاحْسَابْ] أَوَاڒْ-أَ. أجّْ أَيِي ثْنَاينْ ن إِيُورنْ، [مَاحنْذْ] نشّْ أَذْ ؤُيُورغْ، أَذْ د-هْوِيغْ [مَاحنْذْ] أَذْ رُوغْ خْ إِذُورَارْ خْ ثُوعزْرِييَا إِنُو، نشّْ أَكْ-ذ ثْمدُّوكَاڒْ إِنُو.“
JDG 11:38 نتَّا يَارَّا-د خَاسْ: ”ؤُيُورْ!“ ؤُشَا إِجَّا إِ-ت أَذْ ثْرَاحْ ثْنَاينْ ن إِيُورنْ. نتَّاثْ [مَاشَا] ثطّفْ أَبْرِيذْ أَكْ-ذ ثْمدُّوكَاڒْ نّسْ ؤُشَا ثْرُو خْ ثُوعزْرِييَا نّسْ ذڭْ إِذُورَارْ.
JDG 11:39 إِمْسَارْ، ؤُمِي قفْڒنْ ثْنَاينْ ن إِيُورنْ، ثَارڭّْوّحْ-د غَارْ بَابَاسْ ؤُ نتَّا إِقْفڒْ لْوَاعْذْ إِ إِوَاعْذْ. نتَّاثْ ثُوغَا [عمَّارْصْ] وَارْ ثسِّينْ ؤُڒَا ذ إِجّْ ن ورْيَازْ. أَمُّو إِذْوڒْ ذ لْعَاذَا ذِي إِسْرَائِيل،
JDG 11:40 أَقَا أَسڭّْوَاسْ أَوَارْنِي إِ ؤُسڭّْوَاسْ يسِّيسْ ن إِسْرَائِيل أَذْ طّْفنْثْ أَبْرِيذْ، حِيمَا أَذْ إِذَارنْثْ إِ يدْجِيسْ ن يَافْثَاحْ، أَجِيلْعَاذِي، أَربْعَا ن وُوسَّانْ ذڭْ ؤُسڭّْوَاسْ.
JDG 12:1 [خنِّي] تّْوَاسّْمُوننْ إِرْيَازنْ ن إِفْرَايِيمْ [إِ ؤُمنْغِي] ؤُ نِيثْنِي ژْوَانْ غَارْ زَافُونْ. نَّانْ إِ يَافْثَاحْ: ”مَايمِّي ثژْوِيذْ حِيمَا أَذْ ثمّنْغذْ أَكْ-ذ أَيْثْ ن عَامُّونْ ؤُ وَارْ ذ أَنغْ ثْڒِيغِيذْ حِيمَا أَذْ نُويُورْ أَكِيذكْ؟ نشِّينْ أَذْ أَشْ نقّذْ ثِيمسِّي إِ ثَادَّارْثْ نّشْ ثِيوَا إِ ؤُزدْجِيفْ نّشْ ذ شكْ أَكِيذسْ.“
JDG 12:2 يَافْثَاحْ إِنَّا أَسنْ: ”نشّْ ذ ڒْڭنْسْ إِنُو ثُوغَا أَنغْ ذڭْ إِجّْ ن ؤُمْشُوبّشْ ذ أَمقّْرَانْ أَكْ-ذ أَيْثْ ن عَامُّونْ. ڒَاغِيغْ-د خَاومْ، [مَاشَا] كنِّيوْ وَارْ د-ثُوسِيمْ حِيمَا أَذْ أَيِي ثْفكّمْ زڭْ ؤُفُوسْ نْسنْ.
JDG 12:3 [ؤُمِي] ژْرِيغْ، بلِّي كنِّيوْ وَارْ د-ثُوسِيمْ إِ ؤُسنْجمْ، سبّْڒغْ ثُوذَارْثْ إِنُو ؤُشَا ژْوِيغْ [لْ-ؤُرْذُونْ] غَارْ أَيْثْ ن عَامُّونْ ؤُ سِيذِي إِڭَّا أَيِي ثنْ ذڭْ ؤُفُوسْ. مَايمِّي إِ د غَارِي ثْڭعّْذمْ أَسّْ-أَ حِيمَا أَكِيذِي ثمّنْغمْ؟“
JDG 12:4 [خَاسْ ؤُشَا] إِسّْمُونْ يَافْثَاحْ مَارَّا إِرْيَازنْ زِي جِيلْعَاذْ ؤُشَا إِمّْنغْ أَكْ-ذ إِفْرَايِيمْ ؤُ إِرْيَازنْ ن جِيلْعَاذْغڒْبنْ خْ إِفْرَايِيمْ، مِينْزِي [إِرْيَازنْ ن إِفْرَايِيمْ] نَّانْ: ”كنِّيوْ ذ إِنِّي يَاروْڒنْ زڭْ إِفْرَايِيمْ!“، [أَقَا] جِيلْعَاذْ يُوسَا-د جَارْ إِفْرَايِيمْ ذ مَانَاسَّا.
JDG 12:5 جِيلْعَاذْ إِحوّسْ إِمُوشَانْ ن ؤُژكّْوُو ن لْ-ؤُرْذُونْ [إِنِّي إِدْجَانْ] ن إِفْرَايِيمْ. ذ مَارَّا إِنِّي يَاروْڒنْ ن إِفْرَايِيمْ نَّانْ: ”أجّْ أَيِي أَذْ ژْوِيغْ“، خنِّي سّقْسَانْ ث إِرْيَازنْ زِي جِيلْعَاذْ: ”مَا شكْ زِي إِفْرَايِيمْ؟“ مَاڒَا نتَّا إِنَّا: ”لَّ!“،
JDG 12:6 [خنِّي] نَّانْ أَسْ: ”إِنِي ’شِيبُّولِيثْ!‘ “ إِنَّا نتَّا [خنِّي]: ’سِيبُّولِيثْ!‘ ؤُ [إِبَانْ-د] نتَّا وَارْ إِزْمِيرْ أَذْ ث إِنْطقْ مْلِيحْ، خنِّي طّْفنْ ث ؤُشَا نْغِينْ ث غَارْ إِمُوشَانْ ن ؤُژكّْوُو ن لْ-ؤُرْذُونْ. [أَمُّو] إِ وْضَانْ ثْنَاينْ ؤُ-ربْعِينْ-أَڒفْ ن يرْيَازنْ ن إِفْرَايِيمْ ذِي ڒْوقْثْ نِّي.
JDG 12:7 ثُوغَا يَافْثَاحْ إِحكّمْ إِسْرَائِيل ستَّا ن إِسڭّْوُوسَا. [خنِّي] إِمُّوثْ يَافْثَاحْ، أَجِيلْعَاذِي، ؤُ نتَّا إِتّْوَانْضڒْ ذڭْ [إِشْثْ زِي] ثْندَّامْ ن جِيلْعَاذْ.
JDG 12:8 أَوَارْنِي أَسْ ثُوغَا إِبْصَانْ زِي بَايْثْ-لَاحْمْ ذ ڒْقَاضِي خْ إِسْرَائِيل.
JDG 12:9 نتَّا ثُوغَا غَارسْ ثْڒَاثِينْ ن إِحنْجِيرنْ ؤُ إِسّْمدْجشْ ثْڒَاثِينْ ن يسِّيسْ غَارْ بَارَّا ؤُ إِ ثْڒَاثِينْ ن أَرَّاونْ نّسْ إِجَّا إِ-ثنْ أَذْ أَوْينْ ثْڒَاثِينْ ن يسِّيسْ زِي بَارَّا. ثُوغَا نتَّا إِحكّمْ خْ إِسْرَائِيل سبْعَا ن إِسڭّْوُوسَا.
JDG 12:10 [خنِّي] إِمُّوثْ إِبْصَانْ ؤُشَا إِتّْوَانْضڒْ ذِي بَايْثْ-لَاحْمْ.
JDG 12:11 أَوَارْنِي أَسْ ثُوغَا إِلُونْ، أَزابُولُونِي، ذ ڒْقَاضِي خْ إِسْرَائِيل. نتَّا إِحْكمْ خْ إِسْرَائِيلعشْرَا ن إِسڭّْوُوسَا.
JDG 12:12 [خنِّي] إِمُّوثْ إِلُونْ، أَزابُولُونِي، ؤُشَا إِتّْوَانْضڒْ ذِي أَيَالُونْ ذِي ثمُّورْثْ ن زابُولُونْ.
JDG 12:13 أَوَارْنِي أَسْ ثُوغَا عَابْذُونْ، مِّيسْ ن هِيلَّالْ، زِي فِيرْعَاثُونْ، ذ ڒْقَاضِي خْ إِسْرَائِيل.
JDG 12:14 نتَّا ثُوغَا غَارسْ أَربْعِينْ ن إِحنْجِيرنْ ذ ثْڒَاثِينْ ن وَايَّاونْ، إِنِّي إِنَّاينْ خْ سبْعِينْ ن إِغْيَاڒْ. نتَّا ثُوغَا ذ ڒْقَاضِي خْ إِسْرَائِيل ثْمنْيَا ن إِسڭّْوُوسَا.
JDG 12:15 [خنِّي] إِمُّوثْ عَابْذُونْ، مِّيسْ ن هِيلّلْ، زِي فِيرْعَاثُونْ، ؤُشَا إِتّْوَانْضڒْ ذِي فِيرْعَاثُونْ، ذِي ثمُّورْثْ ن إِفْرَايِيمْ، خْ إِذُورَارْ ن عَامَالِيقْ.
JDG 13:1 [خنِّي] أَرْنِينْ أَيْثْ ن إِسْرَائِيل مَاحنْذْ أَذْ ڭّنْ مِينْ [إِدْجَانْ] ذ أَعفَّانْ ذِي ثِيطَّاوِينْ ن سِيذِي. [خنِّي] إِنْضَارْ إِ-ثنْ سِيذِي ذڭْ ؤُفُوسْ ن إِفِيلِيسْطِينِييّنْ، [إِجّْ ن ڒْمِيجَاڒْ ن] أَربْعِينْ ن إِسڭّْوُوسَا.
JDG 13:2 ثُوغَا ذِينْ إِجّْ ن ورْيَازْ زِي صُورْعَا، زِي ڒْوَاشُونْ ن دَان. ثُوغَا قَّارنْ أَسْ مَانُوحْ. ثَامْغَارْثْ نّسْ ثُوغَا وَارْ غَارسْ بُو ثَارْوَا ؤُ وَارْ د-ثِيرُووْ شَا.
JDG 13:3 إِبَانْ-د لْمَالَاكْ ن سِيذِي إِ ثمْغَارْثْ-أَ ؤُشَا نتَّا إِنَّا أَسْ: ”خْزَارْ، وَارْ غَارمْ بُو ثَارْوَا ؤُ وَارْ د-ثِيرْوُوذْ شَا، مَاشَا أَذْ ثكْسِيذْ دّيْسثْ، أَذْ ثَارْوذْ إِجّْ ن ؤُحنْجِيرْ.
JDG 13:4 [خنِّي] ڒخُّو، حْضَا إِخفْ نّمْ! وَارْ سسّْ بِينُو ؤُڒَا ذ شّْرَابْ ؤُ وَارْ تّتّْ وَالُو زِي مَارَّا مِينْ إِنڭْسنْ!
JDG 13:5 مَاغَارْ خْزَارْ، شمْ أَذْ ثكْسِيذْ س دّيْسثْ، أَذْ ثَارْوذْ إِجّْ ن ؤُحنْجِيرْ. وَارْ ذ أَسْ إِتّكّْ ڒْمُوسْ خْ ؤُزدْجِيفْ نّسْ، مَاغَارْ أَحنْجِيرْ أَذْ يَارْبُو تَّاجْ [ن وعْزَاڒْ] ن أَربِّي زڭْ ؤُعذِّيسْ ن يمَّاسْ ؤُ نتَّا أَذْ إِبْذَا حِيمَا أَذْ إِفكّْ إِسْرَائِيل زڭْ ؤُفُوسْ ن إِفِيلِيسْطِينِييّنْ.“
JDG 13:6 ثَامْغَارْثْ ثُوذفْ ؤُ ثسِّيوڒْ أَكْ-ذ ورْيَازْ نّسْ، ثنَّا أَسْ: ”إِجّْ ن ورْيَازْ ن أَربِّي يُوسَا-د غَارِي. أَغمْبُوبْ نّسْ إِڭَّا أَمْ لْمَالَاكْ ن أَربِّي، إِسَّاڭّْوَاذْ أَطَّاسْ، ؤُشَا نشّْ وَارْ ث سّقْسِيغْ مَانِيسْ د-يُوسَا، ؤُ نتَّا وَارْ ذ أَيِي إِنِّي مَامّشْ ذ أَسْ قَّارنْ.
JDG 13:7 نتَّا إِنَّا أَيِي: ’خْزَارْ، شمْ أَذْ ثكْسِيذْ س دّيْسثْ، أَذْ ثَارْوذْ إِجّْ ن ؤُحنْجِيرْ. وَارْ سسّْ بِينُو ؤُڒَا ذ شّْرَابْ ؤُ وَارْ تّتّْ وَالُو مِينْ إِخمْجنْ، مِينْزِي أَحنْجِيرْ أَذْ يَارْبُو تَّاجْ [ن وعْزَاڒْ] ن أَربِّي زڭْ ؤُعذِّيسْ ن يمَّاسْ أَڒْ أَسّْ ن ڒْموْثْ نّسْ.‘
JDG 13:8 ؤُشَا إِژُّودْجْ مَانُوحْ غَارْ سِيذِي، إِنَّا: ”أَ، سِيذِي إِنُو، تّْزَاوَاڭغْ شكْ، أجّْ أَرْيَازْ ن أَربِّي ونِّي د ثسّكّذْ، أَذْ غَارْنغْ د-يَاسْ ثْوَاڒَا نّغْنِيثْ، مَاحنْذْ أَذْ أَنغْ إِسّْشنْ مِينْ غَا نڭّْ أَكْ-ذ ؤُحنْجِيرْ ونِّي د غَا إِخڒْقنْ.“
JDG 13:9 ؤُشَا سِيذِي إِسْڒَا غَارْ مَانُوحْ ؤُ لْمَالَاكْ ن أَربِّي يُوسَا-د إِشْثْ ن ثْوَاڒَا نّغْنِيثْ غَارْ ثمْغَارْثْ. نتَّاثْ ثقِّيمْ ذڭْ إِيَّارْ ؤُشَا أَرْيَازْ نّسْ مَانُوحْ ثُوغَا وَارْ كِيذسْ إِدْجِي.
JDG 13:10 نتَّاثْ ثْقدْجقْ ؤُ ثعْڒفْ، ثْعَاوذْ أَيَا إِ ورْيَازْ نّسْ، ثنَّا أَسْ: ”خْزَارْ، أَرْيَازْ نِّي د غَارِي يُوسِينْ، إِبَانْ أَيِي-د [عَاوذْ].“
JDG 13:11 إِكَّارْ مَانُوحْ، إِضْفَارْ ثَامْغَارْثْ نّسْ. ؤُمِي د-يُوسَا غَارْ ورْيَازْ، إِنَّا أَسْ: ”مَا شكْ ذ أَرْيَازْ نِّي إِسِّيوْڒنْ أَكْ-ذ ثمْغَارْثْ إِنُو؟“ نتَّا يَارَّا-د خَاسْ: ”[وَاهْ،] ذ نشّْ.“
JDG 13:12 [خنِّي] إِنَّا مَانُوحْ: ”مَاڒَا تّْوَاكمّْڒنْ خنِّي وَاوَاڒنْ نّشْ ڒخُّو، مِينْ [إِ غَا ثِيڒِي] ڒْقَاعِيذَا [إِ زِي غَا نُويُورْ] أَكْ-ذ ؤُحنْجِيرْ ؤُ مِينْ [إِ غَا ثِيڒِي] ڒْخذْمثْ نّسْ؟“
JDG 13:13 إِنَّا لْمَالَاكْ ن سِيذِي إِ مَانُوحْ: ”ثَامْغَارْثْ أَذْ ثحْضَا إِخفْ نّسْ زِي مَارَّا مِينْ ذ أَسْ نِّيغْ.
JDG 13:14 نتَّاثْ وَارْ تّتّْ مِينْ د-إِتَّاسنْ زِي ثْزَايَارْثْ ؤُشَا وَارْ ثْسسّْ بِينُو ؤُڒَا ذ شّْرَابْ ؤُ وَارْ تّتّْ وَالُو زِي مَارَّا مِينْ إِنڭْسنْ. أَذْ ثحْضَا مَارَّا مِينْ ذ أَسْ ؤُمُورغْ.“
JDG 13:15 [خنِّي] إِنَّا مَانُوحْ إِ لْمَالَاكْ ن سِيذِي: ”أجّْ أَنغْ أَذْ شكْ نمْنعْ غَارْنغْ [شْوَايْثْ ذَانِيثَا] ؤُ أَذْ أَشْ نسّوْجذْ إِجّْ ن إِغَايْضْ ذ أَمژْيَانْ زڭْ إِغَايْضنْ زَّاثْ إِ وُوذمْ نّشْ.“
JDG 13:16 [مَاشَا] لْمَالَاكْ ن سِيذِي إِنَّا إِ مَانُوحْ: ”مَاڒَا ثخْسذْ أَذْ أَيِي ثْمنْعذْ، وَارْ تّتّغْ زڭْ وغْرُومْ نّشْ ؤُ مَاڒَا ثخْسذْ أَذْ ثسّْوجْذذْ إِشْثْ ن ثْغَارْصْثْ ن وشْمَاضْ، إِتّْخصَّا أَذْ ت ثْقذْمذْ إِ سِيذِي.“ مِينْزِي مَانُوحْ وَارْ إِسِّينْ، أَقَا-ث ذ لْمَالَاكْ ن سِيذِي.
JDG 13:17 ؤُشَا إِنَّا مَانُوحْ إِ لْمَالَاكْ ن سِيذِي: ”مَامّشْ إِ ذ أَشْ قَّارنْ، حِيمَا أَذْ أَشْ نڭّْ شَّانْ، خْمِي غَا إِتّْوَاكمّڒْ وَاوَاڒْ نّشْ.“
JDG 13:18 إِنَّا أَسْ [مَاشَا] لْمَالَاكْ ن سِيذِي ”مَايمِّي ذ أَيِي ثسّقْسِيذْ خْ يِيسمْ إِنُو؟ أَقَا وَانِيثَا ذ ڒعْجبْ.“
JDG 13:19 [خنِّي] إِكْسِي مَانُوحْ إِجّْ ن إِغَايْضْ ذ أَمژْيَانْ زڭْ إِغَايْضنْ أَكْ-ذ ثوْهِيبْثْ [ن ڒْغِيدْجثْ] ؤُشَا إِقدّمْ [أَيَا] خْ ثصْضَارْثْ إِ سِيذِي. [خَاسْ ؤُشَا] إِڭَّا نتَّا إِجّْ ن ڒعْجبْ ؤُمِي مَانُوحْ ذ ثمْغَارْثْ نّسْ ثُوغَا خزَّارنْ.
JDG 13:20 ڒَامِي ثُوغَا أَشعَّاڒْ ن ؤُعَالْطَارْ إِڭعّذْ ذڭْ ؤُجنَّا، إِمْسَارْ أَقَا ؤُڒَا لْمَالَاكْ ن سِيذِي إِڭعّذْ ذڭْ ؤُشعَّاڒْ ن ؤُعَالْطَارْ. مَانُوحْ ذ ثمْغَارْثْ نّسْ ژْرِينْ أَيَا، وْضَانْ غَارْ ثمُّورْثْ خْ إِغمْبَابْ نْسنْ.
JDG 13:21 سّنِّي [مَاشَا] وَارْ د-إِبِينْ لْمَالَاكْ ن سِيذِي عَاذْ غَارْ مَانُوحْ ذ ثمْغَارْثْ نّسْ. خنِّي إِسّنْ مَانُوحْ، بلِّي ثُوغَا ذ لْمَالَاكْ ن سِيذِي.
JDG 13:22 إِنَّا مَانُوحْ إِ ثمْغَارْثْ نّسْ: ”س ثِيذتّْ نشِّينْ أَذْ نمّثْ، مِينْزِي نشِّينْ نژْرَا أَربِّي.“
JDG 13:23 ثنَّا أَسْ ثمْغَارْثْ نّسْ: ”مَاڒَا سِيذِي إِخْسْ أَذْ أَنغْ إِنغْ، إِڒِي نتَّا وَارْ إِكْسِي زڭْ ؤُفُوسْ نّغْ ثَاغَارْصْثْ ن وشْمَاضْ ذ ثوْهِيبْثْ [ن ڒْغِيدْجثْ] ؤُ أَذْ ثِيڒِي وَارْ د أَنغْ إِتّجِّي أَذْ نْژَارْ أَذْ نْسڒْ قَاعْ مَانْ أَيَا ذِي ڒْوقْثْ-أَ.“
JDG 13:24 ثَامْغَارْثْ ثُورُووْ-د إِجّْ ن ؤُحنْجِيرْ، ثڭَّا أَسْ شَامْشُونْ. أَحنْجِيرْ إِمْغَارْ ؤُ سِيذِي إِبَاركْ إِ-ث.
JDG 13:25 ؤُشَا أَرُّوحْ ن سِيذِي إِبْذَا أَذْ ث إِنْذهْ ذِي ڒْمَارْڭحْ ن ڒْعسْكَارْ ن ذَانْ جَارْ صُورْعَا ذ إِشْثَاؤُولْ.
JDG 14:1 شَامْشُونْ إِهْوَا غَارْ ثِيمْنَاثَا. ذِي ثِيمْنَاثَا إِژْرَا إِشْثْ ن ثمْغَارْثْ جَارْ يسِّيسْ ن إِفِيلِيسْطِينِييّنْ.
JDG 14:2 ؤُمِي د-إِڭعّذْ [عَاوذْ]، إِحَاجَا ث إِ بَابَاسْ ذ يمَّاسْ، إِنَّا: ”نشّْ ژْرِيغْ ذِي ثِيمْنَاثَا إِشْثْ ن ثمْغَارْثْ جَارْ يسِّيسْ ن إِفِيلِيسْطِينِييّنْ. خنِّي ڒخُّو، أَوْيمْ أَيِي ت ذ ثَامْغَارْثْ إِ نشّْ!“
JDG 14:3 إِنَّا أَسْ بَابَاسْ ؤُڒَا ذ يمَّاسْ: ”مَا وَارْ [ذِينْ] ثدْجِي إِشْثْ ن ثمْغَارْثْ جَارْ يسِّيسْ ن أَيْثْمَاشْ ؤُ جَارْ مَارَّا ڒْڭنْسْ إِنُو ؤُمِي ثخْسذْ أَذْ ثَاوْيذْ إِشْثْ ن ثمْغَارْثْ زڭْ إِفِيلِيسْطِينِييّنْ إِ وَارْ إِتّْوَاخثْننْ؟“ ؤُشَا إِنَّا شَامْشُونْ إِ بَابَاسْ: ”أَوِي أَيِي إِ-ت إِ نشّْ، مِينْزِي نتَّاثْ [ذ ثَامْغَارْثْ] ثشْنَا ذِي ثِيطَّاوِينْ إِنُو.“
JDG 14:4 بَابَاسْ ذ يمَّاسْ وَارْ سِّيننْ، أَقَا مَانْ أَيَا [ثُوغَا-ث] زِي سِيذِي، أَقَا نتَّا يَارزُّو سِّيبّثْ ضِيدّْ إِ إِفِيلِيسْطِينِييّنْ، [مِينْزِي] ذِي ڒْوقْثْ نِّي ثُوغَا إِفِيلِيسْطِينِييّنْ حكّْمنْ خْ إِسْرَائِيل.
JDG 14:5 إِهْوَا-د شَامْشُونْ غَارْ ثِيمْنَاثَا أَكْ-ذ بَابَاسْ ذ يمَّاسْ. [ؤُمِي] إِوْضنْ غَارْ إِمَارْجَاعنْ ن ؤُضِيڒْ ن ثِيمْنَاثَا، خْزَارْ، إِفّغْ-د غَارسْ إِجّْ ن ويْرَاذْ ذ أَمژْيَانْ إِزهَّارْ.
JDG 14:6 أَرُّوحْ ن سِيذِي إِطّفْ إِ-ث [أَڒَامِي] ث إِمزّقْ أَخْمِي إِتّْوَامزّقْ إِجّْ ن إِغَايْضْ ذ أَمژْيَانْ ؤُشَا [ذ مَانْ أَيَا إِمْسَارْ أَمْ] وَارْ غَارسْ ؤُڒَا ذ إِشْثْ ن ڒْحَاجّثْ ذڭْ ؤُفُوسْ نّسْ. نتَّا وَارْ إِعَاوذْ إِ بَابَاسْ ذ يمَّاسْ مِينْ إِڭَّا.
JDG 14:7 خنِّي إِهْوَا، إِسِّيوڒْ أَكْ-ذ ثْمطُّوثْ. ؤُ نتَّاثْ ثُوغَا ذ [ثَامْغَارْثْ] ثشْنَا ذِي ثِيطَّاوِينْ ن شَامْشُونْ.
JDG 14:8 أَوَارْنِي شَا ن وُوسَّانْ إِذْوڒْ غَارْ ذِينْ عَاوذْ، حِيمَا أَذْ ت يَاوِي [ذ ثَامْغَارْثْ]. إِفّغْ [زڭْ وبْرِيذْ] حِيمَا أَذْ إِخْزَارْ ڒْخشْبثْ ن ويْرَاذْ، ؤُ خْزَارْ، ثُوغَا [ذِينْ] إِجّْ ن ويْڒَافْ ن ثْزِيزْوَا ذِي ڒْخشْبثْ ن ويْرَاذْ، أَكْ-ذ ثَامّنْثْ.
JDG 14:9 نتَّا إِيْرُو ثَامّنْثْ ذڭْ إِفَاسّنْ، إِرُوحْ ؤُشَا إِتّتّْ زَّايسْ أَمْ إِڭُّورْ. [ؤُمِي] د-يُوسَا غَارْ بَابَاسْ ذ يمَّاسْ، إِوْشَا أَسنْ زَّايسْ ؤُشَا ؤُڒَا ذ نِيثْنِي شِّينْ. مَاشَا نتَّا وَارْ ذ أَسنْ إِنِي، أَقَا نتَّا ثُوغَا إِكّسْ-د ثَامّنْثْ زِي ڒْخشْبثْ ن ويْرَاذْ.
JDG 14:10 [خنِّي] إِهْوَا بَابَاسْ غَارْ ثمْغَارْثْ ؤُ شَامْشُونْ إِڭَّا ذِينِّي إِجّْ ن وُورَارْ أَمْ مَامّشْ [نُّومنْ] أَذْ ث تّڭّنْ إِحُوذْرِييّنْ.
JDG 14:11 [ؤُمِي] ث ژْرِينْ نِيثْنِي، إِمْسَارْ، بلِّي إِوْينْ ثْڒَاثِينْ ن إِمْعَاشَارنْ حِيمَا أَكِيذسْ إِڒِينْ.
JDG 14:12 إِنَّا أَسنْ شَامْشُونْ: ”أجّْ أَيِي أَذْ أَومْ إِنِيغْ إِشْثْ ن ثْحَاجِيثْ ن ثْوَافِيثْ. مَاڒَا كنِّيوْ ثْزمَّارنْ أَذْ أَيِي ت ثْشَارّْحمْ ؤُ أَذْ خَاسْ ثفّْغمْ ذِي سبْعَا ن وُوسَّانْ ن وُورَارْ-أَ، [خنِّي] أَذْ أَومْ وْشغْ ثْڒَاثِينْ ن ثِيكَّاسْ ذ ثْڒَاثِينْ ن وَارُّوضْ إِشْنَانْ.
JDG 14:13 [مَاشَا] مَاڒَا وَارْ ثْزمَّارمْ أَذْ أَيِي ت ثْشَارّْحمْ، خنِّي كنِّيوْ أَذْ أَيِي ثوْشمْ ثْڒَاثِينْ ن ثِيكَّاسْ ذ ثْڒَاثِينْ ن وَارُّوضْ إِشْنَانْ.“ نِيثْنِي نَّانْ أَسْ: ”إِنِي أَنغْ ثْحَاجِيثْ ن ثْوَافِيثْ نّشْ، نشِّينْ نخْسْ أَذْ [ت] نْسڒْ!“
JDG 14:14 نتَّا إِنَّا أَسنْ: ”مَاشَّا إِفّغْ-د زڭْ ونِّي إِتّتّنْ ؤُ ثَاژْيُوذِي ثفّغْ-د زڭْ ونِّي إِجهْذنْ.“ ثْڒَاثَا ن وُوسَّانْ وَارْ زمَّارنْ أَذْ شَارّْحنْ ثْحَاجِيثْ ن ثْوَافِيثْ [إِ ذ أَسنْ إِنَّا].
JDG 14:15 ذڭْ وَاسّْ وِيسّْ سبْعَا إِمْسَارْ، أَقَا نَّانْ إِ ثمْغَارْثْ ن شَامْشُونْ: ”غْوَا أَرْيَازْ نّمْ مَاحنْذْ أَذْ أَنغْ إِفسَّارْ ثْحَاجِيثْ ن ثْوَافِيثْ نِيغْ أَذْ أَمْ نقّذْ ثِيمسِّي أَكْ-ذ ثَادَّارْثْ ن بَابَامْ. مَا ثْعَارْضمْ أَنغْ [ذَا]، حِيمَا أَذْ أَنغْ ثكّْسمْ أَڭْڒَا نّغْ نِيغْ لَّا؟“
JDG 14:16 ؤُشَا ثْرُو ثمْغَارْثْ ن شَامْشُونْ زَّاثسْ، ثنَّا: ”شكْ أَقَا ثْشَارّْهذْ أَيِي وَاهَا، وَارْ ذ أَيِي ثتّخْسذْ. شكْ ثنِّيذْ إِ ثَارْوَا ن ڒْڭنْسْ إِنُو إِشْثْ ن ثْحَاجِيثْ ن ثْوَافِيثْ ؤُ وَارْ ذ أَيِي ت ثْفسَّارذْ.“ نتَّا يَارَّا-د خَاسْ: ”خْزَارْ، وَارْ ت نِّيغْ عَاذْ ؤُڒَا إِ بَابَا ؤُڒَا إِ يمَّا. مَامّشْ إِ ذ أَمْ ت إِ غَا إِنِيغْ إِ شمْ؟“
JDG 14:17 نتَّاثْ مَاشَا ثْرُو زَّاثسْ [مَارَّا] سبْعَا ن وُوسَّانْ نِّي ذِي ڭِّينْ ؤُرَارْ ؤُ ذڭْ وَاسّْ وِيسّْ سبْعَا إِمْسَارْ أَڒَامِي إِ ذ أَسْ ت إِنَّا، مِينْزِي نتَّاثْ ثهْوڒْ إِ-ث ؤُشَا نتَّاثْ ثْشَارّحْ ثْحَاجِيثْ ن ثْوَافِيثْ إِ ثَارْوَا ن ڒْڭنْسْ نّسْ.
JDG 14:18 [خنِّي] نَّانْ أَسْ يرْيَازنْ ن ثنْذِينْثْ ذڭْ وَاسّْ وِيسّْ سبْعَا قْبڒْ مَا أَذْ ثغْڒِي ثْفُوشْثْ: ”مِينْ إِدْجَانْ ذ أَمِيژِيذْ خْ ثَامّنْثْ ذ مِينْ إِجهْذنْ خْ ويْرَاذْ؟“ [خْ ؤُيَا] نتَّا إِنَّا أَسنْ: ”مَاڒَا وَارْ ثشْرِيزمْ كنِّيوْ س ثْعجْمِيثْ إِنُو، إِڒِي كنِّيوْ وَارْ ثفِّيغمْ ثْحَاجِيثْ ن ثْوَافِيثْ إِنُو.“
JDG 14:19 [خنِّي] إِطّفْ إِ-ث أَرُّوحْ ن سِيذِي ؤُشَا إِهْوَا غَارْ أَشْقَالُونْ ؤُشَا إِنْغَا ثْڒَاثِينْ ن يرْيَازنْ ؤُ إِكْسِي ثَاكشَّاذْطْ زَّايْسنْ ؤُشَا إِوْشَا أَرُّوضْ إِشْنَانْ إِ يِينِّي إِسّْفهْمنْ ثْحَاجِيثْ ن ثْوَافِيثْ. أَخيّقْ نّسْ [مَاشَا] ثُوغَا يَارقّْ ؤُشَا إِڭعّذْ [عَاوذْ] غَارْ ثَادَّارْثْ ن بَابَاسْ.
JDG 14:20 [س ؤُيَا] ثمّوْشْ ثمْغَارْثْ نّسْ إِ ؤُمْعَاشَارْ نّسْ، ونِّي ثُوغَا إِ-ث إِعَاشَارنْ.
JDG 15:1 أَوَارْنِي شَا ن وُوسَّانْ، ذڭْ وُوسَّانْ ن ثْميْرَا ن إِرْذنْ، إِمْسَارْ، إِسِّيجِّي شَامْشُونْ خْ ثمْغَارْثْ نّسْ، يِيوِي أَكِيذسْ إِجّْ ن إِغَايْضْ ذ أَمژْيَانْ زڭْ إِغَايْضنْ، إِنَّا [إِ بَابَاسْ]: ”أجّْ أَيِي أَذْ أَذْفغْ غَارْ ثمْغَارْثْ إِنُو ذڭْ وخَّامْ!“ [مَاشَا] بَابَاسْ وَارْ ث إِجِّي أَذْ يَاذفْ.
JDG 15:2 إِنَّا بَابَاسْ: ”س ثِيذتّْ نشّْ نِّيغْ [ذڭْ يِيخفْ إِنُو]، شكْ ثْعِيفّذْ ت، س ؤُينِّي وْشِيغْ ت إِ ؤُمْعَاشَارْ نّشْ. مَا وَارْ ثدْجِي ؤُتْشْمَاسْ ثَامَاژُوژْثْ عَاذْ ثشْنَا خَاسْ؟ أجّْ إِ-ت أَذْ غَاركْ ثِيڒِي ذڭْ ومْشَانْ نّسْ.“
JDG 15:3 [مَاشَا] شَامْشُونْ إِنَّا أَسنْ: ”ثْوَاڒَاثْ-أَ أَذْ إِڒِيغْ ذ أَشمْرَاڒْ زِي جِّيهثْ ن إِفِيلِيسْطِينِييّنْ، مَاڒَا ڭِّيغْ ذَايْسنْ مِينْ [إِدْجَانْ] ذ أَعفَّانْ.“
JDG 15:4 ؤُ شَامْشُومْ يُويُورْ، إِيْمَارْ-د ثڒْثْ-مْيَا ن إِشعْبَاونْ. إِكْسِي إِصفْضَاونْ ؤُشَا إِسّْنقْڒبْ إِ-ثنْ إِجّْ خْ ونّغْنِي س إِكنَّاسنْ [نْسنْ] ؤُشَا ذِي ڒْوسْطْ، جَارْ ثْنَاينْ ن إِكنَّاسنْ، إِشدّْ إِجّْ ن ؤُصفْضَاوْ.
JDG 15:5 نتَّا إِسَّارْغْ إِصفْضَاونْ ؤُشَا إِجَّا [إِشعْبَاونْ] أَذْ ؤُيُورنْ ذڭْ إِمنْذِي إِبدّنْ ن إِفِيلِيسْطِينِييّنْ. أَمُّو إِسَّارْغْ إِشوَّافنْ [ن إِمنْذِي] ذ إِمنْذِي إِبدّنْ، ؤُڒَا ذ إِيَّارنْ ن ؤُزمُّورْ.
JDG 15:6 [خنِّي] نَّانْ إِفِيلِيسْطِينِييّنْ: ”وِي إِڭِّينْ أَيَا؟“ نَّانْ؛ ”أَقَا ذ شَامْشُونْ، أَضڭّْوَاڒْ ن ورْيَازْ. زِي ثِيمْنَاثَا، مِينْزِي وَانِيثَا يِيوِي أَسْ ثَامْغَارْثْ نّسْ، إِوْشَا إِ-ت إِ ؤُمْعَاشَارْ نّسْ.“ [خنِّي] ڭعّْذنْ إِفِيلِيسْطِينِييّنْ ؤُشَا قّْذنْ ثِيمسِّي إِ ثمْغَارْثْ ذ بَابَاسْ.
JDG 15:7 [خَاسْ ؤُشَا] إِنَّا أَسنْ شَامْشُونْ: ”مَاڒَا كنِّيوْ ثڭِّيمْ أَمُّو، خنِّي حْسنْ أَذْ زَّايْومْ نْثَاقْمغْ [ذ أَمزْوَارُو] ؤُشَا أَوَارْنِي أَيَا وَاهَا أَذْ سّْبدّغْ أَمنْغِي.“
JDG 15:8 نتَّا يَارْژَا أَسنْ إِغْسَانْ خْ ثْنَاينْ، أَقَا إِوْثَا إِ-ثنْ س إِشْثْ ن ثشْثِي ذ ثَامقّْرَانْثْ. [خنِّي] إِهْوَا، يُويُورْ إِزْذغْ ذڭْ إِفْرِي ن ثصْضَارْثْ ن عِيطَامْ.
JDG 15:9 [خنِّي] ڭعّْذنْ إِفِيلِيسْطِينِييّنْ ؤُشَا وْثِينْ إِقِيضَانْ نْسنْ ذِي يَاهُوذَا ؤُشَا أَريّْشنْ إِخفْ نْسنْ أَڒْ لَاحِي.
JDG 15:10 إِرْيَازنْ ن يَاهُوذَا نَّانْ: ”مَايمِّي إِ د خَانغْ ثْڭعّْذمْ؟“ نِيثْنِي أَرِّينْ-د نَّانْ: ”نشِّينْ نْڭعّذْ، حِيمَا أَذْ نْشَارْفْ شَامْشُونْ مَاحنْذْ أَذْ كِيذسْ نڭّْ أَمْ مَامّشْ إِ كِيذْنغْ إِڭَّا نتَّا.“
JDG 15:11 ؤُشَا هْوَانْ ثڒْثْ-أَڒَافْ ن يرْيَازنْ زِي يَاهُوذَا غَارْ إِفْرِي ن ثصْضَارْثْ ن عِيطَامْ، نَّانْ إِ شَامْشُونْ: ”مَا وَارْ ثسِّينذْ شكْ، أَقَا إِفِيلِيسْطِينِييّنْ حكّْمنْ خَانغْ؟ مَايمِّي ذ أَنغْ ثڭِّيذْ أَيَا؟“ نتَّا يَارَّا-د خَاسنْ: ”أَمْ مَامّشْ أَكِيذِي ڭِّينْ، أَمُّو أَكِيذْسنْ إِ غَا ڭّغْ.“
JDG 15:12 نِيثْنِي نَّانْ أَسْ: ”نشِّينْ نهْوَا-د حِيمَا أَذْ شكْ نْشَارْفْ ؤُ أَذْ شكْ نڭّْ ذڭْ إِفَاسّنْ ن إِفِيلِيسْطِينِييّنْ.“ [خنِّي] إِنَّا شَامْشُونْ: ”جَادْجمْ أَيِي، أَقَا كنِّيوْ وَارْ خَافِي ثْهجّْممْ.“
JDG 15:13 نِيثْنِي سِّيوْڒنْ أَكِيذسْ، نَّانْ أَسْ: ”[مَانْ أَيَا] وَارْ إِتِّيڒِي، مَاشَا نشِّينْ أَذْ شكْ نْشَارْفْ ؤُ أَذْ شكْ نڭّْ ذڭْ ؤُفُوسْ نْسنْ، مَاشَا س ثِيذتّْ وَارْ شكْ ننقّْ.“ ؤُشَا شَارْفنْ ث نِيثْنِي س ثْنَاينْ ن ثْسغْوِينْ ذ ثِيمَايْنُوثِينْ ؤُشَا نذْهنْ ث زڭْ إِفْرِي غَارْ سنّجْ.
JDG 15:14 [ڒَْامِي] يِيوضْ غَارْ لَاحِي، فّْغنْ-د غَارسْ إِفِيلِيسْطِينِييّنْ س إِغُويَّانْ [ن ؤُمنْغِي]. [ڒخْذنِّي] إِطّفْ إِ-ت أَرُّوحْ ن سِيذِي ؤُشَا ثِيسغْوِينْ نِّي غَارْ إِغَادْجنْ نّسْ ذوْڒنْثْ أَمْ ثِيفّسْثْ إِ إِتّْوَاسّْشمْضنْ س ثْمسِّي ذ إِشذِّييّنْ نّسْ فسْينْ زڭْ إِغَادْجنْ نّسْ.
JDG 15:15 نتَّا يُوفَا إِجّْ ن يِيغسْ ن ؤُقَابْسِي ذ طّْرِي ن إِجّْ ن وغْيُوڒْ. [خنِّي] إِسّْوِيژّضْ أَفُوسْ نّسْ، إِحَارْثْ خَاسْ ؤُشَا إِنْغَا زَّايسْ أَڒفْ ن يرْيَازنْ.
JDG 15:16 إِنَّا شَامْشُونْ: ”س يِيجّْ ن يِيغسْ ن ؤُقَابْسِي ن وغْيُوڒْ، إِجّْ ن ؤُعُورِّيشْ، ثْنَاينْ ن إِعُورِّيشنْ، أَقَا س يِيجّْ ن إِغسْ ن ؤُقَابْسِي ن ثغْيُوتْشْ نْغِيغْ أَڒفْ ن يرْيَازنْ.“
JDG 15:17 إِمْسَارْ، ؤُمِي إِكمّڒْ أَوَاڒْ نّسْ، إِنْضَارْ إِغسْ ن ؤُقَابْسِي زڭْ ؤُفُوسْ نّسْ ؤُشَا إِڭَّا أَسْ إِ ومْشَانْ نِّي رَامَاثْ-لَاحِي، [’ڒْْڭعّْذثْ ن يِيغسْ ن ؤُقَابْسِي‘].
JDG 15:18 [ڒخْذنِّي] ثُوغَا ذَايسْ أَفَاذِي أَطَّاسْ ؤُشَا إِڒَاغَا غَارْ سِيذِي إِنَّا: ”شكْ ثوْشِيذْ إِ ؤُمْسخَّارْ نّشْ أَسنْجمْ-أَ أَمقّْرَانْ. مَا [خنِّي] إِتّْخصَّا أَذْ مّْثغْ س ؤُفَاذِي، أَذْ وْضِيغْ ذڭْ إِفَاسّنْ ن إِنَا إِنِّي وَارْ إِخثْننْ؟“
JDG 15:19 [خَاسْ ؤُشَا] إِسّْفدْجقْ أَربِّي أَحْفُورْ ن لَاحِي، فّْغنْ-د زَّايسْ وَامَانْ. نتَّا إِسُو ؤُشَا بُوحْبڒْ نّسْ إِذْوڒْ-د ؤُشَا إِذْوڒْ-د غَارْ ثُوذَارْثْ. خْ ؤُيَا إِڭَّا أَسْ [إِ ثَاڒَا نِّي] ’عَايْنْ-هَاقُوريْ‘، [إِخْسْ أَذْ يِينِي ’ثَاڒَا ن ونِّي إِتّْڒَاغَانْ‘]. ثَانِيثَا أَقَا-ت ذِي لَاحِي أَڒْ أَسّْ-أَ.
JDG 15:20 ثُوغَا نتَّا ذ ڒْقَاضِي خْ إِسْرَائِيل ذڭْ وُوسَّانْ ن إِفِيلِيسْطِينِييّنْ، عِيشْرِينْ ن إِسڭّْوُوسَا.
JDG 16:1 ؤُمِي إِطّفْ شَامْشُونْ [أَبْرِيذْ] غَارْ غَازَّا، إِژْرَا ذِينِّي إِشْثْ ن ثمْغَارْثْ ن فَارْقْ-شّْغڒْ، ؤُشَا يُوذفْ غَارسْ.
JDG 16:2 [خنِّي] إِتّْوَانَّا إِ أَيْثْ ن غَازَّا: ”شَامْشُونْ أَقَا-ث ذَا!“ إِنّْضنْ أَسْ-د ؤُشَا حْضَانْ دْجِيڒثْ ثْمُونْ غَارْ ثوَّارْثْ ن ثنْذِينْثْ. دْجِيڒثْ ثْمُونْ سّْقَارنْ، نَّانْ: ”غَارْ ثُوفُّوثْ ن وَاسّْ أَذْ ث ننغْ.“
JDG 16:3 شَامْشُونْ [مَاشَا] إِقِّيمْ إِزّڒْ [إِطّصْ] أَڒْ أَزْينْ ن دْجِيڒثْ. [خنِّي] إِكَّارْ-د ذڭْ وزْينْ ن دْجِيڒثْ، إِطّفْ ثِيوُّورَا ن ثنْذِينْثْ أَكْ-ذ ڒضْرُوفْ [غَارْ ؤُغزْذِيسْ ن ثوَّارْثْ]، إِقْڒعْ إِ ثنْثْ إِ-د س زّكْرُونْ، إِڭَّا إِ-ثنْثْ خْ ثْغَارْضِينْ نّسْ ؤُشَا يَارْبُو ثنْثْ غَارْ ثْقِيشّثْ ن وذْرَارْ نِّي [إِدْجَانْ] قِيبَاتْشْ إِ حَابْرُونْ.
JDG 16:4 أَوَارْنِي أَسْ، إِمْسَارْ إِعْشقْ إِشْثْ ن ثمْغَارْثْ غَارْ ثغْزَارْثْ ن سُورَاقْ، قَّارنْ أَسْ ذَالِيلَا.
JDG 16:5 ؤُشَا ڒْبَاشَاثْ [ن ثْندَّامْ] ن إِفِيلِيسْطِينِييّنْ ؤُسِينْ-د غَارسْ، نَّانْ أَسْ: ”غْوَا إِ-ث، ؤُ خْزَارْ [أَذْ ثَافذْ] زِي مَانِيسْ غَارسْ جّهْذْ-أَ ثَامقّْرَانْثْ ؤُ مَامّشْ خَاسْ إِ غَا نْزمَّارْ. [خنِّي] أَذْ ث نْشَارْفْ، حِيمَا أَذْ ث نطّفْ. نشِّينْ أَذْ أَمْ نوْشْ كُوڒْ إِجّْ [زَّايْنغْ] أَڒفْ ؤُ-مْيَا ن [ؤُقِييَّاثْ ن] نُّوقَارْثْ.“
JDG 16:6 خَاسْ ؤُشَا ثنَّا ذَالِيلَا إِ شَامْشُونْ: ”إِنِي أَيِي مَاشَا، زِي مَانِيسْ غَاركْ جّهْذْ-أَ أَمقّْرَانْ ذ مَامّشْ زمَّارنْ أَذْ شكْ شَارْفنْ حِيمَا أَذْ ثتّْوَاطّْفذْ.“
JDG 16:7 إِنَّا أَسْ شَامْشُونْ: ”مَاڒَا شَارْفنْ أَيِي س سبْعَا ن إِژوْرَانْ طّْرِي [زڭْ ويْسُومْ] نِّي وَارْ يُوژِيغنْ عَاذْ، خنِّي أَذْ ذوْڒغْ أَرْخُوغْ أَمْ [كُوڒْ] إِجّْ ن بْنَاذمْ نّغْنِي.“
JDG 16:8 ڒْبَاشَاثْ [ن ثْندَّامْ] ن إِفِيلِيسْطِينِييّنْ إِوْينْ أَسْ-د سبْعَا ن إِژوْرَانْ ذ طّْرِي [زڭْ ويْسُومْ] نِّي وَارْ يُوژِيغنْ عَاذْ ؤُ نتَّاثْ ثْشَارْفْ إِ-ث زَّايْسنْثْ.
JDG 16:9 [ذڭْ إِجّْ ن ؤُمُورْ] ثُوغَا غَارسْ حذْ ذِي ثخَّامْثْ ن ذَاخڒْ إِطّفْ أَحطُّو. ثنَّا أَسْ: ”[أَ] شَامْشُونْ، إِفِيلِيسْطِينِييّنْ [ؤُسِينْ-د] خَاكْ!“ [خنِّي] إِقْضُووْ إِژوْرَانْ أَمْ مَامّشْ إِتّْقطَّاسْ بْنَاذمْ أَفِيڒُو ن ثِيفّسْثْ أَخْمِي ت ثڒْقفْ ثْمسِّي. ؤُشَا [سِّيرْ ن] جّهْذْ نّسْ وَارْ إِذْوِيڒْ إِتّْوَاسّنْ.
JDG 16:10 [خَاسْ ؤُشَا] ثنَّا ذَالِيلَا إِ شَامْشُونْ: ”خْزَارْ، ثْشمْثذْ أَيِي ؤُ ثسّْخَارّْقذْ خَافِي. إِنِي أَيِي مَاشَا ڒخُّو، س مِينْ زِي زمَّارنْ أَذْ شكْ شَارْفنْ.“
JDG 16:11 نتَّا إِنَّا أَسْ: ”مَاڒَا شَارْفنْ أَيِي س ثْسغْوِينْ ن جْذِيذْ وَارْ تّْوَاسّْخذْمنْثْ [عمَّارْصْ]، أَذْ ذوْڒغْ أَرْخُوغْ أَمْ [كُوڒْ] إِجّْ ن بْنَاذمْ نّغْنِي.“
JDG 16:12 ؤُشَا ذَالِيلَا ثكْسِي ثِيسغْوِينْ ثِيمَايْنُوثِينْ ثْشَارْفْ إِ-ث زَّايْسنْثْ ؤُ ثنَّا أَسْ: ”أَ شَامْشُونْ، إِفِيلِيسْطِينِييّنْ [ؤُسِينْ-د] خَاكْ!“، [ذڭْ ؤُمُورْ ذ إِجّنْ] ثُوغَا حذْ ذڭْ إِشْثْ ن ثخَّامْثْ ن ذَاخڒْ إِطّفْ أَحطُّو. [خنِّي] إِقطّسْ ثِيسغْوِينْ زڭْ إِغَادْجنْ نّسْ أَمْ يِيجّْ ن ؤُفِيڒُو.
JDG 16:13 خَاسْ ؤُشَا ثنَّا ذَالِيلَا إِ شَامْشُونْ: ”خْزَارْ، شكْ ثْشمْثذْ أَيِي ؤُ ثسّْخَارّْقذْ خَافِي. إِنِي أَيِي مَاشَا، س مِينْ زِي زمَّارنْ أَذْ شكْ شَارْفنْ؟“ نتَّا إِنَّا أَسْ: ”مَاڒَا شمْ ثْمُوذذْ سبْعَا ن ثْمُوزَارِينْ خْ ؤُزدْجِيفْ إِنُو أَكْ-ذ وخْمَارْ [ن دّبُّوزْ ن ثْخيَّاضْثْ]!“
JDG 16:14 [خنِّي] نتَّاثْ ثسّمْثذْ ثنْثْ س يِيجّْ ن ؤُمسْمِيرْ، ثنَّا أَسْ: ”أَ شَامْشُونْ، إِفِيلِيسْطِينِييّنْ [ؤُسِينْ-د] خَاكْ!“ [خنِّي] إِفَاقْ-د زڭْ يِيضصْ نّسْ، إِكّسْ-د دّبُّوزْ ن ثْخيَّاضْثْ ذ ؤُفِيڒُو.
JDG 16:15 [خَاسْ ؤُشَا] ثنَّا أَسْ: ”مَامّشْ ثْزمَّارذْ أَذْ ثِينِيذْ: ’نشّْ تّخْسغْ شمْ!‘، مَاڒَا ؤُڒْ نّشْ وَارْ غَارِي إِدْجِي؟ ڒخُّو ثْشمْثذْ أَيِي ثْڒَاثَا ن ثْوَاڒَاوِينْ ؤُ وَارْ ذ أَيِي ثنِّيذْ زِي مَانِيسْ غَاركْ جّهْذْ-أَ أَمقّْرَانْ.“
JDG 16:16 ؤُشَا إِمْسَارْ، ؤُمِي نتَّاثْ ثڭَّا خَاسْ أَغِيڒْ س وَاوَاڒنْ نّسْ ؤُ ثهْوڒْ إِ-ث مَارَّا ؤُسَّانْ، إِذْوڒْ ڒعْمَارْ نّسْ ذِي ڒحْصَارثْ أَڒْ ڒْموْثْ.
JDG 16:17 نتَّا إِسَّارْڭبْ إِ-ت مَارَّا خْ وُوڒْ نّسْ، إِنَّا أَسْ: ”إِجّْ ن ڒْمُوسْ إِ ؤُحفِّيعمَّارْصْ وَارْ غَارِي د-يُوسِي خْ ؤُزدْجِيفْ إِنُو، مِينْزِي نشّْ أَربُّوغْ تَّاجْ [ن وعْزَاڒْ] زڭْ ؤُعذِّيسْ ن يمَّاسْ. مَاڒَا إِتّْوَاحفّْ ؤُشُوَّافْ إِنُو، خنِّي أَذْ أَيِي إِفّغْ جّهْذْ إِنُو، أَذْ ذوْڒغْ أَرْخُوغْ أَمْ كُوڒْ بْنَاذمْ [نّغْنِي].“
JDG 16:18 [ؤُمِي] ثژْرَا ذَالِيلَا، بلِّي أَقَا نتَّا إِسَّارْڭبْ إِ-ت مَارَّا خْ وُوڒْ نّسْ، نتَّاثْ ثسّكّْ غَارْ ڒْبَاشَاثْ ن [ثْندَّامْ ن] إِفِيلِيسْطِينِييّنْ، ثنَّا: ”أَسمْ-د ثْوَاڒَا-يَا ذَا، مِينْزِي إِسَّارْڭبْ أَيِي مَارَّا سِيرّْ ن وُوڒْ نّسْ.“ ڒْبَاشَاثْ ن [ثْندَّامْ ن] إِفِيلِيسْطِينِييّنْ ڭعّْذنْ-د غَارسْ، إِوْينْ-د أَكِيذْسنْ [ڒْوزْنَاثْ ن] نُّوقَارْثْ ذڭْ ؤُفُوسْ نْسنْ.
JDG 16:19 نتَّاثْ ثجَّا شَامْشُونْ أَذْ إِطّصْ خْ إِفَادّنْ نّسْ، ثْڒَاغَا إِ ورْيَازْ، ثْقسّْ أَسْ سبْعَا ن ثْمُوزَارِينْ خْ ؤُزدْجِيفْ نّسْ ؤُشَا ثبْذَا نتَّاثْ ثطّفْ إِ-ث غَارسْ ؤُشَا جّهْذْ نّسْ إِفّغْ زَّايسْ.
JDG 16:20 [خنِّي] ثنَّا: ”أَ شَامْشُونْ، إِفِيلِيسْطِينِييّنْ [ؤُسِينْ-د] خَاكْ!“ نتَّا إِفَاقْ-د زڭْ يِيضصْ، إِنَّا: ”ثْوَاڒَا-يَا أَذْ أَرْخُوغْ، أَذْ سّْفكّغْ إِخفْ إِنُو“، [مِينْزِي] نتَّا وَارْ إِسِّينْ، أَقَا سِيذِي ثُوغَا إِسْمحْ ذَايسْ.
JDG 16:21 [خنِّي] طّْفنْ ث إِفِيلِيسْطِينِييّنْ، قڒْعنْ أَسْ ثِيطَّاوِينْ ؤُشَا نذْهنْ ث غَارْ غَازَّا، شَارْفنْ ث س ثْنَاينْ ن سّْنَاسڒْ ن نّْحَاسْ ؤُ نتَّا إِذْوڒْ إِسُّونُّوضْ ثَاسِيرْثْ ذِي ڒحْبسْ.
JDG 16:22 [مَاشَا] أَشُوَّافْ ن ؤُزدْجِيفْ نّسْ إِذْوڒْ إِمقَّارْ ذغْيَا أَوَارْنِي ڒَامِي إِ ذ أَسْ حفّنْ.
JDG 16:23 ڒْبَاشَاثْ ن [ثْندَّامْ ن] إِفِيلِيسْطِينِييّنْ مُوننْ، حِيمَا أَذْ قدّْمنْ إِشْثْ ن ثْغَارْصْثْ ذ ثَامقّْرَانْثْ إِ ذَاجُونْ، أَربِّي نْسنْ، ؤُڒَا إِ ڒفْرَاحثْ، ؤُشَا نَّانْ: ”أَربِّي نّغْ إِوْشَا أَنغْ شَامْشُونْ، ڒعْذُو نّغْ، ذڭْ إِفَاسّنْ نّغْ.“
JDG 16:24 [ؤُمِي] ث إِژْرَا ڒْڭنْسْ، سّمْغَارنْ أَربِّي نْسنْ، مَاغَارْ نَّانْ: ”أَربِّي نّغْ إِڭَّا ڒعْذُو نّغْ ذڭْ ؤُفُوسْ نّغْ: نتَّا، ونِّي إِخْڒَانْ ثَامُّورْثْ نّغْ ذ ونِّي إِنْغِينْ زَّايْنغْ أَطَّاسْ!“
JDG 16:25 ؤُشَا إِمْسَارْ، ؤُمِي ؤُڒْ نْسنْ ثُوغَا إِفَارْحْ، نَّانْ: ”ڒَاغَامْ إِ شَامْشُونْ، حِيمَا أَذْ أَنغْ إِسّْفَارْحْ.“ ؤُشَا ڒَاغَانْ-د خْ شَامْشُونْ زِي ڒحْبسْ ؤُشَا سّْثهْزَانْ زَّايسْ زَّاثْ إِ وُوذمْ نْسنْ ؤُشَا جِّينْ ث أَذْ إِبدّْ جَارْ إِپِيلَارنْ.
JDG 16:26 [خنِّي] إِنَّا شَامْشُونْ إِ ؤُحنْجِيرْ ونِّي ث إِنذْهنْ زڭْ ؤُفُوسْ: ”أوْشْ أَيِي شْوَايْثْ ن أَرَّاحثْ. خْسغْ أَذْ حَاذِيغْ إِپِيلَارنْ إِ يَاربُّونْ ثَادَّارْثْ، مَاحنْذْ أَذْ خَاسنْ سنّْذغْ.“
JDG 16:27 ثَادَّارْثْ ثُوغَا ثشُّورْ س يرْيَازنْ ذ ثمْغَارِينْ. ثُوغَا ذِينْ [عَاوذْ] مَارَّا ڒْبَاشَاثْ ن [ثْندَّامْ ن] إِفِيلِيسْطِينِييّنْ. خْ ثْزقَّا [إِوَاطَانْ] ثُوغَا [قِّيمنْ] أَمنِّي ثڒْثْ-أَڒَافْ ن يرْيَازنْ ذ ثمْغَارِينْ نِّي خزَّارنْ ؤُمِي إِتّْغنّنْ شَامْشُونْ.
JDG 16:28 [خنِّي] إِڒَاغَا شَامْشُونْ غَارْ سِيذِي، إِنَّا: ”سِيذِي إِنُو، سِيذِي، خَارّصْ ذَايِي. أوْشْ أَيِي مْغِيرْ ثْوَاڒَا-يَا وَاهَا جّهْذْ إِنُو، [أَ] أَربِّي، حِيمَا أَذْ نْثَاقْمغْ إِخفْ إِنُو زڭْ إِفِيلِيسْطِينِييّنْ ذِي سِّيبّثْ ن ثِيطَّاوِينْ إِنُو ذڭْ إِشْثْ ن ثْوَاڒَا.“
JDG 16:29 ؤُشَا إِطّفْ شَامْشُونْ ثْنَاينْ ن إِپِيلَارنْ إِ [إِدْجَانْ] ذِي ڒْوسْطْ إِ يَارْبُونْ ؤُ مِينْ خفْ ثْسنّذْ ثَادَّارْثْ، [إِطّفْ] إِجّْ ن ؤُپِيلَارْ س ؤُفُوسْ نّسْ أَفُوسِي ذ ونّغْنِي س ؤُفُوسْ نّسْ أَزڒْمَاضْ.
JDG 16:30 خَاسْ ؤُشَا شَامْشُونْ إِنَّا: ”أجّْ ڒعْمَارْ إِنُو أَذْ إِمّثْ أَكْ-ذ إِفِيلِيسْطِينِييّنْ!“، ؤُ نتَّا إِغْنسْ إِخفْ نّسْ غَارْ زَّاثْ س [مَارَّا] جّهْذْ نّسْ ؤُشَا ثوْضَا ثَادَّارْثْ خْ ڒْبَاشَاثْ [ن ثْندَّامْ] ؤُ خْ مَارَّا ڒْڭنْسْ إِ ذَايسْ ثُوغَا إِدْجَانْ. ثُوغَا قدَّا ن يِينِّي إِ إِنْغَا س ڒْموْثْ نّسْ ذ أَمقّْرَانْ خْ يِينِّي ثُوغَا إِنْغَا ؤُمِي ثُوغَا إِدَّارْ.
JDG 16:31 أَيْثْمَاسْ ذ مَارَّا ثَادَّارْثْ ن بَابَاسْ هْوَانْ-د ؤُ سّْڭعّْذنْ ث، إِوْينْ ث ؤُ نضْڒنْ ث جَارْ صُورْعَا ذ إِشْثَاؤُولْ ذڭْ ونْضڒْ ن بَابَاسْ مَانُوحْ. ثُوغَا نتَّا ذ ڒْقَاضِي خْ إِسْرَائِيل عِيشْرِينْ ن إِسڭّْوُوسَا.
JDG 17:1 إِجّْ ن ورْيَازْ ثُوغَا إِزدّغْ خْ إِذُورَارْ ن إِفْرَايِيمْ، قَّارنْ أَسْ مِيخَا-يَاهُو.
JDG 17:2 نتَّا إِنَّا إِ يمَّاسْ: ”أَڒفْ ؤُ-مْيَا ن [ؤُقِييَّاثْ ن] نُّوقَارْثْ إِ ذ أَمْ إِتّْوَاكّْسنْ، إِ خَاسنْثْ ثنِّيذْ إِشْثْ ن نّعْڒثْ إِ زِي ثْنطْقذْ ذڭْ إِمزُّوغنْ إِنُو، خْزَارْ، نُّوقَارْثْ نِّي أَقَا-ت غَارِي، نشّْ كْسِيغْ ت.“ يمَّاسْ ثنَّا: ”أَذْ إِتّْوَابَاركْ مِّي زِي سِيذِي!“
JDG 17:3 نتَّا يَارَّا أَڒفْ ؤُ-مْيَا ن [ؤُقِييَّاثْ ن] نُّوقَارْثْ إِ يمَّاسْ ؤُشَا يمَّاسْ ثنَّا أَسْ: ”نُّوقَارْثْ سّْقدّْسغْ ت إِ سِيذِي زڭْ ؤُفُوسْ إِنُو إِ مِّي حِيمَا أَذْ زَّايسْ إِڭّْ إِجّْ ن ڒخْيَاڒْ إِنقْشنْ ذ إِجّْ ن ڒخْيَاڒْ إِفسْينْ. [خنِّي] ڒخُّو أَذْ أَشْ ت أَرّغْ.“
JDG 17:4 نتَّا [مَاشَا] يَارَّا نُّوقَارْثْ [عَاوذْ] إِ يمَّاسْ. [خنِّي] ثكْسِي يمَّاسْ مِيثَاينْ ن [ؤُقِييَّاثْ ن] نُّوقَارْثْ ؤُ ثوْشَا إِ-ثنْثْ إِ يِيجّْ ن ومْزِيڒْ ن وُورغْ، ونِّي زَّايسْ إِڭِّينْ إِجّْ ن ڒخْيَاڒْ إِنقْشنْ ذ يِيجّْ ن ڒخْيَاڒْ إِفسْينْ ؤُشَا ڭِّينْ ثنْثْ ذِي ثَادَّارْثْ ن مِيخَا-يَاهُو.
JDG 17:5 ثُوغَا مِيخَا غَارسْ إِشْثْ ن ثَادَّارْثْ ن أَربِّي ؤُ نتَّا إِڭَّا إِجّْ ن ؤُپَالْطُو [ن ؤُكهَّانْ] ذ ڒخْيَاڒَاثْ ثِيمژْيَانِينْ ن لْ-أَصْنَامْ ؤُشَا إِڒقّمْ إِجّنْ زڭْ إِحنْجِيرنْ نّسْ أَذْ غَارسْ يِيڒِي ذ أَكهَّانْ.
JDG 17:6 ذڭْ وُوسَّانْ نِّي وَارْ ذِينْ ثُوغِي أَجدْجِيذْ ذِي إِسْرَائِيل. كُوڒْ إِجّْ إِتّڭّْ مِينْ [إِدْجَانْ] نِيشَانْ ذِي ثِيطَّاوِينْ نّسْ.
JDG 17:7 ذِي بَايْثْ-لَاحْمْ ذِي يَاهُوذَا ثُوغَا ذِينْ إِجّْ ن وبْڒِيغْ زِي ڒْوَاشُونْ ن يَاهُوذَا. نتَّا ثُوغَا ذ إِجّْ ن ؤُلَاوِي، ثُوغَا إِزدّغْ ذِينِّي ذ أَبَارَّانِي.
JDG 17:8 أَرْيَازْ-أَ إِفّغْ زِي ثنْذِينْثْ نِّي، زِي بَايْثْ-لَاحْمْ ذِي يَاهُوذَا، حِيمَا أَذْ إِزْذغْ أَمْ ؤُبَارَّانِي مَانِي مَا إِزمَّارْ أَذْ يَافْ [أَمْشَانْ]. خْ وبْرِيذْ نّسْ يِيوضْ غَارْ إِذُورَارْ ن إِفْرَايِيمْ غَارْ ثَادَّارْثْ ن مِيخَا.
JDG 17:9 مِيخَا إِسّقْسَا ث: ”مَانِيسْ إِ د-ثُوسِيذْ شكْ؟“ نتَّا يَارَّا-د خَاسْ: ”نشّْ ذ أَلَاوِي زِي بَايْثْ-لَاحْمْ ذِي يَاهُوذَا. نشّْ ڭُّورغْ، حِيمَا أَذْ زذْغغْ مَانِي مَا إِ غَا يَافغْ [أَمْشَانْ].“
JDG 17:10 [خنِّي] إِنَّا أَسْ مِيخَا: ”قِّيمْ غَارِي ؤُشَا ثِيڒِيذْ أَيِي ذ بَابَا ذ أَكهَّانْ! نشّْ أَذْ أَشْ وْشغْعشْرَا ن [ؤُقِييَّاثْ ن] نُّوقَارْثْ ذ شَا ن ورُّوضْ ذ ڒعْوتْشْ.“ ؤُشَا أَلَاوِي يُويُورْ أَكِيذسْ.
JDG 17:11 أَلَاوِي يَارْضَا خَاسْ ذڭْ وَاوَاڒْ حِيمَا أَذْ إِقِّيمْ أَكْ-ذ ورْيَازْ ؤُ أَبْڒِيغْ ثُوغَا إِ مِيخَا أَمْ يِيجّنْ زڭْ أَرَّاوْ نّسْ.
JDG 17:12 مِيخَا إِشُّورْ أَلَاوِي ؤُشَا إِذْوڒْ وبْڒِيغْ ذ أَكهَّانْ إِ نتَّا ؤُشَا إِقِّيمْ ذِي ثَادَّارْثْ ن مِيخَا.
JDG 17:13 ؤُشَا إِنَّا مِيخَا: ”ڒخُّو سّْنغْ نشّْ، أَقَا سِيذِي أَذْ أَيِي إِڭّْ ڒْخَارْ، مَاغَارْ نشّْ غَارِي أَلَاوِي وَانِيثَا ذ أَكهَّانْ.“
JDG 18:1 ذڭْ وُوسَّانْ نِّي وَارْ ذِينْ ثُوغِي أَجدْجِيذْ ذِي إِسْرَائِيل ؤُ ذڭْ وُوسَّانْ نِّي ثُوغَا ثَاقْبِيتْشْ ن ذَانْ ثَارزُّو ثَاسْغَارْثْ إِ يِيخفْ نّسْ مَاحنْذْ أَذْ ذَايسْ ثزْذغْ، مِينْزِي وَارْ ذ أَسْ د-ثكَّارْ [عَاذْ] ثسْغَارْثْ جَارْ ثْقبَّاڒْ ن إِسْرَائِيل.
JDG 18:2 سّكّنْ أَيْثْ ن ذَانْ زِي ڒْوَاشُونْ نْسنْ خمْسَا ن يرْيَازنْ زِي مَارَّا طّْرُوفَا نْسنْ، إِرْيَازنْ [نِّي] ذ أَيْثْ ن ؤُمنْغِي إِنِّي د-يُوسِينْ زِي صُورْعَا ذ إِشْثَاؤُولْ، حِيمَا أَذْ أَرْزُونْ ڒخْبَارْ خْ ثمُّورْثْ، أَذْ ذَايسْ يَارْزُونْ. نِيثْنِي نَّانْ أَسنْ: ”ؤُيُورمْ، أَرْزُومْ ثَامُّورْثْ!“ ؤُسِينْ-د غَارْ إِذُورَارْ ن إِفْرَايِيمْ غَارْ ثَادَّارْثْ ن مِيخَا ؤُشَا سّنْسنْ ذِينِّي.
JDG 18:3 [ؤُمِي] [إِوْضنْ] نِيثْنِي غَارْ ثَادَّارْثْ ن مِيخَا،عقْڒنْ خْ ثْمِيجَّا ن وبْڒِيغْ زڭْ أَيْثْ ن لَاوِي، ؤُشَا فّْغنْ [زڭْ وبْرِيذْ] غَارسْ، نَّانْ أَسْ: ”مِينْ شكْ إِ ذَا د-يِيوْينْ ؤُ مِينْ إِ ذَا ثتّڭّذْ ؤُ مِينْ إِ ذَا ثَارزُّوذْ شكْ؟“
JDG 18:4 نتَّا يَارَّا-د خَاسنْ: ”ثَا ذ ثَا إِ إِڭَّا مِيخَا أَكِيذِي. نتَّا إِشْرَا أَيِي ؤُ أَمُّو إِ ذوْڒغْ نشّْ ذ أَكهَّانْ نّسْ.“
JDG 18:5 نِيثْنِي نَّانْ أَسْ: ”سقْسَا أَنغْ أَربِّي، مَاحنْذْ أَذْ نسّنْ، مَا أَبْرِيذْ إِ غَا نُويُورْ، أَذْ يِيڒِي مْلِيحْ.“
JDG 18:6 يَارَّا-د خَاسنْ ؤُكهَّانْ: ”ؤُيُورمْ ذِي ڒهْنَا! أَبْرِيذْ إِ ثخْسمْ أَذْ ث ثكّمْ، أَقَا-ث [يَارزْمنْ] زَّاثْ إِ [ثِيطَّاوِينْ ن] سِيذِي.“
JDG 18:7 [خنِّي] رُوحنْ خمْسَا ن يرْيَازنْ نِّي، إِوْضنْ غَارْ لَايِيشْ. نِيثْنِي ژْرِينْ أَقَا ڒْڭنْسْ إِزْذغْ ذَايسْ ذِي ڒَامَانْ أَمْ مَامّشْ ث ثُوغَا ذ لْقَاعِيذَا غَارْ أَيْثْ نْ صِيذُونْ، س ڒْهُوذْنثْ ؤُ ذِي ڒَامَانْ. ثُوغَا وَارْ ذِينْ ؤُڒَا ذ إِجّْ ذِي ثمُّورْثْ ونِّي إِحْصَارنْ خْ [يِيجّنْ] ذِي شَا ن ڒْحَاجّثْ نِيغْ إِطّفْ شَا س ڒخْشُونثْ. نِيثْنِي ثُوغَا إِڭّْوجنْ أَطَّاسْ خْ أَيْثْ ن صِيذُونْ ؤُ وَارْ غَارْسنْ ثُوغِي وَالُو ؤُڒَا أَكْ-ذ إِجّْ ن بْنَاذمْ.
JDG 18:8 ؤُشَا ؤُسِينْ-د غَارْ أَيْثْمَاثْسنْ ذِي صُورْعَا ذ إِشْثَاؤُولْ ؤُشَا نَّانْ أَسنْ أَيْثْمَاثْسنْ: ”مَانْ [أَوَاڒْ إِ] غَارْومْ؟“
JDG 18:9 نِيثْنِي أَرِّينْ-د خَاسنْ: ”كَّارمْ، جّمْ أَذْ نْڭعّذْ، مِينْزِي نژْرَا ثَامُّورْثْ، ؤُ خْزَارْ، أَقَا-ت ثشْنَا أَطَّاسْ. مَا خنِّي [ثخْسمْ] أَذْ ثقِّيممْ ثتَّارْسَامْ أَمُّو؟ وَارْ تّعْڭِيزمْ شَا مَاحنْذْ أَذْ ثَاذْفمْ غَارْ ثمُّورْثْ حِيمَا أَذْ ت ثطّْفمْ ذ ڒْوَارْثْ.
JDG 18:10 مَاڒَا كنِّيوْ أَذْ ثَاوْضمْ ذِينْ، [خنِّي] أَذْ ثَافمْ إِجّْ ن ڒْڭنْسْ [إِزدّْغنْ] ذِي ڒَامَانْ ؤُشَا ثَامُّورْثْ ثوْسعْ أَطَّاسْ غَارْ ثْنَاينْ ن إِغزْذِيسنْ، مِينْزِي أَربِّي إِڭَّا أَومْ ت ذڭْ ؤُفُوسْ نْومْ، أَقَا-ث ذ إِجّْ ن ومْشَانْ مَانِي وَارْ ذ أَسْ إِتّْخصِّي وَالُو ن مِينْ إِدْجَانْ خْ ثمُّورْثْ.“
JDG 18:11 [خَاسْ ؤُشَا] كّْسنْ إِقِيضَانْ نْسنْ سّنِّي، زِي ڒَادْجْ ن ذَانْ زِي صُورْعَا ذ إِشْثَاؤُولْ، ستَّا مْيَا ن يرْيَازنْ حزّْمنْ س ڒسْنَاحْ.
JDG 18:12 نِيثْنِي ڭعّْذنْ ؤُشَا وْثِينْ إِقِيضَانْ نْسنْ غَارْ قَارْيَاثْ-يَاعَارِيمْ ذِي يَاهُوذَا. خْ ؤُيَا قَّارنْ أَسْ إِ ومْشَانْ نِّي ’مَاخَانْ-ذَانْ‘ أَڒْ أَسّْ-أَ. خْزَارْ، أَقَا-ت أَوَارْنِي إِ قَارْيَاثْ-يَاعَارِيمْ.
JDG 18:13 سّنِّي فّْغنْ، عْذُونْ غَارْ إِذُورَارْ ن إِفْرَايِيمْ إِوْضنْ غَارْ ثَادَّارْثْ ن مِيخَا.
JDG 18:14 [خنِّي] سِّيوْڒنْ خمْسَا ن يرْيَازنْ، إِنِّي ثُوغَا إِڭُّورنْ حِيمَا أَذْ برْڭنْ ثَامُّورْثْ ن لَايِيشْ، نَّانْ إِ أَيْثْمَاثْسنْ: ”مَا ثسّْنمْ، أَقَا ذِي ثُوذْرِينْ نِّي أَقَا ذِينْ إِجّْ ن ؤُپَالْطُو [ن ؤُكهَّانْ] ذ ڒخْيَاڒَاثْ ثِيمژْيَانِينْ ن لْ-أَصْنَامْ ذ إِجّْ نْ ڒخْيَاڒْ إِنقْشنْ ذ إِجّْ ن ڒخْيَاڒْ إِفسْينْ؟ خنِّي ڒخُّو، ثسّْنمْ مِينْ خَاومْ أَذْ ث ثڭّمْ.“
JDG 18:15 [ڒخْذنِّي] فّْغنْ [زڭْ وبْرِيذْ نْسنْ]، ؤُسِينْ-د غَارْ ثَادَّارْثْ ن وبْڒِيغْ، غَارْ ثَادَّارْثْ ن ورْيَازْ زڭْ أَيْثْ ن لَاوِي، غَارْ ثَادَّارْثْ ن مِيخَا، ؤُشَا سّقْسَانْ خْ مَامّشْ إِدْجَا.
JDG 18:16 ستَّا-مْيَا ن يرْيَازنْ زڭْ أَيْثْ ن ذَانْ إِ إِحزّْمنْ س ڒسْنَاحْ نْسنْ، قِّيمنْ بدّنْ غَارْ وَاذَافْ ن ثوَّارْثْ.
JDG 18:17 خمْسَا ن يرْيَازنْ، إِنِّي ثُوغَا إِفّْغنْ حِيمَا أَذْ برْڭَاڭنْ ثَامُّورْثْ، ڭعّْذنْ، ؤُذْفنْ ؤُ إِوْينْ ڒخْيَاڒْ إِنقْشنْ ذ ؤُپَالْطُو [ن ؤُكهَّانْ] ذ ڒخْيَاڒَاثْ ثِيمژْيَانِينْ ن لْ-أَصْنَامْ ذ ڒخْيَاڒْ إِفسْينْ. أَكهَّانْ إِقِّيمْ إِبدّْ غَارْ ؤُقمُّومْ ن ثوَّارْثْ أَكْ-ذ ستَّا-مْيَا ن يرْيَازنْ إِحزّْمنْ س ڒسْنَاحْ.
JDG 18:18 [خمْسَا] إِنَا ؤُذْفنْ غَارْ ثَادَّارْثْ ن مِيخَا، كّْسنْ ڒخْيَاڒْ إِنقْشنْ ذ ؤُپَالْطُو ن ؤُكهَّانْ ذ ڒخْيَاڒَاثْ ثِيمژْيَانِينْ ن لْ-أَصْنَامْ ذ ڒخْيَاڒْ إِفسْينْ. [خنِّي] إِنَّا أَسنْ ؤُكهَّانْ: ”مِينْ ذِينْ ثتّڭّمْ؟“
JDG 18:19 نِيثْنِي نَّانْ أَسْ: ”سُوسمْ، سَارْسْ أَفُوسْ نّشْ خْ ؤُقمُّومْ نّشْ، ؤُيُورْ أَكِيذْنغْ ؤُ ذْوڒْ ذ بَابَا ذ أَكهَّانْ نّغْ! مِينْ إِحْڒَانْ، مَاڒَا شكْ ذ أَكهَّانْ ذِي ثَادَّارْثْ ن إِجّْ ن ورْيَازْ وَاهَا نِيغْ مَاڒَا شكْ ذ أَكهَّانْ إِ يِيشْثْ ن ثقْبِيتْشْ ذ يِيجّْ ن ڒَادْجْ ذِي إِسْرَائِيل؟“
JDG 18:20 [ڒخْذنِّي] إِفَارْحْ وُوڒْ ن ورْيَازْ نِّي ؤُشَا إِكْسِي أَپَالْطُو ن ؤُكهَّانْ ذ ڒخْيَاڒَاثْ ثِيمژْيَانِينْ ن لْ-أَصْنَامْ ذ ڒخْيَاڒْ إِنقْشنْ ؤُشَا يُوذفْ جَارْ ڒْڭنْسْ.
JDG 18:21 ؤُشَاعقْبنْ نِيثْنِي، فّْغنْ ؤُشَا نذْهنْ إِحنْجِيرنْ ذ ڒْمَاڒْ ذ دّْقُوڒَاثْ أَكِيذْسنْ غَارْ زَّاثْ.
JDG 18:22 ؤُمِي نِيثْنِي ثُوغَا إِڭّْوجنْ أَطَّاسْ خْ ثَادَّارْثْ ن مِيخَا، ڒَاغَانْ-د إِ يرْيَازنْ ذِي ثُوذْرِينْ يُوذْسنْ خْ ثَادَّارْثْ ن مِيخَا، حِيمَا أَذْ مُوننْ ؤُشَا نِيثْنِي خشّنْ خْ أَيْثْ ن دَان.
JDG 18:23 نِيثْنِي ڒَاغَانْ أَوَارْنِي إِ أَيْثْ ن ذَانْ، [مَاشَا] إِنَا نّْقڒْبنْ أَزدْجِيفْ نْسنْ، نَّانْ إِ مِيخَا: ”مِينْ شكْ يُوغِينْ؟ مَايمِّي ثْڒَاغِيذْ حِيمَا أَذْ تّْوَاسّْمُوننْ [مَارَّا]؟“
JDG 18:24 إِنَّا نتَّا: ”كنِّيوْ ثكّْسمْ خَافِي إِربِّيثنْ إِنُو إِ ڭِّيغْ ؤُڒَا ذ أَكهَّانْ ؤُشَا ثُويُورمْ. مِينْ غَارِي ڒخُّو عَاذْ؟ مَامّشْ ثڭِّيمْ عَاذْ ثقَّارمْ أَيِي: ’مِينْ شكْ يُوغِينْ؟‘ “
JDG 18:25 أَيْثْ ن ذَانْ نَّانْ أَسْ: ”غَاركْ أَذْ نْسڒْ إِ ثْمِيجَّا نّشْ غَارْنغْ نِيغْ [إِزمَّارْ] أَذْ خَاومْ وْضَانْ إِرْيَازنْ يوْعَارنْ ؤُ إِڒِي [أَذْ ثَاغْ] أَذْ إِودَّارْ ڒعْمَارْ نّشْ ؤُڒَا ذ ڒعْمُورْ ن ثَادَّارْثْ نّشْ.“
JDG 18:26 ؤُشَا ؤُيُورنْ أَيْثْ ن ذَانْ ذڭْ وبْرِيذْ نْسنْ ؤُشَا ؤُمِي إِژْرَا مِيخَا بلِّي نِيثْنِي ثُوغَا جهْذنْ خَاسْ، إِنّقْڒبْ، يَارڭّْوحْ غَارْ ثَادَّارْثْ نّسْ.
JDG 18:27 نِيثْنِي [مَاشَا] إِوْينْ مِينْ إِڭِّينْ مِيخَا ؤُڒَا ذ أَكهَّانْ ونِّي ثُوغَا غَارسْ [إِتّْسخَّارنْ]. نِيثْنِي إِوْضنْ غَارْ لَايِيشْ، غَارْ إِجّْ ن ڒْڭنْسْ [إِزدّْغنْ] ذِي ڒْهُوذْنثْ ذ ڒَامَانْ ؤُشَا نْغِينْ ثنْ س ڒقْضعْ ن سِّيفْ ؤُ سّْشمْضنْ ثَانْذِينْثْ س ثْمسِّي.
JDG 18:28 وَارْ ذِينْ ؤُڒَا ذ إِجّنْ [إِزمَّارْ] أَذْ إِفكّْ، مِينْزِي لَايِيشْ ثُوغَا ثِيڭّْوّجْ أَطَّاسْ خْ صِيذُونْ ؤُ وَارْ ثُوغِي غَارْسنْ وَالُو ؤُڒَا أَكْ-ذ إِجّْ ن بْنَاذمْ. ثُوغَا-ت ذِي ڒوْضَا ن ثغْزُورْثْ نِّي غَارْ بَايْثْ-رَاحُوبْ. أَوَارْنِي ؤُيَا بْنَانْ ثَانْذِينْثْ [عَاوذْ] ؤُشَا زدّْغنْ ذَايسْ.
JDG 18:29 نِيثْنِي قَّارنْ أَسْ إِ ثنْذِينْثْ ’ذَانْ‘، خْ يِيسمْ ن بَابَاثْسنْ ذَانْ، ونِّي د-إِتّْوَارْونْ إِ إِسْرَائِيل. مَاشَا زِيشْ ثَانْذِينْثْ ثُوغَا قَّارنْ أَسْ لَايِيشْ.
JDG 18:30 أَيْثْ ن ذَانْ سّْبدّنْ ڒخْيَاڒْ إِنقْشنْ إِ يِيخفْ نْسنْ. ؤُشَا يَاهُونَاثَانْ، مِّيسْ ن جَارْشُومْ، مِّيسْ ن مُوسَا، نتَّا أَكْ-ذ إِحنْجِيرنْ نّسْ، ثُوغَا أَثنْ ذ إِكهَّاننْ ن ثقْبِيتْشْ ن ذَانْ أَڒْ أَسّْ إِ ذِي ثتّْوَانْذهْ ثمُّورْثْ غَارْ لْمنْفَا.
JDG 18:31 نِيثْنِي ثُوغَا سّْبدّنْ ڒخْيَاڒْ إِنقْشنْ ن مِيخَا، ثنِّي إِڭَّا، زَّاثْ إِ يِيخفْ نْسنْ مَارَّا ؤُسَّانْ مِينْ ثكَّا ثَادَّارْثْ ن أَربِّي ثدْجَا ذِي شِيلُو.
JDG 19:1 ذڭْ وُوسَّانْ نِّي، ؤُمِي وَارْ ذِينْ ثُوغِي أَجدْجِيذْ ذِي إِسْرَائِيل، ثُوغَا ذِينْ إِجّْ ن ؤُلَاوِي إِزدّغْ ذ أَبَارَّانِي [ذڭْ إِجّْ ن ومْشَانْ] غَارْ إِغزْذِيسنْ ن إِذُورَارْ ن إِفْرَايِيمْ. نتَّا يِيوِي إِشْثْ ن ثمْغَارْثْ ذ ثَايَّا زِي بَايْثْ-لَاحْمْ ذِي يَاهُوذَا.
JDG 19:2 [مَاشَا] ثَايَّا نّسْ ثذْوڒْ ثسّفْضحْ إِخفْ نّسْ ؤُمِي غَارسْ ت ثُوغَا ؤُشَا ثسْمحْ ذَايسْ، ثعْقبْ غَارْ ثَادَّارْثْ ن بَابَاسْ ذِي بَايْثْ-لَاحْمْ ذِي يَاهُوذَا. ذِينِّي ثقِّيمْ أَطَّاسْ ن وُوسَّانْ، أَربْعَا ن إِيُورنْ.
JDG 19:3 [خنِّي] إِكَّارْ ورْيَازْ، إِضْفَارْ إِ-ت حِيمَا أَذْ كِيسْ إِسِّيوڒْ س وُوڒْ نّسْ مَاحنْذْ أَذْ ت-إِ-د-إِسَّارڭّْوحْ. ثُوغَا أَمْسخَّارْ نّسْ أَمژْيَانْ أَكِيذسْ ذ إِشْثْ ن ثْيُويَا ن يغْيَاڒْ. ؤُشَا نتَّاثْ ثِيوْيِي إِ-ث غَارْ ثَادَّارْثْ ن بَابَاسْ. [ؤُمِي] ث إِژْرَا بَابَاسْ ن ثْحنْجِيرْثْ إِفَارْحْ ڒَامِي كِيذسْ إِ غَا إِمّڒْقَا.
JDG 19:4 أَضڭّْوَاڒْ نّسْ، بَابَاسْ ن ثْحنْجِيرْثْ، إِڭَّا خَاسْ [أَطَّاسْ] أَغِيڒْ مَاحنْذْ أَكِيذسْ إِقِّيمْ ثْڒَاثَا ن وُوسَّانْ. نِيثْنِي شِّينْ، سْوِينْ ؤُ سّنْسنْ ذِينِّي.
JDG 19:5 إِمْسَارْ ذڭْ وَاسّْ وِيسّْ أَربْعَا، أَقَا نِيثْنِي فَاقنْ زِيشْ غَارْ ثُوفُّوثْ ؤُ نتَّا إِكَّارْ إِخْسْ أَذْ يُويُورْ. [خنِّي] إِنَّا بَابَاسْ ن ثْحنْجِيرْثْ إِ وسْڒِي نّسْ: ”سمْحضْ إِخفْ نّشْ س يِيجّْ ن ؤُڒقُّوزْ ن وغْرُومْ، خنِّي أَذْ ثَافْ ثْزمَّارمْ أَذْ ثُويُورمْ.“
JDG 19:6 نِيثْنِي قِّيمنْ، شِّينْ، سْوِينْ س ثْنَاينْ إِذْسنْ نْسنْ. [خنِّي] إِنَّا بَابَاسْ ن ثْحنْجِيرْثْ إِ ورْيَازْ: ”تّْزَاوْڭغْ، قِّيمْ ذَا، أَذْ ثسّنْسذْ ؤُشَا أَذْ إِفَارْحْ وُوڒْ نّشْ.“
JDG 19:7 أَرْيَازْ إِكَّارْ حِيمَا أَذْ يُويُورْ، [مَاشَا] أَضڭّْوَاڒْ نّسْ إِكلّفْ خَاسْ، إِڭَّا خَاسْ أَغِيڒْ حِيمَا أَذْ ذِينِّي إِسّنْسْ عَاوذْ.
JDG 19:8 ذڭْ وَاسّْ وِيسّْ خمْسَا إِكَّارْ زِيشْ غَارْ ثُوفُّوثْ حِيمَا أَذْ يُويُورْ. إِنَّا بَابَاسْ ن ثْحنْجِيرْثْ: ”أَرْنِي سمْحضْ ؤُڒْ نّشْ!“ ؤُ نِيثْنِي قِّيمنْ تّْرَاجَانْ أَڒْ غَا إِعْذُو وَاسّْ ؤُشَا شِّينْ ثْنَاينْ إِذْسنْ مُوننْ.
JDG 19:9 [خنِّي] إِكَّارْ ورْيَازْ حِيمَا أَذْ يُويُورْ، نتَّا أَكْ-ذ ثَايَّا نّسْ ذ ؤُمْسخَّارْ نّسْ. أَضڭّْوَاڒْ نّسْ، بَابَاسْ ن ثْحنْجِيرْثْ، إِنَّا: ”خْزَارْ، أَسّْ ڭُّورْ أَذْ إِعْذُو ثِيوضْ-د ثْمذِّيثْ، تّْزَاوْڭغْ سنْسمْ ذَا. خْزَارْ، سْفَارْحْ ؤُڒْ نّشْ ؤُ كَّارمْ ثِيوشَّا زِيشْ مَاحنْذْ أَذْ ثطّْفمْ أَبْرِيذْ غَارْ ثْقِيضُونْثْ نّشْ.“
JDG 19:10 [مَاشَا] أَرْيَازْ وَارْ إِخْسْ شَا [عَاذْ] أَذْ إِسّنْسْ. إِكَّارْ ؤُشَا يُويُورْ، يِيوضْ أَڒْ قِيبَاتْشْ يابُوسْ، ثنِّي ذ ؤُرْشَالِيمْ، ؤُ ثُوغَا إِشْثْ ن ثْيُويَا ن يغْيَاڒْ بَارْذْعنْ ذ ثَايَّا نّسْ أَقَا-ت أَكِيذسْ.
JDG 19:11 [ؤُمِي] ثنْ [ثُوغَا] نِيثْنِي غَارْ يابُوسْ، ثُوغَا أَسّْ أَذْ إِعْذُو. [خنِّي] إِنَّا ؤُمْسخَّارْ إِ بَابْ نّسْ: ”ؤُيُورْ، أَذْ ذَا نْضَارْ ذِي ثنْذِينْثْ-أَ ن إِيابُوسِييّنْ، أَذْ ذَايسْ نسّنْسْ.“
JDG 19:12 [مَاشَا] سِيذِي نّسْ يَارَّا-د خَاسْ: ”نشِّينْ وَارْ نتّْميِّيڒْ غَارْ إِشْثْ ن ثنْذِينْثْ ثَاغْرِيبْثْ، ثنِّي وَارْ إِدْجِينْ ن أَيْثْ ن إِسْرَائِيل، [مَاشَا] أَذْ نَارْنِي أَذْ نُويُورْ غَارْ جِيبْعَا.“
JDG 19:13 نتَّا إِنَّا [عَاوذْ] إِ ؤُمْسخَّارْ نّسْ: ”أَسْ-د، أجّْ أَنغْ [أَذْ نَارْزُو] أَذْ نَاوضْ غَارْ إِجّْ زڭْ إِمُوشَانْ نِّي، أَذْ نسّنْسْ ذِي جِيبْعَا نِيغْ ذِي رَامَا.“
JDG 19:14 نِيثْنِي أَرْنِينْ ؤُيُورنْ ؤُ ثغْڒِي خَاسنْ ثْفُوشْثْ ؤُمِي ثنْ-ثُوغَا نِيثْنِي غَارْ جِيبْعَا نِّي [إِدْجَانْ] ن بِينْيَامِينْ.
JDG 19:15 ؤُشَا سّْفَارْغنْ [زڭْ وبْرِيذْ]، حِيمَا أَذْ أَذْفنْ غَارْ ذِينْ مَاحنْذْ أَذْ سّنْسنْ ذِي جِيبْعَا. [ؤُمِي] غَارْ ذِينْ يُوذفْ، إِقِّيمْ ذڭْ وَازَّايْ ن ثنْذِينْثْ، مِينْزِي وَارْ ثنْ إِسِّيذفْ حذْ غَارْ ثَادَّارْثْ مَاحنْذْ أَذْ سّنْسنْ.
JDG 19:16 ؤُشَا خْزَارْ، غَارْ ثْمذِّيثْ إِعْقبْ-د يِيجّْ ن ؤُوسَّارْ زِي ڒْخذْمثْ نّسْ زڭْ إِيَّارْ. ثُوغَا أَرْيَازْ نِّي [عَاوذْ] زڭْ إِذُورَارْ ن إِفْرَايِيمْ، [مَاشَا] إِزْذغْ أَمْ أَبَارَّانِي ذِي جِيبْعَا، مَاشَا إِمزْذَاغْ ن ثمُّورْثْ نِّي ثُوغَا أَثنْ ذ أَيْثْ ن بِينْيَامِينْ.
JDG 19:17 إِسّْڭعّذْ نتَّا ثَامُوغْڒِي نّسْ، إِخْزَارْ أَرْيَازْ نِّي ثُوغَا د-إِكِّينْ ذ أَبْرِيذْ ذڭْ وَازَّايْ ن ثنْذِينْثْ. أَوسَّارْ إِنَّا: ”مَانِي غَا ثُويُورذْ ؤُ مَانِيسْ إِ د-ثُوسِيذْ؟“
JDG 19:18 إِنَّا أَسْ نتَّا: ”نشِّينْ نفّغْ-د زِي بَايْثْ-لَاحْمْ أَڒْ طَّارْفْ قَاعْ ضفَّارْ خْ إِذُورَارْ ن إِفْرَايِيمْ، سّنِّي إِ د-ؤُسِيغْ. نشّْ ثُوغَا ؤُيُورغْ غَارْ بَايْثْ-لَاحْمْ ذِي يَاهُوذَا، ؤُشَا [ڒخُّو] ڭُّورغْ غَارْ ثَادَّارْثْ ن سِيذِي ؤُشَا وَارْ ذَا ؤُڒَا ذ إِجّْ ونِّي إِخْسنْ أَذْ أَيِي إِسِّيذفْ غَارْ ثَادَّارْثْ نّسْ،
JDG 19:19 وَاخَّا نشِّينْ غَارْنغْ ڒُومْ ذ ڒعْڒفْ إِ يغْيَاڒْ نّغْ ؤُڒَا ذ أَغْرُومْ ذ بِينُو إِ نشّْ، إِ ثَايَّا نّشْ ؤُ إِ ؤُحُوذْرِي نِّي إِدْجَانْ غَارْ إِمْسخَّارنْ نّشْ. وَارْ ذ أَنغْ إِخصّْ وَالُو.“
JDG 19:20 [خنِّي] إِنَّا ؤُوسَّارْ: ”أَذْ كِيكْ يِيڒِي ڒهْنَا! مَاشَا مِينْ إِ ذ أَشْ إِقِّيمنْ، أَقَا-ث غَارِي، مْغِيرْ إِتّْخصَّا وَارْ ثتّْنُوسِيذْ ذڭْ وَازَّايْ.“
JDG 19:21 نتَّا إِسِّيذفْ إِ-ث غَارْ ثَادَّارْثْ نّسْ، إِوْشَا ڒعْڒفْ إِ إِغْيَاڒْ ؤُ نِيثْنِي سِّيرْذنْ إِضَارنْ نْسنْ، شِّينْ سْوِينْ.
JDG 19:22 ذِي ڒْوقْثْ ذ إِشْثْ ڒَامِي إِفَارْحْ وُوڒْ نْسنْ، خْزَارْ، ذغْيَا نّْضنْ-د يرْيَازنْ ن ثنْذِينْثْ إِ ثَادَّارْثْ - إِرْيَازنْ نِّي ذ أَيْثْ إِ وَارْ إِسكّْوِينْ - ؤُشَا سّْقَارْقْبنْ ذِي ثوَّارْثْ. نِيثْنِي سِّيوْڒنْ أَكْ-ذ ورْيَازْ أَوسَّارْ، بَابْ ن ثَادَّارْثْ، نَّانْ: ”سُوفّغْ-د أَرْيَازْ، ونِّي د-يُوذْفنْ غَارْ ثَادَّارْثْ نّشْ، غَارْ بَارَّا، نشِّينْ نخْسْ أَكِيذسْ نوْضَا.“
JDG 19:23 أَرْيَازْ، بَابْ ن ثَادَّارْثْ، إِفّغْ-د غَارْسنْ، إِنَّا أَسنْ: ”لَّ، أَ أَيْثْمَا، وَارْ تّڭّمْ شَا ثُوعّفْنَا، أَوَارْنِي ڒَامِي د-يُوذفْ ورْيَازْ-أَ ڒخُّو غَارْ ثَادَّارْثْ إِنُو. غَارْومْ أَذْ ثڭّمْ ڒفْضِيحثْ أَمْ ثَانِيثَا.
JDG 19:24 خْزَارْ، يدْجِي ذ ثَاعْزَارشْثْ ذ ثَايَّا نّسْ أَذْ غَارْومْ ثنْثْ سُّوفّْغغْ. سهْوَامْ ثنْثْ ؤُ ڭّمْ أَكِيذْسنْثْ مِينْ ثخْسمْ، مَاشَا ذڭْ ورْيَازْ-أَ وَارْ تّڭّمْ ڒفْضِيحثْ أَمْ ثَانِيثَا.“
JDG 19:25 [مَاشَا] إِرْيَازنْ وَارْ خْسنْ أَذْ غَارْسنْ سْڒَانْ. [خنِّي] إِطّفْ أَرْيَازْ ثَايَّا نّسْ، إِسُّوفّغْ إِ-ت-د غَارْسنْ غَارْ بَارَّا. نِيثْنِي ؤُڒْينْ خَاسْ، جيّْحنْ ت دْجِيڒثْ ثكْمڒْ أَڒْ ثُوفُّوثْ ؤُ نِيثْنِي جِّينْ ت أَذْ ثُويُورْ أَڒَامِي إِسْبحْ ڒْحَاڒْ.
JDG 19:26 ؤُمِي ذ ثَارّژْ ثُوفُّوثْ، ثُوسَا-د ثمْغَارْثْ-أَ ؤُشَا ثوْضَا غَارْ ثوَّارْثْ ن ثَادَّارْثْ ن ورْيَازْ مَانِي [ثُوغَا إِدْجَا] سِيذِيسْ نّسْ، [ثقِّيمْ ذِينْ] أَڒَامِي [إِ د-ثفّغْ] ثْفَاوْثْ.
JDG 19:27 [ؤُمِي] د-إِكَّارْ سِيذِيسْ غَارْ ثُوفُّوثْ، يَارْزمْ ثِيوُّورَا ن ثَادَّارْثْ ؤُشَا إِفّغْ غَارْ بَارَّا، حِيمَا أَذْ إِطّفْ أَبْرِيذْ نّسْ، خْزَارْ، ذِينْ إِ ثوْضَا ثمْغَارْثْ، ثَايَّا نّسْ، غَارْ ثوَّارْثْ ن ثَادَّارْثْ س إِفَاسّنْ نّسْ خْ ثْنبْذَاثْ.
JDG 19:28 نتَّا إِنَّا أَسْ: ”كَّارْ بدّْ، نشِّينْ نخْسْ أَذْ نُويُورْ!“ مَاشَا ؤُڒَا ذ إِجّْ وَارْ خَاسْ د-يَارِّي. [خنِّي] إِسَّارْسْ إِ-ت خْ وغْيُوڒْ ؤُشَا إِطّفْ أَبْرِيذْ غَارْ ومْشَانْ [ن ثْزذِّيغْثْ] نّسْ.
JDG 19:29 [ؤُمِي] يِيوضْ نتَّا غَارْ ثَادَّارْثْ، إِكْسِي إِجّْ ن ڒْمُوسْ، إِطّفْ ثَايَّا نّسْ، إِقسّْ إِ-ت خْ ثنْعَاشْ ن ثْسقَّارْ ؤُشَا إِسّكّْ إِ-ثنْثْ غَارْ مَارَّا جّْوَايهْ ن إِسْرَائِيل.
JDG 19:30 ؤُشَا إِمْسَارْ، أَقَا قَاعْ ونِّي إِژْرِينْ أَيَا، إِنَّا: ”مَانْ أَيَاعمَّارْصْ عَاذْ وَارْ إِمْسَارْ ؤُڒَا وَارْ ث نژْرِي زڭْ وَاسّْ إِ ذِي فّْغنْ أَيْثْ ن إِسْرَائِيل زِي مِيصْرَا أَڒْ أَسّْ-أَ. خمّمْ ذَايسْ، مْشَاوَارمْ أَكْ-ذ وَايَاوْيَا ؤُشَا إِنِيمْ ڒحْكَامْ!“
JDG 20:1 [خنِّي] فّْغنْ مَارَّا أَيْثْ ن إِسْرَائِيل، ؤُشَا ثْمُونْ ثْمسْمُونْثْ أَمْ يِيجّْ ن ورْيَازْ غَارْ سِيذِي ذِي مِيصْفَا، زِي ذَانْ أَڒْ بِئرْ-سبْعَا ؤُڒَا ذ ثَامُّورْثْ ن جِيلْعَاذْ.
JDG 20:2 إِمْذبَّارنْ ن مَارَّا ڒْڭنْسْ، ن مَارَّا ثِيقبَّاڒْ ن إِسْرَائِيل، سّْبدّنْ إِخفْ نْسنْ ذِي ثْمسْمُونْثْ ن أَربِّي، أَربْعَا-مْيَا-أَڒفْ ن يرْيَازنْ خْ إِضَارنْ، [مَارَّا إِرْيَازنْ] إِنِّي إِزمَّارنْ خْ سِّيفْ.
JDG 20:3 أَيْثْ ن بِينْيَامِينْ سْڒِينْ، أَقَا أَيْثْ ن إِسْرَائِيل ڭعّْذنْ غَارْ مِيصْفَا. أَيْثْ ن إِسْرَائِيل نَّانْ: ”سِيوْڒمْ، مَامّشْ [ثْزمَّارْ] أَذْ ثمْسَارْ ثُوعفّْنَا-يَا؟“
JDG 20:4 أَرْيَازْ أَلَاوِي، أَرْيَازْ ن ثمْغَارْثْ إِتّْوَانْغنْ، يَارَّا-د خَاسنْ: ”نشّْ ؤُسِيغْ-د أَكْ-ذ ثَايَّا إِنُو زِي جِيبْعَا ثنِّي [إِدْجَانْ] ن بِينْيَامِينْ، حِيمَا أَذْ سّنْسغْ [ذِينْ].
JDG 20:5 ؤُشَا إِمزْذَاغْ ن جِيبْعَا نّْقڒْبنْ خَافِي، نّْضنْ أَيِي-د ذِي دْجِيڒثْ إِ ثَادَّارْثْ، نْوَانْ أَذْ أَيِي نْغنْ ؤُغصْبنْ ثَايَّا إِنُو أَڒَامِي ثمُّوثْ.
JDG 20:6 [خنِّي] كْسِيغْ ثَايَّا إِنُو، بْضِيغْ ت ذ ثِيسقَّارْ، سّكّغْ [إِجّْ ن وزْينْ] زَّايسْ غَارْ مَارَّا جّْوَايهْ ن [ثمُّورْثْ ن] ثسْغَارْثْ ن إِسْرَائِيل، مِينْزِي نِيثْنِي ڭِّينْ ڒفْضِيحثْ ذ ثُوبُّوهڒْيَا ذِي إِسْرَائِيل.
JDG 20:7 خْزَارْ، كنِّيوْ مَارَّا ذ أَيْثْ ن إِسْرَائِيل. أَرّمْ-د كنِّيوْ خْ مَانْ أَيَا س وَاوَاڒْ ذ شّْوَارْ!“
JDG 20:8 ؤُشَا إِبدّْ ڒْڭنْسْ إِمُونْ أَمْ يِيجّْ ن ورْيَازْ، إِنَّا: ”ؤُڒَا ذ إِجّنْ زَّايْنغْ وَارْ إِڭُّورْ غَارْ ثْقِيضُونْثْ نّسْ ؤُ ؤُڒَا ذ إِجّنْ زَّايْنغْ وَارْ إِتّْعِيقِّيبْ غَارْ ثَادَّارْثْ نّسْ.
JDG 20:9 أَمُّو إِ غَا نڭّْ [خنِّي ڒخُّو] أَكْ-ذ جِيبْعَا: ’[أَذْ] خَاسْ [نفّغْ] عْلَاحْسَابْ ثَاقدُّوحْثْ!
JDG 20:10 أَذْ نَارشّحْ زِي مَارَّا ثِيقبَّاڒْ ن إِسْرَائِيلعشْرَا ن يرْيَازنْ زِي مْيَا ؤُ مْيَا زڭْ وَاڒفْ ؤُ أَڒفْ زِيعشْرَا-أَڒَافْ، حِيمَا أَذْ أَوْينْ ڒعْوتْشْ إِ ڒْڭنْسْ، حِيمَا، خْمِي إِ د غَا يَاسنْ غَارْ جِيبْعَا ثنِّي [إِدْجَانْ] ن بِينْيَامِينْ، أَذْ زمَّارنْ أَذْ ڭّنْ أَكِيذسْ عْلَاحْسَابْ مَارَّا ثُوبُّوهڒْيَا نِّي إِڭَّا ذِي إِسْرَائِيل.“
JDG 20:11 مُوننْ مَارَّا إِرْيَازنْ ن إِسْرَائِيل ذِي ثنْذِينْثْ-أَ، [ثُوغَا] مُوننْ [أَكْ-ذ وَايَاوْيَا] أَمْ يِيجّْ ن ورْيَازْ.
JDG 20:12 ؤُشَا سكّنْثْ ثِيقبَّاڒْ ن إِسْرَائِيل إِرْيَازنْ غَارْ مَارَّا ثَاقْبِيتْشْ ن بِينْيَامِينْ، نَّانْ: ”مَانَا ڒفْضِيحثْ-أَ إِ غَارْومْ إِمْسَارنْ؟
JDG 20:13 خنِّي ڒخُّو، وْشمْ أَنغْ-د إِرْيَازنْ نِّي، أَيْثْ إِ وَارْ إِسكّْوِينْ إِ [إِدْجَانْ] ذِي جِيبْعَا، حِيمَا أَذْ ثنْ ننّغْ ؤُشَا أَذْ إِتّْوَامْحَا مِينْ [إِدْجَانْ] ذ أَعفَّانْ زِي إِسْرَائِيل.“ مَاشَا أَيْثْ ن بِينْيَامِينْ وَارْ خْسنْ أَذْ سْڒنْ غَارْ أَيْثْمَاثْسنْ، أَيْثْ ن إِسْرَائِيل.
JDG 20:14 ؤُسِينْ-د أَيْثْ ن بِينْيَامِينْ زِي ثْندَّامْ نْسنْ غَارْ جِيبْعَا مُوننْ حِيمَا أَذْ فّْغنْ غَارْ ؤُمنْغِي أَكْ-ذ أَيْثْ ن إِسْرَائِيل.
JDG 20:15 ذڭْ وَاسّْ نِّي سدّنْ نِيثْنِي أَيْثْ ن بِينْيَامِينْ زِي ثْندَّامْ، ستَّا ؤُ-عِيشْرِينْ-أَڒفْ ن يرْيَازنْ إِنِّي إِزمَّارنْ إِ سِّيفْ، بْڒَا إِمزْذَاغْ ن جِيبْعَا إِ زَّايْسنْ تّْوَافَارْزنْ [عَاذْ] سبْعَا-مْيَا ن يرْيَازنْ.
JDG 20:16 جَارْ مَارَّا ڒْڭنْسْ-أَ أَقَا [ذِينْ] سبْعَا-مْيَا ن يرْيَازنْ تّْوَافَارْزنْ إِ وَارْ تّْوَاذَارّْبنْ مْلِيحْ س ؤُفُوسِي نْسنْ أَفُوسِي. كُوڒْ إِجّْ زَّايْسنْ إِزمَّارْ أَذْ إِحَاكَا مْلِيحْ أَطَّاسْ س يدْجِييْ [س ؤُفُوسْ ؤُزڒْمَاضْ]، وَارْ خطِّينْ.
JDG 20:17 ؤُڒَا ذ إِرْيَازنْ ن إِسْرَائِيل تّْوَاسدّنْ. نْهْڒَا أَيْثْ ن بِينْيَامِينْ ثُوغَا أَثنْ ذِي أَربْعَا-مْيَا-أَڒفْ ن يرْيَازنْ إِنِّي إِزمَّارنْ خْ سِّيفْ. مَارَّا نِيثْنِي ذ إِعسْكَارِييّنْ.
JDG 20:18 كَّارنْ أَيْثْ ن إِسْرَائِيل ؤُشَا فّْغنْ غَارْ بَايْثْ-إِلْ. سّقْسَانْ أَربِّي، نَّانْ: ”مَانْ ونْ زَّايْنغْ إِ غَا إِفّْغنْ ذ أَمْزْوَارُو غَارْ ؤُمنْغِي أَكْ-ذ أَيْثْ ن بِينْيَامِينْ؟“ إِنَّا سِيذِي: ”أَمزْوَارُو يَاهُوذَا.“
JDG 20:19 كَّارنْ أَيْثْ ن إِسْرَائِيل غَارْ ثُوفُّوثْ، وْثِينْ إِقِيضَانْ نْسنْ أَجمَّاضْ إِ جِيبْعَا
JDG 20:20 فّْغنْ يرْيَازنْ ن إِسْرَائِيل غَارْ ؤُمنْغِي أَكْ-ذ بِينْيَامِينْ ؤُشَا سدّنْ يرْيَازنْ ن إِسْرَائِيل إِخفْ نْسنْ قِيبَاتْشْ نْسنْ إِ ؤُمنْغِي غَارْ جِيبْعَا.
JDG 20:21 [خنِّي] فّْغنْ-د أَيْثْ ن بِينْيَامِينْ زِي جِيبْعَا ؤُشَاغضْڒنْ زِي إِسْرَائِيل ذڭْ وَاسّْ نِّي ثْنَاينْ ؤُ-عِيشْرِينْ-أَڒفْ ن يرْيَازنْ.
JDG 20:22 [مَاشَا] ڒْڭنْسْ، إِرْيَازنْ ن إِسْرَائِيل، ڭِّينْ ثَارْيَاسْثْ، سدّنْ إِخفْ نْسنْ إِشْثْ ن ثْوَاڒَا نّغْنِيثْ إِ ؤُمنْغِي غَارْ مَانِي ثُوغَا سدّنْ إِخفْ نْسنْ ذڭْ وَاسّْ أَمزْوَارُو.
JDG 20:23 ؤُشَا أَيْثْ ن إِسْرَائِيل ڭعّْذنْ، رُونْ زَّاثْ إِ وُوذمْ ن سِيذِي أَڒْ ثَامذِّيثْ، سّقْسَانْ: ”مَا أَذْ فّْغغْ إِشْثْ ن ثْوَاڒَا نّغْنِيثْ غَارْ ؤُمنْغِي أَكْ-ذ إِحنْجِيرنْ ن ؤُمَا بِينْيَامِينْ؟“ سِيذِي يَارَّا-د: ”ڭَاعّْذمْ ضِيدّْ إِ نّسْ [إِ ؤُمنْغِي]!“
JDG 20:24 ذڭْ وَاسّْ وِيسّْ ثْنَاينْ قَارّْبنْ-د أَيْثْ ن إِسْرَائِيل غَارْ أَيْثْ ن بِينْيَامِينْ،
JDG 20:25 ؤُشَا إِفّغْ بِينْيَامِينْ ذڭْ وَاسّْ وِيسّْ ثْنَاينْ زِي جِيبْعَا مَاحنْذْ أَذْ كِيذْسنْ إِمّڒْقَا.غضْڒنْ عَاوذْ ثْمنْطَاشْ-أَڒفْ ن يرْيَازنْ غَارْ ثمُّورْثْ، إِنِّي ثُوغَا مَارَّا زمَّارنْ خْ سِّيفْ.
JDG 20:26 [خَاسْ ؤُشَا] فّْغنْ مَارَّا أَيْثْ إِسْرَائِيل، ڒْڭنْسْ مَارَّا، ؤُشَا إِوْضنْ غَارْ بَايْثْ-إِلْ، رُونْ. قِّيمنْ ذِينِّي زَّاثْ إِ وُوذمْ ن سِيذِي ؤُشَا ژُومّنْ ذڭْ وَاسّْ نِّي أَڒْ ثَامذِّيثْ ؤُشَا قدّْمنْ ثِيغَارْصَا ن وشْمَاضْ ذ ثْغَارْصَا ن ڒهْنَا زَّاثْ إِ وُوذمْ ن سِيذِي.
JDG 20:27 [خنِّي] سّقْسَانْ أَيْثْ ن إِسْرَائِيل سِيذِي، مِينْزِي [ذِي بَايْثْ-إِلْ] ثُوغَا ذِينْ تَّابُوثْ ن ڒْعَاهْذْ ن أَربِّي ذڭْ وُوسَّانْ نِّي.
JDG 20:28 ذڭْ وُوسَّانْ نِّي ثُوغَا إِبدّْ فِينَاحَاسْ، مِّيسْ ن أَلِيعَازَارْ، مِّيسْ ن هَارُونْ، زَّاثْ إِ وُوذمْ نّسْ ؤُشَا إِنَّا: ”مَا أَذْ نفّغْ إِشْثْ ن ثْوَاڒَا نّغْنِيثْ غَارْ ؤُمنْغِي أَكْ-ذ أَرَّاونْ ن ؤُمَا بِينْيَامِينْ نِيغْ أَذْ [ذَايسْ] نسْمحْ؟“ سِيذِي يَارَّا-د: ”فّْغمْ، مَاغَارْ ثِيوشَّا أَذْ ثنْ ڭّغْ ذڭْ ؤُفُوسْ نّشْ.“
JDG 20:29 [خَاسْ ؤُشَا] إِڭَّا إِسْرَائِيل ڒفْخُوخْ غَارْ مَارَّا إِغزْذِيسنْ ن جِيبْعَا.
JDG 20:30 ذڭْ وَاسّْ وِيسّْ ثْڒَاثَا ڭعّْذنْ أَيْثْ ن إِسْرَائِيل ضِيدّْ إِ أَيْثْ ن بِينْيَامِينْ. سدّنْ إِخفْ نْسنْ [إِ ؤُمنْغِي] أَكْ-ذ جِيبْعَا، أَمْ مَامّشْ [ت ڭِّينْ] ثْوَاڒَاوِينْ إِعْذُونْ.
JDG 20:31 [خنِّي] فّْغنْ أَيْثْ ن بِينْيَامِينْ إِ ؤُمْسَاڭَارْ أَكْ-ذ أَيْثْ ن إِسْرَائِيل ؤُ تّْوَاسِّيڭّْوجنْ خْ ثنْذِينْثْ ؤُشَا، أَمْ مَامّشْ ثْوَاڒَاوِينْ إِعْذُونْ، بْذَانْ أَذْ نْغِينْ [إِرْيَازنْ] زِي ڒْڭنْسْ خْ إِبْرِيذنْ إِمقّْرَاننْ إِ زَّايْسنْ إِتّْڭعّذْ إِجّْ ن وبْرِيذْ غَارْ بَايْثْ-إِلْ ؤُ ونّغْنِي غَارْ جِيبْعَا، [نْغِينْ] عْڒَاحَاڒْ ثْڒَاثِينْ ن يرْيَازنْ ن إِسْرَائِيل.
JDG 20:32 [خنِّي] نَّانْ أَيْثْ ن بِينْيَامِينْ: ”أَقَا نِيثْنِي تّْوَاغڒْبنْ زَّاثْ إِ وُوذمْ نّغْ، أَمْ ثْوَاڒَا ثَامزْوَارُوثْ.“ [خنِّي] نَّانْ أَيْثْ ن إِسْرَائِيل: ”أجّْ أَنغْ أَذْ نَارْوڒْ، أَذْ ثنْ نسِّيڭّْوجْ خْ ثنْذِينْثْ غَارْ إِبْرِيذنْ إِمقّْرَاننْ.“
JDG 20:33 [خنِّي] كَّارنْ مَارَّا إِرْيَازنْ ن إِسْرَائِيل زڭْ ومْشَانْ نْسنْ [إِنُّوفَّارنْ] ؤُ سدّنْ إِخفْ نْسنْ [إِ ؤُمنْغِي] غَارْ بَاعْلْ-ثَامَارْ. ذِي ڒْوقْثْ ذ إِشْثْ فّْغنْ إِنِّي زِي إِسْرَائِيل إِ ثُوغَا ڭِّينْ إِجّْ ن ڒْفخْ زڭْ ومْشَانْ نْسنْ إِنُّوفَارنْ زڭْ يفْرِي ن جِيبْعَا.
JDG 20:34 عشْرَا-أَڒَافْ ن يرْيَازنْ إِتّْوَافَارْزنْ زِي مَارَّا إِسْرَائِيل ؤُسِينْ-د زڭْ ؤُرنْذَاذْ ن جِيبْعَا ؤُ أَمنْغِي إِذْوڒْ إِوْعَارْ. [مَاشَا أَيْثْ ن بِينْيَامِينْ] وَارْ سِّيننْ، أَقَا ثِيشْثِي ثْحَارْثْ خَاسنْ.
JDG 20:35 سِيذِي إِوْثَا أَيْثْ ن بِينْيَامِينْ زَّاثْ إِ وُوذمْ ن إِسْرَائِيل، أَڒَامِي أَيْثْ ن إِسْرَائِيل نْغِينْ ذڭْ وَاسّْ نِّي خمْسَا ؤُ-عِيشْرِينْ-أَڒفْ ؤُ-مْيَا ن يرْيَازنْ، إِنِّي إِزمَّارنْ مَارَّا خْ سِّيفْ.
JDG 20:36 ژْرِينْ أَيْثْ ن بِينْيَامِينْ أَقَا نِيثْنِي ثُوغَا تّْوَاوْثنْ. [خنِّي] وْشِينْ إِرْيَازنْ ن إِسْرَائِيل تَّاسِيعْ إِ أَيْثْ ن بِينْيَامِينْ، مِينْزِي نِيثْنِي تّشْڒنْ خْ ڒْفخْ نِّي ثُوغَا ڭِّينْ ضِيدّْ إِ جِيبْعَا.
JDG 20:37 إِنِّي إِ ثُوغَا إِنُّوفَّارنْ، قدْجْقنْ أَذْ حجْمنْ خْ جِيبْعَا. [أَمُّو] إِ حجْمنْ إِنِّي إِ ثُوغَا ذڭْ ومْشَانْ إِنُّوفَّارنْ ؤُشَا وْثِينْ مَارَّا ثَانْذِينْثْ س ڒقْضعْ ن سِّيفْ.
JDG 20:38 إِرْيَازْ[أنْ] ن إِسْرَائِيل ثُوغَا ڭِّينْ أَوَاڒْ أَكْ-ذ يِينِّي إِڭِّينْ ڒْفخْ ذڭْ ومْشَانْ إِنُّوفَّارنْ، أَقَا نِيثْنِي أَذْ جّنْ أَسيْنُو أَمقّْرَانْ ن دّخَّانْ أَذْ د-إِڭعّذْ زِي ثنْذِينْثْ،
JDG 20:39 [ؤُشَا خنِّي] أَذْ نّْقڒْبنْ إِرْيَازنْ ن إِسْرَائِيل ذڭْ ؤُمنْغِي. بِينْيَامِينْ ثُوغَا إِبْذَا أَذْ إِنغْ إِنِّي إِتّْوَاسّْنُوقّْبنْ زِي إِسْرَائِيل، عْڒَاحَاڒْ ثْڒَاثِينْ ن يرْيَازنْ. أَقَا نَّانْ: ”نِيثْنِي تّْوَاوْثنْ نِيشَانْ زَّاثْ إِ وُوذمْ نّغْ أَمْ ذڭْ ؤُمنْغِي أَمزْوَارُو.“
JDG 20:40 [ذِي ثْسَاعّثْ نِّي] إِبْذَا ؤُسيْنُو أَمقّْرَانْ أَذْ د-إِڭعّذْ زِي ثنْذِينْثْ أَمْ يِيجّْ ن ؤُقلِّيجْ ن دّخَّانْ. ؤُمِي إِخْزَارْ بِينْيَامِينْ غَارْ ضفَّارْ، أَقَا ثَانْذِينْثْ مَارَّا ثْڭعّذْ [أَمْ دّخَّانْ] غَارْ ؤُجنَّا.
JDG 20:41 [خنِّي] نّْقڒْبنْ-د إِرْيَازنْ ن إِسْرَائِيل ؤُشَا إِرْيَازنْ ن بِينْيَامِينْ إِوْثَا إِ-ثنْ ؤُنخْڒِيعْ، مِينْزِي نِيثْنِي ژْرِينْ أَقَا ثِيشْثِي ثَاعفَّانْثْ ثُوغَا ثڒْقفْ إِ-ثنْ.
JDG 20:42 نِيثْنِي نّْقڒْبنْ غَارْ ڒخْڒَا زَّاثْ إِ وُوذمْ ن أَيْثْ ن إِسْرَائِيل. أَمنْغِي [مَاشَا] إِضْفَارْ إِ-ثنْ، ؤُشَا إِنِّي زِي ثْندَّامْ أَقَا ڭِّينْ إِشْثْ ن ثْغَارْصْثْ ثَامقّْرَانْثْ ذِي ڒْوسْطْ نْسنْ.
JDG 20:43 نِيثْنِي نّْضنْ إِ أَيْثْ ن بِينْيَامِينْ، ضْفَارنْ ثنْ بْڒَا قطُّو،عفْسنْ خَاسنْ أَڒْ أَمْشَانْ ن أَرَّاحثْ قِيبَاتْشْ ن جِيبْعَا غَارْ ؤُغزْذِيسْ ن [شَّارْقْ] مَانِيسْ د-ثْنقَّارْ ثْفُوشْثْ.
JDG 20:44 وْضَانْ ثْمنْطَاشْ-أَڒفْ ن يرْيَازنْ، مَارَّا نِيثْنِي ذ إِرْيَازنْ إِمحْضنْ.
JDG 20:45 [خنِّي] نّْقڒْبنْ، أَروْڒنْ غَارْ ڒخْڒَا، غَارْ ثصْضَارْثْ ن رِيمُّونْ. ؤُ خْ وبْرِيذْ أَمقّْرَانْ قْضَانْ زَّايْسنْ خْ خمْسَا-أَڒَافْ ن يرْيَازنْ. ضْفَارنْ ثنْ أَڒْ جِيذْعُومْ، وْثِينْ زَّايْسنْ أَڒْفَاينْ ن يرْيَازنْ [س ڒْموْثْ].
JDG 20:46 ذڭْ وَاسّْ نِّي ثُوغَا مَارَّا إِنِّي إِوْضَانْ زِي بِينْيَامِينْ ذِي خمْسَا ؤُ-عِيشْرِينْ-أَڒفْ ن يرْيَازنْ نِّي زمَّارنْ خْ سِّيفْ، مَارَّا نِيثْنِي ذ إِرْيَازنْ إِمحْضنْ.
JDG 20:47 ستَّا-مْيَا ن يرْيَازنْ [مَاشَا] نّْقڒْبنْ، أَروْڒنْ غَارْ ڒخْڒَا، غَارْ ثصْضَارْثْ ن رِيمُّونْ، ؤُشَا نِيثْنِي قِّيمنْ أَربْعَا ن إِيُورنْ ذِي ثصْضَارْثْ ن رِيمُّونْ.
JDG 20:48 عقْبنْ إِرْيَازنْ ن إِسْرَائِيل غَارْ أَيْثْ ن بِينْيَامِينْ ؤُشَا وْثِينْ ثنْ مَارَّا س ڒقْضعْ ن سِّيفْ، زڭْ يرْيَازنْ ن ثنْذِينْثْ أَڒْ ڒْمَاڒْ ذ مَارَّا مِينْ ذِينْ ؤُفِينْ. سنّجْ إِ مَانْ أَيَا سَّارْغنْ مَارَّا ثِيندَّامْ إِ ؤُفِينْ ذڭْ وبْرِيذْ نْسنْ س ثْمسِّي.
JDG 21:1 إِرْيَازْ[أنْ] ن إِسْرَائِيل ثُوغَا جُّودْجنْ ذِي مِيصْفَا ؤُشَا نَّانْ: ”ؤُڒَا ذ إِجّْ زَّايْنغْ وَارْ إِتِّيشْ يدْجِيسْ إِ أَيْثْ ن بِينْيَامِينْ ذ ثَامْغَارْثْ.“
JDG 21:2 يُوسَا-د ڒْڭنْسْ غَارْ بَايْثْ-إِلْ ؤُشَا قِّيمنْ نِيثْنِي ذِينِّي زَّاثْ إِ وُوذمْ ن أَربِّي أَڒْ ثَامذِّيثْ. نِيثْنِي سّْڭعّْذنْ ثْمِيجَّا نْسنْ ؤُشَا رُونْ س إِمطَّاونْ إِتَّازّْڒنْ.
JDG 21:3 نَّانْ: ”[أَ] سِيذِي، أَربِّي ن إِسْرَائِيل، مَايمِّي إِمْسَارْ ؤُيَا ذِي إِسْرَائِيل، أَقَا أَسّْ-أَ ثقِّيمْ إِشْثْ ن ثقْبِيتْشْ ن إِسْرَائِيل وَارْ ثْبِينْ؟“
JDG 21:4 ثِيوشَّا نّسْ، إِمْسَارْ، أَقَا ڒْڭنْسْ إِكَّارْ زِيشْ. نِيثْنِي بْنَانْ إِجّْ ن ؤُعَالْطَارْ، قدّْمنْ خَاسْ ثِيغَارْصَا ن وشْمَاضْ ذ ثْغَارْصَا ن ڒهْنَا.
JDG 21:5 نَّانْ أَيْثْ ن إِسْرَائِيل: ”وِي إِقِّيمنْ زِي مَارَّا ثِيقبَّاڒْ ن إِسْرَائِيل وَارْ د-إِڭعّْذنْ غَارْ وڭْرَاوْ [ن ڒْڭنْسْ] ن سِيذِي؟“ ثُوغَا ڭِّينْ إِشْثْ ن ثْجَادْجِيثْ زِي جِّيهثْ ن ونِّي وَارْ إِ د-إِڭعّْذنْ غَارْ سِيذِي غَارْ مِيصْفَا، نَّانْ: ”أَذْ إِتّْوَانغْ نِيشَانْ!“
JDG 21:6 خَاسْ ؤُشَا نذْمنْ أَيْثْ ن إِسْرَائِيل خْ ؤُمَاثْسنْ بِينْيَامِينْ، نَّانْ: ”أَسّْ-أَ ثتّْوَاقسّْ إِشْثْ ن ثقْبِيتْشْ زِي إِسْرَائِيل.
JDG 21:7 مَامّشْ إِ غَا نڭّْ ذِي ثْمسْڒَاشْثْ ن ثمْغَارِينْ إِ [يرْيَازنْ ن بِينْيَامِينْ] نِّي إِقِّيمنْ؟ [مِينْزِي] نشِّينْ نجُّودْجْ غَارْ سِيذِي وَارْ ذ أَسنْ نتِّيشْ شَا يسِّيثْنغْ ذ ثَامْغَارْثْ.“
JDG 21:8 نَّانْ: ”مَا وَارْ د-إِڭعّذْ شَا ن يِيجّنْ زِي ثْقبَّاڒْ ن إِسْرَائِيل غَارْ سِيذِي ذِي مِيصْفَا؟“ خْزَارْ، وَارْ د-يُوسِي ؤُڒَا ذ إِجّنْ زِي يَابِيشْ ذِي جِيلْعَاذْ غَارْ ڒْمَارْڭحْ ن ڒْعسْكَارْ، غَارْ وڭْرَاوْ [ن ڒْڭنْسْ]،
JDG 21:9 [مِينْزِي] ڒْڭنْسْ إِتّْوَاحْسبْ، ؤُ خْزَارْ، زِي يَابِيشْ ذِي جِيلْعَاذْ وَارْ ذِينْ إِدْجِي ؤُڒَا ذ إِجّنْ.
JDG 21:10 [خنِّي] ثسّكّْ ثْمسْمُونْثْ ثنْعَاشْ-أَڒفْ ن يرْيَازنْ زڭْ إِنِّي ذ أَيْثْ ن ؤُمنْغِي قَاعْ ؤُشَا ؤُمُورنْ ثنْ، نَّانْ: ”ڭَاعّْذمْ، وْثمْ إِمزْذَاغْ ن يَابِيشْ ذِي جِيلْعَاذْ س ڒقْضعْ ن سِّيفْ، ؤُڒَا ذ ثِيمْغَارِينْ ذ إِحنْجِيرنْ إِمژْيَاننْ.
JDG 21:11 أَمُّو إِ إِتّْخصَّا أَذْ ثڭّمْ: مَارَّا مِينْ إِدْجَانْ ذ أَوْثمْ ذ مَارَّا ثِيمْغَارِينْ ثِينِّي ثُوغَا إِطّْصنْ أَكْ-ذ ورْيَازْ، أَذْ ثنْ ثْحَارّْممْ إِ ؤُثحِّي!“
JDG 21:12 ؤُفِينْ جَارْ إِمزْذَاغْ ن يَابِيشْ ذِي جِيلْعَاذْ أَربْعَا-مْيَا ن ثبْڒِيغِينْ ثِينِّي ذ ثِيعْزَارِييِّينْ، ثِينِّي ثُوغَا عَاذْ وَارْ طِّيصنْثْ أَكْ-ذ ورْيَازْ، ؤُشَا إِوْينْ ثنْثْ غَارْ ڒْمَارْڭحْ ن ڒْعسْكَارْ ذِي شِيلُو ذِي ثمُّورْثْ ن كنْعَانْ.
JDG 21:13 [خَاسْ ؤُشَا] ثسّكّْ ثْمسْمُونْثْ ثْمُونْ [إِرقَّاسنْ] ؤُشَا سِّيوْڒنْ أَكْ-ذ أَيْثْ ن بِينْيَامِينْ إِ [إِدْجَانْ] غَارْ ثصْضَارْثْ ن رِيمُّونْ، بَارّْحنْ أَسنْ س ڒهْنَا.
JDG 21:14 ذِي ڒْوقْثْ نِّيعقْبنْ أَيْثْ ن بِينْيَامِينْ ؤُشَا وْشِينْ أَسنْ ثِيمْغَارِينْ ثِينِّي ثُوغَا جِّينْ دَّارنْثْ زِي ثمْغَارِينْ ن يَابِيشْ ذِي جِيلْعَاذْ. [مَاشَا] ثُوغَا وَارْ ثنْ تّْقذِّينْثْ [عَاذْ].
JDG 21:15 [خنِّي] ثُوغَا ڒْڭنْسْ إِزِّيدْجزْ أَسْ بِينْيَامِينْ، مَاغَارْ سِيذِي ثُوغَا إِڭَّا ثَازِّيثْ ذڭْ إِسذِّييّنْ ن ثْقبَّاڒْ ن إِسْرَائِيل.
JDG 21:16 ؤُشَا إِمقّْرَاننْ ن ثْمسْمُونْثْ نَّانْ: ”مَامّشْ إِ غَا نڭّْ ذِي ثْمسْڒَاشْثْ ن ثمْغَارِينْ إِ [يرْيَازنْ ن بِينْيَامِينْ] نِّي إِقِّيمنْ، مِينْزِي ثِيمْغَارِينْ تّْوَاثحَّانْثْ زِي بِينْيَامِينْ.“
JDG 21:17 ؤُ نَّانْ عَاوذْ: ”ثَاسْغَارْثْ ن يِينِّي يَاروْڒنْ أَقَا-ت ن بِينْيَامِينْ. إِتّْخصَّا وَارْ ثْمحِّي ؤُڒَا ذ إِشْثْ ن ثقْبِيتْشْ زِي إِسْرَائِيل.
JDG 21:18 [مَاشَا] نشِّينْ وَارْ نْزمَّارْ أَذْ أَسنْ نوْشْ ثِيمْغَارِينْ زِي يسِّيثْنغْ، مَاغَارْ أَيْثْ ن إِسْرَائِيل جُّودْجنْ، نَّانْ: ”ونِّي إِوْشِينْ ثَامْغَارْثْ إِ أَيْثْ ن بِينْيَامِينْ أَذْ إِتّْوَانْعڒْ.“
JDG 21:19 [خنِّي] نَّانْ نِيثْنِي: ”خْزَارْ، زڭْ ؤُسڭّْوَاسْ أَڒْ أَسڭّْوَاسْ أَقَا ذِينْ ڒْعِيذْ ن سِيذِي ذِي شِيلُو. ڒْعِيذْ إِتّْوَاڭّْ سنّجْ إِ بَايْثْ-إِلْ، غَارْ شَّارْقْ ن وبْرِيذْ أَمقّْرَانْ إِ إِندّْهنْ زِي بَايْثْ-إِلْ غَارْ شَاكِيمْ، غَارْ ؤُغزْذِيسْ ن لْجَانُوبْ ن لبُونَا.“
JDG 21:20 ؤُ نِيثْنِيعڒْمنْ إِ أَيْثْ ن بِينْيَامِينْ، نَّانْ: ”ؤُيُورمْ ذِينْ ؤُشَا وْضَامْ ؤُ حْضَامْ ذڭْ إِمَارْجَاعنْ ن ؤُضِيڒْ.
JDG 21:21 مَاڒَا [خنِّي] كنِّيوْ ثْخزَّارمْ ؤُ ثژْرِيمْ خْمِي إِ د غَا فّْغنْثْ يسِّيسْ ن شِيلُو، حِيمَا أَذْ شضْحنْثْ، فّْغمْ-د [خنِّي ڒخْذنِّي] زڭْ إِمَارْجَاعنْ ن ؤُضِيڒْ ؤُشَا أجّْ أَذْ إِطّفْ [كُوڒْ] أَرْيَازْ ثَامْغَارْثْ نّسْ زِي يسِّيسْ ن شِيلُو، ؤُ أَوَارْنِي أَسْ ؤُيُورمْ غَارْ ثمُّورْثْ ن بِينْيَامِينْ!
JDG 21:22 مَاڒَا [خنِّي] بَابَاثْسنْثْ نِيغْ أَيْثْمَاثْسنْثْ ؤُسِينْ-د حِيمَا أَذْ خَانغْ شثْشَانْ، أَذْ أَسنْ نِينِي: ’سَامْحمْ أَنغْ، جّمْ ثنْ، مِينْزِي ذڭْ ؤُمنْغِي [أَكْ-ذ يَابِيشْ] وَارْ نْزمَّارْ أَذْ نَاوِي إِ كُوڒْ أَرْيَازْ ثَامْغَارْثْ، ؤُ عَاوذْ كنِّيوْ وَارْ ذ أَسنْ ثنْثْ ثوْشِيمْ، نِيغْ إِڒِي ڒخُّو أَذْ ذَايْومْ يِيڒِي ذ أَمَارْوَاسْ.‘ “
JDG 21:23 ؤُشَا أَمُّو إِ ڭِّينْ أَيْثْ ن بِينْيَامِينْ. زِي ثعْزَارْيِينْ إِشطّْحنْ س نُّوبْثَاثْ ثِينِّي إِطّْفنْ، كْسِينْ نِيثْنِي ثِيمْغَارِينْ عْلَاحْسَابْ ڒْقدّْ نْسنْ ؤُشَا فّْغنْ،عقْبنْ غَارْ ثسْغَارْثْ نْسنْ ؤُشَا سّْبدّنْ ثِيندَّامْ نْسنْ، ڭِّينْ زدّْغنْ ذَايْسنْثْ.
JDG 21:24 ذِي ڒْوقْثْ نِّي فّْغنْ-د سّنِّي ؤُڒَا ذ أَيْثْ ن إِسْرَائِيل، كُوڒْ  إِجّْ [يُويُورْ] غَارْ ثقْبِيتْشْ نّسْ ؤُ غَارْ ڒَادْجْ نّسْ. فّْغنْ سّنِّي، كُوڒْ إِجّنْ [يُويُورْ] غَارْ ثسْغَارْثْ نّسْ.
JDG 21:25 ذڭْ وُوسَّانْ نِّي وَارْ ثُوغِي ذِينْ أَجدْجِيذْ ذِي إِسْرَائِيل. كُوڒْ إِجّْ إِتّڭّْ مِينْ [إِدْجَانْ] نِيشَانْ ذِي ثِيطَّاوِينْ نّسْ.
RUT 1:1 ذڭْ وُوسَّانْ إِ ذِي قطَّانْ ڒْقُوضَاثْ ڒحْكَامَاثْ [ذِي ثمُّورْثْ]، إِمْسَارْ إِجّْ ن ڒَاژْ ذِي ثمُّورْثْ. س ؤُينِّي إِفّغْ إِجّْ ن ورْيَازْ زِي بَايْثْ-لَاحْمْ ذِي يَاهُوذِييَّا حِيمَا أَذْ إِزْذغْ ذ أَبَارَّانِي ذڭْ إِيَّارنْ ن مُوآبَ، نتَّا ذ ثمْغَارْثْ نّسْ ذ ثْنَاينْ ن إِحنْجِيرنْ نّسْ أَكِيذسْ.
RUT 1:2 أَرْيَازْ تّْڒَاغَانْ أَسْ أَلِيمَالِيكْ، ثَامْغَارْثْ نّسْ تّْڒَاغَانْ أَسْ نَاعُومِي، ذ ثْنَاينْ ن إِحنْجِيرنْ نّسْ تّْڒَاغَانْ أَسنْ مَاحْلُونْ ذ كِيلْيُونْ، [نِيثْنِي ثُوغَا أَثنْ ذ] أَيْثْ ن إِفْرَاثَا زِي بَايْثْ-لَاحْمْ ذِي يَاهُوذِييَّا. نِيثْنِي إِوْضنْ غَارْ إِيَّارنْ ن مُوآبَ، قِّيمنْ ذِينِّي.
RUT 1:3 أَلِيمَالِيكْ، أَرْيَازْ ن نَاعُومِي، إِمُّوثْ. ثقِّيمْ نتَّاثْ أَكْ-ذ ثْنَاينْ ن وَارَّاوْ نّسْ.
RUT 1:4 إِنَا إِوْينْ ثِيمْغَارِينْ ن مُوآبَ، إِسمْ ن إِشْثْ قَّارنْ أَسْ عُورْفَا ؤُ إِسمْ ن ثنّغْنِي رَاعُوثْ، ؤُشَا قِّيمنْثْ ذِينِّي ڒْقدّْ ن عْڒَاحَاڒْعشْرَا ن إِسڭّْوُوسَا.
RUT 1:5 ؤُ مُّوثنْ ؤُڒَا ذ ثْنَاينْ نِّي: مَاحْلُونْ ذ كِيلْيُونْ. ثقِّيمْ ثمْغَارْثْ [وحّْذسْ]، بْڒَا ثْنَاينْ ن وَارَّاوْ نّسْ ؤُ بْڒَا أَرْيَازْ نّسْ.
RUT 1:6 ؤُشَا ثعْذڒْ نَاعُومِي إِخفْ نّسْ أَكْ-ذ ثسْڒَاثِينْ نّسْ، حِيمَا أَذْ د-ثذْوڒْ زڭْ إِيَّارنْ ن مُوآبَ، مَاغَارْ ثُوغَا ثسْڒَا أَقَا سِيذِي يَارْزفْ إِ ڒْڭنْسْ نّسْ ؤُشَا إِوْشَا أَسنْ أَغْرُومْ.
RUT 1:7 [س ؤُينِّي] ثفّغْ نتَّاثْ أَكْ-ذ ثْنَاينْ ن ثسْڒَاثِينْ نّسْ زڭْ ومْشَانْ مَانِي ثُوغَا ثقِّيمْ [مَارَّا ڒْوقْثْ نِّي]. نِيثنْثِي رُوحنْثْ ذڭْ وبْرِيذْ مَاحنْذْ أَذْ أَرڭّْوْحنْثْ غَارْ ثمُّورْثْ ن يَاهُوذِييَّا.
RUT 1:8 ثنَّا نَاعُومِي إِ ثْنَاينْ ن ثسْڒَاثِينْ نّسْ: ”أَرڭّْوْحنْثْ-إِ-د، ذوْڒنْثْ-إِ-د، كُوڒْ إِشْثنْ غَارْ ثَادَّارْثْ ن يمَّاسْ! سِيذِي أَذْ أَكنْثْ إِوْشْ ثَامخْسِيوْثْ [نّسْ] إِشوَّارنْ، أَمْ مَامّشْ ت ثڭِّينْثْ ذڭْ إِمتَّانْ ؤُ ذَايِي.
RUT 1:9 سِيذِي أَذْ يجّْ أَذْ ثَافنْثْ أَرَّاحثْ، كُوڒْ إِشْثنْ ذِي ثَادَّارْثْ ن ورْيَازْ نّسْ!“ خنِّي ثسُّوذمْ إِ-ثنْثْ ؤُشَا نِيثنْثِي سّْڭعّْذنْثْ ثْمِيجَّا نْسنْثْ، سْغُوينْثْ،
RUT 1:10 نَّانْثْ أَسْ: ”نشِّينْ أَذْ د-نذْوڒْ نِيشَانْ أَكِيذمْ غَارْ ڒْڭنْسْ نّمْ!“
RUT 1:11 نَاعُومِي ثنَّا: ”عقْبنْثْ-إِ-د، أَ يسِّي! مَايمِّي ثخْسنْثْ أَكِيذِي ثْرَاحنْثْ؟ مَا [غَارِي] ذڭْ ؤُعذِّيسْ إِنُو عَاذْ إِحنْجِيرنْ نِّي إِزمَّارنْ أَذْ ذوْڒنْ ذ إِرْيَازنْ إِ كنِّينْثْ؟
RUT 1:12 عقْبنْثْ-إِ-د، أَ يسِّي إِنُو! رُوحنْثْ، مِينْزِي نشّْ أَقَا وْسَارغْ مَاحنْذْ أَذْ غَارِي يِيڒِي عَاذْ ورْيَازْ. وَاخَّا نِّيغْ: ’نشّْ غَارِي عَاذْ أَسِيثمْ!‘، وَاهْ، إِڒِي دْجِيڒثْ-أَ أَذْ إِڒِيغْ إِ يِيجّْ ن ورْيَازْ، وَاهْ، أَذْ أَرْوغْ إِحنْجِيرنْ،
RUT 1:13 مَا ثخْسنْثْ أَذْ ثْرَاجَانْثْ أَڒْ غَا مْغَارنْ، مَا ثخْسنْثْ أَذْ ثْمنْعنْثْ إِخفْ نْكنْثْ مَاحنْذْ أَذْ ثْذوْڒنْثْ إِ يِيجّْ ن ورْيَازْ؟ لَّ، أَ يسِّي! أَقَا أَمدُّورْ إِنُو إِفّغْ ذ أَمرْزَاڭْ خَاكنْثْ أَطَّاسْ، مَاغَارْ إِفّغْ-د ؤُفُوسْ ن سِيذِي ضِيدّْ أَيِي.“
RUT 1:14 [خنِّي] سّْڭعّْذنْثْ ثِيمِيجَّاوِينْ نْسنْثْ ؤُشَا أَرْنِينْثْ عَاذْ ذڭْ إِغُويَّانْ ؤُشَا عُورْفَا ثسُّوذمْ لَالَّاسْ، مَاشَا رَاعُوثْ ثقِّيمْ ثڒْصقْ ذَايسْ.
RUT 1:15 ثنَّا: ”خْزَارْ، ثَانُوطْ نّمْ أَقَا ثذْوڒْ غَارْ ڒْڭنْسْ نّسْ ؤُ غَارْ إِربِّيثنْ نّسْ. ذْوڒْ، ثضْفَارذْ ثَانُوطْ نّمْ!“
RUT 1:16 رَاعُوثْ ثَارَّا-د خَاسْ: ”وَارْ خَافِي تّْزِييَّارْ حِيمَا أَذْ ذَايمْ سمْحغْ ؤُشَا أَذْ د-ذوْڒغْ أَوَارْنِي إِ وعْرُورْ نّمْ، مِينْزِي مَانِي غَا ثُويُورذْ شمْ، ذِينْ إِ غَا ؤُيُورغْ ؤُڒَا ذ نشّْ، ؤُ مَانِي إِ غَا ثسّنْسذْ شمْ، ذِينْ إِ غَا سّنْسغْ ؤُڒَا ذ نشّْ، ڒْڭنْسْ نّمْ ذ ڒْڭنْسْ إِنُو، ذ أَربِّي نّمْ ذ أَربِّي إِنُو.
RUT 1:17 مَانِي إِ غَا ثمّْثذْ، ذِينْ إِ غَا مّْثغْ ؤُڒَا ذ نشّْ ؤُ ذِينْ إِ غَا تّْوَانضْڒغْ ؤُڒَا ذ نشّْ. أجّْ أَذْ أَيِي إِڭّْ سِيذِي ثَا ذ ثَا ؤُشَا أَذْ ذَايسْ يَارْنِي عَاذْ، مِينْزِي مْغِيرْ ڒْموْثْ إِ ذ أَيِي غَا إِبْضَانْ خَامْ!“
RUT 1:18 أَڒَامِي ثژْرَا [نَاعُومِي] بلِّي نتَّاثْ ثڭَّا خْ ثشْڒِي، وَارْ ثقِّيمْ ثسَّاوَاڒْ عَاذْ أَكِيذسْ.
RUT 1:19 أَمُّو إِ يُويُورنْثْ س ثْنَاينْ إِذْسنْثْ أَڒَامِي إِوْضنْثْ غَارْ بَايْثْ-لَاحْمْ. ؤُمِي إِوْضنْثْ غَارْ بَايْثْلَاحْمْ، إِمْسَارْ، أَقَا مَارَّا ثَانْذِينْثْ ثنّحْوڒْ ذِي طّْوعْ نْسنْثْ ؤُشَا نَّانْثْ [ثمْغَارِينْ]: ”مَا ذ ثَا ذ نَاعُومِي؟“
RUT 1:20 مَاشَا نتَّاثْ ثَارَّا-د خَاسنْ ثنَّا: ”وَارْ ذ أَيِي تّْڒَاغَانْثْ ’نَاعُومِي‘ [سَّا ذ ثْسَاونْثْ]، [مَاشَا] ڒَاغَانْثْ أَيِي: ’مَارَا‘، مَاغَارْ أَمْزمَّارْ خْ كُوڒْشِي إِڭَّا ذَايِي ثَارْزُوڭِي ذ ثَامقّْرَانْثْ.
RUT 1:21 فّْغغْ شُّورغْ مَاشَا سِيذِي إِجَّا أَيِي أَذْ د-أَرڭّْوْحغْ س إِفَاسّنْ خْوَانْ. مَايمِّي ذ أَيِي تّْڒَاغَانْثْ [عَاذْ] ’نَاعُومِي‘ ؤُمِي خَافِي إِشْهذْ سِيذِي ؤُ أَمْزمَّارْ خْ كُوڒْشِي إِڭَّا أَيِي مِينْ إِدْجَانْ ذ أَعفَّانْ؟“
RUT 1:22 [أَمُّو] إِ ثَارڭّْوحْ نَاعُومِي أَكْ-ذ رَاعُوثْ، ثَامُو‘أَبشْثْ، ثَاسْڒِيفْثْ نّسْ نِّي د-إِذوْڒنْ أَكِيذسْ زڭْ إِيَّارنْ ن مُوآبَ. إِوْضنْثْ نِيثنْثِي غَارْ بَايْثْلْ-لَاحْمْ غَارْ ؤُمزْوَارُو ن ثْميْرَا ن إِمنْذِي.
RUT 2:1 نَاعُومِي ثُوغَا غَارسْ إِجّنْ زِي ڒَادْجْ ن ورْيَازْ نّسْ، إِجّْ ن ورْيَازْ س وَاطَّاسْ ن وَاڭْڒَا، زِي ڒَادْجْ ن أَلِيمَالِيكْ، تّْڒَاغَانْ أَسْ بُوعَازْ.
RUT 2:2 ثنَّا رَاعُوثْ ثَامُو‘أَبشْثْ إِ نَاعُومِي: ”أجّْ أَيِي أَذْ فّْغغْ غَارْ إِيَّارْ أَذْ سّْمُونغْ ثِيذْرِينْ أَوَارْنِي إِ ونِّي إِ غَا يَافغْ أَرْضَا ذِي ثِيطَّاوِينْ نّسْ.“ ؤُشَا نتَّاثْ ثَارَّا-د خَاسْ: ”ؤُيُورْ، يدْجِي!“
RUT 2:3 رَاعُوثْ ثُويُورْ ؤُشَا ثُوسَا-د ذِينْ، ثسّْمُونَا أَوَارْنِي إِ يِينِّي إِمجَّارنْ. ؤُشَا إِمْسَارْ، ثوْضَا أَسْ-د ثسْغَارْثْ ن ييَّارْ ن بُوعَازْ ونِّي زِي ڒَادْجْ ن أَلِيمَالِيكْ.
RUT 2:4 ؤُ خْزَارْ، يُوسَا-د بُوعَازْ زِي بَايْثْ-لَاحْمْ، إِنَّا إِ يِينِّي إِمجَّارنْ: ”سِيذِي أَكِيذْومْ!“ نِيثْنِي أَرِّينْ-د خَاسْ: ”سِيذِي أَذْ شكْ إِبَاركْ!“
RUT 2:5 [خنِّي] إِنَّا بُوعَازْ إِ ؤُمْسخَّارْ نّسْ ونِّي ثُوغَا خْ يِينِّي إِمجَّارنْ: ”ؤُمِي ثڭَّا يدْجِيسْ ثَاحنْجِيرْثْ نِّي؟“
RUT 2:6 أَمْسخَّارْ ونِّي ثُوغَا خْ يِينِّي إِمجَّارنْ، يَارَّا-د خَاسْ، إِنَّا: ”نتَّاثْ ذ ثَاحنْجِيرْثْ ثَامُو‘أَبشْثْ إِ د-يُوسِينْ أَكْ-ذ نَاعُومِي زڭْ إِيَّارْ ن مُوآبَ.
RUT 2:7 نتَّاثْ ثنَّا: ’أجّْ أَيِي أَذْ سّْمُونغْ ثِيذْرِينْ ؤُ أَذْ يَارْوغْ ثِيذْرِينْ غَارْ إِشوَّافنْ [ن إِمنْذِي] أَوَارْنِي إِ يِينِّي إِمجَّارنْ!‘ أَمُّو إِ د-ثُوسَا ؤُشَا ثقِّيمْ زڭْ ؤُثفُّو ن ڒْحَاڒْ أَڒْ ڒخُّو. ذْرُوسْ وَاهَا إِ ثقِّيمْ ذِي ثَادَّارْثْ.“
RUT 2:8 بُوعَازْ إِنَّا إِ رَاعُوثْ: ”سْحسْ غَارِي، أَ يدْجِي! وَارْ ثْڒقّْضذْ ؤُڒَا غَارْ إِجّْ ن ييَّارْ نّغْنِي، وَارْ تَّاڭّْوجْ زِي سَّا، مَاشَا قِّيمْ ثُوذْسذْ غَارْ ثمْسخَّارِينْ إِنُو.
RUT 2:9 [ثبّثْ] ثِيطَّاوِينْ نّمْ ذڭْ إِيَّارْ أَيَا مَانِي مجَّارنْ، ؤُيُورْ أَوَارْنِي أَسنْثْ. نشّْعڒْمغْ إِ إِمْسخَّارنْ إِنُو، وَارْ شمْ تّْحِيذِينْ. [مَاڒَا] ثفُّوذذْ، ثْزمَّارذْ أَذْ ثُويُورذْ غَارْ إِقُوبَاشْ أَذْ ثسْوذْ زِي مِينْ ذ يُويْمنْ إِمْسخَّارنْ.“
RUT 2:10 نتَّاثْ ثوْضَا خْ وُوذمْ نّسْ ؤُشَا ثُوضَارْ غَارْ ثمُّورْثْ، ثنَّا أَسْ: ”مَايمِّي ؤُفِيغْ أَرْضَا ذِي ثِيطَّاوِينْ نّشْ، أَقَا شكْ ثْبدّذْ أَكِيذِي، [وَاخَّا] نشّْ ذ ثَابَارَّانِيثْ؟“
RUT 2:11 بُوعَازْ يَارَّا-د خَاسْ، إِنَّا: ”أَقَا نَّانْ أَيِي نِيشَانْ مَارَّا مِينْ ثڭِّيذْ إِ لَالَّامْ أَوَارْنِي إِ ڒْموْثْ ن ورْيَازْ نّمْ، مَامّشْ ثڭِّيذْ ثْسمْحذْ ذِي بَابَامْ ذ يمَّامْ ذ ثمُّورْثْ نّمْ مَانِي ثْخڒْقذْ ؤُشَا ثُويُورذْ غَارْ إِجّْ ن ڒْڭنْسْ إِ وَارْ ث ثسِّينذْ قْبڒْ.
RUT 2:12 أَذْ شمْ إِخدْجصْ سِيذِي ن إِسْرَائِيل ثَاسخَّارْثْ نّمْ [ثَاصبْحَانْثْ] إِ ثڭِّيذْ ؤُشَا أَذْ أَمْ د-ثَاسْ ڒْمُونثْ ثشُّورْ زِي سِيذِي، أَربِّي ن إِسْرَائِيل، سَاذُو إِفْرِيونْ نّسْ إِ د-ثُوسِيذْ مَاحنْذْ أَذْ ذِينِّي ثدُّورْيذْ.“
RUT 2:13 نتَّاثْ ثنَّا: ”أجّْ أَيِي أَذْ أَفغْ أَرْضَا ذِي ثِيطَّاوِينْ نّشْ، أَ سِيذِي إِنُو، مِينْزِي ثسّْفوّْجذْ خَافِي، ثسِّيوْڒذْ غَارْ وُوڒْ ن ثَايَّا نّشْ، وَاخَّا نشّْ وَارْ دْجِيغْ أَمْ ؤُڒَا ذ إِشْثْ زِي ثِييَّا نّشْ.“
RUT 2:14 غَارْ ڒْحَاڒْ ن مَاشَّا إِنَّا أَسْ بُوعَازْ: ”أَسْ-د ذَا ؤُشَا أشّْ زڭْ وغْرُومْ، سِيسنْ أَڒقُّوزْ نّمْ ذِي ڒْخدْجْ!“ نتَّاثْ ثقِّيمْ زَّاثْ إِ يِينِّي إِمجَّارنْ ؤُشَا إِوْشَا أَسْ نتَّا ثِيغْوَاوِينْ، ثشَّا ثجِّيونْ، إِشطّْ خَاسْ عَاذْ.
RUT 2:15 أَڒَامِي ثكَّارْ حِيمَا أَذْ ثسّْمُونْ ثِيذْرِينْ، إِعْڒمْ بُوعَازْ إِ إِمْسخَّارنْ نّسْ: ”أجّْ إِ-ت أَذْ ثسّْمُونْ جَارْ إِشوَّافنْ [ن إِمنْذِي] ؤُ وَارْ ت ثسّحْقَارَامْ شَا!
RUT 2:16 غضْڒمْ أَسْ-د شْوَايْثْ شْوَايْثْ زِي ثْقبِّيضِينْ ؤُشَا جّمْ ت [ذِي ثَامُّورْثْ]، ؤُشَا جّمْ ت أَذْ ثسّْمُونْ أَيَا، وَارْ ت ثْزَاوَارمْ.“
RUT 2:17 ؤُشَا نتَّاثْ ثُوغَا ثْڒقّضْ ذڭْ إِيَّارْ نِّي أَڒْ ثَامذِّيثْ. خنِّي ثْصفَّا مِينْ ثُوغَا ثڒْقضْ. ثُوغَا عْڒَاحَاڒْ ڒْقدّْ ن إِجّْ ن إِفَا ن إِمنْذِي.
RUT 2:18 نتَّاثْ ثسّْمُونْ إِ-ث، ثُوذفْ غَارْ ثنْذِينْثْ ؤُشَا ثژْرَا لَالَّاسْ مِينْ ثُوغَا ثڒْقضْ. ثجْبذْ [عَاوذْ] مِينْ ثُوغَا إِشطّنْ زِي مَاشَّا نّسْ ثَامقّْرَانْثْ ؤُشَا ثوْشَا أَسْ ث.
RUT 2:19 [خنِّي] ثسّقْسَا لَالَّاسْ: ”مَانِي ثْڒقْضذْ أَسّْ-أَ ؤُ مَانِي ثْخذْمذْ؟ أَذْ إِتّْوَابَاركْ ونِّي ثُوغَا أَكِيذمْ إِبدّنْ!“ ؤُشَا نتَّاثْ ثْحَاجَا أَسْ إِ لَالَّاسْ وِي إِ غَارْ ثُوغَا ثخْذمْ، ثنَّا: ”أَرْيَازْ إِ غَارْ خذْمغْ أَسّْ-أَ تّْڒَاغَانْ أَسْ بُوعَازْ.“
RUT 2:20 [خنِّي] ثنَّا نَاعُومِي إِ ثسْڒِيفْثْ نّسْ: ”أَذْ إِتّْوَابَاركْ سِيذِي ونِّي وَارْ إِكِّيسنْ ثَامخْسِيوْثْ نّسْ إِشوَّارنْ زڭْ يِينِّي إِدَّارنْ ذ يِينِّي إِمُّوثنْ!“ ثنَّا أَسْ نَاعُومِي [عَاوذْ]: ”أَرْيَازْ نِّي زَّايْنغْ، نتَّا ذ إِجّْ زڭْ إِمفْذِييّنْ نّغْ [إِنِّي زمَّارنْ أَذْ سْغنْ أَفدَّايْ].“
RUT 2:21 رَاعُوثْ، ثَامُو‘أَبشْثْ، ثنَّا: ”نتَّا إِنَّا أَيِي عَاذْ: ’قِّيمْ غَارْ إِمْسخَّارنْ نِّي غَارِي إِدْجَانْ، أَڒْ غَا كمّْڒنْ أَذْ سّْمُوننْ مَارَّا ثَامڭْرَا نِّي غَارِي إِدْجَانْ.‘ “
RUT 2:22 ثنَّا نَاعُومِي إِ ثسْڒِيفْثْ نّسْ رَاعُوثْ: ”مْلِيحْ، أَ يدْجِي، مَاڒَا ثفّْغذْ شمْ أَكْ-ذ ثمْسخَّارِينْ نّسْ، خنِّي وَارْ إِدْجِي وِي شمْ إِ غَا إِهوْڒنْ ذڭْ إِيَّارْ نّغْنِي.“
RUT 2:23 رَاعُوثْ ثقِّيمْ ثُوذسْ إِ ثمْسخَّارِينْ ن بُوعَازْ حِيمَا أَذْ ثسّْمُونْ [ثِيذْرِينْ]، أَڒَامِي ثقْضَا ثْميْرَا ن إِمنْذِي ذ ثْميْرَا ن إِرْذنْ ؤُشَا ثقِّيمْ [ثزْذغْ] غَارْ لَالَّاسْ.
RUT 3:1 ؤُشَا لَالَّاسْ نَاعُومِي ثنَّا أَسْ: ”أَ يدْجِي، مَا ثُوغَا وَارْ تّخْسغْ أَذْ أَمْ أَفغْ أَمْشَانْ ن ڒَامَانْ حِيمَا أَذْ ثِيڒِيذْ مْلِيحْ؟
RUT 3:2 مَا وَارْ إِدْجِي بُوعَازْ، إِ غَارْ ثُوغَا شمْ جَارْ ثمْسخَّارِينْ نّسْ، ذ إِجّنْ زِي رَادْجْ نّغْ؟ خْزَارْ، أَسّْ-أَ غَارْ ثْمذِّيثْ، أَذْ إِزُّوزَارْ إِمنْذِي ذڭْ ؤُنذْرَارْ.
RUT 3:3 سِيرْذْ، ذْهنْ إِخفْ نّمْ ؤُشَا يَارْضْ ثَاقنْذُورْثْ نّمْ، خنِّي هْوَا-د غَارْ ؤُنذْرَارْ! وَارْ سشَّانْ إِخفْ نّمْ إِ ورْيَازْ أَڒْ غَا يِيڒِي إِشَّا إِسْوَا.
RUT 3:4 مَاڒَا إِرَاحْ أَذْ إِطّصْ، أَذْ ثِيڒِي أَذْ ثَارْزُوذْ أَمْشَانْ مَانِي إِزّڒْ. أَذفْ [خنِّي] غَارْ ذِينْ، ثْعَارِّيذْ خْ دُّورِي خْ إِضَارنْ نّسْ ؤُشَا زّڒْ ذِينِّي! نتَّا أَذْ أَمْ يِينِي [خنِّي]، مِينْ إِتّْخصَّا أَذْ ث ثڭّذْ.“
RUT 3:5 نتَّاثْ ثَارَّا-د خَاسْ: ”مَارَّا مِينْ ذ أَيِي ثقَّارذْ، أَذْ ث ڭّغْ.“
RUT 3:6 نتَّاثْ ثهْوَا غَارْ ؤُنذْرَارْ ؤُشَا ثڭَّا أَمنِّي قَاعْ مِينْ ثُوغَا ذ أَسْ ثنَّا لَالَّاسْ.
RUT 3:7 [ڒَْامِي] إِشَّا إِسْوَا بُوعَازْ، إِفَارْحْ وُوڒْ نّسْ، إِكَّارْ يُويُورْ، حِيمَا أَذْ إِزّڒْ غَارْ طَّارْفْ ن إِجّْ ن ؤُعُورِّيشْ ن ثْقبِّيضِينْ [ن إِمنْذِي]. [خنِّي] ثُوسَا-د بْڒَا ڒْحسّْ، ثْعَارَّا [خْ دُّورِي] غَارْ إِضَارنْ نّسْ ؤُشَا ثزّڒْ.
RUT 3:8 غَارْ وزْينْ ن دْجِيڒثْ إِنّخْڒعْ ورْيَازْ نِّي، إِنّقْڒبْ، ؤُشَا خْزَارْ، إِشْثْ ن ثمْغَارْثْ ثُوغَا ثزّڒْ غَارْ إِضَارنْ نّسْ.
RUT 3:9 نتَّا إِنَّا: ”مِينْ ثعْنِيذْ شمْ؟“ نتَّاثْ ثَارَّا-د خَاسْ: ”نشّْ ذ رَاعُوثْ، ثَايَّا نّشْ. أڭّْ مَاشَا أَفْرِيوْ نّشْ خْ ثَايَّا نّشْ، مَاغَارْ شكْ ذ ونِّي إِزمَّارنْ أَذْ أَيِي إِفْذِي.“
RUT 3:10 إِنَّا نتَّا: ”ثتّْوَابَارْكذْ شمْ زِي سِيذِي، أَ يدْجِي! [ڒخُّو] ذڭْ ؤُنڭَّارْ ثڭِّيذْ ثَامخْسِيوْثْ نّمْ إِشوَّارنْ مَاهُو س مِينْ ثڭِّيذْ ذڭْ ؤُمزْوَارُو، مَاغَارْ شمْ وَارْ ثُوزِّيڒذْ أَوَارْنِي إِ إِعزْرِييّنْ، إِمزْڒَاضْ نِيغْ أَيْثْ ن بُو وَاڭْڒَا.
RUT 3:11 [خنِّي] ڒخُّو، [أَ] يدْجِي، وَارْ تّڭّْوذْ شَا! مَارَّا مِينْ غَا ثِينِيذْ، أَذْ أَمْ ث ڭّغْ، مَاغَارْ قَاعْ وِي ذَا ذِي ثوَّارْثْ [ن ثنْذِينْثْ] ن ڒْڭنْسْ إِنُو إِسّنْ، أَقَا شمْ ذ إِشْثْ ن ثمْغَارْثْ ثمْحضْ.
RUT 3:12 ڒخُّو [خنِّي]، ذ ثِيذتّْ نشّْ ذ إِجّْ ن ؤُمفْذِي، مَاشَا ذِينْ عَاذْ إِجّْ ن ؤُمفْذِي نّغْنِي، ونِّي ذ أَمْ إِتّعْنَانْ كْثَارْ خَافِي نشّْ.
RUT 3:13 سعْذُو دْجِيڒثْ-أَ ذَا. مَاڒَا إِمْسَارْ ثِيوشَّا ذِي صّْبحْ، نتَّا إِخْسْ أَذْ خَامْ إِفْذِي، مْلِيحْ، [خنِّي] أجّْ إِ-ث أَذْ إِفْذِي، مَاشَا مَاڒَا نتَّا وَارْ إِخْسْ أَذْ شمْ إِفْذِي، خنِّي نشّْ أَذْ خَامْ فْذِيغْ، س ثِيذتّْ خنِّي أَمْ إِدَّارْ سِيذِي. قِّيمْ زّڒْ أَڒْ ثِيوشَّا.“
RUT 3:14 [أَمُّو] إِ ثقِّيمْ ثزّڒْ غَارْ إِضَارنْ نّسْ أَڒْ ثِيوشَّا ؤُشَا قْبڒْ مَا إِزمَّارْ إِجّْ أَذْ إِژَارْ ونّغْنِي، ثكَّارْ، [مَاغَارْ] نتَّا إِنَّا: ”وَارْ ثتِّيڒِي ثتّْوَاسّْننْ، أَقَا إِشْثْ ن ثمْغَارْثْ ثُوغَا ثُوسَا-د غَارْ ؤُنذْرَارْ“
RUT 3:15 نتَّا إِنَّا [عَاوذْ]: ”كْسِي ثَاشْضَاضْثْ إِ زِي ثْڒحّْفذْ، طّفْ إِ-ت!“ ؤُشَا نتَّا إِشُّورْ إِ-ت س ستَّا ن [ڒقْيَاسَاثْ] ن إِمنْذِي ؤُشَا إِسَّارْبُو ت خَاسْ. خنِّي يُوذفْ غَارْ ثنْذِينْثْ.
RUT 3:16 ثُوسَا-د نتَّاثْ غَارْ لَالَّاسْ ؤُ ثَانِيثَا ثسّقْسَا: ”مِينْ ثعْنِيذْ شمْ، أَ يدْجِي؟“ نتَّاثْ ثْحَاجَا أَسْ مَارَّا مِينْ كِيسْ إِڭَّا ورْيَازْ [نِّي].
RUT 3:17 ثنَّا: ”ستَّا ن ڒْمُوذَاثْ-أَ ن إِمنْذِي إِوْشَا أَيِي ثنْ، مَاغَارْ نتَّا إِنَّا: ’شمْ وَارْ ثڭُّورذْ شَا غَارْ لَالَّامْ س إِفَاسّنْ إِخْوَانْ.‘ “
RUT 3:18 [خنِّي] ثنَّا [نَاعُومِي]: ”رَاجَا، أَ يدْجِي، قِّيمْ [ذَا] أَڒْ غَا ثسّْنذْ مَامّشْ غَا ثفّغْ ثْمسْڒَاشْثْ. مِينْزِي أَرْيَازْ [نِّي] وَارْ إِتَّاريِّيحْ شَا أَڒْ د-إِسُّوفّغْ ثَامسْڒَاشْثْ عَاذْ أَسّْ-أَ غَارْ ؤُنڭَّارْ نّسْ.“
RUT 4:1 بُوعَازْ إِڭعّذْ غَارْ ثوَّارْثْ ن ثنْذِينْثْ ؤُشَا إِقِّيمْ ذِينِّي. ؤُ خْزَارْ، إِعْذُو-د ؤُمفْذِي، ونِّي خفْ ثُوغَا إِسِّيوڒْ بُوعَازْ. نتَّا إِنَّا أَسْ: ”أَ شكْ، ذِيهَا، أَسْ-د غَارْ طَّارْفْ [ن وبْرِيذْ] ؤُ ثقِّيمذْ ذَانِيثَا!“ يُوسَا-د غَارْ طَّارْفْ [ن وبْرِيذْ] ؤُشَا إِقِّيمْ.
RUT 4:2 يِيوِي-د بُوعَازْعشْرَا ن يرْيَازنْ زڭْ إِمْغَارنْ ن ثنْذِينْثْ، إِنَّا: ”قِيممْ-د ذَانِيثَا!“، ؤُشَا قِّيمنْ.
RUT 4:3 [خنِّي] إِنَّا إِ ؤُمفْذِي: ”نَاعُومِي ثنِّي د-إِعقْبنْ زِي ثمُّورْثْ ن مُوآبَ ثخْسْ أَذْ ثزّنْزْ ثَاكِيرَاثْ ن ييَّارْ إِ ثُوغَا غَارْ ؤُمَاثْنغْ أَلِيمَالِيكْ.
RUT 4:4 نشّْ خمّغْ، خْسغْ أَذْ شكْ خَاسْ خبَّارغْ ؤُشَا أَذْ أَشْ إِنِيغْ: سغْ إِ-ت زَّاثْ ن يِينِّي إِ ذَا إِقِّيمنْ ؤُ زَّاثْ ن إِمْغَارنْ ن ڒْڭنْسْ. مَاڒَا ثخْسذْ أَذْ ت ثفْذِيذْ، فْذِي ت ؤُ مَاڒَا وَارْ ثخْسذْ أَذْ ت ثفْذِيذْ، إِنِي أَيِي ث حِيمَا أَذْ سّْنغْ، مِينْزِي وَارْ ذَا حذْ إِزمَّارْ أَذْ ت إِفْذِي مْغِيرْ شكْ نِيغْ ذ نشّْ، ؤُ نشّْ إِ إِدْجَانْ أَوَارْنِي أَشْ.“ [خنِّي] إِنَّا نتَّا: ”نشّْ أَذْ ت فْذِيغْ.“
RUT 4:5 بُوعَازْ يَارْنِي إِنَّا: ”ذڭْ وَاسّْ إِ ذِي إِ غَا ثسْغذْ إِيَّارْ زڭْ ؤُفُوسْ ن نَاعُومِي، [خنِّي] أَذْ ثسْغذْ أَكِيذسْ ؤُڒَا ذ رَاعُوثْ، ثَامُو‘أَبشْثْ، ثَامْغَارْثْ ن ونِّي إِمُّوثنْ، حِيمَا أَذْ ثحْضِيذْ إِسمْ ن ؤُمتِّينْ خْ ثسْغَارْثْ نّسْ ن ڒْوَارْثْ.“
RUT 4:6 إِنَّا ؤُمفْذِي: ”[خنِّي] نشّْ وَارْ زمَّارغْ أَذْ ث فْذِيغْ، حِيمَا وَارْ تّْضِييّْعغْ ثَاسْغَارْثْ إِنُو. فْذِي [ث] شكْ إِ يِيخفْ نّشْ مِينْ خَافِي مَاحنْذْ أَذْ ث فْذِيغْ، مَاغَارْ نشّْ وَارْ زمَّارغْ أَذْ ث فْذِيغْ.“
RUT 4:7 أَمُّو ثُوغَا تّڭّنْ إِنِّي ن زّْمَانْ ؤُمِي ڭِّينْ أَذْ بدّْڒنْ [إِيَّارْ] جَارْ أَسنْ نِيغْ ؤُمِي ث فْذِينْ، أَقَا، حِيمَا أَذْ ثوْشذْ ثَامسْڒَاشْثْ زَّاثْ إِ وُوذمْ ن مَارَّا إِسْرَائِيل، أَقَا أَرْيَازْ إِتّكّسْ سَانْذَالَا نّسْ ؤُشَا إِتِّيشْ إِ-ت إِ جَّارْ نّسْ. ذ مَانْ أَيَا ثُوغَا إِدْجَانْ ذِي إِسْرَائِيل.
RUT 4:8 أَمفْذِي إِنَّا إِ بُوعَازْ: ”سغْ إِ-ث إِ يِيخفْ نّشْ!“ ؤُشَا نتَّا إِكّسْ سَانْذَالَا نّسْ.
RUT 4:9 [خنِّي] بُوعَازْ إِنَّا إِ مَارَّا إِمْغَارنْ ؤُ إِ مَارَّا ڒْڭنْسْ: ”كنِّيوْ ذ ڒشْهُوذْ ذڭْ وَاسّْ-أَ، أَقَا نشّْ، مَارَّا مِينْ [إِدْجَانْ] ن أَلِيمَالِيكْ ؤُ مَارَّا مِينْ [إِدْجَانْ] ن كِيلْيُونْ ؤُ ن مَاحْلُونْ، سْغِيغْ ث زڭْ ؤُفُوسْ ن نَاعُومِي.
RUT 4:10 ؤُڒَا ذ رَاعُوثْ، ثَامُو‘أَبشْثْ، ثَامْغَارْثْ ن مَاحْلُونْ، إِوْيغْ ت ذ ثَامْغَارْثْ، حِيمَا أَذْ إِقِّيمْ إِسمْ ن ونِّي إِمُّوثنْ خْ ثسْغَارْثْ ن ڒْوَارْثْ نّسْ، مَاحنْذْ إِسمْ ن ونِّي إِمُّوثنْ وَارْ إِتّكّسْ جَارْ أَيْثْمَاشْ ؤُ زِي ثوَّارْثْ ن ومْشَانْ ن ثْزذِّيغْثْ نّسْ. ذڭْ وَاسّْ-أَ أَقَا كنِّيوْ ذ ڒشْهُوذْ.“ *
RUT 4:11 مَارَّا ڒْڭنْسْ نِّي إِدْجَانْ ذِي ثوَّارْثْ [ن ثنْذِينْثْ] ذ إِمْغَارنْ نَّانْ: ”نشِّينْ ذ ڒشْهُوذْ! إِڒِي سِيذِي أَذْ يڭّْ ثَامْغَارْثْ نِّي إِ ذ غَا يَاذْفنْ غَارْ ثَادَّارْثْ نّشْ أَمْ رَاحِيلْ ذ لِييَا، ثِينِّي زَّايْسنْثْ س ثْنَاينْ ثتّْوَاڭّْ ثدَّارْثْ ن إِسْرَائِيل. أڭّْ س شْضَارثْ ذِي إِفْرَاثَا ؤُشَا أَذْ إِتّْوَابَارّحْ إِسمْ [نّشْ] ذِي بَايْثْ-لَاحْمْ!
RUT 4:12 ثَادَّارْثْ نّشْ ثڭَّا أَمْ ثَادَّارْثْ ن فَارِيصْ، ونِّي ثُورُووْ-د ثَامَارْ إِ يَاهُوذَا، زڭْ وَارَّاوْ إِ ذ أَشْ غَا إِوْشْ سِيذِي زِي ثبْڒِيغْثْ-أَ.“
RUT 4:13 بُوعَازْ يِيوِي رَاعُوثْ ؤُشَا نتَّاثْ ثذْوڒْ ذ ثَامْغَارْثْ نّسْ ؤُشَا يُوذفْ خَاسْ ؤُشَا سِيذِي إِوْشَا أَسْ أَذْ ثكْسِي س دّيْسثْ ؤُشَا ثُورُووْ-د إِجّْ ن ؤُحنْجِيرْ.
RUT 4:14 ؤُشَا نَّانْثْ ثِيمْغَارِينْ إِ نَاعُومِي: ”أَذْ إِتّْوَابَاركْ سِيذِي ونِّي وَارْ شمْ إِجِّينْ أَسّْ-أَ نْهْڒَا إِجّْ ن ؤُمفْذِي. إِڒِي أَذْ إِتّْوَابَارّحْ إِسمْ نّسْ ذِي إِسْرَائِيل!
RUT 4:15 أَذْ غَارْومْ يِيڒِي أَمْ ونِّي د-إِسّْفَاقنْ ڒعْمَارْ نّمْ ؤُشَا أَذْ شمْ إِصُونْ خْ ثوْسَارْ نّمْ، مَاغَارْ ثَاسْڒِيفْثْ نّمْ، ثنِّي شمْ إِتّخْسنْ، ثُورُووْ إِ-ث-إِ-د، أَقَا نتَّاثْ ثحْڒَا خْ سبْعَا ن إِحنْجِيرنْ.“
RUT 4:16 نَاعُومِي ثكْسِي أَحنْجِيرْ، ثسَّارْسْ إِ-ث خْ إِذْمَارنْ نّسْ ؤُ ثذْوڒْ ثسّْيَامْ إِ-ث.
RUT 4:17 ثَاجَّارِينْ وْشِينْثْ أَسْ إِجّْ ن يِيسمْ، نَّانْثْ: ”إِ نَاعُومِي إِتّْوَارْوُووْ أَسْ-د إِجّْ ن ؤُحنْجِيرْ!“، ؤُ ڭِّينْ أَسْ عُوبِيذْ. نتَّا ذ بَابَاسْ ن يَاسَّا، بَابَاسْ ن ذَاوُوذْ.
RUT 4:18 إِنَا ذ إِنِّي د-إِتّْوَارْونْ زِي فَارِيصْ: فَارِيصْ إِجَّا-د حَاصْرُونْ،
RUT 4:19 حَاصْرُونْ إِجَّا-د رَامْ، رَامْ إِجَّا-د عَامِّينَاذَابْ،
RUT 4:20 عَامِّينَاذَابْ إِجَّا-د نَاحْشُونْ، نَاحْشُونْ إِجَّا-د سَالْمُونْ،
RUT 4:21 سَالْمُونْ إِجَّا-د بُوعَازْ، بُوعَازْ إِجَّا-د عُوبِيذْ،
RUT 4:22 عُوبِيذْ إِجَّا-د يَاسَّا ذ يَاسَّا إِجَّا-د ذَاوُوذْ.
1SA 1:1 ثُوغَا ذِينْ إِجّْ ن ورْيَازْ زِي رَامَاثَايِيمْ-صُوفِيمْ، زڭْ إِذُورَارْ ن إِفْرَايِيمْ، قَّارنْ أَسْ إِلْقَانَا، مِّيسْ ن يَارُوحَامْ، مِّيسْ ن أَلِيهُو، مِّيسْ ن ثُوحُو، مِّيسْ ن صُوفْ، إِجّْ ن [ورْيَازْ] زِي إِفْرَايِيمْ.
1SA 1:2 نتَّا ثُوغَا غَارسْ ثْنَاينْ ن ثمْغَارِينْ. إِشْثنْ قَّارنْ أَسْ حَانَّا ؤُ ثنّغْنِيثْ قَّارنْ أَسْ فَانِينَّا. فَانِينَّا ثُوغَا غَارسْ إِحنْجِيرنْ، [مَاشَا] حَانَّا وَارْ غَارسْ ثُوغِي بُو إِحنْجِيرنْ.
1SA 1:3 أَرْيَازْ-أَ ثُوغَا إِتّْڭعَّاذْ أَسڭّْوَاسْ خْ ؤُسڭّْوَاسْ زِي ثنْذِينْثْ نّسْ حِيمَا أَذْ إِسْجذْ ؤُ أَذْ إِقدّمْ ثِيغَارْصَا إِ سِيذِي ن ڒْعسْكَارَاثْ [غَارْ ثَادَّارْثْ ن سِيذِي] ذِي شِيلُو. ذِينِّي ثُوغَا ثْنَاينْ ن إِحنْجِيرنْ ن عَالِي، حُوفْنِي ذ فِينَاحَاسْ. نِيثْنِي ذ إِكهَّاننْ ن سِيذِي.
1SA 1:4 ذڭْ وَاسّْ ڒَامِي د-يِيوِي إِلْقَانَا ثَاغَارْصْثْ، إِمْسَارْ أَقَا إِوْشَا ثِيسقَّارْ [ن ثْغَارْصْثْ] إِ ثمْغَارْثْ نّسْ فَانِينَّا ؤُ إِ مَارَّا إِحنْجِيرنْ نّسْ ذ ثْحنْجِيرِينْ نّسْ،
1SA 1:5 [مَاشَا] إِ حَانَّا إِوْشَا أَسْ ثْنَاينْ ن ثْسقَّارْ، مَاغَارْ نتَّا ثُوغَا إِتّخْسْ حَانَّا، وَاخَّا سِيذِي ثُوغَا إِبلّعْ أَسْ ڒمْڒَاوثْ.
1SA 1:6 ثَاغْرِيمْثْ نّسْ ثُوغَا ثْسعَّارْ إِ-ت أَطَّاسْ مَاحنْذْ أَذْ ت ثسّْفُوڭمْ، مِينْزِي سِيذِي ثُوغَا إِبلّعْ أَسْ ڒمْڒَاوثْ.
1SA 1:7 أَمُّو إِ إِڭَّا [إِلْقَانَا] أَسڭّْوَاسْ خْ ؤُسڭّْوَاسْ. ؤُشَا مڒْمِي مَا ثتّْڭعّذْ [حَانَّا أَكِيذسْ] غَارْ ثَادَّارْثْ ن سِيذِي، ثْسعَّارْ إِ-ت [فَانِينَّا] ؤُ نتَّاثْ ثْرُو، وَارْ ثشِّي وَالُو.
1SA 1:8 [خنِّي] إِنَّا أَرْيَازْ نّسْ إِلْقَانَا: ”حَانَّا، مَايمِّي ثتّْرُوذْ، مَايمِّي وَارْ ثتّتّذْ شَا ؤُ مَايمِّي ؤُڒْ نّمْ إِشْضنْ؟ مَا نشّْ وَارْ ذ أَمْ شْنِيغْ خْعشْرَا ن إِحنْجِيرنْ؟“
1SA 1:9 [ذڭْ إِجّْ ن وَاسّْ]، أَوَارْنِي ؤُمِي ثشَّا ؤُ ثسْوَا ذِي شِيلُو، ثكَّارْ حَانَّا. ثُوغَا أَكهَّانْ عَالِي إِقِّيمْ خْ ڒْكُورْسِي غَارْ ثفْڒَاوْثْ [ن ؤُغزْضِيسْ ن ثوَّارْثْ] ن زَّاوشْثْ ن سِيذِي.
1SA 1:10 [ثُوغَا] ڒعْمَارْ [ن حَانَّا] يَارْزڭْ، ثژُّودْجْ غَارْ سِيذِي، ثْرُو أَطَّاسْ.
1SA 1:11 نتَّاثْ ثڭَّا إِجّْ ن لْوَاعْذْ، ثنَّا: ”[أَ]، سِيذِي ن ڒْعسْكَارَاثْ، مَاڒَا شكْ ثخْزَارذْ س ثِيذتّْ غَارْ ڒمْحَاينْ ن ثَايَّا نّشْ ؤُ ثْخَارّْصذْ ذَايِي ؤُ وَارْ ثتّتُّوذْ ثَايَّا نّشْ، أَذْ ثوْشذْ إِ ثَايَّا نّشْ إِجّْ ن ؤُحنْجِيرْ ذ أَوْثمْ، [خنِّي] أَذْ ث وْشغْ إِ سِيذِي مِينْ غَا يكّْ إِدَّارْ ؤُشَا ؤُڒَا ذ إِجّْ ن ڒْمُوسْ وَارْ إِتّْحفِّي إِ ؤُزدْجِيفْ نّسْ.“
1SA 1:12 ؤُمِي ثكَّا أَطَّاسْ ثتّْژَادْجْ زَّاثْ إِ وُوذمْ ن سِيذِي، إِمْسَارْ، أَقَا عَالِي إِحْضَا أَقمُّومْ نّسْ.
1SA 1:13 ثُوغَا حَانَّا ثسِّيوڒْ ذڭْ وُوڒْ نّسْ، إِينْشِيشنْ نّسْ تّنْهزَّانْ وَاهَا، [مَاشَا] ثْمِيجَّا نّسْ ثُوغَا وَارْ ثتّْوَاسڒْ. عَالِي إِتّْغِيڒْ أَسْ ثسْشَارْ.
1SA 1:14 إِنَّا أَسْ عَالِي: ”مشْحَاڒْ [عَاذْ] إِ غَا ثقِّيمذْ ثسْشَارذْ؟ كّسْ خَامْ سّكْرَا نّمْ!“
1SA 1:15 حَانَّا ثَارَّا-د خَاسْ، ثنَّا: ”لَّ، سِيذِي إِنُو، نشّْ ذ إِشْثْ ن ثمْغَارْثْ س بُوحْبڒْ إِشْضنْ. نشّْ وَارْ سْوِيغْ بِينُو ؤُڒَا ذ شّْرَابْ، مَاشَا فَارّْغغْ ؤُڒْ إِنُو زَّاثْ إِ وُوذمْ ن سِيذِي.
1SA 1:16 وَارْ حسّبْ شَا ثَايَّا نّشْ ذ إِشْثْ ن ثْيدْجِيثْ إِ وَارْ ثْسكّْوِي، مَاغَارْ أَڒْ إِ ڒخُّو سِّيوْڒغْ [وَاهَا] زِي ڒْهمّْ إِنُو أَمقّْرَانْ ؤُ زِي ثِيقّسْثْ [ن وُوڒْ] إِنُو.“
1SA 1:17 عَالِي يَارَّا-د خَاسْ، إِنَّا: ”ؤُيُورْ ذِي ڒهْنَا ؤُشَا أَربِّي ن إِسْرَائِيل أَذْ أَمْ إِوْشْ مِينْ زَّايسْ ثتَّارذْ.“
1SA 1:18 نتَّاثْ ثنَّا: ”إِڒِي أَذْ ثَافْ ثَايَّا نّشْ ذ أَحِينِّي زَّاثْ إِ ثِيطَّاوِينْ نّشْ!“ [خنِّي] ثُويُورْ ثمْغَارْثْ أَبْرِيذْ نّسْ، ثشَّا ؤُ ثُوغَا أَغمْبُوبْ نّسْ وَارْ إِشْضِينْ عَاذْ.
1SA 1:19 غَارْ ثُوفُّوثْ ن صّْبحْ كَّارنْ زِيشْ، بنْذْقنْ زَّاثْ إِ وُوذمْ ن سِيذِي ؤُشَاعقْبنْ غَارْ ثَادَّارْثْ نْسنْ ذِي رَامَا. ثُوغَا إِلْقَانَا إِطّصْ أَكْ-ذ حَانَّا، ثَامْغَارْثْ نّسْ، ؤُشَا سِيذِي إِخَارّصْ ذَايسْ، ذِي حَانَّا.
1SA 1:20 ؤُمِي عْذُونْ وُوسَّانْ أَوَارْنِي ڒَامِي ثكْسِي حَانَّا س دّيْسثْ، ثُورُووْ-د إِجّْ ن ؤُحنْجِيرْ. ثڭَّا أَسْ شَامْوِيلْ، [ؤُمِي نتَّاثْ ثنَّا]: ”مَاغَارْ نشّْ تَّارغْ ث زِي سِيذِي.“
1SA 1:21 ؤُشَا أَرْيَازْ نِّي، إِلْقَانَا، إِڭعّذْ [عَاوذْ] أَكْ-ذ مَارَّا [إِنِّي ن] ثَادَّارْثْ نّسْ، حِيمَا أَذْ يَاوِي ثَاغَارْصْثْ ن كُوڒْ أَسڭّْوَاسْ ذ ثْغَارْصْثْ نّسْ ن لْوَاعْذْ إِ سِيذِي.
1SA 1:22 [مَاشَا] حَانَّا وَارْ كِيذْسنْ ثْڭِيعِّيذْ شَا، مَاشَا ثنَّا إِ ورْيَازْ نّسْ: ”خْمِي ذ أَسْ غَا كّْسغْ ؤُطُّوضْ إِ ؤُسيْمِي، [خنِّي] أَذْ ث-إِ-د-أَوْيغْ [ذِينْ]، ؤُشَا أَذْ إِضْهَارْ [ؤُحنْجِيرْ] زَّاثْ إِ وُوذمْ ن سِيذِي ؤُ نتَّا أَذْ إِقِّيمْ ذِينِّي إِ ڒبْذَا.“
1SA 1:23 أَرْيَازْ نّسْ، إِلْقَانَا، إِنَّا أَسْ: ”أڭّْ مِينْ ثتّْوَاڒِيذْ مْلِيحْ ذِي ثِيطَّاوِينْ نّمْ. قِّيمْ ذَا [ذِي ثَادَّارْثْ] أَڒْ ذ أَسْ إِ غَا ثكّْسذْ ؤُطُّوضْ. أَذْ إِقْفڒْ سِيذِي أَوَاڒْ نّسْ!“ أَمُّو إِ ثقِّيمْ ثمْغَارْثْ ذِي ثَادَّارْثْ ؤُشَا ثسُّوطُّوضْ أَحنْجِيرْ نّسْ أَڒَامِي إِ ذ أَسْ ثكّسْ ؤُطُّوضْ.
1SA 1:24 أَوَارْنِي ڒَامِي إِ ذ أَسْ ثكّسْ ؤُطُّوضْ، ثِيوْيِي ث أَكِيذسْ أَكْ-ذ ثْڒَاثَا ن إِفُونَاسنْ إِمژْيَاننْ ذ إِجّْ ن إِفَا ن وَارنْ ذ إِشْثْ ن ثْخَانْشثْ ن بِينُو. نتَّاثْ ثِيوْيِي ث غَارْ ثَادَّارْثْ ن سِيذِي ذِي شِيلُو. ثُوغَا-ث أَحنْجِيرْ [عَاذْ] ذ أَمژْيَانْ.
1SA 1:25 نِيثْنِي غَارْصنْ إِ ؤُفُونَاسْ أَمژْيَانْ ؤُشَا إِوْينْ أَحنْجِيرْ غَارْ عَالِي.
1SA 1:26 نتَّاثْ ثنَّا: ”أَ، سِيذِي إِنُو، س ثِيذتّْ أَمْ إِدَّارْ ڒعْمَارْ نّشْ، [أَ] سِيذِي إِنُو، نشّْ ذ ثَامْغَارْثْ نِّي ثُوغَا إِ ذَا إِبدّنْ غَارْ ؤُغزْذِيسْ نّشْ، حِيمَا أَذْ ژَّادْجغْ غَارْ سِيذِي.
1SA 1:27 نشّْ تَّارغْ أَحنْجِيرْ-أَ ؤُ سِيذِي إِسْڒَا إِ ثُوثْرَا إِنُو نِّي زَّايسْ تَّارغْ.
1SA 1:28 س ؤُينِّي أَقَا سلّْمغْ ث إِ سِيذِي مَارَّا ؤُسَّانْ مِينْ غَا يكّْ إِدَّارْ. أَقَا إِمّوْشْ إِ سِيذِي.“ ؤُشَا نتَّا إِبنْذقْ [ذِينْ] زَّاثْ إِ وُوذمْ ن سِيذِي.
1SA 2:1 [خنِّي] ثژُّودْجْ حَانَّا، ثنَّا: ”ؤُڒْ إِنُو إِتّسْڒِيوْڒِيوْ س ڒفْرَاحثْ ذِي سِيذِي. إِشّْ إِنُو إِتّْوَاسّْڭعّذْ ذِي سِيذِي. أَقمُّومْ إِنُو يَارْزمْ ذ أَرْزَامْ خْ ڒْعذْيَانْ إِنُو، مَاغَارْ فَارْحغْ خْ ؤُسنْجمْ نّشْ.
1SA 2:2 ؤُڒَا ذ إِجّْ ذ أَمْقدّسْ أَمْ سِيذِي، مَاغَارْ وَارْ ذِينْ إِدْجِي حذْ مْغِيرْ شكْ، ؤُ وَارْ ذِينْ ثدْجِي ثصْضَارْثْ أَمْ أَربِّي نّغْ!
1SA 2:3 وَارْ ثَارنِّيمْ ثسَّاوَاڒمْ أَمُّو س نّْفَاخثْ، وَارْ د-تّفِّيغْ ؤُڒَا ذ شَا ن ثُوفّثْ زڭْ ؤُقمُّومْ نْومْ، مَاغَارْ سِيذِي ذ إِجّْ ن أَربِّي إِسّنْ مَارَّا، ثِيمڭَّا نّسْ تّْوَاوزْننْثْ.
1SA 2:4 ڒْْقوْسْ ن أَيْثْ ن بُو-ثغْرُوضْثْ إِتّْوَارْژَا، مَاشَا إِنِّي إِنْقَارْضنْ حزّْمنْ س جّْهذْ.
1SA 2:5 إِنِّي إِجِّيوْننْ أَرهْننْ إِخفْ نْسنْ إِ وغْرُومْ، مَاشَا إِنِّي إِدْجُوژنْ، وَارْ قِّيمنْ عَاذْ دْجُوزنْ. ثنِّي وَارْ إِتِّيرْونْ ثُورُووْ-د سبْعَا ن إِحنْجِيرنْ، ثنِّي غَارْ إِدْجَا ؤُبَارُّو ن إِحنْجِيرنْ، ثِيسْڒَاوْ.
1SA 2:6 أَربِّي إِنقّْ ؤُ إِتِّيشْ ثُوذَارْثْ، نتَّا إِسّْهكّْوَّا غَارْ ڒَاخَارْثْ ؤُ إِسّْڭعَّاذْ-د سّنِّي.
1SA 2:7 سِيذِي إِتَّارَّا إِجّْ ذ أَمزْڒُوضْ ؤُ إِجّْ نّغْنِي يَارَّا إِ-ث ذ بُو-وَاڭْڒَا، إِسّْهكّْوَا ذ إِسّْڭعَّاذْ.
1SA 2:8 أَمُوقْڒِيڒْ إِسّكَّارْ إِ-ث زِي ثْعجَّاجْثْ، ڒْمسْكِينْ إِجبْذْ إِ-ث-إِ-د زڭْ وفْرَاضْ، مَاحنْذْ أَذْ ثنْ إِسّْغِيمْ غَارْ ثَارْوَا ن ثَاصِيڒثْ، مَاحنْذْ أَذْ إِوْشْ إِجّْ ن ڒْكُورْسِي ن ڒْعزّْ ذ ڒْوَارْثْ، مِينْزِي ذْسُوسَا ن ثمُّورْثْ إِدْجَانْ ن سِيذِي ؤُ نتَّا إِسّْبدّْ خَاسنْ دُّونشْثْ.
1SA 2:9 نتَّا إِ إِسّْڒقَّانْ خْ إِصُورَافْ ن إِمْثِيقَّانْ نّسْ، مَاشَا إِعفَّاننْ أَذْ تّْوَاسّْبكْمنْ ذِي ثَادْجسْثْ، مِينْزِي أَرْيَازْ وَارْ إِتِّيڒِي شَا ذ بُو ثغْرُوضْثْ زِي جّهْذْ ن يِيخفْ نّسْ.
1SA 2:10 ونِّي إِتّمْشُوبُّوشنْ أَكْ-ذ سِيذِي، أَذْ إِتّْوَارْژْ. أَذْ خَاسنْ إِسّْهمْهمْ ذڭْ ؤُجنَّا. سِيذِي أَذْ إِحْكمْ ثِينڭُّورَا ن دُّونشْثْ، أَذْ إِوْشْ ثِيزمَّارْ إِ ؤُجدْجِيذْ ؤُشَا أَذْ إِسّْڭعّذْ إِشّْ ن لْمَاسِيحْ نّسْ.“
1SA 2:11 إِعْقبْ إِلْقَانَا [عَاوذْ] غَارْ ثَادَّارْثْ نّسْ غَارْ رَامَا، [مَاشَا] أَحنْجِيرْ إِسخَّارْ إِ سِيذِي زَّاثْ إِ وُوذمْ ن ؤُكهَّانْ عَالِي.
1SA 2:12 [مَاشَا] ثَارْوَا ن عَالِي ثُوغَا ذ ثَارْوَا إِ وَارْ إِسكّْوِينْ. نِيثْنِي وَارْ سِّيننْ شَا سِيذِي.
1SA 2:13 إِكهَّاننْ نُّومنْ أَذْ ڭّنْ أَكْ-ذ ڒْڭنْسْ [أَمُّو]: مَاڒَا يِيوِي إِجّْ ن ورْيَازْ إِشْثْ ن ثْغَارْصْثْ، [خنِّي]، ؤُمِي ثُوغَا أَيْسُومْ [عَاذْ] إِتّْننَّا، يُوسَا-د إِجّْ ن ؤُمْسخَّارْ ن إِكهَّاننْ أَكْ-ذ إِشْثْ ن فُورْشِيثَا ن ثْڒَاثَا ن إِشُوكْضَانْ ذڭْ ؤُفُوسْ نّسْ،
1SA 2:14 إِجُّو ت ذِي ڒْبُورْمثْ نِيغْ ذڭْ ؤُطنْجِيرْ نِيغْ ذِي مَارْمِيثَا نِيغْ ذِي ثيْذُورْثْ ؤُ مَارَّا مِينْ غَا ثكْسِي فُورْشِيثَا، إِكْسِي ث ؤُكهَّانْ إِ يِيخفْ نّسْ. أَمُّو إِ ث ڭِّينْ غَارْ مَارَّا [أَيْثْ ن] إِسْرَائِيل إِنِّي د-يُوسِينْ غَارْ شِيلُو.
1SA 2:15 أَمُّو عَاوذْ، قْبڒْ غَا بخَّارنْ ثَاذُونْثْ، يُوسَا-د إِجّْ ن ؤُمْسخَّارْ ن إِكهَّاننْ، إِنَّا إِ ورْيَازْ نِّي د-إِوْينْ ثَاغَارْصْثْ: ”أوْشْ أَيِي أَيْسُومْ حِيمَا أَذْ ث قْڒِيغْ إِ ؤُكهَّانْ، مِينْزِي نتَّا وَارْ خَاكْ إِكْسِي شَا أَيْسُومْ إِتّْوَاننَّانْ، مَاشَا مْغِيرْ أَزِيزَا.“
1SA 2:16 مَاڒَا يَارَّا-د خَاسْ ورْيَازْ: ”أَمزْوَارْ إِتّْخصَّا أَذْ بخَّارنْ ثَاذُونْثْ مَارَّا، خنِّي كْسِي مِينْ إِخْسْ وُوڒْ نّشْ إِ يِيخفْ نّشْ!“، إِنَّا أَسْ [ؤُمْسخَّارْ ن ؤُكهَّانْ]: ”لَّ، إِتّْخصَّا أَذْ ث ثوْشذْ ڒخُّو، مَاڒَا لَّا، أَذْ ث كْسِيغْ س ؤُغِيڒْ!“
1SA 2:17 دّنْبْ ن إِمْسخَّارنْ ثُوغَا إِمْغَارْ أَطَّاسْ زَّاثْ إِ وُوذمْ ن سِيذِي، مَاغَارْ إِرْيَازنْ سّحْقَارنْ ثَاوْهِيبْثْ [ن ڒْغِيدْجثْ] ن سِيذِي.
1SA 2:18 [مَاشَا] شَامْوِيلْ ثُوغَا إِتّْسخَّارْ زَّاثْ إِ وُوذمْ ن سِيذِي، أَقَا-ث ذ إِجّْ ن ؤُحنْجِيرْ إِحزّْمنْ س يِيجّْ ن ؤُپَالْطُو [ن ؤُكهَّانْ] ن ڒقْطنْ.
1SA 2:19 يمَّاسْ ثڭَّا أَسْ إِجّْ ن ؤُسڒْهَامْ ؤُشَا ثتَّاوْيِي أَسْ ث-إِ-د زڭْ ؤُسڭّْوَاسْ غَارْ ؤُسڭّْوَاسْ، خْمِي ثتّْڭعّذْ أَكْ-ذ ورْيَازْ نّسْ حِيمَا أَذْ ثَاوِي ذِينْ ثَاغَارْصْثْ ن كُوڒْ أَسڭّْوَاسْ.
1SA 2:20 إِڭَّا عَالِي لْبَارَاكَا ذِي إِلْقَانَا ذ ثمْغَارْثْ نّسْ، إِنَّا: ”إِڒِي أَذْ أَشْ إِوْشْ سِيذِي زِي ثمْغَارْثْ-أَ إِجّْ ن ؤُحنْجِيرْ ذڭْ ومْشَانْ ن [ؤُحنْجِيرْ] إِ ثْسلّمْ نتَّاثْ، [ذڭْ ومْشَانْ ن ؤُحنْجِيرْ] إِ إِمّوْشنْ إِ سِيذِي.“ [خنِّي]عقْبنْ نِيثْنِي غَارْ ومْشَانْ ن ثْزذِّيغْثْ نّسْ.
1SA 2:21 سِيذِي مَاشَا إِخْزَارْ غَارْ حَانَّا ؤُ نتَّاثْ ثكْسِي س دّيْسثْ ؤُشَا ثُورُووْ-د ثْڒَاثَا ن إِحنْجِيرنْ ذ ثْنَاينْ ن ثْحنْجِيرِينْ، أَمْ ثُوغَا إِمقَّارْ شَامْوِيلْ أَمژْيَانْ غَارْ سِيذِي.
1SA 2:22 إِذْوڒْ عَالِي إِوْسَارْ أَطَّاسْ. نتَّا إِسْڒَا خْ مَارَّا مِينْ ڭِّينْ إِحنْجِيرنْ نّسْ إِ مَارَّا إِسْرَائِيل ؤُشَا [إِسْڒَا عَاوذْ] أَقَا نِيثْنِي طّْصنْ أَكْ-ذ ثمْغَارِينْ إِ ثُوغَا تّْسخَّارنْثْ غَارْ وَاذَافْ ن ؤُقِيضُونْ ن ؤُمْسَاڭَارْ.
1SA 2:23 نتَّا إِنَّا أَسنْ: ”مَايمِّي ثتّڭّمْ أَيَا أَمُّو، أَڒَامِي إِ تّسْڒِيغْ زِي مَارَّا ڒْڭنْسْ-أَ خْ ثْمڭَّا نْومْ ثِيعفَّانِينْ؟
1SA 2:24 لَّ، أَ إِحنْجِيرنْ إِنُو، أَيَا وَارْ إِدْجِي ذ إِجّْ ن ڒخْبَارْ إِحْڒَا إِ سْڒِيغْ. كنِّيوْ ثتَّارَّامْ ڒْڭنْسْ-أَ ن سِيذِي أَذْ إِوْضَا ذِي خطُّو.
1SA 2:25 مَاڒَا إِجّْ ن بْنَاذمْ إِخْضَا أَكْ-ذ إِجّْ بْنَاذمْ [نّغْنِي]، [خنِّي] أَذْ خَاسْ إِحْكمْ أَربِّي، مَاشَا مَاڒَا إِجّْ ن بْنَاذمْ أَذْ إِخْضَا خْ سِيذِي، وِي خَاسْ غَا إِوْثنْ؟“ [وَاخَّا أَمنِّي] نِيثْنِي وَارْ سْڒِينْ شَا غَارْ بَابَاثْسنْ، مَاغَارْ سِيذِي ثُوغَا إِخْسْ أَذْ ثنْ إِنغْ.
1SA 2:26 [مَاشَا] شَامْوِيلْ أَمژْيَانْ ثُوغَا إِمقَّارْ ؤُشَا يَارْنِي إِتَّاسْ-د خْ ڒْخَاضَارْ إِ سِيذِي ؤُڒَا غَارْ إِوْذَانْ.
1SA 2:27 ؤُشَا يُوسَا-د إِجّْ ن ورْيَازْ ن سِيذِي غَارْ عَالِي، إِنَّا أَسْ: ”أَمُّو إِ إِقَّارْ سِيذِي: ’مَا وَارْ إِ ذ سّشْنغْ إِخفْ إِنُو نِيشَانْ إِ ثَادَّارْثْ ن بَابَاشْ ؤُمِي ثنْ ثُوغَا ذِي مِيصْرَا، ذِي ثَادَّارْثْ ن فِيرْعُونْ؟
1SA 2:28 نشّْ فَارْزغْ ث زِي مَارَّا ثِيقبَّاڒْ ن إِسْرَائِيل ذ أَكهَّانْ إِ نشّْ مَاحنْذْ أَذْ إِڭعّذْ غَارْ ؤُعَالْطَارْ إِنُو حِيمَا أَذْ ذِينْ إِسَّارْغْ ڒبْخُورْ [ؤُ] مَاحنْذْ أَذْ يَارْضْ أَپَالْطُو [ن ؤُكهَّانْ] زَّاثْ إِ وُوذمْ إِنُو. نشّْ وْشِيغْ [عَاوذْ] إِ ثَادَّارْثْ ن بَابَاشْ مَارَّا ثِيغَارْصَا ن ثْمسِّي ن أَيْثْ ن إِسْرَائِيل.
1SA 2:29 مَايمِّي ثْعفّْسمْ كنِّيوْ خْ ثْغَارْصْثْ إِنُو ذ ثوْهِيبْثْ [ن ڒْغِيدْجثْ] إِ زِي ؤُمُورغْ [مَاحنْذْ أَذْ ثنْثْ ثْوهّْبمْ] ذِي ثْزذِّيغْثْ [إِنُو]، ؤُ [مَايمِّي] ثتّْوقَّارمْ إِحنْجِيرنْ نْومْ أَطَّاسْ خَافِي ؤُمِي ثْمسْڒمْ كنِّيوْ إِخفْ نْومْ س مُومُّو ن مَارَّا ثِيوْهِيبِينْ [ن ڒْغِيدْجثْ] ن ڒْڭنْسْ إِنُو إِسْرَائِيل؟‘
1SA 2:30 س ؤُيَا إِقَّارْ سِيذِي، أَربِّي ن إِسْرَائِيل: ’نشّْ نِّيغْ نِيشَانْ: ثَادَّارْثْ نّشْ ذ ثَادَّارْثْ ن بَابَاشْ أَذْ ؤُيُورنْثْ زَّاثْ إِ وُوذمْ إِنُو إِ ڒبْذَا!‘، [مَاشَا] ڒخُّو إِقَّارْ سِيذِي: ’أَيَا أَقَا إِڭّْوجْ خَافِي، مَاغَارْ إِنِّي ذ أَيِي إِتّْوقَّارنْ، أَذْ ثنْ وقَّارغْ، [مَاشَا] إِنِّي إِ ذ أَيِي إِسّحْقَارَانْ، أَذْ تّْوَاحسْبنْ ذ إِمُوقْڒِيڒنْ.
1SA 2:31 خْزَارْ أَذْ أَسنْ وُوسَّانْ، أَذْ قضْعغْ أَغِيڒْ نّشْ ذ ؤُغِيڒْ ن ثَادَّارْثْ ن بَابَاشْ أَڒَامِي وَارْ إِتِّيڒِي [عَاذْ] ذ أَوسَّارْ ذِي ثَادَّارْثْ نّشْ.
1SA 2:32 شكْ أَذْ ثخْزَارذْ [بلِّي أَذْ د-يَاسْ] إِجّْ ن وغْرِيمْ [ن] ثْزذِّيغْثْ، وَاخَّا نتَّا إِتّڭّْ ثْشُونِي-يَا مَارَّا إِ إِسْرَائِيل، ؤُشَاعمَّارْصْ أَذْ يِيڒِي [عَاذْ] إِجّْ ن ؤُوسَّارْ ذِي ثَادَّارْثْ نّشْ، مَارَّا ؤُسَّانْ.
1SA 2:33 وَارْ قطّْعغْ شَا كُوڒْ أَرْيَازْ إِ غَاركْ إِدْجَانْ خْ ؤُعَالْطَارْ إِنُو، أَڒَامِي غَا ؤُحْڒنْثْ ثِيطَّاوِينْ نّشْ قَاعْ، أَذْ ثفْنَا ڒعْمَارْ نّشْ ؤُشَا مَارَّا أَرَّاوْ ن ثَادَّارْثْ نّشْ أَذْ مّْثنْ ذ إِرْيَازنْ.
1SA 2:34 ذ ثَا إِ ذ أَكْ غَا ثِيڒِي ذ ڒعْڒَامثْ نِّي د غَا ثَاسْ خْ ثْنَاينْ ن إِحنْجِيرنْ نّشْ، حُوفْنِي ذ فِينَاحَاسْ: أَذْ مّْثنْ س ثْنَاينْ ذڭْ إِجّْ ن وَاسّْ.
1SA 2:35 نشّْ مَاشَا أَذْ ڭّغْ إِ إِخفْ إِنُو إِجّْ ن ؤُكهَّانْ ذ أَمْثِيقِّي. نتَّا أَذْ إِڭّْ عْلَاحْسَابْ ؤُڒْ ذ ڒعْمَارْ إِنُو. نشّْ أَذْ أَسْ سّْبدّغْ إِشْثْ ن ثَادَّارْثْ ثمْثنْ ؤُشَا نتَّا أَذْ يُويُورْ ڒبْذَا زَّاثْ إِ وُوذمْ ن لْمَاسِيحْ إِنُو.
1SA 2:36 ؤُشَا أَذْ إِمْسَارْ، بلِّي مَارَّا وِي غَا إِقِّيمنْ زِي ثَادَّارْثْ نّشْ، أَذْ د-يَاسْ أَذْ أَسْ إِبنْذقْ إِ يِيشْثْ ن ثُوقِييَّاثْ ن نُّوقَارْثْ نِيغْ إِ يِيشْثْ ن ثشْنِيفْثْ ن وغْرُومْ، أَذْ يِينِي: ’أَرْنِي أَيِي مْغِيرْ غَارْ إِشْثْ ن ڒْخذْمثْ ن ثْسخَّارْثْ ن إِكهَّاننْ، مَاحنْذْ أَذْ غَارِي يِيڒِي إِجّْ ن ؤُڒقِّيمْ ن وغْرُومْ إِ مَاشَّا.‘ “
1SA 3:1 شَامْوِيلْ أَمژْيَانْ ثُوغَا إِتّْسخَّارْ إِ سِيذِي زَّاثْ إِ وُوذمْ ن عَالِي. ذڭْ وُوسَّانْ نِّي ثُوغَا أَوَاڒْ ن سِيذِي إِقِّيدْجثْ. وَارْ ثُوغِي ثتّفِّيغْ شَا ن ڒوْحِييْ.
1SA 3:2 ذڭْ وَاسّْ نِّي، ؤُمِي عَالِي إِطّصْ ذڭْ ومْشَانْ نّسْ ؤُشَا ذوْڒنْثْ ثِيطَّاوِينْ نّسْ أَرْخُونْثْ أَڒَامِي ثُوغَا وَارْ إِزمَّارْ أَذْ إِتّْوَاڒَا [عَاذْ]، إِمْسَارْ -
1SA 3:3 [عَاذْ] قْبڒْ إِخْسِي ڒفْنَارْ ن أَربِّي ؤُ شَامْوِيلْ ثُوغَا إِطّصْ ذِي زَّاوشْثْ ن سِيذِي مَانِي ثدْجَا تَّابُوثْ ن أَربِّي -
1SA 3:4 أَقَا سِيذِي إِڒَاغَا إِ شَامْوِيلْ. ؤُشَا يَارَّا-د خَاسْ شَامْوِيلْ: ”نشّْ أَقَا أَيِي ذَا!“
1SA 3:5 نتَّا يُوزّڒْ غَارْ عَالِي، إِنَّا: ”ذَانِيثَا إِ دْجِيغْ، شكْ ثْڒَاغِيذْ أَيِي-د.“ [مَاشَا] نتَّا إِنَّا: ”نشّْ وَارْ خَاكْ د-ڒَْاغِيغْ شَا، عْقبْ، أَذْ ثزّْڒذْ!“ ؤُشَا إِعْقبْ، إِزّڒْ.
1SA 3:6 سِيذِي إِڒَاغَا إِ شَامْوِيلْ ثْوَاڒَا نّغْنِيثْ ؤُشَا إِكَّارْ-د شَامْوِيلْ، يُويُورْ غَارْ عَالِي، إِنَّا: ”نشّْ أَقَا أَيِي ذَا، مِينْزِي شكْ ثْڒَاغِيذْ أَيِي-د.“ يَارَّا-د خَاسْ نتَّا: ”نشّْ وَارْ خَاكْ د-ڒَْاغِيغْ شَا، مِّي، عْقبْ، أَذْ ثزّْڒذْ!“
1SA 3:7 شَامْوِيلْ عَاذْ وَارْ إِسِّينْ سِيذِي ؤُ أَوَاڒْ ن سِيذِي ثُوغَا عَاذْ وَارْ ذ أَسْ إِتّْوَاسَّارْڭبْ.
1SA 3:8 إِڒَاغَا-د سِيذِي خْ شَامْوِيلْ عَاوذْ إِ ثْوَاڒَا وِيسّْ ثْڒَاثَا ؤُ نتَّا إِكَّارْ-د، يُويُورْ غَارْ عَالِي، إِنَّا: ”نشّْ أَقَا أَيِي ذَا، شكْ ثْڒَاغِيذْ أَيِي-د.“ [خَاسْ ؤُشَا] إِحكَّارْ عَالِي، أَقَا سِيذِي ثُوغَا إِڒَاغَا خْ ؤُحنْجِيرْ،
1SA 3:9 ؤُشَا عَالِي إِنَّا إِ شَامْوِيلْ: ”رُوحْ، أَذْ ثزّْڒذْ! مَاڒَا نتَّا إِڒَاغَا أَشْ-د [عَاوذْ]، خنِّي أَرّْ خَاسْ: ’سِيوڒْ، سِيذِي، مَاغَارْ أَمْسخَّارْ نّشْ إِتّسْڒَا!‘ “ ؤُشَا إِعْقبْ شَامْوِيلْ، إِزّڒْ ذڭْ ومْشَانْ نّسْ.
1SA 3:10 [خنِّي] يُوسَا-د سِيذِي ؤُشَا إِبدّْ ذِينْ ؤُشَا إِڒَاغَا أَمْ ثْوَاڒَاوِينْ نّغْنِي: ”شَامْوِيلْ، شَامْوِيلْ!“ إِنَّا شَامْوِيلْ: ”سِيوڒْ، مَاغَارْ أَمْسخَّارْ نّشْ إِتّسْڒَا!“
1SA 3:11 سِيذِي إِنَّا إِ شَامْوِيلْ: ”خْزَارْ، نشّْ أَذْ ڭّغْ شَا ذِي إِسْرَائِيل أَڒَامِي مَارَّا وِي خَاسْ إِ غَا إِسْڒنْ، ثْنَاينْ ن إِمزُّوغنْ نّسْ أَذْ طْنطْننْ.
1SA 3:12 ذڭْ وَاسّْ نِّي أَذْ قفْڒغْ مَارَّا إِ عَالِي، زڭْ ؤُمزْوَارُو أَڒْ أَنڭَّارُو مِينْ زِي سِّيوْڒغْ خْ ثَادَّارْثْ نّسْ.
1SA 3:13 [مِينْزِي] نشّْعڒْمغْ أَسْ، أَقَا نشّْ أَذْ حكْمغْ ثَادَّارْثْ نّسْ إِ ڒبْذَا خْ ڒْمُوعْصِييّثْ مِينْ خفْ إِسّنْ، مِينْزِي ڒَامِي سِّيوْضنْ إِحنْجِيرنْ نّسْ نّعْڒثْ خْ يِيخفْ نْسنْ، نتَّا وَارْ ثنْ إِطِّيفْ شَا.
1SA 3:14 س ؤُيَا نشّْ جُّودْجغْ إِ ثَادَّارْثْ ن عَالِي: ’وَارْ إِتّْوَاڭّْ وصْڒَاحْ إِ ڒبْذَا إِ ڒْمُوعْصِييّثْ ن ثَادَّارْثْ ن عَالِي س ثْغَارْصْثْ ؤُڒَا س ثوْهِيبْثْ [ن ڒْغِيدْجثْ]!‘ “
1SA 3:15 شَامْوِيلْ إِقِّيمْ إِزّڒْ أَڒْ صّْبحْ، [خنِّي] يَارْزمْ ثِيوُّورَا ن ثَادَّارْثْ ن سِيذِي. [مَاشَا] شَامْوِيلْ إِڭّْوذْ أَذْ إِحَاجَا ڒوْحِييْ إِ عَالِي.
1SA 3:16 [خنِّي] إِڒَاغَا عَالِي خْ شَامْوِيلْ، إِنَّا: ”شَامْوِيلْ، مِّي!“ نتَّا يَارَّا-د خَاسْ: ”نشّْ أَقَا أَيِي ذَا!“
1SA 3:17 [خنِّي] إِنَّا: ”مَانْ أَوَاڒْ إِ ذ أَشْ إِنَّا؟ تّْزَاوْڭغْ شكْ، وَارْ خَافِي سْنُوفَّارْ! أجّْ أَذْ أَشْ إِڭّْ أَربِّي أَمُّو، عَاذْ مَاهُو، مَاڒَا شكْ ثسّْنُوفَّارذْ خَافِي إِجّْ ن وَاوَاڒْ [وَاهَا] زِي مَارَّا أَوَاڒْ[أنْ] إِ كِيذكْ إِسِّيوڒْ نتَّا.“
1SA 3:18 [خنِّي] إِحَاجَا أَسْ شَامْوِيلْ مَارَّا أَوَاڒنْ ؤُ وَارْ خَاسْ ثنْ إِفَّارْ. ؤُشَا يَارَّا-د خَاسْ [عَالِي]: ”أَقَا-ث ذ سِيذِي، أجّْ إِ-ث أَذْ إِڭّْ مِينْ إِدْجَانْ نِيشَانْ ذِي ثِيطَّاوِينْ نّسْ!“
1SA 3:19 شَامْوِيلْ ثُوغَا إِمقَّارْ ؤُ سِيذِي ثُوغَا-ث أَكِيذسْ ؤُ وَارْ إِجِّي [ؤُڒَا ذ إِجّنْ] زِي مَارَّا أَوَاڒنْ نّسْ أَذْ إِوْضَا غَارْ ثمُّورْثْ.
1SA 3:20 مَارَّا إِسْرَائِيل، زِي ذَانْ أَڒْ بِئرْ-سبْعَا، ثُوغَا إِتّْوَاڒَا أَقَا شَامْوِيلْ ثُوغَا إِتّْوَاڒقّمْ ذ أَنَابِي ن سِيذِي.
1SA 3:21 سِيذِي إِقِّيمْ أَذْ د-إِضْهَارْ ذِي شِيلُو، مِينْزِي سِيذِي إِسَّارْڭبْ إِخفْ نّسْ إِ شَامْوِيلْ ذِي شِيلُو س وَاوَاڒْ ن سِيذِي.
1SA 4:1 أَوَاڒْ ن شَامْوِيلْ يِيوضْ غَارْ مَارَّا إِسْرَائِيل ؤُشَا إِفّغْ إِسْرَائِيل غَارْ ؤُمْسَاڭَارْ أَكْ-ذ إِفِيلِيسْطِينِييّنْ إِ ؤُمنْغِي [أَكِيذْسنْ]. نِيثْنِي وْثِينْ إِقِيضَانْ نْسنْ غَارْ أَبِينْ-هَاعِيزِيرْ، ؤُشَا إِفِيلِيسْطِينِييّنْ وْثِينْ إِقِيضَانْ نْسنْ غَارْ أَفِيقْ.
1SA 4:2 إِفِيلِيسْطِينِييّنْ سدّنْ إِخفْ نْسنْ [إِ ؤُمنْغِي] أَكْ-ذ إِسْرَائِيل ؤُشَا [ؤُمِي] إِميّڒْ ؤُمنْغِي ذَا ذ ذِيهَا، إِتّْوَاغلّبْ إِسْرَائِيل زَّاثْ إِ وُوذمْ ن إِفِيلِيسْطِينِييّنْ ؤُشَا نِيثْنِي نْغِينْ عْڒَاحَاڒْ أَربْعَا-أَڒَافْ ن يرْيَازنْ ذِي ڒصْفُوفْ [ن ڒْعسْكَارْ نْسنْ] ذڭْ وَازَّايْ [ن ؤُمنْغِي].
1SA 4:3 [ؤُمِي] إِعْقبْ ڒْڭنْسْ غَارْ ڒْمَارْڭحْ ن ڒْعسْكَارْ، نَّانْ إِمْغَارنْ ن إِسْرَائِيل: ”مَايمِّي ذ أَنغْ إِوْثَا سِيذِي أَسّْ-أَ زَّاثْ إِ وُوذمْ ن إِفِيلِيسْطِينِييّنْ؟ أجّْ أَنغْ أَذْ نكْسِي تَّابُوثْ ن ڒْعَاهْذْ ن سِيذِي زِي شِيلُو، أَذْ د-ثَاسْ ذِي ڒْوسْثْ نّغْ، حِيمَا أَذْ أَنغْ ثْفكّْ زڭْ ؤُفُوسْ ن ڒْعذْيَانْ نّغْ.“
1SA 4:4 ڒْڭنْسْ إِسّكّْ [إِرْيَازنْ] غَارْ شِيلُو، إِوْينْ-د سّنِّي تَّابُوثْ ن ڒْعَاهْذْ ن سِيذِي ن ڒْعسْكَارَاثْ ونِّي إِتّْغِيمَانْ [خْ] إِكِيرُوبنْ. ثُوغَا ذِينِّي ثْنَاينْ ن إِحنْجِيرنْ ن عَالِي، حُوفْنِي ذ فِينَاحَاسْ، أَكْ-ذ تَّابُوثْ ن ڒْعَاهْذْ ن أَربِّي.
1SA 4:5 [ؤُمِي] د-ثُوسَا تَّابُوثْ ن ڒْعَاهْذْ ن سِيذِي غَارْ ڒْمَارْڭحْ ن ڒْعسْكَارْ، إِمْسَارْ، أَقَا مَارَّا إِسْرَائِيل إِسْڒِيوْڒوْ س يِيجّْ ن ؤُسْڒِيوْڒوْ إِجهْذنْ، أَڒَامِي ثَارْجِيجِي ثمُّورْثْ.
1SA 4:6 [ؤُمِي] سْڒَانْ إِفِيلِيسْطِينِييّنْ إِ ڒْحسّْ ن ؤُسْڒِيوْڒوْ، نَّانْ: ”مَانَا ڒْحسّْ-أَ ن ؤُسْڒِيوْڒوْ إِجهْذنْ ذِي ڒْمَارْڭحْ ن ڒْعسْكَارْ ن إِعِيبْرَانِييّنْ؟“ ؤُشَا نِيثْنِي فهْمنْ، أَقَا تَّابُوثْ ن سِيذِي ثُوسَا-د ذِي ڒْمَارْڭحْ ن ڒْعسْكَارْ.
1SA 4:7 ڭّْوذنْ إِفِيلِيسْطِينِييّنْ أَطَّاسْ، مَاغَارْ نِيثْنِي نَّانْ: ”أَربِّي يُوسَا-د [غَارْسنْ] غَارْ ڒْمَارْڭحْ ن ڒْعسْكَارْ!“ ؤُشَا نَّانْ: ”أَيَّاوْ خَانغْ، مَاغَارْ أَيَا أَمُّوعمَّارْصْ وَارْ إِمْسَارْ!
1SA 4:8 ؤُشْثْ خَانغْ، مَانْ ونْ إِ ذ أَنغْ غَا إِفكّنْ زڭْ ؤُفُوسْ ن إِربِّيثنْ إِجهْذنْ؟ إِنَا ذ إِربِّيثنْ إِ إِوْثِينْ إِمِيصْرِييّنْ س مَارَّا جّْرَايحْ ذِي ڒخْڒَا!
1SA 4:9 إِڒِيمْ ثْمحْضمْ ؤُ إِڒِيمْ ذ إِرْيَازنْ، [كنِّيوْ] إِفِيلِيسْطِينِييّنْ، مَاحنْذْ وَارْ ثتّْسخَّارمْ إِ إِعِيبْرَانِييّنْ أَمْ مَامّشْ نِيثْنِي غَارْومْ سخَّارنْ. إِڒِيمْ ذ إِرْيَازنْ ؤُ منْغمْ!“
1SA 4:10 ؤُشَا فّْغنْ إِفِيلِيسْطِينِييّنْ غَارْ ؤُمنْغِي ؤُ إِتّْوَاغْڒبْ إِسْرَائِيل. أَروْڒنْ نِيثْنِي، كُوڒْ إِجّْ غَارْ ؤُقِيضُونْ نّسْ. ثُوغَا ذ إِشْثْ ن ثْخسَّارْثْ ذ ثَامقّْرَانْثْ أَطَّاسْ، أَڒَامِي وْضَانْ ثْڒَاثِينْ-أَڒفْ ن يرْيَازنْ زِي إِسْرَائِيل إِ د-إِفّْغنْ غَارْ ؤُمنْغِي خْ إِضَارنْ.
1SA 4:11 تَّابُوثْ ن أَربِّي ثتّْوَاحوّسْ ؤُ ثْنَاينْ ن إِحنْجِيرنْ ن عَالِي، حُوفْنِي ذ فِينَاحَاسْ، مُّوثنْ.
1SA 4:12 [خنِّي] يُوزّڒْ إِجّنْ زڭْ أَيْثْ ن بِينْيَامِينْ زڭْ وَازَّايْ ن ؤُمنْغِي، يِيوضْ غَارْ شِيلُو ذڭْ وَاسّْ نِّي سِيمَانْثْ نّسْ، س وَارُّوضْ إِشَارّڭْ ؤُشَا [أَ]شَاڒْ ثُوغَا خْ ؤُزدْجِيفْ نّسْ.
1SA 4:13 [ڒَْامِي] يِيوضْ نتَّا، إِقِّيمْ عَالِي خْ ڒْكُورْسِي نّسْ غَارْ ثْمَا ن وبْرِيذْ، إِقْشعْ، مِينْزِي ؤُڒْ نّسْ ثُوغَا إِتَّارْجِيجِي زِي سِّيبّثْ ن تَّابُوثْ ن أَربِّي. [ؤُمِي] د-يُوسَا ورْيَازْ نِّي مَاحنْذْ أَذْ ث إِحَاجَا ذِي ثنْذِينْثْ، ثسْغُويْ ثنْذِينْثْ مَارَّا.
1SA 4:14 [ؤُمِي] إِسْڒَا عَالِي ڒْحسّْ ن ؤُسْغُويِّي، إِنَّا: ”مَانَا ڒْحسّْ ن ڒْهَارَاجْ-أَ ن ڒْغَاشِي نِّي؟“ [خنِّي] إِقدْجقْ ورْيَازْ، يُوسَا-د، إِحَاجَا [ث] إِ عَالِي.
1SA 4:15 ثُوغَا غَارْ عَالِي ثْمنْيَا ؤُ-ثسْعِينْ ن إِسڭّْوُوسَا. ثِيطَّاوِينْ نّسْ ذوْڒنْثْ أَرْخُونْثْ، أَڒَامِي وَارْ إِتّْوِيڒِي عَاذْ.
1SA 4:16 أَرْيَازْ إِنَّا إِ عَالِي: ”نشّْ ؤُسِيغْ-د زڭْ وَازَّايْ ن ؤُمنْغِي. أَسّْ-أَ أَروْڒغْ زِي ڒصْفُوفْ [ن ڒْعسْكَارْ].“ إِنَّا [أَسْ عَالِي]: ”مِينْ إِمْسَارنْ، أَ مِّي؟“
1SA 4:17 أَرقَّاسْ يَارَّا-د خَاسْ، إِنَّا: ”إِسْرَائِيل يَارْوڒْ زَّاثْ إِ وُوذمْ ن إِفِيلِيسْطِينِييّنْ ؤُ ڒْڭنْسْ إِڭَّا إِشْثْ ن ثْخسَّارْثْ ثوْعَارْ أَطَّاسْ. ؤُڒَا ذ ثْنَاينْ ن إِحنْجِيرنْ نّشْ، حُوفْنِي ذ فِينَاحَاسْ، تّْوَانْغنْ ؤُ تَّابُوثْ ن أَربِّي ثتّْوَاحوّسْ.“
1SA 4:18 ؤُمِي نتَّا يِيذَارْ تَّابُوثْ ن أَربِّي، إِمْسَارْ، أَقَا عَالِي إِوْضَا غَارْ ضفَّارْ زِي ڒْكُورْسِي زَّاثْ إِ ثوَّارْثْ. نتَّا يَارّژْ زڭْ يِيرِي ؤُشَا إِفّغْ أَسْ بُوحْبڒْ، مَاغَارْ أَرْيَازْ ثُوغَا إِوْسَارْ ؤُ إِذْقڒْ. نتَّا ثُوغَا ذ ڒْقَاضِي خْ إِسْرَائِيل أَربْعِينْ ن إِسڭّْوُوسَا.
1SA 4:19 ثَاسْڒِيثْ نّسْ، ثَامْغَارْثْ ن [مِّيسْ] فِينَاحَاسْ، ثُوغَا ثكْسِي س دّيْسثْ، ثُوغَا [عْڒَاينْ] أَذْ د-ثَارُووْ. [ؤُمِي] نتَّاثْ ثسْڒَا أَقَا تَّابُوثْ ن أَربِّي ثتّْوَاحوّسْ، ؤُعمِّيسْ إِمُّوثْ ؤُڒَا ذ أَرْيَازْ نّسْ، [خنِّي] ثكْمُومّشْ ؤُشَا ثُورُووْ-د [أَحنْجِيرْ نّسْ]، مِينْزِي ثُوغَا إِطّفْ إِ-ت ڒوْجعْ نّسْ ن ثَارُوثْ.
1SA 4:20 [ؤُمِي] د-ثِيوضْ ڒْوقْثْ ن ڒْموْثْ نّسْ، نَّانْثْ ثمْغَارِينْ ثِينِّي غَارسْ إِبدّنْ: ”وَارْ تّڭّْوذْ شَا، شمْ ثُورْوذْ-د إِجّْ ن ؤُحنْجِيرْ.“ مَاشَا نتَّاثْ وَارْ [خَاسنْثْ] د-ثَارِّي شَا ؤُ ؤُڒْ نّسْ وَارْ ثْحكَّارْ.
1SA 4:21 نتَّاثْ ثڭَّا أَسْ إِ ؤُحنْجِيرْ ’إِكابُوذْ‘، ثنَّا: ”إِتّْوَاكّسْ ؤُعُودْجِي زِي إِسْرَائِيل!“، مِينْزِي ثمّكْسِي تَّابُوثْ ن أَربِّي، ؤُشَا ؤُڒَا ذِي سِّيبّثْ [ن ڒْموْثْ] نعمِّيسْ ذ ورْيَازْ نّسْ.
1SA 4:22 نتَّاثْ ثنَّا: ”إِتّْوَاكّسْ ؤُعُودْجِي زِي إِسْرَائِيل، مَاغَارْ ثمّكْسِي تَّابُوثْ ن أَربِّي.“
1SA 5:1 إِفِيلِيسْطِينِييّنْ كْسِينْ تَّابُوثْ ن أَربِّي ؤُشَا إِوْينْ ت زِي أَبِينْ-هَاعِيزِيرْ غَارْ أَشْذُوذْ.
1SA 5:2 [خنِّي] كْسِينْ إِفِيلِيسْطِينِييّنْ تَّابُوثْ ن أَربِّي ؤُشَا سِّيوْضنْ ت ذِي ثَادَّارْثْ ن ذَاجُونْ ؤُشَا سَّارْسنْ ت خْ ؤُغزْذِيسْ ن ذَاجُونْ.
1SA 5:3 ثِيوشَّا نّسْ [ؤُمِي إِمزْذَاغْ] ن أَشْذُوذْ كَّارنْ زِيشْ، خْزَارْ، ذَاجُونْ ثُوغَا إِوْضَا خْ ؤُغمْبُوبْ نّسْ خْ ثمُّورْثْ زَّاثْ إِ تَّابُوثْ ن سِيذِي. كْسِينْ نِيثْنِي ذَاجُونْ، سّْبدّنْ ث عَاوذْ ذڭْ ومْشَانْ نّسْ.
1SA 5:4 ثِيوشَّا نّسْ ؤُمِي د-كَّارنْ نِيثْنِي زِيشْ [عَاوذْ]، خْزَارْ، ذَاجُونْ ثُوغَا إِوْضَا [عَاوذْ] خْ ؤُغمْبُوبْ نّسْ خْ ثمُّورْثْ زَّاثْ إِ تَّابُوثْ ن سِيذِي، مَاشَا أَزدْجِيفْ ن ذَاجُونْ ذ إِفَاسّنْ نّسْ س ثْنَاينْ مَّارْسنْ قسّنْ غَارْ ثْنبْذَاثْ. مْغِيرْ [أَرِّيمثْ ن] ذَاجُونْ ثُوغَا ثقِّيمْ ذڭْ [ومْشَانْ] نّسْ.
1SA 5:5 خْ ؤُيَا وَارْ عْفِيسنْ إِكهَّاننْ ن ذَاجُونْ ذ مَارَّا إِنِّي إِ د-إِتَّاسنْ غَارْ ثَادَّارْثْ ن ذَاجُونْ خْ ثْنبْذَاثْ ن ذَاجُونْ ذِي أَشْذُوذْ أَڒْ أَسّْ-أَ.
1SA 5:6 أَفُوسْ ن سِيذِي إِذْقڒْ خْ [إِمزْذَاغْ] ن أَشْذُوذْ. نتَّا إِسَّارْعبْ إِ-ثنْ ؤُشَا إِوْثَا ثنْ س ثْحبَّا، [ذِي ثَانْذِينْثْ ن] أَشْذُوذْ ذ جّْوَايهْ نّسْ.
1SA 5:7 [ؤُمِي] إِرْيَازنْ ن أَشْذُوذْ ژْرِينْ، أَقَا أَمُّو إِ إِمْسَارْ، نَّانْ نِيثْنِي: ”تَّابُوثْ ن أَربِّي ن إِسْرَائِيل وَارْ ثْزمَّارْ أَذْ غَارْنغْ ثقِّيمْ، مَاغَارْ أَفُوسْ نّسْ إِڭَّا خَانغْ دّْقڒْ ؤُڒَا خْ أَربِّي نّغْ ذَاجُونْ.“
1SA 5:8 نِيثْنِي سّكّنْ [إِرْيَازنْ] ؤُشَا ڭِّينْ أَذْ سّْمُوننْ مَارَّا ڒْبَاشَاثْ [ن ثْندَّامْ] ن إِفِيلِيسْطِينِييّنْ، نَّانْ: ”مِينْ غَا نڭّْ س تَّابُوثْ ن أَربِّي ن إِسْرَائِيل؟“ نَّانْ نِيثْنِي: ”تَّابُوثْ ن أَربِّي ن إِسْرَائِيل أَذْ ثتّْوَاسّْمُوطِّييْ غَارْ جَاثْ.“ [خنِّي] سّْمُوطِّيينْ تَّابُوثْ ن أَربِّي ن إِسْرَائِيل [غَارْ جَاثْ].
1SA 5:9 مَاشَا أَوَارْنِي إِ ؤُمِي ت سّْمُوطِّيينْ، إِسِّيوضْ ؤُفُوسْ ن سِيذِي إِجّْ ن ؤُخَارْوضْ ذ أَمقّْرَانْ خْ ثنْذِينْثْ نِّي ؤُشَا إِوْثَا إِرْيَازنْ ن ثنْذِينْثْ، زڭْ ؤُمژْيَانْ أَڒْ أَمقّْرَانْ، س ثْحبَّا [إِنُّوفَارنْ].
1SA 5:10 [خنِّي] سّكّنْ نِيثْنِي تَّابُوثْ ن أَربِّي غَارْ عَاقْرُونْ. ؤُمِي د-ثُوسَا تَّابُوثْ ن أَربِّي غَارْ عَاقْرُونْ، إِمْسَارْ، أَقَا [إِمزْذَاغْ ن] عَاقْرُونْ سْغُوينْ، نَّانْ: ”نِيثْنِي إِوْينْ-د تَّابُوثْ ن أَربِّي ن إِسْرَائِيل غَارْنغْ [ذَانِيثَا]، حِيمَا أَذْ أَنغْ نْغنْ ؤُڒَا ذ ڒْڭنْسْ نّغْ.“
1SA 5:11 سّكّنْ نِيثْنِي [إِرقَّاسنْ] ؤُشَا ڭِّينْ أَذْ سّْمُوننْ مَارَّا ڒْبَاشَاثْ [ن ثْندَّامْ] ن إِفِيلِيسْطِينِييّنْ، نَّانْ: ”سِيڭّْوجمْ تَّابُوثْ ن أَربِّي ن إِسْرَائِيل، جّمْ ت أَذْ د-ثذْوڒْ غَارْ ومْشَانْ نّسْ، حِيمَا وَارْ ذ أَيِي إِنقّْ ؤُڒَا ذ ڒْڭنْسْ إِنُو!“، مِينْزِي ثُوغَا ذِينْ إِجّْ ن ؤُقزّبْ إِمْغَارْ ذِي مَارَّا ثَانْذِينْثْ ؤُشَا أَفُوسْ ن أَربِّي إِذْقڒْ أَطَّاسْ [خْ عَاقْرُونْ].
1SA 5:12 إِوْذَانْ، إِنِّي وَارْ إِمُّوثنْ، ثُوغَا تّْوَاوْثنْ س ثْحبَّا، أَڒَامِي أَغُويِّي ن ؤُسْغَاثِي ن ثنْذِينْثْ إِڭعّذْ غَارْ ؤُجنَّا سنّجْ.
1SA 6:1 [ؤُمِي] تَّابُوثْ ن سِيذِي ثكَّا سبْعَا ن إِيُورنْ ذِي ثمُّورْثْ ن إِفِيلِيسْطِينِييّنْ،
1SA 6:2 ڒَاغَانْ إِفِيلِيسْطِينِييّنْ خْ إِكهَّاننْ ذ إِڭزَّاننْ، نَّانْ: ”مِينْ غَا نڭّْ أَكْ-ذ تَّابُوثْ ن سِيذِي؟ سشْنمْ أَنغْ، مَامّشْ ت إِ غَا نسّكّْ غَارْ ومْشَانْ نّسْ.“
1SA 6:3 نِيثْنِي أَرِّينْ-د [خَاسنْ]: ”مَاڒَا كنِّيوْ ثسّكّمْ تَّابُوثْ ن أَربِّي ن إِسْرَائِيل، خنِّي وَارْ ت ثسّكّمْ ثخْوَا، مِينْزِي إِتّْخصَّا أَذْ ثْخدْجْصمْ إِشْثْ ن ثوْهِيبْثْ ن ؤُمَارْوَاسْ إِ وعْذَاڒْ. خنِّي أَذْ ثڭّنْفَامْ ؤُشَا أَذْ ثسّْنمْ، مَايمِّي أَفُوسْ نّسْ وَارْ زَّايْومْ إِتّكّسْ.“
1SA 6:4 [خنِّي] نَّانْ نِيثْنِي: ”مَانْ ثَاوْهِيبْثْ ن ؤُمَارْوَاسْ إِ ذ أَسْ غَا نْقدّمْ إِ وعْذَاڒْ؟“ نِيثْنِي أَرِّينْ-د [خَاسنْ]: ”خمْسَا ن ثْحبَّا ن وُورغْ ذ خمْسَا ن إِغَارْذَاينْ ن وُورغْ، خْ قدَّا ن ڒْبَاشَاثْ [ن ثْندَّامْ] ن إِفِيلِيسْطِينِييّنْ، مِينْزِي كنِّيوْ مَارَّا [ثڒْقفْ] كنِّيوْ جّْرِيحشْثْ ذ إِشْثنْ ؤُڒَا ذ ڒْبَاشَاثْ نْومْ.
1SA 6:5 ڭّمْ ڒخْيَاڒَاثْ ن ثْحبَّا نْومْ ذ ڒخْيَاڒَاثْ ن إِغَارْذَاينْ نْومْ نِّي يَاردّْدْجنْ ثَامُّورْثْ، ؤُشَا سْعُودْجمْ أَربِّي ن إِسْرَائِيل. أَذْ ثَاغْ أَذْ إِسّفْسسْ أَفُوسْ نّسْ خَاومْ، خْ إِربِّيثنْ نْومْ ؤُ خْ ثمُّورْثْ نْومْ.
1SA 6:6 مَايمِّي غَا ثسّْقسْحمْ ؤُڒْ نْومْ أَمْ سّْقسْحنْ إِمِيصْرِييّنْ ذ فِيرْعُونْ ؤُڒْ نْسنْ؟ [ؤُمِي] خَاسنْ إِزيَّارْ نتَّا أَڒْ طَّارْفْ، مَا نِيثْنِي وَارْ ذ أَرْخُونْ [إِ أَيْثْ إِسْرَائِيل] ؤُ مَا نِيثْنِي وَارْ د-فِّيغنْ شَا [خنِّي]؟
1SA 6:7 خنِّي  ڒخُّو، كْسِيمْ إِجّْ ن ؤُكَارُّو ن جْذِيذْ، سْوجْذمْ ث س ثْنَاينْ ن ثْفُونَاسِينْ سُّوطُّوضنْثْ، وَارْ خَاسنْثْ إِمَّارْسْ عَاذْ ؤُزَايْڒُو، ؤُ قّْنمْ ثِيفُونَاسِينْ غَارْ زَّاثْ إِ ؤُكَارُّو ؤُ كّْسمْ أَسنْثْ زِي ضفَّارْ نْسنْثْ إِمژْيَاننْ نْسنْثْ ؤُ أَوْيمْ ثنْ غَارْ ثَادَّارْثْ.
1SA 6:8 [خنِّي] كْسِيمْ تَّابُوثْ ن سِيذِي، سَارْسمْ ت خْ ؤُكَارُّو ؤُ سَارْسمْ خْ ؤُغزْذِيسْ نّسْ، ذڭْ إِشْثْ ن ثْسنْذُوقْثْ، ڒقْشُوعْ ن وُورغْ إِ ثخْسمْ أَذْ أَسْ ثْخدْجْصمْ [أَمْ] ثوْهِيبْثْ ن ؤُمَارْوَاسْ إِ وعْذَاڒْ. سكّمْ ت، أَذْ ثْرَاحْ.
1SA 6:9 حْضَامْ، مَاڒَا [أَكَارُّو] إِڭعّذْ-د ذڭْ وبْرِيذْ غَارْ ويْمِيرْ نّسْ، غَارْ بَايْثْ-شَامْسْ، [خنِّي] ذ نتَّا إِ ذ أَنغْ إِوْثِينْ س ثشْثِي-يَا ثَامقّْرَانْثْ، مَاڒَا لَّا، [خنِّي] نسّنْ نشِّينْ، أَقَا وَارْ إِدْجِي ذ أَفُوسْ نّسْ إِ ذ أَنغْ إِڒقْفنْ: أَقَا ثُوسَا-د أَمنِّي وَاهَا.“
1SA 6:10 إِرْيَازنْ ڭِّينْ [ت] أَمُّو. نِيثْنِي كْسِينْ ثْنَاينْ ن ثْفُونَاسِينْ سُّوطُّوضنْثْ، قّْننْ ثنْثْ غَارْ زَّاثْ إِ ؤُكَارُّو ؤُشَا قّْننْ إِمژْيَاننْ نْسنْثْ ذڭْ ؤُينِّيرْ ن ثَادَّارْثْ.
1SA 6:11 نِيثْنِي سَّارْسنْ تَّابُوثْ ن سِيذِي خْ ؤُكَارُّو، ؤُڒَا ذ ثَاسنْذُوقْثْ أَكْ-ذ إِغَارْذَاينْ ن وُورغْ ذ ڒخْيَاڒَاثْ ن ثْحبَّا نْسنْ.
1SA 6:12 ثِيفُونَاسِينْ ؤُيُورنْثْ نِيشَانْ غَارْ وبْرِيذْ جِّيهثْ ن بَايْثْ-شَامْسْ، ؤُيُورنْثْ خْ وبْرِيذْ إِسڭّْمنْ نِّي. نِيثنْثِي قِّيمنْثْ ڭُّورنْثْ، أَمْ سّْمُوهْرُوثنْثْ، وَارْ حيّْذنْثْ [خْ وبْرِيذْ] [غَارْ] يفُوسْ ؤُڒَا [غَارْ] ؤُزڒْمَاضْ. ڒْبَاشَاثْ [ن ثْندَّامْ] ن إِفِيلِيسْطِينِييّنْ أَردّْفنْ ثنْثْ أَڒْ أَيْمِيرْ ن بَايْثْ-شَامْسْ.
1SA 6:13 [إِمزْذَاغْ] ن بَايْثْ-شَامْسْ ثُوغَا مجَّارنْ صَّابثْ ن إِرْذنْ ذِي ڒوْضَا ن ثغْزُورْثْ. [ؤُمِي] سّْڭعّْذنْ نِيثْنِي ثَامُوغْڒِي نْسنْ، ژْرِينْ تَّابُوثْ ؤُ فَارْحنْ أَطَّاسْ ؤُمِي ت ژْرِينْ.
1SA 6:14 أَكَارُّو ثُوغَا يِيوضْ أَڒْ إِيَّارْ ن يَاشُووَا، ونِّي زِي بَايْثْ-شَامْسْ، ؤُشَا إِبدّْ [ؤُكَارُّو] ذِينِّي. ثُوغَا ذِينِّي إِجّْ ن وژْرُو ذ أَمقّْرَانْ. نِيثْنِي زذْمنْ ثِيفڒْوِينْ ن ؤُكَارُّو ؤُ سّْڭعّْذنْ ثِيفُونَاسِينْ ذ ثَاغَارْصْثْ ن وشْمَاضْ إِ سِيذِي.
1SA 6:15 إِلَاوِييّنْ كْسِينْ تَّابُوثْ ن سِيذِي ذ ثْسنْذُوقْثْ [إِمَّارْسنْ] خْ ؤُغزْذِيسْ نّسْ، إِ ذِي ثُوغَا ڒقْشُوعْ ن وُورغْ، ؤُ سَّارْسنْ أَيَا خْ وژْرُو نِّي أَمقّْرَانْ. ذڭْ وَاسّْ نِّي سِيمَانْثْ نّسْ سّْڭعّْذنْ يرْيَازنْ ن بَايْثْ-شَامْسْ ثِيغَارْصَا ن وشْمَاضْ إِ سِيذِي ؤُ قدّْمنْ [عَاوذْ] ثِيغَارْصَا.
1SA 6:16 [ؤُمِي] ژْرِينْ خمْسَا ن ڒْبَاشَاثْ [ن ثْندَّامْ] ن إِفِيلِيسْطِينِييّنْ [مَانْ أَيَا]، ذوْڒنْ-د غَارْ عَاقْرُونْ ذڭْ وَاسّْ نِّي سِيمَانْثْ نّسْ.
1SA 6:17 ثِينَا ذ ثِيحبَّا ن وُورغْ نِّي إِخدْجْصنْ إِفِيلِيسْطِينِييّنْ أَمْ ثوْهِيبْثْ ن ؤُمَارْوَاسْ إِ وعْذَاڒْ إِ سِيذِي: إِشْثْ إِ أَشْذُوذْ، إِشْثْ إِ غَازَا، إِشْثْ إِ أَشْقِيلُونْ، إِشْثْ إِ جَاثْ، إِشْثْ إِ عَاكْرُونْ.
1SA 6:18 [ؤُڒَا ذ] إِغَارْذَاينْ ن وُورغْ خْ قدَّا ن مَارَّا ثِيندَّامْ ن إِفِيلِيسْطِينِييّنْ ثِينِّي إِقّْننْ إِ خمْسَا ن ڒْبَاشَاثْ [ن ثْندَّامْ]، زِي ثْندَّامْ إِفَارْينْ أَڒْ ذْشُورَاثْ إِ ذ أَسنْثْ إِ-د-إِنّْضنْ. [يِيوضْ ؤُكَارُّو] أَڒْ أَبِيلْ، أَژْرُو أَمقّْرَانْ إِ خفْ ثُوغَا سَّارْسنْ تَّابُوثْ ن سِيذِي، [أَژْرُو] إِ ذِينْ [إِقِّيمنْ] أَڒْ أَسّْ-أَ ذڭْ إِيَّارْ ن يَاشُووَا زِي بَايْثْ-شَامْسْ.
1SA 6:19 نتَّا مَاشَا إِوْثَا إِرْيَازنْ ن بَايْثْ-شَامْسْ، مِينْزِي نِيثْنِي ثُوغَا خْزَارنْ تَّابُوثْ ن سِيذِي. زِي ڒْڭنْسْ إِوْثَا نتَّا سبْعِينْ ن يرْيَازنْ [زڭْ] خمْسِينْ-أَڒفْ ن يرْيَازنْ. ؤُشَا إِشْضنْ ڒْڭنْسْ، مِينْزِي سِيذِي ثُوغَا إِڭَّا إِ ڒْڭنْسْ إِشْثْ ن ثشْثِي ذ ثَامقّْرَانْثْ.
1SA 6:20 [خنِّي] نَّانْ إِرْيَازنْ ن بَايْثْ-شَامْسْ: ”وِي إِزمَّارنْ أَذْ إِقِّيمْ إِبدّْ زَّاثْ إِ وُوذمْ ن سِيذِي، أَربِّي ذ أَمْقدّسْ وَا؟ ذ غَارْ مَانْ ونْ زَّايْنغْ إِ غَا ثُويُورْ تَّابُوثْ؟“
1SA 6:21 نِيثْنِي سّكّنْ إِرقَّاسنْ غَارْ إِمزْذَاغْ ن قَارْيَاثْ-يَاعَارِيمْ، نَّانْ: ”إِفِيلِيسْطِينِييّنْ أَرِّينْ-د تَّابُوثْ ن سِيذِي. هْوَامْ ؤُشَا سّْڭعّْذمْ ت غَارْومْ سنّجْ!“
1SA 7:1 [خنِّي] ؤُسِينْ-د يرْيَازنْ ن قَارْيَاثْ-يَاعَارِيمْ ؤُشَا إِوْينْ تَّابُوثْ ن سِيذِي غَارْسنْ سنّجْ. نِيثْنِي سِّيذْفنْ ت ذِي ثَادَّارْثْ ن أَبِينَاذَابْ، خْ ثوْرِيرْثْ، ؤُشَا سّْقدّْسنْ مِّيسْ أَلِيعَازَارْ حِيمَا أَذْ إِحْضَا خْ تَّابُوثْ ن سِيذِي.
1SA 7:2 زڭْ وَاسّْ نِّي إِمْسَارْ أَقَا تَّابُوثْ ثقِّيمْ ذِي قَارْيَاثْ-يَاعَارِيمْ. ثُوغَا عْذُونْ أَطَّاسْ ن وُوسَّانْ أَڒَامِي عْذُونْ عِيشْرِينْ ن إِسڭّْوُوسَا. مَارَّا ثَادَّارْثْ ن إِسْرَائِيل [ثُويُورْ] أَوَارْنِي إِ سِيذِي، ثتّْشثْشَا.
1SA 7:3 [خنِّي] إِسِّيوڒْ شَامْوِيلْ غَارْ مَارَّا ثَادَّارْثْ ن إِسْرَائِيل، إِنَّا: ”مَاڒَا كنِّيوْ ثخْسمْ أَذْ د-ثْذوْڒمْ غَارْ سِيذِي س مَارَّا ؤُڒْ نْومْ، [خنِّي] نْضَارمْ خَاومْ إِربِّيثنْ إِغْرِيبنْ زِي ڒْوسْطْ نْومْ، ؤُڒَا ذ ’عَاشْثَارُوثِينْ‘، ؤُ أَرّمْ ؤُڒْ نْومْ غَارْ سِيذِي، خذْممْ أَسْ إِ نتَّا وحّْذسْ، [خنِّي] نتَّا أَذْ كنِّيوْ إِفكّْ زڭْ ؤُفُوسْ ن إِفِيلِيسْطِينِييّنْ.“
1SA 7:4 ؤُشَا نْضَارنْ أَيْثْ ن إِسْرَائِيل ’إِبَاعْلنْ‘ ذ ’عَاشْثَارُوثِينْ‘ ؤُشَاعبْذنْ إِ سِيذِي وحّْذسْ.
1SA 7:5 إِنَّا شَامْوِيلْ: ”سْمُونمْ مَارَّا إِسْرَائِيل ذِي مِيصْفَاثْ، [خنِّي] نشّْ أَذْ ژَّادْجغْ إِ سِيذِي إِ كنِّيوْ.“
1SA 7:6 مُوننْ ذِي مِيصْفَا ؤُشَا ؤُيْمنْ أَمَانْ، فَارّْغنْ ثنْ زَّاثْ إِ وُوذمْ ن سِيذِي. ذڭْ وَاسّْ نِّي ژُومّنْ ؤُشَا نَّانْ ذِينْ: ”أَقَا نخْضَا أَكْ-ذ سِيذِي!“ أَمُّو إِ إِحْكمْ شَامْوِيلْ أَيْثْ ن إِسْرَائِيل ذِي مِيصْفَا.
1SA 7:7 [ؤُمِي] إِفِيلِيسْطِينِييّنْ سْڒِينْ، أَقَا أَيْثْ ن إِسْرَائِيل ثُوغَا مُوننْ ذِي مِيصْفَاثْ، فّْغنْ ڒْبَاشَاثْ [ن ثْندَّامْ] ن إِفِيلِيسْطِينِييّنْ ضِيدّْ إِ إِسْرَائِيل. [ڒَْامِي] سْڒِينْ أَيْثْ ن إِسْرَائِيل إِ مَانَا أَيَا، ڭّْوذنْ نِيثْنِي زڭْ إِفِيلِيسْطِينِييّنْ.
1SA 7:8 نَّانْ أَيْثْ ن إِسْرَائِيل إِ شَامْوِيلْ: ”وَارْ سْبذِّي س ؤُڒَاغِي ذِي طّْوعْ نّغْ إِ سِيذِي، أَربِّي نّغْ، [مَاحنْذْ] نتَّا أَذْ أَنغْ إِفكّْ زڭْ ؤُفُوسْ ن إِفِيلِيسْطِينِييّنْ.“
1SA 7:9 [خنِّي] إِكْسِي شَامْوِيلْ إِجّْ ن إِزْمَارْ إِطّضْ ؤُ إِقدّمْ إِ-ث قَاعْ ذ ثَاغَارْصْثْ ن وشْمَاضْ إِ سِيذِي ؤُ شَامْوِيلْ إِڒَاغَا غَارْ سِيذِي ذِي طّْوعْ ن إِسْرَائِيل ؤُ سِيذِي إِسْڒَا أَسْ.
1SA 7:10 ؤُمِي إِقدّمْ شَامْوِيلْ ثَاغَارْصْثْ ن وشْمَاضْ، إِمْسَارْ، أَقَا ؤُسِينْ-د إِفِيلِيسْطِينِييّنْ إِ ؤُمنْغِي أَكْ-ذ إِسْرَائِيل. ؤُشَا إِسّْهمْهمْ سِيذِي أَطَّاسْ ذڭْ وَاسّْ نِّي خْ إِفِيلِيسْطِينِييّنْ، إِسَّارْجفْ إِ-ثنْ [أَڒَامِي] تّْوَاغڒْبنْ زَّاثْ إِ وُوذمْ ن إِسْرَائِيل.
1SA 7:11 فّْغنْ يرْيَازنْ ن إِسْرَائِيل زِي مِيصْفَا، ضْفَارنْ إِفِيلِيسْطِينِييّنْ ؤُشَا وْثِينْ ثنْ أَڒْ سَاذُو بَايْثْ-كَارْ.
1SA 7:12 إِكْسِي شَامْوِيلْ إِجّْ ن وژْرُو، إِسّْبدّْ إِ-ث جَارْ مِيصْفَا ذ سَانْ. نتَّا إِڭَّا أَسْ إِسمْ ’أَبِينْ-هَاعِيزِيرْ‘، إِنَّا: ”أَڒْ ذَانِيثَا إِ ذ أَنغْ إِوْشَا سِيذِي أَفُوسْ.“
1SA 7:13 [أَمُّو] إِ تّْوَاسّحْقَارنْ إِفِيلِيسْطِينِييّنْ ؤُشَا وَارْ ؤُذِيفنْ شَا عَاذْ ذَاخڒْ إِ إِيْمِيرنْ ن إِسْرَائِيل، [مِينْزِي] ثُوغَا أَفُوسْ ن سِيذِي ضِيدّْ إِ إِفِيلِيسْطِينِييّنْ مَارَّا ؤُسَّانْ ن شَامْوِيلْ.
1SA 7:14 ثِيندَّامْ زِي عَاقْرُونْ أَڒْ جَاثْ إِ ثُوغَا طّْفنْ إِفِيلِيسْطِييّنْ زڭْ أَيْثْ ن إِسْرَائِيل، ذوْڒنْثْ-د غَارْ إِسْرَائِيل ؤُشَا جّْوَايهْ إِ غَارْسنْ د-إِقّْننْ، إِقْڒعْ إِ-ثنْثْ إِسْرَائِيل زڭْ ؤُفُوسْ ن إِفِيلِيسْطِينِييّنْ ؤُشَا إِذْوڒْ ذِينْ ڒهْنَا جَارْ إِسْرَائِيل ذ إِمُورِييّنْ.
1SA 7:15 ثُوغَا شَامْوِيلْ ذ ڒْقَاضِي خْ إِسْرَائِيل مَارَّا ؤُسَّانْ ن ثُوذَارْثْ نّسْ.
1SA 7:16 أَسڭّْوَاسْ خْ ؤُسڭّْوَاسْ ثُوغَا نتَّا إِتّفّغْ، إِڭُّورْ ذِي بَايْثْ-إِلْ ذ جِيلْجَالْ ذ مِيصْفَا. ذِي مَارَّا إِمُوشَانْ نِّي ثُوغَا نتَّا ذ ڒْقَاضِي خْ إِسْرَائِيل.
1SA 7:17 [أَوَارْنِي أَيَا] إِذْوڒْ نتَّا غَارْ رَامَا، مَاغَارْ ذِينِّي إِ ثُوغَا ثَادَّارْثْ نّسْ ؤُ ذِينِّي ثُوغَا نتَّا ذ ڒْقَاضِي خْ إِسْرَائِيل ؤُشَا إِبْنَا ذِينِّي إِجّْ ن ؤُعَالْطَارْ إِ سِيذِي.
1SA 8:1 [ؤُمِي] إِذْوڒْ شَامْوِيلْ إِوْسَارْ، إِمْسَارْ، أَقَا إِڭَّا إِحنْجِيرنْ نّسْ ذ ڒْقُوضَاثْ خْ إِسْرَائِيل.
1SA 8:2 مِّيسْ أَمزْوَارُو ثُوغَا قَّارنْ أَسْ يُووِيلْ ؤُ ونِّي وِيسّْ ثْنَاينْ قَّارنْ أَسْ أَبِييَا. نِيثْنِي ثُوغَا أَثنْ ذ ڒْقُوضَاثْ ذِي بِئرْ-سبْعَا.
1SA 8:3 مَاشَا إِحنْجِيرنْ نّسْ وَارْ أَرذْفنْ إِبْرِيذنْ نّسْ. نِيثْنِي أَرزُّونْ خْ أَرْبحْ [إِ يِيخفْ نْسنْ]، طّْفنْ أَرِّيغَالُوثْ ؤُ سّْفَارّْغنْ ڒْحقّْ.
1SA 8:4 [خنِّي] مُوننْ مَارَّا إِمْغَارنْ ن إِسْرَائِيل، ؤُسِينْ-د غَارْ شَامْوِيلْ ذِي رَامَا.
1SA 8:5 نِيثْنِي نَّانْ أَسْ: ”خْزَارْ، شكْ ثوْسَارذْ ؤُ إِحنْجِيرنْ نّشْ وَارْ ڭُّورنْ شَا خْ ثبْرِيذِينْ نّشْ. س ؤُيَا أڭّْ ڒخُّو إِجّْ ن ؤُجدْجِيذْ خَانغْ مَاحنْذْ أَذْ خَانغْ إِحْكمْ، أَمْ مَامّشْ [إِدْجَا] غَارْ مَارَّا ڒڭْنُوسْ نّغْنِي.“
1SA 8:6 أَوَاڒْ-أَ إِدْجَا ذ أَعفَّانْ ذِي ثِيطَّاوِينْ ن شَامْوِيلْ، ڒَامِي نَّانْ: ”أوْشْ أَنغْ إِجّْ ن ؤُجدْجِيذْ مَاحنْذْ أَذْ خَانغْ إِحْكمْ!“ ؤُشَا شَامْوِيلْ إِژُّودْجْ إِ سِيذِي.
1SA 8:7 إِنَّا سِيذِي إِ شَامْوِيلْ: ”سڒْ غَارْ ڒْڭنْسْ ذِي مَارَّا مِينْ إِ ذ أَشْ غَا إِنِينْ، مَاغَارْ وَارْ إِدْجِي ذ شكْ إِ نْضَارنْ نِيثْنِي، مَاشَا ذ نشّْ إِ نْضَارنْ نِيثْنِي، حِيمَا نشّْ وَارْ تِّيڒِيغْ ذ أَجدْجِيذْ خَاسنْ.
1SA 8:8 نِيثْنِي تّڭّنْ [عَاذْ] أَمْ مَامّشْ ڭِّينْ س مَارَّا ثِيمڭَّا نْسنْ زڭْ وَاسّْ إِ ثنْ د-سّْڭعّْذغْ زِي مِيصْرَا أَڒْ أَسّْ-أَ. نِيثْنِي سمْحنْ ذ أَيِي ؤُشَا سخَّارنْ إِ إِربِّيثنْ نّغْنِي. أَمُّو إِ ذَايكْ تّڭّنْ نِيثْنِي عَاوذْ.
1SA 8:9 سڒْ ڒخُّو غَارْسنْ، مَاشَا عْڒمْ أَسنْ نِيشَانْ ؤُشَا سَارْڭبْ إِ-ثنْ س ڒْحقّْ ن ؤُجدْجِيذْ ونِّي إِ خَاسنْ إِ غَا إِحكْمنْ.“
1SA 8:10 إِسِّيوڒْ شَامْوِيلْ مَارَّا أَوَاڒنْ ن سِيذِي أَكْ-ذ ڒْڭنْسْ نِّي زَّايسْ إِتَّارنْ إِجّْ ن ؤُجدْجِيذْ.
1SA 8:11 نتَّا إِنَّا: ”أَيَا إِ غَا يِيڒِي ذ ڒْحقّْ ن ؤُجدْجِيذْ إِ خَاومْ إِ غَا إِحكْمنْ: نتَّا أَذْ يَاوِي إِحنْجِيرنْ نْومْ، أَذْ ثنْ يَارَّا إِ يِيخفْ نّسْ غَارْ إِكَارُّوثنْ نّسْ مَاحنْذْ أَذْ إِڒِينْ ذ إِمْنَاينْ نّسْ، ؤُ أَذْ زّْڒنْ غَارْ زَّاثْ إِ إِكَارُّوثنْ نّسْ.
1SA 8:12 نتَّا أَذْ ثنْ إِڭّْ إِ يِيخفْ نّسْ ذ إِمقّْرَاننْ خْ وَاڒفْ ؤُڒَا ذ إِمقّْرَاننْ خْ خمْسِينْ، ؤُ أَذْ ثنْ يَارّْ أَذْ شَارْزنْ إِيَّارنْ نّسْ، أَذْ مْجَارنْ صَّابثْ نّسْ ؤُ أَذْ ڭّنْ دُّوزَانْ ن ؤُمنْغِي نّسْ ذ دُّوزَانْ ن إِكَارُّوثنْ نّسْ.
1SA 8:13 يسِّيثْومْ أَذْ ثنْثْ-إِ-د-يَاوِي مَاحنْذْ أَذْ أَسْ ڭّنْثْ فُومَاضَاثْ، أَذْ سّْننَّانْثْ ؤُ أَذْ ڭّْونْثْ.
1SA 8:14 أَذْ إِكْسِي مُومُّو ن إِيَّارنْ نْومْ، ن إِمَارْجَاعنْ نْومْ ن ؤُضِيڒْ ؤُ ن إِحْوِيشنْ ن ثَازَارْثْ نْومْ، ؤُشَا أَذْ [ث] إِوْشْ إِ إِمْسخَّارنْ نّسْ.
1SA 8:15 أَذْ إِكْسِي ڒعْشُورْ ن زَّارِيعثْ نْومْ، ن إِمَارْجَاعنْ نْومْ ن ؤُضِيڒْ ؤُشَا أَذْ ثنْ إِوْشْ إِ إِمْسخَّارنْ نّسْ إِشنّْعنْ ؤُ إِ إِمْسخَّارنْ نّسْ إِنّغْنِي.
1SA 8:16 أَذْ إِكْسِي إِسمْغَانْ ذ ثِييَّا نْومْ ذ إِحُوذْرِييّنْ نْومْ إِصبْحنْ ذ إِغْيَاڒْ نْومْ، ؤُشَا أَذْ [ثنْ] يجّْ أَذْ أَسْ خذْمنْ.
1SA 8:17 أَذْ إِكْسِي ڒعْشُورْ ن ثْحِيمْرِيوِينْ نْومْ ؤُ كنِّيوْ أَذْ ثِيڒِيمْ ذ إِمْسخَّارنْ نّسْ.
1SA 8:18 ذڭْ وَاسّْ نِّي أَذْ ثسْغُويمْ زَّاثْ إِ وُوذمْ ن ؤُجدْجِيذْ نْومْ إِ ثخْضَارمْ كنِّيوْ، [مَاشَا] سِيذِي وَارْ ذ أَومْ إِتّسْڒِي شَا ذڭْ وَاسّْ نِّي.“
1SA 8:19 [مَاشَا] ڒْڭنْسْ وَارْ إِخْسْ أَذْ إِسڒْ غَارْ شَامْوِيلْ، نَّانْ: ”لَّ، إِتّْخصَّا أَذْ خَانغْ يِيڒِي إِجّْ ن ؤُجدْجِيذْ.“
1SA 8:20 ؤُڒَا ذ نشِّينْ أَذْ نِيڒِي أَمْ ڒڭْنُوسْ [نّغْنِي] مَارَّا، أَجدْجِيذْ نّغْ أَذْ خَانغْ إِحْكمْ س ڒْحقّْ. نتَّا أَذْ يِيزْوَارْ زَّاثْ إِ وُوذمْ نّغْ ؤُشَا أَذْ إِسُّويُورْ إِمنْغَانْ نّغْ.“
1SA 8:21 [ؤُمِي] إِسْڒَا شَامْوِيلْ إِ مَارَّا أَوَاڒنْ ن ڒْڭنْسْ، إِنَّا ثنْ ذڭْ إِمزُّوغنْ ن سِيذِي.
1SA 8:22 سِيذِي إِنَّا إِ شَامْوِيلْ: ”سڒْ غَارْسنْ، أڭّْ خَاسنْ إِجّْ ن ؤُجدْجِيذْ!“ [خَاسْ ؤُشَا] إِنَّا شَامْوِيلْ إِ يرْيَازنْ ن إِسْرَائِيل: ”أجّْ أَذْ يُويُورْ كُوڒْ  إِجّْ غَارْ ثنْذِينْثْ نّسْ.“
1SA 9:1 ثُوغَا [ذِينْ] إِجّْ ن ورْيَازْ زِي بِينْيَامِينْ، قَّارنْ أَسْ قِيسْ، مِّيسْ ن أَبِييِيلْ، مِّيسْ ن صَارُورْ، مِّيسْ ن بَاكُورَاثْ، مِّيسْ ن أَفِييَاحْ، إِجّْ ن ورْيَازْ زڭْ أَيْثْ ن بِينْيَامِينْ، إِجّْ ن ورْيَازْ س وَاڭْڒَا أَطَّاسْ.
1SA 9:2 نتَّا ثُوغَا غَارسْ إِجّْ ن مِّيسْ، قَّارنْ أَسْ شَاوُولْ. ثُوغَا-ث ذ أَمژْيَانْ ؤُ ذَايسْ أَژْرِي. ؤُڒَا ذ إِجّْ ن ورْيَازْ جَارْ أَيْثْ ن إِسْرَائِيل وَارْ ذَايسْ ثُوغِي أَژْرِي أَمْ نتَّا. نتَّا يُوجَارْ مَارَّا ڒْڭنْسْ س ثِيذِّي ن ؤُزدْجِيفْ.
1SA 9:3 ثُوغَا ثِيغْيَاڒْ ن قِيسْ، بَابَاسْ ن شَاوُولْ، ودَّارنْثْ. [خنِّي] إِنَّا قِيسْ إِ مِّيسْ شَاوُولْ: ”كْسِي إِجّنْ زڭْ إِمْسخَّارنْ، أَوْيِي ث أَكِيذكْ ؤُشَا كَّارْ، أَرْزُو خْ ثغْيَاڒْ.“
1SA 9:4 نتَّا إِكَّا خْ إِذُورَارْ ن إِفْرَايِيمْ، إِكَّا خْ ثمُّورْثْ ن شَالِيشَا، [مَاشَا] نِيثْنِي وَارْ ثنْثْ ؤُفِينْ. [خَاسْ ؤُشَا] كِّينْ نِيثْنِي خْ ثمُّورْثْ ن شَاعَالِيمْ، وَارْ [ثنْثْ] ؤُفِينْ [ذِينِّي]. [خنِّي] كِّينْ خْ ثمُّورْثْ ن بِينْيَامِينْ، وَارْ [ثنْثْ] ؤُفِينْ ذِينِّي [عَاوذْ].
1SA 9:5 [ؤُمِي] إِوْضنْ نِيثْنِي غَارْ ثمُّورْثْ ن صُوفْ، إِنَّا شَاوُولْ إِ ؤُمْسخَّارْ نّسْ نِّي ثُوغَا أَكِيذسْ: ”أَسْ-د، أَذْ نعْقبْ، نِيغْ بَابَا وَارْ إِكسِّي عَاذْ س ومْنُوسْ ذِي ثغْيَاڒْ، مَاشَا ذَايْنغْ.“
1SA 9:6 وَانِيثَا يَارَّا-د خَاسْ: ”خْزَارْ خنِّي، أَقَا إِجّْ ورْيَازْ ن أَربِّي إِزدّغْ ذِي ثنْذِينْثْ-أَ. أَقَا-ث ذ إِجّْ ن ورْيَازْ ذ أَمْشنّعْ. مَارَّا مِينْ إِقَّارْ، إِتّفّغْ-د نِيشَانْ. أجّْ أَنغْ أَذْ غَارسْ نْرَاحْ ذِينِّي، خنِّي أَذْ ثَاغْ أَذْ أَنغْ إِسّْشنْ أَبْرِيذْ إِ إِتّْخصَّا أَذْ ذَايسْ نُويُورْ.“
1SA 9:7 [خنِّي] إِنَّا شَاوُولْ إِ ؤُمْسخَّارْ نّسْ: ”[مَاشَا] خْزَارْ، مَاڒَا نْرَاحْ، مِينْ غَا نَاوِي [خنِّي] إِ ورْيَازْ نِّي؟ مَاغَارْ أَغْرُومْ جَارْ ڒحْوَايجْ نّغْ إِرُوحْ. نشِّينْ وَارْ غَارْنغْ أَغِيرَالُوثْ إِ نْزمَّارْ أَذْ نوْشْ إِ ورْيَازْ ن أَربِّي. نِيغْ مِينْ غَارْنغْ [نّغْنِي]؟“
1SA 9:8 يَارَّا-د ؤُمْسخَّارْ عَاوذْ خْ شَاوُولْ، إِنَّا: ”خْزَارْ، نشّْ غَارِي ذَا [عَاذْ] إِجّْ ن أَرْبعْ ن إِجّْ ن شِيقْلُو ن نُّوقَارْثْ. أَذْ ث وْشغْ إِ ورْيَازْ ن أَربِّي، [مَاحنْذْ] نتَّا أَذْ أَنغْ إِسّْشنْ أَبْرِيذْ.“
1SA 9:9 زِيشْ ثُوغَا إِقَّارْ ورْيَازْ ذِي إِسْرَائِيل، مَاڒَا ثُوغَا إِفّغْ حِيمَا أَذْ إِسّقْسَا أَربِّي: ”أَسمْ-د، أَذْ نُويُورْ غَارْ ؤُمْوَاڒَاوْ!“، مَاغَارْ أَنَابِي ن وَاسّْ-أَ، زِيشْ قَّارنْ أَسْ ’أَمْوَاڒَاوْ‘.
1SA 9:10 إِنَّا شَاوُولْ إِ ؤُمْسخَّارْ نّسْ: ”أَوَاڒْ نّشْ إِصْبحْ! أَسْ-د، أجّْ أَنغْ أَذْ نُويُورْ!“ ؤُشَا ؤُيُورنْ نِيثْنِي غَارْ ثنْذِينْثْ مَانِي [إِدْجَا] أَرْيَازْ ن أَربِّي.
1SA 9:11 [ؤُمِي] ڭعّْذنْ نِيثْنِي ثْسَاونْثْ ن ثنْذِينْثْ مْسَاڭَارنْ أَكْ-ذ ثبْڒِيغِينْ ثِينِّي د-إِفّْغنْ مَاحنْذْ أَذْ أَيْمنْثْ أَمَانْ ؤُشَا نَّانْ أَسنْثْ: ”مَا أَمْوَاڒَاوْ ذَا؟“
1SA 9:12 نِيثنْثِي أَرِّينْثْ خَاسنْ، نَّانْثْ: ”خْزَارْ، نتَّا أَقَا-ث ذِيهَا غَارْ زَّاثْ. ذغْيَاثْ، مَاغَارْ نتَّا يُوسَا-د أَسّْ-أَ غَارْ ثنْذِينْثْ، مِينْزِي ڒْڭنْسْ أَسّْ-أَ أَذْ إِڭّْ إِشْثْ ن ثْغَارْصْثْ خْ ڒْڭعّْذثْ.
1SA 9:13 خْمِي غَا ثَاذْفمْ غَارْ ثَانْذِينْثْ، أَذْ ث ثَافمْ قْبڒْ مَا أَذْ إِڭعّذْ غَارْ ڒْڭعّْذثْ حِيمَا أَذْ إِمُونْ إِ مَاشَّا، مَاغَارْ ڒْڭنْسْ وَارْ إِتّتّْ مَاڒَا وَارْ د-يُوسِي نتَّا، مِينْزِي نتَّا أَذْ إِڭّْ لْبَارَاكَا ذِي ثْغَارْصْثْ، خنِّي عَاذْ أَذْ شّنْ إِنوْجِيونْ. ڭعّْذمْ ڒخُّو، مِينْزِي أَسّْ-أَ أَقَا-ث [ذ لْفُورْصَا] أَذْ ث ثَافمْ [نِيشَانْ]!“
1SA 9:14 نِيثْنِي ڭعّْذنْ غَارْ ثنْذِينْثْ ؤُشَا [ؤُمِي] إِوْضنْ غَارْ ڒْوسْطْ ن ثنْذِينْثْ، خْزَارْ، إِفّغْ-د غَارْسنْ شَامْوِيلْ، إِمْسَاڭَارْ أَكِيذْسنْ مَاحنْذْ أَذْ إِڭُّورْ غَارْ ڒْڭعّْذثْ.
1SA 9:15 [مِينْزِي] إِجّْ ن وَاسّْ قْبڒْ إِ د-يُوسَا شَاوُولْ، إِسَّارْڭبْ سِيذِي إِ شَامْوِيلْ ذڭْ ؤُمزُّوغْ، إِنَّا:
1SA 9:16 ”ثِيوشَّا أَمُّو ذِي ڒْوقْثْ-أَ، أَذْ غَاركْ سّكّغْ إِجّْ ن ورْيَازْ زِي ثمُّورْثْ ن بِينْيَامِينْ. أَذْ ث ثْذهْنذْ ذ ڒْحَاكمْ خْ ڒْڭنْسْ إِنُو إِسْرَائِيل. نتَّا أَذْ إِفكّْ ڒْڭنْسْ إِنُو زڭْ ؤُفُوسْ ن إِفِيلِيسْطِينِييّنْ، مَاغَارْ نشّْ ژْرِيغْ ڒْڭنْسْ إِنُو إِسْرَائِيل ؤُ ثْغُويِّيثْ نْسنْ إِ ؤُسْغَاثِي ثِيوضْ-د غَارِي.“
1SA 9:17 [ؤُمِي] شَامْوِيلْ إِژْرَا شَاوُولْ [إِتَّاسْ-د]، يَارَّا-د خَاسْ سِيذِي: ”خْزَارْ، [ذ وَا] ذ أَرْيَازْ إِ خْ إِ ذ أَشْ نِّيغْ: ’وَا أَذْ إِحْكمْ خْ ڒْڭنْسْ إِنُو.‘ “
1SA 9:18 يُويُورْ شَاوُولْ غَارْ شَامْوِيلْ ذِي ڒْوسْطْ ن ثوَّارْثْ ن ثنْذِينْثْ إِنَّا: ”سْشنْ أَيِي مَانِي ثدْجَا ثَادَّارْثْ ن ؤُمْوَاڒَاوْ.“
1SA 9:19 يَارَّا-د شَامْوِيلْ خْ شَاوُولْ، إِنَّا: ”نشّْ ذ أَمْوَاڒَاوْ. ؤُيُورْ غَارْ زَّاثْ إِ وُوذمْ إِنُو خْ ڒْڭعّْذثْ، حِيمَا كنِّيوْ أَذْ كِيذِي ثشّمْ أَسّْ-أَ. ثِيوشَّا زِيشْ أَذْ شكْ جّغْ أَذْ ثعْذُوذْ ؤُ نشّْ أَذْ شكْ سَّارْڭْبغْ خْ مَارَّا مِينْ [إِدْجَانْ] ذڭْ وُوڒْ نّشْ.
1SA 9:20 خْ ثغْيَاڒْ إِ ذ أَشْ إِودَّارنْ أَسّْ-أَ عَاذْ ثْڒَاثَا ن وُوسَّانْ زڭْ وَامِي، وَارْ ذَايكْ إِتِّيڒِي بُو ومْنُوسْ، مَاغَارْ تّْوَافنْثْ نِيثنْثِي. [مَاشَا] وِي غَارْ إِتّْرَاحْ مَارَّا مژْرِي ن إِسْرَائِيل؟ مَا وَارْ إِدْجِي غَاركْ ؤُ غَارْ مَارَّا ثَادَّارْثْ ن بَابَاشْ؟“
1SA 9:21 [خنِّي] يَارَّا-د شَاوُولْ، إِنَّا: ”مَا وَارْ دْجِيغْ نشّْ زڭْ أَيْثْ ن بِينْيَامِينْ، زِي ثْمژْيَانْثْ قَاعْ ن ثْقبَّاڒْ ن إِسْرَائِيل؟ مَا وَارْ ثدْجِي ڒَادْجْ إِنُو ثَامُوقْڒِيڒْثْ قَاعْ زِي مَارَّا ڒَادْجَاثْ ن ثقْبِيتْشْ ن بِينْيَامِينْ؟ مَايمِّي كِيذِي ثسَّاوَاڒذْ أَوَاڒنْ أَمْ إِنَا؟“
1SA 9:22 شَامْوِيلْ إِكْسِي شَاوُولْ ذ ؤُمْسخَّارْ نّسْ أَكِيذسْ، إِسِّيذفْ إِ-ثنْ ذڭْ وخَّامْ [ن أَرْوَا]، إِسّْغِيمْ إِ-ثنْ ذڭْ ومْشَانْ أَمزْوَارُو جَارْ إِنوْجِيونْ. ثُوغَا [نّْيَارْونْ] أَمنِّي ثْڒَاثِينْ ن يرْيَازنْ.
1SA 9:23 [خنِّي] إِنَّا شَامْوِيلْ إِ ؤُڭزَّارْ: ”أَوِي-د [ڒخُّو] ثَاسْغَارْثْ إِ ذ أَشْ وْشِيغْ، ثنِّي خْ ذ أَشْ نِّيغْ: ’أجّْ إِ-ت غَاركْ!‘ “
1SA 9:24 ذ أَڭزَّارْ إِسّْڭعّذْ ثَاغْرُوضْثْ أَكْ-ذ مَارَّا مِينْ خَاسْ [إِدْجَانْ]، إِسَّارْسْ إِ-ت زَّاثْ إِ شَاوُولْ، إِنَّا: ”خْزَارْ، أَيَا مِينْ إِشطّنْ. أڭّْ إِ-ت زَّاثكْ أَذْ ثشّذْ، مِينْزِي إِتّْوَاحْضَا إِ ثْسَاعّثْ-أَ، ؤُمِي نِّيغْ: ’نشّْ عَارْضغْ خْ ڒْڭنْسْ.‘ “ ؤُشَا إِشَّا شَاوُولْ أَكْ-ذ شَامْوِيلْ ذڭْ وَاسّْ نِّي.
1SA 9:25 [خنِّي] هْوَانْ-د نِيثْنِي زِي ڒْڭعّْذثْ غَارْ ثنْذِينْثْ ؤُ نتَّا إِسِّيوڒْ أَكْ-ذ شَاوُولْ خْ ثْزقَّا.
1SA 9:26 كَّارنْ زِيشْ، ؤُشَا إِمْسَارْ، غَارْ ڒفْجَارْ ن وَاسّْ، أَقَا إِڒَاغَا-د شَامْوِيلْ خْ شَاوُولْ [إِ ثُوغَا إِدْجَانْ] خْ ثْزقَّا، إِنَّا: ”كَّارْ، نشّْ خْسغْ أَذْ شكْ سّْقبّْضغْ!“ [خنِّي] إِكَّارْ شَاوُولْ ؤُشَا فّْغنْ س ثْنَاينْ إِذْسنْ غَارْ بَارَّا، نتَّا أَكْ-ذ شَامْوِيلْ.
1SA 9:27 ؤُمِي د-هْوَانْ نِيثْنِي أَڒْ طَّارْفْ ن ثنْذِينْثْ، إِنَّا شَامْوِيلْ إِ شَاوُولْ: ”إِنِي إِ ؤُمْسخَّارْ أَذْ إِبعّذْ زَّاثْ إِ وُوذمْ نّغْ!“ [خنِّي] إِڭّْوجْ نتَّا. [إِنَّا شَامْوِيلْ]: ”قِّيمْ ڒخُّو، بدّْ ذَا ؤُ نشّْ أَذْ أَشْ إِنِيغْ أَوَاڒْ ن أَربِّي.“
1SA 10:1 [خَاسْ ؤُشَا] إِكْسِي شَامْوِيلْ ثَازِييَّاثْ ن زّشْثْ، إِسيّبْ [إِ-ت] خْ ؤُزدْجِيفْ نّسْ، إِسُّوذمْ إِ-ث، إِنَّا: ”مَا [خنِّي] سِيذِي وَارْ شكْ إِذْهِينْ ذ ڒْحَاكمْ خْ ڒْوَارْثْ نّسْ؟
1SA 10:2 خْمِي خَافِي إِ غَا ثُويُورذْ أَسّْ-أَ، أَذْ ثَافذْ ثْنَاينْ ن يرْيَازنْ غَارْ ونْضڒْ ن رَاحِيلْ ذِي صَالْصَاحْ ذِي ثمُّورْثْ ن بِينْيَامِينْ، نِيثْنِي أَذْ أَشْ إِنِينْ: ’ثِيغْيَاڒْ إِ خْ ثُوغَا ثَارزُّوذْ، تّْوَافنْثْ ؤُشَا بَابَاشْ إِسْمحْ ذِي ثْمسْڒَاشْثْ ن ثغْيَاڒْ، مَاشَا نتَّا ذَايسْ [ڒخُّو] أَمْنُوسْ خَاومْ، إِقَّارْ: مِينْ غَا ڭّغْ خْ مِّي؟‘ “
1SA 10:3 سّنِّي أَذْ ثَارْنِيذْ أَذْ ثُويُورذْ ؤُشَا أَذْ ثَاوْضذْ غَارْ ثْشجَّارْثْ ن يِيڭّْ ن ثابُورْ. ذِينِّي إِ غَا ثمّڒْقِيذْ أَكْ-ذ ثْڒَاثَا ن يرْيَازنْ نِّي إِتّْڭعَّاذنْ غَارْ سِيذِي غَارْ بَايْثْ-إِلْ. إِجّنْ أَذْ يَارْبُو ثْڒَاثَا ن إِغَايْضنْ إِمژْيَاننْ، إِجّنْ أَذْ يَارْبُو ثْڒَاثَا ن ثشْنِيفِينْ ؤُ إِجّنْ أَذْ يَارْبُو إِشْثْ ن ثْخَانْشثْ ن بِينُو.
1SA 10:4 نِيثْنِي أَذْ سّقْسَانْ خْ  ؤُمدُّورْ نّشْ ؤُشَا أَذْ أَشْ وْشنْ ثْنَاينْ ن ثشْنِيفِينْ إِ غَا ثطّْفذْ زڭْ ؤُفُوسْ نْسنْ.
1SA 10:5 أَوَارْنِي أَسْ أَذْ د-ثَاسذْ غَارْ [ثنْذِينْثْ ن] جِيبْعَا ن أَربِّي مَانِي بدّنْثْ ثشْبَارِينْ ن ثْعسَّاسْثْ ن إِفِيلِيسْطِينِييّنْ. خْمِي ذِينِّي إِ غَا ثَاوْضذْ غَارْ ثنْذِينْثْ، أَذْ إِمْسَارْ أَذْ ثمّڒْقِيذْ أَكْ-ذ إِشْثْ ن كُولَا ن إِنَابِييّنْ، إِنِّي د-إِهْوَانْ زِي ڒْڭعّْذثْ، ؤُشَا زَّاثْسنْ لهَارْپَا ذ ؤُبنْذِيرْ ذ ثْژَامَارْثْ ذ ڒْڭَامْبْرِي أَمْ تّْنبَّانْ نِيثْنِي.
1SA 10:6 أَذْ خَاكْ د-إِهْوَا أَرُّوحْ ن سِيذِي ؤُ شكْ أَذْ ثْنبَّاذْ أَكِيذْسنْ ؤُشَا أَذْ ثْذوْڒذْ ذ إِجّْ ن بْنَاذمْ نّغْنِي.
1SA 10:7 أَذْ إِمْسَارْ خْمِي غَاركْ إِ د غَا يَاسنْ ڒعْڒَامَاثْ-أَ، أَقَا أَذْ خَاكْ يِيڒِي حِيمَا أَذْ ثڭّذْ مِينْ غَا يَافْ ؤُفُوسْ نّشْ، مِينْزِي أَربِّي أَقَا-ث أَكِيذكْ.
1SA 10:8 أَذْ أَيِي ثِيزْوَارذْ أَذْ د-ثهْوِيذْ غَارْ جِيلْجَالْ، ؤُ خْزَارْ، نشّْ أَذْ د-هْوِيغْ غَاركْ حِيمَا أَذْ ذِينْ سّْڭعّْذغْ ثِيغَارْصَا ن وشْمَاضْ [ذ] ثْغَارْصَا ن ڒهْنَا. سبْعَا ن وُوسَّانْ إِ ذِينْ إِ غَا ثْرَاجِيذْ أَڒْ د غَاركْ إِ غَا يَاسغْ، أَذْ أَشْ د-بَارّْحغْ مِينْ غَا ثڭّذْ.“
1SA 10:9 ؤُمِي إِسّْنقْڒبْ أَعْرُورْ نّسْ حِيمَا أَذْ يُويُورْ خْ شَامْوِيلْ، إِمْسَارْ أَقَا أَربِّي إِبدّڒْ ؤُڒْ [نّسْ] ذڭْ إِجّْ ن [وُوڒْ] نّغْنِي. مَارَّا ڒعْڒَامَاثْ-أَ إِمْسَارنْ ذڭْ وَاسّْ نِّي [سِيمَانْثْ نّسْ].
1SA 10:10 [ؤُمِي] إِوْضنْ نِيثْنِي غَارْ جِيبْعَا، أَقَا إِڒْقَا إِ-ث إِجّْ ن كُولَا ن إِنَابِييّنْ ؤُشَا أَرُّوحْ ن أَربِّي إِهْوَا-د خَاسْ ؤُشَا نتَّا إِنبَّا ذِي ڒْوسْطْ نْسنْ.
1SA 10:11 ؤُشَا إِمْسَارْ، أَقَا مَارَّا إِنِّي ثُوغَا ث إِسّْننْ إِضنَّاضْ ذ فَارِيضنَّاضْ، ژْرِينْ مَامّشْ ثُوغَا إِتّْنبَّا أَكْ-ذ إِنَابِييّنْ، ؤُشَا ڒْڭنْسْ إِنَّا جَارْ أَسنْ: ”مِينْ يُوغِينْ مِّيسْ ن قِيشْ؟ مَا ؤُڒَا ذ شَاوُولْ جَارْ إِنَابِييّنْ؟“
1SA 10:12 إِجّْ ن ورْيَازْ سّنِّي يَارَّا-د، إِنَّا: ”مَانْ ونْ إِدْجَانْ ذ بَابَاثْسنْ؟“ أَمُّو إِ إِقِّيمْ وَاوَاڒْ-أَ إِتّْوَاسّْننْ: ”مَا ؤُڒَا ذ شَاوُولْ جَارْ إِنَابِييّنْ؟“
1SA 10:13 ؤُمِي إِسّْبدّْ إِتّْنبَّا، يُوسَا-د غَارْ ڒْڭعّْذثْ.
1SA 10:14 عمِّيسْ ن شَاوُولْ إِنَّا أَسْ ؤُ إِ ؤُمْسخَّارْ نّسْ: ”مَانِي ثُوغَا ثتّْرَاهمْ كنِّيوْ؟“ نتَّا يَارَّا-د خَاسْ: ”نَارزُّو خْ ثغْيَاڒْ، [مَاشَا ؤُمِي] نژْرَا، أَقَا نِيثنْثِي وَارْ ذِينِّي دْجِينْثْ، نِيوضْ غَارْ شَامْوِيلْ.“
1SA 10:15 [خنِّي] إِنَّاعمِّيسْ ن شَاوُولْ: ”إِنِي أَيِي، عَافَاكْ، مِينْ ذ أَومْ إِنَّا شَامْوِيلْ؟“
1SA 10:16 شَاوُولْ يَارَّا-د خْعمِّيسْ: ”نتَّا إِنَّا أَنغْ نِيشَانْ، أَقَا ثِيغْيَاڒْ تّْوَافنْثْ.“ ثَامسْڒَاشْثْ ن ثْڭلْذَا مَاشَا إِ خْ ثُوغَا إِسِّيوڒْ شَامْوِيلْ، وَارْ ذ أَسْ ت إِعِيوذْ شَا.
1SA 10:17 شَامْوِيلْ إِڒَاغَا-د إِ ڒْڭنْسْ غَارْ سِيذِي ذِي مِيصْفَا.
1SA 10:18 نتَّا إِنَّا إِ أَيْثْ ن إِسْرَائِيل: ”أَمُّو إِ إِقَّارْ سِيذِي، أَربِّي ن إِسْرَائِيل: ’نشّْ سُّوفّْغغْ-د إِسْرَائِيل زِي مِيصْرَا ؤُ فكّغْ كنِّيوْ زڭْ ؤُفُوسْ ن إِمِيصْرِييّنْ ؤُ زڭْ ؤُفُوسْ ن مَارَّا ثِيڭلْذِيوِينْ نِّي كنِّيوْ إِحْصَارنْ.
1SA 10:19 [مَاشَا] أَسّْ-أَ كنِّيوْ ثنْضَارمْ سِيذِي نْومْ، ونِّي ثُوغَا كنِّيوْ إِفكّنْ زِي مَارَّا زّْعَافْ نْومْ ؤُ زِي مَارَّا ڒحْصَارَاثْ نْومْ. كنِّيوْ ثنَّامْ أَسْ: أڭّْ إِجّْ ن ؤُجدْجِيذْ خَانغْ! [خنِّي] ڒخُّو، بدّمْ زَّاثْ إِ وُوذمْ ن سِيذِي، عْلَاحْسَابْ ثِيقبَّاڒْ نْومْ ذ ڒُوڒُوفْ نْومْ!‘ “
1SA 10:20 شَامْوِيلْ إِجَّا مَارَّا ثِيقبَّاڒْ ن إِسْرَائِيل أَذْ د-قَارّْبنْثْ ؤُشَا ثَاقْبِيتْشْ ن بِينْيَامِينْ ثتّْوَاكّسْ [زَّايْسنْثْ]
1SA 10:21 [خَاسْ ؤُشَا] إِجَّا ثَاقْبِيتْشْ ن بِينْيَامِينْ أَذْ ثْقَارّبْ، عْلَاحْسَابْ ڒَادْجَاثْ نّسْ، ؤُشَا إِتّْوَاكّسْ [زَّايسْ] ڒَادْجْ ن مَاثْرِي ؤُ خنِّي إِتّْوَاكّسْ [زَّايسْ] شَاوُولْ، مِّيسْ ن قِيشْ. أَرْزُونْ خَاسْ، [مَاشَا] وَارْ زمَّارنْ أَذْ ث أَفنْ.
1SA 10:22 نِيثْنِي سّقْسَانْ سِيذِي إِشْثْ ن ثْوَاڒَا نّغْنِيثْ: ”مَا نِيشَانْ يُوسَا-د ورْيَازْ نِّي ذَانِيثَا؟“ سِيذِي يَارَّا-د: ”خْزَارْ، نتَّا إِفَّارْ جَارْ ڒحْوَايجْ.“
1SA 10:23 نِيثْنِي ؤُزّْڒنْ [ذِينْ]، إِوْينْ ث-إِ-د سّنِّي. [ؤُمِي] د-يُوسَا نتَّا إِبدّْ جَارْ ڒْڭنْسْ، يُوجَارْ نتَّا مَارَّا ڒْڭنْسْ س ثِيذِّي ن ؤُزدْجِيفْ.
1SA 10:24 إِنَّا شَامْوِيلْ إِ مَارَّا ڒْڭنْسْ: ”مَا ثژْرِيمْ [ڒخُّو] مَانْ ونْ إِفَارْزْ سِيذِي؟ ؤُڒَا ذ إِجّنْ زِي ڒْڭنْسْ وَارْ ذَايسْ يَارْوِيسْ.“ ؤُشَا إِسْڒِيوْڒوْ مَارَّا ڒْڭنْسْ، نِيثْنِي نَّانْ: ”ثُوذَارْثْ إِ ؤُجدْجِيذْ!“
1SA 10:25 شَامْوِيلْ إِسّْشنْ إِ ڒْڭنْسْ ڒْحقّْ ن ثْڭلْذَا، يُورَا إِ-ث ذڭْ إِجّْ ن وذْلِيسْ ؤُشَا إِسَّارْسْ إِ-ث زَّاثْ إِ وُوذمْ ن سِيذِي. [خنِّي] يَارْخُو شَامْوِيلْ إِ مَارَّا ڒْڭنْسْ، كُوڒْ إِجّْ يُويُورْ غَارْ ثَادَّارْثْ نّسْ.
1SA 10:26 ؤُڒَا ذ شَاوُولْ يُويُورْ غَارْ ثَادَّارْثْ نّسْ غَارْ جِيبْعَا ؤُشَا إِرُوحْ أَكِيذسْ [وزْينْ ن] ڒْعسْكَارْ نِّي ثُوغَا إِحَاذَا سِيذِي ؤُڒْ نْسنْ.
1SA 10:27 [مَاشَا] أَيْثْ إِ وَارْ إِسكّْوِينْ نَّانْ: ”مَامّشْ إِ ذ أَنغْ غَا إِفكّْ ورْيَازْ-أَ؟“ ؤُ نِيثْنِي سّحْقَارنْ ث ؤُ وَارْ ذ أَسْ د-إِوْينْ شَا ثَارْزفْثْ، [مَاشَا] نتَّا إِڭَّا أَخْمِي وَارْ إِتّسْڒِي.
1SA 11:1 [خنِّي] إِفّغْ-د نَاحَاشْ، أَعَامُّونِي، ؤُشَا إِنّضْ [س ڒْعسْكَارْ نّسْ] إِ [ثنْذِينْثْ ن] يَابِيشْ ذِي جِيلْعَاذْ. مَارَّا إِرْيَازنْ ن يَابِيشْ نَّانْ إِ نَاحَاشْ: ”أڭّْ إِجّْ ن ڒْعَاهْذْ أَكِيذْنغْ ؤُشَا خنِّي أَذْ أَشْ نْسخَّارْ.“
1SA 11:2 إِنَّا أَسنْ أَعَامُّونِي نَاحَاشْ: ”خْ وبْرِيذْ-أَ نشّْ أَكِيذْومْ ڭّغْ ڒْعَاهْذْ، نشّْ أَذْ أَومْ د-قڒْعغْ مَارَّا ثِيطّْ ثَافُوسشْثْ، أَذْ ت ڭّغْ ذ ڒفْضِيحثْ خْ مَارَّا إِسْرَائِيل.“
1SA 11:3 إِمْغَارنْ ن يَابِيشْ نَّانْ: ”أجّْ أَنغْ سبْعَا ن وُوسَّانْ، حِيمَا أَذْ د-نسّكّْ إِرقَّاسنْ غَارْ مَارَّا ثَامُّورْثْ ن إِسْرَائِيل. مَاڒَا وَارْ نُوفِي ؤُڒَا ذ إِجّْ إِ ذ أَنغْ غَا إِسّْنجْمنْ، [خنِّي] أَذْ غَاركْ د-نفّغْ.“
1SA 11:4 [ؤُمِي] د-إِوْضنْ إِرقَّاسنْ غَارْ جِيبْعَا ن شَاوُولْ، سِّيوْضنْ-د نِيثْنِي أَوَاڒنْ-أَ غَارْ إِمزُّوغنْ ن ڒْڭنْسْ ؤُ مَارَّا ڒْڭنْسْ إِسّْڭعّذْ ثْمِيجَّا نّسْ، رُونْ.
1SA 11:5 ؤُ خْزَارْ، شَاوُولْ يُوسَا-د أَوَارْنِي إِ إِفُونَاسنْ نّسْ زڭْ إِيَّارْ، إِنَّا: ”مِينْ يُوغِينْ ڒْڭنْسْ إِتّْرُو أَمُّو؟“ نِيثْنِي حَاجَانْ أَسْ أَوَاڒنْ ن يرْيَازنْ ن يَابِيشْ.
1SA 11:6 إِهْوَا-د أَرُّوحْ ن أَربِّي خْ شَاوُولْ ؤُمِي إِسْڒَا أَوَاڒنْ-أَ ؤُشَا يَارْغَا ؤُخيّقْ نّسْ أَطَّاسْ.
1SA 11:7 نتَّا إِكْسِي إِجّْ ن ؤُزَايْڒُو ن إِفُونَاسنْ، إِقطّسْ إِ-ثنْ ذ إِشدْجِيقنْ، إِسّكّْ إِشدْجِيقنْ س ؤُفُوسْ ن إِرقَّاسنْ غَارْ مَارَّا ثَامُّورْثْ ن إِسْرَائِيل. إِرقَّاسنْ نَّانْ: ”ونِّي وَارْ إِفِّيغنْ أَوَارْنِي إِ شَاوُولْ ؤُ أَوَارْنِي شَامْوِيلْ [غَارْ ؤُمنْغِي]، خْزَارْ، أَمُّو إِ غَا إِتّْوَاڭّْ أَكْ-ذ إِفُونَاسنْ ذ ثْفُونَاسِينْ نّسْ.“ [خنِّي] ثوْضَا-د ثِيڭّْوُوذِي ن سِيذِي خْ مَارَّا ڒْڭنْسْ ؤُشَا فّْغنْ مُوننْ أَمْ يِيجّْ ن ورْيَازْ.
1SA 11:8 إِسدّْ إِ-ثنْ شَاوُولْ ذِي بَازَاقْ. ثُوغَا-ثنْ ذِي ثڒْثْ-مْيَا-أَڒفْ زڭْ أَيْثْ ن إِسْرَائِيل ؤُ ثْڒَاثِينْ-أَڒفْ ن يرْيَازنْ زِي يَاهُوذَا.
1SA 11:9 نِيثْنِي نَّانْ إِ إِرقَّاسنْ نِّي ثُوغَا د-يُوسِينْ: ”أَمُّو إِ غَا ثِينِيمْ إِ يرْيَازنْ ن يَابِيشْ ذِي جِيلْعَاذْ: ’ثِيوشَّا، خْمِي غَا ثِيڒِي ثْفُوشْثْ ثَاڒْغَا، أَذْ ثتّْوَاسّْنجْممْ.‘ “ [ؤُمِي] إِوْضنْ إِرقَّاسنْ، عَاوْذنْ ت إِ يرْيَازنْ ن يَابِيشْ ؤُشَا فَارْحنْ نِيثْنِي.
1SA 11:10 نَّانْ يرْيَازنْ ن يَابِيشْ: ”ثِيوشَّا أَذْ غَاركْ د-نفّغْ ؤُشَا [خنِّي] ثْزمَّارمْ أَكِيذْنغْ ثتّڭّمْ مِينْ ثتّْوَاڒَامْ كنِّيوْ مْلِيحْ ذِي ثِيطَّاوِينْ نْومْ.“
1SA 11:11 ثِيوشَّا نّسْ إِمْسَارْ، أَقَا شَاوُولْ إِبْضَا ڒْڭنْسْ خْ ثْڒَاثَا ن إِبَاطَايُوننْ ؤُ غَارْ ثُوفُّوثْ ن صّْبحْ ؤُذْفنْ نِيثْنِي غَارْ ڒْمَارْڭحْ ن ڒْعسْكَارْ، ؤُشَا وْثِينْ أَيْثْ ن عَامُّونْ غَارْ طّْحَا ن ؤُزِيڒْ. إِنِّي إِقِّيمنْ إِدَّارنْ تّْوَابزّْعنْ أَڒَامِي وَارْ إِقِّيمْ ؤُڒَا ذ ثْيُويَا زَّايْسنْ أَكْ-ذ وَايَاوْيَا.
1SA 11:12 [خنِّي] إِنَّا ڒْڭنْسْ إِ شَامْوِيلْ: ”مَانْ ونْ إِ إِنَّانْ: ’مَا شَاوُولْ أَذْ خَانغْ يِيڒِي ذ أَجدْجِيذْ؟‘ أَوْيِي ثنْ-د ذَانِيثَا، حِيمَا أَذْ ثنْ ننغْ.“
1SA 11:13 [مَاشَا] شَاوُولْ إِنَّا: ”ذڭْ وَاسّْ-أَ ؤُڒَا ذ إِجّنْ وَارْ إِتّْوَانغْ، مَاغَارْ أَسّْ-أَ سِيذِي إِسِّيوضْ-د أَسنْجمْ غَارْ إِسْرَائِيل.“
1SA 11:14 إِنَّا شَامْوِيلْ إِ ڒْڭنْسْ: ”أجّْ أَنغْ أَذْ نُويُورْ غَارْ جِيلْجَالْ، أَذْ ذِينِّي نْڒقّحْ ثَاڭلْذَا.“
1SA 11:15 [خنِّي] يُويُورْ مَارَّا ڒْڭنْسْ غَارْ جِيلْجَالْ ؤُ نِيثْنِي ڭِّينْ ذِينِّي ذِي جِيلْجَالْ شَاوُولْ ذ أَجدْجِيذْ زَّاثْ إِ وُوذمْ ن سِيذِي. غَارْصنْ ثِيغَارْصَا ن ڒهْنَا زَّاثْ إِ وُوذمْ ن سِيذِي ؤُشَا إِفَارْحْ شَاوُولْ أَطَّاسْ أَكْ-ذ مَارَّا إِرْيَازنْ ن إِسْرَائِيل.
1SA 12:1 [خنِّي] إِنَّا شَامْوِيلْ إِ مَارَّا إِسْرَائِيل: ”خْزَارْ، نشّْ سْڒِيغْ غَارْومْ ذِي مَارَّا مِينْ إِ ذ أَيِي ثنَّامْ ؤُ نشّْ ڭِّيغْ إِجّْ ن ؤُجدْجِيذْ خَاومْ.
1SA 12:2 ؤُشَا ڒخُّو، خْزَارْ، أَجدْجِيذْ إِرُوحْ زَّاثْ إِ وُوذمْ نْومْ. نشّْ وْسَارغْ، ذوْڒغْ شَابغْ، ؤُ خْزَارْ، أَرَّاوْ إِنُو أَقَا أَثنْ جَارْ أَومْ. زِي ثمْژِي إِنُو أَڒْ أَسّْ-أَ نشّْ ڭُّورغْ [أَمْ ؤُكهَّانْ] زَّاثْ إِ وُوذمْ نْومْ.
1SA 12:3 أَقَا أَيِي نشّْ [ذَا]. شهْذمْ خَافِي زَّاثْ إِ سِيذِي ؤُ زَّاثْ إِ لْمَاسِيحْ نّسْ. إِ ؤُمِي إِوْيغْ شَا ن ؤُفُونَاسْ؟ إِ ؤُمِي إِوْيغْ إِجّْ ن وغْيُوڒْ؟ مَانْ ونْ إِ حْصَارغْ ؤُ مَانْ ونْ إِغزِّيغْ ؤُ زِي مَانْ ونْ إِ طّْفغْ إِشْثْ ن ثرْزفْثْ مَاحنْذْ أَذْ قّْنغْ ثِيطَّاوِينْ إِنُو؟ نشّْ أَذْ أَومْ ث أَرّغْ.“
1SA 12:4 نِيثْنِي أَرِّينْ-د خَاسْ: ”شكْ وَارْ ذ أَنغْ ثحْصَارذْ شَا ؤُ وَارْ ذ أَنغْ ثْغزِّيذْ ؤُ وَارْ ثطِّيفذْ ؤُڒَا ذ إِشْثْ ن ڒْحَاجّثْ زِي شَا ن يِيجّنْ.“
1SA 12:5 [خنِّي] إِنَّا أَسنْ: ”سِيذِي ذ أَشهَّاذْ خَاومْ ؤُ لْمَاسِيحْ نّسْ ذ أَشهَّاذْ أَسّْ-أَ، أَقَا كنِّيوْ وَارْ ثُوفِيمْ ؤُڒَا ذ إِشْثْ ن ڒْحَاجّثْ ذڭْ ؤُفُوسْ إِنُو!“ إِنَّا ڒْڭنْسْ: ”أَقَا-ث ذ أَشهَّاذْ!“
1SA 12:6 إِنَّا شَامْوِيلْ إِ ڒْڭنْسْ: ”ذ سِيذِي إِ ثُوغَا إِڭِّينْ مُوسَا ذ هَارُونْ ؤُ نتَّا ذ ونِّي إِ د-إِسُّوفّْغنْ ڒجْذُوذْ نْومْ زِي مِيصْرَا.
1SA 12:7 خنِّي ڒخُّو، بدّمْ-د غَارِي، مَاحنْذْ أَذْ أَومْ سّشْنغْ ڒْحقّْ زَّاثْ إِ وُوذمْ ن سِيذِي، مَارَّا ثِيمڭَّا إِسڭّْذنْ ن سِيذِي ثِينِّي إِڭَّا إِ كنِّيوْ ؤُ إِ ڒجْذُوذْ نْومْ.
1SA 12:8 ؤُمِي د-يُوسَا يَاعْقُوبْ غَارْ مِيصْرَا، سْغُوينْ ڒجْذُوذْ نْومْ غَارْ سِيذِي ؤُ سِيذِي إِسّكّْ-د مُوسَا ذ هَارُونْ، ؤُشَا نِيثْنِي سُّوفّْغنْ-د ڒجْذُوذْ نْومْ زِي مِيصْرَا ؤُ سّْزذْغنْ ثنْ ذڭْ ومْشَانْ-أَ.
1SA 12:9 [مَاشَا] نِيثْنِي تُّونْ سِيذِي، أَربِّي نْسنْ. [خنِّي] نتَّا إِزّنْزْ إِ-ثنْ إِ سِيسَارَا، أَكُومَانْذَارْ ن ڒْعسْكَارْ، ذِي حَاصُورْ، ؤُ إِ إِفِيلِيسْطِينِييّنْ ؤُ إِ ؤُجدْجِيذْ ن أَيْثْ ن مُوآبَ. مَارَّا نِيثْنِي ثُوغَا مّنْغنْ أَكِيذْسنْ.
1SA 12:10 ؤُشَا سْغُوينْ نِيثْنِي غَارْ سِيذِي، نَّانْ: ’نشِّينْ نخْضَا، مَاغَارْ نشِّينْ نسْمحْ ذِي سِيذِي، نْسخَّارْ إِ ’إِبَاعْلنْ‘ ذ ’عَاشْثَارُوثِينْ‘. ؤُ ڒخُّو، فكّْ أَنغْ زڭْ ؤُفُوسْ ن ڒْعذْيَانْ نّغْ ؤُشَا نشِّينْ أَذْ شكْ نْسخَّارْ.‘
1SA 12:11 [خَاسْ ؤُشَا] إِسّكّْ-د سِيذِي يَارُوبَّاعْلْ ذ بَاذَانْ ذ يَافْثَاحْ ذ شَامْوِيلْ ؤُ نتَّا إِفكّْ كنِّيوْ زڭْ ؤُفُوسْ ن ڒْعذْيَانْ نْومْ إِ ذ أَومْ د-إِنّْضنْ، [أَڒَامِي] ثْزدّْغمْ كنِّيوْ ذِي ڒَامَانْ.
1SA 12:12 [ؤُمِي] ثژْرِيمْ كنِّيوْ أَقَا نَاحَاشْ، أَجدْجِيذْ ن أَيْثْ ن عَامُّونْ، إِفّغْ-د غَارْومْ، ثنِّيمْ أَيِي: ’لَّ، إِتّْخصَّا أَذْ خَانغْ يِيڒِي إِجّْ ن ؤُجدْجِيذْ!‘، وَاخَّا سِيذِي، أَربِّي نْومْ، ذ أَجدْجِيذْ نْومْ.
1SA 12:13 ڒخُّو، خْزَارْ، أَقَا أَجدْجِيذْ نْومْ، ونِّي إِ ثِيخْضَارمْ، ونِّي ثُوغَا ثتّْرَاجَامْ. أَقَا سِيذِي إِڭَّا إِ-ث ذ أَجدْجِيذْ خَاومْ.
1SA 12:14 مَاڒَا كنِّيوْ ثتّڭّْوذمْ سِيذِي، أَذْ أَسْ ثْسخَّارمْ ؤُ أَذْ ثسْڒَامْ إِ ثْمِيجَّا نّسْ، ؤُ وَارْ تّْغوّْغمْ خْ [مِينْ د-إِفّْغنْ] زڭْ ؤُقمُّومْ ن سِيذِي، خنِّي كنِّيوْ، إِوَا كنِّيوْ ذ ؤُجدْجِيذْ نْومْ ونِّي إِ خَاومْ إِ غَا إِحكْمنْ، أَذْ ثِيڒِيمْ ذِي ڒَامَانْ غَارْ ضفَّارْ ن سِيذِي، أَربِّي نْومْ.
1SA 12:15 [مَاشَا] مَاڒَا كنِّيوْ وَارْ ثسْڒِيمْ غَارْ ثْمِيجَّا ن سِيذِي، أَذْ ثْغوّْغمْ خْ [مِينْ د-إِفّْغنْ زڭْ] ؤُقمُّومْ ن سِيذِي، خنِّي أَفُوسْ ن سِيذِي أَذْ خَاومْ يِيڒِي أَمْ ث ثُوغَا خْ ڒجْذُوذْ نْومْ.
1SA 12:16 خنِّي ڒخُّو، بدّمْ كنِّيوْ، خْزَارمْ [ڒْْخذْمثْ] ثَامقّْرَانْثْ إِ ذ غَا إِڭّْ سِيذِي زَّاثْ إِ ثِيطَّاوِينْ نْومْ.
1SA 12:17 مَا وَارْ إِدْجِي أَسّْ-أَ صَّابثْ ن إِرْذنْ؟ نشّْ أَذْ ڒَاغِيغْ غَارْ سِيذِي ؤُ نتَّا أَذْ إِوْشْ أَجَّاجنْ ذ ونْژَارْ أَڒْ غَا ثسّْنمْ ؤُ أَذْ ثْژَارمْ مشْهَاڒْ إِمْغَارْ ڒْغَارْ إِ ثڭِّيمْ زَّاثْ إِ ثِيطَّاوِينْ ن سِيذِي مَاحنْذْ أَذْ أَسْ ثتَّارمْ إِجّْ ن ؤُجدْجِيذْ إِ يِيخفْ نْومْ.“
1SA 12:18 ؤُ شَامْوِيلْ إِڒَاغَا غَارْ سِيذِي، ؤُ سِيذِي إِسّكّْ-د ذڭْ وَاسّْ نِّي أَجَّاجّنْ ذ ونْژَارْ، ؤُشَا مَارَّا ڒْڭنْسْ ثڒْقفْ إِ-ث ثِيڭّْوُوذِي ذ ثَامقّْرَانْثْ زِي سِيذِي ؤُ زِي شَامْوِيلْ.
1SA 12:19 مَارَّا ڒْڭنْسْ إِنَّا إِ شَامْوِيلْ: ”ژَتدْجْ إِ إِمْسخَّارنْ نّشْ غَارْ سِيذِي، أَربِّي نّشْ، مَاحنْذْ وَارْ نتّْمتِّي شَا، مَاغَارْ نشِّينْ نَارْنِي-د غَارْ مَارَّا دّْنُوبْ نّغْ عَاذْ ثُوعفّْنَا [أَيَا]، بلِّي نَارْزُو إِجّْ ن ؤُجدْجِيذْ إِ نشِّينْ.“
1SA 12:20 [خنِّي] إِنَّا شَامْوِيلْ إِ ڒْڭنْسْ: ”وَارْ تّڭّْوْذمْ شَا! كنِّيوْ ثڭِّيمْ مَارَّا ثُوعفّْنَا-يَا، مَاشَا حْضَامْ أَڒَامِي وَارْ تّْحيَّاذمْ [شَا عَاذْ] زِي غَارْ ضفَّارْ ن سِيذِي، ؤُشَا سخَّارمْ إِ سِيذِي س مَارَّا ؤُڒْ نْومْ.
1SA 12:21 وَارْ تّْحيَّاذمْ شَا، مِينْزِي [خنِّي] أَذْ ثَافْ ثْضَافَّارمْ [لْ-أَصْنَامْ] إِخْوَانْ، [ثِيمسْڒَايِينْ] نِّي وَارْ إِنفّْعنْ ؤُ وَارْ إِتّْفكِّينْ، مِينْزِي نِيثنْثِي خْوَانْثْ.
1SA 12:22 مِينْزِي سِيذِي وَارْ إِسمّحْ ذِي ڒْڭنْسْ نّسْ ذِي طّْوعْ ن يِيسمْ نّسْ أَمقّْرَانْ، مَاغَارْ سِيذِي إِڭَّا أَذْ كنِّيوْ إِڭّْ ذ ڒْڭنْسْ إِ يِيخفْ نّسْ.
1SA 12:23 مِينْ ذ أَيِي إِشْقَانْ، إِڭّْوجْ خَافِي أَقَا أَذْ خْضِيغْ أَكْ-ذ سِيذِي ؤُمِي سّْبدّغْ ثْژَادْجِيثْ أَكِيذْومْ، [مَاشَا] نشّْ أَذْ أَومْ سّشْنغْ أَبْرِيذْ إِصبْحنْ إِسڭّْمنْ.
1SA 12:24 مْغِيرْ، ڭّْوذمْ سِيذِي، سخَّارمْ خَاسْ س ڒْمَانثْ س وُوڒْ نْومْ مَارَّا، مَاغَارْ خْزَارمْ، مَا وَارْ إِڭِّي نتَّا جَارْ أَومْ [مَارَّا] ثِيمسْڒَايِينْ [نِّي] إِمْغَارنْ!
1SA 12:25 [مَاشَا] مَاڒَا كنِّيوْ أَذْ ثَارْنِيمْ أَذْ ثڭّمْ ثُوعفّْنَا، خنِّي ڒَا ذ كنِّيوْ ؤُڒَا ذ أَجدْجِيذْ نْومْ أَذْ ثْهلّْكمْ.“
1SA 13:1 ثُوغَا غَارْ شَاوُولْ عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ أَربْعِينْ ن إِسڭّْوُوسَا خْ إِسْرَائِيل.
1SA 13:2 شَاوُولْ إِفَارْزْ ثڒْثْ-أَڒَافْ [ن يرْيَازنْ] زِي إِسْرَائِيل. أَڒْفَاينْ [زَّايْسنْ] ثُوغَا أَثنْ غَارْ شَاوُولْ ذِي مِيخْمَاسْ ؤُ خْ إِذُورَارْ ن بَايْثْ-إِلْ، ؤُ أَڒفْ [زَّايْسنْ] ثُوغَا أَثنْ غَارْ يُونَاثَانْ ذِي جِيبْعَا ذِي [ثمُّورْثْ ن] بِينْيَامِينْ. مِينْ إِقِّيمنْ زِي ڒْڭنْسْ يَارْخُو أَسْ إِجّْ إِجّْ أَذْ يُويُورْ غَارْ ؤُقِيضُونْ نّسْ.
1SA 13:3 يُونَاثَانْ إِغْڒبْ خْ ثشْبَارْثْ ن ڒْعسْكَارْ ن إِفِيلِيسْطِينِييّنْ ذِي جِيبْعَا، ؤُشَا سْڒَانْ خَاسْ إِفِيلِيسْطِينِييّنْ. [خنِّي] إِڭَّا شَاوُولْ أَذْ سُوضنْ ذڭْ ؤُيِيشّْ ن إِشَارِّي ذِي مَارَّا ثَامُّورْثْ، إِنَّا: ”أجّْ إِعِيبْرَانِييّنْ أَذْ [ث] سْڒنْ!“
1SA 13:4 مَارَّا إِسْرَائِيل إِسْڒَا أَبَارّحْ-أَ: ”شَاوُولْ إِغْڒبْ خْ إِشْثْ ن ثشْبَارْثْ ن ڒْعسْكَارْ ن إِفِيلِيسْطِينِييّنْ ؤُ س مَانْ أَيَا إِسَّارْزڭْ إِسْرَائِيل إِخفْ نّسْ غَارْ إِفِيلِيسْطِينِييّنْ.“ إِتّْوَاڒَاغَا ڒْڭنْسْ [مَاحنْذْ أَذْ ؤُيُورنْ] أَوَارْنِي إِ شَاوُولْ غَارْ جِيلْجَالْ.
1SA 13:5 إِفِيلِيسْطِينِييّنْ سّْمُوننْ إِ ؤُمنْغِي أَكْ-ذ إِسْرَائِيل. [نِيثْنِي ثُوغَا غَارْسنْ] ثڒْثْ-أَڒَافْ ن إِكَارُّوثنْ ذ ستَّا-أَڒَافْ ن إِمْنَاينْ، ؤُشَا ڒْڭنْسْ ن ڒْعسْكَارْ ثُوغَا ذڭْ وَاطَّاسْ أَمْ يِيجْذِي غَارْ ثْمَا ن ڒبْحَارْ. نِيثْنِي ڭعّْذنْ ؤُ وْثِينْ إِقِيضَانْ نْسنْ غَارْ مِيخْمَاسْ، غَارْ شَّارْقْ ن بَايْثْ-أَوِينْ.
1SA 13:6 [كُوڒْ] أَرْيَازْ ذِي إِسْرَائِيل ثُوغَا إِتّْوَاڒَا أَقَا نِيثْنِي ذِي ڒحْصَارثْ، مِينْزِي ؤُژّْڒنْ خْ ڒْڭنْسْ. ؤُشَا إِنُّوفَارْ ڒْڭنْسْ ذڭْ إِفْرَانْ ؤُ ذڭْ إِفدْجَاقنْ ن ثصْضَارْثْ ؤُ ذِي ثْصُوضَارْ ؤُ ذڭْ إِمُوشَانْ ن ثْنُوفّْرَا ؤُ ذڭْ وَانُوثنْ.
1SA 13:7 ژْوَانْ إِعِيبْرَانِييّنْ لْ-ؤُرْذُونْ غَارْ ثمُّورْثْ ن جَاذْ ذ جِيلْعَاذْ. ثُوغَا شَاوُولْ س يِيخفْ نّسْ عَاذْ ذِي جِيلْجَالْ ؤُ مَارَّا ڒْڭنْسْ ثُوغَا إِتَّارْجِيجِي أَوَارْنِي أَسْ.
1SA 13:8 نتَّا إِرَاجَا ذِي جِيلْجَالْ سبْعَا ن وُوسَّانْ أَڒْ ڒْوقْثْ إِ إِڭَّا شَامْوِيلْ. مَاشَا ؤُمِي شَامْوِيلْ وَارْ د-يُوسِي، أَقَا إِبزّعْ ڒْڭنْسْ إِخفْ نّسْ، [ؤُيُورنْ] خَاسْ.
1SA 13:9 [ڒخْذنِّي] إِنَّا شَاوُولْ: ”أَوْيمْ أَيِي-د ذَا إِشْثْ ن ثْغَارْصْثْ ن وشْمَاضْ ذ ثْغَارْصَا ن ڒهْنَا!“ [خنِّي] إِسّْڭعّذْ ثَاغَارْصْثْ ن وشْمَاضْ.
1SA 13:10 ؤُمِي إِكمّڒْ س ثوْهِيبْثْ ن ثْغَارْصْثْ ن وشْمَاضْ، إِمْسَارْ، أَقَا يُوسَا-د شَامْوِيلْ. شَاوُولْ إِفّغْ أَذْ ث إِڒْقَا، حِيمَا أَذْ أَسْ إِبَاركْ.
1SA 13:11 [خنِّي] إِنَّا شَامْوِيلْ: ”مِينْ ثڭِّيذْ شكْ؟“ إِنَّا شَاوُولْ: ”مِينْزِي نشّْ ژْرِيغْ، أَقَا ڒْڭنْسْ يُويُورْ أَيِي ؤُ شكْ وَارْ د-ثُوسِيذْ عَاذْ ذڭْ وُوسَّانْ إِتّْوَاڭّنْ ؤُشَا إِفِيلِيسْطِينِييّنْ نّْجَارْونْ غَارْ مِيخْمَاسْ،
1SA 13:12 نِّيغْ نشّْ: ’ڒخُّو أَذْ غَارِي د-هْوَانْ إِفِيلِيسْطِينِييّنْ ؤُ نشّْ وَارْ زَاوْڭغْ [عَاذْ] زَّاثْ إِ وُوذمْ ن سِيذِي!‘. [خْ ؤُيَا] ؤُشِيغْ أَقَا ذِينْ أَغِيڒْ خَافِي، حِيمَا أَذْ سّْڭعّْذغْ إِشْثْ ن ثْغَارْصْثْ ن وشْمَاضْ.“
1SA 13:13 شَامْوِيلْ يَارَّا-د خْ شَاوُولْ: ”شكْ ثڭِّيذْ ثُوبُّوهڒْيَا. وَارْ ثحْضِيذْ شَا ثَاوْصيّثْ ن سِيذِي، أَربِّي نّشْ، ثنِّي ذ أَشْ يُومُورْ، مِينْزِي خنِّي إِڒِي أَقَا سِيذِي إِشدّْ ڒخُّو ثَاڭلْذَا نّشْ خْ إِسْرَائِيل إِ ڒبْذَا.
1SA 13:14 ڒخُّو مَاشَا ثَاڭلْذَا نّشْ وَارْ ثتّْغِيمِي شَا. سِيذِي إِفَارْزْ إِ يِيخفْ نّسْ إِجّْ ن ورْيَازْ خْ وُوڒْ نّسْ ؤُ سِيذِي يُومُورْ أَسْ [أَذْ يِيڒِي] ذ ڒْحَاكمْ خْ ڒْڭنْسْ نّسْ، مَاغَارْ شكْ وَارْ ثحْضِيذْ شَا مِينْ إِ ذ أَشْ يُومُورْ سِيذِي.“
1SA 13:15 إِكَّارْ شَامْوِيلْ، إِڭعّذْ زِي جِيلْجَالْ غَارْ جِيبْعَا ذِي بِينْيَامِينْ ؤُشَا شَاوُولْ إِسدّْ ڒْڭنْسْ إِ ثُوغَا غَارسْ إِدْجَانْ، شَا ن ستَّا-مْيَا ن يرْيَازنْ.
1SA 13:16 شَاوُولْ، مِّيسْ يُونَاثَانْ ذ ڒْڭنْسْ إِ غَارْسنْ إِدْجَانْ، قِّيمنْ ذِي جِيبْعَا ذِي [ثمُّورْثْ ن] بِينْيَامِينْ. ؤُشَا إِفِيلِيسْطِينِييّنْ وْثِينْ إِقِيضَانْ نْسنْ ذِي مِيخْمَاسْ.
1SA 13:17 ؤُشَا إِفّغْ [ؤُبَارُّو ن] إِقْطَاطْعِييّنْ زِي ڒْمَارْڭحْ ن ڒْعسْكَارْ ن إِفِيلِيسْطِينِييّنْ ذِي ثْڒَاثَا ن بَانْذِييَّاثْ إِشْثْ ن بَانْذِييَّا ثَارَّا أَزدْجِيفْ غَارْ وبْرِيذْ ن عُوفْرَا، غَارْ ثمُّورْثْ ن شُوعَالْ،
1SA 13:18 ؤُ بَانْذِييَّا [نّغْنِي] ثَارَّا أَزدْجِيفْ غَارْ وبْرِيذْ ن بَايْثْ-حُورُونْ ؤُ بَانْذِييَّا [وِيسّْ ثْڒَاثَا] ثَارَّا أَزدْجِيفْ غَارْ وبْرِيذْ ن ويْمِيرْ نِّي إِخزَّارنْ ذِي ثغْزُورْثْ ن صابُوعِيمْ، غَارْ ڒخْڒَا.
1SA 13:19 ذِي مَارَّا إِسْرَائِيل وَارْ إِتّْوِيفْ ؤُڒَا ذ إِجّْ ن ومْزِيڒْ، مِينْزِي إِفِيلِيسْطِينِييّنْ ثُوغَا نَّانْ: ”حِيمَا إِعِيبْرَانِييّنْ وَارْ تّڭّنْ سِّيفْ نِيغْ لَانْسَا.“
1SA 13:20 [خْ ؤُيَا] مَارَّا إِسْرَائِيل إِقِّيمْ إِهكّْوَا غَارْ إِفِيلِيسْطِينِييّنْ، حِيمَا أَذْ إِسّقْضعْ [كُوڒْ] أَرْيَازْ ؤُزَّاڒْ ن وسْغَارْ نّسْ، دُّوزَانْ نّسْ، وُوزَّاڒْ ن ؤُزدَّامْ نّسْ ذ وُوزَّاڒْ ن ثْسِيڒِيثْ نّسْ.
1SA 13:21 ثُوغَا غَارْسنْ إِزيْنَاثنْ وَارْ إِقْضِيعنْ غَارْ وُوزَّاڒْ ن إِسُوغَارْ ؤُ غَارْ دُّوزَانْ ؤُ غَارْ ثَازَّارِينْ [س ثْڒَاثَا ن إِشُوكْضَانْ] ؤُ غَارْ إِسنَّاننْ إِبدّنْ [ن ڒْمَاشَامْ ن إِينْذُوزنْ].
1SA 13:22 ؤُمِي د-يِيوضْ وَاسّْ ن ؤُمنْغِي وَارْ إِتّْوِيفْ ؤُڒَا ذ إِجّْ ن سِّيفْ ؤُڒَا ذ إِجّْ ن ؤُحْرِيشْ ذِي مَارَّا ڒْڭنْسْ نِّي ثُوغَا إِدْجَانْ غَارْ شَاوُولْ ذ يُونَاثَانْ، أَقَا تّْوَافنْ مْغِيرْ غَارْ شَاوُولْ ذ يُونَاثَانْ.
1SA 13:23 إِشْثْ ن ثرْبِيعْثْ ن إِعسَّاسنْ ن ڒسْكَارْ ن إِفِيلِيسْطِينِييّنْ إِفّغْ غَارْ وبْرِيذْ ن ؤُژكّْوُو خْ إِذُورَارْ ن مِيخْمَاسْ.
1SA 14:1 إِجّْ ن وَاسّْ إِمْسَارْ، أَقَا يُونَاثَانْ، مِّيسْ ن شَاوُولْ، إِنَّا إِ ؤُمْسخَّارْ ونِّي ذ أَسْ يَاربُّونْ ڒسْنَاحْ: ”أَسْ-د، أجّْ أَنغْ أَذْ نژْوَا غَارْ ثرْبِيعْثْ ن إِعسَّاسنْ ن ڒْعسْكَارْ ن إِفِيلِيسْطِينِييّنْ نِّي ذِينْ [إِدْجَانْ] خْ ؤُجمَّاضْ!“، [مَاشَا] نتَّا وَارْ ث إِنِّي إِ بَابَاسْ.
1SA 14:2 ثُوغَا شَاوُولْ إِقِّيمْ غَارْ ثْمَا ن جِيبْعَا سَاذُو إِشْثْ ن ثْشجَّارْثْ ن أَرمَّامْ نِّي [إِبدّنْ] ذِي مِيغْرُونْ، ؤُشَا ڒْڭنْسْ إِ ثُوغَا أَكِيذسْ إِدْجَانْ، ذَايسْ عْڒَاحَاڒْ ستَّا-مْيَا ن يرْيَازنْ.
1SA 14:3 أَخِييَا، مِّيسْ ن أَخِيطُوبْ، ؤُمَاسْ ن إِخابُوذْ، مِّيسْ ن فِينَاحَاسْ، مِّيسْ ن عَالِي، أَكهَّانْ ن سِيذِي ذِي شِيلُو، ثُوغَا يَارْضْ أَپَالْطُو [ن ؤُكهَّانْ]. ڒْڭنْسْ وَارْ إِسِّينْ أَقَا يُونَاثَانْ ثُوغَا يُويُورْ.
1SA 14:4 جَارْ إِمُوشَانْ ن ؤُژكّْوُو [خْ إِذُورَارْ] إِ خْ ثُوغَا يُونَاثَانْ يَارزُّو أَذْ إِژْوَا غَارْ ثرْبِيعْثْ ن إِعسَّاسنْ ن ڒسْكَارْ ن إِفِيلِيسْطِينِييّنْ، ثُوغَا ذِينْ غَارْ ؤُغزْذِيسْ-أَ إِشْثْ ن ثصْضَارْثْ إِقضْعنْ إِ د-إِفّْغنْ ؤُڒَا ذ إِشْثْ ثصْضَارْثْ إِقضْعنْ إِ د-إِفّْغنْ غَارْ ؤُغزْذِيسْ نّغْنِي. إِشْثْ تّْڒَاغَانْ أَسْ بُوصَايْصْ ذ إِشْثْ نّغْنِيثْ [تّْڒَاغَانْ أَسْ] سَانَا.
1SA 14:5 إِشْثْ ن ثصْذَارْثْ إِقضْعنْ ثُوغَا غَارْ شَّامَالْ أَرنْذَاذْ ن مِيخْمَاسْ ذ [إِشْثْ ن ثسْضَارْثْ إِقضْعنْ] نّغْنِي ثُوغَا غَارْ لْجَانُوبْ أَرنْذَاذْ ن جِيبَاعْ.
1SA 14:6 إِنَّا يُونَاثَانْ إِ ؤُمْسخَّارْ ونِّي ذ أَسْ يَاربُّونْ ڒسْنَاحْ: ”أَسْ-د، أجّْ أَنغْ أَذْ نژْوَا غَارْ ثرْبِيعْثْ ن إِعسَّاسنْ ن ڒسْكَارْ ن يِينِّي وَارْ إِتّْوَاخثْننْ، أَذْ ثَاغْ أَذْ إِڭّْ سِيذِي شَا ذِي طّْوعْ نّغْ، مِينْزِي وَارْ إِوْعَارْ إِ سِيذِي، حِيمَا أَذْ إِفكّْ س ؤُفُوسْ ن وَاطَّاسْ نِيغْ س ؤُفُوسْ ن ذْرُوسْ.“
1SA 14:7 أَحمَّاڒْ ن ڒسْنَاحْ نّسْ يَارَّا-د خَاسْ: ”أڭّْ مَارَّا مِينْ غَاركْ ذڭْ وُوڒْ نّشْ. ؤُيُورْ، خْزَارْ، نشّْ أَكِيذكْ أَمْ وُوڒْ نّشْ.“
1SA 14:8 يُونَاثَانْ إِنَّا: ”خْزَارْ، نشِّينْ أَذْ نژْوَا غَارْ يرْيَازنْ نِّي، أَذْ أَسنْ نسّْشنْ إِخفْ نّغْ.
1SA 14:9 مَاڒَا نِيثْنِي [خنِّي] أَذْ أَنغْ إِنِينْ: ’بدّمْ أَڒْ غَارْومْ د غَا نَاسْ!‘، [خنِّي] أَذْ نقِّيمْ نْبدّْ ذڭْ ومْشَانْ نّغْ، وَارْ غَارْسنْ نتّْڭعِّيذْ شَا.
1SA 14:10 [مَاشَا] مَاڒَا نِيثْنِي أَذْ إِنِينْ: ’ڭعّْذمْ-د غَارْنغْ!‘، [خنِّي] أَذْ غَارْسنْ نْڭعّذْ، مِينْزِي سِيذِي إِڭَّا أَنغْ ثنْ ذڭْ ؤُفُوسْ نّغْ. أَيَا أَذْ أَنغْ يِيڒِي ذ ڒعْڒَامثْ.“
1SA 14:11 [ڒَْامِي] د سشّْننْ نِيثْنِي إِخفْ نْسنْ س ثْنَاينْ إِذْسنْ غَارْ ثرْبِيعْثْ ن إِعسَّاسنْ ن ڒسْكَارْ ن إِفِيلِيسْطِينِييّنْ، نَّانْ إِفِيلِيسْطِينِييّنْ: ”خْزَارمْ، إِعِيبْرَانِييّنْ فّْغنْ-د زڭْ إِخُوبَاشْ نْسنْ إِ ذِي ثُوغَا نُّوفَّارنْ.“
1SA 14:12 إِرْيَازنْ ن ثرْبِيعْثْ ن ڒْعسْكَارْ نَّانْ إِ يُونَاثَانْ ؤُ إِ ونِّي ذ أَسْ يَاربُّونْ ڒسْنَاحْ: ”ڭعّْذمْ-د غَارْنغْ، نشِّينْ أَذْ أَومْ د-نسِّيوضْ ڒخْبَارْ!“ ؤُشَا إِنَّا يُونَاثَانْ إِ ؤُحمَّاڒْ ن ڒسْنَاحْ نّسْ: ”ڭعّذْ أَوَارْنِي أَيِي، مَاغَارْ سِيذِي إِڭَّا إِ-ثنْ ذڭْ ؤُفُوسْ ن إِسْرَائِيل.“
1SA 14:13 [خنِّي] إِڭعّذْ يُونَاثَانْ خْ إِفَاسّنْ ذ إِضَارنْ غَارْ سنّجْ، ؤُ أَحمَّاڒْ ن ڒسْنَاحْ نّسْ إِضْفَارْ إِ-ث ؤُشَا وْضَانْ [إِعسَّاسنْ نِّي] زَّاثْ إِ وُوذمْ ن يُونَاثَانْ ؤُ أَوَارْنِي أَسْ إِنْغَا إِ-ثنْ ؤُحمَّاڒْ ن ڒسْنَاحْ نّسْ.
1SA 14:14 ثِيشْثِي-يَا ثَامزْوَارُوثْ إِ زِي إِوْثَا يُونَاثَانْ ذ ؤُحمَّاڒْ ن ڒسْنَاحْ نّسْ عْڒَاحَاڒْ عِيشْرِينْ ن يرْيَازنْ، ثُوغَا ثدْجَا خْ إِجّْ ن ييَّارْ إِ ثُوغَا أَنشْثْ ن إِجّْ ن وزْينْ ن ييَّارْ [إِ إِزمَّارْ] إِجّْ ن ؤُزَايْڒُو [ن إِينْذُوزنْ] أَذْ ث إِشَارْزْ [ذڭْ إِجّْ ن وَاسّْ].
1SA 14:15 أَمنِّي ثُوذفْ ثَارْجِيجثْ ذِي ڒْمَارْڭحْ ن ڒْعسْكَارْ خْ ييَّارْ، ذِي مَارَّا ڒْڭنْسْ ؤُ ذڭْ يِينِّي ن ثرْبِيعْثْ ن ڒْعسْكَارْ. ؤُڒَا ذ أَبَارُّو ن إِكشَّاضنْ تَّارْجِيجنْ س يِيخفْ نْسنْ، [وَاهْ،] ؤُڒَا ذ ثَامُّورْثْ ثنْهزّْ. ثُوغَا-ت ذ إِشْثْ ن ڒْعُورّثْ ثمْغَارْ ن أَربِّي.
1SA 14:16 إِعسَّاسنْ ن شَاوُولْ ذِي جِيبْعَا ذِي بِينْيَامِينْ ژْرِينْ، أَقَا إِتّْوَابزّعْ ڒْغَاشِي، ذوْڒنْ نِيثْنِي تّْمنْغَانْ أَكْ-ذ وَايَاوْيَا.
1SA 14:17 [خنِّي] إِنَّا شَاوُولْ إِ ڒْڭنْسْ إِ ثُوغَا غَارسْ إِدْجَانْ: ”أَرْزُومْ خنِّي ؤُ خْزَارمْ مَانْ ونْ إِ زَّايْنغْ إِفّْغنْ.“ نِيثْنِي أَرْزُونْ ؤُ خْزَارْ، أَقَا يُونَاثَانْ ذ ؤُحمَّاڒْ ن ڒسْنَاحْ نّسْ وَارْ ذِينْ دْجِينْ.
1SA 14:18 [خنِّي] إِنَّا شَاوُولْ إِ أَخِييَا: ”أَوِي-د تَّابُوثْ ن أَربِّي ذَانِيثَا!“ مَاغَارْ تَّابُوثْ ثُوغَا-ت ذڭْ وُوسَّانْ نِّي غَارْ أَيْثْ ن إِسْرَائِيل .
1SA 14:19 ؤُمِي ثُوغَا شَاوُولْ إِسَّاوَاڒْ عَاذْ أَكْ-ذ ؤُكهَّانْ، إِمْسَارْ، أَقَا ڒْغَاشِي ذِي ڒْمَارْڭحْ ن ڒْعسْكَارْ ن إِفِيلِيسْطِينِييّنْ إِذْوڒْ إِنّهْوڒْ أَطَّاسْ. [خنِّي] إِنَّا شَاوُولْ إِ ؤُكهَّانْ: ”فكّْ أَفُوسْ نّشْ!“
1SA 14:20 شَاوُولْ ذ مَارَّا ڒْڭنْسْ نِّي ثُوغَا غَارسْ، أَقَا تّْوَاڒَاغَانْ-د مَاحنْذْ أَذْ مُوننْ، ؤُشَا ؤُسِينْ-د غَارْ وَازَّايْ ن ؤُمنْغِي، ؤُ خْزَارْ، سِّيفْ ن إِجّنْ ثُوغَا خْ ونّغْنِي. أَقَا إِكَّارْ إِجّْ ن ؤُخَارْوضْ ذ أَمقّْرَانْ.
1SA 14:21 ثُوغَا ذِينْ عَاوذْ إِعِيبْرَانِييّنْ إِنِّي أَطَّاسْ زڭْ وَامِي ثُوغَا إِبدّنْ خْ ؤُغزْذِيسْ ن إِفِيلِيسْطِينِييّنْ، ثُوغَا تّفّْغنْ-د أَكِيذْسنْ مّْطَارّْشنْ جَارْ ڒْعسْكَارْ. ؤُڒَا ذ نِيثْنِي مُوننْ غَارْ إِسْرَائِيل إِيّنْ نِّي إِدْجَانْ أَكْ-ذ شَاوُولْ ذ يُونَاثَانْ.
1SA 14:22 [ؤُمِي] مَارَّا إِرْيَازنْ ن إِسْرَائِيل، إِنِّي ثُوغَا إِنُّوفَّارنْ خْ إِذُورَارْ ن إِفْرَايِيمْ، سْڒَانْ، أَقَا إِفِيلِيسْطِينِييّنْ ثُوغَا أَروْڒنْ، مُوننْ ؤُڒَا ذ نِيثْنِي غَارْسنْ إِ ؤُمنْغِي مَاحنْذْ أَذْ ضْفَارنْ [إِفِيلِيسْطِينِييّنْ].
1SA 14:23 ذڭْ وَاسّْ نِّي إِفكّْ سِيذِي إِسْرَائِيل ؤُشَا أَمنْغِي إِفّغْ ؤُڒَا غَارْ بَايْثْ-أَوِينْ.
1SA 14:24 تّْوَاعَارّْننْ إِرْيَازنْ ن إِسْرَائِيل ذڭْ وَاسّْ نِّي [أَرْ طَّارْفْ]، مِينْزِي شَاوُولْ إِجُّودْجْ إِ ڒْڭنْسْ، إِنَّا: ”ونِّي إِ غَا إِشّنْ مَاشَّا قْبڒْ ثَامذِّيثْ ؤُ قْبڒْ إِ غَا نْثَاقْمغْ نشّْ خْ ڒْعذْيَانْ إِنُو، أَذْ يِيڒِي إِتّْوَانْعڒْ!“ [خْ ؤُيَا] وَارْ إِشِّي مَارَّا ڒْڭنْسْ.
1SA 14:25 مَارَّا [ڒْْڭنْسْ ن] ثمُّورْثْ يُوذفْ غَارْ وزْغَارْ ؤُشَا ثُوغَا [ذِينْ] ثَامّنْثْ [ثوْسعْ] ذڭْ إِيَّارْ.
1SA 14:26 [ؤُمِي] د-يُوذفْ ڒْڭنْسْ غَارْ وزْغَارْ، [أَقَا ذِينْ] ثَامّنْثْ س ؤُفيّضْ، [مَاشَا] ؤُڒَا ذ إِجّْ وَارْ غَارسْ إِسّْوِيژّضْ س ؤُفُوسْ مَاحنْذْ أَذْ زَّايسْ إِكْسِي غَارْ ؤُقمُّومْ نّسْ، مَاغَارْ ڒْڭنْسْ إِڭّْوذْ ثَاجَادْجِيثْ [ن شَاوُولْ].
1SA 14:27 [مَاشَا] يُونَاثَانْ ثُوغَا وَارْ إِسْڒِي ڒَامِي إِسّْجُودْجْ بَابَاسْ ڒْڭنْسْ. نتَّا إِسّْوِيژّضْ س ؤُنڭَّارْ ن ؤُزدْجَاضْ نّسْ نِّي [إِدْجَانْ] ذڭْ ؤُفُوسْ نّسْ ؤُشَا إِسِّيسنْ إِ-ث ذڭْ إِشْثْ ن ثغْرَاصْثْ ن ثَامّنْثْ. [ڒَامِي] يِيوِي أَفُوسْ نّسْ غَارْ ؤُقمُّومْ نّسْ، أَقَا ذوْڒنْثْ ثِيطَّاوِينْ نّسْ إِزْذِيڭنْثْ أَطَّاسْ.
1SA 14:28 [خنِّي] يَارَّا-د إِجّْ ن ورْيَازْ زِي ڒْڭنْسْ، إِنَّا: ”بَابَاشْ إِسّْجُودْجْ ڒْڭنْسْ س إِشْثْ ن ثْجَادْجِيثْ، إِنَّا: ’أَرْيَازْ إِ غَا إِشّنْ أَسّْ-أَ أَغْرُومْ، أَذْ يِيڒِي إِتّْوَانْعڒْ!‘ [س ؤُينِّي] إِفْنَا ڒْڭنْسْ.“
1SA 14:29 [خَاسْ ؤُشَا] إِنَّا يُونَاثَانْ: ”بَابَا إِغْضڒْ ثَامُّورْثْ ذِي أَرّْژِييّثْ. خْزَارمْ وَاهَا، ثِيطَّاوِينْ إِنُو تّْشعّْڒنْثْ، مِينْزِي نشّْ قَّاسغْ ذْرُوسْثْ زِي ثَامّنْثْ-أَ.
1SA 14:30 إِحْڒَا أَسنْ مْڒِي إِشَّا ڒْڭنْسْ مْلِيحْ أَسّْ-أَ زِي ثْكشَّاضْثْ إِ إِطّفْ زِي ڒْعذْيَانْ نّسْ، مِينْزِي ڒخُّو ثِيشْثِي [إِ زِي وْثِينْ نِيثْنِي] إِفِيلِيسْطِينِييّنْ وَارْ ثدْجِي ذ ثَامقّْرَانْثْ [عَاذْ].“
1SA 14:31 ذڭْ وَاسّْ نِّي وْثِينْ نِيثْنِي إِفِيلِيسْطِينِييّنْ زِي مِيخْمَاسْ أَڒْ أَيَالُونْ، ؤُ ڒْڭنْسْ ثُوغَا إِفْنَا أَطَّاسْ.
1SA 14:32 ڒْڭنْسْ إِعمّذْ خْ ثْكشَّاضْثْ ؤُ نِيثْنِي كْسِينْ ؤُدْجِي ذ إِفُونَاسنْ ذ ثْفُونَاسِينْ، ؤُشَا غَارْصنْ أَسنْ خْ ثمُّورْثْ، ؤُ ڒْڭنْسْ إِشَّا [أَيْسُومْ] س إِذَامّنْ.
1SA 14:33 سَّارْڭْبنْ مَانْ أَيَا إِ شَاوُولْ، نَّانْ: ”أَقَا ڒْڭنْسْ إِخْضَا أَكْ-ذ سِيذِي ؤُمِي نِيثْنِي شِّينْ [أَيْسُومْ] أَكْ-ذ إِذَامّنْ.“ نتَّا إِنَّا: ”كنِّيوْ ثْغدَّارمْ. سقْنُونِّييمْ-د كنِّيوْ أَسّْ-أَ إِشْثْ ن ثصْضَارْثْ غَارِي.“
1SA 14:34 إِنَّا شَاوُولْ [عَاوذْ]: ”بزّْعمْ إِخفْ نْومْ جَارْ ڒْڭنْسْ، ثِينِيمْ أَسنْ: ’أجّْ [كُوڒْ] أَرْيَازْ أَذْ أَيِي د-يَاوِي أَفُونَاسْ نّسْ، ؤُ [أجّْ كُوڒْ] أَرْيَازْ [أَذْ أَيِي د-يَاوِي عَاوذْ] إِجّنْ زڭْ وُودْجِي نّسْ. غَارْصمْ أَسنْ ذَا، شّمْ زَّايْسنْ، [مَاشَا] وَارْ تّْخطِّيمْ أَكْ-ذ سِيذِي ؤُمِي غَا ثشّمْ س إِذَامّنْ.“ ؤُشَا [كُوڒْ] أَرْيَازْ زِي مَارَّا ڒْڭنْسْ يِيوِي-د أَفُونَاسْ نّسْ س ؤُفُوسْ ذِي دْجِيڒثْ ؤُشَا غَارْصنْ أَسْ ذِينِّي.
1SA 14:35 ؤُشَا شَاوُولْ إِبْنَا إِجّْ ن ؤُعَالْطَارْ إِ سِيذِي. ثُوغَا-ث ذ أَعَالْطَارْ أَمزْوَارُو إِ إِسّْبدّْ إِ سِيذِي.
1SA 14:36 [خنِّي] إِنَّا شَاوُولْ: ”أجّْ أَنغْ أَذْ نهْوَا دْجِيڒثْ-أَ، أَذْ نضْفَارْ إِفِيلِيسْطِينِييّنْ ؤُ أَذْ ثنْ نْكشّضْ أَڒْ ثُوفُّوثْ ن صّْبحْ، وَارْ زَّايْسنْ نتّجِّي ؤُڒَا ذ إِجّنْ [أَذْ إِدَّارْ عَاذْ].“ نَّانْ نِيثْنِي ”أڭّْ مَارَّا مِينْ ثتّْوَاڒِيذْ نِيشَانْ ذِي ثِيطَّاوِينْ نّشْ.“ مَاشَا أَكهَّانْ إِنَّا: ”جّمْ أَنغْ أَذْ د-نْقَارّبْ غَارْ أَربِّي.“
1SA 14:37 [خنِّي] إِسّقْسَا شَاوُولْ أَربِّي ”مَا أَذْ هْوِيغْ، أَذْ ضْفَارغْ إِفِيلِيسْطِينِييّنْ؟ مَا أَذْ ثنْ ثڭّذْ ذڭْ ؤُفُوسْ ن إِسْرَائِيل؟“ [مَاشَا] سِيذِي وَارْ خَاسْ د-يَارِّي ذڭْ وَاسّْ نِّي.
1SA 14:38 [خَاسْ ؤُشَا] إِنَّا شَاوُولْ: ”أَسمْ-د ذَا، مَارَّا إِمْضبَّارنْ نْ ڒْڭنْسْ، سْنمْ ؤُ خْزَارمْ، مِينْ ذِي إِدْجَا دّْنُوبْ-أَ إِ إِتّْوَاڭّنْ أَسّْ-أَ.
1SA 14:39 مِينْزِي س ثِيذتّْ أَمْ إِدَّارْ سِيذِي ونِّي إِفكّنْ إِسْرَائِيل، وَاخَّا ثُوغَا-ث ذ مِّي يُونَاثَانْ، نتَّا أَذْ إِمّثْ نِيشَانْ.“ مَاشَا ؤُڒَا ذ إِجّْ زِي ڒْڭنْسْ وَارْ د-يَارِّي شَا.
1SA 14:40 إِنَّا [عَاوذْ] إِ مَارَّا أَيْثْ ن إِسْرَائِيل: ”إِتّْخصَّا أَذْ ثْبدّمْ غَارْ إِجّْ ن ؤُغزْذِيسْ، نشّْ ذ مِّي يُونَاثَانْ أَذْ نْبدّْ غَارْ ؤُغزْذِيسْ نّغْنِي.“ ڒْڭنْسْ يَارَّا-د خْ شَاوُولْ: ”أڭّْ مِينْ ثتّْوَاڒِيذْ شكْ مْلِيحْ ذِي ثِيطَّاوِينْ نّشْ.“
1SA 14:41 [خَاسْ ؤُشَا] إِسِّيوڒْ شَاوُولْ أَكْ-ذ سِيذِي، أَربِّي ن إِسْرَائِيل ”أَرّْ-د خَانغْ مَاحنْذْ أَذْ ث نسّنْ نِيشَانْ!“ [خنِّي] إِتّْوَاطّفْ يُونَاثَانْ ذ شَاوُولْ ؤُشَا ڒْڭنْسْ إِفّغْ [ذ أَمزْذَاڭْ].
1SA 14:42 شَاوُولْ إِنَّا: ”نْضَارمْ ثَاقدُّوحْثْ جَارْ أَيِي نشّْ ذ مِّي يُونَاثَانْ!“ [خنِّي] إِتّْوَاطّفْ يُونَاثَانْ.
1SA 14:43 إِنَّا شَاوُولْ إِ يُونَاثَانْ: ”إِنِي أَيِي، مِينْ ثڭِّيذْ شكْ!“ يُونَاثَانْ إِحَاجَا أَسْ ث، إِنَّا: ”نشّْ قَّاسغْ مْغِيرْ شْوَايْثْ ن ثَامّنْثْ س ؤُنڭَّارُو ن ؤُژدْجَاضْ نِّي [إِدْجَانْ] ذڭْ ؤُفُوسْ إِنُو. أَقَا أَيِي ذَا، مَا إِتّْخصَّا أَيِي أَذْ مّْثغْ؟“
1SA 14:44 [خنِّي] إِنَّا شَاوُولْ: ”أجّْ أَذْ أَيِي إِڭّْ أَربِّي ثَا ذ ثَا ؤُ أَذْ ذَايسْ يَارْنِي عَاذْ، [مَاڒَا وَارْ شكْ نقّغْ] مِينْزِي [شكْ]، يُونَاثَانْ، إِتّْخصَّا أَشْ أَذْ ثمّْثذْ نِيشَانْ.“
1SA 14:45 [مَاشَا] ڒْڭنْسْ إِنَّا إِ شَاوُولْ: ”مَا إِتّْخصَّا أَذْ إِمّثْ يُونَاثَانْ، ونِّي إِوْينْ أَسنْجمْ-أَ أَمقّْرَانْ إِ إِسْرَائِيل؟ وَارْ خَاسْ نسِّيوڒْ! س ثِيذتّْ أَمْ إِدَّارْ سِيذِي، أَيَا وَارْ إِتِّيڒِي، وَارْ زَّايسْ إِوطَّا ؤُڒَا ذ إِشْثْ ن ؤُژطُّو ن ؤُشُوَّافْ ن ؤُزدْجِيفْ نّسْ غَارْ ثمُّورْثْ، مِينْزِي نتَّا إِڭَّا إِ-ث أَسّْ-أَ أَكْ-ذ أَربِّي.“ [أَمُّو] إِ إِفكّْ ڒْڭنْسْ إِ يُونَاثَانْ ؤُشَا ثُوغَا وَارْ إِتّْخصِّي أَذْ إِمُّوثْ.
1SA 14:46 شَاوُولْ إِسْمحْ ذڭْ وضْفَارْ ن إِفِيلِيسْطِينِييّنْ ؤُشَا إِفِيلِيسْطِينِييّنْعقْبنْ غَارْ إِمُوشَانْ [ن ثْزذِّيغْثْ] نْسنْ.
1SA 14:47 ؤُشَا شَاوُولْ إِطّفْ ثَاڭلْذَا خْ إِسْرَائِيل، إِمّْنغْ أَكْ-ذ مَارَّا ڒْعذْيَانْ نّسْ إِ ذ أَسْ د-إِنّْضنْ: أَكْ-ذ مُوآبَ، أَكْ-ذ أَيْثْ ن عَامُّونْ، أَكْ-ذ إِذُومْ، أَكْ-ذ إِجدْجِيذنْ ن صُوبَا ؤُ أَكْ-ذ إِفِيلِيسْطِينِييّنْ. مَانِي مَا يَارَّا س ؤُزدْجِيفْ، يِيوِي-د أَغلّبْ.
1SA 14:48 نتَّا إِڭَّا س ثرْيَاسْثْ، إِغْڒبْ خْ أَيْثْ ن عَامَالِيقْ ؤُ إِفكّْ إِسْرَائِيل زڭْ ؤُفُوسْ ن يِينِّي ث إِكشّْضنْ.
1SA 14:49 أَرَّاونْ ن شَاوُولْ [ثُوغَا أَثنْ ذ] يُونَاثَانْ ذ يِيشْوِي ذ مَالْكِيشُوعَا. إِسْمَاونْ ن ثْنَاينْ ن يسِّيسْ ذ مِيرَابْ، ثنِّي ذ ثَامنْزُوثْ، ؤُ إِسمْ ن ثْمَاژُوژْثْ [أَقَا] ذ مِيخَالْ.
1SA 14:50 ثَامْغَارْثْ ن شَاوُولْ قَّارنْ أَسْ أَخِينُوعَامْ، يدْجِيسْ ن أَخِيمَاعَاصْ. ؤُشَا إِسمْ ن ؤُكُومَانْذَارْ ن ڒْعسْكَارْ نّسْ، [أَقَا] ذ أَبْنِيرْ، مِّيسْ ن نِيرْ،عمِّيسْ ن شَاوُولْ.
1SA 14:51 قِيشْ، ونِّي ذ بَابَاسْ ن شَاوُولْ، ؤُ نِيرْ، ونِّي ذ بَابَاسْ ن أَبْنِيرْ، [ثُوغَا أَثنْ ذ] إِحنْجِيرنْ ن أَبِييِيلْ.
1SA 14:52 ثُوغَا [ذِينْ] إِجّْ ن ؤُمنْغِي إِوْعَارْ أَكْ-ذ إِفِيلِيسْطِينِييّنْ مَارَّا ؤُسَّانْ مِينْ إِكَّا إِدَّارْ شَاوُولْ. كُوڒْ إِجّْ ن ورْيَازْ بُو-ثغْرُوضْثْ ذ كُوڒْ إِجّْ ن مِّيسْ ن ؤُمنْغِي إِ إِژْرَا شَاوُولْ، إِكْسِي إِ-ث غَارسْ.
1SA 15:1 شَامْوِيلْ إِنَّا إِ شَاوُولْ: ”سِيذِي ثُوغَا إِسّكّْ أَيِي-د حِيمَا أَذْ شكْ ذهْنغْ ذ أَجدْجِيذْ خْ ڒْڭنْسْ نّسْ، خْ إِسْرَائِيل. سڒْ خنِّي غَارْ وَاوَاڒنْ ن سِيذِي.
1SA 15:2 أَمُّو إِ إِقَّارْ سِيذِي ن ڒْعسْكَارَاثْ: ’نشّْ أَذْ خدْجْصغْ مِينْ إِڭَّا عَامَالِيقْ إِ إِسْرَائِيل، أَقَا إِبدّْ أَسْ ذڭْ وبْرِيذْ ؤُمِي د-إِڭعّذْ إِسْرَائِيل زِي مِيصْرَا.
1SA 15:3 كَّارْ ڒخُّو ؤُ وّثْ عَامَالِيقْ. حَارّمْ مَارَّا مِينْ غَارسْ إِ ؤُثحِّي ؤُ وَارْ خَاسْ تّْحِيوِيڒْ شَا، مَاشَا نغْ [مَارَّا]، زڭْ ورْيَازْ أَڒْ ثمْغَارْثْ، زڭْ ؤُحنْجِيرْ أَڒْ أَسيْمِي، زڭْ ؤُفُونَاسْ أَڒْ ؤُدْجِي، زڭْ وڒْغمْ أَڒْ أَغْيُوڒْ!‘ “
1SA 15:4 إِڒَاغَا-د شَاوُولْ خْ ڒْڭنْسْ. إِسدّْ إِ-ثنْ ذِي طَالَايِيمْ. ثُوغَا-ثنْ ذِي مِيثَاينْ-أَڒفْ ن يرْيَازنْ خْ إِضَارنْ ذ ثنْعَاشْ أَڒفْ ن يرْيَازنْ ن يَاهُوذَا.
1SA 15:5 [ؤُمِي] يِيوضْ شَاوُولْ غَارْ ثنْذِينْثْ ن عَامَالِيقْ، إِڭَّا إِجّْ ن ڒْفخْ ذِي ثغْزُورْثْ،
1SA 15:6 ؤُشَا شَاوُولْ إِجَّا أَذْ إِنِينْ إِ أَيْثْ ن إِقِينِييّنْ: ”فّْغمْ، بعّْذمْ، سمْحمْ ذِي ڒْوسْطْ ن عَامَالِيقْ، حِيمَا نشّْ وَارْ كنِّيوْ تّحِّيغْ أَكِيذْسنْ، مَاغَارْ كنِّيوْ ثڭِّيمْ س ثْمخْسِيوْثْ إِشوَّارنْ أَكْ-ذ أَيْثْ ن إِسْرَائِيل ؤُمِي د-فّْغنْ زِي مِيصْرَا.“ [خَاسْ ؤُشَا] فّْغنْ إِقِينِييّنْ زِي ڒْوسْطْ ن أَيْثْ ن عَامَالِيقْ.
1SA 15:7 [خنِّي] إِغْڒبْ شَاوُولْ خْ أَيْثْ ن عَامَالِيقْ زِي حَاوِيلَا أَڒْ شُورْ [إِ إِدْجَانْ] أَرنْذَاذْ ن مِيصْرَا.
1SA 15:8 أَجَاجْ، أَجدْجِيذْ ن عَامَالِيقْ، إِطّفْ إِ-ث إِدَّارْ، مَاشَا مَارَّا ڒْڭنْسْ إِحَارّمْ إِ-ثنْ إِ ؤُثحِّي س ڒقْضعْ ن سِّيفْ.
1SA 15:9 [مَاشَا] شَاوُولْ ذ ڒْڭنْسْ حَاوْڒنْ خْ أَجَاجْ ؤُڒَا خْ ڒمْخيّرْ ن وُودْجِي ذ إِفُونَاسنْ ذ ثْفُونَاسِينْ ؤُ خْ مِينْ [إِدْجَانْ] إِصبْحنْ أَوَارْنِي أَسْ ؤُ خْ مَارَّا إِزْمَارنْ ذَايْسنْ ثَاذُونْثْ ؤُ خْ مَارَّا مِينْ ثُوغَا ذ أَصبْحَانْ قَاعْ. وَارْ خْسنْ أَذْ ثنْ حَارّْمنْ إِ ؤُثحِّي، [مَاشَا] مَارَّا مِينْ [إِدْجَانْ] ذْرُوسْ ذ مِينْ إِضعْفنْ، حَارّْمنْ ث إِ ؤُثحِّي.
1SA 15:10 [خنِّي] يُوسَا-د وَاوَاڒْ ن سِيذِي غَارْ شَامْوِيلْ، إِنَّا:
1SA 15:11 ”نشّْ نذْمغْ، أَقَا ڭِّيغْ شَاوُولْ ذ أَجدْجِيذْ، مَاغَارْ نتَّا إِحيّذْ زِي ضفَّارْ إِنُو ؤُ وَارْ إِسّقْفڒْ أَوَاڒنْ إِنُو.“ إِنّهْوڒْ شَامْوِيلْ، إِسْغُويْ ثَامذِّيثْ ثْمُونْ غَارْ سِيذِي.
1SA 15:12 ثِيوشَّا نّسْ زِيشْ إِكَّارْ شَامْوِيلْ، يُويُورْ أَذْ إِڒْقَا شَاوُولْ. إِتّْوَانَّا أَسْ إِ شَامْوِيلْ، نَّانْ: ”شَاوُولْ يُوسَا-د غَارْ كَارْمِيلْ ؤُ إِسّْبدّْ [ذِينِّي] إِجّْ ن ؤُقلِّيجْ ن ڒِيذَارثْ إِ يِيخفْ نّسْ، خنِّي إِنّقْڒبْ، إِعْذُو، إِهْوَا غَارْ جِيلْجَالْ.“
1SA 15:13 يُوسَا-د شَامْوِيلْ غَارْ شَاوُولْ ؤُ شَاوُولْ إِنَّا أَسْ: ”أَقَا شكْ ثتّْوَابَارْكذْ زِي سِيذِي! نشّْ سّْقفْڒغْ أَوَاڒْ ن سِيذِي.“
1SA 15:14 [خنِّي] يَارَّا-د خَاسْ شَامْوِيلْ: ”ذ مِينْ [إِخْسْ أَذْ يِينِي] ڒْحسّْ-أَ ن وُودْجِي [إِ ذ أَيِي إِتَّاذْفنْ] ذڭْ إِمزُّوغنْ إِنُو، ذ ڒْحسّْ ن إِفُونَاسنْ ذ ثْفُونَاسِينْ إِ تّسْڒِيغْ؟“
1SA 15:15 شَاوُولْ إِنَّا: ”نِيثْنِي إِوْينْ ثنْ-د أَكِيذْسنْ زِي عَامَالِيقْ، مِينْزِي ڒْڭنْسْ إِحَاوڒْ خْ مُومُّو ن وُودْجِي ذ إِفُونَاسنْ ذ ثْفُونَاسِينْ، حِيمَا أَذْ ثنْ قدّْمنْ ذ ثَاغَارْصْثْ إِ سِيذِي، أَربِّي نّشْ. مِينْ إِقِّيمنْ نْحَارّمْ إِ-ث إِ ؤُثحِّي.“
1SA 15:16 [خنِّي] إِنَّا شَامْوِيلْ إِ شَاوُولْ: ”شْفَا! نشّْ أَذْ شكْ إِنِيغْ مِينْ إِ ذ أَيِي إِنَّا سِيذِي ذِي دْجِيڒثْ-أَ.“ إِنَّا أَسْ شَاوُولْ: ”سِيوڒْ!“
1SA 15:17 إِنَّا شَامْوِيلْ: ”ؤُمِي ثدْجِيذْ [عَاذْ] ذ أَمژْيَانْ ذِي ثِيطَّاوِينْ نّشْ، مَا وَارْ ثْذوْڒذْ شَا ذ أَزدْجِيفْ ن ثْقبَّاڒْ ن إِسْرَائِيل، ؤُ مَا وَارْ شكْ إِذْهنْ سِيذِي ذ أَجدْجِيذْ خْ إِسْرَائِيل؟
1SA 15:18 سِيذِي إِسّكّْ إِ شكْ غَارْ وبْرِيذْ، إِنَّا: ”ؤُيُورْ، حَارّمْ إِمذْنَابْ نِّي، أَيْثْ ن عَامَالِيقْ، إِ ؤُثحِّي ؤُ مْنغْ أَكِيذْسنْ أَڒْ ثنْ غَا ثقْضِيذْ قَاعْ.
1SA 15:19 مَايمِّي وَارْ ثسْڒِيذْ شَا غَارْ ثْمِيجَّا ن سِيذِي ؤُشَا ثوْضِيضْ شكْ خْ ثْكشَّاضْثْ ؤُ ثڭِّيذْ [مِينْ إِدْجَانْ] ذ ڒْغَارْ ذِي ثِيطَّاوِينْ ن سِيذِي؟“
1SA 15:20 [خنِّي] إِنَّا شَاوُولْ إِ شَامْوِيلْ: ”نشّْ سْڒِيغْ غَارْ ثْمِيجَّا ن سِيذِي ؤُ نشّْ كّغْ أَبْرِيذْ إِ خْ إِ ذ أَيِي د-إِسّكّْ سِيذِي. نشّْ إِوْيغْ-د ذَانِيثَا أَجَاجْ، أَجدْجِيذْ ن عَامَالِيقْ ؤُشَا أَيْثْ ن عَامَالِيقْ حَارّْمغْ ثنْ إِ ؤُثحِّي.
1SA 15:21 ڒْڭنْسْ إِكْسِي ؤُدْجِي ذ إِفُونَاسنْ ذ ثْفُونَاسِينْ زِي ثْكشَّاضْثْ، مُومُّو ن مِينْ إِتّْوَاحَارّْمنْ، حِيمَا أَذْ قدّْمنْ أَيَا إِ سِيذِي، أَربِّي نّشْ، ذِي جِيلْجَالْ.“
1SA 15:22 [مَاشَا] شَامْوِيلْ إِنَّا: ”مَا ثعْجبْ أَسْ إِ سِيذِي ثِيغَارْصَا ن وشْمَاضْ ذ ثِيغَارْصَا نّغْنِي أَمْ مَامّشْ إِ ذ أَسْ إِعْجبْ ؤُسدْجِي إِ ثْمِيجَّا ن سِيذِي؟ خْزَارْ أَسدْجِي حْسنْ زِي ثْغَارْصْثْ ؤُ أَسْحسِّي س ثَايْنِيثْ [حْسنْ زِي] ثَاذُونْثْ ن إِشَارِّييّنْ.
1SA 15:23 مِينْزِي أَغوّغْ أَمْ دّنْبْ ن ؤُعزّمْ، ؤُ ثَاغنَّانْثْ أَمْ وعْبَاذْ نْ صَّانَامْ ذ ڒخْيَاڒَاثْ ثِيمژْيَانِينْ ن لْ-أَصْنَامْ. مِينْزِي شكْ ثنْضَارذْ أَوَاڒْ ن سِيذِي، إِنْضَارْ نتَّا إِ شكْ [أَمْ] ؤُجدْجِيذْ.“
1SA 15:24 [خنِّي] إِنَّا شَاوُولْ إِ شَامْوِيلْ: ”نشّْ خْضِيغْ، مَاغَارْ نشّْ تّْعذِّيغْ خْ [ڒُْومُورْ إِ د-إِفّْغنْ زڭْ] ؤُقمُّومْ ن سِيذِي ؤُ خْ وَاوَاڒنْ نّشْ، مِينْزِي نشّْ ڭّْوذغْ زِي ڒْڭنْسْ ؤُ سْڒِيغْ غَارْسنْ.
1SA 15:25 س ؤُينِّي، غْفَارْ أَيِي دّنْبْ إِنُو ؤُ ذْوڒْ أَكِيذِي، [خنِّي] أَذْ سجْذغْ إِ سِيذِي.“
1SA 15:26 [مَاشَا] شَامْوِيلْ يَارَّا-د خْ شَاوُولْ: ”نشّْ وَارْ كِيذكْ ذِيكّْوِيڒغْ شَا، مَاغَارْ شكْ ثنْضَارذْ أَوَاڒْ ن سِيذِي. س ؤُيَا سِيذِي إِنْضَارْ إِ شكْ [أَمْ] ؤُجدْجِيذْ خْ إِسْرَائِيل.“
1SA 15:27 [ؤُمِي] شَامْوِيلْ إِنّقْڒبْ حِيمَا أَذْ يُويُورْ، إِشبَّارْ أَسْ [شَاوُولْ] ذِي ثْمَا ن ؤُسڒْهَامْ نّسْ، [مَاشَا] وَانِيثَا إِشَارّڭْ.
1SA 15:28 [خنِّي] إِنَّا أَسْ شَامْوِيلْ: ”ذڭْ وَاسّْ-أَ إِشَارّڭْ أَشْ سِيذِي ثَاڭلْذَا ن إِسْرَائِيل ؤُ إِوْشَا إِ-ت إِ جَّارْ نّشْ ونِّي إِدْجَانْ حْسنْ زَّايكْ.
1SA 15:29 ؤُڒَا لْعَاضِيمْ ن إِسْرَائِيل إِ إِتّْذُومَانْ إِ ڒبْذَا وَارْ إِسّْخَارِّيقْ شَا ؤُ وَارْ إِنْذِيمْ، مَاغَارْ نتَّا وَارْ إِدْجِي ذ بْنَاذمْ أَڒَامِي إِ غَا إِنْذمْ.“
1SA 15:30 [خَاسْ ؤُشَا] إِنَّا أَسْ: ”نشّْ خْضِيغْ. أوْشْ أَيِي مَاشَا أَوقَّارْ زَّاثْ إِ إِمْغَارنْ ن ڒْڭنْسْ ؤُ زَّاثْ إِ إِسْرَائِيل. ذْوڒْ أَكِيذِي، [خنِّي] أَذْ سجْذغْ إِ سِيذِي، أَربِّي نّشْ.“
1SA 15:31 ؤُشَا إِذْوڒْ شَامْوِيلْ، يَاردّفْ شَاوُولْ ؤُ شَاوُولْ إِبنْذقْ زَّاثْ إِ سِيذِي.
1SA 15:32 [خَاسْ ؤُشَا] إِنَّا شَامْوِيلْ: ”أَوِي-د غَارِي أَجَاجْ، أَجدْجِيذْ ن عَامَالِيقْ. أَجَاجْ يُويُورْ غَارسْ س أَرَّاثُوحْ. إِنَّا أَجَاجْ [أَكْ-ذ إِخفْ نّسْ]: ”س ثِيذتّْ، ثَارْزُوڭِي ن ڒْموْثْ ثتّْوَاحيّذْ [خَافِي].“
1SA 15:33 [مَاشَا] شَامْوِيلْ إِنَّا: ”أَمْ مَامّشْ إِسّْحَارّمْ سِّيفْ نّشْ ثِيمْغَارِينْ خْ إِحنْجِيرنْ نْسنْثْ، أَمُّو إِ غَا ثتّْوَاحَارّمْ يمَّاشْ جَارْ ثِيمْغَارِينْ خْ ثَارْوَا نّسْ.“ ؤُ شَامْوِيلْ إِقطّسْ أَجَاجْ ذ إِشدْجِيقنْ زَّاثْ إِ وُوذمْ ن سِيذِي ذِي جِيلْجَالْ.
1SA 15:34 [خنِّي] يُويُورْ شَامْوِيلْ غَارْ رَامَا ؤُ شَاوُولْ إِڭعّذْ غَارْ ثَادَّارْثْ نّسْ ذِي جِيبْعَا ن شَاوُولْ.
1SA 15:35 شَامْوِيلْ وَارْ إِژْرِي عَاذْ شَاوُولْ أَڒْ أَسّْ ن ڒْموْثْ نّسْ، مَاشَا شَامْوِيلْ إِشْضنْ خْ شَاوُولْ. ؤُشَا إِنْذمْ سِيذِي ڒَامِي إِڭَّا شَاوُولْ ذ أَجدْجِيذْ خْ إِسْرَائِيل.
1SA 16:1 [خنِّي] إِنَّا سِيذِي إِ شَامْوِيلْ: ”مشْحَاڒْ ذ أَشْضَانْ [إِ يدْجَانْ عَاذْ] غَاركْ خْ شَاوُولْ، ونِّي ڭِّيغْ نشّْ ذ أَجدْجِيذْ خْ إِسْرَائِيل؟عمَّارْ إِشّْ نّشْ س زّشْثْ، ؤُشَا ثُويُورذْ. نشّْ أَذْ شكْ سّكّغْ غَارْ يَاسَّا زِي بَايْثْ-لَاحْمْ، مِينْزِي جَارْ أَرَّاوْ نّسْ أَقَا ژْرِيغْ إِجّْ ن ؤُجدْجِيذْ إِ نشّْ.“
1SA 16:2 [مَاشَا] شَامْوِيلْ إِنَّا: ”مَامّشْ إِ غَا ڭّغْ أَذْ [ذِينْ] رَاحغْ؟ مَاڒَا إِسڒْ خْ مَانْ أَيَا شَاوُولْ، أَذْ أَيِي إِنغْ.“ يَارَّا-د سِيذِي: ”كْسِي إِشْثْ ن ثْعجْمِيثْ زڭْ إِفُونَاسنْ أَكِيذكْ، أَذْ ثِينِيذْ: ’نشّْ ؤُسِيغْ-د حِيمَا أَذْ قدّْمغْ إِشْثْ ن ثْغَارْصْثْ ذ ثَاوْهِيبْثْ إِ سِيذِي.‘
1SA 16:3 إِتّْخصَّا أَذْ ثْعَارْضذْ خْ يَاسَّا غَارْ ثوْهِيبْثْ ؤُ نشّْ أَذْ شكْ سَّارْڭْبغْ خْ مِينْ إِ إِتّْخصَّانْ أَذْ ثڭّذْ. شكْ أَذْ ثْذهْنذْ ونِّي إِ ذ أَشْ غَا إِنِيغْ.“
1SA 16:4 شَامْوِيلْ إِڭَّا مِينْ ثُوغَا ذ أَسْ إِنَّا سِيذِي. ؤُمِي د-يُوسَا غَارْ بَايْثْ-لَاحْمْ، فّْغنْ-د غَارسْ إِمْغَارنْ ن ثنْذِينْثْ تَّارْجِيجِينْ، نَّانْ: ”مَا ثَاوَاسِيثْ نّشْ س ڒهْنَا؟“
1SA 16:5 نتَّا إِنَّا: ”س ڒهْنَا. نشّْ ؤُسِيغْ-د حِيمَا أَذْ قدّْمغْ إِشْثْ ن ثْغَارْصْثْ ذ صّذْقثْ إِ سِيذِي. قدّْسمْ إِخفْ نْومْ ؤُ أَسمْ-د أَكِيذِي غَارْ صّذْقثْ. نتَّا إِقدّسْ يَاسَّا ذ إِحنْجِيرنْ نّسْ ؤُشَا إِعَارْضْ إِ-ثنْ غَارْ ثوْهِيبْثْ ن ثْغَارْصْثْ.
1SA 16:6 ؤُشَا إِمْسَارْ ؤُمِي د-ؤُسِينْ نِيثْنِي، إِژْرَا نتَّا إِلِييَابْ ؤُشَا إِخَارّصْ: ”ذ وَا س ثِيذتّْ غَارْ سِيذِي ذ أَمذْهُونْ نّسْ.“
1SA 16:7 سِيذِي [مَاشَا] إِنَّا إِ شَامْوِيلْ: ”وَارْ خزَّارْ شَا غَارْ وَادُّوذْ نّسْ ؤُڒَا غَارْ ڒُوعْڒَا نّسْ ن ثِيذِّي، مِينْزِي نشّْ نْضَارغْ ث، مَاغَارْ وَارْ إِتّْهِيمِّي شَا مِينْ غَارْ إِخزَّارْ بْنَاذمْ، مِينْزِي بْنَاذمْ إِتّْوَاڒَا مِينْ إِدْجَانْ زَّاثْ إِ ثِيطَّاوِينْ [نّسْ]، [مَاشَا] سِيذِي إِتّْوَاڒَا ؤُڒْ.“
1SA 16:8 [خنِّي] إِڒَاغَا يَاسَّا خْ أَبِينَاذَابْ، إِجَّا إِ-ث أَذْ إِعْذُو خْ شَامْوِيلْ، [مَاشَا] نتَّا إِنَّا: ”وَانِيثَا عَاوذْ وَارْ ث يِيخْضَارْ سِيذِي.“
1SA 16:9 [خَاسْ ؤُشَا] إِجَّا يَاسَّا أَذْ [خَاسْ] إِعْذُو شَامَّا، مَاشَا نتَّا إِنَّا: ”وَانِيثَا عَاوذْ وَارْ ث يِيخْضَارْ سِيذِي.“
1SA 16:10 أَمُّو إِ إِجَّا يَاسَّا أَذْ عْذُونْ سبْعَا ن إِحنْجِيرنْ نّسْ خْ شَامْوِيلْ، [مَاشَا] شَامْوِيلْ إِنَّا إِ يَاسَّا: ”إِنَا وَارْ ثنْ إِخْضَارْ شَا سِيذِي.“
1SA 16:11 [خنِّي] إِنَّا شَامْوِيلْ إِ يَاسَّا: ”مَا ذ إِنَا مَارَّا إِحُوذْرِييّنْ [نّشْ]؟“ نتَّا يَارَّا-د خَاسْ: ”أَمَاژُوژْ إِقِّيمْ عَاذْ، أَقَا يَاركّْوسْ ؤُدْجِي.“ إِنَّا شَامْوِيلْ إِ يَاسَّا: ”سكّْ [إِجّْ] مَاحنْذْ أَذْ ث-إِ-د-يَاوِي، مِينْزِي نشِّينْ وَارْ نتّْقُووِّيرْ شَا [إِ طَّابْڒَا] قْبڒْ إِ د غَا يَاسْ نتَّا.“
1SA 16:12 نتَّا إِسّكّْ [إِجّْ] مَاحنْذْ أَذْ ث-إِ-د يَاوِي. نتَّا ثُوغَا ذ أَرُّوبْيُو ؤُ ثُوغَا غَارسْ ثِيطَّاوِينْ شْنَانْثْ ؤُ ثُوغَا ذ مُوصْبِيحْ إِ ڒْخزْرَاثْ. [خنِّي] إِنَّا سِيذِي: ”كَّارْ، ذهْنْ إِ-ث، مَاغَارْ أَقَا ذ وَا.“
1SA 16:13 ؤُشَا إِكْسِي شَامْوِيلْ إِشّْ س زّشْثْ، إِذهْنْ إِ-ث ذِي ڒْوسْثْ ن أَيْثْمَاسْ. ؤُشَا أَرُّوحْ ن سِيذِي إِهْوَا خْ ذَاوُوذْ زڭْ وَاسّْ نِّي ذ ثْسَاونْثْ. شَامْوِيلْ إِكَّارْ، يَارڭّْوحْ غَارْ رَامَا.
1SA 16:14 أَرُّوحْ ن سِيذِي ثُوغَا إِحيّذْ خْ شَاوُولْ ؤُ إِجّْ ن ڒَارْيَاهْ ذ أَعفَّانْ زِي غَارْ سِيذِي إِسِّيڭّْوذْ إِ-ث.
1SA 16:15 نَّانْ أَسْ إِمْسخَّارنْ ن شَاوُولْ: ”خْزَارْ، إِجّْ ن ڒَارْيَاهْ ذ أَعفَّانْ ن أَربِّي إِسِّيڭّْوذْ إِ شكْ.
1SA 16:16 أجّْ أَذْ يِينِي سِيذِيثْنغْ إِ إِمْسخَّارنْ نّشْ إِنِّي إِبدّنْ زَّاثْ إِ وُوذمْ نّشْ، مَاحنْذْ أَذْ أَرْزُونْ خْ إِجّْ ن ورْيَازْ إِتّْحَاكَانْ ذِي ڒْڭَامْبْرِي. مَاڒَا إِطّفْ إِ شكْ ڒَارْيَاحْ أَعفَّانْ ن أَربِّي، أجّْ إِ-ث [خنِّي] أَذْ يِيرَارْ نتَّا س ؤُفُوسْ نّسْ [ذِي ڒْڭَامْبْرِي،] [حِيمَا] أَذْ ثِيڒِيذْ مْلِيحْ.“
1SA 16:17 [خنِّي] إِنَّا شَاوُولْ إِ إِمْسخَّارنْ نّسْ: ”أَرْزُومْ أَيِي-د خْ إِجّْ ن ورْيَازْ نِّي إِتِّيرَارنْ مْلِيحْ [خْ ڒْڭَامْبْرِي] ؤُ أَوْيمْ ث-إِ-د ذَا غَارِي!“
1SA 16:18 إِجّنْ زڭْ إِمْسخَّارنْ يَارَّا-د خَاسْ، إِنَّا: ”أَقَا ژْرِيغْ إِجّْ ن مِّيسْ ن يَاسَّا زِي بَايْثْ-لَاحْمْ ونِّي إِزمَّارنْ أَذْ يِيرَارْ [مْلِيحْ]. نتَّا ذ إِجّْ ن بُو-ثغْرُوضْثْ إِمحْضنْ ذ إِجّْ ن ورْيَازْ أَعسْكَارِي، إِسّنْ أَذْ إِخْضَارْ أَوَاڒنْ نّسْ. أَقَا-ث ذ إِجّْ ن ورْيَازْ ذ أَصبْحَانْ ن وَادُّوذْ ؤُ سِيذِي أَكِيذسْ.“
1SA 16:19 إِسّكّْ شَاوُولْ إِرقَّاسنْ غَارْ يَاسَّا، إِنَّا: ”سكّْ أَيِي-د مِّيشْ ذَاوُوذْ ونِّي إِدْجَانْ أَكْ-ذ وُودْجِي.“
1SA 16:20 يَاسَّا إِكْسِي إِجّْ ن وغْيُوڒْ أَكْ-ذ وغْرُومْ ذ إِشْثْ ن ثشْيَارْثْ ن بِينُو ذ إِجّْ ن إِغَايْضْ ذ أَمژْيَانْ زڭْ إِغَايْضنْ ؤُشَا إِسّكّْ أَيَا س ؤُفُوسْ ن مِّيسْ ذَاوُوذْ غَارْ شَاوُولْ.
1SA 16:21 أَمُّو د-يُوسَا ذَاوُوذْ غَارْ شَاوُولْ ؤُشَا إِبدّْ زَّاثْ إِ وُوذمْ نّسْ ؤُ نتَّا إِتّخْسْ إِ-ث أَطَّاسْ. نتَّا إِذْوڒْ ذ أَحمَّاڒْ ن ڒسْنَاحْ نّسْ.
1SA 16:22 س ؤُينِّي إِسّكّْ شَاوُولْ غَارْ يَاسَّا مَاحنْذْ أَذْ أَسْ يِينِي: ”تّْزَاوْڭغْ شكْ، أجّْ ذَاوُوذْ أَذْ إِقِّيمْ إِبدّْ زَّاثْ إِ وُوذمْ إِنُو، مَاغَارْ نتَّا يُوفَا أَرْضَا ذِي ثِيطَّاوِينْ إِنُو.“
1SA 16:23 مڒْمِي مَا د-يُوسَا ڒَارْيَاحْ ذ أَعفَّانْ ن أَربِّي غَارْ شَاوُولْ، إِكْسِي ذَاوُوذْ ڒْڭَامْبْرِي ؤُشَا إِبْذَا إِتِّيرَارْ ذَايسْ س ؤُفُوسْ نّسْ. ذ مَانْ أَيَا د-يَارِّينْ نّفْسْ غَارْ شَاوُولْ أَڒَامِي إِذْوڒْ مْلِيحْ، ؤُشَا [خنِّي] إِحيّذْ خَاسْ بُوحْبڒْ أَعفَّانْ.
1SA 17:1 إِفِيلِيسْطِينِييّنْ سّْمُوننْ ڒْعسْكَارَاثْ نْسنْ إِ ؤُمنْغِي ؤُ نِيثْنِي نّْيَارْونْ غَارْ سُوكُو ذِي [ثمُّورْثْ ن] يَاهُوذَا. وْثِينْ إِقِيضَانْ نْسنْ جَارْ سُوكُو ذ عَازِيقَّا غَارْ أَفَاسْ-ذَامِّيمْ.
1SA 17:2 [ؤُڒَا ذ] شَاوُولْ ذ يرْيَازنْ ن إِسْرَائِيل نّْيَارْونْ ؤُشَا وْثِينْ إِقِيضَانْ نْسنْ ذِي ثغْزُورْثْ ن إِلَا. نِيثْنِي سدّنْ إِخفْ نْسنْ إِ ؤُمنْغِي قِيبَاتْشْ إِ إِفِيلِيسْطِينِييّنْ.
1SA 17:3 إِفِيلِيسْطِينِييّنْ بدّنْ خْ وذْرَارْ غَارْ ؤُغزْذِيسْ-أَ ؤُ إِسْرَائِيل إِيّنْ بدّنْ خْ وذْرَارْ غَارْ ؤُغزْذِيسْ نِّي ؤُ ثَاغْزُورْثْ ثُوغَا جَارْ أَسنْ.
1SA 17:4 [خنِّي] إِفّغْ-د إِجّْ ن ؤُعسْكَارِي ذ أَزعَّامْ زِي ڒْمَارْڭحْ ن ڒْعسْكَارْ ن إِفِيلِيسْطِينِييّنْ، قَّارنْ أَسْ جُولِييَاثْ. ثُوغَا-ث زِي جَاثْ. ڒُْوعْڒَا نّسْ ستَّا ن إِغَادْجنْ ذ إِجّْ ن وزْينْ ن ؤُغِيڒْ.
1SA 17:5 خْ ؤُزدْجِيفْ نّسْ ثُوغَا إِجّْ ن لْكَاسْكْ ن نّْحَاسْ، ؤُ نتَّا يَارْضْ أَرُّوضْ ن وُوزَّاڒْ ن ؤُعسْكَارِي س ثقْشُورِينْ. ثُوغَا ڒوْزنْ ن وَارُّوضْ ن وُوزَّاڒْ خمْسَا-أَڒَافْ شِيقْلُو ن نّْحَاسْ.
1SA 17:6 نتَّا ثُوغَا غَارسْ إِسڒْقَانْ ن إِفَادّنْ ن نّْحَاسْ إِ ؤُحطُّو ن إِضَارنْ ؤُ جَارْ ثْغَارْضِينْ نّسْ [يَارْبُو] إِجّْ ن ؤُحْرِيشْ ن نّْحَاسْ.
1SA 17:7 أَعْمُوذْ ن لَانْسَا نّسْ ثُوغَا ث أَمْ يِيجّْ ن ؤُكشُّوضْ ن ؤُخيّضْ ؤُ ثِيخفْثْ [ن وُوزَّاڒْ] ن لَانْسَا نّسْ ثوْزنْ ستَّا-مْيَا شِيقْلُو ن وُوزَّاڒْ ؤُ ونِّي ذ أَسْ يَاربُّونْ ثَاسدَّارْثْ نّسْ ثَامقّْرَانْثْ ن ؤُعسْكَارِي إِزْوَارْ أَسْ.
1SA 17:8 نتَّا ثُوغَا إِبدّْ [ذِينْ]، إِڒَاغَا إِ إِسذِّييّنْ ن ڒْعسْكَارْ ن إِسْرَائِيل، إِنَّا أَسنْ: ”مَايمِّي إِ د-ثفّْغمْ ؤُ ثْسدّمْ إِخفْ نْومْ إِ ؤُمنْغِي؟ وَارْ إِدْجِي نشّْ ذ أَفِيلِيسْطِينِي ؤُ كنِّيوْ ذ إِمْسخَّارنْ ن شَاوُولْ؟ فَارْزمْ إِجّْ ن ورْيَازْ إِ كنِّيوْ ونِّي غَارِي د غَا إِهْوَانْ.
1SA 17:9 مْڒِي خَافِي إِزمَّارْ ذڭْ ؤُمنْغِي، أَذْ أَيِي إِوّثْ، [خنِّي] نشِّينْ أَذْ نِيڒِي ذ إِمْسخَّارنْ نْومْ، [مَاشَا] مَاڒَا نشّْ أَربْحغْ ؤُشَا أَذْ خَاسْغڒْبغْ، [خنِّي] كنِّيوْ أَذْ ثِيڒِيمْ ذ إِمْسخَّارنْ نّغْ، أَذْ أَنغْ ثْسخَّارمْ.“
1SA 17:10 إِنَّا ؤُفِيلِيسْطِينِي [عَاوذْ]: ”ذڭْ وَاسّْ-أَ سْثهْزِيغْ زڭْ إِسذِّييّنْ ن ڒْعسْكَارْ ن إِسْرَائِيل، أَذْ [أَومْ] إِنِيغْ: ’أوْشْ أَيِي إِجّْ ن ورْيَازْ مَاحنْذْ أَذْ نمّْنغْ أَكْ-ذ وَايَاوْيَا!‘ “
1SA 17:11 شَاوُولْ ذ مَارَّا إِسْرَائِيل سْڒَانْ أَوَاڒنْ-أَ ن ؤُفِيلِيسْطِينِي ؤُشَا نّْخڒْعنْ ؤُ ڭّْوذنْ أَطَّاسْ.
1SA 17:12 ذَاوُوذْ ثُوغَا ذ مِّيسْ ن إِجّْ ن ورْيَازْ زِي إِفْرَاثَا، زِي بَايْثْ-لَاحْمْ ذِي [ثمُّورْثْ ن] يَاهُوذَا، قَّارنْ أَسْ يَاسَّا. نتَّا ثُوغَا غَارسْ ثْمنْيَا ن إِحنْجِيرنْ ؤُ ذڭْ وُوسَّانْ ن شَاوُولْ [ثُوغَا حسّْبنْ ث] ذ أَوسَّارْ ؤُمِي د-يُوسَا جَارْ يرْيَازنْ.
1SA 17:13 ثْڒَاثَا ن إِحنْجِيرنْ إِمقّْرَاننْ ن يَاسَّا ضْفَارنْ شَاوُولْ غَارْ ؤُمنْغِي. إِسْمَاونْ ن ثْڒَاثَا ن إِحنْجِيرنْ نّسْ، إِنِّي د-إِفّْغنْ غَارْ ؤُمنْغِي، أَقَا أَثنْ إِلِييَابْ، أَمنْزُو، ؤُ ونِّي وِيسّْ ثْنَاينْ ذ أَبِينَاذَابْ ؤُ ونِّي وِيسّْ ثْڒَاثَا ذ شَامَّا.
1SA 17:14 ثُوغَا ذَاوُوذْ ذ أَمَاژُوژْ ؤُشَا ثْڒَاثَا ن [إِحنْجِيرنْ] إِمقّْرَاننْ ثُوغَا ضْفَارنْ شَاوُولْ.
1SA 17:15 ذَاوُوذْ ثُوغَا [إِنُّومْ] إِتّْرَاحْ [ذِينِّي] ؤُ [خنِّي] إِتَّارڭّْوحْ-د زِي شَاوُولْ، حِيمَا أَذْ يَارْوسْ ؤُدْجِي ن بَابَاسْ ذِي بَايْثْ-لَاحْمْ.
1SA 17:16 أَفِيلِيسْطِينِي ثُوغَا إِتَّاسْ-د غَارْ ثُوفُّوثْ ؤُ غَارْ ثْمذِّيثْ، إِسّْشَانْ إِخفْ نّسْ [ذِينْ]، أَربْعِينْ ن وُوسَّانْ.
1SA 17:17 إِنَّا يَاسَّا إِ مِّيسْ ذَاوُوذْ: ”كْسِي عَافَاكْ إِ أَيْثْمَاشْ إِجّْ ن إِفَا ن ثغْوَاوِينْ-أَ ذعشْرَا ن ثشْنِيفِينْ، أَوْيِي ثنْثْ ذغْيَا غَارْ ڒْمَارْڭحْ ن ڒْعسْكَارْ غَارْ أَيْثْمَاشْ.
1SA 17:18 ؤُعشْرَا ن ثْرُوسِّي ن ؤُغِي-يَا أَوْيِي ثنْثْ غَارْ ؤُمقّْرَانْ خْ وَاڒفْ. أَرْزُو خْ يَايْثْمَاشْ، مَا مْلِيحْ إِ إِدْجَانْ ؤُ أَوْيِي زَّايْسنْ إِشْثْ ن وضْمَانْ [ذ جُّورّثْ ن ثُوذَارْثْ]!“
1SA 17:19 شَاوُولْ ذ أَيْثْمَاسْ ذ مَارَّا إِرْيَازْ[أنْ] ن إِسْرَائِيل، ثُوغَا تّْمنْغَانْ أَكْ-ذ إِفِيلِيسْطِينِييّنْ ذِي ثغْزُورْثْ ن إِلَا.
1SA 17:20 إِكَّارْ ذَاوُوذْ زِيشْ غَارْ ثُوفُّوثْ، إِجَّا ثْحِيمَارْثْ ن وُودْجِي غَارْ إِجّْ ن ؤُعسَّاسْ ؤُ يِيوِي [مَارَّا أَيَا] أَكِيذسْ ؤُشَا يُويُورْ أَمْ مَامّشْ ثُوغَا إِ ذ أَسْ ث يُومُورْ يَاسَّا. ؤُمِي د-يِيوضْ غَارْ ڒْمَارْڭحْ ن إِكَارُّوثنْ، ڒخْذنِّي إِ إِفّغْ ڒْعسْكَارْ غَارْ ؤُسذِّي ن ؤُمنْغِي، [بْذَانْ] أَذْ سْغُوينْ س إِغُويَّانْ ن ؤُمنْغِي.
1SA 17:21 إِسْرَائِيل ذ إِفِيلِيسْطِينِييّنْ سدّنْ إِخفْ نْسنْ [إِ ؤُمنْغِي]، أَغمْبُوبْ ن إِجّْ ن ؤُسذِّي ذڭْ ؤُغمْبُوبْ ن إِجّْ ن ؤُسذِّي نّغْنِي.
1SA 17:22 ذَاوُوذْ إِجَّا ڒحْوَايجْ نِّي غَارسْ ذڭْ إِفَاسّنْ ن إِجّْ ن ؤُعسَّاسْ ن ڒحْوَايجْ ؤُشَا يُوزّڒْ غَارْ ؤُسذِّي ن ڒْعسْكَارْ. ؤُمِي [ذِينْ] يِيوضْ، إِسّقْسَا خْ يَايْثْمَاسْ مَامّشْ دْجَانْ نِيثْنِي.
1SA 17:23 [ڒَْامِي] ثُوغَا أَكِيذْسنْ إِسَّاوَاڒْ، خْزَارْ، إِفّغْ-د ؤُمْجَاهذْ أَزعَّامْ نِّي، قَّارنْ أَسْ جُولْيَاثْ زِي جَاثْ، زِي ڒْعسْكَارْ ن إِفِيلِيسْطِينِييّنْ. نتَّا إِسِّيوڒْ س وَاوَاڒنْ ذ إِجّنْ ؤُ ذَاوُوذْ إِسْڒَا [خَاسْ].
1SA 17:24 ؤُمِي ژْرِينْ مَارَّا إِرْيَازنْ ن إِسْرَائِيل أَرْيَازْ [نِّي]، أَروْڒنْ. نِيثْنِي ڭّْوذنْ أَطَّاسْ.
1SA 17:25 نَّانْ يرْيَازنْ ن إِسْرَائِيل: ”مَا ثژْرِيمْ كنِّيوْ مَامّشْ إِ د-إِڭعّذْ ورْيَازْ نِّي؟ نتَّا إِڭعّذْ-د حِيمَا أَذْ إِسْثهْزَا زِي إِسْرَائِيل. أَرْيَازْ ونِّي ث إِ غَا إِغڒْبنْ، أَذْ ث يَارّْ ؤُجدْجِيذْ ذ بُو-وَاڭْڒَا أَمقّْرَانْ. نتَّا أَذْ أَسْ إِوْشْ يدْجِيسْ ؤُ أَذْ إِكّسْ خْ [ڒَْادْجْ ن] ثَادَّارْثْ ن بَابَاسْ ضَّارِيبَا ذِي إِسْرَائِيل.“
1SA 17:26 [خنِّي] إِسِّيوڒْ ذَاوُوذْ أَكْ-ذ يرْيَازنْ إِنِّي غَارسْ د-إِبدّنْ، إِنَّا: ”مِينْ غَا إِتّْوَاڭّْ إِ ورْيَازْ نِّي إِ غَا إِوْثنْ أَفِيلِيسْطِينِي-أَيَا، ونِّي إِ غَا إِكّسْ أَسْثهْزِي خْ إِسْرَائِيل؟ مِينْ إِعْنَا أَفِيلِيسْطِينِي-أَيَا إِ وَارْ إِتّْوَاخثْننْ، أَقَا إِسْثهْزَا خْ إِسذِّييّنْ ن ڒْعسْكَارْ ن أَربِّي إِدَّارنْ؟“
1SA 17:27 يَارَّا-د خَاسْ ڒْڭنْسْ س وَاوَاڒْ ذ إِجّنْ، نَّانْ: ”ذ مَانْ أَيَا إِ غَا إِتّْوَاڭّْ إِ ورْيَازْ نِّي ث إِ غَا إِغڒْبنْ.“
1SA 17:28 ؤُمَاسْ أَمقّْرَانْ إِلِييَابْ إِسْڒَا أَسْ إِسَّاوَاڒْ أَكْ-ذ يرْيَازنْ. يَارْغَا ؤُخيّقْ ن إِلِييَابْ خْ ذَاوُوذْ، إِنَّا: ”مَايمِّي إِ د-ثهْوِيذْ شكْ [ذَانِيثَا] ؤُ مَانْ ونْ إِ ؤُمِي ثجِّيذْ ثَاحِيمَارْثْ ثَامژْيَانْثْ ن وُودْجِي ذِي ڒخْڒَا؟ نشّْ سّْنغْ أَعفَّارْ نّشْ ذ ثُوعفّْنَا ن وُوڒْ نّشْ، مِينْزِي شكْ ثهْوِيذْ-د [ذَانِيثَا] حِيمَا أَذْ ثخْزَارذْ غَارْ ؤُمنْغِي.“
1SA 17:29 ذَاوُوذْ إِنَّا: ”مِينْ ڭِّيغْ ڒخُّو عَاوذْ؟ مَا وَارْ [إِدْجِي] مْغِيرْ إِجّْ ن وَاوَاڒْ [إِ سّقْسِيغْ]؟“
1SA 17:30 نتَّا إِحيّذْ خَاسْ، إِرُوحْ غَارْ إِجّنْ نّغْنِي، إِسّقْسَا أَسقْسِي ذ إِجّنْ ؤُشَا يَارَّا-د خَاسْ ڒْڭنْسْ س وَاوَاڒْ ذ إِجّنْ أَمْ مَامّشْ د-أَرِّينْ نِيثْنِي ثْوَاڒَا ثَامزْوَارُوثْ.
1SA 17:31 نِيثْنِي سْڒَانْ إِ وَاوَاڒنْ إِ ثُوغَا إِسَّاوَاڒْ ذَاوُوذْ ؤُشَا سِّيوْڒنْ خْ مَانْ أَيَا زَّاثْ إِ وُوذمْ ن شَاوُولْ ؤُ نتَّا إِجَّا أَذْ ث-إِ-د-أَوْينْ.
1SA 17:32 إِنَّا ذَاوُوذْ إِ شَاوُولْ: ”ؤُڒَا ذ إِجّْ ن بْنَاذمْ وَارْ إِتّفْشِيڒْ وُوڒْ نّسْ زڭْ ؤُفِيلِيسْطِينِي. أَمْسخَّارْ نّشْ أَذْ يُويُورْ أَذْ إِمّْنغْ أَكْ-ذ ؤُفِيلِيسْطِينِي.“
1SA 17:33 شَاوُولْ إِنَّا إِ ذَاوُوذْ: ”شكْ وَارْ ثْزمَّارذْ أَذْ ثْرَاحذْ غَارْ ؤُفِيلِيسْطِينِي-أَيَا حِيمَا أَكِيذسْ ثمّنْغذْ، مَاغَارْ شكْ ذ أَحُوذْرِي [عَاذْ]، [مَاشَا] نتَّا ذ أَرْيَازْ أَعسْكَارِي زِي ثمْژِي نّسْ.“
1SA 17:34 [خَاسْ ؤُشَا] إِنَّا ذَاوُوذْ إِ شَاوُولْ: ”أَمْسخَّارْ نّشْ ثُوغَا يَاركّْوسْ ثَاحِيمَارْثْ ن وُودْجِي ن بَابَاسْ. [مَاڒَا] يُوسَا-د إِجّْ ن ويْرَاذْ نِيغْ إِجّْ ن دُّوبْ، ؤُشَا إِطّفْ إِجّنْ زڭْ وُودْجِي ن ثْحِيمَارْثْ،
1SA 17:35 [خنِّي] ضْفَارغْ ث، وْثِيغْ ث ؤُ فكّغْ-د [إِزْمَارْ] زڭْ ؤُقمُّومْ نّسْ. [ڒَْامِي] د-إِكَّارْ أَكِيذِي، شبَّارغْ أَسْ ذِي ثْمَارْثْ، وْثِيغْ ث ؤُشَا نْغِيغْ ث.
1SA 17:36 أَمْسخَّارْ نّشْ إِنْغَا أَيْرَاذْ ؤُڒَا ذ دُّوبْ. أَمُّو إِ غَا يِيڒِي أَكْ-ذ ؤُفِيلِيسْطِينِي-أَيَا إِ وَارْ إِتّْوَاخثْننْ، أَذْ أَسْ ثمْسَارْ أَمْ إِ يِيجّْ ن زَّايْسنْ، مِينْزِي نتَّا إِسْثهْزَا زڭْ إِسذِّييّنْ ن ڒْعسْكَارْ ن أَربِّي إِدَّارنْ.“
1SA 17:37 إِنَّا ذَاوُوذْ [عَاوذْ]: ”سِيذِي ونِّي ذ أَيِي إِفكّنْ زڭْ إِشقْڒَاضنْ ن وَايْرَاذْ ؤُ زڭْ إِشقْڒَاضنْ ن دُّوبْ، أَذْ أَيِي إِفكّْ زڭْ ؤُفُوسْ ن أَفِيلِيسْطِينِي-أَيَا.“ [خنِّي] إِنَّا شَاوُولْ إِ ذَاوُوذْ: ”ؤُيُورْ، أَذْ كِيذكْ يِيڒِي سِيذِي!“
1SA 17:38 شَاوُولْ إِسّْيَارْضْ إِ ذَاوُوذْ أَرُّوضْ نّسْ [ن ؤُمنْغِي]، إِڭَّا أَسْ إِجّْ ن لْكَاسْكْ ن نّْحَاسْ خْ ؤُزدْجِيفْ نّسْ ؤُ إِحزّمْ أَسْ س يِيجّْ ن وَارُّوضْ ن وُوزَّاڒْ.
1SA 17:39 إِشدّْ ذَاوُوذْ سِّيفْ نّسْ ثِيوَا إِ وَارُّوضْ نّسْ، إِنْوَا أَذْ يُويُورْ [شْوَايْثْ]، مِينْزِي وَارْ ث إِقدْجبْعمَّارْصْ. [خنِّي] إِنَّا ذَاوُوذْ إِ شَاوُولْ: ”نشّْ وَارْ زمَّارغْ أَذْ ؤُيُورغْ ذِي ڒحْوَايجْ-أَ، وَارْ ت قدْجْبغْعمَّارْصْ!“ ؤُشَا ذَاوُوذْ إِسَّارْسْ إِ-ثنْثْ عَاوذْ.
1SA 17:40 إِكْسِي أَعكَّازْ ذڭْ ؤُفُوسْ نّسْ، إِخْضَارْ خمْسَا ن إِژْرَا إِحْنُونّْينْ زِي ثغْزَارْثْ ؤُشَا إِڭَّا إِ-ثنْ ذِي ثشْيَارْثْ نّسْ ن ثَاروْسَا إِ غَارسْ ثُوغَا، [مَاشَا] مَانِي ثنْ إِ غَا يَاوضْ ذغْيَا، ؤُ ثُوغَا إِدْجِييْ ذڭْ ؤُفُوسْ نّسْ. [أَمُّو إِ] إِفّغْ غَارْ ؤُمْسَاڭَارْ أَكْ-ذ ؤُفِيلِيسْطِينِي.
1SA 17:41 أَفِيلِيسْطِينِي يُويُورْ، إِقَارّبْ-د غَارْ ذَاوُوذْ ؤُ ونِّي ذ أَسْ يَاربُّونْ ثَاسدَّارْثْ ثَامقّْرَانْثْ إِزْوَارْ أَسْ.
1SA 17:42 [ؤُمِي] د إِسّْڭعّذْ ؤُفِيلِيسْطِينِي ثَامُوغْڒِي نّسْ، إِژْرَا ذَاوُوذْ، إِسّحْقَارْ إِ-ث، مَاغَارْ ذَاوُوذْ ثُوغَا ذ أَحُوذْرِي عَاذْ، نتَّا ثُوغَا أَرُّوبْيُو ذ مُوصْبِيحْ إِ ڒْخزْرَاثْ.
1SA 17:43 أَفِيلِيسْطِينِي إِنَّا إِ ذَاوُوذْ: ”مَا نشّْ ذ إِجّْ ن وقْزِينْ، أَقَا شكْ ثُوسِيذْ-د غَارِي س إِكشْوَاضْ؟“ ؤُشَا أَفِيلِيسْطِينِي ثُوغَا إِنعّڒْ خْ ذَاوُوذْ غَارْ إِربِّيثنْ نّسْ.
1SA 17:44 إِنَّا ؤُفِيلِيسْطِينِي [عَاوذْ] إِ ذَاوُوذْ: ”أَسْ-د غَارِي، [خنِّي] نشّْ أَذْ وْشغْ أَيْسُومْ نّشْ، [مَاحنْذْ أَذْ ث صَارْضنْ] إِجْضَاضْ ن ؤُجنَّا ذ ڒْمَاڒْ ن ڒخْڒَا.“
1SA 17:45 [خنِّي] إِنَّا ذَاوُوذْ إِ ؤُفِيلِيسْطِينِي: ”شكْ ثُوسِيذْ-د غَارِي س سِّيفْ ذ لَانْسَا ذ ؤُحْرِيشْ، مَاشَا نشّْ ؤُسِيغْ-د غَاركْ ذڭْ يِيسمْ ن سِيذِي ن ڒْعسْكَارَاثْ، أَربِّي ن إِسذِّييّنْ ن ڒْعسْكَارْ ن إِسْرَائِيل نِّي زِي ثسْثهزِّيذْ.“
1SA 17:46 أَسّْ-أَ أَذْ شكْ إِڭّْ سِيذِي ذڭْ ؤُفُوسْ إِنُو. نشّْ أَذْ شكْغڒْبغْ. أَذْ أَشْ كّْسغْ أَزدْجِيفْ ؤُ ذڭْ وَاسّْ-أَ أَذْ وْشغْ ڒْخشْبَاثْ ن ڒْعسْكَارْ ن إِفِيلِيسْطِينِييّنْ، [مَاحنْذْ أَذْ ثنْثْ صَارْضنْ] إِجْضَاضْ ن ؤُجنَّا ذ ڒْمَاڒْ نْ ڒخْڒَا. مَارَّا دُّونشْثْ أَذْ ثسّنْ أَقَا إِسْرَائِيل غَارسْ إِجّْ ن أَربِّي.
1SA 17:47 ؤُڒَا ذ مَارَّا أَڭْرَاوْ-أَ [ن ڒْڭنْسْ] أَذْ إِسّنْ أَقَا سِيذِي وَارْ إِتّْفكِّي س سِّيفْ ؤُڒَا س لَانْسَا، مَاغَارْ أَمنْغِي ن سِيذِي ؤُ نتَّا أَذْ شكْ إِڭّْ ذڭْ إِفَاسّنْ نّغْ.“
1SA 17:48 ؤُشَا إِمْسَارْ، ؤُمِي أَفِيلِيسْطِينِي إِكَّارْ، إِقَارّبْ-د غَارْ ذَاوُوذْ، ذَاوُوذْ إِڭَّا س ثَازْڒَا ؤُشَا يُوزّڒْ غَارْ ؤُسذِّي ن ڒْعسْكَارْ [ن ڒعْذُو] إِ ؤُمْسَاڭَارْ أَكْ-ذ ؤُفِيلِيسْطِينِي.
1SA 17:49 إِوْثَا ذَاوُوذْ غَارْ ثشْيَارْثْ نّسْ ن ثَاروْسَا، إِكّسْ-د إِجّْ ن وژْرُو، إِحجَّارْ [إِ-ث] س إِدْجِييْ ؤُشَا إِڒْقفْ أَفِيلِيسْطِينِي ذِي ثنْيَارْثْ نّسْ. أَژْرُو إِنْذفْ إِ ثنْيَارْثْ نّسْ أَڒَامِي إِوْضَا نتَّا خْ ؤُغمْبُوبْ نّسْ غَارْ ثمُّورْثْ.
1SA 17:50 أَمُّو إِ إِغْڒبْ ذَاوُوذْ خْ ؤُفِيلِيسْطِينِي س إِجّْ ن يِيدْجِييْ ذ إِجّْ ن وژْرُو. نتَّا إِڒْقفْ أَفِيلِيسْطِينِي، إِنْغَا إِ-ث. وَارْ غَارسْ ثُوغِي إِ ذَاوُوذْ قَاعْ سِّيفْ ذڭْ ؤُفُوسْ نّسْ.
1SA 17:51 [خنِّي] يُوزّڒْ ذَاوُوذْ [ذِينْ] غَارْ ؤُفِيلِيسْطِينِي ؤُ [ؤُمِي] د-إِبدّْ [زَّاثسْ]، إِطّفْ سِّيفْ نّسْ، إِجْبذْ إِ-ث-إِ-د زڭْ وغْرَافْ، إِنْغَا إِ-ث، ؤُشَا إِقسّْ أَسْ أَزدْجِيفْ س سِّيفْ نّسْ. [ؤُمِي] ژْرِينْ إِفِيلِيسْطِينِييّنْ، أَقَا بُو-ثغْرُوضْثْ نْسنْ إِمُّوثْ، أَروْڒنْ نِيثْنِي.
1SA 17:52 إِرْيَازنْ ن إِسْرَائِيل ذ يَاهُوذَا كَّارنْ، سْغُوينْ أَڒَاغِي ن ؤُمنْغِي ؤُشَا ضْفَارنْ إِفِيلِيسْطِينِييّنْ أَڒْ جَاثْ ؤُ أَڒْ ثِيوُّورَا ن عَاقْرُونْ. إِنِّي إِتّْوَانْغنْ زڭْ إِفِيلِيسْطِينِييّنْ وْضَانْ ذڭْ وبْرِيذْ زِي شَاعَارَايِيمْ أَڒْ جَاثْ ذ عَاقْرُونْ.
1SA 17:53 [أَوَارْنِي أَيَا]عقْبنْ-د أَيْثْ ن إِسْرَائِيل زڭْ وضْفَارْ س وشْنَاقْ ن إِفِيلِيسْطِينِييّنْ ؤُشَا كشّْضنْ ڒمْرَاڭحْ ن ڒْعسْكَارْ نْسنْ.
1SA 17:54 إِكْسِي ذَاوُوذْ أَزدْجِيفْ ن ؤُفِيلِيسْطِينِي، يِيوْيِي ث غَارْ ؤُرْشَالِيمْ، [مَاشَا] ڒسْنَاحْ نّسْ إِڭَّا إِ-ثنْ ذڭْ ؤُقِيضُونْ نّسْ.
1SA 17:55 [ؤُمِي] إِژْرَا شَاوُولْ أَقَا ذَاوُوذْ إِڭُّورْ غَارْ ؤُمْسَاڭَارْ أَكْ-ذ ؤُفِيلِيسْطِينِي، إِنَّا نتَّا إِ أَبْنِيرْ، أَكُومَانْذَارْ ن ڒْعسْكَارْ: ”ؤُمِي إِڭَّا مِّيسْ ؤُحُوذْرِي-يَا؟“ أَبْنِيرْ يَارَّا-د خَاسْ: ”س ثِيذتّْ أَمْ إِدَّارْ ڒعْمَارْ نّشْ، [أَ] أَجدْجِيذْ، نشّْ وَارْ ث سِّينغْ.“
1SA 17:56 أَجدْجِيذْ إِنَّا: ”سقْسَا [خنِّي] ؤُمِي إِڭَّا مِّيسْ ؤُحُوضْرِي-يَا!“
1SA 17:57 [ؤُمِي] د-إِعْقبْ ذَاوُوذْ أَوَارْنِي إِ ؤُمِي ثُوغَا إِغْڒبْ خْ ؤُفِيلِيسْطِينِي، يِيوْيِي ث أَكِيذسْ أَبْنِيرْ، إِنْذهْ إِ-ث غَارْ شَاوُولْ. ذَاوُوذْ ثُوغَا غَارسْ عَاذْ أَزدْجِيفْ ن ؤُفِيلِيسْطِينِي ذڭْ ؤُفُوسْ نّسْ.
1SA 17:58 شَاوُولْ إِسّقْسَا ث: ”ؤُمِي ثڭِّيذْ مِّيسْ شكْ، [أَ] أَحُوذْرِي؟“ ذَاوُوذْ يَارَّا-د خَاسْ: ”مِّيسْ ن ؤُمْسخَّارْ نّشْ، [ن] يَاسَّا زِي بَايْثْ-لَاحْمْ.“
1SA 18:1 ؤُمِي إِكمّڒْ [ذَاوُوذْ] ڒْهَارْذْ أَكْ-ذ شَاوُولْ، إِمْسَارْ، أَقَا ڒعْمَارْ ن يُونَاثَانْ إِقّنْ غَارْ ذَاوُوذْ، ؤُ يُونَاثَانْ إِتّخْسْ ذَاوُوذْ أَمْ ڒعْمَارْ نّسْ.
1SA 18:2 شَاوُولْ إِكْسِي غَارسْ ذَاوُوذْ ذڭْ وَاسّْ نِّي ؤُ وَارْ ث إِجِّي عَاذْ أَذْ إِعْقبْ غَارْ ثَادَّارْثْ ن بَابَاسْ.
1SA 18:3 يُونَاثَانْ إِڭَّا إِجّْ ن ڒْعَاهْذْ أَكْ-ذ ذَاوُوذْ، مِينْزِي نتَّا إِتّخْسْ إِ-ث أَمْ يِيخفْ نّسْ.
1SA 18:4 يُونَاثَانْ إِكّسْ أَسڒْهَامْ نّسْ إِ ثُوغَا يَارْضْ، إِوْشَا إِ-ث إِ ذَاوُوذْ، ؤُڒَا ذ أَرُّوضْ نّسْ، [ؤُشَا] عَاوذْ سِّيفْ نّسْ ذ ڒْقوْسْ نّسْ ذ وبْيَاسْ نّسْ [إِ ڒسْنَاحْ].
1SA 18:5 ذَاوُوذْ إِفّغْ [غَارْ ؤُمنْغِي] مَانِي مَا إِسّكّْ إِ-ث شَاوُولْ. ثُوغَا أَبْرِيذْ نّسْ مْلِيحْ أَڒَامِي ث يَارَّا شَاوُولْ خْ إِعسْكَارِييّنْ نّسْ. ثُوغَا [ذَاوُوذْ] ذ لمْلِيحْ ذِي ثِيطَّاوِينْ ن مَارَّا ڒْڭنْسْ ؤُڒَا ذِي ثِيطَّاوِينْ ن إِمْسخَّارنْ ن شَاوُولْ.
1SA 18:6 [خْمِي] د-ؤُسِينْ ؤُمِي يَارڭّْوحْ ذَاوُوذْ أَوَارْنِي إِ ڒغْڒبْ خْ إِفِيلِيسْطِينِييّنْ، إِمْسَارْ، أَقَا فّْغنْثْ-إِ-د ثمْغَارِينْ زِي مَارَّا ثِيندَّامْ ن إِسْرَائِيل إِ ؤُمْسَاڭَارْ أَكْ-ذ شَاوُولْ ؤُشَاغنّْجنْثْ ؤُ شضْحنْثْ س إِبنْذِيرنْ، س ڒفْرَاحثْ ؤُ س ڒْڭَامْبْرِييَاثْ س ثْڒَاثَا ن إِفِيڒَانْ.
1SA 18:7 ثِيمْغَارِينْ أَرِّينْثْ مژْرِي نْسنْثْ،غنّْجنْثْ س نُّوبْثَاثْ، نَّانْثْ: ”شَاوُولْ إِغْڒبْ خْ ڒُوڒُوفْ نّسْ، مَاشَا ذَاوُوذْ خْعشْرَا ن ڒُوڒُوفْ نّسْ!“
1SA 18:8 شَاوُولْ إِفُّوڭمْ أَطَّاسْ. ثُوغَا ذ مَانْ أَيَا ذ ڒْعِيبْ ذِي ثِيطَّاوِينْ نّسْ، إِنَّا: ”وْشِينْثْ إِ ذَاوُوذْعشْرَا ن ڒُوڒُوفْ، مَاشَا وْشِينْثْ أَيِي مْغِيرْ ڒُوڒُوفْ. [مَاشَا] ثقِّيمْ أَسْ مْغِيرْ ثْڭلْذَا [وَاهَا]؟“
1SA 18:9 زڭْ وَاسّْ نِّي سنّجْ إِبْذَا شَاوُولْ إِحطَّا ذَاوُوذْ.
1SA 18:10 ثِيوشَّا نّسْ إِمْسَارْ، أَقَا إِوْضَا-د عَاوذْ ڒَارْيَاحْ ذ أَعفَّانْ ن أَربِّي خْ شَاوُولْ، ؤُ إِذْوڒْ إِتّكّْ خْ ؤُزدْجِيفْ ذِي ثَادَّارْثْ نّسْ، أَمْ ثُوغَا إِتِّيرَارْ ذَاوُوذْ أَمْ وُوسَّانْ نّغْنِي س ؤُفُوسْ نّسْ [خْ ڒْڭَامْبْرِي]. شَاوُولْ ثُوغَا غَارسْ لَانْسَا ذڭْ ؤُفُوسْ.
1SA 18:11 شَاوُولْ إِنْضَارْ لَانْسَا، إِنَّا: ”نشّْ أَذْ ڒقْفغْ ذَاوُوذْ ؤُ [أَذْ ث سمَّارغْ] غَارْ ڒْحِيضْ.“ إِزمَّارْ ذَاوُوذْ أَذْ أَسْ إِخْنسْ ثْنَاينْ ن ثْوَاڒَاوِينْ.
1SA 18:12 ثُوغَا شَاوُولْ إِتّڭّْوذْ زِي ذَاوُوذْ، مِينْزِي سِيذِي ثُوغَا-ث أَكْ-ذ ذَاوُوذْ، مَاشَا ثُوغَا إِسْمحْ ذِي شَاوُولْ.
1SA 18:13 س ؤُينِّي إِسِّيڭّْوجْ شَاوُولْ [ذَاوُوذْ] خْ يِيخفْ نّسْ، إِڭَّا إِ-ث ذ أَمقّْرَانْ خْ وَاڒفْ. نتَّا إِتّفّغْ ؤُ إِتَّارڭّْوَاحْ زَّاثْ إِ وُوذمْ ن ڒْڭنْسْ.
1SA 18:14 ثُوغَا ذَاوُوذْ إِفْڒحْ ذِي مَارَّا إِبْرِيذنْ نّسْ ؤُ سِيذِي ثُوغَا-ث أَكِيذسْ.
1SA 18:15 [ؤُمِي] إِژْرَا شَاوُولْ، أَقَا ذَاوُوذْ إِفْڒحْ، ثُوغَا نتَّا إِتّڭّْوذْ زَّاثْ إِ وُوذمْ نّسْ.
1SA 18:16 [مَاشَا] مَارَّا إِسْرَائِيل ذ يَاهُوذَا تّخْسنْ ذَاوُوذْ، مِينْزِي نتَّا إِتّفّغْ ؤُ إِتَّارڭّْوَاحْ زَّاثْ إِ وُوذمْ نْسنْ.
1SA 18:17 شَاوُولْ إِنَّا إِ ذَاوُوذْ: ”خْزَارْ، نشّْ أَذْ أَشْ وْشغْ مِيرَابْ، يدْجِي ثَامقّْرَانْثْ قَاعْ، ذ ثَامْغَارْثْ. مْغِيرْ إِڒِي ذ إِجّْ ن ؤُضڭّْوَاڒْ إِمْحضْ [ذڭْ ؤُمنْغِي] إِ نشّْ ؤُ مْنغْ إِمنْغَانْ ن سِيذِي.“ إِنَّا شَاوُولْ [أَكْ-ذ يِيخفْ نّسْ]: ”حِيمَا وَارْ إِتِّيڒِي ؤُفُوسْ إِنُو ضِيدّْ نّسْ، مَاشَا أَفُوسْ ن إِفِيلِيسْطِينِييّنْ أَذْ يِيڒِي ضِيدّْ نّسْ.“
1SA 18:18 إِنَّا ذَاوُوذْ إِ شَاوُولْ: ”مِينْ عْنِيغْ نشّْ ذ مِينْ ثعْنَا ثُوذَارْثْ إِنُو ذ مِينْ ثعْنَا ڒَادْجْ ن بَابَا ذِي إِسْرَائِيل، أَقَا نشّْ أَذْ ذوْڒغْ ذ أَضڭّْوَاڒْ ن ؤُجدْجِيذْ؟“
1SA 18:19 ؤُمِي د-ثِيوضْ ڒْوقْثْ إِ ذِي إِ غَا ثمّوْشْ مِيرَابْ، يدْجِيسْ ن شَاوُولْ، ذ ثَامْغَارْثْ إِ ذَاوُوذْ، إِمْسَارْ، أَقَا ثمّوْشْ نتَّاثْ ذ ثَامْغَارْثْ إِ عَاذْرِييِيلْ زِي مَاحُولَا.
1SA 18:20 مِيخَالْ، يدْجِيسْ ن شَاوُولْ، ثُوغَا ثتّخْسْ ذَاوُوذْ. خبَّارنْ أَسْ ث إِ شَاوُولْ ؤُ ثُوغَا أَيَا ذ إِشْثْ ن ثْمسْڒَاشْثْ ثشْنَا ذِي ثِيطَّاوِينْ نّسْ.
1SA 18:21 إِنَّا شَاوُولْ: ”نشّْ أَذْ أَسْ ت وْشغْ، حِيمَا أَذْ أَسْ إِذْوڒْ ذ ڒْفخْ ؤُ حِيمَا أَذْ يِيڒِي ؤُفُوسْ ن إِفِيلِيسْطِينِييّنْ ضِيدّْ نّسْ.“ إِنَّا شَاوُولْ إِ ذَاوُوذْ: ”أَسّْ-أَ ثْزمَّارذْ أَذْ ثْذوْڒذْ ذ أَضڭّْوَاڒْ إِنُو س ثنِّي ذ وِيسّْ ثْنَاينْ.“
1SA 18:22 يُومُورْ شَاوُولْ إِ إِمْسخَّارنْ نّسْ: ”سِيوڒْ أَكْ-ذ ذَاوُوذْ ذِي ثْنُوفّْرَا، إِنِي: ’أَقَا شكْ ثُوسِيذْ-د إِ ؤُجدْجِيذْ خْ ڒْخَاضَارْ ؤُ مَارَّا إِمْسخَّارنْ تّخْسنْ شكْ. [خنِّي] ذْوڒْ ڒخُّو ذ أَضڭّْوَاڒْ ن ؤُجدْجِيذْ.‘ “
1SA 18:23 سِّيوْڒنْ إِمْسخَّارنْ ن شَاوُولْ أَوَاڒنْ-أَ ذڭْ إِمزُّوغنْ ن ذَاوُوذْ. [خنِّي] إِنَّا ذَاوُوذْ: ”مَا ذ ثَامسْڒَاشْثْ ثهْونْ ذِي ثِيطَّاوِينْ نْومْ أَذْ إِذْوڒْ إِجّْ ذ أَضڭّْوَاڒْ ن ؤُجدْجِيذْ؟ مَا وَارْ دْجِيغْ ذ إِجّْ ن ورْيَازْ ذ أَمزْڒُوضْ ذ أَمُوقْڒِيڒْ؟“
1SA 18:24 إِمْسخَّارنْ ن شَاوُولْ حَاجَانْ أَسْ ث، نَّانْ: ”إِسِّيوڒْ ذَاوُوذْ أَوَاڒنْ-أَ.“
1SA 18:25 [خنِّي] إِنَّا شَاوُولْ: ”أَمُّو إِ غَا ثِينِيمْ إِ ذَاوُوذْ: ’أَجدْجِيذْ وَارْ ذ أَسْ ثعْجِيبْ صَّاذَاقْ، مَاشَا [إِعْجبْ أَسْ] مْيَا ن ڒعْذَاڒيَّاثْ ن إِفِيلِيسْطِينِييّنْ، حِيمَا أَذْ إِنْثَاقمْ زِي ڒْعذْيَانْ ن ؤُجدْجِيذْ.“ ثُوغَا شَاوُولْ إِتّْخَارَّاصْ أَذْ إِنغْ ذَاوُوذْ س ؤُفُوسْ ن إِفِيلِيسْطِينِييّنْ.
1SA 18:26 إِخدَّامنْ نّسْ عَاوْذنْ أَوَاڒنْ-أَ إِ ذَاوُوذْ. [خنِّي] ثُوغَا أَيَا ذ إِشْثْ ن ثْمسْڒَاشْثْ ثشْنَا ذِي ثِيطَّاوِينْ ن ذَاوُوذْ، حِيمَا أَذْ إِذْوڒْ ذ أَضڭّْوَارْ ن ؤُجدْجِيذْ. ڒْمِيجَاڒْ ن وُوسَّانْ [إِتّْوَاڭّنْ] ثُوغَا عَاذْ وَارْ عْذُونْ.
1SA 18:27 [خنِّي] إِكَّارْ ذَاوُوذْ. نتَّا ذ يرْيَازنْ نّسْ طّْفنْ أَبْرِيذْ، ؤُشَا إِوْثَا نتَّا مِيثَاينْ ن يرْيَازنْ ن إِفِيلِيسْطِينِييّنْ. يِيوِي-د ذَاوُوذْ ڒعْذَاڒيَّاثْ نْسنْ ؤُ س ؤُيَا سدّنْ نِيثْنِي قَاعْ [ڒْْقدّْ-أَ] إِ ؤُجدْجِيذْ، حِيمَا أَذْ إِذْوڒْ ذ أَضڭّْوَاڒْ ن ؤُجدْجِيذْ. [خنِّي] إِوْشَا أَسْ شَاوُولْ يدْجِيسْ مِيخَالْ ذ ثَامْغَارْثْ.
1SA 18:28 شَاوُولْ إِژْرَا ؤُ إِسّنْ، أَقَا سِيذِي ثُوغَا-ث أَكْ-ذ ذَاوُوذْ، ؤُ مِيخَالْ، يدْجِيسْ ن شَاوُولْ، ثُوغَا ثتّخْسْ إِ-ث.
1SA 18:29 إِذْوڒْ شَاوُولْ إِڭّْوذْ عَاذْ كْثَارْ زِي ذَاوُوذْ ؤُشَا شَاوُولْ إِذْوڒْ ذ ڒعْذُو ن ذَاوُوذْ مَارَّا ؤُسَّانْ [ن ثُوذَارْثْ نّسْ].
1SA 18:30 ؤُمِي د-فّْغنْ ڒْحُوكَّامْ ن إِفِيلِيسْطِينِييّنْ، إِمْسَارْ، مڒْمِي مَا فّْغنْ ثُوغَا ذَاوُوذْ يَارنِّي مَاهُو ذِي وفْڒَاحْ نّسْ خْ مَارَّا إِمْسخَّارنْ ن شَاوُولْ، أَڒَامِي إِذْوڒْ إِسمْ نّسْ إِشنّْعنْ أَڒْ طَّارْفْ.
1SA 19:1 إِسِّيوڒْ شَاوُولْ أَكْ-ذ مِّيسْ يُونَاثَانْ ؤُ أَكْ-ذ إِمْسخَّارنْ نّسْ بلِّي إِتّْخصَّا أَذْ نْغنْ ذَاوُوذْ. [مَاشَا] يُونَاثَانْ، مِّيسْ ن شَاوُولْ، ثُوغَا إِسّْعِيزّْ خَاسْ ذَاوُوذْ أَطَّاسْ.
1SA 19:2 إِحَاجَا يُونَاثَانْ خْ ؤُيَا إِ ذَاوُوذْ، إِنَّا: ”بَابَا شَاوُولْ يَارزُّو أَذْ شكْ إِنغْ. خنِّي ڒخُّو، رَاجَا أَڒْ ثِيوشَّا. أَذفْ غَارْ ومْشَانْ ن ؤُسْنفَّارْ ؤُ خمّڒْ إِخفْ نّشْ.
1SA 19:3 نشّْ أَذْ فّْغغْ، أَذْ بدّغْ أَكْ-ذ بَابَا ذڭْ وحْوِيشْ مَانِي غَا ثِيڒِيذْ شكْ. أَذْ خَاكْ سِّيوْڒغْ أَكْ-ذ بَابَا، أَذْ خْزَارغْ مَامّشْ ڭُّورنْثْ ثْمسْڒَايِينْ. [خنِّي] أَذْ شكْ سَّارْڭْبغْ.“
1SA 19:4 يُونَاثَانْ إِسِّيوڒْ س ثِيزِي ن ذَاوُوذْ أَكْ-ذ بَابَاسْ، إِنَّا أَسْ: ”إِتّْخصَّا ؤُجدْجِيذْ وَارْ إِتّڭّْ شَا دّنْبْ ذڭْ ؤُمْسخَّارْ نّسْ ذَاوُوذْ، مَاغَارْ ؤُڒَا ذ نتَّا وَارْ ذَايكْ إِڭِّي شَا دّنْبْ، ؤُ ثِيمڭَّا نّسْ أَقَا أَثنْثْ ذ ڒفْضڒْ إِ شكْ أَطَّاسْ.
1SA 19:5 نتَّا إِسبّڒْ ثُوذَارْثْ نّسْ، إِغْڒبْ خْ ؤُفِيلِيسْطِينِي ؤُ سِيذِي يِيوِيضْ إِجّْ ن ؤُسنْجمْ ذ أَمقّْرَانْ إِ مَارَّا إِسْرَائِيل. شكْ ثژْرِيذْ ث سِيمَانْثْ نّشْ ؤُ ثْفَارْحذْ. مَايمِّي ثخْسذْ أَذْ ثخْضِيذْ خْ إِذَامّنْ إِمزْذَاڭنْ أَڒَامِي غَا ثنْغذْ ذَاوُوذْ بْڒَا سِّيبّثْ؟“
1SA 19:6 شَاوُولْ إِسْڒَا غَارْ يُونَاثَانْ ؤُ شَاوُولْ إِجِّيدْجْ: ”س ثِيذتّْ أَمْ إِدَّارْ سِيذِي، نتَّا وَارْ إِتّْوَانقّْ شَا!“
1SA 19:7 ؤُشَا إِڒَاغَا يُونَاثَانْ خْ ذَاوُوذْ، إِحَاجَا أَسْ يُونَاثَانْ مَارَّا أَوَاڒنْ-أَ. [خنِّي] إِنْذهْ يُونَاثَانْ ذَاوُوذْ غَارْ شَاوُولْ ؤُ نتَّا ثُوغَا-ث زَّاثْ إِ وُوذمْ نّسْ أَمْ إِضنَّاضْ ذ فَارِيضنَّاضْ.
1SA 19:8 يِيوضْ-د ؤُمنْغِي عَاوذْ ؤُشَا إِفّغْ ذَاوُوذْ، إِمّْنغْ أَكْ-ذ إِفِيلِيسْطِينِييّنْ. نتَّا إِهتّكْ إِ-ثنْ س إِشْثْ ن ثشْثِي ذ ثَامقّْرَانْثْ ؤُ نِيثْنِي طّْفنْ ثَاروْڒَا زَّاثْ إِ وُوذمْ نّسْ.
1SA 19:9 مَاشَا ڒَارْيَاحْ ذ أَعفَّانْ ن سِيذِي إِوْضَا-د [عَاوذْ] خْ شَاوُولْ. ؤُمِي نتَّا إِقِّيمْ ذِي ثَادَّارْثْ نّسْ، إِمْنعْ لَانْسَا ذڭْ ؤُفُوسْ نّسْ ؤُمِي ثُوغَا ذَاوُوذْ إِتِّيرَارْ س ؤُفُوسْ نّسْ [خْ ڒْڭَامْبْرِي].
1SA 19:10 شَاوُولْ ثُوغَا يَارزُّو أَذْ إِسمَّارْ ذَاوُوذْ ذِي ڒْحِيضْ س لَانْسَا نّسْ، مَاشَا نتَّا إِخْنسْ أَسْ إِ شَاوُولْ ؤُ نتَّا إِڒْقفْ ڒْحِيضْ س لَانْسَا. ذَاوُوذْ يَارْوڒْ، إِسّنْجمْ إِخفْ نّسْ دْجِيڒثْ نِّي.
1SA 19:11 إِسّكّْ شَاوُولْ إِرقَّاسنْ غَارْ ثَادَّارْثْ ن ذَاوُوذْ، حِيمَا أَذْ ث حْضَانْ ؤُ أَذْ ث نْغنْ غَارْ ثُوفُّوثْ. [مَاشَا] مِيخَالْ، ثَامْغَارْثْ ن ذَاوُوذْ، ثْحَاجَا [خَاسْ] إِ ذَاوُوذْ، ثنَّا: ”مَاڒَا شكْ وَارْ ثسّْنجْمذْ إِخفْ نّشْ ذِي دْجِيڒثْ-أَ، أَذْ ثتّْوَانْغذْ ثِيوشَّا.“
1SA 19:12 مِيخَالْ ثسّهْوَا ذَاوُوذْ زِي ڒْكَازِي. [خنِّي] يُويُورْ، يَارْوڒْ ؤُشَا إِسّنْجمْ إِخفْ نّسْ.
1SA 19:13 [خنِّي] ثكْسِي مِيخَالْ إِجّْ ن ڒخْيَاڒْ ن صَّانَامْ، ثسَّارْسْ [إِ-ث] ذِي قَامَا ؤُشَا ثڭَّا إِشْثْ ن ثْهِيضُورْثْ ن شْعَارْ ن إِغَايْضْ غَارْ مَانِي إِدْجَا ؤُزدْجِيفْ ؤُ ثذْڒَا [إِ-ث] س يِيجّْ ن وَارُّوضْ.
1SA 19:14 شَاوُولْ إِسّكّْ إِرقَّاسنْ مَاحنْذْ أَذْ د-أَوْينْ ذَاوُوذْ، [مَاشَا] نتَّاثْ ثنَّا: ”نتَّا إِهْڒشْ.“
1SA 19:15 [خنِّي] إِسّكّْ شَاوُولْ إِرقَّاسنْ مَاحنْذْ أَذْ سِّيجّنْ خْ ذَاوُوذْ، إِنَّا: ”أَوْيمْ ث-إِ-د ذِي ثَاسُّوثْ غَارِي ذَا، حِيمَا أَذْ ث نْغغْ.“
1SA 19:16 ؤُمِي د-ؤُسِينْ إِرقَّاسنْ، خْزَارْ، أَقَا ذِينْ إِجّْ ن ڒخْيَاڒْ ن صَّانَامْ ذِي قَامَا ذ إِشْثْ ن ثْهِيضُورْثْ ن شْعَارْ ن إِغَايْضْ غَارْ مَانِي إِدْجَا ؤُزدْجِيفْ نّسْ.
1SA 19:17 ؤُشَا إِنَّا شَاوُولْ إِ مِيخَالْ: ”مَايمِّي ذ أَيِي ثغْذَارذْ أَمُّو، ثجِّيذْ ڒعْذُو إِنُو أَذْ يَارْوڒْ، أَڒَامِي إِسّنْجمْ إِخفْ نّسْ؟“ مِيخَالْ ثَارَّا-د خْ شَاوُولْ: ”نتَّا إِنَّا أَيِي: ’أجّْ أَيِي أَذْ ؤُيُورغْ، مَايمِّي إِ شمْ إِ غَا نْغغْ؟‘ “
1SA 19:18 أَمُّو يَارْوڒْ ذَاوُوذْ، إِسّنْجمْ إِخفْ نّسْ ؤُشَا يُوسَا-د غَارْ شَامْوِيلْ ذِي رَامَا، إِحَاجَا أَسْ مَارَّا مِينْ ثُوغَا إِ ذ أَسْ إِڭَّا شَاوُولْ. خنِّي يُويُورْ نتَّا [جْمِيعْ] أَكْ-ذ شَامْوِيلْ، قِّيمنْ ذِي نَايُوثْ.
1SA 19:19 ؤُشَا حَاجَانْ أَيَا إِ شَاوُولْ، نَّانْ: ”ذَاوُوذْ أَقَا-ث ذِي نَايُوثْ غَارْ رَامَا.“
1SA 19:20 [خنِّي] إِسّكّْ شَاوُولْ إِرقَّاسنْ، حِيمَا أَذْ أَوْينْ ذَاوُوذْ. نِيثْنِي ژْرِينْ ثَارْبِيعْثْ ن إِنَابِييّنْ نِّي إِتّْنبَّانْ. ثُوغَا شَامْوِيلْ إِبدّْ غَارْسنْ ذ أَمحْضَايْ، ؤُشَا إِهْوَا-د أَرُّوحْ ن أَربِّي خْ إِرقَّاسنْ ن شَاوُولْ أَڒَامِي ؤُڒَا ذ نِيثْنِي بْذَانْ أَذْ نبَّانْ.
1SA 19:21 [ؤُمِي] إِتّْوَانَّا [أَيَا] إِ شَاوُولْ، إِسّكّْ نتَّا إِرقَّاسنْ نّغْنِي، مَاشَا ؤُڒَا ذ نِيثْنِي بْذَانْ أَذْ نبَّانْ. يَارْنِي شَاوُولْ ذڭْ ؤُسكِّي ن إِرقَّاسنْ إِ ثْوَاڒَا وِيسّْ ثْڒَاثَا، ؤُشَا ؤُڒَا ذ نِيثْنِي بْذَانْ أَذْ نبَّانْ.
1SA 19:22 [خَاسْ ؤُشَا] يُويُورْ نتَّا سِيمَانْثْ نّسْ غَارْ رَامَا. يِيوضْ نتَّا غَارْ وَانُو أَمقّْرَانْ ذِي سِيخُو، إِسّقْسَا، إِنَّا: ”مَانِي [دْجَانْ] شَامْوِيلْ ذ ذَاوُوذْ؟“ نَّانْ أَسْ: ”خْزَارْ، [أَقَا أَثنْ] ذِي نَايُوثْ غَارْ رَامَا.“
1SA 19:23 [خنِّي] يُويُورْ ذِينْ غَارْ نَايُوثْ غَارْ رَامَا، ؤُ إِهْوَا-د خَاسْ أَرُّوحْ ن أَربِّي. نتَّا ثُوغَا إِڭُّورْ أَمْ إِتّْنبَّا أَڒْ د-يِيوضْ غَارْ نَايُوثْ غَارْ رَامَا.
1SA 19:24 ؤُڒَا ذ نتَّا إِكّسْ أَرُّوضْ نّسْ ؤُشَا ؤُڒَا ذ نتَّا إِتّْنبَّا زَّاثْ إِ وُوذمْ ن شَامْوِيلْ. أَسّْ نِّي ذ دْجِيڒثْ ثْمُونْ إِزّڒْ ذِينْ ذ أَقذِّيذْ. خْ ؤُيَا قَّارنْ: ”مَا ؤُڒَا ذ شَاوُولْ جَارْ إِنَابِييّنْ؟“
1SA 20:1 ذَاوُوذْ يَارْوڒْ زِي نَايُوثْ ثنِّي غَارْ رَامَا ؤُشَا يُوسَا-د غَارْ يُونَاثَانْ، إِنَّا: ”مِينْ ڭِّيغْ نشّْ؟ مَانْ لْجَارِيمَا إِنُو ذ دّنْبْ إِ ذ أَسْ ڭِّيغْ إِ بَابَاشْ، أَقَا نتَّا إِخْسْ أَذْ زَّايِي إِكّسْ ثُوذَارْثْ؟“
1SA 20:2 إِنَّا أَسْ يُونَاثَانْ: ”وَارْ خَاسْ نسِّيوڒْ! شكْ وَارْ ثتّْمتِّيذْ شَا. خْزَارْ بَابَا وَارْ إِتّڭّْ وَالُو، ؤُڒَا ذ إِشْثْ ن ڒْحَاجّثْ ذ ثَامقّْرَانْثْ نِيغْ ثَامژْيَانْثْ، بْڒَا مَا إِ ذ أَيِي ت غَا إِسَّارْڭبْ. مَايمِّي بَابَا زَّايِي إِ غَا إِسّْنُوفَّارْ ثَامسْڒَاشْثْ-أَ؟ أَيَا وَارْ إِزمَّارْ.“
1SA 20:3 [خنِّي] إِجُّودْجْ أَسْ ذَاوُوذْ ثْوَاڒَا نّغْنِيثْ، إِنَّا: ”بَابَاشْ إِسّنْ نِيشَانْ، أَقَا ؤُفِيغْ ڒْخَاضَارْ ذِي ثِيطَّاوِينْ نّشْ. [خْ ؤُيَا] إِنَّا: ’وَارْ تّجِّي أَذْ إِسّنْ يُونَاثَانْ مَانْ أَيَا، حِيمَا وَارْ إِكسِّي س ومْنُوسْ!‘ [خْ ؤُيَا]، س ثِيذتّْ أَمْ إِدَّارْ سِيذِي ؤُ أَمْ دَّارغْ نشّْ، أَقَا ذِينْ جَارْ أَيِي ذ ڒْموْثْ مْغِيرْ إِجّْ ن ؤُصُورِيفْ وَاهَا!“
1SA 20:4 يُونَاثَانْ إِنَّا إِ ذَاوُوذْ: ”مِينْ [إِدْجَانْ] ذڭْ وُوڒْ نّشْ، نشّْ أَذْ أَشْ ث ڭّغْ.“
1SA 20:5 ذَاوُوذْ يَارَّا-د خْ يُونَاثَانْ: ”خْزَارْ، ثِيوشَّا أَذْ إِبدّْ ؤُيُورْ ؤُشَا إِتّْخصَّا أَيِي أَذْ قِّيمغْ [غَارْ طَّابْڒَا] أَكْ-ذ ؤُجدْجِيذْ أَذْ شّغْ. أوْشْ أَيِي تّسْڒِيحْ حِيمَا أَذْ ؤُيُورغْ مَاحنْذْ أَذْ نُوفَّارغْ ذڭْ إِيَّارْ أَڒْ ثَامذِّيثْ وِيسّْ ثْڒَاثَا.
1SA 20:6 مَاڒَا يَارْزُو خَافِي بَابَاشْ، إِفْقذْ أَيِي، خنِّي إِنِي: ’ذَاوُوذْ إِحشّمْ أَيِي س وَاطَّاسْ حِيمَا إِزمَّارْ أَذْ إِرَاحْ غَارْ ثنْذِينْثْ نّسْ ذغْيَا، غَارْ بَايْثْ-لَاحْمْ، مِينْزِي ذِينِّي إِ غَا ثِيڒِي ثْغَارْصْثْ ن ؤُسڭّْوَاسْ إِ مَارَّا ڒَادْجْ.‘
1SA 20:7 مَاڒَا نتَّا خنِّي إِنَّا: ’مْلِيحْ!‘، أَذْ يِيڒِي ڒهْنَا إِ ؤُمْسخَّارْ نّشْ، مَاشَا مَاڒَا يَارْغَا ؤُفُوڭمْ نّسْ، خنِّي أَذْ ثسّْنذْ، أَقَا نتَّا إِڭَّا ذِي ڒْبَاڒْ نّسْ أَذْ [ذ أَيِي] إِڭّْ ڒْغَارْ.
1SA 20:8 أڭّْ س ثْمخْسِيوْثْ إِشوَّارنْ أَكْ-ذ ؤُمْسخَّارْ نّشْ، مِينْزِي ثسِّيذْفذْ أَمْسخَّارْ نّشْ أَكِيذكْ ذڭْ إِجّْ ن ڒْعَاهْذْ ن سِيذِي. [مَاشَا] مَاڒَا ڭِّيغْ إِشْثْ ن لْجَارِيمَا، نغْ أَيِي شكْ. مَايمِّي ثخْسذْ أَذْ أَيِي ثَاوْيذْ غَارْ بَابَاشْ؟“
1SA 20:9 إِنَّا يُونَاثَانْ: ”أَقَا مَانْ أَيَا إِڭّْوجْ خَاكْ! مِينْزِي وَاخَّا أَرڭْبغْ خَاسْ، أَقَا بَابَا إِڭَّا ذِي ڒْبَاڒْ نّسْ أَذْ ذَايكْ إِڭّْ ڒْغَارْ، مَا خنِّي نشّْ وَارْ ذ أَشْ ث قَّارغْ؟“
1SA 20:10 إِنَّا ذَاوُوذْ إِ يُونَاثَانْ: ”مَانْ ونْ إِ ذ أَيِي د غَا يَاوْينْ أَرقَّاسْ، مَاڒَا إِوْشَا أَشْ بَابَاشْ إِشْثْ ن ثمْوَارِّيثْ ثقْسحْ؟“
1SA 20:11 [خنِّي] إِنَّا يُونَاثَانْ إِ ذَاوُوذْ: ”أَسْ-د، أجّْ أَنغْ أَذْ نفّغْ بَارَّا غَارْ ييَّارْ.“ ؤُشَا فّْغنْ نِيثْنِي س ثْنَاينْ إِذْسنْ، غَارْ ييَّارْ بَارَّا.
1SA 20:12 إِنَّا يُونَاثَانْ إِ ذَاوُوذْ: ”[جُّودْجغْ غَارْ] سِيذِي، أَربِّي ن إِسْرَائِيل، مَاڒَا نشّْ ثِيوشَّا نِيغْ فَارْوِيشَّا غَارْ ڒْوقْثْ-أَ، أَقَا وْثِيغْ ڒحْسَابْ أَمُّو ذ وَامُّو [زِي جِّيهثْ] ن بَابَا، ؤُفِيغْ أَقَا مْلِيحْ إِ ذَاوُوذْ ؤُشَا خنِّي نشّْ وَارْ سّكِّيغْ [حذْ] أَذْ أَشْ [ث] يِينِي،
1SA 20:13 خنِّي أَذْ إِڭّْ سِيذِي ثَا ذ ثَا س يُونَاثَانْ ؤُ أَذْ ذَايسْ يَارْنِي عَاذْ. [مَاشَا] مَاڒَا إِتّْغِيڒْ أَسْ مْلِيحْ إِ بَابَا أَذْ ذَايكْ إِڭّْ ڒْغَارْ، خنِّي نشّْ أَذْ أَشْ ث إِنِيغْ، أَذْ شكْ جّغْ أَذْ ثفّْغذْ حِيمَا [ثْزمَّارذْ] أَذْ ثُويُورذْ ذِي ڒهْنَا. سِيذِي أَذْ يِيڒِي أَكِيذكْ أَمْ مَامّشْ إِ ثُوغَا أَكْ-ذ بَابَا.
1SA 20:14 [ؤُشَا خَاكْ،] وَارْ إِتِّيڒِي [وَاهَا] أَمْ دَّارغْ، وَارْ إِتِّيڒِي [خنِّي وَاهَا] أَذْ أَيِي ثسّشْنذْ ثَامخْسِيوْثْ إِشوَّارنْ ن سِيذِي حِيمَا وَارْ تّْمتِّيغْ شَا،
1SA 20:15 [مَاشَا عَاذْ] وَارْ ثْقطّْعذْ ثَامخْسِيوْثْ نّشْ إِشوَّارنْ إِ ڒبْذَا خْ ثَادَّارْثْ إِنُو، ؤُڒَا خْمِي غَا إِقْضعْ سِيذِي مَارَّا ڒْعذْيَانْ ن ذَاوُوذْ زڭْ وُوذمْ ن ثمُّورْثْ!“
1SA 20:16 ؤُشَا إِڭَّا يُونَاثَانْ إِجّْ ن ڒْعَاهْذْ أَكْ-ذ ثَادَّارْثْ ن ذَاوُوذْ ؤُشَا سِيذِي إِتَّارْ إِ-ث زڭْ ؤُفُوسْ ن ڒْعذْيَانْ ن ذَاوُوذْ.
1SA 20:17 يُونَاثَانْ إِجَّا ذَاوُوذْ أَذْ إِجَّادْجْ ثْوَاڒَا نّغْنِيثْ، مِينْزِي نتَّا ثُوغَا إِتّخْسْ إِ-ث، أَقَا إِتّخْسْ إِ-ث أَمْ مَامّشْ ثُوغَا إِتّخْسْ إِخفْ نّسْ.
1SA 20:18 [خَاسْ ؤُشَا] إِنَّا أَسْ يُونَاثَانْ: ”ثِيوشَّا ذ أَيُورْ أَمَايْنُو ؤُ نِيثْنِي وَارْ شكْ تِّيفنْ، مَاغَارْ ڒْكُورْسِي نّشْ أَذْ إِقِّيمْ إِخْوَا.
1SA 20:19 أَوَارْنِي عْذُونْ ثْڒَاثَا ن وُوسَّانْ إِتّْخصَّا أَذْ ثهْوِيذْ قَاعْ، أَذْ ثْرُوحذْ غَارْ ومْشَانْ مَانِي ثُوغَا ثنُّوفَّارذْ ذڭْ وَاسّْ نِّي ذِي يَارْزُو نتَّا أَذْ شكْ إِنغْ، ؤُ قِّيمْ غَارْ ؤُغزْذِيسْ ن وژْرُو ن هَا‘إِزِيلْ.
1SA 20:20 نشّْ أَذْ وْثغْ ثْڒَاثَا ن فْڒِيثْشَاثْ زَّاثسْ أَخْمِي خْسغْ أَذْ ڒقْفغْ ثَانْذَايْثْ.
1SA 20:21 خْزَارْ، نشّْ أَذْ سّكّغْ أَحُوذْرِي [أَوَارْنِي أَسنْثْ]، أَذْ أَسْ إِنِيغْ: ’ؤُيُورْ، أَرْزُو خْ فْڒِيثْشَاثْ!‘ مَاڒَا نشّْ أَذْ إِنِيغْ نِيشَانْ إِ ؤُحُوذْرِي: ’حْضَا، فْڒِيثْشَاثْ أَقَا [ؤُذْسنْثْ] غَارْ ؤُغزْذِيسْ-أَ زِي غَاركْ!‘، [خنِّي] أَوْيِي ثنْثْ-إِ-د، أَسْ-د، مَاغَارْ أَقَا ذِينْ ڒهْنَا إِ شكْ ؤُ وَارْ ذِينْ وَالُو، [س ثِيذتّْ أَمْ] إِدَّارْ سِيذِي!
1SA 20:22 [مَاشَا] مَاڒَا نشّْ نِّيغْ إِ ؤُحُوذْرِي: ’خْژَارْ، فْڒِيثْشَاثْ أَقَا أَڭّْوجنْثْ خَاكْ [عَاذْ] كْثَارْ!‘، خنِّي أَڭّْوجْ، مَاغَارْ سِيذِي إِسّكَّا شكْ غَارْ ڒَاڭّْوَاجْ.
1SA 20:23 ؤُشَا [خْ] وَاوَاڒْ إِ نكّسْ، نشّْ ذ شكْ، أَقَا سِيذِي أَذْ يِيڒِي [ذ أَشهَّاذْ] جَارْ أَيِي ذ شكْ إِ ڒبْذَا!“
1SA 20:24 إِسّْنُوفَّارْ ذَاوُوذْ إِخفْ نّسْ بَارَّا ذڭْ إِيَّارْ. ڒَامِي د-يُوسَا ؤُيُورْ أَمَايْنُو إِقِّيمْ ؤُجدْجِيذْ [غَارْ طَّابْڒَا] حِيمَا أَذْ إِشّْ.
1SA 20:25 ثُوغَا أَجدْجِيذْ إِقِّيمْ غَارْ ؤُمنْسِي-يَا ذڭْ ومْشَانْ نّسْ أَمْ مَامّشْ [ثُوغَا إِقِّيمْ] غَارْ إِمنْسِييّنْ إِنّغْنِي، ذِي ڒْكُورْسِي [إِ إِدْجَانْ] غَارْ ڒْحِيضْ. يُونَاثَانْ إِكَّارْ ؤُ أَبْنِيرْ إِقِّيمْ غَارْ ؤُغزْذِيسْ ن شَاوُولْ ؤُ ڒْكُورْسِي ن ذَاوُوذْ إِبَانْ-د إِخْوَا.
1SA 20:26 ذڭْ وَاسّْ نِّي شَاوُولْ وَارْ إِنِي وَالُو، مَاغَارْ نتَّا إِنَّا [ذڭْ إِخفْ نّسْ]: ”إِمْسَارْ أَسْ شَا أَڒَامِي نتَّا وَارْ إِدْجِي ذ أَمزْذَاڭْ. أَقَا نِيشَانْ نتَّا وَارْ إِدْجِي ذ أَمزْذَاڭْ.“
1SA 20:27 ثِيوشَّا نّسْ، ذڭْ وَاسّْ وِيسّْ ثْنَاينْ أَوَارْنِي إِ ؤُيُورْ أَمَايْنُو، ؤُمِي إِقِّيمْ ڒْكُورْسِي ن ذَاوُوذْ إِخْوَا [عَاوذْ]، إِمْسَارْ، أَقَا إِنَّا شَاوُولْ إِ مِّيسْ يُونَاثَانْ: ”مَايمِّي مِّيسْ ن يَاسَّا وَارْ د-يُوسِي إِضنَّاضْ ذ وَاسّْ-أَ غَارْ ؤُمنْسِي؟“
1SA 20:28 يُونَاثَانْ يَارَّا-د خْ شَاوُولْ: ”ذَاوُوذْ إِحشّمْ أَيِي أَطَّاسْ [مَاحنْذْ إِزمَّارْ أَذْ إِرَاحْ] غَارْ بَايْثْ-لَاحْمْ.
1SA 20:29 نتَّا إِنَّا: ’أجّْ أَيِي أَذْ ؤُيُورغْ، مَاغَارْ نشِّينْ أَذْ نڭّْ إِشْثْ ن ثْغَارْصْثْ ن ڒَادْجْ نّغْ ذِي ثنْذِينْثْ. ؤُمَا إِڭَّا خَافِي [أَذْ حْضَارغْ]. مَاڒَا [خنِّي] ؤُفِيغْ ڒخُّو أَرْضَا ذِي ثِيطَّاوِينْ نّشْ، تّْزَاوَاڭغْ، أجّْ أَيِي أَذْ ؤُيُورغْ حِيمَا أَذْ ژَترغْ أَيْثْمَا.‘ خْ ؤُيَا وَارْ د-يُوسِي ذَاوُوذْ غَارْ طَّابْڒَا ن ؤُجدْجِيذْ.“
1SA 20:30 [خنِّي] يَارغْ ؤُخيّقْ ن شَاوُولْ خْ يُونَاثَانْ، إِنَّا أَسْ: ”شكْ، مِّيسْ ن [ثمْغَارْثْ] إِغنَّانْ إِفَارْغنْ، نشّْ سّْنغْ مْلِيحْ، أَقَا شكْ ثِيخْضَارذْ أَغزْذِيسْ ن مِّيسْ ن يَاسَّا. ذ مَانْ أَيَا ذ ڒفْضِيحثْ إِ شكْ ذ ڒفْضِيحثْ إِ ثُوعَّارْينْثْ ن يمَّاشْ!
1SA 20:31 مِينْزِي مَارَّا ؤُسَّانْ مِينْ غَا يكّْ مِّيسْ ن يَاسَّا إِدَّارْ خْ ثمُّورْثْ، وَارْ ثْبذِّيذْ شكْ ؤُڒَا ذ ثَاڭلْذِيثْ نّشْ. خنِّي ڒخُّو، سكّْ [إِجّنْ]، أَوْيِي ث-إِ-د غَارِي، مَاغَارْ نتَّا ذ مِّيسْ ن ڒْموْثْ.“
1SA 20:32 يَارَّا-د يُونَاثَانْ خْ بَابَاسْ شَاوُولْ، إِنَّا أَسْ: ”مَايمِّي إِتّْخصَّا أَذْ إِتّْوَانغْ نتَّا؟ مِينْ إِڭَّا؟“
1SA 20:33 [خنِّي] إِحجَّارْ إِ-ث شَاوُولْ س لَانْسَا نّسْ، حِيمَا أَذْ ث إِڒْقفْ. أَمُّو إِ إِسّنْ يُونَاثَانْ، أَقَا بَابَاسْ ثُوغَا إِڭَّا ذِي ڒْبَاڒْ نّسْ أَذْ إِنغْ ذَاوُوذْ.
1SA 20:34 إِكَّارْ يُونَاثَانْ خْ طَّابْڒَا ؤُمِي يَارْغَا ؤُخيّقْ [نّسْ]، وَارْ إِشِّي أَغْرُومْ ذڭْ وَاسّْ وِيسّْ ثْنَاينْ ن ؤُيُورْ أَمَايْنُو، مَاغَارْ نتَّا ثُوغَا إِكسِّي س ومْنُوسْ إِ ذَاوُوذْ، مِينْزِي بَابَاسْ ثُوغَا إِسّْبهْذڒْ إِ-ث أَمُّو.
1SA 20:35 ثِيوشَّا نّسْ غَارْ ثُوفُّوثْ، إِمْسَارْ أَقَا يُونَاثَانْ يُويُورْ بَارَّا ذڭْ إِيَّارْ، ذِي ڒْوقْثْ إِ إِڭَّا أَمْسَاڭَارْ أَكْ-ذ ذَاوُوذْ ؤُ ثُوغَا أَكِيذسْ إِجّْ ن ؤُحُوذْرِي ذ أَمژْيَانْ.
1SA 20:36 نتَّا إِنَّا إِ ؤُحُوذْرِي: ”ؤُيُورْ، أَرْزُو خْ فْڒِيثْشَاثْ نِّي غَا وْثغْ.“ أَحُوذْرِي يُوزّڒْ ؤُ نتَّا إِوْثَا إِشْثْ ن فْڒِيثْشَا ثكَّا سنّجْ نّسْ.
1SA 20:37 [ؤُمِي] د-يِيوضْ ؤُحُوذْرِي غَارْ ومْشَانْ مَانِي ثدْجَا فْڒِيثْشَا، إِڒَاغَا-د يُونَاثَانْ أَوَارْنِي إِ ؤُحُوذْرِي، إِنَّا: ”مَا وَارْ ثوْضِي فْڒِيثْشَا زَّايكْ أَغِيرِينْ عَاذْ؟“
1SA 20:38 إِڒَاغَا يُونَاثَانْ [عَاوذْ] إِ ؤُحُوذْرِي ”ذغْيَا، أَزّڒْ، وَارْ تّْبذِّي!“ أَحُوذْرِي [إِ إِدْجَانْ] أَكْ-ذ يُونَاثَانْ إِسّْمُونْ فْڒِيثْشَا ؤُشَا إِعْقبْ غَارْ بَابْ نّسْ.
1SA 20:39 أَحُوذْرِي وَارْ إِسِّينْ وَالُو. مْغِيرْ يُونَاثَانْ ذ ذَاوُوذْ سّْننْ خْ ثْمسْڒَاشْثْ [جَارْ أَسنْ].
1SA 20:40 [خنِّي] إِوْشَا يُونَاثَانْ ڒقْشُوعْ [ن ڒسْنَاحْ نّسْ] إِ ؤُحُوذْرِي إِ ثُوغَا غَارسْ إِدْجَانْ، إِنَّا أَسْ: ”ؤُيُورْ، أَرّْ إِ-ثنْ غَارْ ثنْذِينْثْ!“
1SA 20:41 [ؤُمِي] يُويُورْ ؤُحُوذْرِي، إِكَّارْ ذَاوُوذْ زڭْ ؤُغزْذِيسْ ن لْجَانُوبْ، إِوْضَا س ؤُغمْبُوبْ نّسْ غَارْ ثمُّورْثْ ؤُشَا يُوضَارْ ثْڒَاثَا ن ثْوَاڒَاوِينْ. نِيثْنِي سُّوذْمنْ أَيَاوْيَا، رُونْ س ثْنَاينْ إِذْسنْ أَڒَامِي ذَاوُوذْ يَارْنِي ذَايسْ.
1SA 20:42 ؤُ يُونَاثَانْ إِنَّا إِ ذَاوُوذْ: ”ؤُيُورْ ذِي ڒهْنَا. أَقَا نجُّودْجْ س ثْنَاينْ إِذْنغْ س يِيسمْ ن سِيذِي، ننَّا: ’أَذْ يِيڒِي سِيذِي ذ أَشهَّاذْ جَارْ أَيِي ذ شكْ، جَارْ زَّارِيعثْ إِنُو ذ زَّارِيعثْ نّشْ إِ ڒبْذَا!‘ “
1SA 21:1 خنِّي إِكَّارْ [ذَاوُوذْ]، يُويُورْ، ؤُشَا يُوذفْ يُونَاثَانْ غَارْ ثنْذِينْثْ.
1SA 21:2 [خنِّي] يِيوضْ ذَاوُوذْ غَارْ نُوبْ غَارْ ؤُكهَّانْ أَخِيمَالِيكْ. أَخِيمَالِيكْ إِفّغْ-د غَارْ ذَاوُوذْ يَارْجفْ، إِنَّا أَسْ: ”مَايمِّي شكْ وحّْذكْ، وَارْ كِيذكْ ؤُڒَا ذ إِجّْ؟“
1SA 21:3 ذَاوُوذْ إِنَّا إِ ؤُكهَّانْ أَخِيمَالِيكْ: ”أَجدْجِيذْ إِوْشَا أَيِي إِجّْ ن وَارقَّاسْ، إِنَّا أَيِي: ’ؤُڒَا ذ إِجّْ وَارْ إِتّْرِيڭِّيبْ خْ ثْمسْڒَاشْثْ إِ ذ أَشْ د-سّكّغْ ؤُ خَاكْ ڭِّيغْ!‘ سَارْڭْبغْ إِ إِمْسخَّارنْ أَقَا [أَذْ رُوحنْ] غَارْ ومْشَانْ-أَ ذ ومْشَانْ-إِنْ.
1SA 21:4 خنِّي ڒخُّو، مِينْ غَاركْ؟ أوْشْ أَيِي خمْسَا ن ثشْنِيفِينْ ذڭْ ؤُفُوسْ نِيغْ مِينْ مَا ثْزمَّارذْ أَذْ ثَافذْ.“
1SA 21:5 أَكهَّانْ يَارَّا-د خْ ذَاوُوذْ، إِنَّا: ”وَارْ ذِينْ أَغْرُومْ إِ مَاشَّا غَارْ ؤُفُوسْ، مْغِيرْ أَغْرُومْ أَمْقدّسْ وَاهَا إِ ذَا. معْلِيكْ إِمْسخَّارنْ ثُوغَا تَّاڭّْوجنْ وَاهَا خْ ثمْغَارِينْ!“
1SA 21:6 ذَاوُوذْ يَارَّا-د خْ ؤُكهَّانْ، إِنَّا أَسْ: ”س ثِيذتّْ، ثِيمْغَارِينْ تّْوَاحيّْذنْثْ خَانغْ أَمْ مَامّشْ ثدْجَا لْقَاعِيذَا زڭْ وَامِي فّْغغْ، ؤُ ڒقْشُوعْ ن إِمْسخَّارنْ تّْوَاقدّْسنْ. وَاخَّا أَمنِّي مَانَاوْيَا ذ إِجّْ ن وُوفُّوغْ أَمْ ڒبْذَا، أَقَا ؤُفُّوغْ-أَ إِتّْوَاقدّسْ أَسّْ-أَ س ڒقْشُوعْ.“
1SA 21:7 [خنِّي] إِوْشَا أَسْ ؤُكهَّانْ [أَغْرُومْ] إِقدّْسنْ، مَاغَارْ وَارْ ثُوغِي ذِينِّي أَغْرُومْ مْغِيرْ أَغْرُومْ ن وسْشَانْ نِّي إِتّْوَاكّسْ زِي زَّاثْ إِ وُوذمْ ن سِيذِي، حِيمَا أَذْ سَّارْسنْ ذڭْ ومْشَانْ نّسْ أَغْرُومْ إِحْمَا ذڭْ وَاسّْ نِّي إِتّْوَاكّسْ.
1SA 21:8 ذڭْ وَاسّْ نِّي ثُوغَا ذِينِّي إِجّْ زڭْ إِمْسخَّارنْ ن شَاوُولْ. نتَّا ثُوغَا إِتّْوَاحْصَارْ ذِينِّي زَّاثْ إِ وُوذمْ ن سِيذِي. قَّارنْ أَسْ ذُووَاعْ، زِي إِذُومْ. نتَّا ثُوغَا غَارسْ صُّولْطَا أَطَّاسْ جَارْ إِمكْسَاونْ إِنِّي [إِدْجَانْ] غَارْ شَاوُولْ.
1SA 21:9 ؤُشَا إِنَّا ذَاوُوذْ إِ أَخِيمَالِيكْ: ”مَا وَارْ ذَا غَاركْ إِشْثْ ن لَانْسَا نِيغْ إِجّْ ن سِّيفْ غَارْ ؤُفُوسْ؟ مَاغَارْ وَارْ كِيذِي كْسِيغْ سِّيفْ ذ ڒسْنَاحْ إِنُو ذڭْ ؤُفُوسْ إِنُو، مِينْزِي ثَامسْڒَاشْثْ ن ؤُجدْجِيذْ ثُوغَا ثتّْقدْجِيقْ.“
1SA 21:10 إِنَّا ؤُكهَّانْ: ”سِّيفْ ن جُولْيَاثْ، أَفِيلِيسْطِينِي ونِّي خْ ثْغڒْبذْ ذِي ڒوْضَا ن ثغْزُورْثْ ن إِلَا، أَقَا-ث [ذَا]، إِتّْوَانّضْ ذڭْ إِجّْ ن وَارُّوضْ أَوَارْنِي إِ ؤُپَالْطُو ن إِكهَّاننْ. مَاڒَا ثخْسذْ أَذْ ث ثكْسِيذْ، كْسِي ث، مِينْزِي وَارْ ذَا وَالُو مْغِيرْ وَانِيثَا.“ إِنَّا ذَاوُوذْ: ”وَارْ إِدْجِي إِجّْ أَمْ نتَّا! أوْشْ أَيِي ث!“
1SA 21:11 إِكَّارْ ذَاوُوذْ، يَارْوڒْ ذڭْ وَاسّْ نِّي زَّاثْ إِ وُوذمْ ن شَاوُولْ ؤُشَا نتَّا يُوسَا-د غَارْ أَخِيشْ، أَجدْجِيذْ ن جَاثْ.
1SA 21:12 إِمْسخَّارنْ ن أَخِيشْ نَّانْ أَسْ: ”مَا وَانِيثَا وَارْ إِدْجِي ذ ذَاوُوذْ، أَجدْجِيذْ ن ثمُّورْثْ؟ مَا وَارْ إِدْجِي ذ ونِّي زِيغنّْجنْثْ، شضْحنْثْ ثمْغَارِينْ س نُّوبْثَاثْ، قَّارنْثْ: ’شَاوُولْ إِغْڒبْ خْ ڒُوڒُوفْ نّسْ، مَاشَا ذَاوُوذْ خْعشْرَا ن ڒُوڒُوفْ نّسْ؟‘ “
1SA 21:13 ذَاوُوذْ يَارَّا أَوَاڒنْ-أَ غَارْ وُوڒْ نّسْ ؤُ ثُوغَا إِتّڭّْوذْ أَطَّاسْ زَّاثْ إِ وُوذمْ ن أَخِيشْ، أَجدْجِيذْ ن جَاثْ.
1SA 21:14 [خنِّي] إِڭَّا إِخفْ نّسْ أَخْمِي إِودَّارْ ڒعْقڒْ نّسْ زَّاثْ إِ ثِيطَّاوِينْ نْسنْ، إِڭَّا أَخْمِي إِجّنْ ذَايسْ أَطمّسْ ؤُمِي خَاسْ سَّارْسنْ إِفَاسّنْ، ؤُشَا إِبْذَا إِخبّشْ ذِي ثوُّورَا ن ثوَّارْثْ [ن ثنْذِينْثْ]، إِجَّا إِكُوفَّانْ نّسْ هكّْوَانْ-د خْ ثْمَارْثْ نّسْ.
1SA 21:15 [خنِّي] إِنَّا أَخِيشْ إِ إِمْسخَّارنْ نّسْ: ”خْزَارمْ، كنِّيوْ ثتّْوَاڒَامْ أَقَا أَرْيَازْ إِبُّوهْڒِي. مَايمِّي إِ-ث-إِ-د-ثِيوْيمْ غَارِي؟“
1SA 21:16 مَا تّْخصَّانْ أَيِي إِبُوهَاڒِييّنْ، أَقَا ثِيوْيمْ-د غَارِي وَانِيثَا مَاحنْذْ أَذْ غَارِي إِڭّْ ثُوبُّوهڒْيَا؟ مَا ذ وَانِيثَا إِ د غَا يَاذْفنْ غَارْ ثَادَّارْثْ إِنُو؟“
1SA 22:1 [خنِّي] يُويُورْ ذَاوُوذْ سّنِّي، إِسّنْجمْ إِخفْ نّسْ غَارْ إِفْرِي ن أَذُولَّامْ. أَيْثْمَاسْ ذ مَارَّا ثَادَّارْثْ ن بَابَاسْ سْڒَانْ أَيَا ؤُشَا هْوَانْ غَارسْ ذِينِّي.
1SA 22:2 ؤُشَا [كُوڒْ] أَرْيَازْ نِّي ثُوغَا ذِي شَا ن ڒحْصَارثْ ؤُ [كُوڒْ] أَرْيَازْ إِ ذِي ثُوغَا إِدْجَا ؤُمَارْوَاسْ ؤُ [كُوڒْ] أَرْيَازْ س ڒْبَاڒْ ذ أَمرْزَاڭْ، أَقَا [مَارَّا] نِيثْنِي فّْغنْ غَارسْ ؤُشَا نتَّا إِذْوڒْ ذ أَمْڭوّذْ نْسنْ. ثُوغَا غَارسْ ڒْقدّْ ن أَربْعَا-مْيَا ن يرْيَازنْ.
1SA 22:3 سّنِّي إِفّغْ ذَاوُوذْ غَارْ مِيصْفَاثْ ذِي مُوآبَ. إِنَّا نتَّا إِ ؤُجدْجِيذْ ن مُوآبَ: ”أجّْ بَابَا ذ يمَّا أَذْ غَارْومْ د-أَسنْ، أَڒْ غَا سّْنغْ مِينْ كِيذِي إِ غَا يڭّْ سِيذِي.“
1SA 22:4 نتَّا يِيوْيِي ثنْ زَّاثْ إِ وُوذمْ ن ؤُجدْجِيذْ ن مُوآبَ ؤُشَا نِيثْنِي قِّيمنْ غَارسْ مَارَّا ؤُسَّانْ إِ ذِي إِكَّا ذَاوُوذْ ذِي لْبُورْجْ [ذڭْ إِذُورَارْ].
1SA 22:5 [مَاشَا] أَنَابِي جَاثْ إِنَّا إِ ذَاوُوذْ: ”وَارْ تّْغِيمِي ذِي لْبُورْجْ [ذڭْ إِذُورَارْ]، مَاشَا أَڭّْوجْ، أَذْ ثَاذْفذْ غَارْ ثمُّورْثْ ن يَاهُوذَا!“ [خنِّي] يُويُورْ ذَاوُوذْ، يِيوضْ غَارْ وزْغَارْ ن حَارِيثْ.
1SA 22:6 شَاوُولْ إِسْڒَا بلِّي ذَاوُوذْ ذ إِرْيَازنْ، إِنِّي ثُوغَا غَارسْ [إِدْجَانْ]، تّْوَافنْ. ثُوغَا شَاوُولْ إِقِّيمْ ذِي جِيبْعَا سَاذُو إِشْثْ ن ثْشجَّارْثْ ن ثْمَارِيسْثْ غَارْ رَامَا. ثُوغَا غَارسْ إِشْثْ ن لَانْسَا ذڭْ ؤُفُوسْ نّسْ ؤُ مَارَّا إِمْسخَّارنْ نّسْ بدّنْ غَارسْ.
1SA 22:7 إِنَّا شَاوُولْ إِ إِمْسخَّارنْ نّسْ إِ غَارسْ إِبدّنْ: ”تّْزَاوْڭغْ، سْڒمْ، كنِّيوْ أَيْثْ ن بِينْيَامِينْ! مَا أَذْ إِوْشْ مِّيسْ ن يَاسَّا إِيَّارنْ ذ إِمَارْجَاعنْ ن ؤُضِيڒْ إِ كنِّيوْ مَارَّا؟ مَا أَذْ يَارّْ كنِّيوْ مَارَّا ذ إِمقّْرَاننْ خْ وَاڒفْ ذ إِمقّْرَاننْ خْ مْيَا؟
1SA 22:8 أَقَا كنِّيوْ مَارَّا ثڭِّيمْ خَافِي ثَامعْمُوتْشْ ؤُشَا ؤُڒَا ذ إِجّنْ وَارْ ذ أَيِي إِسَّارْڭبْ بلِّي مِّي إِڭَّا إِجّْ ن ڒْعَاهْذْ أَكْ-ذ مِّيسْ ن يَاسَّا ؤُشَا ؤُڒَا ذ إِجّْ زَّايْومْ وَارْ ذ أَسْ شْقِيغْ، وَارْ ذ أَيِي ثسَّارْڭْبمْ أَقَا مِّي إِسَّامَارْ أَمْسخَّارْ إِنُو خَافِي مَاحنْذْ أَذْ خَافِي إِزيَّارْ س ثْحْرَايْمشْثْ أَمْ مَامّشْ [إِدْجَا] أَسّْ-أَ.“
1SA 22:9 [خنِّي] يَارَّا-د ذُووَاعْ، ونِّي إِدْجَانْ زِي إِذُومْ، ونِّي ذ أَمحْضَايْ خْ إِمْسخَّارنْ ن شَاوُولْ، إِنَّا: ”نشّْ ژْرِيغْ مِّيسْ ن يَاسَّا ڒَامِي د-يُوسَا ذِي نُوبْ غَارْ أَخِيمَالِيكْ، مِّيسْ ن أَخِيطُوبْ.
1SA 22:10 نتَّا إِتَّارْ سِيذِي ذِي طّْوعْ نّسْ، إِوْشَا أَسْ مَاشَّا ؤُڒَا ذ سِّيفْ ن جُولْيَاثْ، أَفِيلِيسْطِينِي.“
1SA 22:11 [خَاسْ ؤُشَا] إِسّكّْ ؤُجدْجِيذْ [إِجّْ] مَاحنْذْ أَذْ د-إِڒَاغَا خْ ؤُكهَّانْ أَخِيمَالِيكْ، مِّيسْ ن أَخِيطُوبْ، [جْمِيعْ] أَكْ-ذ مَارَّا ثَادَّارْثْ ن بَابَاسْ، إِكهَّاننْ، إِنِّي [إِدْجَانْ] ذِي نُوبْ. ؤُشَا مَارَّا ؤُسِينْ-د غَارْ ؤُجدْجِيذْ.
1SA 22:12 إِنَّا شَاوُولْ: ”سڒْ، شكْ، مِّيسْ ن أَخِيطُوبْ!“ نتَّا يَارَّا-د: ”خْزَارْ، أَقَا أَيِي ذَا، أَ سِيذِي إِنُو!“
1SA 22:13 شَاوُولْ إِنَّا أَسْ: ”مَايمِّي خَافِي ثڭِّيمْ ثَامعْمُوتْشْ، شكْ ذ مِّيسْ ن يَاسَّا، أَقَا شكْ ثوْشِيذْ أَسْ مَاشَّا ذ سِّيفْ ؤُ ثتَّارذْ أَربِّي ذِي طّْوعْ نّسْ حِيمَا أَذْ خَافِي إِغوّغْ ؤُ أَذْ خَافِي إِزيَّارْ، أَمْ مَامّشْ [إِدْجَا] أَسّْ-أَ.“
1SA 22:14 يَارَّا-د أَخِيمَالِيكْ خْ ؤُجدْجِيذْ، إِنَّا: ”مَانْ ونْ زِي مَارَّا إِمْسخَّارنْ نّشْ ذ أَمْثِيقِّي أَمْ ذَاوُوذْ، أَضڭّْوَاڒْ ن ؤُجدْجِيذْ، ؤُ [مَانْ ونْ] إِ غَا يَاوْضنْ [أَمنِّي] غَارْ إِمْثِيقَّانْ نّشْ ؤُ وِي غَارْ إِدْجَا شَّانْ [أَمُّو] ذِي ثَادَّارْثْ نّشْ؟
1SA 22:15 مَا أَسّْ-أَ وَاهَا إِ كَّارغْ أَذْ تَّارغْ سِيذِي ذِي طّْوعْ نّسْ؟ أَقَا مَانْ أَيَا إِڭّْوجْ خَافِي. أجّْ أَجدْجِيذْ وَارْ إِنطَّارْ ڒْبَاطڒْ خْ ؤُمْسخَّارْ نّسْ نِيغْ خْ مَارَّا ثَادَّارْثْ ن بَابَا ذِي سِّيبّثْ ن شَا ن ڒْحَاجّثْ، مِينْزِي أَمْسخَّارْ نّشْ وَارْ إِسِّينْ وَالُو خْ مَارَّا أَيَا، مَا [ذ ثَامسْڒَاشْثْ] ذ ثَامژْيَانْثْ نِيغْ ذ ثَامقّْرَانْثْ [إِ ثدْجَا].“
1SA 22:16 [مَاشَا] أَجدْجِيذْ إِنَّا: ”شكْ س ثِيذتّْ أَذْ ثمّْثذْ، [أَ] أَخِيمَالِيكْ، شكْ ذ مَارَّا ثَادَّارْثْ ن بَابَاشْ.“
1SA 22:17 أَجدْجِيذْ إِنَّا إِ إِڒقَّاسنْ ن ثَازْڒَا نِّي غَارسْ-د إِبدّنْ: ”نْقڒْبمْ ؤُ نْغمْ إِكهَّاننْ ن سِيذِي، مَاغَارْ ؤُڒَا ذ نِيثْنِي وْشِينْ أَفُوسْ إِ ذَاوُوذْ، مِينْزِي نِيثْنِي سّْننْ أَقَا نتَّا ثُوغَا إِتّْرَاكّْوَاڒْ ؤُ نِيثْنِي وَارْ ذ أَيِي خَاسْ سَّارْڭْبنْ شَا.“ [مَاشَا] إِمْسخَّارنْ ن ؤُجدْجِيذْ وَارْ خْسنْ أَذْ سّْوِيژّْضنْ أَفُوسْ نْسنْ، حِيمَا أَذْ زَّايسْ وْثنْ إِكهَّاننْ ن سِيذِي.
1SA 22:18 [خنِّي] إِنَّا ؤُجدْجِيذْ إِ ذُووَاعْ: ”نقْڒبْ، وّثْ إِكهَّاننْ!“ [خنِّي] إِنّقْڒبْ ذُووَاعْ، ونِّي إِدْجَانْ زِي إِذُومْ، إِوْثَا إِكهَّاننْ. ذڭْ وَاسّْ نِّي إِنْغَا نتَّا خمْسَا ؤُ-ثْمَانْيِينْ ن يرْيَازنْ نِّي يَارْضنْ أَپَالْطُو [ن ؤُكهَّانْ].
1SA 22:19 نتَّا إِوْثَا ؤُڒَا ذ نُوبْ، ثَانْذِينْثْ ن إِكهَّاننْ، س ڒقْضعْ ن سِّيفْ، إِرْيَازنْ ذ ثمْغَارِينْ، إِحنْجِيرنْ ذ إِسيْمَانْ. إِوْثَا عَاوذْ إِفُونَاسنْ ذ يغْيَاڒْ ذ وُودْجِي س ڒقْضعْ ن سِّيفْ.
1SA 22:20 إِجّْ زڭْ وَارَّاوْ ن أَخِيمَالِيكْ، مِّيسْ ن أَخِيطُوبْ، إِسّنْجمْ إِخفْ نّسْ. [ثُوغَا] إِسمْ نّسْ أَبْيَاثَارْ ؤُ نتَّا إِقدْجقْ [إِخفْ نّسْ] أَوَارْنِي إِ ذَاوُوذْ.
1SA 22:21 أَبْيَاثَارْ إِحَاجَا إِ ذَاوُوذْ، أَقَا شَاوُولْ ثُوغَا إِنْغَا إِكهَّاننْ ن سِيذِي.
1SA 22:22 [خنِّي] إِنَّا ذَاوُوذْ إِ أَبْيَاثَارْ: ”ذڭْ وَاسّْ نِّي، ؤُمِي ثُوغَا ذُووَاعْ زِي إِذُومْ ذِينِّي، سّْنغْ أَقَا نتَّا أَذْ إِحَاجَا أَيَا إِ شَاوُولْ. نشّْ ذ ونِّي خْ [إِدْجَانْ] مَارَّا ڒعْمُورْ ن ثَادَّارْثْ ن بَابَاشْ.
1SA 22:23 قِيمْ غَارِي، وَارْ تّڭّْوذْ شَا، مَاغَارْ ونِّي يَارزُّونْ [أَذْ إِنغْ] ڒعْمَارْ إِنُو، يَارزُّو [أَذْ إِنغْ] ؤُڒَا ذ ڒعْمَارْ نّشْ. أَقَا شكْ [عَاوذْ] غَارِي ذِي ڒَامَانْ.“
1SA 23:1 حَاجَانْ إِ ذَاوُوذْ، نَّانْ: ”أَقَا إِفِيلِيسْطِينِييّنْ تّْمنْغَانْ أَكْ-ذ قَاعِيلَا ؤُشَا تّْكشَّاضنْ إِنذْرَارْ.“
1SA 23:2 إِسّقْسَا ذَاوُوذْ سِيذِي، إِنَّا: ”مَا أَذْ فّْغغْ ذِينْ، أَذْ وْثغْ إِفِيلِيسْطِينِييّنْ؟“ سِيذِي يَارَّا-د خْ ذَاوُوذْ: ”فّغْ، وّثْ إِفِيلِيسْطِينِييّنْ ؤُشَا فكّْ قَاعِيلَا!“
1SA 23:3 نَّانْ أَسْ يرْيَازنْ ن ذَاوُوذْ: ”خْزَارْ، نشِّينْ نتّڭّْوذْ [ذغْيَا] ذَا ذِي يَاهُوذَا، مَامّشْ عَاذْ مَاڒَا نشِّينْ نفّغْ غَارْ قَاعِيلَا غَارْ إِسذِّييّنْ ن ڒْعسْكَارْ ن إِفِيلِيسْطِينِييّنْ.“
1SA 23:4 ؤُشَا ذَاوُوذْ إِسّقْسَا سِيذِي ثْوَاڒَا نّغْنِيثْ ؤُ سِيذِي يَارَّا-د خَاسْ، إِنَّا: ”كَّارْ، هْوَا غَارْ قَاعِيلَا، مِينْزِي نشّْ أَذْ أَشْ وْشغْ إِفِيلِيسْطِينِييّنْ ذڭْ إِفَاسّنْ [نّشْ].“
1SA 23:5 [خَاسْ ؤُشَا] إِفّغْ ذَاوُوذْ أَكْ-ذ يرْيَازنْ نّسْ غَارْ قَاعِيلَا، إِمّْنغْ أَكْ-ذ إِفِيلِيسْطِينِييّنْ. نتَّا يُوژّڒْ خْ ثْحِيمَارِينْ نْسنْ ؤُشَا إِوْثَا ثنْ س إِشْثْ ن ثشْثِي ذ ثَامقّْرَانْثْ. [أَمُّو إِ] إِفكّْ ذَاوُوذْ إِمزْذَاغْ ن قَاعِيلَا.
1SA 23:6 ؤُمِي أَبْيَاثَارْ، مِّيسْ ن أَخِيمَالِيكْ، يَارْوڒْ غَارْ ذَاوُوذْ غَارْ قَاعِيلَا، إِمْسَارْ، نتَّا أَقَا إِهْوَا أَكْ-ذ ؤُپَالْطُو [ن ؤُكهَّانْ] ذڭْ إِفَاسّنْ نّسْ.
1SA 23:7 حَاجَانْ أَسْ إِ شَاوُولْ، أَقَا ذَاوُوذْ يِيوضْ غَارْ قَاعِيلَا. [خنِّي] إِنَّا شَاوُولْ: ”أَربِّي إِڭَّا أَيِي إِ-ث ذڭْ ؤُفُوسْ إِنُو، مِينْزِي نتَّا إِتّْوَاحبّسْ أَڒَامِي يُوذفْ غَارْ إِشْثْ ن ثنْذِينْثْ س ثوُّورَا ذ زّكْرُونَاثْ.“
1SA 23:8 إِجَّا شَاوُولْ أَذْ ڒَاغَانْ خْ مَارَّا ڒْڭنْسْ غَارْ ؤُمنْغِي، حِيمَا أَذْ هْوَانْ غَارْ قَاعِيلَا مَاحنْذْ أَذْ نّْضنْ إِ ذَاوُوذْ ذ يرْيَازنْ نّسْ.
1SA 23:9 [ڒَْامِي] يَارْڭبْ ذَاوُوذْ بلِّي شَاوُولْ إِسّوْجذْ أَسْ ثُوعفّْنَا-يَا س ثْنُوفّْرَا، إِنَّا نتَّا إِ ؤُكهَّانْ أَبْيَاثَارْ: ”أَوِي-د أَپَالْطُو [ن ؤُكهَّانْ] ذَا!“
1SA 23:10 إِنَّا ذَاوُوذْ: ”[أَ] سِيذِي، أَربِّي ن إِسْرَائِيل، أَمْسخَّارْ نّشْ إِسْڒَا نِيشَانْ، أَقَا شَاوُولْ إِعمّذْ أَذْ د-يَاسْ غَارْ قَاعِيلَا، حِيمَا أَذْ إِخَارّبْ ثَانْذِينْثْ ذِي سِّيبّثْ إِنُو.
1SA 23:11 مَا أَذْ أَيِي سّعْذُونْ إِمزْذَاغْ ن قَاعِيلَا ذڭْ ؤُفُوسْ نّسْ؟ مَا أَذْ إِهْوَا شَاوُولْ أَمْ مَامّشْ إِسْڒَا ؤُمْسخَّارْ نّشْ؟ [أَ] سِيذِي، أَربِّي ن إِسْرَائِيل، إِنِي ث إِ ؤُمْسخَّارْ نّشْ!“ سِيذِي يَارَّا-د: ”نتَّا أَذْ إِهْوَا.“
1SA 23:12 [خَاسْ ؤُشَا] إِنَّا ذَاوُوذْ: ”مَا إِمزْذَاغْ ن قَاعِيلَا أَذْ سّعْذُونْ نشّْ ذ يرْيَازنْ إِنُو إِ شَاوُولْ؟“ إِنَّا سِيذِي ”نِيثْنِي أَذْ [شكْ] سّعْذُونْ.“
1SA 23:13 [خَاسْ ؤُشَا] إِكَّارْ ذَاوُوذْ أَكْ-ذ يرْيَازنْ نّسْ، أَمنِّي ستَّا مْيَا ن يرْيَازنْ، ؤُشَا فّْغنْ نِيثْنِي زِي قَاعِيلَا، ذوْڒنْ ڭُّورنْ مَانِي مَا زمَّارنْ أَذْ ؤُيُورنْ. [ؤُمِي] إِتّْوَانَّا إِ شَاوُولْ، أَقَا إِنْجمْ-د ذَاوُوذْ زِي قَاعِيلَا، إِجَّا [زڭْ وبْرِيذْ نّسْ]، وَارْ إِفِّيغْ شَا.
1SA 23:14 ذَاوُوذْ إِقِّيمْ ذِي ڒخْڒَا ذِي لْقلْعَاثْ ن إِذُورَارْ ؤُشَا إِقِّيمْ خْ إِذُورَارْ ذِي ڒخْڒَا ن زِيفْ. شَاوُولْ يَارْزُو خَاسْ مَارَّا ؤُسَّانْ، [مَاشَا] أَربِّي وَارْ ث إِڭِّي ذڭْ ؤُفُوسْ نّسْ.
1SA 23:15 [ؤُمِي] إِژْرَا ذَاوُوذْ، أَقَا شَاوُولْ ثُوغَا إِفّغْ حِيمَا أَذْ خَاسْ يَارْزُو، [ثُوغَا] ذَاوُوذْ ذِي ڒخْڒَا ن زِيفْ ذِي خُورِيسَا.
1SA 23:16 [خنِّي] إِكَّارْ يُونَاثَانْ، مِّيسْ ن شَاوُولْ، ؤُشَا يُويُورْ غَارْ ذَاوُوذْ ذِي خُورِيسَا، إِسّجْهذْ أَفُوسْ نّسْ ذِي أَربِّي.
1SA 23:17 نتَّا إِنَّا أَسْ: ”وَارْ تّڭّْوذْ شَا، مِينْزِي أَفُوسْ ن بَابَا شَاوُولْ وَارْ شكْ د-إِتِّيكّْوِيضْ ؤُ شكْ أَذْ ثْذوْڒذْ ذ أَجدْجِيذْ خْ إِسْرَائِيل ؤُ نشّْ أَذْ ذوْڒغْ ذ وِيسّْ ثْنَاينْ غَاركْ. ؤُڒَا ذ بَابَا شَاوُولْ إِسّنْ أَيَا.“
1SA 23:18 ؤُ نِيثْنِي س ثْنَاينْ إِذْسنْ ڭِّينْ إِجّْ ن ڒْعَاهْذْ زَّاثْ إِ وُوذمْ ن سِيذِي. ذَاوُوذْ إِقِّيمْ ذِي خُورِيسَا ؤُ يُونَاثَانْ يَارڭّْوحْ غَارْ ثَادَّارْثْ نّسْ.
1SA 23:19 [خَاسْ] ؤُشَا ڭعّْذنْ يرْيَازنْ زِي زِيفْ غَارْ شَاوُولْ ذِي جِيبْعَا، نَّانْ: ”مَا وَارْ إِنُّوفَّارْ ذَاوُوذْ غَارْنغْ ذِي لْقلْعَاثْ [ذڭْ إِذُورَارْ] ذِي خُورِيسَا، خْ ثوْرِيرْثْ ن حَاخِيلَا، غَارْ لْجَانُوبْ ن ثْنزْرُوفْثْ؟
1SA 23:20 [خنِّي] ڒخُّو، [أَ] أَجدْجِيذْ، هْوَا-د عْلَاحْسَابْ مَارَّا مژْرِي ن وُوڒْ نّشْ. أَذْ ثِيڒِي [خنِّي] ثْمسْڒَاشْثْ نّغْ، حِيمَا أَذْ ث نسّعْذُو غَارْ ؤُفُوسْ ن ؤُجدْجِيذْ.“
1SA 23:21 شَاوُولْ إِنَّا: ”أَذْ ثتّْوَابَارْكمْ زِي سِيذِي، مِينْزِي شْقِيغْ أَومْ [أَمُّو].
1SA 23:22 ؤُيُورمْ، وجْذمْ عَاذْ كْثَارْ ؤُ حْضَامْ ؤُ سْنمْ ؤُ خْزَارمْ أَمْشَانْ مَانِي إِدْجَا ؤُضَارْ نّسْ ؤُ مَانْ ونْ إِ ث ذِينِّي إِژْرِينْ، مَاغَارْ قَّارنْ أَيِي، أَقَا نتَّا ذ أَحْرَايْمِي أَطَّاسْ.
1SA 23:23 حْضَامْ ؤُ سّْنمْ مَارَّا إِمُوشَانْ ن ثْنُوفّْرَا مَانِي إِسّْنُوفَّارْ إِخفْ نّسْ ؤُعقْبمْ مَاڒَا ثْكمّْڒمْ. [خنِّي] أَذْ كِيذْومْ ؤُيُورغْ ؤُ مَاڒَا نتَّا ذِي ثمُّورْثْ، نشّْ أَذْ خَاسْ أَرْزُوغْ جَارْ مَارَّا ڒُوڒُوفْ ن يَاهُوذَا.“
1SA 23:24 كَّارنْ نِيثْنِي، إِزَّارنْ زَّاثْ إِ وُوذمْ ن شَاوُولْ غَارْ زِيفْ. ذَاوُوذْ ذ يرْيَازنْ نّسْ ثُوغَا أَثنْ ذِي ڒخْڒَا ن مَاعُونْ، ذِي ڒوْضَا غَارْ لْجَانُوبْ ن ثْنزْرُوفْثْ.
1SA 23:25 شَاوُولْ ذ يرْيَازنْ نّسْ فّْغنْ حِيمَا أَذْ خَاسْ أَرْزُونْ. نَّانْ أَيَا إِ ذَاوُوذْ ؤُ نتَّا إِهْوَا-د زِي ڒجْرُوفْ ذِي ڒخْڒَا ن مَاعُونْ. [ؤُمِي] ث إِسْڒَا شَاوُولْ، [ڒخْذنِّي] إِضْفَارْ نتَّا ذَاوُوذْ ذِي ڒخْڒَا ن مَاعُونْ.
1SA 23:26 شَاوُولْ إِكَّا خْ إِجّْ ن ؤُغزْذِيسْ ن وذْرَارْ ؤُ ذَاوُوذْ ذ يرْيَازنْ نّسْ كّنْ خْ ؤُغزْذِيسْ نّغْنِي ن وذْرَارْ. ڒَامِي إِقدْجقْ ذَاوُوذْ مَاحنْذْ أَذْ يَاڭّْوجْ خْ وُوذمْ ن شَاوُولْ، إِمْسَارْ، أَقَا شَاوُولْ ذ يرْيَازنْ نّسْ نّْضنْ-د إِ ذَاوُوذْ ذ يرْيَازنْ نّسْ حِيمَا أَذْ ثنْ طّْفنْ.
1SA 23:27 [مَاشَا] يُوسَا-د إِجّْ ن ؤُرقَّاسْ غَارْ شَاوُولْ إِنَّا: ”ذغْيَا، أَسْ-د، مِينْزِي إِفِيلِيسْطِينِييّنْ هجْمنْ خْ ثمُّورْثْ!“
1SA 23:28 [خنِّي] إِعْقبْ-د شَاوُولْ زڭْ وضْفَارْ ن ذَاوُوذْ ؤُشَا إِفّغْ غَارْ ؤُمْسَاڭَارْ أَكْ-ذ إِفِيلِيسْطِينِييّنْ. خْ ؤُيَا قَّارنْ أَسْ إِ ومْشَانْ نِّي سَالَاعْ-هَا-مَاخْلِيكُوثْ.
1SA 24:1 يُويُورْ ذَاوُوذْ سّنِّي ؤُشَا إِقِّيمْ ذِي لْقلْعَاثْ [ذڭْ إِذُورَارْ] ن عَايْنْ-جَاذِي.
1SA 24:2 ؤُشَا إِمْسَارْ، ؤُمِي د-إِعْقبْ شَاوُولْ زڭْ وضْفَارْ ن إِفِيلِيسْطِينِييّنْ، عَاوْذنْ أَسْ، نَّانْ: ”ذَاوُوذْ أَقَا-ث ذِي ڒخْڒَا ن عَايْنْ-جَاذِي.“
1SA 24:3 [خنِّي] إِكْسِي شَاوُولْ ثڒْثْ-أَڒَافْ ن يرْيَازنْ إِتّْوَافَارْزنْ زِي مَارَّا إِسْرَائِيل، إِفّغْ حِيمَا أَذْ يَارْزُو خْ ذَاوُوذْ ذ يرْيَازنْ نّسْ أَرنْذَاذْ ن ثْصُوضَارْ ن إِغَايْضنْ ن ڒجْرُوفْ.
1SA 24:4 نتَّا يُوسَا-د غَارْ ڒْكُورِييَّاثْ ن وُودْجِي إِ [إِدْجَانْ] غَارْ وبْرِيذْ مَانِي ثُوغَا إِدْجَا إِجّْ ن يفْرِي. شَاوُولْ يُوذفْ غَارسْ، حِيمَا أَذْ إِذڒْ إِضَارنْ نّسْ. ثُوغَا ذَاوُوذْ ذ يرْيَازنْ نّسْ قِّيمنْ غَارْ ضفَّارْ ذڭْ إِفْرِي.
1SA 24:5 [خنِّي] نَّانْ أَسْ يرْيَازنْ ن ذَاوُوذْ: ”خْزَارْ، وَا ذ أَسّْ إِ خْ ذ أَشْ إِنَّا سِيذِي: ’خْزَارْ، نشّْ أَذْ أَشْ ڭّغْ ڒعْذُو نّشْ ذڭْ ؤُفُوسْ نّشْ ؤُ شكْ ثْزمَّارذْ أَكِيذسْ ثڭّذْ مِينْ ثتّْوَاڒِيذْ نِيشَانْ ذِي ثِيطَّاوِينْ نّشْ.“ ؤُشَا إِكَّارْ ذَاوُوذْ، إِقسّْ س ثْنُوفّْرَا إِجّْ ن طَّارْفْ زڭْ ؤُسڒْهَامْ ن شَاوُولْ.
1SA 24:6 أَوَارْنِي أَسْ [مَاشَا] إِسّْذوْذِيوْ ؤُڒْ ن ذَاوُوذْ ذَايسْ، مِينْزِي نتَّا ثُوغَا إِشَارّڭْ إِجّْ ن طَّارْفْ [زڭْ ؤُسڒْهَامْ] ن شَاوُولْ.
1SA 24:7 نتَّا إِنَّا إِ يرْيَازنْ نّسْ: ”سِيذِي أَذْ أَيِي إِحْضَا أَقَا نشّْ أَذْ ڭّغْ أَيَا إِ سِيذِي إِنُو، إِ ؤُمذْهُونْ ن سِيذِي، أَقَا أَذْ سّْوِيژّْضغْ أَفُوسْ إِنُو ضِيدّْ نّسْ، مَاغَارْ نتَّا ذ أَمذْهُونْ ن سِيذِي!“
1SA 24:8 إِسِّيوڒْ ذَاوُوذْ أَكْ-ذ يرْيَازنْ نّسْ س وَاوَاڒنْ إِقسْحنْ ؤُ وَارْ ثنْ إِجِّي أَذْ هجْمنْ خْ شَاوُولْ. ؤُ شَاوُولْ إِكَّارْ، إِفّغْ-د زڭْ إِفْرِي، إِطّفْ أَبْرِيذْ.
1SA 24:9 [خَاسْ ؤُشَا] إِكَّارْ ؤُڒَا ذ ذَاوُوذْ، إِفّغْ-د زڭْ إِفْرِي، إِڒَاغَا-د خْ شَاوُولْ، إِنَّا: ”سِيذِي إِنُو، أَجدْجِيذْ!“ ؤُ شَاوُولْ إِخْزَارْ غَارْ ضفَّارْ ؤُشَا يُوضَارْ ذَاوُوذْ س ؤُغمْبُوبْ [نّسْ] غَارْ ثمُّورْثْ، إِبنْذقْ.
1SA 24:10 إِنَّا ذَاوُوذْ إِ شَاوُولْ: ”مَايمِّي ثسْڒِيذْ غَارْ وَاوَاڒنْ ن إِوْذَانْ، إِنِّي إِقَّارنْ: ’خْژَارْ، ذَاوُوذْ إِخْسْ أَذْ أَشْ إِڭّْ ڒْغَارْ؟‘
1SA 24:11 خْزَارْ أَسّْ-أَ ثژْرِيذْ س ثِيطَّاوِينْ نّشْ، أَقَا سِيذِي إِڭَّا شكْ أَسّْ-أَ ذڭْ إِفْرِي ذڭْ ؤُفُوسْ إِنُو. نَّانْ أَيِي حِيمَا أَذْ شكْ نْغغْ، مَاشَا نشّْ حَاوْڒغْ خَاكْ، مِينْزِي نِّيغْ [أَكْ-ذ يِيخفْ إِنُو]: ’نشّْ وَارْ سّْوِيژَّاضغْ أَفُوسْ إِنُو ضِيدّْ إِ سِيذِي إِنُو، مَاغَارْ نتَّا ذ أَمذْهُونْ ن سِيذِي.‘
1SA 24:12 خْزَارْ بَابَا، طَّارْفْ ن ؤُسڒْهَامْ نّشْ أَقَا-ث ذڭْ ؤُفُوسْ إِنُو. ؤُمِي نشّْ شَارّْڭغْ إِجّْ ن طَّارْفْ ن ؤُپَارْثسُّو نّشْ، وَارْ شكْ نْغِيغْ. [خنِّي] سّنْ ؤُ خْزَارْ، أَقَا وَارْ غَارِي ذڭْ ؤُفُوسْ إِنُو ڒَا ذ ثُوعفّْنَا ؤُڒَا ذ أَخطُّو ؤُ نشّْ وَارْ كِيكْ خْضِيغْ شَا. [مَاشَا] شكْ ثَارزُّوذْ حِيمَا أَذْ أَيِي ثكّْسذْ ثُوذَارْثْ إِنُو.
1SA 24:13 سِيذِي أَذْ إِحْكمْ جَارْ أَيِي ذ شكْ ؤُشَا سِيذِي أَذْ إِنْثَاقمْ إِ نشّْ زَّايكْ، [مَاشَا] أَفُوسْ إِنُو وَارْ إِتِّيڒِي خَاكْ.
1SA 24:14 أَمْ مَامّشْ إِقَّارْ وَاوَاڒْ إِوزْننْ ن ڒجْذُوذْ: ’زڭْ إِعفَّاننْ إِتَّاسْ-د ثُوعفّْنَا!‘، مَاشَا أَفُوسْ إِنُو وَارْ إِتِّيڒِي ضِيدّْ إِ شكْ.
1SA 24:15 أَوَارْنِي مَانْ ونْ إِضفَّارْ ؤُجدْجِيذْ ن إِسْرَائِيل؟ مَانْ ونْ إِ ثْيمَّارذْ؟ أَوَارْنِي يِيجّْ ن وقْزِينْ إِمُّوثنْ، أَوَارْنِي إِ يِيجّْ ن ؤُينِّي ن ؤُشُورْذُو!
1SA 24:16 سِيذِي أَذْ يِيڒِي ذ ڒْقَاضِي نّغْ ؤُ نتَّا أَذْ إِحْكمْ جَارْ أَيِي ذ شكْ. نتَّا أَذْ إِخْزَارْ [ذِي مَانْ أَيَا] ؤُشَا أَذْ إِحْكمْ خْ دّعْوثْ إِنُو ؤُ نتَّا أَذْ أَيِي يَاغْ ثَاسْغَارْثْ زڭْ ؤُفُوسْ نّشْ.“
1SA 24:17 ؤُمِي إِكمّڒْ ذَاوُوذْ خْ ڒْهَارْذْ ن وَاوَاڒنْ-أَ إِ شَاوُولْ، إِمْسَارْ، أَقَا شَاوُولْ إِنَّا: ”مَا ثَا ذ ثْمِيجَّا نّشْ، مِّي ذَاوُوذْ؟“ [خنِّي] إِسّْڭعّذْ شَاوُولْ ثْمِيجَّا نّسْ، إِرُو.
1SA 24:18 إِنَّا نتَّا إِ ذَاوُوذْ: ”شكْ ذ أَمْسڭّذْ خَافِي نشّْ، مَاغَارْ شكْ ثڭِّيذْ أَكِيذِي مْلِيحْ، مَاشَا نشّْ ڭِّيغْ أَكِيذكْ ثُوعفّْنَا.
1SA 24:19 شكْ، [وَاهْ] شكْ ثسّشْنذْ أَيِي أَسّْ-أَ، مَامّشْ ذ أَيِي ثڭِّيذْ مْلِيحْ، مَاغَارْ سِيذِي ثُوغَا إِڭَّا أَيِي ذڭْ ؤُفُوسْ نّشْ ؤُ شكْ وَارْ ذ أَيِي ثنْغِيذْ شَا.
1SA 24:20 مَاغَارْ [مَاڒَا] إِجّْ ن ورْيَازْ يُوفَا ڒعْذُو نّسْ، مَا [خنِّي] أَذْ ث يجّْ أَذْ يُويُورْ أَبْرِيذْ [نّسْ] ذِي ڒْخَارْ؟ سِيذِي أَذْ شكْ إِخدْجصْ س ڒْخَارْ ذِي سِّيبّثْ ن مِينْ ذ أَيِي ثڭِّيذْ أَسّْ-أَ.
1SA 24:21 ڒخُّو سّْنغْ، أَقَا شكْ أَذْ ثْذوْڒذْ ذ أَجدْجِيذْ ؤُ ثَاڭلْذِيثْ ن إِسْرَائِيل أَذْ ثمْثنْ س ؤُفُوسْ نّشْ.
1SA 24:22 [خْ ؤُينِّي] جَّادْجْ أَيِي ڒخُّو غَارْ سِيذِي، أَقَا شكْ وَارْ ثْقطّْعضْ زَّارِيعثْ إِنُو أَوَارْنِي أَيِي ؤُ وَارْ ثتّكّْسذْ إِسمْ إِنُو زِي ثَادَّارْثْ ن بَابَا!“
1SA 24:23 ذَاوُوذْ إِجُّودْجْ إِ شَاوُولْ ؤُ شَاوُولْ يَارڭّْوحْ غَارْ ثَادَّارْثْ نّسْ ؤُ ذَاوُوذْ ذ يرْيَازنْ نّسْ ڭعّْذنْ غَارْ لْبُورْجْ [ذڭْ إِذُورَارْ].
1SA 25:1 شَامْوِيلْ إِمُّوثْ ؤُ مَارَّا إِسْرَائِيل إِمُونْ. نِيثْنِي وْثِينْ خَاسْ أَڭجْذُورْ ؤُ نضْڒنْ ث ذِي ثَادَّارْثْ نّسْ ذِي رَامَا. [خَاسْ ؤُشَا] إِكَّارْ ذَاوُوذْ، إِهْوَا غَارْ ڒخْڒَا ن فَارَانْ.
1SA 25:2 ثُوغَا ذِي مَاعُونْ إِجّْ ن ورْيَازْ ونِّي ثُوغَا غَارْ إِدْجَا وَاڭْڒَا ذِي كَارْمِيلْ. أَرْيَازْ ثُوغَا ذ بُو-وَاڭْڒَا أَڒْ طَّارْفْ، إِدْجَا غَارسْ ثڒْثْ-أَڒَافْ ن وُودْجِي ذ أَڒفْ ن إِغَايْضنْ. نتَّا ثُوغَا إِدْجَاسْ ؤُدْجِي نّسْ ذِي كَارْمِيلْ.
1SA 25:3 أَرْيَازْ تّْڒَاغَانْ أَسْ نَابَالْ ؤُ ثَامْغَارْثْ نّسْ تّْڒَاغَانْ أَسْ أَبِيجَايِيلْ. ثَامْغَارْثْ ثُوغَا غَارسْ ڒعْقڒْ مْلِيحْ ؤُ ثُوغَا-ت ذ مُوصْبِيحْ إِ ڒْخزْرَاثْ، مَاشَا أَرْيَازْ ثُوغَا إِقْسحْ ؤُ ثِيمڭَّا نّسْ ذ ثِيعفَّانِينْ [إِ دْجَانْثْ]. نتَّا ثُوغَا-ث أَمْ وُوڒْ نّسْ.
1SA 25:4 [ؤُمِي] إِسْڒَا ذَاوُوذْ ذِي ڒخْڒَا، أَقَا نَابَالْ ثُوغَا إِدْجَاسْ ؤُدْجِي نّسْ،
1SA 25:5 إِسّكّْ ذَاوُوذْعشْرَا ن إِمْسخَّارنْ ذِينْ. إِنَّا ذَاوُوذْ إِ إِحُوذْرِييّنْ: ”ڭَاعّْذمْ غَارْ كَارْمِيلْ ؤُ خْمِي غَا ثَاوْضمْ غَارْ نَابَالْ، إِتّْخصَّا أَومْ أَذْ ثسّقْسَامْ خْ ؤُمدُّورْ نّسْ ذڭْ يِيسمْ إِنُو.
1SA 25:6 إِتّْخصَّا أَذْ ثِينِيمْ أَمُّو: ’إِڒِي أَذْ خَاكْ يِيڒِي ڒهْنَا ؤُشَا أَذْ يِيڒِي ڒهْنَا خْ ثَادَّارْثْ نّشْ ذ ڒهْنَا [غَارْ] مَارَّا مِينْ إِدْجَانْ نّشْ!
1SA 25:7 أَقَا نشّْ سْڒِيغْ بلِّي شكْ غَاركْ إِروَّانْ. إِوَا خنِّي، إِمكْسَاونْ نِّي غَاركْ ثُوغَا أَثنْ أَكِيذْنغْ ؤُشَا نشِّينْ وَارْ ثنْ نْخوّجْ شَا ؤُشَا وَارْ ثنْ إِنْقِيصْ وَالُو زِي مِينْ غَارْسنْ مَارَّا ؤُسَّانْ إِ إِكِّينْ نِيثْنِي [أَكِيذْنغْ] ذِي كَارْمِيلْ.
1SA 25:8 سقْسَا إِمْسخَّارنْ نّشْ ؤُ نِيثْنِي أَذْ أَشْ إِنِينْ. أجّْ أَذْ أَفنْ إِمْسخَّارنْ أَرْضَا ذِي ثِيطَّاوِينْ نّشْ، مَاغَارْ نُوسَا-د غَارْ إِجّْ ن وَاسّْ ن وُورَارْ. تّْزَاوْڭغْ، أوْشْ إِ إِمْسخَّارنْ نّشْ ؤُ إِ مِّيشْ ذَاوُوذْ مِينْ غَا يَافْ ؤُفُوسْ نّشْ.‘ “
1SA 25:9 [ؤُمِي] إِوْضنْ إِمْسخَّارنْ ن ذَاوُوذْ [ذِينْ]، سِّيوْڒنْ أَكْ-ذ نَابَالْ مَارَّا أَوَاڒنْ-أَ ذڭْ يِيسمْ ن ذَاوُوذْ، ؤُشَا قِّيمنْ تّْرَاجَانْ.
1SA 25:10 [مَاشَا] نَابَالْ يَارَّا-د خْ إِمْسخَّارنْ ن ذَاوُوذْ، إِنَّا: ”مَانْ ونْ إِ إِدْجَانْ ذَاوُوذْ ؤُ مَانْ ونْ إِ إِدْجَانْ ذ مِّيسْ ن يَاسَّا؟ أَسّْ-أَ [أَقَا ذِينْ] أَطَّاسْ ن إِمْسخَّارنْ نِّي يَاروْڒنْ. كُوڒْ إِجّْ [يَارْوڒْ] زِي زَّاثْ ن وُوذمْ ن بَابْ نّسْ.
1SA 25:11 مَا أَذْ كْسِيغْ خنِّي أَغْرُومْ إِنُو ذ وَامَانْ إِنُو ذ ثْغَارْصْثْ إِ غَارْصغْ إِ إِروَّانْ إِنُو ؤُشَا أَذْ ث وْشغْ إِ يرْيَازنْ خْ يِينِّي وَارْ سِّينغْ ؤُڒَا ذ مَانِيسْ د-ؤُسِينْ نِيثْنِي؟“
1SA 25:12 [خنِّي] نّْقڒْبنْ إِمْسخَّارنْ ن ذَاوُوذْ غَارْ وبْرِيذْ إِ زِي د-ؤُسِينْ،عقْبنْ ؤُشَا ؤُسِينْ-د [غَارْ ذَاوُوذْ] ؤُ حَاجَانْ أَسْ مَارَّا أَوَاڒنْ-أَ.
1SA 25:13 [خَاسْ ؤُشَا] إِنَّا ذَاوُوذْ إِ يرْيَازنْ نّسْ: ”كُورْ أَرْيَازْ أَذْ إِبْيسْ سِّيفْ نّسْ!“ ؤُشَا [كُوڒْ] أَرْيَازْ إِبْيسْ سِّيفْ نّسْ، ؤُڒَا ذ ذَاوُوذْ إِبْيسْ سِّيفْ نّسْ. نِيثْنِي ڭعّْذنْ أَوَارْنِي إِ ذَاوُوذْ، أَمنِّي أَربْعَا-مْيَا ن يرْيَازنْ، ؤُ قِّيمنْ مِيثَاينْ غَارْ ڒحْوَايجْ.
1SA 25:14 إِجّنْ زڭْ إِمْسخَّارنْ ثُوغَا إِحَاجَا أَيَا إِ أَبِيجَايِيلْ، ثَامْغَارْثْ ن نَابَالْ، إِنَّا [أَسْ]: ”خْزَارْ، ذَاوُوذْ إِسّكّْ-د إِرقَّاسنْ زِي ڒخْڒَا حِيمَا أَذْ سِّيوْضنْ لْبَارَاكَا إِ سِيذِيثْنغْ، مَاشَا وَانِيثَا إِقْڒعْ خَاسنْ س ثْزَاوَارْثْ.
1SA 25:15 إِرْيَازنْ ثُوغَا أَثنْ شْنَانْ إِ نشِّينْ ؤُ نِيثْنِي وَارْ ذ أَنغْ سدّْعنْ شَا. وَارْ نفْقِيذْ وَالُو مَارَّا ؤُسَّانْ إِ ذِينِّي نسّعْذُو أَكِيذْسنْ ذڭْ إِيَّارْ ن ثَاروْسَا.
1SA 25:16 نِيثْنِي ثُوغَا أَثنْ أَمْ يِيجّْ ن ڒْحِيضْ إِ نشِّينْ، دْجِيڒثْ ذ وَاسّْ، ذِي مَارَّا ؤُسَّانْ إِ كِيذْسنْ ندْجْ ؤُ ثُوغَا نشِّينْ نَارْوسْ ؤُدْجِي.
1SA 25:17 ڒخُّو أَقَا ثسّْنذْ ت. خْزَارْ مْلِيحْ، مِينْ إِتّْخصَّا أَذْ ث ثڭّذْ، مَاغَارْ ڒْغَارْ خْ سِيذِيثْنغْ ذ مَارَّا ثَادَّارْثْ نّسْ إِمْثنْ. نتَّا ذ إِجّْ ن ورْيَازْ وَارْ إِسكّْوِي وَاوَاڒْ أَكِيذسْ.“
1SA 25:18 ثْقدْجقْ أَبِيجَايِيلْ، ثكْسِي مِيثَاينْ ن ثشْنِيفِينْ ذ ثْنَاينْ ن ثْخُونْشَايْ ن يِيڒمْ إِ بِينُو ذ خمْسَا ن ثخْسِيوِينْ وجْذنْثْ ذ خمْسَا ن ڒقْيَاسْ ن ثغْوَاوِينْ ذ مْيَا ن ثْغَايِيطَاثِينْ ن زّْبِيبْ ذ مِيثَاينْ ن إِغْرُومنْ ن ثَازَارْثْ، ؤُ نتَّاثْ ثسَّارْسْ مَانَاونِّي مَارَّا خْ يغْيَاڒْ.
1SA 25:19 ثنَّا إِ إِمْسخَّارنْ نّسْ: ”ؤُيُورمْ زَّاثْ إِ وُوذمْ إِنُو. خْزَارْ نشّْ أَذْ كنِّيوْ أَرذْفغْ.“ [مَاشَا] نتَّاثْ وَارْ ذ أَسْ ثنِّي أَيَا إِ ورْيَازْ نّسْ نَابَالْ.
1SA 25:20 ؤُمِي ثنْيَا نتَّاثْ خْ وغْيُوڒْ، ثهْوَا خْ ؤُذُورِّي ن وذْرَارْ، خْزَارْ، إِمْسَارْ أَقَا ذَاوُوذْ ذ يرْيَازنْ نّسْ هْوَانْ-د إِ ؤُمْسَاڭَارْ أَكِيذسْ ؤُ نتَّاثْ ثمّڒْقَا أَكِيذْسنْ.
1SA 25:21 ذَاوُوذْ ثُوغَا إِنَّا: ”س ثِيذتّْ، بَاطڒْ إِ حْضِيغْ خْ مَارَّا مِينْ غَارسْ إِدْجَانْ ذِي ڒخْڒَا، أَڒَامِي وَارْ إِودَّارْ وَالُو زِي مِينْ غَارسْ. نتَّا إِخدْجصْ أَيِي مِينْ إِصبْحنْ س مِينْ وَارْ إِحْڒِينْ.
1SA 25:22 أجّْ أَذْ إِڭّْ أَربِّي ثَا ذ ثَا أَكْ-ذ ڒْعذْيَانْ ن ذَاوُوذْ ؤُ أَذْ ذَايسْ يَارْنِي عَاذْ، مَاڒَا نشّْ أَذْ جّغْ أَڒْ ثِيوشَّا ؤُڒَا ذ إِجّْ ونِّي ث إِتّڭّنْ خْ ڒْحِيضْ زِي مَارَّا مِينْ غَارسْ!“
1SA 25:23 ؤُمِي ثژْرَا أَبِيجَايِيلْ ذَاوُوذْ، ثضْرَا ذغْيَا خْ وغْيُوڒْ نّسْ، ثوْضَا [خْ ثمُّورْثْ] زَّاثْ إِ ذَاوُوذْ، ثُوضَارْ [أَسْ] س ؤُغمْبُوبْ نّسْ غَارْ ثمُّورْثْ.
1SA 25:24 نتَّاثْ ثوْضَا أَسْ غَارْ إِضَارنْ، ثنَّا: ”نشّْ، وَاهَا، إِ ذِي إِدْجَا ڒْعِيبْ، [أَ] سِيذِي إِنُو. أجّْ أَذْ ثسِّيوڒْ ثَايَّا نّشْ أَكِيذكْ ؤُ سڒْ إِ وَاوَاڒنْ ن ثَايَّا نّشْ.
1SA 25:25 أجّْ سِيذِي إِنُو وَارْ إِخزَّارْ غَارْ ورْيَازْ-أَ إِ وَارْ إِسكّْوِينْ، غَارْ نَابَالْ، مَاغَارْ أَمْ مَامّشْ ذ أَسْ قَّارنْ، أَمُّو [إِ يدْجَا] نتَّا. نَابَالْ ذ إِسمْ نّسْ ؤُ ثُوبُّوهڒْيَا أَقَا-ت ذَايسْ. نشّْ، ثَايَّا نّشْ، وَارْ ژْرِيغْ شَا إِمْسخَّارنْ ن سِيذِي إِنُو إِ د-ثسّكّذْ.
1SA 25:26 خنِّي ڒخُّو، أَ سِيذِي، [س ثِيذتّْ] أَمْ إِدَّارْ سِيذِي ؤُ إِدَّارْ ڒعْمَارْ نّشْ، أَقَا سِيذِي ذ ونِّي شكْ إِمّنْعنْ مَاحنْذْ أَذْ ثسِّيزّْڒذْ إِذَامّنْ ؤُ أَذْ ثْفكّذْ إِخفْ نّشْ س ؤُفُوسْ نّشْ. أَذْ ذوْڒنْ ڒخُّو ڒْعذْيَانْ نّشْ ذ يِينِّي يَارزُّونْ أَذْ ڭّنْ ڒْغَارْ ذِي سِيذِي إِنُو أَمْ نَابَالْ.
1SA 25:27 إِوَا ڒخُّو، مَانْ أَيَا ذ لْبَارَاكَا إِ د-ثِيوِي ثَايَّا نّشْ إِ سِيذِي إِنُو، مَاحنْذْ أَذْ ت وْشنْ إِ إِمْسخَّارنْ نِّي يُويُورنْ ذڭْ إِصُورَافْ ن سِيذِي إِنُو.
1SA 25:28 تّْزَاوْڭغْ، غْفَارْ أَخطُّو إِ ثَايَّا نّشْ، مَاغَارْ سِيذِي [أَربِّي] أَذْ إِسّْبدّْ إِ سِيذِي إِنُو إِشْثْ ن ثَادَّارْثْ ثمْثنْ، مِينْزِي سِيذِي إِنُو إِتّڭّْ ڭَارَّاثْ ن سِيذِي ؤُ وَارْ ذَايكْ إِتّْوَافّْ ڒْغَارْ زڭْ وُوسَّانْ [إِمزْوُورَا] نّشْ.
1SA 25:29 [مَاڒَا] إِجّْ ن بْنَاذمْ إِكَّارْ خَاكْ حِيمَا أَذْ شكْ إِضْفَارْ، حِيمَا أَذْ يَارْزُو خْ ڒعْمَارْ نّشْ، خنِّي أَذْ يِيڒِي ڒعْمَارْ ن سِيذِي إِنُو [ذِي ڒَامَانْ،] إِقّنْ ذِي ثشْيَارْثْ ن يِينِّي إِدَّارنْ غَارْ سِيذِي أَربِّي نّشْ، [مَاشَا] ڒعْمَارْ ن ڒْعذْيَانْ نّشْ أَذْ زَّايسْ إِحجَّارْ نتَّا غَارْ ڒَاڭّْوَاجْ زڭْ ؤُكمِّيشْ ن إِدْجِييْ.
1SA 25:30 أَذْ إِمْسَارْ، مَاڒَا سِيذِي أَذْ إِڭّْ أَكْ-ذ سِيذِي إِنُو عْلَاحْسَابْ مَارَّا ثَاصبْحَانْثْ إِ خَاكْ إِسِّيوڒْ ؤُ أَذْ شكْ يڭّْ ذ ڒْحَاكمْ خْ إِسْرَائِيل،
1SA 25:31 خنِّي وَارْ إِتِّيڒِي أَيَا إِ شكْ، [أَ] سِيذِي إِنُو، ذ سِّيبّثْ إِ زِي غَا ثنْقَارْضذْ ؤُڒَا ذ ثَاعنْكْرِيفْثْ إِ وُوڒْ، أَقَا شكْ ثسِّيزّْڒذْ إِذَامّنْ بَاطڒْ ؤُ أَقَا سِيذِي إِنُو إِڭَّا أَذْ إِفكّْ إِخفْ نّسْ. مَاڒَا سِيذِي [أَربِّي] أَذْ إِڭّْ ڒْخَارْ ذِي سِيذِي إِنُو، عْقڒْ [خنِّي] خْ ثَايَّا نّشْ.“
1SA 25:32 [خنِّي] إِنَّا ذَاوُوذْ إِ أَبِيجَايِيلْ: ”أَذْ إِتّْوَابَاركْ سِيذِي، أَربِّي ن إِسْرَائِيل، ونِّي شمْ د-إِسّكّنْ أَسّْ-أَ إِ ؤُمْسَاڭَارْ أَكِيذِي!
1SA 25:33 أَقَا ثتّْوَابَاركْ ڒفْهَامثْ نّمْ ؤُشَا ثتّْوَابَارْكذْ ؤُڒَا ذ شمْ، ڒَامِي ذ أَيِي ثسّْبدّذْ أَسّْ-أَ زڭْ ؤُسِيزّڒْ ن إِذَامّنْ ؤُ زِي نّقْمثْ إِ يِيخفْ إِنُو س إِفَاسّنْ إِنُو!
1SA 25:34 [مَاغَارْ] س ثِيذتّْ، أَمْ إِدَّارْ سِيذِي، أَربِّي ن إِسْرَائِيل، ونِّي ذ أَيِي إِسّْبدّنْ أَذْ أَمْ ڭّغْ ڒْغَارْ، مَاڒَا شمْ وَارْ غَارِي د-ثفِّيغذْ ذغْيَا، خنِّي وَارْ إِتّْغِيمِي غَارْ ثْفَاوْثْ ن ثُوفُّوثْ ؤُڒَا ذ إِجّنْ [زڭْ إِوْذَانْ] ن نَابَالْ، ونِّي ث إِتّڭّنْ خْ ڒْحِيضْ!“
1SA 25:35 ؤُشَا إِكْسِي ذَاوُوذْ زڭْ ؤُفُوسْ نّسْ مِينْ ثُوغَا إِ ذ أَسْ د-ثِيوِي، إِنَّا أَسْ: ”ؤُيُورْ ذِي ڒهْنَا غَارْ ثَادَّارْثْ نّمْ! خْزَارْ، نشّْ سْڒِيغْ-د غَارمْ ؤُ أَذْ سّْڭعّْذغْ ؤُذمْ نّمْ [إِحزْننْ].“
1SA 25:36 [ؤُمِي] د-ثُوسَا أَبِيجَايِيلْ غَارْ نَابَالْ، إِتّڭّْ نتَّا إِشْثْ ن زَّارْذثْ ن ثِيسِّيثْ ذِي ثَادَّارْثْ نّسْ أَمْ يِيشْثْ ن زَّارْذثْ ن ؤُجدْجِيذْ. ؤُڒْ ن نَابَالْ ثُوغَا-ث خْ ڒْخَاضَارْ نّسْ، إِسْشَارْ أَڒْ طَّارْفْ. س ؤُينِّي نتَّاثْ وَارْ ذ أَسْ ثنِّي ؤُڒَا ذ إِجّْ ن وَاوَاڒْ، أَمژْيَانْ نِيغْ أَمقّْرَانْ، خْ مِينْ إِمْسَارنْ أَڒْ ثَافَاوْثْ ن ثُوفُّوثْ.
1SA 25:37 غَارْ ثُوفُّوثْ، ڒَامِي إِفّغْ بِينُو خْ نَابَالْ، إِمْسَارْ، أَقَا ثَامْغَارْثْ نّسْ ثنَّا أَسْ مَانْ أَيَا. ؤُشَا إِجْمذْ وُوڒْ نّسْ، إِذْوڒْ أَمْ يِيجّْ ن وژْرُو.
1SA 25:38 أَوَارْنِيعشْرَا ن وُوسَّانْ، إِمْسَارْ، أَقَا سِيذِي إِوْثَا نَابَالْ أَڒَامِي إِمُّوثْ.
1SA 25:39 ؤُمِي إِسْڒَا ذَاوُوذْ بلِّي نَابَالْ إِمُّوثْ، إِنَّا نتَّا: ”أَذْ إِتّْوَابَاركْ سِيذِي ونِّي إِڭِّينْ ڒْحُوكْمْ خْ ڒْحڭْرَا إِ ذ أَيِي إِتّْوَاڭّنْ، إِتَّارْ إِ-ث زڭْ ؤُفُوسْ ن نَابَالْ، ؤُشَا إِسّْبدّْ أَمْسخَّارْ نّسْ حِيمَا أَذْ إِڭّْ ڒْغَارْ. سِيذِي يَارَّا ڒْغَارْ ن نَابَالْ أَذْ د-إِذْوڒْ خْ ؤُزدْجِيفْ نّسْ!“ ؤُشَا ذَاوُوذْ إِسّكّْ [إِجّْ] ؤُ وَانِيثَا إِسِّيوڒْ أَكْ-ذ أَبِيجَايِيلْ، حِيمَا أَذْ ت يَاوِي ذ ثَامْغَارْثْ إِ نتَّا.
1SA 25:40 [ؤُمِي] د-ؤُسِينْ إِمْسخَّارنْ ن ذَاوُوذْ غَارْ أَبِيجَايِيلْ غَارْ كَارْمِيلْ، سِّيوْڒنْ أَكِيذسْ، نَّانْ: ”ذَاوُوذْ إِسّكّْ أَنغْ-د غَارمْ، حِيمَا أَذْ شمْ نَاوِي ذ ثَامْغَارْثْ إِ نتَّا.“
1SA 25:41 [ڒخْذنِّي] ثكَّارْ، ثْبنْذقْ س ؤُغمْبُوبْ نّسْ غَارْ ثمُّورْثْ، ثنَّا: ”خْزَارْ، ثَامْسخَّارْثْ نّشْ أَمْ يِيشْثْ ن ثَايَّا، حِيمَا أَذْ ثسِّيرْذْ إِضَارنْ إِ إِمْسخَّارنْ ن سِيذِي إِنُو.“
1SA 25:42 ثْقدْجقْ أَبِيجَايِيلْ، ثكَّارْ. نتَّاثْ ثنْيَا خْ وغْيُوڒْ نّسْ أَكْ-ذ خمْسَا ن ثمْسخَّارِينْ نّسْ ثِيمژَايْنِينْ ثِينِّي ت يَاردّْفنْ خْ إِضَارنْ. نتَّاثْ ثضْفَارْ إِرقَّاسنْ ن ذَاوُوذْ ؤُشَا ثذْوڒْ ذ ثَامْغَارْثْ نّسْ.
1SA 25:43 يِيوِي ذَاوُوذْ عَاوذْ أَخِينُوعَامْ زِي يَازْرَاعِيلْ [ذ ثَامْغَارْثْ]. نِيثنْثِي س ثْنَاينْ إِذْسنْثْ ذوْڒنْثْ ذ ثَامْغَارْثْ إِ نتَّا.
1SA 25:44 شَاوُولْ مَاشَا ثُوغَا إِوْشَا يدْجِيسْ مِيخَالْ، ثَامْغَارْثْ ن ذَاوُوذْ، إِ بَالْثِي، مِّيسْ ن لَايِيشْ ونِّي [إِدْجَانْ] زِي جَالِّيمْ.
1SA 26:1 إِرْيَازنْ ن زِيفْ ؤُسِينْ-د غَارْ شَاوُولْ غَارْ جِيبْعَا، نَّانْ: ”مَا وَارْ إِسّْنُوفَّارْ ذَاوُوذْ إِخفْ نّسْ خْ ثوْرِيرْثْ ن حَاخِيلَا أَرنْذَاذْ ن ثْنزْرُوفْثْ؟“
1SA 26:2 [خنِّي] إِكَّارْ شَاوُولْ ؤُشَا إِهْوَا غَارْ ڒخْڒَا ن زِيفْ، أَكِيذسْ ثڒْثْ-أَڒَافْ ن يرْيَازنْ إِتّْوَافَارْزنْ زِي إِسْرَائِيل، حِيمَا أَذْ يَارْزُو خْ ذَاوُوذْ ذِي ڒخْڒَا ن زِيفْ.
1SA 26:3 إِوْثَا شَاوُولْ إِقِيضَانْ نّسْ غَارْ وبْرِيذْ خْ ثوْرِيرْثْ ن حَاخِيلَا ثنِّي أَرنْذَاذْ ن ثْنزْرُوفْثْ. ذَاوُوذْ إِقِّيمْ ذِي ڒخْڒَا، إِژْرَا شَاوُولْ إِضْفَارْ إِ-ث-إِ-د غَارْ ڒخْڒَا.
1SA 26:4 [مَاغَارْ] ذَاوُوذْ ثُوغَا إِسّكّْ إِخْبَارْجِييّنْ ؤُ نتَّا ثُوغَا إِسّنْ أَقَا شَاوُولْ إِڭَّا أَذْ د-يَاسْ.
1SA 26:5 ذَاوُوذْ إِكَّارْ ؤُ يُوسَا-د مَانِي ثُوغَا إِوْثَا شَاوُولْ إِقِيضَانْ نّسْ. ذَاوُوذْ ثُوغَا إِتّْوَاڒَا مَانِي ثُوغَا إِزّڒْ شَاوُولْ أَكْ-ذ ؤُكُومَانْذَارْ ن ڒْعسْكَارْ نّسْ، أَبْنِيرْ، مِّيسْ ن نِيرْ. شَاوُولْ إِطّصْ ذِي ڒْمَارْڭحْ ن إِكَارُّوثنْ ؤُ ڒْڭنْسْ ثُوغَا إِنّضْ أَسْ-د [س إِقِيضَانْ نْسنْ].
1SA 26:6 [خنِّي] إِطّفْ ذَاوُوذْ ذڭْ وَاوَاڒْ. إِسِّيوڒْ أَكْ-ذ أَخِيمَالِيكْ، أَحِيتِّي، ؤُ أَكْ-ذ أَبِيشَايْ، مِّيسْ ن صِيرُويَا، ؤُمَاسْ ن يُووَابْ، إِنَّا: ”مَانْ ونْ أَكِيذِي إِ غَا إِهْوَانْ غَارْ شَاوُولْ ذِي ڒْمَارْڭحْ ن ڒْعسْكَارْ؟“ أَبِيشَايْ إِنَّا: ”نشّْ أَذْ كِيذكْ هْوِيغْ.“
1SA 26:7 يُوسَا-د ذَاوُوذْ أَكْ-ذ أَبِيشَايْ ذِي دْجِيڒثْ غَارْ ڒْڭنْسْ، ؤُ خْزَارْ، شَاوُولْ ثُوغَا إِطّصْ ذِي ڒْمَارْڭحْ ن إِكَارُّوثنْ ؤُ لَانْسَا نّسْ ثجِّي زَّاثْ إِ ؤُزدْجِيفْ نّسْ ذِي ثمُّورْثْ. إِنّْضنْ أَسْ-د أَبْنِيرْ ذ ڒْڭنْسْ.
1SA 26:8 [خنِّي] إِنَّا أَبِيشَايْ إِ ذَاوُوذْ: ”أَسّْ-أَ إِقّنْ سِيذِي ڒعْذُو نّشْ ذڭْ ؤُفُوسْ نّشْ. أجّْ أَيِي ڒخُّو أَذْ ث سّْنُوقّْبغْ أَكْ-ذ ثمُّورْثْ س إِشْثْ ن ثشْثِي ن لَانْسَا. وَارْ تّحْذِيجِيغْ أَذْ ت ڭّغْ إِشْثْ ن ثْوَاڒَا نّغْنِيثْ.“
1SA 26:9 ذَاوُوذْ إِنَّا إِ أَبِيشَايْ: ”وَارْ ث تَّاردّدْجْ شَا، مَاغَارْ مَانْ ونْ إِزمَّارنْ أَذْ يَارّْ أَفُوسْ نّسْ غَارْ ؤُمذْهُونْ ن سِيذِي ؤُشَا أَذْ إِقِّيمْ ذ أَفُورِّي؟“
1SA 26:10 [خنِّي] إِنَّا ذَاوُوذْ: ”[س ثِيذتّْ أَمْ] إِدَّارْ سِيذِي، سِيذِي أَذْ ث إِوّثْ: نِيغْ أَذْ د-يَاسْ وَاسّْ نّسْ إِ ذِي إِ غَا إِمّثْ نِيغْ أَذْ د-إِهْوَا غَارْ ؤُمنْغِي ؤُشَا أَذْ إِتّْوَانغْ.
1SA 26:11 سِيذِي أَذْ أَيِي إِحْضَا أَقَا نشّْ أَذْ وْثغْ س ؤُفُوسْ إِنُو أَمذْهُونْ ن سِيذِي. تّْزَاوْڭغْ شكْ، كْسِي لَانْسَا إِ [إِدْجَانْ] زَّاثْ إِ ؤُزدْجِيفْ نّسْ ذ ثبْرِيقْثْ ن وَامَانْ ؤُشَا أجّْ أَنغْ أَذْ نُويُورْ!“
1SA 26:12 إِكْسِي ذَاوُوذْ لَانْسَا ذ ثبْرِيقْثْ ن وَامَانْ [إِ ثُوغَا ذِينْ إِدْجَانْ] زَّاثْ إِ ؤُزدْجِيفْ ن شَاوُولْ ؤُشَا فّْغنْ نِيثْنِي. ؤُڒَا ذ إِجّْ وَارْ [ث] إِژْرِي، ڒَا ذ إِجّْ وَارْ [ث] يُوشِي ؤُ ؤُڒَا ذ إِجّْ وَارْ إِفِيقْ، مَاغَارْ مَارَّا طّْصنْ، مِينْزِي سِيذِي ثُوغَا إِسّغْضسْ إِ-ثنْ ذڭْ إِجّْ ن يِيضصْ يُودْجغْ.
1SA 26:13 ذَاوُوذْ إِعْذُو غَارْ ؤُغزْذِيسْ نّغْنِي ؤُشَا إِبدّْ غَارْ ڒَاڭّْوَاجْ خْ ثْقِيشَّاثْ ن وذْرَارْ. ثُوغَا إِدْجَا تَّاسِيعْ ذ أَمقّْرَانْ جَارْ أَسنْ.
1SA 26:14 إِڒَاغَا-د ذَاوُوذْ إِ ڒْڭنْسْ ؤُ إِ أَبْنِيرْ، مِّيسْ ن نِيرْ، إِنَّا: ”مَا وَارْ د-ثَارِّيذْ شَا، أَبْنِيرْ؟“ [خنِّي] يَارَّا-د أَبْنِيرْ، إِنَّا: ”مِينْ ثعْنِيذْ شكْ ونِّي ذ إِتّْڒَاغَانْ خْ ؤُجدْجِيذْ؟“
1SA 26:15 [خنِّي] إِنَّا ذَاوُوذْ إِ أَبْنِيرْ: ”مَا شكْ وَارْ ثدْجِيذْ ذ أَرْيَازْ؟ مَانْ ونْ ذِي إِسْرَائِيل إِ إِدْجَانْ أَمْ شكْ؟ مَايمِّي [خنِّي] وَارْ ثحْضِيذْ خْ سِيذِي نّشْ، أَجدْجِيذْ؟ أَقَا إِجّنْ زِي ڒْڭنْسْ يُوذفْ-د حِيمَا أَذْ يَاردّدْجْ أَجدْجِيذْ، سِيذِي نّشْ.
1SA 26:16 مِينْ ثڭِّيذْ وَارْ إِدْجِي شَا مْلِيحْ. [س ثِيذتّْ أَمْ] إِدَّارْ سِيذِي، كنِّيوْ ذ ثَارْوَا ن ڒْموْثْ، مِينْزِي كنِّيوْ وَارْ ثْعسّمْ خْ سِيذِي نْومْ، أَمذْهُونْ ن سِيذِي! خْزَارْ مَانِي دْجَانْثْ ڒخُّو لَانْسَا ن ؤُجدْجِيذْ ذ ثبْرِيقْثْ ن وَامَانْ ثِينِّي ثُوغَا زَّاثْ إِ ؤُزدْجِيفْ نّسْ!“
1SA 26:17 شَاوُولْ إِعْقڒْ ثْمِيجَّا ن ذَاوُوذْ، إِنَّا: ”مَا ثَا ذ ثْمِيجَّا نّشْ، أَ مِّي ذَاوُوذْ؟“ ذَاوُوذْ إِنَّا: ”أَقَا-ت ذ ثْمِيجَّا إِنُو، سِيذِي إِنُو، أَجدْجِيذْ!“
1SA 26:18 [خنِّي] إِنَّا: ”مَايمِّي إِضفَّارْ سِيذِي إِنُو أَمْسخَّارْ نّسْ أَمُّو؟ مِينْزِي مِينْ ڭِّيغْ ؤُ مَانْ [ث] ڒْعِيبْ إِ [يُومْسنْ] غَارْ ؤُفُوسْ إِنُو؟
1SA 26:19 خنِّي ڒخُّو، أجّْ أَذْ إِسڒْ سِيذِي إِنُو، أَجدْجِيذْ، إِ وَاوَاڒنْ ن ؤُمْسخَّارْ نّسْ. مَاڒَا سِيذِي إِسّهْوڒْ إِ شكْ خَافِي، إِڒِي أَذْ إِشمّْ نتَّا ثَاوْهِيبْثْ [ن ڒْغِيدْجثْ]، مَاشَا مَاڒَا ذ إِوْذَانْ [إِ إِدْجَانْ]، [خنِّي] أَذْ تّْوَانعْڒنْ نِيثْنِي زَّاثْ إِ وُوذمْ ن سِيذِي، مَاغَارْ نِيثْنِي ؤُژّْڒنْ خَافِي أَسّْ-أَ أَڒَامِي وَارْ زمَّارغْ أَذْ قِّيمغْ قّْنغْ [عَاذْ] إِ ڒْوَارْثْ ن سِيذِي، ؤُ [مَاغَارْ] نِيثْنِي قَّارنْ: ’رُوهْ، سخَّارْ إِ إِربِّيثنْ إِنّغْنِي!‘
1SA 26:20 [خنِّي] ڒخُّو، أجّْ إِذَامّنْ إِنُو وَارْ تِّيزّْڒنْ ذڭْ إِشْثْ ن ثمُّورْثْ إِڭّْوجنْ خْ سِيذِي. مِينْزِي أَجدْجِيذْ ن إِسْرَائِيل إِفّغْ، حِيمَا أَذْ يَارْزُو خْ إِجّْ ن ؤُينِّي ن ؤُشُورْذُو وَاهَا، أَمْ مَامّشْ يمَّارنْ ثَاسكُّورْثْ ذڭْ إِذُورَارْ.“
1SA 26:21 [خَاسْ] ؤُشَا إِنَّا شَاوُولْ: ”نشّْ خْضِيغْ، عْقبْ-د، [أَ] مِّي ذَاوُوذْ، مَاغَارْ نشّْ وَارْ ذ أَشْ تّڭّغْ عَاذْ ڒْغَارْ، مِينْزِي ثُوذَارْثْ إِنُو ثُوغَا أَسّْ-أَ ثْسكّْوَا غَاركْ ذِي ثِيطَّاوِينْ نّشْ. خْزَارْ، نشّْ ڭِّيغْ ثُوبُّوهڒْيَا ؤُ ودَّارغْ س وَاطَّاسْ.“
1SA 26:22 ذَاوُوذْ يَارَّا-د، إِنَّا: ”خْزَارْ، أَقَا ذَا لَانْسَا ن ؤُجدْجِيذْ. أجّْ إِجّْ زڭْ إِمْسخَّارنْ نّشْ أَذْ إِژْوَا، أَذْ ت-إِ-د يَاوِي.
1SA 26:23 أَذْ إِخدْجصْ سِيذِي كُوڒْ إِجّْ خْ ثْسڭْذَا نّسْ ذ تِّيقّثْ نّسْ، مِينْزِي سِيذِي ثُوغَا إِسلّمْ إِ شكْ أَسّْ-أَ ذڭْ ؤُفُوسْ إِنُو، مَاشَا وَارْ خْسغْ شَا أَذْ ڭّغْ أَفُوسْ إِنُو ذڭْ ؤُمذْهُونْ ن سِيذِي.
1SA 26:24 خْزَارْ، أَمْ مَامّشْ ثُوغَا ثُوذَارْثْ نّشْ أَسّْ-أَ ثِيغْڒَا ذِي ثِيطَّاوِينْ إِنُو، أَمُّو إِ غَا ثِيڒِي ثُوذَارْثْ إِنُو ذِي ثِيطَّاوِينْ ن سِيذِي ثِيغْڒَا. نتَّا أَذْ أَيِي إِفكّْ زِي مَارَّا ڒحْصَارثْ.“
1SA 26:25 شَاوُولْ إِنَّا إِ ذَاوُوذْ: ”أَقَا شكْ ثتّْوَابَارْكذْ، مِّي ذَاوُوذْ. مِينْ مَا إِ غَا ثڭّذْ، أَقَا أَذْ ثَاوْضذْ عَاوذْ.“ [خنِّي] يُويُورْ ذَاوُوذْ أَبْرِيذْ نّسْ ؤُ شَاوُولْ إِعْقبْ غَارْ ومْشَانْ نّسْ [مَانِي ثُوغَا إِزدّغْ].
1SA 27:1 إِنَّا ذَاوُوذْ ذڭْ وُوڒْ نّسْ: ”ڒخُّو عَاذْ إِجّْ ن وَاسّْ ؤُشَا أَذْ تّْوَانْغغْ خْ ؤُفُوسْ ن شَاوُولْ. وَارْ إِقِّيمْ حَاشَا أَذْ أَروْڒغْ ذغْيَا غَارْ ثمُّورْثْ ن إِفِيلِيسْطِينِييّنْ، مَاحنْذْ أَذْ إِقْضعْ إِ شَاوُولْ ڒَايَاسْ زِي جِّيهثْ إِنُو مَاحنْذْ أَذْ خَافِي يَارْزُو عَاذْ [كْثَارْ] ذِي مَارَّا ثَامُّورْثْ ن إِسْرَائِيل. [أَمُّو] إِ غَا نجْمغْ إِ ؤُفُوسْ نّسْ.“
1SA 27:2 ذَاوُوذْ إِكَّارْ، نتَّا ذ ستَّا-مْيَا ن يرْيَازنْ نِّي ثُوغَا غَارسْ إِدْجَانْ، عْذُونْ غَارْ مِّيسْ ن مَاعُوكْ، أَجدْجِيذْ ن جَاثْ.
1SA 27:3 إِقِّيمْ ذَاوُوذْ غَارْ أَخِيسْ، نتَّا ذ يرْيَازنْ نّسْ، [كُوڒْ] أَرْيَازْ أَكْ-ذ ثَادَّارْثْ نّسْ. ذَاوُوذْ [إِزْذغْ ذِينْ] أَكْ-ذ ثْنَاينْ ن ثمْغَارِينْ نّسْ، أَخِينُوعَامْ زِي يَازْرَاعِيلْ ؤُ أَبِيجَايِيلْ، ثَامْغَارْثْ ن نَابَالْ، زِي كَارْمِيلْ.
1SA 27:4 [ؤُمِي] نَّانْ إِ شَاوُولْ، أَقَا ذَاوُوذْ يَارْوڒْ غَارْ جَاثْ، وَارْ يَارْنِي إِقِّيمْ أَذْ خَاسْ يَارْزُو عَاذْ كْثَارْ.
1SA 27:5 إِنَّا ذَاوُوذْ إِ أَخِيشْ: ”مَاڒَا ؤُفِيغْ نشّْ ڒْخَاضَارْ ذِي ثِيطَّاوِينْ نّشْ، خنِّي أوْشْ أَيِي إِجّْ ن ومْشَانْ ذڭْ إِشْثْ زِي ثْندَّامْ نّشْ ن ثمُّورْثْ، حِيمَا زمَّارغْ أَذْ زذْغغْ ذِينْ. مَايمِّي إِ غَاركْ إِ غَا إِزْذغْ ؤُمْسخَّارْ نّشْ أَكِيذكْ ذِي ثنْذِينْثْ ن ؤُجدْجِيذْ؟“
1SA 27:6 ذڭْ وَاسّْ نِّي إِوْشَا أَسْ أَخِيشْ [ثَانْذِينْثْ ن] صِيقْلَاغْ. س ؤُيَا ثُوغَا ثدْجَا صِيقْلَاغْ ن إِجدْجِيذنْ ن يَاهُوذَا أَڒْ أَسّْ-أَ.
1SA 27:7 ؤُسَّانْ إِ إِكَّا ذَاوُوذْ ذِي ثمُّورْثْ ن إِفِيلِيسْطِينِييّنْ، ثُوغَا ذ إِجّْ ن ؤُسڭّْوَاسْ ذ أَربْعَا ن إِيُورنْ.
1SA 27:8 ذَاوُوذْ إِفّغْ أَكْ-ذ إِرْيَازنْ نّسْ ؤُ نِيثْنِي كشّْضنْ إِجَاشُورِييّنْ ذ إِجَارْزِييّنْ ذ أَيْثْ ن عَامَالِيقْ، مِينْزِي إِنَا ثُوغَا زدّْغنْ زڭْ وشْحَاڒْ ؤُيَا ذِي ثمُّورْثْ، جِّيهثْ ن شُورْ أَڒْ ثَامُّورْثْ ن مِيصْرَا.
1SA 27:9 ذَاوُوذْ إِوْثَا ثَامُّورْثْ ؤُ وَارْ إِجِّي أَذْ إِدَّارْ ؤُڒَا ذ إِجّْ ن ورْيَازْ نِيغْ ؤُڒَا ذ إِشْثْ ن ثمْغَارْثْ. إِطّفْ عَاوذْ ؤُدْجِي ذ إِفُونَاسنْ ذ ثْفُونَاسِينْ ذ يغْيَاڒْ ذ إِڒغْمَانْ ذ وَارُّوضْ ؤُشَا إِعْقبْ، يُوسَا-د غَارْ أَخِيشْ.
1SA 27:10 ؤُ أَخِيشْ إِنَّا: ”مَانِي ثْرُوحمْ أَسّْ-أَ مَاحنْذْ أَذْ ثْكشّْضمْ؟“ إِنَّا ذَاوُوذْ: ”غَارْ لْجَانُوبْ ن يَاهُوذَا!“، نِيغْ: ”غَارْ لْجَانُوبْ ن [ثمُّورْثْ ن] إِيَارْحَامِيثِيلِييّنْ!“، نِيغْ: ”غَارْ لْجَانُوبْ ن [ثمُّورْثْ ن] إِقِينِييّنْ!“
1SA 27:11 وَارْ إِجِّي ذَاوُوذْ أَذْ إِدَّارْ ؤُڒَا ذ إِجّْ ن ورْيَازْ نِيغْ ؤُڒَا ذ إِشْثْ ن ثمْغَارْثْ حِيمَا أَذْ د-يَاسْ غَارْ جَاثْ. إِنَّا: ”حِيمَا نِيثْنِي وَارْ خَانغْ تّْعِيوِيذنْ وَالُو، أَذْ إِنِينْ: ’ثَا إِ إِڭَّا ذَاوُوذْ!‘ “ أَمُّو إِ إِقِّيمْ إِتّڭّْ ذِي مَارَّا ؤُسَّانْ إِ إِكَّا ذِي جّْوَايهْ ن إِفِيلِيسْطِينِييّنْ.
1SA 27:12 أَخِيشْ إِتِّيقّْ ذِي ذَاوُوذْ، إِنَّا: ”س ثِيذتّْ نتَّا إِسَّارْزڭْ إِخفْ نّسْ غَارْ ڒْڭنْسْ نّسْ، غَارْ إِسْرَائِيل، ؤُشَا خْ ؤُينِّي أَقَا نتَّا أَذْ يِيڒِي ذ أَمْسخَّارْ إِنُو إِ ڒبْذَا.“
1SA 28:1 ذڭْ وُوسَّانْ نِّي، ڒَامِي سّْمُوننْ إِفِيلِيسْطِينِييّنْ ڒْعسْكَارْ نْسنْ إِ ؤُمنْغِي، حِيمَا أَذْ مّنْغنْ أَكْ-ذ إِسْرَائِيل، إِمْسَارْ، أَقَا أَخِيشْ إِنَّا إِ ذَاوُوذْ: ”إِتّْخصَّا أَذْ ثسّْنذْ مْلِيحْ، أَقَا شكْ أَذْ كِيذِي ثفّْغذْ س ؤُغِيڒْ ذِي ڒْعسْكَارْ، شكْ ذ يرْيَازنْ نّشْ.“
1SA 28:2 [خنِّي] إِنَّا ذَاوُوذْ إِ أَخِيشْ: ”ذِي مَانْ أَيَا أَذْ ثْژَارذْ مِينْ إِزمَّارْ أَذْ يڭّْ ؤُمْسخَّارْ نّشْ!“ أَخِيشْ إِنَّا إِ ذَاوُوذْ: ”س ؤُيَا أَذْ شكْ ڭّغْ ذ أَعسَّاسْ خَافِي ذِي مَارَّا ؤُسَّانْ.“
1SA 28:3 شَامْوِيلْ ثُوغَا إِمُّوثْ ذ مَارَّا إِسْرَائِيل ثُوغَا إِشْضنْ خَاسْ. نِيثْنِي نضْڒنْ ث ذِي رَامَا، ذِي ثنْذِينْثْ نّسْ. شَاوُولْ ثُوغَا إِسُّوفُّوغْ إِنِّي إِسَّاوَاڒنْ أَكْ-ذ إِمتَّانْ ؤُڒَا ذ إِڭزَّاننْ زِي ثمُّورْثْ.
1SA 28:4 إِفِيلِيسْطِينِييّنْ مُوننْ مَارَّا. نِيثْنِي ؤُسِينْ-د ؤُشَا وْثِينْ إِقِيضَانْ نْسنْ غَارْ شُونَامْ ؤُ شَاوُولْ إِسّْمُونْ مَارَّا إِسْرَائِيل ؤُ نِيثْنِي وْثِينْ إِقِيضَانْ نْسنْ غَارْ جِيلْبُوعَا.
1SA 28:5 ؤُمِي إِژْرَا شَاوُولْ ڒْمَارْڭحْ ن ڒْعسْكَارْ ن إِفِيلِيسْطِينِييّنْ، ثُوسَا أَسْ-د ثِيڭّْوُوذِي ؤُ وُوڒْ نّسْ إِذْوڒْ إِتّقْذِيذِّيسْ س وَاطَّاسْ.
1SA 28:6 شَاوُولْ إِسّقْسَا سِيذِي، مَاشَا سِيذِي وَارْ خَاسْ د-يَارِّي شَا، وَارْ إِدْجِي س ثِيرْجَا، ؤُڒَا س ؤُرِيمْ، ؤُڒَا س إِنَابِييّنْ.
1SA 28:7 [خنِّي] إِنَّا شَاوُولْ إِ إِمْسخَّارنْ نّسْ: ”أَرْزُومْ أَيِي-د إِشْثْ ن ثمْغَارْثْ إِدّبَّارَانْ خْ بُوحْبڒَاثْ ن إِمتَّانْ، حِيمَا نشّْ أَذْ غَارسْ رَاحغْ ؤُ أَذْ ت سّقْسِيغْ.“ إِمْسخَّارنْ نّسْ نَّانْ أَسْ: ”خْزَارْ، ذِي عَايْنْ-ذُورْ أَقَا ذِينْ إِشْثْ ن ثمْغَارْثْ ثنِّي إِدّبَّارَانْ خْ بُوحْبڒَاثْ ن إِمتَّانْ.“
1SA 28:8 شَاوُولْ إِسّْنقْڒبْ إِخفْ نّسْ، يَارْضْ أَرُّوضْ نّغْنِي ؤُشَا يُويُورْ. ثْنَاينْ ن يرْيَازنْ رُوحنْ أَكِيذسْ ؤُ نِيثْنِي إِوْضنْ ذِي دْجِيڒثْ غَارْ ثمْغَارْثْ، ؤُشَا إِنَّا نتَّا: ”ڭزّنْ أَيِي زِي بُوحْبڒْ ن إِجّْ ن ؤُمتِّينْ ؤُشَا ڒَاغَا أَيِي-د خْ ونِّي ذ أَمْ إِ غَا إِنِيغْ.“
1SA 28:9 [خنِّي] ثنَّا خَاسْ ثمْغَارْثْ: ”أَقَا ذَا شكْ ثسّْنذْ [مْلِيحْ] مِينْ إِڭَّا شَاوُولْ، مَامّشْ ثُوغَا إِتّحَّا إِنِّي إِسَّاوَاڒنْ أَكْ-ذ إِمتَّانْ ذ إِڭزَّاننْ زِي ثمُّورْثْ. مَايمِّي ذ أَيِي ثتّڭّذْ ڒْفخْ، حِيمَا أَذْ أَيِي ثنْغذْ؟“
1SA 28:10 شَاوُولْ [مَاشَا] إِجُّودْجْ أَسْ غَارْ سِيذِي، إِنَّا: ”[س ثِيذتّْ أَمْ] إِدَّارْ سِيذِي، وَارْ شمْ إِڒقّفْ ذِي ثْمسْڒَاشْثْ-أَ شَا ڒْعِيبْ!“
1SA 28:11 [خنِّي] ثنَّا ثمْغَارْثْ: ”مَانْ ونْ إِ خفْ-د إِ غَا ڒَاغِيغْ إِ شكْ؟“ نتَّا إِنَّا ”ڒَاغَا أَيِي-د خْ شَامْوِيلْ!“
1SA 28:12 [ؤُمِي] ثژْرَا ثمْغَارْثْ شَامْوِيلْ، ثسْغُويْ ذڭْ ؤُجنَّا ؤُ ثسِّيوڒْ ثمْغَارْثْ أَكْ-ذ شَاوُولْ، ثنَّا أَسْ: ”مَايمِّي ذ أَيِي ثْشمْثذْ؟ شكْ أَقَا ذ شَاوُولْ!“
1SA 28:13 إِنَّا أَسْ ؤُجدْجِيذْ: ”وَارْ تّڭّْوذْ شَا، مَاشَا مِينْ ثتّْوَاڒِيذْ شمْ؟“ [خنِّي] ثنَّا ثمْغَارْثْ إِ شَاوُولْ: ”نشّْ تّْوَاڒِيغْ إِنِّي يَاروْسنْ ذڭْ إِربِّيثنْ إِ د-إِتّْڭعَّاذنْ زِي ثمُّورْثْ.“
1SA 28:14 نتَّا إِنَّا أَسْ: ”مَامّشْ ثڭَّا ثِيذِّي نّسْ؟“ نتَّاثْ ثنَّا: ”إِجّْ ن ؤُوسَّارْ إِتّْڭعّذْ ؤُ يَارْضْ س يِيجّْ ن ؤُسڒْهَامْ.“ [خنِّي] إِسّنْ شَاوُولْ، أَقَا-ث ذ شَامْوِيلْ، يُوضَارْ نتَّا س ؤُغمْبُوبْ نّسْ غَارْ ثمُّورْثْ ؤُشَا إِبنْذقْ.
1SA 28:15 ؤُشَا شَامْوِيلْ إِنَّا: ”مَايمِّي ذ أَيِي ثْهوْڒذْ، ثجِّيذْ أَذْ خَافِي د-ڒَاغَانْ؟“ شَاوُولْ إِنَّا: ”نشّْ تّْوَاحْصَارغْ أَطَّاسْ، مَاغَارْ إِفِيلِيسْطِينِييّنْ تّْمنْغَانْ أَكِيذِي ؤُ أَربِّي إِحيّذْ خَافِي ؤُ وَارْ إِقِّيمْ إِتَّارَّا-د خَافِي عَاذْ، وَارْ إِدْجِي خْ ثبْرِيذِينْ ن إِنَابِييّنْ ؤُڒَا س ثِيرْجَا. س ؤُينِّي ڒَاغِيغْ-د خَاكْ، مَاحنْذْ أَذْ أَيِي ثسّشْنذْ مِينْ غَا ڭّغْ.“
1SA 28:16 [خنِّي] إِنَّا شَامْوِيلْ: ”مَايمِّي ذ أَيِي ثتّْسقْسِيذْ، [مَاڒَا] سِيذِي إِحيّذْ خَاكْ ؤُ نتَّا إِذْوڒْ ضِيدّْ نّشْ؟
1SA 28:17 سِيذِي سِيمَانْثْ نّسْ إِڭَّا أَمْ مَامّشْ ثُوغَا زَّايِي إِنَّا ؤُ نتَّا إِقْڒعْ إِ شكْ ثَاڭلْذِيثْ زڭْ ؤُفُوسْ نّشْ، إِوْشَا إِ-ت إِ جَّارْ نّشْ، إِ ذَاوُوذْ.
1SA 28:18 مِينْزِي شكْ وَارْ ثسْڒِيذْ شَا غَارْ ثْمِيجَّا ن سِيذِي ؤُ شكْ وَارْ ثسِّيوْضذْ شَا ڒْحَاذُوقْ ن وغْضَابْ نّسْ غَارْ عَامَالِيقْ، خْ ؤُيَا إِ ذ أَشْ إِڭَّا سِيذِي أَسّْ-أَ أَيَا.
1SA 28:19 سِيذِي أَذْ كِيذكْ إِڭّْ ؤُڒَا ذ إِسْرَائِيل ذڭْ ؤُفُوسْ ن إِفِيلِيسْطِينِييّنْ، ؤُ ثِيوشَّا أَذْ ثِيڒِيذْ شكْ ذ إِحنْجِيرنْ نّشْ غَارِي. ؤُڒَا ذ ڒْعسْكَارْ ن إِسْرَائِيل أَذْ ث إِڭّْ سِيذِي ذڭْ ؤُفُوسْ ن إِفِيلِيسْطِينِييّنْ.“
1SA 28:20 [خنِّي] إِوْضَا شَاوُولْ ذغْيَا، إِبقّضْ ذِي ثمُّورْثْ، ثُوغَا إِتّڭّْوذْ أَطَّاسْ زڭْ وَاوَاڒنْ ن شَامْوِيلْ، ؤُشَا جّهْذْ وَارْ ذَايسْ إِقِّيمْ، مِينْزِي وَارْ إِشِّي أَغْرُومْ، أَسّْ ذ دْجِيڒثْ كمّْڒنْ.
1SA 28:21 ثَامْغَارْثْ ثُويُورْ غَارْ شَاوُولْ، ؤُشَا ثژْرَا إِ-ث يَارْجفْ أَطَّاسْ. ثنَّا أَسْ: ”خْزَارْ، ثَايَّا نّشْ ثسْڒَا غَارْ ثْمِيجَّا نّشْ ؤُ نشّْ سبّْڒغْ ثُوذَارْثْ إِنُو، سْڒِيغْ غَارْ وَاوَاڒنْ إِ ذ أَيِي ثنِّيذْ.
1SA 28:22 خنِّي ڒخُّو مَاشَا سڒْ غَارْ ثْمِيجَّا ن ثَايَّا نّشْ! نشّْ أَذْ أَشْ قدّْمغْ إِجّْ ن ؤُڒقِّيمْ ن وغْرُومْ. أشّْ حِيمَا أَذْ ثتّْوَاسّْجْهذذْ خْمِي غَا ثطّْفذْ أَبْرِيذْ.“
1SA 28:23 [مَاشَا] نتَّا يُوڭِي، إِنَّا: ”نشّْ وَارْ تّتّغْ!“ [مَاشَا] إِمْسخَّارنْ نّسْ ؤُڒَا ذ ثَامْغَارْثْ حْصَارنْ ث أَڒَامِي إِسْڒَا نتَّا غَارْسنْ، ؤُشَا نتَّا إِكَّارْ زِي ثمُّورْثْ، إِقِّيمْ خْ قَامَا.
1SA 28:24 ثَامْغَارْثْ ثُوغَا غَارسْ إِجّْ ن ؤُعجْمِي إِمْسڒْ ذِي ثَادَّارْثْ ؤُشَا ثْغَارْصْ أَسْ ذغْيَا. نتَّاثْ ثكْسِي أَوْرنْ، ثڭّْوَا أَرشْثِي ؤُ ثڭَّا زَّايسْ أَغْرُومْ بْڒَا أَنْثُونْ.
1SA 28:25 نتَّاثْ ثْقدّمْ [أَيَا] إِ شَاوُولْ ذ إِمْسخَّارنْ نّسْ ؤُشَا شِّينْ نِيثْنِي. أَوَارْنِي أَيَا كَّارنْ ؤُ أَرڭّْوْحنْ ذِي دْجِيڒثْ نِّي.
1SA 29:1 إِفِيلِيسْطِينِييّنْ سّْمُوننْ مَارَّا ڒْعسْكَارْ نْسنْ غَارْ أَفِيقْ ؤُشَا إِسْرَائِيل ثُوغَا إِوْثَا إِقِيضَانْ نّسْ غَارْ ثَاڒَا نِّي [إِدْجَانْ] غَارْ يَازْرَاعِيلْ.
1SA 29:2 ؤُشَا ڒْبَاشَاثْ [ن ثْندَّامْ] ن إِفِيلِيسْطِينِييّنْ ژْوَانْ غَارْ ذِينْ س ڒْمْيَاوَاثْ ذ ڒُوڒُوفْ نْسنْ ؤُشَا إِژْوَا ذَاوُوذْ ذ يرْيَازنْ نّسْ أَكْ-ذ أَخِيشْ غَارْ ؤُغزْذِيسْ أَنڭَّارُو.
1SA 29:3 [خنِّي] نَّانْ ڒْحُوكَّامْ ن إِفِيلِيسْطِينِييّنْ: ”مِينْ ذَا تّڭّنْ إِعِيبْرَانِييّنْ-أَ؟“ يَارَّا-د أَخِيشْ خْ ڒْحُوكَّامْ ن إِفِيلِيسْطِينِييّنْ: ”مَا وَا وَارْ إِدْجِي ذ ذَاوُوذْ، أَمْسخَّارْ ن شَاوُولْ، أَجدْجِيذْ ن إِسْرَائِيل، ونِّي ثُوغَا غَارِي إِدْجَانْ أَسڭّْوَاسْ ذ وَاسّْ؟ زڭْ وَاسّْ إِ غَارِي د-يعْذُو أَڒْ أَسّْ-أَ نشّْ وَارْ ذَايسْ ؤُفِيغْ ؤُڒَا ذ إِجّْ ن ڒْعِيبْ.“
1SA 29:4 فُّوڭّْمنْ خَاسْ أَطَّاسْ ڒْحُوكَّامْ ن إِفِيلِيسْطِينِييّنْ. نَّانْ أَسْ ڒْحُوكَّامْ ن إِفِيلِيسْطِينِييّنْ: ”سكّْ أَرْيَازْ أَذْ إِعْقبْ، حِيمَا أَذْ إِذْوڒْ غَارْ ومْشَانْ نّسْ نِّي إِ ذ أَسْ ثسّشْنذْ. وَارْ إِزمَّارْ أَكِيذْنغْ إِهْوَا غَارْ ؤُمنْغِي، حِيمَا خنِّي وَارْ إِذِّيكّْوِيڒْ ذ ڒعْذُو نّغْ ذڭْ ؤُمنْغِي. مَاغَارْ س مِينْزِي إِزمَّارْ وَانِيثَا أَذْ إِصْڒحْ أَكْ-ذ سِيذِيسْ نّسْ؟ مَا وَارْ إِدْجِي أَكْ-ذ إِزدْجِيفنْ ن يرْيَازنْ-أَ؟
1SA 29:5 مَا وَانِيثَا وَارْ إِدْجِي ذ ذَاوُوذْ ونِّي خْغنّْجنْثْ ذ شضْحنْثْ س نُّوبْثَاثْ، نَّانْثْ: ’شَاوُولْ نتَّا إِغْڒبْ خْ ڒُوڒُوفْ نّسْ، [مَاشَا] ذَاوُوذْ نتَّا خْعشْرَا ن ڒُوڒُوفْ نّسْ؟‘ “
1SA 29:6 ؤُشَا إِڒَاغَا-د أَخِيشْ إِ ذَاوُوذْ إِنَّا أَسْ: ”[س ثِيذتّْ أَمْ] إِدَّارْ سِيذِي، شكْ ذ أَصْذِيقْ. ؤُفُوغْ نّشْ ذ وعْقَابْ نّشْ أَكِيذِي ذِي ڒْعسْكَارْ أَقَا أَثنْ مْلِيحْ ذِي ثِيطَّاوِينْ إِنُو، مَاغَارْ نشّْ وَارْ ذَايكْ ؤُفِيغْ ؤُڒَا ذ شَا ن ڒْغشّْ زڭْ وَاسّْ إِ غَارِي د-ثُوسِيذْ أَڒْ أَسّْ-أَ. [مَاشَا] شكْ وَارْ ثدْجِيذْ مْلِيحْ ذِي ثِيطَّاوِينْ ن ڒْبَاشَاثْ [ن ثْندَّامْ].
1SA 29:7 خنِّي ڒخُّو، عْقبْ، ؤُيُورْ ذِي ڒهْنَا، [حِيمَا] وَارْ ثتّڭّذْ قَاعْ شَا ن ڒْغشّْ ذِي ثِيطَّاوِينْ ن ڒْبَاشَاثْ [ن ثْندَّامْ] ن إِفِيلِيسْطِينِييّنْ.“
1SA 29:8 [خنِّي] إِنَّا ذَاوُوذْ إِ أَخِيشْ: ”مَاغَارْ مِينْ ڭِّيغْ؟ مِينْ ثُوفِيذْ ذڭْ ؤُمْسخَّارْ نّشْ زڭْ وَاسّْ [أَمزْوَارُو] إِ ذ أَيِي ثُوغَا زَّاثْ إِ وُوذمْ نّشْ أَڒْ أَسّْ-أَ، أَڒَامِي وَارْ رُوحغْ أَكِيذْومْ أَذْ منْغغْ أَكْ-ذ ڒْعذْيَانْ ن سِيذِي إِنُو، أَجدْجِيذْ؟“
1SA 29:9 أَخِيشْ يَارَّا-د، إِنَّا إِ ذَاوُوذْ: ”نشّْ سّْنغْ ت، مِينْزِي شكْ ذ لمْلِيحْ ذِي ثِيطَّاوِينْ إِنُو أَمْ يِيجّْ ن لْمَالَاكْ ن أَربِّي، مَاشَا ڒْحُوكَّامْ ن إِفِيلِيسْطِينِييّنْ نَّانْ: ’نتَّا وَارْ أَكِيذْنغْ إِتّفّغْ غَارْ ؤُمنْغِي.‘
1SA 29:10 س ؤُينِّي كَّارْ ثِيوشَّا زِيشْ س إِمْسخَّارنْ ن سِيذِي نّشْ، إِنِّي أَكِيذكْ د-يُوسِينْ. مَاڒَا ثكَّارمْ س وَاسّْ زِيشْ ؤُشَا إِصْبحْ ڒْحَاڒْ، فّْغمْ [خنِّي].“
1SA 29:11 ذَاوُوذْ إِكَّارْ زِيشْ، نتَّا ذ يرْيَازنْ نّسْ، حِيمَا أَذْ ؤُيُورنْ ذِي صّْبحْ، أَذْ د -عقْبنْ غَارْ ثمُّورْثْ ن إِفِيلِيسْطِينِييّنْ. إِفِيلِيسْطِينِييّنْ [مَاشَا] فّْغنْ، ڭعّْذنْ غَارْ يَازْرَاعِيلْ.
1SA 30:1 [ؤُمِي] د-يُوسَا ذَاوُوذْ ذ يرْيَازنْ نّسْ غَارْ صِيقْلَاغْ ذڭْ وَاسّْ وِيسّْ ثْڒَاثَا، ثُوغَا إِمْسَارْ، أَقَا أَيْثْ ن عَامَالِيقْ كشّْضنْ لْجَانُوبْ ؤُڒَا ذ صِيقْلَاغْ. نِيثْنِي وْثِينْ صِيقْلَاغْ، قّْذنْ أَسْ ثِيمسِّي
1SA 30:2 ؤُشَا حبّْسنْ ثِيمْغَارِينْ نِّي ذِينْ [إِدْجَانْ]. وَارْ نْغِينْ ؤُڒَا ذ إِجّْ، أَمژْيَانْ نِيغْ ذ أَمقّْرَانْ، مَاشَا إِوْينْ ثنْ ؤُشَا ؤُيُورنْ أَبْرِيذْ نْسنْ.
1SA 30:3 يُوسَا-د ذَاوُوذْ أَكْ-ذ يرْيَازنْ نّسْ غَارْ ثنْذِينْثْ، ؤُشَا خْزَارْ، أَقَا ثتّْوَاسّشْمضْ [ثنْذِينْثْ] س ثْمسِّي ؤُ ثِيمْغَارِينْ ذ إِحنْجِيرنْ ذ ثْحنْجِيرِينْ ثُوغَا تّْوَاحوّْسنْ.
1SA 30:4 ذَاوُوذْ ذ ڒْڭنْسْ إِ غَارسْ [إِدْجَانْ] سّْڭعّْذنْ ثْمِيجَّا نْسنْ، سْغُوينْ أَڒَامِي وَارْ ذَايْسنْ إِقِّيمْ جّهْذْ حِيمَا أَذْ سْغُوينْ.
1SA 30:5 ؤُڒَا ذ ثْنَاينْ ن ثمْغَارِينْ ن ذَاوُوذْ تّْوَاحوّْسنْثْ، أَخِينُوعَامْ زِي يَازْرَاعِيلْ ؤُ أَبِيجَايِيلْ زِي كَارْمِيلْ.
1SA 30:6 ثُوغَا ذَاوُوذْ ثتّْوَاحْصَارذْ أَطَّاسْ، مِينْزِي ڒْڭنْسْ ثُوغَا إِسَّاوَاڒْ مَاحنْذْ أَذْ ث أَرجْمنْ، مَاغَارْ ڒعْمُورْ ن مَارَّا ڒْڭنْسْ ثُوغَا أَرزْڭنْ، [كُوڒْ] أَرْيَازْ خْ [ثْخسَّارْثْ] ن إِحنْجِيرنْ نّسْ ذ ثْحنْجِيرِينْ نّسْ. [مَاشَا] ذَاوُوذْ إِسّجْهذْ إِخفْ نّسْ ذِي سِيذِي، أَربِّي نّسْ.
1SA 30:7 إِنَّا ذَاوُوذْ إِ ؤُكهَّانْ أَبْيَاثَارْ، مِّيسْ ن أَخِيمَالِيكْ: ”أَوِي-د [ذَا] غَارِي أَپَالْطُو [ن ؤُكهَّانْ]!“ ؤُ أَبْيَاثَارْ يِيوِي-د أَپَالْطُو [ن ؤُكهَّانْ] غَارْ ذَاوُوذْ.
1SA 30:8 [خنِّي] إِسّقْسَا ذَاوُوذْ إِ سِيذِي: ”مَا أَذْ ضْفَارغْ بَانْذِييَّا-يَا؟ مَا أَذْ خَاسنْ حَارْثغْ؟“ سِيذِي يَارَّا-د خَاسْ: ”ضْفَارْ إِ-ثنْ، مَاغَارْ شكْ أَذْ خَاسنْ ثْحَارْثذْ ؤُ أَذْ ثْفكّذْ [إِمحْبَاسْ] نِيشَانْ.“
1SA 30:9 إِفّغْ-د ذَاوُوذْ، نتَّا ذ ستَّا-مْيَا ن يرْيَازنْ نِّي ثُوغَا غَارسْ. [ؤُمِي] د-إِوْضنْ نِيثْنِي أَڒْ ثِيغْزَارْثْ ن بَاسُورْ، بدّنْ [ذِينْ] إِنِّي إِقِّيمنْ غَارْ ضفَّارْ،
1SA 30:10 [مَاشَا] ذَاوُوذْ إِقِّيمْ إِضفَّارْ [بَانْذِييَّا نِّي]، نتَّا ذ أَربْعَا-مْيَا ن يرْيَازنْ أَكِيذسْ. مِيثَايْنْ ن يرْيَازنْ، إِنِّي ثُوغَا يُوحْڒنْ أَطَّاسْ مَاحنْذْ أَذْ ژْوَانْ ثِيغْزَارْثْ ن بَاشُورْ، قِّيمنْ بدّنْ [ذِينْ].
1SA 30:11 نِيثْنِي ؤُفِينْ إِجّْ ن ورْيَازْ ذ أَمِيصْرِي ذڭْ إِيَّارْ ؤُشَا إِوْينْ ث غَارْ ذَاوُوذْ. نِيثْنِي وْشِينْ أَسْ أَغْرُومْ ؤُ نتَّا إِشَّا ؤُ نِيثْنِي وْشِينْ أَسْ [عَاوذْ] أَمَانْ مَاحنْذْ أَذْ إِسُو.
1SA 30:12 أَرْنِينْ أَسْ إِشْثْ ن ثسْغَارْثْ ن إِجّْ ن وغْرُومْ ن ثَازَارْثْ يُوژْغنْ ذ ثْنَاينْ ن إِغْرُومنْ ن زّْبِيبْ ؤُ نتَّا إِشَّا، إِذْوڒْ أَسْ-د بُوحْبڒْ نّسْ، مَاغَارْ نتَّا ثُوغَا وَارْ إِشِّي وَارْ إِسْوِي ثْڒَاثَا ن وُوسَّانْ ذ ثْڒَاثَا ن دْجِييَاڒِي.
1SA 30:13 [خنِّي] إِنَّا أَسْ ذَاوُوذْ: ”وِي شكْ يِيڒَانْ ؤُ مَانِيسْ شكْ؟“ [خنِّي] إِنَّا ؤُحُوذْرِي أَمِيصْرِي: ”نشّْ ذ إِجّْ ن ؤُمْسخَّارْ ن إِجّْ ن ورْيَازْ ن عَامَالِيقْ ؤُ سِيذِي إِنُو إِجَّا أَيِي، ڒَامِي هڒْشغْ ثْڒَاثَا ن وُوسَّانْ زڭْ وَامِي.
1SA 30:14 نشِّينْ ثُوغَا نْكشّضْ [ثَامُّورْثْ ن] لْجَانُوبْ ن إِكَارِيثِييِّينْ، ثنِّي غَارْ يَاهُوذَا، ؤُڒَا ذ [ثَامُّورْثْ ن] لْجَانُوبْ ن كَالِيبْ، ؤُ نشِّينْ نسّشْمضْ صِيقْلَاغْ س ثْمسِّي.“
1SA 30:15 ذَاوُوذْ إِنَّا أَسْ: ”مَا ثْزمَّارذْ أَذْ أَيِي ثْنذْهذْ غَارْ بَانْذِييَّا-يَا ن إِخوَّاننْ؟“ نتَّا إِنَّا: ”جَادْجْ أَيِي غَارْ أَربِّي، أَقَا شكْ وَارْ ذ أَيِي ثْنقّذْ ؤُ وَارْ ذ أَيِي ثسّْعدُّوذْ إِ سِيذِي إِنُو! خنِّي نشّْ أَذْ شكْ نذْهغْ غَارْ بَانْذِييَّا-يَا.“
1SA 30:16 ؤُشَا إِنْذهْ إِ-ث ذِينْ، ؤُ خْزَارْ، نِيثْنِي ثُوغَا قِّيمنْ تّْوَابزّْعنْ خْ مَارَّا ثَامُّورْثْ، شِّينْ، سْوِينْ ؤُ شضْحنْ زِي سِّيبّثْ ن ثْكشَّاضْثْ ثَامقّْرَانْثْ إِ ثُوغَا د-إِوْينْ زِي ثمُّورْثْ ن إِفِيلِيسْطِينِييّنْ ؤُ زِي ثمُّورْثْ ن يَاهُوذَا.
1SA 30:17 ذَاوُوذْ إِوْثَا خَاسنْ زِي ثْبَامْبَاسْثْ أَڒْ ثَامذِّيثْ ن وَاسّْ إِ-ت-إِ-د-إِضْفَارنْ ؤُشَا ؤُڒَا ذ إِجّنْ زَّايْسنْ وَارْ إِنْجِيمْ، مْغِيرْ أَربْعَا-مْيَا ن إِحُوذْرِييّنْ نِّي إِنْيِينْ خْ إِڒغْمَانْ، أَروْڒنْ.
1SA 30:18 [أَمُّو] د-إِفكّْ ذَاوُوذْ مَارَّا مِينْ كّْسنْ أَيْثْ ن عَامَالِيقْ. ذَاوُوذْ إِفكّْ-د ؤُڒَا ذ ثْنَاينْ ن ثمْغَارِينْ نّسْ.
1SA 30:19 زڭْ ؤُمژْيَانْ أَڒْ أَمقّْرَانْ، زڭْ إِحنْجِيرنْ ذ ثْحنْجِيرِينْ، زِي ثْكشَّاضْثْ ؤُ زِي مَارَّا مِينْ زَّايْسنْ كّْسنْ، وَارْ إِودَّارْ وَالُو. مَارَّا يَارَّا إِ-ث-إِ-د ذَاوُوذْ.
1SA 30:20 إِكْسِي ذَاوُوذْ عَاوذْ مَارَّا ؤُدْجِي ذ إِفُونَاسنْ ذ ثْفُونَاسِينْ. نذْهنْ [ثنْ] غَارْ زَّاثْ إِ ڒكْسِيبثْ [ن يِيخفْ] نْسنْ، نَّانْ: ”ثَا ذ ثَاكشَّاضْثْ ن ذَاوُوذْ.“
1SA 30:21 [ؤُمِي] د-يِيوضْ ذَاوُوذْ غَارْ مِيثَاينْ ن يرْيَازنْ، إِنِّي ثُوغَا يُوحْڒنْ أَطَّاسْ حِيمَا أَذْ ضْفَارنْ ذَاوُوذْ [عَاذْ]، إِنِّي إِجَّا ذَاوُوذْ غَارْ ثغْزَارْثْ ن بَاشُورْ، أَقَا فّْغنْ-د نِيثْنِي غَارْ ؤُمْسَاڭَارْ أَكْ-ذ ذَاوُوذْ ؤُ أَكْ-ذ ڒْڭنْسْ نِّي ثُوغَا غَارسْ. ذَاوُوذْ إِقَارّبْ-د غَارْسنْ ؤُشَا إِسّقْسَا خْ ؤُمدُّورْ نْسنْ.
1SA 30:22 [خنِّي] يَارَّا-د كُوڒْ أَرْيَازْ وَارْ إِحْڒِينْ ذ ونِّي وَارْ إِسكّْوِينْ جَارْ يرْيَازنْ نِّي ثُوغَا د-إِفّْغنْ أَكْ-ذ ذَاوُوذْ، نَّانْ: ”مَاغَارْ نِيثْنِي وَارْ كِيذْنغْ فِّيغنْ، خْ ؤُينِّي وَارْ ذ أَسنْ نتِّيشْ وَالُو زِي ثْكشَّاضْثْ إِ د-نْفكّْ، مْغِيرْ إِ [كُوڒْ] أَرْيَازْ ثَامْغَارْثْ نّسْ ذ إِحنْجِيرنْ نّسْ. ذ إِنَا زمَّارنْ نِيثْنِي أَذْ أَوْينْ ؤُشَا أَذْ [كِيذْسنْ] أَرڭّْوْحنْ.“
1SA 30:23 [مَاشَا] ذَاوُوذْ إِنَّا: ”وَارْ إِعدّڒْ أَذْ ثڭّمْ أَمنِّي، أَيْثْمَا، أَقَا سِيذِي ذ ونِّي ذ أَنغْ إِوْشِينْ [أَيَا] ؤُ نتَّا إِحْضَا أَنغْ ؤُ إِوْشَا بَانْذِييَّا إِ ذ أَنغْ د-إِوْضَانْ ذڭْ ؤُفُوسْ نّغْ.
1SA 30:24 وِي غَارْومْ إِ غَا إِسْڒنْ غَارْ وَاوَاڒْ نْومْ؟ مَاغَارْ ثَاسْغَارْثْ ن ونِّي إِفّْغنْ غَارْ ؤُمنْغِي [أَذْ ثِيڒِي] أَمْ ثسْغَارْثْ ن ونِّي إِقِّيمنْ غَارْ ڒخْزِينْ. نِيثْنِي أَذْ [ت] بْضَانْ [جْمِيعْ].“
1SA 30:25 أَمُّو إِ ت ثقِّيمْ زڭْ وَاسّْ نِّي، مِينْزِي نتَّا إِڭَّا إِ-ت ذ إِشْثْ ن ثوْصيّثْ ذ إِشْثْ ن لْفَارِيضَا ذِي إِسْرَائِيل أَڒْ أَسّْ-أَ.
1SA 30:26 [ؤُمِي] يَارڭّْوحْ ذَاوُوذْ غَارْ صِيقْلَاغْ، إِسّكّْ نتَّا [ثِيرْزفِينْ] زِي ثْكشَّاضْثْ غَارْ إِمْغَارنْ ن يَاهُوذَا، إِمدُّوكَّاڒْ نّسْ، [أَمْ إِ ذ أَسنْ] إِنَّا: ”ثَا ذ إِشْثْ ن لْبَارَاكَا إِ كنِّيوْ زِي ثْكشَّاضْثْ ن ڒْعذْيَانْ ن سِيذِي“.
1SA 30:27 إِسّكّْ [إِ إِمْغَارنْ] ذِي بَايْثْ-إِلْ، إِ يِينِّي ذِي رَامَاثْ ذِي لْجَانُوبْ، إِ يِينِّي ذِي يَاتِّيرْ،
1SA 30:28 إِ يِينِّي ذِي عَارُوعِيرْ، إِ يِينِّي ذِي سِيفْمُوثْ، إِ يِينِّي ذِي إِشِيثِيمُوعَا،
1SA 30:29 إِ يِينِّي ذِي رَاخِيلْ، إِ يِينِّي [ثُوغَا إِزدّْغنْ] ذِي ثْندَّامْ ن إِيَارْحَامْثِيلِييّنْ، إِ يِينِّي [إِزدّْغنْ] ذِي ثْندَّامْ ن إِقِينِييّنْ،
1SA 30:30 إِ يِينِّي ذِي حُورْمَا، إِ يِينِّي ذِي كُورْ-عَاشَانْ، إِ يِينِّي ذِي عَاثَاكْ،
1SA 30:31 إِ يِينِّي ذِي حَابْرُونْ ؤُ غَارْ مَارَّا إِمُوشَانْ مَانِي ثُوغَا إِكَّا ذَاوُوذْ، نتَّا أَكْ-ذ إِرْيَازنْ نّسْ.
1SA 31:1 مّنْغنْ إِفِيلِيسْطِينِييّنْ أَكْ-ذ إِسْرَائِيل. إِرْيَازنْ ن إِسْرَائِيل أَروْڒنْ زَّاثْ إِ وُوذمْ ن إِفِيلِيسْطِينِييّنْ ؤُشَا وْضَانْ ذ إِمتَّانْ خْ ثمُّورْثْ ن إِذُورَارْ ن جِيلْبُوعَا.
1SA 31:2 إِفِيلِيسْطِينِييّنْ ضْفَارنْ شَاوُولْ ذ أَرَّاوْ نّسْ بْڒَا قطُّو ؤُشَا إِفِيلِيسْطِينِييّنْ نْغِينْ يُونَاثَانْ ذ أَبِينَاذَابْ ذ مَالْكِيشُوعَا، أَرَّاوْ ن شَاوُولْ.
1SA 31:3 إِذْوڒْ ؤُمنْغِي أَكْ-ذ شَاوُولْ إِوْعَارْ. إِمْجبَّاذنْ، إِرْيَازنْ س ڒْقوْسْ، ؤُفِينْ ث ؤُ نتَّا ثُوغَا إِتّڭّْوذْ أَطَّاسْ زڭْ إِمْجبَّاذنْ [ن ڒْقوْسْ].
1SA 31:4 [خنِّي] إِنَّا شَاوُولْ إِ ؤُحمَّاڒْ ن ڒسْنَاحْ نّسْ: ”سُوفّغْ-د سِّيفْ نّشْ، سْنُوقّبْ أَيِي زَّايسْ! نِيغْ أَذْ ثَاغْ أَذْ د-أَسنْ إِنِّي وَارْ إِتّْوَاخثْننْ، مَاحنْذْ أَذْ أَيِي سّْنُوقّْبنْ ؤُ أَذْ زَّايِي سْثهْزَانْ.“ [مَاشَا] أَحمَّاڒْ ن ڒسْنَاحْ نّسْ وَارْ إِخْسْ [أَذْ ت إِڭّْ]، مَاغَارْ نتَّا ثُوغَا إِڭّْوذْ أَطَّاسْ. [خنِّي] إِكْسِي شَاوُولْ سِّيفْ ؤُشَا إِجَّا إِخفْ نّسْ أَذْ خَاسْ إِوْضَا.
1SA 31:5 ؤُمِي أَحمَّاڒْ ن ڒسْنَاحْ إِژْرَا، أَقَا شَاوُولْ إِمُّوثْ، إِڭَّا ؤُڒَا ذ نتَّا أَذْ إِوْضَا س يِيخفْ نّسْ خْ سِّيفْ نّسْ ؤُشَا إِمُّوثْ أَكِيذسْ.
1SA 31:6 أَمُّو إِ إِمُّوثْ شَاوُولْ ذڭْ وَاسّْ نِّي، [إِمُونْ] أَكْ-ذ ثْڒَاثَا ن إِحنْجِيرنْ نّسْ ؤُ أَكْ-ذ ؤُحمَّاڒْ ن ڒسْنَاحْ نّسْ [ؤُڒَا أَكْ-ذ] مَارَّا إِرْيَازنْ نّسْ.
1SA 31:7 [ؤُمِي] ژْرِينْ يرْيَازنْ ن إِسْرَائِيل، إِنِّي ثُوغَا غَارْ ؤُغزْذِيسْ نّغْنِي ن ڒوْضَا ن ثغْزُورْثْ ذ إِنِّي ثُوغَا خْ ؤُجمَّاضْ ن لْ-ؤُرْذُونْ، أَقَا إِرْيَازنْ ن إِسْرَائِيل أَروْڒنْ ؤُ أَقَا شَاوُولْ ذ ثْڒَاثَا ن إِحنْجِيرنْ نّسْ تّْوَانْغنْ، سمْحنْ نِيثْنِي ذِي ثْندَّامْ نْسنْ ؤُشَا أَروْڒنْ. [ڒخْذنِّي] ؤُسِينْ-د إِفِيلِيسْطِينِييّنْ ؤُشَا ذوْڒنْ زدّْغنْ ذَايْسنْثْ.
1SA 31:8 ثِيوشَّا نّسْ، ؤُمِي د-ؤُسِينْ إِفِيلِيسْطِينِييّنْ، حِيمَا أَذْ كشّْضنْ إِنِّي إِتّْوَانْغنْ، إِمْسَارْ، أَقَا ؤُفِينْ شَاوُولْ ذ ثْڒَاثَا ن إِحنْجِيرنْ نّسْ، إِنِّي ثُوغَا إِوْضَانْ خْ وذْرَارْ ن جِيلْبُوعَا.
1SA 31:9 نِيثْنِي قسّنْ أَسْ أَزدْجِيفْ، سَّارْخُونْ أَسْ ڒسْنَاحْ ؤُشَا سّكّنْ [إِرقَّاسنْ] ذِي ثمُّورْثْ ن إِفِيلِيسْطِينِييّنْ، حِيمَا أَذْ سِّيوْضنْ ڒخْبَارْ أَصبْحَانْ غَارْ ثَادَّارْثْ ن ڒخْيَاڒَاثْ ن لْ-أَصْنَامْ نْسنْ ؤُ جَارْ ڒْڭنْسْ.
1SA 31:10 ڒسْنَاحْ ن شَاوُولْ سَّارْسنْ ث ذِي ثَادَّارْثْ [ن زَّاوشْثْ] ن ’عَاشْثَارُوثِينْ‘، ؤُ ڒْخشْبثْ نّسْ ؤُيْڒنْ ت غَارْ ڒْحِيضْ ن بَايْثْ-شَانْ.
1SA 31:11 [ؤُمِي] إِمزْذَاغْ ن يَابِيشْ-جِيلْعَاذْ سْڒَانْ مِينْ ڭِّينْ إِفِيلِيسْطِينِييّنْ ذِي شَاوُولْ،
1SA 31:12 كَّارنْ مَارَّا إِرْيَازنْ إِمحْضنْ، ؤُيُورنْ دْجِيڒثْ ثْمُونْ ؤُشَا كْسِينْ ڒْخشْبثْ ن شَاوُولْ ذ ڒْخشْبَاثْ ن إِحنْجِيرنْ نّسْ زِي ڒْحِيضْ ن بَايْثْ-شَانْ ؤُشَا إِوْضنْ غَارْ يَابِيشْ ؤُشَا سّْشمْضنْ ثنْثْ ذِينِّي.
1SA 31:13 خنِّي كْسِينْ إِغْسَانْ نْسنْ، نضْڒنْ ثنْ سَاذُو ثَاشجَّارْثْ ن ثْمَارِيسْثْ ن يَابِيشْ ؤُشَا ژُومّنْ سبْعَا ن وُوسَّانْ.
2SA 1:1 إِمْسَارْ أَوَارْنِي إِ ڒْموْثْ ن شَاوُولْ، [ؤُمِي] د-إِعْقبْ ذَاوُوذْ زِي ڒغْڒبْ خْ أَيْثْ ن عَامَالِيقْ، إِقِّيمْ ذَاوُوذْ ثْنَاينْ ن وُوسَّانْ ذِي صِيقْلَاغْ.
2SA 1:2 [خنِّي] إِمْسَارْ ذڭْ وَاسّْ وِيسّْ ثْڒَاثَا، أَقَا ذَا، يُوسَا-د إِجّْ ن ورْيَازْ زِي ڒْمَارْڭحْ ن ڒْعسْكَارْ ن شَاوُولْ س وَارُّوضْ إِشَارّڭْ ؤُ س ؤُشَاڒْ خْ ؤُزدْجِيفْ نّسْ. [ؤُمِي] د-يِيوضْ نتَّا غَارْ ذَاوُوذْ، إِوْضَا غَارْ ثمُّورْثْ، يُوضَارْ [أَسْ].
2SA 1:3 ذَاوُوذْ إِنَّا أَسْ: ”مَانِيسْ إِ د-ثُوسِيذْ شكْ؟“ نتَّا يَارَّا-د خَاسْ: ”نشّْ سّْنجْمغْ-د إِخفْ إِنُو زِي ڒْمَارْڭحْ ن ڒْعسْكَارْ ن إِسْرَائِيل.“
2SA 1:4 ذَاوُوذْ إِنَّا أَسْ: ”مِينْ [ذِينْ] ذ ڒخْبَارْ؟ إِنِي أَيِي ث!“ نتَّا يَارَّا-د خَاسْ: ”ڒْْڭنْسْ يَارْوڒْ زڭْ ؤُمنْغِي ؤُ أَطَّاسْ نْ ڒْڭنْسْ إِ وْضَانْ، مُّوثنْ. ؤُڒَا ذ شَاوُولْ ذ مِّيسْ يُونَاثَانْ مُّوثنْ.“
2SA 1:5 ذَاوُوذْ إِنَّا إِ ؤُحُوذْرِي نِّي ذ أَسْ د-يِيوْينْ ڒخْبَارْ: ”مَامّشْ ثڭِّيذْ ثسّْنذْ، بلِّي شَاوُولْ ذ مِّيسْ يُونَاثَانْ مُّوثنْ؟“
2SA 1:6 [خنِّي] إِنَّا ؤُحُوذْرِي إِ ذ أَسْ د-يِيوْينْ ڒخْبَارْ: ”نشّْ ؤُسِيغْ-د أَمنِّي وَاهَا غَارْ إِذُورَارْ ن جِيلْبُوعَا ؤُشَا ژْرِيغْ مَامّشْ إِسنّذْ شَاوُولْ خْ لَانْسَا نّسْ ؤُ إِكَارُّوثنْ [ن ؤُمنْغِي] ذ إِمْنَاينْ إِنِّي خَاسنْ إِنْيِينْ ضفَّارنْ ث بْڒَا قطُّو.
2SA 1:7 نتَّا، أَمْ د-إِنّقْڒبْ، إِژْرَا أَيِي، إِڒَاغَا أَيِي-د ؤُ نشّْ نِّيغْ أَسْ: ’أَقَا-يِي ذَا!‘
2SA 1:8 نتَّا إِنَّا أَيِي: ’مِينْ ثعْنِيذْ شكْ؟‘ نشّْ أَرِّيغْ-د خَاسْ: ’نشّْ زڭْ أَيْثْ ن عَامَالِيقْ.‘
2SA 1:9 [خنِّي] إِنَّا أَيِي نتَّا: ’أَسْ-د غَارِي، نغْ أَيِي، مَاغَارْ نشّْ ثڒْقفْ أَيِي ثُوشّنْثْ، مَاشَا [وَاخَّا أَمنِّي] ثُوذَارْثْ أَقَا-ت ذَايِي.‘
2SA 1:10 [ڒخْذنِّي] نشّْ ؤُيُورغْ ؤُ نْغِيغْ ث، مَاغَارْ نشّْ سّْنغْ، أَقَا وَارْ إِتّْغِيمِي إِدَّارْ أَوَارْنِي إِ ؤُوطُّو نّسْ. [خنِّي] كْسِيغْ تَّاجْ [ن وعْزَاڒْ] نِّي خْ ؤُزدْجِيفْ نّسْ ذ ثْمقْيَاسْثْ إِ ثُوغَا غَارسْ ذڭْ ؤُغِيڒْ، إِوْيغْ ثنْ-د [ڒخُّو] ذَا غَارْ سِيذِي إِنُو.“
2SA 1:11 [ڒخْذنِّي] إِطّفْ ذَاوُوذْ أَرُّوضْ نّسْ، إِشَارّڭْ إِ-ث. [أَمُّو إِ ت ڭِّينْ] ؤُڒَا ذ مَارَّا إِرْيَازنْ إِ ثُوغَا غَارسْ إِدْجَانْ.
2SA 1:12 نِيثْنِي وْثِينْ أَڭجْذُورْ، رُونْ ؤُ ژُومّنْ أَڒْ ثَامذِّيثْ خْ شَاوُولْ، خْ مِّيسْ يُونَاثَانْ، خْ ڒْڭنْسْ ن سِيذِي ؤُ خْ ثَادَّارْثْ ن إِسْرَائِيل، مِينْزِي وْضَانْ س سِّيفْ.
2SA 1:13 [خنِّي] إِنَّا ذَاوُوذْ إِ ؤُحُوذْرِي نِّي ثُوغَا إِ ذ أَسْ-د-يِيوْينْ ڒخْبَارْ: ”زِي مَانِيسْ [د-ثُوسِيذْ] شكْ؟“ نتَّا إِنَّا أَسْ: ”نشّْ ذ مِّيسْ ن إِجّْ ن ؤُبَارَّانِي، ن إِجّْ ن ورْيَازْ زڭْ أَيْثْ ن عَامَالِيقْ.“
2SA 1:14 ذَاوُوذْ إِنَّا أَسْ: ”مَامّشْ ثڭِّيذْ، شكْ وَارْ ثڭّْوِيذذْ شَا أَذْ ثسّْوِيژّْضذْ س ؤُفُوسْ حِيمَا أَذْ ثَاردّْدْجذْ أَمذْهُونْ ن سِيذِي؟“
2SA 1:15 [خَاسْ] ؤُشَا إِڒَاغَا-د ذَاوُوذْ خْ إِجّنْ زڭْ إِمْسخَّارنْ إِنَّا: ”قَارّبْ-د، حيّحْ خَاسْ!“ ؤُ نتَّا إِحيّحْ خَاسْ أَڒَامِي ث إِنْغَا.
2SA 1:16 ذَاوُوذْ إِنَّا أَسْ: ”إِذَامّنْ نّشْ [أَذْ إِڒِينْ] خْ ؤُزدْجِيفْ نّشْ، مَاغَارْ أَقمُّومْ نّشْ إِشْهذْ خَاكْ ؤُمِي ثنِّيذْ: ’نشّْ نْغِيغْ أَمذْهُونْ ن سِيذِي.‘ “
2SA 1:17 إِغنّجْ ذَاوُوذْ إِزْڒِي-يَا ن وشْضَانْ خْ شَاوُولْ ؤُ خْ مِّيسْ يُونَاثَانْ.
2SA 1:18 نتَّا إِنَّا: ”أَذْ ڒمْذنْ أَيْثْ ن يَاهُوذَا [إِزْڒِي ن] ڒْقوْسْ.“ خْزَارْ، يُورَا ذڭْ وذْلِيسْ ن ؤُمْسڭّذْ.
2SA 1:19 ”ثَالْوِيزْثْ ن إِسْرَائِيل إِتّْوَانغْ خْ ڒڭْعُوذِي نّشْ. مَامّشْ وْضَانْ أَيْثْ ن بُو-ثغْرُوضْثْ!
2SA 1:20 وَارْ ت تّْحَاجَامْ ذِي جَاثْ، وَارْ تّْسِيوْضمْ ڒخْبَارْ ذڭْ إِبْرِيذنْ ن أَشْقَالُونْ، مَاحنْذْ يسِّيسْ ن إِفِيلِيسْطِينِييّنْ وَارْ فَارّْحنْثْ، مَاحنْذْ يسِّيسْ ن يِينِّي وَارْ إِتّْوَاخثْننْ وَارْ سّْڒِيوْڒِيونْثْ.
2SA 1:21 أَ إِذُورَارْ ن جِيلْبُوعَا، وَارْ خَاومْ إِتِّيڒِي نّْذَا نِيغْ أَنْژَارْ، وَارْ خَاومْ تِّيڒِينْ إِيَّارنْ مَاحنْذْ أَذْ زَّايْسنْ تّْوَاكّْسنْثْ ثِيوْهِيبِينْ ن ؤُسْڭعّذْ، مَاغَارْ ذِينْ إِتّْوَابقّضْ ثْسدَّارْثْ ن أَيْثْ ن بُو-ثغْرُوضْثْ س ڒْعَارْ، ثَاسدَّارْثْ ن شَاوُولْ، أَخْمِي نتَّا وَارْ إِدْجِي ذ أَمذْهُونْ س زّشْثْ.
2SA 1:22 زڭْ إِذَامّنْ ن يِينِّي إِتّْوَانْغنْ، زِي ثَاذُونْثْ ن أَيْثْ ن بُو-ثغْرُوضْثْ وَارْ ذ إِمْنِيعْ ڒْقوْسْ ن يُونَاثَانْ، ؤُ سِّيفْ ن شَاوُولْ وَارْ د-إِعْقِيبْ بَاطڒْ.
2SA 1:23 شَاوُولْ ذ يُونَاثَانْ تّْوَاعِيزّنْ ذ إِغْڒَانْ غَارْ إِوْذَانْ ذِي ثُوذَارْثْ نْسنْ، ؤُ ذِي ڒْموْثْ نْسنْ وَارْ مّْسبْضِينْ. نِيثْنِي ثُوغَا أَثنْ فْسُوسنْ خْ إِڭِيذَارنْ ذ جهْذنْ خْ وَايْرَاذنْ.
2SA 1:24 أَ يسِّيسْ ن إِسْرَائِيل، رُونْثْ خْ شَاوُولْ، ونِّي كنِّينْثْ إِسّْيَارْضنْ س ؤُزڭّْوَاغْ، س ڒقْشُوعْ إِغْڒَانْ، ذ ونِّي إِڭِّينْ ثَالْوِيزْثْ ن وُورغْ خْ وَارُّوضْ نْكنْثْ.
2SA 1:25 مَامّشْ إِ وْضَانْ أَيْثْ ن بُو-ثغْرُوضْثْ ذِي ڒْوسْطْ ن ؤُمنْغِي! أَ، يُونَاثَانْ، ثتّْوَانْغذْ خْ ڒڭْعُوذِي نّشْ.
2SA 1:26 ذِي سِّيبّثْ نّشْ تّْوَاحْصَارغْ، أَ ؤُمَا يُونَاثَانْ! شكْ ثُوغَا ثتّْوَاعِيزّذْ غَارِي أَطَّاسْ. ثُوغَا ثَايْرِي نّشْ غَارِي ذ سَّارْ كْثَارْ خْ ثَايْرِي ن ثمْغَارِينْ.
2SA 1:27 مَامّشْ وْضَانْ أَيْثْ ن بُو-ثغْرُوضْثْ، مَامّشْ ودَّارنْ ڒسْنَاحْ ن ؤُمنْغِي!“
2SA 2:1 أَوَارْنِي ؤُيَا إِمْسَارْ، أَقَا ذَاوُوذْ إِسّقْسَا سِيذِي، إِنَّا: ”مَا أَذْ ڭعّْذغْ غَارْ إِشْثنْ زِي ثْندَّامْ ن يَاهُوذَا؟“ سِيذِي إِنَّا أَسْ: ”ڭعّذْ!“ ؤُشَا ذَاوُوذْ إِنَّا: ”مَانِي غَا ڭعّْذغْ؟“ نتَّا إِنَّا: ”غَارْ حَابْرُونْ.“
2SA 2:2 [خنِّي] إِڭعّذْ ذَاوُوذْ غَارْ حَابْرُونْ أَكْ-ذ ثْنَاينْ ن ثمْغَارِينْ نّسْ، أَخِينُوعَامْ زِي يَازْرَاعِيلْ، ؤُ أَبِيجَايِيلْ، ثَامْغَارْثْ ن نَابَالْ زِي كَارْمِيلْ.
2SA 2:3 ذَاوُوذْ يَارَّا أَذْ ڭعّْذنْ عَاوذْ إِرْيَازنْ نِّي ثُوغَا أَكِيذسْ [إِدْجَانْ]، [كُوڒْ] أَرْيَازْ أَكْ-ذ ثْوَاشُونْثْ نّسْ، ؤُشَا نِيثْنِي ؤُيُورنْ أَذْ زذْغنْ ذِي ثْندَّامْ ن حَابْرُونْ.
2SA 2:4 [أَوَارْنِي ؤُيَا] ؤُسِينْ-د يرْيَازنْ ن يَاهُوذَا [غَارْ حَابْرُونْ] ؤُشَا ذهْننْ ذَاوُوذْ ذِينِّي ذ أَجدْجِيذْ خْ ثَادَّارْثْ ن يَاهُوذَا. [خنِّي] ؤُسِينْ-د حِيمَا أَذْ خبَّارنْ ذَاوُوذْ، نَّانْ: ”إِرْيَازنْ ن يَابِيشْ ذِي جِيلْعَاذْ أَقَا نضْڒنْ شَاوُولْ.“
2SA 2:5 [خنِّي] إِسّكّْ ذَاوُوذْ إِرقَّاسنْ غَارْ يرْيَازنْ ن يَابِيشْ ذِي جِيلْعَاذْ، إِنَّا أَسنْ: ”أَذْ كنِّيوْ إِبَاركْ سِيذِي، مِينْزِي كنِّيوْ ثڭِّيمْ إِ شَاوُولْ، سِيذِي نْومْ، س ثْمخْسِيوْثْ إِشوَّارنْ ؤُشَا ثْنضْڒمْ ث.
2SA 2:6 أَذْ أَومْ إِسّْشنْ سِيذِي ڒخُّو ثَامخْسِيوْثْ [نّسْ] إِشوَّارنْ ذ ڒَامَانْ نّسْ. ؤُڒَا ذ نشّْ أَذْ أَومْ ڭّغْ س ثْشُونِي، مِينْزِي أَقَا كنِّيوْ ثڭِّيمْ أَيَا.
2SA 2:7 خنِّي ڒخُّو، جّمْ أَذْ تّْوَاسّْجهْذنْ إِفَاسّنْ نْومْ ؤُ إِڒِيمْ ثْمحّْذمْ، مَاغَارْ شَاوُولْ، سِيذِي نْومْ، إِمُّوثْ. ؤُڒَا ذ ثَادَّارْثْ ن يَاهُوذَا ثذْهنْ أَيِي ذ أَجدْجِيذْ خَاسنْ.“
2SA 2:8 أَبْنِيرْ، مِّيسْ ن نِيرْ، أَكُومَانْذَارْ ن ڒْعسْكَارْ ن شَاوُولْ، ثُوغَا يِيوِي أَكِيذسْ إِشْ-بُوشَاثْ، مِّيسْ ن شَاوُولْ، غَارْ مَاحَانَايِيمْ.
2SA 2:9 نتَّا إِڭَّا إِ-ث ذ أَجدْجِيذْ خْ جِيلْعَاذْ، خْ إِشُورِييّنْ، خْ يَازْرَاعِيلْ، خْ إِفْرَايِيمْ، خْ بِينْيَامِينْ ؤُ خْ مَارَّا إِسْرَائِيل.
2SA 2:10 إِشْ-بُوشَاثْ، مِّيسْ ن شَاوُولْ، ثُوغَا غَارسْ أَربْعِينْ ن إِسڭّْوُوسَا ؤُمِي إِذْوڒْ نتَّا ذ أَجدْجِيذْ خْ إِسْرَائِيل، ؤُ نتَّا إِحْكمْ ثْنَاينْ ن إِسڭّْوُوسَا. مْغِيرْ إِنِّي ن ثَادَّارْثْ ن يَاهُوذَا بدّنْ أَكْ-ذ ذَاوُوذْ.
2SA 2:11 ڒْقدّْ ن وُوسَّانْ إِ ثُوغَا ذَاوُوذْ إِحْكمْ ذِي حَابْرُونْ أَمْ ؤُجدْجِيذْ خْ ثَادَّارْثْ ن يَاهُوذَا، ثُوغَا سبْعَا ن إِسڭّْوُوسَا ذ ستَّا ن إِيُورنْ.
2SA 2:12 أَبْنِيرْ، مِّيسْ ن نِيرْ، إِفّغْ أَكْ-ذ إِمْسخَّارنْ ن إِشْ-بُوشَاثْ، مِّيسْ ن شَاوُولْ، زِي مَاحَانَايِيمْ غَارْ جِيبْعُونْ.
2SA 2:13 ؤُڒَا ذ يُووَابْ، مِّيسْ ن صَارُويَا، ذ إِمْسخَّارنْ ن ذَاوُوذْ فّْغنْ ؤُشَا نِيثْنِي مّڒْقَانْ أَكْ-ذ وَايَاوْيَا غَارْ ؤُيڒْمَامْ ن جِيبْعُونْ. [ذِينِّي] قِّيمنْ نِيثْنِي بدّنْ، إِجّْ غَارْ ؤُغزْذِيسْ-أَ ن ؤُيڒْمَامْ ؤُ ونّغْنِي خْ ؤُجمَّاضْ ن ؤُيڒْمَامْ.
2SA 2:14 إِنَّا أَبْنِيرْ إِ يُووَابْ: ”أجّْ إِحُوذْرِييّنْ أَذْ كَّارنْ أَذْ مُّوغْزْڒنْ زَّاثْنغْ.“ يُووَابْ إِنَّا: ”نِيثْنِي أَذْ كَّارنْ!“
2SA 2:15 نِيثْنِي كَّارنْ، [خنِّي]عدُّونْ. أَقَا حسْبنْ ثنْعَاشْ زِي بِينْيَامِينْ إِ إِشْ-بُوشَاثْ، مِّيسْ ن شَاوُولْ، ؤُ ثنْعَاشْ زڭْ إِمْسخَّارنْ ن ذَاوُوذْ.
2SA 2:16 إِجّْ إِطّفْ ونّغْنِي زڭْ ؤُزدْجِيفْ ؤُ إِجُّو أَسْ س سِّيفْ نّسْ ذڭْ ؤُغزْذِيسْ ن ونّغْنِي ؤُ نِيثْنِي وْضَانْ س ثْنَاينْ إِذْسنْ. س ؤُينِّي قَّارنْ أَسْ إِ ومْشَانْ نِّي حَالْقَاثْ-هَاصُورِيمْ ونِّي [إِدْجَانْ] غَارْ جِيبْعُونْ.
2SA 2:17 ذڭْ وَاسّْ نِّي إِذْوڒْ ؤُمنْغِي إِقْسحْ أَطَّاسْ. أَبْنِيرْ ذ يرْيَازنْ ن إِسْرَائِيل تّْوَاغلّْبنْ زَّاثْ إِ وُوذمْ ن إِمْسخَّارنْ ن ذَاوُوذْ.
2SA 2:18 ثُوغَا ذِينْ ثْڒَاثَا ن إِحنْجِيرنْ ن صَارُويَا، نِيثْنِي ذ يُووَابْ ذ أَبِيشَايْ ذ عَسَائِيلْ. عَسَائِيلْ ثُوغَا إِفْسُوسْ خْ إِضَارنْ أَمْ يِيجّْ زڭْ إِغَايْضنْ ن وزْغَارْ ذڭْ إِيَّارْ.
2SA 2:19 عَسَائِيلْ إِضْفَارْ أَبْنِيرْ. ؤُمِي ثُوغَا إِڭُّورْ، وَارْ إِحيّذْ غَارْ ضفَّارْ ن أَبْنِيرْ، [ڒَْا غَارْ] يفُوسْ ؤُڒَا [غَارْ] ؤُزڒْمَاضْ.
2SA 2:20 ؤُشَا إِنّقْڒبْ أَبْنِيرْ، إِنَّا: ”مَا ذ شكْ، عَسَائِيلْ؟“ ؤُ نتَّا إِنَّا: ”ذ نشّْ!“
2SA 2:21 أَبْنِيرْ إِنَّا أَسْ: ”فَارْغْ [غَارْ] يفُوسْ نِيغْ [غَارْ] ؤُزڒْمَاضْ ؤُ شبَّارْ ذڭْ إِجّْ زڭْ إِحُوذْرِييّنْ ؤُ كْسِي إِ يِيخفْ نّشْ أَرُّوضْ نّسْ ن ڒْعسْكَارْ!“ عَسَائِيلْ [مَاشَا] وَارْ إِخْسْ أَذْ خَاسْ إِحيّذْ زِي ضفَّارْ نّسْ.
2SA 2:22 [خنِّي] إِنَّا أَبْنِيرْ عَاوذْ إِ عَسَائِيلْ: ”حيّذْ زِي ضفَّارْ إِنُو. مَايمِّي شكْ إِ غَا وْثغْ غَارْ ثمُّورْثْ؟ مَامّشْ إِ غَا ڭّغْ خنِّي عَاذْ أَذْ خْزَارغْ إِ ؤُمَاشْ يُووَابْ ذِي ثِيطَّاوِينْ؟“
2SA 2:23 نتَّا [مَاشَا] يُوڭِي أَذْ أَسْ إِحيّذْ. [خنِّي] إِجُّو أَسْ أَبْنِيرْ ذڭْ ؤُعذِّيسْ س يِيخفْ أَنڭَّارُو ن لَانْسَا نّسْ، أَڒَامِي د-إِسُّوفّغْ فْڒِيثْشَا زِي ضفَّارْ. نتَّا إِوْضَا ذِينْ ؤُشَا إِمُّوثْ ذڭْ ومْشَانْ نِّي. إِمْسَارْ بلِّي مَارَّا إِنِّي د-يُوسِينْ غَارْ ومْشَانْ مَانِي إِوْضَا ؤُ مَانِي إِمُّوثْ عَسَائِيلْ، قِّيمنْ بدّنْ.
2SA 2:24 يُووَابْ ذ أَبِيشَايْ ضْفَارنْ أَبْنِيرْ. ڒَامِي د-إِوْضنْ نِيثْنِي أَڒْ ثَاوْرِيرْثْ ن أَمَّا، ثنِّي زَّاثْ إِ جِييَاحْ، غَارْ وبْرِيذْ ن ڒخْڒَا ن جِيبْعُونْ، ثغْڒِي ثْفُوشْثْ.
2SA 2:25 أَيْثْ ن بِينْيَامِينْ مُوننْ أَوَارْنِي أَبْنِيرْ، ذوْڒنْ ذ إِشْثْ ن ثرْبِيعْثْ [أَكِيذسْ]، ؤُشَا [أَمُّو إِ قِّيمنْ] نِيثْنِي بدّنْ خْ ثْقِيشّثْ ن إِشْثْ ن ثوْرِيرْثْ.
2SA 2:26 أَبْنِيرْ إِڒَاغَا-د خْ يُووَابْ، إِنَّا: ”مَا أَذْ إِشّْ سِّيفْ إِ ڒبْذَا؟ مَا وَارْ ثسِّينذْ شكْ، أَقَا أَيَا أَذْ إِنْذهْ غَارْ إِجّْ ن ؤُقطُّو ذ أَمرْزَاڭْ؟ أَڒْ مڒْمِي [عَاذْ] وَارْ ثقَّارذْ إِ ڒْڭنْسْ [نّشْ،] حِيمَا أَذْ إِعْقبْ زڭْ وضْفَارْ ن أَيْثْمَاثْسنْ؟“
2SA 2:27 يُووَابْ إِنَّا: ”[س ثِيذتّْ أَمْ] إِدَّارْ أَربِّي، مَاڒَا شكْ وَارْ ثسِّيوْڒذْ [خْ إِجّْ ن ؤُمُوغْزڒْ]، خنِّي أَذْ يِيڒِي ڒْڭنْسْ إِسّْبدّْ [زِي مَانْ أَيَا] غَارْ صّْبحْ، إِڒِي [كُوڒْ] أَرْيَازْ [أَذْ إِسّْبدّْ] زڭْ وضْفَارْ ن ؤُمَاسْ!“
2SA 2:28 [خنِّي] إِسُوضْ يُووَابْ ذڭْ ؤُيِيشّْ ن إِشَارِّي ؤُ مَارَّا ڒْڭنْسْ إِسّْبدّْ. نِيثْنِي وَارْ ضْفَارنْ عَاذْ إِسْرَائِيل ؤُشَا وَارْ مّنْغنْ عَاذْ كْثَارْ.
2SA 2:29 أَبْنِيرْ ذ يرْيَازنْ نّسْ شُوقنْ دْجِيڒثْ نِّي مَارَّا ذِي ڒوْضَا، ژْوَانْ لْ-ؤُرْذُونْ، كِّينْ خْ مَارَّا ثَاغْزُورْثْ ؤُشَا إِوْضنْ غَارْ مَاحَانَايِيمْ.
2SA 2:30 ؤُڒَا ذ يُووَابْ إِعْقبْ-د زڭْ وضْفَارْ ن أَبْنِيرْ ؤُ نتَّا إِسّْمُونْ مَارَّا ڒْڭنْسْ. ودَّارنْ ثْسعْطَاشْ ن إِرْيَازنْ ن ذَاوُوذْ ؤُڒَا ذ عَسَائِيلْ.
2SA 2:31 إِمْسخَّارنْ ن ذَاوُوذْ [مَاشَا] ثُوغَا وْثِينْ [أَطَّاسْ ن يرْيَازنْ] زڭْ [أَيْثْ ن] بِينْيَامِينْ ؤُ زڭْ يرْيَازنْ ن أَبْنِيرْ. مُّوثنْ ثڒْثْ-مْيَا ؤُ-ستِّينْ ن يرْيَازنْ.
2SA 2:32 نِيثْنِي سّْڭعّْذنْ عَسَائِيلْ ؤُ نضْڒنْ ث ذڭْ ونْضڒْ ن بَابَاسْ ذِي بَايْثْ-لَاحْمْ. يُووَابْ ذ يرْيَازنْ نّسْ ؤُيُورنْ دْجِيڒثْ نِّي مَارَّا ؤُ ڒَامِي إِوْضنْ غَارْ حَابْرُونْ، ثنْقَارْ-د خَاسنْ ثْفَاوْثْ.
2SA 3:1 إِذْوڒْ  إِجْ ن ؤُمنْغِي جَارْ ثَادَّارْثْ ن شَاوُولْ ذ ثَادَّارْثْ ن ذَاوُوذْ إِ إِكِّينْ أَطَّاسْ. ذَاوُوذْ إِذْوڒْ يَارنِّي ذِي جّْهذْ ؤُ إِنِّي ن ثَادَّارْثْ ن شَاوُولْ ڭُّورنْ أَرخُّونْ.
2SA 3:2 ذِي حَابْرُونْ تّْوَارْونْ-د إِ ذَاوُوذْ إِحنْجِيرنْ. أَمنْزُو نّسْ أَمْنُونْ، ن أَخِينُوعَامْ ثَايَازْرَاعِيلِيثْ.
2SA 3:3 وِيسّْ ثْنَاينْ نّسْ كِيلْ‘أَبْ، ن أَبِيجَايِيلْ، ثَامْغَارْثْ ن نَابَالْ، أَكَارْمَالِي، وِيسّْ ثْڒَاثَا أَبْشَالُومْ، مِّيسْ ن مَاعْكَا، يدْجِيسْ ن ثَالْمَايْ، أَجدْجِيذْ ن جَاشُورْ،
2SA 3:4 وِيسّْ أَربْعَا أَذُونِييَا، مِّيسْ ن هَاجِّيثْ، وِيسّْ خمْسَا شَافَاطْيَا، مِّيسْ ن أَبِيطَالْ،
2SA 3:5 ؤُ وِيسّْ ستَّا يِيثْرَاعَامْ، ن عَاجْلَا، ثَامْغَارْثْ ن ذَاوُوذْ. إِنَا تّْوَارْونْ-د غَارْ ذَاوُوذْ ذِي حَابْرُونْ.
2SA 3:6 مِينْ إِكَّا ؤُمنْغِي جَارْ ثَادَّارْثْ ن شَاوُولْ ذ ثَادَّارْثْ ن ذَاوُوذْ، إِمْسَارْ، أَقَا أَبْنِيرْ إِسّمْغَارْ ثِيزمَّارْ نّسْ ذِي ثَادَّارْثْ ن شَاوُولْ.
2SA 3:7 شَاوُولْ ثُوغَا غَارسْ إِشْثْ ن ثَايَّا، تّْڒَاغَانْ أَسْ رِيصْفَا. نتَّاثْ ثُوغَا-ت ذ يدْجِيسْ ن أَيَّا. ؤُشَا إِنَّا [إِشْ-بُوشَاثْ] إِ أَبْنِيرْ: ”مَايمِّي ثُوذْفذْ غَارْ ثَايَّا ن بَابَا؟“
2SA 3:8 أَبْنِيرْ إِفُّوڭمْ خْ وَاوَاڒنْ ن إِشْ-بُوشَاثْ، إِنَّا: ”مَا نشّْ ذ إِجّْ ن ؤُزدْجِيفْ ن وقْزِينْ إِ إِقّْننْ غَارْ يَاهُوذَا؟ مَا وَارْ إِدْجِي ذ نشّْ ذ ونِّي إِسّْشَاننْ [عَاذْ أَڒْ] أَسّْ-أَ ثَامخْسِيوْثْ [إِنُو] إِشوَّارنْ إِ ثَادَّارْثْ ن شَاوُولْ، بَابَاشْ، ؤُ إِ يَايْثْمَاسْ ؤُ إِ إِمدُّوكَّاڒْ نّسْ، مَا وَارْ إِدْجِي ذ نشّْ ذ ونِّي وَارْ شكْ إِجِّينْ أَذْ ثوْضِيذْ ذڭْ إِفَاسّنْ ن ذَاوُوذْ؟ مَا ثخْسذْ [خنِّي] أَذْ خَافِي ثْعيَّارذْ أَسّْ-أَ خْ ڒْمُوعْصِييّثْ أَكْ-ذ إِشْثْ ن ثمْغَارْثْ؟
2SA 3:9 أجّْ أَربِّي أَذْ إِڭّْ ثَا ذ ثَا أَكْ-ذ أَبْنِيرْ ؤُ أَذْ ذَايسْ يَارْنِي عَاذْ! أَمْ مَامّشْ إِجُّودْجْ سِيذِي إِ ذَاوُوذْ أَمُّو إِ زَّايسْ غَا ڭّغْ،
2SA 3:10 ؤُمِي غَا سّعْذُوغْ ثَاڭلْذِيثْ ن ثَادَّارْثْ ن شَاوُولْ ؤُشَا أَذْ سّْمثْنغْ ڒْعَارْشْ ن ذَاوُوذْ خْ إِسْرَائِيل ؤُ خْ يَاهُوذَا، زِي ذَانْ أَڒْ بِئرْ-سبْعَا.“
2SA 3:11 ؤُشَا نتَّا وَارْ إِزمَّارْ خْ ثمْوَارِّيثْ إِ أَبْنِيرْ، مَاغَارْ نتَّا ثُوغَا إِڭّْوذْ زَّايسْ.
2SA 3:12 [خنِّي] إِسّكّْ أَبْنِيرْ إِرقَّاسنْ ذِي طّْوعْ ن يِيخفْ نّسْ غَارْ ذَاوُوذْ، إِنَّا: ”وِي [يِيڒَانْ] ثَامُّورْثْ؟“ إِنَّا [عَاوذْ]: ”أڭّْ أَكِيذِي ڒْعَاهْذْ نّشْ، خْزَارْ، أَذْ أَشْ وْشغْ أَفُوسْ حِيمَا مَارَّا إِسْرَائِيل أَذْ غَاركْ د-إِنّقْڒبْ.“
2SA 3:13 ؤُ نتَّا إِنَّا: ”مْلِيحْ، نشّْ أَذْ ڭّغْ إِجّْ ن ڒْعَاهْذْ أَكِيذكْ، مَاشَا مْغِيرْ إِشْثْ ن ثْمسْڒَاشْثْ أَذْ أَشْ ت تَّارغْ. أَذْ أَشْ إِنِيغْ: ’شكْ وَارْ ثْژَارّذْ ؤُذمْ إِنُو، مْغِيرْ مَاڒَا شكْ أَذْ ثَاوْيذْ [ذَا] ذ أَمزْوَارُو مِيخَالْ، يدْجِيسْ ن شَاوُولْ، خْمِي د غَا ثَاسذْ حِيمَا أَذْ ثْژَارذْ ؤُذمْ إِنُو.‘ “
2SA 3:14 خنِّي إِسّكّْ ذَاوُوذْ إِرقَّاسنْ غَارْ إِشْ-بُوشَاثْ، مِّيسْ ن شَاوُولْ، إِنَّا: ”أوْشْ أَيِي-د ثَامْغَارْثْ إِنُو مِيخَالْ، ثنِّي إِ د-إِوْيغْ س مْيَا ن ڒعْذَاڒيَّاثْ ن إِفِيلِيسْطِينِييّنْ س وخْضَابْ ن ثسْڒِيثْ!“
2SA 3:15 إِشْ-بُوشَاثْ إِسّكّْ [إِرقَّاسنْ] ؤُشَا إِكّسْ إِ-ت خْ ورْيَازْ نّسْ، خْ فَالْطِييِيلْ، مِّيسْ ن لَايِيشْ.
2SA 3:16 أَرْيَازْ نّسْ يُويُورْ أَكِيذسْ أَڒْ بَاخُورِيمْ، يُويُورْ إِتّْرُو أَوَارْنِي أَسْ. [خنِّي] إِنَّا أَسْ أَبْنِيرْ: ”ؤُيُورْ، عْقبْ!“ ؤُشَا إِعْقبْ نتَّا.
2SA 3:17 ثُوغَا إِسِّيوڒْ أَبْنِيرْ خْ إِمْغَارنْ ن إِسْرَائِيل، إِنَّا: ”أَطَّاسْ زڭْ وَامِي كنِّيوْ ثخْسمْ ذَاوُوذْ [أَذْ يِيڒِي] ذ أَجدْجِيذْ خَاومْ.
2SA 3:18 ڒخُّو ڭّمْ ث، مَاغَارْ سِيذِي إِسِّيوڒْ أَكْ-ذ ذَاوُوذْ، إِنَّا: ’س ؤُفُوسْ ن ذَاوُوذْ، أَمْسخَّارْ إِنُو، أَذْ فكّغْ ڒْڭنْسْ إِنُو إِسْرَائِيل زڭْ ؤُفُوسْ ن إِفِيلِيسْطِينِييّنْ ؤُ زڭْ ؤُفُوسْ ن مَارَّا ڒْعذْيَانْ نْسنْ.‘ “
2SA 3:19 إِسِّيوڒْ أَبْنِيرْ ؤُڒَا ذڭْ إِمزُّوغنْ ن [أَيْثْ ن] بِينْيَامِينْ. [خنِّي] يُويُورْ أَبْنِيرْ غَارْ حَابْرُونْ، حِيمَا أَذْ إِسِّيوڒْ ذڭْ إِمزُّوغنْ ن ذَاوُوذْ خْ مَارَّا مِينْ إِدْجَانْ ذ لمْلِيحْ ذِي ثِيطَّاوِينْ ن إِسْرَائِيل ؤُ ذِي ثِيطَّاوِينْ ن ثَادَّارْثْ ن بِينْيَامِينْ.
2SA 3:20 ؤُشَا يُوسَا-د أَبْنِيرْ غَارْ ذَاوُوذْ ذِي حَابْرُونْ. ثُوغَا عِيشْرِينْ ن يرْيَازنْ أَكِيذسْ. ذَاوُوذْ إِڭَّا إِشْثْ ن زَّارْذثْ إِ أَبْنِيرْ ذ يرْيَازنْ إِ كِيذسْ [إِدْجَانْ].
2SA 3:21 [خنِّي] إِنَّا أَبْنِيرْ إِ ذَاوُوذْ: ”نشّْ أَذْ كَّارغْ أَذْ طّْفغْ أَبْرِيذْ مَاحنْذْ أَذْ يَارْوغْ مَارَّا إِسْرَائِيل غَارْ سِيذِي إِنُو، أَجدْجِيذْ، حِيمَا نِيثْنِي أَذْ ڭّنْ أَكِيذكْ إِجّْ ن ڒْعَاهْذْ ؤُ شكْ أَذْ ثِيڒِيذْ ذ أَجدْجِيذْ خْ مَارَّا مِينْ إِمّژْرِي ڒعْمَارْ نّشْ.“ س ؤُيَا إِجَّا ذَاوُوذْ أَبْنِيرْ أَذْ يُويُورْ ذِي ڒهْنَا.
2SA 3:22 ؤُشَا خْزَارْ، إِمْسخَّارنْ ن ذَاوُوذْ ذ يُووَابْعقْبنْ-د زڭْ إِجّْ ن ؤُسَافَارْ ن ؤُكشّضْ. نِيثْنِي إِوْينْ أَكِيذْسنْ إِشْثْ ن ثْكشَّاضْثْ ذ ثَامقّْرَانْثْ. أَبْنِيرْ ثُوغَا وَارْ إِدْجِي عَاذْ غَارْ ذَاوُوذْ ذِي حَابْرُونْ، مَاغَارْ [ذَاوُوذْ] ثُوغَا إِجَّا إِ-ث أَذْ يُويُورْ ذِي ڒهْنَا.
2SA 3:23 [ڒَْامِي] د-يِيوضْ يُووَابْ ذ مَارَّا ڒْعسْكَارْ نِّي غَارسْ، عَاوْذنْ إِ يُووَابْ، نَّانْ: ”أَبْنِيرْ، مِّيسْ ن نِيرْ، يُوسَا-د غَارْ ؤُجدْجِيذْ ؤُ نتَّا إِجَّا إِ-ث أَذْ يُويُورْ ؤُشَا [خنِّي] يُويُورْ [أَبْنِيرْ] ذِي ڒهْنَا.“
2SA 3:24 [خنِّي] يُويُورْ يُووَابْ غَارْ ؤُجدْجِيذْ، إِنَّا أَسْ: ”مِينْ ثڭِّيذْ؟ أَقَا أَبْنِيرْ يُوسَا-د غَاركْ. مَايمِّي إِ ث ثسّكّذْ ؤُشَا [خنِّي] يُويُورْ نتَّا أَمنِّي وَاهَا؟
2SA 3:25 شكْ ثسّْنذْ أَبْنِيرْ، مِّيسْ ن نِيرْ. نتَّا يُوسَا-د وَاهَا حِيمَا أَذْ شكْ إِشْمثْ ؤُ حِيمَا أَذْ إِسّنْ خْ وُوفُّوغْ نّشْ [غَارْ ؤُمنْغِي] ؤُ خْ وعْقَابْ نّشْ ؤُ خْ مَارَّا مِينْ ثخْسذْ أَذْ ثڭّذْ.“
2SA 3:26 يُووَابْ إِفّغْ زِي غَارْ ذَاوُوذْ ؤُشَا إِسّكّْ إِرقَّاسنْ أَوَارْنِي إِ أَبْنِيرْ إِنِّي ث-إِ-د-يَارِّينْ أَذْ إِذْوڒْ زڭْ وَانُو ن سِيرَا. [مَاشَا] ذَاوُوذْ وَارْ إِسِّينْ وَالُو خْ مَانْ أَيَا.
2SA 3:27 [ؤُمِي] د-إِعْقبْ أَبْنِيرْ غَارْ حَابْرُونْ، إِنْذهْ إِ-ث يُووَابْ غَارْ ؤُغزْذِيسْ ذِي ڒْوسْطْ ن ثوَّارْثْ [ن ثنْذِينْثْ] مَاحنْذْ أَذْ كِيذسْ إِسِّيوڒْ س ڒْهُوذْنثْ ؤُشَا [خنِّي] إِجُّو ث ذِينْ ذڭْ ؤُعذِّيسْ، أَڒَامِي إِمُّوثْ، ذِي سِّيبّثْ [ن وخْڒَافْ] ن إِذَامّنْ ن ؤُمَاسْ عَسَائِيلْ.
2SA 3:28 [ؤُمِي] إِسْڒَا ذَاوُوذْ مَانَاونِّي أَوَارْنِي أَسْ، إِنَّا: ”نشّْ ذ ثْڭلْذِيثْ إِنُو ذ أَفُورِّي زَّاثْ إِ سِيذِي إِ ڒبْذَا خْ إِذَامّنْ ن أَبْنِيرْ، مِّيسْ ن نِيرْ.
2SA 3:29 أجّْ إِ-ثنْ أَذْ إِڒِينْ خْ ؤُزدْجِيفْ ن يُووَابْ ؤُ خْ مَارَّا ثَادَّارْثْ ن بَابَاسْ. أجّْ ثَادَّارْثْ ن يُووَابْ وَارْ ذ أَسْ إِنقّصْعمَّارْصْ شَا ن إِجّْ أَذْ ذَايسْ يِيڒِي ؤُسيّڒْ، نِيغْ ونِّي ذِي إِدْجَا ڒْبَارْصْ، نِيغْ ونِّي إِطّْفنْ ذڭْ ؤُمكُّوكْ ن ؤُخيَّاضْ، نِيغْ ونِّي إِوْضَانْ س سِّيفْ، نِيغْ ونِّي إِتّْخصَّانْ أَغْرُومْ!“
2SA 3:30 يُووَابْ ذ ؤُمَاسْ أَبِيشَايْ نْغِينْ أَبْنِيرْ، مِينْزِي نتَّا ثُوغَا إِنْغَا ؤُمَاثْسنْ عَسَائِيلْ ذڭْ ؤُمنْغِي غَارْ جِيبْعُونْ.
2SA 3:31 [مَاشَا] ذَاوُوذْ إِنَّا إِ يُووَابْ ؤُ إِ مَارَّا ڒْڭنْسْ نِّي ثُوغَا غَارسْ إِدْجَانْ: ”شَارّْڭمْ أَرُّوضْ نْومْ، يَارْضمْ أَرُّوضْ ن وشْضَانْ ؤُشَا [ؤُيُورمْ] زَّاثْ إِ [ڒْمحْمڒْ ن] أَبْنِيرْ [أَمْ] ثشَّاثمْ أَڭجْذُورْ!“ أَجدْجِيذْ ذَاوُوذْ [سِيمَانْثْ نّسْ] يُويُورْ غَارْ ضفَّارْ ن ڒْمحْمڒْ.
2SA 3:32 [ڒَْامِي] نضْڒنْ أَبْنِيرْ ذِي حَابْرُونْ، إِسّْڭعّذْ ؤُجدْجِيذْ ثْمِيجَّا نّسْ، إِرُو غَارْ ونْضڒْ ن أَبْنِيرْ ؤُڒَا ذ ڒْڭنْسْ إِرُو مَارَّا.
2SA 3:33 أَجدْجِيذْ إِسّْڭعّذْ إِشْثْ ن ؤُشثْشِي ن إِمتَّانْ إِ أَبْنِيرْ، إِنَّا: ”مَا إِمُّوثْ أَبْنِيرْ أَمْ إِمُّوثْ إِجّْ ن ؤُبُوهَاڒِي؟
2SA 3:34 إِفَاسّنْ نّشْ ثُوغَا وَارْ شَارْفنْ ؤُ إِضَارنْ نّشْ ثُوغَا وَارْ قيّْذنْ س سّْنَاسڒْ ن نّْحَاسْ، مَاشَا شكْ ثوْضِيذْ أَمْ مَامّشْ إِوْضَا [بْنَاذمْ] سَاذُو ؤُفُوسْ ن أَيْثْ ن ڒْمُوعْصِييّثْ.“ [ڒخْذنِّي] يَارْنِي ڒْڭنْسْ مَارَّا عَاذْ ذڭْ إِمطَّاونْ.
2SA 3:35 مَارَّا ڒْڭنْسْ يُوسَا-د غَارْ ذَاوُوذْ حِيمَا أَذْ خَاسْ زِييَّارنْ أَذْ إِشّْ أَغْرُومْ أَمْ ثُوغَا عَاذْ ذ أَزِيڒْ. [مَاشَا] ذَاوُوذْ إِجِّيدْجْ، إِنَّا: ”أجّْ أَربِّي أَذْ أَيِي إِڭّْ ثَا ذ ثَا ؤُشَا أَذْ ذَايسْ يَارْنِي عَاذْ، مَاڒَا نشّْ شِّيغْ شَا ن وغْرُومْ نِيغْ شَا نّغْنِي قْبڒْ مَا أَذْ ثغْڒِي ثْفُوشْثْ!“
2SA 3:36 مَانْ أَيَا إِذْوڒْ إِتّْوَاسّنْ غَارْ مَارَّا ڒْڭنْسْ ؤُشَا ثُوغَا ذ مَانْ أَيَا ذ لمْلِيحْ ذِي ثِيطَّاوِينْ نْسنْ، أَمْ مَامّشْ ثُوغَا مَارَّا مِينْ إِڭَّا ؤُجدْجِيذْ ذ لمْلِيحْ ذِي ثِيطَّاوِينْ ن مَارَّا ڒْڭنْسْ.
2SA 3:37 مَارَّا ڒْڭنْسْ ذ مَارَّا إِسْرَائِيل سّْننْ ذڭْ وَاسّْ نِّي، أَقَا وَارْ د-يكِّي زڭْ ؤُجدْجِيذْ مَاحنْذْ أَذْ نْغنْ أَبْنِيرْ، مِّيسْ ن نِيرْ.
2SA 3:38 إِنَّا ؤُجدْجِيذْ إِ إِمْسخَّارنْ نّسْ: ”مَا وَارْ ثسِّينمْ كنِّيوْ، أَقَا أَسّْ-أَ إِوْضَا إِجّْ ن ڒْحَاكمْ، [وَاهْ،] إِجّْ ن ورْيَازْ ذ أَمقّْرَانْ ذِي إِسْرَائِيل؟
2SA 3:39 أَسّْ-أَ ضعْفغْ، [وَاخَّا] نشّْ تّْوَاذهْنغْ ذ أَجدْجِيذْ. إِرْيَازنْ-أَ، أَرَّاوْ ن صَارُويَا، قسْحنْ خَافِي. سِيذِي أَذْ إِخدْجصْ أَعفَّانْ ثُوعفّْنَا نّسْ نِّي إِڭَّا.“
2SA 4:1 [ؤُمِي] إِسْڒَا مِّيسْ ن شَاوُولْ، أَقَا أَبْنِيرْ إِمُّوثْ ذِي حَابْرُونْ، ذوْڒنْ إِفَاسّنْ نّسْ ضعْفنْ ؤُ مَارَّا إِسْرَائِيل إِنّخْڒعْ.
2SA 4:2 مِّيسْ ن شَاوُولْ ثُوغَا غَارسْ ثْنَاينْ ن يرْيَازنْ [جَارْ إِمْسخَّارنْ نّسْ]، إِنِّي [إِدْجَانْ ذ] ڒْقبْطَانَاثْ ن بَانْذِييَّاثْ. إِجّنْ قَّارنْ أَسْ بَاعْنَا ؤُ ونّغْنِي رَاكَابْ، ثُوغَا أَثنْ ذ إِحنْجِيرنْ ن رِيمُّونْ، أَبِي‘رُوثِي، زڭْ أَيْثْ ن بِينْيَامِينْ، مَاغَارْ ؤُڒَا ذ بِيعْرُوثْ إِتّْوَاحْسبْ-د غَارْ بِينْيَامِينْ.
2SA 4:3 إِبِيعْرُوثِييّنْ أَروْڒنْ غَارْ جَاتَّايِيمْ ؤُشَا قِّيمنْ زدّْغنْ ذِينِّي أَڒْ أَسّْ-أَ أَمْ إِبَارَّانِييّنْ.
2SA 4:4 يُونَاثَانْ، مِّيسْ ن شَاوُولْ، ثُوغَا غَارسْ إِجّْ ن مِّيسْ نِّي ثُوغَا إِقَارّْمنْ زِي ثْنَاينْ ن إِضَارنْ. نتَّا ثُوغَا غَارسْ خمْسَا ن إِسڭّْوُوسَا ؤُمِي د-يُوسَا ڒخْبَارْ خْ شَاوُولْ ذ يُونَاثَانْ زِي يَازْرَاعِيلْ. ثنِّي ث إِسّيْمنْ ثُوغَا ثطّفْ إِ-ث ؤُشَا ثَارْوڒْ. أَقَا ذڭْ ؤُقدْجقْ ن ثَاروْڒَا، إِمْسَارْ، نتَّا إِوْضَا، إِذْوڒْ إِقَارّمْ. قَّارنْ أَسْ مَافِيبُوشَاثْ.
2SA 4:5 رَاكَابْ ذ بَاعْنَا، إِحنْجِيرنْ ن رِيمُّونْ، أَبِيعْرُوثِي، طّْفنْ أَبْرِيذْ ؤُشَا ؤُسِينْ-د ذِي طّْحَا ن ؤُزِيڒْ غَارْ ثَادَّارْثْ ن إِشْ-بُوشَاثْ. نتَّا ثُوغَا إِزّڒْ ذِي قَامَا ذِي ثْمذِّيثْ.
2SA 4:6 خْزَارْ، نِيثْنِي ؤُذْفنْ غَارْ ذَاخڒْ ذِي ثَادَّارْثْ أَخْمِي ثُوغَا نْوَانْ أَذْ كْسِينْ إِرْذنْ، ؤُشَا سّْنُوقّْبنْ ث ذڭْ ؤُعذِّيسْ. رَاكَابْ ذ ؤُمَاسْ بَاعْنَا خْثُوتّْڒنْ.
2SA 4:7 نِيثْنِي ؤُذْفنْ غَارْ ثَادَّارْثْ ؤُمِي ث ثُوغَا إِزّڒْ ذِي قَامَا نّسْ ذڭْ وخَّامْ ن يِيضصْ نّسْ، ؤُشَا سّْنُوقْبنْ ث، نْغِينْ ث ؤُشَا قسّنْ أَسْ أَزدْجِيفْ. [خنِّي] كْسِينْ أَزدْجِيفْ نّسْ [أَكِيذْسنْ] ؤُشَا ؤُيُورنْ دْجِيڒثْ ثْمُونْ، كِّينْ أَبْرِيذْ ن ڒوْضَا.
2SA 4:8 نِيثْنِي إِوْينْ أَزدْجِيفْ ن إِشْ-بُوشَاثْ غَارْ ذَاوُوذْ غَارْ حَابْرُونْ، نَّانْ إِ ؤُجدْجِيذْ: ”خْزَارْ، أَزدْجِيفْ ن إِشْ-بُوشَاثْ، مِّيسْ ن شَاوُولْ، ڒعْذُو نّشْ، ونِّي ثُوغَا يَارزُّونْ بُوحْبڒْ نّشْ. أَقَا أَسّْ-أَ سِيذِي إِخْڒفْ إِ سِيذِي إِنُو أَجدْجِيذْ زِي شَاوُولْ ذ زَّارِيعثْ نّسْ.“
2SA 4:9 [مَاشَا] ذَاوُوذْ يَارَّا-د خْ رَاكَابْ ذ ؤُمَاسْ بَاعْنَا، إِحنْجِيرنْ ن رِيمُّونْ، أَبِيعْرُوثِي، إِنَّا أَسنْ: ”[س ثِيذتّْ أَمْ] إِدَّارْ سِيذِي، ونِّي إِفكّنْ ڒعْمَارْ إِنُو زِي مَارَّا ڒحْصَارثْ!
2SA 4:10 أَقَا ونِّي ذ أَيِي د-يِيوْينْ ڒخْبَارْ ؤُشَا إِنَّا: ’خْژَارْ، شَاوُولْ إِمُّوثْ!‘، ثُوغَا إِتّْغِيڒْ أَسْ ذِي ثِيطَّاوِينْ نّسْ أَقَا نتَّا أَمْ يِيجّنْ إِ د-يِيوْينْ ڒخْبَارْ أَصبْحَانْ، [مَاشَا] نشّْ طّْفغْ ث ؤُشَا نْغِيغْ ث ذِي صِيقْلَاغْ، وَاخَّا نتَّا [ثُوغَا إِرَاجَا] أَذْ أَسْ وْشغْ ڒْمُونثْ إِ ڒخْبَارْ أَصبْحَانْ.
2SA 4:11 مشْحَاڒْ عَاذْ [ڒخُّو] إِرْيَازنْ إِعفَّاننْ إِنِّي إِنْغِينْ إِجّْ ن ورْيَازْ ذ أَمْسڭّذْ ذِي ثَادَّارْثْ نّسْ خْ قَامَا نّسْ! خنِّي ڒخُّو، مَا نشّْ وَارْ خدْجْفغْ خنِّي زَّايْومْ إِذَامّنْ نّسْ ؤُ أَذْ كنِّيوْ مْحِيغْ زِي ثمُّورْثْ؟“
2SA 4:12 [خنِّي] يُومُورْ ذَاوُوذْ إِمْسخَّارنْ [نّسْ] ؤُ نِيثْنِي نْغِينْ ثنْ. قسّنْ أَسنْ إِفَاسّنْ ذ إِضَارنْ ؤُشَا ؤُيْڒنْ ثنْ غَارْ ؤُيڒْمَامْ ن حَابْرُونْ. أَزدْجِيفْ ن إِشْ-بُوشَاثْ، [مَاشَا] كْسِينْ ث نِيثْنِي، نضْڒنْ ث ذڭْ ونْضڒْ ن أَبْنِيرْ ذِي حَابْرُونْ.
2SA 5:1 مَارَّا ثِيقبَّاڒْ ن إِسْرَائِيل ؤُسِينْثْ-إِ-د غَارْ ذَاوُوذْ غَارْ حَابْرُونْ، سِّيوْڒنْثْ، نَّانْثْ: ”خْزَارْ، نشِّينْ ذ إِغُوسَّانْ ذ ويْسُومْ نّشْ.
2SA 5:2 إِضنَّاضْ ؤُڒَا ذ فَارِيضنَّاضْ ؤُمِي ثُوغَا شَاوُولْ ذ أَجدْجِيذْ خَانغْ، ثُوغَا ذ شكْ إِ د-إِسُّوفّْغنْ إِسْرَائِيل [غَارْ ؤُمنْغِي] ؤُ ثجِّيذْ إِ-ث-إِ-د أَذْ إِذْوڒْ. عَاوذْ إِنَّا أَشْ سِيذِي: ’شكْ أَذْ ثَاروْسذْ ڒْڭنْسْ إِنُو إِسْرَائِيل ؤُ شكْ أَذْ ثِيڒِيذْ ذ ڒْحَاكمْ خْ إِسْرَائِيل.‘ “
2SA 5:3 [خنِّي] ؤُسِينْ-د مَارَّا إِمْغَارنْ ن إِسْرَائِيل غَارْ ؤُجدْجِيذْ ذِي حَابْرُونْ ؤُ أَجدْجِيذْ ذَاوُوذْ إِڭَّا إِجّْ ن ڒْعَاهْذْ أَكِيذْسنْ ذِي حَابْرُونْ زَّاثْ إِ وُوذمْ ن سِيذِي. نِيثْنِي ذهْننْ ذَاوُوذْ ذ أَجدْجِيذْ خْ إِسْرَائِيل.
2SA 5:4 ثُوغَا غَارْ ذَاوُوذْ ثْڒَاثِينْ ن إِسڭّْوُوسَا ؤُمِي إِذْوڒْ نتَّا ذ أَجدْجِيذْ. نتَّا إِحْكمْ أَربْعِينْ ن إِسڭّْوُوسَا.
2SA 5:5 ذِي حَابْرُونْ إِحْكمْ خْ يَاهُوذَا سبْعَا ن إِسڭّْوُوسَا ذ ستَّا ن إِيُورنْ ؤُ ذِي ؤُرْشَالِيمْ إِحْكمْ ثْڒَاثَا ؤُ-ثْڒَاثِينْ ن إِسڭّْوُوسَا خْ مَارَّا إِسْرَائِيل ذ يَاهُوذَا.
2SA 5:6 أَجدْجِيذْ إِفّغْ أَكْ-ذ يرْيَازنْ نّسْ غَارْ ؤُرْشَالِيمْ، [حِيمَا أَذْ إِمّْنغْ] أَكْ-ذ أَيْثْ ن إِيابُوسِييّنْ، إِمزْذَاغْ ن ثمُّورْثْ. سِّيوْڒنْ أَكْ-ذ ذَاوُوذْ، نَّانْ: ”شكْ وَارْ ثتِّيذْفذْ شَا ذَا، مَاغَارْ إِذَارْغَاڒنْ ذ إِقِيضَارنْ أَذْ شكْ حْصَارنْ، أَذْ إِنِينْ: ’ذَاوُوذْ وَارْ ذَا إِتِّيذفْ شَا.‘ “
2SA 5:7 ذَاوُوذْ إِحوّسْ لْبُورْجْ ن صِيهْيُونْ، ذ ونِّي ذ ثَانْذِينْثْ ن ذَاوُوذْ.
2SA 5:8 ذڭْ وَاسّْ نِّي إِنَّا ذَاوُوذْ: ”كُورْ إِجّْ إِ غَا إِوْثنْ إِجّْ ن ؤُيابُوسِي، أجّْ-إِ-ث أَذْ ث إِمّنْضَارْ ذڭْ وَامَانْ [إِسِّيزّْڒنْ أَطَّاسْ]. إِقِيذَارنْ ذ إِذَارْغَاڒنْ إِشَارّهْ إِ-ثنْ ڒعْمَارْ ن ذَاوُوذْ.“ خْ ؤُيَا قَّارنْ: ”إِجّْ ن ؤُذَارْغَاڒْ ذ إِجّْ ن ؤُقِيذَارْ وَارْ د-تِّيذْفنْ غَارْ ثَادَّارْثْ.“
2SA 5:9 ذَاوُوذْ إِقِّيمْ إِزْذغْ ذِي لْقلْعَا ؤُشَا إِڭَّا أَسْ: ’ثَانْذِينْثْ ن ذَاوُوذْ‘. إِبْنَا ذَاوُوذْ ذڭْ ونّضْ ن لْبُورْجْ ؤُڒَا غَارْ ذَاخڒْ نّسْ.
2SA 5:10 ذَاوُوذْ إِذْوڒْ يَارنِّي ذِي ڒمْغَارثْ، مَاغَارْ سِيذِي، أَربِّي ن ڒْعسْكَارَاثْ، [ثُوغَا-ث] أَكِيذسْ.
2SA 5:11 حِيرَامْ، أَجدْجِيذْ ن صُورْ، إِسّكّْ إِرقَّاسنْ غَارْ ذَاوُوذْ أَكْ-ذ أَكشُّوضْ ن [ثْشجَّارْثْ ن] ثنْڭلْثْ ذ إِنقَّاشنْ ن ؤُكشُّوضْ ذ إِنقَّاشنْ ن وژْرُو ن ڒْحِيضْ. نِيثْنِي سّْبدّنْ إِشْثْ ن ثَادَّارْثْ إِ ذَاوُوذْ.
2SA 5:12 ذَاوُوذْ إِسّنْ، أَقَا سِيذِي ثُوغَا إِڭَّا إِ-ث ذ أَجدْجِيذْ خْ إِسْرَائِيل ؤُ ثُوغَا إِسّْڭعّذْ ثَاڭلْذِيثْ نّسْ ذِي طّْوعْ ن ڒْڭنْسْ نّسْ إِسْرَائِيل.
2SA 5:13 أَوَارْنِي ثْوَاسِيثْ نّسْ زِي حَابْرُونْ ثُوغَا ذَاوُوذْ يَارنِّي ثِييَّا ذ ثمْغَارِينْ إِ يِيخفْ نّسْ زِي ؤُرْشَالِيمْ ؤُ تّْوَارْونْ أَسْ-د إِ ذَاوُوذْ عَاذْ إِحنْجِيرنْ ذ ثْحنْجِيرِينْ.
2SA 5:14 إِنَا ذ إِسْمَاونْ ن إِحنْجِيرنْ إِ ذ أَسْ د-إِتّْوَارْونْ ذِي ؤُرْشَالِيمْ: شَامُّوعْ، شُوبَابْ، نَاثَانْ، سُولِيمَانْ،
2SA 5:15 يِيبْحَارْ، إِلِيشُوعْ، نَافَاجْ، يَافِيعْ،
2SA 5:16 أَلِيشَامَاعْ، أَلْيَاذَاعْ ذ إِلِيفَالَاطْ.
2SA 5:17 [ؤُمِي] سْڒِينْ إِفِيلِيسْطِينِييّنْ، أَقَا ذهْننْ ذَاوُوذْ ذ أَجدْجِيذْ خْ إِسْرَائِيل، ڭعّْذنْ مَارَّا إِفِيلِيسْطِينِييّنْ حِيمَا أَذْ أَرْزُونْ خْ ذَاوُوذْ. ذَاوُوذْ إِسْڒَا [خْ مَانْ أَيَا] ؤُ نتَّا إِهْوَا غَارْ لْقلْعَا.
2SA 5:18 إِفِيلِيسْطِينِييّنْ ؤُسِينْ-د ؤُشَا بزّْعنْ إِخفْ نْسنْ ذِي ثغْزُورْثْ ن إِرَافَاوِييّنْ.
2SA 5:19 [خنِّي] إِسّقْسَا ذَاوُوذْ سِيذِي، إِنَّا: ”مَا أَذْ ڭعّْذغْ ضِيدّْ إِ إِفِيلِيسْطِينِييّنْ؟ مَا أَذْ ثنْ ثڭّذْ ذڭْ ؤُفُوسْ إِنُو؟“ سِيذِي إِنَّا إِ ذَاوُوذْ: ”ڭعّذْ، مَاغَارْ نشّْ نِيشَانْ أَذْ ڭّغْ إِفِيلِيسْطِينِييّنْ ذڭْ ؤُفُوسْ نّشْ!“
2SA 5:20 ؤُ يِيوضْ ذَاوُوذْ غَارْ بَاعْلْ-فَارَاصِيمْ. ذِينِّي إِوْثَا ذَاوُوذْ إِفِيلِيسْطِينِييّنْ، إِنَّا: ”سِيذِي إِشُوقْ زَّاثْ إِ وُوذمْ إِنُو ذِي ڒْعذْيَانْ إِنُو أَمْ يِيشْثْ ن ثَارژِّيثْ ن وَامَانْ.“ خْ ؤُيَا إِڭَّا أَسْ إِ ومْشَانْ نِّي بَاعْلْ-فَارَاصِيمْ.
2SA 5:21 إِفِيلِيسْطِينِييّنْ جِّينْ ذِينِّي ڒخْيَاڒَاثْ ن لْ-أَصْنَامْ نْسنْ ؤُ ذَاوُوذْ ذ يرْيَازنْ نّسْ كْسِينْ ثنْ أَكِيذْسنْ.
2SA 5:22 ڭعّْذنْ إِفِيلِيسْطِينِييّنْ إِشْثْ ن ثْوَاڒَا نّغْنِيثْ ؤُ بزّْعنْ إِخفْ نْسنْ ذِي ثغْزُورْثْ ن إِرَافَاوِييّنْ.
2SA 5:23 ذَاوُوذْ إِسّقْسَا سِيذِي ؤُ نتَّا إِنَّا: ”وَارْ تّْڭعِّيذْ شَا ضِيدّْ نْسنْ، مَاشَا أكّْ أَسنْ-د غَارْ ضفَّارْ، أَذْ غَارْسنْ د-ثَاسذْ زِي جِّيهثْ ن ثْشجُّورَا ن ؤُمتِّي.
2SA 5:24 خْمِي غَا ثسْڒذْ إِ ثشْڒِي ن إِصُورَافْ ذِي ثْقِيشَّاثْ ن ثْشجُّورَا ن ؤُمتِّي، [خنِّي] فّغْ، ثْهجْمذْ، مَاغَارْ سِيذِي أَذْ أَشْ إِزْوَارْ زَّاثْ إِ وُوذمْ نّشْ، حِيمَا أَذْ إِوّثْ ڒْعسْكَارْ ن إِفِيلِيسْطِينِييّنْ.“
2SA 5:25 ذَاوُوذْ إِڭَّا أَمْ مَامّشْ ذ أَسْ يُومُورْ سِيذِي ؤُ نتَّا إِوْثَا إِفِيلِيسْطِينِييّنْ زِي جِيبْعَا أَڒْ مَانِي غَا ثَاوْضذْ غَارْ جَازَارْ.
2SA 6:1 ذَاوُوذْ إِسّْمُونْ ثْوَاڒَا نّغْنِيثْ مَارَّا [إِعسْكَارِييّنْ] إِتّْوَافَارْزنْ ذِي إِسْرَائِيل، ثْڒَاثِينْ-أَڒفْ [ن يرْيَازنْ].
2SA 6:2 ؤُشَا إِكَّارْ ذَاوُوذْ، إِفّغْ أَكْ-ذ مَارَّا ڒْڭنْسْ إِ غَارسْ [إِدْجَانْ] زِي بَاعْلِي-يَاهُوذَا حِيمَا أَذْ سّنِّي إِسّْڭعّذْ تَّابُوثْ ن سِيذِي، [تَّابُوثْ] إِ خْ إِتّْوَابَارّحْ س يِيسمْ، س إِسمْ ن سِيذِي ن ڒْعسْكَارَاثْ، ونِّي إِتّْغِيمَانْ [خْ] إِكِيرُوبنْ.
2SA 6:3 نِيثْنِي نذْهنْ تَّابُوثْ ن سِيذِي خْ إِجّْ ن ؤُكَارُّو ن جْذِيذْ. نِيثْنِي إِوْينْ ت-إِ-د زِي ثَادَّارْثْ ن أَبِينَاذَابْ ثنِّي إِبدّنْ خْ إِشْثْ ن ثعْرُورْثْ. عُوزَّا ذ أَخِييُو، إِحنْجِيرنْ ن أَبِينَاذَابْ، نذْهنْ أَكَارُّو ن جْذِيذْ.
2SA 6:4 نِيثْنِي إِوْينْ ث-إِ-د زِي ثَادَّارْثْ ن أَبِينَاذَابْ إِ ثُوغَا إِبدّنْ خْ إِشْثْ ن ثعْرُورْثْ، ؤُشَا [ؤُيُورنْ] أَكْ-ذ تَّابُوثْ ن سِيذِي. أَخِييُو يُويُورْ غَارْ زَّاثْ إِ تَّابُوثْ.
2SA 6:5 ذَاوُوذْ ذ مَارَّا ثَادَّارْثْ ن إِسْرَائِيل ؤُرَارنْ زَّاثْ إِ وُوذمْ ن سِيذِي س عْڒَامْ كُوڒْ دُّوزَانْ ن دْجْغَا زڭْ ؤُكشُّوضْ ن [ثْشجَّارْثْ ن] ؤُمرْزِي، س ڒْڭَامْبْرِييَاثْ ذ لهَارْپَاثْ ذ إِبنْذِيرنْ ذ نَّاقُوسَاثْ ذ ثدْجُونِينْ ن وُوزَّاڒْ.
2SA 6:6 [ؤُمِي] إِوْضنْ غَارْ ؤُنذْرَارْ ن نَاخُونْ، إِسّْوِيژّضْ عُوزَّا [أَفُوسْ نّسْ] غَارْ تَّابُوثْ ن أَربِّي ؤُشَا إِطّفْ إِ-ت، مِينْزِي نْذرْفنْ إِفُونَاسنْ.
2SA 6:7 [خنِّي] يَارْغَا وغْضَابْ ن سِيذِي خْ عُوزَّا ؤُشَا إِوْثَا إِ-ث أَربِّي ذِينْ خْ ؤُخطُّو-يَا. نتَّا إِمُّوثْ ذِينْ غَارْ تَّابُوثْ ن سِيذِي.
2SA 6:8 يِيوضْ سّمْ غَارْ وُوڒْ ن ذَاوُوذْ، أَقَا سِيذِي ثُوغَا إِسْعَارْ أَمُّو خْ عُوزَّا، ؤُشَا إِڒَاغَا أَسْ إِ ومْشَانْ نِّي فَارِيصْ-عُوزَّا أَڒْ أَسّْ-أَ.
2SA 6:9 ذڭْ وَاسّْ نِّي ثڒْقفْ ذَاوُوذْ ثِيڭّْوُوذِي زِي سِيذِي، إِنَّا: ”مَامّشْ إِ غَا يڭّْ أَذْ غَارِي د-ثَاسْ تَّابُوثْ ن سِيذِي؟“
2SA 6:10 [س ؤُينِّي] ذَاوُوذْ وَارْ إِخْسْ أَذْ يجّْ أَذْ غَارسْ د-أَوْينْ تَّابُوثْ ن سِيذِي ذِي ثنْذِينْثْ ن ذَاوُوذْ. ذَاوُوذْ إِجَّا إِ-ت أَذْ ثَاڭّْوجْ غَارْ ثَادَّارْثْ ن عُوبِيذْ-إِذُومْ، أَجِيتِّي.
2SA 6:11 ثكَّا تَّابُوثْ ن سِيذِي ثْڒَاثَا ن إِيُورنْ ذِي ثَادَّارْثْ ن عُوبِيذْ-إِذُومْ، أَجِيتِّي، ؤُشَا سِيذِي إِبَاركْ عُوبِيذْ-إِذُومْ ذ مَارَّا ثَادَّارْثْ نّسْ.
2SA 6:12 [خنِّي] خبَّارنْ إِ ؤُجدْجِيذْ ذَاوُوذْ، نَّانْ: ”سِيذِي أَقَا إِبَاركْ ثَادَّارْثْ ن عُوبِيذْ-إِذُومْ ذ مَارَّا مِينْ إِدْجَانْ نّسْ، ذِي طّْوعْ ن تَّابُوثْ ن أَربِّي.“ [خنِّي] يُويُورْ ذَاوُوذْ [ذِينْ]، إِسّْڭعّذْ تَّابُوثْ ن أَربِّي س ڒفْرَاحثْ زِي ثَادَّارْثْ ن عُوبِيذْ-إِذُومْ غَارْ ثنْذِينْثْ ن ذَاوُوذْ.
2SA 6:13 ڒَامِي ؤُيُورنْ إِنِّي يَاربُّونْ تَّابُوثْ ن سِيذِي ستَّا ن إِصُورَافْ، إِمْسَارْ، أَقَا إِقدّمْ [ذَاوُوذْ] إِجّْ ن ؤُفُونَاسْ ذ [إِجّْ ن ؤُعجْمِي إِمسْڒنْ] [ذ ثْغَارْصْثْ].
2SA 6:14 ذَاوُوذْ إِشْضحْ س مَارَّا ثِيزمَّارْ [نّسْ] زَّاثْ إِ وُوذمْ ن سِيذِي. ثُوغَا ذَاوُوذْ يَارْضْ إِجّْ ن ؤُپَالْطُو [ن ؤُكهَّانْ] ن ڒقْطنْ.
2SA 6:15 ذَاوُوذْ ذ مَارَّا ثَادَّارْثْ ن إِسْرَائِيل إِوْينْ تَّابُوثْ ن سِيذِي س ؤُسْڒِيوْڒوْ ؤُ س ڒْحسّْ ن ؤُسُوضِي ذڭْ ؤُيِيشّْ ن إِشَارِّي غَارْ سنّجْ.
2SA 6:16 ڒَامِي د-ثِيوضْ تَّابُوثْ ن سِيذِي غَارْ ثنْذِينْثْ ن ذَاوُوذْ، إِمْسَارْ، أَقَا مِيخَالْ، يدْجِيسْ ن شَاوُولْ، ثخْزَارْ-د زِي ڒْكَازِي. [ؤُمِي] ثژْرَا نتَّاثْ مَامّشْ إِنڭّزْ ذ إِشطّحْ ؤُجدْجِيذْ ذَاوُوذْ زَّاثْ إِ وُوذمْ ن سِيذِي، ثسّحْقَارْ إِ-ث ذڭْ وُوڒْ نّسْ.
2SA 6:17 أَرْبُونْ تَّابُوثْ ن سِيذِي غَارْ ذَاخڒْ ؤُشَا سَّارْسنْ ت ذڭْ ومْشَانْ نّسْ ذِي ڒْوسْطْ ن ؤُقِيضُونْ نِّي ثُوغَا إِ ذ أَسْ إِشدّْ ذَاوُوذْ ؤُشَا ذَاوُوذْ إِسّْڭعّذْ ثِيغَارْصَا ن وشْمَاضْ زَّاثْ إِ وُوذمْ ن سِيذِي، ؤُڒَا ذ ثِيغَارْصَا ن ڒهْنَا.
2SA 6:18 [ؤُمِي] إِكمّڒْ ذَاوُوذْ زڭْ ؤُسْڭعّذْ ن ثْغَارْصَا ن وشْمَاضْ ذ ثْغَارْصَا ن ڒهْنَا، إِبَاركْ ڒْڭنْسْ ذڭْ يِيسمْ ن سِيذِي ن ڒْعسْكَارَاثْ.
2SA 6:19 نتَّا إِبْضَا خْ مَارَّا ڒْڭنْسْ، خْ مَارَّا ڒْغَاشِي ن إِسْرَائِيل، خْ يرْيَازنْ ذ ثمْغَارِينْ، إِ كُوڒْ  إِجّْ إِوْشَا أَسْ إِشْثْ ن ثْخبَّازْثْ ن وغْرُومْ، إِجّْ ن ؤُڒقُّوزْ [ن ويْسُومْ] ن ؤُفُونَاسْ ذ إِجّْ ن وغْرُومْ ن زّْبِيبْ. [خنِّي] يُويُورْ ڒْڭنْسْ مَارَّا، [كُوڒْ] أَرْيَازْ غَارْ ثَادَّارْثْ نّسْ.
2SA 6:20 يَارڭّْوحْ ذَاوُوذْ، حِيمَا أَذْ إِبَاركْ ثَادَّارْثْ نّسْ. ثفّغْ-د غَارسْ مِيخَالْ، يدْجِيسْ ن شَاوُولْ، ثنَّا أَسْ: ”مَامّشْ إِڭَّا ؤُجدْجِيذْ ن إِسْرَائِيل أَسّْ-أَ شَّانْ ذ أَمقّْرَانْ إِ إِخفْ نّسْ، ؤُمِي إِعَارَّا نتَّا إِخفْ نّسْ زَّاثْ إِ ثِيطَّاوِينْ ن ثِييَّا ن إِمْسخَّارنْ نّسْ أَمْ مَامّشْ إِعَارَّا شَا ن يِيجّنْ زڭْ إِنِّي وَارْ إِسكّْوِينْ؟“
2SA 6:21 ذَاوُوذْ يَارَّا-د خْ مِيخَالْ: ”[نشّْ ڭِّيغْ ث] زَّاثْ إِ وُوذمْ ن سِيذِي ونِّي ذ أَيِي إِفَارْزنْ خْ بَابَامْ ذ مَارَّا ثَادَّارْثْ نّسْ، حِيمَا أَذْ أَيِي إِڭّْ ذ ڒْحَاكمْ خْ ڒْڭنْسْ ن سِيذِي، خْ إِسْرَائِيل، أَقَا زَّاثْ إِ وُوذمْ ن سِيذِي إِ شطّْحغْ س ڒفْرَاحثْ.
2SA 6:22 ذ أَمژْيَانْ عَاذْ إِ غَا ذوْڒغْ. نشّْ أَذْ إِڒِيغْ ذ أَمُوقْڒِيڒْ ذِي ثِيطَّاوِينْ إِنُو. غَارْ ثِييَّا إِ خْ ثسِّيوْڒذْ شمْ، غَارْسنْثْ إِ غَا طّْفغْ شَّانْ.“
2SA 6:23 مِيخَالْ، يدْجِيسْ ن شَاوُولْ، ثقِّيمْ بْڒَا أَحنْجِيرْ أَڒْ أَسّْ ن ڒْموْثْ نّسْ.
2SA 7:1 ؤُمِي إِقِّيمْ ؤُجدْجِيذْ ذِي ثَادَّارْثْ نّسْ ؤُ سِيذِي ثُوغَا إِڭَّا أَسْ ڒهْنَا زِي مَارَّا ڒْعذْيَانْ نّسْ إِ ذ أَسْ د-إِنّْضنْ، إِمْسَارْ،
2SA 7:2 أَقَا إِنَّا ؤُجدْجِيذْ إِ ؤُنَابِي نَاثَانْ: ”خْزَارْ، نشّْ زدّْغغْ ذڭْ إِشْثْ ن ثَادَّارْثْ ن ؤُكشُّوضْ ن [ثْشجَّارْثْ ن] ثنْڭلْثْ، [مَاشَا] تَّابُوثْ ن أَربِّي ثْڒحّفْ سَاذُو ثَاجَارْثِيڒْثْ [ن ؤُقِيضُونْ].“
2SA 7:3 نَاثَانْ إِنَّا إِ ؤُجدْجِيذْ: ”ؤُيُورْ وَاهَا، أڭّْ مَارَّا مِينْ غَاركْ ذڭْ وُوڒْ نّشْ، مَاغَارْ سِيذِي أَكِيذكْ.“
2SA 7:4 ذِي دْجِيڒثْ نِّي إِمْسَارْ أَقَا إِفّغْ وَاوَاڒْ ن سِيذِي غَارْ نَاثَانْ، إِنَّا:
2SA 7:5 ”ؤُيُورْ، إِنِي إِ ؤُمْسخَّارْ إِنُو، إِ ذَاوُوذْ: ’أَمُّو إِ إِقَّارْ سِيذِي: مَا ثخْسذْ أَذْ أَيِي ثبْنِيذْ إِشْثْ ن ثَادَّارْثْ، مَاحنْذْ أَذْ ذَايسْ زذْغغْ؟
2SA 7:6 عمَّارْصْ وَارْ زْذِيغغْ ذڭْ إِشْثْ ن ثَادَّارْثْ زڭْ وَاسّْ ؤُمِي د-سّْڭعّْذغْ أَيْثْ ن إِسْرَائِيل زِي مِيصْرَا أَڒْ أَسّْ-أَ، [مَاشَا] ذُورّْيغْ ذڭْ إِجّْ ن ؤُقِيضُونْ، ذڭْ إِشْثْ ن ثْزذِّيغْثْ.
2SA 7:7 مَانِي مَا ؤُيُورغْ أَكْ-ذ أَيْثْ ن إِسْرَائِيل، مَا نشّْ سِّيوْڒغْعمَّارْصْ ؤُڒَا س يِيجّْ ن وَاوَاڒْ إِ يِيشْثْ زِي ثْقبَّاڒْ ن إِسْرَائِيل ثِينِّي إِ ؤُمُورغْ أَذْ أَرْوسنْ ڒْڭنْسْ إِنُو إِسْرَائِيل، ؤُ نِّيغْ: مَايمِّي وَارْ ذ أَيِي ثبْنِيمْ إِشْثْ ن ثَادَّارْثْ ن ؤُكشُّوضْ ن [ثْشجَّارْثْ ن] ثنْڭلْثْ؟
2SA 7:8 خنِّي ڒخُّو، أَمُّو إِ إِتّْخصَّا أَذْ ثِينِيذْ إِ ؤُمْسخَّارْ إِنُو، إِ ذَاوُوذْ: أَمُّو إِ إِقَّارْ سِيذِي ن ڒْعسْكَارَاثْ: نشّْ إِوْيغْ-د شكْ زِي ڒْكُورِي، زِي ضفَّارْ ن وُودْجِي، مَاحنْذْ أَذْ ثِيڒِيذْ ذ ڒْحَاكمْ خْ ڒْڭنْسْ إِنُو، خْ إِسْرَائِيل.
2SA 7:9 مَانِي مَا ثُويُورذْ، دْجِيغْ نشّْ أَكِيذكْ ؤُ قْضِيغْ خْ مَارَّا ڒْعذْيَانْ نّشْ زَّاثْ إِ وُوذمْ نّشْ. نشّْ ڭِّيغْ أَشْ إِجّْ ن إِسمْ ذ أَمقّْرَانْ أَمْ يِيسْمَاونْ ن إِمقّْرَاننْ نِّي [إِدْجَانْ] خْ ثمُّورْثْ.
2SA 7:10 نشّْ نيّْشغْ إِجّْ ن ومْشَانْ إِ ڒْڭنْسْ إِنُو، إِ إِسْرَائِيل، ؤُشَا ژُّوغْ ث [ذِينْ]، مَاحنْذْ أَذْ إِزْذغْ ذڭْ ومْشَانْ [نّسْ]، وَارْ إِتّْوَانْهزِّي عَاذْ ؤُ وَارْ ث حصَّارنْ عَاذْ أَيْثْ ن ڒْمُوعْصِييّثْ أَمْ ذڭْ ؤُمزْوَارُو،
2SA 7:11 زڭْ وَاسّْ نِّي ڭِّيغْ نشّْ ڒْقُوضَاثْ خْ ڒْڭنْسْ إِنُو إِسْرَائِيل. نشّْ وْشِيغْ أَشْ ڒهْنَا زِي مَارَّا ڒْعذْيَانْ نّشْ ؤُشَا [ڒخُّو] أَذْ أَشْ إِسّْشنْ سِيذِي، أَقَا سِيذِي أَذْ أَشْ إِڭّْ إِشْثْ ن ثَادَّارْثْ.
2SA 7:12 ڒَامِي تّْوَاكمّْڒنْ وُوسَّانْ نّشْ ؤُشَا أَذْ ثڭّذْ أَذْ ثَاريّْحذْ جَارْ ڒجْذُوذْ نّشْ، أَذْ د-سّكَّارغْ زَّارِيعثْ نّشْ إِ د-إِتّفّْغنْ زِي ذَاخڒْ نّشْ ؤُ نشّْ أَذْ سّْمثْنغْ ثَاڭلْذَا نّسْ.
2SA 7:13 نتَّا أَذْ إِبْنَا إِشْثْ ن ثَادَّارْثْ إِ يِيسمْ إِنُو ؤُ نشّْ أَذْ سّْمثْنغْ ڒْعَارْشْ ن ثَاڭلْذَا نّسْ إِ ڒبْذَا.
2SA 7:14 نشّْ أَذْ إِڒِيغْ ذ بَابَاسْ إِ نتَّا ؤُ نتَّا أَذْ يِيڒِي إِ نشّْ ذ مِّي. مَاڒَا نتَّا إِفَّارْيضْ، أَذْ ث أَربِّيغْ س وعْمُوذْ ذ ثيِّيثَا ن ثَارْوَا ن بْنَاذمْ.
2SA 7:15 ثَامخْسِيوْثْ إِنُو إِشوَّارنْ وَارْ زَّايسْ ثتّْخنّسْ أَمْ مَامّشْ تّسّْخنْسغْ ت خْ شَاوُولْ إِ خْ ت كّْسغْ زَّاثْ إِ ثِيطَّاوِينْ نّشْ.
2SA 7:16 ثَادَّارْثْ نّشْ ذ ثْڭلْذَا نّشْ أَذْ تّْوَاسّْمثْننْثْ زَّاثْ إِ وُوذمْ نّشْ إِ ڒبْذَا، ڒْعَارْشْ نّشْ أَذْ إِقِّيمْ إِبدّْ إِ ڒبْذَا.‘ “
2SA 7:17 نَاثَانْ إِسِّيوڒْ غَارْ ذَاوُوذْ [نِيشَانْ] عْلَاحْسَابْ أَوَاڒنْ-أَ ؤُ عْلَاحْسَابْ مَارَّا ڒوْحِييْ-أَ.
2SA 7:18 [خنِّي] يُوذفْ ؤُجدْجِيذْ ذَاوُوذْ ؤُشَا إِقِّيمْ زَّاثْ إِ وُوذمْ ن سِيذِي، إِنَّا: ”مِينْ عْنِيغْ نشّْ، سِيذِي إِنُو، سِيذِي، ؤُ مِينْ ثعْنَا ثَادَّارْثْ إِنُو أَقَا شكْ ثْنذْهذْ أَيِي-د أَڒْ ذَانِيثَا؟
2SA 7:19 ذِي ثِيطَّاوِينْ نّشْ ذ مَانْ أَيَا [مَارَّا] عَاذْ ذْرُوسْ، [أَ] سِيذِي إِنُو سِيذِي، [مَاشَا ڒخُّو] ثسِّيوْڒذْ عَاذْ خْ ثَادَّارْثْ ن ؤُمْسخَّارْ نّشْ [ذڭْ وُوسَّانْ] إِڭّْوجنْ [إِ د إِتَّاسنْ]. ذ مَانْ أَيَا ذ ثَاغُورِي [ذ ثِيذتّْ] إِ بْنَاذمْ، [أَ] سِيذِي إِنُو، سِيذِي!
2SA 7:20 مِينْ ذ أَشْ إِ غَا يِينِي ذَاوُوذْ عَاذْ كْثَارْ؟ شكْ ثسّْنذْ أَمْسخَّارْ نّشْ، [أَ] سِيذِي إِنُو، سِيذِي!
2SA 7:21 ذِي طّْوعْ ن وَاوَاڒْ نّشْ ؤُ عْلَاحْسَابْ ؤُڒْ نّشْ أَقَا ثڭِّيذْ مَارَّا [بْلَانُو] إِمْغَارنْ وَانِيثَا، حِيمَا أَذْ ثسَّارْڭْبذْ أَمْسخَّارْ نّشْ.
2SA 7:22 خْ ؤُيَا شكْ ذ أَمقّْرَانْ، [أَ] سِيذِي إِنُو سِيذِي، مَاغَارْ وَارْ [ذِينْ] إِدْجِي ؤُڒَا ذ إِجّْ أَمْ شكْ ؤُ وَارْ [ذِينْ] إِدْجِي ؤُڒَا ذ إِجّْ ن أَربِّي مْغِيرْ شكْ عْلَاحْسَابْ مَارَّا مِينْ نسْڒَا س إِمزُّوغنْ نّغْ.
2SA 7:23 مَانْ ونْ [إِ إِدْجَانْ] أَمْ ڒْڭنْسْ نّشْ، أَمْ إِسْرَائِيل، أَينِّي ن ڒْڭنْسْ خْ ثمُّورْثْ إِ غَارْ إِرَاحْ أَربِّي حِيمَا أَذْ ث إِفْذِي إِ يِيخفْ نّسْ ذ ڒْڭنْسْ، ؤُ حِيمَا أَذْ إِڭّْ إِ يِيخفْ نّسْ إِجّْ ن يِيسمْ، ؤُ حِيمَا أَذْ أَومْ إِڭّْ [إِشْثْ ن ڒْخذْمثْ ذ] ثَامقّْرَانْثْ ؤُڒَا ذ ثْمڭَّا ذ ثِيمقّْرَانِينْ إِ ثمُّورْثْ نّشْ زَّاثْ إِ وُوذمْ ن ڒْڭنْسْ نّشْ نِّي ثفْذِيذْ إِ يِيخفْ نّشْ زِي مِيصْرَا، [زِي] ڒڭْنُوسْ ؤُ [زڭْ] إِربِّيثنْ نْسنْ.
2SA 7:24 شكْ ثڭِّيذْ ڒْڭنْسْ نّشْ إِسْرَائِيل ذ إِجّْ ن ڒْڭنْسْ إِ يِيخفْ نّشْ إِ ڒبْذَا. شكْ، [أَ] سِيذِي، أَقَا شكْ ثْذوْڒذْ ذ أَربِّي إِ نِيثْنِي.
2SA 7:25 خنِّي ڒخُّو، سِيذِي أَربِّي، أجّْ أَوَاڒْ نِّي ثسِّيوْڒذْ خْ ؤُمْسخَّارْ نّشْ ؤُ خْ ثَادَّارْثْ نّسْ أَذْ إِبدّْ إِ ڒبْذَا ؤُ أڭّْ أَمْ مَامّشْ ثسِّيوْڒذْ.
2SA 7:26 أجّْ إِسمْ نّشْ أَذْ إِتّْوَاسّمْغَارْ إِ ڒبْذَا، أَذْ إِنِينْ: ’سِيذِي ن ڒْعسْكَارَاثْ إِجهْذنْ أَقَا-ث ذ أَربِّي خْ إِسْرَائِيل!‘، ؤُشَا إِڒِي أَذْ ثتّْوَاسّمْثنْ ثَادَّارْثْ ن ؤُمْسخَّارْ نّشْ ذَاوُوذْ زَّاثْ إِ وُوذمْ نّشْ.
2SA 7:27 مَاغَارْ شكْ، [أَ] سِيذِي ن ڒْعسْكَارَاثْ، أَربِّي ن إِسْرَائِيل، أَقَا ثسَّارْڭْبذْ ذڭْ إِمزُّوغنْ ن ؤُمْسخَّارْ نّشْ، ثنِّيذْ: ’نشّْ أَذْ أَشْ سّْبدّغْ إِشْثْ ن ثَادَّارْثْ!‘ خْ ؤُيَا ثُوسَا-د ذڭْ وُوڒْ ن ؤُمْسخَّارْ نّشْ مَاحنْذْ أَذْ إِژَّادْجْ ثَاژَادْجِيثْ-أَ غَاركْ.
2SA 7:28 [خنِّي] ڒخُّو، [أَ] سِيذِي إِنُو، سِيذِي، شكْ ذ أَربِّي نِّي ؤُشَا أَوَاڒنْ نّشْ ذ ثِيذتّْ ؤُ شكْ ثسِّيوْڒذْ س [مَارَّا] ثْشُونِي-يَا غَارْ ؤُمْسخَّارْ نّشْ.
2SA 7:29 [خنِّي] ڒخُّو، مَاڒَا ثُوسَا أَشْ-د خْ ڒْخَاضَارْ، بَاركْ ثَادَّارْثْ ن ؤُمْسخَّارْ نّشْ، حِيمَا أَذْ ثِيڒِي زَّاثْ إِ وُوذمْ نّشْ إِ ڒبْذَا، مِينْزِي شكْ، [أَ] سِيذِي إِنُو، سِيذِي، ثسِّيوْڒذْ [أَيَا] ؤُ س لْبَارَاكَا نّشْ أَذْ ثتّْوَابَاركْ ثَادَّارْثْ ن ؤُمْسخَّارْ نّشْ إِ ڒبْذَا.‘ “
2SA 8:1 أَوَارْنِي أَيَا إِمْسَارْ أَقَا ذَاوُوذْ إِغْڒبْ خْ إِفِيلِيسْطِينِييّنْ ؤُشَا يَارَّا إِ-ثنْ سَاذُو أَفُوسْ نّسْ ؤُ ذَاوُوذْ إِكّسْ ڒحْكَامثْ زڭْ ؤُفُوسْ ن إِفِيلِيسْطِينِييّنْ.
2SA 8:2 [عَاوذْ] إِغْڒبْ نتَّا خْ مُوآبَ ؤُشَا إِعْبَارْ إِ-ثنْ س يِيجّْ ن ؤُفِيڒُو [ن ڒعْبَارْ] أَمْ زّْڒنْ ذِي ثمُّورْثْ. نتَّا إِعْبَارْ ثْنَاينْ ن إِفِيڒَانْ [ن ڒعْبَارْ]، حِيمَا أَذْ ثنْ إِنغْ، ؤُڒَا ذ إِجّْ ن ؤُفِيڒُو إِمُونْ، حِيمَا أَذْ ثنْ يجّْ دَّارنْ. [أَمُّو] إِ ذوْڒنْ أَيْثْ ن مُوآبَ ذ إِمْسخَّارنْ إِ ذَاوُوذْ نِّي إِتّْخصَّانْ أَذْ [أَسْ] وْشنْ لْجِيزْيَا.
2SA 8:3 ذَاوُوذْ إِغْڒبْ عَاوذْ خْ هَاذَاذْ-عَازَارْ، مِّيسْ ن رَاحُوبْ، أَجدْجِيذْ ن صُوبَا، ؤُمِي ثُوغَا د-إِفّغْ وَانِيثَا حِيمَا أَذْ غَارسْ د-يَارّْ ڒحْكَامثْ نّسْ غَارْ يغْزَارْ [ن لْفُورَاطْ].
2SA 8:4 ذَاوُوذْ إِكّسْ زَّايسْ أَڒفْ ؤُ سبْعَا-مْيَا ن إِمْنَاينْ ذ عِيشْرِينْ-أَڒفْ ن يرْيَازنْ خْ إِضَارنْ، ؤُشَا إِقسّْ ذَاوُوذْ إِژوْرَانْ ن إِضَارنْ ن مَارَّا [إِيْسَانْ ن] إِكَارُّوثنْ، [مَاشَا] إِجَّا زَّايسْ مْيَا ن [إِيْسَانْ ن] إِكَارُّوثنْ.
2SA 8:5 يُوسَا-د أَرَامْ زِي ذِيمَاشْقْ، حِيمَا أَذْ إِوْشْ أَفُوسْ إِ هَاذَاذْ-عَازَارْ، أَجدْجِيذْ ن صُوبَا، ؤُ ذَاوُوذْ إِغْڒبْ خْ ثْنَاينْ ؤُ-عِيشْرِينْ-أَڒَافْ ن يرْيَازنْ ن أَرَامْ.
2SA 8:6 ذَاوُوذْ إِڭَّا ڒْعسْكَارَاثْ [ن ؤُحوّسْ] جَارْ إِرَامِييّنْ ن ذِيمَاشْقْ ؤُ إِرَامِييّنْ ذوْڒنْ ذ إِمْسخَّارنْ ن ذَاوُوذْ إِنِّي إِتّْخصَّانْ أَذْ [أَسْ] وْشنْ ثَارْزِيفِينْ. سِيذِي إِڭَّا تَّاسِيعْ إِ ذَاوُوذْ مَانِي مَا إِرُوحْ.
2SA 8:7 ذَاوُوذْ إِكْسِي ثِيسدَّارِييِينْ إِقسْحنْ ن ؤُعسْكَارِي نِّي تّْوَاڭّنْثْ س وُورغْ، ثِينِّي ثُوغَا [إِدْجَانْ] ن إِمْسخَّارنْ ن هَاذَاذْ-عَازَارْ ؤُ يِيوْيِي ثنْثْ غَارْ ؤُرْشَالِيمْ.
2SA 8:8 إِكْسِي ذَاوُوذْ أَطَّاسْ ن نّْحَاسْ زِي بَاثَاحْ ؤُ زِي بِيرَاثَايْ، ثِيندَّامْ ن هَاذَاذْ-عَازَارْ.
2SA 8:9 [ؤُمِي] ثُوعِي، أَجدْجِيذْ ن حَامَاثْ، إِسْڒَا أَقَا ذَاوُوذْ إِغْڒبْ خْ مَارَّا ڒْعسْكَارْ ن هَاذَاذْ-عَازَارْ،
2SA 8:10 إِسّكّْ ثُوعِي مِّيسْ يُورَامْ غَارْ ؤُجدْجِيذْ ذَاوُوذْ، حِيمَا أَذْ إِسّقْسَا خْ ؤُمدُّورْ نّسْ ؤُ حِيمَا أَذْ أَسْ إِبَاركْ، مِينْزِي نتَّا إِمّْنغْ أَكِيذسْ ؤُ إِغْڒبْ خَاسْ، مَاغَارْ هَاذَاذْ-عَازَارْ ثُوغَا يَارزُّو أَذْ إِمّْنغْ أَكْ-ذ ثُوعِي ڒبْذَا. [نتَّا يِيوِي أَكِيذسْ] ذڭْ ؤُفُوسْ نّسْ ڒقْشُوعْ ن نُّوقَارْثْ ذ ڒقْشُوعْ ن وُورغْ ذ ڒقْشُوعْ ن نّْحَاسْ،
2SA 8:11 إِنِّي إِسّْقدّسْ ؤُجدْجِيذْ ذَاوُوذْ عَاوذْ إِ سِيذِي، [إِمُونْ] أَكْ-ذ نُّوقَارْثْ ذ وُورغْ نِّي ثُوغَا إِسّْقدّسْ زِي مَارَّا ڒڭْنُوسْ نِّي ثُوغَا يَارَّا سَاذُو نّسْ:
2SA 8:12 زِي أَرَامْ، زِي مُوآبَ، زڭْ أَيْثْ ن عَامُّونْ، زڭْ إِفِيلِيسْطِينِييّنْ، زِي عَامَالِيقْ ؤُڒَا زِي ثْكشَّاضْثْ ن هَاذَاذْ-عَازَارْ، مِّيسْ ن رَاخُوبْ، أَجدْجِيذْ ن صُوبَا.
2SA 8:13 إِڭَّا ذَاوُوذْ عَاوذْ إِجّْ ن يِيسمْ، ؤُمِي د-إِعْقبْ نتَّا زڭْ ڒغْڒبْ خْ أَرَامْ ذِي ثغْزُورْثْ ن ثْمدْجَاحْثْ، ثْمنْطَاشْ-أَڒفْ [ن يرْيَازنْ].
2SA 8:14 نتَّا إِڭَّا ڒْعسْكَارَاثْ [ن ؤُحوّسْ] ذِي إِذُومْ. ذِي مَارَّا إِذُومْ إِڭَّا ڒْعسْكَارَاثْ [ن ؤُحوّسْ] ؤُ مَارَّا إِذُومِييّنْ ذوْڒنْ ذ إِمْسخَّارنْ إِ ذَاوُوذْ. سِيذِي إِڭَّا تَّاسِيعْ إِ ذَاوُوذْ مَانِي مَا إِفّغْ نتَّا.
2SA 8:15 ذَاوُوذْ إِحْكمْ خْ مَارَّا إِسْرَائِيل ؤُ ذَاوُوذْ إِڭَّا س ڒْحقّْ ذ ثْسڭْذَا إِ مَارَّا ڒْڭنْسْ نّسْ.
2SA 8:16 يُووَابْ، مِّيسْ ن صَارُويَا، [ثُوغَا-ث] خْ ڒْعسْكَارْ ؤُ يَاهُوشَافَاطْ، مِّيسْ ن أَخِيلُوذْ، ثُوغَا-ث ذ أَمَارِيرْ ن ؤُمزْرُويْ.
2SA 8:17 صَاذُوقْ، مِّيسْ ن أَخِيطُوبْ، ذ أَخِيمَالِيكْ، مِّيسْ ن أَبْيَاثَارْ، ثُوغَا أَثنْ ذ إِكهَّاننْ ؤُ سَارَايَا ثُوغَا-ث ذ أَمَارِيرْ.
2SA 8:18 بَانَايَا، مِّيسْ ن يَاهُويَاذَاعْ، [ثُوغَا-ث خْ] إِعسَّاسنْ ن أَرِّيمثْ [ن ؤُجدْجِيذْ] ؤُ [خْ] إِرقَّاسنْ ن ثَازْڒَا. إِحنْجِيرنْ ن ذَاوُوذْ [ثُوغَا أَثنْ ذ] إِمْثِيقَّانْ نّسْ.
2SA 9:1 ذَاوُوذْ إِنَّا: ”مَا إِقِّيمْ عَاذْ شَا ن يِيجّنْ زِي ثَادَّارْثْ ن شَاوُولْ، حِيمَا نشّْ أَذْ أَسْ سّشْنغْ ثَامخْسِيوْثْ [إِنُو] إِشوَّارنْ ذِي طّْوعْ ن يُونَاثَانْ؟“
2SA 9:2 ثُوغَا [ذِينْ] إِجّْ ن ؤُمْسخَّارْ [غَارْ] ثَادَّارْثْ ن شَاوُولْ، تّْڒَاغَانْ أَسْ صِيبَا. ڒَاغَانْ أَسْ-د غَارْ ذَاوُوذْ. إِنَّا أَسْ ؤُجدْجِيذْ: ”مَا شكْ ذ صِيبَا؟“ نتَّا إِنَّا: ”ذ أَمْسخَّارْ نّشْ.“
2SA 9:3 أَجدْجِيذْ إِنَّا: ”مَا إِقِّيمْ عَاذْ شَا ن إِجّْ زِي ثَادَّارْثْ ن شَاوُولْ [إِدَّارْ]، حِيمَا أَذْ أَسْ سّشْنغْ ثَامخْسِيوْثْ إِشوَّارنْ ن أَربِّي؟“ [خنِّي] إِنَّا صِيبَا إِ ؤُجدْجِيذْ: ”أَقَا ذِينْ عَاذْ إِجّْ ن مِّيسْ ن يُونَاثَانْ ونِّي ذ أَنعْضَابْ زِي ثْنَاينْ ن إِضَارنْ.“
2SA 9:4 إِنَّا أَسْ ؤُجدْجِيذْ: ”مَانِي إِدْجَا نتَّا؟“ صِيبَا إِنَّا أَسْ إِ ؤُجدْجِيذْ: ”خْزَارْ، نتَّا أَقَا-ث ذِي ثَادَّارْثْ ن مَاخِيرْ، مِّيسْ ن عَامِّييِيلْ، ذِي لُو-ذَابَارْ.“
2SA 9:5 [خنِّي] إِسّكّْ ؤُجدْجِيذْ ذَاوُوذْ ذِينْ ؤُ يِيوْيِي ث-إِ-د زِي ثَادَّارْثْ ن مَاخِيرْ، مِّيسْ ن عَامِّييِيلْ ذِي لُو-ذَابَارْ.
2SA 9:6 [ؤُمِي] مَافِيبُوشَاثْ، مِّيسْ ن يُونَاثَانْ، مِّيسْ ن شَاوُولْ، يُوذفْ غَارْ ذَاوُوذْ، إِوْضَا س ؤُغمْبُوبْ نّسْ [غَارْ ثمُّورْثْ]، يُوضَارْ [أَسْ]. ذَاوُوذْ إِنَّا: ”مَافِيبُوشَاثْ!“ نتَّا إِنَّا: ”خْزَارْ، أَقَا ذَا أَمْسخَّارْ نّشْ.“
2SA 9:7 ذَاوُوذْ إِنَّا أَسْ: ”وَارْ تّڭّْوذْ، مَاغَارْ نشّْ أَذْ أَشْ سّشْنغْ ثَامخْسِيوْثْ [إِنُو] إِشوَّارنْ ذِي طّْوعْ ن بَابَاشْ يُونَاثَانْ. نشّْ أَذْ أَشْ أَرّغْ مَارَّا إِيَّارنْ ن جدّْ نّشْ شَاوُولْ ؤُ شكْ أَذْ ثشّذْ ڒبْذَا مَاشَّا غَارْ طَّابْڒَا إِنُو.“
2SA 9:8 [خنِّي] يُوضَارْ [أَسْ]، إِنَّا: ”مِينْ إِعْنَا ؤُمْسخَّارْ نّشْ أَڒَامِي شكْ ثخْزَارذْ غَارْ إِجّْ ن وقْزِينْ إِمُّوثنْ أَمْ مَامّشْ دْجِيغْ نشّْ؟“
2SA 9:9 [خنِّي] إِڒَاغَا ؤُجدْجِيذْ خْ صِيبَا، أَمْسخَّارْ ن شَاوُولْ، إِنَّا أَسْ: ”مَارَّا مِينْ إِدْجَانْ ن شَاوُولْ ذ مَارَّا ثَادَّارْثْ نّسْ، وْشِيغْ ث إِ مِّيسْ ن سِيذِي نّشْ.
2SA 9:10 شكْ أَذْ أَسْ ثْشَارْزذْ ثَامُّورْثْ، شكْ ذ إِحنْجِيرنْ نّشْ ذ إِمْسخَّارنْ نّشْ، ؤُشَا أَذْ أَسْ ثَاوْيذْ صَّابثْ نّسْ، حِيمَا مِّيسْ ن سِيذِي نّشْ أَذْ غَارسْ يِيڒِي وغْرُومْ مَاحنْذْ أَذْ يشّْ. مَافِيبُوشَاثْ، مِّيسْ ن سِيذِي نّشْ، أَذْ يشّْ ڒبْذَا أَغْرُومْ غَارْ طَّابْڒَا إِنُو.“ صِيبَا ثُوغَا غَارسْ خمّسْطَاشْ ن إِحنْجِيرنْ ذ عِيشْرِينْ ن إِمْسخَّارنْ.
2SA 9:11 صِيبَا إِنَّا إِ ؤُجدْجِيذْ: ”أَمْسخَّارْ نّشْ أَذْ إِڭّْ عْلَاحْسَابْ مَارَّا مِينْ يُومُورْ سِيذِي إِنُو أَجدْجِيذْ إِ ؤُمْسخَّارْ نّسْ!“ [ذَاوُوذْ إِنَّا عَاذْ]: ”مَافِيبُوشَاثْ أَذْ إِشّْ غَارْ طَّابْڒَا إِنُو أَمْ يِيجّنْ زڭْ إِحنْجِيرنْ ن ؤُجدْجِيذْ.“
2SA 9:12 مَافِيبُوشَاثْ ثُوغَا غَارسْ إِجّْ ن مِّيسْ تّْڒَاغَانْ أَسْ مِيخَا. مَارَّا إِنِّي ثُوغَا إِزدّْغنْ ذِي ثَادَّارْثْ ن صِيبَا ثُوغَا أَثنْ ذ إِمْسخَّارنْ ن مَافِيبُوشَاثْ.
2SA 9:13 ؤُ مَافِيبُوشَاثْ ثُوغَا إِزدّغْ ذِي ؤُرْشَالِيمْ، مَاغَارْ نتَّا إِتّتّْ ڒبْذَا غَارْ طَّابْڒَا ن ؤُجدْجِيذْ. نتَّا ثُوغَا-ث ذ أَنعْضَابْ زِي ثْنَاينْ ن إِضَارنْ.
2SA 10:1 أَوَارْنِي أَيَا إِمْسَارْ، أَقَا أَجدْجِيذْ ن أَيْثْ ن عَامُّونْ إِمُّوثْ. مِّيسْ حَانُونْ إِذْوڒْ ذ أَجدْجِيذْ ذڭْ ومْشَانْ نّسْ.
2SA 10:2 [خنِّي] إِنَّا ذَاوُوذْ: ”نشّْ خْسغْ أَذْ سّشْنغْ ثَامخْسِيوْثْ إِشوَّارنْ إِ حَانُونْ، مِّيسْ ن نَاحَاشْ، أَمْ مَامّشْ إِ ذ أَيِي إِسّْشنْ بَابَاسْ ثَامخْسِيوْثْ [نّسْ] إِشوَّارنْ.“ ذَاوُوذْ إِسّكّْ [إِرقَّاسنْ] حِيمَا أَذْ ث إِعزَّا خْ [ڒْْموْثْ ن] بَابَاسْ س ؤُفُوسْ ن إِمْسخَّارنْ نّسْ ؤُ إِمْسخَّارنْ ن ذَاوُوذْ إِوْضنْ غَارْ ثمُّورْثْ ن أَيْثْ ن عَامُّونْ.
2SA 10:3 [خنِّي] نَّانْ ڒْحُوكَّامْ ن أَيْثْ ن عَامُّونْ إِ سِيذِي نْسنْ حَانُونْ: ”مَا [إِخْسْ] ذَاوُوذْ [س ثِيذتّْ] أَذْ إِوقَّارْ بَابَاشْ ذِي ثِيطَّاوِينْ نّشْ، ؤُمِي د-إِسّكّْ نتَّا إِمْسخَّارنْ مَاحنْذْ أَذْ شكْعزَّانْ؟ مَا وَارْ د-إِسّكّْ ذَاوُوذْ إِمْسخَّارنْ نّسْ غَاركْ، حِيمَا أَذْ أَرْزُونْ ذِي ثنْذِينْثْ، أَذْ سّْمُوننْ ڒخْبَارْ ؤُشَا [خنِّي] أَذْ ت أَرّنْ وَارْ ثدْجِي ذ نتَّاثْ؟“
2SA 10:4 [خَاسْ ؤُشَا] إِطّفْ حَانُونْ إِمْسخَّارنْ ن ذَاوُوذْ، إِحفّْ أَسنْ أَزْينْ زِي ثْمَارْثْ ؤُ إِقسّْ أَسنْ أَزْينْ ن وَارُّوضْ أَڒْ ضفَّارْ، ؤُشَا إِسّكّْ إِ-ثنْ.
2SA 10:5 [ؤُمِي] خبَّارنْ أَيَا إِ ذَاوُوذْ، إِسّكّْ أَسنْ [إِرقَّاسنْ]، مِينْزِي نِيثْنِي ثُوغَا تّْسضْحَانْ إِخفْ نْسنْ أَطَّاسْ. إِنَّا ؤُجدْجِيذْ: ”قِّيممْ ذِي أَرِيحَا أَڒْ د غَا ثمْغَارْ ثْمَارْثْ نْومْ، خنِّي أَذْ د-ثْذوْڒمْ.“
2SA 10:6 [ؤُمِي] ژْرِينْ أَيْثْ نْ عَامُّونْ بلِّي نِيثْنِي ثُوغَا سَّارْزْڭنْ إِخفْ نْسنْ غَارْ ذَاوُوذْ، سّكّنْ أَيْثْ ن عَامُّونْ [إِرقَّاسنْ] ؤُ شْرَانْ زڭْ أَيْثْ ن أَرَامْ زِي بَايْثْ-رَاخُوبْ ؤُ زڭْ أَيْثْ ن أَرَامْ زِي صُوبَا عِيشْرِينْ-أَڒَافْ ن يرْيَازنْ خْ إِضَارنْ، ؤُ زڭْ ؤُجدْجِيذْ ن مَاعْكَا أَڒفْ ن يرْيَازنْ ؤُ زڭْ يرْيَازنْ ن طُوبْ ثنْعَاشْ-أَڒَافْ ن يرْيَازنْ.
2SA 10:7 [ؤُمِي] إِسْڒَا ذَاوُوذْ أَيَا، إِسّكّْ نتَّا يُووَابْ س مَارَّا ڒْعسْكَارْ نّسْ، أَيْثْ ن بُو-ثغْرُوضْثْ.
2SA 10:8 أَيْثْ ن عَامُّونْ فّْغنْ-د ؤُ سدّنْ إِخفْ نْسنْ إِ ؤُمنْغِي غَارْ وَاذَافْ ن ثوَّارْثْ [ن ثنْذِينْثْ]، مَاشَا أَيْثْ ن أَرَامْ ن صُوبَا ذ رَاخُوبْ ذ يرْيَازنْ ن طُوبْ ذ مَاعْكَا [ثُوغَا أَثنْ] س يِيخفْ نْسنْ ذڭْ إِيَّارْ.
2SA 10:9 [ؤُمِي] إِژْرَا يُووَابْ، أَقَا أَمنْغِي إِخژَّارْ إِ-ثنْ ذڭْ ؤُغمْبُوبْ غَارْ زَّاثْ ؤُ غَارْ ضفَّارْ، إِخْضَارْ نتَّا زِي مَارَّا إِنِّي إِتّْوَافَارْزنْ [ذِي ڒْعسْكَارْ] ن إِسْرَائِيل ؤُشَا إِسّْبدّْ إِ-ثنْ [إِ ؤُمنْغِي] أَجمَّاضْ ن أَيْثْ ن أَرَامْ.
2SA 10:10 مِينْ إِقِّيمنْ ن ڒْڭنْسْ إِڭَّا إِ-ثنْ سَاذُو ؤُفُوسْ ن ؤُمَاسْ أَبِيشَايْ، ونِّي ثنْ إِسّْبدّنْ أَجمَّاضْ ن أَيْثْ ن عَامُّونْ.
2SA 10:11 إِنَّا نتَّا: ”مَاڒَا أَرَامْ إِجْهذْ خَافِي، خنِّي أَسْ-د، فكّْ أَيِي! مَاڒَا أَيْثْ ن عَامُّونْ جهْذنْ خَاكْ، [خنِّي] أَذْ د-أَسغْ أَذْ شكْ فكّغْ.
2SA 10:12 إِڒِي ذ أَرْيَازْ ؤُ أَذْ نِيڒِي ذ إِرْيَازنْ ذِي طّْوعْ ن ڒْڭنْسْ نّغْ ؤُ ذِي طّْوعْ ن ثْندَّامْ ن أَربِّي. أجّْ سِيذِي أَذْ إِڭّْ مِينْ إِدْجَانْ ذ لمْلِيحْ ذِي ثِيطَّاوِينْ نّسْ.“
2SA 10:13 [خنِّي] إِقَارّبْ-د يُووَابْ ذ ڒْڭنْسْ إِ غَارسْ إِدْجَانْ إِ ؤُمنْغِي أَكْ-ذ أَرَامْ ؤُشَا إِنَا طّْفنْ ذِي ثَاروْڒَا زَّاثْ إِ وُوذمْ نّسْ.
2SA 10:14 [ؤُمِي] ژْرِينْ أَيْثْ ن عَامُّونْ، أَقَا أَيْثْ ن أَرَامْ أَروْڒنْ، طّْفنْ ؤُڒَا ذ نِيثْنِي ذِي ثَاروْڒَا زَّاثْ إِ وُوذمْ ن أَبِيشَايْ ؤُشَا إِوْضنْ غَارْ ثنْذِينْثْ. يُووَابْ إِعْقبْ أَوَارْنِي إِ ؤُمنْغِي أَكْ-ذ أَيْثْ ن عَامُّونْ ؤُشَا يِيوضْ غَارْ ؤُرْشَالِيمْ.
2SA 10:15 [ؤُمِي] ژْرِينْ أَيْثْ ن أَرَامْ أَقَا نِيثْنِي تّْوَاغڒْبنْ زَّاثْ إِ وُوذمْ ن إِسْرَائِيل، نّْيَارْونْ ثْوَاڒَا نّغْنِيثْ.
2SA 10:16 ؤُشَا هَاذَاذْ-عَازَارْ إِسّكّْ [إِرقَّاسنْ]، إِجَّا أَذْ د-أَسنْ أَيْثْ ن أَرَامْ إِنِّي [إِزدّْغنْ] خْ ؤُجمَّاضْ نْ إِغْزَارْ [ن لْفُورَاطْ] ؤُشَا نِيثْنِي ؤُسِينْ-د غَارْ حِيلَامْ. شُوبَاكْ، أَكُومَانْذَارْ ن ڒْعسْكَارْ ن هَاذَاذْ-عَازَارْ، إِفّغْ زَّاثْ إِ وُوذمْ نْسنْ.
2SA 10:17 [ؤُمِي] إِتّْوَانَّا أَيَا إِ ذَاوُوذْ، إِسّْمُونْ نتَّا مَارَّا إِسْرَائِيل، إِژْوَا لْ-ؤُرْذُونْ، يُوسَا-د غَارْ حِيلَامْ. أَيْثْ ن أَرَامْ سدّنْ إِخفْ نْسنْ إِ ؤُمنْغِي قِيبَاتْشْ إِ ذَاوُوذْ ؤُ مّنْغنْ أَكِيذسْ.
2SA 10:18 أَيْثْ ن أَرَامْ أَروْڒنْ زَّاثْ إِ وُوذمْ ن إِسْرَائِيل ؤُ ذَاوُوذْ إِقْضَا خْ سبْعَا-مْيَا ن إِكَارُّوثنْ [ن ؤُمنْغِي] ذ أَربْعِينْ-أَڒفْ ن إِمْنَاينْ ن أَيْثْ ن أَرَامْ. [عَاوذْ] إِوْثَا نتَّا شُوبَاكْ، أَكُومَانْذَارْ ن ڒْعسْكَارْ نْسنْ، أَڒَامِي إِمُّوثْ ذِينْ.
2SA 10:19 [ؤُمِي] ژْرِينْ مَارَّا إِجدْجِيذنْ نِّي ثُوغَا إِتّْرَاحنْ أَكْ-ذ هَاذَاذْ-عَازَارْ، بلِّي أَقَا نِيثْنِي ثْوَاغلّْبنْ زَّاثْ إِ وُوذمْ ن أَيْثْ ن إِسْرَائِيل، ڭِّينْ نِيثْنِي ڒهْنَا أَكْ-ذ إِسْرَائِيل ؤُ سخَّارنْ أَسْ. أَيْثْ ن أَرَامْ ڭّْوذنْ أَذْ فكّنْ أَيْثْ نْ عَامُّونْ ثْوَاڒَا نّغْنِيثْ.
2SA 11:1 غَارْ ؤُبدُّو ن ؤُسڭّْوَاسْ ن جْذِيذْ، ذِي ڒْوقْثْ إِ ذِي إِتّفّْغنْ إِجدْجِيذنْ [غَارْ ؤُمنْغِي]، إِمْسَارْ أَقَا ذَاوُوذْ إِسّكّْ يُووَابْ أَكْ-ذ يرْيَازنْ نّسْ نِّي أَكِيذسْ [إِدْجَانْ] ذ مَارَّا إِسْرَائِيل. نِيثْنِي ڒبْزنْ أَيْثْ ن عَامُّونْ ؤُشَا نّْضنْ إِ رَابَّا. مَاشَا ذَاوُوذْ سِيمَانْثْ نّسْ إِقِّيمْ ذِي ؤُرْشَالِيمْ.
2SA 11:2 ؤُمِي د-إِكَّارْ ذَاوُوذْ إِشْثْ ن ثْوَاڒَا ذِي ثْمذِّيثْ زِي قَامَا نّسْ، إِمْسَارْ أَقَا نتَّا يُويُورْ خْ ثْزقَّا [إِوَاطَانْ] ن ثْزذِّيغْثْ ن ؤُجدْجِيذْ. إِژْرَا سّنِّي إِشْثْ ن ثمْغَارْثْ ثسِّيرِيذْ إِخفْ نّسْ. ثَامْغَارْثْ نِّي ذَايسْ أَژْرِي أَطَّاسْ.
2SA 11:3 ذَاوُوذْ إِسّكّْ [إِجّْ] ذِينْ مَاحنْذْ أَذْ إِسّقْسَا خْ ثمْغَارْثْ نِّي. إِتّْوَانَّا [أَسْ]: ”مَا وَارْ ثدْجِي ذ بَاثْ-شَابَاعْ، يدْجِيسْ ن إِلِيعَامْ، ثَامْغَارْثْ ن أَحِيتِّي ؤُرِييَا؟“
2SA 11:4 [خَاسْ ؤُشَا] إِسّكّْ ذَاوُوذْ إِرقَّاسنْ، إِجَّا أَذْ ت-إِ-د-أَوْينْ. نتَّاثْ ثُوذفْ-د غَارسْ ؤُشَا إِطّصْ أَكِيذسْ. [أَوَارْنِي ڒَامِي] ثُوغَا ثتّْوَازِيذْڭذْ زِي ڒخْمجْ نّسْ، ثعْقبْ غَارْ ثَادَّارْثْ نّسْ.
2SA 11:5 ثَامْغَارْثْ ثُوغَا ثكْسِي س دّيْسثْ ؤُشَا ثسّكّْ [إِجّْ]، ثسَّارْڭبْ ذَاوُوذْ، ثنَّا: ”نشّْ كْسِيغْ س دّيْسثْ.“
2SA 11:6 [خَاسْ ؤُشَا] إِسّكّْ ذَاوُوذْ [إِشْثْ ن ثبْرَاثْ] غَارْ يُووَابْ: ”سكّْ-د أَحِيتِّي ؤُرِييَا غَارِي!“ ؤُ يُووَابْ إِسّكّْ ؤُرِييَا غَارْ ذَاوُوذْ.
2SA 11:7 [ؤُمِي] غَارسْ-د يُوسَا ؤُرِييَا، إِسّقْسَا ذَاوُوذْ خْ مَامّشْ إِدْجَا يُووَابْ ؤُ خْ مَامّشْ إِدْجَا ڒْڭنْسْ ؤُ خْ مَامّشْ إِڭُّورْ ؤُمنْغِي.
2SA 11:8 [خنِّي] إِنَّا ذَاوُوذْ إِ ؤُرِييَا:” هْوَا غَارْ ثَادَّارْثْ نّشْ ؤُشَا سِّيرْذْ إِضَارنْ نّشْ!“ ؤُرِييَا إِسْمحْ ذِي ثَادَّارْثْ ن ؤُجدْجِيذْ ؤُ سّضْفَارنْ أَسْ [عَاذْ] إِشْثْ ن ثَارْزفْثْ ن ؤُجدْجِيذْ.
2SA 11:9 [مَاشَا] ؤُرِييَا إِزّڒْ إِطّصْ غَارْ ثوَّارْثْ ن ثَادَّارْثْ ن ؤُجدْجِيذْ أَكْ-ذ مَارَّا إِمْسخَّارنْ ن سِيذِي نّسْ. نتَّا وَارْ إِهْوِي شَا غَارْ ثَادَّارْثْ نّسْ.
2SA 11:10 خبَّارنْ إِ ذَاوُوذْ، نَّانْ: ”ؤُرِييَا وَارْ إِهْوِي شَا غَارْ ثَادَّارْثْ نّسْ.“ [خَاسْ ؤُشَا] إِنَّا ذَاوُوذْ إِ ؤُرِييَا: ”مَا وَارْ د-ثذْوِيڒذْ زڭْ ؤُسَافَارْ؟ مَايمِّي شكْ وَارْ ثهْوِيذْ غَارْ ثَادَّارْثْ نّشْ؟“
2SA 11:11 ؤُرِييَا يَارَّا-د خْ ذَاوُوذْ: ”تَّابُوثْ ذ إِسْرَائِيل ذ يَاهُوذَا تّْغِيمَانْ ذڭْ إِقِيضَانْ ؤُ سِيذِي إِنُو يُووَابْ ذ إِمْسخَّارنْ ن سِيذِي إِنُو وْثِينْ إِقِيضَانْ نْسنْ ذڭْ إِيَّارْ يَارزْمنْ. مَا [خنِّي] أَذْ ؤُيُورغْ نشّْ غَارْ ثَادَّارْثْ إِنُو، حِيمَا أَذْ شّغْ، أَذْ سْوغْ ؤُ أَذْ وْضِيغْ أَكْ-ذ ثمْغَارْثْ إِنُو؟ [س ثِيذتّْ أَمْ] ثدَّارذْ شكْ ؤُ إِدَّارْ ڒعْمَارْ نّشْ، وَارْ تّڭّغْ أَيَا!“
2SA 11:12 [خَاسْ] ؤُشَا إِنَّا ذَاوُوذْ إِ ؤُرِييَا: ”قِّيمْ ؤُڒَا ذ أَسّْ-أَ عَاذْ ذَانِيثَا. ثِيوشَّا أَذْ شكْ سّكّغْ [عَاوذْ].“ ؤُشَا [أَمُّو إِ] إِقِّيمْ ؤُرِييَا أَسّْ نِّي ذ وَاسّْ إِ ث-إِ-د-إِضْفَارنْ ذِي ؤُرْشَالِيمْ.
2SA 11:13 إِعَارْضْ إِ-ث ذَاوُوذْ ؤُشَا نتَّا إِشَّا، إِسْوَا زَّاثْ إِ وُوذمْ نّسْ ؤُشَا [ذَاوُوذْ] إِسّْشَارْ إِ-ث. غَارْ ثْمذِّيثْ [مَاشَا] إِفّغْ ؤُرِييَا، حِيمَا أَذْ إِزّڒْ [عَاوذْ] غَارْ إِمْسخَّارنْ ن سِيذِي نّسْ، [مَاشَا] نتَّا وَارْ إِهْوِي شَا غَارْ ثَادَّارْثْ نّسْ.
2SA 11:14 غَارْ ثُوفُّوثْ إِمْسَارْ، أَقَا ذَاوُوذْ يُورَا إِشْثْ ن ثبْرَاثْ إِ يُووَابْ ؤُشَا إِسّكّْ إِ-ت س ؤُفُوسْ ن ؤُرِييَا.
2SA 11:15 نتَّا يُورَا ذِي ثبْرَاثْ نِّي: ”سْبدّثْ ؤُرِييَا غَارْ زَّاثْ مَانِي إِدْجَا ؤُمنْغِي إِقسْحنْ، خنِّي حيّْذثْ خَاسْ، حِيمَا أَذْ ث ڒقْفنْ، أَذْ إِمّثْ.“
2SA 11:16 [أَمْ] إِحْصَارْ يُووَابْ ثَانْذِينْثْ، إِمْسَارْ نتَّا إِسّْبدّْ ؤُرِييَا غَارْ مَانِي نتَّا إِسّنْ أَقَا ذِينِّي بدّنْ يرْيَازنْ إِمحْضنْ أَطَّاسْ.
2SA 11:17 [خنِّي] إِ د-فّْغنْ يرْيَازنْ زِي ثنْذِينْثْ، مّنْغنْ أَكْ-ذ يُووَابْ. وْضَانْ [يرْيَازنْ] زِي ڒْڭنْسْ، زڭْ إِمْسخَّارنْ ن ذَاوُوذْ، ؤُڒَا ذ أَحِيتِّي ؤُرِييَا إِمُّوثْ.
2SA 11:18 يُووَابْ إِسّكّْ [إِجّْ ن ؤُمْسخَّارْ] ؤُشَا إِحَاجَا إِ ذَاوُوذْ خْ مَامّشْ إِڭُّورْ ؤُمنْغِي.
2SA 11:19 نتَّا يُومُورْ إِ ؤُمْسخَّارْ، إِنَّا: ”مَاڒَا شكْ ثْكمّْڒذْ ڒخْبَارْ نّشْ خْ مَامّشْ إِڭُّورْ مَارَّا ؤُمنْغِي،
2SA 11:20 ؤُشَا إِمْسَارْ أَذْ إِكَّارْ وسْعَارْ ن ؤُجدْجِيذْ، أَذْ أَشْ يِينِي: ”مَايمِّي ثُوذْسمْ ثَانْذِينْثْ ذڭْ ؤُمنْغِي؟ مَا وَارْ ثسِّينمْ كنِّيوْ، أَقَا نِيثْنِي أَذْ وْثِينْ كنِّيوْ زِي ڒْحِيضْ؟
2SA 11:21 مَانْ ونْ إِنْغِينْ أَبِيمَالِيكْ، مِّيسْ ن يَارُوبُّوشَاثْ؟ مَا وَارْ إِدْجِي ذ إِشْثْ ن ثمْغَارْثْ ثنْضَارذْ خَاسْ ثَاسِيرْثْ يُوعْڒَانْ ن ثْسِيرْثْ زِي ڒْحِيضْ، أَڒَامِي نتَّا إِمُّوثْ ذِي ثَابَاصْ؟ مَايمِّي ثُويُورمْ ثُوذْسمْ أَمُّو ڒْحِيضْ؟‘، خنِّي شكْ أَذْ ثِينِيذْ: ’ؤُڒَا ذ أَمْسخَّارْ نّشْ، أَحِيتِّي ؤُرِييَا، إِتّْوَانغْ.‘ “
2SA 11:22 أَرقَّاسْ يُويُورْ، يُوسَا-د غَارْ ذَاوُوذْ ؤُشَا إِحَاجَا أَسْ مَارَّا خْ مِينْ خفْ ث إِسّكّْ يُووَابْ.
2SA 11:23 أَرقَّاسْ إِنَّا إِ ذَاوُوذْ: ”إِرْيَازنْ ثُوغَا جهْذنْ خَانغْ ؤُ نِيثْنِي ثُوغَا فّْغنْ-د غَارْنغْ أَڒْ إِيَّارْ، مَاشَا نشِّينْ نحْصَارْ إِ-ثنْ أَڒْ ثَاوَّارْثْ [ن ثنْذِينْثْ].
2SA 11:24 [خنِّي] وْثِينْ إِنِّي إِتّْحَاكَانْ [س ڒْقوْسْ] زِي ڒْحِيضْ خْ إِمْسخَّارنْ نّشْ، [أَڒَامِي] مُّوثنْ إِمْسخَّارنْ ن ؤُجدْجِيذْ. ؤُڒَا ذ أَمْسخَّارْ نّشْ، أَحِيتِّي ؤُرِييَا، إِمُّوثْ.“
2SA 11:25 [خنِّي] إِنَّا ذَاوُوذْ إِ ؤُرقَّاسْ: ”أَمُّو إِ غَا ثِينِيذْ إِ يُووَابْ: ’وَارْ تّجِّي أَذْ ثِيڒِي ثْمسْڒَاشْثْ-أَ ذ ثَاعفَّانْثْ ذِي ثِيطَّاوِينْ نّشْ، مَاغَارْ سِّيفْ أَذْ إِشّْ وَانِيثَا، ذَاوحْذَا ونّغْنِي. إِڒِي ذ أَرْيَازْ ذڭْ ؤُمنْغِي أَكْ-ذ ثنْذِينْثْ ؤُ هْذمْ إِ-ت!‘ أڭّْ ذَايسْ ثَارْيَاسْثْ [س وَاوَاڒْ-أَ].“
2SA 11:26 ثَامْغَارْثْ ن ؤُرِييَا ثسْڒَا بلِّي أَقَا أَرْيَازْ نّسْ ؤُرِييَا إِمُّوثْ ؤُ نتَّاثْ ثڭَّا خْ سِيذِي نّسْ أَشْضَانْ.
2SA 11:27 [ؤُمِي] ثعْذُو [ڒْْوقْثْ ن] وشْضَانْ إِسّكّْ ذَاوُوذْ أَذْ ت-إِ-د-أَوْينْ ذِي ثَادَّارْثْ نّسْ. نتَّاثْ ثذْوڒْ ذ ثَامْغَارْثْ نّسْ ؤُشَا ثُورُووْ أَسْ-د إِجّْ ن ؤُحنْجِيرْ. [مَاشَا] مِينْ ثُوغَا إِڭَّا ذَاوُوذْ، ثُوغَا ذ أَعفَّانْ ذِي ثِيطَّاوِينْ ن سِيذِي.
2SA 12:1 إِسّكّْ سِيذِي نَاثَانْ غَارْ ذَاوُوذْ. [ڒَْامِي] غَارسْ يُوذفْ نتَّا، إِنَّا أَسْ: ”ذڭْ إِشْثْ ن ثنْذِينْثْ ثُوغَا ذِينْ ثْنَاينْ ن يرْيَازنْ، إِجّنْ [ثُوغَا] غَارسْ أَڭْڒَا، ونّغْنِي ذ أَمزْڒُوضْ.
2SA 12:2 بُو-وَاڭْڒَا غَارسْ أَبَارُّو ن وُودْجِي ذ إِفُونَاسنْ ذ ثْفُونَاسِينْ.
2SA 12:3 أَمزْڒُوضْ مَاشَا وَارْ غَارسْ وَالُو مْغِيرْ إِشْثْ ن ثْحُوڒِيثْ ذ ثَامژْيَانْثْ إِ ثُوغَا د-إِسْغَا. نتَّا ثُوغَا إِسّشَّا إِ-ت ؤُ ثذْوڒْ ثْمقَّارْ غَارسْ ؤُ غَارْ إِحنْجِيرنْ نّسْ. ثشَّا زڭْ ؤُڒقُّوزْ ن وغْرُومْ نّسْ ؤُ ثسْوَا زڭْ ؤُفنْجَاڒْ نّسْ ؤُ ثطّصْ خْ إِفَادّنْ نّسْ. ثُوغَا-ت إِ نتَّا أَمْ يِيشْثْ ن يدْجِيسْ.
2SA 12:4 [ؤُمِي] د-يُوسَا إِجّْ ن ؤُمْسبْرِيذْ غَارْ ورْيَازْ بُو-وَاڭْڒَا، يوْعَارْ خَاسْ حِيمَا أَذْ إِسّوْجذْ [مَاشَّا] إِ ؤُمْسبْرِيذْ إِ غَارسْ د-يُوسِينْ زڭْ [إِجّْ ن] وُودْجِي نّسْ نِيغْ زڭْ [إِجّْ ن] إِفُونَاسنْ ذ ثْفُونَاسِينْ نّسْ. س ؤُينِّي إِكْسِي نتَّا ثَاحُوڒِيثْ ثَامژْيَانْثْ ن ورْيَازْ أَمزْڒُوضْ ؤُشَا إِسّوْجذْ إِ-ت إِ ورْيَازْ نِّي ثُوغَا غَارسْ د-يُوسِينْ.“
2SA 12:5 يَارْغَا ؤُخيّقْ ن ذَاوُوذْ أَطَّاسْ خْ ورْيَازْ نِّي، إِنَّا إِ نَاثَانْ: ”[س ثِيذتّْ أَمْ] إِدَّارْ سِيذِي، أَرْيَازْ إِ إِڭِّينْ أَيَا، ثكَّارْ أَسْ-د ڒْموْثْ،
2SA 12:6 ؤُشَا ثَاحُوڒِيثْ ثَامژْيَانْثْ أَذْ ت إِخْڒفْ أَربْعَا ن ثْسقَّارْ، مِينْزِي نتَّا إِڭَّا أَيَا، وَارْ [ذَايسْ] يَارْحِيمْ.“
2SA 12:7 [خنِّي] إِنَّا نَاثَانْ إِ ذَاوُوذْ: ”شكْ [سِيمَانْثْ نّشْ] ذ أَرْيَازْ [نِّي]. أَمُّو إِ إِقَّارْ سِيذِي، أَربِّي ن إِسْرَائِيل: نشّْ ذهْنغْ شكْ ذ أَجدْجِيذْ خْ إِسْرَائِيل ؤُ نشّْ سّْنجْمغْ شكْ زڭْ ؤُفُوسْ ن شَاوُولْ.
2SA 12:8 نشّْ وْشِيغْ أَشْ ثَادَّارْثْ ن سِيذِي نّشْ ذ ثمْغَارِينْ ن سِيذِي نّشْ خْ إِفَادّنْ نّشْ ؤُ نشّْ وْشِيغْ أَشْ ثَادَّارْثْ ن إِسْرَائِيل ذ يَاهُوذَا. مَاڒَا أَيَا ذْرُوسْ، إِڒِي أَذْ أَرْنِيغْ وَا نِيغْ ثَا إِ شكْ.
2SA 12:9 مَايمِّي ثسّحْقَارذْ أَوَاڒْ ن سِيذِي ؤُ ثڭِّيذْ مِينْ إِدْجَانْ ذ أَعفَّانْ ذِي ثِيطَّاوِينْ نّسْ؟ شكْ ثنْغِيذْ أَحِيتِّي ؤُرِييَا س سِّيفْ ؤُ ثكْسِيذْ ثَامْغَارْثْ نّسْ، ثڭِّيذْ ت ذ ثَامْغَارْثْ إِ يِيخفْ نّشْ ؤُشَا ثنْغِيذْ أَرْيَازْ نّسْ س سِّيفْ ن أَيْثْ ن عَامُّونْ.
2SA 12:10 [خنِّي] ڒخُّو، سِّيفْ وَارْ إِتّْحيِّيذْ إِ ڒبْذَا خْ ثَادَّارْثْ نّشْ، مَاغَارْ شكْ ثسّحْقَارذْ أَيِي ؤُ ثكْسِيذْ ثَامْغَارْثْ ن ؤُحِيتِّي ؤُرِييَا، حِيمَا أَذْ ثذْوڒْ ذ ثَامْغَارْثْ نّشْ.
2SA 12:11 أَمُّو إِ إِقَّارْ سِيذِي: خْژَارْ، نشّْ أَذْ خَاكْ سّكَّارغْ ثُوعفّْنَا زِي ثَادَّارْثْ نّشْ ؤُ نشّْ أَذْ أَشْ كّْسغْ ثِيمْغَارِينْ نّشْ زَّاثْ إِ ثِيطَّاوِينْ نّشْ، أَذْ ثنْثْ وْشغْ إِ جَّارْ نّشْ ؤُ نتَّا أَذْ إِطّصْ أَكْ-ذ ثمْغَارِينْ نّشْ غَارْ ثْفُوشْثْ ذڭْ ؤُجنَّا.
2SA 12:12 مَاغَارْ شكْ ثڭِّيذْ ت س ثْنُوفّْرَا، مَاشَا نشّْ أَذْ ڭّغْ أَيَا زَّاثْ إِ ثِيطَّاوِينْ ن مَارَّا إِسْرَائِيل ؤُ غَارْ [ثِيفَاوْثْ] ن ثْفُوشْثْ.“
2SA 12:13 [خَاسْ] ؤُشَا إِنَّا ذَاوُوذْ إِ نَاثَانْ: ”نشّْ خْضِيغْ أَكْ-ذ سِيذِي!“ إِنَّا نَاثَانْ إِ ذَاوُوذْ: ”سِيذِي إِغْفَارْ دّنْبْ نّشْ، وَارْ ثْمتِّيذْ شَا.
2SA 12:14 مَاشَا، ؤُمِي شكْ ثَارِّيذْ ڒْعذْيَانْ ن سِيذِي أَذْ شقّْفنْ أَطَّاسْ، س ثِيذتّْ إِتّْخصَّا أَذْ إِمّثْ مِّيشْ إِ ذ أَشْ د-إِتّْوَارْونْ.“
2SA 12:15 خنِّي يُويُورْ نَاثَانْ غَارْ ثَادَّارْثْ نّسْ. سِيذِي إِڒْقفْ أَحنْجِيرْ إِ ثُوغَا د-ثُورُووْ ثمْغَارْثْ ن ؤُرِييَا إِ ذَاوُوذْ ؤُشَا إِذْوڒْ إِحْڒشْ أَطَّاسْ.
2SA 12:16 ذَاوُوذْ يَارْزُو أَربِّي ذِي طّْوعْ ن ؤُحنْجِيرْ. إِژُومّْ ذَاوُوذْ بْڒَا قطُّو ؤُ نتَّا يُوذفْ، إِزّڒْ خْ ثمُّورْثْ ذِي دْجِيڒثْ.
2SA 12:17 إِمْغَارنْ ن ثَادَّارْثْ نّسْ ؤُسِينْ-د، بدّنْ غَارسْ حِيمَا أَذْ ث أَرّنْ أَذْ د-إِكَّارْ زِي ثمُّورْثْ. نتَّا مَاشَا وَارْ إِخْسْ ؤُ وَارْ إِشِّي أَغْرُومْ أَكِيذْسنْ.
2SA 12:18 ذڭْ وَاسّْ وِيسّْ سبْعَا إِمْسَارْ أَقَا أَحنْجِيرْ إِمُّوثْ. إِمْسخَّارنْ ن ذَاوُوذْ ڭّْوذنْ أَذْ أَسْ إِنِينْ، أَقَا أَحنْجِيرْ إِمُّوثْ، مَاغَارْ نِيثْنِي نَّانْ: ”خْزَارْ، ؤُمِي أَحنْجِيرْ ثُوغَا إِدَّارْ عَاذْ، نسِّيوڒْ أَكِيذسْ، مَاشَا وَارْ غَارْنغْ إِسْڒِي شَا. مَامّشْ إِ نْزمَّارْ [ڒخُّو] أَذْ أَسْ نِينِي: ’أَحنْجِيرْ إِمُّوثْ‘؟ نتَّا أَذْ إِڭّْ ثُوعفّْنَا [ذڭْ إِخفْ نّسْ].“
2SA 12:19 ذَاوُوذْ إِژْرَا أَقَا إِمْسخَّارنْ نّسْ سَّاوَاڒنْ س ثْحسّشْثْ جَارْ أَسنْ ؤُ ذَاوُوذْ يُوشَا إِلَّا أَحنْجِيرْ ثُوغَا إِمُّوثْ. نتَّا إِنَّا إِ إِمْسخَّارنْ نّسْ: ”مَا إِمُّوثْ ؤُحنْجِيرْ؟“ نِيثْنِي نَّانْ أَسْ: ”أَقَا إِمُّوثْ!“
2SA 12:20 [خنِّي] إِكَّارْ ذَاوُوذْ زِي ثمُّورْثْ، إِسِّيرْذْ، إِذْهنْ إِخفْ نّسْ، إِبدّڒْ أَرُّوضْ نّسْ. نتَّا يُوذفْ غَارْ ثَادَّارْثْ ن سِيذِي، إِسْجذْ. [ؤُمِي خنِّي] يَارڭّْوحْ غَارْ ثَادَّارْثْ، إِتَّارْ أَغْرُومْ ؤُ نِيثْنِي سَّارْسنْ أَغْرُومْ زَّاثسْ ؤُشَا إِشَّا.
2SA 12:21 نَّانْ أَسْ إِمْسخَّارنْ نّسْ: ”مِينْ ثڭِّيذْ شكْ ڒخُّو؟ ؤُمِي أَحنْجِيرْ عَاذْ إِدَّارْ، ثْژُومّذْ ذِي طّْوعْ نّسْ ؤُ ثْرُوذْ. [مَاشَا] أَوَارْنِي ڒَامِي إِمُّوثْ ؤُحنْجِيرْ، ثكَّارذْ ؤُشَا ثشِّيذْ أَغْرُومْ.“
2SA 12:22 نتَّا يَارَّا-د خَاسنْ: ”ؤُمِي أَحنْجِيرْ عَاذْ إِدَّارْ، ژُومّغْ ؤُ رُوغْ، مَاغَارْ نشّْ نِّيغْ: ’وِي إِسّْننْ، سِيذِي أَذْ خَافِي إِحِينّْ ؤُ أَحنْجِيرْ أَذْ إِدَّارْ.‘
2SA 12:23 ڒخُّو مَاشَا إِمُّوثْ. مَايمِّي غَا ژُومّغْ عَاذْ؟ مَا زمَّارغْ أَذْ ث-إِ-د-أَرّغْ؟ نشّْ أَذْ غَارسْ رَاحغْ إِشْثْ ن ثْوَاڒَا، مَاشَا نتَّا وَارْ د غَارِي إِتّْعِيقِّيبْ.“
2SA 12:24 ذَاوُوذْ إِسّْفوّجْ ثَامْغَارْثْ نّسْ بَاثْ-شَابَاعْ ؤُ نتَّا يُوذفْ خَاسْ، إِطّصْ أَكِيذسْ. نتَّاثْ ثُورُووْ-د إِجّْ ن ؤُحنْجِيرْ، إِڭَّا أَسْ سُولِيمَانْ. سِيذِي ثُوغَا إِتّخْسْ إِ-ث
2SA 12:25 ؤُشَا إِڭَّا أَسْ يَاذِيذْ-يَاهْ س ؤُفُوسْ ن ؤُنَابِي نَاثَانْ، أَمْ مَامّشْ ثُوغَا إِخْسْ سِيذِي.
2SA 12:26 يُووَابْ إِمّْنغْ أَكْ-ذ رَابَّا ن أَيْثْ ن عَامُّونْ ؤُ نتَّا إِحوّسْ ثَانْذِينْثْ ن ؤُجدْجِيذْ.
2SA 12:27 [خَاسْ ؤُشَا] إِسّكّْ يُووَابْ إِرقَّاسنْ غَارْ ذَاوُوذْ، إِنَّا: ”نشّْ مّنْغغْ أَكْ-ذ رَابَّا طّْفغْ ؤُڒَا ذ ثَانْذِينْثْ ن وَامَانْ.
2SA 12:28 سْمُونْ مِينْ إِقِّيمنْ ن ڒْعسْكَارْ ؤُشَا نّضْ إِ ثنْذِينْثْ، طّفْ إِ-ت، نِيغْ أَذْ طّْفغْ نشّْ ثَانْذِينْثْ ؤُشَا أَذْ خَاسْ ڒَاغَانْ س يِيسمْ إِنُو.“
2SA 12:29 [خنِّي] إِسّْمُونْ ذَاوُوذْ مَارَّا ڒْعسْكَارْ، إِفّغْ غَارْ رَابَّا، إِمّْنغْ أَكِيذسْ ؤُشَا إِطّفْ إِ-ت.
2SA 12:30 إِكّسْ تَّاجْ خْ ؤُزدْجِيفْ ن ؤُجدْجِيذْ، ونِّي س يِيجّْ ن ڒوْزنْ ن إِشْثْ ن ثَالِينْثْ ن وُورغْ ؤُ خَاسْ ثَايَاقُوثِينْ إِغْڒَانْ، ؤُشَا ثُوسَا-د [تَّاجْ] خْ ؤُزدْجِيفْ ن ذَاوُوذْ. نتَّا يِيوِي [عَاوذْ] إِشْثْ ن ثْكشَّاضْثْ ذ ثَامقّْرَانْثْ أَطَّاسْ زِي ثنْذِينْثْ.
2SA 12:31 ڒْڭنْسْ نِّي ذَايسْ [إِدْجَانْ] إِسُّوفّغْ إِ-ث ؤُ إِحْجمْ خَاسنْ س ڒْمنْشَارَاثْ ذ إِيَاڒْزِيمنْ ن وُوزَّاڒْ ذ شّْوَاقَارْ ن وُوزَّاڒْ ؤُشَا نتَّا إِجَّا إِ-ثنْ أَذْ عْذُونْ س ڒْكُوشَّاثْ ن لَّاجُورْ. أَمُّو إِ إِڭَّا نتَّا أَكْ-ذ مَارَّا ثِيندَّامْ ن أَيْثْ ن عَامُّونْ. [خنِّي] إِعْقبْ ذَاوُوذْ ذ مَارَّا ڒْڭنْسْ غَارْ ؤُرْشَالِيمْ.
2SA 13:1 إِمْسَارْ أَوَارْنِي أَيَا، أَقَا أَبْشَالُومْ، مِّيسْ ن ذَاوُوذْ، ثُوغَا غَارسْ إِشْثْ ن ؤُتْشْمَاسْ ذَايسْ أَژْرِي، قَّارنْ أَسْ ثَامَارْ، ؤُشَا أَمْنُونْ، مِّيسْ ن ذَاوُوذْ، إِعْشقْ إِ-ت.
2SA 13:2 أَمْنُونْ ثُوغَا إِشْضنْ أَطَّاسْ أَڒَامِي إِهْڒشْ خْ سِّيبّثْ ن ؤُتْشْمَاسْ ثَامَارْ، مَاغَارْ نتَّاثْ ثُوغَا ذ ثَاعْزَارشْثْ، ؤُشَا ثُوغَا وَارْ إِزمَّارْ ذِي ثِيطَّاوِينْ ن أَمْنُونْ أَذْ أَسْ إِڭّْ شَا.
2SA 13:3 أَمْنُونْ ثُوغَا غَارسْ إِجّْ ن ؤُمدُّوكّڒْ قَّارنْ أَسّْ يُونَاذَابْ، إِجّْ ن مِّيسْ ن شِيمْعَا، ؤُمَاسْ ن ذَاوُوذْ. يُونَاذَابْ ثُوغَا ذ إِجّْ ن ورْيَازْ ذ أَحْرَايْمِي أَطَّاسْ.
2SA 13:4 نتَّا إِنَّا أَسْ: ”مَايمِّي ثْشضْنذْ أَمُّو زِي ثُوفُّوثْ أَڒْ ثُوفُّوثْ، شكْ، مِّيسْ ن ؤُجدْجِيذْ؟ مَا وَارْ ثخْسذْ شكْ أَذْ أَيِي ث ثْعَاوْذذْ؟“ أَمْنُونْ يَارَّا-د خَاسْ: ”نشّْعشْقغْ ثَامَارْ، ؤُتْشْمَاسْ ن ؤُمَا أَبْشَالُومْ.“
2SA 13:5 إِنَّا أَسْ يُونَاذَابْ: ”زّڒْ ذِي قَامَا ؤُ أڭّْ إِخفْ نّشْ ثْهڒْشذْ. مَاڒَا [خنِّي] يُوسَا-د بَابَاشْ، حِيمَا أَذْ خَاكْ إِسِّيجّْ، إِنِي أَسْ: ’أجّْ ؤُتْشْمَا ثَامَارْ أَذْ غَارِي د-ثَاسْ مَاحنْذْ أَذْ أَيِي ثوْشْ مَاشَّا ؤُ أَذْ ثسّوْجذْ مَاشَّا زَّاثْ إِ ثِيطَّاوِينْ إِنُو، حِيمَا أَذْ ژَترْغْ، أَذْ شّغْ زڭْ ؤُفُوسْ نّسْ.‘ “
2SA 13:6 أَمْنُونْ إِزّڒْ ذِينْ، إِسّْنِيعْمِيڒْ إِهْڒشْ. ؤُمِي د-يُوسَا ؤُجدْجِيذْ، حِيمَا أَذْ خَاسْ إِسِّيجّْ، إِنَّا أَمْنُونْ إِ ؤُجدْجِيذْ: ”أجّْ أَذْ د-ثَاسْ ؤُتْشْمَا ثَامَارْ مَاحنْذْ نتَّاثْ أَذْ أَيِي ثسّوْجذْ ثْنَاينْ ن ثْغَارْيِيطَاثِينْ ؤُ نشّْ أَذْ ثنْثْ شّغْ زڭْ ؤُفُوسْ نّسْ.“
2SA 13:7 ذَاوُوذْ إِسّكّْ [إِجّْ] غَارْ ثَامَارْ، ذِي ثَادَّارْثْ [نّسْ]، حِيمَا أَذْ أَسْ إِنَّا: ”رُوحْ غَارْ ثَادَّارْثْ ن ؤُمَامْ أَمْنُونْ ؤُ سوْجذْ أَسْ مَاشَّا.“
2SA 13:8 ثَامَارْ ثُويُورْ غَارْ ثَادَّارْثْ ن ؤُمَاسْ أَمْنُونْ ونِّي ذِينْ إِزّْڒنْ ذِي قَامَا. نتَّاثْ ثكْسِي أَرشْثِي، ثڭّْوَا ث ؤُ ثسّوْجذْ ثِيغَارْيِيطَاثِينْ زَّاثْ إِ ثِيطَّاوِينْ نّسْ ؤُشَا ثڭّْوَا ثِيغَارْيِيطَاثِينْ.
2SA 13:9 نتَّاثْ ثكْسِي مَارْمِيثَا ثڭِّيذْ-إِ-ت زَّاثسْ، مَاشَا نتَّا يُوڭِي أَذْ إِشّْ. [خنِّي] إِنَّا أَمْنُونْ: ”أجّْ أَذْ خَافِي فّْغنْ مَارَّا!“ ؤُ مَارَّا فّْغنْ خَاسْ.
2SA 13:10 [خنِّي] إِنَّا أَمْنُونْ إِ ثَامَارْ: ”أَوِي-د مَاشَّا ذڭْ وخَّامْ، حِيمَا أَذْ شّغْ زڭْ ؤُفُوسْ نّمْ.“ ؤُ ثَامَارْ ثكْسِي ثِيغَارْيِيطَاثِينْ إِ ثُوغَا ثڭَّا ؤُ ثِيوْيِي ثنْثْ إِ ؤُمَاسْ أَمْنُونْ ذڭْ وخَّامْ.
2SA 13:11 نتَّاثْ ثسِّيژّْوِيضْ [إِ-ثنْثْ] [س ؤُفُوسْ نّسْ] غَارسْ مَاحنْذْ أَذْ إِشّْ. نتَّا إِطّفْ إِ-ت، إِنَّا أَسْ: ”أَسْ-د، طّصْ غَارِي، ؤُتْشْمَا!“
2SA 13:12 [مَاشَا] نتَّاثْ ثنَّا أَسْ: ”لَّ، أَ ؤُمَا، وَارْ ذ أَيِي سّخْسَارِي شَا، مَاغَارْ أَمُّو وَارْ إِتّْوَاڭّْ ذِي إِسْرَائِيل. وَارْ تّڭّْ شَا ڒفْضِيحثْ-أَ!
2SA 13:13 مَانِي غَا ؤُيُورغْ ذِي ڒفْضِيحثْ إِنُو؟ ؤُ شكْ، شكْ أَذْ ثِيڒِيذْ ذ إِجّنْ زڭْ إِبُوهَاڒِييّنْ ذِي إِسْرَائِيل. سِيوڒْ مَاشَا أَكْ-ذ ؤُجدْجِيذْ، مِينْزِي نتَّا وَارْ ذ أَيِي إِتّطّفْ خَاكْ.“
2SA 13:14 [مَاشَا] أَمْنُونْ وَارْ إِخْسْ شَا أَذْ غَارسْ إِسڒْ، مَاشَا إِجْهذْ خَاسْ ؤُشَا إِسّْبهْذڒْ إِ-ت، إِطّصْ أَكِيذسْ.
2SA 13:15 [ذَاوحْذَا نّسْ] إِعِيفّْ إِ-ت س يِيجّْ ن ؤُعِيفِّي ذ أَمقّْرَانْ أَطَّاسْ، مِينْزِي أَعِيفِّي إِ زِي ت إِعِيفّْ، ثُوغَا-ث ذ ثَامقّْرَانْثْ خْ ثَايْرِي إِ زِي ثُوغَا ت إِعْشقْ. أَمْنُونْ إِنَّا أَسْ: ”كَّارْ، أَڭّْوجْ!“
2SA 13:16 [خنِّي] إِنَّا أَسْ: ”وَارْ ذِينْ ڒسْبَابْ مَاحنْذْ أَذْ أَيِي ثسّكّذْ. ثُوعفّْنَا-يَا أَذْ ثِيڒِي عَاذْ [ذ ڒْعِيبْ] ذ أَمقّْرَانْ خْ مِينْ ذ أَيِي ثڭِّيذْ.“ نتَّا مَاشَا وَارْ إِخْسْ أَذْ غَارسْ إِسڒْ.
2SA 13:17 إِڒَاغَا خْ ؤُمْسخَّارْ نّسْ ونِّي إِ خَاسْ إِتّْسخَّارنْ، إِنَّا أَسْ: ”سكّْ ثَا خَافِي غَارْ بَارَّا ؤُ بلّعْ ثَاوَّارْثْ أَوَارْنِي أَسْ!“
2SA 13:18 نتَّاثْ ثُوغَا خَاسْ أَرُّوضْ [س إِفَاسّنْ ذ إِزِيرَارنْ]، مَاغَارْ أَمُّو إِ يَارْضنْثْ يسِّيسْ ن ؤُجدْجِيذْ مِينْ غَا كّنْثْ ذ ثِيعْزَارِييِّينْ. أَمْسخَّارْ نّسْ يِيوْيِي ت غَارْ بَارَّا، إِبلّعْ ثَاوَّارْثْ أَوَارْنِي أَسْ.
2SA 13:19 ثَامَارْ ثْزُوزَّارْ إِغّضْ خْ ؤُزدْجِيفْ نّسْ ؤُ ثْشَارّڭْ أَرُّوضْ [س إِفَاسّنْ ذ إِزِيرَارنْ] إِ ثْيَارْضْ، ثسَّارْسْ إِفَاسّنْ نّسْ خْ ؤُزدْجِيفْ نّسْ، [أَمْ] ثُويُورْ ثسْغُويُّو.
2SA 13:20 ؤُمَاسْ أَبْشَالُومْ إِسّقْسَا ت: ”مَا ثُوغَا ؤُمَامْ أَمْنُونْ أَكِيذمْ؟ ڒخُّو [خنِّي]، ؤُتْشْمَا، سُوسمْ، نتَّا ذ ؤُمَامْ. وَارْ ذ أَمْ إِتّقّسْ بُو ڒْحَاڒْ!“ ؤُ ثَامَارْ ثقِّيمْ وحّْذسْ ذِي ثَادَّارْثْ ن ؤُمَاسْ أَبْشَالُومْ.
2SA 13:21 [ڒَْامِي] إِسْڒَا ؤُجدْجِيذْ ذَاوُوذْ خْ مَارَّا ثِيمسْڒَايِينْ-أَ، إِذْوڒْ إِخيّقْ أَطَّاسْ.
2SA 13:22 أَبْشَالُومْ وَارْ إِسِّيوڒْ عَاذْ أَكْ-ذ أَمْنُونْ، وَارْ إِدْجِي ذِي ثْشُونِي ؤُڒَا ذِي ثُوعفّْنَا، مَاغَارْ أَبْشَالُومْ إِعِيفّْ أَمْنُونْ مِينْزِي وَانِيثَا ثُوغَا إِسّْبهْذڒْ ؤُتْشْمَاسْ ثَامَارْ.
2SA 13:23 أَوَارْنِي ڒَامِي [عْذُونْ] ثْنَاينْ ن إِسڭّْوُوسَا مُوننْ، إِمْسَارْ، أَقَا أَبْشَالُومْ [ثُوغَا غَارسْ] إِروَّانْ ذِي بَاعْلْ-حَاصُورْ نِّي [إِدْجَانْ] غَارْ إِفْرَايِيمْ ؤُ أَبْشَالُومْ إِعَارْضْ مَارَّا أَرَّاوْ ن ؤُجدْجِيذْ.
2SA 13:24 يُويُورْ أَبْشَالُومْ غَارْ ؤُجدْجِيذْ، إِنَّا: ”خْزَارْ، أَمْسخَّارْ نّشْ غَارسْ إِروَّانْ! أجّْ ؤُجدْجِيذْ س مَارَّا إِمْسخَّارنْ نّسْ أَذْ ؤُيُورنْ أَكْ-ذ ؤُمْسخَّارْ نّشْ.“
2SA 13:25 [مَاشَا] أَجدْجِيذْ يَارَّا-د خْ أَبْشَالُومْ: ”لَّ، [أَ] مِّي، أجّْ أَنغْ وَارْ د-نتِّيسْ مَارَّا، حِيمَا وَارْ خَاكْ نتّڭّْ دّْقڒْ!“ نتَّا إِزيَّارْ خَاسْ، [مَاشَا] نتَّا وَارْ إِخْسْ أَكِيذسْ يُويُورْ، [مَاشَا وَاخَّا أَمنِّي] إِبَاركْ إِ-ث.
2SA 13:26 [خنِّي] إِنَّا أَبْشَالُومْ: ”مَاڒَا لَّا، أجّْ ؤُمَا أَمْنُونْ أَذْ كِيذْنغْ يُويُورْ!“ أَجدْجِيذْ إِنَّا أَسْ: ”مَايمِّي أَكِيذكْ إِ غَا يُويُورْ؟“
2SA 13:27 [ؤُمِي] خَاسْ إِزيَّارْ أَبْشَالُومْ، إِجَّا نتَّا أَذْ ؤُيُورنْ أَمْنُونْ ذ مَارَّا أَرَّاوْ ن ؤُجدْجِيذْ أَكِيذسْ.
2SA 13:28 أَبْشَالُومْ يُومُورْ إِمْسخَّارنْ نّسْ، إِنَّا: ”حْضَامْ، خْمِي غَا يَارشّقْ ؤُڒْ ن أَمْنُونْ زِي بِينُو ؤُ نشّْ أَذْ أَومْ إِنِيغْ: ’وْثمْ أَمْنُونْ!‘، خنِّي إِتّْخصَّا كنِّيوْ أَذْ ث نْغمْ. وَارْ تّڭّْوذمْ شَا! مَا نشّْ سِيمَانْثْ إِنُو وَارْ ث ؤُمُورغْ إِ كنِّيوْ؟ إِڒِيمْ ذ إِرْيَازنْ ؤُ إِڒِيمْ ذ أَيْثْ ن بُو-ثرْيَاسْثْ.“
2SA 13:29 إِمْسخَّارنْ ن أَبْشَالُومْ ڭِّينْ أَكْ-ذ أَمْنُونْ أَمْ مَامّشْ إِ ثُوغَا خَاسنْ إِڭَّا أَبْشَالُومْ. [خنِّي] كَّارنْ مَارَّا إِحنْجِيرنْ ن ؤُجدْجِيذْ، نْيِينْ، كُوڒْ أَرْيَازْ خْ ؤُسَارْذُونْ نّسْ، ؤُشَا أَروْڒنْ.
2SA 13:30 ؤُمِي نِيثْنِي ثُوغَا أَثنْ عَاذْ ذڭْ وبْرِيذْ، إِمْسَارْ، أَقَا ڒخْبَارْ يِيوضْ غَارْ ذَاوُوذْ، نَّانْ: ”أَبْشَالُومْ إِنْغَا مَارَّا إِحنْجِيرنْ ن ذَاوُوذْ، وَارْ إِقِّيمْ ؤُڒَا ذ إِجّنْ زَّايْسنْ.“
2SA 13:31 ؤُشَا إِكَّارْ ذَاوُوذْ، إِشَارّڭْ أَرُّوضْ نّسْ، إِزّڒْ خْ ثمُّورْثْ. مَارَّا إِمْسخَّارنْ نّسْ بدّنْ [ذِينْ غَارسْ] س وَارُّوضْ نْسنْ إِشَارّْڭنْ.
2SA 13:32 [مَاشَا] يُونَاذَابْ، مِّيسْ ن شِيمْعَا، ؤُمَاسْ ن ذَاوُوذْ، إِسِّيوڒْ، إِنَّا: ”إِتّْخصَّا إِ سِيذِي إِنُو وَارْ إِتّْغِيڒْ [ذڭْ إِخفْ نّسْ]، أَقَا نْغِينْ مَارَّا إِحُوذْرِييّنْ، إِحنْجِيرنْ ن ؤُجدْجِيذْ. أَمْنُونْ وَاهَا إِ إِتّْوَانْغنْ، مَاغَارْ أَبْشَالُومْ إِڭَّا أَيَا ذِي ڒْبَاڒْ نّسْ زڭْ وَاسّْ إِ ذِي إِسّْخَارّڭْ وَانِيثَا ؤُتْشْمَاسْ ثَامَارْ.
2SA 13:33 أجّْ سِيذِي إِنُو، أَجدْجِيذْ، وَارْ ذ أَسْ إِتّْغِيمِي ڒْحَاڒْ ڒخُّو، أَذْ يِينِي: ’مَارَّا أَرَّاوْ ن ؤُجدْجِيذْ تّْوَانْغنْ!‘، مَاغَارْ أَمْنُونْ وَاهَا إِمُّوثْ.“
2SA 13:34 أَبْشَالُومْ ثُوغَا يَارْوڒْ. ؤُشَا أَمْسخَّارْ ونِّي إِتّْعسَّانْ، إِسّْڭعّذْ ثَامُوغْڒِي نّسْ، ؤُ خْزَارْ، أَقَا إِوْذَانْ أَطَّاسْ ؤُسِينْ-د زڭْ وبْرِيذْ [إِ إِدْجَانْ] أَوَارْنِي أَسْ، زڭْ ؤُغزْذِيسْ ن وذْرَارْ.
2SA 13:35 [خنِّي] إِنَّا يُونَاذَابْ إِ ؤُجدْجِيذْ: ”خْزَارْ، أَرَّاوْ ن ؤُجدْجِيذْ إِ د-تَّاسنْ. أَقَا إِمْسَارْ أَمْ مَامّشْ إِنَّا ؤُمْسخَّارْ نّشْ.“
2SA 13:36 ؤُشَا إِمْسَارْ ؤُمِي إِكمّڒْ أَوَاڒْ نّسْ، أَقَا خضْرنْ-د أَرَّاوْ ن ؤُجدْجِيذْ. نِيثْنِي سّْڭعّْذنْ ثْمِيجَّا نْسنْ، رُونْ. ؤُڒَا ذ أَجدْجِيذْ ذ مَارَّا إِمْسخَّارنْ نّسْ كْسِينْ ذڭْ إِمطَّاونْ.
2SA 13:37 أَبْشَالُومْ ثُوغَا يَارْوڒْ، يُويُورْ غَارْ ثَالْمَايْ، مِّيسْ ن عَامِّيخُورْ، أَجدْجِيذْ ن جَاشُورْ. ذَاوُوذْ إِشْضنْ خْ مِّيسْ مَارَّا ؤُسَّانْ.
2SA 13:38 أَبْشَالُومْ ثُوغَا يَارْوڒْ، يُويُورْ غَارْ جَاشُورْ. نتَّا إِقِّيمْ ذِينِّي ثْڒَاثَا ن إِسڭّْوُوسَا.
2SA 13:39 أَيَا إِسّْبدّْ أَجدْجِيذْ ذَاوُوذْ مَاحنْذْ أَذْ إِفّغْ [إِ ؤُمنْغِي] أَكْ-ذ أَبْشَالُومْ، مَاغَارْ نتَّا إِسّْعزَّا إِخفْ نّسْ زِي جِّيهثْ ن ڒْموْثْ ن أَمْنُونْ، مَاغَارْ وَانِيثَا أَقَا إِمُّوثْ.
2SA 14:1 ؤُمِي يُووَابْ، مِّيسْ ن صَارُويَا، إِحكَّارْ أَقَا ؤُڒْ ن ؤُجدْجِيذْ ثُوغَا ضِيدّْ إِ أَبْشَالُومْ،
2SA 14:2 إِسّكّْ يُووَابْ [إِجّْ ن ؤُرقَّاسْ] غَارْ ثَاقُوعَا ؤُشَا إِجَّا أَذْ سّنِّي د-أَوْينْ إِشْثْ ن ثمْغَارْثْ ذ ثَامِيغِيسْثْ، إِنَّا أَسْ: ”تّْزَاوْڭغْ، أڭّْ أَخْمِي شمْ ثْشضْنذْ، يَارْضْ أَرُّوضْ ن وشْضَانْ، وَارْ ذهّنْ إِخفْ نّمْ س زّشْثْ! سْنعْمِيڒْ أَمْ يِيشْثْ ن ثمْغَارْثْ نِّي إِشضْننْ خْ إِجّْ ن ؤُمتِّينْ أَطَّاسْ ن وُوسَّانْ.
2SA 14:3 أَذفْ غَارْ ؤُجدْجِيذْ ؤُ سِيوڒْ أَكِيذسْ أَوَاڒنْ-أَ.“ ؤُشَا يُووَابْ إِنَّا أَسْ مِينْ غَا ثِينِي.
2SA 14:4 ثَامْغَارْثْ زِي ثَاقُّوعَا ثنَّا إِ ؤُجدْجِيذْ، أَمْ ثوْضَا س ؤُغمْبُوبْ نّسْ غَارْ ثمُّورْثْ، ثُوضَارْ [أَسْ]: ”سنْجمْ [أَيِي]، [أَ] أَجدْجِيذْ!“
2SA 14:5 إِنَّا أَسْ ؤُجدْجِيذْ: ”مِينْ شمْ يُوغِينْ؟“ نتَّاثْ ثنَّا أَسْ: ”س ثِيذتّْ نشّْ ذ ثَاجَّاتْشْ، أَرْيَازْ إِنُو إِمُّوثْ.
2SA 14:6 ثَايَّا نّشْ ثُوغَا غَارسْ ثْنَاينْ ن إِحنْجِيرنْ ؤُ نِيثْنِي س ثْنَاينْ إِذْسنْ مّنْغنْ ذڭْ إِيَّارْ. ثُوغَا وَارْ ذِينْ ؤُڒَا ذ إِجّْ أَذْ ثنْ إِبْضَا. [خنِّي] إِوْثَا إِجّنْ ونّغْنِي ؤُشَا إِنْغَا إِ-ث.
2SA 14:7 ؤُ خْزَارْ، مَارَّا ڒَادْجْ إِغوّغْ خْ ثَايَّا نّشْ، نَّانْ: ’أَوِي-د ونِّي إِنْغِينْ ؤُمَاسْ ذَا، مَاحنْذْ أَذْ ث ننّغْ ذِي سِّيبّثْ ن ڒعْمَارْ ن ؤُمَاسْ ونِّي ث إِنْغِينْ ؤُ [أَمُّو إِ] غَا نقْضَا ؤُڒَا خْ ووْرِيثْ.‘ أَمُّو إِ خْسنْ نِيثْنِي أَذْ سّْخسْينْ [أَينِّي ن] ڒفْحمْ إِتّحْذُوذُوقنْ إِ ذ أَيِي إِقِّيمنْ أَڒَامِي وَارْ إِتّْغِيمِي إِ ورْيَازْ إِنُو إِسمْ ذِي ثمُّورْثْ قَاعْ.“
2SA 14:8 [خنِّي] إِنَّا ؤُجدْجِيذْ إِ ثمْغَارْثْ: ”ؤُيُورْ غَارْ ثَادَّارْثْ! نشّْ أَذْ سُّوفّْغغْ ڒُومُورَاثْ خَامْ.“
2SA 14:9 ثَامْغَارْثْ زِي ثَاقُّوعَا ثنَّا إِ ؤُجدْجِيذْ: ”سِيذِي إِنُو أَجدْجِيذْ، أجّْ أَذْ ثِيڒِي ڒْمُوعْصِييّثْ خَافِي ؤُ خْ ثَادَّارْثْ ن بَابَا. أَجدْجِيذْ ذ ڒْعَارْشْ نّسْ ذ إِمزْذَاڭنْ.“
2SA 14:10 إِنَّا ؤُجدْجِيذْ: ”أَوِي أَيِي-د غَارِي ونِّي غَارْ إِدْجَا شَا خَامْ، أَڒَامِي نتَّا وَارْ إِتّْغِيمِي عَاذْ أَذْ شمْ إِصدّعْ.“
2SA 14:11 نتَّاثْ ثنَّا: ”أجّْ أَجدْجِيذْ أَذْ إِخَارّصْ ذِي سِيذِي، أَربِّي نّشْ، حِيمَا ونِّي إِخْسنْ أَذْ إِخْڒفْ إِذَامّنْ وَارْ يَارنِّي عَاذْ ذِي أَرْژِييّثْ ؤُ وَارْ إِسُّوفُّوغْ مِّي غَارْ طَّارْفْ.“ [خنِّي] إِنَّا نتَّا: ”[س ثِيذتّْ أَمْ] إِدَّارْ سِيذِي، مَاڒَا ؤُڒَا ذ إِجّْ ن ؤُزطُّو ن ؤُشُوَّافْ [ن ؤُزدْجِيفْ] ن مِّيمْ أَذْ إِوْضَا ذِي ثمُّورْثْ!“
2SA 14:12 [خنِّي] ثنَّا ثمْغَارْثْ: ”تّْزَاوْڭغْ، أجّْ ثَايَّا نّشْ أَذْ ثِينِي [عَاذْ] إِجّْ ن وَاوَاڒْ إِ سِيذِي إِنُو أَجدْجِيذْ.“ ؤُشَا نتَّا إِنَّا: ”سِيوڒْ.“
2SA 14:13 ثَامْغَارْثْ ثنَّا: ”مَايمِّي خنِّي ثنْوِيذْ شكْ س يِيخفْ نّكْ أَذْ ثڭّذْ أَمُّو أَكْ-ذ ڒْڭنْسْ ن أَربِّي؟ ؤُمِي إِنَّا ؤُجدْجِيذْ [ڒخُّو] أَوَاڒْ-أَ، أَقَا نتَّا سِيمَانْثْ نّسْ أَمْ ونِّي ذِي إِدْجَا ڒْعِيبْ، مِينْزِي أَجدْجِيذْ وَارْ د-إِتَّارِّي [غَارسْ] ونِّي ث إِنْضَارْ.
2SA 14:14 مَاغَارْ نشِّينْ [مَارَّا] أَذْ نمّثْ، أَقَا نشِّينْ أَمْ وَامَانْ إِتّْوَافَارّْغنْ خْ ثمُّورْثْ، وَارْ نّْيَارْونْ. سِيذِي وَارْ إِتّكّسْ ڒعْمَارْ، [مَاشَا] أَذْ إِخَارّصْ حِيمَا ونِّي زَّايسْ إِتّْوَامّنْضَارْ، وَارْ إِتّْغِيمِي إِمّنْضَارْ.
2SA 14:15 [خنِّي] ڒخُّو، نشّْ ؤُسِيغْ-د [ذَا] حِيمَا أَذْ سِّيوْڒغْ أَوَاڒْ-أَ أَكْ-ذ سِيذِي إِنُو أَجدْجِيذْ، مِينْزِي ڒْڭنْسْ إِسِّيڭّْوذْ أَيِي. [خنِّي] ثنَّا ثَايَّا نّشْ: أجّْ أَيِي أَذْ سِّيوْڒغْ أَكْ-ذ ؤُجدْجِيذْ، أَذْ ثَاغْ أَذْ إِڭّْ ؤُجدْجِيذْ مِينْ غَا ثِينِي ثَايَّا نّسْ،
2SA 14:16 مَاغَارْ أَجدْجِيذْ أَذْ إِسڒْ غَارْ ثَايَّا نّسْ، مَاحنْذْ أَذْ ت إِفكّْ زڭْ ؤُفُوسْ ن ورْيَازْ نِّي إِخْسنْ أَذْ إِثحَّا نشّْ ذ مِّي زِي ثسْغَارْثْ إِ [طّْفغْ] زِي أَربِّي.
2SA 14:17 ثَايَّا نّشْ ثنَّا [عَاوذْ]: أجّْ أَذْ إِسَّاريّحْ وَاوَاڒْ ن سِيذِي إِنُو أَجدْجِيذْ، مَاغَارْ سِيذِي إِنُو أَجدْجِيذْ، إِڭَّا أَمْ يِيجّْ ن لْمَالَاكْ ن أَربِّي أَڒَامِي إِتّسْڒَا مِينْ إِصبْحنْ ذ مِينْ وَارْ إِحْڒِينْ. أَذْ كِيذكْ يِيڒِي سِيذِي أَربِّي نّشْ.“
2SA 14:18 أَجدْجِيذْ يَارَّا-د خَاسْ، إِنَّا إِ ثمْغَارْثْ: ”وَارْ خَافِي ثفَّارْ وَالُو زِي ثْمسْڒَاشْثْ إِ خْ شمْ إِ غَا سّقْسِيغْ.“ ثَامْغَارْثْ ثنَّا: ”أجّْ سِيذِي إِنُو، أَجدْجِيذْ، أَذْ إِسِّيوڒْ.“
2SA 14:19 إِنَّا ؤُجدْجِيذْ: ”مَا يُووَابْ غَارسْ أَفُوسْ ذِي مَارَّا مَانْ أَيَا؟“ ثَامْغَارْثْ ثَارَّا-د خَاسْ: ”[س ثِيذتّْ أَمْ] إِدَّارْ ڒعْمَارْ إِنُو، [أَ] سِيذِي إِنُو، أَجدْجِيذْ، [مَا إِزمَّارْ] ؤُڒَا ذ إِجّنْ [أَذْ إِبعّذْ] غَارْ يفُوسْ نِيغْ غَارْ ؤُزڒْمَاضْ خْ مَارَّا مِينْ إِسِّيوڒْ سِيذِي إِنُو، أَجدْجِيذْ! وَاهْ، أَمْسخَّارْ نّشْ يُووَابْ ذ ونِّي ذ أَيِي يُومُورنْ. نتَّا إِڭَّا مَارَّا أَوَاڒنْ-أَ ذڭْ ؤُقمُّومْ ن ثَايَّا نّشْ.
2SA 14:20 أَيَا إِڭَّا إِ-ث ؤُمْسخَّارْ نّشْ يُووَابْ، حِيمَا أَذْ إِوْشْ إِ ثْمسْڒَاشْثْ إِجّْ ن ؤُغمْبُوبْ نّغْنِي. [مَاشَا] سِيذِي إِنُو ذ أَمِيغِيسْ أَمْ يِيجّْ ن لْمَالَاكْ ن أَربِّي، أَڒَامِي إِسّنْ مَارَّا مِينْ إِتّمْسَارَانْ ذِي ثمُّورْثْ.“
2SA 14:21 [خَاسْ] ؤُشَا إِنَّا ؤُجدْجِيذْ إِ يُووَابْ: ”خْزَارْ عَافَاكْ، نشّْ ڭِّيغْ مَانْ أَيَا. ؤُيُورْ، أَوِي-د أَحُوذْرِي أَبْشَالُومْ!“
2SA 14:22 يُووَابْ إِوْضَا س ؤُغمْبُوبْ نّسْ غَارْ ثمُّورْثْ، يُوضَارْ [أَسْ]، إِقَاذَا إِ ؤُجدْجِيذْ. ؤُشَا إِنَّا يُووَابْ: ”أَسّْ-أَ إِسّنْ ؤُمْسخَّارْ نّشْ، أَقَا ؤُفِيغْ أَرْضَا ذِي ثِيطَّاوِينْ نّشْ، سِيذِي إِنُو، أَجدْجِيذْ، مِينْزِي أَجدْجِيذْ إِڭَّا عْلَاهْسَابْ أَوَاڒْ ن ؤُمْسخَّارْ نّسْ.“
2SA 14:23 إِكَّارْ يُووَابْ، يُويُورْ غَارْ جَاشُورْ ؤُ يِيوِيضْ غَارْ ؤُرْشَالِيمْ أَكْ-ذ أَبْشَالُومْ.
2SA 14:24 إِنَّا ؤُجدْجِيذْ: ”أجّْ إِ-ث أَذْ إِعْقبْ غَارْ ثَادَّارْثْ نّسْ. ؤُذمْ إِنُو [مَاشَا] وَارْ ث إِژَّارْ.“ [خنِّي] إِعْقبْ أَبْشَالُومْ غَارْ ثَادَّارْثْ نّسْ، [مَاشَا] وَارْ إِژْرِي ؤُذمْ ن ؤُجدْجِيذْ.
2SA 14:25 ذِي مَارَّا إِسْرَائِيل وَارْ إِدْجِي ؤُڒَا ذ إِجّْ ن ورْيَازْ إِشوَّارْ أَمْ أَبْشَالُومْ أَڒَامِي إِتّْوَاسُّوعْڒَا أَطَّاسْ. زِي ثَاڒقَّا ن إِضَارنْ أَڒْ ثْقِيشِّيثْ ن ؤُزدْجِيفْ نّسْ وَارْ ذَايسْ ؤُڒَا ذ إِجّْ ن ڒْعِيبْ.
2SA 14:26 مَاڒَا إِحفّْ أَشُوَّافْ نّسْ، [ثُوغَا إِنُّومْ] أَذْ ث إِحفّْ غَارْ ؤُنڭَّارْ ن وُوسَّانْ عْلَاحْسَابْ ؤُسَّانْ [ن كُوڒْ أَسڭّْوَاسْ]، مِينْزِي ثُوغَا إِدّكّْوَاڒْ إِذْقڒْ خَاسْ. إِحفّْ ؤُ إِوْزنْ أَشُوَّافْ ن ؤُزدْجِيفْ نّسْ. [ثُوغَا ڒوْزنْ ن ؤُشُوَّافْ] مِيثَاينْ شِيقْلُو عْلَاحْسَابْ أَژْرُو س ڒوْزنْ إِمْثنْ ن ؤُجدْجِيذْ.
2SA 14:27 تّْوَارْونْ-د ثْڒَاثَا ن إِحنْجِيرنْ إِ أَبْشَالُومْ ذ إِشْثْ ن يدْجِيسْ قَّارنْ أَسْ ثَامَارْ. نتَّاثْ ثذْوڒْ ذ إِشْثْ ن ثمْغَارْثْ ذَايسْ أَژْرِي.
2SA 14:28 أَبْشَالُومْ إِزْذغْ ثْنَاينْ ن إِسڭّْوُوسَا ذِي ؤُرْشَالِيمْ. نتَّا وَارْ إِژْرِي ؤُذمْ ن ؤُجدْجِيذْ.
2SA 14:29 [خنِّي] إِسّكّْ أَبْشَالُومْ [إِجّْ ن ؤُرقَّاسْ] غَارْ يُووَابْ، حِيمَا أَذْ ث إِسّكّْ غَارْ ؤُجدْجِيذْ [ذِي طّْوعْ ن يِيخفْ نّسْ]، [مَاشَا] يُووَابْ وَارْ إِخْسْ أَذْ غَارسْ د-يَاسْ. ؤُشَا إِسّكّْ [أَرقَّاسْ] ثْوَاڒَا نّغْنِيثْ، مَاشَا نتَّا وَارْ إِخْسْ أَذْ د-يَاسْ.
2SA 14:30 [خنِّي] إِنَّا إِ إِمْسخَّارنْ نّسْ: ”خْزَارمْ، إِيَّارْ ن يُووَابْ إِ إِدْجَانْ خْ ؤُغزْذِيسْ ن ونِّي إِنُو ؤُ نتَّا [إِژُّو] ذَايسْ إِمنْذِي. ؤُيُورمْ ذِينْ، قّذمْ أَسْ ثِيمسِّي!“ ؤُشَا إِمْسخَّارنْ ن أَبْشَالُومْ قّْذنْ ثِيمسِّي إِ إِيَّارْ [نِّي].
2SA 14:31 [خَاسْ] ؤُشَا إِكَّارْ يُووَابْ ؤُشَا إِسِّيجّْ خْ أَبْشَالُومْ ذِي ثَادَّارْثْ [نّسْ]، إِنَّا أَسْ: ”مَايمِّي قّْذنْ إِمْسخَّارنْ نّشْ ثِيمسِّي إِ ؤُرقِّيعْ ن إِيَّارْ إِ إِدْجَانْ إِنُو؟“
2SA 14:32 أَبْشَالُومْ إِنَّا إِ يُووَابْ: ”خْزَارْ، نشّْ سّكّغْ-د غَاركْ [حِيمَا] أَذْ أَشْ إِنِيغْ: ’أَسْ-د ذَا، حِيمَا أَذْ شكْ سّكّغْ غَارْ ؤُجدْجِيذْ أَذْ ثِينِيذْ: مِينْ غَارْ د-ؤُسِيغْ [ذَا] زِي جَاشُورْ؟ مْلِيحْ إِ نشّْ مْڒِي ذِينِّي قِّيمغْ.‘ خنِّي ڒخُّو إِتّْخصَّا أَذْ ژَترغْ ؤُذمْ ن ؤُجدْجِيذْ. مَاڒَا ذَايِي [عَاذْ] ڒْمُوعْصِييّثْ، أجّْ إِ-ث أَذْ أَيِي إِنغْ.“
2SA 14:33 [خنِّي] يُويُورْ يُووَابْ غَارْ ؤُجدْجِيذْ، إِنَّا أَسْ أَيَا. ؤُ وَانِيثَا إِڒَاغَا-د خْ أَبْشَالُومْ ؤُشَا يُوذفْ نتَّا غَارْ ؤُجدْجِيذْ، إِبنْذقْ أَسْ س ؤُغمْبُوبْ نّسْ غَارْ ثمُّورْثْ، زَّاثْ إِ ؤُجدْجِيذْ، ؤُشَا أَجدْجِيذْ إِسُّوذمْ أَبْشَالُومْ.
2SA 15:1 أَوَارْنِي ؤُيَا إِمْسَارْ، أَقَا أَبْشَالُومْ إِجَّا أَذْ أَسْ إِضبَّارَانْ إِجّْ ن ؤُكَارُّو ذ إِيْسَانْ ذ خمْسِينْ ن يرْيَازنْ إِنِّي إِتَّازّْڒنْ غَارْ زَّاثْ نّسْ.
2SA 15:2 ثُوغَا إِتّكَّارْ أَبْشَالُومْ زِيشْ غَارْ ثُوفُّوثْ [ن ڒْحَاڒْ] ؤُشَا إِبدّْ غَارْ ؤُغزْذِيسْ ن وبْرِيذْ غَارْ ثوَّارْثْ [ن ثنْذِينْثْ]. ؤُشَا إِمْسَارْ، مڒْمِي مَا إِخْسْ إِجّْ ن ورْيَازْ أَذْ إِرَاحْ س إِشْثْ ن دّعْوثْ غَارْ ؤُجدْجِيذْ إِ شّْرعْ، إِڒَاغَا-د خَاسْ غَارسْ، إِنَّا: ”زِي مَانْ ثَانْذِينْثْ شكْ؟“ مَاڒَا وَانِيثَا يَارَّا-د: ”أَمْسخَّارْ نّشْ زڭْ إِشْثْ زِي ثْقبَّاڒْ ن إِسْرَائِيل“،
2SA 15:3 إِنَّا أَسْ أَبْشَالُومْ: ”خْزَارْ، دّعْوَا نّشْ مْلِيحْ ؤُ نِيشَانْ، [مَاشَا] غَارْ ؤُجدْجِيذْ وَارْ إِدْجِي ؤُڒَا ذ إِجّْ ونِّي غَاركْ غَا إِسْڒنْ.“
2SA 15:4 أَبْشَالُومْ يَارْنِي إِنَّا: ”مْڒِي ذ أَيِي ڭِّينْ ذ ڒْقَاضِي ذِي ثمُّورْثْ، [مَاحنْذْ] [كُوڒْ] أَرْيَازْ ونِّي غَارْ إِدْجَا ؤُمْشُوبّشْ نِيغْ دّعْوثْ، أَذْ غَارِي د-يَاسْ، نشّْ أَذْ أَسْ أَغغْ ثَاسْغَارْثْ؟“
2SA 15:5 مَاڒَا إِقَارّبْ-د غَارسْ إِجّْ ن ورْيَازْ حِيمَا أَذْ أَسْ إِبنْذقْ، إِسّْوِيژّضْ أَفُوسْ نّسْ، إِطّفْ إِ-ث ؤُشَا إِسُّوذمْ إِ-ث.
2SA 15:6 أَمُّو إِڭَّا أَبْشَالُومْ غَارْ مَارَّا [إِنِّي إِدْجَانْ زِي] إِسْرَائِيل، إِنِّي د-يُوسِينْ إِ شّْرعْ غَارْ ؤُجدْجِيذْ. أَمُّو يُوشَارْ أَبْشَالُومْ ؤُڒْ ن يرْيَازنْ ن إِسْرَائِيل.
2SA 15:7 أَوَارْنِي أَربْعَا ن إِسڭّْوُوسَا إِمْسَارْ أَقَا أَبْشَالُومْ إِنَّا إِ ؤُجدْجِيذْ: ”أجّْ أَيِي أَذْ ؤُيُورغْ، أَذْ سّْقفْڒغْ ذِي حَابْرُونْ لْوَاعْذْ إِنُو إِ وَاعْذغْ إِ سِيذِي.
2SA 15:8 مَاغَارْ أَمْسخَّارْ نّشْ إِڭَّا إِجّْ ن لْوَاعْذْ ؤُمِي ثُوغَا زدّْغغْ [عَاذْ] ذِي جَاشُورْ ذِي أَرَامْ، نِّيغْ: ’مَاڒَا سِيذِي إِجَّا أَيِي س ثِيذتّْ أَذْ د-ذوْڒغْ غَارْ ؤُرْشَالِيمْ، [خنِّي] أَذْ خذْمغْ إِ سِيذِي.‘ “
2SA 15:9 [خنِّي] إِنَّا أَسْ ؤُجدْجِيذْ: ”ؤُيُورْ ذِي ڒهْنَا!“ إِكَّارْ نتَّا ؤُشَا يُويُورْ غَارْ حَابْرُونْ.
2SA 15:10 أَبْشَالُومْ [مَاشَا] إِسّكّْ إِرْيَازنْ خْ إِضَارنْ غَارْ مَارَّا ثِيقبَّاڒْ ن إِسْرَائِيل حِيمَا أَذْ إِنِينْ: ”مَاڒَا كنِّيوْ ثسْڒَامْ إِ ؤُسُوضِي ذڭْ ؤُيِيشّْ ن إِشَارِّي، خنِّي إِتّْخصَّا أَذْ ثِينِيمْ: ’أَبْشَالُومْ ذ أَجدْجِيذْ ذِي حَابْرُونْ.‘ “
2SA 15:11 زِي ؤُرْشَالِيمْ ؤُيُورنْ أَكْ-ذ أَبْشَالُومْ مِيثَاينْ ن يرْيَازنْ إِنِّي إِتّْوَاعَارْضنْ. نِيثْنِي ؤُيُورنْ أَكِيذسْ ذِي ڒهْنَا نْسنْ، وَارْ سِّيننْ خْ وَالُو.
2SA 15:12 ڒَامِي [ذِينْ] إِقدّمْ ثِيغَارْصَا، إِسّكّْ أَبْشَالُومْ [عَاوذْ] غَارْ أَخِيثُوفِيلْ، زِي جِيلُو، ونِّي ذ أَمْشَاوَارْ ن ذَاوُوذْ، زِي ثنْذِينْثْ نّسْ، زِي جِيلُو. [أَمُّو] إِ ثذْوڒْ ثْمعْمُوتْشْ ثْمقَّارْ ؤُشَا إِمَّارْنِي ڒْڭنْسْ [إِ إِدْجَانْ] غَارْ أَبْشَالُومْ.
2SA 15:13 [خنِّي] د-يُوسَا إِجّْ ن ؤُرقَّاسْ غَارْ ذَاوُوذْ، إِنَّا: ”ؤُڒْ ن [كُوڒْ] أَرْيَازْ [إِذْوڒْ] أَكْ-ذ أَبْشَالُومْ!“
2SA 15:14 [خنِّي] إِنَّا ذَاوُوذْ إِ مَارَّا إِمْسخَّارنْ نّسْ، إِنِّي ثُوغَا غَارسْ إِدْجَانْ ذِي ؤُرْشَالِيمْ: ”كَّارمْ، أَذْ نَارْوڒْ، مَاغَارْ وَارْ إِتّْغِيمِي غَارْنغْ ؤُڒَا ذ إِجّنْ نِّي إِ غَا إِنْجمْ زَّاثْ إِ وُوذمْ ن أَبْشَالُومْ. ذغْيَامْ ذڭْ وُوفُّوغْ نِيغْ نتَّا أَذْ إِقدْجبْ أَذْ خَانغْ إِحَارْثْ، أَذْ ذَايْنغْ إِڭّْ ثُوعفّْنَا ؤُشَا أَذْ إِوّثْ ثَانْذِينْثْ-أَ س ڒقْضعْ ن سِّيفْ.“
2SA 15:15 [خنِّي] نَّانْ إِمْسخَّارنْ ن ؤُجدْجِيذْ إِ ؤُجدْجِيذْ: ”خْزَارْ، إِمْسخَّارنْ نّشْ [أَذْ ڭّنْ] عْلَاحْسَابْ مَارَّا مِينْ غَا يِيخْضَارْ سِيذِي إِنُو أَجدْجِيذْ.“
2SA 15:16 أَمُّو إِ إِفّغْ ؤُجدْجِيذْ [زِي ثنْذِينْثْ]، أَكْ-ذ مَارَّا ثَادَّارْثْ نّسْ ذڭْ إِصُورَافْ نّسْ. أَجدْجِيذْ إِجَّاعشْرَا ن ثِييَّا مَاحنْذْ أَذْ حْضَانْثْ ثَادَّارْثْ.
2SA 15:17 [ؤُمِي] د-إِفّغْ ؤُجدْجِيذْ [زِي ثنْذِينْثْ] أَكْ-ذ مَارَّا ڒْڭنْسْ نّسْ ذڭْ إِصُورَافْ نّسْ، قِّيمنْ نِيثْنِي بدّنْ غَارْ ڒَاڭّْوَاجْ.
2SA 15:18 مَارَّا إِمْسخَّارنْ عْذُونْ خَاسْ ؤُڒَا ذ إِعسَّاسنْ ن أَرِّيمثْ نّسْ مَارَّا، ؤُ مَارَّا إِرقَّاسنْ نّسْ ن ثَازْڒَا. ؤُڒَا ذ مَارَّا أَيْثْ ن جَاثْ، ستَّا-مْيَا ن يرْيَازنْ نِّي د-يُوسِينْ ذڭْ إِصُورَافْ نّسْ زِي جَاثْ، أَقَا كِّينْ زَّاثْ إِ وُوذمْ ن ؤُجدْجِيذْ.
2SA 15:19 [خنِّي] إِنَّا ؤُجدْجِيذْ إِ إِتَّايْ، ونِّي زڭْ أَيْثْ ن جَاثْ: ”مَايمِّي ثخْسذْ ؤُڒَا ذ شكْ أَذْ ثُويُورذْ أَكِيذْنغْ؟ عْقبْ ؤُ قِّيمْ غَارْ ؤُجدْجِيذْ، مَاغَارْ شكْ ذ إِجّْ ن ؤُبَارَّانِي، أَقَا شكْ بعْذَا ثتّْوَاسُّوفّْغذْ زِي ثمُّورْثْ نّشْ.
2SA 15:20 إِضنَّاضْ إِ د-ثُوسِيذْ شكْ. مَا نشّْ أَذْ شكْ أَوْيغْ أَكِيذْنغْ أَسّْ-أَ حِيمَا أَذْ د-ثفّْغذْ، [ؤُمِي] إِ غَا ؤُيُورغْ نشّْ مَانِي مَا إِ تّْوَارِيغْ إِزمَّارْ أَذْ ڒَاحغْ. عْقبْ، أَوِي-د أَكِيذكْ أَيْثْمَاشْ. أَذْ كِيذكْ ثِيڒِي ثْمخْسِيوْثْ إِشوَّارنْ ذ ڒَامَانْ.“
2SA 15:21 [مَاشَا] إِتَّايْ يَارَّا-د خْ ؤُجدْجِيذْ، إِنَّا: ”[س ثِيذتّْ أَمْ] إِدَّارْ سِيذِي ؤُ إِدَّارْ سِيذِي إِنُو أَجدْجِيذْ، ذڭْ ومْشَانْ مَانِي غَا يِيڒِي سِيذِي إِنُو أَجدْجِيذْ، مَا إِمُّوثْ نِيغْ إِدَّارْ، ذِينِّي إِ غَا يِيڒِي ؤُڒَا ذ أَمْسخَّارْ نّشْ!“
2SA 15:22 [خنِّي] إِنَّا ذَاوُوذْ إِ إِتَّايْ: ”ؤُيُورْ [خنِّي]، أكّْ-د!“ إِكَّا خَاسْ إِتَّايْ، ونِّي إِدْجَانْ زڭْ أَيْثْ ن جَاثْ، أَكْ-ذ مَارَّا إِرْيَازنْ نّسْ ذ إِحنْجِيرنْ إِ غَارسْ [إِدْجَانْ].
2SA 15:23 مَارَّا ثمُّورْثْ ثْرُو ؤُمِي إِكَّا ڒْڭنْسْ. أَجدْجِيذْ إِژْوَا ثِيغْزَارْثْ ن قِيذْرُونْ ؤُڒَا ذ مَارَّا ڒْڭنْسْ إِژْوَا، [طّْفنْ] أَبْرِيذْ غَارْ ڒخْڒَا.
2SA 15:24 أَقَا ذِينْ ؤُڒَا ذ صَاذُوقْ ذ مَارَّا إِلَاوِييّنْ إِنِّي يَارْبُونْ تَّابُوثْ ن ڒْعَاهْذْ أَكِيذسْ. نِيثْنِي سَّارْسنْ تَّابُوثْ ن أَربِّي ؤُ أَبْيَاثَارْ إِڭعّذْ [ذِينْ] أَڒَامِي إِقْفڒْ  ؤُعدُّو ن مَارَّا ڒْڭنْسْ زِي ثنْذِينْثْ.
2SA 15:25 [خنِّي] إِنَّا ؤُجدْجِيذْ إِ صَاذُوقْ: ”أَرّْ تَّابُوثْ ن أَربِّي غَارْ ثنْذِينْثْ. مَاڒَا نشّْ ؤُفِيغْ أَرْضَا زَّاثْ إِ ثِيطَّاوِينْ ن سِيذِي، خنِّي نتَّا أَذْ أَيِي يَارّْ [غَارْ ذَا]، أَذْ أَيِي يَارّْ أَذْ ژَترْغْ [تَّابُوثْ] عَاوذْ ؤُڒَا ذ ثَازذِّيغْثْ.
2SA 15:26 [مَاشَا] مَاڒَا نتَّا أَذْ يِينِي: ’شكْ وَارْ ذ أَيِي د-ثُوسِيذْ خْ ڒْخَاضَارْ!‘، أَقَا أَيِي ذَا، أجّْ إِ-ث أَذْ كِيذِي إِڭّْ مِينْ إِدْجَانْ ذ لمْلِيحْ ذِي ثِيطَّاوِينْ نّسْ.“
2SA 15:27 يَارنِّي إِنَّا ؤُجدْجِيذْ إِ ؤُكهَّانْ صَاذُوقْ: ”مَا وَارْ ثدْجِيذْ شكْ ذ أَمْوَاڒَاوْ؟ عْقبْ ذِي ڒهْنَا غَارْ ثمُّورْثْ نّشْ ذ ثْنَاينْ ن إِحنْجِيرنْ نْومْ أَكِيذْومْ: مِّيشْ أَخِيمَاعَاصْ، ذ يُونَاثَانْ، مِّيسْ ن أَبْيَاثَارْ.
2SA 15:28 خْزَارْ، نشّْ أَذْ رَاجِيغْ ذِي ڒخْڒَا غَارْ مَانِيسْ ژكّْوَانْ خْ [لْ-ؤُرْذُونْ]، أَڒْ د غَا ثَاسْ ثبْرَاثْ زَّايْومْ غَارِي.“
2SA 15:29 [خَاسْ ؤُشَا] يِيوْيِي صَاذُوقْ أَكْ-ذ أَبْيَاثَارْ تَّابُوثْ ن أَربِّي غَارْ ؤُرْشَالِيمْ ؤُشَا قِّيمنْ ذِينِّي.
2SA 15:30 ذَاوُوذْ إِڭعّذْ ثَاسَاونْثْ ن [وذْرَارْ ن] زِّيثُونْ. إِرُو أَمْ د-إِڭعّذْ. ثُوغَا أَزدْجِيفْ نّسْ إِرحّفْ، يُويُورْ خْ إِضَارنْ س ڒحْفَا. ؤُڒَا ذ مَارَّا ڒْڭنْسْ إِ غَارسْ، [كُوڒْ] أَرْيَازْ [زَّايسْ] إِرحّفْ أَزدْجِيفْ نّسْ، ؤُشَا ڭعّْذنْ نِيثْنِي، رُونْ أَمْ ڭعّْذنْ.
2SA 15:31 [خنِّي] حَاجَانْ أَسْ إِ ذَاوُوذْ، نَّانْ: ”أَخِيثُوفِيلْ ثُوغَا-ث جَارْ إِنِّي إِڭِّينْ ثَامعْمُوتْشْ خْ ؤُغزْذِيسْ ن أَبْشَالُومْ.“ ؤُشَا إِنَّا ذَاوُوذْ: ”[أَ] سِيذِي، سْبطّڒْ شّْوَارْ ن أَخِيثُوفِيلْ.“
2SA 15:32 [ڒَْامِي] ذَاوُوذْ يِيوضْ غَارْ ثْقِيشّثْ ن وذْرَارْ، مَانِي تّْنُومَانْ أَذْ سجْذنْ زَّاثْ إِ أَربِّي، خْزَارْ، [يُوسَا-د] حُوشَايْ، أَيَارْكِي، إِ ؤُمْسَاڭَارْ أَكِيذسْ س وَارُّوضْ إِشَارّْڭنْ ؤُ س ؤُشَاڒْ خْ ؤُزدْجِيفْ نّسْ.
2SA 15:33 ذَاوُوذْ إِنَّا أَسْ: ”مَاڒَا شكْ ثژْوِيذْ أَكِيذِي، أَذْ خَافِي ثِيڒِيذْ ذ دّْقڒْ.
2SA 15:34 مَاڒَا مَاشَا شكْ ثْعقْبذْ غَارْ ثنْذِينْثْ، أَذْ ثِينِيذْ إِ أَبْشَالُومْ: ’نشّْ أَذْ إِڒِيغْ ذ أَمْسخَّارْ نّشْ، [أَ] أَجدْجِيذْ! ثُوغَا أَيِي زِيشْ ذ أَمْسخَّارْ ن بَابَاشْ، ڒخُّو مَاشَا أَذْ إِڒِيغْ ذ أَمْسخَّارْ نّشْ!‘، [خنِّي] ثْزمَّارذْ أَذْ ثْبضْڒذْ شّْوَارْ ن أَخِيثُوفِيلْ.
2SA 15:35 مَا وَارْ ذِينِّي غَاركْ إِكهَّاننْ صَاذُوقْ ذ أَبْيَاثَارْ؟ أَذْ إِمْسَارْ أَذْ ثْعَاوْذذْ مَارَّا مِينْ غَا ثسْڒذْ زِي ثَادَّارْثْ ن ؤُجدْجِيذْ إِ إِكهَّاننْ صَاذُوقْ ذ أَبْيَاثَارْ.
2SA 15:36 أَقَا نِيثْنِي غَارْسنْ ذِينِّي ثْنَاينْ ن إِحنْجِيرنْ نْسنْ، أَخِيمَاعَاصْ، مِّيسْ ن صَاذُوقْ، ذ يُونَاثَانْ، مِّيسْ ن أَبْيَاثَارْ. أَذْ أَيِي د-ثسِّيوْضمْ مَارَّا أَوَاڒْ إِ ثسْڒِيمْ [زَّايْسنْ].“
2SA 15:37 ؤُشَا حُوشَايْ، أَمدُّوكّڒْ ن ذَاوُوذْ، يُوذفْ غَارْ ثنْذِينْثْ ؤُشَا ؤُڒَا ذ أَبْشَالُومْ يُوذفْ غَارْ ؤُرْشَالِيمْ.
2SA 16:1 [ؤُمِي] إِعْذُو ذَاوُوذْ شْوَايْثْ خْ ثْقِيشّثْ ن وذْرَارْ، إِفّغْ صِيبَا، أَمْسخَّارْ ن مَافِيبُوشَاثْ، إِ ؤُمْسَاڭَارْ أَكِيذسْ س إِشْثْ ن ثْيُويَا ن يغْيَاڒْ بَارْذْعنْ، [إِسَّارْسْ] خَاسنْ مِيثَاينْ ن إِغْرُومنْ، مْيَا ن إِغْرُومنْ ن زّْبِيبْ ؤُ مْيَا ن ثِينِي ن ؤُنبْذُو ذ إِشْثْ ن ثشْيَارْثْ [ذَايسْ] بِينُو.
2SA 16:2 إِنَّا ؤُجدْجِيذْ إِ صِيبَا: ”مِينْ ثخْسذْ أَذْ ثڭّذْ س ؤُيَا؟“ إِنَّا صِيبَا: ”إِغْيَاڒْ إِ ثَادَّارْثْ ن ؤُجدْجِيذْ حِيمَا أَذْ خَاسنْ نْينْ، ؤُ أَغْرُومْ ذ ثِينِي ن ؤُنبْذُو إِ إِمْسخَّارنْ، حِيمَا أَذْ شّنْ، ؤُ بِينُو إِ يِينِّي يُوحْڒنْ ذِي ڒخْڒَا، حِيمَا أَذْ سْونْ.“
2SA 16:3 [خنِّي] إِنَّا ؤُجدْجِيذْ: ”مَانِي إِدْجَا مِّيسْ ن سِيذِي نّشْ؟“ إِنَّا صِيبَا إِ ؤُجدْجِيذْ: ”خْزَارْ، نتَّا إِقِّيمْ ذِي ؤُرْشَالِيمْ، مَاغَارْ نتَّا إِنَّا: ’أَسّْ-أَ ثَادَّارْثْ ن إِسْرَائِيل أَذْ أَيِي د-ثَارّْ ثَاڭلْذِيثْ ن بَابَا.‘ “
2SA 16:4 [خنِّي] إِنَّا ؤُجدْجِيذْ إِ صِيبَا: ”خْزَارْ، مَارَّا مِينْ [إِدْجَانْ] ن مَافِيبُوشَاثْ، أَذْ يِيڒِي نّشْ!“ صِيبَا إِنَّا: ”نشّْ بنْذْقغْ، مْڒِي ؤُفِيغْ أَرْضَا ذِي ثِيطَّاوِينْ نّشْ، [أَ] سِيذِي إِنُو أَجدْجِيذْ!“
2SA 16:5 [ؤُمِي] د-يُوسَا ؤُجدْجِيذْ ذَاوُوذْ غَارْ بَاخُورِيمْ، إِژْرَا إِجّْ ن ورْيَازْ إِفّغْ-د سّنِّي زِي ڒَادْجْ ن ثَادَّارْثْ ن شَاوُولْ. قَّارنْ أَسْ شِيمْعِي، مِّيسْ ن جِيرَا. نتَّا إِڭُّورْ أَمْ إِنعّڒْ.
2SA 16:6 نتَّا إِحجَّارْ ذَاوُوذْ ذ مَارَّا إِمْسخَّارنْ ن ؤُجدْجِيذْ ذَاوُوذْ س يژْرَا، [أَمْ] إِبدّْ ڒْڭنْسْ مَارَّا ذ مَارَّا أَيْثْ ن بُو-ثغْرُوضْثْ زَّاثسْ غَارْ يفُوسْ ذ ؤُزڒْمَاضْ.
2SA 16:7 أَمُّو إِ إِقَّارْ شِيمْعِي أَمْ ث إِنعّڒْ: ”أَڭّْوجْ، أَڭّْوجْ، شكْ، أَرْيَازْ ن [ؤُسِيزّڒْ ن] إِذَامّنْ ذ ورْيَازْ إِ وَارْ إِسكّْوِينْ!
2SA 16:8 سِيذِي إِسِّيوضْ خَاكْ مَارَّا إِذَامّنْ ن ثَادَّارْثْ ن شَاوُولْ ونِّي ذڭْ ومْشَانْ نّسْ إِ ثْحكْمذْ. سِيذِي إِوْشَا ثَاڭلْذِيثْ ذڭْ إِفَاسّنْ ن مِّيشْ أَبْشَالُومْ. خْزَارْ [مَانْ أَيَا إِفّغْ-د] زِي ثُوعفّْنَا نّشْ ؤُمِي شكْ ذ إِجّْ ن ورْيَازْ ن [ؤُسِيزّڒْ ن] إِذَامّنْ.“
2SA 16:9 [خنِّي] إِنَّا أَبِيشَايْ، مِّيسْ ن صَارُويَا، إِ ؤُجدْجِيذْ: ”مَايمِّي غَا إِنْعڒْ وقْزِينْ-أَ إِمُّوثنْ، سِيذِي إِنُو أَجدْجِيذْ؟ أجّْ أَيِي أَذْ ذِينْ ژْوِيغْ، أَذْ أَسْ قسّغْ أَزدْجِيفْ.“
2SA 16:10 [مَاشَا] أَجدْجِيذْ إِنَّا: ”مِينْ ذِينْ جَارْ أَيِي ذ كنِّيوْ، أَرَّاوْ ن صَارُويَا؟ أَقَا نتَّا إِنْعڒْ، ؤُمِي ذ أَسْ إِنَّا سِيذِي: ’نْعڒْ ذَاوُوذْ!‘ مَانْ ونْ إِزمَّارنْ [خنِّي] أَذْ يِينِي: ’مَايمِّي إِ ثڭِّيذْ أَيَا؟‘ “
2SA 16:11 ذَاوُوذْ يَارْنِي إِنَّا إِ أَبِيشَايْ ذ مَارَّا إِمْسخَّارنْ نّسْ: ”خْزَارمْ، مِّي إِ د-إِفّْغنْ زِي دَّاثْ إِنُو، يَارزُّو أَذْ أَيِي إِنغْ. مَاهُو خنِّي ڒخُّو أَرْيَازْ-أَ زڭْ أَيْثْ ن بِينْيَامِينْ؟ جّمْ ث أَذْ إِنْعڒْ، مِينْزِي سِيذِي إِ ذ أَسْ ث إِنَّانْ.
2SA 16:12 أَذْ ثَاغْ سِيذِي أَذْ إِتّْوَاڒَا ثَامَارَا إِنُو ؤُشَا أَذْ أَيِي د-يَارّْ سِيذِي ثَاصبْحَانْثْ ذڭْ ومْشَانْ ن نّعْڒثْ نّسْ ن وَاسّْ-أَ.“
2SA 16:13 ذَاوُوذْ أَكْ-ذ يرْيَازنْ نّسْ طّْفنْ أَبْرِيذْ ؤُ شِيمْعِي يُويُورْ أَرنْذَاذْ نّسْ غَارْ ؤُغزْذِيسْ نّغْنِي ن ثوْرِيرْثْ، أَمْ إِنعّڒْ ؤُ إِتّْحجَّارْ [ذَاوُوذْ] س يژْرَا ؤُشَا إِڭَّا ثَاعجَّاجْثْ أَذْ ثْضُووْ.
2SA 16:14 يِيوضْ-د ؤُجدْجِيذْ أَكْ-ذ مَارَّا ڒْڭنْسْ إِ غَارسْ غَارْ أَيَافِيمْ. ذِينِّي إِزمَّارْ أَذْ يَارّْ نّفْسْ [عَاوذْ].
2SA 16:15 أَبْشَالُومْ أَكْ-ذ مَارَّا ڒْڭنْسْ، إِرْيَازنْ ن إِسْرَائِيل، ؤُسِينْ-د غَارْ ؤُرْشَالِيمْ ؤُ أَخِيثُوفِيلْ ثُوغَا-ث غَارسْ.
2SA 16:16 ؤُمِي إِ د-يُوسَا حُوشَايْ، أَيَارْكِي، أَمدُّوكّڒْ ن ذَاوُوذْ، غَارْ أَبْشَالُومْ، إِمْسَارْ بلِّي حُوشَايْ إِنَّا إِ أَبْشَالُومْ: ”ثُوذَارْثْ إِ ؤُجدْجِيذْ، ثُوذَارْثْ إِ ؤُجدْجِيذْ!“
2SA 16:17 أَبْشَالُومْ إِنَّا إِ حُوشَايْ: ”مَا ذ مَانْ أَيَا [خنِّي] ذ [إِجّْ ن وسْشَانْ ن] ثْمخْسِيوْثْ إِشوَّارنْ إِ ؤُمدُّوكّڒْ نّشْ؟ مَايمِّي وَارْ ثْرِيحذْ أَكْ-ذ ؤُمدُّوكّڒْ نّشْ؟“
2SA 16:18 حُوشَايْ إِنَّا إِ أَبْشَالُومْ: ”لَّ، نشّْ أَذْ إِڒِيغْ غَارْ ونِّي إِتّْوَافَارْزنْ زِي سِيذِي ؤُ [زِي] مَارَّا ڒْڭنْسْ-أَ ؤُ [زِي] مَارَّا إِرْيَازنْ ن إِسْرَائِيل، ؤُ نشّْ أَذْ غَارسْ قِّيمغْ.
2SA 16:19 إِ ؤُمِي غَا سخَّارغْ خنِّي؟ مَا وَارْ إِتِّيڒِي زَّاثْ إِ وُوذمْ ن مِّيسْ؟ أَمْ مَامّشْ نشّْ خذْمغْ زَّاثْ إِ وُوذمْ ن بَابَاشْ، أَمُّو إِ غَا إِڒِيغْ زَّاثْ إِ وُوذمْ نّشْ.“
2SA 16:20 أَبْشَالُومْ إِنَّا إِ أَخِيثُوفِيلْ: ”وْشمْ [أَنغْ] شّْوَارْ، مِينْ غَا نڭّْ؟“
2SA 16:21 أَخِيثُوفِيلْ إِنَّا إِ أَبْشَالُومْ: ”أَذفْ غَارْ ثِييَّا ن بَابَاشْ ثِينِّي إِجَّا أَوَارْنِي أَسْ حِيمَا أَذْ حْضَانْثْ ثَادَّارْثْ. [أَمُّو] إِ غَا إِسڒْ مَارَّا إِسْرَائِيل، أَقَا شكْ ثسَّارْزْڭذْ إِخفْ نّشْ غَارْ بَابَاشْ ؤُشَا أَذْ تّْوَاسّْجهْذنْ إِفَاسّنْ ن مَارَّا إِنِّي أَكِيذكْ [إِدْجَانْ].“
2SA 16:22 وْثِينْ إِ أَبْشَالُومْ إِشْثْ ن ثْقِيضُونْثْ خْ ثْزقَّا ؤُ أَبْشَالُومْ يُوذفْ غَارْ ثِييَّا ن بَابَاسْ زَّاثْ إِ ثِيطَّاوِينْ ن مَارَّا إِسْرَائِيل.
2SA 16:23 ذڭْ وُوسَّانْ نِّي إِتّْوَاحْسبْ شّْوَارْ ن أَخِيثُوفِيلْ أَخْمِي [إِجّنْ] يَارزُّو أَوَاڒْ ن أَربِّي. أَمُّو [إِ يدْجَا] س مَارَّا شّْوَارْ ن أَخِيثُوفِيلْ، أَمْ غَارْ ذَاوُوذْ أَمْ غَارْ أَبْشَالُومْ.
2SA 17:1 أَخِيثُوفِيلْ إِنَّا إِ أَبْشَالُومْ: ”أجّْ أَيِي أَذْ فَارْزغْ ثنْعَاشْ-أَڒفْ ن يرْيَازنْ، أَذْ سّْوجْذغْ إِخفْ إِنُو حِيمَا أَذْ ضْفَارغْ ذَاوُوذْ دْجِيڒثْ-أَ.
2SA 17:2 [خنِّي] نشّْ أَذْ خَاسْ هجْمغْ، [مِينْثْرَا] إِفَاسّنْ نّسْ [عَاذْ] ؤُحْڒنْ ؤُ ضعْفنْ. أَذْ ث سِّيڭّْوِيذغْ ؤُ مَارَّا ڒْڭنْسْ إِ غَارسْ [إِدْجَانْ] أَذْ يَارْوڒْ. [خنِّي] نشّْ أَذْ نْغغْ أَجدْجِيذْ، نتَّا وَاهَا.
2SA 17:3 أَذْ غَاركْ د-أَرّغْ مَارَّا ڒْڭنْسْ. [ڒْموْثْ ن] ورْيَازْ إِ خْ ثَارزُّوذْ [أَقَا-ث] أَمْ وذْوَاڒْ ن يوْذَانْ مَارَّا، ڒْڭنْسْ [أَذْ ث إِقْبڒْ،] أَذْ ثِيڒِي ڒهْنَا.“
2SA 17:4 ثُوغَا أَيَا ذ إِجّْ ن وَاوَاڒْ نِيشَانْ ذِي ثِيطَّاوِينْ ن أَبْشَالُومْ ؤُ ذِي ثِيطَّاوِينْ ن مَارَّا إِمْغَارنْ ن إِسْرَائِيل.
2SA 17:5 [مَاشَا] إِنَّا أَبْشَالُومْ: ”ڒَْاغَاثْ ؤُڒَا إِ حُوشَايْ، أَيَارْكِي. أجّْ أَنغْ أَذْ غَارسْ نْسڒْ عَاوذْ مِينْ غَا يِينِي.“
2SA 17:6 ؤُمِي د-يُوذفْ حُوشَايْ، إِسِّيوڒْ أَبْشَالُومْ أَكِيذسْ، إِنَّا: ”أَمُّو إِ إِسِّيوڒْ أَخِيثُوفِيلْ. مَا أَذْ نڭّْ عْلَاحْسَابْ أَوَاڒْ نّسْ؟ مَاڒَا وَارْ إِدْجِي أَمُّو، [خنِّي] سِيوڒْ شكْ!“
2SA 17:7 [خنِّي] إِنَّا حُوشَايْ إِ أَبْشَالُومْ: ”ثْوَاڒَاثْ-أَ شّْوَارْ نِّي إِوْشِينْ أَخِيثُوفِيلْ وَارْ إِدْجِي مْلِيحْ.“
2SA 17:8 [يَارْنِي] حُوشَايْ إِنَّا: ”شكْ ثسّْنذْ أَقَا بَابَاشْ ذ يرْيَازنْ نّسْ، نِيثْنِي ذ أَيْثْ ن بُو-ثغْرُوضْثْ، ؤُ أَقَا ڒعْمَارْ نْسنْ يَارْزڭْ أَمْ يِيجّْ ن دُّوبْ ذِي ڒخْڒَا، ونِّي ؤُمِي إِتّْوَاشَارْ ونْجُوغْ. بَابَاشْ ذ إِجّْ ن ورْيَازْ أَعسْكَارِي ؤُ نتَّا وَارْ إِتّْنُوسِي أَكْ-ذ ڒْڭنْسْ.
2SA 17:9 أَقَا ڒخُّو إِنُّوفَّارْ ذڭْ إِجّْ زڭْ إِفْرَانْ نِيغْ ذڭْ إِجّْ زڭْ إِمُوشَانْ ن ثْنُوفّْرَا. مَاڒَا غَارْ ؤُمزْوَارُو وْضَانْ شَا زَّايْسنْ، [خنِّي] مَارَّا وِي ث غَا إِسْڒنْ، أَذْ يِينِي: ’أَقَا ذِينْ إِشْثْ ن ثشْثِي ذِي ڒْڭنْسْ نِّي إِضْفَارنْ أَبْشَالُومْ.‘
2SA 17:10 [خنِّي] عَاذْ ونِّي د-إِخڒْقنْ إِ ؤُمنْغِي، ونِّي ؤُڒْ نّسْ أَمْ وُوڒْ ن إِجّْ ن ويْرَاذْ، أَذْ إِفْشڒْ ذغْيَا، مَاغَارْ مَارَّا إِسْرَائِيل إِسّنْ أَقَا بَابَاشْ ذ إِجّْ ن بُو-ثغْڒُوضْثْ ؤُ غَارسْ أَيْثْ ن ؤُمنْغِي.
2SA 17:11 س ؤُينِّي أَذْ أَشْ سّشْنغْ أَذْ ثسّْمُونذْ ذغْيَا مَارَّا إِسْرَائِيل زِي ذَانْ أَڒْ بِئرْ-سبْعَا، إِجّْ ن ؤُبَارُّو أَطَّاسْ أَمْ يِيجْذِي غَارْ ثْمَا ن ڒبْحَارْ، ؤُ شكْ أَذْ كِيذْسنْ ثفّْغذْ غَارْ ؤُمنْغِي.
2SA 17:12 [خنِّي] نشِّينْ أَذْ خَاسْ نهْجمْ ذڭْ إِجّْ زڭْ إِمُوشَانْ ن ثْنُوفّْرَا مَانِي غَا إِتّْوَافْ. أَذْ خَاسْ نهْجمْ أَمْ إِوطَّا نّْذَا خْ ثمُّورْثْ. وَارْ إِتّْغِيمِي ؤُڒَا ذ إِجّنْ زَّايسْ ؤُ زِي مَارَّا إِرْيَازنْ إِ غَارسْ إِدْجَانْ.
2SA 17:13 مَاڒَا نتَّا أَذْ إِسّْمُونْ إِخفْ نّسْ ذِي شَا ن ثنْذِينْثْ، مَارَّا إِسْرَائِيل أَذْ كَّارنْ أَذْ أَوْينْ إِسغْوَانْ غَارْ ثنْذِينْثْ نِّي، أَذْ ت نْجَارّْ ذِي ثغْزُورْثْ أَڒَامِي وَارْ زَّايسْ إِتّْوَافْ ؤُڒَا ذ إِجّْ ن وژْرُو عَاذْ.“
2SA 17:14 [خنِّي] إِنَّا أَبْشَالُومْ ؤُڒَا ذ مَارَّا إِرْيَازنْ ن إِسْرَائِيل: ”شّْوَارْ ن أَيَارْكِي حُوشَايْ إِحْڒَا خْ شّْوَارْ ن أَخِيثُوفِيلْ.“ أَقَا سِيذِي ثُوغَا يُومُورْ أَذْ بضْڒنْ شّْوَارْ لمْلِيحْ ن أَخِيثُوفِيلْ، حِيمَا سِيذِي أَذْ يَاوِي ثُوعفّْنَا خْ أَبْشَالُومْ.
2SA 17:15 إِنَّا حُوشَايْ إِ إِكهَّاننْ صَاذُوقْ ذ أَبْيَاثَارْ: ”ثَا ذ ثَا إِشَاوَارْ أَخِيثُوفِيلْ إِ أَبْشَالُومْ ذ إِمْغَارنْ ن إِسْرَائِيل، مَاشَا ذ ثَا ذ ثَا إِخفْ وصِّيغْ نشّْ.
2SA 17:16 [خنِّي] ڒخُّو، سكّْ ذغْيَا [إِجّْ ن ؤُرقَّاسْ] مَاحنْذْ أَذْ إِخبَّارْ إِ ذَاوُوذْ، أَذْ يِينِي: ”وَارْ سنْسْ دْجِيڒثْ-أَ ذڭْ إِمُوشَانْ ن ؤُژكّْوُو ن ڒخْڒَا. ژْوَا ذغْيَا، نِيغْ أَذْ إِتّْوَاصَارْضْ ؤُجدْجِيذْ ذ مَارَّا ڒْڭنْسْ إِ غَارسْ [إِدْجَانْ].“
2SA 17:17 مَاشَا يُونَاثَانْ ذ أَخِيمَاعَاصْ قِّيمنْ بدّنْ غَارْ ثَاڒَا ن رُوجَالْ. إِشْثْ ن ثَايَّا ثُويُورْ ذِينِّي، ثْحَاجَا أَسنْ ت. نِيثْنِي ؤُيُورنْ ؤُ حَاجَانْ ت إِ ؤُجدْجِيذْ ذَاوُوذْ. ثُوغَا-ثنْ وَارْ زمَّارنْ أَذْ أَذْفنْ غَارْ ثنْذِينْثْ، ؤُمِي إِتّْخصَّا وَارْ ثنْ ژَترّنْ [إِوْذَانْ].
2SA 17:18 [وَاخَّا أَمنِّي] إِجّْ ن ؤُمْسخَّارْ إِژْرَا إِ-ثنْ ؤُشَا إِحَاجَا ث إِ أَبْشَالُومْ. [مَاشَا] إِنَا س ثْنَاينْ إِذْسنْ ؤُزّْڒنْ، ؤُسِينْ-د غَارْ ثَادَّارْثْ ن إِجّْ ن ورْيَازْ ذِي بَاخُورِيمْ ونِّي ثُوغَا غَارْ إِدْجَا إِجّْ ن وَانُو ذِي ڒمْرَاحْ. نِيثْنِي ضْرِينْ ذَايسْ.
2SA 17:19 ثَامْغَارْثْ ثكْسِي ثَازَارْبتْشْ ؤُشَا ثسَّارْسْ إِ-ت خْ ؤُقمُّومْ ن وَانُو ؤُشَا ثَاريّشْ خَاسْ إِوْزَانْ إِ إِتّْوَاقشَّارنْ ن إِمنْذِي. [أَمُّو] إِ وَارْ د-ثْبِينْ ثْمسْڒَاشْثْ.
2SA 17:20 [ڒَْامِي] إِمْسخَّارنْ ن أَبْشَالُومْ ؤُسِينْ-د غَارْ ثمْغَارْثْ ذِي ثَادَّارْثْ، سّقْسَانْ ت: ”مَانِي إِدْجَا أَخِيمَاعَاصْ ذ يُونَاثَانْ؟“ ثَامْغَارْثْ ثَارَّا-د خَاسنْ: ”نِيثْنِي ژْوَانْ ثِيغْزَارْثْ نِّي.“ [خنِّي] فّْغنْ إِمْسخَّارنْ نِّي، أَرْزُونْ، وَارْ [ثنْ] ؤُفِينْ. [خنِّي]عقْبنْ غَارْ ؤُرْشَالِيمْ.
2SA 17:21 أَوَارْنِي ؤُمِي ثُوغَا نِيثْنِي ؤُيُورنْ، إِمْسَارْ، نِيثْنِي ڭعّْذنْ زڭْ وَانُو، ؤُيُورنْ، خبَّارنْ أَيَا إِ ؤُجدْجِيذْ ذَاوُوذْ. نِيثْنِي نَّانْ إِ ذَاوُوذْ: ”كَّارمْ، ژْوَامْ أَمَانْ ذغْيَا، مَاغَارْ ثَا ذ ثَا ذ شّْوَارْ إِ خَاومْ إِڭَّا أَخِيثُوفِيلْ.“
2SA 17:22 إِكَّارْ ذَاوُوذْ أَكْ-ذ مَارَّا ڒْڭنْسْ إِ غَارسْ إِدْجَانْ ؤُ نِيثْنِي ژْوَانْ لْ-ؤُرْذُونْ. غَارْ ثْفَاوْثْ ن ثُوفُّوثْ ن وَاسّْ، ثُوغَا وَارْ ذِينْ عَاذْ ؤُڒَا ذ إِجّنْ وَارْ إِژْوِي لْ-ؤُرْذُونْ.
2SA 17:23 [ؤُمِي] أَخِيثُوفِيلْ إِژْرَا، أَقَا شّْوَارْ نّسْ إِتّْوَابطّڒْ، إِبَارْذعْ نتَّا إِ وغْيُوڒْ نّسْ، إِكَّارْ، يُويُورْ غَارْ ثَادَّارْثْ نّسْ ذِي ثنْذِينْثْ نّسْ. نتَّا يُومُورْ إِ ثَادَّارْثْ نّسْ، [خنِّي] يُويڒْ إِخفْ نّسْ. [أَمُّو] إِ إِمُّوثْ ؤُ إِتّْوَانْضڒْ ذڭْ ونْضڒْ ن بَابَاسْ.
2SA 17:24 ذَاوُوذْ يِيوضْ غَارْ مَاحَانَايِيمْ، ؤُ أَبْشَالُومْ إِژْوَا لْ-ؤُرْذُونْ، نتَّا ذ مَارَّا إِرْيَازنْ ن إِسْرَائِيل أَكِيذسْ.
2SA 17:25 أَبْشَالُومْ ثُوغَا إِڭَّا عَامَاسَا خْ ڒْعسْكَارْ ذڭْ ومْشَانْ ن يُووَابْ. عَامَاسَا ثُوغَا ذ مِّيسْ ن إِجّْ ن ورْيَازْ قَّارنْ أَسْ يِيثْرَا، إِجّْ ن ورْيَازْ زِي إِسْرَائِيل، ونِّي ثُوغَا يُوذْفنْ خْ أَبِيجَايِيلْ، يدْجِيسْ ن نَاحَاشْ، ؤُتْشْمَاسْ ن صَارُويَا، يمَّاسْ ن يُووَابْ.
2SA 17:26 إِسْرَائِيل ذ أَبْشَالُومْ وْثِينْ إِقِيضَانْ نْسنْ ذِي ثمُّورْثْ ن جِيلْعَاذْ.
2SA 17:27 ؤُمِي د-يُوسَا ذَاوُوذْ غَارْ مَاحَانَايِيمْ، إِمْسَارْ، أَقَا شُوبِي، مِّيسْ ن نَاحَاشْ، زِي رَابَّا، زڭْ أَيْثْ ن عَامُّونْ، ذ مَاخِيرْ، مِّيسْ ن عَامِّييِيلْ زِي لُو-ذَابَارْ، ذ بَارْزِيلَايْ، أَجِيلْعَاذِي زِي رُوجَالِيمْ [إِوْينْ أَسْ-د مَارَّا مَانْ أَيَا]:
2SA 17:28 إِفَارَّاشنْ ذ طّْبَاصِي ذ إِقْذِيحنْ ن ثْڒَاخْثْ ذ إِرْذنْ ذ إِمنْذِي ذ وَارنْ، [أَقَا] ڒحْبُوبْ قْڒَانْ، ؤُشَا ؤُڒَا ذ إِبَاونْ ذ ڒعْذسْ، [أَقَا] [ؤُڒَا ذ نِيثْنِي] قْڒَانْ،
2SA 17:29 ذ ثَامّنْثْ ذ دّْهنْ ذ وُودْجِي ذ ثْرُوسِّي ن ثْفُونَاسِينْ. نِيثْنِي إِوْينْ مَارَّا مَانْ أَيَا غَارْ ذَاوُوذْ ذ ڒْڭنْسْ إِ غَارسْ إِدْجَانْ مَاحنْذْ أَذْ شّنْ. مَاغَارْ نَّانْ: ”ڒْڭنْسْ إِدْجُوژْ، إِهيّفْ، إِفُّوذْ [ذِينْ] ذِي ڒخْڒَا.“
2SA 18:1 إِسدّْ ذَاوُوذْ ڒْڭنْسْ نِّي ثُوغَا غَارسْ إِدْجَانْ ؤُ إِڭَّا خَاسنْ إِمقّْرَاننْ خْ وَاڒفْ ذ إِمقّْرَاننْ خْ مْيَا.
2SA 18:2 ذَاوُوذْ إِسّكّْ ڒْڭنْسْ. إِشْثْ ن ثُوڒُوثْ زَّايْسنْ سَاذُو ؤُفُوسْ ن يُووَابْ، إِشْثْ ن تُّوڒُوثْ سَاذُو ؤُفُوسْ ن أَبِيشَايْ، مِّيسْ ن صَارُويَا، ؤُمَاسْ ن يُووَابْ، ذ إِشْثْ ن ثُوڒُوثْ سَاذُو أَفُوسْ ن إِتَّايْ، زِي جَاثْ. إِنَّا ؤُجدْجِيذْ إِ ڒْڭنْسْ: ”ؤُڒَا ذ نشّْ أَذْ أَكِيذْومْ فّْغغْ [غَارْ ؤُمنْغِي].“
2SA 18:3 [مَاشَا] ڒْڭنْسْ إِنَّا: ”شكْ وَارْ كِيذْنغْ ثفّْغضْ شَا [غَارْ ؤُمنْغِي]، مَاغَارْ مَاڒَا نشِّينْ نَارْوڒْ س ثِيذتّْ، وَارْ كِيذْنغْ ڒهِّينْ. مَاڒَا أَزْينْ زَّايْنغْ إِمُّوثْ، وَارْ كِيذْنغْ ڒهِّينْ. مَاغَارْ شكْ [ڒخُّو] ثْسكّْوِّيذْ أَمْعشْرَا ن ڒُوڒُوفْ زَّايْنغْ. س ؤُينِّي ڒخُّو مْلِيهْ، مَاڒَا شكْ أَذْ أَنغْ ثوْشذْ أَفُوسْ زِي ثنْذِينْثْ.“
2SA 18:4 [خنِّي] إِنَّا أَسنْ ؤُجدْجِيذْ: ”نشّْ أَذْ ڭّغْ مِينْ ثتّْوَاڒَامْ مْلِيحْ ذِي ثِيطَّاوِينْ نْومْ!“ أَجدْجِيذْ إِبدّْ غَارْ ثوَّارْثْ [ن ثنْذِينْثْ] ؤُ مَارَّا ڒْڭنْسْ إِفّغْ س ڒْمْيَاوَاثْ ذ ڒُوڒُوفْ.
2SA 18:5 يُومُورْ ؤُجدْجِيذْ إِ يُووَابْ، أَبِيشَايْ ذ إِتَّايْ: ”أڭّْ س ؤُحَاوڒْ أَكْ-ذ ؤُحُوذْرِي، أَكْ-ذ أَبْشَالُومْ، ذِي طّْوعْ إِنُو.“ مَارَّا ڒْڭنْسْ إِسْڒَا إِ ؤُجدْجِيذْ أَمْ يُومُورْ مَارَّا إِمقّْرَاننْ خْ أَبْشَالُومْ.
2SA 18:6 ڒْڭنْسْ إِفّغْ غَارْ إِيَّارْ، غَارْ ؤُمْسَاڭَارْ أَكْ-ذ إِسْرَائِيل. أَمنْغِي إِكَّارْ ذڭْ وزْغَارْ ن إِفْرَايِيمْ.
2SA 18:7 تّْوَاغلّْبنْ ذِينْ [إِرْيَازنْ ن] ڒْڭنْسْ ن إِسْرَائِيل زَّاثْ إِ وُوذمْ ن إِمْسخَّارنْ ن ذَاوُوذْ. ذڭْ وَاسّْ نِّي ثمْسَارْ ذِينْ إِشْثْ ن ثشْثِي ثَامقّْرَانْثْ [أَڒَامِي وْضَانْ] عِيشْرِينْ-أَڒفْ [ن يرْيَازنْ].
2SA 18:8 أَمنْغِي إِفّغْ سّنِّي ذِي مَارَّا جّْوَايهْ. ذڭْ وَاسّْ نِّي إِسَارْضْ وزْغَارْ [إِرْيَازنْ] زِي ڒْڭنْسْ كْثَارْ زڭْ إِنِّي إِسَارْضْ سِّيفْ.
2SA 18:9 إِمْسَارْ أَبْشَالُومْ إِبدّْ ثِيطّْ ذِي ثِيطّْ أَكْ-ذ إِمْسخَّارنْ ن ذَاوُوذْ. أَبْشَالُومْ إِنْيَا خْ إِجّْ ن ؤُسرْذُونْ. ؤُمِي أَسرْذُونْ يُويُورْ سَاذُو ڒفْرُوعْ إِمْشُوبّْشنْ ن يِيشْثْ ن ثْشجَّارْثْ ن يِيڭّْ أَمقّْرَانْ، إِنُّوغْ نتَّا س ؤُزدْجِيفْ نّسْ ذِي ثْشجَّارْثْ ن يِيڭّْ أَڒَامِي إِقِّيمْ إِتّنُّويڒْ جَارْ ؤُجنَّا ذ ثمُّورْثْ ذ ؤُسرْذُونْ يُويُورْ سْوَادَّايْ نّسْ.
2SA 18:10 إِجّْ ن ورْيَازْ إِژْرَا إِ-ث، إِحَاجَا ث إِ يُووَابْ، إِنَّا: ”خْزَارْ، نشّْ ژْرِيغْ أَبْشَالُومْ يُويڒْ غَارْ إِشْثْ ن ثْشجَّارْثْ ن يِيڭّْ.“
2SA 18:11 إِنَّا يُووَابْ إِ ورْيَازْ إِ ذ أَسْ إِحَاجَانْ أَيَا: ”خْزَارْ، شكْ ثژْرِيذْ [ث]، مَايمِّي وَارْ ث ثژْوِيضذْ شَا ذِينِّي غَارْ ثمُّورْثْ؟ [خنِّي إِڒِي] نشّْ أَذْ أَشْ وْشغْعشْرَا ن [ؤُقِييَّاثْ ن] نُّوقَارْثْ ذ إِجّْ ن وبْيَاسْ!“
2SA 18:12 إِنَّا ورْيَازْ إِ يُووَابْ: ”وَارْ وزّْنغْ ؤُڒَا ذ أَڒفْ ن [ؤُقِييَّاثْ ن] نُّوقَارْثْ ذڭْ إِفَاسّنْ إِنُو، وَارْ سّْوِيژِّيضغْ أَفُوسْ إِنُو خْ مِّيسْ ن ؤُجدْجِيذْ، مَاغَارْ أَجدْجِيذْ يُومُورْ إِ شكْ ذ أَبِيشَايْ ذ إِتَّايْ ذڭْ إِمزُّوغنْ ن ڒْڭنْسْ، إِنَّا: ’أجّْ كُوڒْ  إِجّْ أَذْ إِحْضَا خْ ؤُحُوضْرِي أَبْشَالُومْ!‘
2SA 18:13 مَاڒَا نشّْ أَذْ ڭّغْ س ڒْغشّْ أَكْ-ذ ڒعْمَارْ نّسْ - أَقَا إِ ؤُجدْجِيذْ وَارْ ثقِّيمْ ؤُڒَا ذ إِشْثْ ن ڒْحَاجّثْ ثْخمّڒْ - خنِّي شكْ أَذْ خَافِي ثكَّارذْ.“
2SA 18:14 [خنِّي] إِنَّا يُووَابْ: ”نشّْ وَارْ خَاكْ تّْرَاجِيغْ.“ ؤُ نتَّا إِكْسِي ثْڒَاثَا ن لَانْسَاثْ، إِجُّو أَسْ ثنْثْ ذڭْ وُوڒْ ن أَبْشَالُومْ، أَمْ نتَّا عَاذْ يُويڒْ إِدَّارْ ذِي ڒْوسْطْ ن ثْشجَّارْثْ ن يِيڭّْ.
2SA 18:15 عشْرَا ن إِمْسخَّارنْ إِنِّي ذ أَسْ يَاربُّونْ ڒسْنَاحْ إِ يُووَابْ، نّْضنْ أَسْ ؤُشَا وْثِينْ أَبْشَالُومْ، نْغِينْ ث.
2SA 18:16 [خنِّي] إِسُوضْ يُووَابْ ذڭْ ؤُيِيشّْ ن إِشَارِّي ؤُشَا إِعْقبْ-د ڒْڭنْسْ مَارَّا زڭْ وضْفَارْ ن إِسْرَائِيل، مِينْزِي يُووَابْ إِخْسْ أَذْ إِحَاوڒْ خْ ڒْڭنْسْ.
2SA 18:17 نِيثْنِي كْسِينْ أَبْشَالُومْ، نْضَارنْ ث ذڭْ وزْغَارْ ذِي ثسْرَافْثْ ثُودْجغْ ؤُ سَّارْبُونْ خَاسْ إِجّْ ن ؤُعُورِّيشْ ن يژْرَا إِمْغَارْ أَطَّاسْ. مَارَّا إِسْرَائِيل إِطّفْ ذِي ثَاروْڒَا، [كُوڒْ] أَرْيَازْ غَارْ ؤُقِيضُونْ نّسْ.
2SA 18:18 ؤُمِي ثُوغَا إِدَّارْ، إِكْسِي أَبْشَالُومْ إِ يِيخفْ نّسْ إِجّْ ن ؤُمَايْضُو [إِقدّْسنْ]، إِسّْبدّْ إِ-ث ذِي ثغْزُورْثْ ن ؤُجدْجِيذْ، مِينْزِي إِنَّا: ”نشّْ وَارْ غَارِي بُو مِّي إِ غَا إِسّعْقڒْ إِسمْ إِنُو.“ نتَّا إِڒَاغَا أَسْ إِ ؤُمَايْضُو نِّي س يِيسمْ نّسْ. أَڒْ أَسّْ-أَ قَّارنْ أَسْ [إِ ؤُمَايْضُو نِّي] ’أَفُوسْ ن أَبْشَالُومْ‘.
2SA 18:19 [خنِّي] إِنَّا أَخِيمَاعَاصْ، مِّيسْ ن صَاذُوقْ: ”أجّْ أَيِي أَذْ أَزّْڒغْ غَارْ ؤُجدْجِيذْ أَذْ أَسْ سِّيوْضغْ ڒخْبَارْ أَصبْحَانْ، أَقَا سِيذِي إِحْضَا ث زڭْ إِفَاسّنْ ن ڒْعذْيَانْ نّسْ.“
2SA 18:20 [مَاشَا] يُووَابْ إِنَّا أَسْ: ”أَسّْ-أَ وَارْ ثسِّيوْضذْ شَا ڒخْبَارْ أَصبْحَانْ، [مَاشَا] ذڭْ إِجّْ ن وَاسّْ نّغْنِي [ثْزمَّارذْ] أَذْ ثسِّيوْضذْ ڒخْبَارْ أَصبْحَانْ. أَسّْ-أَ وَارْ ثسِّيوْضذْ أَرقَّاسْ ذ أَصبْحَانْ مَاغَارْ مِّيسْ ن ؤُجدْجِيذْ إِمُّوثْ.“
2SA 18:21 إِنَّا يُووَابْ إِ ؤُكُوشِي: ”ؤُيُورْ، إِنِي إِ ؤُجدْجِيذْ، مِينْ ثژْرِيذْ شكْ!“ أَكُوشِي إِبنْذقْ زَّاثْ إِ يُووَابْ ؤُشَا [خنِّي] يُوزّڒْ.
2SA 18:22 [خنِّي] أَخِيمَاعَاصْ، مِّيسْ ن صَاذُوقْ، إِنَّا إِشْثْ ن ثْوَاڒَا نّغْنِيثْ إِ يُووَابْ: ”أَذْ د-يَاسْ وِي إِخْسنْ، أجّْ أَيِي ؤُڒَا ذ نشّْ أَذْ أَزّْڒغْ أَوَارْنِي إِ ؤُكُوشِي!“ إِنَّا يُووَابْ: ”مَايمِّي ثخْسذْ [عَاذْ] أَذْ ثَازّْڒذْ، أَ مِّي؟ وَارْ إِتّْوَافْ [عَاذْ] أَرقَّاسْ ذ أَصبْحَانْ إِ شكْ، [مَاحنْذْ أَذْ ث ثسِّيوْضذْ]!“
2SA 18:23 [إِنَّا]: ”أَذْ د-يَاسْ وِي إِخْسنْ، نشّْ خْسغْ أَذْ [ذِينْ] أَزّْڒغْ.“ [خنِّي] إِنَّا أَسْ يُووَابْ: ”أَزّڒْ!“ ؤُشَا أَخِيمَاعَاصْ يُوزّڒْ خْ وبْرِيذْ ن ؤُذوَّارْ [ن لْ-ؤُرْذُونْ] ؤُشَا إِزَّارْ نتَّا أَكُوشِي.
2SA 18:24 ذَاوُوذْ إِقِّيمْ جَارْ ثْنَاينْ ن ثوُّورَا [ن ثنْذِينْثْ]. أَعسَّاسْ إِڭعّذْ ثَازقَّا ن ثوَّارْثْ [إِ إِدْجَانْ] غَارْ ڒْحِيضْ، إِسّْڭعّذْ ثَامُوغْڒِي نّسْ، إِشيّعْ، إِژْرَا إِجّْ ن ورْيَازْ إِتَّازّڒْ، نتَّا وحّْذسْ.
2SA 18:25 أَعسَّاسْ إِڒَاغَا، إِنَّا إِ-ت إِ ؤُجدْجِيذْ. أَجدْجِيذْ إِنَّا: ”مَاڒَا نتَّا وحّْذسْ، خنِّي أَذْ يَاوضْ إِجّْ ن ڒخْبَارْ ذ أَصبْحَانْ!“ يَارْنِي إِقَارّبْ-د ورْيَازْ.
2SA 18:26 [خنِّي] إِژْرَا ؤُعسَّاسْ [عَاذْ] إِجّْ ن ورْيَازْ نّغْنِي إِتَّازّڒْ ؤُشَا إِڒَاغَا غَارْ ؤُعسَّاسْ ن ثوَّارْثْ، إِنَّا: ”خْزَارْ، [إِتَّازّڒْ ذِينْ] عَاذْ إِجّْ ن ورْيَازْ نّغْنِي، ؤُڒَا ذ نتَّا وحّْذسْ.“ أَجدْجِيذْ إِنَّا: ”ؤُڒَا ذ نتَّا أَذْ يَاوضْ إِجّْ ن ڒخْبَارْ ذ أَصبْحَانْ.“
2SA 18:27 أَعسَّاسْ إِنَّا [عَاوذْ]: ”نشّْ تّْوَاڒِيغْ أَمزْوَارُو إِڭُّورْ أَمْ أَخِيمَاعَاصْ، مِّيسْ ن صَاذُوقْ.“ إِنَّا ؤُجدْجِيذْ: ”وَا ذ إِجّْ ن ورْيَازْ إِصْبحْ، نتَّا أَذْ د-يَاسْ س يِيجّْ ن ؤُرقَّاسْ ذ أَصبْحَانْ.“
2SA 18:28 أَخِيمَاعَاصْ إِڒَاغَا، إِنَّا إِ ؤُجدْجِيذْ: ”ڒهْنَا!“ ؤُ نتَّا إِبنْذقْ زَّاثْ إِ ؤُجدْجِيذْ س ؤُغمْبُوبْ نّسْ غَارْ ثمُّورْثْ، إِنَّا: ”أَذْ إِتّْوَابَاركْ سِيذِي، أَربِّي نّشْ، ونِّي ذ أَشْ إِسلّْمنْ إِرْيَازنْ نِّي إِڭعّْذنْ أَفُوسْ نْسنْ خْ سِيذِي إِنُو أَجدْجِيذْ.“
2SA 18:29 إِنَّا ؤُجدْجِيذْ: ”مَا أَحُوذْرِي، أَبْشَالُومْ، أَقَا-ث مْلِيحْ؟“ إِنَّا أَخِيمَاعَاصْ: ”نشّْ ژْرِيغْ إِجّْ ن ؤُبَارُّو ذ أَمقّْرَانْ ؤُمِي يُووَابْ، أَمْسخَّارْ ن ؤُجدْجِيذْ، إِسّكّْ أَمْسخَّارْ نّشْ، [مَاشَا] نشّْ وَارْ سِّينغْ مِينْ [إِمْسَارنْ].“
2SA 18:30 إِنَّا ؤُجدْجِيذْ: ”حيّذْ غَارْ ؤُغزْذِيسْ، بدّْ ذَا!“ ؤُ نتَّا إِحيّذْ غَارْ ؤُغزْذِيسْ، إِقِّيمْ إِبدّْ [ذِينِّي].
2SA 18:31 ؤُشَا خْزَارْ، يُوسَا-د ؤُڒَا ذ أَكُوشِي. أَكُوشِي إِنَّا: ”خْزَارْ، إِجّْ ن ڒخْبَارْ ذ أَصبْحَانْ إِ سِيذِي إِنُو، أَجدْجِيذْ. سِيذِي إِحْضَا شكْ زڭْ ؤُفُوسْ ن مَارَّا إِنِّي خَاكْ إِغوّْغنْ.“
2SA 18:32 [خنِّي] إِنَّا ؤُجدْجِيذْ إِ ؤُكُوشِي: ”مَا أَحُوذْرِي، أَبْشَالُومْ، أَقَا-ث مْلِيحْ؟“ إِنَّا ؤُكُوشِي: ”إِڒِي أَذْ ذوْڒنْ مَارَّا ڒْعذْيَانْ ن سِيذِي إِنُو أَجدْجِيذْ ذ مَارَّا إِنِّي خَاكْ إِغوّْغنْ مَاحنْذْ أَذْ شكْ ڭّنْ ثُوعفّْنَا أَمْ ؤُحُوضْرِي.“
2SA 19:1 [خنِّي] إِنّخْڒعْ ؤُجدْجِيذْ أَطَّاسْ، إِڭعّذْ غَارْ وخَّامْ إِ إِدْجَانْ سنّجْ إِ ثوَّارْثْ، إِرُو. ؤُشَا أَمْ إِكَّا سَّا ذ سَّا، إِنَّا [أَمُّو]: ”[أَ] مِّي أَبْشَالُومْ، [أَ] مِّي، [أَ] مِّي أَبْشَالُومْ! إِڒِي نشّْ مُّوثغْ ذڭْ ومْشَانْ نّشْ، [أَ] أَبْشَالُومْ، [أَ] مِّي، [أَ] مِّي!“
2SA 19:2 نَّانْ إِ يُووَابْ: ”خْزَارْ، أَجدْجِيذْ إِتّْرُو، إِتّشْضِينْ خْ أَبْشَالُومْ.“
2SA 19:3 ذڭْ وَاسّْ نِّي إِذْوڒْ ؤُسنْجمْ ن مَارَّا ڒْڭنْسْ غَارْ وشْضَانْ، مَاغَارْ ڒْڭنْسْ إِسْڒَا ذڭْ وَاسّْ نِّي: ”أَجدْجِيذْ إِشْضنْ خْ مِّيسْ.“
2SA 19:4 ذڭْ وَاسّْ نِّي يُوذفْ-د ڒْڭنْسْ غَارْ ثنْذِينْثْ أَمْ مَامّشْ إِتّْحَامَا ڒْڭنْسْ إِ إِتّْسضْحَا إِخفْ نّسْ، خْمِي تَّاركّْوَاڒنْ زڭْ ؤُمنْغِي.
2SA 19:5 أَجدْجِيذْ ثُوغَا إِڒحّفْ إِ ؤُغمْبُوبْ نّسْ، إِتّْڒَاغَا ؤُجدْجِيذْ س ثْمِيجَّا إِجهْذنْ: ”[أَ] مِّي أَبْشَالُومْ، أَبْشَالُومْ، [أَ] مِّي، [أَ] مِّي!“
2SA 19:6 [خنِّي] يُوذفْ يُووَابْ غَارْ ؤُجدْجِيذْ ذِي ثَادَّارْثْ، إِنَّا: ”شكْ أَسّْ-أَ ثسّْحشْمذْ ؤُذمْ ن مَارَّا إِمْسخَّارنْ نّشْ إِنِّي د-إِفكّنْ أَسّْ-أَ ڒعْمَارْ نّشْ ذ ڒعْمَارْ ن إِحنْجِيرنْ نّشْ ذ ثْحنْجِيرِينْ نّشْ ؤُڒَا ذ ڒعْمَارْ ن ثمْغَارِينْ نّشْ ذ ڒعْمَارْ ن ثِييَّا نّشْ،
2SA 19:7 ؤُمِي ثخْسذْ إِنِّي شكْ إِتّْعِيفّنْ ؤُ ؤُمِي ثْعِيفّذْ إِنِّي شكْ إِتّخْسنْ. مَاغَارْ شكْ ثوْشِيذْ أَنغْ أَسّْ-أَ أَذْ نسّنْ، أَقَا غَاركْ إِمقّْرَاننْ ذ إِمْسخَّارنْ وَارْ سكّْوِينْ وَالُو. إِوَا أَسّْ-أَ سّْنغْ، مَاڒَا أَبْشَالُومْ إِدَّارْ ؤُ نشِّينْ مَارَّا ثُوغَا نمُّوثْ، مَانْ أَيَا أَذْ يِيڒِي نِيشَانْ ذِي ثِيطَّاوِينْ نّشْ.
2SA 19:8 خنِّي ڒخُّو، كَّارْ، فّغْ غَارْ بَارَّا، ؤُشَا سِيوڒْ غَارْ وُوڒْ ن إِمْسخَّارنْ نّشْ، مَاغَارْ نشّْ أَذْ أَشْ جَّادْجغْ غَارْ سِيذِي، مَاڒَا شكْ وَارْ ثفِّيغذْ غَارْ بَارَّا، خنِّي دْجِيڒثْ-أَ وَارْ إِتّْغِيمِي أَذْ غَاركْ إِسّنْسْ ؤُڒَا ذ إِجّْ ن ورْيَازْ. ذ مَانْ أَيَا أَذْ يِيڒِي مَاهُو إِ شكْ خْ مَارَّا ثُوعفّْنَا إِ شكْ إِڒقْفنْ زِي ثمْژِي نّشْ أَڒْ إِضَا.“
2SA 19:9 [خنِّي] إِكَّارْ ؤُجدْجِيذْ، إِقِّيمْ ذِي ثوَّارْثْ ن ثنْذِينْثْ. ؤُ نِيثْنِي خبَّارنْ مَارَّا ڒْڭنْسْ، نَّانْ: ”خْزَارْ، أَجدْجِيذْ إِقِّيمْ ذِي ثوَّارْثْ.“ ؤُشَا يُوسَا-د مَارَّا ڒْڭنْسْ زَّاثْ إِ وُوذمْ ن ؤُجدْجِيذْ. [مَاشَا] إِسْرَائِيل يَارْوڒْ، [كُوڒْ] أَرْيَازْ غَارْ إِقِيضَانْ نّسْ.
2SA 19:10 ؤُشَا مَارَّا ڒْڭنْسْ، ذِي مَارَّا ثِيقبَّاڒْ ن إِسْرَائِيل، ثُوغَا إِتّمْشُوبّشْ، نِيثْنِي نَّانْ: ”أَجدْجِيذْ إِسّنْجمْ أَنغْ زڭْ ؤُفُوسْ ن ڒْعذْيَانْ نّغْ ؤُ نتَّا إِفكّْ أَنغْ زڭْ ؤُفُوسْ ن إِفِيلِيسْطِينِييّنْ ؤُ ڒخُّو يَارْوڒْ زِي ثمُّورْثْ زِي سِّيبّثْ ن أَبْشَالُومْ،
2SA 19:11 [ؤُمِي] أَبْشَالُومْ، ونِّي نذْهنْ نشِّينْ [ذ أَجدْجِيذْ] خَانغْ، إِمُّوثْ ذڭْ ؤُمنْغِي. [خنِّي] ڒخُّو، مَايمِّي ثسُّوسْممْ [أَمُّو] حِيمَا أَذْ د-ثَارّمْ أَجدْجِيذْ عَاوذْ [غَارْ ذَا]؟“
2SA 19:12 [خنِّي] إِسّكّْ أَجدْجِيذْ ذَاوُوذْ [إِجّْ ن ؤُرقَّاسْ] غَارْ إِكهَّاننْ صَاذُوقْ ذ أَبْيَاثَارْ، إِنَّا: ”سِيوڒْ أَكْ-ذ إِمْغَارنْ ن يَاهُوذَا، إِنِي: ’مَايمِّي ثخْسمْ أَذْ ثِيڒِيمْ ذ إِنڭُّورَا حِيمَا أَذْ ثَارّمْ أَجدْجِيذْ غَارْ ثَادَّارْثْ نّسْ؟‘ - [مِينْزِي] أَوَاڒنْ ن مَارَّا إِسْرَائِيل إِوْضنْ غَارْ ؤُجدْجِيذْ ذِي ثَادَّارْثْ نّسْ -
2SA 19:13 ’كنِّيوْ ذ أَيْثْمَا إِنُو، كنِّيوْ ذ إِغْسَانْ إِنُو ذ ويْسُومْ إِنُو. مَايمِّي ثخْسمْ خنِّي أَذْ ثِيڒِيمْ ذ إِنڭُّورَا إِ ذ غَا يَارّنْ أَجدْجِيذْ؟‘
2SA 19:14 ؤُشَا إِ عَامَاسَا أَذْ أَسْ ثِينِيمْ: ’مَا وَارْ إِدْجِي شكْ ذ إِغْسَانْ إِنُو ذ أَيْسُومْ إِنُو؟ أجّْ أَربِّي أَذْ أَيِي إِڭّْ ثَا ذ ثَا، مَاڒَا وَارْ ثتِّيڒِيذْ ذ أَكُومَانْذَارْ ن ڒْعسْكَارْ ذڭْ ومْشَانْ ن يُووَابْ زَّاثْ إِ وُوذمْ إِنُو مَارَّا ؤُسَّانْ.‘ “
2SA 19:15 أَمُّو [إِزمَّارْ] ذَاوُوذْ أَذْ غَارسْ د-إِجْبدّْ ؤُڒْ ن مَارَّا إِرْيَازنْ ن يَاهُوذَا أَمْ [ؤُڒْ] ن إِجّْ ن ورْيَازْ ؤُ نِيثْنِي سّكّنْ غَارْ ؤُجدْجِيذْ نَّانْ: ”عْقبْ، شكْ ذ مَارَّا إِمْسخَّارنْ نّشْ.“
2SA 19:16 [خنِّي] إِعْقبْ-د ؤُجدْجِيذْ ؤُشَا يِيوضْ-د غَارْ لْ-ؤُرْذُونْ، [ؤُشَا] [أَيْثْ ن] يَاهُوذَا ؤُسِينْ-د غَارْ جِيلْجَالْ إِ ؤُمْسَاڭَارْ أَكْ-ذ ؤُجدْجِيذْ مَاحنْذْ أَذْ رَاحنْ أَذْ عَاوْننْ أَژكّْوِي ن ؤُجدْجِيذْ خْ لْ-ؤُرْذُونْ.
2SA 19:17 ؤُشَا شِيمْعِي، مِّيسْ ن جِيرَا، إِجّْ زڭْ أَيْثْ ن بِينْيَامِينْ زِي بَاخُورِيمْ إِكْسِي ذڭْ ؤُضَارْ نّسْ، إِهْوَا أَكْ-ذ يرْيَازنْ ن يَاهُوذَا إِ ؤُمْسَاڭَارْ أَكْ-ذ ؤُجدْجِيذْ ذَاوُوذْ.
2SA 19:18 ثُوغَا أَكِيذسْ [عَاوذْ] أَڒفْ ن يرْيَازنْ زِي بِينْيَامِينْ، ؤُڒَا ذ صِيبَا، أَمْسخَّارْ ن ثَادَّارْثْ ن شَاوُولْ أَكْ-ذ خمّسْطَاشْ ن إِحنْجِيرنْ نّسْ ذ عِيشْرِينْ ن إِمْسخَّارنْ نّسْ أَكِيذسْ. نِيثْنِي إِوْضنْ أَذْ عْذُونْ لْ-ؤُرْذُونْ قْبڒْ إِ د غَا يَاسْ [ذِينِّي] ؤُجدْجِيذْ.
2SA 19:19 ثژْوَا ثْغَارَّابُوثْ إِ ؤُسژْوِي ن ثَادَّارْثْ ن ؤُجدْجِيذْ ؤُ حِيمَا أَذْ ثڭّْ مِينْ إِدْجَانْ ذ لمْلِيحْ ذِي ثِيطَّاوِينْ نّسْ. ؤُ شِيمْعِي، مِّيسْ ن جِيرَا، إِوْضَا [س ؤُغمْبُوبْ نّسْ غَارْ ثمُّورْثْ] زَّاثْ إِ وُوذمْ ن ؤُجدْجِيذْ، ؤُمِي د-إِژْوَا وَانِيثَا لْ-ؤُرْذُونْ،
2SA 19:20 ؤُ نتَّا إِنَّا إِ ؤُجدْجِيذْ: ”أجّْ سِيذِي إِنُو وَارْ ذ أَيِي إِحسّبْ ڒْمُوعْصِييّثْ إِنُو، أجّْ إِ-ث وَارْ إِتِّيذَارْ [عَاذْ] ذڭْ ؤُفَارْيضْ إِ إِڭَّا ؤُمْسخَّارْ نّشْ ذڭْ وَاسّْ ؤُمِي إِفّغْ سِيذِي إِنُو أَجدْجِيذْ زِي ؤُرْشَالِيمْ، حِيمَا أَجدْجِيذْ وَارْ ت إِكسِّي أَمُّو غَارْ وُوڒْ [حِيمَا أَذْ زَّايِي إِنْثَاقمْ].
2SA 19:21 مَاغَارْ أَمْسخَّارْ نّشْ إِسّنْ: نشّْ، [وَاهْ،] نشّْ خْضِيغْ، [مَاشَا] خْزَارْ، نشّْ أَسّْ-أَ ذ أَمزْوَارُو زِي مَارَّا ثَادَّارْثْ ن يُوسُوفْ إِ د-إِهْوَانْ، حِيمَا أَذْ مْسَاڭَارغْ سِيذِي إِنُو أَجدْجِيذْ.“
2SA 19:22 [خنِّي] يَارَّا-د أَبِيشَايْ، مِّيسْ ن صَارُويَا، إِنَّا: ”زعْمَا وَارْ إِتّْخصِّي شِيمْعِي أَذْ إِمّثْ خْ مَانْ أَيَا؟ أَقَا نتَّا إِنْعڒْ أَمذْهُونْ ن سِيذِي.“
2SA 19:23 [مَاشَا] ذَاوُوذْ إِنَّا: ”مِينْ جَارْ أَيِي-د أَكِيذْومْ، أَرَّاوْ ن صَارُويَا، ؤُمِي ثْذوْڒمْ أَيِي أَسّْ-أَ [أَمْ] إِجّْ ن وغْرِيمْ؟ مَا إِتّْخصَّا أَذْ إِتّْوَانغْ أَسّْ-أَ شَا ن إِجّْ ذِي إِسْرَائِيل؟ أَخْمِي نشّْ وَارْ سِّينغْ، أَقَا نشّْ أَسّْ-أَ ذوْڒغْ ذ أَجدْجِيذْ خْ إِسْرَائِيل؟“
2SA 19:24 أَجدْجِيذْ إِنَّا إِ شِيمْعِي: ”شكْ وَارْ ثتّْمتِّيذْ شَا!“ ؤُشَا أَجدْجِيذْ إِجُّودْجْ أَسْ [ث].
2SA 19:25 ؤُڒَا ذ مَافِيبُوشَاثْ، مِّيسْ ن شَاوُولْ، يُوسَا-د إِ ؤُمْسَاڭَارْ أَكْ-ذ ؤُجدْجِيذْ. نتَّا ثُوغَا وَارْ إِسِّيرْذْ إِضَارنْ نّسْ، ؤُ وَارْ إِحفّْ أَشْڒَاغمْ نّسْ ؤُ وَارْ إِصبّنْ أَرُّوضْ نّسْ زڭْ وَاسّْ إِ ذِي إِفّغْ ؤُجدْجِيذْ أَڒْ أَسّْ إِ ذِي د-إِعْقبْ نتَّا ذِي ڒهْنَا.
2SA 19:26 ؤُمِي د-يُوسَا ذِي ؤُرْشَالِيمْ إِ ؤُمْسَاڭَارْ أَكْ-ذ ؤُجدْجِيذْ، إِمْسَارْ، أَقَا إِنَّا أَسْ ؤُجدْجِيذْ: ”مَايمِّي وَارْ كِيذِي ثْرُوحذْ، مَافِيبُوشَاثْ؟“
2SA 19:27 نتَّا إِنَّا أَسْ: ”سِيذِي إِنُو أَجدْجِيذْ، أَمْسخَّارْ إِنُو إِغْذَارْ أَيِي، مَاغَارْ أَمْسخَّارْ نّشْ إِنَّا: ’نشّْ خْسغْ أَذْ بَارْذْعغْ إِ وغْيُوڒْ، أَذْ خَاسْ نْيغْ، أَذْ رَاحغْ أَكْ-ذ ؤُجدْجِيذْ!‘، مَاغَارْ أَمْسخَّارْ نّشْ ذ أَقجْذَاحْ.
2SA 19:28 نتَّا إِشقّفْ ذڭْ ؤُمْسخَّارْ نّشْ غَارْ سِيذِي إِنُو أَجدْجِيذْ. [مَاشَا] سِيذِي إِنُو أَجدْجِيذْ، أَمْ يِيجّْ ن لْمَالَاكْ ن أَربِّي. أڭّْ مِينْ إِدْجَانْ ذ لمْلِيحْ ذِي ثِيطَّاوِينْ نّشْ.
2SA 19:29 مِينْزِي مَارَّا ثَادَّارْثْ ن بَابَا ثُوغَا وَارْ ثدْجِي مْغِيرْ إِرْيَازنْ إِمتِّيننْ إِ سِيذِي إِنُو أَجدْجِيذْ. [وَاخَّا أَمنِّي] شكْ ثسّْغِيمذْ أَمْسخَّارْ نّشْ غَارْ يِينِّي إِتّتّنْ غَارْ طَّابْڒَا نّشْ! مِينْ غَارِي عَاذْ ذ ثَاسْغَارْثْ ؤُ إِ ؤُمِي غَا تَّارغْ عَاذْ كْثَارْ غَارْ ؤُجدْجِيذْ؟“
2SA 19:30 أَجدْجِيذْ إِنَّا أَسْ: ”مَايمِّي ثسَّاوَاڒذْ عَاذْ أَمُّو خْ ثْمسْڒَايِينْ نّشْ؟ نشّْ قَّارغْ أَشْ: شكْ ذ صِيبَا، كنِّيوْ أَذْ ثبْضَامْ ثَامُّورْثْ.“
2SA 19:31 إِنَّا مَافِيبُوشَاثْ إِ ؤُجدْجِيذْ: ”نتَّا إِزمَّارْ أَذْ ت إِكْسِي مَارَّا، مَاغَارْ سِيذِي إِنُو أَجدْجِيذْ، أَقَا إِعْقبْ غَارْ ثَادَّارْثْ نّسْ ذِي ڒهْنَا.“
2SA 19:32 بَارْزِيلَّايْ، أَجِيلْعَاذِي، إِهْوَا زِي رُوجَالِيمْ مَاحنْذْ أَذْ ث إِوْشْ أَفُوسْ إِ ؤُجدْجِيذْ غَارْ ؤُژكّْوُو ن لْ-ؤُرْذُونْ، حِيمَا أَذْ ث إِسّْقبّضْ [أَمُّو] خْ لْ-ؤُرْذُونْ.
2SA 19:33 بَارْزِيلَّايْ ثُوغَا إِوْسَارْ أَطَّاسْ، إِجّْ ن ورْيَازْ ن ثْمنْيِينْ ن إِسڭّْوُوسَا. نتَّا ثُوغَا إِكْسِي غَارسْ أَجدْجِيذْ ؤُمِي ث ثُوغَا ذِي مَاحَانَايِيمْ، مِينْزِي نتَّا ثُوغَا-ث ذ إِجّْ ن ورْيَازْ غَارسْ أَڭْڒَا أَطَّاسْ.
2SA 19:34 أَجدْجِيذْ إِنَّا إِ بَارْزِيلَّايْ: ”ژْوَا أَكِيذِي. نشّْ أَذْ شكْ غَارِي كْسِيغْ ذِي ؤُرْشَالِيمْ.“
2SA 19:35 [مَاشَا] بَارْزِيلَّايْ إِنَّا إِ ؤُجدْجِيذْ: ”مشْحَاڒْ ن وُوسَّانْ ن إِسڭّْوُوسَا ن ثُوذَارْثْ إِنُو [عَاذْ ذِينْ] أَڒَامِي غَا فّْغغْ أَكْ-ذ ؤُجدْجِيذْ غَارْ ؤُرْشَالِيمْ؟
2SA 19:36 أَسّْ-أَ نشّْ غَارِي ثْمنْيِينْ ن إِسڭّْوُوسَا. مَا زمَّارغْ أَذْ فَارْزغْ [عَاذْ] مِينْ إِصبْحنْ زِي مِينْ وَارْ إِحْڒِينْ؟ مَا إِزمَّارْ ؤُمْسخَّارْ نّشْ أَذْ إِقَّاسْ مِينْ غَا شّغْ ذ مِينْ غَا سْوغْ؟ مَا زمَّارغْ أَذْ سْڒغْ عَاذْ إِ ثْمِيجَّا ن إِمذْيَازنْ ذ ثْمذْيَازِينْ؟ مَايمِّي غَا إِسّذْقڒْ ؤُمْسخَّارْ نّشْ عَاذْ خْ سِيذِي إِنُو أَجدْجِيذْ؟
2SA 19:37 أَمْسخَّارْ نّشْ أَذْ إِژْوَا لْ-ؤُرْذُونْ أَكْ-ذ ؤُجدْجِيذْ مْغِيرْ شْوَايْثْ. مَايمِّي ذ أَيِي غَا إِوْشْ ؤُجدْجِيذْ ثَاربَّاحْثْ-أَ؟
2SA 19:38 أجّْ أَمْسخَّارْ نّشْ أَذْ إِعْقبْ حِيمَا أَذْ مّْثغْ ذِي ثنْذِينْثْ إِنُو، غَارْ ونْضڒْ ن بَابَا ذ يمَّا. خْزَارْ، أَقَا ذَا أَمْسخَّارْ نّشْ كِيمْهَامْ! أجّْ إِ-ث أَذْ إِژْوَا أَكْ-ذ سِيذِي إِنُو أَجدْجِيذْ. أڭّْ أَسْ مِينْ ثتّْوَاڒِيذْ مْلِيحْ ذِي ثِيطَّاوِينْ نّشْ.“
2SA 19:39 [خنِّي] إِنَّا ؤُجدْجِيذْ: ”كِيمْهَامْ أَذْ كِيذِي إِژْوَا ؤُ مِينْ ثتّْوَاڒِيذْ مْلِيحْ ذِي ثِيطَّاوِينْ نّشْ، أَذْ أَسْ ث ڭّغْ. مَارَّا مِينْ زَّايِي ثسُّوثَارذْ، أَذْ أَشْ ث ڭّغْ.“
2SA 19:40 [ؤُمِي] إِژْوَا مَارَّا ڒْڭنْسْ لْ-ؤُرْذُونْ، إِژْوَا ؤُڒَا ذ أَجدْجِيذْ. أَجدْجِيذْ إِسُّوذمْ بَارْزِيلَّايْ، إِبَاركْ إِ-ث. [خَاسْ ؤُشَا] إِذْوڒْ نتَّا غَارْ ثمُّورْثْ نّسْ.
2SA 19:41 أَجدْجِيذْ مَاشَا يَارْنِي إِعْذُو غَارْ جِيلْجَالْ ؤُ كِيمْهَامْ إِعْذُو أَكِيذسْ. مَارَّا ڒْڭنْسْ ن يَاهُوذَا ثُوغَا إِسّعْذُو أَجدْجِيذْ، ؤُڒَا ذ أَزْينْ ن ڒْڭنْسْ ن إِسْرَائِيل.
2SA 19:42 ؤُ خْزَارْ، مَارَّا إِرْيَازنْ ن إِسْرَائِيل ؤُسِينْ-د غَارْ ؤُجدْجِيذْ، نَّانْ إِ ؤُجدْجِيذْ: ”مَايمِّي أَيْثْمَاثْنغْ، إِرْيَازنْ ن يَاهُوذَا، ؤُشَارنْ شكْ [إِ نشِّينْ] ؤُ نذْهنْ أَجدْجِيذْ ذ ثَادَّارْثْ نّسْ ڒَامِي ثُوغَا إِژْوَا لْ-ؤُرْذُونْ ذ مَارَّا إِرْيَازنْ ن ذَاوُوذْ أَكِيذسْ؟“
2SA 19:43 [خنِّي] أَرِّينْ-د مَارَّا إِرْيَازنْ ن يَاهُوذَا خْ يرْيَازنْ ن إِسْرَائِيل: ”مِينْزِي أَجدْجِيذْ إِتّعْنَا أَنغْ-د. مَايمِّي ثْخيّْقمْ خْ ؤُيَا؟ مَا نشَّا نشِّينْ زِي [مَاشَّا ن] ؤُجدْجِيذْ نِيغْ يِيوِي-د نتَّا إِشْثْ ن ثَارْزفْثْ إِ نشِّينْ؟“
2SA 19:44 إِرْيَازْ[أنْ] ن إِسْرَائِيل أَرِّينْ-د خْ يرْيَازنْ ن يَاهُوذَا، نَّانْ: ”نشِّينْ غَارْنغْعشْرَا ن إِفَاسّنْ غَارْ ؤُجدْجِيذْ، ؤُڒَا أَكْ-ذ ذَاوُوذْ [غَارْنغْ خنِّي] كْثَارْ خَاومْ. مَايمِّي ذ أَنغْ ثسّحْقَارمْ؟ مَا وَارْ إِدْجِي وَاوَاڒْ نّغْ ذ أَمزْوَارُو، مَاحنْذْ أَذْ نَارّْ أَجدْجِيذْ نّغْ؟“ [ؤُشَا] ثُوغَا أَوَاڒْ ن يرْيَازنْ ن يَاهُوذَا إِجْهذْ خْ وَاوَاڒْ ن يرْيَازنْ ن إِسْرَائِيل.
2SA 20:1 ثُوغَا ذِينْ إِجّْ ن ورْيَازْ إِ وَارْ إِسكّْوِينْ، قَّارنْ أَسْ شَابَاعْ، مِّيسْ ن بِيكْرِي، إِجّْ ن ؤُبِينْيَامِينِي. نتَّا إِسُوضْ ذڭْ ؤُيِيشّْ ن إِشَارِّي، إِنَّا: ”نشِّينْ وَارْ غَارْنغْ ثَاسْغَارْثْ ذِي ذَاوُوذْ ؤُ نشِّينْ وَارْ غَارْنغْ ڒْوَارْثْ أَكْ-ذ مِّيسْ ن يَاسَّا. [أجّْ] [كُوڒْ] أَرْيَازْ أَذْ يُويُورْ غَارْ إِقِيضَانْ نّسْ، [أَ] إِسْرَائِيل!“
2SA 20:2 [خنِّي] إِفّغْ كُوڒْ أَرْيَازْ زِي ضفَّارْ ن ذَاوُوذْ، [إِرُوحْ] أَوَارْنِي إِ شَابَاعْ، مِّيسْ ن بِيكْرِي. [مَاشَا] إِرْيَازنْ ن يَاهُوذَا قِّيمنْ ڒسْقنْ أَكْ-ذ ؤُجدْجِيذْ نْسنْ، زِي لْ-ؤُرْذُونْ أَڒْ ؤُرْشَالِيمْ.
2SA 20:3 [ؤُمِي] يُوذفْ ذَاوُوذْ غَارْ ثَادَّارْثْ نّسْ ذِي ؤُرْشَالِيمْ، إِكْسِي ؤُجدْجِيذْعشْرَا ن ثمْغَارِينْ، ثِييَّا نّسْ ثِينِّي ثُوغَا إِجَّا أَوَارْنِي أَسْ حِيمَا أَذْ حْضَانْثْ ثَادَّارْثْ. نتَّا إِڭَّا إِ-ثنْثْ ذڭْ إِشْثْ ن ثَادَّارْثْ ثتّْوَاحْضَا ؤُ نتَّا إِتّْهِيلَّا ذَايْسنْثْ، مَاشَا وَارْ غَارْسنْثْ يُوذِيفْ. نِيثنْثِي قِّيمنْثْ بلّْعنْثْ أَڒْ أَسّْ ن ڒْموْثْ نْسنْثْ، دَّارنْثْ ذ ثِيجَّاڒْ.
2SA 20:4 إِنَّا ؤُجدْجِيذْ [عَاوذْ] إِ عَامَاسَا: ”ڒَْاغَا-د خْ يرْيَازنْ ن يَاهُوذَا أَذْ مُوننْ غَارِي ذِي ثْڒَاثَا ن وُوسَّانْ، ؤُشَا [خنِّي] بدّْ شكْ ذَا!“
2SA 20:5 عَامَاسَا إِفّغْ حِيمَا أَذْ إِڒَاغَا خْ يَاهُوذَا أَذْ سّْمُوننْ، [مَاشَا] نتَّا إِعطّڒْ خْ ڒْوقْثْ إِ ثُوغَا أَكِيذسْ إِڭَّا ؤُجدْجِيذْ.
2SA 20:6 [خنِّي] إِنَّا ذَاوُوذْ إِ أَبِيشَايْ: ”ڒخُّو أَذْ أَنغْ إِڭّْ شَابَاعْ، مِّيسْ ن بِيكْرِي، ثُوعفّْنَا مَاهُو خْ أَبْشَالُومْ. كْسِي أَكِيذكْ إِمْسخَّارنْ ن سِيذِي ؤُ ضْفَارْ إِ-ث، حِيمَا نتَّا وَارْ إِزمَّارْ أَذْ يَافْ إِ يِيخفْ نّسْ ثِيندَّامْ إِفَارْينْ ؤُشَا أَذْ إِودَّارْ زِي ثِيطَّاوِينْ نّغْ.“
2SA 20:7 فّْغنْ يرْيَازنْ ن يُووَابْ، [ؤُيُورنْ] أَوَارْنِي أَسْ أَكْ-ذ إِعسَّاسنْ ن أَرِّيمثْ ذ إِرقَّاسنْ ن ثَازْڒَا ذ مَارَّا أَيْثْ ن بُو-ثغْرُوضْثْ. نِيثْنِي فّْغنْ-د زِي ؤُرْشَالِيمْ، حِيمَا أَذْ ضْفَارنْ شَابَاعْ، مِّيسْ ن بِيكْرِي.
2SA 20:8 [ؤُمِي] ثنْ ثُوغَا غَارْ وژْرُو أَمقّْرَانْ ن جِيبْعُونْ، ثُوغَا عَامَاسَا زَّاثْ إِ وُوذمْ نْسنْ. يُووَابْ ثُوغَا إِتّْحزَّامْ أَرُّوضْ نّسْ ن ؤُمنْغِي إِ يَارْضْ. ثُوغَا خَاسْ إِجّْ ن ؤُحزَّامْ أَكْ-ذ سِّيفْ ذڭْ ؤُفُورُّو ن وغْڒَافْ إِ خَاسْ إِتّْوَاڭّنْ غَارْ ثجْعِينَّا نّسْ. [ؤُمِي] يُويُورْ نتَّا غَارْ زَّاثْ، إِوْضَا أَسْ سِّيفْ [زَّايسْ].
2SA 20:9 إِنَّا يُووَابْ إِ عَامَاسَا: ”أَقَا شكْ مْلِيحْ، ؤُمَا؟“ إِشبَّارْ يُووَابْ س ؤُفُوسْ أَفُوسِي ذِي ثْمَارْثْ ن عَامَاسَا حِيمَا أَذْ ث إِسُّوذمْ.
2SA 20:10 عَامَاسَا وَارْ إِحكَّارْ إِ سِّيفْ إِ ثُوغَا ذڭْ ؤُفُوسْ ن يُووَابْ ؤُشَا نتَّا إِڒْقفْ إِ-ث زَّايسْ ذڭْ ؤُعذِّيسْ ؤُشَا فّْغنْ أَسْ-د وَاذَانْ غَارْ ثمُّورْثْ. نتَّا إِمُّوثْ بْڒَا مَا إِڒْقفْ إِ-ث إِشْثْ ن ثْوَاڒَا نّغْنِيثْ. ؤُ يُووَابْ أَكْ-ذ ؤُمَاسْ أَبِيشَايْ إِضْفَارْ شَابَاعْ، مِّيسْ ن بِيكْرِي.
2SA 20:11 إِجّْ ن ورْيَازْ إِبدّْ غَارسْ [غَارْ عَامَاسَا]. [ثُوغَا نتَّا] زڭْ إِمْسخَّارنْ ن يُووَابْ، إِنَّا: ”أجّْ ونِّي إِخْضَارنْ يُووَابْ ؤُڒَا ذ ونِّي إِدْجَانْ أَكْ-ذ ذَاوُوذْ، أَذْ إِضْفَارْ يُووَابْ!“
2SA 20:12 عَامَاسَا مَاشَا ثُوغَا إِزّڒْ إِتّْوَانّضْ ذڭْ إِذَامّنْ نّسْ ذڭْ وبْرِيذْ أَمقّْرَانْ. [ؤُمِي] إِژْرَا أَرْيَازْ نِّي، أَقَا مَارَّا ڒْڭنْسْ إِقِّيمْ إِبدّْ، إِجَارّْ نتَّا عَامَاسَا زڭْ وبْرِيذْ غَارْ ييَّارْ ؤُ إِنْضَارْ إِجّْ ن وَارُّوضْ ثِيوَا نّسْ، مِينْزِي إِژْرَا قَاعْ وِي غَارسْ د-إِوْضنْ، إِقِّيمْ إِتّْبدَّا.
2SA 20:13 أَڒَامِي ثُوغَا نتَّا إِتّْوَاڭّْوجْ خْ وبْرِيذْ، عْذُونْ مَارَّا إِرْيَازنْ أَوَارْنِي إِ يُووَابْ، حِيمَا أَذْ ضْفَارنْ شَابَاعْ، مِّيسْ ن بِيكْرِي،
2SA 20:14 ونِّي ثُوغَا إِكَّا خْ مَارَّا ثِيقبَّاڒْ ن إِسْرَائِيل غَارْ أَبَالْ ؤُ غَارْ بَايْثْ-مَاعْكَا، أَكْ-ذ مَارَّا إِبِيرِييّنْ نِّي إِتّْوَاسّْمُوننْ ؤُ رُوحنْ [عَاوذْ] أَوَارْنِي أَسْ.
2SA 20:15 [أَمُّو] د-إِوْضنْ نِيثْنِي [غَارْ ذِينْ] ؤُشَا نّْضنْ-د إِ [شَابَاعْ] ذِي أَبَالْ-بَايْثْ-مَاعْكَا. نِيثْنِي سّفْينْ إِجّْ ن لْبَارَاجْ خْ ثنْذِينْثْ ؤُ [لْبَارَاجْ] نِّي إِبدّْ غَارْ ڒْحِيضْ ن زَّاثْ [إِ د-إِنّْضنْ إِ ثنْذِينْثْ]. مَارَّا ڒْڭنْسْ إِ ثُوغَا أَكْ-ذ يُووَابْ، ڭِّينْ أَذْ أَردّْدْجنْ ڒْحِيضْ حِيمَا أَذْ أَسْ سّْغضْڒنْ.
2SA 20:16 [خنِّي] ثْڒَاغَا إِشْثْ ن ثمْغَارْثْ ذ ثْمِيغِيسْثْ زِي ثنْذِينْ:ث ”سْڒمْ، سْڒمْ، إِنِيمْ إِ يُووَابْ: ’أَسْ-د ذَا، أَذسْ-د، أَڒَامِي زمَّارغْ أَكِيذكْ سِّيوْڒغْ.‘ “
2SA 20:17 [ؤُمِي] د-يُوسَا نتَّا، يُوذسْ-د غَارسْ، ثنَّا ثمْغَارْثْ: ”مَا شكْ ذ يُووَابْ؟“ نتَّا إِنَّا: ”ذ نشّْ.“ ثنَّا أَسْ نتَّاثْ: ”سڒْ غَارْ وَاوَاڒنْ ن ثَايَّا نّشْ.“ نتَّا إِنَّا: ”نشّْ تّسْڒِيغْ.“
2SA 20:18 [خنِّي] ثنَّا: ”زِيشْ ثُوغَا سِّيوْڒنْ ذِي كُوڒْ أَمْشَانْ، نَّانْ: ’إِتّْخصَّا أَسنْ أَذْ ت سّقْسَانْ نِيشَانْ ذِي أَبَالْ!‘، ؤُشَا أَمُّو إِ كمّْڒنْ نِيثْنِي [ثَامسْڒَاشْثْ نِّي] مْلِيحْ.
2SA 20:19 نشّْ زڭْ إِنِّي ن أَيْثْ ن ڒهْنَا ؤُ زڭْ إِمْثِيقَّانْ ذِي إِسْرَائِيل، [مَاشَا] شكْ ثخْسذْ أَذْ ثنْغذْ إِشْثْ ن ثنْذِينْثْ، ثنِّي ذ يمَّاسْ ذِي إِسْرَائِيل. مَايمِّي غَا ثْصَارْضذْ ڒْوَارْثْ ن سِيذِي؟“
2SA 20:20 يُووَابْ يَارَّا-د خَاسْ، إِنَّا: ”أَيَا إِڭّْوجْ خَافِي أَقَا نشّْ أَذْ صَارْضغْ ؤُ أَذْ هذْمغْ!
2SA 20:21 ثَامسْڒَاشْثْ وَارْ ثدْجِي أَمنِّي. مَاشَا إِجّْ ن ورْيَازْ زڭْ إِذُورَارْ ن إِفْرَايِيمْ، قَّارنْ أَسْ شَابْعَا، مِّيسْ ن بِيكْرِي، إِكْسِي أَفُوسْ نّسْ خْ ؤُجدْجِيذْ، خْ ذَاوُوذْ. نتَّا وَاهَا إِتّْخصَّا أَذْ ث ثوْشمْ، [خنِّي] أَذْ حيّْذغْ زِي ثنْذِينْثْ.“ ثنَّا ثمْغَارْثْ إِ يُووَابْ: ”خْزَارْ، أَزدْجِيفْ نّسْ أَذْ أَشْ ث-إِ-د-إِمّنْضَارْ ثِيوَا إِ ڒْحِيضْ.“
2SA 20:22 ثُوسَا-د ثمْغَارْثْ س ثِيغِيثْ نّسْ غَارْ مَارَّا ڒْڭنْسْ ؤُ نِيثْنِي قسّنْ أَزدْجِيفْ إِ شَابْعَا، مِّيسْ ن بِيكْرِي، نْضَارنْ ث إِ يُووَابْ. [خنِّي] إِسُوضْ يُووَابْ ذڭْ ؤُيِيشّْ ن إِشَارِّي ؤُ نِيثْنِي بزّْعنْ إِخفْ نْسنْ، أَڭّْوجنْ خْ ثنْذِينْثْ ؤُ [كُوڒْ] أَرْيَازْ [يُويُورْ] غَارْ إِقِيضَانْ نّسْ ؤُ يُووَابْ إِعْقبْ غَارْ ؤُرْشَالِيمْ، غَارْ ؤُجدْجِيذْ.
2SA 20:23 يُووَابْ [إِتّْوَاڭّْ] ذ أَزدْجِيفْ خْ مَارَّا ڒْعسْكَارْ ن إِسْرَائِيل، ؤُ بَانَايَا، مِّيسْ ن يَاهُويَاذَاعْ، ثُوغَا خْ إِعسَّاسنْ ن أَرِّيمثْ ؤُ خْ إِرقَّاسنْ ن ثَازْڒَا.
2SA 20:24 أَذُورَامْ [إِبدّْ] خْ لْجِيزْيَا ؤُ يَاهُوشَافَاطْ، مِّيسْ ن أَخِيلُوذْ، [ثُوغَا-ث] ذ أَمَارِيرْ ن ؤُمزْرُويْ.
2SA 20:25 شِيوَا ثُوغَا ذ أَمَارِيرْ، ؤُ صَاذُوقْ ذ أَبْيَاثَارْ ثُوغَا أَثنْ ذ إِكهَّاننْ.
2SA 20:26 ؤُڒَا ذ عِيرَا زِي يَا‘إِرْ ثُوغَا ذ إِجّْ ن ؤُمْثِيقِّي ن ذَاوُوذْ.
2SA 21:1 ذڭْ وُوسَّانْ ن ذَاوُوذْ ثُوغَا ذِينْ إِجّْ ن ڒَاژْ، ثْڒَاثَا ن إِسڭّْوُوسَا، أَسڭّْوَاسْ أَوَارْنِي ؤُسڭّْوَاسْ. ؤُ ذَاوُوذْ يَارْزُو ؤُذمْ ن سِيذِي ؤُ سِيذِي إِنَّا: ”[ذ مَانْ أَيَا] خْ شَاوُولْ ؤُ خْ إِذَامّنْ [إِ إِڒصْقنْ ذِي] ثَادَّارْثْ [نّسْ]، مِينْزِي نتَّا إِنْغَا أَيْثْ ن جِيبْعُونْ.“
2SA 21:2 [خنِّي] إِڒَاغَا-د ؤُجدْجِيذْ خْ أَيْثْ ن جِيبْعُونْ، إِسِّيوڒْ أَكِيذْسنْ. أَيْثْ ن جِيبْعُونْ وَارْ [د-قَّارْصنْ] شَا زڭْ أَيْثْ ن إِسْرَائِيل، مَاشَا زِي مِينْ [عَاذْ] إِقِّيمنْ زڭْ إِمُورِييّنْ. أَيْثْ ن إِسْرَائِيل ثُوغَا جُّودْجنْ أَسنْ، [مَاشَا] شَاوُولْ ثُوغَا يَارزُّو أَذْ ثنْ إِوّثْ ذڭْ وشْضَارْ نّسْ إِ أَيْثْ ن إِسْرَائِيل ذ يَاهُوذَا.
2SA 21:3 ذَاوُوذْ إِنَّا إِ أَيْثْ ن جِيبْعُونْ: ”مِينْ ذ أَومْ إِ غَا ڭّغْ ؤُ س مِينْ زِي غَا ڭّغْ أَصْڒَاحْ، [مَاحنْذْ] أَذْ ثْبَارْكمْ ڒْوَارْثْ ن سِيذِي؟“
2SA 21:4 أَيْثْ ن جِيبْعُونْ نَّانْ أَسْ: ”وَارْ ذ أَنغْ إِشْقِي نُّوقَارْثْ نِيغْ ذ وُورغْ زِي شَاوُولْ نِيغْ زِي ثَادَّارْثْ نّسْ. عَاوذْ وَارْ ذ أَنغْ د-إِكَّارْ أَذْ ننغْ شَا ن إِجّْ ذِي إِسْرَائِيل.“ ؤُ نتَّا إِنَّا: ”مِينْ غَا ثِينِيمْ، أَذْ أَومْ ث ڭّغْ.“
2SA 21:5 نِيثْنِي نَّانْ إِ ؤُجدْجِيذْ: ”[إِشْقَا أَنغْ] ورْيَازْ نِّي إِخْسنْ أَذْ خَانغْ إِقْضَا ؤُ ثُوغَا إِنْوَا أَذْ إِمْحَا أَغِيمِي نّغْ ذِي مَارَّا ثَامُّورْثْ ن إِسْرَائِيل.
2SA 21:6 أَذْ أَنغْ مّوْشنْ سبْعَا ن يرْيَازنْ زڭْ إِحنْجِيرنْ نّسْ، حِيمَا أَذْ ثنْ أَيْڒنْ زَّاثْ إِ سِيذِي ذِي جِيبْعَا ن شَاوُولْ، ونِّي إِتّْوَافَارْزنْ زِي سِيذِي!“ ؤُشَا أَجدْجِيذْ إِنَّا: ”نشّْ أَذْ [ثنْ] وْشغْ.“
2SA 21:7 [مَاشَا] أَجدْجِيذْ إِسّْعِيزّْ خْ مَافِيبُوشَاثْ، مِّيسْ ن يُونَاثَانْ، مِّيسْ ن شَاوُولْ، ذِي طّْوعْ ن ثْجَادْجِيثْ إِ سِيذِي، ثنِّي [ثتّْوَاڭّْ] جَارْ أَسنْ، جَارْ ذَاوُوذْ ذ يُونَاثَانْ، مِّيسْ ن شَاوُولْ.
2SA 21:8 أَجدْجِيذْ إِكْسِي ثْنَاينْ ن إِحنْجِيرنْ ن رِيصْفَا، يدْجِيسْ ن أَيَا، إِ د-ثُورُووْ إِ شَاوُولْ، أَرْمُونِي ذ مَافِيبُوشَاثْ، ذ خمْسَا ن إِحنْجِيرنْ ن مِيرَابْ، يدْجِيسْ ن شَاوُولْ، إِ د-ثُورُووْ إِ عَاذْرِييِيلْ، مِّيسْ ن بَارْزِيلَّايْ زِي مَاحُولَايْ.
2SA 21:9 نتَّا إِوْشَا إِ-ثنْ ذڭْ إِفَاسّنْ ن أَيْثْ ن جِيبْعُونْ إِنِّي ثنْ أَيْڒنْ خْ وذْرَارْ زَّاثْ إِ وُوذمْ ن سِيذِي. سبْعَا نِّي وْضَانْ ذڭْ إِشْثْ ن ثْوَاڒَا ؤُ س إِجّْ ن وبْرِيذْ. نِيثْنِي تّْوَانْغنْ ذڭْ وُوسَّانْ ن ثْميْرَا، ذڭْ وُوسَّانْ إِمزْوُورَا، غَارْ بدُّو ن ثْميْرَا ن إِمنْذِي.
2SA 21:10 [خنِّي] ثكْسِي رِيصْفَا، يدْجِيسْ ن أَيَا، إِشْثْ ن ثْخَانْشثْ ثسُّو ت زَّاثْ إِ يِيخفْ نّسْ خْ إِجّْ ن جَّارْفْ. زِي بدُّو ن ثْميْرَا أَڒْ خَاسنْ د-زدْجْعنْ وَامَانْ زڭْ ؤُجنَّا. نتَّاثْ وَارْ ثجِّي إِجْضَاضْ ن ؤُجنَّا أَذْ غَارْسنْ د-أَسنْ س ؤُزِيڒْ ؤُڒَا ذ ڒوْحُوشْ ن ڒخْڒَا س دْجِيڒثْ.
2SA 21:11 حَاجَانْ أَسْ إِ ذَاوُوذْ مِينْ ثُوغَا ثڭَّا رِيصْفَا، يدْجِيسْ ن أَيَا، ثَايَّا ن شَاوُولْ.
2SA 21:12 إِطّفْ ذَاوُوذْ أَبْرِيذْ مَاحنْذْ أَذْ إِكْسِي زڭْ إِمزْذَاغْ ن يَابِيشْ ذِي جِيلْعَاذْ إِغُوسَّانْ ن شَاوُولْ ذ إِغُوسَّانْ ن مِّيسْ يُونَاثَانْ نِّي د-كّْسنْ نِيثْنِي زڭْ وَازَّاغْ ن بَايْثْ-سَانْ، مَانِي ثنْ يُويْڒنْ إِفِيلِيسْطِينِييّنْ ذڭْ وَاسّْ إِ ذِيغڒْبنْ إِفِيلِيسْطِينِييّنْ شَاوُولْ خْ [إِذُورَارْ ن] جِيلْبُوعَا.
2SA 21:13 نتَّا إِسّْڭعّذْ سّنِّي إِغْسَانْ ن شَاوُولْ ذ إِغْسَانْ ن مِّيسْ يُونَاثَانْ. نِيثْنِي سّْمُوننْ عَاوذْ إِغْسَانْ ن يِينِّي إِتّْوَايْڒنْ.
2SA 21:14 نضْڒنْ إِغْسَانْ ن شَاوُولْ ذ مِّيسْ يُونَاثَانْ ذِي ثمُّورْثْ ن بِينْيَامِينْ ذِي صَايْلَاعْ ذڭْ ونْضڒْ ن بَابَاسْ قِيسْ ؤُ نِيثْنِي ڭِّينْ مَارَّا مِينْ ذ أَسنْ يُومُورْ ؤُجدْجِيذْ. أَوَارْنِي مَانْ أَيَا إِجَّا أَربِّي أَذْ إِتّْوَاسّصْڒحْ إِخفْ نّسْ ذِي طّْوعْ ن ثمُّورْثْ س ثْژَادْجِيثْ [نْسنْ] يُودْجْغنْ.
2SA 21:15 إِفِيلِيسْطِينِييّنْ مّنْغنْ عَاوذْ أَكْ-ذ إِسْرَائِيل. ذَاوُوذْ إِهْوَا ذ إِمْسخَّارنْ نّسْ أَكِيذسْ. نِيثْنِي مّنْغنْ أَكْ-ذ إِفِيلِيسْطِينِييّنْ ؤُشَا إِذْوڒْ ذَاوُوذْ يُوحڒْ أَطَّاسْ.
2SA 21:16 يِيشْبِي-بَانُوبْ، إِجّْ زڭْ إِحنْجِيرنْ ن رَافَا، ونِّي لَانْسَا نّسْ ثوْزنْ ثڒْثْ-مْيَا شِيقْلُو ن نّْحَاسْ ؤُ [ونِّي] ثُوغَا إِبْيسْ س يِيجّْ ن [سِّيفْ] ن جْذِيذْ، إِطّْغِيڒْ أَسْ أَذْ إِوّثْ ذَاوُوذْ.
2SA 21:17 [مَاشَا] أَبِيشَايْ، مِّيسْ ن صَارُويَا، إِوْشَا أَفُوسْ [إِ ذَاوُوذْ]، إِوْثَا أَفِيلِيسْطِينِي، إِنْغَا إِ-ث. خنِّي جُّودْجنْ أَسْ يرْيَازنْ ن ذَاوُوذْ، نَّانْ: ”شكْ وَارْ أَكِيذْنغْ ثفّْغذْ عَاذْ غَارْ ؤُمنْغِي، وَارْ إِعدّڒْ أَذْ ثْخسْيِيذْ ڒفْنَارْ ن إِسْرَائِيل.“
2SA 21:18 أَوَارْنِي أَسْ إِمْسَارْ، أَقَا إِكَّارْ عَاوذْ ؤُمنْغِي أَكْ-ذ إِفِيلِيسْطِينِييّنْ ذِي جُوبْ. ڒخْذنِّي سَابْكَايْ، أَحُوشَايِي، إِوْثَا سَافْ، ونِّي ذ إِجّْ زڭْ إِحنْجِيرنْ ن رَافَا.
2SA 21:19 عَاوذْ ثُوغَا ذِينْ ؤُمنْغِي أَكْ-ذ إِفِيلِيسْطِينِييّنْ ذِي جُوبْ. إِلْحَانَانْ، مِّيسْ ن يَاعْرِي-أَرْجِيمْ، زِي بَايْثْ-لَاحْمْ، إِغْڒبْ خْ [ؤُتْشْمَاسْ ن] جُولْيَاثْ زِي جَاثْ. أَكشُّوضْ ن لَانْسَا نّسْ إِڭَّا أَمْ يِيجّْ ن وعْمُوذْ ن ؤُكشُّوضْ ن ؤُخيّضْ.
2SA 21:20 ؤُشَا إِكَّارْ عَاوذْ ؤُمنْغِي ذِي جَاثْ. ثُوغَا ذِينْ إِجّْ ن ورْيَازْ ذ أَزِيرَارْ، س ستَّا ن إِضوْضَانْ غَارْ إِفَاسّنْ نّسْ ؤُ ستَّا ن ثْفذْنِينْ غَارْ إِضَارنْ نّسْ، [مَارَّا] ڒْقدّْ نْسنْ أَربْعَا ؤُ عِيشْرِينْ. ؤُڒَا ذ نتَّا إِتّْوَاخْڒقْ-د إِ رَافَا.
2SA 21:21 نتَّا إِسْثهْزَا زِي إِسْرَائِيل، مَاشَا يُونَاثَانْ، مِّيسْ ن شِيمْعَا، ؤُمَاسْ ن ذَاوُوذْ، إِغْڒبْ خَاسْ.
2SA 21:22 أَربْعَا-يَا تّْوَاخڒْقنْ-د ذِي رَافَا ذِي جَاثْ ؤُ نِيثْنِي وْضَانْ س ؤُفُوسْ ن ذَاوُوذْ ؤُ س ؤُفُوسْ ن إِمْسخَّارنْ نّسْ.
2SA 22:1 ذَاوُوذْ إِسِّيوڒْ أَوَاڒنْ ن إِزْڒِي-يَا إِ سِيذِي ذڭْ وَاسّْ ؤُمِي ث إِفكّْ سِيذِي زڭْ ؤُفُوسْ ن مَارَّا ڒْعذْيَانْ نّسْ ؤُ زڭْ ؤُفُوسْ ن شَاوُولْ.
2SA 22:2 نتَّا إِنَّا: ”سِيذِي ذ ثَاصْضَارْثْ إِنُو ذ لْبُورْجْ إِنُو ذ أَمْفكِّي إِنُو.
2SA 22:3 سِيذِي ن ثصْضَارْثْ إِنُو، غَارسْ أَركّْوَاڒغْ. شكْ ذ أَسڒْقِي إِنُو ذ يِيشّْ ن ؤُسنْجمْ إِنُو، لْبُورْجْ إِنُو يُوعْڒَانْ، أَمْشَانْ إِنُو ن ثَاروْڒَا ذ أَمْسنْجَامْ إِنُو. شكْ ثْفكّذْ أَيِي زِي لْعُونْفْ.
2SA 22:4 ڒَْاغِيغْ: أَسمْغَارْ إِ سِيذِي!، ؤُشَا تّْوَاسّْنجْمغْ زِي ڒْعذْيَانْ إِنُو.
2SA 22:5 مَاغَارْ نّْضنْ أَيِي-د ڒمْوَاجْ ن ڒْموْثْ، سِّيڭّْوذنْثْ أَيِي ڒْحمْڒَاثْ ن وَامَانْ إِهَاجنْ.
2SA 22:6 إِسغْوَانْ ن ڒَاخَارْثْ شَارْفنْ أَيِي، ثِيخشْفِينْ ن ڒْموْثْ حْصَارنْثْ أَيِي.
2SA 22:7 ذِي ڒحْصَارثْ إِنُو ڒَاغِيغْ-د خْ سِيذِي ؤُ خْ أَربِّي إِنُو إِ خْ د-ڒَاغِيغْ. زِي زَّاوشْثْ ثَامقّْرَانْثْ نّسْ إِسْڒَا نتَّا إِ ثْمِيجَّا إِنُو ؤُشَا إِغُويَّانْ إِنُو ؤُذْفنْ غَارْ إِمزُّوغنْ نّسْ.
2SA 22:8 خنِّي ثنْهزّْ ؤُ ثَارْجِيجِي ثمُّورْثْ، ذْسُوسَا ن ؤُجنَّا تّْرَاحنْ-د تَّاسنْ-د، نْهزّنْ، مَاغَارْ أَغْضَابْ نّسْ ثُوغَا إِتّْوَاسَّارْغْ.
2SA 22:9 دّخَّانْ إِڭعّذْ-د زڭْ ونْزَارنْ نّسْ، ثِيمسِّي زڭْ ؤُقمُّومْ نّسْ ثْصَارْضْ، ڒفْحمْ إِتّحْذُوذُوقنْ إِتّْوَاسَّارْغْ زَّايسْ.
2SA 22:10 نتَّا إِڭَّا أَجنَّا أَذْ يَاضَارْ، نتَّا إِهْوَا-د. أَقَا ذِينْ إِجّْ ن ؤُسيْنُو إِبُّومْبسْ سَاذُو إِضَارنْ نّسْ.
2SA 22:11 نتَّا إِنْذهْ خْ إِجّْ ن ؤُكِيرُوبْ، إِضْوَا، نتَّا إِتّْوَاژَارْ خْ وَافْرِيونْ ن ؤُسمِّيضْ.
2SA 22:12 نتَّا إِڭَّا ثَادْجسْثْ أَذْ أَسْ ثنّضْ أَمْ إِعُوشُّوثنْ، إِجّْ ن وڭْرَاوْ ن وَامَانْ، إِسيْنُوثنْ إِقلّْجنْ إِبَّارشْننْ.
2SA 22:13 زِي ثِيسِّيقْثْ قِيبَاتْشْ نّسْ تّْوَاسَّارْغنْ ڒفْحمْ إِتّحْذُوذُوقنْ.
2SA 22:14 إِجَّا سِيذِي أَجَّاجْ أَذْ إِدُّوقّزْ زڭْ ؤُجنَّا، ؤُشَا أَمْعُودْجِي خْ كُوڒْشِي إِڭَّا ثْمِيجَّا نّسْ تّْنفْرَارَا.
2SA 22:15 نتَّا إِسّكّْ فْڒِيثْشَاثْ ن ڒْقوْسْ نّسْ ؤُشَا إِبزّعْ إِ-ثنْ، إِزَّارْيضْ أَسَّامنْ ؤُشَا إِسِّيڭّْوذْ إِ-ثنْ.
2SA 22:16 ثِيسِيوِينْ ن ڒبْحَارْ ذوْڒنْثْ تّْبَاننْثْ، ذْسُوسَا ن دُّونشْثْ ذوْڒنْ عَارَّانْ زڭْ ؤُودّبْ ن سِيذِي، زڭْ ؤُسُوضِي ن ڒعْوِينْ زڭْ ونْزَارنْ نّسْ.
2SA 22:17 إِسّْوِيژّضْ-د أَفُوسْ نّسْ زِي ڒُوعْڒَا، يِيوِي أَيِي، إِجْبذْ أَيِي-د زڭْ وَامَانْ مْغَارنْ.
2SA 22:18 نتَّا إِفكّْ أَيِي-د زِي ڒعْذُو إِنُو إِجهْذنْ، زڭْ إِنِّي ذ أَيِي إِشَارّْهنْ، مِينْزِي نِيثْنِي ثُوغَا جهْذنْ خَافِي.
2SA 22:19 حْصَارنْ أَيِي ذڭْ وَاسّْ ن أَرْژِييّثْ إِنُو، مَاشَا سِيذِي ثُوغَا ذ أَمْعمّذْ إِنُو.
2SA 22:20 نتَّا إِنْذهْ أَيِي غَارْ تَّاسِيعْ، إِسّنْجمْ أَيِي، مَاغَارْ نتَّا ثُوغَا إِتّْعِيزَّا ذَايِي.
2SA 22:21 سِيذِي إِخْڒفْ أَيِي عْلَاحْسَابْ ثَاسڭْذَا إِنُو، عْلَاحْسَابْ ثَازْذُوڭِي ن إِفَاسّنْ إِنُو إِخدْجصْ أَيِي.
2SA 22:22 مَاغَارْ نشّْ حْضِيغْ إِبْرِيذنْ ن سِيذِي، وَارْ حيّْذغْ شَا خْ أَربِّي إِنُو س ؤُخيّبْ.
2SA 22:23 مَاغَارْ مَارَّا لْفَارَايِيضْ نّسْ ثُوغَا جَارْ ثِيطَّاوِينْ إِنُو، وَارْ حيِّيذغْ شَا خْ ثْوصَّا نّسْ.
2SA 22:24 ذوْڒغْ كمْڒغْ إِ نتَّا، حْضِيغْ إِخفْ إِنُو زِي ڒْمُوعْصِييّثْ إِنُو.
2SA 22:25 سِيذِي إِخْڒفْ أَيِي أَنشْثْ ن ثَاسڭْذَا إِنُو، أَنشْثْ ن ثَازْذُوڭِي إِنُو زَّاثْ إِ ثِيطَّاوِينْ نّسْ.
2SA 22:26 إِ ؤُمدُّوكّڒْ أَمْثِيقِّي إِ ثدْجِيذْ ذ أَمدُّوكّڒْ ذ أَمْثِيقِّي، إِ بُو-ثغْرُوضْثْ إِكمّْڒنْ إِ ثدْجِيذْ شكْ ثْكمّْڒذْ.
2SA 22:27 إِ ونِّي إِتّْوَاسِّيزذْڭنْ أَقَا شكْ ذ أَمزْذَاڭْ، أَكْ-ذ ونِّي إِفَارْغنْ، أَقَا ثْفَارْغذْ.
2SA 22:28 شكْ ثسّْنجْمذْ ڒْڭنْسْ إِتّْوَاحْصَارْ، مَاشَا ثِيطَّاوِينْ نّشْ ضِيدّْ إِ إِمْعفَّارنْ، شكْ أَذْ ثنْ ثسّهْوِيذْ.
2SA 22:29 مِينْزِي شكْ ذ ڒفْنَارْ إِنُو، أَ سِيذِي! سِيذِي إِتّڭّْ ثَافَاوْثْ ذِي ثَادْجسْثْ إِنُو.
2SA 22:30 مِينْزِي أَكِيذكْ أَذْ أَزّْڒغْ خْ إِشْثْ ن بَانْذِييَّا، أَكْ-ذ أَربِّي إِنُو أَذْ نڭّْزغْ خْ إِجّْ ن ڒْحِيضْ.
2SA 22:31 أَبْرِيذْ ن أَربِّي إِكْمڒْ، مِينْ إِقَّارْ سِيذِي أَقَا إِتّْوَاصفَّا ذِي ثْمسِّي. نتَّا ذ أَسڒْقِي إِ مَارَّا إِنِّي غَارسْ يَاركّْوَاڒنْ.
2SA 22:32 مَاغَارْ مَانْ ونْ إِ إِدْجَانْ ذ أَربِّي، مْغِيرْ سِيذِي، ؤُ مَانْ ونْ إِ إِدْجَانْ ذ ثَاصْضَارْثْ، مْغِيرْ أَربِّي نّغْ؟
2SA 22:33 أَربِّي نِّي ذ لْقلْعَا إِنُو إِجْهذْ، نتَّا إِسَّارْخُو أَبْرِيذْ إِنُو نِيشَانْ.
2SA 22:34 نتَّا إِڭَّا إِضَارنْ إِنُو أَمْ يِينِّي ن ثُوذَاذِينْ، نتَّا يَارَّا أَيِي أَذْ بدّغْ خْ ڒڭْعُوذِي إِنُو.
2SA 22:35 نتَّا إِسّڒْمذْ إِفَاسّنْ إِنُو إِ ؤُمنْغِي، إِغَادْجنْ إِنُو مَاحنْذْ أَذْ محْضنْ إِجّْ ن ڒْقوْسْ ن نّْحَاسْ.
2SA 22:36 ثوْشِيذْ أَيِي أَسڒْقِي ن ؤُسنْجمْ نّشْ، س ؤُوَاضعْ نّشْ ثسّمْغَارذْ أَيِي.
2SA 22:37 أَقَا ثڭّذْ تَّاسِيعْ إِ ؤُصُورِيفْ إِنُو سَاذُو إِنُو، ؤُشَا ثِيشعْبِينْ إِنُو وَارْ ميّْڒنْثْ.
2SA 22:38 نشّْ ضْفَارغْ ڒْعذْيَانْ إِنُو ؤُشَا ثحِّيغْ ثنْ، وَارْ د-تّْعِيقِّيبغْ أَڒْ ثنْ قْضِيغْ.
2SA 22:39 نشّْ قْضِيغْ ثنْ ؤُ ڒبْزغْ ثنْ، أَڒَامِي وَارْ كَّارنْ عَاوذْ. نِيثْنِي وْضَانْ-د سَاذُو إِضَارنْ إِنُو.
2SA 22:40 شكْ ثْبيْسذْ أَيِي س جّهْذْ إِ ؤُمنْغِي، ثَارِّيذْ إِنِّي غَارِي د-إِكَّارنْ أَذْ أَضَارنْ سَاذُو إِنُو.
2SA 22:41 شكْ ثوْشِيذْ أَيِي ثِيمجَّارْثْ ن ڒْعذْيَانْ إِنُو، ن يِينِّي ذ أَيِي إِشَارّْهنْ، ؤُ نشّْ أَردّْدْجغْ ثنْ.
2SA 22:42 نِيثْنِي ڒَاغَانْ، مَاشَا وَارْ ذِينْ ثُوغِي أَمْسنْجمْ، ڒَاغَانْ، خْ سِيذِي، مَاشَا نتَّا وَارْ خَاسنْ د-يَارِّي.
2SA 22:43 نشّْ سّْودَّارغْ ثنْ أَمْ ثْعجَّاجْثْ ن ثمُّورْثْ، أَمْ ؤُبدْجَاعْ خْ إِبْرِيذنْ عجْنغْ خَاسنْ ؤُ ڒبْزغْ ثنْ.
2SA 22:44 شكْ ثْفكّذْ أَيِي زڭْ إِمْشُوبّشنْ ن ڒْڭنْسْ إِنُو، ثحْضِيذْ أَيِي ذ أَزدْجِيفْ ن ڒڭْنُوسْ، إِجّْ ن ڒْڭنْسْ وَارْ ث سِّينغْ، أَذْ أَيِي إِسخَّارْ.
2SA 22:45 ثَارْوَا ن إِجّْ ن ؤُبَارَّانِي سّْنِيعْمِيڒنْ سّْوَاضْعنْ أَيِي. مْغِيرْ ڒَامِي ذ أَيِي إِسْڒَا ؤُمزُّوغْ نْسنْ وَاهَا، سْڒِينْ-د غَارِي.
2SA 22:46 أَرَّاونْ ن إِجّْ ن ؤُبَارَّانِي فشْڒنْ، وَاخَّا نّْضنْ أَسنْ-د لْبَارَاجَاثْ نْسنْ.
2SA 22:47 ثُوذَارْثْ إِ سِيذِي. أَذْ ثتّْوَابَاركْ ثصْضَارْثْ إِنُو. أجّْ أَربِّي ن ثصْضَارْثْ ن ؤُسنْجمْ إِنُو أَذْ إِتّْوَاسّْڭعّذْ غَارْ ؤُجنَّا!.
2SA 22:48 أَربِّي ونِّي خَافِي إِتّنْثَاقَامنْ ذ ونِّي ذ أَيِي إِتّڭّنْ ڒڭْنُوسْ سَاذُو ؤُفُوسْ إِنُو،
2SA 22:49 ونِّي ذ أَيِي إِتّْفكَّانْ زڭْ ؤُفُوسْ ن ڒْعذْيَانْ إِنُو، وَاهْ، شكْ ثسّْڭعَّاذذْ أَيِي ثِيوَا ن يِينِّي ذ أَيِي إِتّْضَادَّانْ، شكْ ثسّنْجَامذْ أَيِي زڭْ ورْيَازْ ن ڒخْشُونثْ.
2SA 22:50 خْ ؤُيَا، سِيذِي، خْسغْ أَذْ شكْ قَاذِيغْ، خْسغْ أَذْ زهّْذغْ إِسمْ نّشْ.
2SA 22:51 نتَّا إِڭَّا إِسنْجِيمنْ ن ؤُجدْجِيذْ نّسْ مْغَارنْ، ؤُشَا إِسّْشنْ ثَامخْسِيوْثْ نّسْ إِشوَّارنْ إِ ؤُمذْهُونْ نّسْ، إِ ذَاوُوذْ ؤُ إِ زَّارِيعثْ نّسْ إِ ڒبْذَا.“
2SA 23:1 إِنَا ذ أَوَاڒنْ إِنڭُّورَا ن ذَاوُوذْ. ذَاوُوذْ، مِّيسْ ن يَاسَّا إِسَّاوَاڒْ، بُو-ثغْرُوضْثْ إِ إِتّْوَاسّْعُودْجَانْ إِسَّاوَاڒْ، أَمذْهُونْ ن أَربِّي ن يَاعْقُوبْ، أَمذْيَازْ إِعِيزّنْ ن إِسْرَائِيل.
2SA 23:2 أَرُّوحْ ن سِيذِي إِسِّيوڒْ زَّايِي ؤُ أَوَاڒْ نّسْ خْ إِڒسْ إِنُو.
2SA 23:3 أَربِّي ن إِسْرَائِيل إِنَّا، أَقَا ثَاصْضَارْثْ ن إِسْرَائِيل ثسِّيوڒْ أَكِيذِي: ”إِجّْ ن ڒْحَاكمْ جَارْ إِوْذَانْ، إِجّْ ن ؤُمْسڭّذْ، إِجّْ ن ڒْحَاكمْ نِّي إِتّڭّْوذنْ أَربِّي،
2SA 23:4 ونِّي إِڭِّينْ أَمْ ثْفَاوْثْ غَارْ ثُوفُّوثْ خْمِي د-ثْنقَّارْ ثْفُوشْثْ، غَارْ إِشْثْ ن ثُوفُّوثْ بْڒَا إِسيْنُوثنْ إِعْبُوبّْزنْ، خْمِي، س ثِيسِّيقْثْ ن ثْفَاوْثْ أَوَارْنِي إِ ونْژَارْ، أَقَا إِسّْفُوفُّويْ أَغمُّويْ أَزِيزَا زِي ثمُّورْثْ.“
2SA 23:5 ”مَا وَارْ ثدْجِي ثَادَّارْثْ إِنُو غَارْ أَربِّي أَمنِّي؟ أَقَا إِڭَّا أَيِي إِجّْ ن ڒْعَاهْذْ إِ ڒبْذَا، مْستّفْ ذِي مَارَّا ؤُ إِتّْوَاحْضَا. قَاعْ أَسنْجمْ إِنُو ذ مَارَّا مِينْ إِسّْنكَّارَانْ ڒفْرَاحثْ، مَا نتَّا وَارْ إِسّْغمِّي أَيَا؟
2SA 23:6 مَاشَا إِنِّي وَارْ إِسكّْوِينْ أَذْ تّْوَامّنْضَارنْ أَمْ إِشْثْ ن ثْسطَّا أَكْ-ذ إِسنَّاننْ، مَارَّا نِيثْنِي، مَاغَارْ وَارْ إِزمَّارْ أَذْ تّْوَاطّْفنْ س ؤُفُوسْ.
2SA 23:7 أَرْيَازْ إِ إِخْسنْ أَذْ ثنْثْ إِحَاذَا، أَذْ إِحزّمْ إِخفْ نّسْ س وُوزَّاڒْ ذ ؤُكشُّوضْ نْ لَانْسَا ؤُ نِيثْنِي أَذْ تّْوَاسّْشمْضنْ س ثْمسِّي ذڭْ ومْشَانْ نْسنْ.“
2SA 23:8 إِنَا ذ إِسْمَاونْ ن أَيْثْ ن بُو-ثغْرُوضْثْ إِ [إِدْجَانْ] غَارْ ذَاوُوذْ: يُوشَايْبْ بَاشَابَّاثْ، مِّيسْ ن أَثَاهْكَامُونِي، أَزدْجِيفْ ن إِنغْرَافنْ. لَانْسَا نّسْ ثُوغَا ذ ڒهْزُوطْ نّسْ، إِسّْنُوقّبْ ثمْنْ-مْيَا ن يرْيَازنْ ذڭْ إِجّْ ن ؤُمنْغِي.
2SA 23:9 أَوَارْنِي أَسْ [يُوسَا-د] أَلِيعَازَارْ، مِّيسْ ن ذُوذُو، مِّيسْ ن أَخُوخِي. نتَّا ثُوغَا [ذ إِجّنْ] زِي ثْڒَاثَا ن أَيْثْ ن بُو-ثغْرُوضْثْ [نِّي إِدْجَانْ] أَكْ-ذ ذَاوُوذْ، ڒَامِي نِيثْنِي سْثهْزَانْ زڭْ إِفِيلِيسْطِينِييّنْ نِّي ثُوغَا ذِينْ مُوننْ إِ ؤُمنْغِي، [أَمْ] ڭعّْذنْ إِرْيَازنْ ن إِسْرَائِيل غَارْسنْ [إِ ؤُمنْغِي].
2SA 23:10 نتَّا إِكَّارْ، إِوْثَا ذڭْ إِفِيلِيسْطِينِييّنْ أَڒْ يُوحڒْ ؤُفُوسْ نّسْ. إِڒْصقْ ؤُفُوسْ نّسْ ذِي سِّيفْ. سِيذِي يِيوِيضْ إِجّْ ن ؤُسنْجمْ ذ أَمقّْرَانْ ذڭْ وَاسّْ نِّي ؤُشَا [إِرْيَازنْ ن] ڒْڭنْسْعقْبنْ أَوَارْنِي أَسْ، [مَاشَا] مْغِيرْ حِيمَا أَذْ كشّْضنْ.
2SA 23:11 أَوَارْنِي أَسْ [يُوسَا-د] شَامَّا، مِّيسْ ن أَجِي، أَهَارَارِي. [ڒَْامِي] نّْجَارْونْ إِفِيلِيسْطِينِييّنْ غَارْ لَاخِي، ثُوغَا ذِينِّي إِجّْ ن إِيَّارْ إِشُّورنْ س ڒعْذسْ. ڒْڭنْسْ ثُوغَا يَارْوڒْ زَّاثْ إِ وُوذمْ ن إِفِيلِيسْطِينِييّنْ.
2SA 23:12 نتَّا إِبدّْ ذِي ڒْوسْثْ ن ؤُرقِّيعْ [ن إِيَّارْ] [نِّي]، إِفكّْ إِ-ث-إِ-د ؤُشَا إِغْڒبْ خْ إِفِيلِيسْطِينِييّنْ. [أَمُّو] يَارَّا أَسْ سِيذِي إِجّْ ن وغْڒَابْ ذ أَمقّْرَانْ.
2SA 23:13 ثْڒَاثَا زِي ثْڒَاثِينْ ن إِزدْجِيفنْ هْوَانْ، ؤُسِينْ-د غَارْ ذَاوُوذْ ذِي [ڒْْوقْثْ ن] ثْميْرَا، ذڭْ إِفْرِي ن أَبْذُولَّامْ. ثُوغَا [ذِينْ] إِشْثْ ن ثرْبِيعْثْ ن إِفِيلِيسْطِينِييّنْ ثوْثَا إِقِيضَانْ نْسنْ ذِي ثغْزُورْثْ ن إِرَافَاوِييّنْ.
2SA 23:14 ذَاوُوذْ [ثُوغَا-ث] ذِي لْقلْعَا ؤُ [ثُوغَا] ذِينْ إِشْثْ ن ثڒْبِيحْثْ ن ڒْعسْكَارْ ن إِفِيلِيسْطِينِييّنْ [ذِي] بَايْثْ-لَاحْمْ.
2SA 23:15 ؤُشَا ذَاوُوذْ إِڒْقفْ إِ-ث ؤُفَاذِي، إِنَّا: ”وِي ذ أَيِي إِ د غَا يَاوْينْ أَمَانْ زِي ثَاڒَا ن بَايْثْ-لَاحْمْ إِ [إِدْجَانْ] غَارْ ثوَّارْثْ [ن ثنْذِينْثْ]؟“
2SA 23:16 [خنِّي] شُوقنْ ثْڒَاثَا ن أَيْثْ ن بُو-ثغْرُوضْثْ نِّي ڒْمَارْڭحْ ن ڒْعسْكَارْ ن إِفِيلِيسْطِينِييّنْ، ؤُيْمنْ-د أَمَانْ زِي ثَاڒَا ن بَايْثْ-لَاحْمْ، إِ [إِدْجَانْ] غَارْ ثوَّارْثْ [ن ثنْذِينْثْ]. كْسِينْ ثنْ أَكِيذْسنْ ؤُ إِوْضنْ غَارْ ذَاوُوذْ، [مَاشَا] نتَّا يُوڭِي أَذْ ثنْ إِسُو ؤُشَا إِزدْجعْ إِ-ثنْ زَّاثْ إِ سِيذِي.
2SA 23:17 نتَّا إِنَّا: ”أَيَا إِڭّْوجْ خَافِي، [أَ] سِيذِي، أَقَا نشّْ أَذْ ڭّغْ مَانْ أَيَا. مَا أَذْ سْوغْ إِذَامّنْ ن يرْيَازنْ، إِنِّي [ذِينْ] إِرُوحنْ [أَمْ سبّْڒنْ] ثُوذَارْثْ نْسنْ؟“ ؤُ نتَّا وَارْ إِخْسْ أَذْ ثنْ إِسُو. ذ مَانْ أَيَا إِ ث إِڭِّينْ ثْڒَاثَا ن أَيْثْ ن بُو-ثغْرُوضْثْ نِّي.
2SA 23:18 أَبِيشَايْ، مِّيسْ ن يُووَابْ، مِّيسْ ن صَارُويَا، ثُوغَا ذ أَزدْجِيفْ ن ثْڒَاثَا [نِّي]. نتَّا إِحنّضْ لَانْسَا نّسْ خْ ثڒْثْ-مْيَا، إِسّْنُوقّبْ إِ-ثنْ. نتَّا غَارسْ إِجّْ ن إِسمْ [إِتّْوَاشنّعْ] جَارْ ثْڒَاثَا [نِّي].
2SA 23:19 مَا وَارْ إِدْجِي نتَّا ذ ونِّي إِتّْوَاشنّْعنْ أَطَّاسْ زِي ثْڒَاثَا-يَا؟ س ؤُيَا ثُوغَا نتَّا ذ ڒْقبْطَانْ نْسنْ. مَاشَا نتَّا وَارْ يِيوِيضْ ؤُڒَا غَارْ ثْڒَاثَا ن [إِمزْوُورَا].
2SA 23:20 [خنِّي] بَانَايَا، مِّيسْ ن يَاهُويَاذَاعْ، مِّيسْ ن إِجّْ ورْيَازْ إِمحْضنْ، ثِيمڭَّا نّسْ مْغَارنْثْ، نتَّا زِي قَابْضِييِيلْ. نتَّا إِغْڒبْ خْ ثْنَاينْ ن إِيْرَاذنْ إِجهْذنْ. عَاوذْ ثُوغَا نتَّا إِهْوَا [إِشْثْ ن ثْوَاڒَا]، إِغْڒبْ خْ إِجّْ ن ويْرَاذْ ذِي ڒْوسْطْ ن إِجّْ ن وَانُو ذڭْ إِجّْ ن وَاسّْ ؤُمِي إِوْثَا وذْفڒْ.
2SA 23:21 نتَّا إِغْڒبْ ؤُڒَا خْ يِيجّْ ن ورْيَازْ ذ أَمِيصْرِي، إِجّْ ن [ورْيَازْ] إِسّڭّْوَاذنْ. أَمِيصْرِي ثُوغَا غَارسْ إِشْثْ ن لَانْسَا ذڭْ ؤُفُوسْ [نّسْ]. إِهْوَا غَارسْ س يِيجّْ ن وعْمُوذْ، إِكّسْ لَانْسَا زڭْ ؤُفُوسْ ن ؤُمِيصْرِي ؤُ إِنْغَا إِ-ث س لَانْسَا نّسْ.
2SA 23:22 ذ مَانْ أَيَا إِ إِڭَّا بَانَايَا، مِّيسْ ن يَاهُويَاذَاعْ. س ؤُيَا غَارسْ إِسمْ [إِشْنعْ] جَارْ ثْڒَاثَا ن أَيْثْ ن بُو-ثغْرُوضْثْ.
2SA 23:23 نتَّا ثُوغَا ذ ونِّي إِتّْوَاشنّْعنْ أَطَّاسْ زِي ثْڒَاثِينْ، مَاشَا وَارْ يِيوضْ أَڒْ ثْڒَاثَا إِمزْوُورَا. ذَاوُوذْ إِڭَّا إِ-ث جَارْ إِمْثِيقَّانْ نّسْ.
2SA 23:24 [ثُوغَا] عَسَائِيلْ، ؤُمَاسْ ن يُووَابْ، جَارْ ثْڒَاثِينْ؛ إِلْحَانَانْ، مِّيسْ ن ذُوذُو، زِي بَايْثْ-لَاحْمْ؛
2SA 23:25 شَامْعَا، أَحَارُوذِي؛ إِلِيقَا، أَحَارُوذِي؛
2SA 23:26 هَالَاصْ، أَفَالْطِي؛ عِيرَا، مِّيسْ ن عِيقِّيشْ، أَثِيقُّوعِي؛
2SA 23:27 أَبِيعَازَارْ، أَعَانَاثُوثِي؛ مابُونَّايْ، أَحُوشَايِي؛
2SA 23:28 صَالْمُونْ، أَخُوخِي؛ مَاهْرَايْ، أَنَاطُوفَاثِي؛
2SA 23:29 خَالَابْ، مِّيسْ ن بَاعْنَا، أَنَاطُوفَاثِي؛ إِتَّايْ، مِّيسْ ن رِيبَايْ، زِي جِيبْعَا زڭْ أَيْثْ ن بِينْيَامِينْ؛
2SA 23:30 بَانَايَا، زِي فِيرْعَاثُونْ؛ هِيدَّايْ، زِي ثغْزُورِينْ ن جَاعَاشْ؛
2SA 23:31 أَبُو-عَالْبُونْ، أَعَارَابَاثِي؛ عَازْمَاوثْ، أَبَارْحُومِي؛
2SA 23:32 إِلْيَاحْبَا، أَشَاعْلُوبُونِي؛ زڭْ إِحنْجِيرنْ ن يَاشَانْ، [مْغِيرْ] يُونَاثَانْ؛
2SA 23:33 شَامَّا، أَهَارَارِي؛ أَخِييَامْ، مِّيسْ شَارَارْ، أَرَارِي؛
2SA 23:34 إِلِيفَالَاطْ، مِّيسْ ن أَحَاسْبَايْ، مِّيسْ ن ؤُمَاعْكِي؛ إِعَامْ، مِّيسْ ن أَخِيطُوفِيلْ، أَجِيلُونِي؛
2SA 23:35 حَاصْرَايْ، أَكَارْمَالِي؛ فَاعْرَايْ، أَلَارْبِي؛
2SA 23:36 يِيجْعَالْ، مِّيسْ ن نَاثَانْ، زِي صُوبَا؛ بَانِي، أَجَاذِي؛
2SA 23:37 صَالَاقْ، أَعَامُّونِي؛ نَاحْرَايْ، أَبِيعْرُوثِي، أَحمَّاڒْ ن ڒسْنَاحْ ن يُووَابْ، مِّيسْ ن صَارُويَا؛
2SA 23:38 عِيرَا، أَيِيثْرِي؛ جَارِيبْ، أَيِيثْرِي؛
2SA 23:39 ؤُرِييَا، أَحِيتِّي. مَارَّا [جْمِيعْ] سبْعَا ؤُ-ثْڒَاثِينْ [ن يرْيَازنْ].
2SA 24:1 ثُوغَا يَارْغَا وغْضَابْ ن سِيذِي عَاوذْ خْ إِسْرَائِيل. نتَّا إِسّكَّارْ ذَاوُوذْ خَاسنْ، إِنَّا: ”ؤُيُورْ أَذْ ثْحسْبذْ إِسْرَائِيل ذ يَاهُوذَا!“
2SA 24:2 إِنَّا ؤُجدْجِيذْ إِ يُووَابْ، أَكُومَانْذَارْ ن ڒْعسْكَارْ، ونِّي ثُوغَا غَارسْ [إِدْجَانْ]: ”أكّْ مَارَّا ثِيقبَّاڒْ ن إِسْرَائِيل، زِي ذَانْ أَڒْ بِئرْ-سبْعَا، سدّْ ڒْڭنْسْ مَاحنْذْ نشّْ أَذْ سّْنغْ ڒْقدّْ [ن إِرْيَازنْ] ن ڒْڭنْسْ.“
2SA 24:3 [خنِّي] إِنَّا يُووَابْ إِ ؤُجدْجِيذْ: ”أَذْ يَارْنِي سِيذِي، أَربِّي نّشْ، أَطَّاسْ إِ ڒْڭنْسْ-أَ أَمْ مَامّشْ [دْجَانْ] نِيثْنِي [ڒخُّو]، [عَاذْ] مْيَا ن ثْسقَّارْ أَمْ مَامّشْ [دْجَانْ] نِيثْنِي [ڒخُّو]، ؤُ أجّْ أَذْ ژَترنْثْ ثِيطَّاوِينْ ن سِيذِي إِنُو ؤُجدْجِيذْ [أَيَا]. [مَاشَا] إِ ؤُمِي إِوْشَا سِيذِي إِنُو أَجدْجِيذْ ثَايْنِيثْ إِ ثْمسْڒَاشْثْ-أَ؟“
2SA 24:4 [مَاشَا] أَوَاڒْ ن ؤُجدْجِيذْ إِجْهذْ خْ يُووَابْ ؤُ خْ إِكُومَانْذَارنْ ن ڒْعسْكَارْ، ؤُشَا إِفّغْ يُووَابْ أَكْ-ذ إِكُومَانْذَارنْ ن ڒْعسْكَارْ، يَاڭّْوجْ خْ وُوذمْ ن ؤُجدْجِيذْ حِيمَا أَذْ إِسدّْ ڒْعسْكَارْ ن إِسْرَائِيل.
2SA 24:5 نِيثْنِي ژْوَانْ لْ-ؤُرْذُونْ ؤُ وْثِينْ إِقِيضَانْ نْسنْ غَارْ ؤُغزْذِيسْ أَفُوسِي ن ثنْذِينْثْ ن عَارُوعِيرْ ثنِّي غَارْ ڒْوسْطْ ن ثغْزَارْثْ ن [يغْزَارْ ن] جَاذْ، ؤُشَا [ؤُيُورنْ خنِّي] غَارْ يَاعْزِيرْ.
2SA 24:6 ؤُسِينْ-د ذِي جِيلْعَاذْ ؤُ ذِي ثَاحْثِيمْ-حُوذْشِي. [خَاسْ ؤُشَا] ؤُسِينْ-د غَارْ ذَانْ-يَاعَانْ ؤُ غَارْ جّْوَايهْ ن صِيذُونْ.
2SA 24:7 ؤُشَا ؤُسِينْ-د غَارْ ثنْذِينْثْ ن صُورْ إِ إِفَارْينْ [س إِغبْڒَاونْ] ؤُ غَارْ مَارَّا ثْندَّامْ ن إِحِيوِييّنْ ذ إِكنْعَانِييّنْ، [غَارْ ؤُنڭَّارْ] إِوْضنْ [نِيثْنِي] غَارْ لْجَانُوبْ ن يَاهُوذَا ذِي بِئرْ-سبْعَا.
2SA 24:8 أَمُّو كِّينْ نِيثْنِي مَارَّا ثَامُّورْثْ ؤُ أَوَارْنِي عْذُونْ ثسْعَا ن إِيُورنْ ذ عِيشْرِينْ ن وُوسَّانْ ؤُسِينْ-د غَارْ ؤُرْشَالِيمْ.
2SA 24:9 ؤُ يُووَابْ إِوْشَا إِ ؤُجدْجِيذْ ڒْقدّْ ن ڒحْسَابْ ن ڒْڭنْسْ. ذِي إِسْرَائِيل ثُوغَا ذَايسْ ثمْنْ-مْيَاثْ-أَڒفْ ن يرْيَازنْ إِمحْضنْ إِنِّي إِزمَّارنْ خْ سِّيفْ ؤُ خمْسَا-مْيَاثْ-أَڒفْ ن يرْيَازنْ [ثُوغَا أَثنْ] زِي يَاهُوذَا.
2SA 24:10 [مَاشَا] ؤُڒْ ن ذَاوُوذْ إِبْذَا أَذْ إِردُّو أَسْ أَوَارْنِي إِحْسبْ ڒْڭنْسْ ؤُ ذَاوُوذْ إِنَّا إِ سِيذِي: ”نشّْ خْضِيغْ [خَاكْ] أَطَّاسْ س مِينْ ڭِّيغْ. [أَ] سِيذِي، كّسْ ڒخُّو ڒْمُوعْصِييّثْ خْ ؤُمْسخَّارْ نّشْ، مَاغَارْ نشّْ ڭِّيغْ ثُوبُّوهڒْيَا ثَامقّْرَانْثْ.“
2SA 24:11 [ؤُمِي] ذَاوُوذْ إِكَّارْ غَارْ ثُوفُّوثْ، إِمْسَارْ، أَقَا يُوسَا-د أَوَاڒْ ن سِيذِي إِ ؤُنَابِي جَاذْ، أَمْوَاڒَاوْ ن ذَاوُوذْ، إِنَّا:
2SA 24:12 ”ؤُيُورْ، سِيوڒْ إِ ذَاوُوذْ: ’أَمُّو إِ إِقَّارْ سِيذِي: أَذْ أَشْ د-سَّارْسغْ ثْڒَاثَا ن ثْمسْڒَايِينْ. إِخْضَارْ إِشْثْ زَّايْسنْثْ ؤُشَا أَذْ أَشْ ت ڭّغْ.‘ “
2SA 24:13 يُوسَا-د جَاذْ غَارْ ذَاوُوذْ، إِخبَّارْ إِ-ث، إِنَّا أَسْ: ”مَا أَذْ إِوْضَا سبْعَا ن إِسڭّْوُوسَا ن ڒَاژْ خْ ثمُّورْثْ نّشْ؟ نِيغْ ثخْسذْ أَذْ ثَاروْڒذْ ثْڒَاثَا ن إِيُورنْ زَّاثْ إِ وُوذمْ ن ڒْعذْيَانْ نّشْ ؤُ نتَّا أَذْ شكْ إِضْفَارْ؟ نِيغْ [ثخْسذْ] أَذْ يِيڒِي طَّاعُونْ ذِي ثمُّورْثْ نّشْ؟ خنِّي ڒخُّو، سّنْ [مِينْ إِ غَا ثِيخْضَارذْ] ؤُ خْزَارْ، مِينْ د غَا أَرّغْ غَارْ ونِّي ذ أَيِي د-إِسّكّنْ.“
2SA 24:14 [خنِّي] إِنَّا ذَاوُوذْ إِ جَاذْ: ”نشّْ تّْوَاحْصَارغْ أَطَّاسْ. أجّْ أَنغْ أَذْ نوْضَا ذڭْ إِفَاسّنْ ن سِيذِي، مَاغَارْ أَرّحْمثْ نّسْ ثمْغَارْ، مَاشَا وَارْ خْسغْ شَا أَذْ وْضِيغْ ذڭْ إِفَاسّنْ ن إِوْذَانْ.“
2SA 24:15 [خنِّي] إِسِّيوضْ سِيذِي إِجّْ ن طَّاعُونْ خْ إِسْرَائِيل، زِي ثُوفُّوثْ أَڒْ إِجّْ ن ڒْمِيجَاڒْ إِتّْوَاڭّنْ. مُّوثنْ سبْعِينْ-أَڒفْ ن يرْيَازنْ ن ڒْڭنْسْ زِي ذَانْ أَڒْ بِئرْ-سبْعَا.
2SA 24:16 [ؤُمِي] إِسّْوِيژّضْ لْمَالَاكْ أَفُوسْ نّسْ خْ ؤُرْشَالِيمْ، حِيمَا أَذْ إِغْضڒْ [ثَانْذِينْثْ] ذڭْ ؤُضيّعْ، إِنْذمْ سِيذِي خْ ثُوعفّْنَا، إِنَّا إِ لْمَالَاكْ إِ إِڭُّورْ أَذْ إِغْضڒْ ڒْڭنْسْ ذڭْ ؤُضيّعْ: ”شْفَا، سهْوَا أَفُوسْ نّشْ ڒخُّو!“ ثُوغَا لْمَالَاكْ ن سِيذِي إِتَّاوضْ غَارْ ؤُنذْرَارْ ن ؤُيابُوسِي أَرَاوْنَا.
2SA 24:17 [ؤُمِي] ذَاوُوذْ إِژْرَا لْمَالَاكْ ونِّي إِوْثِينْ ڒْڭنْسْ، إِسِّيوڒْ ذَاوُوذْ أَكْ-ذ سِيذِي، إِنَّا: ”خْزَارْ، نشّْ خْضِيغْ ؤُ نشّْ، [وَاهْ] نشّْ ڭِّيغْ ڒْمُوعْصِييّثْ، مَاشَا ؤُدْجِي-يَا، مِينْ ڭِّينْ؟ أجّْ أَذْ يِيڒِي ؤُفُوسْ نّشْ إِ ثشْثِي غَارِي ذ غَارْ ثَادَّارْثْ ن بَابَا.“
2SA 24:18 ذڭْ وَاسّْ نِّي بعْذَا يُوسَا-د جَاذْ غَارْ ذَاوُوذْ، إِنَّا أَسْ: ”ڭعّذْ، سْبدّْ إِجّْ ن ؤُعَالْطَارْ إِ سِيذِي خْ ؤُنذْرَارْ ن ؤُيابُوسِي أَرَاوْنَا.“
2SA 24:19 ذَاوُوذْ إِڭعّذْ عْلَاحْسَابْ أَوَاڒْ ن جَاذْ، أَمْ مَامّشْ [ث] يُومُورْ سِيذِي.
2SA 24:20 أَرَاوْنَا إِشيّعْ ؤُ إِژْرَا أَجدْجِيذْ أَكْ-ذ إِمْسخَّارنْ نّسْ ؤُسِينْ-د غَارسْ. [خنِّي] يُويُورْ أَرَاوْنَا غَارْ بَارَّا، إِبنْذقْ زَّاثْ إِ ؤُجدْجِيذْ س ؤُغمْبُوبْ نّسْ غَارْ ثمُّورْثْ.
2SA 24:21 أَرَاوْنَا إِنَّا: ”مَايمِّي إِ د-يُوسَا سِيذِي إِنُو أَجدْجِيذْ، غَارْ ؤُمْسخَّارْ نّسْ؟“ ذَاوُوذْ إِنَّا: ”حِيمَا أَذْ خَاكْ سْغغْ أَنْذْرَارْ حِيمَا أَذْ بْنِيغْ ذِينْ إِجّْ ن ؤُعَالْطَارْ إِ سِيذِي، مَاحنْذْ أَذْ ثْبدّْ ثشْثِي ذِي ڒْڭنْسْ.“
2SA 24:22 [خنِّي] إِنَّا أَرَاوْنَا إِ ذَاوُوذْ: ”أجّْ سِيذِي إِنُو أَجدْجِيذْ أَذْ إِكْسِي ؤُ أَذْ إِوهّبْ مِينْ ذ أَسْ إِتّْغِيڒْ ذ لمْلِيحْ ذِي ثِيطَّاوِينْ نّسْ. خْزَارْ أَقَا ذِينْ إِفُونَاسنْ ذ ثْفُونَاسِينْ إِ ثْغَارْصْثْ ن وشْمَاضْ ؤُ [كْسِي] ثِيڒْوِيحِينْ إِتّحْڒُودْجُوضنْ إِ ؤُسَارْوثْ ذ ڒحْوَايجْ ن إِفُونَاسنْ ذ ثْفُونَاسِينْ ذ أَكشُّوضْ [إِ ثْمسِّي].
2SA 24:23 أَيَا مَارَّا، [أَ] أَجدْجِيذْ، أَذْ أَشْ إِوْشْ أَرَاوْنَا إِ ؤُجدْجِيذْ.“ [عَاوذْ] إِنَّا أَرَاوْنَا إِ ؤُجدْجِيذْ: ”إِڒِي أَذْ د-ثَاسذْ شكْ خْ ڒْخَاضَارْ غَارْ سِيذِي، أَربِّي نّشْ!“
2SA 24:24 [مَاشَا] أَجدْجِيذْ إِنَّا إِ أَرَاوْنَا: ”لَّ، مَاغَارْ نشّْ خْسغْ أَذْ خَاكْ ث سْغغْ س تَّامَانْ [نّسْ إِكْمڒْ]، مَاغَارْ نشّْ وَارْ تّْوهّْبغْ إِ سِيذِي، أَربِّي إِنُو، ثِيغَارْصَا ن وشْمَاضْ إِ وَارْ إِسكّْوِينْ وَالُو.“ ؤُ ذَاوُوذْ إِسْغَا أَنْذْرَارْ ذ إِفُونَاسنْ ذ ثْفُونَاسِينْ إِ خمْسِينْ شِيقْلُو ن نُّوقَارْثْ.
2SA 24:25 ذَاوُوذْ إِبْنَا ذِينْ إِجّْ ن ؤُعَالْطَارْ إِ سِيذِي ؤُشَا إِسّْڭعّذْ ذِينْ ثِيغَارْصَا ن وشْمَاضْ ذ ثوْهِيبِينْ [ن ڒْغِيدْجثْ]. أَمُّو إِتّْوَاسّصْڒحْ سِيذِي خْ ثمُّورْثْ س ثْژَادْجِيثْ يُودْجْغنْ ؤُ ثتّْوَاسّْبدّْ ثشْثِي ذِي إِسْرَائِيل.
1KI 1:1 ثُوغَا أَجدْجِيذْ ذَاوُوذْ إِوْسَارْ ؤُ إِمْغَارْ ذڭْ وُوسَّانْ. سّْذُورْينْ ث س وَارُّوضْ [مَاشَا] وَارْ ث إِڒْقِيفْ [عَاذْ] ڒحْمُو.
1KI 1:2 نَّانْ أَسْ إِمْسخَّارنْ نّسْ: ”أجّْ أَذْ أَرْزُونْ إِ سِيذِي إِنُو أَجدْجِيذْ إِشْثْ ن ثبْڒِيغْثْ ذ ثَاعْزَارشْثْ ؤُ أجّْ إِ-ت أَذْ ثْبدّْ زَّاثْ إِ وُوذمْ ن ؤُجدْجِيذْ، أَذْ ذَايسْ ثثْهِيلَّا. أجّْ إِ-ت أَذْ ثطّصْ غَارْ إِذْمَارنْ نّسْ، حِيمَا سِيذِي إِنُو أَجدْجِيذْ، أَذْ إِذْوڒْ إِحمَّا.“
1KI 1:3 أَرْزُونْ نِيثْنِي ذِي مَارَّا ثَامُّورْثْ ن إِسْرَائِيل خْ إِشْثْ ن ثبْڒِيغْثْ ذَايسْ أَژْرِي. ؤُفِينْ أَبِيشَاجْ، ثَاشُونَامِيثْ، ؤُشَا إِوْينْ ت غَارْ ؤُجدْجِيذْ.
1KI 1:4 ثَابْڒِيغْثْ ثُوغَا ذَايسْ أَژْرِي أَطَّاسْ ؤُ نتَّاثْ ثثْهِيلَّا ذَايسْ ؤُ ثْسخَّارْ خَاسْ. أَجدْجِيذْ وَارْ ت إِسِّينْ شَا.
1KI 1:5 أَذُونِييَا، مِّيسْ ن هَاجِّيثْ، إِخْسْ أَذْ إِسُّوعْڒَا إِخفْ نّسْ، إِنَّا: ”نشّْ أَذْ ذوْڒغْ ذ أَجدْجِيذْ.“ نتَّا إِضبَّارْ إِكَارُّوثنْ ذ إِمْنَاينْ ؤُشَا إِزْوَارنْ خمْسِينْ ن يرْيَازنْ س ثَازْڒَا زَّاثْ إِ وُوذمْ نّسْ.
1KI 1:6 بَابَاسْ ثُوغَاعمَّارْصْ وَارْ خَاسْ إِسّقْسحْ [خْ مَانْ أَيَا] ڒَامِي [ذ أَسْ] إِنَّا: ”مَايمِّي إِ ثڭِّيذْ أَيَا؟“ عَاوذْ أَذُونِييَا ثُوغَا غَارسْ إِجّْ ن وَادُّوذْ إِشْنَا. يمَّاسْ ثُورُووْ ث-إِ-د أَوَارْنِي إِ أَبْشَالُومْ.
1KI 1:7 إِسِّيوڒْ أَكْ-ذ يُووَابْ، مِّيسْ ن صَارُويَا، ؤُ أَكْ-ذ أَبْيَاثَارْ، أَكهَّانْ، ؤُشَا نِيثْنِي وْشِينْ أَفُوسْ إِ أَذُونِييَا.
1KI 1:8 [مَاشَا] أَكهَّانْ صَاذُوقْ ذ بَانَايَا، مِّيسْ ن يَاهُويَاذَاعْ، ذ ؤُنَابِي نَاثَانْ ذ شِيمْعِي ذ رِيعِي ؤُڒَا ذ أَيْثْ ن بُو-ثغْرُوضْثْ نِّي [إِدْجَانْ] غَارْ ذَاوُوذْ، وَارْ قِّيننْ شَا إِخفْ نْسنْ غَارْ أَذُونِييَا.
1KI 1:9 أَذُونِييَا إِغَارْصْ إِ وُودْجِي ذ إِفُونَاسنْ ذ ثْفُونَاسِينْ ذ ڒْمَاڒْ إِصحّنْ غَارْ وژْرُو ن زَاحِيفَا ونِّي غَارْ ثَاڒَا ن رُوجِيلْ. نتَّا إِعَارْضْ مَارَّا أَيْثْمَاسْ، إِحنْجِيرنْ ن ؤُجدْجِيذْ، ؤُ مَارَّا إِرْيَازنْ ن يَاهُوذَا، إِمْسخَّارنْ ن ؤُجدْجِيذْ.
1KI 1:10 [مَاشَا] أَنَابِي نَاثَانْ ذ بَانَايَا ذ أَيْثْ ن بُو-ثغْرُوضْثْ [ن ذَاوُوذْ] ذ ؤُمَاسْ سُولِيمَانْ، وَارْ ثنْ إِعْرِيضْ شَا.
1KI 1:11 [خنِّي] إِنَّا نَاثَانْ إِ بَاثْ-شَابَاعْ، يمَّاسْ ن سُولِيمَانْ، إِنَّا: ”مَا وَارْ ثسْڒِيذْ شمْ، أَقَا أَذُونِييَا، مِّيسْ ن هَاجِّيثْ، إِذْوڒْ ذ أَجدْجِيذْ؟ أَقَا ذَاوُوذْ، سِيذِيثْنغْ، وَارْ خَاسْ يَارْڭِيبْ؟
1KI 1:12 خنِّي ڒخُّو، أَسْ-د، أجّْ أَيِي أَذْ أَمْ وْشغْ شّْوَارْ، حِيمَا أَذْ ثسّْنجْمذْ ثُوذَارْثْ نّمْ ذ ثُوذَارْثْ ن مِّيمْ سُولِيمَانْ.
1KI 1:13 ؤُيُورْ، أَذفْ غَارْ ؤُجدْجِيذْ ذَاوُوذْ، إِنِي أَسْ: ’[أَ] سِيذِي إِنُو أَجدْجِيذْ، مَا وَارْ ثجُّودْجذْ إِ ثَايَّا نّشْ، ثنِّيذْ: س ثِيذتّْ، مِّيمْ سُولِيمَانْ أَذْ يِيڒِي ذ أَجدْجِيذْ أَوَارْنِي أَيِي ؤُ نتَّا أَذْ إِقِّيمْ خْ ڒْعَارْشْ إِنُو؟ مَايمِّي [إِذْوڒْ خنِّي] أَذُونِييَا ذ أَجدْجِيذْ؟‘
1KI 1:14 خْزَارْ، ؤُمِي شمْ ذِينِّي ثسَّاوَاڒذْ [عَاذْ] أَكْ-ذ ؤُجدْجِيذْ، أَذْ أَذْفغْ ؤُڒَا ذ نشّْ أَذْ كمّْڒغْ أَوَاڒنْ نّمْ.“
1KI 1:15 بَاثْ-شَابَاعْ ثُوذفْ غَارْ ؤُجدْجِيذْ ذڭْ وخَّامْ ن ذَاخڒْ. أَجدْجِيذْ ثُوغَا إِوْسَارْ أَطَّاسْ ؤُ أَبِيشَاجْ، ثَاسُونَامِيثْ، ثْسخَّارْ خَاسْ.
1KI 1:16 بَاثْ-شَابَاعْ ثُوضَارْ، ثْبنْذقْ إِ ؤُجدْجِيذْ ؤُشَا أَجدْجِيذْ إِنَّا: ”مِينْ شمْ يُوغِينْ؟“
1KI 1:17 نتَّاثْ ثنَّا أَسْ: ”[أَ] سِيذِي إِنُو، شكْ ثجُّودْجذْ إِ ثَايَّا نّشْ غَارْ سِيذِي، أَربِّي نّشْ: ’س ثِيذتّْ، سُولِيمَانْ، مِّيمْ، أَذْ يِيڒِي ذ أَجدْجِيذْ أَوَارْنِي أَيِي ؤُ نتَّا أَذْ إِقِّيمْ خْ ڒْعَارْشْ إِنُو!
1KI 1:18 ؤُشَا ڒخُّو، خْزَارْ، أَذُونِييَا إِذْوڒْ ذ أَجدْجِيذْ، ؤُ ڒخُّو، سِيذِي إِنُو أَجدْجِيذْ، شكْ وَارْ [خَاسْ] ثسَّارْڭِيبذْ شَا.
1KI 1:19 نتَّا إِغَارْصْ إِ وَاطَّاسْ ن إِفُونَاسنْ ذ ڒْمَاڒْ إِصحّنْ ذ وُودْجِي ؤُ نتَّا إِعَارْضْ خْ مَارَّا إِحنْجِيرنْ ن ؤُجدْجِيذْ ؤُ خْ أَبْيَاثَارْ، أَكهَّانْ، ؤُ خْ يُووَابْ، أَكُومَانْذَارْ ن ڒْعسْكَارْ، [مَاشَا] أَمْسخَّارْ نّشْ سُولِيمَانْ، وَارْ ث إِعْرِيضْ شَا.
1KI 1:20 غَاركْ شكْ، [أَ] سِيذِي إِنُو أَجدْجِيذْ، غَاركْ شكْ خزَّارنْثْ مَارَّا ثِيطَّاوِينْ ن إِسْرَائِيل، حِيمَا شكْ أَذْ أَسنْ ثسّشْنذْ مَانْ ونْ إِ غَا إِقِّيمنْ خْ ڒْعَارْشْ ن سِيذِي إِنُو أَجدْجِيذْ أَوَارْنِي أَسْ نتَّا.
1KI 1:21 نِيغْ أَذْ إِمْسَارْ، مَاڒَا سِيذِي إِنُو أَجدْجِيذْ أَذْ إِڭّْ أَذْ يَاريّحْ جَارْ ڒجْذُوذْ نّسْ، أَقَا نشّْ ذ مِّي سُولِيمَانْ [أَذْ تّْوَاحسْبنْ] ذ أَيْثْ ن ڒْمُوعْصِييّثْ.‘ “
1KI 1:22 ؤُ خْزَارْ، أَمْ ثسَّاوَاڒْ نتَّاثْ عَاذْ أَكْ-ذ ؤُجدْجِيذْ، يُوذفْ-د أَنَابِي نَاثَانْ.
1KI 1:23 خبَّارنْ [أَيَا] إِ ؤُجدْجِيذْ، نَّانْ: ”خْزَارْ، أَقَا ذَا أَنَابِي نَاثَانْ.“ نتَّا يُوسَا-د زَّاثْ إِ وُوذمْ ن ؤُجدْجِيذْ، إِبنْذقْ زَّاثْ إِ ؤُجدْجِيذْ س ؤُغمْبُوبْ نّسْ غَارْ ثمُّورْثْ.
1KI 1:24 إِنَّا نَاثَانْ: ”سِيذِي إِنُو أَجدْجِيذْ، مَا ثنِّيذْ شكْ: ’أَذُونِييَا أَذْ يِيڒِي ذ أَجدْجِيذْ أَوَارْنِي أَيِي ؤُ نتَّا أَذْ إِقِّيمْ خْ ڒْعَارْشْ إِنُو‘؟
1KI 1:25 مَاغَارْ نتَّا إِهْوَا أَسّْ-أَ ؤُ نتَّا إِغَارْصْ إِ وَاطَّاسْ ن إِفُونَاسنْ ذ ڒْمَاڒْ إِصحّنْ ذ وُودْجِي ؤُ إِعَارْضْ خْ مَارَّا إِحنْجِيرنْ ن ؤُجدْجِيذْ ؤُ خْ إِكُومَانْذَارنْ ن ڒْعسْكَارْ ؤُ خْ ؤُكهَّانْ أَبْيَاثَارْ. خْزَارْ نِيثْنِي تّتّنْ، سسّنْ زَّاثْ إِ وُوذمْ نّسْ، قَّارنْ: ’أَذْ إِدَّارْ ؤُجدْجِيذْ أَذُونِييَا!‘
1KI 1:26 [مَاشَا] نشّْ، نشّْ ونِّي ذ أَمْسخَّارْ نّشْ، ذ ؤُكهَّانْ صَاذُوقْ ذ بَانَايَا، مِّيسْ ن يَاهُويَاذَاعْ، ذ سُولِيمَانْ، أَمْسخَّارْ نّشْ، وَارْ ذ أَنغْ إِعْرِيضْ شَا.
1KI 1:27 مَا إِفّغْ-د وَاوَاڒْ-أَ زِي سِيذِي إِنُو أَجدْجِيذْ؟ مَا [خنِّي] وَارْ ثسَّارْڭِيبذْ شَا أَمْسخَّارْ نّشْ، مَانْ ونْ إِ غَا إِقِّيمنْ خْ ڒْعَارْشْ ن سِيذِي إِنُو أَجدْجِيذْ أَوَارْنِي أَسْ؟“
1KI 1:28 أَجدْجِيذْ ذَاوُوذْ إِطّفْ ذڭْ وَاوَاڒْ، إِنَّا: ”ڒَْاغَاثْ أَيِي-د خْ بَاثْ-شَابَاعْ!“ نتَّاثْ ثُوسَا-د غَارْ زَّاثْ إِ وُوذمْ ن ؤُجدْجِيذْ، ثْبدّْ [ذِينْ] زَّاثْ إِ وُوذمْ ن ؤُجدْجِيذْ.
1KI 1:29 [خنِّي] إِجُّودْجْ ؤُجدْجِيذْ، إِنَّا: ”[س ثِيذتّْ أَمْ] إِدَّارْ سِيذِي، ونِّي إِفكّنْ ڒعْمَارْ إِنُو زِي مَارَّا ڒحْصَارثْ،
1KI 1:30 وَاهْ نِيشَانْ، أَمْ مَامّشْ ذ أَمْ جُّودْجغْ غَارْ سِيذِي، أَربِّي ن إِسْرَائِيل، نِّيغْ: ’أَقَا مِّيمْ سُولِيمَانْ أَذْ يِيڒِي ذ أَجدْجِيذْ أَوَارْنِي أَيِي ؤُ نتَّا أَذْ إِقِّيمْ خْ ڒْعَارْشْ إِنُو ذڭْ ومْشَانْ إِنُو!‘، وَاهْ، أَمُّو [إِ-ث] غَا ڭّغْ س ثِيذتّْ أَسّْ-أَ.“
1KI 1:31 [خَاسْ ؤُشَا] ثُوضَارْ بَاثْ-شَابَاعْ س ؤُغمْبُوبْ نّسْ غَارْ ثمُّورْثْ، ثْبنْذقْ إِ ؤُجدْجِيذْ، ثنَّا: ”أَذْ إِدَّارْ سِيذِي إِنُو، أَجدْجِيذْ ذَاوُوذْ، إِ ڒبْذَا!“
1KI 1:32 خَاسْ ؤُشَا إِنَّا ؤُجدْجِيذْ ذَاوُوذْ: ”ڒَْاغَاثْ أَيِي-د إِ ؤُكهَّانْ صَاذُوقْ ذ ؤُنَابِي نَاثَانْ ذ بَانَايَا، مِّيسْ ن يَاهُويَاذَاعْ!“ ؤُشَا نِيثْنِي ؤُسِينْ-د زَّاثْ إِ وُوذمْ ن ؤُجدْجِيذْ.
1KI 1:33 إِنَّا أَسنْ ؤُجدْجِيذْ: ”كْسِيمْ إِمْسخَّارنْ ن سِيذِيثْومْ أَكِيذْومْ ؤُ أجّْ مِّي سُولِيمَانْ أَذْ إِنِييْ خْ ؤُسَارْذُونْ إِ غَارِي [إِدْجَانْ] ؤُ سهْوَا ث غَارْ جِيحُونْ.
1KI 1:34 أجّْ أَكهَّانْ صَاذُوقْ أَكْ-ذ ؤُنَابِي نَاثَانْ أَذْ ث إِذْهنْ ذِينِّي ذ أَجدْجِيذْ خْ إِسْرَائِيل. [خنِّي] أَذْ ثْسُوضمْ ذڭْ ؤُيِيشّْ ن إِشَارِّي، أَذْ ثِينِيمْ: ’ثُوذَارْثْ إِ سُولِيمَانْ!‘
1KI 1:35 إِتّْخصَّا أَذْ ثْڭعّْذمْ أَوَارْنِي أَسْ ؤُ نتَّا أَذْ د-يَاسْ أَذْ إِقِّيمْ خْ ڒْعَارْشْ إِنُو. نتَّا أَذْ يِيڒِي ذ أَجدْجِيذْ ذڭْ ومْشَانْ إِنُو، [مَاغَارْ] نشّْ ؤُمُورغْ أَسْ حِيمَا أَذْ يِيڒِي ذ ڒْحَاكمْ خْ إِسْرَائِيل ؤُ خْ يَاهُوذَا.“
1KI 1:36 بَانَايَا، مِّيسْ ن يَاهُويَاذَاعْ، يَارَّا-د خْ ؤُجدْجِيذْ، إِنَّا: ”أَمِينْ، أَمُّو إِ إِقَّارْ سِيذِي، أَربِّي ن سِيذِي إِنُو أَجدْجِيذْ!
1KI 1:37 أَمْ مَامّشْ ثُوغَا إِدْجَا سِيذِي أَكْ-ذ سِيذِي إِنُو أَجدْجِيذْ، أَمُّو إِ غَا يِيڒِي نتَّا ؤُڒَا أَكْ-ذ سُولِيمَانْ. إِڒِي نتَّا أَذْ إِسّمْغَارْ [عَاذْ] ڒْعَارْشْ نّسْ خْ ڒْعَارْشْ ن سِيذِي إِنُو، أَجدْجِيذْ ذَاوُوذْ!“
1KI 1:38 [خنِّي] إِهْوَا ؤُكهَّانْ صَاذُوقْ أَكْ-ذ ؤُنَابِي نَاثَانْ ذ بَانَايَا، مِّيسْ ن يَاهُويَاذَاعْ، ؤُ أَكْ-ذ إِعسَّاسنْ ن أَرِّيمثْ ذ إِرقَّاسنْ ن ثَازْڒَا. نِيثْنِي سّنْينْ سُولِيمَانْ خْ ؤُسَارْذُونْ ن ؤُجدْجِيذْ ذَاوُوذْ ؤُ نذْهنْ ث غَارْ جِيحُونْ.
1KI 1:39 أَكهَّانْ صَاذُوقْ، إِكْسِي إِشّْ س زّشْثْ زڭْ ؤُقِيضُونْ ؤُشَا إِذْهنْ سُولِيمَانْ. نِيثْنِي سُوضنْ ذڭْ ؤُيِيشّْ ن إِشَارِّي ؤُ مَارَّا ڒْڭنْسْ إِنَّا: ”ثُوذَارْثْ إِ ؤُجدْجِيذْ سُولِيمَانْ!“
1KI 1:40 مَارَّا ڒْڭنْسْ إِڭعّذْ أَوَارْنِي أَسْ. إِوْذَانْ صفَّارنْ ذِي ثْزَامَارِينْ ؤُ فَارْحنْ س إِشْثْ ن ڒفْرَاحثْ ثمْغَارْ [أَڒَامِي] ثْفدْجقْ ثمُّورْثْ س ڒْحسّْ نْسنْ.
1KI 1:41 إِسْڒَا أَيَا أَذُونِييَا أَكْ-ذ مَارَّا إِنوْجِيونْ نِّي غَارسْ [إِدْجَانْ]. نِيثْنِي ثُوغَا بْحْڒَا مُّونْسْونْ. ؤُڒَا ذ يُووَابْ إِسْڒَا إِ ؤُسُوضِي ذڭْ ؤُيِيشّْ ن إِشَارِّي، إِنَّا: ”مَانَا ڒْحسّْ زِي ثنْذِينْثْ أَمُّو س زّْهِيرْ أَطَّاسْ؟“
1KI 1:42 [أَمْ] إِسَّاوَاڒْ نتَّا عَاذْ، يُوسَا-د يُونَاثَانْ، مِّيسْ ن ؤُكهَّانْ أَبْيَاثَارْ. أَذُونِييَا إِنَّا: ”أَذفْ-د غَارْ ذَاخڒْ، مِينْزِي شكْ ذ إِجّْ ن ورْيَازْ إِمحْضنْ. شكْ أَذْ ثَاوْيضْ [نِيشَانْ] إِجّْ ن ڒخْبَارْ أَصبْحَانْ.“
1KI 1:43 يُونَاثَانْ يَارَّا-د، إِنَّا إِ أَذُونِييَا: ”س ڒمْقْڒُوبْ، سِيذِيثْنغْ، أَجدْجِيذْ ذَاوُوذْ، إِڭَّا سُولِيمَانْ ذ أَجدْجِيذْ.
1KI 1:44 أَجدْجِيذْ إِسّكّْ أَكِيذسْ أَكهَّانْ صَاذُوقْ ذ ؤُنَابِي نَاثَانْ ذ بَانَايَا، مِّيسْ ن يَاهُويَاذَاعْ، ذ إِعسَّاسنْ ن أَرِّيمثْ ذ إِرقَّاسنْ ن ثَازْڒَا ؤُ إِنَا ڭِّينْ ث أَذْ إِنِييْ خْ ؤُسَارْذُونْ ن ؤُجدْجِيذْ.
1KI 1:45 أَكهَّانْ صَاذُوقْ ذ ؤُنَابِي نَاثَانْ ذهْننْ ث ذ أَجدْجِيذْ ذِي جِيحُونْ ؤُ سّنِّي ڭعّْذنْ س ڒفْرَاحثْ أَڒَامِي ثهْوڒْ ثنْذِينْثْ. أَيَا ذ ڒْحسّْ إِ ثسْڒِيمْ.
1KI 1:46 ؤُڒَا ذ سُولِيمَانْ إِتّْغِيمَا خْ ڒْعَارْشْ ن ثْڭلْذِيثْ.
1KI 1:47 ؤُڒَا ذ إِمْسخَّارنْ ن ؤُجدْجِيذْ ؤُسِينْ-د، حِيمَا أَذْ بَارْكنْ سِيذِيثْنغْ، أَجدْجِيذْ ذَاوُوذْ، نَّانْ: ’إِڒِي أَذْ يَارّْ أَربِّي نّشْ إِسمْ ن سُولِيمَانْ [عَاذْ] إِشْنَا خْ يِيسمْ نّشْ ؤُ أَذْ يَارّْ ڒْعَارْشْ نّسْ [عَاذْ] إِمْغَارْ خْ ڒْعَارْشْ نّشْ.‘ [خَاسْ ؤُشَا] إِبنْذقْ ؤُجدْجِيذْ خْ ثَاسُّوثْ نّسْ.
1KI 1:48 عَاوذْ إِنَّا ؤُجدْجِيذْ: ’أَذْ إِتّْوَابَاركْ سِيذِي، أَربِّي ن إِسْرَائِيل، ونِّي إِوْشِينْ أَسّْ-أَ أَذْ إِقِّيمْ [إِجّنْ] خْ ڒْعَارْشْ إِنُو، [ؤُمِي] ثِيطَّاوِينْ إِنُو [عَاذْ] زمَّارنْثْ أَذْ ثْوَاڒَانْثْ [أَيَا].‘ “
1KI 1:49 مَارَّا إِنوْجِيونْ إِنِّي [ثُوغَا إِدْجَانْ] غَارْ أَذُونِييَا نّْخڒْعنْ، كَّارنْ ؤُشَا فّْغنْ، [كُوڒْ] أَرْيَازْ يُويُورْ أَبْرِيذْ نّسْ.
1KI 1:50 أَذُونِييَا إِڭّْوذْ زِي سُولِيمَانْ. نتَّا إِكَّارْ، يُويُورْ ؤُشَا إِشبَّارْ ذڭْ وَاشَّاونْ ن ؤُعَالْطَارْ.
1KI 1:51 خبَّارنْ مَانْ أَيَا غَارْ سُولِيمَانْ، نَّانْ: ”خْزَارْ، أَذُونِييَا، إِڭّْوذْ زڭْ ؤُجدْجِيذْ سُولِيمَانْ، [مَاغَارْ] أَقَا نتَّا إِشبَّارْ ذڭْ وَاشَّاونْ ن ؤُعَالْطَارْ، إِقَّارْ: ’أجّْ أَجدْجِيذْ سُولِيمَانْ أَذْ أَيِي إِجَّادْجْ أَسّْ-أَ، أَقَا نتَّا وَارْ إِنقّْ أَمْسخَّارْ نّسْ س سِّيفْ!‘ “
1KI 1:52 إِنَّا سُولِيمَانْ: ”مَاڒَا نتَّا إِبَانْ-د ذ إِجّْ ن ورْيَازْ ذ أَمْثِيقِّي، وَارْ خَاسْ إِوطِّي ؤُڒَا ذ إِجّْ ن ؤُزطُّو ن ؤُشُوَّافْ نّسْ، مَاشَا مَاڒَا إِتّْوَافْ ذَايسْ ثُوعفّْنَا، إِتّْخصَّا أَذْ إِمّثْ.“
1KI 1:53 أَجدْجِيذْ سُولِيمَانْ إِسّكّْ [شَا ن إِرقَّاسنْ] ؤُ نِيثْنِي كسِّينْ ث زڭْ ؤُعَالْطَارْ ؤُ نتَّا يُوسَا-د، إِبنْذقْ زَّاثْ إِ ؤُجدْجِيذْ سُولِيمَانْ. إِنَّا أَسْ سُولِيمَانْ: ”رُوحْ غَارْ ثَادَّارْثْ نّشْ!“
1KI 2:1 [ؤُمِي] د-ؤُذْسنْ وُوسَّانْ ن ذَاوُوذْ أَذْ إِمّثْ، إِعْڒمْ نتَّا إِ مِّيسْ سُولِيمَانْ، إِنَّا:
1KI 2:2 ”نشّْ أَذْ ؤُيُورغْ أَبْرِيذْ ن مَارَّا ثَامُّورْثْ. إِڒِي ثْمحْضذْ ؤُ إِڒِي ذ أَرْيَازْ!
1KI 2:3 حْضَا أَوكّڒْ ن سِيذِي، أَربِّي نّشْ، حِيمَا أَذْ ثُويُورذْ ذِي ثبْرِيذِينْ نّسْ، مَاحنْذْ أَذْ ثطّْفذْ ذِي ثْوصَّا نّسْ ذ ڒُومُورَاثْ نّسْ ذ لْفَارَايِيضْ نّسْ ذ شّْهَاذَاثْ نّسْ أَمْ مَامّشْ ث يُورَا ذِي شَّارِيعَا ن مُوسَا، حِيمَا أَذْ ثڭّذْ س ڒعْقڒْ ذِي مَارَّا مِينْ غَا ثڭّذْ ذ مَانِي مَا إِ غَا ثْرَاحذْ،
1KI 2:4 حِيمَا أَذْ إِكمّڒْ سِيذِي أَوَاڒْ نّسْ إِ خَافِي إِسِّيوڒْ، [ؤُمِي] إِنَّا: ’مَاڒَا إِحنْجِيرنْ نّشْ أَذْ حْضَانْ أَبْرِيذْ نْسنْ س وُوڒْ نْسنْ مَارَّا ؤُ س ڒعْمَارْ نْسنْ مَارَّا، حِيمَا أَذْ ؤُيُورنْ س ڒَامَانْ زَّاثْ إِ وُوذمْ إِنُو، [خنِّي] وَارْ شكْ إِتّْخصِّي ورْيَازْ خْ ڒْعَارْشْ ن إِسْرَائِيل.
1KI 2:5 شكْ ثسّْنذْ عَاوذْ مِينْ إِ ذ أَيِي إِڭَّا يُووَابْ، مِّيسْ ن صَارُويَا، مِينْ إِڭَّا نتَّا إِ ثْنَاينْ ن إِكُومَانْذَارنْ ن ڒْعسْكَارَاثْ ن إِسْرَائِيل، إِ أَبْنِيرْ، مِّيسْ ن نِيرْ، ؤُ إِ عَامَاسَا، مِّيسْ ن يَاثِيرْ. نتَّا إِنْغَا إِ-ثنْ. ذِي [ڒْوقْثْ ن] ڒهْنَا إِسِّيزّڒْ إِذَامّنْ [أَمْ ذِي ڒْوقْثْ] ن ؤُمنْغِي ؤُشَا [أَمْ ذِي ڒْوقْثْ] ن ؤُمنْغِي إِڭَّا إِذَامّنْ غَارْ وبْيَاسْ نّسْ إِ غَارسْ غَارْ ثجْعِينَّا نّسْ ؤُڒَا غَارْ سَانْذَالِييَاثْ نّسْ نِّي خْ إِضَارنْ نّسْ.
1KI 2:6 أڭّْ عْلَاحْسَابْ ثِيغِيثْ نّشْ ؤُ وَارْ تّجِّي أَشُوَّافْ نّسْ إِشَابنْ أَذْ إِهْوَا غَارْ ڒَاخَارْثْ ذِي ڒهْنَا.
1KI 2:7 سْشنْ ثَامخْسِيوْثْ إِشوَّارنْ إِ أَيْثْ ن بَارْزِيلَّايْ زِي جِيلْعَاذْ. نِيثْنِي أَذْ إِڒِينْ جَارْ إِنِّي إِ غَا إِشّنْ زِي طَّابْڒَا نّشْ، مَاغَارْ أَمُّو إِ د-يُوسِينْ غَارِي ؤُمِي أَروْڒغْ زَّاثْ إِ وُوذمْ ن ؤُمَاشْ أَبْشَالُومْ.
1KI 2:8 خْزَارْ شِيمْعِي، مِّيسْ ن جِيرَا، زڭْ أَيْثْ نّْ بِينْيَامِينْ، زِي بَاخُورِيمْ. ؤُڒَا ذ نتَّا أَكِيذكْ. نتَّا إِنْعڒْ أَيِي س إِشْثْ ن نّعْڒثْ إِقسْحنْ ذڭْ وَاسّْ ؤُمِي نشّْ أَروْڒغْ غَارْ مَاحَانَايِيمْ، مَاشَا إِمّْسڒْقَا أَكِيذِي غَارْ لْ-ؤُرْذُونْ ؤُ نشّْ جُّودْجغْ أَسْ غَارْ سِيذِي، نِّيغْ: ’[غَارِي] مَاڒَا أَذْ شكْ نْغغْ س سِّيفْ!‘
1KI 2:9 [خنِّي] ڒخُّو، وَارْ ث حصّبْ ذ أَمزْذَاڭْ، مَاغَارْ شكْ ذ إِجّْ ن ورْيَازْ ذ أَمِيغِيسْ ؤُ ثسّْنذْ مِينْ ذ أَسْ غَا ثڭّذْ، حِيمَا أَشُوَّافْ نّسْ إِشَابنْ أَذْ إِهْوَا غَارْ ڒَاخَارْثْ س إِذَامّنْ.“
1KI 2:10 ذَاوُوذْ إِڭَّا أَذْ يَاريّحْ جَارْ ڒجْذُوذْ نّسْ. نتَّا إِتّْوَانْضڒْ ذِي ثنْذِينْثْ ن ذَاوُوذْ.
1KI 2:11 ؤُسَّانْ إِ ذِي ثُوغَا إِحكّمْ ذَاوُوذْ خْ إِسْرَائِيل، [ثُوغَا أَثنْ] أَربْعِينْ ن إِسڭّْوُوسَا. سبْعَا ن إِسڭّْوُوسَا إِحْكمْ ذِي حَابْرُونْ ؤُ ذِي ؤُرْشَالِيمْ إِحْكمْ ثْڒَاثَا ؤُ-ثْڒَاثِينْ ن إِسڭّْوُوسَا.
1KI 2:12 سُولِيمَانْ إِقِّيمْ خْ ڒْعَارْشْ ن بَابَاسْ ذَاوُوذْ ؤُ ثَاڭلْذَا نّسْ ثذْوڒْ ثَارنِّي ذِي ڒمْثنْ أَطَّاسْ.
1KI 2:13 [خنِّي] أَذُونِييَا، مِّيسْ ن هَاجِّيثْ، يُوسَا-د غَارْ بَاثْ-شَابَاعْ، يمَّاسْ ن سُولِيمَانْ. نتَّاثْ ثنَّا: ”مَا ثَاوَاسِيثْ نّشْ س ڒهْنَا؟“ نتَّا إِنَّا: ”ڒهْنَا!“
1KI 2:14 نتَّا إِنَّا: ”نشّْ غَارِي كِيمْ إِجّْ ن وَاوَاڒْ.“ نتَّاثْ ثنَّا [أَسْ]: ”سِيوڒْ!“
1KI 2:15 إِنَّا نتَّا: ”شمْ ثسّْنذْ، أَقَا ثَاڭلْذِيثْ ثُوسَا أَيِي-د ؤُ مَارَّا إِسْرَائِيل إِڭَّا ذَايِي ثِيطَّاوِينْ، حِيمَا أَذْ ذوْڒغْ ذ أَجدْجِيذْ. [مَاشَا] ثَاڭلْذَا ثنّقْڒبْ ؤُشَا ثذْوڒْ إِ ؤُمَا، مِينْزِي ثُوسَا أَسْ-د زِي سِيذِي.
1KI 2:16 ڒخُّو [مَاشَا] خْسغْ أَذْ غَارمْ تَّارغْ إِشْثْ ن ڒْحَاجّثْ [وَاهَا]. وَارْ ذ أَيِي ثَاڭِي!“ نتَّاثْ ثنَّا: أَسْ: ”سِيوڒْ!“
1KI 2:17 نتَّا إِنَّا: ”سِيوڒْ أَكْ-ذ ؤُجدْجِيذْ سُولِيمَانْ - مَاغَارْ نتَّا وَارْ شمْ إِتَّارِّي - [حِيمَا] نتَّا أَذْ أَيِي إِوْشْ أَبِيشَاجْ، ثَاسُونَامِيثْ، ذ ثَامْغَارْثْ.“
1KI 2:18 بَاثْ-شَابَاعْ ثنَّا: ”مْلِيحْ، نشّْ أَذْ سِّيوْڒغْ أَكْ-ذ ؤُجدْجِيذْ ذِي طّْوعْ نّشْ.“
1KI 2:19 [خنِّي] ثُوسَا-د بَاثْ-شَابَاعْ غَارْ ؤُجدْجِيذْ سُولِيمَانْ، حِيمَا أَكِيذسْ ثسِّيوڒْ خْ أَذُونِييَا. أَجدْجِيذْ إِكَّارْ إِ ؤُمْسَاڭَارْ أَكِيذسْ، يُوضَارْ زَّاثسْ. [أَوَارْنِي مَانْ أَيَا] إِقِّيمْ خْ ڒْعَارْشْ، إِجَّا أَذْ [ذِينْ] سَّارْسنْ إِجّْ ن ڒْكُورْسِي إِ يمَّاسْ ن ؤُجدْجِيذْ ؤُ نتَّاثْ ثقِّيمْ غَارْ ؤُفُوسْ أَفُوسِي نّسْ.
1KI 2:20 [خنِّي] ثنَّا [أَسْ] نتَّاثْ: ”نشّْ خْسغْ أَذْ أَشْ تَّارغْ إِشْثْ ن ڒْحَاجّثْ [وَاهَا]. وَارْ ذ أَيِي ثَاڭِي!“ إِنَّا أَسْ ؤُجدْجِيذْ: ”سقْسَا، يمَّا، نشّْ وَارْ شمْ تَّارِّيغْ شَا.“
1KI 2:21 نتَّاثْ ثنَّا [أَسْ]: ”[تّْزَاوْڭغْ شكْ] حِيمَا أَذْ ثمّوْشْ أَبِيشَاجْ، ثَاسُونَامِيثْ، إِ ؤُمَاشْ أَذُونِييَا ذ ثَامْغَارْثْ.“
1KI 2:22 أَجدْجِيذْ سُولِيمَانْ يَارَّا-د [خَاسْ]، إِنَّا إِ يمَّاسْ: ”مَايمِّي ثتَّارذْ شمْ إِ أَذُونِييَا أَبِيشَاجْ، ثَاسُونَامِيثْ؟ تَّارْ [خنِّي ؤُڒَا ذ] ثَاڭلْذَا، مَاغَارْ نتَّا ذ ؤُمَا ونِّي ذ أَمقّْرَانْ خَافِي، [وَاهْ تَّارْ إِ-ت] إِ نتَّا ؤُ إِ ؤُكهَّانْ أَبْيَاثَارْ ذ يُووَابْ، مِّيسْ ن صَارُويَا.“
1KI 2:23 أَجدْجِيذْ سُولِيمَانْ إِجُّودْجْ غَارْ سِيذِي، إِنَّا: ”أَذْ أَيِي إِڭّْ أَربِّي ثَا ذ ثَا ؤُ [عَاذْ] كْثَارْ زِي مَانْ أَيَا، مَاغَارْ أَذُونِييَا إِسِّيوڒْ أَوَاڒْ-أَ ضِيدّْ إِ ثُوذَارْثْ نّسْ!
1KI 2:24 [خنِّي] ڒخُّو، [س ثِيذتّْ أَمْ] إِدَّارْ سِيذِي، ونِّي ذ أَيِي إِسّمْثْننْ ؤُ ونِّي ذ أَيِي إِسّْغِيمَانْ خْ ڒْعَارْشْ ن ثْڭلْذِيثْ ن بَابَا ذَاوُوذْ ؤُ ونِّي ذ أَيِي إِڭِّينْ إِشْثْ ن ثَادَّارْثْ أَمْ مَامّشْ ثُوغَا إِنَّا [قْبڒْ إِ بَابَا ذَاوُوذْ]، س ثِيذتّْ، أَذُونِييَا أَذْ إِتّْوَانغْ أَسّْ-أَ!“
1KI 2:25 خَاسْ ؤُشَا إِسّكّْ ؤُجدْجِيذْ سُولِيمَانْ [ڒُْومُورْ-أَ] س ؤُفُوسْ ن بَانَايَا، مِّيسْ ن يَاهُويَاذَاعْ. وَانِيثَا إِوْثَا إِ-ث ؤُشَا إِمُّوثْ أَذُونِييَا.
1KI 2:26 إِنَّا ؤُجدْجِيذْ إِ ؤُكهَّانْ أَبْيَاثَارْ: ”ؤُيُورْ غَارْ عَانَاثُوثْ، غَارْ ثمُّورْثْ نّشْ، مَاغَارْ شكْ ذ إِجّْ ن ورْيَازْ [إِسْذَاحدْجْ] ڒْموْثْ. أَسّْ-أَ مَاشَا وَارْ شكْ نقّغْ شَا، مِينْزِي شكْ ثَارْبُوذْ تَّابُوثْ ن سِيذِي إِنُو، سِيذِي، زَّاثْ إِ وُوذمْ ن بَابَا ذَاوُوذْ، ؤُ مِينْزِي شكْ ثْودّْبذْ ؤُڒَا س مَارَّا إِ زِي إِودّبْ بَابَا.“
1KI 2:27 سُولِيمَانْ يُوژّڒْ خْ أَبْيَاثَارْ أَڒَامِي نتَّا وَارْ ثُوغِي عَاذْ ذ أَكهَّانْ إِ سِيذِي، حِيمَا أَذْ إِتّْوَاكمّڒْ وَاوَاڒْ ن سِيذِي إِ ثُوغَا إِسِّيوڒْ زِي جِّيهثْ ن ثَادَّارْثْ ن عَالِي ذِي شِيلُو.
1KI 2:28 [ؤُمِي] يِيوضْ ڒخْبَارْ غَارْ يُووَابْ - أَقَا يُووَابْ إِفّغْ، إِضْفَارْ أَذُونِييَا، وَاخَّا نتَّا وَارْ د-إِفِّيغْ شَا، حِيمَا أَذْ إِضْفَارْ أَبْشَالُومْ - يَارْوڒْ يُووَابْ غَارْ ؤُقِيضُونْ ن سِيذِي ؤُشَا إِطّفْ أَشَّاونْ ن ؤُعَالْطَارْ.
1KI 2:29 خبَّارنْ أَجدْجِيذْ سُولِيمَانْ أَقَا يُووَابْ يَارْوڒْ غَارْ ؤُقِيضُونْ ن سِيذِي. ؤُ خْزَارْ، إِبدّْ [ذِينْ] غَارْ ؤُعَالْطَارْ. سُولِيمَانْ إِسّكّْ [غَارسْ] بَانَايَا، مِّيسْ ن يَاهُويَاذَاعْ، إِنَّا: ”رُوحْ [ذِينْ]، نغْ إِ-ث!“
1KI 2:30 بَانَايَا يُوسَا-د غَارْ ؤُقِيضُونْ ن سِيذِي ؤُشَا إِنَّا أَسْ: ”أَمُّو إِ إِقَّارْ ؤُجدْجِيذْ: ’فّغْ-د غَارْ بَارَّا!‘ “ نتَّا إِنَّا: ”لَّ، نشّْ خْسغْ أَذْ مّْثغْ ذَا!“ بَانَايَا إِسِّيوضْ ثَامْوَارِّيثْ غَارْ ؤُجدْجِيذْ، إِنَّا: ”أَمُّو إِ إِسِّيوڒْ يُووَابْ ؤُ أَمُّو خَافِي د-يَارَّا.“
1KI 2:31 إِنَّا أَسْ ؤُجدْجِيذْ: ”أڭّْ مِينْ إِ ذ أَشْ إِنَّا نتَّا،غضْڒْ إِ-ث ؤُشَا نضْڒْ إِ-ث، حِيمَا أَذْ ثَاڭّْوجذْ خَافِي ؤُ خْ ثَادَّارْثْ ن بَابَا إِذَامّنْ إِ إِسِّيزّڒْ يُووَابْ بَاطڒْ.
1KI 2:32 [أَمُّو] إِ غَا يَارّْ سِيذِي إِذَامّنْ إِ إِسِّيزّڒْ نتَّا خْ ؤُزدْجِيفْ نّسْ، مِينْزِي نتَّا إِسّْحيّذْ ثْنَاينْ ن يرْيَازنْ، إِنِّي إِسڭّْذنْ ؤُ إِحْڒَانْ خَاسْ، ؤُشَا إِنْغَا إِ-ثنْ س سِّيفْ ؤُمِي بَابَا ذَاوُوذْ وَارْ ث إِسِّينْ: أَبْنِيرْ، مِّيسْ ن نِيرْ، أَكُومَانْذَارْ ن ڒْعسْكَارْ ن إِسْرَائِيل، ؤُ عَامَاسَا، مِّيسْ ن يَاثِيرْ، أَكُومَانْذَارْ ن ڒْعسْكَارْ ن يَاهُوذَا.
1KI 2:33 [أَمُّو] إِ غَاعقْبنْ إِذَامّنْ نْسنْ خْ ؤُزدْجِيفْ ن يُووَابْ ؤُ خْ ؤُزدْجِيفْ ن ثَارْوَا نّسْ إِ ڒبْذَا. [مَاشَا] ذَاوُوذْ ذ ثَارْوَا نّسْ ذ ثَادَّارْثْ نّسْ ذ ڒْعَارْشْ نّسْ، أَذْ غَارْسنْ يِيڒِي ڒهْنَا زِي سِيذِي إِ ڒبْذَا.“
1KI 2:34 بَانَايَا، مِّيسْ ن يَاهُويَاذَاعْ، إِڭعّذْ غَارْ ؤُعَالْطَارْ، إِوْثَا إِ-ث ؤُشَا إِنْغَا إِ-ث. نتَّا إِتّْوَانْضڒْ ذِي ثَادَّارْثْ نّسْ ذِي ڒخْڒَا.
1KI 2:35 أَجدْجِيذْ إِڭَّا [خنِّي] بَانَايَا، مِّيسْ ن يَاهُويَاذَاعْ، ذڭْ ومْشَانْ نّسْ خْ ڒْعسْكَارْ ؤُشَا أَجدْجِيذْ إِڭَّا صَاذُوقْ، أَكهَّانْ، ذڭْ ومْشَانْ ن أَبْيَاثَارْ.
1KI 2:36 [خنِّي] إِجَّا ؤُجدْجِيذْ أَذْ ڒَاغَانْ إِ شِيمْعِي، إِنَّا أَسْ: ”بْنَا إِ يِيخفْ نّشْ إِشْثْ ن ثَادَّارْثْ ذِي ؤُرْشَالِيمْ ؤُشَا زْذغْ ذِينْ، وَارْ تّفّغْ غَارْ ذَا ؤُڒَا غَارْ ذِيهَا!
1KI 2:37 أَذْ إِمْسَارْ ذڭْ وَاسّْ إِ ذِي إِ غَا ثفّْغذْ، أَذْ ثژْوِيذْ ثِيغْزَارْثْ ن قِيذْرُونْ، أَقَا أَذْ ثسّْنذْ نِيشَانْ أَذْ ثمّْثذْ نْهْڒَا مَّا. إِذَامّنْ نّشْ أَذْ إِڒِينْ خْ ؤُزدْجِيفْ نّشْ.“
1KI 2:38 شِيمْعِي يَارَّا-د خْ ؤُجدْجِيذْ: ”أَوَاڒْ-أَ ذ لمْلِيحْ. أَمْ مَامّشْ إِسِّيوڒْ سِيذِي إِنُو أَجدْجِيذْ، أَمُّو إِ غَا إِڭّْ ؤُڒَا ذ ؤُمْسخَّارْ نّشْ.“ ؤُ شِيمْعِي ثُوغَا إِزدّغْ أَطَّاسْ ن وُوسَّانْ ذِي ؤُرْشَالِيمْ.
1KI 2:39 [مَاشَا] أَوَارْنِي إِ ثْڒَاثَا ن إِسڭّْوُوسَا، إِمْسَارْ، أَقَا ثْنَاينْ ن إِمْسخَّارنْ ن شِيمْعِي أَروْڒنْ غَارْ أَخِيشْ، مِّيسْ ن مَاعْكَا، أَجدْجِيذْ ن جَاثْ. خبَّارنْ أَيَا إِ شِيمْعِي، نَّانْ: ”خْزَارْ، إِمْسخَّارنْ نّشْ أَقَا أَثنْ ذِي جَاثْ.“
1KI 2:40 [خنِّي] إِكَّارْ شِيمْعِي، إِبَارْذعْ إِ وغْيُوڒْ نّسْ ؤُشَا يُويُورْ غَارْ أَخِيشْ غَارْ جَاثْ، حِيمَا أَذْ يَارْزُو خْ إِمْسخَّارنْ نّسْ. شِيمْعِي يُويُورْ [ذِينْ] ؤُ يَارَّا إِ-ثنْ-د زِي جَاثْ.
1KI 2:41 خبَّارنْ أَيَا إِ سُولِيمَانْ أَقَا شِيمْعِي إِفّغْ زِي ؤُرْشَالِيمْ غَارْ جَاثْ ؤُشَا إِعْقبْ-د [عَاوذْ].
1KI 2:42 أَجدْجِيذْ إِسّكّْ أَذْ ڒَاغَانْ إِ شِيمْعِي ؤُشَا إِنَّا أَسْ: ”مَا وَارْ شكْ جِّيغْ أَذْ ثجَّادْجذْ غَارْ سِيذِي ؤُعڒْمغْ أَشْ، نِّيغْ: ’ذڭْ وَاسّْ إِ ذِي إِ غَا ثفّْغذْ غَارْ ذَا نِيغْ غَارْ ذِيهَا أَذْ ثسّْنذْ نِيشَانْ، أَذْ ثمّْثذْ نْحْڒَا مَّا‘؟ ؤُ شكْ ثنِّيذْ أَيِي: ’أَوَاڒْ-أَ إِ سْڒِيغْ، أَقَا-ث مْلِيحْ.‘
1KI 2:43 مَايمِّي [خنِّي] وَارْ ثحْضِيذْ شَا ثَاجَادْجِيثْ ن سِيذِي ذ ڒُومُورْ إِ ذ أَشْ ڭِّيغْ؟“
1KI 2:44 إِنَّا ؤُجدْجِيذْ عَاوذْ إِ شِيمْعِي: ”شكْ ثسّْنذْ ذڭْ وُوڒْ نّشْ مَارَّا ثُوعفّْنَا إِ ثڭِّيذْ إِ بَابَا ذَاوُوذْ. [س ؤُينِّي] سِيذِي أَذْ د-يَارّْ ثُوعفّْنَا نّشْ خْ ؤُزدْجِيفْ نّشْ.
1KI 2:45 [مَاشَا] أَذْ إِتّْوَابَاركْ ؤُجدْجِيذْ سُولِيمَانْ ؤُ ڒْعَارْشْ ن ذَاوُوذْ أَذْ إِتّْوَاسّمْثنْ إِ ڒبْذَا زَّاثْ إِ وُوذمْ ن سِيذِي.“
1KI 2:46 [خَاسْ] ؤُشَا إِضبَّارْ ؤُجدْجِيذْ خْ بَانَايَا، مِّيسْ ن يَاهُويَاذَاعْ، ؤُ وَانِيثَا يُويُورْ غَارْ بَارَّا، إِوْثَا شِيمْعِي أَڒَامِي إِمُّوثْ وَانِيثَا. [أَمُّو] إِ ثتّْوَاشدّْ ثْڭلْذِيثْ ذڭْ ؤُفُوسْ ن سُولِيمَانْ.
1KI 3:1 سُولِيمَانْ إِذْوڒْ ذ أَضڭّْوَاڒْ ن فِيرْعُونْ، أَجدْجِيذْ ن مِيصْرَا. نتَّا يِيوِي يدْجِيسْ ن فِيرْعُونْ ؤُشَا إِسِّيذِيفْ إِ-ت غَارْ ثنْذِينْثْ ن ذَاوُوذْ، أَڒَامِي ثُوغَا إِسّقْفڒْ ڒبْنِي ن ثَادَّارْثْ نّسْ ذ ثَادَّارْثْ ن سِيذِي ذ ڒْحِيضْ إِ ذ أَسْ د-إِنّْضنْ إِ ؤُرْشَالِيمْ.
1KI 3:2 مْغِيرْ ڒْڭنْسْ يَارْنِي إِتّْقدَّامْ ثِيغَارْصَا خْ ڒڭْعُوذِي وَاهَا، مِينْزِي أَڒْ ؤُسَّانْ نِّي وَارْ ثتّْوَابنِّي عَاذْ ثَادَّارْثْ إِ يِيسمْ ن سِيذِي.
1KI 3:3 سُولِيمَانْ ثُوغَا إِتّخْسْ سِيذِي ؤُمِي يُويُورْ عْلَاحْسَابْ ثِيوصَّا ن بَابَاسْ ذَاوُوذْ. إِقدّمْ مْغِيرْ ثِيغَارْصَا ذ ڒبْخُورْ خْ ڒڭْعُوذِي وَاهَا.
1KI 3:4 [أَمُّو إِ] يُويُورْ ؤُجدْجِيذْ [إِشْثْ ن ثْوَاڒَا] غَارْ جِيبْعُونْ، حِيمَا أَذْ ذِينِّي إِغَارْصْ، مَاغَارْ ڒْڭعّْذثْ نِّي ثُوغَا-ت ذ ثَامقّْرَانْثْ قَاعْ. إِسّْڭعّذْ سُولِيمَانْ خْ ؤُعَالْطَارْ نِّي أَڒفْ ثِيغَارْصَا ن وشْمَاضْ.
1KI 3:5 إِبَانْ-د سِيذِي ذِي جِيبْعُونْ س دْجِيڒثْ إِ سُولِيمَانْ ذڭْ إِشْثْ ن ثرْجِيثْ، ؤُشَا إِنَّا أَربِّي: ”تَّارْ! مِينْ إِ ذ أَشْ غَا وْشغْ؟“
1KI 3:6 إِنَّا سُولِيمَانْ: ”شكْ ثسّشْنذْ ثَامخْسِيوْثْ إِشوَّارنْ ثَامقّْرَانْثْ إِ ؤُمْسخَّارْ نّشْ، بَابَا ذَاوُوذْ، أَمْ مَامّشْ يُويُورْ نتَّا زَّاثْ إِ وُوذمْ نّشْ س ڒَامَانْ ذ ثْسڭْذَا ذ ڒصْفَايثْ ن وُوڒْ غَاركْ، ؤُ شكْ ثْخمّْڒذْ أَسْ ثَامخْسِيوْثْ-أَ إِشوَّارنْ ثَامقّْرَانْثْ ؤُ ثوْشِيذْ أَسْ إِجّْ ن مِّيسْ، حِيمَا أَذْ إِقِّيمْ خْ ڒْعَارْشْ نّسْ، أَمْ [ثدْجَا] أَسّْ-أَ.
1KI 3:7 [خنِّي] ڒخُّو، [أَ] سِيذِي، أَربِّي إِنُو، شكْ ثڭِّيذْ أَمْسخَّارْ نّشْ ذ أَجدْجِيذْ ذڭْ ومْشَانْ ن بَابَا ذَاوُوذْ. [مَاشَا] نشّْ [دْجِيغْ عَاذْ] ذ أَحنْجِيرْ أَمژْيَانْ. نشّْ وَارْ سِّينغْ مَامّشْ غَا فّْغغْ ؤُ مَامّشْ غَاعقْبغْ.
1KI 3:8 أَمْسخَّارْ نّشْ أَقَا-ث ذِي ڒْوسْطْ ن ڒْڭنْسْ نّشْ نِّي ثِيخْضَارذْ شكْ، إِجّْ ن ڒْڭنْسْ إِمْغَارْ أَڒَامِي وَارْ إِزمَّارْ أَذْ إِتّْوَاقدّْ نِيغْ أَذْ إِتّْوَاحسّبْ زڭْ ؤُبَارُّو [نّسْ أَمقّْرَانْ].
1KI 3:9 أوْشْ [خنِّي] إِ ؤُمْسخَّارْ نّشْ إِجّْ ن وُوڒْ إِفْثنْ حِيمَا أَذْ ثَافْ إِزمَّارْ أَذْ إِحْكمْ ذِي ڒْڭنْسْ ؤُ حِيمَا أَذْ إِفَارْزْ س ڒعْقڒْ جَارْ مِينْ إِدْجَانْ إِشْنَا ذ مِينْ إِدْجَانْ ذ أَعفَّانْ، مِينْزِي مَانْ ونْ إِزمَّارنْ أَذْ إِحْكمْ خْ ڒْڭنْسْ-أَ أَمقّْرَانْ نّشْ؟“
1KI 3:10 أَوَاڒْ-أَ ثُوغَا ذ لمْلِيحْ ذِي ثِيطَّاوِينْ ن سِيذِي، ڒَامِي زعْمَا سُولِيمَانْ إِتَّارْ مَانْ أَيَا.
1KI 3:11 إِنَّا أَسْ أَربِّي: ”مِينْزِي شكْ ثتَّارذْ أَيَا ؤُ وَارْ ثتَّارذْ شَا ثُوذَارْثْ ثَازِيرَارْثْ إِ يِيخفْ نّشْ، ؤُ وَارْ ثتَّارذْ أَڭْڒَا إِ يِيخفْ نّشْ ؤُ وَارْ ثتَّارذْ شَا ثُوذَارْثْ ن ڒْعذْيَانْ نّشْ، [مَاشَا] ثتَّارذْ إِ يِيخفْ نّشْ ڒعْقڒْ، حِيمَا أَذْ ثسْڒذْ [مْلِيحْ] دّعْوَاثْ [ذِي ڒْمحْكَامَا]،
1KI 3:12 أَقَا [س ؤُيَا] نشّْ ڭِّيغْ عْلَاحْصَابْ أَوَاڒنْ نّشْ. خْزَارْ، نشّْ وْشِيغْ أَشْ إِجّْ ن وُوڒْ ذ أَمِيغِيسْ ذ أَفهَّامْ، أَمْ مَامّشْ وَارْ ثُوغِي قْبڒْ إِ شكْ ؤُ وَارْ إِتِّيڒِي أَوَارْنِي أَشْ.
1KI 3:13 ؤُڒَا ذ مِينْ وَارْ ثتَّارذْ، أَذْ أَشْ ث وْشغْ، أَمْ وَاڭْڒَا أَمْ ؤُعُودْجِي، أَڒَامِي مَارَّا ؤُسَّانْ [ن ثُوذَارْثْ] نّشْ وَارْ [ذِينْ] إِتِّيڒِي ورْيَازْ أَمْ شكْ جَارْ إِجدْجِيذنْ.
1KI 3:14 مَاڒَا شكْ ثُويُورذْ خْ ثبْرِيذِينْ إِنُو أَڒَامِي غَا ثحْضِيذْ ثِيوصَّا إِنُو ذ ڒُومُورَاثْ إِنُو، أَمْ مَامّشْ يُويُورْ بَابَاشْ ذَاوُوذْ، [خنِّي] نشّْ أَذْ سّْزُوڭَّارغْ [ڒْْقدّْ ن] وُوسَّانْ [ن ثُوذَارْثْ] نّشْ.“
1KI 3:15 إِفَاقْ-د سُولِيمَانْ، ؤُ خْزَارْ، [ثُوغَا-ت ذ] إِشْثْ ن ثرْجِيثْ. نتَّا يُوسَا-د غَارْ ؤُرْشَالِيمْ ؤُشَا إِبدّْ زَّاثْ إِ تَّابُوثْ ن ڒْعَاهْذْ ن سِيذِي ؤُ إِسّْڭعّذْ ثِيغَارْصَا ن وشْمَاضْ ؤُ إِڭَّا ثِيوْهِيبِينْ ن ڒهْنَا ؤُ إِسّوْجذْ [عَاوذْ] إِشْثْ ن زَّارْذثْ إِ مَارَّا إِمْسخَّارنْ نّسْ.
1KI 3:16 خنِّي ؤُسِينْثْ-إِ-د ثْنَاينْ ن ثمْغَارِينْ غَارْ ؤُجدْجِيذْ. ثُوغَا-ثنْثْ ذ ثِيمْغَارِينْ ن فَارْقْ-شّْغڒْ، بدّنْثْ زَّاثْ إِ وُوذمْ نّسْ.
1KI 3:17 إِشْثْ ن ثمْغَارْثْ ثنَّا: ”مَاڒَا ثخْسذْ، [أَ] سِيذِي إِنُو، نشّْ زدّْغغْ أَكْ-ذ ثمْغَارْثْ-أَ ذِي ثَادَّارْثْ ذ إِشْثْ، ؤُ نشّْ ؤُرْوغْ [ؤُمِي ذ أَيِي ثُوغَا] غَارسْ ذِي ثَادَّارْثْ.
1KI 3:18 ذڭْ وَاسّْ وِيسّْ ثْڒَاثَا أَوَارْنِي ڒَامِي د-ؤُرْوغْ، إِمْسَارْ، أَقَا ؤُڒَا ذ ثَامْغَارْثْ-أَ ثُورُووْ-د [إِجّْ ن ؤُحنْجِيرْ]. نشِّينْ ثُوغَا نْمُونْ، وَارْ ثُوغِي غَارْنغْ ؤُڒَا ذ إِجّْ ن ؤُبَارَّانِي ذِي ثَادَّارْثْ، مْغِيرْ نشِّينْ س ثْنَاينْ ذِي ثَادَّارْثْ.
1KI 3:19 أَحنْجِيرْ ن ثمْغَارْثْ-أَ إِمُّوثْ ذِي دْجِيڒثْ ؤُمِي ثزّڒْ خَاسْ ذڭْ إِضصْ.
1KI 3:20 نتَّاثْ ثكَّارْ غَارْ وزْينْ ن دْجِيڒثْ، ثكّسْ أَيِي أَحنْجِيرْ إِنُو، ؤُمِي ثَايَّا نّشْ ثطّصْ، ؤُ ثسَّارْسْ إِ-ث ذڭْ وحْسِينْ نّسْ ؤُشَا مِّيسْ إِمُّوثنْ ثسَّارْسْ إِ-ث ذڭْ وحْسِينْ إِنُو.
1KI 3:21 [ؤُمِي] كَّارغْ غَارْ ثُوفُّوثْ، حِيمَا أَذْ سُّوطُّوضغْ أَحنْجِيرْ إِنُو، خْزَارْ، نتَّا إِمُّوثْ. ذِي صّْبحْ ثُوغَا أَيِي خزَّارغْ مْلِيحْ، ژْرِيغْ ثُوغَا-ث وَارْ إِدْجِي شَا ذ أَحنْجِيرْ إِنُو نِّي د-ؤُرْوغْ.“
1KI 3:22 [خَاسْ] ؤُشَا ثنَّا ثمْغَارْثْ نّغْنِيثْ: ”لَّ، ونِّي إِدَّارنْ ذ أَحنْجِيرْ إِنُو ؤُ ونِّي إِمُّوثنْ ذ أَحنْجِيرْ نّمْ!“ ثنّغْنِيثْ ثنَّا: ”لَّ، ونِّي إِمُّوثنْ ذ أَحنْجِيرْ نّمْ ؤُ ونِّي إِدَّارنْ ذ أَحنْجِيرْ إِنُو!“ أَمُّو إِ سِّيوْڒنْثْ زَّاثْ إِ وُوذمْ ن ؤُجدْجِيذْ.
1KI 3:23 إِنَّا ؤُجدْجِيذْ: ”ثَانِيثَا ثقَّارْ: ’ونِّي إِدَّارنْ ذ أَحنْجِيرْ إِنُو ؤُ ونِّي إِمُّوثنْ ذ أَحنْجِيرْ نّمْ!‘، ؤُشَا ونّغْنِي ثقَّارْ: ’لَّ، ونِّي إِمُّوثنْ ذ أَحنْجِيرْ نّمْ ؤُ ونِّي إِدَّارنْ ذ أَحنْجِيرْ إِنُو.‘ “
1KI 3:24 [خنِّي] إِنَّا ؤُجدْجِيذْ: ”أَوْيمْ أَيِي-د إِجّْ ن سِّيفْ!“ نِيثْنِي إِوْينْ إِجّْ ن سِّيفْ غَارْ ؤُجدْجِيذْ.
1KI 3:25 أَجدْجِيذْ إِنَّا: ”قسّمْ أَحنْجِيرْ إِدَّارنْ خْ ثْنَاينْ ؤُشَا وْشمْ إِجّْ ن وزْينْ إِ يِيشْثنْ [زَّايْسنْثْ] ؤُ وْشمْ إِ [ثنّغْنِيثْ] إِجّْ ن وزْينْ [نّغْنِي].“
1KI 3:26 [مَاشَا] ڒَامِي ثُوغَا ثَاشِيثْ نّسْ إِ ؤُحنْجِيرْ نّسْ إِمْغَارْ، ثسِّيوڒْ ثمْغَارْثْ ثنِّي غَارْ إِدْجَا ؤُحنْجِيرْ إِدَّارْ، أَكْ-ذ ؤُجدْجِيذْ، ثنَّا: ”أَ، سِيذِي إِنُو، وْشثْ أَسْ أَحنْجِيرْ نِّي إِدَّارنْ مَاڒَا ثخْسذْ، وَارْ ث نقّثْ!“ ثَانِيثَا مَاشَا ثنَّا: ”وَارْ إِتِّيڒِي إِنُو ؤُڒَا نّمْ. قسّثْ ث ذِي ڒْوسْطْ!“
1KI 3:27 [خنِّي] يَارَّا-د ؤُجدْجِيذْ، إِنَّا: ”وْشمْ أَسْ أَحنْجِيرْ إِدَّارنْ! وَارْ ث نقّمْ. نتَّاثْ ذ يمَّاسْ.“
1KI 3:28 مَارَّا إِسْرَائِيل إِسْڒَا خْ ڒحْكَامْ إِ زِي إِحْكمْ ؤُجدْجِيذْ ؤُ نِيثْنِي ڭّْوذنْ زَّاثْ إِ وُوذمْ ن ؤُجدْجِيذْ، مِينْزِي نِيثْنِي ژْرِينْ بلِّي ثِيغِيثْ ن أَربِّي ذَايسْ حِيمَا أَذْ يَاغْ ثَاسْغَارْثْ.
1KI 4:1 ثُوغَا أَجدْجِيذْ سُولِيمَانْ ذ أَجدْجِيذْ خْ مَارَّا إِسْرَائِيل.
1KI 4:2 إِنَا ثُوغَا ذ ڒْحُوكَّامْ نّسْ إِمقّْرَاننْ: عَازَارْيَا، مِّيسْ ن صَاذُوقْ، [ثُوغَا-ث ذ] أَكهَّانْ.
1KI 4:3 إِلِيحُورَافْ ذ أَخِييَا، إِحنْجِيرنْ ن شِيشَا، [ثُوغَا أَثنْ ذ] إِمَارِيرنْ. يَاحُوشَافَاطْ، مِّيسْ ن أَخِيلُوذْ، ثُوغَا-ث ذ أَمَارِيرْ أَمزْوَارُو.
1KI 4:4 بَانَايَا، مِّيسْ ن يَاهُويَاذَاعْ، [ثُوغَا-ث] خْ ڒْعسْكَارْ. صَاذُوقْ ذ أَبْيَاثَارْ [ثُوغَا أَثنْ ذ] إِكهَّاننْ.
1KI 4:5 عَازَارْيَا، مِّيسْ ن نَاثَانْ، [ثُوغَا-ث] خْ ڒْوُولَاثْ. زابُوذْ، مِّيسْ ن نَاثَانْ، [ثُوغَا-ث ذ] أَوْكِيڒْ ذ أَمدُّوكّڒْ ن ؤُجدْجِيذْ.
1KI 4:6 أَخِيشَارْ [ثُوغَا-ث] خْ ثْزذِّيغْثْ ن ؤُجدْجِيذْ. أَذُونِيرَامْ، مِّيسْ ن أَبْذَا [ثُوغَا-ث] خْ لْجِيزْيَا.
1KI 4:7 سُولِيمَانْ غَارسْ ثنْعَاشْ ن ڒْوُولَاثْ خْ مَارَّا إِسْرَائِيل، إِنِّي إِبدّنْ خْ ڒعْوتْشْ ن ؤُجدْجِيذْ ذ ثَادَّارْثْ نّسْ. خْ [كُوڒْ] إِجّْ س ؤُيُورْ نّسْ ذڭْ ؤُسڭّْوَاسْ، ثُوغَا خَاسْ أَذْ ث إِكْسِي.
1KI 4:8 إِنَا ذ إِسْمَاونْ نْسنْ: مِّيسْ ن حُورْ خْ إِذُورَارْ ن إِفْرَايِيمْ.
1KI 4:9 مِّيسْ ن ذَاقَارْ ذِي مَاقَاسْ ؤُ ذِي شَاعَالُوبِّيمْ، بَايْثْ-شَامْسْ ذ إِلُونْ-بَايْثْ-حَانَانْ.
1KI 4:10 مِّيسْ ن حَاسَاذْ ذِي أَرُوبُوثْ. نتَّا [ثُوغَا] غَارسْ سُوكُو ذ مَارَّا ثَامُّورْثْ ن حَافِيرْ.
1KI 4:11 مِّيسْ ن أَبِينَاذَابْ [غَارسْ] مَارَّا ثِيوْرِيرِينْ ن ذُورْ. ثَافَاثْ، يدْجِيسْ ن سُولِيمَانْ، [ثُوغَا-ت] غَارسْ ذ ثَامْغَارْثْ.
1KI 4:12 بَاعْنَا، مِّيسْ ن أَخِيلُوذْ، [غَارسْ] ثَاعْنَاكْ، مَاجِيدُّو ذ مَارَّا بَايْثْ-شَانْ إِ إِدْجَانْ غَارْ صُورْثَانْ، سْوَادَّايْ ن يَازْرَاعِيلْ، زِي بَايْثْ-شَانْ أَڒْ أَبَالْ-مَاحُولَا، أَڒْ ؤُغزْذِيسْ نّغْنِي ن يُوقْمَاعَامْ.
1KI 4:13 مِّيسْ ن جَابَارْ [ثُوغَا] ذِي رَامُوثْ-جِيلْعَاذْ. نتَّا غَارسْ ذْشُورَاثْ ن يَا‘إِرْ، مِّيسْ ن مَانَاسَّا، ثِينِّي [إِدْجَانْ] ذِي جِيلْعَاذْ. [ثُوغَا] غَارسْ ؤُڒَا ذ جِّيهثْ ن أَرْجُوبْ، ثنِّي ذِي بَاشَانْ، ستِّينْ ن ثِيندَّامْ مْغَارنْثْ س ڒْحِيضْ ؤُ س زّكْرُونْ ن نّْحَاسْ.
1KI 4:14 أَخِينَاذَابْ، مِّيسْ ن عِيدُّو، [غَارسْ] مَاحَانَايِيمْ.
1KI 4:15 أَخِيمَاعَاصْ [ثُوغَا-ث ذ لْوَالِي] ذِي نَافْثَالِي. نتَّا يِيوِي ؤُڒَا بَاسِيمَاثْ، يدْجِيسْ ن سُولِيمَانْ، ذ ثَامْغَارْثْ [نّسْ].
1KI 4:16 بَاعْنَا، مِّيسْ ن هُوشَا إِ، [ثُوغَا-ث ذ لْوَالِي] ذِي أَشِيرْ ؤُ ذِي بَاعَالُوثْ.
1KI 4:17 يَاهُوشَافَاطْ، مِّيسْ ن فَارُوحْ، [ثُوغَا-ث ذ لْوَالِي] ذِي إِسَّاكَارْ.
1KI 4:18 شِيمْعِي، مِّيسْ ن إِيْلَا، [ثُوغَا-ث ذ لْوَالِي] ذِي بِينْيَامِينْ.
1KI 4:19 جَابَارْ، مِّيسْ ن ؤُرِي، [ثُوغَا-ث ذ لْوَالِي] ذِي ثمُّورْثْ ن جِيلْعَاذْ، ثَامُّورْثْ ن سِيحُونْ، أَجدْجِيذْ ن إِمُورِييّنْ، ؤُ ن عُوجْ، أَجدْجِيذْ ن بَاشَانْ. نتَّا [ثُوغَا] ذ أَينِّي ن لْوَالِي ذِي ثمُّورْثْ نِّي.
1KI 4:20 [ثُوغَا ڒْڭنْسْ ن] يَاهُوذَا ذ إِسْرَائِيل س وَاطَّاسْ أَمْ يِيجْذِي غَارْ [ثْمَا ن] ڒبْحَارْ، أَمُّو أَطَّاسْ. نِيثْنِي شِّينْ، سْوِينْ ؤُ فَارْحنْ.
1KI 5:1 سُولِيمَانْ إِحْكمْ خْ مَارَّا ثِيڭلْذِيوِينْ زڭْ إِغْزَارْ [ن لْفُورَاطْ] أَڒْ ثَامُّورْثْ ن إِفِيلِيسْطِينِييّنْ ؤُ أَڒْ أَيْمِيرْ ن مِيصْرَا. نِيثْنِي ثُوغَا تَّاوْينْ ثَارْزِيفِينْ ؤُ سخَّارنْ إِ سُولِيمَانْ، مَارَّا ؤُسَّانْ ن ثُوذَارْثْ نّسْ.
1KI 5:2 أَسُونِييْ ن سُولِيمَانْ إِ يِيجّْ ن وَاسّْ ثُوغَا-ث ثْڒَاثِينْ إِكُورُوثنْ ن وَارنْ أَزْذَاذْ ؤُ ستِّينْ إِكُورُوثنْ ن وَارنْ،
1KI 5:3 عشْرَا ن إِفُونَاسنْ إِصحّنْ، عِيشْرِينْ ن إِفُونَاسنْ ن هدُّو ذ مْيَا ن وُودْجِي، أَهْثَا إِ ؤُذَاذنْ، إِغَايْضنْ ن وزْغَارْ، وَاشَّاونْ إِمقّْرَاننْ ذ إِوژِّيونْ ن ڒخْڒَا.
1KI 5:4 أَمُّو إِ ثُوغَا إِحكّمْ خْ مَارَّا [ثَامُّورْثْ] خْ ثْمَا-يَا ن إِغْزَارْ [ن لْفُورَاطْ]، زِي ثِيفْسَاخْ أَڒْ غَازَّا، خْ مَارَّا إِجدْجِيذنْ خْ ثْمَا-يَا ن إِغْزَارْ ؤُشَا إِذْوڒْ أَسْ ڒهْنَا غَارْ مَارَّا جّْوَايهْ إِ ذ أَسْ د-إِنّْضنْ.
1KI 5:5 يَاهُوذَا ذ إِسْرَائِيل ثُوغَا زدّْغنْ ذِي ڒَامَانْ، كُوڒْ  إِجّْ سَاذُو ثْزَايَارْثْ نّسْ ؤُ سَاذُو وَارْثُو نّسْ، زِي ذَانْ أَڒْ بِئرْ-سبْعَا، مَارَّا ؤُسَّانْ ن سُولِيمَانْ.
1KI 5:6 سُولِيمَانْ ثُوغَا غَارسْ أَربْعِينْ-أَڒفْ ن ڒْكُورِيثْ ن ييْسَانْ إِ إِكَارُّوثنْ نّسْ [ن ؤُمنْغِي] ؤُ ثنْعَاشْ-أَڒفْ ن إِمْنَاينْ.
1KI 5:7 لْوُولَاثْ-أَ، كُوڒْ إِجّْ ذڭْ ؤُيُورْ نّسْ، تّْهِيلَّانْ ذڭْ ؤُجدْجِيذْ سُولِيمَانْ ؤُ ذِي مَارَّا إِنِّي ثُوغَا د-إِتَّاسنْ غَارْ طَّابْڒَا ن ؤُجدْجِيذْ سُولِيمَانْ. نِيثْنِي وَارْ جِّينْ أَذْ إِخصّْ وَالُو.
1KI 5:8 إِمنْذِي ذ ؤُڒُومْ إِ إِيْسَانْ ؤُ إِ إِيْسَانْ ن ثَازْڒَا تَّاوْينْ ثنْ غَارْ ومْشَانْ مَانِي مَا إِدْجَا، كُوڒْ  إِجّْ أَمْ مَامّشْ أَوكّڒْ نّسْ.
1KI 5:9 سِيذِي إِوْشَا إِ سُولِيمَانْ ثِيغِيثْ ذ ڒعْقڒْ س وَاطَّاسْ ؤُڒَا ذ تَّاسِيعْ [ن ثُوسّْنَا] ذڭْ وُوڒْ أَمْ يِيجْذِي غَارْ ثْمَا نْ ڒبْحَارْ.
1KI 5:10 ثِيغِيثْ ن سُولِيمَانْ ثُوغَا ذ ثَامقّْرَانْثْ خْ ثِيغِيثْ ن مَارَّا ثَارْوَا ن مَانِيسْ إِ د-ثْنقَّارْ ثْفُوشْثْ ؤُ خْ مَارَّا ثِيغِيثْ ن إِمِيصْرِييّنْ.
1KI 5:11 نتَّا ثُوغَا ذ أَمِيغِيسْ خْ مَارَّا إِوْذَانْ، خْ إِثَانْ، أَزْرَاحِي، خْ هَايْمَانْ، كَالْكُولْ ذ ذَارْذَاعْ، إِحنْجِيرنْ ن مَاحُولْ. إِسمْ نّسْ إِذْوڒْ [إِتّْوَاسّْننْ] غَارْ مَارَّا ڒڭْنُوسْ إِ ذ أَسْ د-إِنّْضنْ.
1KI 5:12 نتَّا إِسِّيوڒْ ثڒْثْ-أَڒَافْ ن وَاوَاڒنْ إِوزْننْ. أَڒفْ ؤُ-خمْسَا ن إِزْڒَانْ ثُوغَا أَثنْ زَّايسْ.
1KI 5:13 نتَّا إِسِّيوڒْ [عَاوذْ] خْ ثْشجُّورَا، زِي [ثْشجَّارْثْ ن] ثنْڭلْثْ خْ [إِذُورَارْ ن] لُوبْنَانْ أَڒْ ثْعلْدْجثْ إِ د-إِغمّْينْ زِي ڒْحِيضْ. نتَّا إِسِّيوڒْ [عَاوذْ] خْ ڒْمَاڒْ، خْ إِجْضَاضْ، خْ مَارَّا إِمُودَّارنْ إِنِّي إِتّْبُوعنْ ؤُ خْ إِسڒْمَانْ.
1KI 5:14 زِي مَارَّا ڒڭْنُوسْ ؤُسِينْ-د [إِوْذَانْ]، حِيمَا أَذْ سْڒنْ ثِيغِيثْ ن سُولِيمَانْ، زِي مَارَّا إِجدْجِيذنْ ن ثمُّورْثْ إِنِّي ثُوغَا إِسْڒَانْ خْ ثِيغِيثْ نّسْ.
1KI 5:15 حِيرَامْ، أَجدْجِيذْ ن صُورْ، إِسّكّْ إِمْسخَّارنْ نّسْ غَارْ سُولِيمَانْ، مَاغَارْ نتَّا ثُوغَا إِسْڒَا، أَقَا ذهْننْ سُولِيمَانْ ذ أَجدْجِيذْ ذڭْ ومْشَانْ ن بَابَاسْ. إِوَا حِيرَامْ ثُوغَا ڒبْذَا إِتّخْسْ ذَاوُوذْ.
1KI 5:16 سُولِيمَانْ إِجَّا أَذْ إِنِينْ إِ حِيرَامْ:
1KI 5:17 ”شكْ ثسّْنذْ أَقَا بَابَا ذَاوُوذْ ثُوغَا وَارْ إِزمَّارْ أَذْ إِبْنَا إِشْثْ ن ثَادَّارْثْ إِ يِيسمْ ن سِيذِي، أَربِّي نّسْ، زِي سِّيبّثْ ن إِمنْغَانْ إِ زِي إِ ذ أَسْ د-إِنّْضنْ نِيثْنِي، أَڒَامِي ثنْ إِڭَّا سِيذِي سَاذُو إِضَارنْ نّسْ.
1KI 5:18 [مَاشَا] ڒخُّو إِوْشَا أَيِي سِيذِي، أَربِّي إِنُو، ڒهْنَا زِي مَارَّا إِغزْذِيسنْ. وَارْ [ذِينْ] إِدْجِي [عَاذْ] بُو وغْرِيمْ ؤُ وَارْ [ذِينْ عَاذْ] أَسِيڭّْوذْ ن ثُوعفّْنَا.
1KI 5:19 خْزَارْ، نشّْ نْوِيغْ أَذْ بْنِيغْ إِشْثْ ن ثَادَّارْثْ إِ يِيسمْ ن سِيذِي، أَربِّي إِنُو، أَمْ مَامّشْ إِسِّيوڒْ سِيذِي إِ بَابَا ذَاوُوذْ، إِنَّا: ’مِّيشْ، ونِّي إِ غَا سّْغِيمغْ خْ ڒْعَارْشْ نّشْ، أَذْ إِبْنَا إِشْثْ ن ثَادَّارْثْ إِ يِيسمْ إِنُو.‘
1KI 5:20 ؤُمُورْ [خنِّي] ڒخُّو، أَقَا أَذْ أَيِي زذْمنْ ثِيشجُّورَا ن ثنْڭلْثْ زڭْ [إِذُورَارْ] ن لُوبْنَانْ. إِمْسخَّارنْ إِنُو أَذْ إِڒِينْ أَكْ-ذ إِمْسخَّارنْ نّشْ ؤُ نشّْ أَذْ أَشْ وْشغْ ڒْمُونثْ إِ إِمْسخَّارنْ نّشْ عْلَاحْسَابْ مَارَّا مِينْ ذ أَيِي غَا ثِينِيذْ، مِينْزِي شكْ ثسّْنذْ أَقَا نشِّينْ وَارْ غَارْنغْ ؤُڒَا ذ إِجّْ ونِّي إِزمَّارنْ أَذْ إِزْذمْ أَكشُّوضْ أَمْ [أَيْثْ ن] صِيذُونْ.“
1KI 5:21 ؤُمِي إِسْڒَا حِيرَامْ أَوَاڒنْ ن سُولِيمَانْ، إِمْسَارْ، أَقَا إِفَارْحْ أَطَّاسْ س وَاطَّاسْ، إِنَّا: ”أَذْ إِتّْوَابَاركْ سِيذِي أَسّْ-أَ، مَاغَارْ نتَّا إِوْشَا إِ ذَاوُوذْ إِجّْ ن مِّيسْ ذ أَمِيغِيسْ خْ ڒْڭنْسْ-أَ ذ أَمقّْرَانْ!“
1KI 5:22 حِيرَامْ إِسّكّْ [إِجّْ ن ؤُرقَّاسْ] غَارْ سُولِيمَانْ، إِنَّا: ”نشّْ سْڒِيغْ إِ ؤُمِي إِ ثسّكّذْ [إِجّْ ن ؤُرقَّاسْ] غَارِي. نشّْ أَذْ سّْقفْڒغْ مَارَّا مژْرِي نّشْ زِي جِّيهثْ ن ؤُكشُّوضْ ن [ثْشجَّارْثْ ن] ثنْڭلْثْ ذ ؤُكشُّوضْ ن [ثْشجَّارْثْ ن] ؤُمرْزِي.
1KI 5:23 إِمْسخَّارنْ إِنُو أَذْ ث-إِ-د-أَوْينْ زڭْ [إِذُورَارْ ن] لُوبْنَانْ غَارْ ڒبْحَارْ ؤُ نشّْ أَذْ ث سِّيوْضغْ خْ ثْغَارُّوبَا ن ثْحنْيَا خْ ڒبْحَارْ غَارْ ومْشَانْ إِ ذ أَيِي غَا ثِينِيذْ. ذِينِّي أَذْ ث سَّارْخُوغْ ؤُ شكْ أَذْ ث ثكْسِيذْ، ؤُ شكْ أَذْ ثسّْقفْڒذْ مَارَّا مژْرِي إِنُو، مَاحنْذْ أَذْ ثوْشذْ مَاشَّا إِ ثَادَّارْثْ إِنُو.“
1KI 5:24 ؤُشَا حِيرَامْ إِوْشَا أَكشُّوضْ ن [ثْشجَّارْثْ ن] ثنْڭلْثْ ذ ؤُكشُّوضْ ن [ثْشجَّارْثْ ن] ؤُمرْزِي إِ سُولِيمَانْ، مَارَّا أَنشْثْ مژْرِي نّسْ.
1KI 5:25 إِوْشَا سُولِيمَانْ عِيشْرِينْ-أَڒفْ إِكُورُوثنْ ن إِرْذنْ إِ حِيرَامْ ذ مَاشَّا إِ ثَادَّارْثْ نّسْ ؤُ عِيشْرِينْ إِكُورُوثنْ ن زّشْثْ [ن زِّيثُونْ] ثَاحُورّشْثْ. ذ مَانْ أَيَا إِ إِوْشَا سُولِيمَانْ أَسڭّْوَاسْ خْ ؤُسڭّْوَاسْ إِ حِيرَامْ.
1KI 5:26 سِيذِي إِوْشَا إِ سُولِيمَانْ ثِيغِيثْ أَمْ مَامّشْ ثُوغَا إِ ذ أَسْ إِنَّا نتَّا. ثُوغَا [ذِينْ] ڒهْنَا جَارْ حِيرَامْ ذ سُولِيمَانْ، ؤُشَا نِيثْنِي س ثْنَاينْ إِذْسنْ ڭِّينْ إِجّْ ن ڒْعَاهْذْ.
1KI 5:27 أَجدْجِيذْ سُولِيمَانْ إِسّْڭعّذْ-د زِي مَارَّا إِسْرَائِيل [إِرْيَازنْ] إِ ثْسخَّارْثْ إِ إِتّْخصَّانْ. أَسْڭعّذْ-أَ يِيوِي-د ثْڒَاثِينْ-أَڒفْ ن يرْيَازنْ إِ ڒْخذْمثْ.
1KI 5:28 إِسّكّْ إِ-ثنْ غَارْ [إِذُورَارْ ن لُوبْنَانْ]،عشْرَا-أَڒَافْ [ن يرْيَازنْ] ذڭْ ؤُيُورْ، س نُّوبثْ: إِجّْ ن ؤُيُورْ ثُوغَا أَثنْ خْ [إِذُورَارْ ن] لُوبْنَانْ ؤُ ثْنَاينْ ن إِيُورنْ ثُوغَا أَثنْ ذِي ثَادَّارْثْ نْسنْ. أَذُونِيرَامْ [ثُوغَا] خْ يرْيَازنْ إِ إِڭِّينْ ڒْخذْمثْ.
1KI 5:29 ثُوغَا سُولِيمَانْ غَارسْ [عَاوذْ] سبْعِينْ-أَڒفْ ن إِمْسخَّارنْ إِ ثْربُّوثْ ن ڒهْمڒْ ذ ثْمنْيِينْ-أَڒفْ ن إِسُويْذَاينْ خْ إِذُورَارْ.
1KI 5:30 أَهْثَا عَاذْ إِ إِمحْضَاينْ إِمقّْرَاننْ ن سُولِيمَانْ نِّي [إِدْجَانْ] خْ ڒْخذْمثْ، ثُوغَا ذِينْ ثْڒَاثَا ؤُ-ثْڒَاثِينْ-مْيَا [ن يرْيَازنْ] نِّي إِدْجَانْ خْ ڒْڭنْسْ إِ إِڭِّينْ ڒْخذْمثْ.
1KI 5:31 يُومُورْ ؤُجدْجِيذْ مَاحنْذْ أَذْ نقْشنْ ثِيصُوضَارْ ثِيمقّْرَانِينْ، ثِيصُوضَارْ إِغْڒَانْ، حِيمَا أَذْ سَّارْسنْ ذْسَاسْ ن ثَادَّارْثْ [س] ثِيصُوضَارْ-أَ إِتّْوَاسُّويْذَانْ.
1KI 5:32 إِبنَّاينْ ن سُولِيمَانْ ذ إِبنَّاينْ ن حِيرَامْ ؤُڒَا ذ إِجِيبَايْلِييّنْ نقْشنْ ثنْثْ. نِيثْنِي سّْوجْذنْ أَكشُّوضْ ذ يژْرَا، حِيمَا أَذْ بْنَانْ ثَادَّارْثْ.
1KI 6:1 ذڭْ ؤُسڭّْوَاسْ وِيسّْ أَربْعَا-مْيَا ؤُ-ثْمَانْيِينْ أَوَارْنِي إِ ؤُفُّوغْ ن أَيْثْ ن إِسْرَائِيل زِي ثمُّورْثْ ن مِيصْرَا، ذڭْ ؤُسڭّْوَاسْ وِيسّْ أَربْعَا ن ثْڭلْذَا ن سُولِيمَانْ خْ إِسْرَائِيل، ذڭْ ؤُيُورْ ن زِيوْ، أَيُورْ وِيسّْ ثْنَاينْ، إِمْسَارْ، أَقَا نتَّا إِبْذَا أَذْ إِبْنَا ثَادَّارْثْ ن سِيذِي.
1KI 6:2 ثَادَّارْثْ إِ إِبْنَا ؤُجدْجِيذْ سُولِيمَانْ إِ سِيذِي ثُوغَا-ت ستِّينْ ن إِغَادْجنْ ن ثُوزّڭَّارْثْ ؤُ عِيشْرِينْ [ن إِغَادْجنْ ن] ثِيرُو ؤُ ثْڒَاثِينْ ن إِغَادْجنْ ن ڒُوعْڒَا.
1KI 6:3 أَسْقِيفْ ن وَاذَافْ غَارْ زَّاثْ ن [وخَّامْ ن] زَّاوشْثْ ثَامقّْرَانْثْ ن ثَادَّارْثْ، ثُوغَا-ث عِيشْرِينْ ن إِغَادْجنْ ن ثزُّوڭَّارْثْ غَارْ وُوذمْ ن ثِيرُو ن ثَادَّارْثْ، ؤُ ثِيرُو نّسْ ثُوغَا-ثعشْرَا ن إِغَادْجنْ غَارْ وُوذمْ ن ثَادَّارْثْ.
1KI 6:4 نتَّا إِڭَّا إِ ثَادَّارْثْ ثِيبُورْجَاثِينْ، بلّْعنْ ثنْثْ س ثوُّورَا أَكْ-ذ إِعُومَاذْ إِ ؤُبلّعْ.
1KI 6:5 غَارْ ڒْحِيضْ، غَارْ مَارَّا إِغزْذِيسنْ نّسْ ن ثَادَّارْثْ، إِبْنَا إِجّْ ن ڒبْنِي ن زِّييَاذَا، غَارْ ڒحْيُوضْ إِ ذ أَسْ د-إِنّْضنْ إِ ثَادَّارْثْ، [ڒحْيُوضْ] ن [وخَّامْ ن] زَّاوشْثْ ثَامقّْرَانْثْ ؤُ ن [وخَّامْ ن] ذَاخڒْ [ن زَّاوشْثْ]. إِڭَّا ڒبْنِييَّاثْ ن ڒضْرُوفْ [أَمْ وَافْرِيونْ] غَارْ إِغزْذِيسنْ [ن ثَادَّارْثْ] ذڭْ ونّضْ.
1KI 6:6 ثِيسفْڒِي ن وَادَّايْ [ثُوغَا-ت] ذِي خمْسَا ن إِغَادْجنْ ن ثِيرُو ؤُ ثنِّي ذِي ڒْوسْطْ [ثُوغَا-ت ذِي] ستَّا ن إِغَادْجنْ ؤُ ثنِّي وِيسّْ ثْڒَاثَا [ثُوغَا-ت ذِي] سبْعَا ن إِغَادْجنْ، مَاغَارْ إِڭَّا ثِينبْذَاثِينْ غَارْ بَارَّا ن ثَادَّارْثْ غَارْ إِغزْذِيسنْ نّسْ، حِيمَا [ثِيسفْڒِينْ] وَارْ تِّيذْفنْثْ شَا ذِي ڒحْيُوضْ ن ثَادَّارْثْ.
1KI 6:7 [ؤُمِي] ثتّْوَابْنَا ثَادَّارْثْ، [أَقَا] ثتّْوَابْنَا س ثْصُوضَارْ إِتّْوَاقسّنْ زِي مَانِي ثنْثْ نقْشنْ، أَڒَامِي وَارْ تّْوِيسْڒنْ إِفْضِيسنْ، نِيغْ شَّاقُورْ نِيغْ شَا زِي ڒقْشُوعْ ن وُوزَّاڒْ ذِي ثَادَّارْثْ ڒَامِي ثتّْوَابْنَا.
1KI 6:8 ثَاوَّارْثْ إِ ڒبْنِي ن ڒضْرُوفْ غَارْ ؤُمرْوَاسُو [ثُوغَا-ت] غَارْ ؤُغزْذِيسْ أَفُوسِي أَڒْ زَّاثْ ن ثَادَّارْثْ. خْ دّْرُوجَاثْ ينّْضنْ تّْڭعَّاذنْ غَارْ ونِّي ذڭْ ؤُمرْوَاسُو ؤُ زڭْ ؤُمرْوَاسُو غَارْ ونِّي وِيسّْ ثْڒَاثَا.
1KI 6:9 [أَمُّو] إِ إِبْنَا ثَادَّارْثْ، إِكمّڒْ إِ-ت. إِسّْذُورِييْ ثَادَّارْثْ س ثْحنْيَا ؤُ س ثڒْوِيحِينْ ن [ؤُكشُّوضْ ن] ثْنڭْلِينْ.
1KI 6:10 إِبْنَا [عَاوذْ] ڒبْنِي ن زِّييَاذَا غَارْ مَارَّا ثَادَّارْثْ، خمْسَا ن إِغَادْجنْ ن ڒُوعْڒَا [إِ كُوڒْ طّبْقثْ] وَانِيثَا يَارْسَا س [ثْحنْيَا ن] ؤُكشُّوضْ نْ [ثْشجَّارْثْ ن] ثنْڭلْثْ خْ ثَادَّارْثْ.
1KI 6:11 [خنِّي] يُوسَا-د وَاوَاڒْ ن سِيذِي غَارْ سُولِيمَانْ، إِنَّا:
1KI 6:12 ”خْ ثَادَّارْثْ-أَ إِ ثْبنِّيذْ: مَاڒَا شكْ ثُويُورذْ عْلَاحْصَابْ ثِيوصَّا إِنُو ؤُ أَذْ ثڭّذْ لْفَارَايِيضْ  إِنُو ؤُ أَذْ ثحْضِيذْ ڒُومُورَاثْ إِنُو ؤُمِي ذَايْسنْثْ ثُويُورذْ، خنِّي نشّْ أَذْ أَشْ سّْقفْڒغْ أَوَاڒْ إِ سِّيوْڒغْ غَارْ بَابَاشْ ذَاوُوذْ.
1KI 6:13 نشّْ أَذْ زذْغغْ ذِي ڒْوسْطْ ن أَيْثْ ن إِسْرَائِيل ؤُ نشّْ وَارْ سمّْحغْ شَا ذِي ڒْڭنْسْ إِنُو إِسْرَائِيل.“
1KI 6:14 سُولِيمَانْ إِبْنَا ثَادَّارْثْ ؤُ إِكمّڒْ إِ-ت.
1KI 6:15 نتَّا إِبْنَا [ؤُڒَا ذ] أَذْمَاونْ ن ڒحْيُوضْ ن ثَادَّارْثْ نِّي إِدْجَانْ غَارْ ذَاخڒْ س ثْفڒْوِينْ ن ؤُكشُّوضْ ن [ثْشجَّارْثْ ن] ثنْڭلْثْ. زِي ثِيسِي ن ثَادَّارْثْ أَڒْ ڒحْيُوضْ ن ثْزقَّا إِڒحّفْ إِ-ثنْ س ؤُكشُّوضْ ؤُ إِڒحّفْ إِ ثِيسِي ن ثَادَّارْثْ س ؤُكشُّوضْ ن [ثْشجَّارْثْ ن] ؤُمرْزِي.
1KI 6:16 ثُوغَا إِبْنَا [عَاذْ] عِيشْرِينْ ن إِغَادْجنْ [كْثَارْ] زڭْ إِغزْذِيسنْ نْ ضفَّارْ ن ثَادَّارْثْ س ثْفڒْوِينْ ن ؤُكشُّوضْ ن [ثْشجَّارْثْ ن] ثنْڭلْثْ، زِي ثِيسِي أَڒْ [ثَازقَّا ن] ڒحْيُوضْ، ؤُشَا إِڭَّا [تَّاسِيعْ] ذِي ذَاخڒْ نّسْ ذ [أَخَّامْ ن] ذَاخڒْ [ن زَّاوشْثْ] إِ نتَّا، ذ أَقْذَاسْ خْ ؤُقدَّاسْ.
1KI 6:17 ثَادَّارْثْ [ثُوغَا-ت] أَربْعِينْ إِغَادْجنْ ن ثُوزّڭَّارْثْ، [إِخْسْ أَذْ يِينِي] [أَخَّامْ ن] زَّاوشْثْ ثَامقّْرَانْثْ نِّي غَارْ زَّاثْ.
1KI 6:18 ثُوغَا أَكشُّوضْ ن [ثْشجَّارْثْ ن] ثنْڭلْثْ [إِ إِدْجَانْ] غَارْ ذَاخڒْ ن ثَادَّارْثْ إِتّْوَانقّشْ س ثْعبُّوزِينْ ذ نُّووَّارَاثْ ڭُّورْ أَذْ أَرزْمنْثْ. مَارَّا ثُوغَا أَكشُّوضْ ن ثنْڭلْثْ، وَارْ د-إِتّْبِينْ ؤُڒَا ذ إِجّْ وژْرُو.
1KI 6:19 إِڭَّا [أَخَّامْ ن] ذَاخڒْ [ن زَّاوشْثْ] غَارْ ذَاخڒْ قَاعْ ن ثَادَّارْثْ، حِيمَا أَذْ ذِينْ إِسَّارْسْ تَّابُوثْ ن ڒْعَاهْذْ ن سِيذِي.
1KI 6:20 [أَخَّامْ ن] ذَاخڒْ [ن زَّاوشْثْ] [ثُوغَا-ث] عِيشْرِينْ ن إِغَادْجنْ ن ثُوزّڭَّارْثْ غَارْ ؤُغزْذِيسْ ن زَّاثْ ؤُ عِيشْرِينْ ن إِغَادْجنْ ن ثِيرُو ذ عِيشْرِينْ ن إِغَادْجنْ ن ڒُوعْڒَا. إِڒحّفْ إِ-ث س وُورغْ إِزذْڭنْ. إِڒحّفْ [عَاوذْ] أَعَالْطَارْ س ؤُكشُّوضْ ن [ثْشجَّارْثْ ن] ثنْڭلْثْ.
1KI 6:21 سُولِيمَانْ إِغدْجفْ ذَاخڒْ ن ثَادَّارْثْ س وُورغْ إِزذْڭنْ. غَارْ زَّاثْ ن [وخَّامْ ن] ذَاخڒْ [ن زَّاوشْثْ] إِسّعْذُو سّْنَاسڒْ ن وُورغْ. إِغدْجفْ [وخَّامْ ن ذَاخڒْ] س وُورغْ.
1KI 6:22 إِغدْجفْ مَارَّا ثَادَّارْثْ س وُورغْ، أَڒَامِي ثْكمّڒْ مَارَّا ثَادَّارْثْ. إِغدْجفْ مَارَّا أَعَالْطَارْ نِّي إِدْجَانْ غَارْ [وخَّامْ ن] ذَاخڒْ [ن زَّاوشْثْ] س وُورغْ.
1KI 6:23 ذڭْ [وخَّامْ ن] ذَاخڒْ [ن زَّاوشْثْ] إِڭَّا ثْنَاينْ ن إِكِيرُوبنْ [ن ؤُكشُّوضْ] ن ؤُزمُّورْ. ثِيذِّي نْسنْ ثُوغَا-ت ذِيعشْرَا ن إِغَادْجنْ.
1KI 6:24 إِجّْ ن وَافْرِيوْ ن ؤُكِيرُوبْ [ثُوغَا ذَايسْ] خمْسَا ن إِغَادْجنْ ؤُ ذڭْ وَافْرِيوْ نّغْنِي ن ؤُكِيرُوبْ [ثُوغَا ذَايسْ عَاوذْ] خمْسَا ن إِغَادْجنْ. زڭْ إِخفْ ن [يِيجّْ ن] وَافْرِيوْ نّسْ أَڒْ إِخفْ ن وَافْرِيوْ نّسْ [نّغْنِي] [أَقَا]عشْرَا ن إِغَادْجنْ.
1KI 6:25 أَكِيرُوبْ نّغْنِي [ثُوغَا غَارسْ عَاوذْ ڒعْبَارْ ن]عشْرَا ن إِغَادْجنْ. إِكِيرُوبنْ ثُوغَا غَارْسنْ س ثْنَاينْ إِذْسنْ إِجّْ ن ڒعْبَارْ ذ إِجّْ ن وَادُّوذْ.
1KI 6:26 إِجّْ ن ؤُكِيرُوبْ ثُوغَا ڒُوعْڒَا نّسْعشْرَا ن إِغَادْجنْ ؤُ أَمُّو ؤُڒَا ذ [ڒُوعْڒَا ن] ؤُكِيرُوبْ نّغْنِي.
1KI 6:27 نتَّا إِسّْبدّْ إِكِيرُوبنْ ذِي ڒْوسْطْ ن ثَادَّارْثْ ن ذَاخڒْ. إِفْرِيونْ ن إِكِيرُوبنْ ثُوغَا بزّْعنْ [أَڒَامِي] أَفْرِيوْ ن إِجّْ إِتَّاكّْوَاضْ إِجّْ ن ڒْحِيضْ ؤُ أَفْرِيوْ ن ؤُكِيرُوبْ نّغْنِي إِتَّاكّْوَاضْ ڒْحِيضْ نّغْنِي. غَارْ ڒْوسْطْ ن ثَادَّارْثْ مّْحَاذَانْ إِفْرِيونْ نْسنْ أَيَاوْيَا، أَفْرِيوْ غَارْ وفْرِيوْ.
1KI 6:28 نتَّا إِغدْجفْ إِكِيرُوبنْ س وُورغْ.
1KI 6:29 مَارَّا ڒحْيُوضْ ن ثَادَّارْثْ غَارْ مَارَّا إِغزْذِيسنْ نّسْ إِنْقشْ إِ-ثنْ س ؤُقسِّي ن إِنقِّيشنْ ن إِكِيرُوبنْ ذ ثْشجُّورَا ن ثِينِي ذ نُّووَّارَاثْ يَارزْمنْ، زِي ذَاخڒْ ؤُ غَارْ بَارَّا.
1KI 6:30 إِغدْجفْ ثِيسِي ن ثَادَّارْثْ س وُورغْ أَمْ [ذڭْ وخَّامْ] ن ضَاخڒْ أَمْ [ذڭْ وخَّامْ] ن زَّاثْ.
1KI 6:31 غَارْ وَاذَافْ ن [وخَّامْ ن] ذَاخڒْ [ن زَّاوشْثْ] إِڭَّا نتَّا ثِيوُّورَا [ن ؤُكشُّوضْ] ن ؤُزمُّورْ. أَكْوَاذْرُونْ س ڒضْرُوفْ [غَارْ ؤُغزْذِيسْ ن ثوَّارْثْ] [إِتَّاوِي] إِجّْ ن ڒخْمُوسْ [ن ڒْحِيضْ].
1KI 6:32 ثْنَاينْ ن ثوُّورَا [ثُوغَا أَثنْثْ] زڭْ [ؤُكشُّوضْ ن] ؤُزمُّورْ. نتَّا إِنْقشْ [ذَايْسنْ] إِنقِّيشنْ ن إِكِيرُوبنْ ذ ثْشجُّورَا ن ثِينِي ذ نُّووَّارَاثْ يَارزْمنْ، ؤُشَا إِغدْجفْ [ثِيوُّورَا] س وُورغْ. [ؤُڒَا ذ] إِكِيرُوبنْ ذ ثْشجُّورَا ن ثِينِي إِبزّعْ إِ-ثنْ س وُورغْ.
1KI 6:33 إِڭَّا عَاوذْ ڒضْرُوفْ [إِ ثْنَاينْ ن إِغزْذِيسنْ] ن وَاذَافْ [ن وخَّامْ] ن زَّاوشْثْ ثَامقّْرَانْثْ زڭْ [ؤُكشُّوضْ ن] ؤُزمُّورْ، زڭْ إِشْثْ ن ثرْبَاعْثْ [ن ڒْحِيضْ].
1KI 6:34 ثْنَاينْ ن ثوُّورَا [ثُوغَا أَثنْثْ] زڭْ ؤُكشُّوضْ ن [ثْشجَّارْثْ ن] ؤُمرْزِي. ثْنَاينْ ن ثْغمُّورَا [غَارْ طَّارْفْ] ن إِشْثْ ن ثوَّارْثْ ثُوغَا تّْقُووَّارنْثْ ذِي [بَارَّا] ؤُ ثْنَاينْ ن ثْغمُّورَا تّْوَانقْشنْثْ [غَارْ طَّارْفْ] ن ثنّغْنِيثْ ثُوغَا تّْقُووَّارنْثْ ذِي [ذَاخڒْ].
1KI 6:35 نتَّا إِنْقشْ [ذَايْسنْثْ] إِكِيرُوبنْ ذ ثْشجُّورَا ن ثِينِي ذ نُّووَّارَاثْ يَارزْمنْ ؤُشَا إِشلّلْ إِ-ثنْثْ س وُورغْ، س إِجّْ ن وُوذمْ ن ثقْشُورْثْ إِڒغّنْ خْ ونْقَاشْ.
1KI 6:36 نتَّا إِبْنَا ڒمْرَاحْ غَارْ ذَاخڒْ س ثْڒَاثَا ن إِسذِّييّنْ ن ثْصُوضَارْ إِتّْوَاسُّويْذَانْ ؤُ س يِيجّْ ن ؤُسذِّي ن [ثْحنْيَا ن ثْشجَّارْثْ ن] ثنْڭلْثْ.
1KI 6:37 ذڭْ ؤُسڭّْوَاسْ وِيسّْ أَربْعَا إِتّْوَاسَّارْسْ ذْسَاسْ ن ثَادَّارْثْ ن سِيذِي، ذڭْ ؤُيُورْ زِيوْ.
1KI 6:38 ذڭْ ؤُسڭّْوَاسْ وِيسّْ حِيطَاشْ ن ؤُيُورْ بُولْ، أَقَا-ث ذ أَيُورْ وِيسّْ ثْمنْيَا، ثتّْوَاكمّڒْ ثَادَّارْثْ س مَارَّا ثِيسقَّارْ نّسْ ؤُ عْلَاحْسَابْ مَارَّا لْفَارَايِيضْ نّسْ. نتَّا إِبْنَا إِ-ت [ذڭْ إِجّْ ن ڒْمِيجَاڒْ ن] سبْعَا ن إِسڭّْوُوسَا.
1KI 7:1 ذِي ثَادَّارْثْ نّسْ إِبْنَا سُولِيمَانْ ثْڒطَّاشْ ن إِسڭّْوُوسَا، ؤُشَا إِكمّڒْ مَارَّا ثَادَّارْثْ نّسْ.
1KI 7:2 نتَّا إِبْنَا ثَادَّارْثْ ن وزْغَارْ ن لُوبْنَانْ. [ثُوغَا-ت] ذِي مْيَا ن إِغَادْجنْ ن ثُوزّڭَّارْثْ ؤُ خمْسِينْ ن إِغَادْجنْ ن ثِيرُو ؤُ ثْڒَاثِينْ ن إِغَادْجنْ ن ڒُوعْڒَا، [ثتّْوَاڭّْ] خْ أَربْعَا ن إِسذِّييّنْ ن إِپِيلَارنْ ن ؤُكشُّوضْ ن [ثْشجَّارْثْ ن] ثنْڭلْثْ ؤُ [تّْوَاسَّارْسنْثْ] ثْحنْيَا ن ؤُكشُّوضْ ن [ثْشجَّارْثْ ن] ثنْڭلْثْ ثِيوَا إِ إِپِيلَارنْ.
1KI 7:3 ثُوغَا س إِشْثْ ن ثْزقَّا زڭْ ؤُكشُّوضْ ن [ثْشجَّارْثْ ن] ثنْڭلْثْ ثِيوَا إِ ثْحنْيَا ن ؤُعَارّضْ نِّي [إِدْجَانْ] خْ خمْسَا ؤُ-ربْعِينْ ن إِپِيلَارنْ [نِّي]، أَقَا خمّسْطَاشْ [ن ثْحنْيَا] خْ إِجّْ ن ؤُسذِّي [ن إِپِيلَارنْ].
1KI 7:4 ثُوغَا ثِيوُّورَا [ن ڒكْوَازِي] ذِي ثْڒَاثَا ن إِسذِّييّنْ، [إِشْثْ ن] ثْبُورْجثْ أَجمَّاضْ إِ ثْبُورْجثْ [نّغْنِي]، ثْڒَاثَا ن ثْوَاڒَاوِينْ.
1KI 7:5 مَارَّا ثِيوُّورَا ذ ڒضْرُوفْ [نْسنْثْ غَارْ إِغزْذِيسنْ] [ثُوغَا أَثنْ ذ] أَكْوَاذْرُونْ، ؤُشَا أَرْزَامْ [ن إِشْثْ ن ثوَّارْثْ] [ثُوغَا-ت] أَجمَّاضْ ن وَارْزَامْ [ن إِشْثْ ن ثوَّارْثْ نّغْنِي]، ثْڒَاثَا ن ثْوَاڒَاوِينْ.
1KI 7:6 أَسْقِيفْ إِڭَّا إِ-ث س إِپِيلَارنْ [غَارْ زَّاثْ ن ثَادَّارْثْ]، خمْسِينْ ن إِغَادْجنْ ن ثُوزّڭَّارْثْ ؤُ ثْڒَاثِينْ ن إِغَادْجنْ ن ثِيرُو. غَارْ وُوذمْ ن [إِپِيلَارنْ نِّي] ثُوغَا إِشْثْ ن ثسْقِيفْثْ [نّغْنِي] أَكْ-ذ إِپِيلَارنْ، ؤُشَا عَاوذْ ؤُڒَا ذ إِجّْ ن ؤُسقّفْ غَارْ وُوذمْ ن [إِپِيلَارنْ نِّي].
1KI 7:7 نتَّا إِڭَّا [عَاوذْ] أَخَّامْ إِ ڒْعَارْشْ مَانِي ثُوغَا إِشَارّعْ، أَخَّامْ ن ثَادَّارْثْ ن شّْرَاعْ، ؤُشَا إِسّْذُورِييْ إِ-ث زِي ثِيسِي [سْوَادَّايْ] أَڒْ ثِيسِي [نّغْنِي سنّجْ] س ؤُكشُّوضْ ن [ثْشجَّارْثْ ن] ثنْڭلْثْ.
1KI 7:8 ثَادَّارْثْ نّسْ، مَانِي ثُوغَا إِزدّغْ، ذِي ڒمْرَاحْ نّغْنِي نِّي إِدْجَانْ [كْثَارْ] غَارْ ذَاخڒْ زڭْ وخَّامْ [ن ثَادَّارْثْ ن شّْرَاعْ]، أَقَا ثتّْوَاڭّْ أَمنِّي. نتَّا إِڭَّا [عَاوذْ] إِشْثْ ن ثَادَّارْثْ إِ يدْجِيسْ ن فِيرْعُونْ، ثنِّي يِيوِي سُولِيمَانْ [ذ ثَامْغَارْثْ]، أَمْ وخَّامْ-أَ وَانِيثَا.   *
1KI 7:9 مَانْ أَيَا مَارَّا [ثُوغَا-ث زِي] ثْصُوضَارْ إِغْڒَانْ، تّْوَاسُّويْذَانْثْ عْلَاحْسَابْ ڒقْيَاسْ، زِي ذَاخڒْ ؤُ زِي بَارَّا تّْوَانْشَارنْ س ڒْمنْشَارْ، ؤُ مَانْ أَيَا زِي ذْسَاسْ أَڒْ إِژْرَا ن سنّجْ قَاعْ ؤُ زِي بَارَّا أَڒْ ڒمْرَاحْ أَمقّْرَانْ.
1KI 7:10 ذْسَاسْ إِتّْوَاڭّْ س ثْصُوضَارْ إِغْڒَانْ، إِژْرَا إِمقّْرَاننْ، إِژْرَا نعشْرَا ن إِغَادْجنْ ؤُ إِژْرَا ن ثْمنْيَا ن إِغَادْجنْ،
1KI 7:11 ؤُ ثِيوَا نْسنْ ثِيصُوضَارْ إِغْڒَانْ، تّْوَاسُّويْذَانْثْ عْلَاحْسَابْ ڒقْيَاسْ، ؤُڒَا ذ أَكشُّوضْ ن [ثْشجَّارْثْ ن] ثنْڭلْثْ.
1KI 7:12 ڒمْرَاحْ أَمقّْرَانْ إِ ذ أَسْ د-إِنّْضنْ [ثُوغَا-ث عَاوذْ] زِي ثْڒَاثَا ن إِسذِّييّنْ ن ثْصُوضَارْ إِتّْوَاسُّويْذَانْ ذ إِجّْ ن ؤُسذِّي ن ؤُكشُّوضْ ن [ثْشجَّارْثْ ن] ثنْڭلْثْ، [أَمْ مَامّشْ] إِ ڒمْرَاحْ ن ذَاخڒْ إِ ثَادَّارْثْ ن سِيذِي أَمْ إِ وسْقِيفْ ن وَاذَافْ ن ثَادَّارْثْ.
1KI 7:13 أَجدْجِيذْ سُولِيمَانْ إِسّكّْ غَارْ حِيرَامْ زِي صُورْ، حِيمَا أَذْ د-يَاسْ.
1KI 7:14 وَانِيثَا ثُوغَا ذ مِّيسْ ن إِشْثْ ن ثَاجَّاتْشْ زِي ثقْبِيتْشْ ن نَافْثَالِي ؤُ بَابَاسْ ثُوغَا-ث ذ إِجّْ ن ورْيَازْ زِي صُورْ، إِجّْ ن ومْزِيڒْ ن نّْحَاسْ. نتَّا ثُوغَا إِشُّورْ س ڒفْهَامثْ ذ ڒعْقڒْ ذ ثُوسّْنَا حِيمَا أَذْ إِسُّوفّغْ قَاعْ ڒْخذْمثْ ن نّْحَاسْ. نتَّا يُوسَا-د غَارْ ؤُجدْجِيذْ سُولِيمَانْ ؤُ مَارَّا مِينْ إِڭَّا، إِڭَّا إِ-ث [ن نّْحَاسْ].
1KI 7:15 نتَّا إِڭَّا ثْنَاينْ ن إِپِيلَارنْ ن نّْحَاسْ. ڒُْوعْڒَا ن إِجّْ ن ؤُپِيلَارْ ثُوغَا-ت ثْمنْطَاشْ ن إِغَادْجنْ ؤُشَا س يِيجّْ ن ؤُفِيڒُو ن ثنْعَاشْ ن إِغَادْجنْ [إِزمَّارْ] أَذْ إِنّضْ إِ ؤُپِيلَارْ نّغْنِي.
1KI 7:16 نتَّا إِڭَّا ثْنَاينْ ن تِّيجَانْ ن نّْحَاسْ إِفسْينْ حِيمَا أَذْ ثنْ سَّارْسنْ خْ إِزدْجِيفنْ ن إِپِيلَارنْ. ڒُوعْڒَا ن إِجّْ ن تَّاجْ ثُوغَا-ث خمْسَا ن إِغَادْجنْ ؤُ ڒُوعْڒَا ن تَّاجْ نّغْنِي ثُوغَا-ث ؤُڒَا ذ خمْسَا ن إِغَادْجنْ.
1KI 7:17 [ؤُڒَا ذ] ثِيجطَّايِينْ تّْوَاڭّنْثْ س إِشْثْ ن ڒْخذْمثْ ن ؤُمُوذِي، [أَمْ] إِفِيڒَانْ ڭِّينْ ثنْثْ س سّْنَاسڒْ إِ تِّيجَانْ [إِ إِدْجَانْ] خْ إِزدْجِيفنْ ن إِپِيلَارنْ. سبْعَا إِ يِيجّْ ن تَّاجْ ؤُ سبْعَا إِ تَّاجْ نّغْنِي.
1KI 7:18 إِڭَّا إِپِيلَارنْ ذ ثْنَاينْ ن إِسذِّييّنْ [ن إِرمَّامنْ] إِ ذ أَسْ د-إِنّْضنْ إِ د-يُوسِينْ أَكْ-ذ ڒْخذْمثْ ن ؤُمُوذِي إِ إِتّْوَاڭّنْ مَاحنْذْ أَذْ [زَّايسْ] إِسّْذُورِييْ تِّيجَانْ [إِ إِدْجَانْ] ثِيوَا إِ [إِسذِّييّنْ ن] إِرمَّامنْ. أَمُّو إِ إِڭَّا ؤُڒَا إِ تَّاجْ نّغْنِي.
1KI 7:19 تِّيجَانْ خْ ؤُزدْجِيفْ ن إِپِيلَارنْ نِّي [إِدْجَانْ] غَارْ وسْقِيفْ ن وَاذَافْ تّْوَاڭّنْ [أَمْ] ثْلِيلِّيشِينْ، [س إِجّْ ن ڒُوعْڒَا ن] أَربْعَا ن إِغَادْجنْ.
1KI 7:20 تِّيجَانْ [إِ إِدْجَانْ] خْ ثْنَاينْ ن إِپِيلَارنْ [ذوْڒنْ] سنّجْ أَكْ-ذ وُوذمْ ن ؤُقُورَارْ نِّي ثُوغَا إِ-د-إِتَّاسنْ أَكْ-ذ ڒْخذْمثْ إِمُوذنْ. ؤُشَا مِيثَاينْ ن إِرمَّامنْ قُووَّارنْ أَسنْ-د س ثْنَاينْ ن إِسذِّييّنْ، ؤُڒَا خْ تَّاجْ نّغْنِي.
1KI 7:21 [خنِّي] إِسّْبدّْ نتَّا إِپِيلَارنْ غَارْ وسْقِيفْ ن وَاذَافْ ن زَّاوشْثْ ثَامقّْرَانْثْ. إِسّْبدّْ أَپِيلَارْ أَفُوسِي، إِڭَّا أَسْ يَاخِينْ، ؤُشَا إِسّْبدّْ ؤُڒَا ذ أَپِيلَارْ أَزڒْمَاضْ، إِڭَّا أَسْ بُوعَازْ.
1KI 7:22 خْ ؤُزدْجِيفْ ن إِپِيلَارنْ ثُوغَا [ذِينْ] إِشْثْ ن ڒْخذْمثْ [إِزوّْقنْ] ذِي فُورْمَا ن [إِجّْ ن ڒْكَاسْ أَمْ] إِشْثْ ن ثْلِيلّشْثْ. [أَمُّو] ثتّْوَاكمّڒْ ڒْخذْمثْ ن إِپِيلَارنْ.
1KI 7:23 نتَّا إِڭَّا ثَارِيمَانْثْ إِفسْينْ إِ وَامَانْ. [ثُوغَا-ث] ڒعْبَارْ نّسْ زِي طَّارْفْ أَڒْ طَّارْفْ نّسْ [نّغْنِي]عشْرَا ن إِغَادْجنْ، ذ أَقُورَارْ قَاعْ، ؤُشَا ثِيذِّي نّسْ [ثُوغَا-ث] ذِي خمْسَا ن إِغَادْجنْ ؤُ ثْزمَّارذْ أَذْ أَسْ ثنّْضذْ س إِشْثْ ن ؤُفِيڒُو ن ڒعْبَارْ ن ثْڒَاثِينْ ن إِغَادْجنْ.
1KI 7:24 سْوَادَّايْ إِ ثْمَا نّسْ إِ ذ أَسْ د-إِنّْضنْ قَاعْ، ثُوغَا [ذِينْ] ثِيعبُّوزِينْ [أَكْ-ذ نُّووَّارَاثْ يَارزْمنْ].عشْرَا ذِي كُوڒْ إِجّْ ن ؤُغِيڒْ نّْضنْثْ إِ ثْرِيمَانْثْ. ثْنَاينْ ن إِسذِّييّنْ نِّي ن ثْعبُّوزِينْ [أَكْ-ذ نُّووَّارَاثْ يَارزْمنْ] ثُوغَا تّْوَافسْينْ أَكِيذسْ.
1KI 7:25 ثَارِيمَانْثْ ثْبدّْ خْ ثنْعَاشْ ن إِفُونَاسنْ. ثْڒَاثَا زَّايْسنْ أَرِّينْ س وُوذمْ نْسنْ غَارْ شَّامَالْ، ثْڒَاثَا زَّايْسنْ أَرِّينْ س وُوذمْ نْسنْ غَارْ ڒْغَارْبْ، ثْڒَاثَا زَّايْسنْ أَرِّينْ س وُوذمْ نْسنْ غَارْ لْجَانُوبْ ؤُ ثْڒَاثَا زَّايْسنْ أَرِّينْ س وُوذمْ نْسنْ غَارْ شَّارْقْ. ثَارِيمَانْثْ [ثَارْسَا] خَاسنْ ؤُ مَارَّا زّْعنْقُوقَاثْ نْسنْ ثُوغَا ذوْڒنْثْ خزَّارنْثْ غَارْ ذَاخڒْ.
1KI 7:26 ثڭْذَارْ [ن ثْرِيمَانْثْ] ذ إِجّْ ن ڒعْبَارْ ن ؤُفُوسْ ؤُ ثْمَا نّسْ ثُوغَا أَمْ ڒْخذْمثْ إِزوّْقنْ ن ثْمَا ن إِجّْ ن ؤُفنْجَاڒْ، أَمْ ثْنوَّاشْثْ ن ثْلِيلّشْثْ. ثْوَاوِيثْ نّسْ ثُوغَا أَڒْفَاينْ إِبَاثُوثنْ.
1KI 7:27 نتَّا إِڭَّا عشْرَا ن ثْكَارُّوثِينْ ن نّْحَاسْ. ثُوغَا ثُوزّڭَّارْثْ ن إِشْثْ ن ثْكَارُّوثْ أَربْعَا ن إِغَادْجنْ ؤُ ثِيرُو نّسْ أَربْعَا ن إِغَادْجنْ ؤُ ڒُوعْڒَا نّسْ ثْڒَاثَا ن إِغَادْجنْ.
1KI 7:28 أَمُّو إِ تّْوَاڭّنْثْ ثْكَارُّوثِينْ. نِيثنْثِي ثُوغَا غَارْسنْثْ ثِيڒْوِيحِينْ عَارّْضنْثْ ؤُ ثڒْوِيحِينْ عَارّْضنْثْ [ثُوغَا أَثنْثْ] جَارْ شَّافُوذْ.
1KI 7:29 خْ ثڒْوِيحِينْ عَارّْضنْثْ جَارْ شَّافُوذْ، [ثُوغَا ذِينْ] [أَرْشَامنْ ن] ويْرَاذنْ، إِفُونَاسنْ ذ إِكِيرُوبنْ. غَارْ سنّجْ خْ شَّافُوذْ ثُوغَا [ذِينْ] إِجّْ ن ؤُسنَّاذْ. سَاذُو ويْرَاذنْ ذ إِفُونَاسنْ تّْوَاڭّنْثْ ثِيسذِّييِينْ ن ثفْرَايْ نِّي يُويْڒنْ غَارْ وَادَّايْ .
1KI 7:30 إِشْثْ ن ثْكَارُّوثْ ثُوغَا غَارسْ أَربْعَا ن ثْجَارَّارِينْ ن نّْحَاسْ ذ ڒحْزَامَاثْ ن نّْحَاسْ. أَربْعَا ن إِضَارنْ ثُوغَا غَارْسنْ ثِيغَارْضِينْ. ثِيغَارْضِينْ إِفسْينْ نِّي [ثُوغَا أَثنْثْ] سَاذُو إِ ثْبَانْيُوثْ إِ ؤُسِيرْذْ، زَّاثْ إِ كُوڒْ ثَاغَارْضْثْ [ثُوغَا ذِينْ] ثِيسذِّييِينْ ن ثفْرَايْ.
1KI 7:31 أَقمُّومْ نّسْ [ثُوغَا-ث] غَارْ ذَاخڒْ ن تَّاجْ ن ثْكَارُّوثْ، إِجّْ ن ؤُغِيڒْ غَارْ سنّجْ. أَقمُّومْ نّسْ ثُوغَا-ث ذ أَقُورَارْ، إِجّْ ن ؤُغِيڒْ ذ وزْينْ، أَمُّو إِ إِتّْوَاڭّْ. خْ ؤُقمُّومْ [ثُوغَا ذِينْ] عَاوذْ ثِينْقَاشِينْ، ؤُ ثِيڒْوِيحِينْ نْسنْ عَارّْضنْثْ ثُوغَا أَثنْثْ س أَربْعَا ن ثْغمُّورَا، وَارْ دْجِينْثْ ذ ثِيقُورَارِينْ.
1KI 7:32 أَربْعَا ن ثْجَارَّارِينْ [ثُوغَا أَثنْثْ] سَاذُو ثڒْوِيحِينْ عَارّْضنْثْ ؤُ ڒحْزَامَاثْ ن ثْجَارَّارِينْ [ثُوغَا أَثنْثْ شدّْننْثْ] غَارْ ثْكَارُّوثْ. ڒُْوعْڒَا ن إِشْثْ ن ثْجَارَّارْثْ [ثُوغَا-ث] إِجّْ ن ؤُغِيڒْ ذ وزْينْ.
1KI 7:33 ثِيجَارَّارِينْ تّْوَاڭّنْثْ أَمْ تّْوَاڭّنْثْ ثْجَارَّارِينْ ن إِجّْ ن ؤُكَارُّو. ڒحْزَامَاثْ نْسنْثْ، يَانْثَاثْ نْسنْثْ، أَرَّاذْيَاوَاثْ نْسنْثْ ذ إِغُوڒَافْ [ن ڒحْزَامَاثْ] نْسنْثْ تّْوَافسْينْثْ مَارَّا.
1KI 7:34 [ثُوغَا ذِينْ] أَربْعَا ن ثْغَارْضِينْ غَارْ أَربْعَا ن ثْغمُّورَا ن إِشْثْ ن ثْكَارُّوثْ. ثِيغَارْضِينْ نّسْ فّْغنْثْ زِي ثْكَارُّوثْ.
1KI 7:35 سنّجْ إِ ثْكَارُّوثْ [ثُوغَا ذِينْ] إِجّْ ن طَّارْفْ ن وزْينْ ن ؤُغِيڒْ إِبدّْ إِقُووَّارْ أَسْ-د زِي مَارَّا إِغزْذِيسنْ نّسْ. سنّجْ إِ ثْكَارُّوثْ [ثُوغَا ذِينْ] عَاوذْ إِفَاسّنْ غَارْ ثڒْوِيحِينْ نّسْ.
1KI 7:36 خْ ثڒْوِيحِينْ أَكْ-ذ إِفَاسّنْ نْسنْثْ ؤُ خْ ثڒْوِيحِينْ ثِيقبَّارِينْ نْسنْثْ إِنْقشْ إِكِيرُوبنْ، إِيْرَاذنْ ذ ثْشجُّورَا ن ثِينِي، خْ كُوڒْ إِجّْ ن ومْشَانْ إِخْڒَا، ؤُڒَا ذ ثِيسذِّييِينْ ن ثفْرَايْ غَارْ مَارَّا إِغزْذِيسنْ.
1KI 7:37 أَمُّو إِ إِڭَّا نتَّاعشْرَا ن ثْكَارُّوثِينْ، مَارَّا س يِيجّْ ن وبْرِيذْ ن ؤُفسْيِي، س يِيجّْ ن ڒقْيَاسْ، س يِيجّْ ن وَادُّوذْ.
1KI 7:38 إِڭَّا [عَاوذْ] عشْرَا ن ثْبَانْيُوثِينْ ن نّْحَاسْ. إِشْثْ ن ثْبَانْيُوثْ إِكْسِي أَربْعِينْ إِبَاثُوثنْ. إِشْثْ ن ثْبَانْيُوثْ [ثُوغَا-ت] ذَايسْ أَربْعَا ن إِغَادْجنْ. خْ قَاعْ إِشْثْ زِيعشْرَا ن ثْكَارُّوثِينْ [نِّي] [ثُوغَا ثكَّارْ أَسْ-د] إِشْثْ ن ثْبَانْيُوثْ.
1KI 7:39 إِڭَّا خمْسَا ن ثْكَارُّوثِينْ غَارْ ؤُغزْذِيسْ ن زَّاثْ أَفُوسِي ن ثَادَّارْثْ ؤُ خمْسَا غَارْ ؤُغزْذِيسْ ن زَّاثْ أَزڒْمَاضْ ن ثَادَّارْثْ، مَاشَا ثَارِيمَانْثْ [ثَامقّْرَانْثْ] إِ وَامَانْ إِڭَّا إِ-ث غَارْ ؤُغزْذِيسْ ن زَّاثْ أَفُوسِي ن ثَادَّارْثْ، غَارْ ؤُغزْذِيسْ ن شَّارْقْ، غَارْ لْجَانُوبْ [نّسْ].
1KI 7:40 إِڭَّا حِيرَامْ [عَاوذْ] ثِيبَانْيُوثِينْ [إِ ؤُسِيرْذْ]، إِغنْجَاينْ ذ طَّاوْيَاثْ إِ ؤُرُوشِّي. إِكمّڒْ حِيرَامْ مَارَّا ڒْخذْمثْ نِّي إِڭَّا إِ ؤُجدْجِيذْ سُولِيمَانْ [إِ] ثَادَّارْثْ ن سِيذِي:
1KI 7:41 ثْنَاينْ ن إِپِيلَارنْ ذ ثْنَاينْ ن إِقُورَارنْ ن تِّيجَانْ نِّي [إِدْجَانْ] خْ إِزدْجِيفنْ ن ثْنَاينْ ن إِپِيلَارنْ [نِّي]، ؤُڒَا ذ ثْنَاينْ ن ڒخْذَايمْ ن ؤُمُوذِّي إِ ذ أَسنْثْ-إِ-د-إِنّْضنْ إِ ثْنَاينْ ن إِقُورَارنْ ن تِّيجَانْ إِنِّي [إِدْجَانْ] خْ إِزدْجِيفنْ ن ثْنَاينْ ن إِپِيلَارنْ،
1KI 7:42 أَربْعَا-مْيَا ن إِرمَّامنْ إِ ثْنَاينْ ن ڒخْذَايمْ ن ؤُمُوذِّي [تّْوَامّْسبْضَانْ] خْ ثْنَاينْ ن إِسذِّييّنْ ن إِرمَّامنْ إِ كُوڒْ ڒْخذْمثْ ن ؤُمُوذِّي إِ زِي ذْڒِينْ نِيثْنِي ثْنَاينْ ن إِقُورَارنْ ن تِّيجَانْ إِنِّي خْ وُوذمْ سنّجْ ن إِپِيلَارنْ،
1KI 7:43 ذعشْرَا ن ثْكَارُّوثِينْ ذعشْرَا ن ثْبَانْيُوثِينْ [نِّي إِدْجَانْ] خْ ثْكَارُّوثِينْ [نِّي]،
1KI 7:44 ذ ثَارِيمَانْثْ ذ ثنْعَاشْ ن إِفُونَاسنْ سَاذُو إِ ثْرِيمَانْثْ،
1KI 7:45 ذ ثيْذُورِينْ ذ إِغنْجَاجنْ ذ طَّاوْيَاثْ إِ ؤُرُوشِّي. مَارَّا ڒقْشُوعْ-أَ إِ إِڭَّا حِيرَامْ إِ ؤُجدْجِيذْ سُولِيمَانْ [إِ] ثَادَّارْثْ ن سِيذِي، [ثُوغَا أَثنْ] زِي نّْحَاسْ إِتّْوَاسُّويْذَانْ.
1KI 7:46 أَجدْجِيذْ إِكبّْ إِ-ثنْ ذڭْ ؤُذوَّارْ ن لْ-ؤُرْذُونْ ذِي ثْڒَاخْثْ إِڭْذَارنْ جَارْ سُوكُّوثْ ذ صَارْثَانْ.
1KI 7:47 سُولِيمَانْ إِسّْعِيزّْ خْ [ووْزَانْ ن] مَارَّا ڒقْشُوعْ-أَ ذِي سِّيبّثْ ن ڒْقدّْ نْسنْ ذ أَمقّْرَانْ أَطَّاسْ. وَارْ بقّْشنْ ذِي ڒوْزنْ ن نّْحَاسْ.
1KI 7:48 سُولِيمَانْ إِڭَّا مَارَّا ڒقْشُوعْ إِ ثَادَّارْثْ ن سِيذِي: أَعَالْطَارْ ن وُورغْ، ثَازوْضَا ن وُورغْ مِينْ خفْ [إِتّْوَاسَّارْسْ] وغْرُومْ ن وسْشَانْ،
1KI 7:49 ڒَا ذ ڒقْنَاذڒْ، خمْسَا غَارْ يفُوسْ ذ خمْسَا غَارْ ؤُزڒْمَاضْ، زَّاثْ إِ [وخَّامْ ن] ذَاخڒْ [ن زَّاوشْثْ] زڭْ وُورغْ إِزذْڭنْ، ڒَا ذ [نُّووَارَاثْ] يَارزْمنْ ذ ڒفْنَارَاثْ ذ ثْجقَّاضِينْ [ن ثفْثِيتْشْ] ن وُورغْ،
1KI 7:50 ؤُڒَا ذ طَّاوْيَاثْ ذ ثْجقَّاضِينْ ذ طَّاوْيَاثْ إِ ؤُرُوشِّي ذ ثْغنْجَايِينْ ذ ثْمجْمَارِينْ ن وُورغْ إِزذْڭنْ. [خنِّي إِڭَّا عَاوذْ] ڒمْفَاسڒْ إِ ثوُّورَا ن ثَادَّارْثْ ن ذَاخڒْ، إِ وقْذَاسْ خْ ؤُقدَّاسْ، ؤُڒَا [ڒمْفَاسڒْ] إِ ثوُّورَا ن [وخَّامْ ن] زَّاوشْثْ ثَامقّْرَانْثْ ن ثَادَّارْثْ زڭْ وُورغْ.
1KI 7:51 أَمُّو إِ ثتّْوَاكمّڒْ مَارَّا ڒْخذْمثْ إِ إِڭَّا ؤُجدْجِيذْ سُولِيمَانْ إِ ثَادَّارْثْ ن سِيذِي. ؤُشَا سُولِيمَانْ إِسِّيذفْ ثِيوْهِيبِينْ إِقدّْسنْ ن بَابَاسْ. إِسَّارْسْ نُّوقَارْثْ ذ وُورغْ ذ ڒقْشُوعْ ذڭْ إِخَّامنْ ن ثْخُوبَايْ ن ثَادَّارْثْ ن سِيذِي.
1KI 8:1 خنِّي إِسّْمُونْ سُولِيمَانْ إِمْغَارنْ ن إِسْرَائِيل، مَارَّا إِزدْجِيفنْ ن ثْقبَّاڒْ، ڒْحُوكَّامْ [ن ثُوذْرِينْ] ن ڒجْذُوذْ ن أَيْثْ ن إِسْرَائِيل غَارْ ؤُجدْجِيذْ سُولِيمَانْ ذِي ؤُرْشَالِيمْ، حِيمَا أَذْ سّْڭعّْذنْ تَّابُوثْ ن ڒْعَاهْذْ ن سِيذِي زِي ثنْذِينْثْ ن ذَاوُوذْ، ثنِّي ذ صِيهْيُونْ.
1KI 8:2 مَارَّا إِرْيَازنْ ن إِسْرَائِيل مُوننْ-د غَارْ ؤُجدْجِيذْ سُولِيمَانْ غَارْ ڒْعِيذْ ذڭْ ؤُيُورْ ن إِثَانِيمْ، أَقَا-ث ذ أَيُورْ وِيسّْ سبْعَا.
1KI 8:3 مَارَّا إِمْغَارنْ ن إِسْرَائِيل ؤُسِينْ-د ؤُ إِكهَّاننْ سّْڭعّْذنْ تَّابُوثْ.
1KI 8:4 نِيثْنِي سّْڭعّْذنْ تَّابُوثْ ن سِيذِي أَكْ-ذ ؤُقِيضُونْ ن ؤُمْسَاڭَارْ ؤُڒَا ذ مَارَّا ڒقْشُوعْ إِقدّْسنْ إِ ثُوغَا إِدْجَانْ ذڭْ ؤُقِيضُونْ. سّْڭعّْذنْ ت إِكهَّاننْ ذ إِلَاوِييّنْ.
1KI 8:5 أَجدْجِيذْ سُولِيمَانْ أَكْ-ذ مَارَّا ثَامسْمُونْثْ ن إِسْرَائِيل إِ ثُوغَا غَارسْ د-ثْمُونْ ؤُ ثُوغَا-ت أَكِيذسْ زَّاثْ إِ تَّابُوثْ، [مَارَّا نِيثْنِي] وهّْبنْ ؤُدْجِي ذ إِفُونَاسنْ ذ ثْفُونَاسِينْ، إِنِّي وَارْ زمَّارنْ أَذْ تّْوَاحسْبنْ زِي سِّيبّثْ ن ڒْقدّْ أَمقّْرَانْ نْسنْ.
1KI 8:6 إِكهَّاننْ إِوْينْ تَّابُوثْ ن ڒْعَاهْذْ ن سِيذِي غَارْ ومْشَانْ نّسْ، غَارْ [وخَّامْ ن] ذَاخڒْ ن ثَادَّارْثْ، ذڭْ وقْذَاسْ خْ ؤُقدَّاسْ، أَڒْ سَاذُو وَافْرِيونْ ن إِكِيرُوبنْ.
1KI 8:7 مَاغَارْ إِكِيرُوبنْ بزّْعنْ ثْنَاينْ ن وَافْرِيونْ نْسنْ ثِيوَا ن ومْشَانْ ن تَّابُوثْ، ؤُشَا إِكِيرُوبنْ ذْڒِينْ تَّابُوثْ ذ إِعُومَاذْ نّسْ [إِ ثَاربُّوثْ] زِي سنّجْ.
1KI 8:8 إِعُومَاذْ نّسْ [ن ثَاربُّوثْ] ثُوغَا فّْغنْ-د أَڒَامِي تّْوَاژَارّنْ إِخْفَاونْ ن إِعُومَاذْ نّسْ زڭْ ؤُقدَّاسْ زَّاثْ إِ وُوذمْ ن [وخَّامْ ن] ذَاخڒْ [ن زَّاوشْثْ]، [مَاشَا] زِي بَارَّا وَارْ زمَّارنْ أَذْ ثنْ ژَترنْ. [إِعُومَاذْ] قِّيمنْ ذِينِّي أَڒْ أَسّْ-أَ.
1KI 8:9 وَارْ إِدْجِي ؤُڒَا ذ شَا ذِي تَّابُوثْ مْغِيرْ ثْنَاينْ ن ثڒْوِيحِينْ إِ ثُوغَا ذَايسْ إِسَّارْسْ مُوسَا غَارْ هُورِيبْ، ڒَامِي إِڭَّا سِيذِي [ڒْْعَاهْذْ] أَكْ-ذ أَيْثْ ن إِسْرَائِيل ؤُمِي د-فّْغنْ زِي مِيصْرَا.
1KI 8:10 ڒَامِي د-فّْغنْ إِكهَّاننْ زڭْ ؤُقدَّاسْ [غَارْ بَارَّا]، إِمْسَارْ، أَقَا إِجّْ ن ؤُسيْنُو إِشُّورْ ثَادَّارْثْ ن سِيذِي.
1KI 8:11 وَارْ زمَّارنْ إِكهَّاننْ أَذْ قِّيمنْ بدّنْ حِيمَا أَذْ سخَّارنْ زِي سِّيبّثْ ن ؤُسيْنُو، مِينْزِي أَعُودْجِي ن سِيذِي ثُوغَا إِشُّورْ ثَادَّارْثْ ن سِيذِي.
1KI 8:12 خنِّي إِنَّا سُولِيمَانْ: ”سِيذِي إِنَّا أَقَا نتَّا أَذْ إِزْذغْ ذڭْ إِجّْ ن ؤُسيْنُو إِبُّومْبسْ.
1KI 8:13 [س ثِيذتّْ]، نشّْ بْنِيغْ إِشْثْ ن ثَادَّارْثْ، إِشْثْ ن ثْزذِّيغْثْ إِ شكْ، إِجّْ ن ومْشَانْ إِمْثنْ إِ شكْ، حِيمَا أَذْ [ذِينْ] ثْزذْغذْ إِ ڒبْذَا.“
1KI 8:14 إِنّقْڒبْ ؤُجدْجِيذْ س ؤُغمْبُوبْ نّسْ ؤُشَا إِبَاركْ مَارَّا أَڭْرَاوْ-أَ [ن ڒْڭنْسْ] ن إِسْرَائِيل ؤُ مَارَّا أَڭْرَاوْ ن إِسْرَائِيل ثُوغَا إِبدّْ.
1KI 8:15 نتَّا إِنَّا: ”أَذْ إِتّْوَابَاركْ سِيذِي، أَربِّي ن إِسْرَائِيل، ونِّي إِسِّيوْڒنْ س ؤُقمُّومْ نّسْ إِ بَابَا ذَاوُوذْ ذ [ونِّي] [ث] إِكمّْڒنْ س ؤُفُوسْ نّسْ ؤُمِي إِنَّا:
1KI 8:16 ’زڭْ وَاسّْ إِ ذِي نذْهغْ ڒْڭنْسْ إِنُو إِسْرَائِيل زِي مِيصْرَا، وَارْ إِخْضَارغْ ؤُڒَا ذ إِشْثْ ن ثنْذِينْثْ زِي مَارَّا ثِيقبَّاڒْ ن إِسْرَائِيل، حِيمَا أَذْ [ذِينِّي] بْنِيغْ إِشْثْ ن ثَادَّارْثْ، حِيمَا أَذْ [ذِينْ] يِيڒِي إِسمْ إِنُو، [مَاشَا] نشّْ إِخْضَارغْ ذَاوُوذْ، حِيمَا أَذْ يِيڒِي ذ ڒْحَاكمْ خْ ڒْڭنْسْ إِنُو إِسْرَائِيل.‘
1KI 8:17 ثُوغَا ذڭْ وُوڒْ ن بَابَا ذَاوُوذْ، حِيمَا أَذْ إِبْنَا إِشْثْ ن ثَادَّارْثْ إِ يِيسمْ ن سِيذِي، أَربِّي ن إِسْرَائِيل.
1KI 8:18 إِنَّا سِيذِي إِ بَابَا ذَاوُوذْ: ’ؤُمِي ثڭِّيذْ ذڭْ وُوڒْ نّشْ حِيمَا أَذْ ثبْنِيذْ إِشْثْ ن ثَادَّارْثْ إِ يِيسمْ إِنُو، ذِي مَانْ أَيَا إِ ثڭِّيذْ مْلِيحْ ؤُمِي ت ثُوغَا ذڭْ وُوڒْ نّشْ.
1KI 8:19 مَاشَا وَارْ إِدْجِي شكْ إِ غَا إِبْنَانْ ثَادَّارْثْ نِّي، مَاشَا مِّيشْ إِ د-إِفّْغنْ زِي ثجْعِينَّا نّشْ. ذ نتَّا أَذْ إِبْنَا ثَادَّارْثْ إِ يِيسمْ إِنُو.‘
1KI 8:20 سِيذِي إِسّمْثنْ أَوَاڒْ نّسْ نِّي إِسِّيوڒْ، مَاغَارْ نشّْ ذوْڒغْ بدّغْ ذڭْ ومْشَانْ ن بَابَا ذَاوُوذْ ؤُ قِّيمغْ خْ ڒْعَارْشْ ن إِسْرَائِيل، أَمْ مَامّشْ ثُوغَا إِسِّيوڒْ سِيذِي، ؤُ نشّْ بْنِيغْ ثَادَّارْثْ إِ يِيسمْ ن سِيذِي، أَربِّي ن إِسْرَائِيل.
1KI 8:21 نشّْ ڭِّيغْ ذِينْ إِجّْ ن ومْشَانْ إِ تَّابُوثْ ثنِّي ذِي إِدْجَا ڒْعَاهْذْ ن سِيذِي إِ إِڭَّا نتَّا أَكْ-ذ ڒجْذُوذْ نّغْ ؤُمِي ثنْ د-إِنْذهْ زِي مِيصْرَا.“
1KI 8:22 سُولِيمَانْ إِبدّْ زَّاثْ إِ ؤُعَالْطَارْ ن سِيذِي أَرنْذَاذْ ن مَارَّا أَڭْرَاوْ [ن ڒْڭنْسْ] ن إِسْرَائِيل، ؤُشَا نتَّا إِكْسِي إِفَاسّنْ نّسْ غَارْ ؤُجنَّا،
1KI 8:23 إِنَّا: ”[أَ] سِيذِي، أَربِّي ن إِسْرَائِيل، وَارْ إِدْجِي ؤُڒَا ذ إِجّْ ن أَربِّي أَمْ شكْ ذڭْ ؤُجنَّا سنّجْ ؤُ خْ ثمُّورْثْ سْوَادَّايْ، ونِّي إِحْضَانْ ڒْعَاهْذْ ذ ثْمخْسِيوْثْ إِشوَّاڒنْ إِ إِمْسخَّارنْ نّشْ نِّي إِڭُّورنْ زَّاثْ إِ وُوذمْ نّشْ س مَارَّا ؤُڒْ نْسنْ،
1KI 8:24 ونِّي إِحْضَانْ ذِي طّْوعْ ن ؤُمْسخَّارْ نّشْ، بَابَا ذَاوُوذْ، خْ مِينْ خفْ أَكِيذسْ ثسِّيوْڒذْ، مِينْزِي س ؤُقمُّومْ نّشْ إِ ثسِّيوْڒذْ ؤُ س ؤُفُوسْ نّشْ إِ د-ثَارِّيذْ أَذْ إِتّْوَاكمّڒْ، أَمْ [ثدْجَا] أَسّْ-أَ.
1KI 8:25 [خنِّي] ڒخُّو، سِيذِي، أَربِّي ن إِسْرَائِيل، حْضَاثْ ذِي طّْوعْ ن ؤُمْسخَّارْ نّشْ، بَابَا ذَاوُوذْ، خْ مِينْ كِيذسْ ثسِّيوْڒذْ ؤُمِي ثنِّيذْ: ’وَارْ إِتّْوَاقسّْ زَّايكْ ؤُڒَا ذ إِجّْ ن ورْيَازْ زِي زَّاثْ إِ وُوذمْ إِنُو ونِّي إِقِّيمنْ خْ ڒْعَارْشْ ن إِسْرَائِيل، مِينْ غَا كّنْ إِحنْجِيرنْ نّشْ أَذْ حْضَانْ أَذْ ؤُيُورنْ أَبْرِيذْ نْسنْ زَّاثْ إِ وُوذمْ إِنُو أَمْ مَامّشْ ثُويُورذْ شكْ زَّاثْ إِ وُوذمْ إِنُو!‘
1KI 8:26 [خنِّي] ڒخُّو، [أَ] أَربِّي ن إِسْرَائِيل، أڭّثْ أَذْ ذوْڒنْ ذ ثِيذتّْ أَوَاڒنْ نِّي ثسِّيوْڒذْ أَكْ-ذ ؤُمْسخَّارْ نّشْ، بَابَا ذَاوُوذْ.
1KI 8:27 مَاغَارْ مَا س ثِيذتّْ أَذْ إِزْذغْ أَربِّي خْ ثمُّورْثْ؟ خْزَارْ، أَجنَّا، [وَاهْ،] أَجنَّا ن إِجنْوَانْ وَارْ إِزمَّارْ أَذْ شكْ إِكْسِي، مشْحَاڒْ س ذْرُوسْ ثَادَّارْثْ-أَ نِّي سّْبدّغْ نشّْ!
1KI 8:28 ميّڒْ غَارْ ثْژَادْجِيثْ ن ؤُمْسخَّارْ نّشْ ؤُ غَارْ ؤُزَاوڭْ نّسْ، [أَ] سِيذِي، أَربِّي إِنُو، حِيمَا أَذْ ثسْڒذْ غَارْ ؤُڒَاغِي ؤُ غَارْ ثْژَادْجِيثْ نِّي إِژُّودْجْ ؤُمْسخَّارْ نّشْ أَسّْ-أَ زَّاثْ إِ وُوذمْ نّشْ.
1KI 8:29 أجّْ ثِيطَّاوِينْ نّشْ أَذْ تّْوَارزْمنْثْ دْجِيڒثْ ذ وَاسّْ ثِيوَا إِ ثَادَّارْثْ-أَ، ثِيوَا إِ ومْشَانْ إِ خْ ثنِّيذْ: ’أَقَا إِسمْ إِنُو أَذْ ذِينْ يِيڒِي إِ ؤُسدْجِي غَارْ ثْژَادْجِيثْ إِ إِژُّودْجْ ؤُمْسخَّارْ نّشْ ذڭْ ومْشَانْ-أَ.‘
1KI 8:30 سڒْ [خنِّي] إِ ؤُزَاوڭْ ن ؤُمْسخَّارْ نّشْ ؤُ ن ڒْڭنْسْ نّشْ إِسْرَائِيل، [إِ ؤُزَاوڭْ] نِّي تَّارنْ نِيثْنِي ذڭْ ومْشَانْ-أَ، ؤُ سڒْ شكْ [خنِّي] ذڭْ ومْشَانْ ن ثْزذِّيغْثْ نّشْ، ذڭْ ؤُجنَّا، [وَاهْ،] سڒْ ؤُشَا غْفَارْ.
1KI 8:31 مَاڒَا إِخْضَا إِجّْ أَكْ-ذ جَّارْ نّسْ ؤُ ثتّْوَاڭّْ خَاسْ إِشْثْ ن ثْجَادْجِيثْ، حِيمَا أَذْ ت إِجُّودْجْ ؤُ وَانِيثَا يُوسَا-د ؤُشَا إِجُّودْجْ زَّاثْ إِ ؤُعَالْطَارْ نّشْ ذِي ثَادَّارْثْ-أَ،
1KI 8:32 سڒْ شكْ [خنِّي] ذڭْ ؤُجنَّا، كَّارْ، حْكمْ خْ إِمْسخَّارنْ نّشْ، [حِيمَا] أَذْ إِتّْوَاحْكمْ خْ ؤُعفَّانْ أَڒَامِي أَبْرِيذْ نّسْ أَذْ د-إِهْوَا خْ ؤُزدْجِيفْ نّسْ، ؤُ [حِيمَا] أَذْ ثتّْوَاڭّْ ثْسڭْذَا إِ ؤُمْسڭّذْ أَڒَامِي أَذْ أَسْ ثتّْوَاغْ ثسْغَارْثْ عْلَاحْسَابْ ثَاسڭْذَا نّسْ.
1KI 8:33 مَاڒَا إِتّْوَاغْڒبْ ڒْڭنْسْ نّشْ إِسْرَائِيل زَّاثْ إِ وُوذمْ ن ڒعْذُو، مِينْزِي نِيثْنِي خْضَانْ أَكِيذكْ، [مَاشَا] نِيثْنِي أَذْ غَاركْ د-ذوْڒنْ ؤُشَا أَذْ قَاذَانْ إِسمْ نّشْ ؤُ أَذْ ژَتدْجنْ أَذْ كْسِينْ س ڒْمعْرُوفْ إِ شكْ ذِي ثَادَّارْثْ-أَ،
1KI 8:34 سڒْ شكْ [خنِّي] ذڭْ ؤُجنَّا ؤُ غْفَارْ دّْنُوبْ ن ڒْڭنْسْ نّشْ إِسْرَائِيل ؤُ نْذهْ إِ-ثنْ أَذْ د-ذوْڒنْ غَارْ ثمُّورْثْ نِّي ثوْشِيذْ إِ ڒجْذُوذْ نْسنْ.
1KI 8:35 مَاڒَا إِبلّعْ ؤُجنَّا، خْمِي وَارْ ذِينْ إِتِّيڒِي ونْژَارْ، مِينْزِي نِيثْنِي خْضَانْ أَكِيذكْ ؤُ نِيثْنِي أَذْ ژَّادْجنْ أَمْ نّْقڒْبنْ غَارْ ومْشَانْ-أَ، أَذْ قَاذَانْ إِسمْ نّشْ ؤُ أَذْ د-ذوْڒنْ خْ دّْنُوبْ نْسنْ ؤُمِي شكْ ثنْ ثحْصَارذْ،
1KI 8:36 سڒْ شكْ [خنِّي] ذڭْ ؤُجنَّا ؤُ غْفَارْ أَسنْ دّنْبْ ن إِمْسخَّارنْ نّشْ ؤُ ن ڒْڭنْسْ نّشْ إِسْرَائِيل، مِينْزِي شكْ ثسّڒْمَاذذْ إِ-ثنْ أَبْرِيذْ أَصبْحَانْ نِّي إِتّْخصَّا أَذْ ؤُيُورنْ، ؤُ أوْشْ شكْ [خنِّي] أَنْژَارْ خْ ثمُّورْثْ نِّي ثوْشِيذْ ذ ڒْوَارْثْ إِ ڒْڭنْسْ نّشْ.
1KI 8:37 مَاڒَا ذِينْ ڒَاژْ ذِي ثمُّورْثْ، [نِيغْ] طَّاعُونْ، [نِيغْ] إِتّْوَاسّشْمضْ [إِمنْذِي زڭْ ؤُسمِّيضْ]، [نِيغْ] جّْرِيحشْثْ ن وفْسُو [نِيغْ] ثَامُوغْرِي [ثنِّي] إِصَارّْضنْ، [نِيغْ] مَاڒَا إِحْصَارْ إِ-ث ڒعْذُو [غَارْ] ثوُّورَا نّسْ، [نِيغْ] ثڒْقفْ إِ-ث مَامّشْ مَا ثڭَّا شَا ن جّْرِيحشْثْ [نِيغْ] شَا ن ڒحْڒَاشْ،
1KI 8:38 [خنِّي] مَانْ مَا إِ غَا إِژُّودْجْ نِيغْ غَا إِتَّارْ إِجّْ ن بْنَاذمْ [نِيغْ] مَارَّا ڒْڭنْسْ نّشْ إِسْرَائِيل، [أَمْ] نِيثْنِي، كُوڒْ إِجّْ [زَّايْسنْ]، سّْننْ جّْرِيحشْثْ ن وُوڒْ نْسنْ، ؤُ نتَّا إِكْسِي [خنِّي] إِفَاسّنْ نّسْ غَارْ ثَادَّارْثْ-أَ،
1KI 8:39 سڒْ شكْ [غَارسْ] زڭْ ؤُجنَّا، أَمْشَانْ إِمْثنْ ن ثْزذِّيغْثْ نّشْ، غْفَارْ، كَّارْ ؤُ أوْشْ كُوڒْ إِجّْ عْلَاحْسَابْ ثِيبْرِيذِينْ نّسْ - أَمْ مَامّشْ ثسّْنذْ شكْ ؤُڒْ نّسْ، مَاغَارْ شكْ وَاهَا إِ إِسّْننْ ؤُڒْ ن كُوڒْ بْنَاذمْ -
1KI 8:40 حِيمَا نِيثْنِي أَذْ شكْ ڭّْوذنْ مَارَّا ؤُسَّانْ إِ غَا كّنْ دَّارنْ خْ وُوذمْ ن ثمُّورْثْ نِّي ثوْشِيذْ إِ ڒجْذُوذْ نّغْ،
1KI 8:41 [ؤُشَا سڒْ شكْ] ؤُڒَا غَارْ ؤُبَارَّانِي نِّي وَارْ [إِدْجَانْ] زِي ڒْڭنْسْ نّشْ إِسْرَائِيل، [مَاشَا] أَذْ د-يَاسْ ذِي طّْوعْ ن يِيسمْ نّشْ زڭْ إِشْثْ ن ثمُّورْثْ إِڭّْوجنْ.
1KI 8:42 مَاغَارْ نِيثْنِي أَذْ سْڒنْ خْ يِيسمْ نّشْ أَمقّْرَانْ، خْ ؤُفُوسْ نّشْ إِجهْذنْ ؤُ خْ ؤُغِيڒْ نّشْ إِسّْوِيژّْضنْ! مَاڒَا نتَّا د-يُوسَا ؤُ أَذْ إِژَّادْجْ ذِي ثَادَّارْثْ-أَ،
1KI 8:43 سڒْ شكْ [خنِّي] زڭْ ؤُجنَّا، أَمْشَانْ إِمْثنْ ن ثْزذِّيغْثْ نّشْ، ؤُ أڭّْ عْلَاحْسَابْ مَارَّا مِينْ خفْ ذ غَاركْ غَا إِڒَاغَا ؤُبَارَّانِي، حِيمَا مَارَّا ڒڭْنُوسْ ن دُّونشْثْ أَذْ سّْننْ إِسمْ نّشْ، حِيمَا نِيثْنِي أَذْ شكْ ڭّْوذنْ، أَمْ ڒْڭنْسْ نّشْ إِسْرَائِيل، ؤُ أَذْ ؤُشِينْ، أَقَا إِسمْ نّشْ إِتّْوَابَارّحْ ثِيوَا إِ ثَادَّارْثْ-أَ إِ بْنِيغْ.
1KI 8:44 مَاڒَا ڒْڭنْسْ إِفّغْ غَارْ ؤُمنْغِي أَكْ-ذ ڒعْذُو نّسْ ذڭْ وبْرِيذْ مِينْ خفْ ثنْ ثسّكّذْ ؤُ نِيثْنِي أَذْ ژَّادْجنْ إِ سِيذِي [أَمْ] نّْقڒْبنْ غَارْ ثنْذِينْثْ-أَ إِ ثِيخْضَارذْ شكْ ؤُ غَارْ ثَادَّارْثْ إِ بْنِيغْ نشّْ إِ يِيسمْ نّشْ،
1KI 8:45 سڒْ شكْ [خنِّي] ذڭْ ؤُجنَّا إِ ثْژَادْجِيثْ نْسنْ ؤُ إِ ؤُزَاوڭْ نْسنْ ؤُشَا ثَاغذْ أَسنْ ثَاسْغَارْثْ.
1KI 8:46 مَاڒَا نِيثْنِي خْضَانْ أَكِيذكْ - مَاغَارْ وَارْ إِدْجِي ؤُڒَا ذ إِجّْ بْنَاذمْ إِ وَارْ إِخْضَانْ - ؤُ شكْ ثسْعَارذْ خَاسنْ، أَذْ ثنْ ثْسلّْمذْ زَّاثْ إِ وُوذمْ ن ڒعْذُو ؤُشَا نِيثْنِي أَذْ ثنْ نذْهنْ ذ إِمحْبَاسْ غَارْ ثمُّورْثْ ن ڒعْذُو، مَا ثڭّْوجْ نِيغْ ثُوذسْ [إِ ثدْجَا]،
1KI 8:47 ؤُ نِيثْنِي أَذْ ثُوبنْ ذڭْ وُوڒْ نْسنْ ذِي ثمُّورْثْ مَانِي تّْوَاحبّْسنْ، [وَاهْ]، أَذْ ثُوبنْ ؤُ أَذْ خَاكْ د-ڒَْاغَانْ ذِي ثمُّورْثْ ن يِينِّي ثنْ إِحبّْسنْ، أَذْ إِنِينْ: ’نشِّينْ نخْضَا ؤُ نڭَّا مِينْ وَارْ إِسڭّْذنْ، أَقَا نڭَّا ثُوعفّْنَا!‘،
1KI 8:48 ؤُ نِيثْنِي أَذْ غَاركْ د-ذوْڒنْ س مَارَّا ؤُڒْ نْسنْ ؤُ س مَارَّا ڒعْمَارْ نْسنْ ذِي ثمُّورْثْ ن ڒْعذْيَانْ نْسنْ إِنِّي ثنْ إِحبّْسنْ ؤُشَا أَذْ غَاركْ ژَّادْجنْ [أَمْ] نّْقڒْبنْ غَارْ ثمُّورْثْ نِّي ثوْشِيذْ إِ ڒجْذُوذْ نْسنْ، غَارْ ثنْذِينْثْ-أَ إِ ثِيخْضَارذْ شكْ ؤُ غَارْ ثَادَّارْثْ-أَ إِ بْنِيغْ نشّْ إِ يِيسمْ نّشْ،
1KI 8:49 سڒْ شكْ [خنِّي] ذڭْ ؤُجنَّا، أَمْشَانْ إِمْثنْ ن ثْزذِّيغْثْ نّشْ، إِ ثْژَادْجِيثْ نْسنْ ؤُ إِ ؤُزَاوڭْ نْسنْ ؤُشَا أَغْ أَسنْ ثَاسْغَارْثْ.
1KI 8:50 غْفَارْ إِ ڒْڭنْسْ نّشْ مِينْ زِي خْضَانْ أَكِيذكْ ؤُ [غْفَارْ أَسنْ] مَارَّا إِخطَّانْ نْسنْ إِ كِيذكْ إِخْضَانْ، ؤُ أوْشْ أَسنْ أَرّحْمثْ زَّاثْ إِ وُوذمْ ن يِينِّي إِ ثنْ إِحبّْسنْ، حِيمَا نِيثْنِي أَذْ خَاسنْ أَرحْمنْ.
1KI 8:51 نِيثْنِي مَاغَارْ ذ ڒْڭنْسْ نّشْ ذ ثَاسْغَارْثْ نّشْ نِّي د-ثسُّوفّْغذْ زِي مِيصْرَا، زِي ڒْوسْطْ ن ؤُفرَّانْ ن وُوزَّاڒْ.
1KI 8:52 أجّْ ثِيطَّاوِينْ نّشْ أَذْ تّْوَارْزْمنْثْ إِ ؤُحشّمْ ن ؤُمْسخَّارْ نّشْ ؤُ إِ ؤُحشّمْ ن ڒْڭنْسْ نّشْ إِسْرَائِيل، مَاحنْذْ أَذْ غَارْسنْ ثسْڒذْ أَكْ-ذ مَارَّا مِينْ غَاركْ إِ غَا ڒَاغَانْ،
1KI 8:53 مَاغَارْ شكْ ثْفَارْزذْ إِ-ثنْ إِ يِيخفْ نّشْ ذ ڒْوَارْثْ زِي مَارَّا ڒڭْنُوسْ ن ثمُّورْثْ، أَمْ مَامّشْ ثسِّيوْڒذْ شكْ س ثْسخَّارْثْ ن مُوسَا، ؤُمْسخَّارْ نّشْ، ؤُمِي ثسُّوفّْغذْ ڒجْذُوذْ نّغْ زِي مِيصْرَا، [أَ] سِيذِي إِنُو، سِيذِي!“
1KI 8:54 ڒَامِي ثُوغَا سُولِيمَانْ إِكمّڒْ مَارَّا ثْژَادْجِيثْ-أَ ؤُ [مَارَّا] أَحشّمْ-أَ غَارْ سِيذِي، إِمْسَارْ، أَقَا نتَّا إِكَّارْ زِي زَّاثْ ن ؤُعَالْطَارْ ن سِيذِي، أَمْ ث ثُوغَا خْ إِفَادّنْ نّسْ س وعْرُورْ إِقْوسْ أَمْ تّْوَاسّْوِيژَّاضنْ إِفَاسّنْ نّسْ غَارْ ؤُجنَّا.
1KI 8:55 نتَّا ثُوغَا إِبدّْ [ذِينْ] ؤُشَا إِبَاركْ مَارَّا أَڭْرَاوْ [ن ڒْڭنْسْ] ن إِسْرَائِيل، إِنَّا س ثْمِيجَّا إِجهْذنْ:
1KI 8:56 ”أَذْ إِتّْوَابَاركْ سِيذِي، ونِّي إِسَّاريّْحنْ ڒْڭنْسْ نّسْ إِسْرَائِيل عْلَاحْسَابْ مَارَّا مِينْ ثُوغَا إِقَّارْ! زِي مَارَّا أَوَاڒْ[أنْ] إِصبْحَاننْ إِ زِي إِسِّيوڒْ س ثْسخَّارْثْ ن ؤُمْسخَّارْ نّسْ مُوسَا، وَارْ د-إِوْضِي ؤُڒَا ذ إِجّْ.
1KI 8:57 أَذْ يِيڒِي سِيذِي، أَربِّي نّغْ، أَكِيذْنغْ أَمْ ثُوغَا إِدْجَا أَكْ-ذ ڒجْذُوذْ نّغْ، مَاحنْذْ نتَّا وَارْ ذ أَنغْ إِتّجِّي ؤُ وَارْ ذ أَنغْ إِنطَّارْ،
1KI 8:58 [مَاشَا] أَذْ إِنْذهْ ؤُڒَاونْ نّغْ غَارسْ، مَاحنْذْ نشِّينْ أَذْ نُويُورْ خْ ثبْرِيذِينْ نّسْ ؤُ أَذْ نحْضَا ڒُومُورَاثْ نّسْ ذ ثْوصَّا نّسْ ذ لْفَارَايِيضْ نّسْ نِّي يُومُورْ إِ ڒجْذُوذْ نّغْ.
1KI 8:59 أجّْ أَوَاڒنْ-أَ إِ سِّيوْڒغْ س ؤُحشّمْ زَّاثْ إِ وُوذمْ ن سِيذِي، أَسّْ ذ دْجِيڒثْ، أَذْ إِڒِينْ ؤُذْسنْ غَارْ سِيذِي، أَربِّي نّغْ، حِيمَا نتَّا أَذْ يَاغْ ثَاسْغَارْثْ إِ ؤُمْسخَّارْ نّسْ ذ ڒْڭنْسْ نّسْ إِسْرَائِيل، كُوڒْ أَسّْ [س] مِينْ [إِ إِتّْڒِيقنْ] إِ وَاسّْ نِّي،
1KI 8:60 مَاحنْذْ مَارَّا ڒڭْنُوسْ ن ثمُّورْثْ أَذْ سّْننْ أَقَا سِيذِي ذ أَربِّي، وَارْ ذِينْ نّغْنِي،
1KI 8:61 مَاحنْذْ ؤُڒْ نْومْ أَذْ يِيڒِي إِمُونْ أَكْ-سِيذِي، أَربِّي نّغْ، حِيمَا أَذْ ثُويُورمْ عْلَاحْسَابْ ثِيوصَّا نّسْ، أَذْ ثحْضَامْ ڒُومُورَاثْ نّسْ، أَمْ [ثدْجَا] أَسّْ-أَ.“
1KI 8:62 إِغَارْصْ ؤُجدْجِيذْ ذ مَارَّا إِسْرَائِيل أَكِيذسْ ثِيغَارْصَا زَّاثْ إِ وُوذمْ ن سِيذِي.
1KI 8:63 سُولِيمَانْ إِغَارْصْ ثِيغَارْصَا ن ڒهْنَا نِّي إِغَارْصْ إِ سِيذِي: ثْنَاينْ ؤُ-عِيشْرِينْ-أَڒَافْ ن إِفُونَاسنْ ذ ثْفُونَاسِينْ ذ مْيَا ؤُ-عِيشْرِينْ-أَڒَافْ ن وُودْجِي ذ ثَاغَارْصْثْ ن ڒهْنَا. أَمُّو إِ إِذشّنْ ؤُجدْجِيذْ ثَادَّارْثْ ن سِيذِي [جْمِيعْ] أَكْ-ذ مَارَّا أَيْثْ ن إِسْرَائِيل.
1KI 8:64 ذڭْ وَاسّْ ذ إِجّنْ إِسّْقدّسْ ؤُجدْجِيذْ ڒْوسْطْ ن ڒمْرَاحْ ن زَّاثْ ونِّي [إِدْجَانْ] زَّاثْ إِ ثَادَّارْثْ ن سِيذِي، مِينْزِي إِسّوْجذْ ذِينْ ثَاغَارْصْثْ ن وشْمَاضْ ذ ثوْهِيبْثْ [ن ڒْغِيدْجثْ] ؤُڒَا ذ ثَاذُونْثْ ن ثْغَارْصَا ن ڒهْنَا. مَاغَارْ أَعَالْطَارْ ن نّْحَاسْ ونِّي [إِدْجَانْ] زَّاثْ إِ وُوذمْ ن سِيذِي، ثُوغَا ذ أَمژْيَانْ حِيمَا أَذْ إِكْسِي ثِيغَارْصَا ن وشْمَاضْ ذ ثوْهِيبْثْ [ن ڒْغِيدْجثْ] ذ ثَاذُونْثْ ن ثْغَارْصَا ن ڒهْنَا.
1KI 8:65 ذِي ڒْوقْثْ نِّي إِڭَّا سُولِيمَانْ ڒْعِيذْ [عَاوذْ] ذ مَارَّا إِسْرَائِيل أَكِيذسْ، زِي مَانِي غَا ثِيوْضذْ غَارْ حَامَاثْ أَڒْ ثَاغْزَارْثْ ن مِيصْرَا: إِجّْ ن وڭْرَاوْ [ن ڒْڭنْسْ] أَمقّْرَانْ زَّاثْ إِ وُوذمْ ن سِيذِي، أَربِّي نّغْ، سبْعَا ن وُوسَّانْ ؤُڒَا ذ سبْعَا ن وُوسَّانْ كْثَارْ، أَرْبعْطَاشْ ن وُوسَّانْ.
1KI 8:66 ذڭْ وَاسّْ وِيسّْ ثْمنْيَا يَارْخُو نتَّا إِ ڒْڭنْسْ، ؤُشَا نِيثْنِي بَارْكنْ أَجدْجِيذْ. [أَوَارْنِي ؤُيَا] ؤُيُورنْ غَارْ إِقِيضَانْ نْسنْ س وُوڒْ إِفَارْحْ ؤُ س ڒْخَاضَارْ خْ مَارَّا ڒْخَارْ إِ ثُوغَا إِڭَّا سِيذِي إِ ؤُمْسخَّارْ نّسْ ذَاوُوذْ ؤُ إِ ڒْڭنْسْ نّسْ إِسْرَائِيل.
1KI 9:1 أَوَارْنِي ڒَامِي إِكمّڒْ سُولِيمَانْ ڒبْنِي ن ثَادَّارْثْ ن سِيذِي ؤُ [ڒبْنِي ن] ثَادَّارْثْ ن ؤُجدْجِيذْ، [وَاهْ،] مَارَّا مِينْ ثُوغَا إِمّژْرِي ؤُ ثُوغَا إِخْسْ أَذْ ث إِڭّْ،
1KI 9:2 إِبَانْ-د سِيذِي إِ سُولِيمَانْ إِ ثْوَاڒَا وِيسّْ ثْنَاينْ، أَمْ مَامّشْ إِ ذ أَسْ د-إِبَانْ ذِي جِيبْعُونْ.
1KI 9:3 إِنَّا أَسْ سِيذِي: ”نشّْ سْڒِيغْ إِ ثْژَادْجِيثْ نّشْ ؤُ إِ ؤُحشّمْ نّشْ إِ زِي ثْحشّْمذْ زَّاثْ إِ وُوذمْ إِنُو. ثَادَّارْثْ إِ ثبْنِيذْ، سّْقدّْسغْ ت، حِيمَا أَذْ سّْمثْنغْ ذِينْ إِسمْ إِنُو إِ ڒبْذَا ؤُشَا ثِيطَّاوِينْ إِنُو ذ وُوڒْ إِنُو أَذْ ذِينْ إِڒِينْ إِ ڒبْذَا!
1KI 9:4 مَاڒَا شكْ ثُويُورذْ زَّاثْ إِ وُوذمْ إِنُو أَمْ مَامّشْ ثُوغَا إِڭُّورْ بَابَاشْ ذَاوُوذْ س وُوڒْ إِمُونْ ؤُ س ڒصْفَايثْ، أَذْ ثڭّذْ أَمْ مَامّشْ مَارَّا إِ ذ أَشْ ؤُمُورغْ ؤُ أَذْ ثحْضِيذْ ثِيوصَّا إِنُو ذ لْفَارَايِيضْ  إِنُو،
1KI 9:5 [خنِّي] أَذْ سّْمثْنغْ ڒْعَارْشْ ن ثْڭلْذَا نّشْ خْ إِسْرَائِيل إِ ڒبْذَا، أَمْ مَامّشْ سِّيوْڒغْ غَارْ بَابَاشْ ذَاوُوذْ، نِّيغْ: ’وَارْ زَّايكْ إِتّْوَاقسِّي شَا ن ورْيَازْ زِي ڒْعَارْشْ ن إِسْرَائِيل!‘
1KI 9:6 مَاشَا مَاڒَا كنِّيوْ، شكْ ذ إِحنْجِيرنْ نْومْ، أَذْ ثْحيّْذمْ زِي ضفَّارْ إِنُو ؤُ كنِّيوْ وَارْ ثْحطَّامْ عَاذْ ڒُومُورَاثْ إِنُو ذ ثْوصَّا إِنُو نِّي وْشِيغْ زَّاثْ إِ وُوذمْ نْومْ، ؤُ كنِّيوْ أَذْ ثُويُورمْ أَذْ ثْسخَّارمْ إِ إِربِّيثنْ نّغْنِي، أَذْ أَسنْ ثْبنْذْقمْ،
1KI 9:7 خنِّي أَذْ قْضِيغْ إِسْرَائِيل زِي ثمُّورْثْ نِّي ذ أَسنْ وْشِيغْ ؤُشَا ثَادَّارْثْ-أَ إِ سّْقدّْسغْ إِ يِيسمْ إِنُو أَذْ ت مّنْضَارغْ زڭْ وُوذمْ إِنُو ؤُ إِسْرَائِيل أَذْ إِذْوڒْ ذ إِجّْ ن ؤُمذْيَا ذ [إِشْثْ ن ڒْقشْعثْ] ن ؤُسْثهْزِي جَارْ مَارَّا ڒڭْنُوسْ.
1KI 9:8 ؤُ خْ ثَادَّارْثْ-أَ ثنِّي يُوعْڒَانْ قَاعْ، مَارَّا وِي خَاسْ إِ غَا إِكّنْ، أَذْ إِثبْهثْ أَذْ إِصفَّارْ. نِيثْنِي أَذْ إِنِينْ: ’مَايمِّي إِڭَّا سِيذِي أَمُّو ذِي ثمُّورْثْ-أَ ؤُ ذِي ثَادَّارْثْ-أَ؟‘
1KI 9:9 أَذْ إِنِينْ: ’مِينْزِي نِيثْنِي سمْحنْ ذِي سِيذِي، أَربِّي نْسنْ، ونِّي د-إِسُّوفّْغنْ ڒجْذُوذْ نْسنْ زِي ثمُّورْثْ ن مِيصْرَا، ؤُ مِينْزِي نِيثْنِي شبَّارنْ ذِي إِربِّيثنْ نّغْنِي، ؤُيُورنْ أَذْ أَسنْ بنْذْقنْ ؤُ أَذْ أَسنْعبْذنْ، خْ ؤُيَا إِسِّيوضْ سِيذِي مَارَّا ڒْغَارْ-أَ خَاسنْ.‘ “
1KI 9:10 أَوَارْنِي عِيشْرِينْ ن إِسڭّْوُوسَا إِ ذِي إِبْنَا سُولِيمَانْ ثْنَاينْ ن ثُوذْرِينْ، ثَادَّارْثْ ن سِيذِي ؤُ ثَادَّارْثْ ن ؤُجدْجِيذْ، إِمْسَارْ
1KI 9:11 - [أَمْ] إِوْشَا حِيرَامْ، أَجدْجِيذْ ن صُورْ، إِ سُولِيمَانْ عْلَاحْسَابْ مژْرِي نّسْ أَكشُّوضْ ن [ثْشجَّارْثْ ن] ثنْڭلْثْ ذ ؤُكشُّوضْ ن [ثْشجَّارْثْ ن] ؤُمرْزِي ذ وُورغْ - أَقَا سُولِيمَانْ إِوْشَا إِ حِيرَامْ عِيشْرِينْ ن ثْندَّامْ ذِي ثمُّورْثْ ن لْجَالِيلْ.
1KI 9:12 حِيرَامْ إِفّغْ-د زِي صُورْ، حِيمَا أَذْ إِخْزَارْ ثِيندَّامْ نِّي ذ أَسْ إِوْشَا سُولِيمَانْ، مَاشَا ثُوغَا أَثنْثْ وَارْ شْنَانْثْ ذِي ثِيطَّاوِينْ نّسْ.
1KI 9:13 نتَّا إِنَّا: ”مَانَا ثِيندَّامْ-أَ إِ ذ أَيِي ثوْشِيذْ، أَوْمَا؟“ ؤُ نتَّا إِڒَاغَا أَسنْثْ: ’ثَامُّورْثْ ن كابُولْ‘. [نِيثنْثِي تّْوَاڒَاغَانْثْ أَمُّو] أَڒْ أَسّْ-أَ.
1KI 9:14 حِيرَامْ ثُوغَا إِسّكّْ إِ ؤُجدْجِيذْ مْيَا ؤُ-عِيشْرِينْ ثَالِينْثْ ن وُورغْ.
1KI 9:15 ذ وَا ذ أَوَاڒْ خْ لْجِيزْيَا إِ ثُوغَا إِسّْڭعّذْ ؤُجدْجِيذْ سُولِيمَانْ، مَاحنْذْ أَذْ إِبْنَا ثَادَّارْثْ ن سِيذِي ذ ثَادَّارْثْ نّسْ ذ لْقلْعَا ذ ڒْحِيضْ ن ؤُرْشَالِيمْ ذ حَاصُورْ ذ مَاجِيدُّو ذ جَازَارْ.
1KI 9:16 فِيرْعُونْ، أَجدْجِيذْ ن مِيصْرَا، ثُوغَا إِڭعّذْ، إِطّفْ جَازَارْ، إِقدّْ أَسْ ثِيمسِّي. إِنْغَا أَيْثْ ن كنْعَانْ إِ ثُوغَا إِزدّْغنْ ذِي ثنْذِينْثْ ؤُشَا إِوْشَا إِ-ت ذ ثَارْزفْثْ ن ثسْڒِيثْ إِ يدْجِيسْ، ثَامْغَارْثْ ن سُولِيمَانْ.
1KI 9:17 سُولِيمَانْ إِبْنَا [خنِّي] جَازَارْ ذ بَايْثْ-حُورُونْ ن وَادَّايْ
1KI 9:18 ذ بَاعْلَاثْ ذِي ثمُّورْثْ [نِّي] ذ ثَاذْمَارْ ذِي ڒخْڒَا
1KI 9:19 ذ مَارَّا ثِيندَّامْ ن ڒخْزنْ نِّي غَارسْ غَارْ سُولِيمَانْ ؤُڒَا ذ ثِيندَّامْ ن إِكَارُّوثنْ ذ ثِيندَّامْ ن إِمْنَاينْ، ؤُ مَارَّا مِينْ ثُوغَا إِمّژْرِي سُولِيمَانْ أَذْ [ث] إِبْنَا ذِي ؤُرْشَالِيمْ، خْ [إِذُورَارْ ن] لُوبْنَانْ ؤُ ذِي مَارَّا ثَامُّورْثْ إِ خْ إِحْكمْ.
1KI 9:20 مَارَّا ڒْڭنْسْ إِ إِقِّيمنْ ن إِمُورِييّنْ، إِحِيتِّييّنْ، إِفِيرِيزِييّنْ، إِحِيوِييّنْ ذ إِيابُوسِييّنْ، إِنِّي وَارْ [إِدْجِينْ] شَا زڭْ أَيْثْ ن إِسْرَائِيل،
1KI 9:21 ثَارْوَا نْسنْ نِّي إِقِّيمنْ أَوَارْنِي أَسنْ ذِي ثمُّورْثْ، إِنِّي وَارْ زمَّارنْ أَيْثْ ن إِسْرَائِيل أَذْ ثنْ حَارّْمنْ [إِ ؤُثحِّي]، إِڭَّا خَاسنْ سُولِيمَانْ لْجِيزْيَا ن ثسْمُوغِي أَڒْ أَسّْ-أَ.
1KI 9:22 زڭْ أَيْثْ ن إِسْرَائِيل وَارْ إِڭِّي سُولِيمَانْ ؤُڒَا ذ إِجّْ ذ إِسْمغْ، مِينْزِي نِيثْنِي ثُوغَا أَثنْ ذ إِعسْكَارِييّنْ ذ إِمْسخَّارنْ نّسْ ذ ڒْحُوكَّامْ نّسْ ذ إِنغْرَافنْ نّسْ [ن ڒْعسْكَارْ] ذ إِمقّْرَاننْ ن إِكَارُّوثنْ نّسْ ذ إِمْنَاينْ نّسْ.
1KI 9:23 إِنَا ذ إِمحْضَاينْ إِمقّْرَاننْ نِّي ثُوغَا إِتّْوَاڒقّْمنْ خْ ڒْخذْمثْ ذِي طّْوعْ ن سُولِيمَانْ، خمْسَا-مْيَا ؤُ-خمْسِينْ [ن يرْيَازنْ] نِّي ثُوغَا إِضبَّارنْ خْ ڒْڭنْسْ نِّي ثُوغَا إِتّطّْفنْ ذِي ڒْخذْمثْ.
1KI 9:24 مَاشَا يدْجِيسْ ن فِيرْعُونْ ثْڭعّذْ زِي ثنْذِينْثْ ن ذَاوُوذْ غَارْ ثَادَّارْثْ إِ ثُوغَا إِ ذ أَسْ إِبْنَا. ڒخْذنِّي إِبْنَا لْقلْعَا.
1KI 9:25 ثْڒَاثَا ن ثْوَاڒَاوِينْ ذڭْ ؤُسڭّْوَاسْ إِسّْڭعّذْ سُولِيمَانْ ثِيغَارْصَا ن وشْمَاضْ ذ ثوْهِيبِينْ ن ڒهْنَا خْ ؤُعَالْطَارْ إِ ثُوغَا إِبْنَا إِ سِيذِي. [عَاوذْ] إِسّْبخَّارْ خْ [ؤُعَالْطَارْ ن ڒبْخُورْ] نِّي إِدْجَانْ زَّاثْ إِ وُوذمْ ن سِيذِي، ؤُشَا [أَمُّو] إِ إِسلّمْ نتَّا ثَادَّارْثْ أَمْ ثكْمڒْ [إِ سِيذِي].
1KI 9:26 أَجدْجِيذْ سُولِيمَانْ إِبْنَا ؤُڒَا ذ إِجّْ ن وَاڭْرَاوْ ن إِغَارُّوبَا ذِي عِيصْيُونْ-جَابَارْ إِ إِدْجَانْ غَارْ إِلَاثْ، غَارْ ثْمَا ن ڒبْحَارْ ن ثلْڭَا، ذِي ثمُّورْثْ إِذُومْ.
1KI 9:27 حِيرَامْ إِسّكّْ إِمْسخَّارنْ نّسْ س وَاڭْرَاوْ ن إِغَارُّوبَا نِّي، إِبحْرِييّنْ إِنِّي إِسّْننْ ڒبْحَارْ، [جْمِيعْ] أَكْ-ذ إِمْسخَّارنْ ن سُولِيمَانْ.
1KI 9:28 نِيثْنِي إِوْضنْ غَارْ ؤُفِيرْ ؤُ كْسِينْ سّنِّي أَربْعَا-مْيَا ؤُ-عِيشْرِينْ ثَالِينْثْ ن وُورغْ ؤُ إِوْينْ ث غَارْ ؤُجدْجِيذْ سُولِيمَانْ.
1KI 10:1 ثَاجدْجِيذْثْ ن شَابَا ثسْڒَا خْ شّنّْعثْ ن سُولِيمَانْ ثنِّي إِ د-يُوسِينْ أَكْ-ذ يِيسمْ ن سِيذِي ؤُ نتَّاثْ ثُوسَا-د، حِيمَا أَذْ ث ثْقدْجبْ س ثْحُوجَا ن ثْوَافِيثْ.
1KI 10:2 نتَّاثْ ثُوسَا-د غَارْ ؤُرْشَالِيمْ س إِجّْ ن ؤُكَارَابَانْ إِ ذ أَسْ د-إِضْفَارنْ س دّْقڒْ [ن وَاڭْڒَا] أَطَّاسْ، س إِڒغْمَانْ نِّي يَاربُّونْ ڒعْطُورْ ذ وَاطَّاسْ ن وُورغْ ذ إِژْرَا إِغْڒَانْ، ؤُ نتَّاثْ ثُوسَا-د غَارْ سُولِيمَانْ ؤُ ثسِّيوڒْ أَكِيذسْ خْ مَارَّا مِينْ غَارسْ ذڭْ وُوڒْ.
1KI 10:3 سُولِيمَانْ إِشَارْحْ مَارَّا أَوَاڒنْ إِ ثْحَاجَا [نتَّاثْ]. وَارْ ذِينْ ؤُڒَا ذ إِجّْ ن وَاوَاڒْ [س ڒمْعَانِي] إِنُّوفَّارنْ إِ وَارْ إِزمَّارْ ؤُجدْجِيذْ أَذْ أَسْ ث إِشَارّحْ.
1KI 10:4 ثَاجدْجِيذْثْ ن شَابَا ثژْرَا مَارَّا ثِيغِيثْ ن سُولِيمَانْ ذ ثَادَّارْثْ إِ إِبْنَا،
1KI 10:5 ذ مَاشَّا خْ طَّابْڒَا نّسْ، ذ مَامّشْ قِّيمنْ إِمْسخَّارنْ نّسْ، ذ مَامّشْ بدّنْ إِخدَّامنْ نّسْ ذ وَارُّوضْ نْسنْ، ذ إِوَارَّاذنْ نّسْ، ذ دّْرُوجْ نّسْ [إِزوّْقنْ] إِ خفْ د-إِڭعّذْ غَارْ ثَادَّارْثْ ن سِيذِي، ؤُشَا وَارْ إِقِّيمْ ذَايسْ [عْڒَاحَاڒْ] بُوحْبڒْ [عَاذْ].
1KI 10:6 نتَّاثْ ثنَّا إِ ؤُجدْجِيذْ: ”أَوَاڒْ نِّي سْڒِيغْ ذِي ثمُّورْثْ إِنُو خْ وَاوَاڒنْ نّشْ ؤُ خْ ثِيغِيثْ نّشْ، نِيشَانْ ذ ثِيذتّْ.
1KI 10:7 نشّْ وَارْ ؤُمِينغْ شَا س وَاوَاڒنْ نِّي، أَڒَامِي د-ؤُسِيغْ ذَانِيثَا ؤُ [خنِّي] ثِيطَّاوِينْ إِنُو ژْرِينْثْ أَيَا. خْزَارْ أَزْينْ [زِي كُوڒْ مَانْ أَيَا] وَارْ ذ أَيِي إِتّْوَانَّا. ثِيغِيثْ ذ ثْشُونِي عْلَاحْسَابْ شّنّْعثْ إِ خْ سْڒِيغْ، أَقَا شكْ سنّجْ نْسنْثْ.
1KI 10:8 سّعْذْ ن يرْيَازنْ نّشْ، سّعْذْ ن إِمْسخَّارنْ نّشْ، إِنِّي إِبدّنْ زَّاثْ إِ وُوذمْ نّشْ ڒبْذَا، إِنِّي زمَّارنْ أَذْ سْڒنْ ثِيغِيثْ نّشْ.
1KI 10:9 أَذْ إِتّْوَابَاركْ سِيذِي، أَربِّي نّشْ، ونِّي ؤُمِي د-ثُوسِيذْ خْ ڒْخَاضَارْ، حِيمَا أَذْ شكْ يڭّْ خْ ڒْعَارْشْ ن إِسْرَائِيل. مِينْزِي سِيذِي إِتّخْسْ إِسْرَائِيل إِ ڒبْذَا، [س ؤُيَا] إِڭَّا شكْ ذ أَجدْجِيذْ، مَاحنْذْ أَذْ ثڭّذْ ڒْحقّْ ذ ثْسڭْذَا.“
1KI 10:10 نتَّاثْ ثوْشَا إِ ؤُجدْجِيذْ مْيَا ؤُ-عِيشْرِينْ ثَالِينْثْ ن وُورغْ ذ وَاطَّاسْ ن ڒعْطُورْ ذ يژْرَا إِغْڒَانْ. إِجّْ ن ؤُفيّضْ ن ڒعْطُورْ أَمْ وَانِيثَا إِ إِوْشِينْ ثَاجدْجِيذْثْ ن شَابَا إِ ؤُجدْجِيذْ سُولِيمَانْ،عمَّارْصْ عَاذْ وَارْ د-يُوسِي شَا.
1KI 10:11 أَڭْرَاوْ ن إِغَارُّوبَا ن حِيرَامْ إِ-د يِيوْينْ ؤُرغْ زڭْ ؤُفِيرْ، يِيوْيِي-د عَاوذْ أَطَّاسْ ن ؤُكشُّوضْ ن [ثْشجَّارْثْ ن] صَانْذَالْ ذ يژْرَا إِغْڒَانْ زِي ؤُفِيرْ.
1KI 10:12 أَجدْجِيذْ إِڭَّا زڭْ ؤُكشُّوضْ ن صَانْذَالْ وَانِيثَا أَفْرَاينْ إِزوّْقنْ إِ ثَادَّارْثْ ن سِيذِي ؤُ إِ ثَادَّارْثْ ن ؤُجدْجِيذْ ؤُڒَا ذ ڒْڭَامْبْرِييَاثْ ذ لهَارْپَاثْ إِ إِمذْيَازنْ. أَكشُّوضْ ن سَانْذَالْ أَمْ وَانِيثَاعمَّارْصْ وَارْ د-يُوسِي نِيغْ إِتّْوَاژَارْ عَاذْ أَڒْ أَسّْ-أَ.
1KI 10:13 أَجدْجِيذْ سُولِيمَانْ إِوْشَا إِ ثْجدْجِيذْثْ ن شَابَا مَارَّا ذِي مِينْ ثُوغَا ثمّژْرِي، مِينْ مَا ثُوغَا ثتَّارْ سنّجْ إِ مِينْ ذ أَسْ إِوْشَا [عَاذْ]، عْلَاحْصَابْ [ثَاشْرِيمْثْ ن] ؤُفُوسْ ن ؤُجدْجِيذْ سُولِيمَانْ. [خنِّي] ثنّقْڒبْ، ثذْوڒْ غَارْ ثمُّورْثْ نّسْ، نتَّاثْ ذ إِمْسخَّارنْ نّسْ.
1KI 10:14 ڒْقدّْ ن وُورغْ إِ إِتَّاذْفنْ غَارْ سُولِيمَانْ ذڭْ إِجّْ ن ؤُسڭّْوَاسْ ثُوغَا ستَّا-مْيَا ؤُ-ستَّا ؤُ-ستِّينْ ثَالِينْثْ ن وُورغْ،
1KI 10:15 بْڒَا [مِينْ إِكْسِي] زڭْ إِتِّيجَارِييّنْ ؤُ زِي ثْسبَّابْثْ ن إِسبَّابنْ ؤُ زِي مَارَّا إِجدْجِيذنْ ن عَارَابِييَّا ؤُ زِي لْوُولَاثْ ن ثمُّورْثْ.
1KI 10:16 أَجدْجِيذْ سُولِيمَانْ إِڭَّا [عَاوذْ] مِيثَاينْ ن ثْسدَّارِييِينْ [ن ؤُعسْكَارِي] ثِيمقّْرَانِينْ س وُورغْ إِتّْوَادّْزنْ. خْ إِشْثْ ن ثْسدَّارْثْ تّْوَاڭّنْ ستَّا-مْيَا [شِيقْلُو] ن وُورغْ.
1KI 10:17 [يَارْنِي إِڭَّا نتَّا] ثڒْثْ-مْيَا ن ثْسدَّارِييِينْ ن ؤُعسْكَارِي س وُورغْ إِتّْوَادّْزنْ. تّْوَاڭّنْثْ ثڒْثْ مِينَايَاثْ ن وُورغْ خْ إِشْثْ ن ثْسدَّارْثْ. أَجدْجِيذْ إِسَّارْسْ إِ-ثنْثْ ذِي ثَادَّارْثْ ن وزْغَارْ ن لُوبْنَانْ.
1KI 10:18 أَجدْجِيذْ سُولِيمَانْ إِڭَّا [عَاوذْ] إِجّْ ن ڒْعَارْشْ أَمقّْرَانْ زِي ڒْعَاجْ ؤُشَا إِغدْجفْ إِ-ث س وُورغْ إِتّْوَاصفَّانْ.
1KI 10:19 ڒْعَارْشْ وَانِيثَا غَارسْ ستَّا ن ثَارفِّيذِينْ ؤُ أَزدْجِيفْ ن ڒْعَارْشْ ثُوغَا-ث إِقُووَّارْ غَارْ ضفَّارْ نّسْ ؤُ غَارْ ثْنَاينْ ن إِغزْذِيسنْ ن ڒْكُورْسِي ثُوغَا دْجَانْ إِغَادْجنْ، ؤُ ثْنَاينْ ن وَايْرَاذنْ ثُوغَا بدّنْ زَّاثْ إِ إِغَادْجنْ.
1KI 10:20 ثنْعَاشْ ن وَايْرَاذنْ بدّنْ غَارْ ثْنَاينْ ن إِغزْذِيسنْ خْ ستَّا ن ثَارفِّيذِينْ. أَمْ نتَّا وَارْ إِتّْوَاڭّْ عَاذْ ؤُڒَا ذڭْ إِشْثْ ن ثْڭلْذِيثْ.
1KI 10:21 مَارَّا إِغَارَّافنْ ن ثِيسِّيثْ ن سُولِيمَانْ [ثُوغَا أَثنْ] ن وُورغْ ؤُ مَارَّا ڒقْشُوعْ ن ثَادَّارْثْ ن وزْغَارْ ن لُوبْنَانْ [ثُوغَا أَثنْ] س وُورغْ إِزذْڭنْ، وَارْ ذِينْ نُّوقَارْثْ [ذَايسْ]، [مَاغَارْ] ذڭْ وُوسَّانْ ن سُولِيمَانْ ثُوغَا حسّْبنْ ت ذ وَالُو.
1KI 10:22 مَاغَارْ أَجدْجِيذْ ثُوغَا غَارسْ إِجّْ ن وَاڭْرَاوْ ن إِغَارُّوبَا ن ثَارْشِيشْ خْ ڒبْحَارْ [جْمِيعْ] أَكْ-ذ وڭْرَاوْ ن إِغَارُّوبَا ن حِيرَامْ. إِشْثْ ن ثْوَاڒَا ذِي ثْڒَاثَا ن إِسڭّْوُوسَا يُوذفْ وڭْرَاوْ ن إِغَارُّوبَا ن ثَارْشِيشْ، يِيوِي ؤُرغْ ذ نُّوقَارْثْ، ڒْعَاجْ ذ إِبَاغُوسنْ ذ إِطَاوْسنْ.
1KI 10:23 أَجدْجِيذْ سُولِيمَانْ إِعْذُو مَارَّا إِجدْجِيذنْ ن دُّونشْثْ ذڭْ وَاڭْڒَا ذ ثِيغِيثْ.
1KI 10:24 مَارَّا دُّونشْثْ يَارْزُو [أَذْ ژَترنْ] ؤُذمْ ن سُولِيمَانْ، مَاحنْذْ أَذْ سْڒنْ ثِيغِيثْ نّسْ إِ ثُوغَا إِسَّارْسْ أَربِّي ذڭْ وُوڒْ نّسْ.
1KI 10:25 [س ؤُينِّي] ؤُسِينْ-د نِيثْنِي أَسڭّْوَاسْ أَوَارْنِي إِ ؤُمَاسْ، كُوڒْ إِجّْ س ثَارْزفْثْ نّسْ، [س] ڒقْشُوعْ ن نُّوقَارْثْ، ڒقْشُوعْ ن وُورغْ، أَرُّوضْ، ڒسْنَاحْ، ڒعْطُورْ، إِيْسَانْ ذ إِسَارْذَانْ. أَقَا ذ مَانْ أَيَا إِمْسَارْ أَسڭّْوَاسْ أَوَارْنِي إِ ؤُمَاسْ.
1KI 10:26 سُولِيمَانْ إِسّْمُونْ إِكَارُّوثنْ ذ إِمْنَاينْ. نتَّا ثُوغَا غَارسْ أَڒفْ ؤُ-أَربْعَا-مْيَا ن إِكَارُّوثنْ ذ ثنْعَاشْ-أَڒفْ ن إِمْنَاينْ، ؤُشَا يِيوْيِي ثنْ غَارْ ثْندَّامْ ن إِكَارُّوثنْ ؤُ غَارْ ؤُجدْجِيذْ ذِي ؤُرْشَالِيمْ.
1KI 10:27 أَجدْجِيذْ إِڭَّا نُّوقَارْثْ [أَطَّاسْ] ذِي ؤُرْشَالِيمْ، أَمشْنَاوْ إِژْرَا، ؤُ [ثِيشجُّورَا ن] ثنْڭلْثْ إِڭَّا [إِ-ثنْثْ] أَطَّاسْ أَمشْنَاوْ إِزمُّورنْ نِّي [إِدْجَانْ] ذِي ثمُّورْثْ إِوَاطَانْ.
1KI 10:28 إِيْسَانْ إِ سُولِيمَانْ تّْوَاسُّوفّْغنْ زِي مِيصْرَا، زِي قِيوِي. إِسبَّابنْ ن ؤُجدْجِيذْ إِوْينْ [ثنْ] س يِيجّْ ن تَّامَانْ [إِمثْننْ] زِي قِيوِي.
1KI 10:29 إِجّْ ن ؤُكَارُّو إِڭعّذْ-د ؤُ إِتّْوَاسُّوفّغْ-د زِي مِيصْرَا س [إِجّْ ن تَّامَانْ ن] ستَّا-مْيَا [شِيقْلُو] ن نُّوقَارْثْ ؤُ إِجّْ ن ؤُيِيسْ س مْيَا ؤُ-خمْسِينْ [شِيقْلُو]. نِيثْنِي سُّوفّْغنْ ثنْ س ؤُفُوسْ نْسنْ [عَاوذْ] إِ مَارَّا إِجدْجِيذنْ ن إِحِيتِّييّنْ ؤُ إِ إِجدْجِيذنْ ن أَرَامْ.
1KI 11:1 أَجدْجِيذْ سُولِيمَانْ ثُوغَا إِتّخْسْ أَطَّاسْ ن ثمْغَارِينْ ثِيبَارَّانِييِّينْ، [أَمْ مَامّشْ ثُوغَا إِتّخْسْ] ؤُڒَا ذ يدْجِيسْ ن فِيرْعُونْ: [ثِيمْغَارِينْ] زِي مُوآبَ، زِي عَامُّونْ، زِي إِذُومْ، زِي صِيذُونْ ؤُ زڭْ إِحِيتِّييِّينْ،
1KI 11:2 [ثِيمْغَارِينْ] زِي ڒڭْنُوسْ إِ خْ ثُوغَا إِنَّا سِيذِي إِ أَيْثْ ن إِسْرَائِيل: ”كنِّيوْ وَارْ غَارْسنْ تَّاذْفمْ ؤُشَا ؤُڒَا ذ نِيثْنِي وَارْ غَارْومْ تَّاذْفنْ. س ثِيذتّْ أَذْ غْوَانْ نِيثْنِي ؤُڒْ نْومْ، حِيمَا أَذْ ثُويُورمْ أَوَارْنِي إِ إِربِّيثنْ نْسنْ!“ [مَاشَا] سُولِيمَانْ إِقّنْ غَارْسنْ س ثَايْرِي.
1KI 11:3 نتَّا ثُوغَا غَارسْ سبْعَا-مْيَا ن ثمْغَارِينْ، ثِيجدْجِيذِينْ، ؤُ ثڒْثْ-مْيَا ن ثِييَّا. ثِيمْغَارِينْ نّسْ غْوَانْثْ ؤُڒْ نّسْ.
1KI 11:4 ڒَامِي د-ثِيوضْ ثوْسَارْ غَارْ سُولِيمَانْ غْوَانْثْ ثمْغَارِينْ نّسْ ؤُڒْ نّسْ، [أَڒَامِي يُويُورْ] أَوَارْنِي إِ إِربِّيثنْ نّغْنِي. ؤُڒْ نّسْ وَارْ إِقِّيمْ إِمُونْ إِ سِيذِي، أَربِّي نّسْ، أَمْ وُوڒْ نْ بَابَاسْ ذَاوُوذْ.
1KI 11:5 سُولِيمَانْ يُويُورْ أَوَارْنِي إِ أَشْثُورِيثْ، ثَاربِّيثْ ن إِصِيذُونِييّنْ، ؤُ أَوَارْنِي إِ مِيلْكُومْ، نّْعِي ن لْ-أَصْنَامْ ن أَيْثْ ن عَامُّونْ.
1KI 11:6 سُولِيمَانْ إِڭَّا [مِينْ إِدْجَانْ ذ] أَعفَّانْ ذِي ثِيطَّاوِينْ ن سِيذِي. نتَّا وَارْ ثُوغِي إِشْضَارْ أَطَّاسْ إِ سِيذِي أَمْ بَابَاسْ ذَاوُوذْ.
1KI 11:7 خنِّي إِبْنَا سُولِيمَانْ إِشْثْ ن ڒْڭعّْذثْ إِ كَامُوشْ، نّْعِي ن صَّانَامْ ن أَيْثْ ن مُوآبَ، ذڭْ وذْرَارْ ونِّي [إِدْجَانْ] زَّاثْ إِ ؤُرْشَالِيمْ، ؤُشَا [ؤُڒَا ذ إِشْثْ ن ڒْڭعّْذثْ] إِ مُولِيكْ، نّْعِي ن صَّانَامْ ن أَيْثْ ن عَامُّونْ.
1KI 11:8 أَمُّو إِ إِڭَّا إِ مَارَّا ثِيمْغَارِينْ نّسْ ثِيبَارَّانِييِّينْ، ثِينِّي إِوْينْ ڒبْخُورْ ذ ثْغَارْصَا ن وشْمَاضْ إِ إِربِّيثنْ نْسنْثْ.
1KI 11:9 [س ؤُينِّي] إِسْعَارْ سِيذِي خْ سُولِيمَانْ، مِينْزِي ؤُڒْ نّسْ ثُوغَا إِحيّذْ خْ سِيذِي، أَربِّي ن إِسْرَائِيل، إِ ثُوغَا غَارسْ-د إِبَانْ ثْنَاينْ ن ثْوَاڒَاوِينْ،
1KI 11:10 [وَاخَّا] ثُوغَا غَارسْ د-يُوسَا ڒُومُورْ [نِيشَانْ]، مَاحنْذْ وَارْ إِڭُّورْ أَوَارْنِي إِ إِربِّيثنْ نّغْنِي ؤُ نتَّا [خنِّي] وَارْ إِحْضَا مِينْ ذ أَسْ يُومُورْ سِيذِي.
1KI 11:11 [س ؤُينِّي] إِنَّا سِيذِي إِ سُولِيمَانْ: ”مِينْزِي إِمْسَارْ أَشْ أَمُّو أَڒَامِي وَارْ ثحْضِيذْ شَا ڒْعَاهْذْ إِنُو ذ ثْوصَّا إِنُو نِّي شكْ ؤُمُورغْ، س ثِيذتّْ أَذْ زَّايكْ قڒْعغْ ثَاڭلْذِيثْ-أَ ؤُشَا أَذْ ت وْشغْ إِ ؤُمْسخَّارْ نّشْ.
1KI 11:12 ذڭْ وُوسَّانْ نّشْ وَارْ ث ڭّغْ [عَاذْ] ذِي طّْوعْ ن بَابَاشْ ذَاوُوذْ، [مَاشَا] أَذْ ت قڒْعغْ زڭْ ؤُفُوسْ ن مِّيشْ.
1KI 11:13 مَاشَا نشّْ وَارْ خَاكْ قڒْعغْ ثَاڭلْذِيثْ مَارَّا. أَذْ وْشغْ إِشْثْ ن ثقْبِيتْشْ إِ مِّيشْ ذِي طّْوعْ ن ؤُمْسخَّارْ إِنُو ذَاوُوذْ ؤُ ذِي طّْوعْ ن ؤُرْشَالِيمْ نِّي فَارْزغْ نشّْ.“
1KI 11:14 سِيذِي إِسّكَّارْ-د إِ سُولِيمَانْ إِجّْ ن ڒعْذُو هَاذَاذْ، زِي إِذُومْ. ثُوغَا هَاذَاذْ زِي ثَارْوَا ن ؤُجدْجِيذْ ن إِذُومْ.
1KI 11:15 ؤُمِي ثُوغَا ذَاوُوذْ ذِي إِذُومْ ؤُ يُووَابْ، أَكُومَانْذَارْ نّسْ ن ڒْعسْكَارْ، إِڭعّذْ مَاحنْذْ أَذْ إِنْضڒْ إِنِّي إِتّْوَاسّْنُوقّْبنْ، إِمْسَارْ، أَقَا يُووَابْ إِنْغَا مَارَّا [مِينْ إِدْجَانْ ذ] أَوْثمْ ذِي إِذُومْ.
1KI 11:16 مَاغَارْ يُووَابْ إِقِّيمْ ذِينِّي ستَّا ن إِيُورنْ أَكْ-ذ مَارَّا إِسْرَائِيل، أَڒَامِي إِثحَّا مَارَّا [مِينْ إِدْجَانْ ذ] أَوْثمْ ذِي إِذُومْ.
1KI 11:17 مَاشَا هَاذَاذْ إِزمَّارْ أَذْ يَارْوڒْ، نتَّا ذ شَا ن يرْيَازنْ إِذُومِييّنْ زڭْ إِمْسخَّارنْ ن بَابَاسْ أَكِيذسْ، أَڒَامِي د-ؤُسِينْ غَارْ مِيصْرَا. ثُوغَا هَاذَاذْ [عَاذْ] ذ إِجّْ ن ؤُحنْجِيرْ ذ أَمژْيَانْ.
1KI 11:18 نِيثْنِي ثُوغَا كَّارنْ زِي مِيذْيَانْ ؤُشَا إِوْضنْ غَارْ فَارَانْ. ذِينِّي كْسِينْ نِيثْنِي إِرْيَازنْ ن فَارَانْ أَكِيذْسنْ ؤُشَا ؤُسِينْ-د غَارْ مِيصْرَا غَارْ فِيرْعُونْ، أَجدْجِيذْ ن مِيصْرَا. وَانِيثَا إِوْشَا أَسْ إِشْثْ ن ثَادَّارْثْ، إِوْشَا أَسْ أَوَاڒْ [أَذْ أَسْ إِوْشْ] مَاشَّا ؤُ إِوْشَا أَسْ إِشْثْ ن ثمُّورْثْ.
1KI 11:19 هَاذَاذْ يُوفَا أَرْضَا أَمقّْرَانْ ذِي ثِيطَّاوِينْ ن فِيرْعُونْ، أَڒَامِي وَانِيثَا إِوْشَا أَسْ ؤُتْشْمَاسْ ن ثمْغَارْثْ نّسْ ذ ثَامْغَارْثْ، ؤُتْشْمَاسْ ن ثْجدْجِيذْثْ ثَاحْفَانِيسْ.
1KI 11:20 ؤُتْشْمَاسْ ن ثَاحْفَانِيسْ ثُورُووْ أَسْ-د مِّيسْ جَانُوبَاثْ، ونِّي ثسُّوطُّوضْ ثَاحْفَانِيسْ ذِي ثَادَّارْثْ ن فِيرْعُونْ، أَڒَامِي [خنِّي] جَانُوبَاثْ [إِيْمَا] ذِي ڒْوسْطْ ن أَيْثْ ن فِيرْعُونْ.
1KI 11:21 إِسْڒَا هَاذَاذْ ذِي مِيصْرَا بلِّي ذَاوُوذْ ثُوغَا إِڭَّا أَذْ يَاريّحْ جَارْ ڒجْذُوذْ نّسْ ؤُشَا يُووَابْ، أَكُومَانْذَارْ ن ڒْعسْكَارْ، إِمُّوثْ. [خنِّي] إِنَّا هَاذَاذْ إِ فِيرْعُونْ: ”سكّْ أَيِي-د، أَذْ رَاحغْ غَارْ ثمُّورْثْ إِنُو!“
1KI 11:22 [مَاشَا] فِيرْعُونْ إِنَّا: ”مِينْ شكْ إِخصّنْ غَارِي، ڒَامِي ذَايكْ ژْرِيغْ، شكْ ثخْسذْ أَذْ ثْعقْبذْ غَارْ ثمُّورْثْ نّشْ؟“ نتَّا إِنَّا: ”وَالُو، مَاشَا [وَاخَّا أَمنِّي] سكّْ أَيِي-د ذِينْ!“
1KI 11:23 أَربِّي إِسّكَّارْ خَاسْ [عَاوذْ] إِجّْ ن ڒعْذُو نّغْنِي، رَازُونْ، مِّيسْ ن إِلِيذَاعْ، ونِّي ثُوغَا يَاروْڒنْ زِي سِيذِي نّسْ هَاذَاذْ-عَازَارْ، أَجدْجِيذْ ن صُوبَا.
1KI 11:24 ثُوغَا إِسّْمُونْ إِرْيَازنْ، إِذْوڒْ ذ ڒْقبْطَانْ ن بَانْذِييَّا [نْسنْ] ڒَامِي ثُوغَا إِخْسْ ذَاوُوذْ أَذْ ثنْ إِنغْ. [مَاشَا] نِيثْنِي رُوحنْ غَارْ ذِيمَاشْقْ، زدّْغنْ ذِينْ ؤُ أَريّْسنْ ذِي ذِيمَاشْقْ.
1KI 11:25 نتَّا ثُوغَا-ث ذ إِجّْ ن ڒعْذُو ن إِسْرَائِيل مَارَّا ؤُسَّانْ ن سُولِيمَانْ ذ مَانْ أَيَا سنّجْ إِ ڒْغَارْ [إِ إِڭَّا] هَاذَاذْ. نتَّا إِعِيفّْ إِسْرَائِيل ؤُ يَاريّسْ أَمْ ؤُجدْجِيذْ خْ أَرَامْ.
1KI 11:26 يَارُوبْعَامْ، مِّيسْ ن نَابَاطْ، إِجّْ ن إِفْرَاثِي زِي صَارَاذَاثَا، إِجّْ ن ؤُمْسخَّارْ ن سُولِيمَانْ إِسّْڭعّذْ أَفُوسْ نّسْ خْ ؤُجدْجِيذْ. يمَّاسْ قَّارنْ أَسْ صَارُوعَا، ثُوغَا-ت ذ ثَاجَّاتْشْ.
1KI 11:27 ذ مَانْ أَيَا ذ سِّيبّثْ إِ زِي ثُوغَا د-إِسّْڭعّذْ أَفُوسْ نّسْ خْ ؤُجدْجِيذْ، [ڒَْامِي] ثُوغَا سُولِيمَانْ إِبنَّا لْقلْعَا، إِقّنْ ثَازِّيثْ ذِي ثنْذِينْثْ ن بَابَاسْ ذَاوُوذْ.
1KI 11:28 ثُوغَا يَارُوبْعَامْ ذ إِجّْ ن بُو-ثغْرُوضْثْ إِمحْضنْ. إِژْرَا سُولِيمَانْ أَقَا أَحُوذْرِي إِمْحضْ ذِي ڒْخذْمثْ ؤُشَا نتَّا إِڭَّا إِ-ث خْ مَارَّا ڒْخذْمثْ ن ثَاربُّوثْ ن ثَادَّارْثْ ن يُوسُوفْ.
1KI 11:29 ذِي ڒْوقْثْ نِّي إِمْسَارْ أَقَا يَارُوبْعَامْ إِفّغْ زِي ؤُرْشَالِيمْ ؤُشَا يُوفَا إِ-ث ؤُنَابِي أَخِييَا ذڭْ وبْرِيذْ. وَانِيثَا ثُوغَا يَارْضْ إِجّْ ن وَارُّوضْ ن جْذِيذْ ؤُ نِيثْنِي س ثْنَاينْ إِذْسنْ ثُوغَا أَثنْ وحّذْسنْ ذڭْ إِيَّارْ.
1KI 11:30 أَخِييَا إِطّفْ أَرُّوضْ ن جْذِيذْ نّسْ ونِّي يَارْضنْ ؤُ إِشَارّڭْ إِ-ث ذِي ثنْعَاشْ ن إِزِييْنَاثْ.
1KI 11:31 إِنَّا إِ يَارُوبْعَامْ: ”كْسِيعشْرَا ن إِزِييْنَاثْ إِ شكْ، مَاغَارْ أَمُّو إِ إِقَّارْ سِيذِي، أَربِّي ن إِسْرَائِيل: ’خْژَارْ، نشّْ أَذْ شَارّْڭغْ ثَاڭلْذِيثْ زڭْ ؤُفُوسْ ن سُولِيمَانْ ؤُشَا أَذْ أَشْ وْشغْعشْرَا ن ثْقبَّاڒْ،
1KI 11:32 [مَاشَا] إِشْثْ ن ثقْبِيتْشْ أَذْ ثِيڒِي إِ نتَّا ذِي طّْوعْ ن ؤُمْسخَّارْ إِنُو ذَاوُوذْ ؤُ ذِي طّْوعْ ن ؤُرْشَالِيمْ، ثَانْذِينْثْ نِّي فَارْزغْ نشّْ زِي مَارَّا ثِيقبَّاڒْ ن إِسْرَائِيل.
1KI 11:33 مَاغَارْ نِيثْنِي سمْحنْ ذَايِي ؤُ سجْذنْ إِ أَشْثُورِيثْ، ثَاربِّيثْ ن إِصِيذُونِييّنْ، إِ كَامُوشْ، أَربِّي ن أَيْثْ ن مُوآبَ، ؤُ إِ مَالْكَامْ، أَربِّي ن أَيْثْ ن عَامُّونْ. وَارْ ؤُيُورنْ نِيثْنِي ذِي ثبْرِيذِينْ إِنُو مَاحنْذْ أَذْ ڭّنْ مِينْ [إِدْجَانْ] نِيشَانْ ذِي ثِيطَّاوِينْ إِنُو ؤُ [وَارْ حْضِينْ] ثِيوصَّا إِنُو ذ لْفَارَايِيضْ إِنُو أَمْ [ث إِڭَّا] بَابَاسْ ذَاوُوذْ.
1KI 11:34 مَاشَا وَارْ ذ أَسْ تّكّْسغْ شَا مَارَّا ثَاڭلْذِيثْ زڭْ ؤُفُوسْ نّسْ، مَاشَا أَذْ ث سّْمثْنغْ ذ ڒْحَاكمْ مَارَّا ؤُسَّانْ ن ثُوذَارْثْ نّسْ ذِي طّْوعْ ن ؤُمْسخَّارْ إِنُو ذَاوُوذْ، ونِّي فَارْزغْ ذ ونِّي إِحْضَانْ ڒُومُورَاثْ إِنُو ذ ثْوصَّا إِنُو،
1KI 11:35 [مَاشَا] أَذْ كّْسغْ ثَاڭلْذَا زڭْ ؤُفُوسْ ن مِّيسْ ؤُ أَذْ شكْ وْشغْعشْرَا ن ثْقبَّاڒْ زَّايسْ،
1KI 11:36 ؤُ إِ مِّيسْ أَذْ أَسْ وْشغْ إِشْثْ ن ثقْبِيتْشْ، مَاحنْذْ أَذْ ثقِّيمْ إِ ؤُمْسخَّارْ إِنُو ذَاوُوذْ ڒبْذَا إِشْثْ ن ثْفَاوْثْ زَّاثْ إِ وُوذمْ إِنُو ذِي ؤُرْشَالِيمْ، ثَانْذِينْثْ نِّي فَارْزغْ نشّْ إِ يِيخفْ إِنُو، حِيمَا أَذْ ذِينْ سّْمثْنغْ إِسمْ إِنُو.
1KI 11:37 نشّْ أَذْ شكْ كْسِيغْ ؤُ شكْ أَذْ ثْحكْمذْ خْ مَارَّا مِينْ إِمّژْرِي ڒعْمَارْ نّشْ ؤُ أَذْ ثِيڒِيذْ ذ أَجدْجِيذْ خْ إِسْرَائِيل.
1KI 11:38 مَاڒَا شكْ ثسْڒِيذْ غَارْ مَارَّا مِينْ زِي شكْ ؤُمُورغْ، أَذْ ثُويُورذْ خْ ثبْرِيذِينْ إِنُو ؤُ أَذْ ثڭّذْ مِينْ [إِدْجَانْ] نِيشَانْ ذِي ثِيطَّاوِينْ إِنُو ؤُمِي إِ غَا ثحْضِيذْ ثِيوصَّا إِنُو ذ ڒُومُورَاثْ إِنُو أَمْ ث إِڭَّا ؤُمْسخَّارْ إِنُو ذَاوُوذْ، [خنِّي] أَذْ إِمْسَارْ أَقَا نشّْ أَذْ إِڒِيغْ أَكِيذكْ ؤُ أَذْ أَشْ بْنِيغْ إِشْثْ ن ثَادَّارْثْ إِ غَا ثقِّيمْ أَمْ مَامّشْ ت بْنِيغْ إِ ذَاوُوذْ ؤُ نشّْ أَذْ أَشْ وْشغْ إِسْرَائِيل،
1KI 11:39 نشّْ أَذْ سّهْوِيغْ ثَارْوَا ن ذَاوُوذْ إِ مَانْ أَيَا، مَاشَا وَارْ إِدْجِي إِ ڒبْذَا.“
1KI 11:40 سُولِيمَانْ ثُوغَا يَارزُّو أَذْ إِنغْ يَارُوبْعَامْ، مَاشَا يَارُوبْعَامْ إِكَّارْ، يَارْوڒْ غَارْ مِيصْرَا، غَارْ شِيشَاكْ، أَجدْجِيذْ ن مِيصْرَا. نتَّا إِقِّيمْ ذِي مِيسْرَا أَڒْ ڒْموْثْ ن سُولِيمَانْ.
1KI 11:41 مِينْ إِقِّيمنْ ن إِمزْرُوينْ ن سُولِيمَانْ ذ مَارَّا مِينْ إِڭَّا ذ ثِيغِيثْ إِ غَارسْ، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن سُولِيمَانْ؟
1KI 11:42 ڒْوقْثْ نِّي إِحْكمْ سُولِيمَانْ خْ مَارَّا إِسْرَائِيل ذِي ؤُرْشَالِيمْ، ثُوغَا أَربْعِينْ ن إِسڭّْوُوسَا.
1KI 11:43 سُولِيمَانْ إِڭَّا أَذْ يَاريّحْ جَارْ ڒجْذُوذْ نّسْ. نتَّا إِتّْوَانْضڒْ ذِي ثنْذِينْثْ ن بَابَاسْ ذَاوُوذْ ؤُ مِّيسْ رَاحَابْعَامْ إِذْوڒْ ذ أَجدْجِيذْ ذڭْ ومْشَانْ نّسْ.
1KI 12:1 رَاحَابْعَامْ يُويُورْ غَارْ شَاكِيمْ، مَاغَارْ مَارَّا إِسْرَائِيل يُوسَا-د غَارْ شَاكِيمْ، حِيمَا أَذْ ث ڭّنْ ذ أَجدْجِيذْ.
1KI 12:2 ؤُمِي إِسْڒَا يَارُوبْعَامْ، مِّيسْ ن نَابَاطْ، خْ مَانْ أَيَا، ؤُمِي ثُوغَا عَاذْ ذِي مِيصْرَا - أَقَا نتَّا ثُوغَا يَارْوڒْ زِي زَّاثْ ن وُوذمْ ن ؤُجدْجِيذْ سُولِيمَانْ ؤُ يَارُوبْعَامْ ثُوغَا إِزْذغْ ذِي مِيصْرَا - إِمْسَارْ
1KI 12:3 أَقَا سّكّنْ-د غَارسْ إِرقَّاسنْ، جِّينْ أَذْ خَاسْ ڒَاغَانْ. يَارُوبْعَامْ ذ مَارَّا أَڭْرَاوْ [ن ڒْڭنْسْ] ن إِسْرَائِيل ؤُسِينْ-د، سِّيوْڒنْ أَكْ-ذ رَاحَابْعَامْ، نَّانْ:
1KI 12:4 ”بَابَاشْ إِڭَّا خَانغْ إِجّْ ن ؤُزَايْڒُو إِقْسحْ. [خنِّي] ڒخُّو، سَارْخُو شكْ ڒْخذْمثْ إِقسْحنْ ن بَابَاشْ ؤُڒَا ذ أَزَايْڒُو إِضقْڒنْ إِ خَانغْ إِڭَّا، [خنِّي] أَذْ شكْ نخْذمْ.“
1KI 12:5 نتَّا إِنَّا أَسنْ: ”ؤُيُورمْ ؤُعقْبمْ أَوَارْنِي إِ ثْڒَاثَا ن وُوسَّانْ.“ ؤُشَا يُويُورْ ڒْڭنْسْ.
1KI 12:6 إِمْشَاوَارْ ؤُجدْجِيذْ رَاحَابْعَامْ أَكْ-ذ إِمقّْرَاننْ، إِنِّي ثُوغَا إِبدّنْ زَّاثْ إِ وُوذمْ ن بَابَاسْ سُولِيمَانْ ؤُمِي ثُوغَا عَاذْ إِدَّارْ، إِنَّا: ”س مِينْ زِي ذ أَيِي ثْوصَّامْ أَذْ د-أَرّغْ خْ ڒْڭنْسْ-أَ؟“
1KI 12:7 نِيثْنِي سِّيوْڒنْ أَكِيذسْ، نَّانْ: ”مَاڒَا شكْ ثڭِّيذْ إِخفْ نّشْ أَسّْ-أَ ذ أَمْسخَّارْ إِ ڒْڭنْسْ-أَ، أَذْ خَاسنْ ثْسخَّارذْ، أَذْ خَاسنْ د-ثَارّذْ ؤُ أَذْ كِيذْسنْ ثسِّيوْڒذْ س وَاوَاڒنْ إِشْنَانْ، خنِّي أَذْ ذوْڒنْ نِيثْنِي ذ إِمْسخَّارنْ نّشْ إِ ڒبْذَا.“
1KI 12:8 [مَاشَا] نتَّا إِنْضَارْ شّْوَارْ إِ ذ أَسْ ثُوغَا وْشِينْ إِمقّْرَاننْ ؤُشَا إِمْشَاوَارْ أَكْ-ذ إِحُوذْرِييّنْ نِّي ثُوغَا أَكِيذسْ إِمْغَارنْ ؤُ بدّنْ ڒخُّو زَّاثْ إِ وُوذمْ نّسْ.
1KI 12:9 نتَّا إِسّقْسَا ثنْ: ”مَانْ ثتّْشَاوَارمْ أَذْ ث د-نَارّْ خْ وَاوَاڒْ ن ڒْڭنْسْ، مِينْزِي سِّيوْڒنْ أَكِيذِي، نَّانْ [أَيِي]: ’سَارْخُو أَزَايْڒُو إِ خَانغْ إِڭَّا بَابَاشْ.‘ “
1KI 12:10 إِحُوذْرِييّنْ نِّي أَكِيذسْ ثُوغَا إِمْغَارنْ سِّيوْڒنْ أَكِيذسْ، نَّانْ: ”أَمُّو إِ د غَا ثَارّذْ خْ ڒْڭنْسْ إِ كِيذكْ إِسِّيوْڒنْ، إِنَّانْ: ’بَابَاشْ إِسّضْقڒْ أَزَايْڒُو نّغْ، مَاشَا [ڒخُّو] شكْ سَارْخُو ث خَانغْ!‘ ؤُ أَمُّو إِ كِيذْسنْ إِ غَا ثسِّيوْڒذْ: ’[أَضَاضْ] أَمژْيَانْ إِنُو أَذْ يِيڒِي ذ أَمقّْرَانْ خْ ثجْعِينَّا ن بَابَا.
1KI 12:11 [خنِّي] ڒخُّو، أَقَا بَابَا إِقّنْ أَومْ إِجّْ ن ؤُزَايْڒُو إِقسْحنْ، [خنِّي] نشّْ أَذْ ث سّْضقْڒغْ عَاذْ. بَابَا يَاربَّا كنِّيوْ س ؤُركُّوضْ، نشّْ أَذْ كنِّيوْ أَربِّيغْ س إِغَارْضْمِيونْ.‘ “
1KI 12:12 ذڭْ وَاسّْ وِيسّْ ثْڒَاثَا ؤُسِينْ-د يَارُوبْعَامْ ذ مَارَّا ڒْڭنْسْ غَارْ رَاحَابْعَامْ، أَمْ مَامّشْ ثُوغَا إِسِّيوڒْ ؤُجدْجِيذْ، إِنَّا: ”عقْبمْ-د غَارِي أَوَارْنِي إِ ثْڒَاثَا ن وُوسَّانْ!“
1KI 12:13 أَجدْجِيذْ يَارَّا-د ڒْڭنْسْ س إِشْثْ ن ثمْوَارِّيثْ إِقسْحنْ، [مَاغَارْ] نتَّا إِنْضَارْ شّْوَارْ إِ ذ أَسْ وْشِينْ إِمقّْرَاننْ.
1KI 12:14 إِسِّيوڒْ أَكِيذْسنْ عْلَاحْسَابْ شّْوَارْ ن إِحُوذْرِييّنْ، إِنَّا: ”بَابَا إِسّضْقڒْ أَزَايْڒُو نْومْ، مَاشَا نشّْ أَذْ سّْضقْڒغْ عَاذْ أَزَايْڒُو نْومْ. بَابَا يَاربِّي كنِّيوْ س ؤُركُّوضْ، نشّْ أَذْ كنِّيوْ أَربِّيغْ س إِغَارْضْمِيونْ.“
1KI 12:15 أَجدْجِيذْ وَارْ إِسْڒِي شَا غَارْ ڒْڭنْسْ، مَاغَارْ أَنقْڒبْ-أَ ثُوغَا إِ د-يُوسَا زِي سِيذِي، حِيمَا أَذْ إِسّمْثنْ أَوَاڒْ إِ ثُوغَا إِسِّيوڒْ سِيذِي س ؤُفُوسْ ن أَخِييَا، أَشِيلُونِي، إِ يَارُوبْعَامْ، مِّيسْ ن نَابَاطْ.
1KI 12:16 [ؤُمِي] مَارَّا إِسْرَائِيل إِژْرَا أَقَا أَجدْجِيذْ وَارْ غَارْسنْ إِسْڒِي شَا، يَارَّا-د ڒْڭنْسْ خْ ؤُجدْجِيذْ، نَّانْ: ”مَانْ ثَاسْغَارْثْ إِ غَارْنغْ ذِي ذَاوُوذْ؟ نشِّينْ وَارْ غَارْنغْ بُو ثسْغَارْثْ غَارْ مِّيسْ ن يَاسَّا. غَارْ إِقِيضَانْ نّشْ، [أَ] إِسْرَائِيل! ڒْهَا ڒخُّو أَكْ-ذ ثَادَّارْثْ نّشْ، [أَ أَيْثْ ن] ذَاوُوذْ!“ ؤُشَا يُويُورْ إِسْرَائِيل غَارْ إِقِيضَانْ نْسنْ.
1KI 12:17 [مَاشَا] خْ أَيْثْ ن إِسْرَائِيل إِنِّي ثُوغَا إِزدّْغنْ ذِي ثْندَّامْ ن يَاهُوذَا، أَقَا رَاحَابْعَامْ ثُوغَا خَاسنْ ذ أَجدْجِيذْ.
1KI 12:18 أَجدْجِيذْ رَاحَابْعَامْ إِسّكّْ [غَارْسنْ] أَذُورَامْ، ونِّي [إِدْجَانْ] خْ لْجِيزْيَا ن ثسْمُوغِي، ؤُ مَارَّا إِسْرَائِيل يَارْجمْ إِ-ث س يژْرَا أَڒَامِي إِمُّوثْ. أَجدْجِيذْ رَاحَابْعَامْ إِقدْجبْ، مَاحنْذْ أَذْ ينْيَا ذغْيَا خْ إِجّْ ن ؤُكَارُّو حِيمَا أَذْ يَارْوڒْ غَارْ ؤُرْشَالِيمْ.
1KI 12:19 أَمُّو إِ إِغوّغْ إِسْرَائِيل خْ ثَادَّارْثْ ن ذَاوُوذْ، أَڒْ أَسّْ-أَ.
1KI 12:20 [ؤُمِي] مَارَّا إِسْرَائِيل إِسْڒَا أَقَا يَارُوبْعَامْ إِعْقبْ-د، إِمْسَارْ، أَقَا سّكّنْ غَارسْ مَاحنْذْ أَذْ أَسْ د-ڒَْاغَانْ، حِيمَا أَذْ د-يَاسْ غَارْ ثْمسْمُونْثْ ؤُشَا ڭِّينْ ث ذ أَجدْجِيذْ خْ مَارَّا إِسْرَائِيل. ؤُڒَا ذ إِجّْ وَارْ إِقِّيمْ إِضفَّارْ عَاذْ ثَادَّارْثْ ن ذَاوُوذْ مْغِيرْ ثَاقْبِيتْشْ ن يَاهُوذَا.
1KI 12:21 [ؤُمِي] د-يُوسَا رَاحَابْعَامْ غَارْ ؤُرْشَالِيمْ، إِسّْمُونْ مَارَّا ثَادَّارْثْ ن يَاهُوذَا ذ ثقْبِيتْشْ ن بِينْيَامِينْ، مْيَا ؤُ-ثْمنْيِينْ-أَڒفْ [ن إِرْيَازنْ] إِتّْوَافَارْزنْ، تّْوَاذَارّْبنْ إِ ؤُمنْغِي، حِيمَا أَذْ مّنْغنْ أَكْ-ذ ثَادَّارْثْ ن إِسْرَائِيل، حِيمَا أَذْ د-أَرّنْ ثَاڭلْذِيثْ غَارْ رَاحُوبْعَامْ، مِّيسْ ن سُولِيمَانْ.
1KI 12:22 [خنِّي] يُوسَا-د وَاوَاڒْ ن أَربِّي غَارْ شَامْعِييَا أَرْيَازْ ن أَربِّي، إِنَّا:
1KI 12:23 ”سِيوڒْ أَكْ-ذ رَاحَابْعَامْ، مِّيسْ ن سُولِيمَانْ، أَجدْجِيذْ ن يَاهُوذَا، ؤُ أَكْ-ذ مَارَّا ثَادَّارْثْ ن يَاهُوذَا ؤُ ثنِّي ن بِينْيَامِينْ ؤُ إِ [مَارَّا] مِينْ إِقِّيمنْ ن ڒْڭنْسْ، إِنِي:
1KI 12:24 ’أَمُّو إِ إِقَّارْ سِيذِي: وَارْ تّْڭعّْذمْ ؤُ وَارْ تّْمنْغَامْ أَكْ-ذ أَيْثْمَاثْومْ، أَيْثْ ن إِسْرَائِيل. إِتّْخصَّا أَذْ إِعْقبْ [كُوڒْ إِجّْ ن] ورْيَازْ غَارْ ثَادَّارْثْ نّسْ، مَاغَارْ ذ مَانْ أَيَا إِ إِمْسَارنْ زَّايِي.‘ “ نِيثْنِي سْڒِينْ غَارْ وَاوَاڒْ ن سِيذِي ؤُشَاعقْبنْ ؤُشَا ؤُيُورنْ [غَارْ ومْشَانْ نْسنْ] عْلَاحْسَابْ أَوَاڒْ ن سِيذِي. *
1KI 12:25 يَارُوبْعَامْ إِبْنَا شَاكِيمْ خْ إِذُورَارْ ن إِفْرَايِيمْ ؤُشَا إِزْذغْ ذِينِّي. سّنِّي إِفّغْ ؤُشَا إِبْنَا فَانُووِيلْ.
1KI 12:26 إِنَّا يَارُوبْعَامْ ذڭْ وُوڒْ نّسْ: ”ڒخُّو أَذْ د-ثعْقبْ ثْڭلْذِيثْ غَارْ ثَادَّارْثْ ن ذَاوُوذْ.
1KI 12:27 [مَاغَارْ] مَاڒَا ڒْڭنْسْ-أَ أَذْ د-إِڭعّذْ، حِيمَا أَذْ يَاوِي ثِيوْهِيبِينْ ذِي ثَادَّارْثْ ن سِيذِي ذِي ؤُرْشَالِيمْ، [خنِّي] أَذْ د-إِذْوڒْ وُوڒْ ن ڒْڭنْسْ-أَ غَارْ سِيذِيثْسنْ، غَارْ رَاحَابْعَامْ، أَجدْجِيذْ ن يَاهُوذَا. أَذْ أَيِي نْغنْ ؤُ أَذْ د -عقْبنْ غَارْ رَاحَابْعَامْ، أَجدْجِيذْ ن يَاهُوذَا.“
1KI 12:28 إِمْشَاوَارْ ؤُجدْجِيذْ، [خنِّي] إِڭَّا ثْنَاينْ ن إِعجْمِييّنْ ن وُورغْ، إِنَّا أَسنْ [إِ ڒْڭنْسْ]: ”ذ أَطَّاسْ إِ كنِّيوْ مَاحنْذْ أَذْ ثْڭعّْذمْ غَارْ ؤُرْشَالِيمْ. خْزَارْ، إِربِّيثنْ نّشْ، [أَ] إِسْرَائِيل، إِنِّي شكْ إِ د-إِسُّوفّْغنْ زِي مِيصْرَا.“
1KI 12:29 نتَّا إِسّْبدّْ إِجّْ [ن صَّانَامْ] ن ؤُفُونَاسْ ذِي بَايْثْ-إِلْ ؤُ ونّغْنِي إِسّْبدّْ إِ-ث ذِي ذَانْ.
1KI 12:30 أَيَا إِذْوڒْ ذ أَعْرَاضْ غَارْ دّْنُوبْ. ڒْڭنْسْ إِزْوَارْ يُويُورْ زَّاثْ إِ وُوذمْ ن إِجّْ [ن ؤُفُونَاسْ] أَڒْ دَان.
1KI 12:31 نتَّا إِسّْبدّْ إِشْثْ ن زَّاوشْثْ خْ ڒڭْعُوذِي. إِڭَّا إِكهَّاننْ [إِ د-إِقَّارْصنْ] زِي مَارَّا طّْرُوفَا ن ڒْڭنْسْ إِنِّي وَارْ [إِدْجِينْ] زڭْ أَيْثْ ن لَاوِي.
1KI 12:32 ذڭْ ؤُيُورْ وِيسّْ ثْمنْيَا، ذڭْ وَاسّْ وِيسّْ خمّسْطَاشْ ن ؤُيُورْ، إِڭَّا يَارُوبْعَامْ إِجّْ ن ڒْعِيذْ، أَمْ ڒْعِيذْ إِ تّڭّنْ ذِي يَاهُوذَا، ؤُ نتَّا إِسّْڭعّذْ ثِيغَارْصَا خْ ؤُعَالْطَارْ. إِڭَّا أَمُّو ذِي بَايْثْ-إِلْ حِيمَا أَذْ إِقدّمْ ثِيغَارْصَا إِ إِعجْمِييّمْ إِ يڭَّا. إِڭَّا عَاوذْ إِكهَّاننْ ذِي بِيثْ-إِلْ خْ ڒڭْعُوذِي نِّي إِڭَّا.
1KI 12:33 ذڭْ وَاسّْ وِيسّْ خمّسْطَاشْ ذڭْ ؤُيُورْ وِيسّْ ثْمنْيَا ن ؤُيُورْ إِ ثُوغَا إِخَارّصْ نتَّا ذڭْ وُوڒْ نّسْ، إِسّْڭعّذْ ثِيغَارْصَا خْ ؤُعَالْطَارْ نِّي إِڭَّا ذِي بَايْثْ-إِلْ. أَمُّو إِ إِسّْبدّْ إِجّْ ن ڒْعِيذْ إِ أَيْثْ ن إِسْرَائِيل ؤُشَا إِسّْبخَّارْ ڒبْخُورْ خْ ؤُعَالْطَارْ.
1KI 13:1 خْزَارْ، س وَاوَاڒْ ن سِيذِي يُوسَا-د إِجّْ ن ورْيَازْ ن أَربِّي زِي يَاهُوذَا غَارْ بَايْثْ-إِلْ. يَارُوبْعَامْ ثُوغَا إِبدّْ زَّاثْ إِ ؤُعَالْطَارْ، حِيمَا أَذْ إِوهّبْ ڒبْخُورْ.
1KI 13:2 نتَّا إِڒَاغَا خْ ؤُعَالْطَارْ س وَاوَاڒْ ن أَربِّي، إِنَّا: ”[أَ] أَعَالْطَارْ، أَعَالْطَارْ، أَمُّو إِ إِقَّارْ سِيذِي، أَذْ د-إِتّْوَاخْڒقْ إِجّْ ن مِّيسْ ذِي ثَادَّارْثْ ن ذَاوُوذْ، أَذْ أَسْ قَّارنْ يُوشِييَا. نتَّا أَذْ خَاكْ إِڭّْ ذ ثَاغَارْصْثْ إِكهَّاننْ ن ڒڭْعُوذِي نِّي خَاكْ إِوهّْبنْ ڒبْخُورْ، ؤُ أَذْ خَاكْ شمْضنْ إِغْسَانْ ن إِوْذَانْ.“
1KI 13:3 ذڭْ وَاسّْ نِّي ذ إِجّنْ إِوْشَا إِشْثْ نْ ڒعْڒَامثْ، إِنَّا: ”ثَا ذ ڒعْڒَامثْ إِ خْ إِسِّيوڒْ سِيذِي. خْزَارْ، أَعَالْطَارْ أَذْ إِشَارّڭْ ؤُ إِغّضْ ن مِينْ إِقِّيمنْ ن ثَاذُونْثْ إِ خَاسْ [إِدْجَانْ] أَذْ زَّايسْ د-إِحْرُودْجضْ.“
1KI 13:4 ؤُمِي إِسْڒَا ؤُجدْجِيذْ أَوَاڒْ ن ورْيَازْ ن أَربِّي ونِّي إِڒَاغَانْ خْ ؤُعَالْطَارْ ذِي بَايْثْ-إِلْ، إِمْسَارْ، أَقَا إِسّْوِيژّضْ يَارُوبْعَامْ أَفُوسْ نّسْ خْ ؤُعَالْطَارْ، إِنَّا: ”طّفْ إِ-ث!“ [مَاشَا] أَفُوسْ نّسْ نِّي ثُوغَا غَارسْ إِسّْوِيژّْضنْ، يُوژغْ، أَڒَامِي وَارْ إِزمَّارْ عَاذْ أَذْ ث-إِ-د-يَارّْ غَارسْ.
1KI 13:5 إِشَارّڭْ ؤُعَالْطَارْ ؤُشَا إِحْڒُودْجذْ زَّايسْ [يِيغّذْ ن] ثَاذُونْثْ عْلَاحْسَابْ ڒعْڒَامثْ إِ إِوْشَا ورْيَازْ ن أَربِّي س وَاوَاڒْ ن سِيذِي.
1KI 13:6 خنِّي يَارَّا-د ؤُجدْجِيذْ، إِنَّا إِ ورْيَازْ ن أَربِّي: ”زَاوْڭْ زَّاثْ إِ وُوذمْ ن سِيذِي، أَربِّي نّشْ، ؤُشَا ژَتدْجْ خَافِي [حِيمَا] أَفُوسْ إِنُو أَذْ غَارِي د-إِذْوڒْ!“ ؤُشَا إِزَاوْڭْ ورْيَازْ ن أَربِّي إِ وُوذمْ ن سِيذِي ؤُشَا أَفُوسْ ن ؤُجدْجِيذْ إِذْوڒْ-د غَارسْ ؤُشَا إِذْوڒْ أَمْ مَامّشْ ث ثُوغَا قْبڒْ.
1KI 13:7 [خَاسْ ؤُشَا] إِسِّيوڒْ ؤُجدْجِيذْ أَكْ-ذ ورْيَازْ ن أَربِّي: ”أَسْ-د غَارْ ثَادَّارْثْ إِنُو ؤُشَا أَريّحْ! ؤُڒَا ذ نشّْ أَذْ أَشْ وْشغْ إِشْثْ ن ثرْزفْثْ.“
1KI 13:8 [مَاشَا] يَارَّا-د ورْيَازْ ن أَربِّي خْ ؤُجدْجِيذْ: ”وَاخَّا شكْ ثوْشِيذْ أَيِي أَزْينْ ن ثَادَّارْثْ نّشْ، نشّْ وَارْ [أَ]كِيذكْ ڭُّورغْ ؤُ وَارْ تِّيشغْ أَغْرُومْ ذڭْ ومْشَانْ-أَ ؤُڒَا وَارْ [ذَا] سسّغْ.
1KI 13:9 مَاغَارْ أَمُّو إِ ذ أَيِي إِوصَّا س وَاوَاڒْ ن سِيذِي، إِنَّا: ’شكْ وَارْ [ذِينِّي] ثتّتّذْ ؤُ وَارْ [ذِينِّي] ثْسسّذْ ؤُ وَارْ ثْعِيقِّيبذْ خْ وبْرِيذْ إِ خْ د-ثُوسِيذْ.‘ “
1KI 13:10 ؤُشَا نتَّا إِرُوحْ خْ إِجّْ ن وبْرِيذْ نّغْنِي ؤُ وَارْ د-إِعْقِيبْ شَا خْ وبْرِيذْ إِ خْ د-يُوسَا غَارْ بَايْثْ-إِلْ.
1KI 13:11 ذِي بَايْثْ-إِلْ ثُوغَا إِزدّغْ [عَاذْ] إِجّْ ن ؤُنَابِي إِوْسَارْ. مِّيسْ نّسْ يُوسَا-د، إِحَاجَا أَسْ مِينْ ثُوغَا إِڭَّا ورْيَازْ ن أَربِّي ذڭْ وَاسّْ نِّي ذِي بَايْثْ-إِلْ، ؤُڒَا ذ أَوَاڒنْ إِ إِنَّا إِ ؤُجدْجِيذْ. إِحنْجِيرنْ نّسْ حَاجَانْ أَسْ ثنْ إِ بَابَاثْسنْ.
1KI 13:12 إِنَّا أَسنْ بَابَاثْسنْ: ”خْ مَانْ أَبْرِيذْ إِ يُويُورْ نتَّا؟“ إِحنْجِيرنْ نّسْ ثُوغَا ژْرِينْ مَانْ أَبْرِيذْ ثُوغَا إِطّفْ ورْيَازْ ن سِيذِي ونِّي ثُوغَا إِ د-يُوسِينْ زِي يَاهُوذَا.
1KI 13:13 نتَّا إِنَّا إِ إِحنْجِيرنْ نّسْ: ”بَارْذْعمْ أَيِي إِ وغْيُوڒْ!“ نِيثْنِي بَارْذْعنْ أَسْ إِ وغْيُوڒْ  ؤُشَا نتَّا إِنْيَا خَاسْ إِرُوحْ.
1KI 13:14 نتَّا يَاردّفْ أَرْيَازْ ن أَربِّي ؤُشَا يُوفَا إِ-ث أَمْ إِقِّيمْ سَاذُو إِشْثْ ن ثْشجَّارْثْ ن يِيڭّْ. نتَّا إِنَّا أَسْ: ”مَا شكْ ذ أَرْيَازْ ن أَربِّي ونِّي د-إِفّْغنْ زِي يَاهُوذَا؟“ نتَّا إِنَّا: ”ذ نشّْ!“
1KI 13:15 [خنِّي] إِنَّا أَسْ: ”أَسْ-د أَكِيذِي غَارْ ثَادَّارْثْ إِنُو ؤُ أشّْ أَغْرُومْ.“
1KI 13:16 [مَاشَا] نتَّا إِنَّا: ”نشّْ وَارْ زمَّارغْ أَكِيذكْعقْبغْ ؤُ نشّْ وَارْ أَكِيذكْ د-تَّاسغْ. ؤُڒَا ذ نشّْ وَارْ تّتّغْ، وَارْ سسّغْ ذڭْ ومْشَانْ-أَ.
1KI 13:17 مَاغَارْ يُوسَا-د غَارِي وَاوَاڒْ ن سِيذِي، [إِنَّا]: ’شكْ وَارْ ثْزمَّارذْ أَذْ [ذِينِّي] ثشّذْ أَغْرُومْ ؤُ وَارْ ثْسسّذْ أَمَانْ. شكْ وَارْ ثْزمَّارذْ أَذْ د-ثْعقْبذْ خْ وبْرِيذْ إِ خْ د-ثُوسِيذْ.‘ “
1KI 13:18 نتَّا إِنَّا أَسْ: ”ؤُڒَا ذ نشّْ ذ إِجّْ ن ؤُنَابِي أَمْ شكْ، ؤُ إِجّْ ن لْمَالَاكْ إِسِّيوڒْ أَكِيذِي س وَاوَاڒْ ن سِيذِي، إِنَّا: ’أَوْيِي ث غَاركْ ذِي ثَادَّارْثْ نّشْ، حِيمَا أَذْ يشّْ أَغْرُومْ، أَذْ إِسسّْ أَمَانْ.‘ “ [أَمُّو] إِ إِسّْخَارّقْ خَاسْ.
1KI 13:19 ؤُشَا نتَّا إِعْقبْ أَكِيذسْ، إِشَّا أَغْرُومْ ذِي ثَادَّارْثْ نّسْ ؤُ إِسْوَا أَمَانْ.
1KI 13:20 ؤُمِي قِّيمنْ نِيثْنِي غَارْ طَّابْڒَا، أَقَا يُوسَا-د وَاوَاڒْ ن سِيذِي غَارْ ؤُنَابِي ونِّي ثُوغَا ث-إِ-د-يَارِّينْ،
1KI 13:21 ؤُ نتَّا إِڒَاغَا إِ ورْيَازْ ن أَربِّي إِ د-يُوسِينْ زِي يَاهُوذَا، إِنَّا: ”أَمُّو إِ إِقَّارْ سِيذِي: ’مَاغَارْ شكْ ثْغوّْغذْ خْ وَاوَاڒْ ن سِيذِي ؤُ وَارْ ثحْضِيذْ ڒُومُورْ إِ ذ أَشْ يُومُورْ سِيذِي، أَربِّي نّشْ،
1KI 13:22 [مَاشَا] ثْعقْبذْ ؤُ ثشِّيذْ أَغْرُومْ ؤُ ثسْوِيذْ أَمَانْ ذڭْ ومْشَانْ إِ خْ إِ ذ أَشْ إِنَّا: ’وَارْ ثْزمَّارذْ أَذْ [ذِينْ] ثشّذْ أَغْرُومْ ؤُ وَارْ [ذِينْ] ثْسّسذْ أَمَانْ، خْ ؤُيَا ڒْخشْبثْ نّشْ وَارْ د-ثُوسَا ذڭْ ونْضڒْ ن ڒجْذُوذْ نّشْ.‘ “
1KI 13:23 أَوَارْنِي ؤُمِي ثُوغَا إِشَّا ذ إِسْوَا، إِبَارْذعْ أَسْ إِ وغْيُوڒْ إِ ؤُنَابِي إِ ذ إِڭَّا أَذْ د-إِذْوڒْ.
1KI 13:24 أَمُّو د-إِفّغْ ؤُشَا إِمْسَاڭَارْ أَكِيذسْ إِجّْ ن ويْرَاذْ، إِنْغَا إِ-ث. ڒْخشْبثْ نّسْ ثُوغَا ثمّنْضَارْ [ذِينْ] خْ وبْرِيذْ ؤُ أَغْيُوڒْ إِبدّْ زَّاثسْ ؤُشَا ؤُڒَا ذ أَيْرَاذْ إِبدّْ زَّاثْ إِ ڒْخشْبثْ.
1KI 13:25 ؤُ خْزَارْ، عْذُونْ [شَا ن] يرْيَازنْ، ژْرِينْ ڒْخشْبثْ ثمّنْضَارْ خْ وبْرِيذْ ؤُڒَا ذ أَيْرَاذْ إِبدّْ زَّاثْ إِ ڒْخشْبثْ. نِيثْنِي إِوْضنْ غَارْ ثنْذِينْثْ ن ؤُنَابِي إِوْسَارنْ ؤُشَا سِّيوْڒنْ خْ مَانْ أَيَا.
1KI 13:26 [ؤُمِي] أَنَابِي ونِّي إِ-ث-إِ-د-يَارِّينْ زڭْ وبْرِيذْ، إِسْڒَا مَانْ أَيَا، إِنَّا نتَّا: ”وَا ذ أَرْيَازْ ن أَربِّي، ونِّي ثُوغَا إِغوّْغنْ خْ وَاوَاڒْ ن سِيذِي. [خْ ؤُينِّي] إِوْشَا إِ-ث سِيذِي إِ ويْرَاذْ ؤُ وَانِيثَا إِمزّقْ إِ-ث ؤُشَا إِنْغَا إِ-ث عْلَاحْسَابْ أَوَاڒْ ن سِيذِي ونِّي ثُوغَا كِيذسْ إِسِّيوْڒنْ.“
1KI 13:27 ؤُشَا نتَّا إِسِّيوڒْ أَكْ-ذ إِحنْجِيرنْ نّسْ، إِنَّا: ”بَارْذْعمْ أَيِي إِ وغْيُوڒْ!“ نِيثْنِي بَارْذْعنْ أَسْ،
1KI 13:28 ؤُشَا نتَّا إِفّغْ، يُوفَا ڒْخشْبثْ ثمّنْضَارْ خْ وبْرِيذْ ؤُڒَا ذ أَغْيُوڒْ ذ وَايْرَاذْ إِ إِبدّنْ زَّاثْ إِ ڒْخشْبثْ. أَيْرَاذْ وَارْ يشِّي ڒْخشْبثْ ؤُ وَارْ إِمزّقْ أَغْيُوڒْ.
1KI 13:29 خنِّي إِسّْڭعّذْ ؤُنَابِي ڒْخشْبثْ، إِسَّارْسْ إِ-ت خْ وغْيُوڒْ ؤُشَا يِيوْيِي ت أَكِيذسْ. أَمُّو إِ د-يُوسَا ؤُنَابِي إِوْسَارنْ ذِي ثنْذِينْثْ، حِيمَا أَذْ خَاسْ إِوّثْ أَڭجْذُورْ ؤُ أَذْ ث إِنْضڒْ.
1KI 13:30 نتَّا إِنْضڒْ ڒْخشْبثْ ذڭْ ونْضڒْ نّسْ ؤُ نِيثْنِي وْثِينْ خَاسْ أَڭجْذُورْ: ”ؤُهْ، ؤُمَا إِنُو!“
1KI 13:31 أَوَارْنِي ؤُمِي ثُوغَا ث إِنْضڒْ، إِمْسَارْ، أَقَا إِسِّيوڒْ أَكْ-ذ إِحنْجِيرنْ نّسْ، إِنَّا: ”خْمِي غَا مّْثغْ، نضْڒمْ أَيِي ذڭْ ونْضڒْ إِ ذِي إِمّنْضَارْ ورْيَازْ ن أَربِّي ؤُ سَّارْسمْ إِغْسَانْ إِنُو خْ ؤُغزْذِيسْ ن إِغْسَانْ نّسْ!
1KI 13:32 مَاغَارْ أَوَاڒْ إِ إِبَارّحْ س وَاوَاڒْ ن سِيذِي خْ ؤُعَالْطَارْ-أَ نِّي [إِدْجَانْ] ذِي بَايْثْ-إِلْ ؤُ خْ مَارَّا ثِيزَاوِييِّينْ ن ڒڭْعُوذِي نِّي [إِدْجَانْ] ذِي ثْندَّامْ ن سَامَارْيَا، أَذْ د-إِفّغْ نِيشَانْ.“
1KI 13:33 أَوَارْنِي إِ وَاوَاڒْ-أَ وَارْ د-إِدّكّْوِيڒْ شَا يَارُوبْعَامْ زڭْ وبْرِيذْ أَعفَّانْ نّسْ، [مَاشَا] يَاڒقّمْ عَاوذْ إِكهَّاننْ زِي [مَارَّا] طّْرُوفَا ن ڒْڭنْسْ خْ ڒڭْعُوذِي. ونِّي ث إِخْسنْ، يَاڒقّمْ إِ-ث ؤُ وَانِيثَا إِذْوڒْ ذ أَكهَّانْ نْ ڒڭْعُوذِي.
1KI 13:34 زِي ثْمسْڒَاشْثْ-أَ ثوْضَا ثَادَّارْثْ ن يَارُوبْعَامْ ذِي دّْنُوبْ، أَڒَامِي د-ثْقَارّبْ غَارْ ؤُثحِّي ذ وَاردّدْجْ زِي ثمُّورْثْ.
1KI 14:1 ذِي ڒْوقْثْ نِّي إِذْوڒْ أَبِييَا، مِّيسْ ن يَارُوبْعَامْ، إِهْڒشْ.
1KI 14:2 إِنَّا يَارُوبْعَامْ إِ ثمْغَارْثْ نّسْ: ”كَّارْ، بدّڒْ أَرُّوضْ نّمْ، مَاحنْذْ وَارْ إِعقّڒْ ؤُڒَا ذ إِجّْ أَقَا شمْ ذ ثَامْغَارْثْ ن يَارُوبْعَامْ، أَذْ ثُويُورذْ غَارْ شِيلُو. أَقَا ذِينِّي أَنَابِي أَخِييَا ونِّي خَافِي إِنَّانْ أَقَا نشّْ أَذْ ذوْڒغْ ذ أَجدْجِيذْ خْ ڒْڭنْسْ-أَ.
1KI 14:3 كْسِي أَكِيذمْعشْرَا ن إِغْرُومنْ ذ ثفْضِيڒِينْ ذ إِجّْ ن ؤُقْذِيحْ ن ثَامّنْثْ ؤُشَا ؤُيُورْ غَارسْ! نتَّا أَذْ أَمْ إِنِي مِينْ غَا إِمْسَارنْ أَكْ-ذ ؤُحنْجِيرْ.“
1KI 14:4 ؤُشَا أَمُّو إِ ثڭَّا ثمْغَارْثْ ن يَارُوبْعَامْ. نتَّاثْ ثكَّارْ، ثُويُورْ غَارْ شِيلُو، ثِيوضْ غَارْ ثَادَّارْثْ ن أَخِييَا. أَخِييَا ثُوغَا وَارْ إِثْوِيڒِي مَاغَارْ ثِيطَّاوِينْ نّسْ ثُوغَا ذوْڒنْثْ طّمّْسنْثْ ذِي ثوْسَارْ نّسْ.
1KI 14:5 [مَاشَا] سِيذِي إِنَّا إِ أَخِييَا: ”خْزَارْ، أَذْ د-ثَاسْ ثمْغَارْثْ ن يَارُوبْعَامْ، حِيمَا أَذْ شكْ ثسّقْسَا خْ مِّيسْ، مِينْزِي وَانِيثَا إِهْڒشْ. ثَا ذ ثَا إِ ذ أَسْ غَا ثِينِيذْ. خْمِي إِ د غَا ثَاسْ، أَذْ إِمْسَارْ، نتَّاثْ أَذْ ثسّْنِيعْمِيڒْ إِخفْ نّسْ ذ إِشْثنْ نّغْنِيثْ.“
1KI 14:6 ؤُمِي إِسْڒَا أَخِييَا ڒْحسّْ ن إِصُورَافْ نّسْ غَارْ ثوَّارْثْ، إِمْسَارْ، أَقَا نتَّا إِنَّا: ”أَذفْ-د غَارْ ذَاخڒْ، أَ ثَامْغَارْثْ ن يَارُوبْعَامْ! مَايمِّي ثسّْنِيعْمِيڒذْ إِخفْ نّمْ أَمشْنَاوْ شمْ ذ إِشْثنْ نّغْنِيثْ؟ نشّْ تّْوَاسّكّغْ-د غَارمْ س [إِشْثْ ن ثبْرَاثْ] إِقسْحنْ.
1KI 14:7 ؤُيُورْ، إِنِي إِ يَارُوبْعَامْ: ’أَمُّو إِ إِقَّارْ سِيذِي، أَربِّي ن إِسْرَائِيل: مِينْزِي نشّْ سّْڭعّْذغْ شكْ زِي جَارْ ڒْوسْطْ ن ڒْڭنْسْ ؤُ ڭِّيغْ شكْ ذ ڒْحَاكمْ خْ ڒْڭنْسْ إِنُو إِسْرَائِيل،
1KI 14:8 ؤُشَا شَارّْڭغْ ثَاڭلْذِيثْ زِي ثَادَّارْثْ ن ذَاوُوذْ ؤُشَا وْشِيغْ أَشْ ت، [مَاشَا] شكْ وَارْ ثدْجِيذْ شَا أَمْ ؤُمْسخَّارْ إِنُو ذَاوُوذْ، ونِّي إِحْضَانْ ڒُومُورَاثْ إِنُو ذ ونِّي د أَيِي إِضْفَارنْ، حِيمَا أَذْ يڭّْ مْغِيرْ مِينْ إِدْجَانْ نِيشَانْ ذِي ثِيطَّاوِينْ إِنُو،
1KI 14:9 ؤُ مِينْزِي ثڭِّيذْ ت ذ ثَاعفَّانْثْ مَاهُو خْ [مِينْ ڭِّينْ] مَارَّا [إِنِّي إِدْجَانْ] قْبڒْ إِ شكْ، ؤُشَا شكْ ثُويُورذْ ثڭِّيذْ إِربِّيثنْ نّغْنِي ذ ڒخْيَاڒَاثْ نّغْنِي إِفسْينْ، حِيمَا أَذْ أَيِي ثسْعَارذْ، ؤُشَا ثنْضَارذْ أَيِي أَوَارْنِي إِ وعْرُورْ نّشْ،
1KI 14:10 س ؤُيَا، خْزَارْ، أَذْ أَوْيغْ ثُوعفّْنَا خْ ثَادَّارْثْ ن يَارُوبْعَامْ ؤُ أَذْ ثحِّيغْ زِي يَارُوبْعَامْ مَارَّا وِي [ث] إِتّڭّنْ خْ ڒْحِيضْ، [أَمْ] ونِّي إِتّْوَاطّْفنْ، [أَمْ] ونِّي ؤُمِي جِّينْ ذِي إِسْرَائِيل، ؤُ نشّْ أَذْ مْحِيغْ مِينْ إِقِّيمنْ ن ثَادَّارْثْ ن يَارُوبْعَامْ، أَمْ مَامّشْ فَارْضنْ ڒغْبَارْ أَڒْ غَا إِقْضَا.
1KI 14:11 مَانْ ونْ زِي ثَادَّارْثْ ن يَارُوبْعَامْ إِ غَا إِمّْثنْ ذِي ثنْذِينْثْ، أَذْ ث شّنْ يِيطَانْ ؤُ وِي غَا إِمّْثنْ ذڭْ إِيَّارْ، أَذْ ث شّنْ إِجْضَاضْ ن ؤُجنَّا، مَاغَارْ سِيذِي ذ ونِّي ت إِنَّانْ.“
1KI 14:12 ”ؤُ شمْ، كَّارْ، ؤُيُورْ غَارْ ثَادَّارْثْ نّمْ! مَاڒَا إِضَارنْ نّمْ أَذْ أَوْينْ غَارْ ثنْذِينْثْ، أَذْ إِمّثْ ؤُحنْجِيرْ.
1KI 14:13 مَارَّا إِسْرَائِيل أَذْ خَاسْ وْثنْ أَڭجْذُورْ ؤُ نِيثْنِي أَذْ ث نضْڒنْ، مَاغَارْ نتَّا وَاهَا زِي ثَادَّارْثْ ن يَارُوبْعَامْ أَذْ إِطّفْ أَنْضڒْ، مَاغَارْ ذِي ثَادَّارْثْ ن يَارُوبْعَامْ إِتّْوَافْ ذَايسْ نتَّا [وَاهَا] مِينْ إِشْنَانْ إِ سِيذِي، أَربِّي ن إِسْرَائِيل.
1KI 14:14 سِيذِي أَذْ د-إِسّكَّارْ إِ يِيخفْ نّسْ إِجّْ ن ؤُجدْجِيذْ خْ إِسْرَائِيل نِّي إِ غَا إِثحَّانْ ثَادَّارْثْ ن يَارُوبْعَامْ، أَسّْ أَقَا ذ وَا. مِينْ ذِينْ؟ [وَاهْ]، عَاذْ ڒخُّو!
1KI 14:15 سِيذِي أَذْ إِوّثْ إِسْرَائِيل، أَذْ ث إِسّنْهزّْ سَّا ذ سَّا أَمْ ؤُغَانِيمْ ذڭْ وَامَانْ، ؤُ نتَّا أَذْ إِقْڒعْ إِسْرَائِيل زِي ثمُّورْثْ-أَ إِصبْحنْ إِ إِوْشَا إِ ڒجْذُوذْ نْسنْ ؤُ نتَّا أَذْ ثنْ يَاريّشْ خْ ؤُجمَّاضْ ن إِغْزَارْ [ن لْفُورَاطْ]، مِينْزِي نِيثْنِي ڭِّينْ إِ يِيخفْ نْسنْ ثِيربِّينْ ن شْوَارْثِي ؤُ سْعَارنْ [زَّايْسنْثْ] سِيذِي.
1KI 14:16 نتَّا أَذْ إِسلّمْ إِسْرَائِيل ذِي سِّيبّثْ ن دّْنُوبْ إِ إِڭَّا يَارُوبْعَامْ، إِ زِي يَارَّا إِسْرَائِيل أَذْ إِخْضَا.“
1KI 14:17 ؤُشَا ثكَّارْ ثمْغَارْثْ ن يَارُوبْعَامْ، ثطّفْ أَبْرِيذْ ؤُشَا ثِيوضْ غَارْ ثِيرْصَا. ؤُمِي د-ثُوسَا غَارْ ثْنبْذَاثْ ن ثَادَّارْثْ، إِمُّوثْ ؤُحنْجِيرْ.
1KI 14:18 نِيثْنِي نضْڒنْ ث ؤُ مَارَّا إِسْرَائِيل إِوْثَا خَاسْ أَڭجْذُورْ، عْلَاحْسَابْ أَوَاڒْ ن سِيذِي إِ إِسِّيوڒْ س ؤُفُوسْ ن ؤُمْسخَّارْ نّسْ، أَنَابِي أَخِييَا.
1KI 14:19 إِمزْرُوينْ إِقِّيمنْ ن يَارُوبْعَامْ، مَامّشْ إِمّْنغْ ذ مَامّشْ إِحْكمْ، خْزَارْ، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل.
1KI 14:20 ؤُسَّانْ إِ إِحْكمْ يَارُوبْعَامْ ثُوغَا ثْنَاينْ ؤُ-عِيشْرِينْ ن إِسڭّْوُوسَا. نتَّا إِڭَّا أَذْ يَاريّحْ جَارْ ڒجْذُوذْ نّسْ ؤُ مِّيسْ نَاذَابْ إِذْوڒْ ذ أَجدْجِيذْ ذڭْ ومْشَانْ نّسْ.
1KI 14:21 رَاحَابْعَامْ، مِّيسْ ن سُولِيمَانْ، ثُوغَا ذ أَجدْجِيذْ ذِي يَاهُوذَا. ثُوغَا غَارسْ وَاحِيثْ ؤُ-ربْعِينْ ن إِسڭّْوُوسَا ؤُمِي إِذْوڒْ نتَّا ذ أَجدْجِيذْ. نتَّا إِحْكمْ سْبعْطَاشْ ن إِسڭّْوُوسَا ذِي ؤُرْشَالِيمْ، ذِي ثنْذِينْثْ إِ إِخْضَارْ سِيذِي زِي جَارْ مَارَّا ثِيقبَّاڒْ ن إِسْرَائِيل، حِيمَا أَذْ ذِينْ إِسّمْثنْ إِسمْ نّسْ. يمَّاسْ قَّارنْ أَسْ نِيعْمَا، نتَّاثْ زِي [ثمُّورْثْ] ن عَامُّونْ.
1KI 14:22 يَاهُوذَا إِڭَّا [مِينْ إِدْجَانْ] ذ أَعفَّانْ ذِي ثِيطَّاوِينْ ن سِيذِي ؤُ نِيثْنِي سْعَارنْ ث مَاهُو خْ مَارَّا مِينْ ثُوغَا ڭِّينْ ڒجْذُوذْ نْسنْ س دّْنُوبْ نْسنْ إِ زِي خْضَانْ.
1KI 14:23 [مَاغَارْ] ؤُڒَا ذ نِيثْنِي بْنَانْ ڒڭْعُوذِي إِ يِيخفْ نْسنْ ذ إِمَايْضُوثنْ [إِقدّْسنْ] ذ ثِيربِّينْ ن شْوَارْثِي، ذِي مَارَّا ثِيوْرِيرِينْ يُوعْڒَانْ ؤُ سَاذُو كُوڒْ ثَاشجَّارْثْ ثَازِيزِيثْ.
1KI 14:24 ثُوغَا ذِينْ ؤُڒَا ذ إِمثْليّنْ ذِي ثمُّورْثْ. نِيثْنِي ڭِّينْ مَارَّا جّْعَايفْ ن ڒڭْنُوسْ إِ ثُوغَا إِسُّوفّغْ سِيذِي زِي ڒْوَارْثْ زَّاثْ إِ وُوذمْ ن أَيْثْ ن إِسْرَائِيل.
1KI 14:25 ذڭْ ؤُسڭّْوَاسْ وِيسّْ خمْسَا ن ؤُجدْجِيذْ رَاحَابْعَامْ، إِمْسَارْ، أَقَا إِڭعّذْ شِيشَاكْ، أَجدْجِيذْ ن مِيصْرَا، ضِيدّْ إِ ؤُرْشَالِيمْ.
1KI 14:26 نتَّا إِكّسْ ڒكْنُوزْ زِي ثَادَّارْثْ ن سِيذِي ؤُ ڒكْنُوزْ زِي ثَادَّارْثْ ن ؤُجدْجِيذْ، [إِوَا]، نتَّا يِيوِي مَارَّا. يِيوِي ؤُڒَا ذ مَارَّا ثِيسدَّارِييِينْ ن ؤُعسْكَارِي ن وُورغْ نِّي إِڭَّا سُولِيمَانْ.
1KI 14:27 ذڭْ ومْشَانْ نْسنْثْ إِڭَّا ؤُجدْجِيذْ رَاحَابْعَامْ ثِيسدَّارِييِينْ ن ؤُعسْكَارِي إِتّْوَاڭّنْ زِي نّْحَاسْ. إِڭَّا إِ-ثنْثْ ذڭْ إِفَاسّنْ ن إِمقّْرَاننْ خْ إِرقَّاسنْ ن ثَازْڒَا نِّي ثُوغَا تّْعسَّانْ غَارْ وَاذَافْ ن ثَادَّارْثْ ن ؤُجدْجِيذْ.
1KI 14:28 مڒْمِي مَا إِ غَا يَاذفْ ؤُجدْجِيذْ غَارْ ثَادَّارْثْ ن سِيذِي، إِمْسَارْ، أَقَا إِرقَّاسنْ ن ثَازْڒَا أَربُّونْ ثنْثْ ؤُ إِوْينْ ثنْثْ خنِّي عَاوذْ غَارْ وخَّامْ ن إِرقَّاسنْ ن ثَازْڒَا.
1KI 14:29 إِمزْرُوينْ إِقِّيمنْ ن رَاحَابْعَامْ ذ مَارَّا مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟
1KI 14:30 ثُوغَا إِدْجَا ؤُمنْغِي جَارْ رَاحَابْعَامْ ذ يَارُوبْعَامْ مَارَّا ؤُسَّانْ نْسنْ.
1KI 14:31 رَاحَابْعَامْ إِڭَّا أَذْ يَاريّحْ جَارْ ڒجْذُوذْ نّسْ. نتَّا إِتّْوَانْضڒْ جَارْ ڒجْذُوذْ نّسْ ذِي ثنْذِينْثْ ن ذَاوُوذْ. يمَّاسْ قَّارنْ أَسْ نِيعْمَا، إِشْثْ ن [ثمْغَارْثْ] ثَاعَامُّونِيثْ. مِّيسْ أَبِييَامْ إِذْوڒْ ذ أَجدْجِيذْ ذڭْ ومْشَانْ نّسْ.
1KI 15:1 ذڭْ ؤُسڭّْوَاسْ وِيسّْ ثْمنْطَاشْ ن ؤُجدْجِيذْ يَارُوبْعَامْ، مِّيسْ ن نَابَاطْ، إِذْوڒْ أَبِييَامْ ذ أَجدْجِيذْ خْ يَاهُوذَا.
1KI 15:2 نتَّا إِحْكمْ ثْڒَاثَا ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ مَاعْكَا، يدْجِيسْ ن أَبِيشَالُومْ.
1KI 15:3 نتَّا يُويُورْ ذِي مَارَّا دّْنُوبْ ن بَابَاسْ نِّي ثُوغَا إِڭَّا قْبڒْ نّسْ ؤُشَا ؤُڒْ نّسْ وَارْ ثُوغِي شَا إِشْضَارْ غَارْ سِيذِي، أَربِّي نّسْ، أَمْ وُوڒْ ن بَابَاسْ ذَاوُوذْ.
1KI 15:4 مَاشَا ذِي طّْوعْ ن ذَاوُوذْ إِوْشَا أَسْ سِيذِي، أَربِّي نّسْ، إِجّْ ن ڒفْنَارْ ذِي ؤُرْشَالِيمْ ؤُمِي إِڭَّا أَذْ إِسّكَّارْ مِّيسْ أَوَارْنِي أَسْ، ؤُ ؤُمِي إِڭَّا أَذْ ثقِّيمْ ثْبدّْ ؤُرْشَالِيمْ،
1KI 15:5 مَاغَارْ ذَاوُوذْ ثُوغَا إِڭَّا [مِينْ إِدْجَانْ] نِيشَانْ ذِي ثِيطَّاوِينْ ن سِيذِي ؤُ نتَّا ثُوغَا وَارْ إِحيّذْ ذِي مَارَّا ثُوذَارْثْ نّسْ خْ مَارَّا مِينْ إِ ذ أَسْ يُومُورْ نتَّا، مْغِيرْ ذِي ثْمسْڒَاشْثْ ن ؤُرِييَا، أَحِيتِّي.
1KI 15:6 ثُوغَا [ذِينْ] أَمنْغِي جَارْ رَاحَابْعَامْ ذ يَارُوبْعَامْ، مَارَّا ؤُسَّانْ ن ثُوذَارْثْ نّسْ.
1KI 15:7 إِمزْرُوينْ إِقِّيمنْ ن أَبِييَامْ ذ مَارَّا مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟ ثُوغَا ذِينْ عَاوذْ أَمنْغِي جَارْ أَبِييَامْ ذ يَارُوبْعَامْ.
1KI 15:8 أَبِييَامْ إِڭَّا أَذْ يَاريّحْ جَارْ ڒجْذُوذْ نّسْ. نضْڒنْ ث ذِي ثنْذِينْثْ ن ذَاوُوذْ. مِّيسْ أَسَا إِذْوڒْ ذ أَجدْجِيذْ ذڭْ ومْشَانْ نّسْ.
1KI 15:9 ذڭْ ؤُسڭّْوَاسْ وِيسّْ عِيشْرِينْ ن يَارُوبْعَامْ، أَجدْجِيذْ ن إِسْرَائِيل، إِذْوڒْ أَسَا ذ أَجدْجِيذْ خْ يَاهُوذَا.
1KI 15:10 نتَّا إِحْكمْ وَاحِيثْ ؤُ-ربْعِينْ ن إِسڭّْوُوسَا ذِي ؤُرْشَالِيمْ. حنَّاسْ قَّارنْ أَسْ مَاعْكَا، يدْجِيسْ ن أَبِيشَالُومْ.
1KI 15:11 أَسَا إِڭَّا [مِينْ إِدْجَانْ] نِيشَانْ ذِي ثِيطَّاوِينْ ن سِيذِي، أَمْ إِڭَّا بَابَاسْ ذَاوُوذْ.
1KI 15:12 نتَّا إِسُّوفّغْ إِمثْليّنْ زِي ثمُّورْثْ ؤُشَا إِحيّذْ مَارَّا إِميْضَا [ن لْ-أَصْنَامْ نْسنْ] إِ ثُوغَا ڭِّينْ ڒجْذُوذْ نّسْ.
1KI 15:13 نتَّا إِسّْحيّذْ ؤُڒَا ذ حنَّاسْ مَاعْكَا زِي جّهْذْ نّسْ، مَاغَارْ نتَّاثْ ثُوغَا ثڭَّا إِجّْ ن ڒخْيَاڒْ ذ جّْعِيفشْثْ إِ ثْربِّيثْ ن شْوَارْثِي. أَسَا إِقسّْ جّْعِيفشْثْ نّسْ ؤُشَا إِسّْشمْضْ [إِ-ت] غَارْ ثغْزَارْثْ ن قِيذْرُونْ.
1KI 15:14 وَارْ تّْوَاحيّْذنْثْ ڒڭْعُوذِي، مَاشَا ؤُڒْ ن أَسَا ثُوغَا إِشْضَارْ نِيشَانْ إِ سِيذِي، مَارَّا ؤُسَّانْ [ن ثُوذَارْثْ] نّسْ.
1KI 15:15 نتَّا يِيوِي ثِيوْهِيبِينْ إِقدّْسنْ ن بَابَاسْ ؤُڒَا ذ ثِيوْهِيبِينْ نِّي إِسّْقدّسْ نتَّا س يِيخفْ نّسْ ذِي ثَادَّارْثْ ن سِيذِي: نُّوقَارْثْ ذ وُورغْ ذ ڒقْشُوعْ [نّغْنِي].
1KI 15:16 ثُوغَا [ذِينْ] أَمنْغِي جَارْ أَسَا ذ بَاعْشَا، أَجدْجِيذْ ن إِسْرَائِيل، مَارَّا ؤُسَّانْ نْسنْ.
1KI 15:17 بَاعْشَا، أَجدْجِيذْ ن إِسْرَائِيل، إِڭعّذْ [غَارْ ؤُمنْغِي] ضِيدّْ إِ يَاهُوذَا ؤُشَا إِبْنَا رَامَا، حِيمَا وَارْ إِتّجِّي ؤُڒَا ذ إِجّْ أَذْ يُويُورْ غَارْ أَسَا، حِيمَا أَذْ [غَارسْ] د-يَاسْ.
1KI 15:18 [خنِّي] إِكْسِي أَسَا مَارَّا نُّوقَارْثْ ذ وُورغْ إِ ثُوغَا إِقِّيمنْ ذڭْ إِخَّامنْ ن ثْخُوبَايْ ن ثَادَّارْثْ ن سِيذِي ؤُڒَا ذ ثْخُوبَايْ ن ثَادَّارْثْ ن ؤُجدْجِيذْ، ؤُشَا إِسلّمْ [مَارَّا] أَيَا إِ إِمْسخَّارنْ نّسْ. ؤُشَا أَجدْجِيذْ أَسَا إِسّكّْ إِ-ثنْ غَارْ بِينْهَاذَاذْ، مِّيسْ ن ثَابْرِيمُونْ، مِّيسْ ن حَازْيُونْ، أَجدْجِيذْ ن أَرَامْ، ونِّي ثُوغَا إِزدّْغنْ ذِي ذِيمَاشْقْ، حِيمَا أَذْ يِينِي:
1KI 15:19 ”[أَقَا ذِينْ] إِجّْ ن ڒْعَاهْذْ جَارْ أَيِي ذ شكْ، جَارْ بَابَا ذ بَابَاشْ. خْزَارْ نشّْ أَذْ أَشْ د-سّكّغْ إِشْثْ ن ثرْزفْثْ ن نُّوقَارْثْ ذ وُورغْ. رُوحْ، فْسِي ڒْعَاهْذْ نّشْ أَكْ-ذ بَاعْشَا، أَجدْجِيذْ ن إِسْرَائِيل، مَاحنْذْ أَذْ إِكَّارْ أَذْ خَافِي إِڭّْوجْ.“
1KI 15:20 بِينْهَاذَاذْ إِسْڒَا غَارْ ؤُجدْجِيذْ أَسَا ؤُشَا إِسّكّْ إِكُومَانْذَارنْ ن ڒْعسْكَارْ نّسْ غَارْ ثْندَّامْ ن إِسْرَائِيل. نتَّا إِغْڒبْ خْ عِييُونْ ذ ذَانْ ذ أَبَالْ-بَايْثْ-مَاعْكَا ذ مَارَّا كِينَّارُوثْ. [أَقَا إِسّكّْ إِ-ثنْ] غَارْ مَارَّا ثَامُّورْثْ ن نَافْثَالِي.
1KI 15:21 ؤُمِي بَاعْشَا إِسْڒَا خْ ؤُيَا، إِمْسَارْ، أَقَا نتَّا إِسّْبدّْ ذِي ڒبْنِي ن رَامَا ؤُشَا إِقِّيمْ إِزدّغْ ذِي ثِيرْصَا.
1KI 15:22 أَجدْجِيذْ أَسَا إِجَّا أَذْ بَارّْحنْ ذِي مَارَّا يَاهُوذَا، وَارْ إِتّْغِيمِي حذْ، حِيمَا نِيثْنِي أَذْ كّْسنْ إِژْرَا زِي رَامَا ذ ؤُكشُّوضْ إِ زِي ثُوغَا إِبنَّا بَاعْشَا. ؤُ س مَانْ أَيَا إِبْنَا ؤُجدْجِيذْ أَسَا [ثَانْذِينْثْ ن] جِيبْعَا ذِي بِينْيَامِينْ ذ مِيصْفَا.
1KI 15:23 إِمزْرُوينْ إِقِّيمنْ ن أَسَا، مَارَّا ثِيمڭَّا نّسْ إِمحْضنْ ذ مَارَّا مِينْ إِڭَّا ؤُڒَا ذ ثِيندَّامْ نِّي إِبْنَا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟ مَاشَا ؤُمِي إِوْسَارْ، إِهْڒشْ نتَّا زڭْ إِضَارنْ نّسْ س ثْنَاينْ.
1KI 15:24 أَسَا إِڭَّا أَذْ يَاريّحْ جَارْ ڒجْذُوذْ نّسْ. نتَّا إِتّْوَانْضڒْ جَارْ ڒجْذُوذْ نّسْ ذِي ثنْذِينْثْ ن بَابَاسْ ذَاوُوذْ. مِّيسْ يَاهُوشَافَاطْ إِذْوڒْ ذ أَجدْجِيذْ ذڭْ ومْشَانْ نّسْ.
1KI 15:25 نَاذَابْ، مِّيسْ ن يَارُوبْعَامْ، إِذْوڒْ ذ أَجدْجِيذْ خْ إِسْرَائِيل ذڭْ ؤُسڭّْوَاسْ وِيسّْ ثْنَاينْ ن أَسَا، أَجدْجِيذْ ن يَاهُوذَا. نتَّا إِحْكمْ ثْنَاينْ ن إِسڭّْوُوسَا خْ إِسْرَائِيل.
1KI 15:26 نتَّا إِڭَّا [مِينْ إِدْجَانْ] ذ أَعفَّانْ ذِي ثِيطَّاوِينْ ن سِيذِي ؤُشَا يُويُورْ ذڭْ وبْرِيذْ ن بَابَاسْ ؤُ ذِي دّْنُوبْ نّسْ إِ زِي يَارَّا إِسْرَائِيل أَذْ إِخْضَا.
1KI 15:27 بَاعْشَا، مِّيسْ ن أَبِييَا، زِي ثَادَّارْثْ ن إِسَّاكَارْ، إِڭَّا خَاسْ إِشْثْ ن ثْمعْمُوتْشْ ؤُ بَاعْشَا إِغْڒبْ خَاسْ ذِي جِيبَّاثُونْ نِّي [إِدْجَانْ] ن إِفِيلِيسْطِينِييّنْ، ؤُمِي نَاذَابْ ذ مَارَّا إِسْرَائِيل ثُوغَا إِنّْضنْ إِ جِيبَّاثُونْ.
1KI 15:28 إِنْغَا إِ-ث بَاعْشَا ذڭْ ؤُسڭّْوَاسْ وِيسّْ ثْڒَاثَا ن أَسَا، أَجدْجِيذْ ن يَاهُوذَا، ؤُ نتَّا إِذْوڒْ ذ أَجدْجِيذْ ذڭْ ومْشَانْ نّسْ.
1KI 15:29 ؤُمِي إِذْوڒْ نتَّا ذ أَجدْجِيذْ، إِمْسَارْ، أَقَا إِقْضَا خْ مَارَّا ثَادَّارْثْ ن يَارُوبْعَامْ. ؤُڒَا ذ شَا ن يَارُوبْعَامْ نِّي [يَارِّينْ] نّفْسْ، وَارْ ث إِجِّي أَذْ إِقِّيمْ إِدَّارْ، أَڒَامِي ث إِثحَّا عْلَاحْسَابْ أَوَاڒْ ن سِيذِي نِّي ثُوغَا إِسِّيوڒْ س ؤُقمُّومْ ن ؤُمْسخَّارْ نّسْ أَخِييَا، أَشِيلُونِي،
1KI 15:30 ذِي سِّيبّثْ ن دّْنُوبْ ن يَارُوبْعَامْ إِ زِي إِخْضَا نتَّا ؤُ إِ زِي يَارَّا إِسْرَائِيل أَذْ إِخْضَا س ثْمڭَّا نّسْ إِخوّْجنْ إِ زِي إِسْعَارْ سِيذِي، أَربِّي ن إِسْرَائِيل.
1KI 15:31 إِمزْرُوينْ إِقِّيمنْ ن نَاذَابْ، ذ مَارَّا مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل؟
1KI 15:32 ثُوغَا [ذِينْ] أَمنْغِي جَارْ أَسَا ذ بَاعْشَا، أَجدْجِيذْ ن إِسْرَائِيل، مَارَّا ؤُسَّانْ نْسنْ.
1KI 15:33 ذڭْ ؤُسڭّْوَاسْ وِيسّْ ثْڒَاثَا ن ؤُجدْجِيذْ أَسَا، أَجدْجِيذْ ن يَاهُوذَا، إِذْوڒْ بَاعْشَا، مِّيسْ ن أَخِييَا، ذ أَجدْجِيذْ خْ مَارَّا إِسْرَائِيل ذِي ثِيرْصَا، [ؤُ نتَّا إِحْكمْ] أَربْعَا ؤُ-عِيشْرِينْ ن إِسڭّْوُوسَا.
1KI 15:34 نتَّا إِڭَّا [مِينْ إِدْجَانْ] ذ أَعفَّانْ ذِي ثِيطَّاوِينْ ن سِيذِي ؤُ يُويُورْ ذڭْ وبْرِيذْ ن يَارُوبْعَامْ ؤُ ذِي دّْنُوبْ نّسْ إِ زِي يَارَّا إِسْرَائِيل أَذْ إِخْضَا.
1KI 16:1 يُوسَا-د وَاوَاڒْ ن سِيذِي غَارْ يَاهُو، مِّيسْ ن حَانَانِي. أَوَاڒْ ثُوغَا ضِيدّْ إِ بَاعْشَا، إِنَّا:
1KI 16:2 ”مِينْزِي نشّْ سّْڭعّْذغْ-د شكْ زِي ثْعجَّاجْثْ ؤُ ڭِّيغْ شكْ ذ ڒْحَاكمْ خْ ڒْڭنْسْ إِنُو إِسْرَائِيل، ؤُشَا شكْ ثُويُورذْ خْ وبْرِيذْ ن يَارُوبْعَامْ ؤُ ثَارِّيذْ ڒْڭنْسْ إِنُو إِسْرَائِيل أَذْ إِخْضَا ؤُمِي إِ ذ أَيِي ثسْعَارذْ س دّْنُوبْ نْسنْ،
1KI 16:3 خْزَارْ، [س ؤُيَا] أَذْ مْحِيغْ مِينْ إِقِّيمنْ ن بَاعْشَا ذ مِينْ إِقِّيمنْ ن ثَادَّارْثْ نّسْ، ؤُ نشّْ أَذْ ڭّغْ ثَادَّارْثْ نّشْ أَمْ ثَادَّارْثْ ن يَارُوبْعَامْ، مِّيسْ ن نَابَاطْ.
1KI 16:4 مَانْ ونْ زِي ثَادَّارْثْ ن بَاعْشَا إِ غَا إِمّْثنْ ذِي ثنْذِينْثْ، أَذْ ث شّنْ يِيطَانْ ؤُ مَانْ ونْ زَّايسْ إِ غَا إِمُّوثنْ ذڭْ إِيَّارْ، أَذْ ث شّنْ يِيجْضَاضْ ن ؤُجنَّا.“
1KI 16:5 إِمزْرُوينْ إِقِّيمنْ ن بَاعْشَا، ذ مَارَّا مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل؟
1KI 16:6 بَاعْشَا إِڭَّا أَذْ يَاريّحْ جَارْ ڒجْذُوذْ نّسْ ؤُ نتَّا إِتّْوَانْضڒْ ذِي ثِيرْصَا. مِّيسْ إِلَا إِذْوڒْ ذ أَجدْجِيذْ ذڭْ ومْشَانْ نّسْ.
1KI 16:7 أَمُّو د-يُوسَا وَاوَاڒْ ن سِيذِي س ؤُفُوسْ ن ؤُنَابِي يَاهُو، مِّيسْ ن حَانَانِي، ؤُڒَا خْ بَاعْشَا ذ ثَادَّارْثْ نّسْ زِي سِّيبّثْ ن مَارَّا ثَاعفَّانْثْ إِ إِڭَّا ذِي ثِيطَّاوِينْ ن سِيذِي، ؤُمِي ث إِسْعَارْ س ڒخْذَايمْ ن إِفَاسّنْ نّسْ ؤُ ؤُمِي إِذْوڒْ أَمْ ثَادَّارْثْ ن يَارُوبْعَامْ، ؤُشَا ؤُڒَا مِينْزِي نتَّا ثُوغَا إِقْضَا وَانِيثَا.
1KI 16:8 ذڭْ ؤُسڭّْوَاسْ وِيسّْ ستَّا ؤُ-عِيشْرِينْ ن أَسَا، أَجدْجِيذْ ن يَاهُوذَا، إِذْوڒْ إِلَا، مِّيسْ ن بَاعْشَا، ذ أَجدْجِيذْ خْ إِسْرَائِيل ذِي ثِيرْصَا، [إِ إِجّْ ن ڒْمِيجَاڒْ ن] ثْنَاينْ ن إِسڭّْوُوسَا.
1KI 16:9 زِيمْرِي، أَمْسخَّارْ نّسْ، ونِّي ذ أَكُومَانْذَارْ خْ إِجّْ ن وزْينْ ن إِكَارُّوثنْ [ن ؤُمنْغِي]، إِڭَّا خَاسْ إِشْثْ ن ثْمعْمُوتْشْ ؤُمِي ث ثُوغَا ذِي ثِيرْصَا، ثُوغَا إِسْشَارْ ذِي ثَادَّارْثْ ن أَرْصَا، ونِّي ثُوغَا ذ أَمحْضَايْ خْ ثَادَّارْثْ ذِي ثِيرْصَا.
1KI 16:10 زِيمْرِي يُوذفْ، إِوْثَا إِ-ث ؤُشَا إِنْغَا إِ-ث ذڭْ ؤُسڭّْوَاسْ وِيسّْ سبْعَا ؤُ-عِيشْرِينْ ن أَسَا، أَجدْجِيذْ ن يَاهُوذَا. نتَّا إِذْوڒْ ذ أَجدْجِيذْ ذڭْ ومْشَانْ نّسْ.
1KI 16:11 ڒَامِي إِذْوڒْ ذ أَجدْجِيذْ ؤُشَا إِنْيَا خْ ڒْعَارْشْ نّسْ، إِمْسَارْ، أَقَا إِقْضَا خْ مَارَّا ثَادَّارْثْ ن بَاعْشَا. نتَّا وَارْ إِجِّي ؤُڒَا ذ إِجّْ ونِّي ث إِڭِّينْ خْ ڒْحِيضْ [أَذْ إِدَّارْ]، ؤُ [وَارْ إِجِّي ؤُڒَا ذ إِجّْ] ونِّي [إِزمَّارنْ] أَذْ أَسْ إِنْثَاقمْ ؤُ [ؤُڒَا ذ إِجّْ] زڭْ إِمدُّوكَّاڒْ نّسْ.
1KI 16:12 [أَمُّو] إِ إِثحَّا زِيمْرِي مَارَّا ثَادَّارْثْ ن بَاعْشَا عْلَاحْسَابْ أَوَاڒْ ن سِيذِي نِّي إِسِّيوڒْ بَاعْشَا س ؤُفُوسْ ن ؤُنَابِي يَاهُو،
1KI 16:13 ذِي سِّيبّثْ ن مَارَّا دّْنُوبْ ن بَاعْشَا ذ دّْنُوبْ ن مِّيسْ إِلَا إِ زِي خْضَانْ نِيثْنِي ؤُ إِ زِي أَرِّينْ إِسْرَائِيل أَذْ إِخْضَا أَمْ سْعَارنْ سِيذِي، أَربِّي ن إِسْرَائِيل، س [لْ-أَصْنَامْ] نْسنْ إِبطّْڒنْ.
1KI 16:14 إِمزْرُوينْ إِقِّيمنْ ن إِلَا، ذ مَارَّا مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل؟
1KI 16:15 ذڭْ ؤُسڭّْوَاسْ وِيسّْ سبْعَا ؤُ-عِيشْرِينْ ن أَسَا، أَجدْجِيذْ ن يَاهُوذَا، ثُوغَا زِيمْرِي سبْعَا ن وُوسَّانْ ذ أَجدْجِيذْ ذِي ثِيرْصَا. ڒْڭنْسْ ثُوغَا إِحصَّارْ إِ جِيبَّاثُونْ نِّي [إِدْجَانْ] ن إِفِيلِيسْطِينِييّنْ.
1KI 16:16 ڒْڭنْسْ إِ ثُوغَا إِوْثِينْ إِقِيضَانْ نّسْ [ذِينْ]، إِسْڒَا أَقَا قَّارنْ: ”زِيمْرِي ثُوغَا إِڭَّا ذ إِشْثْ ن ثْمعْمُوتْشْ ؤُشَا إِنْغَا أَجدْجِيذْ.“ ذڭْ وَاسّْ نِّي مَارَّا ڒْڭنْسْ يَارَّا عُومْرِي، ونِّي ذ أَكُومَانْذَارْ خْ ڒْعسْكَارْ، ذ أَجدْجِيذْ خْ إِسْرَائِيل ذِي ڒْمَارْڭحْ ن ڒْعسْكَارْ.
1KI 16:17 عُومْرِي إِڭعّذْ-د زِي جِيبَّاثُونْ ذ مَارَّا إِسْرَائِيل أَكِيذسْ ؤُشَا نّْضنْ أَسْ-د إِ ثِيرْصَا.
1KI 16:18 ؤُمِي إِژْرَا زِيمْرِي أَقَا ثَانْذِينْثْ ثُوغَا ثتّْوَاطّفْ، يُوذفْ غَارْ لْقلْعَا ن ثَادَّارْثْ ن ؤُجدْجِيذْ، إِقدّْ ثِيوَا نّسْ ثِيمسِّي إِ ثَادَّارْثْ ن ؤُجدْجِيذْ، أَڒَامِي إِمُّوثْ
1KI 16:19 ذِي سِّيبّثْ ن دّْنُوبْ نّسْ إِ ثُوغَا إِڭَّا، ؤُمِي إِڭَّا [مِينْ إِدْجَانْ] ذ أَعفَّانْ ذِي ثِيطَّاوِينْ ن سِيذِي، ؤُمِي يُويُورْ ذڭْ وبْرِيذْ ن يَارُوبْعَامْ ؤُڒَا ذِي سِّيبّثْ ن دّْنُوبْ إِ إِڭَّا أَمْ ذ يَارَّا إِسْرَائِيل أَذْ إِخْضَا.
1KI 16:20 إِمزْرُوينْ إِقِّيمنْ ن زِيمْرِي، ذ ثَامعْمُوتْشْ إِ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل؟
1KI 16:21 خنِّي إِتّْوَامّْسبْضَا ڒْڭنْسْ ن إِسْرَائِيل خْ ثْنَاينْ ن إِزِييْنَاثْ. إِجّْ ن وزْينْ ن ڒْڭنْسْ [إِبدّْ] أَوَارْنِي إِ ثِيبْنِي، مِّيسْ ن جِينَاثْ، مَاحنْذْ أَذْ ث ڭّنْ ذ أَجدْجِيذْ، ؤُ إِجّْ ن وزْينْ [نّغْنِي] [إِبدّْ] أَوَارْنِي إِ عُومْرِي.
1KI 16:22 ڒْڭنْسْ نِّي [إِبدّنْ] أَوَارْنِي إِ عُومْرِي، ثُوغَا إِجْهذْ خْ ڒْڭنْسْ نِّي [إِبدّنْ] أَوَارْنِي إِ ثِيبْنِي، مِّيسْ ن جِينَاثْ. [خنِّي] إِمُّوثْ ثِيبْنِي ؤُ عُومْرِي إِذْوڒْ ذ أَجدْجِيذْ.
1KI 16:23 ذڭْ ؤُسڭّْوَاسْ وِيسّْ وَاحِيثْ ؤُ-ثْڒَاثِينْ ن أَسَا، أَجدْجِيذْ ن يَاهُوذَا، إِذْوڒْ عُومْرِي ذ أَجدْجِيذْ خْ إِسْرَائِيل. [نتَّا إِحْكمْ] ثنْعَاشْ ن إِسڭّْوُوسَا. ذِي ثِيرْصَا إِحْكمْ ستَّا ن إِسڭّْوُوسَا.
1KI 16:24 إِسْغَا أَذْرَارْ ن سَامَارْيَا زِي شَامِيرْ س ثْنَاينْ ثَالِينْثْ ن نُّوقَارْثْ، ؤُ نتَّا [إِبْذَا] أَذْ إِبْنَا [خْ] وذْرَارْ ن سَامَارْيَا. إِڒَاغَا أَسْ إِ ثنْذِينْثْ إِ إِبْنَا ’سَامَارْيَا‘، عْلَاحْسَابْ إِسمْ ن شَامِيرْ، بَابْ ن وذْرَارْ.
1KI 16:25 عُومْرِي إِڭَّا [مِينْ إِدْجَانْ] ذ أَعفَّانْ ذِي ثِيطَّاوِينْ ن سِيذِي. نتَّا ثُوغَا إِڭَّا [مِينْ إِدْجَانْ ذ أَعفَّانْ] مَاهُو خْ مَارَّا إِنِّي ثُوغَا ذ أَسْ إِزْوَارنْ.
1KI 16:26 نتَّا يُويُورْ ذِي كُوڒْ ثَابْرِيذْثْ ن يَارُوبْعَامْ، مِّيسْ ن نَابَاطْ، ؤُ ذِي دّْنُوبْ نّسْ إِ زِي يَارَّا إِسْرَائِيل أَذْ إِخْضَا، ؤُمِي سْعَارنْ نِيثْنِي سِيذِي، أَربِّي ن إِسْرَائِيل، س [لْ-أَصْنَامْ] نْسنْ إِبطّْڒنْ.
1KI 16:27 إِمزْرُوينْ إِقِّيمنْ ن عُومْرِي ذ مِينْ إِڭَّا ذ صُّولْطَا نّسْ إِ زِي إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل؟
1KI 16:28 عُومْرِي إِڭَّا أَذْ يَاريّحْ جَارْ ڒجْذُوذْ نّسْ. نتَّا إِتّْوَانْضڒْ ذِي سَامَارْيَا. مِّيسْ أَخَابْ إِذْوڒْ ذ أَجدْجِيذْ ذڭْ ومْشَانْ نّسْ.
1KI 16:29 أَخَابْ، مِّيسْ ن عُومْرِي، إِذْوڒْ ذ أَجدْجِيذْ خْ إِسْرَائِيل ذڭْ ؤُسڭّْوَاسْ وِيسّْ ثْمنْيَا ؤُ-ثْڒَاثِينْ ن أَسَا، أَجدْجِيذْ ن يَاهُوذَا. أَخَابْ مِّيسْ ن عُومْرِي، إِحْكمْ ثْنَاينْ ؤُ-عِيشْرِينْ ن إِسڭّْوُوسَا خْ إِسْرَائِيل ذِي سَامَارْيَا.
1KI 16:30 أَخَابْ، مِّيسْ ن عُومْرِي، إِڭَّا [مِينْ إِدْجَانْ] ذ أَعفَّانْ ذِي ثِيطَّاوِينْ ن سِيذِي، مَاهُو خْ مَارَّا إِنِّي ثُوغَا زَّايسْ إِزْوَارنْ.
1KI 16:31 ثُوغَا ثُويُورْثْ نّسْ ذِي دّْنُوبْ ن يَارُوبْعَامْ، مِّيسْ ن نَابَاطْ، ذْرُوسْ وَاهَا، [مَاغَارْ] نتَّا يِيوِي إِزَابَالْ، يدْجِيسْ ن إِثْ-بَاعَالْ، أَجدْجِيذْ ن إِصِيذُونِييّنْ، ذ ثَامْغَارْثْ، ؤُشَا يُويُورْ أَذْ إِعْبذْ إِ بَاعْلْ، إِسْجذْ أَسْ.
1KI 16:32 نتَّا إِسّْبدّْ إِجّْ ن ؤُعَالْطَارْ إِ بَاعْلْ ذِي زَّاوشْثْ ن بَاعْلْ نِّي إِبْنَا نتَّا ذِي سَامَارْيَا.
1KI 16:33 نتَّا إِڭَّا عَاوذْ إِشْثْ ن ثْربِّيثْ ن شْوَارْثِي. أَخَابْ إِعْذُو س وسْعَارْ نّسْ إِ سِيذِي، أَربِّي ن إِسْرَائِيل، خْ مَارَّا إِجدْجِيذنْ نِّي ثُوغَا إِ ذ أَسْ إِزْوَارنْ.
1KI 16:34 ذڭْ وُوسَّانْ نّسْ إِبْنَا حِييِيلْ، زِي بَايْثْ-إِلْ، [ثَانْذِينْثْ ن] أَرِيحَا. إِسَّارْسْ ذْسَاسْ نّسْ ذِي سُّومْ ن مِّيسْ أَمنْزُو أَبِيرَامْ ؤُ ذِي سُّومْ ن مِّيسْ أَمَاژُوژْ سَاجُوبْ يَاركّبْ ثِيوُّورَا نّسْ عْلَاحْسَابْ أَوَاڒْ ن سِيذِي إِ إِسِّيوڒْ س [ؤُقمُّومْ] ن يَاشُووَا، مِّيسْ ن نُونْ.
1KI 17:1 إِلِييَا، زِي ثِيشْبِي، زڭْ إِمعْزَابْ ن جِيلْعَاذْ، إِنَّا إِ أَخَابْ: ”س ثِيذتّْ أَمْ إِدَّارْ سِيذِي، أَربِّي ن إِسْرَائِيل، ونِّي ؤُمِي بدّغْ زَّاثْ إِ وُوذمْ نّسْ، مَاڒَا أَذْ د-يَاسْ نّْذَا نِيغْ أَنْژَارْ ذڭْ إِسڭّْوُوسَا-يَا، [أَذْ يِيڒِي] أَيَا مْغِيرْ س وَاوَاڒْ إِنُو!“
1KI 17:2 يُوسَا-د غَارسْ وَاوَاڒْ ن سِيذِي، إِنَّا:
1KI 17:3 ”ؤُيُورْ سّنِّي، أَرّْ [س ؤُزدْجِيفْ] غَارْ شَّارْقْ ؤُشَا سْنُوفَّارْ إِخفْ نّشْ غَارْ ثِيغْزَارْثْ ن كْرِيثْ ونِّي [إِدْجَانْ] غَارْ ؤُجمَّاضْ ن لْ-ؤُرْذُونْ.
1KI 17:4 أَذْ إِمْسَارْ أَذْ ثسْوذْ زِي ثغْزَارْثْ ؤُ نشّْ ؤُمُورغْ إِ إِبَاغْڒِيونْ، أَقَا أَذْ شكْ ذِينِّي سّشّنْ.“
1KI 17:5 نتَّا يُويُورْ [ذڭْ وبْرِيذْ] ؤُشَا إِڭَّا عْلَاحْسَابْ أَوَاڒْ ن سِيذِي. نتَّا يُويُورْ أَذْ إِزْذغْ غَارْ ثغْزَارْثْ ن كْرِيثْ نِّي [إِدْجَانْ] غَارْ ؤُجمَّاضْ ن لْ-ؤُرْذُونْ.
1KI 17:6 إِبَاغْڒِيونْ إِوْينْ أَسْ-د أَغْرُومْ ذ ويْسُومْ غَارْ ثُوفُّوثْ ؤُڒَا ذ أَغْرُومْ ذ ويْسُومْ غَارْ ثَامذِّيثْ ؤُ نتَّا إِسْوَا زِي ثغْزَارْثْ.
1KI 17:7 أَوَارْنِي وَاطَّاسْ ن وُوسَّانْ، إِمْسَارْ، أَقَا يُوژغْ ثِيغْزَارْثْ، مَاغَارْ وَارْ إِوْثِي شَا ونْژَارْ ذِي ثمُّورْثْ.
1KI 17:8 يُوسَا أَسْ-د وَاوَاڒْ ن سِيذِي، إِنَّا:
1KI 17:9 ”كَّارْ، ؤُيُورْ غَارْ صَارْفَاثْ نِّي [إِدْجَانْ] غَارْ صِيذُونْ، زْذغْ ذِينِّي. خْزَارْ، نشّْ ؤُمُورغْ ذِينِّي إِ يِيشْثْ ن ثَاجَّاتْشْ، مَاحنْذْ أَذْ شكْ ثسّشّْ.“
1KI 17:10 نتَّا إِكَّارْ، يُويُورْ غَارْ صَارْفَاثْ. [ؤُمِي] د-يُوسَا غَارْ ثوَّارْثْ ن ثنْذِينْثْ، خْزَارْ، إِشْثْ ن ثَاجَّاتْشْ ثتّْحَارْوَاشْ أَكشُّوضْ. نتَّا إِڒَاغَا خَاسْ، إِنَّا: ”أَوِي أَيِي-د شَا ن وَامَانْ ذڭْ ؤُغَارَّافْ-أَ، [حِيمَا] أَذْ سْوغْ.“
1KI 17:11 [ؤُمِي] ثُويُورْ نتَّاثْ حِيمَا أَذْ د-ثَاوِي أَيَا، إِڒَاغَا-د نتَّا خَاسْ: ”أَوِي أَيِي-د ؤُڒَا ذ إِجّْ ن ؤُڒقِّيمْ ن وغْرُومْ ذڭْ ؤُفُوسْ نّمْ.
1KI 17:12 [مَاشَا] نتَّاثْ ثنَّا: ”س ثِيذتّْ أَمْ إِدَّارْ سِيذِي، أَربِّي نّشْ، مِينْ غَارِي ذ ثَافْذِيڒْثْ، أَقَا مْغِيرْ إِشْثْ ن وُورُو ن وَارنْ ذڭْ ؤُبُوقَاڒْ ذ شَا ن زّشْثْ ذڭْ ؤُغَارَّافْ! خْزَارْ نشّْ حَارْوْشغْ ثْنَاينْ ن إِكشُّوضنْ ؤُ أَذْ ث سّْوجْذغْ إِ نشّْ ذ مِّي، خنِّي أَذْ ث نشّْ أَذْ نمّثْ.“
1KI 17:13 إِنَّا أَسْ إِلِييَا: ”وَارْ تّڭّْوذْ شَا. ؤُيُورْ، أڭّْ مِينْ ثُوغَا ثنِّيذْ، مَاشَا أڭّْ أَيِي-د ذ أَمزْوَارُو إِشْثْ ن ثفْضِيڒْثْ ؤُ أَوِي ت-إِ-د ذَا غَارِي. أَوَارْنِي ؤُيَا أَذْ ثسّوْجذْ [شَا] إِ شمْ ؤُ إِ إِخفْ نّمْ ذ مِّيمْ.
1KI 17:14 مَاغَارْ أَمُّو إِ إِقَّارْ سِيذِي، أَربِّي ن إِسْرَائِيل: ’أَرنْ ذڭْ ؤُبُوقَاڒْ وَارْ إِخكّْوِي ؤُ زّشْثْ ذڭْ ؤُغَارَّافْ وَارْ ثْنقِّيصْ أَڒْ أَسّْ إِ ذِي إِ غَا إِوْشْ سِيذِي أَنْژَارْ خْ وُوذمْ ن ثمُّورْثْ.‘ “
1KI 17:15 نتَّاثْ ثُويُورْ ؤُشَا ثڭَّا عْلَاحْصَابْ أَوَاڒْ ن إِلِييَا. [أَمُّو] إِ إِشَّا نتَّاثْ، ؤُشَا [ؤُڒَا] ذ نتَّاثْ ذ ثَادَّارْثْ نّسْ، أَطَّاسْ ن وُوسَّانْ.
1KI 17:16 أَرنْ ذڭْ ؤُبُوقَاڒْ وَارْ إِخكّْوِي ذ زّشْثْ ذڭْ ؤُغَارَّافْ وَارْ ثْنقِّيصْ عْلَاحْسَابْ أَوَاڒْ ن سِيذِي إِ إِسِّيوڒْ س ؤُقمُّومْ ن إِلِييَا.
1KI 17:17 أَوَارْنِي مَانْ أَيَا، إِمْسَارْ، أَقَا إِهْڒشْ مِّيسْ ن ثمْغَارْثْ-أَ، مِّيسْ ن لَّالَا ن ثَادَّارْثْ. ڒهْڒَاشْ نّسْ يَارْنِي أَطَّاسْ أَڒَامِي وَارْ إِتَّارِي عَاذْ نّفْسْ.
1KI 17:18 نتَّاثْ ثنَّا إِ إِلِييَا: ”مِينْ ذِينْ جَارْ أَيِي ذ شكْ، [أَ] شكْ، أَرْيَازْ ن أَربِّي؟ مَا ثُوسِيذْ-د غَارِي حِيمَا أَذْ أَيِي ثسّْعقْڒذْ خْ دّْنُوبْ إِنُو ؤُ حِيمَا أَذْ ثنْغذْ مِّي؟“
1KI 17:19 نتَّا يَارَّا-د خَاسْ: ”أوْشْ أَيِي-د مِّيمْ!“ ؤُ نتَّا إِكْسِي ث زڭْ وحْسِينْ نّسْ، يَارْبُو ث غَارْ سنّجْ غَارْ وخَّامْ ن نّجْ مَانِي ثُوغَا إِزْذغْ نتَّا سِيمَانْثْ نّسْ، ؤُشَا إِسَّارْسْ إِ-ث خْ قَامَا نّسْ.
1KI 17:20 [خنِّي] إِڒَاغَا غَارْ سِيذِي، إِنَّا: ”سِيذِي، أَربِّي إِنُو، مَا ثڭِّيذْ خنِّي عَاذْ ثُوعفّْنَا ذِي ثَاجَّاتْشْ-أَ إِ غَارْ زدّْغغْ نشّْ [أَمْ ؤُبَارَّانِي]، أَڒَامِي ثنْغِيذْ مِّيسْ؟“
1KI 17:21 نتَّا إِسَارّحْ إِخفْ نّسْ ثْڒَاثَا ن ثْوَاڒَاوِينْ ثِيوَا إِ ؤُحنْجِيرْ ؤُ إِڒَاغَا غَارْ سِيذِي، إِنَّا: ”سِيذِي، أَربِّي إِنُو، أجّْ أَذْ غَارسْ د-يعْقبْ ڒعْمَارْ ن ؤُحنْجِيرْ-أَ!“
1KI 17:22 سِيذِي إِسْڒَا إِ ثْمِيجَّا ن إِلِييَا ؤُشَا إِعْقبْ-د ڒعْمَارْ ن ؤُحنْجِيرْ عَاوذْ غَارسْ [أَڒَامِي] د-إِذْوڒْ إِدَّارْ.
1KI 17:23 إِلِييَا إِكْسِي أَحنْجِيرْ ؤُشَا إِسّهْوَا ث زڭْ وخَّامْ ن نّجْ ذِي ثَادَّارْثْ ؤُشَا إِوْشَا أَسْ ث إِ يمَّاسْ. إِنَّا إِلِييَا: ”خْزَارْ، مِّيمْ إِدَّارْ!“
1KI 17:24 ثنَّا ثمْغَارْثْ إِ إِلِييَا: ”ڒخُّو سّْنغْ أَقَا شكْ ذ إِجّْ ن ورْيَازْ ن أَربِّي ؤُ أَقَا أَوَاڒْ ن سِيذِي ذڭْ ؤُقمُّومْ نّشْ ذ ثِيذتّْ.“
1KI 18:1 أَوَارْنِي وَاطَّاسْ ن وُوسَّانْ، إِمْسَارْ، أَقَا يُوسَا-د وَاوَاڒْ ن سِيذِي غَارْ إِلِييَا ذڭْ ؤُسڭّْوَاسْ وِيسّْ ثْڒَاثَا، إِنَّا: ”ؤُيُورْ، سْشنْ إِخفْ نّشْ إِ أَخَابْ، [مَاغَارْ] نشّْ أَذْ وْشغْ أَنْژَارْ ذِي ثمُّورْثْ.“
1KI 18:2 ؤُشَا يُويُورْ إِلِييَا حِيمَا أَذْ إِسّْشنْ إِخفْ نّسْ إِ أَخَابْ. ثُوغَا ڒَاژْ إِمْغَارْ ذِي سَامَارْيَا.
1KI 18:3 أَخَابْ ثُوغَا إِڒَاغَا إِ عُوبَاذْيَا ونِّي [إِدْجَانْ] خْ ثَادَّارْثْ [ن ؤُجدْجِيذْ]. عُوبَاذْيَا ثُوغَا إِتّڭّْوذْ سِيذِي أَطَّاسْ.
1KI 18:4 ؤُمِي إِزَابَالْ إِقْضَا إِنَابِييّنْ ن سِيذِي، إِمْسَارْ، أَقَا عُوبَاذْيَا يِيوِي مْيَا ن إِنَابِييّنْ، إِسّْنُوفَّارْ إِ-ثنْ، خمْسِينْ خمْسِينْ ذڭْ إِجّْ ن يفْرِي، ؤُ إِعْثقْ إِ-ثنْ س وغْرُومْ ذ وَامَانْ.
1KI 18:5 أَخَابْ إِنَّا إِ عُوبَاذْيَا: ”ؤُيُورْ ذِي ثمُّورْثْ غَارْ مَارَّا ثَاڒَاوِينْ ن وَامَانْ ؤُ غَارْ مَارَّا ثِيغزْرَاثِينْ. أَذْ ثَاغْ أَذْ نَافْ أَهدُّو ؤُ [زمَّارنْ] إِيْسَانْ ذ إِسَارْذَانْ أَذْ قِّيمنْ دَّارنْ ؤُ أَذْ ثَافْ نْهْڒَا مَا ننْغَا ڒْمَاڒْ.“
1KI 18:6 نِيثْنِي بْضَانْ ثَامُّورْثْ جَارْ أَسنْ حِيمَا أَذْ ت شُوقنْ. أَخَابْ يُويُورْ خْ إِجّْ ن وبْرِيذْ، نتَّا وحّْذسْ، ؤُ عُوبَاذْيَا يُويُورْ خْ إِجّْ وبْرِيذْ نّغْنِي، [ؤُڒَا ذ نتَّا] وحّْذسْ.
1KI 18:7 [ؤُمِي] ثُوغَا عُوبَاذْيَا ذڭْ وبْرِيذْ، خْزَارْ، أَقَا إِمّڒْقَا أَكِيذسْ إِلِييَا. عُوبَاذْيَا إِعْقڒْ إِ-ث، إِوْضَا زَّاثسْ س ؤُغمْبُوبْ نّسْ [غَارْ ثمُّورْثْ]، إِنَّا: ”مَا ذ شكْ، سِيذِي إِنُو إِلِييَا؟“
1KI 18:8 إِنَّا أَسْ وَانِيثَا: ”ذ نشّْ. ؤُيُورْ، إِنَّا إِ سِيذِي نّشْ: ’خْژَارْ، إِلِييَا [أَقَا-ث ذَانِيثَا]!‘ “
1KI 18:9 [مَاشَا] نتَّا إِنَّا: ”مَانْ دّنْبْ إِ [ڭِّيغْ]، أَقَا شكْ أَذْ أَيِي ثْسلّْمذْ ذڭْ إِفَاسّنْ ن أَخَابْ، حِيمَا أَذْ أَيِي إِنغْ؟
1KI 18:10 س ثِيذتّْ أَمْ إِدَّارْ سِيذِي، أَربِّي نّشْ، وَارْ ذِينْ ؤُڒَا ذ إِجّْ ن ڒْڭنْسْ نِيغْ إِشْثْ ن ثْڭلْذِيثْ مَانِي سِيذِي إِنُو وَارْ إِجِّي أَذْ خَاكْ يَارْزُو! [مَاڒَا] نَّانْ نِيثْنِي: ’نتَّا وَارْ ذَا إِدْجِي!‘، [خنِّي] إِجَّا ڒْڭنْسْ نِّي أَذْ إِجَّادْجْ بلِّي وَارْ زمَّارنْ أَذْ شكْ أَفنْ.
1KI 18:11 ؤُ ڒخُّو شكْ ثنِّيذْ: ’ؤُيُورْ، إِنِي إِ سِيذِي نّشْ: خْزَارْ إِلِييَا [أَقَا-ث ذَانِيثَا]!‘
1KI 18:12 [أَذْ ثَاغْ] أَذْ إِمْسَارْ، [خْمِي] إِ خَاكْ غَا ؤُيُورغْ، أَقَا أَرُّوحْ ن سِيذِي أَذْ شكْ إِكْسِي، وَارْ سِّينغْ مَانِي. مَاڒَا خنِّي نشّْ أَذْ د-أَسغْ، حِيمَا أَذْ [ث] إِنِيغْ إِ أَخَابْ ؤُ نتَّا وَارْ شكْ إِتِّيفْ، نتَّا أَذْ أَيِي إِنغْ، وَاخَّا أَمْسخَّارْ نّشْ إِتّڭّْوذْ سِيذِي زِي ثمْژِي إِنُو.
1KI 18:13 مَا وَارْ ذ أَشْ عِيوْذنْ شَا إِ سِيذِي إِنُو، مِينْ ڭِّيغْ نشّْ، ؤُمِي إِزَابَالْ إِنْغَا إِنَابِييّنْ ن سِيذِي؟ أَقَا نشّْ سّْنُوفَّارغْ مْيَا ن يرْيَازنْ زڭْ إِنَابِييّنْ، كُوڒْ خمْسِينْ ذڭْ إِجّْ ن يفْرِي؟ ؤُڒَا أَقَا نشّْعثْقغْ ثنْ س وغْرُومْ ذ وَامَانْ؟
1KI 18:14 ؤُ ڒخُّو ثقَّارذْ ’ؤُيُورْ، إِنِي إِ سِيذِي نّشْ: خْزَارْ، إِلِييَا [أَقَا-ث ذَا]!‘ نتَّا أَذْ أَيِي إِنغْ.“
1KI 18:15 إِنَّا إِلِييَا: ”س ثِيذتّْ أَمْ إِدَّارْ سِيذِي ن ڒْعسْكَارَاثْ زَّاثْ إِ وُوذمْ نّسْ ؤُمِي بدّغْ، أَقَا نِيشَانْ نشّْ أَذْ سشّْنغْ إِخفْ إِنُو أَسّْ-أَ!“
1KI 18:16 [خنِّي] يُويُورْ عُوبَاذْيَا غَارْ ؤُمْسَاڭَارْ أَكْ-ذ أَخَابْ، إِخبَّارْ أَسْ [ث]. ؤُشَا أَخَابْ يُويُورْ، مَاحنْذْ أَذْ إِمْسَاڭَارْ أَكْ-ذ إِلِييَا.
1KI 18:17 ؤُمِي إِژْرَا أَخَابْ إِلِييَا، إِمْسَارْ، أَقَا أَخَابْ إِنَّا أَسْ: ”مَا شكْ ذ أَضيّعْ ن إِسْرَائِيل؟“
1KI 18:18 نتَّا إِنَّا: ”نشّْ وَارْ ضِييّْعغْ شَا إِسْرَائِيل، مَاشَا شكْ ذ ثَادَّارْثْ ن بَابَاشْ ؤُمِي كنِّيوْ ثجِّيمْ ڒُومُورَاثْ ن سِيذِي [غَارْ ؤُغزْذِيسْ] ؤُ شكْ ثُويُورذْ أَوَارْنِي إِ ’إِبَاعْلنْ‘.
1KI 18:19 خنِّي ڒخُّو، سْمُونْ مَارَّا إِسْرَائِيل غَارِي غَارْ وذْرَارْ ن كَارْمِيلْ ؤُڒَا ذ أَربْعَا-مْيَا ؤُ-خمْسِينْ ن إِنَابِييّنْ ن بَاعْلْ ذ أَربْعَا-مْيَا ن إِنَابِييّنْ ن ثْربِّيثْ ن شْوَارْثِي نِّي إِتّتّنْ زِي طَّابْڒَا ن إِزَابَالْ.“
1KI 18:20 أَخَابْ إِسّكّْ [إِجّْ ن ؤُرقَّاسْ] غَارْ مَارَّا أَيْثْ ن إِسْرَائِيل ؤُ إِسّْمُونْ إِنَابِييّنْ غَارْ وذْرَارْ ن كَارْمِيلْ.
1KI 18:21 إِلِييَا إِقَارّبْ-د غَارْ مَارَّا ڒْڭنْسْ، إِنَّا: ”مشْحَاڒْ عَاذْ إِ غَا ثكّمْ عَاذْ تّْنقْڒَابمْ كنِّيوْ غَارْ ثْنَاينْ ن إِغزْذِيسنْ؟ مَاڒَا سِيذِي ذ أَربِّي، ضْفَارمْ أَسْ-د، ؤُ مَاڒَا ذ بَاعْلْ، [خنِّي] ضْفَارمْ وَانِيثَا!“ مَاشَا ڒْڭنْسْ وَارْ خَاسْ د-يَارِّي ؤُڒَا س يِيجّْ ن وَاوَاڒْ.
1KI 18:22 [خنِّي] إِنَّا إِلِييَا إِ ڒْڭنْسْ: ”نشّْ وَاهَا إِ إِقِّيمنْ ذ أَنَابِي ن سِيذِي ؤُشَا إِنَابِييّنْ ن بَاعْلْ أَقَا أَثنْ س أَربْعَا-مْيَا ؤُ خمْسِينْ ن يرْيَازنْ.
1KI 18:23 أجّْ أَذْ أَنغْ وْشنْ ثْنَاينْ ن إِفُونَاسنْ. أجّْ إِ-ثنْ [خنِّي] أَذْ فَارْزنْ أَفُونَاسْ أَمژْيَانْ أَمزْوَارُو إِ يِيخفْ نْسنْ، أَذْ ث بْضَانْ ؤُ أَذْ ث سَّارْسنْ خْ ؤُكشُّوضْ، [مَاشَا] وَارْ تّڭّنْ ثِيمسِّي [سَاذُو] نّسْ. نشّْ أَذْ سّْوجْذغْ أَفُونَاسْ أَمژْيَانْ نّغْنِي، أَذْ ث سَّارْسغْ خْ ؤُكشُّوضْ ؤُ وَارْ تّڭّغْ ثِيمسِّي [سَاذُو] نّسْ.
1KI 18:24 [خنِّي] أَذْ ثْڒَاغَامْ إِسمْ ن أَربِّي نْومْ ؤُ نشّْ أَذْ ڒَاغِيغْ إِسمْ ن سِيذِي، ؤُشَا أَربِّي ونِّي إِ د غَا يَارّنْ س ثْمسِّي، ذ نتَّا أَذْ يِيڒِي ذ أَربِّي.“ ؤُشَا إِڒَاغَا مَارَّا ڒْڭنْسْ، نَّانْ: ”أَوَاڒْ[-أَ] ذ لمْلِيحْ!“
1KI 18:25 إِنَّا إِلِييَا إِ إِنَابِييّنْ ن بَاعْلْ: ”خْضَارمْ إِ يِيخفْ نْومْ أَفُونَاسْ أَمژْيَانْ أَمزْوَارُو ؤُ سّْوجْذمْ أَسْ ث ذ أَمزْوَارُو، مَاغَارْ كنِّيوْ س وَاطَّاسْ. ڒَاغَامْ [خنِّي] إِسمْ ن أَربِّي نْومْ، [مَاشَا] وَارْ سْرُوسَامْ شَا ثِيمسِّي سَاذُو نّسْ.“
1KI 18:26 نِيثْنِي كْسِينْ أَفُونَاسْ أَمژْيَانْ إِ ذ أَسنْ إِوْشَا نتَّا ؤُ سّْوجْذنْ ث. خنِّي ڒَاغَانْ إِ يِيسمْ ن بَاعْلْ، زِي ثُوفُّوثْ أَڒْ أَزَالْ، نَّانْ: ”[أَ] بَاعْلْ، أَرّْ أَنغْ-د!“ [مَاشَا] وَالُو ن ڒْحسّْ ؤُشَا ؤُڒَا ذ إِجّْ وَارْ د-يَارِّي شَا. نِيثْنِي نڭْزنْ خْ ؤُعَالْطَارْ إِ [ذِينْ] إِتّْوَاڭّنْ.
1KI 18:27 غَارْ وَازَالْ إِبْذَا إِلِييَا إِتّْقسَّارْ خَاسنْ، إِنَّا: ”ڒَْاغَامْ س ثْمِيجَّا إِجهْذنْ، أَقَا-ث ذ أَربِّي. [نِيشَانْ] نتَّا إِتّْخمَّامْ، نِيغْ إِعزّڒْ [شْوَايْثْ]، نِيغْ نتَّا [عَاذْ] ذڭْ وبْرِيذْ. أَذْ ثَاغْ إِتّطّصْ ؤُشَا إِتّْخصَّا أَسْ أَذْ إِفَاقْ [عَاذْ].“
1KI 18:28 نِيثْنِي سْغُوينْ س ثْمِيجَّا إِجهْذنْ ؤُ قسّنْ إِخفْ نْسنْ س ڒسْيُوفْ ذ إِحْرِيشنْ أَمْ ثْنَامِيثْ نْسنْ، أَڒَامِي ؤُزّْڒنْ إِذَامّنْ نْسنْ خَاسنْ.
1KI 18:29 ؤُمِي إِعْذُو أَزَالْ، إِمْسَارْ، أَقَا نِيثْنِي تّْنبَّانْ أَڒْ د غَا يَاوْينْ ثَاوْهِيبْثْ [ن ڒْغِيدْجثْ]. [مَاشَا] وَارْ ذِينْ ؤُڒَا ذ إِشْثْ ن ثْمِيجَّا ؤُشَا ؤُڒَا ذ إِجّْ وَارْ د-يَارِّي ؤُ وَارْ [ذِينْ] بُو لِيسْثِيجَابَا وَالُو.
1KI 18:30 [خنِّي] إِنَّا إِلِييَا إِ ڒْڭنْسْ: ”قَارّْبمْ-د غَارِي!“ مَارَّا ڒْڭنْسْ إِقَارّبْ-د غَارسْ ؤُ نتَّا إِعْذڒْ أَعَالْطَارْ ن سِيذِي إِ ثُوغَا إِتّْوَاهْذمْ.
1KI 18:31 إِلِييَا إِكْسِي ثنْعَاشْ ن يژْرَا، خْ ڒْقدّْ ن ثْقبَّاڒْ ن إِحنْجِيرنْ ن يَاعْقُوبْ إِ ؤُمِي د-يُوسَا وَاوَاڒْ ن سِيذِي إِ ثُوغَا إِنَّا: ”إِسْرَائِيل أَذْ يِيڒِي ذ إِسمْ نّشْ.“
1KI 18:32 س يژْرَا نِّي إِبْنَا نتَّا أَعَالْطَارْ ذڭْ يِيسمْ ن سِيذِي. إِقوَّارْ إِ ؤُعَالْطَارْ إِشْثْ ن ثَارْيَا س ڒْقدّْ ن ثْنَاينْ ن ڒقْيَاسْ ن زَّارِيعثْ.
1KI 18:33 إِستّفْ أَكشُّوضْ ؤُشَا إِبْضَا أَفُونَاسْ أَمژْيَانْ ذ إِشدْجِيقنْ، إِسَّارْسْ [إِ-ث] خْ ؤُكشُّوضْ.
1KI 18:34 إِنَّا: ”عمَّارمْ أَربْعَا ن إِبُوقَاڒنْ س وَامَانْ ؤُشَا زدْجْعمْ ثنْ ثِيوَا إِ ثْغَارْصْثْ ن وشْمَاضْ ؤُ خْ ؤُكشُّوضْ!“ ؤُشَا يَارْنِي إِنَّا: ”ڭّمْ ث ثْوَاڒَا نّغْنِيثْ!“ ؤُ نِيثْنِي ڭِّينْ ث ثْوَاڒَا نّغْنِيثْ. [خنِّي] إِنَّا: ”ڭّمْ ث وِيسّْ ثْڒَاثَا ن ثْوَاڒَاوِينْ!“ ؤُ نِيثْنِي ڭِّينْ ث وِيسّْ ثْڒَاثَا ن ثْوَاڒَاوِينْ.
1KI 18:35 تَّازّْڒنْ وَامَانْ، نّْضنْ إِ ؤُعَالْطَارْ. ؤُ نتَّا إِعمَّارْ ؤُڒَا ذ ثَارْيَا س وَامَانْ.
1KI 18:36 ؤُمِي قدّْمنْ ثَاوْهِيبْثْ [ن ڒْغِيدْجثْ]، إِمْسَارْ، أَقَا أَنَابِي إِلِييَا إِقَارّبْ-د، إِنَّا: ”سِيذِي، أَربِّي ن إِبْرَاهِيمْ ذ إِسْحَاقْ ذ إِسْرَائِيل، أجّْ أَذْ إِتّْوَاسّنْ أَسّْ-أَ أَقَا شكْ ذ أَربِّي ذِي إِسْرَائِيل ؤُ أَقَا نشّْ ذ أَمْسخَّارْ نّشْ [إِ دْجِيغْ] ؤُ بلِّي نشّْ ڭِّيغْ مَارَّا مَانْ أَيَا عْلَاحْسَابْ أَوَاڒْ نّشْ.
1KI 18:37 أَرّْ أَيِي-د، [أَ] سِيذِي، أَرّْ أَيِي-د، حِيمَا ڒْڭنْسْ-أَ أَذْ إِسّنْ، أَقَا شكْ، [أَ] سِيذِي، ذ أَربِّي [إِ ثدْجِيذْ] ؤُ أَقَا شكْ ثَارِّيذْ-د ؤُڒْ نْسنْ [غَاركْ].“
1KI 18:38 ؤُشَا ثهْوَا-د ثْمسِّي ن سِيذِي [زڭْ ؤُجنَّا]، ثشَّا ثَاغَارْصْثْ ن وشْمَاضْ ذ ؤُكشُّوضْ ذ يژْرَا ذ ثْعجَّاجْثْ، ؤُشَا ثڒْسحْ ؤُڒَا ذ أَمَانْ [إِ إِدْجَانْ] ذِي ثَارْيَا.
1KI 18:39 مَارَّا ڒْڭنْسْ إِژْرَا إِ-ث. نِيثْنِي وْضَانْ س ؤُغمْبُوبْ نْسنْ [غَارْ ثمُّورْثْ]، نَّانْ: ”سِيذِي أَقَا-ث ذ أَربِّي، سِيذِي أَقَا-ث ذ أَربِّي!“
1KI 18:40 إِلِييَا إِنَّا أَسنْ: ”طّْفمْ إِنَابِييّنْ ن بَاعْلْ، وَارْ تّجِّيمْ ؤُڒَا ذ إِجّْ زَّايْسنْ أَذْ يَارْوڒْ.“ طّْفنْ ثنْ، ؤُشَا إِلِييَا إِجَّا إِ-ثنْ أَذْ سّهْوَانْ غَارْ ثغْزَارْثْ ن قِيشُونْ، إِنْغَا إِ-ثنْ ذِينِّي.
1KI 18:41 [خنِّي] إِنَّا إِلِييَا إِ أَخَابْ: ”ڭعّذْ، أشّْ، ثسْوذْ، مَاغَارْ [نشّْ أَقَا تّسْڒِيغْ] ڒْحسّْ ن إِجّْ ن ؤُشَارْشَارْ ن ونْژَارْ أَطَّاسْ.“
1KI 18:42 أَخَابْ إِڭعّذْ، حِيمَا أَذْ إِشّْ أَذْ إِسُو ؤُشَا إِڭعّذْ إِلِييَا غَارْ ثْقِيشَّاثْ ن كَارْمِيلْ. إِقُّونْجڒْ خْ ثمُّورْثْ ؤُشَا إِڭَّا ؤُذمْ نّسْ جَارْ إِفَادّنْ نّسْ.
1KI 18:43 [خنِّي] إِنَّا إِ ؤُمْسخَّارْ نّسْ: ”ڭعّذْ ؤُشَا خْزَارْ غَارْ ڒبْحَارْ!“ وَانِيثَا إِڭعّذْ، إِخْزَارْ غَارْ ڒَاڭّْوَاجْ، إِنَّا: ”وَارْ [تّْوِيڒِيغْ] وَالُو!“ إِلِييَا إِنَّا: ”ذْوڒْ-د ثْوَاڒَا نّغْنِيثْ!“، [ؤُشَا أَمُّو] سبْعَا ن ثْوَاڒَاوِينْ!
1KI 18:44 غَارْ ثْوَاڒَا وِيسّْ سبْعَا، إِمْسَارْ، أَقَا إِنَّا: ”خْزَارْ، إِشْثْ ن ثْسيْنُوثْ ثَامژْيَانْثْ، أَمْ ؤُفُوسْ ن إِجّْ ن ورْيَازْ، إِڭعّذْ-د زِي ڒبْحَارْ.“ [خنِّي] إِنَّا: ”ؤُيُورْ، إِنِي إِ أَخَابْ: ’حزّمْ [إِيْسَانْ]، هْوَا-د، مَاحنْذْ أَنْژَارْ وَارْ شكْ إِتّطّفْ.“
1KI 18:45 جَارْ ؤُ جَارْ إِبَّارْشنْ ؤُجنَّا س إِسيْنُوثنْ ؤُ س ؤُسمِّيضْ ؤُشَا إِبْذَا ونْژَارْ أَذْ إِوّثْ أَطَّاسْ. [خنِّي] إِنْيَا أَخَابْ [ذڭْ ؤُكَارُّو]، إِفّغْ، يُويُورْ غَارْ يَازْرَاعِيلْ.
1KI 18:46 ثُوغَا أَفُوسْ ن سِيذِي خْ إِلِييَا. نتَّا إِبْيسْ ثَاعْجِينَّا نّسْ ؤُشَا إِزْوَارْ إِتَّازّڒْ زَّاثْ إِ وُوذمْ ن أَخَابْ أَڒَامِي د-يِيوضْ غَارْ يَازْرَاعِيلْ.
1KI 19:1 أَخَابْ إِحَاجَا إِ إِزَابَالْ مَارَّا مِينْ إِڭَّا إِلِييَا ؤُڒَا ذ مَارَّا خْ مَامّشْ إِنْغَا [إِلِييَا] مَارَّا إِنَابِييّنْ س سِّيفْ.
1KI 19:2 إِزَابَالْ ثسّكّْ إِجّْ ن ؤُرقَّاسْ غَارْ إِلِييَا، مَاحنْذْ أَذْ أَسْ يِينِي: ”أَذْ أَيِي ڭّنْ إِربِّيثنْ ثَا ذ ثَا ؤُڒَا ذ كْثَارْ زِي مَانْ أَيَا، مَاڒَا وَارْ ڭِّيغْ ثِيوشَّا ذِي ڒْوقْثْ-أَ ڒعْمَارْ نّشْ أَمْ ڒعْمَارْ ن إِجّْ زَّايْسنْ.“
1KI 19:3 نتَّا إِخْزَارْ، إِكَّارْ ؤُشَا إِرُوحْ، حِيمَا أَذْ إِنْجمْ ڒعْمَارْ نّسْ. يُوسَا-د غَارْ بِئرْ-سبْعَا نِّي [إِدْجَانْ] ذِي يَاهُوذَا، ؤُشَا إِجَّا أَحُوذْرِي أَمْسخَّارْ نّسْ ذِينِّي.
1KI 19:4 نتَّا سِيمَانْثْ نّسْ يُويُورْ ثِيشْڒِي ن وبْرِيذْ ن إِجّْ ن وَاسّْ ذِي ڒخْڒَا، إِقِّيمْ إِزّڒْ سَاذُو ثَازڭّْوَارْثْ ن وَازُّو ؤُشَا إِتَّارْ، حِيمَا أَذْ إِمّثْ ڒعْمَارْ نّسْ، إِنَّا: ”كْفَا، [أَ] سِيذِي، كْسِي ڒخُّو ڒعْمَارْ إِنُو، مَاغَارْ وَارْ دْجِيغْ حْسنْ خْ ڒجْذُوذْ إِنُو.“
1KI 19:5 [خنِّي] إِزّڒْ، إِطّصْ سَاذُو إِشْثْ ن ثْزڭّْوَارْثْ ن وَازُّو. ؤُ خْزَارْ، لْمَالَاكْ إِحَاذَا ث، إِنَّا أَسْ: ”كَّارْ، أشّْ!“
1KI 19:6 ؤُمِي نتَّا إِسّْڭعّذْ ثَامُوغْڒِي نّسْ، خْزَارْ، زَّاثْ إِ ؤُزدْجِيفْ نّسْ أَقَا ذِينْ إِشْثْ ن ثفْضِيڒْثْ إِ ثُوغَا سّنْڭْونْ ت س ڒفْحمْ ؤُڒَا ذ إِشْثْ ن ثبْرِيقْثْ ذَايسْ أَمَانْ. [خنِّي] إِشَّا، إِسْوَا ؤُشَا إِذْوڒْ عَاوذْ إِزّڒْ [ذِينْ].
1KI 19:7 لْمَالَاكْ ن سِيذِي يُوسَا-د ثْوَاڒَا وِيسّْ ثْنَاينْ، إِحَاذَا ث، إِنَّا: ”كَّارْ، أشّْ، نِيغْ أَبْرِيذْ [أَذْ يِيڒِي] ذ أَزِيرَارْ خَاكْ.“
1KI 19:8 نتَّا إِكَّارْ، إِشَّا، إِسْوَا. س جّهْذْ ن مَاشَّا يُويُورْ [ثِيشْثِي ن] أَربْعِينْ ن وُوسَّانْ ذ أَربْعِينْ ن دْجِييَاڒِي أَڒْ أَذْرَارْ ن أَربِّي، هُورِيبْ.
1KI 19:9 ذِينِّي يِيوضْ غَارْ إِجّْ ن يفْرِي ؤُشَا إِسّنْسْ ذِينِّي. ؤُ خْزَارْ، [يُوسَا] أَسْ-د أَوَاڒْ ن سِيذِي، إِنَّا أَسْ: ”مِينْ ذَا إِ غَا ثڭّذْ، إِلِييَا؟“
1KI 19:10 نتَّا إِنَّا: ”نشّْ شْضَارغْ أَڒْ طَّارْفْ ذِي طّْوعْ ن سِيذِي، أَربِّي ن ڒْعسْكَارَاثْ، مَاغَارْ أَيْثْ ن إِسْرَائِيل سمْحنْ ذِي ڒْعَاهْذْ نّشْ، هذْمنْ إِعَالْطَارنْ نّشْ ؤُ إِنَابِييّنْ نّشْ تّْوَانْغنْ س سِّيفْ، مْغِيرْ نشّْ ذ ونِّي إِقِّيمنْ ؤُ نِيثْنِي أَرزُّونْ أَذْ أَيِي كّْسنْ ؤُڒَا ذ ثُوذَارْثْ إِنُو.“
1KI 19:11 نتَّا إِنَّا: ”فّغْ، بدّْ خْ وذْرَارْ زَّاثْ إِ وُوذمْ ن سِيذِي.“ ؤُ خْزَارْ، إِعْذُو-د سِيذِي. إِشْثْ ن ثْحَارْيَاضْثْ ثمْغَارْ ؤُ ثجْهذْ أَقَا ثوْثَا إِذُورَارْ ؤُ ثڒْبزْ ڒجْرُوفْ زَّاثْ إِ وُوذمْ ن سِيذِي. [مَاشَا] سِيذِي ثُوغَا وَارْ إِدْجِي شَا ذِي ثْحَارْيَاضْثْ. أَوَارْنِي إِ ثْحَارْيَاضْثْ [يُوسَا-د] إِجّْ ن ونْهزِّي ن ثمُّورْثْ. [مَاشَا] سِيذِي [ثُوغَا] وَارْ إِدْجِي شَا ذڭْ ونْهزِّي ن ثمُّورْثْ.
1KI 19:12 أَوَارْنِي إِ ونْهزِّي ن ثمُّورْثْ [ثُوسَا-د] ثْمسِّي. [مَاشَا] سِيذِي [ثُوغَا] وَارْ إِدْجِي شَا ذِي ثْمسِّي. أَوَارْنِي ثْمسِّي [ثُوغَا ذِينْ] إِشْثْ ن ثْمِيجَّا ثفْسُوسْ، ثَارْسَا.
1KI 19:13 ؤُمِي إِسْڒَا إِلِييَا، إِمْسَارْ أَقَا إِڒحّفْ أَغمْبُوبْ نّسْ ذڭْ ؤُپَارْثسُّو نّسْ، إِفّغْ غَارْ بَارَّا ؤُشَا إِبدّْ غَارْ ؤُقمُّومْ ن يفْرِي. ؤُ خْزَارْ، إِشْثْ ن ثْمِيجَّا [إِسِّيوڒْ] أَكِيذسْ، ثنَّا: ”مِينْ ذَا ثڭّذْ إِلِييَا؟“
1KI 19:14 نتَّا إِنَّا: ”نشّْ شْضَارغْ أَڒْ طَّارْفْ ذِي طّْوعْ ن سِيذِي، أَربِّي ن ڒْعسْكَارَاثْ، مَاغَارْ أَيْثْ ن إِسْرَائِيل سمْحنْ ذِي ڒْعَاهْذْ نّشْ، هذْمنْ إِعَالْطَارنْ نّشْ، ؤُ إِنَابِييّنْ نّشْ تّْوَانْغنْ س سِّيفْ، مْغِيرْ نشّْ ذ ونِّي إِقِّيمنْ، ؤُ نِيثْنِي أَرزُّونْ أَذْ كّْسنْ ؤُڒَا ذ ثُوذَارْثْ إِنُو.“
1KI 19:15 إِنَّا أَسْ سِيذِي: ”ؤُيُورْ، عْقبْ أَبْرِيذْ نّشْ غَارْ ڒخْڒَا ن ذِيمَاشْقْ ؤُ خْمِي غَا ثَاوْضذْ غَارْ ذِينْ، ذْهنْ حَازَايِيلْ ذ أَجدْجِيذْ خْ أَرَامْ!
1KI 19:16 [ؤُڒَا ذ] يَاهُو، مِّيسْ ن نِيمْشِي، أَذْ ث ثْذهْنذْ ذ أَجدْجِيذْ خْ إِسْرَائِيل ؤُشَا إِلِيشَاعْ، مِّيسْ ن شَافَاثْ زِي أَبَالْ-مَاحُولَا، ذْهنْ إِ-ث ذ أَنَابِي ذڭْ ومْشَانْ نّشْ.
1KI 19:17 أَذْ إِمْسَارْ، أَقَا يَاهُو أَذْ إِنغْ وِي غَا إِنجْمنْ إِ سِّيفْ ن حَازَايِيلْ، ؤُ إِلِيشَاعْ أَذْ إِنغْ وِي غَا إِنجْمنْ إِ سِّيفْ ن يَاهُو.
1KI 19:18 [خنِّي] جِّيغْ نشّْ ذِي إِسْرَائِيل سبْعَا-أَڒَافْ [ن ڒعْمُورْ]، مَارَّا إِنِّي إِفَادّنْ نْسنْ وَارْ قُّونْجڒنْ زَّاثْ إِ بَاعْلْ ؤُ مَارَّا إِنِّي وَارْ ث إِسُّوذْمنْ س ؤُقمُّومْ نْسنْ.“
1KI 19:19 إِفّغْ إِلِييَا سّنِّي، يُوفَا إِلِيشَاعْ، مِّيسْ ن شَافَاثْ. نتَّا ثُوغَا إِشَارّزْ س ثنْعَاشْ ن إِزَايْڒُوثنْ ن [إِينْذُوزنْ] ؤُ نتَّا [سِيمَانْثْ نّسْ] [إِشَارْزْ] خْ وِيسّْ ثنْعَاشْ. إِلِييَا إِعْذُو غَارسْ، إِنْضَارْ خَاسْ أَپَارْثسُّو نّسْ.
1KI 19:20 [ڒخْذنِّي] إِسْمحْ ذڭْ إِفُونَاسنْ، إِعْڒفْ أَوَارْنِي إِ إِلِييَا، إِنَّا: ”تّْزَاوْڭغْ، أجّْ أَيِي أَذْ سُّوذْمغْ بَابَا ذ يمَّا [إِ ؤُقبّضْ]، خنِّي أَذْ شكْ ضْفَارغْ.“ نتَّا إِنَّا أَسْ: ”ؤُيُورْ، ذْوڒْ، مِينْزِي مِينْ ذَايكْ ڭِّيغْ نشّْ؟“
1KI 19:21 إِعْقبْ نتَّا [خنِّي] أَوَارْنِي أَسْ، إِكْسِي إِجّْ ن ؤُزَايْڒُو ن إِفُونَاسنْ ؤُشَا إِغَارْصْ أَسنْ. س ؤُكشُّوضْ ن ؤُزَايْڒُو إِسّْننَّا أَيْسُومْ نْسنْ، إِوْشَا إِ-ث إِ ڒْڭنْسْ مَاحنْذْ أَذْ إِشّْ. [أَوَارْنِي ؤُيَا] إِكَّارْ، ؤُشَا إِضْفَارْ إِلِييَا، إِسخَّارْ أَسْ.
1KI 20:1 بِينْهَاذَاذْ، أَجدْجِيذْ ن أَرَامْ، إِسّْمُونْ مَارَّا ڒْعسْكَارْ نّسْ. ثُوغَا أَكِيذسْ ثْنَاينْ ؤُ-ثْڒَاثِينْ ن إِجدْجِيذنْ س إِيْسَانْ ذ إِكَارُّوثنْ. نتَّا إِڭعّذْ، إِنّضْ إِ سَامَارْيَا ؤُ إِمّْنغْ أَكِيذسْ.
1KI 20:2 خنِّي إِسّكّْ نتَّا إِرقَّاسنْ غَارْ أَخَابْ، أَجدْجِيذْ ن إِسْرَائِيل، ذَاخڒْ ذِي ثنْذِينْثْ.
1KI 20:3 إِنَّا أَسْ: ”أَمُّو إِ إِقَّارْ بِينْ-هَاذَاذْ: ’نُّوقَارْثْ نّشْ ذ وُورغْ نّشْ إِنُو. ؤُڒَا ذ ثِيمْغَارِينْ نّشْ ذ إِحنْجِيرنْ نّشْ إِشوَّارنْ، أَقَا أَثنْ إِنُو.‘ “
1KI 20:4 أَجدْجِيذْ ن إِسْرَائِيل يَارَّا-د خَاسْ، إِنَّا: ”أَمْ مَامّشْ ثنِّيذْ، أَ سِيذِي إِنُو أَجدْجِيذْ. نشّْ نّشْ س مَارَّا مِينْ غَارِي.“
1KI 20:5 إِرقَّاسنْ ؤُسِينْ-د إِشْثْ ن ثْوَاڒَا نّغْنِيثْ، نَّانْ: ”أَمُّو إِسِّيوڒْ بِينْهَاذَاذْ، إِنَّا: ’نشّْ جِّيغْ أَذْ أَشْ إِنِينْ: إِتّْخصَّا أَذْ أَيِي ثوْشذْ نُّوقَارْثْ ذ وُورغْ نّشْ ذ ثمْغَارِينْ نّشْ ذ إِحنْجِيرنْ نّشْ!،
1KI 20:6 مَاشَا ثِيوشَّا غَارْ ڒْوقْثْ-أَ أَذْ سّكّغْ إِمْسخَّارنْ إِنُو غَاركْ، مَاحنْذْ أَذْ أَرْزُونْ ذِي ثَادَّارْثْ نّشْ ؤُ ذِي ثُوذْرِينْ ن إِمْسخَّارنْ نّشْ. أَذْ إِمْسَارْ بلِّي نِيثْنِي أَذْ طّْفنْ مَارَّا مِينْ خَاكْ إِعِيزّنْ ذِي ثِيطَّاوِينْ نّشْ س إِفَاسّنْ نْسنْ، أَذْ [ث] أَوْينْ.‘ “
1KI 20:7 [خنِّي] إِڒَاغَا ؤُجدْجِيذْ ن إِسْرَائِيل خْ مَارَّا إِمْغَارنْ ن ثمُّورْثْ، إِنَّا: ”سْنمْ [خنِّي] ؤُ خْزَارمْ أَقَا وَانِيثَا إِنْوَا ڒْغَارْ، مَاغَارْ ثُوغَا إِسّكّْ-د غَارِي [قْبڒْ]، مَاحنْذْ [أَذْ إِكْسِي] ثِيمْغَارِينْ إِنُو ذ إِحنْجِيرنْ إِنُو ذ نُّوقَارْثْ إِنُو ذ وُورغْ إِنُو ؤُ نشّْ وَارْ ذ أَسْ ث قْضِيعغْ.“
1KI 20:8 مَارَّا إِمْغَارنْ ذ مَارَّا ڒْڭنْسْ نَّانْ أَسْ: ”وَارْ [غَارسْ] تّسْڒِي ؤُ وَارْ ذ أَسْ تِّيشْ تّسْرِيحْ!“
1KI 20:9 [خنِّي] إِنَّا إِ إِرقَّاسنْ ن بِينْهَاذَاذْ: ”إِنِيمْ إِ سِيذِي إِنُو أَجدْجِيذْ: ’مَارَّا ؤُمِي إِ ثسّكّذْ أَمْسخَّارْ نّشْ غَارْ ؤُمزْوَارُو أَذْ ث ڭّغْ، [مَاشَا] ثَامسْڒَاشْثْ-أَ وَارْ زمَّارغْ أَذْ ث ڭّغْ.‘ “ فّْغنْ إِرقَّاسنْ ؤُشَا إِوْينْ أَسْ-د أَوَاڒْ-أَ.
1KI 20:10 [خَاسْ ؤُشَا] إِسّكّْ بِينْهَاذَاذْ غَارسْ، إِنَّا: ”أَذْ أَيِي ڭّنْ إِربِّيثنْ أَمُّو ؤُ أَذْ أَرْنِينْ عَاذْ كْثَارْ، مَاڒَا ثَاعجَّاجْثْ ن سَامَارْيَا ثْقدّْ، حِيمَا أَذْ ثشُّورْ ؤُرُو ن إِفَاسّنْ ن مَارَّا ڒْڭنْسْ إِ يُويُورنْ ذڭْ إِصُورَافْ إِنُو!“
1KI 20:11 يَارَّا-د ؤُجدْجِيذْ ن إِسْرَائِيل، إِنَّا: ”إِنِيمْ أَسْ: ’ونِّي إِبيْسنْ أَبْيَاسْ، وَارْ إِتّْشنّعْ إِخفْ نّسْ أَمْ ونِّي ث إِسَّارْسنْ.‘ “
1KI 20:12 ؤُمِي إِسْڒَا إِ وَاوَاڒْ-أَ، [أَمْ] ثُوغَا إِسسّْ أَكْ-ذ إِجدْجِيذنْ ذڭْ إِقِيضَانْ، أَقَا إِنَّا إِ إِمْسخَّارنْ نّسْ: ”سْبدّمْ إِخفْ نْومْ!“ ؤُ نِيثْنِي سّْوجْذنْ إِخفْ نْسنْ [إِ ؤُمنْغِي] ضِيدّْ إِ ثنْذِينْثْ.
1KI 20:13 ؤُ خْزَارْ إِجّْ ن ؤُنَابِي يُوسَا-د غَارْ أَخَابْ، أَجدْجِيذْ ن إِسْرَائِيل، إِنَّا: ”أَمُّو إِ إِسِّيوڒْ سِيذِي: ’مَا ثتّْوَاڒِيذْ شكْ ڒْغَاشِي-يَا أَمقّْرَانْ؟ خْزَارْ أَسّْ-أَ نشّْ أَذْ ث وْشغْ ذڭْ ؤُفُوسْ نّشْ، حِيمَا أَذْ ثسّْنذْ أَقَا نشّْ ذ سِيذِي.‘ “
1KI 20:14 ؤُشَا أَخَابْ إِنَّا: ”زِي مَانْ ونْ؟“ نتَّا إِنَّا: ”أَمُّو إِ إِقَّارْ سِيذِي: ’س إِمْسخَّارنْ ن ڒْحُوكَّامْ ن لْعَامَالَاثْ.‘ “ ؤُ نتَّا إِنَّا: ”مَانْ ونْ إِ غَا إِبْذَانْ أَمنْغِي؟“ إِنَّا نتَّا: ”ذ شكْ!“
1KI 20:15 [خَاسْ ؤُشَا] إِسدّْ نتَّا إِمْسخَّارنْ ن ڒْحُوكَّامْ ن لْعَامَالَاثْ. ثُوغَا أَثنْ ذِي مِيثَاينْ ؤُ-ثْنَاينْ ؤُ-ثْڒَاثِينْ. إِسدّْ أَوَارْنِي أَسنْ مَارَّا ڒْڭنْسْ. مَارَّا أَيْثْ ن إِسْرَائِيل، ثُوغَا أَثنْ ذِي سبْعَا-أَڒَافْ [ن يرْيَازنْ].
1KI 20:16 فّْغنْ نِيثْنِي غَارْ وَازَالْ. بِينْهَاذَاذْ ثُوغَا إِسْشَارْ ذڭْ إِقِيضَانْ، نتَّا ذ إِجدْجِيذنْ، ثْنَاينْ ؤُ-ثْڒَاثِينْ ن إِجدْجِيذنْ إِ ذ أَسْ إِوْشِينْ أَفُوسْ.
1KI 20:17 إِمْسخَّارنْ ن ڒْحُوكَّامْ ن لْعَامَالَاثْ فّْغنْ-د ذ إِمزْوُورَا [زِي سَامَارْيَا]. بِينْهَاذَاذْ ثُوغَا إِسّكّْ شَا [ن إِبرْڭَاڭنْ] ؤُ نِيثْنِي خبَّارنْ أَسْ، نَّانْ: ”أَقَا إِرْيَازنْ فّْغنْ-د زِي سَامَارْيَا.“
1KI 20:18 نتَّا إِنَّا: ”مَاڒَا نِيثْنِي فّْغنْ-د إِ ڒهْنَا، طّْفمْ ثنْ دَّارنْ ؤُ مَاڒَا نِيثْنِي فّْغنْ-د إِ ؤُمنْغِي، طّْفمْ ثنْ [عَاوذْ] دَّارنْ!“
1KI 20:19 فّْغنْ-د إِمْسخَّارنْ ن ڒْحُوكَّامْ ن لْعَامَالَاثْ زِي ثنْذِينْثْ أَكْ-ذ ڒْعسْكَارْ [إِ د-يُوسِينْ] أَوَارْنِي أَسنْ.
1KI 20:20 [كُوڒْ] أَرْيَازْ إِغْڒبْ خْ وغْرِيمْ نّسْ أَڒَامِي أَروْڒنْ أَيْثْ ن أَرَامْ ؤُ إِسْرَائِيل إِضْفَارْ إِ-ثنْ، [مَاشَا] بِينْهَاذَاذْ، أَجدْجِيذْ ن أَرَامْ، إِنْجمْ خْ ؤُيِيسْ أَكْ-ذ شَا ن إِمْنَاينْ.
1KI 20:21 [خنِّي] إِفّغْ ؤُڒَا ذ أَجدْجِيذْ ن إِسْرَائِيل ؤُ نتَّا إِغْڒبْ خْ ييْسَانْ ذ إِكَارُّوثنْ [ن ؤُمنْغِي] أَڒَامِي إِڭَّا أَسْ إِشْثْ ن ثشْثِي ذ ثَامقّْرَانْثْ إِ أَرَامْ.
1KI 20:22 [خنِّي] يُوسَا-د ؤُنَابِي غَارْ ؤُجدْجِيذْ ن إِسْرَائِيل، إِنَّا أَسْ: ”ؤُيُورْ، مْحضْ إِخفْ نّشْ. سّنْ ؤُ خْزَارْ مِينْ غَاركْ أَذْ ث ثڭّذْ، مَاغَارْ غَارْ ؤُبدُّو ن ؤُسڭّْوَاسْ ن جْذِيذْ أَذْ خَاكْ إِفّغْ ؤُجدْجِيذْ ن أَرَامْ [ثْوَاڒَا نّغْنِي].
1KI 20:23 إِمْسخَّارنْ ن ؤُجدْجِيذْ ن أَرَامْ نَّانْ أَسْ: ”أَربِّي نْسنْ ذ إِجّْ ن أَربِّي ن إِذُورَارْ، خْ ؤُيَا ثُوغَا جهْذنْ خَانغْ. مَاڒَا نشِّينْ نمّْنغْ أَكِيذْسنْ ذِي ڒْوَاطَا، [خنِّي] أَذْ خَاسنْ نجْهذْ نِيشَانْ!
1KI 20:24 أڭّْ مِينْ إِقَّارْ وَاوَاڒْ-أَ: كّسْ كُوڒْ إِجّْ زڭْ إِجدْجِيذنْ زڭْ ومْشَانْ نّسْ ؤُ ڭّمْ لْوُولَاثْ ذڭْ ومْشَانْ نْسنْ.
1KI 20:25 سْمُونْ أَمُّو إِجّْ ن ڒْعسْكَارْ أَمْ ڒْعسْكَارْ نِّي ثْودَّارذْ، س ييْسَانْ أَمْ ييْسَانْ نِّي ؤُ س إِكَارُّوثنْ أَمْ إِكَارُّوثنْ نِّي، ؤُشَا أجّْ أَنغْ أَكِيذْسنْ نمّْنغْ ذِي ڒْوَاطَا. [ؤُشْثْ] مَاڒَا [خنِّي] نشِّينْ وَارْ خَاسنْ نجْهِيذْ!“ ؤُ نتَّا إِسْڒَا غَارْسنْ ؤُشَا أَمنِّي إِ إِڭَّا.
1KI 20:26 غَارْ ؤُبدُّو ن ؤُسڭّْوَاسْ ن جْذِيذْ، إِمْسَارْ، أَقَا بِينْهَاذَاذْ إِسدّْ أَرَامْ. إِفّغْ غَارْ أَفِيقْ إِ ؤُمنْغِي أَكْ-ذ إِسْرَائِيل.
1KI 20:27 ؤُڒَا ذ أَيْثْ ن إِسْرَائِيل تّْوَاسدّنْ. وْشِينْ أَسنْ ڒعْوتْشْ ؤُ نِيثْنِي فّْغنْ إِ ؤُمْسَاڭَارْ أَكِيذْسنْ. أَيْثْ ن إِسْرَائِيل وْثِينْ إِقِيضَانْ نْسنْ أَجمَّاضْ نْسنْ أَمْ ثْنَاينْ ن ثْحِيمْرِيوِينْ ثِيمژْيَانِينْ ن إِغَايْضنْ. [إِنِّي ن] أَرَامْ [مَاشَا]عمَّارنْ ثَامُّورْثْ.
1KI 20:28 يُوسَا-د غَارْسنْ ورْيَازْ ن سِيذِي، إِسِّيوڒْ أَكْ-ذ ؤُجدْجِيذْ ن إِسْرَائِيل، إِنَّا: ”أَمُّو إِ إِسِّيوڒْ سِيذِي: ’مِينْزِي إِنِّي ن أَرَامْ إِنَّانْ: سِيذِي ذ إِجّْ ن أَربِّي ن إِذُورَارْ، وَارْ إِدْجِي ذ إِجّْ ن أَربِّي ن ثْسدْجْيِينْ!‘، خْ ؤُيَا إِ غَا وْشغْ ڒْغَاشِي-يَا أَمقّْرَانْ ذڭْ ؤُفُوسْ نّشْ، حِيمَا كنِّيوْ أَذْ ثْعقْڒمْ، أَقَا نشّْ ذ سِيذِي.“
1KI 20:29 ثُوغَا وْثِينْ إِقِيضَانْ نْسنْ سبْعَا ن وُوسَّانْ أَرنْذَاذْ ن وَايَاوْيَا. ذڭْ وَاسّْ وِيسّْ سبْعَا، إِمْسَارْ، أَقَا إِكَّارْ ؤُمنْغِي. ذڭْ إِجّْ ن وَاسّْ نْغِينْ أَيْثْ ن إِسْرَائِيل مْيَاثْ-أَڒفْ [ن يرْيَازنْ] خْ إِضَارنْ زِي أَرَامْ.
1KI 20:30 إِنِّي إِقِّيمنْ أَروْڒنْ غَارْ ثنْذِينْثْ ن أَفِيقْ ؤُشَا ڒْحِيضْ إِوْضَا خْ سبْعَا ؤُ-عِيشْرِينْ-أَڒفْ ن يرْيَازنْ، نِّي ثُوغَا إِقِّيمنْ. ؤُڒَا بِينْهَاذَاذْ ثُوغَا يَارْوڒْ ؤُشَا يُوذفْ غَارْ ثنْذِينْثْ، [يُويُورْ] زڭْ [إِجّْ ن] وخَّامْ غَارْ إِجّْ ن وخَّامْ [نّغْنِي].
1KI 20:31 [خنِّي] نَّانْ أَسْ إِمْسخَّارنْ نّسْ: ”خْزَارْ، نشِّينْ نسْڒَا، أَقَا إِجدْجِيذنْ ن ثَادَّارْثْ ن إِسْرَائِيل ذ إِجدْجِيذنْ ذَايْسنْ ثَامخْسِيوْثْ إِشوَّارنْ. أجّْ أَنغْ أَذْ نبْيسْ س ثْخُونْشَايْ [ن وشْضَانْ] غَارْ وبْيَاسْ ؤُ س إِسغْوَانْ غَارْ إِزدْجِيفنْ نّغْ ؤُشَا أَذْ نفّغْ غَارْ ؤُجدْجِيذْ ن إِسْرَائِيل. أَذْ ثَاغْ أَذْ شكْ يجّْ أَذْ ثدَّارذْ.“
1KI 20:32 نِيثْنِي بيْسنْ س ثْخُونْشَايْ [ن وشْضَانْ] ؤُ [ڭِّينْ] إِسغْوَانْ غَارْ إِزدْجِيفنْ نْسنْ ؤُشَا [أَمُّو] د-ؤُسِينْ نِيثْنِي غَارْ ؤُجدْجِيذْ ن إِسْرَائِيل، نَّانْ: ”أَمْسخَّارْ نّشْ بِينْهَاذَاذْ إِنَّا: ’أجّْ أَذْ إِدَّارْ ڒعْمَارْ إِنُو!‘ “ ؤُ نتَّا يَارَّا-د: ”مَا نتَّا إِدَّارْ عَاذْ؟ نتَّا ذ ؤُمَا!“
1KI 20:33 إِرْيَازنْ فهْمنْ أَقَا مَانْ أَيَا ذ إِشْثْ ن ڒعْڒَامثْ ثصْبحْ، ؤُشَا أَرْزُونْ ذغْيَا خْ شَا، مَا أَقَا مَانْ أَيَا نِيشَانْ، ؤُشَا نَّانْ: ”ؤُمَاشْ بِينْهَاذَاذْ ...“ ؤُشَا نتَّا إِنَّا: ”أَسمْ-د، أَوْيمْ ث-إِ-د [ذَانِيثَا].“ [خنِّي] إِفّغْ بِينْهَاذَاذْ غَارسْ ؤُ نتَّا إِسّنْيَا ث ذڭْ ؤُكَارُّو.
1KI 20:34 إِنَّا أَسْ [بِينْهَاذَاذْ]: ”ثِيندَّامْ نِّي ثُوغَا إِطّفْ بَابَا زِي بَابَاشْ، أَذْ ثنْثْ أَرّغْ. [إِوَا،] أڭّْ إِ يِيخفْ نّشْ ذْشُورَاثْ [إِ ثْسبَّابْثْ] ذِي ذِيمَاشْقْ أَمْ مَامّشْ إِڭَّا بَابَا ذْشُورَاثْ ذِي سَامَارْيَا.“ ؤُشَا [أَخَابْ إِنَّا]: ”نشّْ أَذْ أَشْ أَرْخُوغْ خْ إِجّْ ن ڒْعَاهْذْ.“ ؤُ نتَّا إِقّنْ أَكِيذسْ إِجّْ ن ڒْعَاهْذْ ؤُشَا يَارْخُو أَسْ.
1KI 20:35 إِجّْ ن ورْيَازْ زڭْ أَيْثْ ن إِنَابِييّنْ إِنَّا إِ جَّارْ نّسْ س وَاوَاڒْ ن سِيذِي: ”وّثْ أَيِي!“ أَرْيَازْ يُوڭِي [مَاشَا] أَذْ ث إِوّثْ.
1KI 20:36 إِنَّا أَسْ نتَّا: ”مِينْزِي شكْ وَارْ ثسْڒِيذْ غَارْ ثْمِيجَّا ن سِيذِي، خْزَارْ، مْغِيرْ شكْ أَذْ خَافِي ثفّْغذْ، أَذْ شكْ إِنغْ إِجّْ ن ويْرَاذْ.“ ؤُمِي خَاسْ يُويُورْ، إِڒْقفْ إِ-ث إِجّْ ن ويْرَاذْ ؤُ وَانِيثَا إِنْغَا إِ-ث.
1KI 20:37 [خنِّي] يُوفَا إِجّْ ن ورْيَازْ نّغْنِي، إِنَّا: ”وّثْ أَيِي!“ أَرْيَازْ نِّي إِوْثَا إِ-ث أَمُّو، أَڒَامِي ث إِيْزمْ.
1KI 20:38 يُويُورْ ؤُنَابِي، إِبدّْ غَارْ وبْرِيذْ إِ [ؤُمڒْقِي أَكْ-ذ] ؤُجدْجِيذْ. إِسّْنُوفَّارْ إِخفْ نّسْ س إِجّْ ن ڒشْفنْ خْ ثِيطَّاوِينْ نّسْ.
1KI 20:39 ؤُمِي د-إِعْذُو ؤُجدْجِيذْ، إِمْسَارْ، أَقَا إِڒَاغَا إِ ؤُجدْجِيذْ، إِنَّا: ”أَمْسخَّارْ نّشْ ثُوغَا إِفّغْ غَارْ ڒْوسْطْ ن ؤُمنْغِي. ؤُشَا خْزَارْ، أَقَا ذِينْ إِجّْ ورْيَازْ يُوسَا-د غَارْ ؤُغزْذِيسْ، يِيوِي أَيِي-د إِجّْ ن ورْيَازْ، إِنَّا: ’حْضَا أَرْيَازْ-أَ، مَاشَا مَاڒَا إِودَّارْ غَارْ ؤُسذِّي [ن ڒْعسْكَارْ]، أَذْ يِيڒِي ڒعْمَارْ نّشْ ذڭْ ومْشَانْ نّسْ نِيغْ أَذْ ثْخدْجْصذْ إِشْثْ ن ثَالِينْثْ ن نُّوقَارْثْ.‘
1KI 20:40 ڒَامِي ثُوغَا إِتّْشغڒْ ؤُمْسخَّارْ نّشْ ذَا ذ ذِيهَا، إِمْسَارْ، أَقَا وَارْ [ذِينْ] إِقِّيمْ [عَاذْ].“ إِنَّا أَسْ ؤُجدْجِيذْ ن إِسْرَائِيل: ”وَا ذ ڒْحُوكْمْ نّشْ، ثوْثِيذْ [ث] س يِيخفْ نّشْ!“
1KI 20:41 نتَّا إِكّسْ ذغْيَا ڒشْفنْ خْ ثِيطَّاوِينْ نّسْ، ؤُشَا إِعْقڒْ إِ-ث ؤُجدْجِيذْ ن إِسْرَائِيل، أَقَا-ث [ذ إِجّْ] زڭْ إِنَابِييّنْ.
1KI 20:42 نتَّا إِنَّا أَسْ: ”أَمُّو إِ إِسِّيوڒْ سِيذِي: ’مِينْزِي شكْ ثجِّيذْ أَرْيَازْ نِّي حَارّْمغْ نشّْ [إِ ؤُثحِّي] أَذْ إِنْجمْ زڭْ ؤُفُوسْ نّشْ، أَذْ يِيڒِي ڒعْمَارْ نّشْ ذڭْ ومْشَانْ ن ڒعْمَارْ نّسْ ؤُ ڒْڭنْسْ نّشْ ذڭْ ومْشَانْ ن ڒْڭنْسْ نّسْ.“
1KI 20:43 أَجدْجِيذْ ن إِسْرَائِيل يُويُورْ س ڒْخَاضَارْ إِخْسَارنْ ذ إِخيِّيقنْ غَارْ ثَادَّارْثْ ؤُشَا يُوسَا-د غَارْ سَامَارْيَا.
1KI 21:1 أَوَارْنِي ثْمسْڒَايِينْ-أَ أَقَا ذِينْ مِينْ إِمْسَارنْ أَكْ-ذ نابُوثْ، أَيَازْرَاعِيلِي، ونِّي غَارْ إِدْجَا إِجّْ ن ؤُمَارْجعْ ن ؤُضِيڒْ ذِي يَازْرَاعِيلْ زَّاثْ إِ ڒقْصَارْ ن أَخَابْ، أَجدْجِيذْ ن سَامَارْيَا.
1KI 21:2 أَخَابْ إِسِّيوڒْ أَكْ-ذ نابُوثْ، إِنَّا: ”أوْشْ أَيِي أَمَارْجعْ نّشْ ن ؤُضِيڒْ، حِيمَا أَذْ غَارِي يِيڒِي ذ ثَاحْوِيشْ ثَازِيزَاوْثْ، مَاغَارْ أَقَا ثُوذسْ إِ ثَادَّارْثْ إِنُو. نشّْ أَذْ أَشْ وْشغْ ذڭْ ومْشَانْ نّسْ إِجّْ ن ؤُمَارْجعْ [نّغْنِي] ن ؤُضِيڒْ إِصْبحْ خَاسْ، نِيغْ مَاڒَا مَانْ أَيَا ذ لمْلِيحْ ذِي ثِيطَّاوِينْ نّشْ، أَذْ شكْ خدْجْصغْ تّْمَانْ نّسْ س [تّْمنْيَاثْ ن] نُّوقَارْثْ.“
1KI 21:3 [مَاشَا] نابُوثْ إِنَّا إِ أَخَابْ: ”سِيذِي أَذْ أَيِي إِحْضَا، أَقَا أَذْ أَشْ وْشغْ ثَاسْغَارْثْ ن ڒجْذُوذْ إِنُو!“
1KI 21:4 ؤُشَا إِعْقبْ أَخَابْ غَارْ ثَادَّارْثْ نّسْ س ڒْخَاضَارْ إِخْسَارنْ ذ إِخيِّيقنْ زِي سِّيبّثْ ن وَاوَاڒْ إِ كِيذسْ إِسِّيوڒْ نابُوثْ، أَيَازْرَاعِيلِي، ؤُمِي إِنَّا: ”نشّْ وَارْ ذ أَشْ تِّيشغْ ثَاسْغَارْثْ ن ڒجْذُوذْ إِنُو.“ ؤُ نتَّا إِزّڒْ خْ قَامَا نّسْ، يَارَّا أَغمْبُوبْ نّسْ [غَارْ ڒْحِيضْ]، وَارْ إِشِّي أَغْرُومْ.
1KI 21:5 ثَامْغَارْثْ نّسْ إِزَابَالْ ثُوسَا-د غَارسْ، ثسِّيوڒْ أَكِيذسْ: ”مِينْ ذِينْ أَڒَامِي ڒْخَاضَارْ نّشْ إِخْسَارْ أَمُّو ؤُ وَارْ ثتّتّذْ أَغْرُومْ؟“
1KI 21:6 نتَّا إِسِّيوڒْ أَكِيذسْ: ”مَاغَارْ نشّْ سِّيوْڒغْ أَكْ-ذ نابُوثْ، أَيَازْرَاعِيلِي، نِّيغْ أَسْ: ’أوْشْ أَيِي أَمَارْجعْ نّشْ ن ؤُضِيڒْ إِ [تّْمنْيَاثْ ن] نُّوقَارْثْ، نِيغْ، مَاڒَا ثخْسذْ أَذْ أَشْ وْشغْ إِجّْ ن ؤُمَارْجعْ ن ؤُضِيڒْ [نّغْنِي] ذڭْ ومْشَانْ نّسْ!‘، [مَاشَا] نتَّا إِنَّا: ’نشّْ وَارْ ذ أَشْ تِّيشغْ أَمَارْجعْ إِنُو ن ؤُضِيڒْ!‘ “
1KI 21:7 ثنَّا أَسْ ثمْغَارْثْ نّسْ إِزَابَالْ: ”مَا [خنِّي] شكْ تّڭّذْ إِخفْ نّشْ ذ أَجدْجِيذْ خْ إِسْرَائِيل؟ كَّارْ، أشّْ أَغْرُومْ ؤُ أجّْ ؤُڒْ نّشْ أَذْ يِيڒِي مْلِيحْ! نشّْ أَذْ أَشْ وْشغْ أَمَارْجعْ ن ؤُضِيڒْ ن نابُوثْ، أَيَازْرَاعِيلِي.“
1KI 21:8 نتَّاثْ ثُورَا ثِيبْرَاثِينْ خْ يِيسمْ ن أَخَابْ ؤُشَا ثْشمّعْ إِ-ثنْثْ س [ثْخَاضنْثْ نّسْ ن] ؤُشمِّيعْ ؤُ ثسّكّْ ثِيبْرَاثِينْ نِّي إِ إِمقّْرَاننْ ؤُ إِ ثَارْوَا ن ثَاصِيڒثْ نِّي ثُوغَا إِزدّْغنْ غَارْ نابُوثْ ذِي ثنْذِينْثْ نّسْ.
1KI 21:9 ذِي ثبْرَاثِينْ ثُورَا، ثنَّا: ”بَارّْحمْ س يِيجّْ ن ؤُژُومِّي ؤُ سْغِيممْ نابُوثْ غَارْ زَّاثْ ن مَارَّا ڒْڭنْسْ
1KI 21:10 ؤُشَا سْبدّمْ ثْنَاينْ ن إِرْيَازنْ، أَيْثْ إِ وَارْ إِسكّْوِينْ، قِيبَاتْشْ نّسْ، حِيمَا أَذْ خَاسْ شهْذنْ، أَذْ إِنِينْ: ’شكْ ثْشقّْفذْ ذِي أَربِّي ؤُ ذڭْ ؤُجدْجِيذْ!‘ سُوفْغمْ ث خنِّي غَارْ بَارَّا ؤُ أَرجْممْ ث أَڒْ ذ إِمّثْ.“
1KI 21:11 إِرْيَازنْ ن ثنْذِينْثْ، إِمقّْرَاننْ ذ ثَارْوَا ن ثَاصِيڒثْ نِّي ثُوغَا إِزدّْغنْ ذِي ثنْذِينْثْ نّسْ، ڭِّينْ عْلَاحْسَابْ مِينْ ذ أَسنْ ثُومُورْ إِزَابَالْ، أَمْ مَامّشْ يُورِينْ ذِي ثبْرَاثِينْ نِّي ثُوغَا ذ أَسنْ د-ثسّكّْ.
1KI 21:12 نِيثْنِي بَارّْحنْ س يِيجّْ ن ؤُژُومِّي ؤُ سّْغِيمنْ نابُوثْ غَارْ زَّاثْ ن مَارَّا ڒْڭنْسْ.
1KI 21:13 [خنِّي] ؤُسِينْ-د ثْنَاينْ ن يرْيَازنْ، أَيْثْ إِ وَارْ إِسكّْوِينْ، ؤُشَا قِّيمنْ قِيبَاتْشْ نّسْ. إِرْيَازنْ إِ وَارْ إِسكّْوِينْ شهْذنْ خَاسْ، خْ نابُوثْ، زَّاثْ إِ ڒْڭنْسْ، نَّانْ: ”نابُوثْ إِشقّفْ ذِي سِيذِي ؤُ ذڭْ ؤُجدْجِيذْ.“ [خنِّي] سُّوفّْغنْ ث بَارَّا إِ ثنْذِينْثْ ؤُشَا أَرجْمنْ ث أَڒَامِي إِمُّوثْ.
1KI 21:14 [أَوَارْنِي أَسْ] جِّينْ أَذْ إِنِينْ إِ إِزَابَالْ: ”نابُوثْ إِتّْوَارْجمْ ؤُ إِمُّوثْ.“
1KI 21:15 ؤُمِي ثسْڒَا إِزَابَالْ أَقَا نابُوثْ إِتّْوَارْجمْ، إِمُّوثْ، إِمْسَارْ، أَقَا إِزَابَالْ ثنَّا إِ أَخَابْ: ”كَّارْ، كْسِي أَمَارْجعْ ن ؤُضِيڒْ ن نابُوثْ، أَيَازْرَاعِيلِي، ذ ڒْوَارْثْ، [أَحْوِيشْ] إِ يُوڭِينْ نتَّا أَذْ أَشْ ث إِوْشْ س [تّْمنْيَاثْ ن] نُّوقَّارْثْ، مَاغَارْ نابُوثْ وَارْ إِدَّارْ شَا [عَاذْ]، مَاشَا إِمُّوثْ.“
1KI 21:16 ؤُمِي إِسْڒَا أَخَابْ، بلِّي نابُوثْ إِمُّوثْ، إِمْسَارْ، أَقَا أَخَابْ إِكَّارْ، مَاحنْذْ أَذْ إِهْوَا غَارْ ؤُمَارْجعْ ن ؤُضِيڒْ ن نابُوثْ، أَيَازْرَاعِيلِي، حِيمَا أَذْ ث إِكْسِي ذ ڒْوَارْثْ.
1KI 21:17 [خنِّي] يُوسَا-د وَاوَاڒْ ن سِيذِي غَارْ إِلِييَا، أَثِيشْبِي، إِنَّا:
1KI 21:18 ”كَّارْ، هْوَا، حِيمَا أَذْ ثمّڒْقِيذْ أَكْ-ذ أَخَابْ، أَجدْجِيذْ ن إِسْرَائِيل، ونِّي [إِدْجَانْ] ذِي سَامَارْيَا. خْزَارْ، نتَّا ذڭْ ؤُمَارْجعْ ن ؤُضِيڒْ ن نابُوثْ مَانِي غَارْ د-إِهْوَا، حِيمَا أَذْ ث إِكْسِي ذ ڒْوَارْثْ.
1KI 21:19 إِتّْخصَّا أَذْ كِيذسْ ثسِّيوْڒذْ، أَذْ ثِينِيذْ: ’أَمُّو إِ إِقَّارْ سِيذِي: مَا ثنْغِيذْ ؤُ [خنِّي] ثكّْسذْ ؤُڒَا ذ ثَاسْغَارْثْ؟‘ [عَاوذْ] إِتّْخصَّا أَذْ كِيذسْ ثسِّيوْڒذْ، أَذْ ثِينِيذْ: ’أَمُّو إِ إِقَّارْ سِيذِي: ذڭْ ومْشَانْ مَانِي ڒسْحنْ إِطَانْ إِذَامّنْ ن نابُوثْ، أَذْ ڒسْحنْ إِطَانْ ؤُڒَا ذ إِذَامّنْ نّشْ، [وَاهْ،] ذ إِنِّي نّشْ!‘ “
1KI 21:20 إِنَّا أَخَابْ إِ إِلِييَا: ”مَا ثُوفِيذْ أَيِي، شكْ، ڒعْذُو إِنُو؟“ نتَّا إِنَّا: ”نشّْ ؤُفِيغْ شكْ مِينْزِي شكْ ثزّنْزذْ إِخفْ نّشْ، مَاحنْذْ أَذْ ثڭّذْ مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي.
1KI 21:21 خْزَارْ نشّْ أَذْ خَاكْ سِّيوْضغْ ڒْغَارْ ؤُ أَذْ مْحِيغْ مِينْ إِقِّيمنْ نّشْ. أَذْ ثحِّيغْ مَارَّا وِي ث إِتّڭّنْ خْ ڒْحِيضْ، [أَمْ] ونِّي إِتّْوَاطّْفنْ، [أَمْ] ونِّي ؤُمِي جِّينْ ذِي إِسْرَائِيل.
1KI 21:22 نشّْ أَذْ أَرّغْ ثَادَّارْثْ نّشْ أَمْ ثَادَّارْثْ ن يَارُوبْعَامْ، مِّيسْ ن نَابَاطْ، ؤُ أَمْ ثَادَّارْثْ ن بَاعْشَا، مِّيسْ ن أَخِييَا، زِي سِّيبّثْ ن وسْعَارْ إِ زِي [ذ أَيِي] ثسْعَارذْ، ؤُ ؤُمِي ثَارِّيذْ إِسْرَائِيل أَذْ إِخْضَا.“
1KI 21:23 إِسِّيوڒْ سِيذِي ؤُڒَا خْ إِزَابَالْ، إِنَّا: ”إِطَانْ أَذْ شّنْ إِزَابَالْ غَارْ ڒْحِيضْ ن زَّاثْ ن يَازْرَاعِيلْ.
1KI 21:24 مَانْ ونْ زِي أَخَابْ إِ غَا إِمُّوثنْ ذِي ثنْذِينْثْ، أَذْ ث شّنْ إِطَانْ ؤُ مَانْ ونْ إِ غَا إِمُّوثنْ ذڭْ إِيَّارْ أَذْ ث شّنْ إِجْضَاضْ ن ؤُجنَّا.“
1KI 21:25 ؤُڒَا ذ إِجّْ وَارْ إِدْجِي [عمَّارْصْ] أَمْ أَخَابْ إِ إِزّنْزنْ إِخفْ نّسْ، حِيمَا أَذْ يڭّْ [مِينْ إِدْجَانْ ذ] أَعفَّانْ ذِي ثِيطَّاوِينْ ن سِيذِي، أَمْ ث ثْعَارّنْ ثمْغَارْثْ نّسْ إِزَابَالْ.
1KI 21:26 نتَّا إِڭَّا مِينْ إِدْجَانْ ذ جّْعِيفشْثْ أَڒْ طَّارْفْ ؤُمِي يَاردّفْ إِميْضَا [ن لْ-أَصْنَامْ نْسنْ] ؤُ [ؤُمِي إِڭَّا] عْلَاحْسَابْ مَارَّا مِينْ إِڭِّينْ إِمُورِييّنْ نِّي ثُوغَا إِسُّوفّغْ سِيذِي زِي ڒْوَارْثْ زَّاثْ إِ وُوذمْ ن أَيْثْ ن إِسْرَائِيل.
1KI 21:27 ؤُمِي إِسْڒَا أَخَابْ أَوَاڒنْ-أَ، إِبْذَا أَذْ إِشَارّڭْ أَرُّوضْ نّسْ، يَارْضْ إِشْثْ ثْخَانْشثْ [ن وشْضَانْ] خْ أَرِّيمثْ نّسْ، إِژُومّْ. عَاوذْ إِطّصْ ذڭْ إِشْثْ ن ثْخَانْشثْ ؤُ يُويُورْ س أَرخْوَانْ.
1KI 21:28 [خنِّي] يُوسَا-د وَاوَاڒْ ن سِيذِي غَارْ إِلِييَا، أَثِيشْبِي، إِنَّا:
1KI 21:29 ”مَا ثژْرِيذْ مَامّشْ إِسّهْوَا أَخَابْ إِخفْ نّسْ زَّاثْ إِ وُوذمْ إِنُو؟ مِينْزِي إِسّهْوَا إِخفْ نّسْ زَّاثْ إِ وُوذمْ إِنُو، نشّْ وَارْ سِّيكّْوِيضغْ ڒْغَارْ ذڭْ وُوسَّانْ نّسْ، مَاشَا ذڭْ وُوسَّانْ ن مِّيسْ أَذْ سِّيوْضغْ ڒْغَارْ خْ ثَادَّارْثْ نّسْ.“
1KI 22:1 ثْڒَاثَا ن إِسڭّْوُوسَا حْضَانْ نِيثْنِي ڒْهُوذْنثْ، وَارْ ذِينْ ثُوغِي أَمنْغِي جَارْ أَرَامْ ذ إِسْرَائِيل.
1KI 22:2 ذڭْ ؤُسڭّْوَاسْ وِيسّْ ثْڒَاثَا، ڒَامِي د-إِهْوَا يَاهُوشَافَاطْ، أَجدْجِيذْ ن يَاهُوذَا، غَارْ ؤُجدْجِيذْ ن إِسْرَائِيل، إِمْسَارْ،
1KI 22:3 أَقَا أَجدْجِيذْ ن إِسْرَائِيل إِنَّا إِ إِمْسخَّارنْ نّسْ: ”مَا ثسّْنمْ أَقَا رَامُوثْ ذِي جِيلْعَاذْ نّغْ؟ مَا إِتّْخصَّا أَنغْ أَذْ نحْضَا ڒْهُوذْنثْ، وَارْ ثنْ نتّكّسْ زڭْ ؤُفُوسْ ن ؤُجدْجِيذْ ن أَرَامْ؟“
1KI 22:4 [خَاسْ ؤُشَا] إِنَّا إِ يَاهُوشَافَاطْ ”زعْمَا أَذْ كِيذِي ثفّْغذْ غَارْ ؤُمنْغِي أَكْ-ذ رَامُوثْ ذِي جِيلْعَاذْ؟“ إِنَّا يَاهُوشَافَاطْ إِ ؤُجدْجِيذْ ن إِسْرَائِيل: ”نشّْ [أَذْ إِڒِيغْ] أَمْ شكْ، ڒْڭنْسْ إِنُو أَمْ ڒْڭنْسْ نّشْ، إِيْسَانْ إِنُو أَمْ ييْسَانْ نّشْ.“
1KI 22:5 إِنَّا يَاهُوشَافَاطْ [عَاوذْ] إِ ؤُجدْجِيذْ ن إِسْرَائِيل: ”سقْسَا عَافَاكْ أَسّْ-أَ خْ وَاوَاڒْ ن سِيذِي.“
1KI 22:6 [خنِّي] إِسّْمُونْ ؤُجدْجِيذْ ن إِسْرَائِيل إِنَابِييّنْ، عْڒَاحَاڒْ أَربْعَا-مْيَا ن يرْيَازنْ، إِنَّا أَسنْ: ”مَا أَذْ فّْغغْ غَارْ ؤُمنْغِي غَارْ رَامُوثْ ذِي جِيلْعَاذْ نِيغْ أَذْ ث جّغْ؟“ نِيثْنِي نَّانْ: ”ڭعّذْ، مَاغَارْ سِيذِي إِنُو أَذْ ثنْ إِوْشْ ذڭْ ؤُفُوسْ ن ؤُجدْجِيذْ.“
1KI 22:7 [مَاشَا] يَاهُوشَافَاطْ إِنَّا: ”مَا وَارْ ذَا شَا إِجّْ ن ؤُنَابِي ن سِيذِي، [مَاحنْذْ أَذْ نْزمَّارْ] أَذْ ث نسّقْسَا نشِّينْ؟“
1KI 22:8 [خنِّي] إِنَّا ؤُجدْجِيذْ ن إِسْرَائِيل إِ يَاهُوشَافَاطْ: ”أَقَا عَاذْ ذَا إِجّْ ن ورْيَازْ إِ زَّايسْ نْزمَّارْ أَذْ نسّقْسَا سِيذِي. مَاشَا نشّْ شَارْهغْ ث، مَاغَارْ نتَّا وَارْ ذ أَيِي إِتّْنبَّاعمَّارْصْ س مِينْ إِصبْحنْ، مَاشَا مْغِيرْ س [مِينْ إِدْجَانْ] ذ أَعفَّانْ. أَقَا-ث ذ مِيخَا-يَاهُو، مِّيسْ ن يِيمْلَا.“ إِنَّا يَاهُوشَافَاطْ: ”وَارْ إِدْجِي أَمُّو إِ غَا إِسِّيوڒْ أَجدْجِيذْ!“
1KI 22:9 [خنِّي] إِڒَاغَا-د ؤُجدْجِيذْ ن إِسْرَائِيل إِ يِيجّْ ن ؤُمْسخَّارْ أَمْشنّعْ، إِنَّا: ”ذغْيَا، أَوِي-د مِيخَا-يَاهُو، مِّيسْ ن يِيمْلَا!“
1KI 22:10 أَجدْجِيذْ ن إِسْرَائِيل ذ يَاهُوشَافَاطْ، أَجدْجِيذْ ن يَاهُوذَا، قِّيمنْ [ذِينْ]، كُوڒْ إِجّْ خْ ڒْعَارْشْ نّسْ، يَارْضنْ س وَارُّوضْ ن إِجدْجِيذنْ خْ وَازَّايْ ن ؤُنذْرَارْ غَارْ ؤُقمُّومْ ن ثوَّارْثْ [ن ثنْذِينْثْ] ن سَامَارْيَا ؤُ مَارَّا إِنَابِييّنْ ثُوغَا تّْنبَّانْ زَّاثْ إِ وُوذمْ نْسنْ.
1KI 22:11 صِيذْقِييَا، مِّيسْ ن كَانْعَانَا، ثُوغَا إِڭَّا إِ إِخفْ نّسْ أَشَّاونْ ن وُوزَّاڒْ، إِنَّا: ”أَمُّو إِ إِنَّا سِيذِي: ’س يِينَا إِ غَا ثسّْنُوقّْبذْ أَيْثْ ن أَرَامْ أَڒْ ثنْ غَا ثقْضِيضْ.‘ “
1KI 22:12 مَارَّا إِنَابِييّنْ ثُوغَا تّْنبَّانْ كِيفْكِيفْ، نَّانْ: ”ڭعّذْ غَارْ رَامُوثْ ذِي جِيلْعَاذْ، أَذْ ثِيڒِيذْ ثْفڒْحذْ، [مِينْزِي] سِيذِي أَذْ ثنْ إِوْشْ ذڭْ ؤُفُوسْ ن ؤُجدْجِيذْ.“
1KI 22:13 أَرقَّاسْ نِّي ثُوغَا إِطّْفنْ [أَبْرِيذْ]، حِيمَا أَذْ إِڒَاغَا إِ مِيخَا-يَاهُو، إِسِّيوڒْ، إِنَّا:”خْزَارْ خنِّي، أَوَاڒنْ ن إِنَابِييّنْ [أَخْمِي د-فّْغنْ] زڭْ إِجّْ ن ؤُقمُّومْ س ڒْخِيرْ غَارْ ؤُجدْجِيذْ. تّْزَاوْڭغْ أَذْ إِڒِينْ وَاوَاڒنْ نّشْ أَمْ وَاوَاڒنْ نْسنْ، سِيوڒْ مِينْ إِصبْحنْ.“
1KI 22:14 [مَاشَا] مِيخَا-يَاهُو إِنَّا: ”[س ثِيذتّْ أَمْ] إِدَّارْ سِيذِي، مِينْ ذ أَيِي غَا يِينِي سِيذِي، أَذْ ث إِنِيغْ.“
1KI 22:15 [ؤُمِي] د-يُوسَا غَارْ ؤُجدْجِيذْ، إِنَّا أَسْ ؤُجدْجِيذْ: ”مِيخَا-يَاهُو، مَا أَذْ نفّغْ نشِّينْ غَارْ رَامُوثْ ذِي جِيلْعَاذْ نِيغْ أَذْ ث نجّْ؟“ إِنَّا أَسْ نتَّا: ”ڭعّذْ، أَذْ ثِيڒِيذْ ثْفڒْحذْ، مِينْزِي سِيذِي أَذْ ثنْ إِوْشْ ذڭْ ؤُفُوسْ ن ؤُجدْجِيذْ.“
1KI 22:16 إِنَّا أَسْ ؤُجدْجِيذْ: ”مشْحَاڒْ ن ثْوَاڒَاوِينْ إِتّْخصَّا أَيِي أَذْ شكْ سّْجَادْجغْ، وَارْ ذ أَيِي ثنِّيذْ مْغِيرْ ثِيذتّْ ذڭْ يِيسمْ ن سِيذِي؟“
1KI 22:17 ؤُشَا نتَّا إِنَّا: ”نشّْ ژْرِيغْ مَارَّا إِسْرَائِيل تّْوَابزّْعنْ خْ إِذُورَارْ أَمْ وُودْجِي وَارْ غَارْسنْ بُو ؤُمكْسَاوْ. إِنَّا سِيذِي: ’إِنَا وَارْ غَارْسنْ بُو إِسِيذِيثنْ، أجّْ [كُوڒْ] أَرْيَازْ أَذْ د-إِذْوڒْ غَارْ ثَادَّارْثْ نّسْ ذِي ڒهْنَا.‘ “
1KI 22:18 [خنِّي] إِنَّا ؤُجدْجِيذْ ن إِسْرَائِيل إِ يَاهُوشَافَاطْ: ”مَا وَارْ ذ أَشْ نِّيغْ: ’نتَّا إِتّْنبَّا خَافِي وَالُو ن مِينْ إِصبْحنْ، مْغِيرْ [مِينْ إِدْجَانْ] ذ أَعفَّانْ؟‘ “
1KI 22:19 [خَاسْ ؤُشَا] إِنَّا وَانِيثَا: ”س ؤُيَا سڒْ إِ وَاوَاڒْ ن سِيذِي. نشّْ ژْرِيغْ سِيذِي إِقِّيمْ خْ ڒْعَارْشْ ذ مَارَّا ڒْعسْكَارْ ن ؤُجنَّا إِبدّْ غَارسْ، غَارْ يفُوسْ نّسْ ؤُ غَارْ ؤُزڒْمَاضْ نّسْ.
1KI 22:20 سِيذِي إِنَّا: ’مَانْ ونْ إِ غَا إِغْوَانْ أَخَابْ أَڒْ غَا إِڭعّذْ، أَذْ إِوْضَا ذِي رَامُوثْ ذِي جِيلْعَاذْ؟‘ وَا إِنَّا أَمُّو ؤُ وِينْ إِنَّا أَمُّو.
1KI 22:21 [خنِّي] إِفّغْ-د إِجّْ ن بُوحْبڒْ، إِبدّْ زَّاثْ إِ وُوذمْ ن سِيذِي، إِنَّا: ’نشّْ أَذْ ث غْوِيغْ.‘ سِيذِي إِسّقْسَا ث: ’س مِينْزِي؟‘
1KI 22:22 نتَّا إِنَّا: ’نشّْ أَذْ فّْغغْ ؤُ أَذْ ذوْڒغْ ذ إِجّْ ن بُوحْبڒْ إِسّْخَارِّيقنْ ذڭْ ؤُقمُّومْ ن مَارَّا إِنَابِييّنْ نّسْ.‘ ؤُ نتَّا إِنَّا: ’أَذْ ثْفڒْحذْ مَاحنْذْ أَذْ ث ثغْوِيذْ. فّغْ، أڭّْ أَمنِّي!‘
1KI 22:23 [خنِّي] ڒخُّو، سِيذِي إِوْشَا إِجّْ ن بُوحْبڒْ إِسّْخَارِّيقنْ ذڭْ ؤُفُوسْ ن مَارَّا إِنَابِييّنْ نْومْ ؤُشَا سِيذِي إِبَارّحْ خَاكْ س ڒْغَارْ.“
1KI 22:24 [خنِّي] إِقَارّبْ-د صِيذْقِييَا، مِّيسْ ن كَانْعَانَا، غَارْ مِيخَا-يَاهُو، إِوْثِي ث غَارْ ؤُغسْمِيرْ، إِنَّا: ”مَانِي [خنِّي] ثُوغَا زَّايِي إِعْذُو أَرُّوحْ ن سِيذِي حِيمَا أَذْ كِيذكْ إِسِّيوڒْ؟“
1KI 22:25 إِنَّا مِيخَا-يَاهُو: ”خْزَارْ، أَذْ ث ثْژَارذْ ذڭْ وَاسّْ نِّي ذِي غَا ثمْهَافذْ زڭْ [إِجّْ ن] وخَّامْ غَارْ وخَّامْ [نّغْنِي]، حِيمَا أَذْ ثسّْنُوفَّارذْ إِخفْ نّشْ.“
1KI 22:26 أَجدْجِيذْ ن إِسْرَائِيل إِنَّا: ”طّْفمْ مِيخَا-يَاهُو، نذْهمْ ث غَارْ أَمُونْ، ڒْحَاكمْ ن ثنْذِينْثْ، ؤُ غَارْ يُووَاشْ، مِّيسْ ن ؤُجدْجِيذْ.
1KI 22:27 أَذْ ثِينِيذْ: ’أَمُّو إِ إِقَّارْ ؤُجدْجِيذْ: نْضَارمْ وَا ذِي ڒحْبسْ ؤُ سشّمْ ث س وغْرُومْ ن ڒحْصَارثْ ؤُ س وَامَانْ ن ڒحْصَارثْ أَڒْ د غَاعقْبغْ ذِي ڒهْنَا.‘ “
1KI 22:28 مِيخَا-يَاهُو إِنَّا: ”مَاڒَا شكْ ثْعقْبذْ-د [س ثِيذتّْ] ذِي ڒهْنَا، أَقَا سِيذِي وَارْ زَّايِي إِسِّيوڒْ!“ نتَّا إِنَّا [عَاوذْ]: ”سْڒمْ، ڒڭْنُوسْ، مَارَّا [كنِّيوْ]!“
1KI 22:29 [خنِّي] إِڭعّذْ ؤُجدْجِيذْ ن إِسْرَائِيل أَكْ-ذ يَاهُوشَافَاطْ، أَجدْجِيذْ ن يَاهُوذَا، غَارْ رَامُوثْ ذِي جِيلْعَاذْ.
1KI 22:30 إِنَّا ؤُجدْجِيذْ ن إِسْرَائِيل إِ يَاهُوشَافَاطْ: ”نشّْ أَذْ بدّْڒغْ أَرُّوضْ، [خنِّي] أَذْ د-فّْغغْ غَارْ ؤُمنْغِي. شكْ [مَاشَا] [ثْزمَّارذْ] أَذْ ثْيَارْضذْ أَرُّوضْ نّشْ!“ أَجدْجِيذْ ن إِسْرَائِيل إِڭَّا أَرُّوضْ وَارْ إِدْجِي نّسْ، إِفّغْ-د غَارْ ؤُمنْغِي.
1KI 22:31 أَجدْجِيذْ ن أَرَامْ ثُوغَا يُومُورْ إِ ڒْقبْطَانَاثْ ن إِكَارُّوثنْ [ن ؤُمنْغِي]، إِنِّي زَّايْسنْ غَارسْ ثْنَاينْ ؤُ-ثْڒَاثِينْ، إِنَّا: ”إِتّْخصَّا أَومْ وَارْ تّْمنْغِيمْ أَكْ-ذ ؤُمقّْرَانْ نِيغْ أَكْ-ذ ؤُمژْيَانْ، مْغِيرْ أَكْ-ذ ؤُجدْجِيذْ ن إِسْرَائِيل!“
1KI 22:32 ؤُمِي ڒْقبْطَانَاثْ ن إِكَارُّوثنْ [ن ؤُمنْغِي] ژْرِينْ يَاهُوشَافَاطْ، إِمْسَارْ، أَقَا نِيثْنِي نَّانْ: ”أَقَا ذ وَا، أَجدْجِيذْ ن إِسْرَائِيل!“ نِيثْنِي ميّْڒنْ خَاسْ حِيمَا أَكِيذسْ مّنْغنْ، مَاشَا يَاهُوشَافَاطْ إِسْغُويْ.
1KI 22:33 ؤُمِي ژْرِينْ ڒْقبْطَانَاثْ ن إِكَارُّوثنْ [ن ؤُمنْغِي]، أَقَا نتَّا ثُوغَا وَارْ إِدْجِي ذ أَجدْجِيذْ ن إِسْرَائِيل، إِمْسَارْ، أَقَا ذوْڒنْ-د، [وَارْ ث أَردّْفنْ عَاذْ].
1KI 22:34 [خنِّي] إِعيّنْ إِجّْ ن ورْيَازْ س ڒْقوْسْ س ڒْبَاڒْ نّسْ ذ أَشمْڒَاڒْ ؤُشَا إِڒْقفْ أَجدْجِيذْ ن إِسْرَائِيل جَارْ وَاوَاضنْ ن وَارُّوضْ ن وُوزَّاڒْ. [ڒخْذنِّي] إِنَّا وَانِيثَا إِ ونِّي إِندّْهنْ أَكَارُّو: ”قْڒبْ أَفُوسْ نّشْ، سُوفّغْ أَيِي زِي ڒْعسْكَارْ، مَاغَارْ إِيْزْمغْ أَطَّاسْ.“
1KI 22:35 ذڭْ وَاسّْ نِّي إِذْوڒْ ؤُمنْغِي يوْعَارْ أَطَّاسْ. إِقِّيمْ ؤُجدْجِيذْ إِبدّْ ذڭْ ؤُكَارُّو [ذڭْ ؤُمنْغِي] أَكْ-ذ أَيْثْ ن أَرَامْ، مَاشَا غَارْ ثْمذِّيثْ إِمُّوثْ. إِذَامّنْ ن ؤُيزِّيمْ ثُوغَا ؤُزّْڒنْ ذڭْ ؤُعذِّيسْ ن ؤُكَارُّو.
1KI 22:36 غَارْ ؤُغدْجَايْ ن ثْفُوشْثْ جِّينْ أَذْ بَارّْحنْ س جّهْذْ ذِي مَارَّا ڒْعسْكَارْ، نَّانْ: ”[كُوڒْ] أَرْيَازْ [أَذْ د-إِعْقبْ] غَارْ ثنْذِينْثْ نّسْ ؤُ [كُوڒْ] أَرْيَازْ غَارْ ثمُّورْثْ نّسْ!“
1KI 22:37 إِمُّوثْ ؤُجدْجِيذْ، إِوْينْ ث غَارْ سَامَارْيَا. نِيثْنِي نضْڒنْ أَجدْجِيذْ ذِي سَامَارْيَا.
1KI 22:38 سِّيرْذنْ أَكَارُّو ذڭْ ؤُيڒْمَامْ ن سَامَارْيَا ؤُشَا ڒسْحنْ إِطَانْ إِذَامّنْ نّسْ، مَانِي ثِيمْغَارِينْ ن فَارْقْ-شّْغڒْ سِّيرْذنْثْ ذَايسْ، عْلَاحْسَابْ أَوَاڒْ ن سِيذِي إِ ثُوغَا إِنَّا.
1KI 22:39 إِمزْرُوينْ إِقِّيمنْ ن أَخَابْ، ذ مَارَّا مِينْ إِڭَّا ذ ثَادَّارْثْ ن ڒْعَاجْ إِ إِبْنَا ذ مَارَّا ثِيندَّامْ إِ إِبْنَا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل؟
1KI 22:40 أَخَابْ إِڭَّا أَذْ يَاريّحْ جَارْ ڒجْذُوذْ نّسْ. مِّيسْ أَخَازْيَا إِذْوڒْ ذ أَجدْجِيذْ ذڭْ ومْشَانْ نّسْ.
1KI 22:41 يَاهُوشَافَاطْ، مِّيسْ ن أَسَا، إِذْوڒْ ذ أَجدْجِيذْ خْ إِسْرَائِيل، ذڭْ ؤُسڭّْوَاسْ وِيسّْ أَربْعَا ن أَخَابْ، أَجدْجِيذْ ن إِسْرَائِيل.
1KI 22:42 يَاهُوشَافَاطْ [ثُوغَا] غَارسْ خمْسَا ؤُ-ثْڒَاثِينْ ن إِسڭّْوُوسَا، ؤُمِي إِذْوڒْ ذ أَجدْجِيذْ. نتَّا إِحْكمْ خمْسَا ؤُ-عِيشْرِينْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ أَزُوبَا، يدْجِيسْ ن شَالْخِي.
1KI 22:43 نتَّا يُويُورْ ذِي مَارَّا ثِيبْرِيذِينْ ن بَابَاسْ أَسَا، وَارْ خَاسنْثْ إِحيّذْ شَا. نتَّا إِڭَّا [مِينْ إِدْجَانْ] نِيشَانْ ذِي ثِيطَّاوِينْ ن سِيذِي.
1KI 22:44 ڒڭْعُوذِي وَارْ تّْوَاكّْسنْثْ. ڒْڭنْسْ يِيوِي عَاذْ ثِيغَارْصَا ذ ثوْهِيبِينْ ن ڒبْخُورْ خْ ڒڭْعُوذِي.
1KI 22:45 يَاهُوشَافَاطْ إِحْضَا خْ ڒهْنَا أَكْ-ذ ؤُجدْجِيذْ ن إِسْرَائِيل.
1KI 22:46 إِمزْرُوينْ إِقِّيمنْ ن يَاهُوشَافَاطْ، ذ ثْمڭَّا نّسْ إِمحْضنْ إِ إِڭَّا ذ مَامّشْ إِمّْنغْ، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟
1KI 22:47 نتَّا إِمْحَا إِمثْليّنْ إِقِّيمنْ زِي ثمُّورْثْ، إِنِّي ثُوغَا إِقِّيمنْ زڭْ وُوسَّانْ ن بَابَاسْ أَسَا.
1KI 22:48 ذِي إِذُومْ وَارْ ثُوغِي [ذِينْ] شَا ن ؤُجدْجِيذْ، [مَاشَا] إِجّْ ن لْوَالِي ن ؤُجدْجِيذْ.
1KI 22:49 يَاهُوشَافَاطْ إِڭَّا إِغَارُّوبَا ن ثَارْشِيشْ، حِيمَا أَذْ نذْهنْ غَارْ ؤُفِيرْ أَذْ أَوْينْ ؤُرغْ. [مَاشَا] وَارْ د-فِّيغنْ شَا، مَاغَارْ إِغَارُّوبَا أَرْژِينْ غَارْ عِيصْيُونْ-جَابَارْ.
1KI 22:50 خنِّي إِنَّا أَخَازْيَا، مِّيسْ ن أَخَابْ، إِ يَاهُوشَافَاطْ: ”أجّْ إِمْسخَّارنْ إِنُو أَذْ نذْهنْ أَكْ-ذ إِمْسخَّارنْ نّشْ خْ إِغَارُّوبَا!“، [مَاشَا] يَاهُوشَافَاطْ يُوڭِي.
1KI 22:51 يَاهُوشَافَاطْ إِڭَّا أَذْ يَاريّحْ جَارْ ڒجْذُوذْ نّسْ. نتَّا إِتّْوَانْضڒْ جَارْ ڒجْذُوذْ نّسْ ذِي ثنْذِينْثْ ن بَابَاسْ ذَاوُوذْ. مِّيسْ يَاهُورَامْ إِذْوڒْ ذ أَجدْجِيذْ ذڭْ ومْشَانْ نّسْ.
1KI 22:52 أَخَازْيَا، مِّيسْ ن أَخَابْ، إِذْوڒْ ذ أَجدْجِيذْ خْ إِسْرَائِيل ذِي سَامَارْيَا، ذڭْ ؤُسڭّْوَاسْ وِيسّْ سْبعْطَاشْ ن يَاهُوشَافَاطْ، أَجدْجِيذْ ن يَاهُوذَا. نتَّا إِحْكمْ ثْنَاينْ ن إِسڭّْوُوسَا خْ إِسْرَائِيل.
1KI 22:53 نتَّا إِڭَّا [مِينْ إِدْجَانْ ذ] أَعفَّانْ ذِي ثِيطَّاوِينْ ن سِيذِي. نتَّا يُويُورْ خْ وبْرِيذْ ن بَابَاسْ ؤُ خْ وبْرِيذْ ن يمَّاسْ ؤُ خْ وبْرِيذْ ن يَارُوبْعَامْ، مِّيسْ ن نَابَاطْ، ونِّي يَارِّينْ إِسْرَائِيل أَذْ إِخْضَا.
1KI 22:54 نتَّا إِعْبذْ بَاعْلْ، إِبنْذقْ أَسْ. نتَّا إِسْعَارْ سِيذِي، أَربِّي ن إِسْرَائِيل، س مَارَّا مِينْ ثُوغَا إِڭَّا بَابَاسْ.
2KI 1:1 أَوَارْنِي ڒْموْثْ ن أَخَابْ إِغوّغْ مُوآبَ خْ إِسْرَائِيل.
2KI 1:2 إِوْضَا-د أَخَازْيَا س ثْرَاشَّا ن ڒْكَازِي ن ثْغُورْفثْ نّسْ ذِي سَامَارْيَا ؤُشَا إِهْڒشْ. نتَّا إِسّكّْ إِرقَّاسنْ إِنَّا أَسنْ: ”رُوحمْ غَارْ بَاعَالْ-زابُوبْ، أَربِّي نْ عَاقْرُونْ، مَاحنْذْ أَذْ ثسّقْسَامْ مَا وَارْ ذ أَيِي إِنقّْ ڒهْڒَاشْ-أَ.“
2KI 1:3 مَاشَا لْمَالَاكْ ن سِيذِي إِسِّيوڒْ-د غَارْ إِلِيشَاعْ، أَثِيشْبِي: ”كَّارْ، ڭعّذْ، ڒْقَا إِرقَّاسنْ ن ؤُجدْجِيذْ ن سَامَارْيَا ؤُ سِيوڒْ أَكِيذْسنْ: ’مَا س ثِيذتّْ وَارْ ذِينْ أَربِّي ذِي إِسْرَائِيل، أَڒَامِي كنِّيوْ ثُويُورمْ، حِيمَا أَذْ ثسّقْسَامْ بَاعَالْ-زابُوبْ، أَربِّي ن عَاقْرُونْ؟‘
2KI 1:4 س ؤُيَا، أَمُّو إِ إِقَّارْ سِيذِي: ’وَارْ د-ثْهكّْوِيذْ شَا زِي ثَاسُّوثْ إِ خْ ثْڭعّْذذْ، مَاشَا أَذْ ثمّْثذْ ڒْموْثْ.‘ “ ؤُشَا [خنِّي] إِفّغْ إِلِييَا.
2KI 1:5 [ڒَْامِي] د -عقْبنْ إِرقَّاسنْ غَارْ [أَخَازِييَا]، إِنَّا أَسنْ إِ نِيثْنِي: ”مِينْ [إِخْسْ أَذْ يِينِي] مَانْ أَيَا، [ڒَْامِي] د-ثْعقْبمْ عَاوذْ [ذغْيَا]؟“
2KI 1:6 نِيثْنِي أَرِّينْ-د خَاسْ: ”إِجّْ ن ورْيَازْ إِمْسَاڭَارْ أَكِيذْنغْ، إِنَّا أَنغْ: ’عقْبمْ غَارْ ؤُجدْجِيذْ ونِّي كنِّيوْ د-إِسّكّنْ، أَذْ أَسْ ثِينِيمْ: أَمُّو إِ إِسِّيوڒْ سِيذِي، مَا س ثِيذتّْ وَارْ غَارْومْ زعْمَا أَربِّي ذِي إِسْرَائِيل أَڒَامِي ثسّكّذْ، حِيمَا أَذْ ثسّقْسِيذْ بَاعَالْ-زابُوبْ، أَربِّي نْ عَاقْرُونْ؟ س ؤُيَا وَارْ د-ثْهكّْوِيذْ شَا زِي ثَاسُّوثْ إِ خْ ثْڭعّْذذْ، مَاشَا أَذْ ثمّْثذْ ڒْموْثْ.‘ “
2KI 1:7 نتَّا إِسِّيوڒْ أَكِيذْسنْ: ”مَامّشْ إِڭَّا وَادُّوذْ ن ورْيَازْ نِّي كِيذْومْ إِمْسَاڭَارنْ ؤُ إِسِّيوڒْ أَكِيذْومْ أَوَاڒنْ-أَ؟“
2KI 1:8 نِيثْنِي أَرِّينْ-د خَاسْ: ”نتَّا ذ إِجّْ ن ورْيَازْ غَارسْ [إِجّْ ن ؤُپَارْثسُّو ن] ؤُشُوَّافْ، غَارسْ إِجّْ ن وبْيَاسْ ن شَّارْكْ خْ ثجْعِينَّا نّسْ.“ [خنِّي] إِنَّا نتَّا: ”وَا ذ إِلِييَا، أَثِيشْبِي.“
2KI 1:9 نتَّا إِسّكّْ إِجّْ ن ؤُمقّْرَانْ ن خمْسِينْ أَكْ-ذ خمْسِينْ [ن يرْيَازنْ] نّسْ غَارسْ. وَانِيثَا إِڭعّذْ غَارسْ، ؤُ خْزَارْ، إِلِييَا ثُوغَا إِتّْغِيمَا خْ ثْقِيشَّاثْ ن وذْرَارْ. ؤُ نتَّا إِسِّيوڒْ غَارسْ: ”[شكْ،] أَرْيَازْ ن أَربِّي، أَجدْجِيذْ إِنَّا أَشْ: ’هْوَا-د!‘ “
2KI 1:10 إِلِييَا يَارَّا-د، إِنَّا إِ ؤُمقّْرَانْ ن خمْسِينْ: ”مَاڒَا نشّْ أَقَا ذ أَرْيَازْ ن أَربِّي، أجّْ أَذْ ثوْضَا ثْمسِّي زڭْ ؤُجنَّا، أَذْ شكْ ثشّْ، شكْ ذ خمْسِينْ [ن يرْيَازنْ] نّشْ.“ [ڒخْذنِّي] ثوْضَا-د ثْمسِّي زڭْ ؤُجنَّا، ثشَّا إِ-ث نتَّا ذ خمْسِينْ [ن يرْيَازنْ] نّسْ.
2KI 1:11 خَاسْ ؤُشَا إِسّكّْ غَارسْ عَاوذْ إِجّْ ن ؤُمقّْرَانْ نّغْنِي ن خمْسِينْ أَكْ-ذ خمْسِينْ [ن يرْيَازنْ] نّسْ. وَانِيثَا إِطّفْ ذڭْ وَاوَاڒْ، إِنَّا أَسْ: ”شكْ، [أَ] أَرْيَازْ ن أَربِّي، أَمُّو إِ إِقَّارْ ؤُجدْجِيذْ: ’هْوَا-د ذغْيَا!‘ “
2KI 1:12 إِلِييَا يَارَّا-د ؤُشَا إِنَّا أَسنْ: ”مَاڒَا نشّْ ذ أَرْيَازْ ن أَربِّي، أَمُّو إِ د غَا ثوْضَا ثْمسِّي زڭْ ؤُجنَّا، أَذْ شكْ ثشّْ ذ يرْيَازنْ نّشْ،“ [ڒخْذنِّي] ثوْضَا-د ثْمسِّي زڭْ ؤُجنَّا، ثشَّا إِ-ث نتَّا ذ خمْسِينْ [ن يرْيَازنْ] نّسْ.
2KI 1:13 إِسّكّْ عَاوذْ إِجّْ ن ؤُمقّْرَانْ ن خمْسِينْ إِ ثْوَاڒَا وِيسّْ ثْڒَاثَا، أَكْ-ذ خمْسِينْ [ن يرْيَازنْ] نّسْ. [ؤُمِي] إِڭعّذْ ؤُمقّْرَانْ ن خمْسِينْ وِيسّْ ثْڒَاثَا ؤُشَا يِيوضْ [غَارسْ]، يُوضَارْ نتَّا خْ إِفَادّنْ نّسْ زَّاثْ إِ إِلِييَا ؤُشَا إِحشّمْ إِ-ث، إِنَّا أَسْ: ”[أَ] أَرْيَازْ ن أَربِّي، أجّْ أَذْ ثسْوَا ثُوذَارْثْ إِنُو ذ ثُوذَارْثْ ن إِمْسخَّارنْ نّشْ، ن خمْسِينْ [ن يرْيَازنْ-أَ]، ذِي ثِيطَّاوِينْ نّشْ.
2KI 1:14 خْزَارْ، ثِيمسِّي ثوْضَا-د زڭْ ؤُجنَّا، ثشَّا ثْنَاينْ ن إِمقّْرَاننْ ن خمْسِينْ أَكْ-ذ خمْسِينْ [ن يرْيَازنْ] نْسنْ. أجّْ أَذْ ثسْوَا ڒخُّو ثُوذَارْثْ إِنُو ذِي ثِيطَّاوِينْ نّشْ!“
2KI 1:15 ؤُشَا إِنَّا لْمَالَاكْ ن سِيذِي إِ إِلِييَا: ”هْوَا أَكِيذسْ، وَارْ تّڭّْوذْ شَا زَّاثْ إِ وُوذمْ نّسْ!“ إِكَّارْ نتَّا، إِهْوَا أَكِيذسْ غَارْ ؤُجدْجِيذْ.
2KI 1:16 [خَاسْ ؤُشَا] إِسِّيوڒْ أَكْ-ذ ؤُجدْجِيذْ: ”أَمُّو إِ إِقَّارْ سِيذِي: ’مَاغَارْ شكْ ثسّكّذْ إِرقَّاسنْ نّشْ، حِيمَا أَذْ سّقْسَانْ بَاعَالْ-زابُولْ، أَربِّي ن عَاقْرُونْ، أَخْمِي وَارْ ذِينْ إِدْجِي س ثِيذتّْ أَربِّي ذِي إِسْرَائِيل، حِيمَا أَذْ [ث] ثسّقْسِيذْ خْ وَاوَاڒْ نّسْ، س ؤُيَا وَارْ د-ثْهكّْوِيذْ شَا زِي ثَاسُّوثْ إِ خْ ثْڭعّْذذْ، مَاشَا أَذْ ثمّْثذْ ڒْموْثْ.‘ “
2KI 1:17 [أَمُّو] إِ إِمُّوثْ عْلَاحْسَابْ أَوَاڒْ ن سِيذِي إِ ثُوغَا إِسِّيوڒْ إِلِييَا. مَاغَارْ نتَّا ثُوغَا وَارْ غَارسْ بُو مِّيسْ، إِذْوڒْ يُورَامْ ذ أَجدْجِيذْ ذڭْ ومْشَانْ نّسْ ذڭْ ؤُسڭّْوَاسْ وِيسّْ ثْنَاينْ ن يَاهُورَامْ، مِّيسْ ن يَاهُوشَافَاطْ، أَجدْجِيذْ ن يَاهُوذَا.
2KI 1:18 إِمزْرُوينْ إِقِّيمنْ ن أَخَازْيَا، ذ مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل؟
2KI 2:1 إِمْسَارْ غَارْ ثْمكْسِيثْ ن إِلِييَا س [ؤُفُوسْ ن] سِيذِي ذڭْ إِشْثْ ن ثْحَارْيَاضْثْ غَارْ ؤُجنَّا، أَقَا إِفّغْ إِلِييَا أَكْ-ذ إِلِيشَاعْ زِي جِيلْجَالْ.
2KI 2:2 إِنَّا إِلِييَا إِ إِلِيشَاعْ: ”قِّيمْ ذَا، مَاغَارْ سِيذِي إِسّكّْ أَيِي غَارْ بَايْثْ-إِلْ.“ [مَاشَا] إِلِيشَاعْ إِنَّا:”س ثِيذتّْ أَمْ إِدَّارْ سِيذِي ؤُ إِدَّارْ ڒعْمَارْ نّشْ، نشّْ وَارْ شكْ تّجِّيغْ.“ [أَمُّو إِ] هْوَانْ نِيثْنِي [س ثْنَاينْ] غَارْ بَايْثْ-إِلْ.
2KI 2:3 فّْغنْ-د أَيْثْ ن إِنَابِييّنْ، إِنِّي [ثُوغَا إِدْجَانْ] ذِي بَايْثْ-إِلْ، غَارْ إِلِيشَاعْ، نَّانْ أَسْ: ”مَا ثسّْنذْ، أَقَا سِيذِي أَسّْ-أَ أَذْ إِكّسْ بَابْ نّشْ ثِيوَا إِ ؤُزدْجِيفْ نّشْ؟“ نتَّا يَارَّا-د: ”ؤُڒَا ذ نشّْ أَقَا سّْنغْ ث. سْقَارمْ!“
2KI 2:4 إِلِييَا إِنَّا أَسْ: ”قِّيمْ ذَا، إِلِيشَاعْ، مَاغَارْ سِيذِي إِسّكّْ أَيِي غَارْ أَرِيحَا.“ مَاشَا نتَّا إِنَّا: ”س ثِيذتّْ أَمْ إِدَّارْ سِيذِي ؤُ إِدَّارْ ڒعْمَارْ نّشْ، نشّْ وَارْ شكْ تّجِّيغْ شَا!“ [أَمُّو] د-ؤُسِينْ نِيثْنِي غَارْ أَرِيحَا.
2KI 2:5 [خنِّي] ؤُسِينْ-د أَيْثْ ن إِنَابِييّنْ نِّي [إِدْجَانْ] ذِي أَرِيحَا غَارْ إِلِيشَاعْ، نَّانْ أَسْ: ”مَا ثسّْنذْ، أَقَا سِيذِي أَسّْ-أَ أَذْ إِكّسْ بَابْ نّشْ ثِيوَا إِ ؤُزدْجِيفْ نّشْ؟“ نتَّا يَارَّا-د: ”ؤُڒَا ذ نشّْ أَقَا سّْنغْ ث. سْقَارمْ!“
2KI 2:6 إِلِييَا مَاشَا إِنَّا أَسْ: ”قِّيمْ ذَا، مَاغَارْ سِيذِي إِسّكّْ أَيِي غَارْ لْ-ؤُرْذُونْ.“ [مَاشَا] نتَّا إِنَّا: ”س ثِيذتّْ أَمْ إِدَّارْ سِيذِي ؤُ أَمْ إِدَّارْ ڒعْمَارْ إِنُو، نشّْ وَارْ شكْ تّجِّيغْ شَا!“ ؤُشَا نِيثْنِي ؤُيُورنْ س ثْنَاينْ إِذْسنْ.
2KI 2:7 ؤُڒَا ذ خمْسِينْ ن يرْيَازنْ زڭْ أَيْثْ ن إِنَابِييّنْ ؤُيُورنْ، قِّيمنْ بدّنْ أَرنْذَاذْ نْسنْ غَارْ ڒَاڭّْوَاجْ، أَمْ بدّنْ نِيثْنِي س ثْنَاينْ إِذْسنْ غَارْ لْ-ؤُرْذُونْ.
2KI 2:8 [خنِّي] إِكْسِي إِلِييَا أَسڒْهَامْ نّسْ، إِسُّونّضْ إِ-ث ؤُشَا إِوْثَا زَّايسْ خْ وَامَانْ نِّي تّْوَابْضَانْ خْ ثْنَاينْ ن إِغزْذِيسنْ ؤُ نِيثْنِي ژْوَانْ س ثْنَاينْ إِذْسنْ خْ ڒَاژَاغْ.
2KI 2:9 ڒَامِي ژْوَانْ نِيثْنِي، إِمْسَارْ، أَقَا إِلِييَا إِنَّا إِ إِلِيشَاعْ: ”تَّارْ إِشْثْ ن ڒْحَاجّثْ إِ ذ أَشْ غَا ڭّغْ، قْبڒْ مَّا خَاكْ إِ غَا مّكْسِيغْ!“ إِلِيشَاعْ يَارَّا-د: ”إِڒِي أَذْ خَافِي د-هْوَانْثْ ثْنَاينْ ن ثْسقَّارْ ن بُوحْبڒْ نّشْ!“
2KI 2:10 إِلِييَا إِنَّا: ”شكْ ثتَّارذْ إِشْثْ ن ثْمسْڒَاشْثْ ثوْعَارْ. مَاڒَا شكْ ثژْرِيذْ أَيِي ڒَامِي خَاكْ إِ غَا مّكْسِيغْ، أَذْ أَشْ إِمْسَارْ أَمُّو، مَاشَا مَاڒَا وَارْ إِدْجِي أَمنِّي، وَارْ إِتّمْسَارْ شَا.“
2KI 2:11 ؤُشَا إِمْسَارْ أَمْ نِيثْنِي ڭُّورنْ ؤُ سَّاوَاڒنْ أَكْ-ذ وَايَاوْيَا، خْزَارْ، أَقَا ذِينْ إِشْثْ ن ثْكَارُّوثْ ن ثْمسِّي أَكْ-ذ إِيْسَانْ ن ثْمسِّي ثنِّي ثبْضَا إِ-ثنْ إِجّْ خْ ونّغْنِي. [أَمُّو] إِڭعّذْ إِلِييَا ذِي ثْحَارْيَاضْثْ غَارْ ؤُجنَّا.
2KI 2:12 إِلِيشَاعْ إِژْرَا ؤُشَا إِڒَاغَا خَاسْ: ”[أَ] بَابَا، [أَ] بَابَا! أَكَارُّو [ن ؤُمنْغِي] ن إِسْرَائِيل ذ إِمْنَاينْ نّسْ!“ [خنِّي] نتَّا وَارْ ث إِثْوِيڒِي عَاذْ ؤُشَا إِكْسِي أَرُّوضْ نّسْ، إِشَارّڭْ إِ-ث خْ ثْنَاينْ.
2KI 2:13 خنِّي إِسّْمُونْ-د أَسڒْهَامْ إِ د-يوْضَانْ زَّايسْ نتَّا ؤُشَا إِعْقبْ، إِبدّْ غَارْ ثْمَا ن لْ-ؤُرْذُونْ.
2KI 2:14 نتَّا إِكْسِي أَسڒْهَامْ ن إِلِييَا إِ د-يوْضَانْ زَّايسْ نتَّا، إِوْثَا زَّايسْ خْ وَامَانْ، إِنَّا: ”مَانِي إِدْجَا سِيذِي أَربِّي ن إِلِييَا؟ وَاهْ، نتَّا!“ ؤُشَا نتَّا إِوْثَا خْ وَامَانْ ؤُشَا مّْسبْضَانْ نِيثْنِي خْ ثْنَاينْ ن إِغزْذِيسنْ ؤُشَا إِژْوَا إِلِيشَاعْ.
2KI 2:15 [ؤُمِي] أَيْثْ ن إِنَابِييّنْ نِّي [ذِينْ] إِبدّنْ أَرنْذَاذْ ن أَرِيحَا، ژْرِينْ ث، نَّانْ: ”بُوحْبڒْ نْ إِلِييَا يَارْسَا خْ إِلِيشَاعْ.“ نِيثْنِي ؤُسِينْ-د غَارسْ ؤُشَا ؤُضَارنْ زَّاثسْ [س ؤُغمْبُوبْ نْسنْ] غَارْ ثمُّورْثْ.
2KI 2:16 نِيثْنِي نَّانْ أَسْ: ”خْزَارْ خنِّي، جَارْ إِمْسخَّارنْ نّشْ [أَقَا ذِينْ] خمْسِينْ ن يرْيَازنْ، أَيْثْ ن ؤُمنْغِي. أجّْ إِ-ثنْ أَذْ ؤُيُورنْ، أَذْ أَرْزُونْ خْ سِيذِي نّشْ، أَذْ ثَاغْ سِيذِي إِكْسِي ث ؤُشَا إِنْضَارْ إِ-ث خْ إِجّْ ن وذْرَارْ نِيغْ ذڭْ إِشْثْ زِي ثغْزُورِينْ.“ [مَاشَا] نتَّا إِنَّا: ”وَارْ سكِّيمْ ؤُڒَا ذ إِجّْ!“
2KI 2:17 ؤُمِي خَاسْعمّْذنْ نِيثْنِي أَڒَامِي ذ أَسْ إِودَّارْ مِينْ غَا يڭّْ، إِنَّا: ”[إِوَا] سكّمْ [ثنْ ذِينْ]!“ نِيثْنِي سّكّنْ خمْسِينْ ن يرْيَازنْ ذ إِنَا أَرْزُونْ ثْڒَاثَا ن وُوسَّانْ، مَاشَا نِيثْنِي وَارْ ث ؤُفِينْ.
2KI 2:18 ؤُشَاعقْبنْ-د نِيثْنِي غَارسْ، مِينْزِي ثُوغَا إِقِّيمْ ذِي أَرِيحَا. نتَّا إِنَّا أَسنْ: ”مَا وَارْ ذ أَومْ نِّيغْ: ’وَارْ تّْرِيحمْ شَا‘؟“
2KI 2:19 إِرْيَازنْ ن ثنْذِينْثْ نَّانْ إِ إِلِيشَاعْ: ”خْزَارْ خنِّي، أَدُّوذْ ن ثنْذِينْثْ مْلِيحْ، أَمْ مَامّشْ إِتّْوَاڒَا سِيذِي إِنُو سِيمَانْثْ نّسْ، مَاشَا أَمَانْ وَارْ إِحْڒِينْ ؤُ ثَامُّورْثْ ثِيوِي-د أَڭْرَايْ.“
2KI 2:20 نتَّا إِنَّا: ”أَوْيمْ أَيِي-د إِجّْ ن طّبْسِي ذ أَمَايْنُو ؤُ ڭّمْ ذَايسْ ثَامدْجَاحْثْ!“ ؤُشَا نِيثْنِي إِوْينْ أَسْ ث-إِ-د.
2KI 2:21 [خنِّي] إِفّغْ [زِي ثنْذِينْثْ] غَارْ ثَاڒَا ن وَامَانْ ؤُشَا إِنْضَارْ ذَايسْ ثَامدْجَاحْثْ نِّي، إِنَّا: ”أَمُّو إِ إِقَّارْ سِيذِي: ’نشّْ أَرِّيغْ أَمَانْ-أَ صبْحنْ. وَارْ د-تِّيوْينْ ڒْموْثْ نِيغْ ذ أَڭْرَايْ عَاذْ.‘ “
2KI 2:22 أَمَانْ ذوْڒنْ صبْحنْ عَاوذْ أَڒْ أَسّْ-أَ عْلَاحْسَابْ أَوَاڒْ ن إِلِيشَاعْ إِ إِسِّيوڒْ.
2KI 2:23 سّنِّي إِڭعّذْ غَارْ بَايْثْ-إِلْ. [أَمْ] إِتّْڭعّذْ أَبْرِيذْ، فّْغنْ-د إِحُوذْرِييّنْ زِي ثنْذِينْثْ، إِنِّي ث إِكّْوَارنْ، نَّانْ أَسْ: ”أَقشَّارْ، ڭعّذْ! أَقشَّارْ، ڭعّذْ!“
2KI 2:24 نتَّا إِنّقْڒبْ-د أَوَارْنِي أَسْ، إِخْزَارْ ذَايْسنْ ؤُشَا إِخْزَا إِ-ثنْ ذڭْ يِيسمْ ن سِيذِي. ڒخْذنِّي ؤُسِينْ-د ثْنَاينْ ن دُّوبَاثْ زڭْ وزْغَارْ ؤُ مزّْقنْ ثْنَاينْ-ؤُ-ربْعِينْ ن إِحُوذْرِييّنْ.
2KI 2:25 سّنِّي يُويُورْ نتَّا غَارْ وذْرَارْ ن كَارْمِيلْ ؤُشَا سّنِّي إِعْقبْ غَارْ سَامَارْيَا.
2KI 3:1 ذڭْ ؤُسڭّْوَاسْ وِيسّْ ثْمنْطَاشْ ن يَاهُوشَافَاطْ، أَجدْجِيذْ ن يَاهُوذَا، إِذْوڒْ يُورَامْ، مِّيسْ ن أَخَابْ، ذ أَجدْجِيذْ خْ إِسْرَائِيل ذِي سَامَارْيَا. نتَّا إِحْكمْ ثنْعَاشْ ن إِسڭّْوُوسَا.
2KI 3:2 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، مَاشَا وَارْ [ث إِڭِّي] أَمُّو [ذ ثَاعفَّانْثْ] أَمْ بَابَاسْ ذ يمَّاسْ، مَاغَارْ إِكّسْ أَمَايْضُو [إِقدّْسنْ] ن بَاعَالْ ونِّي إِڭَّا بَابَاسْ.
2KI 3:3 مَاشَا نتَّا إِقِّيمْ إِمنّعْ ذِي دّْنُوبْ ن يَارُوبْعَامْ، مِّيسْ ن نَابَاطْ، ونِّي يَارِّينْ إِسْرَائِيل أَذْ إِخْضَا. نتَّا وَارْ إِحيّذْ خْ دّْنُوبْ ن يَارُوبْعَامْ.
2KI 3:4 مِيشَاعْ، أَجدْجِيذْ ن مُوآبَ، ثُوغَا ذ أَمكْسَاوْ ؤُ ثُوغَا إِتِّيشْ إِ ؤُجدْجِيذْ ن إِسْرَائِيل مْيَاثْ-أَڒفْ ن إِزْمَارنْ ذ ثَاضُوفْثْ ن مْيَاثْ-أَڒفْ ن إِشَارِّييّنْ.
2KI 3:5 ڒَامِي إِمُّوثْ أَخَابْ، إِمْسَارْ، أَقَا إِغوّغْ ؤُجدْجِيذْ ن مُوآبَ خْ ؤُجدْجِيذْ ن إِسْرَائِيل.
2KI 3:6 ذڭْ وَاسّْ نِّي إِفّغْ-د ؤُجدْجِيذْ يُورَامْ زِي سَامَارْيَا ؤُشَا إِسدّْ مَارَّا إِسْرَائِيل.
2KI 3:7 إِطّفْ أَبْرِيذْ ؤُشَا إِسّكّْ [إِجّْ ن ؤُرقَّاسْ] غَارْ يَاهُوشَافَاطْ، أَجدْجِيذْ ن يَاهُوذَا، إِنَّا: ”أَجدْجِيذْ ن مُوآبَ إِغوّغْ خَافِي. مَا شكْ أَذْ كِيذِي ثفّْغذْ ذڭْ ؤُمنْغِي أَكْ-ذ مُوآبَ؟“ نتَّا إِنَّا: ”نشّْ أَذْ فّْغغْ أَكِيذكْ. نشّْ أَذْ إِڒِيغْ أَمْ شكْ، ڒْڭنْسْ إِنُو أَمْ ڒْڭنْسْ نّشْ ذ إِيْسَانْ إِنُو أَمْ يِييْسَانْ نّشْ.“
2KI 3:8 إِنَّا: ”خْ مَانْ أَبْرِيذْ إِ غَا نْڭعّذْ؟“ نتَّا إِنَّا: ”خْ وبْرِيذْ ن ڒخْڒَا ن إِذُومْ.“
2KI 3:9 [ڒخْذنِّي] يُويُورْ ؤُجدْجِيذْ ن إِسْرَائِيل ذ ؤُجدْجِيذْ ن يَاهُوذَا ذ ؤُجدْجِيذْ ن إِذُومْ. نِيثْنِي نّْضنْ إِجّْ ن وبْرِيذْ ن سبْعَا ن وُوسَّانْ ؤُشَا وَارْ ثُوغِي ذِينْ أَمَانْ إِ ڒْعسْكَارْ ؤُ إِ ڒبْهَايمْ نِّي ثنْ إِضْفَارنْ.
2KI 3:10 [خنِّي] إِنَّا ؤُجدْجِيذْ ن إِسْرَائِيل: ”أَخيّبْ إِ نشِّينْ ؤُمِي د-إِڒَاغَا سِيذِي ثْڒَاثَا ن إِجدْجِيذنْ-أَ، حِيمَا أَذْ ثنْ إِوْشْ ذڭْ ؤُفُوسْ ن مُوآبَ!“
2KI 3:11 ؤُشَا يَاهُوشَافَاطْ إِنَّا: ”مَا وَارْ ذَا إِدْجِي إِجّْ ن ؤُنَابِي ن سِيذِي، ونِّي إِ زِي غَا نسّقْسَا سِيذِي؟“ [خنِّي] يَارَّا-د إِجّنْ زڭْ إِمْسخَّارنْ ن ؤُجدْجِيذْ ن إِسْرَائِيل، إِنَّا: ”إِلِيشَاعْ، مِّيسْ ن شَافَاثْ، ونِّي إِزدْجْعنْ أَمَانْ خْ إِفَاسّنْ ن إِلِييَا، أَقَا-ث ذَانِيثَا!“
2KI 3:12 ؤُشَا إِنَّا يَاهُوشَافَاطْ: ”غَارسْ نتَّا أَوَاڒْ ن سِيذِي.“ ؤُشَا أَجدْجِيذْ ن إِسْرَائِيل ذ يَاهُوشَافَاطْ ذ ؤُجدْجِيذْ ن إِذُومْ هْوَانْ-د غَارسْ.
2KI 3:13 إِلِيشَاعْ إِنَّا إِ ؤُجدْجِيذْ ن إِسْرَائِيل: ”مِينْ ذِينِّي جَارْ أَيِي-د ذ شكْ؟ ؤُيُورْ غَارْ إِنَابِييّنْ ن بَابَاشْ ؤُ غَارْ إِنَابِييّنْ ن يمَّاشْ!“ مَاشَا أَجدْجِيذْ ن إِسْرَائِيل يَارَّا-د خَاسْ: ”لَّ، مَاغَارْ سِيذِي إِڒَاغَا-د إِ ثْڒَاثَا-يَا ن إِجدْجِيذنْ [غَارْ ذَا]، حِيمَا أَذْ ثنْ إِوْشْ ذڭْ ؤُفُوسْ ن مُوآبَ.“
2KI 3:14 إِلِيشَاعْ يَارَّا-د خَاسْ: ”[س ثِيذتّْ أَمْ] إِدَّارْ سِيذِي ن ڒْعسْكَارَاثْ نِّي ؤُمِي بدّغْ زَّاثْ إِ وُوذمْ نّسْ، مْڒِي نشّْ وَارْ غَارِي بُو ؤُوقَّارْ إِ يَاهُوشَافَاطْ، أَجدْجِيذْ ن يَاهُوذَا، أَذْ يِيڒِي نشّْ وَارْ شكْ حسّْبغْ ؤُ وَارْ ذَايكْ خزَّارغْ!
2KI 3:15 [خنِّي] ڒخُّو، أَوِي أَيِي-د إِجّْ إِشَّاثْ خْ إِفِيڒَانْ. ڒَامِي ثُوغَا إِتِّيرَارْ ونِّي إِشَّاثنْ خْ إِفِيڒَانْ، إِمْسَارْ أَقَا أَفُوسْ ن سِيذِي يَارْسَا خَاسْ.
2KI 3:16 إِنَّا نتَّا: ”أَمُّو إِ إِقَّارْ سِيذِي: ’ڭّمْ ذِي ثغْزُورْثْ-أَ ثَاڒْيِيوِينْ ذ ثڒْيِيوِينْ [كْثَارْ]!‘
2KI 3:17 مَاغَارْ أَمُّو إِ إِقَّارْ سِيذِي: ’كنِّيوْ وَارْ ثْژَارّمْ أَسمِّيضْ ؤُڒَا ذ أَنْژَارْ، [مَاشَا وَاخَّا أَمنِّي] ثَاغْزُورْثْ-أَ أَذْ ثشُّورْ س وَامَانْ ؤُشَا كنِّيوْ أَذْ ثسّْومْ، كنِّيوْ ؤُڒَا ذ ڒبْهَايمْ نْومْ ذ زّْوَايڒْ نْومْ.‘
2KI 3:18 [مَاشَا] مَانْ أَيَا [عَاذْ] ذْرُوسْ ذِي ثِيطَّاوِينْ ن سِيذِي، [مَاغَارْ] نتَّا أَذْ أَومْ إِوْشْ ؤُڒَا ذ مُوآبَ ذڭْ إِفَاسّنْ نْومْ.
2KI 3:19 كنِّيوْ أَذْ ثوْثمْ كُوڒْ ثَانْذِينْثْ إِفَارْينْ ؤُ كُوڒْ ثَانْذِينْثْ إِشنّْعنْ، ؤُ أَذْ ثْقضْعمْ كُوڒْ ثَاشجَّارْثْ إِصبْحنْ ؤُ أَذْ ثْبلّْعمْ مَارَّا ڒْعُونْصَارَاثْ ن وَامَانْ ؤُ أَذْ ثْضيّْعمْ كُوڒْ إِيَّارْ إِصبْحنْ ن ثمُّورْثْ س يژْرَا.“
2KI 3:20 ؤُشَا ذِي ثِيوشَّا غَارْ [ثْسَاعّثْ إِ غَارْ] د-تَّاوْينْ ثَاوْهِيبْثْ [ن ڒْغِيدْجثْ]، إِمْسَارْ، أَقَا ؤُسِينْ-د وَامَانْ زِي إِذُومْ ؤُشَا ثْغبَّا ثمُّورْثْ س وَامَانْ.
2KI 3:21 مُوآبَ أَمْ إِكْمڒْ إِسْڒَا بلِّي إِجدْجِيذنْ فّْغنْ-د إِ ؤُمنْغِي أَكِيذْسنْ. [خنِّي] ڒَاغَانْ-د خْ مَارَّا [إِرْيَازنْ]، إِخْسْ أَذْ يِينِي، زڭْ إِنِّي [إِزمَّارنْ] أَذْ سنّْحنْ س وبْيَاسْ [ن ڒسْنَاحْ] أَڒْ [كُوڒْ إِجّْ] سنّجْ إِ ؤُيَا، ؤُشَا نِيثْنِي ستّْفنْ إِخفْ نْسنْ غَارْ ويْمِيرْ.
2KI 3:22 نِيثْنِي كَّارنْ غَارْ ثُوفُّوثْ ن صّْبحْ، ؤُ ؤُمِي د-ثنْقَارْ ثْفُوشْثْ خْ وَامَانْ، ژْرِينْ أَيْثْ ن مُوآبَ نِّي خْ ؤُجمَّاضِينْ، أَقَا أَمَانْ ذ إِزڭّْوَاغنْ أَمْ يِيذَامّنْ.
2KI 3:23 نِيثْنِي نَّانْ: ”إِنَا ذ إِذَامّنْ. إِجدْجِيذنْ نْغِينْ إِخفْ نْسنْ أَمْ مّنْغنْ [جَارْ أَسنْ] س سِّيفْ ؤُشَا إِجّْ إِوْثَا ونّغْنِي. إِوَا [أَيْثْ ن] مُوآبَ، طّْفمْ ثَاكشَّاضْثْ!“
2KI 3:24 [مَاشَا ؤُمِي] إِوْضنْ نِيثْنِي غَارْ ڒْمَارْڭحْ ن ڒْعسْكَارْ ن إِسْرَائِيل، كَّارنْ [أَيْثْ ن] إِسْرَائِيل ؤُشَا وْثِينْ [أَيْثْ ن] مُوآبَ. أَروْڒنْ [أَيْثْ ن] مُوآبَ زَّاثْ إِ وُوذمْ نْسنْ ؤُشَا خنِّي ؤُذْفنْ نِيثْنِي [غَارْ ثمُّورْثْ]، وْثِينْ مُوآبَ.
2KI 3:25 نِيثْنِي هذْمنْ ثِيندَّامْ ؤُشَا [كُوڒْ] أَرْيَازْ إِنْضَارْ أَژْرُو نّسْ خْ كُوڒْ إِيَّارْ إِصبْحنْ ؤُشَا ذْڒِينْ ث. [عَاوذْ] نثْينْ نِيثْنِي مَارَّا ڒْعُونْصَارَاثْ ن وَامَانْ ؤُشَا قضْعنْ كُوڒْ ثَاشجَّارْثْ إِصبْحنْ أَڒَامِي شطّنْ مْغِيرْ إِژْرَا [ن ڒْحِيضْ] ن قِيرْ-حَارِيسَاثْ. أَيْثْ بُو-إِدْجَاينْ نّْضنْ أَسْ ؤُشَاغضْڒنْ ت.
2KI 3:26 [ؤُمِي] إِژْرَا ؤُجدْجِيذْ ن مُوآبَ بلِّي أَمنْغِي إِوْعَارْ خَاسْ أَطَّاسْ، إِسّْمُونْ-د غَارسْ سبْعَا مْيَا ن يرْيَازنْ نِّي [إِزمَّارنْ] أَذْ جبْذنْ سِّيفْ، حِيمَا أَذْ إِشُوقْ [إِسذِّييّنْ ن ڒْعسْكَارْ] غَارْ ؤُجدْجِيذْ ن إِذُومْ، [مَاشَا] نِيثْنِي وَارْ زمَّارنْ.
2KI 3:27 [خنِّي] إِكْسِي نتَّا مِّيسْ أَمنْزُو ونِّي إِ غَا إِذوْڒنْ ذ أَجدْجِيذْ أَوَارْنِي أَسْ، ؤُشَا يِيوْيِي ث خْ ڒْحِيضْ ذ ثَاغَارْصْثْ ن وشْمَاضْ. ؤُشَا يُوسَا-د ؤُذُوقّزْ ذ أَمقّْرَانْ ن وغْضَابْ خْ إِسْرَائِيل. نِيثْنِي فّْغنْ زَّايسْ ؤُشَاعقْبنْ غَارْ ثمُّورْثْ نْسنْ.
2KI 4:1 إِشْثْ زِي ثمْغَارِينْ ن أَيْثْ ن إِنَابِييّنْ ثْڒَاغَا إِ إِلِيشَاعْ، ثنَّا: ”أَمْسخَّارْ نّشْ، أَرْيَازْ إِنُو، إِمُّوثْ، ؤُشَا شكْ ثسّْنذْ بلِّي أَمْسخَّارْ نّشْ ثُوغَا إِتّڭّْوذْ سِيذِي. [ڒخُّو مَاشَا] يُوسَا-د بَابْ ن وَارطَّاڒْ، حِيمَا أَذْ إِكْسِي أَكِيذسْ ثْنَاينْ ن إِحنْجِيرنْ إِنُو ذ إِسمْغَانْ.“
2KI 4:2 إِنَّا أَسْ إِلِيشَاعْ: ”مِينْ زمَّارغْ أَذْ أَمْ ڭّغْ؟ إِنِي أَيِي مِينْ غَارمْ ذِي ثَادَّارْثْ.“ نتَّاثْ ثَارَّا-د خَاسْ: ”ثَايَّا نّشْ وَارْ غَارسْ وَالُو مْغِيرْ إِشْثْ ن ثْغَارَّافْثْ ذَايسْ زّشْثْ.“
2KI 4:3 [خنِّي] إِنَّا: ”تَّارْ إِ يِيخفْ نّمْ ثِيقْذُوحِينْ بَارَّا إِ ثَادَّارْثْ، ثِيقْذُوحِينْ ن جِّيرَانْ نّمْ خْوَانْثْ، حْضَا وَارْ إِڒِينْثْ ذْرُوسْ.
2KI 4:4 خنِّي أَذفْ غَارْ ذَاخڒْ ؤُشَا بلّعْ ثَاوَّارْثْ أَوَارْنِي أَمْ ؤُ أَوَارْنِي إِ إِحنْجِيرنْ نّمْ. فَارّغْ [خنِّي زّشْثْ] ذِي مَارَّا ثِيقْذُوحِينْ نِّي، ؤُ مِينْ إِدْجَانْ إِشُّورْ، سَارْسْ إِ-ث غَارْ ؤُغزْذِيسْ!“
2KI 4:5 [خَاسْ ؤُشَا] ثُويُورْ خَاسْ ؤُشَا ثْبلّعْ ثَاوَّارْثْ أَوَارْنِي أَسْ ؤُ أَوَارْنِي إِ إِحنْجِيرنْ نّسْ. نِيثْنِي إِوْينْ غَارسْ [ثِيقْذُوحِينْ] ؤُ نتَّاثْ ثْفَارّغْ [ذَايْسنْثْ زّشْثْ].
2KI 4:6 [ؤُمِي] شُّورنْثْ مَارَّا ثِيقْذُوحِينْ، ثنَّا إِ مِّيسْ: ”أَوِي أَيِي-د عَاذْ إِشْثْ ن ثقْذُوحْثْ!“، [مَاشَا] نتَّا يَارَّا-د خَاسْ: ”وَارْ ذَا ثقِّيمْ شَا ثقْذُوحْثْ [عَاذْ]!“ ؤُ زّشْثْ ثُوغَا ثقْضَا.
2KI 4:7 نتَّاثْ ثُويُورْ أَذْ ت ثْخبَّارْ إِ ورْيَازْ ن أَربِّي ؤُ وَانِيثَا إِنَّا: ”ؤُيُورْ، زنْزْ زّشْثْ ؤُ خدْجصْ بَابْ ن وَارطَّاڒْ نّمْ ؤُ زِي مِينْ غَا إِقِّيمنْ أَذْ زَّايسْ ثدَّارذْ، شمْ أَكْ-ذ إِحنْجِيرنْ نّمْ.“
2KI 4:8 ذڭْ إِجّْ ن وَاسّْ ؤُمِي د-إِكَّا إِلِيشَاعْ خْ شُونَامْ، إِمْسَارْ، أَقَا إِشْثْ ن ثمْغَارْثْ إِشنّْعنْ إِسّْبدّْ إِ-ث ذِينْ، حِيمَا أَذْ [غَارسْ] إِشّْ. ڒبْذَا ؤُمِي ثُوغَا د-إِتّكّْ [خْ ثنْذِينْثْ نِّي]، إِمْسَارْ، أَقَا إِحيّذْ خْ وبْرِيذْ نّسْ غَارْ ذِينْ، حِيمَا أَذْ إِشّْ شَا ن مَاشَّا.
2KI 4:9 نتَّاثْ مَاشَا ثنَّا إِ ورْيَازْ نّسْ: ”خْزَارْ، نشّْ ؤُشِيغْ أَقَا أَرْيَازْ-أَ إِ غَارْنغْ د-يُوسِينْ ڒبْذَا، أَقَا-ث ذ أَرْيَازْ أَمْقدَّاسْ.
2KI 4:10 أجّْ أَنغْ أَذْ نبْنَا سنّجْ إِجّْ ن وخَّامْ ذ ثَامژْيَانْثْ س ڒحْيُوضْ، ؤُشَا أَذْ نڭّْ ذِينْ إِجّْ ن قَامَا، إِشْثْ ن طَّابْڒَا، إِجّْ ن ڒْكُورْسِي ذ إِجّْ نْ ڒفْنَارْ إِ نتَّا. مَاڒَا نتَّا خنِّي يُوسَا-د غَارْنغْ، إِزمَّارْ أَذْ ذِينِّي إِعْزڒْ إِخفْ نّسْ.“
2KI 4:11 ذڭْ إِجّْ ن وَاسّْ إِمْسَارْ أَقَا إِلِيشَاعْ يُوسَا-د ذِينْ ؤُشَا إِعْزڒْ إِخفْ نّسْ ذڭْ وخَّامْ ن نّجْ ؤُشَا إِرُوحْ إِزّڒْ ذِينِّي.
2KI 4:12 [خنِّي] إِنَّا نتَّا إِ ؤُمْسخَّارْ نّسْ جِيحَازِي: ”ڒَْاغَا-د إِ ثْشُونَامشْثْ ثَانِيثَا!“ نتَّا إِڒَاغَا أَسْ ؤُ نتَّاثْ ثْبدّْ زَّاثْ إِ وُوذمْ نّسْ.
2KI 4:13 نتَّا ثُوغَا إِ ذ أَسْ إِنَّانْ [إِ ؤُمْسخَّارْ نّسْ]: ”إِنِي أَسْ: ’شمْ ثثْهِيلِّيذْ ذَايْنغْ أَطَّاسْ. مِينْ إِزمَّارْ أَذْ أَمْ إِتّْوَاڭّْ؟ مَا أَذْ ثَاغْ ذِينْ إِشْثْ ن ڒْحَاجّثْ مِينْ خفْ نْزمَّارْ أَذْ نسِّيوڒْ أَكْ-ذ ؤُجدْجِيذْ نِيغْ أَكْ-ذ ؤُكُومَانْذَارْ أَمقّْرَانْ ن ڒْعسْكَارْ ذِي طّْوعْ نّمْ؟‘ “ [مَاشَا] نتَّاثْ ثنَّا: ”نشّْ زدّْغغْ ذِي ڒْوسْطْ ن ڒْڭنْسْ إِنُو.“
2KI 4:14 [خنِّي] ثُوغَا إِنَّا: ”مِينْ إِزمَّارنْ أَذْ أَسْ إِتّْوَاڭّْ؟“ ؤُشَا إِنَّا جِيحَازِي: ”نتَّاثْ وَارْ غَارسْ أَحنْجِيرْ ؤُ أَرْيَازْ نّسْ إِوْسَارْ.“
2KI 4:15 [خنِّي] ثُوغَا إِنَّا نتَّا ”ڒَْاغَا-د خَاسْ!“ ؤُ نتَّا إِڒَاغَا-د خَاسْ ؤُشَا ثقِّيمْ نتَّاثْ ثْبدّْ ذِي ثوَّارْثْ،
2KI 4:16 ؤُشَا نتَّا إِنَّا: ”ذِي ڒْوقْثْ-أَ إِتّْوَاڭّنْ، غَارْ ثْسَاعّثْ ن ثُوذَارْثْ، أَذْ ثكْسِيذْ أَحنْجِيرْ ذڭْ إِغَادْجنْ نّمْ.“ ؤُشَا نتَّاثْ ثنَّا: ”لَّ، أَ سِيذِي إِنُو، [أَ] أَرْيَازْ ن أَربِّي، وَارْ سْخَارِّيقْ [زعْمَا] خْ ثَايَّا نّشْ!“
2KI 4:17 ثَامْغَارْثْ ثذْوڒْ ثكْسِي س دّيْسثْ ؤُشَا ثُورُووْ-د إِجّْ ن ؤُحنْجِيرْ ذِي ڒْوقْثْ إِتّْوَاڭّنْ، غَارْ ڒْوقْثْ ن ثُوذَارْثْ نِّي خْ ثُوغَا إِسِّيوڒْ إِلِيشَاعْ أَكِيذسْ.
2KI 4:18 [ؤُمِي] إِمْغَارْ ؤُحنْجِيرْ، إِمْسَارْ ذڭْ إِجّْ ن وَاسّْ، إِفّغْ-د بَارَّا غَارْ بَابَاسْ، غَارْ يِينِّي إِمجَّارنْ.
2KI 4:19 إِنَّا إِ بَابَاسْ: ”[أَ] أَزدْجِيفْ إِنُو، [أَ] أَزدْجِيفْ إِنُو!“ ؤُشَا بَابَاسْ إِنَّا إِ يِيجّْ ن ؤُمْسخَّارْ: ”أَرْبُو ث غَارْ يمَّاسْ!“
2KI 4:20 نتَّا يَارْبُو ث ؤُشَا يِيوْيِي ث غَارْ يمَّاسْ. نتَّا ثُوغَا إِتّْغِيمَا خْ إِفَادّنْ نّسْ أَڒْ أَزَالْ، [خنِّي] إِمُّوثْ.
2KI 4:21 نتَّاثْ ثْڭعّذْ سنّجْ، ثسَّارْسْ إِ-ث خْ قَامَا ن ورْيَازْ ن أَربِّي. ثْبلّعْ ثَاوَّارْثْ خَاسْ ؤُشَا ثفّغْ.
2KI 4:22 ثْڒَاغَا-د خْ ورْيَازْ نّسْ، ثنَّا أَسْ: ”سكّْ أَيِي-د إِجّنْ زڭْ إِمْسخَّارنْ ذ إِجّْ زِي ثغْيَاڒْ، حِيمَا أَذْ ؤُيُورغْ ذغْيَا غَارْ ورْيَازْ ن أَربِّي ؤُ [خنِّي] أَذْعقْبغْ [عَاوذْ].“
2KI 4:23 نتَّا إِنَّا: ”مَايمِّي غَا ثُويُورذْ غَارسْ أَسّْ-أَ؟ أَقَا وَارْ إِدْجِي ذ أَبذِّي ن ؤُيُورْ ؤُ وَارْ إِدْجِي ذ سّبْثْ.“ نتَّاثْ ثنَّا: ”كُوڒْشِي أَذْ يِيڒِي مْلِيحْ!“
2KI 4:24 نتَّاثْ ثْبَارْذعْ إِ ثغْيُوتْشْ ؤُ ثنَّا إِ ؤُمْسخَّارْ نّسْ: ”نْذهْ إِ-ت، قِّيمْ ڭُّورْ. أَمْ ثْنذْهذْ وَارْ ثْبذِّي ذِي طّْوعْ إِنُو مْغِيرْ خْمِي ذ أَشْ ث إِ غَا إِنِيغْ.“
2KI 4:25 نتَّاثْ ثفّغْ ؤُشَا ثِيوضْ-د غَارْ ورْيَازْ ن أَربِّي، غَارْ وذْرَارْ ن كَارْمِيلْ. ؤُمِي ت إِژْرَا نتَّا زِي ڒَاڭّْوَاجْ، إِنَّا إِ جِيحَازِي، أَمْسخَّارْ نّسْ: ”خْزَارْ، أَقَا ذِينْ ذ ثَاشُونَامشْثْ.“
2KI 4:26 ڒخُّو، ؤُيُورْ ذغْيَا، ڒْقَا ت ؤُشَا إِنِي أَسْ: ’مَا أَقَا شمْ مْلِيحْ؟ مَا أَرْيَازْ نّمْ أَقَا-ث مْلِيحْ؟ مَا أَحنْجِيرْ نّمْ أَقَا-ث مْلِيحْ؟‘ “ ؤُشَا نتَّاثْ ثنَّا: ”أَقَا-ثنْ مْلِيحْ!“
2KI 4:27 [ؤُمِي مَاشَا] د-ثُوسَا غَارْ ورْيَازْ ن أَربِّي خْ وذْرَارْ، ثْقبّضْ نتَّاثْ خْ إِضَارنْ نّسْ. جِيحَازِي يُوذفْ-د ذِينْ حِيمَا أَذْ ت إِعَارْنْ غَارْ ؤُغزْذِيسْ، مَاشَا أَرْيَازْ ن أَربِّي إِنَّا: ”أَحْثَا أَسْ، مَاغَارْ ڒعْمَارْ نّسْ إِشْضنْ ذَايسْ ؤُ سِيذِي إِسّْنُوفَّارْ خَافِي مِينْ خفْ ؤُ وَارْ ذ أَيِي إِسَّارْڭبْ شَا.“
2KI 4:28 ثنَّا نتَّاثْ: ”مَا نشّْ تَّارغْ إِ سِيذِي إِنُو إِجّْ ن مِّي؟ مَا وَارْ نِّيغْ نشّْ: ’وَارْ ذ أَيِي شمّثْ‘؟“
2KI 4:29 إِنَّا نتَّا إِ جِيحَازِي: ”بْيسْ ثَاجْعِينَّا نّشْ، كْسِي ثَاغَّارْشْثْ إِنُو ذڭْ ؤُفُوسْ نّشْ ؤُشَا طّفْ أَبْرِيذْ! مَاڒَا شكْ ثمّڒْقِيذْ شَا ن يِيجّْ، وَارْ خَاسْ تّْسدْجَامْ، ؤُ مَاڒَا إِسدْجمْ خَاكْ حذْ، وَارْ خَاسْ د-تَّارِّي شَا! سَارْسْ ثَاغَّارْشْثْ إِنُو خْ ؤُغمْبُوبْ ن ؤُحنْجِيرْ!“
2KI 4:30 [مَاشَا] يمَّاسْ ن ؤُحنْجِيرْ ثنَّا: ”[س ثِيذتّْ أَمْ] إِدَّارْ سِيذِي ؤُ إِدَّارْ ڒعْمَارْ إِنُو، نشّْ وَارْ خَاكْ تّْحيِّيذغْ شَا!“ نتَّا إِكَّارْ، إِضْفَارْ إِ-ت.
2KI 4:31 ثُوغَا جِيحَازِي إِزْوَارْ ذغْيَا زَّاثْسنْ ؤُ إِسَّارْسْ ثَاغَّارْشْثْ خْ ؤُغمْبُوبْ ن ؤُحنْجِيرْ، مَاشَا نتَّا وَارْ إِڭِّي شَا ڒْحسّْ ؤُڒَا ذ ثْوَارِّيثْ. [خنِّي] إِعْقبْ حِيمَا أَذْ خَاسْ إِڒْقَا، ؤُشَا إِحَاجَا أَسْ ث، إِنَّا: ”أَحنْجِيرْ وَارْ د-إِفِيقْ.“
2KI 4:32 [ؤُمِي] د-يُوسَا إِلِيشَاعْ غَارْ ثَادَّارْثْ، ثُوغَا إِمُّوثْ ؤُحنْجِيرْ، إِمَّارْسْ خْ قَامَا نّسْ.
2KI 4:33 يُوذفْ نتَّا غَارْ وخَّامْ، إِبلّعْ ثَاوَّارْثْ أَوَارْنِي أَسنْ س ثْنَاينْ إِذْسنْ ؤُشَا إِژُّودْجْ إِ سِيذِي.
2KI 4:34 خنِّي إِبدّْ زَّاثْ إِ قَامَا، إِوْضَا ثِيوَا ن ؤُحنْجِيرْ ؤُشَا إِسَّارْسْ نتَّا أَقمُّومْ نّسْ خْ ؤُقمُّومْ نّسْ، ثِيطَّاوِينْ نّسْ خْ ثِيطَّاوِينْ نّسْ، إِفَاسّنْ نّسْ خْ إِفَاسّنْ نّسْ. نتَّا إِسّْبُوزّڒْ [أَمُّو] ثِيوَا نّسْ ؤُشَا ثحْمَا أَرِّيمثْ ن ؤُحنْجِيرْ.
2KI 4:35 [خنِّي] إِعْقبْ-د، يُويُورْ ذِي ثَادَّارْثْ ذَا ذ ذِيهَا، إِڭعّذْ ثْوَاڒَا نّغْنِيثْ ؤُشَا إِسّْبُوزّڒْ إِخفْ نّسْ ثِيوَا نّسْ. [ڒخْذنِّي] إِعْضسْ ؤُحنْجِيرْ سبْعَا ن ثْوَاڒَاوِينْ ؤُشَا [خنِّي] يَارْزمْ ؤُحنْجِيرْ ثِيطَّاوِينْ نّسْ.
2KI 4:36 إِڒَاغَا-د نتَّا إِ جِيحَازِي، إِنَّا: ”ڒَْاغَا-د خْ ثْشُونَامشْثْ!“ ؤُشَا نتَّا إِڒَاغَا-د خَاسْ ؤُشَا ثُوسَا-د نتَّاثْ غَارسْ، ؤُشَا إِنَّا [إِلِيشَاعْ]: ”أَرْبُو مِّيمْ!“
2KI 4:37 ثُوذفْ نتَّاثْ ذِينْ، ثوْضَا غَارْ إِضَارنْ نّسْ ؤُشَا يُوضَارْ [أَسْ] [س ؤُغمْبُوبْ نّسْ] غَارْ ثَامُّورْثْ. [خنِّي] ثكْسِي مِّيسْ ؤُشَا ثفّغْ غَارْ بَارَّا.
2KI 4:38 [ؤُمِي] د-إِعْقبْ إِلِيشَاعْ غَارْ جِيلْجَالْ، ثُوغَا ذِينْ ڒَاژْ ذِي ثمُّورْثْ ؤُ أَيْثْ ن إِنَابِييّنْ قِّيمنْ زَّاثسْ. إِنَّا نتَّا إِ ؤُمْسخَّارْ نّسْ: ”أڭّْ مَارْمِيثَا ذ ثَامقّْرَانْثْ ؤُ أڭّْ ثَاحْرِيرْثْ إِ أَيْثْ ن إِنَابِييّنْ.“
2KI 4:39 [خنِّي] د-إِفّغْ إِجّنْ [زَّايْسنْ] يُويُورْ غَارْ وحْوِيشْ بَارَّا، حِيمَا أَذْ د-يَاوِي ثِيبِّي. نتَّا يُوفَا إِجّْ ن وزْبِيرْ ن ڒخْڒَا ؤُشَا إِڒْقضْ-د زَّايسْ أَڒَامِي إِشُّورْ [ؤُبحْرُورْ ن] وَارُّوضْ نّسْ س ثخْسَاشْثْ ن ڒخْڒَا. [خنِّي] إِعْقبْ-د ؤُشَا إِقسّْ إِ-ثنْ ذِي مَارْمِيثَا. أَقَا نِيثْنِي وَارْ ت سِّيننْ.
2KI 4:40 [خنِّي] فَارْغنْ أَيَا إِ إِرْيَازنْ، حِيمَا أَذْ شّنْ. ؤُمِي قَّاسنْ نِيثْنِي زِي ثحْرِيرْثْ-أَ، إِمْسَارْ، أَقَا نِيثْنِي سْغُوينْ ذڭْ ؤُجنَّا، ڒَاغَانْ: ”[أَ،] يرْيَازْ ن أَربِّي، ڒْْموْثْ أَقَا-ت ذِي مَارْمِيثَا!“ ؤُشَا نِيثْنِي وَارْ زمَّارنْ أَذْ [زَّايسْ] شّنْ.
2KI 4:41 نتَّا إِنَّا: ”أَوِي أَيِي-د [ذْرُوسْ ن] وَارنْ!“ نتَّا إِسُّويسْ إِ-ث ذِي مَارْمِيثَا، إِنَّا: ”فَارْغمْ [أَيَا] إِ ڒْڭنْسْ، حِيمَا أَذْ شّنْ!“ [خنِّي] إِذْوڒْ وَارْ ذِينِّي شَا وَارْ إِحْڒِي ذِي مَارْمِيثَا.
2KI 4:42 يُوسَا-د إِجّْ ن ورْيَازْ زِي بَاعْلْ-شَالِيشَا، يِيوِي-د إِ ورْيَازْ ن أَربِّي أَغْرُومْ زِي [صَّابثْ] ثَامنْزُوثْ، عِيشْرِينْ ن إِغْرُومنْ ن إِمنْذِي ذ ڒْحبّْ إِبَارْينْ [ن إِمنْذِي] ذڭْ إِشْثْ ن ثشْيَارْثْ، ؤُشَا نتَّا إِنَّا: ”أوْشْ [مَانْ أَيَا] إِ ڒْڭنْسْ.“
2KI 4:43 مَاشَا وَانِيثَا إِنَّا: ”مَامّشْ ث إِ غَا سَّارْسغْ إِ مْيَا ن يرْيَازنْ؟“ نتَّا [مَاشَا] إِنَّا: ”أوْشْ إِ-ث إِ ڒْڭنْسْ أَذْ ث يشّْ، مَاغَارْ أَمُّو إِ إِقَّارْ سِيذِي: ’أَذْ شّنْ ؤُ عَاذْ أَذْ إِشطّْ‘.“
2KI 4:44 نتَّا إِسَّارْسْ أَسنْ [ث] ؤُشَا شِّينْ نِيثْنِي، ؤُ إِشطّْ خَاسنْ أَمْ مَامّشْ [ثُوغَا إِنَّا] وَاوَاڒْ ن سِيذِي.
2KI 5:1 نُوعْمَانْ، أَكُومَانْذَارْ ن ڒْعسْكَارْ ن ؤُجدْجِيذْ ن أَرَامْ، ثُوغَا-ث ذ إِجّْ ن ورْيَازْ غَارسْ سُّومْعثْ زَّاثْ إِ وُوذمْ ن سِيذِيسْ نّسْ ؤُ ثُوغَا غَارسْ شَّانْ أَطَّاسْ، مَاغَارْ زَّايسْ إِ يِيوِي سِيذِي أَسنْجمْ إِ أَرَامْ. أَرْيَازْ [نِّي] ثُوغَا ذ إِجّْ ن بُو-ثغْرُوضْثْ إِمحْضنْ، [مَاشَا] ثُوغَا ذَايسْ ڒْبَارْصْ.
2KI 5:2 ثُوغَا ذِينْ بَانْذِييَّاثْ زِي أَرَامْ، إِوْينْثْ-د إِشْثْ ن ثبْڒِيغْثْ زِي ثمُّورْثْ ن إِسْرَائِيل ذ ثَامحْبُوسْثْ. ثُوغَا-ت [ثْخدّمْ] إِ ثمْغَارْثْ ن نُوعْمَانْ.
2KI 5:3 ثنَّا إِ لَالَّاسْ: ”مْڒِي [ثُوغَا] سِيذِي إِنُو غَارْ ؤُنَابِي ذِي سَامَارْيَا، [خنِّي] إِڒِي نتَّا أَذْ ث إِسّْڭنْفَا زِي ڒْبَارْسْ نّسْ.“
2KI 5:4 [خنِّي] يُويُورْ وَانِيثَا، حِيمَا أَذْ ث إِحَاجَا إِ سِيذِيسْ نّسْ، إِنَّا: ”أَمُّو ذ وَامُّو إِ ثسِّيوڒْ ثبْڒِيغْثْ زِي ثمُّورْثْ ن إِسْرَائِيل.“
2KI 5:5 [خنِّي] إِنَّا ؤُجدْجِيذْ ن أَرَامْ: ”ؤُيُورْ ذِينْ ؤُ نشّْ أَذْ سّكّغْ إِشْثْ ن ثبْرَاثْ إِ ؤُجدْجِيذْ ن إِسْرَائِيل.“ نتَّا يُويُورْ ذڭْ وبْرِيذْ ؤُشَا إِكْسِيعشْرَا ثَالِينْثَاثْ ن نُّوقَارْثْ ذ ستَّا-أَڒَافْ [شِيقْلُو] ن وُورغْ ذعشْرَا ن وَارُّوضْ إِشْنَانْ.
2KI 5:6 نتَّا إِسِّيوضْ ثَابْرَاثْ إِ ؤُجدْجِيذْ ن إِسْرَائِيل، [أَمُّو إِ] يُورَا: ”ڒخُّو [خنِّي]، خْزَارْ، مَاڒَا ثِيوضْ-د ثبْرَاثْ-أَ غَاركْ، أَقَا نشّْ سّكّغْ-د غَاركْ [عَاوذْ] أَمْسخَّارْ إِنُو نُوعْمَانْ، مَاحنْذْ أَذْ ث ثسّْڭنْفِيذْ زِي ڒْبَارْصْ نّسْ.“
2KI 5:7 [ؤُمِي] إِغْرَا ؤُجدْجِيذْ ن إِسْرَائِيل ثَابْرَاثْ، إِشَارّڭْ أَرُّوضْ نّسْ، إِڒَاغَا: ”نشّْ مَاغَارْ مَا ذ أَربِّي أَڒَامِي زمَّارغْ أَذْ سّدَّارغْ إِجّْ ن ؤُمتِّينْ أَڒَامِي نتَّا د-إِسّكّْ ورْيَازْ-أَ غَارِي، مَاحنْذْ أَذْ ث سّْڭنْفِيغْ زِي ڒْبَارْصْ نّسْ؟ إِوَا، سّْنمْ، ؤُ خْزَارمْ، أَقَا نتَّا يَارزُّو أَيِي ڒسْبَابْ وَاهَا!“
2KI 5:8 ؤُمِي إِسْڒَا إِلِيشَاعْ، أَرْيَازْ ن أَربِّي، بلِّي أَجدْجِيذْ ن إِسْرَائِيل إِشَارّڭْ أَرُّوضْ نّسْ، إِمْسَارْ أَقَا نتَّا إِسّكّْ [إِجّْ] غَارْ ؤُجدْجِيذْ، حِيمَا أَذْ أَسْ يِينِي: ”مَايمِّي ثْشَارّْڭذْ أَرُّوضْ نّشْ؟ أجّْ إِ-ث أَذْ غَارِي د-يَاسْ، [حِيمَا] خنِّي نتَّا أَذْ إِسّنْ، أَقَا ذِينْ إِجّْ ن ؤُنَابِي ذِي إِسْرَائِيل.“
2KI 5:9 أَمُّو د-يُوسَا نُوعْمَانْ أَكْ-ذ إِيْسَانْ ذ ؤُكَارُّو نّسْ ؤُشَا إِبدّْ غَارْ ثوَّارْثْ ن ثَادَّارْثْ ن إِلِيشَاعْ.
2KI 5:10 [خنِّي] إِسّكّْ إِلِيشَاعْ إِجّْ ن ؤُرقَّاسْ غَارسْ، إِقَّارْ: ”ؤُيُورْ ؤُ سِّيرْذْ إِخفْ نّشْ سبْعَا ن ثْوَاڒَاوِينْ ذِي لْ-ؤُرْذُونْ، [خنِّي] أَذْ ثذْوڒْ أَرِّيمثْ نّشْ ثڭّنْفَا ؤُشَا شكْ أَذْ ثِيڒِيذْ ذ أَمزْذَاڭْ.“
2KI 5:11 إِفُّوڭمْ نُوعْمَانْ، ؤُشَا يُويُورْ، إِقَّارْ: ”خْزَارْ، نشّْ نِّيغْ ذڭْ إِخفْ إِنُو: ’نتَّا أَذْ إِفّغْ غَارْ بَارَّا، أَذْ إِبدّْ [ذِينْ]، مَاحنْذْ أَذْ إِڒَاغَا إِسمْ ن سِيذِي، أَربِّي نّسْ، ؤُشَا أَذْ إِسّكّْ س ؤُفُوسْ نّسْ أَمْشَانْ [إِ ذَايسْ إِدْجَانْ ڒْبَارْصْ] ؤُ أَمُّو إِ غَا إِڭّنْفَا ڒْبَارْصْ.‘
2KI 5:12 مَا وَارْ إِدْجِي أَبَانَا ذ فَارْفَارْ، إِغزْرَانْ ن ذِيمَاشْقْ، حْسنْ خْ مَارَّا إِغزْرَانْ ن إِسْرَائِيل؟ مَا وَارْ زمَّارغْ أَذْ ذِينِّي سِّيرْذغْ، حِيمَا أَذْ زذْڭغْ؟“ نتَّا إِنّقْڒبْ ؤُشَا يُويُورْ، إِسْعَارْ أَطَّاسْ.
2KI 5:13 إِمْسخَّارنْ نّسْ ؤُسِينْ-د غَارسْ، سِّيوْڒنْ أَكِيذسْ، نَّانْ: ”بَابَا، [مْڒِي] أَنَابِي نِّي إِتَّارْ زَّايكْ شَا مِينْ إِوْعَارنْ، إِڒِي ثڭِّيذْ ث؟ إِ مَاڒَا إِنَّا خَاكْ عَاذْ: ’سِيرْذْ إِخفْ نّشْ ؤُشَا أَذْ ثْذوْڒذْ شكْ ثِيزْذِيڭذْ؟‘ “
2KI 5:14 [خنِّي] إِهْوَا-د غَارْ لْ-ؤُرْذُونْ ؤُشَا إِسّغْضصْ إِخفْ نّسْ سبْعَا ن ثْوَاڒَاوِينْ ذِي لْ-ؤُرْذُونْ أَمْ مَامّشْ إِنَّا وَاوَاڒْ ن ؤُنَابِي ن أَربِّي ؤُشَا [ثذْوڒْ] أَرِّيمثْ نّسْ ثڭّنْفَا أَمْ أَرِّيمثْ ن إِجّْ ن ؤُحنْجِيرْ ؤُ نتَّا إِذْوڒْ إِزْذِيڭْ.
2KI 5:15 [خنِّي] إِعْقبْ غَارْ ورْيَازْ ن أَربِّي أَكْ-ذ مَارَّا ڒْعسْكَارْ نّسْ ؤُشَا يِيوضْ [ذِينْ]، إِبدّْ زَّاثْ إِ وُوذمْ نّسْ، إِنَّا: ”خْزَارْ، ڒخُّو سّْنغْ، أَقَا وَارْ إِدْجِي أَربِّي مَانِي مَا خْ مَارَّا ثَامُّورْثْ مْغِيرْ ذِي إِسْرَائِيل وَاهَا. خنِّي ڒخُّو، عَافكْ، كْسِي إِشْثْ ن ثَارْزفْثْ زڭْ ؤُمْسخَّارْ نّشْ!“
2KI 5:16 [مَاشَا] نتَّا إِنَّا: ”[س ثِيذتّْ أَمْ] إِدَّارْ سِيذِي ونِّي ؤُمِي بدّغْ زَّاثْ إِ وُوذمْ نّسْ، نشّْ وَارْ كسِّيغْ وَالُو!“ ؤُ نتَّا إِسّْحشّمْ إِ-ث، حِيمَا أَذْ إِكْسِي [شَا]، مَاشَا نتَّا يُوڭِي.
2KI 5:17 إِنَّا نُوعْمَانْ: ”مَاڒَا لَّا، إِڒِي خنِّي أَذْ إِمّوْشْ إِ ؤُمْسخَّارْ نّشْ أَطَّاسْ ن ؤُشَاڒْ، أَنشْثْ [زمَّارنْ] ثْنَاينْ ن إِسرْذَانْ أَذْ أَرْبُونْ، مَاغَارْ أَمْسخَّارْ نّشْ وَارْ إِتِّيوِي عَاذْ ثَاغَارْصْثْ ن وشْمَاضْ نِيغْ ثَاغَارْصْثْ إِ إِربِّيثنْ إِنّغْنِي مْغِيرْ إِ سِيذِي وَاهَا.
2KI 5:18 [مَاشَا] إِڒِي أَذْ إِغْفَارْ سِيذِي إِ ؤُمْسخَّارْ نّشْ ثَا [وَاهَا]، مَاڒَا سِيذِي إِنُو أَذْ يَاذفْ غَارْ زَّاوشْثْ ن رِيمُّونْ حِيمَا أَذْ إِبنْذقْ أَمْ إِتّْعمّذْ ذِينِّي خْ ؤُغِيڒْ إِنُو، أَقَا نشّْ خنِّي أَذْ بنْذْقغْ [أَمُّو] ذِي زَّاوشْثْ ن رِيمُّونْ. [مَاڒَا] أَذْ بنْذْقغْ [أَمُّو] ذِي زَّاوشْثْ ن رِيمُّونْ، إِڒِي أَذْ إِغْفَارْ سِيذِي ثَامسْڒَاشْثْ نِّي إِ ؤُمْسخَّارْ نّشْ.“
2KI 5:19 إِنَّا أَسْ: ”ؤُيُورْ ذِي ڒهْنَا!“ ؤُ نتَّا إِسَافَارْ ثَامُّورْثْ، إِڭّْوجْ خَاسْ [إِجّْ ن وبْرِيذْ].
2KI 5:20 إِنَّا جِيحَازِي، أَمْسخَّارْ ن إِلِيشَاعْ، أَرْيَازْ ن أَربِّي: ”خْزَارْ، سِيذِي إِنُو إِسّْعِيزّْ خْ نَاعْمَانْ، أَرَامِييُو، مَاحنْذْ أَذْ إِكْسِي [شَا] زڭْ ؤُفُوسْ نّسْ زِي مِينْ ثُوغَا إِ د-يِيوِي نتَّا. [س ثِيذتّْ أَمْ] إِدَّارْ سِيذِي، نشّْ أَذْ ث أَردّْفغْ ذغْيَا ؤُشَا أَذْ زَّايسْ كْسِيغْ شَا!“
2KI 5:21 جِيحَازِي يُويُورْ، يَارْذفْ نُوعْمَانْ. [ؤُمِي] نُوعْمَانْ إِژْرَا، أَقَا نتَّا يُوزّڒْ أَوَارْنِي أَسْ، إِضْرَا-د زڭْ ؤُكَارُّو، مَاحنْذْ أَكِيذسْ إِمْسَاڭَارْ، إِنَّا: ”مْلِيحْ؟“
2KI 5:22 نتَّا يَارَّا-د خَاسْ: ”مْلِيحْ. سِيذِي إِنُو إِسّكّْ أَيِي-د مَاحنْذْ أَذْ يِينِي: ’أَقَا، غَارْ ڒخُّو عَاذْ ؤُسِينْ-د ثْنَاينْ ن إِحُوذْرِييّنْ زڭْ أَيْثْ ن إِنَابِييّنْ زڭْ إِذُورَارْ ن إِفْرَايِيمْ. أوْشْ أَسنْ [خنِّي] إِشْثْ ن ثَالِينْثْ ن نُّوقَارْثْ ذ ثْيُويَا ن وَارُّوضْ إِشْنَانْ.‘ “
2KI 5:23 إِنَّا نُوعْمَانْ: ”عَافَاكْ، كْسِي زَّايِي ثْنَاينْ ثَالِينْثْ ن نُّوقَارْثْ.“ نتَّا إِحشّمْ إِ-ث ؤُ إِڭَّا ثْنَاينْ ثَالِينْثْ ن نُّوقَارْثْ ذِي ثْنَاينْ ن ثشْيَارِينْ ؤُشَا إِوْشَا ثْنَاينْ ن وَارُّوضْ إِشْنَانْ إِ ثْنَاينْ ن إِمْسخَّارنْ نّسْ، إِنِّي ثنْ يَارْبُونْ غَارْ زَّاثْ نّسْ.
2KI 5:24 [ؤُمِي] يِيوضْ غَارْ ڒْڭعّْذثْ، إِكْسِي ثنْ زڭْ إِفَاسّنْ نْسنْ ؤُشَا إِنُّوفَّارْ إِ-ثنْ ذِي ثَادَّارْثْ. إِجَّا إِرْيَازنْ أَذْ ؤُيُورنْ ؤُشَا فّْغنْ نِيثْنِي.
2KI 5:25 [أَوَارْنِي مَانْ أَيَا] يُوذفْ ؤُشَا إِبدّْ زَّاثْ إِ بَابْ نّسْ. إِلِيشَاعْ إِسّقْسَا ث: ”مَانِيسْ د-ثُوسِيذْ، [أَ] جِيحَازِي؟“ ؤُشَا نتَّا يَارَّا-د: ”أَمْسخَّارْ نّشْ وَارْ د-إِفِّيغْ شَا مَانِي.“
2KI 5:26 [مَاشَا] إِلِيشَاعْ إِنَّا أَسْ: ”مَا وَارْ ثُوغِي ؤُڒْ إِنُو ذِينْ إِحْضَارْ ؤُمِي د-إِضْرَا ورْيَازْ زڭْ ؤُكَارُّو نّسْ إِ ؤُمْسَاڭَارْ أَكِيذكْ؟ مَاغَارْ مَا ذ ڒْحَاڒْ أَذْ ثْمنْعذْ نُّوقَارْثْ ذ وَارُّوضْ ذ ثْشجُّورَا ن زِّيثُونْ ذ إِمَارْجَاعنْ ن ؤُضِيڒْ ذ وُودْجِي ذ إِفُونَاسنْ ذ ثْفُونَاسِينْ ذ إِسمْغَانْ ذ ثِييَّا؟
2KI 5:27 ڒْبَارْصْ ن نُوعْمَانْ أَذْ إِڒْسقْ إِ ڒبْذَا ذَايكْ ؤُ ذِي زَّارِيعثْ نّشْ!“ [خنِّي] إِفّغْ زِي زَّاثْ إِ وُوذمْ نّسْ س ڒْبَارْصْ، ذ أَشمْڒَاڒْ أَمْ وذْفڒْ.
2KI 6:1 أَيْثْ ن إِنَابِييّنْ نَّانْ إِ إِلِيشَاعْ: ”خْزَارْ، أَمْشَانْ مَانِي نْزدّغْ زَّاثْ إِ وُوذمْ نّشْ، إِحْصَارْ إِ نشِّينْ.“
2KI 6:2 أجّْ أَنغْ أَذْ نُويُورْ غَارْ لْ-ؤُرْذُونْ ؤُ ذِينِّي قَاعْ إِجّْ زَّايْنغْ أَذْ د-يَاوِي إِجّْ ن ؤُكشُّوضْ، مَاحنْذْ أَذْ نڭّْ إِشْثْ ن ثْزذِّيغْثْ إِ نشِّينْ.“ نتَّا إِنَّا: ”ؤُيُورمْ!“
2KI 6:3 إِجّنْ [زَّايْسنْ] مَاشَا إِنَّا: ”عَافَاكْ، ؤُيُورْ أَكْ-ذ إِمْسخَّارنْ نّشْ.“ نتَّا إِنَّا: ”نشّْ أَكِيذْومْ ؤُيُورغْ.“
2KI 6:4 [خنِّي] يُويُورْ أَكِيذْسنْ. [ؤُمِي] د-ؤُسِينْ غَارْ لْ-ؤُرْذُونْ، زذْمنْ ثِيشجُّورَا.
2KI 6:5 ڒَامِي إِزْذمْ إِجّْ إِشْثْ ن ثْشجَّارْثْ، إِمْسَارْ، أَقَا [ڒقْضعْ ن] وُوزَّاڒْ [ن شَّاقُورْ] إِوْضَا ذڭْ وَامَانْ ؤُشَا نتَّا إِڒَاغَا، إِنَّا: ”أَ سِيذِي إِنُو، [شَّاقُورْ] ثُوغَا إِتّْوَارْضڒْ!“
2KI 6:6 أَرْيَازْ ن أَربِّي إِنَّا: ”مَانِي إِوْضَا؟“ [ؤُمِي] ذ أَسْ إِسّْشنْ أَمْشَانْ، إِقسّْ إِجّْ ن ؤُكشُّوضْ، إِنْضَارْ إِ-ث ذِينْ ؤُ [أَمُّو] يِيوِي-د ؤُزَّاڒْ إِڭُّورْ سنّجْ.
2KI 6:7 إِنَّا نتَّا: ”سْڭعّذْ إِ-ث-إِ-د غَاركْ!“ [خنِّي] إِسّْوِيژّضْ س ؤُفُوسْ نّسْ ؤُشَا إِطّفْ إِ-ث.
2KI 6:8 أَجدْجِيذْ ن أَرَامْ إِمّْنغْ أَكْ-ذ إِسْرَائِيل ؤُشَا إِمْشَاوَارْ أَكْ-ذ إِمْسخَّارنْ نّسْ، إِنَّا: ”ذڭْ ومْشَانْ-إِنْ ذ وِينْ أَذْ وْثغْ إِقِيضَانْ إِ ڒْعسْكَارْ إِنُو.“
2KI 6:9 [مَاشَا] أَرْيَازْ ن أَربِّي إِسّكّْ [إِجّْ] غَارْ ؤُجدْجِيذْ ن إِسْرَائِيل، إِنَّا: ”حْضَا إِخفْ نّشْ أَذْ ثكّذْ خْ ومْشَانْ نِّي، مَاغَارْ ذِينْ هْوَانْ أَيْثْ ن أَرَامْ.“
2KI 6:10 أَجدْجِيذْ ن إِسْرَائِيل إِسّكّْ [إِرقَّاسنْ] غَارْ ومْشَانْ إِ خْ ثُوغَا أَكِيذسْ إِسِّيوڒْ ورْيَازْ ن أَربِّي ؤُ إِ زِي ثُوغَا إِ ذ أَسْ إِعْڒمْ وَانِيثَا، ؤُشَا إِڭَّا أَذْ حْضَانْ ذِينْ. [ؤُ مَانْ أَيَا] وَارْ [إِمْسَارْ شَا] إِشْثْ ن ثْوَاڒَا نِيغْ ثْنَاينْ ن ثْوَاڒَاوِينْ [وَاهَا].
2KI 6:11 ؤُڒْ ن ؤُجدْجِيذْ ن أَرَامْ إِهَاجْ خْ مَانْ أَيَا ؤُ نتَّا إِڒَاغَا إِ إِمْسخَّارنْ نّسْ، إِنَّا أَسنْ: ”مَا وَارْ ثْزمَّارمْ كنِّيوْ أَذْ أَيِي ثِينِيمْ مَانْ ونْ جَارْ أَنغْ إِتّْرَاحْ أَكْ-ذ ؤُجدْجِيذْ ن إِسْرَائِيل؟“
2KI 6:12 إِجّنْ زڭْ إِمْسخَّارنْ نّسْ إِنَّا: ”لَّ، سِيذِي إِنُو، أَجدْجِيذْ! مَاشَا إِلِيشَاعْ، أَنَابِي ونِّي [إِدْجَانْ] ذِي إِسْرَائِيل، إِسَّارْڭبْ ؤُجدْجِيذْ ن إِسْرَائِيل أَوَاڒنْ إِ ثسَّاوَاڒذْ ذڭْ وخَّامْ نّشْ ن يِيضصْ.“
2KI 6:13 إِنَّا نتَّا: ”ؤُيُورمْ ؤُشَا خْزَارمْ مَانِي إِتِّيڒِي نتَّا. [خنِّي] أَذْ سّكّغْ [إِرْيَازنْ إِنُو]، أَذْ ث طّْفنْ.“ خبَّارنْ ث، نَّانْ: ”نتَّا أَقَا-ث ذِي ذُوثَانْ.“
2KI 6:14 [خنِّي] إِسّكّْ نتَّا إِيْسَانْ ذ إِكَارُّوثنْ ذ إِجّْ ن ڒْعسْكَارْ أَمقّْرَانْ. نِيثْنِي إِوْضنْ ذِينْ ذِي دْجِيڒثْ ؤُشَا نّْضنْ-د إِ ثنْذِينْثْ.
2KI 6:15 أَمْسخَّارْ ن أَربِّي إِكَّارْ غَارْ ثُوفُّوثْ ؤُشَا إِفّغْ غَارْ بَارَّا، ؤُ خْزَارْ، إِجّْ ن ڒْعسْكَارْ ثُوغَا إِنّضْ إِ ثنْذِينْثْ س ييْسَانْ ذ إِكَارُّوثنْ. [خنِّي] إِنَّا أَسْ أَحُوذْرِي: ”أَ سِيذِي إِنُو، مِينْ غَا نڭّْ؟“
2KI 6:16 نتَّا إِنَّا: ”وَارْ تّڭّْوذْ شَا، مَاغَارْ إِنِّي غَارْنغْ أَطَّاسْ خْ يِينِّي غَارْسنْ.“
2KI 6:17 إِلِيشَاعْ إِژُّودْجْ، إِنَّا: ”[أَ] سِيذِي، أَرْزمْ أَسْ ثِيطَّاوِينْ، [مَاحنْذْ] أَذْ إِژَارْ!“ ؤُ سِيذِي يَارْزمْ إِ ؤُمْسخَّارْ ثِيطَّاوِينْ [أَڒَامِي] إِثْوَاڒَا. ؤُ خْزَارْ، أَذْرَارْ إِشُّورْ س ييْسَانْ ذ إِكَارُّوثنْ ن ثْمسِّي إِ د-إِنّْضنْ إِ إِلِيشَاعْ.
2KI 6:18 [ؤُمِي] غَارسْ د-ؤُسِينْ نِيثْنِي، إِژُّودْجْ إِلِيشَاعْ إِ سِيذِي، إِنَّا: ”وّثْ مَاشَا ڒْڭنْسْ-أَ س ثُودَّارْغتْشْ!“ ؤُشَا نتَّا إِوْثَا ثنْ س ثُودَّارْغتْشْ عْلَاحْسَابْ أَوَاڒْ ن إِلِيشَاعْ.
2KI 6:19 [خَاسْ ؤُشَا] إِنَّا أَسنْ إِلِيشَاعْ: ”وَا وَارْ إِدْجِي ذ أَبْرِيذْ نِيشَانْ ؤُ وَارْ ثدْجِي ذ ثَانْذِينْثْ نِيشَانْ. ضْفَارمْ أَيِي-د! نشّْ أَذْ كنِّيوْ نذْهغْ غَارْ ورْيَازْ نِّي خْ ثَارزُّومْ!“ ؤُ نتَّا إِنْذهْ إِ-ثنْ غَارْ سَامَارْيَا.
2KI 6:20 ؤُمِي إِوْضنْ نِيثْنِي غَارْ سَامَارْيَا، إِمْسَارْ، أَقَا إِلِيشَاعْ إِنَّا: ”[أَ] سِيذِي أَرْزمْ ثِيطَّاوِينْ ن إِرْيَازنْ-أَ، [مَاحنْذْ] أَذْ ژَترنْ!“. ؤُشَا يَارْزمْ أَسنْ سِيذِي ثِيطَّاوِينْ أَڒَامِي ژْرِينْ. ؤُ خْزَارْ، أَقَا نِيثْنِي [ثُوغَا أَثنْ] ذِي ڒْوسْطْ ن سَامَارْيَا.
2KI 6:21 [ؤُمِي] ثنْ إِژْرَا، إِنَّا ؤُجدْجِيذْ ن إِسْرَائِيل إِ إِلِيشَاعْ: ”مَا أَذْ ثنْ نْغغْ، [أَ] بَابَا؟“
2KI 6:22 [مَاشَا] وَانِيثَا إِنَّا: ”وَارْ ثنْ نقّْ شَا! شكْ س يِيخفْ نّشْ، مَا أَذْ ثنْغذْ إِنِّي ثْحبّْسذْ س سِّيفْ نّشْ ذ ڒْقوْسْ نّشْ؟ سَارْسْ أَسنْ-د أَغْرُومْ ذ وَامَانْ مَاحنْذْ أَذْ شّنْ أَذْ سْونْ، ؤُشَا خنِّي أَذْعقْبنْ غَارْ سِيذِي نْسنْ.“
2KI 6:23 إِسّوْجذْ أَسنْ إِجّْ ن ؤُمنْسِي ذ أَمقّْرَانْ ؤُشَا نِيثْنِي شِّينْ، سْوِينْ. [أَوَارْنِي أَيَا] يَارْخُو أَسنْ ؤُشَا فّْغنْ غَارْ سِيذِي نْسنْ. [خنِّي] وَارْ د-ؤُسِينْثْ بَانْذِييَّاثْ ن أَرَامْ عَاذْ ذِي ثمُّورْثْ ن إِسْرَائِيل.
2KI 6:24 أَوَارْنِي ؤُيَا إِمْسَارْ، أَقَا بِينْهَاذَاذْ، أَجدْجِيذْ ن أَرَامْ، إِسّْمُونْ مَارَّا ڒْعسْكَارْ نّسْ، إِفّغْ، حِيمَا أَذْ إِنّضْ إِ سَامَارْيَا.
2KI 6:25 إِمْسَارْ إِجّْ ن ڒَاژْ ذ أَمقّْرَانْ ذِي سَامَارْيَا، مَاغَارْ خْزَارْ، نِيثْنِي نّْضنْ أَسْ-د أَڒَامِي إِذْوڒْ إِجّْ ن ؤُزدْجِيفْ ن إِجّْ وغْيُوڒْ إِسكّْوَا ثْمنْيِينْ ن [ؤُقِييَّاثْ ن] نُّوقَارْثْ ذ يِيجّْ ن أَرّْبعْ ن إِجّْ ن ڒقْيَاسْ س ڒغْبَارْ ن وذْبِيرْ [إِذْوڒْ إِسكّْوَا] خمْسَا ن [ؤُقِييَّاثْ ن] نُّوقَارْثْ.
2KI 6:26 ؤُمِي إِعْذُو ؤُجدْجِيذْ ن إِسْرَائِيل خْ ڒْحِيضْ، إِمْسَارْ، بلِّي ثْڒَاغَا أَسْ-د إِشْثْ ن ثمْغَارْثْ، ثنَّا: ”أوْشْ أَيِي-د أَفُوسْ، أَ سِيذِي إِنُو أَجدْجِيذْ!“
2KI 6:27 نتَّا إِنَّا: ”[مَاڒَا] سِيذِي وَارْ ذ أَمْ إِوْشِي أَفُوسْ، مَامّشْ نشّْ ذ أَمْ غَا وْشغْ أَفُوسْ؟ مَا أَذْ يِيڒِي [س شَا] زڭْ ؤُنذْرَارْ نِيغْ زِي ثْسِيرْثْ ن ؤُضِيڒْ؟“
2KI 6:28 إِنَّا أَسْ ؤُجدْجِيذْ: ”مِينْ شكْ يُوغِينْ؟“ نتَّاثْ ثنَّا: ”ثَامْغَارْثْ-أَ ثنَّا أَيِي: ’أَوِي-د مِّيمْ، حِيمَا أَسّْ-أَ أَذْ ث نشّْ ؤُ مِّي أَذْ ث نشّْ خنِّي ثِيوشَّا.‘ “
2KI 6:29 [أَمُّو] نشِّينْ نسّْننَّا مِّي ؤُشَا نشَّا إِ-ث. [مَاشَا] ڒَامِي ذ أَسْ نِّيغْ ثِيوشَّا نّسْ: ’أوْشْ [ڒخُّو] مِّيمْ، حِيمَا أَذْ ث نشّْ!‘، ڒخْذنِّي ثسّْنُوفَّارْ نتَّاثْ مِّيسْ.“
2KI 6:30 ؤُمِي إِسْڒَا ؤُجدْجِيذْ أَوَاڒنْ ن ثمْغَارْثْ-أَ، إِشَارّڭْ أَرُّوضْ نّسْ ؤُشَا [أَمُّو إِ] يُويُورْ خْ ڒْحِيضْ ؤُشَا إِژْرَا ڒْڭنْسْ إِلَّا أَقَا يَارْضْ إِشْثْ ن ثْخَانْشثْ [ن وشْضَانْ] خْ أَرِّيمثْ نّسْ.
2KI 6:31 نتَّا إِنَّا: ”أجّْ أَذْ أَيِي إِڭّْ أَربِّي ثَا ذ ثَا ؤُشَا أَذْ ذَايسْ يَارْنِي عَاذْ، مَاڒَا إِقِّيمْ ؤُزدْجِيفْ ن إِلِيشَاعْ، مِّيسْ ن شَافَاثْ، خَاسْ أَڒْ أَسّْ-أَ!“
2KI 6:32 إِلِيشَاعْ إِقِّيمْ ذِي ثَادَّارْثْ نّسْ ذ إِمقّْرَاننْ قِّيمنْ غَارسْ. ثُوغَا [ؤُجدْجِيذْ] إِسّكّْ إِجّْ ن ورْيَازْ غَارْ زَّاثْ نّسْ، مَاشَا قْبڒْ مَا يِيوضْ ؤُرقَّاسْ غَارسْ، إِنَّا [إِلِيشَاعْ] إِ إِمقّْرَاننْ: ”مَا ثژْرِيمْ أَقَا وَانِيثَا، مِّيسْ ن إِجّْ ن ؤُقتَّاڒْ، إِسّكّْ-د ونِّي ذ أَيِي غَا إِقسّنْ أَزدْجِيفْ؟ حْضَامْ ڒخُّو، خْمِي د غَا يَاسْ ؤُرقَّاسْ، بلّْعمْ ثَاوَّارْثْ ؤُ سْبدّمْ ث غَارْ ثوَّارْثْ! مَا وَارْ [إِتّْوَاسڒْ] ڒْحسّْ ن إِصُورَافْ ن سِيذِيسْ أَوَارْنِي أَسْ؟“
2KI 6:33 ڒَامِي ثُوغَا أَكِيذْسنْ إِسَّاوَاڒْ عَاذْ، خْزَارْ، إِهْوَا-د ؤُرقَّاسْ غَارسْ. ؤُشَا أَجدْجِيذْ إِنَّا: ”خْزَارْ، ثُوعفّْنَا-يَا زِي سِيذِي. مِينْ غَا رَاجِيغْ عَاذْ [خنِّي] زِي سِيذِي؟“
2KI 7:1 [خنِّي] إِنَّا إِلِيشَاعْ: ”سْڒمْ إِ وَاوَاڒْ ن سِيذِي! أَمُّو إِ إِقَّارْ سِيذِي: ’ثِيوشَّا غَارْ ڒْوقْثْ-أَ أَذْ ثسْوَا إِجّْ ن ڒقْيَاسْ ن وَارنْ أَزْذَاذْ غَارْ ثوَّارْثْ ن سَامَارْيَا مْغِيرْ إِجّْ ن شِيقْلُو ؤُ أَذْ مّنْزنْ ؤُڒَا ذ ثْنَاينْ ن ڒقْيَاسْ ن إِمنْذِي إِ يِيجّْ ن شِيقْلُو [وَاهَا]!“
2KI 7:2 إِجّْ ن ؤُنغْرَافْ [ن ڒْعسْكَارْ]، ونِّي خْ ؤُغِيڒْ نّسْ إِعمّذْ ؤُجدْجِيذْ، يَارَّا-د خْ ورْيَازْ ن أَربِّي: ”خْزَارْ، وَاخَّا مَاڒَا سِيذِي إِڭَّا ڒكْوَازَا ذڭْ ؤُجنَّا، مَا إِزمَّارْ أَيَا أَذْ إِمْسَارْ؟“ [مَاشَا] نتَّا إِنَّا: ”خْزَارْ، أَذْ ث ثْژَارذْ س ثِيطَّاوِينْ نّشْ، مَاشَا وَارْ زَّايسْ ثتّتّذْ.“
2KI 7:3 ثُوغَا ذِينْ أَربْعَا ن يرْيَازنْ زَّاثْ إِ وَاذَافْ ن ثوَّارْثْ. نَّانْ إِجّْ إِ ونّغْنِي: ”مَايمِّي غَا نقِّيمْ ذَا أَڒْ غَا نمّثْ؟
2KI 7:4 مَاڒَا أَذْ نِينِي: ’أجّْ أَنغْ أَذْ نَاذفْ غَارْ ثنْذِينْثْ!‘، خنِّي إِدْجَا ڒَاژْ ذِي ثنْذِينْثْ ؤُ نشِّينْ أَذْ ذَايسْ نمّثْ. ؤُ مَاڒَا نقِّيمْ نشِّينْ ذَا، أَذْ نمّثْ [عَاوذْ]. خنِّي ڒخُّو، أجّْ أَنغْ أَذْ نفّغْ أَذْ نوْضَا ذڭْ إِفَاسّنْ ن ڒْمَارْڭحْ ن ڒْعسْكَارْ ن أَرَامْ. مَاڒَا نِيثْنِي جِّينْ أَنغْ ندَّارْ، أَذْ نقِّيمْ ندَّارْ، ؤُ مَاڒَا نِيثْنِي نْغِينْ أَنغْ، [خنِّي] أَذْ نمّثْ.“
2KI 7:5 نِيثْنِي كَّارنْ ذِي ثْبَامْبَاسْثْ، حِيمَا أَذْ ؤُيُورنْ غَارْ ڒْمَارْڭحْ ن ڒْعسْكَارْ ن أَرَامْ. [مَاشَا ؤُمِي] ؤُذْفنْ نِيثْنِي غَارْ طَّارْفْ ن ڒْمَارْڭحْ ن ڒْعسْكَارْ ن أَرَامْ، وَارْ ذِينْ ثُوغِي ؤُڒَا ذ إِجّنْ.
2KI 7:6 مَاغَارْ سِيذِي إِجَّا ڒْعسْكَارْ ن أَرَامْ أَذْ إِسڒْ إِ يِيجّْ ن ؤُجَارِّي ن إِكَارُّوثنْ ذ إِجّْ ن دّْرِيزْ ن إِيْسَانْ ذ دْجْغَارغْ ن إِجّْ ن ڒْعسْكَارْ ذ أَمقّْرَانْ، [أَڒَامِي] نِيثْنِي نَّانْ إِجّنْ إِ ونّغْنِي: ”خْزَارْ، أَجدْجِيذْ ن إِسْرَائِيل إِشْرَا ذ إِحَارّشْ-د خَانغْ إِجدْجِيذنْ ن إِحِيتِّييّنْ ذ إِجدْجِيذنْ ن إِمِيصْرِييّنْ.“
2KI 7:7 كَّارنْ ؤُشَا أَروْڒنْ ذِي ثْبَامْبَاسْثْ ؤُشَا جِّينْ إِقِيضَانْ نْسنْ ذ ييْسَانْ نْسنْ ذ يغْيَاڒْ نْسنْ ؤُڒَا ذ ڒْمَارْڭحْ ن ڒْعسْكَارْ أَمْ مَامّشْ ثنْ ثُوغَا، ؤُشَا أَروْڒنْ مَاحنْذْ أَذْ سّْنجْمنْ ڒعْمَارْ نْسنْ.
2KI 7:8 [ڒَْامِي] د-إِوْضنْ أَيْثْ ن بُو-ڒْبَارْصْ غَارْ طَّارْفْ ن ڒْمَارْڭحْ ن ڒْعسْكَارْ، ؤُذْفنْ غَارْ إِجّْ ن ؤُقِيضُونْ، شِّينْ، سْوِينْ ؤُ إِوْينْ سّنِّي نُّوقَارْثْ ذ وُورغْ ذ وَارُّوضنْ ؤُشَا فّْغنْ، سّْنُوفَّارنْ أَيَا. [أَوَارْنِي مَانْ أَيَا]عقْبنْ-د، ؤُذْفنْ غَارْ إِجّْ ن ؤُقِيضُونْ نّغْنِي ؤُشَا إِوْينْ ؤُڒَا سّنِّي [شَا]، ؤُشَا فّْغنْ، سّْنُوفَّارنْ أَيَا [عَاوذْ].
2KI 7:9 [خنِّي] نَّانْ إِ وَايَاوْيَا: ”نشِّينْ وَارْ نتّڭّْ مِينْ إِدْجَانْ نِيشَانْ. أَسّْ-أَ ذ إِجّْ ن وَاسّْ ن ڒخْبَارْ أَصبْحَانْ ؤُ نشِّينْ نسّغْذْ. [مَاڒَا] نْرَاجَا [ذَا] أَڒْ إِ غَا إِفُّو ڒْحَاڒْ، أَذْ أَنغْ ثڒْقفْ ڒْمُوعْصِييّثْ. [خنِّي] ڒخُّو، أَسمْ-د، أجّْ أَنغْ أَذْ نُويُورْ، أَذْ ث نْعَاوذْ ذِي ثَادَّارْثْ ن ؤُجدْجِيذْ.“
2KI 7:10 نِيثْنِي إِوْضنْ [ذِينْ]، ڒَاغَانْ خْ ؤُعسَّاسْ ن ثوَّارْثْ ن ثنْذِينْثْ، حَاجَانْ أَسنْ، نَّانْ: ”نشِّينْ نُوذفْ غَارْ ڒْمَارْڭحْ ن ڒْعسْكَارْ ن أَرَامْ، ؤُ خْزَارْ، وَارْ ذِينْ ؤُڒَا ذ إِجّْ، وَارْ نسْڒِي إِ شَا ن ڒْحسّْ ن يوْذَانْ، مْغِيرْ إِيْسَانْ ثُوغَا قّْننْ ذ يغْيَاڒْ ثُوغَا شَارْفنْ، ذ إِقِيضَانْ أَمْ مَامّشْ [دْجَانْ].“
2KI 7:11 إِڒَاغَا خْ إِعسَّاسنْ ن ثوَّارْثْ ؤُشَا سِّيوْضنْ نِيثْنِي [أَرقَّاسْ] غَارْ ذَاخڒْ ن ثَادَّارْثْ ن ؤُجدْجِيذْ.
2KI 7:12 إِكَّارْ ؤُجدْجِيذْ ذِي دْجِيڒثْ، إِنَّا إِ إِمْسخَّارنْ نّسْ: ”نشّْ أَذْ أَومْ إِنِيغْ مِينْ أَكِيذْنغْ إِ غَا يڭّْ أَرَامْ. نِيثْنِي سّْننْ، أَقَا نشِّينْ ذ أَيْثْ ن بُو-دْجُوژْ. [خْ ؤُينِّي] فّْغنْ زِي ڒْمَارْڭحْ ن ڒْعسْكَارْ، حِيمَا أَذْ نُوفَّارنْ ذڭْ إِيَّارْ، قَّارنْ: ’مَاڒَا نِيثْنِي أَذْ فّْغنْ زِي ثنْذِينْثْ، أَذْ ثنْ نطّفْ دَّارنْ ؤُشَا أَذْ نَاذفْ غَارْ ثنْذِينْثْ.‘ “
2KI 7:13 إِجّنْ زڭْ إِمْسخَّارنْ يَارَّا-د، إِنَّا: ”أجّْ [إِرْيَازنْ] أَذْ كْسِينْ خمْسَا ن إِيْسَانْ نِّي عَاذْ ذِينْ إِدْجَانْ، إِنِّي إِقِّيمنْ ذِي ثنْذِينْثْ، [ؤُ خنِّي] أَذْ نْژَارْ مَا أَذْ أَسنْ إِمْسَارْ أَمْ وَاطَّاسْ ن أَيْثْ ن إِسْرَائِيل إِنِّي ذَا إِقِّيمنْ، [نِيغْ] أَمْ وَاطَّاسْ ن أَيْثْ ن إِسْرَائِيل إِنِّي إِتّْوَاهلّْكنْ. أجّْ أَنغْ أَذْ ثنْ نسّكّْ ؤُشَا خنِّي أَذْ نْژَارْ [مِينْ إِ غَا يِيڒِي].“
2KI 7:14 كْسِينْ نِيثْنِي ثْنَاينْ ن إِيْسَانْ ن ثَازْڒَا. أَجدْجِيذْ إِسّكّْ إِ-ثنْ أَوَارْنِي إِ ڒْعسْكَارْ ن أَرَامْ، إِنَّا: ”ؤُيُورمْ، ثخْزَارمْ!“
2KI 7:15 نِيثْنِي ضْفَارنْ ثنْ أَڒْ لْ-ؤُرْذُونْ، ؤُ خْزَارْ، أَبْرِيذْ مَارَّا إِنْثِي س وَارُّوضْ ذ ڒحْوَايجْ نِّي إِمّنْضَارنْ أَيْثْ ن أَرَامْ أَمْ ثُوغَا تّْقدْجِيقنْ [ذِي ثَاروْڒَا] نْسنْ. إِرقَّاسنْعقْبنْ ؤُ سِّيوْضنْ ڒخْبَارْ إِ ؤُجدْجِيذْ.
2KI 7:16 [خنِّي] إِفّغْ ڒْڭنْسْ [زِي ثنْذِينْثْ] ؤُشَا كشّْضنْ ڒْمَارْڭحْ ن ڒْعسْكَارْ ن أَرَامْ ؤُشَا ثمّنْزْ إِجّْ ن ڒقْيَاسْ ن وَارنْ أَزْذَاذْ س يِيجّْ ن شِيقْلُو ذ ثْنَاينْ ن ڒقْيَاسْ ن إِمنْذِي س يِيجّْ ن شِيقْلُو عْلَاحْسَابْ أَوَاڒْ ن سِيذِي.
2KI 7:17 إِڭَّا ؤُجدْجِيذْ أَنغْرَافْ [ن ڒْعسْكَارْ] ونِّي خْ إِتّْشَاڒْ، حِيمَا أَذْ يِيڒِي خْ ثوَّارْثْ، [مَاشَا] إِعْفسْ خَاسْ ڒْڭنْسْ ذِي ثوَّارْثْ أَڒَامِي إِمُّوثْ أَمْ مَامّشْ ثُوغَا إِنَّا ورْيَازْ ن أَربِّي، ونِّي إِسِّيوْڒنْ ؤُمِي ثُوغَا غَارسْ د-إِهْوَا ؤُجدْجِيذْ.
2KI 7:18 أَقَا إِمْسَارْ أَمْ مَامّشْ ثُوغَا إِسِّيوڒْ ورْيَازْ ن أَربِّي إِ ؤُجدْجِيذْ، إِ إِنَّانْ: ”ثِيوشَّا غَارْ ڒْوقْثْ-أَ [أَذْ مّنْزنْ] غَارْ ثوَّارْثْ ن سَامَارْيَا ثْنَاينْ ن ڒقْيَاسْ ن إِمنْذِي س يِيجّْ ن شِيقْلُو ذ يِيجّْ ن ڒقْيَاسْ ن وَارنْ أَزْذَاذْ س يِيجّْ ن شِيقْلُو.“
2KI 7:19 ثُوغَا يَارَّا-د ؤُنغْرَافْ [ن ڒْعسْكَارْ] خْ ورْيَازْ ن أَربِّي، إِنَّا: ”خْزَارْ، وَاخَّا مَاڒَا سِيذِي إِڭَّا ڒكْوَازَا ذڭْ ؤُجنَّا، مَا إِزمَّارْ أَذْ إِمْسَارْ ؤُيَا؟“ ؤُ نتَّا ثُوغَا إِنَّا: ”خْزَارْ، أَذْ ث ثْژَارذْ س ثِيطَّاوِينْ نّشْ، مَاشَا وَارْ زَّايْسنْ ثتّتّذْ.“
2KI 7:20 أَمُّو إِ ذ أَسْ ثمْسَارْ، [مَاغَارْ] ڒْڭنْسْ إِعْفسْ خَاسْ ذِي ثوَّارْثْ. [أَڒَامِي] إِمُّوثْ.
2KI 8:1 ڒَامِي إِسِّيوڒْ إِلِيشَاعْ أَكْ-ذ ثمْغَارْثْ ثنِّي ؤُمِي ثُوغَا إِسّْفَاقْ مِّيسْ، إِنَّا [أَسْ]: ”كَّارْ، فّغْ، شمْ أَكْ-ذ ثْوَاشُونْثْ نّمْ ؤُ زْذغْ أَمْ يِيشْثْ ن ثْبَارَّانشْثْ مَانِي مَا ثْزمَّارذْ أَذْ ثْزذْغذْ، مَاغَارْ سِيذِي يُورَا إِشْثْ ن ڒحْصَارثْ ن ڒَاژْ ثنِّي إِ غَا يكّنْ عَاوذْ سبْعَا ن إِسڭّْوُوسَا خْ ثمُّورْثْ.“
2KI 8:2 ؤُشَا ثكَّارْ ثمْغَارْثْ، ثڭَّا عْلَاحْسَابْ أَوَاڒْ ن ورْيَازْ ن أَربِّي. نتَّاثْ ثفّغْ أَكْ-ذ ثْوَاشُونْثْ نّسْ ؤُشَا ثزْذغْ سبْعَا ن إِسڭّْوُوسَا ذِي ثمُّورْثْ ن إِفِيلِيسْطِينِييّنْ.
2KI 8:3 أَوَارْنِي سبْعَا ن إِسڭّْوُوسَا، إِمْسَارْ بلِّي ثَامْغَارْثْ ثعْقبْ-د زِي ثمُّورْثْ ن إِفِيلِيسْطِينِييّنْ. نتَّاثْ ثفّغْ، حِيمَا أَذْ ثتَّارْ ثْوِيزَا ن ؤُجدْجِيذْ خْ ثَادَّارْثْ نّسْ ذ ييَّارْ نّسْ.
2KI 8:4 أَجدْجِيذْ ثُوغَا إِتّْحَارّضْ أَكْ-ذ جِيحَازِي، أَمْسخَّارْ ن ورْيَازْ ن أَربِّي، إِنَّا: ”حَاجَا أَيِي مَارَّا ثِيمسْڒَايِينْ ثِيمقّْرَانِينْ إِ إِڭَّا إِلِيشَاعْ.“
2KI 8:5 إِمْسَارْ أَمْ ثُوغَا إِتّْعَاوَاذْ وَانِيثَا إِ ؤُجدْجِيذْ خْ مَامّشْ د-إِسّْفَاقْ إِلِيشَاعْ إِجّْ ن ؤُمتِّينْ، خْزَارْ، ثُوسَا-د ثمْغَارْثْ نِّي ؤُمِي د-إِسّْفَاقْ مِّيسْ، حِيمَا أَذْ ثتَّارْ ثْوِيزَا ن ؤُجدْجِيذْ خْ ثَادَّارْثْ نّسْ ذ ييَّارْ نّسْ. [خنِّي] إِنَّا جِيحَازِي: ”[أَ] سِيذِي إِنُو أَجدْجِيذْ، ثَا ذ ثَامْغَارْثْ ذ وَا ذ مِّيسْ إِ د-إِسّْفَاقْ إِلِيشَاعْ غَارْ ثُوذَارْثْ.“
2KI 8:6 أَجدْجِيذْ إِسّقْسَا ثَامْغَارْثْ ؤُ نتَّاثْ ثْحَاجَا أَسْ ت-إِ-د. [خَاسْ ؤُشَا] إِوْشَا أَسْ ؤُجدْجِيذْ إِجّْ ن ؤُمْسخَّارْ أَمْشنّعْ، إِنَّا: ”حْضَاثْ أَذْ غَارسْ إِتّْوَارّْ مَارَّا مِينْ إِدْجَانْ نّسْ ؤُڒَا ذ مَارَّا صَّابثْ ن إِيَّارْ زڭْ وَاسّْ نِّي ذِي ثجَّا نتَّاثْ ثَامُّورْثْ أَڒْ أَسّْ-أَ.“
2KI 8:7 إِلِيشَاعْ يُوسَا-د غَارْ ذِيمَاشْقْ [ؤُمِي] بِينْهَاذَاذْ، أَجدْجِيذْ ن أَرَامْ، إِهْڒشْ. حَاجَانْ أَسْ مَانْ أَيَا، نَّانْ: ”أَقَا أَرْيَازْ ن أَربِّي يُوسَا-د ذَانِيثَا.“
2KI 8:8 [خَاسْ ؤُشَا] إِنَّا ؤُجدْجِيذْ إِ حَازَايِيلْ: ”أَوِي-د أَكِيذكْ إِشْثْ ن ثرْزفْثْ، رُوحْ أَذْ ثڒْقِيذْ أَرْيَازْ ن أَربِّي ؤُشَا سقْسَا زَّايسْ سِيذِي، أَذْ ثِينِيذْ: ”مَا نشّْ أَذْ ڭّنْفِيغْ زِي ڒهْڒَاشْ-أَ؟“
2KI 8:9 حَازَايِيلْ يُويُورْ أَذْ ث إِڒْقَا ؤُشَا يِيوِي أَكِيذسْ إِشْثْ ن ثرْزفْثْ، عْڒَامْ كُوڒْ نْ مِينْ إِدْجَانْ ذ لمْلِيحْ زِي ذِيمَاشْقْ، إِجّْ ن دّْقڒْ ن أَربْعِينْ ن إِڒغْمَانْ. نتَّا يِيوضْ ؤُ إِبدّْ زَّاثسْ، إِنَّا: ”مِّيشْ بِينْهَاذَاذْ، أَجدْجِيذْ ن أَرَامْ، إِسّكّْ أَيِي-د غَاركْ، مَاحنْذْ أَذْ سّقْسِيغْ: ’مَا أَذْ ڭّنْفِيغْ زِي ڒهْڒَاشْ-أَ؟‘ “
2KI 8:10 إِنَّا أَسْ إِلِيشَاعْ: ”ؤُيُورْ، أَذْ ثِينِيذْ: ’شكْ وَارْ ثڭّنْفِيذْ شَا كُوڒْشِي!‘ سِيذِي إِسّْشنْ أَيِي، أَقَا نتَّا أَذْ إِمّثْ نِيشَانْ.“
2KI 8:11 ؤُذمْ نّسْ إِبْعَارْ ؤُ إِسّقْسحْ ذَايسْ ثَامُوغْڒِي أَڒَامِي وَارْ إِسِّينْ مِينْ غَا يڭّْ. [خنِّي إِبْذَا] ورْيَازْ ن أَربِّي إِتّْرُو.
2KI 8:12 [خنِّي] إِنَّا حَازَايِيلْ: ”مَايمِّي إِتّْرُو سِيذِي إِنُو؟“ نتَّا إِنَّا: ”مِينْزِي نشّْ سّْنغْ ڒحْڒِيقْ إِ ذ غَا ثَاوْيذْ شكْ إِ أَيْثْ ن إِسْرَائِيل. شكْ أَذْ ثقّْذذْ ثِيمسِّي إِ لْقلْعَاثْ نْسنْ، أَذْ ثنْغذْ إِحُوذْرِييّنْ نْسنْ س سِّيفْ، أَذْ ثْڒبْزذْ إِحنْجِيرنْ نْسنْ ؤُ ثِيمْغَارِينْ نْسنْ إِ إِكْسِينْ س دّيْسثْ أَذْ أَسنْثْ ثْشَارّْڭذْ أَعذِّيسْ.“
2KI 8:13 حَازَايِيلْ إِنَّا: ”مَاغَارْ مِينْ إِعْنَا ؤُمْسخَّارْ نّشْ، أَقْزِينْ نِّي، أَقَا نتَّا إِزمَّارْ أَذْ إِڭّْ ڒْحَاجّثْ ذ ثَامقّْرَانْثْ أَمْ ثَانِيثَا؟“ إِلِيشَاعْ إِنَّا: ”سِيذِي إِسّْشنْ أَيِي-د بلِّي أَذْ ثِيڒِيذْ ذ أَجدْجِيذْ خْ أَرَامْ.“
2KI 8:14 [خنِّي] إِڭّْوجْ نتَّا خْ إِلِيشَاعْ، ؤُشَا يُوسَا-د غَارْ سِيذِيسْ. وَانِيثَا إِنَّا أَسْ: ”مِينْ ذ أَشْ إِنَّا إِلِيشَاعْ؟“ ؤُ نتَّا يَارَّا-د: ”نتَّا إِنَّا أَيِي: ’أَقَا شكْ أَذْ ثڭّنْفِيذْ!‘ “
2KI 8:15 ثِيوشَّا نّسْ إِمْسَارْ أَقَا إِكْسِي نتَّا إِشْثْ ن مَالْثَا، إِسّغْضصْ إِ-ت ذڭْ وَامَانْ ؤُشَا إِسَّارْسْ إِ-ت خْ ؤُغمْبُوبْ نّسْ أَڒَامِي إِمُّوثْ. ؤُشَا إِذْوڒْ حَازَايِيلْ ذ أَجدْجِيذْ ذڭْ ومْشَانْ نّسْ.
2KI 8:16 ذڭْ ؤُسڭّْوَاسْ وِيسّْ خمْسَا ن يُورَامْ، مِّيسْ ن أَخَابْ، أَجدْجِيذْ ن إِسْرَائِيل، ؤُمِي ثُوغَا يَاهُوشَافَاثْ ذ أَجدْجِيذْ ن يَاهُوذَا، إِذْوڒْ يَاهُورَامْ، مِّيسْ ن يَاهُوشَافَاطْ، ذ أَجدْجِيذْ ن يَاهُوذَا.
2KI 8:17 نتَّا [ثُوغَا] غَارسْ ثْنَاينْ ؤُ-ثْڒَاثِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ ثْمنْيَا ن إِسڭّْوُوسَا ذِي ؤُرْشَالِيمْ.
2KI 8:18 نتَّا يُويُورْ ذڭْ وبْرِيذْ ن إِجدْجِيذنْ ن إِسْرَائِيل، أَمْ مَامّشْ ثُوغَا ثڭَّا ثَادَّارْثْ ن أَخَابْ، مَاغَارْ يدْجِيسْ ن أَخَابْ ثذْوڒْ ذ ثَامْغَارْثْ نّسْ. نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي.
2KI 8:19 [مَاشَا] سِيذِي وَارْ إِخْسْ أَذْ يَاردّدْجْ يَاهُوذَا ذِي طّْوعْ ن ؤُمْسخَّارْ نّسْ ذَاوُوذْ، أَمْ مَامّشْ ذ أَسْ ثُوغَا إِنَّا، أَذْ أَسْ إِوْشْ ڒبْذَا إِجّْ ن ڒفْنَارْ زَّاثْ إِ ثِيطَّاوِينْ نّسْ ذِي طّْوعْ ن وَارَّاونْ نّسْ.
2KI 8:20 ذڭْ وُوسَّانْ نّسْ إِزمَّارْ إِذُومْ أَذْ إِخْثُوتّڒْ زڭْ إِفَاسّنْ ن يَاهُوذَا ؤُمِيغوّْغنْ، ؤُ نِيثْنِي ڭِّينْ إِجّْ ن ؤُجدْجِيذْ خْ يِيخفْ نْسنْ.
2KI 8:21 [خَاسْ ؤُشَا] إِعْذُو يَاهُورَامْ أَكْ-ذ مَارَّا إِكَارُّوثنْ [ن ؤُمنْغِي] نّسْ غَارْ صَاعِيرْ. ؤُشَا إِمْسَارْ أَقَا إِكَّارْ س دْجِيڒثْ ؤُشَا إِهْجمْ خْ أَيْثْ ن إِذُومْ إِنِّي ثُوغَا إِ ذ أَسْ د-إِنّْضنْ إِ نتَّا ؤُ إِ إِمقّْرَاننْ ن إِكَارُّوثنْ [ن ؤُمنْغِي]، [مَاشَا] ڒْڭنْسْ يَارْوڒْ غَارْ إِقِيضَانْ نّسْ.
2KI 8:22 [س ؤُينِّي]، خْثُوتّْڒنْ أَيْثْ ن إِذُومْ س ؤُغوّغْ زِي جَارْ إِفَاسّنْ ن يَاهُوذَا أَڒْ أَسّْ-أَ. ذِي ڒْوقْثْ نِّي بعْذَا إِغوّغْ ؤُڒَا ذ لِيبْنَا.
2KI 8:23 إِمزْرُوينْ إِ إِقِّيمنْ ن يَاهُورَامْ، ذ مَارَّا مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟
2KI 8:24 يَاهُورَامْ إِڭَّا أَذْ يَاريّحْ جَارْ ڒجْذُوذْ نّسْ. نتَّا إِتّْوَانْضڒْ جَارْ ڒجْذُوذْ نّسْ ذِي ثنْذِينْثْ ن ذَاوُوذْ. مِّيسْ، أَخَازْيَا، إِذْوڒْ ذ أَجدْجِيذْ ذڭْ ومْشَانْ نّسْ.
2KI 8:25 ذڭْ ؤُسڭّْوَاسْ وِيسّْ ثنْعَاشْ ن يُورَامْ، مِّيسْ ن أَخَابْ، أَجدْجِيذْ ن إِسْرَائِيل، إِبْذَا أَخَازْيَا، مِّيسْ ن يَاهُورَامْ، أَجدْجِيذْ ن يَاهُوذَا، أَذْ إِحْكمْ.
2KI 8:26 أَخَازْيَا [ثُوغَا] غَارسْ ثْنَاينْ ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ إِجّْ ن ؤُسڭّْوَاسْ ذِي ؤُرْشَالِيمْ. يمَّاسْ قَّارنْ أَسْ عَاثَالْيَا، يدْجِيسْ ن عُومْرِي، أَجدْجِيذْ ن إِسْرَائِيل.
2KI 8:27 نتَّا يُويُورْ ذڭْ وبْرِيذْ ن ثَادَّارْثْ ن أَخَابْ ؤُ إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، أَمْ ثَادَّارْثْ ن أَخَابْ، مَاغَارْ ثُوغَا ذ أَضڭّْوَاڒْ ن ثَادَّارْثْ ن أَخَابْ.
2KI 8:28 إِفّغْ [أَخَازْيَا] أَكْ-ذ يُورَامْ، مِّيسْ ن أَخَابْ، إِ ؤُمنْغِي أَكْ-ذ حَازَايِيلْ، أَجدْجِيذْ ن أَرَامْ، غَارْ رَامُوثْ ذِي جِيلْعَاذْ، [مَاشَا] أَيْثْ ن أَرَامْغڒْبنْ خْ يُورَامْ.
2KI 8:29 [خنِّي] يَارڭّْوحْ ؤُجدْجِيذْ يُورَامْ، مَاحنْذْ أَذْ يَارْزُو ذِي يَازْرَاعِيلْ أَڭنْفُو زڭْ إِيزِّيمنْ نِّي إِ ذ أَسْ ڭِّينْ [أَيْثْ ن] أَرَامْ ؤُمِي إِمّْنغْ نتَّا ذِي رَامُوثْ أَكْ-ذ ؤُجدْجِيذْ نْسنْ حَازَايِيلْ، أَجدْجِيذْ ن أَرَامْ. أَخَازْيَا، مِّيسْ ن يَاهُورَامْ، أَجدْجِيذْ ن يَاهُوذَا، إِهْوَا-د [ذِينْ]، حِيمَا أَذْ إِسِّيجّْ خْ يُورَامْ، مِّيسْ ن أَخَابْ، ذِي يَازْرَاعِيلْ، ؤُمِي ثُوغَا إِهْڒشْ نتَّا.
2KI 9:1 [خنِّي] أَنَابِي إِلِيشَاعْ إِڒَاغَا-د إِ يِيجّنْ زڭْ أَيْثْ ن إِنَابِييّنْ، إِنَّا أَسْ: ”بْيسْ، كْسِي أَغَارَّافْ-أَ ن زّشْثْ ذڭْ ؤُفُوسْ نّشْ ؤُشَا ثُويُورذْ غَارْ رَامُوثْ [ذِي] جِيلْعَاذْ.
2KI 9:2 [خْمِي] ذِينِّي إِ غَا ثَاوْضذْ، أَرْزُو خْ يَاهُو، مِّيسْ ن يَاهُوشَافَاطْ، مِّيسْ ن نِيمْشِي. أَذفْ [غَارسْ] ؤُشَا أجّْ إِ-ث أَذْ د-إِكَّارْ زِي ڒْوسْطْ ن يَايْثْمَاسْ، نْذهْ إِ-ث غَارْ إِجّْ ن وخَّامْ إِطُّورْفِييْ مْلِيحْ.
2KI 9:3 [خنِّي] كْسِي أَغَارَّافْ ن زّشْثْ، زدْجعْ إِ-ث خْ ؤُزدْجِيفْ نّسْ ؤُشَا إِنِي: ’أَمُّو إِ إِقَّارْ سِيذِي: نشّْ ذهْنغْ شكْ ذ أَجدْجِيذْ خْ إِسْرَائِيل.‘ [خنِّي] أَرْزمْ ثَاوَّارْثْ، أَرْوڒْ، وَارْ تّْرِيجِي عَاذْ كْثَارْ!“
2KI 9:4 أَحُوذْرِي، أَمْسخَّارْ ن ؤُنَابِي، يُويُورْ ذڭْ وبْرِيذْ غَارْ رَامُوثْ [ذِي] جِيلْعَاذْ.
2KI 9:5 [ؤُمِي] [ذِينْ] د-يِيوضْ، خْزَارْ، إِكُومَانْذَارنْ ن ڒْعسْكَارْ ثُوغَا قِّيمنْ ذِينِّي. نتَّا إِنَّا: ”نشّْ غَارِي إِجّْ ن وَاوَاڒْ إِ شكْ، [أَ] ڒْقبْطَانْ. يَاهُو إِسّقْسَا: ”إِ مَانْ ونْ زَّايْنغْ مَارَّا؟“ نتَّا إِنَّا: ”إِ شكْ، [أَ] ڒْقبْطَانْ!“
2KI 9:6 [خنِّي] إِكَّارْ يَاهُو، يُوذفْ غَارْ ثَادَّارْثْ. ؤُ نتَّا إِفَارّغْ أَسْ زّشْثْ خْ ؤُزدْجِيفْ نّسْ، إِنَّا أَسْ: ”أَمُّو إِ إِقَّارْ سِيذِي، أَربِّي ن إِسْرَائِيل: ’نشّْ ذهْنغْ شكْ ذ أَجدْجِيذْ خْ ڒْڭنْسْ ن سِيذِي، خْ إِسْرَائِيل.
2KI 9:7 شكْ أَذْ ثوْثذْ ثَادَّارْثْ ن أَخَابْ، سِيذِي نّشْ، ؤُ نشّْ أَذْ تَّارغْ زڭْ ؤُفُوسْ ن إِزَابِيلْ إِذَامّنْ ن إِمْسخَّارنْ إِنُو، إِنَابِييّنْ، ؤُڒَا ذ إِذَامّنْ ن مَارَّا إِمْسخَّارنْ ن سِيذِي.
2KI 9:8 مَارَّا ثَادَّارْثْ ن أَخَابْ أَذْ ثتّْوَاكّسْ، ؤُ نشّْ أَذْ قْضِيغْ زِي ثَادَّارْثْ ن أَخَابْ مَارَّا وِي ث إِتّڭّنْ خْ ڒْحِيضْ، [أَمْ] ونِّي إِتّْوَاطّْفنْ، [أَمْ] ونِّي ؤُمِي جِّينْ ذِي إِسْرَائِيل.
2KI 9:9 نشّْ أَذْ أَرّغْ ثَادَّارْثْ ن أَخَابْ أَمشْنَاوْ ثَادَّارْثْ ن يَارُوبْعَامْ، مِّيسْ ن نَابَاطْ، ؤُ أَمْ ثَادَّارْثْ ن بَاعْشَا، مِّيسْ ن أَخِييَا.
2KI 9:10 إِطَانْ أَذْ شّنْ إِزَابِيلْ ذڭْ إِيَّارْ ن يَازْرَاعِيلْ ؤُشَا وَارْ إِتِّيڒِي ؤُڒَا ذ إِجّْ ونِّي ت إِ غَا إِنضْڒنْ.“ [خنِّي] يَارْزمْ نتَّا ثَاوَّارْثْ ؤُشَا يَارْوڒْ.‘ “
2KI 9:11 ؤُمِي د-إِفّغْ يَاهُو غَارْ بَارَّا غَارْ إِمْسخَّارنْ ن سِيذِيسْ، نَّانْ أَسْ: ”أَقَا شكْ مْلِيحْ؟ مَايمِّي إِ غَاركْ د-يُوسَا ؤُبُوهَاڒِي-يَا؟“ نتَّا يَارَّا-د خَاسنْ: ”كنِّيوْ ثسّْنمْ أَرْيَازْ ذ ڒْهَارْذْ نّسْ!“
2KI 9:12 [مَاشَا] نِيثْنِي نَّانْ ”ذ إِخَارِّيقنْ، إِنِي أَنغْ [ث]!“ [خنِّي] إِنَّا: ”أَمُّو ذ وَامُّو إِ كِيذِي إِسِّيوڒْ، إِنَّا: ’أَمُّو إِ إِقَّارْ سِيذِي: نشّْ ذهْنغْ شكْ ذ أَجدْجِيذْ خْ إِسْرَائِيل.‘ “
2KI 9:13 [ڒخْذنِّي] قدْجْقنْ ؤُ كُوڒْ إِجّْ إِكْسِي أَرُّوضْ نّسْ ؤُشَا إِسَّارْسْ إِ-ث سَاذُو [إِضَارنْ] نّسْ خْ ثَارذِّيفِينْ ن دّْرُوجْ ؤُشَا سُوضنْ ذڭْ ؤُيِيشّْ ن إِشَارِّي، نَّانْ: ”يَاهُو ذ أَجدْجِيذْ!“
2KI 9:14 يَاهُو، مِّيسْ ن يَاهُوشَافَاطْ، مِّيسْ ن نِيمْشِي، إِڭَّا إِجّْ ن ڒْعَاهْذْ ضِيدّْ يُورَامْ. يُورَامْ، نتَّا [جْمِيعْ] أَكْ-ذ مَارَّا إِسْرَائِيل، ثُوغَا إِحْضَا خْ رَامُوثْ [ذِي] جِيلْعَاذْ أَرنْذَاذْ ن وُوذمْ ن حَازَايِيلْ، أَجدْجِيذْ ن أَرَامْ.
2KI 9:15 [مَاشَا] أَجدْجِيذْ يُورَامْ يَارڭّْوحْ-د، مَاحنْذْ أَذْ يَارْزُو ذِي يَازْرَاعِيلْ أَڭنْفُو زڭْ إِيزِّيمنْ إِ ذ أَسْ ثُوغَا ڭِّينْ [أَيْثْ ن] أَرَامْ، ؤُمِي إِمّْنغْ أَكْ-ذ حَازَايِيلْ، أَجدْجِيذْ ن أَرَامْ. يَاهُو إِنَّا: ”مَاڒَا كنِّيوْ ثتَّافْقمْ، [خنِّي] وَارْ تّجِّيمْ أَذْ يَارْوڒْ ؤُڒَا ذ إِجّْ زِي ثنْذِينْثْ، أَذْ يُويُورْ مَاحنْذْ أَذْ إِسِّيوضْ ڒخْبَارْ-أَ غَارْ يَازْرَاعِيلْ.“
2KI 9:16 [خنِّي] إِنْيَا [ذڭْ ؤُكَارُّو نّسْ]، إِنْذهْ غَارْ يَازْرَاعِيلْ، مَاغَارْ ذِينِّي إِ ثُوغَا يُورَامْ. أَخَازْيَا، أَجدْجِيذْ ن يَاهُوذَا، ثُوغَا إِهْوَا-د، حِيمَا أَذْ إِسِّيجّْ خْ يُورَامْ.
2KI 9:17 أَعسَّاسْ إِبدّْ خْ صُّومْعثْ ذِي يَازْرَاعِيلْ ؤُشَا إِژْرَا يَاهُو يُوسَا-د، إِنَّا: ”نشّْ تّْوَاڒِيغْ إِجّْ ن ؤُهِيمُورْ.“ [خنِّي] إِنَّا يُورَامْ: ”أَوِي-د إِجّْ ن بُو-ؤُيِيسْ ؤُشَا سّكّْ إِ-ث-إِ-د إِ ؤُمْسَاڭَارْ أَكِيذْسنْ، أَذْ يِينِي: ”مَا ذ ڒهْنَا [مِينْ خفْ د-ثُوسِيذْ]؟“
2KI 9:18 بُو-ؤُيِيسْ إِنْيَا، حِيمَا أَذْ ث إِڒْقَا، إِنَّا: ”أَمُّو إِ إِقَّارْ ؤُجدْجِيذْ: ’مَا ذ ڒهْنَا [مِينْ خفْ د-ثُوسِيذْ]؟‘ “ [مَاشَا] يَاهُو يَارَّا-د [خَاسْ]: ”مَانِي شكْ إِشْقَا ڒهْنَا؟ أَسْ-د غَارْ ضفَّارْ إِنُو.“ أَعسَّاسْ إِعْڒمْ [أَيَا]، إِنَّا: ”أَمْسخَّارْ يِيوضْ غَارْسنْ، [مَاشَا] وَارْ د-إِعْقِيبْ شَا.“
2KI 9:19 إِسّكّْ ؤُجدْجِيذْ إِجّْ ن بُو-ؤُيِيسْ وِيسّْ ثْنَاينْ. [ؤُمِي] د-يُوسَا وَانِيثَا غَارْسنْ، إِنَّا: ”أَمُّو إِ إِقَّارْ ؤُجدْجِيذْ: ’مَا ذ ڒهْنَا [مِينْ خفْ د-ثُوسِيذْ]؟‘ “ [مَاشَا] يَاهُو يَارَّا-د [خَاسْ]: ”مَانِي شكْ إِشْقَا ڒهْنَا. أَسْ-د غَارْ ضفَّارْ إِنُو.“
2KI 9:20 أَعسَّاسْ إِعْڒمْ [س مَانْ أَيَا] عَاوذْ: ”نتَّا يِيوضْ إِ-ثنْ، [مَاشَا] وَارْ د-إِعْقِيبْ شَا ؤُ مَامّشْ إِندّهْ أَيِيسْ، إِڭَّا أَمْ مَامّشْ إِتّڭّْ يَاهُو، مِّيسْ ن نِيمْشِي، مَاغَارْ نتَّا إِندّهْ أَمْ إِندّهْ إِجّْ ن ؤُبُوهَاڒِي.“
2KI 9:21 [خنِّي] إِنَّا يُورَامْ: ”حزّمْ أَكَارُّو!“ حزّْمنْ أَكَارُّو نّسْ ؤُ يُورَامْ، أَجدْجِيذْ ن إِسْرَائِيل، إِفّغْ أَكْ-ذ أَخَازْيَا، أَجدْجِيذْ ن يَاهُوذَا، نذْهنْ كُوڒْ إِجّْ أَكَارُّو نّسْ. نِيثْنِي فّْغنْ إِ ؤُمْسَاڭَارْ أَكْ-ذ يَاهُو ؤُشَا ؤُفِينْ ث غَارْ ييَّارْ ن نابُوثْ، أَيَازْرَاعِيلِي.
2KI 9:22 إِمْسَارْ ؤُمِي إِژْرَا يُورَامْ يَاهُو، إِنَّا: ”مَا ذ ڒهْنَا [إِ خفْ د-ثُوسِيذْ]، [أَ] يَاهُو؟“ [مَاشَا] وَانِيثَا يَارَّا-د: ”مَانَا ڒهْنَا-يَا مِينْ غَا يكّْ فَارْقْ-شّْغڒْ ن يمَّاشْ إِزَابِيلْ ذ ثْسحَّارِينْ نّسْ [أَمُّو] س وَاطَّاسْ؟“
2KI 9:23 إِنّقْڒبْ يُورَامْ، حِيمَا أَذْ يَارْوڒْ، ؤُشَا إِنَّا إِ أَخَازْيَا: ”ثَامنْزِيوْثْ، أَخَازْيَا!“
2KI 9:24 مَاشَا يَاهُو إِمْنعْ ڒْقوْسْ نّسْ ذڭْ ؤُفُوسْ ؤُشَا إِڒْقفْ يُورَامْ [س فْڒِيثْشَا] جَارْ إِغَادْجنْ نّسْ. فْڒِيثْشَا ثسْنُوقّبْ قَاعْ ؤُڒْ نّسْ ؤُشَا إِوْضَا نتَّا ذڭْ ؤُكَارُّو نّسْ.
2KI 9:25 [خنِّي] إِنَّا يَاهُو إِ بِيذْكَارْ، أَنغْرَافْ نّسْ [ن ڒْعسْكَارْ]: ”كْسِي ث ؤُشَا نْضَارْ إِ-ث ذِي ثسْغَارْثْ ن ييَّارْ ن نابُوثْ، أَيَازْرَاعِيلِي. عْقڒْ، نشّْ ذ شكْ، إِجّْ غَارْ ؤُغزْذِيسْ ن ونّغْنِي، أَقَا نذْهنْ [خْ إِكَارُّوثنْ نّغْ] أَوَارْنِي إِ بَابَاسْ أَخَابْ ؤُمِي خَاسْ إِشثْشَا سِيذِي أَمُّو، [إِنَّا]:
2KI 9:26 ’س ثِيذتّْ أَمْ ژْرِيغْ إِضنَّاضْ إِذَامّنْ ن نابُوثْ ذ إِحنْجِيرنْ نّسْ، إِقَّارْ سِيذِي، أَمُّو إِ زَّايكْ ثنْ غَا خڒْفغْ خْ ييَّارْ-أَ، إِسَّاوَاڒْ سِيذِي.‘ خنِّي ڒخُّو، كْسِي ث ؤُشَا نْضَارْ إِ-ث ذڭْ إِيَّارْ عْلَاحْسَابْ أَوَاڒْ ن سِيذِي.“
2KI 9:27 [ؤُمِي] أَخَازْيَا، أَجدْجِيذْ ن يَاهُوذَا، إِژْرَا [أَيَا]، إِطّفْ أَبْرِيذْ غَارْ بَايْثْ-هَاڭَانْ. يَاهُو إِضْفَارْ إِ-ث ؤُ [ڒَْامِي يِيوضْ] غَارْ ثيْسَارْثْ ن جُورْ نِّي إِدْجَانْ غَارْ جِيبْلِيعَامْ، إِنَّا: ”وّثْ إِ-ث ؤُڒَا ذ نتَّا خْ ؤُكَارُّو!“ [خنِّي] يَارْوڒْ نتَّا غَارْ مَاجِيدُّو ؤُشَا إِمُّوثْ ذِينْ.
2KI 9:28 إِمْسخَّارنْ نّسْ إِوْينْ ث [خْ ؤُكَارُّو] غَارْ ؤُرْشَالِيمْ ؤُشَا نضْڒنْ ث ذڭْ ونْضڒْ نّسْ جَارْ ڒجْذُوذْ نّسْ ذِي ثنْذِينْثْ ن ذَاوُوذْ.
2KI 9:29 ذڭْ ؤُسڭّْوَاسْ وِيسّْ حِيطَاشْ ن يُورَامْ، مِّيسْ ن أَخَابْ، ثُوغَا إِذْوڒْ أَخَازْيَا ذ أَجدْجِيذْ خْ يَاهُوذَا.
2KI 9:30 [خنِّي] يُوسَا-د يَاهُو غَارْ يَازْرَاعِيلْ. [ڒَْامِي] ت ثسْڒَا إِزَابِيلْ، ثْكحّڒْ ثِيطَّاوِينْ نّسْ، ثْزوّقْ أَشُوَّافْ نّسْ ؤُشَا ثخْزَارْ زِي ڒْكَازِي غَارْ سْوَادَّايْ.
2KI 9:31 [ؤُمِي] د-يُوذفْ يَاهُو زِي ثَاوَّارْثْ، ثنَّا: ”مَا ذ ڒهْنَا [إِ خفْ د-ثُوسِيذْ]، زِيمْرِي، [أَ شكْ] ونِّي إِنْغِينْ سِيذِيسْ؟“
2KI 9:32 نتَّا إِخْزَارْ غَارْ ڒْكَازِي سنّجْ، إِنَّا: ”وِي أَكِيذِي إِدْجَانْ؟ مَانْ ونْ؟“ [خنِّي] خْزَارنْ ثْنَاينْ نِيغْ ثْڒَاثَا ن إِمْسخَّارنْ إِشنّْعنْ غَارسْ [ذِينْ] سْوَادَّايْ.
2KI 9:33 نتَّا إِنَّا [أَسنْ]: ”نْضَارمْ ت-إِ-د سْوَادَّايْ!“ نِيثْنِي نْضَارنْ-ت-إِ-د سْوَادَّايْ أَڒَامِي إِذَامّنْ نّسْ تّْوَارُوشّنْ خْ ڒْحِيضْ ؤُ خْ ييْسَانْ، ؤُ نتَّا إِڒْبزْ إِ-ت.
2KI 9:34 نتَّا يُوذفْ ؤُشَا إِشَّا، إِسْوَا. [أَوَارْنِي ؤُيَا] إِنَّا: ”خْزَارمْ غَارْ ثْمخْزِيوْثْ نِّي ؤُ نضْڒمْ ت، مَاغَارْ نتَّاثْ ذ يدْجِيسْ ن ؤُجدْجِيذْ.“
2KI 9:35 نِيثْنِي ؤُيُورنْ، حِيمَا أَذْ ت نضْڒنْ، [مَاشَا] نِيثْنِي وَارْ ت ؤُفِينْ شَا مْغِيرْ ثَاشقُّوفْثْ ن ؤُزدْجِيفْ ذ إِضَارنْ ذ إِفَاسّنْ وَاهَا.
2KI 9:36 [ؤُمِي] د -عقْبنْ، عَاوْذنْ أَسْ [ث] ؤُ نتَّا يَارَّا-د: ”وَا ذ أَوَاڒْ ن سِيذِي نِّي إِسِّيوِيڒْ س ؤُقمُّومْ ن ؤُمْسخَّارْ نّسْ، إِلِيشَاعْ أَثِيشْبِي. نتَّا إِنَّا: ’خْ ييَّارْ ن يَازْرَاعِيلْ إِطَانْ أَذْ شّنْ أَيْسُومْ [ن ڒْخشْبثْ] ن إِزَابِيلْ.
2KI 9:37 ڒْخشْبثْ ن إِزَابِيلْ أَذْ ثِيڒِي أَمْ ڒغْبَارْ خْ ييَّارْ ذڭْ وحْوِيشْ ن يَازْرَاعِيلْ، أَڒْ غَا ثَافْ وَارْ ذِينْ وِي غَا إِنِينْ: ثَا ذ إِزَابِيلْ.‘ “
2KI 10:1 أَخَابْ ثُوغَا غَارسْ سبْعِينْ ن إِحنْجِيرنْ ذِي سَامَارْيَا. يَاهُو يُورَا ثِيبْرَاثِينْ، إِسّكّْ [إِ-ثنْثْ] غَارْ سَامَارْيَا إِ إِمقّْرَاننْ ن يَازْرَاعِيلْ، إِ إِمْغَارنْ ؤُ إِ يِينِّي يَاربَّانْ [إِحنْجِيرنْ ن] أَخَابْ. [ذَايْسنْثْ] إِنَّا:
2KI 10:2 ”مَاڒَا ڒخُّو ثَابْرَاثْ-أَ ثُوسَا-د غَارْومْ، [أَمْ] غَارْومْ إِحنْجِيرنْ ن سِيذِيثْومْ ڒَا ذ إِكَارُّوثنْ ذ ييْسَانْ، ذ إِشْثْ ن ثنْذِينْثْ إِفَارْينْ ذ ڒسْنَاحْ،
2KI 10:3 أَرْزُومْ [خنِّي] خْ يِينِّي إِصبْحنْ ذ إِنِّي إِمحْضنْ قَاعْ جَارْ إِحنْجِيرنْ ن سِيذِيثْومْ ؤُ سْغِيممْ [ث] خْ ڒْعَارْشْ ن بَابَاسْ ؤُ وْثمْ ذِي طّْوعْ ن ثَادَّارْثْ ن سِيذِيثْومْ.“
2KI 10:4 [مَاشَا] نِيثْنِي ذوْڒنْ تّڭّْوذنْ أَطَّاسْ، نَّانْ: ”خْزَارْ، ثْنَاينْ ن إِجدْجِيذنْ وَارْ زمَّارنْ أَذْ قِّيمنْ بدّنْ زَّاثسْ، مَامّشْ [إِ غَا نْزمَّارْ نشِّينْ] أَذْ نقِّيمْ نْبدّْ؟“
2KI 10:5 إِنِّي إِدْجَانْ خْ ثَادَّارْثْ ؤُ خْ ثنْذِينْثْ، إِمْغَارنْ ذ يِينِّي يَاربَّانْ [إِحنْجِيرنْ ن أَخَابْ]، سّكّنْ [إِجّْ ن ؤُرقَّاسْ] غَارْ يَاهُو، نَّانْ: ”نشِّينْ ذ إِمْسخَّارنْ نّشْ، ؤُ مَارَّا مِينْ ذ أَنغْ غَا ثِينِيذْ، أَذْ [ث] نڭّْ. نشِّينْ وَارْ نتّڭّْ ؤُڒَا ذ إِجّْ ذ أَجدْجِيذْ. أڭّْ مِينْ ثتّْوَاڒِيذْ نِيشَانْ ذِي ثِيطَّاوِينْ نّشْ.“
2KI 10:6 [خنِّي] يُورَا غَارْسنْ إِشْثْ ن ثبْرَاثْ إِ ثْوَاڒَا وِيسّْ ثْنَاينْ، إِنَّا: ”مَاڒَا أَقَا كنِّيوْ غَارْ ؤُغزْذِيسْ إِنُو، أَذْ ثسْڒمْ غَارْ مِينْ غَا إِنِيغْ، كْسِيمْ [خنِّي] إِزدْجِيفنْ ن إِحنْجِيرنْ ن سِيذِيثْومْ، ؤُ أَسمْ-د ثِيوشَّا أَمُّو غَارْ ڒْوقْثْ-أَ غَارِي ذِي يَازْرَاعِيلْ.“ إِحنْجِيرنْ ن ؤُجدْجِيذْ، سبْعِينْ ن يرْيَازنْ، [ثُوغَا زدّْغنْ] غَارْ إِمْشنّْعنْ ن ثنْذِينْثْ، إِنِّي ثنْ يَاربَّانْ.
2KI 10:7 ؤُمِي غَارْسنْ د-ثِيوضْ ثبْرَاثْ، إِمْسَارْ، بلِّي نِيثْنِي طّْفنْ إِحنْجِيرنْ ن ؤُجدْجِيذْ، نْغِينْ ثنْ [مَارَّا]، سبْعِينْ ن يرْيَازنْ. نِيثْنِي ڭِّينْ إِزدْجِيفنْ نْسنْ ذِي ڒْكُورْبَاثْ ؤُشَا سّكّنْ ثنْثْ غَارسْ غَارْ يَازْرَاعِيلْ.
2KI 10:8 يُوسَا-د ؤُمْسخَّارْ، إِسِّيوضْ أَرقَّاسْ، إِنَّا: ”أَقَا إِوْينْ-د إِزدْجِيفنْ ن إِحنْجِيرنْ ن ؤُجدْجِيذْ.“ نتَّا يَارَّا-د: ”سَارْسمْ ثنْ أَڒْ ثِيوشَّا ذِي ثْنَاينْ ن إِعُورَّاشْ غَارْ وَاذَافْ ن ثوَّارْثْ.“
2KI 10:9 غَارْ ثِيوشَّا، ؤُمِي إِفّغْ غَارْ بَارَّا، إِمْسَارْ، أَقَا إِبدّْ [ذِينْ]، إِنَّا إِ مَارَّا ڒْڭنْسْ: ”كنِّيوْ ذ إِمْسڭَّاذنْ. خْزَارمْ، ذ نشّْ إِ إِڭِّينْ إِشْثْ ن ثْمعْمُوتْشْ خْ سِيذِي إِنُو ؤُ نْغِيغْ ث. [مَاشَا] وِي إِنْغِينْ مَارَّا إِنَا؟
2KI 10:10 سْنمْ، أَقَا وَارْ إِوطِّي غَارْ ثمُّورْثْ ؤُڒَا ذ إِجّْ ن وَاوَاڒْ ن سِيذِي نِّي إِنَّا سِيذِي ضِيدّْ إِ ثَادَّارْثْ ن أَخَابْ، مَاغَارْ سِيذِي إِڭَّا مِينْ ثُوغَا إِنَّا س ؤُقمُّومْ ن ؤُمْسخَّارْ نّسْ إِلِيشَاعْ.“
2KI 10:11 يَاهُو إِنْغَا مَارَّا وِي إِقِّيمنْ زِي ثَادَّارْثْ ن أَخَابْ ذِي يَازْرَاعِيلْ ؤُڒَا ذ مَارَّا إِمْشنّْعنْ نّسْ ذ إِمدُّوكَّاڒْ نّسْ ذ إِكهَّاننْ نّسْ، أَڒَامِي وَارْ إِجِّي أَذْ زَّايسْ إِقِّيمْ ؤُڒَا ذ إِجّْ ن ؤُمَارْوڒْ.
2KI 10:12 [خنِّي] إِكَّارْ ؤُشَا إِطّفْ أَبْرِيذْ غَارْ سَامَارْيَا. ؤُمِي ث ثُوغَا نتَّا ذڭْ وبْرِيذْ، [إِمْسَارْ ذِي] ثَادَّارْثْ ن ؤُمڒْقِي ن إِمكْسَاونْ،
2KI 10:13 أَقَا إِمّڒْقَا يَاهُو أَكْ-ذ أَوْمَاثنْ ن أَخَازْيَا، أَجدْجِيذْ ن يَاهُوذَا، إِنَّا: ”مِينْ ثعْنَامْ كنِّيوْ؟“ نِيثْنِي أَرِّينْ-د: ”نشِّينْ ذ أَوْمَاثنْ ن أَخَازْيَا ؤُ نهْوَا-د، حِيمَا أَذْ نْسدْجمْ خْ إِحنْجِيرنْ ن ؤُجدْجِيذْ ذ إِحنْجِيرنْ ن ثْجدْجِيذْثْ.“
2KI 10:14 [خنِّي] إِنَّا: ”طّْفمْ ثنْ دَّارنْ!“ طّْفنْ ثنْ دَّارنْ ؤُ نْغِينْ ثنْ غَارْ وَانُو ن ثَادَّارْثْ ن إِمكْسَاونْ. [ثُوغَا-ثنْ] ذِي ثْنَاينْ ؤُ أَربْعِينْ ن يرْيَازنْ. وَارْ إِجِّي ؤُڒَا ذ إِجّْ زَّايْسنْ إِدَّارْ.
2KI 10:15 نتَّا إِفّغْ سّنِّي ؤُشَا يُوفَا يُونَاذَابْ، مِّيسْ ن رِيكَابْ، ونِّي د-إِفّْغنْ إِ ؤُمْسَاڭَارْ أَكِيذسْ. نتَّا إِسدْجمْ خَاسْ، إِنَّا أَسْ: ”مَا ؤُڒْ نّشْ إِسڭّمْ [أَكِيذِي] أَمْ مَامّشْ إِسڭّمْ وُوڒْ إِنُو أَكِيذكْ؟“ يُونَاذَابْ يَارَّا-د خَاسْ: ”أَمنِّي، أَمنِّي! أوْشْ [أَيِي-د] أَفُوسْ نّشْ.“ نتَّا إِوْشَا أَسْ أَفُوسْ ؤُشَا إِجَّا إِ-ث أَذْ د-إِنِييْ غَارسْ ذڭْ ؤُكَارُّو.
2KI 10:16 نتَّا إِنَّا: ”أَسْ-د أَكِيذِي ؤُشَا أَذْ ثْژَارذْ أَسَامْ إِنُو إِ سِيذِي.“ [أَمُّو إِ] جِّينْ ث أَذْ د-إِنِييْ أَكِيذسْ ذڭْ ؤُكَارُّو.
2KI 10:17 [ؤُمِي] يِيوضْ غَارْ سَامَارْيَا، إِنْغَا نتَّا مَارَّا إِنِّي ثُوغَا إِقِّيمنْ ن أَخَابْ ذِي سَامَارْيَا، أَڒَامِي ث إِقْضَا قَاعْ أَمْ مَامّشْ إِنَّا وَاوَاڒْ ن سِيذِي نِّي ثُوغَا إِنَّا إِ إِلِيشَاعْ.
2KI 10:18 يَاهُو إِسّْمُونْ مَارَّا ڒْڭنْسْ ؤُشَا إِنَّا أَسنْ: ”أَخَابْ ثُوغَا إِسخَّارْ إِ بَاعَالْ شْوَايْثْ، [مَاشَا] يَاهُو أَذْ أَسْ إِسخَّارْ أَطَّاسْ [عَاذْ].
2KI 10:19 خنِّي ڒخُّو، ڒَاغَامْ-د خْ مَارَّا إِنَابِييّنْ ن بَاعَالْ ذ مَارَّا إِمْسخَّارنْ نّسْ ذ مَارَّا إِكهَّاننْ نّسْ، [مَاحنْذْ أَذْ] غَارِي [د-أَسنْ]. حْضَامْ أَقَا أَذْ إِقِّيمْ حذْ، مِينْزِي غَارِي إِشْثْ ن ثْغَارْصْثْ ذ ثَامقّْرَانْثْ إِ بَاعَالْ. مَارَّا وِي غَا إِغَابنْ، وَارْ إِتّْغِيمِي إِدَّارْ.“ يَاهُو [مَاشَا] إِڭَّا ثَا س ثْحْرَايْمشْثْ، مَاحنْذْ أَذْ إِقْضَا خْ إِمْسخَّارنْ ن بَاعَالْ.
2KI 10:20 [خَاسْ ؤُشَا] إِنَّا يَاهُو: ”سْقدّْسمْ إِجّْ ن ؤُمُونِي إِفَارْزنْ إِ بَاعَالْ!“ ؤُشَا نِيثْنِي بَارّْحنْ إِ مَانْ أَيَا.
2KI 10:21 إِسّكّْ يَاهُو [إِرقَّاسنْ] ذِي مَارَّا إِسْرَائِيل ؤُ مَارَّا إِمْسخَّارنْ ن بَاعَالْ ؤُسِينْ-د، وَارْ إِقِّيمْ ؤُڒَا ذ إِجّْ وَارْ د-يُوسِي. نِيثْنِي ؤُذْفنْ غَارْ زَّاوشْثْ ن بَاعَالْ أَڒَامِي ثشُّورْ زَّاوشْثْ ن بَاعَالْ زِي طَّارْفْ أَڒْ طَّارْفْ.
2KI 10:22 [خنِّي] إِنَّا إِ ونِّي إِدْجَانْ خْ وخَّامْ ن وَارُّوضْ: ”أَوِي-د أَرُّوضنْ إِ مَارَّا إِمْسخَّارنْ ن بَاعَالْ!“ ؤُ وَانِيثَا يِيوِي أَسنْ-د أَرُّوضنْ.
2KI 10:23 يُوذفْ يَاهُو أَكْ-ذ يُونَاذَابْ، مِّيسْ ن رِيكَابْ، غَارْ زَّاوشْثْ ن بَاعَالْ ؤُ نتَّا إِنَّا إِ إِمْسخَّارنْ ن بَاعَالْ: ”خْزَارمْ مْلِيحْ، أَقَا وَارْ غَارْومْ إِتِّيڒِي ؤُڒَا ذ إِجّْ زڭْ إِمْسخَّارنْ ن سِيذِي، مْغِيرْ إِمْسخَّارنْ ن بَاعَالْ وَاهَا.“
2KI 10:24 [ؤُمِي] إِوْضنْ، مَاحنْذْ أَذْ [ذِينْ] أَوْينْ ثِيغَارْصَا ذ ثْغَارْصَا ن وشْمَاضْ، ثُوغَا إِسّْبدّْ يَاهُو ثْمنْيِينْ ن يرْيَازنْ إِ يِيخفْ نّسْ ذِي بَارَّا، إِنَّا: ”زڭْ ورْيَازْ نِّي إِ غَا يجّْ أَذْ إِنْجمْ إِجّْ زڭْ يرْيَازنْ نِّي ڭِّيغْ ذڭْ إِفَاسّنْ نْومْ، أَذْ [إِذْوڒْ] ڒعْمَارْ نّسْ ذڭْ ومْشَانْ ن ڒعْمَارْ نِّي.“
2KI 10:25 [ڒَْامِي] إِقْفڒْ ؤُسوْجذْ ن ثْغَارْصْطْ ن وشْمَاضْ، إِمْسَارْ بلِّي نتَّا إِنَّا إِ إِرقَّاسمْ ن ثَازْڒَا ؤُ إِ ڒْقبْطَانَاثْ: ”أَذْفمْ، وْثمْ ثنْ، وَارْ تّجِّيمْ ؤُڒَا ذ إِجّْ أَذْ إِنْجمْ!“ نِيثْنِي نْغِينْ ثنْ س ڒقْضعْ ن سِّيفْ ؤُ ڒْقبْطَانَاثْ نْضَارنْ ثنْ [بَارَّا]. نِيثْنِي ؤُذْفنْ غَارْ ؤُڒْ ن زَّاوشْثْ ن بَاعَالْ.
2KI 10:26 نِيثْنِي كّْسنْ إِمَايْضُوثنْ [إِقدّْسنْ] زِي زَّاوشْثْ ن بَاعَالْ ؤُشَا سَّارْغنْ ثنْ.
2KI 10:27 نِيثْنِي أَرْژِينْ أَميْضَا [إِقدّْسنْ] ن بَاعَالْ. هذْمنْ [عَاوذْ] زَّاوشْثْ ن بَاعَالْ ؤُشَا ڭِّينْ ت ذ إِشْثْ ن ثْزُوبَاشْثْ أَڒْ أَسّْ-أَ.
2KI 10:28 [أَمُّو إِ] إِمْحَا يَاهُو بَاعَالْ زِي إِسْرَائِيل.
2KI 10:29 مَاشَا يَاهُو وَارْ إِبدّْ زڭْ وضْفَارْ ن دّْنُوبْ ن يَارُوبْعَامْ، مِّيسْ ن نَابَاطْ، ونِّي يَارِّينْ إِسْرَائِيل أَذْ إِخْضَا: إِعجْمِييّنْ ن وُورغْ نِّي [إِدْجَانْ] ذِي بَايْثْ-إِلْ.
2KI 10:30 سِيذِي إِنَّا إِ يَاهُو: ”مِينْزِي ثڭِّيذْ نِيشَانْ ؤُمِي ثڭِّيذْ مِينْ إِدْجَانْ نِيشَانْ ذِي ثِيطَّاوِينْ إِنُو، ؤُشَا ثڭِّيذْ أَكْ-ذ ثَادَّارْثْ ن أَخَابْ مَارَّا مِينْ غَارِي ذڭْ وُوڒْ، أَذْ قِّيمنْ إِحنْجِيرنْ نْومْ خْ ڒْعَارْشْ ن إِسْرَائِيل أَڒْ جِّيڒْ وِيسّْ أَربْعَا.“
2KI 10:31 [مَاشَا] يَاهُو وَارْ إِحْضِي شَا مَاحنْذْ أَذْ يُويُورْ عْلَاحْسَابْ شَّارِيعَا ن سِيذِي، أَربِّي ن إِسْرَائِيل، س مَارَّا ؤُڒْ نّسْ. نتَّا وَارْ إِحيّذْ خْ دّْنُوبْ ن يَارُوبْعَامْ ونِّي يَارِّينْ إِسْرَائِيل أَذْ إِخْضَا.
2KI 10:32 ذڭْ وُوسَّانْ نِّي إِبْذَا سِيذِي أَذْ إِسّمْژِي إِسْرَائِيل. حَازَايِيلْ إِوْثَا إِ-ثنْ ذِي مَارَّا ثَامُّورْثْ ن إِسْرَائِيل،
2KI 10:33 زِي لْ-ؤُرْذُونْ مَانِيسْ د-ثْنقَّارْ ثْفُوشْثْ، مَارَّا [ثَامُّورْثْ ن] جِيلْعَاذْ، [ثَامُّورْثْ] ن إِجَاذِييّنْ ذ إِرُوبِينِييّنْ ذ إِمَانَاسِّييّنْ، زِي أَرُوعِيرْ ونِّي [إِدْجَانْ] غَارْ ثغْزَارْثْ ن أَرْنُونْ، ؤُڒَا ذ جِيلْعَاذْ ذ بَاشَانْ.
2KI 10:34 إِمزْرُوينْ إِقِّيمنْ ن يَاهُو، ذ مَارَّا مِينْ إِڭَّا ذ مَارَّا ثِيمڭَّا نّسْ إِمحْضنْ، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل؟
2KI 10:35 يَاهُو إِڭَّا أَذْ يَاريّحْ جَارْ ڒجْذُوذْ نّسْ. نضْڒنْ ث ذِي سَامَارْيَا. مِّيسْ يَاهُويَاحَازْ إِذْوڒْ ذ أَجدْجِيذْ ذڭْ ومْشَانْ نّسْ.
2KI 10:36 ؤُسَّانْ إِ ذِي ثُوغَا يَاهُو إِحكّمْ ذِي سَامَارْيَا أَقَا أَثنْ ذِي ثْمنْيَا ؤُ-عِيشْرِينْ ن إِسڭّْوُوسَا.
2KI 11:1 ؤُمِي عَاثَالْيَا، يمَّاسْ ن أَخَازْيَا، ثژْرَا، أَقَا مِّيسْ إِمُّوثْ، ثڭَّا أَذْ ثقْضَا خْ مَارَّا ثَارَّاوْثْ [ن ڒَادْجْ] ن ؤُجدْجِيذْ.
2KI 11:2 مَاشَا يَاهُوشِيبَا، يدْجِيسْ ن ؤُجدْجِيذْ يَاهُورَامْ، ؤُتْشْمَاسْ ن أَخَازْيَا، ثكْسِي يُووَاشْ، مِّيسْ ن أَخَازْيَا، س ثْنُوفّْرَا زِي جَارْ إِحنْجِيرنْ ن ؤُجدْجِيذْ نِّي إِتّْوَانْغنْ ؤُشَا [ثِيوْيِي] ث أَكْ-ذ ثمْغَارْثْ إِ ث إِسُّوطُّوضنْ ذڭْ وخَّامْ ن ثَاسُّوثْ ؤُشَا ثسّْنُوفَّارْ إِ-ث [ذِينِّي] زِي عَاثَالْيَا، [حِيمَا] وَارْ إِتّْوَانقّْ.
2KI 11:3 نتَّا إِقِّيمْ إِنُوفَّارْ أَكِيذسْ ستَّا ن إِسڭّْوُوسَا ذِي ثَادَّارْثْ ن سِيذِي، [ؤُمِي] ثحْكمْ عَاثَالْيَا خْ ثمُّورْثْ.
2KI 11:4 ذڭْ ؤُسڭّْوَاسْ وِيسّْ سبْعَا إِسّكّْ يَاهُويَاذَاعْ ؤُشَا إِجَّا أَذْ د-أَسنْ إِمقّْرَاننْ خْ مْيَا ن إِعسَّاسنْ ن أَرِّيمثْ ؤُ ن إِرقَّاسنْ ن ثَازْڒَا ؤُشَا إِسّْمُونْ إِ-ثنْ غَارسْ ذِي ثَادَّارْثْ ن سِيذِي. نتَّا إِڭَّا أَكِيذْسنْ إِجّْ ن ڒْعَاهْذْ، إِجَّا إِ-ثنْ أَذْ جَّادْجنْ ذِي ثَادَّارْثْ ن سِيذِي. [خَاسْ ؤُشَا] إِسّْشنْ أَسنْ مِّيسْ ن ؤُجدْجِيذْ.
2KI 11:5 نتَّا يُومُورْ إِ-ثنْ، إِنَّا: ”ذ مَانْ أَيَا إِ غَا ثڭّمْ: إِشْثْ ن تُّوڒُوثْ نْومْ، إِنِّي إِ غَا يَاذْفنْ ذڭْ [وَاسّْ ن] سّبْثْ، أَذْعسّنْ غَارْ ثَادَّارْثْ ن ؤُجدْجِيذْ.
2KI 11:6 إِشْثْ ن تُّوڒُوثْ [أَذْ ثْبدّْ] غَارْ ثوَّارْثْ ن صُورْ ؤُ إِشْثْ ن تُّوڒُوثْ غَارْ ثوَّارْثْ أَوَارْنِي إِ إِرقَّاسنْ ن ثَازْڒَا. [أَمُّو] إِ غَا ثْعسّمْ خْ ثَادَّارْثْ ذِي ثْنُوبَّاثْ.
2KI 11:7 ثْنَاينْ ن إِزيْنَاثْ نْومْ، زِي مَارَّا إِنِّي إِ غَا إِفّْغنْ ذِي سّبْثْ، أَذْ حْضَانْ غَارْ ثَادَّارْثْ ن سِيذِي، غَارْ ؤُجدْجِيذْ.
2KI 11:8 كنِّيوْ أَذْ ثنّْضمْ إِ ؤُجدْجِيذْ، [كُوڒْ] أَرْيَازْ س ڒسْنَاحْ نّسْ ذڭْ ؤُفُوسْ نّسْ، ؤُ ونِّي إِ غَا يَارْزُونْ أَذْ يَاذفْ جَارْ ڒصْفُوفْ أَذْ إِتّْوَانغْ. إِتّْخصَّا كنِّيوْ أَذْ ثقِّيمنْ أَكْ-ذ ؤُجدْجِيذْ مَاڒَا نتَّا إِفّغْ نِيغْ مَاڒَا يُوذفْ.
2KI 11:9 إِمقّْرَاننْ خْ مْيَا ڭِّينْ أَمْ مَامّشْ إِوصَّا ؤُكهَّانْ يَاهُويَاذَاعْ ؤُشَا كُوڒْ  إِجّْ زَّايْسنْ يِيوِي أَكِيذسْ إِرْيَازنْ نّسْ إِنِّي يُوذْفنْ ذڭْ وَاسّْ ن سّبْثْ، [جْمِيعْ] أَكْ-ذ يِينِّي إِفّْغنْ ذڭْ وَاسّْ ن سّبْثْ ؤُشَا ؤُسِينْ-د غَارْ ؤُكهَّانْ يَاهُويَاذَاعْ.
2KI 11:10 إِ إِمقّْرَاننْ ن مْيَا إِوْشَا ؤُكهَّانْ لَانْسَاثْ ذ ثْسدَّارِييِينْ إِقسْحنْ ن ڒْعسْكَارْ إِ ثُوغَا إِدْجَانْ ن ؤُجدْجِيذْ ذَاوُوذْ، ثِينِّي [ثُوغَا إِدْجَانْ] ذِي ثَادَّارْثْ ن سِيذِي.
2KI 11:11 إِرقَّاسنْ ن ثَازْڒَا بدّنْ س ڒسْنَاحْ ذڭْ ؤُفُوسْ زڭْ ؤُغزْذِيسْ أَفُوسِي ن وُوذمْ ن ثَادَّارْثْ أَڒْ أَغزْذِيسْ أَزڒْمَاضْ ن وُوذمْ ن ثَادَّارْثْ، غَارْ ؤُعَالْطَارْ ؤُ غَارْ ثَادَّارْثْ، [أَمُّو] قُووَّارنْ-د إِ ؤُجدْجِيذْ.
2KI 11:12 [خنِّي] إِسُّوفّغْ-د مِّيسْ ن ؤُجدْجِيذْ غَارْ بَارَّا ؤُشَا إِڭَّا أَسْ تَّاجْ [ن وعْزَاڒْ] [خْ ؤُزدْجِيفْ] ؤُشَا إِوْشَا أَسْ شّْهَاذثْ. [أَمُّو] إِ ث ڭِّينْ ذ أَجدْجِيذْ، ذهْننْ ث. نِيثْنِي وْثِينْ ذڭْ إِفَاسّنْ، نَّانْ: ”ثُوذَارْثْ إِ ؤُجدْجِيذْ!“
2KI 11:13 [ؤُمِي] ثسْڒَا عَاثَالْيَا ڒْحسّْ ن إِرقَّاسنْ ن ثَازْڒَا ذ ونِّي ن ڒْڭنْسْ، ثُوسَا-د نتَّاثْ غَارْ ڒْڭنْسْ غَارْ ثَادَّارْثْ ن سِيذِي.
2KI 11:14 ثژْرَا، ؤُ خْزَارْ، أَجدْجِيذْ إِبدّْ غَارْ ؤُپِيلَارْ أَمْ مَامّشْ ثدْجَا ذِي لْقَاعِيذَا، ؤُشَا إِكُومَانْذَارنْ [ن ڒْعسْكَارْ] ذ إِنِّي إِصُوذنْ ذِي ڒبْوَاقْ [بدّنْ] غَارْ ؤُجدْجِيذْ. مَارَّا ڒْڭنْسْ ن ثمُّورْثْ إِفْرَاحْ ؤُ إِسُوضْ ذِي ڒبْوَاقْ. [خنِّي] ثْشَارّڭْ عَاثَالْيَا أَرُّوضْ نّسْ، ثسْغُويْ: ”ثَامنْزِيوْثْ، ثَامنْزِيوْثْ!“
2KI 11:15 [مَاشَا] يُومُورْ ؤُكهَّانْ يَاهُويَاذَاعْ إِ إِمقّْرَاننْ خْ مْيَا، إِنِّي ثُوغَا إِدْجَانْ خْ ڒْعسْكَارْ، إِنَّا أَسنْ: ”أَوْيمْ ت جَارْ إِسذِّييّنْ [ن ڒْعسْكَارْ] غَارْ بَارَّا ؤُشَا نْغمْ وِي ت غَا إِضْفَارنْ س سِّيفْ.“ مَاغَارْ أَكهَّانْ ثُوغَا إِنَّا: ”وَارْ ت تّجِّي أَذْ ثتّْوَانغْ ذِي ثَادَّارْثْ ن سِيذِي.“
2KI 11:16 نِيثْنِي سَّارْسنْ خَاسْ إِفَاسّنْ، ؤُشَا ڒَامِي ثْرُوحْ خْ وبْرِيذْ ن وَاذَافْ ن إِيْسَانْ غَارْ ثَادَّارْثْ ن ؤُجدْجِيذْ، نْغِينْ ت ذِينِّي.
2KI 11:17 يَاهُويَاذَاعْ إِڭَّا إِجّْ ن ڒْعَاهْذْ جَارْ سِيذِي ذ ؤُجدْجِيذْ ذ ڒْڭنْسْ، حِيمَا أَذْ إِڒِينْ ذ إِجّْ ن ڒْڭنْسْ إِ سِيذِي، ؤُشَا [نتَّا إِڭَّا ؤُڒَا ذ إِجّْ ن ڒْعَاهْذْ] جَارْ ؤُجدْجِيذْ ذ ڒْڭنْسْ.
2KI 11:18 [خَاسْ ؤُشَا] يُوذفْ مَارَّا ڒْڭنْسْ ن ثمُّورْثْ غَارْ ثَادَّارْثْ [ن زَّاوشْثْ] ن بَاعَالْ ؤُ هذْمنْ ت. إِعَالْطَارنْ نّسْ ذ ڒخْيَاڒَاثْ نّسْ أَرْژِينْ ثنْ قَاعْ. ؤُ نِيثْنِي نْغِينْ مَاتَّانْ، أَكهَّانْ ن بَاعَالْ، زَّاثْ إِ إِعَالْطَارنْ. أَكهَّانْ يَاڒقّمْ إِمحْضَاينْ خْ ثَادَّارْثْ ن سِيذِي.
2KI 11:19 نتَّا يِيوِي [أَكِيذسْ] إِمقّْرَاننْ خْ مْيَا ذ إِعسَّاسنْ ن أَرِّيمثْ ذ إِرقَّاسنْ ن ثَازْڒَا ذ مَارَّا ڒْڭنْسْ ن ثمُّورْثْ ؤُ نِيثْنِي سّهْوَانْ أَجدْجِيذْ زِي ثَادَّارْثْ ن سِيذِي ؤُشَا كِّينْ خْ وبْرِيذْ ن ثوَّارْثْ ن إِرقَّاسنْ ن ثَازْڒَا ثنِّي غَارْ ثَادَّارْثْ ن ؤُجدْجِيذْ، ؤُ ذِينِّي إِقِّيمْ خْ ڒْعَارْشْ ن إِجدْجِيذنْ.
2KI 11:20 مَارَّا ڒْڭنْسْ ن ثمُّورْثْ إِفَارْحْ ؤُشَا ثَارْسَا ثنْذِينْثْ. أَقَا نْغِينْ عَاثَالْيَا س سِّيفْ غَارْ ثَادَّارْثْ ن ؤُجدْجِيذْ.
2KI 12:1 ثُوغَا غَارْ يُووَاشْ سبْعَا ن إِسڭّْوُوسَا ؤُمِي إِذْوڒْ ذ أَجدْجِيذْ.
2KI 12:2 ذڭْ ؤُسڭّْوَاسْ وِيسّْ سبْعَا ن يَاهُو إِذْوڒْ يُووَاشْ ذ أَجدْجِيذْ. نتَّا إِحْكمْ أَربْعِينْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ ضِيبْيَا زِي بِئرْ-سبْعَا.
2KI 12:3 يُووَاشْ إِڭَّا مِينْ إِدْجَانْ نِيشَانْ ذِي ثِيطَّاوِينْ ن سِيذِي، مَارَّا ؤُسَّانْ مِينْ إِكَّا ؤُكهَّانْ يَاهُويَاذَاعْ إِسّڒْمذْ إِ-ث.
2KI 12:4 وَارْ تّْوَاكّْسنْثْ مْغِيرْ ڒڭْعُوذِي. ؤُشَا ڒْڭنْسْ ثُوغَا إِتّْقدّمْ عَاذْ ثِيغَارْصَا ذ ثوْهِيبِينْ ن ڒبْخُورْ خْ ڒڭْعُوذِي [نِّي].
2KI 12:5 يُووَاشْ إِنَّا إِ إِكهَّاننْ: ”مَارَّا نُّوقَارْثْ ن ثوْهِيبِينْ إِقدّْسنْ نِّي إِ غَا يِيوْينْ ذِي ثَادَّارْثْ ن سِيذِي، ڒَا نُّوقَارْثْ إِ كُوڒْ ڒعْمَارْ إِ إِعدُّونْ [غَارْ إِنِّي إِتّْوَاحسْبنْ]، [ڒَا] نُّوقَارْثْ ن كُوڒْ ڒعْمَارْ عْلَاحْسَابْ أَقدَّارْ نّسْ ؤُشَا ؤُڒَا مَارَّا نُّوقَارْثْ إِ خْ د-يُوسَا ذڭْ وُوڒْ ن إِجّْ ن ورْيَازْ حِيمَا أَذْ ت يَاوِي غَارْ ثَادَّارْثْ ن سِيذِي،
2KI 12:6 أَذْ ت كْسِينْ إِكهَّاننْ إِ يِيخفْ نْسنْ، [كُوڒْ] أَرْيَازْ زڭْ إِنِّي إِسّنْ. ؤُشَا نِيثْنِي أَذْ [زَّايسْ] أَرقّْعنْ [ڒحْيُوضْ] إِهْرُورَانْ ن ثَادَّارْثْ، مَارَّا مِينْ ذِينْ إِتّْوَافنْ [نْ ڒحْيُوضْ] إِهْرُورَانْ.“
2KI 12:7 ذڭْ ؤُسڭّْوَاسْ وِيسّْ ثْڒَاثَا ؤُ-عِيشْرِينْ ن ؤُجدْجِيذْ يُووَاشْ وَارْعدّْڒنْ إِكهَّاننْ [عَاذْ] ڒحْيُوضْ إِهْرُورَانْ ن ثَادَّارْثْ.
2KI 12:8 [خنِّي] إِڒَاغَا ؤُجدْجِيذْ يُووَاشْ إِ ؤُكهَّانْ يَاهُويَاذَاعْ ؤُ إِ إِكهَّاننْ [إِنّغْنِي]، إِنَّا أَسنْ: ”مَايمِّي وَارْ ثْعدّْڒمْ ڒحْيُوضْ إِشَارّْڭنْ ن ثَادَّارْثْ؟ [خنِّي] ڒخُّو، وَارْ ثْكسِّيمْ [عَاذْ] نُّوقَارْثْ إِ د-إِتَّاسنْ زڭْ إِنِّي ثسّْنمْ، مْغِيرْ حِيمَا أَذْ ت ثسِّيوْضمْ إِ وعْذَاڒْ ن مِينْ إِشَارّْڭنْ [ذِي ڒحْيُوضْ] ذِي ثَادَّارْثْ.“
2KI 12:9 قبْڒنْ إِكهَّاننْ، مَاحنْذْ وَارْ كسِّينْ عَاذْ نُّوقَارْثْ زِي ڒْڭنْسْ ؤُ مَاحنْذْ وَارْ [حْذِيجنْ شَا عَاذْ] أَذْعذْڒنْ ڒحْيُوضْ إِقطّْسنْ ن ثَادَّارْثْ.
2KI 12:10 أَكهَّانْ يَاهُويَاذَاعْ إِكْسِي إِشْثْ ن ثْسنْذُوقْثْ، إِڭَّا إِجّْ ن ؤُنُوقِّيبْ ذِي ثْقبَّارْثْ نّسْ ؤُشَا إِسَّارْسْ إِ-ت زَّاثْ إِ ؤُعَالْطَارْ غَارْ يفُوسْ ن كُوڒْ إِجّْ ن ونِّي إِتَّاذْفنْ ثَادَّارْثْ ن سِيذِي، ؤُشَا إِكهَّاننْ، إِنِّي إِحْضَانْ خْ وَاذَافْ [غَارْ ثَادَّارْثْ]، ڭِّينْ ذَايسْ مَارَّا نُّوقَارْثْ إِ د-إِتّْوَاوْينْ ذِي ثَادَّارْثْ ن سِيذِي.
2KI 12:11 ؤُمِي ژْرِينْ أَقَا ذِينْ أَطَّاسْ ن نُّوقَارْثْ ذِي ثْسنْذُوقْثْ، إِمْسَارْ أَقَا إِڭعّذْ ؤُمَارِيرْ ن ؤُجدْجِيذْ أَكْ-ذ أَرَّايْسْ ن إِكهَّاننْ. نِيثْنِي سّْمُوننْ ت ذِي ثْخُونْشَايْ ؤُشَا وزْننْ نُّوقَارْثْ نِّي إِتّْوَافنْ ذِي ثَادَّارْثْ ن سِيذِي.
2KI 12:12 نِيثْنِي وْشِينْ [ڒْقدّْ] إِوزْننْ ن نُّوقَارْثْ ذڭْ ؤُفُوسْ ن يِينِّي إِڭِّينْ ڒْخذْمثْ، إِ إِمحْضَاينْ ن ثَادَّارْثْ ن سِيذِي. ؤُ نِيثْنِي وْشِينْ ت [عَاوذْ] إِ إِنقَّاشنْ [ن ؤُكشُّوضْ] ؤُ إِ إِبنَّاينْ نِّي ثُوغَا إِخدّْمنْ ذِي ثَادَّارْثْ ن سِيذِي،
2KI 12:13 ؤُ إِ إِمَاصُّوثنْ ذ إِسُويْذَاينْ، ؤُ إِ ثْمسْغِيوْثْ ن ؤُكشُّوضْ ذ ثْصُوضَارْ يُويْذَانْ إِتّحْوَاجَانْ إِ وَارقّعْ ن مِينْ إِقطّْسنْ [زِي ڒحْيُوضْ] ذِي ثَادَّارْثْ ن سِيذِي، ؤُ إِ مَارَّا مِينْ سيَّارنْ إِ وَارقّعْ ن ثَادَّارْثْ.
2KI 12:14 مْغِيرْ وَارْ تّْوَاڭّنْ طّْبَاصِي ن نُّوقَارْثْ ڒَا ثْجقَّاضِينْ، ڒَا طَّاوْيَاثْ إِ ؤُرُوشِّي ذ ڒبْوَاقْ، ؤُڒَا ذ ڒقْشُوعْ ن وُورغْ ذ نُّوقَارْثْ، زِي نُّوقَارْثْ إِ د-إِوْينْ [إِوْذَانْ] ذِي ثَادَّارْثْ ن سِيذِي.
2KI 12:15 مَاغَارْ نِيثْنِي وْشِينْ ت مَارَّا إِ يِينِّي إِڭِّينْ ڒْخذْمثْ ؤُشَا نِيثْنِي أَرقّْعنْ زَّايسْ ثَادَّارْثْ ن سِيذِي.
2KI 12:16 وَارْ مّْسحْسِيبنْ شَا أَكْ-ذ يرْيَازنْ نِّي ؤُمِي وْشِينْ نُّوقَارْثْ ذڭْ ؤُفُوسْ نْسنْ، حِيمَا أَذْ ت وْشنْ إِ يِينِّي إِڭِّينْ ڒْخذْمثْ، مِينْزِي نِيثْنِي ثُوغَا تّڭّنْ س ؤُثِيقِّي.
2KI 12:17 نُّوقَارْثْ ن ثْغَارْصْثْ ن ؤُمَارْوَاسْ ذ نُّوقَارْثْ ن ثْغَارْصَا ن دّنْبْ وَارْ ت سِّيذْفنْ غَارْ ثَادَّارْثْ ن سِيذِي. ثُوغَا-ت إِ إِكهَّاننْ.
2KI 12:18 خنِّي إِڭعّذْ حَازَايِيلْ، أَجدْجِيذْ ن أَرَامْ، إِمّْنغْ أَكْ-ذ جَاثْ، إِطّفْ إِ-ث. [أَوَارْنِي مَانْ أَيَا] إِعوّڒْ حَازَايِيلْ ثَامُوغْڒِي نّسْ غَارْ ؤُرْشَالِيمْ، حِيمَا أَذْ إِڭعّذْ ضِيدّْ نّسْ.
2KI 12:19 [مَاشَا] يُووَاشْ إِكْسِي مَارَّا ڒقْشُوعْ إِقدّْسنْ نِّي ثُوغَا إِسّْقدّسْ إِ-ثنْثْ يَاهُوشَافَاطْ، يَاهُورَامْ ذ أَخَازْيَا، ڒجْذُوذْ نّسْ، إِجدْجِيذنْ ن يَاهُوذَا، ؤُڒَا ذ ڒقْشُوعْ إِقدّْسنْ نّسْ ذ مَارَّا وُورغْ نِّي ثُوغَا إِدْجَانْ ذڭْ إِخَّامنْ ن ثْخُوبَايْ ن ثَادَّارْثْ ن سِيذِي ؤُ ن ثَادَّارْثْ ن ؤُجدْجِيذْ، ؤُشَا إِسّكّْ [أَيَا] غَارْ حَازَايِيلْ، أَجدْجِيذْ ن أَرَامْ. [خَاسْ ؤُشَا] إِڭّْوجْ نتَّا خْ ؤُرْشَالِيمْ.
2KI 12:20 إِمزْرُوينْ إِقِّيمنْ ن يُووَاشْ ذ مَارَّا مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟
2KI 12:21 إِمْسخَّارنْ نّسْغوّْغنْ خَاسْ، ڭِّينْ [خَاسْ] إِشْثْ ن ثْمعْمُوتْشْ ؤُشَا نْغِينْ يُووَاشْ ذِي ثَادَّارْثْ ن لْقلْعَا مَانِيسْ هكّْوَانْ غَارْ سِيلَّا.
2KI 12:22 أَقَا يُوزَاكَارْ، مِّيسْ ن شِيمْعَاثْ، ذ يَاهُوزَابَاذْ، مِّيسْ ن شُومِيرْ، إِمْسخَّارنْ نّسْ، وْثِينْ ث أَڒَامِي إِمُّوثْ. نِيثْنِي نضْڒنْ ث جَارْ ڒجْذُوذْ نّسْ ذِي ثنْذِينْثْ ن ذَاوُوذْ. أَمَاصْيَا، مِّيسْ، إِذْوڒْ ذ أَجدْجِيذْ ذڭْ ومْشَانْ نّسْ.
2KI 13:1 ذڭْ ؤُسڭّْوَاسْ وِيسّْ ثْڒَاثَا ؤُ-عِيشْرِينْ ن يُووَاشْ، مِّيسْ ن أَخَازْيَا، أَجدْجِيذْ ن يَاهُوذَا، إِذْوڒْ يَاهُويَاحَازْ، مِّيسْ ن يَاهُو، ذ أَجدْجِيذْ خْ إِسْرَائِيل، ذِي سَامَارْيَا. [نتَّا إِحْكمْ] سْبعْطَاشْ ن إِسڭّْوُوسَا.
2KI 13:2 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي. نتَّا إِضْفَارْ دّْنُوبْ ن يَارُوبْعَامْ، مِّيسْ ن نَابَاطْ، ونِّي يَارَّانْ إِسْرَائِيل أَذْ إِخْضَا. نتَّا وَارْ إِحيّذْ خْ مَانْ أَيَا.
2KI 13:3 [خْ ؤُينِّي] يَارْغَا وغْضَابْ ن سِيذِي خْ إِسْرَائِيل. مَارَّا ؤُسَّانْ [نِّي] إِوْشَا إِ-ثنْ ذڭْ إِفَاسّنْ ن حَازَايِيلْ، أَجدْجِيذْ ن أَرَامْ، ؤُ ذڭْ إِفَاسّنْ ن بِينْهَاذَاذْ، مِّيسْ ن حَازَايِيلْ.
2KI 13:4 [مَاشَا] يَاهُويَاحَازْ إِحشّمْ زَّاثْ إِ وُوذمْ ن سِيذِي ؤُ سِيذِي إِسْڒَا أَسْ، مَاغَارْ نتَّا إِژْرَا ڒحْصَارثْ ن إِسْرَائِيل، مَامّشْ إِ ثنْ إِحْصَاڒْ ؤُجدْجِيذْ ن أَرَامْ.
2KI 13:5 سِيذِي إِوْشَا إِجّْ ن ؤُمْسنْجمْ إِ إِسْرَائِيل، أَڒَامِي زمَّارنْ أَذْ نْفكّنْ زڭْ ؤُفُوسْ ن أَيْثْ ن أَرَامْ، ؤُشَا [خنِّي] ثُوغَا أَيْثْ ن إِسْرَائِيل زدّْغنْ [عَاوذْ] أَمْ قْبڒْ ذڭْ إِقِيضَانْ نْسنْ.
2KI 13:6 مَاشَا نِيثْنِي وَارْ حيّْذنْ شَا خْ دّْنُوبْ ن ثَادَّارْثْ ن يَارُوبْعَامْ ونِّي يَارِّينْ إِسْرَائِيل أَذْ إِخْضَا. إِسْرَائِيل إِقِّيمْ إِڭُّورْ أَمُّو ؤُ ثقِّيمْ ثَاربِّيثْ ن شْوَارْثِي ثْبدّْ ذِي سَامَارْيَا.
2KI 13:7 مَاغَارْ نتَّا وَارْ إِجِّي زِي ڒْعسْكَارْ ن يَاهُويَاحَازْ، مْغِيرْ خمْسِينْ ن إِمْنَاينْ ذعشْرَا ن إِكَارُّوثنْ ذعشْرَا أَڒفْ ن [يرْيَازنْ] خْ إِضَارنْ، مَاغَارْ أَجدْجِيذْ ن أَرَامْ ثُوغَا إِقْضَا إِ-ثنْ، إِڭَّا إِ-ثنْ أَمْ ثْعجَّاجْثْ غَارْ ؤُسَارْوثْ.
2KI 13:8 إِمزْرُوينْ إِقِّيمنْ ن يَاهُويَاحَازْ، ذ مَارَّا مِينْ إِڭَّا ذ مَارَّا ثِيمڭَّا نّسْ إِمحْضنْ، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل؟
2KI 13:9 يَاهُويَاحَازْ إِڭَّا أَذْ يَاريّحْ جَارْ ڒجْذُوذْ نّسْ. نضْڒنْ ث ذِي سَامَارْيَا. مِّيسْ يُووَاشْ إِذْوڒْ ذ أَجدْجِيذْ ذڭْ ومْشَانْ نّسْ.
2KI 13:10 ذڭْ ؤُسڭّْوَاسْ وِيسّْ سبْعَا ؤُ-ثْڒَاثِينْ ن يُووَاشْ، أَجدْجِيذْ ن يَاهُوذَا، إِذْوڒْ يُووَاشْ، مِّيسْ ن يَاهُويَاحَازْ، ذ أَجدْجِيذْ خْ إِسْرَائِيل. [نتَّا إِحْكمْ] سطَّاشْ ن إِسڭّْوُوسَا ذِي سَامَارْيَا.
2KI 13:11 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي. نتَّا وَارْ إِحيّذْ خْ دّْنُوبْ ن يَارُوبْعَامْ، مِّيسْ ن نَابَاطْ، ونِّي يَارِّينْ إِسْرَائِيل أَذْ إِخْضَا، [مَاشَا] نتَّا يَارْنِي يُويُورْ [أَمنِّي].
2KI 13:12 إِمزْرُوينْ إِقِّيمنْ ن يُووَاشْ ذ مَارَّا مِينْ إِڭَّا ذ مَارَّا ثِيمڭَّا نّسْ إِمحْضنْ إِ زِي إِمّْنغْ أَكْ-ذ أَمَاصْيَا، أَجدْجِيذْ ن يَاهُوذَا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل؟
2KI 13:13 يُووَاشْ إِڭَّا أَذْ يَاريّحْ جَارْ ڒجْذُوذْ نّسْ. [خَاسْ ؤُشَا] إِنْيَا يَارُوبْعَامْ خْ ڒْعَارْشْ نّسْ. يُووَاشْ إِتّْوَانْضڒْ ذِي سَامَارْيَا جَارْ إِجدْجِيذنْ ن إِسْرَائِيل.
2KI 13:14 إِلِيشَاعْ إِتّْوَاڒْقفْ س ڒهْڒَاشْ إِ زِي غَا إِمّثْ. يُووَاشْ، أَجدْجِيذْ ن إِسْرَائِيل، إِهْوَا-د غَارسْ ؤُشَا إِرُو زَّاثسْ، إِنَّا: ”[أَ] بَابَا، [أَ] بَابَا! أَكَارُّو ن إِسْرَائِيل ذ إِمْنَاينْ نّسْ!“
2KI 13:15 إِلِيشَاعْ إِنَّا: ”كْسِي ڒْقوْسْ ذ فْڒِيثْشَاثْ!“ نتَّا إِطّفْ إِ يِيخفْ نّسْ إِجّْ ن ڒْقوْسْ ذ فْڒِيثْشَاثْ.
2KI 13:16 [خنِّي] إِنَّا نتَّا إِ ؤُجدْجِيذْ ن إِسْرَائِيل: ”سَارْسْ أَفُوسْ نّشْ خْ ڒْقوْسْ!“ ؤُشَا إِسَّارْسْ نتَّا أَفُوسْ نّسْ [خْ ڒْقوْسْ] ؤُشَا إِسَّارْسْ إِلِيشَاعْ إِفَاسّنْ نّسْ خْ إِفَاسّنْ ن ؤُجدْجِيذْ،
2KI 13:17 إِنَّا: ”أَرْزمْ ڒْكَازِي [إِ إِدْجَانْ] غَارْ مَانِيسْ د-ثْنقَّارْ ثْفُوشْثْ!“، ؤُشَا نتَّا يَارْزمْ إِ-ث. [خنِّي] إِنَّا إِلِيشَاعْ: ”وّثْ!“ ؤُ نتَّا إِوْثَا [س ڒْقوْسْ نّسْ]. ؤُشَا إِنَّا [إِلِيشَاعْ]: ”أَقَا-ت ذ إِشْثْ ن فْڒِيثْشَا ن ؤُسنْجمْ س [ؤُفُوسْ ن] سِيذِي ؤُڒَا ذ إِشْثْ ن فْڒِيثْشَا ن ؤُسنْجمْ [زڭْ إِفَاسّنْ] ن أَرَامْ، مِينْزِي أَذْ ثْغڒْبذْ أَرَامْ ذِي عَافِيكْ أَڒْ غَا إِتّْوَاردّدْجْ.“
2KI 13:18 [خَاسْ ؤُشَا] إِنَّا نتَّا: ”كْسِي فْڒِيثْشَاثْ!“ ؤُشَا نتَّا إِطّفْ إِ-ثنْثْ. [خنِّي] إِنَّا إِ ؤُجدْجِيذْ ن إِسْرَائِيل: ”وّثْ خْ ثمُّورْثْ!“ ؤُشَا وَانِيثَا إِوْثَا ثْڒَاثَا ن ثْوَاڒَاوِينْ خْ ثمُّورْثْ ؤُشَا [ڒخْذنِّي] إِبدّْ.
2KI 13:19 أَرْيَازْ ن أَربِّي إِفُّوڭمْ خَاسْ أَطَّاسْ، إِنَّا: ”ثُوغَا إِتّْخصَّا أَذْ ثوْثذْ خمْسَا نِيغْ ستَّا ن ثْوَاڒَاوِينْ، إِڒِي أَذْ ثغْڒبْ خْ أَرَامْ أَڒَامِي ث إِ غَا ثقْضِيذْ [قَاعْ]. ڒخُّو [مَاشَا] أَذْ ثْغڒْبذْ خْ أَرَامْ [مْغِيرْ] ثْڒَاثَا ن ثْوَاڒَاوِينْ.
2KI 13:20 إِلِيشَاعْ إِمُّوثْ ؤُشَا نضْڒنْ ث. بَانْذِييَّاثْ ن أَيْثْ ن مُوآبَ ثُوغَا تّْنُومَانْثْ أَذْ أَذْفنْثْ غَارْ ثمُّورْثْ غَارْ ؤُمزْوَارُو ن ؤُسڭّْوَاسْ.
2KI 13:21 خْزَارْ، [ؤُمِي] ثُوغَا نطّْڒنْ [إِشْثْ ن ثْوَاڒَا] إِجّْ ن ورْيَازْ، إِمْسَارْ أَقَا ژْرِينْ إِشْثْ ن بَانْذِييَّا. نِيثْنِي نْضَارنْ أَرْيَازْ ذڭْ ونْضڒْ ن إِلِيشَاعْ. [ؤُمِي ذَايسْ] إِوْضَا ورْيَازْ، إِحَاذَا إِيْسَانْ ن إِلِيشَاعْ، إِذْوڒْ إِدَّارْ عَاوذْ ؤُشَا إِكَّارْ إِبدّْ خْ إِضَارنْ نّسْ.
2KI 13:22 حَازَايِيلْ، أَجدْجِيذْ ن أَرَامْ، إِحْصَارْ خْ إِسْرَائِيل، مَارَّا ؤُسَّانْ ن يَاهُويَاحَازْ.
2KI 13:23 [مَاشَا] سِيذِي إِحِينّْ خْ ڒْڭنْسْ نّسْ ؤُشَا يَارْحمْ خَاسنْ ؤُشَا إِنّقْڒبْ غَارْسنْ ذِي طّْوعْ ن ڒْعَاهْذْ نّسْ أَكْ-ذ إِبْرَاهِيمْ، إِسْحَاقْ ذ يَاعْقُوبْ. نتَّا ثُوغَا وَارْ إِخْسْ أَذْ ثنْ يَاردّدْجْ ؤُ وَارْ إِخْسْ أَذْ ثنْ إِسّكّْ زِي زَّاثْ ن وُوذمْ نّسْ، أَڒْ ڒخُّو.
2KI 13:24 حَازَايِيلْ، أَجدْجِيذْ ن أَرَامْ، إِمُّوثْ ؤُ مِّيسْ بِينْهَاذَاذْ إِذْوڒْ ذ أَجدْجِيذْ ذڭْ ومْشَانْ نّسْ.
2KI 13:25 يُووَاشْ، مِّيسْ ن يَاهُويَاحَازْ، إِكّسْ-د زڭْ إِفَاسّنْ ن بِينْهَاذَاذْ، مِّيسْ ن حَازَايِيلْ، ثِيندَّامْ نِّي ثُوغَا إِطّفْ وَانِيثَا زڭْ إِفَاسّنْ ن بَابَاسْ يَاهُويَاحَازْ. يُووَاشْ إِغْڒبْ خَاسْ ثْڒَاثَا ن ثْوَاڒَاوِينْ ؤُشَا يَارَّا-د ثِيندَّامْ عَاوذْ غَارْ إِسْرَائِيل.
2KI 14:1 ذڭْ ؤُسڭّْوَاسْ وِيسّْ ثْنَاينْ ن يُووَاشْ، مِّيسْ ن يَاهُويَاحَازْ، أَجدْجِيذْ ن إِسْرَائِيل، إِذْوڒْ أَمَاصْيَا، مِّيسْ ن يُووَاشْ، ذ أَجدْجِيذْ ن يَاهُوذَا.
2KI 14:2 نتَّا [ثُوغَا] غَارسْ خمْسَا ؤُ-عِيشْرِينْ ن إِسڭّْوُوسَا، ؤُمِي إِذْوڒْ ذ أَجدْجِيذْ. نتَّا إِحْكمْ ذِي ؤُرْشَالِيمْ. يمَّاسْ قَّارنْ أَسْ يَاهُوعَاذَانْ، زِي ؤُرْشَالِيمْ.
2KI 14:3 نتَّا إِڭَّا مِينْ إِدْجَانْ نِيشَانْ ذِي ثِيطَّاوِينْ ن سِيذِي، مَاشَا وَارْ إِدْجِي أَمْ بَابَاسْ ذَاوُوذْ. إِڭَّا نِيشَانْ أَمْ مَامّشْ إِڭَّا بَابَاسْ يُووَاشْ.
2KI 14:4 مْغِيرْ وَارْ تّْوَاكّْسنْثْ ڒڭْعُوذِي. ڒْڭنْسْ يِيوِي عَاذْ ثِيغَارْصَا ذ ثوْهِيبِينْ ن ڒبْخُورْ خْ ڒڭْعُوذِي.
2KI 14:5 ؤُمِي ثُوغَا ثَاڭلْذَا ثمْثنْ ذڭْ إِفَاسّنْ نّسْ، إِمْسَارْ بلِّي نتَّا إِنْغَا إِمْسخَّارنْ نِّي إِنْغِينْ أَجدْجِيذْ، بَابَاسْ.
2KI 14:6 [مَاشَا] إِحنْجِيرنْ ن إِقتَّاڒنْ وَارْ ثنْ إِنْغِي شَا، أَمْ مَامّشْ [ث] يُورَا ذڭْ وذْلِيسْ إِتّْوَانّْضنْ ن شَّارِيعَا ن مُوسَا، إِ ذِي إِوصَّا سِيذِي، إِنَّا: ”إِبَابَاثنْ وَارْ تّْوَانقّنْ ذِي سِّيبّثْ ن إِحنْجِيرنْ [نْسنْ] ؤُڒَا إِحنْجِيرنْ وَارْ تّْوَانقّنْ ذِي سِّيبّثْ ن إِبَابَاثنْ [نْسنْ]، مَاغَارْ كُوڒْ إِجّْ أَذْ إِتّْوَانغْ خْ دّْنُوبْ [ن يِيخفْ] نّسْ.“
2KI 14:7 نتَّا إِغْڒبْ خْ أَيْثْ ن إِذُومْ ذِي ثغْزُورْثْ ن ثْمدْجَاحْثْ،عشْرَا أَڒفْ [ن يرْيَازنْ]، ؤُ إِطّفْ سَالَاعْ ذڭْ ؤُمنْغِي ؤُ إِڭَّا أَسْ يَاقْثَايِيلْ، أَڒْ أَسّْ-أَ.
2KI 14:8 خنِّي إِسّكّْ أَمَاصْيَا إِرقَّاسنْ غَارْ يُووَاسْ، مِّيسْ ن يَاهُويَاحَازْ، مِّيسْ ن يَاهُو، أَجدْجِيذْ ن إِسْرَائِيل، إِنَّا: ”أَسْ-د، أجّْ أَنغْ أَذْ نمّڒْقَا [إِ ؤُمنْغِي].“
2KI 14:9 [مَاشَا] يُووَاشْ، أَجدْجِيذْ ن إِسْرَائِيل، إِسّكّْ [إِجّْ ن ؤُرقَّاسْ] غَارْ أَمَاصْيَا، أَجدْجِيذْ ن يَاهُوذَا، إِنَّا: ”شْبَارْقْ أَكْ-ذ إِسنَّاننْ [إِ إِغمّْينْ] خْ [إِذُورَارْ ن] لُوبْنَانْ، إِسّكّْ [إِشْثْ ن ثبْرَاثْ] غَارْ [ثْشجَّارْثْ ن] ثنْڭلْثْ خْ [إِذُورَارْ ن] لُوبْنَانْ، إِنَّا: ’أوْشْ يدْجِيسْ ذ ثَامْغَارْثْ إِ مِّي!‘ [مَاشَا] إِجّْ ن ڒْوحْشْ ن ڒخْڒَا إِ [ذِينْ يُويُورنْ] خْ [إِذُورَارْ ن] لُوبْنَانْ، إِكَّا ؤُ إِعْفسْ خْ شْبَارْقْ أَكْ-ذ إِسنَّاننْ.
2KI 14:10 إِوَا شكْ ثْغڒْبذْ خْ إِذُومْ ؤُ ڒخُّو ثْذوْڒذْ ذَايكْ نّْفَاخثْ ذڭْ وُوڒْ نّشْ. طّفْ ذڭْ ؤُوقَّارْ إِ غَاركْ ؤُ قِّيمْ ذِي ثَادَّارْثْ نّشْ، [مِينْزِي] مَايمِّي غَا ثمّنْضَارذْ إِخفْ نّشْ ذِي ڒْغَارْ ؤُ أَذْ ثوْضِيذْ، شكْ ذ يَاهُوذَا أَكِيذكْ؟“
2KI 14:11 [مَاشَا] أَمَاصْيَا وَارْ إِخْسْ أَذْ إِسڒْ، ؤُشَا يُووَاشْ، أَجدْجِيذْ ن إِسْرَائِيل، إِڭعّذْ أَڒَامِي نتَّا ذ أَمَاصْيَا، أَجدْجِيذْ ن يَاهُوذَا، مّْقَابَاڒنْ غَارْ بَايْثْ-شَامْسْ [إِ إِدْجَانْ] ذِي يَاهُوذَا.
2KI 14:12 يَاهُوذَا إِتّْوَاغْڒبْ س ؤُفُوسْ ن إِسْرَائِيل، ؤُشَا نِيثْنِي أَروْڒنْ، كُوڒْ إِجّْ غَارْ ؤُقِيضُونْ نّسْ.
2KI 14:13 يُووَاشْ، أَجدْجِيذْ ن إِسْرَائِيل، إِطّفْ أَمَاصْيَا، أَجدْجِيذْ ن يَاهُوذَا، مِّيسْ ن يُووَاشْ، مِّيسْ ن أَخَازْيَا، ذِي بَايْثْ-شَامْسْ ؤُشَا يِيوضْ ث-إِ-د غَارْ ؤُرْشَالِيمْ. [ذِينِّي] إِڭَّا إِشْثْ ن ثَازِّيثْ ذِي ڒْحِيضْ ن ؤُرْشَالِيمْ، زِي ثوَّارْثْ ن إِفْرَايِيمْ أَڒْ ثوَّارْثْ ن ثغْمَارْثْ، خْ إِجّْ ن وبْرِيذْ ن أَربْعَا-مْيَا ن إِغَادْجنْ.
2KI 14:14 يِيوِي مَارَّا ؤُرغْ ذ نُّوقَارْثْ ذ مَارَّا ڒقْشُوعْ إِ إِتّْوَافنْ ذِي ثَادَّارْثْ ن سِيذِي ؤُ ذڭْ إِخَّامنْ ن ثْخُوبَايْ ن ثَادَّارْثْ ن ؤُجدْجِيذْ، [ؤُڒَا ذ] إِرهَّاننْ، ؤُشَا إِعْقبْ غَارْ سَامَارْيَا.
2KI 14:15 إِمزْرُوينْ إِقِّيمنْ ن يُووَاشْ ذ مِينْ إِڭَّا ذ ثْمڭَّا نّسْ إِمحْضنْ ذ مَامّشْ إِمّْنغْ أَكْ-ذ أَمَاصْيَا، أَجدْجِيذْ ن يَاهُوذَا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل؟
2KI 14:16 يُووَاشْ إِڭَّا أَذْ يَاريّحْ جَارْ ڒجْذُوذْ نّسْ. نتَّا إِتّْوَانْضڒْ ذِي سَامَارْيَا جَارْ إِجدْجِيذنْ ن إِسْرَائِيل. مِّيسْ يَارُوبْعَامْ إِذْوڒْ ذ أَجدْجِيذْ ذڭْ ومْشَانْ نّسْ.
2KI 14:17 أَمَاصْيَا، مِّيسْ ن يُووَاشْ، أَجدْجِيذْ ن يَاهُوذَا، إِدَّارْ [عَاذْ] خمّسْطَاشْ ن إِسڭّْوُوسَا أَوَارْنِي إِ ڒْموْثْ ن يُووَاشْ، مِّيسْ ن يَاهُويَاحَازْ، أَجدْجِيذْ ن إِسْرَائِيل.
2KI 14:18 إِمزْرُوينْ إِقِّيمنْ ن أَمَاصْيَا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟
2KI 14:19 نِيثْنِي ڭِّينْ إِشْثْ ن ثْمعْمُوتْشْ خَاسْ ذِي ؤُرْشَالِيمْ، أَڒَامِي نتَّا يَارْوڒْ غَارْ لَاخِيشْ، [مَاشَا] نِيثْنِي سّكّنْ أَوَارْنِي أَسْ إِنِّي ث إِضْفَارنْ غَارْ لَاخِيشْ ؤُشَا نْغِينْ ث ذِينِّي.
2KI 14:20 نِيثْنِي إِوْينْ ث-إِ-د خْ ييْسَانْ ؤُ نتَّا إِتّْوَانْضڒْ ذِي ؤُرْشَالِيمْ جَارْ ڒجْذُوذْ نّسْ ذِي ثنْذِينْثْ ن ذَاوُوذْ.
2KI 14:21 مَارَّا ڒْڭنْسْ ن يَاهُوذَا يِيوِي عَازَارْيَا، ونِّي ؤُمِي غَارْ إِدْجَا سطَّاشْ ن إِسڭّْوُوسَا، ؤُ ڭِّينْ ث ذ أَجدْجِيذْ ذڭْ ومْشَانْ ن بَابَاسْ أَمَاصْيَا.
2KI 14:22 نتَّا إِبْنَا إِلَاثْ ؤُ يَارَّا إِ-ث [ذڭْ ؤُفُوسْ] ن يَاهُوذَا، أَوَارْنِي ڒَامِي إِڭَّا أَذْ يَاريّحْ ؤُجدْجِيذْ جَارْ ڒجْذُوذْ نّسْ.
2KI 14:23 ذڭْ ؤُسڭّْوَاسْ وِيسّْ خمّسْطَاشْ ن أَمَاصْيَا، مِّيسْ ن يُووَاشْ، أَجدْجِيذْ ن يَاهُوذَا، إِذْوڒْ يَارُوبْعَامْ، مِّيسْ ن يُووَاشْ، أَجدْجِيذْ ن إِسْرَائِيل ذِي سَامَارْيَا. [نتَّا إِحْكمْ] وَاحِيثْ ؤُ-عِيشْرِينْ ن إِسڭّْوُوسَا ذِي سَامَارْيَا.
2KI 14:24 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي. نتَّا وَارْ إِحيّذْ خْ مَارَّا دّْنُوبْ ن يَارُوبْعَامْ، مِّيسْ ن نَابَاطْ، ونِّي يَارِّينْ إِسْرَائِيل أَذْ إِخْضَا.
2KI 14:25 نتَّا يَارَّا-د مَارَّا ثَامُّورْثْ ن إِسْرَائِيل [سَاذُو ؤُفُوسْ نّسْ] زِي مَانِي غَا ثِيوْضذْ غَارْ حَامَاثْ أَڒْ ڒبْحَارْ ن ڒوْضَا عْلَاحْسَابْ أَوَاڒْ ن سِيذِي، أَربِّي ن إِسْرَائِيل، إِ ثُوغَا إِسِّيوڒْ س ؤُقمُّومْ ن ؤُمْسخَّارْ نّسْ يُونُوسْ، مِّيسْ ن أَمِيتَّايْ زِي جَاثْ-حَافِيرْ.
2KI 14:26 مَاغَارْ سِيذِي إِژْرَا أَقَا ڒغْبنْ ن إِسْرَائِيل ذ أَمرْزَاڭْ أَطَّاسْ ؤُ وَارْ ذِينْ إِقِّيمْ [عَاذْ] ونِّي إِتّْوَاطّْفنْ ذ ونِّي ؤُمِي جِّينْ ؤُ وَارْ ثُوغِي ونِّي إِعَاوْننْ إِ إِسْرَائِيل.
2KI 14:27 سِيذِي ثُوغَا وَارْ ينِّي أَذْ إِمْحَا إِسمْ ن إِسْرَائِيل زِي سَاذُو إِجنْوَانْ، ؤُشَا إِسّنْجمْ إِ-ثنْ س ؤُفُوسْ ن يَارُوبْعَامْ، مِّيسْ ن يُووَاشْ.
2KI 14:28 إِمزْرُوينْ إِقِّيمنْ ن يَارُوبْعَامْ ذ مَارَّا مِينْ إِڭَّا ذ مَارَّا ثِيمڭَّا نّسْ إِمحْضنْ ذ مَامّشْ إِمّْنغْ ؤُ مَامّشْ إِكسّبْ ثْوَاڒَا نّغْنِيثْ ذِيمَاشْقْ ذ حَامَاثْ إِنِّي [ثُوغَا إِدْجَانْ] غَارْ يَاهُوذَا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل؟
2KI 14:29 يَارُوبْعَامْ إِڭَّا أَذْ يَاريّحْ جَارْ ڒجْذُوذْ نّسْ، جَارْ إِجدْجِيذنْ ن إِسْرَائِيل. مِّيسْ زَاكَارِييَّا إِذْوڒْ ذ أَجدْجِيذْ ذڭْ ومْشَانْ نّسْ.
2KI 15:1 ذڭْ ؤُسڭّْوَاسْ وِيسّْ سبْعَا ؤُ عِيشْرِينْ ن يَارُوبْعَامْ، أَجدْجِيذْ ن إِسْرَائِيل، إِذْوڒْ عَازَارْيَا، مِّيسْ ن أَمَاصْيَا، أَجدْجِيذْ ن يَاهُوذَا.
2KI 15:2 نتَّا [ثُوغَا] غَارسْ سطَّاشْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ ثْنَاينْ ؤُ-خمْسِينْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ يَاكُولْيَا زِي ؤُرْشَالِيمْ.
2KI 15:3 نتَّا إِڭَّا مِينْ إِدْجَانْ نِيشَانْ ذِي ثِيطَّاوِينْ ن سِيذِي، أَمْ مَامّشْ مَارَّا إِ ثُوغَا إِڭَّا بَابَاسْ أَمَاصْيَا.
2KI 15:4 مْغِيرْ وَارْ تّْوَاكّْسنْثْ ڒڭْعُوذِي. يِيوِي ڒْڭنْسْ عَاذْ ثِيغَارْصَا ذ ثوْهِيبِينْ ن ڒبْخُورْ خْ ڒڭْعُوذِي.
2KI 15:5 [مَاشَا] سِيذِي إِوْثَا أَجدْجِيذْ أَڒَامِي إِهْڒشْ س ڒْبَارْصْ أَڒْ أَسّْ ن ڒْموْثْ نّسْ. نتَّا إِقِّيمْ إِزدّغْ ذڭْ إِشْثْ ن ثَادَّارْثْ ثتّْوَاعْزڒْ، [ؤُمِي] يُوثَامْ، مِّيسْ ن ؤُجدْجِيذْ، ثُوغَا ذ ڒمْقدّمْ ن ثْزذِّيغْثْ [ن ؤُجدْجِيذْ] ؤُ إِحكّمْ خْ ڒْڭنْسْ ن ثمُّورْثْ.
2KI 15:6 إِمزْرُوينْ إِقِّيمنْ ن عَازَارْيَا ذ مَارَّا مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟
2KI 15:7 عَازَارْيَا إِڭَّا أَذْ يَاريّحْ جَارْ ڒجْذُوذْ نّسْ. نضْڒنْ ث جَارْ ڒجْذُوذْ نّسْ ذِي ثنْذِينْثْ ن ذَاوُوذْ. مِّيسْ يُوثَامْ إِذْوڒْ ذ أَجدْجِيذْ ذڭْ ومْشَانْ نّسْ.
2KI 15:8 ذڭْ ؤُسڭّْوَاسْ وِيسّْ ثْمنْيَا ؤُ-ثْڒَاثِينْ ن عَازَارْيَا، أَجدْجِيذْ ن يَاهُوذَا، إِحْكمْ زَاكَارِييَّا، مِّيسْ ن يَارُوبْعَامْ، خْ إِسْرَائِيل ذِي سَامَارْيَا، [ڒْْقدّْ ن] ستَّا ن إِيُورنْ.
2KI 15:9 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، [نِيشَانْ] أَمْ مَامّشْ ث ڭِّينْ ڒجْذُوذْ نّسْ. نتَّا وَارْ إِحيّذْ خْ دّْنُوبْ ن يَارُوبْعَامْ، مِّيسْ ن نَابَاطْ، ونِّي يَارِّينْ إِسْرَائِيل أَذْ إِخْضَا.
2KI 15:10 شَالُّومْ، مِّيسْ ن يَابِيشْ، إِڭَّا خَاسْ إِشْثْ ن ثْمعْمُوتْشْ ؤُشَا إِوْثَا إِ-ث زَّاثْ إِ ڒْڭنْسْ ؤُشَا إِنْغَا إِ-ث. نتَّا إِذْوڒْ ذ أَجدْجِيذْ ذڭْ ومْشَانْ نّسْ.
2KI 15:11 إِمزْرُوينْ إِقِّيمنْ ن زَاكَارِييَّا، خْزَارْ، أَقَا تّْوَازمّمنْ ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل.
2KI 15:12 وَا ذ أَوَاڒْ إِ ثُوغَا إِسِّيوڒْ سِيذِي غَارْ يَاهُو، إِنَّا: ”إِحنْجِيرنْ نّشْ أَذْ قِّيمنْ خْ ڒْعَارْشْ ن إِسْرَائِيل أَڒْ جِّيڒْ وِيسّْ أَربْعَا!“ ؤُشَا أَمُّو إِ ثمْسَارْ.
2KI 15:13 ذڭْ ؤُسڭّْوَاسْ وِيسّْ ثسْعَا ؤُ-ثْڒَاثِينْ ن عُوزِّييَا، أَجدْجِيذْ ن يَاهُوذَا، إِذْوڒْ شَالُّومْ، مِّيسْ ن يَابِيشْ، ذ أَجدْجِيذْ. نتَّا إِحْكمْ إِجّْ ن ؤُيُورْ إِكْمڒْ ذِي سَامَارْيَا.
2KI 15:14 مَانَاحِيمْ، مِّيسْ ن جَاذِي، إِفّغْ-د غَارسْ زِي ثِيرْصَا ؤُشَا يُوسَا-د غَارْ سَامَارْيَا، إِوْثَا شَالُّومْ، مِّيسْ ن يَابِيشْ، ذِي سَامَارْيَا، ؤُشَا إِنْغَا إِ-ث. نتَّا إِذْوڒْ ذ أَجدْجِيذْ ذڭْ ومْشَانْ نّسْ.
2KI 15:15 إِمزْرُوينْ إِقِّيمنْ ن شَالُّومْ ذ ثْمعْمُوتْشْ إِ إِڭَّا، خْزَارْ، مَانْ أَيَا [مَارَّا] إِتّْوَازمّمْ ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل.
2KI 15:16 خنِّي إِغْڒبْ مَانَاحِيمْ خْ ثَافْسَاحْ، ذ مَارَّا إِمزْذَاغْ نِّي ذَايسْ، ؤُشَا إِوْثَا ؤُڒَا ذ ثَامُّورْثْ نّسْ زِي ثِيرْصَا، مِينْزِي نِيثْنِي ثُوغَا وَارْ ذ أَسْ أَرْزِيمنْ [ثِيوُّورَا]. أَقَا إِنْغَا [إِ-ثنْ]. مَارَّا ثِيمْغَارِينْ س دّيْسثْ إِفتّقْ أَسنْثْ [أَعذِّيسْ].
2KI 15:17 ذڭْ ؤُسڭّْوَاسْ وِيسّْ ثسْعَا ؤُ-ثْڒَاثِينْ ن عَازَارْيَا، أَجدْجِيذْ ن يَاهُوذَا، إِذْوڒْ مَانَاحِيمْ، مِّيسْ ن جَاذِي، ذ أَجدْجِيذْ خْ إِسْرَائِيل. [نتَّا إِحْكمْ]عشْرَا ن إِسڭّْوُوسَا ذِي سَامَارْيَا.
2KI 15:18 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي. مَارَّا ؤُسَّانْ [ن ثُوذَارْثْ نّسْ] وَارْ إِحيّذْ شَا خْ دّْنُوبْ ن يَارُوبْعَامْ، مِّيسْ ن نَابَاطْ، ونِّي يَارِّينْ إِسْرَائِيل أَذْ إِخْضَا.
2KI 15:19 [خنِّي] يُوسَا-د فُولْ، أَجدْجِيذْ ن أَشُّورْ، [إِهْجمْ] خْ ثمُّورْثْ. إِوْشَا مَانَاحِيمْ أَڒفْ ثَالِينْثْ ن نُّوقَارْثْ إِ فُولْ، حِيمَا أَذْ إِقِّيمْ أَذْ إِحْكمْ ؤُ حِيمَا أَذْ إِسّمْثنْ ثَاڭلْذِيثْ ذڭْ ؤُفُوسْ نّسْ.
2KI 15:20 مَانَاحِيمْ إِڭَّا إِسْرَائِيل أَذْ [غَارسْ] د-يِيوِي نُّوقَارْثْ، مَارَّا أَيْثْ ن بُو-وَاڭْڒَا، حِيمَا أَذْ إِسِّيوضْ نُّوقَارْثْ نِّي إِ ؤُجدْجِيذْ ن أَشُّورْ. زِي كُوڒْ أَرْيَازْ [إِكْسِي] خمْسِينْ شِيقْلُو. [خَاسْ ؤُشَا] إِعْقبْ ؤُجدْجِيذْ ن أَشُّورْ، وَارْ إِقِّيمْ [عَاذْ] ذِي ثمُّورْثْ.
2KI 15:21 إِمزْرُوينْ إِقِّيمنْ ن مَانَاحِيمْ ذ مَارَّا مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل؟
2KI 15:22 مَانَاحِيمْ إِڭَّا أَذْ يَاريّحْ جَارْ ڒجْذُوذْ نّسْ. مِّيسْ فَاقَاحْيَا إِذْوڒْ ذ أَجدْجِيذْ ذڭْ ومْشَانْ نّسْ.
2KI 15:23 ذڭْ ؤُسڭّْوَاسْ وِيسّْ خمْسِينْ ن عَازَارْيَا، أَجدْجِيذْ ن يَاهُوذَا، إِذْوڒْ فَاقَاحْيَا، مِّيسْ ن مَانَاحِيمْ، ذ أَجدْجِيذْ خْ إِسْرَائِيل. [نتَّا إِحْكمْ] ثْنَاينْ ن إِسڭّْوُوسَا ذِي سَامَارْيَا.
2KI 15:24 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي. نتَّا وَارْ إِحيّذْ خْ دّْنُوبْ ن يَارُوبْعَامْ، مِّيسْ ن نَابَاطْ، ونِّي يَارِّينْ إِسْرَائِيل أَذْ إِخْضَا.
2KI 15:25 فَاقَاحْ، مِّيسْ ن رَامَالْيَاهُو، أَنغْرَافْ [ن ڒْعسْكَارْ]، إِڭَّا خَاسْ إِشْثْ ن ثْمعْمُوتْشْ، إِوّثْ إِ-ث ذِي سَامَارْيَا، ذِي لْبُورْجْ ن ثَادَّارْثْ ن ؤُجدْجِيذْ. أَرْجُوبْ ذ أَرْيَاهْ وْشِينْ أَسْ أَفُوسْ ؤُ ثُوغَا أَكِيذسْ [عَاوذْ] خمْسِينْ ن يرْيَازنْ زِي جِيلْعَاذْ. نتَّا إِنْغَا فَاقَاحْيَا ؤُ إِذْوڒْ ذ أَجدْجِيذْ ذڭْ ومْشَانْ نّسْ.
2KI 15:26 إِمزْرُوينْ إِقِّيمنْ ن فَاقَاحْيَا ذ مَارَّا مِينْ إِڭَّا، خْزَارْ، مَانْ أَيَا [مَارَّا] إِتّْوَازمّمْ ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل.
2KI 15:27 ذڭْ ؤُسڭّْوَاسْ وِيسّْ ثْنَاينْ ؤُ-خمْسِينْ ن عَازَارْيَا، إِذْوڒْ فَاقَاحْ، مِّيسْ ن رَامَالْيَاهُو، ذ أَجدْجِيذْ خْ إِسْرَائِيل. [نتَّا إِحْكمْ] عِيشْرِينْ ن إِسڭّْوُوسَا ذِي سَامَارْيَا.
2KI 15:28 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي. نتَّا وَارْ إِحيّذْ شَا خْ دّْنُوبْ ن يَارُوبْعَامْ، مِّيسْ ن نَابَاطْ نِّي يَارِّينْ إِسْرَائِيل أَذْ إِخْضَا.
2KI 15:29 ذڭْ وُوسَّانْ ن فَاقَاحْ، أَجدْجِيذْ ن إِسْرَائِيل، يُوسَا-د ثِيغْلَاثْ-فِيلَاسِيرْ، أَجدْجِيذْ ن أَشُّورْ. نتَّا إِحوّسْ عَايُونْ ذ أَبِيلْ-بَايْثْ-مَاعْكَا ذ يَانُوحْ ذ قَاذَاشْ ذ حَاصُورْ ذ جِيلْعَاذْ ذ لْجَالِيلْ ذ مَارَّا ثَامُّورْثْ ن نَافْثَالِي. نتَّا إِنْذهْ إِ-ثنْ غَارْ لْمنْفَا غَارْ أَشُّورْ.
2KI 15:30 هُوشِيعَا، مِّيسْ ن إِلَا، إِڭَّا إِشْثْ ن ثْمعْمُوتْشْ خْ فَاقَاحْ، مِّيسْ ن رَامَالْيَاهُو. نتَّا إِوْثَا إِ-ث ؤُشَا إِنْغَا إِ-ث. نتَّا إِذْوڒْ ذ أَجدْجِيذْ ذڭْ ومْشَانْ نّسْ ذڭْ ؤُسڭّْوَاسْ وِيسّْ عِيشْرِينْ ن يُوثَامْ، مِّيسْ ن عُوزِّييَا.
2KI 15:31 إِمزْرُوينْ إِقِّيمنْ ن فَاقَاحْ ذ مَارَّا مِينْ إِڭَّا، خْزَارْ، مَانْ أَيَا [مَارَّا] إِتّْوَازمّمْ ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل.
2KI 15:32 ذڭْ ؤُسڭّْوَاسْ وِيسّْ ثْنَاينْ ن فَاقَاحْ، مِّيسْ ن رَامَالْيَاهُو، أَجدْجِيذْ ن إِسْرَائِيل، إِذْوڒْ يُوثَامْ ذ أَجدْجِيذْ. [ثُوغَا نتَّا] ذ مِّيسْ ن عُوزِّييَا، أَجدْجِيذْ ن يَاهُوذَا.
2KI 15:33 نتَّا [ثُوغَا] غَارسْ خمْسَا ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. [نتَّا إِحْكمْ] سطَّاشْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ يَارُوشَا، يدْجِيسْ ن صَاذُوقْ.
2KI 15:34 نتَّا إِڭَّا مِينْ إِدْجَانْ نِيشَانْ ذِي ثِيطَّاوِينْ ن سِيذِي، نِيشَانْ أَمْ مَامّشْ ث إِڭَّا بَابَاسْ عُوزِّييَا.
2KI 15:35 مْغِيرْ وَارْ تّْوَاكّْسنْثْ ڒڭْعُوذِي. ڒْڭنْسْ يِيوْيِي-د [عَاذْ] ثِيغَارْصَا ذ ثوْهِيبِينْ ن ڒبْخُورْ خْ ڒڭْعُوذِي. نتَّا إِبْنَا ثوَّارْثْ يُوعْڒَانْ ذِي ثَادَّارْثْ ن سِيذِي.
2KI 15:36 إِمزْرُوينْ إِقِّيمنْ ن يُوثَامْ، ذ مَارَّا مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟
2KI 15:37 ذڭْ وُوسَّانْ نِّي إِبْذَا سِيذِي أَذْ إِسّكّْ رَاصِينْ، أَجدْجِيذْ ن أَرَامْ، ذ فَاقَاحْ، مِّيسْ ن رَامَالْيَاهُو، غَارْ يَاهُوذَا.
2KI 15:38 يُوثَامْ إِڭَّا أَذْ يَاريّحْ جَارْ ڒجْذُوذْ نّسْ. نتَّا إِتّْوَانْضڒْ جَارْ ڒجْذُوذْ نّسْ ذِي ثنْذِينْثْ ن بَابَاسْ ذَاوُوذْ. مِّيسْ أَحَازْ إِذْوڒْ ذ أَجدْجِيذْ ذڭْ ومْشَانْ نّسْ.
2KI 16:1 ذڭْ ؤُسڭّْوَاسْ وِيسّْ سْبعْطَاشْ ن فَاقَاحْ، مِّيسْ ن رَامَالْيَاهُو، إِذْوڒْ أَحَازْ، مِّيسْ ن يُوثَامْ، ذ أَجدْجِيذْ ن يَاهُوذَا.
2KI 16:2 أَحَازْ [ثُوغَا] غَارسْ عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ سطَّاشْ ن إِسڭّْوُوسَا ذِي ؤُرْشَالِيمْ. نتَّا وَارْ إِڭِّي مِينْ إِدْجَانْ نِيشَانْ ذِي ثِيطَّاوِينْ ن سِيذِي، أَربِّي نّسْ، أَمْ مَامّشْ [إِڭَّا] بَابَاسْ ذَاوُوذْ.
2KI 16:3 نتَّا يُويُورْ ذڭْ إِبْرِيذنْ ن إِجدْجِيذنْ ن إِسْرَائِيل. نتَّا إِجَّا عَاذْ مِّيسْ أَذْ يُويُورْ ذِي ثْمسِّي أَمْ مَامّشْ مَارَّا جّْعَايفْ ن ڒڭْنُوسْ إِنِّي ثُوغَا إِعَارّنْ سِيذِي زَّاثْ إِ وُوذمْ ن أَيْثْ ن إِسْرَائِيل.
2KI 16:4 نتَّا يِيوْيِي-د ثِيغَارْصَا ذ ثوْهِيبِينْ ن ڒبْخُورْ خْ ڒڭْعُوذِي ؤُ خْ ثوْرِيرِينْ ؤُ سَاذُو مَارَّا أَزْغَارْ أَزِيزَا.
2KI 16:5 خَاسْ ؤُشَا إِفّغْ رَاصِينْ، أَجدْجِيذْ ن أَرَامْ، ذ فَاقَاحْ، مِّيسْ ن رَامَالْيَاهُو، أَجدْجِيذْ ن إِسْرَائِيل، إِمّْنغْ أَكْ-ذ ؤُرْشَالِيمْ. نِيثْنِي نّْضنْ إِ أَحَازْ، [مَاشَا] وَارْ زمَّارنْ أَذْ خَاسْغڒْبنْ.
2KI 16:6 ذِي ڒْوقْثْ نِّي يَارَّا-د رَاصِينْ، أَجدْجِيذْ ن أَرَامْ، إِلَاثْ إِ أَرَامْ. إِسُّوفّغْ أَيْثْ ن يَاهُوذَا زِي إِلَاثْ ؤُشَا ؤُسِينْ-د أَيْثْ ن أَرَامْ غَارْ إِلَاثْ، [قِّيمنْ] زدّْغنْ ذِينْ أَڒْ أَسّْ-أَ.
2KI 16:7 أَحَازْ إِسّكّْ إِرقَّاسنْ إِ ثِيغْلَاثْ-فِيلَاسِيرْ، أَجدْجِيذْ ن أَشُّورْ، إِنَّا: ”نشّْ ذ أَمْسخَّارْ نّشْ ذ مِّيشْ. ڭعّذْ ذ ثْفكّذْ أَيِي زڭْ ؤُفُوسْ ن ؤُجدْجِيذْ ن أَرَامْ ذ ؤُجدْجِيذْ ن إِسْرَائِيل، إِنِّي خَافِي إِنّْقڒْبنْ.“
2KI 16:8 أَحَازْ يِيوِي نُّوقَارْثْ ذ وُورغْ إِ إِتّْوَافنْ ذِي ثَادَّارْثْ ن سِيذِي ؤُ ذڭْ إِخَّامنْ ن ثْخُوبَايْ ن ثَادَّارْثْ ن ؤُجدْجِيذْ ؤُشَا إِسّكّْ [أَيَا أَمْ] إِشْثْ ن ثرْزفْثْ إِ ؤُجدْجِيذْ ن أَشُّورْ.
2KI 16:9 أَجدْجِيذْ ن أَشُّورْ إِسْڒَا غَارسْ ؤُشَا إِڭعّذْ ؤُجدْجِيذْ ن أَشُّورْ غَارْ ذِيمَاشْقْ، إِطّفْ إِ-ت. نتَّا إِنْذهْ إِ-ت غَارْ لْمنْفَا غَارْ قِيرْ ؤُ إِنْغَا رَاصِينْ.
2KI 16:10 أَجدْجِيذْ أَحَازْ إِفّغْ غَارْ ذِيمَاشْقْ إِ ؤُمْسَاڭَارْ أَكْ-ذ ثِيغْلَاثْ-فِيلَاسِيرْ، أَجدْجِيذْ ن أَشُّورْ، ؤُشَا إِژْرَا إِجّْ ن ؤُعَالْطَارْ ذِي ذِيمَاشْقْ. أَجدْجِيذْ أَحَازْ إِسّكّْ إِجّْ ن ؤُمذْيَا ن ؤُعَالْطَارْ ذ ثْوصَّافْ نّسْ نْ ڒبْنِي، قَاعْ أَمْ مَامّشْ ثُوغَا إِتّْخصَّا أَذْ ث ڭّنْ، غَارْ ؤُكهَّانْ ؤُرِييَا.
2KI 16:11 [خَاسْ ؤُشَا] إِبْنَا ؤُكهَّانْ ؤُرِييَا أَعَالْطَارْ. غَارْ [ڒْْوقْثْ إِ ذِي] د-إِعْقبْ ؤُجدْجِيذْ أَحَازْ زِي ذِيمَاشْقْ، أَقَا إِبْنَا ث ؤُكهَّانْ ؤُرِييَا أَمْ مَامّشْ مَارَّا مِينْ [غَارسْ] د-إِسّكّْ ؤُجدْجِيذْ أَحَازْ زِي ذِيمَاشْقْ.
2KI 16:12 [ؤُمِي] د-يُوسَا ؤُجدْجِيذْ زِي ذِيمَاشْقْ، إِژْرَا ؤُجدْجِيذْ أَعَالْطَارْ ؤُشَا إِقَارّبْ-د ؤُجدْجِيذْ غَارْ ؤُعَالْطَارْ ؤُشَا إِسّْبخَّارْ خَاسْ [ثِيغَارْصَا].
2KI 16:13 نتَّا إِسّْبخَّارْ ثَاغَارْصْثْ نّسْ ذ ثوْهِيبْثْ نّسْ [ن ڒْغِيدْجثْ] ؤُ إِسيّبْ خَاسْ ثَاوْهِيبْثْ ن ؤُسيّبْ نّسْ. إِسّْفَارّْغغْ ؤُڒَا ذ إِذَامّنْ ن ثْغَارْصَا نّسْ ن ڒهْنَا خْ ؤُعَالْطَارْ.
2KI 16:14 أَعَالْطَارْ ن نّْحَاسْ نِّي إِبدّنْ زَّاثْ إِ وُوذمْ ن سِيذِي، إِسّْمُوطِّييْ ث زڭْ ؤُغزْذِيسْ ن زَّاثْ ن ثَادَّارْثْ، زِي جَارْ ؤُعَالْطَارْ [ن جْذِيذْ] ذ ثَادَّارْثْ ن سِيذِي، غَارْ ؤُغزْذِيسْ ن شَّامَالْ ن ؤُعَالْطَارْ [ن جْذِيذْ] ؤُشَا إِسَّارْسْ إِ-ث [ذِينِّي].
2KI 16:15 ڒخْذنِّي أَجدْجِيذْ أَحَازْ إِوصَّا أَكهَّانْ ؤُرِييَا، إِنَّا: ”سْبخَّارْ ثَاغَارْصْثْ ن وشْمَاضْ ن صّْبحْ ذ ثوْهِيبْثْ [ن ڒْغِيدْجثْ] ن ثْمذِّيثْ ڒَا ثَاغَارْصْثْ ن وشْمَاضْ ن ؤُجدْجِيذْ ذ ثوْهِيبْثْ نّسْ [ن ڒْغِيدْجثْ] ذ ثْغَارْصْثْ ن وشْمَاضْ ذِي طّْوعْ ن مَارَّا ڒْڭنْسْ ن ثمُّورْثْ ذ ثوْهِيبِينْ نْسنْ [ن ڒْغِيدْجثْ] ذ ثوْهِيبِينْ نْسنْ ن ؤُسيّبْ، ؤُ زدْجعْ خَاسْ مَارَّا إِذَامّنْ ن مَارَّا ثِيغَارْصَا ن وشْمَاضْ ؤُ ن ثْغَارْصَا [نّغْنِي]. أَعَالْطَارْ ن نّْحَاسْ أَذْ يِيڒِي إِ نّشْ، حِيمَا أَذْ [ذَايسْ] أَرْزُوغْ عَاذْ.
2KI 16:16 أَكهَّانْ ؤُرِييَا إِڭَّا أَمْ مَامّشْ مَارَّا س مِينْزِي إِوصَّا ؤُجدْجِيذْ أَحَازْ.
2KI 16:17 أَجدْجِيذْ أَحَازْ إِقسّْ ثڒْوِيحِينْ [إِ يدْجَانْ] خْ ثْكَارُّوثِينْ ؤُشَا إِكّسْ [زَّايْسنْثْ] ثَابَانْيُوثْ إِ خَاسْ إِدْجَانْ. إِكّسْ ؤُڒَا ذ ثَارِيمَانْثْ ن وَامَانْ زڭْ إِفُونَاسنْ ن نّْحَاسْ إِنِّي سَاذُو نّسْ ؤُشَا إِسَّارْسْ إِ-ت خْ إِشْثْ ن زّلِّيجْ ن وژْرُو.
2KI 16:18 بَاسُو ن سّبْثْ إِ ثُوغَا إِبْنَانْ ذِي ثَادَّارْثْ، ؤُڒَا ذ أَذَافْ ن ؤُجدْجِيذْ غَارْ ؤُغزْذِيسْ ن بَارَّا إِكّسْ إِ-ثنْ زِي ثَادَّارْثْ ن سِيذِي ذِي سِّيبّثْ ن ؤُجدْجِيذْ ن أَشُّورْ.
2KI 16:19 إِمزْرُوينْ إِقِّيمنْ ن أَحَازْ ذ مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟
2KI 16:20 أَحَازْ إِڭَّا أَذْ يَاريّحْ جَارْ ڒجْذُوذْ نّسْ ذِي ثنْذِينْثْ ن ذَاوُوذْ. مِّيسْ حِيزْقِييَا إِذْوڒْ ذ أَجدْجِيذْ ذڭْ ومْشَانْ نّسْ.
2KI 17:1 ذڭْ ؤُسڭّْوَّاسْ وِيسّْ ثنْعَاشْ ن أَحَازْ، أَجدْجِيذْ ن يَاهُوذَا، إِذْوڒْ هُوشِيعَا، مِّيسْ ن إِلَا، ذ أَجدْجِيذْ خْ إِسْرَائِيل ذِي سَامَارْيَا. [نتَّا إِحْكمْ] ثسْعَا ن إِسڭّْوُوسَا.
2KI 17:2 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، مَاشَا وَارْ إِدْجِي أَنشْثْ ن إِجدْجِيذنْ ن إِسْرَائِيل، إِنِّي ثُوغَا قْبڒْ نّسْ.
2KI 17:3 شَالْمَانَاسَّارْ، أَجدْجِيذْ ن أَشُّورْ، إِهْجمْ خَاسْ ؤُشَا هُوشِيعَا إِذْوڒْ ذ أَمْسخَّارْ نّسْ ؤُشَا إِتّْوَاڭّْ خَاسْ مَاحنْذْ أَذْ أَسْ إِوْشْ لْجِيزْيَا.
2KI 17:4 أَجدْجِيذْ ن أَشُّورْ يُوفَا أَقَا هُوشِيعَا إِڭَّا إِشْثْ ن ثْمعْمُوتْشْ. وَانِيثَا ثُوغَا إِسّكّْ إِرقَّاسنْ نّسْ غَارْ سُو، أَجدْجِيذْ ن مِيصْرَا، ؤُشَا وَارْ د-يِيوِي عَاذْ لْجِيزْيَا أَمْ قْبڒْ إِ ؤُجدْجِيذْ ن أَشُّورْ، زڭْ ؤُسڭّْوَاسْ أَڒْ أَسڭّْوَاسْ. أَجدْجِيذْ ن أَشُّورْ إِطّفْ إِ-ث ؤُشَا إِشدّْ إِ-ث س إِشذِّييّنْ ذِي ڒحْبسْ.
2KI 17:5 أَجدْجِيذْ ن أَشُّورْ إِوْضَا خْ مَارَّا ثَامُّورْثْ، إِڭعّذْ غَارْ سَامَارْيَا ؤُ إِنّضْ أَسْ-د ثْڒَاثَا ن إِسڭّْوُوسَا.
2KI 17:6 ذڭْ ؤُسڭّْوَاسْ وِيسّْ ثسْعَا ن هُوشِيعَا، إِحوّسْ أَجدْجِيذْ ن أَشُّورْ سَامَارْيَا ؤُشَا إِنْذهْ [أَيْثْ ن] إِسْرَائِيل ذِي لْمنْفَا غَارْ أَشُّورْ ؤُ إِسّزْذغْ إِ-ثنْ ذِي حَالَاحْ ؤُ غَارْ خابُورْ ونِّي ذ إِغْزَارْ ن جُوزَانْ، ؤُ [ذِي] ثْندَّامْ ن إِمَاذَاينْ.
2KI 17:7 أَيَا إِمْسَارْ مِينْزِي أَيْثْ ن إِسْرَائِيل خْضَانْ خْ سِيذِي، أَربِّي نْسنْ، ونِّي ثنْ د-إِسّْڭعّْذنْ زِي مِيصْرَا، زِي سَاذُو إِ ؤُفُوسْ ن فِيرْعُونْ، أَجدْجِيذْ ن مِيصْرَا، ؤُ ؤُمِي ڭّْوذنْ نِيثْنِي إِربِّيثنْ نّغْنِي،
2KI 17:8 ڭِّينْ أَذْ دَّارنْ عْلَاحْسَابْ ثِيوصَّا ن ڒڭْنُوسْ نِّي إِعَارّنْ إِ-ثنْ سِيذِي زِي زَّاثْ إِ وُوذمْ نْسنْ، ؤُ [عْلَاحْسَابْ ثِيوصَّا] ن إِجدْجِيذنْ ن إِسْرَائِيل إِنِّي [ثنْ] إِڭِّينْ.
2KI 17:9 أَيْثْ ن إِسْرَائِيل ثُوغَا ذْڒِينْ ثِيمسْڒَايِينْ إِ وَارْ إِتّْڒِيقِينْ زَّاثْ إِ سِيذِي. نِيثْنِي سّْبدّنْ إِ إِخفْ نْسنْ ڒڭْعُوذِي ذِي مَارَّا ثِيندَّامْ نْسنْ، [وَاهْ،] زِي لْبُورْجْ ن ثْعسَّاسْثْ أَڒْ ثَانْذِينْثْ إِفَارْينْ [س إِغبْڒَاونْ].
2KI 17:10 نِيثْنِي سّْبدّنْ إِمَايْضُوثنْ [إِقدّْسنْ] ذ ثْربِّينْ ن شْوَارْثِي خْ كُوڒْ ثَاوْرِيرْثْ يُوعْڒَانْ ؤُ سَاذُو كُوڒْ أَزْغَارْ ذ أَزِيزَا.
2KI 17:11 نِيثْنِي قدّْمنْ ثِيوْهِيبِينْ ن ڒبْخُورْ خْ مَارَّا ڒڭْعُوذِي، أَمْ مَامّشْ ڭِّينْ ڒڭْنُوسْ نِّي ثُوغَا إِسُّوفّغْ سِيذِي زِي زَّاثْ ن وُوذمْ نْسنْ. نِيثْنِي ڭِّينْ ثِيمسْڒَايِينْ ذ ثِيعفَّانِينْ أَڒَامِي سْعَارنْ سِيذِي.
2KI 17:12 نِيثْنِي سخَّارنْ إِ إِميْضَا [ن لْ-أَصْنَامْ] إِ خْ ثُوغَا ذ أَسنْ إِنَّا سِيذِي: ”وَارْ إِعدّڒْ أَذْ ثڭّمْ أَيَا!“
2KI 17:13 سِيذِي إِعْڒمْ إِ إِسْرَائِيل ذ يَاهُوذَا س ؤُقمُّومْ ن مَارَّا إِنَابِييّنْ، ؤُ س كُوڒْ إِجّْ ن ؤُمْوَاڒَاوْ، إِنَّا: ”ثُوبمْ زِي ثْبْرِيذِينْ نْومْ ثِيعفَّانِينْ ؤُ حْضَامْ خْ لْفَارَايِيضْ  إِنُو ذ ثْوصَّا إِنُو عْلَاحْسَابْ مَارَّا شَّارِيعَا إِ زِي ؤُمُورغْ ڒجْذُوذْ نْومْ ؤُ ونِّي ذ أَومْ د-سّكّغْ س ؤُفُوسْ ن إِمْسخَّارنْ إِنُو، إِنَابِييّنْ.
2KI 17:14 نِيثْنِي وَارْ سْڒِينْ شَا ؤُ ثُوغَا قسْحنْ أَطَّاسْ أَمْ مَامّشْ ثُوغَا قسْحنْ أَطَّاسْ ڒجْذُوذْ نْسنْ، إِنِّي وَارْ إِڭِّينْ تِّيقثْ ذِي سِيذِي، أَربِّي نْسنْ.
2KI 17:15 نِيثْنِي نْضَارنْ ثِيوصَّا نّسْ ذ ڒْعَاهْذْ نّسْ، ونِّي إِڭَّا نتَّا أَكْ-ذ ڒجْذُوذْ نْسنْ، ؤُڒَا ذ شّْهَاذَاثْ نّسْ نِّي ثُوغَا خَاسنْ إِشْهذْ. نِيثْنِي ضْفَارنْ مِينْ إِدْجَانْ ذِي ڒْبَاطڒْ ؤُشَا ؤُڒَا ذ نِيثْنِي [س يِيخفْ نْسنْ] ذوْڒنْ بطّْڒنْ. [نِيثْنِي ضْفَارنْ عَاوذْ] ڒڭْنُوسْ نِّي ذ أَسنْ د-إِنّْضنْ إِ خْ ثُوغَا ذ أَسنْ إِنَّا سِيذِي أَقَا أَذْ تّڭّنْ أَمْ مَامّشْ [ڭِّينْ] نِيثْنِي.
2KI 17:16 نِيثْنِي أَڭّْوجنْ خْ مَارَّا ثِيوصَّا ن سِيذِي، أَربِّي نْسنْ، ؤُ ڭِّينْ إِ يِيخفْ نْسنْ ڒخْيَاڒَاثْ إِفسْينْ: ثْنَاينْ ن إِعجْمِييّنْ. نِيثْنِي ڭِّينْ [عَاوذْ] إِشْثْ ن ثْربِّيثْ ن شْوَارْثِي ؤُشَا بنْذْقنْ إِ مَارَّا ڒْعسْكَارْ ن ؤُجنَّا ؤُعبْذنْ إِ بَاعَالْ.
2KI 17:17 نِيثْنِي أَرِّينْ إِحنْجِيرنْ نْسنْ ذ ثْحنْجِيرِينْ نْسنْ أَذْ شُوقنْ ذِي ثْمسِّي ؤُشَا سّْخذْمنْ أَعزّمْ ذ ثْڭزَّانْثْ. نِيثْنِي زّنْزنْ إِخفْ نْسنْ، مَاحنْذْ أَذْ ڭّنْ مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، حِيمَا أَذْ ث سْعَارنْ.
2KI 17:18 [خْ ؤُينِّي] إِسْعَارْ سِيذِي أَطَّاسْ خْ إِسْرَائِيل، [أَڒَامِي] إِنْضَارْ إِ-ثنْ خْ وُوذمْ نّسْ. وَارْ [زَّايْسنْ] إِقِّيمْ وَالُو مْغِيرْ ثَاقْبِيتْشْ ن يَاهُوذَا.
2KI 17:19 [مَاشَا] ؤُڒَا ذ يَاهُوذَا وَارْ إِحْضَا لْفَارَايِيضْ ن سِيذِي، أَربِّي نْسنْ. نِيثْنِي ؤُيُورنْ ذِي ثْوصَّا ن إِسْرَائِيل نِّي ڭِّينْ س يِيخفْ نْسنْ.
2KI 17:20 سِيذِي إِنْضَارْ مَارَّا زَّارِيعثْ ن إِسْرَائِيل. نتَّا إِسّْبهْذڒْ إِ-ثنْ ؤُشَا إِوْشَا إِ-ثنْ ذڭْ ؤُفُوسْ ن إِمْكشَّاضنْ أَڒَامِي إِنْضَارْ إِ-ثنْ خْ وُوذمْ نّسْ.
2KI 17:21 مَاغَارْ نتَّا ثُوغَا إِقْڒعْ إِسْرَائِيل زِي ثَادَّارْثْ ن ذَاوُوذْ ؤُشَا ڭِّينْ يَارُوبْعَامْ، مِّيسْ ن نَابَاطْ ذ أَجدْجِيذْ. يَارُوبْعَامْ [مَاشَا] إِبْضَا إِسْرَائِيل خْ سِيذِي ؤُشَا يَارَّا إِ-ثنْ أَذْ ڭّنْ إِجّْ ن دّنْبْ ذ أَمقّْرَانْ.
2KI 17:22 أَيْثْ ن إِسْرَائِيل كِّينْ ذِي مَارَّا دّْنُوبْ إِ إِڭَّا يَارُوبْعَامْ. نِيثْنِي وَارْ خَاسنْ حيّْذنْ شَا،
2KI 17:23 أَڒَامِي إِنْضَارْ سِيذِي إِسْرَائِيل زِي زَّاثْ إِ وُوذمْ نّسْ أَمْ مَامّشْ ثُوغَا إِسِّيوڒْ س ؤُقمُّومْ ن مَارَّا إِمْسخَّارنْ نّسْ، إِنَابِييّنْ. سُّوفّْغنْ إِسْرَائِيل زڭْ وُوذمْ ن ثمُّورْثْ نّسْ ذِي لْمنْفَا غَارْ أَشُّورْ، أَڒْ أَسّْ-أَ.
2KI 17:24 أَجدْجِيذْ ن أَشُّورْ يِيوِي-د [إِوْذَانْ] زِي بَابِيلْ ذ كُوثَا ذ عَاوَا ذ حَامَاثْ ذ سْفَارْوَايِيمْ، ؤُشَا إِسّزْذغْ إِ-ثنْ ذِي ثْندَّامْ ن سَامَارْيَا، ذڭْ ومْشَانْ ن أَيْثْ ن إِسْرَائِيل. نِيثْنِي طّْفنْ سَامَارْيَا ذ ڒْوَارْثْ [إِ يِيخفْ نْسنْ] ؤُ ڭِّينْ أَذْ زذْغنْ ذِي ثْندَّامْ نّسْ.
2KI 17:25 ؤُمِي ذِينِّي زذْغنْ عَاذْ شْوَايْثْ، إِمْسَارْ أَقَا نِيثْنِي وَارْ ڭّْوِيذنْ شَا سِيذِي. [خنِّي] إِسّكّْ سِيذِي إِيْرَاذنْ جَارْ أَسنْ إِنِّي إِنْغِينْ شَا زَّايْسنْ.
2KI 17:26 نِيثْنِي سِّيوْڒنْ [خْ مَانْ أَيَا] أَكْ-ذ ؤُ ؤُجدْجِيذْ ن أَشُّورْ، نَّانْ: ”ڒڭْنُوسْ نِّي ثسُّوفّْغذْ ؤُ ثسّْزذْغذْ ذِي ثْندَّامْ ن سَامَارْيَا، وَارْ سِّيننْ مَامّشْ [ثدْجَا] ثُوبَّارْثْ ن أَربِّي ن ثمُّورْثْ. [خْ ؤُيَا] نتَّا إِسّكّْ إِيْرَاذنْ جَارْ أَسنْ، ؤُ خْزَارْ، نِيثْنِي نْغِينْ ثنْ، مَاغَارْ وَارْ سِّيننْ شَا ثُوبَّارْثْ ن أَربِّي ن ثمُّورْثْ.
2KI 17:27 أَجدْجِيذْ ن أَشُّورْ يُومُورْ، إِنَّا: ”جّمْ أَذْ ذِينْ إِرَاحْ إِجّنْ زڭْ إِكهَّاننْ نِّي ثْنذْهمْ سّنِّي. نِيثْنِي أَذْ [ذِينْ] رَاحنْ ؤُ أَذْ [ذِينْ] زذْغنْ ؤُ نتَّا أَذْ أَسنْ إِسّڒْمذْ ثُوبَّارْثْ ن أَربِّي ن ثمُّورْثْ.“
2KI 17:28 يُوسَا-د إِجّنْ زڭْ إِكهَّاننْ نِّي ثُوغَا نذْهنْ زِي سَامَارْيَا ؤُشَا نتَّا إِزْذغْ ذِي بَايْثْ-إِلْ. إِسّڒْمذْ إِ-ثنْ مَامّشْ غَا وقَّارنْ سِيذِي.
2KI 17:29 [مَاشَا] كُوڒْ ڒْڭنْسْ يَارْنِي أَذْ إِڭّْ إِربِّيثنْ ن يِيخفْ نّسْ ؤُشَا سّْبدّنْ ثنْ ذِي ثُوذْرِينْ خْ ڒڭْعُوذِي نِّي ثُوغَا بْنَانْ إِسَامَارِييّنْ، كُوڒْ ڒْڭنْسْ ذِي ثْندَّامْ نْسنْ مَانِي ثُوغَا زدّْغنْ.
2KI 17:30 إِرْيَازنْ ن بَابِيلْ ڭِّينْ [إِ يِيخفْ نْسنْ] سُوكُّوثْ-بْنُوثْ، ؤُ إِرْيَازنْ زِي كُوثَا ڭِّينْ نَارْجَالْ، ؤُ إِرْيَازنْ زِي حَامَاثْ ڭِّينْ أَشِيمَا،
2KI 17:31 ؤُ إِعَاوِييّنْ ڭِّينْ إِوْرَافنْ ن نِيبْحَازْ ذ ثَارْثَاقْ، ؤُشَا إِسَافَارْوَايِّينْ سّْشمْضنْ إِحنْجِيرنْ نْسنْ إِ أَذْرَامِّيلِيكْ ذ عَانَامِّيلِيخْ، إِربِّيثنْ ن سْفَارْوَايِيمْ.
2KI 17:32 [س مَارَّا مَانْ أَيَا] ڭّْوذنْ نِيثْنِي [عَاوذْ] سِيذِي، [مَاشَا ذِي ڒْوقْثْ ذ إِجّْ] ڭِّينْ نِيثْنِي إِ يِيخفْ نْسنْ زِي [مَارَّا] ڒصْفُوفْ نْسنْ [عَاوذْ] إِكهَّاننْ إِ ڒڭْعُوذِي، إِنِّي ذ أَسنْ إِسخَّارنْ ذِي ثُوذْرِينْ خْ ڒڭْعُوذِي.
2KI 17:33 نِيثْنِي ڭّْوذنْ سِيذِي ؤُشَا سخَّارنْ ؤُڒَا إِ إِربِّيثنْ [ن إِخفْ نْسنْ] أَمْ مَامّشْ [ثُوغَا ثدْجَا] ثُوبَّارْثْ ن ڒڭْنُوسْ إِ زِي ثُوغَا تّْوَانذْهنْ نِيثْنِي.
2KI 17:34 أَڒْ أَسّْ-أَ تّڭّنْ نِيثْنِي عْلَاحْسَابْ طّْبَايعْ نْسنْ ن زِيشْ. نِيثْنِي وَارْ تّڭّْوْذنْ شَا سِيذِي ؤُ وَارْ تّڭّنْ شَا عْلَاحْسَابْ ثِيوصَّا ذ لْفَارِيضَا، [إِخْسْ أَذْ يِينِي] شَّارِيعَا ذ ڒُومُورْ إِ إِڭَّا سِيذِي خْ أَيْثْ ن يَاعْقُوبْ ونِّي ؤُمِي ثُوغَا إِوْشَا إِسمْ ’إِسْرَائِيل‘.
2KI 17:35 سِيذِي إِڭَّا إِجّْ ن ڒْعَاهْذْ أَكِيذْسنْ، ؤُشَا يُومُورْ إِ-ثنْ، إِنَّا: ”كنِّيوْ وَارْ ثْزمَّارمْ أَذْ ثْوقَّارمْ إِربِّيثنْ نّغْنِي، وَارْ ذ أَسنْ تَّاضَارمْ، وَارْ ذ أَسنْعبّْذمْ ؤُ وَارْ ذ أَسنْ تَّاوْيمْ ثَاغَارْصْثْ.
2KI 17:36 مَاشَا إِتّْخصَّا أَذْ ثڭّْوْذمْ سِيذِي، ونِّي كنِّيوْ د-إِسُّوفّْغنْ زِي مِيصْرَا س جّْهذْ أَمقّْرَانْ ؤُ س ؤُغِيڒْ إِسّْوِيژّْضنْ، ؤُ أَذْ أَسْ ثْسجْذمْ ؤُ أَذْ أَسْ ثَاوْيمْ ثَاغَارْصْثْ.
2KI 17:37 أَذْ ثحْضَامْ ثِيوصَّا ذ لْفَارَايِيضْ ذ شَّارِيعَا ذ ڒُومُورْ نِّي ذ أَومْ يُورَا، مَاحنْذْ أَذْ ثنْ ثڭّمْ كُوڒْ أَسّْ. وَارْ إِحدْجڒْ أَذْ ثڭّْوْذمْ إِربِّيثنْ نّغْنِي.
2KI 17:38 وَارْ ثتّتُّومْ ڒْعَاهْذْ إِ ڭِّيغْ أَكِيذْومْ ؤُ وَارْ ثتّْوقَّارمْ إِ إِربِّيثنْ نّغْنِي،
2KI 17:39 مَاغَارْ أَذْ ثڭّْوذمْ سِيذِي، أَربِّي نْومْ. نتَّا أَذْ كنِّيوْ إِسّنْجمْ زڭْ ؤُفُوسْ ن مَارَّا ڒْعذْيَانْ نْومْ.“
2KI 17:40 [مَاشَا] نِيثْنِي وَارْ خْسنْ أَذْ سْڒنْ، مَاشَا ڭِّينْ عْلَاحْسَابْ ثُوبَّارْثْ نْسنْ ن زِيشْ.
2KI 17:41 ڒڭْنُوسْ ڭّْوذنْ سِيذِي ؤُ سخَّارنْ ؤُڒَا إِ ڒخْيَاڒَاثْ نْسنْ إِنقْشنْ ذڭْ ؤُمُورْ ذ إِجّنْ. ؤُڒَا ذ إِحنْجِيرنْ نْسنْ ذ إِحنْجِيرنْ ن إِحنْجِيرنْ نْسنْ تّڭّنْ [عَاذْ] أَمْ مَامّشْ ڭِّينْ ڒجْذُوذْ نْسنْ، أَڒْ أَسّْ-أَ.
2KI 18:1 ذڭْ ؤُسڭّْوَاسْ وِيسّْ ثْڒَاثَا ن هُوشِيعَا، مِّيسْ ن إِلَا، أَجدْجِيذْ ن إِسْرَائِيل، إِمْسَارْ بلِّي حِيزْقِييَا إِذْوڒْ ذ أَجدْجِيذْ. [نتَّا ثُوغَا] ذ مِّيسْ ن أَحَازْ، أَجدْجِيذْ ن يَاهُوذَا.
2KI 18:2 نتَّا ثُوغَا غَارسْ خمْسَا ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ ثسْعَا ؤُ-عِيشْرِينْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ أَبِي، يدْجِيسْ ن زَاكَارِييَّا.
2KI 18:3 نتَّا إِڭَّا مِينْ إِدْجَانْ نِيشَانْ ذِي ثِيطَّاوِينْ ن سِيذِي، نِيشَانْ أَمْ مَامّشْ ث إِڭَّا بَابَاسْ ذَاوُوذْ.
2KI 18:4 نتَّا إِكّسْ ڒڭْعُوذِي، يَارْژَا إِمَايْضُوثنْ [إِقدّْسنْ]، إِهْذمْ ثَاربِّيثْ ن شْوَارْثِي ؤُشَا إِڒْبزْ أَفِيغَارْ ن نّْحَاسْ إِ ثُوغَا إِڭَّا مُوسَا، مِينْزِي أَيْثْ ن إِسْرَائِيل ثُوغَا إِ ذ أَسْ د-يِيوْينْ ثِيوْهِيبِينْ ن ڒبْخُورْ أَڒْ ؤُسَّانْ نِّي. نتَّا إِڒَاغَا أَسْ نَاحُوشْثَانْ.
2KI 18:5 نتَّا إِتّْشڒْ خْ سِيذِي، أَربِّي ن إِسْرَائِيل. جَارْ مَارَّا إِجدْجِيذنْ ن يَاهُوذَا إِنِّي د-يُوسِينْ أَوَارْنِي أَسْ نِيغْ [دَّارنْ] قْبڒْ نّسْ، وَارْ ثُوغِي إِدْجِي ؤُڒَا ذ إِجّْ أَمْ نتَّا.
2KI 18:6 نتَّا ثُوغَا إِضْفَارْ أَبْرِيذْ ن سِيذِي، وَارْ خَاسْ إِحيّذْ شَا زِي ضفَّارْ نّسْ. نتَّا ثُوغَا إِحطَّا ڒُومُورَاثْ نّسْ نِّي ثُوغَا يُومُورْ سِيذِي إِ مُوسَا.
2KI 18:7 سِيذِي ثُوغَا أَكِيذسْ. مَانِي مَا ثُوغَا إِتّْرَاحْ، ثُوغَا إِفْڒحْ. نتَّا إِغوّغْ خْ ؤُجدْجِيذْ ن أَشُّورْ ؤُ وَارْ خَاسْ إِسخَّارْ [عَاذْ].
2KI 18:8 نتَّا إِغْڒبْ خْ إِفِيلِيسْطِينِييّنْ أَڒْ غَازَّا أَكْ-ذ جّْوَايهْ نّسْ، زِي لْبُورْجْ ن إِعسَّاسنْ أَڒْ ثَانْذِينْثْ إِفَارْينْ.
2KI 18:9 ذڭْ ؤُسڭّْوَاسْ وِيسّْ أَربْعَا ن ؤُجدْجِيذْ حِيزْقِييَا، ذ أَسڭّْوَاسْ وِيسّْ سبْعَا ن هُوشِيعَا، مِّيسْ ن إِلَا، أَجدْجِيذْ ن إِسْرَائِيل، إِمْسَارْ بلِّي شَالْمَانَاسَّارْ، أَجدْجِيذْ ن أَشُّورْ، إِڭعّذْ ضِيدّْ إِ سَامَارْيَا ؤُشَا إِطّفْ إِ-ت.
2KI 18:10 نِيثْنِي طّْفنْ ت أَوَارْنِي إِ ثْڒَاثَا ن إِسڭّْوُوسَا. ذڭْ ؤُسڭّْوَاسْ وِيسّْ ستَّا ن حِيزْقِييَا، أَقَا-ث ذ أَسڭّْوَاسْ وِيسّْ ثسْعَا ن حُوشِيعَا، أَجدْجِيذْ ن إِسْرَائِيل، طّْفنْ نِيثْنِي سَامَارْيَا.
2KI 18:11 أَجدْجِيذْ ن أَشُّورْ إِنْذهْ [أَيْثْ ن] إِسْرَائِيل ذِي لْمنْفَا غَارْ أَشُّورْ ؤُشَا يِيوْيِي ثنْ ذِي حَالَاحْ ؤُ غَارْ خابُورْ، ونِّي ذ إِغْزَارْ ن جُوزَانْ، ؤُ [ذِي] ثْندَّامْ ن إِمَاذَاينْ،
2KI 18:12 مَاغَارْ نِيثْنِي ثُوغَا وَارْ سْڒِينْ غَارْ مِينْ ذ أَسنْ إِنَّا سِيذِي، أَربِّي نْسنْ، ؤُشَا أَرْژِينْ ڒْعَاهْذْ نّسْ. مَارَّا مِينْ يُومُورْ مُوسَا، أَمْسخَّارْ ن سِيذِي، وَارْ ذ أَسْ سْڒِينْ ؤُ وَارْ ث ڭِّينْ.   *
2KI 18:13 ذڭْ ؤُسڭّْوَاسْ وِيسّْ أَرْبعْطَاشْ ن ؤُجدْجِيذْ حِيزْقِييَا إِفّغْ سَانْحَارِيبْ، أَجدْجِيذْ ن أَسُّورْ، غَارْ مَارَّا ثِيندَّامْ إِفَارْينْ [س إِغبْرَاونْ] ن يَاهُوذَا ؤُشَا إِحوّسْ إِ-ثنْثْ.
2KI 18:14 حِيزْقِييَا، أَجدْجِيذْ ن يَاهُوذَا، إِسّكّْ [إِرقَّاسنْ] غَارْ ؤُجدْجِيذْ ن أَشُّورْ، غَارْ لَاخِيشْ، إِنَّا: ”نشّْ خْضِيغْ! بعّذْ خَافِي! مَارَّا مِينْ خَافِي غَا ثڭّذْ، أَذْ ث خدْجْصغْ.“ [خنِّي] إِڭَّا ؤُجدْجِيذْ ن أَشُّورْ إِشْثْ ن لْجِيزْيَا خْ حِيزْقِييَا، أَجدْجِيذْ ن يَاهُوذَا: ثڒْثْ مْيَا ثَالِينْثْ ن نُّوقَارْثْ ذ ثْڒَاثِينْ ثَالِينْثْ ن وُورغْ.
2KI 18:15 حِيزْقِييَا إِوْشَا مَارَّا نُّوقَارْثْ نِّي إِتّْوَافنْ ذِي ثَادَّارْثْ ن سِيذِي ؤُ ذڭْ إِخَّامنْ ن ثْخُوبَايْ ن ثَادَّارْثْ ن ؤُجدْجِيذْ.
2KI 18:16 ذِي ڒْوقْثْ نِّي إِقسّْ حِيزْقِييَا، أَجدْجِيذْ ن يَاهُوذَا، [مَارَّا وُورغْ ن] ثوُّورَا ن زَّاوشْثْ ثَامقّْرَانْثْ ن سِيذِي ؤُ ن ڒضْرُوفْ غَارْ ؤُغزْذِيسْ ن ثوَّارْثْ إِنِّي ثُوغَا إِغدْجفْ حِيزْقِييَا، أَجدْجِيذْ ن يَاهُوذَا، [س وُورغْ] ؤُشَا إِوْشَا إِ-ث إِ ؤُجدْجِيذْ ن أَشُّورْ.
2KI 18:17 [خنِّي] إِسّكّْ أَجدْجِيذْ ن أَشُّورْ لْجِينِيرَالْ أَكْ-ذ ؤُزدْجِيفْ ن إِمْسخَّارنْ إِشنّْعنْ ذ ؤُكُومَانْذَارْ ن ڒْعسْكَارْ أَكْ-ذ إِجّْ ن ڒْعسْكَارْ ذ أَمقّْرَانْ أَطَّاسْ زِي لَاخِيشْ غَارْ ؤُجدْجِيذْ حِيزْقِييَا ذِي ؤُرْشَالِيمْ. نِيثْنِي ڭعّْذنْ، إِوْضنْ غَارْ ؤُرْشَالِيمْ. ؤُشَا [أَوَارْنِي ڒَامِي] ڭعّْذنْ ؤُشَا إِوْضنْ نِيثْنِي، بدّنْ غَارْ ؤُقَاذُوسْ ن وَامَانْ ن ؤُيڒْمَانْ ن سنّجْ، ونِّي [إِدْجَانْ] غَارْ وبْرِيذْ يُوعْڒَانْ غَارْ وحْوِيشْ ن ؤُصبَّانْ.
2KI 18:18 نِيثْنِي ڒَاغَانْ، [حِيمَا أَذْ د-يَاسْ] ؤُجدْجِيذْ. [خنِّي] ؤُيُورنْ غَارْسنْ أَلْيَاقِيمْ، مِّيسْ ن حِيلْقِييَا، ونِّي إِدْجَانْ خْ ثَادَّارْثْ [ن ؤُجدْجِيذْ]، أَكْ-ذ ؤُمَارِيرْ شِيبْنَا ذ يُووَاخْ، مِّيسْ ن أَسَافْ، أَمَارِيرْ ن ؤُمزْرُويْ.
2KI 18:19 أَكُومَانْذَارْ ن ڒْعسْكَارْ إِنَّا أَسنْ: ”إِنِيمْ إِ حِيزْقِييَا: ’أَمُّو إِ إِقَّارْ ؤُجدْجِيذْ أَمقّْرَانْ، أَجدْجِيذْ ن أَشُّورْ: مَانْ أَثشْڒِي-يَا إِ خْ ثتّشْڒذْ؟
2KI 18:20 أَقَا-ث ذ ڒْهَارْذْ ن إِينْشِيشنْ [وَاهَا]، ؤُمِي ثنِّيذْ: أَقَا [غَارْنغْ] شّْوَارْ ذ جّهْذْ إِ ؤُمنْغِي! مَانْ ونْ إِ خْ ثتّشْڒذْ، أَقَا شكْ ثْغوّْغذْ خَافِي؟
2KI 18:21 خْزَارْ، ڒخُّو ثتّشْڒذْ خْ مِيصْرَا، خْ ؤُغَانِيمْ نِّي إِنّْضفْسنْ، ونِّي، ؤُمِي حذْ خَاسْ إِ غَا إِعمّذْ، إِتّجُّونْ ذڭْ ؤُفُوسْ نّسْ ؤُشَا إِسّْنُوقّبْ إِ-ث. أَمُّو [إِ يدْجَا] فِيرْعُونْ، أَجدْجِيذْ ن مِيصْرَا، إِ مَارَّا إِنِّي خَاسْ إِتّشْڒنْ.
2KI 18:22 مَاڒَا كنِّيوْ أَذْ ذ أَيِي ثِينِيمْ: ’نشِّينْ نتّْشڒْ خْ سِيذِي، أَربِّي نّغْ!‘ [خنِّي نشّْ أَذْ إِنِيغْ]: ’مَا نتَّا وَارْ إِدْجِي ذ ونِّي إِ زِي إِحيّذْ حِيزْقِييَا ڒڭْعُوذِي ذ إِعَالْطَارنْ، ؤُ [خنِّي] إِنَّا إِ يَاهُوذَا ذ ؤُرْشَالِيمْ: إِتّْخصَّا أَذْ ثْبنْذْقمْ زَّاثْ إِ ؤُعَالْطَارْ-أَ ذِي ؤُرْشَالِيمْ؟‘
2KI 18:23 خنِّي ڒخُّو، أڭّْ إِجّْ ن ؤُمْحَارّمْ أَكْ-ذ سِيذِي إِنُو، أَجدْجِيذْ ن أَشُّورْ، نشّْ أَذْ أَشْ وْشغْ أَڒْفَاينْ ن إِيْسَانْ مَاڒَا شكْ زڭْ ؤُغزْذِيسْ نّشْ أَذْ أَسنْ د-ثَاوْيذْ أَيْثْ ن بُو-ؤُيِيسْ.
2KI 18:24 مَامّشْ ثخْسذْ أَذْ ثنّْقڒْبذْ خْ وُوذمْ ن لْوَالِي، ونِّي قَاعْ ذ أَمژْيَانْ ن إِمْسخَّارنْ ن سِيذِي إِنُو، ؤُشَا أَذْ ثتّشْڒذْ خْ مِيصْرَا ذِي سِّيبّثْ ن إِكَارُّوثنْ ذ إِمْنَاينْ؟
2KI 18:25 عَاوذْ، مَاغَارْ مَا نشّْ ڭعّْذغْ-د ضِيدّْ ن ومْشَانْ-أَ، حِيمَا أَذْ ث أَردّْدْجغْ بْڒَا سِيذِي؟ سِيذِي إِنِي أَيِي: ’ڭعّذْ ضِيدّْ إِ ثمُّورْثْ-أَ، أَردّدْجْ إِ-ت!‘ “
2KI 18:26 ؤُشَا نَّانْ أَلْيَاقِيمْ، مِّيسْ ن حِيلْقِييَا ذ شِيبْنَا ذ يُووَاخْ إِ ؤُكُومَانْذَارْ ن ڒْعسْكَارْ: ”سِيوڒْ عَافكْ س [إِڒسْ ن] ثْرَامِيثْ أَكْ-ذ إِمْسخَّارنْ نّشْ، مِينْزِي نفْهمْ أَسْ مْلِيحْ. وَارْ كِيذْنغْ سِّيوِيڒْ س ثْيَاهُوذشْثْ ذڭْ إِمزُّوغنْ ن ڒْڭنْسْ [إِ إِدْجَانْ] خْ ڒْحِيضْ.“
2KI 18:27 [مَاشَا] أَكُومَانْذَارْ ن ڒْعسْكَارْ إِنَّا أَسنْ: ”مَا إِسّكّْ أَيِي-د سِيذِي إِنُو حِيمَا أَذْ سِّيوْڒغْ أَوَاڒنْ-أَ غَارْ سِيذِي نّشْ ؤُ غَاركْ [وَاهَا]، وَارْ إِدْجِي إِ يرْيَازنْ نِّي إِقِّيمنْ خْ ڒْحِيضْ، [مَاحنْذْ أَذْ إِنِيغْ] أَقَا أَثنْ [جْمِيعْ] أَكِيذْومْ أَذْ شّنْ أَسُوفّغْ نْسنْ ؤُ أَذْ سْونْ إِبشِّيشنْ نْسنْ؟“
2KI 18:28 خنِّي إِكَّارْ ؤُكُومَانْذَارْ، إِڒَاغَا س جّْهذْ س ثْيَاهُوذشْثْ ؤُشَا إِسِّيوڒْ، إِنَّا: ”سْڒمْ إِ وَاوَاڒْ ن ؤُجدْجِيذْ أَمقّْرَانْ، أَجدْجِيذْ ن أَشُّورْ!
2KI 18:29 أَمُّو إِ إِقَّارْ ؤُجدْجِيذْ: ’حْضَامْ وَارْ كنِّيوْ إِتّْغشِّي حِيزْقِييَا، مِينْزِي نتَّا وَارْ إِزمَّارْ أَذْ كنِّيوْ إِفكّْ زڭْ ؤُفُوسْ نّسْ.
2KI 18:30 وَارْ تّجِّيمْ حِيزْقِييَا أَذْ كنِّيوْ يَارّْ أَذْ ثتّشْڒمْ خْ سِيذِي، أَذْ ثِينِيمْ: سِيذِي أَذْ أَنغْ إِفكّْ نِيشَانْ ؤُ ثَانْذِينْثْ-أَ وَارْ ثتّْموْشِي شَا ذڭْ إِفَاسّنْ ن ؤُجدْجِيذْ ن أَشُّورْ.‘
2KI 18:31 وَارْ ثسْڒِيمْ شَا غَارْ حِيزْقِييَا، مَاغَارْ أَمُّو إِ إِقَّارْ ؤُجدْجِيذْ ن أَشُّورْ: ’ڭّمْ أَيِي أَرَّايْ ؤُشَا فّْغمْ-د [زِي ثنْذِينْثْ] غَارِي، [خنِّي] إِزمَّارْ كُوڒْ إِجّنْ زَّايْومْ أَذْ إِشّْ زِي ثْزَايَارْثْ نّسْ ؤُ زڭْ وَارْثُو ن ثَازَارْثْ نّسْ ؤُ أَذْ إِسُو أَمَانْ زڭْ وَانُو نّسْ،
2KI 18:32 أَڒْ د غَا يَاسغْ ؤُ أَذْ كنِّيوْ أَوْيغْ غَارْ إِشْثْ ن ثمُّورْثْ أَمْ ثمُّورْثْ نْومْ: غَارْ إِشْثْ ن ثمُّورْثْ ثشُّورْ س إِمنْذِي ذ بِينُو ن جْذِيذْ، غَارْ إِشْثْ ن ثمُّورْثْ ثشُّورْ س وغْرُومْ ذ إِمَارْجَاعنْ ن ؤُضِيڒْ، إِشْثْ ن ثمُّورْثْ ن زِّيثُونْ ذ زّشْثْ ذ ثَامّنْثْ. أَمُّو إِ غَا ثقِّيممْ ثدَّارمْ، وَارْ ثْمتِّيمْ شَا. وَارْ تّسْڒِيمْ غَارْ حِيزْقِييَا، مَاغَارْ نتَّا إِتّْغَارَّا كنِّيوْ خْمِي إِقَّارْ: سِيذِي أَذْ أَنغْ إِفكّْ!
2KI 18:33 مَا زمَّارنْ [خنِّي] إِربِّيثنْ ن ڒڭْنُوسْ، كُوڒْ إِجّْ [زَّايْسنْ]، أَذْ فكّنْ ثَامُّورْثْ نْسنْ زڭْ ؤُفُوسْ ن ؤُجدْجِيذْ ن أَشُّورْ؟
2KI 18:34 مَانِي دْجَانْ إِربِّيثنْ ن حَامَاثْ ذ أَرْفَاذْ؟ مَانِي دْجَانْ إِربِّيثنْ ن سْفَارْوَايِيمْ ذ هَانِيعْ ذ عِيوَا؟ مَا فكّنْ نِيثْنِي سَامَارْيَا زڭْ ؤُفُوسْ إِنُو؟
2KI 18:35 مَانْ ونْ زِي مَارَّا إِربِّيثنْ ن ثمُّورَا [نّغْنِي] إِ إِسّْنجْمنْ ثَامُّورْثْ نْسنْ زڭْ ؤُفُوسْ إِنُو أَڒَامِي غَا إِفكّْ سِيذِي ؤُرْشَالِيمْ زڭْ ؤُفُوسْ إِنُو؟‘ “
2KI 18:36 [مَاشَا] ڒْڭنْسْ إِسغْذْ، وَارْ خَاسْ د-يَارِّي س ؤُڒَا ذ إِجّْ ن وَاوَاڒْ، مَاغَارْ ڒُومُورْ ن ؤُجدْجِيذْ إِنَّا: ”كنِّيوْ وَارْ خَاسْ د-ثَارِّيمْ شَا!“
2KI 18:37 [خنِّي] يُوسَا-د أَلْيَاقِيمْ، مِّيسْ ن حِيلْقِييَا، ڒمْقدّمْ ن ثْزذِّيغْثْ [ن ؤُجدْجِيذْ]، أَكْ-ذ شِيبْنَا أَمَارِيرْ، ذ يُووَاخْ، مِّيسْ ن أَسَافْ، أَمَارِيرْ ن ؤُمزْرُويْ س وَارُّوضْ إِشَارّْڭنْ غَارْ حِيزْقِييَا. نِيثْنِي حَاجَانْ أَسْ مَارَّا أَوَاڒنْ ن ؤُكُومَانْذَارْ ن ڒْعسْكَارْ.
2KI 19:1 ؤُمِي ثنْ إِسْڒَا ؤُجدْجِيذْ حِيزْقِييَا، إِشَارّڭْ أَرُّوضْ نّسْ، إِذْڒَا إِخفْ نّسْ س إِشْثْ ن ثْخَانْشثْ [ن وشْضَانْ] ؤُشَا يُوذفْ غَارْ ثَادَّارْثْ ن سِيذِي.
2KI 19:2 [خنِّي] إِسّكّْ نتَّا أَلْيَاقِيمْ، ڒمْقدّمْ ن ثْزذِّيغْثْ [ن ؤُجدْجِيذْ]، ذ شَابْنَا، أَمَارِيرْ، ذ إِمْغَارنْ ن إِكهَّاننْ ذڭْ وَارُّوضْ ن ثْخُونْشَايْ [ن وشْضَانْ] غَارْ ؤُنَابِي إِشَاعْيَا، مِّيسْ ن أَمُوصْ.
2KI 19:3 نِيثْنِي نَّانْ أَسْ: ”أَمُّو إِ إِقَّارْ حِيزْقِييَا: ’أَسّْ-أَ ذ إِجّْ ن وَاسّْ ن ڒحْصَارثْ ؤُ ن وعْقَابْ ؤُ ن ؤُبهْذڒْ، مَاغَارْ إِحنْجِيرنْ إِوْضنْ-د أَڒْ أَرْزَامْ ن ؤُعذِّيسْ [ن يمَّاثْسنْ]، [مَاشَا] وَارْ ذِينْ جّهْذْ إِ ثْوَارُوثْ.
2KI 19:4 أَذْ ثَاغْ سِيذِي، أَربِّي نّشْ، إِسْڒَا مَارَّا أَوَاڒنْ ن ؤُكُومَانْذَارْ ن ڒْعسْكَارْ ونِّي إِتّْوَاسّكّنْ زِي سِيذِيسْ نّسْ، أَجدْجِيذْ ن أَشُّورْ، حِيمَا أَذْ إِسْثهْزَا زِي أَربِّي إِدَّارنْ، ؤُ [أَذْ ثَاغْ] سِيذِي، أَربِّي نّشْ، أَذْ إِعَاقبْ أَوَاڒنْ إِ إِسْڒَا. سْڭعّذْ [خنِّي] إِشْثْ ن ثْژَادْجِيثْ ذِي طّْوعْ ن ڒْبَاقِي نِّي إِ غَا إِتّْوَافنْ [عَاذْ].‘ “
2KI 19:5 [أَمُّو] إِوْضنْ إِمْسخَّارنْ ن ؤُجدْجِيذْ حِيزْقِييَا غَارْ إِشَاعْيَا.
2KI 19:6 إِنَّا أَسنْ إِشَاعْيَا: ”أَمُّو إِ إِتّْخصَّا أَذْ ثِينِيمْ إِ سِيذِيثْومْ: ’أَمُّو إِ إِقَّارْ سِيذِي: وَارْ ثڭّْوذْ شَا زڭْ وَاوَاڒنْ إِ ثسْڒِيذْ شكْ، إِ زِي إِ ذ أَيِي شقّْفنْ إِمْسخَّارنْ ن ؤُجدْجِيذْ ن أَشُّورْ.
2KI 19:7 خْزَارْ، نشّْ أَذْ ذَايسْ ڭّغْ إِجّْ ن بُوحْبڒْ ؤُ نتَّا أَذْ إِسڒْ إِ يِيجّْ ن ڒخْبَارْ ؤُ أَذْ إِعْقبْ غَارْ ثمُّورْثْ نّسْ ؤُ نشّْ أَذْ ث نْغغْ [ذِينْ] ذِي ثمُّورْثْ نّسْ س سِّيفْ.‘ “
2KI 19:8 [خنِّي] إِعْقبْ-د ؤُكُومَانْذَارْ ن ڒْعسْكَارْ ؤُشَا يُوفَا أَجدْجِيذْ ن أَشُّورْ إِتّْمنْغَا أَكْ-ذ [ثنْذِينْثْ ن] لِيبْنَا، مَاغَارْ إِسْڒَا أَقَا إِقْڒعْ إِقِيضَانْ نّسْ [إِفّغْ] زِي لَاخِيشْ.
2KI 19:9 [ؤُمِي] إِسْڒَا أَقَا نَّانْ خْ ثِيرْهَاقَا، أَجدْجِيذْ ن كُوشْ: ”خْزَارْ، إِفّغْ-د، حِيمَا أَكِيذكْ إِمّْنغْ!“، إِسّكّْ [عَاوذْ] إِرقَّاسنْ غَارْ حِيزْقِييَا، إِنَّا:
2KI 19:10 ”أَمُّو إِ غَا ثسِّيوْڒمْ أَكْ-ذ حِيزْقِييَا، أَجدْجِيذْ ن يَاهُوذَا، أَذْ ثِينِيمْ: ’وَارْ تّجِّي أَذْ شكْ إِغْوَا أَربِّي نّشْ ونِّي خْ ثتّشْڒذْ أَمْ إِقَّارْ: ؤُرْشَالِيمْ وَارْ ثتّْوطِّي إِ ؤُجدْجِيذْ ن أَشُّورْ ذڭْ إِفَاسّنْ!
2KI 19:11 خْزَارْ، ثسْڒِيذْ مِينْ ڭِّينْ إِجدْجِيذنْ ن أَشُّورْ أَكْ-ذ مَارَّا ثِيمُّورَا نّغْنِيثْ، ثِينِّي ثُوغَا أَذْ تّْوَاردّْدْجنْثْ. مَا إِتّْغِيڒْ أَشْ أَذْ ثتّْوَافكّذْ؟
2KI 19:12 مَا فكّنْ ثنْ إِربِّيثنْ ن ڒڭْنُوسْ إِنِّي يَاردّْدْجنْ ڒجْذُوذْ إِنُو؟ جُوزَانْ ذ حَارَانْ ذ رْصِيفْ ذ أَيْثْ ن عَاذَانْ، إِنِّي [ثُوغَا إِزدّْغنْ] ذِي ثَالَاسَّارْ؟
2KI 19:13 مَانِي إِدْجَا ؤُجدْجِيذْ ن حَامَاثْ ذ ؤُجدْجِيذْ ن أَرْفَاذْ ذ ؤُجدْجِيذْ ن ثنْذِينْثْ ن سْفَارْوَايِيمْ ؤُڒَا ذ [أَجدْجِيذْ ن] هَانَاعْ ذ عِيوَّا؟‘ “
2KI 19:14 حِيزْقِييَا إِكْسِي ثِيبْرَاثِينْ زڭْ ؤُفُوسْ ن إِمْسخَّارنْ ؤُشَا إِغْرَا إِ-ثنْثْ. [خنِّي] إِڭعّذْ غَارْ ثَادَّارْثْ ن سِيذِي ؤُشَا إِبزّعْ إِ-ثنْثْ حِيزْقِييَا زَّاثْ إِ وُوذمْ ن سِيذِي.
2KI 19:15 ؤُشَا إِژُّودْجْ حِيزْقِييَا زَّاثْ إِ وُوذمْ ن سِيذِي، إِنَّا: ”[أَ] سِيذِي، أَربِّي ن إِسْرَائِيل، ونِّي إِتّْغِيمَانْ [جَارْ] إِكِيرُوبنْ! شكْ، [وَاهْ] شكْ وحّْذكْ ذ أَربِّي ن مَارَّا ثِيڭلْذِيوِينْ ن دُّونشْثْ. شكْ ثڭِّيذْ إِجنْوَانْ ذ ثمُّورْثْ.
2KI 19:16 [أَ] سِيذِي، أوْشْ أَمزُّوغْ نّشْ، سڒْ! [أَ] سِيذِي، أَرْزمْ ثِيطَّاوِينْ نّشْ، خْزَارْ! سڒْ إِ وَاوَاڒنْ ن سَانْحَارِيبْ نِّي د-إِسّكّْ، حِيمَا أَذْ إِسْثهْزَا زِي أَربِّي إِدَّارنْ.
2KI 19:17 ذ ثِيذتّْ، [أَ] سِيذِي، إِجدْجِيذنْ ن أَشُّورْ قْضَانْ ڒڭْنُوسْ نِّي، خَارّْبنْ ثمُّورْثْ نْسنْ،
2KI 19:18 ؤُ نْضَارنْ إِربِّيثنْ نْسنْ ذِي ثْمسِّي، مَاغَارْ ثُوغَا وَارْ دْجِينْ ذ إِربِّيثنْ، مَاشَا ذ ثِيمڭَّا ن ؤُفُوسْ ن يوْذَانْ وَاهَا، زڭْ ؤُكشُّوضْ ذ وژْرُو، ؤُشَا نِيثْنِي مْحَانْ ثنْ.
2KI 19:19 [مَاشَا] ڒخُّو، [أَ] سِيذِي، أَربِّي نّغْ، سنْجمْ أَنغْ زڭْ ؤُفُوسْ نّسْ، مَاحنْذْ مَارَّا ثِيڭلْذِيوِينْ ن دُّونشْثْ أَذْ سّْننْ، [أَ] سِيذِي، أَقَا شكْ وحّْذكْ ذ أَربِّي.“
2KI 19:20 [خنِّي] إِسكّْ إِشَاعْيَا، مِّيسْ ن أَمُوصْ، [إِجّْ ن ؤُرقَّاسْ] غَارْ حِيزْقِييَا، إِنَّا: ”أَمُّو إِ إِقَّارْ سِيذِي، أَربِّي ن إِسْرَائِيل: ’نشّْ سْڒِيغْ س مِينْزِي غَارِي ثژُّودْجذْ خْ سَانْحَارِيبْ، أَجدْجِيذْ ن أَشُّورْ.
2KI 19:21 وَا ذ أَوَاڒْ إِ خَاسْ إِسِّيوڒْ سِيذِي: ’ثَاعْزَارشْثْ، يدْجِيسْ ن صِيهْيُونْ، ثسّحْقَارْ إِ شكْ، ثسْثهْزَا زَّايكْ، يدْجِيسْ ن ؤُرْشَالِيمْ ثْهزَّا أَزدْجِيفْ أَوَارْنِي أَشْ!
2KI 19:22 وِي زِي ثسْثهْزِيذْ ؤُ وِي ذِي ثْشقّْفذْ؟ وِي خفْ ثسّْڭعّْذذْ ثْمِيجَّا [نّشْ]، ؤُ مِيخفْ ثسّْڭعّْذذْ س نّْفَاخثْ ثِيطَّاوِينْ نّشْ؟ [شكْ ثتّْغنَّانذْ] خْ ؤُمْقدَّاسْ ن إِسْرَائِيل!
2KI 19:23 س ؤُقمُّومْ ن إِمْسخَّارنْ نّشْ ثسْثهْزِيذْ سِيذِي إِنُو، ثنِّيذْ: س ؤُبَارُّو ن إِكَارُّوثنْ إِنُو ڭعّْذغْ إِذُورَارْ يُوعْڒَانْ، إِغزْذِيسنْ ن لُوبْنَانْ. نشّْ أَذْ زذْمغْ ثِيشجُّورَا نّسْ ن ثنْڭلْثْ يُوعْڒَانْ ؤُڒَا ذ ڒمْخيّرْ ن سِّيبْرِي نّسْ ؤُ نشّْ أَذْ د-أَذْفغْ غَارْ ومْشَانْ نّسْ ن وَاريّحْ إِ إِڭّْوجنْ أَطَّاسْ، غَارْ وزْغَارْ ن ؤُمَارْجعْ نّسْ ن ؤُضِيڒْ إِصبْحنْ.
2KI 19:24 نشّْ غْزِيغْ [أَنُوثنْ]، سْوِيغْ أَمَانْ. س ثَاڒقَّا ن إِضَارنْ إِنُو سِّيژْغغْ مَارَّا إِغزْرَانْ ن مِيصْرَا.
2KI 19:25 مَا وَارْ ثسْڒِيذْ أَقَا [أَطَّاسْ] زڭْ وَامِي ڭِّيغْ مَانْ أَيَا، ؤُشَا وْشِيغْ أَسْ ؤُذمْ ذڭْ وُوسَّانْ ن مشْحَاڒْ ؤُيَا؟ ڒخُّو جِّيغْ ث أَذْ د-إِفّغْ، أَقَا شكْ ذ ونِّي إِ غَا يَارّنْ ثِيندَّامْ إِفَارْينْ ذ ڒْخِيرْبَاثْ.
2KI 19:26 إِمزْذَاغْ نْسنْ ثُوغَا أَثنْ أَرْخُونْ، أَرْژِينْ ؤُ سضْحَانْ. نِيثْنِي ثُوغَا أَثنْ أَمْ وفْسُو ذڭْ إِيَّارْ، [أَمْ] ؤُغمُّويْ أَزِيزَا، [أَمْ] ؤُڒُومْ خْ ثْزغْوِينْ، ؤُ [أَمْ] [إِمنْذِي] إِشمْضنْ [س ؤُسمِّيضْ] قْبڒْ مَا أَذْ إِفّغْ.
2KI 19:27 [مَاشَا] نشّْ سّْنغْ أَغِيمِي نّشْ ذ ؤُفُّوغْ نّشْ ذ وعْقَابْ نّشْ ذ ؤُغوّغْ نّشْ خَافِي.
2KI 19:28 مِينْزِي شكْ ثْغوّْغذْ خَافِي ؤُ ثُوفّثْ نّشْ ثِيوضْ غَارْ إِمزُّوغنْ إِنُو، أَذْ أَشْ سّكّغْ ثَاسنَّارْثْ ذڭْ ونْزَارنْ نّشْ ؤُ [أَذْ ڭّغْ] سْڒِيمثْ جَارْ إِينْشِيشنْ نّشْ، ؤُ نشّْ أَذْ شكْ أَرّغْ خْ وبْرِيذْ إِ ذِي د-ثُوسِيذْ ذَا.‘
2KI 19:29 ذ ثَا أَذْ أَشْ ثِيڒِي ذ ڒعْڒَامثْ: ذڭْ ؤُسڭّْوَاسْ-أَ أَذْ ثشّمْ مِينْ غَا إِغمّْينْ س يِيخفْ نّسْ ؤُ ذڭْ ؤُسڭّْوَاسْ وِيسّْ ثْنَاينْ مِينْ زَّايسْ غَا إِغمّْينْ عَاوذْ، مَاشَا ذڭْ ؤُسڭّْوَاسْ وِيسّْ ثْڒَاثَا أَذْ ثْزَارْعمْ ؤُ أَذْ ثمْجَارمْ، أَذْ ثڭّمْ إِمَارْجَاعنْ ن ؤُضِيڒْ، أَذْ ذَايْسنْ ثژُّومْ ثْزَايَارِينْ ؤُشَا أَذْ ثشّمْ ڒْغِيدْجثْ نّسْ.
2KI 19:30 مَاغَارْ مِينْ إِنّجْمنْ، مِينْ إِقِّيمنْ زِي ثَادَّارْثْ ن يَاهُوذَا، أَذْ إِوّثْ عَاوذْ إِژوْرَانْ غَارْ سْوَادَّايْ ؤُ سنّجْ أَذْ يَاوِي ڒْغِيدْجثْ.
2KI 19:31 مَاغَارْ زِي ؤُرْشَالِيمْ أَذْ د-إِفّغْ مِينْ إِقِّيمنْ ؤُ زڭْ وذْرَارْ ن صِيهْيُونْ أَذْ إِفّغْ مِينْ إِنّجْمنْ، أَسَامْ ن سِيذِي [ن ڒْعسْكَارَاثْ إِجهْذنْ] أَذْ إِڭّْ أَيَا.
2KI 19:32 س ؤُيَا، أَمُّو إِ إِقَّارْ سِيذِي خْ ؤُجدْجِيذْ ن أَشُّورْ: نتَّا وَارْ د-إِتِّيذفْ شَا ذِي ثنْذِينْثْ-أَ ؤُ وَارْ ذَايسْ إِشِّيثْ شَا ؤُڒَا ذ إِشْثْ ن فْڒِيثْشَا، وَارْ غَارسْ-د إِقَارّبْ شَا س إِشْثْ ن ثْسدَّارْثْ [ن ؤُعسْكَارِي] ؤُ وَارْ خَاسْ تّْبقِّيضنْ إِجّْ ن لْبَارَاجْ إِ ڒحْصَارثْ.
2KI 19:33 خْ وبْرِيذْ إِ خْ د غَا يَاسْ، أَذْ د-إِعْقبْ. وَارْ إِتِّيذِيفْ شَا غَارْ ثنْذِينْثْ-أَ، إِقَّارْ سِيذِي.
2KI 19:34 نشّْ أَذْ سّڒْقِيغْ خْ ثنْذِينْثْ-أَ، حِيمَا أَذْ ت سّْنجْمغْ ذِي طّْوعْ إِنُو ؤُ ذِي طّْوعْ ن ؤُمْسخَّارْ إِنُو ذَاوُوذْ.‘ “
2KI 19:35 ذِي دْجِيڒثْ نِّي، إِمْسَارْ، أَقَا إِفّغْ لْمَالَاكْ ن سِيذِي، إِنْغَا مْيَا ؤُ-خمْسَا ؤُ-ثْمنْيِينْ-أَڒفْ [ن يرْيَازنْ] ذِي ڒْمَارْڭحْ ن ڒْعسْكَارْ ن أَشُّورْ. ؤُمِي إِ د كَّارنْ نِيثْنِي ثِيوشَّا نّسْ، خْزَارْ، أَقَا أَثنْ مَارَّا إِذْسنْ ذ ڒْخشْبَاثْ.
2KI 19:36 ؤُشَا سَانْحَارِيبْ، أَجدْجِيذْ ن أَشُّورْ، يَارْژَا إِقِيضَانْ نّسْ، إِرُوحْ ؤُشَا إِعْقبْ [غَارْ ثمُّورْثْ نّسْ]. نتَّا إِقِّيمْ إِزدّغْ ذِي نِينْوَا.
2KI 19:37 ؤُمِي إِسْجذْ [إِجّْ ن وَاسّْ] ذِي ثَادَّارْثْ ن أَربِّي نّسْ نِيسْرُوخْ، إِمْسَارْ، أَقَا [إِحنْجِيرنْ نّسْ] أَذْرَامِّيلِيكْ ذ شَارَاصَارْ نْغِينْ ث س سِّيفْ. نِيثْنِي أَروْڒنْ غَارْ ثمُّورْثْ ن أَرَارَاثْ. مِّيسْ أَسَارْحَادُّونْ إِذْوڒْ ذ أَجدْجِيذْ ذڭْ ومْشَانْ نّسْ.
2KI 20:1 ذڭْ وُوسَّانْ نِّي إِحْڒشْ حِيزْقِييَا س إِجّْ ن ڒحْڒَاشْ إِنقّنْ. يُوسَا-د غَارسْ ؤُنَابِي إِشَاعْيَا، مِّيسْ ن أَمُوصْ، إِنَّا أَسْ: ”أَمُّو إِ إِقَّارْ سِيذِي: ’أوْشْ ڒُومُورَاثْ إِ ثَادَّارْثْ نّشْ، مَاغَارْ أَذْ ثمّْثذْ، وَارْ ثتّْغِيمِيذْ ثدَّارذْ [عَاذْ كْثَارْ].‘ “
2KI 20:2 [خنِّي] إِنّقْڒبْ س ؤُغمْبُوبْ نّسْ غَارْ ڒْحِيضْ ؤُشَا إِژُودْجْ إِ سِيذِي، إِنَّا:
2KI 20:3 ”أَ، سِيذِي، عْقڒْ أَقَا نشّْ ؤُيُورغْ زَّاثْ إِ وُوذمْ نّشْ س ڒَامَانْ ؤُ س يِيجّْ ن وُوڒْ إِكمّْڒنْ ؤُ ڭِّيغْ مِينْ إِدْجَانْ نِيشَانْ ذِي ثِيطَّاوِينْ نّشْ.“ ؤُشَا إِبْذَا حِيزْقِييَا إِتّْرُو س جّْهذْ.
2KI 20:4 ثُوغَا عَاذْ وَارْ إِفِّيغْ إِشَاعْيَا زِي ڒْوسْطْ ن ثنْذِينْثْ، ڒَامِي غَارسْ د-يُوسَا وَاوَاڒْ ن سِيذِي، إِنَّا:
2KI 20:5 ”عْقبْ، إِنِي إِ حِيزْقِييَا، ڒْحَاكمْ ن ڒْڭنْسْ إِنُو: ’أَمُّو إِ إِقَّارْ سِيذِي، أَربِّي ن بَابَاشْ ذَاوُوذْ: نشّْ سْڒِيغْ إِ ثْژَادْجِيثْ نّشْ ؤُ ژْرِيغْ إِ إِمطَّاونْ نّشْ. خْزَارْ، أَذْ شكْ سّْڭنْفِيغْ. ذڭْ وَاسّْ وِيسّْ ثْڒَاثَا أَذْ ثْڭعّْذذْ [عَاوذْ] غَارْ ثَادَّارْثْ ن سِيذِي.
2KI 20:6 نشّْ أَذْ أَرْنِيغْ خمّسْطَاشْ ن إِسڭّْوُوسَا إِ وُوسَّانْ [ن ثُوذَارْثْ] نّشْ ؤُ أَذْ شكْ فكّغْ زڭْ ؤُفُوسْ ن ؤُجدْجِيذْ ن أَشُّورْ، ؤُڒَا ذ ثَانْذِينْثْ. نشّْ أَذْ سّڒْقِيغْ خْ ثنْذِينْثْ-أَ ذِي طّْوعْ إِنُو ؤُ ذِي طّْوعْ ن ؤُمْسخَّارْ إِنُو ذَاوُوذْ.‘ “
2KI 20:7 [خَاسْ ؤُشَا] إِنَّا إِشَاعْيَا: ”كْسِي إِجّْ ن وغْرُومْ ن ثَازَارْثْ!“ نِيثْنِي إِوْينْ ث-إِ-د، سَّارْسنْ خْ ؤُبُوعْرُوسْ ؤُشَا إِذْوڒْ إِڭّنْفَا.
2KI 20:8 حِيزْقِييَا [مَاشَا] إِنَّا إِ إِشَاعْيَا: ”مَانْ ڒعْڒَامثْ أَقَا سِيذِي أَذْ أَيِي إِسّْڭنْفَا ؤُ نشّْ أَذْ ڭعّْذغْ غَارْ ثَادَّارْثْ ن سِيذِي ذڭْ وَاسّْ وِيسّْ ثْڒَاثَا؟“
2KI 20:9 إِنَّا إِشَاعْيَا: ”أَيَا أَذْ أَشْ ثِيڒِي ذ ڒعْڒَامثْ ن سِيذِي، أَقَا سِيذِي أَذْ إِسّقْفڒْ أَوَاڒْ نِّي إِسِّيوڒْ: ’مَا أَذْ ثُويُورْ ثِيڒِيعشْرَا ن ثْرفِّيذِينْ غَارْ زَّاثْ نِيغْ أَذْ د-ثعْقبْعشْرَا ن ثْرفِّيذِينْ غَارْ ضفَّارْ؟‘ “
2KI 20:10 حِيزْقِييَا إِنَّا: ”إِهْونْ إِ ثِيڒِي، مَاحنْذْ أَذْ ثزُّوڭَّارْعشْرَا ن ثْرفِّيذِينْ، لَّا، أجّْ ثِيڒِي أَذْ ثعْقبْعشْرَا ن ثْرفِّيذِينْ غَارْ ضفَّارْ.“
2KI 20:11 ؤُشَا إِڒَاغَا ؤُنَابِي إِشَاعْيَا غَارْ سِيذِي ؤُ وَانِيثَا إِجَّا ثِيڒِي أَذْ ثعْقبْ خْ ثْرفِّيذِينْ إِ خْ ثهْوَا خْ دّْرُوجْ ن أَحَازْ:عشْرَا ن ثْرفِّيذِينْ غَارْ ضفَّارْ.
2KI 20:12 ذِي ڒْوقْثْ نِّي إِسّكّْ بَارَاذُوخْ-بَالَاذَانْ، مِّيسْ ن بَالَاذَانْ، أَجدْجِيذْ ن بَابِيلْ، ثِيبْرَاثِينْ ذ إِشْثْ ن ثَارْزفْثْ غَارْ حِيزْقِييَا، مَاغَارْ نتَّا ثُوغَا إِسْڒَا أَقَا حِيزْقِييَا إِهْڒشْ.
2KI 20:13 حِيزْقِييَا إِسْڒَا أَسنْ ؤُشَا إِسّْشنْ أَسنْ مَارَّا ثَادَّارْثْ ن ثْخُوبَايْ نّسْ: نُّوقَارْثْ ذ وُورغْ ذ ڒعْطُورْ ذ زّشْثْ ذ ڒهْرِي ن ڒسْنَاحْ نّسْ ذ مَارَّا مِينْ إِتّْوَافنْ ذڭْ إِخَّامنْ نّسْ ن ثْخُوبَايْ. وَارْ إِقِّيمْ وَالُو ذِي ثَادَّارْثْ نّسْ ؤُ ذِي مَارَّا ڒحْكَامثْ نّسْ نِّي وَارْ ثُوغِي ذ أَسنْ ث إِسّْشنْ.
2KI 20:14 [خنِّي] يُوسَا-د ؤُنَابِي إِشَاعْيَا غَارْ ؤُجدْجِيذْ حِيزْقِييَا، إِنَّا أَسْ: ”مِينْ نَّانْ إِرْيَازنْ نِّي ؤُ مَانِيسْ د-ؤُسِينْ غَاركْ؟“ حِيزْقِييَا إِنَّا: ”نِيثْنِي ؤُسِينْ-د زڭْ إِشْثْ ن ثمُّورْثْ ثِيڭّْوجْ، زِي بَابِيلْ.“
2KI 20:15 نتَّا إِنَّا: ”مِينْ ژْرِينْ نِيثْنِي ذِي ثَادَّارْثْ نّشْ؟“ حِيزْقِييَا إِنَّا: ”نِيثْنِي ژْرِينْ مَارَّا مِينْ إِدْجَانْ ذِي ثَادَّارْثْ إِنُو. وَارْ إِقِّيمْ شَا زِي مِينْ إِدْجَانْ ذڭْ إِخَّامنْ ن ثْخُوبَايْ إِنُو، وَارْ ذ أَسنْ ث سّشْنغْ.“
2KI 20:16 [خنِّي] إِنَّا إِشَاعْيَا إِ حِيزْقِييَا: ”سڒْ إِ وَاوَاڒْ ن سِيذِي!
2KI 20:17 ’أَذْ د-أَسنْ وُوسَّانْ مڒْمِي مَارَّا مِينْ إِدْجَانْ ذِي ثَادَّارْثْ نّشْ ؤُڒَا ذ مِينْ يَارْونْ ڒجْذُوذْ نّشْ أَڒْ أَسّْ-أَ، أَذْ ث أَوْينْ غَارْ بَابِيلْ. وَارْ إِتّْغِيمِي وَالُو، إِقَّارْ سِيذِي.
2KI 20:18 أَذْ أَوْينْ ؤُڒَا زڭْ إِحنْجِيرنْ نّشْ إِنِّي د غَا إِفّْغنْ زَّايكْ، إِنِّي د غَا ثجّذْ، حِيمَا أَذْ إِڒِينْ ذ إِمْسخَّارنْ إِمْشنّْعنْ ذِي ڒقْصَارْ ن ؤُجدْجِيذْ ن بَابِيلْ.‘ “
2KI 20:19 حِيزْقِييَا إِنَّا إِ إِشَاعْيَا: ”أَوَاڒْ ن سِيذِي إِ ذ أَيِي ثنِّيذْ إِصْبحْ.“ نتَّا إِنَّا عَاوذْ: ”نِيغْ لَّا، مَاڒَا [خنِّي] ذڭْ وُوسَّانْ إِنُو أَذْ [ذِينْ] يِيڒِي ڒهْنَا ذ ڒَامَانْ!“
2KI 20:20 إِمزْرُوينْ إِقِّيمنْ ن حِيزْقِييَا ذ مَارَّا ثِيمڭَّا نّسْ إِمحْضنْ ذ مَامّشْ إِڭَّا أَيڒْمَامْ ذ ؤُقَاذُوسْ ن وَامَانْ ؤُ [مَامّشْ] إِنْذهْ أَمَانْ ذِي ثنْذِينْثْ، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟
2KI 20:21 حِيزْقِييَا إِڭَّا أَذْ يَاريّحْ جَارْ ڒجْذُوذْ نّسْ. مِّيسْ مَانَاسَّا إِذْوڒْ ذ أَجدْجِيذْ ذڭْ ومْشَانْ نّسْ.
2KI 21:1 ثُوغَا غَارْ مَانَاسَّا ثنْعَاشْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ خمْسَا ؤُ-خمْسِينْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ هَافْصِي-بَاهْ.
2KI 21:2 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، أَمْ مَامّشْ جّْعَايفْ ن ڒڭْنُوسْ نِّي ثُوغَا إِسُّوفّغْ سِيذِي زِي زَّاثْ ن وُوذمْ ن أَيْثْ ن إِسْرَائِيل زِي ڒْوَارْثْ نْسنْ.
2KI 21:3 نتَّا إِبْذَا أَذْ إِعْذڒْ ڒڭْعُوذِي نِّي ثُوغَا إِهْذمْ بَابَاسْ حِيزْقِييَا. نتَّا إِسّْبدّْ إِعَالْطَارنْ إِ بَاعَالْ ؤُشَا إِڭَّا إِشْثْ ن ثْربِّيثْ ن شْوَارْثِي أَمْ مَامّشْ ثُوغَا [ت] إِڭَّا أَخَابْ، أَجدْجِيذْ ن إِسْرَائِيل، ؤُشَا إِبنْذقْ إِ مَارَّا ڒْعسْكَارْ ن ؤُجنَّا ؤُشَا إِعْبذْ أَسنْ.
2KI 21:4 إِسّْبدّْ عَاوذْ إِعَالْطَارنْ ذِي ثَادَّارْثْ ن سِيذِي إِ خْ إِنَّا سِيذِي: ”ذِي ؤُرْشَالِيمْ أَذْ سّْمثْنغْ إِسمْ إِنُو.“
2KI 21:5 نتَّا إِبْنَا إِعَالْطَارنْ إِ مَارَّا ڒْعسْكَارْ ن ؤُجنَّا ذِي ثْنَاينْ ن ڒمْرَاحَاثْ ن ثَادَّارْثْ ن سِيذِي.
2KI 21:6 نتَّا إِجَّا مِّيسْ أَذْ يكّْ خْ ثْمسِّي ؤُ إِسّْخدَّامْ ثَابزْڭِيوْثْ ؤُ ثُوغَا إِتّْڭزّنْ. نتَّا يِيوِي-د إِنِّي إِسَّاوَاڒنْ أَكْ-ذ إِمتَّانْ، ذ إِڭزَّاننْ. نتَّا إِڭَّا أَطَّاسْ مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، مَاحنْذْ أَذْ ث إِسْعَارْ.
2KI 21:7 نتَّا إِسّْبدّْ إِجّْ ن ڒخْيَاڒْ إِنقْشنْ ن ثْربِّيثْ ن شْوَارْثِي نِّي ثُوغَا إِڭَّا، ذِي ثَادَّارْثْ نِّي خْ ثُوغَا إِنَّا سِيذِي إِ ذَاوُوذْ، مِّيسْ ن سُولِيمَانْ: ”ذِي ثَادَّارْثْ-أَ ؤُ ذِي ؤُرْشَالِيمْ إِ فَارْزغْ زِي مَارَّا ثِيقبَّاڒْ ن إِسْرَائِيل، أَذْ سّْمثْنغْ إِسمْ إِنُو إِ ڒبْذَا.
2KI 21:8 نشّْ وَارْ تّجِّيغْ عَاذْ أَضَارْ ن إِسْرَائِيل أَذْ إِودَّارْ بَارَّا إِ ثمُّورْثْ إِ وْشِيغْ إِ ڒجْذُوذْ نْسنْ. مْغِيرْ إِتّْخصَّا أَسنْ أَذْ حْضَانْ أَذْ ڭّنْ أَمْ مَامّشْ مَارَّا مِينْ ذ أَسنْ ؤُمُورغْ ؤُ أَمْ مَامّشْ مَارَّا شَّارِيعَا إِ ذ أَسنْ يُومُورْ ؤُمْسخَّارْ إِنُو مُوسَا.“
2KI 21:9 [مَاشَا] نِيثْنِي وَارْ سْڒِينْ شَا، مَاغَارْ مَانَاسَّا يَارَّا إِ-ثنْ أَذْ ودَّارنْ، أَڒَامِي أَرنْينْ ذِي ثُوعّفْنَا مَاهُو ڒڭْنُوسْ نِّي إِمْحَا سِيذِي زَّاثْ إِ وُوذمْ ن أَيْثْ ن إِسْرَائِيل.
2KI 21:10 [خنِّي] إِسِّيوڒْ سِيذِي س ؤُقمُّومْ ن إِمْسخَّارنْ نّسْ، إِنَابِييّنْ، إِنَّا:
2KI 21:11 ”مِينْزِي مَانَاسَّا، أَجدْجِيذْ ن يَاهُوذَا، إِڭَّا جّْعَايفْ-أَ، إِڭَّا نتَّا ثُوعّفْنَا مَاهُو خْ [أَيْثْ ن] أَمُورْ إِنِّي [إِ ذِينْ إِدْجَانْ] قْبڒْ نّسْ. نتَّا يَارَّا ؤُڒَا ذ يَاهُوذَا أَذْ إِخْضَا س إِميْضَا نّسْ [ن لْ-أَصْنَامْ].
2KI 21:12 س ؤُيَا، أَمُّو إِ إِقَّارْ سِيذِي، أَربِّي ن إِسْرَائِيل: ’خْزَارْ، نشّْ أَذْ ڭّغْ ثُوعفّْنَا خْ ؤُرْشَالِيمْ ذ يَاهُوذَا، مَاحنْذْ مَارَّا وِي خَاسْ إِ غَا إِسْڒنْ، أَقَا ثْنَاينْ ن إِمزُّوغنْ نّسْ أَذْ طْنطْننْ.
2KI 21:13 نشّْ أَذْ قّْنغْ إِ ؤُرْشَالِيمْ فِيڒُو ن ڒعْبَارْ ن سَامَارْيَا ذ ڒْمِيزَانْ ن ثَادَّارْثْ ن أَخَابْ. نشّْ أَذْ مسْحغْ ؤُرْشَالِيمْ أَمْ مَامّشْ مسْحغْ إِجّْ ن طّبْصِي. مسْحنْ ث ؤُ [خنِّي] قڒْبنْ ث خْ ؤُزدْجِيفْ نّسْ.
2KI 21:14 أَذْ جّغْ مِينْ إِقِّيمنْ زِي ثسْغَارْثْ ن ڒْوَارْثْ إِنُو، أَذْ ثنْ سِّيوْضغْ غَارْ إِفَاسّنْ ن ڒْعذْيَانْ نْسنْ ؤُ نِيثْنِي أَذْ ذوْڒنْ ذ ثَاحڭّْوَاسْثْ ذ ثَاكشَّاضْثْ إِ مَارَّا ڒْعذْيَانْ نْسنْ،
2KI 21:15 مَاغَارْ نِيثْنِي ڭِّينْ مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي ؤُ [مَاغَارْ] نِيثْنِي سْعَارنْ أَيِي زڭْ وَاسّْ إِ ذِي فّْغنْ ڒجْذُوذْ نْسنْ زِي مِيصْرَا أَڒْ أَسّْ-أَ.
2KI 21:16 عَاوذْ ثُوغَا مَانَاسَّا إِسِّيزّڒْ أَطَّاسْ ن إِذَامّنْ إِمزْذَاڭنْ أَڒَامِي زَّايْسنْ إِشُّورْ مَارَّا ؤُرْشَالِيمْ زڭْ إِجّْ ن طَّارْفْ غَارْ ونّغْنِي، بْڒَا مَا نِيذَارْ [عَاذْ] دّنْبْ نّسْ إِ زِي يَارَّا يَاهُوذَا أَذْ إِخْضَا، ؤُمِي إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي.
2KI 21:17 إِمزْرُوينْ إِقِّيمنْ ن مَانَاسَّا ذ مَارَّا مِينْ إِڭَّا ؤُڒَا ذ دّنْبْ نّسْ إِ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟
2KI 21:18 مَانَاسَّا إِڭَّا أَذْ يَاريّحْ جَارْ ڒجْذُوذْ نّسْ. نتَّا إِتّْوَانْضڒْ ذڭْ وحْوِيشْ ن ثَادَّارْثْ نّسْ، ذِي ڒمْرَاحْ ن عُوصَا. مِّيسْ أَمُونْ إِذْوڒْ ذ أَجدْجِيذْ ذڭْ ومْشَانْ نّسْ.
2KI 21:19 أَمُونْ [ثُوغَا] غَارسْ ثْنَاينْ ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ ثْنَاينْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ مْشُولَّامِيثْ، يدْجِيسْ ن حَارُوزْ زِي يُوثْبَا.
2KI 21:20 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، [أَمُّو نِيشَانْ] أَمْ مَامّشْ ث إِڭَّا بَابَاسْ مَانَاسَّا.
2KI 21:21 نتَّا يُويُورْ كُوڒْ أَبْرِيذْ إِ ذِي يُويُورْ بَابَاسْ. نتَّا إِسخَّارْ إِ إِميْضَا [ن لْ-أَصْنَامْ] إِ ثُوغَا إِسخَّارْ [ؤُڒَا ذ] بَابَاسْ ؤُشَا إِسْجذْ أَسنْ.
2KI 21:22 نتَّا إِسْمحْ ذِي سِيذِي، أَربِّي ن ڒجْذُوذْ نّسْ، ؤُ نتَّا وَارْ يُويُورْ شَا ذڭْ وبْرِيذْ ن سِيذِي.
2KI 21:23 إِمْسخَّارنْ ن أَمُونْ ڭِّينْ خَاسْ إِشْثْ ن ثْمعْمُوتْشْ ؤُشَا نْغِينْ أَجدْجِيذْ ذِي ثَادَّارْثْ نّسْ.
2KI 21:24 [مَاشَا] ڒْڭنْسْ ن ثمُّورْثْ نْغِينْ مَارَّا إِنِّي ثُوغَا إِڭِّينْ إِشْثْ ن ثْمعْمُوتْشْ إِ ؤُجدْجِيذْ أَمُونْ، ؤُشَا ڒْڭنْسْ ن ثمُّورْثْ ڭِّينْ مِّيسْ يُوشِييَا ذ أَجدْجِيذْ ذڭْ ومْشَانْ نّسْ.
2KI 21:25 إِمزْرُوينْ إِقِّيمنْ ن أَمُونْ ذ مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟
2KI 21:26 نتَّا إِتّْوَانْضڒْ ذڭْ ونْضڒْ نّسْ ذڭْ وحْوِيشْ ن عُوزَّا. مِّيسْ يُوشِييَا إِذْوڒْ ذ أَجدْجِيذْ ذڭْ ومْشَانْ نّسْ.
2KI 22:1 يُوشِييَا [ثُوغَا] غَارسْ ثْمنْيَا ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ وَاحِيثْ ؤُ-ثْڒَاثِينْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ يَاذِيذْيَا، يدْجِيسْ ن عَاذَايَا زِي بُوصْقَاثْ.
2KI 22:2 نتَّا إِڭَّا مِينْ إِدْجَانْ نِيشَانْ ذِي ثِيطَّاوِينْ ن سِيذِي. نتَّا يُويُورْ ذِي كُوڒْ أَبْرِيذْ ن بَابَاسْ ذَاوُوذْ، وَارْ إِحيّذْ [خْ وبْرِيذْ] [غَارْ] يفُوسْ ؤُڒَا [غَارْ] ؤُزڒْمَاضْ.
2KI 22:3 ذڭْ ؤُسڭّْوَاسْ وِيسّْ ثْمنْطَاشْ ن ؤُجدْجِيذْ يُوشِييَا، إِمْسَارْ بلِّي أَجدْجِيذْ يُوشِييَا إِسّكّْ أَمَارِيرْ شَافَانْ، مِّيسْ ن أَصَالْيَا، مِّيسْ ن مَاشُولَّامْ، غَارْ ثَادَّارْثْ ن سِيذِي، إِنَّا:
2KI 22:4 ”ڭعّذْ غَارْ حِيلْقِييَا، أَرَّايْسْ ن إِكهَّاننْ، حِيمَا أَذْ يڭّْ أَذْ سّْوجْذنْ ثْمنْيَاثْ ن نُّوقَارْثْ إِ د يِيوْينْ ذِي ثَادَّارْثْ ن سِيذِي، ذ ثِينِّي إِ د-يَارْونْ إِعسَّاسنْ ن ثوُّورَا زِي ڒْڭنْسْ.
2KI 22:5 أجّْ إِ-ثنْ أَذْ ثنْثْ ڭّنْ ذڭْ إِفَاسّنْ ن يِينِّي إِتّڭّنْ ڒْخذْمثْ، [ذڭْ إِفَاسّنْ ن] إِمحْضَاينْ ن ثَادَّارْثْ ن سِيذِي، [حِيمَا] نِيثْنِي أَذْ ثنْثْ وْشنْ إِ يِينِّي إِتّڭّنْ ڒْخذْمثْ إِ [ذِينْ] إِدْجَانْ ذِي ثَادَّارْثْ ن سِيذِي، حِيمَا أَذْ أَرقّْعنْ ڒحْيُوضْ إِهْرُورَانْ ن ثَادَّارْثْ،
2KI 22:6 إِ إِنقَّاشنْ [ن ؤُكشُّوضْ ذ وژْرُو]، إِ إِبنَّاينْ ذ إِمَاصُّوثنْ، ؤُ إِ ثْمسْغِيوْثْ ن ؤُكشُّوضْ ذ ثْصُوضَارْ إِتّْوَاسُّويْذَانْ إِ وعْذَاڒْ ن ثَادَّارْثْ.“
2KI 22:7 مَاشَا وَارْ إِتّْخصِّي مَاحنْذْ أَذْ كِيذْسنْ ڭّنْ ڒحْسَابْ زِي جِّيهثْ ن [تّْمنْيَاثْ ن] نُّوقَارْثْ إِ ذ أَسنْ إِمّوْشنْ، مَاغَارْ نِيثْنِي تّڭّنْ س ؤُثِيقِّي.
2KI 22:8 [خنِّي] إِنَّا أَرَّايْسْ ن إِكهَّاننْ حِيلْقِييَا إِ ؤُمَارِيرْ شَافَانْ: ”نشّْ ؤُفِيغْ أَذْلِيسْ إِتّْوَانّْضنْ ن شَّارِيعَا ذِي ثَادَّارْثْ ن سِيذِي.“ ؤُشَا إِوْشَا حِيلْقِييَا إِ شَافَانْ أَذْلِيسْ إِتّْوَانّْضنْ ؤُ وَانِيثَا إِغْرَا إِ-ث.
2KI 22:9 [أَوَارْنِي أَسْ] يُويُورْ ؤُمَارِيرْ شَافَانْ غَارْ ؤُجدْجِيذْ ؤُشَا إِسِّيوضْ ڒخْبَارْ إِ ؤُجدْجِيذْ، إِنَّا: ”إِمْسخَّارنْ نّشْ سّْمُوننْ [تّْمنْيَاثْ ن] نُّوقَارْثْ نِّي إِتّْوَافنْ ذِي ثَادَّارْثْ، فَارّْغنْ ثنْثْ ؤُشَا وْشِينْ ثنْثْ ذڭْ إِفَاسّنْ ن يِينِّي إِڭِّينْ ڒْخذْمثْ، إِ إِمحْضَاينْ ن ثَادَّارْثْ ن سِيذِي.“
2KI 22:10 [عَاوذْ] إِحَاجَا ؤُمَارِيرْ شَافَانْ إِ ؤُجدْجِيذْ، إِنَّا: ”أَكهَّانْ حِيلْقِييَا إِوْشَا أَيِي إِجّْ ن وذْلِيسْ.“ شَافَانْ إِغْرَا إِ-ث زَّاثْ إِ وُوذمْ ن ؤُجدْجِيذْ.
2KI 22:11 ؤُمِي إِسْڒَا ؤُجدْجِيذْ أَوَاڒنْ ن وذْلِيسْ إِتّْوَانّْضنْ ن شَّارِيعَا، إِشَارّڭْ أَرُّوضْ نّسْ.
2KI 22:12 أَجدْجِيذْ يُومُورْ إِ ؤُكهَّانْ حِيلْقِييَا ؤُ إِ أَخِيقَامْ، مِّيسْ ن شَافَانْ، ؤُ إِ عَاكْبُورْ، مِّيسْ ن مِيخَا-يَاهْ، ؤُ إِ شَافَانْ، أَمَارِيرْ، ؤُ إِ عَاسَايَا، أَمْسخَّارْ ن ؤُجدْجِيذْ، إِنَّا:
2KI 22:13 ”ؤُيُورمْ، أَرْزُومْ سِيذِي ذِي طّْوعْ إِنُو ؤُ ذِي طّْوعْ ن ڒْڭنْسْ ؤُ ذِي طّْوعْ ن مَارَّا يَاهُوذَا زِي جِّيهثْ ن وَاوَاڒنْ-أَ ن وذْلِيسْ-أَ إِتّْوَانّْضنْ إِ إِتّْوَافنْ، مَاغَارْ أَسْعَارْ ن سِيذِي إِ يَارْغِينْ ضِيدّْ نّغْ ذ أَمقّْرَانْ، مِينْزِي ڒجْذُوذْ نّغْ وَارْ سْڒِينْ شَا غَارْ وَاوَاڒنْ ن وذْلِيسْ-أَ إِتّْوَانّْضنْ، حِيمَا أَذْ ڭّنْ أَمْ مَامّشْ مَارَّا [مِينْ ذَايسْ] يُورَانْ إِ نشِّينْ.“
2KI 22:14 [خنِّي] يُويُورْ ؤُكهَّانْ حِيلْقِييَا أَكْ-ذ أَخِيقَامْ، عَاكْبُورْ، شَافَانْ ذ عَاسَايَا غَارْ ثْنَابِيثْ خُولْذَا، ثَامْغَارْثْ ن شَالُّومْ، مِّيسْ ن ثِيقْوَا، مِّيسْ ن حَارْحَاسْ، ونِّي إِحطَّانْ خْ وَارُّوضنْ. نتَّاثْ ثزْذغْ ذِي ؤُرْشَالِيمْ، ذڭْ وزْينْ نّغْنِي. نِيثْنِي سِّيوْڒنْ أَكِيذسْ.
2KI 22:15 نتَّاثْ ثنَّا أَسنْ: ”أَمُّو إِ إِقَّارْ سِيذِي، أَربِّي ن إِسْرَائِيل: ’إِنِي إِ ورْيَازْ نِّي كنِّيوْ إِ غَارِي د-إِسّكّنْ:
2KI 22:16 أَمُّو إِ إِقَّارْ سِيذِي: خْزَارْ، نشّْ أَذْ أَوْيغْ ثُوعفّْنَا خْ ومْشَانْ-أَ ؤُ خْ إِمزْذَاغْ نّسْ، أَقَا مَارَّا أَوَاڒنْ ن وذْلِيسْ-أَ إِتّْوَانّْضنْ إِ إِغْرَا ؤُجدْجِيذْ ن يَاهُوذَا،
2KI 22:17 مَاغَارْ نِيثْنِي سمْحنْ ذَايِي، إِوْينْ ثِيوْهِيبِينْ ن ڒبْخُورْ إِ إِربِّيثنْ نّغْنِي أَڒَامِي ذَايِي سْعَارنْ س مَارَّا ڒْخذْمثْ ن إِفَاسّنْ نْسنْ. أَسْعَارْ إِنُو أَذْ إِتّْوَاسَّارْغْ ضِيدّْ إِ ومْشَانْ-أَ ؤُ وَارْ إِخسِّي شَا عَاذْ.
2KI 22:18 [مَاشَا] إِنِيمْ إِ ؤُجدْجِيذْ ن يَاهُوذَا، ونِّي كنِّيوْ د-إِسّكّنْ ذَا حِيمَا أَذْ ثتَّارمْ إِ سِيذِي: أَمُّو إِ إِقَّارْ سِيذِي، أَربِّي ن إِسْرَائِيل، خْ وَاوَاڒنْ إِ ثسْڒِيذْ شكْ:
2KI 22:19 مِينْزِي ؤُڒْ نّشْ إِذْوڒْ يَارْضبْ ؤُ ثسّْوَاضْعذْ إِخفْ نّشْ زَّاثْ إِ وُوذمْ ن سِيذِي ؤُمِي ثسْڒِيذْ خْ مِينْ سِّيوْڒغْ خْ ومْشَانْ-أَ ؤُ خْ إِمزْذَاغْ نّسْ - أَقَا نِيثْنِي أَذْ ذوْڒنْ ذ [إِشْثْ ن ڒْقشْعثْ ن] ؤُنخْڒِيعْ ذ نّعْڒثْ - ؤُ ؤُمِي ثْشَارّْڭذْ أَرُّوضْ نّشْ ؤُشَا ثْرُوذْ زَّاثْ إِ وُوذمْ إِنُو، خْ ؤُيَا أَذْ أَشْ سْڒِيغْ، إِقَّارْ سِيذِي.
2KI 22:20 س ؤُيَا، أَقَا نشّْ أَذْ شكْ سّْمُونغْ غَارْ ڒجْذُوذْ نّشْ ؤُشَا أَذْ تّْوَاسَّارْسذْ ذڭْ ونْضڒْ ذِي ڒهْنَا ؤُ ثِيطَّاوِينْ نّشْ وَارْ ژَترّنْثْ ثُوعفّْنَا إِ ذ غَا أَوْيغْ خْ ومْشَانْ-أَ.‘ “ [خنِّي] سِّيوْضنْ نِيثْنِي أَوَاڒْ-أَ غَارْ ؤُجدْجِيذْ.
2KI 23:1 [خنِّي] إِسّكّْ ؤُجدْجِيذْ [إِرقَّاسنْ] ؤُشَا مَارَّا إِمْغَارنْ ن يَاهُوذَا ذ ؤُرْشَالِيمْ مُوننْ غَارسْ.
2KI 23:2 أَجدْجِيذْ إِڭعّذْ غَارْ ثَادَّارْثْ ن سِيذِي أَكْ-ذ مَارَّا إِرْيَازنْ ن يَاهُوذَا ذ مَارَّا إِمزْذَاغْ ن ؤُرْشَالِيمْ، ؤُڒَا ذ إِكهَّاننْ ذ إِنَابِييّنْ ذ مَارَّا ڒْڭنْسْ، زڭْ ؤُمژْيَانْ أَڒْ ؤُمقّْرَانْ، ؤُ نتَّا إِغْرَا خَاسنْ ذڭْ إِمزُّوغنْ نْسنْ مَارَّا أَوَاڒنْ ن وذْلِيسْ ن ڒْعَاهْذْ نِّي ثُوغَا ؤُفِينْ ذِي ثَادَّارْثْ ن سِيذِي.
2KI 23:3 أَجدْجِيذْ ثُوغَا إِبدّْ غَارْ إِجّْ ن ؤُپِيلَارْ ؤُشَا نتَّا إِقّنْ ڒْعَاهْذْ زَّاثْ إِ سِيذِي، حِيمَا أَذْ إِضْفَارْ سِيذِي، أَذْ إِحْضَا ڒُومُورَاثْ نّسْ ذ شّْهَاذَاثْ نّسْ ذ ثْوصَّا نّسْ س مَارَّا ؤُڒْ [نّسْ] ؤُ س مَارَّا ڒعْمَارْ [نّسْ]، مَاحنْذْ أَذْ إِسّمْثنْ أَوَاڒنْ ن ڒْعَاهْذْ-أَ نِّي يُورِينْ ذڭْ وذْلِيسْ-أَ. ؤُشَا يُوذفْ ڒْڭنْسْ مَارَّا ذِي ڒْعَاهْذْ.
2KI 23:4 أَجدْجِيذْ يُومُورْ إِ حِيلْقِييَا، أَرَّايْسْ ن إِكهَّاننْ، ؤُ إِ إِكهَّاننْ ن ؤُستّفْ وِيسّْ ثْنَاينْ ؤُ إِ إِعسَّاسنْ ن ثوَّارْثْ، أَقَا نِيثْنِي أَذْ سُّوفّْغنْ مَارَّا ڒقْشُوعْ نِّي ثُوغَا إِتّْوَاڭّنْ إِ بَاعَالْ ؤُ إِ ثْربِّيثْ ن شْوَارْثِي ؤُڒَا إِ مَارَّا ڒْعسْكَارْ ن ؤُجنَّا زِي زَّاوشْثْ ثَامقّْرَانْثْ ن سِيذِي غَارْ بَارَّا، ؤُ إِسّشْمضْ مَانْ أَيَا [مَارَّا] بَارَّا إِ ؤُرْشَالِيمْ ذڭْ إِيَّارنْ ن قِيذْرُونْ ؤُ إِجَّا أَذْ أَرْبُونْ إِغّضْ نّسْ غَارْ بَايْثْ-إِلْ.
2KI 23:5 نتَّا إِكّسْ [عَاوذْ] إِكهَّاننْ ن لْ-أَصْنَامْ نِّي ثُوغَا ڒقّْمنْ إِجدْجِيذنْ ن يَاهُوذَا، حِيمَا أَذْ قدّْمنْ ثِيوْهِيبِينْ ن ڒبْخُورْ ذِي ڒڭْعُوذِي، ذِي ثْندَّامْ ن يَاهُوذَا ؤُ ذِي جّْوَايهْ إِ د إِنّْضنْ إِ ؤُرْشَالِيمْ، ؤُڒَا ذ يِينِّي إِ إِقدّْمنْ ثِيوْهِيبِينْ نْ ڒبْخُورْ إِ بَاعَالْ، ذ ثْفُوشْثْ، ذ ثْزِيرِي، ذ ثمُّورَا ن ؤُجنَّا ؤُ إِ مَارَّا ڒْعسْكَارْ ن ؤُجنَّا.
2KI 23:6 إِسُّوفّغْ ؤُڒَا ذ ثَاربِّيثْ ن شْوَارْثِي زِي ثَادَّارْثْ ن سِيذِي، [إِڭَّا إِ-ت] بَارَّا إِ ؤُرْشَالِيمْ غَارْ ثغْزَارْثْ ن قِيذْرُونْ. نتَّا إِسّشْمضْ إِ-ت غَارْ ثغْزَارْثْ ن قِيذْرُونْ ؤُ إِدّزْ إِ-ت ذ ثَاعجَّاجْثْ ؤُ يَاريّشْ إِ-ت خْ إِمضْڒَانْ ن أَيْثْ ن ڒْڭنْسْ.
2KI 23:7 نتَّا إِهْذمْ إِخَّامنْ ن إِمثْليِّينْ نِّي ثُوغَا غَارْ ثَادَّارْثْ ن سِيذِي، مَانِي تّْخيَّاضنْثْ ثمْغَارِينْ إِقِيضَانْ نِّي ڭِّينْثْ أَمْ ثِيزَّايِيوِينْ إِ ثْربِّيثْ ن شْوَارْثِي.
2KI 23:8 نتَّا إِجَّا أَذْ سُّوفّْغنْ مَارَّا إِكهَّاننْ زِي ثْندَّامْ ن يَاهُوذَا ؤُشَا إِسّخْمجْ ڒڭْعُوذِي مَانِي قدّْمنْ إِكهَّاننْ ثِيوْهِيبِينْ ن ڒبْخُورْ، زِي جَابْعَا أَڒْ بِئرْ-سبْعَا. نتَّا إِهْذمْ ڒڭْعُوذِي غَارْ ثوُّورَا [ن ثنْذِينْثْ]، ؤُڒَا ذ ثِينِّي [إِدْجَانْ] غَارْ وَاذَافْ ن ثوَّارْثْ ن يَاشُووَا، أَزدْجِيفْ أَمقّْرَانْ ن ثنْذِينْثْ، غَارْ ؤُزڒْمَاضْ ن ونِّي [إِ ثُوغَا إِتَّاذفْ] ثَاوَّارْثْ ن ثنْذِينْثْ.
2KI 23:9 مَاشَا إِكهَّاننْ ن ڒڭْعُوذِي وَارْ زمَّارنْ أَذْ ڭعّْذنْ غَارْ ؤُعَالْطَارْ ن سِيذِي ذِي ؤُرْشَالِيمْ، مَاشَا نِيثْنِي شِّينْ أَغْرُومْ بْڒَا أَنْثُونْ ذِي ڒْوسْثْ ن أَيْثْمَاثْسنْ.
2KI 23:10 نتَّا إِسّخْمجْ ؤُڒَا ذ ثُوفَاثْ نِّي [إِدْجَانْ] ذِي ثغْزُورْثْ ن أَيْثْ ن هِينُّومْ، حِيمَا ؤُڒَا ذ إِجّْ وَارْ إِسّْعدُّو مِّيسْ نِيغْ يدْجِيسْ خْ ثْمسِّي إِ مُولَاكْ.
2KI 23:11 نتَّا إِكّسْ إِيْسَانْ إِ ثُوغَا ڭِّينْ إِجدْجِيذنْ ن يَاهُوذَا إِ ڒوْقَارْ ن ثْفُوشْثْ غَارْ وَاذَافْ ن ثَادَّارْثْ ن سِيذِي، غَارْ ثخَّامْثْ ن نَاثَانْ-مَالَاكْ، أَمْسخَّارْ أَشنّعْ، ونِّي [إِدْجَانْ] ذِي ڒبْنِييَّاثْ بَارَّا [إِ زَّاوشْثْ ثَامقّْرَانْثْ]. نتَّا إِقدّْ إِ إِكَارُّوثنْ ن ثْفُوشْثْ س ثْمسِّي.
2KI 23:12 [ؤُڒَا ذ] إِعَالْطَارنْ نِّي ثُوغَا إِبدّنْ خْ ثْزقَّا ن ثْغُورْفثْ ن أَحَازْ نِّي ڭِّينْ إِجدْجِيذنْ ن يَاهُوذَا، ؤُڒَا ذ إِعَالْطَارنْ إِ إِڭَّا مَانَاسَّا ذِي ثْنَاينْ ن ڒمْرَاحَاثْ ن ثَادَّارْثْ ن سِيذِي، إِهْذمْ إِ-ثنْ ؤُجدْجِيذْ. نتَّا إِڒْبزْ إِ-ثنْ، [إِسِّيڭّْوجْ إِ-ثنْ] سّنِّي ؤُشَا إِنْضَارْ ثَاعجَّاجْثْ نْسنْ ذِي ثغْزَارْثْ ن قِيذْرُونْ.
2KI 23:13 ؤُشَا إِسّخْمجْ ؤُجدْجِيذْ ڒڭْعُوذِي نِّي [ذِينْ إِدْجَانْ] زَّاثْ إِ ؤُرْشَالِيمْ، غَارْ يفُوسْ ن وذْرَارْ ن ؤُضيّعْ، [ڒڭْعُوذِي] إِ إِبْنَا سُولِيمَانْ، أَجدْجِيذْ ن إِسْرَائِيل، إِ أَشْثُورِيثْ، نّْعِي ن لْ-أَصْنَامْ ن أَيْثْ ن صِيذُونْ، ؤُ إِ كَامُوشْ، نّْعِي ن لْ-أَصْنَامْ ن أَيْثْ ن مُوآبَ، ؤُ إِ مِيلْكُومْ، جّْعِيفشْثْ ن لْ-أَصْنَامْ ن أَيْثْ ن عَامُّونْ.
2KI 23:14 نتَّا يَارْژَا إِمَايْضُوثنْ [إِقدّْسنْ] ذ إِوثْوِيثنْ ؤُشَا إِهْذمْ ثِيربِّينْ ن شْوَارْثِي ؤُشَا إِشُّورْ أَمْشَانْ نْسنْ س يغْسَانْ ن يوْذَانْ.
2KI 23:15 ؤُڒَا ذ أَعَالْطَارْ نِّي [إِدْجَانْ] ذِي بَايْثْ-إِلْ، ڒْڭعّْذثْ إِ إِڭِّينْ يَارُوبْعَامْ، مِّيسْ ن نَابَاطْ، ذ ونِّي يَارِّينْ إِسْرَائِيل أَذْ إِخْضَا، أَقَا أَعَالْطَارْ نِّي ذ ڒْڭعّْذثْ نِّي، إِهْذمْ إِ-ثنْ س ثْنَاينْ إِذْسنْ. نتَّا إِسّشْمضْ ڒْڭعّْذثْ، إِدّزْ إِ-ت أَڒَامِي ثذْوڒْ ذ ثَاعجَّاجْثْ ؤُشَا إِسّشْمضْ ثَاربِّيثْ ن شْوَارْثِي.
2KI 23:16 [ؤُمِي] د-إِنّقْڒبْ يُوشِييَا، إِژْرَا إِمضْڒَانْ إِ [ثُوغَا] ذِينِّي خْ وذْرَارْ، ؤُشَا إِسّكّْ [ذِينْ شَا ن يرْيَازنْ]، إِكْسِي-د إِغْسَانْ زڭْ إِمضْڒَانْ ؤُشَا إِسّشْمضْ إِ-ثنْ خْ ؤُعَالْطَارْ. [أَمُّو] إِ إِسّخْمجْ إِ-ث عْلَاحْسَابْ أَوَاڒْ ن سِيذِي إِ زِي إِبَارّحْ ورْيَازْ ن أَربِّي ونِّي إِبَارّْحنْ أَوَاڒنْ-أَ.
2KI 23:17 [يَارْنِي] إِنَّا: ”مَانَا وژْرُو نِّي إِ وَارْ ژْرِيغْعمَّارْسْ إِ ذِينْ ثْوَاڒِيغْ؟“ نَّانْ أَسْ يرْيَازنْ ن ثنْذِينْثْ: ”وَا ذ أَنْضڒْ ن ورْيَازْ ن أَربِّي ونِّي ثُوغَا د-يُوسِينْ زِي يَاهُوذَا، ذ ونِّي إِبَارّْحنْ س ثْمسْڒَايِينْ-أَ نِّي ثڭِّيذْ أَكْ-ذ ؤُعَالْطَارْ-أَ ن بَايْثْ-إِلْ.“
2KI 23:18 نتَّا إِنَّا: ”جّمْ ث ذِينْ! ؤُڒَا ذ إِجّنْ وَارْ إِتّْحِيذِي إِغْسَانْ نّسْ!“ أَمُّو إِ جِّينْ نِيثْنِي إِغْسَانْ نّسْ [جْمِيعْ] أَكْ-ذ يغْسَانْ ن ؤُنَابِي ونِّي د-يُوسِينْ زِي سَامَارْيَا.
2KI 23:19 إِكّسْ يُوشِييَا مَارَّا ثُوذْرِينْ ن ثْزَاوِييِّينْ ن ڒڭْعُوذِي نِّي [إِدْجَانْ] ذِي ثْندَّامْ ن سَامَارْيَا إِ ثُوغَا سّْبدّنْ إِجدْجِيذنْ ن إِسْرَائِيل، مَاحنْذْ أَذْ سْعَارنْ [سِيذِي]. نتَّا إِڭَّا زَّايْسنْ أَمْ مَامّشْ إِڭَّا ذِي بَايْثْ-إِلْ.
2KI 23:20 مَارَّا إِكهَّاننْ ن ڒڭْعُوذِي إِنِّي [ثُوغَا إِدْجَانْ] ذِينْ، إِغَارْصْ أَسنْ خْ إِعَالْطَارنْ ؤُشَا إِسّشْمضْ إِغْسَانْ ن إِوْذَانْ. أَوَارْنِي أَسْ إِعْقبْ غَارْ ؤُرْشَالِيمْ.
2KI 23:21 أَجدْجِيذْ يُومُورْ إِ مَارَّا ڒْڭنْسْ: ”سْوجْذمْ [ڒْعِيذْ ن ثْغَارْصْثْ ن] ؤُسعْذُو إِ سِيذِي، أَربِّي نْومْ، أَمْ مَامّشْ إِتّْوَارِي ذڭْ وذْلِيسْ-أَ ن ڒْعَاهْذْ.“
2KI 23:22 إِشْثْ ن [ڒْعِيذْ ن ثْغَارْصْثْ ن] ؤُسعْذُو أَمْ وَا وَارْ إِتّْوَاڭّْ [عمَّارْصْ] زڭْ وُوسَّانْ ن ڒْقُوضَاثْ نِّي ثُوغَا إِحكّْمنْ إِسْرَائِيل، ؤُڒَا ذِي مَارَّا ؤُسَّانْ ن إِجدْجِيذنْ ن إِسْرَائِيل ذ إِجدْجِيذنْ ن يَاهُوذَا.
2KI 23:23 مَاشَا ذڭْ ؤُسڭّْوَاسْ وِيسّْ ثْمنْطَاشْ ن ؤُجدْجِيذْ يُوشِييَا سّْوجْذنْ نِيثْنِي [ڒْْعِيذْ ن ثْغَارْصْثْ] ن ؤُسعْذُو وَانِيثَا إِ سِيذِي ذِي ؤُرْشَالِيمْ.
2KI 23:24 يُوشِييَا إِكّسْ ؤُڒَا ذ يِينِّي إِسَّاوَاڒنْ أَكْ-ذ إِمتَّانْ، ذ إِڭزَّاننْ، ذ ڒخْيَاڒَاثْ ثِيمژْيَانِينْ ن لْ-أَصْنَامْ، ذ إِميْضَا ن [لْ-أَصْنَامْ]، ذ مَارَّا نّْعَاوَاثْ ن لْ-أَصْنَامْ إِ إِتّْوَاڒَانْ ذِي ثمُّورْثْ ن يَاهُوذَا ؤُ ذِي ؤُرْشَالِيمْ، حِيمَا أَذْ إِڭّْ أَوَاڒنْ ن شَّارِيعَا إِ إِتّْوَارِينْ ذڭْ وذْلِيسْ إِتّْوَانّْضنْ إِ ثُوغَا يُوفَا ؤُكهَّانْ حِيلْقِييَا ذِي ثَادَّارْثْ ن سِيذِي.
2KI 23:25 قْبڒْ نّسْ وَارْ ذِينْ ثُوغِي ؤُڒَا ذ إِجّْ ن ؤُجدْجِيذْ أَمْ نتَّا، إِذْوڒْ-د غَارْ سِيذِي س مَارَّا ؤُڒْ نّسْ ؤُ س مَارَّا ڒعْمَارْ نّسْ ذ س مَارَّا جّهْذْ نّسْ، عْلَاحْسَابْ شَّارِيعَا ن مُوسَا، ؤُ أَوَارْنِي أَسْ وَارْ ذِينْ ثُوغِي ؤُڒَا ذ إِجّنْ أَمْ نتَّا.
2KI 23:26 مَاشَا سِيذِي وَارْ إِجِّي زِي ڒْحَاذُوقْ ن وغْضَابْ نّسْ أَمقّْرَانْ إِ زِي ثُوغَا يَارْغَا وغْضَابْ نّسْ خْ يَاهُوذَا زِي سِّيبّثْ ن مَارَّا أَسْعَارْ إِ ذ أَسْ إِڭَّا مَانَاسَّا.
2KI 23:27 سِيذِي إِنَّا: ”أَذْ سِّيڭّْوْجغْ ؤُڒَا ذ يَاهُوذَا خْ وُوذمْ إِنُو، أَمْ مَامّشْ سِّيڭّْوجغْ نشّْ إِسْرَائِيل، ؤُ نشّْ أَذْ نْضَارغْ ثَانْذِينْثْ-أَ ؤُرْشَالِيمْ إِ فَارْزغْ، ؤُڒَا ذ ثَادَّارْثْ إِ خفْ نِّيغْ: ’أَذْ يِيڒِي إِسمْ إِنُو ذِيهَا!‘ “
2KI 23:28 إِمزْرُوينْ إِقِّيمنْ ن يُوشِييَا ذ مَارَّا مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟
2KI 23:29 ذڭْ وُوسَّانْ نّسْ إِڭعّذْ فِيرْعُونْ نِيخُو، أَجدْجِيذْ ن مِيصْرَا، ضِيدّْ إِ ؤُجدْجِيذْ ن أَشُّورْ غَارْ يغْزَارْ ن لْفُورَاطْ. أَجدْجِيذْ يُوشِييَا إِفّغْ، مَاحنْذْ أَذْ ث إِڒْقَا، مَاشَا [فِيرْعُونْ نِيخُو] إِنْغَا إِ-ث غَارْ مَاجِيدُّو ڒَامِي ث يژْرَا.
2KI 23:30 إِمْسخَّارنْ نّسْ إِوْينْ ث ذ أَمتِّينْ خْ إِجّْ ن ؤُكَارُّو زِي مَاجِيدُّو غَارْ ؤُرْشَالِيمْ، سِّيوْضنْ ث غَارْ ؤُرْشَالِيمْ ؤُشَا نضْڒنْ ث ذڭْ ونْضڒْ نّسْ. ڒْڭنْسْ ن ثمُّورْثْ إِكْسِي يَاهُويَاحَازْ، مِّيسْ ن يُوشِييَا، ؤُشَا ذهْننْ ث، ڭِّينْ ث ذ أَجدْجِيذْ ذڭْ ومْشَانْ ن بَابَاسْ.
2KI 23:31 يَاهُويَاحَازْ [ثُوغَا] غَارسْ ثْڒَاثَا ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ ثْڒَاثَا ن إِيُورنْ ذِي ؤُرْشَالِيمْ. يمَّاسْ قَّارنْ أَسْ حَامُوثَالْ، يدْجِيسْ ن إِرْمِييَا زِي لِيبْنَا.
2KI 23:32 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، نِيشَانْ أَمْ مَامّشْ ث ڭِّينْ ڒجْذُوذْ نّسْ.
2KI 23:33 فِيرْعُونْ نِيخُو إِجَّا أَذْ ث إِبلّعْ ذِي رِيبْلَا ذِي ثمُّورْثْ ن حَامَاثْ، حِيمَا وَارْ إِحكّمْ [عَاذْ] ذِي ؤُرْشَالِيمْ. نتَّا إِڭَّا إِ ثمُّورْثْ إِجّْ ن مُولْثَا ن مْيَا ثَالِينْثْ ن نُّوقَارْثْ ذ إِشْثْ ن ثَالِينْثْ ن وُورغْ.
2KI 23:34 [خنِّي] إِڭَّا فِيرْعُونْ أَلْيَاقِيمْ، مِّيسْ ن يُوشِييَا ذ أَجدْجِيذْ ذڭْ ومْشَانْ ن بَابَاسْ ؤُشَا إِبدّڒْ إِسمْ نّسْ غَارْ يَاهُويَاقِيمْ. [مَاشَا] يَاهُويَاحَازْ يِيوْيِي إِ-ث ؤُشَا يُوسَا-د غَارْ مِيصْرَا ؤُشَا إِمُّوثْ ذِينِّي.
2KI 23:35 يَاهُويَاقِيمْ إِوْشَا نُّوقَارْثْ ذ وُورغْ إِ فِيرْعُونْ، مَاشَا نتَّا ثُوغَا إِقدَّارْ ثَامُّورْثْ، حِيمَا [إِزمَّارْ] أَذْ إِسلّمْ نُّوقَارْثْ نِّي عْلَاحْسَابْ ڒُومُورْ ن فِيرْعُونْ. [إِقدَّارْ كُوڒْ إِجّْ ن] ورْيَازْ عْلَاحْسَابْ ڒقْذَارْ نّسْ، [أَمُّو إِ] إِتَّارْ نُّوقَارْثْ ذ وُورغْ ن ڒْڭنْسْ ن ثمُّورْثْ، حِيمَا أَذْ ث إِوْشْ إِ فِيرْعُونْ نِيخُو.
2KI 23:36 يَاهُويَاقِيمْ [ثُوغَا] غَارسْ خمْسَا ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ حِيطَاشْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ زَابِيذَا، يدْجِيسْ ن فِيذَايَا زِي رُومَاثْ.
2KI 23:37 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، نِيشَانْ أَمْ مَامّشْ ث ڭِّينْ ڒجْذُوذْ نّسْ.
2KI 24:1 ذڭْ وُوسَّانْ نّسْ إِڭعّذْ نابُوخَاذْنَاصَّارْ، أَجدْجِيذْ ن بَابِيلْ، ؤُ يَاهُويَاقِيمْ إِذْوڒْ  إِطَاعْ أَسْ ثْڒَاثَا ن إِسڭّْوُوسَا. [خنِّي] إِنّقْڒبْ ؤُشَا إِغوّغْ خَاسْ.
2KI 24:2 إِسّكّْ-د غَارسْ سِيذِي بَانْذِييَّاثْ ن إِكَالْذَانِييّنْ ذ بَانْذِييَّاثْ ن أَرَامْ ذ بَانْذِييَّاثْ ن مُوآبَ ذ بَانْذِييَّاثْ ن أَيْثْ ن عَامُّونْ. نتَّا إِسّكّْ إِ-ثنْ غَارْ يَاهُوذَا، حِيمَا أَذْ ت خَارّْبنْ عْلَاحْسَابْ أَوَاڒْ ن سِيذِي إِ ثُوغَا إِسِّيوڒْ س ؤُقمُّومْ ن إِمْسخَّارنْ نّسْ، إِنَابِييّنْ.
2KI 24:3 وَاهْ، مَانْ أَيَا [إِمْسَارْ] أَكْ-ذ يَاهُوذَا عْلَاحْسَابْ ڒُومُورْ ن سِيذِي، حِيمَا أَذْ ث إِسِّيڭّْوجْ خْ وُوذمْ نّسْ ذِي سِّيبّثْ ن دّْنُوبْ ن مَانَاسَّا، ذِي سِّيبّثْ ن مَارَّا مِينْ إِڭَّا وَانِيثَا.
2KI 24:4 ؤُڒَا ذِي سِّيبّثْ ن إِذَامّنْ إِمزْذَاڭنْ إِ إِسِّيزّڒْ ڒَامِي ثُوغَا زَّايْسنْ إِشُّورْ ؤُرْشَالِيمْ. [س ؤُيَا] سِيذِي ثُوغَا وَارْ إِخْسْ أَذْ أَسْ إِغْفَارْ.
2KI 24:5 إِمزْرُوينْ إِقِّيمنْ ن يَاهُويَاقِيمْ ذ مَارَّا مِينْ إِڭَّا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا؟
2KI 24:6 يَاهُويَاقِيمْ إِڭَّا أَذْ يَاريّحْ جَارْ ڒجْذُوذْ نّسْ. مِّيسْ يَاهُويَاكِينْ إِذْوڒْ ذ أَجدْجِيذْ ذڭْ ومْشَانْ نّسْ.
2KI 24:7 أَجدْجِيذْ ن مِيصْرَا وَارْ إِفِّيغْ عَاذْ [غَارْ ؤُمنْغِي] زِي ثمُّورْثْ نّسْ، مَاغَارْ أَجدْجِيذْ ن بَابِيلْ ثُوغَا إِكْسِي مَارَّا مِينْ ثُوغَا [إِدْجَانْ] ن ؤُجدْجِيذْ ن مِيصْرَا زِي ثغْزَارْثْ ن مِيصْرَا أَڒْ إِغْزَارْ ن لْفُورَاطْ.
2KI 24:8 يَاهُويَاكِينْ [ثُوغَا] غَارسْ ثْمنْطَاشْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ ثْڒَاثَا ن إِيُورنْ ذِي ؤُرْشَالِيمْ. يمَّاسْ قَّارنْ أَسْ نحُوشْطَا، يدْجِيسْ ن إِلْ-نَاثَانْ زِي ؤُرْشَالِيمْ.
2KI 24:9 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، نِيشَانْ أَمْ مَامّشْ ث إِڭَّا بَابَاسْ.
2KI 24:10 ذِي ڒْوقْثْ نِّي فّْغنْ إِمْسخَّارنْ ن نابُوخَاذْنَاصَّارْ، أَجدْجِيذْ ن بَابِيلْ، غَارْ ؤُرْشَالِيمْ ؤُشَا ثتّْوَاحْسَارْ ثنْذِينْثْ.
2KI 24:11 ؤُڒَا نابُوخَاذْنَاصَّارْ، أَجدْجِيذْ ن بَابِيلْ، [نتَّا سِيمَانْثْ نّسْ] يُوسَا-د غَارْ ثنْذِينْثْ أَمْ ت حْصَارنْ إِمْسخَّارنْ نّسْ.
2KI 24:12 [خنِّي] إِفّغْ يَاهُويَاكِينْ، أَجدْجِيذْ ن يَاهُوذَا، [زِي ثنْذِينْثْ، يُويُورْ] غَارْ ؤُجدْجِيذْ ن بَابِيلْ، نتَّا أَكْ-ذ يمَّاسْ ذ إِمْسخَّارنْ نّسْ ذ ڒْحُوكَّامْ نّسْ ذ إِمْسخَّارنْ نّسْ إِشنّْعنْ. أَجدْجِيذْ ن بَابِيلْ إِحبّسْ إِ-ث ذڭْ ؤُسڭّْوَاسْ وِيسّْ ثْمنْيَا ن ثْڭلْذَا نّسْ.
2KI 24:13 نتَّا إِحوّسْ سّنِّي مَارَّا ثِيخُوبَايْ زِي ثَادَّارْثْ ن سِيذِي ذ ثْخُوبَايْ زِي ثَادَّارْثْ ن ؤُجدْجِيذْ ؤُشَا إِكّسْ [ؤُرغْ] خْ مَارَّا ڒقْشُوعْ ن وُورغْ نِّي ثُوغَا إِڭَّا سُولِيمَانْ، أَجدْجِيذْ ن إِسْرَائِيل، ذِي زَّاوشْثْ ثَامقّْرَانْثْ ن سِيذِي، أَمْ مَامّشْ ثُوغَا إِسِّيوڒْ سِيذِي.
2KI 24:14 نتَّا يِيوِي-د مَارَّا ؤُرْشَالِيمْ أَكْ-ذ مَارَّا ڒْحُوكَّامْ ذ مَارَّا أَيْثْ ن بُو-ثغْرُوضْثْ إِمحْضنْ،عشْرَا-أَڒَافْ ن إِمحْبَاسْ، ؤُڒَا ذ كُوڒْ أَنقَّاشْ [ن ؤُكشُّوضْ ذ وژْرُو] ذ إِمْزِيڒنْ. وَارْ إِجِّي ؤُڒَا ذ إِجّْ مْغِيرْ إِمزْڒَاضْ ن ڒْڭنْسْ ن ثمُّورْثْ.
2KI 24:15 نتَّا إِنْذهْ يَاهُويَاكِينْ غَارْ بَابِيلْ. يمَّاسْ ن ؤُجدْجِيذْ ذ ثمْغَارِينْ ن ؤُجدْجِيذْ ذ إِمْسخَّارنْ نّسْ إِشنّْعنْ ذ مَارَّا أَيْثْ ن جّهْذْ ذِي ثمُّورْثْ يِيوْيِي ثنْ ذِي لْمنْفَا زِي ؤُرْشَالِيمْ غَارْ بَابِيلْ.
2KI 24:16 مَارَّا إِرْيَازنْ إِمحْضنْ، سبْعَا-أَڒَافْ [ن يرْيَازنْ]، ؤُڒَا ذ إِنقَّاشنْ [ن ؤُكشُّوضْ ذ وژْرُو] ذ إِمْزِيڒنْ، أَڒفْ [ن يرْيَازنْ]، ذ مَارَّا [أَبَارُّو] ن أَيْثْ ن بُو-ثغْرُوضْثْ إِنِّي إِتّْقدَّانْ خْ ؤُمنْغِي، أَقَا أَجدْجِيذْ ن بَابِيلْ إِنْذهْ إِ-ثنْ [مَارَّا] ذِي لْمنْفَا غَارْ بَابِيلْ.
2KI 24:17 أَجدْجِيذْ ن بَابِيلْ إِڭَّا مَاتَّانْيَا،عمِّيسْ، ذ أَجدْجِيذْ ذڭْ ومْشَانْ نّسْ ؤُشَا إِبدّڒْ إِسمْ نّسْ غَارْ صِيذْقِييَا.
2KI 24:18 صِيذْقِييَا [ثُوغَا] غَارسْ وَاحِيثْ ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ حِيطَاشْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ حَامُوطَالْ، يدْجِيسْ ن إِرْمِييَا، زِي لِيبْنَا.
2KI 24:19 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، نِيشَانْ أَمْ مَامّشْ ث إِڭَّا يَاهُويَاقِيمْ.
2KI 24:20 زِي سِّيبّثْ ن وغْضَابْ ن سِيذِي، أَقَا إِمْسَارْ إِ ؤُرْشَالِيمْ ذ يَاهُوذَا أَڒَامِي ثنْ-إِ-د إِسّكّْ زِي زَّاثْ إِ وُوذمْ نّسْ. [أَوَارْنِي أَسْ] إِغوّغْ صِيذْقِييَا خْ ؤُجدْجِيذْ ن بَابِيلْ.
2KI 25:1 ذڭْ ؤُسڭّْوَاسْ وِيسّْ ثسْعَا ن ڒحْكَامثْ نّسْ، ذڭْ ؤُيُورْ وِيسّْعشْرَا، ذڭْ [وَاسّْ] وِيسّْعشْرَا ن ؤُيُورْ، إِمْسَارْ أَقَا يُوسَا-د نابُوخَاذْنَاصَّارْ، أَجدْجِيذْ ن بَابِيلْ، غَارْ ؤُرْشَالِيمْ، نتَّا أَكْ-ذ مَارَّا ڒْعسْكَارْ نّسْ. إِحْصَارْ إِ-ت ؤُشَا نِيثْنِي قُووَّارنْ أَسْ س إِشْثْ ن ڒْڭعّْذثْ إِ ثْعسَّاسْثْ.
2KI 25:2 حْصَارنْ ثَانْذِينْثْ أَڒْ أَسڭّْوَاسْ وِيسّْ حِيطَاشْ ن ؤُجدْجِيذْ صِيذْقِييَا.
2KI 25:3 ذڭْ [وَاسّْ] وِيسّْ ثسْعَا ن ؤُيُورْ [وِيسّْ أَربْعَا] إِذْوڒْ ڒَاژْ إِمْغَارْ ذِي ثنْذِينْثْ أَڒَامِي وَارْ ثُوغِي [عَاذْ] مَاشَّا غَارْ ڒْڭنْسْ ن ثمُّورْثْ.
2KI 25:4 [خنِّي] ثتّْوَارْژْ ثنْذِينْثْ ؤُ مَارَّا إِعسْكَارِييّنْ أَروْڒنْ ذِي دْجِيڒثْ خْ وبْرِيذْ ن ثوَّارْثْ [إِ إِدْجَانْ] جَارْ ثْنَاينْ ن ڒحْيُوضْ نِّي [إِدْجَانْ] غَارْ وحْوِيشْ ن ؤُجدْجِيذْ، وَاخَّا إِكَالْذَانِييّنْ ثُوغَا قُووَّارنْ إِ ثنْذِينْثْ، ؤُشَا أَجدْجِيذْ يُويُورْ ذڭْ وبْرِيذْ ن ڒوْضَا.
2KI 25:5 [مَاشَا] ڒْعسْكَارْ ن إِكَالْذَانِييّنْ ضْفَارنْ أَجدْجِيذْ ؤُ نِيثْنِي حَارْثنْ خَاسْ ذِي ڒوْضَاثْ ن أَرِيحَا ؤُ مَارَّا ڒْعسْكَارْ نّسْ بزّْعنْ ث خَاسْ.
2KI 25:6 طّْفنْ أَجدْجِيذْ ؤُشَا إِوْينْ ث غَارْ ؤُجدْجِيذْ ن بَابِيلْ، غَارْ رِيبْلَا، ؤُشَا حكْمنْ خَاسْ.
2KI 25:7 نِيثْنِي غَارْصنْ إِ إِحنْجِيرنْ ن صِيذْقِييَا زَّاثْ إِ ثِيطَّاوِينْ نّسْ، سّْذَارْغْڒنْ ثِيطَّاوِينْ ن صِيذْقِييَا ؤُشَا شَارْفنْ ث س ثْنَاينْ ن سّْنَاسڒْ ن نّْحَاسْ، إِوْينْ ث غَارْ بَابِيلْ.
2KI 25:8 [أَوَارْنِي أَسْ] ذڭْ ؤُيُورْ وِيسّْ خمْسَا، ذڭْ [وَاسّْ] وِيسّْ خمْسَا ن ؤُيُورْ - ثُوغَا-ث ذڭْ ؤُسڭّْوَاسْ وِيسّْ ثْسعْطَاشْ ن نابُوخَاذْنَاصَّارْ، أَجدْجِيذْ ن بَابِيلْ - يُوسَا-د نابُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ، أَمْسخَّارْ ن ؤُجدْجِيذْ ن بَابِيلْ، ذِي ؤُرْشَالِيمْ.
2KI 25:9 إِسّشْمضْ ثَادَّارْثْ ن سِيذِي ذ ثَادَّارْثْ ن ؤُجدْجِيذْ ذ مَارَّا ثُوذْرِينْ ن ؤُرْشَالِيمْ ؤُڒَا كُوڒْ ثَادَّارْثْ ذ ثَامقّْرَانْثْ إِسَّارْغْ أَسْ ثِيمسِّي.
2KI 25:10 ڒحْيُوضْ إِ د-إِنّْضنْ إِ ؤُرْشَالِيمْغضْڒنْ ثنْ مَارَّا ڒْعسْكَارْ ن إِكَالْذَانِييّنْ نِّي [د-يُوسِينْ أَكْ-ذ] ڒْقبْطَانْ ن إِعسَّاسنْ ن أَرِّيمثْ.
2KI 25:11 مِينْ إِشطّنْ زِي ڒْڭنْسْ نِّي إِتّْوَاجّنْ ذِي ثنْذِينْثْ، [إِخْسْ أَذْ يِينِي] [مَارَّا] إِنِّي ثُوغَا إِعْذُونْ غَارْ ؤُجدْجِيذْ ن بَابِيلْ ذ مِينْ إِشطّنْ زِي ڒْغَاشِي، إِنْذهْ إِ-ثنْ نابُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ، غَارْ لْمنْفَا.
2KI 25:12 ڒْقبْطَانْ ن إِعسَّاسنْ ن أَرِّيمثْ إِجَّا مْغِيرْ شَا ن إِمزْڒَاضْ ن ثمُّورْثْ أَمْ أَيْثْ ن بُو-ثْزَايَارْثْ ذ إِفدْجَاحنْ.
2KI 25:13 إِپِيلَارنْ ن نّْحَاسْ ذِي ثَادَّارْثْ ن سِيذِي ذ ثْكَارُّوثِينْ ذ ثْرِيمَانْثْ ن نّْحَاسْ نِّي ثُوغَا [ذِينْ] غَارْ ثَادَّارْثْ ن سِيذِي، أَرْژِينْ ثنْ إِكَالْذَانِييّنْ ؤُشَا أَرْبُونْ مَارَّا نّْحَاسْ غَارْ بَابِيلْ.
2KI 25:14 ؤُڒَا ذ ثِييْذُورِينْ، ذ إِغنْجَاينْ، ذ ثْجقَّاضِينْ، ذ ثْغنْجَايِينْ ؤُڒَا ذ مَارَّا ڒقْشُوعْ ن نّْحَاسْ إِ زِي ثُوغَا تّْسخَّارنْ، إِوْينْ ثنْ.
2KI 25:15 ڒْقبْطَانْ ن إِعسَّاسنْ ن أَرِّيمثْ يِيوِي-د ثِيمجْمَارِينْ ذ طَّاوْيَاثْ إِ ؤُرُوشِّي، [مَارَّا] مِينْ [ثُوغَا إِدْجَانْ] قَاعْ ن وُورغْ نِيغْ ن نُّوقَارْثْ.
2KI 25:16 [ؤُڒَا ذ] ثْنَاينْ ن إِپِيلَارنْ ذ ثْرِيمَانْثْ ذ ثْكَارُّوثِينْ نِّي ثُوغَا إِڭَّا سُولِيمَانْ إِ ثَادَّارْثْ ن سِيذِي. ثُوغَا وَارْ إِزمَّارْ أَذْ وزْننْ نّْحَاسْ ن مَارَّا ڒقْشُوعْ-أَ.
2KI 25:17 ڒُْوعْڒَا ن إِجّْ ن ؤُپِيلَارْ ثُوغَا ذَايسْ ثْمنْطَاشْ ن إِغَادْجنْ، ؤُ تَّاجْ إِ خَاسْ، ثُوغَا ن نّْحَاسْ. ڒُْوعْڒَا ن تَّاجْ ثُوغَا-ث ثْڒَاثَا ن إِغَادْجنْ. ، ؤُ ثِيرَاشِّيوِينْ ذ إِرمَّامنْ إِ ذ أَسْ د-إِنّْضنْ إِ تَّاجْ ثُوغَا أَثنْ مَارَّا ن نّْحَاسْ. أَمُّو إِ ثُوغَا ؤُڒَا غَارْ ؤُپِيلَارْ وِيسّْ ثْنَاينْ، خْ ثْرَاشَّا إِ خَاسْ [إِدْجَانْ].
2KI 25:18 يِيوِي-د ڒْقبْطَانْ ن إِعسَّاسنْ ن أَرِّيمثْ [عَاوذْ] سَارَايَا، أَكهَّانْ أَمقّْرَانْ، ذ صَافَانْيَا، أَكهَّانْ وِيسّْ ثْنَاينْ، ؤُڒَا ذ ثْڒَاثَا ن إِعسَّاسنْ ن ثوَّارْثْ.
2KI 25:19 نتَّا يِيوِي-د إِجّْ ن ؤُمْسخَّارْ أَمْشنّعْ ونِّي إِتّْوَاڒقّْمنْ خْ إِعسْكَارِييّنْ ذ خمْسَا ن يرْيَازنْ إِمحْضنْ زڭْ إِمْثِيقَّانْ ن ؤُجدْجِيذْ، إِنِّي إِتّْوَافنْ ذِي ثنْذِينْثْ، [جْمِيعْ] أَكْ-ذ ؤُمَارِيرْ ن ؤُكُومَانْذَارْ ن ڒْعسْكَارْ نِّي إِزمّمنْ ڒْڭنْسْ ن ثمُّورْثْ إِ ؤُمنْغِي، ؤُڒَا ذ ستِّينْ ن يرْيَازنْ زِي ڒْڭنْسْ ن ثمُّورْثْ نِّي إِتّْوَافنْ ذِي ثنْذِينْثْ.
2KI 25:20 يِيوِي ثنْ نابُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ ؤُشَا يُويُورْ أَكِيذْسنْ غَارْ ؤُجدْجِيذْ ن بَابِيلْ، غَارْ رِيبْلَا.
2KI 25:21 أَجدْجِيذْ ن بَابِيلْ إِوّثْ إِ-ثنْ، إِنْغَا إِ-ثنْ ذِي رِيبْلَا ذِي ثمُّورْثْ ن حَامَاثْ. [أَمُّو إِ] إِتّْوَانْذهْ يَاهُوذَا زِي ثمُّورْثْ نّسْ غَارْ لْمنْفَا.
2KI 25:22 [خْ] ڒْڭنْسْ إِ ثُوغَا إِقِّيمنْ ذِي ثمُّورْثْ ن يَاهُوذَا، إِ ثُوغَا إِجَّا [ذِينْ] نابُوخَاذْنَاصَّارْ، أَجدْجِيذْ ن بَابِيلْ، أَقَا إِڭَّا خَاسنْ جَاذَالْيَا، مِّيسْ ن أَخِيقَامْ، مِّيسْ ن شَافَانْ.
2KI 25:23 [ؤُمِي] سْڒِينْ إِكُومَانْذَارنْ ن ڒْعسْكَارَاثْ، نِيثْنِي ذ يرْيَازنْ نْسنْ، بلِّي أَجدْجِيذْ ن بَابِيلْ إِڭَّا جَاذَالْيَا [ذ أَوْكِيڒْ]، ؤُسِينْ-د نِيثْنِي غَارْ جَاذَالْيَا ذِي مِيصْفَا: إِسْمَاعِيلْ، مِّيسْ ن نَاثَانْيَا، يُوحَانَانْ، مِّيسْ ن قَارِيحَا، سَارَايَا، مِّيسْ ن ثَانْحُومَاثْ، أَنَاطُوفَاثِي، ذ يَازَانْيَاهُو، مِّيسْ ن ؤُمَاعْكِي، نِيثْنِي أَكْ-ذ يرْيَازنْ نْسنْ.
2KI 25:24 جَاذَالْيَا إِجُّودْجْ أَسنْ ؤُ إِ يرْيَازنْ نْسنْ، إِنَّا أَسنْ: ”وَارْ تّڭّْوْذمْ زڭْ إِمْسخَّارنْ ن إِكَالْذَانِييّنْ. قِّيممْ ذِي ثمُّورْثْ ؤُشَا سخَّارمْ إِ ؤُجدْجِيذْ ن بَابِيلْ، خنِّي أَذْ ثِيڒِيمْ مْلِيحْ.“
2KI 25:25 [مَاشَا] ذڭْ ؤُيُورْ وِيسّْ سبْعَا يُوسَا-د إِسْمَاعِيلْ، مِّيسْ ن نَاثَانْيَا، مِّيسْ ن إِلِيشَامَاعْ، [ونِّي] د-إِقَّارْصنْ زڭْ ؤُجدْجِيذْ، أَكْ-ذعشْرَا ن يرْيَازنْ. نِيثْنِي وْثِينْ جَاذَالْيَا [أَڒَامِي] إِمُّوثْ ؤُڒَا ذ إِيَاهُوذِييّنْ ذ إِكَالْذَانِييّنْ إِنِّي غَارسْ إِدْجَانْ ذِي مِيصْفَا.
2KI 25:26 [خنِّي] إِكَّارْ مَارَّا ڒْڭنْسْ، أَمْ ؤُمژْيَانْ أَمْ ؤُمقّْرَانْ، ؤُڒَا ذ إِكُومَانْذَارنْ ن ڒْعسْكَارْ، فّْغنْ غَارْ مِيصْرَا، مِينْزِي ڭّْوذنْ زڭْ إِكَالْذَانِييّنْ.
2KI 25:27 ذڭْ ؤُسڭّْوَاسْ وِيسّْ سبْعَا ؤُ-ثْڒَاثِينْ ن لْمنْفَا ن يَاهُويَاكِينْ، أَجدْجِيذْ ن يَاهُوذَا، ذڭْ ؤُيُورْ وِيسّْ ثنْعَاشْ، ذڭْ [وَاسّْ] وِيسّْ سبْعَا ؤُ-عِيشْرِينْ ن ؤُيُورْ، إِمْسَارْ، أَقَا إِوِيلْ-مَارُوذَاخْ، أَجدْجِيذْ ن بَابِيلْ، ذڭْ ؤُسڭّْوَاسْ إِ ذِي إِذْوڒْ ذ أَجدْجِيذْ، إِضْڒقْ-د إِ يَاهُويَاكِينْ، أَجدْجِيذْ ن يَاهُوذَا، زِي ڒحْبسْ.
2KI 25:28 نتَّا إِسِّيوڒْ أَكِيذسْ س ڒضْرَافثْ ؤُ إِڭَّا ڒْكُورْسِي نّسْ ثِيوَا إِ ڒْكَارَاسِي ن إِجدْجِيذنْ نّغْنِي إِ ثُوغَا غَارسْ إِدْجَانْ ذِي بَابِيلْ.
2KI 25:29 إِبدّڒْ [يَاهُويَاكِينْ] أَرُّوضْ نّسْ ن ڒحْبسْ ؤُشَا إِذْوڒْ إِتّتّْ ڒبْذَا غَارسْ مَارَّا ؤُسَّانْ ن ثُوذَارْثْ نّسْ.
2KI 25:30 خْ ڒْعُوتْشْ نّسْ، أَقَا إِمّوْشْ أَسْ زڭْ ؤُجدْجِيذْ ڒبْذَا إِجّْ ن ڒْعُوتْشْ أَقدَّا ن وَاسّْ خْ وَاسّْ نّسْ، مَارَّا ؤُسَّانْ ن ثُوذَارْثْ نّسْ.
1CH 1:1 أَذَامْ، شِيثْ، أَنُوشْ،
1CH 1:2 قِينَانْ، مَاهَالَالْ-إِلْ، يَارَاذْ،
1CH 1:3 حَانُوخْ، مَاثُوشَالَاحْ، لَامَاكْ،
1CH 1:4 نُوحْ، شَامْ، حَامْ، يَافَاثْ.
1CH 1:5 أَرَّاونْ ن يَافَاثْ [ثُوغَا أَثنْ ذ] جُومَارْ، مَاجُوجْ، مَاذَايْ، يَاوَانْ، ثُوبَالْ، مَاشِيكْ ذ ثِيرَاسْ.
1CH 1:6 أَرَّاونْ ن جُومَارْ [ثُوغَا أَثنْ ذ] أَشْكَانَازْ، ذِيفَاثْ ذ ثُوجَارْمَا.
1CH 1:7 أَرَّاونْ ن يَاوَانْ [ثُوغَا أَثنْ ذ] إِلِيشَا، ثَارْشِيشَا، إِكِيتِّييّنْ ذ إِذُوذَانِييّنْ.
1CH 1:8 أَرَّاونْ ن حَامْ [ثُوغَا أَثنْ ذ] كُوشْ، مِيصْرَايِيمْ، فُوطْ ذ كنْعَانْ.
1CH 1:9 أَرَّاونْ ن كُوشْ [ثُوغَا أَثنْ ذ] سبَا، حَاوِيلَا، سَابْثَا، رَاعَامَا ذ سَابْثَاكَا. أَرَّاونْ ن رَاعَامَا [ثُوغَا أَثنْ ذ] شَابَا ذ ذَاذَانْ.
1CH 1:10 كُوشْ إِجَّا-د نِيمْرُوذْ. وَانِيثَا إِبْذَا أَذْ يِيڒِي ذ إِجّْ ن جِّيهڒْ خْ ثمُّورْثْ.
1CH 1:11 مِيصْرَايِيمْ إِجَّا-د إِلُوذِييّنْ، إِعَانَامِييّنْ، إِلَاهَابِييّنْ، إِنَافْثُوحِييّنْ،
1CH 1:12 إِفَاثْرُوسِييّنْ، إِكَاسْلُوحِييّنْ، إِنِّي زِي إِ د-إِقَّارْصنْ إِفِيلِيسْطِينِييّنْ، ؤُڒَا ذ إِكَافْثُورِييّنْ.
1CH 1:13 كنْعَانْ إِجَّا-د صِيذُونْ، أَمنْزُو نّسْ، ذ حِيثْ،
1CH 1:14 أَيابُوسِي، أَمُورِي، أَجِيرْجَاشِي،
1CH 1:15 أَحِيوِي، أَعَارْقِي، أَسِينِييْ،
1CH 1:16 أَرْوَاذِي، أَصَامَارِي ذ ؤُحَامَاثِي.
1CH 1:17 أَرَّاونْ ن شَامْ [ثُوغَا أَثنْ ذ] عِيلَامْ أَشُّورْ، أَرْفَاكْشَاذْ، لُوذْ، أَرَامْ، عُوزْ، حُولْ، جَاثَارْ ذ مَاشِيكْ.
1CH 1:18 أَرْفَاكْشَاذْ إِجَّا-د شَالَاحْ ؤُ شَالَاحْ إِجَّا-د عَابِيرْ.
1CH 1:19 تّْوَارْونْ-د إِ عَابِيرْ ثْنَاينْ ن وَارَّاونْ. إِجّنْ قَّارنْ أَسْ فَالَاجْ، مِينْزِي ذڭْ وُوسَّانْ نّسْ ثتّْوَابْضَا ثمُّورْثْ، ؤُشَا قَّارنْ أَسْ إِ ؤُمَاسْ يُوقْطَانْ.
1CH 1:20 يُوقْطَانْ إِجَّا-د أَلْمُوذَاذْ، شَالَافْ، هَاضَارْمَاوْثْ، يَارَاحْ،
1CH 1:21 هَاذُورَامْ، ؤُزَالْ، ذِيقْلَا،
1CH 1:22 عِيبَالْ، أَبِيمَايِيلْ، شَابَا،
1CH 1:23 ؤُفِيرْ، حَاوِيلَا ذ يُوبَابْ. مَارَّا إِنَا [ثُوغَا أَثنْ ذ] أَرَّاونْ ن يُوقْطَانْ.
1CH 1:24 شَامْ، أَرْفَاكْشَاذْ، شَالَاحْ،
1CH 1:25 عَابِيرْ، فَالَاحْ، رَاعُووْ،
1CH 1:26 سَارُوجْ، نَاحُورْ، ثَارَاحْ،
1CH 1:27 أَبْرَامْ، وَا ذ إِبْرَاهِيمْ.
1CH 1:28 أَرَّاونْ ن إِبْرَاهِيمْ [ثُوغَا أَثنْ ذ] إِسْحَاقْ ذ إِسْمَاعِيلْ.
1CH 1:29 إِنَا ذ إِنِّي زَّايْسنْ د-إِتّْوَارْونْ: أَمنْزُو ن إِسْمَاعِيلْ [ثُوغَا-ث ذ] نَابَايُوثْ، [خنِّي] قِيذَارْ، أَذَابِيلْ، مِيبْسَامْ،
1CH 1:30 مِيشْمَاعْ، ذُومَا، مَاسَّا، حَاذَاذْ ذ ثَايْمَا،
1CH 1:31 يَاطُورْ، نَافِيشْ ذ قِيذْمَا. إِنَا [ثُوغَا أَثنْ ذ] أَرَّاونْ ن إِسْمَاعِيلْ.
1CH 1:32 أَرَّاونْ ن قَاطُورَا، ثَايَّا ن إِبْرَاهِيمْ: نتَّاثْ ثُورُووْ-د زِيمْرَانْ، يُوقْشَانْ، مَاذَانْ، مِيذْيَانْ، يِيشْبَاقْ ذ شُوحَا. أَرَّاونْ ن يُوقْشَانْ [ثُوغَا أَثنْ ذ] شَابَا ذ ذَاذَانْ.
1CH 1:33 أَرَّاونْ ن مِيذْيَانْ [ثُوغَا أَثنْ ذ] عِييْفَا، عِيفَارْ، حَانُوخْ، أَبِيذَاعْ ذ أَلْذَاعَا. نِيثْنِي مَارَّا [ثُوغَا أَثنْ ذ] أَرَّاونْ ن قَاطُورَا.
1CH 1:34 إِبْرَاهِيمْ إِجَّا-د إِسْحَاقْ. أَرَّاونْ ن إِسْحَاقْ [ثُوغَا أَثنْ ذ] عِيسُو ذ إِسْرَائِيل.
1CH 1:35 أَرَّاونْ ن عِيسُو [ثُوغَا أَثنْ ذ] إِلِيفَازْ، رَاعُووِيلْ، يَاعُوشْ، يَاعْلَامْ ذ قُورَاحْ.
1CH 1:36 أَرَّاونْ ن إِلِيفَازْ [ثُوغَا أَثنْ ذ] ثَايْمَانْ، ؤُمَارْ، صَافِي، جَاعْثَامْ، قِينَازْ، ثِيمْنَاعْ ذ عَامَالِيقْ.
1CH 1:37 أَرَّاونْ ن رَاعُويِيلْ [ثُوغَا أَثنْ ذ] نَاحَاثْ، زَارَاحْ، شَامَّا ذ مِيزَّا.
1CH 1:38 أَرَّاونْ ن سَاعِيرْ [ثُوغَا أَثنْ ذ] لُوطَانْ، شُوبَالْ، صِيبْعُونْ، عَانَا، ذِيشُونْ، إِصَارْ ذ ذِيشَانْ.
1CH 1:39 أَرَّاونْ ن لُوطَانْ [ثُوغَا أَثنْ ذ] أَخُورِي ذ هُومَامْ ؤُشَا [ثُوغَا] ثِيمْنَاعْ ذ ؤُتْشْمَاسْ ن لُوطَانْ.
1CH 1:40 أَرَّاونْ ن شُوبَالْ [ثُوغَا أَثنْ ذ] عَالْيَانْ، مَانَاحَاثْ، عِيبَالْ، شَافِي ذ ؤُنَامْ. أَرَّاونْ ن صِيبْعُونْ [ثُوغَا أَثنْ ذ] أَيَا ذ عَانَا.
1CH 1:41 أَرَّاونْ ن عَانَا [مْغِيرْ]: ذِيشُونْ. أَرَّاونْ ن ذِيشُونْ [ثُوغَا أَثنْ ذ] حَامْرَانْ، إِشْبَانْ، يِيثْرَانْ ذ كَارَانْ.
1CH 1:42 أَرَّاونْ ن إِصَارْ [ثُوغَا أَثنْ ذ] بِيلْهَانْ ذ زَاعْوَانْ ذ يَاعْكَانْ. أَرَّاونْ ن ذِيشُونْ [ثُوغَا أَثنْ ذ] عُوصْ ذ أَرَانْ.
1CH 1:43 إِنَا ذ إِجدْجِيذنْ إِ ثُوغَا إِدْجَانْ خْ إِذُومْ، قْبڒْ مَا ثُوغَا إِحكّمْ إِجّْ ن ؤُجدْجِيذْ خْ أَيْثْ ن إِسْرَائِيل: بِيلَاعْ، مِّيسْ ن بَاعُورْ. ثَانْذِينْثْ نّسْ قَّارنْ أَسْ ذِينْهَابَا.
1CH 1:44 إِمُّوثْ بِيلَاعْ ؤُشَا يُووَابْ، مِّيسْ ن زَارَاحْ، زِي بُوصْرَا، إِذْوڒْ ذ أَجدْجِيذْ ذڭْ ومْشَانْ نّسْ.
1CH 1:45 إِمُّوثْ يُووَابْ ؤُشَا حُوشَامْ زِي ثمُّورْثْ ن إِثَايْمَانِييّنْ إِذْوڒْ ذ أَجدْجِيذْ ذڭْ ومْشَانْ نّسْ.
1CH 1:46 إِمُّوثْ حُوشَامْ ؤُشَا هَاذَاذْ مِّيسْ ن بَاذَاذْ ونِّي إِغڒْبنْ مِيذْيَانْ ذڭْ إِيَّارْ ن مُوآبَ، إِذْوڒْ ذ أَجدْجِيذْ ذڭْ ومْشَانْ نّسْ. إِسمْ ن ثنْذِينْثْ نّسْ قَّارنْ أَسْ عَاوِيثْ.
1CH 1:47 إِمُّوثْ هَاذَاذْ ؤُشَا سَامْلَا زِي مَاسْرِيقَا إِذْوڒْ ذ أَجدْجِيذْ ذڭْ ومْشَانْ نّسْ.
1CH 1:48 إِمُّوثْ سَامْلَا ؤُشَا شَاوُولْ، زِي رَاحُوبُوثْ غَارْ يغْزَارْ [ن لْفُورَاطْ]، إِذْوڒْ ذ أَجدْجِيذْ ذڭْ ومْشَانْ نّسْ.
1CH 1:49 إِمُّوثْ شَاوُولْ ؤُشَا بَاعْلْ-حَانَانْ، مِّيسْ ن عَاكْبُورْ، إِذْوڒْ ذ أَجدْجِيذْ ذڭْ ومْشَانْ نّسْ.
1CH 1:50 إِمُّوثْ بَاعْلْ-حَانَانْ ؤُشَا هَاذَاذْ إِذْوڒْ ذ أَجدْجِيذْ ذڭْ ومْشَانْ نّسْ. ثَانْذِينْثْ نّسْ قَّارنْ أَسْ فَاعِي ؤُ ثَامْغَارْثْ نّسْ قَّارنْ أَسْ مَاهِيطَابْ‘إِلْ، يدْجِيسْ ن مَاطْرِيذْ، يدْجِيسْ ن مَا-ذَاهَابْ.
1CH 1:51 إِمُّوثْ هَاذَاذْ ؤُشَا [خنِّي] ذوْڒنْ [يِينَا] ذ إِمْغَارنْ ن إِذُومْ: أَمْغَارْ ثِيمْنَاعْ، ذ ؤُمْغَارْ عَالْوَا، ذ ؤُمْغَارْ يَاثِيثْ،
1CH 1:52 ذ ؤُمْغَارْ أَهُولِيبَامَا، ذ ؤُمْغَارْ إِلَا، ذ ؤُمْغَارْ فِينُونْ،
1CH 1:53 ذ ؤُمْغَارْ قَانَازْ، ذ ؤُمْغَارْ ثَايْمَانْ، ذ ؤُمْغَارْ مِيبْصَارْ،
1CH 1:54 ذ ؤُمْغَارْ مَاجْذِييِيلْ، ذ ؤُمْغَارْ عِيرَامْ. إِنَا [ثُوغَا أَثنْ ذ] إِمْغَارنْ ن ثْقبَّاڒْ ن إِذُومْ.
1CH 2:1 إِنَا [ثُوغَا أَثنْ ذ] أَيْثْ ن إِسْرَائِيل: رُوبِينْ، شِيمْعُونْ، لَاوِي ذ يَاهُوذَا، إِسَّاكَارْ ذ زابُولُونْ،
1CH 2:2 ذَانْ، يُوسُوفْ ذ بِينْيَامِينْ، نَافْثَالِي، جَاذْ ذ أَشِيرْ.
1CH 2:3 أَرَّاونْ ن يَاهُوذَا [ثُوغَا أَثنْ ذ] عِيرْ ذ ؤُنَانْ ذ شَايْلَا. أَقَا ثْڒَاثَا[-يَا] تّْوَارْونْ أَسْ-د زڭْ يدْجِيسْ ن شُوعَا، ثَاكنْعَانِيثْ. عِيرْ، أَمنْزُو ن يَاهُوذَا، ثُوغَا ذ أَعفَّانْ ذِي ثِيطَّاوِينْ ن سِيذِي. س ؤُينِّي إِنْغَا إِ-ث.
1CH 2:4 ثَامَارْ، ثَاسْڒِيثْ نّسْ، ثُورُووْ أَسْ-د فَارِيصْ ذ زَارَاحْ. يَاهُوذَا [ثُوغَا غَارسْ] س مَارَّا خمْسَا ن وَارَّاونْ.
1CH 2:5 أَرَّاونْ ن فَارِيصْ [ثُوغَا أَثنْ ذ] حَاصْرُونْ ذ حَامُولْ.
1CH 2:6 أَرَّاونْ ن زَارَاحْ [ثُوغَا أَثنْ ذ] زِيمْرِي، إِثَانْ، هَايْمَانْ، كَالْكُولْ ذ ذَارَاعْ. س مَارَّا خمْسَا.
1CH 2:7 أَرَّاونْ ن كَارْمِي [ثُوغَا أَثنْ ذ] عَاخَارْ، ونِّي إِغضْڒنْ إِسْرَائِيل ذِي ڒغْبنْ، مِينْزِي إِڭَّا س ڒغْذَارْ أَكْ-ذ مِينْ ثُوغَا إِتّْوَاحَارّْمنْ [إِ ؤُثحِّي].
1CH 2:8 أَرَّاونْ ن إِثَانْ: [مْغِيرْ] عَازَارْيَا.
1CH 2:9 أَرَّاونْ ن حَاصْرُونْ إِنِّي ذ أَسْ د-إِتّْوَارْونْ [ثُوغَا أَثنْ ذ] يَارْحَامْ‘إِلْ ذ رَامْ ذ كَالُوبَايْ.
1CH 2:10 رَامْ إِجَّا-د عَامِّينَاذَابْ. عَامِّينَاذَابْ إِجَّا-د نَاحْشُونْ، ڒْحَاكمْ ن أَيْثْ ن يَاهُوذَا.
1CH 2:11 نَاحْشُونْ إِجَّا-د سَالْمُو. سَالْمُو إِجَّا-د بُوعَازْ.
1CH 2:12 بُوعَازْ إِجَّا-د عُوبِيذْ. عُوبِيذْ إِجَّا-د يَاسَّا.
1CH 2:13 يَاسَّا إِجَّا-د إِلِييَابْ، أَمنْزُو نّسْ، وِيسّْ ثْنَاينْ أَبِينَاذَابْ، وِيسّْ ثْڒَاثَا شِيمْعَا،
1CH 2:14 وِيسّْ أَربْعَا نَاثَانَايِيلْ، وِيسّْ خمْسَا رَادَّايْ،
1CH 2:15 وِيسّْ ستَّا ؤُصَامْ ذ وِيسّْ سبْعَا ذَاوُوذْ.
1CH 2:16 سُويثْمَاثْسنْ [ثُوغَا أَثنْ ذ] صَارُويَا ذ أَبِيجَايِيلْ. أَرَّاونْ ن صَارُويَا [ثُوغَا أَثنْ ذ] أَبِيشَايْ ذ يُووَابْ ذ عَسَائِيلْ، ثْڒَاثَا [ن وَارَّاونْ].
1CH 2:17 أَبِيجَايِيلْ ثُورُووْ-د عَامَاسَا ؤُ بَابَاسْ ن عَامَاسَا [ثُوغَا-ث] ذ يَاثْرُو، ونِّي ذ أَسْمَاعِيلِي.
1CH 2:18 كَالِيبْ، مِّيسْ ن حَاصْرُونْ، إِجَّا-د أَكْ-ذ عَازُوبَا، ثَامْغَارْثْ [نّسْ]، [يدْجِيسْ] يَارِيعُوثْ. ذ إِنَا [ثُوغَا أَثنْ] ذ أَرَّاونْ نّسْ: يَاشَارْ، شُوبَابْ ذ أَرْذُونْ.
1CH 2:19 [ؤُمِي] إِمُّوثْ عَازُوبَا، يِيوِي كَالِيبْ إِفْرَاثْ[أَ] [ذ ثَامْغَارْثْ] إِ يِيخفْ نّسْ ؤُ نتَّاثْ ثُورُووْ أَسْ-د حُورْ.
1CH 2:20 حُورْ إِجَّا-د ؤُرِي ؤُ ؤُرِي إِجَّا-د بَاصَالْيِيلْ.
1CH 2:21 أَوَارْنِي أَسْ يُوذفْ حَاصْرُونْ خْ يدْجِيسْ ن مَاخِيرْ، بَابَاسْ ن جِيلْعَاذْ، ؤُ نتَّا يِيوْيِي ت [ذ ثَامْغَارْثْ] ؤُمِي غَارسْ ثُوغَا ستِّينْ ن إِسڭّْوُوسَا ؤُ نتَّاثْ ثُورُووْ أَسْ-د سَاجُوبْ.
1CH 2:22 سَاجُوبْ إِجَّا-د يَا‘إِرْ. نتَّا [ثُوغَا] غَارسْ ثْڒَاثَا ؤُ-عِيشْرِينْ ن ثْندَّامْ ذِي ثمُّورْثْ ن جِيلْعَاذْ.
1CH 2:23 جَاشُورْ أَكْ-ذ أَرَامْ إِكّسْ زَّايْسنْ ذْشُورَاثْ ن يَا‘إِرْ، ؤُڒَا ذ قَانَاثْ ذ ثْندَّامْ إِ غَارسْ د-إِقّْننْ، س مَارَّا ستِّينْ ن ثْندَّامْ. إِنَا مَارَّا [ثُوغَا أَثنْ ذ] أَرَّاونْ ن مَاخِيرْ، بَابَاسْ ن جِيلْعَاذْ.
1CH 2:24 أَوَارْنِي ڒْموْثْ ن حَاصْرُونْ ذِي كَالِيبْ-إِفْرَاثَا، ثُورُووْ أَسْ-د أَبِييَا، ثَامْغَارْثْ ن حَاصْرُونْ، أَشْحُورْ، بَابَاسْ ن ثَاقُوعَا.
1CH 2:25 أَرَّاونْ ن يَارْحَامْ‘إِلْ، أَمنْزُو ن حَاصْرُونْ، [ثُوغَا أَثنْ ذ] رَامْ، أَمنْزُو، [خنِّي] بُونَا، أَوْرَانْ، ؤُصَامْ ذ أَخِييَا.
1CH 2:26 يَارْحَامْ‘إِلْ ثُوغَا غَارسْ عَاذْ إِشْثْ ن ثمْغَارْثْ نّغْنِيثْ، قَّارنْ أَسْ أَطَارَا. نتَّاثْ [ثُوغَا] ذ يمَّاسْ ن ؤُنَامْ.
1CH 2:27 أَرَّاونْ ن رَامْ، أَمنْزُو ن يَارْحَامْ‘إِلْ، [ثُوغَا أَثنْ ذ] مَاعَاصْ ذ يَامِينْ ذ عَاقَارْ.
1CH 2:28 أَرَّاونْ ن ؤُنَامْ [ثُوغَا أَثنْ ذ] شَامَّايْ ذ يَاذَاعْ. أَرَّاونْ ن شَامَّايْ [ثُوغَا أَثنْ ذ] نَاذَابْ ذ أَبِيشُورْ.
1CH 2:29 ثَامْغَارْثْ ن أَبِيشُورْ قَّارنْ أَسْ أَبِيحَايِيلْ. نتَّاثْ ثُورُووْ أَسْ-د أَحْبَانْ ذ مُولِيذْ.
1CH 2:30 أَرَّاونْ ن نَاذَابْ [ثُوغَا أَثنْ ذ] سَالَاذْ ذ أَفَّايِيمْ. سَالَاذْ إِمُّوثْ بْڒَا أَرَّاونْ.
1CH 2:31 أَرَّاونْ ن أَفَّايِيمْ: [مْغِيرْ] يِيشْعِي. أَرَّاونْ ن يِيشْعِي: [مْغِيرْ] شِيشَانْ. أَرَّاونْ ن شِيشَانْ: [مْغِيرْ إِشْثْ ن يدْجِيسْ]، أَحْلَايْ.
1CH 2:32 أَرَّاونْ ن يَاذَاعْ، ؤُمَاسْ ن شَامَّايْ، [ثُوغَا أَثنْ ذ] يَاثْرُو ذ يُونَاثَانْ. يَاثْرُو إِمُّوثْ بْڒَا أَرَّاونْ.
1CH 2:33 أَرَّاونْ ن يُونَاثَانْ [ثُوغَا أَثنْ ذ] فَالَاثْ ذ زَازَا. إِنَا [ثُوغَا أَثنْ ذ] أَرَّاونْ ن يَارْحَامْ‘إِلْ.
1CH 2:34 شِيشَانْ ثُوغَا وَارْ غَارسْ بُو وَارَّاونْ مَاشَا يسِّيسْ [وَاهْ]. شِيشَانْ ثُوغَا غَارسْ إِجّْ ن ؤُمْسخَّارْ ذ أَمِيصْرِي، قَّارنْ أَسْ يَارْحَاعْ.
1CH 2:35 شِيشَانْ إِوْشَا يدْجِيسْ ذ ثَامْغَارْثْ إِ ؤُمْسخَّارْ نّسْ يَارْحَاعْ ؤُ نتَّاثْ ثُورُووْ أَسْ-د عَاتَّايْ.
1CH 2:36 عَاتَّايْ إِجَّا-د نَاثَانْ، نَاثَانْ إِجَّا-د زَابَاذْ،
1CH 2:37 زَابَاذْ إِجَّا-د إِفْلَالْ، إِفْلَالْ إِجَّا-د عُوبِيذْ،
1CH 2:38 عُوبِيذْ إِجَّا-د يَاهُو، يَاهُو إِجَّا-د عَازَارْيَا،
1CH 2:39 عَازَارْيَا إِجَّا-د حَالَاصْ، حَالَاصْ إِجَّا-د إِلْعَاسَا،
1CH 2:40 إِلْعَاسَا إِجَّا-د سِيسْمَايْ، سِيسْمَايْ إِجَّا-د شَالُّومْ،
1CH 2:41 شَالُّومْ إِجَّا-د يَاقَامْيَا ؤُ يَاقَامْيَا إِجَّا-د إِلِيشَامَاعْ.
1CH 2:42 أَرَّاونْ ن كَالِيبْ، ؤُمَاسْ ن يَارْحَامْ‘إِلْ: [مْغِيرْ] مِيشَاعْ، أَمنْزُو نّسْ ونِّي ذ بَابَاسْ ن زِيفْ، ؤُڒَا ذ أَرَّاونْ ن مَارِيشَا، بَابَاسْ ن حَابْرُونْ.
1CH 2:43 أَرَّاونْ ن حَابْرُونْ [ثُوغَا أَثنْ ذ] قُورَاحْ، ثَافُّوعْ، رَاقَامْ ذ شَامَاعْ.
1CH 2:44 شَامَاعْ إِجَّا-د رَاحَامْ، بَابَاسْ ن جَارَاقْعَامْ، ؤُ رَاقَامْ إِجَّا-د شَامَّايْ.
1CH 2:45 مِّيسْ ن شَامَّا إِ [ثُوغَا-ث ذ] مَاعُونْ. مَاعُونْ ثُوغَا ذ بَابَاسْ ن بَايْثْ-صُورْ.
1CH 2:46 عِييْفَا، ثَايَّا ن كَالِيبْ، ثُورُووْ-د حَارَانْ، مُوصَا ذ جَازِيزْ. حَارَانْ إِجَّا-د جَازِيزْ.
1CH 2:47 أَرَّاونْ ن جَاهْ-ذَايْ [ثُوغَا أَثنْ ذ] رَاجَامْ، يُوثَامْ، جِيشَانْ، فَالَاطْ، عِييْفَا ذ شَاعَافْ.
1CH 2:48 [أَكْ-ذ] ثَايَّا ن كَالِيبْ، مَاعْكَا، إِجَّا-د نتَّا شَابَارْ ذ ثَارْحَانَا.
1CH 2:49 نتَّاثْ ثُورُووْ-د شَاعَافْ، بَابَاسْ ن مَاذْمَانَّا، ذ شَاوَا، بَابَاسْ ن مَاكْبِينَا ذ بَابَاسْ ن جِيبْعَا. يدْجِيسْ ن كَالِيبْ ثُوغَا عَاكْسَا.
1CH 2:50 إِنَا ذ أَرَّاونْ ن كَالِيبْ: مِّيسْ ن حُورْ، أَمنْزُو ن إِفْرَاثَا، [ثُوغَا] شُوبَالْ، بَابَاسْ ن قَارْيَاثْ-يَاعَارِيمْ،
1CH 2:51 سَالْمَا، بَابَاسْ ن بَايْثْ-لَاحْمْ، [ذ] حَارِيفْ، بَابَاسْ ن بَايْثْ-جَاذِيرْ.
1CH 2:52 أَرَّاونْ ن شُوبَالْ، بَابَاسْ ن قَارْيَاثْ-يَاعَارِيمْ، [ثُوغَا أَثنْ ذ] هَارُووَا ذ حَاصِي-هَا-مَانُوحُوثْ.
1CH 2:53 ثِيوَاشُونِينْ ن قَارْيَاثْ-يَاعَارِيمْ [ثُوغَا أَثنْ ذ] إِيِيثْرِييّنْ، إِفُّوثِييّنْ، إِشَامَاثِييّنْ ذ إِمَاشْرَاعِييّنْ. زَّايْسنْ إِ د-إِقَّارْصنْ إِصَارْعِييّنْ ذ إِشْثَاوُولِييّنْ.
1CH 2:54 أَرَّاونْ ن سَالْمَا: [مْغِيرْ] بَايْثْ-لَاحْمْ، ؤُشَا إِنَاطُوفَاثِييّنْ [ثُوغَا أَثنْ]: عَاطَارُوثْ-بَايْثْ-يُو‘أَبْ ذ حَاصِي-هَا-مَانَاحْثِي ذ إِصُورْعِييّنْ.
1CH 2:55 ثِيوَاشُونِينْ ن إِمَارِيرنْ نِّي إِزدّْغنْ ذِي يَاعْبِيصْ، [ثُوغَا أَثنْ ذ] إِثِيرْعَاثِييّنْ ذ إِشَامْعَايّنْ ذ إِسُوكَانِييّنْ. نِيثْنِي ذ إِقِينِييّنْ إِنِّي د-إِقَّارْصنْ زِي حَامَّاثْ، بَابَاسْ ن ثَادَّارْثْ ن رَاكَابْ.
1CH 3:1 إِنَا [ثُوغَا] ذ أَرَّاونْ ن ذَاوُوذْ إِنِّي ذ أَسْ د-إِتّْوَارْونْ ذِي حَابْرُونْ: أَمنْزُو [ثُوغَا] ذ أَمْنُونْ ن أَخِينُوعَامْ، ثَايَازْرَاعِيلِيثْ؛ وِيسّْ ثْنَاينْ ذَانِييَالْ ن أَبِيجَايِيلْ، ثَاكَارْمَالِيثْ؛
1CH 3:2 وِيسّْ ثْڒَاثَا أَبْشَالُومْ، مِّيسْ ن مَاعْكَا، يدْجِيسْ ن ثَالْمَايْ، أَجدْجِيذْ ن جَاشُورْ؛ وِيسّْ أَربْعَا أَذُونِييَا، مِّيسْ ن هَاجِّيثْ؛
1CH 3:3 وِيسّْ خمْسَا شَافَاطْيَا ن أَبِيطَالْ، وِيسّْ ستَّا يِيثَارْعَامْ، ن ثمْغَارْثْ نّسْ عَاجْلَا.
1CH 3:4 تّْوَارْونْ أَسْ-د ستَّا ذِي حَابْرُونْ، مِينْزِي إِحْكمْ ذِينِّي سبْعَا ن إِسڭّْوُوسَا ذ ستَّا ن إِيُورنْ ؤُ ذِي ؤُرْشَالِيمْ إِحْكمْ ثْڒَاثَا ؤُ-ثْڒَاثِينْ ن إِسڭّْوُوسَا.
1CH 3:5 إِنَا تّْوَارْونْ أَسْ-د ذِي ؤُرْشَالِيمْ: شِيمْعَا، شُوبَابْ، نَاثَانْ، سُولِيمَانْ. أَربْعَا-يَا ثُوغَا أَثنْ ذ أَرَّاونْ ن بَاثْ-شُوعْ، يدْجِيسْ ن عَامِّييِيلْ.
1CH 3:6 [خنِّي] يِيبْحَارْ، إِلِيشَامْعَا، إِلِيفَالَاطْ،
1CH 3:7 نُوجَاهْ، نَافَاجْ، يَافِيعْ،
1CH 3:8 إِلِيشَامَاعْ، إِلِييَاذَاعْ، إِلِيفَالَاطْ، ثسْعَا [ن وَارَّاونْ].
1CH 3:9 إِنَا مَارَّا ذ أَرَّاونْ ن ذَاوُوذْ، نْهْڒَا أَرَّاونْ ن ثِييَّا، ؤُ ثَامَارْ [ثُوغَا] ذ ؤُتْشْمَاثْسنْ.
1CH 3:10 مِّيسْ ن سُولِيمَانْ ثُوغَا-ث ذ رَاحَابْعَامْ، مِّيسْ أَبِييَا، مِّيسْ أَسَا، مِّيسْ يَاهُوشَافَاطْ،
1CH 3:11 مِّيسْ يَاهُورَامْ، مِّيسْ أَخَازْيَا، مِّيسْ يُووَاشْ،
1CH 3:12 مِّيسْ أَمَاصْيَا، مِّيسْ عَازَارْيَا، مِّيسْ يُوثَامْ،
1CH 3:13 مِّيسْ أَحَازْ، مِّيسْ حِيزْقِييَا، مِّيسْ مَانَاسَّا،
1CH 3:14 مِّيسْ أَمُونْ [ذ] مِّيسْ يُوشِييَا.
1CH 3:15 أَرَّاونْ ن يُوشِييَا [ثُوغَا أَثنْ ذ] أَمنْزُو يُوحَانَانْ، وِيسّْ ثْنَاينْ يَاهُويَاقِيمْ، وِيسّْ ثْڒَاثَا صِيذْقِييَا، وِيسّْ أَربْعَا شَالُّومْ.
1CH 3:16 أَرَّاونْ ن يَاهُويَاقِيمْ: مِّيسْ يَاكُونْيَا [ذ] مِّيسْ صِيذْقِييَا.
1CH 3:17 أَرَّاونْ ن يَاكُونْيَا: أَسِّيرْ، شَاعَالْثِييِيلْ [ثُوغَا] ذ مِّيسْ،
1CH 3:18 ؤُ [خنِّي] مَالْكِيرَامْ ذ فَاذَايَا ذ شِينَاصَّارْ ذ يَاقَامْيَا ذ هُوشَامْعَا ذ نَاذَابْيَا.
1CH 3:19 أَرَّاونْ ن فَاذَايَا [ثُوغَا أَثنْ ذ] زَارُوبَّابِيلْ ذ شِيمْعِي. أَرَّاونْ ن زَارُوبَّابِيلْ [ثُوغَا أَثنْ ذ] مَاشُولَّامْ ذ حَانَانْيَا، ؤُ ؤُتْشْمَاثْسنْ [ثُوغَا-ت ذ] شَالُومِيثْ،
1CH 3:20 ؤُ [خنِّي] حَاشُوبَا ذ ؤُوْهِيلْ ذ بَارَاخْيَا ذ حَاسَاذْيَا ذ يُوشَابْ-حَاسَاذْ، خمْسَا [ن وَارَّاونْ].
1CH 3:21 أَرَّاونْ ن حَانَانْ-يَاهْ [ثُوغَا أَثنْ] فَالَاطْ-يَاهْ، ذ إِشَاعْيَا. أَرَّاونْ ن رَافَايَا، أَرَّاونْ ن أَرْنَانْ، أَرَّاونْ نْ عُوبَاذْيَا، أَرَّاونْ ن شَاكَانْيَا.
1CH 3:22 أَرَّاونْ ن شَاخَانْيَا، [مْغِيرْ] شَامْعِييَا. أَرَّاونْ ن شِيمْعِييَا [ثُوغَا أَثنْ ذ] حَاتُّوشْ، يِيجْعَالْ، بَارِيحْ، نَاعَارْيَا ذ شَافَاثْ، ستَّا [ن وَارَّاونْ].
1CH 3:23 أَرَّاونْ ن نَاعَارْيَا [ثُوغَا أَثنْ ذ] إِلْيُوعِينَايْ، حِيزْقِييَا ذ عَازْرِيقَامْ، ثْڒَاثَا [ن وَارَّاونْ].
1CH 3:24 أَرَّاونْ ن إِلْيُوعِينَايْ [ثُوغَا أَثنْ ذ] هُوذَاوْيَاهُو، إِلْيَاشِيبْ، فَالَايَا، عَاقُّوبْ، يُوحَانَانْ، ذَالَايَا ذ عَانَانِي، سبْعَا [ن وَارَّاونْ].
1CH 4:1 أَرَّاونْ ن يَاهُوذَا [ثُوغَا أَثنْ ذ] فَارِيصْ، حَاصْرُونْ ذ كَارْمِي ذ حُورْ ذ شُوبَالْ.
1CH 4:2 رَآيَا، مِّيسْ ن شُوبَالْ، إِجَّا-د يَاحَاثْ ؤُ يَاحَاثْ إِجَّا-د أَخُومَايْ ذ لَاهَاذْ. ثِينَا [ثُوغَا أَثنْثْ] ذ ڒَادْجَاثْ ن إِصَارْعِييّنْ.
1CH 4:3 إِنَا ثُوغَا أَثنْ ذ أَرَّاونْ ن أَبِي-عِيطَامْ: يَازْرَاعِيلْ، يَاشْمَا ذ يَاذْبَاشْ. إِسمْ ن ؤُتْشْمَاثْسنْ [ثُوغَا-ث ذ] هَاصَّالَالْفُونِي.
1CH 4:4 فَانُووِيلْ [ثُوغَا-ث ذ] بَابَاسْ ن جَاذُورْ، ؤُ عَازَارْ [ثُوغَا-ث ذ] بَابَاسْ ن حُوشَا. إِنَا [ثُوغَا أَثنْ ذ] أَرَّاونْ ن حُورْ، أَمنْزُو ن إِفْرَاثَا، بَابَاسْ ن بَايْثْ-لَاحْمْ.
1CH 4:5 أَشْحُورْ، بَابَاسْ ن ثَاقُوعَا، ثُوغَا غَارسْ ثْنَاينْ ن ثمْغَارِينْ، حَالَا ذ نَاعَارَا.
1CH 4:6 نَاعَارَا ثُورُووْ أَسْ-د أَخُوزَّامْ، حَافَارْ، ثَايْمَانِي ذ إِخَاشْثَارِييّنْ. إِنَا [ثُوغَا أَثنْ ذ] أَرَّاونْ ن نَاعَارَا.
1CH 4:7 أَرَّاونْ ن حَالَا [ثُوغَا أَثنْ ذ] صَارَاثْ، صُوحَارْ ذ إِثْنَانْ.
1CH 4:8 قُوصْ إِجَّا-د عَانُوبْ ذ هَاصُوبِيبَا، ذ ڒَادْجَاثْ ن أَخَارْحِيلْ، مِّيسْ ن هَارُومْ.
1CH 4:9 يَاعْبِيصْ ثُوغَا غَارسْ شَّانْ خْ يَايْثْمَاسْ. يمَّاسْ ثُوغَا ثڭَّا أَسْ يَاعْبِيصْ، مَاغَارْ نتَّاثْ ثنَّا: ”نشّْ ؤُرْوغْ ث-إِ-د س ڒحْرِيقْ.“
1CH 4:10 إِڒَاغَا يَاعْبِيصْ خْ أَربِّي ن إِسْرَائِيل، إِنَّا: ”مَاڒَا شكْ ثْبَارْكذْ أَيِي ؤُ أَذْ ثْوسّْعذْ أَيْمِيرْ [ن ثمُّورْثْ] إِنُو ؤُشَا أَذْ كِيذِي يِيڒِي ؤُفُوسْ نّشْ، أَذْ خَافِي ثسِّيڭّْوجذْ ڒْغَارْ حِيمَا وَارْ ذ أَيِي ثْڒقّفْ ثَامَارَا ...!“ ؤُشَا أَربِّي إِسِّيوضْ [أَسْ] مِينْ إِتَّارْ.
1CH 4:11 كَالُوبْ، ؤُمَاسْ ن شُوحَا، إِجَّا-د مَاحِيرْ. وَانِيثَا ذ بَابَاسْ ن إِشْثُونْ.
1CH 4:12 إِشْثُونْ إِجَّا-د بَايْثْ-رَافَا ذ فَاسِيحْ ذ ثَاحِينَّا، بَابَاسْ [ن ثنْذِينْثْ] ن عِيرْ-نَاحَاشْ. إِنَا ذ إِرْيَازنْ ن رَايْكَا.
1CH 4:13 أَرَّاونْ ن قَانَازْ [ثُوغَا أَثنْ ذ] عُوثْنِييِيلْ ذ سَارَايَا. أَرَّاونْ ن عُوثْنِييِيلْ، [مْغِيرْ] حَاثَاثْ.
1CH 4:14 مَاعُونَاثَايْ إِجَّا-د عَافْرَا، ؤُ سَارَايَا إِجَّا-د يُووَابْ، بَابَاسْ ن ثغْزُورْثْ ن إِحْرَايْفِييّنْ، مَاغَارْ نِيثْنِي ذ إِحْرَايْفِييّنْ، [أَيْثْ ن بُو-صّنْعثْ].
1CH 4:15 أَرَّاونْ ن كَالِيبْ، مِّيسْ ن يَافُونِّي، [ثُوغَا أَثنْ ذ] عِيرُو، إِيْلَا ذ نَاعَامْ. أَرَّاونْ ن إِلَا، [مْغِيرْ] قِينَازْ.
1CH 4:16 أَرَّاونْ ن يَاهْلَالِييِيلْ [ثُوغَا أَثنْ ذ] زِيفْ ذ زِيفَا ذ ثِيرِييَا ذ أَسَارَايِيلْ.
1CH 4:17 أَرَّاونْ ن عِيزْرَا [ثُوغَا أَثنْ ذ] يَاثَارْ ذ مَارَاذْ ذ عِيفَارْ ذ يَالُونْ. نتَّاثْ، [بِيثْيَا]، ثُورُووْ-د مَارْيَامْ ذ شَامَّايْ ذ يِيشْبَاحْ، بَابَاسْ ن إِشْثَامُوعْ،
1CH 4:18 ؤُ ثَامْغَارْثْ نّسْ ثَايَاهُوذشْثْ ثُورُووْ-د يَارَاذْ، بَابَاسْ ن جَاذُورْ، ذ حَابِيرْ، بَابَاسْ ن سُوكُو، ذ يَاقُوثِييِيلْ، بَابَاسْ ن زَانُوحْ، [مَاشَا] [إِنّغْنِي] نِيثْنِي [ثُوغَا أَثنْ ذ] أَرَّاونْ ن بِيثْيَا، يدْجِيسْ ن فِيرْعُونْ، ثنِّي يِيوِي مَارَاذْ [ذ ثَامْغَارْثْ].
1CH 4:19 أَرَّاونْ ن ثمْغَارْثْ ن هُوذِييَا، ؤُتْشْمَاسْ ن نَاحَامْ، [ثُوغَا أَثنْ ذ] بَابَاسْ [ن ثنْذِينْثْ] ن قَاعِيلَا، أَجَارْمِي، ذ إِشْثَامُوعَا، أَمَاعْكِي.
1CH 4:20 أَرَّاونْ ن شِيمُونْ [ثُوغَا أَثنْ ذ] أَمْنُونْ ذ رِينَّا، بِينْ-حَانَانْ ذ ثِيلُونْ. أَرَّاونْ ن يِيعْشِي [ثُوغَا أَثنْ ذ] زُوحَايْثْ ذ بَانْ-زُوحَايْثْ.
1CH 4:21 أَرَّاونْ ن شَايْلَا، مِّيسْ ن يَاهُوذَا، [ثُوغَا أَثنْ ذ] عِيرْ، بَابَاسْ ن لِيكَا، لَاعْذَا، بَابَاسْ ن مَارِيشَا، ذ ڒَادْجَاثْ ن ثَادَّارْثْ ن يِينِّي إِخدّْمنْ س ثِيفّسْثْ ن ثَادَّارْثْ ن أَشْبِيعَا.
1CH 4:22 ؤُ [خنِّي] يُوقِيمْ ذ يرْيَازنْ ن كُوزِيبَا، ذ يُووَاشْ ذ سَارَافْ، إِنِّي إِصدْجْضنْ خْ مُوآبَ، ذ يَاشُوبِي-لَاحْمْ. ذ مَانْ أَيَا ذ ڒخْبَارَاثْ ثِيقْذِيمِينْ.
1CH 4:23 نِيثْنِي [ثُوغَا أَثنْ] ذ أَيْثْ ن بُو-ثْڒَاخْثْ ؤُ زدّْغنْ ذِي نَاثَاعِيمْ ذ جَاذِيرَا. نِيثْنِي قِّيمنْ زدّْغنْ ذِينْ حِيمَا أَذْ سخَّارنْ إِ ؤُجدْجِيذْ.
1CH 4:24 أَرَّاونْ ن شِيمْعُونْ [ثُوغَا أَثنْ ذ] نَامُويِيلْ ذ يَامِينْ، يَارِيبْ، زَارَاحْ، شَاوُولْ.
1CH 4:25 شَالُّومْ ذ مِّيسْ، مِّيسْ مِيبْسَامْ، مِّيسْ مِيشْمَاعْ.
1CH 4:26 أَرَّاونْ ن مِيشْمَاعْ: مِّيسْ حَامُّويِيلْ، مِّيسْ زَاكُّورْ [ذ] مِّيسْ شِيمْعِي.
1CH 4:27 شِيمْعِي ثُوغَا غَارسْ سطَّاشْ ن وَارَّاونْ ذ ستَّا ن ثْحنْجِيرِينْ. [مَاشَا] أَيْثْمَاسْ وَارْ غَارْسنْ ثُوغِي بُو وَارَّاونْ أَطَّاسْ ؤُ مَارَّا ڒَادْجَاثْ نْسنْ وَارْ مَّارْنِينْثْ شَا أَمْ ثِينِّي ن وَارَّاونْ ن يَاهُوذَا.
1CH 4:28 نِيثْنِي ثُوغَا زدّْغنْ ذِي بِئرْ-سبْعَا، ذِي مُولَاذَا، ذِي حَاصَارْ-شُوعَالْ،
1CH 4:29 ذِي بِيلْهَا ذِي عَاصِيمْ، ذِي ثُولَاذْ،
1CH 4:30 ذِي بِيثُووِيلْ، ذِي حُورْمَا، ذِي صِيقْلَاغْ،
1CH 4:31 ذِي بَايْثْ-مَارْكابُوثْ، ذِي حَاصَارْ-سُوسِيمْ، ذِي بَايْثْ-بِيرِي ؤُ ذِي شَاعَارَايِيمْ. أَڒْ إِذْوڒْ ذَاوُوذْ ذ أَجدْجِيذْ [ثُوغَا] إِنَا ذ ثِيندَّامْ نْسنْ،
1CH 4:32 ذ ذْشُورَاثْ نْسنْ: عِيطَامْ، عَايْنْ، رِيمُّونْ، ثُوكَانْ ذ عَاشَانْ، خمْسَا ن ثْندَّامْ
1CH 4:33 أَكْ-ذ مَارَّا ذْشُورَاثْ إِ ذ أَسنْثْ-إِ-د إِنّْضنْ إِ ثْندَّامْ-أَ، أَڒْ بَاعْلْ. ثِينَا ذ جّْوَايهْ مَانِي زذْغنْ ؤُ نِيثْنِي حْضَانْ س يِيخفْ نْسنْ لِيسْثَا ن جَّاذِيرَا.
1CH 4:34 مَاشُوبَابْ ذ يَامْلِيكْ ذ يُوشَا، مِّيسْ ن أَمَاصْيَا،
1CH 4:35 ذ يُووِيلْ ذ يَاهُو، مِّيسْ ن يُوشِيبَا، مِّيسْ ن سَارَايَا، مِّيسْ ن عَاسِييِيلْ،
1CH 4:36 ذ إِلْيُوعِينَايْ ذ يَاعْقُوبَا ذ يَاشُوحَايَا ذ عَاسَايَا ذ عَاذِييِيلْ ذ يَاسِيمِييِيلْ ذ بَانَايَا
1CH 4:37 ذ زِيزَا، مِّيسْ ن شِيفْعِي، مِّيسْ ن أَلُّونْ، مِّيسْ ن يَاذَايَا، مِّيسْ ن شِيمْرِي، مِّيسْ ن شَامْعِييَا.
1CH 4:38 إِنَا، [إِنِّي إِ ذَا] إِتّْوَاڒَاغَانْ س يِيسمْ [نْسنْ]، [ثُوغَا أَثنْ ذ] ڒْحُوكَّامْ ذِي ڒَادْجَاثْ نْسنْ، ؤُشَا ثُوذْرِينْ ن إِبَابَاثنْ نْسنْ ثُوغَا مَّارْنِينْثْ أَطَّاسْ.
1CH 4:39 نِيثْنِي ؤُيُورنْ، كِّينْ خْ ؤُغزْذِيسْ ن ڒْغَارْبْ ن جَاذُورْ أَڒْ شَّارْقْ ن ثغْزُورْثْ، حِيمَا أَذْ ؤُفِينْ مَانِي غَا هدّنْ وُودْجِي نْسنْ.
1CH 4:40 نِيثْنِي ؤُفِينْ [ذِينْ] دّْمَانِي ن ثَاروْسَا شُّورنْ مْلِيحْ، شْنَانْ. ثُوغَا ثَامُّورْثْ ثوْسعْ غَارْ مَارَّا إِغزْذِيسنْ، ثَارْسَا ؤُ ذَايسْ ڒْهُوذْنثْ، مَاغَارْ إِنِّي ن حَامْ ثُوغَا زدّْغنْ ذِينْ زِيشْ.
1CH 4:41 إِنَا، إِنِّي إِتّْوَازمّمنْ س إِسْمَاونْ [نْسنْ]، ؤُسِينْ-د ذڭْ وُوسَّانْ ن ؤُجدْجِيذْ حِيزْقِييَا، أَجدْجِيذْ ن يَاهُوذَا، ؤُ نِيثْنِي هذْمنْ إِقِيضَانْ نْسنْ، ؤُڒَا ذ إِمَاعُونِييّنْ إِنِّي ذِينْ ؤُفِينْ، ثحَّانْ ثنْ أَڒْ أَسّْ-أَ. نِيثْنِي ڭِّينْ أَذْ زذْغنْ ذڭْ ومْشَانْ نْسنْ، مَاغَارْ ثُوغَا ذِينِّي [ثَامُّورْثْ ن] ثَاروْسَا إِ وُودْجِي نْسنْ.
1CH 4:42 زڭْ إِنَا، زڭْ وَارَّاونْ ن شِيمْعُونْ، فّْغنْ [عَاوذْ] خمْسَا مْيَا ن يرْيَازنْ غَارْ إِذُورَارْ ن سَاعِيرْ. فَالَاطْيَا ذ نَاعْرِييَا ذ رَافَايَا ذ عُوزِّييِيلْ، أَرَّاونْ ن يِيشْعِي، [بدّنْ] غَارْ ؤُزدْجِيفْ نْسنْ.
1CH 4:43 نِيثْنِي نْغِينْ مِينْ إِقِّيمنْ ن أَيْثْ ن عَامَالِيقْ إِنِّي د إِنّجْمنْ ؤُ نِيثْنِي زدّْغنْ ذِينِّي أَڒْ أَسّْ-أَ.
1CH 5:1 أَرَّاونْ ن رُوبِينْ، أَمنْزُو ن إِسْرَائِيل - مِينْزِي نتَّا ثُوغَا-ث ذ أَمنْزُو، مَاشَا ؤُمِي نتَّا إِسّخْسَارْ ثَاسُّوثْ ن بَابَاسْ، ثمّوْشْ ثَاسْغَارْثْ ن ثْمنْزُوثْ نّسْ إِ وَارَّاونْ ن يُوسُوفْ، مِّيسْ ن إِسْرَائِيل، مَاشَا وَارْ إِدْجِي أَمنِّي أَڒَامِي [يُوسُوفْ] إِتّْوَازمّمْ ذِي لِيسْثَا ن جَّاذِيرَا عْلَاحْسَابْ ثَاسْغَارْثْ ن ثْمنْزُوثْ نّسْ،
1CH 5:2 مَاغَارْ يَاهُوذَا إِذْوڒْ ذ بُو-ثغْرُوضْثْ جَارْ أَيْثْمَاسْ ؤُ زَّايسْ إِفّغْ ڒْحَاكمْ [وَاخَّا] ثَاسْغَارْثْ ن ثْمنْزُوثْ ثُوغَا-ت غَارْ يُوسُوفْ -
1CH 5:3 أَرَّاونْ ن رُوبِينْ، أَمنْزُو ن إِسْرَائِيل، [ثُوغَا أَثنْ ذ] حَانُوكْ ذ فَالُّو، حَاصْرُونْ ذ كَارْمِي.
1CH 5:4 أَرَّاونْ ن يُووِيلْ: مِّيسْ شَامْعِييَا، مِّيسْ [هَا]جُوجْ مِّيسْ شِيمْعِي،
1CH 5:5 مِّيسْ مِيخَا، مِّيسْ رَآيَا، مِّيسْ بَاعْلْ
1CH 5:6 [ذ] مِّيسْ بَائِيرَا، ونِّي يِيوْيِي ثِيغْلَاثْ-فِيلَاسِيرْ، أَجدْجِيذْ ن أَشُّورْ، ذِي لْمنْفَا. نتَّا ثُوغَا ذ ڒْحَاكمْ ن إِرُوبِينِييّنْ.
1CH 5:7 أَيْثْمَاسْ، [تّْوَاستّْفنْ] عْلَاحْسَابْ ڒَادْجَاثْ نْسنْ، ؤُمِي نِيثْنِي تّْوَازمّمنْ ذِي لِيسْثَا ن جَّاذِيرَا عْلَاحْسَابْ أَخْڒَاقْ نْسنْ، [ثُوغَا أَثنْ ذ] أَزدْجِيفْ يَاعِييِيلْ ذ زَاكَارِييَّا
1CH 5:8 ذ بِيلَاعْ، مِّيسْ ن أَسَا، مِّيسْ ن شَامْعِي، مِّيسْ ن يُووِيلْ. نتَّا ثُوغَا إِزدّغْ ذِي عَارُوعِيرْ أَڒْ نابُو ذ بَاعْلْ-مَاعُونْ.
1CH 5:9 إِزْذغْ ذِي شَّارْقْ أَڒْ وَاذَافْ غَارْ ڒخْڒَا إِ إِسّْوِيژّْضنْ إِخفْ نّسْ زڭْ إِغْزَارْ ن لْفُورَاطْ، مَاغَارْ ڒبْهَايمْ نْسنْ ذوْڒنْ س وَاطَّاسْ ذِي ثمُّورْثْ ن جِيلْعَاذْ.
1CH 5:10 ذڭْ وُوسَّانْ ن شَاوُولْ ڭِّينْ نِيثْنِي أَمنْغِي أَكْ-ذ إِهَاجْرِييّنْ، إِنِّي إِوْضَانْ س ؤُفُوسْ نْسنْ. نِيثْنِي ڭِّينْ أَذْ زذْغنْ ذڭْ إِقِيضَانْ نْسنْ خْ مَارَّا أَغزْذِيسْ غَارْ شَّارْقْ ن جِيلْعَاذْ.
1CH 5:11 أَرَّاونْ ن جَاذْ ثُوغَا زدّْغنْ أَجمَّاضِينْ نْسنْ ذِي ثمُّورْثْ ن بَاشَانْ أَڒْ سَالْخَا.
1CH 5:12 يُووِيلْ [ثُوغَا-ث ذ] أَزدْجِيفْ نْسنْ ؤُ شَافَامْ [ثُوغَا-ث ذ] وِيسّْ ثْنَاينْ، ذ يَاعْنَايْ ذ شَافَاثْ. [نِيثْنِي ثُوغَا زدّْغنْ] ذِي بَاشَانْ.
1CH 5:13 أَيْثْمَاثْسنْ، [تّْوَاستّْفنْ] عْلَاحْسَابْ ثُوذْرِينْ ن إِبَابَاثنْ نْسنْ، [ثُوغَا أَثنْ ذ] مِيخَايِيلْ ذ مَاشُولَّامْ ذ شَابْعَا ذ يُورَايْ ذ يَاعْكَانْ ذ زِيعَا ذ عَابِيرْ، سبْعَا [ن وَاوْمَاثنْ].
1CH 5:14 إِنَا [ثُوغَا أَثنْ ذ] أَرَّاونْ ن أَبِيحَايِيلْ، مِّيسْ ن حُورِي، مِّيسْ ن يَارُوحْ، مِّيسْ ن جِيلْعَاذْ، مِّيسْ ن مِيخَايِيلْ، مِّيسْ ن يَاشِيشَايْ، مِّيسْ ن يَاهْذُو، مِّيسْ ن بُوزْ.
1CH 5:15 أَخِي، مِّيسْ ن عَابْذِييِيلْ، مِّيسْ ن جُونِي، [ثُوغَا-ث ذ] أَزدْجِيفْ ن ثَادَّارْثْ ن إِبَابَاثنْ نْسنْ.
1CH 5:16 نِيثْنِي ثُوغَا زدّْغنْ ذِي جِيلْعَاذْ، ذِي بَاشَانْ ؤُ ذِي ثْندَّامْ إِ غَارسْ د-إِقّْننْ ؤُ ذِي مَارَّا دّْمَانِي ن ثَاروْسَا ن شَارُونْ أَڒْ ثِيمَاوِّينْ نْسنْ.
1CH 5:17 مَارَّا إِنَا تّْوَازمّمنْ ذِي لِيسْثَاثْ ن جَّاذِيرَا ذڭْ وُوسَّانْ ن يُوثَامْ، أَجدْجِيذْ ن يَاهُوذَا، ؤُ ذڭْ وُوسَّانْ ن يَارُوبْعَامْ، أَجدْجِيذْ ن إِسْرَائِيل.
1CH 5:18 زڭْ وَارَّاونْ ن رُوبِينْ ذ وَارَّاونْ ن جَاذْ ذ وزْينْ ن ثقْبِيتْشْ ن مَانَاسَّا، زڭْ أَيْثْ ن ؤُمنْغِي، [زڭْ] إِرْيَازنْ إِنِّي يَاربُّونْ ثَاسدَّارْثْ [ن ؤُعسْكَارِي] ذ سِّيفْ ذ يِينِّي إِمحْضنْ ڒْقوْسْ ؤُ ثُوغَا ذَارّْبنْ ذڭْ ؤُمنْغِي، أَقَا [ذِينْ] أَربْعَا ؤُ-ربْعِينْ-أَڒفْ ؤُ-سبْعَا-مْيَا ؤُ-ستِّينْ إِنِّي د-إِفّْغنْ أَكْ-ذ ڒْعسْكَارْ.
1CH 5:19 نِيثْنِي مّنْغنْ أَكْ-ذ إِهَاجْرِييّنْ ؤُ [أَكْ-ذ] يَاطُورْ ذ نَافِيشْ ذ نُوذَابْ.
1CH 5:20 نِيثْنِي تّْوَاعَاوْننْ [ذڭْ ؤُمنْغِي] أَكِيذْسنْ ؤُشَا إِهَاجْرِييّنْ ذ مَارَّا إِنِّي أَكِيذْسنْ [إِدْجَانْ]، مّوْشنْ ذڭْ ؤُفُوسْ نْسنْ، مَاغَارْ نِيثْنِي سْغُوينْ ذڭْ ؤُمنْغِي غَارْ أَربِّي ؤُ وَانِيثَا إِجَّا أَذْ إِسَّارْضَا إِخفْ نّسْ س ثْژَادْجِيثْ يُودْجْغنْ نْسنْ، مِينْزِي نِيثْنِي ثشْڒنْ خَاسْ.
1CH 5:21 نِيثْنِي حوّْسنْ ڒْمَاڒْ نْسنْ: خمْسِينْ-أَڒفْ ن إِڒغْمَانْ نْسنْ، مِيثَاينْ ؤُ-خمْسِينْ-أَڒفْ ن وُودْجِي ؤُ أَڒْفَاينْ ن يغْيَاڒْ ؤُ مْيَاثْ-أَڒفْ ن إِوْذَانْ.
1CH 5:22 مِينْزِي ثُوغَا [ذِينْ] أَطَّاسْ ن يِينِّي إِتّْوَانْغنْ، مَاغَارْ ثُوغَا-ث ذ إِجّْ ن ؤُمنْغِي ن أَربِّي. نِيثْنِي ڭِّينْ أَذْ [ذِينْ] زذْغنْ ذڭْ ومْشَانْ نْسنْ أَڒْ لْمنْفَا.
1CH 5:23 أَرَّاونْ ن وزْينْ ن ثقْبِيتْشْ ن مَانَاسَّا زذْغنْ ذِي ثمُّورْثْ [نِّي]. نِيثْنِي مَّارْنِينْ زِي بَاشَانْ أَڒْ بَاعْلْ-حِيرْمُونْ ذ سَانِيرْ ذ وذْرَارْ ن حَارْمُونْ.
1CH 5:24 إِنَا [ثُوغَا أَثنْ ذ] إِزدْجِيفنْ ن ثُوذْرِينْ ن إِبَابَاثنْ نْسنْ: عِيفَارْ ذ يِيشْعِي ذ إِلِييِيلْ ذ عَازْرِييِيلْ ذ إِرْمِييَا ذ هُوذَايَا ذ يَاحْذِييِيلْ. [نِيثْنِي ثُوغَا أَثنْ ذ] أَيْثْ ن بُو-ثغْرُوضْثْ، إِرْيَازنْ إِمحْضنْ، إِرْيَازنْ ن يِيسمْ، إِزدْجِيفنْ ن ثُوذْرِينْ ن إِبَابَاثنْ نْسنْ.
1CH 5:25 نِيثْنِي غْذَارنْ أَربِّي ن ڒجْذُوذْ نْسنْ ؤُ سّْفسْذنْ إِخفْ نْسنْ س إِربِّيثنْ ن ڒڭْنُوسْ ن ثمُّورْثْ، إِنِّي ثُوغَا إِثحَّا أَربِّي زَّاثْ إِ وُوذمْ نْسنْ.
1CH 5:26 [خنِّي] إِسّكَّارْ أَربِّي ن إِسْرَائِيل بُوحْبڒْ ن فُولْ، أَجدْجِيذْ ن أَشُّورْ، ذ بُوحْبڒْ ن ثِيغْلَاثْ-فِيلْنَاسِيرْ، أَجدْجِيذْ ن أَشُّورْ، ؤُ وَانِيثَا إِنْذهْ إِ-ثنْ غَارْ لْمنْفَا: أَيْثْ ن رُوبِينْ ذ أَيْثْ ن جَاذْ ذ وزْينْ ن ثقْبِيتْشْ ن مَانَاسَّا. نتَّا يِيوْيِي ثنْ غَارْ حَالَاحْ ذ خابُورْ ذ هَارَا[ن] ؤُ غَارْ إِغْزَارْ ن جُوزَانْ، [ؤُ نِيثْنِي قِّيمنْ ذِينِّي] أَڒْ أَسّْ-أَ.
1CH 5:27 أَرَّاونْ ن لَاوِي [ثُوغَا أَثنْ ذ] جَارْشُونْ، قَاهَاثْ ذ مَارَارِي.
1CH 5:28 أَرَّاونْ ن قَاهَاثْ [ثُوغَا أَثنْ ذ] عَامْرَامْ، يِيصْهَارْ ذ حَابْرُونْ ذ عُوزِّييِيلْ.
1CH 5:29 أَرَّاونْ ن عَامْرَامْ [ثُوغَا أَثنْ ذ] هَارُونْ ذ مُوسَا، ؤُ مَارْيَامْ [ؤُتْشْمَاثْسنْ]. أَرَّاونْ ن هَارُونْ [ثُوغَا أَثنْ ذ] نَاذَابْ ذ أَبِيهُو، أَلِيعَازَارْ ذ إِثَامَارْ.
1CH 5:30 أَلِيعَازَارْ إِجَّا-د فِينَاحَاسْ، فِينَاحَاسْ إِجَّا-د أَبِيشُوعَا،
1CH 5:31 أَبِيشُوغَا إِجَّا-د بُوقِّي، بُوقِّي إِجَّا-د عُوزِّي،
1CH 5:32 عُوزِّي إِجَّا-د زَارَاحْ-يَاهْ، زَارَاحْ-يَاهْ إِجَّا-د مَارَايُوثْ،
1CH 5:33 مَارَايُوثْ إِجَّا-د أَمَارْيَا، أَمَارْيَا إِجَّا-د أَخِيطُوبْ،
1CH 5:34 أَخِيطُوبْ إِجَّا-د صَاذُوقْ، صَاذُوقْ إِجَّا-د أَخِيمَاعَاصْ،
1CH 5:35 أَخِيمَاعَاصْ إِجَّا-د عَازَارْيَا، عَازَارْيَا إِجَّا-د يُوحَانَانْ
1CH 5:36 ؤُ يُوحَانَانْ إِجَّا-د عَازَارْيَا. وَانِيثَا ثُوغَا ذ ونِّي إِتّْسخَّارنْ أَمْ ؤُكهَّانْ ذِي ثَادَّارْثْ إِ إِبْنَا سُولِيمَانْ ذِي ؤُرْشَالِيمْ.
1CH 5:37 عَازَارْيَا إِجَّا-د أَمَارْيَا، أَمَارْيَا إِجَّا-د أَخِيطُوبْ،
1CH 5:38 أَخِيطُوبْ إِجَّا-د صَاذُوقْ، صَاذُوقْ إِجَّا-د شَالُّومْ،
1CH 5:39 شَالُّومْ إِجَّا-د حِيلْقِييَا، حِيلْقِييَا إِجَّا-د عَازَارْيَا،
1CH 5:40 عَازَارْيَا إِجَّا-د سَارَايَا ؤُ سَارَايَا إِجَّا-د يَاهُوصَاذَاقْ.
1CH 5:41 يَاهُوصَاذَاقْ يُويُورْ [أَكِيذْسنْ] ؤُمِي سِيذِي إِنْذهْ يَاهُوذَا ذ ؤُرْشَالِيمْ غَارْ لْمنْفَا س ؤُفُوسْ ن نابُوخَاذْنَاصَّارْ.
1CH 6:1 أَرَّاونْ ن لَاوِي [ثُوغَا أَثنْ ذ] جَارْشُونْ، قَاهَاثْ ذ مَارَارِي.
1CH 6:2 إِنَا ذ إِسْمَاونْ ن وَارَّاونْ ن جَارْشُونْ: لِيبْنِي ذ شِيمْعِي.
1CH 6:3 أَرَّاونْ ن قَاهَاثْ [ثُوغَا أَثنْ ذ] عَامْرَامْ، يِيصْحَارْ، حَابْرُونْ ذ عُوزِّييِيلْ.
1CH 6:4 أَرَّاونْ ن مَارَارِي [ثُوغَا أَثنْ ذ] مَاحْلِي ذ مُوشِي. ثِينَا ذ ڒَادْجَاثْ ن إِلَاوِييّنْ، عْلَاحْسَابْ ڒجْذُوذْ نْسنْ.
1CH 6:5 ن جَارْشُونْ: مِّيسْ لِيبْنِي، مِّيسْ يَاحَاثْ، مِّيسْ زِيمَّا،
1CH 6:6 مِّيسْ يُووَاخْ، مِّيسْ عِيدُّو، مِّيسْ زَارَاحْ [ذ] مِّيسْ يَاثْرَايْ.
1CH 6:7 أَرَّاونْ ن قَاحَاثْ: مِّيسْ عَامِّينَاذَابْ، مِّيسْ قُورَاحْ، مِّيسْ أَسِّيرْ،
1CH 6:8 مِّيسْ إِلْقَانَا، مِّيسْ أَبِييَاسَافْ، مِّيسْ أَسِّيرْ،
1CH 6:9 مِّيسْ ثَاحَاثْ، مِّيسْ ؤُرِييِيلْ، مِّيسْ عُوزِّييَا [ذ] مِّيسْ شَاوُولْ.
1CH 6:10 أَرَّاونْ ن إِلْقَانَا [ثُوغَا أَثنْ ذ] عَامَاسَايْ ذ أَخِيمُوثْ.
1CH 6:11 إِلْقَانَا: مِّيسْ [ثُوغَا-ث] إِلْقَانَا، مِّيسْ صُوفَايْ، مِّيسْ نَاحَاثْ،
1CH 6:12 مِّيسْ إِلِييَابْ، مِّيسْ يَارُوحَامْ [ذ] مِّيسْ إِلْقَانَا.
1CH 6:13 أَرَّاونْ ن شَامْوِيلْ [ثُوغَا أَثنْ ذ] [يُووِيلْ]، أَمنْزُو نّسْ، ؤُ [ونِّي ذ] وِيسّْ ثْنَاينْ [ثُوغَا-ث] أَبِييَا.
1CH 6:14 أَرَّاونْ ن مَارَارِي: مَاحْلِي، مِّيسْ لِيبْنِي، مِّيسْ شِيمْعِي، مِّيسْ عُوزَّا،
1CH 6:15 مِّيسْ شِيمْعَا، مِّيسْ حَاجِييَا [ذ] مِّيسْ عَاسَايَا.
1CH 6:16 إِنَا ذ إِنِّي إِڭَّا ذَاوُوذْ حِيمَا أَذْ إِڒِينْ خْ ؤُغنّجْ ن يِيزْڒَانْ ذِي ثَادَّارْثْ ن سِيذِي، أَوَارْنِي ڒَامِي ثُوغَا ثِيوضْ تَّابُوثْ غَارْ ومْشَانْ ن أَرَّاحثْ نّسْ.
1CH 6:17 نِيثْنِي ثُوغَا تّْسخَّارنْ س إِزْڒَانْ زَّاثْ إِ ثْزذِّيغْثْ، زَّاثْ إِ ؤُقِيضُونْ ن ؤُمْسَاڭَارْ، أَڒْ إِكمّڒْ سُولِيمَانْ ڒبْنِي ن ثَادَّارْثْ ن سِيذِي ذِي ؤُرْشَالِيمْ. نِيثْنِي بدّنْ ذِي ثْسخَّارْثْ نْسنْ عْلَاحْسَابْ لْفَارِيضَا نْسنْ.
1CH 6:18 إِنَا ذ إِنِّي إِ [ذِينْ] إِبدّنْ أَكْ-ذ وَارَّاونْ نْسنْ: زڭْ وَارَّاونْ ن إِقَاحَاثِييّنْ: هَايْمَانْ، أَمذْيَازْ، مِّيسْ ن يُووِيلْ، مِّيسْ ن شَامْوِيلْ،
1CH 6:19 مِّيسْ ن إِلْقَانَا، مِّيسْ ن يَارُوحَامْ، مِّيسْ ن إِلِييِيلْ، مِّيسْ ن ثُووَاحْ،
1CH 6:20 مِّيسْ ن صُوفْ، مِّيسْ ن إِلْقَانَا، مِّيسْ ن مَاحَاثْ، مِّيسْ ن عَامَاسَايْ،
1CH 6:21 مِّيسْ ن إِلْقَانَا، مِّيسْ ن يُووِيلْ، مِّيسْ ن عَازَارْيَا، مِّيسْ ن صَافَانْيَا،
1CH 6:22 مِّيسْ ن ثَاحَاثْ، مِّيسْ ن أَسِّيرْ، مِّيسْ ن أَبِييَاسَافْ، مِّيسْ ن قُورَاحْ،
1CH 6:23 مِّيسْ ن يِيصْهَارْ، مِّيسْ ن قَاهَاثْ، مِّيسْ ن لَاوِي، مِّيسْ ن إِسْرَائِيل.
1CH 6:24 ؤُمَاسْ أَسَافْ ثُوغَا إِتّْبدَّا غَارْ ؤُفُوسِي نّسْ. ثُوغَا أَسَافْ ذ مِّيسْ ن بَارَاخْيَا، مِّيسْ ن شِيمْعِي،
1CH 6:25 مِّيسْ ن مِيخَايِيلْ، مِّيسْ ن بَاعَاسِييَا، مِّيسْ ن مَالْكِييَا،
1CH 6:26 مِّيسْ ن إِثْنِي، مِّيسْ ن زَارَاحْ، مِّيسْ ن عَاذَايَا،
1CH 6:27 مِّيسْ ن إِثَانْ، مِّيسْ ن زِيمَّا، مِّيسْ ن شِيمْعِي،
1CH 6:28 مِّيسْ ن يَاحَاثْ، مِّيسْ ن جَارْشُومْ، مِّيسْ ن لَاوِي.
1CH 6:29 أَيْثْمَاثْسنْ، أَرَّاونْ ن مَارَارِي، بدّنْ غَارْ ؤُزڒْمَاضْ: إِثَانْ، مِّيسْ ن قِيشِي، مِّيسْ ن عَابْذِي، مِّيسْ ن مَالُّوخْ،
1CH 6:30 مِّيسْ ن حَاشَابْيَا، مِّيسْ ن أَمَاصْيَا، مِّيسْ ن حِيلْقِييَا،
1CH 6:31 مِّيسْ ن أَمْصِي، مِّيسْ ن بَانِي، مِّيسْ ن شَامَارْ،
1CH 6:32 مِّيسْ ن مَاحْلِي، مِّيسْ ن مُوشِي، مِّيسْ ن مَارَارِي، مِّيسْ ن لَاوِي.
1CH 6:33 أَيْثْمَاثْسنْ، إِلَاوِييّنْ، [ثُوغَا] تّْوَاڭّنْ إِ قَاعْ ثْسخَّارْثْ ذِي ثْزذِّيغْثْ ن ثَادَّارْثْ ن أَربِّي.
1CH 6:34 [مَاشَا] هَارُونْ ذ وَارَّاونْ نّسْ، إِنِّي إِسّْبخَّارنْ ثِيغَارْصَا خْ ؤُعَالْطَارْ ن وشْمَاضْ ؤُ خْ ؤُعَالْطَارْ ن ڒبْخُورْ، أَقَا أَثنْ حِيمَا أَذْ بدّنْ أَكْ-ذ قَاعْ ڒْخذْمثْ ذڭْ وقْذَاسْ خْ ؤُقدَّاسْ ؤُ حِيمَا أَذْ ڭّنْ أَصْڒَاحْ إِ إِسْرَائِيل أَمْ مَامّشْ مَارَّا مِينْ ثُوغَا يُومُورْ مُوسَا، أَمْسخَّارْ ن أَربِّي.
1CH 6:35 إِنَا ذ أَرَّاونْ ن هَارُونْ: مِّيسْ أَلِيعَازَارْ، مِّيسْ فِينَاحَاسْ، مِّيسْ أَبِيشُوعَا،
1CH 6:36 مِّيسْ بُوقِّي، مِّيسْ عُوزِّي، مِّيسْ زَارَاحْ-يَاهْ
1CH 6:37 مِّيسْ مَارَايُوثْ، مِّيسْ أَمَارْيَا، مِّيسْ أَخِيطُوبْ،
1CH 6:38 مِّيسْ صَاذُوقْ [ذ] مِّيسْ أَخِيمَاعَاصْ.
1CH 6:39 إِنَا ذ إِمُوشَانْ مَانِي ثُوغَا زدّْغنْ، عْلَاحْسَابْ ڒمْرَاڭحْ نْسنْ خْ ثمُّورْثْ نْسنْ: إِ وَارَّاونْ ن هَارُونْ، إِ ڒَادْجْ ن إِقَاهَاثِييّنْ، مِينْزِي ثُوغَا-ت ثقْذُوحْثْ إِ نِيثْنِي.
1CH 6:40 وْشِينْ أَسنْ حَابْرُونْ ذِي ثمُّورْثْ ن يَاهُوذَا أَكْ-ذ دّْمَانِي ن ثَاروْسَا نّسْ إِ ذ أَسْ د-إِنّْضنْ.
1CH 6:41 إِيَّارْ ن ثنْذِينْثْ ذ ذْشُورَاثْ نّسْ وْشِينْ ث إِ كَالِيبْ، مِّيسْ ن يَافُونِّي.
1CH 6:42 إِ وَارَّاونْ ن هَارُونْ وْشِينْ أَسنْ ثِيندَّامْ ن ثَاروْڒَا حَابْرُونْ ذ لِيبْنَا أَكْ-ذ دّْمَانِي ن ثَاروْسَا نّسْ، يَاتِّيرْ ذ إِشْثَامُوعَا أَكْ-ذ دّْمَانِي ن ثَاروْسَا نّسْ،
1CH 6:43 حِيلَايْنْ أَكْ-ذ دّْمَانِي ن ثَاروْسَا نّسْ، ذ ذَابِيرْ أَكْ-ذ دّْمَانِي ن ثَاروْسَا نّسْ،
1CH 6:44 ذ عَاشَانْ أَكْ-ذ دّْمَانِي ن ثَاروْسَا نّسْ، ذ بَايْثْ-شَامْسْ أَكْ-ذ دّْمَانِي ن ثَاروْسَا نّسْ.
1CH 6:45 زِي ثقْبِيتْشْ ن بِينْيَامِينْ [كْسِينْ نِيثْنِي] جَابْعَا أَكْ-ذ دّْمَانِي ن ثَاروْسَا نّسْ، ذ عَالِّيمَاثْ أَكْ-ذ دّْمَانِي ن ثَاروْسَا نّسْ، ذ عَانَاثُوثْ أَكْ-ذ دّْمَانِي ن ثَاروْسَا نّسْ. مَارَّا ثِيندَّامْ نْسنْ [ثُوغَا أَثنْثْ ذ] ثْڒطَّاشْ ن ثْندَّامْ أَكْ-ذ ڒَادْجَاثْ نْسنْ.
1CH 6:46 إِ وَارَّاونْ ن قَاهَاثْ إِ إِقِّيمنْ زِي ڒَادْجْ ن ثقْبِيتْشْ، [تّْوَاعيّْننْثْ] س ثْقدُّوحْثْعشْرَا ن ثْندَّامْ زڭْ وزْينْ ن ثقْبِيتْشْ، زڭْ وزْينْ ن مَانَاسَّا.
1CH 6:47 إِ وَارَّاونْ ن جَارْشُونْ [تّْوَاعيّْننْثْ] عْلَاحْصَابْ ڒَادْجَاثْ نْسنْ زِي ثقْبِيتْشْ ن إِسَّاكَارْ، ؤُ زِي ثقْبِيتْشْ ن أَشِيرْ، ؤُ زِي ثقْبِيتْشْ ن نَافْثَالِي، ؤُ زِي ثقْبِيتْشْ ن مَانَاسَّا ذِي بَاشَانْ ثْڒطَّاشْ ن ثْندَّامْ.
1CH 6:48 إِ وَارَّاونْ ن مَارَارِي عْلَاهْسَابْ ڒَادْجَاثْ نْسنْ [تّْوَاعيّْننْثْ] س ثْقدُّوحْثْ ثنْعَاشْ ن ثْندَّامْ زِي ثقْبِيتْشْ ن رُوبِينْ، ؤُ زِي ثقْبِيتْشْ ن جَاذْ ؤُ زِي ثقْبِيتْشْ ن زابُولُونْ.
1CH 6:49 أَيْثْ ن إِسْرَائِيل وْشِينْ إِ إِلَاوِييّنْ ثِيندَّامْ-أَ أَكْ-ذ دّْمَانِي نْسنْثْ ن ثَاروْسَا.
1CH 6:50 س ثْقدُّوحْثْ وْشِينْ نِيثْنِي ثِيندَّامْ-أَ إِ إِتّْوَاڒَاغَانْ س يِيسمْ نْسنْثْ زِي ثقْبِيتْشْ ن وَارَّاونْ ن يَاهُوذَا ؤُ زِي ثقْبِيتْشْ ن وَارَّاونْ ن شِيمْعُونْ ؤُ زِي ثقْبِيتْشْ ن وَارَّاونْ بِينْيَامِينْ.
1CH 6:51 ؤُشَا زِي ڒَادْجَاثْ ن وَارَّاونْ ن قَاهَاثْ طّْفنْ نِيثْنِي [عَاوذْ] ثِيندَّامْ زِي ثقْبِيتْشْ ن إِفْرَايِيمْ ذِي ثمُّورْثْ نْسنْ.
1CH 6:52 مِينْزِي وْشِينْ أَسنْ زِي ثْندَّامْ ن ثَاروْڒَا شَاكِيمْ أَكْ-ذ دّْمَانِي ن ثَاروْسَا نّسْ خْ إِذُورَارْ ن إِفْرَايِيمْ، ذ جَازَارْ أَكْ-ذ دّْمَانِي ن ثَاروْسَا نّسْ،
1CH 6:53 ذ يَاقْمَاعَامْ أَكْ-ذ دّْمَانِي ن ثَاروْسَا نّسْ، ذ بَايْثْ-حُورُونْ أَكْ-ذ دّْمَانِي ن ثَاروْسَا نّسْ،
1CH 6:54 ذ أَيَالُونْ أَكْ-ذ دّْمَانِي ن ثَاروْسَا نّسْ ذ جَاثْ-رِيمُّونْ أَكْ-ذ دّْمَانِي ن ثَاروْسَا نّسْ.
1CH 6:55 زڭْ وزْينْ ن ثقْبِيتْشْ ن مَانَاسَّا [كْسِينْ نِيثْنِي] أَنِيرْ أَكْ-ذ دّْمَانِي ن ثَاروْسَا نّسْ، ذ بِيلْعَامْ أَكْ-ذ دّْمَانِي ن ثَاروْسَا نّسْ إِ مِينْ إِقِّيمنْ زِي ڒَادْجْ ن وَارَّاونْ ن قَاهَاثْ.
1CH 6:56 أَرَّاونْ ن جَارْشُومْ [كْسِينْ عَاوذْ] زِي ڒَادْجْ ن وزْينْ ن ثقْبِيتْشْ ن مَانَاسَّا: جُولَانْ ذِي بَاشَانْ أَكْ-ذ دّْمَانِي ن ثَاروْسَا نّسْ ذ عَاشْثَارُوثْ أَكْ-ذ دّْمَانِي ن ثَاروْسَا نّسْ.
1CH 6:57 ؤُ زِي ثقْبِيتْشْ ن إِسَّاكَارْ [كْسِينْ نِيثْنِي] قَاذَاشْ أَكْ-ذ دّْمَانِي ن ثَاروْسَا نّسْ، ذُوبْرَا أَكْ-ذ دّْمَانِي ن ثَاروْسَا نّسْ،
1CH 6:58 رَامُوثْ أَكْ-ذ دّْمَانِي ن ثَاروْسَا نّسْ ؤُ عَانِيمْ أَكْ-ذ دّْمَانِي ن ثَاروْسَا نّسْ.
1CH 6:59 زِي ثقْبِيتْشْ ن أَشِيرْ [كْسِينْ نِيثْنِي] مَاشَالْ أَكْ-ذ دّْمَانِي ن ثَاروْسَا نّسْ، ذ عَابْذُونْ أَكْ-ذ دّْمَانِي ن ثَاروْسَا نّسْ،
1CH 6:60 ذ حُوقُوقْ أَكْ-ذ دّْمَانِي ن ثَاروْسَا نّسْ، ذ رَاحُوبْ أَكْ-ذ دّْمَانِي ن ثَاروْسَا نّسْ.
1CH 6:61 زِي ثقْبِيتْشْ ن نَافْثَالِي [كْسِينْ نِيثْنِي] قَاذَاشْ ذِي لْجَالِيلْ أَكْ-ذ دّْمَانِي ن ثَاروْسَا نّسْ، ذ حَامُّونْ أَكْ-ذ دّْمَانِي ن ثَاروْسَا نّسْ ذ قَارْيَاثَايِيمْ أَكْ-ذ دّْمَانِي ن ثَاروْسَا نّسْ.
1CH 6:62 إِنِّي إِقِّيمنْ ن وَارَّاونْ ن مَارَارِي [كْسِينْ عَاوذْ] زِي ثقْبِيتْشْ ن زابُولُونْ رِيمُّونُو أَكْ-ذ دّْمَانِي ن ثَاروْسَا نّسْ، ذ ثابُورْ أَكْ-ذ دّْمَانِي ن ثَاروْسَا نّسْ
1CH 6:63 ؤُ خْ ؤُجمَّاضْ ن لْ-ؤُرْذُونْ غَارْ أَرِيحَا، شَّارْقْ ن لْ-ؤُرْذُونْ، [كْسِينْ نِيثْنِي] زِي ثقْبِيتْشْ ن رُوبِينْ بَاصَارْ ذِي ڒخْڒَا أَكْ-ذ دّْمَانِي ن ثَاروْسَا نّسْ، ذ يَاهْصَا أَكْ-ذ دّْمَانِي ن ثَاروْسَا نّسْ،
1CH 6:64 ذ قَاذِيمُوثْ أَكْ-ذ دّْمَانِي ن ثَاروْسَا نّسْ، ذ مَايْفَاعَا أَكْ-ذ دّْمَانِي ن ثَاروْسَا نّسْ،
1CH 6:65 ؤُ زِي ثقْبِيتْشْ ن جَاذْ [كْسِينْ نِيثْنِي] رَامُوثْ ذِي جِيلْعَاذْ أَكْ-ذ دّْمَانِي ن ثَاروْسَا نّسْ، ذ مَاحَانَايِيمْ أَكْ-ذ دّْمَانِي ن ثَاروْسَا نّسْ،
1CH 6:66 ذ حَاشْبُونْ أَكْ-ذ دّْمَانِي ن ثَاروْسَا نّسْ، ذ يَاعْزِيرْ أَكْ-ذ دّْمَانِي ن ثَاروْسَا نّسْ.
1CH 7:1 أَرَّاونْ ن إِسَّاكَارْ [ثُوغَا أَثنْ ذ] ثُولَاعْ ذ فُووَّا ذ يَاشُوبْ ذ شِيمْرُونْ، أَربْعَا [ن وَارَّاونْ].
1CH 7:2 أَرَّاونْ ن ثُولَاعْ [ثُوغَا أَثنْ ذ] عُوزِّي، رَافَايَا، يَارِييِيلْ، يَاحْمَايْ، يِيبْشَامْ ذ شِيمُووِيلْ، إِزدْجِيفنْ ن ثُوذْرِينْ ن إِبَابَاثنْ نْسنْ ن ثُولَاعْ، أَيْثْ ن بُو-ثغْرُوضْثْ إِمحْضنْ، [نِيثْنِي تّْوَازمّمنْ] عْلَاحْسَابْ أَخْڒَاقْ نْسنْ. ذڭْ وُوسَّانْ ن ذَاوُوذْ ثُوغَا ڒْقدّْ نْسنْ ثْنَاينْ ؤُ-عِيشْرِينْ-أَڒفْ ؤُ-ستَّا-مْيَا [ن يرْيَازنْ].
1CH 7:3 أَرَّاونْ ن عُوزِّي، [مْغِيرْ] يَازْرَاحْيَا، ؤُ أَرَّاونْ ن يَازْرَاحْيَا [ثُوغَا أَثنْ ذ] مِيخَايِيلْ، عُوبَاذْيَا، يُووِيلْ ذ يَاشِّي-يَاهْ، نِيثْنِي مَارَّا [ثُوغَا أَثنْ] خمْسَا ن إِزدْجِيفنْ.
1CH 7:4 [ثُوغَا] خَاسنْ [ڒُْومُورْ خْ] ثرْبِيعِينْ ن ڒْعسْكَارْ، [ؤُ نِيثْنِي ثُوغَا تّْوَاستّْفنْ] عْلَاحْسَابْ جَّاذِيرَا نْسنْ، عْلَاحْسَابْ ثَادَّارْثْ ن إِبَابَاثنْ نْسنْ. [أَقَا-ثنْ] ذِي ستَّا ؤُ-ثْڒَاثِينْ-أَڒفْ [ن يرْيَازنْ]، مَاغَارْ نِيثْنِي ثُوغَا غَارْسنْ أَطَّاسْ ن ثمْغَارِينْ ذ وَارَّاونْ.
1CH 7:5 ؤُشَا [خنِّي] أَيْثْمَاثْسنْ زِي مَارَّا ڒَادْجَاثْ ن إِسَّاكَارْ، سبْعَا ؤُ-ثْمَانْيِينْ-أَڒفْ ن أَيْثْ ن بُو-ثغْرُوضْثْ إِمحْضنْ، [إِنِّي] إِتّْوَازمّمنْ مَارَّا ذِي لِيسْثَاثْ ن جَّاذِيرَا.
1CH 7:6 أَرَّاونْ ن بِينْيَامِينْ [ثُوغَا أَثنْ ذ] بِيلَاعْ، بَاكَارْ ذ يَاذِيعَايِيلْ، ثْڒَاثَا [ن وَارَّاونْ].
1CH 7:7 أَرَّاونْ ن بِيلَاعْ [ثُوغَا أَثنْ ذ] إِصْبُونْ، عُوزِّي، عُوزِّييِيلْ، يَارِيمُوثْ ذ عَايْرِي، خمْسَا ن إِزدْجِيفنْ ن ڒَادْجَاثْ ن إِبَابَاثنْ، أَيْثْ ن بُو-ثغْرُوضْثْ إِمحْضنْ. تّْوَازمّمنْ زَّايْسنْ ثْنَاينْ ؤُ-عِيشْرِينْ-أَڒفْ ؤُ-أَربْعَا ؤُ-ثْڒَاثِينْ [ن يرْيَازنْ] ذِي لِيسْثَاثْ ن جَّاذِيرَا.
1CH 7:8 أَرَّاونْ ن بَاكَارْ [ثُوغَا أَثنْ ذ] زَامِيرَا، يُوعَاشْ، إِلِيعَازَارْ، إِلْيُوعِينَايْ، عُومْرِي، يَارِيمُوثْ، أَبِييَا، عَانَاثُوثْ ذ عَالَامَاثْ. نِيثْنِي مَارَّا [ثُوغَا أَثنْ ذ] أَرَّاونْ ن بَاكَارْ.
1CH 7:9 تّْوَازمّمنْ زَّايْسنْ عِيشْرِينْ-أَڒفْ ؤُ-مِيثَايْنْ ن أَيْثْ ن بُو-ثغْرُوضْثْ إِمحْضنْ ذِي لِيسْثَاثْ ن ڒَادْجَاثْ، عْلَاحْسَابْ جَّاذِيرَا نْسنْ [ؤُ نِيثْنِي ثُوغَا تّْوَاستّْفنْ عْلَاحْسَابْ] إِزدْجِيفنْ ن ثُوذْرِينْ ن إِبَابَاثنْ نْسنْ.
1CH 7:10 أَرَّاونْ ن يَاذِيعِيلْ، [مْغِيرْ] بِيلْهَانْ. ؤُ أَرَّاونْ ن بِيلْهَانْ [ثُوغَا أَثنْ ذ] يَاعِيشْ، بِينْيَامِينْ، إِهُوذْ، كَانْعَانَا، زَايْثَانْ، ثَارْشِيشْ ذ أَخِيشَاحَارْ.
1CH 7:11 نِيثْنِي مَارَّا [ثُوغَا أَثنْ ذ] أَرَّاونْ ن يَاذِيعِيلْ. سْبعْطَاشْ-أَڒفْ ؤُ-مِيثَايْنْ ن أَيْثْ ن بُو-ثغْرُوضْثْ إِمحْضنْ فّْغنْ غَارْ ؤُمنْغِي أَكْ-ذ ڒْعسْكَارْ، [أَمْ تّْوَاستّْفنْ نِيثْنِي] عْلَاحْسَابْ إِزدْجِيفنْ ن ڒَادْجَاثْ نْسنْ.
1CH 7:12 شُوفِّيمْ ذ هُوفِّيمْ [ثُوغَا أَثنْ ذ] أَرَّاونْ ن عِيرْ، هُوشِيمْ، أَرَّاونْ ن أَحِيرْ.
1CH 7:13 أَرَّاونْ ن نَافْثَالِي [ثُوغَا أَثنْ ذ] جَاحْصِييِيلْ، جُونِي، يَاصَارْ ذ شَالُّومْ، أَرَّاونْ ن بِيلْهَا.
1CH 7:14 أَرَّاونْ ن مَانَاسَّا: أَشْرِييِيلْ، ونِّي إِ ذ أَسْ د-ثُورُووْ [ثمْغَارْثْ نّسْ]. ثَايَّا نّسْ، [إِشْثْ ن ثمْغَارْثْ] ثَارَامِيثْ، ثُورُووْ-د مَاخِيرْ، بَابَاسْ ن جِيلْعَاذْ.
1CH 7:15 مَاخِيرْ إِكْسِي إِشْثْ ن ثمْغَارْثْ إِ حُوفِّيمْ ذ شُوفِّيمْ. إِسمْ ن ؤُتْشْمَاسْ [ثُوغَا-ت ذ] مَاعْكَا. إِسمْ ن ونِّي وِيسّْ ثْنَاينْ [ثُوغَا-ث ذ] صَالُوفْحَاذْ. صَالُوفْحَاذْ غَارسْ يسِّيسْ [وَاهَا].
1CH 7:16 مَاعْكَا، ثَامْغَارْثْ ن مَاخِيرْ، ثُورُووْ-د إِجّْ ن مِّيسْ ؤُشَا ثڭَّا أَسْ فَارَاشْ ؤُ ؤُمَاسْ قَّارنْ أَسْ شَارَاشْ ؤُ أَرَّاونْ نّسْ [ثُوغَا أَثنْ ذ] ؤُلَامْ ذ رَاقَامْ.
1CH 7:17 أَرَّاونْ ن ؤُلَامْ: [مْغِيرْ] بَاذَانْ. إِنَا ذ أَرَّاونْ ن جِيلْعَاذْ، مِّيسْ ن مَاخِيرْ، مِّيسْ ن مَانَاسَّا.
1CH 7:18 خْ ؤُتْشْمَاسْ هَامُولَاكَاثْ، نتَّاثْ ثُورُووْ-د إِشْهُوذْ، أَبِيعَازَارْ ذ مَاحْلَا.
1CH 7:19 أَرَّاونْ ن شَامِيذَاعْ [ثُوغَا أَثنْ ذ] إِخْيَانْ، شَاكِيمْ ذ لَاقْحِي ذ أَنِيعَامْ.
1CH 7:20 أَرَّاونْ ن إِفْرَايِيمْ، [مْغِيرْ] شُوثَالَاحْ. مِّيسْ ثُوغَا بَارَاذْ، مِّيسْ ثَاحَاثْ، مِّيسْ إِلْعَاذَا، مِّيسْ ثَاحَاثْ،
1CH 7:21 مِّيسْ زَابَاذْ، مِّيسْ شُوثَالَاحْ ؤُ [خنِّي] عَازَارْ ذ إِلْعَاذْ. إِرْيَازنْ ن جَاثْ، إِنِّي د-إِتّْوَاخڒْقنْ ذِي ثمُّورْثْ، نْغِينْ ثنْ، مِينْزِي نِيثْنِي ثُوغَا هْوَانْ، حِيمَا أَذْ كّْسنْ ڒْمَاڒْ نْسنْ.
1CH 7:22 إِفْرَايِيمْ، بَابَاثْسنْ، إِشْضنْ أَطَّاسْ ن وُوسَّانْ ؤُشَا أَيْثْمَاسْ ؤُسِينْ-د حِيمَا أَذْ ثعزَّانْ.
1CH 7:23 خنِّي يُوذفْ نتَّا خْ ثمْغَارْثْ نّسْ ؤُشَا ثكْسِي دّيْسثْ ؤُشَا ثُورُووْ-د إِجّْ ن ؤُحنْجِيرْ. نتَّا إِڭَّا أَسْ بَارِيعَا، مِينْزِي [ذڭْ وُوسَّانْ نِّي] ثُوغَا ذ أَرْژِييّثْ ذِي ثَادَّارْثْ نّسْ.
1CH 7:24 يدْجِيسْ [ثُوغَا] شِيرَا. نتَّاثْ ثسّْبدّْ بَايْثْ-حُورُونْ ن وَادَّايْ ذ [بَايْثْ-حُورُونْ] ن نّجْ ذ ؤُزِّينْ-شِيرَا.
1CH 7:25 رَافَاعْ [ثُوغَا] ذ مِّيسْ ؤُڒَا ذ رَاشَافْ. ؤُشَا مِّيسْ ثُوغَا ذ ثَالَاحْ، مِّيسْ ثَاحَانْ،
1CH 7:26 مِّيسْ لَاعْذَانْ، مِّيسْ عَامِّيهُوذْ، مِّيسْ إِلِيشَامَاعْ،
1CH 7:27 مِّيسْ نُونْ [ذ] مِّيسْ يَاشُووَا.
1CH 7:28 أَڭْڒَا نْسنْ ذ إِمُوشَانْ مَانِي زدّْغنْ [ثُوغَا] بَايْثْ-إِلْ أَكْ-ذ ثْندَّامْ إِ غَارسْ د-إِقّْننْ، ذ نَاعْرَانْ غَارْ شَّارْقْ ؤُ جَازَارْ غَارْ ڒْغَارْبْ أَكْ-ذ ثْندَّامْ إِ غَارْسنْثْ د-إِقّْننْ، ؤُڒَا ذ شَاكِيمْ أَكْ-ذ ثْندَّامْ إِ غَارسْ د-إِقّْننْ أَڒْ غَازَّا أَكْ-ذ ثْندَّامْ إِ غَارسْ د-إِقّْننْ.
1CH 7:29 ثُوغَا بَايْثْ-شَانْ أَكْ-ذ ثْندَّامْ إِ غَارسْ د-إِقّْننْ، ثَاعْنَاكْ أَكْ-ذ ثْندَّامْ إِ غَارسْ د-إِقّْننْ، مَاجِيدُّو أَكْ-ذ ثْندَّامْ إِ غَارسْ د-إِقّْننْ [ؤُ] ذُورْ أَكْ-ذ ثْندَّامْ إِ غَارسْ د-إِقّْننْ ذڭْ إِفَاسّنْ ن أَيْثْ ن مَانَاسَّا. أَيْثْ ن يُوسُوفْ، مِّيسْ ن إِسْرَائِيل، ثُوغَا زدّْغنْ ذَايْسنْثْ.
1CH 7:30 أَرَّاونْ ن أَشِيرْ [ثُوغَا أَثنْ ذ] يِيمْنَا، يِيشْوَا، يِيشْوِي، بَارِيعَا ذ سَارَاحْ [ثنِّي ذ] ؤُتْشْمَاثْسنْ.
1CH 7:31 أَرَّاونْ ن بَارِيعَا [ثُوغَا أَثنْ ذ] حَابِيرْ ذ مَالْكِييِيلْ. نتَّا ذ بَابَا ن بِيرْزَاوَاثْ.
1CH 7:32 حَابِيرْ إِجَّا-د يَافْلِيطْ، شُومِيرْ، حُوثَامْ ذ شُوعَا، ؤُتْشْمَاثْسنْ
1CH 7:33 أَرَّاونْ ن يَافْلِيطْ [ثُوغَا أَثنْ ذ] فَاسَاكْ، بِيمْهَالْ ذ عَاشْوَاثْ. إِنَا [ثُوغَا أَثنْ ذ] أَرَّاونْ ن يَافْلِيطْ.
1CH 7:34 أَرَّاونْ ن شَامَارْ [ثُوغَا أَثنْ ذ] أَخِي، رُوهْجَا، يَاهُوبَّا ذ أَرَامْ.
1CH 7:35 أَرَّاونْ ن ؤُمَاسْ هِيلَامْ [ثُوغَا أَثنْ ذ] صُوفَاحْ، يِيمْنَاحْ، شَالَاشْ ذ عَامَالْ.
1CH 7:36 أَرَّاونْ ن صُوفَاحْ [ثُوغَا أَثنْ ذ] سُووَاحْ، حَارَانْفَارْ، شُوعَالْ، بِيرِي، يَامْرَا،
1CH 7:37 بَاصَارْ، هُوذْ، شَامَّا، شِيلْشَا، يِيثْرَانْ ذ بَائِيرَا.
1CH 7:38 أَرَّاونْ ن يِيثْرَامْ [ثُوغَا أَثنْ ذ] يَافُونِّي، فِيشْفَا ذ أَرَا.
1CH 7:39 أَرَّاونْ ن عُولَّا [ثُوغَا أَثنْ ذ] أَرَاحْ، حَانِييِيلْ ذ رِيصْيَا.
1CH 7:40 مَارَّا إِنَا [ثُوغَا أَثنْ ذ] أَرَّاونْ ن أَشِيرْ، إِزدْجِيفنْ ن ڒَادْجَاثْ ن إِبَابَاثنْ، أَيْثْ ن بُو-ثغْرُوضْثْ إِفَارْزنْ إِمحْضنْ، إِزدْجِيفنْ ن ڒْحُوكَّامْ. نِيثْنِي تّْوَازمّمنْ ذِي لِيسْثَاثْ ن جَّاذِيرَا ن ڒْعسْكَارْ إِ ؤُمنْغِي. [ثُوغَا] ڒْقدّْ نْسنْ ستَّا ؤُ-عِيشْرِينْ-أَڒفْ ن يرْيَازنْ.
1CH 8:1 بِينْيَامِينْ إِجَّا-د بِيلَاعْ، أَمنْزُو نّسْ، أَشْبِيلْ ذ وِيسّْ ثْنَاينْ، أَخْرَاخْ ذ وِيسّْ ثْڒَاثَا،
1CH 8:2 نَاحُو ذ وِيسّْ أَربْعَا ؤُ رَافَا ذ وِيسّْ خمْسَا.
1CH 8:3 بِيلَاعْ ثُوغَا غَارسْ أَرَّاونْ-أَ: أَدَّارْ، جِيرَا ذ أَبِيهُوذْ،
1CH 8:4 أَبِيشُوعَا، نُوعْمَانْ، أَخُوخَا،
1CH 8:5 جِيرَا، شَافُوفَانْ ذ حُورَامْ.
1CH 8:6 إِنَا ذ أَرَّاونْ ن أَحُوذْ. نِيثْنِي [ثُوغَا أَثنْ ذ] إِزدْجِيفنْ خْ إِبَابَاثنْ [ن ڒَادْجَاثْ] ن إِمزْذَاغْ ن جِيبْعَا. نذْهنْ إِ-ثنْ غَارْ مَانَاحَاثْ،
1CH 8:7 أَقَا ذ نَاعْمَانْ، أَخِييَا ذ جِيرَا. نتَّا إِنْذهْ إِ-ثنْ. ؤُ نتَّا إِجَّا-د عُوزَّا ذ أَخِيحُوذْ.
1CH 8:8 شَاحَارَايِيمْ إِجَّا-د [إِحنْجِيرنْ] ذِي ثمُّورْثْ ن مُوآبَ، أَوَارْنِي إِ ؤُمِي ثُوغَا إِسُّوفّغْ ثِيمْغَارِينْ نّسْ حُوشِيمْ ذ بَاعْرَا.
1CH 8:9 أَكْ-ذ ثمْغَارْثْ نّسْ خُوذَاشْ إِجَّا-د يُوبَابْ، ضِيبْيَا، مِيشَا، مَالْكَامْ،
1CH 8:10 يَاعُوصْ، شَابِييَا ذ مِيرْمَا. إِنَا [ثُوغَا أَثنْ ذ] أَرَّاونْ نّسْ، إِزدْجِيفنْ خْ إِبَابَاثنْ [ن ڒَادْجَاثْ].
1CH 8:11 أَكْ-ذ حُوشِيمْ إِجَّا-د نتَّا أَبِيطُوبْ ذ إِلْفَاعَالْ.
1CH 8:12 أَرَّاونْ ن إِلْفَاعَالْ [ثُوغَا أَثنْ ذ] عَابِيرْ، مِيشْعَامْ، شَامِيذْ نِّي إِبْنَانْ ؤُنُو ذ لُوذْ أَكْ-ذ ثْندَّامْ إِ غَارسْ د-إِقّْننْ،
1CH 8:13 بَارِيعَا ذ شَامَاعْ. إِنَا [ثُوغَا أَثنْ ذ] إِزدْجِيفنْ ن إِبَابَاثنْ [ن ڒَادْجَاثْ] ن إِمزْذَاغْ ن أَيَالُونْ. نِيثْنِي ؤُژّْڒنْ خْ إِمزْذَاغْ ن جَاثْ.
1CH 8:14 أَخِييُو، شَاشَاقْ، يَارِيمُوثْ،
1CH 8:15 زَابَاذْيَا، عَارَاذْ، عَاذَارْ،
1CH 8:16 مِيخَايِيلْ، جِيشْفَا ذ يُوخَا [ثُوغَا أَثنْ ذ] أَرَّاونْ ن بَارِيعَا.
1CH 8:17 زَابَاذْيَا، مَاشُولَّامْ، حَازْكِي، حَابِيرْ،
1CH 8:18 يِيشْمَارَايْ، يَازْلِييَا ذ يُوبَابْ [ثُوغَا أَثنْ ذ] أَرَّاونْ ن إِلْفَاعَالْ.
1CH 8:19 يَاقِيمْ، زِيكْرِي، زَابْذِي،
1CH 8:20 إِلِيعِينَايْ، صِيلَّاثَايْ، إِلِييِيلْ،
1CH 8:21 عَاذَايَا، بَارَايَا ذ شِيمْرَا [ثُوغَا أَثنْ ذ] أَرَّاونْ ن شِيمِي.
1CH 8:22 يِيشْفَانْ، عَابِيرْ، إِلِييِيلْ،
1CH 8:23 عَابْذُونْ، زِيخْرِي، حَانَانْ،
1CH 8:24 حَانَانْيَا، عِيلَامْ، عْنْثُوثِييَا،
1CH 8:25 يَافْذِييَا ذ فَانُووِيلْ [ثُوغَا أَثنْ ذ] أَرَّاونْ ن شَاشَاقْ.
1CH 8:26 شَامْشَارَايْ، شَاحَارْيَا، عَاثَالْيَا،
1CH 8:27 يَاعْرَاشْيَا، إِلِييَا ذ زِيكْرِي [ثُوغَا أَثنْ ذ] أَرَّاونْ ن يَارُوحَامْ.
1CH 8:28 إِنَا [ثُوغَا أَثنْ ذ] إِزدْجِيفنْ خْ إِبَابَاثنْ، [تّْوَاستّْفنْ] عْلَاحْسَابْ جَّاذِيرَا نْسنْ، إِزدْجِيفنْ [إِ إِدْجَانْ]. نِيثْنِي ثُوغَا زدّْغنْ ذِي ؤُرْشَالِيمْ.
1CH 8:29 ذِي جِيبْعُونْ إِزْذغْ بَابَاسْ ن جِيبْعُونْ ؤُ ثَامْغَارْثْ نّسْ قَّارنْ أَسْ مَاعْكَا.
1CH 8:30 أَمنْزُو نّسْ [ثُوغَا] عَابْذُونْ، [خنِّي] صُورْ، قِيسْ، بَاعَالْ، نَاذَابْ،
1CH 8:31 جَاذُورْ، أَخِّييُو ذ زَاكِيرْ.
1CH 8:32 مِيقْلُوثْ إِجَّا-د شَامَا. ؤُڒَا ذ نِيثْنِي زذْغنْ ذِي ؤُرْشَالِيمْ أَجمَّاضْ ن أَيْثْمَاثْسنْ، [جْمِيعْ] أَكْ-ذ يَايْثْمَاثْسنْ.
1CH 8:33 نِيرْ إِجَّا-د قِيسْ ؤُ قِيسْ إِجَّا-د شَاوُولْ ؤُ شَاوُولْ إِجَّا-د يُونَاثَانْ، مَالْكِيشُوعَا، أَبِينَاذَابْ ذ إِشْبَاعَالْ.
1CH 8:34 مِّيسْ ن يُونَاثَانْ [ثُوغَا] مَارِيبْ-بَاعَالْ. مَارِيبْ-بَاعَالْ إِجَّا-د مِيخَا.
1CH 8:35 أَرَّاونْ ن مِيخَا [ثُوغَا أَثنْ ذ] فِيثُونْ، مَالِيكْ، ثَارِيعْ ذ أَحَازْ.
1CH 8:36 أَحَازْ إِجَّا-د يَاهُوعَادَّا ؤُ يَاهُوعَادَّا إِجَّا-د عَالْمَاثْ، عَازْمَاوثْ ذ زِيمْرِي. زِيمْرِي إِجَّا-د مُوصَا،
1CH 8:37 ؤُ مُوصَا إِجَّا-د بِينْعَا. مِّيسْ [ثُوغَا] رَافَاعْ، مِّيسْ إِلْعَاسَا [ذ] مِّيسْ أَصِييَالْ.
1CH 8:38 أَصِييَالْ ثُوغَا غَارسْ ستَّا ن وَارَّاونْ ؤُ إِنَا ذ إِسْمَاونْ نْسنْ: عَازْرِيقَامْ، بُوكْرَا، إِسْمَاعِيلْ، شَاعَارْيَا، عُوبَاذْيَا ذ حَانَانْ. نِيثْنِي مَارَّا [ثُوغَا أَثنْ ذ] أَرَّاونْ ن أَصِييَالْ.
1CH 8:39 أَرَّاونْ ن ؤُمَاسْ عَاشِيقْ [ثُوغَا أَثنْ ذ] ؤُلَامْ، أَمزْوَارُو نّسْ، [ؤُ] وِيسّْ ثْنَاينْ [ثُوغَا-ث ذ] يَاعُوشْ ذ وِيسّْ ثْڒَاثَا إِلِيفَالَاطْ.
1CH 8:40 أَرَّاونْ ن ؤُلَامْ [ثُوغَا أَثنْ ذ] إِرْيَازنْ، أَيْثْ ن بُو-ثغْرُوضْثْ إِمحْضنْ نِّي إِمحْضنْ ڒْقوْسْ. نِيثْنِي ثُوغَا غَارْسنْ أَطَّاسْ ن وَارَّاونْ ذ وَايَّاونْ، [س مَارَّا] مْيَا ؤُ-خمْسِينْ. مَارَّا إِنَا زڭْ وَارَّاونْ ن بِينْيَامِينْ.
1CH 9:1 مَارَّا إِسْرَائِيل إِتّْوَازمّمْ [ذِي لِيسْثَاثْ ن جَّاذِيرَا] ؤُ خْزَارْ، نِيثْنِي تّْوَازمّمنْ ذڭْ وذْلِيسْ ن إِجدْجِيذنْ ن إِسْرَائِيل ذ يَاهُوذَا. إِتّْوَانْذهْ يَاهُوذَا غَارْ لْمنْفَا غَارْ بَابِيلْ ذِي سِّيبّثْ ن ڒغْذَارْ نْسنْ.
1CH 9:2 إِمزْذَاغْ إِمزْوُورَا [إِ إِڭِّينْ أَذْ زذْغنْ] خْ وَاڭْڒَا نْسنْ ذِي ثْندَّامْ نْسنْ، [ثُوغَا أَثنْ] [أَيْثْ ن] إِسْرَائِيل، [ؤُشَا ؤُڒَا] ذ إِكهَّاننْ ذ إِلَاوِييّنْ ذ إِمْسخَّارنْ ن زَّاوشْثْ ثَامقّْرَانْثْ.
1CH 9:3 زڭْ وَارَّاونْ ن يَاهُوذَا ؤُ زڭْ وَارَّاونْ ن بِينْيَامِينْ ؤُ زڭْ وَارَّاونْ ن إِفْرَايِيمْ ؤُ زڭْ وَارَّاونْ ن مَانَاسَّا زذْغنْ [إِنَا] ذِي ؤُرْشَالِيمْ:
1CH 9:4 عُوثَايْ، مِّيسْ ن عَامِّيهُوذْ، مِّيسْ ن عُومْرِي، مِّيسْ ن إِمْرِي، مِّيسْ ن بَانِي. [نتَّا ثُوغَا] زڭْ وَارَّاونْ ن فَارِيصْ، مِّيسْ ن يَاهُوذَا.
1CH 9:5 زڭْ أَشِيلُونِي[يّنْ]: عَاسَايَا، أَمنْزُو أَكْ-ذ وَارَّاونْ نّسْ،
1CH 9:6 ؤُ زڭْ وَارَّاونْ ن زَارَاحْ: يَاعُويِيلْ [وَاهَا]. أَيْثْمَاثْسنْ [ثُوغَا أَثنْ] ذِي ستَّا مْيَا ؤُ-ثسْعِينْ.
1CH 9:7 زڭْ وَارَّاونْ ن بِينْيَامِينْ: سَالُّو، مِّيسْ ن مَاشُولَّامْ، مِّيسْ ن هُوذُويَا، مِّيسْ ن هَاسْنُووَا،
1CH 9:8 ذ يِيبْنِييَا، مِّيسْ ن يَارُوحَامْ؛ ؤُ إِلَا، مِّيسْ ن عُوزِّي، مِّيسْ ن مِيكْرِي؛ ؤُ مَاشُولَّامْ، مِّيسْ ن شَافَاطْيَا، مِّيسْ ن رَاعُويِيلْ، مِّيسْ ن يِيبْنِييَا.
1CH 9:9 أَيْثْمَاثْسنْ، [تّْوَاستّْفنْ] عْلَاحْسَابْ جَّاذِيرَا نْسنْ، [ثُوغَا أَثنْ ذِي] ثسْعَا-مْيَا ؤُ-ستَّا ؤُ-خمْسِينْ [ن يرْيَازنْ]. مَارَّا إِرْيَازنْ-أَ [ثُوغَا أَثنْ] ذ إِزدْجِيفنْ خْ إِبَابَاثنْ ن ڒَادْجَاثْ نْسنْ.
1CH 9:10 زڭْ إِكهَّاننْ: يَاذَاعْيَا، يَاهُويَارِيبْ ذ يَاكِينْ؛
1CH 9:11 ذ عَازَارْيَا، مِّيسْ ن حِيلْقِييَا، مِّيسْ ن مَاشُولَّامْ، مِّيسْ ن صَاذُوقْ، مِّيسْ ن مَارَايُوثْ، مِّيسْ ن أَخِيطُوبْ، ڒْحَاكمْ ن ثَادَّارْثْ ن أَربِّي؛
1CH 9:12 ذ عَاذَايَا، مِّيسْ ن يَارُوحَامْ، مِّيسْ ن فَاشْحُورْ، مِّيسْ ن مَالْكِييَا؛ ؤُ مَاعْسَايْ، مِّيسْ ن عَاذِييِيلْ، مِّيسْ ن يَاحْزِيرَا، مِّيسْ ن مَاشُولَّامْ، مِّيسْ ن مَاشِيلِّيمِيثْ، مِّيسْ ن إِمِّيرْ.
1CH 9:13 أَيْثْمَاثْسنْ [إِنِّي ثُوغَا إِقّْننْ غَارْ] إِزدْجِيفنْ ن ثُوذْرِينْ ن إِبَابَاثنْ نْسنْ، [ثُوغَا أَثنْ ذڭْ] أَڒفْ ؤُ-سبْعَا-مْيَا ؤُ-ستِّينْ ن أَيْثْ ن بُو-ثغْرُوضْثْ إِمحْضنْ، [إِنِّي إِڭِّينْ] ڒْخذْمثْ ن ثْسخَّارْثْ ذِي ثَادَّارْثْ ن أَربِّي.
1CH 9:14 زڭْ إِلَاوِييّنْ: شَامْعِييَا، مِّيسْ ن حَاشُوبْ، مِّيسْ ن عَازْرِيقَامْ، مِّيسْ ن حَاشَابْيَا، زڭْ وَارَّاونْ ن مَارَارِي،
1CH 9:15 ذ بَاقْبَاقَارْ ذ حَارَاشْ ذ جَالَالْ ذ مَاثَانْيَا، مِّيسْ ن مِيخَا، مِّيسْ ن زِيكْرِي، مِّيسْ ن أَسَافْ؛
1CH 9:16 ذ عُوبَايَا، مِّيسْ ن شَامْعِييَا، مِّيسْ ن جَالَالْ، مِّيسْ ن يَاذُوثُونْ؛ ذ بَارَاخْيَا، مِّيسْ ن أَسَا، مِّيسْ ن إِلْقَانَا، ونِّي إِزدّْغنْ ذِي ڒذْشُورْ ن إِنَاطُوفَاثِييّنْ.
1CH 9:17 إِعسَّاسنْ ن ثوَّارْثْ [ثُوغَا أَثنْ ذ] شَالُّومْ، عَاقُّوبْ، طَالْمُونْ ذ أَخِيمَانْ ذ ثَاوْمَاثْ نْسنْ. شَالُّومْ [ثُوغَا-ث ذ] أَزدْجِيفْ.
1CH 9:18 أَڒْ ڒخُّو [بدّنْ نِيثْنِي] غَارْ ثوَّارْثْ ن ؤُجدْجِيذْ ذِي مَانِيسْ إِ د-ثْنقَّارْ ثْفُوشْثْ. نِيثْنِي ذ إِعسَّاسنْ ن ثوَّارْثْ غَارْ ڒمْرَاڭحْ ن ڒْعسْكَارْ ن أَيْثْ ن لَاوِي.
1CH 9:19 شَالُّومْ، مِّيسْ ن قُورِي، مِّيسْ ن أَبِييَاسَافْ، مِّيسْ ن قُورَاحْ، ذ أَيْثْمَاسْ، [إِنِّي ثُوغَا إِقّْننْ] غَارْ ثَادَّارْثْ ن بَابَاسْ، إِخْسْ أَذْ يِينِي إِقُورَاحِييّنْ، [ثُوغَا أَثنْ] خْ ڒْخذْمثْ ن ثْسخَّارْثْ. نِيثْنِي ثُوغَا-ثنْ ذ إِعسَّاسنْ غَارْ ثْنبْذَاثِينْ ن ؤُقِيضُونْ، أَمْ مَامّشْ ثُوغَا ڒجْذُوذْ نْسنْ ذ إِعسَّاسنْ ن وَاذَافْ غَارْ ڒْمَارْڭحْ ن ڒْعسْكَارْ ن سِيذِي.
1CH 9:20 فِينَاحَاسْ، مِّيسْ ن أَلِيعَازَارْ، [ثُوغَا-ث] زِيشْ ذ ڒْحَاكمْ نْسنْ. سِيذِي [ثُوغَا] أَكِيذسْ.
1CH 9:21 زَاكَارِييَّا، مِّيسْ ن مَاشَالْمِييَا، [ثُوغَا-ث ذ] أَعسَّاسْ ن ثوَّارْثْ غَارْ وَاذَافْ ن ؤُقِيضُونْ ن ؤُمْسَاڭَارْ.
1CH 9:22 مَارَّا إِنِّي إِتّْوَافَارْزنْ أَمْ يِيعسَّاسنْ ن ثوَّارْثْ غَارْ وَاذَافنْ، [ثُوغَا أَثنْ ذِي] مِيثَاينْ ؤُ-ثنْعَاشْ [ن يرْيَازنْ]. نِيثْنِي تّْوَازمّمنْ [ذِي لِيسْثَا ن جَّاذِيرَا] ذِي ڒذْشُورْ نْسنْ. ذَاوُوذْ ذ شَامْوِيلْ، أَمْوَاڒَاوْ، سّْمثْننْ ثنْ ذِي ڒْفُوسِينَا إِ ذ أَسنْ د-إِتّْوَاوكّْڒنْ.
1CH 9:23 نِيثْنِي ثُوغَا تّْعسَّانْ أَكْ-ذ وَارَّاونْ نْسنْ غَارْ ثوُّورَا ن ثَادَّارْثْ ن سِيذِي، غَارْ ثَادَّارْثْ ن ؤُقِيضُونْ.
1CH 9:24 إِعسَّاسنْ ن ثوُّورَا [ثُوغَا بدّنْ] غَارْ أَربْعَا [ن إِغزْذِيسنْ] ن ؤُسمِّيضْ: غَارْ شَّارْقْ، غَارْ ڒْغَارْبْ، غَارْ شَّامَالْ، غَارْ لْجَانُوبْ.
1CH 9:25 ثُوغَا خْ أَيْثْمَاثْسنْ، [إِنِّي ثُوغَا إِزدّْغنْ] ذِي ڒذْشُورْ نْسنْ، أَذْ د-أَسنْ ذڭْ وَاسّْ وِيسّْ سبْعَا، حِيمَا [أَذْ سخَّارنْ ڒْمِيجَاڒْ ن إِشْثْ ن سِّيمَانَا] ذِي ڒْوَاوْقَاثْ إِتّْوَاڭّنْ، [جْمِيعْ] أَكِيذْسنْ،
1CH 9:26 مَاغَارْ ذِي ڒْخذْمثْ إِ ذ أَسنْ-د إِتّْوَاوكّْڒنْ ثُوغَا نِيثْنِي ذ أَربْعَا ن إِعسَّاسنْ إِمزْوُورَا خْ ثوُّورَا. نِيثْنِي، إِخْسْ أَذْ يِينِي إِلَاوِييّنْ، تّْوَاڒقّْمنْ خْ إِخَّامنْ ؤُ خْ ثْخُوبَايْ ن ثَادَّارْثْ ن أَربِّي.
1CH 9:27 ذِي دْجِيڒثْ سّنْسنْ ذڭْ ونّضْ ن ثَادَّارْثْ ن أَربِّي، مَاغَارْ ثُوغَا تّْوَاكلّْفنْ س ثْعسَّاسْثْ ذ وَارْزَامْ [ن ثوُّورَا] كُوڒْ صّْبحْ.
1CH 9:28 [شَا] زَّايْسنْ [تّْوَاڭّنْ] خْ دُّوزَانَاثْ ن ثْسخَّارْثْ، مَاغَارْ نِيثْنِي حسّْبنْ [ثنْ] ؤُمِي ثنْ سِّيذْفنْ ؤُ ؤُمِي ثنْ سُّوفّْغنْ.
1CH 9:29 [شَا نّغْنِي] زَّايْسنْ تّْوَاڭّنْ خْ دُّوزَانَاثْ ؤُ خْ مَارَّا ڒقْشُوعْ إِقدّْسنْ ؤُ خْ وَارنْ أَزْذَاذْ ذ بِينُو ذ زّشْثْ ذ جَّاوِي ذ ڒعْطُورْ.
1CH 9:30 إِمْسوْجَّاذنْ ن ثْخدْجضْثْ إِتّْفُوحنْ أَكْ-ذ ڒعْطُورْ [ثُوغَا أَثنْ] زڭْ وَارَّاونْ ن إِكهَّاننْ.
1CH 9:31 مَاتِّيثْيَا، [إِجّنْ] زڭْ أَيْثْ ن لَاوِي، [ثُوغَا] ذ أَمنْزُو ن شَالُّومْ، أَقُورَاحِي. إِتّْوَاوكّڒْ أَسْ مَاحنْذْ أَذْ إِسّوْجذْ مِينْ إِتّْخصَّا أَذْ سّنْڭْونْ.
1CH 9:32 زڭْ وَارَّاونْ ن إِقَاهَاثِييّنْ، زڭْ أَيْثْمَاثْسنْ، [ثُوغَا شَا] تّْوَاڒقّْمنْ خْ وغْرُومْ ن وسْشَانْ، حِيمَا أَذْ ث سَّارْسنْ [ذِي طَّابْڒَا] كُوڒْ أَسّْ ن سّبْثْ.
1CH 9:33 نِيثْنِي [ثُوغَا أَثنْ] ؤُڒَا ذ إِمذْيَازنْ، إِزدْجِيفنْ ن إِبَابَاثنْ [ن ڒَادْجَاثْ] ن إِلَاوِييّنْ، إِنِّي إِتّْوَانْفكّنْ [زِي ڒخْذَايمْ نّغْنِي] مِينْزِي ثُوغَا خَاسنْ حِيمَا أَذْ شغْڒنْ أَكْ-ذ ڒْخذْمثْ-أَ أَسّْ ذ دْجِيڒثْ.
1CH 9:34 إِنَا [ثُوغَا أَثنْ ذ] إِزدْجِيفنْ ن إِبَابَاثنْ [ن ڒَادْجَاثْ] ن إِلَاوِييّنْ، [تّْوَاستّْفنْ] عْلَاحْسَابْ جَّاذِيرَا نْسنْ، إِزدْجِيفنْ [إِ إِدْجَانْ]. نِيثْنِي ثُوغَا زدّْغنْ ذِي ؤُرْشَالِيمْ.
1CH 9:35 ذِي جِيبْعُونْ زذْغنْ يَاعِييِيلْ، بَابَاسْ ن جِيبْعُونْ، ؤُ إِسمْ ن ثمْغَارْثْ نّسْ ثُوغَا-ث مَاعْكَا.
1CH 9:36 مِّيسْ أَمنْزُو [ثُوغَا] عَابْذُونْ. [ثُوغَا زدّْغنْ ذِينْ عَاوذْ] صُورْ، قِيسْ، نِيرْ، نَاذَابْ،
1CH 9:37 جَاذُورْ، أَخِييُو، زَاكَارِييَّا ذ مِيقْلُوثْ.
1CH 9:38 مِيقْلُوثْ إِجَّا-د شِيمْعَا. نِيثْنِي ثُوغَا زدّْغنْ أَجمَّاضْ ن أَيْثْمَاثْسنْ ذِي ؤُرْشَالِيمْ، [جْمِيعْ] أَكْ-ذ أَيْثْمَاثْسنْ [إِنّغْنِي].
1CH 9:39 نِيرْ إِجَّا-د قِيسْ، قِيسْ إِجَّا-د شَاوُولْ ؤُ شَاوُولْ إِجَّا-د يُونَاثَانْ، مَالْكِيشُوعَا، أَبِينَاذَابْ ذ إِشْبَاعَالْ.
1CH 9:40 مِّيسْ ن يُونَاثَانْ [ثُوغَا] مَارِيبْ-بَاعَالْ، ؤُ مَارِيبْ-بَاعَالْ إِجَّا-د مِيخَا.
1CH 9:41 أَرَّاونْ ن مِيخَا [ثُوغَا أَثنْ ذ] فِيثُونْ، مَالَاكْ ذ ثَاحْرِيعَا.
1CH 9:42 أَحَازْ إِجَّا-د يَاعْرَا، ؤُ يَاعْرَا إِجَّا-د عَالْمَاثْ، عَازْمَاوثْ ذ زِيمْرِي، ؤُ زِيمْرِي إِجَّا-د مُوصَا،
1CH 9:43 ؤُ مُوصَا إِجَّا-د بِينْعَا. مِّيسْ [ثُوغَا] رَافَايَا، مِّيسْ إِلْعَاسَا [ذ] مِّيسْ نّسْ أَصِيلْ.
1CH 9:44 أَصِيلْ ثُوغَا غَارسْ ستَّا ن وَارَّاونْ ؤُ إِنَا ذ إِسْمَاونْ نْسنْ: عَازْرِيقَامْ ذ بُوكْرَا ذ إِسْمَاعِيلْ ذ شَاعَارْيَا ذ عُوبَاذْيَا ذ حَانَانْ. إِنَا [ثُوغَا أَثنْ ذ] أَرَّاونْ ن أَصِيلْ.
1CH 10:1 مّنْغنْ إِفِيلِيسْطِينِييّنْ أَكْ-ذ إِسْرَائِيل. إِرْيَازْ[أنْ] ن إِسْرَائِيل أَروْڒنْ زَّاثْ إِ وُوذمْ ن إِفِيلِيسْطِينِييّنْ ؤُشَا وْضَانْ ذ إِمتَّانْ خْ ثمُّورْثْ ن إِذُورَارْ ن جِيلْبُوعَا.
1CH 10:2 إِفِيلِيسْطِينِييّنْ ضْفَارنْ شَاوُولْ ذ أَرَّاونْ نّسْ بْڒَا قطُّو. إِفِيلِيسْطِينِييّنْ نْغِينْ يُونَاثَانْ، أَبِينَاذَابْ ذ مَالْكِيشُوعَا، أَرَّاونْ ن شَاوُولْ.
1CH 10:3 ثُوغَا أَمنْغِي أَكْ-ذ شَاوُولْ إِوْعَارْ. إِمْجبَّاذنْ نْ ڒْقوْسْ ؤُفِينْ ث ؤُ نتَّا ثُوغَا إِڭّْوذْ أَطَّاسْ زڭْ إِمْجبَّاذنْ نْ ڒْقوْسْ.
1CH 10:4 إِنَّا شَاوُولْ إِ ؤُحمَّاڒْ ن ڒسْنَاحْ نّسْ: ”سُوفّغْ-د سِّيفْ نّشْ، سْنُوقّبْ أَيِي زَّايسْ! نِيغْ أَذْ د-أَسنْ إِنِّي وَارْ إِتّْوَاخثْننْ، أَذْ زَّايِي سْثهْزَانْ.“ [مَاشَا] أَحمَّاڒْ نّسْ ن ڒسْنَاحْ وَارْ إِخْسْ [أَذْ ت إِڭّْ]، مَاغَارْ ثُوغَا إِڭّْوذْ أَطَّاسْ. [خنِّي] إِكْسِي شَاوُولْ سِّيفْ ؤُشَا إِسّغْضڒْ إِخفْ نّسْ خَاسْ.
1CH 10:5 [ؤُمِي] إِژْرَا ؤُحمَّاڒْ ن ڒسْنَاحْ، أَقَا شَاوُولْ إِمُّوثْ، إِوْضَا ڒَا ذ نتَّا خْ سِّيفْ نّسْ ؤُشَا إِمُّوثْ.
1CH 10:6 إِمُّوثْ شَاوُولْ أَكْ-ذ ثْڒَاثَا ن وَارَّاونْ نّسْ ؤُشَا [أَمُّو] ثمُّوثْ قَاعْ ثَادَّارْثْ نّسْ.
1CH 10:7 [ؤُمِي] ژْرِينْ مَارَّا يرْيَازنْ ن إِسْرَائِيل، إِنِّي ثُوغَا ذِي ڒوْضَا ن ثغْزُورْثْ، بلِّي إِرْيَازنْ ن إِسْرَائِيل أَروْڒنْ ؤُ شَاوُولْ ذ وَارَّاونْ نّسْ تّْوَانْغنْ، سمْحنْ نِيثْنِي ذِي ثْندَّامْ نْسنْ ؤُشَا أَروْڒنْ. [ڒخْذنِّي] ؤُسِينْ-د إِفِيلِيسْطِينِييّنْ ؤُشَا ذوْڒنْ زدّْغنْ ذِينْ.
1CH 10:8 ثِيوشَّا نّسْ ؤُمِي د-ؤُسِينْ إِفِيلِيسْطِينِييّنْ حِيمَا أَذْ كشّْضنْ إِنِّي إِتّْوَانْغنْ، إِمْسَارْ، أَقَا ؤُفِينْ شَاوُولْ ذ وَارَّاونْ نّسْ، إِنِّي ثُوغَا إِوْضَانْ خْ وذْرَارْ ن جِيلْبُوعَا.
1CH 10:9 نِيثْنِي كشّْضنْ ث ؤُشَا إِوْينْ أَزدْجِيفْ نّسْ ذ ڒسْنَاحْ نّسْ ؤُشَا سّكّنْ ثنْ ذِي ثمُّورْثْ ن إِفِيلِيسْطِينِييّنْ، حِيمَا أَذْ سِّيوْضنْ ڒخْبَارْ أَصبْحَانْ غَارْ ڒخْيَاڒَاثْ ن لْ-أَصْنَامْ نْسنْ ؤُ غَارْ ڒْڭنْسْ.
1CH 10:10 نِيثْنِي سَّارْسنْ ڒسْنَاحْ ن شَاوُولْ ذِي ثَادَّارْثْ ن أَربِّي نْسنْ ؤُ أَشقُّوفْ ن ؤُزدْجِيفْ نّسْ سمَّارنْ ث غَارْ ڒْحِيضْ ن بَايْثْ-شَانْ.
1CH 10:11 ؤُمِي سْڒَانْ مَارَّا [إِمزْذَاغْ ن] يَابِيشْ مِينْ ڭِّينْ إِفِيلِيسْطِينِييّنْ أَكْ-ذ شَاوُولْ،
1CH 10:12 كَّارنْ مَارَّا إِرْيَازنْ إِمحْضنْ، كْسِينْ ڒْخشْبثْ ن شَاوُولْ ذ ڒْخشْبَاثْ ن وَارَّاونْ نّسْ ؤُشَا إِوْينْ ثنْثْ غَارْ يَابِيشْ. نِيثْنِي نضْڒنْ إِغْسَانْ نْسنْ سَاذُو إِ ثْشجَّارْثْ ن يِيڭّْ ذِي يَابِيشْ ؤُشَا ژُومّنْ سبْعَا ن وُوسَّانْ.
1CH 10:13 شَاوُولْ إِمُّوثْ ذِي سِّيبّثْ ن ڒغْذَارْ نّسْ إِ زِي ثُوغَا إِغدَّارْ سِيذِي، ذِي سِّيبّثْ ن وَاوَاڒْ ن سِيذِي إِ وَارْ ذَايسْ إِطِّيفْ نتَّا، ؤُ ؤُمِي يَارْزُو شّْوَارْ غَارْ ونِّي إِسَّاوَاڒنْ أَكْ-ذ إِمتَّانْ،
1CH 10:14 وَارْ إِسّقْسِي سِيذِي. س ؤُينِّي إِنْغَا إِ-ث [سِيذِي] ؤُشَا إِسّْمُوطِّييْ ثَاڭلْذَا إِ ذَاوُوذْ، مِّيسْ ن يَاسَّا.
1CH 11:1 مَارَّا إِسْرَائِيل يُوسَا-د غَارْ ذَاوُوذْ غَارْ حَابْرُونْ، نَّانْ: ”خْزَارْ، نشِّينْ ذ إِغْسَانْ ذ ويْسُومْ نّشْ.
1CH 11:2 عَاذْ ؤُمِي ثُوغَا شَاوُولْ ذ أَجدْجِيذْ خَانغْ، أَقَا ذ شكْ إِ د-إِسُّوفّْغنْ إِسْرَائِيل [غَارْ ؤُمنْغِي] ؤُشَا ثْجبْذذْ ث-إِ-د أَذْ د-إِذْوڒْ. عَاوذْ إِنَّا أَشْ سِيذِي، أَربِّي نّشْ: ’شكْ أَذْ ثَاروْسذْ ڒْڭنْسْ إِنُو إِسْرَائِيل ؤُ شكْ أَذْ ثِيڒِيذْ ذ ڒْحَاكمْ خْ إِسْرَائِيل.‘ “
1CH 11:3 [خنِّي] ؤُسِينْ-د مَارَّا إِمْغَارنْ ن إِسْرَائِيل غَارْ ؤُجدْجِيذْ ذِي حَابْرُونْ ؤُشَا إِڭَّا ؤُجدْجِيذْ ذَاوُوذْ إِجّْ ن ڒْعَاهْذْ أَكِيذْسنْ ذِي حَابْرُونْ زَّاثْ إِ وُوذمْ ن سِيذِي. نِيثْنِي ذهْننْ ذَاوُوذْ ذ أَجدْجِيذْ خْ إِسْرَائِيل عْلَاحْسَابْ أَوَاڒْ ن سِيذِي س ؤُقمُّومْ ن شَامْوِيلْ.
1CH 11:4 ذَاوُوذْ إِفّغْ أَكْ-ذ مَارَّا إِسْرَائِيل غَارْ ؤُرْشَالِيمْ، أَقَا-ث ذ يابُوسْ. ذِينِّي [ثُوغَا زدّْغنْ] أَيْثْ ن يابُوسْ، إِمزْذَاغْ ن ثمُّورْثْ.
1CH 11:5 إِمزْذَاغْ ن يابُوسْ نَّانْ إِ ذَاوُوذْ: ”شكْ وَارْ ذَا ثتِّيذْفذْ شَا.“ [مَاشَا] ذَاوُوذْ إِطّفْ لْبُورْجْ ن صِيهْيُونْ، أَقَا-ث ذ ثَانْذِينْثْ ن ذَاوُوذْ.
1CH 11:6 [مَاغَارْ] ذَاوُوذْ إِنَّا: ”كُوڒْ إِجّْ ونِّي إِ غَا إِوْثنْ أَيْثْ ن يابُوسْ ذ أَمزْوَارُو، أَذْ إِذْوڒْ ذ أَزدْجِيفْ ن إِكُومَانْذَارنْ. ؤُشَا يُووَابْ، مِّيسْ ن سَارَايَا، إِڭعّذْ ذ أَمزْوَارُو، [س ؤُينِّي] إِذْوڒْ نتَّا ذ أَزدْجِيفْ.
1CH 11:7 ثُوغَا ذَاوُوذْ إِزدّغْ ذِي لْقلْعَا. خْ ؤُيَا قَّارنْ أَسْ [إِ لْقلْعَا] ثَانْذِينْثْ ن ذَاوُوذْ.
1CH 11:8 نتَّا إِبْنَا ثَانْذِينْثْ إِ ذ أَسْ د-إِنّْضنْ، زِي لْقلْعَا ؤُ سّنِّي إِقُووَّارْ أَسْ-د. إِعْذڒْ يُوعَابْ مِينْ إِقِّيمنْ ن ثنْذِينْثْ.
1CH 11:9 إِذْوڒْ ذَاوُوذْ يَارنِّي ذِي ڒمْغَارثْ، مَاغَارْ سِيذِي ن ڒْعسْكَارَاثْ ثُوغَا-ث أَكِيذسْ.
1CH 11:10 إِنَا ذ إِزدْجِيفنْ ن أَيْثْ ن بُو-ثغْرُوضْثْ ن ذَاوُوذْ إِنِّي إِسّْجّهْذنْ أَكِيذسْ ثَاڭلْذَا نّسْ ذِي مَارَّا إِسْرَائِيل، حِيمَا أَذْ ث ڭّنْ ذ أَجدْجِيذْ خْ إِسْرَائِيل عْلَاحْسَابْ أَوَاڒْ ن سِيذِي.
1CH 11:11 ثَا ذ لِيسْثَا ن لْعَاذَاذْ ن أَيْثْ ن بُو-ثغْرُوضْثْ ن ذَاوُوذْ: يَاشُوبْعَامْ، مِّيسْ ن هَاكْمُونِي، أَزدْجِيفْ ن ثْڒَاثِينْ. نتَّا إِحنّضْ س لَانْسَا نّسْ خْ ثڒْثْ-مْيَا [ن يرْيَازنْ] نِّي إِسّْنُوقّبْ ذڭْ إِجّْ ن ؤُمُورْ.
1CH 11:12 أَوَارْنِي أَسْ [يُوسَا-د] أَلِيعَازَارْ، مِّيسْ ن ذُوذُو، أَخُوخِي. نتَّا ثُوغَا ذ إِجّْ زِي ثْڒَاثَا ن أَيْثْ ن بُو-ثغْرُوضْثْ.
1CH 11:13 نتَّا ثُوغَا-ث أَكْ-ذ ذَاوُوذْ ذِي فَاسْ-ذَامِّيمْ. إِفِيلِيسْطِينِييّنْ نّْيَارْونْ ذِينْ إِ ؤُمنْغِي. إِجّْ ن وزْينْ ن ييَّارْ ثُوغَا إِشُّورْ س إِمنْذِي ؤُمِي يَارْوڒْ ڒْڭنْسْ زڭْ إِفِيلِيسْطِينِييّنْ.
1CH 11:14 نِيثْنِي بدّنْ ذِي ڒْوسْثْ ن وزْينْ ن ييَّارْ نِّي، فكّنْ ث، ؤُشَاغڒْبنْ خْ إِفِيلِيسْطِينِييّنْ. [أَمُّو] إِ يَارَّا سِيذِي ذ أَسنْجمْ ذ أَمقّْرَانْ.
1CH 11:15 ثْڒَاثَا زِي ثْڒَاثِينْ ن إِزدْجِيفنْ هْوَانْ أَڒْ ثَاصْضَارْثْ، [ؤُسِينْ-د] غَارْ ذَاوُوذْ ذڭْ إِفْرِي ن أَبْذُولَّامْ. ڒْعسْكَارْ ن إِفِيلِيسْطِينِييّنْ ثُوغَا إِوْثَا إِقِيضَانْ نّسْ ذِي ثغْزُورْثْ ن إِرَافَاوِييّنْ.
1CH 11:16 ذَاوُوذْ [ثُوغَا-ث] ذِي لْقلْعَا ؤُ [ثُوغَا] ذِينْ إِجّْ ن ڒْعسْكَارْ ن ؤُحوّسْ ن إِفِيلِيسْطِينِييّنْ ذِي بَايْثْ-لَاحْمْ.
1CH 11:17 ذَاوُوذْ إِڒْقفْ إِ-ث ؤُفَاذِي، إِنَّا: ”وِي إِ ذ أَيِي د غَا يَاوْينْ أَمَانْ زِي ثَاڒَا ن بَايْثْ-لَاحْمْ نِّي [إِدْجَانْ] غَارْ ثوَّارْثْ [ن ثنْذِينْثْ]؟“
1CH 11:18 [خنِّي] شُوقنْ ثْڒَاثَا نِّي ڒْمَارْڭحْ ن ڒْعسْكَارْ ن إِفِيلِيسْطِينِييّنْ، ؤُيْمنْ-د أَمَانْ زِي ثَاڒَا ن بَايْثْ-لَاحْمْ، ثنِّي [إِدْجَانْ] غَارْ ثوَّارْثْ [ن ثنْذِينْثْ]. كْسِينْ ثنْ أَكِيذْسنْ ؤُشَا إِوْضنْ غَارْ ذَاوُوذْ. نتَّا يُوڭِي أَذْ ثنْ إِسُو، مَاشَا إِزدْجعْ إِ-ثنْ زَّاثْ إِ سِيذِي.
1CH 11:19 نتَّا إِنَّا: ”أَيَا إِڭّْوجْ خَافِي، [أَ] أَربِّي إِنُو، أَقَا نشّْ أَذْ ڭّغْ مَانْ أَيَا. مَا أَذْ سْوغْ إِذَامّنْ ن يرْيَازنْ س ڒعْمَارْ نْسنْ [ذَايْسنْ]، مَاغَارْ نِيثْنِي سبّْڒنْ ثُوذَارْثْ نْسنْ سِيمَانْثْ نْسنْ؟“ ؤُ نتَّا وَارْ إِخْسْ أَذْ ثنْ إِسُو. ذ مَانْ أَيَا إِ ڭِّينْ ثْڒَاثَا ن أَيْثْ ن بُو-ثغْرُوضْثْ [نِّي].
1CH 11:20 أَبِيشَايْ، مِّيسْ ن يُووَابْ، ثُوغَا ذ أَزدْجِيفْ ن ثْڒَاثَا [نِّي]. نتَّا إِحنّضْ لَانْسَا نّسْ خْ ثڒْثْ-مْيَا [ن يرْيَازنْ]، إِسّْنُوقّبْ [إِ-ثنْ]. نتَّا غَارسْ إِجّْ ن يِيسمْ [إِتّْوَاشنّْعنْ] جَارْ ثْڒَاثَا [نِّي].
1CH 11:21 جَارْ ثْڒَاثَا[-يَا] ثُوغَا [أَبِيشَايْ] ذ ونِّي إِتّْوَاشنّْعنْ ثْنَاينْ ن إِمُورنْ، ؤُ نتَّا ثُوغَا ذ ڒْقبْطَانْ إِ نِيثْنِي. [مَاشَا] نتَّا وَارْ يِيوِيضْ ؤُڒَا أَمْ ثْڒَاثَا إِمزْوُورَا.
1CH 11:22 [خنِّي] بَانَايَا، مِّيسْ ن يَاهُويَاذَاعْ، مِّيسْ ن إِجّْ ن ورْيَازْ إِمحْضنْ، ثِيمڭَّا نّسْ مْغَارنْثْ. نتَّا زِي قَابْضِييِيلْ. إِغْڒبْ خْ ثْنَاينْ ن إِيْرَاذنْ جهْذنْ زِي مُوآبَ. عَاوذْ ثُوغَا إِهْوَا [إِشْثْ ن ثْوَاڒَا]، إِغْڒبْ خْ إِجّْ ن ويْرَاذْ ذِي ڒْوسْطْ ن إِجّْ ن وَانُو ذڭْ إِجّْ ن وَاسّْ ؤُمِي إِوْثَا وذْفڒْ.
1CH 11:23 نتَّا إِغْڒبْ ؤُڒَا خْ يِيجّْ ن ورْيَازْ ذ أَمِيصْرِي، س يِيجّْ ثِيذِّي ن خمْسَا ن إِغَادْجنْ. أَمِيصْرِي ثُوغَا غَارسْ لَانْسَا ذڭْ ؤُفُوسْ [نّسْ] [ثڭَّا] أَمْ يِيجّْ ن وعْمُوذْ ن ؤُكشُّوضْ ن ؤُخيّضْ. إِهْوَا غَارسْ س وعْمُوذْ، إِكّسْ أَسْ لَانْسَا زڭْ ؤُفُوسْ ن ؤُمِيصْرِي ؤُشَا إِنْغَا إِ-ث س لَانْسَا نّسْ.
1CH 11:24 ذ مَانْ أَيَا إِ إِڭَّا بَانَايَا، مِّيسْ ن يَاهُويَاذَاعْ. س ؤُيَا غَارسْ إِدْجَا إِسمْ [إِشْنعْ] جَارْ ثْڒَاثَا ن أَيْثْ ن بُو-ثغْرُوضْثْ.
1CH 11:25 نتَّا ثُوغَا ذ ونِّي إِتّْوَاشنّْعنْ أَطَّاسْ زِي ثْڒَاثِينْ، مَاشَا وَارْ يِيوضْ أَڒْ ثْڒَاثَا [إِمزْوُورَا]. ذَاوُوذْ إِڭَّا إِ-ث جَارْ إِمْثِيقَّانْ نّسْ.
1CH 11:26 أَيْثْ بُو-ثغْرُوضْثْ إِمحْضنْ [إِ إِقِّيمنْ] [ثُوغَا أَثنْ]: عَسَائِيلْ، ؤُمَاسْ ن يُووَابْ، إِلْحَانَانْ، مِّيسْ ن ذُوذُو، زِي بَايْثْ-لَاحْمْ،
1CH 11:27 شَامُّوثْ، أَهَارُوذِي، حَالِيصْ، أَلْفَالُونِي،
1CH 11:28 عِيرَا، مِّيسْ ن عِيقِّيشْ، أَثِيقُّوعِي، أَبِيعَازَارْ، أَعَانَاثُوثِي،
1CH 11:29 سِيبِّيكَايْ، أَحُوشَاثِي، عِيلَايْ، أَخُوخِي،
1CH 11:30 مَاهَارَايْ، أَنَاطُوفَاثِي، خَالِيذْ، مِّيسْ ن بَاعْنَا، أَنَاطُوفَاثِي،
1CH 11:31 إِتَّايْ، مِّيسْ ن رِيبَايْ، زِي جِيبْعَا زڭْ وَارَّاونْ ن بِينْيَامِينْ، بَانَايَا، زِي فِيرْعَاثُونْ،
1CH 11:32 هُورَايْ زِي ثغْزَارِينْ ن جَاعَاشْ، أَبِييِيلْ، أَعَارَابَاثِي،
1CH 11:33 عَازْمَاوثْ، أَبَاحْرُومِي، إِلْيَاحْبَا، أَشَاعَالْبُونِي،
1CH 11:34 أَرَّاونْ ن هَاشِيمْ، أَجَازُونِي، يُونَاثَانْ، مِّيسْ ن شَاجَايْ، أَهَارَارِي،
1CH 11:35 أَخِييَامْ، مِّيسْ ن سَاكَارْ، أَهَارَارِي، إِلِيفَالْ، مِّيسْ ن ؤُرْ،
1CH 11:36 حَافِيرْ، أَمَاكِيرَاثِي، أَخِييَا، أَفَالُونِي،
1CH 11:37 حَاصْرُو، أَكَارْمَالِي، نَاعْرَايْ، مِّيسْ ن إِزْبَايْ،
1CH 11:38 يُووِيلْ، ؤُمَاسْ ن نَاثَانْ، مِيبْحَارْ، مِّيسْ ن هَاجْرِي،
1CH 11:39 صَالِيقْ، أَعَامُّونِي، نَاحْرَايْ، أَبَائِيرُوثِي، أَحمَّاڒْ ن ڒسْنَاحْ ن يُووَابْ، مِّيسْ ن صَارُويَا،
1CH 11:40 عِيرَا، أَيِيثْرِي، جَارِيبْ، أَيِيثْرِي،
1CH 11:41 ؤُرِييَا، أَحِيتِّي، زَابَاذْ، مِّيسْ ن أَحْلَايْ،
1CH 11:42 أَذِينَا، مِّيسْ ن شِيزَا، زِي ثقْبِيتْشْ ن رُوبِينْ، [ونِّي] ذ أَزدْجِيفْ ن أَيْثْ ن رُوبِينْ، ؤُ سنّجْ نّسْ [عَاذْ] ثْڒَاثِينْ [ن يرْيَازنْ]،
1CH 11:43 حَانَانْ، مِّيسْ ن مَاعْكَا، ذ يُوشَافَاطْ، أَمَاثْنِي،
1CH 11:44 عُوزِّييَا أَعَاشْثَارُوثِي، شَامَاعْ ذ يَاعِييِيلْ، أَرَّاونْ ن حُوثَامْ، أَعَارُوعِيرِي،
1CH 11:45 يَاذِيعِيلْ، مِّيسْ ن شِيمْرِي، يُوحَا، ؤُمَاسْ، أَثِيصِي،
1CH 11:46 إِلِييِيلْ أَمَاحْوِيمْ، يَارِيبَايْ ذ يُوشُووْيَا، أَرَّاونْ ن إِلْنَاعَامْ، ذ يِيثْمَا أَمُو‘أَبِي،
1CH 11:47 إِلِييِيلْ، عُوبِيذْ ذ يَاعْسِييِيلْ زِي مَاصُوبَايَا.
1CH 12:1 إِنَا إِ د-يُوسِينْ غَارْ ذَاوُوذْ غَارْ صِيقْلَاغْ، ؤُمِي ثُوغَا إِتّْخصَّا عَاذْ أَذْ إِقِّيمْ [ذَاوُوذْ] إِتّڭّْوجْ خْ وُوذمْ ن شَاوُولْ، مِّيسْ ن قِيشْ. نِيثْنِي [ثُوغَا تّقّنْ إِ] أَيْثْ ن بُو-ثغْرُوضْثْ إِنِّي إِوْشِينْ أَفُوسْ [إِ ذَاوُوذْ] ذڭْ ؤُمنْغِي.
1CH 12:2 نِيثْنِي ثُوغَا حزْمنْ س ڒقْوَاسْ ؤُ زمَّارنْ [أَذْ حجَّارنْ] س يژْرَا ؤُ أَذْ وْثنْ فْڒِيثْشَاثْ س ڒْقوْسْ س ؤُفُوسْ أَفُوسِي ؤُ س ؤُفُوسْ أَزڒْمَاضْ. نِيثْنِي ثُوغَا أَثنْ زڭْ أَيْثْمَاسْ ن شَاوُولْ، زِي بِينْيَامِينْ.
1CH 12:3 أَخِيعَازَارْ [ثُوغَا] ذ أَزدْجِيفْ نْسنْ، [خنِّي] يُووَاشْ، [نِيثْنِي س ثْنَاينْ إِذْسنْ] ذ أَرَّاونْ ن شَامَاعَا، زِي جِيبْعَا، [خنِّي] يَازُو‘إِلْ ذ فَالَاطْ، [نِيثْنِي س ثْنَاينْ إِذْسنْ ذ] أَرَّاونْ ن عَازْمَاوثْ، ؤُ بَارَاخْيَا ذ يَاهُو، زِي عَانَاثُوثْ،
1CH 12:4 ؤُ يَاشْمَاعْيَا، زِي جِيبْعُونْ، [ونِّي ثُوغَا] ذ إِجّْ ن بُو-ثغْرُوضْثْ جَارْ ثْڒَاثِينْ ؤُ [ثُوغَا] خْ ثْڒَاثِينْ،
1CH 12:5 ؤُڒَا ذ إِرْمِييَا، يَاحْزِييِيلْ، يُوحَانَانْ ذ يُوزَابَاذْ، أَجَاذِيرِي،
1CH 12:6 إِلْعُوزَايْ، يَارِيمُوثْ، بَاعْلِييَا، شَامَارْيَا، شَافَاطْيَا، أَحَارُوفِي،
1CH 12:7 إِلْقَانَا، يَاشِّي-يَاهْ، عَازْرِييِيلْ، يُوعَازَارْ ذ يَاشُوبْعَامْ، [نِيثْنِي ذ] إِقُورَاحِييّنْ،
1CH 12:8 ؤُ [غَارْ ؤُنڭَّارْ] يُوعِيلَا ذ زَابَاذْيَا، [نِيثْنِي س ثْنَاينْ إِذْسنْ ذ] أَرَّاونْ ن يَارُوحَامْ زِي جَاذُورْ.
1CH 12:9 زڭْ أَيْثْ ن جَاذْ أَقَا ذِينْ إِنِّي إِمّْسبْضَانْ إِخفْ نْسنْ [حِيمَا أَذْ ژْوَانْ] غَارْ ذَاوُوذْ، ذِي لْقلْعَا ذِي ڒخْڒَا. أَيْثْ ن بُو-ثغْرُوضْثْ إِمحْضنْ، إِعسْكَارِييّنْ [وجْذنْ] إِ ؤُمنْغِي، تّْوَاحزْمنْ س ثْسدَّارِييِينْ [ن ؤُعسْكَارِي] ثِيمقّْرَانِينْ ؤُ س إِحْرِيشنْ. ؤُذْمَاونْ نْسنْ أَمْ وُوذْمَاونْ ن ويْرَاذنْ ؤُ نِيثْنِي ؤُيُورنْ س ثَازْڒَا أَمشْنَاوْ إِغَايْضنْ ن وزْغَارْ خْ إِذُورَارْ.
1CH 12:10 عَازَارْ ثُوغَا-ث ذ أَزدْجِيفْ، عُوبَاذْيَا ذ وِيسّْ ثْنَاينْ، إِلِييَابْ ذ وِيسّْ ثْڒَاثَا،
1CH 12:11 مِيشْمَانَّا ذ وِيسّْ أَربْعَا، إِرْمِييَا ذ وِيسّْ خمْسَا،
1CH 12:12 عَاتَّايْ ذ وِيسّْ ستَّا، إِلِييِيلْ ذ وِيسّْ سبْعَا،
1CH 12:13 يُوحَانَانْ ذ وِيسّْ ثْمنْيَا، إِلْزَابَاذْ ذ وِيسّْ ثسْعَا،
1CH 12:14 إِرْمِييَا ذ وِيسّْعشْرَا، مَاخْبَانَايْ ذ وِيسّْ حِيطَاشْ.
1CH 12:15 إِنَا ثُوغَا أَثنْ زڭْ وَارَّاونْ ن جَاذْ، إِمقّْرَاننْ ن ڒْعسْكَارْ. أَمژْيَانْ حسْبنْ ث أَمْ مْيَا [ن يرْيَازنْ] ؤُ أَمقّْرَانْ أَمْ أَڒفْ.
1CH 12:16 إِنَا ذ إِنِّي إِژْوَانْ لْ-ؤُرْذُونْ ذڭْ ؤُيُورْ أَمزْوَارُو، ؤُمِي إِسْفِي [لْ-ؤُرْذُونْ] بَارَّا مَارَّا ثِيمُووَّا نّسْ ؤُ نِيثْنِي ؤُژّْڒنْ خْ مَارَّا إِمزْذَاغْ ن ڒوْضَاثْ ن ثغْزُورْثْ [إِ إِدْجَانْ] غَارْ شَّارْقْ ذ ڒْغَارْبْ.
1CH 12:17 ؤُڒَا زڭْ وَارَّاونْ ن بِينْيَامِينْ ؤُ زڭْ وَارَّاونْ ن يَاهُوذَا ؤُسِينْ-د [يرْيَازنْ] غَارْ ذَاوُوذْ غَارْ لْقلْعَا ن وذْرَارْ.
1CH 12:18 ذَاوُوذْ إِفّغْ-د غَارْسنْ حِيمَا أَذْ ثنْ إِڒْقَا، ؤُشَا إِطّفْ ذڭْ وَاوَاڒْ، إِنَّا أَسنْ: ”مَاڒَا كنِّيوْ ثُوسِيمْ-د غَارِي حِيمَا أَذْ أَيِي ثوْشمْ أَفُوسْ، خنِّي نشّْ أَذْ إِڒِيغْ س وُوڒْ ذ إِجّْ أَكِيذْومْ، [مَاشَا] مَاڒَا [كنِّيوْ ثُوسِيمْ-د] حِيمَا أَذْ أَيِي ثْسلّْممْ إِ إِغْرِيمنْ إِنُو، وَاخَّا وَارْ [ذِينْ ثدْجِي] ڒخْشُونثْ غَارْ إِفَاسّنْ إِنُو، [خنِّي] إِڒِي أَذْ ث إِژَارْ أَربِّي ن ڒجْذُوذْ نّغْ ؤُ أَذْ كنِّيوْ إِخدْجسْ!“
1CH 12:19 إِوْضَا-د أَرُّوحْ أَمْ وَارُّوضْ خْ عَامَاسَايْ، أَزدْجِيفْ ن ثْڒَاثِينْ، نتَّا إِنَّا: ”نشِّينْ أَكِيذكْ، ذَاوُوذْ، ؤُ نشِّينْ أَكِيذكْ، مِّيسْ ن يَاسَّا. ڒهْنَا، ڒهْنَا [أَذْ] كِيذكْ [يِيڒِي] ؤُ ڒهْنَا [أَذْ يِيڒِي] أَكْ-ذ يِينِّي ذ أَشْ إِوْشِينْ أَفُوسْ، مَاغَارْ أَربِّي نّشْ إِوْشَا أَشْ أَفُوسْ.“ [خنِّي] إِسِّيذفْ إِ-ثنْ ذَاوُوذْ ؤُ إِڭَّا إِ-ثنْ ذ إِزدْجِيفنْ خْ ثرْبِيعْثْ ن ڒْعسْكَارْ.
1CH 12:20 ؤُڒَا زِي مَانَاسَّا [ثُوغَا ذِينْ] إِنِّي إِعْذُونْ غَارْ ذَاوُوذْ، ؤُمِي د-إِفّغْ أَكْ-ذ إِفِيلِيسْطِينِييّنْ غَارْ ؤُمنْغِي أَكْ-ذ شَاوُولْ. [إِفِيلِيسْطِينِييّنْ مَاشَا] وَارْ ذ أَسنْ جِّينْ أَذْ وْشنْ أَفُوسْ، مِينْزِي ڒْبَاشَاثْ [ن ثْندَّامْ] ن إِفِيلِيسْطِينِييّنْ سّكّنْ ث، نَّانْ: ”[زعْمَا] نتَّا إِزمَّارْ أَذْ إِعْذُو س إِزدْجِيفنْ نّغْ [ذڭْ ؤُفُوسْ نّسْ] غَارْ شَاوُولْ، سِيذسْ.“
1CH 12:21 ؤُمِي د-إِعْقبْ غَارْ صِيقْلَاغْ، عْذُونْ [إِنَا] غَارسْ زڭْ [أَيْثْ ن] مَانَاسَّا: عَاذْنَاحْ، يُوزَابَاذْ، يَاذِيعِيلْ، مِيخَايِيلْ، يُوزَابَاذْ، إِلِيهُو ذ صِيلّْثَايْ، ڒْقبْطَانَاثْ خْ ڒُورُوفْ ن مَانَاسَّا.
1CH 12:22 نِيثْنِي وْشِينْ أَفُوسْ إِ ذَاوُوذْ حِيمَا أَذْ إِڭوّذْ ثِيرْبِيعِينْ [ن ڒْعسْكَارْ]، مَاغَارْ نِيثْنِي مَارَّا ثُوغَا أَثنْ ذ أَيْثْ ن بُو-ثغْرُوضْثْ إِمحْضنْ ؤُ نِيثْنِي ثُوغَا أَثنْ ذ إِكُومَانْذَارنْ ن ڒْعسْكَارْ.
1CH 12:23 مَاغَارْ ذِي ڒْوقْثْ نِّي ؤُسِينْ-د [يرْيَازنْ] غَارْ ذَاوُوذْ زڭْ وَاسّْ أَڒْ أَسّْ حِيمَا أَذْ أَسْ وْشنْ أَفُوسْ، أَڒَامِي [ذوْڒنْ] ذ ڒْعسْكَارْ ذ أَمقّْرَانْ، أَمْ ڒْعسْكَارْ ن أَربِّي.
1CH 12:24 وَا ذ ڒْقدّْ ن إِزدْجِيفنْ نِّي إِتّْوَاحسْبنْ ن يِينِّي إِ ثُوغَا إِسّْوجْذنْ إِ ؤُمنْغِي، إِنِّي د-يُوسِينْ غَارْ ذَاوُوذْ ذِي حَابْرُونْ مَاحنْذْ أَذْ غَارسْ سّعْذُونْ ثَاڭلْذَا ن شَاوُولْ، أَمْ مَامّشْ ث يُومُورْ سِيذِي:
1CH 12:25 زڭْ وَارَّاونْ ن يَاهُوذَا [ثُوغَا ڒْقدّْ] ن يِينِّي يَارْبُونْ ثِيسدَّارِييِينْ [ن ؤُعسْكَارِي] ثِيمقّْرَانِينْ ذ إِحْرِيشنْ ستَّا-أَڒَافْ ؤُ-ثمْنْ-مْيَا [ن يرْيَازنْ]. نِيثْنِي ثُوغَا وجْذنْ إِ ؤُمنْغِي.
1CH 12:26 زڭْ وَارَّاونْ ن شِيمْعُونْ [ثُوغَا ڒْقدّْ] ن أَيْثْ ن بُو-ثغْرُوضْثْ إِمحْضنْ إِ ڒْعسْكَارْ سبْعَا-أَڒَافْ ؤُ-مْيَا [ن يرْيَازنْ].
1CH 12:27 زڭْ وَارَّاونْ ن لَاوِي أَربْعَا-أَڒَافْ ؤُ-ستَّا-مْيَا [ن يرْيَازنْ].
1CH 12:28 يَاهُويَاذَاعْ ثُوغَا ذ ڒْحَاكمْ إِ [وَارَّاونْ ن] هَارُونْ. نتَّا يِيوِي أَكِيذسْ ثڒْثْ-أَڒَافْ ؤُ-سبْعَا-مْيَا [ن يرْيَازنْ].
1CH 12:29 صَاذُوقْ [ثُوغَا] ذ أَحُوذْرِي، بُو-ثغْرُوضْثْ إِمحْضنْ. [زِي] ثَادَّارْثْ ن بَابَاسْ [ثُوغَا ذِينْ] ثْنَاينْ ؤُ-عِيشْرِينْ ن ڒْقبْطَانَاثْ.
1CH 12:30 زڭْ وَارَّاونْ ن بِينْيَامِينْ، أَيْثْمَاسْ ن شَاوُولْ، [ثُوغَا ذِينْ] ثڒْثْ-أَڒَافْ [ن يرْيَازنْ]، مِينْزِي أَزْينْ أَمقّْرَانْ زَّايْسنْ ثُوغَا حطَّانْ ثَادَّارْثْ ن شَاوُولْ.
1CH 12:31 زڭْ وَارَّاونْ ن إِفْرَايِيمْ [ثُوغَا ذِينْ] عِيشْرِينْ-أَڒفْ ؤُ-ثْمنْيَا-مْيَا [ن يرْيَازنْ]، أَيْثْ ن بُو-ثغْرُوضْثْ إِمحْضنْ، إِرْيَازنْ س يِيسمْ ذِي ثَادَّارْثْ ن إِبَابَاثنْ نْسنْ.
1CH 12:32 زڭْ وزْينْ ن ثقْبِيتْشْ ن مَانَاسَّا [ثُوغَا ذِينْ] ثْمنْطَاشْ-أَڒفْ [ن يرْيَازنْ]، إِنِّي ثُوغَا تّْوَاڒَاغَانْ س يِيسْمَاونْ نْسنْ مَاحنْذْ أَذْ د-أَسنْ أَذْ ڭّنْ ذَاوُوذْ ذ أَجدْجِيذْ.
1CH 12:33 زڭْ وَارَّاونْ ن إِسَّاكَارْ، إِنِّي غَارْسنْ ڒفَاهْمثْ ن ڒْمِيجَاڒَاثْ ن ڒْوقْثْ حِيمَا أَذْ سّْننْ مِينْ ثُوغَا خْ إِسْرَائِيل أَذْ إِڭّْ، [ثُوغَا] ڒْقبْطَانَاثْ نْسنْ مِيثَاينْ [ن يرْيَازنْ]، ؤُ مَارَّا أَيْثْمَاثْسنْ [ثُوغَا أَثنْ] سَاذُو أَفُوسْ نْسنْ.
1CH 12:34 زڭْ وَارَّاونْ ن زابُولُونْ، [زڭْ يِينِّي] د-إِفّْغنْ أَكْ-ذ ڒْعسْكَارْ س مَارَّا ڒسْنَاحْ نْسنْ، [ثُوغَا ذِينْ] خمْسِينْ-أَڒفْ [ن يرْيَازنْ]. [نِيثْنِي ثُوغَا سّْوجْذنْ] حِيمَا أَذْ ستّْفنْ إِخفْ نْسنْ ذڭْ ؤُسذِّي س وُوڒْ إِمُونْ نِيشَانْ.
1CH 12:35 زڭْ وَارَّاونْ ن نَافْثَالِي [ثُوغَا ذِينْ] أَڒفْ ن ڒْقبْطَانَاثْ. ثُوغَا-ثنْ ذِي سبْعَا ؤُ-ثْڒَاثِينْ-أَڒفْ [ن يرْيَازنْ] إِنِّي يَارْبُونْ ثَاسدَّارْثْ [ن ؤُعسْكَارِي] ثَامقّْرَانْثْ ذ لَانْسَا،
1CH 12:36 زڭْ وَارَّاونْ ن ذَانْ [ثُوغَا ذِينْ] ثْمنْيَا ؤُ-عِيشْرِينْ أَڒفْ ؤُ-ستَّا-مْيَا [ن يرْيَازنْ]، وجْذنْ إِ ؤُمنْغِي.
1CH 12:37 زڭْ وَارَّاونْ ن أَشِيرْ فّْغنْ-د أَربْعَا-أَڒَافْ [ن يرْيَازنْ] أَكْ-ذ ڒْعسْكَارْ حِيمَا أَذْ سّْبدّنْ إِخفْ نْسنْ ذڭْ ؤُسذِّي.
1CH 12:38 زڭْ ؤُجمَّاضْ ن لْ-ؤُرْذُونْ، زڭْ وَارَّاونْ ن رُوبِينْ ؤُ زڭْ وَارَّاونْ ن جَاذْ ؤُ زڭْ وزْينْ ن ثقْبِيتْشْ ن مَانَاسَّا [ثُوغَا ذِينْ] مْيَا ؤُ-عِيشْرِينْ-أَڒفْ [ن يرْيَازنْ] أَكْ-ذ مَارَّا ڒسْنَاحْ إِ ؤُمنْغِي.
1CH 12:39 مَارَّا إِعسْكَارِييّنْ-أَ ؤُسِينْ-د غَارْ حَابْرُونْ، تّْوَاستّْفنْ ذڭْ إِسذِّييّنْ س وُوڒْ إِمُونْ، حِيمَا أَذْ ڭّنْ ذَاوُوذْ ذ أَجدْجِيذْ خْ مَارَّا إِسْرَائِيل. ؤُڒَا ذ مِينْ إِقِّيمنْ ن [أَيْثْ ن] إِسْرَائِيل ثُوغَا أَثنْ س وُوڒْ ذ إِجّْ حِيمَا أَذْ ڭّنْ ذَاوُوذْ ذ أَجدْجِيذْ.
1CH 12:40 نِيثْنِي قِّيمنْ ثْڒَاثَا ن وُوسَّانْ ذِينِّي غَارْ ذَاوُوذْ، شِّينْ سْوِينْ، مَاغَارْ أَيْثْمَاثْسنْ ثُوغَا بدّنْ أَكِيذْسنْ.
1CH 12:41 ؤُڒَا ذ يِينِّي يُوذْسنْ أَڒْ إِسَّاكَارْ ذ زابُولُونْ ذ نَافْثَالِي ؤُسِينْ-د، إِوْينْ-د وغْرُومْ خْ إِغْيَاڒْ، خْ إِڒغْمَانْ، خْ إِسَارْضَانْ ؤُ خْ إِفُونَاسنْ، [س] ڒعْوتْشْ [أَمْ] فَارِينَا ذ إِغْرُومنْ ن ثَازَارْثْ ذ إِغْرُومنْ ن زّْبِيبْ ذ بِينُو ذ زّشْثْ ذ إِفُونَاسنْ ذ وُودْجِي س ؤُفيّضْ، مَاغَارْ [ثُوغَا ذِينْ] ڒفْرَاحثْ ذِي إِسْرَائِيل.
1CH 13:1 ذَاوُوذْ إِمْشَاوَارْ أَكْ-ذ إِمقّْرَاننْ خْ وَاڒفْ ذ خْ مْيَا ؤُ أَكْ-ذ مْكُوڒْ ڒْحَاكمْ.
1CH 13:2 ذَاوُوذْ إِنَّا إِ مَارَّا أَڭْرَاوْ [ن ڒْڭنْسْ] ن إِسْرَائِيل: ”مَاڒَا يَارْضَا إِ كنِّيوْ ؤُڒَا إِ سِيذِي، أَربِّي نّغْ، أجّْ أَنغْ أَذْ نسّكّْ ذغْيَا [إِرقَّاسنْ] غَارْ أَيْثْمَاثْنغْ نِّي إِقِّيمنْ ذِي مَارَّا ثِيمُّورَا ن إِسْرَائِيل ؤُ غَارْ إِكهَّاننْ ذ إِلَاوِييّنْ نِّي إِزدّْغنْ أَكِيذْسنْ ذِي ثْندَّامْ أَكْ-ذ دّْمَانِي نْسنْثْ ن ثَاروْسَا، حِيمَا نِيثْنِي أَذْ غَارْنغْ نّْيَارْونْ.
1CH 13:3 ؤُشَا أجّْ أَنغْ أَذْ غَارْنغْ د-نَارّْ تَّابُوثْ ن أَربِّي، مَاغَارْ ذڭْ وُوسَّانْ ن شَاوُولْ وَارْ كِيذسْ نڒْهِي.
1CH 13:4 مَارَّا أَڭْرَاوْ [ن ڒْڭنْسْ] إِنَّا بلِّي أَذْ ڭّنْ أَمُّو، مَاغَارْ ذ مَانْ أَيَا ذ إِشْثْ ن ثْمسْڒَاشْثْ ذ ثَاصبْحَانْثْ ذِي ثِيطَّاوِينْ ن مَارَّا ڒْڭنْسْ.
1CH 13:5 ذَاوُوذْ إِسّْمُونْ مَارَّا إِسْرَائِيل، زڭْ [يغْزَارْ ن] شِيحُورْ غَارْ مِيصْرَا أَڒْ مَانِي غَا ثِيوْضذْ غَارْ حَامَاثْ، حِيمَا أَذْ سّْڭعّْذنْ تَّابُوثْ ن أَربِّي زِي قَارْيَاثْ-يَاعَارِيمْ.
1CH 13:6 [خنِّي] إِفّغْ ذَاوُوذْ أَكْ-ذ مَارَّا إِسْرَائِيل غَارْ بَاعْلَا، غَارْ قَارْيَاثْ-يَاعَارِيمْ ونِّي [إِدْجَانْ] ذِي يَاهُوذَا حِيمَا أَذْ سّْڭعّْذنْ تَّابُوثْ ن أَربِّي سّنِّي. [تَّابُوثْ] ن سِيذِي ونِّي إِتّْغِيمَانْ [جَارْ] إِكِيرُوبنْ مَانِي إِتّْوَاڒَاغَا خْ يِيسمْ [نّسْ].
1CH 13:7 نِيثْنِي إِوْينْ-د تَّابُوثْ ن أَربِّي خْ إِجّْ ن ؤُكَارُّو ن جْذِيذْ زِي ثَادَّارْثْ ن أَبِينَاذَابْ. عُوزَّا ذ أَخِييُو نذْهنْ أَكَارُّو.
1CH 13:8 ذَاوُوذْ ذ مَارَّا إِسْرَائِيل تِّيرَارنْ لْمُوسِيقَا س مَارَّا جّهْذْ نْسنْ زَّاثْ إِ وُوذمْ ن أَربِّي س يزْڒَانْ ذ ڒْڭَامْبْرِييَاثْ ذ لهَارْپَاثْ ذ إِبنْذِيرنْ ذ ثدْجُونِينْ ن وُوزَّاڒْ ذ ڒبْوَاقْ.
1CH 13:9 [ؤُمِي] د-إِوْضنْ نِيثْنِي غَارْ ؤُنذْرَارْ ن كِيذُونْ، إِسّْوِيژّضْ عُوزَّا أَفُوسْ نّسْ، حِيمَا أَذْ إِطّفْ تَّابُوثْ مِينْزِي نْذرْفنْ إِفُونَاسنْ.
1CH 13:10 [خَاسْ ؤُشَا] يَارْغَا وغْضَابْ ن سِيذِي خْ عُوزَّا ؤُشَا إِوْثَا إِ-ث مَاغَارْ وَانِيثَا إِسّْوِيژّضْ أَفُوسْ نّسْ غَارْ تَّابُوثْ ؤُشَا إِمُّوثْ ذِينْ زَّاثْ إِ وُوذمْ ن أَربِّي.
1CH 13:11 يِيوضْ سّمْ غَارْ وُوڒْ ن ذَاوُوذْ، أَقَا سِيذِي إِسْعَارْ أَمُّو خْ عُوزَّا ؤُ إِڭَّا أَسْ إِ ومْشَانْ نِّي فَارِيصْ-عُوزَّا أَڒْ أَسّْ-أَ.
1CH 13:12 ذڭْ وَاسّْ نِّي ثڒْقفْ ذَاوُوذْ ثِيڭّْوُوذِي زِي أَربِّي، إِنَّا: ”مَامّشْ إِ غَا ڭّغْ أَذْ غَارِي د-أَوْيغْ تَّابُوثْ ن أَربِّي؟“
1CH 13:13 [خْ ؤُيَا] ذَاوُوذْ وَارْ إِجِّي أَذْ غَارسْ د-أَوْينْ تَّابُوثْ ذِي ثنْذِينْثْ ن ذَاوُوذْ، [مَاشَا] إِجَّا إِ-ت أَذْ ثَاڭّْوجْ غَارْ ثَادَّارْثْ ن عُوبِيذْ-إِذُومْ، أَجِيتِّي.
1CH 13:14 ثكَّا تَّابُوثْ ن أَربِّي ثْڒَاثَا ن إِيُورنْ ذِي ثَادَّارْثْ نّسْ غَارْ [أَيْثْبَابْ ن] ثَادَّارْثْ ن عُوبِيذْ-إِذُومْ، ؤُ إِبَاركْ سِيذِي ثَادَّارْثْ ن عُوبِيذْ-إِذُومْ ذ مَارَّا مِينْ غَارسْ إِدْجَانْ.
1CH 14:1 حِيرَامْ، أَجدْجِيذْ ن صُورْ، إِسّكّْ إِرقَّاسنْ غَارْ ذَاوُوذْ [أَكْ-ذ] ثْشجُّورَا ن ثنْڭلْثْ، ذ إِنقَّاشنْ ن وژْرُو ن ڒْحِيضْ ذ إِنقَّاشنْ ن ؤُكشُّوضْ. نِيثْنِي سّْبدّنْ أَسْ إِشْثْ ن ثَادَّارْثْ.
1CH 14:2 ذَاوُوذْ إِسّنْ، أَقَا سِيذِي ثُوغَا إِڭَّا إِ-ث ذ أَجدْجِيذْ خْ إِسْرَائِيل، مَاغَارْ إِسّْڭعّذْ [سِيذِي] ثَاڭلْذَا نّسْ أَطَّاسْ ذِي طّْوعْ ن ڒْڭنْسْ نّسْ إِسْرَائِيل.
1CH 14:3 ذَاوُوذْ إِكْسِي عَاذْ ثِيمْغَارِينْ نّغْنِيثْ ذِي ؤُرْشَالِيمْ ؤُ ذَاوُوذْ يَارْنِي إِجَّا-د عَاذْ أَرَّاونْ ذ ثْحنْجِيرِينْ نّغْنِي.
1CH 14:4 إِنَا ذ إِسْمَاونْ ن وَارَّاونْ إِ غَارسْ-د [إِتّْوَارْونْ] ذِي ؤُرْشَالِيمْ: شَامُّوعْ، شُوبَابْ، نَاثَانْ، سُولِيمَانْ،
1CH 14:5 إِبْحَارْ، إِلِيشُوعْ، إِلْفَالَاطْ،
1CH 14:6 نُوجَاهْ، نَافَاجْ، يَافِيعْ،
1CH 14:7 إِلِيشَامَاعْ، بَاعَالْيَاذَاعْ ذ إِلِيفَالَاطْ.
1CH 14:8 [ؤُمِي] سْڒِينْ إِفِيلِيسْطِينِييّنْ، أَقَا ذهْننْ ذَاوُوذْ ذ أَجدْجِيذْ خْ إِسْرَائِيل، ڭعّْذنْ مَارَّا إِفِيلِيسْطِينِييّنْ حِيمَا أَذْ أَرْزُونْ خْ ذَاوُوذْ. ذَاوُوذْ إِسْڒَا [إِ مَانْ أَيَا] ؤُشَا إِفّغْ مَاحنْذْ أَذْ كِيذْسنْ إِمْسَاڭَارْ.
1CH 14:9 ؤُسِينْ-د إِفِيلِيسْطِينِييّنْ ؤُشَا بزّْعنْ إِخفْ نْسنْ ذِي ثغْزُورْثْ ن إِرَافَاوِييّنْ.
1CH 14:10 [خنِّي] إِسّقْسَا ذَاوُوذْ أَربِّي، إِنَّا: ”مَا أَذْ ڭعّْذغْ ضِيدّْ إِ إِفِيلِيسْطِينِييّنْ؟ مَا أَذْ ثنْ ثڭّذْ ذڭْ ؤُفُوسْ إِنُو؟“ إِنَّا أَسْ سِيذِي: ”ڭعّذْ، نشّْ أَذْ ثنْ ڭّغْ ذڭْ ؤُفُوسْ نّشْ!“
1CH 14:11 نِيثْنِي ڭعّْذنْ غَارْ بَاعْلْ-فَارَاصِيمْ. ذِينِّي إِوْثَا ذَاوُوذْ إِفِيلِيسْطِينِييّنْ، إِنَّا: ”س ؤُفُوسْ إِنُو إِشُوقْ أَربِّي ذِي ڒْعذْيَانْ إِنُو أَمْ وَامَانْ أَرْژِينْ [إِجّْ ن ڒْحِيضْ].“ خْ ؤُيَا ڭِّينْ أَسْ إِ ومْشَانْ نِّي بَاعْلْ-فَارَاصِيمْ.
1CH 14:12 إِفِيلِيسْطِينِييّنْ جِّينْ إِربِّيثنْ نْسنْ ذِينِّي، ؤُشَا يُومُورْ ذَاوُوذْ مَاحنْذْ أَذْ ثنْ سّْشمْضنْ س ثْمسِّي.
1CH 14:13 إِفِيلِيسْطِينِييّنْ ڭعّْذنْ عَاوذْ ؤُشَا بزّْعنْ إِخفْ نْسنْ ذِي ڒوْضَا ن ثغْزُورْثْ.
1CH 14:14 ذَاوُوذْ إِسّقْسَا أَربِّي ؤُ أَربِّي إِنَّا أَسْ: ”وَارْ تّْڭِيعِّيذْ شَا أَوَارْنِي أَسنْ، مَاشَا نّضْ أَسنْ-د، أَذْ غَارْسنْ د-ثَاسذْ زڭْ ؤُغزْذِيسْ ن ثْشجُّورَا ن ؤُمتِّي.
1CH 14:15 خْمِي غَا ثسْڒذْ إِ ثشْڒِي ن إِصُورَافْ ذِي ثْقِيشَّاثْ ن ثْشجُّورَا ن ؤُمتِّي، خنِّي أَذْ ثفّْغذْ غَارْ ؤُمنْغِي، مَاغَارْ [خنِّي] أَذْ أَشْ يِيزْوَارْ أَربِّي زَّاثْ إِ وُوذمْ نّشْ، حِيمَا أَذْ إِوّثْ ڒْعسْكَارْ ن إِفِيلِيسْطِينِييّنْ.“
1CH 14:16 ذَاوُوذْ إِڭَّا أَمْ مَامّشْ ذ أَسْ يُومُورْ أَربِّي، ؤُ نِيثْنِي وْثِينْ ڒْعسْكَارْ ن إِفِيلِيسْطِينِييّنْ زِي جِيبْعُونْ أَڒْ جَازَارْ.
1CH 14:17 أَمُّو إِ إِفّغْ إِسمْ ن ذَاوُوذْ ذِي مَارَّا ثِيمُّورَا، ؤُشَا سِيذِي إِسِّيوضْ ثِيڭّْوُوذِي زَّايسْ خْ مَارَّا ڒڭْنُوسْ.
1CH 15:1 ذَاوُوذْ إِڭَّا إِ يِيخفْ نّسْ ثُوذْرِينْ ذِي ثنْذِينْثْ ن ذَاوُوذْ ؤُ نتَّا إِڭَّا [عَاوذْ] إِجّْ ن ومْشَانْ إِ تَّابُوثْ ن أَربِّي ؤُشَا إِسّْبدّْ أَسْ إِجّْ ن ؤُقِيضُونْ.
1CH 15:2 [خنِّي] إِنَّا ذَاوُوذْ: ”وَارْ إِعدّڒْ أَقَا ؤُڒَا ذ إِجّنْ أَذْ يَارْبُو تَّابُوثْ ن أَربِّي، مْغِيرْ إِلَاوِييّنْ وَاهَا، مَاغَارْ سِيذِي إِفَارْزْ إِ-ثنْ حِيمَا أَذْ أَرْبُونْ تَّابُوثْ ن أَربِّي ؤُ حِيمَا أَذْ أَسْ سخَّارنْ إِ ڒبْذَا.“
1CH 15:3 ذَاوُوذْ إِسّْمُونْ-د مَارَّا إِسْرَائِيل غَارْ ؤُرْشَالِيمْ حِيمَا أَذْ سّْڭعّْذنْ تَّابُوثْ ن سِيذِي غَارْ ومْشَانْ نّسْ نِّي ثُوغَا ذ أَسْ إِڭَّا.
1CH 15:4 ذَاوُوذْ إِسّْمُونْ أَرَّاونْ ن هَارُونْ ذ إِلَاوِييّنْ.
1CH 15:5 زڭْ وَارَّاونْ ن قَاهَاثْ [ثُوغَا] ؤُرِييِيلْ ذ أَمقّْرَانْ [نْسنْ]. أَيْثْمَاسْ [ثُوغَا أَثنْ ذِي] مْيَا ؤُ-عِيشْرِينْ.
1CH 15:6 زڭْ وَارَّاونْ ن مَارَارِي [ثُوغَا] عَاسَايَا ذ أَمقّْرَانْ [نْسنْ]. أَيْثْمَاسْ [ثُوغَا أَثنْ ذِي] مِيثَاينْ ؤُ-عِيشْرِينْ.
1CH 15:7 زڭْ وَارَّاونْ ن جَارْشُومْ [ثُوغَا] يُووِيلْ ذ أَمقّْرَانْ [نْسنْ]. أَيْثْمَاسْ [ثُوغَا أَثنْ ذِي] مْيَا ؤُ-ثْڒَاثِينْ.
1CH 15:8 زڭْ وَارَّاونْ ن إِلِيصَافَانْ [ثُوغَا] شَامْعِييَا ذ أَمقّْرَانْ [نْسنْ]. أَيْثْمَاسْ [ثُوغَا أَثنْ ذِي] مِيثَاينْ.
1CH 15:9 زڭْ وَارَّاونْ ن حَابْرُونْ [ثُوغَا] إِلِييِيلْ ذ أَمقّْرَانْ [نْسنْ]. أَيْثْمَاسْ [ثُوغَا أَثنْ ذِي] ثْمنْيِينْ.
1CH 15:10 زڭْ وَارَّاونْ ن عُوزِّييِيلْ [ثُوغَا] عَامِّينَاذَابْ ذ أَمقّْرَانْ [نْسنْ]. أَيْثْمَاسْ [ثُوغَا أَثنْ ذِي] مْيَا ؤُ-ثنْعَاشْ [ن يرْيَازنْ].
1CH 15:11 ذَاوُوذْ إِڒَاغَا إِ إِكهَّاننْ صَاذُوقْ ذ أَبْيَاثَارْ، ؤُڒَا إِ إِلَاوِييّنْ ؤُرِييِيلْ، عَاسَايَا، يُووِيلْ، شَامْعِييَا، إِلِييِيلْ ذ عَامِّينَابْ.
1CH 15:12 نتَّا إِنَّا أَسنْ: ”كنِّيوْ ذ إِزدْجِيفنْ ن إِبَابَاثنْ [ن ڒَادْجَاثْ] ن إِلَاوِييّنْ. سْقدّْسمْ إِخفْ نْومْ، كنِّيوْ ذ أَيْثْمَاثْومْ، حِيمَا أَذْ ثسّْڭعّْذمْ تَّابُوثْ ن سِيذِي، أَربِّي ن إِسْرَائِيل [غَارْ ومْشَانْ] نِّي ذ أَسْ سّْوجْذغْ.
1CH 15:13 مِينْزِي كنِّيوْ وَارْ ثڭِّيمْ أَيَا ثْوَاڒَا ثَامزْوَارُوثْ، أَقَا سِيذِي، أَربِّي نّغْ، إِسْعَارْ خَانغْ، مِينْزِي وَارْ خَاسْ نَارْزُو عْلَاحْسَابْ لْفَارِيضَا.
1CH 15:14 إِكهَّاننْ ذ إِلَاوِييّنْ سّْقدّْسنْ إِخفْ نْسنْ حِيمَا أَذْ سّْڭعّْذنْ تَّابُوثْ ن سِيذِي، أَربِّي ن إِسْرَائِيل.
1CH 15:15 أَيْثْ ن لَاوِي أَرْبُونْ تَّابُوثْ ن أَربِّي أَكْ-ذ إِعُومَاذْ ن ثْربُّوثْ خْ ثْغَارْضِينْ نْسنْ، أَمْ مَامّشْ [ث] يُومُورْ مُوسَا عْلَاحْسَابْ أَوَاڒْ ن سِيذِي.
1CH 15:16 ذَاوُوذْ إِنَّا إِ إِمقّْرَاننْ ن إِلَاوِييّنْ، أَقَا أَذْ سّْبدّنْ أَيْثْمَاثْسنْ، إِمذْيَازنْ أَكْ-ذ دُّوزَانْ ن دْجْغَا، أَكْ-ذ لهَارْپَاثْ، أَكْ-ذ ڒْڭَامْبْرِييَاثْ ؤُ أَكْ-ذ ثَادْجُونِينْ ن وُوزَّاڒْ، مَاحنْذْ أَذْ إِتّْوَاسڒْ ڒْحسّْ إِسّفْرَاحنْ إِجْهذْ.
1CH 15:17 نِيثْنِي سّْبدّنْ هَايْمَانْ، مِّيسْ ن يُووِيلْ، ؤُ زڭْ أَيْثْمَاسْ: أَسَافْ، مِّيسْ ن بَارَاخْيَا، ؤُ زڭْ أَيْثْ ن مَارَارِي، ؤُمَاثْسنْ، إِثَانْ، مِّيسْ ن قُوشَايَا،
1CH 15:18 ؤُ أَكِيذْسنْ أَيْثْمَاثْسنْ ذِي دُّوقْ [ن ثْعسَّاسْثْ] وِيسّْ ثْنَاينْ: زَاكَارِييَّا، بِينْ، يَاعْزِييِيلْ، شَامِيرَامُوثْ، يَاحِييِيلْ، عُونِّي، إِلِييَابْ، بَانَايَا، مَاعَاسْيَا، مَاتِّيثْيَا، إِلِيفَالْيَا، مَاقْنِييَا، عُوبِيذْ-إِذُومْ ذ يَاعِييِيلْ، [نِيثْنِي ثُوغَا أَثنْ] ذ إِعسَّاسنْ ن ثوَّارْثْ.
1CH 15:19 إِمذْيَازنْ ثُوغَا أَثنْ ذ هَايْمَانْ ذ أَسَافْ ذ إِثَانْ أَكْ-ذ ثدْجُونِينْ ن نّْحَاسْ، حِيمَا أَذْ [ثنْثْ] جّنْ أَذْ دّنْذُوننْ،
1CH 15:20 ؤُ زَاكَارِييَّا، عُوزِّييِيلْ، شَامِيرَامُوثْ، يَاحِييِيلْ، عُونِّي، إِلِييَابْ، مَاعَاسْيَا ذ بَانَايَا أَكْ-ذ لهَارْپَاثْ إِتّْوَارِّيڭْلَانْ غَارْ سنّجْ،
1CH 15:21 ذ مَاتِّيثْيَا، إِلِيفَالْيَا، مَاقْنِييَا، عُوبِيذْ-إِذُومْ، يَاعِييِيلْ ذ عَازَازْيَا أَكْ-ذ ڒْڭَامْبْرِييَاثْ ذِي ڒْمفْثَاحْ وِيسّْ ثْمنْيَا، حِيمَا أَذْ سُّويُورنْ [إِزْڒَانْ].
1CH 15:22 كَانَانْيَا، أَمقّْرَانْ ن إِلَاوِييّنْ، ثُوغَا-ث خْ ثَاربُّوثْ [ن تَّابُوثْ]. نتَّا إِسّڒْمذْ أَسنْ مَامّشْ ثُوغَا إِتّْخصَّا أَذْ أَرْبُونْ، مَاغَارْ نتَّا إِسّنْ [أَسْ].
1CH 15:23 بَارَاخْيَا ذ إِلْقَانَا ثُوغَا أَثنْ ذ إِعسَّاسنْ ن ثوَّارْثْ غَارْ تَّابُوثْ.
1CH 15:24 إِكهَّاننْ شَابَانْيَا، يَاهُوشَافَاطْ، نَاثَانَايِيلْ، عَامَاسَايْ، زَاكَارِييَّا، بَانَاجَا ذ إِلِيعَازَارْ سُوضنْ ذِي ڒبْوَاقْ زَّاثْ إِ تَّابُوثْ ن أَربِّي ؤُ عُوبِيذْ-إِذُومْ ذ يَاحِييَا ثُوغَا أَثنْ ذ إِعسَّاسنْ ن ثوَّارْثْ غَارْ تَّابُوثْ.
1CH 15:25 [أَمُّو] إِ إِمْسَارْ، أَقَا ذَاوُوذْ ذ إِمْغَارنْ ن إِسْرَائِيل ذ إِمقّْرَاننْ خْ وَاڒفْ طّْفنْ أَبْرِيذْ حِيمَا أَذْ سّْڭعّْذنْ تَّابُوثْ ن ڒْعَاهْذْ ن سِيذِي س ڒفْرَاحثْ زِي ثَادَّارْثْ ن عُوبِيذْ-إِذُومْ.
1CH 15:26 [ڒَْامِي] أَرْبُونْ إِلَاوِييّنْ تَّابُوثْ ن ڒْعَاهْذْ ن سِيذِي أَمْ ذ أَسنْ إِوْشَا أَربِّي [أَ]فُوسْ، إِمْسَارْ أَقَا نِيثْنِي قدّْمنْ سبْعَا ن إِفُونَاسنْ إِمژْيَاننْ ذ سبْعَا ن إِشَارِّييّنْ ذ ثَاغَارْصْثْ.
1CH 15:27 ذَاوُوذْ ثُوغَا يَارْضْ إِجّْ ن ؤُسڒْهَامْ ن ڒقْطنْ أَزْذَاذْ، ؤُڒَا مَارَّا إِلَاوِييّنْ، إِنِّي يَارْبُونْ تَّابُوثْ ذ يِينِّي ثُوغَا إِتّْغنَّاجنْ، ذ كَانَانْيَا، أَمحْضَايِي خْ يِينِّي إِتّْغنَّاجنْ. ذَاوُوذْ يَارْضْ إِجّْ ن ؤُپَالْطُو [ن ؤُكهَّانْ] ن ڒقْطنْ.
1CH 15:28 أَمُّو إِ إِسّْڭعّذْ مَارَّا إِسْرَائِيل تَّابُوثْ ن ڒْعَاهْذْ ن سِيذِي س إِغُويَّانْ ن ڒفْرَاحثْ ؤُ س ڒْحسّْ ن ؤُسُوضِي ذڭْ ؤُيِيشّْ ن إِشَارِّي ؤُ ذِي ڒبْوَاقْ ؤُ س ڒْحسّْ ن ثَادْجُونِينْ ن وُوزَّاڒْ، ؤُ نِيثْنِي ثُوغَا تِّيرَارنْ س لهَارْپَاثْ ذ ڒْڭَامْبْرِييَاثْ.
1CH 15:29 ڒَامِي د-ثِيوضْ تَّابُوثْ ن ڒْعَاهْذْ ن سِيذِي غَارْ ثنْذِينْثْ ن ذَاوُوذْ، إِمْسَارْ، أَقَا مِيخَالْ، يدْجِيسْ ن شَاوُولْ، ثخْزَارْ زِي ڒْكَازِي، ثژْرَا مَامّشْ إِنڭّزْ ؤُ مَامّشْ إِشطّحْ ؤُجدْجِيذْ ذَاوُوذْ، ؤُشَا ثسّحْقَارْ إِ-ث ذڭْ وُوڒْ نّسْ.
1CH 16:1 نِيثْنِي سِّيذْفنْ تَّابُوثْ ن أَربِّي غَارْ ذَاخڒْ ؤُشَا سَّارْسنْ ت ذِي ڒْوسْطْ ن ؤُقِيضُونْ نِّي ثُوغَا ذ أَسْ د-إِشدّْ ذَاوُوذْ، ؤُشَا قدّْمنْ نِيثْنِي ثِيغَارْصَا ن وشْمَاضْ ذ ثِيغَارْصَا ن ڒهْنَا زَّاثْ إِ وُوذمْ ن أَربِّي.
1CH 16:2 [ؤُمِي] إِكمّڒْ ذَاوُوذْ أَسْڭعّذْ ن ثْغَارْصْثْ ن وشْمَاضْ ذ ثْغَارْصَا ن ڒهْنَا، إِبَاركْ نتَّا ڒْڭنْسْ ذڭْ يِيسمْ ن سِيذِي.
1CH 16:3 نتَّا إِبْضَا إِ مَارَّا ذِي إِسْرَائِيل، إِ يرْيَازنْ ذ ثمْغَارِينْ، إِ كُوڒْ إِجّْ، إِجّْ ن ونْڭُورْ ن وغْرُومْ، إِجّْ ن ؤُشدْجِيقْ ن ويْسُومْ ن ؤُفُونَاسْ ذ إِجّْ ن وَارقِّيعْ ن زّْبِيبْ.
1CH 16:4 نتَّا إِڭَّا شَا ن إِلَاوِييّنْ ذ إِمْسخَّارنْ إِ تَّابُوثْ ن سِيذِي، حِيمَا أَذْ سّْعقْڒنْ ؤُ أَذْ قَاذَانْ ؤُ أَذْ سّمْغَارنْ سِيذِي، أَربِّي ن إِسْرَائِيل.
1CH 16:5 أَسَافْ [ثُوغَا-ث ذ] أَزدْجِيفْ ذ زَاكَارِييَّا [ثُوغَا-ث ذ] وِيسّْ ثْنَاينْ أَوَارْنِي أَسْ [ؤُ خنِّي] يَاعِييِيلْ، شَامِيرَامُوثْ، يَاحِييِيلْ، مَاتِّيثْيَا، إِلِييَابْ، بَانَايَا، عُوبِيذْ-إِذُومْ ذ يَاعِييِيلْ أَكْ-دُّوزَانَاثْ أَمْ لهَارْپَاثْ ذ ڒْڭَامْبْرِييَاثْ، ؤُشَا أَسَافْ إِڭَّا أَذْ أَسْ سْڒنْ س ثدْجُونِينْ ن وُوزَّاڒْ.
1CH 16:6 إِكهَّاننْ بَانَايَا ذ يَاحْزِييِيلْ [ؤُيُورنْ] س ڒبْوَاقْ زَّاثْ إِ تَّابُوثْ ن ڒْعَاهْذْ ن أَربِّي.
1CH 16:7 ذڭْ وَاسّْ نِّي إِڭَّا ذَاوُوذْ إِ ثْوَاڒَا ثَامزْوَارُوثْ خْ أَسَافْ ذ أَيْثْمَاسْ مَاحنْذْ أَذْ سّمْغَارنْ سِيذِي.
1CH 16:8 ”قَاذَامْ سِيذِي، ڒَاغَامْ خْ يِيسمْ نّسْ، بَارّْحمْ س ثْمڭَّا نّسْ جَارْ ڒڭْنُوسْ.
1CH 16:9 غنّْجمْ أَسْ، زهّْذمْ إِ نتَّا، سِيوْڒمْ خْ مَارَّا لْمُوعْجِيزَاثْ نّسْ.
1CH 16:10 شنّْعمْ س يِيسمْ نّسْ أَمْقدّسْ، حِيمَا ؤُڒْ ن يِينِّي يَارزُّونْ سِيذِي، أَذْ إِفَارْحْ.
1CH 16:11 سقْسَامْ خْ سِيذِي ذ جّهْذْ نّسْ، أَرْزُومْ ؤُذمْ نّسْ ڒبْذَا.
1CH 16:12 عقْڒمْ خْ ڒعْجَايبْ نّسْ إِ إِڭَّا، خْ ڒعْڒَامثْ نّسْ ؤُ خْ ڒحْكَامَاثْ ن ؤُقمُّومْ نّسْ.
1CH 16:13 زَّارِيعثْ ن إِسْرَائِيل، أَمْسخَّارْ نّسْ، إِحنْجِيرنْ ن يَاعْقُوبْ، إِنِّي زَّايسْ إِتّْوَافَارْزنْ!
1CH 16:14 نتَّا ذ سِيذِي، أَربِّي نّغْ. ڒحْكَامَاثْ نّسْ إِ د-إِتَّاسنْ خْ مَارَّا ثَامُّورْثْ.
1CH 16:15 عقْڒمْ خْ ڒْعَاهْذْ نّسْ إِ ڒبْذَا، أَوَاڒْ نِّي إِوصَّا إِ أَڒفْ ن جِّيڒَاثْ،
1CH 16:16 ڒْْعَاهْذْ إِ إِڭَّا أَكْ-ذ إِبْرَاهِيمْ، إِسّمْثنْ إِ-ث س ثْجَادْجِيثْ نّسْ إِ إِسْحَاقْ.
1CH 16:17 نتَّا إِڭَّا إِ-ث ذ إِشْثْ ن ثوْصيّثْ إِ يَاعْقُوبْ، إِ إِسْرَائِيل [إِڭَّا إِ-ث] ذ إِجّْ ن ڒْعَاهْذْ إِ ڒبْذَا،
1CH 16:18 ؤُمِي إِنَّا: ’أَذْ أَشْ وْشغْ ثَامُّورْثْ ن كنْعَانْ، ثَاسْغَارْثْ إِ ذ أَومْ د-إِكَّارنْ!‘،
1CH 16:19 ؤُمِي كنِّيوْ ثُوغَا ذ إِجّْ ن وُورُو ن يرْيَازنْ، س ذْرُوسْثْ وَاهَا، ذ إِبَارَّانِييّنْ ذِي ثمُّورْثْ.
1CH 16:20 ثلْعنْ زِي ڒْڭنْسْ غَارْ ڒْڭنْسْ نّغْنِي، زڭْ إِشْثْ ن ثْڭلْذِيثْ غَارْ إِجّْ ن ڒْڭنْسْ نّغْنِي.
1CH 16:21 نتَّا وَارْ إِجِّي ؤُڒَا ذ إِجّْ أَذْ ثنْ إِحْصَارْ، ؤُ نتَّا إِعَاقبْ إِجدْجِيذنْ ذِي طّْوعْ نْسنْ.
1CH 16:22 ’وَارْ تّْحَاذَامْ شَا إِمذْهَانْ إِنُو، وَارْ تّڭّمْ ڒْغَارْ ذڭْ إِنَابِييّنْ إِنُو!‘
1CH 16:23 غنّْجمْ إِ سِيذِي، مَارَّا ثَامُّورْثْ، بَارّْحمْ إِ ؤُسنْجمْ نّسْ أَسّْ خْ وَاسّْ.
1CH 16:24 حَاجَامْ أَعُودْجِي نّسْ جَارْ ڒڭْنُوسْ، ڒعْجَايبْ نّسْ جَارْ مَارَّا ڒڭْنُوسْ.
1CH 16:25 مَاغَارْ سِيذِي ذ أَمقّْرَانْ، إِسّْذَاحدْجْ أَسمْغَارْ أَطَّاسْ، نتَّا ذ أَمَاڭّْوذْ مَاهُو مَارَّا إِربِّيثنْ.
1CH 16:26 مِينْزِي مَارَّا إِربِّيثنْ ن ڒڭْنُوسْ أَقَا أَثنْ ذ لْ-أَصْنَامْ، مَاشَا سِيذِي إِڭَّا إِجنْوَانْ.
1CH 16:27 ثِيسِّيقْثْ ذ ڒْعزّْ أَقَا أَثنْ زَّاثْ إِ وُوذمْ نّسْ، جّهْذْ ذ ڒفْرَاحثْ ذڭْ ومْشَانْ نّسْ.
1CH 16:28 وْشمْ إِ سِيذِي، أَ ثِيقبَّاڒْ ن ڒڭْنُوسْ، وْشمْ إِ سِيذِي أَعُودْجِي ذ جّهْذْ.
1CH 16:29 وْشمْ إِ سِيذِي أَعُودْجِي ن يِيسمْ نّسْ، أَوْيمْ ثَاوْهِيبْثْ ؤُشَا أَسمْ-د زَّاثْ إِ وُوذمْ نّسْ، بنْذْقمْ إِ سِيذِي ذڭْ ؤُشُووَّاضْ ن زَّاوشْثْ إِقدّْسنْ.
1CH 16:30 أَرْجِيجمْ زَّاثْ إِ وُوذمْ نّسْ، أَ مَارَّا ثَامُّورْثْ! نِيشَانْ، ڒخُّو دُّونشْثْ ثْبدّْ ثمْثنْ، وَارْ تّنْهزِّي عَاذْ.
1CH 16:31 أجّْ أَجنَّا أَذْ إِفَارْحْ ؤُ ثَامُّورْثْ أَذْ ثْفَارْحْ، أَذْ إِنِينْ جَارْ ڒڭْنُوسْ: سِيذِي إِحكّمْ.
1CH 16:32 أجّْ أَذْ إِزْهَارْ ڒبْحَارْ ذ ؤُعمَّارْ نّسْ، أجّْ أَذْ إِسْڒِيوْڒوْ ييَّارْ س ڒفْرَاحثْ، س مَارَّا مِينْ ذَايسْ.
1CH 16:33 خنِّي أَذْ سْڒِيوْڒِيونْثْ مَارَّا ثِيشجُّورَا ن وزْغَارْ زَّاثْ إِ وُوذمْ ن سِيذِي، مَاغَارْ نتَّا أَذْ د-يَاسْ، حِيمَا أَذْ إِسڭّذْ ثَامُّورْثْ.
1CH 16:34 قَاذَامْ سِيذِي، مَاغَارْ نتَّا إِصْبحْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
1CH 16:35 إِنِيمْ: سنْجمْ أَنغْ، أَ أَربِّي ن ؤُسنْجمْ نّغْ، نْذهْ أَنغْ نْمُونْ، فكّْ أَنغْ زِي ڒڭْنُوسْ، حِيمَا أَذْ نْقَاذَا إِسمْ إِقدّْسنْ نّكْ ؤُ أَذْ شكْ نْصبّحْ س إِزْڒَانْ ن ؤُصبّحْ.
1CH 16:36 أَذْ إِتّْوَابَاركْ سِيذِي، أَربِّي ن إِسْرَائِيل، زِي ڒبْذَا أَڒْ ڒبْذَا!“ ؤُ مَارَّا ڒْڭنْسْ إِنَّا: ”أَمِينْ!“ ؤُشَا إِمْذحْ سِيذِي.
1CH 16:37 نتَّا إِڭَّا ذِينْ زَّاثْ إِ وُوذمْ ن تَّابُوثْ ن سِيذِي، إِ أَسَافْ ذ يَايْثْمَاسْ، حِيمَا أَذْ سخَّارنْ ڒبْذَا زَّاثْ إِ وُوذمْ ن تَّابُوثْ، [حِيمَا أَذْ ڭّنْ] كُوڒْ أَسّْ مِينْ يُورِينْ إِ وَاسّْ نِّي.
1CH 16:38 عُوبِيذْ-إِذُومْ أَكْ-ذ أَيْثْمَاثْسنْ، [ثُوغَا أَثنْ جْمِيعْ] ثْمنْيَا ؤُ-ستِّينْ [ن يرْيَازنْ]. عُوبِيذْ-إِذُومْ، مِّيسْ ن يَاذِيثُونْ، ذ حُوسَا [ثُوغَا أَثنْ ذ] إِعسَّاسنْ ن ثِيوُّورَا،
1CH 16:39 ؤُشَا أَكهَّانْ صَاذُوقْ ذ يَايْثْمَاسْ، إِكهَّاننْ، [ثُوغَا تّْسخَّارنْ] زَّاثْ إِ ثْزذِّيغْثْ ن سِيذِي خْ ڒْڭعّْذثْ نِّي [إِدْجَانْ] غَارْ جِيبْعُونْ،
1CH 16:40 حِيمَا أَذْ أَوْينْ ثِيغَارْصَا ن وشْمَاضْ بْڒَا [أَ]قطُّو إِ سِيذِي خْ ؤُعَالْطَارْ ن وشْمَاضْ، غَارْ ثُوفُّوثْ ؤُ غَارْ ثْمذِّيثْ، أَمْ مَامّشْ مَارَّا مِينْ يُورَانْ ذِي شَّارِيعَا ن سِيذِي، ثنِّي إِڭَّا خْ إِسْرَائِيل.
1CH 16:41 غَارْسنْ [ثُوغَا] هَايْمَانْ ذ يَاذُوثُونْ أَكْ-ذ إِنّغْنِي إِنِّي إِتّْوَافَارْزنْ ؤُ إِتّْوَاڭّنْ س يِيسْمَاونْ [نْسنْ]، حِيمَا أَذْ قَاذَانْ سِيذِي: ’مَاغَارْ ثَامخْسِيوْثْ نّسْ إِشوَّارنْ [ثتّْغِيمَا] إِ ڒبْذَا!‘
1CH 16:42 ثُوغَا غَارْ هَايْمَانْ ذ يَاذُوثُونْ [ذ ونّغْنِي] ڒبْوَاقْ ذ ثَادْجُونِينْ ن وُوزَّاڒْ، مَاحنْذْ أَذْ ڭّنْ أَذْ أَسنْ سْڒنْ [يوْذَانْ]، ؤُڒَا ذ دُّوزَانَاثْ ن لْمُوسِيقَا [إِنّغْنِي] [إِ ؤُسمْغَارْ] ن أَربِّي. أَرَّاونْ ن يَاذُوثُونْ [ثُوغَا بدّنْ] غَارْ ثوَّارْثْ [ن وَاذَافْ].
1CH 16:43 [خنِّي] يُويُورْ مَارَّا ڒْڭنْسْ، كُوڒْ إِجّْ غَارْ ثَادَّارْثْ نّسْ. ؤُڒَا ذ ذَاوُوذْ إِعْقبْ غَارْ ثَادَّارْثْ نّسْ حِيمَا أَذْ إِبَاركْ ثَادَّارْثْ نّسْ.
1CH 17:1 ؤُمِي إِزْذغْ ذَاوُوذْ ذِي ثَادَّارْثْ نّسْ، إِنَّا ذَاوُوذْ إِ ؤُنَابِي نَاثَانْ: ”خْزَارْ، نشّْ زدّْغغْ ذڭْ إِشْثْ ن ثَادَّارْثْ ن ؤُكشُّوضْ ن [ثْشجَّارْثْ ن] ثنْڭلْثْ، [مَاشَا] تَّابُوثْ ن ڒْعَاهْذْ ن سِيذِي أَقَا-ت سَاذُو ڒْكتَّانْ [ن ؤُقِيضُونْ].“
1CH 17:2 نَاثَانْ يَارَّا-د خْ ذَاوُوذْ: ”أڭّْ مَارَّا مِينْ غَاركْ ذڭْ وُوڒْ نّشْ، مَاغَارْ أَربِّي أَكِيذكْ.“
1CH 17:3 ذِي دْجِيڒثْ نِّي إِمْسَارْ أَقَا يُوسَا-د وَاوَاڒْ ن أَربِّي غَارْ نَاثَانْ، إِنَّا:
1CH 17:4 ”ؤُيُورْ، إِنِي إِ ؤُمْسخَّارْ إِنُو ذَاوُوذْ: ’أَمُّو إِ إِقَّارْ سِيذِي: وَارْ ذ أَيِي ثْبنِّيذْ ثَادَّارْثْ إِ نشّْ، حِيمَا أَذْ ذَايسْ زذْغغْ،
1CH 17:5 مَاغَارْ زڭْ وَاسّْ ؤُمِي د-سّْڭعّْذغْ إِسْرَائِيل زِي مِيصْرَا، نشّْ وَارْ زْذِيغغْ [عمَّارْصْ] ذڭْ إِشْثْ ن ثَادَّارْثْ. مَاشَا نشّْ ثُوغَا ڭُّورغْ زڭْ ؤُقِيضُونْ غَارْ ؤُقِيضُونْ، زِي ثْزذِّيغْثْ غَارْ ثْزذِّيغْثْ.
1CH 17:6 مَانِي مَا ؤُيُورغْ أَكْ-ذ مَارَّا إِسْرَائِيل، مَا نشّْ سِّيوْڒغْ [عمَّارْصْ ؤُڒَا س] إِجّْ ن وَاوَاڒْ أَكْ-ذ إِجّنْ زِي ڒْقُوضَاثْ ن إِسْرَائِيل، إِنِّي ثُوغَا ڭِّيغْ أَذْ أَروْسنْ ڒْڭنْسْ إِنُو إِسْرَائِيل، نِّيغْ: مَايمِّي كنِّيوْ وَارْ ذ أَيِي ثْبنِّيمْ شَا ثَادَّارْثْ س ؤُكشُّوضْ ن [ثْشجَّارْثْ ن] ثنْڭلْثْ؟‘
1CH 17:7 خنِّي ڒخُّو، أَمُّو إِ غَا ثِينِيذْ إِ ؤُمْسخَّارْ إِنُو، إِ ذَاوُوذْ: ’أَمُّو إِ إِقَّارْ سِيذِي ن ڒْعسْكَارَاثْ إِجهْذنْ: نشّْ إِوْيغْ-د شكْ زِي ڒْكُورِي، زِي ضفَّارْ ن وُودْجِي، مَاحنْذْ أَذْ ثْذوْڒذْ ذ ڒْحَاكمْ خْ ڒْڭنْسْ إِنُو إِسْرَائِيل.
1CH 17:8 مَانِي مَا ثُويُورذْ، ثُوغَا أَيِي أَكِيذكْ ؤُ نشّْ ثحِّيغْ مَارَّا ڒْعذْيَانْ زَّاثْ إِ ثِيطَّاوِينْ نّشْ ؤُ نشّْ ڭِّيغْ أَشْ إِجّْ ن يِيسمْ أَمْ يِيسمْ ن إِمقّْرَاننْ خْ ثمُّورْثْ.
1CH 17:9 نشّْ نيّْشغْ إِجّْ ن ومْشَانْ إِ ڒْڭنْسْ إِنُو ؤُشَا ژُّوغْ ث [ذِينْ]، مَاحنْذْ أَذْ إِزْذغْ ذڭْ ومْشَانْ [نّسْ]، وَارْ إِتّْوَاسّْنخْڒِيعْ عَاذْ ؤُ وَارْ ث حصَّارنْ عَاذْ أَيْثْ ن ڒْمُوعْصِييّثْ أَمْ زِيشْ،
1CH 17:10 زڭْ وُوسَّانْ ؤُمِي نشّْ ڭِّيغْ ڒْقُوضَاثْ خْ ڒْڭنْسْ إِنُو إِسْرَائِيل. نشّْ سّْوَاضْعغْ مَارَّا ڒْعذْيَانْ نّشْ ؤُ سَّارْڭْبغْ شكْ بلِّي سِيذِي أَذْ أَشْ إِبْنَا إِشْثْ ن ثَادَّارْثْ.
1CH 17:11 خْ مِينِّي إِ غَا قفْڒنْ وُوسَّانْ نّشْ ؤُ أَذْ ثڭّذْ أَذْ ثَاريّْحذْ جَارْ ڒجْذُوذْ نّشْ، أَذْ إِمْسَارْ، نشّْ أَذْ سّكَّارغْ مِّيشْ أَوَارْنِي أَشْ، ونِّي إِ غَا إِفّْغنْ زڭْ وَارَّاونْ نّشْ، ؤُ نشّْ أَذْ سّْمثْنغْ ثَاڭلْذِيثْ نّسْ.
1CH 17:12 نتَّا أَذْ أَيِي إِبْنَا إِشْثْ ن ثَادَّارْثْ ؤُ نشّْ أَذْ سّْبدّغْ ڒْعَارْشْ نّسْ إِ ڒبْذَا.
1CH 17:13 نشّْ أَذْ إِڒِيغْ ذ بَابَاسْ إِ نتَّا ؤُ نتَّا أَذْ أَيِي يِيڒِي ذ مِّي ؤُ نشّْ وَارْ خَاسْ سّْحيِّيذغْ شَا ثَامخْسِيوْثْ إِنُو إِشوَّارنْ أَمْ مَامّشْ ت سْحيّْذغْ خْ ونِّي ثُوغَا ذ أَشْ إِزْوَارنْ.
1CH 17:14 نشّْ أَذْ ث سّْمثْنغْ ذِي ثَادَّارْثْ إِنُو ؤُ ذِي ثْڭلْذِيثْ إِنُو إِ ڒبْذَا ؤُ ڒْعَارْشْ نّسْ أَذْ إِبدّْ إِمْثنْ إِ ڒبْذَا.‘ “
1CH 17:15 إِسِّيوڒْ نَاثَانْ أَكْ-ذ ذَاوُوذْ نِيشَانْ أَمْ مَامّشْ مَارَّا أَوَاڒنْ-أَ ؤُ أَمْ مَامّشْ مَارَّا ڒوْحِييْ-أَ.
1CH 17:16 [خنِّي] يُوذفْ ؤُجدْجِيذْ ذَاوُوذْ ؤُشَا إِقِّيمْ زَّاثْ إِ وُوذمْ ن سِيذِي، إِنَّا: ”مِينْ عْنِيغْ نشّْ، سِيذِي أَربِّي، ؤُ مِينْ ثعْنَا ثَادَّارْثْ إِنُو أَقَا شكْ ثْنذْهذْ أَيِي-د أَڒْ ذَانِيثَا؟
1CH 17:17 ذِي ثِيطَّاوِينْ نّشْ ثُوغَا مَانْ أَيَا ذْرُوسْ [وَاهَا]، [أَ] أَربِّي، ؤُ [ڒخُّو] ثسِّيوْڒذْ [عَاذْ] خْ ثَادَّارْثْ ن ؤُمْسخَّارْ نّشْ ذڭْ إِجّْ ن يِيمَارْ إِڭّْوجْ ؤُ ثْخزَّارذْ ذَايِي أَمْ يِيجّْ ن ؤُفِيڒُو [ن وَارَّاونْ] ن بْنَاذمْ إِ د-إِتَّاوْينْ غَارْ سنّجْ، [أَ] سِيذِي أَربِّي!
1CH 17:18 مِينْ ذ أَشْ إِ غَا يِينِي ذَاوُوذْ عَاذْ كْثَارْ خْ شّنْعثْ إِ ثسّشْنذْ إِ ؤُمْسخَّارْ نّشْ؟ أَقَا شكْ ثسّْنذْ أَمْسخَّارْ نّشْ!
1CH 17:19 [أَ] سِيذِي، أَقَا ثڭِّيذْ مَارَّا ڒمْغَارثْ-أَ ذِي طّْوعْ ن ؤُمْسخَّارْ نّشْ ؤُ عْلَاحْسَابْ ؤُڒْ نّشْ، حِيمَا أَذْ ثسَّارْڭْبذْ [أَمُّو] مَارَّا ثِيمسْڒَايِينْ-أَ ثِيمقّْرَانِينْ.
1CH 17:20 [أَ] سِيذِي، ؤُڒَا ذ إِجّْ وَارْ إِدْجِي أَمْ شكْ. وَارْ ذِينْ أَربِّي مْغِيرْ شكْ س مَارَّا مِينْ نسْڒَا س إِمزُّوغنْ نّغْ.
1CH 17:21 مَانْ ونْ [إِ إِدْجَانْ] أَمْ ڒْڭنْسْ نّشْ إِسْرَائِيل، أَينِّي ن ڒْڭنْسْ إِ إِدْجَانْ خْ ثمُّورْثْ إِ غَارْ إِرَاحْ أَربِّي حِيمَا أَذْ ث إِفْذِي إِ يِيخفْ نّسْ ذ ڒْڭنْسْ، حِيمَا أَذْ إِڭّْ إِ يِيخفْ نّسْ إِجّْ ن يِيسمْ س ثْمڭَّا ثِيمقّْرَانِينْ ذ إِسِّيڭّْوْذنْ، ؤُ حِيمَا أَذْ يَاژّڒْ خْ ڒڭْنُوسْ زَّاثْ إِ وُوذمْ ن ڒْڭنْسْ نّشْ، ونِّي ثفْذِيذْ زِي مِيصْرَا؟
1CH 17:22 شكْ ثڭِّيذْ ڒْڭنْسْ نّشْ إِسْرَائِيل ذ إِجّْ ن ڒْڭنْسْ إِ يِيخفْ نّشْ إِ ڒبْذَا. شكْ، [أَ] سِيذِي، أَقَا شكْ ثْذوْڒذْ ذ أَربِّي إِ نِيثْنِي.
1CH 17:23 خنِّي ڒخُّو، [أَ] سِيذِي أَربِّي، أجّْ أَوَاڒْ نِّي ثسِّيوْڒذْ خْ ؤُمْسخَّارْ نّشْ ؤُ خْ ثَادَّارْثْ نّسْ أَذْ إِبدّْ إِ ڒبْذَا ؤُ أڭّْ أَمْ مَامّشْ ثسِّيوْڒذْ.
1CH 17:24 أجّْ إِسمْ نّشْ أَذْ إِتّْوَاسّمْغَارْ إِ ڒبْذَا ؤُمِي غَا إِنِينْ: سِيذِي ن ڒْعسْكَارَاثْ إِجهْذنْ، أَربِّي ن إِسْرَائِيل، أَقَا-ث ذ أَربِّي خْ إِسْرَائِيل، ؤُشَا إِڒِي أَذْ ثتّْوَاسّمْثنْ ثَادَّارْثْ ن ؤُمْسخَّارْ نّشْ ذَاوُوذْ زَّاثْ إِ وُوذمْ نّشْ.
1CH 17:25 مَاغَارْ شكْ، أَربِّي إِنُو، ثسَّارْڭْبذْ ذڭْ إِمزُّوغنْ ن ؤُمْسخَّارْ نّشْ أَقَا شكْ أَذْ أَسْ ثبْنِيذْ إِشْثْ ن ثَادَّارْثْ. خْ ؤُيَا ثُوسَا-د إِ ؤُمْسخَّارْ نّشْ ذڭْ وُوڒْ، حِيمَا أَذْ إِژَّادْجْ زَّاثْ إِ وُوذمْ نّشْ.
1CH 17:26 خنِّي ڒخُّو، [أَ] سِيذِي، شكْ ذ أَربِّي نِّي ؤُ شكْ ثسِّيوْڒذْ س [مَارَّا] ثْشُونِي-يَا خْ ؤُمْسخَّارْ نّشْ.
1CH 17:27 خنِّي ڒخُّو، أَقَا يَارْضَا إِ شكْ أَذْ ثْبَارْكذْ ثَادَّارْثْ ن ؤُمْسخَّارْ نّشْ، حِيمَا أَذْ ثِيڒِي زَّاثْ إِ وُوذمْ نّشْ إِ ڒبْذَا. مِينْزِي شكْ، [أَ] سِيذِي، ثْبَارْكذْ ت ؤُشَا أَذْ ثتّْوَابَاركْ إِ ڒبْذَا.“
1CH 18:1 أَوَارْنِي أَيَا إِمْسَارْ، أَقَا ذَاوُوذْ إِغْڒبْ خْ إِفِيلِيسْطِينِييّنْ ؤُشَا يَارَّا إِ-ثنْ سَاذُو نّسْ. نتَّا إِكّسْ جَاثْ ذ ثْندَّامْ إِ غَارسْ د-إِقّْننْ زڭْ ؤُفُوسْ ن إِفِيلِيسْطِينِييّنْ.
1CH 18:2 إِغْڒبْ ؤُڒَا خْ [أَيْثْ ن] مُوآبَ أَڒَامِي [أَيْثْ ن] مُوآبَ ذوْڒنْ ذ إِمْسخَّارنْ إِ ذَاوُوذْ، إِنِّي إِتّْخصَّانْ أَذْ وْشنْ ثَارْزِيفِينْ.
1CH 18:3 ذَاوُوذْ إِغْڒبْ [عَاوذْ] خْ هَاذَاذْ-عَازَارْ، أَجدْجِيذْ ن صُوبَا، أَڒْ حَامَاثْ، ؤُمِي ثُوغَا د-إِفّغْ وَانِيثَا حِيمَا أَذْ إِسّمْثمْ ڒحْكَامثْ نّسْ غَارْ يغْزَارْ ن لْفُورَاطْ.
1CH 18:4 ذَاوُوذْ إِكّسْ زَّايسْ أَڒفْ ن إِكَارُّوثنْ ذ سبْعَا-أَڒَافْ ن إِمْنَاينْ ذ عِيشْرِينْ-أَڒفْ ن يرْيَازنْ خْ إِضَارنْ ؤُ ذَاوُوذْ إِقسّْ إِژوْرَانْ ن إِضَارنْ ن مَارَّا [إِيْسَانْ ن] إِكَارُّوثنْ ؤُشَا إِجَّا زَّايْسنْ مْيَا ن [إِيْسَانْ ن] إِكَارُّوثنْ [وَاهَا].
1CH 18:5 يُوسَا-د أَرَامْ زِي ذِيمَاشْقْ، حِيمَا أَذْ إِوْشْ أَفُوسْ إِ هَاذَارْ-عَازَارْ، أَجدْجِيذْ ن صُوبَا، [مَاشَا] ذَاوُوذْ إِغْڒبْ خْ ثْنَاينْ ؤُ-عِيشْرِينْ-أَڒَافْ ن يرْيَازنْ ن أَرَامْ.
1CH 18:6 ذَاوُوذْ إِڭَّا ڒْعسْكَارَاثْ ن ؤُحوّسْ جَارْ أَيْثْ ن أَرَامْ ن ذِيمَاشْقْ، ؤُ أَيْثْ ن أَرَامْ ذوْڒنْ ذ إِمْسخَّارنْ ن ذَاوُوذْ إِنِّي إِتّْخصَّانْ أَذْ [أَسْ] وْشنْ ثَارْزِيفِينْ [ذ لْجِيزْيَا]. سِيذِي إِڭَّا تَّاسِيعْ إِ ذَاوُوذْ مَانِي مَا إِرُوحْ وَانِيثَا.
1CH 18:7 ذَاوُوذْ يِيوِي ثِيسدَّارِييِينْ [ن ؤُعسْكَارِي] إِقسْحنْ إِ تّْوَاڭّنْثْ س وُورغْ، ثِينِّي ثُوغَا [إِدْجَانْ] ن إِمْسخَّارنْ ن هَاذَاذْ-عَازَارْ ؤُ يِيوْيِي ثنْثْ غَارْ ؤُرْشَالِيمْ.
1CH 18:8 ذَاوُوذْ إِكْسِي أَطَّاسْ ن نّْحَاسْ زِي طَابْحَاثْ ذ خُونْ، ثِيندَّامْ ن هَاذَاذْ-عَازَارْ. زَّايسْ إِڭَّا سُولِيمَانْ ثَارِيمَانْثْ ثَامقّْرَانْثْ ن نّْحَاسْ ذ إِپِيلَارنْ ذ ڒقْشُوعْ ن نّْحَاسْ.
1CH 18:9 [ؤُمِي] ثُوعِي، أَجدْجِيذْ ن حَامَاثْ، إِسْڒَا أَقَا ذَاوُوذْ إِغْڒبْ خْ مَارَّا ڒْعسْكَارْ ن هَاذَاذْ-عَازَارْ، أَجدْجِيذْ ن صُوبَا،
1CH 18:10 إِسّكّْ نتَّا مِّيسْ هَاذُورَامْ غَارْ ؤُجدْجِيذْ ذَاوُوذْ حِيمَا أَذْ إِسّقْسَا خْ ؤُمدُّورْ نّسْ ؤُ حِيمَا أَذْ أَسْ إِبَاركْ، مِينْزِي [ذَاوُوذْ] إِمّْنغْ أَكْ-ذ هَاذَاذْ-عَازَارْ ؤُشَا إِغْڒبْ خَاسْ - مَاغَارْ هَاذَاذْ-عَازَارْ ثُوغَا إِ ثُوعِي ذ إِجّْ ن ورْيَازْ يَارزُّو أَمنْغِي [ڒبْذَا] - ؤُ [نتَّا يِيوِي أَكِيذسْ] عْڒَامْ كُوڒْ ڒقْشُوعْ ن وُورغْ ذ نُّوقَارْثْ ذ نّْحَاسْ.
1CH 18:11 أَجدْجِيذْ ذَاوُوذْ إِسّْقدّسْ إِ-ثنْ إِ سِيذِي، [جْمِيعْ] أَكْ-ذ نُّوقَارْثْ ذ وُورغْ إِ ذ يِيوِي زِي مَارَّا ڒڭْنُوسْ، زِي إِذُومْ، زِي مُوآبَ، ن أَيْثْ ن عَامُّونْ، ن إِفِيلِيسْطِينِييّنْ ؤُ ن [أَيْثْ ن] عَامَالِيقْ.
1CH 18:12 أَبِيشَايْ، مِّيسْ ن صَارَاوْيَا، إِغْڒبْ خْ إِذُومْ ذِي ثغْزُورْثْ ن ثَامدْجَاحْثْ، ثْمنْطَاشْ-أَڒفْ [ن يرْيَازنْ].
1CH 18:13 نتَّا إِڭَّا ڒْعسْكَارَاثْ ن ؤُحوّسْ ذِي إِذُومْ أَڒَامِي مَارَّا إِذُومِييّنْ ذوْڒنْ ذ إِمْسخَّارنْ إِ ذَاوُوذْ، ؤُ سِيذِي إِڭَّا تَّاسِيعْ إِ ذَاوُوذْ مَانِي مَا إِفّغْ نتَّا.
1CH 18:14 ذَاوُوذْ إِحْكمْ خْ مَارَّا إِسْرَائِيل ؤُ إِڭَّا س ڒْحقّْ ذ ثْسڭْذَا إِ مَارَّا ڒْڭنْسْ نّسْ.
1CH 18:15 يُووَابْ، مِّيسْ ن صَارُويَا، [ثُوغَا-ث] خْ ڒْعسْكَارْ ؤُ يَاهُوشَافَاطْ، مِّيسْ ن أَخِيلُوذْ، [ثُوغَا-ث ذ] أَمَارِيرْ ن ؤُمزْرُويْ.
1CH 18:16 صَاذُوقْ، مِّيسْ ن أَخِيطُوبْ، ذ أَبِيمَالِيكْ، مِّيسْ ن أَبْيَاثَارْ، ثُوغَا أَثنْ ذ إِكهَّاننْ، ؤُ شَاوْشَا ثُوغَا-ث ذ أَمَارِيرْ.
1CH 18:17 بَانَايَا، مِّيسْ ن يَاهُويَاذَاعْ، [ثُوغَا-ث خْ] إِعسَّاسنْ ن أَرِّيمثْ ؤُ خْ إِرقَّاسنْ ن ثَازْڒَا. أَرَّاونْ ن ذَاوُوذْ [ثُوغَا أَثنْ] ذ إِمزْوُورَا غَارْ ؤُفُوسْ ن ؤُجدْجِيذْ.
1CH 19:1 أَوَارْنِي أَيَا إِمْسَارْ، أَقَا نَاحَاشْ، أَجدْجِيذْ ن أَيْثْ ن عَامُّونْ، إِمُّوثْ. مِّيسْ إِذْوڒْ ذ أَجدْجِيذْ ذڭْ ومْشَانْ نّسْ.
1CH 19:2 [خنِّي] إِنَّا ذَاوُوذْ: ”نشّْ خْسغْ أَذْ سّشْنغْ ثَامخْسِيوْثْ إِشوَّارنْ إِ حَانُونْ، مِّيسْ ن نَاحَاشْ، أَمْ مَامّشْ ذ أَيِي إِسّْشنْ بَابَاسْ ثَامخْسِيوْثْ إِشوَّارنْ.“ ذَاوُوذْ إِسّكّْ إِرقَّاسنْ، حِيمَا أَذْ ث إِعزَّا خْ [ڒْْموْثْ ن] بَابَاسْ، ؤُشَا إِوْضنْ إِمْسخَّارنْ ن ذَاوُوذْ غَارْ ثمُّورْثْ ن أَيْثْ ن عَامُّونْ.
1CH 19:3 [خنِّي] نَّانْ ڒْحُوكَّامْ ن أَيْثْ ن عَامُّونْ إِ سِيذِي نْسنْ حَانُونْ: ”مَا [إِخْسْ] ذَاوُوذْ أَذْ إِوقَّارْ بَابَاشْ [س ثِيذتّْ] ذِي ثِيطَّاوِينْ نّشْ، مِينْزِي إِسّكّْ-د إِنِّي شكْ إِ غَا إِعزَّانْ؟ مَا وَارْ د-إِسّكّْ ذَاوُوذْ إِمْسخَّارنْ نّسْ غَاركْ، حِيمَا أَذْ أَرْزُونْ ذِي ثمُّورْثْ مَاحنْذْ أَذْ [ت] سّنْقڒْبنْ ؤُ أَذْ [ت] برْڭَاڭنْ؟“
1CH 19:4 [خنِّي] إِطّفْ حَانُونْ إِمْسخَّارنْ ن ذَاوُوذْ، إِحفّْ أَسنْ أَزْينْ زِي ثْمَارْثْ، إِقسّْ أَسنْ أَزْينْ ن وَارُّوضْ أَڒْ ضفَّارْ ؤُشَا إِسّكّْ إِ-ثنْ.
1CH 19:5 نِيثْنِي طّْفنْ [أَبْرِيذْ] ؤُشَا حَاجَانْ [إِرقَّاسنْ] خْ يرْيَازنْ-أَ إِ ذَاوُوذْ. س ؤُينِّي ذ أَسنْ إِسّكّْ، مِينْزِي نِيثْنِي ثُوغَا تّْسضْحَانْ أَطَّاسْ. إِنَّا ؤُجدْجِيذْ: ”قِّيممْ ذِي أَرِيحَا أَڒْ ذ إِ غَا ثمْغَارْ ثْمَارْثْ نْومْ، خنِّي أَذْ د-ثْذوْڒمْ.“
1CH 19:6 [ؤُمِي] ژْرِينْ أَيْثْ نْ عَامُّونْ بلِّي نِيثْنِي ثُوغَا سَّارْزْڭنْ إِخفْ نْسنْ غَارْ ذَاوُوذْ، إِسّكّْ هَانُونْ ذ أَيْثْ ن عَامُّونْ أَڒفْ ثَالِينْثْ ن نُّوقَارْثْ، حِيمَا أَذْ شْرَانْ إِ يِيخفْ نْسنْ إِكَارُّوثنْ ذ إِمْنَاينْ زِي أَرَامْ-نَاهْرَايْنْ، [أَقَا-ت ذ مِيسُوپُوثَامْيَا]، زِي أَرَامْ-مَاعْكَا ؤُ زِي صُوبَا.
1CH 19:7 نِيثْنِي شْرَانْ إِ يِيخفْ نْسنْ ثْنَاينْ ؤُ-ثْڒَاثِينْ-أَڒفْ ن إِكَارُّوثنْ [ن ؤُمنْغِي] ؤُ [شْرَانْ عَاوذْ] أَجدْجِيذْ ن مَاعْكَا ذ ڒْڭنْسْ نّسْ. نِيثْنِي ؤُسِينْ-د ؤُشَا وْثِينْ إِقِيضَانْ نْسنْ زَّاثْ إِ وُوذمْ ن [ثنْذِينْثْ ن] مَايْذَابَا. [ؤُڒَا ذ] أَيْثْ ن عَامُّونْ نّْيَارْونْ زِي ثْندَّامْ نْسنْ ؤُشَا فّْغنْ غَارْ ؤُمنْغِي.
1CH 19:8 [ؤُمِي] إِسْڒَا ذَاوُوذْ أَيَا، إِسّكّْ يُووَابْ س مَارَّا ڒْعسْكَارْ نّسْ، أَيْثْ ن بُو-ثغْرُوضْثْ.
1CH 19:9 فّْغنْ-د أَيْثْ ن عَامُّونْ ؤُشَا سدّنْ إِخفْ نْسنْ إِ ؤُمنْغِي غَارْ وَاذَافْ ن ثنْذِينْثْ، أَمْ إِجدْجِيذنْ نِّي د-ؤُسِينْ، [ثُوغَا أَثنْ] س وحّذْسنْ ذڭْ إِيَّارْ.
1CH 19:10 [ؤُمِي] إِژْرَا يُووَابْ، أَقَا أَمنْغِي ڒَا زڭْ ؤُرنْذَاذْ ؤُڒَا زِي ضفَّارْ ن ؤُغمْبُوبْ نّسْ، إِخْضَارْ زِي مَارَّا إِنِّي إِتّْوَافَارْزنْ [ذِي ڒْعسْكَارْ] ن إِسْرَائِيل ؤُشَا إِسّْبدّْ إِ-ثنْ [إِ ؤُمنْغِي] أَجمَّاضْ ن أَيْثْ ن أَرَامْ.
1CH 19:11 مِينْ إِقِّيمنْ ن ڒْڭنْسْ إِڭَّا إِ-ثنْ سَاذُو إِ ؤُفُوسْ ن ؤُمَاسْ أَبِيشَايْ ؤُ نِيثْنِي سّْبدّنْ إِخفْ نْسنْ أَجمَّاضْ ن أَيْثْ ن عَامُّونْ.
1CH 19:12 إِنَّا نتَّا: ”مَاڒَا أَرَامْ إِجْهذْ خَافِي، خنِّي أَسْ-د، أوْشْ أَيِي أَفُوسْ! مَاڒَا أَيْثْ ن عَامُّونْ جهْذنْ خَاكْ، خنِّي أَذْ د-أَسغْ أَذْ شكْ فكّغْ.
1CH 19:13 إِڒِي ذ أَرْيَازْ ؤُ أجّْ أَنغْ أَذْ نِيڒِي نمْحضْ ذِي طّْوعْ ن ڒْڭنْسْ نّغْ ؤُ ذِي طّْوعْ ن ثْندَّامْ ن أَربِّي. أَذْ إِڭّْ سِيذِي مِينْ إِدْجَانْ مْلِيحْ ذِي ثِيطَّاوِينْ نّسْ.“
1CH 19:14 [خنِّي] إِبْذَا يُووَابْ ذ ڒْڭنْسْ إِ غَارسْ إِدْجَانْ أَذْ إِمّْنغْ أَكْ-ذ أَيْثْ ن أَرَامْ ؤُشَا إِنَا طّْفنْ ذِي ثَاروْڒَا زَّاثْ إِ وُوذمْ نْسنْ.
1CH 19:15 [ؤُمِي] ژْرِينْ أَيْثْ ن عَامُّونْ، أَقَا أَيْثْ ن أَرَامْ أَروْڒنْ، طّْفنْ ؤُڒَا ذ نِيثْنِي ذِي ثَاروْڒَا زَّاثْ إِ وُوذمْ ن ؤُمَاسْ أَبِيشَايْ ؤُشَاعقْبنْ غَارْ ثنْذِينْثْ. [خنِّي] يِيوضْ يُووَابْ [غَارْ] ؤُرْشَالِيمْ.
1CH 19:16 [ؤُمِي] إِژْرَا أَرَامْ أَقَا نِيثْنِي تّْوَاوْثنْ زَّاثْ إِ وُوذمْ ن إِسْرَائِيل، سّكّنْ نِيثْنِي إِرقَّاسنْ ؤُشَا ڭِّينْ أَذْ فّْغنْ أَيْثْ ن أَرَامْ إِنِّي [ثُوغَا إِزدّْغنْ] خْ ؤُجمَّاضْ ن إِغْزَارْ [ن لْفُورَاطْ]، ؤُ شُوبَاكْ، أَكُومَانْذَارْ ن ڒْعسْكَارْ ن هَاذَاذْ-عَازَارْ يُويُورْ زَّاثْ إِ ؤُغمْبُوبْ نْسنْ.
1CH 19:17 [ؤُمِي] نَّانْ أَيَا إِ ذَاوُوذْ، إِسّْمُونْ نتَّا مَارَّا إِسْرَائِيل، إِژْوَا لْ-ؤُرْذُونْ، يُوسَا-د غَارْسنْ ؤُشَا إِسدّْ إِخفْ نّسْ إِ ؤُمنْغِي. [ؤُمِي] إِسدّْ ذَاوُوذْ إِخفْ نّسْ إِ ؤُمنْغِي أَكْ-ذ أَيْثْ ن أَرَامْ، مّنْغنْ نِيثْنِي أَكِيذسْ.
1CH 19:18 أَيْثْ ن أَرَامْ أَروْڒنْ زَّاثْ إِ وُوذمْ ن إِسْرَائِيل ؤُشَا إِقْضَا ذَاوُوذْ خْ سبْعَا-أَڒَافْ ن [ينِّي إِندّْهنْ] إِكَارُّوثنْ [ن ؤُمنْغِي] ؤُ خْ أَربْعِينْ-أَڒفْ ن يرَازْ[أنْ] خْ إِضَارنْ زڭْ أَيْثْ ن أَرَامْ. [عَاوذْ] إِنْغَا نتَّا شُوبَاكْ، أَكُومَانْذَارْ ن ڒْعسْكَارْ.
1CH 19:19 [ؤُمِي] ژْرِينْ مَارَّا إِمْسخَّارنْ ن هَاذَاذْ-عَازَارْ، أَقَا تّْوَارْنَانْ زَّاثْ إِ وُوذمْ ن أَيْثْ ن إِسْرَائِيل، ڭِّينْ نِيثْنِي ڒهْنَا أَكْ-ذ إِسْرَائِيل ؤُشَا سخَّارنْ أَسْ. وَارْ د-يُوسِي ذِي ڒعْقڒْ غَارْ أَيْثْ ن أَرَامْ عَاذْ أَذْ فكّنْ أَيْثْ نْ عَامُّونْ إِشْثْ ن ثْوَاڒَا نّغْنِيثْ.
1CH 20:1 غَارْ ؤُقطُّو ن ؤُسڭّْوَاسْ [ن جْذِيذْ]، ذِي ڒْوقْثْ إِ د إِتّفّْغنْ إِجدْجِيذنْ [غَارْ ؤُمنْغِي]، إِمْسَارْ أَقَا يُووَابْ إِڭوّذْ جّهْذْ ن ڒْعسْكَارْ. يَاردّدْجْ ثَامُّورْثْ ن أَيْثْ ن عَامُّونْ ؤُشَا إِنّضْ إِ رَابَّا، إِحْصَارْ إِ-ت، [ؤُمِي] إِقِّيمْ ذَاوُوذْ ذِي ؤُرْشَالِيمْ. يُووَابْ إِغْڒبْ خْ رَابَّا ؤُشَا إِثحَّا إِ-ت.
1CH 20:2 ذَاوُوذْ إِكّسْ تَّاجْ ن ؤُجدْجِيذْ خْ ؤُزدْجِيفْ نّسْ، ؤُ نتَّا يُوفَا ڒوْزنْ نّسْ ذ إِشْثْ ن ثَالِينْثْ ن وُورغْ. ثُوغَا خَاسْ ثَايَاقُوثِينْ إِغْڒَانْ. سَّارْسنْ تَّاجْ نِّي خْ ؤُزدْجِيفْ ن ذَاوُوذْ. نتَّا يِيوِي-د [عَاوذْ] ثَاكشَّاضْثْ ذ ثَامقّْرَانْثْ أَطَّاسْ زِي ثنْذِينْثْ.
1CH 20:3 ڒْڭنْسْ نِّي [إِدْجَانْ] ذِي [ثنْذِينْثْ] إِسُّوفّغْ إِ-ث ؤُشَا إِهْجمْ خَاسنْ س ڒْمنْشَارَاثْ ذ إِيَاڒْزِيمنْ ن وُوزَّاڒْ ذ شّْوَاقَارْ ن وُوزَّاڒْ. أَمُّو إِ إِڭَّا ذَاوُوذْ أَكْ-ذ مَارَّا ثِيندَّامْ ن أَيْثْ ن عَامُّونْ. [خنِّي] إِعْقبْ ذَاوُوذْ ذ مَارَّا ڒْڭنْسْ غَارْ ؤُرْشَالِيمْ.
1CH 20:4 أَوَارْنِي أَسْ إِمْسَارْ، أَقَا إِكَّارْ عَاوذْ ؤُمنْغِي أَكْ-ذ إِفِيلِيسْطِينِييّنْ ذِي جَازَارْ. ڒخْذنِّي إِغْڒبْ سَابْكَايْ، أَحُوشَايِي، خْ سَافَّايْ، ونِّي ذ إِجّْ زڭْ وَارَّاونْ ن رَافَا، ؤُشَا تّْوَاسّْوَاضْعنْ نِيثْنِي.
1CH 20:5 ثُوغَا ذِينْ عَاوذْ أَمنْغِي أَكْ-ذ إِفِيلِيسْطِينِييّنْ. إِلْحَانَانْ، مِّيسْ ن يَاعِيرْ، إِغْڒبْ خْ لَاحْمِي، ؤُمَاسْ ن جُولِييَاثْ، زِي جَاثْ. أَكشُّوضْ ن لَانْسَا نّسْ إِڭَّا أَمْ يِيجّْ ن وعْمُوذْ ن ؤُكشُّوضْ ن ؤُخيّضْ.
1CH 20:6 ؤُشَا إِكَّارْ عَاوذْ ؤُمنْغِي ذِي جَاثْ. ثُوغَا ذِينْ إِجّْ ن ورْيَازْ ذ أَزِيرَارْ س ستَّا ن إِضوْضَانْ [ذڭْ إِفَاسّنْ نّسْ] ؤُ ستَّا [ن ثْفذْنِينْ ذڭْ إِضَارنْ نّسْ]، [مَارَّا] ڒْقدّْ نْسنْ أَربْعَا ؤُ-عِيشْرِينْ. ؤُڒَا ذ نتَّا إِتّْوَاخْڒقْ-د إِ رَافَا.
1CH 20:7 نتَّا إِسْثهْزَا زِي إِسْرَائِيل، مَاشَا يُونَاثَانْ، مِّيسْ ن شِيمْعَا، ؤُمَاسْ ن ذَاوُوذْ، إِغْڒبْ خَاسْ.
1CH 20:8 إِنَا ذ إِنِّي إِتّْوَاخڒْقنْ-د إِ رَافَا ذِي جَاثْ ؤُ نِيثْنِي وْضَانْ س ؤُفُوسْ ن ذَاوُوذْ ؤُ س ؤُفُوسْ ن إِمْسخَّارنْ نّسْ.
1CH 21:1 [خنِّي] إِكَّارْ-د إِجّْ ن وغْرِيمْ خْ إِسْرَائِيل ؤُشَا إِغَارّْ ذَاوُوذْ حِيمَا أَذْ إِحْسبْ إِسْرَائِيل.
1CH 21:2 ذَاوُوذْ إِنَّا إِ يُووَابْ ؤُ إِ ڒْحُوكَّامْ ن ڒْڭنْسْ: ”ؤُيُورمْ، حسّْبمْ إِسْرَائِيل زِي بِئرْ-سبْعَا أَڒْ ذَانْ ؤُشَا أَوْيمْ أَيِي-د [مشْحَاڒْ]، مَاحنْذْ أَذْ سّْنغْ مشْحَاڒْ إِذْسنْ.“
1CH 21:3 [خنِّي] إِنَّا يُووَابْ: ”إِڒِي أَذْ يَارْنِي سِيذِي ذِي ڒْڭنْسْ نّسْ أَمْ إِدْجَا ڒخُّو عَاذْ مْيَا ن ثْسقَّارْ. مَا وَارْ دْجِينْ مَارَّا، [أَ] سِيذِي إِنُو أَجدْجِيذْ، ذ إِمْسخَّارنْ ن سِيذِي إِنُو؟ مَايمِّي [إِ زَّايِي] إِتّْمژْرِي سِيذِي إِنُو مَانْ أَيَا؟ مَايمِّي غَا إِسَّارْبُو إِسْرَائِيل أَمَارْوَاسْ خْ يِيخفْ نّسْ؟“
1CH 21:4 [مَاشَا] أَوَاڒْ ن ؤُجدْجِيذْ إِجْهذْ خْ يُووَابْ ؤُ يُووَابْ إِفّغْ. إِكَّا مَارَّا إِسْرَائِيل ؤُشَا إِعْقبْ-د غَارْ ؤُرْشَالِيمْ.
1CH 21:5 يُووَابْ إِوْشَا إِ ذَاوُوذْ ڒْقدّْ ن ڒحْسَابْ ن ڒْڭنْسْ أَمْ إِكْمڒْ. مَارَّا إِسْرَائِيل [ذَايسْ] مِيلْيُونْ ؤُ-مْيَا-أَڒفْ ن يرْيَازنْ إِنِّي إِزمَّارنْ خْ سِّيفْ ؤُ يَاهُوذَا [ذَايسْ] أَربْعَا-مْيَا ؤُ-سبْعِينْ-أَڒفْ ن يرْيَازنْ نِّي إِزمَّارنْ خْ سِّيفْ.
1CH 21:6 [مَاشَا أَيْثْ ن] لَاوِي ذ بِينْيَامِينْ وَارْ ثنْ إِحْسِيبْ شَا، مَاغَارْ أَوَاڒْ ن ؤُجدْجِيذْ ثُوغَا ذ أَعِيفِّي إِ يُووَابْ.
1CH 21:7 ثَامسْڒَاشْثْ-أَ ثُوغَا ذ ثَاعفَّانْثْ ذِي ثِيطَّاوِينْ ن أَربِّي ؤُشَا نتَّا إِڒْقفْ إِسْرَائِيل س إِشْثْ ن جّْرِيحشْثْ.
1CH 21:8 [خنِّي] إِنَّا ذَاوُوذْ إِ أَربِّي: ”نشّْ خْضِيغْ [خَاكْ] أَطَّاسْ، س مِينْزِي نشّْ ڭِّيغْ أَيَا. خنِّي ڒخُّو، كّسْ ڒْمُوعْصِييّثْ خْ ؤُمْسخَّارْ نّشْ، مِينْزِي نشّْ ڭِّيغْ س ثُوبُّوهڒْيَا أَطَّاسْ.“
1CH 21:9 إِسِّيوڒْ سِيذِي غَارْ جَاذْ، أَمْوَاڒَاوْ ن ذَاوُوذْ، إِنَّا:
1CH 21:10 ”ؤُيُورْ، سِيوڒْ غَارْ ذَاوُوذْ، إِنِي: ’أَمُّو إِ إِقَّارْ سِيذِي: أَذْ أَشْ سَّارْسغْ ثْڒَاثَا ن ثْمسْڒَايِينْ. إِخْضَارْ إِشْثْ [زَّايْسنْثْ] إِ شكْ. أَذْ أَشْ ت ڭّغْ.‘ “
1CH 21:11 جَاذْ يُوسَا-د غَارْ ذَاوُوذْ، إِنَّا أَسْ: ’أَمُّو إِ إِقَّارْ سِيذِي: ’إِخْضَارْ شكْ:
1CH 21:12 ثْڒَاثَا ن إِسڭّْوُوسَا ن ڒَاژْ، نِيغْ ثْڒَاثَا ن إِيُورنْ إِ ذِي إِ غَا ثتّْوَاهلّْكذْ زَّاثْ إِ وُوذمْ ن يِينِّي شكْ إِحْصَارنْ ؤُ سِّيفْ ن ڒْعذْيَانْ نّشْ أَذْ شكْ إِضْفَارْ، نِيغْ ثْڒَاثَا ن وُوسَّانْ ن سِّيفْ ن سِيذِي، أَقَا-ث ذ طَّاعُونْ ذِي ثمُّورْثْ ؤُ لْمَالَاكْ ن سِيذِي أَذْ إِضيّعْ مَارَّا ثَامُّورْثْ ن إِسْرَائِيل. خنِّي ڒخُّو، خْزَارْ، مَامّشْ غَا يَارّغْ خْ ونِّي ذ أَيِي د-إِسّكّنْ.‘ “
1CH 21:13 [خنِّي] إِنَّا ذَاوُوذْ إِ جَاذْ: ”نشّْ تّْوَاحْصَارغْ أَطَّاسْ، [مَاشَا] أجّْ أَيِي أَذْ وْضِيغْ ذڭْ ؤُفُوسْ ن سِيذِي، مَاغَارْ أَرّحْمثْ نّسْ ذ ثَامقّْرَانْثْ أَطَّاسْ، وَارْ تّڭّْ أَذْ وْضِيغْ ذڭْ ؤُفُوسْ ن بْنَاذمْ.“
1CH 21:14 ؤُشَا إِسِّيوضْ سِيذِي طَّاعُونْ خْ إِسْرَائِيل ؤُشَا وْضَانْ سبْعِينْ-أَڒفْ ن يرْيَازنْ زِي إِسْرَائِيل.
1CH 21:15 إِسّكّْ أَربِّي لْمَالَاكْ غَارْ ؤُرْشَالِيمْ حِيمَا أَذْ ث إِضيّعْ. ؤُمِي إِبْذَا نتَّا أَذْ ت إِضيّعْ، إِژْرَا إِ-ت سِيذِي ؤُشَا إِنْذمْ خْ ثُوعفّْنَا، إِنَّا إِ لْمَالَاكْ ن ؤُضيّعْ: ”شْفَا، سهْوَا ڒخُّو أَفُوسْ نّشْ!“ ثُوغَا لْمَالَاكْ ن سِيذِي إِبدّْ غَارْ ؤُنذْرَارْ ن ؤُيابُوسِي ؤُرْنَانْ.
1CH 21:16 [ؤُمِي] إِسّْڭعّذْ ذَاوُوذْ ثِيطَّاوِينْ نّسْ، إِژْرَا لْمَالَاكْ ن سِيذِي إِبدّْ جَارْ ثمُّورْثْ ذ ؤُجنَّا أَمْ إِطّفْ ؤُفُوسْ نّسْ سِّيفْ، إِسّْوِيژّضْ إِ-ث خْ ؤُرْشَالِيمْ. [خنِّي] إِوْضَا ذَاوُوذْ ذ إِمقّْرَاننْ نْ ڒْڭنْسْ س ؤُغمْبُوبْ نْسنْ [غَارْ ثمُّورْثْ] أَمْ ثُوغَا ڒحّْفنْ س ثْخُونْشَايْ [ن وشْضَانْ].
1CH 21:17 ؤُشَا إِنَّا ذَاوُوذْ إِ أَربِّي: ”مَا وَارْ إِدْجِي ذ نشّْ إِ إِنَّانْ أَقَا إِتّْخصَّا أَذْ حسْبنْ ڒْڭنْسْ؟ وَاهْ، ذ نشّْ إِ ثُوغَا إِخْضَانْ ذ نشّْ إِ إِڭِّينْ ڒْمُوعْصِييّثْ أَطَّاسْ، مَاشَا ؤُدْجِي-يَا، مِينْ ڭِّينْثْ؟ [أَ] سِيذِي، أَربِّي إِنُو، أجّْ أَذْ يِيڒِي ؤُفُوسْ نّشْ إِ ثشْثِي غَارِي ؤُ غَارْ ثَادَّارْثْ ن بَابَا، وَارْ إِدْجِي مَاشَا غَارْ ڒْڭنْسْ نّشْ.“
1CH 21:18 [خنِّي] إِنَّا لْمَالَاكْ ن سِيذِي إِ جَاذْ، أَذْ يِينِي إِ ذَاوُوذْ بلِّي إِتّْخصَّا إِ ذَاوُوذْ أَذْ إِڭعّذْ حِيمَا أَذْ إِسّْبدّْ إِجّْ ن ؤُعَالْطَارْ إِ سِيذِي خْ ؤُنذْرَارْ ن ؤُيابُوسِي أَرْنَانْ.
1CH 21:19 ؤُشَا ذَاوُوذْ إِڭعّذْ عْلَاحْسَابْ أَوَاڒْ ن جَاذْ نِّي إِسِّيوڒْ س يِيسمْ ن سِيذِي.
1CH 21:20 ؤُشَا إِنّقْڒبْ-د أَرْنَانْ، إِژْرَا لْمَالَاكْ. أَربْعَا ن وَارَّاونْ نّسْ إِ ثُوغَا غَارسْ [إِدْجَانْ]، نُّوفَّارنْ. ؤُرْنَانْ ثُوغَا إِسَّارْوَاثْ إِرْذنْ.
1CH 21:21 يِيوضْ ذَاوُوذْ غَارْ أَرْنَانْ ؤُشَا إِسّْڭعّذْ أَرْنَانْ ثِيطَّاوِينْ، إِژْرَا ذَاوُوذْ. [خنِّي] إِفّغْ-د زڭْ ؤُنذْرَارْ ؤُشَا إِبنْذقْ زَّاثْ إِ ذَاوُوذْ س ؤُغمْبُوبْ نّسْ غَارْ ثمُّورْثْ.
1CH 21:22 إِنَّا ذَاوُوذْ إِ أَرْنَانْ: ”أوْشْ أَيِي أَنْذْرَارْ، حِيمَا أَذْ خَاسْ بْنِيغْ إِجّْ ن ؤُعَالْطَارْ إِ سِيذِي. أوْشْ أَيِي [أَمْشَانْ] س تَّامَانْ نّسْ إِمُونْ، حِيمَا أَذْ ثْبدّْ ثِيشْثِي-يَا ذِي ڒْڭنْسْ.“
1CH 21:23 أَرْنَانْ إِنَّا إِ ذَاوُوذْ: ”كْسِي ث إِ شكْ ؤُشَا أَذْ يڭّْ سِيذِي إِنُو أَجدْجِيذْ مِينْ إِدْجَانْ ذ لمْلِيحْ ذِي ثِيطَّاوِينْ نّسْ. خْزَارْ، أَذْ وْشغْ إِفُونَاسنْ-أَ أَمْ ثْغَارْصَا ن وشْمَاضْ، ؤُ ثِيڒْوِيحِينْ إِتّحْڒُودْجُوضنْ إِ ؤُسَارْوثْ ذ ؤُكشُّوضْ [إِ ثْمسِّي] ذ إِرْذنْ، أَذْ ثنْ وْشغْ إِ ثوْهِيبْثْ [ن ڒْغِيدْجثْ]. نشّْ أَذْ وْشغْ أَيَا مَارَّا.“
1CH 21:24 [مَاشَا] إِنَّا ؤُجدْجِيذْ ذَاوُوذْ إِ أَرْنَانْ: ”لَّ، نشّْ خْسغْ نِيشَانْ أَذْ ث سْغغْ س تَّامَانْ نّسْ إِكْمڒْ، مِينْزِي مِينْ إِدْجَانْ نّشْ وَارْ ث كسِّيغْ إِ سِيذِي، [حِيمَا] [أَمُّو إِ] غَا وهّْبغْ ثَاغَارْصْثْ ن وشْمَاضْ إِ سِيذِي بْڒَا أَذْ ت خدْجْصغْ.“
1CH 21:25 أَمُّو إِ إِوْشَا ذَاوُوذْ إِ أَرْنَانْ إِ ومْشَانْ نِّي إِجّْ ن ڒوْزنْ ن ستَّا-مْيَا شِيقْلُو ن وُورغْ.
1CH 21:26 ذَاوُوذْ إِسّْبدّْ ذِينِّي إِجّْ ن ؤُعَالْطَارْ إِ سِيذِي ؤُشَا يِيوِي خَاسْ ثِيغَارْصَا ن وشْمَاضْ ذ ثوْهِيبِينْ [ن ڒْغِيدْجثْ]. نتَّا إِڒَاغَا إِ سِيذِي ؤُ وَانِيثَا يَارَّا-د خَاسْ س ثْمسِّي زڭْ ؤُجنَّا خْ ؤُعَالْطَارْ ن وشْمَاضْ.
1CH 21:27 إِنَّا سِيذِي إِ لْمَالَاكْ مَاحنْذْ ذ يَارّْ سِّيفْ ذڭْ ؤُفُورُّو ن وغْڒَافْ نّسْ.
1CH 21:28 ذِي ڒْوقْثْ نِّي، ؤُمِي إِژْرَا ذَاوُوذْ أَقَا سِيذِي يَارَّا-د خَاسْ خْ ؤُنذْرَارْ ن ؤُيابُوسِي أَرْنَانْ، يِيوِي [ذِينْ] ثِيغَارْصَا.
1CH 21:29 ذِي ڒْوقْثْ نِّي ثُوغَا ثَازذِّيغْثْ ن سِيذِي، ثنِّي ثُوغَا إِڭَّا مُوسَا ذِي ڒخْڒَا، ذ ؤُعَالْطَارْ إِ ثْغَارْصَا ن وشْمَاضْ خْ ڒْڭعّْذثْ ن جِيبْعُونْ.
1CH 21:30 ذَاوُوذْ [مَاشَا] وَارْ إِزمَّارْ أَذْ ذِينْ يُويُورْ حِيمَا أَذْ يَارْزُو خْ أَربِّي، مَاغَارْ ثُوغَا ثڒْقفْ إِ-ث ثِيڭّْوُوذِي زِي سِّيفْ ن لْمَالَاكْ ن سِيذِي.
1CH 22:1 إِنَّا ذَاوُوذْ: ”ذَا [إِ غَا ثْبدّْ] ثَادَّارْثْ ن سِيذِي أَربِّي، ؤُ ذَا [إِ غَا يِيڒِي] ؤُعَالْطَارْ ن ثْغَارْصَا ن وشْمَاضْ إِ إِسْرَائِيل.“
1CH 22:2 يُومُورْ ذَاوُوذْ أَذْ سّْمُوننْ إِبَارَّانِييّنْ نِّي إِدْجَانْ ذِي ثمُّورْثْ ن إِسْرَائِيل، ؤُ نتَّا إِڭَّا إِسُويْذَاينْ حِيمَا أَذْ سُّويْذَانْ إِژْرَا إِ ڒبْنِي ن ثَادَّارْثْ ن أَربِّي.
1CH 22:3 ذَاوُوذْ إِسّوْجذْ أَطَّاسْ ن وُوزَّاڒْ إِ ڒوْثَاذَاثْ إِ ثوُّورَا ن وَاذَافْ ؤُ إِ ثْحنْيَا ن ؤُعَارّضْ ؤُڒَا ذ وَاطَّاسْ ن نّْحَاسْ، [أَڒَامِي] وَارْ إِزمَّارْ أَذْ إِتّْوَاوْزنْ ڒْقدّْ نّسْ،
1CH 22:4 ؤُڒَا ذ أَكشُّوضْ نْ ثنْڭلْثْ، س إِجّْ ن ڒْقدّْ وَارْ إِزمَّارْ أَذْ إِتّْوَاحْسبْ، مِينْزِي أَيْثْ ن صِيذُونْ ذ أَيْثْ ن صُورْ سِّيوْضنْ أَطَّاسْ ن ؤُكشُّوضْ ن [ثْشجَّارْثْ ن] ثنْڭلْثْ غَارْ ذَاوُوذْ.
1CH 22:5 ذَاوُوذْ إِنَّا: ”مِّي سُولِيمَانْ [عَاذْ] ذ أَحُوذْرِي أَرْهفْ. ثَادَّارْثْ إِ غَا بْنَانْ إِ سِيذِي أَذْ ثِيڒِي ذ ثَامقّْرَانْثْ ذ إِسّْعُودْجنْ حِيمَا إِسمْ [نّسْ] ذ ڒْعزّْ نّسْ أَذْ إِذْوڒْ غَارْ مَارَّا ثِيمُّورَا. نشّْ أَذْ أَسْ سّْوجْذغْ.“ أَمُّو إِ إِسّوْجذْ ذَاوُوذْ أَطَّاسْ قْبڒْ إِ ڒْموْثْ نّسْ.
1CH 22:6 [خنِّي] إِڒَاغَا نتَّا إِ مِّيسْ سُولِيمَانْ ؤُشَا يُومُورْ إِ-ث حِيمَا أَذْ إِبْنَا إِشْثْ ن ثَادَّارْثْ إِ سِيذِي، أَربِّي ن إِسْرَائِيل.
1CH 22:7 إِنَّا ذَاوُوذْ إِ سُولِيمَانْ: ”مِّي، نشّْ سِيمَانْثْ إِنُو ثُوغَا-ث ذڭْ وُوڒْ إِنُو، حِيمَا أَذْ بْنِيغْ إِشْثْ ن ثَادَّارْثْ إِ يِيسمْ ن سِيذِي، أَربِّي إِنُو.
1CH 22:8 [مَاشَا] يُوسَا-د غَارِي وَاوَاڒْ ن سِيذِي، إِنَّا: ’شكْ ثسِّيزّْڒذْ أَطَّاسْ ن إِذَامّنْ ؤُ ثڭِّيذْ إِمنْغَانْ إِقسْحنْ. شكْ وَارْ ثْبنِّيذْ إِ يِيسمْ إِنُو ثَادَّارْثْ، مَاغَارْ شكْ ثسِّيزّْڒذْ زَّاثْ إِ وُوذمْ إِنُو أَطَّاسْ ن إِذَامّنْ خْ ثمُّورْثْ.
1CH 22:9 خْزَارْ، مِّيشْ ونِّي إِ ذ أَشْ غَا د-إِتّْوَارْونْ، أَذْ يِيڒِي ذ إِجّْ ن ورْيَازْ ن ڒْحُوذْنثْ، مَاغَارْ نشّْ أَذْ أَسْ وْشغْ ڒْهُوذْنثْ زِي مَارَّا ڒْعذْيَانْ نّسْ إِ ذ أَسْ د-إِنّْضنْ، مَاغَارْ إِسمْ نّسْ أَذْ يِيڒِي سُولِيمَانْ ؤُ ذڭْ وُوسَّانْ نّسْ أَذْ وْشغْ ڒهْنَا ذ ڒْهُوذْنثْ إِ إِسْرَائِيل.
1CH 22:10 نتَّا أَذْ إِبْنَا إِشْثْ ن ثَادَّارْثْ إِ يِيسمْ إِنُو ؤُ نتَّا أَذْ يِيڒِي إِ نشّْ ذ مِّيسْ ؤُ نشّْ أَذْ أَسْ إِڒِيغْ ذ بَابَاسْ ؤُ نشّْ أَذْ سّْمثْنغْ ڒْعَارْشْ ن ثْڭلْذَا نّسْ خْ إِسْرَائِيل إِ ڒبْذَا.‘
1CH 22:11 خنِّي ڒخُّو، [أَ] مِّي، سِيذِي أَذْ يِيڒِي أَكِيذكْ ؤُ شكْ أَذْ ثْفڒْحذْ ؤُ أَذْ ثبْنِيذْ ثَادَّارْثْ ن سِيذِي، أَربِّي نّشْ، أَمْ مَامّشْ ثُوغَا خَاكْ إِسِّيوڒْ.
1CH 22:12 إِڒِي أَذْ أَشْ إِوْشْ سِيذِي ڒعْقڒْ ذ ڒفْهَامثْ ؤُڒَا ذ ؤُسُويَارْ خْ إِسْرَائِيل حِيمَا أَذْ ثحْضِيذْ شَّارِيعَا ن سِيذِي، أَربِّي نّشْ.
1CH 22:13 خنِّي أَذْ ثِيڒِيذْ ثْفڒْحذْ، خْمِي غَا ثحْضِيذْ حِيمَا أَذْ ڭّنْ ثِيوصَّا ذ لْفَارَايِيضْ، ثِينِّي يُومُورْ سِيذِي س مُوسَا إِ إِسْرَائِيل. إِڒِي ذ أَرْيَازْ ؤُ إِڒِي ثْمحْضذْ، وَارْ تّڭّْوذْ شَا ؤُ وَارْ ثفْشِيڒْ!
1CH 22:14 خْزَارْ-د، ذِي ڒحْصَارثْ إِنُو سّْوجْذغْ غَارْ ؤُفُوسْ إِ ثَادَّارْثْ ن سِيذِي مْيَاثْ-أَڒفْ ثَالِينْثْ ن وُورغْ ذ وَاڒفْ خْ وَاڒفْ ثَالِينْثْ ن نُّوقَارْثْ ؤُڒَا ذ نّْحَاسْ ذ وُوزَّاڒْ، أَڒَامِي وَارْ زمَّارنْ أَذْ وزْننْ. إِوْيغْ ؤُڒَا ذ أَكشُّوضْ ذ يژْرَا. ؤُ شكْ أَذْ خَاسْ ثَارنْيذْ عَاذْ.
1CH 22:15 شكْ غَاركْ [عَاوذْ] أَطَّاسْ [ن يرْيَازنْ] حِيمَا أَذْ ڭّنْ ڒْخذْمثْ، إِسُويْذَاينْ ذ ڒمْعُودْجَامْ إِ [ؤُنقَّاشْ ن] وژْرُو ذ ؤُكشُّوضْ ذ عْڒَامْ كُوڒْ [إِوْذَانْ] نِّي غَارْ ثدْجَا ڒفْهَامثْ ذِي عْڒَامْ كُوڒْ ڒْخذْمثْ.
1CH 22:16 ؤُرغْ ذ نُّوقَارْثْ ذ نّْحَاسْ ذ وُوزَّاڒْ أَنشْثْ وَارْ إِزمَّارْ أَذْ ث حسْبنْ. كَّارْ، أڭّْ إِ-ث ؤُشَا سِيذِي أَذْ كِيذكْ يِيڒِي.“
1CH 22:17 ذَاوُوذْ يُومُورْ [عَاوذْ] إِ مَارَّا ڒْحُوكَّامْ ن إِسْرَائِيل، مَاحنْذْ أَذْ وْشنْ أَفُوسْ إِ مِّيسْ سُولِيمَانْ، إِنَّا:
1CH 22:18 ”مَا وَارْ إِدْجِي سِيذِي، أَربِّي نْومْ، أَكِيذْومْ ؤُ [مَا وَارْ] ذ أَومْ إِوْشِي ڒْهُوذْنثْ غَارْ مَارَّا إِغزْذِيسنْ نْومْ؟ مَاغَارْ نتَّا إِڭَّا مَارَّا إِمزْذَاغْ ن ثمُّورْثْ ذڭْ ؤُفُوسْ إِنُو ؤُشَا ثتّْوَاڭّْ ثمُّورْثْ سَاذُو ؤُفُوسْ [إِنُو] زَّاثْ إِ وُوذمْ ن سِيذِي ؤُ زَّاثْ إِ وُوذمْ ن مَارَّا ڒْڭنْسْ.
1CH 22:19 [خنِّي] ڒخُّو، وْشمْ ؤُڒْ ذ ڒعْمَارْ [نْومْ] حِيمَا أَذْ ثَارْزُومْ خْ سِيذِي، أَربِّي نْومْ، ؤُشَا كَّارمْ، أَذْ ثبْنَامْ زَّاوشْثْ إِقدّْسنْ ن سِيذِي أَربِّي حِيمَا تَّابُوثْ ن ڒْعَاهْذْ ن سِيذِي ذ مَارَّا ڒقْشُوعْ إِقدّْسنْ ن أَربِّي زمَّارنْ أَذْ تّْوَاسِّيذْفنْ ذِي ثَادَّارْثْ إِ غَا إِتّْوَابْنَانْ إِ يِيسمْ ن سِيذِي.“
1CH 23:1 [ؤُمِي] ثُوغَا ذَاوُوذْ إِوْسَارْ ؤُ إِجِّيونْ ؤُسَّانْ، إِڭَّا نتَّا مِّيسْ سُولِيمَانْ ذ أَجدْجِيذْ خْ إِسْرَائِيل.
1CH 23:2 نتَّا إِسّْمُونْ-د مَارَّا ڒْحُوكَّامْ ن إِسْرَائِيل ؤُڒَا ذ إِكهَّاننْ ذ إِلَاوِييّنْ.
1CH 23:3 تّْوَاحسْبنْ إِلَاوِييّنْ زِي ثْڒَاثِينْ ن إِسڭّْوُوسَا ذ سنّجْ. [ثُوغَا] ڒْقدّْ نْسنْ أَزدْجِيفْ أَزدْجِيفْ ثْمنْيَا ؤُ-ثْڒَاثِينْ-أَڒفْ ن يرْيَازنْ.
1CH 23:4 زَّايْسنْ [ثُوغَا ذِينْ] أَربْعَا ؤُ-عِيشْرِينْ-أَڒفْ ن يِينِّي إِتّْوَاڭّنْ ذ إِمْسيَّارنْ خْ ڒْخذْمثْ ذِي ثَادَّارْثْ ن سِيذِي ؤُشَا [أَقَا ذِينْ عَاذْ] ستَّا-أَڒَافْ ن إِمحْضَاينْ ذ ڒْقُوضَاثْ،
1CH 23:5 أَربْعَا-أَڒَافْ ن إِعسَّاسنْ ن ثوَّارْثْ ذ أَربْعَا-أَڒَافْ ن إِمذْيَازنْ إِ إِژْرَانْ ن ؤُصبَّاحْ إِ سِيذِي، أَكْ-ذ دُّوزَانَاثْ [ن لْمُوسِيقَا] نِّي ڭِّيغْ نشّْ، [إِنَّا ذَاوُوذْ]، حِيمَا أَذْ سّمْغَارنْ [سِيذِي] س يزْڒَانْ ن ؤُصبَّاحْ.
1CH 23:6 ذَاوُوذْ إِبْضَا ثنْ ذِي ثرْبِيعِينْ، [أَمْ تّْوَاستّْفنْ نِيثْنِي] عْلَاحْسَابْ أَرَّاونْ ن لَاوِي: جَارْشُونْ، قَاهَاثْ ذ مَارَارِي.
1CH 23:7 زڭْ إِجَارْشُونِييّنْ [ثُوغَا أَثنْ ذ] لَاعْذَانْ ذ شِيمْعِي.
1CH 23:8 أَرَّاونْ ن لَاعْذَانْ [ثُوغَا أَثنْ ذ] أَزدْجِيفْ يَاحِييِيلْ، زِيثَامْ ذ يُووِيلْ، ثْڒَاثَا [ن يرْيَازنْ].
1CH 23:9 أَرَّاونْ ن شِيمْعِي [ثُوغَا أَثنْ ذ] شَالُومِيثْ، حَازِييِيلْ ذ هَارَانْ، ثْڒَاثَا [ن يرْيَازنْ]. إِنَا [ثُوغَا أَثنْ ذ] إِزدْجِيفنْ خْ إِبَابَاثنْ [ن ڒَادْجَاثْ] ن لَاعْذَانْ.
1CH 23:10 أَرَّاونْ ن شِيمْعِي [ثُوغَا أَثنْ ذ] يَاحَاثْ، زَايْنَا، يَاعُوشْ ذ بَارِيعَا. إِنَا [ثُوغَا أَثنْ ذ] أَرَّاونْ ن شِيمْعِي.
1CH 23:11 يَاحَاثْ ثُوغَا-ث ذ أَزدْجِيفْ ؤُ زِيزَا ذ وِيسّْ ثْنَاينْ، [مَاشَا] يَاعُوشْ ذ بَارِيعَا وَارْ ثُوغِي غَارْسنْ أَرَّاونْ أَطَّاسْ. غَارْ ڒحْسَابْ تّْوَاحسْبنْ نِيثْنِي ذ إِشْثنْ ثَادَّارْثْ ن إِبَابَاثنْ.
1CH 23:12 أَرَّاونْ ن قَاهَاثْ [ثُوغَا أَثنْ ذ] عَامْرَامْ، يِيصْهَارْ، حَابْرُونْ ذ عُوزِّييِيلْ، أَربْعَا [ن يرْيَازنْ].
1CH 23:13 أَرَّاونْ ن عَامْرَامْ [ثُوغَا أَثنْ ذ] هَارُونْ ذ مُوسَا. إِتّْوَاعْزڒْ هَارُونْ حِيمَا أَذْ إِتّْوَاقدّسْ ذ أَمْقدّسْ قَاعْ، نتَّا ذ أَرَّاونْ نّسْ، إِ ڒبْذَا، حِيمَا أَذْ إِسّْبخَّارْ زَّاثْ إِ وُوذمْ ن سِيذِي، حِيمَا أَذْ أَسْ إِسخَّارْ ؤُ حِيمَا أَذْ إِبَاركْ س يِيسمْ نّسْ إِ ڒبْذَا.
1CH 23:14 أَرَّاونْ ن مُوسَا، أَرْيَازْ ن أَربِّي، تّْوَاڒَاغَانْ جَارْ ثقْبِيتْشْ ن لَاوِي.
1CH 23:15 أَرَّاونْ ن مُوسَا [ثُوغَا أَثنْ ذ] جَارْشُومْ ذ إِلِيعَازَارْ.
1CH 23:16 [زڭْ] وَارَّاونْ ن جَارْشُونْ [ثُوغَا] شابُووِيلْ ذ أَزدْجِيفْ.
1CH 23:17 مِّيسْ ن إِلِيعَازَارْ [ثُوغَا] ذ أَزدْجِيفْ رَاحَابْيَا. وَارْ ثُوغِي غَارسْ غَارْ إِلِيعَازَارْ أَرَّاونْ نّغْنِي. أَرَّاونْ ن رَاحَابْيَا [مَاشَا] [ثُوغَا أَثنْ] ذڭْ وَاطَّاسْ.
1CH 23:18 [زڭْ] وَارَّاونْ ن يِيصْهَارْ [ثُوغَا] شَالُومِيثْ ذ أَزدْجِيفْ.
1CH 23:19 [زڭْ] وَارَّاونْ ن حَابْرُونْ [ثُوغَا] يَارِييَا ذ أَزدْجِيفْ، أَمَارْيَا وِيسّْ ثْنَاينْ، يَاحْزِييِيلْ وِيسّْ طْرَاثَا ذ يَاقْمَاعَامْ وِيسّْ أَربْعَا.
1CH 23:20 [زڭْ] وَارَّاونْ ن عُوزِّييِيلْ [ثُوغَا] مِيخَا ذ أَزدْجِيفْ، ؤُ يَاشِّي-يَاهْ وِيسّْ ثْنَاينْ.
1CH 23:21 أَرَّاونْ ن مَارَارِي [ثُوغَا أَثنْ ذ] مَاحْلِي ذ مُوشِي. ثَارْوَا ن مَاحْلِي [ثُوغَا أَثنْ ذ] أَلِيعَازَارْ ذ قِيسْ.
1CH 23:22 أَلِيعَازَارْ إِمُّوثْ ؤُ نتَّا وَارْ غَارسْ ثُوغِي بُو وَارَّاونْ مَاشَا يسِّيسْ [وَاهْ]. أَرَّاونْ ن قِيسْ، أَيْثْمَاثْسنْ، إِوْينْ ثنْثْ [ذ ثَامْغَارْثْ].
1CH 23:23 أَرَّاونْ ن مُوشِي [ثُوغَا أَثنْ ذ] مَاحْلِي ذ عَاذِيرْ ذ يَارِيمُوثْ، ثْڒَاثَا [ن يرْيَازنْ].
1CH 23:24 إِنَا [ثُوغَا أَثنْ] ذ أَرَّاونْ ن لَاوِي، [تّْوَاستّْفنْ] عْلَاحْسَابْ ثُوذْرِينْ ن إِبَابَاثنْ نْسنْ، عْلَاحْسَابْ إِزدْجِيفنْ ن ڒَادْجَاثْ، إِنِّي [إِتّْوَازمّنْ] غَارْ ڒحْسَابْ نْسنْ س ڒْقدّْ ن إِسْمَاونْ نْسنْ أَزدْجِيفْ أَزدْجِيفْ، إِنِّي إِڭِّينْ ثَاسخَّارْثْ إِ ثَادَّارْثْ ن سِيذِي، زِي عِيشْرِينْ إِسڭّْوُوسَا سنّجْ.
1CH 23:25 مَاغَارْ ذَاوُوذْ ثُوغَا إِنَّا: ”سِيذِي، أَربِّي ن إِسْرَائِيل، إِوْشَا ڒْهُوذْنثْ إِ ڒْڭنْسْ نّسْ ؤُ نتَّا أَذْ إِزْذغْ ذِي ؤُرْشَالِيمْ إِ ڒبْذَا.“
1CH 23:26 [نتَّا إِنَّا] عَاوذْ خْ إِلَاوِييّنْ: ”نِيثْنِي وَارْ حْذِيجنْ عَاذْ أَذْ أَرْبُونْ ثَازذِّيغْثْ ذ مَارَّا ڒقْشُوعْ نِّي د إِتَّاسنْ أَكْ-ذ ثْسخَّارْثْ.“
1CH 23:27 مِينْزِي عْلَاحْسَابْ أَوَاڒنْ إِنڭُّورَا ن ذَاوُوذْ، [ثُوغَا] ڒْقدّْ ن وَارَّاونْ ن لَاوِي ذ إِنِّي [إِدْجَانْ] زِي عِيشْرِينْ إِسڭّْوُوسَا سنّجْ.
1CH 23:28 نِيثْنِي بدّنْ أَكْ-ذ وَارَّاونْ ن هَارُونْ ذِي ثْسخَّارْثْ ذِي ثَادَّارْثْ ن سِيذِي، [غَارْ ؤُحطُّو] خْ ڒمْرَاحَاثْ، خْ إِخَّامنْ ن ڒخْزنْ، خْ ؤُسِيزْذڭْ ن مَارَّا ڒقْشُوعْ إِقدّْسنْ، خْ ڒْخذْمثْ ن ثْسخَّارْثْ ذِي ثَادَّارْثْ ن أَربِّي،
1CH 23:29 خْ [ؤُسوْجذْ ن] أَغْرُومْ ن وسْشَانْ، خْ وَارنْ أَزْذَاذْ إِ ثوْهِيبْثْ [ن ڒْغِيدْجثْ]، خْ ثڒْفَافْ بْڒَا أَنْثُونْ، خْ وخْذِيمْ ؤُ خْ [مَامّشْ ڭّْوِينْ] أَرشْثِي ؤُ خْ مَارَّا ڒْقدّْ ذ ڒقْيَاسْ.
1CH 23:30 ثُوغَا إِتّْخصَّا أَذْ بدّنْ [وجْذنْ] ذِي كُوڒْ ثُوفُّوثْ حِيمَا أَذْ صبّْحنْ ؤُ أَذْ سّمْغَارنْ سِيذِي، ؤُڒَا غَارْ ثْمذِّيثْ،
1CH 23:31 ؤُڒَا ڒَامِي د-يِيوْينْ مَارَّا ثِيغَارْصَا ن وشْمَاضْ إِ سِيذِي، ذڭْ وُوسَّانْ ن سّبْثْ، ذڭْ وُوسَّانْ ن ؤُيُورْ ن جْذِيذْ ؤُ ذِي ڒعْيُوذَاثْ إِتّْوَاڭّنْ، عْلَاحْسَابْ ڒْقدّْ إِ يدْجَا ذِي لْفَارِيضَا إِ ذ أَسْ إِتّْڒِيقَانْ، بْڒَا [أَ]قطُّو زَّاثْ إِ وُوذمْ ن سِيذِي.
1CH 23:32 إِتّْخصَّا أَسنْ أَذْ حْضَانْ ثَاوقَّافْثْ نْسنْ إِ ؤُقِيضُونْ ن ؤُمْسَاڭَارْ ذ ثْوقَّافْثْ نْسنْ إِ زَّاوشْثْ إِقدّْسنْ ذ ثْوقَّافْثْ [نْسنْ] غَارْ ؤُغزْذِيسْ ن وَارَّاونْ ن هَارُونْ، أَيْثْمَاثْسنْ، غَارْ ثْسخَّارْثْ ن ثَادَّارْثْ ن سِيذِي.
1CH 24:1 ثِيرْبِيعِينْ ن وَارَّاونْ ن هَارُونْ. أَرَّاونْ ن هَارُونْ [ثُوغَا أَثنْ ذ] نَاذَابْ، أَبِيهُو، أَلِيعَازَارْ ذ إِثَامَارْ.
1CH 24:2 نَاذَابْ ذ أَبِيهُو مُّوثنْ زَّاثْ إِ وُوذمْ ن بَابَاثْسنْ. وَارْ غَارْسنْ بُو وَارَّاونْ. أَلِيعَازَارْ ذ إِثَامَارْ ثُوغَا تّْسخَّارنْ أَمْ يِيكهَّاننْ.
1CH 24:3 [جْمِيعْ] أَكْ-ذ صَاذُوقْ زڭْ وَارَّاونْ ن أَلِيعَازَارْ ؤُ أَكْ-ذ أَخِيمَالِيكْ زڭْ وَارَّاونْ ن إِثَامَارْ إِبْضَا إِ-ثنْ ذَاوُوذْ عْلَاحْسَابْ ثَاوقَّافْثْ نْسنْ إِ ثْسخَّارْثْ نْسنْ.
1CH 24:4 ؤُفِينْ أَقَا غَارْ وَارَّاونْ ن أَلِيعَازَارْ أَطَّاسْ ن إِزدْجِيفنْ خْ [إِزدْجِيفنْ] [نِّي إِدْجَانْ] غَارْ وَارَّاونْ ن إِثَامَارْ. بْضَانْ ثنْ [أَمنِّي]: جَارْ وَارَّاونْ ن إِلِيعَازَارْ [ثُوغَا ذِينْ] سطَّاشْ ن إِزدْجِيفنْ إِ ثُوذْرِينْ ن إِبَابَاثنْ [نْسنْ] ؤُ جَارْ وَارَّاونْ ن إِثَامَارْ [ثُوغَا ذِينْ] ثْمنْيَا [ن إِزدْجِيفنْ] إِ ثُوذْرِينْ ن إِبَابَاثنْ نْسنْ.
1CH 24:5 نِيثْنِي بْضَانْ ثنْ س ثْقدُّوحْثْ، أَمْ يِينَا أَمْ يِينِّي، مَاغَارْ إِمقّْرَاننْ ن زَّاوشْثْ إِقدّْسنْ، إِمقّْرَاننْ ن أَربِّي، [ثُوغَا أَثنْ] زڭْ وَارَّاونْ ن أَلِيعَازَارْ ؤُ زڭْ وَارَّاونْ ن إِثَامَارْ.
1CH 24:6 شَامْعِييَا، مِّيسْ ن نَاثَانْيِيلْ، [ونِّي ثُوغَا] ذ أَمَارِيرْ زِي [ثقْبِيتْشْ] ن لَاوِي، إِزمّنْ إِ-ثنْ زَّاثْ إِ وُوذمْ ن ؤُجدْجِيذْ ذ ڒْحُوكَّامْ ذ ؤُكهَّانْ صَاذُوقْ، ذ أَخِيمَالِيكْ، مِّيسْ ن أَبْيَاثَارْ، ؤُ زَّاثْ إِ وُوذمْ ن إِزدْجِيفنْ ن ڒَادْجَاثْ جَارْ إِكهَّاننْ ؤُ جَارْ إِلَاوِييّنْ. ڭِّينْ [ثَاقدُّوحْثْ] إِ يِيجّْ ن ڒَادْجْ ن أَلِيعَازَارْ، [خنِّي] إِ [يِيجّْ ن ڒَادْجْ] ن إِثَامَارْ.
1CH 24:7 ثَاقدُّوحْثْ ثَامزْوَارُوثْ ثكَّارْ أَسْ-د إِ يَاهُويَارِيبْ، وِيسّْ ثْنَاينْ إِ يَاذَاعْيَا،
1CH 24:8 وِيسّْ ثْڒَاثَا إِ حَارِيمْ، وِيسّْ أَربْعَا إِ سَاعُورِيمْ،
1CH 24:9 وِيسّْ خمْسَا إِ مَالْكِييَا، وِيسّْ ستَّا إِ مِييَامِينْ،
1CH 24:10 وِيسّْ سبْعَا إِ هَاقُّوصْ، وِيسّْ ثْمنْيَا إِ أَبِييَا،
1CH 24:11 وِيسّْ ثسْعَا إِ يشُوعَا، وِيسّْعشْرَا إِ شَاكَانْيَا،
1CH 24:12 وِيسّْ حِيثَاشْ إِ إِلْيَاشِيبْ، وِيسّْ ثنْعَاشْ إِ يَاقِيمْ،
1CH 24:13 وِيسّْ ثْڒطَّاشْ إِ حُوفَّا، وِيسّْ أَرْبعْطَاشْ إِ يَاشَابَاذْ،
1CH 24:14 وِيسّْ خمّسْطَاشْ إِ بِيلْجَا، وِيسّْ سطَّاشْ إِ إِمِّيرْ،
1CH 24:15 وِيسّْ سْبعْطَاشْ إِ حِيزِيرْ، وِيسّْ ثْمنْطَاشْ إِ حَافْصِيصْ،
1CH 24:16 وِيسّْ ثْسعْطَاشْ إِ فَاقَاحْيَا، وِيسّْ عِيشْرِينْ إِ يَاحَازْقِييِيلْ،
1CH 24:17 وِيسّْ وَاحِيثْ ؤُ-عِيشْرِينْ إِ يَاخِينْ، وِيسّْ ثْنَاينْ ؤُ-عِيشْرِينْ إِ جَامُولْ،
1CH 24:18 وِيسّْ ثْڒَاثَا ؤُ-عِيشْرِينْ إِ ذَالَايَا، وِيسّْ أَربْعَا ؤُ-عِيشْرِينْ إِ مَاعَازْيَا.
1CH 24:19 إِنَا ثُوغَا خَاسنْ ثَاوقَّافْثْ مَاحنْذْ أَذْ أَذْفنْ غَارْ ثَادَّارْثْ ن سِيذِي عْلَاحْسَابْ [أَستّفْ ن] ثْسخَّارْثْ نْسنْ أَمْ مَامّشْ لْفَارِيضَا [إِ د-يُوسِينْ] س ؤُفُوسْ ن بَابَاثْسنْ هَارُونْ أَمْ مَامّشْ ذ أَسْ يُومُورْ سِيذِي، أَربِّي ن إِسْرَائِيل.
1CH 24:20 زِي جِّيهثْ [ن ؤُستّفْ] ن مِينْ إِقِّيمنْ ن وَارَّاونْ ن لَاوِي: شُوبَايِيلْ [ثُوغَا ذ أَزدْجِيفْ] إِ وَارَّاونْ ن عَامْرَامْ، يَاحَاذْيَا [ثُوغَا ذ أَزدْجِيفْ] إِ وَارَّاونْ ن شُوبَايِيلْ.
1CH 24:21 خْ رَاحَابْيَا: خْ وَارَّاونْ ن رَاحَابْيَا [ثُوغَا] يَاشِّي-يَاهْ ذ أَزدْجِيفْ.
1CH 24:22 خْ [وَارَّاونْ] ن يِيصْهَارْ [ثُوغَا] شَالُومِيثْ [ذ أَزدْجِيفْ]. خْ وَارَّاونْ ن شَالُومِيثْ [ثُوغَا] يَاهَاثْ [ذ أَزدْجِيفْ].
1CH 24:23 ؤُ [خْ] وَارَّاونْ [ن حَابْرُونْ] [ثُوغَا] يَارِييَا [ذ أَزدْجِيفْ]، أَمَارْيَا [ثُوغَا-ث] ذ وِيسّْ ثْنَاينْ، يَاحْزِييِيلْ ذ وِيسّْ ثْڒَاثَا، يَاقْمَاعَامْ د وِيسّْ أَربْعَا.
1CH 24:24 [خْ] وَارَّاونْ ن عُوزِّييِيلْ [ثُوغَا] مِيخَا [ذ أَزدْجِيفْ]. خْ وَارَّاونْ ن مِيخَا [ثُوغَا] شَامِيرْ [ذ أَزدْجِيفْ].
1CH 24:25 ؤُمَاسْ ن مِيخَا [ثُوغَا] ذ يَاشِّي-يَاه. خْ وَارَّاونْ ن يَاشِّي-يَاهْ [ثُوغَا] زَاكَارِييَّا [ذ أَزدْجِيفْ].
1CH 24:26 أَرَّاونْ ن مَارَارِي [ثُوغَا أَثنْ ذ] مَاحْلِي ذ مُوشِي. خْ وَارَّاونْ ن يَاعَازْيَا [ثُوغَا] بَانُو [ذ أَزدْجِيفْ].
1CH 24:27 أَرَّاونْ ن مَارَارِي س يَاعَازْيَا [ثُوغَا أَثنْ ذ] بَانُو ذ شُوهَامْ ذ زَاكُّورْ ذ عِيبْرِي.
1CH 24:28 إِ مَاحْلِي [ثُوغَا] أَلِيعَازَارْ [ذ مِّيسْ]. وَانِيثَا ثُوغَا وَارْ غَارسْ بُو وَارَّاونْ.
1CH 24:29 خْ قِيسْ: أَرَّاونْ ن قِيسْ: [مْغِيرْ] يَارْحَامْيِيلْ.
1CH 24:30 أَرَّاونْ ن مُوشِي [ثُوغَا أَثنْ ذ] مَاحْلِي، عَاذِيرْ ذ يَارِيمُوثْ. إِنَا [ثُوغَا أَثنْ ذ] أَرَّاونْ ن لَاوِي، [تّْوَاستّْفنْ] عْلَاحْسَابْ ڒَادْجَاثْ ن إِبَابَاثنْ نْسنْ.
1CH 24:31 ؤُڒَا ذ نِيثْنِي نْضَارنْ ثِيقدُّوحِينْ أَمْ يَايْثْمَاثْسنْ، أَرَّاونْ ن هَارُونْ، زَّاثْ إِ وُوذمْ ن ؤُجدْجِيذْ ذَاوُوذْ ذ صَاذُوقْ ذ أَخِيمَالِيكْ ذ إِزدْجِيفنْ خْ إِبَابَاثنْ [ن ڒَادْجَاثْ] ن إِكهَّاننْ ؤُ خْ إِلَاوِييّنْ، أَمْ يِيبَابَاثنْ [نِّي إِدْجَانْ] ذ أَزدْجِيفْ أَمْ ؤُمَاثْسنْ ذ أَمَاژُوژْ.
1CH 25:1 زڭْ وَارَّاونْ ن أَسَافْ ذ هَايْمَانْ ذ يَاذُوثُونْ إِعْزڒْ ذَاوُوذْ أَكْ-ذ إِكُومَانْذَارنْ ن ڒْعسْكَارْ [إِرْيَازنْ] إِ ثْسخَّارْثْ نِّي إِتّْنبَّانْ س ڒْڭَامْبْرِييَاثْ ذ لهَارْپَاثْ ذ ثَادْجُونِينْ ن وُوزَّاڒْ. ڒْقدّْ ن يرْيَازنْ إِ إِڭِّينْ ڒْخذْمثْ ن ثْسخَّارْثْ نْسنْ [ثُوغَا-ث ذ وَا]:
1CH 25:2 إِ وَارَّاونْ ن أَسَافْ: زَاكُّورْ، يُوسُوفْ، نَاثَانْيَا ذ أَشْرِييِيلْ، [نِيثْنِي ذ] أَرَّاونْ ن أَسَافْ. ثُوغَا-ثنْ سَاذُو ؤُفُوسْ ن أَسَافْ. نتَّا ثُوغَا إِتّْنبَّا خْ إِشيَّارنْ ن ؤُجدْجِيذْ.
1CH 25:3 إِ يَاذُوثُونْ: أَرَّاونْ ن يَاذُوثُونْ [ثُوغَا أَثنْ ذ] جَاذَالْيَا، صَارِي، إِشَاعْيَا، حَاشَابْيَا ذ مَاتِّيثْيَا، ستَّا [ن وَارَّاونْ]. ثُوغَا-ثنْ سَاذُو ؤُفُوسْ ن بَابَاثْسنْ يَاذُوثُونْ، ونِّي ثُوغَا إِتّْنبَّانْ [أَمْ إِتِّيرَارْ] خْ ڒْڭَامْبْرِي، أَمْ إِتّْقَاذَا ذ إِسّمْغَارَا سِيذِي.
1CH 25:4 إِ هِيمَانْ: أَرَّاونْ ن هَايْمَانْ [ثُوغَا أَثنْ ذ] بُوقِّييَا، مَاتَّانْيَا، عُوزِّييِيلْ، شابُووِيلْ، يَارِيمُوثْ، حَانَانْيَا، حَانَانِي، إِلِييَاثَا، جِيدَّالْثِي، رُومَامْثِي-عَازَارْ، يُوشْبَاقَاشَا، مَالُّوثِي، هُوثِيرْ [ذ] مَاحْزِييُوثْ.
1CH 25:5 نِيثْنِي مَارَّا [ثُوغَا أَثنْ ذ] أَرَّاونْ ن هَايْمَانْ، أَمْوَاڒَاوْ ن ؤُجدْجِيذْ س ڒفْهَامثْ ن وَاوَاڒنْ ن أَربِّي، حِيمَا أَذْ سّْڭعّْذنْ إِشّْ [نّسْ]، [مِينْزِي إِ ؤُيَا] يَارْزفْ أَربِّي إِ هَايْمَانْ أَرْبعْطَاشْ ن وَارَّاونْ ذ ثْڒَاثَا ن ثْحنْجِيرِينْ.
1CH 25:6 مَارَّا إِنَا [ثُوغَا أَثنْ] سَاذُو ؤُفُوسْ ن بَابَاثْسنْ، [ن] أَسَافْ، يَاذُوثُونْ ذ هَايْمَانْ، مَاحنْذْ أَذْغنّْجنْ إِزْڒَانْ ذِي ثَادَّارْثْ ن سِيذِي س ثَادْجُونِينْ ن وُوزَّاڒْ ذ لهَارْپَاثْ ذ ڒْڭَامْبْرِييَاثْ إِ ثْسخَّارْثْ ذِي ثَادَّارْثْ ن أَربِّي سَاذُو ؤُفُوسْ ن ؤُجدْجِيذْ.
1CH 25:7 ڒْقدّْ نْسنْ، [جْمِيعْ] أَكْ-ذ أَيْثْمَاثْسنْ، إِنِّي ثُوغَا إِتّْوَاسّْڒمْذنْ ذڭْ إِزْڒَانْ إِ سِيذِي، [ڒْقدّْ ن] مَارَّا إِنِّي غَارْسنْ ثِيزمَّارْ [ذِي مَانْ أَيَا]، ثُوغَا-ث مِيثَاينْ ؤُ-ثْمنْيَا ؤُ-ثْمَانْيِينْ.
1CH 25:8 نِيثْنِي نْضَارنْ ثِيقدُّوحِينْ إِ ثْعسَّاسْثْ، أَمْ ؤُمژْيَانْ أَمْ ؤُمقّْرَانْ، أَمْ ؤُمْسڒْمَاذْ أَمْ ؤُمحْضَارْ.
1CH 25:9 ثَاقدُّوحْثْ ثَامزْوَارُوثْ ثكَّارْ أَسْ-د إِ يُوسُوفْ. وِيسّْ ثْنَاينْ إِ جَاذَالْيَا. نتَّا ذ أَيْثْمَاسْ ذ وَارَّاونْ نّسْ، ثنْعَاشْ [ن يرْيَازنْ].
1CH 25:10 وِيسّْ ثْڒَاثَا [ثكَّارْ أَسْ-د] إِ زَاكُّورْ، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:11 وِيسّْ أَربْعَا [ثكَّارْ أَسْ-د] إِ يَاصْرِي، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:12 وِيسّْ خمْسَا [ثكَّارْ أَسْ-د] إِ نَاثَانْيَا، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:13 وِيسّْ ستَّا [ثكَّارْ أَسْ-د] إِ بُوقِّييَا، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:14 وِيسّْ سبْعَا [ثكَّارْ أَسْ-د] إِ يَاشَارْيِيلَا، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:15 وِيسّْ ثْمنْيَا [ثكَّارْ أَسْ-د] إِ إِشَاعْيَا، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:16 وِيسّْ ثسْعَا [ثكَّارْ أَسْ-د] إِ مَاتَّانْيَا، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:17 وِيسّْعشْرَا [ثكَّارْ أَسْ-د] إِ شِيمْعِي، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:18 وِيسّْ حِيطَاشْ [ثكَّارْ أَسْ-د] إِ عَازَارْيِيلْ، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:19 وِيسّْ ثنْعَاشْ [ثكَّارْ أَسْ-د] إِ هَاشَابْيَا، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:20 وِيسّْ ثْڒطَّاشْ [ثكَّارْ أَسْ-د] إِ شُوبَايِيلْ، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:21 وِيسّْ أَرْبعْطَاشْ [ثكَّارْ أَسْ-د] إِ مَاتِّيثْيَا. [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:22 وِيسّْ خمّسْطَاشْ [ثكَّارْ أَسْ-د] إِ يَارِيمُوثْ، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:23 وِيسّْ سطَّاشْ [ثكَّارْ أَسْ-د] إِ حَانَانْ-يَاهْ، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:24 وِيسّْ سْبعْطَاشْ [ثكَّارْ أَسْ-د] إِ يَاشْبَاقَاشَا، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:25 وِيسْ ثْمنْطَاشْ [ثكَّارْ أَسْ-د] إِ حَانَانِي، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:26 وِيسّْ ثْسعْطَاشْ [ثكَّارْ أَسْ-د] إِ مَالُّوثِي، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:27 وِيسّْ عِيشْرِينْ [ثكَّارْ أَسْ-د] إِ إِلِييَاثَا، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:28 وِيسّْ وَاحِيثْ ؤُ-عِيشْرِينْ [ثكَّارْ أَسْ-د] إِ هُوثِيرْ، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:29 وِيسّْ ثْنَاينْ ؤُ-عِيشْرِينْ [ثكَّارْ أَسْ-د] إِ جِيدَّالْثِي، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:30 وِيسّْ ثْڒَاثَا ؤُ-عِيشْرِينْ [ثكَّارْ أَسْ-د] إِ مَاحْزِييُوثْ، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 25:31 وِيسّْ أَربْعَا ؤُ-عِيشْرِينْ [ثكَّارْ أَسْ-د] إِ رُومَامْثِي-عَازَارْ، [نتَّا أَكْ-ذ] وَارَّاونْ نّسْ ذ أَيْثْمَاسْ، ثنْعَاشْ [ن يرْيَازنْ].
1CH 26:1 ثِيرْبِيعِينْ ن إِعسَّاسنْ ن ثوُّورَا: ن إِقُورَاحِييّنْ: مَاشَالَامْيَا، مِّيسْ ن قُورِي، زڭْ وَارَّاونْ ن أَ[بِييَا]سَافْ.
1CH 26:2 مَاشَالَامْيَا ثُوغَا غَارسْ وَارَّاونْ: زَاكَارِييَّا [ثُوغَا-ث ذ] أَمنْزُو، يَاذِيعِيلْ وِيسّْ ثْنَاينْ، زَابَاذْيَا وِيسّْ ثْڒَاثَا، يَاثْنِييِيلْ وِيسّْ أَربْعَا،
1CH 26:3 عِيلَامْ وِيسّْ خمْسَا، يُوحَانَانْ وِيسّْ ستَّا، إِلْيُوعِينَايْ وِيسّْ سبْعَا.
1CH 26:4 ؤُڒَا عُوبِيذْ-إِذُومْ ثُوغَا غَارسْ وَارَّاونْ: شَامْعِييَا [ثُوغَا-ث ذ] أَمنْزُو، يَاهُوزَابَاذْ وِيسّْ ثْنَاينْ، يُووَاخْ وِيسّْ ثْڒَاثَا، سَاكَارْ وِيسّْ أَربْعَا، نَاثَانَايِيلْ وِيسّْ خمْسَا،
1CH 26:5 عَامِييِيلْ وِيسّْ ستَّا، إِسَّاكَارْ وِيسّْ سبْعَا، فَاعَالْثَايْ وِيسّْ ثْمنْيَا، مَاغَارْ إِبَاركْ إِ-ث أَربِّي.
1CH 26:6 ؤُڒَا إِ مِّيسْ شَامْعِييَا تّْوَاخڒْقنْ أَسْ-د وَارَّاونْ. [نِيثْنِي ثُوغَا أَثنْ ذ] ڒْحُوكَّامْ ذِي ثَادَّارْثْ ن بَابَاثْسنْ، مِينْزِي نِيثْنِي [ثُوغَا أَثنْ ذ] أَيْثْ ن بُو-ثغْرُوضْثْ إِمحْضنْ.
1CH 26:7 أَرَّاونْ ن شَامْعِييَا [ثُوغَا أَثنْ]: عُوثْنِي، رَافَايِيلْ، عُوبِيذْ، إِلْزَابَاذْ [أَكْ-ذ] أَيْثْمَاسْ، إِرْيَازنْ إِمحْضنْ: إِلِيهُو ذ شَامَاكْيَا.
1CH 26:8 إِنَا مَارَّا [ثُوغَا أَثنْ] زڭْ وَارَّاونْ ن عُوبِيذْ-إِذُومْ، نِيثْنِي ذ وَارَّاونْ نْسنْ ذ وَاوْمَاثنْ نْسنْ، إِرْيَازنْ إِمحْضنْ، [شُّورنْ] س جّهْذْ إِ ثْسخَّارْثْ نْسنْ، ثْنَاينْ ؤُ-ستِّينْ [ن يرْيَازنْ] ن عُوبِيذْ-إِذُومْ.
1CH 26:9 مَاشَالَامْيَا [ثُوغَا] غَارسْ وَارَّاونْ ذ وَاوْمَاثنْ، إِرْيَازنْ إِمحْضنْ، ثْمنْطَاشْ [ن يرْيَازنْ].
1CH 26:10 حُوسَا، زڭْ وَارَّاونْ ن مَارَارِي، [ثُوغَا] غَارسْ وَارَّاونْ-أَ: شِيمْرِي [ثُوغَا] ذ أَزدْجِيفْ، وَاخَّا نتَّا وَارْ إِدْجِي ذ أَمنْزُو، [مَاشَا] بَابَاسْ إِڭَّا إِ-ث ذ أَزدْجِيفْ.
1CH 26:11 حِيلْقِييَا [ثُوغَا-ث ذ] وِيسّْ ثْنَاينْ، ثَابَالْيَا وِيسّْ ثْڒَاثَا، زَاكَارِييَّا وِيسّْ أَربْعَا. مَارَّا أَرَّاونْ ذ وَاوْمَاثنْ ن حُوسَا [ثُوغَا أَثنْ ذِي] ثْڒطَّاشْ [ن يرْيَازنْ].
1CH 26:12 خْ ثرْبِيعِينْ-أَ ن إِعسَّاسنْ ن ثوُّورَا، خْ إِزدْجِيفنْ ن أَيْثْ ن بُو-ثغْرُوضْثْ، ثُوغَا شّْغڒْ ن ثْسخَّارْثْ ذِي ثَادَّارْثْ ن سِيذِي، جْمِيعْ أَكْ-ذ أَيْثْمَاثْسنْ.
1CH 26:13 نِيثْنِي نْضَارنْ ثَاقدُّوحْثْ، أَمْ ؤُمژْيَانْ أَمْ ؤُمقّْرَانْ، إِ ثُوذْرِينْ ن إِبَابَاثنْ نْسنْ، إِ ثوَّارْثْ ؤُ إِ ثوَّارْثْ [نّغْنِي].
1CH 26:14 ثَاقدُّوحْثْ إِ [ثْعسَّاسْثْ ن] شَّارْقْ ثكَّارْ أَسْ-د إِ شَالَامْيَا. ؤُڒَا إِ مِّيسْ زَاكَارِييَّا، ونِّي ذ أَمْشَاوَارْ س ڒعْقڒْ، ثوْضَا [أَسْ-د] ثَاقدُّوحْثْ ؤُ ثَاقدُّوحْثْ نّسْ ثكَّارْ [أَسْ-د] إِ شَّامَالْ.
1CH 26:15 إِ عُوبِيذْ-إِذُومْ [ثكَّارْ أَسْ-د ثْقدُّوحْثْ] إِ لْجَانُوبْ ؤُ إِ وَارَّاونْ نّسْ إِ ثَادَّارْثْ ن إِخَّامنْ ن ڒخْزنْ.
1CH 26:16 إِ شُوفِّيمْ ذ حُوسَا [ثكَّارْ أَسنْ-د ثْقدُّوحْثْ] إِ لْغَارْبْ، أَكْ-ذ ثوَّارْثْ ن شَالَاكَاثْ غَارْ وبْرِيذْ أَمقّْرَانْ إِڭعّْذنْ [غَارْ زَّاوشْثْ ثَامقّْرَانْثْ]. إِجّْ ن ؤُعسَّاسْ [ثُوغَا إِبدّْ] غَارْ [إِجّْ ن] ؤُعسَّاسْ [نّغْنِي].
1CH 26:17 غَارْ مَانِيسْ إِ د-ثْنقَّارْ ثْفُوشْثْ [بدّنْ] ستَّا ن إِلَاوِييّنْ ؤُ غَارْ شَّامَالْ [بدّنْ ذِينْ] كُوڒْ أَسّْ أَربْعَا. غَارْ لْجَانُوبْ [عَاوذْ] كُوڒْ أَسّْ أَربْعَا ؤُ غَارْ إِخَّامنْ ن ڒخْزنْ ثْنَاينْ [ؤُ عَاوذْ] ثْنَاينْ.
1CH 26:18 غَارْ ڒبْنِي ن ؤُغزْذِيسْ ن لْغَارْبْ [ن زَّاوشْثْ ثَامقّْرَانْثْ] أَربْعَا غَارْ وبْرِيذْ أَمقّْرَانْ ؤُ ثْنَاينْ غَارْ ڒبْنِي ن ؤُغزْذِيسْ.
1CH 26:19 ثِينَا [ثُوغَا] ذ ثِيرْبِيعِينْ ن إِعسَّاسنْ ن ثوُّورَا زڭْ وَارَّاونْ ن قُورَاحْ ؤُ زڭْ وَارَّاونْ ن مَارَارِي.
1CH 26:20 أَيْثْمَاثْسنْ إِلَاوِييّنْ ثُوغَا أَثنْ خْ إِخَّامنْ ن ثْخُوبَايْ ن ثَادَّارْثْ ن أَربِّي ؤُ خْ إِخَّامنْ ن ثْخُوبَايْ ن ثوْهِيبِينْ إِتّْوَاقدّْسنْ.
1CH 26:21 أَرَّاونْ ن لَاعْذَانْ، أَرَّاونْ ن ؤُجَارْشُونِي [نِّي ثُوغَا] غَارْ لَاعْذَانْ، [إِخْسْ أَذْ يِينِي] إِزدْجِيفنْ ن إِبَابَاثنْ [ن ڒَادْجَاثْ] ن لَاعْذَانْ، أَجَارْشُونِي: جَاحِييِيلِي [وَاهَا].
1CH 26:22 إِحنْجِيرنْ ن يَاحْيِيلِي [ثُوغَا أَثنْ ذ] زِيثَامْ ذ يُووِيلْ، ؤُمَاسْ. نِيثْنِي [ثُوغَا أَثنْ] خْ إِخَّامنْ ن ثْخُوبَايْ ن ثَادَّارْثْ ن سِيذِي.
1CH 26:23 ن عَامْرَامِييّنْ، ذ إِيِيصْهَارِييّنْ، ذ إِحَابْرُونِييّنْ، ذ إِعَازِييِيلِييّنْ
1CH 26:24 [ثُوغَا] شابُووِيلْ، مِّيسْ ن جَارْشُومْ، مِّيسْ ن مُوسَا، ذ أَمحْضَايِي خْ إِخَّامنْ ن ثْخُوبَايْ.
1CH 26:25 أَيْثْمَاسْ [زِي جَّاذِيرَا] ن إِلِيعَازَارْ [ثُوغَا أَثنْ ذ] مِّيسْ رَاحَابْيَا، مِّيسْ إِشَاعْيَا، مِّيسْ يُورَامْ، مِّيسْ زِيكْرِي [ذ] مِّيسْ شَالُومِيثْ.
1CH 26:26 شَالُومِيثْ وَانِيثَا ذ أَيْثْمَاسْ [ثُوغَا أَثنْ] خْ إِخَّامنْ ن ثْخُوبَايْ ن ثوْهِيبِينْ إِتّْوَاقدّْسنْ، ثِينِّي إِسّْقدّسْ إِ-ثنْثْ ؤُجدْجِيذْ ذَاوُوذْ أَكْ-ذ إِزدْجِيفنْ خْ إِبَابَاثنْ [ن ڒَادْجَاثْ] ؤُ أَكْ-ذ إِمقّْرَاننْ خْ وَاڒفْ ذ خْ مْيَا، ؤُ أَكْ-ذ إِكُومَانْذَارنْ ن ڒْعسْكَارْ.
1CH 26:27 نِيثْنِي ثُوغَا سّْقدّْسنْ [ثِيوْهِيبِينْ نِّي] زِي ڭَارَّاثْ ؤُ زِي ثْكشَّاضْثْ، حِيمَا أَذْ زَّايْسنْثْعذْڒنْ ثَادَّارْثْ ن سِيذِي.
1CH 26:28 [عَاوذْ] مَارَّا مِينْ ثُوغَا إِسّْقدّسْ إِ-ث ؤُمْوَاڒَاوْ شَامْوِيلْ، ذ شَاوُولْ، مِّيسْ ن قِيسْ، ذ أَبْنِيرْ، مِّيسْ ن نِيرْ، ذ يُووَابْ، مِّيسْ ن صَارَايَا. مَارَّا مِينْ ثُوغَا إِتّْوَاقدّْسنْ [ثُوغَا] سَاذُو أَفُوسْ ن شَالُومِيثْ ذ أَيْثْمَاسْ.
1CH 26:29 زڭْ إِيِيصْهَارِييّنْ [ثُوغَا] كَانَانْيَا ذ وَارَّاونْ نّسْ خدّْمنْ أَمْ إِمحْضَاينْ ذ ڒْقُوضَاثْ بَارَّا ذِي [ثمُّورْثْ ن] إِسْرَائِيل.
1CH 26:30 زڭْ إِحَابْرُونِييّنْ [ثُوغَا] ثَاوقَّافْثْ خْ إِسْرَائِيل غَارْ حَاشَابْيَا ذ أَيْثْمَاسْ، إِرْيَازنْ إِمحْضنْ، أَڒفْ ؤُ-سبْعَا-مْيَا [ن يرْيَازنْ]، خْ ؤُجمَّاضْ ن لْ-ؤُرْذُونْ غَارْ لْغَارْبْ، [ثُوغَا أَثنْ] خْ مَارَّا ڒْخذْمثْ إِ سِيذِي ؤُ خْ ثْسخَّارْثْ إِ ؤُجدْجِيذْ.
1CH 26:31 إِ إِحَابْرُونِييّنْ [ثُوغَا] يَارِييَا ذ أَزدْجِيفْ، إِ إِحَابْرُونِييّنْ، إِ جِّيڒَاثْ نّسْ، جَارْ إِبَابَاثنْ [ن ڒَادْجَاثْ]. ذڭْ ؤُسڭّْوَاسْ وِيسّْ أَربْعِينْ ن ثْڭلْذَا ن ذَاوُوذْ تّْوَارْزُونْ ؤُ تّْوَافنْ أَيْثْ ن بُو-ثغْرُوضْثْ إِمحْضنْ ذِي يَاعْزِيرْ ذِي جِيلْعَاذْ.
1CH 26:32 أَيْثْمَاسْ [ثُوغَا أَثنْ ذ] إِرْيَازنْ إِمحْضنْ، أَڒْفَاينْ ؤُ-سبْعَا-مْيَا ن إِزدْجِيفنْ خْ إِبَابَاثنْ [ن ڒَادْجَاثْ]. أَجدْجِيذْ ذَاوُوذْ إِڭَّا ثنْ خْ أَيْثْ ن رُوبِينْ، خْ أَيْثْ ن جَاذْ ؤُ خْ وزْينْ ن ثقْبِيتْشْ ن مَانَاسَّا، خْ مَارَّا ثِيمسْڒَايِينْ ن أَربِّي ؤُ [خْ مَارَّا] ثِيمسْڒَايِينْ ن ؤُجدْجِيذْ.
1CH 27:1 إِنَا ذ أَيْثْ ن إِسْرَائِيل أَكْ-ذ ڒْقدّْ نْسنْ، إِزدْجِيفنْ خْ إِبَابَاثنْ [ن ڒَادْجَاثْ]، ؤُڒَا ذ إِمقّْرَاننْ خْ وَاڒفْ ؤُ خْ مْيَا أَكْ-ذ إِمحْضَاينْ نْسنْ، إِنِّي ثُوغَا إِتّْسخَّارنْ إِ ؤُجدْجِيذْ ذِي مَارَّا ثِيمسْڒَايِينْ ن ثرْبِيعِينْ، [أَمْ] زِي جِّيهثْ ن مَانْ ونْ إِ د-إِتَّاسنْ، [أَمْ] زِي جِّيهثْ ن مَانْ ونْ إِتّْرَاحنْ، ؤُ [مَانْ أَيَا] زڭْ ؤُيُورْ أَڒْ ؤُيُورْ [نّغْنِي] ذِي مَارَّا إِيُورنْ ن ؤُسڭّْوَاسْ. إِشْثْ ن ثرْبِيعْثْ [ذَايسْ] أَربْعَا ؤُ-عِيشْرِينْ-أَڒفْ [ن يرْيَازنْ].
1CH 27:2 يَاسُوبْعَامْ، مِّيسْ ن زَابْذِييِيلْ، [ثُوغَا] خْ ثرْبِيعْثْ ثَامزْوَارُوثْ إِ ؤُيُورْ وِيسّْ أَمزْوَارُو. ثَارْبِيعْثْ نّسْ [ذَايسْ] أَربْعَا ؤُ-عِيشْرِينْ-أَڒفْ [ن يرْيَازنْ].
1CH 27:3 [نتَّا ثُوغَا] زڭْ وَارَّاونْ ن فَارِيصْ. [نتَّا] ذ أَكُومَانْذَارْ أَمقّْرَانْ خْ مَارَّا إِكُومَانْذَارنْ ن ڒْعسْكَارَاثْ ذڭْ ؤُيُورْ أَمزْوَارُو.
1CH 27:4 ذُوذَايْ، أَخُوخِي، [ثُوغَا] خْ ثرْبِيعْثْ ن ؤُيُورْ وِيسّْ ثْنَاينْ. مِيقْلُوثْ ذ أَمحْضَايْ ن ثرْبِيعْثْ نّسْ. ثَارْبِيعْثْ نّسْ [ذَايسْ] أَربْعَا ؤُ-عِيشْرِينْ-أَڒفْ [ن يرْيَازنْ].
1CH 27:5 بَانَايَا، مِّيسْ ن يَاهُويَاذَاعْ، أَكهَّانْ أَمقّْرَانْ ثُوغَا ذ أَكُومَانْذَارْ وِيسّْ ثْڒَاثَا ن ڒْعسْكَارْ إِ ؤُيُورْ وِيسّْ ثْڒَاثَا. ثَارْبِيعْثْ نّسْ [ذَايسْ] أَربْعَا ؤُ-عِيشْرِينْ-أَڒفْ [ن يرْيَازنْ].
1CH 27:6 بَانَايَا وَا [ثُوغَا] ذ بُو-ثغْرُوضْثْ ن ثْڒَاثِينْ ؤُ نتَّا [ثُوغَا] خْ ثْڒَاثِينْ. مِّيسْ عَامِّيزَابَاذْ [ثُوغَا] خْ ثرْبِيعْثْ نّسْ.
1CH 27:7 عَسَائِيلْ، مِّيسْ ن يُووَابْ، ذ وِيسّْ أَربْعَا إِ ؤُيُورْ وِيسّْ أَربْعَا ؤُ مِّيسْ زَابَاذْيَا [ثُوغَا] أَوَارْنِي أَسْ. ثَارْبِيعْثْ نّسْ [ذَايسْ] أَربْعَا ؤُ-عِيشْرِينْ-أَڒفْ [ن يرْيَازنْ].
1CH 27:8 شَامْحُوثْ، أَيَازْرَاحِي، أَكُومَانْذَارْ، [ثُوغَا] خْ [ثرْبِيعْثْ] وِيسّْ خمْسَا إِ ؤُيُورْ وِيسّْ خمْسَا. ثَارْبِيعْثْ نّسْ [ذَايسْ] أَربْعَا ؤُ-عِيشْرِينْ-أَڒفْ [ن يرْيَازنْ].
1CH 27:9 عِيرَا، مِّيسْ ن عِيقِّيسْ، أَثِيقُّوعِي، [ثُوغَا] ذ وِيسّْ ستَّا إِ ؤُيُورْ وِيسّْ ستَّا. ثَارْبِيعْثْ نّسْ [ذَايسْ] أَربْعَا ؤُ-عِيشْرِينْ-أَڒفْ [ن يرْيَازنْ].
1CH 27:10 حَالِيصْ، أَفَالِيثُونِي، زڭْ وَارَّاونْ ن إِفْرَايِيمْ، [ثُوغَا] ذ وِيسّْ سبْعَا إِ ؤُيُورْ وِيسّْ سبْعَا. ثَارْبِيعْثْ نّسْ [ذَايسْ] أَربْعَا ؤُ-عِيشْرِينْ-أَڒفْ [ن يرْيَازنْ].
1CH 27:11 سِيبْكَايْ، أَحُوشَاثِي، ن إِزَارَاحِييّنْ، [ثُوغَا] ذ وِيسّْ ثْمنْيَا إِ ؤُيُورْ وِيسّْ ثْمنْيَا. ثَارْبِيعْثْ نّسْ [ذَايسْ] أَربْعَا ؤُ-عِيشْرِينْ-أَڒفْ [ن يرْيَازنْ].
1CH 27:12 أَبِيعَازَارْ، أَعَانَاثُوثِي، ن أَيْثْ ن بِينْيَامِينْ، [ثُوغَا] ذ وِيسّْ ثسْعَا إِ ؤُيُورْ وِيسّْ ثسْعَا. ثَارْبِيعْثْ نّسْ [ذَايسْ] أَربْعَا ؤُ-عِيشْرِينْ-أَڒفْ [ن يرْيَازنْ].
1CH 27:13 مَاهَارَايْ، أَنَاطُوفَاثِي، إِ إِزَارَاحِييّنْ، [ثُوغَا] ذ وِيسّْعشْرَا إِ ؤُيُورْ وِيسّْعشْرَا. ثَارْبِيعْثْ نّسْ [ذَايسْ] أَربْعَا ؤُ-عِيشْرِينْ-أَڒفْ [ن يرْيَازنْ].
1CH 27:14 بَانَايَا، أَفَارْعَاثُونِي، زڭْ وَارَّاونْ ن إِفْرَايِيمْ، [ثُوغَا] ذ وِيسّْ حِيطَاشْ إِ ؤُيُورْ وِيسّْ حِيطَاشْ. ثَارْبِيعْثْ نّسْ [ذَايسْ] أَربْعَا ؤُ-عِيشْرِينْ-أَڒفْ [ن يرْيَازنْ].
1CH 27:15 خَالْذَايْ، أَنَاطُوفَاثِي، [إِ د-إِقَّارْصنْ] زِي عُوثْنِييِيلْ، [ثُوغَا] ذ وِيسّْ ثنْعَاشْ إِ ؤُيُورْ ثنْعَاشْ. ثَارْبِيعْثْ نّسْ [ذَايسْ] أَربْعَا ؤُ-عِيشْرِينْ-أَڒفْ [ن يرْيَازنْ].
1CH 27:16 [إِنَا بدّنْ] خْ ثْقبَّاڒْ ن إِسْرَائِيل: إِ إِرُوبِينِييّنْ [ثُوغَا] إِلِيعَازَارْ، مِّيسْ ن زِيكْرِي، ذ ڒْحَاكمْ. إِ إِشَامْعُونِييّنْ: شَافَاطْيَا، مِّيسْ ن مَاعْكَا.
1CH 27:17 إِ لَاوِي: حَاشَابْيَا، مِّيسْ ن قَامُووِيلْ. إِ هَارُونْ: صَاذُوقْ.
1CH 27:18 إِ يَاهُوذَا: إِلِيهُو، زڭْ أَيْثْمَاسْ ن ذَاوُوذْ. إِ إِسَّاكَارْ: عُومْرِي، مِّيسْ ن مِيخَايِيلْ.
1CH 27:19 إِ زابُولُونْ: يِيشْمَاعْيَا، مِّيسْ ن عُوبَاذْيَا. إِ نَافْثَالِي: يَارِيمُوثْ، مِّيسْ ن عَازَارْيِيلْ.
1CH 27:20 إِ وَارَّاونْ ن إِفْرَايِيمْ: حُوشِيعَا، مِّيسْ ن عَازَارْيَا. إِ وزْينْ ن ثقْبِيتْشْ ن مَانَاسَّا: يُووِيلْ، مِّيسْ ن فَاذَايَا.
1CH 27:21 إِ وزْينْ ن ثقْبِيتْشْ ن مَانَاسَّا ذِي جِيلْعَاذْ: جَادُّو، مِّيسْ ن زَاكَارِييَّا. إِ بِينْيَامِينْ: يَاعِيسِييِيلْ، مِّيسْ ن أَبْنِيرْ.
1CH 27:22 إِ ذَانْ: عَازَارْيِيلْ، مِّيسْ ن يَارُوحَامْ. إِنَا ثُوغَا ذ ڒْحُوكَّامْ ن ثْقبَّاڒْ ن إِسْرَائِيل.
1CH 27:23 ذَاوُوذْ وَارْ إِكْسِي شَا ڒْقدّْ ن يِينِّي غَارْ إِدْجَا عِيشْرِينْ ن إِسڭّْوُوسَا ذ سْوَادَّايْ، مَاغَارْ سِيذِي ثُوغَا إِنَّا أَقَا نتَّا أَذْ يَارّْ إِسْرَائِيل ذڭْ وَاطَّاسْ أَمْ يِيثْرَانْ ن ؤُجنَّا.
1CH 27:24 يُووَابْ، مِّيسْ ن صَارُويَا، ثُوغَا إِبْذَا أَذْ إِحْسبْ [ڒْڭنْسْ]، مَاشَا وَارْ ث إِكمّڒْ ؤُمِي د-يُوسَا ؤُذُوقّزْ ذ أَمقّْرَانْ ن وغْضَابْ خْ إِسْرَائِيل. س ؤُينِّي وَارْ إِتّْوَاڭّْ ڒْقدّْ ذڭْ وذْلِيسْ ن إِمزْرُوينْ ن ؤُجدْجِيذْ ذَاوُوذْ.
1CH 27:25 عَازْمَاوثْ، مِّيسْ ن عَاذِييِيلْ، [ثُوغَا] خْ إِخَّامنْ ن ثْخُوبَايْ ن ؤُجدْجِيذْ. يُونَاثَانْ، مِّيسْ ن عُوزِّييَا، [ثُوغَا] خْ إِخَّامنْ ن ثْخُوبَايْ ن ثمُّورْثْ، ذِي ثْندَّامْ، ذِي ذْشُورَاثْ ؤُ ذِي لْبُورْجَاثْ.
1CH 27:26 عَازْرِي، مِّيسْ ن كَالُوبْ، [ثُوغَا إِطّفْ أَشْبَارْ] خْ مَامّشْ ڭِّينْ ڒْخذْمثْ ذڭْ إِيَّارْ حِيمَا أَذْ شَارْزنْ أَشَاڒْ.
1CH 27:27 شِيمْعِي، أَرَامَاثِي، [ثُوغَا إِطّفْ أَشْبَارْ] خْ إِمَارْجَاعنْ ن ؤُضِيڒْ. زَابْذِي، أَشِيفْمِي، [ثُوغَا] خْ زَّاذْ ن بِينُو [نِّي إِدْجَانْ] ذڭْ إِمَارْجَاعنْ ن ؤُضِيڒْ.
1CH 27:28 بَاعْلْ-حَانَانْ، أَجَاذِيرِي، [ثُوغَا إِطّفْ أَشْبَارْ] خْ إِحْوِيشنْ ن زِّيثُونْ ؤُ خْ إِزمُّورنْ نِّي [إِدْجَانْ] ذِي ثمُّورْثْ إِوَاطَانْ. يُووَاشْ [ثُوغَا] خْ زَّاذْ ن زّشْثْ.
1CH 27:29 شِيطْرَايْ، أَشَارُونِي، [ثُوغَا إِطّفْ أَشْبَارْ] خْ إِفُونَاسنْ ذ ثْفُونَاسِينْ، إِنِّي إِهدَّا ذِي ڒوْضَا ن شَارُونْ. شَافَاثْ، مِّيسْ ن عَالَايْ، [ثُوغَا] خْ إِفُونَاسنْ ذ ثْفُونَاسِينْ ذِي ڒوْضَاثْ ن ثغْزُورْثْ.
1CH 27:30 ؤُبِيلْ، أَسْمَاعِيلِي، [ثُوغَا إِطّفْ أَشْبَارْ] خْ إِڒغْمَانْ. يَاحَاذْيَا، أَمِيرُونُوثِي، [ثُوغَا] خْ ثِيغْيَاڒْ.
1CH 27:31 يَازِيزْ، أَهَاجْرِي، [ثُوغَا إِطّفْ أَشْبَارْ] خْ وُودْجِي. نِيثْنِي مَارَّا ثُوغَا أَثنْ ذ إِمحْضَاينْ خْ وَاڭْڒَا نِّي [إِدْجَانْ] ن ؤُجدْجِيذْ ذَاوُوذْ.
1CH 27:32 يُونَاثَانْ،عمِّيسْ ن ذَاوُوذْ، [ثُوغَا] ذ أَمْشَاوَارْ، إِجّْ ن بْنَاذمْ ذ أَمِيغِيسْ. نتَّا ثُوغَا عَاوذْ ذ أَمَارِيرْ. يَاحِييِيلْ، مِّيسْ ن حَاكْمُونِي، [ثُوغَا] غَارْ وَارَّاونْ ن ؤُجدْجِيذْ، [يَاربَّا إِ-ثنْ].
1CH 27:33 أَخِيثُوفِيلْ [ثُوغَا] ذ أَمْشَاوَارْ ن ؤُجدْجِيذْ، ؤُ حُوشَايْ، أَيَارْكِي، [ثُوغَا] ذ أَمدُّوكّڒْ ن ؤُجدْجِيذْ.
1CH 27:34 يَاهُويَاذَاعْ، مِّيسْ ن بَانَايَا، ذ أَبْيَاثَارْ [ثُوغَا أَثنْ] أَوَارْنِي إِ أَخِيثُوفِيلْ. يُو‘أَبْ [ثُوغَا-ث ذ] أَكُومَانْذَارْ ن ڒْعسْكَارْ ن ؤُجدْجِيذْ.
1CH 28:1 ذَاوُوذْ إِسّْمُونْ ذِي ؤُرْشَالِيمْ مَارَّا إِمقّْرَاننْ ن إِسْرَائِيل: إِمقّْرَاننْ ن ثْقبَّاڒْ ذ إِمقّْرَاننْ ن ثرْبِيعِينْ ذ إِمْسخَّارنْ ن ؤُجدْجِيذْ ذ إِمقّْرَاننْ خْ وَاڒفْ ذ إِمقّْرَاننْ خْ مْيَا ذ إِمقّْرَاننْ [إِ إِدْجَانْ] خْ مَارَّا أَڭْڒَا ذ ڒْكسْبثْ ن ڒْمَاڒْ ن ؤُجدْجِيذْ ذ وَارَّاونْ نّسْ، [جْمِيعْ] أَكْ-ذ إِمْسخَّارنْ إِشنّْعنْ ذ أَيْثْ ن بُو-ثغْرُوضْثْ، [وَاهْ،] كُوڒْ بُو-ثغْرُوضْثْ إِمحْضنْ.
1CH 28:2 إِكَّارْ ؤُجدْجِيذْ ذَاوُوذْ، إِنَّا: ”سْڒمْ-د غَارِي، أَيْثْمَا ذ ڒْڭنْسْ إِنُو! نشّْ سِيمَانْثْ إِنُو ثُوغَا-ث غَارِي ذڭْ وُوڒْ إِنُو حِيمَا أَذْ بْنِيغْ إِشْثْ ن ثَادَّارْثْ ن أَرَّاحثْ إِ تَّابُوثْ ن ڒْعَاهْذْ ن سِيذِي ؤُ إِ ثْنبْذَاثْ ن إِضَارنْ ن أَربِّي نّغْ. [خْ ؤُينِّي] سّْوجْذغْ إِ ڒبْنِي.
1CH 28:3 مَاشَا أَربِّي إِنَّا أَيِي: ’شكْ وَارْ ثْبنِّيذْ إِ يِيسمْ إِنُو ثَادَّارْثْ، مَاغَارْ شكْ ذ إِجّْ ن ورْيَازْ ن إِمنْغَانْ ؤُ ثسِّيزْڒذْ أَطَّاسْ ن إِذَامّنْ.‘
1CH 28:4 سِيذِي، أَربِّي ن إِسْرَائِيل، إِفَارْزْ أَيِي زِي مَارَّا ثَادَّارْثْ ن بَابَا، حِيمَا أَذْ ذوْڒغْ ذ أَجدْجِيذْ خْ إِسْرَائِيل إِ ڒبْذَا، مِينْزِي نتَّا إِفَارْزْ يَاهُوذَا حِيمَا أَذْ يِيڒِي ذ ڒْحَاكمْ، ؤُشَا [خنِّي] ثَادَّارْثْ ن بَابَا زِي ثَادَّارْثْ ن يَاهُوذَا، ؤُشَا جَارْ وَارَّاونْ ن بَابَا يَارْضَا ذَايِي أَڒَامِي إِڭَّا أَيِي ذ أَجدْجِيذْ خْ مَارَّا إِسْرَائِيل.
1CH 28:5 زِي جَارْ مَارَّا أَرَّاونْ إِنُو - مَاغَارْ سِيذِي إِوْشَا أَيِي أَطَّاسْ ن وَارَّاونْ - إِفَارْزْ نتَّا مِّي سُولِيمَانْ، حِيمَا أَذْ إِقِّيمْ خْ ڒْعَارْشْ ن ثْڭلْذَا ن سِيذِي خْ إِسْرَائِيل.
1CH 28:6 نتَّا إِنَّا أَيِي: ’مِّيشْ سُولِيمَانْ أَذْ إِبْنَا ثَادَّارْثْ إِنُو ذ ڒمْرَاحَاثْ إِنُو، مَاغَارْ نتَّا إِ فَارْزغْ ذ مِّي ؤُ نشّْ أَذْ أَسْ إِڒِيغْ ذ بَابَاسْ.
1CH 28:7 نشّْ أَذْ سّْمثْنغْ ثَاڭلْذِيثْ نّسْ إِ ڒبْذَا مَاڒَا نتَّا أَذْ إِضْفَارْ ثِيوصَّا ذ لْفَارَايِيضْ إِنُو س جّهْذْ، أَمْ مَامّشْ ثدْجَا أَسّْ-أَ.‘
1CH 28:8 خنِّي ڒخُّو، [أَذْ أَومْعڒْمغْ] زَّاثْ إِ ثِيطَّاوِينْ ن مَارَّا إِسْرَائِيل، أَڭْرَاوْ [ن ڒْڭنْسْ] ن سِيذِي، ؤُ ذڭْ إِمزُّوغنْ ن أَربِّي نّغْ، حِيمَا أَذْ ثحْضَامْ ؤُ أَذْ ثَارْزُومْ مَارَّا ثِيوصَّا ن سِيذِي، أَربِّي نْومْ، مَاحنْذْ أَذْ ثقِّيممْ ثتّطّْفمْ ثَامُّورْثْ ثَاصبْحَانْثْ ثَانِيثَا ذ ڒْوَارْثْ، ؤُشَا أَذْ ت ثجّمْ ذ ڒْوَارْثْ إِ ڒبْذَا إِ وَارَّاونْ نْومْ أَوَارْنِي أَومْ.
1CH 28:9 ؤُ شكْ، مِّي سُولِيمَانْ، سّنْ أَربِّي ن بَابَاشْ ؤُ سخَّارْ أَسْ س وُوڒْ إِمُونْ ذ س ڒعْمَارْ إِوجْذنْ مِينْزِي سِيذِي إِتّْبقّشْ مَارَّا ؤُڒَاونْ ؤُشَا إِفهّمْ مَارَّا مِينْ د-إِتَّاسنْ غَارْ إِخَارِّيصنْ [ن ؤُزدْجِيفْ نّغْ]. مَاڒَا شكْ ثَارْزُوذْ خَاسْ، نتَّا أَذْ زَّايكْ إِتّْوَافْ، مَاشَا مَاڒَا ثْسمْحذْ ذَايسْ، أَذْ شكْ إِنْضَارْ إِ ڒبْذَا.
1CH 28:10 خْزَارْ ڒخُّو، مِينْزِي سِيذِي إِفَارْزْ إِ شكْ حِيمَا أَذْ أَسْ ثبْنِيذْ إِشْثْ ن ثَادَّارْثْ ذ زَّاوشْثْ إِقدّْسنْ. إِڒِي ذ أَرْيَازْ ؤُشَا أڭّْ إِ-ث!“
1CH 28:11 ذَاوُوذْ إِوْشَا إِ مِّيسْ سُولِيمَانْ أَمذْيَا ن وسْقِيفْ ن وَاذَافْ، ن ڒبْنِييَاثْ نّسْ، ذ إِخَّامنْ ن ثْخُوبَايْ ذ ثْغُورْفَاثِينْ نّسْ، ذ إِخَّامنْ نّسْ ن ذَاخڒْ، ذ وخَّامْ إِ ثْقبَّارْثْ ن وصْڒَاحْ،
1CH 28:12 ؤُڒَا ذ إِجّْ ن ؤُمذْيَا ن مَارَّا مِينْ غَارسْ-د يُوسَا س أَرُّوحْ خْ ڒمْرَاحَاثْ ن ثَادَّارْثْ ن سِيذِي، خْ مَارَّا إِخَّامنْ إِ ذ أَسْ د-إِنّْضنْ، خْ مَارَّا إِخَّامنْ ن ثْخُوبَايْ ن ثَادَّارْثْ ن أَربِّي ؤُ خْ إِخَّامنْ ن ثْخُوبَايْ ن ثوْهِيبِينْ إِتّْوَاقدّْسنْ،
1CH 28:13 خْ ثرْبِيعِينْ ن إِكهَّاننْ ذ إِلَاوِييّنْ، خْ مَارَّا ڒْخذْمثْ إِ ثْسخَّارْثْ ذِي ثَادَّارْثْ ن سِيذِي ؤُ خْ مَارَّا ڒقْشُوعْ إِ ثْسخَّارْثْ ذِي ثَادَّارْثْ ن سِيذِي.
1CH 28:14 خْ وُورغْ، أَقَا إِوْشَا ڒوْزنْ ن وُورغْ إِ مَارَّا ڒقْشُوعْ ن ثْسخَّارْثْ، ؤُڒَا إِ ڒقْشُوعْ ن نُّوقَارْثْ [إِوْشَا] ڒوْزنْ [نْسنْ]، إِ مَارَّا ڒقْشُوعْ إِ كُوڒْ ثَاسخَّارْثْ.
1CH 28:15 [إِوْشَا ؤُڒَا] ڒوْزنْ إِ ڒقْنَاذڒْ ن وُورغْ ذ ڒفْنَارَاثْ نْسنْ ن وُورغْ، ڒوْزنْ ن كُوڒْ ڒْقنْذِيڒْ أَكْ-ذ ڒفْنَارَاثْ نّسْ [وحّْذسْ]، ؤُڒَا [ڒوْزنْ] إِ ڒقْنَاذڒْ ن نُّوقَارْثْ، ڒوْزنْ إِ يِيجّْ ن ڒْقنْذِيڒْ أَكْ-ذ ڒفْنَارَاثْ نّسْ [وحّْذسْ]، أَمْ مَامّشْ د-يُوسَا أَكْ-ذ ثْسخَّارْثْ ن كُوڒْ ڒْقنْذِيڒْ.
1CH 28:16 [عَاوذْ] ڒوْزنْ ن وُورغْ إِ طَّابْڒَاثْ إِ خْ بزّْعنْ أَغْرُومْ، إِ كُوڒْ طَّابْڒَا [ڒوْزنْ نّسْ وحّْذسْ]، ؤُڒَا ذ [ڒوْزنْ ن] نُّوقَارْثْ إِ طَّابْڒَاثْ ن نُّوقَارْثْ،
1CH 28:17 ؤُڒَا ذ ؤُرغْ إِصْفَانْ إِ فُورْشَايَاثْ، إِ طَّاوْيَاثْ إِ ؤُرُوشِّي، إِ إِفنْجَاڒنْ ن وُورغْ أَكْ-ذ ڒوْزنْ ن كُوڒْ أَفنْجَاڒْ [وحّْذسْ]، إِ إِفنْجَاڒنْ ن نُّوقَارْثْ أَكْ-ذ ڒوْزنْ إِ كُوڒْ أَفنْجَاڒْ [وحّْذسْ]،
1CH 28:18 إِ ؤُعَالْطَارْ ن ڒبْخُورْ أَكْ-ذ ڒوْزنْ [نّسْ] س وُورغْ إِقُّورْ، ؤُڒَا [أَمُّو عَاوذْ ڒوْزنْ ن] وُورغْ إِ ؤُمذْيَا ن ؤُكَارُّو [ن إِجنْوَانْ] ن إِكِيرُوبنْ إِنِّي إِبزّْعنْ [وَافْرِيونْ نْسنْ] ؤُشَا ذْڒِينْ تَّابُوثْ ن ڒْعَاهْذْ ن سِيذِي.
1CH 28:19 مَانْ أَيَا مَارَّا، [إِنَّا ذَاوُوذْ]، إِتّْوَاسّفْهمْ أَيِي س ثِيرَا زڭْ ؤُفُوسْ ن سِيذِي، مَارَّا ڒخْذَايمْ [إِ د إِتَّاسنْ أَكْ-ذ] ؤُمذْيَا ن ڒبْنِي، أَقَا يُورَانْثْ ذِي ثِيرَا-يَا.
1CH 28:20 خنِّي إِنَّا ذَاوُوذْ إِ مِّيسْ سُولِيمَانْ: ”إِڒِي ذ أَرْيَازْ، إِڒِي ثْمحْضذْ ؤُ أڭّْ إِ-ث! وَارْ تّڭّْوذْ شَا ؤُ وَارْ أَرخُّو، مَاغَارْ سِيذِي أَربِّي، أَربِّي إِنُو، أَذْ يِيڒِي أَكِيذكْ. نتَّا وَارْ ذَايكْ إِسمّحْ نِيغْ شكْ إِتّجِّي أَڒْ أَكمّڒْ ن مَارَّا ڒْخذْمثْ إِ ثْسخَّارْثْ ذِي ثَادَّارْثْ ن سِيذِي.
1CH 28:21 خْزَارْ، أَقَا ذِينْ ثِيرْبِيعِينْ ن إِكهَّاننْ ذ إِلَاوِييّنْ إِ مَارَّا ثَاسخَّارْثْ ذِي ثَادَّارْثْ ن أَربِّي ؤُ إِ مَارَّا ڒْخذْمثْ [أَقَا ذِينْ] غَاركْ مَارَّا إِنِّي إِ غَارْ ثدْجَا ذِي ڒْخَاذَارْ نْسنْ [حِيمَا أَذْ ت ڭّنْ] س ثِيغِيثْ إِ كُوڒْ ڒْخذْمثْ. ؤُڒَا ذ ڒْحُوكَّامْ ذ مَارَّا ڒْڭنْسْ [بدّنْ أَكِيذكْ،] حِيمَا [أَذْ ڭّنْ] مَارَّا أَوَاڒنْ نّشْ.“
1CH 29:1 ؤُشَا إِنَّا ؤُجدْجِيذْ ذَاوُوذْ إِ مَارَّا أَڭْرَاوْ [ن ڒْڭنْسْ]: ”مِّي سُولِيمَانْ ذ أَينِّي ونِّي إِفَارْزْ إِ-ث أَربِّي. نتَّا [عَاذْ] ذ أَحُوذْرِي ذ أَرخْفنْ ؤُشَا ڒْخذْمثْ ذ ثَامقّْرَانْثْ، مَاغَارْ وَارْ إِدْجِي ڒقْصَارْ إِ يِيجّْ ن بْنَاذمْ، مَاشَا إِ سِيذِي أَربِّي.
1CH 29:2 س مَارَّا ثِيزمَّارْ إِنُو سّْوجْذغْ إِ ثَادَّارْثْ ن أَربِّي إِنُو ؤُرغْ إِ [ڒقْشُوعْ] ن وُورغْ، نُّوقَارْثْ إِ [ڒقْشُوعْ] ن نُّوقَارْثْ، نّْحَاسْ إِ [ڒقْشُوعْ] ن نّْحَاسْ، ؤُزَّاڒْ إِ [ڒقْشُوعْ] ن وُوزَّاڒْ، أَكشُّوضْ إِ [ڒقْشُوعْ] ن ؤُكشُّوضْ، ذ إِژْرَا ن ؤُنِيكْسْ ذ إِژْرَا إِبَارْشَاننْ يَارقّنْ ؤُڒَا ذ إِژْرَا إِتّْوَاسّْقَارقْشنْ مَاحنْذْ أَذْ تّْوَاڭّنْ ذِي ثْشُويَارْ، ؤُڒَا [عَاذْ] عْڒَامْ كُوڒْ إِژْرَا إِغْڒَانْ [نّغْنِي]، ؤُشَا [خنِّي] أَطَّاسْ ن إِژْرَا ن ڒْمَارْمُورْ ذ أَشمْڒَاڒْ.
1CH 29:3 زِي ثَايْرِي إِنُو إِ ثَادَّارْثْ ن أَربِّي إِنُو، أَذْ أَرْزْفغْ زڭْ وَاڭْڒَا إِنُو عَاذْ ؤُرغْ ذ نُّوقَارْثْ ثِيوَا إِ مِينْ سّْوجْذغْ إِ ثَادَّارْثْ ن زَّاوشْثْ إِقدّْسنْ،
1CH 29:4 [عَاذْ] ثڒْثْ-أَڒَافْ ثَالِينْثْ ن وُورغْ زڭْ وُورغْ ن ؤُفِيرْ ذ سبْعَا-أَڒَافْ ثَالِينْثْ ن نُّوقَارْثْ إِصْفَانْ مَاحنْذْ أَذْ زَّايْسنْ حنّْشنْ ڒحْيُوضْ ن إِخَّامنْ.
1CH 29:5 ؤُرغْ إِ [ڒقْشُوعْ ن] وُورغْ، نُّوقَارْثْ إِ [ڒقْشُوعْ ن] نُّوقَارْثْ، إِ مَارَّا ڒْخذْمثْ [إِ غَا ثتّْوَاڭّْ] س ؤُفُوسْ ن إِحْرَايْفِييّنْ. مَانْ ونْ [خنِّي] إِطّوّْعنْ أَسّْ-أَ مَاحنْذْ أَذْ إِوْشْ إِ سِيذِي؟“
1CH 29:6 [خَاسْ ؤُشَا] إِوْينْ إِمقّْرَاننْ خْ إِبَابَاثنْ [ن ڒَادْجَاثْ] ذ إِمقّْرَاننْ ن ثْقبَّاڒْ ن إِسْرَائِيل ذ إِمقّْرَاننْ خْ وَاڒفْ ؤُ خْ مْيَا ثِيوْهِيبِينْ نْسنْ س ڒْخَاضَارْ، [جْمِيعْ] أَكْ-ذ إِمقّْرَاننْ خْ ڒْخذْمثْ ن ؤُجدْجِيذْ.
1CH 29:7 نِيثْنِي أَرْزْفنْ إِ ثْسخَّارْثْ ن ثَادَّارْثْ ن أَربِّي خمْسَا-أَڒَافْ ثَالِينْثْ ن وُورغْ ذعشْرَا-أَڒَافْ ن ذْرَاخْمَاثْ ذعشْرَا-أَڒَافْ ثَالِينْثْ ن نُّوقَارْثْ ذ ثْمنْطَاشْ-أَڒفْ ثَالِينْثْ ن نّْحَاسْ ذ مْيَاثْ-أَڒفْ ثَالِينْثْ ن وُوزَّاڒْ.
1CH 29:8 ونِّي غَارْ ؤُفِينْ إِژْرَا [إِغْڒَانْ]، إِوْشَا إِ-ثنْ إِ وخَّامْ ن ثْخُوبَايْ ن ثَادَّارْثْ ن سِيذِي ونِّي ثُوغَا سَاذُو ؤُفُوسْ ن يَاحِييِيلْ، أَجَارْشُونِي.
1CH 29:9 إِفَارْحْ ڒْڭنْسْ س ثوْهِيبِينْ نْسنْ [إِ إِمّوْشنْ] س ڒْخَاضَارْ، مَاغَارْ نِيثْنِي وْشِينْ زڭْ وُوڒْ إِمُونْ قَاعْ س ڒْخَاضَارْ إِ سِيذِي، ؤُشَا إِفَارْحْ ؤُجدْجِيذْ ذَاوُوذْ ڒفْرَاحثْ ذ ثَامقّْرَانْثْ أَطَّاسْ.
1CH 29:10 ذَاوُوذْ إِبَاركْ سِيذِي زَّاثْ إِ ثِيطَّاوِينْ ن مَارَّا أَڭْرَاوْ [ن ڒْڭنْسْ]، إِنَّا: ”أَذْ ثتّْوَابَارْكذْ شكْ، [أَ] سِيذِي، أَربِّي ن بَابَاثْنغْ إِسْرَائِيل، زِي ڒبْذَا أَڒْ ڒبْذَا!
1CH 29:11 إِ شكْ، [أَ] سِيذِي، ڒمْغَارثْ ذ صُّولْطَا ذ ڒْعزّْ ذ مِينْ إِتّْذُومَانْ إِ ڒبْذَا ذ لْعَاضَامَا، مِينْزِي مَارَّا مِينْ إِدْجَانْ ذڭْ ؤُجنَّا ؤُ خْ ثمُّورْثْ أَقَا-ث نّشْ. زَّايكْ، [أَ] سِيذِي، [إِ ثدْجَا] ثَاڭلْذِيثْ، [زَّايكْ شكْ،] ونِّي إِسّْڭعّْذنْ إِخفْ نّشْ ذ أَزدْجِيفْ ثِيوَا مَارَّا.
1CH 29:12 أَڭْڒَا ذ شَّانْ زَّاثْ إِ وُوذمْ نّشْ ؤُ شكْ ثْصدْجْضذْ خْ مَارَّا [مِينْ إِدْجَانْ]. أَقَا-ث جّهْذْ ذ صُّولْطَا ذڭْ ؤُفُوسْ نّشْ، أَقَا-ث ذڭْ ؤُفُوسْ نّشْ [حِيمَا أَذْ ثوْشذْ] ڒمْغَارثْ ذ جّهْذْ إِ مَارَّا.
1CH 29:13 خنِّي ڒخُّو، أَربِّي نّغْ، نشِّينْ نتّْقَاذَا شكْ ؤُ نتّْصبّحْ ذڭْ يِيسمْ ن ڒْعزّْ نّشْ.
1CH 29:14 مَاغَارْ مِينْ عْنِيغْ نشّْ ذ مِينْ إِعْنَا ڒْڭنْسْ إِنُو، أَقَا نشِّينْ غَارْنغْ ثِيزمَّارْ أَذْ نوْشْ أَمُّو س ڒْخَاضَارْ؟ مَاغَارْ زَّايكْ د-إِتَّاسْ مَارَّا ؤُ مِينْ إِ ذ أَشْ نوْشَا، [نوْشَا إِ-ث] زڭْ ؤُفُوسْ نّشْ.
1CH 29:15 مَاغَارْ نشِّينْ مْغِيرْ ذ إِبَارَّانِييّنْ ذ إِمعْزَابْ زَّاثْ إِ وُوذمْ نّشْ، أَمْ ڒجْذُوذْ نّغْ. ؤُسَّانْ نّغْ خْ ثمُّورْثْ أَمْ ثِيڒِي ؤُ ڒَايَاسْ وَارْ ذِينْ إِدْجِي.
1CH 29:16 [أَ] سِيذِي، أَربِّي نّغْ، زڭْ ؤُفُوسْ نّشْ [يُوسَا-د] مَارَّا أَفيّضْ-أَ إِ نسّوْجذْ، حِيمَا أَذْ نبْنَا إِشْثْ ن ثَادَّارْثْ إِ شكْ، إِ يِيسمْ نّشْ إِقدّْسنْ. مَارَّا أَيَا ذ نّشْ.
1CH 29:17 نشّْ سّْنغْ، [أَ] أَربِّي إِنُو، أَقَا شكْ ثْقدْجْبذْ ؤُڒْ ؤُ أَقَا إِتّعْجِيبْ أَشْ ؤُسڭّمْ. نشّْ، ذِي ڒصْفَايثْ ن وُوڒْ إِنُو، وْشِيغْ مَارَّا أَيَا س ڒْخَاضَارْ، ؤُ ڒخُّو أَقَا ؤُڒَا ذ ڒْڭنْسْ نّشْ إِ ذَا إِدْجَانْ - إِوَا ژْرِيغْ ث س ڒفْرَاحثْ - إِوْشَا أَشْ [ثِيوْهِيبِينْ] س ڒْخَاضَارْ.
1CH 29:18 [أَ] سِيذِي، أَربِّي ن ڒجْذُوذْ نّغْ، [ن] إِبْرَاهِيمْ ذ إِسْحَاقْ ذ إِسْرَائِيل، حْضَا [خنِّي] إِ ڒبْذَا أَقَا أَيَا أَذْ يجّْ طَّابعْ خْ إِخَارِيصّنْ ذڭْ وُوڒْ ن ڒْڭنْسْ نّشْ ؤُ نْذهْ ؤُڒْ نْسنْ غَاركْ!
1CH 29:19 أوْشْ ؤُڒَا إِ مِّي سُولِيمَانْ إِجّْ ن وُوڒْ إِمُونْ قَاعْ، مَاحنْذْ أَذْ إِحْضَا ڒُومُورَاثْ نّشْ ذ شّْهَاذثْ نّشْ ذ ثِيوصَّا نّشْ، مَاحنْذْ أَذْ يڭّْ مَارَّا ؤُ مَاحنْذْ أَذْ إِبْنَا ڒقْصَارْ-أَ [ن زَّاوشْثْ ثَامقّْرَانْثْ] إِ خْ سّْوجْذغْ نشّْ.“
1CH 29:20 [خنِّي] إِنَّا ذَاوُوذْ إِ مَارَّا أَڭْرَاوْ [ن ڒْڭنْسْ]: ”بَارْكمْ، سِيذِي، أَربِّي نْومْ!“ [خنِّي] إِبَاركْ مَارَّا أَڭْرَاوْ [ن ڒْڭنْسْ] سِيذِي، أَربِّي ن ڒجْذُوذْ نْسنْ. نِيثْنِي ؤُضَارنْ، بنْذْقنْ إِ سِيذِي ؤُ إِ ؤُجدْجِيذْ.
1CH 29:21 ثِيوشَّا نّسْ إِوْينْ نِيثْنِي ثِيغَارْصَا إِ سِيذِي. نِيثْنِي إِوْينْ أَڒفْ ن إِفُونَاسنْ إِمژْيَاننْ ذ أَڒفْ ن إِشَارِّييّنْ ذ أَڒفْ ن إِزْمَارنْ أَكْ-ذ مَارَّا ثِيوْهِيبِينْ نْسنْ ن ؤُسيّبْ ذ ثْغَارْصَا ن وشْمَاضْ إِ سِيذِي ؤُ [خنِّي] أَطَّاسْ ن ثْغَارْصَا إِ مَارَّا إِسْرَائِيل.
1CH 29:22 ذڭْ وَاسّْ نِّي شِّينْ ؤُ سْوِينْ نِيثْنِي س ڒفْرَاحثْ ثَامقّْرَانْثْ زَّاثْ إِ وُوذمْ ن سِيذِي ؤُ ڭِّينْ سُولِيمَانْ، مِّيسْ ن ذَاوُوذْ، ذ أَجدْجِيذْ إِ ثْوَاڒَا وِيسّْ ثْنَاينْ ؤُ ذهْننْ [ث] ذ ڒْحَاكمْ زَّاثْ إِ سِيذِي، ؤُ صَاذُوقْ [ذهْننْ ث] ذ أَكهَّانْ.
1CH 29:23 سُولِيمَانْ إِقِّيمْ خْ ڒْعَارْشْ ن سِيذِي أَمْ ؤُجدْجِيذْ ذڭْ ومْشَانْ ن بَابَاسْ ذَاوُوذْ. نتَّا إِفْڒحْ ؤُ مَارَّا إِسْرَائِيل إِسْڒَا أَسْ.
1CH 29:24 مَارَّا ڒْحُوكَّامْ ذ أَيْثْ ن بُو-ثغْرُوضْثْ ؤُڒَا ذ مَارَّا أَرَّاونْ ن ؤُجدْجِيذْ ذَاوُوذْ، وْثِينْ ذڭْ ؤُفُوسْ أَذْ قِّيمنْ سَاذُو [أَفُوسْ ن] ؤُجدْجِيذْ سُولِيمَانْ.
1CH 29:25 يَارَّا سِيذِي سُولِيمَانْ أَذْ إِذْوڒْ ذ أَمقّْرَانْ أَڒْ طَّارْفْ زَّاثْ إِ ثِيطَّاوِينْ ن إِسْرَائِيل. نتَّا إِوْشَا أَسْ أَوقَّارْ إِڭلّْذنْ إِ ثُوغَا وَارْ إِدْجِي ؤُڒَا غَارْ إِجّْ ن ؤُجدْجِيذْ خْ إِسْرَائِيل قْبڒْ نّسْ.
1CH 29:26 [أَمُّو] إِ إِحْكمْ ذَاوُوذْ، مِّيسْ ن يَاسَّا، خْ مَارَّا إِسْرَائِيل.
1CH 29:27 ؤُسَّانْ نِّي ثُوغَا إِحْكمْ خْ إِسْرَائِيل، أَقَا أَثنْ أَربْعِينْ ن إِسڭّْوُوسَا. نتَّا إِحْكمْ ذِي حَابْرُونْ سبْعَا ن إِسڭّْوُوسَا ؤُ ذِي ؤُرْشَالِيمْ ثْڒَاثَا ؤُ-ثْڒَاثِينْ ن إِسڭّْوُوسَا.
1CH 29:28 نتَّا إِمُّوثْ ؤُمِي إِشَابْ مْلِيحْ، إِجِّيونْ ؤُسَّانْ، أَڭْڒَا ذ ؤُعُودْجِي. مِّيسْ سُولِيمَانْ إِذْوڒْ ذ أَجدْجِيذْ ذڭْ ومْشَانْ نّسْ.
1CH 29:29 إِمزْرُوينْ ن ؤُجدْجِيذْ ذَاوُوذْ، إِمزْوُورَا ذ إِنڭُّورَا، أَقَا تّْوَازمّمنْ ذڭْ وذْلِيسْ ن إِمزْرُوينْ ن ؤُمْوَاڒَاوْ شَامْوِيلْ ؤُ ذڭْ وذْلِيسْ ن إِمزْرُوينْ ن ؤُنَابِي نَاثَانْ ؤُ ذڭْ وذْلِيسْ ن إِمزْرُوينْ ن ؤُمْوَاڒَاوْ جَاذْ،
1CH 29:30 س مَارَّا [مِينْ يُورَانْ] خْ ثْڭلْذِيثْ نّسْ ؤُ خْ صُّولْطَا نّسْ ؤُ خْ ڒْمِيجَاڒَاثْ ن ڒْوقْثْ إِ خَاسْ د-إِكِّينْ ؤُڒَا خْ إِسْرَائِيل ؤُ خْ مَارَّا ثِيڭلْذِيوِينْ ن ثمُّورَا.
2CH 1:1 سُولِيمَانْ، مِّيسْ ن ذَاوُوذْ، إِتّْوَاضْمنْ ذِي ثْڭلْذَا نّسْ، مِينْزِي سِيذِي، أَربِّي نّسْ، ثُوغَا-ث أَكِيذسْ ؤُشَا يَارْنِي ذِي ڒمْغَارثْ نّسْ أَڒْ طَّارْفْ.
2CH 1:2 سُولِيمَانْ إِسِّيوڒْ أَكْ-ذ مَارَّا إِسْرَائِيل، أَكْ-ذ إِمقّْرَاننْ خْ وَاڒفْ ؤُ خْ مْيَا، أَكْ-ذ ڒْقُوضَاثْ ؤُ أَكْ-ذ مَارَّا ڒْحُوكَّامْ ن مَارَّا إِسْرَائِيل، إِزدْجِيفنْ خْ إِبَابَاثنْ [ن ڒَادْجَاثْ].
2CH 1:3 نِيثْنِي طّْفنْ أَبْرِيذْ، سُولِيمَانْ ذ مَارَّا أَڭْرَاوْ [ن ڒْڭنْسْ] أَكِيذسْ، غَارْ ڒْڭعّْذثْ نِّي [إِدْجَانْ] غَارْ جِيبْعُونْ، مِينْزِي ذِينِّي إِ ثُوغَا أَقِيضُونْ ن ؤُمْسَاڭَارْ ن أَربِّي إِ إِڭَّا مُوسَا، أَمْسخَّارْ ن سِيذِي، ذِي ڒخْڒَا.
2CH 1:4 مَاشَا ذَاوُوذْ يِيوِي تَّابُوثْ ن أَربِّي زِي قَارْيَاثْ-يَاعَارِيمْ [غَارْ ومْشَانْ] إِ د أَسْ إِسّوْجذْ ذَاوُوذْ، مِينْزِي نتَّا إِوْثَا إِجّْ ن ؤُقِيضُونْ إِ [تَّابُوثْ] ذِي ؤُرْشَالِيمْ.
2CH 1:5 أَعَالْطَارْ ن نّْحَاسْ نِّي إِڭَّا بَاصَالِييِيلْ، مِّيسْ ن ؤُرِي، مِّيسْ ن حُورْ، [ثُوغَا] ذِينْ [ذِي جِيبْعُونْ] زَّاثْ إِ ؤُقِيضُونْ ن ؤُمْسَاڭَارْ ن سِيذِي. سُولِيمَانْ يُويُورْ ذِينْ [جْمِيعْ] أَكْ-ذ مَارَّا أَڭْرَاوْ [ن ڒْڭنْسْ]
2CH 1:6 ؤُشَا إِقدّمْ ذِينْ سُولِيمَانْ، زَّاثْ إِ وُوذمْ ن سِيذِي، إِشْثْ ن ثْغَارْصْثْ خْ ؤُعَالْطَارْ ن نّْحَاسْ نِّي [إِدْجَانْ] غَارْ ؤُقِيضُونْ ن ؤُمْسَاڭَارْ. نتَّا إِقدّمْ خَاسْ أَڒفْ ن ثْغَارْصَا ن وشْمَاضْ.
2CH 1:7 ذِي دْجِيڒثْ نِّي، إِبَانْ-د أَربِّي إِ سُولِيمَانْ، إِنَّا أَسْ: ”تَّارْ مِينْ [ثخْسذْ] أَذْ أَشْ [ث] وْشغْ!“
2CH 1:8 سُولِيمَانْ إِنَّا إِ أَربِّي: ”شكْ ثسّشْنذْ إِ بَابَا ذَاوُوذْ ثَامخْسِيوْثْ [نّشْ] إِشوَّارنْ ؤُ ثڭِّيذْ أَيِي ذ أَجدْجِيذْ ذڭْ ومْشَانْ نّسْ.
2CH 1:9 [خنِّي] ڒخُّو، [أَ] سِيذِي أَربِّي، أجّْ أَذْ إِفّغْ وَاوَاڒْ نّشْ إِ ثسِّيوْڒذْ أَكْ-ذ بَابَا ذَاوُوذْ س ثِيذتّْ، مِينْزِي ثڭِّيذْ أَيِي ذ أَجدْجِيذْ خْ إِجّْ ن ڒْڭنْسْ إِوْسعْ أَمْ ثْعجَّاجْثْ ن ثمُّورْثْ.
2CH 1:10 أوْشْ أَيِي ڒخُّو ثِيغِيثْ ذ ثُوسّْنَا، حِيمَا أَذْ فّْغغْ ؤُ أَذْ د-ذوْڒغْ زَّاثْ إِ وُوذمْ ن ڒْڭنْسْ-أَ [أَمْ ڒْحَاكمْ نْسنْ]، مِينْزِي وِي إِزمَّارنْ أَذْ إِحْكمْ خْ ڒْڭنْسْ-أَ أَمقّْرَانْ س ڒْحقّْ؟“
2CH 1:11 [خنِّي] إِنَّا أَربِّي إِ سُولِيمَانْ: ”مِينْزِي أَيَا غَاركْ ذڭْ وُوڒْ ؤُ مِينْزِي شكْ وَارْ ثتَّارذْ أَڭْڒَا، ڒكْسِيبثْ نِيغْ شَّانْ نِيغْ ثُوذَارْثْ ن يِينِّي إِ شكْ إِشَارّْهنْ، ؤُ وَارْ ثتَّارذْ ثُوذَارْثْ ثَازِيرَارْثْ، مَاشَا مِينْزِي ثتَّارذْ ثِيغِيثْ ذ ثُوسّْنَا حِيمَا أَذْ ثْڭوّْذذْ ڒْڭنْسْ إِنُو س ڒْحقّْ، إِ ونِّي ؤُمِي خفْ ڭِّيغْ شكْ ذ أَجدْجِيذْ،
2CH 1:12 أَقَا ثمّوْشْ أَشْ [ڒخُّو] ثِيغِيثْ ذ ثُوسّْنَا، ؤُ أَذْ أَشْ وْشغْ عَاوذْ أَڭْڒَا ذ ڒكْسِيبثْ ذ شَّانْ أَمْ مَامّشْ وَارْ [ثنْ] إِطِّيفْ ؤُڒَا ذ إِجّْ ن ؤُجدْجِيذْ قْبڒْ نّشْ ؤُ وَارْ [ثنْ] تّطِّيفنْ [عَاذْ أَمُّو] أَوَارْنِي أَشْ.
2CH 1:13 زِي ڒْڭعّْذثْ [إِ خْ تّْنُومَانْ تّْوهّْبنْ ثِيغَارْصَا]، [ڒْڭعّْذثْ] نِّي [إِدْجَانْ] ذِي جِيبْعُونْ أَرنْذَاذْ ن ؤُقِيضُونْ ن ؤُمْسَاڭَارْ، يِيوضْ-د سُولِيمَانْ [غَارْ] ؤُرْشَالِيمْ ؤُشَا إِحْكمْ خْ إِسْرَائِيل.
2CH 1:14 سُولِيمَانْ إِسّْمُونْ إِكَارُّوثنْ ذ إِمْنَاينْ. نتَّا ثُوغَا غَارسْ أَڒفْ ؤُ-أَربْعَا-مْيَا ن إِكَارُّوثنْ ذ ثنْعَاشْ-أَڒفْ ن إِمْنَاينْ ؤُشَا يِيوْيِي ثنْ غَارْ ثْندَّامْ ن إِكَارُّوثنْ ؤُ غَارْ ؤُجدْجِيذْ ذِي ؤُرْشَالِيمْ.
2CH 1:15 أَجدْجِيذْ إِڭَّا نُّوقَارْثْ ذِي ؤُرْشَالِيمْ أَنشْثْ ن يژْرَا [نِّي ثُوغَا ذِينْ إِدْجَانْ] ؤُشَا إِڭَّا ثِيشجُّورَا ن ثنْڭلْثْ أَنشْثْ إِزمُّورنْ نِّي [ثُوغَا ذِينْ إِدْجَانْ] ذِي ثمُّورْثْ إِوَاطَانْ س وَاطَّاسْ.
2CH 1:16 إِوْينْ-د إِيْسَانْ إِ سُولِيمَانْ زِي مِيصْرَا، زِي قِيوِي. إِسبَّابنْ ن ؤُجدْجِيذْ إِوْينْ ثنْ س يِيجّْ ن تَّامَانْ [إِمثْننْ] زِي قِيوِي.
2CH 1:17 إِوْينْ-د إِجّْ ن ؤُكَارُّو ؤُشَا سُّوفّْغنْ ث-إِ-د زِي مِيصْرَا س [إِجّْ ن تَّامَانْ ن] ستَّا-مْيَا [شِيقْلُو] ن نُّوقَارْثْ ؤُ إِجّْ ن ؤُيِيسْ س مْيَا ؤُ-خمْسِينْ [شِيقْلُو]. أَمُّو إِ سُّوفّْغنْ ثنْ س ؤُفُوسْ نْسنْ إِ مَارَّا إِجدْجِيذنْ ن إِحِيتِّييّنْ ؤُ إِ إِجدْجِيذنْ ن أَرَامْ.
2CH 1:18 سُولِيمَانْ يُومُورْ، حِيمَا أَذْ ثتّْوَابْنَا إِشْثْ ن ثَادَّارْثْ إِ يِيسمْ ن سِيذِي ذ إِشْثْ ن ثَادَّارْثْ إِ ثْڭلْذَا نّسْ.
2CH 2:1 سُولِيمَانْ إِحْسبْ سبْعِينْ-أَڒفْ ن يرْيَازنْ إِ ثْربُّوثْ ن ڒهْمڒْ ذ ثْمنْيِينْ-أَڒفْ ن يرْيَازنْ حِيمَا أَذْ خدّْمنْ أَمْ يِيسُويْذَاينْ خْ إِذُورَارْ ؤُڒَا ذ ثْڒَاثَا-أَڒَافْ ؤُ ستَّا-مْيَا ن يِينِّي خَاسنْ [إِدْجَانْ] ذ إِوقَّافنْ.
2CH 2:2 خنِّي إِسّكّْ سُولِيمَانْ [إِجّْ ن ؤُرقَّاسْ] غَارْ حِيرَامْ، أَجدْجِيذْ ن صُورْ، إِنَّا: ”[أڭّْ أَكِيذِي] أَمْ مَامّشْ ثڭِّيذْ أَكْ-ذ بَابَا ذَاوُوذْ، ثسّكّذْ غَارسْ أَكشُّوضْ ن [ثْشجَّارْثْ ن] ثنْڭلْثْ مَاحنْذْ أَذْ إِبْنَا ثَادَّارْثْ إِ يِيخفْ نّسْ حِيمَا أَذْ ذَايسْ إِزْذغْ.
2CH 2:3 خْزَارْ، نشّْ خْسغْ أَذْ بْنِيغْ إِشْثْ ن ثَادَّارْثْ إِ يِيسمْ ن سِيذِي، أَربِّي إِنُو، حِيمَا أَذْ أَسْ ت سّْقدّْسغْ، حِيمَا أَذْ سّْبخَّارغْ [ذِينْ] ڒبْخُورْ إِتّْفُوحنْ زَّاثْ إِ وُوذمْ نّسْ، ؤُ حِيمَا أَذْ [ذِينْ] سَّارْسغْ ڒبْذَا [أَغْرُومْ ن وسْشَانْ] ؤُ حِيمَا [أَذْ ذِينْ قدّْمغْ] ثِيغَارْصَا ن وشْمَاضْ، غَارْ ثُوفُّوثْ ؤُ غَارْ ثْمذِّيثْ، ذڭْ وُوسَّانْ ن سّبْثْ، ذڭْ وُوسَّانْ ن ؤُيُورْ ن جْذِيذْ ؤُ ذِي ڒعْيُوذَاثْ إِتّْوَاڭّنْ ن سِيذِي، أَربِّي نّغْ. ذ مَانْ أَيَا [إِتّْوَاڭّْ] خْ إِسْرَائِيل إِ ڒبْذَا.
2CH 2:4 ثَادَّارْثْ إِ غَا بْنِيغْ، أَذْ ثِيڒِي ذ ثَامقّْرَانْثْ، مَاغَارْ أَربِّي نّغْ ذ أَمقّْرَانْ خْ مَارَّا إِربِّيثنْ.
2CH 2:5 مَانْ ونْ إِ غَارْ ثدْجَا ثْزمَّارْ أَذْ أَسْ إِبْنَا إِشْثْ ن ثَادَّارْثْ؟ أَقَا أَجنَّا، [وَاهْ،] أَجنَّا ن إِجنْوَانْ، وَارْ إِزمَّارْ أَذْ ث إِكْسِي! ؤُ مِينْ عْنِيغْ نشّْ، أَقَا نشّْ أَذْ أَسْ بْنِيغْ إِشْثْ ن ثَادَّارْثْ مْغِيرْ حِيمَا أَذْ أَسْ سّْبخَّارغْ زَّاثْ إِ وُوذمْ نّسْ؟
2CH 2:6 [خنِّي] ڒخُّو، سكّْ أَيِي-د إِجّْ ن ورْيَازْ إِ إِزمَّارْ أَذْ إِخْذمْ س وُورغْ ذ نُّوقَارْثْ ذ نّْحَاسْ ذ وُوزَّاڒْ ؤُڒَا س [ؤُفِيڒُو] أَذحْمِي ذ ؤُزڭّْوَاغْ إِحذْقنْ ذ ؤُذهْمَانِي، إِجّْ ن ورْيَازْ إِ إِسّنْ أَذْ إِڭّْ إِنْقَاشنْ، [وَاهْ، سكّْ إِ-ث جْمِيعْ] أَكْ-ذ إِمِيغِيسنْ نِّي غَارِي ذِي يَاهُوذَا ؤُ ذِي ؤُرْشَالِيمْ، إِنِّي د-يِيوِي بَابَا ذَاوُوذْ.
2CH 2:7 سِيوضْ أَيِي-د ؤُڒَا ذ أَكشُّوضْ [ن ثْشجَّارْثْ] ن ثنْڭلْثْ ذ ؤُمرْزِي ذ ؤُكشُّوضْ [ن ثْشجَّارْثْ] ن صَانْذلْ أَزڭّْوَاغْ، مِينْزِي نشّْ سّْنغْ، أَقَا إِمْسخَّارنْ نّشْ تّْحَاكَانْ ذڭْ ؤُنزْذَامْ ن ثْشجُّورَا ن لُوبْنَانْ، ؤُ خْزَارْ، إِمْسخَّارنْ إِنُو [أَذْ وْشنْ أَفُوسْ] إِ إِمْسخَّارنْ نّشْ،
2CH 2:8 مَاحنْذْ أَذْ أَيِي سّْوجْذنْ مَارَّا أَكشُّوضْ [نِّي]، مَاغَارْ ثَادَّارْثْ نِّي إِ غَا بْنِيغْ، أَذْ ثِيڒِي ذ ثَامقّْرَانْثْ ذ ڒعْجبْ.
2CH 2:9 خْزَارْ، نشّْ أَذْ وْشغْ إِ إِمْسخَّارنْ نّشْ، زعْمَا إِ إِنزْذَامنْ نِّي إِزدّْمنْ ثِيشجُّورَا، عِيشْرِينْ-أَڒفْ [ن ڒْقدّْ] ن ؤُكُورُو ن يِيرْذنْ ذ عِيشْرِينْ-أَڒفْ [ن ڒْقدّْ ن] ؤُكُورُو ن إِمنْذِي ذ عِيشْرِينْ-أَڒفْ [ن ڒْقدّْ] ن ؤُبَاثُو ن بِينُو ذ عِيشْرِينْ-أَڒفْ [ن ڒْقدّْ] ن ؤُبَاثُو ن زّشْثْ.“
2CH 2:10 حِيرَامْ، أَجدْجِيذْ ن صُورْ، يَارَّا-د س ثِيرَا ؤُشَا إِسّكّْ [ثَابْرَاثْ-أَ] غَارْ سُولِيمَانْ: ”مَاغَارْ سِيذِي إِتّخْسْ ڒْڭنْسْ نّسْ، إِڭَّا شكْ ذ أَجدْجِيذْ خَاسنْ.“
2CH 2:11 ؤُشَا [خنِّي] إِنَّا حِيرَامْ: ”أَذْ إِتّْوَابَاركْ سِيذِي، أَربِّي ن إِسْرَائِيل، ونِّي إِڭِّينْ أَجنَّا ذ ثمُّورْثْ، أَقَا نتَّا إِوْشَا إِ ذَاوُوذْ إِجّْ ن ؤُحنْجِيرْ ذ أَمِيغِيسْ، [ونِّي] غَارْ ثدْجَا ڒفْهَامثْ ذ ڒعْقڒْ، ونِّي إِ غَا إِبْنَانْ إِشْثْ ن ثَادَّارْثْ إِ سِيذِي ؤُڒَا ذ إِشْثْ ن ثَادَّارْثْ إِ ثْڭلْذَا نّسْ!
2CH 2:12 [خنِّي] ڒخُّو أَذْ سّكّغْ إِجّْ ن ورْيَازْ ذ أَمِيغِيسْ زِي بَابَا حِيرَامْ، ونِّي غَارْ ثدْجَا ثُوسّْنَا ذ ڒفْهَامثْ،
2CH 2:13 مِّيسْ ن إِشْثْ ن ثمْغَارْثْ زڭْ يسِّيسْ ن دَان. بَابَاسْ ذ إِجّْ ن ورْيَازْ زِي صُورْ ونِّي غَارْ إِدْجَا ثُوسّْنَا حِيمَا أَذْ إِخْذمْ س وُورغْ، نُّوقَارْثْ، نّْحَاسْ، ؤُزَّاڒْ ؤُ س وژْرُو ذ ؤُكشُّوضْ، س [ؤُفِيڒُو] أَرْجُووَانِي ذ ؤُذهْمَانِي، س ڒقْطنْ أَزْذَاذْ ؤُ س [ؤُفِيڒُو] أَزڭّْوَاغْ إِحذْقنْ، حِيمَا أَذْ إِنْقشْ عْڒَامْ كُوڒْ إِنقَّاشنْ، ؤُ حِيمَا أَذْ يَارْشمْ عْڒَامْ كُوڒْ إِرقَّامنْ نِّي ذ أَسْ إِمّوْشنْ، [ؤُ مَانْ أَيَا جْمِيعْ] أَكْ-ذ إِمِيغِيسنْ نّشْ ذ إِمِيغِيسنْ ن بَابَاشْ ذَاوُوذْ.
2CH 2:14 [خنِّي] ڒخُّو، أَذْ إِسّكّْ سِيذِي إِنُو إِرْذنْ ذ إِمنْذِي ذ زّشْثْ ذ بِينُو، مِينْ خفْ ثُوغَا إِسَّاوَاڒْ، غَارْ إِمْسخَّارنْ نّسْ.
2CH 2:15 نشِّينْ أَذْ نزْذمْ ثِيشجُّورَا ن لُوبْنَانْ أَنشْثْ إِ ذ أَشْ إِتّْخصَّانْ ؤُشَا أَذْ أَشْ ثنْثْ إِ-د-نَاوِي خْ ثْغَارُّوبَا ن ثْحنْيَا خْ ڒبْحَارْ غَارْ يَافَا، ؤُ شكْ س يِيخفْ نّشْ أَذْ ثنْثْ ثسّْڭعّْذذْ [سّنِّي] غَارْ ؤُرْشَالِيمْ.“
2CH 2:16 سُولِيمَانْ إِحْسبْ مَارَّا إِرْيَازنْ إِبَارَّانِييّنْ نِّي [إِدْجَانْ] ذِي ثمُّورْثْ ن إِسْرَائِيل، أَوَارْنِي إِ ڒحْسَابْ ؤُمِي ثنْ إِحْسبْ بَابَاسْ ذَاوُوذْ. ؤُفِينْ [أَقَا ذِينْ] مْيَا ؤُ-ثْڒَاثَا ؤُ-خمْسِينْ-أَڒفْ ؤُ-ستَّا مْيَا [ن يرْيَازنْ].
2CH 2:17 سبْعِينْ-أَڒفْ زَّايْسنْ إِڭَّا إِ-ثنْ ذ إِمْسخَّارنْ إِ ثْربُّوثْ ن ڒهْمڒْ ؤُ ثْمنْيِينْ-أَڒفْ ذ إِسُويْذَاينْ خْ إِذُورَارْ ذ ستَّا ؤُ-ثْڒَاثِينْ-مْيَا [إِڭَّا] إِ-ثنْ ذ إِوقَّافنْ حِيمَا أَذْ ڭّنْ ڒْڭنْسْ أَذْ إِخْذمْ.
2CH 3:1 سُولِيمَانْ إِبْذَا ڒبْنِي ن ثَادَّارْثْ ن سِيذِي ذِي ؤُرْشَالِيمْ خْ وذْرَارْ ن مُورِييَا، مَانِي د-إِبَانْ [سِيذِي] إِ بَابَاسْ ذَاوُوذْ [ؤُ] مَانِي إِسّوْجذْ ذَاوُوذْ إِجّْ ن ومْشَانْ خْ ؤُنذْرَارْ ن ؤُيابُوسِي ؤُرْنَانْ.
2CH 3:2 نتَّا إِبْذَا ڒبْنِي ذڭْ ؤُيُورْ وِيسّْ ثْنَاينْ، ذڭْ وَاسّْ وِيسّْ ثْنَاينْ ذڭْ ؤُسڭّْوَاسْ وِيسّْ أَربْعَا ن ثْڭلْذَا نّسْ.
2CH 3:3 وَانِيثَا ذ ذْسَاسْ [إِ إِسَّارْسْ] سُولِيمَانْ إِ ڒبْنِي ن ثَادَّارْثْ ن أَربِّي: ثُوزّڭَّارْثْ [نّسْ] ذڭْ إِغَادْجنْ عْلَاحْسَابْ ڒقْيَاسْ أَمزْوَارُو [ثُوغَا-ت] ستِّينْ ن إِغَادْجنْ، ذ ثِيرُو [نّسْ] [ثُوغَا-ث] عِيشْرِينْ ن إِغَادْجنْ.
2CH 3:4 أَسْقِيفْ ن وَاذَافْ، نِّي [ثُوغَا إِدْجَانْ] غَارْ زَّاثْ ن ثُوزّڭَّارْثْ [ن ثَادَّارْثْ]، [ثُوغَا-ث] ذَايسْ عِيشْرِينْ ن إِغَادْجنْ [ؤُمِي ثعبَّارنْ] غَارْ زَّاثْ ن ثِيرُو ن ثَادَّارْثْ، ؤُ ڒُوعْڒَا [نّسْ] ثُوغَا-ث ذَايسْ مْيَا ؤُ-عِيشْرِينْ ن إِغَادْجنْ. ثُوغَا إِذْڒَا [وسْقِيفْ ن وَاذَافْ] غَارْ ذَاخڒْ س وُورغْ إِصْفَانْ.
2CH 3:5 ثَادَّارْثْ ثَامقّْرَانْثْ إِڭَّا أَسْ ثَاژقَّا س ؤُكشُّوضْ ن [ثْشجَّارْثْ ن] ؤُمرْزِي ؤُشَا يَارْنِي خَاسْ وُورغْ إِصْفَانْ ؤُ إِزوّقْ إِ-ث س ثْشجُّورَا ن ثِينِي ذ سّْنَاسڒْ [إِزوّْقنْ].
2CH 3:6 عَاوذْ إِزوّقْ نتَّا ثَادَّارْثْ س يِيژْرَا إِغْڒَانْ. ؤُرغْ ثُوغَا ذ ؤُرغْ زِي فَارَاوَايِيمْ.
2CH 3:7 أَمُّو إِ إِذْڒَا نتَّا ثَادَّارْثْ، ثِيحنْيَا، ثِينبْذَاثِينْ، ڒحْيُوضْ نّسْ ذ ثوُّورَا نّسْ س وُورغْ، ؤُشَا إِنْقشْ إِكِيرُوبنْ ذِي ڒحْيُوضْ.
2CH 3:8 نتَّا إِڭَّا ؤُڒَا ذ أَخَّامْ ن وقْذَاسْ خْ ؤُقدَّاسْ. ثُوزّڭَّارْثْ نّسْ ذَايسْ عِيشْرِينْ ن إِغَادْجنْ [ؤُمِي ثعبَّارنْ] غَارْ زَّاثْ ن ثِيرُو ن ثَادَّارْثْ. ؤُڒَا ذ ثِيرُو نّسْ [ثُوغَا-ث ذَايسْ] عِيشْرِينْ ن إِغَادْجنْ. نتَّا إِذْڒَا [ڒحْيُوضْ غَارْ ذَاخڒْ ن] وخَّامْ س ستَّا-مْيَا ثَالِينْثْ ن وُورغْ إِصْفَانْ.
2CH 3:9 ڒوْزنْ ن إِمسْمَارنْ إِسكّْوَا خمْسِينْ شِيقْلُو ن وُورغْ. إِذْڒَا ؤُڒَا ذ ثِيغُورْفَاثِينْ ن سنّجْ س وُورغْ.
2CH 3:10 ذڭْ وخَّامْ ن وقْذَاسْ خْ ؤُقدَّاسْ إِڭَّا ثْنَاينْ ن إِكِيرُوبنْ، [أَمْ] ڒْخذْمثْ ن ونْقَاشْ، ؤُ إِڒحّفْ إِ-ثنْ س وُورغْ.
2CH 3:11 أَفْرِيونْ ن إِكِيرُوبنْ [جْمِيعْ] [عبَّارنْ] عِيشْرِينْ ن إِغَادْجنْ ذِي ثُوزّڭَّارْثْ. أَفْرِيوْ أَمزْوَارُو [إِعبَّارْ] خمْسَا ن إِغَادْجنْ ن ثُوزّڭَّارْثْ، إِتَّاكّْوَاضْ ڒْحِيضْ ن ثَادَّارْثْ، ؤُشَا أَفْرِيوْ نّغْنِي ن خمْسَا ن إِغَادْجنْ إِتَّاكّْوَاضْ أَفْرِيوْ ن ؤُكِيرُوبْ نّغْنِي.
2CH 3:12 أَفْرِيوْ ن ؤُكِيرُوبْ نّغْنِي [إِعبَّارْ ؤُڒَا ذ] خمْسَا ن إِغَادْجنْ، إِتَّاكّْوَاضْ ڒْحِيضْ ن ثَادَّارْثْ. أَفْرِيوْ نّغْنِي ن خمْسَا ن إِغَادْجنْ إِڒقّفْ أَفْرِيوْ ن ؤُكِيرُوبْ نّغْنِي.
2CH 3:13 أَفْرِيونْ ن إِكِيرُوبنْ-أَ تّْوَابزّْعنْ عِيشْرِينْ ن إِغَادْجنْ ؤُ نِيثْنِي بدّنْ خْ إِضَارنْ نْسنْ ذ إِغمْبَابْ نْسنْ [سّوْضنْ] غَارْ ذَاخڒْ.
2CH 3:14 نتَّا إِڭَّا ؤُڒَا ذ أَڒحَّافْ س [ڒقْطنْ] أَذحْمِي ذ أَرْجُووَانِي ذ أَزڭّْوَاغْ إِحذْقنْ ؤُ سْ ڒقْطنْ أَزْذَاذْ، ؤُشَا إِڭَّا خَاسْ إِكِيرُوبنْ.
2CH 3:15 غَارْ زَّاثْ ن ثَادَّارْثْ إِڭَّا نتَّا ثْنَاينْ ن إِپِيلَارنْ س إِشْثْ ن ثُوزُوڭَّارْثْ ن خمْسَا ؤُ-ثْڒَاثِينْ ن إِغَادْجنْ. تَّاجّْ خْ ثْقِيشَّاثْ نّسْ [ثُوغَا-ث] خمْسَا ن إِغَادْجنْ.
2CH 3:16 نتَّا إِڭَّا ؤُڒَا ذ سّْنَاسڒْ [إِزوّْقنْ] أَمْ ثِينِّي ذڭْ وخَّامْ ن ذَاخڒْ [ن زَّاوشْثْ] ؤُشَا إِڭَّا إِ-ثنْثْ خْ ثْقِيشَّاثِينْ ن إِپِيلَارنْ. إِڭَّا ؤُڒَا ذ مْيَا ن إِرمَّامنْ ؤُشَا إِشدّْ إِ-ثنْ غَارْ سّْنَاسڒْ [إِزوّْقنْ].
2CH 3:17 نتَّا إِسّْبدّْ إِپِيلَارنْ غَارْ زَّاثْ ن زَّاوشْثْ ثَامقّْرَانْثْ، إِجّنْ خْ يفُوسْ ؤُ إِجّنْ خْ ؤُزڒْمَاضْ. ونِّي غَارْ يفُوسْ إِڭَّا أَسْ يَاخِينْ ؤُ ونِّي خْ ؤُزڒْمَاضْ إِڭَّا أَسْ بُوعَازْ.
2CH 4:1 نتَّا إِڭَّا ؤُڒَا ذ أَعَالْطَارْ ن نّْحَاسْ. ثُوزّڭَّارْثْ نّسْ [ثُوغَا-ت] عِيشْرِينْ ن إِغَادْجنْ ؤُ ڒُوعْڒَا نّسْعشْرَا ن إِغَادْجنْ.
2CH 4:2 خنِّي إِڭَّا نتَّا ثَارِيمَانْثْ إِفسْينْ. [ثُوغَا ڒعْبَارْ نّسْ]عشْرَا ن إِغَادْجنْ زِي طَّارْفْ أَڒْ طَّارْفْ [نّغْنِي]، [ثُوغَا-ت ذ] ثَاقُورَاشْثْ. ثِيذِّي نّسْ [ثُوغَا-ت] خمْسَا ن إِغَادْجنْ ؤُ إِشْثْ ن ؤُفِيڒُو ن ڒعْبَارْ ن ثْڒَاثِينْ ن إِغَادْجنْ إِنّضْ أَسْ-د.
2CH 4:3 سَاذُو نّسْ بدّنْثْ ڒخْيَاڒَاثْ ن إِفُونَاسنْ، أَقَا نّْضنْثْ أَسْ-د قَاعْ. [نُّووَارَاثْ إِ وَارْ د-فِّيغنْثْ عَاذْ] ثُوغَا إِ ذ أَسْ د-إِنّْضنْ قَاعْ،عشْرَا ذِي كُوڒْ إِجّْ ن ؤُغِيڒْ، ثُوغَا قّْننْثْ أَكْ-ذ وَايَاوْيَا أَمْ قُووَّارنْثْ إِ ثْرِيمَانْثْ [ذِي] ثْنَاينْ ن إِسذِّييّنْ. [نُّووَارَاثْ إِ وَارْ د-فِّيغنْثْ عَاذْ] ثُوغَا تّْوَافسْينْثْ ذ إِجّنْ [أَكْ-ذ ثْرِيمَانْثْ].
2CH 4:4 ثَارِيمَانْثْ ثْبدّْ خْ ثنْعَاشْ ن إِفُونَاسنْ. ثْڒَاثَا زَّايْسنْ أَرِّينْ ؤُذمْ نْسنْ غَارْ شَّامَالْ، ثْڒَاثَا زَّايْسنْ أَرِّينْ ؤُذمْ نْسنْ غَارْ ڒْغَارْبْ، ثْڒَاثَا زَّايْسنْ أَرِّينْ ؤُذمْ نْسنْ غَارْ لْجَانُوبْ ؤُ ثْڒَاثَا زَّايْسنْ أَرِّينْ ؤُذمْ نْسنْ غَارْ شَّارْقْ. ثَارِيمَانْثْ [ثَارْسَا] خَاسنْ ؤُ مَارَّا زّْعنْقُوقَاثْ نْسنْ ذوْڒنْثْ غَارْ ذَاخڒْ.
2CH 4:5 ثُوغَا [ثَارِيمَانْثْ] ثڭْذَارْ إِجّْ ن شْبَارْ ن ؤُفُوسْ ؤُ ثْمَا نّسْ ثُوغَا أَمْ مَامّشْ تّڭّنْ ثْمَا ن إِجّْ ن ؤُفنْجَاڒْ، [أَمْ] ثْنوَّاشْثْ ن إِشْثْ ن ثْلِيلّشْثْ. ثكْسِي ثْوَاوِيثْ نّسْ ثڒْثْ-أَڒَافْ ن إِبَاثُوثنْ.
2CH 4:6 إِڭَّا نتَّاعشْرَا ن ثْبَانْيُوثِينْ ؤُشَا إِڭَّا خمْسَا [زَّايْسنْثْ] خْ يفُوسْ ؤُ خمْسَا [زَّايْسنْثْ] خْ ؤُزڒْمَاضْ، حِيمَا أَذْ ذَايْسنْثْ سِّيرْذنْ إِزِييْنَاثْ إِتّْوَاسّْوجْذنْ إِ ثْغَارْصْثْ ن وشْمَاضْ، سِّيرْذنْ [ثنْثْ] ذَايْسنْثْ. [مَاشَا] ثَارِيمَانْثْ ثُوغَا-ت إِ إِكهَّاننْ، مَاحنْذْ أَذْ ذَايسْ سِّيرْذنْ إِخفْ نْسنْ.
2CH 4:7 نتَّا إِڭَّاعشْرَا ن ڒقْنَاذڒْ ن وُورغْ عْلَاحْسَابْ لْفَارِيضَا ؤُ نتَّا إِسّْبدّْ إِ-ثنْ ذِي زَّاوشْثْ ثَامقّْرَانْثْ، خمْسَا خْ يفُوسْ ؤُ خمْسَا خْ ؤُزڒْمَاضْ.
2CH 4:8 نتَّا إِڭَّاعشْرَا ن ثْزوْضِيوِينْ ؤُشَا إِڭَّا إِ-ثنْثْ ذِي زَّاوشْثْ ثَامقّْرَانْثْ، خمْسَا خْ يفُوسْ ؤُ خمْسَا خْ ؤُزڒْمَاضْ. إِڭَّا ؤُڒَا ذ مْيَا ن طَّاوْيَاثْ إِ ؤُرُوشِّي ن وُورغْ.
2CH 4:9 نتَّا إِڭَّا ڒمْرَاحْ إِحْصَارنْ إِ إِكهَّاننْ ذ ڒمْرَاحْ أَمقّْرَانْ أَكْ-ذ ثوُّورَا إِ ڒمْرَاحْ، ؤُشَا إِڒحّفْ ثِيوُّورَا نْسنْ س نّْحَاسْ.
2CH 4:10 ثَارِيمَانْثْ إِڭَّا إِ-ت خْ ؤُغزْذِيسْ أَفُوسِي غَارْ زَّاثْ، غَارْ ؤُغزْذِيسْ ن شَّارْقْ، جِّيهثْ ن لْجَانُوبْ.
2CH 4:11 حِيرَامْ إِڭَّا ؤُڒَا ذ ثِييْذُورِينْ ذ إِغنْجَاجنْ ذ طَّاوْيَاثْ إِ ؤُرُوشِّي. أَمُّو إِ إِكمّڒْ حُورَامْ شْغڒْ إِ ڒقْشُوعْ إِ إِڭَّا إِ ؤُجدْجِيذْ سُولِيمَانْ إِ ثَادَّارْثْ ن أَربِّي.
2CH 4:12 [إِڭَّا] ثْنَاينْ ن إِپِيلَارنْ ذ إِقُورَارنْ، ذ تِّيجَانْ [إِ إِدْجَانْ] خْ ؤُزدْجِيفْ ن ثْنَاينْ ن إِپِيلَارنْ، ذ ثْنَاينْ ن ثْرَاشِّيوِينْ حِيمَا أَذْ [زَّايْسنْثْ] ذْڒنْ ثْنَاينْ ن إِقُورَارنْ ن تِّيجَانْ [إِ إِدْجَانْ] خْ ؤُزدْجِيفْ ن إِپِيلَارنْ،
2CH 4:13 ؤُڒَا ذ أَربْعَا-مْيَا ن إِرمَّامنْ إِ ثْنَاينْ ن ثْرَاشِّيوِينْ: ثْنَاينْ ن إِسذِّييّنْ إِ كُوڒْ ثْرَاشَّا حِيمَا أَذْ [زَّايْسنْ] ذْڒنْ ثْنَاينْ ن إِقُورَارنْ ن تِّيجَانْ نِّي [إِدْجَانْ] ثِيوَا سنّجْ خْ وُوذمْ ن إِپِيلَارنْ.
2CH 4:14 إِڭَّا ثِيكَارُّوثِينْ ؤُ خْ ثْكَارُّوثِينْ إِڭَّا ثِيبَانْيُوثِينْ [إِ ؤُسِيرْذْ].
2CH 4:15 [إِڭَّا ؤُڒَا ذ] ثَارِيمَانْثْ ذ إِشْثنْ، ؤُڒَا ذ ثنْعَاشْ ن إِفُونَاسنْ سَاذُو نّسْ.
2CH 4:16 إِڭَّا حِيرَامْ [أَكْ-ذ] بَابَاسْ ؤُڒَا ذ ثيْذُورِينْ ذ إِغنْجَاجنْ ذ فُورْشَايَاثْ ذ مَارَّا ڒقْشُوعْ نّسْ، إِ ؤُجدْجِيذْ سُولِيمَانْ، إِ ثَادَّارْثْ ن سِيذِي، زِي نّْحَاسْ إِتّْوَاسُّويْذَانْ.
2CH 4:17 أَجدْجِيذْ إِكبّْ إِ-ثنْ ذڭْ ؤُذوَّارْ ن لْ-ؤُرْذُونْ، ذِي ثْڒَاخْثْ إِڭْذَارنْ جَارْ سُوكُّوثْ ذ صَارَاذَاثَا.
2CH 4:18 سُولِيمَانْ إِڭَّا مَارَّا ڒقْشُوعْ-أَ خْ ؤُبَارُّو أَمقّْرَانْ، أَڒَامِي وَارْ بقّْشنْ شَا [عَاذْ] ذِي ڒوْزنْ ن نّْحَاسْ.
2CH 4:19 سُولِيمَانْ إِڭَّا مَارَّا ڒقْشُوعْ إِ ثَادَّارْثْ ن أَربِّي: أَعَالْطَارْ ن وُورغْ، ثِيزوْضِيوِينْ مِينْ خفْ [إِتّْوَامَّارْسْ] وغْرُومْ ن وسْشَانْ،
2CH 4:20 ڒقْنَاذڒْ أَكْ-ذ ڒفْنَارَاثْ نْسنْ نِّي إِتّْخصَّانْ أَذْ أَرْغنْ عْلَاحْسَابْ لْفَارِيضَا زَّاثْ إِ [وخَّامْ ن] ذَاخڒْ [ن زَّاوشْثْ]، [مَارَّا] زڭْ وُورغْ إِزذْڭنْ.
2CH 4:21 [إِڭَّا عَاوذْ] نُّووَّارْ، ڒفْنَارَاثْ ذ ثْجقَّاضِينْ [ن ثفْثِيتْشْ]، [مَارَّا] زڭْ وُورغْ. ثُوغَا-ث ذ وُورغْ قَاعْ.
2CH 4:22 ؤُڒَا ذ ثِيجقَّاضِينْ، طَّاوْيَاثْ إِ ؤُرُوشِّي، ثِيغنْجَايِينْ ذ ثْقدُّوحِينْ ن جَّاوِي [ثُوغَا أَثنْثْ] زڭْ وُورغْ إِزذْڭنْ. أَذَافْ ن ثَادَّارْثْ، ثِيوُّورَا ن ذَاخڒْ زَّاثْ إِ وقْذَاسْ خْ ؤُقدَّاسْ ذ ثوُّورَا ن ثَادَّارْثْ ن زَّاوشْثْ ثَامقّْرَانْثْ، [ثُوغَا أَثنْثْ] زڭْ وُورغْ.
2CH 5:1 أَمُّو إِ ثتّْوَاكمّڒْ مَارَّا ڒْخذْمثْ إِ إِڭَّا سُولِيمَانْ إِ ثَادَّارْثْ ن سِيذِي. ؤُشَا إِسِّيذفْ سُولِيمَانْ مَارَّا ڒقْشُوعْ إِقدّْسنْ ن بَابَاسْ ذَاوُوذْ: نُّوقَارْثْ ذ وُورغْ ذ مَارَّا ڒقْشُوعْ، ؤُشَا إِسَّارْسْ [مَانْ أَيَا مَارَّا] ذڭْ إِخَّامنْ ن ثْخُوبَايْ ن ثَادَّارْثْ ن أَربِّي.
2CH 5:2 خنِّي إِسّْمُونْ سُولِيمَانْ إِمقّْرَاننْ ن إِسْرَائِيل، مَارَّا إِزدْجِيفنْ ن ثْقبَّاڒْ ذ ڒْحُوكَّامْ ن [ثُوذْرِينْ ن] إِبَابَاثنْ ن أَيْثْ ن إِسْرَائِيل. نتَّا إِسّْمُونْ إِ-ثنْ ذِي ؤُرْشَالِيمْ حِيمَا أَذْ سّْڭعّْذنْ تَّابُوثْ ن ڒْعَاهْذْ ن سِيذِي زِي ثنْذِينْثْ ن ذَاوُوذْ، ثنِّي ذ صِيهْيُونْ.
2CH 5:3 مَارَّا إِرْيَازنْ ن إِسْرَائِيل مُوننْ-د غَارْ ؤُجدْجِيذْ غَارْ ڒْعِيذْ. ثُوغَا-ت ذڭْ ؤُيُورْ وِيسّْ سبْعَا.
2CH 5:4 مَارَّا إِمقّْرَاننْ ن إِسْرَائِيل ؤُسِينْ-د ؤُشَا سّْڭعّْذنْ إِلَاوِييّنْ تَّابُوثْ.
2CH 5:5 سّْڭعّْذنْ تَّابُوثْ ن سِيذِي أَكْ-ذ ؤُقِيضُونْ ن ؤُمْسَاڭَارْ ؤُڒَا ذ مَارَّا ڒقْشُوعْ إِقدّْسنْ إِ ثُوغَا ذِينْ إِدْجَانْ ذڭْ ؤُقِيضُونْ. سّْڭعّْذنْ أَيَا إِكهَّاننْ ذ إِلَاوِييّنْ.
2CH 5:6 مَارَّا ثَامسْمُونْثْ ن إِسْرَائِيل، ثنِّي ثُوغَا غَارسْ إِمُوننْ، ثُوغَا ثْبدّْ أَكْ-ذ ؤُجدْجِيذْ سُولِيمَانْ زَّاثْ إِ تَّابُوثْ. نِيثْنِي وهّْبنْ ؤُدْجِي ذ إِفُونَاسنْ ذ ثْفُونَاسِينْ نِّي إِدْجَانْ بْڒَا ڒحْسَابْ، وَارْ زمَّارنْ أَذْ ثنْ قدَّارنْ ذِي سِّيبّثْ ن ؤُبَارُّو نْسنْ.
2CH 5:7 إِوْينْ إِكهَّاننْ تَّابُوثْ ن ڒْعَاهْذْ ن سِيذِي غَارْ ومْشَانْ نّسْ، غَارْ [وخَّامْ ن] ذَاخڒْ [ن زَّاوشْثْ] ن ثَادَّارْثْ، ذڭْ وقْذَاسْ خْ ؤُقدَّاسْ، أَڒْ سَاذُو وَافْرِيونْ ن إِكِيرُوبنْ.
2CH 5:8 إِكِيرُوبنْ بزّْعنْ ثْنَاينْ ن وَافْرِيونْ نْسنْ خْ ومْشَانْ ن تَّابُوثْ ؤُشَا [أَمُّو إِ] ذْڒِينْ إِكِيرُوبنْ تَّابُوثْ ذ إِعُومَاذْ نّسْ [إِ ثَاربُّوثْ] زِي سنّجْ.
2CH 5:9 أَوَارْنِي أَيَا سّْڒحْمنْ إِعُومَاذْ [ن ثَاربُّوثْ]، مَاحنْذْ أَذْ بَاننْثْ ثخْفَاوِينْ ن إِعُومَاذْ، إِنِّي د-إِفّْغنْ زِي تَّابُوثْ، غَارْ ؤُغزْذِيسْ ن زَّاثْ ن [وخَّامْ ن] ذَاخڒْ [ن زَّاوشْثْ]، [مَاشَا] وَارْ د-تّْبِينِينْثْ زِي بَارَّا. [تَّابُوثْ] أَقَا-ت ذِينْ أَڒْ أَسّْ-أَ.
2CH 5:10 ثُوغَا وَارْ إِدْجِي شَا ذِي تَّابُوثْ، مْغِيرْ ثْنَاينْ ن ثڒْوِيحِينْ إِ ذَايسْ إِسَّارْسْ مُوسَا غَارْ هُورِيبْ، ڒَامِي إِڭَّا سِيذِي ڒْعَاهْذْ أَكْ-ذ أَيْثْ ن إِسْرَائِيل ؤُمِي د-فّْغنْ زِي مِيصْرَا.
2CH 5:11 أَڒَامِي د-فّْغنْ إِكهَّاننْ زڭْ ؤُقدَّاسْ - مَاغَارْ مَارَّا إِكهَّاننْ نِّي ثُوغَا زمَّارنْ أَذْ أَفنْ، ثُوغَا سّْقدّْسنْ إِخفْ نْسنْ بْڒَا مَا أَذْ وْشنْ ثَايْنِيثْ إِ ثرْبِيعِينْ نْسنْ -
2CH 5:12 [أَمْ] ثُوغَا إِلَاوِييّنْ - [إِخْسْ أَذْ يِينِي] مَارَّا إِمذْيَازنْ: إِنِّي غَارْ أَسَافْ ذ يِينِّي غَارْ هَايْمَانْ ذ يِينِّي غَارْ يَاذُوثُونْ، ذ يِينِّي ن إِحنْجِيرنْ نْسنْ ذ يِينِّي ن أَيْثْمَاثْسنْ - يَارْضنْ ڒقْطنْ أَزْذَاذْ، ؤُشَا بدّنْ س ثَادْجُونِينْ ن وُوزَّاڒْ ذ لهَارْپَاثْ ذ ڒْڭَامْبْرِييَاثْ غَارْ ؤُغزْذِيسْ ن شَّارْقْ ن ؤُعَالْطَارْ ؤُ ثُوغَا أَكِيذْسنْ عْڒَاحَاڒْ مْيَا ؤُ-عِيشْرِينْ ن إِكهَّاننْ إِ إِتّْسُوضنْ ذِي ڒبْوَاقْ.
2CH 5:13 سُوضنْ نِيثْنِي ذِي ڒْغَايْطَا ؤُغنّْجنْ أَمْ يِيجّْ [ن ورْيَازْ]، حِيمَا أَذْ إِتّْوَاسڒْ ڒْحسّْ ذ إِجّنْ أَمْ سّمْغَارَانْ ؤُ تّْقَاذَانْ نِيثْنِي سِيذِي. نِيثْنِي سّْڭعّْذنْ ثْمِيجَّا [نْسنْ غَارْ ؤُجنَّا] س ڒبْوَاقْ ذ ثَادْجُونِينْ ن وُوزَّاڒْ ذ دُّوزَانَاثْ ن دْجْغَا نّغْنِي، سّمْغَارَانْ سِيذِي: ’مَاغَارْ نتَّا إِصْبحْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا!‘ [خنِّي] إِمْسَارْ أَقَا ثَادَّارْثْ، ثَادَّارْثْ ن سِيذِي، ثتّْوَاشُّورْ س ؤُسيْنُو،
2CH 5:14 ؤُشَا إِكهَّاننْ وَارْ زمَّارنْ أَذْ قِّيمنْ بدّنْ مَاحنْذْ أَذْ سخَّارنْ ذِي سِّيبّثْ ن ؤُسيْنُو، مِينْزِي أَعُودْجِي ن سِيذِي ثُوغَا إِشُّورْ ثَادَّارْثْ ن أَربِّي.
2CH 6:1 خنِّي إِنَّا سُولِيمَانْ: ”سِيذِي إِنَّا أَقَا نتَّا أَذْ إِزْذغْ ذڭْ يِيجّْ ن ؤُسيْنُو إِبُّومْبسْ.
2CH 6:2 [س ثِيذتّْ] نشّْ بْنِيغْ إِشْثْ ن ثَادَّارْثْ، إِشْثْ ن ثْزذِّيغْثْ إِ شكْ، إِجّْ ن ومْشَانْ إِمْثنْ حِيمَا أَذْ [ذِينْ] ثْزذْغذْ إِ ڒبْذَا.“
2CH 6:3 إِسّْنقْڒبْ ؤُجدْجِيذْ أَغمْبُوبْ نّسْ ؤُشَا إِبَاركْ مَارَّا أَڭْرَاوْ [ن ڒْڭنْسْ] ن إِسْرَائِيل ؤُمِي مَارَّا أَڭْرَاوْ [ن ڒْڭنْسْ] ن إِسْرَائِيل ثُوغَا إِبدّْ.
2CH 6:4 نتَّا إِنَّا: ”أَذْ إِتّْوَابَاركْ سِيذِي، أَربِّي ن إِسْرَائِيل، ونِّي إِسِّيوْڒنْ س ؤُقمُّومْ نّسْ غَارْ بَابَا ذَاوُوذْ ذ [ونِّي] [ث] إِكمّْڒنْ س ؤُفُوسْ نّسْ ؤُمِي إِنَّا:
2CH 6:5 ’زڭْ وَاسّْ إِ ذِي نذْهغْ ڒْڭنْسْ إِنُو إِسْرَائِيل زِي مِيصْرَا، وَارْ إِخْضَارغْ ؤُڒَا ذ إِشْثْ ن ثنْذِينْثْ زِي مَارَّا ثِيقبَّاڒْ ن إِسْرَائِيل حِيمَا أَذْ [ذِينِّي] بْنِيغْ ثَادَّارْثْ حِيمَا أَذْ [ذِينْ] يِيڒِي إِسمْ إِنُو، ؤُ وَارْ إِخْضَارغْ أَرْيَازْ حِيمَا أَذْ يِيڒِي ذ ڒْحَاكمْ خْ ڒْڭنْسْ إِنُو إِسْرَائِيل،
2CH 6:6 [مَاشَا ڒخُّو] إِخْذَارغْ ؤُرْشَالِيمْ، حِيمَا أَذْ [ذِينْ] يِيڒِي إِسمْ إِنُو، ؤُ نشّْ إِخْضَارغْ ذَاوُوذْ، حِيمَا أَذْ يِيڒِي [ذ ڒْحَاكمْ] خْ ڒْڭنْسْ إِنُو إِسْرَائِيل.‘
2CH 6:7 ثُوغَا ذڭْ وُوڒْ ن بَابَا ذَاوُوذْ مَاحنْذْ أَذْ إِبْنَا ثَادَّارْثْ إِ يِيسمْ ن سِيذِي، أَربِّي ن إِسْرَائِيل.
2CH 6:8 [مَاشَا] سِيذِي إِنَّا إِ بَابَا ذَاوُوذْ: ’ؤُمِي ثڭِّيذْ ذڭْ وُوڒْ نّشْ حِيمَا أَذْ ثبْنِيذْ ثَادَّارْثْ إِ يِيسمْ إِنُو، أَقَا مْلِيحْ ؤُمِي ثڭِّيذْ مَانْ أَيَا ذڭْ وُوڒْ نّشْ.
2CH 6:9 مَاشَا وَارْ إِدْجِي ذ شكْ إِ غَا إِبْنَانْ ثَادَّارْثْ نِّي، مَاشَا مِّيشْ إِ د-إِفّْغنْ زِي ثجْعِينَّا نّشْ ذ نتَّا إِ غَا إِبْنَانْ ثَادَّارْثْ إِ يِيسمْ إِنُو.‘
2CH 6:10 سِيذِي إِسّمْثنْ أَوَاڒْ نّسْ نِّي إِسِّيوڒْ، مَاغَارْ نشّْ ذوْڒغْ بدّغْ ذڭْ ومْشَانْ ن بَابَا ذَاوُوذْ ؤُ قِّيمغْ خْ ڒْعَارْشْ ن إِسْرَائِيل، أَمْ مَامّشْ ثُوغَا إِسِّيوڒْ سِيذِي، ؤُ نشّْ بْنِيغْ ثَادَّارْثْ إِ يِيسمْ ن سِيذِي، أَربِّي ن إِسْرَائِيل.
2CH 6:11 نشّْ سَّارْسغْ ذِينِّي تَّابُوثْ ونِّي ذِي إِدْجَا ڒْعَاهْذْ ن سِيذِي إِ إِڭَّا نتَّا أَكْ-ذ أَيْثْ ن إِسْرَائِيل.“
2CH 6:12 نتَّا إِبدّْ زَّاثْ إِ ؤُعَالْطَارْ ن سِيذِي، أَرنْذَاذْ ن مَارَّا أَڭْرَاوْ [ن ڒْڭنْسْ] ن إِسْرَائِيل، ؤُشَا نتَّا إِكْسِي إِفَاسّنْ نّسْ غَارْ ؤُجنَّا.
2CH 6:13 مِينْزِي سُولِيمَانْ ثُوغَا إِڭَّا إِشْثْ ن ثنْهِيرْثْ ن نّْحَاسْ ؤُ إِڭَّا إِ-ت ذِي ڒْوسْطْ ن ڒمْرَاحْ. ثُوغَا ذَايسْ خمْسَا ن إِغَادْجنْ ن ثُوزّڭَّارْثْ، خمْسَا ن إِغَادْجنْ ن ثِيرُو ذ ثْڒَاثَا ن إِغَادْجنْ ن ثِيذِّي. نتَّا إِبدّْ خَاسْ، إِبنْذقْ خْ إِفَادّنْ نّسْ قِيبَاتْشْ إِ ثِيطَّاوِينْ ن مَارَّا أَڭْرَاوْ [ن ڒْڭنْسْ] ن إِسْرَائِيل ؤُشَا إِكْسِي إِفَاسّنْ نّسْ غَارْ ؤُجنَّا، إِنَّا:
2CH 6:14 ”[أَ] سِيذِي، أَربِّي ن إِسْرَائِيل، ذڭْ ؤُجنَّا سنّجْ ؤُ خْ ثمُّورْثْ سْوَادَّايْ وَارْ إِدْجِي ؤُڒَا ذ إِجّْ ن أَربِّي أَمْ شكْ، ونِّي إِحْضَانْ ڒْعَاهْذْ ذ ثْمخْسِيوْثْ إِشوَّارنْ إِ إِمْسخَّارنْ نّشْ نِّي إِڭُّورنْ زَّاثْ إِ وُوذمْ نّشْ س مَارَّا ؤُڒْ نْسنْ،
2CH 6:15 ونِّي إِحْضَانْ إِ ؤُمْسخَّارْ نّشْ، بَابَا ذَاوُوذْ، خْ مِينْ خفْ أَكِيذسْ ثسِّيوْڒذْ، مِينْزِي س ؤُقمُّومْ نّشْ إِ ثسِّيوْڒذْ ؤُ س ؤُفُوسْ نّشْ إِ ث ثْكمّْڒذْ، أَمْ [ثدْجَا] أَسّْ-أَ.
2CH 6:16 [خنِّي] ڒخُّو، سِيذِي، أَربِّي ن إِسْرَائِيل، حْضَا ذِي طّْوعْ ن ؤُمْسخَّارْ نّشْ، بَابَا ذَاوُوذْ، خْ مِينْ خفْ كِيذسْ ثسِّيوْڒذْ ؤُمِي ثنِّيذْ: ’وَارْ إِتّْوَاقسّْ زَّايكْ ؤُڒَا ذ إِجّْ ن ورْيَازْ زِي زَّاثْ إِ وُوذمْ إِنُو ونِّي إِقِّيمنْ خْ ڒْعَارْشْ ن إِسْرَائِيل، مِينْ غَا كّنْ أَرَّاونْ نّشْ حطَّانْ أَذْ ؤُيُورنْ أَبْرِيذْ نْسنْ عْلَاحْسَابْ شَّارِيعَا أَمْ مَامّشْ ثُويُورذْ شكْ زَّاثْ إِ وُوذمْ إِنُو.‘
2CH 6:17 خنِّي ڒخُّو، [أَ] أَربِّي ن إِسْرَائِيل، أڭّْ أَذْ ذوْڒنْ ذ ثِيذتّْ أَوَاڒنْ نِّي ثسِّيوْڒذْ أَكْ-ذ ؤُمْسخَّارْ نّشْ، أَكْ-ذ ذَاوُوذْ.“
2CH 6:18 ”مَاغَارْ مَا س ثِيذتّْ أَذْ إِزْذغْ أَربِّي خْ ثمُّورْثْ؟ خْزَارْ أَجنَّا، [وَاهْ،] أَجنَّا ن إِجنْوَانْ وَارْ إِزمَّارْ أَذْ شكْ إِكْسِي، مشْحَاڒْ س ذْرُوسْ [خنِّي] ثَادَّارْثْ-أَ إِ سّْبدّغْ نشّْ!
2CH 6:19 ميّڒْ غَارْ ثْژَادْجِيثْ ن ؤُمْسخَّارْ نّشْ ؤُ غَارْ ؤُحشّمْ نّسْ، [أَ] سِيذِي، أَربِّي إِنُو، حِيمَا أَذْ ثسْڒذْ غَارْ ؤُڒَاغِي ؤُ غَارْ ثْژَادْجِيثْ نِّي إِژُّودْجْ ؤُمْسخَّارْ نّشْ زَّاثْ إِ وُوذمْ نّشْ.
2CH 6:20 أجّْ ثِيطَّاوِينْ نّشْ أَذْ تّْوَارْزْمنْثْ أَسّْ ذ دْجِيڒثْ ثِيوَا إِ ثَادَّارْثْ-أَ، ثِيوَا إِ ومْشَانْ-أَ مِينْ خفْ ثسِّيوْڒذْ أَقَا إِسمْ نّشْ أَذْ إِتّْوَاسّمْثنْ ذِينْ، حِيمَا أَذْ ثسْڒذْ غَارْ ثْژَادْجِيثْ إِ إِژُّودْجْ ؤُمْسخَّارْ نّشْ ذڭْ ومْشَانْ-أَ.
2CH 6:21 سڒْ إِ ؤُحشّمْ ن ؤُمْسخَّارْ نّشْ ؤُ ن ڒْڭنْسْ نّشْ إِسْرَائِيل، إِ ثُوثْرَا إِ تّْژَادْجَانْ نِيثْنِي ذڭْ ومْشَانْ-أَ ؤُ سڒْ شكْ [خنِّي] زِي ثْزذِّيغْثْ نّشْ، زڭْ ؤُجنَّا، [وَاهْ،] سڒْ ؤُ غْفَارْ.“
2CH 6:22 ”مَاڒَا إِخْضَا إِجّْ أَكْ-ذ جَّارْ نّسْ ؤُ ثتّْوَاڭّْ خَاسْ إِشْثْ ن ثْجَادْجِيثْ، حِيمَا أَذْ ت إِجُّودْجْ ؤُ وَانِيثَا يُوسَا-د ؤُشَا إِجُّودْجْ زَّاثْ إِ ؤُعَالْطَارْ نّشْ ذِي ثَادَّارْثْ-أَ،
2CH 6:23 سڒْ شكْ [خنِّي] ذڭْ ؤُجنَّا ؤُ كَّارْ ؤُ حْكمْ خْ إِمْسخَّارنْ نّشْ، [حِيمَا] أَذْ إِتّْوَاعَاقبْ ؤُعفَّانْ، أجّْ أَبْرِيذْ نّسْ أَذْ إِهْوَا خْ ؤُزدْجِيفْ نّسْ ؤُ أڭّْ س ثْسڭْذَا إِ ؤُمْسڭّذْ ؤُ أوْشْ إِ-ث عْلَاحْسَابْ ثَاسڭْذَا نّسْ.“
2CH 6:24 ”مَاڒَا ڒْڭنْسْ نّشْ إِسْرَائِيل إِتّْوَاغْڒبْ زَّاثْ إِ وُوذمْ ن ڒعْذُو، مِينْزِي نِيثْنِي خْضَانْ أَكِيذكْ ؤُ نِيثْنِي أَذْ غَاركْ د-ذوْڒنْ ؤُشَا أَذْ نعْمنْ س يِيسمْ نّشْ ؤُ أَذْ ژَّادْجنْ أَذْ حشّْمنْ زَّاثْ إِ وُوذمْ نّشْ ذِي ثَادَّارْثْ-أَ،
2CH 6:25 سڒْ شكْ [خنِّي] زڭْ ؤُجنَّا ؤُ غْفَارْ دّنْبْ ن ڒْڭنْسْ نّشْ إِسْرَائِيل ؤُشَا نْذهْ إِ-ثنْ أَذْ د-ذوْڒنْ غَارْ ثمُّورْثْ نِّي إِ ذ أَسنْ ثوْشِيذْ ؤُ إِ ڒجْذُوذْ نْسنْ.“
2CH 6:26 ”مَاڒَا أَجنَّا إِتّْوَابلّعْ أَڒَامِي وَارْ ذِينْ إِتِّيڒِي ونْژَارْ، مِينْزِي نِيثْنِي خْضَانْ أَكِيذكْ، ؤُ نِيثْنِي أَذْ ژَّادْجنْ أَمْ أَرِّينْ أَزدْجِيفْ غَارْ ومْشَانْ-أَ، أَذْ نعْمنْ س يِيسمْ نّشْ ؤُ أَذْ د-ذوْڒنْ زِي دّْنُوبْ نْسنْ ؤُمِي ثنْ ثحْصَارذْ شكْ،
2CH 6:27 سڒْ-د شكْ [خنِّي] ذڭْ ؤُجنَّا ؤُ غْفَارْ أَسنْ دّنْبْ ن إِمْسخَّارنْ نّشْ ؤُ ن ڒْڭنْسْ نّشْ إِسْرَائِيل، مِينْزِي شكْ ثسّْڒمْذذْ أَسنْ أَبْرِيذْ أَصبْحَانْ نِّي إِتّْخصَّا أَذْ كّنْ، ؤُ أوْشْ شكْ [خنِّي] أَنْژَارْ إِ ثمُّورْثْ نِّي ثوْشِيذْ ذ ڒْوَارْثْ إِ ڒْڭنْسْ نّشْ.“
2CH 6:28 ”مَاڒَا ذِينْ ڒَاژْ ذِي ثمُّورْثْ، [نِيغْ] طَّاعُونْ، [نِيغْ] إِتّْوَاسّشْمضْ [إِمنْذِي زڭْ ؤُسمِّيضْ]، [نِيغْ مَاڒَا ذِينْ] جّْرِيحشْثْ ن وفْسُو [نِيغْ] ثَامُوغْرِي [ثنِّي] إِصَارّْضنْ، [نِيغْ] مَاڒَا إِحْصَارْ إِ-ث ڒعْذُو [غَارْ] ثوُّورَا نّسْ، [نِيغْ] ثڒْقفْ إِ-ث مَامّشْ مَا ثڭَّا شَا ن جّْرِيحشْثْ [نِيغْ] شَا ن ڒحْڒَاشْ،
2CH 6:29 [سڒْ شكْ خنِّي] مِينْ مَا إِ غَا إِژُّودْجْ إِجّْ ن بْنَاذمْ زِي مَارَّا ڒْڭنْسْ نّشْ إِسْرَائِيل ؤُ مِينْ مَا إِ غَا إِتَّارْ، [أَمْ] سّْننْ نِيثْنِي كُوڒْ إِجّْ جّْرِيحشْثْ نْسنْ ذ ڒحْرِيقْ نْسنْ، ؤُ نتَّا إِكْسِي [خنِّي] إِفَاسّنْ نّسْ غَارْ ثَادَّارْثْ-أَ.
2CH 6:30 [وَاهْ] سڒْ شكْ [خنِّي] زڭْ ؤُجنَّا، زڭْ ومْشَانْ إِمْثنْ مَانِي ثْزدّْغذْ، ؤُ غْفَارْ ؤُ أوْشْ كُوڒْ إِجّْ عْلَاحْسَابْ ثِيبْرِيذِينْ نّسْ، أَمْ مَامّشْ شكْ ثسّْنذْ ؤُڒْ نّسْ، مَاغَارْ شكْ وَاهَا إِ إِسّْننْ ؤُڒْ ن بْنَاذمْ،
2CH 6:31 حِيمَا أَذْ شكْ ڭّْوذنْ ؤُ أَذْ ؤُيُورنْ ذِي ثبْرِيذِينْ نّشْ مَارَّا ؤُسَّانْ إِ غَا كّنْ دَّارنْ خْ وُوذمْ ن ثمُّورْثْ نِّي ثوْشِيذْ إِ ڒجْذُوذْ نّغْ.“
2CH 6:32 ”ؤُڒَا مَاڒَا نتَّا ذ أَبَارَّانِي، ونِّي وَارْ [إِدْجِينْ] زِي ڒْڭنْسْ نّشْ، مَاشَا أَذْ د-يَاسْ ذِي طّْوعْ ن يِيسمْ نّشْ زڭْ إِشْثْ ن ثمُّورْثْ ثِيڭّْوجْ ذِي طّْوعْ ن يِيسمْ نّشْ أَمقّْرَانْ ذ ؤُفُوسْ نّشْ إِجهْذنْ ذ ؤُغِيڒْ نّشْ إِسّْوِيژّْضنْ، [خنِّي مَاڒَا] د-يُوسِينْ نِيثْنِي، ؤُشَا أَذْ ژَّادْجنْ أَمْ أَرِّينْ أَزدْجِيفْ غَارْ ثَادَّارْثْ-أَ،
2CH 6:33 سڒْ شكْ [خنِّي] زڭْ ؤُجنَّا، زڭْ ومْشَانْ إِمْثنْ مَانِي ثْزدّْغذْ، ؤُ أڭّْ عْلَاحْسَابْ مَارَّا مِينْ خفْ غَاركْ إِ غَا إِڒَاغَا ؤُبَارَّانِي، حِيمَا مَارَّا ڒڭْنُوسْ ن دُّونشْثْ أَذْ سّْننْ إِسمْ نّشْ، حِيمَا نِيثْنِي أَذْ شكْ ڭّْوذنْ، أَمْ ڒْڭنْسْ نّشْ إِسْرَائِيل، ؤُ أَذْ سّْننْ أَقَا إِسمْ نّشْ إِتّْوَابَارّحْ ثِيوَا إِ ثَادَّارْثْ-أَ إِ بْنِيغْ.“
2CH 6:34 ”مَاڒَا ڒْڭنْسْ إِفّغْ غَارْ ؤُمنْغِي أَكْ-ذ ڒْعذْيَانْ نّسْ ذڭْ وبْرِيذْ إِ خْ إِ ثنْ ثسّكّذْ، ؤُ نِيثْنِي أَذْ ژَّادْجنْ إِ شكْ [أَمْ] أَرِّينْ أَزدْجِيفْ غَارْ ثنْذِينْثْ-أَ إِ ثِيخْضَارذْ شكْ، ؤُ غَارْ ثَادَّارْثْ إِ بْنِيغْ إِ يِيسمْ نّشْ،
2CH 6:35 سڒْ شكْ [خنِّي] زڭْ ؤُجنَّا إِ ثْژَادْجِيثْ نْسنْ ؤُ إِ ؤُحشّمْ نْسنْ ؤُشَا أَغْ أَسنْ ثَاسْغَارْثْ.“
2CH 6:36 ”مَاڒَا نِيثْنِي خْضَانْ أَكِيذكْ - مَاغَارْ وَارْ إِدْجِي ؤُڒَا ذ إِجّْ ن بْنَاذمْ إِ وَارْ إِخطِّينْ - ؤُ شكْ ثسْعَارذْ خَاسنْ، أَذْ ثنْ ثْسلّْمذْ زَّاثْ إِ وُوذمْ ن ڒعْذُو ؤُشَا نِيثْنِي أَذْ ثنْ نذْهنْ ذ إِمحْبَاسْ غَارْ ثمُّورْثْ ن ڒعْذُو، ثِيڭّْوجْ نِيغْ ثُوذسْ [إِ ثدْجَا]،
2CH 6:37 ؤُ [مَاڒَا] [خنِّي] أَذْ ثُوبنْ ذڭْ وُوڒْ نْسنْ ذِي ثمُّورْثْ مَانِي تّْوَاحبّْسنْ، [وَاهْ،] أَذْ ثُوبنْ ؤُ أَذْ خَاكْ د-ڒَْاغَانْ ذِي ثمُّورْثْ ن ثْحبَّاسْثْ نْسنْ، أَذْ إِنِينْ: نشِّينْ نخْضَا ؤُ نڭَّا مِينْ وَارْ إِسڭّْذنْ، أَقَا نڭَّا ثُوعفّْنَا!،
2CH 6:38 [وَاهْ،] أَذْ غَاركْ د-ذوْڒنْ س مَارَّا ؤُڒْ نْسنْ ؤُ س مَارَّا ڒعْمَارْ نْسنْ ذِي ثمُّورْثْ ن ڒْعذْيَانْ نْسنْ مَانِي تّْوَاحبّْسنْ ؤُشَا أَذْ غَاركْ ژَّادْجنْ [أَمْ] أَرِّينْ أَزدْجِيفْ غَارْ ثمُّورْثْ نِّي ثوْشِيذْ إِ ڒجْذُوذْ نْسنْ، غَارْ ثنْذِينْثْ-أَ إِ ثِيخْضَارذْ شكْ ؤُ غَارْ ثَادَّارْثْ-أَ إِ بْنِيغْ إِ يِيسمْ نّشْ،
2CH 6:39 سڒْ شكْ [خنِّي] زڭْ ؤُجنَّا، أَمْشَانْ إِمْثنْ مَانِي ثْزدّْغذْ، إِ ثْژَادْجِيثْ نْسنْ ؤُ إِ ؤُحشّمْ نْسنْ ؤُشَا أَغْ أَسنْ ثَاسْغَارْثْ. غْفَارْ [خنِّي] ڒْڭنْسْ نّشْ مِينْ زِي خَاكْ خْضَانْ.“
2CH 6:40 ”[خنِّي] ڒخُّو، أَربِّي إِنُو، أجّْ ثِيطَّاوِينْ نّشْ أَذْ إِڒِينْثْ أَرْزْمنْثْ ذ إِمزُّوغنْ نّشْ أَذْ إِڒِينْ حْضَانْ إِ ثْژَادْجِيثْ ذڭْ ومْشَانْ-أَ.
2CH 6:41 [خنِّي] ڒخُّو، [أَ] سِيذِي أَربِّي، [أَذفْ] غَارْ أَرَّاحثْ نّشْ، شكْ ذ تَّابُوثْ ن جّهْذْ نّشْ. أجّْ أَذْ إِڒِينْ إِكهَّاننْ نّشْ، [أَ] سِيذِي أَربِّي، أَرْضنْ س ؤُسنْجمْ، ؤُشَا إِڒِي أَذْ فَارْحنْ إِمْثِيقَّانْ نّشْ س ڒْخَارْ.
2CH 6:42 [أَ] سِيذِي أَربِّي، وَارْ ثَارِّي أَغمْبُوبْ ن ؤُمذْهُونْ نّشْ، إِذَارْ ذِي ثْمڭَّا ن ثْمخْسِيوْثْ إِشوَّارنْ ن ؤُمْسخَّارْ نّشْ ذَاوُوذْ.“
2CH 7:1 ؤُمِي إِكمّڒْ سُولِيمَانْ ثَاژَادْجِيثْ [نّسْ]، ثهْوَا-د ثْمسِّي زڭْ ؤُجنَّا ثشَّا ثَاغَارْصْثْ ن وشْمَاضْ ؤُڒَا ذ ثْغَارْصَا [إِنّغْنِي]، ؤُشَا إِشُّورْ ؤُعُودْجِي ن سِيذِي ثَادَّارْثْ.
2CH 7:2 إِكهَّاننْ وَارْ زمَّارنْ أَذْ أَذْفنْ غَارْ ثَادَّارْثْ ن سِيذِي، مِينْزِي أَعُودْجِي ن سِيذِي ثُوغَا إِشُّورْ ثَادَّارْثْ ن سِيذِي.
2CH 7:3 [ؤُمِي] ژْرِينْ مَارَّا أَيْثْ ن إِسْرَائِيل بلِّي ثهْوَا-د ثْمسِّي نِّي، ؤُڒَا ذ أَعُودْجِي ن سِيذِي إِبَانْ-د ثِيوَا ن ثَادَّارْثْ، ؤُضَارنْ نِيثْنِي س ؤُغمْبُوبْ نْسنْ غَارْ ثمُّورْثْ خْ ثِيسِي ن زّلِّيجْ، بنْذْقنْ، قَاذَانْ سِيذِي: ”مَاغَارْ نتَّا إِصْبحْ ؤُ ثَامخْسِيوْثْ نّسْ إِشوَّارنْ [ثتّْغِيمَا] إِ ڒبْذَا“.
2CH 7:4 أَجدْجِيذْ، ؤُ مَارَّا إِسْرَائِيل أَكِيذسْ، وهّْبنْ ثِيغَارْصَا زَّاثْ إِ وُوذمْ ن سِيذِي.
2CH 7:5 أَجدْجِيذْ سُولِيمَانْ إِوهّبْ ثْنَاينْ ؤُ-عِيشْرِينْ-أَڒفْ ن إِفُونَاسنْ ذ ثْفُونَاسِينْ ذ مْيَا ؤُ-عِيشْرِينْ أَڒفْ ن وُودْجِي ذ ثَاغَارْصْثْ ن ڒهْنَا. أَمُّو إِ إِذشّنْ ؤُجدْجِيذْ ذ مَارَّا أَيْثْ ن إِسْرَائِيل ثَادَّارْثْ ن أَربِّي.
2CH 7:6 إِكهَّاننْ [ثُوغَا بدّنْ] غَارْ ثْسخَّارْثْ نْسنْ ؤُشَا إِلَاوِييّنْ [بدّنْ] أَكْ-ذ دُّوزَانْ ن دْجْغَا ن سِيذِي، إِنِّي إِڭَّا ؤُجدْجِيذْ ذَاوُوذْ حِيمَا أَذْ قَاذَانْ سِيذِي - ’مَاغَارْ ثَامخْسِيوْثْ نّسْ إِشوَّارنْ [ثتّْغِيمَا] إِ ڒبْذَا!‘ - س [إِزْڒَانْ ن] ؤُصبّحْ ن ذَاوُوذْ ذڭْ ؤُفُوسْ نْسنْ، ؤُ أَرنْذَاذْ نْسنْ سُوضنْ إِكهَّاننْ ذِي ڒبْوَاقْ، أَمْ ثُوغَا إِبدّْ مَارَّا إِسْرَائِيل.
2CH 7:7 سُولِيمَانْ إِسّْقدّسْ ڒْوسْطْ ن ڒمْرَاحْ ن زَّاثْ، ونِّي [إِدْجَانْ] زَّاثْ إِ ثَادَّارْثْ ن سِيذِي، مِينْزِي يِيوِي ذِينْ ثِيغَارْصَا ن وشْمَاضْ ذ ثَاذُونْثْ ن ثوْهِيبِينْ [ن ڒْغِيدْجثْ]، مَاغَارْ أَعَالْطَارْ ن نّْحَاسْ نِّي إِڭَّا سُولِيمَانْ ثُوغَا وَارْ إِزمَّارْ أَذْ إِكْسِي ثَاغَارْصْثْ ن وشْمَاضْ ذ ثوْهِيبْثْ [ن ڒْغِيدْجثْ] ذ ثَاذُونْثْ.
2CH 7:8 ذِي ڒْوقْثْ نِّي إِعيّذْ سُولِيمَانْ ڒْعِيذْ إِ يِيجّْ ن ڒْمِيجَارْ ن سبْعَا ن وُوسَّانْ ذ مَارَّا إِسْرَائِيل أَكِيذسْ، إِجّْ ن وڭْرَاوْ [ن ڒْڭنْسْ] ذ أَمقّْرَانْ، زِي مَانِي غَا ثِيوْضذْ غَارْ حَامَاثْ أَڒْ ثَاغْزَارْثْ ن مِيصْرَا.
2CH 7:9 ذڭْ وَاسّْ وِيسّْ ثْمنْيَا ڭِّينْ إِجّْ ن ؤُمُونِي إِفَارْزنْ، مِينْزِي ذِي سبْعَا ن وُوسَّانْ ڭِّينْ نِيثْنِي أَذشّنْ ن ؤُعَالْطَارْ ؤُشَا ؤُڒَا ذ ڒْعِيذْ [أَوَارْنِي مَانْ أَيَا] غَارسْ [عَاوذْ] إِجّْ ن ڒْمِيجَارْ ن سبْعَا ن وُوسَّانْ.
2CH 7:10 ذڭْ وَاسّْ وِيسّْ ثْڒَاثَا ؤُ-عِيشْرِينْ ن ؤُيُورْ وِيسّْ سبْعَا يَارْخُو نتَّا إِ ڒْڭنْسْ أَذْ رَاحنْ غَارْ إِقِيضَانْ نْسنْ س وُوڒْ إِفَارْحنْ ؤُ س ڒْخَاضَارْ س مَارَّا ڒْخَارْ إِ إِڭَّا سِيذِي إِ ؤُمْسخَّارْ نّسْ ذَاوُوذْ ذ سُولِيمَانْ ؤُ إِ ڒْڭنْسْ نّسْ إِسْرَائِيل.
2CH 7:11 [أَمُّو إِ] إِكمّڒْ سُولِيمَانْ ڒبْنِي ن ثَادَّارْثْ ن سِيذِي ذ ثَادَّارْثْ ن ؤُجدْجِيذْ. مَارَّا مِينْ ثُوغَا ذڭْ وُوڒْ ن سُولِيمَانْ حِيمَا أَذْ ث إِڭّْ ذِي ثَادَّارْثْ ن سِيذِي ؤُ ذِي ثَادَّارْثْ نّسْ، أَقَا إِفْڒحْ [أَذْ إِڭّْ] أَيَا.
2CH 7:12 سِيذِي إِبَانْ-د إِ سُولِيمَانْ ذِي دْجِيڒثْ، إِنَّا أَسْ: ”نشّْ سْڒِيغْ إِ ثْژَادْجِيثْ نّشْ ؤُ فَارْزغْ أَمْشَانْ-أَ إِ يِيخفْ إِنُو حِيمَا أَذْ يِيڒِي ذ ثَادَّارْثْ [إِ ثوْهِيبْثْ ن] ثْغَارْصْثْ.
2CH 7:13 خْمِي غَا بلّْعغْ أَجنَّا مَاحنْذْ وَارْ إِشِّيثْ ونْژَارْ [عَاذْ]، نِيغْ مَاڒَا ؤُمُورغْ ثَامُوغْرِي إِڒحّْفنْ مَاحنْذْ أَذْ ثشّْ ثمُّورْثْ نِيغْ خْمِي د-سّكّغْ طَّاعُونْ جَارْ ڒْڭنْسْ إِنُو،
2CH 7:14 ؤُشَا ڒْڭنْسْ إِنُو خْ مِينْ خفْ إِتّْوَاڒَاغَا إِسمْ إِنُو أَذْ إِسّهْوَا إِخفْ نّسْ، أَذْ إِژَّادْجْ، ؤُ نِيثْنِي أَذْ أَرْزُونْ ؤُذمْ إِنُو ؤُ أَذْ ثُوبنْ زِي ثبْرِيذِينْ نْسنْ ثِيعفَّانِينْ، [خنِّي] نشّْ أَذْ غَارْسنْ سْڒغْ زڭْ ؤُجنَّا، أَذْ أَسنْ غْفَارغْ ؤُ أَذْ سّْڭنْفِيغْ ثَامُّورْثْ نْسنْ.
2CH 7:15 [خنِّي] ڒخُّو، ثِيطَّاوِينْ إِنُو أَذْ إِڒِينْثْ أَرْزْمنْثْ ذ إِمزُّوغنْ إِنُو أَذْ حْضَانْ خْ ثْژَادْجِيثْ زڭْ ومْشَانْ-أَ،
2CH 7:16 مَاغَارْ ڒخُّو إِخْضَارغْ ثَادَّارْثْ-أَ ؤُ سّْقدّْسغْ ت حِيمَا أَذْ سّْمثْنغْ ذِينْ إِسمْ إِنُو إِ ڒبْذَا ؤُ ثِيطَّاوِينْ إِنُو ذ وُوڒْ إِنُو [أَذْ] ذِينْ [إِڒِينْ] مَارَّا ؤُسَّانْ.
2CH 7:17 مَاڒَا شكْ ثُويُورذْ زَّاثْ إِ وُوذمْ إِنُو أَمْ مَامّشْ ثُوغَا إِڭُّورْ بَابَاشْ ذَاوُوذْ، ؤُ أَذْ ثڭّذْ أَمْ مَامّشْ مَارَّا إِ ذ أَشْ ؤُمُورغْ ؤُشَا أَذْ ثحْضِيذْ ثِيوصَّا إِنُو ذ لْفَارَايِيضْ  إِنُو،
2CH 7:18 [خنِّي] أَذْ سّْمثْنغْ ڒْعَارْشْ ن ثْڭلْذِيثْ نّشْ أَمْ مَامّشْ ڒْعَاهْذْ إِ ڭِّيغْ أَكْ-ذ بَابَاشْ ذَاوُوذْ، نِّيغْ: ’وَارْ ذ أَشْ إِتّْخصَّا ؤُڒَا ذ إِجّْ ن ورْيَازْ نِّي إِحكّْمنْ ذِي إِسْرَائِيل!‘
2CH 7:19 مَاشَا مَاڒَا كنِّيوْ ثْحيّْذمْ زِي ثْوصَّا إِنُو ذ ڒُومُورَاثْ إِنُو نِّي وْشِيغْ زَّاثْ إِ وُوذمْ نْومْ، ؤُشَا أَذْ ثُويُورمْ أَذْ ثْعبْذمْ إِ إِربِّيثنْ نّغْنِي، أَذْ أَسنْ ثْبنْذْقمْ،
2CH 7:20 خنِّي أَذْ قْضِيغْ خْ إِسْرَائِيل زِي ثمُّورْثْ نِّي ذ أَسنْ وْشِيغْ، ؤُشَا ثَادَّارْثْ-أَ، إِ سّْقدّْسغْ إِ يِيسمْ إِنُو، أَذْ ت نْضَارغْ زڭْ وُوذمْ إِنُو ؤُ إِسْرَائِيل أَذْ إِذْوڒْ ذ ؤُمذْيَا [ؤُڒَا ذ ڒْقشْعثْ] ن ؤُبهْذڒْ إِتّقّْسنْ جَارْ مَارَّا ڒڭْنُوسْ.
2CH 7:21 ؤُ خْ ثَادَّارْثْ-أَ ثنِّي يُوعْڒَانْ قَاعْ، مَارَّا وِي خَاسْ إِ غَا إِكّنْ، أَذْ إِثبْهثْ، أَذْ يِينِي: ’مَايمِّي إِڭَّا سِيذِي أَمُّو ذِي ثمُّورْثْ-أَ ؤُ ذِي ثَادَّارْثْ-أَ؟‘
2CH 7:22 أَذْ إِنِينْ: ’مِينْزِي نِيثْنِي سمْحنْ ذِي سِيذِي، أَربِّي ن ڒجْذُوذْ نْسنْ، ونِّي ثنْ د-إِسُّوفّْغنْ زِي ثمُّورْثْ ن مِيصْرَا، ؤُ مِينْزِي نِيثْنِي شبَّارنْ ذِي إِربِّيثنْ نّغْنِي ؤُ إِسْرَائِيل يُويُورْ أَذْ أَسنْ إِسْجذْ ؤُ أَذْ ثنْ إِعْبذْ، خْ ؤُيَا إِسّغْضڒْ نتَّا مَارَّا ڒْغَارْ-أَ خَاسنْ.‘ “
2CH 8:1 أَوَارْنِي عِيشْرِينْ ن إِسڭّْوُوسَا إِ ذِي إِبْنَا سُولِيمَانْ ثْنَاينْ ن ثُوذْرِينْ، ثَادَّارْثْ ن سِيذِي ؤُ ثَادَّارْثْ ن ؤُجدْجِيذْ، إِمْسَارْ،
2CH 8:2 أَقَا سُولِيمَانْ إِبْنَا [عَاوذْ] ثِيندَّامْ إِ ذ أَسْ إِوْشَا حِيرَامْ ؤُشَا إِسّزْذغْ ذِينْ أَيْثْ ن إِسْرَائِيل.
2CH 8:3 أَوَارْنِي أَسْ إِفّغْ سُولِيمَانْ غَارْ حَامَاثْ-صُوبَا ؤُشَا إِطّفْ إِ-ت.
2CH 8:4 نتَّا إِبْنَا ثَاذْمُورْ ذِي ڒخْڒَا. إِبْنَا [عَاوذْ] مَارَّا ثِيندَّامْ ن ڒخْزنْ ذِي حَامَاثْ.
2CH 8:5 نتَّا إِبْنَا ؤُڒَا ذ بَايْثْ-حُورُونْ ن نّجْ ذ بَايْثْ-حُورُونْ ن وَادَّايْ، ثْندَّامْ إِفَارْينْ س ڒحْيُوضْ ذ ثوُّورَا ذ إِعُومَاذْ إِ ؤُبلّعْ،
2CH 8:6 ؤُڒَا ذ بَاعْلَاثْ ذ مَارَّا ثِيندَّامْ ن ڒخْزنْ نِّي [إِدْجَانْ] غَارْ سُولِيمَانْ، ذ مَارَّا ثِيندَّامْ ن إِكَارُّوثنْ ذ مَارَّا ثِيندَّامْ ن إِمْنَاينْ ؤُ [خنِّي] مَارَّا مِينْ إِسِّيثمْ سُولِيمَانْ أَذْ ت إِبْنَا ذِي ؤُرْشَالِيمْ ؤُ ذِي لُوبْنَانْ ؤُ ذِي مَارَّا ثَامُّورْثْ ن ڒحْكَامْ نّسْ.
2CH 8:7 خْ مَارَّا ڒْڭنْسْ إِ إِقِّيمنْ - [خْ ڒْڭنْسْ] ن إِحِيتِّييّنْ، ن إِمُورِييّنْ، ن إِفِيرِيزِييّنْ، ن إِحِيوِييّنْ ؤُ ن إِيابُوسِييّنْ، إِنِّي وَارْ [إِدْجِينْ] شَا زڭْ أَيْثْ ن إِسْرَائِيل،
2CH 8:8 ؤُ خْ وَارَّاونْ نْسنْ نِّي إِقِّيمنْ أَوَارْنِي أَسنْ ذِي ثمُّورْثْ، إِنِّي وَارْ تّْوَاقْضَانْ س ؤُفُوسْ ن أَيْثْ ن إِسْرَائِيل - إِڭَّا خَاسنْ سُولِيمَانْ دّْقُوڒَاثْ قسْحنْثْ أَڒْ أَسّْ-أَ.
2CH 8:9 [مَاشَا] زڭْ أَيْثْ ن إِسْرَائِيل وَارْ إِڭِّي سُولِيمَانْ ذ إِسمْغَانْ إِ ڒخْذَايمْ نّسْ، مِينْزِي نِيثْنِي ثُوغَا أَثنْ ذ إِعسْكَارِييّنْ ذ إِمقّْرَاننْ خْ إِنغْرَافنْ نّسْ [زِي ڒْعسْكَارْ]، ذ إِمقّْرَاننْ ن إِكَارُّوثنْ نّسْ ذ إِمْنَاينْ نّسْ.
2CH 8:10 إِنَا ذ إِمحْضَاينْ إِمقّْرَاننْ نِّي ثُوغَا غَارْ ؤُجدْجِيذْ ن سُولِيمَانْ، مِيثَاينْ ؤُ-خمْسِينْ [ن يرْيَازنْ] نِّي ثُوغَا إِتّْضبَّارنْ خْ ڒْڭنْسْ.
2CH 8:11 سُولِيمَانْ إِسّْڭعّذْ يدْجِيسْ ن فِيرْعُونْ زِي ثنْذِينْثْ ن ذَاوُوذْ غَارْ ثَادَّارْثْ إِ ثُوغَا إِ ذ أَسْ إِبْنَا، مِينْزِي إِنَّا: ”ثَامْغَارْثْ إِنُو وَارْ ثْزذِّيغْ شَا ذِي ثَادَّارْثْ ن ذَاوُوذْ، أَجدْجِيذْ ن إِسْرَائِيل، مِينْزِي إِمُوشَانْ مَانِي د-ثُوسَا تَّابُوثْ ن سِيذِي، أَقَا أَثنْ قدّْسنْ.
2CH 8:12 خنِّي إِسّْڭعّذْ سُولِيمَانْ ثِيغَارْصَا ن وشْمَاضْ إِ سِيذِي خْ ؤُعَالْطَارْ ن سِيذِي نِّي ثُوغَا إِبْنَا زَّاثْ إِ وسْقِيفْ ن وَاذَافْ [ن زَّاوشْثْ ثَامقّْرَانْثْ]،
2CH 8:13 عْلَاحْسَابْ لْفَارِيضَا إِ كُوڒْ أَسّْ إِ ثوْهِيبْثْ ن ثْغَارْصَا، أَمْ مَامّشْ [ثقَّارْ] ثوْصيّثْ ن مُوسَا إِ وُوسَّانْ ن سّبْثْ، إِ وُوسَّانْ ن ؤُيُورْ ن جْذِيذْ ؤُ إِ ثْڒَاثَا ڒعْيُوذَاثْ إِ إِتّْوَاڭّنْ إِ كُوڒْ أَسڭّْوَاسْ: ذِي ڒْعِيذْ ن وغْرُومْ بْڒَا أَنْثُونْ، ذِي ڒْعِيذْ ن سِّيمَانَاثْ ؤُ ذِي ڒْعِيذْ ن إِعُوشُّوثنْ.
2CH 8:14 أَمْ مَامّشْ د-ثُوسَا لْفَارِيضَا ن بَابَاسْ ذَاوُوذْ إِسّْبدّْ [عَاوذْ] ثِيرْبِيعِينْ ن إِكهَّاننْ إِ ڒْخذْمثْ نْسنْ، ذ [ثرْبِيعِينْ] ن إِلَاوِييّنْ إِ ثْسخَّارْثْ نْسنْ، حِيمَا أَذْ سّمْغَارنْ [ذِي زَّاوشْثْ ثَامقّْرَانْثْ] ؤُ أَذْ سخَّارنْ إِ إِكهَّاننْ عْلَاحْسَابْ أَوَاڒْ [ن لْفَارِيضَا] إِ كُوڒْ أَسّْ، ؤُشَا [إِسّْبدّْ ؤُڒَا] ذ إِعسَّاسنْ ن ثوَّارْثْ ذِي ثرْبِيعِينْ نْسنْ غَارْ كُوڒْ ثَاوَّارْثْ، مِينْزِي أَمُّو إِ يدْجَا ڒُومُورْ ن ذَاوُوذْ، أَرْيَازْ ن أَربِّي.
2CH 8:15 نِيثْنِي وَارْ حيّْذنْ شَا ڒَا ذڭْ إِشْثْ ن جِّيهثْ خْ ڒُومُورْ ن ؤُجدْجِيذْ إِ إِكهَّاننْ ذ إِلَاوِييّنْ، وَارْ إِدْجِي ؤُڒَا زِي جِّيهثْ ن إِخَّامنْ ن ثْخُوبَايْ.
2CH 8:16 [أَمُّو] إِ ثتّْوَاسّقْفڒْ مَارَّا ڒْخذْمثْ ن سُولِيمَانْ زڭْ وَاسّْ [ن ؤُسَارْسِي ن] ذْسَاسْ ن ثَادَّارْثْ ن سِيذِي أَڒْ أَكمّڒْ نّسْ، [وَاهْ أَمُّو] إِ ثتّْوَاكمّڒْ ثَادَّارْثْ ن سِيذِي.
2CH 8:17 [خنِّي] إِرُوحْ سُولِيمَانْ غَارْ عِيصْيُونْ-جَابِيرْ ؤُ غَارْ أَيْلَاثْ، غَارْ ثْمَا ن ڒبْحَارْ، ذِي ثمُّورْثْ ن إِذُومْ.
2CH 8:18 س ؤُفُوسْ ن إِمْسخَّارنْ نّسْ إِسّكّْ حِيرَامْ غَارسْ إِغَارُّوبَا، ؤُشَا إِمْسخَّارنْ نِّي إِسّْننْ ڒبْحَارْ، ؤُ نذْهنْ أَكْ-ذ إِمْسخَّارنْ ن سُولِيمَانْ غَارْ ؤُفِيرْ ؤُشَا إِوْينْ-د سّنِّي أَربْعَا-مْيَا ؤُ خمْسِينْ ثَالِينْثْ ن وُورغْ ؤُشَا ؤُسِينْ-د [زَّايسْ] غَارْ ؤُجدْجِيذْ سُولِيمَانْ.
2CH 9:1 ثَاجدْجِيذْثْ ن شَابَا ثسْڒَا خْ شّنّْعثْ ن سُولِيمَانْ ؤُشَا، حِيمَا أَذْ ثْقدْجبْ سُولِيمَانْ س ثْحُوجَا ن ثْوَافِيثْ، ثُوسَا-د غَارْ ؤُرْشَالِيمْ س إِجّْ ن ؤُكَارَابَانْ س دّْقڒْ [ن وَاڭْڒَا] أَطَّاسْ، س إِڒغْمَانْ نِّي يَاربُّونْ ڒعْطُورْ ذ وَاطَّاسْ ن وُورغْ ذ إِژْرَا إِغْڒَانْ ؤُ نتَّاثْ ثُوسَا-د غَارْ سُولِيمَانْ ؤُشَا ثسِّيوڒْ أَكِيذسْ خْ مَارَّا مِينْ غَارسْ ذڭْ وُوڒْ.
2CH 9:2 سُولِيمَانْ إِشَارْحْ مَارَّا أَوَاڒنْ نّسْ. وَارْ ذِينْ ؤُڒَا ذ إِجّْ ن وَاوَاڒْ [س ڒمْعَانِي] إِنُّوفَّارنْ إِ سُولِيمَانْ أَڒَامِي وَارْ إِزمَّارْ أَذْ أَسْ ث إِشَارّحْ.
2CH 9:3 [ڒَْامِي] ثژْرَا ثْجدْجِيذْثْ ن شَابَا ثِيغِيثْ ن سُولِيمَانْ ذ ثَادَّارْثْ إِ إِبْنَا،
2CH 9:4 ذ مَاشَّا خْ طَّابْڒَا نّسْ، ذ مَامّشْ قِّيمنْ إِمْسخَّارنْ نّسْ، ذ مَامّشْ بدّنْ إِخدَّامنْ نّسْ، ذ وَارُّوضْ نْسنْ ذ إِوَارَّاذنْ نّسْ ذ وَارُّوضْ نْسنْ ذ مَامّشْ إِڭعّذْ أَمْ د-إِڭعّذْ غَارْ ثَادَّارْثْ ن سِيذِي، وَارْ إِقِّيمْ ذَايسْ [عْڒَاحَاڒْ] بُوحْبڒْ [عَاذْ].
2CH 9:5 نتَّاثْ ثنَّا إِ ؤُجدْجِيذْ: ”أَوَاڒْ نِّي سْڒِيغْ ذِي ثمُّورْثْ إِنُو خْ وَاوَاڒنْ نّشْ ؤُ خْ ثِيغِيثْ نّشْ، نِيشَانْ ذ ثِيذتّْ.
2CH 9:6 نشّْ وَارْ ؤُمِينغْ شَا س وَاوَاڒنْ نِّي، أَڒَامِي د-ؤُسِيغْ ذَانِيثَا ؤُ [خنِّي] ثِيطَّاوِينْ إِنُو ژْرِينْثْ أَيَا. خْزَارْ، أَزْينْ ن ثِيغِيثْ نّشْ ثَامقّْرَانْثْ وَارْ ذ أَيِي إِتّْوَانَّا. أَقَا شكْ سنّجْ خْ ڒخْبَارْ إِ [خَاكْ] سْڒِيغْ.
2CH 9:7 سّعْذْ ن يرْيَازنْ نّشْ، سّعْذْ ن إِمْسخَّارنْ نّشْ، إِنِّي إِبدّنْ زَّاثْ إِ وُوذمْ نّشْ ڒبْذَا ؤُ إِتّسْڒَانْ غَارْ ثِيغِيثْ نّشْ!
2CH 9:8 أَذْ إِتّْوَابَاركْ سِيذِي، أَربِّي نّشْ، ونِّي ؤُمِي د-ثُوسِيذْ خْ ڒْخَاضَارْ حِيمَا أَذْ شكْ يڭّْ ذ أَجدْجِيذْ إِ سِيذِي، أَربِّي نّشْ، خْ ڒْعَارْشْ نّسْ. مِينْزِي أَربِّي إِتّخْسْ أَطَّاسْ أَذْ يجّْ إِسْرَائِيل أَذْ ثقِّيمْ إِ ڒبْذَا، س ؤُيَا إِڭَّا شكْ ذ أَجدْجِيذْ خَاسنْ إِ ڒبْذَا، مَاحنْذْ أَذْ ثڭّذْ ڒْحقّْ ذ ثْسڭْذَا.“
2CH 9:9 نتَّاثْ ثوْشَا إِ ؤُجدْجِيذْ مْيَا ؤُ-عِيشْرِينْ ثَالِينْثْ ن وُورغْ ذ وَاطَّاسْ ن ڒبْزرْ ذ إِژْرَا إِغْڒَانْ. ڒبْزرْ أَمْ وَانِيثَا إِ ثوْشَا ثْجدْجِيذْثْ ن شَابَا إِ ؤُجدْجِيذْ سُولِيمَانْ،عمَّارْصْ وَارْ إِدْجِي [عَاذْ].
2CH 9:10 إِمْسخَّارنْ ن حِيرَامْ إِ د إِوْينْ ؤُرغْ زڭْ ؤُفِيرْ أَكْ-ذ إِمْسخَّارنْ ن سُولِيمَانْ، إِوْينْ عَاوذْ أَكشُّوضْ ن [ثْشجَّارْثْ ن] صَانْذَالْ أَزڭّْوَاغْ ذ يژْرَا إِغْڒَانْ.
2CH 9:11 أَجدْجِيذْ إِڭَّا زڭْ ؤُكشُّوضْ نِّي ن [ثْشجَّارْثْ ن] صَانْذلْ أَزڭّْوَاغْ دّْرُوجَاثْ ثِيمقّْرَانِينْ إِ ثَادَّارْثْ ن سِيذِي ؤُ إِ ثَادَّارْثْ ن ؤُجدْجِيذْ، ؤُڒَا ذ ڒْڭَامْبْرِييَاثْ ذ لهَارْپَاثْ إِ إِمذْيَازنْ. أَمْ مَانْ أَيَا وَارْ ث ژْرِينْعمَّارْصْ قْبڒْ ذِي ثمُّورْثْ ن يَاهُوذَا.
2CH 9:12 أَجدْجِيذْ سُولِيمَانْ إِوْشَا إِ ثْجدْجِيذْثْ ن شَابَا مَارَّا مِينْ ثُوغَا ذَايسْ ذ مژْرِي، مِينْ مَا ثتَّارْ، [وَاهْ، كْثَارْ زِي] مِينْ د تِّيوِي غَارْ ؤُجدْجِيذْ. [خنِّي] ثنّقْڒبْ ؤُ ثعْقبْ غَارْ ثمُّورْثْ نّسْ، نتَّاثْ ذ إِمْسخَّارنْ نّسْ.
2CH 9:13 ڒْقدّْ ن وُورغْ إِ إِتَّاذْفنْ غَارْ سُولِيمَانْ ذڭْ إِجّْ ن ؤُسڭّْوَاسْ ثُوغَا ستَّا-مْيَا ؤُ-ستَّا ؤُ-ستِّينْ ثَالِينْثْ ن وُورغْ،
2CH 9:14 نْهْڒَا أَرْبحْ زڭْ إِرْيَازنْ إِمْسوّْقنْ إِ د-إِتّنّْضنْ [ذِي ثمُّورْثْ] ؤُ زِي ثْسبَّابْثْ ن إِسبَّابنْ، ؤُ نْهْڒَا أَرْبحْ ن وُورغْ ذ نُّوقَارْثْ إِ سُولِيمَانْ زڭْ مَارَّا إِجدْجِيذنْ ن ثمُّورْثْ ن عَارَابِييَّا ؤُ زِي لْوُولَاثْ ن ثمُّورْثْ.
2CH 9:15 أَجدْجِيذْ سُولِيمَانْ إِڭَّا [عَاوذْ] مِيثَاينْ ن ثْسدَّارِييِينْ [ن ؤُعسْكَارِي] ثِيمقّْرَانِينْ س وُورغْ إِتّْوَادّْزنْ. خْ إِشْثْ ن ثْسدَّارْثْ تّْوَاڭّنْ ستَّا-مْيَا [شِيقْلُو] ن وُورغْ.
2CH 9:16 [يَارْنِي إِڭَّا نتَّا] ثڒْثْ-مْيَا ن ثْسدَّارِييِينْ [ن ؤُعسْكَارِي] س وُورغْ إِتّْوَادّْزنْ. تّْوَاڭّنْثْ ثڒْثْ-مْيَا [شِّيقْلُو] ن وُورغْ ذڭْ إِشْثْ ن ثْسدَّارْثْ. أَجدْجِيذْ إِسَّارْسْ إِ-ثنْثْ ذِي ثَادَّارْثْ ن وزْغَارْ ن لُوبْنَانْ.
2CH 9:17 أَجدْجِيذْ إِڭَّا عَاوذْ إِجّْ ن ڒْعَارْشْ أَمقّْرَانْ ن ڒْعَاجْ ؤُشَا إِغڒْفْ إِ-ث س وُورغْ إِصْفَانْ.
2CH 9:18 ڒْعَارْشْ وَانِيثَا غَارسْ ستَّا ن ثَارفِّيذِينْ ؤُ ثتّْوَاشدّْ إِشْثْ ن ثْندَّابْثْ ن وُورغْ إِ يِيضَارنْ إِ ڒْعَارْشْ. غَارْ ثْنَاينْ ن إِغزْذِيسنْ ن ڒْكُورْسِي ثُوغَا دْجَانْ إِغَادْجنْ ؤُ ثْنَاينْ ن وَايْرَاذنْ ثُوغَا بدّنْ زَّاثْ إِ إِغَادْجنْ [ن ڒْعَارْشْ].
2CH 9:19 ثنْعَاشْ ن وَايْرَاذنْ بدّنْ غَارْ ثْنَاينْ ن إِغزْذِيسنْ خْ ستَّا ن ثَارفِّيذِينْ. أَمْ نتَّا وَارْ إِتّْوَاڭّْ [عَاذْ] ؤُڒَا ذڭْ إِشْثْ ن ثْڭلْذِيثْ.
2CH 9:20 مَارَّا إِغَارَّافنْ ن ثِيسِّيثْ ن سُولِيمَانْ [ثُوغَا أَثنْ] ن وُورغْ ؤُ مَارَّا ڒقْشُوعْ ن ثَادَّارْثْ ن وزْغَارْ ن لُوبْنَانْ [ثُوغَا أَثنْ] س وُورغْ إِزذْڭنْ، وَارْ ذِينْ نُّوقَارْثْ [ذَايسْ]، [مَاغَارْ] ذڭْ وُوسَّانْ ن سُولِيمَانْ ثُوغَا حسّْبنْ ت ذ وَالُو.
2CH 9:21 مَاغَارْ أَجدْجِيذْ ثُوغَا غَارسْ إِغَارُّوبَا نِّي إِنذْهنْ غَارْ ثَارْشِيشْ أَكْ-ذ إِمْسخَّارنْ ن حِيرَامْ. إِشْثْ ن ثْوَاڒَا ذِي ثْڒَاثَا ن إِسڭّْوُوسَا ؤُسِينْ-د إِغَارُّوبَا زِي ثَارْشِيشْ، إِوْينْ-د ؤُرغْ ذ نُّوقَارْثْ، ڒْعَاجْ ذ إِبَاغُوسنْ ذ إِطَاوْسنْ.
2CH 9:22 أَجدْجِيذْ سُولِيمَانْ إِعْذُو مَارَّا إِجدْجِيذنْ ن دُّونشْثْ ذڭْ وَاڭْڒَا ذ ثِيغِيثْ.
2CH 9:23 مَارَّا إِجدْجِيذنْ ن دُّونشْثْ أَرْزُونْ [أَذْ ژَترنْ] ؤُذمْ ن سُولِيمَانْ، مَاحنْذْ أَذْ سْڒنْ غَارْ ثِيغِيثْ نّسْ إِ ثُوغَا إِسَّارْسْ أَربِّي ذڭْ وُوڒْ نّسْ.
2CH 9:24 نِيثْنِي ؤُسِينْ-د أَسڭّْوَاسْ أَوَارْنِي إِ ؤُمَاسْ، كُوڒْ إِجّْ س ثَارْزفْثْ نّسْ، [س] ڒقْشُوعْ ن نُّوقَارْثْ، ڒقْشُوعْ ن وُورغْ، أَرُّوضْ، ڒسْنَاحْ، ڒعْطُورْ، إِيْسَانْ ذ إِسَارْذَانْ.
2CH 9:25 سُولِيمَانْ ثُوغَا غَارسْ أَربْعَا-أَڒَافْ ن ڒْكُورِيثْ إِ إِيْسَانْ ذ إِكَارُّوثنْ ؤُ إِ ثنْعَاشْ-أَڒفْ ن إِمْنَاينْ. إِڭَّا إِ-ثنْ ذِي ثْندَّامْ ن إِكَارُّوثنْ ؤُ غَارْ ؤُجدْجِيذْ ذِي ؤُرْشَالِيمْ.
2CH 9:26 نتَّا إِحْكمْ خْ مَارَّا إِجدْجِيذنْ زڭْ إِغْزَارْ [لْفُورَاطْ] أَڒْ ثَامُّورْثْ ن إِفِيلِيسْطِينِييّنْ ؤُ أَڒْ أَيْمِيرْ ن مِيصْرَا.
2CH 9:27 أَجدْجِيذْ إِڭَّا نُّوقَارْثْ ذِي ؤُرْشَالِيمْ أَمْ يژْرَا ؤُ [ثِيشجُّورَا ن] ثنْڭلْثْ إِڭَّا [إِ-ثنْ] أَمْ يِيزمُّورنْ نِّي [إِدْجَانْ] أَطَّاسْ ذِي ثمُّورْثْ إِوَاطَانْ.
2CH 9:28 إِوْينْ-د إِيْسَانْ إِ سُولِيمَانْ زِي مِيصْرَا ؤُ زِي مَارَّا ثِيمُّورَا.
2CH 9:29 مِينْ إِقِّيمنْ ن إِمزْرُوينْ ن سُولِيمَانْ، إِمزْوُورَا ذ إِنڭُّورَا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِمزْرُوينْ ن ؤُنَابِي نَاثَانْ ؤُ ذِي نُّوبُووَا ن أَخِييَا أَخِيلُونِي ؤُ ذڭْ إِوحَّانْ ن ؤُمْوَاڒَاوْ يَاعْذُو خْ يَارُوبْعَامْ، مِّيسْ ن نَابَاطْ؟
2CH 9:30 سُولِيمَانْ إِحْكمْ ذِي ؤُرْشَالِيمْ أَربْعِينْ ن إِسڭّْوُوسَا خْ مَارَّا إِسْرَائِيل.
2CH 9:31 سُولِيمَانْ إِڭَّا أَذْ يَاريّحْ جَارْ ڒجْذُوذْ نّسْ ؤُشَا نضْڒنْ ث ذِي ثنْذِينْثْ ن بَابَاسْ ذَاوُوذْ. مِّيسْ رَاحَابْعَامْ إِذْوڒْ ذ أَجدْجِيذْ ذڭْ ومْشَانْ نّسْ.
2CH 10:1 رَاحَابْعَامْ يُويُورْ غَارْ شَاكِيمْ، مَاغَارْ مَارَّا إِسْرَائِيل ثُوغَا يُوسَا-د غَارْ شَاكِيمْ، حِيمَا أَذْ ث ڭّنْ ذ أَجدْجِيذْ.
2CH 10:2 ؤُمِي إِسْڒَا يَارُوبْعَامْ، مِّيسْ ن نَابَاطْ، خْ مَانْ أَيَا، ؤُمِي ث ثُوغَا عَاذْ ذِي مِيصْرَا - زعْمَا نتَّا ثُوغَا يَارْوڒْ زڭْ وُوذمْ ن ؤُجدْجِيذْ سُولِيمَانْ - إِمْسَارْ [أَسْ] أَقَا إِعْقبْ-د.
2CH 10:3 سّكّنْ-د [غَارسْ]، جِّينْ أَذْ خَاسْ ڒَاغَانْ. يُوسَا-ذ يَارُوبْعَامْ أَكْ-ذ مَارَّا ثَامسْمُونْثْ ن إِسْرَائِيل، سِّيوْڒنْ نِيثْنِي أَكْ-ذ رَاحَابْعَامْ، نَّانْ:
2CH 10:4 ”بَابَاشْ إِڭَّا خَانغْ إِجّْ ن ؤُزَايْڒُو إِقْسحْ. خنِّي ڒخُّو، سَارْخُو ڒْخذْمثْ إِقسْحنْ ن بَابَاشْ ؤُڒَا ذ أَزَايْڒُو إِذقْڒنْ إِ خَانغْ إِڭَّا، [خنِّي] أَذْ شكْ نخْذمْ.“
2CH 10:5 نتَّا إِنَّا أَسنْ: ”ؤُيُورمْ ؤُعقْبمْ أَوَارْنِي إِ ثْڒَاثَا ن وُوسَّانْ.“ ؤُشَا يُويُورْ ڒْڭنْسْ.
2CH 10:6 إِمْشَاوَارْ ؤُجدْجِيذْ رَاحَابْعَامْ أَكْ-ذ إِمقّْرَاننْ نِّي ثُوغَا إِبدّنْ زَّاثْ إِ وُوذمْ ن بَابَاسْ سُولِيمَانْ ؤُمِي ثُوغَا عَاذْ إِدَّارْ، إِنَّا: ”س مِينْزِي إِ ذ أَيِي ثْوصَّامْ أَذْ د-أَرّغْ خْ ڒْڭنْسْ-أَ؟“
2CH 10:7 نِيثْنِي سِّيوْڒنْ أَكِيذسْ، نَّانْ: ”مَاڒَا شكْ ثڭِّيذْ س ثْشُونِي أَكْ-ذ ڒْڭنْسْ-أَ، أَذْ كِيذْسنْ ثڭّذْ غَارْ ڒْخَاضَارْ نْسنْ ؤُشَا أَذْ كِيذْسنْ ثسِّيوْڒذْ س وَاوَاڒنْ إِشْنَانْ، [خنِّي] أَذْ ذوْڒنْ ذ إِمْسخَّارنْ نّشْ مَارَّا مِينْ إِقِّيمنْ ن ؤُسَّانْ.“
2CH 10:8 [مَاشَا] نتَّا إِنْضَارْ شّْوَارْ إِ ذ أَسْ ثُوغَا وْشِينْ إِمقّْرَاننْ ؤُشَا إِمْشَاوَارْ أَكْ-ذ إِحُوذْرِييّنْ نِّي ثُوغَا أَكِيذسْ إِمْغَارنْ ؤُ بدّنْ ڒخُّو زَّاثْ إِ وُوذمْ نّسْ.
2CH 10:9 نتَّا إِسّقْسَا إِ-ثنْ: ”س مِينْزِي إِ ذ أَنغْ ثْوصَّامْ أَذْ نَارّْ خْ وَاوَاڒْ ن ڒْڭنْسْ، مِينْزِي سّْوِيڒنْ أَكِيذِي، نَّانْ: ’سَارْخُو أَزَايْڒُو إِ خَانغْ إِڭَّا بَابَاشْ.‘ “
2CH 10:10 إِحُوذْرِييّنْ نِّي ثُوغَا مْغَارنْ أَكِيذسْ، سِّيوْڒنْ أَكِيذسْ، نَّانْ: ”أَمُّو إِ د غَا ثَارّذْ خْ ڒْڭنْسْ إِ كِيذكْ إِسِّيوْڒنْ ؤُ نَّانْ: ’بَابَاشْ إِسّذْقڒْ أَزَايْڒُو نّغْ، مَاشَا [ڒخُّو] شكْ سَارْخُو ث خَانغْ!‘، [وَاهْ،] أَمُّو إِ كِيذْسنْ إِ غَا ثسِّيوْڒذْ: ’[أَضَاضْ] أَمژْيَانْ إِنُو أَذْ يِيڒِي ذ أَمقّْرَانْ خْ ثجْعِينَّا ن بَابَا.
2CH 10:11 مَاڒَا بَابَا إِقّنْ أَومْ إِجّْ ن ؤُزَايْڒُو إِقْسحْ، [خنِّي] نشّْ أَذْ ث سّْذقْڒغْ [عَاذْ]. مَاڒَا بَابَا يَاربِّي كنِّيوْ س ؤُركُّوضْ، نشّْ أَذْ كنِّيوْ أَربِّيغْ س إِغَارْضْمِيونْ.‘ “
2CH 10:12 ذڭْ وَاسّْ وِيسّْ ثْڒَاثَا يُوسَا-د يَارُوبْعَامْ أَكْ-ذ مَارَّا ڒْڭنْسْ غَارْ رَاحَابْعَامْ، أَمْ مَامّشْ ثُوغَا إِسِّيوڒْ ؤُجدْجِيذْ، ثُوغَا إِنَّا: ”عقْبمْ-د غَارِي أَوَارْنِي إِ ثْڒَاثَا ن وُوسَّانْ!“
2CH 10:13 أَجدْجِيذْ يَارَّا-د خْ ڒْڭنْسْ س إِجّْ ن وبْرِيذْ إِقسْحنْ، مَاغَارْ أَجدْجِيذْ رَاحَابْعَامْ إِسْمحْ ذِي شّْوَارْ ن إِمقّْرَاننْ.
2CH 10:14 إِسِّيوڒْ أَكِيذْسنْ عْلَاحْسَابْ شّْوَارْ ن إِحُوذْرِييّنْ، إِنَّا: ”نشّْ أَذْ سّْذقْڒغْ عَاذْ أَزَايْڒُو نْومْ. بَابَا يَاربِّي كنِّيوْ س ؤُركُّوضْ، نشّْ أَذْ كنِّيوْ أَربِّيغْ س إِغَارْضْمِيونْ.“
2CH 10:15 أَجدْجِيذْ وَارْ إِسْڒِي شَا غَارْ ڒْڭنْسْ، مَاغَارْ أَنقْڒبْ-أَ ثُوغَا يُوسَا-د زِي أَربِّي، حِيمَا أَذْ إِسّمْثنْ سِيذِي أَوَاڒْ إِ ثُوغَا إِسِّيوڒْ س ؤُقمُّومْ ن أَخِييَا، أَشِيلُونِي، أَكْ-ذ يَارُوبْعَامْ، مِّيسْ ن نَابَاطْ.
2CH 10:16 [ؤُمِي] إِژْرَا مَارَّا إِسْرَائِيل أَقَا أَجدْجِيذْ وَارْ غَارْسنْ د-إِسْڒِي شَا، يَارَّا-د ڒْڭنْسْ خْ ؤُجدْجِيذْ، إِنَّا: ”مَانْ ثَاسْغَارْثْ إِ غَارْنغْ أَكْ-ذ ذَاوُوذْ؟ نشِّينْ وَارْ غَارْنغْ بُو ثسْغَارْثْ أَكْ-ذ مِّيسْ ن يَاسَّا. مَارَّا [كنِّيوْ،] ؤُيُورمْ غَارْ إِقِيضَانْ نْومْ، [أَ] إِسْرَائِيل! ڒْهَا ڒخُّو أَكْ-ذ ثَادَّارْثْ نّشْ، ذَاوُوذْ!“ ؤُشَا مَارَّا إِسْرَائِيل يُويُورْ غَارْ إِقِيضَانْ نْسنْ.
2CH 10:17 ثُوغَا رَاحَابْعَامْ ذ أَجدْجِيذْ خْ أَيْثْ ن إِسْرَائِيل نِّي ثُوغَا إِزدّْغنْ ذِي ثْندَّامْ ن يَاهُوذَا.
2CH 10:18 أَجدْجِيذْ رَاحَابْعَامْ إِسّكّْ [غَارْسنْ] أَذُورَامْ، ونِّي [إِدْجَانْ] خْ لْجِيزْيَا، ؤُ أَيْثْ ن إِسْرَائِيل أَرْجْمنْ ث س يژْرَا أَڒَامِي إِمُّوثْ. أَجدْجِيذْ رَاحَابْعَامْ إِنْيَا ذغْيَا خْ ؤُكَارُّو، حِيمَا أَذْ يَارْوڒْ غَارْ ؤُرْشَالِيمْ.
2CH 10:19 [أَمُّو إِ] إِغوّغْ إِسْرَائِيل خْ ثَادَّارْثْ ن ذَاوُوذْ أَڒْ أَسّْ-أَ.
2CH 11:1 رَاحَابْعَامْ يُوسَا-د غَارْ ؤُرْشَالِيمْ ؤُشَا إِسّْمُونْ مَارَّا ثَادَّارْثْ ن يَاهُوذَا ذ بِينْيَامِينْ، مْيَا ؤُ-ثْمنْيِينْ-أَڒفْ [ن إِرْيَازنْ] إِتّْوَافَارْزنْ، تّْوَاذَارّْبنْ خْ ؤُمنْغِي، حِيمَا أَذْ مّنْغنْ أَكْ-ذ ثَادَّارْثْ ن إِسْرَائِيل، حِيمَا أَذْ د-أَرّنْ ثَاڭلْذِيثْ غَارْ رَاحُوبْعَامْ.
2CH 11:2 [خنِّي] يُوسَا-د وَاوَاڒْ ن أَربِّي غَارْ شَامْعِييَا، أَرْيَازْ ن أَربِّي، إِنَّا:
2CH 11:3 ”سِيوڒْ أَكْ-ذ رَاحَابْعَامْ، مِّيسْ ن سُولِيمَانْ، أَجدْجِيذْ ن يَاهُوذَا، ؤُ أَكْ-ذ مَارَّا إِسْرَائِيل ذِي [ثمُّورْثْ ن] يَاهُوذَا ذ بِينْيَامِينْ، ؤُشَا إِنِي:
2CH 11:4 ’أَمُّو إِ إِقَّارْ سِيذِي: وَارْ تّْڭعَّاذمْ شَا ؤُ وَارْ تّْمنْغِيمْ شَا أَكْ-ذ أَيْثْمَاثْومْ. إِتّْخصَّا أَذْ إِعْقبْ [كُوڒْ إِجّْ ن] ورْيَازْ غَارْ ثَادَّارْثْ نّسْ، مَاغَارْ ذ مَانْ أَيَا إِ إِمْسَارنْ زِي غَارِي.‘ “ نِيثْنِي سْڒَانْ غَارْ وَاوَاڒْ ن سِيذِي ؤُشَاعقْبنْ، وَارْ ؤُيُورنْ شَا غَارْ يَارُوبْعَامْ.
2CH 11:5 رَاحَابْعَامْ إِزْذغْ ذِي ؤُرْشَالِيمْ ؤُشَا إِڭَّا ثِيندَّامْ ذِي يَاهُوذَا أَذْ ذوْڒنْثْ فَارْينْثْ.
2CH 11:6 إِبْنَا بَايْثْ-لَاحَامْ، عِيطَامْ، ثَاقُوعَا،
2CH 11:7 بَايْثْ-صُورْ، سُوكُو، عَاذُولَّامْ،
2CH 11:8 جَاثْ، مَارِيشَا، زِيفْ،
2CH 11:9 أَذُورَايِيمْ، لَاخِيسْ، عَازِيقَا،
2CH 11:10 صُورْعَا، أَيَّالُونْ ذ حَابْرُونْ نِّي [إِدْجَانْ] ذِي يَاهُوذَا ذ بِينْيَامِينْ. أَقَا-ثنْثْ ذ ثْندَّامْ إِفَارْينْ.
2CH 11:11 إِسّجْهذْ لْقلْعَاثْ ؤُ إِڭَّا خَاسنْ ڒْحُوكَّامْ ؤُ إِخْزنْ [ذَايْسنْثْ] مَاشَّا، زّشْثْ ذ بِينُو.
2CH 11:12 [إِسَّارْسْ] ثِيسدَّارِييِينْ [ن ؤُعسْكَارِي] ثِيمقّْرَانِينْ ذ إِحْرِيشنْ ذِي كُوڒْ ثنْذِينْثْ ؤُشَا إِسّجْهذْ إِ-ثنْثْ أَڒْ طَّارْفْ. [أَمُّو إِ] ثُوغَا يَاهُوذَا ذ بِينْيَامِينْ [ذڭْ ؤُفُوسْ] نّسْ.
2CH 11:13 إِكهَّاننْ ذ إِلَاوِييّنْ نِّي [إِدْجَانْ] ذِي مَارَّا إِسْرَائِيل، قّْننْ غَارسْ زِي مَارَّا جّْوَايهْ نْسنْ.
2CH 11:14 مِينْزِي إِلَاوِييّنْ جِّينْ دّْمَانِي نْسنْ ذ وَاڭْڒَا نْسنْ ؤُشَا ؤُسِينْ-د غَارْ يَاهُوذَا ذ ؤُرْشَالِيمْ، مَاغَارْ يَارُوبْعَامْ ذ إِحنْجِيرنْ نّسْ مّنْضَارنْ ثنْ زِي ثُوكهَّانْثْ ن سِيذِي.
2CH 11:15 [خنِّي] يَاڒقّمْ يَارُوبْعَامْ إِكهَّاننْ إِ يِيخفْ نّسْ إِ ڒڭْعُوذِي، إِ [ڒخْيَاڒَاثْ ن] إِمُويَانْ [إِجنّنْ] ؤُ إِ [ڒخْيَاڒَاثْ ن] إِعجْمِييّنْ نِّي ثُوغَا إِڭَّا.
2CH 11:16 أَوَارْنِي أَسنْ ؤُسِينْ-د [عَاوذْ] زِي مَارَّا ثِيقبَّاڒْ ن إِسْرَائِيل إِنِّي إِوْشِينْ إِخفْ نْسنْ س وُوڒْ حِيمَا أَذْ أَرْزُونْ سِيذِي، أَربِّي ن إِسْرَائِيل، حِيمَا أَذْ وهّْبنْ ثِيغَارْصَا إِ سِيذِي، أَربِّي ن ڒجْذُوذْ نْسنْ.
2CH 11:17 [أَمُّو] سّْجهْذنْ ثَاڭلْذِيثْ ن يَاهُوذَا ؤُ سّْمثْننْ رَاحَابْعَامْ، مِّيسْ ن سُولِيمَانْ، ثْڒَاثَا ن إِسڭّْوُوسَا. مَاغَارْ نِيثْنِي ؤُيُورنْ ثْڒَاثَا ن إِسڭّْوُوسَا ذڭْ وبْرِيذْ ن ذَاوُوذْ ذ سُولِيمَانْ.
2CH 11:18 رَاحَابْعَامْ يِيوِي مَاحْلَاثْ، يدْجِيسْ ن يَارِيمُوثْ، مِّيسْ ن ذَاوُوذْ، ؤُڒَا ذ أَبِيحَايِيلْ، يدْجِيسْ ن إِلِييَابْ، مِّيسْ ن يَاسَّا، ذ ثَامْغَارْثْ إِ يِيخفْ نّسْ.
2CH 11:19 نتَّاثْ ثُورُووْ أَسْ-د إِحنْجِيرنْ[-أَ]: يَاعُوشْ، شَامَارْيَا ذ زَاهَامْ.
2CH 11:20 أَوَارْنِي أَسْ يِيوِي مَاعْكَا، يدْجِيسْ ن أَبْشَالُومْ [ذ ثَامْغَارْثْ]. نتَّاثْ ثُورُووْ أَسْ-د أَبِييَا، عَاتَّايْ، زِيزَا ذ شَالُومِيثْ.
2CH 11:21 رَاحَابْعَامْ ثُوغَا إِتّخْسْ مَاعْكَا، يدْجِيسْ ن أَبْشَالُومْ، أَطَّاسْ خْ ثمْغَارِينْ نّسْ نّغْنِيثْ ذ خْ ثِييَّا نّسْ. أَقَا يِيوِي رَاحَابْعَامْ ثْمنْطَاشْ ن ثمْغَارِينْ ذ ستِّينْ ن ثِييَّا. نتَّا يجّْ-د ثْمنْيَا ؤُ-عِيشْرِينْ ن إِحنْجِيرنْ ذ ستِّينْ ن يسِّيسْ.
2CH 11:22 رَاحَابْعَامْ إِڭَّا أَبِييَا، مِّيسْ ن مَاعْكَا، ذ أَزدْجِيفْ، حِيمَا أَذْ يِيڒِي ذ ڒْحَاكمْ جَارْ أَيْثْمَاسْ، حِيمَا أَذْ ث يَارّْ ذ أَجدْجِيذْ.
2CH 11:23 [رَاحَابْعَامْ] إِڭَّا س ڒعْقڒْ ؤُشَا إِبْضَا مَارَّا إِحنْجِيرنْ نّسْ خْ مَارَّا ثِيمُّورَا ن يَاهُوذَا ذ بِينْيَامِينْ ؤُ ذِي مَارَّا ثِيندَّامْ إِفَارْينْ. نتَّا إِوْشَا أَسنْ مَاشَّا س وَاطَّاسْ ؤُ يَارْزُو أَسنْ إِجّْ ن ؤُبَارُّو ن ثمْغَارِينْ.
2CH 12:1 ؤُمِي ثُوغَا رَاحَابْعَامْ إِسّمْثنْ ثَاڭلْذَا [ذڭْ ؤُفُوسْ نّسْ] ؤُ ثُوغَا إِجْهذْ، إِوْضَا نتَّا زِي شَّارِيعَا ن سِيذِي، نتَّا ؤُڒَا ذ مَارَّا إِسْرَائِيل أَكِيذسْ.
2CH 12:2 ذڭْ ؤُسڭّْوَاسْ وِيسّْ خمْسَا ن ؤُجدْجِيذْ رَاحَابْعَامْ، إِمْسَارْ - مِينْزِي نِيثْنِي ثُوغَاغوّْغنْ خْ سِيذِي - أَقَا شِيشَاكْ، أَجدْجِيذْ ن مِيصْرَا، إِڭعّذْ ضِيدّْ ؤُرْشَالِيمْ
2CH 12:3 س مِيثَاينْ-أَڒفْ ن إِكَارُّوثنْ [ن ڒْعسْكَارْ]، ستِّينْ-أَڒَافْ ن إِمْنَاينْ ذ إِجّْ ن ڒْڭنْسْ وَارْ إِزمَّارْ أَذْ إِتّْوَاحْسبْ شَا إِ د-يُوسِينْ أَكِيذسْ زِي مِيصْرَا: إِلِيبِييّنْ، إِسُوكِّييّنْ ذ إِكُوشِييّنْ.
2CH 12:4 نتَّا إِطّفْ ثِيندَّامْ إِفَارْينْ ن يَاهُوذَا ؤُشَا يُوسَا-د غَارْ ؤُرْشَالِيمْ.
2CH 12:5 خنِّي يُوسَا-د ؤُنَابِي شَامْعِييَا غَارْ رَاحَابْعَامْ ؤُ غَارْ ڒْحُوكَّامْ ن يَاهُوذَا، إِنِّي ثُوغَا إِمُوننْ ذِي ؤُرْشَالِيمْ ذِي سِّيبّثْ ن شِيشَاكْ، إِنَّا أَسنْ: ”أَمُّو إِ إِقَّارْ سِيذِي: ’مِينْزِي كنِّيوْ ثْحيّْذمْ خَافِي، خْ ؤُيَا حيّْذغْ ؤُڒَا ذ نشّْ خَاومْ، جِّيغْ كنِّيوْ ذڭْ ؤُفُوسْ ن شِيشَاكْ.‘ “
2CH 12:6 [خنِّي] سّهْوَانْ ڒْحُوكَّامْ ن إِسْرَائِيل ذ ؤُجدْجِيذْ إِخفْ نْسنْ، نَّانْ: ”سِيذِي ذ أَمْسڭّذْ!“
2CH 12:7 ؤُمِي إِژْرَا سِيذِي، أَقَا نِيثْنِي سّهْوَانْ إِخفْ نْسنْ، إِفّغْ وَاوَاڒْ ن سِيذِي غَارْ شَامْعِييَا، إِنَّا: ”نِيثْنِي سّهْوَانْ إِخفْ نْسنْ. نشّْ وَارْ ثنْ ثحِّيغْ شَا، مَاشَا أَذْ أَسنْ د-أَوْيغْ أَسنْجمْ ذغْيَا، مَاحنْذْ أَسْعَارْ إِنُو س ؤُفُوسْ ن شِيشَاكْ وَارْ إِتّْوَازِيدْجِيعْ شَا خْ ؤُرْشَالِيمْ،
2CH 12:8 مَاشَا أَذْ ذوْڒنْ ذ إِمْسخَّارنْ نّسْ، حِيمَا أَذْ سّْننْ [ڒْْفَارْقْ جَارْ] ثَاسخَّارْثْ إِ نشّْ ذ ثْسخَّارْثْ إِ ثْڭلْذِيوِينْ ن ثمُّورَا.“
2CH 12:9 ؤُشَا شِيشَاكْ، أَجدْجِيذْ ن مِيصْرَا، إِڭعّذْ ضِيدّْ إِ ؤُرْشَالِيمْ ؤُ يِيوِي مَارَّا ثِيخُوبَايْ ن ثَادَّارْثْ ن سِيذِي ذ ثْخُوبَايْ ن ثَادَّارْثْ ن ؤُجدْجِيذْ. نتَّا يِيوِي [أَكِيسْ] مَارَّا، ؤُڒَا ذ ثِيسدَّارِييِّينْ [ن ؤُعسْكَارِي] ن وُورغْ إِ ثُوغَا إِڭَّا سُولِيمَانْ.
2CH 12:10 ذڭْ ومْشَانْ نْسنْثْ إِڭَّا ؤُجدْجِيذْ رَاحَابْعَامْ ثِيسدَّارِييِينْ [ن ؤُعسْكَارِي] ن نّْحَاسْ. إِڭَّا إِ-ثنْثْ ذڭْ إِفَاسّنْ ن إِمقّْرَاننْ خْ إِرقَّاسنْ ن ثَازْڒَا نِّي ثُوغَا إِتّْعسَّانْ غَارْ وَاذَافْ ن ثَادَّارْثْ ن ؤُجدْجِيذْ.
2CH 12:11 مڒْمِي مَا إِ غَا يَاذفْ ؤُجدْجِيذْ غَارْ ثَادَّارْثْ ن سِيذِي، إِمْسَارْ، أَقَا إِرقَّاسنْ ن ثَازْڒَا ؤُسِينْ-د، أَربُّونْ ثنْثْ ؤُ إِوْينْ ثنْثْ خنِّي عَاوذْ غَارْ وخَّامْ ن إِرقَّاسنْ ن ثَازْڒَا.
2CH 12:12 ؤُمِي إِسّْوَاضعْ ڒَاحَابْعَامْ إِخفْ نّسْ، إِجَّا وغْضَابْ ن سِيذِي خَاسْ، أَڒَامِي وَارْ ث إِضيّعْ مَارَّا. ثُوغَا ذِينْ عَاذْ ذِي يَاهُوذَا ثِيمسْڒَايِينْ صبْحنْثْ.
2CH 12:13 أَجدْجِيذْ رَاحَابْعَامْ إِسّجْهذْ إِخفْ نّسْ ؤُشَا إِقِّيمْ إِحكّمْ. رَاحَابْعَامْ [ثُوغَا] غَارسْ وَاحِيثْ ؤُ-ربْعِينْ ن إِسڭّْوُوسَا ؤُمِي إِذْوڒْ نتَّا ذ أَجدْجِيذْ. نتَّا إِحْكمْ سْبعْطَاشْ ن إِسڭّْوُوسَا ذِي ؤُرْشَالِيمْ، ذِي ثنْذِينْثْ إِ إِخْضَارْ سِيذِي زِي جَارْ مَارَّا ثِيقبَّاڒْ ن إِسْرَائِيل حِيمَا أَذْ ذِينْ إِسّمْثنْ إِسمْ نّسْ. يمَّاسْ قَّارنْ أَسْ نِيعْمَا، [ثنِّي ذ] ثَاعَامُّونِيثْ.
2CH 12:14 إِڭَّا مِينْ إِدْجَانْ ذ أَعفَّانْ، مَاغَارْ وَارْ إِسّوْجذْ ؤُڒْ نّسْ مَاحنْذْ أَذْ يَارْزُو خْ سِيذِي.
2CH 12:15 إِمزْرُوينْ ن رَاحَابْعَامْ، إِمزْوُورَا ذ إِنڭُّورَا، ؤُڒَا ذ إِمنْغَانْ جَارْ رَاحَابْعَامْ ذ يَارُوبْعَامْ ذِي مَارَّا ؤُسَّانْ، مَا نِيثْنِي وَارْ تّْوَازمّمنْ شَا ذڭْ وَاوَاڒنْ ن ؤُنَابِي شَامْعِييَا ذ ؤُمْوَاڒَاوْ عِيدُّو ذِي طّْوعْ ن لِيسْثَاثْ ن جَّاذِيرَا؟
2CH 12:16 رَاحَابْعَامْ إِڭَّا أَذْ يَاريّحْ جَارْ ڒجْذُوذْ نّسْ. نتَّا إِتّْوَانْضڒْ جَارْ ڒجْذُوذْ نّسْ ذِي ثنْذِينْثْ ن ذَاوُوذْ. مِّيسْ أَبِييَا إِذْوڒْ ذ أَجدْجِيذْ ذڭْ ومْشَانْ نّسْ.
2CH 13:1 ذڭْ ؤُسڭّْوَاسْ وِيسّْ ثْمنْطَاشْ ن ؤُجدْجِيذْ يَارُوبْعَامْ، مِّيسْ ن نَابَاطْ، إِذْوڒْ أَبِييَا ذ أَجدْجِيذْ خْ يَاهُوذَا.
2CH 13:2 نتَّا إِحْكمْ ثْڒَاثَا ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ مِيخَا-يَاهُو، يدْجِيسْ ن ؤُرِييِيلْ زِي جِيبْعَا. ثُوغَا [ذِينْ] ؤُمنْغِي جَارْ أَبِييَا ذ يَارُوبْعَامْ.
2CH 13:3 أَبِييَا إِسّكَّارْ أَمنْغِي س إِجّْ ن ڒْعسْكَارْ ن أَيْثْ ن بُو-ثغْرُوضْثْ إِمحْضنْ، أَربْعَا-مْيَاثْ-أَڒفْ ن يرْيَازنْ إِتّْوَافَارْزنْ، ؤُشَا يَارُوبْعَامْ إِڭَّا أَسذِّي س ثمْنْ-مْيَاثْ-أَڒفْ ن يرْيَازنْ إِتّْوَافَارْزنْ، أَيْثْ ن بُو-ثغْرُوضْثْ إِمحْضنْ.
2CH 13:4 إِبدّْ أَبِييَا خْ ثْقِيشَّاثْ ن وذْرَارْ ن صَامَارَايِيمْ نِّي [إِدْجَانْ] خْ إِذُورَارْ ن إِفْرَايِيمْ، إِنَّا: ”سْڒمْ غَارِي، يَارُوبْعَامْ ذ مَارَّا إِسْرَائِيل!
2CH 13:5 مَا وَارْ ثسِّينمْ شَا أَقَا سِيذِي، أَربِّي ن إِسْرَائِيل، إِوْشَا ثَاڭلْذَا خْ إِسْرَائِيل س يِيجّْ ن ڒْعَاهْذْ ن ثْمدْجَاحْثْ إِ ذَاوُوذْ ؤُ إِ إِحنْجِيرنْ نّسْ إِ ڒبْذَا؟
2CH 13:6 [مَاشَا] يَارُوبْعَامْ، مِّيسْ ن نَابَاطْ، أَمْسخَّارْ ن سُولِيمَانْ، مِّيسْ ن ذَاوُوذْ، إِكَّارْ ؤُشَا إِغوّغْ خْ سِيذِيسْ نّسْ.
2CH 13:7 إِرْيَازنْ إِخْوَانْ، أَيْثْ إِ وَارْ إِسكّْوِينْ، ؤُسِينْ-د غَارسْ ؤُشَا سّْجهْذنْ إِخفْ نْسنْ ضِيدّْ إِ رَاحَابْعَامْ، مِّيسْ ن سُولِيمَانْ، ؤُمِي رَاحَابْعَامْ ثُوغَا عَاذْ ذ أَمژْيَانْ ذ أَحْنِينْ ن وُوڒْ ؤُ وَارْ إِزمَّارْ أَكِيذْسنْ إِمْقُودَّا.
2CH 13:8 ؤُشَا ڒخُّو، إِتّْغِيڒْ أَومْ أَذْ ثِيڒِيمْ ثْجهْذمْ خْ ثْڭلْذِيثْ ن سِيذِي، ثنِّي [إِدْجَانْ] ذڭْ إِفَاسّنْ ن إِحنْجِيرنْ ن ذَاوُوذْ. وَاخَّا، كنِّيوْ س يِيجّْ ن ڒْغَاشِي أَمقّْرَانْ إِ ثدْجَامْ، مَاشَا غَارْومْ إِعجْمِييّنْ ن وُورغْ نِّي إِڭَّا يَارُوبْعَامْ ذ إِربِّيثنْ إِ كنِّيوْ.
2CH 13:9 مَا وَارْ ثنْضَارمْ كنِّيوْ إِكهَّاننْ ن سِيذِي، أَرَّاوْ ن هَارُونْ ذ وَارَّاوْ ن لَاوِي، ؤُ ثڭِّيمْ إِ يِيخفْ نْومْ إِكهَّاننْ أَمْ مَامّشْ [ت تّڭّنْ] ڒڭْنُوسْ ذِي [مَارَّا] ثِيمُّورَا؟ مَارَّا ونِّي د-يُوسِينْ س يِيجّْ ن ؤُفُونَاسْ، أَمژْيَانْ ن ثْفُونَاسْثْ، ؤُ س سبْعَا ن إِشَارِّييّنْ إِ إِخْسنْ أَذْ إِتّْوَاڭّْ ذ أَكهَّانْ، أَقَا إِذْوڒْ ذ أَكهَّانْ ن يِينِّي وَارْ إِدْجِينْ شَا ذ إِربِّيثنْ.
2CH 13:10 مَاشَا خَانغْ، أَقَا سِيذِي ذ أَربِّي نّغْ، ؤُ نشِّينْ وَارْ خَاسْ نْحيّذْ شَا، ؤُ إِكهَّاننْ نِّي إِسخَّارنْ إِ سِيذِي، أَقَا أَثنْ ذ أَرَّاوْ ن هَارُونْ، ؤُ إِلَاوِييّنْ [بدّنْ أَكِيذْسنْ] ذِي ڒْخذْمثْ.
2CH 13:11 كُوڒْ صّْبحْ ذ ثْمذِّيثْ سّْبخَّارَانْ ثِيغَارْصَا ن وشْمَاضْ إِ سِيذِي. ؤُشَا [حْضَانْ] عَاوذْ خْ ڒبْخُورْ إِتّْفُوحنْ ذ ؤُستّفْ ن وغْرُومْ ن وسْشَانْ خْ ثْزوْضَا ثزْذڭْ ؤُ خْ ڒْقنْذِيڒْ ن وُورغْ ؤُ خْ ڒفْنَارَاثْ، حِيمَا أَذْ ثنْثْ سَّارْغنْ كُوڒْ ثَامذِّيثْ، مَاغَارْ نشِّينْ نْخزَّارْ غَارْ ثْسخَّارْثْ ن سِيذِي، أَربِّي نّغْ، مَاشَا كنِّيوْ ثْحيّْذمْ خَاسْ.
2CH 13:12 خْزَارمْ، أَربِّي أَقَا-ث أَكِيذْنغْ غَارْ زَّاثْنغْ، ؤُ غَارْنغْ ؤُڒَا ذ إِكهَّاننْ نّسْ أَكْ-ذ ڒبْوَاقْ إِ ؤُسُوضِي س وسْرُودّحْ، مَاحنْذْ أَذْ ذَايْسنْ سُوضنْ س وسْرُودّحْ. [أَ] أَيْثْ ن إِسْرَائِيل، وَارْ تّْمنْغَامْ شَا أَكْ-ذ سِيذِي، أَربِّي ن ڒجْذُوذْ نْومْ، مَاغَارْ كنِّيوْ وَارْ ثْفْڒِيحِيمْ شَا.“
2CH 13:13 [مَاشَا] يَارُوبْعَامْ إِجَّا [إِشْثْ ن ثسْغَارْثْ ن يرْيَازنْ نّسْ] أَذْ ڭّنْ إِشْثْ ن دُّورَا مَاحنْذْ أَذْ ڭّنْ ثَاخْشفْثْ غَارْ ضفَّارْ نْسنْ. نِيثْنِي ثُوغَا أَثنْ زَّاثْ إِ وُوذمْ ن يَاهُوذَا، ؤُ غَارْ ضفَّارْ [ن يرْيَازنْ ن يَاهُوذَا] ثُوغَا ذِينْ ڒْفخْ.
2CH 13:14 [ؤُمِي] نْقڒْبنْ [أَيْثْ ن] يَاهُوذَا، ژْرِينْ، أَقَا أَمنْغِي ثُوغَا-ث زِي زَّاثْ ذ زِي ضفَّارْ. نِيثْنِي سْغُوينْ غَارْ سِيذِي ؤُشَا سُوضنْ إِكهَّاننْ ذِي ڒبْوَاقْ.
2CH 13:15 إِرْيَازنْ ن يَاهُوذَا سّْڭعّْذنْ ذڭْ إِغُويَّانْ ن ؤُمنْغِي ؤُ ڒَامِي سّْڭعّْذنْ إِرْيَازنْ ن يَاهُوذَا ذڭْ إِغُويَّانْ، إِمْسَارْ، أَقَا أَربِّي إِوْثَا يَارُوبْعَامْ ذ مَارَّا إِسْرَائِيل زَّاثْ إِ ثِيطَّاوِينْ ن أَبِييَا ذ يَاهُوذَا.
2CH 13:16 أَرَّاونْ ن إِسْرَائِيل أَروْڒنْ زَّاثْ إِ وُوذمْ ن يَاهُوذَا ؤُشَا أَربِّي إِڭَّا إِ-ثنْ ذڭْ ؤُفُوسْ نْسنْ.
2CH 13:17 أَبِييَا أَكْ-ذ ڒْڭنْسْ نّسْ، وْثِينْ ثنْ س إِشْثْ ن ثشْثِي ذ ثَامقّْرَانْثْ، مِينْزِي وْضَانْ [زَّايْسنْ] خمْسَا-مْيَاثْ-أَڒفْ ن يرْيَازنْ إِتّْوَافَارْزنْ زِي إِسْرَائِيل.
2CH 13:18 [أَمُّو] إِ ذوْڒنْ أَيْثْ ن إِسْرَائِيل نّْبهْثْڒنْ ذِي ڒْوقْثْ نِّي، مَاشَا أَيْثْ ن يَاهُوذَا ذوْڒنْ جهْذنْ، مِينْزِي تّشْڒنْ خْ سِيذِي، أَربِّي ن ڒجْذُوذْ نْسنْ.
2CH 13:19 أَبِييَا إِضْفَارْ يَارُوبْعَامْ ؤُشَا إِطّفْ زَّايسْ ثِيندَّامْ بَايْثْ-إِلْ أَكْ-ذ ثْندَّامْ إِ غَارسْ د-إِقّْننْ، يَاشَانَا أَكْ-ذ ذْشُورَاثْ نّسْ ذ إِفْرُونْ أَكْ-ذ ثْندَّامْ إِ غَارسْ د-إِقّْننْ.
2CH 13:20 وَارْ ثقِّيمْ عَاذْ جّهْذْ غَارْ يَارُوبْعَامْ ذڭْ وُوسَّانْ ن أَبِييَا. غَارْ ؤُنڭَّارْ إِوْثَا إِ-ث سِيذِي، أَڒَامِي إِمُّوثْ.
2CH 13:21 أَبِييَا [مَاشَا] إِذْوڒْ يَارنِّي ذِي جّهْذْ. نتَّا يِيوِي أَرْبعْطَاشْ ن ثمْغَارِينْ إِ يِيخفْ نّسْ ؤُ إِجَّا-د ثْنَاينْ ؤُ-عِيشْرِينْ ن وَارَّاونْ ذ سطَّاشْ ن يسِّيسْ.
2CH 13:22 مِينْ إِقِّيمنْ ن إِمزْرُوينْ ن أَبِييَا، أَمْ ثبْرِيذِينْ نّسْ أَمْ وَاوَاڒنْ نّسْ، أَقَا مَانْ أَيَا [مَارَّا] إِتّْوَازمّمْ ذڭْ وذْلِيسْ ن ثْغُورِي ن ؤُنَابِي عِيدُّو.
2CH 13:23 أَبِييَا إِڭَّا أَذْ يَاريّحْ جَارْ ڒجْذُوذْ نّسْ ؤُشَا نضْڒنْ ث ذِي ثنْذِينْثْ ن ذَاوُوذْ، ؤُشَا مِّيسْ أَسَا إِذْوڒْ ذ أَجدْجِيذْ ذڭْ ومْشَانْ نّسْ. ذڭْ وُوسَّانْ نّسْ ثُوغَا ذِينْعشْرَا ن إِسڭّْوُوسَا ن ڒْهُوذْنثْ ذِي ثمُّورْثْ.
2CH 14:1 أَسَا إِڭَّا [مِينْ إِدْجَانْ] نِيشَانْ ذِي ثِيطَّاوِينْ ن سِيذِي، أَربِّي نّسْ.
2CH 14:2 نتَّا إِكّسْ إِعَالْطَارنْ ن [إِربِّيثنْ] إِغْرِيبنْ ذ ڒڭْعُوذِي ؤُشَا يَارْژَا إِمَايْضُوثنْ [إِقدّْسنْ] ؤُشَا إِهْذمْ ثِيربِّينْ ن شْوَارْثِي.
2CH 14:3 نتَّا إِنَّا إِ يَاهُوذَا، أَذْ أَرْزُونْ سِيذِي، أَربِّي ن ڒجْذُوذْ نْسنْ ؤُشَا أَذْ ضْفَارنْ شَّارِيعَا ذ ثوْصيّثْ.
2CH 14:4 نتَّا إِكّسْ [عَاوذْ] ڒڭْعُوذِي ذ إِپِيلَارنْ ن أَربِّي ن ثْفُوشْثْ زِي مَارَّا ثِيندَّامْ ن يَاهُوذَا. ثَاڭلْذِيثْ ثُوغَا غَارسْ ڒْهُوذْنثْ سَاذُو نتَّا.
2CH 14:5 إِبْنَا ثِيندَّامْ إِفَارْينْ ذِي يَاهُوذَا مَاغَارْ ثَامُّورْثْ ثُوغَا ذَايسْ ڒْهُوذْنثْ. وَارْ ثُوغِي ذِينْ أَمنْغِي أَكِيذسْ ذڭْ إِسڭّْوُوسَا نِّي، مِينْزِي سِيذِي إِوْشَا أَسْ ڒْهُوذْنثْ.
2CH 14:6 نتَّا إِنَّا إِ يَاهُوذَا: ”أجّْ أَنغْ أَذْ نبْنَا ثِيندَّامْ-أَ ؤُشَا أَذْ ثنْثْ نسَّارْ س ڒحْيُوضْ ذ لْبُورْجَاثْ ذ ثوُّورَا ذ إِعُومَاذْ إِ ؤُبلّعْ، مَاغَارْ ثَامُّورْثْ عَاذْ زَّاثْنغْ [س ڒْهُوذْنثْ]، مِينْزِي نشِّينْ نَارْزُو خْ سِيذِي، أَربِّي نّغْ، نَارْزُو خَاسْ ؤُ نتَّا إِوْشَا أَنغْ ڒْهُوذْنثْ.“ ؤُ نِيثْنِي بْنَانْ ؤُشَا فڒْحنْ.
2CH 14:7 أَسَا ثُوغَا غَارسْ إِجّْ ن ڒْعسْكَارْ ن ثڒْثْ-مْيَاثْ-أَڒفْ [ن يرْيَازنْ] زِي يَاهُوذَا، إِنِّي إِكْسِينْ ثَاسدَّارْثْ [ن ؤُعسْكَارِي] ثَامقّْرَانْثْ ذ لَانْسَا، مِيثَاينْ ؤُ-ثْمنْيِينْ-أَڒفْ [ن يرْيَازنْ] زِي بِينْيَامِينْ، إِنِّي يَاربُّونْ ثَاسدَّارْثْ [ن ؤُعسْكَارِي] ؤُ زمَّارنْ خْ ڒْقوْسْ. نِيثْنِي مَارَّا ثُوغَا أَثنْ ذ أَيْثْ ن بُو-ثغْرُوضْثْ إِمحْضنْ.
2CH 14:8 إِفّغْ أَكُوشِي، قَّارنْ أَسْ زَارَاحْ [إِ ؤُمنْغِي] أَكِيذْسنْ س يِيجّْ ن ڒْعسْكَارْ ن إِجّْ ن ملْيُونْ [ن يرْيَازنْ] ذ ثڒْثْ-مْيَا ن إِكَارُّوثنْ. نتَّا يُوسَا-د أَڒْ مَارِيشَا.
2CH 14:9 إِفّغْ أَسَا إِ ؤُمْسَاڭَارْ أَكِيذسْ ؤُشَا سدّنْ نِيثْنِي إِخفْ نْسنْ إِ ؤُمنْغِي ذِي ثغْزُورْثْ ن صَافَاثَا غَارْ مَارِيشَا.
2CH 14:10 أَسَا إِڒَاغَا غَارْ سِيذِي، أَربِّي نّسْ، إِنَّا: ”[أَ] سِيذِي، أَيَا إِسْهڒْ خَاكْ حِيمَا أَذْ ثَاذْفذْ جَارْ [ينِّي ذڭْ] وَاطَّاسْ ذ [ينِّي] وَارْ غَارْ إِدْجِي جّهْذْ. عَاونْ أَنغْ، [أَ] سِيذِي، أَربِّي نّغْ، مَاغَارْ نتّْشڒْ خَاكْ ؤُ نُوسَا-د قِيبَاتْشْ إِ ڒْغَاشِي-يَا س يِيسمْ نّشْ. [أَ] سِيذِي، شكْ ذ أَربِّي نّغْ، وَارْ تّجِّي ؤُڒَا ذ إِجّْ ن ورْيَازْ أَذْ أَكِيذكْ إِمّْعَاڒَا.“
2CH 14:11 ؤُشَا سِيذِي إِوْثَا أَيْثْ ن كُوشْ زَّاثْ إِ وُوذمْ ن أَسَا ذ يَاهُوذَا، ؤُشَا أَروْڒنْ [أَيْثْ ن] كُوشْ.
2CH 14:12 أَسَا ذ ڒْڭنْسْ إِ ثُوغَا أَكِيذسْ، ضْفَارنْ ثنْ أَڒْ جَارَارْ. وْضَانْ أَطَّاسْ زڭْ [أَيْثْ ن] كُوشْ أَڒَامِي وَارْ زمَّارنْ أَذْ بدّنْ عَاذْ، مِينْزِي نِيثْنِي تّْوَاغڒْبنْ زَّاثْ إِ وُوذمْ ن سِيذِي ذ ڒْعسْكَارْ نّسْ. نِيثْنِي طّْفنْ إِشْثْ ن ثْكشَّاضْثْ ذ ثَامقّْرَانْثْ.
2CH 14:13 نِيثْنِي وْثِينْ مَارَّا ثِيندَّامْ إِ د-إِنّْضنْ إِ جَارَارْ، مَاغَارْ أَرّهْبثْ ن سِيذِي [ثوْضَا-د] خَاسنْثْ. نِيثْنِي كشّْضنْ مَارَّا ثِيندَّامْ، مَاغَارْ ثُوغَا ثْبَانْ-د ذَايْسنْثْ أَطَّاسْ ن ثْكشَّاضْثْ.
2CH 14:14 نِيثْنِي هذْمنْ ؤُڒَا ذ إِقِيضَانْ ن ڒْمَاڒْ ؤُشَا طّْفنْ ؤُدْجِي ذ إِڒغْمَانْ. [خنِّي]عقْبنْ غَارْ ؤُرْشَالِيمْ.
2CH 15:1 [خنِّي] يُوسَا-د أَرُّوحْ ن أَربِّي خْ عَازَارْيَا، مِّيسْ ن عُوذِيذْ.
2CH 15:2 نتَّا يُويُورْ إِبدّْ زَّاثْ إِ أَسَا، إِنَّا أَسْ: ”سڒْ-د غَارِي، أَسَا ذ مَارَّا [أَيْثْ ن] يَاهُوذَا ذ بِينْيَامِينْ! سِيذِي أَقَا-ث أَكِيذْومْ ؤُ كنِّيوْ أَكِيذسْ. مَاڒَا ثَارزُّومْ خَاسْ، نتَّا أَذْ كنِّيوْ يَارّْ أَذْ ث ثَافمْ، مَاشَا مَاڒَا كنِّيوْ ثْحيّْذمْ خَاسْ، أَذْ خَاومْ إِحيّذْ ؤُڒَا ذ نتَّا.
2CH 15:3 أَطَّاسْ ن وُوسَّانْ إِ إِقِّيمْ إِسْرَائِيل بْڒَا أَربِّي ن ثِيذتّْ ؤُ بْڒَا إِجّْ ن ؤُكهَّانْ إِسّْغَارَانْ ؤُ بْڒَا شَّارِيعَا.
2CH 15:4 مَاڒَا ذوْڒنْ-د نِيثْنِي غَارْ سِيذِي، أَربِّي ن إِسْرَائِيل، ذِي ڒحْصَارثْ ؤُ أَرْزُونْ خَاسْ، إِجَّا إِ-ثنْ أَذْ ث أَفنْ.
2CH 15:5 ذڭْ وُوسَّانْ نِّي وَارْ ذِينْ ثُوغِي ڒهْنَا إِ ونِّي د-إِفّْغنْ ؤُ إِ ونِّي يَارڭّْوْحنْ، مَاغَارْ أَقَا ذِينْ أَطَّاسْ ن ڒحْوڒْ جَارْ مَارَّا إِمزْذَاغْ ن ثمُّورَا.
2CH 15:6 [إِجّْ ن] ڒْڭنْسْ إِتّْوَاعْفسْ زڭْ إِجّْ ن ڒْڭنْسْ [نّغْنِي]، ؤُ إِشْثْ ن ثنْذِينْثْ زڭْ إِشْثْ ن ثنْذِينْثْ [نّغْنِيثْ]، مَاغَارْ أَربِّي إِسِّيڭّْوذْ إِ-ثنْ س كُوڒْ ڒحْصَاڒثْ.
2CH 15:7 كنِّيوْ [مَاشَا] إِڒِيمْ ذ إِرْيَازنْ، وَارْ تّجِّيمْ أَذْ أَرْخُونْ إِفَاسّنْ نْومْ، مَاغَارْ أَقَا ذِينْ ڒْمُونثْ إِ ڒْخذْمثْ نْومْ.“
2CH 15:8 ؤُمِي أَسَا إِسْڒَا أَوَاڒنْ-أَ ذ نُّوبُووَا ن ؤُنَابِي عُوذِيذْ، إِسّجْهذْ إِخفْ نّسْ ؤُشَا إِسّْبعّذْ نّْعَاوَاثْ ن لْ-أَصْنَامْ زِي مَارَّا ثَامُّورْثْ ن يَاهُوذَا ذ بِينْيَامِينْ ؤُ زِي مَارَّا ثِيندَّامْ نِّي ثُوغَا إِطّفْ خْ إِذُورَارْ ن إِفْرَايِيمْ ؤُشَا إِعْذڒْ أَعَالْطَارْ ن سِيذِي، ونِّي [إِدْجَانْ] زَّاثْ إِ وسْقِيفْ ن وَاذَافْ [إِ زَّاوشْثْ ثَامقّْرَانْثْ] ن سِيذِي.
2CH 15:9 إِسّْمُونْ مَارَّا يَاهُوذَا ذ بِينْيَامِينْ، ؤُڒَا ذ إِبَارَّانِييّنْ زڭْ إِفْرَايِيمْ، مَانَاسَّا ؤُ شِيمْعُونْ، مَاغَارْ أَطَّاسْ زِي إِسْرَائِيل عْذُونْ غَارسْ، ؤُمِي نِيثْنِي ژْرِينْ، أَقَا سِيذِي، أَربِّي نّسْ، ثُوغَا-ث أَكِيذسْ.
2CH 15:10 نِيثْنِي مُوننْ ذِي ؤُرْشَالِيمْ ذڭْ ؤُيُورْ وِيسّْ ثْڒَاثَا، ذڭْ ؤُسڭّْوَاسْ وِيسّْ خمّسْطَاشْ ن ثْڭلْذَا ن أَسَا.
2CH 15:11 ذڭْ وَاسّْ نِّي وهّْبنْ نِيثْنِي سبْعَا-مْيَا ن إِفُونَاسنْ ذ ثْفُونَاسِينْ ذ سبْعَا-أَڒَافْ ن وُودْجِي ذ ثْغَارْصْثْ إِ سِيذِي زِي ثْكشَّاضْثْ إِ كِيذْسنْ إِوْينْ.
2CH 15:12 نِيثْنِي ؤُذْفنْ غَارْ إِجّْ ن ڒْعَاهْذْ مَاحنْذْ أَذْ أَرْزُونْ سِيذِي، أَربِّي ن ڒجْذُوذْ نْسنْ، س مَارَّا ؤُڒْ نْسنْ ؤُ س مَارَّا ڒعْمَارْ نْسنْ.
2CH 15:13 مَارَّا ونِّي وَارْ يَارزُّونْ خْ سِيذِي، أَربِّي ن إِسْرَائِيل، إِتّْخصَّا أَذْ إِتّْوَانغْ، أَمْ ؤُمژْيَانْ أَمْ ؤُمقّْرَانْ، أَمْ ورْيَازْ أَمْ ثمْغَارْثْ.
2CH 15:14 نِيثْنِي جُّودْجنْ إِ سِيذِي س ثْمِيجَّا ثجْهذْ ؤُ س ؤُسْڒوْڒِيوْ، غَارْ وسْرُودّحْ ن ڒبْوَاقْ ذ وَاشَّاونْ ن إِشَارِّي.
2CH 15:15 مَارَّا يَاهُوذَا ثْفَارْحْ خْ ثْجَادْجِيثْ، مَاغَارْ نِيثْنِي ڭِّينْ ت س مَارَّا ؤُڒْ نْسنْ ؤُمِي نِيثْنِي أَرْزُونْ خَاسْ س مَارَّا أَرْضَا نْسنْ، ؤُ نتَّا إِجَّا إِ-ثنْ أَذْ ث أَفنْ ؤُشَا سِيذِي إِوْشَا أَسنْ ڒْهُوذْنثْ زِي مَارَّا إِغزْذِيسنْ نْسنْ.
2CH 15:16 إِسّْحيّذْ أَسَا ؤُڒَا ذ حنَّاسْ مَاعْكَا زِي جّهْذْ نّسْ، مَاغَارْ نتَّاثْ ثُوغَا ثڭَّا إِشْثْ ن جّْعِيفشْثْ ن ڒخْيَاڒْ إِ ثْربِّيثْ ن شْوَارْثِي. أَسَا إِشقَّارْ جّْعِيفشْثْ نّسْ، إِڒْبزْ إِ-ت ؤُشَا إِسّْشمْضْ إِ-ت غَارْ ثغْزَارْثْ ن قِيذْرُونْ.
2CH 15:17 وَارْ تّْوَاحيّْذنْثْ ڒڭْعُوذِي، مَاشَا ؤُڒْ ن أَسَا ثُوغَا إِشْضَارْ [نِيشَانْ إِ سِيذِي]، مَارَّا ؤُسَّانْ [ن ثُوذَارْثْ] نّسْ.
2CH 15:18 ثِيوْهِيبِينْ إِقدّْسنْ ن بَابَاسْ ذ مِينْ ثُوغَا إِسّْقدّسْ نتَّا [س يِيخفْ نّسْ] يِيوْيِي-ث ذِي ثَادَّارْثْ ن أَربِّي، ؤُڒَا ذ ثِيوْهِيبِينْ نّسْ إِقدّْسنْ: نُّوقَارْثْ ذ وُورغْ ذ ڒقْشُوعْ [نّغْنِي].
2CH 15:19 وَارْ ذِينْ إِقِّيمْ [عَاذْ] ؤُمنْغِي أَڒْ أَسڭّْوَاسْ وِيسّْ خمْسَا ؤُ-ثْڒَاثِينْ ن ثْڭلْذَا ن أَسَا.
2CH 16:1 ذڭْ ؤُسڭّْوَاسْ وِيسّْ ستَّا ؤُ-ثْڒَاثِينْ ن ثْڭلْذَا ن أَسَا، إِفّغْ بَاشَا، أَجدْجِيذْ ن إِسْرَائِيل، [إِ ؤُمنْغِي] أَكْ-ذ يَاهُوذَا. إِبْنَا رَامَا، حِيمَا وَارْ إِتّجِّي ؤُڒَا ذ إِجّْ أَذْ إِفّغْ غَارْ بَارَّا نِيغْ أَذْ د-إِعْقبْ غَارْ أَسَا، أَجدْجِيذْ ن يَاهُوذَا.
2CH 16:2 [خنِّي] إِكْسِي أَسَا مَارَّا نُّوقَارْثْ ذ وُورغْ زڭْ إِخَّامنْ ن ثْخُوبَايْ زِي ثَادَّارْثْ ن سِيذِي ؤُ زِي ثَادَّارْثْ ن ؤُجدْجِيذْ ؤُشَا إِسّكّْ [مَارَّا] أَيَا غَارْ بِينْهَاذَاذْ، أَجدْجِيذْ ن أَرَامْ، ونِّي ثُوغَا إِزدّْغنْ ذِي ذِيمَاشْقْ، إِنَّا:
2CH 16:3 ”[أَقَا ذِينْ] إِجّْ ن ڒْعَاهْذْ جَارْ أَيِي ذ شكْ، جَارْ بَابَا ذ بَابَاشْ. خْزَارْ، نشّْ أَذْ أَشْ د-سّكّغْ نُّوقَارْثْ ذ وُورغْ. رُوحْ شكْ، فْسِييْ ڒْعَاهْذْ نّشْ أَكْ-ذ بَاعْشَا، أَجدْجِيذْ ن إِسْرَائِيل، مَاحنْذْ نتَّا أَذْ إِڭعّذْ أَذْ خَافِي إِڭّْوجْ.“
2CH 16:4 بِينْهَاذَاذْ إِسْڒَا غَارْ ؤُجدْجِيذْ أَسَا ؤُ إِسّكّْ إِكُومَانْذَارنْ ن ڒْعسْكَارْ نِّي غَارسْ [إِدْجَانْ] غَارْ ثْندَّامْ ن إِسْرَائِيل. نِيثْنِيغڒْبنْ خْ عِييُونْ ذ ذَانْ ذ أَبَالْ-مَايِيمْ ؤُڒَا خْ مَارَّا ثِيندَّامْ ن ڒخْزنْ ن نَافْثَالِي.
2CH 16:5 ؤُمِي إِسْڒَا بَاعْشَا مَانْ أَيَا، إِمْسَارْ، أَقَا نتَّا إِسّْبدّْ ڒبْنِي ن رَامَا ؤُشَا إِسْمحْ ذِي ڒْخذْمثْ نّسْ.
2CH 16:6 [خنِّي] يِيوِي ؤُجدْجِيذْ أَسَا مَارَّا [أَيْثْ ن] يَاهُوذَا ؤُ نِيثْنِي كْسنْ إِژْرَا ن رَامَا ؤُڒَا ذ ثِيحنْيَا نّسْ إِ زِي ثُوغَا ت إِبْنَا بَاعْشَا، ؤُشَا إِبْنَا زَّايسْ جَابْعَا ذ مِيصْفَا.
2CH 16:7 ذڭْ وُوسَّانْ نِّي يُوسَا-د ؤُمْوَاڒَاوْ حَانَانِي غَارْ أَسَا، أَجدْجِيذْ ن يَاهُوذَا، إِنَّا أَسْ: ”مِينْزِي ثتّشْڒذْ خْ ؤُجدْجِيذْ ن أَرَامْ ؤُ وَارْ إِدْجِي خْ سِيذِي، أَربِّي نّشْ، خْ ؤُيَا يَارْوڒْ ڒْعسْكَارْ ن ؤُجدْجِيذْ ن أَرَامْ زڭْ ؤُفُوسْ نّشْ.
2CH 16:8 مَا وَارْ ثُوغِي ؤُڒَا ذ [أَيْثْ ن] كُوشْ ذ [أَيْثْ ن] لِيبِييَا س يِيجّْ ن ڒْعسْكَارْ أَمقّْرَانْ أَكْ-ذ وَاطَّاسْ ن إِكَارُّوثنْ ذ إِمْنَاينْ؟ مَاشَا مِينْزِي ثتّشْڒذْ خْ سِيذِي، إِوْشَا إِ-ثنْ نتَّا ذڭْ ؤُفُوسْ نّشْ،
2CH 16:9 مَاغَارْ ثْحوّْمنْثْ ثِيطَّاوِينْ ن سِيذِي خْ ثَامُّورْثْ أَمْ ثكْمڒْ، حِيمَا أَذْ إِبدّْ س جّهْذْ أَكْ-ذ يِينِّي إِدْجَانْ س وُوڒْ إِمُونْ [أَكِيذسْ]. ذِي مَانْ أَيَا ثڭِّيذْ ثُوبُّوهڒْيَا، مَاغَارْ زِي ڒخُّو ذ ثْسَاونْثْ أَذْ [ذِينْ] إِڒِينْ إِمنْغَانْ أَكِيذكْ.“
2CH 16:10 أَسَا إِهَاجْ خْ ؤُمْوَاڒَاوْ ؤُشَا إِجَّا أَذْ ث ڭّنْ ذڭْ ؤُكشُّوضْ ذِي ڒحْبسْ، مَاغَارْ [أَمُّو إِ] ذ أَسْ ثُوغَا إِسْخضْ خْ ؤُيَا. ذِي ڒْوقْثْ نِّي ذ إِشْثْ إِحْصَارْ أَسَا [شَا] زِي ڒْڭنْسْ.
2CH 16:11 خْزَارْ، إِمزْرُوينْ ن أَسَا، إِمزْوُورَا ذ إِنڭُّورَا، خْزَارْ، أَقَا تّْوَازمّمنْ ذڭْ وذْلِيسْ ن إِجدْجِيذنْ ن يَاهُوذَا ذ إِسْرَائِيل.
2CH 16:12 ذڭْ ؤُسڭّْوَاسْ وِيسّْ ثسْعَا ؤُ-ثْڒَاثِينْ ن ثْڭلْذَا نّسْ إِهْڒشْ أَسَا زڭْ إِضَارنْ. [مَاشَا] ذِي ثْقِيشّثْ ن ڒهْڒَاشْ نّسْ ؤُڒَا ڒَامِي ثُوغَا إِهْڒشْ، وَارْ يَارْزُو شَا خْ سِيذِي، مَاشَا خْ إِمسْڭنْفَانْ [وَاهَا].
2CH 16:13 أَسَا إِڭَّا أَذْ يَاريّحْ جَارْ ڒجْذُوذْ نّسْ. إِمُّوثْ ذڭْ ؤُسڭّْوَاسْ وِيسّْ وَاحِيثْ ؤُ-ربْعِينْ زِي ڒحْكَامثْ نّسْ.
2CH 16:14 نضْڒنْ ث ذڭْ ونْضڒْ  إِ ثُوغَا إِڭَّا إِ يِيخفْ نّسْ ذِي ثنْذِينْثْ ن ذَاوُوذْ ؤُشَا سَّارْسنْ ث خْ قَامَا إِ ثُوغَا ثْعمَّارْ س ڒعْطُورْ ذ مَارَّا مِينْ إِدْجَانْ ذ دَّارْبَاثْ [إِفَارْزنْ] زِي مِينْ إِخدْجْضنْ س ؤُفُوسْ ن ؤُحْرَايْفِي. نِيثْنِي قّْذنْ أَسْ ثِيمسِّي ذ ثَامقّْرَانْثْ أَطَّاسْ.
2CH 17:1 مِّيسْ يَاهُوشَافَاطْ إِذْوڒْ ذ أَجدْجِيذْ ذڭْ ومْشَانْ نّسْ ؤُ نتَّا إِسّجْهذْ إِخفْ نّسْ ضِيدّْ إِ إِسْرَائِيل.
2CH 17:2 نتَّا يِيوِي ڒْعسْكَارْ غَارْ مَارَّا ثِيندَّامْ إِفَارْينْ ن يَاهُوذَا ؤُ إِڭَّا ڒْعسْكَارَاثْ [ن ؤُحوّسْ] ذِي ثمُّورْثْ ن يَاهُوذَا ؤُ ذِي ثْندَّامْ ن إِفْرَايِيمْ، ثِينِّي إِ ثُوغَا إِطّفْ بَابَاسْ أَسَا.
2CH 17:3 سِيذِي ثُوغَا-ث أَكْ-ذ يَاهُوشَافَاطْ، مَاغَارْ نتَّا إِضْفَارْ إِبْرِيذنْ إِمزْوُورَا ن بَابَاسْ ذَاوُوذْ، وَارْ يَارْزُو شَا خْ ’إِبَاعْلنْ‘،
2CH 17:4 مَاشَا [يَارْزُو] خْ أَربِّي ن بَابَاسْ ؤُشَا يُويُورْ ذِي ثْوصَّا نّسْ، وَارْ إِڭِّي أَمْ [ث إِڭَّا] إِسْرَائِيل.
2CH 17:5 سِيذِي إِسّمْثنْ ثَاڭلْذَا [ثنِّي] ذڭْ ؤُفُوسْ نّسْ، ؤُ مَارَّا يَاهُوذَا يِيوِي ثَارْزِيفِينْ إِ يَاهُوشَافَاطْ. إِذْوڒْ غَارسْ أَطَّاسْ ن وَاڭْڒَا ذ شَّانْ.
2CH 17:6 ؤُڒْ نّسْ إِتّْوَاسّمْحضْ ذڭْ إِبْرِيذنْ ن سِيذِي ؤُ نتَّا إِكّسْ ؤُڒَا ذ ڒڭْعُوذِي ذ ثْربِّينْ ن شْوَارْثِي زِي يَاهُوذَا.
2CH 17:7 ذڭْ ؤُسڭّْوَاسْ وِيسّْ ثْڒَاثَا ن ڒحْكَامثْ نّسْ إِسّكّْ [إِشْثْ ن ثبْرَاثْ] إِ ڒْحُوكَّامْ نّسْ، إِ بِينْ-حَايِيلْ، عُوبَاذْيَا، زَاكَارِييَّا، نَاثَانِييِيلْ ذ مِيخَا-يَاهُو، حِيمَا أَذْ سّْغَارنْ ذِي ثْندَّامْ ن يَاهُوذَا.
2CH 17:8 [رُوحنْ] أَكِيذْسنْ إِلَاوِييّنْ شَامْعِييَا، نَاثَانْيَا، زَابَاذْيَا، عَسَائِيلْ، شَامِيرَامُوثْ، يُونَاثَانْ، ثُوبِييَا ذ طُوبْ-أَذُونِييَا، [مَارَّا نِيثْنِي ذ] إِلَاوِييّنْ، ؤُشَا ؤُڒَا ذ إِكهَّاننْ أَلِيشَامَاعْ ذ يَاهُورَامْ [رُوحنْ] أَكِيذْسنْ.
2CH 17:9 نِيثْنِي سّْغَارنْ ذِي يَاهُوذَا ؤُ ثُوغَا غَارْسنْ أَذْلِيسْ إِتّْوَانّْضنْ ن شَّارِيعَا ن سِيذِي. كِّينْ مَارَّا ثِيندَّامْ ن يَاهُوذَا ؤُشَا سّْغَارنْ ڒْڭنْسْ.
2CH 17:10 ثُوسَا-د أَرّهْبثْ ن سِيذِي خْ مَارَّا ثِيڭلْذِيوِينْ ن ثمُّورَا إِ-د-إِنّْضنْ إِ يَاهُوذَا، أَڒَامِي وَارْ سّكَّارنْثْ أَمنْغِي أَكْ-ذ يَاهُوشَافَاطْ.
2CH 17:11 زڭْ إِفِيلِيسْطِينِييّنْ إِوْينْ ثَارْزِيفِينْ ذ نُّوقَارْثْ أَمْ لْجِيزْيَا إِ يَاهُوشَافَاطْ. ؤُڒَا ذ أَعْرَابنْ سّكّنْ أَسْ ؤُدْجِي: سبْعَا-أَڒَافْ ؤُ-سبْعَا-مْيَا ن إِشَارِّييّنْ ذ سبْعَا-أَڒَافْ ؤُ-سبْعَا-مْيَا ن إِمُويَانْ.
2CH 17:12 أَمُّو إِ إِذْوڒْ يَاهُوشَافَاطْ يَارْنِي ذِي ڒمْغَارثْ أَڒْ طَّارْفْ ؤُشَا إِبْنَا لْقلْعَاثْ ذ ثْندَّامْ ن ڒخْزنْ ذِي يَاهُوذَا.
2CH 17:13 ثُوغَا غَارسْ أَطَّاسْ ن ڒْخذْمثْ ذِي ثْندَّامْ ن يَاهُوذَا، ؤُڒَا ذ إِعسْكَارِييّنْ، أَيْثْ ن بُو-ثغْرُوضْثْ إِمحْضنْ، ذِي ؤُرْشَالِيمْ.
2CH 17:14 ذ وَانِيثَا ذ ڒْقدّْ نْسنْ عْلَاحْسَابْ ثُوذْرِينْ ن إِبَابَاثنْ نْسنْ. ذِي يَاهُوذَا [أَقَا إِنَا] ذ ڒْقبْطَانَاثْ خْ ڒُوڒُوفْ: أَمقّْرَانْ أَذْنَا ؤُ أَكِيذسْ ثڒْثْ-مْيَاثْ-أَڒفْ ن أَيْثْ ن بُو-ثغْرُوضْثْ إِمحْضنْ.
2CH 17:15 غَارْ ؤُغزْذِيسْ نّسْ ڒْقبْطَانْ يَاهُونَاثَانْ، أَكِيذسْ مِيثَاينْ ؤُ-ثْمَانْيِينْ-أَڒفْ [ن يرْيَازنْ].
2CH 17:16 غَارْ ؤُغزْذِيسْ نّسْ [أَمقّْرَانْ] عَامَاسْيَا، مِّيسْ ن زِيكْرِي، ونِّي ثُوغَا إِسبّْڒنْ إِخفْ نّسْ س ڒْخَاضَارْ، ؤُ أَكِيذسْ مِيثَاينْ-أَڒفْ ن أَيْثْ ن بُو-ثغْرُوضْثْ إِمحْضنْ.
2CH 17:17 زِي بِينْيَامِينْ [ثُوغَا] أَلِييَاذَاعْ، إِجّْ ن بُو-ثغْرُوضْثْ إِمحْضنْ، [ذ أَمقّْرَانْ نْسنْ]، ؤُ أَكِيذسْ مِيثَاينْ-أَڒفْ [ن يرْيَازنْ] س ڒْقوْسْ ذ ثْسدَّارْثْ [ن ؤُعسْكَارِي] إِ ؤُمنْغِي.
2CH 17:18 غَارْ ؤُغزْذِيسْ نّسْ [أَمقّْرَانْ] يَاهُوزَابَاذْ ؤُ أَكِيذسْ مْيَا ؤُ-ثْمَانْيِينْ-أَڒفْ [ن يرْيَازنْ]، [مَارَّا] حزّْمنْ إِ ؤُمنْغِي.
2CH 17:19 إِنَا ثُوغَا تّْسخَّارنْ إِ ؤُجدْجِيذْ، بْڒَا إِنِّي إِ ثُوغَا إِڭَّا ؤُجدْجِيذْ خْ ثْندَّامْ إِفَارْينْ ذِي مَارَّا يَاهُوذَا.
2CH 18:1 يَاهُوشَافَاطْ غَارسْ أَڭْڒَا ذ شَّانْ س ؤُفيّضْ، ؤُ نتَّا إِڭَّا أَذْ إِذْوڒْ ذ أَضڭّْوَاڒْ أَكْ-ذ أَخَابْ.
2CH 18:2 أَوَارْنِي شَا ن إِسڭّْوُوسَا إِهْوَا-د غَارْ أَخَابْ، غَارْ سَامَارْيَا. أَخَابْ إِغَارْصْ إِ وَاطَّاسْ ن وُودْجِي ذ إِفُونَاسنْ إِ ڒْڭنْسْ إِ ثُوغَا أَكِيذسْ إِدْجَانْ ؤُشَا إِغْوَا ث أَذْ إِفّغْ [غَارْ ؤُمنْغِي] غَارْ رَامُوثْ-جِيلْعَاذْ.
2CH 18:3 أَخَابْ، أَجدْجِيذْ ن إِسْرَائِيل، إِنَّا إِ يَاهُوشَافَاطْ، أَجدْجِيذْ ن يَاهُوذَا: ”زعْمَا أَذْ كِيذِي ثفّْغذْ غَارْ رَامُوثْ ذِي جِيلْعَاذْ؟“ إِنَّا يَاهُوشَافَاطْ إِ ؤُجدْجِيذْ ن إِسْرَائِيل: ”نشّْ [أَذْ إِڒِيغْ] أَمْ شكْ، ڒْڭنْسْ إِنُو أَمْ ڒْڭنْسْ نّشْ ؤُ نشِّينْ أَذْ كِيذكْ [نفّغْ] غَارْ ؤُمنْغِي.“
2CH 18:4 إِنَّا يَاهُوشَافَاطْ [عَاوذْ] إِ ؤُجدْجِيذْ ن إِسْرَائِيل: ”سقْسَا عَافَاكْ أَسّْ-أَ خْ وَاوَاڒْ ن سِيذِي.“
2CH 18:5 [خنِّي] إِسّْمُونْ ؤُجدْجِيذْ ن إِسْرَائِيل إِنَابِييّنْ، أَربْعَا-مْيَا ن يرْيَازنْ، إِنَّا أَسنْ: ”مَا أَذْ فّْغغْ غَارْ ؤُمنْغِي غَارْ رَامُوثْ ذِي جِيلْعَاذْ نِيغْ أَذْ ڭّغْ بْنَاقسْ؟“ نَّانْ: ”ڭعّذْ، مَاغَارْ أَربِّي أَذْ ثنْ إِوْشْ ذڭْ ؤُفُوسْ ن ؤُجدْجِيذْ.“
2CH 18:6 [مَاشَا] يَاهُوشَافَاطْ إِنَّا: ”مَا وَارْ ذَا شَا عَاذْ أَنَابِي ن سِيذِي، مَاحنْذْ أَذْ [نْزمَّارْ] أَذْ ث نسّقْسَا؟“
2CH 18:7 [خنِّي] إِنَّا ؤُجدْجِيذْ ن إِسْرَائِيل إِ يَاهُوشَافَاطْ: ”أَقَا ذَا عَاذْ إِجّْ ن ورْيَازْ زَّايسْ إِ نْزمَّارْ أَذْ نسّقْسَا سِيذِي. مَاشَا نشّْ شَارْهغْ ث، مَاغَارْ نتَّا وَارْ ذ أَيِي إِتّْنبَّاعمَّارْصْ س مِينْ إِصبْحنْ، مَاشَا مْغِيرْ س [مِينْ إِدْجَانْ] ذ أَعفَّانْ. أَقَا ذ مِيخَا-يَاهُو، مِّيسْ ن يِيمْلَا.“ إِنَّا يَاهُوشَافَاطْ ”وَارْ تّجِّي أَجدْجِيذْ أَذْ إِسِّيوڒْ أَمنِّي!“
2CH 18:8 [خنِّي] إِڒَاغَا-د ؤُجدْجِيذْ ن إِسْرَائِيل إِ يِيجّْ ن ؤُمْسخَّارْ أَمْشنّعْ، إِنَّا: ”ذغْيَا أَوِي-د مِيخَا-يَاهُو، مِّيسْ ن يِيمْلَا.“
2CH 18:9 أَجدْجِيذْ ن إِسْرَائِيل ذ يَاهُوشَافَاطْ، أَجدْجِيذْ ن يَاهُوذَا، قِّيمنْ [ذِينْ]، كُوڒْ إِجّْ خْ ڒْعَارْشْ نّسْ، يَارْضنْ أَرُّوضْ ن إِجدْجِيذنْ، [قِّيمنْ] خْ ؤُنذْرَارْ غَارْ وَاذَافْ ن ثوَّارْثْ [ن ثنْذِينْثْ] ن سَامَارْيَا ؤُ مَارَّا إِنَابِييّنْ ثُوغَا تّْنبَّانْ زَّاثْ إِ وُوذمْ نْسنْ.
2CH 18:10 صِيذْقِييَا، مِّيسْ ن كَانْعَانَا، ثُوغَا إِڭَّا إِ يِيخفْ نّسْ أَشَّاونْ ن وُوزَّاڒْ، إِنَّا: ”أَمُّو إِ إِقَّارْ سِيذِي: ’س يِينَا إِ غَا ثسّْنُوقّْبذْ أَيْثْ ن أَرَامْ أَڒْ ثنْ غَا ثقْضِيضْ مَارَّا.‘ “
2CH 18:11 مَارَّا إِنَابِييّنْ ثُوغَا تّْنبَّانْ كِيفْكِيفْ، نَّانْ: ”ڭعّذْ غَارْ رَامُوثْ ذِي جِيلْعَاذْ، أَذْ ثِيڒِيذْ ثْفڒْحذْ، مِينْزِي سِيذِي أَذْ ثنْ إِوْشْ ذڭْ ؤُفُوسْ ن ؤُجدْجِيذْ.“
2CH 18:12 أَرقَّاسْ نِّي ثُوغَا إِطّْفنْ [أَبْرِيذْ] حِيمَا أَذْ إِڒَاغَا إِ مِيخَا-يَاهُو، إِسِّيوڒْ أَكِيذسْ، إِنَّا: ”خْزَارْ خنِّي، أَوَاڒنْ ن إِنَابِييّنْ [أَخْمِي د-فّْغنْ] زڭْ إِجّْ ن ؤُقمُّومْ س ڒْخِيرْ غَارْ ؤُجدْجِيذْ. تّْزَاوْڭغْ أَذْ إِڒِينْ وَاوَاڒنْ نّشْ أَمْ وَاوَاڒنْ نْسنْ، إِنِي مِينْ إِصبْحنْ.“
2CH 18:13 [مَاشَا] مِيخَا-يَاهُو إِنَّا: ”س ثِيذتّْ أَمْ إِدَّارْ سِيذِي، مِينْ ذ أَيِي غَا يِينِي أَربِّي، أَذْ ث إِنِيغْ.“
2CH 18:14 [ؤُمِي] د-يُوسَا نتَّا غَارْ ؤُجدْجِيذْ، إِنَّا أَسْ ؤُجدْجِيذْ: ”مِيخَا، مَا أَذْ نفّغْ نشِّينْ غَارْ رَامُوثْ ذِي جِيلْعَاذْ نِيغْ أَذْ نڭّْ بْنَاقسْ؟“ إِنَّا أَسْ نتَّا: ”ڭَاعّْذمْ، أَذْ ثِيڒِيمْ ثْفڒْحمْ، مِينْزِي نِيثْنِي أَذْ تّْوَاڭّنْ ذڭْ ؤُفُوسْ نْومْ.“
2CH 18:15 إِنَّا أَسْ ؤُجدْجِيذْ: ”مشْحَاڒْ ن ثْوَاڒَاوِينْ إِ ذ أَيِي إِتّْخصَّا أَذْ أَشْ سّْجَادْجغْ، وَارْ ذ أَيِي ثنِّيذْ مْغِيرْ ثِيذتّْ س يِيسمْ ن سِيذِي؟“
2CH 18:16 [خنِّي] إِنَّا وَانِيثَا: ”نشّْ ژْرِيغْ مَارَّا إِسْرَائِيل تّْوَابزّْعنْ خْ إِذُورَارْ أَمْ وُودْجِي إِ وَارْ غَارْ إِدْجِي ؤُمكْسَاوْ. إِقَّارْ سِيذِي: ’إِنَا وَارْ غَارْسنْ بُو إِسِيذِيثنْ، أجّْ [كُوڒْ] أَرْيَازْ أَذْ د-إِذْوڒْ غَارْ ثَادَّارْثْ نّسْ ذِي ڒهْنَا.‘ “
2CH 18:17 [خنِّي] إِنَّا ؤُجدْجِيذْ ن إِسْرَائِيل إِ يَاهُوشَافَاطْ: ”مَا وَارْ ذ أَشْ نِّيغْ: ’نتَّا وَارْ خَافِي إِتّْنبَّا شَا ذِي مِينْ إِصبْحنْ، [مَاشَا] مْغِيرْ س [مِينْ إِدْجَانْ] ذ أَعفَّانْ‘؟“
2CH 18:18 [خَاسْ ؤُشَا] إِنَّا وَانِيثَا [عَاوذْ]: ”س ؤُيَا سڒْ إِ وَاوَاڒْ ن سِيذِي. أَقَا ژْرِيغْ سِيذِي إِقِّيمْ خْ ڒْعَارْشْ نّسْ ؤُ مَارَّا ڒْعسْكَارْ ن ؤُجنَّا إِبدّْ خْ يفُوسْ نّسْ ذ ؤُزڒْمَاضْ نّسْ،
2CH 18:19 ؤُشَا سِيذِي إِنَّا: ’مَانْ ونْ إِ غَا إِغْوَانْ أَخَابْ، أَجدْجِيذْ ن إِسْرَائِيل، حِيمَا أَذْ إِڭعّذْ، أَذْ إِوْضَا ذِي رَامُوثْ ذِي جِيلْعَاذْ؟‘ وَا إِنَّا أَمُّو ؤُ وِينْ إِنَّا أَمُّو.
2CH 18:20 [خنِّي] إِفّغْ-د إِجّْ ن أَرُّوحْ، إِبدّْ-د زَّاثْ إِ وُوذمْ ن سِيذِي، إِنَّا: ’نشّْ أَذْ ث غْوِيغْ.‘ إِسّقْسَا ث سِيذِي: ’س مِينْ زِي؟‘
2CH 18:21 نتَّا إِنَّا: ’نشّْ أَذْ د-فّْغغْ ؤُ أَذْ ذوْڒغْ ذ إِجّْ ن بُوحْبڒْ إِسّْخَارِّيقنْ ذڭْ ؤُقمُّومْ ن مَارَّا إِنَابِييّنْ نّسْ.‘ ؤُ نتَّا إِنَّا: ’أَذْ ثَاوْضذْ مَاحنْذْ أَذْ ث ثغْوِيذْ. فّغْ، أڭّْ أَمنِّي!‘
2CH 18:22 [خنِّي] ڒخُّو، خْزَارْ، سِيذِي إِوْشَا إِجّْ ن بُوحْبڒْ إِسّْخَارِّيقنْ ذڭْ ؤُفُوسْ ن إِنَابِييّنْ نّشْ ؤُ سِيذِي إِبَارّحْ خَاكْ س مِينْ إِدْجَانْ ذ أَعفَّانْ.“
2CH 18:23 [خنِّي] إِقَارّبْ-د صِيذْقِييَا، مِّيسْ ن كَانْعَانَا، غَارْ مِيخَا-يَاهُو، إِوّثْ إِ-ث غَارْ ؤُغسْمِيرْ، إِنَّا: ”خْ مَانْ أَبْرِيذْ ثُوغَا إِزمَّارْ أَذْ زَّايِي إِعْذُو أَرُّوحْ ن سِيذِي حِيمَا أَذْ كِيذكْ إِسِّيوڒْ؟“
2CH 18:24 إِنَّا مِيخَا-يَاهُو: ”خْزَارْ، أَذْ ث ثْژَارذْ ذڭْ وَاسّْ نِّي ذِي غَا ثمْهَافذْ زڭْ [إِجّْ ن] وخَّامْ غَارْ وخَّامْ نّغْنِي حِيمَا أَذْ ثسّْنُوفَّارذْ إِخفْ نّشْ.“
2CH 18:25 أَجدْجِيذْ ن إِسْرَائِيل إِنَّا: ”طّْفمْ مِيخَا-يَاهُو، نذْهمْ عَاوذْ ث غَارْ أَمُونْ، أَمقّْرَانْ ن ثنْذِينْثْ، ؤُ غَارْ يُووَاشْ، مِّيسْ ن ؤُجدْجِيذْ،
2CH 18:26 أَذْ ثِينِيمْ: ’أَمُّو إِ إِقَّارْ ؤُجدْجِيذْ: نْضَارمْ وَا ذِي ڒحْبسْ ؤُ سشّمْ ث س وغْرُومْ ن ڒحْصَارثْ ؤُ س وَامَانْ ن ڒحْصَارثْ أَڒْ غَا ذوْڒغْ ذِي ڒهْنَا.‘ “
2CH 18:27 [خَاسْ ؤُشَا] إِنَّا مِيخَا-يَاهُو: ”مَاڒَا ثْعقْبذْ-د [شَا ن وَاسّْ] ذِي ڒهْنَا، خنِّي سِيذِي وَارْ خَافِي إِسِّيوڒْ!“ ؤُشَا إِنَّا [عَاوذْ]: ”سْڒمْ-د أَ ڒڭْنُوسْ، مَارَّا [كنِّيوْ]!“
2CH 18:28 أَوَارْنِي أَسْ إِفّغْ-د ؤُجدْجِيذْ ن إِسْرَائِيل أَكْ-ذ يَاهُوشَافَاطْ، أَجدْجِيذْ ن يَاهُوذَا، غَارْ رَامُوثْ ذِي جِيلْعَاذْ.
2CH 18:29 إِنَّا ؤُجدْجِيذْ ن إِسْرَائِيل إِ يَاهُوشَافَاطْ: ”نشّْ أَذْ بدّْڒغْ أَرُّوضْ، [خنِّي] أَذْ د-فّْغغْ غَارْ ؤُمنْغِي. [مَاشَا] شكْ [ثْزمَّارذْ] أَذْ ثْيَارْضذْ أَرُّوضْ نّشْ!“ أَجدْجِيذْ ن إِسْرَائِيل إِڭَّا أَرُّوضْ وَارْ إِدْجِي نّسْ ؤُشَا فّْغنْ-د غَارْ ؤُمنْغِي.
2CH 18:30 أَجدْجِيذْ ن أَرَامْ ثُوغَا يُومُورْ إِمقّْرَاننْ ن إِكَارُّوثنْ [ن ؤُمنْغِي] نِّي غَارسْ [إِدْجَانْ]، إِنَّا: ”إِتّْخصَّا أَومْ وَارْ ثتّْمنْغِيمْ شَا أَكْ-ذ ؤُمقّْرَانْ نِيغْ أَكْ-ذ ؤُمژْيَانْ، مْغِيرْ أَكْ-ذ ؤُجدْجِيذْ ن إِسْرَائِيل!“
2CH 18:31 ؤُمِي إِمقّْرَاننْ ن إِكَارُّوثنْ [ن ؤُمنْغِي] ژْرِينْ يَاهُوشَافَاطْ، إِمْسَارْ، أَقَا نِيثْنِي نَّانْ: ”أَقَا ذ وَا، أَجدْجِيذْ ن إِسْرَائِيل!“ نِيثْنِي نّْضنْ أَسْ حِيمَا أَكِيذسْ مّنْغنْ، مَاشَا يَاهُوشَافَاطْ إِسْغُويْ، ؤُشَا سِيذِي إِوْشَا أَسْ أَفُوسْ ؤُ أَربِّي إِسّْحيّذْ إِ-ثنْ خَاسْ.
2CH 18:32 ؤُمِي ژْرِينْ إِمقّْرَاننْ ن إِكَارُّوثنْ [ن ؤُمنْغِي]، أَقَا نتَّا ثُوغَا وَارْ إِدْجِي ذ أَجدْجِيذْ ن إِسْرَائِيل، إِمْسَارْ، أَقَا ذوْڒنْ-د خْ وبْرِيذْ نْسنْ، وَارْ ث أَردّْفنْ عَاذْ.
2CH 18:33 [خنِّي] إِعيّنْ إِجّْ ن ورْيَازْ ڒْقوْسْ س ڒْبَاڒْ نّسْ ذ أَشمْڒَاڒْ ؤُشَا إِڒْقفْ [فْڒِيثْشَا] أَجدْجِيذْ ن إِسْرَائِيل جَارْ وَاوَاضْ ن إِغَادْجنْ ن وَارُّوضْ نّسْ ن وُوزَّاڒْ. [ڒخْذنِّي] إِنَّا وَانِيثَا إِ ونِّي إِندّْهنْ أَكَارُّو: ”قْڒبْ أَفُوسْ نّشْ، سُوفّغْ أَيِي-د زِي ڒْعسْكَارْ، مَاغَارْ أَقَا يزْمغْ.“
2CH 18:34 ذڭْ وَاسّْ نِّي إِذْوڒْ ؤُمنْغِي إِوْعَارْ أَطَّاسْ. إِقِّيمْ ؤُجدْجِيذْ ن إِسْرَائِيل إِبدّْ ذڭْ ؤُكَارُّو أَڒْ ثَامذِّيثْ [ذڭْ ؤُمنْغِي] أَكْ-ذ أَيْثْ ن أَرَامْ، إِمُّوثْ غَارْ ڒْوقْثْ ن ؤُغدْجَايْ ن ثْفُوشْثْ.
2CH 19:1 إِعْقبْ-د يَاهُوشَافَاطْ، أَجدْجِيذْ ن يَاهُوذَا، غَارْ ثَادَّارْثْ نّسْ ذِي ؤُرْشَالِيمْ ذِي ڒهْنَا.
2CH 19:2 يَاهُو، مِّيسْ ن حَانَانِي، أَمْوَاڒَاوْ، إِفّغْ-د غَارسْ حِيمَا أَذْ ث إِڒْقَا، إِنَّا إِ ؤُجدْجِيذْ يَاهُوشَافَاطْ: ”مَا شكْ ثڭِّيذْ ثْوِيزَا إِ ؤُعفَّانْ ؤُ أَذْ ثخْسذْ إِنِّي إِعِيفّنْ سِيذِي؟ أَمُّو إِ خَاكْ د-يُوسَا ؤُذُوقّزْ ن وغْضَابْ زِي زَّاثْ ن وُوذمْ ن سِيذِي.
2CH 19:3 وَاخَّا أَمنِّي إِتّْوَافْ ذَايكْ مِينْ إِصبْحنْ، مَاغَارْ ثكّْسذْ ثِيربِّينْ ن شْوَارْثِي زِي ثمُّورْثْ ؤُشَا ثسّْوجْذذْ ؤُڒْ نّشْ إِ ثَارزُّوثْ خْ أَربِّي.“
2CH 19:4 يَاهُوشَافَاطْ إِقِّيمْ إِزدّغْ ذِي ؤُرْشَالِيمْ ؤُشَا إِفّغْ عَاوذْ جَارْ ڒْڭنْسْ، زِي بِئرْ-سبْعَا غَارْ إِذُورَارْ ن إِفْرَايِيمْ، ؤُشَا يَارَّا إِ-ثنْ أَذْ د-ذوْڒنْ غَارْ سِيذِي، أَربِّي ن ڒجْذُوذْ نْسنْ.
2CH 19:5 نتَّا يَاڒقّمْ ڒْقُوضَاثْ ذِي ثمُّورْثْ، ذِي مَارَّا ثِيندَّامْ إِفَارْينْ ن يَاهُوذَا، زِي ثنْذِينْثْ أَڒْ ثَانْذِينْثْ.
2CH 19:6 نتَّا إِنَّا إِ ڒْقُوضَاثْ: ”خْزَارمْ مِينْ غَا ثڭّمْ، مَاغَارْ وَارْ ثْحكّْممْ إِ إِوْذَانْ، مَاشَا إِ سِيذِي ؤُ نتَّا أَقَا إِحْضَارْ أَكِيذْومْ ذڭْ وحْكَامْ.
2CH 19:7 [خنِّي] ڒخُّو، أَذْ خَاومْ ثِيڒِي ثِيڭّْوُوذِي ن سِيذِي. حْضَامْ ؤُ ڭّمْ ث، مَاغَارْ غَارْ سِيذِي، أَربِّي نّغْ، وَارْ إِدْجِي ڒْغشّْ، نتَّا وَارْ إِتّڭّْ س وُوذْمَاونْ ؤُ وَارْ إِكسِّي ثِيرْزِيفِينْ.“
2CH 19:8 ؤُمِي د -عقْبنْ غَارْ ؤُرْشَالِيمْ، إِڭَّا يَاهُوشَافَاطْ ذِي ؤُرْشَالِيمْ عَاوذْ [شَا] ن إِلَاوِييّنْ ذ إِكهَّاننْ ذ إِزدْجِيفنْ ن [ثُوذْرِينْ ن] إِبَابَاثنْ ن إِسْرَائِيل إِ ؤُذبَّارْ ن ڒحْكَامْ ن سِيذِي ؤُ إِ دّْعَاوِي.
2CH 19:9 نتَّا يُومُورْ إِ-ثنْ، إِنَّا: ”ڭّمْ س ثِيڭّْوُوذِي ن سِيذِي، س ڒَامَانْ ؤُ س يِيجّْ ن وُوڒْ [نِيشَانْ] إِمُونْ.
2CH 19:10 غَارْ كُوڒْ دّعْوثْ إِ ذ أَومْ إِ ذ غَا يَاوْينْ أَيْثْمَاثْومْ نِّي إِزدّْغنْ ذِي ثْندَّامْ نْسنْ، جَارْ إِذَامّنْ ذ إِذَامّنْ ؤُ جَارْ شَّارِيعَا ذ ڒُومُورْ ذ ثْوصَّا ذ لْفَارَايِيضْ، إِتّْخصَّا أَذْ أَسنْ ثْعڒْممْ، مَاحنْذْ وَارْ خَاومْ سَّاربُّونْ دّنْبْ زَّاثْ إِ سِيذِي، أَڒَامِي خَاومْ د غَا إِوْضَا ؤُذُوقّزْ ذ أَمقّْرَانْ ن وغْضَابْ ؤُ خْ أَيْثْمَاثْومْ. ڭّمْ أَمنِّي، أَڒَامِي وَارْ ثسَّاربُّومْ دّنْبْ خْ يِيخفْ نْومْ.
2CH 19:11 خْزَارمْ، أَمَارْيَا ذ أَكهَّانْ أَمقّْرَانْ إِ خَاومْ إِدْجَانْ ذِي مَارَّا دّعْوثْ ن سِيذِي، ؤُ زَابَاذْيَا، مِّيسْ ن إِسْمَاعِيلْ، ڒْحَاكمْ خْ ثَادَّارْثْ ن يَاهُوذَا، أَقَا-ث خْ كُوڒْ دّعْوثْ ن ؤُجدْجِيذْ. ؤُڒَا ذ إِمحْضَاينْ، إِلَاوِييّنْ، [أَقَا أَثنْ ذِينْ] زَّاثْ إِ وُوذمْ نْومْ. إِڒِيمْ ذ إِرْيَازنْ ؤُ ڭّمْ [ث]، ؤُشَا سِيذِي أَذْ يِيڒِي أَكْ-ذ ونِّي إِصڒْحنْ.“
2CH 20:1 أَوَارْنِي ؤُيَا إِمْسَارْ، أَقَا أَيْثْ ن مُوآبَ ذ أَيْثْ ن عَامُّونْ، ذ [إِنّغْنِي] أَكِيذْسنْ زڭْ إِمَاعُونِييّنْ ؤُسِينْ-د مَاحنْذْ أَذْ مّنْغنْ أَكْ-ذ يَاهُوشَافَاطْ.
2CH 20:2 ؤُسِينْ-د [إِرقَّاسنْ]، عَاوْذنْ إِ يَاهُوشَافَاطْ، نَّانْ: ”أَقَا أَطَّاسْ ن ڒْغَاشِي ؤُسِينْ-د حِيمَا أَذْ كِيذكْ مّنْغنْ زڭْ ؤُجمَّاضِينْ ن ڒبْحَارْ، زِي أَرَامْ. خْزَارْ، نِيثْنِي ذِي حَاصُّونْ-ثَامَارْ، إِخْسْ أَذْ يِينِي عَايْنْ-جَاذِي.“
2CH 20:3 يَاهُوشَافَاطْ إِڭّْوذْ ؤُشَا إِنْضَارْ ثِيطَّاوِينْ نّسْ غَارْ سِيذِي. نتَّا إِجَّا أَذْ بَارّْحنْ س ؤُژُومِّي ذِي مَارَّا يَاهُوذَا.
2CH 20:4 سّْمُوننْ [أَيْثْ ن] يَاهُوذَا مَاحنْذْ أَذْ أَرْزُونْ ثْوِيزَا ن سِيذِي. نِيثْنِي ؤُسِينْ-د ؤُڒَا زِي مَارَّا ثِيندَّامْ ن يَاهُوذَا، حِيمَا أَذْ أَرْزُونْ خْ سِيذِي.
2CH 20:5 إِبدّْ يَاهُوشَافَاطْ ذڭْ وڭْرَاوْ [ن ڒْڭنْسْ] ن يَاهُوذَا ذ ؤُرْشَالِيمْ، ذِي ثَادَّارْثْ ن سِيذِي، زَّاثْ إِ ڒمْرَاحْ ن جْذِيذْ، إِنَّا:
2CH 20:6 ”[أَ] سِيذِي، أَربِّي ن ڒجْذُوذْ نّغْ، مَا شكْ وَارْ ثدْجِيذْ شَا ذ أَربِّي ن إِجنْوَانْ ذ ڒْحَاكمْ خْ مَارَّا ثِيڭلْذِيوِينْ ن ڒڭْنُوسْ؟ ذڭْ ؤُفُوسْ نّشْ [إِمَّارْسْ] جّهْذْ ذ ثْزمَّارْ، أَڒَامِي وَارْ إِزمَّارْ ؤُڒَا ذ إِجّْ أَذْ إِقِّيمْ إِبدّْ زَّاثكْ.
2CH 20:7 [أَ]، أَربِّي نّغْ، مَا وَارْ ثُوژِّيڒذْ شَا خْ إِمزْذَاغْ ن ثمُّورْثْ-أَ زَّاثْ إِ وُوذمْ ن ڒْڭنْسْ نّشْ إِسْرَائِيل ؤُشَا ثوْشِيذْ [ثَامُّورْثْ] إِ ڒبْذَا إِ زَّارِيعثْ ن إِبْرَاهِيمْ، [أَمدُّوكّڒْ] نّشْ إِعِيزّنْ؟
2CH 20:8 نِيثْنِي قِّيمنْ زدّْغنْ ذَايسْ ؤُشَا بْنَانْ ذَايسْ إِشْثْ ن زَّاوشْثْ إِقدّْسنْ إِ شكْ، إِ يِيسمْ نّشْ، ؤُشَا نَّانْ:
2CH 20:9 ’مَاڒَا إِڒْقفْ أَنغْ شَا ن ڒْغَارْ، [أَخْمِي] سِّيفْ ن ڒحْكَامْ نِيغْ طَّاعُونْ نِيغْ ڒَاژْ، خنِّي أَذْ نْبدّْ زَّاثْ إِ ثَادَّارْثْ-أَ ؤُ زَّاثْ إِ وُوذمْ نّشْ، مَاغَارْ إِسمْ نّشْ أَقَا-ث ذِي ثَادَّارْثْ-أَ. أَذْ خَاكْ د-نْڒَاغَا زِي ڒحْصَارثْ نّغْ ؤُشَا [خنِّي] شكْ أَذْ [غَارْنغْ] ثسْڒذْ ؤُ أَذْ [أَنغْ] ثسّْنجْمذْ.
2CH 20:10 ؤُشَا ڒخُّو، خْزَارْ، أَيْثْ ن عَامُّونْ ذ [أَيْثْ ن] مُوآبَ ذ يِينِّي زڭْ إِذُورَارْ ن سَاعِيرْ - إِنِّي إِ ؤُمِي وَارْ ثجِّيذْ شَا أَيْثْ ن إِسْرَائِيل أَذْ غَارْسنْ د-أَذْفنْ [غَارْ ثمُّورْثْ نْسنْ]، ؤُمِي د-ؤُسِينْ زِي ثمُّورْثْ ن مِيصْرَا، مِينْزِي كِّينْ أَسنْ-د [زڭْ وبْرِيذْ نّغْنِي] ؤُ وَارْ ثنْ أَردّْدْجنْ،
2CH 20:11 خْزَارمْ، نِيثْنِي خْسنْ أَذْ أَنغْ خدْجْصنْ ؤُشَا ؤُسِينْ-د حِيمَا أَذْ أَنغْ سُّوفّْغنْ زِي ثسْغَارْثْ نّشْ إِ ذ أَنغْ ثوْشِيذْ ذ ڒْوَارْثْ.
2CH 20:12 [أَ]، أَربِّي نّغْ، مَا شكْ وَارْ خَاسنْ ثْحكّْمذْ شَا؟ مَاغَارْ نشِّينْ وَارْ خَاسنْ نْزمَّارْ خْ ڒْغَاشِي-يَا أَمقّْرَانْ وَانِيثَا إِ غَارْنغْ د-إِفّْغنْ ؤُ وَارْ نسِّينْ مِينْ غَا نڭّْ، مَاشَا [أَقَا نَارَّا-د] ثِيطَّاوِينْ نّغْ غَاركْ.“
2CH 20:13 مَارَّا [أَيْثْ ن] يَاهُوذَا بدّنْ زَّاثْ إِ وُوذمْ ن سِيذِي، ؤُڒَا ذ إِحنْجِيرنْ إِمژْيَانِينْ نْسنْ ذ ثمْغَارِينْ نْسنْ ذ إِحنْجِيرنْ نْسنْ.
2CH 20:14 ؤُشَا إِهْوَا-د أَرُّوحْ ن سِيذِي [ذِينْ] ذِي ڒْوسْثْ ن وڭْرَاوْ [ن ڒْڭنْسْ] خْ يَاحْزِييِيلْ، مِّيسْ ن زَاكَارِييَّا، مِّيسْ ن بَانَايَا، مِّيسْ ن يَاعِييِيلْ، مِّيسْ ن ؤُلَاوِي مَاتَّانْيَا، زڭْ إِحنْجِيرنْ ن أَسَافْ.
2CH 20:15 نتَّا إِنَّا: ”سْڒمْ-د غَارِي، مَارَّا [أَيْثْ ن] يَاهُوذَا ؤُڒَا ذ كنِّيوْ، إِمزْذَاغْ ن ؤُرْشَالِيمْ، ؤُ شكْ، [أَ،] أَجدْجِيذْ يَاهُوشَافَاطْ! أَمُّو إِ ذ أَومْ إِقَّارْ سِيذِي: ’وَارْ تّڭّْوْذمْ شَا، وَارْ تّْنخْڒِيعمْ شَا زِي ڒْغَاشِي-يَا أَمقّْرَانْ وَانِيثَا، مِينْزِي أَمنْغِي وَارْ إِدْجِي س ؤُفُوسْ نّغْ، مَاشَا س ؤُفُوسْ ن أَربِّي.
2CH 20:16 هْوَامْ غَارْسنْ ثِيوشَّا. خْزَارْ، نِيثْنِي أَذْ ڭعّْذنْ زِي ثْسَاونْثْ ن صِيصْ، ؤُ كنِّيوْ أَذْ خَاسنْ ثْخشّمْ غَارْ ؤُنڭَّارْ ن ثغْزُورْثْ زَّاثْ إِ ڒخْڒَا ن يَارُووِيلْ.
2CH 20:17 كنِّيوْ [مَاشَا] وَارْ ثتّْمنْغِيمْ شَا. كَّارمْ، [قِّيممْ] ثْبدّمْ ؤُ خْزَارمْ، أَسنْجمْ ن سِيذِي [أَذْ يِيڒِي] أَكِيذْومْ، [أَ] يَاهُوذَا ذ ؤُرْشَالِيمْ! وَارْ تّڭّْوْذمْ شَا ؤُ وَارْ تّْنخْڒِيعمْ. ثِيوشَّا فّْغمْ إِ ؤُمْسَاڭَارْ أَكِيذْسنْ، مِينْزِي سِيذِي أَقَا-ث أَكِيذْومْ.‘ “
2CH 20:18 [خنِّي] يُوضَارْ يَاهُوشَافَاطْ س ؤُغمْبُوبْ نّسْ غَارْ ثمُّورْثْ، ؤُ مَارَّا [أَيْثْ ن] يَاهُوذَا ذ مَارَّا إِمزْذَاغْ ن ؤُرْشَالِيمْ وْضَانْ [خْ ثمُّورْثْ] زَّاثْ إِ وُوذمْ ن سِيذِي حِيمَا أَذْ بنْذْقنْ إِ سِيذِي.
2CH 20:19 كَّارنْ إِلَاوِييّنْ زڭْ أَيْثْ ن قُوهَاثْ ؤُ زڭْ أَيْثْ ن قُورَاحْ حِيمَا أَذْ سّْعُودْجَانْ سِيذِي، أَربِّي ن إِسْرَائِيل، س إِشْثْ ن ثْمِيجَّا ثجْهذْ أَطَّاسْ.
2CH 20:20 ثِيوشَّا زِيشْ كَّارنْ ؤُشَا فّْغنْ غَارْ ڒخْڒَا ن ثَاقُوعَا. غَارْ وُوفُّوغْ نْسنْ إِبدّْ-د يَاهُوشَافَاطْ [ذِينْ]، إِنَّا: ”سْڒمْ-د غَارِي، [أَ] يَاهُوذَا، ذ كنِّيوْ، إِمزْذَاغْ ن ؤُرْشَالِيمْ. أَمْنمْ ذِي سِيذِي، أَربِّي نْومْ، [خنِّي] أَذْ ثِيڒِيمْ ذِي ڒَامَانْ. أَمْنمْ زِي إِنَابِييّنْ، [خنِّي] أَذْ ثْفڒْحمْ.“
2CH 20:21 نتَّا إِمْشَاوَارْ أَكْ-ذ ڒْڭنْسْ ؤُشَا إِسّْبدّْ إِمذْيَازنْ زَّاثْ إِ سِيذِي ذ يِينِّي ذ أَسْ إِ غَا إِصبّْحنْ أَشوَّاضْ ن ؤُمْقدَّاسْ، أَمْ غَا يُويُورنْ زَّاثْ إِ وُوذمْ ن [يرْيَازنْ] إِ إِحزّْمنْ س ڒسْنَاحْ، أَذْ إِنِينْ: ”قَاذَامْ سِيذِي، مَاغَارْ ثَامخْسِيوْثْ نّسْ إِشوَّارنْ [ثتّْغِيمَا] إِ ڒبْذَا!“
2CH 20:22 ذِي ڒْوقْثْ ڒَامِي بْذَانْ نِيثْنِي س ؤُسْڒِيوْڒوْ ذ ؤُصبّحْ، إِڭَّا سِيذِي ڒفْخُوخْ خْ أَيْثْ ن عَامُّونْ ذ مُوآبَ ؤُ خْ [ينِّي] إِ ثُوغَا د-إِفّْغنْ ضِيدّْ إِ يَاهُوذَا زڭْ إِذُورَارْ ن سَاعِيرْ، ؤُشَا تّْوَاغلّْبنْ نِيثْنِي.
2CH 20:23 أَيْثْ ن عَامُّونْ ذ [أَيْثْ ن] مُوآبَ كَّارنْ خْ إِمزْذَاغْ ن إِذُورَارْ ن سَاعِيرْ، حِيمَا أَذْ ثنْ سّْهلّْكنْ ؤُ أَذْ ثنْ أَردّْدْجنْ. ؤُمِي قْضَانْ نِيثْنِي خْ إِمزْذَاغْ ن سَاعِيرْ، سّْهلّْكنْ إِجّْ ونّغْنِي.
2CH 20:24 [ؤُمِي] د-يِيوِيضْ يَاهُوذَا غَارْ صُّومْعثْ ن ؤُحطُّو ذِي ڒخْڒَا، نْضَارنْ ثَامُوغْڒِي نْسنْ أَوَانِي أَسنْ خْ ڒْغَاشِي، ؤُ خْزَارْ، [ژْرِينْ] مْغِيرْ ڒْخشْبَاثْ ثُوغَا وْضَانْثْ خْ ثمُّورْثْ، ؤُڒَا ذ إِجّْ وَارْ إِنْجِيمْ.
2CH 20:25 يَاهُوشَافَاطْ ذ ڒْڭنْسْ نّسْ ؤُسِينْ-د حِيمَا أَذْ طّْفنْ ثَاكشَّاضْثْ نْسنْ ؤُشَا ؤُفِينْ غَارْسنْ أَطَّاسْ ن سّڒْعثْ ذ ڒْخشْبَاثْ ذ ڒقْشُوعْ إِغْڒَانْ ؤُشَا كّْسنْ [عْڒَامْ كُوڒْ زَّايسْ] إِ يِيخفْ نْسنْ، أَڒَامِي وَارْ زمَّارنْ أَذْ ث أَرْبُونْ. تّْكشَّاضنْ ثْڒَاثَا ن وُوسَّانْ، مَاغَارْ [ثُوغَا] ذِينْ أَطَّاسْ.
2CH 20:26 ذڭْ وَاسّْ وِيسّْ أَربْعَا مُوننْ نِيثْنِي ذِي ڒوْضَا ن ثغْزُورْثْ ن لْبَارَاكَا، مِينْزِي ذِينْ بَارْكنْ سِيذِي. خْ ؤُيَا ڭِّينْ أَسْ إِ ومْشَانْ نِّي: ثَاغْزُورْثْ ن لْبَارَاكَا، غَارْ إِ ڒخُّو.
2CH 20:27 أَوَارْنِي ؤُيَا ذوْڒنْ-د مَارَّا إِرْيَازنْ ن يَاهُوذَا ذ ؤُرْشَالِيمْ. يُويُورْ يَاهُوشَافَاطْ غَارْ زَّاثْ، حِيمَا أَذْعقْبنْ غَارْ ؤُرْشَالِيمْ [شُّورنْ] س ڒفْرَاحثْ، مَاغَارْ سِيذِي ثُوغَا إِسّْفَارْحْ إِ-ثنْ خْ ڒْعذْيَانْ نْسنْ.
2CH 20:28 أَمْ [تِّيرَارنْ س] لهَارْپَاثْ ذ ڒْڭَامْبْرِييَاثْ ذ ڒبْوَاقْ ؤُسِينْ-د غَارْ ؤُرْشَالِيمْ، غَارْ ثَادَّارْثْ ن سِيذِي.
2CH 20:29 ثُوغَا ثِيڭّْوُوذِي ن أَربِّي ثڒْقفْ مَارَّا ثِيڭلْذِيوِينْ ن ثمُّورَا ؤُمِي سْڒِينْثْ، أَقَا سِيذِي إِمّْنغْ أَكْ-ذ ڒْعذْيَانْ ن إِسْرَائِيل.
2CH 20:30 ثُوفَا ثْڭلْذِيثْ ن يَاهُوشَافَاطْ ڒْهُوذْنثْ ؤُشَا أَربِّي نّسْ إِوْشَا أَسْ ڒهْنَا زِي مَارَّا إِغزْذِيسنْ.
2CH 20:31 أَمُّو إِ إِحْكمْ يَاهُوشَافَاطْ خْ يَاهُوذَا. [ثُوغَا] غَارسْ خمْسَا ؤُ-ثْڒَاثِينْ ن إِسڭّْوُوسَا، ؤُمِي إِذْوڒْ ذ أَجدْجِيذْ. نتَّا إِحْكمْ خمْسَا ؤُ-عِيشْرِينْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ عَازُوبَا، يدْجِيسْ ن شِيلْحِي.
2CH 20:32 نتَّا إِضْفَارْ إِبْرِيذنْ ن بَابَاسْ أَسَا، وَارْ خَاسنْ إِحيّذْ شَا ؤُ نتَّا إِڭَّا مِينْ إِدْجَانْ نِيشَانْ ذِي ثِيطَّاوِينْ ن سِيذِي.
2CH 20:33 مْغِيرْ ڒڭْعُوذِي وَارْ تّْوَاكّْسنْثْ، مَاغَارْ ڒْڭنْسْ وَارْ ثُوغِي عَاذْ يَارَّا ؤُڒْ نّسْ غَارْ أَربِّي ن ڒجْذُوذْ نْسنْ.
2CH 20:34 مِينْ إِقِّيمنْ ن إِمزْرُوينْ ن يَاهُوشَافَاطْ، إِمزْوُورَا ذ إِنڭُّورَا، خْزَارْ، أَقَا مَانْ أَيَا [مَارَّا] إِتّْوَازمّمْ ذڭْ وذْلِيسْ ن إِمزْرُوينْ ن يَاهُو، مِّيسْ ن حَانَانِي، إِنِّي إِڭَّا أَذْ تّْوَازمّمنْ ذڭْ وذْلِيسْ ن إِجدْجِيذنْ ن إِسْرَائِيل.
2CH 20:35 أَوَارْنِي ؤُيَا إِڭَّا يَاهُوشَافَاطْ إِجّْ ن ڒْعَاهْذْ أَكْ-ذ أَخَازْيَا، أَجدْجِيذْ ن إِسْرَائِيل، ونِّي إِڭِّينْ ثُوعفّْنَا أَطَّاسْ ذِي [مَارَّا مِينْ] ثُوغَا إِڭَّا.
2CH 20:36 نتَّا إِقّنْ أَكِيذسْ إِجّْ ن ڒْعَاهْذْ، حِيمَا أَذْ ڭّنْ إِغَارُّوبَا نِّي إِ غَا إِندّْهنْ غَارْ ثَارْشِيشْ. نِيثْنِي بْنَانْ إِغَارُّوبَا [نِّي] ذِي عِيصْيُونْ-جَابَارْ.
2CH 20:37 [مَاشَا] أَلِيعَازَارْ، مِّيسْ ن ذُوذَاوَاهُو زِي مَارِيشَا، إِتّْنبَّا خْ يَاهُوشَافَاطْ، إِنَّا: ”مِينْزِي ثقّْنذْ إِجّْ ن ڒْعَاهْذْ أَكْ-ذ أَخَازِييَا، أَقَا سِيذِي يَارْژَا ڒخْذَايمْ نّشْ.“ [أَمُّو] إِمْسَارْ أَقَا تّْوَارْژنْ إِغَارُّوبَا أَڒَامِي وَارْ زمَّارنْ أَذْ نذْهنْ غَارْ ثَارْشِيشْ.
2CH 21:1 يَاهُوشَافَاطْ إِڭَّا أَذْ يَاريّحْ جَارْ ڒجْذُوذْ نّسْ. نتَّا إِتّْوَانْضڒْ جَارْ ڒجْذُوذْ نّسْ ذِي ثنْذِينْثْ ن ذَاوُوذْ. مِّيسْ يَاهُورَامْ إِذْوڒْ ذ أَجدْجِيذْ ذڭْ ومْشَانْ نّسْ.
2CH 21:2 أَيْثْمَاسْ، إِحنْجِيرنْ ن يَاهُوشَافَاطْ [ثُوغَا أَثنْ ذ] عَازَارْيَا، يَاحِييِيلْ، زَاكَارِييَّا، عَازَارْيَاهُو، مِيخَايِيلْ ذ شَافَاطْيَا. إِنَا مَارَّا [ثُوغَا أَثنْ ذ] إِحنْجِيرنْ ن يَاهُوشَافَاطْ، أَجدْجِيذْ ن إِسْرَائِيل.
2CH 21:3 بَابَاثْسنْ إِوْشَا أَسنْ أَطَّاسْ ن ثرْزِيفِينْ ن نُّوقَارْثْ ذ وُورغْ ذ ڒقْشُوعْ إِغْڒَانْ ؤُڒَا ذ ثِيندَّامْ إِفَارْينْ ذِي يَاهُوذَا، مَاشَا ثَاڭلْذِيثْ إِوْشَا إِ-ت إِ يَاهُورَامْ، مَاغَارْ وَانِيثَا [ثُوغَا] ذ أَمنْزُو.
2CH 21:4 [ؤُمِي] إِكَّارْ-د يَاهُورَامْ خْ ثْڭلْذِيثْ ن بَابَاسْ ؤُشَا إِمْنعْ ذِي ثِيزمَّارْ نّسْ، إِنْغَا مَارَّا أَيْثْمَاسْ س سِّيفْ، ؤُڒَا ذ شَا ن ڒْحُوكَّامْ ن إِسْرَائِيل.
2CH 21:5 يَاهُورَامْ [ثُوغَا غَارسْ] ثْنَاينْ ؤُ-ثْڒَاثِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ ثْمنْيَا ن إِسڭّْوُوسَا ذِي ؤُرْشَالِيمْ.
2CH 21:6 نتَّا يُويُورْ ذڭْ وبْرِيذْ ن إِجدْجِيذنْ ن إِسْرَائِيل، أَمْ مَامّشْ ثُوغَا ثڭَّا ثَادَّارْثْ ن أَخَابْ، مَاغَارْ يدْجِيسْ ن أَخَابْ ثذْوڒْ ذ ثَامْغَارْثْ نّسْ. نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي.
2CH 21:7 [مَاشَا] سِيذِي وَارْ إِخْسْ أَذْ يَاردّدْجْ ذَاوُوذْ ذِي طّْوعْ ن ڒْعَاهْذْ إِ إِڭَّا أَكْ-ذ ذَاوُوذْ، ؤُشَا ؤُڒَا ؤُمِي [ذ أَسْ] ثُوغَا إِنَّا، أَقَا أَذْ أَسْ إِوْشْ ڒبْذَا إِجّْ ن ڒفْنَارْ زَّاثْ إِ ثِيطَّاوِينْ نّسْ، إِ نتَّا ؤُ إِ إِحنْجِيرنْ نّسْ.
2CH 21:8 ذڭْ وُوسَّانْ نّسْ إِخْثُوتّڒْ إِذُومْ س ؤُغوّغْ زِي سَاذُو إِفَاسّنْ ن يَاهُوذَا، ؤُشَا ڭِّينْ إِجّْ ن ؤُجدْجِيذْ خْ يِيخفْ نْسنْ.
2CH 21:9 إِعْذُو يَاهُورَامْ أَكْ-ذ مَارَّا إِمقّْرَاننْ نّسْ ذ مَارَّا إِكَارُّوثنْ نّسْ [ن ؤُمنْغِي]. أَقَا إِكَّارْ س دْجِيڒثْ ؤُ إِغْڒبْ خْ أَيْثْ ن إِذُومْ إِنِّي ثُوغَا إِ ذ أَسْ د-إِنّْضنْ، إِ نتَّا ؤُ إِ إِمقّْرَاننْ ن إِكَارُّوثنْ [ن ؤُمنْغِي].
2CH 21:10 [وَاخَّا أَمنِّي] خْثُوتّْڒنْ [أَيْثْ ن] إِذُومْ س ؤُغوّغْ زِي جَارْ إِفَاسّنْ ن يَاهُوذَا، أَڒْ أَسّْ-أَ. ذِي ڒْوقْثْ نِّي بعْذَا إِغوّغْ ؤُڒَا ذ لِيبْنَا، مَاغَارْ ثُوغَا يَاهُوذَا إِحيّذْ خْ سِيذِي، أَربِّي ن ڒجْذُوذْ نّسْ.
2CH 21:11 إِڭَّا يَاهُورَامْ ؤُڒَا ذ ڒڭْعُوذِي خْ إِذُورَارْ ن يَاهُوذَا. نتَّا يَارَّا إِمزْذَاغْ ن ؤُرْشَالِيمْ أَذْ سّْفسْذنْ إِخفْ نْسنْ [س إِربِّيثنْ نّغْنِي]، [وَاهْ،] ثُوغَا إِعَارْنْ يَاهُوذَا غَارْ مَانْ أَيَا.
2CH 21:12 ثِيوضْ-د غَارسْ إِشْثْ ن ثبْرَاثْ ن ؤُنَابِي إِلِييَا، ثقَّارْ: ”أَمُّو إِ إِقَّارْ سِيذِي، أَربِّي ن بَابَاشْ ذَاوُوذْ: ’مَاغَارْ وَارْ ثُويُورذْ خْ إِبْرِيذنْ ن بَابَاشْ يَاهُوشَافَاطْ ؤُ خْ إِبْرِيذنْ ن أَسَا، أَجدْجِيذْ ن يَاهُوذَا،
2CH 21:13 مَاشَا ثُويُورذْ خْ إِبْرِيذنْ ن إِجدْجِيذنْ ن إِسْرَائِيل، ؤُشَا ثَارِّيذْ يَاهُوذَا ذ إِمزْذَاغْ ن ؤُرْشَالِيمْ أَذْ سّْفسْذنْ إِخفْ نْسنْ [س إِربِّيثنْ نّغْنِي]، ذڭْ وبْرِيذْ ن فَارْقْ-شْغڒْ ن ثَادَّارْثْ ن أَخَابْ، ؤُ مِينْزِي شكْ ثنْغِيذْ ؤُڒَا ذ أَيْثْمَاشْ زِي ثَادَّارْثْ ن بَابَاشْ، إِنِّي ثُوغَا إِشْنَانْ خَاكْ،
2CH 21:14 خْزَارْ، [خْ ؤُينِّي] سِيذِي أَذْ شكْ إِڒْقفْ س إِشْثْ ن ثشْثِي ذ ثَامقّْرَانْثْ جَارْ ڒْڭنْسْ نّشْ ذ إِحنْجِيرنْ نّشْ ذ ثمْغَارِينْ نّشْ ذ مَارَّا أَڭْڒَا نّشْ.
2CH 21:15 شكْ سِيمَانْثْ نّشْ أَذْ ثوْضِيذْ ذڭْ إِجّْ ن ڒهْڒَاشْ ن ثكْرِيشْثْ إِقسْحنْ، أَڒْ د غَا ثفّغْ [عَاذْ] ثكْرِيشْثْ نّشْ غَارْ بَارَّا زِي سِّيبّثْ ن ڒهْڒَاشْ إِ إِتّْذُومَانْ.‘“
2CH 21:16 سِيذِي إِسّهْوڒْ خْ يَاهُورَامْ أَرُّوحْ نْ إِفِيلِيسْطِينِييّنْ ذ وعْرَابنْ، إِنِّي إِزذْغنْ خْ ؤُغزْذِيسْ ن [أَيْثْ ن] كُوشْ.
2CH 21:17 نِيثْنِي ڭعّْذنْ غَارْ يَاهُوذَا، ؤُذْفنْ غَارْ ثَامُّورْثْ ؤُ كْسِينْ مَارَّا أَڭْڒَا نِّي [إِدْجَانْ] ذِي ثَادَّارْثْ ن ؤُجدْجِيذْ، ؤُڒَا ذ إِحنْجِيرنْ نّسْ ذ ثمْغَارِينْ نّسْ، أَڒَامِي وَارْ ذ أَسْ إِقِّيمْ مْغِيرْ يَاهُويَاحَازْ، أَمَاژُوژْ ن إِحنْجِيرنْ نّسْ.
2CH 21:18 أَوَارْنِي أَيَا إِوْثَا إِ-ث سِيذِي س يِيجّْ ن ڒهْڒَاشْ وَارْ إِزمَّارْ أَذْ [زَّايسْ] إِڭّنْفَا.
2CH 21:19 ؤُمِي [ثُوغَا نتَّا إِهْڒشْ أَمُّو] أَسّْ إِضْفَارْ ؤُمَاسْ، ؤُشَا ثعْذُو ڒْوقْثْ أَڒَامِي عْذُونْ ثْنَاينْ ن إِسڭّْوُوسَا، إِمْسَارْ، أَقَا ثَاكْرِيشْثْ نّسْ ثفّغْ-د غَارْ بَارَّا، ؤُ نتَّا إِمُّوثْ س ڒحْڒِيقْ ذ أَمقّْرَانْ. ڒْڭنْسْ نّسْ وَارْ ذ أَسْ إِسَّارْغْ شَا ثْمسِّي أَمْ [ڭِّينْ] ثِيمسِّي إِ ڒجْذُوذْ نّسْ.
2CH 21:20 نتَّا [ثُوغَا] غَارسْ ثْنَاينْ ؤُ-ثْڒَاثِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ ثْمنْيَا ن إِسڭّْوُوسَا ذِي ؤُرْشَالِيمْ. نتَّا إِفْنَا، وَارْ خَاسْ إِنْذبْ حذْ. نضْڒنْ ث ذِي ثنْذِينْثْ ن ذَاوُوذْ، [مَاشَا] وَارْ إِدْجِي ذڭْ إِمضْڒَانْ ن إِجدْجِيذنْ.
2CH 22:1 إِمزْذَاغْ ن ؤُرْشَالِيمْ ڭِّينْ أَخَازْيَا، مِّيسْ أَمَاژُوژْ، ذ أَجدْجِيذْ ذڭْ ومْشَانْ نّسْ، مَاغَارْ مَارَّا أَيْثْمَاسْ إِمقّْرَاننْ ثُوغَا تّْوَانْغنْ زڭْ إِشْثْ ن بَانْذِييَّا إِ ثُوغَا د-ثُوذفْ أَكْ-ذ وعْرَابنْ غَارْ ڒْمَارْڭحْ ن ڒْعسْكَارْ. [أَمُّو إِ] إِذْوڒْ أَخَازْيَا، مِّيسْ ن يَاهُورَامْ، ذ أَجدْجِيذْ ن يَاهُوذَا.
2CH 22:2 أَخَازْيَا [ثُوغَا] غَارسْ ثْنَاينْ ؤُ-عِيشْرِينْ ن إِسڭّْوُوسَا، ؤُمِي إِذْوڒْ ذ أَجدْجِيذْ. نتَّا إِحْكمْ إِجّْ ن ؤُسڭّْوَاسْ ذِي ؤُرْشَالِيمْ. يمَّاسْ قَّارنْ أَسْ عَاثَالْيَا، يدْجِيسْ ن عُومْرِي.
2CH 22:3 نتَّا يُويُورْ ذڭْ إِبْرِيذنْ ن ثَادَّارْثْ ن أَخَابْ، مَاغَارْ يمَّاسْ ذ ثَامْشَاوَارْثْ نّسْ ذِي [مَارَّا] ثُوعفّْنَا إِ إِڭَّا.
2CH 22:4 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، أَمْ ثَادَّارْثْ ن أَخَابْ، مَاغَارْ أَوَارْنِي إِ ڒْموْثْ ن بَابَاسْ ثُوغَا [إِنِّي ن ثَادَّارْثْ ن أَخَابْ] ذ إِمْشَاوَارنْ نّسْ أَڒَامِي إِكَّا خْ ؤُزدْجِيفْ.
2CH 22:5 نتَّا إِضْفَارْ شّْوَارْ نْسنْ ؤُشَا إِفّغْ أَكْ-ذ يُورَامْ، مِّيسْ ن أَخَابْ، أَجدْجِيذْ ن إِسْرَائِيل، إِ ؤُمنْغِي أَكْ-ذ حَازَايِيلْ، أَجدْجِيذْ ن أَرَامْ، غَارْ رَامُوثْ ذِي جِيلْعَاذْ ؤُشَا أَيْثْ ن أَرَامْغڒْبنْ خْ يُورَامْ.
2CH 22:6 [خنِّي] يَارڭّْوحْ مَاحنْذْ أَذْ يَارْزُو ذِي يَازْرَاعِيلْ أَڭنْفُو زڭْ إِيزِّيمنْ نِّي إِ ذ أَسْ ثُوغَا ڭِّينْ [أَيْثْ ن] أَرَامْ ؤُمِي إِمّْنغْ ذِي رَامُوثْ أَكْ-ذ ؤُجدْجِيذْ نْسنْ، حَازَايِيلْ، أَجدْجِيذْ ن أَرَامْ. إِهْوَا-د عَازَارْيَا، مِّيسْ ن يَاهُورَامْ، أَجدْجِيذْ ن يَاهُوذَا، [غَارْ ذِينْ]، حِيمَا أَذْ إِسِّيجّْ خْ يُورَامْ، مِّيسْ ن أَخَابْ، ذِي يَازْرَاعِيلْ، ؤُمِي ثُوغَا إِهْڒشْ.
2CH 22:7 أَردّدْجْ ن أَخَازْيَا ثُوغَا زِي أَربِّي ؤُمِي د-يُوسَا غَارْ يُورَامْ. ؤُمِي د-يِيوضْ [ذِينْ]، إِفّغْ أَكْ-ذ يُورَامْ غَارْ يَاهُو، مِّيسْ ن نِيمْشِي، ونِّي ثُوغَا إِذْهنْ سِيذِي، مَاحنْذْ أَذْ إِقْضَا خْ ثَادَّارْثْ ن أَخَابْ.
2CH 22:8 ؤُمِي إِقْضَا يَاهُو ڒْحُوكْمْ خْ ثَادَّارْثْ ن أَخَابْ، إِمْسَارْ، أَقَا يُوفَا ڒْحُوكَّامْ ن يَاهُوذَا ذ إِحنْجِيرنْ ن أَيْثْمَاسْ ن أَخَازْيَا، [إِنِّي] إِ ثُوغَا إِتّْسخَّارنْ إِ أَخَازْيَا، ؤُشَا إِنْغَا إِ-ثنْ.
2CH 22:9 [خنِّي] يَارْزُو خْ أَخَازْيَا. نِيثْنِي طّْفنْ ث أَمْ ثُوغَا إِنُّوفَّارْ ذِي سَامَارْيَا ؤُشَا إِوْينْ ث غَارْ يَاهُو. نْغِينْ ث ؤُ نضْڒنْ ث، مِينْزِي نَّانْ: ”نتَّا ذ مِّيسْ ن يَاهُوشَافَاطْ، ونِّي يَارزُّونْ خْ سِيذِي س مَارَّا ؤُڒْ نّسْ.“ [أَمُّو] وَارْ إِقِّيمْ إِ ثَادَّارْثْ ن أَخَازْيَا ؤُڒَا ذ إِجّْ ونِّي ذِي إِدْجَا جّهْذْ حِيمَا أَذْ إِحْكمْ أَمْ ؤُجدْجِيذْ.
2CH 22:10 [ؤُمِي] عَاثَالْيَا، يمَّاسْ ن أَخَازْيَا ثژْرَا، أَقَا مِّيسْ إِمُّوثْ، ثكَّارْ، ثثحَّا مَارَّا ثَارْوَا ن ؤُجدْجِيذْ ن ثَادَّارْثْ ن يَاهُوذَا.
2CH 22:11 [مَاشَا] يَاهُوشِيبَا، يدْجِيسْ ن ؤُجدْجِيذْ، ثكْسِي يُووَاشْ، مِّيسْ ن أَخَازْيَا، ؤُشَا ثخْضفْ إِ-ث زِي جَارْ إِحنْجِيرنْ ن ؤُجدْجِيذْ نِّي إِتّْوَانْغنْ، ؤُشَا ثسِّيذفْ إِ-ث أَكْ-ذ ثنِّي ث إِسُّوطُوضنْ ذڭْ وخَّامْ ن ثَاسُّوثْ. [أَمُّو] إِ ثڭَّا يَاهُوشِيبَا، يدْجِيسْ ن ؤُجدْجِيذْ يَاهُورَامْ، ثَامْغَارْثْ ن ؤُكهَّانْ يَاهُويَاذَاعْ - مَاغَارْ نتَّاثْ ذ ؤُتْشْمَاسْ ن أَخَازْيَا - ثسّْنُوفَّارْ إِ-ث إِ عَاثَالْيَا ؤُ ثَانِيثَا وَارْ ث ثنْغِي شَا.
2CH 22:12 ستَّا ن إِسڭّْوُوسَا إِقِّيمْ إِنُّوفَّارْ غَارْسنْ ذِي ثَادَّارْثْ ن أَربِّي ؤُ ثُوغَا عَاثَالْيَا ثْحكّمْ خْ ثمُّورْثْ.
2CH 23:1 ذڭْ ؤُسڭّْوَاسْ وِيسّْ سبْعَا إِسّجْهذْ يَاهُويَاذَاعْ إِخفْ نّسْ ؤُشَا إِڭَّا إِجّْ ن ڒْعَاهْذْ [جْمِيعْ] أَكْ-ذ إِمقّْرَاننْ خْ مْيَا، عَازَارْيَا، مِّيسْ ن يرُوهَامْ ذ إِسْمَاعِيلْ، مِّيسْ ن يُوحَانَانْ، ذ عَازَارْيَا، مِّيسْ ن عُوبِيذْ، ذ مَاعَاسِييَا، مِّيسْ ن عَاذَايَا، ذ إِلِيشَافَاطْ، مِّيسْ ن زِيكْرِي.
2CH 23:2 نِيثْنِي كِّينْ خْ [ثمُّورْثْ] ن يَاهُوذَا، سّْمُوننْ إِلَاوِييّنْ زِي ثْندَّامْ ن يَاهُوذَا ؤُڒَا ذ إِزدْجِيفنْ [ن ثُوذْرِينْ] ن إِبَابَاثنْ ن إِسْرَائِيل ؤُشَا ؤُسِينْ-د غَارْ ؤُرْشَالِيمْ.
2CH 23:3 مَارَّا أَڭْرَاوْ [ن ڒْڭنْسْ] إِڭَّا إِجّْ ن ڒْعَاهْذْ أَكْ-ذ ؤُجدْجِيذْ ذِي ثَادَّارْثْ ن أَربِّي ؤُ نتَّا إِنَّا أَسنْ: ”خْزَارْ، مِّيسْ ن ؤُجدْجِيذْ أَذْ إِذْوڒْ ذ أَجدْجِيذْ، أَمْ مَامّشْ إِ ث إِنَّا سِيذِي خْ إِحنْجِيرنْ ن ذَاوُوذْ!“
2CH 23:4 يُومُورْ إِ-ثنْ، إِنَّا: ”ذ مَانْ أَيَا إِ غَا ثڭّمْ: إِشْثْ ن تُّوڒُوثْ نْومْ، إِنِّي ن إِكهَّاننْ ذ إِلَاوِييّنْ إِ غَا يَاذْفنْ ذڭْ [وَاسّْ ن] سّبْثْ، أَذْعسّنْ غَارْ ثوُّورَا.
2CH 23:5 إِشْثْ ن تُّوڒُوثْ [أَذْ ثْبدّْ] غَارْ ثَادَّارْثْ ن ؤُجدْجِيذْ ؤُ إِشْثْ ن تُّوڒُوثْ غَارْ ثوَّارْثْ ن ذْسَاسْ ؤُ مَارَّا ڒْڭنْسْ [أَذْ إِبدّْ] ذِي ڒمْرَاحَاثْ ن ثَادَّارْثْ ن سِيذِي.
2CH 23:6 ؤُڒَا ذ إِجّْ وَارْ إِتِّيذفْ غَارْ ثَادَّارْثْ ن سِيذِي، مْغِيرْ إِكهَّاننْ ذ [أَيْثْ ن] لَاوِي نِّي إِتّْسخَّارنْ، أَذْ أَذْفنْ، مَاغَارْ نِيثْنِي ذ إِمْقدَّاسنْ ؤُ مَارَّا ڒْڭنْسْ أَذْ إِحْضَا مِينْ إِتّْخصَّانْ أَذْ إِتّْوَاحْضَا إِ سِيذِي.
2CH 23:7 أَيْثْ ن لَاوِي أَذْ قُووَّارنْ إِ ؤُجدْجِيذْ، [كُوڒْ] أَرْيَازْ س ڒسْنَاحْ نّسْ ذڭْ ؤُفُوسْ نّسْ، ؤُ ونِّي إِ غَا يَارْزُونْ أَذْ يَاذفْ غَارْ ثَادَّارْثْ أَذْ إِتّْوَانغْ. كنِّيوْ أَذْ ثقِّيمنْ أَكْ-ذ ؤُجدْجِيذْ غَارْ ثْوَاسِيثْ نّسْ ؤُ غَارْ وُوفُّوغْ نّسْ.
2CH 23:8 أَيْثْ ن لَاوِي ذ مَارَّا يَاهُوذَا ڭِّينْ أَمْ مَامّشْ مَارَّا مِينْ [إِ ذ أَسنْ] يُومُورْ ؤُكهَّانْ يَاهُويَاذَاعْ، ؤُشَا إِوْينْ كُوڒْ إِجّْ [زَّايْسنْ] إِرْيَازنْ نّسْ نِّي يُوذْفنْ ذِي سّبْثْ، ؤُڒَا ذ يِينِّي د-إِفّْغنْ ذِي سّبْثْ، مَاغَارْ أَكهَّانْ يَاهُويَاذَاعْ وَارْ إِوْشِي ڒعْوَاشَارْ إِ ثرْبِيعِينْ.
2CH 23:9 أَكهَّانْ يَاهُويَاذَاعْ إِوْشَا إِ إِمقّْرَاننْ خْ مْيَا لَانْسَاثْ ذ ثْسدَّارِييِينْ [ن ؤُعسْكَارِي] إِقسْحنْ إِ ثُوغَا إِدْجَانْ ن ؤُجدْجِيذْ ذَاوُوذْ، ثِينِّي [ثُوغَا إِدْجَانْ] ذِي ثَادَّارْثْ ن أَربِّي.
2CH 23:10 إِسّْبدّْ ڒْڭنْسْ، كُوڒْ إِجّْ [س] لَانْسَا نّسْ ذڭْ ؤُفُوسْ، زڭْ ؤُغزْذِيسْ أَفُوسِي ن ثَادَّارْثْ أَڒْ أَغزْذِيسْ أَزڒْمَاضْ ن ثَادَّارْثْ، غَارْ ؤُعَالْطَارْ ؤُ غَارْ ثَادَّارْثْ، [أَمُّو إِ] د-قُووَّارنْ نِيثْنِي إِ ؤُجدْجِيذْ.
2CH 23:11 نِيثْنِي سُّوفّْغنْ-د مِّيسْ ن ؤُجدْجِيذْ غَارْ بَارَّا ؤُشَا ڭِّينْ أَسْ تَّاجْ [ن وعْزَاڒْ] ؤُشَا وْشِينْ أَسْ شّْهَاذثْ. [أَمُّو] إِ ث ڭِّينْ ذ أَجدْجِيذْ، ؤُشَا يَاهُويَاذَاعْ ذ إِحنْجِيرنْ نّسْ ذهْننْ ث، نَّانْ: ”ثُوذَارْثْ إِ ؤُجدْجِيذْ!“
2CH 23:12 [ؤُمِي] ثسْڒَا عَاثَالْيَا ڒْحسّْ ن ڒْڭنْسْ إِ د-يُوسِينْ تَّازّْڒنْ غَارْ ذِينْ ؤُشَا سّمْغَارنْ أَجدْجِيذْ، ثُوذفْ-د غَارْ ڒْڭنْسْ ذِي ثَادَّارْثْ ن سِيذِي.
2CH 23:13 ثژْرَا، ؤُ خْزَارْ، أَجدْجِيذْ إِبدّْ غَارْ ؤُپِيلَارْ غَارْ وَاذَافْ، ؤُ إِمقّْرَاننْ ذ [إِنِّي إِتّْسُوضنْ ذِي] ڒبْوَاقْ [بدّنْ] غَارْ ؤُجدْجِيذْ. مَارَّا ڒْڭنْسْ ن ثمُّورْثْ إِفْرَاحْ ؤُ إِسُوضْ ذِي ڒبْوَاقْ. [ؤُڒَا ذ] إِمذْيَازنْ أَكْ-ذ دُّوزَانَاثْ ن لْمُوسِيقَا إِنِّي إِسّْننْ مَامّشْ غَا صبّْحنْ [بدّنْ ذِينْ]. [خنِّي] ثْشَارّڭْ عَاثَالْيَا أَرُّوضْ نّسْ ؤُشَا ثسْغُويْ: ”ثَامنْزِيوْثْ، ثَامنْزِيوْثْ!“
2CH 23:14 [مَاشَا] يُومُورْ ؤُكهَّانْ يَاهُويَاذَاعْ إِ إِمقّْرَاننْ ن مْيَا، إِنِّي إِ ثُوغَا إِدْجَانْ خْ ڒْعسْكَارْ، إِنَّا أَسنْ: ”سُوفّْغمْ ت-إِ-د جَارْ إِسذِّييّنْ [ن ڒْعسْكَارْ] غَارْ بَارَّا ؤُشَا نْغمْ س سِّيفْ وِي ت غَا إِضْفَارنْ.“ مَاغَارْ أَكهَّانْ ثُوغَا إِنَّا: ”وَارْ ت نقّمْ ذِي ثَادَّارْثْ ن سِيذِي!“
2CH 23:15 نِيثْنِي سَّارْسنْ خَاسْ إِفَاسّنْ ؤُشَا [ؤُمِي] إِوْضنْ غَارْ وَاذَافْ ن ثوَّارْثْ ن إِيْسَانْ [غَارْ] ثَادَّارْثْ ن ؤُجدْجِيذْ، نْغِينْ ت ذِينِّي.
2CH 23:16 إِڭَّا يَاهُويَاذَاعْ إِجّْ ن ڒْعَاهْذْ جَارْ أَسْ-د ذ مَارَّا ڒْڭنْسْ ذ ؤُجدْجِيذْ، حِيمَا أَذْ إِڒِينْ ذ إِجّْ ن ڒْڭنْسْ إِ سِيذِي.
2CH 23:17 [خَاسْ ؤُشَا] يُوذفْ مَارَّا ڒْڭنْسْ غَارْ زَّاوشْثْ ن بَاعَالْ ؤُ هذْمنْ ت. إِعَالْطَارنْ نّسْ ذ ڒخْيَاڒَاثْ نّسْ أَرْژِينْ ثنْ قَاعْ. ؤُ نِيثْنِي نْغِينْ مَاتَّانْ، أَكهَّانْ ن بَاعَالْ، زَّاثْ إِ إِعَالْطَارنْ.
2CH 23:18 إِڭَّا يَاهُويَاذَاعْ ثَاسخَّارْثْ ذِي ثَادَّارْثْ ن سِيذِي ذڭْ ؤُفُوسْ ن إِكهَّاننْ ن [أَيْثْ ن] لَاوِي نِّي ثُوغَا إِبْضَا ذَاوُوذْ [ذِي ثرْبِيعِينْ] إِ ثَادَّارْثْ ن سِيذِي، حِيمَا أَذْ قدّْمنْ ثِيغَارْصَا ن وشْمَاضْ ن سِيذِي أَمْ مَامّشْ ثُورَا ذِي شَّارِيعَا ن مُوسَا، س ڒفْرَاحثْ ذ إِزْڒَانْ، أَمْ ث إِوصَّا ذَاوُوذْ.
2CH 23:19 نتَّا إِسّْبدّْ إِعسَّاسنْ خْ ثوُّورَا ن ثَادَّارْثْ ن سِيذِي، مَاحنْذْ ؤُڒَا ذ إِجّْ مَامّشْ مَا إِڭَّا مَاڒَا إِخْمجْ، وَارْ ذِينْ إِتِّيذفْ شَا.
2CH 23:20 نتَّا يِيوِي إِمقّْرَاننْ خْ مْيَا، ذ أَيْثْ ن جّهْذْ، ذ أَيْثْ ن بُو-صُّولْطَا جَارْ ڒْڭنْسْ ذ مَارَّا ڒْڭنْسْ ن ثمُّورْثْ ؤُشَا إِسّهْوَا أَجدْجِيذْ زِي ثَادَّارْثْ ن سِيذِي، ؤُ نِيثْنِي ؤُذْفنْ غَارْ ثَادَّارْثْ ن ؤُجدْجِيذْ زِي ثوَّارْثْ يُوعْڒَانْ ؤُشَا سّْغِيمنْ أَجدْجِيذْ خْ ڒْعَارْشْ ن ثْڭلْذِيثْ.
2CH 23:21 مَارَّا ڒْڭنْسْ ن ثمُّورْثْ إِفَارْحْ ؤُ ثَانْذِينْثْ ثذْوڒْ ثَارْسَا، أَوَارْنِي ؤُمِي نْغِينْ عَاثَالْيَا س سِّيفْ.
2CH 24:1 يُووَاشْ [ثُوغَا] غَارسْ سبْعَا ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ أَربْعِينْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ ضِيبْيَا زِي بِئرْ-سبْعَا.
2CH 24:2 يُووَاشْ إِڭَّا مِينْ إِدْجَانْ نِيشَانْ ذِي ثِيطَّاوِينْ ن سِيذِي، مَارَّا ؤُسَّانْ إِ ثُوغَا أَكهَّانْ يَاهُويَاذَاعْ إِدَّارْ.
2CH 24:3 يَاهُويَاذَاعْ يِيوِي أَسْ ثْنَاينْ ن ثمْغَارِينْ ؤُ نتَّا إِجَّا-د إِحنْجِيرنْ ذ ثْحنْجِيرِينْ.
2CH 24:4 أَوَارْنِي ؤُيَا ثُوغَا إِنْوَا يُووَاشْ س وُوڒْ، حِيمَا أَذْ إِعْذڒْ ثَادَّارْثْ ن سِيذِي.
2CH 24:5 إِسّْمُونْ إِكهَّاننْ ذ إِلَاوِييّنْ، إِنَّا أَسنْ: ”كّمْ خْ ثْندَّامْ ن يَاهُوذَا ؤُ يَارْومْ إِجّْ ن ڒْقدّْ ن نُّوقَارْثْ ذِي كُوڒْ أَسڭّْوَاسْ زِي مَارَّا إِسْرَائِيل، حِيمَا أَذْ ثْعذْڒمْ ثَادَّارْثْ ن أَربِّي. بْذَامْ ذغْيَا س ؤُيَا!“ [مَاشَا] إِلَاوِييّنْ وَارْ قدْجْقنْ شَا.
2CH 24:6 أَجدْجِيذْ إِڒَاغَا إِ ؤُزدْجِيفْ يَاهُويَاذَاعْ، إِنَّا أَسْ: ”مَايمِّي وَارْ ثسّقْسِيذْ إِلَاوِييّنْ خْ مَامّشْ د-إِفّغْ وسْمُونِي زِي يَاهُوذَا ذ ؤُرْشَالِيمْ ن ثوْهِيبْثْ ن ؤُسْڭعّذْ ن مُوسَا، أَمْسخَّارْ ن سِيذِي، ؤُڒَا ن وڭْرَاوْ ن إِسْرَائِيل ذِي طّْوعْ ن ؤُقِيضُونْ ن شّْهَاذثْ؟
2CH 24:7 أَقَا إِحنْجِيرنْ ن عَاثَالْيَا ثَاعفَّانْثْ أَرْژِينْ ثَادَّارْثْ ن أَربِّي ؤُشَا سّْمُوطِّيينْ مَارَّا ڒقْشُوعْ إِقدّْسنْ ن ثَادَّارْثْ ن سِيذِي غَارْ ’إِبَاعْلنْ‘.“
2CH 24:8 أَجدْجِيذْ يُومُورْ، حِيمَا أَذْ ڭّنْ إِشْثْ ن ثْصنْذُوقْثْ ؤُ نِيثْنِي سَّارْسنْ ت بَارَّا غَارْ ثوَّارْثْ ن ثَادَّارْثْ ن سِيذِي.
2CH 24:9 خنِّي ڒَاغَانْ ذِي يَاهُوذَا ذ ؤُرْشَالِيمْ، حِيمَا أَذْ يَارْونْ إِ سِيذِي ثَاوْهِيبْثْ ن ؤُسْڭعّذْ نِّي إِڭَّا مُوسَا، أَمْسخَّارْ ن أَربِّي، خْ إِسْرَائِيل ذِي ڒخْڒَا.
2CH 24:10 مَارَّا إِمقّْرَاننْ ذ مَارَّا ڒْڭنْسْ ثُوغَا فَارْحنْ ؤُ نِيثْنِي إِوْينْ-د [ثِيوْهِيبِينْ] ؤُشَا نْضَارنْ ثنْثْ ذِي ثْصنْذُوقْثْ أَڒَامِي ثشُّورْ.
2CH 24:11 ذِي ڒْوقْثْ ؤُمِي د-سِّيذْفنْ ثَاسنْذُوقْثْ خْ ڒُومُورْ ن ؤُجدْجِيذْ س ؤُفُوسْ ن إِلَاوِييّنْ ؤُشَا ژْرِينْ أَقَا [ذَايسْ] أَطَّاسْ ن نُّوقَارْثْ، إِمْسَارْ، أَقَا يُوسَا-د ؤُمَارِيرْ ن ؤُجدْجِيذْ ذ ؤُوقَّافْ ن ؤُكهَّانْ أَمقّْرَانْ ؤُشَا سّخْوَانْ نِيثْنِي ثَاسنْذُوقْثْ، سّْڭعّْذنْ ت ؤُ إِوْينْ ت [عَاوذْ] غَارْ ومْشَانْ نّسْ. أَمُّو إِ ڭِّينْ نِيثْنِي أَسّْ إِضْفَارْ ؤُمَاسْ ؤُشَا سّْمُوننْ-د أَطَّاسْ ن نُّوقَارْثْ.
2CH 24:12 أَجدْجِيذْ ذ يَاهُويَاذَاعْ وْشِينْ أَيَا [خنِّي] إِ إِمْضبَّارنْ ن ڒْخذْمثْ ذِي طّْوعْ ن ثَادَّارْثْ ن سِيذِي. نِيثْنِي شْرَانْ إِسُويْذَاينْ ذ إِنقَّاشنْ ن ؤُكشُّوضْ، حِيمَا أَذْعذْڒنْ ثَادَّارْثْ ن سِيذِي، ؤُڒَا ذ إِمْزِيڒنْ ن وُوزَّاڒْ ذ نّْحَاسْ، حِيمَا [ؤُڒَا ذ نِيثْنِي] أَذْعذْڒنْ ثَادَّارْثْ ن سِيذِي.
2CH 24:13 إِخدَّامنْ ثُوغَا خدّْمنْ ڒبْذَا ؤُ سَاذُو ؤُفُوسْ نْسنْ ثُويُورْ ڒْخذْمثْ نِيشَانْ غَارْ زَّاثْ. نِيثْنِي أَرِّينْ ثَادَّارْثْ ن أَربِّي أَمْ مَامّشْ ت ثُوغَا أَمزْوَارُو ؤُ أَرْنِينْ ذِي ڒمْثنْ نّسْ.
2CH 24:14 ڒَامِي كمّْڒنْ نِيثْنِي [ڒْْخذْمثْ]، إِوْينْ مِينْ إِقِّيمنْ ن نُّوقَارْثْ زَّاثْ إِ وُوذمْ ن ؤُجدْجِيذْ ؤُ زَّاثْ إِ يَاهُويَاذَاعْ ؤُشَا إِڭَّا زَّايسْ ڒقْشُوعْ إِ ثَادَّارْثْ ن سِيذِي، ڒقْشُوعْ إِ ثْسخَّارْثْ ؤُ إِ ثوْهِيبِينْ ن وشْمَاضْ، ثِيغنْجَايِينْ ذ ڒقْشُوعْ ن وُورغْ ذ نُّوقَارْثْ. مَارَّا ؤُسَّانْ نِّي [إِكَّا] يَاهُويَاذَاعْ [إِدَّارْ]، تَّاوْينْ ڒبْذَا ثِيغَارْصَا ن وشْمَاضْ إِ ثَادَّارْثْ ن سِيذِي.
2CH 24:15 يَاهُويَاذَاعْ إِوْسَارْ ؤُ ؤُزَانْ غَارسْ وُوسَّانْ [ن ثُوذَارْثْ]، ؤُشَا إِمُّوثْ. نتَّا ثُوغَا غَارسْ مْيَا ؤُ-ثْڒَاثِينْ ن إِسڭّْوُوسَا ؤُمِي إِمُّوثْ.
2CH 24:16 نضْڒنْ ث جَارْ إِجدْجِيذنْ ذِي ثنْذِينْثْ ن ذَاوُوذْ، مَاغَارْ ثُوغَا إِڭَّا مِينْ إِدْجَانْ نِيشَانْ ذِي إِسْرَائِيل، أَمْ إِ أَربِّي، أَمْ إِ ثَادَّارْثْ نّسْ.
2CH 24:17 أَوَارْنِي إِ ڒْموْثْ ن يَاهُويَاذَاعْ ؤُسِينْ-د ڒْحُوكَّامْ ن يَاهُوذَا ؤُشَا بنْذْقنْ إِ ؤُجدْجِيذْ، ؤُشَا إِسْڒَا غَارْسنْ ؤُجدْجِيذْ.
2CH 24:18 نِيثْنِي سمْحنْ ذِي ثَادَّارْثْ ن سِيذِي، أَربِّي ن ڒجْذُوذْ نْسنْ، ؤُشَا سخَّارنْ إِ ثْربِّينْ ن شْوَارْثِي ذ ڒخْيَاڒَاثْ ن لْ-أَصْنَامْ. [خنِّي] إِذْوڒْ ؤُذُوقّزْ ذ أَمقّْرَانْ [ن وغْضَابْ] خْ يَاهُوذَا ؤُ خْ ؤُرْشَالِيمْ ذِي سِّيبّثْ ن ڒْمُوعْصِييّثْ نْسنْ.
2CH 24:19 نتَّا إِسّكّْ جَارْ أَسنْ إِنَابِييّنْ، حِيمَا أَذْ ثنْ يَارَّا أَذْعقْبنْ غَارْ سِيذِي. نِيثْنِي شهْذنْ خَاسنْ، مَاشَا وَارْ ذ أَسنْ سْڒِينْ شَا.
2CH 24:20 أَرُّوحْ ن أَربِّي إِهْوَا-د خْ زَاكَارِييَّا، مِّيسْ ن ؤُكهَّانْ يَاهُويَاذَاعْ. نتَّا إِبدّْ خْ إِجّْ ن دّْرُوجْ زَّاثْ إِ ڒْڭنْسْ، إِنَّا أَسنْ: ”أَمُّو إِ إِقَّارْ أَربِّي: ’مَايمِّي ثتّْعدَّامْ خْ ڒُومُورَاثْ ن سِيذِي؟ [أَمُّو] وَارْ ثتّفْڒِيحمْ شَا. مِينْزِي ثْحيّْذمْ خْ سِيذِي، أَذْ خَاومْ إِحيّذْ نتَّا.‘ “
2CH 24:21 نِيثْنِي ڭِّينْ خَاسْ إِشْثْ ن ثْمعْمُوتْشْ ؤُ حجَّارنْ ث خْ ڒُومُورْ ن ؤُجدْجِيذْ ذِي ڒمْرَاحْ ن ثَادَّارْثْ ن سِيذِي.
2CH 24:22 أَجدْجِيذْ يُووَاشْ وَارْ إِخَارّصْ ذِي ثْمخْسِيوْثْ إِشوَّارنْ، ثنِّي إِ ذ أَسْ ثُوغَا إِسّْشنْ يَاهُويَاذَاعْ، بَابَاسْ [ن زَاكَارِييَّا]، ؤُشَا [يُووَاشْ] إِنْغَا مِّيسْ [ن يَاهُويَاذَاعْ]. ؤُمِي إِمُّوثْ، إِنَّا زكَارِييَا: ”سِيذِي أَذْ ث إِژَارْ، أَذْ يَارْزُو [أَذْ ث إِخْڒفْ]!“
2CH 24:23 غَارْ ؤُنقْڒبْ ن ؤُسڭّْوَاسْ، إِمْسَارْ، أَقَا إِسّْڭعّذْ ڒْعسْكَارْ ن أَرَامْ خْ يُووَاشْ. نِيثْنِي ؤُسِينْ-د غَارْ يَاهُوذَا ذ ؤُرْشَالِيمْ ؤُ سّْهلّْكنْ زِي ڒْڭنْسْ مَارَّا ڒْحُوكَّامْ ن ڒْڭنْسْ ؤُشَا سّكّنْ مَارَّا ثَاكشَّاضْثْ نْسنْ غَارْ ؤُجدْجِيذْ ن ذِيمَاشْقْ.
2CH 24:24 وَاخَّا ثُوغَا ڒْعسْكَارْ ن أَرَامْ ذْرُوسْ ن يرْيَازنْ وَاهَا، أَقَا سِيذِي إِڭَّا أَسنْ إِجّْ ن ڒْعسْكَارْ ذ أَمقّْرَانْ ذڭْ ؤُفُوسْ نْسنْ، ؤُمِي نِيثْنِي حيّْذنْ خْ سِيذِي، أَربِّي ن ڒجْذُوذْ نْسنْ. نِيثْنِي ڭِّينْ ڒحْكَامَاثْ خْ يُووَاشْ.
2CH 24:25 ؤُمِي خَاسْ فّْغنْ نِيثْنِي، أَقَا جِّينْ ث إِهْڒشْ أَطَّاسْ. ڭِّينْ خَاسْ إِمْسخَّارنْ نّسْ إِشْثْ ن ثْمعْمُوتْشْ ذِي سِّيبّثْ ن إِذَامّنْ إِ إِسِّيزّڒْ يُووَاشْ جَارْ إِحنْجِيرنْ ن ؤُكهَّانْ يَاهُويَاذَاعْ. نْغِينْ ث أَمْ إِدْجَا ذِي ثَاسُّوثْ نّسْ. نضْڒنْ ث ذِي ثنْذِينْثْ ن ذَاوُوذْ، مَاشَا وَارْ ث نْضِيڒنْ شَا ذِي ثْمضْڒِينْ ن إِجدْجِيذنْ.
2CH 24:26 إِنَا ذ إِنِّي إِ خَاسْ إِڭِّينْ إِشْثْ ن ثْمعْمُوتْشْ: زَابَاذْ، مِّيسْ ن شِيمْعَا، ثَاعَامُّونشْثْ، ؤُ يَاهُوزَابَاذْ، مِّيسْ ن شِيمْرِيثْ، ثَامُو‘أَبشْثْ.
2CH 24:27 خْ إِحنْجِيرنْ نّسْ ؤُ خْ ڒْقدّْ ن مِينْ إِ خَاسْ ڭِّينْ [إِنَابِييّنْ] ؤُ خْ ذْسَاسْ ن ثَادَّارْثْ ن أَربِّي، خْزَارْ، أَقَا [مَانْ أَيَا مَارَّا] يُورَا ذِي ثِيرَا ن وذْلِيسْ ن إِجدْجِيذنْ. مِّيسْ أَمَاصْيَا إِذْوڒْ ذ أَجدْجِيذْ ذڭْ ومْشَانْ نّسْ.
2CH 25:1 أَمَاصْيَا [ثُوغَا] غَارسْ خمْسَا ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ ثسْعَا ؤُ-عِيشْرِينْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ يَاهُوعَادَّانْ، [ثُوغَا-ت] زِي ؤُرْشَالِيمْ.
2CH 25:2 نتَّا إِڭَّا مِينْ إِدْجَانْ نِيشَانْ ذِي ثِيطَّاوِينْ ن سِيذِي، مَاشَا وَارْ إِدْجِي س وُوڒْ إِمُونْ [قَاعْ].
2CH 25:3 ؤُمِي إِسّمْثنْ ثَاڭلْذَا نّسْ، إِمْسَارْ، أَقَا إِنْغَا إِمْسخَّارنْ نّسْ، إِنِّي إِ ثُوغَا إِنْغِينْ بَابَاسْ أَجدْجِيذْ.
2CH 25:4 مَاشَا إِحنْجِيرنْ ن إِقتَّاڒنْ وَارْ ثنْ إِنْغِي شَا، أَمْ مَامّشْ [ث] يُورَا ذڭْ وذْلِيسْ إِتّْوَانّْضنْ ن شَّارِيعَا ن مُوسَا إِ ذِي إِوصَّا سِيذِي، إِنَّا: ”إِبَابَاثنْ وَارْ تّْوَانقّنْ ذِي سِّيبّثْ ن إِحنْجِيرنْ [نْسنْ] ؤُ إِحنْجِيرنْ وَارْ تّْوَانقّنْ ذِي سِّيبّثْ ن إِبَابَاثنْ [نْسنْ]، مَاغَارْ كُوڒْ إِجّْ أَذْ إِتّْوَانغْ خْ دّْنُوبْ [ن يِيخفْ] نّسْ.“
2CH 25:5 أَمَاصْيَا إِسّْمُونْ [أَيْثْ ن] يَاهُوذَا ؤُشَا إِسّْبدّْ إِ-ثنْ عْلَاحْسَابْ ڒَادْجَاثْ ن إِبَابَاثنْ، أَكْ-ذ إِمقّْرَاننْ خْ وَاڒفْ ؤُ أَكْ-ذ إِمقّْرَاننْ خْ مْيَا إِ يَاهُوذَا ذ بِينْيَامِينْ مَارَّا. نتَّا إِسدّْ إِ-ثنْ زِي عِيشْرِينْ إِسڭّْوُوسَا سنّجْ ؤُشَا يُوفَا جَارْ أَسنْ ثڒْثْ-مْيَاثْ-أَڒفْ [ن يرْيَازنْ] تّْوَافَارْزنْ، حِيمَا أَذْ فّْغنْ أَكْ-ذ ڒْعسْكَارْ، إِنِّي إِتّْوَاذَارّْبنْ خْ ؤُحْرِيشْ ذ ثْسدَّارْثْ [ن ؤُعسْكَارِي] ثَامقّْرَانْثْ.
2CH 25:6 نتَّا إِشْرَا مْيَاثْ-أَڒفْ ن أَيْثْ ن بُو-ثغْرُوضْثْ إِمحْضنْ زِي إِسْرَائِيل س مْيَا ثَالِينْثْ ن نُّوقَارْثْ.
2CH 25:7 [خنِّي] يُوسَا-د غَارسْ إِجّْ ن ورْيَازْ ن أَربِّي، إِنَّا: ”[أَ]، أَجدْجِيذْ، وَارْ تّجِّي ڒْعسْكَارْ ن إِسْرَائِيل أَكِيذكْ إِتّفّغْ، مَاغَارْ سِيذِي وَارْ إِدْجِي أَكْ-ذ إِسْرَائِيل، أَكْ-ذ مَارَّا أَرَّاونْ [نِّي] ن إِفْرَايِيمْ.
2CH 25:8 [مَاشَا] مَاڒَا ثخْسذْ أَذْ ثْرَاحذْ [عَاذْ] فّغْ، أڭّْ إِ-ث، [إِوَا] إِڒِي ذ أَرْيَازْ ذڭْ ؤُمنْغِي. أَربِّي أَذْ شكْ إِسّْنقْڒبْ زَّاثْ إِ وُوذمْ ن ڒعْذُو، مَاغَارْ أَربِّي غَارسْ ثِيزمَّارْ مَاحنْذْ أَذْ إِعَاونْ ؤُ أَذْ إِسّْنقْڒبْ.“
2CH 25:9 أَمَاصْيَا إِنَّا إِ ورْيَازْ ن أَربِّي: ”مَاشَا مِينْ غَا إِمْسَارنْ س مْيَا ثَالِينْثْ إِ وْشِيغْ إِ ثرْبِيعِينْ ن [ڒْْعسْكَارْ ن] إِسْرَائِيل؟“ أَرْيَازْ ن أَربِّي إِنَّا: ”سِيذِي غَارسْ كْثَارْ زِي مَانْ أَيَا حِيمَا أَذْ أَشْ ث إِوْشْ.“
2CH 25:10 ؤُشَا إِعْزڒْ أَمَاصْيَا ثِيرْبِيعِينْ [ن ڒْعسْكَارْ] إِ ثُوغَا غَارسْ د-يُوسِينْ زِي إِفْرَايِيمْ، إِجَّا إِ-ثنْثْ أَذْ أَرڭّْوحنْثْ غَارْ ومْشَانْ نْسنْ. [خنِّي] إِڒْقفْ إِ-ثنْ ؤُخيّقْ أَمقّْرَانْ خْ يَاهُوذَا ؤُشَاعقْبنْ س ثفْقحْثْ ذ ؤُفُوڭمْ غَارْ ومْشَانْ نْسنْ.
2CH 25:11 أَمَاصْيَا إِڭَّا ثَارْيَاسْثْ، إِنْذهْ ڒْڭنْسْ نّسْ. إِفّغْ غَارْ ثغْزُورْثْ ن ثْمدْجَاحْثْ، إِنْغَاعشْرَا-أَڒَافْ [ن يرْيَازنْ] زڭْ أَيْثْ ن سَاعِيرْ.
2CH 25:12 [عَاوذْ] حبّْسنْ أَيْثْ ن يَاهُوذَاعشْرَا-أَڒَافْ [ن يرْيَازنْ] أَمْ دَّارنْ، ؤُشَا إِوْينْ ثنْ غَارْ ثْقِيشَّاثْ ن جَّارْفْ ؤُشَا عَارْننْ ثنْ سّنِّي غَارْ سْوَادَّايْ أَڒَامِي فْثُوتّْينْ مَارَّا.
2CH 25:13 [مَاشَا] إِرْيَازنْ ن ثرْبِيعِينْ ن ڒْعسْكَارْ نِّي ثُوغَا إِجَّا أَمَاصْيَا أَذْعقْبنْ أَڒَامِي وَارْ كِيذْسنْ د-تّفّْغنْ غَارْ ؤُمنْغِي، هجْمنْ خْ ثْندَّامْ ن يَاهُوذَا، زِي سَامَارْيَا أَڒْ بَايْثْ-حُورُونْ، ؤُشَا نْغِينْ زَّايْسنْ ثڒْثْ-أَڒَافْ [ن يرْيَازنْ] ؤُشَا حوّْسنْ ثَاكشَّاضْثْ ثَامقّْرَانْثْ أَطَّاسْ.
2CH 25:14 أَوَارْنِي ڒغْڒبْ خْ أَيْثْ ن إِذُومْ، ڒَامِي د-إِعْقبْ أَمَاصْيَا، يِيوِي نتَّا إِربِّيثنْ ن أَيْثْ ن سَاعِيرْ ؤُشَا إِسّْبدّْ إِ-ثنْ زَّاثسْ ؤُشَا إِبنْذقْ زَّاثْسنْ ؤُشَا إِسّْبخَّارْ أَسنْ.
2CH 25:15 ؤُشَا يَارْغَا وغْضَابْ ن سِيذِي خْ أَمَاصْيَا، ؤُشَا إِسّكّْ إِجّْ ن ؤُنَابِي غَارسْ. وَانِيثَا إِنَّا أَسْ: ”مَايمِّي ثَارْزُوذْ إِربِّيثنْ ن ڒْڭنْسْ [نِّي]، إِنِّي إِ ثُوغَا وَارْ إِزمَّارنْ أَذْ فكّنْ ڒْڭنْسْ نْسنْ زڭْ ؤُفُوسْ نّشْ؟“
2CH 25:16 ؤُمِي نتَّا إِسِّيوڒْ [أَمُّو]، إِمْسَارْ، أَقَا إِنَّا أَسْ: ”مَا ڭِّينْ شكْ ذ أَمْشَاوَارْ ن ؤُجدْجِيذْ؟ بدّْ، مَايمِّي إِ شكْ إِ غَا وْثنْ؟“ [خنِّي] إِبدّْ ؤُنَابِي، إِنَّا: ”[ڒخُّو] سّْنغْ، أَقَا سِيذِي إِعْزمْ حِيمَا أَذْ شكْ يَاردّدْجْ، مِينْزِي ثڭِّيذْ أَيَا ؤُ وَارْ ثسْڒِيذْ غَارْ شّْوَارْ إِنُو.“
2CH 25:17 أَمَاصْيَا، أَجدْجِيذْ ن يَاهُوذَا، إِمْشَاوَارْ. إِسّكّْ [إِرقَّاصنْ] غَارْ يُووَاشْ، مِّيسْ ن يَاهُويَاحَازْ، مِّيسْ ن يَاهُو، أَجدْجِيذْ ن إِسْرَائِيل، إِنَّا: ”أَسْ-د، أجّْ أَنغْ أَذْ نمّڒْقَا [إِ ؤُمنْغِي].“
2CH 25:18 [مَاشَا] يُووَاشْ، أَجدْجِيذْ ن إِسْرَائِيل، إِسّكّْ [إِجّْ ن ؤُرقَّاصْ] غَارْ أَمَاصْيَا، أَجدْجِيذْ ن يَاهُوذَا، إِنَّا أَسْ: ”شْبَارْقْ أَكْ-ذ إِسنَّاننْ [إِ إِغمّْينْ] خْ [إِذُورَارْ ن] لُوبْنَانْ، إِسّكّْ [إِشْثْ ن ثبْرَاثْ] غَارْ ثنْڭلْثْ خْ [إِذُورَارْ ن] لُوبْنَانْ، إِنَّا: ’أوْشْ يدْجِيشْ ذ ثَامْغَارْثْ إِ مِّي!‘ [مَاشَا] إِجّْ ن ڒْوحْشْ إِ [ذِينْ يُويُورنْ] خْ [إِذُورَارْ ن] لُوبْنَانْ، إِكَّا ؤُشَا إِعْفسْ خْ شْبَارْقْ أَكْ-ذ إِسنَّاننْ.
2CH 25:19 ثقَّارذْ [أَكْ-ذ إِخفْ نّشْ]: ’خْزَارْ، أَقَاغڒْبغْ خْ إِذُومْ!‘، ؤُ [ڒخُّو] ثُوذفْ نّْفَاخثْ غَارْ وُوڒْ نّشْ حِيمَا أَذْ ثَارْزُوذْ خْ شَّانْ كْثَارْ. قِّيمْ ذِي ثَادَّارْثْ نّشْ، [مِينْزِي] مَايمِّي غَا ثْغضْڒذْ إِخفْ نّشْ ذِي ڒْغَارْ ؤُ أَذْ ثوْضِيذْ، شكْ ذ يَاهُوذَا أَكِيذكْ؟“
2CH 25:20 [مَاشَا] أَمَاصْيَا وَارْ إِخْسْ أَذْ إِسڒْ، مَاغَارْ مَانْ أَيَا يُوسَا-د زِي أَربِّي مَاحنْذْ أَذْ ثنْ إِوْشْ ذڭْ ؤُفُوسْ [نْسنْ]، مِينْزِي نِيثْنِي أَرْزُونْ إِربِّيثنْ ن إِذُومْ.
2CH 25:21 [خنِّي] إِڭعّذْ يُووَاشْ، أَجدْجِيذْ ن إِسْرَائِيل. نتَّا ذ أَمَاصْيَا، أَجدْجِيذْ ن يَاهُوذَا، مّڒْقَانْ [إِ ؤُمنْغِي] غَارْ بَايْثْ-شَامْسْ، إِ إِدْجَانْ ذِي يَاهُوذَا.
2CH 25:22 يَاهُوذَا إِتّْوَاغْڒبْ زَّاثْ إِ وُوذمْ ن إِسْرَائِيل ؤُشَا نِيثْنِي أَروْڒنْ، كُوڒْ إِجّْ غَارْ ؤُقِيضُونْ نّسْ.
2CH 25:23 يَاحُويَاحَازْ، أَجدْجِيذْ ن إِسْرَائِيل، إِطّفْ أَمَاصْيَا، أَجدْجِيذْ ن يَاهُوذَا، مِّيسْ ن يُووَاشْ، مِّيسْ ن يَاهُويَاحَازْ ذِي بَايْثْ-شَامْسْ ؤُشَا يِيوْيِي إِ-ث غَارْ ؤُرْشَالِيمْ. [ذِينِّي] إِڭَّا إِشْثْ ن ثَازِّيثْ ذِي ڒْحِيضْ ن ؤُرْشَالِيمْ، زِي ثوَّارْثْ ن إِفْرَايِيمْ أَڒْ ثوَّارْثْ ن ثغْمَارْثْ، خْ إِجّْ ن وبْرِيذْ ن أَربْعَا-مْيَا ن إِغَادْجنْ.
2CH 25:24 يِيوِي مَارَّا ؤُرغْ ذ نُّوقَارْثْ ذ مَارَّا ڒقْشُوعْ إِ إِتّْوَافنْ ذِي ثَادَّارْثْ ن أَربِّي ؤُ ذڭْ إِخَّامنْ ن ثْخُوبَايْ ن ثَادَّارْثْ ن ؤُجدْجِيذْ [ؤُڒَا ذ] إِمرْهَاننْ، ؤُشَا إِعْقبْ غَارْ سَامَارْيَا.
2CH 25:25 أَمَاصْيَا، مِّيسْ ن يُووَاشْ، أَجدْجِيذْ ن يَاهُوذَا، إِدَّارْ [عَاذْ] خمّسْطَاشْ ن إِسڭّْوُوسَا أَوَارْنِي إِ ڒْموْثْ ن يُووَاشْ، مِّيسْ ن يَاهُويَاحَازْ، أَجدْجِيذْ ن إِسْرَائِيل.
2CH 25:26 مِينْ إِقِّيمنْ ن إِمزْرُوينْ ن أَمَاصْيَا، إِمزْوُورَا ذ إِنڭُّورَا، مَا مَانْ أَيَا [مَارَّا] وَارْ إِتّْوَازمّمْ شَا ذڭْ وذْلِيسْ ن إِجدْجِيذنْ ن يَاهُوذَا ذ إِسْرَائِيل؟
2CH 25:27 زڭْ وَامِي إِحيّذْ أَمَاصْيَا خْ سِيذِي، ڭِّينْ خَاسْ إِشْثْ ن ثْمعْمُوتْشْ ذِي ؤُرْشَالِيمْ، مَاشَا نتَّا يَارْوڒْ غَارْ لَاخِيشْ. [خنِّي] سّكّنْ [إِرْيَازنْ] أَوَارْنِي أَسْ ؤُشَا نْغِينْ ث ذِينِّي.
2CH 25:28 إِوْينْ ث-إِ-د خْ ييْسَانْ ؤُشَا نضْڒنْ ث جَارْ ڒجْذُوذْ نّسْ ذِي ثنْذِينْثْ ن يَاهُوذَا.
2CH 26:1 [خَاسْ ؤُشَا] يِيوِي مَارَّا ڒْڭنْسْ ن يَاهُوذَا عُوزِّييَا، ونِّي ثُوغَا غَارْ إِدْجَا سطَّاشْ ن إِسڭّْوُوسَا، ڭِّينْ ث ذ أَجدْجِيذْ ذڭْ ومْشَانْ ن بَابَاسْ أَمَاصْيَا.
2CH 26:2 نتَّا إِبْنَا إِلَاثْ ؤُ يَارَّا إِ-ث [ذڭْ ؤُفُوسْ] ن يَاهُوذَا، أَوَارْنِي ڒَامِي إِڭَّا ؤُجدْجِيذْ أَذْ يَاريّحْ جَارْ ڒجْذُوذْ نّسْ.
2CH 26:3 عُوزِّييَا [ثُوغَا] غَارسْ سطَّاشْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ ثْنَاينْ ؤُ-خمْسِينْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ يَاكُولْيَا زِي ؤُرْشَالِيمْ.
2CH 26:4 نتَّا إِڭَّا مِينْ إِدْجَانْ نِيشَانْ ذِي ثِيطَّاوِينْ ن سِيذِي، إِڭَّا نِيشَانْ أَمْ مَامّشْ ثُوغَا إِڭَّا بَابَاسْ أَمَاصْيَا.
2CH 26:5 نتَّا ثُوغَا يَارزُّو خْ أَربِّي ذڭْ وُوسَّانْ ن زَاكَارِييَّا، ونِّي ثُوغَا إِ ذ أَسْ إِسّڒْمَاذْ مَاحنْذْ أَذْ إِڭّْوذْ أَربِّي، ؤُشَا إِسّهْونْ أَربِّي أَبْرِيذْ نّسْ ذڭْ وُوسَّانْ إِ ذِي ثُوغَا يَارزُّو خْ سِيذِي.
2CH 26:6 نتَّا إِفّغْ ؤُشَا إِمّْنغْ أَكْ-ذ إِفِيلِيسْطِينِييّنْ ؤُشَا إِڭَّا إِشْثْ ن ثَازِّيثْ ذِي ڒْحِيضْ ن جَاثْ ؤُ ذِي ڒْحِيضْ ن يَابْنَا ذ ڒْحِيضْ ن أَشْذُوذْ. نتَّا إِبْنَا ثِيندَّامْ غَارْ أَشْذُوذْ ؤُ ذِي [ثمُّورْثْ ن] إِفِيلِيسْطِينِييّنْ.
2CH 26:7 أَربِّي إِبدّْ أَكِيذسْ ضِيدّْ إِ إِفِيلِيسْطِينِييّنْ ؤُ ضِيدّْ إِ وعْرَابنْ، إِنِّي إِزدّْغنْ ذِي جُورْ-بَاعْلْ، ؤُ ضِيدّْ إِ إِمَاعُونِييّنْ.
2CH 26:8 وْشِينْ أَيْثْ ن عَامُّونْ لْجِيزْيَا إِ عُوزِّييَا ؤُشَا إِذْوڒْ يِيسمْ نّسْ إِتّْوَاسّنْ أَڒْ وَاذَافْ ن مِيصْرَا، مَاغَارْ نتَّا ثُوغَا إِذْوڒْ إِجْهذْ أَطَّاسْ.
2CH 26:9 ذِي ؤُرْشَالِيمْ إِسّْبدّْ عُوزِّييَا صُّومْعَاثْ غَارْ ثوَّارْثْ ن ثغْمَارْثْ ؤُ غَارْ ثوَّارْثْ ن ثغْزُورْثْ ؤُ غَارْ ثْغمُّورْثْ ؤُشَا إِسّمْثنْ إِ-ثنْثْ.
2CH 26:10 نتَّا إِبْنَا [عَاوذْ] صُّومْعَاثْ ذِي ڒخْڒَا ؤُشَا إِغْزَا أَطَّاسْ ن وَانُوثنْ، مَاغَارْ غَارسْ ڒبْهَايمْ أَطَّاسْ ذِي ثمُّورْثْ إِوَاطَانْ ؤُ ذِي ڒْوَاطَا [يُوعْڒَانْ]. ثُوغَا غَارسْ إِفدْجَاحنْ ذ أَيْثْ ن ثْزَايَارْثْ ذڭْ إِذُورَارْ ؤُڒَا ذڭْ إِيَّارنْ إِعَارْصنْ، مَاغَارْ نتَّا ثُوغَا إِتّخْسْ ثَافدْجَاحْثْ.
2CH 26:11 عُوزِّييَا ثُوغَا غَارسْ [عَاوذْ] إِجّْ ن ڒْعسْكَارْ ن إِعسْكَارِييّنْ إِمْذَارّْبنْ، تّفّْغنْ غَارْ ؤُمنْغِي ذِي ثرْبِيعِينْ، عْلَاحْسَابْ لْعَاذَاذْ إِ ثُوغَا إِتّْوَاسدّْ زَّايْسنْ س ؤُفُوسْ ن ؤُمَارِيرْ يَاعِييِيلْ ذ ؤُوقَّافْ مَاعَاسِييَا، س ڒُومُورْ ن حَانَانْيَا، إِجّْ زِي ڒْحُوكَّامْ ن ؤُجدْجِيذْ.
2CH 26:12 ڒْقدّْ إِمُونْ ن إِزدْجِيفنْ خْ [ڒَْادْجَاثْ ن] إِبَابَاثنْ، ن أَيْثْ ن بُو-ثغْرُوضْثْ إِمحْضنْ، [ثُوغَا] أَڒْفَاينْ ؤُ-ستَّا-مْيَا [ن يرْيَازنْ].
2CH 26:13 سَاذُو أَفُوسْ نْسنْ [ثُوغَا] ذِينْ إِجّْ ن ڒْعسْكَارْ ن ثڒْثْ-مْيَا ؤُ-سبْعَا-أَڒَافْ ؤُ-خمْسَا-مْيَا [ن يرْيَازنْ]، إِعسْكَارِييّنْ إِمْذَارّْبنْ س جّهْذْ [إِشُّورنْ] إِ ؤُمنْغِي، حِيمَا أَذْ وْشنْ أَفُوسْ إِ ؤُجدْجِيذْ ضِيدّْ إِ ڒعْذُو.
2CH 26:14 عُوزِّييَا إِسّوْجذْ أَسنْ ثِيسدَّارِييِينْ [ن ؤُعسْكَارِي] ذ إِحْرِيشنْ ذ لْكَاسْكَاثْ خْ ؤُزدْجِيفْ ذ وَارُّوضْ ن وُوزَّاڒْ ذ ڒقْوَاسْ ذ إِژْرَا ن يِيدْجِييْ، إِ مَارَّا ڒْعسْكَارْ.
2CH 26:15 ذِي ؤُرْشَالِيمْ إِڭَّا دُّوزَانَاثْ إِتّْوَاسُّوفّْغنْ زڭْ إِمْسُوفّْغنْ إِمِيغِيسنْ حِيمَا أَذْ ثنْثْ ڭّنْ خْ صُّومْعَاثْ ؤُ خْ ثْغمُّورَا حِيمَا أَذْ زَّايْسنْثْ وْثنْ فْڒِيثْشَاثْ ؤُ أَذْ حجَّارنْ إِژْرَا إِمقّْرَاننْ. أَمُّو إِ إِذْوڒْ إِسمْ نّسْ إِشْنعْ غَارْ ڒَاڭّْوَاجْ، مَاغَارْ إِ نتَّا ؤُمِي ثتّْوَاڭّْ ثْوِيزَا س ڒعْجبْ، أَڒَامِي إِذْوڒْ يَارْنِي ذِي جّهْذْ.
2CH 26:16 مَاشَا ؤُمِي إِذْوڒْ إِجْهذْ، إِسّْڭعّذْ إِخفْ نّسْ ذڭْ وُوڒْ نّسْ أَڒَامِي إِسِّيوضْ [إِخفْ نّسْ] غَارْ وَاريّبْ ؤُ إِغْذَارْ سِيذِي، أَربِّي نّسْ، مَاغَارْ يُوذفْ غَارْ زَّاوشْثْ ثَامقّْرَانْثْ ن سِيذِي، حِيمَا أَذْ إِسّْبخَّارْ خْ ؤُعَالْطَارْ نْ ڒبْخُورْ.
2CH 26:17 أَكهَّانْ عَازَارْيَا يُويُورْ أَوَارْنِي أَسْ، ؤُ ؤُيُورنْ أَكِيذسْ إِكهَّاننْ ن سِيذِي ذ إِلَاوِييّنْ، ثْمنْيِينْ ن يرْيَازنْ إِمحْضنْ.
2CH 26:18 نِيثْنِي قَاطْعنْ إِ ؤُجدْجِيذْ عُوزِّييَا، نَّانْ أَسْ: ”وَارْ شكْ إِشُووَّارْ، عُوزِّييَا، مَاحنْذْ أَذْ ثَاوْيذْ ڒبْخُورْ إِ سِيذِي، مْغِيرْ إِ إِكهَّاننْ، أَرَّاوْ ن هَارُونْ، إِنِّي إِتّْوَاقدّْسنْ إِ ثوْهِيبْثْ ن ڒبْخُورْ. فّغْ زِي زَّاوشْثْ إِقدّْسنْ، مَاغَارْ ثغْذَارذْ ؤُ مَانْ أَيَا وَارْ ذ أَشْ د-إِتِّيوِي شَّانْ زَّاثْ إِ سِيذِي، أَربِّي نّشْ.“
2CH 26:19 [خنِّي] إِسْعَارْ عُوزِّييَا أَمْ إِطّفْ ڒبْخُورْ إِ ثوْهِيبْثْ نْ ڒبْخُورْ ذڭْ ؤُفُوسْ نّسْ. أَمْ إِسْعَارْ [أَمُّو] خْ إِكهَّاننْ، إِفّغْ أَسْ د-ڒْْبَارْصْ ذِي ثنْيَارْثْ نّسْ، زَّاثْ إِ ثِيطَّاوِينْ ن إِكهَّاننْ ذِي ثَادَّارْثْ ن سِيذِي، غَارْ ؤُعَالْطَارْ ن ڒبْخُورْ.
2CH 26:20 [ؤُمِي] إِنّقْڒبْ ؤُكهَّانْ أَمقّْرَانْ عَازَارْيَا ذ مَارَّا إِكهَّاننْ غَارسْ، أَقَا ذَا، ذَايسْ ڒْبَارْصْ ذِي ثنْيَارْثْ نّسْ. نِيثْنِي حْسَارنْ ث ذغْيَا أَذْ سّنِّي يَاڭّْوجْ، ؤُڒَا ذ نتَّا سِيمَانْثْ نّسْ إِقدْجقْ أَذْ إِفّغْ، مِينْزِي سِيذِي ثُوغَا إِوْثَا إِ-ث.
2CH 26:21 ثُوغَا أَجدْجِيذْ عُوزِّييَا إِهْڒشْ س ڒْبَارْصْ أَڒْ أَسّْ ن ڒْموْثْ نّسْ. نتَّا إِقِّيمْ إِزدّغْ ذڭْ إِشْثْ ن ثَادَّارْثْ ثتّْوَاعْزڒْ، مَاغَارْ نتَّا ثُوغَا إِتّْوَاقسّْ زِي ثَادَّارْثْ ن سِيذِي. مِّيسْ يُوثَامْ ثُوغَا [إِتّْوَاڒقّمْ] خْ ثْزذِّيغْثْ [ن ؤُجدْجِيذْ] ؤُ إِحكّمْ خْ ڒْڭنْسْ ن ثمُّورْثْ.
2CH 26:22 إِمزْرُوينْ إِقِّيمنْ ن عُوزِّييَا، إِمزْوُورَا ذ إِنڭُّورَا، أَقَا إِزمّْ إِ-ثنْ ؤُنَابِي إِشَاعْيَا، مِّيسْ ن أَمُوصْ.
2CH 26:23 عُوزِّييَا إِڭَّا أَذْ يَاريّحْ جَارْ ڒجْذُوذْ نّسْ. نضْڒنْ ث جَارْ ڒجْذُوذْ نّسْ ذڭْ إِيَّارْ ن ونْضڒْ ن إِجدْجِيذنْ، مَاغَارْ نَّانْ: ”أَقَا ذَايسْ ڒْبَارْصْ!“ مِّيسْ يُوثَامْ إِذْوڒْ ذ أَجدْجِيذْ ذڭْ ومْشَانْ نّسْ.
2CH 27:1 يُوثَامْ [ثُوغَا] غَارسْ خمْسَا ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ سطَّاشْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ يَارُوشَا، يدْجِيسْ ن صَاذُوقْ.
2CH 27:2 نتَّا إِڭَّا مِينْ إِدْجَانْ نِيشَانْ ذِي ثِيطَّاوِينْ ن سِيذِي، نِيشَانْ أَمْ مَامّشْ ث إِڭَّا بَابَاسْ عُوزِّييَا، مَاشَا نتَّا وَارْ يُوذِيفْ شَا غَارْ زَّاوشْثْ ثَامقّْرَانْثْ ن سِيذِي. ڒْڭنْسْ [مَاشَا] ثُوغَا [عَاذْ] إِفْسذْ إِخفْ نّسْ أَطَّاسْ.
2CH 27:3 نتَّا إِبْنَا ثَاوَّارْثْ يُوعْڒَانْ ن ثَادَّارْثْ ن سِيذِي. ؤُڒَا غَارْ ڒْحِيضْ ن عُوفِيلْ إِبْنَا أَطَّاسْ.
2CH 27:4 إِبْنَا ثِيندَّامْ ذِي ثمُّورْثْ ن إِذُورَارْ ن يَاهُوذَا ؤُ ذڭْ إِزغْرَانْ إِبْنَا لْقلْعَاثْ ذ صُّومْعَاثْ.
2CH 27:5 نتَّا إِمّْنغْ أَكْ-ذ أَيْثْ ن عَامُّونْ ؤُ إِغْڒبْ خَاسنْ، أَڒَامِي أَيْثْ ن عَامُّونْ سِّيوْضنْ غَارسْ ذڭْ ؤُسڭّْوَاسْ نِّي [عَاذْ] مْيَا ثَالِينْثْ ن نُّوقَارْثْ ذعشْرَا-أَڒَافْ ن إِكُورُوثنْ ن إِرْذنْ ذعشْرَا-أَڒَافْ إِكُورُوثنْ ن إِمنْذِي. ؤُڒَا ذڭْ ؤُسڭّْوَاسْ وِيسّْ ثْنَاينْ ذ وِيسّْ ثْڒَاثَا سِّيوْضنْ أَيْثْ ن عَامُّونْ غَارسْ مَانْ أَيَا عَاوذْ.
2CH 27:6 [أَمُّو إِ] إِذْوڒْ يُوثَامْ إِجْهذْ، مَاغَارْ إِسّوْجذْ إِبْرِيذنْ نّسْ زَّاثْ إِ وُوذمْ ن سِيذِي، أَربِّي نّسْ.
2CH 27:7 إِمزْرُوينْ إِقِّيمنْ ن يُوثَامْ، ذ مَارَّا إِمنْغَانْ إِ إِمّْنغْ ذ مَارَّا إِبْرِيذنْ نّسْ، أَقَا تّْوَازمّمنْ ذڭْ وذْلِيسْ ن إِمزْرُوينْ ن إِجدْجِيذنْ ن يَاهُوذَا.
2CH 27:8 [ثُوغَا] غَارسْ خمْسَا ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ سطَّاشْ ن إِسڭّْوُوسَا ذِي ؤُرْشَالِيمْ.
2CH 27:9 يُوثَامْ إِڭَّا أَذْ يَاريّحْ جَارْ ڒجْذُوذْ نّسْ. نتَّا إِتّْوَانْضڒْ ذِي ثنْذِينْثْ ن ذَاوُوذْ. مِّيسْ أَحَازْ إِذْوڒْ ذ أَجدْجِيذْ ذڭْ ومْشَانْ نّسْ.
2CH 28:1 أَحَازْ [ثُوغَا] غَارسْ عِيشْرِينْ ن إِسڭّْوُوسَا، ؤُمِي إِذْوڒْ ذ أَجدْجِيذْ. نتَّا إِحْكمْ سطَّاشْ ن إِسڭّْوُوسَا ذِي ؤُرْشَالِيمْ. نتَّا وَارْ إِڭِّي مِينْ إِدْجَانْ نِيشَانْ ذِي ثِيطَّاوِينْ ن سِيذِي، أَربِّي نّسْ، أَمْ مَامّشْ [إِڭَّا] بَابَاسْ ذَاوُوذْ.
2CH 28:2 نتَّا يُويُورْ ذڭْ إِبْرِيذنْ ن إِجدْجِيذنْ ن إِسْرَائِيل. عَاوذْ إِڭَّا ڒخْيَاڒَاثْ إِفسْينْ إِ ’إِبَاعْلنْ‘.
2CH 28:3 نتَّا ثُوغَا إِتَّاوِي-د ڒبْخُورْ ذِي ثغْزُورْثْ ن بِينْ-هِينُّومْ ؤُ إِسّشْمضْ إِحنْجِيرنْ نّسْ ذِي ثْمسِّي. نتَّا إِڭَّا عْلَاحْسَابْ جّْعَايفْ نِّي ڭِّينْ مَارَّا ڒڭْنُوسْ إِ خفْ يُوژّڒْ سِيذِي زَّاثْ إِ وُوذمْ ن أَيْثْ ن إِسْرَائِيل.
2CH 28:4 نتَّا يِيوْيِي-د ثِيغَارْصَا ذ ثوْهِيبِينْ ن ڒبْخُورْ خْ ڒڭْعُوذِي ؤُ خْ ثوْرِيرِينْ ؤُ سَاذُو مَارَّا أَزْغَارْ أَزِيزَا.
2CH 28:5 سِيذِي، أَربِّي نّسْ، إِوْشَا إِ-ث ذڭْ إِفَاسّنْ ن ؤُجدْجِيذْ ن أَرَامْ. نِيثْنِي وْثِينْ ث ؤُ حبّْسنْ زَّايسْ إِجّْ ن ؤُبَارُّو إِمْغَارْ ؤُ إِوْينْ ثنْ غَارْ ذِيمَاشْقْ. إِمّوْشْ أَحَازْ ذڭْ إِفَاسّنْ ن ؤُجدْجِيذْ ن إِسْرَائِيل، ونِّي ذ أَسْ إِوْثِينْ س إِشْثْ ن ثشْثِي ذ ثَامقّْرَانْثْ.
2CH 28:6 فَاقَاحْ، مِّيسْ ن رَامَالْيَاهُو، إِنْغَا مْيَا ؤُ-عِيشْرِينْ-أَڒفْ [ن يرْيَازنْ] ذڭْ إِجّْ ن وَاسّْ ذِي يَاهُوذَا، مَارَّا نِيثْنِي ذ أَيْثْ ن ؤُمنْغِي، مِينْزِي نِيثْنِي حيّْذنْ خْ سِيذِي، أَربِّي ن ڒجْذُوذْ نْسنْ.
2CH 28:7 زِيكْرِي، إِجّْ ن بُو-ثغْرُوضْثْ زِي إِفْرَايِيمْ، إِنْغَا مَاعَاسِييَا، مِّيسْ ن ؤُجدْجِيذْ، ذ عَازْرِيقَامْ، أَمحْضَايْ ن ثَادَّارْثْ، ذ إِلْقَانَا، ونِّي ذ وِيسّْ ثْنَاينْ أَوَارْنِي إِ ؤُجدْجِيذْ.
2CH 28:8 نذْهنْ أَيْثْ ن إِسْرَائِيل زڭْ أَيْثْمَاثْسنْ مِيثَاينْ-أَڒفْ ن ثمْغَارِينْ ذ إِحنْجِيرنْ ذ ثْحنْجِيرِينْ ذِي ثْمحْبَاسْثْ ؤُ طّْفنْ زَّايْسنْ إِشْثْ ن ثْكشَّاضْثْ ذ ثَامقّْرَانْثْ. إِوْينْ ثَاكشَّاضْثْ [نِّي] غَارْ سَامَارْيَا.
2CH 28:9 ذِينِّي إِدْجَا إِجّْ ن ؤُنَابِي ن سِيذِي، قَّارنْ أَسْ عُوذِيذْ. وَانِيثَا إِفّغْ، إِمْسَاڭَارْ أَكْ-ذ ڒْعسْكَارْ إِ د-إِعقْبنْ غَارْ سَامَارْيَا، إِنَّا أَسنْ: ”خْزَارمْ، مِينْزِي س وسْعَارْ ن سِيذِي، أَربِّي ن ڒجْذُوذْ نْومْ، خْ يَاهُوذَا، إِڭَّا إِ-ثنْ ذڭْ ؤُفُوسْ نْومْ ؤُ كنِّيوْ ثنْغِيمْ ثنْ س إِجّْ ن وسْخضْ يِيوضْ أَڒْ أَجنَّا.
2CH 28:10 ؤُ ڒخُّو إِتّْغِيڒْ أَومْ أَذْ ثڭّمْ أَيْثْ ن يَاهُوذَا ذ ؤُرْشَالِيمْ سَاذُو ؤُفُوسْ نْومْ أَمْ يِيسمْغَانْ ذ ثِييَّا. مَا وَارْ كنِّيوْ إِضْفَارْ خنِّي ؤُمَارْوَاسْ غَارْ سِيذِي، أَربِّي نْومْ؟
2CH 28:11 سْڒمْ-د ڒخُّو غَارِي ؤُ أَرّمْ إِمحْبَاسْ نِّي ثْحبّْسمْ زڭْ أَيْثْمَاثْومْ، مَاغَارْ ڒْحَاذُوقْ ن وغْضَابْ ن سِيذِي [إِ د-يُوسَا] خَاومْ.“
2CH 28:12 [خنِّي] سّْبدّنْ يرْيَازنْ-أَ زڭْ إِزدْجِيفنْ ن إِحنْجِيرنْ ن إِفْرَايِيمْ [إِخفْ نْسنْ] زَّاثْ إِ يِينِّي د-يَارڭّْوحنْ زِي ڒْعسْكَارْ: عَازَارْيَا، مِّيسْ ن يُوحَانَانْ، بَارَاخْيَا، مِّيسْ ن مَاشِيلِّيمُوثْ، حِيزْقِييَا، مِّيسْ ن شَالُّومْ، ذ عَامَاسَا، مِّيسْ ن هِيذْلَايْ.
2CH 28:13 نِيثْنِي نَّانْ أَسنْ: ”وَارْ ثْزمَّارمْ أَذْ ثسِّيذْفمْ إِمحْبَاسْ ذَانِيثَا، [مَاغَارْ] نِيثْنِي أَذْ خَانغْ د-أَرنْينْ أَمَارْوَاسْ زَّاثْ إِ سِيذِي. مَا إِتّْغِيڒْ أَومْ [نْزمَّارْ] أَذْ نَارْنِي [عَاذْ] ذِي دّْنُوبْ نّغْ ذ ؤُمَارْوَاسْ نّغْ، وَاخَّا [عَاذْ] غَارْنغْ أَطَّاسْ ن إِمرْوُوسَا ؤُ ڒْحَاذُوقْ ن وغْضَابْ [ن أَربِّي] أَقَا-ث خْ إِسْرَائِيل؟“
2CH 28:14 [خنِّي] سمْحنْ يرْيَازنْ إِحزّْمنْ س ڒسْنَاحْ ذڭْ إِمحْبَاسْ ذ ثْكشَّاضْثْ زَّاثْ إِ إِمقّْرَاننْ ذ مَارَّا أَڭْرَاوْ [ن ڒْڭنْسْ].
2CH 28:15 إِرْيَازنْ، إِنِّي إِتّْوَاسمَّانْ قْبڒْ س إِسْمَاونْ نْسنْ، كَّارنْ ؤُشَا ثْهلَّانْ ذڭْ إِمحْبَاسْ. نِيثْنِي سّْيَارْضنْ مَارَّا إِنِّي ثُوغَا إِدْجَانْ ذ إِعَارْيَاننْ س [وَارُّوضْ زِي] ثْكشَّاضْثْ، سّْيَارْضنْ ثنْ س وَارُّوضْ ذ ثْسِيڒَا ؤُ وْشِينْ أَسنْ أَذْ شّنْ، أَذْ سْونْ. [عَاوذْ] ذهْننْ ثنْ ؤُشَا سّْغِيمنْ إِنِّي إِ ثُوغَا ڭُّورنْ تّنْقَارْضنْ خْ يغْيَاڒْ ؤُ [أَمُّو] إِوْينْ ثنْ غَارْ أَيْثْمَاثْسنْ غَارْ أَرِيحَا، ثَانْذِينْثْ ن ثْشجِّيرَا ن ثِينِي. أَوَارْنِي مَانْ أَيَاعقْبنْ نِيثْنِي سِيمَانْثْ نْسنْ غَارْ سَامَارْيَا.
2CH 28:16 ذِي ڒْوقْثْ نِّي إِسّكّْ أَحَازْ [إِرقَّاسنْ] غَارْ إِجدْجِيذنْ ن أَشُّورْ، حِيمَا أَذْ أَسْ وْشنْ أَفُوسْ.
2CH 28:17 ؤُڒَا ذ أَيْثْ ن إِذُومْ ؤُسِينْ-د. نِيثْنِي وْثِينْ يَاهُوذَا ؤُ نذْهنْ [ثنْ] ذِي ثْمحْبَاسْثْ.
2CH 28:18 إِفِيلِيسْطِينِييّنْ هجْمنْ خْ ثْندَّامْ ن ثمُّورْثْ إِوَاطَانْ ذ لْجَانُوبْ ن يَاهُوذَا ؤُشَا طّْفنْ بَايْثْ-شَامْسْ، أَيَّالُونْ، جَاذِيرُوثْ، سُوكُو ذ ثْندَّامْ إِ غَارسْ د-إِقّْننْ، ثِيمْنَاهْ ذ ثْندَّامْ إِ غَارسْ د-إِقّْننْ ذ جِيمْزُو ذ ثْندَّامْ إِ غَارسْ د-إِقّْننْ ؤُشَا زذْغنْ ذِينِّي.
2CH 28:19 مَاغَارْ سِيذِي إِسّهْوَا يَاهُوذَا ذِي سِّيبّثْ ن أَحَازْ، أَجدْجِيذْ ن يَاهُوذَا، مِينْزِي نتَّا إِفُّوشّحْ ذِي يَاهُوذَا، إِغْذَارْ سِيذِي.
2CH 28:20 ثِيغْلَاثْ-فِيلْنَاسِيرْ، أَجدْجِيذْ ن أَشُّورْ، يُوسَا-د غَارسْ. نتَّا إِڭَّا خَاسْ بزّزْ ؤُ وَارْ ث إِسّجْهذْ.
2CH 28:21 مَاغَارْ [عَاذْ مَاڒَا] أَحَازْ إِكْسِي [أَڭْڒَا] زِي ثَادَّارْثْ ن سِيذِي ؤُ زِي ثَادَّارْثْ ن ؤُجدْجِيذْ ؤُ زِي ڒْحُوكَّامْ، إِوْشَا أَيَا إِ ؤُجدْجِيذْ ن أَشُّورْ، أَقَا مَانْ أَيَا وَارْ ذ أَسْ إِنفِّيعْ شَا.
2CH 28:22 ذِي ڒْوقْثْ إِ ذِي إِتّْوَاحْصَارْ، يَارْنِي ؤُجدْجِيذْ أَحَازْ عَاذْ ذِي ڒْغذْرَانْ نّسْ زَّاثْ إِ سِيذِي.
2CH 28:23 نتَّا إِقدّمْ ثِيغَارْصَا إِ إِربِّيثنْ ن ذِيمَاشْقْ، إِنِّي خَاسْ إِغڒْبنْ، إِنَّا: ”مَاغَارْ إِربِّيثنْ ن إِجدْجِيذنْ ن أَرَامْ وْشِينْ أَسنْ أَفُوسْ، نشّْ أَذْ أَسنْ وهّْبغْ، حِيمَا أَذْ أَيِي وْشنْ أَفُوسْ عَاوذْ.“ [مَاشَا] نِيثْنِي ذوْڒنْ ذ سِّيبّثْ ن ؤُوطُّو نّسْ ؤُ ن مَارَّا إِسْرَائِيل.
2CH 28:24 أَحَازْ إِسّْمُونْ ڒقْشُوعْ زِي ثَادَّارْثْ ن أَربِّي ؤُشَا يَارْژَا ڒقْشُوعْ ن ثَادَّارْثْ ن أَربِّي ذِي إِوثْوِيثنْ ؤُشَا إِبلّعْ ثِيوُّورَا ن ثَادَّارْثْ ن سِيذِي. نتَّا إِڭَّا إِعَالْطَارنْ إِ يِيخفْ نّسْ ذِي كُوڒْ ثَاغْمَارْثْ ن ؤُرْشَالِيمْ.
2CH 28:25 إِڭَّا ؤُڒَا ذ ڒڭْعُوذِي ذِي كُوڒْ ثَانْذِينْثْ ن يَاهُوذَا، حِيمَا أَذْ أَوْينْ ڒبْخُورْ إِ إِربِّيثنْ نّغْنِي. [أَمُّو إِ] إِسْعَارْ نتَّا سِيذِي، أَربِّي ن ڒجْذُوذْ نّسْ.
2CH 28:26 إِمزْرُوينْ إِقِّيمنْ ذ مَارَّا إِبْرِيذنْ نّسْ، إِمزْوُورَا ذ إِنڭُّورَا، خْزَارْ، أَقَا تّْوَازمّمنْ ذڭْ وذْلِيسْ ن إِجدْجِيذنْ ن يَاهُوذَا ذ إِسْرَائِيل.
2CH 28:27 أَحَازْ إِڭَّا أَذْ يَاريّحْ جَارْ ڒجْذُوذْ نّسْ. نضْڒنْ ث ذِي ثنْذِينْثْ، ذِي ؤُرْشَالِيمْ، مَاشَا وَارْ ث سَّارْسنْ شَا ذڭْ إِمضْڒَانْ ن إِجدْجِيذنْ ن إِسْرَائِيل. مِّيسْ حِيزْقِييَا إِذْوڒْ ذ أَجدْجِيذْ ذڭْ ومْشَانْ نّسْ.
2CH 29:1 حِيزْقِييَا إِذْوڒْ ذ أَجدْجِيذْ ؤُمِي [ثُوغَا] غَارسْ خمْسَا ؤُ-عِيشْرِينْ ن إِسڭّْوُوسَا. نتَّا إِحْكمْ ثسْعَا ؤُ-عِيشْرِينْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ أَبِييَا، يدْجِيسْ ن زَاكَارِييَّا.
2CH 29:2 نتَّا إِڭَّا مِينْ إِدْجَانْ نِيشَانْ ذِي ثِيطَّاوِينْ ن سِيذِي، نِيشَانْ أَمْ مَامّشْ ث إِڭَّا بَابَاسْ ذَاوُوذْ.
2CH 29:3 ذڭْ ؤُسڭّْوَاسْ أَمزْوَارُو ن ڒحْكَامثْ نّسْ، ذڭْ ؤُيُورْ أَمزْوَارُو، يَارْزمْ ثِيوُّورَا ن ثَادَّارْثْ ن سِيذِي ؤُشَا إِعْذڒْ إِ-ثنْثْ.
2CH 29:4 إِسِّيذفْ إِكهَّاننْ ذ إِلَاوِييّنْ ؤُشَا إِسّْمُونْ إِ-ثنْ خْ وَازَّايْ غَارْ ؤُغزْذِيسْ ن شَّارْقْ.
2CH 29:5 إِنَّا أَسنْ: ”سْڒمْ-د غَارِي، [أَ] إِلَاوِييّنْ. سْقدّْسمْ إِخفْ نْومْ ؤُڒَا ذ ثَادَّارْثْ ن سِيذِي، أَربِّي ن ڒجْذُوذْ نْومْ، ؤُ كّْسمْ مَارَّا مِينْ إِخمْجنْ زِي زَّاوشْثْ إِقدّْسنْ.
2CH 29:6 مَاغَارْ ڒجْذُوذْ نّغْ ثُوغَا أَثنْ ذ إِغدَّارنْ ؤُ ڭِّينْ مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، أَربِّي نّغْ. نِيثْنِي حيّْذنْ خَاسْ، نّْقڒْبنْ ؤُذْمَاونْ نْسنْ زِي ثْزذِّيغْثْ ن سِيذِي ؤُشَا أَرِّينْ س وعْرُورْ غَارْ [سِيذِي].
2CH 29:7 عَاذْ ؤُڒَا ذ ثِيوُّورَا ن وسْقِيفْ ن وَاذَافْ [ن زَّاوشْثْ] بلّْعنْ ثنْثْ، سّْخسْينْ ڒفْنَارَاثْ، وَارْ سَّارْغنْ ڒبْخُورْ ؤُ وَارْ سّْڭِيعّْذنْ [عَاذْ] ثَاغَارْصْثْ ن وشْمَاضْ إِ أَربِّي ن إِسْرَائِيل ذِي زَّاوشْثْ إِقدّْسنْ.
2CH 29:8 س ؤُيَا يُوسَا-د ؤُذُوقّزْ أَمقّْرَانْ [ن وغْضَابْ] ن سِيذِي خْ يَاهُوذَا ذ ؤُرْشَالِيمْ، ؤُشَا نتَّا يَارَّا إِ-ثنْ ذ إِشْثْ ن ڒْقشْعثْ ن ؤُنخْڒِيعْ ذ ؤُسِيڭّْوذْ ذ ثْسضْحَاشْثْ أَمْ مَامّشْ ثتّْوَاڒَامْ كنِّيوْ س ثِيطَّاوِينْ نْومْ.
2CH 29:9 خْزَارمْ، ڒجْذُوذْ نّغْ وْضَانْ س سِّيفْ ؤُ إِحنْجِيرنْ نّغْ، ثِيحنْجِيرِينْ نّغْ ذ ثمْغَارِينْ نّغْ أَقَا أَثنْ ذِي ڒحْبسْ خْ ؤُيَا.
2CH 29:10 ڒخُّو أَقَا-ت غَارِي ذڭْ وُوڒْ  إِنُو مَاحنْذْ أَذْ ڭّغْ إِجّْ ن ڒْعَاهْذْ أَكْ-ذ سِيذِي، أَربِّي ن إِسْرَائِيل، حِيمَا ڒْحَاذُوقْ ن وغْضَابْ نّسْ أَذْ خَانغْ إِبعّذْ.
2CH 29:11 [أَ] أَرَّاونْ إِنُو، وَارْ أَرخُّومْ، مِينْزِي سِيذِي إِفَارْزْ إِ كنِّيوْ، أَقَا أَذْ ثْبدّمْ زَّاثْ إِ وُوذمْ نّسْ، حِيمَا أَذْ أَسْ ثْسخَّارمْ ؤُ حِيمَا كنِّيوْ أَذْ أَسْ ثِيڒِيمْ ذ إِمْسخَّارنْ نّسْ ؤُ أَذْ [أَسْ] ثْقدّْممْ ڒبْخُورْ.“
2CH 29:12 [خنِّي] كَّارنْ إِلَاوِييّنْ: مَاحَاثْ، مِّيسْ ن عَامَاسَايْ، ذ يُووِيلْ، مِّيسْ ن عَازَارْيَا، زڭْ إِحنْجِيرنْ ن قُوحَاثْ. زڭْ وَارَّاونْ ن مَارَارِي، قِيسْ، مِّيسْ ن عَابْذِي، ذ عَازَارْيَا، مِّيسْ ن يَاهْلَايِيلْ. زڭْ وَارَّاونْ ن جَارْشُونْ، يُووَاخْ، مِّيسْ ن زِيمَّا، ذ عِيذَانْ، مِّيسْ ن يُووَاخْ.
2CH 29:13 زڭْ وَارَّاونْ ن إِلِيصَافَانْ، شِيمْرِي ذ يَاعِييِيلْ، ؤُ زڭْ وَارَّاونْ ن أَسَافْ، زَاكَارِييَّا ذ مَاتَّانْيَا.
2CH 29:14 زڭْ وَارَّاونْ ن هَايْمَانْ، يَاحِييِيلْ ذ شِيمْعِي، ؤُ زڭْ وَارَّاونْ ن يَاذُوثُونْ، شَامْعِييَا ذ عُوزِّييِيلْ.
2CH 29:15 نِيثْنِي سّْمُوننْ أَيْثْمَاثْسنْ ؤُشَا سّْقدّْسنْ إِخفْ نْسنْ عْلَاحْسَابْ ڒُومُورْ ن ؤُجدْجِيذْ ونِّي إِعمّْذنْ خْ وَاوَاڒنْ ن سِيذِي، حِيمَا أَذْ سِّيزذْڭنْ ثَادَّارْثْ ن سِيذِي.
2CH 29:16 ؤُذْفنْ إِكهَّاننْ غَارْ ثَادَّارْثْ ن سِيذِي، حِيمَا أَذْ ت سِّيزذْڭنْ ؤُشَا سُّوفّْغنْ مَارَّا ڒخْمجْ إِ ؤُفِينْ ذِي زَّاوشْثْ ثَامقّْرَانْثْ ن سِيذِي غَارْ ڒمْرَاحْ ن ثَادَّارْثْ ن سِيذِي، ؤُشَا إِلَاوِييّنْ كْسِينْ ث، حِيمَا أَذْ ث أَوْينْ غَارْ بَارَّا، غَارْ ثغْزَارْثْ ن قِيذْرُونْ.
2CH 29:17 ذڭْ [وَاسّْ] أَمزْوَارُو ن ؤُيُورْ أَمزْوَارُو بْذَانْ أَذْ سّْقدّْسنْ [ثَادَّارْثْ] ؤُشَا ذڭْ وَاسْ وِيسّْ ثْمنْيَا ن ؤُيُورْ إِوْضنْ نِيثْنِي غَارْ وسْقِيفْ ن وَاذَافْ [ن زَّاوشْثْ] ن سِيذِي. [أَمُّو إِ] سّْقدّْسنْ ثَادَّارْثْ ن سِيذِي ذِي ثْمنْيَا ن وُوسَّانْ. ذڭْ وَاسّْ وِيسّْ سطَّاشْ ن ؤُيُورْ أَمزْوَارُو ثُوغَا كمّْڒنْ [ڒْْخذْمثْ].
2CH 29:18 نِيثْنِي ؤُذْفنْ غَارْ ؤُجدْجِيذْ حِيزْقِييَا، نَّانْ: ”نشِّينْ نسِّيزْذڭْ مَارَّا ثَادَّارْثْ ن سِيذِي، أَعَالْطَارْ ن وشْمَاضْ أَكْ-ذ مَارَّا دُّوزَانَاثْ نّسْ ذ ثْزوْضَا س وغْرُومْ ن وسْشَانْ أَكْ-ذ مَارَّا دُّوزَانَاثْ نّسْ.
2CH 29:19 مَارَّا ڒقْشُوعْ إِ إِنْضَارْ ؤُجدْجِيذْ أَحَازْ زِي ڒغْذَارْ نّسْ ذڭْ وُوسَّانْ ن ثْڭلْذَا نّسْ، نعْذڒْ إِ-ثنْ ؤُ نسّْقدّسْ إِ-ثنْ. أَقَا أَثنْ زَّاثْ إِ ؤُعَالْطَارْ ن سِيذِي.“
2CH 29:20 [خنِّي] إِكَّارْ ؤُجدْجِيذْ حِيزْقِييَا زِيشْ ؤُشَا إِسّْمُونْ إِمقّْرَاننْ ن ثنْذِينْثْ ؤُشَا إِڭعّذْ غَارْ ثَادَّارْثْ ن سِيذِي.
2CH 29:21 نِيثْنِي إِوْينْ-د سبْعَا ن إِفُونَاسنْ إِمژْيَاننْ، سبْعَا ن إِشَارِّييّنْ، سبْعَا ن إِزْمَارنْ ذ سبْعَا ن إِمُويَانْ ن إِغَايْضنْ، مَاحنْذْ [أَذْ إِڒِينْ] ذ ثَاغَارْصْثْ ن دّنْبْ إِ ثْڭلْذِيثْ، ڒَا إِ زَّاوشْثْ إِقدّْسنْ ؤُڒَا إِ يَاهُوذَا، ؤُشَا نتَّا إِنَّا إِ وَارَّاونْ ن هَارُونْ، إِكهَّاننْ، حِيمَا أَذْ ثنْ قدّْمنْ خْ ؤُعَالْطَارْ ن سِيذِي.
2CH 29:22 غَارْصنْ إِ إِفُونَاسنْ ؤُشَا سّڒْقَانْ إِكهَّاننْ إِ إِذَامّنْ ؤُشَا رُوشّنْ ثنْ خْ ؤُعَالْطَارْ. نِيثْنِي غَارْصنْ ؤُڒَا إِ إِشَارِّييّنْ ؤُشَا زدْجْعنْ إِذَامّنْ خْ ؤُعَالْطَارْ. غَارْصنْ ؤُڒَا إِ إِزْمَارنْ ؤُشَا زدْجْعنْ إِذَامّنْ خْ ؤُعَالْطَارْ.
2CH 29:23 نِيثْنِي إِوْينْ-د إِمُويَانْ إِ ثْغَارْصْثْ ن دّنْبْ زَّاثْ إِ وُوذمْ ن ؤُجدْجِيذْ ذ وڭْرَاوْ [ن ڒْڭنْسْ]، ؤُشَا سَّارْسنْ خَاسنْ إِفَاسّنْ نْسنْ.
2CH 29:24 إِكهَّاننْ غَارْصنْ أَسنْ ؤُ س إِذَامّنْ نْسنْ سِّيزذْڭنْ أَعَالْطَارْ زِي دّنْبْ، حِيمَا أَذْ ڭّنْ أَصْڒَاحْ إِ مَارَّا إِسْرَائِيل، مَاغَارْ أَجدْجِيذْ ثُوغَا إِڭَّا ثَاغَارْصْثْ ن وشْمَاضْ ذ ثْغَارْصْثْ ن دّنْبْ [نِّي] إِ مَارَّا إِسْرَائِيل.
2CH 29:25 نتَّا إِسّْبدّْ إِلَاوِييّنْ ذِي ثَادَّارْثْ ن سِيذِي س ثَادْجُونِينْ ن وُوزَّاڒْ ذ ڒْڭَامْبْرِييَاثْ ذ لهَارْپَاثْ، عْلَاحْسَابْ ڒُومُورْ ن ذَاوُوذْ ذ جَاذْ، أَمْوَاڒَاوْ ن ؤُجدْجِيذْ، ذ ؤُنَابِي نَاثَانْ، مِينْزِي ڒُومُورْ-أَ ثُوغَا إِ د-يُوسَا زِي سِيذِي س ؤُقمُّومْ ن إِنَابِييّنْ.
2CH 29:26 أَيْثْ ن لَاوِي بدّنْ [ذِينْ] أَكْ-ذ دُّوزَانَاثْ [ن لْمُوسِيقَا] ن ذَاوُوذْ ؤُ إِكهَّاننْ أَكْ-ذ ڒبْوَاقْ.
2CH 29:27 [خنِّي] يُومُورْ حِيزْقِييَا أَذْ أَوْينْ ثَاغَارْصْثْ ن وشْمَاضْ خْ ؤُعَالْطَارْ. ذِي ثْسَاعّثْ إِ ذِي ثبْذَا ثْغَارْصْثْ ن وشْمَاضْ، إِبْذَا ؤُڒَا ذ أَزهّذْ إِ سِيذِي س ڒبْوَاقْ ؤُ س دُّوزَانَاثْ [ن لْمُوسِيقَا] ن ذَاوُوذْ، أَجدْجِيذْ ن إِسْرَائِيل.
2CH 29:28 مَارَّا أَڭْرَاوْ [ن ڒْڭنْسْ] إِبنْذقْ، أَمْ تّْغنَّاجنْ ؤُ تّْسُوضَانْ ذِي ڒبْوَاقْ. مَانْ أَيَا مَارَّا إِكَّا أَڒَامِي ثتّْوَاكمّڒْ ثْغَارْصْثْ ن وشْمَاضْ.
2CH 29:29 [ؤُمِي] إِكمّڒْ ؤُسِيوضْ ن ثْغَارْصْثْ ن وشْمَاضْ، إِوْضَا ؤُجدْجِيذْ خْ إِفَادّنْ نّسْ ذ مَارَّا إِنِّي ثُوغَا غَارسْ إِدْجَانْ، ؤُشَا بنْذْقنْ.
2CH 29:30 أَوَارْنِي ؤُيَا إِنَّا ؤُجدْجِيذْ حِيزْقِييَا ذ ڒْحُوكَّامْ إِ إِلَاوِييّنْ، أَذْ سّْعُودْجَانْ سِيذِي س وَاوَاڒنْ ن ذَاوُوذْ ؤُ ن ؤُمْوَاڒَاوْ أَسَافْ. سّْعُودْجَانْ [عَاذْ] س ڒفْرَاحثْ، [خنِّي] ؤُضَارنْ ؤُشَا بنْذْقنْ.
2CH 29:31 حِيزْقِييَا يَارَّا-د، إِنَّا: ”ڒخُّو كنِّيوْ ثتّْوَاڒقّْممْ [ذ إِكهَّاننْ] إِ سِيذِي. أَستِّيوْ-د ؤُشَا أَوْيمْ-د ثِيغَارْصَا ذ ثوْهِيبِينْ ن ؤُقَاذِي إِ ثَادَّارْثْ ن سِيذِي.“ [خَاسْ ؤُشَا] يِيوِي-د وڭْرَاوْ [ن ڒْڭنْسْ] ثِيغَارْصَا ذ ثوْهِيبِينْ ن ؤُقَاذِي، ؤُ مَارَّا إِنِّي إِ غَارْ ت ثُوغَا ذِي ڒْخَاذَارْ نْسنْ، إِوْينْ-د ثِيغَارْصَا ن وشْمَاضْ.
2CH 29:32 ڒْقدّْ ن ثْغَارْصَا ن وشْمَاضْ إِ د-يِيوِي وڭْرَاوْ [ن ڒْڭنْسْ]، أَقَا-ث ذِي سبْعِينْ ن إِفُونَاسنْ ذ مْيَا ن إِشَارِّييّنْ ذ مِيثَاينْ ن إِزْمَارنْ. نِيثْنِي مَارَّا تّْوَاوْينْ-د ذ ثَاغَارْصْثْ ن وشْمَاضْ إِ سِيذِي.
2CH 29:33 ثِيوْهِيبِينْ إِقدّْسنْ أَقَا أَثنْثْ ذِي ستَّا-مْيَا ن إِفُونَاسنْ ذ ثڒْثْ-أَڒَافْ ن وُودْجِي.
2CH 29:34 مَاشَا أَقَا ذِينْ ذْرُوسْ ن إِكهَّاننْ، ؤُ نِيثْنِي وَارْ زمَّارنْ أَذْ سَّارْخُونْ ثِيڒْمشْثْ ن مَارَّا ثِيغَارْصَا ن وشْمَاضْ. س ؤُيَا عَاوْننْ ثنْ أَيْثْمَاثْسنْ إِلَاوِييّنْ، أَڒَامِي كمّْڒنْ ڒْخذْمثْ ؤُ أَڒَامِي إِكهَّاننْ نّغْنِي ثُوغَا سّْقدّْسنْ إِخفْ نْسنْ، مِينْزِي إِلَاوِييّنْ ثُوغَا سڭّْذنْ ذڭْ وُوڒْ كْثَارْ زڭْ إِكهَّاننْ حِيمَا أَذْ سّْقدّْسنْ إِخفْ نْسنْ.
2CH 29:35 ثُوغَا ذِينْ عَاوذْ أَطَّاسْ ن ثْغَارْصَا ن وشْمَاضْ أَكْ-ذ ثَاذُونْثْ ن ثوْهِيبِينْ ن ڒهْنَا ذ ثوْهِيبِينْ ن ؤُسيّبْ إِ ثْغَارْصَا ن وشْمَاضْ. [أَمُّو] إِ ثتّْوَاعْذڒْ ثْسخَّارْثْ ن ثَادَّارْثْ ن سِيذِي.
2CH 29:36 حِيزْقِييَا ذ مَارَّا ڒْڭنْسْ فَارْحنْ خْ مِينْ ثُوغَا إِسّوْجذْ أَربِّي إِ ڒْڭنْسْ، مَاغَارْ ثَامسْڒَاشْثْ ثتّْوَاڭّْ بْڒَا مَا أَذْ أَسْ ڭّنْ ڒحْسَابْ.
2CH 30:1 [أَوَارْنِي ؤُيَا] إِسّكّْ حِيزْقِييَا [إِرقَّاسنْ] غَارْ مَارَّا إِسْرَائِيل ذ يَاهُوذَا ؤُ يُورَا ثِيبْرَاثِينْ إِ إِفْرَايِيمْ ذ مَانَاسَّا، حِيمَا أَذْ د-أَسنْ غَارْ ثَادَّارْثْ ن سِيذِي ذِي ؤُرْشَالِيمْ أَذْ ڭّنْ [ڒْْعِيذْ ن ثْغَارْصْثْ ن] ؤُسعْذُو إِ سِيذِي، أَربِّي ن إِسْرَائِيل.
2CH 30:2 مَاغَارْ إِمْشَاوَارْ ؤُجدْجِيذْ أَكْ-ذ ڒْحُوكَّامْ نّسْ ذ مَارَّا أَڭْرَاوْ [ن ڒْڭنْسْ] ذِي ؤُرْشَالِيمْ، حِيمَا أَذْ ڭّنْ [ڒْعِيذْ ن ثْغَارْصْثْ ن] ؤُسعْذُو ذڭْ ؤُيُورْ وِيسّْ ثْنَاينْ،
2CH 30:3 مَاغَارْ نِيثْنِي وَارْ زمَّارنْ أَذْ ث ڭّنْ ذِي ڒْوقْثْ [نّسْ إِتّْوَاڭّنْ]، مِينْزِي أَطَّاسْ ن إِكهَّاننْ وَارْ تّْوَاقدّْسنْ شَا أَمْ د-إِتّْڒِيقْ، ؤُ ڒْڭنْسْ وَارْ ثُوغِي إِمُونْ [عَاذْ] ذِي ؤُرْشَالِيمْ.
2CH 30:4 ثَامسْڒَاشْثْ-أَ ثُوغَا-ت نِيشَانْ ذِي ثِيطَّاوِينْ ن ؤُجدْجِيذْ ؤُ ذِي ثِيطَّاوِينْ ن مَارَّا أَڭْرَاوْ [ن ڒْڭنْسْ].
2CH 30:5 نِيثْنِي ڭِّينْ، أَذْ بَارّْحنْ ذِي مَارَّا إِسْرَائِيل زِي ذَانْ أَڒْ بِئرْ-سبْعَا، حِيمَا أَذْ د-أَسنْ أَذْ ڭّنْ [ڒْعِيذْ ن ثْغَارْصْثْ ن] ؤُسعْذُو إِ سِيذِي، أَربِّي ن إِسْرَائِيل، ذِي ؤُرْشَالِيمْ، مَاغَارْ وَارْ ت ڭِّينْ أَطَّاسْ [ن ڒْوقْثْ] أَمْ مَامّشْ ثُوغَا ثُورَا.
2CH 30:6 إِرقَّاسنْ ن ثَازْڒَا كِّينْ س ثبْرَاثِينْ ن ؤُجدْجِيذْ ذ ڒْحُوكَّامْ نّسْ ذڭْ ؤُفُوسْ خْ مَارَّا إِسْرَائِيل ذ يَاهُوذَا، ؤُ [بَارّْحنْ] أَمْ مَامّشْ ث يُومُورْ ؤُجدْجِيذْ، نَّانْ: ”كنِّيوْ، أَيْثْ ن إِسْرَائِيل، ذوْڒمْ-د غَارْ سِيذِي، أَربِّي ن إِبْرَاهِيمْ، إِسْحَاقْ ذ إِسْرَائِيل، [خنِّي] نتَّا أَذْ د-إِذْوڒْ غَارْ يِينِّي إِنّجْمنْ زڭْ ؤُفُوسْ ن ؤُجدْجِيذْ ن أَشُّورْ، غَارْ يِينِّي إِ غَارْومْ إِقِّيمنْ.
2CH 30:7 وَارْ تِّيڒِيمْ أَمْ ڒجْذُوذْ نْومْ ذ أَيْثْمَاثْومْ، إِنِّي إِغْذَارنْ سِيذِي، أَربِّي ن ڒجْذُوذْ نْسنْ، أَڒَامِي ثنْ إِسلّمْ نتَّا غَارْ ؤُنخْڒِيعْ، أَمْ مَامّشْ ثتّْوَاڒَامْ [س يِيخفْ نْومْ].
2CH 30:8 وَارْ سّقْسَاحمْ ڒخُّو إِرَاونْ نْومْ، إِڒِيمْ أَمْ ڒجْذُوذْ نْومْ. وْشمْ أَفُوسْ إِ سِيذِي ؤُ أَسمْ-د غَارْ زَّاوشْثْ نّسْ إِقدّْسنْ ثنِّي إِسّْقدّسْ نتَّا إِ ڒبْذَا. سخَّارمْ إِ سِيذِي، أَربِّي نْومْ، [خنِّي] أَذْ خَاومْ إِحيّذْ ڒْحَاذُوقْ ن وغْضَابْ نّسْ.
2CH 30:9 مَاڒَا كنِّيوْ ثْذوْڒمْ-د غَارْ سِيذِي، أَذْ أَفنْ أَيْثْمَاثْومْ ذ إِحنْجِيرنْ نْومْ أَرّحْمثْ زَّاثْ إِ وُوذمْ ن يِينِّي إِ-ثنْ إِحبّْسنْ أَڒَامِي غَا د-ذوْڒنْ غَارْ ثمُّورْثْ-أَ. مَاغَارْ سِيذِي، أَربِّي نْومْ، ذ بَابْ ن ؤُحِينِّي ذ أَرّحْمثْ ؤُ نتَّا وَارْ خَاومْ إِسّْحيِّيذْ شَا ؤُذمْ مَاڒَا كنِّيوْ ثْذوْڒمْ-د غَارسْ.“
2CH 30:10 [أَمُّو] إِ ؤُيُورنْ إِرقَّاسنْ ن ثَازْڒَا زِي ثنْذِينْثْ غَارْ ثنْذِينْثْ، [كِّينْ] خْ ثمُّورْثْ ن إِفْرَايِيمْ ذ مَانَاسَّا أَڒْ زابُولُونْ، مَاشَا [إِوْذَانْ] حشّنْ خَاسنْ ؤُ كّْوَارنْ ثنْ [إِوْذَانْ].
2CH 30:11 مَاشَا شَا ن يرْيَازنْ زِي أَشِيرْ، مَانَاسَّا ذ زابُولُونْ سّْوَاضْعنْ إِخفْ نْسنْ ؤُشَا ؤُسِينْ-د غَارْ ؤُرْشَالِيمْ.
2CH 30:12 ؤُڒَا ذِي يَاهُوذَا إِنْذهْ ؤُفُوسْ ن سِيذِي ؤُشَا إِڭَّا أَذْ ضْفَارنْ ڒُومُورْ ن ؤُجدْجِيذْ ؤُ ن ڒْحُوكَّامْ عْلَاحْسَابْ أَوَاڒْ ن سِيذِي، س وُوڒْ ذْ إِجّنْ.
2CH 30:13 مُوننْ وَاطَّاسْ [ن يوْذَانْ زِي] ڒْڭنْسْ ذِي ؤُرْشَالِيمْ، حِيمَا أَذْعيّْذنْ ڒْعِيذْ ن وغْرُومْ بْڒَا أَنْثُونْ ذڭْ ؤُيُورْ وِيسّْ ثْنَاينْ. [أَمُّو إِ ثُوغَا ذِينْ] إِجّْ ن وڭْرَاوْ [ن ڒْڭنْسْ] ذ أَمقّْرَانْ أَطَّاسْ.
2CH 30:14 نِيثْنِي كَّارنْ ؤُ كّْسنْ إِعَالْطَارنْ نِّي [إِدْجَانْ] ذِي ؤُرْشَالِيمْ. كّْسنْ ؤُڒَا ذ مَارَّا إِعَالْطَارنْ ن ڒبْخُورْ ؤُشَا نْضَارنْ ثنْ ذِي ثغْزَارْثْ ن قِيذْرُونْ.
2CH 30:15 ذڭْ وَاسّْ وِيسّْ أَرْبعْطَاشْ ن ؤُيُورْ وِيسّْ ثْنَاينْ غَارْصنْ نِيثْنِي إِ [ثْغَارْصْثْ ن] ؤُسعْذُو. إِكهَّاننْ ذ إِلَاوِييّنْ إِوْضنْ أَذْ سضْحَانْ ؤُ بْذَانْ أَذْ سّْقدّْسنْ إِخفْ نْسنْ ؤُشَا إِوْينْ ثِيغَارْصَا ن وشْمَاضْ غَارْ ثَادَّارْثْ ن سِيذِي.
2CH 30:16 نِيثْنِي بدّنْ ذڭْ ومْشَانْ نْسنْ أَمْ مَامّشْ إِ ثڭُّورْ غَارْسنْ عْلَاحْسَابْ شَّارِيعَا ن مُوسَا، أَرْيَازْ ن أَربِّي. إِكهَّاننْ زدْجْعنْ إِذَامّنْ [نِّي كْسِينْ] زڭْ إِفَاسّنْ ن إِلَاوِييّنْ.
2CH 30:17 مِينْزِي أَطَّاسْ ذڭْ وڭْرَاوْ [ن ڒْڭنْسْ] ثُوغَا وَارْ سّْقدّْسنْ إِخفْ نْسنْ. س ؤُيَا تّْوَاڭّنْ إِلَاوِييّنْ خْ ثْغَارْصْثْ ن إِزْمَارنْ ن [ثْغَارْصْثْ ن] ؤُسعْذُو إِ مَارَّا إِنِّي وَارْ إِزْذِيڭنْ، حِيمَا أَذْ ثنْ سّْقدّْسنْ إِ سِيذِي.
2CH 30:18 مَاغَارْ أَزْينْ أَمقّْرَانْ ن ڒْڭنْسْ، [زَّايْسنْ] أَطَّاسْ زِي إِفْرَايِيمْ ذ مَانَاسَّا ذ إِسَّاكَارْ ذ زابُولُونْ، ثُوغَا وَارْ سِّيزذْڭنْ إِخفْ نْسنْ. نِيثْنِي شِّينْ [ثَاغَارْصْثْ ن] ؤُسعْذُو وَارْ إِدْجِي أَمْ مَامّشْ ثُورَا. مَاشَا حِيزْقِييَا إِژُّودْجْ إِ نِيثْنِي، إِنَّا: ”سِيذِي إِشْنَا، إِڒِي نتَّا أَذْ إِڭّْ أَصْڒَاحْ إِ نِيثْنِي،
2CH 30:19 [خْ] كُوڒْ إِجّْ ونِّي إِنْوَانْ أَذْ يَارْزُو س مَارَّا ؤُڒْ نّسْ خْ أَربِّي، سِيذِي، أَربِّي ن ڒجْذُوذْ نّسْ، وَاخَّا وَارْ إِدْجِي س ؤُسِيزْذڭْ [إِ إِتّْڒِيقنْ] إِ زَّاوشْثْ إِقدّْسنْ.“
2CH 30:20 إِسْڒَا سِيذِي غَاڒْ حِيزْقِييَا ؤُشَا إِسّْڭنْفَا ڒْڭنْسْ.
2CH 30:21 [أَمُّو] إِعيّْذنْ أَيْثْ ن إِسْرَائِيل، إِنِّي ثُوغَا إِنّْيَارْونْ ذِي ؤُرْشَالِيمْ، سبْعَا ن وُوسَّانْ ن ڒْعِيذْ ن وغْرُومْ بْڒَا أَنْثُونْ س ڒفْرَاحثْ ثَامقّْرَانْثْ. أَيْثْ ن لَاوِي ذ إِكهَّاننْ سّْعُودْجَانْ سِيذِي أَسّْ خْ وَاسّْ س جّهْذْ ن دُّوزَانَاثْ [ن لْمُوسِيقَا] [إِ ؤُعُودْجِي] ن سِيذِي.
2CH 30:22 إِسِّيوڒْ حِيزْقِييَا غَارْ وُوڒْ ن مَارَّا إِلَاوِييّنْ إِنِّي غَارْ ثدْجَا ڒفْهَامثْ إِشْنَانْ ن ثُوسّْنَا ن سِيذِي. شِّينْ سبْعَا ن وُوسَّانْ زِي ثْغَارْصَا ذِي ڒْوقْثْ إِتّْوَاڭّنْ [ن ڒْعِيذْ]، [أَمْ] ثُوغَا إِوْينْ ثِيوْهِيبِينْ ن ڒهْنَا ؤُ قَاذَانْ سِيذِي، أَربِّي ن ڒجْذُوذْ نْسنْ.
2CH 30:23 [ؤُمِي] إِمْشَاوَارْ وڭْرَاوْ [ن ڒْڭنْسْ] مَارَّا مَاحنْذْ أَذْ ث ڭّنْ إِشْثْ ن ثْوَاڒَا نّغْنِيثْ إِ سبْعَا ن وُوسَّانْ، أَرْنِينْ نِيثْنِي [عَاذْ] سبْعَا ن وُوسَّانْ [شُّورنْ] س ڒفْرَاحثْ،
2CH 30:24 مَاغَارْ حِيزْقِييَا، أَجدْجِيذْ ن يَاهُوذَا، ثُوغَا إِوْشَا أَڒفْ ن إِفُونَاسنْ إِمژْيَاننْ ذ سبْعَا-أَڒَافْ ن وُودْجِي ؤُشَا ڒْحُوكَّامْ ثُوغَا وْشِينْ أَڒفْ ن إِفُونَاسنْ إِمژْيَاننْ ذعشْرَا-أَڒَافْ ن وُودْجِي. إِجّْ ن ؤُبَارُّو ن إِكهَّاننْ ثُوغَا سّْقدّْسنْ [إِخفْ نْسنْ زَّايْسنْ].
2CH 30:25 إِفَارْحْ مَارَّا وڭْرَاوْ [ن ڒْڭنْسْ] ن يَاهُوذَا، ؤُڒَا ذ إِكهَّاننْ ذ إِلَاوِييّنْ ذ مَارَّا أَڭْرَاوْ [ن ڒْڭنْسْ] ن يِينِّي د-يُوسِينْ زِي إِسْرَائِيل، ؤُڒَا ذ إِبَارَّانِييّنْ نِّي د-يُوسِينْ زِي إِسْرَائِيل ذ يِينِّي إِزدّْغنْ ذِي [ثمُّورْثْ ن] يَاهُوذَا.
2CH 30:26 ثُوغَا ذِينْ ڒفْرَاحثْ ذ ثَامقّْرَانْثْ ذِي ؤُرْشَالِيمْ، مَاغَارْ زڭْ وُوسَّانْ ن سُولِيمَانْ، مِّيسْ ن ذَاوُوذْ، أَجدْجِيذْ ن إِسْرَائِيل، ثُوغَا وَارْ إِمْسَارْ أَمْ ؤُيَا ذِي ؤُرْشَالِيمْ.
2CH 30:27 [خنِّي] بدّنْ إِكهَّاننْ ن إِلَاوِييّنْ ؤُشَا بَارْكنْ ڒْڭنْسْ. ثْمِيجَّا نْسنْ ثتّْوَاسڒْ، مَاغَارْ ثَاژَادْجِيثْ نْسنْ ثُوذفْ غَارْ ثْزذِّيغْثْ ثَامْقدّسْثْ نّسْ ذڭْ ؤُجنَّا.
2CH 31:1 أَوَارْنِي ڒَامِي كمّْڒنْ س مَانْ أَيَا مَارَّا، فّْغنْ-د مَارَّا أَيْثْ ن إِسْرَائِيل نِّي ثُوغَا ذِينْ إِدْجَانْ غَارْ ثْندَّامْ ن يَاهُوذَا ؤُ أَرْژِينْ إِمَايْضُوثنْ [إِقدّْسنْ]، هذْمنْ ثِيربِّينْ ن شْوَارْثِي ؤُشَا كّْسنْ ڒڭْعُوذِي ذ إِعَالْطَارنْ زِي مَارَّا يَاهُوذَا ذ بِينْيَامِينْ. [أَمُّو إِ ڭِّينْ ؤُڒَا] ذِي إِفْرَايِيمْ ذ مَانَاسَّا أَڒَامِي ت كمّْڒنْ. [أَوَارْنِي ؤُيَا]عقْبنْ مَارَّا أَيْثْ ن إِسْرَائِيل، كُوڒْ إِجّْ غَارْ وَاڭْڒَا نّسْ، [مَارَّا نِيثْنِي] غَارْ ثْندَّامْ نْسنْ.
2CH 31:2 حِيزْقِييَا إِسّْبدّْ ثِيرْبِيعِينْ ن إِكهَّاننْ ذ إِلَاوِييّنْ عْلَاحْصَابْ ثِيرْبِيعِينْ نْسنْ، كُوڒْ إِجّْ عْلَاحْسَابْ ثَاسخَّارْثْ نّسْ: إِكهَّاننْ ذ إِلَاوِييّنْ إِ ثْغَارْصْثْ ن وشْمَاضْ ؤُ إِ ثوْهِيبِينْ ن ڒهْنَا، حِيمَا أَذْ سخَّارنْ، أَذْ قَاذَانْ ؤُ أَذْ سّْعُودْجَانْ ذِي ثوُّورَا ن ڒمْرَاڭحْ ن ڒْعسْكَارْ ن سِيذِي.
2CH 31:3 [نتَّا إِوْشَا] ؤُڒَا ذ ثَاوْهِيبْثْ ن ؤُجدْجِيذْ زڭْ وَاڭْڒَا نّسْ إِ ثْغَارْصَا ن وشْمَاضْ، إِ ثْغَارْصَا ن وشْمَاضْ غَارْ ثُوفُّوثْ ؤُ غَارْ ثْمذِّيثْ، ؤُڒَا ذ ثِيغَارْصَا ن وشْمَاضْ إِ وُوسَّانْ ن سّبْثْ، إِ ؤُيُورنْ إِمَايْنُوثنْ ؤُ إِ ڒعْيُوذَاثْ إِتّْوَاڭّنْ، أَمْ مَامّشْ ثُورَا ذِي شَّارِيعَا ن سِيذِي.
2CH 31:4 نتَّا إِنَّا إِ ڒْڭنْسْ، إِ إِمزْذَاغْ ن ؤُرْشَالِيمْ، أَذْ وهّْبنْ ثَاسْغَارْثْ ن إِكهَّاننْ ذ إِلَاوِييّنْ، حِيمَا إِنَا [زمَّارنْ] أَذْ إِڒِينْ جهْذنْ ذِي ثْغُورِي ن شَّارِيعَا ن سِيذِي.
2CH 31:5 [ؤُمِي] د-إِفّغْ وَاوَاڒْ نِّي، إِوْينْ-د أَيْثْ ن إِسْرَائِيل س ؤُفيّضْ [زڭْ] ؤُسُوفّغْ أَمزْوَارُو ن إِمنْذِي، ن بِينُو ن جْذِيذْ ذ زّشْثْ ذ ثَامّنْثْ ؤُ زِي مَارَّا ڒْغِيدْجثْ ن ييَّارْ. إِوْينْ ؤُڒَا ذ ڒعْشُورْ زِي مَارَّا س ؤُفيّضْ.
2CH 31:6 ثَارْوَا ن إِسْرَائِيل ذ يَاهُوذَا، إِنِّي إِزذْغنْ ذِي ثْندَّامْ ن يَاهُوذَا، إِوْينْ ؤُڒَا ذ ڒعْشُورْ زڭْ إِفُونَاسنْ ؤُ زڭْ وُودْجِي ؤُڒَا ذ ڒعْشُورْ ن ثوْهِيبِينْ إِقدّْسنْ نِّي ثُوغَا سّْقدّْسنْ إِ سِيذِي، أَربِّي نْسنْ، ؤُشَا وْشِينْ [ثنْ]، ڭِّينْ [زَّايْسنْ] إِعُورَّاشْ.
2CH 31:7 ذڭْ ؤُيُورْ وِيسّْ ثْڒَاثَا بْذَانْ نِيثْنِي أَذْ [زَّايْسنْ] ڭّنْ إِعُورَّاشْ زِي ثِيسِي ؤُ ذڭْ ؤُيُورْ وِيسّْ سبْعَا كمّْڒنْ ت.
2CH 31:8 [ؤُمِي] حِيزْقِييَا ذ ڒْحُوكَّامْ ؤُسِينْ-د ؤُ ژْرِينْ إِعُورَّاشْ نِّي، بَارْكنْ سِيذِي ذ ڒْڭنْسْ نّسْ إِسْرَائِيل.
2CH 31:9 إِسّقْسَا حِيزْقِييَا إِكهَّاننْ ذ إِلَاوِييّنْ خْ إِعُورَّاشْ نِّي.
2CH 31:10 عَازَارْيَا، أَكهَّانْ أَمقّْرَانْ زِي ثَادَّارْثْ ن صَاذُوقْ يَارَّا-د خَاسْ، إِنَّا: ”زڭْ وَامِي د-نكَّارْ أَذْ نَاوِي ثَاوْهِيبْثْ ن ؤُسْڭعّذْ غَارْ ثَادَّارْثْ ن سِيذِي، أَقَا غَارْنغْ مِينْ غَا نشّْ أَڒْ ثْيَاوَانْثْ ؤُشَا عَاذْ إِقِّيمْ أَطَّاسْ إِشطّْ، مَاغَارْ سِيذِي إِبَاركْ ڒْڭنْسْ نّسْ، أَڒَامِي إِقِّيمْ ڒْقدّْ-أَ ن وَاطَّاسْ إِشطّْ.“
2CH 31:11 [خنِّي] إِنَّا حِيزْقِييَا، أَذْ سّْوجْذنْ إِخَّامنْ ن ثَادَّارْثْ ن سِيذِي، ؤُ نِيثْنِي سّْوجْذنْ ثنْ.
2CH 31:12 نِيثْنِي سِّيذْفنْ ثَاوْهِيبْثْ ن ؤُسْڭعّذْ ذ ڒعْشُورْ ذ ثوْهِيبِينْ إِقدّْسنْ ذِينْ س ڒَامَانْ. كُونَانْيَا، أَلَاوِي، أَمحْضَايْ، ذ ؤُمَاسْ شِيمْعِي، ونِّي ذ وِيسّْ ثْنَاينْ، ثُوغَا أَثنْ خْ مَانْ أَيَا [مَارَّا].
2CH 31:13 يَاحِييِيلْ، عَازَازْيَا، نَاحَاثْ، عَسَائِيلْ، يَارِيمُوثْ، يُوزَابَاذْ، إِلِييِيلْ، يِيسْمَاخْيَا، مَاحَاثْ، بَانَايَا [ثُوغَا أَثنْ ذ] إِوقَّافنْ سَاذُو ؤُفُوسْ ن كُونَانْيَا ذ شِيمْعِي، ؤُمَاسْ، خْ ڒُومُورْ ن ؤُجدْجِيذْ حِيزْقِييَا ؤُ ن عَازَارْيَا، أَمحْضَايْ ن ثَادَّارْثْ ن أَربِّي.
2CH 31:14 قُورِي، مِّيسْ ن يِيمْنَا، أَلَاوِي، أَعسَّاسْ ن ثوَّارْثْ غَارْ ؤُغزْذِيسْ ن شَّارْقْ، [إِتّْوَاڭّْ] خْ ثوْهِيبِينْ ن ڒْخَاضَارْ ن أَربِّي، حِيمَا أَذْ إِبْضَا ثَاوْهِيبْثْ ن ؤُسْڭعّذْ ن سِيذِي ذ ثوْهِيبِينْ إِقدّْسنْ قَاعْ.
2CH 31:15 عَاذَانْ، مِينْيَامِينْ، يشُوعَا، شَامْعِييَا، أَمَارْيَا ذ شَاكُونْيَا بدّنْ س ڒْمَانثْ غَارْ ؤُغزْذِيسْ نّسْ عْلَاحْصَابْ ثِيرْبِيعِينْ نْسنْ، حِيمَا أَذْ وزّْعنْ ذِي ثْندَّامْ ن إِكهَّاننْ إِ أَيْثْمَاثْسنْ، أَمْ إِ إِمقّْرَاننْ، أَمْ إِ إِمژْيَاننْ،
2CH 31:16 مَاشَا [وَارْ إِدْجِي] إِ يِينِّي إِتّْوَازمّمنْ ذِي لِيسْثَا ن جَّاذِيرَا ن يرْيَازنْ إِ غَارْ إِدْجَا ثْڒَاثَا ن إِسڭّْوُوسَا سنّجْ، أَقَا مَارَّا إِنِّي د-يُوسِينْ غَارْ ثَادَّارْثْ ن سِيذِي إِ ڒْخذْمثْ ن كُوڒْ أَسّْ إِ وَاسّْ نِّي، إِ ڒْخذْمثْ نْسنْ ذِي ثْسخَّارْثْ نْسنْ، عْلَاحْسَابْ ثِيرْبِيعِينْ نْسنْ.
2CH 31:17 أَزمّنْ ذِي لِيسْثَا ن جَّاذِيرَا ن إِكهَّاننْ [ثُوغَا-ث] عْلَاحْصَابْ ثُوذْرِينْ ن إِبَابَاثنْ نْسنْ، [مَاشَا] [أَزمّمْ] ن إِلَاوِييّنْ زِي عِيشْرِينْ ن إِسڭّْوُوسَا سنّجْ، [ثُوغَا-ث] عْلَاحْسَابْ ثَاسخَّارْثْ نْسنْ، عْلَاحْسَابْ ثِيرْبِيعِينْ نْسنْ.
2CH 31:18 [نِيثْنِي وزّْعنْ] إِ يِينِّي إِتّْوَازمّمنْ ذِي لِيسْثَا ن جَّاذِيرَا أَكْ-ذ مَارَّا ثَارْوَا نْسنْ ذ ثمْغَارِينْ نْسنْ ذ إِحنْجِيرنْ نْسنْ ذ ثْحنْجِيرِينْ نْسنْ زِي مَارَّا أَڭْرَاوْ [ن ڒْڭنْسْ]، مَاغَارْ نِيثْنِي ڭِّينْ س ڒَامَانْ ؤُمِي سّْقدّْسنْ إِخفْ نْسنْ س ثِيذتّْ.
2CH 31:19 جَارْ وَارَّاونْ ن هَارُونْ، إِكهَّاننْ، ذڭْ إِيَّارنْ ن دّْمَانِي ن ثْندَّامْ نْسنْ، ذِي كُوڒْ ثَانْذِينْثْ، [ثُوغَا ذِينْ] إِرْيَازنْ نِّي إِتّْوَازمّمنْ س إِسْمَاونْ [نْسنْ] حِيمَا أَذْ وْشنْ ثَاسْغَارْثْ إِ مَارَّا أَوْثمْ جَارْ إِكهَّاننْ ؤُ إِ مَارَّا إِنِّي إِتّْوَازمّمنْ ذِي لِيسْثَا ن جَّاذِيرَا جَارْ إِلَاوِييّنْ.
2CH 31:20 [أَمُّو] إِ إِڭَّا حِيزْقِييَا ذِي مَارَّا يَاهُوذَا. نتَّا إِڭَّا مِينْ إِدْجَانْ إِشْنَانْ ذ إِسڭّْذنْ ذ نِيشَانْ زَّاثْ إِ وُوذمْ ن سِيذِي، أَربِّي نّسْ.
2CH 31:21 مَارَّا ڒْخذْمثْ إِ إِبْذَا ذِي طّْوعْ ن ثْسخَّارْثْ ن ثَادَّارْثْ ن أَربِّي ؤُ ذِي طّْوعْ ن شَّارِيعَا ذ ثوْصيّثْ حِيمَا أَذْ يَارْزُو [أَمُّو] أَربِّي، إِڭَّا إِ-ت س مَارَّا ؤُڒْ نّسْ ؤُشَا إِفْڒحْ.
2CH 32:1 أَوَارْنِي ثمْسَارِينْ-أَ ذ وسْشَانْ-أَ ن ڒَامَانْ، يُوسَا-د سَانْحَارِيبْ، أَجدْجِيذْ ن أَشُّورْ. نتَّا يُوذفْ غَارْ يَاهُوذَا ؤُشَا إِنّضْ إِ ثْندَّامْ إِفَارْينْ، إِتّْغِيڒْ أَسْ أَذْ ثنْثْ إِطّفْ إِ يِيخفْ نّسْ.
2CH 32:2 إِژْرَا حِيزْقِييَا، أَقَا سَانْحَارِيبْ يُوسَا-د ؤُشَا إِنْوَا أَذْ إِحْجمْ خْ ؤُرْشَالِيمْ.
2CH 32:3 نتَّا إِمْشَاوَارْ أَكْ-ذ ڒْحُوكَّامْ نّسْ ذ أَيْثْ ن بُو-ثغْرُوضْثْ نّسْ، مَاحنْذْ أَذْ نثْينْ ثَاڒَاوِينْ ن وَامَانْ بَارَّا إِ ثنْذِينْثْ، ؤُ نِيثْنِي وْشِينْ أَسْ أَفُوسْ.
2CH 32:4 إِوْينْ-د أَطَّاسْ زِي ڒْڭنْسْ ؤُشَا نثْينْ مَارَّا ثَاڒَاوِينْ ؤُڒَا ذ ثغْزَارْثْ إِ ذ إِتَّازّْڒنْ ذِي ڒْوسْطْ ن ثمُّورْثْ، نَّانْ: ”مَايمِّي إِ د غَا يَاسنْ إِجدْجِيذنْ ن أَشُّورْ ؤُشَا أَذْ أَفنْ أَطَّاسْ ن وَامَانْ؟“
2CH 32:5 نتَّا إِسّجْهذْ [ثَانْذِينْثْ]، إِعْذڒْ مَارَّا ڒْحِيضْ إِ ثُوغَا إِتّْوَارْژنْ ذ إِوثْوِيثنْ ؤُشَا يَارَّا إِ-ث أَذْ إِڭعّذْ أَڒْ صُّومْعَاثْ. ؤُ غَارْ بَارَّا [إِعْذڒْ عَاذْ] إِجّْ ن ڒْحِيضْ نّغْنِي. نتَّا إِسّجْهذْ لْقلْعَا ن ثنْذِينْثْ ن ذَاوُوذْ ؤُشَا إِڭَّا أَطَّاسْ ن لَانْسَاثْ ذ ثْسدَّارِييِينْ [ن ؤُعسْكَارِي].
2CH 32:6 نتَّا إِڭَّا إِكُومَانْذَارنْ ن ڒْعسْكَارَاثْ خْ ڒْڭنْسْ ؤُشَا إِسّْمُونْ إِ-ثنْ غَارسْ ذڭْ وَازَّايْ ن ثوَّارْثْ ن ثنْذِينْثْ ؤُشَا إِسِّيوڒْ أَڒَامِي ذَايْسنْ إِڭَّا ؤُڒْ، إِنَّا:
2CH 32:7 ”إِڒِيمْ ذ إِرْيَازنْ ؤُ إِڒِيمْ ثْمحْضمْ، وَارْ تّْنخْڒِيعمْ زَّاثْ إِ وُوذمْ ن ؤُجدْجِيذْ ن أَشُّورْ ؤُڒَا زَّاثْ إِ وُوذمْ ن مَارَّا ڒْغَاشِي نِّي غَارسْ إِدْجَانْ، مَاغَارْ [ونِّي] غَارْنغْ أَقَا-ث ذڭْ وَاطَّاسْ خْ ونِّي غَارسْ.
2CH 32:8 غَارسْ إِجّْ ن ؤُغِيڒْ ن ويْسُومْ [ن بْنَاذمْ]، [مَاشَا] غَارْنغْ سِيذِي، أَربِّي نّغْ، حِيمَا أَذْ أَنغْ إِوْشْ أَفُوسْ ؤُ حِيمَا أَذْ إِمّْنغْ أَمنْغِي نّغْ.“ ؤُشَا ڒْڭنْسْ إِتّشّڒْ خْ وَاوَاڒنْ ن حِيزْقِييَا، أَجدْجِيذْ ن يَاهُوذَا.
2CH 32:9 أَوَارْنِي مَانْ أَيَا إِسّكّْ سَانْحَارِيبْ، أَجدْجِيذْ ن أَشُّورْ، إِمْسخَّارنْ نّسْ غَارْ ؤُرْشَالِيمْ، أَمْ ثُوغَا نتَّا زَّاثْ إِ لَاخِيشْ ذ مَارَّا ڒْحُوكَّامْ نّسْ أَكِيذسْ. [إِسّكّْ إِ-ثنْ] غَارْ حِيزْقِييَا، أَجدْجِيذْ ن يَاهُوذَا، ؤُ غَارْ مَارَّا [ڒْڭنْسْ ن] يَاهُوذَا نِّي [إِدْجَانْ] ذِي ؤُرْشَالِيمْ، إِنَّا:
2CH 32:10 ”أَمُّو إِ إِنَّا سَانْحَارِيبْ، أَجدْجِيذْ ن أَشُّورْ: ’مِينْ خفْ ثتّشْڒمْ كنِّيوْ، زعْمَا كنِّيوْ [ثْزمَّارمْ] أَذْ ثقِّيممْ ذِي ؤُرْشَالِيمْ أَمْ ثتّْوَاحْصَارمْ؟
2CH 32:11 مَا وَارْ يَارزُّو حِيزْقِييَا أَذْ كنِّيوْ إِغْوَا، حِيمَا أَذْ كنِّيوْ إِسلّمْ إِ ڒْموْثْ زِي ڒَاژْ ذ ؤُفَاذِي خْمِي إِقَّارْ: سِيذِي، أَربِّي نّغْ، أَذْ أَنغْ إِفكّْ زڭْ ؤُفُوسْ ن ؤُجدْجِيذْ ن أَشُّورْ!؟
2CH 32:12 مَا وَارْ إِكِّيسْ حِيزْقِييَا نِّي ؤُڒَا ذ ڒڭْعُوذِي نّسْ ذ إِعَالْطَارنْ نّسْ، ؤُ [مَا وَارْ] إِسِّيوڒْ نتَّا أَكْ-ذ يَاهُوذَا ذ ؤُرْشَالِيمْ، إِنَّا: مْغِيرْ إِ يِيجّْ ن ؤُعَالْطَارْ أَذْ ثْبنْذْقمْ ؤُ أَذْ خَاسْ ثَاوْيمْ ڒبْخُورْ!؟
2CH 32:13 مَا وَارْ ثسِّينمْ كنِّيوْ مِينْ ڭِّيغْ نشّْ ذ ڒجْذُوذْ إِنُو س مَارَّا ڒڭْنُوسْ ن ثمُّورَا؟ مَا فكّنْ إِربِّيثنْ ن ڒڭْنُوسْ ن ثمُّورَا نِّي ثَامُّورْثْ نْسنْ زڭْ ؤُفُوسْ إِنُو؟
2CH 32:14 مَانْ ونْ زِي جَارْ مَارَّا إِربِّيثنْ ن ڒڭْنُوسْ نِّي خْ قْضَانْ ڒجْذُوذْ إِنُو، ثُوغَا إِزمَّارْ أَذْ إِسّنْجمْ ڒْڭنْسْ نّسْ زڭْ ؤُفُوسْ إِنُو، أَڒَامِي أَربِّي نْومْ إِزمَّارْ أَذْ كنِّيوْ إِفكّْ زڭْ ؤُفُوسْ إِنُو؟
2CH 32:15 [خنِّي] ڒخُّو، وَارْ تّجِّيمْ حِيزْقِييَا أَذْ كنِّيوْ إِشْمثْ ؤُ [وَارْ ث تّجِيمْ] أَذْ كنِّيوْ إِسّْغكّْوِي أَمُّو. وَارْ ثتِّيقَّامْ شَا، مَاغَارْ ؤُڒَا ذ إِجّْ ن أَربِّي زِي مَانْ مَا ڒْڭنْسْ نِيغْ ثَاڭلْذِيثْ ثُوغَا إِزمَّارْ أَذْ إِفكّْ ڒْڭنْسْ نّسْ زڭْ ؤُفُوسْ إِنُو نِيغْ زڭْ ؤُفُوسْ ن ڒجْذُوذْ إِنُو. مشْحَاڒْ قلّْ عَاذْ أَربِّي نْومْ أَذْ كنِّيوْ إِفكّْ زڭْ ؤُفُوسْ إِنُو!‘ “
2CH 32:16 ؤُشَا إِمْسخَّارنْ نّسْ سِّيوْڒنْ عَاذْ كْثَارْ ضِيدّْ إِ سِيذِي أَربِّي ؤُ ضِيدّْ إِ ؤُمْسخَّارْ نّسْ حِيزْقِييَا.
2CH 32:17 نتَّا يُورَا عَاوذْ ثِيبْرَاثِينْ حِيمَا أَذْ إِسّحْقَارْ سِيذِي، أَربِّي ن إِسْرَائِيل، ؤُ حِيمَا أَذْ خَاسْ إِسِّيوڒْ ذَايْسنْثْ، ؤُشَا إِنَّا: ”أَمْ مَامّشْ إِربِّيثنْ ن ڒڭْنُوسْ ن ثمُّورَا، إِنِّي وَارْ إِزمَّارنْ أَذْ فكّنْ ڒْڭنْسْ نْسنْ زڭْ ؤُفُوسْ إِنُو، أَمُّو وَارْ إِزمَّارْ أَربِّي ن حِيزْقِييَا أَذْ إِسّنْجمْ ڒْڭنْسْ نّسْ زڭْ ؤُفُوسْ إِنُو!“
2CH 32:18 نِيثْنِي سْغُوينْ س جّهْذْ س يِيڒسْ ن ثْيَاهُوذشْثْ غَارْ ڒْڭنْسْ ن ؤُرْشَالِيمْ نِّي [إِبدّنْ] خْ ڒْحِيضْ حِيمَا أَذْ ثنْ سِّيڭّْوِيذنْ ؤُ أَذْ ثنْ سّْخَاروْضنْ، مَاحنْذْ زمَّارنْ أَذْ طّْفنْ ثَانْذِينْثْ.
2CH 32:19 نِيثْنِي سِّيوْڒنْ خْ أَربِّي ن ؤُرْشَالِيمْ أَمْ خْ إِربِّيثنْ ن ڒڭْنُوسْ ن [مَارَّا] ثَامُّورْثْ، إِنِّي [إِدْجَانْ] مْغِيرْ ڒْخذْمثْ ن إِوْذَانْ وَاهَا.
2CH 32:20 أَجدْجِيذْ حِيزْقِييَا ذ ؤُنَابِي إِشَاعْيَا، مِّيسْ ن أَمُوصْ، ژُّودْجنْ خْ مَانْ أَيَا، ڒَاغَانْ غَارْ ؤُجنَّا.
2CH 32:21 ؤُشَا إِسّكّْ-د سِيذِي إِجّْ ن لْمَالَاكْ، ونِّي إِقْضَانْ خْ مَارَّا أَيْثْ ن بُو-ثغْرُوضْثْ إِمحْضنْ ذ ڒْحُوكَّامْ ذ إِمقّْرَاننْ ذِي ڒْمَارْڭحْ ن ڒْعسْكَارْ ن ؤُجدْجِيذْ ن أَشُّورْ. [خنِّي] إِذْوڒْ-د نتَّا غَارْ ثمُّورْثْ نّسْ س ڒحْيَا خْ ؤُغمْبُوبْ. ؤُمِي د-يُوسَا غَارْ ثَادَّارْثْ ن أَربِّي نّسْ، أَقَا إِنِّي د-إِفّْغنْ زِي أَرِّيمثْ نّسْ، نْغِينْ ث س سِّيفْ.
2CH 32:22 أَمُّو إِ إِسّنْجمْ سِيذِي حِيزْقِييَا ذ إِمزْذَاغْ ن ؤُرْشَالِيمْ زڭْ ؤُفُوسْ ن سَانْحَارِيبْ، أَجدْجِيذْ ن أَشُّورْ، ؤُ زڭْ ؤُفُوسْ ن مَارَّا. نتَّا ثُوغَا إِسَّاريّحْ إِ-ثنْ غَارْ مَارَّا إِغزْذِيسنْ نْسنْ.
2CH 32:23 أَطَّاسْ إِ د يِيوْينْ ثِيوْهِيبِينْ غَارْ سِيذِي ذِي ؤُرْشَالِيمْ، ؤُڒَا ذ ڒقْشُوعْ إِغْڒَانْ غَارْ حِيزْقِييَا، أَجدْجِيذْ ن يَاهُوذَا. سّنِّي ثُوغَا غَارسْ ڒوْقَارْ ذ أَمقّْرَانْ ذِي ثِيطَّاوِينْ ن مَارَّا ڒڭْنُوسْ.
2CH 32:24 ذڭْ وُوسَّانْ نِّي إِذْوڒْ حِيزْقِييَا إِهْڒشْ س إِجّْ ن ڒحْڒَاشْ إِنقّنْ أَڒَامِي ثُوغَا إِڭُّورْ أَذْ إِمّثْ. إِژُّودْجْ غَارْ سِيذِي ؤُ وَانِيثَا إِسِّيوڒْ-د غَارسْ ؤُشَا إِوْشَا أَسْ-د إِشْثْ نْ ڒعْڒَامثْ.
2CH 32:25 [مَاشَا] حِيزْقِييَا وَارْ إِڭِّي عْلَاحْسَابْ ثْشُونِي إِ ذ أَسْ إِتّْوَاسّشْننْ، مَاغَارْ ؤُڒْ نّسْ إِذْوڒْ ذَايسْ نّْفَاخثْ. [خْ ؤُيَا] يُوسَا-د إِجّْ ن ؤُذُوقّزْ ذ أَمقّْرَانْ ن وغْضَابْ خَاسْ، خْ يَاهُوذَا ؤُ خْ ؤُرْشَالِيمْ.
2CH 32:26 حِيزْقِييَا [مَاشَا] إِسّْوَاضعْ إِخفْ نّسْ ذِي سِّيبّثْ ن نّْفَاخثْ ن وُوڒْ نّسْ، أَمْ نتَّا أَمْ يِيمزْذَاغْ ن ؤُرْشَالِيمْ، أَڒَامِي أَذُوقّزْ ذ أَمقّْرَانْ ن وغْضَابْ ن سِيذِي وَارْ خَاسنْ د-يُوسِي ذڭْ وُوسَّانْ ن حِيزْقِييَا.
2CH 32:27 حِيزْقِييَا ثُوغَا غَارسْ أَڭْڒَا ذ شَّانْ س وَاطَّاسْ. نتَّا إِڭَّا إِ إِخفْ نّسْ إِخَّامنْ ن ثْخُوبَايْ إِ نُّوقَارْثْ، إِ وُورغْ، إِ يژْرَا إِغْڒَانْ، إِ ڒعْطُورْ، إِ ثْسدَّارِييِينْ [ن ؤُعسْكَارِي] ؤُ إِ مَارَّا مِينْ إِدْجَانْ ذ ڒقْشُوعْ إِغْڒَانْ.
2CH 32:28 [إِڭَّا ؤُڒَا ذ] ثِيخُوبَايْ إِ ڒْغِيدْجثْ ن إِمنْذِي، إِ بِينُو ن جْذِيذْ ذ زّشْثْ، ؤُڒَا ذ ڒْكُورِيثْ إِ مَارَّا ڒْمَاڒْ ذ ڒعْرَاصِي إِفَارْينْ إِ ثْحِيمْرِيوِينْ.
2CH 32:29 نتَّا إِڭَّا ثِيندَّامْ إِ يِيخفْ نّسْ ؤُ ثُوغَا غَارسْ أَطَّاسْ ن وُودْجِي ذ إِفُونَاسنْ ذ ثْفُونَاسِينْ، مَاغَارْ أَربِّي ثُوغَا إِوْشَا أَسْ إِجّْ ن وَاڭْڒَا إِمْغَارْ أَطَّاسْ.
2CH 32:30 حِيزْقِييَا وَانِيثَا ثُوغَا عَاوذْ إِبلّعْ ؤُفُّوغْ ن وَامَانْ ن [ثغْزَارْثْ ن] جِيحُونْ [إِ إِدْجَانْ] سنّجْ قَاعْ. نتَّا يَارَّا أَمَانْ نِيشَانْ غَارْ وَادَّايْ غَارْ ڒْغَارْبْ ن ثنْذِينْثْ ن ذَاوُوذْ، مَاغَارْ حِيزْقِييَا ثُوغَا إِفْڒحْ ذِي مَارَّا مِينْ إِڭَّا.
2CH 32:31 [مَاشَا] زِي سِّيبّثْ ن إِمنْذُوبِييّنْ ن ڒْحُوكَّامْ ن بَابِيلْ إِنِّي غَارسْ د-إِتّْوَاسّكّنْ، حِيمَا أَذْ سّقْسَانْ خْ ڒعْڒَامثْ إِمْغَارنْ ثنِّي ثُوغَا ذِي ثمُّورْثْ، أَقَا إِجَّا إِ-ث أَربِّي، حِيمَا أَذْ ث إِقدْجبْ، حِيمَا أَذْ إِسّنْ مَارَّا [مِينْ إِدْجَانْ] ذڭْ وُوڒْ نّسْ.
2CH 32:32 إِمزْرُوينْ إِقِّيمنْ ن حِيزْقِييَا ذ ثْمخْسِيوْثْ نّسْ إِشوَّارنْ، خْزَارْ، أَقَا مَانْ أَيَا [مَارَّا] إِتّْوَازمّمْ ذِي ڒوْحِييْ ن ؤُنَابِي إِشَاعْيَا، مِّيسْ ن أَمُوصْ، ؤُ ذڭْ وذْلِيسْ ن إِجدْجِيذنْ ن يَاهُوذَا ذ إِسْرَائِيل.
2CH 32:33 حِيزْقِييَا إِڭَّا أَذْ يَاريّحْ جَارْ ڒجْذُوذْ نّسْ. نضْڒنْ ث [ذڭْ ونْضڒْ] يُوعْڒَانْ قَاعْ ن إِمضْڒَانْ ن وَارَّاونْ ن ذَاوُوذْ. مَارَّا يَاهُوذَا ذ إِمزْذَاغْ ن ؤُرْشَالِيمْ سّشْننْ أَسْ ڒوْقَارْ غَارْ ڒْموْثْ نّسْ. مِّيسْ مَانَاسَّا إِذْوڒْ ذ أَجدْجِيذْ ذڭْ ومْشَانْ نّسْ.
2CH 33:1 مَانَاسَّا [ثُوغَا] غَارسْ ثنْعَاشْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ خمْسَا ؤُ-خمْسِينْ ن إِسڭّْوُوسَا ذِي ؤُرْشَالِيمْ.
2CH 33:2 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، أَمْ جّْعَايفْ ن ڒڭْنُوسْ نِّي ثُوغَا إِسُّوفّغْ سِيذِي زِي زَّاثْ ن وُوذمْ ن أَيْثْ ن إِسْرَائِيل زِي ڒْوَارْثْ نْسنْ.
2CH 33:3 نتَّا إِبْذَا أَذْ إِعْذڒْ ڒڭْعُوذِي نِّي ثُوغَا إِهْذمْ بَابَاسْ حِيزْقِييَا. نتَّا إِسّْبدّْ إِعَالْطَارنْ إِ ’إِبَاعْلنْ‘ ؤُشَا إِڭَّا ثِيربِّينْ ن شْوَارْثِي ؤُشَا إِبنْذقْ زَّاثْ إِ مَارَّا ڒْعسْكَارْ ن ؤُجنَّا ؤُشَا إِعْبذْ أَسنْ.
2CH 33:4 إِسّْبدّْ عَاوذْ إِعَالْطَارنْ ذِي ثَادَّارْثْ ن سِيذِي إِ خْ إِنَّا سِيذِي: ”ذِي ؤُرْشَالِيمْ [أَذْ سّْمثْنغْ] إِسمْ إِنُو إِ ڒبْذَا.“
2CH 33:5 نتَّا إِبْنَا [عَاوذْ] إِعَالْطَارنْ إِ مَارَّا ڒْعسْكَارْ ن ؤُجنَّا ذِي ثْنَاينْ ن ڒمْرَاحَاثْ ن ثَادَّارْثْ ن سِيذِي.
2CH 33:6 نتَّا إِجَّا أَذْ كّنْ إِحنْجِيرنْ نّسْ ذِي ثْمسِّي ذِي ثغْزُورْثْ ن مِّيسْ ن هِينُّومْ، إِڭَّا س ثْبزْڭِيوْثْ ذ ثْڭزَّانْثْ ذ ثْسحَّارْثْ، ؤُ يِيوِي-د إِنِّي إِسَّاوَاڒنْ أَكْ-ذ إِمتَّانْ ذ إِڭزَّاننْ. إِڭَّا أَطَّاسْ مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي مَاحنْذْ أَذْ ث إِسْعَارْ.
2CH 33:7 إِسّْبدّْ إِجّْ ن ڒخْيَاڒْ إِنقْشنْ نِّي إِڭَّا ذِي ثَادَّارْثْ ن أَربِّي، إِ خْ ثُوغَا إِنَّا أَربِّي إِ ذَاوُوذْ ؤُ إِ مِّيسْ سُولِيمَانْ: ”ذِي ثَادَّارْثْ-أَ ؤُ ذِي ؤُرْشَالِيمْ، ثنِّي فَارْزغْ زِي مَارَّا ثِيقبَّاڒْ ن إِسْرَائِيل، أَذْ سّْمثْنغْ إِسمْ إِنُو إِ ڒبْذَا.
2CH 33:8 نشّْ وَارْ تّجِّيغْ أَضَارْ ن إِسْرَائِيل أَذْ إِتّْوَاكّسْ عَاذْ زِي ثمُّورْثْ نِّي ؤُرِيغْ إِ ڒجْذُوذْ نْومْ، مَاڒَا نِيثْنِي مْغِيرْ أَذْ حْضَانْ مَارَّا مِينْ إِ ذ أَسنْ ؤُمُورغْ مَاحنْذْ أَذْ ث ڭّنْ، عْلَاحْسَابْ مَارَّا شَّارِيعَا ذ مَارَّا ثِيوصَّا ذ مَارَّا لْفَارَايِيضْ [نِّي ذ أَسنْ إِمّوْشنْ] س ؤُفُوسْ ن مُوسَا.“
2CH 33:9 مَانَاسَّا إِجَّا يَاهُوذَا ذ إِمزْذَاغْ ن ؤُرْشَالِيمْ أَذْ ودَّارنْ، أَڒَامِي ڭِّينْ ذ أَعفَّانْ خْ ڒڭْنُوسْ إِ خْ ثُوغَا إِقْضَا سِيذِي زَّاثْ إِ وُوذمْ ن أَيْثْ ن إِسْرَائِيل.
2CH 33:10 [إِوَا،] سِيذِي ثُوغَا إِسِّيوڒْ إِ مَانَاسَّا ؤُ إِ ڒْڭنْسْ نّسْ، مَاشَا نِيثْنِي وَارْ ذ أَسْ وْشِينْ شَا ثَايْنِيثْ.
2CH 33:11 سِيذِي إِسّكّْ غَارْسنْ إِكُومَانْذَارنْ ن ڒْعسْكَارْ ن ؤُجدْجِيذْ ن أَشُّورْ. نِيثْنِي حبّْسنْ مَانَاسَّا س ثْسنَّارِينْ، شَارْفنْ ث س ثْنَاينْ ن سّْنَاسڒْ ن نّْحَاسْ ؤُشَا جِّينْ ث أَذْ يُويُورْ [أَمُّو] غَارْ بَابِيلْ.
2CH 33:12 ؤُمِي ث إِحْصَارْ نتَّا أَمُّو، إِزَاوڭْ وَانِيثَا زَّاثْ إِ وُوذمْ ن سِيذِي، أَربِّي نّسْ، ؤُ إِسّْوَاضعْ إِخفْ نّسْ أَڒْ طَّارْفْ زَّاثْ إِ وُوذمْ ن أَربِّي ن ڒجْذُوذْ نّسْ.
2CH 33:13 إِژُّودْجْ غَارسْ ؤُشَا نتَّا إِجَّا أَذْ إِسَّارْضَا إِخفْ نّسْ زَّايسْ س ثْژَادْجِيثْ يُودْجْغنْ نّسْ ؤُ يَارَّا إِ-ث-إِ-د غَارْ ؤُرْشَالِيمْ. [خنِّي] إِسّنْ مَانَاسَّا، أَقَا سِيذِي ذ أَربِّي.
2CH 33:14 أَوَارْنِي ؤُيَا إِبْنَا ڒْحِيضْ ن بَارَّا إِ ثنْذِينْثْ ن ذَاوُوذْ، غَارْ ؤُغزْذِيسْ ن ڒْغَارْبْ ن جِيحُونْ ذِي ثغْزُورْثْ، ؤُ [إِبْنَا إِ-ث] أَڒْ ثَاوَّارْثْ ن إِسڒْمَانْ، إِقُووَّارْ [ڒْحِيضْ] ؤُڒَا ذ عُوفِيلْ ؤُشَا إِسّْڭعّذْ [مَانَاسِّي] ڒْحِيضْ أَطَّاسْ. إِڭَّا ؤُڒَا ذ إِكُومَانْذَارنْ ن ڒْعسْكَارْ ذِي مَارَّا ثِيندَّامْ إِفَارْينْ ن يَاهُوذَا.
2CH 33:15 نتَّا إِكّسْ إِربِّيثنْ إِغْرِيبنْ ذ ڒخْيَاڒْ ن صَّانَامْ زِي ثَادَّارْثْ ن سِيذِي ؤُڒَا ذ مَارَّا إِعَالْطَارنْ نِّي ثُوغَا إِبْنَا خْ وذْرَارْ ن ثَادَّارْثْ ن سِيذِي ذِي ؤُرْشَالِيمْ، ؤُشَا إِمّنْضَارْ إِ-ثنْ بَارَّا إِ ثنْذِينْثْ.
2CH 33:16 نتَّا إِڭَّا [عَاوذْ] أَعَالْطَارْ ن سِيذِي ؤُشَا إِقدّمْ خَاسْ ثِيوْهِيبِينْ ن ڒهْنَا ذ ثوْهِيبِينْ ن ؤُقَاذِي ؤُشَا إِنَّا إِ [أَيْثْ ن] يَاهُوذَا أَذْعبْذنْ سِيذِي، أَربِّي ن إِسْرَائِيل.
2CH 33:17 مَاشَا ڒْڭنْسْ يَارْنِي عَاذْ يِيوِي ثِيغَارْصَا خْ ڒڭْعُوذِي، مَاشَا مْغِيرْ إِ سِيذِي، أَربِّي نْسنْ، وَاهَا.
2CH 33:18 إِمزْرُويّنْ إِقِّيمنْ ن مَانَاسَّا ذ ثْژَادْجِيثْ نّسْ غَارْ أَربِّي نّسْ ؤُڒَا ذ أَوَاڒنْ ن إِمْوَاڒَاونْ نِّي غَارسْ إِسِّيوْڒنْ ذڭْ يِيسمْ ن سِيذِي، أَربِّي ن إِسْرَائِيل، خْزَارْ، مَانْ أَيَا [مَارَّا إِتّْوَازمّمْ] ذڭْ وذْلِيسْ ن إِمزْرُوينْ ن إِجدْجِيذنْ ن إِسْرَائِيل.
2CH 33:19 ثَاژَادْجِيثْ نّسْ ذ مَامّشْ إِجَّا [أَربِّي] أَذْ إِتّْوَاسّصْڒحْ إِخفْ نّسْ س ثْژَادْجِيثْ يُودْجْغنْ نّسْ، ؤُڒَا ذ مَارَّا دّْنُوبْ نّسْ ذ ڒغْذَارْ نّسْ ذ إِمُوشَانْ مَانِي إِبْنَا ڒڭْعُوذِي ؤُ إِسّْبدّْ ثِيربِّينْ ن شْوَارْثِي ذ ڒخْيَاڒَاثْ إِنقْشنْ قْبڒْ مَا إِتّْوَاسّْوَاضعْ، خْزَارْ، مَانْ أَيَا [مَارَّا] إِتّْوَازمّمْ ذڭْ وَاوَاڒنْ ن إِمْوَاڒَاونْ.
2CH 33:20 مَانَاسَّا إِڭَّا أَذْ يَاريّحْ جَارْ ڒجْذُوذْ نّسْ. نضْڒنْ ث ذِي ثَادَّارْثْ نّسْ. مِّيسْ أَمُونْ إِذْوڒْ ذ أَجدْجِيذْ ذڭْ ومْشَانْ نّسْ.
2CH 33:21 أَمُونْ [ثُوغَا] غَارسْ ثْنَاينْ ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ ثْنَاينْ ن إِسڭّْوُوسَا ذِي ؤُرْشَالِيمْ.
2CH 33:22 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، [نِيشَانْ] أَمْ مَامّشْ ث إِڭَّا بَابَاسْ مَانَاسَّا. أَمُونْ إِقدّمْ ثِيغَارْصَا إِ مَارَّا ڒخْيَاڒَاثْ إِنقْشنْ إِ ثُوغَا إِڭَّا بَابَاسْ مَانَاسَّا ؤُشَا إِسخَّارْ أَسنْ.
2CH 33:23 نتَّا وَارْ إِسّْوَاضعْ إِخفْ نّسْ زَّاثْ إِ وُوذمْ ن سِيذِي، أَمْ مَامّشْ إِسّْوَاضعْ بَابَاسْ مَانَاسَّا إِخفْ نّسْ، مَاشَا أَمُونْ وَانِيثَا يَارْنِي [وَاهَا] ذڭْ ؤُمَارْوَاسْ.
2CH 33:24 إِمْسخَّارنْ نّسْ ڭِّينْ خَاسْ إِشْثْ ن ثْمعْمُوتْشْ ؤُشَا نْغِينْ ث ذِي ثَادَّارْثْ نّسْ.
2CH 33:25 ڒْڭنْسْ ن ثمُّورْثْ [مَاشَا] نْغِينْ مَارَّا إِنِّي ثُوغَا إِڭِّينْ ثَامعْمُوتْشْ خْ ؤُجدْجِيذْ أَمُونْ. ڒْڭنْسْ ن ثمُّورْثْ ڭِّينْ مِّيسْ يُوشِييَا ذ أَجدْجِيذْ ذڭْ ومْشَانْ نّسْ.
2CH 34:1 يُوشِييَا [ثُوغَا] غَارسْ ثْمنْيَا ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ وَاحِيثْ ؤُ-ثْڒَاثِينْ ن إِسڭّْوُوسَا ذِي ؤُرْشَالِيمْ.
2CH 34:2 نتَّا إِڭَّا مِينْ إِدْجَانْ نِيشَانْ ذِي ثِيطَّاوِينْ ن سِيذِي. نتَّا يُويُورْ ذڭْ إِبْرِيذنْ ن بَابَاسْ ذَاوُوذْ، وَارْ إِفِّيغْ [خْ وبْرِيذْ] [ڒَْا غَارْ] يفُوسْ ؤُڒَا [غَارْ] ؤُزڒْمَاضْ.
2CH 34:3 ذڭْ ؤُسڭّْوَاسْ وِيسّْ ثْمنْيَا ن ڒحْكَامثْ نّسْ، ؤُمِي ث ثُوغَا عَاذْ ذ أَحُوذْرِي، إِبْذَا أَذْ يَارْزُو خْ أَربِّي ن بَابَاسْ ذَاوُوذْ. ذڭْ ؤُسڭّْوَاسْ وِيسّْ ثنْعَاشْ إِبْذَا أَذْ إِسِّيزْذڭْ يَاهُوذَا ذ ؤُرْشَالِيمْ زِي ڒڭْعُوذِي، زِي ثْربِّينْ ن شْوَارْثِي ؤُ زِي ڒخْيَاڒَاثْ إِنقْشنْ ذ ڒخْيَاڒَاثْ إِفسْينْ.
2CH 34:4 زَّاثْ إِ ثِيطَّاوِينْ نّسْ هذْمنْ إِعَالْطَارنْ ن ’إِبَاعْلنْ‘، ؤُشَا إِزْذمْ نتَّا إِپِيلَارنْ ن أَربِّي ن ثْفُوشْثْ نِّي خَاسنْ د-إِبَاننْ سنّجْ. ثِيربِّينْ ن شْوَارْثِي ذ ڒخْيَاڒَاثْ إِنقْشنْ ذ ڒخْيَاڒَاثْ إِفسْينْ يَارْژَا إِ-ثنْ ذِي إِوثْوِيثنْ ؤُشَا إِدّزْ إِ-ثنْ ؤُ ثَاعجَّاجْثْ نْسنْ يَاريّشْ إِ-ت خْ إِمضْڒَانْ ن يِينِّي ثُوغَا ذ أَسنْ د-يِيوْينْ ثَاغَارْصْثْ.
2CH 34:5 إِسَّارْغْ إِغْسَانْ ن إِكهَّاننْ خْ إِعَالْطَارنْ نْسنْ. [أَمُّو] إِ إِسِّيزْذڭْ يَاهُوذَا ذ ؤُرْشَالِيمْ.
2CH 34:6 ؤُڒَا غَارْ ثْندَّامْ ن مَانَاسَّا ذ إِفْرَايِيمْ ذ شِيمْعُونْ، [وَاهْ،] أَڒْ نَافْثَالِي، غَارْ مَارَّا إِغزْذِيسنْ ن إِمُوشَانْ نْسنْ إِتّْوَاردّْدْجنْ،
2CH 34:7 إِهْذمْ إِعَالْطَارنْ. نتَّا إِڒْبزْ ثِيربِّينْ ن شْوَارْثِي ذ ڒخْيَاڒَاثْ إِنقْشنْ، إِدّزْ إِ-ثنْثْ، ؤُشَا إِزْذمْ [عَاوذْ] مَارَّا إِپِيلَارنْ ن أَربِّي ن ثْفُوشْثْ ذِي مَارَّا إِسْرَائِيل. أَوَارْنِي ؤُيَا إِعْقبْ-د غَارْ ؤُرْشَالِيمْ.
2CH 34:8 ذڭْ ؤُسڭّْوَاسْ وِيسّْ ثْمنْطَاشْ ن ڒحْكَامثْ نّسْ، أَوَارْنِي ڒَامِي إِسِّيزْذڭْ ثَامُّورْثْ ذ ثَادَّارْثْ، إِسّكّْ نتَّا شَافَانْ، مِّيسْ ن أَصَالْيَا، ذ مَاعَاسِييَا، أَمقّْرَانْ ن ثنْذِينْثْ، ذ يُووَاخْ، مِّيسْ ن يَاهُويَاحَازْ، أَمَارِيرْ ن ؤُمزْرُويْ، حِيمَا أَذْعذْڒنْ ثَادَّارْثْ ن سِيذِي، أَربِّي نّسْ.
2CH 34:9 نِيثْنِي ؤُسِينْ-د غَارْ حِيلْقِييَا، أَرَّايْسْ ن إِكهَّاننْ، ؤُ وْشِينْ أَسْ نُّوقَارْثْ إِ د-إِتّْوَاوْينْ ذِي ثَادَّارْثْ ن أَربِّي، ذ ثنِّي د-يَارْونْ إِلَاوِييّنْ نِّي ثُوغَا إِعسّنْ غَارْ وَاذَافْ، زڭْ ؤُفُوسْ ن مَانَاسَّا ذ إِفْرَايِيمْ، زِي مَارَّا مِينْ إِقِّيمنْ ن إِسْرَائِيل، زِي مَارَّا يَاهُوذَا ذ بِينْيَامِينْ ؤُ زِي مَارَّا إِمزْذَاغْ ن ؤُرْشَالِيمْ.
2CH 34:10 نِيثْنِي وْشِينْ ت ذڭْ ؤُفُوسْ ن يِينِّي ثُوغَا إِڭِّينْ ڒْخذْمثْ، إِنِّي [إِدْجَانْ] خْ ثَادَّارْثْ ن سِيذِي، ؤُشَا إِنَا وْشِينْ ت إِ يِينِّي إِڭِّينْ ڒْخذْمثْ ذِي ثَادَّارْثْ ن سِيذِي، مَاحنْذْ أَذْعذْڒنْ ؤُ أَذْ سّْجهْذنْ ثَادَّارْثْ.
2CH 34:11 نِيثْنِي وْشِينْ ت إِ إِحْرَايْفِييّنْ ؤُ إِ إِمَاصُّوثنْ إِ ثْمسْغِيوْثْ ن ثْصُوضَارْ إِتّْوَاسُّويْذَانْ ؤُ [إِ ثْمسْغِيوْثْ] ن ؤُكشُّوضْ إِ ثْحنْيَا ن ؤُعَارّضْ، مَاحنْذْ أَذْ ڭّنْ ثِيغُورْفِينْ إِ ثُوذْرِينْ، ثِينِّي إِجِّينْ إِجدْجِيذنْ ن يَاهُوذَا أَذْ أَرْخُونْ.
2CH 34:12 إِرْيَازنْ خذْمنْ س ڒَامَانْ. يَاحَاثْ ذ عُوبَاذْيَا، إِلَاوِييّنْ زڭْ إِحنْجِيرنْ ن مَارَارِي، ثُوغَا أَثنْ ذ إِوقَّافنْ خَاسنْ، ؤُڒَا ذ زَاكَارِييَّا ذ مَاشُولَّامْ زڭْ إِحنْجِيرنْ ن قُوحَاثْ، حِيمَا أَذْ سيَّارنْ. إِلَاوِييّنْ، مَارَّا ثُوغَا تّْحَاكَانْ ذِي دُّوزَانَاثْ ن لْمُوسِيقَا،
2CH 34:13 [ثُوغَا أَثنْ عَاوذْ] خْ يِينِّي يَاربُّونْ ڒحْمڒْ. نِيثْنِي ذ إِمْسيَّارنْ إِ مَارَّا إِنِّي ثُوغَا إِخدّْمنْ ذِي ڒخْذَايمْ إِفَارْزنْ. [تّْوَاڒقّْمنْ] زڭْ إِلَاوِييّنْ ؤُڒَا ذ إِمَارِيرنْ ذ إِمحْضَاينْ ذ إِعسَّاسنْ ن ثوُّورَا.
2CH 34:14 [ؤُمِي] كْسِينْ [ثْمنْيَاثْ ن] نُّوقَارْثْ نِّي ثُوغَا د-إِوْينْ ذِي ثَادَّارْثْ ن سِيذِي، يُوفَا ؤُكهَّانْ حِيلْقِييَا أَذْلِيسْ إِتّْوَانّْضنْ ن شَّارِيعَا ن سِيذِي، [إِ ثُوغَا ذ أَسنْ إِمّوْشنْ] خْ ؤُفُوسْ ن مُوسَا.
2CH 34:15 حِيلْقِييَا إِطّفْ ذڭْ وَاوَاڒْ، إِنَّا إِ ؤُمَارِيرْ شَافَانْ: ”نشّْ ؤُفِيغْ أَذْلِيسْ إِتّْوَانّْضنْ ن شَّارِيعَا ذِي ثَادَّارْثْ ن سِيذِي.“ ؤُشَا إِوْشَا حِيلْكِييَا أَذْلِيسْ إِ شَافَانْ.
2CH 34:16 شَافَانْ يِيوِي أَذْلِيسْ غَارْ ؤُجدْجِيذْ. نتَّا إِخبَّارْ أَجدْجِيذْ، إِنَّا: ”مَارَّا مِينْ ؤُمُورنْ إِ إِمْسخَّارنْ نّشْ، أَقَا تّڭّنْ ث.
2CH 34:17 نِيثْنِي سّْفَارّْغنْ [ثمْنْيَاثْ ن] نُّوقَارْثْ إِ ؤُفِينْ ذِي ثَادَّارْثْ ن سِيذِي ؤُشَا وْشِينْ ثنْثْ ذڭْ ؤُفُوسْ ن إِوقَّافنْ ؤُ ن يِينِّي إِتّڭّنْ ڒْخذْمثْ.“
2CH 34:18 [خنِّي] إِحَاجَا ؤُمَارِيرْ شَافَانْ إِ ؤُجدْجِيذْ [أَمُّو]، إِنَّا: ”أَكهَّانْ حِيلْقِييَا إِوْشَا أَيِي إِجّْ ن وذْلِيسْ!“ شَافَانْ إِغْرَا زَّايسْ خْ ؤُجدْجِيذْ.
2CH 34:19 ؤُمِي إِسْڒَا ؤُجدْجِيذْ أَوَاڒنْ ن شَّارِيعَا، إِمْسَارْ، إِشَارّڭْ نتَّا أَرُّوضْ نّسْ.
2CH 34:20 يُومُورْ ؤُجدْجِيذْ إِ حِيلْقِييَا ؤُ إِ أَخِيقَامْ، مِّيسْ ن شَافَانْ، ؤُ إِ عَابْذُونْ، مِّيسْ ن مِيخَا، ؤُ إِ ؤُمَارِيرْ شَافَانْ إِ عَاسَايَا، أَمْسخَّارْ ن ؤُجدْجِيذْ، إِنَّا:
2CH 34:21 ”ؤُيُورمْ، سقْسَامْ سِيذِي ذِي طّْوعْ إِنُو ؤُ ذِي طّْوعْ ن مِينْ إِقِّيمنْ ذِي إِسْرَائِيل ؤُ ذِي يَاهُوذَا خْ وَاوَاڒنْ ن وذْلِيسْ إِ إِتّْوَافنْ. مَاغَارْ أَسْعَارْ ن سِيذِي نِّي خَانغْ إِتّْوَازدْجْعنْ، أَقَا-ث ذ أَمقّْرَانْ، مِينْزِي ڒجْذُوذْ نّغْ وَارْ حْضِينْ شَا أَوَاڒْ ن سِيذِي، حِيمَا أَذْ ڭّنْ أَمْ مَامّشْ مَارَّا مِينْ يُورِينْ ذڭْ وذْلِيسْ إِتّْوَانّْضنْ.“
2CH 34:22 [خنِّي] يُويُورْ حِيلْقِييَا أَكْ-ذ يِينِّي [إِتّْوَاسّكّنْ] زڭْ ؤُجدْجِيذْ غَارْ ثْنَابِيثْ خُولْذَا، ثَامْغَارْثْ ن شَالُّومْ، مِّيسْ ن ثُوقَاهَاثْ، مِّيسْ ن حَاسْرَا، ونِّي إِبدّنْ خْ ڒهْرِي ن وَارُّوضْ. نتَّاثْ ثزْذغْ ذڭْ وزْينْ نّغْنِي ن ؤُرْشَالِيمْ ؤُشَا سِّيوْڒنْ أَكِيذسْ خْ مَانْ أَيَا.
2CH 34:23 نتَّاثْ ثنَّا أَسنْ: ”أَمُّو إِ إِقَّارْ سِيذِي، أَربِّي ن إِسْرَائِيل: ’إِنِيمْ إِ ورْيَازْ نِّي كنِّيوْ غَارِي د-إِسّكّنْ:
2CH 34:24 ’أَمُّو إِ إِقَّارْ سِيذِي: خْزَارْ نشّْ أَذْ سِّيوْضغْ ثُوعفّْنَا خْ ومْشَانْ-أَ ؤُ خْ إِمزْذَاغْ نّسْ، مَارَّا نّْعَاڒِي إِ يُورِينْ ذڭْ وذْلِيسْ نِّي زَّايسْ إِتّْوَاغَارنْ زَّاثْ إِ وُوذمْ ن ؤُجدْجِيذْ ن يَاهُوذَا،
2CH 34:25 مَاغَارْ نِيثْنِي حيّْذنْ خَافِي ؤُ إِوْينْ ثِيوْهِيبِينْ ن ڒبْخُورْ إِ إِربِّيثنْ نّغْنِي أَڒَامِي ذ أَيِي سْعَارنْ س مَارَّا ڒخْذَايمْ ن إِفَاسّنْ نْسنْ. أَسْعَارْ إِنُو أَذْ إِتّْوَازدْجعْ خْ ومْشَانْ-أَ ؤُ وَارْ إِخسِّي.
2CH 34:26 [مَاشَا] إِ ؤُجدْجِيذْ ن يَاهُوذَا، ونِّي كنِّيوْ د-إِسّكّنْ ذَا، حِيمَا أَذْ ثسّقْسَامْ سِيذِي، أَذْ أَسْ ثِينِيمْ: ’أَمُّو إِ إِقَّارْ سِيذِي، أَربِّي ن إِسْرَائِيل: خْ وَاوَاڒنْ نِّي ثسْڒِيذْ:
2CH 34:27 مَاغَارْ إِذْوڒْ وُوڒْ نّشْ يَارْضبْ ؤُ ثسّْوَاضْعذْ إِخفْ نّشْ زَّاثْ إِ وُوذمْ ن أَربِّي ؤُمِي ثسْڒِيذْ إِ وَاوَاڒنْ نّسْ خْ ومْشَانْ-أَ ؤُ خْ إِمزْذَاغْ نّسْ، ؤُ ؤُمِي ثسّْوَاضْعذْ إِخفْ نّشْ ؤُشَا ثْشَارّْڭذْ أَرُّوضْ نّشْ ؤُ ثْرُوذْ زَّاثْ إِ وُوذمْ إِنُو، س ؤُيَا سْڒِيغْ نشّْ عَاوذْ غَاركْ، إِقَّارْ سِيذِي.
2CH 34:28 خْزَارْ، أَذْ شكْ سّْمُونغْ غَارْ ڒجْذُوذْ نّشْ ؤُ أَذْ ثتّْوَاسَّارْسذْ ذڭْ ونْضڒْ نّشْ س ڒهْنَا ؤُ ثِيطَّاوِينْ نّشْ وَارْ تّْوِيڒِينْثْ شَا مَارَّا ثُوعفّْنَا نِّي غَا سِّيوْضغْ خْ ومْشَانْ-أَ ؤُ خْ إِمزْذَاغْ نّسْ.‘ “ نِيثْنِي عَاوْذنْ أَوَاڒْ-أَ إِ ؤُجدْجِيذْ.
2CH 34:29 [خنِّي] إِسّكّْ ؤُجدْجِيذْ [إِرقَّاسنْ] ؤُشَا إِسّْمُونْ مَارَّا إِمقّْرَاننْ ن يَاهُوذَا ذ ؤُرْشَالِيمْ.
2CH 34:30 إِڭعّذْ ؤُجدْجِيذْ غَارْ ثَادَّارْثْ ن سِيذِي أَكْ-ذ مَارَّا إِرْيَازنْ ن يَاهُوذَا ذ إِمزْذَاغْ ن ؤُرْشَالِيمْ، أَكْ-ذ إِكهَّاننْ ذ إِلَاوِييّنْ ؤُ أَكْ-ذ مَارَّا ڒْڭنْسْ، زڭْ ؤُمقّْرَانْ أَڒْ أَمژْيَانْ، ؤُ غْرِينْ خَاسنْ مَارَّا أَوَاڒنْ ن وذْلِيسْ ن ڒْعَاهْذْ نِّي ثُوغَا إِتّْوَافنْ ذِي ثَادَّارْثْ ن سِيذِي.
2CH 34:31 أَجدْجِيذْ إِبدّْ ذڭْ ومْشَانْ نّسْ ؤُشَا إِقّنْ ڒْعَاهْذْ زَّاثْ إِ وُوذمْ ن سِيذِي، حِيمَا أَذْ إِضْفَارْ سِيذِي ؤُ حِيمَا أَذْ إِحْضَا ڒُومُورَاثْ نّسْ ذ شّْهَاذَاثْ نّسْ ذ ثْوصَّا نّسْ س مَارَّا وُوڒْ نّسْ ؤُ س مَارَّا ڒعْمَارْ نّسْ ؤُ حِيمَا أَذْ إِڭّْ أَوَاڒنْ ن ڒْعَاهْذْ-أَ إِ يُورِينْ ذڭْ وذْلِيسْ-أَ.
2CH 34:32 نتَّا إِجَّا مَارَّا إِنِّي إِدْجَانْ ذِي ؤُرْشَالِيمْ ذ بِينْيَامِينْ، أَذْ كَّارنْ [حِيمَا أَذْ ث سّْمثْننْ] ؤُشَا إِمزْذَاغْ ن ؤُرْشَالِيمْ ڭِّينْ عْلَاحْسَابْ ڒْعَاهْذْ ن أَربِّي، أَربِّي ن ڒجْذُوذْ نْسنْ.
2CH 34:33 إِكّسْ يُوشِييَا مَارَّا جّْعَايفْ [نْ صَّانَامْ] زِي ثمُّورَا ن أَيْثْ ن إِسْرَائِيل ؤُ يَارَّا مَارَّا إِنِّي [إِزذْغنْ] ذِي إِسْرَائِيل تّْسخَّارنْ إِ ثْسخَّارْثْ ن سِيذِي، أَربِّي نْسنْ. مَارَّا ؤُسَّانْ [ن ثُوذَارْثْ] نّسْ وَارْ حيّْذنْ شَا زڭْ وضْفَارْ ن سِيذِي، أَربِّي ن ڒجْذُوذْ نْسنْ.
2CH 35:1 [خنِّي] إِڭَّا يُوشِييَا [ڒْْعِيذْ ن ثْغَارْصْثْ ن] ؤُسعْذُو إِ سِيذِي ذِي ؤُرْشَالِيمْ. غَارْصنْ إِ [ثْغَارْصْثْ ن] ؤُسعْذُو ذڭْ وَاسّْ وِيسّْ أَرْبعْطَاشْ ن ؤُيُورْ أَمزْوَارُو.
2CH 35:2 نتَّا إِسّْبدّْ إِكهَّاننْ غَارْ إِمُوشَانْ ن ثْعسَّاسْثْ نْسنْ ؤُشَا إِڭَّا ذَايْسنْ ؤُڒْ غَارْ ڒْخذْمثْ ذِي ثَادَّارْثْ ن سِيذِي.
2CH 35:3 إِنَّا إِ إِلَاوِييّنْ، إِنِّي إِسّڒْمَاذنْ مَارَّا إِسْرَائِيل، إِنِّي ثُوغَا إِقدّْسنْ إِ سِيذِي: ”سَارْسمْ تَّابُوثْ إِقدّْسنْ ذِي ثَادَّارْثْ نِّي إِبْنَا سُولِيمَانْ، مِّيسْ ن ذَاوُوذْ، أَجدْجِيذْ ن إِسْرَائِيل. وَارْ ذ أَومْ إِتّْخصَّا [عَاذْ] أَذْ ثَارْبُومْ دّْقڒْ خْ ثْغَارْضِينْ نْومْ. سخَّارمْ ڒخُّو إِ سِيذِي، أَربِّي نْومْ، ؤُ إِ ڒْڭنْسْ نّسْ إِسْرَائِيل.
2CH 35:4 سْوجْذمْ إِخفْ نْومْ، [أَمْ ثتّْوَاستّْفمْ] عْلَاحْسَابْ ثُوذْرِينْ ن إِبَابَاثنْ نْومْ، عْلَاحْسَابْ ثِيرْبِيعِينْ نْومْ، أَمْ مَامّشْ ت يُورَا ذَاوُوذْ، أَجدْجِيذْ ن إِسْرَائِيل، ؤُ أَمْ مَامّشْ ت يُورَا مِّيسْ سُولِيمَانْ.
2CH 35:5 سْبدّمْ إِخفْ نْومْ ذِي زَّاوشْثْ إِقدّْسنْ، [أَمْ ثتّْوَاستّْفمْ كنِّيوْ] عْلَاحْسَابْ ثِيرْبِيعِينْ ن ڒَادْجَاثْ ن إِبَابَاثنْ، زَّاثْ إِ ثَاوْمَاثْ نْومْ، أَيْثْ ن ڒْڭنْسْ، [أَمْ ثتّْوَاستّْفمْ] عْلَاحْسَابْ أَستّفْ ن ڒَادْجَاثْ ن جّذْ ن إِلَاوِييّنْ.
2CH 35:6 غَارْصمْ إِ [ثْغَارْصْثْ ن] ؤُسعْذُو ؤُ سْقدّْسمْ إِخفْ نْومْ. سْوجْذمْ ت إِ أَيْثْمَاثْومْ، مَاحنْذْ أَذْ ڭّنْ عْلَاحْسَابْ أَوَاڒْ ن سِيذِي [إِ إِمّوْشنْ] س ثْسخَّارْثْ ن مُوسَا.“
2CH 35:7 إِوْشَا يُوشِييَا ؤُدْجِي، إِزْمَارنْ ذ إِمُويَانْ إِمژْيَاننْ إِ ثَارْوَا ن ڒْڭنْسْ. مَارَّا أَيَا ثُوغَا إِ [ثْغَارْصْثْ ن] ؤُسعْذُو إِ مَارَّا إِنِّي ذِينْ إِدْجَانْ. ثُوغَا ڒْقدّْ نْسنْ ثْڒَاثِينْ-أَڒفْ، ؤُ [خنِّي عَاوذْ] ثڒْثْ-أَڒَافْ ن إِفُونَاسنْ ذ ثْفُونَاسِينْ. مَارَّا أَيَا إِ د-يُوسِينْ زڭْ وَاڭْڒَا ن ؤُجدْجِيذْ.
2CH 35:8 وْشِينْ ڒْحُوكَّامْ نّسْ إِشْثْ ن ثوْهِيبْثْ ن ؤُسْڭعّذْ أَمْ ثوْهِيبْثْ س ڒْخَاضَارْ إِ ڒْڭنْسْ، إِ إِكهَّاننْ ؤُ إِ إِلَاوِييّنْ. حِيلْقِييَا، زَاكَارِييَّا ذ يَاحِييِيلْ، إِمحْضَاينْ ن ثَادَّارْثْ ن أَربِّي، وْشِينْ إِ إِكهَّاننْ إِ [ثْغَارْصَا ن] ؤُسعْذُو أَڒْفَاينْ ؤُ-ستَّا-مْيَا زڭْ وُودْجِي ؤُ [سنّجْ مَانْ أَيَا عَاذْ] ثڒْثْ-مْيَا ن إِفُونَاسنْ ذ ثْفُونَاسِينْ.
2CH 35:9 كُونَانْيَا، شَامْعِييَا ذ نَاثَانِييِيلْ، أَيْثْمَاسْ، ذ حَاشَابْيَا، يَاعِييِيلْ ذ يُوزَابَاذْ، إِمقّْرَاننْ ن إِلَاوِييّنْ، وْشِينْ إِ إِلَاوِييّنْ إِ [ثْغَارْصَا ن] ؤُسعْذُو خمْسَا-أَڒَافْ زڭْ وُودْجِي ؤُ [خنِّي] خمْسَا-مْيَا ن إِفُونَاسنْ ذ ثْفُونَاسِينْ.
2CH 35:10 [أَمُّو إِ] سّْوجْذنْ إِ ڒْخذْمثْ. إِكهَّاننْ ثُوغَا بدّنْ ذڭْ ومْشَانْ نْسنْ ؤُ إِلَاوِييّنْ ذِي ثرْبِيعِينْ نْسنْ، عْلَاحْسَابْ ڒُومُورْ ن ؤُجدْجِيذْ.
2CH 35:11 نِيثْنِي غَارْصنْ إِ [ثْغَارْصْثْ ن] ؤُسعْذُو ؤُشَا إِكهَّاننْ زدْجْعنْ إِذَامّنْ زڭْ إِفَاسّنْ نْسنْ، ؤُ كّْسنْ إِلَاوِييّنْ [زَّايْسنْثْ] إِڒْمَاونْ.
2CH 35:12 نِيثْنِي حُوزنْ [إِزِييْنَاثْ إِ] ثْغَارْصْثْ ن وشْمَاضْ حِيمَا أَذْ أَسنْ [ثنْثْ] وْشنْ، إِ ڒفْرُوعْ ن ڒَادْجَاثْ ن إِبَابَاثنْ، إِ وَارَّاونْ ن ڒْڭنْسْ، حِيمَا أَذْ ثنْثْ وهّْبنْ ذ ثَاغَارْصْثْ إِ سِيذِي، أَمْ مَامّشْ ثُورَا ذڭْ وذْلِيسْ ن مُوسَا ؤُشَا أَمُّو [إِ إِڭِّينْ] أَكْ-ذ إِفُونَاسنْ ذ ثْفُونَاسِينْ.
2CH 35:13 خنِّي شنْفنْ [ثَاغَارْصْثْ ن] ؤُسعْذُو ثِيوَا إِ ثْمسِّي أَمْ مَامّشْ ثدْجَا ذِي لْقَاعِيذَا. إِزِييْنَاثْ إِقدّْسنْ نّغْنِي شنْفنْ ثنْ ذِي مَارْمِيثَاثْ ذ إِطنْجِيرنْ ذ ثِيقْسِيڒِينْ ؤُشَا إِوْينْ [ثنْثْ] ذغْيَا غَارْ مَارَّا ڒْڭنْسْ.
2CH 35:14 أَوَارْنِي أَيَا سّْوجْذنْ ؤُڒَا إِ يِيخفْ نْسنْ ؤُ إِ إِكهَّاننْ، مَاغَارْ إِكهَّاننْ، أَرَّاونْ ن هَارُونْ، ثُوغَا ڒْهَانْ أَكْ-ذ ؤُوهّبْ ن ثْغَارْصَا ن وشْمَاضْ ذ ثَاذُونْثْ أَڒْ دْجِيڒثْ. [أَوَارْنِي أَيَا] سّْوجْذنْ إِلَاوِييّنْ إِ يِيخفْ نْسنْ ؤُ إِ إِكهَّاننْ، أَرَّاونْ ن هَارُونْ.
2CH 35:15 إِمذْيَازنْ، إِحنْجِيرنْ ن أَسَافْ، [ثُوغَا بدّنْ] ذڭْ ومْشَانْ نْسنْ، عْلَاحْسَابْ ڒُومُورْ ن ذَاوُوذْ، أَسَافْ، هَايْمَانْ ذ يَاذُوثُونْ، أَمْوَاڒَاوْ ن ؤُجدْجِيذْ، ؤُشَا إِعسَّاسنْ ن ثوُّورَا [بدّنْ] غَارْ كُوڒْ ثَاوَّارْثْ. ثُوغَا وَارْ إِتّْخصِّي أَذْ جّنْ ڒْخذْمثْ نْسنْ، مَاغَارْ أَيْثْمَاثْسنْ، إِلَاوِييّنْ، سّْوجْذنْ أَسنْ [ثَاغَارْصْثْ ن ؤُسعْذُو].
2CH 35:16 مَارَّا ثَاسخَّارْثْ ن سِيذِي ثعْذڒْ [مْلِيحْ] ذڭْ وَاسّْ نِّي إِ ؤُحطُّو [ن ڒْعِيذْ] ن [ثْغَارْصْثْ ن] ؤُسعْذُو ؤُ إِ ؤُوهّبْ ن ثْغَارْصَا ن وشْمَاضْ خْ ؤُعَالْطَارْ ن سِيذِي عْلَاحْسَابْ ڒُومُورْ ن ؤُجدْجِيذْ يُوشِييَا.
2CH 35:17 أَيْثْ ن إِسْرَائِيل، إِنِّي [ذِينْ] إِدْجَانْ، سّْوجْذنْ إِ [ثْغَارْصْثْ ن] ؤُسعْذُو ذڭْ وَاسّْ نِّي، ؤُ سبْعَا ن وُوسَّانْ [ڭِّينْ نِيثْنِي] ڒْعِيذْ ن وغْرُومْ بْڒَا أَنْثُونْ.
2CH 35:18 وَارْ ذِينْ ثُوغِي ذِي إِسْرَائِيل بُو [ڒْْعِيذْ ن ثْغَارْصْثْ ن] ؤُسعْذُو أَمْ وَا زڭْ وُوسَّانْ ن ؤُنَابِي شَامْوِيلْ. ؤُڒَا ذ إِجّنْ زڭْ إِجدْجِيذنْ ن إِسْرَائِيل وَارْ إِڭِّي [ڒْْعِيذْ ن ثْغَارْصْثْ ن] ؤُسعْذُو أَمْ مَامّشْ ث إِڭَّا يُوشِييَا أَكْ-ذ إِكهَّاننْ ذ إِلَاوِييّنْ ؤُ أَكْ-ذ مَارَّا يَاهُوذَا ذ إِسْرَائِيل، نِّي [ذِينْ] إِدْجَانْ، ؤُ أَكْ-ذ إِمزْذَاغْ ن ؤُرْشَالِيمْ.
2CH 35:19 ذڭْ ؤُسڭّْوَاسْ وِيسّْ ثْمنْطَاشْ ن ثْڭلْذَا ن يُوشِييَا إِتّْوَاڭّْ [ڒْْعِيذْ ن ثْغَارْصْثْ ن] ؤُسعْذُو وَانِيثَا.
2CH 35:20 أَوَارْنِي مَارَّا أَيَا، ؤُمِي إِكمّڒْ يُوشِييَا ثَادَّارْثْ، إِفّغْ-د نَاخُو، أَجدْجِيذْ ن مِيصْرَا، غَارْ لْفُورَاطْ حِيمَا أَذْ إِمّْنغْ أَكْ-ذ كَارْكَامِيشْ. ؤُشَا يُوشِييَا إِفّغْ-د إِ ؤُمْسَاڭَارْ أَكِيذسْ.
2CH 35:21 نَاخُو إِسّكّْ-د غَارسْ إِرقَّاسنْ، إِنَّا: ”مِينْ ذِينْ جَارْ أَيِي-د ذ شكْ، [أَ] أَجدْجِيذْ ن يَاهُوذَا؟ وَارْ إِدْجِي غَاركْ إِ د فّْغغْ أَسّْ-أَ، مَاشَا غَارْ إِشْثْ ن ثَادَّارْثْ [نّغْنِي] ثنِّي إِتّْمنْغَانْ أَكِيذِي. إِنَّا أَيِي أَربِّي إِتّْخصَّا أَيِي أَذْ قدْجْقغْ. س ؤُيَا حيّذْ خْ أَربِّي، ونِّي أَكِيذِي إِدْجَانْ، نِيغْ أَذْ شكْ يَاردّدْجْ.“
2CH 35:22 [مَاشَا] يُوشِييَا وَارْ إِسّْنقْڒبْ أَغمْبُوبْ نّسْ زَّايسْ، مَاشَا إِڭَّا إِخفْ نّسْ وَارْ إِدْجِي ذ نتَّا حِيمَا أَكِيذسْ إِمّْنغْ، ؤُ نتَّا وَارْ إِسْڒِي غَارْ وَاوَاڒنْ ن نَاخُو [إِنِّي د يُوسِينْ] زڭْ ؤُقمُّومْ ن أَربِّي، مَاشَا يُوسَا-د غَارْ ؤُمنْغِي ذِي ثغْزُورْثْ ن مَاجِيدُّو.
2CH 35:23 مَاشَا إِمْجبَّاذنْ نْ ڒْقوْسْ ڒقْفنْ أَجدْجِيذْ يُوشِييَا. [خنِّي] إِنَّا ؤُجدْجِيذْ إِ إِمْسخَّارنْ نّسْ: ”نذْهمْ أَيِي سّنِّي، مَاغَارْ يزْمغْ أَطَّاسْ!“
2CH 35:24 إِمْسخَّارنْ نّسْ كْسِينْ ث ذڭْ ؤُكَارُّو ؤُشَا نذْهنْ ث ذڭْ إِجّْ ن ؤُكَارُّو نّغْنِي نِّي غَارسْ إِدْجَا، ؤُشَا إِوْينْ ث غَارْ ؤُرْشَالِيمْ. إِمُّوثْ [ذِينِّي] ؤُشَا نضْڒنْ ث ذڭْ إِمضْڒَانْ ن ڒجْذُوذْ نّسْ. مَارَّا يَاهُوذَا ذ ؤُرْشَالِيمْ شضْننْ خْ يُوشِييَا.
2CH 35:25 إِڭَّا إِرْمِييَا إِشْثْ ن يزْڒِي ن وشْضَانْ خْ يُوشِييَا. أَڒْ أَسّْ-أَ مَارَّا إِمذْيَازنْ ذ ثْمذْيَازِينْ سَّاوَاڒنْ خْ يُوشِييَا ذڭْ إِزْڒَانْ نْسنْ ن وشْضَانْ، مِينْزِي نِيثْنِي ڭِّينْ ت ذ إِشْثْ ن ثوْصيّثْ ذِي إِسْرَائِيل. خْزَارْ، أَقَا-ثنْ تّْوَازمّمنْ ذڭْ إِزْڒَانْ س إِڭجْذُورنْ.
2CH 35:26 إِمزْرُوينْ إِ إِقِّيمنْ ن يُوشِييَا ذ ثْمخْسِيوْثْ نّسْ إِشوَّارنْ عْلَاحْسَابْ مِينْ يُورِينْ ذِي شَّارِيعَا ن سِيذِي،
2CH 35:27 [وَاهْ،] إِمزْرُوينْ نّسْ، إِمزْوُورَا ذ إِنڭُّورَا، أَقَا تّْوَازمّمنْ ذڭْ وذْلِيسْ ن إِجدْجِيذنْ ن إِسْرَائِيل ذ يَاهُوذَا.
2CH 36:1 كْسِينْ ڒْڭنْسْ ن ثمُّورْثْ يَاهُويَاحَازْ، مِّيسْ ن يُوشِييَا، ؤُشَا ڭِّينْ ث ذ أَجدْجِيذْ ذِي ؤُرْشَالِيمْ ذڭْ ومْشَانْ ن بَابَاسْ.
2CH 36:2 يَاهُويَاحَازْ [ثُوغَا] غَارسْ ثْڒَاثَا ؤُ-عِيشْرِينْ ن إِسڭّْوُوسَا، ؤُمِي إِذْوڒْ ذ أَجدْجِيذْ. نتَّا إِحْكمْ ثْڒَاثَا ن إِيُورنْ ذِي ؤُرْشَالِيمْ.
2CH 36:3 أَجدْجِيذْ ن مِيصْرَا إِكّسْ إِ-ث [ذ أَجدْجِيذْ] زِي ؤُرْشَالِيمْ ؤُشَا إِڭَّا إِ ثمُّورْثْ إِجّْ ن مُولْثَا ن مْيَا ثَالِينْثْ ن نُّوقَارْثْ ذ إِشْثْ ن ثَالِينْثْ ن وُورغْ.
2CH 36:4 أَجدْجِيذْ ن مِيصْرَا إِڭَّا ؤُمَاسْ أَلْيَاقِيمْ ذ أَجدْجِيذْ خْ يَاهُوذَا ذ ؤُرْشَالِيمْ. نتَّا إِبدّڒْ إِسمْ نّسْ غَارْ يَاهُويَاقِيمْ. [مَاشَا] ؤُمَاسْ يَاهُويَاحَازْ إِطّفْ إِ-ث نَاخُو ؤُشَا يِيوْيِي إِ-ث غَارْ مِيصْرَا.
2CH 36:5 يَاهُويَاقِيمْ [ثُوغَا] غَارسْ خمْسَا ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ حِيطَاشْ ن إِسڭّْوُوسَا ذِي ؤُرْشَالِيمْ. نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، أَربِّي نّسْ.
2CH 36:6 نابُوخَاذْنَاصَّارْ، أَجدْجِيذْ ن بَابِيلْ، إِفّغْ [إِ ؤُمنْغِي] أَكِيذسْ ؤُشَا إِشَارْفْ إِ-ث س ثْنَاينْ ن سّْنَاسڒْ ن نُّوقَارْثْ، حِيمَا أَذْ ث يَاوِي غَارْ بَابِيلْ.
2CH 36:7 يِيوِي نابُوخَاذْنَاصَّارْ ؤُڒَا ذ [إِجّْ ن وزْينْ] ن ڒقْشُوعْ زِي ثَادَّارْثْ ن سِيذِي غَارْ بَابِيلْ ؤُشَا إِسَّارْسْ إِ-ثنْ ذِي زَّاوشْثْ نّسْ ذِي بَابِيلْ.
2CH 36:8 إِمزْرُوينْ إِقِّيمنْ ن يَاهُويَاقِيمْ ذ جّْعَايفْ إِ إِڭَّا ؤُ مِينْ إِتّْوَافنْ ضِيدّْ نّسْ، خْزَارْ، [مَارَّا] أَيَا إِتّْوَازمّمْ ذڭْ وذْلِيسْ ن إِجدْجِيذنْ ن إِسْرَائِيل ذ يَاهُوذَا. مِّيسْ يَاهُويَاكِينْ إِذْوڒْ ذ أَجدْجِيذْ ذڭْ ومْشَانْ نّسْ.
2CH 36:9 يَاهُويَاكِينْ [ثُوغَا] غَارسْ ثْمنْطَاشْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ ثْڒَاثَا ن إِيُورنْ ذعشْرَا ن وُوسَّانْ ذِي ؤُرْشَالِيمْ. نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي.
2CH 36:10 غَارْ ؤُبدّڒْ ن ؤُسڭّْوَاسْ إِجَّا ؤُجدْجِيذْ نابُوخَاذْنَاصَّارْ أَذْ ث يَاوِي غَارْ بَابِيلْ س ڒقْشُوعْ إِغْڒَانْ زِي ثَادَّارْثْ ن سِيذِي. نتَّا إِڭَّا ؤُمَاسْ صِيذْقِييَا ذ أَجدْجِيذْ خْ يَاهُوذَا ذ ؤُرْشَالِيمْ.
2CH 36:11 صِيذْقِييَا ثُوغَا غَارسْ وَاحِيثْ ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ حِيطَاشْ ن إِسڭّْوُوسَا ذِي ؤُرْشَالِيمْ.
2CH 36:12 إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، أَربِّي نّسْ، وَارْ إِسّْوَاضعْ إِخفْ نّسْ زَّاثْ إِ وُوذمْ ن ؤُنَابِي إِرْمِييَا [ونِّي إِسِّيوْڒنْ] خْ ڒُومُورْ ن سِيذِي.
2CH 36:13 ؤُڒَا ذ نتَّا إِغوّغْ خْ ؤُجدْجِيذْ نابُوخَاذْنَاصَّارْ، ونِّي ث إِجِّينْ أَذْ إِجَّادْجْ غَارْ أَربِّي. نتَّا إِسّمْحضْ إِرِي نّسْ ؤُشَا إِسّقْسحْ ؤُڒْ نّسْ مَاحنْذْ وَارْ د-إِذِّيكّْوِيڒْ غَارْ سِيذِي، أَربِّي ن إِسْرَائِيل.
2CH 36:14 ؤُ مَارَّا إِمقّْرَاننْ ن إِكهَّاننْ ؤُڒَا ذ ڒْڭنْسْ رُوحنْ، أَڭّْوجنْ أَطَّاسْ ذِي ڒغْذَارْ نْسنْ، [ڭِّينْ] أَمْ مَامّشْ مَارَّا جّْعَايفْ ن ڒڭْنُوسْ. نِيثْنِي سّْخمْجنْ ثَادَّارْثْ ن سِيذِي ثنِّي ثُوغَا إِسّْقدّسْ ذِي ؤُرْشَالِيمْ.
2CH 36:15 سِيذِي، أَربِّي ن ڒجْذُوذْ نْسنْ إِسّكّْ-د غَارْسنْ [إِنهَّارنْ] س ؤُفُوسْ ن إِرقَّاسنْ نّسْ، ڒخُّو نِيغْ ڒخْمِينْ، مَاغَارْ نتَّا ثُوغَا إِزِّيدْجِيزْ أَسْ ڒْڭنْسْ نّسْ ذ ثْزذِّيغْثْ نّسْ.
2CH 36:16 مَاشَا نِيثْنِي سْثهْزَانْ زڭْ إِرقَّاسنْ ن أَربِّي ؤُ سّحْقَارنْ أَوَاڒنْ نّسْ. نِيثْنِي ڭِّينْ ثَاضْصَا خْ إِنَابِييّنْ نّسْ، أَڒَامِي إِسْعَارْ سِيذِي خْ ڒْڭنْسْ نّسْ ؤُ وَارْ إِقِّيمْ عَاذْ ؤُسْڭنْفُو.
2CH 36:17 نتَّا إِڭَّا أَجدْجِيذْ ن إِكَالْذَانِييّنْ أَذْ غَارْسنْ د-إِفّغْ، ونِّي إِنْغِينْ إِحُوذْرِييّنْ نْسنْ س سِّيفْ ذِي ثَادَّارْثْ ن زَّاوشْثْ نْسنْ إِقدّْسنْ. نتَّا وَارْ إِسّْعِيزّْ خْ إِحُوذْرِييّنْ نِيغْ خْ ثعْزَارِييِّينْ ؤُڒَا خْ إِوسُّورَا ذ إِمشَّايْبُوثنْ. أَربِّي إِوْشَا إِ-ثنْ مَارَّا ذڭْ ؤُفُوسْ نّسْ.
2CH 36:18 مَارَّا ڒقْشُوعْ ن ثَادَّارْثْ ن أَربِّي، [ڒقْشُوعْ] إِمقّْرَاننْ ذ إِمژْيَاننْ، ؤُڒَا ذ ثْخُوبَايْ ن ثَادَّارْثْ ن سِيذِي ذ ثْخُوبَايْ ن ؤُجدْجِيذْ ذ ڒْحُوكَّامْ نّسْ، أَقَا مَارَّا أَيَا يِيوْيِي إِ-ث غَارْ بَابِيلْ.
2CH 36:19 نِيثْنِي سّْشمْضنْ ثَادَّارْثْ ن أَربِّي، هذْمنْ ڒْحِيضْ ن ؤُرْشَالِيمْ ؤُشَا قّْذنْ مَارَّا ڒقْصُورْ نّسْ س ثْمسِّي ؤُ أَردّْدْجنْ مَارَّا ڒقْشُوعْ إِغْڒَانْ أَطَّاسْ زَّايسْ.
2CH 36:20 وِي إِقِّيمنْ زِي سِّيفْ إِنْذهْ إِ-ثنْ غَارْ لْمنْفَا غَارْ بَابِيلْ، ؤُشَا ذوْڒنْ نِيثْنِي ذ إِمْسخَّارنْ إِ نتَّا ؤُ إِ إِحنْجِيرنْ نّسْ أَڒْ ڒحْكَامثْ ن ثْڭلْذِيثْ ن لْفُورْسْ،
2CH 36:21 - حِيمَا أَذْ إِتّْوَاسّقْفڒْ وَاوَاڒْ ن سِيذِي [إِ إِسِّيوڒْ] س ؤُقمُّومْ ن إِرْمِييَا - أَڒَامِي ثكْسِي ثَامُّورْثْ [إِسڭّْوُوسَا نّسْ] ن سّبْثْ. مَارَّا ؤُسَّانْ ن وَاردّدْجْ ثُوغَا ثَامُّورْثْ ثَاريّحْ، أَڒَامِي كمّْڒنْ سبْعِينْ ن إِسڭّْوُوسَا.
2CH 36:22 [مَاشَا] ذڭْ ؤُسڭّْوَاسْ أَمزْوَارُو ن ؤُجدْجِيذْ كُورَاشْ، أَجدْجِيذْ ن لْفُورْسْ - حِيمَا أَذْ إِتّْوَاكمّڒْ وَاوَاڒْ ن سِيذِي س ؤُقمُّومْ ن إِرْمِييَا - إِسّكَّارْ-د سِيذِي بُوحْبڒْ ن كُورَاشْ، أَجدْجِيذْ ن لْفُورْسْ، ؤُشَا إِجَّا وَانِيثَا أَذْ د-إِفّغْ إِجّْ ن ؤُبَارّحْ ذِي مَارَّا ثَاڭلْذِيثْ نّسْ، ؤُڒَا ذِي ثِيرَا، مَاحنْذْ أَذْ يِينِي:
2CH 36:23 ”أَمُّو إِ إِقَّارْ كُورَاشْ، أَجدْجِيذْ ن لْفُورْسْ: ’سِيذِي، أَربِّي ن إِجنْوَانْ، إِوْشَا أَيِي مَارَّا ثِيڭلْذِيوِينْ ن ثمُّورْثْ ؤُشَا نتَّا إِڭَّا خَافِي أَذْ بْنِيغْ إِشْثْ ن ثَادَّارْثْ إِ نتَّا ذِي ؤُرْشَالِيمْ ذِي يَاهُوذَا. أجّْ أَذْ إِڭعّذْ قَاعْ مَانْ ونْ زَّايْومْ زِي مَارَّا ڒْڭنْسْ نّسْ! أَذْ يِيڒِي سِيذِي، أَربِّي نّسْ، أَكِيذسْ!‘ “
EZR 1:1 ذڭْ ؤُسڭّْوَاسْ أَمزْوَارُو ن ؤُجدْجِيذْ كُورَاشْ ن لْفُورْسْ، حِيمَا أَذْ إِتّْوَاكمّڒْ وَاوَاڒْ ن سِيذِي زڭْ ؤُقمُّومْ ن إِرْمِييَا، إِسّكَّارْ سِيذِي بُوحْبڒْ ن كُورَاشْ أَجدْجِيذْ ن لْفُورْسْ مَاحنْذْ أَذْ إِتّْوَابَارّحْ ذِي مَارَّا ثَاڭلْذِيثْ نّسْ س ؤُقمُّومْ ذ ثِيرَا:
EZR 1:2 ”أَمُّو إِ إِقَّارْ كُورَاشْ، أَجدْجِيذْ ن لْفُورْسْ: ’سِيذِي، أَربِّي ن إِجنْوَانْ، إِوْشَا أَيِي مَارَّا ثِيڭلْذِيوِينْ ن ثمُّورْثْ ؤُشَا نتَّا إِڭَّا خَافِي، أَذْ أَسْ بْنِيغْ إِشْثْ ن ثَادَّارْثْ ذِي ؤُرْشَالِيمْ، ثنِّي [إِدْجَانْ] ذِي يَاهُوذَا.
EZR 1:3 مَانْ ونْ زَّايْومْ زِي ڒْڭنْسْ نّسْ، أَذْ يِيڒِي أَربِّي أَكِيذسْ، أجّْ إِ-ث أَذْ إِڭعّذْ غَارْ ؤُرْشَالِيمْ، ثنِّي [إِدْجَانْ] ذِي يَاهُوذَا، أَذْ إِبْنَا ثَادَّارْثْ ن سِيذِي، أَربِّي ن إِسْرَائِيل. أَقَا-ث ذ أَربِّي ونِّي [إِزدّْغنْ] ذِي ؤُرْشَالِيمْ.
EZR 1:4 قَاعْ ونِّي إِقِّيمنْ عَاذْ ذِي [شَا ن ومْشَانْ] ن مَارَّا إِمُوشَانْ مَانِي إِزدّغْ ذ أَبَارَّانِي، أَذْ كَّارنْ إِرْيَازنْ ن ومْشَانْ نّسْ أَذْ أَسْ وْشنْ أَفُوسْ س نُّوقَارْثْ ذ وُورغْ، س وَاڭْڒَا ذ ڒْمَاڒْ، [ؤُ مَانْ أَيَا] سنّجْ إِ ثوْهِيبْثْ إِمّوْشنْ س ڒْخَاضَارْ إِ ثَادَّارْثْ ن أَربّْ ذِي ؤُرْشَالِيمْ.‘ “
EZR 1:5 [خنِّي] كَّارنْ إِزدْجِيفنْ خْ إِبَابَاثنْ [ن ڒَادْجَاثْ] ن يَاهُوذَا ذ بِينْيَامِينْ ؤُڒَا ذ إِكهَّاننْ ذ إِلَاوِييّنْ ؤُ مَارَّا إِنِّي ؤُمِي إِسّْفَاقْ أَربِّي بُوحْبڒْ، مَاحنْذْ أَذْ ڭعّْذنْ حِيمَا أَذْ بْنَانْ ثَادَّارْثْ ن سِيذِي ونِّي [إِزدّْغنْ] ذِي ؤُرْشَالِيمْ.
EZR 1:6 مَارَّا إِنِّي ذ أَسنْ د-إِنّْضنْ وْشِينْ أَسنْ أَفُوسْ س ڒقْشُوعْ ن نُّوقَارْثْ، س وُورغْ، س وَاڭْڒَا، س ڒْمَاڒْ ؤُ س ڒقْشُوعْ إِغْڒَانْ، بْڒَا مِينْ إِمّوْشنْ س ڒْخَاضَارْ.
EZR 1:7 أَجدْجِيذْ كُورَاشْ إِسُّوفّغْ ڒقْشُوعْ ن ثَادَّارْثْ ن سِيذِي، ثِينِّي ثُوغَا إِكْسِي نابُوخَاذْنَاصَّارْ زِي ؤُرْشَالِيمْ ؤُشَا إِڭَّا إِ-ثنْثْ ذِي ثَادَّارْثْ ن أَربِّي نّسْ.
EZR 1:8 كُورَاشْ، أَجدْجِيذْ ن لْفُورْسْ، إِسُّوفّغْ إِ-ثنْثْ غَارْ بَارَّا س ؤُفُوسْ ن مِيثْرَاذَاثْ، بَابْ ن ثْخُوبَايْ، ونِّي ثنْثْ إِوْشِينْ س ڒحْسَابْ إِ شِيشْبَاصَّارْ، ڒْحَاكمْ ن يَاهُوذَا.
EZR 1:9 وَا ثُوغَا ذ ڒْقدّْ نْسنْ: ثْڒَاثِينْ ن طّْبَاصَا ن وُورغْ، أَڒفْ ن طّْبَاصَا ن نُّوقَارْثْ، ثسْعَا ؤُ-عِيشْرِينْ ن ڒمْوَاسْ،
EZR 1:10 ثْڒَاثِينْ ن إِفنْجَاڒنْ ن وُورغْ، أَربْعَا-مْيَا ؤُ -عشْرَا ن إِفنْجَاڒنْ إِنّغْنِي ن نُّوقَارْثْ ذ وَاڒفْ ن ڒقْشُوعْ نّغْنِيثْ.
EZR 1:11 مَارَّا ڒقْشُوعْ ن وُورغْ ذ نُّوقَارْثْ ثُوغَا إِوْضنْ خمْسَا-أَڒَافْ ؤُ-أَربْعَا-مْيَا. مَارَّا أَيَا يِيوْيِي ث شِيشْبَاصَّارْ أَكِيذسْ، [جْمِيعْ] أَكْ-ذ أَيْثْ ن لْمنْفَا إِنِّي إِتّْوَانذْهنْ زِي بَابِيلْ غَارْ ؤُرْشَالِيمْ.
EZR 2:1 إِنَا ذ أَيْثْ ن لْعَامَالَا نِّي د-إِڭعّْذنْ زِي ثْمحْبَاسْثْ - إِمنْفِييّنْ نِّي د-إِوْيِي نابُوخَاذْنَاصَّارْ، أَجدْجِيذْ ن بَابِيلْ، ذِي لْمنْفَا غَارْ بَابِيلْ - ؤُشَاعقْبنْ غَارْ ؤُرْشَالِيمْ ذ يَاهُوذَا، كُوڒْ إِجّْ غَارْ ثنْذِينْثْ نّسْ،
EZR 2:2 [ؤُشَا] ؤُسِينْ-د أَكْ-ذ زَارُوبَّابِيلْ، يَاهُوشَاعْ، نَاهَامْيَا، سَارَايَا، رَاعْلَايَا، مُورْذَاخَا إِ، بِيلْشَانْ، مِيسْفَارْ، بِيغْوَايْ، رَاحُومْ ذ بَاعْنَا. وَا ذ ڒْقدّْ ن يرْيَازنْ ن ڒْڭنْسْ ن إِسْرَائِيل.
EZR 2:3 أَيْثْ ن نْ فَارْعُوشْ، أَڒْفَاينْ ؤُ-مْيَا ؤُ-ثْنَاينْ ؤُ-سبْعِينْ [ن يرْيَازنْ].
EZR 2:4 أَيْثْ ن شَافَاطْيَا، ثڒْثْ-مْيَا ؤُ-ثْنَاينْ ؤُ-سبْعِينْ [ن يرْيَازنْ].
EZR 2:5 أَيْثْ ن أَرَاحْ، سبْعَا-مْيَا ؤُ-خمْسَا ؤُ-سبْعِينْ [ن يرْيَازنْ].
EZR 2:6 إِحنْجِيرنْ ن فَاهَاثْ-مُوآبَ، زڭْ إِحنْجِيرنْ ن يشُوعَا [ذ] يُو‘أَبْ، أَڒْفَاينْ ؤُ ثمْنمْ-مْيَا ؤُ-ثنْعَاشْ [ن يرْيَازنْ].
EZR 2:7 أَيْثْ ن عِيلَامْ، أَڒفْ ؤُ-مِيثَايْنْ ؤُ-أَربْعَا ؤُ-خمْسِينْ [ن يرْيَازنْ].
EZR 2:8 أَيْثْ ن زَاتُّو، ثسْعَا-مْيَا ؤُ-خمْسَا ؤُ-ربْعِينْ [ن يرْيَازنْ].
EZR 2:9 أَيْثْ ن زَاكَّايْ، سبْعَا-مْيَا ؤُ-ستِّينْ [ن يرْيَازنْ].
EZR 2:10 أَيْثْ ن بَانِي، ستَّا-مْيَا ؤُ-ثْنَاينْ ؤُ-ربْعِينْ [ن يرْيَازنْ].
EZR 2:11 أَيْثْ ن بَابَايْ، ستَّا-مْيَا ؤُ-ثْڒَاثَا ؤُ-عِيشْرِينْ [ن يرْيَازنْ].
EZR 2:12 أَيْثْ ن عَارْجَاذْ، أَڒفْ ؤُ-مِيثَايْنْ ؤُ-ثْنَاينْ ؤُ-عِيشْرِينْ [ن يرْيَازنْ].
EZR 2:13 أَيْثْ ن أَذُونِيقَامْ، ستَّا-مْيَا ؤُ-ستَّا ؤُ-ستِّينْ [ن يرْيَازنْ].
EZR 2:14 أَيْثْ ن بِيغْوَايْ، أَڒْفَاينْ ؤُ-ستَّا ؤُ-خمْسِينْ [ن يرْيَازنْ].
EZR 2:15 أَيْثْ ن عَاذِينْ، أَربْعَا-مْيَا ؤُ-أَربْعَا ؤُ-خمْسِينْ [ن يرْيَازنْ].
EZR 2:16 أَيْثْ ن أَطِيرْ، زِي حِيزْقِييَا، ثْمنْيَا ؤُ-ثسْعِينْ [ن يرْيَازنْ].
EZR 2:17 أَيْثْ ن بِيصَايْ، ثڒْثْ-مْيَا ؤُ-ثْڒَاثَا ؤُ-عِيشْرِينْ [ن يرْيَازنْ].
EZR 2:18 أَيْثْ ن يُورَا، مْيَا ؤُ-ثنْعَاشْ [ن يرْيَازنْ].
EZR 2:19 أَيْثْ ن حَاشُومْ، مِيثَاينْ ؤُ-ثْڒَاثَا ؤُ-عِيشْرِينْ [ن يرْيَازنْ].
EZR 2:20 أَيْثْ ن جِيبَّارْ، خمْسَا ؤُ-ثسْعِينْ [ن يرْيَازنْ].
EZR 2:21 أَيْثْ ن بَايْثْ-لَاحْمْ، مْيَا ؤُ-ثْڒَاثَا ؤُ-عِيشْرِينْ [ن يرْيَازنْ].
EZR 2:22 إِرْيَازنْ نِي نَاطُوفَا، ستَّا ؤُ-خمْسِينْ [ن يرْيَازنْ].
EZR 2:23 إِرْيَازنْ ن عَانَاثُوثْ، مْيَا ؤُ-ثْمنْيَا ؤُ-عِيشْرِينْ [ن يرْيَازنْ].
EZR 2:24 أَرَّاونْ ن عَازْمَاوثْ، ثْنَاينْ ؤُ-ربْعِينْ [ن يرْيَازنْ].
EZR 2:25 أَيْثْ ن قَارْيَاثْ-عَارِيمْ، كَافِيرَا ذ بِيعْرُوثْ، سبْعَا-مْيَا ؤُ-ثْڒَاثَا ؤُ-ربْعِينْ [ن يرْيَازنْ].
EZR 2:26 أَيْثْ ن رَامَا ذ جَابَاعْ، ستَّا-مْيَا ؤُ-وَاحذْ ؤُ-عِيشْرِينْ [ن يرْيَازنْ].
EZR 2:27 إِرْيَازنْ ن مِيخْمَاسْ، مْيَا ؤُ-ثْنَاينْ ؤُ-عِيشْرِينْ [ن يرْيَازنْ].
EZR 2:28 إِرْيَازنْ ن بَايْثْ-إِلْ ذ عَايْ، مِيثَاينْ ؤُ-ثْڒَاثَا ؤُ-عِيشْرِينْ [ن يرْيَازنْ].
EZR 2:29 أَيْثْ ن نابُو، ثْنَاينْ ؤُ-خمْسِينْ [ن يرْيَازنْ].
EZR 2:30 أَيْثْ ن مَاغْبِيشْ، مْيَا ؤُ-ستَّا ؤُ-خمْسِينْ [ن يرْيَازنْ].
EZR 2:31 أَيْثْ ن [إِجّْ ن] عِيلَامْ نّغْنِي، أَڒفْ ؤُ-مِيثَايْنْ ؤُ-أَربْعَا ؤُ-خمْسِينْ [ن يرْيَازنْ].
EZR 2:32 أَيْثْ ن حَارِيمْ، ثڒْثْ-مْيَا ؤُ-عِيشْرِينْ [ن يرْيَازنْ].
EZR 2:33 أَيْثْ ن لُوذْ، حَاذِيذْ ذ ؤُنُو، سبْعَا-مْيَا ؤُ-خمْسَا ؤُ-عِيشْرِينْ [ن يرْيَازنْ].
EZR 2:34 أَيْثْ ن أَرِيحَا، ثڒْثْ-مْيَا ؤُ-خمْسَا ؤُ-ربْعِينْ [ن يرْيَازنْ].
EZR 2:35 أَيْثْ ن سَانَائا، ثڒْثْ-أَڒَافْ ؤُ-ستَّا-مْيَا ؤُ-ثْڒَاثِينْ [ن يرْيَازنْ].
EZR 2:36 إِكهَّاننْ. أَيْثْ ن يَاذَاعْيَا، زِي ثَادَّارْثْ ن يشُوعَا، ثسْعَا-مْيَا ؤُ-ثْڒَاثَا ؤُ-سبْعِينْ [ن يرْيَازنْ].
EZR 2:37 أَيْثْ ن إِمِّيرْ، أَڒفْ ؤُ-ثْنَاينْ ؤُ-خمْسِينْ [ن يرْيَازنْ].
EZR 2:38 أَيْثْ ن فَاشْحُورْ، أَڒفْ ؤُ-مِيثَايْنْ ؤُ-سبْعَا ؤُ-ربْعِينْ [ن يرْيَازنْ].
EZR 2:39 أَيْثْ ن حَارِيمْ، أَڒفْ ؤُ-سْبعْطَاشْ [ن يرْيَازنْ].
EZR 2:40 إِلَاوِييّنْ. أَيْثْ ن يشُوعَا، أَيْثْ ن قَاذْمِييِيلْ، زڭْ أَيْثْ ن هُوذَاوْيَا، أَربْعَا ؤُ-سبْعِينْ [ن يرْيَازنْ].
EZR 2:41 إِمذْيَازنْ. أَيْثْ ن أَسَافْ، مْيَا ؤُ-ثْمنْيَا ؤُ-عِيشْرِينْ [ن يرْيَازنْ].
EZR 2:42 أَيْثْ ن إِعسَّاسنْ ن ثوُّورَا. أَيْثْ ن شَالُّومْ، أَيْثْ ن أَطِيرْ، أَيْثْ ن طَالْمُونْ، أَيْثْ ن عَاقُّوبْ، أَيْثْ ن حَاطِيطَا، أَيْثْ ن شُوبَايْ، أَقَا أَثنْ [جْمِيعْ] مْيَا ؤُ-ثسْعَا ؤُ-ثْڒَاثِينْ [ن يرْيَازنْ].
EZR 2:43 إِمْسخَّارنْ ن زَّاوشْثْ ثَامقّْرَانْثْ. أَيْثْ ن صِيحَا، أَيْثْ ن حَاسُوفَا، أَيْثْ ن طَابَاعُوثْ،
EZR 2:44 أَيْثْ ن قِيرُوشْ، أَيْثْ ن سِيعَاهَا، أَيْثْ ن فَاذُونْ،
EZR 2:45 أَيْثْ ن لَابَانَا، أَيْثْ ن حَاجَابَا، أَيْثْ ن عَاقُّوبْ،
EZR 2:46 أَيْثْ ن حَاجَابْ، أَيْثْ ن شَامْلَايْ، أَيْثْ ن حَانَانْ،
EZR 2:47 أَيْثْ ن جَاذِيلْ، أَيْثْ ن حَاجَارْ، أَيْثْ ن رَآيَا،
EZR 2:48 أَيْثْ ن رَاصِينْ، أَيْثْ ن نَاقُّوذَا، أَيْثْ ن جَازَّامْ،
EZR 2:49 أَيْثْ ن عُوزَّا، أَيْثْ ن فَاسِيحْ، أَيْثْ ن بِيسَايْ،
EZR 2:50 أَيْثْ ن أَسْنَا، أَيْثْ ن مَاعُونِيمْ، أَيْثْ ن نَافُوسِيمْ،
EZR 2:51 أَيْثْ ن بَاقْبُوقْ، أَيْثْ ن حَاقُوفَا، أَيْثْ ن حَارْحُورْ،
EZR 2:52 أَيْثْ ن بَاصْلُوثْ، أَيْثْ ن مَاحِيذَا، أَيْثْ ن حَارْشَا،
EZR 2:53 أَيْثْ ن بَارْقُوسْ، أَيْثْ ن سِيسَارَا، أَيْثْ ن ثَامَاحْ،
EZR 2:54 أَيْثْ ن نَاسِيحْ، أَيْثْ ن حَاطِيفَا.
EZR 2:55 أَيْثْ ن إِمْسخَّارنْ ن سُولِيمَانْ. أَيْثْ ن سُوطَايْ، أَيْثْ ن سُوفَارَاثْ، أَيْثْ ن فَارُوذَا،
EZR 2:56 أَيْثْ ن يَاعَالَا، أَيْثْ ن ذَارْقُونْ، أَيْثْ ن جِيذِّيلْ،
EZR 2:57 أَيْثْ ن شَافَاطْيَا، أَيْثْ ن حَاطِّيلْ، أَيْثْ ن فُوخَارَاثْ-هَا-ضَابَايِيمْ ذ أَيْثْ ن أَمِي.
EZR 2:58 مَارَّا إِمْسخَّارنْ ن زَّاوشْثْ ثَامقّْرَانْثْ ذ إِحنْجِيرنْ ن إِمْسخَّارنْ ن سُولِيمَانْ، أَقَا أَثنْ [جْمِيعْ] ثڒْثْ-مْيَا ؤُ-ثْنَاينْ ؤُ-ثسْعِينْ [ن يرْيَازنْ].
EZR 2:59 إِنَا ذ إِنِّي د-إِڭعّْذنْ زِي ثَالْ-مِيلَاحْ، ثَالْ-حَارْشَا، كَارُوبْ، أَدَّانْ ذ إِمِّيرْ، [مَاشَا] وَارْ زمَّارنْ أَذْ سّشْننْ زِي جِّيهثْ ن ثَادَّارْثْ ن ڒجْذُوذْ نْسنْ نِيغْ زِي جِّيهثْ ن زَّارِيعثْ نْسنْ، أَقَا نِيثْنِي [قَارْسنْ-د] زِي إِسْرَائِيل:
EZR 2:60 أَيْثْ ن ذَالَاجَا، أَيْثْ ن طُوبِييَّا، أَيْثْ ن نَاقُوذَا، ستَّا-مْيَا ؤُ-ثْنَاينْ ؤُ-خمْسِينْ [ن يرْيَازنْ].
EZR 2:61 ؤُشَا زڭْ أَيْثْ ن إِكهَّاننْ: أَيْثْ ن حَابَايَا، أَيْثْ ن هَاقُّوصْ، أَيْثْ ن بَارْزِيلَّايْ، [أَقَا زَّايْسنْ إِنِّي] إِوْينْ إِشْثْ ن ثمْغَارْثْ زِي يسِّيسْ ن ؤُجِيلْعَاذِي بَارْزِيلَّايْ ؤُ تّْوَاڒَاغَانْ س يِيسمْ نّسْ.
EZR 2:62 نِيثْنِي أَرْزُونْ خْ ثوْرِيقْثْ ن ؤُزمّمْ نْسنْ [ذڭْ وذْلِيسْ ن ثَاصِيڒثْ]، مَاشَا وَارْ ت ؤُفِينْ. س ؤُينِّي تّْوَاسُّوفّْغنْ نِيثْنِي زِي ثُوكهَّانْثْ.
EZR 2:63 لْوَالِي أَمقّْرَانْ إِنَّا أَسنْ، وَارْ تّتّنْ زِي ثْمسْڒَايِينْ إِقدّْسنْ قَاعْ أَڒْ غَا إِكَّارْ إِجّْ ن ؤُكهَّانْ أَكْ-ذ ؤُرِيمْ ذ ثُومِّيمْ.
EZR 2:64 مَارَّا أَڭْرَاوْ [ن ڒْڭنْسْ] [ثُوغَا ذِي] ثْنَاينْ ؤُ-ربْعِينْ-أَڒفْ ؤُ-ثڒْثْ-مْيَا ؤُ-ستِّينْ [ن يرْيَازنْ]،
EZR 2:65 نْهْڒَا إِسمْغَانْ ذ ثِييَّا نْسنْ. إِنَا ثُوغَا أَثنْ مَارَّا سبْعَا-أَڒَافْ ؤُ-ثڒْثْ-مْيَا ؤُ-سبْعَا ؤُ-ثْڒَاثِينْ ؤُشَا غَارْسنْ مِيثَاينْ ن إِمذْيَازنْ ذ ثْمذْيَازِينْ.
EZR 2:66 إِيْسَانْ نْسنْ [ثُوغَا أَثنْ ذِي] سبْعَا-مْيَا ؤُ-ستَّا ؤُ-ثْڒَاثِينْ، ؤُ إِسَارْذَانْ نْسنْ [ثُوغَا أَثنْ ذِي] مِيثَاينْ ؤُ-خمْسَا ؤُ-ربْعِينْ.
EZR 2:67 إِڒغْمَانْ نْسنْ [ثُوغَا أَثنْ ذِي] أَربْعَا-مْيَا ؤُ-خمْسَا ؤُ-ثْڒَاثِينْ [ؤُ] إِغْيَاڒْ نْسنْ [ثُوغَا أَثنْ ذِي] سبْعَا-مْيَا ؤُ-عِيشْرِينْ.
EZR 2:68 ؤُمِي د-يُوسِينْ غَارْ ثَادَّارْثْ ن سِيذِي ذِي ؤُرْشَالِيمْ، وْشِينْ شَا ن إِزدْجِيفنْ خْ إِبَابَاثنْ [ن ڒَادْجَاثْ] س ڒْخَاضَارْ إِ ثَادَّارْثْ ن أَربِّي حِيمَا أَذْ ت سّْبدّنْ ذڭْ ومْشَانْ نّسْ.
EZR 2:69 نِيثْنِي وْشِينْ إِ سّنْذُوقْ ن ثْخُوبَايْ إِ ڒْخذْمثْ أَنشْثْ ن وَاڭْڒَا نْسنْ وَاحِيثْ ؤُ-ستِّينْ-أَڒفْ ن ذْرَاخْمَاثْ ن وُورغْ ذ خمْسَا-أَڒَافْ ن مِينَايَاثْ ن نُّوقَارْثْ ذ مْيَا ن ثْشَامِيرَاثْ إِ إِكهَّاننْ.
EZR 2:70 إِكهَّاننْ ذ إِلَاوِييّنْ ذ شَا زِي ڒْڭنْسْ ذ إِمذْيَازنْ ذ إِعسَّاسنْ ن ثوَّارْثْ ذ إِمْسخَّارنْ ن زَّاوشْثْ ثَامقّْرَانْثْ ڭِّينْ أَذْ زذْغنْ ذِي ثْندَّامْ نْسنْ ؤُ ؤُڒَا ذ مَارَّا إِسْرَائِيل [إِڭَّا أَذْ إِزْذغْ] ذِي ثْندَّامْ نّسْ.
EZR 3:1 [ؤُمِي] د-يِيوضْ ؤُيُورْ وِيسّْ سبْعَا ؤُ أَيْثْ ن إِسْرَائِيل ثُوغَا أَثنْ ذِي ثْندَّامْ، إِسّْمُونْ ڒْڭنْسْ أَمْ يِيجّْ ن ورْيَازْ ذِي ؤُرْشَالِيمْ.
EZR 3:2 إِكَّارْ يَاهُوشَاعْ، مِّيسْ ن يُوصَاذَاقْ، أَكْ-ذ أَيْثْمَاسْ، إِكهَّاننْ، ذ زَارُوبَّابِيلْ، مِّيسْ ن شَاعَالْثِييِيلْ، أَكْ-ذ أَيْثْمَاسْ، ؤُشَا بْنَانْ أَعَالْطَارْ ن أَربِّي ن إِسْرَائِيل، حِيمَا أَذْ خَاسْ قدّْمنْ ثِيغَارْصَا ن وشْمَاضْ أَمْ مَامّشْ ثُورَا ذِي شَّارِيعَا ن مُوسَا، أَرْيَازْ ن أَربِّي.
EZR 3:3 نِيثْنِي سّْبدّنْ أَعَالْطَارْ خْ ذْسُوسَا نّسْ [مَانِي ث ثُوغَا ذ أَمزْوَارُو]، وَاخَّا ثوْضَا-د خَاسنْ ثِيڭّْوُوذِي زِي ڒڭْنُوسْ ن ثمُّورَا، ؤُشَا قدّْمنْ خَاسْ ثِيغَارْصَا ن وشْمَاضْ إِ سِيذِي، ثِيغَارْصَا ن وشْمَاضْ إِ ثُوفُّوثْ ؤُ إِ ثْمذِّيثْ.
EZR 3:4 نِيثْنِيعيّْذنْ [عَاوذْ] ڒْعِيذْ ن إِعُوشُّوثنْ، أَمْ مَامّشْ ث يُورَا، ؤُشَا [قدّْمنْ] ثِيغَارْصَا ن وشْمَاضْ، أَسّْ إِضْفَارْ ؤُمَاسْ. [ثُوغَا] ڒْقدّْ [نْسنْثْ] إِ يِيجّْ ن وَاسّْ [عْلَاحْسَابْ مِينْ إِتّْوَاڭّنْ] إِ وَاسّْ نِّي.
EZR 3:5 أَوَارْنِي أَسْ [قدّْمنْ نِيثْنِي] ثَاغَارْصْثْ ن وشْمَاضْ نْ ڒبْذَا، [ثِيغَارْصَا] إِ وُوسَّانْ ن ؤُيُورْ ن جْذِيذْ ؤُ إِ مَارَّا ڒعْيُوذَاثْ إِتّْوَاڭّنْ ن سِيذِي إِنِّي ثُوغَا إِتّْوَاقدّْسنْ، ؤُ [عَاوذْ ثِيغَارْصَا ن] كُوڒْ إِجّْ ونِّي إِطّوْعنْ حِيمَا أَذْ إِقدّمْ إِشْثْ ن ثوْهِيبْثْ س ڒْخَاضَارْ إِ سِيذِي.
EZR 3:6 زڭْ وَاسّْ أَمزْوَارُو ن ؤُيُورْ وِيسّْ سبْعَا بْذَانْ نِيثْنِي أَذْ قدّْمنْ ثِيغَارْصَا ن وشْمَاضْ إِ سِيذِي، مَاشَا ذْسَاسْ ن زَّاوشْثْ ثَامقّْرَانْثْ ن سِيذِي وَارْ إِتّْوَاڭّْ [عَاذْ].
EZR 3:7 وْشِينْ نُّوقَارْثْ إِ إِمَاصُّوثنْ ؤُ إِ يِينِّي إِنقّْشنْ أَكشُّوضْ، ؤُشَا إِ [أَيْثْ ن] سِيذُونْ ؤُ إِ [أَيْثْ ن] صُورْ [وْشِينْ نِيثْنِي] مَاشَّا ذ ثِيسِّيثْ ذ زّشْثْ، مَاحنْذْ أَذْ أَوْينْ أَكشُّوضْ ن ثْنڭْلِينْ ن لُوبْنَانْ غَارْ ڒبْحَارْ غَارْ يَافَا عْلَاحْسَابْ تّسْرِيحْ إِ ذ أَسنْ إِوْشَا كُورَاشْ، أَجدْجِيذْ ن لْفُورْسْ.
EZR 3:8 ذڭْ ؤُسڭّْوَاسْ وِيسّْ ثْنَاينْ أَوَارْنِي وَاوَاضْ نْسنْ غَارْ ثَادَّارْثْ ن أَربِّي ذِي ؤُرْشَالِيمْ، ذڭْ ؤُيُورْ وِيسّْ ثْنَاينْ، بْذَانْ زَارُوبَّابِيلْ، مِّيسْ ن شَاعَالْثِييِيلْ، ذ يَاهُوشَاعْ، مِّيسْ ن يُوصَاذَاقْ، ذ أَيْثْمَاسْ نْسنْ إِ إِقِّيمنْ، إِكهَّاننْ ذ إِلَاوِييّنْ ذ مَارَّا إِنِّي د-يُوسِينْ زِي ثْمحْبَاسْثْ غَارْ ؤُرْشَالِيمْ، [ذِي ڒْخذْمثْ]. نِيثْنِي ڭِّينْ إِلَاوِييّنْ زِي عِيشْڒِينْ إِسڭّْوُوسَا سنّجْ مَاحنْذْ أَذْ طّْفنْ أَشْبَارْ خْ ڒْخذْمثْ ن ثَادَّارْثْ ن سِيذِي.
EZR 3:9 ؤُشَا إِكَّارْ يشُوعَا ذ إِحنْجِيرنْ نّسْ ذ أَيْثْمَاسْ، أَكْ-ذ قَاذْمْيِيلْ ذ إِحنْجِيرنْ نّسْ، أَيْثْ ن يَاهُوذَا، أَمْ يِيجّْ ن ورْيَازْ مَاحنْذْ أَذْ طّْفنْ أَشْبَارْ خْ يِينِّي إِڭِّينْ ڒْخذْمثْ ذِي ثَادَّارْثْ ن أَربِّي، [ؤُ عَاوذْ] إِحنْجِيرنْ ن حِينَاذَاذْ أَكْ-ذ إِحنْجِيرنْ نْسنْ ذ أَيْثْمَاثْسنْ إِلَاوِييّنْ.
EZR 3:10 [ؤُمِي] ثُوغَا إِبنَّاينْ سّْرُوسَانْ ذْسَاسْ إِ زَّاوشْثْ ثَامقّْرَانْثْ ن سِيذِي، سّْبدّنْ نِيثْنِي إِكهَّاننْ س وَارُّوضْ نْسنْ أَكْ-ذ ڒبْوَاقْ، ؤُڒَا ذ إِلَاوِييّنْ، أَيْثْ ن أَسَافْ، س ثدْجُونِينْ ن وُوزَّاڒْ، حِيمَا أَذْ سّمْغَارنْ سِيذِي أَمْ مَامّشْ ثُوغَا إِ ذ أَسنْ إِسّْشنْ ؤُفُوسْ ن ذَاوُوذْ، أَجدْجِيذْ ن إِسْرَائِيل.
EZR 3:11 نِيثْنِيغنّْجنْ س نُّوبْثَاثْ إِ سِيذِي س ؤُسمْغَارْ ذ ؤُقَاذِي، أَقَا نتَّا إِصْبحْ مِينْزِي ثَامخْسِيوْثْ نّسْ إِشوَّارنْ خْ إِسْرَائِيل ثتّْغِيمَا إِ ڒبْذَا. ؤُ مَارَّا ڒْڭنْسْ إِسْغُويْ س يِيجّْ ن ؤُسْڒِيوْڒوْ إِمْغَارْ إِ ؤُسمْغَارْ ن سِيذِي مَاغَارْ ذْسَاسْ إِ ثَادَّارْثْ ن سِيذِي ثُوغَا إِمَّارْسْ.
EZR 3:12 أَطَّاسْ ن إِكهَّاننْ ذ إِلَاوِييّنْ ذ إِزدْجِيفنْ خْ إِبَابَاثنْ [ن ڒَادْجَاثْ]، إِوسُّورَا إِنِّي إِژْرِينْ ثَادَّارْثْ ثَامزْوَارُوثْ، رُونْ س ثْمِيجَّا إِجهْذنْ ؤُمِي إِتّْوَاڭّْ ذْسَاسْ ن ثَادَّارْثْ-أَ زَّاثْ إِ ثِيطَّاوِينْ نْسنْ، [مَاشَا ؤُڒَا ذ] أَطَّاسْ أَرنْينْ ذِي ثْمِيجَّا [نْسنْ] س ؤُسْڒِيوْڒوْ ؤُ س ڒفْرَاحثْ،
EZR 3:13 أَڒَامِي وَارْ إِزمَّارْ ڒْڭنْسْ أَذْ ميّْزنْ جَارْ ڒْحسّْ ن ؤُسْڒِيوْڒوْ ذ ڒْحسّْ ن إِغُويَّانْ س إِمطَّاونْ نْ ڒْڭنْسْ، مِينْزِي ڒْڭنْسْ إِسْغُويْ س يِيجّْ ن ؤُسْڒِيوْڒوْ إِمْغَارْ أَڒَامِي إِتّْوَاسڒْ ڒْحسّْ زِي ڒَاڭّْوَاجْ.
EZR 4:1 [ؤُمِي] سْڒنْ إِغْرِيمنْ ن يَاهُوذَا ذ بِينْيَامِينْ، أَقَا أَيْثْ ن لْمنْفَا ثُوغَا بنَّانْ زَّاوشْثْ ثَامقّْرَانْثْ إِ سِيذِي، أَربِّي ن إِسْرَائِيل،
EZR 4:2 ؤُسِينْ-د نِيثْنِي غَارْ زَارُوبَّابِيلْ ذ إِزدْجِيفنْ خْ إِبَابَاثنْ [ن ڒَادْجَاثْ] ؤُشَا نَّانْ أَسنْ: ”أجّْ أَنغْ أَذْ نبْنَا [جْمِيعْ] أَكِيذْومْ، مِينْزِي ؤُڒَا ذ نشِّينْ نَارزُّو أَربِّي، أَمْ كنِّيوْ، مَاغَارْ نشِّينْ ثُوغَا نْقدّمْ ثِيغَارْصِي زڭْ وُوسَّانْ ن أَسَارْحَادُّونْ، أَجدْجِيذْ ن أَشُّورْ، ونِّي ذ أَنغْ ذَا إِسّْڭعّْذنْ.“
EZR 4:3 مَاشَا زَارُوبَّابِيلْ ذ يَاهُوشَاعْ ذ إِزدْجِيفنْ إِقِّيمنْ جَارْ إِبَابَاثنْ ن إِسْرَائِيل، نَّانْ أَسنْ: ”وَارْ [إِدْجِي] إِ كنِّيوْ ذ نشِّينْ مَاحنْذْ أَذْ نبْنَا [جْمِيعْ] إِشْثْ ن ثَادَّارْثْ إِ أَربِّي نّغْ. نشِّينْ وحّْذْنغْ أَذْ ت نبْنَا إِ سِيذِي، أَربِّي ن إِسْرَائِيل، أَمْ مَامّشْ إِ ذ أَنغْ يُومُورْ ؤُجدْجِيذْ كُورَاشْ، أَجدْجِيذْ ن لْفُورْسْ.“
EZR 4:4 ؤُشَا إِمْسَارْ، أَقَا ڒْڭنْسْ ن ثمُّورْثْ سَّارْخُونْ إِفَاسّنْ ن ڒْڭنْسْ ن يَاهُوذَا ؤُشَا سِّيڭّْوِيذنْ ثنْ خْ ڒبْنِي.
EZR 4:5 شْرَانْ إِمْشَاوَارنْ ضِيدّْ نْسنْ، مَاحنْذْ أَذْ سّْبطّْڒنْ أَنْوَايْ نْسنْ، ؤُ [أَيَا إِكَّا] مَارَّا ؤُسَّانْ ن كُورَاشْ، أَجدْجِيذْ ن لْفُورْسْ، أَڒْ ثَاڭلْذَا ن ذَارِييُوسْ، أَجدْجِيذْ ن لْفُورْسْ.
EZR 4:6 ؤُمِي ثُوغَا أَحَاشْوِيرُوشْ ذ أَجدْجِيذْ، غَارْ بدُّو ن ثْڭلْذَا نّسْ، ؤُرَانْ نِيثْنِي إِجّْ ن ؤُشثْشِي ضِيدّْ إِ إِمزْذَاغْ ن يَاهُوذَا ذ ؤُرْشَالِيمْ.
EZR 4:7 ذڭْ وُوسَّانْ ن أَرْثَاحْشَاسْثَا يُورَا بِيشْلَامْ [أَكْ-ذ] مِيثْرَاذَاثْ [ذ] طَابَايِيلْ ذ إِعْشِيرنْ نّسْ إِنّغْنِي، إِ ؤُجدْجِيذْ أَرْثَاحْشَاسْثَا، أَجدْجِيذْ ن لْفُورْسْ. ثُوغَا ثَابْرَاثْ ثُورَا س ثِيرَا ن [إِڒسْ ن] ثْرَامِيثْ ؤُ ثُوغَا ثَارْجْمنْ ت [عَاوذْ] غَارْ ثْرَامِيثْ.
EZR 4:8 رَاحُومْ، أَمْسُوفّغْ ن ڒحْكَامَاثْ، ذ ؤُمَارِيرْ شِيمْشَايْ ؤُرِينْ إِشْثْ ن ثبْرَاثْ إِ ؤُجدْجِيذْ أَرْثَاحْشَاسْثَا ضِيدّْ إِ ؤُرْشَالِيمْ، ثنِّي [ذَايسْ يُورَا] أَمُّو:
EZR 4:9 ”رَاحُومْ، أَمْسُوفّغْ ن ڒحْكَامَاثْ، ذ ؤُمَارِيرْ شِيمْشَايْ ذ إِنِّي إِقِّيمنْ زڭْ إِقْرِيننْ نْسنْ ذِي ڒْخذْمثْ، ڒْقُوضَاثْ، إِمْخَازْنِييّنْ، أَيْثْ ن شّنْعثْ ذ أَيْثْ ن لْفُورْسْ ذ أَيْثْ ن إِرِيخْ ذ بَابِيلُونْ ذ شُوشَانْ، أَقَا أَثنْ ذ إِعِيلَامِييّنْ،
EZR 4:10 ذ شُّوعُوبْ نّغْنِي، إِنِّي إِوْيِي ثنْ أَسْنَافَّارْ أَمقّْرَانْ أَمْشنّعْ غَارْ لْمنْفَا ؤُ إِسّزْذغْ إِ-ثنْ ذِي ثنْذِينْثْ ن سَامَارْيَا ؤُ ذِي جِّيهثْ إِقِّيمنْ خْ ؤُجمَّاضْ ن إِغْزَارْ [ن لْفُورَاطْ] ... ؤُشَا عَاذْ.“
EZR 4:11 ثَا ذ ثِيڒمْثْ ن ثبْرَاثْ إِ د-سّكّنْ نِيثْنِي إِ ؤُجدْجِيذْ أَرْثَاحْشَاسْثَا: ”إِمْسخَّارنْ نّشْ، إِرْيَازنْ نِّي [إِدْجَانْ] خْ ؤُجمَّاضْ ن إِغْزَارْ [ن لْفُورَاطْ] ... ؤُشَا عَاذْ.“
EZR 4:12 ”إِڒِي أَذْ إِسّنْ ؤُجدْجِيذْ أَقَا ؤُذَاينْ إِ د-إِڭعّْذنْ زِي غَاركْ، أَقَا إِوْضنْ-د غَارْنغْ غَارْ ؤُرْشَالِيمْ ؤُشَا نِيثْنِي أَقَا بنَّانْ ثَانْذِينْثْ نِّي إِغوّْغنْ ثَاعفَّانْثْ، أَقَا تّْكمَّاڒنْ ڒحْيُوضْ ؤُعدّْڒنْ ذْسُوسَا.
EZR 4:13 [خنِّي] ڒخُّو، إِتّْخصَّا أَذْ إِسّنْ ؤُجدْجِيذْ، مَاڒَا ثَانْذِينْثْ نِّي أَذْ ثتّْوَاسّْبدّْ ثْوَاڒَا نّغْنِي ؤُ ڒحْيُوضْ أَذْ تّْوَاكمّْڒنْ، أَقَا نتَّاثْ وَارْ ثتِّيشْ لْجِيزْيَا ڒَا ذ ڒعْشُورْ ؤُڒَا ذ ضَّارِيبَا ن وبْرِيذْ ؤُشَا [أَمُّو إِ] غَا إِسّخْسَارْ أَرْبحْ ن إِجدْجِيذنْ.
EZR 4:14 [خنِّي] ڒخُّو، ؤُمِي نشِّينْ نتّْمدْجَاحْ مَاشَّا نّغْ س ثْمدْجَاحْثْ ن ڒقْصَارْ ؤُ وَارْ ذ أَنغْ د-ثُوسِي مَاڒَا نشِّينْ نْخزَّارْ ؤُمِي إِتّْوَاسّْبهْذڒْ ؤُجدْجِيذْ، خْ ؤُينِّي نسّكّْ-د ثَابْرَاثْ-أَ ؤُشَا نسَّارْڭبْ أَيَا إِ ؤُجدْجِيذْ،
EZR 4:15 حِيمَا أَذْ أَرْزُونْ ذڭْ وذْلِيسْ ن إِمزْرُوينْ ن ڒجْذُوذْ نْومْ ؤُشَا أَذْ ثَافذْ ذڭْ وذْلِيسْ ن إِمزْرُوينْ ؤُشَا أَذْ [زَّايسْ] ثسّْنذْ أَقَا ثَانْذِينْثْ-أَ ذ إِشْثْ ن ثنْذِينْثْ إِغوّْغنْ، ثِيوِي-د أَرّْژِييّثْ إِ إِجدْجِيذنْ ؤُ إِ لْعَامَالَاثْ ؤُ زڭْ وشْحَاڒْ ؤُيَا سّكَّارَانْ ذَايسْ أَغوّغْ. س ؤُينِّي ثتّْوَاهْذمْ ثنْذِينْثْ-أَ.
EZR 4:16 نشِّينْ نسَّارْڭبْ أَجدْجِيذْ، أَقَا، مَاڒَا أَذْ ثتّْوَابْنَا ثنْذِينْثْ-أَ [عَاوذْ] ؤُشَا أَذْ تّْوَاكمّْڒنْ ڒحْيُوضْ نّسْ، خنِّي وَارْ غَاركْ تّتِّيڒِي شَا ثصْغَارْثْ [عَاذْ] خْ ؤُجمَّاضْ ن إِغْزَارْ [ن لْفُورَاطْ].“
EZR 4:17 إِسّكّْ ؤُجدْجِيذْ ثَامْوَارِّيثْ إِ رَاحُومْ، أَمْسُوفّغْ ن ڒحْكَامَاثْ، ؤُ إِ ؤُمَارِيرْ شِيمْشَايْ ذ إِنِّي إِقِّيمنْ زڭْ إِقْرِيننْ نْسنْ ذِي ڒْخذْمثْ إِنِّي إِزدّْغنْ ذِي سَامَارْيَا، ؤُ ؤُڒَا إِ يِينِّي إِقِّيمنْ [زدّْغنْ] خْ ؤُجمَّاضْ ن إِغْزَارْ [ن لْفُورَاطْ]: ”ڒهْنَا! ... ؤُشَا عَاذْ.“
EZR 4:18 ”ثَابْرَاثْ إِ ذ أَنغْ د-ثسّكّمْ، أَقَا ثتّْوَاغَارْ خَافِي نِيشَانْ.
EZR 4:19 ؤُشَا [أَوَارْنِي ڒَامِي] ؤُمُورغْ [أَيَا]، ثتّْوَاڭّْ إِشْثْ ن ثَارزُّوثْ ؤُشَا ؤُفِينْ أَقَا ثَانْذِينْثْ-أَ ثْغوّغْ خْ إِجدْجِيذنْ زڭْ وشْحَاڒْ ؤُيَا ؤُشَا سّكَّارنْ ذَايسْ [ڒبْذَا] أَغوّغْ ذ ڒحْوڒْ.
EZR 4:20 عَاوذْ ثُوغَا [ذِينْ] إِجدْجِيذنْ إِمقّْرَاننْ خْ ؤُرْشَالِيمْ، إِنِّي ثُوغَا إِحكّْمنْ ذِي مَارَّا [جّْوَايهْ] خْ ؤُجمَّاضْ ن إِغْزَارْ [ن لْفُورَاطْ] أَڒَامِي ثتّْوَاخدْجصْ أَسنْ لْجِيزْيَا ذ ڒعْشُورْ ذ ضَّارِيبَا ن وبْرِيذْ.
EZR 4:21 إِوَا، ڒخُّو ؤُمُورمْ أَذْ سّْبدّمْ إِرْيَازنْ-أَ. ثَانْذِينْثْ وَارْ ثْبنِّي ثْوَاڒَا نّغْنِيثْ أَڒْ غَا إِتّْوَاسُّوفّغْ زَّايِي ڒُومُورْ [إِ ؤُيَا].
EZR 4:22 غَارْومْ أَقَا أَذْ ثَارْخُومْ زِي ثْمسْڒَاشْثْ-أَ. مَايمِّي غَا ثمْغَارْ ذْرُوشْثْ [عَاذْ] إِ ثْخسَّارْثْ ن إِجدْجِيذنْ؟“
EZR 4:23 ڒَامِي ثتّْوَاغَارْ ثبْرَاثْ ن ؤُجدْجِيذْ أَرْثَاحْشَاسْثَا إِ رَاحُومْ ذ شِيمْشَايْ، أَمَارِيرْ، ذ إِقْرِيننْ نْسنْ ذِي ڒْخذْمثْ، ؤُيُورنْ إِنَا س ثَازْڒَا غَارْ ؤُرْشَالِيمْ، غَارْ وُوذَاينْ ؤُشَا سّْبدّنْ ثنْ [زِي ڒْخذْمثْ نْسنْ] س ؤُغِيڒْ ؤُ س ڒْخُونْشثْ.
EZR 4:24 خنِّي ثْبدّْ ڒْخذْمثْ إِ ثَادَّارْثْ ن أَربِّي ونِّي إِزدّْغنْ ذِي ؤُرْشَالِيمْ ؤُشَا إِقِّيمْ إِبدّْ أَڒْ أَسڭّْوَاسْ وِيسّْ ثْنَاينْ ن ثْڭلْذَا ن ذَارِييُوسْ، أَجدْجِيذْ ن لْفُورْسْ.
EZR 5:1 [خنِّي] نبَّانْ إِنَابِييّنْ، إِنَابِييّنْ حَاڭَّايْ ذ زَاكَارِييَّا، مِّيسْ ن عِيذُو، إِ وُوذَاينْ نِّي [إِدْجَانْ] ذِي يَاهُوذَا ذ ؤُرْشَالِيمْ. [نَابّنْ] غَارْسنْ س يِيسمْ ن أَربِّي ن إِسْرَائِيل نِّي خَاسنْ [إِتّْوَاڒَاغَا].
EZR 5:2 خَاسْ ؤُشَا إِكَّارْ زَارُوبَّابِيلْ، مِّيسْ ن شَاعَالْثِييِيلْ، ذ يَاهُوشَاعْ، مِّيسْ ن يُوصَاذَاقْ، ؤُشَا نِيثْنِي بْذَانْ أَذْ بْنَانْ ثَادَّارْثْ ن أَربِّي ذِي ؤُرْشَالِيمْ [عَاوذْ]، ؤُشَا إِنَابِييّنْ ن أَربِّي، إِنِّي أَكِيذْسنْ إِبدّنْ، [ثُوغَا أَثنْ ذِينْ] أَكِيذْسنْ.
EZR 5:3 ذِي ڒْوقْثْ نِّي يُوسَا-د ثَاثْنَايْ، لْوَالِي ن [وقْلِيمْ] خْ ؤُجمَّاضْ ن إِغْزَارْ [ن لْفُورَاطْ]، أَكْ-ذ شَاثَارْ-بُوزْنَايْ ؤُ غَارْسنْ إِقْرِيننْ نْسنْ ذِي ڒْخذْمثْ. نِيثْنِي نَّانْ أَسنْ أَمُّو: ”مَانْ ونْ إِ كنِّيوْ يُومُورنْ، مَاحنْذْ أَذْ ثبْنَامْ ثَادَّارْثْ-أَ ؤُ [مَاحنْذْ] أَذْ ثْكمّْڒمْ ڒْحِيضْ-أَ؟“
EZR 5:4 خنِّي ننَّا أَسنْ إِسْمَاونْ ن يرْيَازنْ إِ ثُوغَا إِبنَّانْ ڒبْنِي-يَا.
EZR 5:5 [مَاشَا] ثِيطّْ ن أَربِّي نْسنْ ثُوغَا-ت خْ إِمْغَارنْ ن وُوذَاينْ ؤُشَا نِيثْنِي ڭِّينْ وَارْ ثنْ سّْبدَّانْ [زِي ڒْخذْمثْ] أَڒْ غَا ثَاوضْ ثْمسْڒَاشْثْ غَارْ ذَارِييُوسْ ؤُشَا أَوَارْنِي أَيَا أَذْ طّْفنْ ثَابْرَاثْ خْ مَانْ أَيَا.
EZR 5:6 ثِيڒمْثْ ن ثبْرَاثْ نِّي إِسّكّْ ثَاثْنَايْ، لْوَالِي [ن ثمُّورْثْ] خْ ؤُجمَّاضْ ن إِغْزَارْ [ن لْفُورَاطْ]، أَكْ-ذ شَاثَارْ-بُوزْنَايْ ذ إِقْرِيننْ نّسْ ذِي ڒْخذْمثْ، إِقْرِيننْ نِّي [إِدْجَانْ] خْ ؤُجمَّاضْ ن إِغْزَارْ [ن لْفُورَاطْ]، غَارْ ؤُجدْجِيذْ ذَارِييُوسْ.
EZR 5:7 نِيثْنِي سّكّنْ أَسْ-د إِشْثْ ن ثبْرَاثْ ثُورَا ذَايسْ أَمُّو: ”أَذْ يِيڒِي إِ ؤُجدْجِيذْ ذَارِييُوسْ ڒهْنَا زِي مَارَّا إِغزْذِيسنْ!“
EZR 5:8 ”إِتّْخصْسَا أَذْ إِسّنْ ؤُجدْجِيذْ، أَقَا نشِّينْ نُويُورْ غَارْ لْعَامَالَا ن يَاهُوذَا، غَارْ ثَادَّارْثْ ن أَربِّي أَمقّْرَانْ. أَقَا ثتّْوَابنَّا [ثَادَّارْثْ نِّي] س إِژْرَا إِمقّْرَاننْ إِ إِتّْخصَّانْ أَذْ تّْوَانّْضنْ [غَارْ ومْشَانْ نْسنْ]، ؤُ إِتّْوَاتّڭّْ ؤُكشُّوضْ ذِي ڒحْيُوضْ. تّڭّنْ نِيثْنِي ڒْخذْمثْ-أَ س شْضَارثْ ؤُشَا ثڭُّورْ مْلِيحْ جَارْ إِفَاسّنْ نْسنْ.
EZR 5:9 نشِّينْ نسّقْسَا إِمْغَارنْ-أَ ؤُ ننَّا [أَسنْ] أَمُّو: ’مَانْ ونْ إِ ذ أَومْ إِوْشِينْ ڒُومُورْ مَاحنْذْ أَذْ ثسّْبدّمْ ثَادَّارْثْ-أَ ؤُ أَذْ ثْكمّْڒمْ ڒْحِيضْ-أَ؟‘
EZR 5:10 نسّقْسَا ثنْ ؤُڒَا خْ إِسْمَاونْ نْسنْ حِيمَا أَذْ أَشْ ثنْ-إِ-د-نِينِي، أَڒَامِي نِيوضْ أَذْ نْزمّمْ إِسْمَاونْ ن يرْيَازنْ نِّي إِدْجَانْ غَارْ ؤُزدْجِيفْ نْسنْ.
EZR 5:11 نِيثْنِي أَرِّينْ أَنغْ-د، نَّانْ أَمُّو: ’نشِّينْ ذ إِمْسخَّارنْ ن أَربِّي ن إِجنْوَانْ ذ ثمُّورْثْ ؤُ نبْنَا ثَادَّارْثْ ثنِّي ثتّْوَابْنَا ذَانِيثَا أَطَّاسْ ن إِسڭّْوُوسَا زڭْ وَامِي. إِجّْ ن ؤُجدْجِيذْ ذ أَمقّْرَانْ ن إِسْرَائِيل إِبْنَا ت ؤُ إِكمّڒْ إِ-ت.
EZR 5:12 مَاشَا أَوَارْنِي ڒَامِي سّْعَارنْ ڒجْذُوذْ نّغْ أَربِّي ن إِجنْوَانْ، أَقَا إِوْشَا إِ-ثنْ ذڭْ ؤُفُوسْ ن نابُوخَاذْنَاصَّارْ، أَجدْجِيذْ ن بَابِيلْ، أَخَالْذِيوِي، ونِّي إِهذْمنْ ثَادَّارْثْ-أَ ؤُ إِنْذهْ ڒْڭنْسْ غَارْ لْمنْفَا غَارْ بَابِيلْ.
EZR 5:13 مَاشَا ذڭْ ؤُسڭّْوَاسْ أَمزْوَارُو ن كُورَاشْ، أَجدْجِيذْ ن بَابِيلْ، يُومُورْ كُورَاشْ أَذْ سّْبدّنْ ثَادَّارْثْ-أَ ن أَربِّي [ثْوَاڒَاثْ نّغْنِي].
EZR 5:14 ؤُڒَا ذ ڒقْشُوعْ ن وُورغْ ذ نُّوقَارْثْ زِي ثَادَّارْثْ ن أَربِّي، ثِينِّي إِكّسْ نابُوخَاذْنَاصَّارْ زِي زَّاوشْثْ ثَامقّْرَانْثْ ذِي ؤُرْشَالِيمْ، إِسِّيذفْ إِ-ثنْثْ غَارْ زَّاوشْثْ ن بَابِيلْ، أَقَا إِسُّوفّغْ إِ-ثنْثْ كُورَاشْ زِي زَّاوشْثْ ذِي بَابِيلْ ؤُ إِوْشَا [إِ-ثنْثْ] إِ [إِجّْ ن ورْيَازْ] قَّارنْ أَسْ شِيشْبَاصَّارْ، ونِّي ثُوغَا إِڭَّا ذ لْوَالِي.
EZR 5:15 نتَّا إِنَّا أَسْ: كْسِي ڒقْشُوعْ-أَ، رُوحْ، ڭّمْ ثنْ ذِي زَّاوشْثْ ثَامقّْرَانْثْ ذِي ؤُرْشَالِيمْ. إِتّْخصَّا أَذْ ثتّْوَابْنَا ثَادَّارْثْ ن أَربِّي ذڭْ ومْشَانْ نّسْ [ن زِيشْ].
EZR 5:16 خَاسْ ؤُشَا يُوسَا-د شِيشْبَاصَّارْ وَانِيثَا، ؤُشَا إِسَّارْسْ ذْسُوسَا إِ ثَادَّارْثْ ن أَربِّي ذِي ؤُرْشَالِيمْ ؤُ سّنِّي أَڒْ ڒخُّو أَقَا بنَّانْ [ت]، [مَاشَا] وَارْ ثتّْوَاكمّڒْ [عَاذْ].‘
EZR 5:17 خنِّي ڒخُّو، مَاڒَا يَارْضَا إِ ؤُجدْجِيذْ، أجّْ أَذْ أَرْزُونْ ذڭْ وخَّامْ ن ثْخُوبَايْ ن ؤُجدْجِيذْ ذِي بَابِيلْ، مَا س ثِيذتّْ إِمّوْشْ ڒُومُورْ زِي غَارْ ؤُجدْجِيذْ كُورَاشْ حِيمَا أَذْ ثتّْوَابْنَا ثَادَّارْثْ-أَ ن أَربِّي ذِي ؤُرْشَالِيمْ ثْوَاڒَا نّغْنِي ؤُشَا أَذْ أَنغْ د-إِتّْوَاسّكّْ [خنِّي] لْقَارَارْ ن ؤُجدْجِيذْ.“
EZR 6:1 خنِّي إِسُّوفّغْ ؤُجدْجِيذْ ذَارِييُوسْ ڒُومُورْ ؤُشَا أَرْزُونْ ذِي ثَادَّارْثْ ن إِذْلِيسنْ إِتّْوَانّْضنْ، مَانِي تّْوَاخمّْڒنْثْ ثْخُوبَايْ ذِينْ ذِي بَابِيلْ.
EZR 6:2 [خنِّي] إِتّْوَافْ ذِي أَحْمَاثَا إِجّْ ن وذْلِيسْ إِتّْوَانّْضنْ ذِي لْقلْعَا ثنِّي [إِدْجَانْ] ذِي لْعَامَالَا ن مِيذْيَا ؤُ ذَايسْ ثُوغَا ثِيرَا-يَا ن ڒِيذَارثْ:
EZR 6:3 ”ذڭْ ؤُسڭّْوَاسْ أَمزْوَارُو ن ؤُجدْجِيذْ كُورَاشْ، إِسُّوفّغْ كُورَاشْ ڒُومُورْ-أَ: ’[خْ] ثَادَّارْثْ ن أَربِّي ذِي ؤُرْشَالِيمْ. أَقَا إِتّْخصَّا أَذْ ثتّْوَابْنَا ثَادَّارْثْ نِّي [ثْوَاڒَا نّغْنِيثْ] ذڭْ ومْشَانْ مَانِي قدّْمنْ ثِيغَارْصَا ؤُ [إِتّْخصَّا] أَذْ تّْوَاعدّْڒنْ ذْسُوسَا نّسْ. ڒُوعْڒَا نّسْ [أَذْ ثِيڒِي] ستِّينْ ن إِغَادْجنْ، ثِيرُو نّسْ ستِّينْ ن إِغَادْجنْ،
EZR 6:4 س ثْڒَاثَا ن ڒسْذُوذْ ن ثْصُوضَارْ ثِيمقّْرَانِينْ ذ إِجّْ ن سّدّْ ن ثفْڒَاوْثْ ذ جْذِيذْ. مِينْ ذِينْ إِخصّنْ أَذْ زَّايسْ ثتّْوَاكلّفْ زِي ثَادَّارْثْ ن ؤُجدْجِيذْ.
EZR 6:5 ؤُڒَا ذ ڒقْشُوعْ ن وُورغْ ذ نُّوقَارْثْ ن ثَادَّارْثْ ن أَربِّي، ثِينِّي إِكّسْ نابُوخَاذْنَاصَّارْ زِي زَّاوشْثْ ثَامقّْرَانْثْ نِّي [إِدْجَانْ] ذِي ؤُرْشَالِيمْ ؤُ إِوْيِي ثنْثْ غَارْ بَابِيلْ، أَذْ تّْوَارّنْثْ. مَانْ أَيَا [مَارَّا] أَذْ د-إِذْوڒْ غَارْ زَّاوشْثْ ثَامقّْرَانْثْ ذِي ؤُرْشَالِيمْ، غَارْ ومْشَانْ نّسْ. إِتّْخصَّا أَذْ ثمَّارْسذْ مَارَّا مَانْ أَيَا ذِي ثَادَّارْثْ ن أَربِّي.‘
EZR 6:6 س ؤُيَا، ثَاثْنَايْ، لْوَالِي ن [ثمُّورْثْ] خْ ؤُجمَّاضْ ن إِغْزَارْ [ن لْفُورَاطْ]، شَاثَارْ-بُوزْنَايْ ذ إِقّْرِيننْ نّسْ ذِي ڒْخذْمثْ، إِقّْرِيننْ نِّي [إِدْجَانْ] خْ ؤُجمَّاضْ ن إِغْزَارْ [ن لْفُورَاطْ]، أَڭّْوجمْ سّنِّي!
EZR 6:7 جّمْ ڒْخذْمثْ ذِي طّْوعْ ن ثَادَّارْثْ-أَ ن أَربِّي، [حِيمَا] لْوَالِي ن وُوذَاينْ أَكْ-ذ إِمْغَارنْ ن وُوذَاينْ أَذْ بْنَانْ ثَادَّارْثْ-أَ ن أَربِّي ثْوَاڒَا نّغْنِيثْ ذڭْ ومْشَانْ نّسْ.
EZR 6:8 عَاوذْ إِتّْوَاسُّوفّغْ-د زَّايِي ڒُومُورْ خْ مِينْ إِتّْخصَّا أَذْ ثڭّمْ إِ إِمْغَارنْ ن وُوذَاينْ-أَ مَاحنْذْ أَذْ ثتّْوَابْنَا ثَادَّارْثْ-أَ ن أَربِّي [ثْوَاڒَاثْ نّغْنِي]. زڭْ وَاڭْڒَا ن ؤُجدْجِيذْ، زِي لْجِيزْيَا [ن ثمُّورْثْ] خْ ؤُجمَّاضْ ن إِغْزَارْ [ن لْفُورَاطْ]، أَذْ إِتّْوَاخدْجصْ س شْضَارثْ مِينْ إِتّْخصّنْ إِرْيَازنْ-أَ مَاحنْذْ وَارْ ثتّْبذِّي شَا [ڒْْخذْمثْ].
EZR 6:9 ؤُ مِينْ إِتّْخصّنْ زڭْ إِفُونَاسنْ إِمژْيَاننْ ذ إِشَارِّييّنْ ذ إِزْمَارنْ ذ ثْغَارْصِي ن وشْمَاضْ إِ أَربِّي ن إِجنْوَانْ، ؤُ مِينْ إِتّْخصّنْ زڭْ إِرْذنْ ذ ثْمدْجَاحْثْ ذ بِينُو ذ زّشْثْ عْلَاحْسَابْ أَوَاڒْ ن إِكهَّاننْ إِ إِدْجَانْ ذِي ؤُرْشَالِيمْ، أَذْ أَسنْ إِمّوْشْ زڭْ وَاسّْ غَارْ وَاسّْ، حِيمَا وَارْ إِتّْخصِّي ؤُڒَا ذ وَالُو،
EZR 6:10 حِيمَا أَذْ قدّْمنْ إِشْثْ ن ڒفْوَاحثْ إِتّْفُوحنْ إِ أَربِّي ن إِجنْوَانْ ؤُشَا أَذْ ژَّادْجنْ ذِي طّْوعْ ن ثُوذَارْثْ ن ؤُجدْجِيذْ ذ إِحنْجِيرنْ نّسْ.
EZR 6:11 إِتّْوَاسُّوفّغْ-د زَّايِي ڒُومُورْ حِيمَا كُوڒْ إِجّنْ ونِّي إِ غَا إِبدّْڒنْ ثَاوْصيّثْ-أَ، أَذْ إِتّْوَاكّسْ إِجّْ ن وعْمُوذْ زِي ثَادَّارْثْ نّسْ أَذْ ث سّْبدّنْ، أَذْ خَاسْ إِتّْوَايڒْ نتَّا ؤُشَا ذِي سِّيبّثْ-أَ أَذْ ثذْوڒْ ثَادَّارْثْ نّسْ ذ إِشْثْ ن ثْزُوبَاشْثْ نْ ڒغْبَارْ.
EZR 6:12 أجّْ أَذْ إِهْذمْ أَربِّي، ونِّي ذِينْ إِسّزْذْغنْ إِسمْ نّسْ، كُوڒْ أَجدْجِيذْ ذ كُوڒْ ڒْڭنْسْ نِّي إِ غَا إِسّْوِيژّْضنْ أَفُوسْ نّسْ مَاحنْذْ أَذْ إِبدّڒْ نِيغْ أَذْ يَاردّدْجْ ثَادَّارْثْ ن أَربِّي نِّي [إِدْجَانْ] ذِي ؤُرْشَالِيمْ. نشّْ ذَارِييُوسْ، ذ ونِّي إِوْشِينْ ڒُومُورْ. أجّْ أَذْ إِتّْوَاڭّْ مَانْ أَيَا س شْضَارثْ.“
EZR 6:13 خنِّي ثَاثْنَايْ، لْوَالِي [ن ثمُّورْثْ] خْ ؤُجمَّاضْ ن إِغْزَارْ [ن لْفُورَاطْ]، أَكْ-ذ شَاثَارْ-بُوزْنَايْ ذ إِقْرِيننْ نّسْ ذِي ڒْخذْمثْ ڭِّينْ س شْضَارثْ عْلَاحْسَابْ [ڒُْومُورْ] إِ ثُوغَا د-إِسّكّْ ؤُجدْجِيذْ ذَارِييُوسْ.
EZR 6:14 بْنَانْ إِمْغَارنْ ن وُوذَاينْ ؤُ نِيثْنِي أَرْنِينْ مْلِيحْ [ذِي ڒبْنِي] ؤُمِي ثُوغَا إِتّْنبَّا حَاڭَّايْ ذ زَاكَارِييَّا، مِّيسْ ن عِيدُّو. نِيثْنِي بْنَانْ ؤُ كمّْڒنْ ت عْلَاحْسَابْ ڒُومُورْ ن أَربِّي ن إِسْرَائِيل ؤُ عْلَاحْسَابْ ڒُومُورْ ن كُورَاشْ ذ ذَارِييُوسْ ذ أَرْثَاحْشَاسْثَا، أَجدْجِيذْ ن لْفُورْسْ.
EZR 6:15 ؤُشَا [أَمُّو] ثتّْوَاكمّڒْ ثَادَّارْثْ ذڭْ وَاسّْ وِيسّْ ثْڒَاثَا ن ؤُيُورْ أَذَارْ، أَقَا-ث ذ أَسڭّْوَاسْ وِيسّْ ستَّا ن ثْڭلْذَا ن ؤُجدْجِيذْ ذَارِييُوسْ.
EZR 6:16 أَيْثْ ن إِسْرَائِيل، إِكهَّاننْ ذ إِلَاوِييّنْ ذ أَيْثْ ن لْمنْفَا إِ إِقِّيمنْ، ذشّْننْ ثَادَّارْثْ-أَ ن أَربِّي س ڒفْرَاحثْ.
EZR 6:17 إِ ؤُذشّنْ ن ثَادَّارْثْ ن أَربِّي إِوْينْ نِيثْنِي مْيَا ن إِفُونَاسنْ، مِيثَاينْ ن إِشَارِّييّنْ ذ أَربْعَا-مْيَا ن إِزْمَارنْ [ذ ثَاغَارْصْثْ]، ؤُ إِ ثَاغَارْصْثْ ن دّنْبْ ثنْعَاشْ ن إِمُويَانْ إِ مَارَّا إِسْرَائِيل عْلَاحْسَابْ ڒْقدّْ ن ثْقبَّاڒْ ن إِسْرَائِيل.
EZR 6:18 نِيثْنِي سّْبدّنْ إِكهَّاننْ س ثرْبِيعِينْ نْسنْ ؤُ إِلَاوِييّنْ ذِي ثرْبِيعِينْ نْسنْ إِ ثْسخَّارْثْ إِ أَربِّي نِّي [إِدْجَانْ] ذِي ؤُرْشَالِيمْ، عْلَاحْسَابْ ثَاوْصيّثْ ن وذْلِيسْ ن مُوسَا.
EZR 6:19 ذڭْ [وَاسّْ] وِيسّْ أَرْبعْطَاشْ ن ؤُيُورْ أَمزْوَارُو سّْوجْذنْ أَيْثْ ن لْمنْفَا إِ [ثْغَارْصْثْ ن] ؤُسعْذُو.
EZR 6:20 مِينْزِي إِكهَّاننْ ذ إِلَاوِييّنْ ڭِّينْ أَذْ سِّيزْذْڭنْ إِخفْ نْسنْ أَمْ يِيجّْ ن ورْيَازْ. ثُوغَا-ثنْ مَارَّا ذ إِمزْذَاڭنْ ؤُ نِيثْنِي غَارْصنْ [ثَاغَارْصْثْ ن] ؤُسعْذُو إِ مَارَّا أَيْثْ ن لْمنْفَا ؤُ إِ أَيْثْمَاثْسنْ إِكهَّاننْ ؤُ إِ يِيخفْ نْسنْ.
EZR 6:21 أَيْثْ ن إِسْرَائِيل، إِنِّي د-إِعقْبنْ زِي لْمنْفَا، شِّينْ زَّايسْ، ؤُڒَا ذ كُوڒْ إِجّنْ ونِّي ثُوغَا إِسَّارْخُونْ إِخفْ نّسْ زِي ڒخْمجْ ن ڒڭْنُوسْ ن ثمُّورْثْ [ؤُشَا] [يُوسَا-د] غَارْسنْ حِيمَا أَذْ يَارْزُو سِيذِي، أَربِّي ن إِسْرَائِيل.
EZR 6:22 سبْعَا ن وُوسَّانْعيّْذنْ نِيثْنِي ڒْعِيذْ ن وغْرُومْ بْڒَا أَنْثُونْ، مِينْزِي سِيذِي ثُوغَا إِسّفْرَاحْ إِ-ثنْ ؤُشَا إِسّْميّڒْ ؤُڒْ ن ؤُجدْجِيذْ ن أَشُّورْ غَارْسنْ مَاحنْذْ أَذْ إِسّجْهذْ إِفَاسّنْ نْسنْ غَارْ ڒْخذْمثْ ن ثَادَّارْثْ ن أَربِّي، أَربِّي ن إِسْرَائِيل.
EZR 7:1 أَوَارْنِي مَانْ أَيَا، ڒَامِي ثُوغَا ذ ثَاڭلْذَا ن أَرْثَاحْشَاسْثَا، أَجدْجِيذْ ن لْفُورْسْ، أَقَا [ذِينْ] عِيزْرَا، مِّيسْ ن سَارَايَا، مِّيسْ ن عَازَارْيَا، مِّيسْ ن حِيلْقِييَا،
EZR 7:2 مِّيسْ ن شَالُّومْ، مِّيسْ ن صَاذُوقْ، مِّيسْ ن أَخِيطُوبْ،
EZR 7:3 مِّيسْ ن أَمَارْيَا، مِّيسْ ن عَازَارْيَا، مِّيسْ ن مَارَايُوثْ،
EZR 7:4 مِّيسْ ن زَارَاحْ-يَاهْ، مِّيسْ ن عُوزِي، مِّيسْ ن بُوقِّي،
EZR 7:5 مِّيسْ ن أَبِيشُوعَا، مِّيسْ ن فِينْحَاسْ، مِّيسْ ن أَلِيعَازَارْ، مِّيسْ ن هَارُونْ، أَرَّايْسْ ن إِكهَّاننْ.
EZR 7:6 عِيزْرَا وَانِيثَا إِڭعّذْ-د زِي بَابِيلْ. نتَّا ثُوغَا ذ إِجّْ ن ؤُمْسڒْمَاذْ ذ أَمِيغِيسْ ن شَّارِيعَا ن مُوسَا ثنِّي ثُوغَا إِ ذ إِوْشَا سِيذِي، أَربِّي ن إِسْرَائِيل، ؤُشَا أَجدْجِيذْ إِوْشَا أَسْ مَارَّا خْ ثُوثْرَا نّسْ مِينْزِي أَفُوسْ ن سِيذِي، أَربِّي نّسْ، ثُوغَا-ث خَاسْ.
EZR 7:7 ذڭْ ؤُسڭّْوَاسْ وِيسّْ سبْعَا ن ؤُجدْجِيذْ أَرْثَاحْشَاسْثَا ڭعّْذنْ أَكِيذسْ غَارْ ؤُرْشَالِيمْ [إِجّْ ن ڒْقدّْ] ن أَيْثْ ن إِسْرَائِيل ذ إِكهَّاننْ ذ إِلَاوِييّنْ ذ إِمذْيَازنْ ذ إِعسَّاسنْ ن ثوُّورَا ذ إِمْسخَّارنْ ن زَّاوشْثْ ثَامقّْرَانْثْ.
EZR 7:8 ذڭْ ؤُيُورْ وِيسّْ خمْسَا ن ؤُسڭّْوَاسْ وِيسّْ سبْعَا ن ؤُجدْجِيذْ يِيوضْ عِيزْرَا غَارْ ؤُرْشَالِيمْ.
EZR 7:9 ذڭْ [وَاسّْ] أَمزْوَارُو ن ؤُيُورْ أَمزْوَارُو [ثُوغَا-ث ذ] بدُّو ن وُوفُّوغْ زِي بَابِيلْ ؤُشَا ذڭْ ؤُمزْوَارُو ن ؤُيُورْ وِيسّْ خمْسَا يِيوضْ غَارْ ؤُرْشَالِيمْ، مِينْزِي ثُوغَا أَفُوسْ إِصبْحنْ ن أَربِّي خَاسْ،
EZR 7:10 مَاغَارْ عِيزْرَا إِڭَّا ذڭْ وُوڒْ نّسْ أَذْ يَارْزُو ذِي شَّارِيعَا ن سِيذِي ؤُ أَذْ ت إِڭّْ ؤُ أَذْ إِسّڒْمذْ ثِيوصَّا ذ لْفَارَايِيضْ ذِي إِسْرَائِيل.
EZR 7:11 ثَا ذ ثِيڒمْثْ ن ثبْرَاثْ إِ إِوْشَا ؤُجدْجِيذْ أَرْثَاحْشَاسْثَا أَكْ-ذ عِيزْرَا، أَكهَّانْ ذ ؤُمْسڒْمَاذْ ن ثِيرَا [إِقدّْسنْ]، [ونِّي ذ] أَمْسڒْمَاذْ ذڭْ وَاوَاڒنْ ن ڒُومُورَاثْ ن سِيذِي ذ ثْوصَّا نّسْ إِ إِسْرَائِيل:
EZR 7:12 ”أَرْثَاحْشَاسْثَا، أَجدْجِيذْ ن إِجدْجِيذنْ، إِ عِيزْرَا، أَكهَّانْ ذ ؤُمْسڒْمَاذْ ن شَّارِيعَا ن أَربِّي ن إِجنْوَانْ، ڒهْنَا إِمُونْ! ... ؤُشَا عَاذْ.“
EZR 7:13 ”إِتّْوَاسُّوفّغْ-د زَّايِي ڒُومُورْ حِيمَا كُوڒْ إِجّْ ذِي ثْڭلْذِيثْ إِنُو زِي ڒْڭنْسْ ن إِسْرَائِيل ؤُ زڭْ إِكهَّاننْ ذ إِلَاوِييّنْ، ونِّي س يِيخفْ نّسْ إِخْسْ أَذْ يُويُورْ غَارْ ؤُرْشَالِيمْ، أَذْ كِيذكْ يُويُورْ.
EZR 7:14 أَقَا شكْ ثتّْوَاسّكّذْ س ؤُفُوسْ ن ؤُجدْجِيذْ ذ سبْعَا ن إِمْشَاوَارنْ نّسْ حِيمَا أَذْ ثْبقّْشذْ ذِي مَامّشْ ثدْجَا ڒْحَاڒْ ذِي يَاهُوذَا ؤُ ذِي ؤُرْشَالِيمْ، عْلَاحْسَابْ شَّارِيعَا ن أَربِّي ثنِّي [إِدْجَانْ] ذڭْ إِفَاسّنْ نّشْ.
EZR 7:15 [ثتّْوَاسكّذْ عَاوذْ] حِيمَا أَذْ ذِينْ ثَاوْيذْ نُّوقَارْثْ ذ وُورغْ نِّي ثُوغَا إِوْشَا ؤُجدْجِيذْ ذ إِمْشَاوَارنْ نّسْ س ڒْخَاضَارْ إِ أَربِّي ن إِسْرَائِيل، ونِّي غَارْ ثدْجَا ثْزذِّيغْثْ ذِي ؤُرْشَالِيمْ،
EZR 7:16 ؤُ [عَاوذْ] مَارَّا نُّوقَارْثْ ذ وُورغْ إِ غَا ثَافذْ ذِي مَارَّا لْعَامَالَا ن بَابِيلْ، أَكْ-ذ ثوْهِيبِينْ ن ؤُطوّعْ ن ڒْڭنْسْ ذ إِكهَّاننْ، [زڭْ] إِنِّي إِ غَا إِوْشنْ س ؤُطوّعْ إِ ثَادَّارْثْ ن أَربِّي نْسنْ ثنِّي [إِدْجَانْ] ذِي ؤُرْشَالِيمْ،
EZR 7:17 حِيمَا خنِّي أَذْ ثسْغذْ س نُّوقَارْثْ-أَ س شْضَارثْ إِفُونَاسنْ، إِشَارِّييّنْ، إِزْمَارنْ أَكْ-ذ ثوْهِيبِينْ نّسْ [ن ڒْغِيدْجثْ] ذ ثوْهِيبِينْ ن ؤُسيّبْ حِيمَا أَذْ ثنْثْ ثْقدّْمذْ خْ ؤُعَالْطَارْ ن ثَادَّارْثْ ن أَربِّي نّشْ، ثنِّي [إِدْجَانْ] ذِي ؤُرْشَالِيمْ.
EZR 7:18 س مِينْ غَا إِقِّيمنْ ن نُّوقَارْثْ ذ وُورغْ ڭّمْ زَّايسْ مِينْ ثتّْوَاڒِيذْ شكْ ذ أَيْثْمَاشْ مْلِيحْ، عْلَاحْسَابْ ڒْخَاضَارْ ن أَربِّي نْومْ.
EZR 7:19 ؤُشَا ڒقْشُوعْ إِ ذ أَشْ إِمّوْشنْ إِ ثْسخَّارْثْ ذِي ثَادَّارْثْ ن أَربِّي، سعْذُو ثنْ [غَارْ ذِينْ] زَّاثْ أَربِّي ن ؤُرْشَالِيمْ.
EZR 7:20 مِينْ غَا إِخصّنْ عَاذْ كْثَارْ إِ ثَادَّارْثْ ن أَربِّي نّشْ، مِينْ غَا يِيڒِي خَاكْ أَذْ ث ثْخدْجْصذْ، أوْشْ إِ-ث زڭْ وخَّامْ ن ثْخُوبَايْ ن ؤُجدْجِيذْ.
EZR 7:21 نشّْ، أَجدْجِيذْ أَرْثَاحْشَاسْثَا، سُّوفّغْ-د ڒُومُورْ إِ مَارَّا إِمحْضَاينْ خْ ثْخُوبَايْ [ذِي ثمُّورْثْ] خْ ؤُجمَّاضْ ن إِغْزَارْ [ن لْفُورَاطْ]، مَاحنْذْ أَذْ إِمّوْشْ س شْضَارثْ مَارَّا مِينْ زَّايْومْ غَا إِتَّارْ ؤُكهَّانْ عِيزْرَا، أَمْسڒْمَاذْ ن شَّارِيعَا ن أَربِّي ن إِجنْوَانْ،
EZR 7:22 أَڒْ مْيَا ثَالِينْثْ ن نُّوقَارْثْ، أَڒْ مْيَا إِكُورُوثنْ ن إِرْذنْ، أَڒْ مْيَا إِبَاثُوثنْ ن بِينُو ؤُ أَڒْ مْيَا إِبَاثُوثنْ ن زّشْثْ، ؤُشَا [إِ] ثْمدْجَاحْثْ [وَارْ ذِينْ] بُو ثوْصيّثْ.
EZR 7:23 مَارَّا مِينْ [إِدْجَانْ] زِي ڒُومُورْ ن أَربِّي ن إِجنْوَانْ، أَذْ إِتّْوَاڭّْ س شْضَارثْ إِ ثَادَّارْثْ ن أَربِّي ن إِجنْوَانْ، مِينْزِي مَايمِّي إِ د غَا يَاسْ وغْضَابْ خْ ثْڭلْذِيثْ ن ؤُجدْجِيذْ ذ إِحنْجِيرنْ نّسْ؟
EZR 7:24 زِي جِّيهثْ ن مَارَّا إِكهَّاننْ ذ إِلَاوِييّنْ، ذ إِمغْنُوجنْ ذ إِعسَّاسنْ ن ثوُّورَا ذ إِمْسخَّارنْ ن زَّاوشْثْ ثَامقّْرَانْثْ ذ إِمْسخَّارنْ ن ثَادَّارْثْ ن أَربِّي وَانِيثَا، أَقَا أَذْ كنِّيوْ نْخبَّارْ، وَارْ إِزمَّارْ أَذْ خَاسنْ إِتّْوَاڭّْ ڒعْشُورْ، ڒَا ذ لْجِيزْيَا ؤُڒَا ذ ضَّارِيبَا ن وبْرِيذْ.
EZR 7:25 مَاشَا شكْ، عِيزْرَا، س ثِيغِيثْ إِ ذ أَشْ إِمّوْشنْ زِي أَربِّي نّشْ، ڒقّمْ إِمْضبَّارنْ ذ ڒْقُوضَاثْ نِّي إِ غَا إِحكْمنْ خْ مَارَّا ڒْڭنْسْ نِّي إِدْجَانْ [ذِي ثمُّورْثْ] خْ ؤُجمَّاضْ ن إِغْزَارْ [ن لْفُورَاطْ]، إِ مَارَّا إِنِّي إِسّْننْ إِزرْفَانْ ن أَربِّي. ؤُشَا إِ يِينِّي وَارْ ثنْ إِسِّيننْ، إِتّْخصَّا أَذْ ثنْ د-ثسَّارْڭْبذْ.
EZR 7:26 كُوڒْ إِجّنْ ونِّي وَارْ إِضْفَارنْ شَّارِيعَا ن أَربِّي نْومْ ذ ؤُزرْفْ ن ؤُجدْجِيذْ، إِتّْخصَّا أَذْ إِتّْوَاحْكمْ س شْضَارثْ، مَا س ڒْموْثْ نِيغْ س لْمنْفَا نِيغْ س مُولْثَا ن وَاڭْڒَا نِيغْ س ڒحْبسْ.“
EZR 7:27 أَسمْغَارْ إِ سِيذِي، أَربِّي ن ڒجْذُوذْ نّغْ، ونِّي إِڭِّينْ أَيَا أَمُّو ذڭْ وُوڒْ ن ؤُجدْجِيذْ حِيمَا أَذْ يَارْنِي أَشنّعْ ذِي ثَادَّارْثْ ن سِيذِي نِّي [إِدْجَانْ] ذِي ؤُرْشَالِيمْ.
EZR 7:28 أَقَا نتَّا إِسّْشنْ أَيِي ثَامخْسِيوْثْ نّسْ إِشوَّارنْ زَّاثْ إِ وُوذمْ ن ؤُجدْجِيذْ ذ إِمْشَاوَارنْ نّسْ ذ مَارَّا ڒْحُوكَّامْ إِجهْذنْ ن ؤُجدْجِيذْ! ؤُشَا ؤُمِي خَافِي ثُوغَا أَفُوسْ ن سِيذِي، أَربِّي إِنُو، ڭِّيغْ ؤُڒْ ؤُ سّْمُونغْ إِزدْجِيفنْ ن إِسْرَائِيل حِيمَا أَذْ كِيذِي ڭعّْذنْ.
EZR 8:1 إِنَا ذ إِزدْجِيفنْ خْ إِبَابَاثنْ [ن ڒَادْجَاثْ]، أَكْ-ذ لِيسْثَا ن جَّاذِيرَا نْسنْ، إِنِّي أَكِيذِي د إِڭعّْذنْ زِي بَابِيلْ ؤُمِي ثُوغَا ثدْجَا ثْڭلْذَا ن ؤُجدْجِيذْ أَرْثَاحْشَاسْثَا.
EZR 8:2 زڭْ أَيْثْ ن فِينْحَاسْ: جَارْشُومْ، زڭْ أَيْثْ ن إِثَامَارْ: ذَانِييَالْ، زڭْ أَيْثْ ن ذَاوُوذْ: حَاطُّوشْ.
EZR 8:3 زڭْ أَيْثْ ن شَاكَانْيَا، زڭْ أَيْثْ ن فَارُوشْ: زَاكَارِييَّا ؤُ أَكِيذسْ تّْوَازمّمنْ مْيَا ؤُ-خمْسِينْ ن يرْيَازنْ أَكْ-ذ جَّاذِيرَا نْسنْ.
EZR 8:4 زڭْ أَيْثْ ن فَاحَاثْ-مُوآبَ: إِلْيُوعِينَايْ، مِّيسْ ن زَارَاحْ-يَاهْ، ؤُ أَكِيذسْ مِيثَاينْ ن يرْيَازنْ.
EZR 8:5 زڭْ أَيْثْ ن شَاكَانْيَا، مِّيسْ ن يَاحْزِييِيلْ، ؤُ أَكِيذسْ ثڒْثْ-مْيَا ن يرْيَازنْ.
EZR 8:6 زڭْ أَيْثْ ن عَاذِينْ: عَابِيذْ، مِّيسْ ن يُونَاثَانْ، ؤُ أَكِيذسْ خمْسِينْ ن يرْيَازنْ.
EZR 8:7 زڭْ أَيْثْ ن عِيلَامْ: إِشَاعْيَا، مِّيسْ ن عَاثَالْيَا، ؤُ أَكِيذسْ سبْعِينْ ن يرْيَازنْ.
EZR 8:8 زڭْ أَيْثْ ن شَافَاطْيَا: زَابَاذْيَا، مِّيسْ ن مِيخَايِيلْ، ؤُ أَكِيذسْ ثْمنْيِينْ ن يرْيَازنْ.
EZR 8:9 زڭْ أَيْثْ ن يُووَابْ: عُوبَاذْيَا، مِّيسْ ن يَاحِييِيلْ، ؤُ أَكِيذسْ مِيثَاينْ ؤُ-ثْمنْثَاشْ ن يرْيَازنْ.
EZR 8:10 زڭْ أَيْثْ ن بَانِي: شَالُومِيثْ، مِّيسْ ن يُوشَافْيَا، ؤُ أَكِيذسْ مْيَا ؤُ-ستِّينْ ن يرْيَازنْ.
EZR 8:11 زڭْ أَيْثْ ن بَابَايْ: زَاكَارِييَّا، مِّيسْ ن بَابَايْ، ؤُ أَكِيذسْ ثْمنْيَا ؤُ-عِيشْرِينْ ن يرْيَازنْ.
EZR 8:12 زڭْ أَيْثْ ن عَاجَاذْ: يُوحَانَانْ، مِّيسْ ن هَاقَّاطَانْ، ؤُ أَكِيذسْ مْيَا ؤُ -عشْرَا ن يرْيَازنْ.
EZR 8:13 زڭْ أَيْثْ ن أَذُونِيقَامْ، إِنڭُّورَا، ذ إِنَا ذ إِسْمَاونْ [نْسنْ]: إِلِيفَالَاطْ، يَاعِييِيلْ ذ شَامْعِييَا ؤُ أَكِيذْسنْ ستِّينْ ن يرْيَازنْ.
EZR 8:14 زڭْ أَيْثْ ن بِيغْوَايْ: عُوثَايْ ذ زَابُّوذْ ؤُ أَكِيذسْ سبْعِينْ ن يرْيَازنْ.
EZR 8:15 نشّْ سّْمُونغْ ثنْ غَارْ إِغْزَارْ نِّي إِتّكّنْ خْ أَهَاوَا. ذِينِّي نوْثَا إِقِيضَانْ نّغْ ثْڒَاثَا ن وُوسَّانْ ؤُ نشّْ حكَّارغْ إِ ڒْڭنْسْ ذ إِكهَّاننْ ؤُ وَارْ ؤُفِيغْ ؤُڒَا ذ إِجّنْ زڭْ إِلَاوِييّنْ.
EZR 8:16 [خنِّي] سّكّغْ غَارْ أَلِيعَازَارْ، أَرِييِيلْ، شَامْعِييَا، إِلْ-نَاثَانْ، يَارِيبْ، أَلْنَاثَانْ، نَاثَانْ، زَاكَارِييَّا ؤُ غَارْ مَاشُولَّامْ، [إِنِّي ذ] إِزدْجِيفنْ، ؤُ غَارْ يُويَارِيبْ ذ إِلْ-نَاثَانْ، [إِرْيَازنْ] غَارْسنْ ڒفْهَامثْ.
EZR 8:17 ؤُمُورغْ ثنْ خْ عِيدُّو، أَزدْجِيفْ ذڭْ ومْشَانْ [ؤُمِي قَّارنْ] كَاسِيفْيَا، ؤُشَا ڭِّيغْ أَسنْ أَوَاڒنْ ذڭْ ؤُقمُّومْ نْسنْ، حِيمَا أَذْ ثنْ إِنِينْ إِ عِيدُّو، إِ ؤُتْشْمَاسْ ؤُ إِ إِمْسخَّارنْ ن زَّاوشْثْ ثَامقّْرَانْثْ ذڭْ ومْشَانْ [ؤُمِي قَّارنْ] كَاسِيفْيَا، مَاحنْذْ أَذْ أَنغْ د-أَوْينْ إِمْسخَّارنْ إِ ثَادَّارْثْ ن أَربِّي نّغْ.
EZR 8:18 ؤُمِي ثُوغَا خَانغْ أَفُوسْ إِصبْحنْ ن أَربِّي، سّكّنْ أَنغْ-د إِجّْ ن ورْيَازْ س ڒفْهَامثْ، إِجّنْ زڭْ إِحنْجِيرنْ ن مَاحْلِي، مِّيسْ ن لَاوِي، مِّيسْ ن إِسْرَائِيل، ؤُ [وَانِيثَا] ذ شَارَابْيَا، أَكْ-ذ إِحنْجِيرنْ نّسْ ذ أَيْثْمَاسْ، [مَارَّا إِذْسنْ] ثْمنْطَاشْ [ن يرْيَازنْ]،
EZR 8:19 ؤُ [عَاوذْ] حَاشَابْيَا ؤُ أَكِيذسْ إِشَاعْيَا زڭْ أَيْثْ ن مَارَارِي، أَكْ-ذ أَيْثْمَاسْ ذ إِحنْجِيرنْ نْسنْ، عِيشْرِينْ [ن يرْيَازنْ].
EZR 8:20 ؤُ زڭْ إِمْسخَّارنْ ن زَّاوشْثْ ثَامقّْرَانْثْ نِّي إِوْشِينْ ذَاوُوذْ ذ ڒْحُوكَّامْ إِ إِلَاوِييّنْ مَاحنْذْ أَذْ أَسنْ سخَّارنْ، أَقَا أَثنْ مِيثَاينْ ؤُ-عِيشْرِينْ ن إِمْسخَّارنْ ن زَّاوشْثْ ثَامقّْرَانْثْ إِنِّي مَارَّا تّْوَاڒَاغَانْ س إِسْمَاونْ نْسنْ.
EZR 8:21 [خنِّي] ڒَاغِيغْ ذِينِّي غَارْ إِغْزَارْ ن أَهَاوَا س يِيجّْ ن ؤُژُومِّي، مَاحنْذْ أَذْ نسَّاضَارْ إِخفْ نّغْ زَّاثْ إِ وُوذمْ ن أَربِّي نّغْ، مَاحنْذْ أَذْ زَّايسْ نتَّارْ ثِيشْڒِي ذ ثَامِيمُونْثْ إِ نشِّينْ ؤُ إِ ثَارْوَا نّغْ إِمژْيَاننْ ؤُ إِ وَاڭْڒَا نّغْ،
EZR 8:22 مَاغَارْ تّْسذْحِيغْ أَذْ تَّارغْ إِجّْ ن ڒْعسْكَارْ زِي غَارْ ؤُجدْجِيذْ مَاحنْذْ أَذْ أَنغْ ثْعَاونْ ذڭْ وبْرِيذْ ضِيدّْ إِ ڒعْذُو، مِينْزِي ثُوغَا نسَّاوَاڒْ ذڭْ ؤُجدْجِيذْ، ننَّا: ”أَفُوسْ ن أَربِّي أَقَا-ث ذ أَصبْحَانْ خْ مَارَّا إِنِّي ث يَارزُّونْ، مَاشَا جّهْذْ نّسْ ذ وغْضَابْ نّسْ [أَذْ د-أَسنْ] خْ مَارَّا إِنِّي إِ خَاسْ إِتَّاڭّْوجنْ.“
EZR 8:23 إِوَا نشِّينْ نْژُومّْ ؤُ نتَّارْ أَيَا زِي أَربِّي نّغْ ؤُ نتَّا إِسْثَاجبْ أَنغْ إِ ثْژَادْجِيثْ يُودْجْغنْ نّغْ.
EZR 8:24 [خنِّي] فَارْزغْ ثنْعَاشْ [ن يرْيَازنْ] زڭْ إِمقّْرَاننْ ن إِكهَّاننْ: شَارَابْيَا ذ حَاشَابْيَا ؤُ أَكِيذْسنْعشْرَا ن أَيْثْمَاثْسنْ.
EZR 8:25 وزْنغْ زَّاثْسنْ نُّوقَارْثْ ذ وُورغْ ذ ڒقْشُوعْ، أَقَا أَيَا ذ ثَاوْهِيبْثْ ن ؤُسْڭعّذْ إِ ثَادَّارْثْ ن أَربِّي نّغْ، ثنِّي إِسّْڭعّذْ ؤُجدْجِيذْ أَكْ-ذ إِمْشَاوَارنْ نّسْ ذ ڒْحُوكَّامْ نّسْ ذ مَارَّا إِنِّي [ذِينْ] إِتّْوَافنْ زِي إِسْرَائِيل.
EZR 8:26 وزْنغْ ؤُ ڭِّيغْ أَسنْ ذڭْ إِفَاسّنْ نْسنْ ستَّا-مْيَا ؤُ-خمْسِينْ ثَالِينْثْ ن نُّوقَارْثْ ؤُ مْيَا ن ڒقْشُوعْ ن نُّوقَارْثْ [إِوزْننْ] مْيَا ثَالِينْثْ ؤُ مْيَا ثَالِينْثْ ن وُورغْ
EZR 8:27 ؤُ عِيشْرِينْ ن إِفنْجَاڒنْ ن وُورغْ سكّْوَانْ أَڒفْ ذْرَاخْمَاثْ ؤُڒَا ذ ثْنَاينْ ن ڒقْشُوعْ ن نّْحَاسْ، إِشلّلْ، إِشْنَا، إِغْڒَا أَمْ وُورغْ.
EZR 8:28 نِّيغْ أَسنْ: ”كنِّيوْ ذ إِمْقدَّاسنْ زَّاثْ إِ سِيذِي ؤُ ڒقْشُوعْ-أَ أَقَا قدّْسنْ [إِ دْجَانْ]، ؤُڒَا ذ نُّوقَارْثْ-أَ ذ وُورغْ-أَ، أَقَا أَيَا ذ ثَاوْهِيبْثْ س ڒْخَاضَارْ إِ سِيذِي، أَربِّي ن ڒجْذُوذْ نْومْ.
EZR 8:29 عسّمْ ؤُ حْضَامْ أَيَا أَڒْ ث غَا ثْوزْنمْ زَّاثْ إِ وُوذمْ ن إِمقّْرَاننْ ن إِكهَّاننْ ذ إِلَاوِييّنْ ذ إِمقّْرَاننْ ن [ڒَْادْجَاثْ ن] إِبَابَاثنْ ن إِسْرَائِيل ذِي ؤُرْشَالِيمْ، ذڭْ إِخَّامنْ ن ثَادَّارْثْ ن سِيذِي.“
EZR 8:30 [خنِّي] طّْفنْ إِكهَّاننْ ذ إِلَاوِييّنْ ڒوْزنْ ن نُّوقَارْثْ ذ وُورغْ ذ ڒقْشُوعْ حِيمَا أَذْ أَوْينْ [أَيَا مَارَّا] غَارْ ؤُرْشَالِيمْ غَارْ ثَادَّارْثْ ن أَربِّي نّغْ.
EZR 8:31 ذڭْ وَاسّْ وِيسّْ ثنْعَاشْ ن ؤُيُورْ أَمزْوَارُو نكّسْ إِقِيضَانْ نّغْ مَاحنْذْ أَذْ نُويُورْ غَارْ ؤُرْشَالِيمْ. ثُوغَا أَفُوسْ ن أَربِّي خَانغْ ؤُشَا إِفكّْ أَنغْ زڭْ ؤُفُوسْ ن ڒعْذُو ؤُ [زڭْ ؤُفُوسْ] ن يِينِّي [إِ ذ أَنغْ] إِڭِّينْ ڒْفخْ ذڭْ وبْرِيذْ.
EZR 8:32 ؤُشَا نِيوضْ غَارْ ؤُرْشَالِيمْ ؤُ نقِّيمْ ذِينِّي ثْڒَاثَا ن وُوسَّانْ.
EZR 8:33 ذڭْ وَاسّْ وِيسّْ أَربْعَا إِتّْوَاوْزنْ نُّوقَارْثْ ذ وُورغْ ذ ڒقْشُوعْ ذِي ثَادَّارْثْ ن أَربِّي نّغْ ؤُشَا نوْشَا أَيَا إِ ؤُكهَّانْ مَارِيمُوثْ، مِّيسْ ن ؤُرِييَا، ؤُشَا أَلِيعَازَارْ، مِّيسْ ن فِينْحَاسْ، [ثُوغَا-ث] أَكِيذسْ ؤُڒَا ذ يُوزَابَاذْ، مِّيسْ ن يشُوعَا، ذ نُوعَاذْيَا، مِّيسْ ن بَانُّويْ، نِيثْنِي س ثْنَاينْ ذ إِلَاوِييّنْ.
EZR 8:34 [ذ مَانْ أَيَا إِمْسَارْ] عْلَاحْسَابْ ڒْقدّْ ذ ڒوْزنْ ن مَارَّا أَيَا ؤُ مَارَّا ڒوْزنْ إِتّْوَاوْزنْ ذِي ڒْوقْثْ نِّي ذ إِجّنْ.
EZR 8:35 أَيْثْ ن لْمنْفَا إِنِّي د-إِعقْبنْ زِي ثْمحْبَاسْثْ، سّْڭعّْذنْ إِ أَربِّي ن إِسْرَائِيل ثِيغَارْصَا ن وشْمَاضْ: ثنْعَاشْ ن إِفُونَاسنْ إِمژْيَاننْ إِ مَارَّا إِسْرَائِيل، ستَّا ؤُ-ثسْعِينْ ن إِشَارِّييّنْ ؤُ سبْعَا ؤُ-سبْعِينْ ن إِزْمَارنْ، ؤُ إِ ثْغَارْصْثْ ن دّنْبْ ثنْعَاشْ ن إِمُويَانْ، مَارَّا أَيَا ذ ثَاغَارْصْثْ ن وشْمَاضْ إِ سِيذِي.
EZR 8:36 نِيثْنِي وْشِينْ ثِيوصَّا ن ؤُجدْجِيذْ إِ إِجدْجِيذنْ [إِ إِدْجَانْ] سَاذُو ؤُجدْجِيذْ ؤُ إِ لْوُولَاثْ [ذِي ثمُّورْثْ] خْ ؤُجمَّاضْ ن إِغْزَارْ [ن لْفُورَاطْ] ؤُ نِيثْنِي وْشِينْ أَفُوسْ إِ ڒْڭنْسْ ؤُ [إِ ثْسخَّارْثْ ذِي] ثَادَّارْثْ ن أَربِّي.
EZR 9:1 أَوَارْنِي ڒَامِي إِتّْوَاكمّڒْ مَانْ أَيَا [مَارَّا]، ؤُسِينْ-د غَارِي ڒْحُوكَّامْ، نَّانْ: ”ڒْڭنْسْ ن إِسْرَائِيل ذ إِكهَّاننْ ذ إِلَاوِييّنْ وَارْ قِّيمنْ تّْوَامْسبْضَانْ خْ ڒڭْنُوسْ ن ثمُّورَا-يَا، [مَاغَارْ] جّْعَايفْ نْسنْ أَمْ ثِينِّي ن أَيْثْ ن كنْعَانْ ذ إِحِيتِّييّنْ ذ إِفِيرِيزِييّنْ ذ إِيابُوسِييّنْ ذ أَيْثْ ن عَامُّونْ ذ أَيْثْ ن مُوآبَ ذ إِمِيصْرِييّنْ ذ إِمُورِييّنْ.
EZR 9:2 نِيثْنِي إِوْينْ زڭْ يسِّيثْسنْ [ثِيمْغَارِينْ] إِ يِيخفْ نْسنْ ؤُ إِ إِحنْجِيرنْ نْسنْ أَڒَامِي صُورنْ زَّارِيعثْ ذ ثَامْقدَّاسْثْ س ڒڭْنُوسْ ن ثمُّورَا-يَا، وَاهْ، أَفُوسْ ن ڒْحُوكَّامْ ذ إِمْضبَّارنْ ثُوغَا-ث ذ أَمزْوَارُو ذِي ڒغْذَارْ-أَ.“
EZR 9:3 ؤُمِي سْڒِيغْ أَيَا، شَارّْڭغْ أَرُّوضْ إِنُو ذ ؤُسڒْهَامْ إِنُو، قڒْعغْ-د أَشُوَّافْ ن ؤُزدْجِيفْ ؤُ ن ثْمَارْثْ ؤُشَا قِّيمغْ جعَّارغْ.
EZR 9:4 [خنِّي] مُوننْ-د خَافِي مَارَّا، إِنِّي إِتَّارْجِيجنْ زِي أَربِّي ن إِسْرَائِيل، ذِي سِّيبّثْ ن ڒغْذَارْ ن أَيْثْ ن لْمنْفَا، مَاشَا نشّْ قِّيمغْ جعَّارغْ أَڒْ [ڒْْوقْثْ ن] ثوْهِيبْثْ ن ثْمذِّيثْ.
EZR 9:5 غَارْ ثوْهِيبْثْ ن ثْمذِّيثْ كَّارغْ زڭْ ؤُسْوَاضعْ إِنُو س وَارُّوضْ إِنُو ذ ؤُسڒْهَامْ إِنُو [إِشَارّْڭنْ] ؤُشَا ؤُضَارغْ خْ إِفَادّنْ ؤُ سّْوِيژّْضغْ إِفَاسّنْ إِنُو غَارْ سِيذِي، أَربِّي إِنُو.
EZR 9:6 نِّيغْ: ”أَربِّي إِنُو، نشّْ سذْحِيغْ ؤُ تّْوَاسّْبهْذْڒغْ أَڒْ وَارْ زْعِيمغْ أَذْ غَاركْ د-سّْڭعّْذغْ ؤُذمْ إِنُو، أَ أَربِّي إِنُو، مِينْزِي ڒْمُوعْصِييّثْ نّغْ ثمْغَارْ أَنغْ خْ ؤُزدْجِيفْ ؤُ أَمَارْوَاسْ نّغْ إِمْغَارْ أَڒْ أَجنَّا.
EZR 9:7 زڭْ وُوسَّانْ ن ڒجْذُوذْ نّغْ أَڒْ أَسّْ-أَ [أَقَا أَنغْ] ذڭْ ؤُمَارْوَاسْ ذ أَمقّْرَانْ ؤُ خْ ڒْمُوعْصِييّثْ نّغْ نمّوْشْ نشِّينْ ذ إِجدْجِيذنْ نّغْ ذ إِكهَّاننْ نّغْ ذڭْ إِفَاسّنْ ن إِجدْجِيذنْ ن ثمُّورَا، [أَقَا نمّوْشْ] إِ سِّيفْ، إِ ثْمحْبَاسْثْ، إِ ؤُكشّضْ ؤُ إِ ڒفْضِيحثْ خْ وُوذْمَاونْ نّغْ، أَمْ مَامّشْ [إِ ثدْجَا] أَسّْ-أَ.
EZR 9:8 ڒخُّو ثُوغَا ذِينْ إِشْثْ ن ثْزحْزِيحْثْ ذ ثَامژْيَانْثْ ن أَرْضَا ن سِيذِي، أَربِّي نّغْ، حِيمَا أَذْ أَنغْ يجّْ شَا ن يِينِّي إِنّجْمنْ ؤُ حِيمَا أَذْ أَنغْ إِوْشْ إِجّْ ن ڒوْثذْ ذِي زَّاوشْثْ ثَامقّْرَانْثْ نّسْ إِقدّْسنْ ؤُ ثْفَاوْثْ إِ ثِيطَّاوِينْ نّغْ، [أَ] أَربِّي نّغْ، ؤُ حِيمَا أَذْ أَنغْ د-يَارّْ نّفْسْ شْوَايْثْ ذِي ثسْمُوغِي نّغْ.
EZR 9:9 أَقَا نشِّينْ ذ إِسمْغَانْ، مَاشَا ذِي ثسْمُوغِي نّغْ وَارْ ذَايْنغْ إِسْمِيحْ أَربِّي نّغْ، مَاشَا نتَّا إِذْڒَا أَنغْ س ثْمخْسِيوْثْ نّسْ إِشوَّارنْ زَّاثْ إِ وُوذمْ ن إِجدْجِيذنْ ن لْفُورْسْ مَاحنْذْ أَذْ أَنغْ د-يَارّْ نّفْسْ إِ ؤُسْبذِّي ن ثَادَّارْثْ ن أَربِّي [ثْوَاڒَاثْ نّغْنِي]، إِ وعْذَاڒْ ن ڒْخِيرْبَاثْ ؤُ حِيمَا أَذْ أَنغْ إِوْشْ إِجّْ ن ومْشَانْ إِتّْوَانّْضنْ س ڒْحِيضْ ذِي يَاهُوذَا ؤُ ذِي ؤُرْشَالِيمْ.“
EZR 9:10 ”ؤُشَا ڒخُّو، مِينْ غَا نِينِي أَوَارْنِي ؤُيَا عَاذْ، [أَ] أَربِّي نّغْ، مِينْزِي نسْمحْ ذِي ڒُومُورَاثْ نّشْ،
EZR 9:11 ثِينِّي ثُومُورذْ س ثْسخَّارْثْ ن إِمْسخَّارنْ نّشْ، إِنَابِييّنْ، إِنِّي إِنَّانْ: ’ثَامُّورْثْ ثنِّي إِ غَا ثَاذْفمْ مَاحنْذْ أَذْ ت ثطّْفمْ ذ ڒْوَارْثْ، ذ إِشْثْ ن ثمُّورْثْ ثتّْوَاسّخْمجْ س ڒخْمجْ ن ڒڭْنُوسْ ن ثمُّورَا، س جّْعَايفْ نْسنْ إِ زِي ت شُّورنْ زِي طَّارْفْ أَڒْ طَّارْفْ نّغْنِي س ثخْمُوجِي نْسنْ‘،
EZR 9:12 [ذ إِنِّي إِقَّارنْ ؤُڒَا عَاذْ] ڒخُّو: ’وَارْ تِّيشمْ ثِيحنْجِيرِينْ نْومْ ذ ثِيمْغَارِينْ إِ إِحنْجِيرنْ نْسنْ، ؤُڒَا ذ ثِيحنْجِيرِينْ نْسنْ وَارْ ثنْثْ تِّيوْيمْ إِ إِحنْجِيرنْ نْومْ ؤُشَا وَارْ أَرزُّومْ خْ ڒَامَانْ نْسنْ نِيغْ ڒْخَارْ نْسنْ إِ ڒبْذَا، حِيمَا أَذْ ثْذوْڒمْ ثْجهْذمْ ؤُ أَذْ ثشّمْ مُومُّو [ن ڒْغِيدْجثْ] ن ثمُّورْثْ ؤُ أَذْ ت ثوْشمْ ذ ڒْوَارْثْ إِ ڒبْذَا إِ إِحنْجِيرنْ نْومْ.‘ “
EZR 9:13 ”ؤُشَا أَوَارْنِي مَارَّا مِينْ إِ ذ أَنغْ إِمْسَارنْ ذِي سِّيبّثْ ن ثْمڭَّا نّغْ ثِيعفَّانِينْ ذ ؤُمَارْوَاسْ نّغْ أَمقّْرَانْ، [أَ] أَربِّي نّغْ، أَقَا شكْ وَارْ ذ أَنغْ ثْخدْجْصذْ شَا مْغِيرْ ذْرُوسْ وَاهَا أَڒَامِي وَارْ نتّْوَاهلّكْ شَا س ڒْمُوعْصِييّثْ نّغْ ؤُ ثوْشِيذْ أَنغْ [عَاذْ] إِنَا إِنِّي إِنّجْمنْ أَمْ ت ثدْجَا [ڒخُّو].
EZR 9:14 مَا نْزمَّارْ ڒخُّو أَذْ نَارْژْ ثْوَاڒَا نّغْنِيثْ ثِيوصَّا نّشْ ؤُ أَذْ نڭّْ أَذْ نذْوڒْ ذ إِضڭّْوَاڒنْ أَكْ-ذ ڒڭْنُوسْ نِّي [إِڭِّينْ] جّْعَايفْ-أَ؟ مَا [خنِّي] شكْ وَارْ خَانغْ ثْسعَّارذْ أَڒَامِي خَانغْ إِ غَا ثقْضِيذْ أَڒْ مَانِي وَارْ إِتّْغِيمِي إِجّْ ن ڒْبَاقِي ؤُڒَا ذ ونِّي إِنّجْمنْ؟
EZR 9:15 [أَ] سِيذِي، أَربِّي ن إِسْرَائِيل، شكْ ذ أَمْسڭّذْ، مِينْزِي نشِّينْ ذ إِنِّي إِقِّيمنْ نّجْمنْ أَمْ [ثدْجَا] أَسّْ-أَ. أَقَا نشِّينْ س ؤُمَارْوَاسْ [إِ ندْجَا] زَّاثْ إِ وُوذمْ نّشْ، مِينْزِي ؤُڒَا ذ إِجّنْ وَارْ إِزمَّارْ أَذْ إِبدّْ زَّاثْ إِ وُوذمْ نّشْ ذِي سِّيبّثْ-أَ.“
EZR 10:1 ؤُمِي إِژُّودْجْ عِيزْرَا أَمُّو، إِنْعمْ، إِرُو ؤُشَا إِوْضَا [خْ إِفَادّنْ] زَّاثْ إِ ثَادَّارْثْ ن أَربِّي، أَقَا إِسّْمُونْ-د خَاسْ ڒْغَاشِي ذ أَمقّْرَانْ أَطَّاسْ ن يرْيَازنْ ذ ثمْغَارِينْ ذ إِحنْجِيرنْ ن إِسْرَائِيل، مِينْزِي ڒْڭنْسْ إِرُو س إِمطَّاونْ إِمقّْرَاننْ.
EZR 10:2 [خنِّي] شَاكَانْيَا، مِّيسْ ن يَاحِييِيلْ، إِجّنْ زڭْ أَيْثْ ن عِيلَامْ، إِطّفْ ذڭْ وَاوَاڒْ، إِنَّا إِ عِيزْرَا: ”نشِّينْ أَقَا نغْذَارْ أَربِّي نّغْ ؤُشَا نشِّينْ نِيوِي ثِيمْغَارِينْ ثِيبَارَّانِييِّينْ زِي ڒڭْنُوسْ ن ثمُّورْثْ، نسّزْذغْ إِ-ثنْثْ أَكِيذْنغْ. خنِّي ڒخُّو، أَقَا ذِينْ [عَاذْ] ڒَايَاسْ إِ إِسْرَائِيل ذِي مَانْ أَيَا.
EZR 10:3 أجّْ أَنغْ أَذْ نڭّْ إِجّْ ن ڒْعَاهْذْ أَكْ-ذ أَربِّي حِيمَا أَذْ نَاژّڒْ خْ مَارَّا ثِيمْغَارِينْ ذ مِينْ زَّايْسنْثْ د-إِخڒْقنْ، عْلَاحْسَابْ أَشَاوَارْ ن سِيذِي إِنُو ؤُ ن يِينِّي إِتَّارْجِيجنْ إِ ڒُومُورْ ن أَربِّي، ؤُشَا [خنِّي] أَذْ إِتّْوَاڭّْ عْلَاحْسَابْ شَّارِيعَا.
EZR 10:4 كَّارْ، مِينْزِي ثَامسْڒَاشْثْ[-أَ] أَقَا-ت خْ [وعْرُورْ] نّشْ ؤُ نشِّينْ أَكِيذكْ نْبدّْ. إِڒِي ذ أَرْيَازْ، أڭّْ [إِ-ت]!“
EZR 10:5 [خنِّي] إِكَّارْ عِيزْرَا ؤُشَا إِجَّا إِمقّْرَاننْ ن إِكهَّاننْ ذ إِلَاوِييّنْ ذ مَارَّا إِسْرَائِيل أَذْ جَّادْجنْ أَذْ ڭّنْ عْلَاحْسَابْ أَوَاڒْ-أَ ؤُشَا نِيثْنِي جُّودْجنْ.
EZR 10:6 [خنِّي] إِكَّارْ عِيزْرَا [إِفّغْ] [زِي] زَّاثْ إِ وُوذمْ ن ثَادَّارْثْ ن أَربِّي، يُوذفْ غَارْ وخَّامْ ن يُوحَانَانْ، مِّيسْ ن إِلْيَاسِيبْ. [ؤُمِي] يُوذفْ [ذِينِّي]، وَارْ إِشِّي أَغْرُومْ وَارْ إِسْوِي أَمَانْ، مَاغَارْ إِشْضنْ خْ ڒغْذَارْ ن أَيْثْ ن لْمنْفَا.
EZR 10:7 ؤُشَا ڭِّينْ إِجّْ ن ؤُبَارّحْ ذِي يَاهُوذَا ذ ؤُرْشَالِيمْ إِ مَارَّا أَيْثْ ن لْمنْفَا مَاحنْذْ أَذْ مُوننْ ذِي ؤُرْشَالِيمْ.
EZR 10:8 قَاعْ ونِّي وَارْ د-يُوسِينْ ذِي [ڒْمِيجَارْ ن] ثْڒَاثَا ن وُوسَّانْ، أَمْ مَامّشْ [إِدْجَا] ذڭْ ؤُشَاوَارْ ن ڒْحُوكَّامْ ذ إِوسُّورَا، مَارَّا أَڭْڒَا نّسْ أَذْ أَسْ إِتّْوَاحَارّمْ ؤُ نتَّا سِيمَانْثْ نّسْ أَذْ إِتّْوَامّْسبْضَا خْ وڭْرَاوْ [ن ڒْڭنْسْ] ن أَيْثْ ن لْمنْفَا
EZR 10:9 ذِي ثْڒَاثَا ن وُوسَّانْ نّْجَارْونْ مَارَّا إِرْيَازنْ ن يَاهُوذَا ذ بِينْيَامِينْ ذِي ؤُرْشَالِيمْ. ثُوغَا ذڭْ وَاسّْ وِيسّْ عِيشْرِينْ ن ؤُيُورْ وِيسّْ ثسْعَا. مَارَّا ڒْڭنْسْ إِقِّيمْ ذڭْ وَازَّايْ ن ثَادَّارْثْ ن أَربِّي، تَّارْجِيجنْ زِي ثْمسْڒَاشْثْ[-أَ] ؤُڒَا زڭْ ونْژَارْ إِ د-إِوتَّانْ س وَاطَّاسْ.
EZR 10:10 إِكَّارْ ؤُكهَّانْ عِيزْرَا، إِنَّا أَسنْ: ”كنِّيوْ ثغْذَارمْ ؤُ ثِيوْيمْ ثِيمْغَارِينْ ثِيبَارَّانِييِّينْ [زِي ڒڭْنُوسْ] ثسّْزذْغمْ ثنْثْ أَكِيذْومْ [ؤُ أَمُّو إِ] ثڭِّيمْ ثَارْنِيمْ ذڭْ ؤُمَارْوَاسْ ن إِسْرَائِيل.
EZR 10:11 خنِّي ڒخُّو، قَاذَامْ سِيذِي، أَربِّي ن ڒجْذُوذْ نْومْ، ؤُ ڭّمْ مِينْ إِخْسْ نتَّا ؤُشَا مّْسبْضَامْ خْ ڒڭْنُوسْ ن ثمُّورْثْ ؤُڒَا خْ ثمْغَارِينْ ثِيبَارَّانِييِّينْ.“
EZR 10:12 مَارَّا أَڭْرَاوْ [ن ڒْڭنْسْ] يَارَّا-د خَاسْ س جّْهذْ: ”أَقَا-ث خْ [وعْرُورْ] نّغْ مَاحنْذْ أَذْ نڭّْ عْلَاحْسَابْ أَوَاڒنْ نّشْ!
EZR 10:13 مَاشَا أَقَا [ذِينْ] أَطَّاسْ ن إِوْذَانْ ؤُ أَقَا ذ ڒْوقْثْ ن ونْژَارْ. وَارْ غَارْسنْ بُو جّهْذْ مَاحنْذْ أَذْ [قِّيمنْ] بدّنْ بَارَّا ؤُڒَا ذ مَانْ أَيَا وَارْ إِدْجِي ذ إِشْثْ ن ڒْخذْمثْ ن إِجّْ نِيغْ ثْنَاينْ ن وُوسَّانْ، مِينْزِي أَطَّاسْ زَّايْنغْعدَّانْ ذِي ثْمسْڒَاشْثْ-أَ.
EZR 10:14 أجّْ أَذْ بدّنْ ڒْحُوكَّامْ نّغْ ذِي طّْوعْ ن مَارَّا أَڭْرَاوْ [ن ڒْڭنْسْ] ؤُشَا أَذْ د-أَسنْ ذڭْ وُوسَّانْ إِتّْوَاڭّنْ مَارَّا إِنِّي ذِي ثْندَّامْ يِيوْينْ غَارْسنْ ثِيمْغَارِينْ ثِيبَارَّانِييِّينْ، سّْزذْغنْ ثنْثْ ذِي ثُوذْرِينْ نْسنْ، ؤُشَا [جْمِيعْ أَكِيذْسنْ] ؤُڒَا ذ إِوسُّورَا ن كُوڒْ ثَانْذِينْثْ ذ ڒْقُوضَاثْ نّسْ، أَڒْ خَانغْ غَا إِبعّذْ ڒْحَاذُوقْ ن وغْضَابْ ن أَربِّي نّغْ.“
EZR 10:15 مْغِيرْ يُونَاثَانْ، مِّيسْ عَسَائِيلْ، ذ يَاحَازْيَا، مِّيسْ ن ثِيقْوَا، ثُوغَا تّْعكّْسنْ خْ مَانْ أَيَا ؤُ مَاشُولَّامْ ذ شَابَاثَايْ، أَلَاوِي، وْشِينْ أَسنْ أَفُوسْ.
EZR 10:16 [مَاشَا] إِرْيَازنْ نِّي إِعقْبنْ زِي لْمنْفَا ڭِّينْ [ث] أَمُّو. [خنِّي] إِتّْوَافَارْزْ ؤُكهَّانْ عِيزْرَا [ذ] يرْيَازنْ [إِنِّي] ذ إِزدْجِيفنْ خْ إِبَابَاثنْ ن ڒَادْجَاثْ ن إِبَابَاثنْ نْسنْ. نِيثْنِي مَارَّا تّْوَاڒَاغَانْ س يِيسمْ نْسنْ ؤُشَا قِّيمنْ ذڭْ وَاسّْ أَمزْوَارُو ن ؤُيُورْ وِيسّْعشْرَا، حِيمَا أَذْ أَرْزُونْ ذِي ثْمسْڒَاشْثْ[-أَ].
EZR 10:17 ذڭْ وَاسّْ أَمزْوَارُو ن ؤُيُورْ أَمزْوَارُو كمّْڒنْ نِيثْنِي [ثَارزُّوثْ] ذِي مَارَّا إِرْيَازنْ نِّي إِڭِّينْ أَذْ سّْزذْغنْ أَكِيذْسنْ ثِيمْغَارِينْ ثِيبَارَّانِييِّينْ.
EZR 10:18 إِتّْوَافْ بلِّي إِنِّي زڭْ أَيْثْ ن إِكهَّاننْ إِنِّي إِسّْزذْغنْ غَارْ إِخفْ نْسنْ ثمْغَارِينْ ثِيبَارَّانِييِّينْ، أَقَا أَثنْ زڭْ أَيْثْ ن يَاهُوشَاعْ، مِّيسْ ن يُوصَاذَاقْ، ؤُ زڭْ أَيْثْمَاسْ، مَاعَاسِييَا ذ أَلِيعَازَارْ ذ يَارِيبْ ذ جَاذَالْيَا.
EZR 10:19 نِيثْنِي وْثِينْ خْ ؤُفُوسْ أَذْ سّكّنْ ثِيمْغَارِينْ نْسنْ، ؤُ ؤُمِي ذَايْسنْ أَمَارْوَاسْ، [أَذْ أَوْينْ] إِجّنْ زڭْ وُودْجِي إِ ؤُمَارْوَاسْ نْسنْ.
EZR 10:20 زڭْ إِحنْجِيرنْ ن إِمِّيرْ: حَانَانِي ذ زَابَاذْيَا.
EZR 10:21 زڭْ إِحنْجِيرنْ ن حَارِيمْ: مَاعَاسِييَا، إِلِييَا، شَامْعِييَا، يَاحِييِيلْ ذ عُوزِّييَا.
EZR 10:22 زڭْ إِحنْجِيرنْ ن فَاشْحُورْ: إِلْيُوعِينَايْ، مَاعَاسِييَا، إِسْمَاعِيلْ، نَاثَانَايِيلْ، يُوزَابَاذْ ذ أَلْعَاسَا.
EZR 10:23 زِي إِلَاوِييّنْ: جُوزَابَاذْ، شِيمْعِي، قَالَايَا، [وَا ذ قَالِيطَا]، ذ فَاثْحْيَا، يَاهُوذَا ذ أَلِيعَازَارْ.
EZR 10:24 زڭْ إِمذْيَازنْ: أَلْيَاسِيبْ. زڭْ إِعسَّاسنْ ن ثوُّورَا: شَالُّومْ، طَالَامْ ذ ؤُرِي.
EZR 10:25 زِي إِسْرَائِيل: زڭْ أَيْثْ ن فَارْعُوشْ: رَامْيَا، جِيزِييَا، مَالْكِييَا، مِييَامِينْ، أَلِيعَازَارْ، مَالْكِييَا ذ بَانَايَا.
EZR 10:26 زڭْ أَيْثْ ن عِيلَامْ: مَاتَّانْيَا، زَاكَارِييَّا، يَاحِييِيلْ، عَابْذِي، يَارِيمُوثْ ذ إِلِييَا.
EZR 10:27 زڭْ أَيْثْ ن زَاتُّو: إِلْيُوعِينَايْ، إِلْيَاشِيبْ، مَاتَّانْيَا، يَارِيمُوثْ، زَابَاذْ ذ عَازِيزَا.
EZR 10:28 زڭْ أَيْثْ ن بَابَايْ: يُوحَانَانْ، حَانَانْيَا، زَابَّايْ ذ عَاثْلَايْ.
EZR 10:29 زڭْ أَيْثْ ن بَانِي: مَاشُولَّامْ، مَالُّوخْ، عَاذَايَا، يَاشُوبْ، شَآلْ ذ يَارَامُوثْ.
EZR 10:30 زڭْ أَيْثْ ن فَاحَاثْ-مُوآبَ: عَاذْنَا، كَالَالْ، بَانَايَا، مَاعَاسِييَا، مَاتَّانْيَا، بَاصَالِييِيلْ، بِينُّويْ ذ مَانَاسَّا.
EZR 10:31 زڭْ أَيْثْ ن حَارِيمْ: أَلِيعَازَارْ، يَاشِّي-يَاهْ، مَالْكِييَا، شَامْعِييَا، شِيمْعُونْ،
EZR 10:32 بِينْيَامِينْ، مَالُّوخْ ذ شَامَارْيَا.
EZR 10:33 زڭْ أَيْثْ ن حَاشُومْ: مَاتَّانَايْ، مَاتَّاتَّا، زَابَاذْ، إِلِيفَالَاطْ، يَارِيمَايْ، مَانَاسَّا، شِيمْعِي.
EZR 10:34 زڭْ أَيْثْ ن بَانِي: مَاعَاذَايْ، عَامْرَامْ ذ ؤُوْيِيلْ،
EZR 10:35 بَانَايَا، بَاذْيَا، كَالُوهِي،
EZR 10:36 وَانْيَا، مَارِيمُوثْ، إِلْيَاشِيبْ،
EZR 10:37 مَاتَّانْيَا، مَاتّْنَايْ، يَاعْسُو،
EZR 10:38 بَانِي، بِينُّويْ، شِيمْعِي،
EZR 10:39 شَالْمَايَا، نَاثَانْ، عَاذَايَا،
EZR 10:40 مَاكْنَاذْبَايْ، شَاشَايْ، شَارَايْ،
EZR 10:41 عَازَارْيِيلْ، شَالَامْيَا، شَامَارْيَا،
EZR 10:42 شَالُّومْ، أَمَارْيَا، يُوسُوفْ.
EZR 10:43 زڭْ أَيْثْ ن نابُو: يَاعِييِيلْ، مَاتِّيثْيَا، زَابَاذْ، زَابِينَا، يَادُّو، يُووِيلْ ذ بَانَايَا.
EZR 10:44 مَارَّا إِنَا ثُوغَا إِوْينْ ثِيمْغَارِينْ ثِيبَارَّانِييِّينْ ؤُشَا شَا زَّايْسنْ ثُوغَا غَارْسنْ ثِيمْغَارِينْ ؤُرْونْثْ-إِ-د إِحنْجِيرنْ. *
NEH 1:1 أَوَاڒنْ ن نَاحَامْيَا، مِّيسْ ن حَاكَالْيَا. إِمْسَارْ ذڭْ ؤُيُورْ ن كِيسْلُووْ، ذڭْ ؤُسڭّْوَاسْ وِيسّْ عِيشْرِينْ، ؤُمِي ذ أَيِي ثُوغَا ذِي ڒقْصَارْ ذِي شُوشَانْ،
NEH 1:2 أَقَا يُوسَا-د حَانَانِي، إِجّنْ زڭْ أَيْثْمَا، [جْمِيعْ] أَكْ-ذ شَا ن يرْيَازنْ زِي يَاهُوذَا، ؤُشَا سّقْسِيغْ ثنْ خْ وُوذَاينْ نِّي إِنّجْمنْ، إِنِّي إِقِّيمنْ زِي ثْمحْبَاسْثْ، ؤُ خْ ؤُرْشَالِيمْ.
NEH 1:3 نِيثْنِي نَّانْ أَيِي: ”إِنِّي إِقِّيمنْ، إِنِّي ذِينْ إِقِّيمنْ ذِي لْعَامَالَا زِي ثْمحْبَاسْثْ، أَقَا أَثنْ ذِي ڒغْبنْ ذ أَمقّْرَانْ ؤُ ذِي ڒفْضِيحثْ ؤُ ڒْحِيضْ ن ؤُرْشَالِيمْ إِتّْوَارْژْ ؤُ ثِيوُّورَا نّسْ تّْوَاسّْشمْضنْثْ.“
NEH 1:4 ؤُمِي سْڒِيغْ أَوَاڒنْ-أَ، إِمْسَارْ، أَقَا قِّيمغْ [غَارْ ثمُّورْثْ]، رُوغْ ؤُ شضْنغْ شَا ن وُوسَّانْ، ژُومّغْ ؤُ ژُودْجغْ زَّاثْ إِ وُوذمْ ن أَربِّي ن إِجنْوَانْ.
NEH 1:5 نِّيغْ: ”أَ سِيذِي، أَربِّي ن إِجنْوَانْ، شكْ ذ أَربِّي ذ أَمقّْرَانْ إِسَّاڭّْوَاذنْ، ونِّي إِطّْفنْ ذِي ڒْعَاهْذْ ذ ثْمخْسِيوْثْ إِشوَّارنْ ذِي طّْوعْ ن يِينِّي شكْ إِتّخْسنْ ؤُ ن يِينِّي إِطّْفنْ ذِي ثْوصَّا نّشْ،
NEH 1:6 أجّْ أَذْ يِيڒِي ؤُمزُّوغْ نّشْ إِفْثنْ ؤُ ثِيطَّاوِينْ نّشْ أَرْزْمنْثْ، حِيمَا أَذْ ثسْڒذْ إِ ثْژَادْجِيثْ ن ؤُمْسخَّارْ نّشْ نِّي ژُودْجغْ أَسّْ-أَ زَّاثْ إِ وُوذمْ نّشْ، أَسّْ ذ دْجِيڒثْ، ذِي طّْوعْ ن أَيْثْ ن إِسْرَائِيل، إِمْسخَّارنْ نّشْ. نعْمغْ [عَاوذْ] س دّْنُوبْ ن أَيْثْ ن إِسْرَائِيل إِ زِي خَاكْ خْضَانْ. نشّْ ذ ثَادَّارْثْ ن بَابَا، أَقَا نخْضَا [أَكِيذكْ].
NEH 1:7 نڭَّا أَكِيذكْ س وَاطَّاسْ ن ڒغْذَارْ ؤُ وَارْ نطِّيفْ شَا ذِي ڒُومُورَاثْ ذ ثْوصَّا ذ لْفَارَايِيضْ إِ زِي ثُومُورذْ إِ ؤُمْسخَّارْ نّشْ مُوسَا.
NEH 1:8 إِذَارْ أَوَاڒْ إِ ثُومُورذْ إِ ؤُمْسخَّارْ نّشْ مُوسَا ؤُمِي ثنِّيذْ: ”مَاڒَا كنِّيوْ ذ إِغدَّارنْ، أَقَا أَذْ كنِّيوْ سّْزدْجْعغْ جَارْ ڒڭْنُوسْ،
NEH 1:9 [مَاشَا مَاڒَا] ثْذوْڒمْ-د غَارِي، أَذْ طّْفمْ ذِي ڒُومُورَاثْ إِنُو ؤُ أَذْ ثنْثْ ثڭّمْ، وَاخَّا ذِينْ زَّايْومْ إِنِّي خْ يُوژّْڒنْ غَارْ طَّارْفْ أَنڭَّارْ ن ؤُجنَّا، نشّْ أَذْ ثنْ سّْمُونغْ سّنِّي، أَذْ ثنْ أَوْيغْ غَارْ ومْشَانْ إِ إِخْضَارغْ نشّْ حِيمَا أَذْ ذِينِّي سّزْذْغغْ إِسمْ إِنُو.
NEH 1:10 نِيثْنِي [وَاهْ،] ذ إِمْسخَّارنْ نّشْ ذ ڒْڭنْسْ نّشْ نِّي ثْفكّذْ س جّهْذْ نّشْ أَمقّْرَانْ ؤُ س ؤُفُوسْ نّشْ إِجهْذنْ.
NEH 1:11 أَ، سِيذِي إِنُو، أجّْ أَذْ إِفْثنْ ؤُمزُّوغْ نّشْ غَارْ ثْژَادْجِيثْ ن ؤُمْسخَّارْ نّشْ ؤُ غَارْ ثْژَادْجِيثْ ن إِمْسخَّارنْ نِّي إِتّخْسنْ أَذْ تّڭّْوذنْ زڭْ يِيسمْ نّشْ. أجّْ أَمْسخَّارْ نّشْ أَذْ يَاوضْ أَسّْ-أَ ؤُ أوْشْ أَسْ أَرّحْمثْ زَّاثْ إِ وُوذمْ ن ورْيَازْ-أَ.“ نشّْ ثُوغَا أَيِي ذ أَوَارَّاذْ ن ؤُجدْجِيذْ.
NEH 2:1 ذڭْ ؤُيُورْ ن نِيسَانْ، ذڭْ ؤُسڭّْوَاسْ وِيسّْ عِيشْرِينْ ن ؤُجدْجِيذْ أَرْثَاحْشَاسْثَا، [ؤُمِي] ثُوغَا ذِينْ بِينُو زَّاثْ إِ وُوذمْ نّسْ، إِمْسَارْ، أَقَا كْسِيغْ بِينُو ؤُشَا وْشِيغْ ث إِ ؤُجدْجِيذْ.عمَّارْصْ وَارْ نْزمّغْ زَّاثْ إِ وُوذمْ نّسْ.
NEH 2:2 [خنِّي] إِنَّا أَيِي ؤُجدْجِيذْ: ”مَايمِّي إِنْزمّْ وُوذمْ نّشْ، ؤُ شكْ وَارْ ثحْڒِيشذْ شَا؟ أَقَا مَانْ أَيَا وَارْ إِدْجِي مْغِيرْ ذ إِجّْ ن ڒْحَاڒْ ن وُوڒْ إِبَارّْشْننْ.“ [خنِّي] ذوْڒغْ نّْخڒْعغْ أَطَّاسْ.
NEH 2:3 نِّيغْ إِ ؤُجدْجِيذْ: ”ثُوذَارْثْ إِ ؤُجدْجِيذْ إِ ڒبْذَا. مَامّشْ وَارْ إِتِّيڒِي وُوذمْ إِنُو إِنْزمّْ، أَقَا ثَانْذِينْثْ، أَمْشَانْ ن إِمضْڒَانْ ن ڒجْذُوذْ إِنُو، ذ ڒْخَارْبثْ ذ ثوُّورَا نّسْ ثشَّا إِ-ثنْثْ ثْمسِّي؟“
NEH 2:4 إِنَّا أَيِي ؤُجدْجِيذْ: ”مَانْ [خنِّي] مِينْ ثتَّارذْ شكْ؟“ [خنِّي] ژُودْجغْ إِ أَربِّي ن إِجنْوَانْ
NEH 2:5 ؤُشَا نِّيغْ إِ ؤُجدْجِيذْ: ”مَاڒَا ثُوسَا أَسْ-د إِ ؤُجدْجِيذْ خْ ڒْخَاضَارْ ؤُ يُوفَا أَمْسخَّارْ نّشْ أَرْضَا زَّاثْ إِ وُوذمْ نّشْ، سكّْ أَيِي-د خنِّي غَارْ يَاهُوذَا، غَارْ ثنْذِينْثْ ن إِمضْڒَانْ ن ڒجْذُوذْ إِنُو، حِيمَا أَذْ ت بْنِيغْ عَاوذْ.“
NEH 2:6 [خَاسْ ؤُشَا] إِنَّا أَيِي ؤُجدْجِيذْ، ؤُمِي ثقِّيمْ ثْجدْجِيذْثْ خْ ؤُغزْذِيسْ نّسْ: ”مشْحَاڒْ إِ غَا ثكّْ ثْوَاحِيثْ نّشْ ؤُ مڒْمِي إِ د غَا ثْعقْبذْ؟“ ؤُمِي ذ أَسْ نِّيغْ [ڒْقدّْ ن] إِجّْ ن ڒْمِيجَاڒْ، إِتّْغِيڒْ أَسْ مَانْ أَيَا مْلِيحْ إِ ؤُجدْجِيذْ، ؤُشَا إِسّكّْ أَيِي [ذِينِّي].
NEH 2:7 أَرْنِيغْ نِّيغْ أَسْ إِ ؤُجدْجِيذْ: ”مَاڒَا ثُوسَا أَسْ-د إِ ؤُجدْجِيذْ خْ ڒْخَاضَارْ، [خنِّي] أَذْ أَيِي مّوْشنْثْ ثبْرَاثِينْ إِ لْوُولَاثْ [ن ثمُّورْثْ] خْ ؤُجمَّاضْ ن إِغْزَارْ [ن لْفُورَاطْ]، مَاحنْذْ أَذْ أَيِي يَارْزْمنْ ثَاوَّارْثْ مَاحنْذْ أَذْ أَوْضغْ غَارْ يَاهُوذَا،
NEH 2:8 ؤُڒَا ذ إِشْثْ ن ثبْرَاثْ إِ أَسَافْ، أَعسَّاسْ ن وفْثِيسْ ن ؤُجدْجِيذْ نِّي إِدْجَانْ أَمْ جّنّثْ، حِيمَا أَذْ أَيِي يوْشْ أَكشُّوضْ حِيمَا أَذْ [زَّايسْ] نڭّْ ثِيحنْيَا إِ ثْزقَّا سنّجْ إِ ثوُّورَا ن ڒقْصَارْ نِّي [إِدْجَانْ] زَّاثْ إِ ثَادَّارْثْ، ؤُ إِ ڒْحِيضْ ن ثنْذِينْثْ، ؤُ إِ ثَادَّارْثْ مَانِي غَا زذْغغْ.“ ؤُشَا إِوْشَا أَيِي ثنْثْ ؤُجدْجِيذْ مِينْزِي أَفُوسْ أَصبْحَانْ ن أَربِّي ثُوغَا ث خَافِي.
NEH 2:9 [خنِّي] إِوْضغْ غَارْ لْوُولَاثْ [ذِي ثمُّورْثْ] خْ ؤُجمَّاضْ ن إِغْزَارْ [ن لْفُورَاطْ] ؤُ وْشِيغْ أَسنْ ثِيبْرَاثِينْ ن ؤُجدْجِيذْ. أَجدْجِيذْ إِسّكّْ أَكِيذِي ؤُڒَا ذ إِمقّْرَاننْ ن ڒْعسْكَارْ ذ إِمْنَاينْ ن إِيْسَانْ.
NEH 2:10 [ؤُمِي] سَانْبَالَّاطْ زِي حُورُونْ، ذ ثُوبِييَا، أَمْسخَّارْ أَعَامُّونِي، سْڒِينْ أَيَا، ثُوغَا أَيَا غَارْسنْ ذ إِشْثْ ن ثْمسْڒَاشْثْ ذ ثَاعفَّانْثْ أَطَّاسْ، أَقَا يُوسَا-د إِجّْ بْنَاذمْ حِيمَا أَذْ يَارْزُو ڒْخَارْ إِ أَيْثْ ن إِسْرَائِيل.
NEH 2:11 أَمُّو ؤُسِيغْ-د غَارْ ؤُرْشَالِيمْ ؤُشَا ذِينِّي قِّيمغْ ثْڒَاثَا ن وُوسَّانْ.
NEH 2:12 [خنِّي] كَّارغْ ذِي دْجِيڒثْ، نشّْ ذ شَا ن يرْيَازنْ أَكِيذِي، ؤُشَا نشّْ ثُوغَا وَارْ سَّارْڭْبغْ ؤُڒَا ذ إِجّْ ن بْنَاذمْ خْ مِينْ ثُوغَا ذ أَيِي إِڭَّا سِيذِي ذڭْ وُوڒْ حِيمَا أَذْ ث ڭّغْ إِ ؤُرْشَالِيمْ، ؤُشَا وَارْ كِيذِي كْسِيغْ ڒْمَاڒْ مْغِيرْ ڒْمَاڒْ مِينْ خفْ إِ نْيِيغْ.
NEH 2:13 فّْغغْ س دْجِيڒثْ زِي ثوَّارْثْ ن ثغْزُورْثْ أَڒْ ؤُذمْ ن ثَاڒَا ن ڒْهَايْشثْ ؤُ [سّنِّي] غَارْ ثوَّارْثْ ن ڒغْبَارْ. نشّْ خمّغْ ڒحْيُوضْ إِتّْوَارْژِينْ ن ؤُرْشَالِيمْ إِ زِي ثِيوُّورَا نّسْ ثشَّا إِ-ثنْثْ ثْمسِّي.
NEH 2:14 نشّْ نذْهغْ [خنِّي] غَارْ ثوَّارْثْ ن ثَاڒَا ؤُ غَارْ ؤُيڒْمَامْ ن ؤُجدْجِيذْ، [مَاشَا] وَارْ [ثُوغِي] ذِينْ تَّاسِيعْ إِ ڒْمَاڒْ سَاذُو إِنُو حِيمَا أَذْ أَرْنِيغْ غَارْ زَّاثْ.
NEH 2:15 [خنِّي] ڭعّْذغْ س دْجِيڒثْ خْ ثْسدْجْيَا ؤُشَا خمّغْ ڒْحِيضْ ؤُشَاعقْبغْ-د، ؤُشَا ؤُذْفغْ عَاوذْ غَارْ ثوَّارْثْ ن ثغْزُورْثْ. [أَمُّو] إِ-د -عقْبغْ.
NEH 2:16 وَارْ سِّيننْ إِمْضبَّارنْ مَانِي ثُوغَا رُوحغْ ذ مِينْ ثُوغَا خْسغْ أَذْ ڭّغْ. مَاغَارْ أَڒْ ذِينْ وَارْ سَّارْڭْبغْ ؤُڒَا ذ إِشْثْ ن ڒْحَاجّثْ إِ وُوذَاينْ ذ إِكهَّاننْ ذ ثَارْوَا ن ثَاصِيڒثْ ذ إِمْضبَّارنْ ؤُڒَا إِ إِنّغْنِي إِنِّي إِقِّيمنْ إِ ڒْخذْمثْ.
NEH 2:17 [خنِّي] نِّيغْ أَسنْ: ”كنِّيوْ ثتّْوَاڒَامْ ڒغْبنْ إِ ذِي ندْجْ، أَقَا ؤُرْشَالِيمْ ثتّْوَارذدْجْ ؤُ ثِيوُّورَا نّسْ ثشَّا إِ-ثنْثْ ثْمسِّي. أَسمْ-د، أَذْ نبْنَا ڒْحِيضْ ن ؤُرْشَالِيمْ، حِيمَا وَارْ نتّْوَاسّحْقَارْ عَاذْ كْثَارْ.“
NEH 2:18 نشّْ حَاجِيغْ أَسنْ مَامّشْ أَفُوسْ ن سِيذِي إِنُو ثُوغَا ذ أَصبْحَانْ خَافِي ؤُڒَا ذ أَوَاڒنْ إِ ذ أَيِي إِنَّا ؤُجدْجِيذْ. [خنِّي] نَّانْ: ”نشِّينْ أَذْ نكَّارْ أَذْ نبْنَا.“ ؤُشَا نِيثْنِي سّْجهْذنْ إِفَاسّنْ نْسنْ إِ [ڒْْخذْمثْ-أَ] ثَاصبْحَانْثْ
NEH 2:19 [ؤُمِي] سْڒِينْ ث سَانْبَالَّاطْ، زِي حُورُونْ، ذ طُوبِييَا، أَمْسخَّارْ زڭْ أَيْثْ ن عَامُّونْ، ذ وعْرَابْ جَاشَامْ، سّْثْهزَّانْ زَّايْنغْ ؤُ سّحْقَارنْ أَنغْ. نِيثْنِي نَّانْ: ”مَانَاوْيَا مِينْ إِ ذَا ثتّڭّمْ؟ مَا ثخْسمْ أَذْ ثْغوّْغمْ خْ ؤُجدْجِيذْ؟“
NEH 2:20 نشّْ أَرِّيغْ-د خَاسنْ، نِّيغْ أَسنْ: ”أَربِّي ن إِجنْوَانْ أَذْ أَنغْ إِوْشْ أَفُوسْ، ؤُ نشِّينْ، إِمْسخَّارنْ نّسْ، أَذْ نكَّارْ أَذْ نبْنَا. كنِّيوْ [مَاشَا] وَارْ غَارْومْ بُو ثسْغَارْثْ ؤُڒَا ذ ڒْحقّْ نِيغْ ڒِيذَارثْ ذِي ؤُرْشَالِيمْ.“
NEH 3:1 أَرَّايْسْ ن إِكهَّاننْ، إِلْيَاشِيبْ، إِكَّارْ، ؤُڒَا ذ أَيْثْمَاسْ، إِكهَّاننْ، ؤُشَا نِيثْنِيعدّْڒنْ بْنَانْ ثَاوَّارْثْ ن وُودْجِي، قدّْسنْ ت ؤُشَا سّْبدّنْ ذَايسْ ثِيوُّورَا نّسْ. نِيثْنِي قدّْسنْ ؤُڒَا ثِيشْثِي أَڒْ لْبُورْجْ ن مْيَا ؤُ أَڒْ لْبُورْجْ ن حَانَانِييِيلْ.
NEH 3:2 غَارْ ؤُغزْذِيسْ نّسْ بْنَانْ يرْيَازنْ ن أَرِيحَا ؤُشَا غَارْ ؤُغزْذِيسْ نّسْ إِبْنَا زَاكُّورْ، مِّيسْ ن إِمْرِي.
NEH 3:3 ثَاوَّارْثْ ن وسْڒمْ بْنَانْ ت أَيْثْ ن سَانَائا. نِيثْنِي أَركّْبنْ ثِيحنْيَا ن ثْزقَّا ؤُ سّْبدّنْ ذَايسْ ثِيوُّورَا نّسْ أَكْ-ذ زّكْرُونَاثْ نّسْ ذ إِعُومَاذْ نّسْ إِ ؤُبلّعْ.
NEH 3:4 خْ ؤُغزْذِيسْ نْسنْ إِبْنَا مَارِيمُوثْ، مِّيسْ ن ؤُرِي-يَاهْ، مِّيسْ ن هَاقُّوصْ، ؤُ غَارْ ؤُغزْذِيسْ نْسنْ ثُوغَا إِعدّڒْ مَاشُولَّامْ، مِّيسْ ن بَارَاخْيَا، مِّيسْ ن مَاشِيزَابْيِيلْ ؤُ غَارْ ؤُغزْذِيسْ نْسنْ إِعدّڒْ صَاذُوقْ، مِّيسْ ن بَاعْنَا.
NEH 3:5 غَارْ ؤُغزْذِيسْ نْسنْ ثُوغَاعدّْڒنْ إِمزْذَاغْ ن ثَاقُّوعَا، مَاشَا إِنِّي غَارْ ثدْجَا صُّولْطَا جَارْ أَسنْ وَارْ سّقْوِيسنْ شَا إِرِي إِ ڒْخذْمثْ ن سِيذِي نْسنْ.
NEH 3:6 إِعدّڒْ يُويَاذَاعْ، مِّيسْ ن فَاسِيحْ، أَكْ-ذ مَاشُولَّامْ، مِّيسْ ن بَاسُوذْيَا، ثَاوَّارْثْ ثَاقْذِيمْثْ. نِيثْنِي أَركّْبنْ ثِيحنْيَا ن ثْزقَّا ؤُ سّْبدّنْ ذَايسْ ثِيوُّورَا نّسْ أَكْ-ذ زّكْرُونَاثْ نّسْ ذ إِعُومَاذْ نّسْ إِ ؤُبلّعْ.
NEH 3:7 غَارْ ؤُغزْذِيسْ نْسنْ ثُوغَا إِعدّڒْ مَالَاطْيَا زِي جِيبْعُونْ، ذ يَاذُونْ، أَمِييَارُونُوثِي، ذ يرْيَازنْ زِي جِيبْعُونْ ؤُ زِي مِيصْفَا أَڒْ مَانِي ثُوغَا ثَادَّارْثْ ن ڒْكُورْسِي ن لْوَالِي [ن ثمُّورْثْ] أَغِيرِينْ إِ إِغْزَارْ [ن لْفُورَاطْ].
NEH 3:8 غَارْ ؤُغزْذِيسْ نّسْ ثُوغَا إِعدّڒْ عُوزِّييِيلْ، مِّيسْ ن حَارْهَايَا، إِجّنْ زڭْ إِحدَّاذنْ ن وُورغْ، ؤُ غَارْ ؤُغزْذِيسْ نّسْ إِعدّڒْ حَانَانْيَا، مِّيسْ ن إِجّْ زڭْ إِنِّي إِسّْوجْذنْ ڒعْطُوڒْ. نِيثْنِي جِّينْ ؤُرْشَالِيمْ أَڒْ ڒْحِيضْ ذ مِيرِيوْ [أَمْ ث ثُوغَا].
NEH 3:9 غَارْ ؤُغزْذِيسْ نْسنْ ثُوغَا إِعدّڒْ رَافَايَا، مِّيسْ ن حُورْ، أَمقّْرَانْ خْ وزْينْ ن ؤُذوَّارْ ن ؤُرْشَالِيمْ.
NEH 3:10 غَارْ ؤُغزْذِيسْ نْسنْ ثُوغَا إِعدّڒْ يَاذَاعَا، مِّيسْ ن حَارُومَافْ، أَجمَّاضْ ن ثَادَّارْثْ نّسْ. ؤُ غَارْ ؤُغزْذِيسْ نّسْ ثُوغَا إِعدّڒْ حَاتُّوشْ، مِّيسْ ن حَاشَابْنِييَا.
NEH 3:11 مَالْكِييَا، مِّيسْ ن حَارِيمْ ذ حَاشُّوبْ، مِّيسْ ن فَاحَاثْ-مُوآبَعذْڒنْ ثَاسْغَارْثْ وِيسّْ ثْنَاينْ ؤُڒَا ذ لْبُورْجْ ن ثفْقُونْثْ.
NEH 3:12 غَارْ ؤُغزْذِيسْ نّسْ ثُوغَا إِعدّڒْ شَالُّومْ، مِّيسْ ن لُوحِيشْ، أَمقّْرَانْ خْ وزْينْ نّغْنِي ن ؤُذوَّارْ ن ؤُرْشَالِيمْ، نتَّا ذ يسِّيسْ.
NEH 3:13 حَانُونْ ذ إِمزْذَاغْ ن زَانُوحْعذْڒنْ ثَاوَّارْثْ ن ثغْزُورْثْ. نِيثْنِي أَركّْبنْ ثِيحنْيَا ؤُ سّْبدّنْ ذَايسْ ثِيوُّورَا نّسْ أَكْ-ذ زّكْرُونَاثْ نّسْ ذ إِعُومَاذْ نّسْ إِ ؤُبلّعْ ؤُشَا [عذْڒنْ عَاوذْ] أَڒفْ ن إِغَادْجنْ ن ڒْحِيضْ أَڒْ ثوَّارْثْ ن ڒغْبَارْ.
NEH 3:14 مَالْكِييَا، مِّيسْ ن رَاكَابْ، أَمقّْرَانْ ن ؤُذوَّارْ ن بَايْثْ-كَارِيمْ، ثُوغَا إِعدّڒْ ثَاوَّارْثْ ن ڒغْبَارْ. نتَّا يَاركّبْ ثِيحنْيَا ؤُ إِسّْبدّْ ذَايسْ ثِيوُّورَا نّسْ أَكْ-ذ زّكْرُونَاثْ نّسْ ذ إِعُومَاذْ نّسْ إِ ؤُبلّعْ.
NEH 3:15 شَالُّومْ، مِّيسْ ن كُولْهُوزْ، أَمقّْرَانْ ن ؤُذوَّارْ مِيصْفَا، ثُوغَا إِعدّڒْ ثَاوَّارْثْ ن ثَاڒَا. إِبْنَا إِ-ت ؤُ نِيثْنِي أَركّْبنْ ثِيحنْيَا ن ثْزقَّا ؤُشَا سّْبدّنْ ذَايسْ ثِيوُّورَا نّسْ أَكْ-ذ زّكْرُونَاثْ نّسْ ذ إِعُومَاذْ نّسْ إِ ؤُبلّعْ. [نتَّا إِعْذڒْ عَاوذْ] ڒْحِيضْ زڭْ ؤُيڒْمَامْ ن شِيلَاحْ غَارْ وحْوِيشْ ن ؤُجدْجِيذْ أَڒْ دّْرُوجْ نِّي إِهكّْوَانْ زِي ثنْذِينْثْ ن ذَاوُوذْ غَارْ سْوَادَّايْ.
NEH 3:16 أَوَارْنِي أَسْ ثُوغَا إِعدّڒْ نَاحَامْيَا، مِّيسْ ن عَازْبُوقْ، أَمقّْرَانْ ن وزْينْ ن ؤُذوَّارْ ن بَايْثْ-صُورْ، أَڒْ أَجمَّاضْ إِ إِمضْڒَانْ ن ذَاوُوذْ ؤُ أَڒْ جُّوبّْ إِتّْوَاڭّنْ ؤُ أَڒْ ثَادَّارْثْ ن أَيْثْ بُو-ثغْرُوضْثْ.
NEH 3:17 أَوَارْنِي أَسْ ثُوغَاعدّْڒنْ إِلَاوِييّنْ. رَاحُومْ، مِّيسْ ن بَانِي، [ؤُ] غَارْ ؤُغزْذِيسْ نّسْ حَاشَابْيَا، أَمقّْرَانْ ن وزْينْ ن ؤُذوَّارْ ن قَاعِيلَا، ذڭْ ؤُذوَّارْ نّسْ.
NEH 3:18 أَوَارْنِي أَسْ ثُوغَاعدّْڒنْ أَيْثْمَاثْسنْ، بَاوَايْ، مِّيسْ ن حِينَاذَاذْ، أَمقّْرَانْ خْ وزْينْ نّغْنِي ن ؤُذوَّارْ ن قَاعِيلَا.
NEH 3:19 غَارْ ؤُغزْذِيسْ نّسْ ثُوغَا عَازِيرْ، مِّيسْ ن يشُوعَا، أَمقّْرَانْ ن مِيصْفَا، إِعدّڒْ إِشْثْ ن طَّارْفْ نّغْنِي أَجمَّاضْ إِ ثْسَاونْثْ غَارْ [ثَادَّارْثْ ن] ڒسْنَاحْ، غَارْ مَانِي إِذوَّارْ [ڒْْحِيضْ].
NEH 3:20 أَوَارْنِي أَسْ ثُوغَا بَارُوخْ، مِّيسْ ن زَابَّايْ، إِعدّڒْ س شْضَارثْ إِجّْ ن طَّارْفْ نّغْنِي، زِي مَانِي غَا إِذوَّارْ [ڒْْحِيضْ] أَڒْ ثوَّارْثْ ن ثَادَّارْثْ ن إِلْيَاشِيبْ، أَرَّايْسْ ن إِكهَّاننْ.
NEH 3:21 أَوَارْنِي أَسْ ثُوغَا مَارِيمُوثْ، مِّيسْ ن ؤُرِييَا، مِّيسْ ن هَاقُّوصْ، إِعدّڒْ إِجّْ ن طَّارْفْ نّغْنِي، زِي ثوَّارْثْ ن ثَادَّارْثْ ن إِلْيَاشِيبْ أَڒْ أَنڭَّارُو ن ثَادَّارْثْ ن إِلْيَاشِيبْ.
NEH 3:22 أَوَارْنِي أَسْ ثُوغَاعدّْڒنْ إِكهَّاننْ. نِيثْنِي ذ إِرْيَازنْ زڭْ ؤُذوَّارْ [ن لْ-ؤُرْذُونْ].
NEH 3:23 أَوَارْنِي أَسنْ ثُوغَا إِعدّڒْ بِينْيَامِينْ ذ حَاشُّوبْ، أَجمَّاضْ إِ ثَادَّارْثْ نْسنْ. أَوَارْنِي أَسنْ ثُوغَا إِعدّڒْ عَازَارْيَا، مِّيسْ ن مَاعَاسِييَا، مِّيسْ ن عَانَانِييَا، زَّاثْ إِ ثَادَّارْثْ نّسْ.
NEH 3:24 أَوَارْنِي أَسْ ثُوغَا بِينُّويْ، مِّيسْ ن حِينَاذَاذْ، إِعدّڒْ إِجّْ ن طَّارْفْ نّغْنِي، زِي ثَادَّارْثْ ن عَازَارْيَا أَڒْ مَانِي غَا إِذوَّارْ [ڒْْحِيضْ] أَڒْ ثَاغْمَارْثْ.
NEH 3:25 فَالَالْ، مِّيسْ ن ؤُزَايْ، [ثُوغَا إِعدّڒْ] أَجمَّاضْ مَانِي غَا إِذوَّارْ [ڒْْحِيضْ] ذ [ؤُجمَّاضْ ن] لْبُورْجْ يُوعْڒَانْ ونِّي إِرفْعنْ خْ ثْزذِّيغْثْ ن سنّجْ ن ؤُجدْجِيذْ، ثنِّي غَارْ زَّاثْ ن ڒمْرَاحْ ن ڒحْبسْ. أَوَارْنِي أَسْ [ثُوغَا إِعدّڒْ] فَاذَايَا، مِّيسْ ن فَارْعُوشْ.
NEH 3:26 إِمْسخَّارنْ ن زَّاوشْثْ ثَامقّْرَانْثْ، إِنِّي ثُوغَا زدّْغنْ ذِي عُوفِيلْ، [ثُوغَاعدّْڒنْ] أَجمَّاضْ إِ ثوَّارْثْ ن وَامَانْ غَارْ شَّارْقْ ؤُ [غَارْ] لْبُورْجْ إِسّوْشنْ غَارْ بَارَّا.
NEH 3:27 أَوَارْنِي أَسْ ثُوغَا إِمزْذَاغْ ن ثَاقُّوعَاعدّْڒنْ إِجّْ ن طَّارْفْ نّغْنِي أَجمَّاضْ إِ لْبُورْجْ أَمقّْرَانْ إِسّوْشنْ غَارْ بَارَّا أَڒْ ڒْحِيضْ ن عُوفِيلْ.
NEH 3:28 ثُوغَا إِكهَّاننْعدّْڒنْ ثَاوَّارْثْ ن إِيْسَانْ، كُوڒْ إِجّْ أَجمَّاضْ إِ ثَادَّارْثْ نّسْ.
NEH 3:29 أَوَارْنِي أَسنْ ثُوغَا إِعدّڒْ صَاذُوقْ، مِّيسْ ن إِمِّيرْ، أَجمَّاضْ إِ ثَادَّارْثْ نّسْ. ؤُ أَوَارْنِي أَسْ ثُوغَا إِعدّڒْ شَامْعِييَا، مِّيسْ ن شَاكَانْيَا، أَعسَّاسْ ن ثوَّارْثْ ن شَّارْقْ.
NEH 3:30 أَوَارْنِي أَسْ ثُوغَا حَانَانْيَا، مِّيسْ ن شَالَامْيَا، ذ حَانُونْ، مِّيسْ ن صَالَافْ وِيسّْ ستَّا،عدّْڒنْ إِجّْ ن طَّارْفْ نّغْنِي. أَوَارْنِي أَسْ ثُوغَا إِعدّڒْ مَاشُولَّامْ، مِّيسْ ن بَارَاخْيَا، أَجمَّاضْ إِ ثخَّامْثْ نّسْ.
NEH 3:31 أَوَارْنِي أَسْ ثُوغَا إِعدّڒْ مَالْكِييَا، مِّيسْ ن إِجّْ ن ومْزِيڒْ ن وُورغْ، أَڒْ ثَادَّارْثْ ن إِمْسخَّارنْ ن زَّاوشْثْ ثَامقّْرَانْثْ ذ إِسبَّابنْ، أَجمَّاضْ إِ ثوَّارْثْ ن ڒحْسَابْ ؤُ أَڒْ أَخَّامْ ن سنّجْ غَارْ ثغْمَارْثْ.
NEH 3:32 جَارْ وخَّامْ ن سنّجْ غَارْ ثغْمَارْثْ ذ ثوَّارْثْ ن وُودْجِي، ثُوغَاعدّْڒنْ إِمْزِيڒنْ ن وُورغْ ذ إِسبَّابنْ.
NEH 3:33 ؤُمِي سَانْبَالَّاطْ إِسْڒَا، أَقَا نْبنَّا ڒْحِيضْ، إِمْسَارْ أَقَا إِهَاجْ، إِسْعَارْ أَطَّاسْ ؤُشَا إِسّْبهْذڒْ ؤُذَاينْ.
NEH 3:34 ثُوغَا إِسَّاوَاڒْ جَارْ أَيْثْمَاسْ ذ ڒْعسْكَارْ ن سَامَارْيَا، إِنَّا: ”مِينْ تّڭّنْ وُوذَاينْ-أَ إِضعْفنْ؟ مَا أَذْ ثنْ نجّْ؟ مَا أَذْ قذْمّنْ ثِيغَارْصَا؟ مَا أَذْ [ث] كمّْڒنْ ذڭْ إِجّْ ن وَاسّْ؟ مَا أَذْ سّكَّارنْ [عَاوذْ] إِژْرَا زِي أَرْوِينَاثْ إِنِّي إِتّْوَاشمْضنْ؟“
NEH 3:35 [ثُوغَا] طُوبِييَا، زڭْ أَيْثْ ن عَامُّونْ، أَكِيذسْ، إِنَّا: ”عَاذْ مَاڒَا بْنَانْ ث عَاوذْ، خْمِي غَا إِفّغْ إِجّْ ن وشْعبْ [وَاهَا]، خنِّي أَذْ إِهْذمْ ڒْحِيضْ نْسنْ ن وژْرُو.“
NEH 3:36 ”سڒْ، أَ أَربِّي نّغْ، مَامّشْ إِ نذْوڒْ نتّْوَاسّحْقَارْ ؤُشَا أَرّْ أَسحْقَارْ نْسنْ خْ ؤُزدْجِيفْ نْسنْ ؤُشَا سلّمْ إِ-ثنْ ذ ثَاكشَّاضْثْ غَارْ إِشْثْ ن ثمُّورْثْ ن ؤُحبّسْ.
NEH 3:37 وَارْ سْذُورِييْ ڒْمُوعْصِييّثْ نْسنْ ؤُ وَارْ تّجِّي أَذْ إِتّْوَامْحَا دّْنُوبْ نْسنْ زَّاثْ إِ وُوذمْ نّشْ، مِينْزِي نِيثْنِي سْعَارنْ شكْ قِيبَاتْشْ إِ إِبنَّاينْ.“
NEH 3:38 نبْنَا ڒْحِيضْ، أَڒَامِي إِذْوڒْ ڒْحِيضْ إِقّنْ أَڒْ أَزْينْ، مِينْزِي ڒْڭنْسْ إِڭَّا ؤُڒْ نْسنْ أَذْ ث ڭّنْ. *
NEH 4:1 ؤُمِي [مَاشَا] سَانْبَالَّاطْ ذ طُوبِييَا ذ وعْرَابنْ ذ أَيْثْ ن عَامُّونْ ذ إِشْذُوذِييّنْ سْڒَانْ، أَقَا أَعْذَاڒْ ن ڒحْيُوضْ ن ؤُرْشَالِيمْ إِتّْرَاحْ غَارْ زَّاثْ، ثِيزّيِّينْ بْذَانْثْ أَذْ قّْننْثْ، إِمْسَارْ، أَقَا خيّْقنْ أَطَّاسْ.
NEH 4:2 نِيثْنِي مَارَّا ڭِّينْ ثَامعْمُوتْشْ مَاحنْذْ أَذْ د-أَسنْ أَذْ مّنْغنْ أَكْ-ذ ؤُرْشَالِيمْ، أَذْ ذِينِّي سّكَّارنْ ڒحْوڒْ.
NEH 4:3 نشِّينْ [مَاشَا] نْژُودْجْ غَارْ أَربِّي نّغْ ؤُ ذِي سِّيبّثْ نْسنْ نسّْبدّْ إِشْثْ ن ثْعسَّاسْثْ خَاسنْ أَسّْ ذ دْجِيڒثْ.
NEH 4:4 [خنِّي] إِنَّا يَاهُوذَا: ”جّْهذْ ن يِينِّي يَاربُّونْ يُوحڒْ، مَاغَارْ ذِينْ أَطَّاسْ ن ڒْخَارْبثْ. وَارْ نْزمَّارْ خْ ڒبْنِي ن ڒْحِيضْ.“
NEH 4:5 إِغْرِيمنْ نّغْ أَقَا نَّانْ: ”نِيثْنِي وَارْ تِّيشِينْ ؤُ وَارْ تّْوِيڒِينْ وَالُو أَڒْ د غَا نَاسْ ذِي ڒْوسْطْ نْسنْ ؤُ أَذْ ثنْ ننغْ. [أَمُّو] إِ غَا نسّْبدّْ ڒْخذْمثْ.
NEH 4:6 ڒَامِي د-ؤُسِينْ وُوذَاينْ، إِنِّي غَارْسنْ إِزدّْغنْ، نَّانْ أَنغْعشْرَا ن ثْوَاڒَاوِينْ: ”إِتّْخصَّا كنِّيوْ أَذْ غَارْنغْ د-ثْعقْبمْ!“،
NEH 4:7 سّْبدّغْ نشّْ ڒْڭنْسْ أَوَارْنِي إِ ڒْحِيضْ غَارْ إِمُوشَانْ إِوَاطَانْ ؤُ غَارْ ثْسقَّارْ إِفْرُورنْ، عْلَاحْسَابْ ڒَادْجَاثْ نْسنْ، أَكْ-ذ ڒسْيُوفْ نْسنْ ذ إِحْرِيشنْ نْسنْ ذ ڒقْوَاسْ نْسنْ.
NEH 4:8 خْزَارغْ، [خنِّي] كَّارغْ، نِّيغْ إِ ثَارْوَا ن ثَاصِيڒثْ ؤُ إِ إِمْضبَّارنْ ؤُ إِ مِينْ إِقِّيمنْ ن ڒْڭنْسْ: ”وَارْ زَّايْسنْ تّڭّْوذمْ شَا! سِيذِي إِنُو ذ أَمقّْرَانْ ؤُ إِسَّاڭّْوَاذْ. فكَّارمْ ذَايسْ، مّنْغمْ إِ أَيْثْمَاثْومْ، إِحنْجِيرنْ نْومْ ذ ثْحنْجِيرِينْ نْومْ ذ ثمْغَارِينْ نْومْ ذ ثُوذْرِينْ نْومْ.“
NEH 4:9 ؤُمِي سْڒَانْ ڒْعذْيَانْ نّغْ، أَقَا [نشِّينْ] نَارْڭبْ خَاسْ ؤُ أَقَا أَربِّي إِبْضڒْ أَنْوَايْ نْسنْ، إِمْسَارْ خنِّي نشِّينْ مَارَّا إِذْنغْ نعْقبْ غَارْ ڒْحِيضْ، كُوڒْ إِجّْ غَارْ ومْشَانْ [نّسْ].
NEH 4:10 زڭْ وَاسّْ نِّي إِمْسَارْ، أَقَا أَزْينْ ن إِمْسخَّارنْ إِنُو ثُوغَا خدّْمنْ ؤُ أَزْينْ نّغْنِي زَّايْسنْ طّْفنْ إِحْرِيشنْ ذ ثْسدَّارِييِينْ [ن ؤُعسْكَارِي] ذ ڒقْوَاسْ ذ وَارُّوضْ ن وُوزَّاڒْ، ؤُشَا ڒْحُوكَّامْ [بدّنْ] أَوَارْنِي إِ كُوڒْ ثَادَّارْثْ ن يَاهُوذَا.
NEH 4:11 إِنِّي ثُوغَا إِتّْبنَّانْ ڒْحِيضْ ؤُشَا يَاربُّونْ دّْقُوڒَاثْ ؤُشَا سَّاربُّونْ ثنْثْ، خدّْمنْ س يِيجّْ ن ؤُفُوسْ ؤُ س [ؤُفُوسْ] نّغْنِي طّْفنْ لَانْسَا.
NEH 4:12 [مَارَّا] إِنِّي ثُوغَا إِبنَّانْ أَقَا غَارْسنْ سِّيفْ إِقّنْ خْ ثجْعِينَّا نّسْ أَمْ ثُوغَا إِبنَّا. ونِّي إِتّْسُوضنْ ذڭْ ؤُيِيشّْ ن إِشَارِّي، ثُوغَا-ث أَكِيذِي.
NEH 4:13 نِّيغْ إِ ثَارْوَا ن ثَاصِيڒثْ ؤُ إِ إِمْضبَّارنْ ؤُ إِ مِينْ إِقِّيمنْ ن ڒْڭنْسْ: ”ڒْخذْمثْ ثمْغَارْ ؤُ ثيْرُو. نشِّينْ نتّْوَابزّعْ خْ ڒْحِيضْ، إِجّنْ إِڭّْوجْ خْ ونّغْنِي.
NEH 4:14 ذڭْ ومْشَانْ مَانِي غَا ثسْڒمْ أَسُوضِي ذڭْ ؤُيِيشّْ ن إِشَارِّي، مُونمْ-د ذِينِّي خَانغْ. أَربِّي نّغْ أَذْ إِمّْنغْ ذِي طّْوعْ نّغْ.
NEH 4:15 أَمُّو إِ نخْذمْ ؤُشَا أَزْينْ زَّايْسنْ طّْفنْ إِحْرِيشنْ زِي ثُوفُّوثْ أَڒْ د غَا فّْغنْ إِثْرَانْ.
NEH 4:16 ذِي ڒْوقْثْ نِّي نِّيغْ إِ ڒْڭنْسْ: ”كُوڒْ إِجّْ أَذْ إِسّنْسْ ذَاخڒْ ذِي ؤُرْشَالِيمْ أَكْ-ذ ؤُمْسخَّارْ نّسْ ؤُشَا أَمُّو إِ غَارْنغْ إِ غَا يِيڒِينْ ذ إِعسَّاسنْ ذِي دْجِيڒثْ ؤُ ذڭْ وَاسّْ [أَذْ إِڒِينْ إِ] ڒْخذْمثْ.“
NEH 4:17 ؤُڒَا ذ إِجّْ زَّايْنغْ وَارْ إِكِّيسْ أَرُّوضْ، وَارْ إِدْجِي نشّْ ڒَا ذ أَيْثْمَا ڒَا ذ إِمْسخَّارنْ إِنُو ؤُڒَا ذ يرْيَازنْ ن ثْعسَّاسْثْ. كُوڒْ إِجّْ [إِرُوحْ غَارْ] وَامَانْ أَكْ-ذ لَانْسَا نّسْ.
NEH 5:1 إِكَّارْ إِجّْ ن ؤُغُويِّي إِمْغَارْ ن ڒْڭنْسْ ؤُ ن ثمْغَارِينْ نْسنْ، [شثْشَانْ نِيثْنِي] خْ أَيْثْمَاثْسنْثْ، ؤُذَاينْ.
NEH 5:2 أَقَا ذِينْ إِنِّي إِنَّانْ: ”إِحنْجِيرنْ نّغْ ذ ثْحنْجِيرِينْ نّغْ ذ نشِّينْ ذ أَطَّاسْ. إِتّْخصَّا أَذْ نْسغْ إِمنْذِي حِيمَا أَذْ نشّْ أَذْ ندَّارْ.“
NEH 5:3 إِنّغْنِي نَّانْ: ”نشِّينْ نَارْهنْ إِيَّارنْ نّغْ ذ إِمَارْجَاعنْ نّغْ ن ؤُضِيڒْ ذ ثُوذْرِينْ نّغْ ذ أَضْمَانْ، حِيمَا أَذْ نَاوِي ڒْحبّْ [ن يِيرْذنْ] ذڭْ [وُوسَّانْ ن] ڒَاژْ.“
NEH 5:4 [إِنّغْنِي] نَّانْ: ”نشِّينْ نَارْضڒْ نُّوقَارْثْ إِ لْجِيزْيَا إِ ؤُجدْجِيذْ خْ إِيَّارنْ نّغْ ؤُ خْ إِمَارْجَاعنْ نّغْ ن ؤُضِيڒْ.“
NEH 5:5 ”خنِّي ڒخُّو، أَيْسُومْ نّغْ ذ أَيْسُومْ ن أَيْثْمَاثْنغْ، إِحنْجِيرنْ نّغْ أَمْ إِحنْجِيرنْ نْسنْ، ؤُ خْزَارْ، إِحنْجِيرنْ نّغْ ذ ثْحنْجِيرِينْ نّغْ إِتّْخصَّا أَنغْ أَذْ ثنْ نَارّْ ذ إِسمْغَانْ. أَقَا ذِينْ زِي يسِّيثْنغْ ثِينِّي إِذوْڒنْ أَمْ ثْسغْمِينْ، ؤُشَا أَفُوسْ نّغْ وَارْ إِزمَّارْ [أَذْ إِڭّْ شَا] ؤُ إِيَّارنْ نّغْ ذ إِمَارْجَاعنْ نّغْ ن ؤُضِيڒْ أَقَا ذڭْ ؤُفُوسْ ن إِنّغْنِي.“
NEH 5:6 ؤُمِي سْڒِيغْ إِغُويَّانْ نْسنْ ذ وَاوَاڒنْ-أَ، ذوْڒغْ خيّْقغْ أَطَّاسْ.
NEH 5:7 نشّْ خَارّْصغْ ذڭْ وُوڒْ إِنُو ؤُ [خنِّي] شثْشِيغْ خْ ثَارْوَا ن ثَاصِيڒثْ ؤُ خْ إِمْضبَّارنْ، نِّيغْ أَسنْ: ”كُوڒْ إِجّْ زَّايْومْ ذَايسْ ڒْعِيبْ ؤُمِي إِڭَّا أَمَارْوَاسْ ذڭْ ؤُمَاسْ.“ نشّْ ڭِّيغْ إِجّْ ن وڭْرَاوْ ذ أَمقّْرَانْ ضِيدّْ نْسنْ.
NEH 5:8 نشّْ نِّيغْ أَسنْ: ”نشِّينْ نسْغَا أَيْثْمَاثْنغْ، ؤُذَاينْ، إِنِّي ثُوغَا إِتّْوَازّنْزنْ إِ ڒڭْنُوسْ، عْلَاحْسَابْ ثِيزمَّارْ نّغْ. مَا ثخْسمْ أَذْ ثزّنْزمْ [عَاوذْ] ثَاوْمَاثْومْ ؤُ تّْوَامّسْغنْ نِيثْنِي زَّايْنغْ [عَاوذْ]؟“ ؤُشَا سّغْذنْ وَارْ ؤُفِينْ مِينْ غَا إِنِينْ.
NEH 5:9 [خَاسْ ؤُشَا] نِّيغْ: ”مِينْ ثتّڭّمْ كنِّيوْ، وَارْ إِدْجِي نِيشَانْ. مَا وَارْ إِتّْخصِّي أَذْ ثُويُورمْ زَّاثْ إِ أَربِّي نّغْ س ؤُوقَّارْ زِي سِّيبّثْ ن ؤُسحْقَارْ ن ڒڭْنُوسْ، ڒْعذْيَانْ نّغْ؟
NEH 5:10 ؤُڒَا ذ نشّْ، أَيْثْمَا ذ إِمْسخَّارنْ إِنُو، أَقَا نَارْضرْ أَسنْ نُّوقَارْثْ ذ إِمنْذِي. جّمْ أَنغْ أَذْ نسْمحْ مَاشَا ذڭْ ؤُمَارْوَاسْ-أَ.
NEH 5:11 أَرّمْ أَسنْ أَسّْ-أَ إِيَّارنْ نْسنْ، إِمَارْجَاعنْ نْسنْ ن ؤُضِيڒْ، ڒعْرَاصِيثْ نْسنْ ن زِّيثُونْ ذ ثُوذْرِينْ نْسنْ ؤُشَا سمْحنْ أَسنْ ذِي ثَاسْغَارْثْ وِيسّْ مْيَا ن نُّوقَارْثْ ذ إِمنْذِي ذ بِينُو ن جْذِيذْ ذ زّشْثْ نِّي إِ زَّايْسنْ ثتّتَّارمْ [عَاذْ].“
NEH 5:12 [خَاسْ ؤُشَا] نَّانْ: ”أَذْ أَسنْ ث نَارّْ مَارَّا ؤُ وَارْ زَّايْسنْ ث نتّتَّارْ [عَاذْ]. نشِّينْ أَذْ نڭّْ، أَمْ مَامّشْ ثنِّيذْ شكْ.“ ؤُشَا ڒَاغِيغْ إِ إِكهَّاننْ ؤُ جِّيغْ ثنْ أَذْ جَّادْجنْ، أَقَا نِيثْنِي أَذْ ڭّنْ عْلَاحْسَابْ أَوَاڒْ-أَ.
NEH 5:13 خنِّي زّرْزغْ وحْسِينْ ن وَارُّوضْ إِنُو، نِّيغْ: ”أَمُّو إِ غَا إِزّرْزْ أَربِّي كُوڒْ أَرْيَازْ نِّي وَارْ إِطِّيفنْ ذڭْ وَاوَاڒْ-أَ، زِي ثَادَّارْثْ نّسْ ؤُ زڭْ وَاڭْڒَا نّسْ، [وَاهْ،] إِڒِي أَذْ ث زّرْزنْ أَڒَامِي إِ غَا إِخْوَا.“ أَڭْرَاوْ [ن ڒْڭنْسْ] مَارَّا إِنَّا: ”أَمِينْ!“ نِيثْنِي سّمْغَارنْ سِيذِي ذ ڒْڭنْسْ إِ إِڭِّينْ عْلَاحْسَابْ أَوَاڒْ-أَ.
NEH 5:14 ؤُڒَا ذ نشّْ ذ يَايْثْمَا وَارْ نشِّي شَا مَاشَّا ن إِجّْ ن لْوَالِي زڭْ وَاسّْ نِّي ذِي إِ ذ أَيِي إِڭَّا ذ لْوَالِي نْسنْ ذِي ثمُّورْثْ ن يَاهُوذَا، زڭْ ؤُسڭّْوَاسْ وِيسّْ عِيشْرِينْ أَڒْ أَسڭّْوَاسْ وِيسّْ ثْنَاينْ ؤُ-ثْڒَاثِينْ ن ؤُجدْجِيذْ أَرْثَاحْشَاسْثَا، [ثقَّارْ] ثنْعَاشْ ن إِسڭّْوُوسَا.
NEH 5:15 لْوُولَاثْ نِّي ذِينْ إِدْجَانْ قْبڒْ إِ نشّْ، ثُوغَا ڭِّينْ دّْقڒْ خْ ڒْڭنْسْ ؤُ ثُوغَا كْسِينْ زَّايسْ أَغْرُومْ ذ بِينُو ؤُ عَاوذْ أَربْعِينْ شِيقْلُو ن نُّوقَارْثْ. ؤُڒَا ذ إِمْسخَّارنْ نْسنْ سدْجْضنْ خْ ڒْڭنْسْ. نشّْ مَاشَا وَارْ ڭِّيغْ أَيَا زِي ثِيڭّْوُوذِي ن أَربِّي.
NEH 5:16 أَقَا وْشِيغْ جّهْذْ إِنُو إِ ڒْخذْمثْ غَارْ ڒْحِيضْ ؤُ نشِّينْ وَارْ نسْغِي شَا أَحْوِيشْ ؤُ مَارَّا إِمْسخَّارنْ مُوننْ ذِينْ خْ ڒْخذْمثْ.
NEH 5:17 غَارْ طَّابْڒَا إِنُو [قِّيمنْ] مْيَا ؤُ-خمْسِينْ ن يرْيَازنْ زڭْ وُوذَاينْ ؤُ زڭْ إِمْضبَّارنْ ؤُڒَا ذ إِنِّي إِ غَارْنغْ د-يُوسِينْ زِي ڒڭْنُوسْ إِ ذ أَنغْ د-إِنّْضنْ.
NEH 5:18 مِينْ إِتّْوَاسّْوجْذنْ أَيِي إِ يِيجّْ ن وَاسّْ، أَقَا ذ إِجّْ ن ؤُفُونَاسْ، ستَّا ن ثخْسِيوِينْ إِتّْوَافَارْزنْ زڭْ وُودْجِي ؤُڒَا ذ إِجْضَاضْ، ؤُ ذِي كُوڒْعشْرَا ن وُوسَّانْ عْڒَامْ كُوڒْ بِينُو س ؤُفيّضْ. س مَارَّا أَيَا وَارْ تَّارغْ مَاشَّا ن لْوَالِي، مَاغَارْ ثَاسخَّارْثْ ثسّذْقڒْ أَطَّاسْ خْ ڒْڭنْسْ-أَ.
NEH 5:19 إِذَارْ أَيِي س ڒْخَارْ، [أَ] أَربِّي إِنُو، س مَارَّا مِينْ ڭِّيغْ إِ ڒْڭنْسْ-أَ.
NEH 6:1 ؤُمِي خبَّارنْ إِ سَانْبَالَّاطْ ذ طُوبِييَا ذ وعْرَابْ جَاشَامْ ذ ڒْعذْيَانْ نّغْنِي، أَقَا نشّْ بْنِيغْ ڒْحِيضْ عَاوذْ ؤُ وَارْ ثُوغِي ذَايسْ ثقِّيمْ ثَازِّيثْ [عَاذْ]، أَقَا زعْمَا نشّْ ثُوغَا أَيِي عَاذْ وَارْ أَركّْبغْ ثِيوُّورَا، [خنِّي] إِمْسَارْ،
NEH 6:2 أَقَا سَانْبَالَّاطْ ذ جَاشَامْ سّكّنْ-د غَارِي [ڒخْبَارْ]، نَّانْ: ”أَسْ-د، أَذْ نمّْژَارْ ذِي ذْشُورَاثْ ذِي ڒوْضَا ن ؤُنُو.“ نِيثْنِي مَاشَا ثُوغَا نْوَانْ أَذْ ڭّنْ ثَاعفَّانْثْ أَكِيذِي.
NEH 6:3 نشّْ سّكّغْ غَارْسنْ إِرقَّاسنْ أَذْ إِنِينْ: ”نشّْ خدّْمغْ ڒخُّو ذِي ڒْخذْمثْ ذ ثَامقّْرَانْثْ، خْ ؤُيَا وَارْ زمَّارغْ أَذْ د-أَسغْ. مَايمِّي غَا ثْبدّْ ڒْخذْمثْ-أَ مَاڒَا جِّيغْ ت، هْوِيغْ-د غَارْومْ؟“
NEH 6:4 نِيثْنِي سّكّنْ أَيِي-د ثَابْرَاثْ-أَ أَربْعَا ن ثْوَاڒَاوِينْ ؤُ نشّْ أَرِّيغْ-د خَاسنْ [ڒبْذَا] س وبْرِيذْ ذ إِجّنْ.
NEH 6:5 [خنِّي] إِسّكّْ-د غَارِي سَانْبَالَّاطْ ڒخْبَارْ-أَ إِ ثْوَاڒَا وِيسّْ خمْسَا. أَمْسخَّارْ نّسْ [ثُوغَا غَارسْ] إِشْثْ ن ثبْرَاثْ ثَارْزْمنْ س ؤُفُوسْ نّسْ،
NEH 6:6 يُورَا ذَايسْ: ”أَقَا إِذْوڒْ إِتّْوَاسّنْ جَارْ ڒڭْنُوسْ ؤُ جَاشْمُو إِقَّارْ: ’شكْ ذ وُوذَاينْ ثخْسمْ أَذْ ثْغوّْغمْ. خْ ؤُيَا ثسّْبدّمْ ڒْحِيضْ!‘، ؤُ شكْ ثخْسذْ أَذْ ثْذوْڒذْ ذ أَجدْجِيذْ نْسنْ خْ ڒحْسَابْ أَوَاڒنْ-أَ.“
NEH 6:7 شكْ عَاوذْ ثَاڒقْمذْ إِنَابِييّنْ، مَاحنْذْ أَذْ خَاكْ د-بَارّْحنْ ذِي ؤُرْشَالِيمْ، أَذْ إِنِينْ: ’نتَّا ذ أَجدْجِيذْ ذِي يَاهُوذَا!‘ أَوَاڒنْ-أَ أَذْ أَوْضنْ مَاشَا إِ ؤُجدْجِيذْ. س ؤُيَا أَسْ-د ڒخُّو، أَذْ نمْشَاوَارْ.“
NEH 6:8 نشّْ [مَاشَا] سّكّغْ أَسْ [ثَابْرَاثْ] مَاحنْذْ أَذْ أَسْ إِنِيغْ: ”ثِيمسْڒَايِينْ-أَ إِ ثنِّيذْ، وَارْ دْجِينْثْ شَا ذ ثِيذتّْ، مَاشَا شكْ ثڭِّيذْ ثنْثْ ذڭْ وُوڒْ نّشْ.“
NEH 6:9 مِينْزِي نِيثْنِي مَارَّا خْسنْ أَذْ أَنغْ سِّيڭّْوْذنْ، نَّانْ: ”نِيثْنِي أَذْ كّْسنْ إِفَاسّنْ نْسنْ زِي ڒْخذْمثْ، مَاحنْذْ وَارْ ت تّڭّنْ.“ خنِّي ڒخُّو، سجْهذْ إِفَاسّنْ إِنُو!
NEH 6:10 نشّْ ؤُذْفغْ غَارْ ثَادَّارْثْ ن شَامْعِييَا، مِّيسْ ن ذَالَايَا، مِّيسْ ن مَاهِيطَابْ‘إِلْ. نتَّا ثُوغَا إِبلّعْ خْ إِخفْ نّسْ ذِينِّي، إِنَّا: ”أجّْ أَنغْ أَذْ نْمُونْ ذِي ثَادَّارْثْ ن أَربِّي، ذِي ڒْوسْطْ ن زَّاوشْثْ، أَذْ نْبلّعْ ثِيوُّورَا ن زَّاوشْثْ ثَامقّْرَانْثْ، مَاغَارْ أَذْ د-أَسنْ نِيثْنِي، حِيمَا أَذْ شكْ نْغنْ، [وَاهْ،] أَذْ د-أَسنْ ذِي دْجِيڒثْ حِيمَا أَذْ شكْ نْغنْ.“
NEH 6:11 [مَاشَا] نشّْ نِّيغْ: ”مَا نشّْ ذ إِجّْ ن ورْيَازْ إِ ثَاروْڒَا؟ مَا إِجّنْ أَمْ نشّْ أَذْ يَاذفْ غَارْ زَّاوشْثْ ثَامقّْرَانْثْ ؤُشَا أَذْ إِقِّيمْ إِدَّارْ؟ وَارْ ت تَّاذْفغْ.“
NEH 6:12 [مِينْزِي] أَرْڭْبغْ ؤُ ژْرِيغْ، أَقَا وَارْ إِدْجِي ذ أَربِّي إِ ثُوغَا ث-إِ-د-إِسّكّنْ، مَاشَا نتَّا إِسِّيوڒْ أَكْ-ذ نُّوبُووَا-يَا خَافِي، مِينْزِي طُوبِييَا ذ سَانْبَالَّاطْ ثُوغَا شْرَانْ ث.
NEH 6:13 ثُوغَا شْرَانْ ث، مَاحنْذْ أَذْ ڭّْوذغْ أَذْ ڭّغْ أَمنِّي ؤُشَا أَذْ خْضِيغْ، مَاحنْذْ أَذْ غَارْسنْ يِيڒِي شَا إِ زِي ذَايِي إِ غَا ڭّنْ إِسمْ ذ أَعفَّانْ، حِيمَا أَذْ أَيِيعيَّارنْ.
NEH 6:14 [أَ] سِيذِي إِنُو، إِذَارْ إِ طُوبِييَا ذ سَانْبَالَّاطْ، مِينْ ڭِّينْ، ؤُڒَا ذ ثَانَابِيثْ نُوعَاذْيَا ذ إِنَابِييّنْ نّغْنِي إِنِّي ثُوغَا يَارزُّونْ أَذْ أَيِي سِّيڭّْوْذنْ.
NEH 6:15 إِتّْوَاكمّڒْ ڒْحِيضْ أَوَارْنِي إِ ثْنَاينْ ؤُ-خمْسِينْ ن وُوسَّانْ، ذڭْ [وَاسّْ] وِيسّْ خمْسَا ؤُ-عِيشْرِينْ ن [ؤُيُورْ ن] إِلُولْ.
NEH 6:16 ؤُمِي سْڒِينْ مَارَّا ڒْعذْيَانْ نّغْ مَانْ أَيَا، ؤُشَا ؤُڒَا ذ مَارَّا ڒڭْنُوسْ إِ ذ أَنغْ د-إِنّْضنْ ژْرِينْ ث، ذوْڒنْ نِيثْنِي ذ إِمُوقْڒِيڒنْ ذِي ثِيطَّاوِينْ ن يِيخفْ نْسنْ، ؤُشِينْ أَقَا ذ أَربِّي إِ ثُوغَا إِڭِّينْ ڒْخذْمثْ-أَ.
NEH 6:17 ذڭْ وُوسَّانْ نِّي ؤُرِينْ ثَارْوَا ن ثَاصِيڒثْ ن يَاهُوذَا أَطَّاسْ ن ثبْرَاثِينْ، سكّنْ ثنْثْ إِ طُوبِييَا ؤُشَا أَقَا ذِينْ ؤُڒَا ذ ثِينِّي إِفّْغنْ زِي طُوبِييَا غَارْسنْ.
NEH 6:18 مَاغَارْ أَطَّاسْ ذِي يَاهُوذَا ثُوغَا جُّودْجنْ أَسْ، مَاغَارْ نتَّا ثُوغَا ذ أَضڭّْوَاڒْ ن شَاخَانْيَا، مِّيسْ ن أَرَاحْ، ؤُ مِّيسْ [نّسْ] يُوحَانَانْ ثُوغَا يِيوِي يدْجِيسْ ن مَاشُولَّامْ، مِّيسْ ن بَارَاخْيَا، ذ ثَامْغَارْثْ.
NEH 6:19 عَاوذْ سِّيوْڒنْ زَّاثْ إِ وُوذمْ إِنُو خْ ثْمڭَّا نّسْ ثِيصبْحَانِينْ ؤُ سِّيوْضنْ أَوَاڒنْ إِنُو غَارسْ. ؤُ طُوبِييَا ثُوغَا إِ ذ أَيِي د-إِسّكَّانْ ثِيبْرَاثِينْ حِيمَا أَذْ أَيِي إِسِّيڭّْوذْ.
NEH 7:1 ؤُمِي إِتّْوَاسّْبدّْ ڒْحِيضْ عَاوذْ ؤُ ڭِّيغْ ثِيوُّورَا أَذْ تّْوَاركّْبنْثْ، أَقَا ڒقّْمغْ إِعسَّاسنْ ن ثوُّورَا ذ إِمذْيَازنْ ذ إِلَاوِييّنْ.
NEH 7:2 نشّْ ؤُمُورغْ إِ ؤُمَا حَانَانِي ؤُ إِ حَانَانْيَا، أَمقّْرَانْ ن لْقلْعَا ذِي ؤُرْشَالِيمْ، مِينْزِي نتَّا ذ إِجّْ ن ورْيَازْ ذ أَمْثِيقِّي، إِتّڭّْوذْ أَربِّي كْثَارْ خْ وَاطَّاسْ [إِنّغْنِي].
NEH 7:3 نشّْ نِّيغْ أَسنْ: ”وَارْ تّْنُورْزِيمنْثْ ثوُّورَا ن ؤُرْشَالِيمْ أَڒْ غَا ثزْوغْ ثْفُوشْثْ ؤُشَا جّمْ أَذْ بلّْعنْ ثِيوُّورَا ؤُ أَذْ أَرّنْ إِزكْرُوننْ ؤُمِي نِيثْنِي بدّنْ عَاذْ [إِ ثْعسَّاسْثْ]. إِتّْخصَّا أَذْ ڭّنْ إِعسَّاسنْ زڭْ إِمزْذَاغْ ن ؤُرْشَالِيمْ، كُوڒْ إِجّْ ذڭْ ومْشَانْ ن ثْعسَّاسْثْ نّسْ ؤُ كُوڒْ إِجّْ قِيبَاتْشْ إِ ثَادَّارْثْ نّسْ.
NEH 7:4 ثُوغَا ثَانْذِينْثْ ثنّجْبذْ ؤُ ثمْغَارْ، [مَاشَا] ثُوغَا ذَايسْ ڒْڭنْسْ ذْرُوسْ ؤُ ثُوذْرِينْ ثُوغَا وَارْ بْنِينْثْ [عَاذْ].
NEH 7:5 إِڭَّا أَربِّي ذڭْ وُوڒْ إِنُو أَذْ ڒَاغِيغْ إِ ثَارْوَا ن ثَاصِيڒثْ ذ إِمْضبَّارنْ حِيمَا أَذْ يِيڒِي إِجّْ ن ؤُزمّمْ ن [ڒْْڭنْسْ] ؤُشَا ؤُفِيغْ لِيسْثَا ن جَّاذِيرَا ن يِينِّي د-إِڭعّْذنْ ذ أَمزْوَارُو، ؤُفِيغْ يُورَا ذَايسْ [مَانْ أَيَا]:
NEH 7:6 ”أَقَا ذ إِنَا ذ أَيْثْ ن لْعَامَالَا نِّي د-إِڭعّْذنْ زِي ثْمحْبَاسْثْ - إِمنْفِييّنْ نِّي د-إِوْيِي نابُوخَاذْنَاصَّارْ، أَجدْجِيذْ ن بَابِيلْ، ذِي لْمنْفَا - ؤُشَاعقْبنْ غَارْ ؤُرْشَالِيمْ ذ يَاهُوذَا، كُوڒْ إِجّْ غَارْ ثنْذِينْثْ نّسْ،
NEH 7:7 إِنِّي د-يُوسِينْ أَكْ-ذ زَارُوبَّابِيلْ، يَاهُوشَاعْ، نَاحَامْيَا، عَازَارْيَا، رَاعَامْيَا، نَاحَامَانِي، مُورْذَاخَايْ، بِيلْشَانْ، مِيسْفَارَاثْ، بِيغْوَايْ، نَاحُومْ ذ بَاعْنَا. وَا ذ ڒْقدّْ ن يرْيَازنْ ن ڒْڭنْسْ ن إِسْرَائِيل.
NEH 7:8 أَيْثْ ن فَارْعُوشْ: أَڒْفَاينْ ؤُ-مْيَا ؤُ-ثْنَاينْ ؤُ-سبْعِينْ [ن يرْيَازنْ].
NEH 7:9 أَيْثْ ن شَافَاطْيَا: ثڒْثْ-مْيَا ؤُ-ثْنَاينْ ؤُ-سبْعِينْ [ن يرْيَازنْ].
NEH 7:10 أَيْثْ ن أَرَاحْ: ستَّا-مْيَا ؤُ-ثْنَاينْ ؤُ-خمْسِينْ [ن يرْيَازنْ].
NEH 7:11 أَيْثْ ن فَاهَاثْ-مُوآبَ، زڭْ أَيْثْ ن يشُوعَا ذ يُووَابْ: أَڒْفَاينْ ؤُ-ثْمنْيَا-مْيَا ؤُ-ثْمنْيَا -عشْرَا [ن يرْيَازنْ].
NEH 7:12 أَيْثْ ن عِيلَامْ: أَڒفْ ؤُ-مِيثَايْنْ ؤُ-أَربْعَا ؤُ-خمْسِينْ [ن يرْيَازنْ].
NEH 7:13 أَيْثْ ن زَاتُّو: ثمْنْ-مْيَا ؤُ-خمْسَا ؤُ-ربْعِينْ [ن يرْيَازنْ].
NEH 7:14 أَيْثْ ن زَاكَّايْ: سبْعَا-مْيَا ؤُ-ستِّينْ [ن يرْيَازنْ].
NEH 7:15 أَيْثْ ن بِينَّايْ: ستَّا-مْيَا ؤُ-ثْمنْيَا ؤُ-ربْعِينْ [ن يرْيَازنْ].
NEH 7:16 أَيْثْ ن بَابَايْ: ستَّا-مْيَا ؤُ-ثْمنْيَا ؤُ-عِيشْرِينْ [ن يرْيَازنْ].
NEH 7:17 أَيْثْ ن عَارْجَاذْ: أَڒْفَاينْ ؤُ-طرْثْ-مْيَا ؤُ-ثْنَاينْ ؤُ-عِيشْرِينْ [ن يرْيَازنْ].
NEH 7:18 أَيْثْ ن أَذُونِيقَامْ: ستَّا-مْيَا ؤُ-سبْعَا ؤُ-ستِّينْ [ن يرْيَازنْ].
NEH 7:19 أَيْثْ ن بِيغْوَايْ: أَڒْفَاينْ ؤُ-سبْعَا ؤُ-ستِّينْ [ن يرْيَازنْ].
NEH 7:20 أَيْثْ ن عَاذِينْ: ستَّا-مْيَا ؤُ-خمْسَا ؤُ-خمْسِينْ [ن يرْيَازنْ].
NEH 7:21 أَيْثْ ن أَطِيرْ زِي حِيزْقِييَا: ثْمنْيَا ؤُ-ثسْعِينْ [ن يرْيَازنْ].
NEH 7:22 أَيْثْ ن حَاشُومْ: ثڒْثْ-مْيَا ؤُ-ثْمنْيَا ؤُ-عِيشْرِينْ [ن يرْيَازنْ].
NEH 7:23 أَيْثْ ن بِيصَايْ: ثڒْثْ-مْيَا ؤُ-أَربْعَا ؤُ-عِيشْرِينْ [ن يرْيَازنْ].
NEH 7:24 أَيْثْ ن حَارِيفْ: مْيَا ؤُ-ثنْعَاشْ [ن يرْيَازنْ].
NEH 7:25 أَيْثْ ن جِيبْعُونْ: خمْسَا ؤُ-ثسْعِينْ [ن يرْيَازنْ].
NEH 7:26 إِرْيَازنْ ن بَايْثْ-لَاحْمْ ذ نَاطُوفَا: مْيَا ؤُ-ثْمنْيَا ؤُ-ثْمَانْيِينْ [ن يرْيَازنْ].
NEH 7:27 إِرْيَازنْ ن عَانَاثُوثْ: مْيَا ؤُ-ثْمنْيَا ؤُ-عِيشْرِينْ [ن يرْيَازنْ].
NEH 7:28 إِرْيَازنْ ن بَايْثْ-عَازْمُوثْ: ثْنَاينْ ؤُ-ربْعِينْ [ن يرْيَازنْ].
NEH 7:29 إِرْيَازنْ ن قَارْيَاثْ-يَاعَارِيمْ، كَافِيرَا ذ بِيعْرُوثْ: سبْعَا-مْيَا ؤُ-ثْڒَاثَا ؤُ-ربْعِينْ [ن يرْيَازنْ].
NEH 7:30 إِرْيَازنْ ن رَامَا ذ جَابَاعْ: ستَّا-مْيَا ؤُ-وَاحذْ ؤُ-عِيشْرِينْ [ن يرْيَازنْ].
NEH 7:31 إِرْيَازنْ ن مِيخْمَاسْ: مْيَا ؤُ-ثْنَاينْ ؤُ-عِيشْرِينْ [ن يرْيَازنْ].
NEH 7:32 إِرْيَازنْ ن بَايْثْ-إِلْ ذ عَايْ: مْيَا ؤُ-ثْڒَاثَا ؤُ-عِيشْرِينْ [ن يرْيَازنْ].
NEH 7:33 إِرْيَازنْ ن نابُو نّغْنِي: ثْنَاينْ ؤُ-خمْسِينْ [ن يرْيَازنْ].
NEH 7:34 أَيْثْ ن إِجّْ ن عِيلَامْ نّغْنِي، أَڒفْ ؤُ-مِيثَايْنْ ؤُ-أَربْعَا ؤُ-خمْسِينْ [ن يرْيَازنْ].
NEH 7:35 أَيْثْ ن حَارِيمْ: ثڒْثْ-مْيَا ؤُ-عِيشْرِينْ [ن يرْيَازنْ].
NEH 7:36 أَيْثْ ن أَرِيحَا: ثڒْثْ-مْيَا ؤُ-خمْسَا ؤُ-ربْعِينْ [ن يرْيَازنْ].
NEH 7:37 أَيْثْ ن لُوذْ، حَاذِيذْ ذ ؤُنُو: سبْعَا-مْيَا ؤُ-وَاحذْ ؤُ-عِيشْرِينْ [ن يرْيَازنْ].
NEH 7:38 أَيْثْ ن سَانَائا: ثڒْثْ-أَڒَافْ ؤُ-ثسْعَا-مْيَا ؤُ-ثْڒَاثِينْ [ن يرْيَازنْ].
NEH 7:39 إِكهَّاننْ. أَيْثْ ن يَاذَاعْيَا، زِي ثَادَّارْثْ ن يشُوعَا: ثسْعَا-مْيَا ؤُ-ثْڒَاثَا ؤُ-سبْعِينْ [ن يرْيَازنْ].
NEH 7:40 أَيْثْ ن إِمِّيرْ: أَڒفْ ؤُ-ثْنَاينْ ؤُ-خمْسِينْ [ن يرْيَازنْ].
NEH 7:41 أَيْثْ ن فَاشْحُورْ: أَڒفْ ؤُ-مِيثَايْنْ ؤُ-سبْعَا ؤُ-ربْعِينْ [ن يرْيَازنْ].
NEH 7:42 أَيْثْ ن حَارِيمْ: أَڒفْ ؤُ-سْبعْطَاشْ [ن يرْيَازنْ].
NEH 7:43 إِلَاوِييّنْ. أَيْثْ ن يشُوعَا، أَيْثْ ن قَاذْمِييِيلْ، زڭْ أَيْثْ ن هُوذُووْيَا: أَربْعَا ؤُ-سبْعِينْ [ن يرْيَازنْ].
NEH 7:44 إِمذْيَازنْ. أَيْثْ ن أَسَافْ: مْيَا ؤُ-ثْمنْيَا ؤُ-ربْعِينْ [ن يرْيَازنْ].
NEH 7:45 أَيْثْ ن إِعسَّاسنْ ن ثوُّورَا. أَيْثْ ن شَالُّومْ، أَيْثْ ن أَطِيرْ، أَيْثْ ن طَالْمُونْ، أَيْثْ ن عَاقُّوبْ، أَيْثْ ن حَاطِيطَا، أَيْثْ ن شُوبَايْ، أَقَا أَثنْ [جْمِيعْ]: مْيَا ؤُ-ثْمنْيَا ؤُ-ثْڒَاثِينْ [ن يرْيَازنْ].
NEH 7:46 إِمْسخَّارنْ ن زَّاوشْثْ ثَامقّْرَانْثْ. أَيْثْ ن صِيحَا، أَيْثْ ن حَاسُوفَا، أَيْثْ ن طَابَاعُوثْ،
NEH 7:47 أَيْثْ ن قِيرُوشْ، أَيْثْ ن شِيعَا، أَيْثْ ن فَاذُونْ،
NEH 7:48 أَيْثْ ن لَابَانَا، أَيْثْ ن حَاجَابَا، أَيْثْ ن سَالْمَايْ،
NEH 7:49 أَيْثْ ن حَانَانْ، أَيْثْ ن جَاذِيلْ، أَيْثْ ن حَاجَارْ،
NEH 7:50 أَيْثْ ن رَآيَا، أَيْثْ ن رَاصِينْ، أَيْثْ ن نَاقُّوذَا،
NEH 7:51 أَيْثْ ن جَازَّامْ، أَيْثْ ن عَازَّا، أَيْثْ ن فَاسِيحْ،
NEH 7:52 أَيْثْ ن بِيسَايْ، أَيْثْ ن مَاعُونِيمْ، أَيْثْ ن نَافِيشَاسِيمْ،
NEH 7:53 أَيْثْ ن بَاقْبُوقْ، أَيْثْ ن حَاقُوفَا، أَيْثْ ن حَارْحُورْ،
NEH 7:54 أَيْثْ ن بَاصْلِيثْ، أَيْثْ ن مَاحِيذَا، أَيْثْ ن حَارْشَا،
NEH 7:55 أَيْثْ ن بَارْقُوسْ، أَيْثْ ن سِيسَارَا، أَيْثْ ن ثَامَاحْ،
NEH 7:56 أَيْثْ ن نَاصِيحْ، أَيْثْ ن حَاطِيفَا،
NEH 7:57 أَيْثْ ن إِمْسخَّارنْ ن سُولِيمَانْ. أَيْثْ ن سُوطَايْ، أَيْثْ ن سُوفَارَاثْ، أَيْثْ ن فَارِيذَا،
NEH 7:58 أَيْثْ ن يَاعْلَا، أَيْثْ ن ذَارْقُونْ، أَيْثْ ن جِيذِّيلْ،
NEH 7:59 أَيْثْ ن شَافَاطْيَا، أَيْثْ ن حَاتِّيلْ، أَيْثْ ن فُوخَارَاثْ-هَا-ضَابَايِيمْ ذ أَيْثْ ن أَمُونْ.
NEH 7:60 مَارَّا إِمْسخَّارنْ ن زَّاوشْثْ ثَامقّْرَانْثْ ذ أَيْثْ ن إِمْسخَّارنْ ن سُولِيمَانْ، أَقَا أَثنْ [جْمِيعْ] ثڒْثْ-مْيَا ؤُ-ثْنَاينْ ؤُ-ثسْعِينْ [ن يرْيَازنْ].
NEH 7:61 إِنَا ذ إِنِّي إِڭعّْذنْ زِي ثَالْ-مِيلْحْ، ثَالْ-حَارْشَا، كَارُوبْ، أَدَّانْ ذ إِمِّيرْ، [مَاشَا] نِيثْنِي وَارْ زمَّارنْ أَذْ سّشْننْ زِي جِّيهثْ ن ثَادَّارْثْ ن ڒجْذُوذْ نْسنْ نِيغْ زِي جِّيهثْ ن زَّارِيعثْ نْسنْ، أَقَا نِيثْنِي [فّْغنْ] زِي إِسْرَائِيل:
NEH 7:62 أَيْثْ ن ذَالَايَا، أَيْثْ ن طُوبِييَا، أَيْثْ ن نَاقُّوذَا: ستَّا-مْيَا ؤُ-ثْنَاينْ ؤُ-ربْعِينْ [ن يرْيَازنْ].
NEH 7:63 ؤُشَا زڭْ إِكهَّاننْ: أَيْثْ ن حَابَايَا، أَيْثْ ن هَاقُّوصْ، أَيْثْ ن بَارْزِيلَّايْ، [أَقَا زَّايْسنْ ونِّي] إِوْينْ إِشْثْ ن ثمْغَارْثْ زِي يسِّيسْ ن ؤُجِيلْعَاذِي بَارْزِيلَّايْ ؤُ إِتّْوَاڒَاغَا س يِيسمْ نْسنْ.
NEH 7:64 نِيثْنِي أَرْزُونْ خْ ثوْرِيقْثْ ن ؤُزمّمْ نْسنْ [ذِي لِيسْثَا ن جَّاذِيرَا]، مَاشَا وَارْ ت ؤُفِينْ. س ؤُينِّي تّْوَاسُّوفّْغنْ نِيثْنِي زِي ثُوكهَّانْثْ.
NEH 7:65 لْوَالِي أَمقّْرَانْ إِنَّا أَسنْ، وَارْ تّتّنْ زِي ثْمسْڒَايِينْ إِقدّْسنْ قَاعْ أَڒْ غَا إِكَّارْ إِجّْ ن ؤُكهَّانْ أَكْ-ذ ؤُرِيمْ ذ ثُومِّيمْ.
NEH 7:66 مَارَّا أَڭْرَاوْ [ن ڒْڭنْسْ] [ثُوغَا ذِي] ثْنَاينْ ؤُ-ربْعِينْ-أَڒفْ ؤُ-ثڒْثْ-مْيَا ؤُ-ستِّينْ [ن يرْيَازنْ]،
NEH 7:67 نْهْڒَا إِسمْغَانْ نْسنْ ذ ثِييَّا نْسنْ، [مَاغَارْ] إِنَا ثُوغَا أَثنْ مَارَّا سبْعَا-أَڒَافْ ؤُ-ثڒْثْ-مْيَا ؤُ-سبْعَا ؤُ-ثْڒَاثِينْ، ؤُشَا غَارْسنْ مِيثَاينْ ؤُ-خمْسَا ؤُ-ربْعِينْ ن إِمذْيَازنْ ذ ثْمذْيَازِينْ.
NEH 7:68 إِڒغْمَانْ نْسنْ [ثُوغَا أَثنْ ذِي] أَربْعَا-مْيَا ؤُ-خمْسَا ؤُ-ثْڒَاثِينْ [ؤُ] إِغْيَاڒْ نْسنْ [ثُوغَا أَثنْ ذِي] ستَّا-أَڒَافْ ؤُ-سبْعَا-مْيَا ؤُ-عِيشْرِينْ.
NEH 7:69 شَا زڭْ إِزدْجِيفنْ خْ إِبَابَاثنْ [ن ڒَادْجَاثْ] وْشِينْ إِ ڒْخذْمثْ. لْوَالِي أَمقّْرَانْ إِوْشَا إِ سّنْذُوقْ ن ثْخُوبَايْ [ن ڒْخذْمثْ] أَڒفْ ن ذْرَاخْمَاثْ ن وُورغْ ذ خمْسِينْ ن طَّاوْيَاثْ إِ ؤُرُوشِّي ذ خمْسَا-مْيَا ؤُ-ثْڒَاثِينْ ن ثْشَامِيرَاثْ إِ إِكهَّاننْ.
NEH 7:70 شَا نّغْنِي زڭْ إِزدْجِيفنْ خْ إِبَابَاثنْ [ن ڒَادْجَاثْ] وْشِينْ إِ سّنْذُوقْ ن ثْخُوبَايْ إِ ڒْخذْمثْ عِيشْرِينْ-أَڒفْ ن ذْرَاخْمَاثْ ن وُورغْ ذ أَڒْفَاينْ ن مِينَايَاثْ ن نُّوقَارْثْ.
NEH 7:71 ؤُشَا مِينْ إِقِّيمنْ زِي ڒْڭنْسْ إِوْشَا عِيشْرِينْ-أَڒفْ ن ذْرَاخْمَاثْ ن وُورغْ ذ أَڒْفَاينْ ن مِينَايَاثْ ن نُّوقَارْثْ ذ سبْعَا ؤُ-ستِّينْ ن ثْشَامِيرَاثْ إِ إِكهَّاننْ.
NEH 7:72 إِكهَّاننْ ذ إِلَاوِييّنْ ذ إِعسَّاسنْ ن ثوَّارْثْ ذ إِمذْيَازنْ ذ شَا زِي ڒْڭنْسْ ذ إِمْسخَّارنْ ن زَّاوشْثْ ثَامقّْرَانْثْ ؤُڒَا ذ مَارَّا إِسْرَائِيل، [مَارَّا نِيثْنِي] ڭِّينْ أَذْ زذْغنْ ذِي ثْندَّامْ نْسنْ.
NEH 8:1 [ؤُمِي] إِبْذَا ؤُيُورْ وِيسّْ سبْعَا ؤُشَا ثُوغَا أَيْثْ ن إِسْرَائِيل ذِي ثْندَّامْ نْسنْ، إِمُونْ مَارَّا ڒْڭنْسْ أَمْ يِيجّْ ن ورْيَازْ ذڭْ وَازَّايْ ن ثوَّارْثْ ن وَامَانْ، نَّانْ إِ عِيزْرَا، أَمْسڒْمذْ ن شَّارِيعَا، أَذْ يَاوِي أَذْلِيسْ ن شَّارِيعَا ن مُوسَا، ثنِّي يُومُورْ سِيذِي إِ إِسْرَائِيل.
NEH 8:2 ذڭْ وَاسّْ أَمزْوَارُو ن ؤُيُورْ وِيسّْ سبْعَا يِيوِي-د ؤُكهَّانْ عِيزْرَا شَّارِيعَا زَّاثْ إِ وُوذمْ ن وڭْرَاوْ [ن ڒْڭنْسْ] ونِّي [إِدْجَانْ] زڭْ يرْيَازنْ ذ ثمْغَارِينْ ذ مَارَّا إِنِّي إِزمَّارنْ أَذْ أَسْ فهْممْ خْمِي إِ ذ أَسْ إِ غَا سْڒنْ.
NEH 8:3 نتَّا إِغْرَا زَّايسْ غَارْ وُوذمْ ن وَازَّايْ [إِ إِدْجَانْ] زَّاثْ إِ ثوَّارْثْ ن وَامَانْ، زِي ثُوفُّوثْ أَڒْ أَزْينْ ن وَاسّْ، إِ يرْيَازنْ ذ ثمْغَارِينْ ذ إِنِّي إِزمَّارنْ أَذْ أَسْ فهْممْ. ثُوغَا إِمزُّوغنْ ن مَارَّا ڒْڭنْسْ غَارْ وذْلِيسْ إِتّْوَانّْضنْ ن شَّارِيعَا.
NEH 8:4 ؤُشَا عِيزْرَا، أَمْسڒْمَاذْ ن إِذْلِيسنْ، إِبدّْ خْ إِجّْ ن دّْرُوجْ ن ؤُكشُّوضْ نِّي ڭِّينْ نِيثْنِي إِ ؤُيَا، ؤُ خْ ؤُغزْذِيسْ نّسْ أَفُوسِي بدّنْ مَاتِّيثْيَا ذ شَامَاعْ ذ عَانَايَا ذ ؤُرِييَا ذ حِيلْقِييَا ذ مَاعَاسِييَا ؤُ خْ ؤُزڒْمَاضْ نّسْ [بدّنْ] فَاذَايَا ذ مِيشَايِيلْ ذ مَالْكِييَا ذ حَاشُومْ ذ حَاشْبَادَّانَا، زَاكَارِييَّا ذ مَاشُولَّامْ.
NEH 8:5 يَارْزمْ عِيزْرَا أَذْلِيسْ زَّاثْ إِ ثِيطَّاوِينْ ن مَارَّا ڒْڭنْسْ، مَاغَارْ إِبدّْ سنّجْ إِ مَارَّا ڒْڭنْسْ ؤُشَا ؤُمِي ث يَارْزمْ، إِكَّارْ-د ڒْڭنْسْ مَارَّا.
NEH 8:6 عِيزْرَا إِسّمْغَارْ سِيذِي، أَربِّي ذ أَمقّْرَانْ، ؤُشَا ڒْڭنْسْ يَارَّا-د س إِفَاسّنْ نْسنْ غَارْ ؤُجنَّا: ”أَمِينْ، أَمِينْ!“ ؤُشَا نِيثْنِي يُوضَارنْ، بنْذْقنْ إِ سِيذِي س ؤُغمْبُوبْ [نْسنْ] غَارْ ثمُّورْثْ.
NEH 8:7 سّْڒمْذنْ يشُوعَا، بَانِي، شَارَابْيَا، يَامِينْ، عَاقُّوبْ، شَابَّاثَايْ، هُوذِييَا، مَاعَاسِييَا، قَالِيطَا، عَازَارْيَا، يُوزَابَاذْ، حَانَانْ، فَالَايَا ذ إِلَاوِييّنْ ڒْڭنْسْ ذِي شَّارِيعَا ؤُ ڒْڭنْسْ [إِقِّيمْ] ذڭْ ومْشَانْ نّسْ.
NEH 8:8 غْرِينْ نِيثْنِي زڭْ وذْلِيسْ إِتّْوَانّْضنْ، زِي شَّارِيعَا ن أَربِّي، شَارّْحنْ ؤُ سّشْننْ ڒْمعْنَا إِ ذَايْسنْ ؤُشَا أَمُّو إِ سّْفهْمنْ مِينْ إِتّْوَاغْرِينْ.
NEH 8:9 ؤُشَا نَاحَامْيَا، ونِّي ذ لْوَالِي أَمقّْرَانْ، ذ ؤُكهَّانْ عِيزْرَا، أَمْسڒْمَاذْ، ذ إِلَاوِييّنْ إِنِّي إِسّْڒمْذنْ ڒْڭنْسْ، نَّانْ إِ مَارَّا ڒْڭنْسْ: ”أَسّْ-أَ ذ أَمْقدّسْ إِ سِيذِي، أَربِّي نْومْ. وَارْ شَّاثمْ أَڭجْذُورْ، وَارْ تّْرُومْ.“ مِينْزِي مَارَّا ڒْڭنْسْ ثُوغَا إِرُو ؤُمِي سْڒَانْ أَوَاڒنْ ن شَّارِيعَا.
NEH 8:10 إِنَّا أَسنْ [عَاوذْ]: ”ؤُيُورمْ ؤُ ثشّمْ [مَاشَّا إِسّْوجْذنْ] س وَاطَّاسْ ن زّشْثْ، سّْومْ بِينُو أَمِيژِيذْ ؤُشَا وْشمْ مَاشَّا إِ ونِّي وَارْ ذ أَسْ سّْوجْذنْ وَالُو، مَاغَارْ أَسّْ-أَ ذ إِجّْ ن وَاسّْ ذ أَمْقدّسْ إِ سِيذِيثْنغْ. وَارْ سْحِيسِّيفمْ، مَاغَارْ ڒفْرَاحثْ ن سِيذِي ذ لْقلْعَا نْومْ.
NEH 8:11 إِلَاوِييّنْ سّْفوّْجنْ مَارَّا ڒْڭنْسْ، نَّانْ: ”سْقَارمْ، مَاغَارْ أَسّْ-أَ ذ أَمْقدّسْ [إِ إِدْجَا]. وَارْ سْحِيسِّيفمْ شَا!“
NEH 8:12 [خنِّي] يُويُورْ مَارَّا ڒْڭنْسْ حِيمَا أَذْ شّنْ أَذْ سْونْ ؤُ أَذْ صذْقنْ ؤُ حِيمَا أَذْ فَارْحنْ س وَاطَّاسْ، مِينْزِي نِيثْنِي فهْمنْ إِ وَاوَاڒنْ إِ ذ أَسنْ إِتّْوَانَّانْ.
NEH 8:13 ثِيوشَّا نّسْ مُوننْ إِزدْجِيفنْ خْ إِبَابَاثنْ [ن ڒَادْجَاثْ] ن مَارَّا ڒْڭنْسْ ذ إِكهَّاننْ ذ إِلَاوِييّنْ غَارْ عِيزْرَا، أَمْسڒْمَاذْ ن إِذْلِيسنْ، حِيمَا أَذْ أَرْزُونْ ڒفْهَامثْ ذڭْ وَاوَاڒنْ ن شَّارِيعَا.
NEH 8:14 نِيثْنِي ؤُفِينْ بلِّي ثُورَا ذِي شَّارِيعَا، أَقَا سِيذِي يُومُورْ س ثْسخَّارْثْ ن مُوسَا، إِتّْخصَّا إِ أَيْثْ ن إِسْرَائِيل أَذْ زذْغنْ ذڭْ إِعُوشُّوثنْ ذِي ڒْعِيذْ ذڭْ ؤُيُورْ وِيسّْ سبْعَا،
NEH 8:15 ؤُ إِتّْخصَّا أَسنْ أَذْ زَّايسْ بَارّْحنْ ؤُشَا أَذْ سّعْذُونْ إِجّْ ن ؤُڒَاغِي ذِي مَارَّا ثِيندَّامْ نْسنْ ؤُڒَا ذِي ؤُرْشَالِيمْ حِيمَا أَذْ إِنِينْ: ”فْغمْ غَارْ إِذُورَارْ ؤُ أَوْيمْ-د إِفثْوَانْ ن ثْشجُّورَا ن زِّيثُونْ ذ إِفثْوَانْ ن إِزمُّورنْ ذ إِفثْوَانْ ن ثَارِيحَانْثْ ذ إِفثْوَانْ ن ثْشجَّارْثْ ن ثِينِي ذ إِفثْوَانْ ن مَارَّا ثِيشجُّورَا غَارْسنْثْ ثِيفْرَايْ، مَاحنْذْ أَذْ زَّايْسنْ ثڭّمْ إِعُوشُّوثنْ، أَمْ مَامّشْ [ت] ثُورَا.“
NEH 8:16 [خنِّي] إِفّغْ-د ڒْڭنْسْ غَارْ بَارَّا، إِوْينْ-د [إِفثْوَانْ] ؤُشَا ڭِّينْ إِ يِيخفْ نْسنْ إِعُوشُّوثنْ، كُوڒْ إِجّْ خْ ثْزقَّا نّسْ ؤُ ذِي ڒمْرَاحَاثْ نْسنْ ؤُ ذِي ڒمْرَاحَاثْ ن ثَادَّارْثْ ن أَربِّي ؤُ ذڭْ وَازَّايْ ن ثوَّارْثْ ن وَامَانْ ؤُ ذڭْ وَازَّايْ ن ثوَّارْثْ ن إِفْرَايِيمْ.
NEH 8:17 مَارَّا أَڭْرَاوْ [ن ڒْڭنْسْ] ن يِينِّي د-إِعقْبنْ زِي ثْمحْبَاسْثْ، ڭِّينْ إِعُوشُّوثنْ ؤُ زدّْغنْ ذڭْ إِعُوشُّوثنْ مِينْزِي أَيْثْ ن إِسْرَائِيل وَارْ ڭِّينْ أَيَا زڭْ وُوسَّانْ ن يَاشُووَا، مِّيسْ ن نُونْ، أَڒْ أَسّْ-أَ ؤُشَا ڒفْرَاحثْ ثُوغَا-ت ذ ثَامقّْرَانْثْ أَطَّاسْ.
NEH 8:18 أَسّْ إِضْفَارْ ؤُمَاسْ إِتّْوَاغْرَا [خَاسنْ] زڭْ وذْلِيسْ إِتّْوَانّْضنْ ن شَّارِيعَا ن أَربِّي، زڭْ وَاسّْ أَمزْوَارُو أَڒْ أَسّْ أَنڭَّارُو. أَمُّو إِعيّْذنْ ڒْمِيجَاڒْ ن سبْعَا ن وُوسَّانْ ؤُ ذڭْ وَاسّْ وِيسّْ ثْمنْيَا [ثُوغَا ذِينْ] إِجّْ ن ؤُمُونِي إِفَارْزنْ أَمْ مَامّشْ إِ ثدْجَا ذِي لْفَارِيضَا.
NEH 9:1 ذڭْ وَاسّْ وِيسّْ أَربْعَا ؤُ-عِيشْرِينْ ن ؤُيُورْ-أَ مُوننْ أَيْثْ ن إِسْرَائِيل س ؤُژُومِّي ؤُ [ڒحّْفنْ] ذڭْ وَارُّوضْ ن ثْخُونْشَايْ [ن وشْضَانْ] ؤُ س ثْعجَّاجْثْ [خْ ؤُزدْجِيفْ].
NEH 9:2 بْضَانْ زَّارِيعثْ ن إِسْرَائِيل إِخفْ نْسنْ زِي مَارَّا إِبَارَّانِييّنْ، ؤُشَا أَمْ قِّيمنْ كَّارنْ، نعْمنْ زِي دّْنُوبْ نْسنْ ذ ڒْمُوعْصِييّثْ ن ڒجْذُوذْ نْسنْ.
NEH 9:3 [خَاسْ ؤُشَا] ذوْڒنْ بدّنْ ذڭْ ومْشَانْ نْسنْ [عَاوذْ] ؤُشَا غْرِينْ أَسنْ إِشْثْ ن ثرْبَاعْثْ ن وَاسّْ زڭْ وذْلِيسْ إِتّْوَانّْضنْ ن شَّارِيعَا ن سِيذِي، أَربِّي نْسنْ، ؤُشَا إِشْثْ ن ثرْبَاعْثْ نّغْنِي نعْمنْ نِيثْنِي [س دّْنُوبْ نْسنْ] ؤُشَا سجْذنْ إِ سِيذِي، أَربِّي نْسنْ.
NEH 9:4 خْ دّْرُوجْ ن إِلَاوِييّنْ إِبدّْ يشُوعَا ذ بَانِي، قَاذْمِييِيلْ، شَابَانْيَا، بُونِّي، شَارَابْيَا، بَانِي ذ كَانَانِي، ڒَاغَانْ س ثْمِيجَّا إِجهْذنْ غَارْ سِيذِي، أَربِّي نْسنْ.
NEH 9:5 ؤُشَا إِلَاوِييّنْ، يشُوعَا، قَاذْمِييِيلْ، بَانِي، حَاشَابْنِييَا، شَارَابْيَا، هُوذِييَا، شَابَانْيَا [ذ] فَاثَاحْيَا، نَّانْ: ”كَّارمْ، ثْبَارْكمْ سِيذِي، أَربِّي نْومْ، زِي ڒبْذَا أَڒْ ڒبْذَا! إِڒِي أَذْ إِتّْوَابَاركْ إِسمْ ن ؤُعُودْجِي نّشْ، ونِّي يُوعْڒَانْ خْ مَارَّا لْبَارَاكَا ذ ؤُسمْغَارْ!“
NEH 9:6 ”شكْ ذ سِيذِي، مْغِيرْ شكْ. شكْ ثڭِّيذْ أَجنَّا ؤُڒَا ذ أَجنَّا ن إِجنْوَانْ ذ مَارَّا ثِيزمَّارْ نْسنْ، ثَامُّورْثْ ذ مَارَّا مِينْ خَاسْ [إِدْجَانْ]، ڒبْحُورْ ذ مَارَّا مِينْ ذَايسْ [إِدْجَانْ] ؤُ شكْ ثوْشِيذْ أَسنْ ثُوذَارْثْ ؤُشَا ڒْعسْكَارَاثْ ن ؤُجنَّا تّْبنْذَاقنْثْ إِ شكْ.
NEH 9:7 شكْ ذ سِيذِي، أَربِّي، ونِّي إِفَارْزنْ أَبْرَامْ. شكْ ثسُّوفّْغذْ ث-إِ-د زِي ؤُرْ ن إِكَالْذَانِييّنْ ؤُشَا ثڭِّيذْ أَسْ إِبْرَاهِيمْ.
NEH 9:8 شكْ ثُوفِيذْ ؤُڒْ نّسْ ذَايسْ ڒَامَانْ زَّاثْ إِ وُوذمْ نّشْ ؤُ ثڭِّيذْ أَكِيذسْ ڒْعَاهْذْ بلِّي شكْ أَذْ ثوْشذْ إِ زَّارِيعثْ نّسْ ثَامُّورْثْ ن أَيْثْ ن كنْعَانْ، ن إِحِيتِّييّنْ، ن إِمُورِييّنْ، ن إِفَارِيزِييّنْ، ن إِيابُوسِييّنْ ؤُ ن إِجِيرْجَاسِييّنْ، ؤُشَا ثڭِّيذْ عْلَاحْسَابْ أَوَاڒنْ نّشْ، مِينْزِي شكْ ذ أَمْسڭّذْ إِ ثدْجِيذْ.
NEH 9:9 شكْ ثژْرِيضْ ثَامَارَا ن ڒجْذُوذْ نّغْ ذِي مِيصْرَا ؤُ ثسْڒِيذْ إِغُويَّانْ نْسنْ زِي غَارْ ڒبْحَارْ ن ثلْڭَا.
NEH 9:10 شكْ ثڭِّيذْ ڒعْڒَامَاثْ ذ لْمُوعْجِيزَاثْ غَارْ فِيرْعُونْ ؤُ غَارْ مَارَّا إِمْسخَّارنْ نّسْ ؤُ جَارْ ڒْڭنْسْ ن ثمُّورْثْ، مِينْزِي شكْ ثسّْنذْ، أَقَا نِيثْنِي ڭِّينْ ضِيدّْ نْسنْ س ثُوفّثْ ؤُشَا شكْ ثڭِّيذْ إِ يِيخفْ نّشْ إِجّْ ن إِسمْ، أَمْ [ثدْجَا] أَسّْ-أَ.
NEH 9:11 شكْ ثبْضِيذْ ڒبْحَارْ زَّاثْ إِ وُوذمْ نْسنْ أَڒَامِي نِيثْنِي عْذُونْ خْ [ثمُّورْثْ] يُوژْغنْ ذِي ڒْوسْطْ ن ڒبْحَارْ، ؤُشَا إِنِّي خَاسنْ إِتَّاژّْڒنْ ثنْضَارذْ ثنْ ذِي ڒَادْجَاغْ أَمْ يِيجّْ ن وژْرُو ذڭْ وَامَانْ إِجهْذنْ.
NEH 9:12 زڭْ إِجّْ ن ؤُقلِّيجْ ن ؤُسيْنُو ثْڭوّْذذْ ثنْ س وَاسّْ ؤُ س يِيجّْ ن ؤُقلِّيجْ ن ثْمسِّي س دْجِيڒثْ، حِيمَا أَذْ أَسنْ ثوْشذْ ثَافَاوْثْ خْ وبْرِيذْ إِ خْ إِ غَا ؤُيُورنْ.
NEH 9:13 شكْ ثهْوِيذْ-د خْ وذْرَارْ ن سِينَا ؤُ ثسِّيوْڒذْ أَكِيذْسنْ زڭْ ؤُجنَّا ؤُشَا ثوْشِيذْ أَسنْ لْفَارَايِيضْ إِسڭّْذنْ ذ إِزرْفَانْ إِ ذِي إِدْجَا ڒَامَانْ ذ ثْوصَّا ذ ڒُومُورَاثْ إِصبْحنْ.
NEH 9:14 ثسّشْنذْ أَسنْ سّبْثْ نّشْ إِقدّْسنْ ؤُشَا ثڭِّيذْ خَاسنْ ڒُومُورَاثْ ذ ثْوصَّا ذ شَّارِيعَا س ثْسخَّارْثْ ن مُوسَا، أَمْسخَّارْ نّشْ.
NEH 9:15 شكْ ثوْشِيذْ أَسنْ أَغْرُومْ زڭْ ؤُجنَّا إِ ڒَاژْ نْسنْ ؤُشَا ثسُّوفّْغذْ أَسنْ-د أَمَانْ زِي ثصْضَارْثْ إِ ؤُفَاذِي نْسنْ ؤُشَا ثنِّيذْ أَسنْ أَذْ أَذْفنْ غَارْ ثمُّورْثْ، ثنِّي إِ ثسّْڭعّْذذْ أَفُوسْ نّشْ [حِيمَا أَذْ ثجَّادْجذْ] أَذْ ثنْ ت-إِ-د-ثوْشذْ، حِيمَا أَذْ ت طّْفنْ ذ ڒْوَارْثْ.“
NEH 9:16 ”أَقَا نِيثْنِي أَكْ-ذ ڒجْذُوذْ نّغْ ڭِّينْ س ثُوفّثْ ذ ثْغنَّانْثْ ؤُ وَارْ سْڒِينْ شَا غَارْ ڒُومُورَاثْ نّشْ.
NEH 9:17 نِيثْنِي ؤُڭِينْ أَذْ غَارسْ سْڒنْ، وَارْ فكَّارنْ ذِي لْمُوعْجِيزَاثْ نّشْ إِ غَارْسنْ ثڭِّيذْ ؤُ نِيثْنِيغنَّانْ ؤُ ذڭْ ؤُغوّغْ نْسنْ ڭِّينْ إِجّْ ذ ؤُزدْجِيفْ [خْ يِيخفْ نْسنْ] حِيمَا أَذْعقْبنْ غَارْ ثسْمُوغِي نْسنْ. [مَاشَا] شكْ ذ إِجّْ ن أَربِّي إِغفَّارنْ، ذَايكْ ڒْخَاضَارْ ذ أَرّحْمثْ، غَاركْ تَّاسِيعْ ن ڒْخَاضَارْ ذ ثَامخْسِيوْثْ إِشوَّارنْ س وَاطَّاسْ، ؤُ شكْ وَارْ ذَايْسنْ ثسْمِيحذْ شَا.
NEH 9:18 عَاذْ، ؤُمِي ڭِّينْ نِيثْنِي إِجّْ ن ؤُعجْمِي إِفسْينْ إِ يِيخفْ نْسنْ، نَّانْ: ’وَا ذ أَربِّي نّشْ إِ شكْ إِ د-إِسُّوفّْغنْ زِي مِيصْرَا‘، ؤُشَا شقّْفنْ أَطَّاسْ،
NEH 9:19 أَقَا شكْ ذِي أَرّحْمثْ نّشْ ثَامقّْرَانْثْ وَارْ ثنْ ثجِّيذْ شَا ذِي ڒخْڒَا. أَقلِّيجْ ن ؤُسيْنُو [إِ إِدْجَانْ] حِيمَا أَذْ ثنْ إِڭوّذْ س وَاسّْ، وَارْ خَاسنْ إِڭّْوِيجْ شَا، ؤُڒَا ذ أَقلِّيجْ ن ثْمسِّي [إِ إِدْجَانْ] حِيمَا أَذْ أَسنْ إِوْشْ ثَافَاوْثْ ذڭْ وبْرِيذْ إِ خْ إِ غَا ؤُيُورنْ، وَارْ خَاسنْ إِڭّْوِيجْ شَا س دْجِيڒثْ.
NEH 9:20 شكْ ثوْشِيذْ أَرُّوحْ نّشْ أَصبْحَانْ، حِيمَا أَذْ ثنْ إِسّڒْمذْ، ؤُ شكْ وَارْ ذ أَسنْ ثكِّيسذْ شَا ’مَانَّا‘ نّكْ زڭْ ؤُقمُّومْ نْسنْ ؤُشَا ثوْشِيذْ أَسنْ أَمَانْ إِ ؤُفَاذِي نْسنْ.
NEH 9:21 أَربْعِينْ ن إِسڭّْوُوسَا شكْ ثتّْهلِّيذْ ذَايْسنْ ذِي ڒخْڒَا. وَارْ غَارْسنْ إِتّْخِيصَّا ؤُڒَا ذ شَا ن ڒْحَاجّثْ، أَرُّوضْ نْسنْ وَارْ يَارْشِي شَا ؤُشَا إِضَارنْ نْسنْ وَارْ ؤُفّنْ.
NEH 9:22 شكْ ثوْشِيذْ أَسنْ مَارَّا ثِيڭلْذِيوِينْ ذ ڒڭْنُوسْ ؤُشَا ثبْضِيذْ أَسنْ ثنْ ذ ثَاسْغَارْثْ س إِجّْ ن ويْمِيرْ. نِيثْنِي طّْفنْ ثَامُّورْثْ ن سِيحُونْ ذ ڒْوَارْثْ، أَقَا-ت ذ ثَامُّورْثْ ن ؤُجدْجِيذْ ن حَاشْبُونْ، ذ ثمُّورْثْ ن عُوجْ، أَجدْجِيذْ ن بَاشَانْ.
NEH 9:23 شكْ ثَارِّيذْ إِحنْجِيرنْ نْسنْ أَطَّاسْ أَمْ يِيثْرَانْ ذڭْ ؤُجنَّا ؤُ ثسِّيذْفذْ ثنْ غَارْ ثمُّورْثْ إِ خْ ثُوغَا ثنِّيذْ إِ ڒجْذُوذْ نْسنْ، أَذْ غَارسْ د-أَذْفنْ حِيمَا أَذْ ت طّْفنْ ذ ڒْوَارْثْ.
NEH 9:24 يُوذفْ غَارسْ وَارَّاوْ ؤُشَا طّْفنْ ت ذ ڒْوَارْثْ ؤُ زَّاثْ إِ وُوذمْ نْسنْ أَقَا ثڭِّيذْ إِمزْذَاغْ ن ثمُّورْثْ سَاذُو أَفُوسْ نْسنْ، ؤُڒَا ذ إِجدْجِيذنْ نْسنْ ذ ڒڭْنُوسْ ن ثمُّورْثْ، حِيمَا أَذْ زَّايْسنْ ڭّنْ مِينْ إِ ذ أَسنْ إِتّْغِيڒْ مْلِيحْ.
NEH 9:25 نِيثْنِي حوّْسنْ ثِيندَّامْ إِفَارْينْ ذ إِشْثْ ن ثمُّورْثْ إِسّغْمَاينْ ؤُ نِيثْنِي طّْفنْ عَاوذْ ثُوذْرِينْ ذ ڒْوَارْثْ شُّورنْثْ س مَارَّا ڒْخَارْ، أَنُوثنْ إِتّْوَاغْزنْ، إِمَارْجَاعنْ ن ؤُضِيڒْ ذ ڒعْرَاصِيثْ ن زِّيثُونْ ذ ثْشجُّورَا ن فْرُوثَا س ؤُفيّضْ، ؤُشَا نِيثْنِي شِّينْ، جِّيوْننْ، ذوْڒنْ صحّنْ ؤُشَا أَرِّينْ-د مژْرِي س ثْشُونِي نّشْ ثَامقّْرَانْثْ.
NEH 9:26 [مَاشَا نِيثْنِي] ذوْڒنْ وَارْ طِّيعنْ ؤُشَاغوّْغنْ خَاكْ ؤُشَا نْضَارنْ شَّارِيعَا نّشْ ؤُ نْغِينْ إِنَابِييّنْ نّشْ إِنِّي ثُوغَا إِشهّْذنْ جَارْ أَسنْ مَاحنْذْ أَذْ ثنْ د-أَرّنْ غَاركْ. أَقَا شقّْفنْ ذَايكْ س يِيجّْ ن ؤُشقّفْ إِمْغَارْ.
NEH 9:27 س ؤُيَا ثَارِّيذْ ثنْ ذڭْ ؤُفُوسْ ن إِغْرِيمنْ نْسنْ إِنِّي إِ ثنْ إِحْصَارنْ، [مَاشَا] مَاڒَا ڒَاغَانْ-د خَاكْ ذِي ڒْوقْثْ ن ڒحْصَارثْ نْسنْ، [خنِّي] ثسْڒِيذْ غَارْسنْ زڭْ ؤُجنَّا ؤُشَا ذِي أَرّحْمثْ نّشْ ثَامقّْرَانْثْ ثوْشِيذْ أَسنْ إِمْسنْجَامنْ نِّي إِ ثنْ إِفكّنْ زڭْ ؤُفُوسْ ن إِغْرِيمنْ نْسنْ.
NEH 9:28 مَاڒَا ؤُفِينْ ڒْهُوذْنثْ، ڭِّينْ عَاوذْ ڒْغَارْ زَّاثْ إِ وُوذمْ نّشْ ؤُشَا ثڭِّيذْ ثنْ ذڭْ ؤُفُوسْ ن ڒْعذْيَانْ نْسنْ ؤُشَا نِيثْنِي سدْجْضنْ خَاسنْ. ؤُمِي ثُوبنْ، ڒَاغَانْ-د خَاكْ، أَقَا ثسْڒِيذْ أَسنْ زڭْ ؤُجنَّا ؤُ [أَمُّو إِ] ثْفكّذْ إِ-ثنْ س أَرّحْمثْ نّشْ أَطَّاسْ ن ثْوَاڒَاوِينْ.
NEH 9:29 شكْ ثْشهْذذْ ضِيدّْ نْسنْ حِيمَا أَذْ د -عقْبنْ غَارْ شَّارِيعَا نّشْ، مَاشَا نِيثْنِي ڭِّينْ س ثُوفّثْ ؤُ وَارْ سْڒِينْ شَا غَارْ ثْوصَّا نّشْ. أَقَا خْضَانْ زِي جِّيهثْ ن لْفَارَايِيضْ نّشْ، ؤُمِي بْنَاذمْ ونِّي إِ زَّايْسنْ إِ غَا يڭّْ أَذْ زَّايْسنْثْ إِدَّارْ، ؤُشَا نِيثْنِي أَرِّينْ-د غَارْسنْ أَعْرُورْ، ثُوغَا سّْقسْحنْ إِرِي نْسنْ، وَارْ غَاركْ د-سْڒِينْ.
NEH 9:30 أَطَّاسْ ن إِسڭّْوُوسَا ثْحمّْڒذْ أَكِيذْسنْ، ثْشهْذذْ ضِيدّْ إِ نْسنْ س أَرُّوحْ نّشْ، س ثْسخَّارْثْ ن إِنَابِييّنْ، مَاشَا نِيثْنِي وَارْ سْڒِينْ. [س ؤُينِّي] ثوْشِيذْ ثنْ ذڭْ ؤُفُوسْ ن ڒڭْنُوسْ ن ثمُّورَا.
NEH 9:31 [مَاشَا] ذِي أَرّحْمثْ نّشْ ثَامقّْرَانْثْ وَارْ ثنْ ثَارذْدْجذْ شَا ؤُ وَارْ ذَايْسنْ ثسْمِيحذْ شَا، مَاغَارْ شكْ ذ إِجّْ ن أَربِّي ذ أَحْنِينْ ذ أَرْحِيمْ.
NEH 9:32 ”خنِّي ڒخُّو، أَربِّي نّغْ، أَقَا شكْ، أَربِّي ذ أَمقّْرَانْ، إِزمَّارنْ، إِسَّاڭّْوَاذنْ، ونِّي إِتّطّْفنْ ذِي ڒْعَاهْذْ ؤُ ذِي ثْمخْسِيوْثْ إِشوَّارنْ، وَارْ حسّبْ شَا ذْرُوسْ مَارَّا ڒغْبنْ إِ خَانغْ د-إِكِّينْ، خْ إِجدْجِيذنْ نّغْ، خْ ڒْحُوكَّامْ نّغْ ؤُ خْ إِكهَّاننْ نّغْ ؤُ خْ إِنَابِييّنْ نّغْ ؤُ خْ ڒجْذُوذْ نّغْ ؤُ خْ مَارَّا ڒْڭنْسْ نّغْ زڭْ وُوسَّانْ ن إِجدْجِيذنْ ن أَشُّورْ أَڒْ أَسّْ-أَ.
NEH 9:33 [ثُوغَا] شكْ ذ أَمْسڭّذْ ذِي مَارَّا مِينْ خَانغْ إِكِّينْ، مَاغَارْ شكْ ثڭِّيذْ أَنغْ س ڒَامَانْ، [مَاشَا] نشِّينْ نڭَّا س ڒقْجَاحثْ.
NEH 9:34 إِجدْجِيذنْ نّغْ، ڒْحُوكَّامْ نّغْ، إِكهَّاننْ نّغْ ذ ڒجْذُوذْ نّغْ وَارْ ضفَّارنْ شَّارِيعَا نّشْ ؤُشَا وَارْ سْڒِينْ غَارْ ڒُومُورَاثْ نّشْ ؤُڒَا غَارْ شّْهَاذَاثْ نّشْ نِّي ثْشهْذذْ ضِيدّْ إِ نْسنْ.
NEH 9:35 س ثْڭلْذِيثْ نْسنْ ؤُ س ڒْخَارْ نْسنْ أَطَّاسْ إِ ذ أَسنْ ثوْشِيذْ ؤُ س ثمُّورْثْ ثَامقّْرَانْثْ إِسّغْمَاينْ إِ ذ أَسنْ ثوْشِيذْ، وَارْ شكْ سخَّارنْ شَا ؤُشَا وَارْ ثُوبنْ زِي ثْمڭَّا نْسنْ ثِيعفَّانِينْ.
NEH 9:36 خْزَارْ أَسّْ-أَ أَقَا نشِّينْ ذ إِمْسمْغَانْ ؤُ ثَامُّورْثْ إِ ثوْشِيذْ إِ ڒجْذُوذْ نّغْ مَاحنْذْ أَذْ زَّايسْ نشّْ ڒْغِيدْجثْ ذ ڒْخَارْ، خْزَارْ أَقَا نشِّينْ ذ إِمْسمْغَانْ إِ ذَايسْ [ندْجْ].
NEH 9:37 ڒْغِيدْجثْ ثَامقّْرَانْثْ نّسْ [أَذْ ثْرَاحْ] غَارْ إِجدْجِيذنْ، إِنِّي إِ خَانغْ ثڭِّيذْ ذِي سِّيبّثْ ن دّْنُوبْ نّغْ، ؤُشَا نِيثْنِي تّْصدْجَاضنْ خْ أَرَّايمْ نّغْ ؤُ خْ ڒْمَاڒْ نّغْ أَمْ مَامّشْ ذ أَسنْ إِتّْغِيڒْ مْلِيحْ، ؤُ نشِّينْ أَقَا أَنغْ ذِي ڒحْصَارثْ ذ ثَامقّْرَانْثْ.“
NEH 10:1 ”خْ قَاعْ مَانْ أَيَا أَذْ نڭّْ إِجّْ ن ڒْعَاهْذْ إِمْثنْ ؤُشَا أَذْ ث نْزمّمْ ذِي ثِيرَا ؤُشَا ڒْحُوكَّامْ نّغْ، إِلَاوِييّنْ نّغْ ذ إِكهَّاننْ نّغْ أَذْ خَاسْ ڭّنْ أَشمِّيعْ.“
NEH 10:2 إِنِّي خَاسْ إِڭِّينْ أَشمِّيعْ ذ إِنَا: نَاحَامْيَا، ونِّي ذ لْوَالِي أَمقّْرَانْ، مِّيسْ ن حَاكَالْيَا، ذ صِيذْقِييَا،
NEH 10:3 سَارَايَا، عَازَارْيَا، إِرْمِييَا،
NEH 10:4 فَاشْحُورْ، أَمَارْيَا، مَالْكِييَا،
NEH 10:5 حَاتُّوشْ، شَابَانْيَا، مَالُّوخْ،
NEH 10:6 حَارِيمْ، مَارِيمُوثْ، عُوبَاذْيَا،
NEH 10:7 ذَانِييَالْ، جِينِّيثُونْ، بَارُوخْ،
NEH 10:8 مَاشُولَّامْ، أَبِييَا، مِييَامِينْ،
NEH 10:9 مَاعَازْيَا، بِيلْجَايْ ذ شَامْعِييَا. إِنَا ثُوغَا أَثنْ ذ إِكهَّاننْ.
NEH 10:10 ؤُشَا إِلَاوِييّنْ: يشُوعَا، مِّيسْ ن أَزَانْيَا، ذ بِينَّايْ. زڭْ أَيْثْ ن حِينَاذَاذْ، قَاذْمِييِيلْ.
NEH 10:11 ؤُڒَا ذ أَيْثْمَاثْسنْ: شَابَانْيَا، هُوذِييَا، قَالِيطَا، قَالَايَا، حَانَانْ،
NEH 10:12 مِيخَا، رَاحُوبْ، حَاشَابْيَا،
NEH 10:13 زَاكُّورْ، شَارَابْيَا، شَابَانْيَا،
NEH 10:14 هُوذِييَا، بَانِي ذ بَانِينُو.
NEH 10:15 إِزدْجِيفنْ ن ڒْڭنْسْ: فَارْعُوشْ، فَاحَاثْ-مُوآبَ، عِيلَامْ، زَاتُّو، بَانِي،
NEH 10:16 بُونِّي، عَازْجَاذْ، بِيبَايْ،
NEH 10:17 أَذُونِييَا، بِيغْوَايْ، عَاذِينْ،
NEH 10:18 أَطِيرْ، حِيزْقِييَا، عَازُّورْ،
NEH 10:19 هُوذِييَا، حَاشُومْ، بِيصَايْ،
NEH 10:20 حَارِيفْ، عَانَاثُوثْ، نِيبَايْ،
NEH 10:21 مَاجْفِيعَاشْ، مَاشُولَّامْ، حَازِيرْ،
NEH 10:22 مَاشِيزَابْيِيلْ، صَاذُوقْ، يَادُّوعْ،
NEH 10:23 فَالَاطْيَا، حَانَانْ، عَانَايَا،
NEH 10:24 هُوشِيعَا، حَانَانْيَا، حَاشُوبْ،
NEH 10:25 هَالُّوحِيشْ، فِيلْجَا، شُوبِيقْ،
NEH 10:26 رَاحُومْ، حَاشَابْنَا، مَاعَاسِييَا،
NEH 10:27 أَخِييَا، حَانَانْ، عَانَانْ،
NEH 10:28 مَالُّوخْ، حَارِيمْ ذ بَاعْنَا.
NEH 10:29 إِنِّي إِقِّيمنْ زِي ڒْڭنْسْ، إِكهَّاننْ، إِلَاوِييّنْ، إِعسَّاسنْ ن ثوُّورَا، إِمذْيَازنْ، إِمْسخَّارنْ ن زَّاوشْثْ ثَامقّْرَانْثْ ذ مَارَّا إِنِّي ذ إِعزّْڒنْ إِخفْ نْسنْ خْ ڒڭْنُوسْ ن ثمُّورَا غَارْ شَّارِيعَا ن أَربِّي، ثِيمْغَارِينْ نْسنْ، إِحنْجِيرنْ نْسنْ ذ يسِّيثْسنْ، كُوڒْ إِجّْ ونِّي غَارْ ثدْجَا ثُوسّْنَا ذ ڒفْهَامثْ،
NEH 10:30 نِيثْنِي [مَارَّا] ڒصْقنْ غَارْ أَيْثْمَاثْسنْ، أَيْثْ ن بُو-صُّولْطَا نْسنْ، ؤُشَا شَّارْشنْ ذِي نّعْڒثْ ذ ثْجَادْجِيثْ مَاحنْذْ أَذْ دَّارنْ عْلَاحْسَابْ شَّارِيعَا ن أَربِّي، ثنِّي إِمّوْشنْ خْ ؤُفُوسْ ن مُوسَا، أَمْسخَّارْ ن أَربِّي، ؤُشَا [مَاهنْذْ] أَذْ حْضَانْ مَارَّا ڒُومُورَاثْ ن سِيذِي، سِيذِيثْنغْ، ؤُشَا أَذْ طّْفنْ ذِي لْفَارَايِيضْ نّسْ ذ ثْوصَّا نّسْ.
NEH 10:31 [عَاوذْ نڭَّا خَانغْ] مَاحنْذْ وَارْ نتِّيشْ يسِّيثْنغْ إِ ڒڭْنُوسْ ن ثمُّورْثْ ؤُ وَارْ نتِّيوِي يسِّيثْسنْ إِ إِحنْجِيرنْ نّغْ [ذ ثَامْغَارْثْ].
NEH 10:32 ؤُشَا مَاڒَا ڒڭْنُوسْ ن ثمُّورْثْ ؤُسِينْ-د ذڭْ وَاسّْ ن سّبْثْ، إِوْينْ صّڒْعثْ ذ عْڒَامْ كُوڒْ إِمنْذِي حِيمَا أَذْ زّنْزنْ أَيَا، أَقَا نشِّينْ ذِي سّبْثْ نِيغْ ذڭْ إِجّْ ن وَاسّْ إِقدّْسنْ نّغْنِي وَارْ خَاسنْ نتِّيوِي وَالُو. ؤُشَا [أَمُّو عَاوذْ نڭَّا خَانغْ]، أَقَا نشِّينْ أَذْ نجّْ [ثَامُّورْثْ] ذڭْ ؤُسڭّْوَاسْ وِيسّْ سبْعَا ؤُ وَارْ نْكسِّي أَرِّيبَا زڭْ ؤُڒَا ذ يِيجّنْ.
NEH 10:33 نڭَّا خَانغْ ڒُومُورَاثْ مَاحنْذْ أَذْ نوْشْ إِشْثْ ن تُّوڒُوثْ ن شِيقْلُو ذڭْ ؤُسڭّْوَاسْ إِ ثْسخَّارْثْ ن ثَادَّارْثْ ن أَربِّي نّغْ،
NEH 10:34 إِ وغْرُومْ ن وسْشَانْ ؤُ إِ ثوْهِيبْثْ [ن ڒْغِيدْجثْ] نْ ڒبْذَا ؤُ إِ ثْغَارْصْثْ ن وشْمَاضْ ن ڒبْذَا ذڭْ وُوسَّانْ ن سّبْثْ ؤُ ذڭْ وُوسَّانْ ن ؤُيُورْ ن جْذِيذْ، إِ ڒعْيُوذَاثْ إِتّْوَاڭّنْ، إِ ثْمسْڒَايِينْ إِقدّْسنْ ؤُ إِ ثْغَارْصَا ن دّنْبْ مَاحنْذْ أَذْ [زَّايْسنْثْ] إِتّْوَاڭّْ أَصْڒَاحْ خْ إِسْرَائِيل ؤُ خْ مَارَّا ثَاسخَّارْثْ ن ثَادَّارْثْ ن أَربِّي نّغْ.
NEH 10:35 نشِّينْ، إِكهَّاننْ، إِلَاوِييّنْ ذ ڒْڭنْسْ، [أَمْ نتّْوَاستّفْ] عْلَاحْسَابْ ڒَادْجَاثْ ن إِبَابَاثنْ نّغْ، ڭِّينْ ثَاقدُّوحْثْ إِ ثوْهِيبْثْ ن ؤُكشُّوضْ ثنِّي ثُوغَا إِتّْخصَّا أَذْ ثتّْوَاسِّيذفْ غَارْ ثَادَّارْثْ ن أَربِّي نّغْ ذڭْ وُوسَّانْ إِتّْوَاڭّنْ، أَسڭّْوَاسْ أَوَارْنِي إِ ؤُسڭّْوَاسْ، مَاحنْذْ أَذْ ثتّْوَاسّشْمضْ خْ ؤُعَالْطَارْ ن سِيذِي، أَربِّي نّغْ، أَمْ مَامّشْ إِ ثُورَا ذِي شَّارِيعَا.
NEH 10:36 ؤُشَا [نڭَّا خَانغْ عَاوذْ] مَاحنْذْ أَذْ نَاوِي ثَامنْزُوثْ ن ثمُّورْثْ نّغْ ذ ثْمنْزُوثْ ن ڒْغِيدْجثْ ن مَارَّا ثِيشجُّورَا غَارْ ثَادَّارْثْ ن سِيذِي، أَسڭّْوَاسْ خْ ؤُمَاسْ،
NEH 10:37 ؤُڒَا ذ إِمنْزَا ن إِحنْجِيرنْ نّغْ ذ ڒبْهَايمْ نّغْ أَمْ مَامّشْ إِ ثُورَا ذِي شَّارِيعَا، ؤُشَا أَذْ نَاوِي إِمنْزَا ن إِفُونَاسنْ نّغْ ذ وُودْجِي نّغْ ذِي ثَادَّارْثْ ن أَربِّي، غَارْ إِكهَّاننْ نِّي إِتّْسخَّارنْ ذِي ثَادَّارْثْ ن أَربِّي.
NEH 10:38 ؤُشَا [نڭَّا خَانغْ عَاوذْ] مَاحنْذْ أَذْ نتَّاوِي ثَامزْوَارُوثْ [ن مِينْ إِتّْوَاڭّنْ] زڭْ وَارشْثِي نّغْ ؤُ زِي ثوْهِيبِينْ ن ؤُسْڭعّذْ نّغْ ؤُ زِي فْرُوثَا ن مَارَّا ثِيشجُّورَا ؤُ زِي بِينُو ن جْذِيذْ ذ زّشْثْ غَارْ إِكهَّاننْ ذڭْ إِخَّامنْ [إِ ڒخْزنْ] ن ثَادَّارْثْ ن أَربِّي نّغْ، ؤُڒَا ذ ڒعْشُورْ ن ثمُّورْثْ نّغْ غَارْ إِلَاوِييّنْ. ؤُشَا إِلَاوِييّنْ [سِيمَانْثْ نْسنْ] أَذْ طّْفنْ ڒعْشُورْ ذِي مَارَّا ثِيندَّامْ مَانِي ثُوغَا نْخدّمْ نشِّينْ خْ ثمُّورْثْ،
NEH 10:39 ؤُشَا أَذْ يِيڒِي ؤُكهَّانْ، إِجّْ ن مِّيسْ ن هَارُونْ، غَارْ إِلَاوِييّنْ خْمِي غَا طّْفنِيلَاوِييّنْ ڒعْشُورْ. ؤُشَا إِلَاوِييّنْ [سِيمَانْثْ نْسنْ] أَذْ أَوْينْ إِشْثْ ن ثعْشَارْثْ ن ڒعْشُورْ غَارْ ثَادَّارْثْ ن أَربِّي، غَارْ إِخَّامنْ ن ثَادَّارْثْ ن ثْخُوبَايْ،
NEH 10:40 مِينْزِي أَيْثْ ن إِسْرَائِيل ذ أَيْثْ ن لَاوِي أَذْ أَوْينْ ثَاوْهِيبْثْ ن ؤُسْڭعّذْ ن ڒْحبّْ [ن يِيرْذنْ]، ڒَا ن بِينُو ن جْذِيذْ ؤُڒَا ن زّشْثْ ذڭْ إِخَّامنْ [إِ ڒخْزنْ]. مَاغَارْ ڒقْشُوعْ ن زَّاوشْثْ إِقدّْسنْ أَقَا أَثنْ ذِينْ، ؤُڒَا ذ إِكهَّاننْ نِّي إِتّْسخَّارنْ ذ إِعسَّاسنْ ن ثوُّورَا ذ إِمذْيَازنْ. إِتّْخصَّا أَنغْ وَارْ نْسمّحْ شَا ذِي ثَادَّارْثْ ن أَربِّي نّغْ.
NEH 11:1 ڒْحُوكَّامْ ن ڒْڭنْسْ قِّيمنْ زدّْغنْ ذِي ؤُرْشَالِيمْ، [ؤُمِي] ڒْڭنْسْ إِقِّيمنْ إِڭَّا ثَاقدُّوحْثْ مَاحنْذْ إِجّْ زِيعشْرَا أَذْ إِزْذغْ ذِي ؤُرْشَالِيمْ، ثَانْذِينْثْ إِقدّْسنْ، ؤُ ثسْعَا ذِي ثْندَّامْ نّغْنِي.
NEH 11:2 إِبَاركْ ڒْڭنْسْ مَارَّا إِرْيَازنْ نِّي إِقدّْمنْ إِخفْ نْسنْ س ڒْخَاضَارْ مَاحنْذْ أَذْ زذْغنْ ذِي ؤُرْشَالِيمْ.
NEH 11:3 إِنَا ذ إِزدْجِيفنْ ن لْعَامَالَا، إِنِّي ثُوغَا إِزدّْغنْ ذِي ؤُرْشَالِيمْ. ثُوغَا زدّْغنْ [أَيْثْ ن] إِسْرَائِيل، إِكهَّاننْ ذ إِلَاوِييّنْ ذ إِمْسخَّارنْ ن زَّاوشْثْ ثَامقّْرَانْثْ ذ أَيْثْ ن إِسمْغَانْ ن سُولِيمَانْ ذِي ثْندَّامْ ن يَاهُوذَا، كُوڒْ إِجّْ ذڭْ وَاڭْڒَا نّسْ، ذِي ثْندَّامْ نْسنْ.
NEH 11:4 ذِي ؤُرْشَالِيمْ ثُوغَا زدّْغنْ شَا زڭْ أَيْثْ ن يَاهُوذَا ؤُ زڭْ أَيْثْ ن بِينْيَامِينْ. زڭْ أَيْثْ ن يَاهُوذَا: عَاثَايَا، مِّيسْ ن عُوزِّييَا، مِّيسْ ن زَاكَارِييَّا، مِّيسْ ن أَمَارْيَا، مِّيسْ ن شَافَاطْيَا، مِّيسْ ن مَاهَالَالْ-إِلْ، زڭْ أَيْثْ ن فَارِيصْ،
NEH 11:5 ؤُڒَا ذ مَاعَاسِييَا، مِّيسْ ن بَارُوخْ، مِّيسْ ن كُولْحُوزَا، مِّيسْ ن حَازَايَا، مِّيسْ ن عَاذَايَا، مِّيسْ ن يُويَارِيبْ، مِّيسْ ن زَاكَارِييَّا، مِّيسْ ن ؤُشِيلُونِي.
NEH 11:6 مَارَّا أَيْثْ ن فَارِيصْ إِنِّي إِزدّْغنْ ذِي ؤُرْشَالِيمْ، [أَقَا أَثنْ] أَربْعَا-مْيَا ؤُ-ثْمنْيَا ؤُ-ستِّينْ ن إِعسْكَارِييّنْ.
NEH 11:7 إِنَا ذ أَيْثْ ن بِينْيَامِينْ: سَالُّو، مِّيسْ ن مَاشُولَّامْ، مِّيسْ ن يُوعِيذْ، مِّيسْ ن فَاذَايَا، مِّيسْ ن قُولَايَا، مِّيسْ ن مَاعَاسِييَا، مِّيسْ ن إِثِييِيلْ، مِّيسْ ن إِشَاعْيَا
NEH 11:8 ؤُ أَوَارْنِي أَسْ جَابَّايْ، سَالَّايْ: ثسْعَا-مْيَا ؤُ-ثْمنْيَا ؤُ-عِيشْرِينْ [ن يرْيَازنْ].
NEH 11:9 ثُوغَا يُووِيلْ، مِّيسْ ن زِيكْرِي، ذ أَوقَّافْ خَاسنْ ؤُ يَاهُوذَا، مِّيسْ ن هَاسْنُووَا ثُوغَا ذ [أَمحْضَايْ] وِيسّْ ثْنَاينْ خْ ثنْذِينْثْ.
NEH 11:10 زڭْ إِكهَّاننْ: يَاذَاعْيَا، مِّيسْ ن يُويَارِيبْ، يَاكِينْ،
NEH 11:11 سَارَايَا، مِّيسْ ن حِيلْقِييَا، مِّيسْ ن مَاشُولَّامْ، مِّيسْ ن صَاذُوقْ، مِّيسْ ن مَارَايُوثْ، مِّيسْ ن أَخِيطُوبْ، أَمحْضَايْ ن ثَادَّارْثْ ن أَربِّي،
NEH 11:12 ؤُشَا أَيْثْمَاثْسنْ، إِنِّي إِخدّْمنْ ذِي ثَادَّارْثْ، [مَارَّا إِذْسنْ] ثمْنْ-مْيَا ؤُ-ثْنَاينْ ؤُ-عِيشْرِينْ [ن يرْيَازنْ]. [خنِّي] عَاذَايَا، مِّيسْ ن يَارُوحَامْ، مِّيسْ ن فَالَالْيَا، مِّيسْ ن أَمْصِي، مِّيسْ ن زَاكَارِييَّا، مِّيسْ ن فَاشْحُورْ، مِّيسْ ن مَالْكِييَا،
NEH 11:13 ذ أَيْثْمَاسْ، إِزدْجِيفنْ ن ڒَادْجَاثْ، مَارَّا إِذْسنْ مِيثَاينْ ؤُ-ثْنَاينْ ؤُ-ربْعِينْ [ن يرْيَازنْ]. [خنِّي] أَمْشِيسَايْ، مِّيسْ ن عَازَارْيِيلْ، مِّيسْ ن أَخْزَايْ، مِّيسْ ن مَاشْلِيمُوثْ، مِّيسْ ن إِمِّيرْ
NEH 11:14 ذ أَيْثْمَاثْسنْ، أَيْثْ ن بُو-ثغْرُوضْثْ إِمحْضنْ، مَارَّا إِذْسنْ مْيَا ؤُ-ثْمنْيَا ؤُ-عِيشْرِينْ [ن يرْيَازنْ]. ثُوغَا زَابْذِييِيلْ، مِّيسْ ن هَاجْذُولِيمْ، ذ أَوقَّافْ خَاسنْ.
NEH 11:15 زڭْ إِلَاوِييّنْ: شَامْعِييَا، مِّيسْ ن حَاشُّوبْ، مِّيسْ ن عَازْرِيقَامْ، مِّيسْ ن حَاشَابْيَا، مِّيسْ ن بُونِّي.
NEH 11:16 شَابَّاثَايْ ذ يُوزَابَاذْ، أَقَا نِيثْنِي بدّنْ أَكْ-ذ ڒْخذْمثْ ذِي بَارَّا ن ثَادَّارْثْ ن أَربِّي. نِيثْنِي زڭْ إِزدْجِيفنْ ن إِلَاوِييّنْ.
NEH 11:17 ؤُشَا [خنِّي] مَاتَّانْيَا، مِّيسْ ن مِيخَا، مِّيسْ ن زَابْذِي، مِّيسْ ن أَسَافْ، أَزدْجِيفْ إِ يَارزْمنْ ثَاژَادْجِيثْ س إِشْثْ ن ثْژَادْجِيثْ ن ؤُقَاذِي، ذ بَاقْبُوقْيَا ونِّي ثُوغَا ذ وِيسّْ ثْنَاينْ زڭْ أَيْثْمَاسْ، ؤُ عَابْذَا، مِّيسْ ن شَامُّوعَا، مِّيسْ ن جَالَالْ، مِّيسْ ن يَاذَاثُونْ.
NEH 11:18 مَارَّا إِلَاوِييّنْ إِ إِدْجَانْ ذِي ثنْذِينْثْ إِقدّْسنْ، [مَارَّا إِذْسنْ]: مِيثَاينْ ؤُ-أَربْعَا ؤُ-ثْمَانِينْ.
NEH 11:19 إِعسَّاسنْ ن ثوُّورَا: عَاقُّوبْ، طَالْمُونْ أَكْ-ذ أَيْثْمَاثْسنْ، إِنِّي إِطّْفنْ أَحطُّو ذِي ثوُّورَا [ن ثنْذِينْثْ]، [مَارَّا إِذْسنْ] مْيَا ؤُ-ثْنَاينْ ؤُ-سبْعِينْ.
NEH 11:20 إِنِّي إِقِّيمنْ ن أَيْثْ إِسْرَائِيل، إِكهَّاننْ ذ إِلَاوِييّنْ، زذْغنْ ذِي ثْندَّامْ ن يَاهُوذَا، كُوڒْ إِجّْ ذِي ثسْغَارْثْ نّسْ.
NEH 11:21 إِمْسخَّارنْ ن زَّاوشْثْ ثَامقّْرَانْثْ زذْغنْ ذِي عُوفِيلْ. ثُوغَا صِيحَا ذ جِيشْفَا خْ إِمْسخَّارنْ ن زَّاوشْثْ ثَامقّْرَانْثْ.
NEH 11:22 ثُوغَا عُوزِّي، مِّيسْ ن بَانِي، مِّيسْ ن حَاشَابْيَا، مِّيسْ ن مَاتَّانْيَا، مِّيسْ ن مِيخَا ذ أَوقَّافْ ن إِلَاوِييّنْ ذِي ؤُرْشَالِيمْ. زڭْ أَيْثْ ن أَسَافْ ثُوغَا إِمذْيَازنْ خْ ڒْخذْمثْ ذِي ثَادَّارْثْ ن أَربِّي.
NEH 11:23 مَاغَارْ ثُوغَا ذِينْ خَاسنْ إِشْثْ ن ثوْصيّثْ ن ؤُجدْجِيذْ ؤُ خْ إِمذْيَازنْ [ثُوغَا ذِينْ] إِجّْ ن وقَّانْ، كُوڒْ أَسّْ إِشْثْ ن ثوْصيّثْ [إِ إِتّْڒِيقنْ] إِ وَاسّْ نِّي.
NEH 11:24 ثُوغَا فَاطَاحْيَا، مِّيسْ ن مَاشِيزَابْيِيلْ، زڭْ أَيْثْ ن زَارَاحْ، مِّيسْ ن يَاهُوذَا، ذ أَفُوسْ أَفُوسِي ن ؤُجدْجِيذْ ذِي مَارَّا مِينْ إِڒقّْفنْ ڒْڭنْسْ.
NEH 11:25 ذِي ذْشُورَاثْ غَارْ إِيَّارنْ نْسنْ ثُوغَا ذِينْ شَا زڭْ أَيْثْ ن يَاهُوذَا إِنِّي ثُوغَا إِزدّْغنْ ذِي قَارْيَاثْ-أَربْعَا ذ ثْندَّامْ إِ غَارسْ د-إِقّْننْ ؤُ ذِي ذِيبُّونْ ذ ثْندَّامْ إِ غَارسْ د-إِقّْننْ ؤُ ذِي يَاقَابْصِييِيلْ ذ ثْندَّامْ إِ غَارسْ د-إِقّْننْ
NEH 11:26 ؤُ ذِي يشُوعَا ؤُ ذِي مُولَاذَا ؤُ ذِي بَايْثْ-فَالَاطْ
NEH 11:27 ؤُ ذِي هَاصَارْ-شُوعَالْ ؤُ ذِي بِئرْ-سبْعَا ذ ثْندَّامْ إِ غَارسْ د-إِقّْننْ،
NEH 11:28 ؤُ ذِي صِيقْلَاغْ ؤُ ذِي مَاكُونَا ذ ثْندَّامْ إِ غَارسْ د-إِقّْننْ
NEH 11:29 ؤُ ذِي عَايْنْ-رِيمُّونْ ؤُ ذِي صَارْعَا ؤُ ذِي يَارْمُوثْ،
NEH 11:30 زَانُوحَا، أَذُولَّامْ ذ ثْندَّامْ إِ غَارسْ د-إِقّْننْ، لَاخِيشْ ذ إِيَّارنْ نّسْ، عَازِيقَّا ذ ثْندَّامْ إِ غَارسْ د-إِقّْننْ. نِيثْنِي وْثِينْ إِقِيضَانْ نْسنْ زِي بِئرْ-سبْعَا أَڒْ ثَاغْزُورْثْ ن هِينُّومْ.
NEH 11:31 ثُوغَا أَيْثْ ن بِينْيَامِينْ زدّْغنْ زِي جَابَاعْ ذِي مِيخْمَاسْ ذ عَايَا ذ بَايْثْ-إِلْ ذ ثْندَّامْ إِ غَارْسنْ د-إِقّْننْ،
NEH 11:32 عَانَاثُوثْ، نُوبْ، عَانَانْيَا،
NEH 11:33 هَاصُورْ، رَامَا، جِيتَّايِيمْ،
NEH 11:34 حَاذِيذْ، صابُوعِيمْ، نَابَالَّاطْ،
NEH 11:35 لُوذْ ذ ؤُنُو [ذ] ثغْزُورْثْ ن ثغْزُورْثْ ن إِحْرَايْفِييّنْ.
NEH 11:36 زڭْ إِلَاوِييّنْ [زذْغنْ ذِينْ] ثرْبِيحِينْ زِي يَاهُوذَا غَارْ بِينْيَامِينْ.
NEH 12:1 إِنَا ذ إِكهَّاننْ ذ إِلَاوِييّنْ إِنِّي د-إِڭعّْذنْ أَكْ-ذ زَارُوبَابِّيلْ، مِّيسْ ن شَاعَالْثِييِيلْ، ذ يَاهُوشَاعْ: سَارَايَا، إِرْمِييَا، عِيزْرَا،
NEH 12:2 أَمَارْيَا، مَالُّوخْ، حَاطُّوشْ،
NEH 12:3 شَاكَانْيَا، رَاحُومْ، مَارِيمُوثْ،
NEH 12:4 عِيدُّو، جِينِّيثُويْ، أَبِييَا،
NEH 12:5 مِييَامِينْ، مَاعَاذْيَا، بِيلْجَا،
NEH 12:6 شَامْعِييَا، يُويَارِيبْ، يَاذَاعْيَا،
NEH 12:7 سَالُّو، عَامُوقْ، حِيلْقِييَا ذ يَاذْعَايَا. إِنَا ذ إِزدْجِيفنْ ن إِكهَّاننْ ذ أَيْثْمَاسْ ذڭْ وُوسَّانْ ن يَاهُوشَاعْ.
NEH 12:8 ؤُشَا إِلَاوِييّنْ [ذ إِنَا]: يشُوعَا، بِينُّويْ، قَاذْمِييِيلْ، شَارَابْيَا، يَاهُوذَا ذ مَاتَّانْيَا، [ونِّي] إِدْجَانْ خْ إِزْڒَانْ ن ؤُقَاذِي، [جْمِيعْ] أَكْ-ذ أَيْثْمَاسْ.
NEH 12:9 بَاقْبُوقْيَا ذ عُونِّي، أَيْثْمَاثْسنْ، ثُوغَا حطَّانْ أَرنْذَاذْ نْسنْ.
NEH 12:10 يشُوعَا إِجَّا-د يُويَاقِيمْ، ؤُ يُويَاقِيمْ إِجَّا-د إِلْيَاشِيبْ، ؤُ إِلْيَاشِيبْ إِجَّا-د يُويَاذَاعْ،
NEH 12:11 ؤُ يُويَاذَاعْ إِجَّا-د يُونَاثَانْ، ؤُ يُونَاثَانْ إِجَّا-د يَادُّوعْ.
NEH 12:12 ذڭْ وُوسَّانْ ن يُويَاقِيمْ ثُوغَا ذ إِزدْجِيفنْ-أَ ن [ڒَْادْجَاثْ ن] إِبَابَاثنْ ذ إِكهَّاننْ: إِ [ڒَْادْجَاثْ ن] سَارَايَا: مَارَايَا، إِ [ڒَْادْجَاثْ ن] إِرْمِييَا: حَانَانْيَا،
NEH 12:13 إِ [ڒَْادْجَاثْ ن] عِيزْرَا: مَاشُولَّامْ، إِ [ڒَْادْجَاثْ ن] أَمَارْيَا: يُوحَانَانْ،
NEH 12:14 إِ [ڒَْادْجَاثْ ن] مَالِيكُو: يُونَاثَانْ، إِ [ڒَْادْجَاثْ ن] شَابِينْيَا: يُوسُوفْ،
NEH 12:15 إِ [ڒَْادْجَاثْ ن] حَارِيمْ: عَاذْنَا، إِ [ڒَْادْجَاثْ ن] مَارَايُوثْ: حِيلْقَايْ،
NEH 12:16 إِ [ڒَْادْجَاثْ ن] عِيدُّو: زَاكَارِييَّا، إِ [ڒَْادْجَاثْ ن] جِينِّيثُونْ: مَاشُولَّامْ،
NEH 12:17 إِ [ڒَْادْجَاثْ ن] أَبِييَا: زِيكْرِي، إِ [ڒَْادْجَاثْ ن] مِينْيَامِينْ ذ مُوعَاذْيَا: فِيلْطَايْ،
NEH 12:18 إِ [ڒَْادْجَاثْ ن] بِيلْجَا: شَامُّوعَا، إِ [ڒَْادْجَاثْ ن] شَامْعِييَا: يُونَاثَانْ،
NEH 12:19 إِ [ڒَْادْجَاثْ ن] يُويَارِيبْ: مَاتَّانَايْ، إِ [ڒَْادْجَاثْ ن] عُوزِّي: يَاذَاعْيَا،
NEH 12:20 إِ [ڒَْادْجَاثْ ن] سَالَّايْ: قَالَّايْ، إِ [ڒَْادْجَاثْ ن] عَامُوقْ: عَابِيرْ،
NEH 12:21 إِ [ڒَْادْجَاثْ ن] حِيلْقِييَا: حَاشَابْيَا ؤُ إِ [ڒَْادْجَاثْ ن] يَاذَاعْيَا: نَاثَانَايِيلْ.
NEH 12:22 ذڭْ وُوسَّانْ ن إِلْيَاسِيبْ، يُويَاذَاعْ، يُوحَانَانْ ذ يَادُّوعْ، تّْوَازمّمنْ إِزدْجِيفنْ خْ إِبَابَاثنْ [ن ڒَادْجَاثْ] ن إِلَاوِييّنْ ؤُڒَا ذ إِكهَّاننْ أَڒْ ثَاڭلْذَا ن ذَارِييُوسْ، أَفَارْسِي.
NEH 12:23 تّْوَازمّمنْ أَيْثْ ن لَاوِي، إِزدْجِيفنْ خْ إِبَابَاثنْ [ن ڒَادْجَاثْ]، ذڭْ وذْلِيسْ ن إِمزْرُوينْ أَڒْ ؤُسَّانْ ن يُوحَانَانْ، مِّيسْ ن إِلْيَاشِيبْ.
NEH 12:24 إِزدْجِيفنْ ن إِلَاوِييّنْ ثُوغَا حَاشَابْيَا، شَارَابْيَا ذ يشُوعَا، مِّيسْ ن قَاذْمِييِيلْ، ؤُ أَيْثْمَاثْسنْ [بدّنْ] أَجمَّاضِينْ نْسنْ حِيمَا أَذْ سّمْغَارنْ ؤُ أَذْ قَاذَانْ، أَمْ مَامّشْ ثُوغَا ثدْجَا ثوْصيّثْ ن ذَاوُوذْ، أَرْيَازْ ن أَربِّي. إِجّْ ثُوغَا إِحطَّانْ أَرنْذَاذْ ن ونّغْنِي إِ ثُوغَا إِحطَّانْ.
NEH 12:25 ثُوغَا مَاتَّانْيَا، بَاقْبُوقْيَا، عُوبَاذْيَا، مَاشُولَّامْ، طَالْمُومْ ذ عَاقُّوبْ إِعسَّاسنْ ن ثوَّارْثْ إِنِّي إِعسّنْ خْ إِخَّامنْ ن ڒخْزنْ ن ثوُّورَا [ن ثنْذِينْثْ].
NEH 12:26 إِنَا ثُوغَا أَثنْ ذڭْ وُوسَّانْ ن يُويَاقِيمْ، مِّيسْ ن يَاهُوشَاعْ مِّيسْ ن يُوصَاذَاقْ، ؤُڒَا ذڭْ وُوسَّانْ ن نَاحَامْيَا، لْوَالِي، ؤُ ن ؤُكهَّانْ عِيزْرَا، أَمْسڒْمذْ ن إِذْلِيسنْ.
NEH 12:27 غَارْ ؤُذشّنْ ن ڒْحِيضْ ن ؤُرْشَالِيمْ أَرْزُونْ نِيثْنِي خْ إِلَاوِييّنْ ذِي مَارَّا إِمُوشَانْ نْسنْ مَاحنْذْ أَذْ ثنْ أَوْينْ غَارْ ؤُرْشَالِيمْ حِيمَا نِيثْنِي أَذْ سّْقفْڒنْ أَذشّنْ، أَذْ ڭّنْ ڒفْرَاحثْ س ؤُقَاذِي ؤُ س يزْڒَانْ، س ثدْجُونِينْ ن وُوزَّاڒْ، س لهَارْپَاثْ ذ ڒْڭَامْبْرِييَاثْ.
NEH 12:28 نِيثْنِي سّْمُوننْ خْ أَيْثْ ن إِمذْيَازنْ زڭْ ؤُذوَّارْ ن ؤُرْشَالِيمْ ؤُ زِي ذْشُورَاثْ ن ؤُنَاطُوفَاثِي،
NEH 12:29 ؤُ زِي بَايْثْ-جِيلْجَالْ ؤُڒَا زڭْ إِيَّارنْ ن جِيبَا ذ عَازْمَاوثْ، مِينْزِي إِمذْيَازنْ بْنَانْ إِ يِيخفْ نْسنْ ذْشُورَاثْ إِ د-إِنّْضنْ إِ ؤُرْشَالِيمْ.
NEH 12:30 سِّيزذْڭنْ إِكهَّاننْ ذ إِلَاوِييّنْ إِخفْ نْسنْ ؤُشَا أَوَارْنِي إِ ؤُيَا سِّيزذْڭنْ نِيثْنِي ؤُڒَا ذ ڒْڭنْسْ ذ ثوُّورَا ذ ڒْحِيضْ.
NEH 12:31 [خنِّي] ڭِّيغْ ڒْحُوكَّامْ ن يَاهُوذَا أَذْ نْينْ خْ ڒْحِيضْ ؤُ سّْبدّغْ ثْنَاينْ ن ثرْبِيعِينْ ن ؤُغنّجْ إِ ؤُقَاذِي. ثُويُورْ إِشْثْ [ن ثرْبِيعْثْ] غَارْ يفُوسْ سنّجْ خْ ڒْحِيضْ غَارْ ثوَّارْثْ ن ڒغْبَارْ.
NEH 12:32 يَاردّفْ إِ-ت هُوشَاعْيَا س يِيجّْ ن وزْينْ ن ڒْحُوكَّامْ ن يَاهُوذَا،
NEH 12:33 عَازَارْيَا، عِيزْرَا، مَاشُولَّامْ،
NEH 12:34 يَاهُوذَا، بِينْيَامِينْ، شَامْعِييَا ذ إِرْمِييَا،
NEH 12:35 ؤُ زڭْ أَيْثْ ن إِكهَّاننْ إِنِّي غَارْسنْ ڒبْوَاقْ: زَاكَارِييَّا، مِّيسْ ن يُونَاثَانْ، مِّيسْ ن شَامْعِييَا، مِّيسْ ن مَاتَّانْيَا، مِّيسْ ن مِيخَا-يَاهْ، مِّيسْ ن زَاكُّورْ، مِّيسْ ن أَسَافْ،
NEH 12:36 ذ أَيْثْمَاسْ شَامْعِييَا ذ عَازَارْيِيلْ، مِيلَالَايْ، جِيلَالَايْ، مَاعَايْ، نَاثَانَايِيلْ ذ يَاهُوذَا، حَانَانِي أَكْ-دُّوزَانْ ن ڒْمُوسِيقَا ن ذَاوُوذْ، أَرْيَازْ ن أَربِّي، ؤُشَا زَّاثْ إِ وُوذمْ نْسنْ ثُوغَا إِڭُّورْ عِيزْرَا، أَمْسڒْمذْ ن إِذْلِيسنْ.
NEH 12:37 غَارْ ثوَّارْثْ ن ثَاڒَا ؤُشَا [خنِّي نِيشَانْ] قِيبَاتْشْ نْسنْ نْينْ دّْرُوجَّاثْ ن ثنْذِينْثْ ن ذَاوُوذْ مَانِي د-إِڭعّذْ ڒْحِيضْ، تّكّنْ خْ ثَادَّارْثْ ن ذَاوُوذْ أَڒْ ثَاوَّارْثْ ن وَامَانْ، غَارْ شَّارْقْ.
NEH 12:38 ثَارْبِيحْثْ ن ؤُقَاذِي وِيسّْ ثْنَاينْ ثُويُورْ غَارْ جِّيهثْ نّغْنِيثْ ؤُشَا نشّْ أَردّْفغْ ت أَكْ-ذ وزْينْ [نّغْنِي] ن ڒْڭنْسْ، [نكَّا] خْ ڒْحِيضْ غَارْ ؤُغزْذِيسْ ن لْبُورْجْ ن ثفْقُونْثْ أَڒْ ڒْحِيضْ أَمِيرِيوْ،
NEH 12:39 ؤُشَا خنِّي [نكَّا] خْ ثوَّارْثْ ن إِفْرَايِيمْ ؤُ خْ ثوَّارْثْ ثَاقْذِيمْثْ ؤُ خْ ثوَّارْثْ ن إِسڒْمَانْ ذ لْبُورْجْ ن حَانَانِييِيلْ ذ لْبُورْجْ ن مْيَا أَڒْ ثَاوَّارْثْ ن وُودْجِي ؤُشَا نِيثْنِي قِّيمنْ بدّنْ غَارْ ثوَّارْثْ ن ڒحْبسْ.
NEH 12:40 [خنِّي] بدّنْثْ ثْنَاينْ ن ثرْبِيحِينْ ن ؤُقَاذِي ذِي ثَادَّارْثْ ن أَربِّي، ؤُڒَا ذ نشّْ أَكْ-ذ وزْينْ ن إِمْضبَّارنْ أَكِيذِي.
NEH 12:41 [ؤُڒَا] ذ إِكهَّاننْ أَلْيَاقِيمْ، مَاعَاسِييَا، مِينْيَامِينْ، مِيخَا-يَاهْ، إِلْيُوعِينَايْ، زَاكَارِييَّا، حَانَانْيَا، إِنِّي غَارْسنْ ڒبْوَاقْ،
NEH 12:42 ؤُشَا [خنِّي] مَاعَاسِييَا ذ شَامْعِييَا ذ أَلِيعَازَارْ ذ عُوزِّي ذ يُوحَانَانْ ذ مَالْكِييَا ذ عِيلَامْ ذ عَازَارْ. إِمذْيَازنْ ڭِّينْ أَذْ تّْوَاسْڒنْ ؤُ ثُوغَا يِيزْرَاحَا ذ أَوقَّافْ.
NEH 12:43 ذڭْ وَاسّْ نِّي وهّْبنْ نِيثْنِي أَطَّاسْ ن ثْغَارْصَا ذ ثِيمقّْرَانِينْ. مَارَّا فَارْحنْ، مَاغَارْ أَربِّي إِڭَّا أَسنْ إِشْثْ ن ڒفْرَاحثْ ذ ثَامقّْرَانْثْ. فَارْحنْ ؤُڒَا ذ ثِيمْغَارِينْ ذ إِحنْجِيرنْ إِمژْيَاننْ أَڒَامِي ڒفْرَاحثْ [ن ڒْعِيذْ] ن ؤُرْشَالِيمْ ثُوغَا تّسْڒَانْ أَسْ زِي ڒَاڭّْوَاجْ.
NEH 12:44 ذڭْ وُوسَّانْ نِّي ڭِّينْ إِرْيَازنْ أَذْ إِڒِينْ خْ إِخَّامنْ [إِ إِدْجَانْ] إِ ثْخُوبَايْ، إِ ثوْهِيبِينْ ن ؤُسْڭعّذْ، إِ ؤُسُوفُّوغْ ثَامزْوَارُوثْ [ن صَّابثْ] ؤُ إِ ڒعْشُورْ، حِيمَا أَذْ ذَايْسنْثْ يَارْونْ ثِيسقَّارْ إِ د-إِكَّارنْ إِ إِكهَّاننْ ذ إِلَاوِييّنْ زڭْ إِيَّارنْ ن ثْندَّامْ عْلَاحْسَابْ شَّارِيعَا، مَاغَارْ فَارْحنْ [أَيْثْ ن] يَاهُوذَا زڭْ إِكهَّاننْ ذ إِلَاوِييّنْ نِّي إِ ذِينْ إِبدّنْ
NEH 12:45 ؤُ حْضَانْ خْ ثْسخَّارْثْ ن أَربِّي نْسنْ ؤُ خْ ثْسخَّارْثْ ن ؤُسِيزْذڭْ، [جْمِيعْ] أَكْ-ذ إِمذْيَازنْ ذ إِعسَّاسنْ ن ثوُّورَا، عْلَاحْسَابْ ثَاوْصيّثْ ن ذَاوُوذْ ذ مِّيسْ سُولِيمَانْ.
NEH 12:46 مَاغَارْ زِيشْ، ذڭْ وُوسَّانْ ن ذَاوُوذْ ذ أَذَافْ، [ثُوغَا] ذِينْ إِجّْ ن إِزدْجِيفنْ ن إِمذْيَازنْ إِ إِزْڒَانْ ن ؤُصبّحْ ؤُڒَا إِ ؤُقَاذِي إِ أَربِّي.
NEH 12:47 [س ؤُيَا] إِوْشَا مَارَّا إِسْرَائِيل ذِي مَارَّا ؤُسَّانْ ن زَارُوبَّابِيلْ ؤُ ذڭْ وُوسَّانْ ن نَاحَامْيَا ثِيسقَّارْ ن إِمذْيَازنْ ذ إِعسَّاسنْ ن ثوُّورَا، كُوڒْ ثَاسْغَارْثْ ن إِجّْ ن وَاسّْ ذڭْ وَاسّْ نّسْ، ؤُشَا سّْقدّْسنْ ت إِ إِلَاوِييّنْ ؤُشَا إِلَاوِييّنْ سّْقدّْسنْ ت إِ وَارَّاوْ ن هَارُونْ.
NEH 13:1 ذڭْ وَاسّْ نِّي غْرِينْ ذڭْ إِمزُّوغنْ ن ڒْڭنْسْ زڭْ وذْلِيسْ ن مُوسَا ؤُشَا إِتّْوَافْ أَقَا ثُورَا ذَايسْ بلِّي إِجّْ ن ؤُعَامُّونِي ذ إِجّْ ن ؤُمُو‘أَبِييْعمَّارْصْ وَارْ زمَّارنْ أَذْ أَذْفنْ غَارْ وڭْرَاوْ [ن ڒْڭنْسْ] ن أَربِّي إِ ڒبْذَا،
NEH 13:2 مَاغَارْ نِيثْنِي وَارْ فِّيغنْ غَارْ أَيْثْ ن إِسْرَائِيل س وغْرُومْ ذ وَامَانْ، [مَاشَا] شْرَانْ بِيلْعَامْ ضِيدّْ نْسنْ مَاحنْذْ أَذْ ثنْ إِنْعڒْ ؤُشَا [خنِّي] يَارَّا أَربِّي نّغْ نّعْڒثْ ذ لْبَارَاكَا.
NEH 13:3 ؤُمِي سْڒِينْ شَّارِيعَا-أَيَا، إِمْسَارْ، أَقَا بْضَانْ خْ إِسْرَائِيل مَارَّا إِنِّي إِخدْجْضنْ زِي ثَاصِيڒثْ.
NEH 13:4 قْبڒْ إِسّوْجذْ إِلْيَاشِيبْ، أَكهَّانْ، ونِّي ثُوغَا خْ إِخَّامنْ [إِ ڒخْزنْ] ن ثَادَّارْثْ ن أَربِّي نّغْ، ذ ونِّي إِ إِتّعْنَانْ إِ طُوبِييَا،
NEH 13:5 إِجّْ ن وخَّامْ ذ أَمقّْرَانْ إِ [ثُوبِييَا] مَانِي ثُوغَا [خمّْڒنْ] قْبڒْ ثَاوْهِيبْثْ [ن ڒْغِيدْجثْ]، جَّاوِي ذ ڒقْشُوعْ، ڒعْشُورْ ن ڒْحبّْ [ن يِيرْذنْ]، ذ بِينُو ن جْذِيذْ ذ زّشْثْ نِّي تّْوَاڭّنْ إِ إِلَاوِييّنْ، إِ إِمذْيَازنْ ؤُ إِ إِعسَّاسنْ ن ثوُّورَا، ؤُڒَا ذ ثْغَارْصْثْ ن ؤُسْڭعّذْ ن إِكهَّاننْ.
NEH 13:6 ذِي مَارَّا مَانْ أَيَا وَارْ ذ أَيِي ثُوغِي شَا ذِي ؤُرْشَالِيمْ، مَاغَارْ ذڭْ ؤُسڭّْوَاسْ وِيسّْ ثْنَاينْ ؤُ-ثْڒَاثِينْ ن أَرْثَاحْشَاسْثَا، أَجدْجِيذْ ن بَابِيلْ، ثُوغَاعقْبغْ غَارْ ؤُجدْجِيذْ. أَوَارْنِي [إِجّْ ن ڒْمِيجَاڒْ ن] وُوسَّانْ تَّارغْ زڭْ ؤُجدْجِيذْ تّسْرِيحْ [مَاحنْذْ أَذْ د -عقْبغْ].
NEH 13:7 [ؤُمِي] إِوْضغْ غَارْ ؤُرْشَالِيمْ، إِبَانْ-د أَيِي ڒْغَارْ نِّي إِڭَّا إِلْيَاشِيبْ ذِي طّْوعْ ن طُوبِييَا ؤُمِي ذ أَسْ إِسّوْجذْ إِجّْ ن وخَّامْ ذِي ڒمْرَاحَاثْ ن ثَادَّارْثْ ن أَربِّي.
NEH 13:8 ثُوغَا أَيَا ذ إِشْثْ ن ثْمسْڒَاشْثْ ذ ثَاعفَّانْثْ أَطَّاسْ ذِي ثِيطَّاوِينْ إِنُو ؤُشَا نْضَارغْ مَارَّا ڒقْشُوعْ ن طُوبِييَا زڭْ وخَّامْ غَارْ بَارَّا.
NEH 13:9 نِّيغْ أَقَا إِتّْخصَّا أَسنْ أَذْ سِّيزذْڭنْ إِخَّامنْ. [أَوَارْنِي أَسْ] أَرِّيغْ ذَايْسنْ ڒقْشُوعْ ن ثَادَّارْثْ ن أَربِّي، ؤُڒَا ذ ثَاوْهِيبْثْ [ن ڒْغِيدْجثْ] ذ جَّاوِي.
NEH 13:10 تّْوَاسَّارْڭْبغْ [عَاوذْ]، أَقَا ثِيسقَّارْ [إِ د-إِتَّاسنْ] إِ إِلَاوِييّنْ وَارْ ذ أَسنْ مّوْشنْثْ أَڒَامِي إِلَاوِييّنْ ذ إِمذْيَازنْ نِّي إِڭِّينْ ڒْخذْمثْ، أَروْڒنْ، كُوڒْ إِجّْ غَارْ ييَّارْ نّسْ.
NEH 13:11 مّْشُوبّْشغْ أَكْ-ذ إِمْضبَّارنْ، نِّيغْ: ”مَايمِّي ثتّْوَاسْمحْ ثَادَّارْثْ ن أَربِّي؟“ ؤُ نشّْ سّْمُونغْ ثنْ ؤُشَا أَرّغْ ثنْ-إِ-د ذڭْ ومْشَانْ نْسنْ.
NEH 13:12 [خنِّي] يِيوِي-د مَارَّا يَاهُوذَا ڒعْشُورْ ن ڒْحبّْ [ن يِيرْذنْ] ڒَا ن بِينُو ن جْذِيذْ ؤُڒَا ن زّشْثْ ذڭْ إِخَّامنْ ن ثْخُوبَايْ.
NEH 13:13 ڭِّيغْ إِمقّْرَاننْ خْ إِخَّامنْ ن ثْخُوبَايْ: أَكهَّانْ شَالَامْيَا ذ ؤُمَارِيرْ صَاذُوقْ ذ فَاذَايَا زڭْ إِلَاوِييّنْ ؤُشَا ڭِّيغْ أَسنْ غَارْ ؤُغزْذِيسْ حَانَانْ، مِّيسْ ن زَاكُّورْ، مِّيسْ ن مَاتَّانْيَا، مَاغَارْ ثُوغَا تّْوَاحسْبنْ ذ إِمْثِيقَّانْ. نِيثْنِي خَاسنْ مَاحنْذْ أَذْ بْضَانْ أَيَا إِ أَيْثْمَاثْسنْ.
NEH 13:14 إِذَارْ أَيِي إِ مَانْ أَيَا، [أَ] أَربِّي إِنُو، ؤُ وَارْ ثْمحِّيذْ ثَامخْسِيوْثْ إِنُو إِشوَّارنْ نِّي سّشْنغْ إِ ثَادَّارْثْ ن أَربِّي إِنُو ؤُ إِ ثْسخَّارْثْ إِ ذَايسْ [إِدْجَانْ].
NEH 13:15 ذڭْ وُوسَّانْ نِّي ژْرِيغْ أَقَا ذِينْ ذِي يَاهُوذَا إِنِّي إِتّْشُوقَانْ ذِي ثْسِيرْثْ ذڭْ [وَاسّْ ن] سّبْثْ ؤُڒَا ذ إِنِّي د-إِوْينْ إِشوَّافنْ ن إِمنْذِي، أَرْبُونْ ثنْ خْ يغْيَاڒْ، ؤُڒَا ذ بِينُو، أَضِيڒْ، ثَازَارْثْ ذ عْڒَامْ كُوڒْ ڒحْمُوڒْ نِّي إِوْينْ ذڭْ وَاسّْ ن سّبْثْ ذِي ؤُرْشَالِيمْ. نشّْعڒْمغْ ثنْ ذڭْ وَاسّْ [نِّي] ؤُمِي ثُوغَا زّْنُوزَانْ مَاشَّا ذڭْ وَاسّْ ن سّبْثْ.
NEH 13:16 ثُوغَا أَيْثْ ن صُورْ زدّْغنْ ذِينِّي، إِوْينْ-د إِسڒْمَانْ ذ مَارَّا سّڒْعثْ، زّْنُوزَانْ أَيَا ذِي سّبْثْ إِ أَيْثْ ن يَاهُوذَا ؤُ ذِي ؤُرْشَالِيمْ.
NEH 13:17 عيَّارغْ ثَارْوَا ن ثَاصِيڒثْ ن يَاهُوذَا، نِّيغْ أَسنْ: ”مَانْ ثُوعفّْنَا إِ ثتّڭّمْ إِ زِي ثسّْعِيدْجْثمْ أَسّْ ن سّبْثْ!
NEH 13:18 مَا وَارْ ڭِّينْ ڒجْذُوذْ نْومْ أَمنِّي ؤُشَا [خنِّي] مَا وَارْ د-إِسِّيوضْ أَربِّي نّغْ مَارَّا ڒْغَارْ-أَ خَانغْ ؤُ خْ ثنْذِينْثْ-أَ؟ ؤُ كنِّيوْ ثَارنِّيمْ [عَاذْ] ذِي ڒْحَاذُوقْ [ن وغْضَابْ نّسْ] خْ إِسْرَائِيل ؤُمِي ثسّْعِيدْجْثمْ سّبْثْ.“
NEH 13:19 ؤُشَا إِمْسَارْ خْمِي د غَا ثوْضَا ثَادْجسْثْ ذِي ثوُّورَا ن ؤُرْشَالِيمْ، قْبڒْ مَا أَذْ د-يَاوضْ سّبْثْ، أَقَا نِّيغْ أَذْ تّْوَابلّْعنْثْ ثوُّورَا ؤُشَا أَرْنِيغْ نِّيغْ أَذْ ثنْثْ أَرْزْمنْ أَوَارْنِي إِ سّبْثْ وَاهَا. ؤُشَا سّْبدّغْ إِمْسخَّارنْ إِنُو غَارْ ثوُّورَا، مَاحنْذْ وَارْ سِّيذِيفنْ ؤُڒَا ذ إِجّْ ن ڒحْمڒْ ذڭْ وَاسّْ ن سّبْثْ.
NEH 13:20 ؤُشَا أَمُّو إِسّنْسنْ إِسبَّابنْ ذ إِمْزنْزَانْ ن عْڒَامْ كُوڒْ سّڒْعثْ [عَاذْ] إِشْثْ نِيغْ ثْنَاينْ ن ثْوَاڒَاوِينْ بَارَّا زَّاثْ إِ [ڒحْيُوضْ ن] ؤُرْشَالِيمْ.
NEH 13:21 ؤُشَا شهْذغْ خَاسنْ، نِّيغْ أَسنْ: ”مَايمِّي ثتّْنُوسَامْ كنِّيوْ خْ ؤُغزْذِيسْ ن ڒْحِيضْ؟ مَاڒَا كنِّيوْ ثڭِّيمْ ث ثْوَاڒَا نّغْنِيثْ، أَذْ خَاومْ وْثغْ أَفُوسْ.“ سّنِّي وَارْ د-ؤُسِينْ عَاذْ ذِي سّبْثْ.
NEH 13:22 نِّيغْ [عَاوذْ] إِ إِلَاوِييّنْ أَذْ سِّيزْذڭنْ إِخفْ نْسنْ، أَذْ بدّنْ ذ إِعسَّاسنْ غَارْ ثوُّورَا [ن ثنْذِينْثْ]، مَاحنْذْ أَذْ قدّْسنْ أَسّْ ن سّبْثْ. ؤُڒَا إِ ؤُيَا إِذَارْ أَيِي، أَربِّي إِنُو، ؤُ حِينّْ خَافِي عْلَاحْسَابْ ڒمْغَارثْ ن ثْمخْسِيوْثْ نّشْ إِشوَّارنْ.
NEH 13:23 ذڭْ وُوسَّانْ نِّي ژْرِيغْ عَاوذْ ؤُذَاينْ نِّي إِوْينْ ثِيمْغَارِينْ ن أَشْذُوذْ ذ عَامُّونْ ذ مُوآبَ ؤُشَا سّزْذْغنْ ثنْثْ غَارْسنْ.
NEH 13:24 أَزْينْ ن إِحنْجِيرنْ نْسنْ سَّاوَاڒنْ س إِڒسْ ن أَشْذُوذْ، وَارْ زمَّارنْ أَذْ سِّيوْڒنْ إِڒسْ ن ثْيَاهُوذشْثْ، مَاشَا كُوڒْ إِجّْ [ثُوغَا إِسَّاوَاڒْ] عْلَاحْسَابْ إِڒسْ نْ كُوڒْ ڒْڭنْسْ.
NEH 13:25 عيَّارغْ ثنْ ؤُ نعْڒغْ ثنْ ؤُ وْثِيغْ [شَا ن] يرْيَازنْ زَّايْسنْ، قڒْعغْ أَشُوَّافْ نْسنْ ؤُ جِّيغْ ثنْ أَذْ جَّادْجنْ غَارْ أَربِّي: ”غَارْومْ أَذْ ثوْشمْ ثِيحنْجِيرِينْ نْومْ إِ إِحنْجِيرنْ نْسنْ ؤُ غَارْومْ أَذْ ثَاوْيمْ ثِيحنْجِيرِينْ نْسنْ إِ إِحنْجِيرنْ نْومْ نِيغْ إِ إِخفْ نْومْ [ذ ثَامْغَارْثْ]!“
NEH 13:26 مَا وَارْ إِخْضِي سُولِيمَانْ، أَجدْجِيذْ ن إِسْرَائِيل، ذِي ثْمسْڒَاشْثْ-أَ؟ ذ مَانْ أَيَا ثُوغَا ؤُمِي وَارْ ذِينْ إِدْجِي ذ أَجدْجِيذْ أَمْ نتَّا جَارْ وَاطَّاسْ ن ڒڭْنُوسْ ؤُشَا ثُوغَا إِتّخْسْ إِ-ث أَربِّي ؤُ أَربِّي إِڭَّا إِ-ث ذ أَجدْجِيذْ خْ مَارَّا إِسْرَائِيل؟ [وَاخَّا أَمنِّي] غَارّنْثْ ث ثمْغَارِينْ ثِيبَارَّانِييِّينْ مَاحنْذْ أَذْ إِخْضَا ؤُڒَا ذ نتَّا.
NEH 13:27 مَا خنِّي أَذْ غَارْومْ نْسڒْ [عَاذْ كْثَارْ] ؤُمِي ثتّڭّمْ مَارَّا ڒْغَارْ-أَ أَمقّْرَانْ ؤُ ثْغدَّارمْ أَربِّي ؤُشَا ثِيوْيمْ ثِيمْغَارِينْ ثِيبَارَّانِييِّينْ مَاحنْذْ أَذْ كِيذْومْ زدّْغنْثْ؟
NEH 13:28 إِجّنْ زڭْ إِحنْجِيرنْ ن يُويَاذَاعْ، مِّيسْ ن إِلْيَاشِيبْ، أَرَّايْسْ ن إِكهَّاننْ ثُوغَا ذ أَضڭّْوَاڒْ ن سَانْبَالَّاطْ زِي حُورُونْ. س ؤُيَا ؤُژّْڒغْ خَاسْ زِي غَارِي
NEH 13:29 إِذَارْ أَسنْ، أَ أَربِّي إِنُو، مِينْزِي نِيثْنِي سّْخمْجنْ ثُوكهَّانْثْ، [ڒْخذْمثْ ن إِكهَّاننْ]، ذ ڒْعَاهْذْ ن ثُوكهَّانْثْ ؤُ ن إِلَاوِييّنْ.
NEH 13:30 ؤُ نشّْ سِّيزذْڭغْ ثنْ زِي مَارَّا مِينْ ثُوغَا ذ ڒْغِيبْ، ؤُشَا أَرشّْحغْ أَحطُّو ن إِكهَّاننْ ؤُ ن إِلَاوِييّنْ، كُوڒْ إِجّْ ذِي ثْسخَّارْثْ نّسْ.
NEH 13:31 [أَمُّو إِ ڭِّيغْ] ؤُڒَا إِ ثوْهِيبْثْ ن ؤُكشُّوضْ، ذِي ڒْوقْثْ نّسْ إِتّْوَاڭّنْ، ؤُ إِ ثْمنْزُوثْ [ن صَّابثْ]. إِذَارْ أَيِي، [أَ] أَربِّي إِنُو، إِ ڒْخَارْ.
EST 1:1 إِمْسَارْ ذڭْ وُوسَّانْ ن أَحَاشْوِيرُوشْ - نتَّا ذ أَحَاشْوِيرُوشْ ونِّي ثُوغَا إِحكّْمنْ زِي ثمُّورْثْ ن ڒْهنْذْ أَڒْ ثَامُّورْثْ ن كُوشْ خْ مْيَا ؤُ-سبْعَا ؤُ-عِيشْرِينْ ن لْعَامَالَاثْ -
EST 1:2 [وَاهْ،] ذڭْ وُوسَّانْ نِّي، ؤُمِي إِقِّيمْ ؤُجدْجِيذْ أَحَاشْوِيرُوشْ خْ ڒْعَارْشْ ن ثْڭلْذِيثْ نّسْ ذِي ڒقْصَارْ ن شُوشَانْ،
EST 1:3 ذڭْ ؤُسڭّْوَاسْ وِيسّْ ثْڒَاثَا ن ڒحْكَامْ نّسْ، [أَقَا] إِڭَّا إِشْثْ ن زَّارْذثْ إِ مَارَّا ڒْحُوكَّامْ ذ إِمْسخَّارنْ نّسْ. ثُوغَا [إِكُومَانْذَارنْ ن] ڒْعسْكَارْ ن [ثمُّورْثْ ن] لْفُورْسْ ذ مَاذَايْ ؤُڒَا ذ ثَارْوَا ن ثَاصِيڒثْ ذ ڒْحُوكَّامْ ن لْعَامَالَاثْ [تّْمُونَانْ] زَّاثْ إِ وُوذمْ نّسْ،
EST 1:4 ؤُمِي إِسّْشنْ أَڭْڒَا ن ؤُعُودْجِي ن ثْڭلْذِيثْ نّسْ ذ شَّانْ ذ ڒمْڒَاحثْ ن لْعَاضَامَا نّسْ ذڭْ وَاطَّاسْ ن وُوسَّانْ، أَقَا ذِي مْيَا ؤُ-ثْمَانْيِينْ ن وُوسَّانْ.
EST 1:5 [ؤُمِي] عْذُونْ وُوسَّانْ نِّي، [خنِّي] ثُوغَا إِسّوْجَاذْ ؤُجدْجِيذْ إِشْثْ ن زَّارْذثْ إِ مَارَّا ڒْڭنْسْ نِّي ثُوغَا [ذِينْ] ذِي لْقلْعَا ن شُوشَانْ، زڭْ ؤُمقّْرَانْ أَڒْ أَمژْيَانْ، سبْعَا ن وُوسَّانْ، ذڭْ وَازَّايْ ن وحْوِيشْ ن ڒقْصَارْ ن ؤُجدْجِيذْ.
EST 1:6 أَقَا ذِينْ [أَرْوَاقَاثْ] ذ إِشمْڒَاڒنْ ذ إِزِيزَاونْ ذ إِذهْمَاننْ مُّوذنْ س إِفِيڒَانْ ن ڒقْطنْ أَزْذَاذْ ذ [ؤُفِيڒُو] أَرْجُووَانِي ڭِّينْ ثنْثْ غَارْ إِقضْبَانْ ن نُّوقَارْثْ ؤُ غَارْ إِپِيلَارنْ ن ڒْمَارْمُورْ. ڒمْطَارْبَاثْ ن وُورغْ ذ نُّوقَارْثْ [مَّارْسنْثْ] خْ ثِيسِي ن زّلِّيجْ ذَايسْ [أَژْرُو] أَزِيزَا أَمْ سْمَارَاخْثْ ذ [وژْرُو] ذ أَشمْڒَاڒْ ذ [وژْرُو] أَمْ ثْيَاقُوثْ ذ [وژْرُو] ذ أَبَارْشَانْ.
EST 1:7 ثمّوْشْ ثْسسِّي ذِي ڒقْشُوعْ ن وُورغْ ؤُ ثُوغَا مَارَّا ڒقْشُوعْ مّْسبْضَانْ، ثَا وَارْ ثَارْوِيسْ ثَا، ؤُ ثُوغَا [ذِينْ] بِينُو إِڭلّْذنْ س وَاطَّاسْ، أَنشْثْ إِ ثُوغَا إِزمَّارْ ؤُفُوسْ ن ؤُجدْجِيذْ [أَذْ ث إِوْشْ].
EST 1:8 ثُوغَا سْوِينْ عْلَاحْسَابْ ڒُومُورْ، وَارْ إِدْجِي س ؤُغِيڒْ، مِينْزِي أَمُّو إِ إِوصَّا ؤُجدْجِيذْ إِ مَارَّا إِمقّْرَاننْ ن ثَادَّارْثْ نّسْ، مَاحنْذْ أَذْ ڭّنْ ڒْخَاضَارْ إِ مَارَّا.
EST 1:9 ثڭَّا ثْجدْجِيذْثْ وَاشْثِي ؤُڒَا ذ إِشْثْ ن زَّارْذثْ إِ ثمْغَارِينْ ذِي ثَادَّارْثْ إِڭلّْذنْ ن ؤُجدْجِيذْ أَحَاشْوِيرُوشْ.
EST 1:10 ذڭْ وَاسّْ وِيسّْ سبْعَا، ؤُمِي إِذْوڒْ وُوڒْ ن ؤُجدْجِيذْ إِفَارْحْ س بِينُو، إِنَّا إِ مَاهُومَانْ، بِيزْثَا، حَارْپُونَا، بِيغْثَا ذ أَبَاغْثَا، زِيثَارْ ذ كَارْكَاسْ، أَقَا نِيثْنِي ذ سبْعَا ن إِمْسخَّارنْ إِشنّْعنْ إِ ثُوغَا إِسخَّارنْ زَّاثْ إِ وُوذمْ ن ؤُجدْجِيذْ أَحَاشْوِيرُوشْ،
EST 1:11 حِيمَا أَذْ أَوْينْ ثَاجدْجِيذْثْ وَاشْثِي زَّاثْ إِ وُوذمْ ن ؤُجدْجِيذْ س تَّاجْ إِڭلّْذنْ، مَاحنْذْ أَذْ إِسّْشنْ أَژْرِي نّسْ إِ ڒڭْنُوسْ ؤُ إِ ڒْحُوكَّامْ، مِينْزِي نتَّاثْ ثُوغَا ذَايسْ أَژْرِي.
EST 1:12 [مَاشَا] ثَاجدْجِيذْثْ وَاشْثِي ثُوڭِي أَذْ د-ثَاسْ عْلَاحْسَابْ أَوَاڒْ ن ؤُجدْجِيذْ [نِّي ذ أَسْ د-يُوسَا] س ؤُفُوسْ ن إِمْسخَّارنْ إِشنّْعنْ. إِفُّوڭمْ ؤُجدْجِيذْ أَطَّاسْ ؤُشَا إِكَّارْ ذَايسْ وسْعَارْ نّسْ.
EST 1:13 [خنِّي] إِنَّا ؤُجدْجِيذْ إِ إِمِيغِيسنْ إِنِّي إِفهّْمنْ ڒْمِيجَاڒَاثْ ن ڒْوقْثْ - مِينْزِي أَمُّو إِ ثُوغَا ثتّْوَاڭّْ ثْمسْڒَاشْثْ ن ؤُجدْجِيذْ زَّاثْ إِ يِينِّي إِسّْننْ أَزرْفْ ؤُ ڒحْكَامْ -
EST 1:14 [إِ] كَارْشَانَا، شِيثَارْ، أَذْمَاثَا، ثَارْشِيشْ، مَارَاسْ، مَارْسَانَا ذ مَامُوكَانْ، سبْعَا ن ڒْحُوكَّامْ ن لْفُورْسْ ذ مَاذَايْ، [إِنِّي] ذ أَسنْ إِعدّڒْ مَاحنْذْ أَذْ ژَترنْ ؤُذمْ ن ؤُجدْجِيذْ ؤُ كْسِينْ إِمُوشَانْ إِمزْوُورَا ذِي ثْڭلْذِيثْ:
EST 1:15 ”مِينْ ذ أَنغْ إِتّْخصَّا أَذْ نڭّْ أَكْ-ذ ثْجدْجِيذْثْ وَاشْثِي عْلَاحْسَابْ ڒْقَانُونْ، مِينْزِي نتَّاثْ وَارْ ثڭِّي أَوَاڒْ ن ؤُجدْجِيذْ أَحَاشْوِيرُوشْ إِ د-إِسّكّْ س ؤُفُوسْ ن إِمْسخَّارنْ نّسْ إِشنّْعنْ؟“
EST 1:16 [خنِّي] إِنَّا مَامُوكَانْ زَّاثْ إِ وُوذمْ ن ؤُجدْجِيذْ ذ ڒْحُوكَّامْ: ”ثَاجدْجِيذْثْ وَاشْثِي وَارْ ثڭِّي شَا ڒْعِيبْ ذڭْ ؤُجدْجِيذْ ذ ڒْحُوكَّامْ وَاهَا، مَاشَا ؤُڒَا ذِي مَارَّا ڒْحُوكَّامْ ذ مَارَّا ڒڭْنُوسْ ذِي مَارَّا لْعَامَالَاثْ ن ؤُجدْجِيذْ أَحَاشْوِيرُوشْ.
EST 1:17 مِينْزِي مِينْ ثڭَّا ثْجدْجِيذْثْ أَذْ إِفّغْ غَارْ مَارَّا ثمْغَارِينْ ؤُشَا أَذْ يَارّْ إِرْيَازنْ نْسنْثْ أَذْ تّْوَاسّحْقَارنْ جَارْ ثِيطَّاوِينْ نْسنْثْ خْمِي قَّارنْثْ: ’أَجدْجِيذْ أَحَاشْوِيرُوشْ إِنَّا أَذْ سّكّنْ غَارْ ثْجدْجِيذْثْ وَاشْثِي مَاحنْذْ أَذْ د-ثَاسْ زَّاثْ إِ وُوذمْ نّسْ، مَاشَا نتَّاثْ وَارْ د-ثُوسِي شَا.‘
EST 1:18 [ؤُڒَا] ذ ثِيمْغَارِينْ ن ڒْحُوكَّامْ ن لْفُورْسْ ذ مَاذَايْ، ثِينِّي إِسْڒَانْ إِ ثمْوَارِّيثْ ن ثْجدْجِيذْثْ، أَذْ إِنِينْثْ أَيَا أَسّْ-أَ إِ مَارَّا ڒْحُوكَّامْ ن ؤُجدْجِيذْ ؤُشَا أَمُّو إِ ذِينْ غَا يِيڒِي ؤُسحْقَارْ ذ ؤُذُوقّزْ ن وغْضَابْ أَطَّاسْ.
EST 1:19 مَاڒَا إِعْجبْ أَسْ ڒْحَاڒْ إِ ؤُجدْجِيذْ، أجّْ إِ-ث [خنِّي] أَذْ إِسُّوفّغْ إِجّْ ن ڒُومُورْ، أَذْ ث إِزمّمْ ذِي ڒْقَاوَانِينْ ن أَيْثْ ن لْفُورْسْ ذ مَاذَايْ، مَاحنْذْ وَارْ ث تّْعدَّانْ، ؤُ وَارْ إِتّجِّي أَذْ د-ثَاسْ ثَاجدْجِيذْثْ وَاشْثِي [عَاذْ] زَّاثْ إِ وُوذمْ ن ؤُجدْجِيذْ أَحَاشْوِيرُوشْ ؤُشَا أجّْ أَجدْجِيذْ أَذْ إِوْشْ ثَاڭلْذَا نّسْ إِ حذْ نّغْنِي، أَذْ ثِيڒِي حْسنْ زَّايسْ.
EST 1:20 [خْمِي] إِ غَا إِتّْوَاسڒْ ڒُومُورْ ن ؤُجدْجِيذْ نِّي إِ غَا يڭّْ ذِي مَارَّا ثَاڭلْذِيثْ نّسْ، [ثنِّي] ذ ثَامقّْرَانْثْ، [خنِّي] أَذْ ذوْڒنْثْ مَارَّا ثِيمْغَارِينْ أَذْ وقَّارنْثْ إِرْيَازنْ نْسنْثْ، زڭْ ؤُمژْيَانْ أَڒْ أَمقّْرَانْ.“
EST 1:21 ثُوغَا أَوَاڒْ-أَ ذ لمْلِيحْ ذِي ثِيطَّاوِينْ ن ؤُجدْجِيذْ ذ ڒْحُوكَّامْ ؤُشَا إِڭَّا ؤُجدْجِيذْ عْلَاحْسَابْ أَوَاڒْ ن مَامُوكَانْ.
EST 1:22 إِسّكّْ ثِيبْرَاثِينْ غَارْ مَارَّا لْعَامَالَاثْ ن ؤُجدْجِيذْ - إِ كُوڒْ لْعَامَالَا س ثِيرَا نّسْ ؤُ إِ كُوڒْ ڒْڭنْسْ س يِيڒسْ نّسْ - حِيمَا كُوڒْ أَرْيَازْ أَذْ يِيڒِي ذ ڒْحَاكمْ خْ ثَادَّارْثْ نّسْ ؤُشَا أَذْ إِسِّيوڒْ س يِيڒسْ ن ڒْڭنْسْ نّسْ.
EST 2:1 أَوَارْنِي مَانْ أَيَا، ؤُمِي يَارْسَا وسْعَارْ ن ؤُجدْجِيذْ، إِذْوڒْ إِتّْخمَّامْ ذڭْ وَاشْثِي ذ مِينْ ثڭَّا ؤُ ذِي مِينْ خَاسْ إِتّْوَاڭّنْ ن ڒحْكَامْ.
EST 2:2 [خنِّي] نَّانْ إِمْسخَّارنْ إِحُوضْرِييّنْ ن ؤُجدْجِيذْ إِ ثُوغَا إِ ذ أَسْ إِتّْسخَّارنْ: ”أجّْ أَذْ أَرْزُونْ ثِيبْڒِيغِينْ إِ ؤُجدْجِيذْ، ثِيعزْرِييِّينْ إِ ذِي إِدْجَا وژْرِي.
EST 2:3 أجّْ أَجدْجِيذْ أَذْ إِڭّْ إِوقَّافنْ خْ مَارَّا لْعَامَالَاثْ ن ثْڭلْذِيثْ نّسْ، أَذْ سّْمُوننْ مَارَّا ثِيبْڒِيغِينْ ثِيعزْڒِييِينْ نِّي ذِي إِدْجَا وژْرِي، غَارْ لْقلْعَا ن شُوشَانْ، غَارْ ثَادَّارْثْ ن ثمْغَارِينْ، سَاذُو إِ ثْعسَّاسْثْ ن هِيجَايْ، أَمْسخَّارْ أَمْشنّعْ ن ؤُجدْجِيذْ ونِّي ذ أَعسَّاسْ خْ ثمْغَارِينْ ؤُ أَذْ أَسنْثْ وْشنْ ثِيمسْڒَايِينْ إِ ؤُثْهلِّي ن وژْرِي.
EST 2:4 ثَابْڒِيغْثْ إِ غَا إِعجْبنْ إِ ؤُجدْجِيذْ أَذْ ثِيڒِي ذ ثَاجدْجِيذْثْ ذڭْ ومْشَانْ ن وَاشْثِي.“ ثُوغَا أَوَاڒْ-أَ ذ لمْلِيحْ ذِي ثِيطَّاوِينْ ن ؤُجدْجِيذْ ؤُشَا نتَّا إِڭَّا أَمُّو.
EST 2:5 ثُوغَا [ذِينْ] إِجّْ ن ورْيَازْ ذ ؤُذَايْ ذِي لْقلْعَا ن شُوشَانْ، قَّارنْ أَسْ مُورْذَاخَايْ، مِّيسْ ن يَا‘إِرْ، مِّيسْ ن شِيمْعِي، مِّيسْ ن كِيسْ، إِجّْ ن ورْيَازْ زڭْ [أَيْثْ ن] بِينْيَامِينْ.
EST 2:6 نتَّا إِتّْوَانْذهْ زِي ؤُرْشَالِيمْ أَكْ-ذ أَيْثْ ن لْمنْفَا نِّي د-إِوْينْ أَكْ-ذ يَاكُونْيَا، أَجدْجِيذْ ن يَاهُوذَا، إِنِّي ؤُمِي إِنْذهْ نابُوخَاذْنَاصَّارْ، أَجدْجِيذْ ن بَابِيلْ، ذِي لْمنْفَا.
EST 2:7 ذ نتَّا ونِّي ثُوغَا إِسّيْمنْ هَاذَاسَّا، إِخْسْ أَذْ يِينِي إِسْثِيرْ، يدْجِيسْ نعمِّيسْ، مِينْزِي وَارْ غَارسْ ثُوغِي [عَاذْ] بَابَاسْ نِيغْ يمَّاسْ. نتَّاثْ ثُوغَا ذ إِشْثْ ن ثبْڒِيغْثْ س إِجّْ ن وَادُّوذْ إِشُووَّارْ ؤُ ذَايسْ أَژْرِي. [أَوَارْنِي ؤُمِي] إِمُّوثْ بَابَاسْ ذ يمَّاسْ، إِكْسِي ت مُورْذَاخَايْ، إِڭَّا إِ-ت ذ يدْجِيسْ.
EST 2:8 أَڒَامِي إِتّْوَاسّنْ وَاوَاڒْ ن ؤُجدْجِيذْ ذ ڒْقَانُونْ نّسْ ؤُشَا تّْوَاسّْمُوننْثْ أَطَّاسْ ن ثبْڒِيغِينْ ذِي لْقلْعَا ن شُوشَانْ سَاذُو إِ ثْعسَّاسْثْ ن هِيجَايْ، إِمْسَارْ بلِّي سّعْذُونْ إِسْثِيرْ عَاوذْ غَارْ ثَادَّارْثْ ن ؤُجدْجِيذْ، [ثذْوڒْ] سَاذُو ثْعسَّاسْثْ ن هِيجَايْ، أَعسَّاسْ ن ثمْغَارِينْ.
EST 2:9 ثعْجبْ أَسْ ثَابْڒِيغْثْ ؤُ نتَّاثْ ثُوسَا أَسْ-د خْ ڒْخَاضَارْ ذِي ثِيطَّاوِينْ نّسْ. نتَّا إِقدْجقْ حِيمَا أَذْ أَسْ إِوْشْ ثِيمسْڒَايِينْ إِ ؤُثْهلِّي ن وژْرِي ذ مَاشَّا نّسْ، [ؤُ حِيمَا أَذْ أَسْ إِوْشْ] ؤُڒَا ذ سبْعَا ن ثمْسخَّارِينْ ثِيمژْيَانِينْ إِتّْوَاخْضَارنْ زِي ثَادَّارْثْ ن ؤُجدْجِيذْ، ؤُشَا إِسّْمُوطِّييْ إِ-ثنْثْ غَارْ ومْشَانْ إِشْنَانْ قَاعْ ذِي ثَادَّارْثْ ن ثمْغَارِينْ.
EST 2:10 إِسْثِيرْ وَارْ ثْخبَّارْ شَا ڒْڭنْسْ نّسْ نِيغْ جَّاذِيرَا نّسْ، مِينْزِي مُورْذَاخَايْ إِوصَّا ت مَاحنْذْ وَارْ ث ثقَّارْ شَا.
EST 2:11 ثُوغَا مُورْذَاخَايْ إِڭُّورْ كُوڒْ أَسّْ زَّاثْ إِ ڒمْڒَاهْ إِ إِدْجَانْ زَّاثْ إِ ثَادَّارْثْ ن ثمْغَارِينْ مَاحنْذْ أَذْ إِسّنْ مَامّشْ ثدْجَا إِسْثِيرْ ذ مِينْ ذ أَسْ غَا إِمْسَارنْ.
EST 2:12 ثَابْڒِيغْثْ أَوَارْنِي ثنّغْنِي ثَاسْ أَسْ-د نُّوبثْ حِيمَا أَذْ ثَاذفْ غَارْ ؤُجدْجِيذْ أَحَاشْوِيرُوشْ، أَوَارْنِي ثنْعَاشْ ن ؤُيُورنْ [ن ؤُزيّنْ] أَمْ مَامّشْ ثدْجَا ثوْصيّثْ إِ ثمْغَارِينْ، مِينْزِي أَمُّو إِ تّْوَاكمّْڒنْ وُوسَّانْ ن ؤُثْهلِّي ن وژْرِي: ستَّا ن ؤُيُورنْ س زّشْثْ ن مِيرُّو ذ ستَّا ن إِيُورنْ س ڒعْطُورْ إِتّْفُوحنْ ذ فُومَاذَاثْ إِ ثمْغَارِينْ.
EST 2:13 [أَمُّو] د-ثُوسَا [كُوڒْ إِشْثْ ن] ثبْڒِيغْثْ غَارْ ؤُجدْجِيذْ: مَارَّا مِينْ ثتَّارْ، إِمّوْشْ أَسْ مَاحنْذْ أَذْ زَّايسْ ثفّغْ زِي ثَادَّارْثْ ن ثمْغَارِينْ غَارْ ثَادَّارْثْ ن ؤُجدْجِيذْ.
EST 2:14 غَارْ ثْمذِّيثْ ثُوذفْ غَارْ ذَاخڒْ ؤُ غَارْ ثُوفُّوثْ ثعْقبْ-د غَارْ ثَادَّارْثْ وِيسّْ ثْنَاينْ ن ثمْغَارِينْ سَاذُو ؤُحطُّو ن شَاعَاشْغَازْ، أَمْسخَّارْ أَمْشنّعْ ن ؤُجدْجِيذْ، أَعسَّاسْ ن ثِييَّا. وَارْ د-ثعْقبْ غَارْ ؤُجدْجِيذْ، مْغِيرْ مَاڒَا ثعْجبْ أَسْ إِ ؤُجدْجِيذْ ؤُشَا ثتّْوَاڒَاغَا س يِيسمْ نّسْ.
EST 2:15 ڒَامِي د-ثِيوضْ نُّوبثْ ن إِسْثِيرْ، يدْجِيسْ ن أَبِيحَايِيلْ،عمِّيسْ ن مُورْذَاخَايْ، ونِّي ت يَارِّينْ ذ يدْجِيسْ، وَارْ ثتَّارْ وَالُو مْغِيرْ مِينْ إِنَّا هِيجَايْ، أَمْسخَّارْ أَمْشنّعْ ن ؤُجدْجِيذْ، أَعسَّاسْ ن ثمْغَارِينْ. ؤُ إِسْثِيرْ ثُوسَا-د خْ ڒْخَاضَارْ إِ مَارَّا وِي ت إِژْرِينْ.
EST 2:16 أَمُّو إِ إِوْينْ إِسْثِيرْ غَارْ ؤُجدْجِيذْ أَحَاشْوِيرُوشْ، غَارْ ثَادَّارْثْ نّسْ إِڭلّْذنْ، ذڭْ ؤُيُورْ وِيسّْعشْرَا، أَقَا-ث ذ ؤُيُورْ ن طِيبِيثْ، ذڭْ ؤُسڭّْوَاسْ وِيسّْ سبْعَا ن ثْڭلْذَا نّسْ.
EST 2:17 أَجدْجِيذْ ثُوغَا إِتّخْسْ إِسْثِيرْ خْ مَارَّا ثِيمْغَارِينْ [نّغْنِي] ؤُشَا نتَّاثْ ثُوفَا أَرْضَا ذ ڒحْنُونشْثْ زَّاثْ إِ وُوذمْ نّسْ كْثَارْ خْ مَارَّا ثِيعْزُورَايْ نّغْنِي. إِسَّارْسْ تَّاجْ إِڭلّْذنْ خْ ؤُزدْجِيفْ نّسْ ؤُشَا يَارَّا إِ-ت ذ ثَاجدْجِيذْثْ ذڭْ ومْشَانْ ن وَاشْثِي.
EST 2:18 إِڭَّا ؤُجدْجِيذْ إِشْثْ ن زَّارْذثْ ثَامقّْرَانْثْ إِ مَارَّا ڒْحُوكَّامْ نّسْ ذ إِمْسخَّارنْ نّسْ، زَّارْذثْ ن إِسْثِيرْ. إِڭَّا ڒهْنَا ذِي مَارَّا لْعَامَالَاثْ ؤُ إِوْشَا أَرِّيغَالُوثنْ عْلَاحْسَابْ ثِيزمَّارْ ن ؤُجدْجِيذْ.
EST 2:19 خْمِي تّْوَاسّْمُوننْثْ ثِيعْزُورَايْ عَاوذْ، إِقِّيمْ مُورْذَاخَايْ غَارْ ثوَّارْثْ ن ؤُجدْجِيذْ.
EST 2:20 إِسْثِيرْ وَارْ ثْخبَّارْ شَا إِ جَّاذِيرَا نّسْ نِيغْ إِ ڒْڭنْسْ نّسْ، أَمْ مَامّشْ ذ أَسْ يُومُورْ مُورْذَاخَايْ، مِينْزِي إِسْثِيرْ ثُوغَا ثڭُّورْ عْلَاحْسَابْ ڒُومُورْ ن مُورْذَاخَايْ أَمْ مَامّشْ ثُوغَا ثتّڭّْ ؤُمِي ثُوغَا غَارسْ ثتّْوَاربَّا.
EST 2:21 ذڭْ وُوسَّانْ نِّي، أَمْ إِقِّيمْ مُورْذَاخَايْ ذِي ثوَّارْثْ ن ؤُجدْجِيذْ، ثُوغَا بِيغْثَانْ ذ ثَارَاشْ، ثْنَاينْ ن إِمْسخَّارنْ إِشنّْعنْ ن ؤُجدْجِيذْ زڭْ إِعسَّاسنْ ن ثوَّارْثْ، تّْفُوڭّْمنْ أَطَّاسْ ؤُ ثُوغَا أَرزُّونْ أَذْ سّْوِيژّْضنْ أَفُوسْ غَارْ ؤُجدْجِيذْ أَحَاشْوِيرُوشْ.
EST 2:22 ثَامسْڒَاشْثْ-أَ ثذْوڒْ ثتّْوَاسّنْ غَارْ مُورْذَاخَايْ ؤُشَا نتَّا إِخبَّارْ [إِ-ت] إِ ثْجدْجِيذْثْ إِسْثِيرْ، ؤُشَا إِسْثِيرْ ثنَّا مَانْ أَيَا إِ ؤُجدْجِيذْ س يِيسمْ ن مُورْذَاخَايْ.
EST 2:23 أَرْزُونْ ذِي ثْمسْڒَاشْثْ نِّي ؤُشَا ؤُفِينْ مَانْ أَيَا ذ ثِيذتّْ. ؤُيْڒنْ ثنْ س ثْنَاينْ خْ ثحْنَاشْثْ ؤُشَا ؤُرَانْ ث ذڭْ وذْلِيسْ ن إِمزْرُوينْ زَّاثْ إِ وُوذمْ ن ؤُجدْجِيذْ.
EST 3:1 أَوَارْنِي مَانْ أَيَا إِكَّارْ ؤُجدْجِيذْ أَحَاشْوِيرُوشْ، إِڭَّا شَّانْ ذ أَمقّْرَانْ ذِي هَامَانْ، مِّيسْ ن هَامَّاذَاثَا، أَجَاجِي، ؤُشَا إِسّْڭعّذْ إِ-ث ؤُشَا يَارَّا ڒْكُورْسِي نّسْ سنّجْ إِ مَارَّا ڒْحُوكَّامْ نِّي غَارسْ إِدْجَانْ.
EST 3:2 مَارَّا إِمْسخَّارنْ ن ؤُجدْجِيذْ نِّي ثُوغَا غَارْ ثوَّارْثْ ن ؤُجدْجِيذْ، ؤُضَارنْ، قوْسنْ زَّاثْ إِ هَامَانْ، مِينْزِي أَمُّو إِ [ث] يُومُورْ ؤُجدْجِيذْ. مَاشَا مُورْذَاخَايْ وَارْ إِوْضِي خْ إِفَادّنْ نّسْ ؤُ وَارْ إِبنْذِيقْ.
EST 3:3 نَّانْ إِمْسخَّارنْ ن ؤُجدْجِيذْ إِ إِدْجَانْ ذِي ثوَّارْثْ ن ؤُجدْجِيذْ إِ مُورْذَاخَايْ: ”مَايمِّي ثْعذِّيذْ خْ ڒُومُورْ ن ؤُجدْجِيذْ؟“
EST 3:4 ؤُمِي خَاسْ نَّانْ أَيَا زڭْ وَاسّْ غَارْ وَاسّْ ؤُ نتَّا وَارْ ذ أَسنْ إِسْڒِي شَا، إِمْسَارْ أَقَا نِيثْنِي خبَّارنْ [أَيَا] إِ هَامَانْ حِيمَا أَذْ ژَترنْ مَا أَذْ قِّيمنْ بدّنْ أَوَاڒنْ ن مُورْذَاخَايْ [إِ زِي إِوّثْ خْ يِيخفْ نّسْ]، مِينْزِي إِسَّارْڭبْ إِ-ثنْ بلِّي أَقَا نتَّا ذ ؤُذَايْ.
EST 3:5 [ڒَْامِي] إِژْرَا هَامَانْ بلِّي مُورْذَاخَايْ وَارْ يِيوْضِي خْ إِفَادّنْ نّسْ ؤُ وَارْ ذ أَسْ إِبنْذِيقْ، إِسْعَارْ هَامَانْ س وَاطَّاسْ.
EST 3:6 [مَاشَا] إِتّْغِيڒْ أَسْ أَيَا ذ أَسحْقَارْ مَاحنْذْ أَذْ إِسّْوِيژّضْ أَفُوسْ نّسْ غَارْ مُورْذَاخَايْ وَاهَا، مِينْزِي سِّيوْڒنْ أَكِيذسْ خْ ڒْڭنْسْ ن مُورْذَاخَايْ. س ؤُيَا يَارزُّو هَامَانْ أَذْ إِهلّكْ مَارَّا ؤُذَاينْ نِّي [إِدْجَانْ] ذِي مَارَّا ثَاڭلْذِيثْ ن أَحَاشْوِيرُوشْ، ڒْڭنْسْ ن مُورْذَاخَايْ.
EST 3:7 ذڭْ ؤُيُورْ أَمزْوَارُو، ونِّي ذ أَيُورْ ن نِيسَانْ، ذڭْ ؤُسڭّْوَاسْ وِيسّْ ثنْعَاشْ ن ؤُجدْجِيذْ أَحَاشْوِيرُوشْ، ڭِّينْ نِيثْنِي ’بُورْ‘، إِخْسْ. أَذْ يِينِي ’ثَاقدُّوحْثْ‘، زَّاثْ إِ وُوذمْ ن هَامَانْ، إِ كُوڒْ أَسّْ ؤُ إِ كُوڒْ أَيُورْ، أَڒْ د-إِوْضَا ثْقدُّوحْثْ خْ ؤُيُورْ وِيسّْ ثنْعَاشْ، ونِّي ذ أَيُورْ ن أَذَارْ.
EST 3:8 [مِينْزِي] إِنَّا هَامَانْ إِ ؤُجدْجِيذْ أَحَاشْوِيرُوشْ: ”أَقَا ذِينْ إِجّْ ن ڒْڭنْسْ إِمْطَارّشْ ؤُ إِتّْوَابْضَا جَارْ ڒڭْنُوسْ ذِي مَارَّا لْعَامَالَاثْ ن ثْڭلْذِيثْ نّشْ. إِزرْفَانْ نْسنْ فَارّْقنْ خْ مَارَّا ڒڭْنُوسْ ؤُ نِيثْنِي وَارْ طِّيفنْ شَا ذڭْ إِزرْفَانْ ن ؤُجدْجِيذْ. س ؤُينِّي وَارْ ذ أَسْ إِعدّڒْ إِ ؤُجدْجِيذْ أَذْ ثنْ يجّْ [أَمُّو].
EST 3:9 مَاڒَا ثُوسَا أَسْ-د إِ ؤُجدْجِيذْ س ڒْخَاضَارْ، [خنِّي] أَذْ أَرِينْ [إِجّْ ن ڒُومُورْ،] حِيمَا أَذْ ثنْ أَردّْدْجنْ، [خنِّي] نشّْ أَذْ ڭّغْ أَذْ سّْوزْنغْ إِجّْ ن ڒْقدّْ نعشْرَا-أَڒَافْ ثَالِينْثْ ن نُّوقَارْثْ، أَذْ ڭّغْ أَيَا ذڭْ إِفَاسّنْ ن يِينِّي إِ غَا إِحْضَانْ ڒْخذْمثْ، مَاحنْذْ أَذْ ث سِّيذْفنْ ذڭْ إِخَّامنْ ن ثْخُوبَايْ ن ؤُجدْجِيذْ.“
EST 3:10 إِكّسْ ؤُجدْجِيذْ ثَاخَاذنْثْ ن ؤُشمِّيعْ إِ زِي يَارشّمْ زڭْ [ؤُضَاضْ ن] ؤُفُوسْ نّسْ ؤُشَا إِوْشَا إِ-ت إِ هَامَانْ، مِّيسْ ن هَامَّاذَاثَا، أَجَاجِي، ڒعْذُو ن وُوذَاينْ.
EST 3:11 إِنَّا ؤُجدْجِيذْ إِ هَامَانْ: ”نُّوقَارْثْ جِّيغْ أَشْ ت، ؤُڒَا ذ ڒْڭنْسْ، حِيمَا أَذْ زَّايسْ ثڭّذْ مِينْ ثْوَارِيذْ ذ لمْلِيحْ ذِي ثِيطَّاوِينْ نّشْ.“
EST 3:12 ذڭْ ؤُيُورْ أَمزْوَارُو، ذڭْ وَاسّْ نّسْ وِيسّْ ثْڒطَّاشْ، مْڒَاغَانْ إِمَارِيرنْ ن ؤُجدْجِيذْ، ؤُرَانْ مَارَّا عْلَاحْسَابْ ڒُومُورْ ن هَامَانْ إِ إِجدْجِيذنْ [إِ إِدْجَانْ] سَاذُو ؤُجدْجِيذْ ؤُ إِ لْوُولَاثْ نِّي [إِدْجَانْ] خْ كُوڒْ لْعَامَالَا ؤُ إِ ڒْحُوكَّامْ ن كُوڒْ ڒْڭنْسْ. نِيثْنِي ؤُرَانْ إِ كُوڒْ لْعَامَالَا س ثِيرَا نّسْ ؤُ إِ كُوڒْ ڒْڭنْسْ س إِڒسْ نّسْ. ثُوغَا [ثَابْرَاثْ] ثُورَا س يِيسمْ ن ؤُجدْجِيذْ، ؤُ ثتّْوَاشمّعْ س ثْخَاذنْثْ ن ؤُشمِّيعْ ن ؤُجدْجِيذْ.
EST 3:13 سّكّنْ ثِيبْرَاثِينْ أَكْ-ذ إِرقَّاسنْ ن ثَازْڒَا غَارْ مَارَّا لْعَامَالَاثْ ن ؤُجدْجِيذْ، [حِيمَا] أَذْ ثحَّانْ، أَذْ نْغنْ ؤُ أَذْ هلّْكنْ مَارَّا ؤُذَاينْ، أَمْ ؤُمژْيَانْ أَمْ ؤُمقّْرَانْ، إِحنْجِيرنْ إِمژْيَاننْ ذ ثمْغَارِينْ، ذڭْ وَاسّْ ذ إِجّنْ، ذڭْ وَاسّْ وِيسّْ ثْڒطَّاشْ ن ؤُيُورْ وِيسّْ ثنْعَاشْ، ونِّي ذ أَيُورْ ن أَذَارْ، ؤُ [خنِّي] أَذْ كشّْضنْ مَارَّا مِينْ غَارْسنْ ذ ثَاكشَّاضْثْ.
EST 3:14 ثُوغَا إِتّْخصَّا أَذْ سُّوفّْغنْ مِينْ إِدْجَانْ ذِي ثِيرَا أَمْ يِيجّْ ن ؤُزرْفْ، زڭْ إِشْثْ ن لْعَامَالَا أَڒْ ثنّغْنِي س بْطَايْطَايْ إِ مَارَّا ڒڭْنُوسْ، حِيمَا أَذْ إِڒِينْ حزّْمنْ إِ ؤُيَا ذڭْ وَاسّْ نِّي.
EST 3:15 فّْغنْ إِرقَّاسنْ ن ثَازْڒَا، تّْوَاشجّْعنْ س ؤُزيَّارْ س وَاوَاڒْ ن ؤُجدْجِيذْ، ؤُشَا إِتّْوَاسُّوفّغْ ؤُزرْفْ [عَاوذْ] ذِي لْقلْعَا ن شُوشَانْ. ثُوغَا أَجدْجِيذْ ذ هَامَامْ قِّيمنْ سسّنْ، مَاشَا ثَانْذِينْثْ ن شُوشَانْ ثُوغَا-ت ثهْوڒْ.
EST 4:1 [ؤُمِي] يَارْڭبْ مُورْذَاخَايْ خْ مَارَّا مِينْ إِتّْوَاڭّنْ، إِشَارّڭْ ثْشَامِيرْ نّسْ، يَارْضْ إِشْثْ ن ثْخَانْشثْ [إِسُّويسْ] إِغّضْ [خْ ؤُزدْجِيفْ نّسْ] ؤُشَا إِژْوَا ذِي ڒْوسْطْ ن ثنْذِينْثْ، ثُوغَا إِسّْغُويُّو إِشْثْ ن ثْغُويِّيثْ ثجْهذْ ثَارْزڭْ.
EST 4:2 يِيوضْ-د أَڒْ ثَاوَّارْثْ ن ؤُجدْجِيذْ، مِينْزِي وَارْ إِعدّڒْ إِ ؤُڒَا ذ إِجّْ مَاحنْذْ أَذْ يَاذفْ غَارْ ثوَّارْثْ ن ؤُجدْجِيذْ أَمْ يَارْضْ ثْخَانْشثْ [ن وشْضَانْ].
EST 4:3 ذِي كُوڒْ لْعَامَالَا ذ كُوڒْ ثَانْذِينْثْ مَانِي يِيوضْ ڒُومُورْ ن ؤُجدْجِيذْ، إِڒْقفْ ؤُذَاينْ إِجّْ ن وشْضَانْ ذ أَمقّْرَانْ ذ ؤُژُومِّي ذ إِمطَّاونْ ذ إِغُويَّانْ، ؤُشَا قِّيمنْ أَطَّاسْ زَّايْسنْ ژّْڒنْ ذِي ثْخَانْشثْ ن وشْضَانْ ذ يِيغّضْ.
EST 4:4 ثِيمْسخَّارِينْ ثِيمژْيَانِينْ ن إِسْثِيرْ ذ إِمْسخَّارنْ نّسْ إِشنّْعنْ ؤُسِينْ-د مَاحنْذْ أَذْ ت خبَّارنْ س ؤُيَا ؤُشَا ثحْزنْ ثْجدْجِيذْثْ أَطَّاسْ. ثسّكّْ ثْشَامِيرَاثْ إِ مُورْذَاخَايْ مَاحنْذْ أَذْ ثنْثْ يَارْضْ، أَذْ إِكّسْ ثَاخَانْشثْ نّسْ [ن وشْضَانْ]، مَاشَا نتَّا وَارْ ثنْثْ إِقْبِيڒْ.
EST 4:5 [خنِّي] ثْڒَاغَا إِسْثِيرْ إِ هَاثَاخْ، إِجّْ زڭْ إِمْسخَّارنْ إِشنّْعنْ ن ؤُجدْجِيذْ، ونِّي ثُوغَا إِ ذ أَسْ إِڭَّا ؤُجدْجِيذْ ذ أَمْسخَّارْ، ؤُشَا ثُومُورْ إِ-ث خْ مُورْذَاخَايْ مَاحنْذْ أَذْ ثسّنْ مِينْ ث يُوغِينْ ذ مَايمِّي إِڭَّا أَمُّو.
EST 4:6 إِفّغْ هَاتَّاخْ غَارْ مُورْذَاخَايْ، غَارْ وَازَّايْ [إِ إِدْجَانْ] زَّاثْ إِ ثوَّارْثْ ن ؤُجدْجِيذْ،
EST 4:7 ؤُشَا مُورْذَاخَايْ إِعَاوذْ أَسْ مَارَّا مِينْ ذ أَسْ إِمْسَارنْ ذ شْحَاڒْ ن نُّوقَارْثْ إِ إِوَاعذْ هَامَانْ أَذْ ث إِوْزنْ إِ إِخَّامنْ ن ثْخُوبَايْ ن ؤُجدْجِيذْ ذِي طّْوعْ ن ؤُردّدْجْ ن وُوذَاينْ.
EST 4:8 نتَّا إِوْشَا أَسْ إِشْثْ ن ثِيڒمْثْ ن ثِيرَا ن ؤُزرْفْ إِ إِتّْوَاسُّوفّْغنْ ذِي شُوشَانْ مَاحنْذْ أَذْ ثنْ أَردّْدْجنْ، حِيمَا أَذْ ت إِسّْشنْ إِ إِسْثِيرْ ؤُ أَذْ أَسْ يِينِي ؤُ أَذْ أَسْ يُومُورْ مَاحنْذْ أَذْ ثْرَاحْ غَارْ ؤُجدْجِيذْ أَذْ أَسْ ثْزَاوْڭْ ؤُ مَاحنْذْ أَذْ أَسْ ثتَّارْ زَّاثْ إِ وُوذمْ نّسْ ذِي طّْوعْ ن ڒْڭنْسْ نّسْ.
EST 4:9 يُوذفْ هَاثَاخْ ؤُشَا إِعَاوذْ أَوَاڒنْ ن مُورْذَاخَايْ إِ إِسْثِيرْ.
EST 4:10 ثسِّيوڒْ إِسْثِيرْ إِ هَاثَاخْ ؤُشَا ثُومُورْ إِ-ث [أَذْ يِينِي] إِ مُورْذَاخَايْ:
EST 4:11 ”مَارَّا إِمْسخَّارنْ ن ؤُجدْجِيذْ ذ مَارَّا ڒْڭنْسْ ذِي لْعَامَالَاثْ ن ؤُجدْجِيذْ سّْننْ مْلِيحْ بلِّي مَارَّا وِي غَا يَاذْفنْ غَارْ ؤُجدْجِيذْ ذڭْ وَازَّايْ ن زَّاثْ، أَمْ وَارْ د-إِتّْوَاڒَاغَا، ذ أَرْيَازْ نِيغْ ذ ثَامْغَارْثْ [إِ إِدْجَا]، أَقَا [ذِينْ] خَاسْ إِجّْ ن ڒحْكَامْ وَاهَا، ذ ڒْموْثْ، مْغِيرْ مَاڒَا أَجدْجِيذْ إِسّْوِيژّضْ أَسْ أَزدْجَاضْ [نّسْ] ن وُورغْ، حِيمَا أَذْ إِقِّيمْ إِدَّارْ. ثْڒَاثِينْ ن وُوسَّانْ-أَ إِ إِعْذُونْ وَارْ خَافِي د-إِڒَاغَا حذْ مَاحنْذْ أَذْ د-أَسغْ غَارْ ؤُجدْجِيذْ.“
EST 4:12 عَاوْذنْ نِيثْنِي أَوَاڒنْ ن إِسْثِيرْ إِ مُورْذَاخَايْ.
EST 4:13 [خنِّي] إِنَّا مُورْذَاخَايْ، أَذْ إِنِينْ إِ إِسْثِيرْ عَاوذْ: ”وَارْ ثْخمَّامْ، أَقَا شمْ ثْزمَّارذْ أَذْ ثَاروْڒذْ ذِي ثَادَّارْثْ ن ؤُجدْجِيذْ، كْثَارْ خْ مَارَّا وُوذَاينْ نّغْنِي.
EST 4:14 مِينْزِي مَاڒَا شمْ ثسّغْذذْ س ثِيذتّْ ذِي ڒْوقْثْ-أَ، أَذْ ذِينْ ثِيڒِي ڒفْسَاسثْ ذ ؤُسلّكْ إِ وُوذَاينْ زڭْ وبْرِيذْ نّغْنِي، مَاشَا شمْ ذ ثَادَّارْثْ ن بَابَامْ أَذْ تّْوَاردّْدْجنْ. وِي إِسّْننْ مَا ثكْسِيذْ أَوقَّارْ إِڭلّْذنْ غَارْ  إِشْثْ ن ڒْوقْثْ أَمْ ثَانِيثَا؟“
EST 4:15 [خنِّي] إِنَّا إِسْثِيرْ، إِتّْخصَّا أَذْ د-أَرّنْ خْ مُورْذَاخَايْ:
EST 4:16 ”ؤُيُورْ، سْمُونْ مَارَّا ؤُذَاينْ إِ إِزدّْغنْ ذِي شُوشَانْ ؤُشَا ژُومّمْ أَيِي إِ نشّْ، وَارْ ثتّمْ، وَارْ ثْسسّمْ ثْڒَاثَا ن وُوسَّانْ، دْجِيڒثْ ذ وَاسّْ. ؤُڒَا ذ نشّْ ذ ثمْسخَّارِينْ إِنُو ثِيمژْيَانِينْ أَذْ ژُومّنْثْ أَمُّو، ؤُشَا خنِّي أَذْ أَذْفغْ غَارْ ؤُجدْجِيذْ مِينْ وَارْ إِشُووَّارْ عْلَاحْسَابْ أَزرْفْ. مَاڒَا فْنِيغْ، [خنِّي] فْنِيغْ!“
EST 4:17 [خنِّي] إِفّغْ مُورْذَاخَايْ ؤُشَا إِڭَّا أَمْ مَامّشْ مَارَّا مِينْ خْ إِ ذ أَسْ ثُومُورْ إِسْثِيرْ.
EST 5:1 ذڭْ وَاسّْ وِيسّْ ثْڒَاثَا، إِمْسَارْ، أَقَا إِسْثِيرْ ثْيَارْضْ أَرُّوضْ إِڭلّْذنْ ؤُشَا ثْرُوحْ ثكَّارْ ذڭْ وَازَّايْ ن ذَاخڒْ ن ثَادَّارْثْ ن ؤُجدْجِيذْ، نِيشَانْ قِيبَاتْشْ إِ ؤُجمَّاضْ ن ثَادَّارْثْ ن ؤُجدْجِيذْ. ثُوغَا أَجدْجِيذْ إِقِّيمْ خْ ڒْعَارْشْ نّسْ ذِي ثَادَّارْثْ إِڭلّْذنْ أَرنْذَاذْ ن ثوَّارْثْ ن ثَادَّارْثْ.
EST 5:2 [ؤُمِي] إِژْرَا ؤُجدْجِيذْ ثَاجدْجِيذْثْ إِسْثِيرْ ثْبدّْ ذڭْ وَازَّايْ، إِمْسَارْ، أَقَا ثُوفَا أَرْضَا ذِي ثِيطَّاوِينْ نّسْ، أَڒَامِي إِسّڒْقَا ؤُجدْجِيذْ أَزدْجَاضْ [نّسْ] ن وُورغْ إِ ثُوغَا غَارسْ ذڭْ ؤُفُوسْ نّسْ إِ إِسْثِيرْ ؤُشَا ثْقَارّبْ-د إِسْثِيرْ، ثْحَاذَا ثِيخفْثْ ن ؤُزدْجَاضْ.
EST 5:3 [خنِّي] إِنَّا أَسْ ؤُجدْجِيذْ: ”مِينْ شمْ يُوغِينْ، [أَ] ثَاجدْجِيذْثْ إِسْثِيرْ، نِيغْ مِينْ ثعْنَا ثُوثْرَا نّمْ؟ أَذْ أَمْ ثمّوْشْ، وَاخَّا ثدْجَا ذ أَزْينْ ن ثْڭلْذِيثْ!“
EST 5:4 ثنَّا إِسْثِيرْ: ”مَاڒَا ثُوسَا أَسْ-د إِ ؤُجدْجِيذْ س ڒْخَاضَارْ، أَقَا نتَّا أَذْ د-يَاسْ أَسّْ-أَ أَكْ-ذ هَامَانْ غَارْ زَّارْذثْ إِ ذ أَسْ سّْوجْذغْ.“
EST 5:5 [خنِّي] إِنَّا ؤُجدْجِيذْ: ”أَرّمْ هَامَانْ أَذْ إِقدْجقْ أَذْ إِڭّْ أَمْ مَامّشْ ثنَّا إِسْثِيرْ.“ [ڒَْامِي] د-يُوسَا ؤُجدْجِيذْ أَكْ-ذ هَامَانْ غَارْ زَّارْذثْ نِّي إِ ثسّوْجذْ إِسْثِيرْ،
EST 5:6 إِنَّا ؤُجدْجِيذْ إِ إِسْثِيرْ ؤُمِي سْوِينْ بِينُو: ”مِينْ ذَايمْ [إِدْجَانْ] ذ مژْرِي؟ أَذْ أَمْ إِمّوْشْ. مِينْ [إِدْجَانْ] ذ ثُوثْرَا نّمْ؟ أَذْ غَارمْ ثِيڒِي وَاخَّا ذ أَزْينْ ن ثْڭلْذِيثْ.“
EST 5:7 [خنِّي] ثَارَّا-د خَاسْ إِسْثِيرْ، ثنَّا: ”وَا ذ مژْرِي إِنُو ذ ثُوثْرَا إِنُو:
EST 5:8 مَاڒَا [خنِّي] نشّْ ؤُفِيغْ أَرْضَا ذِي ثِيطَّاوِينْ ن ؤُجدْجِيذْ ؤُ مَاڒَا ثُوسَا أَسْ-د إِ ؤُجدْجِيذْ س ڒْخَاضَارْ حِيمَا أَذْ إِسِّيوضْ مژْرِي إِنُو ذ ثُوثْرَا إِنُو، أَقَا أَذْ د-يَاسْ ؤُجدْجِيذْ أَكْ-ذ هَامَانْ غَارْ زَّارْذثْ إِنُو نِّي ذ أَسْ إِ غَا سّْوجْذغْ، [خنِّي] ثِيوشَّا أَذْ ڭّغْ عْلَاحْسَابْ أَوَاڒْ ن ؤُجدْجِيذْ.“
EST 5:9 إِفّغْ هَامَانْ ذڭْ وَاسّْ نِّي، إِفَارْحْ ؤُ ثُوغَا-ث خْ ڒْخَاذَارْ نّسْ أَطَّاسْ، مَاشَا ؤُمِي إِژْرَا هَامَانْ مُورْذَاخَايْ إِقِّيمْ ذِي ثوَّارْثْ ن ؤُجدْجِيذْ، وَارْ إِكَّارْ، وَارْ غَارسْ إِنْهزّْ، [خنِّي] إِسْعَارْ هَامَانْ س وَاطَّاسْ.
EST 5:10 مَاشَا هَامَانْ إِثبّثْ سِيمَانْثْ نّسْ ؤُ [ؤُمِي] يِيوضْ غَارْ ثَادَّارْثْ، إِجَّا أَذْ د-أَسنْ إِمدُّوكَّاڒْ نّسْ ذ زَارَاشْ، ثَامْغَارْثْ نّسْ.
EST 5:11 إِسِّيوڒْ هَامَانْ أَكِيذْسنْ خْ ؤُعُودْجِي ن وَاڭْڒَا نّسْ ؤُ خْ إِحْرَامنْ نّسْ إِ غَارسْ إِدْجَانْ س وَاطَّاسْ ؤُ خْ مَارَّا مِينْ زِي إِ ذ أَسْ إِشنّعْ ؤُجدْجِيذْ ؤُ ذ مَامّشْ إِ-ث إِسّْڭعّذْ سنّجْ إِ ڒْحُوكَّامْ ذ إِمْسخَّارنْ ن ؤُجدْجِيذْ.
EST 5:12 عَاوذْ إِنَّا هَامَانْ: ”ؤُڒَا ذ ثَاجدْجِيذْثْ إِسْثِيرْ وَارْ ثجِّي حذْ أَذْ د-يَاسْ أَكْ-ذ ؤُجدْجِيذْ غَارْ زَّارْذثْ إِ ثسّوْجذْ، مْغِيرْ نشّْ، ؤُشَا أَحقَّا ؤُڒَا ذ ثِيوشَّا تّْوَاعَارْضغْ [جْمِيعْ] أَكْ-ذ ؤُجدْجِيذْ.
EST 5:13 مَاشَا مَانْ أَيَا مَارَّا وَارْ ذ أَيِي إِشْقِي مِينْ غَا كّغْ تّْوَاڒِيغْ مُورْذَاخَايْ، ؤُذَايْ، إِقِّيمْ ذِي ثوَّارْثْ ن ؤُجدْجِيذْ.“
EST 5:14 [خنِّي] ثنَّا زَارَاشْ، ثَامْغَارْثْ نّسْ، جْمِيعْ أَكْ-ذ إِمدُّوكَّاڒْ نّسْ: ”أجّْ أَذْ سّْبدّنْ إِشْثْ ن ثْحنَاشْثْ [مَانِي ث غَا أَيْڒنْ]، أَذْ يِيڒِي ڒُوعْڒَا نّسْ خمْسِينْ ن إِغِيڒنْ ؤُشَا غَارْ صّْبحْ أَذْ ثِينِيذْ إِ ؤُجدْجِيذْ، حِيمَا أَذْ غَارسْ أَيْڒنْ مُورْذَاخَايْ ؤُ [خنِّي] أَذْ ثُويُورذْ س ڒفْرَاحثْ غَارْ زَّارْذثْ أَكْ-ذ ؤُجدْجِيذْ.“ إِتّْغِيڒْ أَسْ إِ هَامَانْ أَقَا مَانْ أَيَا ذ إِجّْ ن شّْوَارْ إِشْنَا ؤُشَا سّْبدّنْ ثَاحْنَاشْثْ ن وَايَاڒْ.
EST 6:1 ذِي دْجِيڒثْ نِّي سِيمَانْثْ نّسْ ثُوغَا يُوڭِي أَذْ إِكّْ إِضصْ خْ ؤُجدْجِيذْ ؤُشَا إِنَّا أَذْ أَسْ د-أَوْينْ أَذْلِيسْ ن ڒِيذَارثْ ن إِمزْرُوينْ ؤُشَا غْرِينْ زَّايْسنْ زَّاثْ إِ وُوذمْ ن ؤُجدْجِيذْ.
EST 6:2 إِتّْوَافْ ؤُرَانْ [ذَايسْ]، أَقَا مُورْذَاخَايْ إِخبَّارْ خْ بِيغْثَانَا ذ ثَارَاشْ، ثْنَاينْ ن إِمْسخَّارنْ إِشنّْعنْ ن ؤُجدْجِيذْ، زڭْ إِعسَّاسنْ ن ثوَّارْثْ، إِنِّي ثُوغَا يَارزُّونْ أَذْ وْثنْ أَفُوسْ ن ؤُجدْجِيذْ أَحَاشْوِيرُوشْ.
EST 6:3 [خنِّي] إِنَّا ؤُجدْجِيذْ: ”مَانْ شَّانْ ذ ڒمْغَارثْ إِ إِتّْوَاڭّنْ إِ مُورْذَاخَايْ خْ مَانْ أَيَا؟“ إِمْسخَّارنْ إِحُوضْرِييّنْ ن ؤُجدْجِيذْ نِّي ثُوغَا إِ ذ أَسْ إِتّْسخَّارنْ، نَّانْ: ”وَارْ ذ أَسْ إِتّْوَاڭّْ وَالُو ذِي طّْوعْ نّسْ!“
EST 6:4 [خنِّي] إِنَّا ؤُجدْجِيذْ: ”وِي [ذِينْ] بَارَّا ذڭْ وَازَّايْ؟“ هَامَانْ ثُوغَا عَاذْ مَامّشْ د-إِتَّاذفْ غَارْ وَازَّايْ ن ثَادَّارْثْ ن ؤُجدْجِيذْ [إِ إِدْجَانْ] غَارْ بَارَّا قَاعْ حِيمَا أَذْ يِينِي إِ ؤُجدْجِيذْ حِيمَا أَذْ يَايڒْ مُورْذَاخَايْ غَارْ ثْحنَاشْثْ ن وَايَاڒْ، ثنِّي إِ ذ أَسْ إِسّوْجذْ.
EST 6:5 إِمْسخَّارنْ ن ؤُجدْجِيذْ نَّانْ أَسْ: ”أَقَا ذ هَامَانْ إِ ذَا إِبدّنْ ذڭْ وَازَّايْ.“ [خنِّي] إِنَّا ؤُجدْجِيذْ: ”أجّْ إِ-ث أَذْ يَاذفْ!“
EST 6:6 [خْمِي] يُوذفْ هَامَانْ، إِنَّا أَسْ ؤُجدْجِيذْ: ”مِينْ غَا إِتّْوَاڭّنْ أَكْ-ذ ورْيَازْ إِ ؤُمِي إِخْسْ ؤُجدْجِيذْ أَذْ ث إِشنّعْ؟“ إِخمّمْ هَامَانْ ذڭْ وُوڒْ نّسْ: ”مَانْ ونْ إِخْسْ ؤُجدْجِيذْ أَذْ إِشنّعْ كْثَارْ زَّايِي؟“
EST 6:7 س ؤُينِّي يَارَّا-د هَامَانْ خْ ؤُجدْجِيذْ: ”أَرْيَازْ إِ إِخْسْ ؤُجدْجِيذْ أَذْ ث إِشنّعْ،
EST 6:8 أَذْ أَسْ إِمّوْشْ ثْشَامِيرْ إِڭلّْذنْ إِ زِي إِنُّومْ ؤُجدْجِيذْ أَذْ يَارْضْ ؤُڒَا ذ أَيِيسْ إِ خفْ إِنُّومْ ؤُجدْجِيذْ أَذْ إِنِييْ ؤُشَا أَذْ سَّارْسنْ إِجّْ ن تَّاجْ إِڭلّْذنْ خْ ؤُزدْجِيفْ نّسْ.
EST 6:9 أَذْ ڭّنْ ثْشَامِيرْ ذ ؤُيِيسْ ذڭْ ؤُفُوسْ ن إِجّْ زِي ڒْحُوكَّامْ ن ؤُجدْجِيذْ، [إِجّنْ] زِي ثَارْوَا ن ثَاصِيڒثْ، ؤُشَا أَذْ زَّايسْ سّْيَارْضنْ أَرْيَازْ نِّي إِ إِخْسْ ؤُجدْجِيذْ أَذْ إِشنّعْ ؤُشَا أَذْ ث سّْنذْهنْ خْ ؤُيِيسْ ذڭْ وَازَّايْ ن ثنْذِينْثْ، ؤُشَا أَذْ بَارّْحنْ: ’أَمُّو إِ غَا إِتّْوَاڭّْ أَكْ-ذ ورْيَازْ، ونِّي إِخْسْ ؤُجدْجِيذْ أَذْ ث إِشنّعْ!‘ “
EST 6:10 [خنِّي] إِنَّا ؤُجدْجِيذْ إِ هَامَانْ: ”قدْجقْ، كْسِي ثْشَامِيرْ ذ ؤُيِيسْ أَمْ مَامّشْ ثنِّيذْ ؤُشَا أڭّْ أَمنِّي أَكْ-ذ مُورْذَاخَايْ ونِّي إِقِّيمنْ ذِي ثوَّارْثْ ن ؤُجدْجِيذْ ؤُ وَارْ تّجِّي ؤُڒَا ذ إِجّْ ن وَاوَاڒْ أَذْ إِوْضَا زِي مَارَّا مِينْ ثسِّيوْڒذْ.“
EST 6:11 إِكْسِي هَامَانْ ثْشَامِيرْ ذ ؤُيِيسْ ؤُشَا إِسّْيَارْضْ مُورْذَاخَايْ س ثْشَامِيرْ ؤُ إِسّْنذْهْ إِ-ث خْ وَازَّايْ ن ثنْذِينْثْ ؤُشَا إِسّكَّارْ أَبَارّحْ قِيبَاتْشْ نّسْ: ”أَمُّو إِ غَا إِتّْوَاڭّْ أَكْ-ذ ورْيَازْ ونِّي ؤُمِي إِخْسْ ؤُجدْجِيذْ أَذْ أَسْ إِشنّعْ!‘“
EST 6:12 [أَوَارْنِي أَيَا] إِعْقبْ مُورْذَاخَايْ عَاوذْ غَارْ ثوَّارْثْ ن ؤُجدْجِيذْ، مَاشَا هَامَانْ يُويُورْ ذغْيَا غَارْ ثَادَّارْثْ، إِحْزنْ ؤُ ثُوغَا أَزدْجِيفْ نّسْ إِڒحّفْ.
EST 6:13 إِعَاوذْ هَامَانْ إِ زَارَاشْ، ثَامْغَارْثْ نّسْ، ؤُ إِ مَارَّا إِمدُّوكَّاڒْ نّسْ مَارَّا مِينْ إِ ذ أَسْ إِمْسَارنْ. [خنِّي] نَّانْ أَسْ إِمِيغِيسنْ نّسْ ذ زَارَاشْ، ثَامْغَارْثْ نّسْ: ”مَاڒَا مُورْذَاخَايْ، ونِّي زَّاثْ إِ وُوذمْ نّسْ ثبْذِيذْ أَذْ ثوْضِيذْ، زِي زَّارِيعثْ ن وُوذَاينْ إِ يدْجَا، وَارْ ذ أَسْ ثْزمَّارذْ، مَاشَا س ثِيذتّْ أَذْ ثوْضِيذْ زَّاثْ إِ وُوذمْ نّسْ.“
EST 6:14 ؤُمِي نِيثْنِي سِّيوْڒنْ عَاذْ أَكِيذسْ، ؤُسِينْ-د إِمْسخَّارنْ إِشنّْعنْ ذ ؤُجدْجِيذْ ؤُشَا قدْجْقنْ أَذْ أَوْينْ هَامَانْ غَارْ زَّارْذثْ نِّي ثسّوْجذْ إِسْثِيرْ.
EST 7:1 [ؤُمِي] د-يِيوضْ ؤُجدْجِيذْ أَكْ-ذ هَامَانْ حِيمَا أَذْ سْونْ أَكْ-ذ ثْجدْجِيذْثْ إِسْثِيرْ،
EST 7:2 إِنَّا ؤُجدْجِيذْ، عَاوذْ ذڭْ وَاسّْ وِيسّْ ثْنَاينْ، أَكْ-ذ ثِيسِّيثْ ن بِينُو إِ إِسْثِيرْ: ”مِينْ ذَايمْ إِدْجَانْ ذ مژْرِي، [أَ] ثَاجدْجِيذْثْ إِسْثِيرْ! أَذْ أَمْ إِمّوْشْ. ذ مِينْ [إِدْجَانْ] ذ ثُوثْرَا نّمْ؟ أَذْ غَارمْ ثِيڒِي وَاخَّا ذ أَزْينْ ن ثْڭلْذِيثْ.“
EST 7:3 [خنِّي] ثَارَّا-د خَاسْ ثْجدْجِيذْثْ إِسْثِيرْ، ثنَّا: ”مَاڒَا [خنِّي] ؤُفِيغْ أَرْضَا ذِي ثِيطَّاوِينْ نّشْ، [أَ] أَجدْجِيذْ، ؤُ مَاڒَا ثُوسَا أَسْ-د إِ ؤُجدْجِيذْ س ڒْخَاضَارْ، أجّْ أَذْ أَيِي وْشنْ ثُوذَارْثْ إِنُو خْ مژْرِي إِنُو ؤُ ڒْڭنْسْ إِنُو خْ ثُوثْرَا إِنُو.
EST 7:4 مَاغَارْ نشِّينْ نمّنْزْ، نشّْ ذ ڒْڭنْسْ إِنُو، مَاحنْذْ أَذْ نتّْوَاردّدْجْ ؤُ أَذْ نتّْوَاثحَّا. مَاڒَا نمّنْزْ أَمْ يِيسمْغَانْ ذ ثِييَّا، نشّْ أَذْ سُّوسْمغْ، مِينْزِي خْ ؤُيَا ڒحْصَارثْ وَارْ ثتِّيڒِي أَنشْثْ أَڒَامِي إِشُووَّارْ أَذْ صدّْعغْ أَجدْجِيذْ.“
EST 7:5 [خنِّي] إِسِّيوڒْ ؤُجدْجِيذْ أَحَاشْوِيرُوشْ، إِنَّا إِ ثْجدْجِيذْثْ إِسْثِيرْ: ”مِينْ إِعْنَا نتَّا ؤُ مَانِي إِدْجَا ونِّي غَارْ إِدْجَا وُوڒْ إِشُّورْ مَاحنْذْ أَذْ إِڭّْ أَمُّو؟“
EST 7:6 ثنَّا أَسْ إِسْثِيرْ: ”أَرْيَازْ [نِّي] إِ ذ أَنغْ إِحْصَارنْ ذ ڒعْذُو [نّغْ]، أَقَا ذ وَا ذ هَامَانْ أَعفَّانْ!“ [خنِّي] إِنّخْڒعْ هَامَانْ زَّاثْ إِ وُوذمْ ن ؤُجدْجِيذْ ذ ثْجدْجِيذْثْ.
EST 7:7 إِكَّارْ ؤُجدْجِيذْ س وسْعَارْ، إِجَّا ثِيسِّيثْ ن بِينُو ؤُشَا يُويُورْ غَارْ وحْوِيشْ ن ڒقْصَارْ. هَامَانْ إِقِّيمْ إِبدّْ مَاحنْذْ أَذْ إِحشّمْ ثَاجدْجِيذْثْ إِسْثِيرْ ذِي طّْوعْ ن ثُوذَارْثْ نّسْ، مَاغَارْ يُوشَا أَكْ-ذ ؤُجدْجِيذْ أَقَا إِعوّڒْ أَذْ أَسْ إِڭّْ ڒْغَارْ.
EST 7:8 [أَڒَامِي] د-إِذْوڒْ إِجدْجِيذْ زڭْ وحْوِيشْ ن ڒقْصَارْ غَارْ ثَادَّارْثْ مَانِي ثدْجَا طَّابْڒَا ن بِينُو، يُوفَا هَامَانْ إِوْضَا خْ ڒمْطَارْبَاثْ إِ خْ ثُوغَا ثزّڒْ إِسْثِيرْ. [خنِّي] إِنَّا ؤُجدْجِيذْ: ”ڒخُّو أَقَا إِهكّْوڒْ ؤُڒَا ذ ثَاجدْجِيذْثْ غَارِي ذِي ثَادَّارْثْ!“ قَاعْ وَارْ د-إِفِّيغْ وَاوَاڒْ زڭْ ؤُقمُّونْ ن ؤُجدْجِيذْ، أَڒَامِي ثُوغَا [إِمْسخَّارنْ] ڒحّْفنْ أَسْ إِ هَامَانْ خْ ؤُغمْبُوبْ.
EST 7:9 حَارْپُونَا، إِجّْ زڭْ إِمْسخَّارنْ إِشنّْعنْ، إِنِّي ثُوغَا إِبدّنْ زَّاثْ إِ وُوذمْ ن ؤُجدْجِيذْ، إِنَّا: ”أَقَا ذِينْ ثَاحْنَاشْثْ [ن وَايَاڒْ]، ثنِّي إِ ثُوغَا إِڭَّا هَامَانْ إِ مُورْذَاخَايْ ونِّي ثُوغَا إِسِّيوڒْ مْلِيحْ ذڭْ ؤُجدْجِيذْ، ثْبدّْ غَارْ ثَادَّارْثْ ن هَامَانْ ؤُ ڒُوعْڒَا نّسْ خمْسِينْ ن إِغِيڒنْ.“ [خنِّي] إِنَّا ؤُجدْجِيذْ: ”أَيْڒمْ غَارسْ هَامَانْ!“
EST 7:10 ؤُيْڒنْ هَامَانْ غَارْ ثحْنَاشْثْ إِ ثُوغَا إِڭَّا نتَّا سِيمَانْثْ نّسْ إِ مُورْذَاخَايْ ؤُشَا يَارْسَا وسْعَارْ ن ؤُجدْجِيذْ.
EST 8:1 ذڭْ وَاسّْ نِّي أَجدْجِيذْ إِوْشَا أَسْ إِ ثْجدْجِيذْثْ إِسْثِيرْ ثَادَّارْثْ ن هَامَانْ، ڒعْذُو ن وُوذَاينْ، ؤُشَا يُوسَا-د مُورْذَاخَايْ زَّاثْ إِ وُوذمْ ن ؤُجدْجِيذْ، مِينْزِي إِسْثِيرْ ثْخبَّارْ س مِينْزِي [ذ أَسْ د-إِتَّاسْ] إِ نتَّاثْ.
EST 8:2 إِكّسْ-د ؤُجدْجِيذْ ثَاخَاذنْثْ نّسْ ن ؤُشمِّيعْ، ثنِّي ثُوغَا د-إِكّسْ زِي هَامَانْ ؤُشَا إِوْشَا أَسْ-ت إِ مُورْذَاخَايْ، ؤُ إِسْثِيرْ ثڭَّا مُورْذَاخَايْ خْ ثَادَّارْثْ ن هَامَانْ.
EST 8:3 ثسِّيوڒْ إِسْثِيرْ ثْوَاڒَا نّغْنِي أَكْ-ذ ؤُجدْجِيذْ، ثوْضَا أَسْ غَارْ إِضَارنْ، ثثْرُو ؤُ ثْحشّمْ إِ-ث مَاحنْذْ أَذْ إِسِّيڭّْوجْ ثَاعفَّانْثْ ن هَامَانْ، أَجَاجِي، ؤُڒَا ذ ثَامعْمُوتْشْ إِ ثُوغَا إِخَارّصْ ضِيدّْ إِ وُوذَاينْ.
EST 8:4 إِسّْوِيژّضْ ؤُجدْجِيذْ إِ إِسْثِيرْ أَزدْجَاضْ [نّسْ] ن وُورغْ. [خنِّي] إِسْثِيرْ ثكَّارْ، ثْبدّْ زَّاثْ إِ وُوذمْ ن ؤُجدْجِيذْ،
EST 8:5 ثنَّا: ”مَاڒَا مْلِيحْ إِ ؤُجدْجِيذْ ؤُ نشّْ ؤُفِيغْ ڒْخَاضَارْ زَّاثْ إِ وُوذمْ نّسْ ؤُ مَاڒَا ثْسڭّمْ ثْمسْڒَاشْثْ-أَ زَّاثْ إِ وُوذمْ ن ؤُجدْجِيذْ ؤُ نشّْ ؤُذْفغْ أَسْ ذِي ڒْخَاضَارْ ذِي ثِيطَّاوِينْ نّسْ، أجّْ أَذْ أَرِينْ [شَا] حِيمَا أَذْ تّْوَابضْڒنْثْ ثبْرَاثِينْ نِّي ذِي ثدْجَا ثْمعْمُوتْشْ ن هَامَانْ، مِّيسْ ن هَامَّاذَاثَا، أَجَاجِي، ثِينِّي إِ يُورَا إِ ؤُهلّكْ ن وُوذَاينْ ذِي مَارَّا لْعَامَالَاثْ ن ؤُجدْجِيذْ.
EST 8:6 مَاغَارْ مَامّشْ زمَّاريْ أَذْ خْزَارغْ ڒْغَارْ إِ غَا إِڒقْفنْ ڒْڭنْسْ إِنُو؟ ؤُ مَامّشْ زمَّارغْ أَذْ خْزَارغْ أَهلّكْ ن جَّاذِيرَا إِنُو؟“
EST 8:7 [خنِّي] إِنَّا ؤُجدْجِيذْ أَحَاشْوِيرُوشْ إِ ثْجدْجِيذْثْ إِسْثِيرْ ؤُ إِ وُوذَايْ مُورْذَاخَايْ: ”خْزَارْ، وْشِيغْ ثَادَّارْثْ ن هَامَانْ إِ إِسْثِيرْ ؤُ نتَّا س يِيخفْ نّسْ ؤُيْڒغْ ث غَارْ ثْحنَاشْثْ، مِينْزِي إِسّْوِيژّذْ أَفُوسْ نّسْ غَارْ وُوذَاينْ.
EST 8:8 أَذْ ثَارِيمْ كنِّيوْ [سِيمَانْثْ نْومْ] س يِيسمْ ن ؤُجدْجِيذْ مِينْ إِدْجَانْ إِشْنَا ذِي ثِيطَّاوِينْ نْومْ ذِي طّْوعْ ن وُوذَاينْ. شمّْعمْ ث س ثْخَاذنْثْ ن ؤُجدْجِيذْ، مِينْزِي ثِيرَا إِ يُورَانْ س يِيسمْ ن ؤُجدْجِيذْ ؤُ شمّْعمْ ثنْثْ س ثْخَاذنْثْ ن ؤُشمِّيعْ ن ؤُجدْجِيذْ، وَارْ إِزمَّارْ حذْ أَذْ ثنْثْ إِبْضڒْ.“
EST 8:9 [خنِّي] تّْوَاڒَاغَانْ إِمَارِيرنْ ن ؤُجدْجِيذْ، ذڭْ وَاسّْ نِّي، ذڭْ ؤُيُورْ وِيسّْ ثْڒَاثَا، ونِّي ؤُمِي [قَّارنْ أَسْ] أَيُورْ ن سِيوَانْ، ذڭْ [وَاسّْ] وِيسّْ ثْڒَاثَا ؤُ-عِيشْرِينْ زَّايسْ، ؤُشَا ؤُرَانْ أَمْ مَامّشْ مَارَّا مِينْ يُومُورْ مُورْذَاخَايْ، [أَقَا ؤُرَانْ] ث إِ وُوذَاينْ، إِ إِجدْجِيذنْ [إِ إِدْجَانْ] سَاذُو إِ ؤُجدْجِيذْ ؤُ إِ لْوُولَاثْ ؤُ إِ ڒْحُوكَّامْ ن لْعَامَالَاثْ، زِي ڒْهنْذْ أَڒْ كُوشْ، مْيَا ؤُ-سبْعَا ؤُ-عِيشْرِينْ ن لْعَامَالَاثْ، [إِ] كُوڒْ لْعَامَالَا س ثِيرَا نّسْ ؤُ [إِ] كُوڒْ ڒْڭنْسْ س يِيڒسْ نّسْ ؤُ [عَاوذْ] إِ وُوذَاينْ س ثِيرَا نْسنْ ؤُ س يِيڒسْ نْسنْ.
EST 8:10 إِتّْوَارِي س يِيسمْ ن ؤُجدْجِيذْ أَحَاشْوِيرُوشْ ؤُ ثتّْوَاشمّعْ [ثبْرَاثْ] س ثْخَاذنْثْ ن ؤُشمِّيعْ ن ؤُجدْجِيذْ ؤُشَا سّكّنْ ثِيبْرَاثِينْ نِّي أَكْ-ذ إِرقَّاسنْ ن ثَازْڒَا خْ ييْسَانْ، نْيِينْ خْ ييْسَانْ ن ثَازْڒَا إِڭلّْذنْ ن جَّاذِيرَا إِشْنَانْ قَاعْ.
EST 8:11 [ذِي ثبْرَاثِينْ نِّي] إِوْشَا ؤُجدْجِيذْ [تّسْرِيحْ] إِ وُوذَاينْ مَاحنْذْ أَذْ مُوننْ ذِي كُوڒْ ثَانْذِينْثْ إِ ذِي دْجَانْ، أَذْ كَّارنْ ذِي طّْوعْ ن ثُوذَارْثْ نْسنْ، حِيمَا أَذْ أَردّْدْجنْ، أَذْ نْغنْ ؤُ أَذْ ثحَّانْ كُوڒْ ڒْعسْكَارْ زِي ڒْڭنْسْ ذ لْعَامَالَا نِّي ثنْ إِ غَا إِحْصَارنْ، ؤُڒَا ذ إِحنْجِيرنْ إِمژْيَاننْ ذ ثمْغَارِينْ، ؤُ حِيمَا أَذْ طّْفنْ مِينْ زَّايْسنْ،
EST 8:12 [ذ مَانْ أَيَا] ذڭْ وَاسّْ ذ إِجّنْ ذِي مَارَّا لْعَامَالَاثْ ن ؤُجدْجِيذْ أَحَاشْوِيرُوشْ، ذڭْ [وَاسّْ] وِيسّْ ثْڒطَّاشْ ن ؤُيُورْ وِيسّْ ثنْعَاشْ، أَقَا-ث ذ أَيُورْ ن أَذَارْ.
EST 8:13 ثُوغَا إِتّْخصَّا أَذْ ثتّْوَاسُّوفّغْ إِشْثْ ن ثِيڒمْثْ ن ثِيرَا-يَا أَمْ ؤُزرْفْ ذِي مَارَّا لْعَامَالَاثْ مَاحنْذْ أَذْ إِتّْوَاسَّارْڭبْ إِ مَارَّا ڒڭْنُوسْ، أَقَا ؤُذَاينْ أَذْ إِڒِينْ حزّْمنْ ذڭْ وَاسّْ نِّي حِيمَا أَذْ نْثَاقْمنْ زِي ڒْعذْيَانْ نْسنْ.
EST 8:14 إِرقَّاسنْ ن ثَازْڒَا، إِنِّي ينْيِينْ خْ ييْسَانْ ن ثَازْڒَا إِڭلّْذنْ، فّْغنْ ذغْيَا، تّْوَاشجّْعنْ س ؤُزيَّارْ س وَاوَاڒْ ن ؤُجدْجِيذْ. إِتّْوَاسُّوفّغْ ؤُزرْفْ عَاوذْ ذِي لْقلْعَا ن شُوشَانْ.
EST 8:15 خَاسْ ؤُشَا إِفّغْ-د مُورْذَاخَايْ زَّاثْ إِ وُوذمْ ن ؤُجدْجِيذْ ذڭْ ؤُسڒْهَامْ إِڭلّْذنْ [ن ؤُفِيڒُو] أَذهْمَانِي ذ ؤُشمْڒَاڒْ ؤُ س إِجّْ ن تَّاجْ ذ أَمقّْرَانْ ن وُورغْ ذ ؤُسڒْهَامْ ن ڒقْطنْ أَزْذَاذْ ذ ؤُفِيڒُو أَرْجُووَانِي، ؤُشَا ثَانْذِينْثْ ن شُوشَانْ نڭْزنْ ذَايسْ إِوْذَانْ س ڒفْرَاحثْ.
EST 8:16 ؤُذَاينْ ثُوغَا غَارْسنْ ثْفَاوْثْ ذ ڒفْرَاحثْ، ذ وَارْشُوقْ ذ شَّانْ.
EST 8:17 ذِي كُوڒْ لْعَامَالَا ؤُ ذِي كُوڒْ ثَانْذِينْثْ مَانِي مَا د-يِيوضْ وَاوَاڒْ ن ؤُجدْجِيذْ ذ ؤُزرْفْ نّسْ، ثُوغَا ذِينْ ڒفْرَاحثْ ذ وَارْشُوقْ جَارْ وُوذَاينْ ذ زّْرُوذْ ذ وُوسَّانْ إِصبْحنْ ؤُ وَاطَّاسْ زِي ڒڭْنُوسْ ن ثمُّورْثْ ذوْڒنْ ذ ؤُذَاينْ، مِينْزِي ثوْضَا-د خَاسنْ ثِيڭّْوُوذِي زڭْ وُوذَاينْ.
EST 9:1 ذڭْ ؤُيُورْ وِيسّْ ثنْعَاشْ، ونِّي ذ أَيُورْ ن أَذَارْ، ذڭْ وَاسّْ وِيسّْ ثْڒطَّاشْ زڭْ ؤُيُورْ نِّي، ؤُمِي د-ثِيوضْ [ڒْوقْثْ] إِ ذِي ثُوغَا أَذْ ڭّنْ أَوَاڒْ ن ؤُجدْجِيذْ ذ ؤُزرْفْ نّسْ، ذڭْ وَاسّْ إِ ذِي ثُوغَا تّْرَاجَانْ ڒْعذْيَانْ ن وُوذَاينْ أَذْ خَاسنْ مّنْضَارنْ، ثُوغَا ڒْحَاڒْ س ڒْعكْسْ، مَاغَارْ ؤُذَاينْ مّنْضَارنْ خْ يِينِّي ثنْ إِشَارْهنْ.
EST 9:2 سّْمُوننْ ؤُذَاينْ ذِي ثْندَّامْ نْسنْ ذِي مَارَّا لْعَامَالَاثْ ن ؤُجدْجِيذْ أَحَاشْوِيرُوشْ، مَاحنْذْ أَذْ وْثنْ إِنِّي ثُوغَا إِتّخْسنْ أَذْ ذَايْسنْ ڭّنْ ڒْغَارْ، ؤُشَا ؤُڒَا ذ إِجّْ إِزمَّارْ أَذْ إِقِّيمْ إِبدّْ زَّاثْسنْ، مِينْزِي مَارَّا ڒڭْنُوسْ ثُوغَا فشْڒنْ س ثِيڭّْوُوذِي زڭْ وُوذَاينْ.
EST 9:3 مَارَّا ڒْحُوكَّامْ ن لْعَامَالَاثْ ذ إِجدْجِيذنْ [إِ إِدْجَانْ] سَاذُو ؤُجدْجِيذْ ذ لْوُولَاثْ ذ إِمْسخَّارنْ ن ؤُجدْجِيذْ وْشِينْ أَفُوسْ إِ وُوذَاينْ، مِينْزِي ثِيڭّْوُوذِي ن مُورْذَاخَايْ ثوْضَا خَاسنْ،
EST 9:4 مِينْزِي مُورْذَاخَايْ ثُوغَا غَارسْ شَّانْ ذِي ثَادَّارْثْ ن ؤُجدْجِيذْ ؤُشَا ڒخْبَارْ نّسْ إِفّغْ غَارْ مَارَّا لْعَامَالَاثْ، مِينْزِي أَرْيَازْ مُورْذَاخَايْ ثُوغَا صُّولْطَا نّسْ ثَارنِّي عَاذْ.
EST 9:5 غڒْبنْ وُوذَاينْ مَارَّا ڒْعذْيَانْ نْسنْ أَمْ ثنْ شَّاثنْ س سِّيفْ، س ونْغَايْ ذ ؤُهلّكْ. ڭِّينْ أَكْ-ذ يِينِّي ثنْ إِشَارّْهنْ أَمْ مَامّشْ خْسنْ نِيثْنِي.
EST 9:6 ذِي لْقلْعَا ن شُوشَانْ نْغِينْ ؤُ هلّْكنْ ؤُذَاينْ خمْسَا-مْيَا ن يرْيَازنْ.
EST 9:7 [ؤُڒَا ذ] فَارْشَانْذَاثَا ذ ذَالْفُونْ ذ أَشْفَاثْ
EST 9:8 ذ فُورَاثَا ذ أَذَالْيَا ذ أَرِيذَاثَا
EST 9:9 ذ فَارْمَاشْثَا ذ أَرِيسَايْ ذ أَرِيذَايْ ذ وَايْزَاثَا،
EST 9:10 عشْرَا ن إِحنْجِيرنْ ن هَامَانْ، مِّيسْ ن هَامَاذَاثْ، ڒعْذُو ن وُوذَاينْ، نْغِينْ ثنْ، مَاشَا وَارْ سّْوِيژّْضنْ شَا إِفَاسّنْ نْسنْ غَارْ ثْكشَّاضْثْ.
EST 9:11 ذڭْ وَاسّْ نِّي ذ إِجّْ إِوْينْ-د قدَّا ن إِمتَّانْ زَّاثْ إِ وُوذمْ ن ؤُجدْجِيذْ ذِي لْقلْعَا ن شُوشَانْ.
EST 9:12 إِنَّا ؤُجدْجِيذْ إِ ثْجدْجِيذْثْ إِسْثِيرْ: ”ذِي لْقلْعَا ن شُوشَانْ ؤُذَاينْ نْغِينْ ؤُ هلّْكنْ خمْسَا-مْيَا ن يرْيَازنْ ؤُڒَا ذعشْرَا ن إِحنْجِيرنْ ن هَامَانْ. مِينْ غَا يِيڒِي ڭِّينْ [عَاذْ] ذِي لْعَامَالَاثْ نّغْنِي ن ؤُجدْجِيذْ؟ مِينْ ذِينْ [عَاذْ] غَارمْ ذ أَسِيثمْ؟ أَذْ أَمْ إِمّوْشْ! مِينْ ثسِّيثِيمذْ؟ أَذْ غَارمْ يِيڒِي!“
EST 9:13 [خنِّي] ثنَّا إِسْثِيرْ: ”مَاڒَا مْلِيحْ إِ ؤُجدْجِيذْ، أجّْ أَذْ إِمّوْشْ تّسْرِيحْ إِ وُوذَاينْ [إِ إِدْجَانْ] ذِي شُوشَانْ ؤُڒَا ذ ثِيوشَّا مَاحنْذْ أَذْ ڭّنْ عْلَاحْسَابْ أَزرْفْ ن وَاسّْ-أَ، ؤُشَا أجّْ أَذْ أَيْڒنْعشْرَا ن إِحنْجِيرنْ ن هَامَانْ غَارْ ثحْنَاشْثْ.“
EST 9:14 [خنِّي] إِنَّا ؤُجدْجِيذْ مَاحنْذْ أَذْ ڭّنْ أَمنِّي. [ڒخْذنِّي] إِتّْوَاسُّوفّغْ-د إِجّْ ن ؤُزرْفْ ذِي شُوشَانْ ؤُشَا ؤُيْڒنْعشْرَا ن إِحنْجِيرنْ ن هَامَانْ.
EST 9:15 ؤُذَاينْ نِّي [إِدْجَانْ] ذِي شُوشَانْ، مُوننْ عَاوذْ ذڭْ وَاسّْ وِيسّْ أَرْبعْطَاشْ ن ؤُيُورْ ن أَذَارْ ؤُشَا نْغِينْ ثڒْثْ-مْيَاثْ ن يرْيَازنْ، مَاشَا وَارْ سّْوِيژّْضنْ شَا إِفَاسّنْ نْسنْ غَارْ ثْكشَّاضْثْ.
EST 9:16 مُوننْ عَاوذْ وُوذَاينْ نّغْنِي ذِي لْعَامَالَاثْ ن ؤُجدْجِيذْ حِيمَا أَذْ كَّارنْ ذِي طّْوعْ ن ثُوذَارْثْ نْسنْ ؤُ حِيمَا أَذْ طّْفنْ ڒهْنَا زِي غَارْ ڒْعذْيَانْ نْسنْ. نْغِينْ خمْسَا ؤُ-سبْعِينْ-أَڒفْ ن يرْيَازنْ جَارْ إِنِّي ثنْ إِشَارّْهنْ، مَاشَا وَارْ سّْوِيژّْضنْ شَا إِفَاسّنْ نْسنْ غَارْ ثْكشَّاضْثْ.
EST 9:17 مَانْ أَيَا إِمْسَارْ ذڭْ وَاسّْ وِيسّْ ثْڒطَّاشْ ن ؤُيُورْ ن أَذَارْ ؤُ ذڭْ [وَاسّْ] وِيسّْ أَرْبعْطَاشْ زَّايسْ أَريّْحنْ ؤُشَا ڭِّينْ ث ذ إِجّْ ن وَاسّْ ن زَّارْذثْ ذ ڒفْرَاحثْ.
EST 9:18 ؤُذَاينْ نِّي [إِدْجَانْ] ذِي شُوشَانْ، مُوننْ ذڭْ [وَاسّْ] وِيسّْ ثْڒطَّاشْ [ن ؤُيُورْ] ؤُڒَا ذڭْ [وَاسّْ] وِيسّْ أَرْبعْطَاشْ ؤُشَا نِيثْنِي أَريّْحنْ ذڭْ وَاسّْ وِيسّْ خمّسْطَاشْ ؤُشَا ڭِّينْ ث ذ إِجّْ ن وَاسّْ ن زَّارْذثْ ذ ڒفْرَاحثْ.
EST 9:19 خْ ؤُيَا ؤُذَاينْ، إِنِّي [إِدْجَانْ] ذِي ڒْكَامْپُو، إِنِّي إِزدّْغنْ ذڭْ ثْندَّامْ بْڒَا ڒحْيُوضْ، ڭِّينْ أَسّْ وِيسّْ أَرْبعْطَاشْ ن ؤُيُورْ ن أَذَارْ ذ إِجّْ ن وَاسّْ ن ڒفْرَاحثْ ذ زَّارْذثْ ذ ڒْخَارْ، [أَسّْ] إِ ذِي سّكَّانْ أَرِّيغَالُوثْ إِجّْ إِ ونّغْنِي.
EST 9:20 إِزمّمْ مُورْذَاخَايْ إِمزْرُوينْ-أَ ؤُشَا إِسّكّْ ثِيبْرَاثِينْ إِ مَارَّا ؤُذَاينْ نِّي [إِدْجَانْ] ذِي مَارَّا لْعَامَالَاثْ ن ؤُجدْجِيذْ أَحَاشْوِيرُوشْ، إِ يِينِّي [إِدْجَانْ] يُوذْسنْ ذ إِنِّي [إِدْجَانْ] إِڭّْوجنْ،
EST 9:21 مَاحنْذْ أَذْ ثنْ أَرّنْ أَذْ حْضَانْ أَسّْ وِيسّْ أَرْبعْطَاشْ ن ؤُيُورْ ن أَذَارْ ؤُڒَا ذ وَاسّْ وِيسّْ خمّسْطَاشْ [زَّايسْ] زڭْ ؤُسڭّْوَاسْ أَڒْ أَسڭّْوَاسْ [نّغْنِي]
EST 9:22 - عْلَاحْسَابْ ؤُسَّانْ إِ ذِي طّْفنْ ؤُذَاينْ أَرَّاحثْ زِي ڒْعذْيَانْ نْسنْ، ؤُ [عْلَاحْسَابْ] أَيُورْ نِّي ثُوغَا [إِ ذ أَسنْ] إِبدّْڒنْ زِي ڒحْزنْ غَارْ رفْرَاحثْ ؤُ زڭْ وشْضَانْ غَارْ وَاسّْ أَصبْحَانْ - حِيمَا أَذْ ثنْ أَرّنْ ذ ؤُسَّانْ ن زَّارْذثْ ذ ڒفْرَاحثْ ؤُ [حِيمَا] كُوڒْ إِجّْ أَذْ إِسّكّْ أَغِيرَالُوثْ إِ ونّغْنِي ؤُ [حِيمَا] أَذْ وْشنْ إِ إِمزْڒَاضْ.
EST 9:23 قبْڒنْ وُوذَاينْ مِينْ بْذَانْ أَذْ ضْفَارنْ [عَاذْ] ؤُ مِينْ ذ أَسنْ يُورَانْ [س ؤُفُوسْ] ن مُورْذَاخَايْ،
EST 9:24 مِينْزِي هَامَانْ، مِّيسْ ن هَامَاذَاثَا، أَجَاجِي، ڒعْذُو ن مَارَّا ؤُذَاينْ، ثُوغَا إِتّْخَارّصْ إِجّْ ن ونْوَايْ ضِيدّْ إِ وُوذَاينْ مَاحنْذْ أَذْ ثنْ إِهلّكْ، ؤُ نتَّا ثُوغَا إِنْضَارْ ’بُورْ‘، أَقَا-ث ذ ثَاقدُّوحْثْ، حِيمَا أَذْ ثنْ يَاردّدْجْ ؤُ أَذْ ثنْ إِهلّكْ.
EST 9:25 [مَاشَا] ؤُمِي د-ثُوسَا [إِسْثِيرْ] زَّاثْ إِ وُوذمْ ن ؤُجدْجِيذْ، يُومُورْ نتَّا س ثِيرَا مَاحنْذْ أَذْ يَارّْ خْ ؤُزدْجِيفْ نّسْ أَنْوَايْ-أَ ذ أَعفَّانْ، ثنِّي ثُوغَا إِخَارّصْ ضِيدّْ إِ وُوذَاينْ، ؤُشَا ؤُيْڒنْ ث، نتَّا ذ إِحنْجِيرنْ نّسْ، غَارْ ثحْنَاشْثْ.
EST 9:26 خْ ؤُيَا ڒَاغَانْ ؤُسَّانْ-أَ ’بُورِيمْ‘، زڭْ إِسمْ ن ’بُورْ‘. خْ ؤُيَا، زِي سِّيبّثْ ن وَاوَاڒنْ ن ثبْرَاثْ-أَ ؤُ [زِي سِّيبّثْ ن] مِينْ ژْرِينْ س يِيخفْ نْسنْ زِي مَانْ أَيَا ؤُ [زِي سِّيبّثْ ن] مِينْ ذ أَسْ إِمْسَارنْ،
EST 9:27 كَّارنْ أَذْ حْضَانْ ؤُسَّانْ-أَ ؤُشَا قبْڒنْ وُوذَاينْ إِ يِيخفْ نْسنْ ؤُ إِ زَّارِيعثْ نْسنْ ؤُ إِ مَارَّا إِنِّي غَارْسنْ د-إِقّْننْ، مَاحنْذْ وَارْ سّْعدُّونْ شَا أَذْ حْضَانْ ثْنَاينْ ن وُوسَّانْ-أَ أَمْ مَامّشْ يُورَا ؤُ عْلَاحْسَابْ ڒْوقْثْ إِ غَارْسنْ إِتّْوَاڭّنْ إِ كُوڒْ أَسڭّْوَاسْ،
EST 9:28 ؤُشَا أَذْ إِذَارنْ ؤُ أَذْ حْضَانْ ؤُسَّانْ-أَ ذِي كُوڒْ جِّيڒْ، ذِي كُوڒْ ڒَادْجْ، ذِي كُوڒْ لْعَامَالَا ؤُ ذِي كُوڒْ ثَانْذِينْثْ ؤُ وَارْ سّْعدُّونْ شَا ؤُسَّانْ-أَ ن بُورِيمْ جَارْ وُوذَاينْ ؤُ وَارْ إِتّتّْوَاڭّْ ؤُنڭَّارْ غَارْ ڒِيذَارثْ نْسنْ س زَّارِيعثْ نْسنْ.
EST 9:29 ثُورَا ثْجدْجِيذْثْ إِسْثِيرْ، يدْجِيسْ ن أَبِيحَايِيلْ، [إِشْثْ ن ثْوَاڒَا نّغْنِي جْمِيعْ] أَكْ-ذ وُوذَايْ مُورْذَاخَايْ، س مَارَّا ثِيزمَّارْ [نْسنْ]، حِيمَا أَذْ ڭّنْ أَسشْنِي ذِي ثبْرَاثْ-أَ وِيسّْ ثْنَاينْ خْ [ثْمسْڒَاشْثْ ن] بُورِيمْ.
EST 9:30 إِسّكّْ ثِيبْرَاثِينْ إِ مَارَّا ؤُذَاينْ ذِي مْيَا ؤُ-سبْعَا ؤُ-عِيشْرِينْ ن لْعَامَالَاثْ ن ثْڭلْذِيثْ ن أَحَاشْوِيرُوشْ، [جْمِيعْ] أَكْ-ذ وَاوَاڒنْ ن ڒهْنَا ذ ڒَامَانْ،
EST 9:31 حِيمَا أَذْ نيّْشنْ ؤُسَّانْ-أَ ن بُورِيمْ ذِي ڒْوقْثْ نْسنْ إِتّْوَاڭّنْ، أَمْ مَامّشْ ذ أَسنْ يُومُورْ وُوذَايْ مُورْذَاخَايْ، [جْمِيعْ] أَكْ-ذ ثْجدْجِيذْثْ إِسْثِيرْ، ؤُ أَمْ مَامّشْ ڭِّينْ خْ يِيخفْ نْسنْ ؤُ خْ زَّارِيعثْ نْسنْ، [أَكْ-ذ] ڒُومُورَاثْ خْ ؤُژُومِّي ذ ؤُوطُّو نْسنْ ن ؤُڭجْذُورْ.
EST 9:32 خْ ڒُومُورْ ن إِسْثِيرْ بدّنْ وَاوَاڒنْ-أَ خْ [ڒْْعِيذْ ن] بُورِيمْ ؤُشَا مَانْ أَيَا إِتّْوَارَا ذڭْ إِجّْ ن وذْلِيسْ.
EST 10:1 إِڭَّا ؤُجدْجِيذْ أَحَاشْوِيرُوشْ ضَّارِيبَا خْ [يِينِّي سَاذُو نّسْ] ذِي ثمُّورْثْ ؤُ ذِي ثڭْزِيرِينْ نْ ڒبْحَارْ.
EST 10:2 مَارَّا مِينْ إِڭَّا [مُورْذَاخَايْ] ن جّهْذْ ذ ثْزمَّارْ ؤُڒَا ذ أَبَارّحْ خْ ڒمْغَارثْ ن مُورْذَاخَايْ، ونِّي ذ أَسْ إِوْشِينْ ؤُجدْجِيذْ إِجّْ ن شَّانْ إِمْغَارْ، مَا وَارْ ثنْ ؤُرِينْ ذڭْ وذْلِيسْ ن إِمزْرُوينْ ن إِجدْجِيذنْ ن مَاذَايْ ذ لْفُورْسْ؟
EST 10:3 مِينْزِي ثُوغَا مُورْذَاخَايْ ذ ونِّي وِيسّْ ثْنَاينْ أَوَارْنِي إِ ؤُجدْجِيذْ أَحَاشْوِيرُوشْ، ؤُشَا ثُوغَا-ث ذ أَمقّْرَانْ جَارْ وُوذَاينْ ؤُ أَطَّاسْ زڭْ أَيْثْمَاسْ أَرْضَانْ زَّايْسنْ ؤُ نتَّا ثُوغَا يَارزُّو مِينْ إِدْجَانْ حْسنْ إِ ڒْڭنْسْ نّسْ ؤُ ثُوغَا إِسَّاوَاڒْ س ڒْخَارْ خْ مَارَّا إِنِّي ن ڒْڭنْسْ نّسْ.
JOB 1:1 ثُوغَا ذِينْ إِجّْ ن ورْيَازْ ذِي ثمُّورْثْ ن عُوصْ قَّارنْ أَسْ أَيُوبْ. أَرْيَازْ-أَ ثُوغَا إِكْمڒْ ذ أَمْسڭّذْ، إِتّڭّْوذْ زِي أَربِّي ؤُ إِتّْحيَّاذْ خْ مِينْ إِدْجَانْ ذ أَعفَّانْ.
JOB 1:2 تّْوَارْونْ أَسْ-د سبْعَا ن إِحنْجِيرنْ ذ ثْڒَاثَا ن ثْحنْجِيرِينْ.
JOB 1:3 ثَاحِيمَارْثْ ن ڒْمَاڒْ نّسْ ذَايسْ سبْعَا-أَڒَافْ ن وُودْجِي ؤُ ثڒْثْ-أَڒَافْ ن إِڒغْمَانْ ذ خمْسَا-مْيَا ن ثْيُويَاوِينْ ن إِينْذُوزنْ ذ خمْسَا-مْيَا ن ثغْيَاڒْ، [أَرْنِي غَارسْ] أَبَارُّو ن إِسمْغَانْ. أَرْيَازْ-أَ ثُوغَا ذ أَمقّْرَانْ خْ مَارَّا أَرَّاوْ ن شَّارْقْ.
JOB 1:4 إِحنْجِيرنْ نّسْ نُّومنْ تّڭّنْ إِجّْ ن ؤُمنْسِي، كُوڒْ  إِجّْ [زَّايْسنْ] [س نُّوبثْ نّسْ] ذڭْ وَاسّْ نّسْ ذِي ثَادَّارْثْ نّسْ. سّكّنْ، عَارْضنْ ؤُڒَا خْ ثْڒَاثَا ن سُويثْمَاثْسنْ أَذْ كِيذْسنْ شّنْثْ ؤُ أَذْ كِيذْسنْ سْونْثْ.
JOB 1:5 ڒَامِي عْذُونْ وُوسَّانْ ن زَّارْذثْ أَوَارْنِي نّْضنْ [زِي ثَادَّارْثْ غَارْ ثَادَّارْثْ نّغْنِي]، إِسّكّْ أَيُوبْ حِيمَا أَذْ ثنْ إِسّْقدّسْ. زِيشْ غَارْ ثُوفُّوثْ إِكَّارْ ؤُشَا يِيوِي ذِينْ ثِيغَارْصِي ن وشْمَاضْ أَنشْثْ لْعَاذَاذْ ن مَارَّا [أَرَّاونْ نّسْ]. مَاغَارْ أَيُوبْ إِنَّا: ”أَذْ ثَاغْ خْضَانْ أَرَّاونْ إِنُو ؤُ حيّْذنْ خْ أَربِّي ذڭْ وُوڒْ نْسنْ.“ أَمُّو إِ إِڭَّا أَيُوبْ ڒبْذَا.
JOB 1:6 ذڭْ إِجّْ ن وَاسّْ ؤُسِينْ-د أَرَّاوْ ن أَربِّي حِيمَا أَذْ بدّنْ زَّاثْ إِ سِيذِي، ؤُشَا يُوسَا-د ؤُڒَا ذ شِّيطَانْ ذِي ڒْوسْطْ نْسنْ.
JOB 1:7 إِنَّا سِيذِي إِ شِّيطَانْ: ”مَانِيسْ إِ د-ثُوسِيذْ شكْ؟“ يَارَّا-د شِّيطَانْ خْ سِيذِي، إِنَّا: ”ؤُسِيغْ-د زڭْ وثْلَاعْ خْ ثمُّورْثْ، كِّيغْ ت مَارَّا.“
JOB 1:8 إِنَّا سِيذِي إِ شِّيطَانْ: ”مَا ثحْضِيذْ أَمْسخَّارْ إِنُو أَيُوبْ؟ أَمْ نتَّا وَارْ إِدْجِي خْ ثمُّورْثْ: ذ أَرْيَازْ إِكْمڒْ، إِڭُّورْ نِيشَانْ، إِتّڭّْوذْ أَربِّي ؤُ إِتّْحيَّاذْ خْ مِينْ إِدْجَانْ ذ أَعفَّانْ!“
JOB 1:9 يَارَّا-د شِّيطَانْ خْ سِيذِي، إِنَّا: ”مَا أَمنِّي وَاهَا إِتّڭّْوذْ أَيُوبْ أَربِّي؟
JOB 1:10 مَا وَارْ إِدْجِي ذ شكْ، ونِّي إِڭِّينْ إِجّْ ن ؤُسڒْقِي إِ نتَّا ذ ثَادَّارْثْ نّسْ ذ مَارَّا مِينْ غَارسْ؟ أَقَا ثْبَارْكذْ ثِيمڭَّا ن إِفَاسّنْ نّسْ ؤُشَا ڒْمَاڒْ نّسْ إِمْغَارْ أَطَّاسْ ذِي ثمُّورْثْ.
JOB 1:11 سْوِيژّضْ مْغِيرْ أَفُوسْ نّشْ [غَارسْ]، حَاذَا مَارَّا مِينْ إِدْجَانْ نّسْ، مَا [خنِّي] س ثِيذتّْ أَذْ إِبعّذْ خْ وُوذمْ نّشْ؟“
JOB 1:12 [خنِّي] إِنَّا سِيذِي إِ شِّيطَانْ: ”خْزَارْ، مَارَّا مِينْ غَارسْ أَقَا-ث ذڭْ ؤُفُوسْ نّشْ. مْغِيرْ وَارْ ذ أَسْ سْوِيژِّيضْ أَفُوسْ نّشْ وَاهَا!“ [خَاسْ ؤُشَا] يُويُورْ شِّيطَانْ زِي زَّاثْ ن وُوذمْ ن سِيذِي.
JOB 1:13 ذڭْ وَاسّْ مِينْ ذِي ثُوغَا إِحنْجِيرنْ نّسْ ذ يسِّيسْ تّتّنْ ؤُ سسّنْ بِينُو ذِي ثَادَّارْثْ ن ؤُمَاثْسنْ أَمنْزُو، إِمْسَارْ،
JOB 1:14 أَقَا يُوسَا-د إِجّْ ن ؤُرقَّاسْ غَارْ أَيُوبْ، إِنَّا: ”إِفُونَاسنْ ثُوغَا شَارّْزنْ ؤُ ثِيغْيَاڒْ هدَّانْثْ خْ ؤُغزْذِيسْ نْسنْ.
JOB 1:15 [خنِّي] هجْمنْ أَيْثْ ن شَابَا، كْسِينْ ثنْ ؤُشَا نْغِينْ إِحُوذْرِييّنْ س ڒقْضعْ ن سِّيفْ. مْغِيرْ نشّْ وَاهَا إِنجْمنْ، حِيمَا أَذْ أَشْ ث عَاوْذغْ.“
JOB 1:16 ؤُمِي ثُوغَا وَا عَاذْ إِسَّاوَاڒْ، يُوسَا-د إِجّْ نّغْنِي، إِنَّا: ”ثِيمسِّي ن أَربِّي ثوْضَا-د زڭْ ؤُجنَّا ؤُشَا ثَارْغَا ذڭْ وُودْجِي ذ إِحُوذْرِييّنْ ؤُشَا ثشَّا إِ-ثنْ. مْغِيرْ نشّْ وَاهَا إِنجْمنْ، حِيمَا أَذْ أَشْ ث عَاوْذغْ.“
JOB 1:17 ؤُمِي ثُوغَا وَا عَاذْ إِسَّاوَاڒْ، يُوسَا-د إِجّْ نّغْنِي، إِنَّا: ”أَيْثْ ن إِكَالْذَانِييّنْ سّْبدّنْ ثْڒَاثَا ن بَانْذِييَّاثْ، هجْمنْ خْ إِڒغْمَانْ، كْسِينْ ثنْ ؤُشَا نْغِينْ إِحُوذْرِييّنْ س ڒقْضعْ ن سِّيفْ. مْغِيرْ نشّْ وَاهَا إِنجْمنْ، حِيمَا أَذْ أَشْ ث عَاوْذغْ.“
JOB 1:18 ؤُمِي ثُوغَا وَا عَاذْ إِسَّاوَاڒْ، يُوسَا-د إِجّْ نّغْنِي، إِنَّا: ”إِحنْجِيرنْ نّشْ ذ يسِّيشْ شِّينْ ؤُ سْوِينْ بِينُو ذِي ثَادَّارْثْ ن ؤُمَاثْسنْ أَمنْزُو.
JOB 1:19 ؤُشَا خْزَارْ، يُوسَا-د إِجّْ ن ؤُسمِّيضْ إِوْعَارْ خْ ثِيوَا ن ڒخْڒَا، إِڒْقفْ أَربْعَا ن ثْغمُّورَا ن ثَادَّارْثْ ؤُشَا ثوْضَا [ثَادَّارْثْ] خْ إِحُوذْرِييّنْ ذ ثْحُوذْرِييِّينْ ؤُشَا مُّوثنْ نِيثْنِي. مْغِيرْ نشّْ وَاهَا إِنجْمنْ، حِيمَا أَذْ أَشْ ث عَاوْذغْ.“
JOB 1:20 [خنِّي] إِكَّارْ أَيُوبْ، إِشَارّڭْ أَسڒْهَامْ نّسْ، إِحفّْ أَزدْجِيفْ نّسْ، إِوْضَا خْ ثمُّورْثْ ؤُشَا إِبنْذقْ،
JOB 1:21 إِنَّا: ”ذ أَعَارْيَانْ إِ د-ؤُسِيغْ زڭْ ؤُعذِّيسْ ن يمَّا ؤُ ذ أَعَارْيَانْ إِ ذِينْ إِ غَا ذوْڒغْ. سِيذِي إِوْشَا، سِيذِي إِكّسْ، أَذْ إِتّْوَابَاركْ إِسمْ ن سِيذِي.“
JOB 1:22 ذِي مَانْ أَيَا مَارَّا وَارْ إِخْضِي أَيُوبْ شَا ؤُ وَارْ إِنِّي مِينْ وَارْ إِعدّْڒنْ خْ أَربِّي.
JOB 2:1 ذڭْ إِجّْ ن وَاسّْ ؤُسِينْ-د أَرَّاوْ ن أَربِّي، حِيمَا أَذْ بدّنْ زَّاثْ إِ سِيذِي، ؤُشَا يُوسَا-د ؤُڒَا ذ شِّيطَانْ ذِي ڒْوسْطْ نْسنْ مَاحنْذْ أَذْ إِسّْبدّْ إِخفْ نّسْ زَّاثْ إِ سِيذِي.
JOB 2:2 إِنَّا سِيذِي إِ شِّيطَانْ: ”مَانِيسْ إِ د-ثُوسِيذْ شكْ؟ شِّيطَانْ يَارَّا-د خْ سِيذِي، إِنَّا: ”ؤُسِيغْ-د زڭْ وثْلَاعْ خْ ثمُّورْثْ، كِّيغْ ت مَارَّا.“
JOB 2:3 إِنَّا سِيذِي إِ شِّيطَانْ: ”مَا ثحْضِيذْ أَمْسخَّارْ إِنُو أَيُوبْ؟ أَمْ نتَّا وَارْ إِدْجِي خْ ثمُّورْثْ: ذ أَرْيَازْ إِكْمڒْ، إِڭُّورْ نِيشَانْ، إِتّڭّْوذْ أَربِّي ؤُ إِتّْحيَّاذْ خْ مِينْ إِدْجَانْ ذ أَعفَّانْ! عَاذْ يَارْنِي إِتّطّفْ ذِي ڒصْفَايثْ نّسْ، خْ مِينِّي شكْ ذ أَيِي ثْعَارّْنذْ حِيمَا أَذْ ث صَارْضغْ خْ وَالُو.“
JOB 2:4 يَارَّا-د شِّيطَانْ خْ سِيذِي، إِنَّا: ”ثِيڒْمشْثْ س ثڒْمشْثْ، [وَاهْ،] مَارَّا مِينْ غَارسْ غَارْ بْنَاذمْ، أَذْ ث إِوْشْ إِ ثُوذَارْثْ نّسْ.
JOB 2:5 سْوِيژّضْ مْغِيرْ أَفُوسْ نّشْ [غَارسْ] ؤُشَا حَاذَا إِغْسَانْ نّسْ ذ ويْسُومْ نّسْ، مَا [خنِّي] نتَّا س ثِيذتّْ وَارْ ذَايكْ إِتّْشقَّافْ ذڭْ وُوذمْ نّشْ؟“
JOB 2:6 [خنِّي] إِنَّا سِيذِي إِ شِّيطَانْ: ”خْزَارْ، نتَّا ذڭْ ؤُفُوسْ نّشْ، مَاشَا أجّْ إِ-ث أَذْ إِدَّارْ!“
JOB 2:7 [خَاسْ ؤُشَا] يُويُورْ شِّيطَانْ زِي زَّاثْ ن وُوذمْ ن سِيذِي ؤُشَا إِوْثَا أَيُوبْ س ثْحبَّا ثِيعفَّانِينْ، زِي ثْڒقَّا ن إِضَارنْ نّسْ أَڒْ ثْقِيشّثْ ن ؤُشقُّوفْ [ن ؤُزدْجِيفْ] نّسْ.
JOB 2:8 نتَّا إِكْسِي أَشدْجِيقْ ن ثْقدُّوحْثْ، حِيمَا أَذْ زَّايسْ إِحكّْ إِخفْ نّسْ، ؤُشَا إِقِّيمْ ذِي ڒْوسْطْ ن يِيغّضْ.
JOB 2:9 ثنَّا أَسْ ثمْغَارْثْ نّسْ: ”مَا عَاذْ ثتّطّْفذْ ذِي ڒصْفَايثْ نّشْ؟ إِنِي أَسْ إِ أَربِّي: ’ذ ونِّي نتَّا!‘، ؤُشَا مّثْ!“
JOB 2:10 نتَّا مَاشَا إِنَّا أَسْ: ”أَمْ مَامّشْ سَّاوَاڒنْثْ ثمْغَارِينْ ثِيبُوهَاڒِييِّينْ ثسَّاوَاڒذْ ؤُڒَا ذ شمْ أَمْ يِيشْثنْ زَّايْسنْثْ. مَا نشِّينْ نْكسِّي ڒْخَارْ زِي أَربِّي، [مَاشَا] وَارْ نْكسِّي خنِّي ؤُڒَا ذ ڒْغَارْ؟“ س مَارَّا مَانْ أَيَا أَيُوبْ وَارْ إِخْضِي شَا س إِينْشِيشنْ نّسْ.
JOB 2:11 سْڒِينْ ثْڒَاثَا ن إِمدُّوكَّاڒْ ن أَيُوبْ مَارَّا مِينْ خَاسْ إِكِّينْ ذ ڒْغَارْ ؤُ نِيثْنِي ؤُسِينْ-د كُوڒْ إِجّْ زِي ثمُّورْثْ نّسْ: إِلِيفَازْ زِي ثَايْمَانْ، بِيلْذَاذْ زِي شُوحَا ؤُ صُوفَارْ زِي نَاعْمَاثْ. ڭِّينْ أَذْ ذِينْ ؤُيُورنْ، حِيمَا أَذْ كِيذسْ سّْحِيسّْفنْ ؤُ حِيمَا أَذْ ذَايسْ ڭّنْ ؤُڒْ.
JOB 2:12 زِي ڒَاڭّْوَاجْ سّْڭعّْذنْ ثَامُوغْڒِي نْسنْ، مَاشَا وَارْ ت عْقِيڒنْ شَا. نِيثْنِي سّْڭعّْذنْ ثْمِيجَّا نْسنْ ؤُشَا رُونْ. كُوڒْ إِجّْ إِشَارّڭْ أَسڒْهَامْ نّسْ ؤُشَا سُّويْسنْ إِغّضْ غَارْ ؤُجنَّا ثِيوَا إِ إِزدْجِيفنْ نْسنْ.
JOB 2:13 قِّيمنْ غَارسْ خْ ثمُّورْثْ، سبْعَا ن وُوسَّانْ ذ سبْعَا ن دْجِييَاڒِي. ؤُڒَا ذ إِجّنْ وَارْ إِسِّيوڒْ ؤُڒَا ذ إِجّْ ن وَاوَاڒْ غَارسْ، مَاغَارْ ژْرِينْ، أَقَا ڒحْرِيقْ نّسْ ثُوغَا ذ أَمقّْرَانْ أَطَّاسْ.
JOB 3:1 أَوَارْنِي مَانْ أَيَا يَارْزمْ أَيُوبْ أَقمُّومْ نّسْ، إِنْعڒْ أَسّْ [ن وخْڒَاقْ] نّسْ.
JOB 3:2 أَيُوبْ إِطّفْ ذڭْ وَاوَاڒْ، إِنَّا:
JOB 3:3 أَذْ إِفْنَا أَسّْ إِ ذِي د-تّْوَاخڒْقغْ، ؤُڒَا ذ دْجِيڒثْ إِ ذِي نَّانْ: ’إِجّْ ن ورْيَازْ إِتّْوَاكْسِي.‘
JOB 3:4 أجّْ أَسّْ نِّي أَذْ إِذْوڒْ ذ ثَادْجسْثْ، عمَّارْصْ وَارْ خَاسْ إِتّْسّقْسِي أَربِّي زڭْ ؤُجنَّا، ؤُ وَارْ خَاسْ ثتّْشعْشِيعْ ثْفَاوْثْ ن ؤُزِيڒْ [عَاذْ].
JOB 3:5 إِڒِي ثَادْجسْثْ ذ ثِيڒِي ن ڒْموْثْ أَذْ خَاسْ أَرْزُونْثْ، أجّْ إِسيْنُوثنْ أَذْ زذْغنْ ثِيوَا نّسْ. إِڒِي أَذْ خَاسْ وْضَانْثْ ثْكبَّاسِينْ س ؤُزِيڒْ!
JOB 3:6 أَذْ ثكّسْ ثْكبَّاسْثْ يُودْجْغنْ دْجِيڒثْ نِّي، أجّْ [دْجِيڒثْ نِّي] وَارْ ثْفَارّحْ جَارْ وُوسَّانْ ن ؤُسڭّْوَاسْ، أجّْ إِ-ت وَارْ د-ثتِّيسْ ذِي ڒحْسَابْ ن إِيُورنْ.
JOB 3:7 خْزَارْ، أجّْ دْجِيڒثْ نِّي عمَّارْصْ وَارْ د-ثتِّيرُووْ، وَارْ ذَايسْ إِتِّيذفْ ؤُسْڒِيوْڒوْ.
JOB 3:8 أجّْ إِنِّي إِسّْفطّْحنْ أَسّْ، أَذْ ث نعْڒنْ، إِنِّي إِتّْحَاكَانْ أَذْ سّكَّارنْ ’لِيبِييَاثَانْ‘.
JOB 3:9 أجّْ أَذْ تّْوَاكبّْسنْ إِثْرَانْ ن ثُوفُّوثْ نّسْ، أجّْ إِ-ث أَذْ إِرَاجَا ثَافَاوْثْ، ڒَامِي وَارْ ذِينْ ثدْجِي. أجّْ أَبْڒِيونْ ن ثْفَاوْثْ نْ ڒفْجَارْ وَارْ ت ژَترّنْ!
JOB 3:10 مَاغَارْ نتَّا وَارْ إِبلّعْ ثِيوُّورَا ن ؤُعذِّيسْ [ن يمَّا]، وَارْ إِفَّارْ ڒغْبنْ زَّاثْ إِ ثِيطَّاوِينْ إِنُو.
JOB 3:11 مَايمِّي وَارْ مُّوثغْ ڒَْامِي ذ أَيِي ثُوغَا ذڭْ ؤُعذِّيسْ [ن يمَّا]، مَايمِّي وَارْ سُّوفّْغغْ بُوحْبڒْ، ڒَْامِي د-فّْغغْ زڭْ ؤُعذِّيسْ [ن يمَّا]؟
JOB 3:12 مَايمِّي ذ أَيِي رَاجَانْ إِفَادّنْ ؤُ مَايمِّي إِبَّاشْ، حِيمَا أَذْ [ذَايْسنْ] طّضغْ؟
JOB 3:13 خنِّي إِڒِي أَذْ زّْڒغْ ڒخُّو، أَذْ سّْقَارغْ. إِڒِي أَذْ طّْصغْ. خنِّي بَالَاكْ أَذْ غَارِي ثِيڒِي ڒْهُوذْنثْ
JOB 3:14 [جْمِيعْ] أَكْ-ذ إِجدْجِيذنْ ذ إِمْشَاوَارنْ ن ثمُّورْثْ، إِنِّي إِبْنَانْ إِ يِيخفْ نْسنْ أَرّْوِينَاثْ إِخْڒَانْ،
JOB 3:15 نِيغْ [جْمِيعْ] أَكْ-ذ ڒْحُوكَّامْ نِّي غَارْ إِدْجَا وُورغْ، إِنِّي إِشُّورنْ ثُوذْرِينْ نْسنْ س نُّوقَارْثْ،
JOB 3:16 نِيغْ نشّْ وَارْ تِّيڒِيغْ [عَاذْ] أَمْ يِيجّْ ن وغْرَايْ [ن ثمْغَارْثْ] سّْنُوفَّارنْ ث، أَمشْنَاوْ إِسيْمَانْ نِّيعمَّارْصْ وَارْ إِژْرِينْ ثَافَاوْثْ.
JOB 3:17 ذِينِّي سّْبدّنْ إِعفَّاننْ زِي صّْذعْ، ذِينِّي تَّاريَّاحنْ إِنِّي ؤُمِي إِفْنَا جّهْذْ نْسنْ.
JOB 3:18 ذِينِّي تَّاريَّاحنْ إِمحْبَاسْ [مُوننْ]، وَارْ قِّيمنْ تّسْڒَانْ [عَاذْ] إِ ثْمِيجَّا ن إِمْزيَّارنْ [ن إِسمْغَانْ].
JOB 3:19 أَقَا ذِينْ أَمژْيَانْ ذ ؤُمقّْرَانْ، إِسْمغْ إِنُّوفْسڒْ ذِينْ زِي بَابْ نّسْ.
JOB 3:20 مَايمِّي ثمّوْشْ ثْفَاوْثْ إِ ڒْمسْكِينْ، ؤُ ثُوذَارْثْ إِ يِينِّي ؤُمِي إِتّْوَاسَّارْزڭْ ڒعْمَارْ نْسنْ،
JOB 3:21 [إِ يِينِّي] إِتّْمژْرنْ ذِي ڒْموْثْ، مَاشَا وَارْ ت ؤُفِينْ، إِنِّي إِغزَّانْ خْ [ڒْموْثْ] كْثَارْ خْ ڒكْنُوزْ إِنُّوفَارنْ،
JOB 3:22 إِنِّي إِفَارّْحنْ أَطَّاسْ أَڒَامِي ذوْڒنْ نڭّْزنْ، ؤُ تّْغبَّانْ مژْرِي خْمِي تَّافنْ أَنْضڒْ؟
JOB 3:23 [مَايمِّي ثمّوْشْ ثْفَاوْثْ] إِ ورْيَازْ ونِّي ؤُمِي إِتّْوَاسّْنُوفَّارْ وبْرِيذْ نّسْ، [إِ ورْيَازْ] ونِّي خفْ إِبلّعْ أَربِّي زِي مَارَّا إِغزْذِيسنْ؟
JOB 3:24 مِينْزِي ذڭْ ومْشَانْ ن وغْرُومْ إِنُو إِتَّاسْ-د ؤُوحْوحْ إِنُو، إِغُويَّانْ إِنُو تّْوَازدْجْعنْ أَمْ وَامَانْ.
JOB 3:25 مِينْزِي ثُوغَا تّْنخْڒَاعغْ ؤُ أَمنِّي د-إِفّغْ مِينْ زِي ثُوغَا تّڭّْوذغْ، وْضِيغْ ذَايسْ.
JOB 3:26 وَارْ غَارِي ڒْهُوذْنثْ، وَارْ أَرْسِيغْ شَا ؤُ وَارْ تَّاريِّيحغْ. أَقَا ؤُسِينْ-د إِمْخُومْبَارْ.
JOB 4:1 [خنِّي] يَارَّا-د إِلِيفَازْ، ونِّي د-يُوسِينْ زِي ثَايْمَانْ، إِنَّا:
JOB 4:2 مَاڒَا [حذْ] يَارْزُو مَاحنْذْ أَذْ كِيكْ إِسِّيوڒْ، مَا وَارْ ثتّْوَاشضْنذْ قَاعْ [س مَانْ أَيَا]؟ [مَاشَا] مَانْ ونْ إِزمَّارنْ أَذْ إِسّْبدّْ ڒْهَارْذْ [نّسْ]؟
JOB 4:3 خْزَارْ، ثسّْغَارذْ أَطَّاسْ [ن إِوْذَانْ] ؤُ إِفَاسّنْ يَارْخُونْ ثسّْمحْضذْ إِ-ثنْ.
JOB 4:4 ونِّي إِنْقَارْضنْ، ثسّْبدّذْ إِ-ث س وَاوَاڒْ نّشْ، ؤُ إِفَادّنْ إِفشْڒنْ ثوْشِيذْ أَسنْ جّهْذْ [عَاوذْ].
JOB 4:5 مَاشَا ڒخُّو إِمْسَارْ أَيَا إِ شكْ، ثتّْوَاشضْنذْ قَاعْ، [ڒخُّو] إِڒْقفْ إِ شكْ أَيَا ؤُشَا ثَارجْفذْ.
JOB 4:6 مَا وَارْ ثدْجِي ثِيڭّْوُوذِي [زِي أَربِّي] ذ ڒَامَانْ نّشْ ؤُ ڒصْفَايثْ ن إِبْرِيذنْ نّشْ ذ ڒَايَاسْ نّشْ؟
JOB 4:7 خمّْ مَاشَا! مَانْ ونْ إِتّْوَاهلّْكنْ أَمْ إِدْجَا ذ أَمزْذَاڭْ ؤُ مَانِي تّْوَاثحَّانْ إِنِّي إِڭُّورنْ نِيشَانْ؟
JOB 4:8 ژْرِيغْ أَقَا إِنِّي إِشَارّْزنْ دّدْجْ ذ يِينِّي إِزَارّْعنْ ڒغْبنْ، أَذْ ث مْجَارنْ [عَاوذْ].
JOB 4:9 أَذْ هلّْكنْ زڭْ ؤُسُوضِي ن نّفْسْ ن أَربِّي، أَذْ فْنَانْ س ؤُسُوضِي زڭْ ونْزَارنْ نّسْ.
JOB 4:10 زّْهِيرْ ن ويْرَاذْ ذ ثْمِيجَّا ن يِيزمْ أَمژْيَانْ [أَذْ تّْوَاسّْبدّنْ] ؤُ ثِيغْمَاسْ ن وَايْرَاذنْ إِمژْيَاننْ أَذْ تّْوَارْژَانْثْ.
JOB 4:11 أَذْ إِهلّكْ وَايْرَاذْ، مِينْزِي وَارْ يُوفِي زَّارْذثْ، ثَارْوَا ن ثَايْرَاذْثْ أَذْ تّْوَابزّْعنْ.
JOB 4:12 ذِي ثْنُوفّْرَا يِيوضْ أَيِي-د إِجّْ ن وَاوَاڒْ، أَمزُّوغْ إِنُو إِطّفْ زَّايسْ ڒحْمِيسْ،
JOB 4:13 [أَمْ ثُوغَا غَارّْقغْ] ذڭْ إِخَارِّيصنْ إِسِّيڭّْوِيذنْ زڭْ إِوحَّانْ ن دْجِيڒثْ، ڒَْامِي د-إِوْضَا يِيضصْ يُودْجْغنْ خْ إِوْذَانْ.
JOB 4:14 ثڒْقفْ أَيِي ثِيڭّْوُوذِي ذ ثَارْجِيجِيثْ، مَارَّا إِغْسَانْ إِنُو نّْخڒْعنْ.
JOB 4:15 إِجّْ ن بُوحْبڒْ إِحْرَارَا خْ ؤُغمْبُوبْ إِنُو، إِسّْبدّْ أَشُوَّافْ ذِي أَرِّيمثْ إِنُو.
JOB 4:16 نتَّا إِبدّْ، [مَاشَا] وَارْ عْقِيڒغْ خْ ثفْرَاسْ نّسْ. إِجّْ ن وَادُّوذْ [إِبدّْ] زَّاثْ إِ ثِيطَّاوِينْ إِنُو. [خنِّي] سْڒِيغْ إِ ثْمِيجَّا ثتّمْثِيمْ، ثقَّارْ:
JOB 4:17 ’مَا [إِزمَّارْ] إِجّْ ن بْنَاذمْ أَذْ يِيڒِي إِسڭّذْ خْ أَربِّي؟ مَا [إِزمَّارْ] إِجّْ ن ورْيَازْ أَذْ يِيڒِي إِصْفَا خْ ونِّي ث إِڭِّينْ؟‘
JOB 4:18 خْزَارْ، وَارْ إِتّْشِيڒِي ؤُڒَا خْ إِمْسخَّارنْ نّسْ، إِڭَّا ڒْعِيبْ [عَاذْ] أَكْ-ذ لْمَالَاكَاثْ نّسْ ؤُمِي ودَّارنْثْ.
JOB 4:19 مَاهُو إِنِّي إِزدّْغنْ ذِي ثُوذْرِينْ ن ؤُشَاڒْ، إِنِّي غَارْ ثدْجَا ثْعجَّاجْثْ ذ ذْسَاسْ نْسنْ. أَقَا أَذْ تّْوَاڒبْزنْ أَمزْوَارْ خْ ثْشِينْذَا.
JOB 4:20 زِي ثُوفُّوثْ ن صّْبحْ أَڒْ ثَامذِّيثْ أَذْ تّْوَافَارْثْكنْ. بْڒَا إِ إِوْشَا [بْنَاذمْ] ثَايْنِيثْ [إِ مَانْ أَيَا]، أَذْ فْنَانْ إِ ڒبْذَا.
JOB 4:21 مَا وَارْ د-ثتّْوَاقْڒعْ غَارْسنْ ثسْغُونْثْ ن ؤُقِيضُونْ نْسنْ [ن أَرِّيمثْ]؟ أَذْ مّْثنْ، [مَاشَا] وَارْ إِدْجِي ذِي ثِيغِيثْ.
JOB 5:1 ڒَاغَا مَاشَا! مَا ذِينْ شَا ن يِيجّنْ إِ خَاكْ د غَا يَارّنْ؟ غَارْ مَانْ زڭْ إِمْقدَّاسنْ إِ غَا ثْسوْضذْ؟
JOB 5:2 مِينْزِي أَخيّقْ إِنقّْ أَبُوهَاڒِي، ؤُ ثُوسْمِي ثْنقّْ أَقُوبَّانِي.
JOB 5:3 ژْرِيغْ إِجّْ ن ؤُبُوهَاڒِي إِضْڒقْ إِ وژْوَارْ، [مَاشَا] خْ إِشْثْ ن ڒْغفْڒثْ ثُوغَا إِتّْخصَّا أَذْ نعْڒغْ ثَازذِّيغْثْ نّسْ.
JOB 5:4 إِڭّْوجنْ إِحنْجِيرنْ نّسْ خْ ؤُسنْجمْ، تّْوَادّْزنْ غَارْ ثوَّارْثْ [ن ثنْذِينْثْ] ؤُشَا وَارْ ثُوغِي ذِينْ وِي ثنْ إِ غَا إِفكّنْ،
JOB 5:5 [ؤُمِي] إِشَّا ؤُمهْيُوفْ صَّابثْ نّسْ - [وَاهْ، وَانِيثَا] إِسُّوفّغْ إِ-ث-إِ-د [عَاذْ] زڭْ إِسنَّاننْ - ؤُ إِسَارْضْ ؤُخوَّانْ أَڭْڒَا نْسنْ.
JOB 5:6 مَاغَارْ وَارْ إِدْجِي زِي ثْعجَّاجْثْ إِ زِي د-إِتّكّْ ڒْغَارْ ؤُ زِي ثمُّورْثْ وَارْ د-ثْغمِّي ثَامَارَا،
JOB 5:7 مَاشَا بْنَاذمْ ذ ونِّي د-إِتّْوَاخڒْقنْ إِ ثَامَارَا، أَمْ ڭعّْذنْثْ ثْشعَّاڒِينْ ن ثْمسِّي مَاحنْذْ أَذْ ضْوِينْثْ.
JOB 5:8 مْڒِي ؤُفِيغْ أَذْ أَرْزُوغْ غَارْ أَربِّي، أَذْ سِّيوْضغْ ثَامسْڒَاشْثْ إِنُو غَارْ أَربِّي،
JOB 5:9 ونِّي إِتّڭّنْ ثِيمسْڒَايِينْ ثِيمقّْرَانِينْ، وَارْ ذِينْ وِي ثنْثْ إِ غَا إِفهْمنْ، [إِتّڭّْ] لْمُوعْجِيزَاثْ إِ وَارْ إِزمَّارْ أَذْ تّْوَاحسْبنْثْ.
JOB 5:10 إِسَّاكّْوَاضْ أَنْژَارْ خْ وُوذمْ ن ثمُّورْثْ، ؤُشَا إِسّكَّا أَمَانْ خْ وُوذمْ ن إِيَّارنْ،
JOB 5:11 حِيمَا أَذْ إِسّْڭعّذْ إِمْوَاضْعنْ، ؤُشَا إِنِّي إِشضْننْ أَذْ ثنْ سُّوعْڒَانْ غَارْ ڒَامَانْ.
JOB 5:12 نتَّا إِسّْبطّڒْ إِخَارِّيصنْ ن إِحْرَايْمِييّنْ، [أَڒَامِي] إِفَاسّنْ نْسنْ وَارْ زمَّارنْ أَذْ ڭّنْ وَالُو.
JOB 5:13 إِمِيغِيسنْ إِمنّعْ إِ-ثنْ ذِي ثحْرَايْمشْثْ نْسنْ، إِتّْوَاسّْبطّڒْ شّْوَارْ ن إِحْرَايْمِييّنْ.
JOB 5:14 ذڭْ ؤُزِيڒْ مّْسَاڭَارنْ أَكْ-ذ ثَادْجسْثْ ؤُشَا ذِي طّْحَا ن ؤُزِيڒْ تّْفَافَانْ أَمْ تّْفَافَانْ [ذِي] دْجِيڒثْ.
JOB 5:15 نتَّا إِسّنْجَامْ زِي سِّيفْ [إِ د-إِتّفّْغنْ] زڭْ ؤُقمُّومْ نْسنْ، ؤُڒَا ذ أَمزْڒُوضْ زڭْ ؤُفُوسْ ن ونِّي إِجهْذنْ.
JOB 5:16 أَمُّو إِ يدْجَا ڒَايَاسْ إِ ؤُمزْڒُوضْ ؤُشَا دّدْجْ أَذْ إِبلّعْ أَقمُّومْ نّسْ.
JOB 5:17 خْزَارْ، سّعْذْ ن ورْيَازْ ونِّي إِسڭّمْ أَربِّي. [س ؤُيَا] وَارْ ثسّحْقِيرِي شَا تَّارْبِييّثْ ن ؤُمْزمَّارْ خْ كُوڒْشِي!
JOB 5:18 مَاغَارْ نتَّا إِسّْيزِّيمْ أَيِي س إِجّْ ن ؤُيزِّيمْ إِتّقّْسنْ ؤُشَا [خنِّي] إِتّْشدَّا، إِشَّاثْ ؤُشَا [خنِّي] إِفَاسّنْ نّسْ سّْڭنْفَانْ.
JOB 5:19 ذِي ستَّا ن ڒحْصَارَاثْ أَذْ شكْ إِفكّْ، ذِي ثنِّي وِيسّْ سبْعَا وَارْ شكْ إِڒقّفْ ڒْغَارْ.
JOB 5:20 ذِي ڒَاژْ أَذْ شكْ إِسّنْجمْ زِي ڒْموْثْ، ذڭْ ؤُمنْغِي زِي ثِييِّيثَا ن سِّيفْ.
JOB 5:21 أَذْ ثِيڒِيذْ ذِي ڒَامَانْ زَّاثْ إِ ؤُركُّوضْ ن يِيڒسْ، وَارْ ثتّڭّْوذذْ شَا زڭْ وَاردّدْجْ مَاڒَا يُوسَا-د.
JOB 5:22 خْ وَاردّدْجْ ذ ڒَاژْ ثْزمَّارذْ أَذْ ثْضحْشذْ، زِي ڒوْحُوشْ ن ڒخْڒَا ن ثمُّورْثْ وَارْ ثتّڭّْوذذْ،
JOB 5:23 مَاغَارْ ثْقضْعذْ ڒْعَاهْذْ أَكْ-ذ إِژْرَا ن ييَّارْ، [خنِّي] ڒوْحُوشْ ن ڒخْڒَا أَذْ كِيذكْ دَّارنْ ذِي ڒهْنَا.
JOB 5:24 أَذْ ثَارْڭْبذْ أَقَا ڒهْنَا ذ أَقِيضُونْ نّشْ، أَذْ ثْبقّْشذْ ثَازذِّيغْثْ نّشْ، أَذْ ثَافذْ وَارْ شكْ إِتّْخصِّي وَالُو.
JOB 5:25 شكْ أَذْ ثسّْنذْ أَقَا أَرَّاوْ نّشْ أَطَّاسْ، ؤُ دُّورّْيثْ نّشْ أَمْ وفْسُو [أَزِيزَا] ن ثمُّورْثْ.
JOB 5:26 أَذْ ثَاذْفذْ غَارْ ونْضڒْ ذِي ثوْسَارْ، أَمْ مَامّشْ سّْڭعّْذنْ إِجّْ ن ؤُعُورِّيشْ ن ثْقبِّيضِينْ ن إِمنْذِي [غَارْ ؤُنذْرَارْ] ذِي ڒْحَاڒْ نّسْ.
JOB 5:27 خْزَارْ، مَانْ أَيَا، أَقَا نشِّينْ نَارْزُو ذَايسْ، أَمُّو إِ ثدْجَا! سڒْ غَارسْ، سّنْ إِ-ث ذڭْ يِيخفْ نّشْ!
JOB 6:1 يَارَّا-د أَيُوبْ، إِنَّا:
JOB 6:2 أَ، مْڒِي وزْننْ ڒْهمّْ إِنُو، مْڒِي جِّينْ أَذْ إِڭعّذْ خْ ڒْمِيزَانْ س ثْنَاينْ ن طَّاوْيَاثْ ؤُڒَا ذ ڒغْبنْ إِنُو أَكِيذسْ إِمُونْ!
JOB 6:3 مَاغَارْ ڒخُّو أَقَا-ث إِذْقڒْ خْ يجْذِي ن ڒبْحُورْ، خْ ؤُيَا [تّفّْغنْ] وَاوَاڒنْ إِنُو نْهْڒَا أَخمّمْ.
JOB 6:4 مَاغَارْ [نُّوغنْثْ] ذَايِي فْڒِيثْشَاثْ ن ؤُمْزمَّارْ خْ كُوڒْشِي، أَڒَامِي بُوحْبڒْ إِنُو إِسسّْ أَرّْهَاجْ نْسنْثْ. إِنخْڒِيعنْ زِي أَربِّي كَّارنْ-د أَكِيذِي.
JOB 6:5 مَا إِسّْحُونْذْرُوثْ وغْيُوڒْ ن ڒخْڒَا غَارْ أَرْبِيعْ أَزِيزَا؟ نِيغْ إِسّْمُوهْرُوثْ ؤُفُونَاسْ غَارْ هدُّو نّسْ؟
JOB 6:6 مَاشَّا بْڒَا أَڒذِّي مَا أَذْ ت يشّْ [بْنَاذمْ] بْڒَا ثَامدْجَاحْثْ؟ نِيغْ أَقَا ذِينْ أَڒذِّي ذِي ڒْمحّْ أَشمْڒَاڒْ ن ثْمدْجَاتْشْ؟
JOB 6:7 مِينْ يُوڭِي ڒعْمَارْ إِنُو أَذْ ث إِحَاذَا، [ڒخُّو] أَيَا مَارَّا إِ نشّْ أَمْ مَاشَّا إِغُومّنْ.
JOB 6:8 مْڒِي د غَا يَاسْ مِينْ تَّارغْ إِوَا، إِوْشَا أَربِّي مِينْ سِيتِّيمغْ.
JOB 6:9 مْڒِي ثُوغَا إِخْسْ سِيذِي مَاحنْذْ أَذْ أَيِي إِڒْبزْ، مَاحنْذْ أَذْ إِسَّارْخُو أَفُوسْ نّسْ ؤُ مَاحنْذْ أَذْ أَيِي إِقسّْ.
JOB 6:10 مَانْ أَيَا أَذْ أَيِي يِيڒِي عَاذْ ذ أَفوّجْ، أَذْ أَيِي إِنْعشْ ذِي ڒحْرِيقْ نِّي وَارْ [خَافِي] إِسّْعِيزِّي شَا، مَاغَارْ وَارْ نْكَارغْ شَا أَوَاڒنْ ن ؤُمْقدَّاسْ.
JOB 6:11 مِينْ إِعْنَا جّهْذْ إِنُو، أَقَا زمَّارغْ أَذْ رَاجِيغْ [عَاذْ]؟ نِيغْ مِينْ إِعْنَا ؤُنڭَّارُو إِنُو، ونِّي خْ تّخْسغْ أَذْ زُّوڭَارْثغْ ثُوذَارْثْ إِنُو [عَاذْ]؟
JOB 6:12 مَا جّهْذْ إِنُو أَمْ جّهْذْ ن إِژْرَا؟ مَا أَيْسُومْ إِنُو أَمْ نّْحَاسْ؟
JOB 6:13 مَا وَارْ دْجِيغْ قَاعْ بْڒَا ثْوِيزَا س يِيخفْ إِنُو، مَا وَارْ خَافِي إِتّْوَاكّسْ ؤُفكِّي قَاعْ؟
JOB 6:14 ونِّي ؤُمِي إِقْضعْ ڒَايَاسْ [إِتّْخصَّا أَسْ] ثَامخْسِيوْثْ إِشُووَّارنْ زڭْ ؤُمدُّوكّڒْ نّسْ، مَاڒَا لَّا، [إِزمَّارْ] أَذْ يجّْ ثِيڭّْوُوذِي زڭْ ؤُمْزمَّارْ خْ كُوڒْشِي.
JOB 6:15 أَيْثْمَا بَاننْ-د ذ إِغدَّارنْ أَمْ ثْغزْرِينْ [ذڭْ إِذُورَارْ]، أَمْ ثَاسُّوثْ ن ثْغزْرِينْ نِّي إِعدُّونْ ذغْيَا،
JOB 6:16 [أَمْ ثِيغزْرِينْ] ثِينِّي إِتّْبَارّشْننْ س وجْرِيسْ، نِّي ذِي إِسّْنُوفَّارْ وذْفڒْ [إِخفْ نّسْ].
JOB 6:17 ذڭْ وُوسَّانْ نِّي ذِي ذوْڒنْثْ حْصَارنْثْ، بدّنْثْ، خْمِي حمَّانْثْ، تَّاژْغنْثْ، إِمْحَا ومْشَانْ نْسنْثْ.
JOB 6:18 إِبْرِيذنْ ن ثشْڒِي نْسنْ فَارْغنْ، ڭعّْذنْ ذِي ڒعْوِينْ ؤُشَا ودَّارنْ.
JOB 6:19 إِمْسبْرِيذنْ زِي ثَايْمَا قِّيمنْ تّْمژْرِينْ ذَايْسنْثْ، إِكَارَابَاننْ زِي شَابَا تّْرَاجَانْ ثنْثْ.
JOB 6:20 نِيثْنِي تّْوَاشمْثنْ ذڭْ ؤُثشْڒِي نِّي غَارْسنْ. ؤُسِينْ-د غَارْ ثْغزْرِينْ [ذڭْ إِذُورَارْ] ؤُشَا بَارّْقنْ.
JOB 6:21 س ثِيذتّْ، ڒخُّو ثْذوْڒمْ ذ وَالُو، ثژْرِيمْ أَرْژِييّثْ إِنُو ؤُشَا ثڭّْوذمْ.
JOB 6:22 مَا نِّيغْ: ’أَوْيمْ أَيِي-د [شَا]!‘ نِيغْ: ’وْشمْ أَيِي ثِيرْزِيفِينْ زڭْ وَاڭْڒَا نْومْ!‘
JOB 6:23 نِيغْ: ’فكّْ أَيِي زڭْ ؤُفُوسْ ن ونِّي إِحصَّارنْ!‘ نِيغْ: ’فْذِي أَيِي زڭْ ؤُفُوسْ ن أَيْثْ ن بُو-ڒخْشُونثْ!‘
JOB 6:24 سْغَارْ أَيِي، [خنِّي] أَذْ سّغْذغْ، سْشنْ أَيِي مِينْ ذِي ودَّارغْ!
JOB 6:25 مَامّشْ جهّْذنْ وَاوَاڒنْ يشْنَانْ، [مَاشَا] مِينْ خفْ أَوبّخْ نْومْ؟
JOB 6:26 مَا ثتّْخَارّْصمْ ذڭْ وَاوَاڒنْ، مَاحنْذْ أَذْ [أَيِي] ثتّْوبّْخمْ [زَّايْسنْ]؟ مَا [خنِّي] أَوَاڒنْ ن ونِّي ؤُمِي قضْعنْ ڒَايَاسْ أَمْ ڒعْوِينْ إِ كنِّيوْ؟
JOB 6:27 عَاذْ خْ يِيجّْ ن ؤُنِيبُو أَيُوجِيڒْ أَذْ خَاسْ ثنْضَارمْ ثَاقدُّوحْثْ ؤُ عَاذْ خْ يِيجّْ ن ؤُمدُّوكّڒْ نْومْ أَذْ خَاسْ ثڭّمْ ثَامعْمُوتْشْ.
JOB 6:28 خنِّي ڒخُّو، مَاڒَا ثخْسمْ، حْضَامْ خَافِي مْلِيحْ، نشّْ وَارْ خَاومْ سّْخَارِّيقغْ ذڭْ ؤُغمْبُوبْ [نْومْ].
JOB 6:29 قدْجْبمْ [أَيِي]، وَارْ إِعدّڒْ أَذْ [ذَايِي] يِيڒِي دّدْجْ. قدْجْبمْ [أَيِي] عَاوذْ، ثَاسڭْذَا إِنُو ثْبدّْ عَاذْ [نِيشَانْ].
JOB 6:30 مَا أَقَا ذِينْ ڒْغشّْ خْ يِيڒسْ إِنُو؟ مَا وَارْ إِتّْڒذِّي وَانغْ إِنُو خْ مِينْ وَارْ إِحْڒِينْ؟
JOB 7:1 مَا وَارْ [ذِينْ] إِدْجِي ؤُمنْغِي إِتّْخصَّا أَذْ ث إِمّْنغْ بْنَاذمْ خْ ثمُّورْثْ، مَا وَارْ دْجِينْ وُوسَّانْ نّسْ أَمْ وُوسَّانْ ن ؤُشوَّاڒْ؟
JOB 7:2 أَمْ مَامّشْ إِتّْمژْرِي إِمْسغْ غَارْ ثِيڒِي، أَمُّو إِتّْرَاجَا ؤُشوَّاڒْ ڒْمُونثْ،
JOB 7:3 س ؤُيَا ذوْڒنْ إِيُورنْ شُّورنْ س ؤُبَارّقْ ذ ثَاسْغَارْثْ إِنُو ؤُ دْجْيَاڒِي شُّورنْثْ س ثَامَارَا بْضَانْ أَيِي ثنْثْ.
JOB 7:4 خْمِي تّزّْڒغْ تّطّْصغْ، قَّارغْ ’مڒْمِي زمَّارغْ أَذْ كَّارغْ، [مڒْمِي] إِ غَا ثعْذُو دْجِيڒثْ؟‘ جِّيوْنغْ س ڒحْوڒْ أَڒْ ذ يفُّو ڒْحَاڒْ.
JOB 7:5 أَرِّيمثْ إِنُو ثْيَارْضْ ذڭْ إِكشَّاونْ ؤُ ذِي ثقْشُورِينْ ن ؤُشَاڒْ، ثِيڒْمشْثْ إِنُو ثْقطَّا ؤُ ثتّْڭيّحْ.
JOB 7:6 ذغْيَا خْ ؤُمكُّوكْ ن ؤُخيَّاضْ عدُّونْ وُوسَّانْ إِنُو، عدُّونْ بْڒَا ڒَايَاسْ.
JOB 7:7 عْقڒْ، أَقَا ثُوذَارْثْ إِنُو ذ أَسُوضِي ن نّفْسْ [وَاهَا] ؤُ ثِيطّْ إِنُو وَارْ ثْژَارّْعمَّارْصْ عَاذْ مِينْ إِصبْحنْ.
JOB 7:8 ثِيطّْ ن ونِّي ذ أَيِي إِتّْوَاڒَانْ، وَارْ ذ أَيِي ثْژَارّْ عَاذْ. ثِيطَّاوِينْ نّشْ أَذْ خَافِي إِڒِينْثْ، [مَاشَا] نّشْ وَارْ ذَا تِّيڒِيغْ عَاذْ.
JOB 7:9 [أَمْ مَامّشْ] إِتّْذُورُّوقْ ؤُسيْنُو، إِعدُّو، أَمُّو إِ غَا إِهْوَا ذِي ڒَاخَارْثْ، وَارْ [زَّايسْ] د-إِتّْڭعِّيذْ عَاذْ.
JOB 7:10 عمَّارْصْ وَارْ د-إِتّْعِيقِّيبْ غَارْ ثَادَّارْثْ نّسْ، عمَّارْصْ وَارْ خَاسْ إِتّعْقِيڒْ ومْشَانْ نّسْ.
JOB 7:11 أَمُّو إِ وَارْ تّقّْنغْ أَقمُّومْ إِنُو، أَذْ سِّيوْڒغْ ذِي ڒحْصَارثْ ن بُوحْبڒْ إِنُو، أَذْ شثْشِيغْ ذِي ثَارْزُوڭِي ن ڒعْمَارْ إِنُو.
JOB 7:12 مَا نشّْ ذ ڒبْحَارْ نِيغْ ذ ڒْهَايْشثْ، أَقَا شكْ ثسّْبدّذْ خَافِي أَعسَّاسْ؟
JOB 7:13 مَاڒَا نِّيغْ نشّْ: ’ثَاسُّوثْ أَذْ أَيِي ثْعزَّا، قَامَا إِنُو أَذْ خَافِي ثسّهْونْ أَشثْشِي إِنُو!‘،
JOB 7:14 أَمُّو إِذْ أَيِي ثتّْغزِّيذْ س ثِيرْجِيوِينْ ؤُ س إِوحَّانْ ثسَّاڭّْوَاذذْ أَيِي،
JOB 7:15 أَڒَامِي إِذْوڒْ ڒعْمَارْ إِنُو إِتِّيخْضَارْ أَجيّفْ، [إِتِّيخْضَارْ] ڒْموْثْ خْ ييْسَانْ إِنُو.
JOB 7:16 نشّْ تّْعِيفِّيغْ [مَانْ أَيَا]، وَارْ تّخْسغْ أَذْ دَّارغْ إِ ڒبْذَا. أَرْخُو زَّايِي، مَاغَارْ ؤُسَّانْ إِنُو [أَمْ] أَسُوضِي ن نّفْسْ [وَاهَا].
JOB 7:17 مِينْ إِعْنَا بْنَاذمْ أَقَا شكْ ثْحسّْبذْ ث ذ أَمقّْرَانْ [أَمُّو]، أَقَا ثڒْهِيذْ أَكِيذسْ س وُوڒْ نّشْ؟
JOB 7:18 أَقَا شكْ ثَارزّْفذْ غَارسْ قَاعْ [أَ]ثفُّو، ثْقدْجْبذْ إِ-ث قَاعْ ثَازحْزِيهْثْ؟
JOB 7:19 مشْحَاڒْ عَاذْ وَارْ زَّايِي ثتّكّْسذْ [ثِيطَّاوِينْ]، وَارْ ذ أَيِي ثَارخُّوذْ حِيمَا أَذْ سّْغڒْيغْ إِكُوفَّانْ إِنُو؟
JOB 7:20 مَا خْضِيغْ؟ مِينْ ذ أَشْ إِ غَا ڭّغْ إِ شكْ، [إِ شكْ] [أَ-يْ-]أَعسَّاسْ ن بْنَاذمْ؟ مَايمِّي ذ أَيِي ثسّْبدّذْ ذ ثَاحْجُورْثْ زَّاثكْ، ؤُ ذوْڒغْ ذ دّْقڒْ إِ يِيخفْ إِنُو؟
JOB 7:21 مَايمِّي وَارْ [ذ أَيِي] ثْغفَّارذْ أَخطُّو إِنُو، ؤُ وَارْ ثْعدُّوذْ خْ ڒْمُوعْصِييّثْ إِنُو؟ مَاغَارْ ذغْيَا أَذْ زّْڒغْ ذِي ثْعجَّاجْثْ ؤُ شكْ أَذْ خَافِي ثَارْزُوذْ، [مَاشَا] وَارْ تِّيڒِيغْ [عَاذْ].
JOB 8:1 [خَاسْ ؤُشَا] يَارَّا-د بِيلْذَاذْ، ونِّي د-يُوسِينْ زِي شُوحَا، إِنَّا:
JOB 8:2 مشْحَاڒْ إِ غَا ثكّذْ ثسَّاوَاڒذْ أَمُّو، أَذْ إِڒِينْ وَاوَاڒنْ ن ؤُقمُّومْ نّشْ [أَمشْنَاوْ] أَسمِّيضْ ن ثْهَارْيَاضْثْ.
JOB 8:3 مَا أَذْ إِسّْفَارْغْ أَربِّي ثَاسْغَارْثْ، نِيغْ أَذْ إِسّْفَارْغْ ؤُمْزمَّارْ خْ كُوڒْشِي ثَاسڭْذَا؟
JOB 8:4 مَاڒَا أَكِيذسْ خْضَانْ إِحنْجِيرنْ نّشْ، أَقَا إِسّكّْ إِ-ثنْ ذڭْ ؤُفُوسْ ن ؤُخطُّو نْسنْ.
JOB 8:5 مَاڒَا شكْ ثَارزُّوذْ أَربِّي س جّهْذْ، ثتّْزَاوْڭذْ أَحِينِّي غَارْ ؤُمْزمَّارْ خْ كُوڒْشِي،
JOB 8:6 مَاڒَا ثدْجِيذْ ذ أَمزْذَاڭْ ؤُ ثْسڭّْمذْ، خنِّي أَذْ أَشْ إِوْشَا ثَايْنِيثْ نِيشَانْ، أَذْ إِعْذڒْ ثَازذِّيغْثْ نّشْ إِ شكْ.
JOB 8:7 [وَاخَّا] ثَامزْوَارُوثْ نّشْ أَذْ ثِيڒِي ذ ثُوقْڒِيتْشْ، ثَانڭَّارُوثْ نّشْ أَذْ ثِيڒِي ثمْغَارْ أَطَّاسْ.
JOB 8:8 وَاهْ، سقْسَا خنِّي غَارْ جِّيڒْ إِعْذُونْ، حكَّارْ ذِي ڒجْذُوذْ نْسنْ.
JOB 8:9 مَاغَارْ نشِّينْ ن إِضنَّاضْ [وَاهَا]، وَارْ نسِّينْ وَالُو، مَاغَارْ ؤُسَّانْ نّغْ خْ ثمُّورْثْ أَمْ ثِيڒِي.
JOB 8:10 مَا وَارْ شكْ سّڒْمِيذنْ نِيثْنِي، مَا وَارْ غَاركْ سِّيوِيڒنْ، مَا وَارْ د-سُّوفُّوغنْ أَوَاڒنْ زڭْ وُوڒْ نْسنْ؟
JOB 8:11 مَا إِغمِّي ؤُغَانِيمْ ن بَابِيرُوسْ بْڒَا سّبْخثْ، مَا إِمقَّارْ ؤُغَانِيمْ غَارْ ثْمَا ن إِغْزَارْ بْڒَا أَمَانْ؟
JOB 8:12 خْمِي إِتّْنوَّارْ، وَارْ إِمْجَارْ عَاذْ، إِتَّاژغْ قْبڒْ مَارَّا أَرْبِيعْ نّغْنِي.
JOB 8:13 أَمُّو إِ دْجَانْ إِمسْرَاقْ ن مَارَّا إِنِّي إِتُّونْ أَربِّي، ڒَْايَاسْ ن ؤُمْنَافقْ أَذْ إِفْنَا.
JOB 8:14 مِينْ خفْ إِعمّذْ، أَذْ إِتّْوَاقْضعْ، مِينْ خفْ إِتّْشَاڒْ، أَذْ د-إِبَانْ ذ أَخْمَاڒْ ن قُونْذْعَا.
JOB 8:15 أَذْ إِسنّذْ خْ ثَادَّارْثْ نّسْ، [مَاشَا] وَارْ ثتّْبذِّي، أَذْ ذَايسْ إِشبَّارْ، [مَاشَا] وَارْ ثتّْغِيمِي ثْبدّْ.
JOB 8:16 نتَّا ذ أَزِيزَا ذِي ثْفَاوْثْ ن ثْفُوشْثْ، ڒفْرُوعْ نّسْ إِمژْيَاننْ تّْبزَّاعنْ خْ وحْوِيشْ نّسْ.
JOB 8:17 إِژوْرَانْ نّسْ مُّوذنْ إِخفْ نْسنْ خْ إِجّْ ن ؤُعُورِّيشْ ن يژْرَا، إِتَّارْجَا إِشْثْ ن ثَادَّارْثْ ن يژْرَا [إِ يِيخفْ نّسْ].
JOB 8:18 [مَاڒَا] نتَّا إِقدْجعْ إِ-ث زڭْ ومْشَانْ نّسْ، أَذْ ث إِنْكَارْ [ومْشَانْ] نِّي، [أَذْ يِينِي]: ’عمَّارْصْ وَارْ شكْ ژْرِيغْ!‘
JOB 8:19 خْزَارْ، ثَا ثدْجَا ذ ڒفْرَاحثْ ن وبْرِيذْ [ن ثُوذَارْثْ] نّسْ ؤُ إِنّغْنِي أَذْغمْينْ زڭْ ؤُشَاڒْ.
JOB 8:20 خْزَارْ، أَربِّي وَارْ إِنطَّارْ ونِّي إِكمْڒنْ [مَاشَا] وَارْ إِتِّيشْ [أَ]فُوسْ إِ إِعفَّاننْ.
JOB 8:21 عَاذْ أَذْ إِشُّورْ أَقمُّومْ نّشْ س ثْضحَّاشْثْ، ؤُ إِينْشِيشنْ نّشْ س ؤُسْڒِيوْڒوْ.
JOB 8:22 إِمشْرَاهْ نّشْ أَذْ يَارْضنْ ڒفْضِيحثْ ؤُ أَقِيضُونْ ن إِعفَّاننْ وَارْ إِتِّيڒِي عَاذْ.
JOB 9:1 يَارَّا-د أَيُوبْ، إِنَّا:
JOB 9:2 سّْنغْ نِيشَانْ، أَقَا أَمُّو إِ ثدْجَا، مَاغَارْ مَامّشْ غَا يِيڒِي بْنَاذمْ ذ أَمْسڭّذْ غَارْ أَربِّي؟
JOB 9:3 مَاڒَا نتَّا إِخْسْ أَكِيذسْ إِمْشَارّعْ، إِڒِي نتَّا وَارْ إِزمَّارْ أَذْ خَاسْ د-يَارّْ ؤُڒَا ذ إِشْثْ ن ثْوَاڒَا خْ وَاڒفْ ن ثْوَاڒَاوِينْ.
JOB 9:4 نتَّا ذ أَمِيغِيسْ ن وُوڒْ ذ بُو-ثْزمَّارْ إِجهْذنْ، مَانْ ونْ إِزمَّارنْ أَذْ إِسّقْسحْ إِخفْ نّسْ ضِيدّْ نّسْ ؤُشَا أَذْ إِقِّيمْ إِدَّارْ ذِي ڒَامَانْ؟
JOB 9:5 نتَّا ذ ونِّي إِسّْمُوطُّوينْ إِذُورَارْ أَمْ وَارْ ت تِّيشِينْ [إِوْذَانْ]، ذ ونِّي ثنْ إِسّْنقْڒَابنْ ذڭْ وغْضَابْ نّسْ،
JOB 9:6 نتَّا ذ ونِّي إِسّنْهزَّانْ ثَامُّورْثْ زڭْ ومْشَانْ نّسْ، ذ ونِّي إِڭِّينْ إِپِيلَارنْ نّسْ أَذْ أَرْجِيجنْ،
JOB 9:7 نتَّا ذ ونِّي إِتَّامَارنْ ثَافُوشْثْ أَڒَامِي وَارْ د-ثنْقِيرْ، ذ ونِّي إِتّْشمَّاعنْ إِثْرَانْ!
JOB 9:8 نتَّا س يِيخفْ نّسْ وَاهَا إِتّْبزَّاعْ إِجنْوَانْ، نتَّا إِصُورُّوفْ ثِيوَا ن ثْعُورَارْ [نْ ڒمْوَاجْ] ن وَامَانْ.
JOB 9:9 نتَّا ذ ونِّي إِڭِّينْ [أَوْرَافْ ن إِثْرَانْ] ن دُّوبْ [أَمقّْرَانْ] ذ ؤُرْيُونْ، [أَڭْرَاوْ ن] سبْعَا ن إِثْرَانْ ذ إِخَامّنْ ن لْجَانُوبْ،
JOB 9:10 نتَّا ذ ونِّي إِڭِّينْ ثِيمسْڒَايِينْ ثِيمقّْرَانِينْ، - وَارْ إِزمَّارْ [بْنَاذمْ] أَذْ ثنْثْ إِفْهمْ - ؤُڒَا ذ ڒعْجَايبْ بْڒَا ڒحْسَابْ.
JOB 9:11 خْزَارْ، نتَّا إِعدُّو خَافِي، وَارْ ث ژَترّغْ، إِژكّْوَا، نشّْ وَارْ كِيذسْ تَّاشِيغْ.
JOB 9:12 خْزَارْ، مَاڒَا إِخْضفْ نتَّا، مَانْ ونْ إِ ث غَا إِمنْعنْ؟ مَانْ ونْ إِزمَّارنْ أَذْ أَسْ يِينِي: ’مِينْ ذِينْ ثتّڭّذْ شكْ؟‘
JOB 9:13 أَربِّي وَارْ إِتَّارِّي أَغْضَابْ نّسْ أَذْ د-إِذْوڒْ، سَاذُو نّسْ ؤُضَارنْ إِمْعَاوَاننْ ن ’رَاهَابْ‘.
JOB 9:14 مَامّشْ إِ غَا ڭّغْ أَذْ خَاسْ د-أَرّغْ، مَامّشْ إِ غَا فَارْزغْ أَوَاڒنْ إِنُو [مْلِيحْ] زَّاثسْ؟
JOB 9:15 وَاخَّا نشّْ ذ أَمْسڭّذْ، وَارْ زمَّارغْ أَذْ خَاسْ د-أَرّغْ، [مَاشَا] أَذْ زَاوْڭغْ ڒْقَاضِي إِنُو مَاحنْذْ أَذْ خَافِي إِحِينّْ،
JOB 9:16 مَاڒَا خَافِي د-يَارّْ ڒَامِي ڒَاغِيغْ، وَارْ تّْغِيڒغْ أَقَا نتَّا أَذْ إِسڒْ غَارْ ثْمِيجَّا إِنُو.
JOB 9:17 أَقَا نتَّا إِڒبّزْ أَيِي س إِشْثْ ن ثْحَارْيَاضْثْ ؤُ يَارنِّي ذڭْ إِيزِّيمنْ إِنُو بَاطڒْ.
JOB 9:18 نتَّا وَارْ ذ أَيِي إِتّجِّي أَذْ أَرّغْ نّفْسْ، مَاشَا إِسّْجَاوَانْ أَيِي س ثَارْزُوڭِي.
JOB 9:19 مَاڒَا ثقِّيمْ [ثْمسْڒَاشْثْ] ذِي جّهْذْ، أَقَا نتَّا إِجْهذْ قَاعْ، مَاڒَا ذِي شّْرعْ، [إِقَّارْ]: ’وِي ذ أَيِي غَا إِعَارْضنْ؟‘
JOB 9:20 وَاخَّا نشّْ ذ أَمْسڭّذْ، [عَاذْ] أَقمُّومْ إِنُو أَذْ خَافِي إِحْكمْ، وَاخَّا نشّْ بْڒَا ڒْعِيبْ، [عَاذْ] نتَّا أَذْ أَيِي إِعيّبْ.
JOB 9:21 وَاخَّا نشّْ بْڒَا ڒْعِيبْ [إِ دْجِيغْ]، وَارْ سِّينغْ ڒعْمَارْ إِنُو [نِيشَانْ]، ثُوذَارْثْ إِنُو حسّْبغْ ت ذ وَالُو.
JOB 9:22 خْ ؤُيَا إِ غَا إِنِيغْ: ’قَاعْ ذ إِشْثْ! أَمْ ونِّي إِدْجَانْ بْڒَا ڒْعِيبْ أَمْ ونِّي إِدْجَانْ ذ أَعفَّانْ، نتَّا أَذْ ثنْ إِقْضَا س ثْنَاينْ إِذْسنْ!‘
JOB 9:23 مَاڒَا أَركُّوضْ إِنقّْ ذڭْ إِشْثْ ن ثشْثِي، [خنِّي] نتَّا إِسْثهزَّا زِي ڒقْضعْ ن ڒَايَاسْ إِ إِمزْذَاڭنْ.
JOB 9:24 ثَامُّورْثْ أَذْ ثمّوْشْ ذڭْ ؤُفُوسْ ن ؤُعفَّانْ. إِغمْبَابْ ن ڒْقُوضَاثْ نّسْ إِتّْڒحّفْ أَسنْ. مَاڒَا وَارْ [ث إِڭِّي] نتَّا، مَانْ ونْ خنِّي؟
JOB 9:25 ذغْيَا خْ ونِّي إِتَّازّْڒنْ أَقَا تّْقدْجِيقنْ وُوسَّانْ إِنُو، أَروْڒنْ غَارْ ذِينْ، وَارْ ثْوِيڒِينْ ڒْخَارْ.
JOB 9:26 كِّينْ أَمْ ثْغَارُّوبَا ن ؤُغَانِيمْ، أَمْ ؤُڭِيذرْ إِحوّْمنْ خْ زَّارْذثْ.
JOB 9:27 مَاڒَا نِّيغْ: ’أَذْ تُّوغْ أَشثْشِي إِنُو، أَذْ بدّْڒغْ أَغمْبُوبْ [إِشضْننْ] إِنُو، أَذْ سّْفِيرْنِينغْ!‘،
JOB 9:28 [أَمُّو إِ] تّڭّْوذغْ زِي مَارَّا ڒحْرِيقْ إِنُو. نشّْ سّْنغْ شكْ وَارْ زَّايِي ثتّْبَارِّيذْ.
JOB 9:29 نشّْ ذ أَعفَّانْ، مَايمِّي سّْحِيسِّيفغْ إِ وَالُو؟
JOB 9:30 مَاڒَا سِّيرْذغْ س وَامَانْ ن وذْفڒْ، أَذْ سِّيزذْڭغْ إِفَاسّنْ إِنُو س لِّيخِييَا،
JOB 9:31 [عَاذْ] أَذْ أَيِي ثْنثْيذْ ذڭْ وحْفُورْ يَارْصُوذنْ، أَڒْ ذ أَيِي غَا إِعِيفّْ وَارُّوضْ إِنُو.
JOB 9:32 مَاغَارْ نتَّا وَارْ إِدْجِي ذ بْنَاذمْ أَمْ نشّْ، ونِّي خفْ زمَّارغْ أَذْ د-أَرّغْ، خْمِي نتَّاوضْ غَارْ ثَادَّارْثْ ن شّْرعْ أَكْ-ذ وَايَاوْيَا.
JOB 9:33 وَارْ [ذِينْ] إِدْجِي ڒْعَاذڒْ جَارْ أَنغْ، ونِّي إِزمَّارنْ أَذْ إِسَّارْسْ أَفُوسْ نّسْ خَانغْ س ثْنَاينْ إِذْنغْ.
JOB 9:34 أجّْ إِ-ث أَذْ خَافِي إِكْسِي أَعْمُوذْ نّسْ، وَارْ ذ أَيِي إِسّْنخْڒِيعْ [عَاذْ] ؤُهُوذِّي نّسْ،
JOB 9:35 [خنِّي] أَذْ سِّيوْڒغْ نْهْڒَا أَذْ زَّايسْ ڭّْوذغْ، مَاغَارْ نشّْ وَارْ دْجِيغْ أَمُّو إِ يِيخفْ إِنُو.
JOB 10:1 إِتّْعِيفِّي ڒعْمَارْ إِنُو زِي ثُوذَارْثْ إِنُو، أَذْ بَارّْحغْ أَشثْشِي إِنُو أَمُّو وَاهَا بْڒَا أَمْنَاعْ، أَذْ سِّيوْڒغْ غَارْ ثَارْزُوڭِي ن ڒعْمَارْ إِنُو.
JOB 10:2 نشّْ أَذْ إِنِيغْ إِ أَربِّي: ’وَارْ ذ أَيِي تّڭّْ ذ أَعفَّانْ، سْشنْ أَيِي، مَايمِّي أَكِيذِي ثتّْمنْغِيذْ.
JOB 10:3 مَا غَاركْ ڒفْضڒْ أَقَا شكْ ثْحصَّارذْ [أَيِي]، أَقَا ثْنطَّارضْ ڒْخذْمثْ ن إِفَاسّنْ نّشْ، [أَمْ] ثتّڭّذْ ثَافَاوْثْ خْ إِخَارِّيصنْ ن إِعفَّاننْ؟
JOB 10:4 مَا غَاركْ ثِيطَّاوِينْ ن بْنَاذمْ، مَا ثتّْوَاڒِيذْ شكْ أَمْ مَامّشْ تّْوَاڒَانْ إِوْذَانْ؟
JOB 10:5 مَا ؤُسَّانْ نّشْ أَمْ وُوسَّانْ ن بْنَاذمْ؟ مَا إِسڭّْوُوسَا نّشْ أَمْ يِيسڭّْوُوسَا ن ورْيَازْ،
JOB 10:6 أَقَا شكْ ثَارزُّوذْ [أَمُّو] خْ ڒْمُوعْصِييّثْ إِنُو، ثتّْبقّْشذْ ذِي دّْنُوبْ إِنُو؟
JOB 10:7 وَاخَّا شكْ ثسّْنذْ أَقَا نشّْ وَارْ دْجِيغْ ذ أَعفَّانْ، وَارْ ذِينْ ونِّي إِ غَا إِفكّنْ زڭْ ؤُفُوسْ نّشْ.
JOB 10:8 إِفَاسّنْ نّشْ خڒْقنْ أَيِي، ڭِّينْ أَيِي، أَقَا تّنّْضنْ أَيِي، ؤُشَا [ڒخُّو] شكْ ثْصَارْضذْ أَيِي.
JOB 10:9 عْقڒْ أَقَا شكْ ثڭِّيذْ أَيِي أَمْ ثَارِّيسْثْ، ؤُ غَارْ ثْعجَّاشْثْ ثخْسذْ أَذْ أَيِي ثَارّذْ.
JOB 10:10 مَا وَارْ ذ أَيِي ثْزدْجْعذْ أَمْ ؤُغِي، أَمْ كِيسُو ثجِّيذْ أَيِي أَذْ شّْرغْ؟
JOB 10:11 س ثڒْمشْثْ ذ ويْسُومْ ثسّْيَارْضذْ أَيِي، س إِغْسَانْ ذ إِژوْرَانْ ثمُّوذذْ أَيِي.
JOB 10:12 ثُوذَارْثْ ذ ثْمخْسِيوْثْ إِشُووَّارنْ ثوْشِيذْ أَيِي ثنْثْ، أَحطُّو نّشْ إِحْضَا بُوحْبڒْ إِنُو.
JOB 10:13 ثْخمّْڒذْ أَيَا ذڭْ وُوڒْ نّشْ، نشّْ سّْنغْ بلِّي أَيَا ثُوغَا-ث غَاركْ ذِي ڒْبَاڒْ.
JOB 10:14 مَاڒَا خْضِيغْ، شكْ أَذْ أَيِي ثحْضِيذْ، وَارْ ذ أَيِي ثتّْبَارِّيذْ زِي ڒْمُوعْصِييّثْ إِنُو.
JOB 10:15 مَاڒَا ڭِّيغْ ڒْغَارْ، ؤُشْثْ خَافِي! مَاڒَا نشّْ ذ أَمْسڭّذْ [إِ دْجِيغْ]، وَارْ زمَّارغْ أَذْ سّْڭعّْذغْ أَزدْجِيفْ إِنُو. جِّيوْنغْ س ڒفْضِيحثْ، تَّاشِيغْ أَكْ-ذ ڒمْحَاينْ إِنُو.
JOB 10:16 مَاڒَا سّْڭعّْذغْ إِخفْ إِنُو، أَذْ أَيِي ثْنيْمَارذْ أَمْ وَايْرَاذْ إِزهَّارنْ، [ڒبْذَا] ثتّْنقْڒَابذْ خَافِي س ڒْغفْڒثْ.
JOB 10:17 معْلِيكْ ؤُفِيغْ أَذْ خَافِي ثسّْبدّذْ [ڒبْذَا] إِشهَّاذنْ نّغْنِي، أَذْ ثَارْنِيذْ عَاذْ ذڭْ وغْضَابْ نّشْ خَافِي، إِعسَّاسنْ إِ إِخدْجْفنْ [إِجّْ إِ ونّغْنِي] ڒبْذَا، [وَاهْ،] أَذْ غَارِي [ثْنذْهذْ] إِجّْ ن ڒْعسْكَارْ.
JOB 10:18 مَايمِّي ذ أَيِي ثجِّيذْ أَذْ د-فّْغغْ زڭْ ؤُعذِّيسْ ن يمَّا؟ مْڒِي سُّوفّْغغْ بُوحْبڒْ، وَارْ ذ أَيِي ثْژَارْ ؤُڒَا ذ إِشْثْ ن ثِيطّْ!‘
JOB 10:19 معْلِيكْ ؤُفِيغْ أَخْمِي وَارْ إِڒِيغْعمَّارْصْ، مّكْسِيغْ غَارْ ونْضڒْ زڭْ ؤُعذِّيسْ [ن يمَّا].
JOB 10:20 مَا وَارْ دْجِينْ وُوسَّانْ [ن ثُوذَارْثْ] إِنُو ؤُذْرُوسنْ؟ مْڒِي ذ أَيِي إِجَّا، أَذْ خَافِي إِنّقْڒبْ مَاحنْذْ أَذْ فَارْهغْ شْوَايْثْ [عَاوذْ]،
JOB 10:21 قْبڒْ إِ غَا ؤُيُورغْ - وَارْ ذِيكّْوِيڒغْ [عَاذْ] - غَارْ ثمُّورْثْ ن ثَادْجسْثْ ذ ثِيڒِي ن ڒْموْثْ،
JOB 10:22 [غَارْ] ثمُّورْثْ ذ ثَابَارْشَانْثْ أَمْ ثْمذِّيثْ، [أَمْ] ثِيڒِي ن ڒْموْثْ، وَارْ [ذِينْ] إِتّْبِينْ وَالُو، مَانِي ثڭَّا ثْفَاوْثْ أَمْ ثْمذِّيثْ.
JOB 11:1 [خنِّي] يَارَّا-د صُوفَارْ، ونِّي د-يُوسِينْ زِي نَاعْمَا، إِنَّا:
JOB 11:2 مَا أَذْ قِّيمنْ وَاطَّاسْ ن وَاوَاڒنْ بْڒَا ثَامْوَارِّيثْ، ؤُ مَا أَذْ غَارسْ يِيڒِي إِ يِيجّْ ن بُو-ؤُقمُّومْ ڒْحقّْ [ڒبْذَا]؟
JOB 11:3 مَا إِزمَّارْ ڒْهَارْذْ نّشْ أَذْ إِسّْغذْ إِوْذَانْ، [أَڒَامِي] [ثْزمَّارذْ] أَذْ ثسْثهْزِيذْ بْڒَا شكْ إِ غَا إِسّحْشمْ ؤُڒَا ذ إِجّْ؟
JOB 11:4 شكْ ثنِّيذْ: ’ثصْفَا ثْغُورِي إِنُو، أَقَا أَيِي ذ أَمزْذَاڭْ ذِي ثِيطَّاوِينْ نّشْ!‘
JOB 11:5 ؤُهْ، مْڒِي أَربِّي [سِيمَانْثْ نّسْ] إِسَّاوَاڒْ، مْڒِي يَارزّمْ إِينْشِيشنْ نّسْ قِيبَاتْشْ نّشْ.
JOB 11:6 مْڒِي نتَّا ذ أَشْ إِ غَا إِسّْشنْ ثِيمسْڒَايِينْ إِخمّْڒنْ ن ثِيغِيثْ، مَاغَارْ نِيثنْثِي سكّْوَانْثْ دُّوبلْ إِ ؤُفكِّي. سّنْ، أَقَا أَربِّي أَذْ إِتُّو أَطَّاسْ ن ڒْمُوعْصِييّثْ نّشْ ذِي ثِيزِي نّشْ.
JOB 11:7 مَا ثْزمَّارذْ أَذْ ثْبقّْشذْ ذِي مُومُّو ن أَربِّي؟ مَا ثْزمَّارذْ أَذْ ثَاذْفذْ غَارْ ڒكْمَارثْ ن ؤُمْزمَّارْ خْ كُوڒْشِي؟
JOB 11:8 [أَقَا-ثنْ] ذِي ڒُوعْڒَاثْ ن ؤُجنَّا! مِينْ ثخْسذْ أَذْ ثڭّذْ [عَاذْ]؟ [ثِيغِيثْ] ثُودْجغْ خْ ڒَاخَارْثْ! مِينْ ثْزمَّارذْ أَذْ [زَّايسْ] ثسّْنذْ؟
JOB 11:9 ڒعْبَارْ نّسْ يُوعْڒَا أَطَّاسْ خْ ثمُّورْثْ، ثِيرُو نّسْ [ثعْذُو أَطَّاسْ] خْ ثْمِيرِيوْثْ ن ڒبْحَارْ.
JOB 11:10 مَاڒَا إِعْذُو نتَّا، إِبلّعْ [خْ شَا ن يِيجّنْ] ؤُشَا إِڒَاغَا [أَسْ] إِ دّعْوثْ، مَانْ ونْ إِ ث غَا إِسّْبدّنْ؟
JOB 11:11 مَاغَارْ نتَّا إِسّنْ إِغشَّاشنْ، إِتّْوَاڒَا ڒْغشّْ بْڒَا مَا ث إِحْضَا.
JOB 11:12 [مَاشَا مَاڒَا] أَبُوهَاڒِي [إِزمَّارْ] أَذْ يَافْ ڒفْهَامثْ، [خنِّي] أَغْيُوڒْ ن ڒخْڒَا [إِزمَّارْ] أَذْ إِذْوڒْ ذ بْنَاذمْ.
JOB 11:13 مَاڒَا شكْ ثْعذْڒذْ ؤُڒْ نّشْ، [خنِّي] بزّعْ إِفَاسّنْ نّشْ غَارسْ.
JOB 11:14 مَاڒَا إِرْصقْ ڒْغشّْ غَارْ ؤُفُوسْ نّشْ، سَاڭّْوجْ إِ-ث، وَارْ تّجِّي دّدْجْ أَذْ إِزْذغْ ذِي ثْقِيذُونِينْ نّشْ،
JOB 11:15 مَاغَارْ خنِّي ثْزمَّارذْ أَذْ ثسّْڭعّْذذْ ؤُذمْ نّشْ بْڒَا ڒْعِيبْ، أَذْ ثْبدّذْ نِيشَانْ، وَارْ تّڭّْوذذْ شَا.
JOB 11:16 مَاغَارْ أَذْ ثتُّوذْ ڒغْبنْ نّشْ، [عمَّارْصْ وَارْ] ذَايسْ ثتّْخمِّيمذْ [عَاذْ] أَمْ [عمَّارْصْ وَارْ ثتّْخمِّيمذْ عَاذْ] غَارْ وَامَانْ إِعْذُونْ.
JOB 11:17 أَبْرِيذْ ن ثُوذَارْثْ نّشْ أَذْ يَارْغْ ثِيوَا خْ طّْحَا ن ؤُزِيڒْ، وَاخَّا ذِينْ ثَادْجسْثْ، أَذْ ثِيڒِي أَمْ ثفُّوثْ.
JOB 11:18 أَذْ ثَاشِيذْ إِخفْ نّشْ ذِي ڒَامَانْ، مِينْزِي أَقَا ذِينْ ڒَايَاسْ، أَذْ ثخْزَارذْ [ذڭْ ونّضْ]، أَذْ ثطّْصذْ ذِي ڒْهُوذْنثْ.
JOB 11:19 أَذْ ثزّْڒذْ نْهْڒَا [شكْ] إِسّْنخْڒعْ ؤُڒَا ذ إِجّْ، ؤُشَا أَطَّاسْ إِ شكْ إِ غَا زَاوْڭنْ زَّاثْ إِ وُوذمْ نّشْ.
JOB 11:20 [مَاشَا] ثِيطَّاوِينْ ن إِعفَّاننْ أَذْ دَّارْغْڒنْثْ، قَاعْ ثَاروْڒَا أَذْ أَسنْ ثْودَّارْ، أَذْ مژْرنْ أَذْ ذڒْقنْ إِ بُوحْبڒْ.
JOB 12:1 يَارَّا-د أَيُوبْ، إِنَّا:
JOB 12:2 ذ ثِيذتّْ، كنِّيوْ ذ إِجّْ ن دَّارْبْ ن ڒْڭنْسْ، أَقَا ثِيغِيثْ أَذْ ثمّثْ أَكِيذْومْ!
JOB 12:3 نشّْ غَارِي ڒعْقڒْ أَمْ كنِّيوْ، نشّْ وَارْ وطِّيغْ ذڭْ ؤُمْقُوذِّي أَكِيذْومْ. وِي وَارْ إِسِّيننْ [مَارَّا] أَيَا؟
JOB 12:4 نشّْ أَمْ ونِّي إِدْجَانْ إِ ثْسضْحَاشْ إِ ؤُمدُّوكّڒْ نّسْ، [نشّْ] ذ ونِّي ثُوغَا إِتّْڒَاغَانْ غَارْ أَربِّي ؤُشَا [خنِّي] نتَّا إِسْڒَا غَارِي، [نشّْ] ذ أَمْسڭّذْ ذ نِيشَانْ، أَقَا ذوْڒغْ ذ ڒْقشْعثْ ن ثْسضْحَاشْثْ.
JOB 12:5 ’ڒْْحڭْرَا ذ ثَاسْغَارْثْ ن ونِّي إِتّْوَارْژَانْ!‘، أَمُّو إِ إِتّْخَارَّاصنْ يِينِّي ؤُمِي إِتّْغِيڒْ أَقَا أَثنْ ذِي ڒَامَانْ، [إِتّْغِيڒْ أَسنْ] أَيَا إِتّْرَاجَا إِنِّي إِتّْنقْرَاضنْ ذڭْ إِضَارنْ [نْسنْ].
JOB 12:6 إِقِيضَانْ ن إِمْثحَّايّنْ أَرْسَانْ، ؤُ إِنِّي إِسعَّارنْ أَربِّي غَارْسنْ أَطَّاسْ ن ڒَامَانْ. [مَاشَا] وِي إِزمَّارنْ أَذْ يَاوِي أَربِّي س ؤُفُوسْ نّسْ؟
JOB 12:7 سقْسَا خنِّي ڒْمَاڒْ، أَذْ أَشْ [ث] سّْڒمْذنْ، إِجْضَاضْ ن ؤُجنَّا أَذْ شكْ [ث] حَاجَانْ.
JOB 12:8 نِيغْ خزَّارغْ مْلِيحْ غَارْ ثمُّورْثْ، نتَّاثْ أَذْ شكْ ثسّْغَارْ، ؤُڒَا ذ إِسڒْمَانْ ن ڒبْحَارْ أَذْ أَشْ [ث] عَاوْذنْ.
JOB 12:9 مَانْ ونْ وَارْ إِسِّيننْ مَارَّا أَيَا، أَقَا أَفُوسْ ن سِيذِي إِ ث إِڭِّينْ؟
JOB 12:10 نتَّا ذ ونِّي ذڭْ ؤُفُوسْ نّسْ إِدْجَا ڒعْمَارْ ن مَارَّا مِينْ إِدَّارنْ، ؤُڒَا ذ بُوحْبڒْ ن كُوڒْ أَرِّيمثْ ن بْنَاذمْ.
JOB 12:11 مَا وَارْ إِتّْقدْجِيبْ ؤُمزُّوغْ أَوَاڒنْ، أَمْ إِتّْقَاسَا وَانغْ مَاشَّا؟
JOB 12:12 غَارْ إِوسُّورَا [إِ ثدْجَا] ثِيغِيثْ ؤُ ذِي ثُوذَارْثْ ثَازِيرَارْثْ [ثدْجَا] ڒفْهَامثْ؟
JOB 12:13 نتَّا غَارسْ [إِ ثدْجَا] ثِيغِيثْ ذ جّهْذْ [س ثِيذتّْ]، نتَّا غَارسْ [إِ يدْجَا] شّْوَارْ ذ ڒفْهَامثْ [نِيشَانْ].
JOB 12:14 خْزَارْ، [مَاڒَا] نتَّا إِهدّمْ، وَارْ إِبنِّي ؤُڒَا ذ إِجّْ [عَاوذْ]، مَاڒَا نتَّا إِبلّعْ خْ شَا ن يِيجّنْ، وَارْ ذ أَسْ يَارزّمْ عَاذْ.
JOB 12:15 خْزَارْ، مَاڒَا نتَّا إِسّْبدّْ أَمَانْ، أَذْ أَژْغنْ نِيثْنِي، مَاڒَا يَارْخُو أَسنْ، أَذْ سّنْقڒْبنْ ثَامُّورْثْ.
JOB 12:16 نتَّا غَارسْ جّهْذْ ذ ؤُفكِّي، نّسْ ذ ونِّي إِودَّارنْ ؤُڒَا ذ ونِّي إِسّْودَّارنْ.
JOB 12:17 نتَّا إِتّجَّا إِرْيَازنْ ن شّْوَارْ ڭُّورنْ س ڒحْفَا، ڒْْقُوضَاثْ إِتَّارَّا إِ-ثنْ ذ إِبُوهَاڒِييّنْ.
JOB 12:18 أَزِييَّارْ ن إِجدْجِيذنْ إِسّْبطّڒْ إِ-ث ؤُ [خنِّي] نتَّا إِتّْشدَّا إِ-ثنْ س إِجّْ ن وبْيَاسْ زِي ثجْعِينَّا نْسنْ.
JOB 12:19 نتَّا إِندّهْ إِكهَّاننْ س ڒحْفَا، أَيْثْ ن جّهْذْ إِغطّرْ إِ-ثنْ.
JOB 12:20 إِتّكّسْ أَوَاڒْ إِ إِرْيَازنْ إِتّْوَاقدْجْبنْ، إِ إِوسُّورَا إِتّكّسْ أَسنْ ڒفْهَامثْ.
JOB 12:21 أَسحْقَارْ إِتّْزدْجَاعْ إِ-ث خْ ثَارْوَا ن ثَاصِيڒثْ، إِ أَيْثْ ن بُو-ڒخْشُونثْ إِسَّارخُّو أَسنْ أَبْيَاسْ.
JOB 12:22 إِمُوشَانْ يُودْجْغنْ ن ثَادْجسْثْ إِتّْعَارَّا خَاسنْ، ذ ثِيڒِي ن ڒْموْثْ إِسُّوفُّوغْ إِ-ت غَارْ ثْفَاوْثْ.
JOB 12:23 ڒڭْنُوسْ إِسّمْغَارْ إِ-ثنْ ؤُشَا إِغطّرْ إِ-ثنْ، نتَّا إِتّْبزَّاعْ ڒڭْنُوسْ ؤُشَا إِندّحْ إِ-ثنْ.
JOB 12:24 إِتّكّسْ ڒفْهَامثْ إِ إِزدْجِيفنْ ن ڒْڭنْسْ خْ ثمُّورْثْ، إِجَّا إِ-ثنْ تّثْلِيعنْ ذِي ڒخْڒَا مَانِي وَارْ [دْجِينْ] إِبْرِيذْ[أنْ].
JOB 12:25 نِيثْنِي تّمْهَافَانْ ذَا ذ ذِيهَا ذِي ثَادْجسْثْ، مَانِي وَارْ ثدْجِي ثْفَاوْثْ، نتَّا إِتّجَّا إِ-ثنْ أَذْ مّْهَافَانْ أَمْ يِيمسْشَارْ[أنْ].
JOB 13:1 خْزَارْ، قَاعْ مَانْ أَيَا ثژْرَا إِ-ث ثِيطّْ إِنُو، إِسْڒَا إِ-ث ؤُمزُّوغْ إِنُو، إِفْهمْ أَسْ مْلِيحْ.
JOB 13:2 مِينْ ثسّْنمْ كنِّيوْ، سّْنغْ ث ؤُڒَا ذ نشّْ، وَارْ وطِّيغْ شَا ذڭْ ؤُسمْقُوذِّي أَكِيذْومْ.
JOB 13:3 مَاشَا نشّْ خْسغْ أَذْ سِّيوْڒغْ غَارْ ؤُمْزمَّارْ خْ كُوڒْشِي، مژْرغْ أَذْ وْثغْ [ثَامسْڒَاشْثْ إِنُو] زَّاثْ إِ أَربِّي.
JOB 13:4 مَاشَا كنِّيوْ ثسُّوفُّوغمْ إِخَارِّيقنْ، مَارَّا كنِّيوْ ذ إِضْبِيبنْ إِخْوَانْ.
JOB 13:5 أَخْ، مْڒِي ثسّغْذمْ كنِّيوْ مَارَّا! أَيَا أَذْ ثِيڒِي ذ ثِيغِيثْ إِ كنِّيوْ.
JOB 13:6 سْڒمْ خنِّي مَامّشْ غَا وْثغْ خْ يِيخفْ إِنُو، حكَّارمْ خْ ؤُمْشَارَّاعْ ن إِينْشِيشنْ إِنُو!
JOB 13:7 مَا ثخْسمْ أَذْ ثِينِيمْ ڒْغشّْ إِ ڒفْضڒْ ن أَربِّي، [مَا ثخْسمْ] أَذْ ثسِّيوْڒمْ إِخَارِّيقنْ ذِي ثِيزِي نّسْ؟
JOB 13:8 مَا ثْزمَّارمْ أَذْ ثوْثمْ ثَامسْڒَاشْثْ ذِي طّْوعْ نّسْ؟ مَا [ثخْسمْ] أَذْ ثْشَارّْعمْ إِ أَربِّي؟
JOB 13:9 مَا مْلِيحْ إِ كنِّيوْ، مَاڒَا نتَّا أَذْ كنِّيوْ إِقدْجبْ؟ مَا ثخْسمْ أَذْ زَّايسْ ثسْثهْزَامْ أَمْ مَامّشْ سْثهزَّانْ [إِوْذَانْ] زڭْ إِجّْ ن بْنَاذمْ؟
JOB 13:10 نتَّا أَذْ كنِّيوْ إِوبّخْ، مَاڒَا كنِّيوْ ثتّڭّمْ س وُوذْمَاونْ س ثْنُوفّْرَا.
JOB 13:11 مَا وَارْ كنِّيوْ إِسّْنخْڒِيعْ ؤُعُودْجِي نّسْ، مَا وَارْ د خَاومْ ثْوطِّي ثِيڭّْوُوذِي زَّايسْ؟
JOB 13:12 أَوَاڒنْ نْومْ إِ ڒِيذَارثْ أَقَا أَثنْ ذ ڒمْثُوڒْ نْ وَالُو، ڒڭْعُوذِي نْومْ ذ ڒڭْعُوذِي ن ؤُبدْجَاعْ.
JOB 13:13 سغْذمْ زَّاثِي، مَاحنْذْ أَذْ سِّيوْڒغْ، أجّْ أَذْ خَافِي د-يَاسْ مِينْ [إِ د غَا يَاسْ].
JOB 13:14 مَايمِّي غَا طّْفغْ أَيْسُومْ [ن أَرِّيمثْ] إِنُو جَارْ ثغْمَاسْ إِنُو، [مَايمِّي إِ] غَا طّْفغْ ثُوذَارْثْ إِنُو ذڭْ ؤُفُوسْ إِنُو؟
JOB 13:15 خْزَارْ، نتَّا إِخْسْ أَذْ أَيِي إِنغْ، نشّْ أَذْ ث رَاجِيغْ، [مَاشَا] أَذْ وْثغْ خْ إِبْرِيذنْ إِنُو زَّاثسْ.
JOB 13:16 ذ وَا إِ ذ أَيِي غَا إِذْوڒْ ذ أَسنْجمْ إِنُو، مَاشَا أَمْنَافقْ وَارْ د-إِتِّيسْ زَّاثْ إِ ؤُغمْبُوبْ نّسْ.
JOB 13:17 سْڒمْ مْلِيحْ غَارْ ڒْهَارْذْ إِنُو، س إِمزُّوغنْ [يَارزْمنْ] غَارْ ؤُشَارّحْ إِنُو.
JOB 13:18 خْزَارْ، نشّْ إِوْيغْ دّعْوثْ س ؤُستّفْ، سّْنغْ أَذْ تّْوَاسڭّْذغْ.
JOB 13:19 مَانْ ونْ [إِزمَّارنْ] أَذْ كِيذِي إِمْشَارّْعنْ؟ خنِّي أَذْ سغْذغْ ذغْيَا، أَذْ سُّوفّْغغْ بُوحْبڒْ.
JOB 13:20 مْغِيرْ وَارْ ذ أَيِي تّڭّْ ثْنَاينْ ن ڒحْوَايجْ، خنِّي وَارْ زَّايكْ تّْنُوفَّارِيغْ:
JOB 13:21 أَفُوسْ نّشْ سِيڭّْوجْ إِ-ث خَافِي، وَارْ ذ أَيِي سْنخْڒِيعْ س ؤُهُوذِّي نّشْ!
JOB 13:22 ڒَاغَا [شكْ]، نشّْ أَذْ [خَاكْ] د-أَرّغْ، نِيغْ نشّْ أَذْ سِّيوْڒغْ ؤُ شكْ أَذْ خَافِي د-ثَارّذْ!
JOB 13:23 مشْحَاڒْ خَافِي ن ڒْمُوعْصِييّثْ ذ دّنْبْ؟ سْشنْ أَيِي أَخطُّو إِنُو ذ دّنْبْ إِنُو.
JOB 13:24 مَايمِّي ثسّْنُوفَّارذْ أَغمْبُوبْ نّشْ، ثْحسّْبذْ أَيِي ذ ڒعْذُو نّشْ؟
JOB 13:25 مَا ثخْسذْ أَذْ ثسّنْخڒْعذْ ثَافَارْشْثْ إِ إِعَارّنْ ؤُسمِّيضْ سَّا غَارْ ذَا، مَا ثخْسذْ أَذْ ثضْفَارذْ إِغدْجْ يُوژْغنْ؟
JOB 13:26 مَاغَارْ ثتَّارِيذْ خَافِي ثِيمسْڒَايِينْ ثِيمَارْزَاڭِينْ، ثْبطِّيذْ أَيِي دّْنُوبْ ن ثمْژِي إِنُو.
JOB 13:27 ثسّْرُوسِيذْ إِضَارنْ إِنُو ذڭْ ؤُكشُّوضْ، شكْ ثْحطِّيذْ مَارَّا إِمسْرَاقْ إِنُو. ثْحطِّيذْ ثِيڒقَّا ن إِضَارنْ إِنُو،
JOB 13:28 ن ونِّي إِڭِّينْ أَمْ ؤُكشُّوضْ، شِّينْ ث إِكشَّاونْ، [خنِّي] يَارشَّا، أَمْ وَارُّوضْ إِشَّا إِ-ث ثْشِينْذَا.
JOB 14:1 بْنَاذمْ إِ د-إِتّْوَاخڒْقنْ زِي ثمْغَارْثْ، أَقَا ؤُسَّانْ [ن ثُوذَارْثْ] نّسْ ؤُذْرُوسنْ ؤُ نتَّا إِشُّورْ س ڒحْوڒْ.
JOB 14:2 نتَّا إِغمِّي أَمْ ثْنوَّاشْثْ، خنِّي إِتّْوَاقْضعْ. إِتّْرَاكّْوَاڒْ أَمْ ثِيڒِي، وَارْ إِتّْغِيمِي.
JOB 14:3 وَاخَّا أَمنِّي ثَارزْمذْ ثِيوَا نّسْ ثِيطَّاوِينْ نّشْ، ثتَّاوْيذْ أَيِي-د ذِي دّعْوثْ أَكِيذكْ.
JOB 14:4 مَانْ ونْ إِزمَّارنْ أَذْ إِسُّوفّغْ إِجّْ ن ؤُمزْذَاڭْ زڭْ ؤُمخْمُوجْ؟ ؤُڒَا ذ إِجّْ!
JOB 14:5 مَارَا ؤُسَّانْ نّسْ ؤُرِينْ، ڒْْقدّْ ن إِيُورنْ نّسْ [أَقَا إِتّْوَاسّنْ] غَاركْ ؤُشَا ثڭِّيذْ أَسْ ڒحْذُوذْ نّسْ نِّي وَارْ ذ أَسْ إِعدّڒْ أَذْ ثنْ إِعْذُو،
JOB 14:6 نقْڒبْ [خنِّي] خَاسْ مَاحنْذْ أَذْ يَاريّحْ، أَڒَامِي إِزمَّارْ أَذْ يَارّْ مژْرِي أَمْ يِيجّْ ن ؤُشوَّاڒْ ذڭْ وَاسّْ نّسْ.
JOB 14:7 مَاغَارْ إِ ثْشجَّارْثْ أَقَا ذِينْ عَاذْ ڒَايَاسْ! مَاڒَا ثتّْوَاقسّْ، أَذْ ثسُّوفّغْ عَاوذْ [ڒفْرُوعْ]، ڒفْرُوعْ نّسْ وَارْ تّْبذِّينْ زڭْ ؤُغمِّي.
JOB 14:8 وَاخَّا إِوْسَارْ وژْوَارْ نّسْ ذِي ثمُّورْثْ، إِمُّوثْ جّْذعْ نّسْ ذڭْ ؤُشَاڒْ،
JOB 14:9 أَذْ ثغْمِي ثْشجَّارْثْ [عَاوذْ] خْمِي غَا ثَاشَا أَكْ-ذ وَامَانْ، أَذْ ثسُّوفّغْ [عَاوذْ] ڒفْرُوعْ أَمْ إِشْثْ ن ثْشجَّارْثْ ژُّونْ ت بحْڒَا.
JOB 14:10 [مَاشَا مَاڒَا] إِمُّوثْ إِجّْ ن ورْيَازْ، إِفنَّا، [مَاڒَا] إِفّغْ أَسْ بُوحْبڒْ إِ بْنَاذمْ، مَانِي إِدْجَا خنِّي؟
JOB 14:11 أَمَانْ تّفّْغنْ-د زِي ڒبْحَارْ، إِغْزَارْ إِتَّاژغْ ؤُ إِخكّْوَا.
JOB 14:12 إِزّڒْ بْنَاذمْ ذِينْ، وَارْ إِتّكَّارْ عَاذْ. أَڒْ وَارْ تِّيڒِينْ عَاذْ إِجنْوَانْ، وَارْ ذ تّْفِيقِينْ، وَارْ تّْوَاسّكَّارنْ زڭْ إِضصْ نْسنْ.
JOB 14:13 أَخْ، مْڒِي ذ أَيِي غَا ثَارّذْ غَارْ ڒَاخَارْثْ، أَذْ أَيِي ثسّْنُوفَّارذْ أَڒْ غَا إِحيّذْ وغْضَابْ نّشْ، مْڒِي ذ أَيِي ثُورِيذْ إِجّْ ن ڒْمِيجَاڒْ إِمْثنْ، [حِيمَا] أَذْ أَيِي ثِيذَارذْ [عَاوذْ]!
JOB 14:14 مَاڒَا إِجّْ ن ورْيَازْ إِمُّوثْ، مَا أَذْ د-إِذْوڒْ غَارْ ثُوذَارْثْ؟ [خنِّي] أَذْ قِّيمغْ تّْرَاجِيغْ مَارَّا ؤُسَّانْ ن ؤُمنْغِي إِنُو، أَڒْ د-يُوسَا ؤُفكِّي إِنُو.
JOB 14:15 مَاڒَا [خنِّي] شكْ ثْڒَاغِيذْ، نشّْ أَذْ شكْ د-أَرّغْ ؤُشَا شكْ أَذْ ثمّژْڒذْ غَارْ ڒْخذْمثْ ن إِفَاسّنْ نّشْ.
JOB 14:16 مَاشَا ڒخُّو ثْحسّْبذْ إِصُورَافْ إِنُو، وَارْ ثْمنّْعذْ [لْغَاضَابْ نّشْ] خْ دّْنُوبْ إِنُو.
JOB 14:17 أَخطُّو إِنُو إِتّْوَاشمّعْ ذِي ثْشمُّوسْثْ، غَارْ ڒْمُوعْصِييّثْ إِنُو ثَارْنِيذْ [ذَايسْ] كْثَارْ.
JOB 14:18 وَاهْ، أَذْرَارْ إِوطَّانْ، إِفسِّي، جَارْفْ إِحْرُودْجذْ زڭْ ومْشَانْ نّسْ،
JOB 14:19 أَمَانْ تّدّْزنْ إِژْرَا، إِغزْرَانْ نّسْ تّكّْسنْ أَشَاڒْ ن ثمُّورْثْ، أَمُّو إِ ثَاردّْدْجذْ ڒَايَاسْ ن بْنَاذمْ.
JOB 14:20 شكْ ثَارنِّيذْ ذَايسْ إِ ڒبْذَا، [خنِّي] يُويُورْ. ثتّْبدَّاڒذْ ؤُذمْ نّسْ ؤُشَا ثسّكّذْ إِ-ث.
JOB 14:21 [مَاڒَا] إِحنْجِيرنْ نّسْ طّْفنْ شَّانْ، نتَّا وَارْ ث إِسِّينْ، [مَاڒَا] ثنْ ذدْجنْ، وَارْ كِيذْسنْ إِتِّيشِي.
JOB 14:22 مَاشَا أَرِّيمثْ نّسْ ثتّْنزْبَارْ ذِي طّْوعْ ن يِيخفْ نّسْ [وَاهَا]، ؤُ ڒعْمَارْ نّسْ إِتّشْضِينْ ذِي طّْوعْ نّسْ.
JOB 15:1 [خنِّي] يَارَّا-د إِلِيفَازْ، ونِّي د-يُوسِينْ زِي ثَايْمَانْ، إِنَّا:
JOB 15:2 مَا إِتَّارَّا-د إِجّْ ن ؤُمِيغِيسْ س ثُوسّْنَا إِخْوَانْ؟ مَا أَذْ إِشُّورْ أَعذِّيسْ نّسْ س ؤُسمِّيضْ إِ د-إِتَّاسنْ زِي مَانِيسْ د-ثْنقَّارْ ثْفُوشْثْ؟
JOB 15:3 مَا إِتّْشَارَّاعْ س ڒْهَارْذْ وَارْ إِنفّْعنْ، س وَاوَاڒنْ نِّي وَارْ إِتَّاكّْوَاضنْ؟
JOB 15:4 شكْ ثَارْژِيذْ ثِيڭّْوُوذِي [ن أَربِّي]، ثكّْسذْ ثَاژَادْجِيثْ زَّاثْ إِ وُوذمْ ن أَربِّي.
JOB 15:5 مَاغَارْ أَقمُّومْ نّشْ إِسَّارْڭبْ ڒْمُوعْصِييّثْ نّشْ، أَقَا إِتّعْجِيبْ أَشْ ڒْهَارْذْ س ثْحْرَايْمشْثْ س يِيڒسْ [نّشْ].
JOB 15:6 أَقمُّومْ نّشْ أَذْ شكْ إِحْكمْ، وَارْ إِدْجِي نشّْ، إِينْشِيشنْ نّشْ أَذْ خَاكْ شهْذنْ.
JOB 15:7 مَا شكْ ذ بْنَاذمْ ذ أَمزْوَارُو نِّي د-إِتّْوَاخڒْقنْ؟ نِيغْ ثتّْوَارْوذْ قْبڒْ ثِيوْرِيرِينْ؟
JOB 15:8 مَا ثسّْحسّذْ إِ وڭْرَاوْ ن إِمْشَاوَارنْ إِمْثِيقَّانْ ن أَربِّي، مَا ثْجبّْذذْ ثِيغِيثْ غَاركْ؟
JOB 15:9 مِينْ ثسّْنذْ شكْ، نشِّينْ وَارْ ث نسِّينْ؟ مِينْ ثْفهّْمذْ شكْ، أَقَا إِنْقصْ غَارْنغْ؟
JOB 15:10 ؤُڒَا جَارْ أَنغْ ذ أَمْشَايْبُو ذ ؤُوسَّارْ، نِيثْنِي ذ إِمْغَارنْ ذڭْ وُوسَّانْ خْ بَابَاشْ.
JOB 15:11 مَا أَسْفوّجْ ن أَربِّي ذْرُوسْ غَاركْ، نِيغْ إِجّْ ن وَاوَاڒْ سِّيوْڒنْ ث أَكِيذكْ س ثرْغغْ؟
JOB 15:12 مَايمِّي شكْ إِسّثْلَاعْ وُوڒْ نّشْ، مَايمِّي قدْجْعنْثْ ثِيطَّاوِينْ نّشْ،
JOB 15:13 أَقَا ثسّْنقْڒَابذْ بُوحْبڒْ نّشْ خْ أَربِّي، [أَڒَامِي] ثسُّوفُّوغذْ [مَارَّا] أَوَاڒنْ نِّي زڭْ ؤُقمُّومْ نّشْ؟
JOB 15:14 مِينْ إِعْنَا بْنَاذمْ أَقَا نتَّا أَذْ يِيڒِي ذ أَمزْذَاڭْ، [مِينْ إِعْنَا] ونِّي د-إِتّْوَاخڒْقنْ زِي ثمْغَارْثْ، أَقَا نتَّا أَذْ يِيڒِي ذ أَمْسڭّذْ؟
JOB 15:15 خْزَارْ، إِمْقدَّاسنْ نّسْ وَارْ خَاسنْ إِتّْشِيڒْ، ؤُڒَا ذ إِجنْوَانْ وَارْ دْجِينْ صْفَانْ ذِي ثِيطَّاوِينْ نّسْ!
JOB 15:16 أَهْثَاثْ عَاذْ إِجّْ ن نّْعِي ن بْنَاذمْ ذ بُو-ؤُفسَّاذْ، ونِّي إِسسّنْ مِينْ وَارْ إِحْڒِينْ أَمْ وَامَانْ!
JOB 15:17 نشّْ خْسغْ أَذْ أَشْ [ث] سّشْنغْ، سڒْ-د غَارِي، [خنِّي] أَذْ عَاوْذغْ مِينْ ژْرِيغْ،
JOB 15:18 مِينْ عَاوْذنْ إِمِيغِيسنْ، أَمْ وَارْ فَّارنْ [شَا] ن ڒجْذُوذْ نْسنْ.
JOB 15:19 إِ نِيثْنِي وَاهَا ؤُمِي ثمّوْشْ ثمُّورْثْ، ؤُڒَا ذ إِجّْ ن ڒْبَارَّانِي وَارْ خَاسْ إِعْذُو.
JOB 15:20 مَارَّا ؤُسَّانْ إِ إِدَّارْ ؤُعفَّانْ، إِمَارّثْ إِخفْ نّسْ، ڒْْقدّْ ن إِسڭّْوُوسَا إِ إِتّْوَاخمّْڒنْ إِ بُو-ڒخْشُونثْ، أَقَا إِنُوفَّارْ خَاسْ.
JOB 15:21 [يُوذفْ-د] ڒْحسّْ ن إِغُويَّانْ إِسّْنخْڒَاعنْ غَارْ إِمزُّوغنْ نّسْ. [عَاذْ ذِي ڒْوقْثْ ن] ڒهْنَا أَذْ خَاسْ إِوْضَا ؤُمْثحَّايْ.
JOB 15:22 نتَّا وَارْ إِتّْرِيجِي أَذْ د-إِعْقبْ زِي ثَادْجسْثْ، [مَاشَا] أَقَا نتَّا إِتّْوَاڭّْ إِ سِّيفْ.
JOB 15:23 نتَّا إِتّمْهَافَا ذَا ذ ذِيهَا خْ وغْرُومْ. ’[أَ،] مَانِي [إِ يدْجَا]؟‘ نتَّا إِسّنْ أَقَا إِتّْرَاجَا إِ-ث وَاسّْ ذ أَبَارْشَانْ ذغْيَا.
JOB 15:24 ضِّيقثْ ذ ڒحْصَارثْ سَّاڭّْوَاذنْثْ نتَّا، أَرْنِينْثْ إِ-ث أَمْ يِيجّْ ن ؤُجدْجِيذْ إِوْجذْ إِ ؤُمنْغِي.
JOB 15:25 مَاغَارْ غَارْ أَربِّي إِسّْوِيژَّاضْ نتَّا أَفُوسْ نّسْ، أَكْ-ذ ؤُمْزمَّارْ خْ كُوڒْشِي إِمنّعْ [ثَاغنَّانْثْ] ثَامقّْرَانْثْ.
JOB 15:26 س يِيرِي إِمحْضنْ إِتَّازّڒْ غَارسْ، [إِنُّوفْرَارْ] غَارْ ضفَّارْ ن ثْسدَّارِييِينْ نْسنْ [ن ؤُعسْكَارِي] س إِبُوطُوننْ إِڭْذَارنْ.
JOB 15:27 مَاغَارْ إِڒحّفْ إِ ؤُغمْبُوبْ نّسْ س ثَاذُونْثْ، إِڭَّا ثَاذُونْثْ إِ ثجْعِينَّا نّسْ.
JOB 15:28 إِزدّغْ ذِي ثْندَّامْ إِتّْوَاهذْمنْ، [ذِي] ثُوذْرِينْ وَارْ ذَايْسنْثْ إِزدّغْ [عَاذْ] ؤُڒَا ذ إِجّْ، ثِينِّي يُورَانْ مَاحنْذْ أَذْ ذوْڒنْثْ ذ ڒْخِيرْبَاثْ.
JOB 15:29 نتَّا وَارْ إِذِّيكّْوِيڒْ ذ بُو-وَاڭْڒَا، أَڭْڒَا نّسْ وَارْ إِتّْغِيمِي، مَاڒَا مِينْ د-إِكْسبْ وَارْ يَارنِّي خْ ثمُّورْثْ.
JOB 15:30 نتَّا وَارْ إِنجّمْ إِ ثَادْجسْثْ، أَشعَّاڒْ [ن ثْمسِّي] أَذْ يشّْ ڒفْرُوعْ نّسْ، أَذْ إِفْنَا س ڒعْوِينْ ن ؤُقمُّومْ نّسْ.
JOB 15:31 أجّْ إِ-ث وَارْ إِتّْشِيڒِي خْ ڒْغشّْ، مَاغَارْ [خنِّي] إِ غَا ثِيڒِي ؤُڒَا ذ ڒْمُونثْ نّسْ ذ ڒْغشّْ.
JOB 15:32 مَاڒَا وَارْ د-يُوسِي [عَاذْ] وَاسّْ نّسْ، أَذْ إِتّْوَاكمّڒْ [عَاذْ]، مَاغَارْ ثَاسطَّا ن ثِينِي نّسْ وَارْ ثْزيْزِيوْ.
JOB 15:33 أَذْ إِسّغْضڒْ أَضِيڒْ وَارْ إِسّْنذْينْ نّسْ أَمْ يِيشْثْ ن ثْزَايَارْثْ، أَذْ إِمّنْضَارْ نُّووَارْ نّسْ أَمْ ثْزِيثُونْثْ.
JOB 15:34 مَاغَارْ أَبَارُّو ن إِمْنَافْقنْ أَقَا-ث بْڒَا ڒْغِيدْجثْ ؤُ ثِيمسِّي ثتّتّْ إِقِيضَانْ [إِ إِشُّورنْ] س ڒْغشّْ.
JOB 15:35 أَقَا أَثنْ س دّيْسثْ زِي ثَامَارَا، تُّورْونْ ڒْغشّْ، ڒخْذعْ أَقَا-ث ذڭْ ؤُعذِّيسْ نْسنْ.
JOB 16:1 [خَاسْ ؤُشَا] يَارَّا-د أَيُوبْ، إِنَّا:
JOB 16:2 مَانَاوْيَا سْڒِيغْ أَسْ أَطَّاسْ، كنِّيوْ مَارَّا إِذْومْ ثسّْبطّْڒمْ أَيِي أَفوّجْ.
JOB 16:3 مَا أَذْ قْضَانْ وَاوَاڒنْ إِخْوَانْ؟ نِيغْ مِينْ شكْ إِعَارّْننْ [عَاذْ] أَذْ د-ثَارّذْ أَوَاڒْ؟
JOB 16:4 ؤُڒَا ذ نشّْ [زمَّارغْ] أَذْ سِّيوْڒغْ أَمْ كنِّيوْ، مَاڒَا أَقَا كنِّيوْ ذڭْ ومْشَانْ إِنُو. إِڒِي أَذْ مُوذغْ أَوَاڒنْ خَاومْ ؤُ أَذْ خَاومْ هزّغْ أَزدْجِيفْ إِنُو.
JOB 16:5 أَذْ كنِّيوْ سّْمحْضغْ س ؤُقمُّومْ إِنُو ؤُ أَفوّجْ ن إِينْشِيشنْ إِنُو أَذْ أَومْ يَاوِي ڒفْسَاسثْ.
JOB 16:6 مَاڒَا سِّيوْڒغْ، وَارْ خَافِي إِتّجِّي ڒحْڒِيقْ إِنُو ؤُ مَاڒَا سّغْذغْ، مَا أَذْ خَافِي إِحيّذْ؟
JOB 16:7 ڒخُّو إِسِّيحڒْ أَيِي نتَّا، ثسَّارْجْفذْ شكْ مَارَّا ثَاوَاشُونْثْ إِنُو.
JOB 16:8 شكْ ثسّْذُورُويذْ أَيِي س ثقْشُورْثْ [ن ثڒْمشْثْ]، ثنِّي ذ ثَاشهَّاذْثْ خَافِي، ؤُشَا ثكَّارْ خَافِي [أَرِّيمثْ] إِنُو ثَامُوسْرِيوْثْ، ثتّْشثْشَا زَّايِي ذڭْ ؤُغمْبُوبْ إِنُو.
JOB 16:9 أَغْضَابْ نّسْ إِمزّقْ، إِضفَّارْ أَيِي-د. نتَّا إِتّْغزَّا غَارِي ثِيغْمَاسْ. أَغْرِيمْ إِنُو إِسّْقطَّاعْ-د غَارِي ثِيطَّاوِينْ.
JOB 16:10 نِيثْنِي تّْشَارَّاڭنْ أَقمُّومْ نْسنْ خَافِي، شَّاثنْ أَيِي س ڒْحڭْرَا غَارْ ؤُقَابْسِي، تّكَّارنْ خَافِي تّْمُوننْ.
JOB 16:11 إِسلّمْ أَيِي أَربِّي إِ يِيجّْ ن مِّيسْ ن ڒْمُوعْصِييّثْ، إِعَارّنْ أَيِي ذڭْ ؤُفُوسْ ن إِعفَّاننْ.
JOB 16:12 ثُوغَا أَيِي ذِي ڒْهُوذْنثْ، مَاشَا نتَّا يَارْژَا أَيِي، إِشبَّارْ أَيِي ذڭْ إِجِيمَانْ، إِڒْبزْ أَيِي. إِسّْبدّْ أَيِي ذ ثَاحْجُورْثْ إِ يِيخفْ نّسْ.
JOB 16:13 إِمْجبَّاذنْ [نّسْ] [ن ڒْقوْسْ] نّْضنْ أَيِي-د، نتَّا إِسّْنُوقُّوبْ أَيِي ثِيژَّاڒْ بْڒَا أَهَاوڒْ، إِتّْزدْجَاعْ غَارْ ثمُّورْثْ إِژِي إِنُو،
JOB 16:14 يَارژَّا أَيِي ثَارژِّيثْ أَوَارْنِي إِ ثْرژِّيثْ نّغْنِي، إِعْرفْ-د خَافِي أَمْ بُو-ثغْرُوضْثْ.
JOB 16:15 خيّْضغْ ثَاخَانْشثْ [ن وشْضَانْ] إِ ثڒْمشْثْ إِنُو، إِشّْ إِنُو سّْوسّْخغْ ذِي ثْعجَّاشْثْ.
JOB 16:16 أَغمْبُوبْ إِنُو إِزْوغْ زڭْ إِمطَّاونْ، ثِيڒِي نْ ڒْموْثْ أَقَا-ت خْ وَابْڒِيونْ إِنُو،
JOB 16:17 وَاخَّا وَارْ يَارْسِي لْعُونْفْ خْ إِفَاسّنْ إِنُو ؤُ ثَاژَادْجِيثْ إِنُو ثصْفَا.
JOB 16:18 [ؤُهْ] ثَامُّورْثْ، وَارْ دَّاڒْ إِذَامّنْ إِنُو، وَارْ تّجِّي إِغُويَّانْ إِنُو أَذْ أَفنْ أَمْشَانْ [إِ أَرَّاحثْ]!
JOB 16:19 خْزَارْ، ؤُڒَا ذ ڒخُّو، أَشهَّاذْ إِنُو ذڭْ ؤُجنَّا، أَمْشَافعْ إِنُو خْ ڒڭْعُوذِي.
JOB 16:20 إِمدُّوكَّاڒْ إِنُو ذ يِينِّي زَّايِي إِسْثْهزَّانْ، [مَاشَا] ثتّْرُو ثِيطّْ إِنُو غَارْ أَربِّي.
JOB 16:21 أجّْ-إِ-ث أَذْ إِوّثْ دّعْوثْ خْ ورْيَازْ غَارْ أَربِّي، أَمْ إِجّْ ن مِّيسْ ن بْنَاذمْ خْ ؤُمدُّوكّڒْ نّسْ.
JOB 16:22 مَاغَارْ ذْرُوسْ ن إِسڭّْوُوسَا إِ-د غَا يَاسنْ [عَاذْ]، قْبڒْ  إِ غَا ؤُيُورغْ أَبْرِيذْ وَارْ زَّايسْ تّْعِيقِّيبغْ.
JOB 17:1 بُوحْبڒْ إِنُو يَارْجفْ، ؤُسَّانْ إِنُو [إِنڭُّورَا] خسْينْ، [مْغِيرْ] إِمضْڒَانْ ذ أَيِي إِقِّيمنْ.
JOB 17:2 س ثِيذتّْ، إِنِّي إِسْثهْزَانْ أَقَا أَثنْ غَارِي، ؤُ ثِيطّْ إِنُو ثسّْعدُّو دْجِيڒثْ جَارْ إِخَارِّيصنْ نْسنْ إِمَارْزَاڭنْ!
JOB 17:3 أڭّْ إِخفْ نّشْ ذ أَضْمَانْ إِ نشّْ [ذِينْ] غَاركْ. مَانْ ونْ [خنِّي] إِ غَا إِوْثنْ [أَفُوسْ نّسْ] ذڭْ ؤُفُوسْ إِنُو [إِ مَانْ أَيَا]؟
JOB 17:4 مَاغَارْ شكْ ثكّْسذْ [مَارَّا] ڒفْهَامثْ خْ وُوڒْ نْسنْ، خْ ؤُيَا شكْ وَارْ ثنْ ثسّْعُودْجِيذْ شَا.
JOB 17:5 وِي غَا إِغْذَارنْ إِمدُّوكَّاڒْ نّسْ ذِي طّْوعْ ن ثْكشَّاضْثْ، ثِيطَّاوِينْ ن إِحنْجِيرنْ نّسْ أَذْ نْعذْمنْثْ.
JOB 17:6 نتَّا إِڭَّا أَيِي ذ لْمَاثَالْ جَارْ ڒڭْنُوسْ، أَڒَامِي ذوْڒغْ أَمْ يِيجّنْ سُّوسُوفنْ أَسْ خْ ؤُغمْبُوبْ.
JOB 17:7 س ؤُيَا إِ ثعْمشْ ثِيطّْ إِنُو زڭْ وشْضَانْ، مَارَّا إِغزْذِيسنْ إِنُو أَقَا أَثنْ أَمْ ثِيڒِي.
JOB 17:8 إِنِّي إِڭُّورنْ نِيشَانْ تّْنخْڒَاعنْ زِي مَانْ أَيَا، أَمزْذَاڭْ إِتّْنقْڒَابْ خْ ؤُمْنَافقْ.
JOB 17:9 أَمْسڭّذْ إِمنّعْ ذڭْ وبْرِيذْ نّسْ، ونِّي غَارْ إِدْجَا إِفَاسّنْ إِمزْذَاڭنْ، يَارنِّي ذِي جّْهذْ.
JOB 17:10 مَاشَا مَارَّا كنِّيوْ، ذوْڒمْ-د، أَستِّيوْ-د ذَا، مَاغَارْ وَارْ ؤُفِيغْ ؤُڒَا ذ إِجّْ ن ؤُمِيغِيسْ جَارْ أَومْ.
JOB 17:11 عْذُونْ وُوسَّانْ إِنُو، تّْوَاقضْعنْ إِنْوَاينْ إِنُو، مَارَّا مژْرِي ن وُوڒْ إِنُو.
JOB 17:12 دْجِيڒثْ تّڭّنْ ت ذ أَسّْ، [قَّارنْ:] أَقَا ثَافَاوْثْ ثتَّاذسْ-د خْمِي د غَا ثوْضَا ثَادْجسْثْ.
JOB 17:13 مَاڒَا سِّيثْمغْ [عَاذْ]، [سِّيثِيمغْ] أَقَا ڒَاخَارْثْ أَذْ ثِيڒِي ذ ثَادَّارْثْ إِنُو، أَذْ بزّْعغْ ثَاسُّوثْ إِنُو ذِي ثَادْجسْثْ.
JOB 17:14 غَارْ [وحْفُورْ ن] ثُورْصُوضِي ڒَاغِيغْ: ’شكْ ذ بَابَا!‘، غَارْ إِكشَّا: ’يمَّا!‘ ذ: ’ؤُتْشْمَا!‘
JOB 17:15 مَانِي إِدْجَا خنِّي ڒَايَاسْ إِنُو؟ ڒَايَاسْ إِنُو، مَانْ ونْ [إِزمَّارنْ] أَذْ ث إِژَارْ؟
JOB 17:16 أَذْ هْوَانْ غَارْ طّْرُوفَا ن ڒَاخَارْثْ، خْمِي إِ غَا نَافْ نْمُونْ أَرَّاحثْ ذڭْ ؤُشَاڒْ.
JOB 18:1 [خَاسْ ؤُشَا] يَارَّا-د بِيلْذَاذْ، ونِّي د-يُوسِينْ زِي شُوحَا، إِنَّا:
JOB 18:2 أَڒْ مڒْمِي [عَاذْ ثَارزُّومْ] أَذْ ثطّْفمْ [إِجّْ ن بْنَاذمْ] خْ وَاوَاڒنْ نّسْ؟ مَاڒَا ثْفهْممْ، [خنِّي] أَوَارْنِي إِ ؤُيَا أَذْ نسِّيوڒْ.
JOB 18:3 مَايمِّي ذ أَنغْ إِتّْوَاڭّْ أَمْ ڒْمَاڒْ ؤُ نتّْوَاحْصَارْ ذِي بُوحْبڒْ ذِي ثِيطَّاوِينْ نْومْ؟
JOB 18:4 [شكْ، أَ يَارْيَازْ] ونِّي إِتّْمزّْقنْ إِخفْ نّسْ ذڭْ ؤُخيّقْ نّسْ! مَا أَذْ جّنْ ثمُّورْثْ [ذِي سِّيبّثْ نّشْ]، أَذْ إِتّْوَاسّْمُوطِّي جَّارْفْ زڭْ ومْشَانْ نّسْ [ذِي سِّيبّثْ نّشْ]؟
JOB 18:5 وَاهْ، ثَافَاوْثْ ن إِعفَّاننْ أَذْ ثخْسِي، أَشعَّاڒْ ن ثْمسِّي ن [ؤُعفَّانْ] وَارْ إِتّڭّْ ثَافَاوْثْ [عمَّارْصْ عَاذْ].
JOB 18:6 ثَافَاوْثْ ذِي ثْقِيذُونْثْ نّسْ أَذْ ثبَّارْشنْ، ڒفْنَارْ نّسْ ثِيوَا نّسْ أَذْ ث سّْخسْينْ.
JOB 18:7 تَّارْجِيجنْ إِصُورَافْ نّسْ إِجهْذنْ، شّْوَارْ [ن يِيخفْ] نّسْ أَذْ ث إِغْضڒْ.
JOB 18:8 مَاغَارْ س إِضَارنْ نّسْ أَذْ إِنَّاغْ ذڭْ ؤُصنَّاجْ، أَذْ يُويُورْ خْ ثْرَاشَّا، مُّوذنْ ت إِ ثْنيْمَارْثْ.
JOB 18:9 ثَاخْشفْثْ أَذْ ث ثمْنعْ زڭْ ؤُنِيرْزْ، ڒْْفخْ أَذْ ذَايسْ ثطّفْ.
JOB 18:10 ثنُّوفَّارْ ثسْغُونْثْ [ن ڒْفخْ] ذِي ثمُّورْثْ، ڒْفخْ أَقَا-ت خْ وبْرِيذْ.
JOB 18:11 سِّيڭّْوذنْ ث إِنخْڒِيعنْ زِي مَارَّا إِغزْذِيسنْ، ضفَّارنْ ث غَارْ إِضَارنْ نّسْ.
JOB 18:12 إِتّْوَاحْصَارْ ذَايسْ جّهْذْ نّسْ، أَضيّعْ إِتّْرَاجَا إِ-ث غَارْ ؤُغزْذِيسْ نّسْ.
JOB 18:13 [أَرْژِييّثْ] أَذْ ثشّْ [مَارَّا] إِغزْذِيسنْ ن أَرِّيمثْ نّسْ، إِغزْذِيسنْ [ن أَرِّيمثْ نّسْ] أَذْ ثنْ يشّْ إِجّْ ن ڒحْڒَاشْ إِنقّنْ.
JOB 18:14 مِينْخفْ ثُوغَا إِتّْشڒْ، إِتّْوَاقْڒعْ زِي ثْقِيضُونْثْ نّسْ. ثْندّهْ إِ-ث أَرْژِييّثْ غَارْ ؤُجدْجِيذْ ن إِنخْڒِيعنْ.
JOB 18:15 إِوْذَانْ نِّي وَارْ دْجِينْ ذ يِينِّي نّسْ، زدّْغنْ ذڭْ ؤُقِيضُونْ نّسْ، ڒشْبَارِييّثْ ثتّْوَازُوزَّارْ خْ ثْزذِّيغْثْ نّسْ.
JOB 18:16 سَاذُو نتَّا تَّاژْغنْ إِژوْرَانْ نّسْ، زِي سنّجْ تّْوَاقسّنْ ڒفْرُوعْ نّسْ.
JOB 18:17 ڒِيذَارثْ نّسْ أَذْ ثتّْوَاكّسْ زِي ثمُّورْثْ، وَارْ ذ أَسْ إِتّْغِيمِي [عَاذْ] إِسمْ ذڭْ وبْرِيذنْ.
JOB 18:18 أَذْ ث عَارْننْ زِي ثْفَاوْثْ غَارْ ثَادْجسْثْ، أَذْ سّْثوّْجنْ زِي دُّونشْثْ.
JOB 18:19 وَارْ غَارسْ إِتِّيڒِي وَارَّاوْ نِيغْ جَّاذِيرَا ذِي ڒْڭنْسْ نّسْ، وَارْ إِتّْغِيمِي ؤُڒَا ذ إِجّْ أَذْ إِدَّارْ ذِي ثْزذِّيغِينْ نّسْ.
JOB 18:20 خْ وَاسّْ نّسْ أَذْ أَرْجِيجنْ إِنِّي إِزدّْغنْ غَارْ مَانِي ثْغدْجِي ثْفُوشْثْ، إِنِّي إِزدّْغنْ غَارْ مَانِيسْ إِ د-ثْنقَّارْ ثْفُوشْثْ أَذْ ثنْ ثطّفْ ثِيڭّْوُوذِي.
JOB 18:21 وَاهْ، أَمُّو إِ ثتّمْسَارْ إِ ثْزذِّيغِينْ ن إِمقْجَاحنْ، وَا ذ أَمْشَانْ ن يِينِّي وَارْ إِسِّيننْ أَربِّي.
JOB 19:1 يَارَّا-د أَيُوبْ، إِنَّا:
JOB 19:2 مشْحَاڒْ عَاذْ إِ غَا ثكّمْ ثْشضْنمْ ڒعْمَارْ إِنُو، أَذْ أَيِي ثْڒبْزمْ س وَاوَاڒنْ؟
JOB 19:3 [ڒخُّو] عَاذْ وِيسّْعشْرَا ن ثْوَاڒَاوِينْ تّكّْوَارمْ أَيِي، وَارْ ثتّْسضْحِيمْ ؤُمِي ذ أَيِي د-ثْغطّْڒمْ أَوَاڒْ.
JOB 19:4 مَاڒَا س ثِيذتّْ ودَّارغْ، أَذْ إِقِّيمْ ؤُودَّارْ إِنُو إِ إِخفْ إِنُو.
JOB 19:5 مَاڒَا س ثِيذتّْ ثخْسمْ أَذْ خَافِي ثسّْڭعّْذمْ إِخفْ نْومْ س شِّيكِي، أَذْ أَيِي ثسّْقنْعمْ س ڒفْضِيحثْ إِنُو،
JOB 19:6 سْنمْ خنِّي، أَقَا أَربِّي إِنّقْڒبْ خَافِي، ؤُشَا إِنّضْ أَيِي-د س ثْرَاشَّا نّسْ.
JOB 19:7 خْزَارْ، سْغُويُّوغْ: ’ڒخْشُونثْ!‘، مَاشَا وَارْ خَافِي د-يَارِّي ؤُڒَا ذ إِجّْ، تّْڒَاغِيغْ إِ ثْوِيزَا، مَاشَا ڒْحقّْ وَارْ [ذِينْ] إِدْجِي.
JOB 19:8 أَبْرِيذْ إِنُو إِقّنْ إِ-ث، أَڒَامِي وَارْ زمَّارغْ أَذْ عْذُوغْ، ثَادْجسْثْ إِسُّو ت خْ إِمسْرَاقْ إِنُو.
JOB 19:9 ڒْعزّْ إِنُو إِكشّضْ إِ-ث زَّايِي، ؤُ تَّاجْ إِ إِدْجَانْ خْ ؤُزدْجِيفْ إِنُو إِكّسْ إِ-ث.
JOB 19:10 نتَّا يَاردّدْجْ أَيِي زِي مَارَّا إِغزْذِيسنْ، أَذْ تّْوَاهلّْكغْ! إِقْڒعْ ڒَايَاسْ إِنُو أَمْ يِيشْثْ ن ثْشجَّارْثْ.
JOB 19:11 أَغْضَابْ نّسْ يَارْغَا ذَايِي، نتَّا إِحسّبْ أَيِي أَمْ [إِجّْ زڭْ] إِغْرِيمنْ نّسْ.
JOB 19:12 مُوننْثْ فّْغنْثْ-د بَانْذِييَّاثْ نّسْ، سّْوجْذنْثْ-إِ-د أَبْرِيذْ نْسنْثْ غَارِي ؤُشَا قُووَّارنْثْ إِ ثْقِيضُونْثْ إِنُو.
JOB 19:13 أَيْثْمَا إِسِّيڭّْوجْ إِ-ثنْ خَافِي، إِنِّي ذ أَيِي إِسّْننْ ذوْڒنْ ذ مِيدّنْ خَافِي.
JOB 19:14 إِنِّي ذ أَيِي إِتّعْنَانْ جِّينْ أَيِي، إِنِّي ذ أَيِي إِسّْننْ تُّونْ أَيِي.
JOB 19:15 إِمْسخَّارنْ ن ثَادَّارْثْ إِنُو ذ ثِييَّا إِنُو حسّْبنْ أَيِي ذ ڒْبَارَّانِي، نشّْ ذ أَغْرِيبْ جَارْ ثِيطَّاوِينْ نْسنْ.
JOB 19:16 ڒَاغِيغْ إِ ؤُمْسخَّارْ إِنُو، [مَاشَا] وَارْ خَافِي د-يَارِّي، ثُوغَا إِتّْخصَّا أَذْ ث حشّْمغْ س ؤُقمُّومْ إِنُو.
JOB 19:17 ڒعْوِينْ ن ثمْوَارِّيثْ ن نّفْسْ إِنُو إِسّْعِيفّْ ثَامْغَارْثْ إِنُو، أَرْصُوضغْ إِ أَيْثْمَا.
JOB 19:18 عَاذْ إِحْرَامنْ إِمژْيَاننْ سّحْقَارنْ أَيِي. مَاڒَا كَّارغْ بدّغْ، تّمْعَارَّانْ خَافِي س وَاوَاڒنْ نْسنْ.
JOB 19:19 مَارَّا إِمّدُّوكَّاڒْ إِنُو إِعِيزّنْ شَارّْهنْ أَيِي، إِنِّي تّخْسغْ، نّْقڒْبنْ خَافِي.
JOB 19:20 غَارْ ثڒْمشْثْ ذ ويْسُومْ إِنُو ڒسّْقنْ إِغْسَانْ إِنُو. نشّْ نجْمغْ أَكْ-ذ ثِيڒْمشْثْ ن ثغْمَاسْ إِنُو [وَاهَا].
JOB 19:21 حِينّمْ خَافِي، حِينّمْ خَافِي، [أَ] كنِّيوْ، إِمدُّوكَّاڒْ إِنُو! مَاغَارْ أَفُوسْ ن أَربِّي إِڒْقفْ أَيِي.
JOB 19:22 مَايمِّي ذ أَيِي ثْضَافَّارمْ أَمْ ت إِتّڭّْ أَربِّي، ؤُ مَايمِّي وَارْ تّْجِيوِينمْ أَيْسُومْ إِنُو؟
JOB 19:23 مْڒِي ؤُرَانْ أَوَاڒنْ إِنُو، مْڒِي تّْوَازمّمنْ ذڭْ إِجّْ ن وذْلِيسْ!
JOB 19:24 مْڒِي تّْوَانقْشنْ س بْلُومَا ن وُوزَّاڒْ ؤُ س ڒخْفِيفْ ذِي جَّارْفْ إِ ڒبْذَا.
JOB 19:25 نشّْ سّْنغْ: ’أَمفْذِي إِنُو إِدَّارْ ؤُ نتَّا أَذْ د-إِكَّارْ ذ أَنڭَّارْ خْ ؤُشَاڒْ.‘
JOB 19:26 ؤُ أَوَارْنِي ڒَامِي إِ غَا ثتّْوَاڒْبزْ ثڒْمشْثْ إِنُو أَمُّو، أَذْ ژَترغْ أَربِّي زِي أَرِّيمثْ إِنُو.
JOB 19:27 أَذْ ث ژَترغْ زَّاثِي، ثِيطَّاوِينْ إِنُو أَذْ ث ژَترنْثْ، وَارْ إِدْجِي مِيدّنْ. غَارسْ إِ تّْمژْرنْثْ ثِيژَّاڒْ إِنُو غَارْ ذَاخڒْ إِنُو.
JOB 19:28 وَاخَّا أَمنِّي كنِّيوْ أَذْ ثِينِيمْ: ’مَامّشْ إِ نْزمَّارْ أَذْ ث نضْفَارْ؟‘ [مَاغَارْ] أَژْوَارْ ن ثْمسْڒَاشْثْ إِتّْوَافْ ذَايِي.
JOB 19:29 ڭّْوذمْ زِي سِّيفْ، مَاغَارْ س سِّيفْ [أَذْ د-يَاسْ] وسْعَارْ خْ دّْنُوبْ إِنقّنْ، مَاحنْذْ أَذْ ثسّْنمْ أَقَا [أَذْ يِيڒِي] ڒْحُوكْمْ.
JOB 20:1 [خنِّي] يَارَّا-د صُوفَارْ، ونِّي د-يُوسِينْ زِي نَاعْمَا، إِنَّا:
JOB 20:2 إِخَارِّيصنْ إِنُو تّْغِيمَانْ ذكّْوَاڒنْ-د غَارِي زِي سِّيبّثْ ن ؤُقدْجقْ [إِ وَارْ إِتّْبذِّينْ] ذِي [ڒْْبَاڒْ] إِنُو.
JOB 20:3 سْڒِيغْ إِجّْ ن ؤُوبّخْ إِ ذ أَيِي إِسّْبهْذَاڒنْ، [مَاشَا] بُوحْبڒْ أَذْ خَافِي د-يَارّْ س ڒفْهَامثْ إِنُو.
JOB 20:4 [إِوَا] ثسّْنذْ أَيَا، أَقَا-ث ذِينْ زڭْ وشْحَاڒْ ؤُيَا، زڭْ وَامِي إِتّْوَاسَّارْسْ بْنَاذمْ خْ ثمُّورْثْ،
JOB 20:5 أَقَا أَسْڒِيوْڒوْ ن إِعفَّاننْ إِتّكّْ ذْرُوسْ [وَاهَا]، ڒفْرَاحثْ ن ؤُمْنَافقْ [مْغِيرْ] إِشْثْ ن ثْزحْزِيحْثْ.
JOB 20:6 وَاخَّا ثتّْڭعَّاذْ نّْفَاخثْ نّسْ أَڒْ إِجنْوَانْ، وَاخَّا إِتّْحَاذَا أَزدْجِيفْ نّسْ أَڒْ إِسيْنُوثنْ،
JOB 20:7 أَمْ مَامّشْ إِسُوفْغَانْ نّسْ أَذْ قْضَانْ إِ ڒبْذَا، أَذْ إِقْضَا ؤُڒَا ذ نتَّا إِ ڒبْذَا. إِنِّي ث إِژْرِينْ، أَذْ إِنِينْ: ’مَانِي إِدْجَا نتَّا؟‘
JOB 20:8 أَمْ إِشْثْ ن ثِيرْجَا أَذْ إِضُووْ، أَڒَامِي وَارْ إِتّْوِيفْ [عَاذْ]، أَذْ إِتّْوَاسّثْلعْ أَمْ إِجّْ ن ڒوْحِييْ ن دْجِيڒثْ.
JOB 20:9 ثِيطّْ إِ ث إِژْرِينْ وَارْ [ث] ثْژَارّْ عَاوذْ، ؤُ أَمْشَانْ نّسْ وَارْ ث إِژَارّْ [عمَّارْصْ].
JOB 20:10 إِحنْجِيرنْ نّسْ أَذْ سّْجِيوْننْ إِمزْڒَاضْ، [أَمُّو] إِ د غَا يَارّنْ إِفَاسّنْ نّسْ أَڭْڒَا نّسْ.
JOB 20:11 إِخْسَانْ نّسْ إِشُّورنْ س ثمْژِي، أَذْ زّْڒنْ أَكِيذسْ ذڭْ ؤُشَاڒْ.
JOB 20:12 مَاڒَا ڒْغَارْ ذڭْ ؤُقمُّومْ نّسْ ذ [أَ]مِيژِيذْ، مَاڒَا إِسّْنُوفَّارْ إِ-ث سَاذُو إِڒسْ نّسْ،
JOB 20:13 مَاڒَا إِحْضَا إِ-ث، وَارْ إِخْسْ أَذْ خَاسْ إِحيّذْ، [مَاشَا] إِمنّعْ إِ-ث ذڭْ وَانغْ نّسْ،
JOB 20:14 [خنِّي] أَذْ ثْبدّڒْ مَاشَّا نّسْ ذڭْ ؤُعذِّيسْ نّسْ، ذِي ذَاخڒْ نّسْ أَذْ ثذْوڒْ ذ أَرّْهَاجْ ن ثْرفْسِيوِينْ.
JOB 20:15 إِصَارْضْ أَڭْڒَا، [مَاشَا] أَذْ ث-إِ-د-إِعُوقّْ [عَاوذْ]. أَذْ ث-إِ-د-إِنْضَارْ أَربِّي غَارْ بَارَّا زڭْ ؤُعذِّيسْ نّسْ.
JOB 20:16 أَرّْهَاجْ ن ثْرفْسِيوِينْ أَذْ ث إِطّضْ، إِڒسْ ن ؤُفِيغَارْ أَذْ ث إِنغْ.
JOB 20:17 وَارْ إِژَارّْ إِغزْرَانْ، ثِيغزْرَاثِينْ ذ ثَارْيَاوِينْ [إِتَّازّْڒنْ] س ثَامّنْثْ ذ ؤُغِي.
JOB 20:18 أَذْ د-يَارّْ ڒفْضڒْ ن ؤُمَارّثْ نّسْ، وَارْ ث إِسّغْڒَايْ، وَارْ إِنڭّزْ س ڒفْرَاحثْ زِي سِّيبّثْ ن وَاڭْڒَا إِ د-إِكْسبْ،
JOB 20:19 مَاغَارْ إِذدْجْ إِمزْڒَاضْ، إِجَّا إِ-ثنْ بْڒَا ثْوِيزَا، يُوشَارْ ثَادَّارْثْ نِّي وَارْ إِسّْبدّْ،
JOB 20:20 مَاغَارْ وَارْ إِسِّينْ ڒْهُوذْنثْ ذِي ذَاخڒْ نّسْ، [س ؤُيَا] وَارْ إِنجّمْ س [مَارَّا] مِينْ ذِي ثُوغَا إِمّژْرِي.
JOB 20:21 وَارْ إِتّْشطِّي وَالُو إِ ؤُمرْعِيقْ نّسْ، خْ ؤُيَا وَارْ إِتّْغِيمِي زّْهَارْ نّسْ إِبدّْ.
JOB 20:22 مَاڒَا غَارسْ أَفيّضْ إِمُونْ، أَذْ إِتّْوَاحْسَارْ، أَذْ خَاسْ يِيڒِي [ؤُ]فُوسْ ن كُوڒْ ڒْمسْكِينْ.
JOB 20:23 أَيَا أَذْ يِيڒِي حِيمَا أَذْ إِشُّورْ أَعذِّيسْ نّسْ، [وَاهْ، أَربِّي] أَذْ خَاسْ إِسّكّْ ڒْْحَاذُوقْ ن وغْضَابْ نّسْ، أَذْ ث يَارّْ أَذْ خَاسْ إِوّثْ [أَمْ ونْژَارْ] [ؤُشَا أَذْ ث يَارّْ أَذْ إِشُوكّْ] ذِي أَرِّيمثْ نّسْ.
JOB 20:24 وَاخَّا أَذْ يَارْوڒْ زِي ڒسْنَاحْ ن وُوزَّاڒْ، أَذْ ث إِسّْنُوقّبْ ڒْقوْسْ ن نّْحَاسْ.
JOB 20:25 إِجبّذْ [إِجّنْ زَّايسْ فْڒِيثْشَا]، أَقَا ثفّغْ-د زِي أَرِّيمثْ نّسْ، ڒْْمَاشَامْ يَارقّنْ [إِتّفّغْ-د] زڭْ إِژِي نّسْ، [وَاهْ] إِنخْڒِيعنْ أَذْ خَاسْ كّنْ.
JOB 20:26 ثَادْجسْثْ ثكْمڒْ ثتّْحَامَا غَارْ ثْخُوبَايْ نّسْ إِنُوفَّارنْ، ثِيمسِّي وَارْ ت إِسِّيغْ ؤُڒَا ذ إِجّْ، أَذْ ث ثشّْ، أَذْ ثَارّْ مژْرِي أَكْ-ذ يِينِّي إِشطّنْ ذِي ثْقِيضُونْثْ نّسْ.
JOB 20:27 أَجنَّا أَذْ إِعَارَّا ڒْمُوعْصِييّثْ نّسْ، ثَامُّورْثْ أَذْ خَاسْ ثْغوّغْ.
JOB 20:28 ڒْغِيدْجثْ ن ثَادَّارْثْ نّسْ أَذْ ثْرَاحْ، أَذْ ثَازّڒْ ذڭْ وَاسّْ ن وغْضَابْ نّسْ.
JOB 20:29 وَا ذ مِينْ إِ د-إِكَّارنْ إِ إِعفَّاننْ زِي أَربِّي، ثَاسْغَارْثْ إِ ذ أَسْ إِنَّا أَربِّي.
JOB 21:1 [خنِّي] يَارَّا-د أَيُوبْ، إِنَّا:
JOB 21:2 سْڒمْ مْلِيحْ إِ وَاوَاڒنْ إِنُو، حِيمَا أَذْ أَومْ إِڒِينْ إِ ؤُسْفوّجْ.
JOB 21:3 كْسِيمْ أَيِي، [خنِّي] أَذْ سِّيوْڒغْ، ؤُ أَوَارْنِي ڒَامِي سِّيوْڒغْ، ثْزمَّارمْ أَذْ ثْعفَّارمْ.
JOB 21:4 مَا أَشثْشِي إِنُو خْ إِجّْ ن بْنَاذمْ؟ نِيغْ مَايمِّي وَارْ ذ أَيِي د-إِكَّارْ أَذْ يِيڒِي بُوحْبڒْ إِنُو بْڒَا تَّاسِيعْ ن ڒْخَاضَارْ؟
JOB 21:5 قڒْبمْ-د غَارِي ؤُشَا جْعَارمْ، سَارْسمْ أَفُوسْ خْ ؤُقمُّومْ.
JOB 21:6 [مَاڒَا] خمّغْ [وَاهَا] ذڭْ ؤُيَا، تّْنخْڒِيعغْ ؤُ ثْمنّعْ ثَارْجِيجِيثْ أَرِّيمثْ إِنُو.
JOB 21:7 مَايمِّي تّْغِيمَانْ إِعفَّاننْ دَّارنْ، [مَايمِّي] دَّاكّْوَاڒنْ إِوسُّورَا، تّْمَارْنِينْ عَاذْ ذِي جّهْذْ نْسنْ؟
JOB 21:8 ثَارْوَا نْسنْ تّْغِيمَانْ بدّنْ زَّاثْ إِ ؤُغمْبُوبْ نْسنْ، أَقَا أَثنْ غَارْسنْ، ؤُ [إِحنْجِيرنْ] إِغدُّوثنْ نْسنْ زَّاثْ إِ ثِيطَّاوِينْ نْسنْ.
JOB 21:9 ثُوذْرِينْ نْسنْ أَقَا أَثنْثْ ذِي ڒهْنَا نْهْڒَا أَنخْڒِيعْ، أَعْمُوذْ ن أَربِّي وَارْ ثنْ إِشِّيثْ.
JOB 21:10 أَفُونَاسْ نّسْ إِتَّارَّا ؤُ وَارْ إِخطِّي، ثَافُونَاسْثْ نّسْ ثتَّارُو، عمَّارْصْ وَارْ ثْغطّڒْ أَعذِّيسْ.
JOB 21:11 تّجَّانْ إِمژْيَاننْ نْسنْ ڭُّورنْ أَمْ يِيشْثْ ن ثْحِيمَارْثْ، إِحنْجِيرنْ نْسنْ [تّجَّانْ ثنْ] نڭّْزنْ.
JOB 21:12 نِيثْنِي سّْڭعَّاذنْ [ثْمِيجَّا نْسنْ] غَارْ ؤُبنْذِيرْ ذ ڒْڭَامْبْرِي، فَارّْحنْ غَارْ ثْمِيجَّا ن ثمْجَا.
JOB 21:13 سّْعدُّونْ ؤُسَّانْ نْسنْ ذِي زّْهَارْ، [مَاشَا] هكّْوَانْ غَارْ ڒَاخَارْثْ ذڭْ ورْمَاشْ ن وَابْڒِيونْ.
JOB 21:14 قَّارنْ إِ أَربِّي: ’حيّذْ خَانغْ، مَاغَارْ وَارْ ذ أَنغْ إِعْجِيبْ أَذْ نسّنْ إِبْرِيذنْ نّشْ.
JOB 21:15 مَانْ ونْ إِدْجَانْ ذ أَمْزمَّارْ خْ كُوڒْشِي مَاحنْذْ أَذْ أَسْ نْسخَّارْ؟ مَانْ لْفَايْذَا إِ غَارْنغْ مَاڒَا نْزِييَّارْ خَاسْ [س ثْژَادْجِيثْ نّغْ]؟‘
JOB 21:16 خْزَارْ، زّْهَارْ نْسنْ وَارْ إِدْجِي ذڭْ ؤُفُوسْ نْسنْ. شّْوَارْ ن إِعفَّاننْ إِڭّْوجْ خَافِي.
JOB 21:17 مشْحَاڒْ ن ثْوَاڒَاوِينْ ثْخسِّي [خنِّي] إِ إِعفَّاننْ ثْفَاوْثْ [نْسنْ]، ؤُشَا إِڒقّفْ إِ-ثنْ ؤُضيّعْ، [مشْحَاڒْ ن ثْوَاڒَاوِينْ] إِبطَّا نتَّا [خَاسنْ ڒحْڒِيقْ] ذڭْ وغْضَابْ نّسْ،
JOB 21:18 [أَڒَامِي] إِ غَا ذوْڒنْ أَمْ ؤُڒُومْ زَّاثْ إِ ؤُسمِّيضْ، أَمْ إِغدْجْ ثخْضفْ إِ-ث ثْحَارْيَاضْثْ؟
JOB 21:19 [مَا ثقَّارمْ]: ’أَربِّي إِتّْخمّڒْ [لْعِيقَابْ] [إِ] ڒْمُوعْصِييّثْ نّسْ إِ إِحنْجِيرنْ نّسْ!‘ أجّْ إِ-ث أَذْ أَسْ ت إِخدْجصْ أَڒْ غَا يَاشَا نتَّا [سِيمَانْثْ نّسْ]!
JOB 21:20 أجّْ ثِيطَّاوِينْ نّسْ أَذْ ژَترنْثْ أَهلّكْ نّسْ، [أجّْ إِ-ث] أَذْ إِسُو [س يِيخفْ نّشْ] زڭْ وسْعَارْ ن ؤُمْزمَّارْ خْ كُوڒْشِي.
JOB 21:21 مَاغَارْ مَامّشْ إِ غَا يَارْضَا عَاذْ ذِي [أَيْثْبَابْ ن] ثَادَّارْثْ نّسْ أَوَارْنِي [إِ ڒْموْثْ] نّسْ، مَاڒَا ثتّْوَاڭّْ [عَاذْ] قدَّا ن إِيُورنْ نّسْ؟
JOB 21:22 مَا زمَّارنْ أَذْ سّْڒمْذنْ ثُوسّْنَا إِ أَربِّي، ونِّي إِحكّْمنْ خْ يِينِّي إِدْجَانْ ذڭْ ؤُجنَّا يُوعْڒَانْ؟
JOB 21:23 أَقَا ذِينْ إِجّنْ إِمُّوثْ ذِي زّْهَارْ إِمُونْ، أَمْ [إِدَّارْ عَاذْ] قَاعْ ذِي ڒهْنَا ؤُ ذِي ڒْهُوذْنثْ.
JOB 21:24 [أَمْ]عمَّارنْ ڒمْذَاوذْ نّسْ س ؤُغِي ؤُ إِتّْوَابزّڭْ وَاذُوفْ ن يغْسَانْ نّسْ.
JOB 21:25 ونّغْنِي إِمُّوثْ س ڒعْمَارْ ذ أَمَارْزَاڭْ، وَارْ د-يِيوِي ڒِيقِّي إِ وَالُو ن ڒْخَارْ.
JOB 21:26 مُوننْ زّْڒنْ نِيثْنِي ذڭْ ؤُشَاڒْ ؤُ إِكشَّاونْ ذْڒِينْ ثنْ.
JOB 21:27 خْزَارْ، سّْنغْ إِخَارِّيصنْ نْومْ، ؤُڒَا ذ ثِيمعْمَاتْشْ نِّي زِي ذ أَيِي ثْذڒْممْ،
JOB 21:28 خْمِي ثقَّارمْ: ’مَانِي ثدْجَا ثَادَّارْثْ ن ؤُمْشنّعْ [إِتّْمژْرِينْ ذِي صُّولْطَا]، مَانِي ثدْجَا ثْقِيضُونْثْ [س ثْزذِّيغِينْ]، ثَازذِّيغْثْ ن ؤُعفَّانْ؟‘
JOB 21:29 مَاعمَّارْصْ وَارْ ثسّقْسِيمْ إِمْسبْرِيذنْ؟ أَقَا إِشيَّارنْ نْسنْ إِتّْقَارَّانْ وَارْ ثْزمَّارمْ أَذْ ثنْ ثنْكَارمْ:
JOB 21:30 مَاغَارْ أَعفَّانْ أَذْ إِتّْوَاحْضَا ذڭْ وَاسّْ ن أَرْژِييّثْ، ذڭْ وَاسّْ ن ؤُذُوقّزْ [ن ؤُفُوڭمْ] أَذْ تّْوَاوْينْ نِيثْنِي [ذِي ڒَامَانْ].
JOB 21:31 مَانْ ونْ إِ ث غَا إِسّشْننْ أَبْرِيذْ نّسْ ذڭْ ؤُغمْبُوبْ نّسْ؟ مَاڒَا إِڭَّا [شَا ن ثُوعفّْنَا]، وِي [ث] إِ غَا إِخدْجْصنْ؟
JOB 21:32 نتَّا مَاشَا أَذْ إِتّْوَاكْسِي غَارْ ونْضڒْ نّسْ [ذ أَمقّْرَانْ] ؤُ غَارْ ثوْرِيرْثْ ن ونْضڒْ نّسْ إِتّْعسّْ نتَّا [س يِيخفْ نّسْ].
JOB 21:33 تّْعجِيبنْ أَسْ إِبُورْسَا ن ثغْزُورْثْ، ضفَّارنْ ث مَارَّا إِوْذَانْ ؤُ إِنِّي ذ أَسْ إِتِّيزْوَارنْ، وَارْ زمَّارنْ أَذْ ثنْ حسْبنْ.
JOB 21:34 مَامّشْ ثخْسمْ أَذْ أَيِي ثْعزَّامْ س [وَاوَاڒنْ] إِخْوَانْ؟ زِي ثمْوَارِّيثْ نْومْ وَارْ إِتّْغِيمِي [وَالُو] مْغِيرْ ڒغْضَارْ [وَاهَا].
JOB 22:1 [خنِّي] يَارَّا-د إِلِيفَازْ، ونِّي د-يُوسِينْ زِي ثَايْمَانْ، إِنَّا:
JOB 22:2 مَا إِزمَّارْ بْنَاذمْ أَذْ إِنْفعْ أَربِّي؟ ونِّي إِڭِّينْ س ڒعْقڒْ إِنفّعْ [مْغِيرْ] إِ يِيخفْ نّسْ.
JOB 22:3 مَا أَقَا-ث ذ لْفَايْذَا إِ ؤُمْزمَّارْ خْ كُوڒْشِي أَقَا شكْ ثْسڭّْذذْ، نِيغْ ذ ڒفْضڒْ مَاڒَا شكْ ثڭُّورذْ ذڭْ إِبْرِيذنْ نّشْ س ڒصْفَايثْ؟
JOB 22:4 مَا إِوْثِي إِ شكْ زِي سِّيبّثْ ن ثِيڭّْوُوذِي نّشْ [زَّايسْ]، نِيغْ أَذْ يَاذفْ أَكِيذكْ غَارْ ثَادَّارْثْ ن شّْرعْ؟
JOB 22:5 مَا وَارْ ثدْجِي ثُوعفّْنَا نّشْ ذ ثَامقّْرَانْثْ، ؤُ ڒْمُوعْصِييَّاثْ نّشْ [مَا وَارْ دْجِينْثْ] نْهْڒَا أَسْبذِّي؟
JOB 22:6 مَاغَارْ ثْحوّْسذْ دِّييّثْ زڭْ أَيْثْمَاشْ بَاطڒْ، ثكّْسذْ أَرُّوضْ إِ يِينِّي س ذْرُوسْ ن ورُّوضْ وَاهَا.
JOB 22:7 ونِّي يُوحْڒنْ وَارْ ذ أَسْ ثوْشِيذْ أَذْ إِسُو، ونِّي إِدْجُوزنْ ثْقضْعذْ أَسْ أَغْرُومْ.
JOB 22:8 [مَاشَا] مَاڒَا ذِينْ أَرْيَازْ س ؤُغِيڒْ إِجْهذْ، [خنِّي] ثَامُّورْثْ أَقَا-ت إِ وَانِيثَا، أَذْ ذَايسْ إِزْذغْ شَا ن ورْيَازْ ن شَّانْ.
JOB 22:9 ثِيجَّاڒْ ثْسكّذْ ثنْثْ س إِفَاسّنْ خْوَانْ، إِغَادْجنْ ن ؤُيُوجِيڒْ تّْوَاڒبْزنْ.
JOB 22:10 خْ ؤُيَا نّْضنْثْ أَشْ ڒفْخُوخْ، ؤُشَا ثوْضَاذْ-د خَاكْ ثِيڭّْوُوذِي.
JOB 22:11 نِيغْ وَارْ ثتّْوِيڒِيذْ ثَادْجسْثْ، ذ ڒْحمْڒثْ ن وَامَانْ نِّي شكْ يذْڒِينْ؟
JOB 22:12 مَا وَارْ إِدْجِي أَربِّي يُوعْڒَا ذڭْ ؤُجنَّا؟ خْزَارْ إِثْرَانْ [نِّي إِدْجَانْ] سنّجْ قَاعْ، مَامّشْ عُودْجنْ!
JOB 22:13 [مَاشَا] ثقَّارذْ: ’مِينْ إِسّنْ أَربِّي؟ مَا إِزمَّارْ أَذْ إِحْكمْ [نِيشَانْ] زڭْ ؤُسيْنُو إِبُّومْبْسنْ؟
JOB 22:14 إِسيْنُوثنْ ذ أَڒحّفْ إِ نتَّا أَڒَامِي وَارْ إِتّْوِيڒِي، ؤُ خْ ڒْقُوبّثْ ن ؤُجنَّا إِڭُّورْ نتَّا.‘
JOB 22:15 مَا ثخْسذْ أَذْ ثضْفَارضْ أَمسْرُوقْ ن وشْحَاڒْ ؤُيَا، أَمسْرُوقْ نِّي كِّينْ يرْيَازنْ [إِشُّورنْ] س ڒْمُوعْصِييّثْ،
JOB 22:16 إِنِّي إِتّْوَاكّْسنْ أَمْ وَارْ د-يِيوِيضْ [عَاذْ] ڒْمِيجَاڒْ نْسنْ، [ؤُمِي] ثْفيّضْ ڒْحمْڒثْ ذْسَاسْ نْسنْ،
JOB 22:17 إِنِّي إِنَّانْ إِ أَربِّي: ’أَڭّْوجْ خَانغْ!‘ مِينْ إِزمَّارْ ؤُمْزمَّارْ خْ كُوڒْشِي أَذْ يڭّْ [عَاذْ] إِ نِيثْنِي؟
JOB 22:18 إِوَا، وَاخَّا نتَّا إِشُّورْ ثُوذْرِينْ نْسنْ س ڒْخَارْ! شّْوَارْ ن إِعفَّاننْ إِڭّْوجْ خَافِي.
JOB 22:19 ژْرِينْ ت إِمْسڭَّاذنْ ؤُشَا فَارْحنْ، أَمزْذَاڭْ إِسْثهْزَا زَّايْسنْ.
JOB 22:20 ’أَغْرِيمْ نّغْ إِتّْوَاكحّضْ ؤُ مِينْ زَّايْسنْ إِقِّيمنْ ثشَّا إِ-ث ثْمسِّي.‘
JOB 22:21 قّنْ غَارسْ، أَذْ غَاركْ ثِيڒِي ڒْهُوذْنثْ، س ؤُيَا أَذْ غَاركْ د-يَاسْ مِينْ إِصبْحنْ.
JOB 22:22 كْسِي خنِّي ثَاغُورِي زڭْ ؤُقمُّومْ نّسْ، أڭّْ أَوَاڒنْ نّسْ ذڭْ وُوڒْ نّشْ.
JOB 22:23 مَاڒَا ثْذوْڒذْ-د غَارْ ؤُمْزمَّارْ خْ كُوڒْشِي، أَذْ ثتّْوَاسّْبدّذْ. سِيڭّْوجْ مِينْ وَارْ إِسڭّْذنْ خْ ثْقِيضُونِينْ نّشْ.
JOB 22:24 سَارْسْ ؤُرغْ إِقُّورنْ ذڭْ ؤُشَاڒْ، ؤُرغْ زِي ؤُفِيرْ جَارْ إِژْرَا ن ثْغزْرَاثِينْ.
JOB 22:25 [خنِّي] أَمْزمَّارْ خْ كُوڒْشِي أَذْ يِيڒِي [أَمشْنَاوْ] ؤُرغْ إِقُّورنْ نّشْ، [أَمشْنَاوْ] إِذُورَارْ يُوعْڒَانْ ن نُّوقَارْثْ إِ شكْ!
JOB 22:26 مَاغَارْ خنِّي أَذْ ثْفَارْحضْ زڭْ ؤُمْزمَّارْ خْ كُوڒْشِي، أَذْ ثسّْڭعّْذذْ أَغمْبُوبْ نّشْ غَارْ أَربِّي.
JOB 22:27 أَذْ أَسْ ثتَّارذْ س ثْژَادْجِيثْ يُودْجْغنْ ؤُ نتَّا أَذْ أَشْ إِسڒْ، ؤُ شكْ أَذْ ثْكمّْڒذْ لْوُوعُوذْ نّشْ.
JOB 22:28 مَاڒَا ثكّْسذْ أَوَاڒْ، خنِّي أَذْ أَشْ د-ثفّغْ [ثْمسْڒَاشْثْ]، ؤُ ثَافَاوْثْ أَذْ ثَارغْ ذڭْ إِبْرِيذنْ نّشْ.
JOB 22:29 مَاڒَا سّهْوَانْ نِيثْنِي إِجّنْ، أَذْ ثِينِيذْ: ’سْڭعّذْ [أَزدْجِيفْ نّشْ]!‘، نتَّا أَذْ إِسّنْجمْ ونِّي إِسّْهكّْوَانْ ثِيطَّاوِينْ نّسْ.
JOB 22:30 نتَّا أَذْ إِسّنْجمْ ونِّي وَارْ إِدْجِينْ بْڒَا ڒْعِيبْ، مِينْزِي نتَّا أَذْ إِنْجمْ س ثزْذُوڭِي ن إِفَاسّنْ نّشْ!
JOB 23:1 يَارَّا-د أَيُوبْ، إِنَّا:
JOB 23:2 ؤُڒَا ذ أَسّْ-أَ أَشثْشِي إِنُو ذ أَغنَّانْ، إِسّذْقڒْ أَفُوسْ إِنُو خْ ؤُنفّسْ إِنُو.
JOB 23:3 مْڒِي سّْنغْ، مَانِي زمَّارغْ أَذْ ث أَفغْ، مَاحنْذْ أَذْ أَوْضغْ غَارْ ثْزذِّيغْثْ نّسْ.
JOB 23:4 [خنِّي] أَذْ بزّْعغْ زَّاثسْ دّعْوثْ، أَذْ شُّورغْ أَقمُّومْ إِنُو س وَاوَاڒنْ إِ ؤُشَارّعْ.
JOB 23:5 أَذْ سّْنغْ أَوَاڒنْ إِ خَافِي د غَا يَارّْ، أَذْ فهْمغْ مِينْ إِ ذ أَيِي غَا يِينِي.
JOB 23:6 مَا إِتّْخصَّا أَسْ أَذْ إِمْشَارّعْ أَكِيذِي س جّْهذْ أَمقّْرَانْ؟ لَّ، أجّْ إِ-ث أَذْ أَيِي إِوْشْ [ثَايْنِيثْ وَاهَا].
JOB 23:7 ذِينِّي أَذْ كِيذسْ إِمْشَارّعْ ونِّي إِشْنَانْ ؤُ [أَمُّو] نشّْ أَذْ نُّوفْسْڒغْ إِ ڒبْذَا زِي ڒْقَاضِي إِنُو.
JOB 23:8 [مَاشَا] خْزَارْ، مَاڒَا ؤُيُورغْ غَارْ شَّارْقْ، [أَمُّو] وَارْ ذِينْ إِدْجِي نتَّا، ؤُ مَاڒَا [ؤُيُورغْ] غَارْ ڒْغَارْبْ، [أَمُّو] وَارْ ذ أَسْ تّْحكَّارغْ.
JOB 23:9 مَاڒَا غَارسْ شْغڒْ ذِي شَّامَالْ، وَارْ ث تّْوِيڒِيغْ، [مَاڒَا] إِنّقْڒبْ-د غَارْ لْجَانُوبْ، وَارْ ث ژَترّغْ.
JOB 23:10 مَاشَا نتَّا إِسّنْ أَبْرِيذْ إِ ڭُّورغْ، إِتّْقدْجبْ أَيِي، أَذْ فّْغغْ أَمْ وُورغْ.
JOB 23:11 إِمْنعْ ؤُضَارْ إِنُو ذِي جُّورَّاثْ نّسْ، أَبْرِيذْ نّسْ ضْفَارغْ ث، وَارْ زَّايسْ فِّيغغْ.
JOB 23:12 ثَاوْصِييّثْ زڭْ ؤُقمُّومْ نّسْ وَارْ زَّايسْ أَرْخُوغْ. أَوَاڒنْ ن ؤُقمُّومْ نّسْ خمّْڒغْ ثنْ، مَاهُو مِينْ خفْ تّْوَاوصِّيغْ.
JOB 23:13 [مَاشَا] مَاڒَا نتَّا ضِيدّْ ن شَا ن يِيجّنْ، مَانْ ونْ إِ ث غَا إِمنْعنْ زِي مَانْ أَيَا؟ مِينْ إِخْسْ ڒعْمَارْ نّسْ، أَذْ ث يڭّْ.
JOB 23:14 مَاغَارْ نتَّا إِسّقْفَاڒْ مِينْ إِ ذ أَيِي يُورَا، ؤُ أَقَا ذِينْ أَطَّاسْ ن ثْمسْڒَايِينْ أَمْ ثِينَا غَارسْ [ذِي ڒْبَاڒْ].
JOB 23:15 خْ ؤُيَا تّْنخْڒَاعغْ زَّاثْ إِ ؤُغمْبُوبْ نّسْ، أَقَا فهْمغْ ت مْلِيحْ، ؤُ تّڭّْوذغْ زَّايسْ.
JOB 23:16 [مَاغَارْ] أَربِّي إِسّفْشِيڒْ ؤُڒْ إِنُو، أَمْزمَّارْ خْ كُوڒْشِي إِسّْنخْڒَاعْ أَيِي.
JOB 23:17 مَاغَارْ وَارْ تّْنخْڒِيعغْ زِي ثَادْجسْثْ، ؤُڒَا زڭْ وُوذمْ إِنُو نِّي إِتّْڒحّفْ س ثُوبَّارْشنْثْ.
JOB 24:1 مَايمِّي وَارْ تّْوَاسّْنُوفَّارنْثْ ڒْْمِيجَاڒَاثْ [ن ؤُخدْجصْ] س ؤُفُوسْ ن ونِّي إِدْجَانْ ذ أَمْزمَّارْ خْ كُوڒْشِي، [مَايمِّي] وَارْ تّْوِيڒِينْ إِنِّي ث إِسّْننْ ؤُسَّانْ نّسْ [ن نّقْمثْ]؟
JOB 24:2 نِيثْنِي سّْمُوطُّوينْ ڒهْذُوذْ، تَّاشَارنْ ثَاحِيمَارْثْ ؤُشَا أَركّْوْسنْ ت.
JOB 24:3 أَغْيُوڒْ ن إِيُوجِيڒنْ سَّاڭّْوَاجنْ ث، تّْحوّْسنْ أَفُونَاسْ ن ثَاجَّاتْشْ.
JOB 24:4 نِيثْنِي عَارّْننْ إِمزْڒَاضْ زڭْ وبْرِيذْ. إِنِّي إِتّْوَاحْصَارنْ ذِي ثمُّورْثْ تّْنُوفَّارنْ جْمِيعْ.
JOB 24:5 خْزَارْ، أَقَا أَثنْ أَمْ يِيغْيَاڒْ ن ڒخْڒَا. تّفّْغنْ غَارْ ڒْخذْمثْ نْسنْ، أَرزُّونْ ثَانيْمَارْثْ. ڒخْڒَا إِوْشَا أَسْ مَاشَّا إِ إِحنْجِيرنْ نْسنْ.
JOB 24:6 ذڭْ إِيَّارْ حتّْشنْ ڒحْثِيشْ نّسْ، ڒقّْضنْ ذڭْ ؤُمَارْجعْ ن ؤُضِيڒْ نْ إِعفَّاننْ.
JOB 24:7 سّْعدُّونْ دْجِيڒثْ ذ إِعَارْيَاننْ، نْهْڒَا أَرُّوضْ، وَارْ غَارْسنْ بُو دُّورِي ذِي ثصْمضْ.
JOB 24:8 زڭْ ونْژَارْ إِشَّاثنْ زڭْ إِذُورَارْ تُّوفّنْ، تّْشبَّارنْ ذِي جَّارْفْ مَاغَارْ وَارْ غَارْسنْ أَذُورِّي.
JOB 24:9 زڭْ إِفَّانْ ن [يمَّاثْسنْ] تّكّْسنْ أَيُوجِيڒْ، ؤُشَا تّطّْفنْ أَضْمَانْ زڭْ ؤُمزْڒُوضْ.
JOB 24:10 ڭُّورنْ ذ إِعَارْيَاننْ، نْهْڒَا أَرُّوضْ، أَمْ دْجُوژنْ أَربُّونْ إِشوَّافنْ [ن إِمنْذِي].
JOB 24:11 جَارْ ڒحْيُوضْ تّْعسَّارنْ زّشْثْ، عفّْسنْ خْ ثْسِيرْثْ ن ؤُضِيرْ، مَاشَا تّْغِيمَانْ فُّوذنْ.
JOB 24:12 زِي ثنْذِينْثْ إِتّفّغْ-د ڒْحسّْ ن ؤُسغْنفْ ن يرْيَازنْ، ڒعْمَارْ ن يِينِّي إِسُّوفّْغنْ بُوحْبڒْ إِسْغُويُّو ذڭْ ؤُجنَّا. [وَاخَّا أَمنِّي] أَربِّي وَارْ إِحطِّي مِينْ وَارْ إِحْڒِينْ.
JOB 24:13 إِنّغْنِي ذ إِمْغوّْغنْ خْ ثْفَاوْثْ، وَارْ سِّيننْ إِبْرِيذنْ نّسْ، وَارْ تّْغِيمِينْ ذِي ثِيبْرِيذِينْ نّسْ.
JOB 24:14 قْبڒْ [د-ثُوسَا] ثْفَاوْثْ، إِتّكَّارْ ؤُقتَّاڒْ، إِنقّْ ڒْمسْكِينْ ذ ؤُمزْڒُوضْ ؤُ ذِي دْجِيڒثْ إِڭَّا أَمْ ؤُخوَّانْ.
JOB 24:15 ثِيطّْ ن ؤُزنَّايْ ثْحطَّا ثَادْجسْثْ. إِقَّارْ: ’ؤُڒَا ذ إِشْثْ ن ثِيطّْ وَارْ ذ أَيِي ثْحطِّي!‘ إِڒحّفْ إِ ؤُغمْبُوبْ نّسْ.
JOB 24:16 ذِي ثَادْجسْثْ تَّاذْفنْ غَارْ ثُوذْرِينْ. س وَاسّْ تّْنُوفَّارنْ، وَارْ سِّيننْ وَالُو خْ ثْفَاوْثْ.
JOB 24:17 مَاغَارْ ثُوفُّوثْ [ثْبَانْ] أَسنْ-د أَمْ ثِيڒِي ن ڒْموْثْ، مَاغَارْ سّْننْ إِنخْڒِيعنْ ن ثِيڒِي ن ڒْموْثْ.
JOB 24:18 نتَّا ذ أَفْسُوسْ [أَمْ ؤُكُوفُّو] خْ وُوذمْ ن وَامَانْ إِ يدْجَا. ثتّْوَانْعڒْ ثسْغَارْثْ نْسنْ خْ ثمُّورْثْ. وَارْ إِتّطّفْ [عَاذْ] أَبْرِيذْ غَارْ إِمَارْجَاعنْ ن ؤُضِيڒْ.
JOB 24:19 ڒَاژَاغْ ذ ڒحْمُو قطَّانْ خْ وَامَانْ ن وذْفڒْ، [أَمُّو إِ ثتّكّسْ] ڒَاخَارْثْ ؤُڒَا ذ إِنِّي إِخْضَانْ.
JOB 24:20 أَعذِّيسْ ن يمَّاسْ أَذْ ث إِتُّو، إِكشَّاونْ أَذْ زَّايسْ أَرّنْ مژْرِي. عمَّارْصْ وَارْ ث تِّيذَارنْ [عَاذْ]. إِتّْوَارْژْ ڒْغشّْ أَمْ [إِشْثْ ن ثْفْروْثْ ن] ؤُكشُّوضْ،
JOB 24:21 [أَمُّو ؤُڒَا ذ] ونِّي إِتّڭّنْ ڒْغَارْ ذِي ثمْغَارْثْ بْڒَا ثَارْوَا، ذِي ثنِّي وَارْ إِتِّيرْونْ، ؤُڒَا ذ ونِّي إِتّڭّنْ مِينْ وَارْ إِحْڒِينْ أَكْ-ذ ثَاجَّاتْشْ.
JOB 24:22 س جّهْذْ نّسْ إِسّْبدَّا إِنِّي غَارْ ثدْجَا صُّولْطَا. إِبدّْ وَانِيثَا، [مَاشَا] وَارْ إِسِّينْ نِيشَانْ أَقَا ثُوذَارْثْ نّسْ ذِي ڒَامَانْ.
JOB 24:23 نتَّا إِوْشَا أَسْ ڒَامَانْ، [أَڒَامِي] غَارسْ د-ثُوذفْ تِّيقّثْ، [عَاذْ] ثِيطَّاوِينْ نّسْ أَقَا أَثنْثْ خْ وبْرِيذْ نْسنْ.
JOB 24:24 تّْوَاسُّوعْڒَانْ إِ يِيجّْ ن ڒْحَاڒْ ذ أَقُوضَاضْ، خنِّي وَارْ دْجِينْ [عَاذْ]. أَذْ هْوَانْ، أَذْ تّْوَاكّْسنْ أَمْ مَارَّا [إِوْذَانْ]، أَمْ إِخْفَاونْ ن ؤُغدُّويْ [ن يِيرْذنْ] أَذْ تّْوَاقسّنْ.
JOB 24:25 مَا وَارْ إِدْجِي أَمنِّي؟ مَانْ ونْ إِ ذ أَيِي غَا إِطّْفنْ إِخَارِّيقنْ، [مَانْ ونْ إِ غَا] إِسّبْضڒْ ڒْهَارْذْ إِنُو؟
JOB 25:1 [خَاسْ ؤُشَا] يَارَّا-د بِيلْذَاذْ، إِ د-يُوسِينْ زِي شُوحَا، إِنَّا:
JOB 25:2 صُّولْطَا ذ جّهْذْ إِسَّاڭّْوَاذنْ أَقَا أَثنْ غَارسْ، نتَّا إِتّڭّْ ڒهْنَا ذِي ڒُوعْڒَا نّسْ.
JOB 25:3 مَا إِزمَّارْ أَذْ حسْبنْ مشْحَاڒْ إِ غَارسْ ن ڒْعسْكَارْ؟ خْ مَانْ وَارْ ثتّْڭعّذْ ثْفَاوْثْ نّسْ؟
JOB 25:4 مَامّشْ [خنِّي] [إِزمَّارْ] بْنَاذمْ أَذْ يِيڒِي ذ أَمْسڭّذْ زَّاثْ إِ أَربِّي، مَامّشْ إِزمَّارْ ونِّي د-إِتّْوَارْونْ زِي ثمْغَارْثْ أَذْ يِيڒِي ذ أَمزْذَاڭْ؟
JOB 25:5 خْزَارْ، عَاذْ ثَازِيرِي سِيمَانْثْ نّسْ وَارْ ثتّْوسّڭْ س ڒصْفَايثْ، إِثْرَانْ وَارْ صْفِينْ ذِي ثِيطَّاوِينْ نّسْ.
JOB 25:6 أَهْثَا عَاذْ بْنَاذمْ، [ونِّي] ذ أَوكِّي، ؤُ مِّيسْ ن بْنَاذمْ، [ونِّي] ذ أَكشَّاوْ.
JOB 26:1 [خَاسْ ؤُشَا] يَارَّا-د أَيُوبْ، إِنَّا:
JOB 26:2 مَامّشْ ثڭِّيذْ ثوْشِيذْ أَفُوسْ إِ ونِّي وَارْ غَارْ إِدْجِي جّهْذْ، [مَامّشْ] ثْبدّذْ غَارْ ؤُغِيڒْ ن ونِّي وَارْ غَارْ ثدْجِي ثْزمَّارْ!
JOB 26:3 زعْمَا أَقَا ثوْشِيذْ أَوصِّي إِسبْحنْ إِ ونِّي وَارْ غَارْ ثدْجِي ثِيغِيثْ، [مَامّشْ] إِ ثسَّارْڭْبذْ أَطَّاسْ [ن ثْوَاڒَاوِينْ] مُومُّو [ن ثْمسْڒَاشْثْ]!
JOB 26:4 إِ ؤُمِي ثْعَاوْذذْ [ڒخُّو] أَوَاڒنْ نّشْ؟ مَانْ نّفْسْ د-إِفّْغنْ زَّايكْ؟
JOB 26:5 ڒخْيَاڒَاثْ [ن إِمتَّانْ] فسّْينْ سَاذُو وَامَانْ ذ إِمزْذَاغْ نْسنْ.
JOB 26:6 ذ أَعَارْيَانْ ثزّڒْ زَّاثسْ ڒَاخَارْثْ، وَارْ [ذِينْ] ثدْجِي ثْقبَّارْثْ إِ [ثسْرَافْثْ ن] ؤُهلّكْ.
JOB 26:7 إِبزّعْ [أَجنَّا] ذِي شَّامَالْ ثِيوَا ڒْخَاوِي ن [وُوذمْ ن وَامَانْ]، يُويڒْ ثَامُّورْثْ غَارْ وَالُو.
JOB 26:8 نتَّا إِتّْشدَّا أَمَانْ ذڭْ إِسيْنُوثنْ نّسْ، [مَاشَا] وَارْ إِتَّارژِّي أَسيْنُو سْوَادَّايْ.
JOB 26:9 إِسّْذُورُّويْ ؤُذمْ ن ڒْعَارْشْ نّسْ، إِتّْبزَّاعْ خَاسْ أَسيْنُو نّسْ.
JOB 26:10 يَارْشمْ ثَاقُورَاشْثْ خْ وُوذمْ ن وَامَانْ، أَڒْ ثْمَا ن ثْفَاوْثْ أَكْ-ذ ثَادْجسْثْ.
JOB 26:11 إِپِيلَارنْ ن ؤُجنَّا تَّارْجِيجِينْ، تّْنخْڒَاعنْ زڭْ ؤُودّبْ نّسْ.
JOB 26:12 س جّهْذْ نّسْ إِسّْهَاجْ ڒبْحَارْ، س ڒفْهَامثْ نّسْ إِڒْبزْ رَاهَابْ.
JOB 26:13 س أَرُّوحْ نّسْ إِتِّيسِّيقْ ؤُجنَّا [أَمْ وُوذمْ ن ثنِّي وَارْ إِتّْڒحِّيفنْ]، أَفُوسْ نّسْ إِسّْنُوقّبْ أَفِيغَارْ إِتّحْڒُودْجُوضنْ س ثَازْڒَا.
JOB 26:14 خْزَارْ، مَانْ أَيَا [وَاهَا] إِخفْ ن إِبْرِيذنْ نّسْ، نسْڒَا [مْغِيرْ] ثَاحسّشْثْ ن [شَا ن] وَاوَاڒنْ زَّايسْ. وِي إِزمَّارنْ [خنِّي] أَذْ إِسّنْ أَجَّاجْ ن جّْهذْ نّسْ؟
JOB 27:1 يَارْنِي إِسّْڭعّذْ أَيُوبْ ڒْهَارْذْ ن لْمَاثَالْ نّسْ، إِنَّا:
JOB 27:2 س ثِيذتّْ أَمْ إِدَّارْ أَربِّي نِّي إِ ذ أَيِي إِكّْسنْ ثَاسْغَارْثْ إِنُو، أَمْزمَّارْ خْ كُوڒْشِي نِّي إِسَّارْزَاڭنْ ڒعْمَارْ إِنُو،
JOB 27:3 مِينْ غَا يكّْ نّفْسْ عَاذْ ذَايِي ؤُ أَرُّوحْ ن أَربِّي [عَاذْ] ذڭْ ونْزَارنْ إِنُو،
JOB 27:4 وَارْ قَّارنْ إِينْشِيشنْ إِنُو ڒْغشّْ ؤُ إِڒسْ إِنُو وَارْ إِقَّارْ إِخَارِّيقنْ!
JOB 27:5 إِڭّْوجْ خَافِي أَذْ ڭّغْ كنِّيوْ ذِي ثْسيَّارسْثْ ن ثِيذتّْ. أَڒْ غَا سُّوفّْغغْ بُوحْبڒْ إِنُو، وَارْ تّجِّيغْ أَذْ خَافِي كّْسنْ أَسڭّذْ إِنُو.
JOB 27:6 أَذْ طّْفغْ ذِي ثْسڭْذَا إِنُو، وَارْ زَّايسْ أَرخُّوغْ شَا. ؤُڒْ إِنُو وَارْ ذ أَسْ يَارخُّو ؤُڒَا خْ إِجّنْ زڭْ وُوسَّانْ إِنُو.
JOB 27:7 مْڒِي د-إِبَانْ ڒعْذُو إِنُو ذ أَعفَّانْ، ونِّي أَكِيذِي إِتّْمنْغَانْ ذ مِّيسْ ن ڒْمُوعْصِييّثْ.
JOB 27:8 مَاغَارْ مَانْ ڒَايَاسْ ن ؤُمْنَافقْ، خْمِي غَا ثتّْوَاقْضعْ [ثُوذَارْثْ نّسْ]، خْمِي زَّايسْ إِ غَا إِقْڒعْ أَربِّي ڒعْمَارْ نّسْ؟
JOB 27:9 مَا أَذْ إِسڒْ أَربِّي إِ إِغُويَّانْ نّسْ، خْمِي خَاسْ د غَا إِوْضَا ڒْحصْرَانْ؟
JOB 27:10 مَا أَذْ إِفَارْحْ غَارْ ؤُمْزمَّارْ خْ كُوڒْشِي؟ مَا أَذْ إِڒَاغَا خْ أَربِّي مڒْمِي مَا؟
JOB 27:11 نشّْ أَذْ أَومْ سّْڒمْذغْ خْ ؤُفُوسْ ن أَربِّي، مِينْ إِعوّڒْ ؤُمْزمَّارْ خْ كُوڒْشِي، وَارْ ث سّْنُوفَّارغْ.
JOB 27:12 خْزَارْ، كنِّيوْ مَارَّا إِذْومْ ثژْرِيمْ [ث]. مَايمِّي ثَارنّْيمْ ثسُّوفُّوغمْ مِينْ إِبطّْڒنْ [ثقَّارمْ]:
JOB 27:13 ”ثَا ذ ثَاسْغَارْثْ ن بْنَاذمْ أَعفَّانْ غَارْ سِيذِي، ثَاسْغَارْثْ ن أَيْثْ ن بُو-ڒخْشُونثْ نِّي إِ غَا طّْفنْ زڭْ ؤُمْزمَّارْ خْ كُوڒْشِي:
JOB 27:14 خْمِي غَا مَّارنْينْ إِحنْجِيرنْ نّسْ، إِ سِّيفْ ؤُمِي ؤُرِينْ. إِغدُّوثنْ نّسْ وَارْ تّْيَاوَاننْ أَغْرُومْ،
JOB 27:15 وِي زَّايسْ إِ غَا يَاروْڒنْ أَذْ تّْوَانضْڒنْ س طَّاعُونْ، ثِيجَّاڒْ نّسْ وَارْ تّْرُونْثْ شَا.
JOB 27:16 وَاخَّا إِجَارُّووْ نُّوقَارْثْ أَنشْثْ ن ؤُشَاڒْ، ؤُ إِسّوْجَاذْ أَرُّوضْ أَنشْثْ ن ؤُشَاڒْ،
JOB 27:17 [إِوَا، وَاخَّا] أَذْ ث إِسّوْجذْ، أَمْسڭّذْ أَذْ زَّايسْ يَارْضْ ؤُشَا أَمزْذَاڭْ أَذْ إِبْضَا نُّوقَارْثْ.
JOB 27:18 أَذْ إِبْنَا ثَادَّارْثْ نّسْ أَمْ ثْشِينْذَا، أَمشْنَاوْ ثَانْوَالْثْ إِ إِسّْبدَّا ؤُعسَّاسْ [إِ يِيخفْ نّسْ].
JOB 27:19 أَذْ [ذَايسْ] إِطّصْ ذ بُو-وَاڭْڒَا، [مَاشَا] وَارْ يَارنِّي ذڭْ وَاڭْڒَا نّسْ. مَاڒَا يَارْزمْ ثِيطَّاوِينْ نّسْ، وَارْ ذِينْ إِتّْغِيمِي [عَاذْ] وَالُو.
JOB 27:20 إِنخْڒِيعنْ أَذْ خَاسْ أَرنْينْ أَمْ [إِغزْرَانْ ن] وَامَانْ، ثَاحَارْيَاضْثْ أَذْ ث-إِ-د-ثقْضعْ س دْجِيڒثْ.
JOB 27:21 أَسمِّيضْ زِي شَّارْقْ أَذْ ث إِكْسِي، إِوَا ذِينِّي إِتّْرَاحْ، أَذْ ث-إِ-د-إِقْڒعْ زڭْ ومْشَانْ نّسْ.
JOB 27:22 [أَربِّي] أَذْ إِسِّيوضْ مَارَّا أَيَا خْ ؤُزدْجِيفْ نّسْ، وَارْ خَاسْ إِسّْعِيزِّي شَا. أَذْ يَارْوڒْ ذغْيَا زِي [ثشْثِي ن] ؤُفُوسْ نّسْ.
JOB 27:23 [إِوْذَانْ] أَذْ خَاسْ وّْثنْ ذڭْ إِفَاسّنْ نْسنْ [أَمْ زَّايسْ سْثْهزَّانْ] ؤُشَا أَذْ خَاسْ صفَّارنْ زڭْ ومْشَانْ [ن ثْزذِّيغْثْ] نّسْ.“
JOB 28:1 س ثِيذتّْ، أَقَا ذِينْ أَمْشَانْ مَانِي ثتّْوَافْ نُّوقَارْثْ، ؤُڒَا ذِينْ أَمْشَانْ إِ وُورغْ مَانِي ث سِّيزْذِيڭنْ.
JOB 28:2 ؤُزَّاڒْ تَّاوْينْ ث-إِ-د زڭْ ؤُشَاڒْ ؤُ زڭْ وژْرُو سّْفسّْينْ نّْحَاسْ.
JOB 28:3 إِڭَّا [بْنَاذمْ] قطُّو إِ ثَادْجسْثْ، نتَّا يَارزُّو ذِي مْكُوڒْ أَمْشَانْ مَانِي مَا، [خْ] وژْرُو [إِ د-إِتّفّْغنْ] زِي ثُوبَّارْشنْثْ ذ ثِيڒِي ن ڒْموْثْ.
JOB 28:4 يَارْزمْ إِجّْ ن وخْجِيضْ بْڒَا إِ غَا يِيڒِي حذْ [أَكِيذسْ]. تّْوَاتُّونْ زڭْ إِضَارنْ [ن يِينِّي سنّجْ نْسنْ]، ؤُيْڒنْ تّْرَاحنْ ثَاسنْ-د بْڒَا إِ غَا يَارَّا أَسنْ-د حذْ ڒْبَاڒْ.
JOB 28:5 إِتّفّغْ-د وغْرُومْ زِي ثمُّورْثْ، [أَمْ] سْوَادَّايْ نّسْ [مَارَّا] أَخْمِي س ثْمسِّي إِنّقْڒبْ.
JOB 28:6 إِژْرَا نّسْ ذ أَمْشَانْ مَانِي تَّافنْ صَافِّيرْ، ذَايسْ إِ ثدْجَا ؤُڒَا ذ ثَاعجَّاشْثْ ن وُورغْ.
JOB 28:7 أَجْضِيضْ إِتّْكشَّاضنْ وَارْ إِسِّينْ أَمسْرُوقْ إِ غَارسْ إِدْجَانْ، ثِيطّْ ن ؤُجْضِيذْ أَمسّْغُويْ أَمُوقْضِيعْ ن ثِيطَّاوِينْ عمَّارْصْ وَارْ ث ثحْضِي.
JOB 28:8 إِيْرَاذنْ إِمژْيَاننْ إِنفّْخنْ وَارْ ذَايسْ ؤُيُورنْ، ؤُڒَا ذ أَيْرَاذْ إِزهَّارنْ وَارْ ث إِتّْشُوقِي.
JOB 28:9 [مَاشَا بْنَاذمْ] إِسَارّحْ أَفُوسْ نّسْ غَارْ سّدْجَاحْ إِقسْحنْ، إِسّْنقْڒَابْ إِذُورَارْ كُوڒْشِي.
JOB 28:10 ذِي ڒجْرُوفْ إِقَّازْ إِغزْرَانْ، ثِيطّْ نّسْ ثتّْوَاڒَا مَارَّا مِينْ إِغْڒَانْ.
JOB 28:11 إِحوّقْ إِ إِغزْرَانْ أَڒَامِي [أَمَانْ] وَارْ قِّيمنْ تّفّْغنْ-د، مِينْ [ذَايسْ] إِنُوفَّارنْ إِتَّاوْيِي ث-إِ-د غَارْ ثْفَاوْثْ.
JOB 28:12 ثِيغِيثْ [مَاشَا]، مَانِي ثتّْوَافْ؟ ؤُ مَانِي ثدْجَا ثْزذِّيغْثْ نْ ڒفْهَامثْ؟
JOB 28:13 بْنَاذمْ وَارْ إِسِّينْ ڒْقِيمثْ نّسْ، وَارْ ثتّْوِيفْ [ثِيغِيثْ] ذِي ثمُّورْثْ ن يِينِّي إِدَّارنْ.
JOB 28:14 [أَمَانْ] إِهوْڒنْ قَّارنْ: ’ذَايْنغْ وَارْ ثدْجِي شَا!‘، ڒبْحَارْ إِقَّارْ: ’غَارِي وَارْ ذَا ثدْجِي شَا!‘
JOB 28:15 وَارْ إِزمَّارْ أَذْ إِمّوْشْ وُورغْ إِقُّورنْ ذڭْ ومْشَانْ نّسْ، سُّومْ نّسْ وَارْ زمَّارنْ أَذْ ث وزْننْ س نُّوقَارْثْ.
JOB 28:16 وَارْ زمَّارنْ أَذْ وزْننْ [سُّومْ نّسْ] س وُورغْ إِغْڒَانْ زِي ؤُفِيرْ، س وژْرُو ن ؤُنِيكْسْ إِغْڒَانْ ذ صَافِّيرْ أَزِيزَا.
JOB 28:17 وَارْ زمَّارنْ أَذْ مّْقُودَّانْ ڒْقِيمثْ نّسْ أَكْ-ذ وُورغْ نِيغْ كْرِيسْثَالْ، نِيغْ أَذْ ت بدّْڒنْ س إِشْثْ ن ڒْقشْعثْ ن وُورغْ إِتّْوَاصفَّانْ.
JOB 28:18 وَارْ تّعْقِيڒنْ [عَاذْ] خْ ثْيَاقُوثِينْ ذ وژْرُو ن ؤُكْرِيسْثَالْ، مَاغَارْ ثْوَافِيثْ ن ثِيغِيثْ ثُوعّْڒَا خْ [ثْوَافِيثْ] ن ڒْمَارْجَانْ.
JOB 28:19 ڒعْقِيقْ أَزڭّْوَاغْ زِي كُوشْ وَارْ ذَايسْ يَارْوِيسْ، وَارْ ثْزمَّارْ أَذْ ثتّْوَاوْزنْ [ثِيغِيثْ] س وُورغْ إِصْفَانْ إِغْڒَانْ.
JOB 28:20 مَانِيسْ د-ثُوسَا [خنِّي] ثِيغِيثْ ؤُ مَانِي ثدْجَا ثْزذِّيغْثْ ن ڒفْهَامثْ؟
JOB 28:21 أَقَا-ت ثْنُوفَّارْ خْ ثِيطَّاوِينْ ن مَارَّا مِينْ إِدَّارنْ، ثتّْوَاڒحّفْ خْ إِجْضَاضْ ن ؤُجنَّا.
JOB 28:22 أَهلّكْ ذ ڒْموْثْ قَّارنْ: ’س إِمزُّوغنْ نّغْ نسْڒَا خَاسْ ڒخْبَارْ!‘
JOB 28:23 أَربِّي إِفهّمْ أَبْرِيذْ نّسْ، نتَّا إِسّنْ ثَازذِّيغْثْ نّسْ،
JOB 28:24 مَاغَارْ إِتّْوَاڒَا أَڒْ ثِينڭُّورَا ن ثمُّورْثْ، إِژَارّْ مَارَّا مِينْ إِدْجَانْ سَاذُو إِجنْوَانْ.
JOB 28:25 ؤُمِي إِڭَّا إِ ؤُسمِّيضْ جّهْذْ نّسْ، [ؤُمِي] إِعْبَارْ ڒعْبَارْ ن وَامَانْ،
JOB 28:26 ؤُمِي إِڭَّا إِ ونْژَارْ قطُّو، إِجّْ ن وبْرِيذْ إِ وَاسَّامْ ن وَاجَّاجنْ،
JOB 28:27 خنِّي إِژْرَا إِ-ت، إِسَّارْڭبْ إِ-ت، ؤُشَا إِسّْبدّْ إِ-ت ذڭْ ومْشَانْ نّسْ ؤُشَا إِبقّشْ ذَايسْ،
JOB 28:28 ؤُشَا إِنَّا إِ بْنَاذمْ: ’خْزَارْ، ثِيڭّْوُوذِي زِي سِيذِي ذ ثِيغِيثْ أَبعّذْ خْ مِينْ إِدْجَانْ ذ أَعفَّانْ، ذ ڒفْهَامثْ.‘
JOB 29:1 ؤُشَا يَارْنِي إِسّْڭعّذْ أَيُوبْ ڒْهَارْذْ ن لْمَاثَالْ نّسْ، إِنَّا:
JOB 29:2 مْڒِي دْجِيغْ أَمْ ذڭْ ؤُينِّي ن إِيُورنْ إِعْذُونْ أَطَّاسْ زڭْ وَامِي، أَمْ ذڭْ ؤُينِّي ن وُوسَّانْ ڒَْامِي ذ أَيِي ثُوغَا إِحطَّا أَربِّي،
JOB 29:3 ڒَامِي إِڭَّا ڒفْنَارْ نّسْ أَذْ يَارغْ خْ ؤُزدْجِيفْ إِنُو، ؤُ ثُوغَا ڭُّورغْ ذِي ثَادْجسْثْ س ثْفَاوْثْ نّسْ.
JOB 29:4 [مْڒِي] دْجِيغْ أَمْ ذڭْ وُوسَّانْ ن ثمْژِي إِنُو، ؤُمِي أَمُونِي ذِي ڒَامَانْ أَكْ-ذ أَربِّي ثُوغَا إِبدّْ خْ ثْقِيضُونْثْ إِنُو،
JOB 29:5 ؤُمِي أَمْزمَّارْ خْ كُوڒْشِي ثُوغَا-ث عَاذْ أَكِيذِي، ؤُ إِحنْجِيرنْ إِنُو [عَاذْ] نّْضنْ أَيِي-د،
JOB 29:6 ؤُمِي إِصُورَافْ إِنُو ثُوغَا عُومّنْ ذِي ثْرُوسِّي، ؤُ ثَاصْضَارْثْ ثُوغَا ثتّْزدْجَاعْ زَّاثِي ثِيغزْرَاثِينْ ن زّشْثْ!
JOB 29:7 ؤُمِي د-فّْغغْ غَارْ ثوَّارْثْ ن ثنْذِينْثْ، جِّيغْ سّْبدّنْ أَيِي ڒْكُورْسِي إِنُو ذڭْ وَازَّايْ،
JOB 29:8 نُّوفَارنْ إِحُوذْرِييّنْ ڒَامِي ذ أَيِي ژْرِينْ، ؤُ إِمشَّايْبُوثنْ كَّارنْ، قِّيمنْ بدّنْ.
JOB 29:9 ڒْحُوكَّامْ منْعنْ أَوَاڒنْ نْسنْ ؤُ سَّارْسنْ أَفُوسْ خْ ؤُقمُّومْ نْسنْ.
JOB 29:10 ثْمِيجَّا ن ڒْحُوكَّامْ ثسْقَارْ، إِڒْسقْ إِڒسْ نْسنْ غَارْ وَانغْ نْسنْ.
JOB 29:11 مَاڒَا إِسْڒَا أَيِي ؤُمزُّوغْ، إِسّمْغَارْ أَيِي، مَاڒَا ثژْرَا أَيِي ثِيطّْ، ثشْهذْ خْ ڒْخَاضَارْ إِنُو.
JOB 29:12 مَاغَارْ سّْنجْمغْ ڒْمسْكِينْ نِّي إِسْغُوينْ، أَيُوجِيڒْ نِّي وَارْ غَارسْ ثُوغِي ونِّي ث إِ غَا إِعَاوْننْ.
JOB 29:13 ڒْخَاضَارْ ن ونِّي ثُوغَا عْڒَاينْ أَذْ إِهلّكْ، ثُوسَا-د خَافِي، ؤُڒْ نْ ثَاجَّاتْشْ ڭِّيغْ ث إِسْڒِيوْڒوْ س ڒفْرَاحثْ.
JOB 29:14 يَارْضغْ ثَاسڭْذَا ؤُ [ثَاسڭْذَا] ثسّْيَارْضْ أَيِي. ثُوغَا شّْرعْ إِنُو أَمْ ؤُسڒْهَامْ ؤُ أَمْ أَرژّثْ.
JOB 29:15 ثُوغَا أَيِي ذ ثِيطَّاوِينْ إِ إِذَارْغَاڒنْ، ؤُڒَا ذ إِضَارنْ إِ إِقِيضَارنْ.
JOB 29:16 ثُوغَا أَيِي ذ بَابَاثْسنْ إِ إِمزْڒَاضْ، ؤُشَا دّعْوثْ ن ونِّي وَارْ سِّينغْ، بقّْشغْ ت.
JOB 29:17 أَرْژِيغْ ثِيغْمَاسْ ن ثغْمَارْثْ ن ونِّي إِڭِّينْ مِينْ وَارْ إِسڭّْذنْ ؤُشَا كّْسغْ زَّارْذثْ إِ ثغْمَاسْ نّسْ.
JOB 29:18 نِّيغْ: ’أَذْ سُّوفّْغغْ بُوحْبڒْ إِنُو خْ ڒْعُوشّْ إِنُو، أَذْ دَّارغْ ثُوذَارْثْ ثَازِيرَارْثْ أَمْ ؤُجْضِيذْ ن فُونِيكْسْ.‘
JOB 29:19 إِژوْرَانْ إِنُو بزّْعغْ ثنْ أَڒْ أَمَانْ ؤُ ذِي دْجِيڒثْ إِقِّيمْ نّْذَا خْ ڒفْرُوعْ إِنُو.
JOB 29:20 ثُوغَا ڒْعزّْ إِنُو إِقِّيمْ أَكِيذِي [ڒبْذَا]، ڒْقوْسْ إِنُو إِسْهڒْ ذڭْ ؤُفُوسْ إِنُو [ڒبْذَا].
JOB 29:21 سْڒِينْ-د غَارِي، رَاجَانْ، سْقَارنْ ذِي طّْوعْ ن شّْوَارْ إِنُو.
JOB 29:22 أَوَارْنِي وَاوَاڒْ إِنُو وَارْ سِّيوْڒنْ ثْوَاڒَا نّغْنِي، أَوَاڒنْ إِنُو ؤُذُومنْ خَاسنْ.
JOB 29:23 نِيثْنِي رَاجَانْ أَيِي أَمْ [رَاجَانْ] أَنْژَارْ، أَرْزْمنْ أَقمُّومْ نْسنْ أَمْ ث أَرزْمنْ غَارْ ونْژَارْ ن ثفْسُوثْ.
JOB 29:24 [مَاڒَا] سْفَارْنِينغْ غَارْسنْ، وَارْ زمَّارنْ [عَاذْ] أَذْ تِّيقّنْ، [مَاشَا] ثَافَاوْثْ ن ؤُغمْبُوبْ إِنُو وَارْ زْمِيرنْ أَذْ كِيذسْ مّْعَاڒَانْ.
JOB 29:25 إِخْضَارغْ أَسنْ أَبْرِيذْ، بدّغْ أَسنْ غَارْ ؤُزدْجِيفْ، زذْغغْ أَمْ ؤُجدْجِيذْ جَارْ ڒْعسْكَارْ، أَمْ ونِّي إِتّْعزَّانْ إِنِّي إِشضْننْ.
JOB 30:1 ڒخُّو مَاشَا ثُوغَا ضحّْشنْ خَافِي إِحُوذْرِييّنْ نِّي إِدْجَانْ ذ إِمژْيَاننْ خَافِي ذڭْ وُوسَّانْ، إِنِّي بَابَاثْسنْ وَارْ غَارِي سكّْوِينْ مَاحنْذْ أَذْ ثنْ ڭّغْ غَارْ يِيطَانْ إِ إِدْجَانْ خْ وُودْجِي إِنُو.
JOB 30:2 مِينْ غَا ڭّغْ [خنِّي] س جّهْذْ ن إِفَاسّنْ نْسنْ؟ أَقَا إِفْنَا [جّهْذْ نْسنْ] زِي سِّيبّثْ ن ثوْسَارْ.
JOB 30:3 زِي ڒْقِيدْجثْ ؤُ زِي ڒَاژْ ذوْڒنْ إِسْرِيونْ، تّْمغْزَازنْ ذِي ڒْوَاطَا يُوژْغنْ ذِي ثُوبَّارْشنْثْ [ثشُّورْ] س ؤُردّدْجْ ذ ؤُربّجْ.
JOB 30:4 نِيثْنِي ڒقّْضنْ ڒبْزَارْ أَمدْجَاحْ جَارْ شْبَارْقْ، إِژوْرَانْ ن ؤُززُّو ذ أَغْرُومْ نْسنْ.
JOB 30:5 ؤُژّْڒنْ خَاسنْ زِي ثْمُونثْ [ن إِوْذَانْ]، كّْوَارنْ ثنْ أَمْ يِيخوَّاننْ،
JOB 30:6 حِيمَا أَذْ زذْغنْ ذِي ثغْزُورِينْ إِسَّاڭّْوَاذنْ، ذڭْ إِفْرَانْ ن ؤُشَاڒْ ؤُ ذِي ڒجْرُوفْ.
JOB 30:7 سْغُويُّونْ جَارْ شْبَارْقْ، سَاذُو ثِيزڭّْوَارِينْ سّْمُونَانْ.
JOB 30:8 ثَارْوَا ن إِبُوهَاڒِييّنْ ذ ثَارْوَا بْڒَا إِسمْ، ذ إِنِّي ؤُژّْڒنْ خَاسنْ زِي ثمُّورْثْ س ؤُزدْجَاضْ.
JOB 30:9 ڒخُّو مَاشَا أَقَا أَيِي ذڭْ إِزْڒِي نْسنْ ن ثْژَاوَارْثْ، ذوْڒغْ أَسنْ إِ ڒْهَارْذْ.
JOB 30:10 شَارّْهنْ أَيِي، تَّاڭّْوَاجنْ خَافِي، وَارْ تّْسضْحِينْ شَا مَاحنْذْ أَذْ سُّوسْفنْ خْ ؤُغمْبُوبْ إِنُو.
JOB 30:11 مَاغَارْ نتَّا إِسّفْسِي أَسْغُونْ [ن ثْقِيضُونْثْ] إِنُو ؤُشَا إِسّهْوَا أَيِي. نِيثْنِي نْضَارنْ سّْرِيمثْ [نْسنْ] زَّاثِي.
JOB 30:12 غَارْ ؤُغزْذِيسْ أَفُوسِي [إِنُو] كَّارنْ-د خَافِي إِغذِّيونْ ن ثَارَّاوْثْ، عَارّْننْ إِضَارنْ إِنُو، سّْڭعَّاذنْ خَافِي إِمسْرَاقْ ن أَرْژِييّثْ نْسنْ.
JOB 30:13 أَبْرِيذْ إِنُو أَرْژِينْ ث، أَرنّْينْ ثَامَارَا خْ ثَامَارَا إِنُو وَاخَّا نِيثْنِي سِيمَانْثْ نْسنْ وَارْ غَارْسنْ إِدْجِي وِي ذ أَسنْ غَا إِوْشنْ أَفُوسْ.
JOB 30:14 أَخْمِي د-تَّاسنْ زڭْ إِجّْ ن ؤُنُوقِّيبْ ذ مِيرِيوْ، تَّاكّْوَاضنْ أَمْ ڒمْوَاجْ يَاردّْدْجنْ.
JOB 30:15 تّْوَاكبّنْ-د خَافِي إِنخْڒِيعنْ، أَمْ ؤُسمِّيضْ ضفَّارنْ نِيثْنِي شَّانْ إِنُو، إِضْوَا زّْهَارْ إِنُو أَمْ يِيجّْ ن ؤُسيْنُو.
JOB 30:16 [س ؤُيَا] إِفسِّي ڒخُّو ڒعْمَارْ إِنُو ذَايِي، ؤُسَّانْ ن ڒغْبنْ منّْعنْ أَيِي.
JOB 30:17 ذِي دْجِيڒثْ إِسّْنُوقُّوبْ أَيِي إِغْسَانْ إِنُو إِ ذَايِي إِدْجَانْ، ڒحْرِيقْ إِ ذ أَيِي إِتّْغزَّانْ وَارْ يَارسِّي.
JOB 30:18 إِتّْوَابدّڒْ وَارُّوذْ إِنُو س جّهْذْ [نّسْ] أَمقّْرَانْ أَڒَامِي وَارْ خَافِي تّعْقِيڒنْ [عَاذْ]. إِشَارْفْ أَيِي أَمْ ثْمَا إِ إِنّْضنْ إِ وَارْزمْ ن يِيرِي ذڭْ وَارُّوضْ.
JOB 30:19 إِنْضَارْ أَيِي ذڭْ ؤُبدْجَاعْ، ذوْڒغْ أَمْ ؤُشَاڒْ ذ يِيغّضْ.
JOB 30:20 سْغُويُّوغْ غَاركْ، [مَاشَا] شكْ وَارْ خَافِي د-ثتَّارِّيذْ، نشّْ بدّغْ ذَا ؤُشَا شكْ ثقِّيمذْ ثْحطِّيذْ ذَايِي.
JOB 30:21 شكْ ثْذوْڒذْ أَيِي أَمْ يِيجّْ ن بُو-ڒخْشُونثْ، ثتّْذَارَّاشذْ خَافِي س ؤُفُوسْ نّشْ إِجهْذنْ.
JOB 30:22 شكْ ثسّْڭعَّاذذْ أَيِي ؤُ ثْندّْهذْ أَيِي ذڭْ ؤُسمِّيضْ، ثسّفْرَاغذْ [قَاعْ] أَدُّوذْ إِنُو.
JOB 30:23 مَاغَارْ نشّْ سّْنغْ أَقَا شكْ أَذْ أَيِي ثْنذْهذْ غَارْ ڒْموْثْ، غَارْ ثَادَّارْثْ مَانِي تّْمُوننْ مَارَّا إِنِّي إِدَّارنْ.
JOB 30:24 مَا وَارْ إِنطَّارْ [بْنَاذمْ] أَفُوسْ [نّسْ] مَاڒَا إِوْضَا [حذْ]، مَا وَارْ إِسْغُويُّو وَالُو قَاعْ غَارْ أَرْژِييّثْ [نّسْ]؟
JOB 30:25 مَا وَارْ رُوغْ خْ ونِّي ثُوغَا غَارْ إِدْجَا وُوسَّانْ ن ثَامَارَا، مَا وَارْ إِشْضِينْ بُوحْبڒْ إِنُو خْ ؤُمزْڒُوضْ؟
JOB 30:26 ؤُمِي سِّيثْمغْ غَارْ مِينْ إِصبْحنْ، أَقَا يُوسَا-د مِينْ إِدْجَانْ ذ أَعفَّانْ، ؤُمِي رَاجِيغْ ثَافَاوْثْ، ثُوسَا-د ثَادْجسْثْ.
JOB 30:27 أَذَانْ إِنُو تّْننَّانْ، وَارْ أَرْسِينْ، إِوْضنْ-د وُوسَّانْ ن ثَامَارَا غَارِي.
JOB 30:28 نشّْ أَذْ ؤُيُورغْ ذڭْ وشْضَانْ، بْڒَا ڒهْمُو [ن ثْفُوشْثْ]. أَذْ كَّارغْ ذڭْ وڭْرَاوْ [ن ڒْڭنْسْ] ؤُشَا أَذْ قِّيمغْ سْغُويُّوغْ ذڭْ ؤُجنَّا.
JOB 30:29 إِ وُوشَّاننْ ن ڒخْڒَا ذوْڒغْ ذ ؤُمَاثْسنْ زَّايْسنْ، إِ يسِّيسْ ن نّْعَامثْ ذ أَمْعَاشَارْ.
JOB 30:30 ثِيڒْمشْثْ إِنُو ثذْوڒْ خَافِي ذ أَكَارْكُوشْ أَبَارْشَانْ، زِي ثْمسِّي شمّْضنْ إِغْسَانْ إِنُو.
JOB 30:31 ثذْوڒْ [ثِيرَارْثْ ن] ڒْڭَامْبْرِي إِنُو إِ وشْضَانْ، ثَامْجَا إِنُو إِ ڒْحسّْ ن إِمطَّاونْ.
JOB 31:1 نشّْ ڭِّيغْ ڒْعَاهْذْ أَكْ-ذ ثِيطَّاوِينْ إِنُو، مَامّشْ إِ غَا خْزَارغْ [خنِّي] ذِي ثعْزَارشْثْ؟
JOB 31:2 مَاغَارْ مِينْ [إِدْجَانْ خنِّي] ثَاسْغَارْثْ ن أَربِّي زِي سنّجْ، نِيغْ ثَاسْغَارْثْ ن ڒْوَارْثْ ن ؤُمْزمَّارْ خْ كُوڒْشِي زڭْ [إِجنْوَانْ] يُوعْڒَانْ؟
JOB 31:3 مَا وَارْ إِدْجِي أَضيّعْ إِكَّارْ-د إِ ؤُعفَّانْ، أَرْژِييّثْ إِ يِينِّي إِتّڭّنْ ڒْمُوعْصِييّثْ؟
JOB 31:4 مَا وَارْ إِتّْوِيڒِي نتَّا إِبْرِيذنْ إِنُو، مَا وَارْ إِحسّبْ نتَّا ڒْقدّْ ن مَارَّا إِصُورَافْ إِنُو؟
JOB 31:5 مَاڒَا ثُوغَا ؤُيُورغْ ذِي ڒخْذعْ، نِيغْ إِقدْجقْ ؤُضَارْ إِنُو غَارْ ڒْغشّْ،
JOB 31:6 أجّْ سِيذِي أَذْ أَيِي إِوْزنْ [خنِّي] ذِي ڒْمِيزَانَاثْ إِسڭّْذنْ، [أَڒَامِي] إِ غَا إِسّنْ أَربِّي ڒصْفَايثْ إِنُو.
JOB 31:7 مَاڒَا إِصُورَافْ إِنُو فّْغنْ زڭْ وبْرِيذْ، ؤُڒْ إِنُو إِضْفَارْ ثِيطَّاوِينْ إِنُو ؤُشَا [خنِّي] إِڒْصقْ ڒْعِيبْ ذڭْ إِفَاسّنْ إِنُو،
JOB 31:8 [خنِّي] أَذْ زَارْعغْ نشّْ، [مَاشَا] إِجّنْ نّغْنِي أَذْ إِشّْ، ؤُ مِينْ غَارِي د-إِغمَّاينْ أَذْ إِتّْوَاقْڒعْ!
JOB 31:9 مَاڒَا ؤُڒْ إِنُو إِتّْوَاغْوَا غَارْ إِشْثْ ن ثمْغَارْثْ، نِيغْ ثُوغَا تّْحَامِيغْ غَارْ ثوَّارْثْ ن وَاجَّارْ إِنُو،
JOB 31:10 أجّْ [خنِّي] ثَامْغَارْثْ إِنُو أَذْ ثحْرِي [إِمنْذِي] إِ يِيجّنْ نّغْنِي، [جّمْ] إِنّغْنِي أَذْ خَاسْ أَضَارنْ.
JOB 31:11 مَاغَارْ أَيَا ذ ڒفْضِيحثْ، ذ إِشْثْ ن لْجَارِيمَا [إِ خَاسْ إِ غَا وْثنْ] ڒْقُوضَاثْ.
JOB 31:12 مَاغَارْ أَيَا ذ ثِيمسِّي ثتّتّْ أَڒْ أَهلّكْ، ثْقدْجعْ مَارَّا ڒْغِيدْجثْ إِنُو.
JOB 31:13 مَاڒَا سّْحقَّارغْ ڒْحقّْ ن إِسْمغْ إِنُو ذ ثَايَّا إِنُو، ڒَْامِي ثُوغَا تّمْشُوبُّوشنْ أَكِيذِي،
JOB 31:14 مِينْ إِ غَا ڭّغْ [خنِّي] مَاڒَا سِيذِي إِكَّارْ، مَاڒَا نتَّا إِقدْجبْ أَيِي، مِينْ خَاسْ د غَا يَارّغْ [خنِّي]؟
JOB 31:15 ونِّي ذ أَيِي إِڭِّينْ ذڭْ ؤُعذِّيسْ ن يمَّا، مَا وَارْ ث إِڭِّي ؤُڒَا ذ نتَّا؟ مَا وَارْ إِدْجِي ذ إِجّْ ونِّي ذ أَنغْ د-إِخڒْقنْ ذڭْ ؤُعذِّيسْ ن يمَّاثْنغْ؟
JOB 31:16 مَاڒَا قمّْحغْ أَمژْرِي ن إِمزْڒَاضْ نِيغْ سّْرُوغْ ثِيطَّاوِينْ ن ثَاجَّاتْشْ،
JOB 31:17 مَاڒَا نشّْ مْغِيرْ شِّيغْ أَڒقُّوزْ ن وغْرُومْ إِنُو، أَمْ وَارْ زَّايسْ إِشِّي ؤُيُوجِيڒْ،
JOB 31:18 - مَاغَارْ زِي ثمْژِي إِيْمَا نتَّا غَارِي أَمْ إِيْمَا غَارْ بَابَاسْ، زڭْ ؤُعذِّيسْ ن يمَّا نذْهغْ ت -
JOB 31:19 مَاڒَا ژْرِيغْ إِجّنْ إِتّْوَاهلّكْ مِينْزِي وَارْ غَارسْ إِدْجِي وَارُّوضْ، نِيغْ مِينْزِي وَارْ ذِينْ إِدْجِي دُّورِي إِ ؤُمزْڒُوضْ،
JOB 31:20 مَاڒَا [عمَّارْصْ] وَارْ ذ أَيِي بَارْكنْثْ ثجْعِينَّاثِينْ نّسْ، مِينْزِي إِڭَّا أَذْ إِسِّيحْمَا إِخفْ نّسْ س وَادْجَاسْ [ن ثْضُوفْثْ] ن إِزْمَارنْ إِنُو،
JOB 31:21 مَاڒَا أَفُوسْ إِنُو إِهُودّْ خْ ؤُيُوجِيڒْ، مِينْزِي ژْرِيغْ أَقَا ذِينْ ثْوِيزَا إِ نشّْ غَارْ ثوَّارْثْ [ن ثنْذِينْثْ]،
JOB 31:22 أجّْ [خنِّي] أَذْ أَيِي ثوْضَا ثغْرُوضْثْ إِنُو زڭْ إِجِيمَانْ، أَذْ أَيِي يَارْژْ ؤُغِيڒْ إِنُو زڭْ يِيغسْ!
JOB 31:23 مَاغَارْ أَذْ خَافِي د-إِوْضَا ؤُنخْڒِيعْ أَمقّْرَانْ، إِشْثْ ن ڒْمُوصِيبثْ زِي غَارْ أَربِّي، وَارْ زمَّارغْ أَذْ ڭّغْ وَالُو زَّاثْ إِ ؤُعُودْجِي نّسْ.
JOB 31:24 مَاڒَا ڭِّيغْ ؤُرغْ ذ أَثشْڒِي إِنُو، نِيغْ نِّيغْ إِ وُورغْ إِغْڒَانْ أَطَّاسْ: ’شكْ ذ ڒَامَانْ إِنُو!‘،
JOB 31:25 مَاڒَا فَارْحغْ ؤُمِي إِمْغَارْ وَاڭْڒَا إِنُو، ؤُمِي أَفُوسْ إِنُو إِطّفْ أَطَّاسْ [ذ أَڭْڒَا]،
JOB 31:26 مَاڒَا ژْرِيغْ ثَافَاوْثْ [ن ثْفُوشْثْ] خْمِي ثتّْوسّڭْ، نِيغْ ثَازِيرِي خْمِي ثڭُّورْ ذِي ثِيسِّيقْثْ [نّسْ]،
JOB 31:27 ؤُشَا إِتّْوَاغْوَا وُوڒْ إِنُو س ثْنُوفّْرَا، ؤُشَا أَقمُّومْ إِنُو، إِسُّوذمْ إِ-ث ؤُفُوسْ إِنُو،
JOB 31:28 [خنِّي] إِڒِي ؤُڒَا ذ مَانْ أَيَا ذ ڒْمُوعْصِييّثْ أَذْ ت وْشنْ إِ ڒْقُوضَاثْ، مَاغَارْ [خنِّي] أَذْ نْكَارغْ أَربِّي نِّي إِدْجَانْ سنّجْ.
JOB 31:29 مَاڒَا فَارْحغْ إِ أَرْژِييّثْ ن ونِّي ذ أَيِي إِشَارّْهنْ، فَارْحغْ ؤُمِي ث إِڒْقفْ ڒْغَارْ!
JOB 31:30 نشّْ [مَاشَا] وَارْ جِّيغْ أَنغْ إِنُو أَذْ إِخْضَا، ؤُمِي كّْوَارغْ ڒعْمَارْ نّسْ س نّعْڒثْ!
JOB 31:31 مَاڒَا إِرْيَازنْ نِّي إِدْجَانْ ذڭْ ؤُقِيضُونْ إِنُو وَارْ قَّارنْ: ’مَانْ ونْ وَارْ إِتّْوَاسّْجِيوْننْ زڭْ يِينِّي إِكْسِينْ زڭْ ويْسُومْ نّسْ؟‘
JOB 31:32 ؤُڒَا ذ إِجّْ ن ڒْبَارَّانِي وَارْ إِسّنْسْ [ذِي بَارَّا] خْ وبْرِيذْ، [مَاغَارْ] إِ ؤُمْسبْرِيذْ أَرْزْمغْ ثِيوُّورَا إِنُو.
JOB 31:33 مَاڒَا نشّْ، أَمْ أَذَامْ، ذْڒِيغْ أَخطُّو إِنُو، ؤُمِي سّْنُوفَّارغْ ڒْمُوعْصِييّثْ إِنُو ذڭْ وحْسِينْ إِنُو،
JOB 31:34 مِينْزِي ڭّْوذغْ زِي ڒْغَاشِي أَمقّْرَانْ، نِيغْ إِسّْنخْڒعْ أَيِي ؤُسحْقَارْ ن ڒْوَاشُونْ إِنُو، أَڒَامِي قِّيمغْ سّغْذغْ، وَارْ فِّيغغْ [عَاذْ] زِي ثوَّارْثْ [غَارْ بَارَّا] ...
JOB 31:35 مْڒِي غَارِي إِجّنْ ونِّي ذ أَيِي غَا إِسْڒنْ. خْزَارْ، أَشمِّيعْ إِنُو - أَمْزمَّارْ خْ كُوڒْشِي أَذْ خَافِي د-يَارّْ - ؤُڒَا ذ أَذْلِيسْ إِتّْوَانّْضنْ نِّي ث يُورَا ورْيَازْ نِّي كِيذِي إِتّمْشُوبُّوشنْ.
JOB 31:36 معْلِيكْ ؤُفِيغْ مَا وَارْ ث أَربُّوغْ خْ ثْغَارْضْثْ إِنُو، أَذْ ث قّْنغْ [إِ ؤُزدْجِيفْ إِنُو] أَمْ يِيجّْ ن تَّاجْ.
JOB 31:37 إِوَا، أَذْ أَسْ إِنِيغْ ڒْقدّْ ن إِصُورَافْ إِنُو، أَذْ غَارسْ د-قَارّْبغْ أَمْ يِيجّْ ن ڒْحَاكمْ.
JOB 31:38 مَاڒَا ڒعْرَاصِي إِنُو إِسْغُويْ خَافِي، إِعيَّاذنْ نّسْ أَذْ رُونْ أَكْ-ذ وَايَاوْيَا [مَارَّا]،
JOB 31:39 مَاڒَا شِّيغْ صَّابثْ نّسْ نْهْڒَا أَخدْجصْ، نِيغْ ڭِّيغْ ڒعْمَارْ ن إِخمَّاسنْ نّسْ إِضْڒقْ إِ بُوحْبڒْ،
JOB 31:40 أجّْ [خنِّي] أَذْ إِغْمِي شْبَارْقْ أَكْ-ذ إِسنَّاننْ ذڭْ ومْشَانْ ن يِيرْذنْ، ؤُڒَا ذ ڒعْشُوبْ يَارْصُوذنْ ذڭْ ومْشَانْ ن إِمنْذِي. أَقَا ذَا إِ قْضَانْ وَاوَاڒنْ ن أَيُوبْ.
JOB 32:1 [خنِّي] سّْبدّنْ ثْڒَاثَا ن يرْيَازنْ نِّي مَاحنْذْ أَذْ د-أَرّنْ خْ أَيُوبْ، مِينْزِي ثُوغَا ذ أَمْسڭّذْ جَارْ ثِيطَّاوِينْ [ن يِيخفْ] نّسْ.
JOB 32:2 [خَاسْ ؤُشَا] يَارْغَا لْغَاضَابْ ن إِلِيهُو، مِّيسْ ن بَارَاخْيِيلْ، زِي [ثمُّورْثْ ن] بُوزْ، زِي ڒَادْجْ ن رَامْ. يَارْغَا لْغَاضَابْ نّسْ خْ أَيُوبْ مِينْزِي إِڭَّا وَانِيثَا إِخفْ نّسْ ذ أَمْسڭّذْ خْ أَربِّي.
JOB 32:3 يَارْغَا لْغَاضَابْ نّسْ ؤُڒَا خْ ثْڒَاثَا ن إِمدُّوكَّاڒْ نّسْ، مَاغَارْ نِيثْنِي، [وَاخَّا] وَارْ ؤُفِينْ مِينْ زِي [خَاسْ] إِ د غَا يَارّنْ، أَرِّينْ ڒْعِيبْ ذِي أَيُوبْ.
JOB 32:4 إِلِيهُو [مَاشَا] ثُوغَا إِرَاجَا س وَاوَاڒنْ قِيبَاتْشْ إِ أَيُوبْ، مِينْزِي نِيثْنِي ثُوغَا مْغَارنْ خَاسْ.
JOB 32:5 [ؤُمِي] إِژْرَا إِلِيهُو، أَقَا ثْڒَاثَا ن يرْيَازنْ نِّي وَارْ ؤُفِينْ مِينْ زِي د غَا يَارّنْ [عَاذْ]، يَارْغَا ؤُخيّقْ نّسْ.
JOB 32:6 ؤُشَا إِطّفْ إِلِيهُو، مِّيسْ ن بَارَاخِيلْ، زِي بُوزْ، ذڭْ وَاوَاڒْ، إِنَّا: نشّْ ذ أَمژْيَانْ ذڭْ إِسڭّْوُوسَا ؤُ كنِّيوْ ذ إِمشَّايْبُوثنْ. خْ ؤُيَا رَاجِيغْ ؤُ بُّورّْنغْ مَاحنْذْ أَذْ أَومْ سّشْنغْ ثُوسّْنَا إِنُو.
JOB 32:7 نشّْ نِّيغْ: ’أجّْ [إِنِّي إِمْغَارنْ ذڭْ] وُوسَّانْ أَذْ سِّيوْڒنْ، [أجّْ] ڒْقدّْ أَمقّْرَانْ ن إِسڭّْوُوسَا [ن ؤُمشَّايْبُو] أَذْ إِسَّارْڭبْ ثِيغِيثْ.‘
JOB 32:8 س ثِيذتّْ، بُوحْبڒْ إِزْذغْ ذِي بْنَاذمْ، أَسُوضِي ن نّفْسْ ن ؤُمْزمَّارْ خْ كُوڒْشِي إِتِّيشْ أَسنْ ڒفْهَامثْ.
JOB 32:9 إِنِّي إِمْغَارنْ ذڭْ إِسڭّْوُوسَا وَارْ ذَايْسنْ ثدْجِي ثِيغِيثْ، إِوسُّورَا وَارْ فهّْمنْ إِ شّْرعْ.
JOB 32:10 س ؤُيَا قَّارغْ: ’سْڒمْ-د غَارِي، [خنِّي] ؤُڒَا ذ نشّْ أَذْ سّشْنغْ ثُوسّْنَا إِنُو.‘
JOB 32:11 خْزَارْ، رَاجِيغْ أَوَاڒنْ نْومْ، سّْحسّغْ غَارْ ڒفْهَامثْ نْومْ، أَمْ ثُوغَا ثَارزُّومْ خْ وَاوَاڒنْ [إِسڭّْمنْ].
JOB 32:12 نشّْ حْضِيغْ كنِّيوْ مْلِيحْ، أَقَا ذَا، ؤُڒَا ذ إِجّنْ ثُوغَا إِزمَّارْ أَذْ إِسّقْنعْ أَيُوبْ، ؤُڒَا ذ إِجّنْ زَّايْومْ وَارْ إِزمَّارْ أَذْ د-يَارّْ خْ وَاوَاڒنْ نّسْ.
JOB 32:13 [س ؤُيَا] وَارْ قَّارمْ: ’نشِّينْ نُوفَا ثِيغِيثْ! أَربِّي إِزمَّارْ أَذْ ث إِنْضَارْ، وَارْ إِدْجِي بْنَاذمْ.‘
JOB 32:14 وَارْ دْجِينْ وَاوَاڒنْ نّسْ خَافِي ؤُ س وَاوَاڒنْ نْومْ وَارْ خَاسْ د-أَرِّيغْ.
JOB 32:15 تّْوَارْنَانْ نِيثْنِي، وَارْ د-تَّارِّينْ عَاذْ، أَوَاڒنْ تّْوَاكّْسنْ زَّايْسنْ.
JOB 32:16 ڒَاجِيغْ، [مَاشَا] وَارْ سِّيوْڒنْ، مَاغَارْ سّْبدّنْ [أَوَاڒْ]، وَارْ د-تَّارِّينْ عَاذْ.
JOB 32:17 ؤُڒَا ذ نشّْ خْسغْ أَذْ د-أَرّغْ ذِي نُّوبثْ إِنُو، ؤُڒَا ذ نشّْ أَذْ سّشْنغْ ثُوسّْنَا إِنُو.
JOB 32:18 مَاغَارْ شُّورغْ س وَاوَاڒنْ، إِحسَّارْ أَيِي بُوحْبڒْ ذِي ذَاخڒْ إِنُو.
JOB 32:19 خْزَارْ، أَعذِّيسْ إِنُو إِتّڭّْ أَمْ [ثْزِييَّاثْ ن] بِينُو وَارْ يَارْزِيمنْ [عَاذْ]، أَمْ ثْخُونْشَايْ ن يِيڒمْ ن جْذِيذْ، أَقَا إِتّڭّْ أَخْمِي إِ غَا إِدُّوقّزْ.
JOB 32:20 أَذْ سِّيوْڒغْ، حِيمَا أَذْ فْسُوسغْ، أَذْ أَرْزْمغْ إِينْشِيشنْ إِنُو، أَذْ د-أَرّغْ.
JOB 32:21 وَارْ تّڭِّيغْ س وُوذْمَاونْ أَكْ-ذ ؤُڒَا ذ إِجّْ، وَارْ سِّيوْڒغْ ؤُڒَا أَكْ-ذ إِجّْ ن بْنَاذمْ س وَاوَاڒنْ إِمِيژِيذنْ.
JOB 32:22 مَاغَارْ وَارْ زمَّارغْ أَذْ ڭّغْ س وَاوَاڒنْ إِمِيزِيضنْ، مَاغَارْ [خنِّي] أَذْ أَيِي إِكّسْ ونِّي إِ ذ أَيِي إِڭِّينْ.
JOB 33:1 سڒْ ڒخُّو غَارْ ڒْهَارْذْ إِنُو، أَيُوبْ، أوْشْ أَمزُّوغْ إِ وَاوَاڒنْ إِنُو مَارَّا.
JOB 33:2 خْزَارْ، أَرْزْمغْ أَقمُّومْ إِنُو، إِسَّاوَاڒْ يِيڒسْ إِنُو سَاذُو وَانغْ إِنُو.
JOB 33:3 تّفّْغنْ وَاوَاڒنْ إِنُو زِي ڒصْفَايثْ ن وُوڒْ إِنُو، ثُوسّْنَا ثقُّورْ أَذْ خَاسْ هَارّْذنْ إِينْشِيشنْ إِنُو.
JOB 33:4 أَرُّوحْ ن أَربِّي إِڭَّا أَيِي، أَسُوضِي ن نّفْسْ ن ؤُمْزمَّارْ خْ كُوڒْشِي إِوْشَا أَيِي ثُوذَارْثْ.
JOB 33:5 مَاڒَا ثْزمَّارذْ، أَرّْ-د خَافِي. سَارْسْ أَيِي [ثَامسْڒَاشْثْ]، بدّْ [زَّاثِي]!
JOB 33:6 خْزَارْ، نشّْ أَمْ شكْ زَّاثْ إِ أَربِّي، ؤُڒَا ذ نشّْ تّْوَاڭّغْ زڭْ ؤُبدْجَاعْ.
JOB 33:7 خْزَارْ، أَهُوذِّي إِنُو وَارْ شكْ إِسِّيڭّْوِيذْ شَا، وَارْ خَاكْ تّْزيَّارغْ شَا أَطَّاسْ.
JOB 33:8 س ثِيذتّْ، أَقَا ثنِّيذْ [ث] ذڭْ إِمزُّوغنْ إِنُو، سْڒِيغْ إِ ڒْحسّْ ن وَاوَاڒنْ[-أَ]:
JOB 33:9 ’نشّْ ذ أَمزْذَاڭْ، بْڒَا دّنْبْ، ذ أَفُورِّي [إِ دْجِيغْ]، وَارْ ذَايِي شَا ن ڒْمُوعْصِييّثْ.
JOB 33:10 خْزَارْ، نتَّا يَارزُّو سِّيبّثْ حِيمَا أَذْ زَّايِي إِشثْشَا، إِحسّبْ أَيِي ذ ڒعْذُو نّسْ.
JOB 33:11 إِضَارنْ إِنُو إِقّنْ إِ-ثنْ غَارْ ؤُكشُّوضْ، إِحطَّا مَارَّا إِمسْرَاقْ إِنُو.‘
JOB 33:12 خْزَارْ، أَذْ أَشْ إِنِيغْ، وَارْ ثدْجِيذْ شَا ذ أَمْسڭّذْ ذڭْ ؤُيَا، مَاغَارْ أَربِّي ذ أَمقّْرَانْ خْ بْنَاذمْ.
JOB 33:13 مِينْ خفْ كِيذسْ ثتّمْعَارِّيذْ؟ أَقَا نتَّا وَارْ إِتّڭّْ ڒحْسَابْ إِ مَارَّا ثِيمڭَّا نّسْ!
JOB 33:14 مَاغَارْ أَربِّي إِسَّاوَاڒْ إِشْثْ ن ثْوَاڒَا، [وَاهْ،] ثْنَاينْ ن ثْوَاڒَاوِينْ، [مَاشَا] بْنَاذمْ وَارْ إِحطِّي:
JOB 33:15 ذِي ثِيرْجَا، س إِجّْ ن ڒوْحِييْ ذِي دْجِيڒثْ، خْمِي د-إِوطَّا يِيضصْ يُودْجْغنْ خْ إِوْذَانْ، ذڭْ ؤُنُوذمْ ذِي ڒشْثُو.
JOB 33:16 [خنِّي] يَارزّمْ نتَّا أَمزُّوغْ ن إِوْذَانْ، إِتّْشمّعْ [س ؤُشمِّيعْ نّسْ] خْ ؤُودّبْ نْسنْ،
JOB 33:17 حِيمَا أَذْ إِسّْحيّذْ بْنَاذمْ خْ ثْمڭِّيثْ نّسْ [ثَاعفَّانْثْ]، حِيمَا أَذْ إِسّْبدّْ نّْفَاخثْ خْ ورْيَازْ.
JOB 33:18 نتَّا إِمنّعْ ڒعْمَارْ نّسْ زِي ثُورْصُوضِي، ثُوذَارْثْ نّسْ زڭْ ؤُهلّكْ س لَانْسَا.
JOB 33:19 إِجيّحْ إِ-ث ڒحْرِيقْ ذِي قَامَا نّسْ ؤُڒَا ذ أَمنْغِي ڒبْذَا ذڭْ إِغْسَانْ نّسْ.
JOB 33:20 ثُوذَارْثْ نّسْ ثَارَّا إِ-ث إِتّْعِيفَّا أَغْرُومْ ؤُ ڒعْمَارْ نّسْ [يَارَّا إِ-ث إِتّْعِيفَّا] مَاشَّا إِصبْحنْ أَطَّاسْ.
JOB 33:21 إِقطَّا ويْسُومْ نّسْ زڭْ وُوذمْ [نّسْ]، إِخْسَانْ نّسْ نِّي وَارْ تّْوَاژْرِينْ [عمَّارْصْ]، أَقَا تّْبَاننْ ڒخُّو.
JOB 33:22 إِتّْقَارَّابْ ڒعْمَارْ نّسْ غَارْ ثُورْصُوضِي، ثُوذَارْثْ نّسْ غَارْ إِجَارَّاينْ ن ڒْموْثْ.
JOB 33:23 مَاڒَا خنِّي ذِينْ إِجّْ ن لْمَالَاكْ إِبدّْ أَسْ-د غَارْ ؤُغزْذِيسْ، إِجّْ ن ڒْعَاذڒْ، إِجّنْ زڭْ وَاڒفْ، حِيمَا أَذْ إِسّْشنْ إِ بْنَاذمْ ثَاسڭْذَا نّسْ،
JOB 33:24 [خنِّي] أَذْ خَاسْ إِحِينّْ، أَذْ يِينِي: ’فكّْ إِ-ث، أَڒَامِي نتَّا وَارْ إِهكّْوِي غَارْ ثُورْصُوضِي [ذڭْ ونْضڒْ]، أَقَا نشّْ ؤُفِيغْ أَصْڒَاحْ [خَاسْ]!‘
JOB 33:25 خنِّي أَذْ ثْنعْنعْ أَرِّيمثْ نّسْ كْثَارْ زِي طّْرِي ن ثمْژِي، أَذْ د-إِذْوڒْ غَارْ وُوسَّانْ ن ثمْژِي نّسْ.
JOB 33:26 نتَّا أَذْ إِتَّارْ أَربِّي س ثُوثْرَا يُودْجْغنْ ؤُ نتَّا أَذْ خَاسْ يَارْضَا، أَڒَامِي وَانِيثَا أَذْ إِژَارْ ؤُذمْ نّسْ ذڭْ ؤُسْڒِيوْڒوْ [ن ڒفْرَاحثْ]، ؤُ [أَمُّو] إِ غَا يَارّْ نتَّا إِ بْنَاذمْ ثَاسڭْذَا نّسْ.
JOB 33:27 أَذْ إِغنّجْ إِ يوْذَانْ، أَذْ يِينِي: ’نشّْ خْضِيغْ، سّْفَارْغغْ مِينْ إِسڭّْذنْ، [مَاشَا] نتَّا وَارْ زَّايِي [ت] يخْڒِيفْ.
JOB 33:28 إِفكّْ أَربِّي ڒعْمَارْ إِنُو زِي ثُورْصُوضِي [ذڭْ ونْضڒْ]، ثُوذَارْثْ إِنُو ثْخزَّارْ [أَمُّو ذ وَامُّو] ذِي ثْفَاوْثْ.‘
JOB 33:29 خْزَارْ، مَارَّا أَيَا إِتّڭّْ إِ-ث أَربِّي، ثْنَاينْ نِيغْ ثْڒَاثَا ن ثْوَاڒَاوِينْ أَكْ-ذ ورْيَازْ،
JOB 33:30 حِيمَا أَذْ إِسّعْقبْ ڒعْمَارْ نّسْ زِي ثُورْصُوضِي [ذڭْ ونْضڒْ]، [حِيمَا] أَذْ ث يَارّْ يَارقّْ س ثْفَاوْثْ ن ثُوذَارْثْ.
JOB 33:31 حْضَا، أَيُوبْ! سڒْ-د غَارِي! سْقَارْ، خنِّي نشّْ أَذْ سِّيوْڒغْ.
JOB 33:32 مَاڒَا غَاركْ أَوَاڒنْ [وجْذنْ]، أَرّْ-د [خَافِي]، سِيوڒْ، مَاغَارْ غَارِي س ڒْخَاضَارْ أَذْ خَاكْ بَارِّيغْ.
JOB 33:33 مَاڒَا لَّا، سڒْ-د غَارِي! سْقَارْ، ؤُ أَذْ أَشْ سّْغَارغْ ثِيغِيثْ.
JOB 34:1 إِطّفْ إِلِيهُو [عَاوذْ] ذڭْ وَاوَاڒْ، إِنَّا:
JOB 34:2 سْڒمْ-د غَارْ وَاوَاڒنْ إِنُو، [أَ] إِمِيغِيسنْ، وْشمْ أَيِي أَمزُّوغْ، [أَ كنِّيوْ]، أَيْثْ ن ثُوسّْنَا.
JOB 34:3 مَاغَارْ أَمزُّوغْ إِنبّشْ ذڭْ وَاوَاڒنْ، [أَمْ مَامّشْ] إِتّْقَاسَا وَانغْ مَاشَّا.
JOB 34:4 جّمْ أَنغْ أَذْ نِيخْضَارْ جَارْ أَنغْ مِينْ إِدْجَانْ نِيشَانْ، جّمْ أَنغْ أَذْ نسّنْ جَارْ أَنغْ مِينْ إِدْجَانْ ذ أَصبْحَانْ.
JOB 34:5 مَاغَارْ أَيُوبْ إِنَّا: ’نشّْ ذ أَمْسڭّذْ، أَربِّي إِكّسْ أَيِي ثَاسْغَارْثْ إِنُو!
JOB 34:6 وَاخَّا غَارِي ڒْحقّْ، [عَاذْ] تّْغِيمغْ تّْبَانغْ أَمْ يِيجّْ ن بُو-إِخَارِّيقنْ! [أَيزِّيمْ ن] فْڒِيثْشَا إِ ذَايِي إِدْجَا، وَارْ إِزمَّارْ أَذْ إِتّْوَاسّْڭنْفَا أَمْ وَارْ ذِينْ إِدْجِي ؤُعذِّي.‘
JOB 34:7 مَانْ ونْ إِدْجَانْ ذ أَرْيَازْ أَمْ أَيُوبْ، ونِّي إِسسّنْ أَسْثهْزِي أَمْ وَامَانْ؟
JOB 34:8 نتَّا إِڭُّورْ ذڭْ وبْرِيذْ أَمْ إِتّْعَاشَارْ إِنِّي إِتّڭّنْ ڒْمُوعْصِييّثْ، إِڭُّورْ أَكْ-ذ إِرْيَازنْ إِعفَّاننْ.
JOB 34:9 مَاغَارْ إِنَّا: ’وَارْ إِنفّعْ وَالُو إِ بْنَاذمْ، مَاڒَا نتَّا ذ أَمَارْضِي غَارْ أَربِّي.‘
JOB 34:10 س ؤُيَا سْڒمْ-د غَارِي، [كنِّيوْ] إِرْيَازنْ إِ ذِي ثدْجَا ڒفْهَامثْ: ’إِڭّْوجْ خْ أَربِّي مَاحنْذْ أَذْ يڭّْ ثُوعفّْنَا، ؤُڒَا خْ ؤُمْزمَّارْ خْ كُوڒْشِي مَاحنْذْ أَذْ يڭّْ مِينْ إِفَارْغنْ.‘
JOB 34:11 مَاغَارْ نتَّا إِخْڒفْ زِي بْنَاذمْ عْلَاحْسَابْ ثِيمڭَّا نّسْ، ؤُ أَمْ مَامّشْ إِدْجَا وبْرِيذْ ن ورْيَازْ، [أَمُّو] إِ ذ أَسْ غَا يَارّْ أَذْ ث يَافْ.
JOB 34:12 س ثِيذتّْ،عمَّارْصْ وَارْ إِتّڭّْ أَربِّي ثُوعفّْنَا، أَمْزمَّارْ خْ كُوڒْشِي وَارْ إِسّْفَارِّيغْ شّْرعْ.
JOB 34:13 مَانْ ونْ ث إِوكّْڒنْ خْ ثمُّورْثْ، مَانْ ونْ إِسَّارْسنْ مَارَّا دُّونشْثْ؟
JOB 34:14 مَاڒَا نتَّا أَذْ خَاسْ إِسّْنقْڒبْ ؤُڒْ نّسْ، مَاڒَا أَذْ غَارسْ د-يَاوِي عَاوذْ بُوحْبڒْ نّسْ ذ نّفْسْ نّسْ،
JOB 34:15 مَارَّا بْنَاذمْ ذ ڒْمَاڒْ أَذْ سُّوفّْغنْ بُوحْبڒْ ؤُ بْنَاذمْ أَذْ إِعْقبْ غَارْ ؤُشَاڒْ.
JOB 34:16 مَاڒَا ذَايكْ ڒفْهَامثْ، سڒْ [خنِّي] إِ مَانْ أَيَا، أوْشْ أَمزُّوغْ نّشْ إِ ڒْحسّْ ن وَاوَاڒنْ إِنُو.
JOB 34:17 مَا إِزمَّارْ ونِّي إِشَارّْهنْ ڒْحقّْ أَذْ إِحْكمْ، نِيغْ ثخْسذْ شكْ أَذْ ثذْعِيذْ خْ ونِّي إِدْجَانْ ذ أَمْسڭّذْ ذ أَمقّْرَانْ؟
JOB 34:18 مَا أَذْ إِنِينْ إِ ؤُجدْجِيذْ: ’[شكْ] وَارْ ثْسكّْوِيذْ وَالُو!‘ ؤُ إِ ثَارْوَا ن ثَاصِيڒثْ: ’[كنِّيوْ] ذ إِعفَّاننْ‘؟
JOB 34:19 [مَامّشْ خنِّي] إِ ونِّي وَارْ إِسِّيزْوِيڒِينْ ڒْحُوكَّامْ ؤُ وَارْ إِتّْرِيحْ أَكْ-ذ بُو-وَاڭْڒَا خْ ؤُمزْڒُوضْ، مَاغَارْ مَارَّا نِيثْنِي ذ ڒْخذْمثْ ن إِفَاسّنْ نّسْ.
JOB 34:20 مُّوثنْ ذڭْ ورْمَاشْ ن وَابْڒِيونْ، ذڭْ وزْينْ ن دْجِيڒثْ. تّْوَانْهزّنْ نِيثْنِي، ڒْڭنْسْ [نِّي]، ؤُشَا هلّْكنْ. ونِّي غَارْ ثدْجَا صُّولْطَا إِتّْوَاعَارّنْ غَارْ ؤُغزْذِيسْ، بْڒَا [مَا إِحَاذَا إِ-ث] ؤُفُوسْ [ن بْنَاذمْ].
JOB 34:21 مَاغَارْ ثِيطَّاوِينْ نّسْ خزَّارنْثْ غَارْ إِبْرِيذنْ ن مْكُوڒْ إِجّْ، نتَّا إِتّْوَاڒَا مْلِيحْ مَارَّا إِصُورَافْ نْسنْ.
JOB 34:22 وَارْ ثدْجِي ثُوبَّارْشنْثْ ؤُ وَارْ ثدْجِي ثِيڒِي ن ڒْموْثْ، مَانِي زمَّارنْ أَذْ نُّوفَّارنْ إِنِّي إِتّڭّنْ ڒْغَارْ.
JOB 34:23 وَارْ ذ أَسْ إِتّْخصِّي أَذْ إِخْزَارْ ذِي بْنَاذمْ أَطَّاسْ ن ڒْوقْثْ، قْبڒْ  إِ د غَا يَاذفْ غَارْ دّعْوثْ زَّاثْ إِ ؤُغمْبُوبْ ن أَربِّي.
JOB 34:24 إِڒبّزْ جّْوَاحڒْ بْڒَا أَسقْسِي ؤُشَا إِڭَّا إِنّغْنِي ذڭْ ومْشَانْ نْسنْ.
JOB 34:25 مَاغَارْ نتَّا إِسّنْ ثِيمڭَّا نْسنْ، إِسّْنقْڒَابْ إِ-ثنْ ذِي دْجِيڒثْ ؤُشَا تّْوَاڒبْزنْ.
JOB 34:26 إِشَّاثْ إِ-ثنْ جَارْ إِعفَّاننْ، ذڭْ إِجّْ ومْشَانْ مَانِي تّْبدَّانْ [إِوْذَانْ] تّْوَاڒَانْ،
JOB 34:27 مِينْزِي نِيثْنِي حيّْذنْ خَاسْ، وَارْ تّْحكِّيرنْ مَارَّا إِبْرِيذنْ نّسْ،
JOB 34:28 مَاحنْذْ أَذْ خَاسْ إِسِّيوضْ ثْغُويِّيثْ ن إِمزْڒَاضْ، ؤُ مَاحنْذْ أَذْ إِسْثَاجبْ إِ إِغُويَّانْ ن ڒْمُوسَاكِينْ.
JOB 34:29 مَاڒَا نتَّا يِيوِي-د ڒْهُوذْنثْ، مَانْ ونْ ذَايسْ إِ غَا إِڭّنْ ڒْعِيبْ؟ مَاڒَا إِسّْنُوفَّارْ أَغمْبُوبْ نّسْ، وِي ث غَا إِژَارنْ؟ [إِحكّمْ] ڒَا خْ ڒْڭنْسْ أَمْ خْ بْنَاذمْ،
JOB 34:30 حِيمَا وَارْ إِحكّمْ ؤُڒَا ذ إِجّْ ن بْنَاذمْ إِ إِتّڭّنْ س ثْنَاينْ ن وُوذْمَاونْ، ؤُ حِيمَا وَارْ تِّيڒِينْثْ [عَاذْ] ثْخشِيفِينْ إِ ڒْڭنْسْ.
JOB 34:31 مْڒِي إِنَّا [بْنَاذمْ نِّي] إِ أَربِّي ’سّْڭعّْذغْ إِخفْ إِنُو، وَارْ تّْعِيوِيذغْ أَذْ ڭّغْ ڒْغَارْ.
JOB 34:32 مِينْ وَارْ تّْوِيڒِيغْ، سْغَارْ أَيِي ث شكْ! مَاڒَا ڭِّيغْ مِينْ وَارْ إِسڭّْذنْ، وَارْ ث تّڭّغْ عَاذْ.‘
JOB 34:33 مَا إِتّْخصَّا أَذْ إِخْڒفْ نتَّا أَمْ مَامّشْ ث ثخْسذْ شكْ؟ أَقَا ثسّحْقَارذْ [ث]! أَقَا ثخْسذْ أَذْ ثِيخْضَارذْ س يِيخفْ نّشْ، نشّْ [مَاشَا] لَّا! مَاڒَا [إِتّْغِيڒْ أَشْ] أَقَا ثسّْنذْ ت، إِنِي ت!
JOB 34:34 إِرْيَازنْ س ڒفْهَامثْ أَذْ أَيِي إِنِينْ، أَمْ [قَاعْ] أَرْيَازْ أَمِيغِيسْ إِتّسْڒَا-د غَارِي،
JOB 34:35 أَقَا أَيُوبْ وَارْ إِسِّيوڒْ س ثُوسّْنَا، أَقَا أَوَاڒنْ نّسْ بْڒَا ڒفْهَامثْ [إِ يدْجَانْ].
JOB 34:36 إِوَا، أجّْ أَيُوبْ أَذْ إِتّْوَاقدْجبْ أَڒْ أَنڭَّارْ، مِينْزِي إِتَّارَّا-د أَمْ إِرْيَازنْ [شُّورنْ س] ڒْمُوعْصِييّثْ.
JOB 34:37 مَاغَارْ إِ دّنْبْ نّسْ يَارنِّي [عَاذْ] أَعذِّي، جَارْ أَنغْ إِشَّاثْ شَامْخَا س إِفَاسّنْ ؤُ تّْمَارنْينْ وَاوَاڒنْ نّسْ ضِيدّْ إِ أَربِّي.
JOB 35:1 يَارَّا-د إِلِيهُو، إِنَّا:
JOB 35:2 مَا إِتّْغِيڒْ أَشْ أَيَا نِيشَانْ، أَقَا ثقَّارذْ: ’ثَاسڭْذَا إِنُو كْثَارْ خْ ثنِّي ن أَربِّي‘؟
JOB 35:3 مَاغَارْ ثنِّيذْ: ’مَانْ ڒفْضڒْ غَاركْ؟ مِينْ ذ أَيِي د غَا إِكَّارنْ أَقَا نشّْ وَارْ تّڭّغْ دّْنُوبْ؟‘
JOB 35:4 أَذْ خَاكْ د-أَرّغْ، ؤُڒَا خْ إِمدُّوكَّاڒْ نّشْ [أَكِيذكْ].
JOB 35:5 خْزَارْ أَجنَّا، ؤُ خْزَارْ، حكَّارْ إِسيْنُوثنْ ثِيوَا نّشْ قَاعْ!
JOB 35:6 مَاڒَا ثخْضِيذْ، مِينْ إِ ذ أَسْ ثتّڭّذْ س مَانْ أَيَا؟ مَاڒَا إِعذِّيينْ نّشْ ذ أَطَّاسْ، مِينْ زَّايسْ إِ ذ أَسْ إِ غَا ثَاوْيذْ؟
JOB 35:7 مَاڒَا شكْ ذ أَمْسڭّذْ، مِينْ إِ ذ أَسْ ثتِّيشذْ [س ؤُيَا]، نِيغْ مِينْ إِتّطّفْ نتَّا زڭْ ؤُفُوسْ نّشْ؟
JOB 35:8 أَقَا ثُوعفّْنَا نّشْ [ثْڒقّفْ] أَرْيَازْ أَمْ شكْ [وَاهَا]، ؤُ ثَاسڭْذَا نّشْ [ثتِّيڒِي] ذِي طّْوعْ ن إِجّْ ن مِّيسْ ن بْنَاذمْ [وَاهَا].
JOB 35:9 سْغُويُّونْ زڭْ وَاطَّاسْ ن ڒحْصَارَاثْ، تّْڒَاغَانْ غَارْ ثْوِيزَا زِي سِّيبّثْ ن ؤُغِيڒْ ن أَيْثْ ن بُو-صُّولْطَا.
JOB 35:10 [مَاشَا] ؤُڒَا ذ إِجّنْ إِقَّارْ: ’مَانِي إِدْجَا أَربِّي، ونِّي ذ أَيِي إِڭِّينْ، ونِّي إِتِّيشنْ إِزْڒَانْ ن ؤُصبّحْ ذِي دْجِيڒثْ،
JOB 35:11 ونِّي ذ أَنغْ إِسّڒْمَاذنْ س ڒْمَاڒْ ن ثمُّورْثْ، ذ ونِّي ذ أَنغْ إِتّڭّنْ ذ إِمِيغِيسنْ س إِجْضَاضْ ن ؤُجنَّا؟‘
JOB 35:12 ذِينِّي سْغُويُّونْ نِيثْنِي، [مَاشَا] نتَّا وَارْ د-إِتَّارِّي، زِي سِّيبّثْ ن نّْفَاخثْ ن إِعفَّاننْ.
JOB 35:13 س ثِيذتّْ، أَربِّي وَارْ إِتّسْڒِي غَارْ [إِغُويَّانْ] إِبطّْڒنْ، أَمْزمَّارْ خْ كُوڒْشِي وَارْ [كِيذسْ] إِڒهِّي.
JOB 35:14 وَاخَّا شكْ ثقَّارذْ، أَقَا شكْ وَارْ ث ثتّْوِيڒِيذْ، ثتّْغِيمَا ثْمسْڒَاشْثْ [عَاذْ] زَّاثْ إِ وُوذمْ نّسْ. رَاجَا ث خنِّي.
JOB 35:15 مَاڒَا ڒخُّو أَخيّقْ نّسْ وَارْ إِشِّيثْ عَاذْ، مَا [خنِّي] نتَّا وَارْ إِسِّينْ خْ ؤُعذِّي إِمْغَارْ؟
JOB 35:16 أَيُوبْ إِشَارّڭْ أَقمُّومْ نّسْ بَاطڒْ، إِتّڭّْ أَوَاڒنْ إِمقّْرَاننْ نْهْڒَا ثُوسّْنَا.
JOB 36:1 يَارْنِي إِلِيهُو [ذڭْ وَاوَاڒْ]، إِنَّا:
JOB 36:2 صْبَارْ شْوَايْثْ أَكِيذِي، [خنِّي] نشّْ أَذْ أَشْ سّشْنغْ، أَقَا ذِينْ عَاذْ ڒسْبَابْ [كْثَارْ] ذِي طّْوعْ ن [ثْمسْڒَاشْثْ ن] أَربِّي.
JOB 36:3 نشّْ أَذْ د-أَوْيغْ ثُوسّْنَا إِنُو زِي ڒَاڭّْوَاجْ، أَذْ نعْمغْ ثَاسڭْذَا ن ونِّي ذ أَيِي د-إِخڒْقنْ.
JOB 36:4 مَاغَارْ س ثِيذتّْ، أَوَاڒنْ إِنُو وَارْ دْجِينْ ذ إِخَارِّيقنْ، أَقَا [ذَا] زَّاثكْ ونِّي ذ بُو-ثُوسّْنَا س ثِيذتّْ.
JOB 36:5 خْزَارْ، أَربِّي إِمْغَارْ أَطَّاسْ، [مَاشَا] وَارْ إِسّحْقِيرِي [حذْ]، إِمْغَارْ جّْهذْ ن ڒفْهَامثْ [نّسْ].
JOB 36:6 أَعفَّانْ وَارْ ث إِتّجِّي أَذْ إِدَّارْ، [مَاشَا] إِ إِمزْڒَاضْ إِتَّاغْ أَسنْ ثَاسْغَارْثْ [نْسنْ].
JOB 36:7 نتَّا وَارْ إِسّْحيِّيذْ ثِيطَّاوِينْ نّسْ خْ ؤُمْسڭّذْ، [مَاشَا] إِسّْغِيمِي ثنْ إِ ڒبْذَا خْ ڒْعَارْشْ أَكْ-ذ إِجدْجِيذنْ، [ؤُشَا أَمُّو] إِ غَا تّْوَاسُّوعْڒَانْ.
JOB 36:8 مَاڒَا تّْوَاوْثنْ نِيثْنِي ذِي ڒڭْيُوضْ، تّْوَاحبّْسنْ ذِي سّْنَاسڒْ نْ ڒغْبنْ،
JOB 36:9 [خنِّي] إِسّْشنْ أَسنْ ثِيمڭَّا نْسنْ ذ إِعذِّيينْ نْسنْ، أَقَا مْغَارنْ أَطَّاسْ.
JOB 36:10 يَارزّمْ أَمزُّوغْ نْسنْ إِ ؤُوبّخْ، إِقَّارْ أَسنْ أَذْ د-ذوْڒنْ زِي ڒْمُوعْصِييّثْ [نْسنْ].
JOB 36:11 مَاڒَا سْڒِينْ ؤُ سخَّارنْ أَسْ، أَذْ سّْقفْڒنْ ذڭْ وفْڒَاحْ ؤُسَّانْ نْسنْ ؤُ ذِي زّْهَارْ إِسڭّْوُوسَا نْسنْ.
JOB 36:12 [مَاشَا] مَاڒَا وَارْ سْڒِينْ، أَذْ تّْوَاهلّْكنْ س لَانْسَا، أَذْ سُّوفّْغنْ بُوحْبڒْ أَمْ وَارْ غَارْسنْ ثدْجِي بُو ثُوسّْنَا.
JOB 36:13 نِيثْنِي إِنِّي إِسّْنِيعْمِيڒنْ ذڭْ وُوڒْ [نْسنْ]، تّْستَّافنْ أَغْضَابْ، وَارْ ثتَّارنْ أَعَاونْ مَاڒَا نتَّا إِشَارْفْ إِ-ثنْ.
JOB 36:14 ڒعْمَارْ نْسنْ أَذْ إِمّثْ ؤُمِي نِيثْنِي [عَاذْ] ذِي ثمْژِي، [مَاغَارْ] دَّارنْ جَارْ إِمثْليّنْ.
JOB 36:15 أَذْ إِفكّْ أَمزْڒُوضْ ذِي ڒغْبنْ نّسْ، ذِي دّدْجْ أَذْ يَارْزمْ أَمزُّوغْ نْسنْ.
JOB 36:16 أَمُّو إِ غَا إِعَارّنْ ؤُڒَا ذ شكْ زڭْ وُوضُوفْ ن ڒحْصَارثْ، غَارْ تَّاسِيعْ مَانِي وَارْ إِتِّيڒِي عَاذْ ؤُنذْقفْ، مَانِي إِ غَا ثِيڒِي طَّابْڒَا نّشْ ثشُّورْ [س مَاشَّا] إِ ذَايسْ ثَاذُونْثْ.
JOB 36:17 [مَاشَا] شكْ ثنُّوغذْ ذِي شّْرعْ أَكْ-ذ ؤُعفَّانْ، [مَاشَا] دّعْوثْ ذ ثنْفُوتْشْ تَّاسنْثْ-إِ-د أَكْ-ذ وَايَاوَايَا.
JOB 36:18 حْضَا أَقَا أَسْعَارْ وَارْ شكْ إِتّْغَارِّي إِ ؤُسْثهْزِي ؤُ ڒْقدّْ ن دّيّثْ وَارْ شكْ إِسُّوفُّوغْ زڭْ وبْرِيذْ.
JOB 36:19 مَا إِغُويَّانْ نّشْ أَذْ شكْ سَّارنْ زِي ڒحْصَارثْ، نِيغْ مَارَّا مِينْ ثتّڭّذْ س مَارَّا ثِيزمَّارْ نّشْ؟
JOB 36:20 وَارْ تّْمژْرِي ذِي دْجِيڒثْ، خْمِي غَا تّْوَاكّْسنْ ڒڭْنُوسْ زڭْ ومْشَانْ نْسنْ.
JOB 36:21 حْضَا إِخفْ نّشْ، وَارْ ڭُّورْ خْ ؤُغزْذِيسْ مَانِي إِتّْوَافّْ ڒْغشّْ، أَقَا شكْ أَذْ ثِيخْذَارذْ أَيَا خْ وَاضَارْ.
JOB 36:22 خْزَارْ، أَربِّي إِسّْعُودْجْ س جّهْذْ نّسْ، مَانْ ونْ إِدْجَانْ ذ أَمْسڒْمَاذْ أَمْ نتَّا؟
JOB 36:23 مَانْ ونْ إِ ذ أَسْ إِسّْشَاننْ أَبْرِيذْ؟ نِيغْ مَانْ ونْ إِ ذ أَسْ إِنَّانْ: ’شكْ ثڭِّيذْ ڒْغشّْ‘؟
JOB 36:24 عْقڒْ أَذْ ثسّْعُودْجِيذْ ڒْْخذْمثْ [ن إِفَاسّنْ] نّسْ، [ڒْْخذْمثْ نّسْ] إِ زِي تّْغنَّاجنْ إِوْذَانْ.
JOB 36:25 كُوڒْ بْنَاذمْ إِتّْوَاڒَا ت، زِي ڒَاڭّْوَاجْ تّْوَاڒَانْ [ت] إِوْذَانْ.
JOB 36:26 خْزَارْ، أَربِّي ذ أَمقّْرَانْ، وَارْ نْزمَّارْ أَذْ أَسْ نفْهمْ، ڒْْقدّْ ن إِسڭّْوُوسَا نّسْ وَارْ نْزمَّارْ أَذْ [ذَايسْ] نَارْزُو.
JOB 36:27 مَاغَارْ نتَّا إِجبّذْ ثُوذِّيمِينْ ن وَامَانْ، ثِينِّي د-إِتّْوَاكّْسنْ زِي ثَايُّوثْ [خنِّي] ذوْڒنْثْ ذ أَنْژَارْ،
JOB 36:28 [أَنْژَارْ] نِّي زِي تّْنسْنِيسِينْ إِسيْنُوثنْ، [أَنْژَارْ] نِّي د إِوطَّانْ س ؤُفيّضْ خْ إِوْذَانْ.
JOB 36:29 مَانْ ونْ إِتّْحَاكَانْ [عمَّارْصْ] ذڭْ ؤُبزّعْ ن إِسيْنُوثنْ، ؤُڒَا ذ ڒْحسّْ إِسّڭّْوَاذنْ زِي ثخْزَانْثْ نّسْ؟
JOB 36:30 خْزَارْ، إِتّْبزّعْ ثَافَاوْثْ نّسْ ثِيوَا ن يِيخفْ نّسْ، إِتّْڒحَّافْ [زَّايسْ] طّْڒُوفَا يُودْجْغنْ قَاعْ ن ڒبْحَارْ.
JOB 36:31 مَاغَارْ س ؤُيَا إِتّْشَارّعْ ڒڭْنُوسْ. إِتِّيشّْ مَاشَّا س وَاطَّاسْ.
JOB 36:32 إِتّْشُورَّا إِفَاسّنْ نّسْ س ثْفَاوْثْ، إِوصَّا ت أَذْ ثڒْقفْ ثَانْذَايْثْ.
JOB 36:33 أَضَارْضحْ [ن وَاسَّامنْ] إِتّْبَارّحْ زَّايسْ، ؤُڒَا ذ ثَاحِيمَارْثْ [ثتّْبَارّحْ] أَقَا نتَّا أَذْ د-يَاسْ.
JOB 37:1 وَاهْ، س ؤُيَا إِتَّارْجِيجْ وُوڒْ  إِنُو، إِنطُّو زڭْ ومْشَانْ نّسْ.
JOB 37:2 سْڒمْ مْلِيحْ إِ زّْهِيرْ ن ثْمِيجَّا نّسْ، إِ وجْذَابْ [ن وَاجَّاجْ] إِ د-إِتّكّنْ زڭْ ؤُقمُّومْ نّسْ.
JOB 37:3 إِسّكّْ إِ-ث سَاذُو مَارَّا أَجنَّا، ؤُشَا [إِسّكّْ] ثَافَاوْثْ نّسْ أَڒْ إِنڭُّورَا ن ثمُّورْثْ.
JOB 37:4 أَوَارْنِي أَسْ إِزهَّارْ س ثْمِيجَّا [إِجهْذنْ]، إِهمْهمْ س ثْمِيجَّا ن لْعَاضَامَا نّسْ ؤُ وَارْ إِمنّعْ [أَسَّامنْ]، مَاڒَا ثتّْوَاسڒْ ثْمِيجَّا نّسْ.
JOB 37:5 أَربِّي إِدَّارْذِيحْ س ثْمِيجَّا نّسْ س ثبْرِيذْثْ ن ڒعْجبْ، إِتّڭّْ ڒحْوَايجْ ثِيمقّْرَانِينْ، نشِّينْ وَارْ أَسنْثْ نْفهّمْ.
JOB 37:6 مَاغَارْ إِقَّارْ إِ وذْفڒْ: ’وْضَا غَارْ ثمُّورْثْ!‘، ؤُشَا [خنِّي] أَذْ د-يَاسْ ونْژَارْ، أَنْژَارْ إِشَّاثنْ س إِغزْرَانْ نّسْ إِجهْذنْ.
JOB 37:7 نتَّا إِتّْشمّعْ أَفُوسْ ن مْكُوڒْ بْنَاذمْ، حِيمَا مَارَّا إِوْذَانْ أَذْ سّْننْ، أَقَا ذ ڒخْذَايمْ نّسْ.
JOB 37:8 ڒوْحُوشْ تّْنُوفَّارنْ ذِي ڒمْرَاڭحْ ؤُ تّْغِيمَانْ ذڭْ إِفْرَانْ نْسنْ.
JOB 37:9 ثتَّاسْ-د ثْحَارْيَاضْثْ زْ أڭْ وخَّامْ نّسْ ن ذَاخڒْ ؤُ أَكْ-ذ ؤُسمِّيضْ ن شَّامَالْ [ثتَّاسْ-د] ؤُڒَا ذ ثسْمضْ.
JOB 37:10 س ؤُسُوضِي ن نّفْسْ [نّسْ] إِتَّاوِي-د أَربِّي أَجْرِيسْ، جمْذنْ وَاطَّاسْ ن وَامَانْ.
JOB 37:11 وَاهْ، إِتّْعمَّارْ إِسيْنُوثنْ س ثُوفّثْ، إِتّْبزّعْ أَسيْنُو ن ثْفَاوْثْ نّسْ.
JOB 37:12 وَانِيثَا إِتّْرَاحْ إِتَّاسْ-د، مَامّشْ ث إِندّهْ نتَّا، حِيمَا أَذْ ڭّنْ مَارَّا مِينْ إِ ذ أَسنْ يُومُورْ خْ وُوذمْ ن ثمُّورْثْ، خْ ثمُّورْثْ.
JOB 37:13 أَذْ ثَافْ أَذْ ث ثْژَارذْ أَمْ يِيجّْ ن وعْمُوذْ، نِيغْ أَمْ إِ [ڒفْضڒْ] ن ثمُّورْثْ، نِيغْ أَمْ [وسْشَانْ ن] ثْمخْسَا إِشُووَّارنْ.
JOB 37:14 أوْشْ أَمزُّوغْ إِ مَانْ أَيَا، [أَ] أَيُوبْ، بدّْ، [سْقَارْ]، ؤُ حْضَا خْ ڒعْجَايبْ ن أَربِّي.
JOB 37:15 مَا ثسّْنذْ مَامّشْ إِ خَاسنْ إِضبَّارْ أَربِّي، مَامّشْ إِسّْرُوغَا ثْفَاوْثْ ن ؤُسيْنُو نّسْ؟
JOB 37:16 مَا ثسّْنذْ مَامّشْ تّحْرَارَانْ إِسيْنُوثنْ، [مَا ثسّْنذْ] ڒعْجَايبْ ن ونِّي غَارْ ثدْجَا ثُوسّْنَا ثْمُونْ.
JOB 37:17 شكْ، ونِّي ؤُمِي إِحمَّا وَارُّوضْ، مَاڒَا نتَّا إِسَّارْسَا ثَامُّورْثْ س أَرِّيحْ ن لْجَانُوبْ،
JOB 37:18 مَا ثْبزّْعذْ أَكِيذسْ ڒْقُوبّثْ ن ؤُجنَّا، ثنِّي [ذِينْ] إِبدّنْ أَمْ يِيشْثْ ن ثِيسِيثْ إِفسْينْ؟
JOB 37:19 سَارْڭبْ أَنغْ شكْ مِينْ إِ ذ أَسْ غَا نِينِي، مَاغَارْ نشِّينْ وَارْ [نْزمَّارْ] أَذْ نْفسَّارْ وَالُو مْلِيحْ زَّاثسْ زِي سِّيبّثْ ن ثَادْجسْثْ.
JOB 37:20 مَا أَذْ أَسْ هَاجَانْ، أَقَا سِّيوْڒغْ [أَمُّو]؟ مَاڒَا شَا ن يِيجّنْ أَذْ [ت] يِينِي، أَذْ إِتّْوَاصَارْضْ نِيشَانْ.
JOB 37:21 ڒخُّو وَارْ إِتّْوِيڒِي [بْنَاذمْ] ثَافَاوْثْ، ثنِّي يَارقّنْ ذڭْ إِسيْنُوثنْ، [مَاشَا] مَاڒَا إِعْذُو ؤُسُوضِي ن ؤُسمِّيضْ، أَقَا إِفَارّضْ إِ-ثنْ.
JOB 37:22 زِي شَّامَالْ إِتَّاسْ-د وُورغْ، ثِيسِّيقْثْ إِسَّاڭّْوَاذنْ [ثَارْسَا] خْ أَربِّي.
JOB 37:23 أَمْزمَّارْ خْ كُوڒْشِي، ونِّي وَارْ نْزمَّارْ أَذْ ث نَافْ، ونِّي ذ أَمقّْرَانْ ذِي جّهْذْ، نتَّا وَارْ إِتّْذدْجِي ڒْحقّْ ذ ثْسڭْذَا إِفيّْضنْ.
JOB 37:24 س ؤُيَا تّڭّْوذنْ زَّايسْ إِوْذَانْ، نتَّا وَارْ إِخزَّارْ غَارْ يِينِّي [إِحسّْبنْ إِخفْ نْسنْ] ذ إِمِيغِيسنْ.
JOB 38:1 أَوَارْنِي أَسْ يَارَّا-د سِيذِي خْ أَيُوبْ زِي ثْحَارْيَاضْثْ، إِنَّا:
JOB 38:2 مَانْ ونْ إِسّْبَارّْشْننْ أَشَاوَارْ، س وَاوَاڒنْ بْڒَا ثُوسّْنَا؟
JOB 38:3 بْيسْ [خنِّي] ثِيجْعِينَّاثِينْ نّشْ أَمْ ورْيَازْ. نشّْ خْسغْ أَذْ شكْ سّقْسِيغْ ؤُ شكْ، أَرّْ-د خَافِي!
JOB 38:4 مَانِي شكْ ثُوغَا ؤُمِي ڭِّيغْ نشّْ ذْسَاسْ ن ثَامُّورْثْ؟ إِنِي ث مَاڒَا غَاركْ ڒفْهَامثْ [س ثِيذتّْ].
JOB 38:5 مَانْ ونْ إِڭِّينْ ڒعْبَارْ نّسْ، [وَاهْ،] شكْ ثسّْنذْ ت، [مَا وَارْ إِدْجِي أَمنِّي]؟ مَانْ ونْ خَاسْ إِمحْضنْ أَفِيڒُو ن ڒعْبَارْ؟
JOB 38:6 مِينْ خفْ هْوَانْ ذْسُوسَا نّسْ، نِيغْ مَانْ ونْ إِسَّارْسنْ أَژْرُو ن ثغْمَارْثْ نّسْ،
JOB 38:7 ؤُمِي إِثْرَانْ ن صّْبهْ غنّْجنْ [جْمِيعْ] س ڒفْرَاحثْ، ؤُمِي سْڒِيوْڒونْ مَارَّا أَرَّاونْ ن أَربِّي؟
JOB 38:8 مَانْ ونْ إِبلّْعنْ ڒبْحَارْ س ثوُّورَا، ؤُمِي د-إِدُّوقّزْ ؤُشَا إِفّغْ-د زڭْ ؤُعذِّيسْ ن يمَّاسْ،
JOB 38:9 ؤُمِي ذ أَسْ ڭِّيغْ إِسيْنُوثنْ ذ أَرُّوضْ نّسْ، إِجّْ ن ؤُسيْنُو إِبُّومْبسْ ذ أَمنْذِيڒْ مَاحنْذْ أَذْ ذَايسْ ث سّهْنُونّْضغْ،
JOB 38:10 ؤُمِي ذ أَسْ أَرْژِيغْ أَفْرَايْ إِنُو [أَمْ إِجّْ ن وحْفُورْ يُودْجْغنْ]، ؤُ ؤُمِي ذ أَسْ ڭِّيغْ أَعْمُوذْ إِ ؤُبلّعْ ذ ثوُّورَا،
JOB 38:11 نِّيغْ: ’أَڒْ ذَا إِ د غَا ثَاسذْ، وَارْعدُّو. ذَانِيثَا أَذْ ثتّْوَاسّْبدّْ نّْفَاخثْ ن ڒمْوَاجْ نّشْ.‘
JOB 38:12 مَا ثُومُورذْ شكْ [أَثفُّو ن] صّْبحْ ذڭْ وُوسَّانْ نّشْ؟ مَا ثسّْشَانذْ إِ ثْفَاوْثْ ن ڒفْجَارْ أَمْشَانْ نّسْ،
JOB 38:13 مَاحنْذْ أَذْ ثطّفْ أَفْرِيونْ ن ثمُّورْثْ، أَڒَامِي أَذْ زَّايسْ زّرْزنْ إِعفَّاننْ؟
JOB 38:14 أَذْ ثذْوڒْ [ثمُّورْثْ] أَمْ ثَارِّيسْثْ [سَاذُو] طَّابعْ، [مَارَّا ثِيمسْڒَايِينْ] أَذْ [خَاسْ] تّْوَاسّْبدّنْثْ [عَاوذْ] أَمْ مَامّشْ إِ ثدْجَا إِجّْ ن وَارُّوضْ.
JOB 38:15 إِعفَّاننْ أَذْ أَسنْ ثتّْوَاكّسْ ثْفَاوْثْ نْسنْ ؤُ أَغِيڒْ إِتّْوَاسّْڭعّْذنْ أَذْ إِتّْوَارْژْ.
JOB 38:16 مَا ثِيوْضذْ غَارْ ڒْعُونْصَارَاثْ ن ڒبْحَارْ، مَا ثُويُورذْ [عمَّارْصْ] خْ وُوذمْ ن [ثمُّورْثْ] ن [وَامَانْ] إِهوْڒنْ؟
JOB 38:17 مَا تّْوَاعَارَّانْثْ ثوُّورَا ن ڒْموْثْ إِ شكْ، مَا ثژْرِيذْ ثِيوُّورَا ن ثِيڒِي ن ڒْموْثْ؟
JOB 38:18 مَا ثتَّاوِي-د ڒفْهَامثْ نّشْ أَڒْ إِنڭُّورَا ن ثمُّورْثْ؟ إِنِي ث مَاڒَا ثسّْنذْ أَيَا مَارَّا.
JOB 38:19 مَانِي إِدْجَا وبْرِيذْ غَارْ ثْزذِّيغْثْ ن ثْفَاوْثْ؟ ؤُ ثَادْجسْثْ، مَانِي ثدْجَا ثْزذِّيغْثْ نّسْ،
JOB 38:20 حِيمَا أَذْ ثْزمَّارذْ أَذْ ت ثْنذْهذْ غَارْ ومْشَانْ نّسْ، ؤُ أَذْ ثسّْنذْ مْلِيحْ إِمسْرَاقْ غَارْ ثَادَّارْثْ نّسْ؟
JOB 38:21 شكْ أَقَا ثسّْنذْ مَانْ أَيَا [نِيغْ]، مِينْزِي شكْ ثُوغَا ثْخڒْقذْ، [نِيغْ لَّا؟] ؤُ [مَا وَارْ إِدْجِي] ڒْْقدّْ ن وُوسَّانْ نّشْ ذ أَطَّاسْ؟
JOB 38:22 مَا ثُوذْفذْ غَارْ إِخَّامنْ ن ڒخْزنْ ن وذْفڒْ، [مَا] ثژْرِيذْ ڒهْرِيثْ ن ثبْرُورِي،
JOB 38:23 نِّي خْ شطَّارغْ إِ ڒْوقْثْ ن ڒحْصَارثْ، إِ وَاسّْ ن ڭَارَّا ذ ؤُمنْغِي؟
JOB 38:24 مَانِي إِدْجَا وبْرِيذْ إِتّْبطَّانْ ثِيفَاوْثْ، ؤُڒَا ذ [أَبْرِيذْ] إِ زِي إِتّْوَابزّعْ ؤُسمِّيضْ ن شَّارْقْ خْ ثمُّورْثْ؟
JOB 38:25 مَانْ ونْ إِفدْجقْ ڒْمِيزَابْ إِ ڒْحمْڒثْ ن ونْژَارْ، ؤُڒَا ذ أَبْرِيذْ إِ وَاسَّامْ ن وَاجَّاجنْ
JOB 38:26 حِيمَا أَذْ إِسّكّْ أَنْژَارْ خْ ثمُّورْثْ نِّي ذِي وَارْ [إِزْذِيغْ] حذْ، خْ ڒخْڒَا إِ وَارْ ذِي [إِزْذِيغْ] ؤُڒَا ذ إِجّْ،
JOB 38:27 حِيمَا أَذْ إِسَّارْوَا جّْوَايهْ إِخْڒَانْ ؤُ إِتّْوَاخْڒَانْ ؤُ حِيمَا أَذْ إِسّغْمِي أَرْبِيعْ ذ طّْرِي؟
JOB 38:28 مَا أَنْژَارْ غَارسْ شَا ن بَابَاسْ، نِيغْ مَانْ ونْ إِ د-إِتّجَّانْ ثُوذِّيمِينْ ن نّْذَا؟
JOB 38:29 زِي مَانْ أَعذِّيسْ إِ زِي د-إِفّغْ وجْرِيسْ، ؤُ نّْذَا إِجرْسنْ ن ؤُجنَّا، وِي إِ-ث-إِ-د-يُورْونْ؟
JOB 38:30 دَّاكّْوَاڒنْ وَامَانْ أَمْ وژْرُو ؤُشَا إِجَارْسْ وُوذمْ ن [وَامَانْ] إِهوْڒنْ.
JOB 38:31 مَا ثْزمَّارذْ أَذْ ثْشدّذْ أَڭْرَاوْ ن سبْعَا ن يثْرَانْ، نِيغْ ثْفسّْيذْ سّْنَاسڒْ [ن يثْرَانْ] ن ؤُرِييُونْ؟
JOB 38:32 مَا ثْزمَّارذْ أَذْ د-ثسُّوفّْغذْ إِثْرَانْ ن زُوذْيَاكْ غَارْ ڒْحَاڒْ نْسنْ، ؤُڒَا ذ دُّوبْ [أَمقّْرَانْ] أَكْ-ذ ثَارْوَا نّسْ؟
JOB 38:33 مَا ثسّْنذْ إِزرْفَانْ ن ؤُجنَّا، نِيغْ ثْزمَّارذْ أَذْ ثْضبَّارذْ خْ ؤُقَارِّي نْسنْ ذِي ثمُّورْثْ؟
JOB 38:34 مَا ثْزمَّارذْ أَذْ ثسّْڭعّْذذْ غَارْ إِسيْنُوثنْ ثْمِيجَّا نّشْ، أَڒَامِي شكْ إِ غَا ثْذڒْ إِشْثْ ن ڒْحمْڒثْ ن وَامَانْ؟
JOB 38:35 مَا ثْزمَّارذْ أَذْ ثسّكّذْ أَسَّامنْ مَاحنْذْ أَذْ قدْجْقنْ، أَذْ أَشْ إِنِينْ: ’أَقَا-نغْ ذَا‘؟
JOB 38:36 مَانْ ونْ إِسَّارْسنْ ثِيغِيثْ ذِي ذَاخڒْ [ن بْنَاذمْ]؟ نِيغْ مَانْ ونْ إِوْشِينْ ڒفْهَامثْ إِ ڒعْقڒْ؟
JOB 38:37 مَانْ ونْ إِفَارّْزنْ إِسيْنُوثنْ س ڒعْقڒْ، إِغَارَّافنْ [ن وَامَانْ] ن ؤُجنَّا وِي ثنْ إِتّْزدْجَاعنْ،
JOB 38:38 أَڒَامِي إِتّْوَافْسِييْ ؤُشَاڒْ، إِذْوڒْ ذ أَبدْجَاعْ، ؤُشَا ڒسْقنْ إِبُورْسَا ن ثمُّورْثْ؟
JOB 38:39 مَا ثْزمَّارذْ أَذْ ثطّْفذْ زَّارْذثْ إِ ثَايْرَاذْثْ، نِيغْ أَذْ ثسّڒْهُوذْ ڒَْاژْ ن وَايْرَاذنْ إِمژْيَاننْ،
JOB 38:40 ڒَامِي نُوفَّارنْ ذڭْ إِفْرَانْ نْسنْ، ؤُ تّْحَامَانْ زِي ڒمْرَاڭحْ نْسنْ؟
JOB 38:41 مَانْ ونْ إِسّوْجَاذنْ إِ ؤُبَاغڒْ مَاشَّا نّسْ، خْمِي سْغُويُّونْ إِمژْيَاننْ نّسْ غَارْ أَربِّي، خْمِي تّمْهَافَانْ نْهْڒَا مَاشَّا؟
JOB 39:1 مَا ثسّْنذْ مڒْمِي تَّارْونْثْ ثْغَايْذِينْ ن ثْصُوضَارْ؟ مَا ثْحطِّيذْ ثِيرْوَا ن ثُوذَاذِينْ؟
JOB 39:2 مَا ثْزمَّارذْ أَذْ ثْحسْبذْ إِيُورنْ ن ثْكسِّيثْ نْسنْثْ، مَا ثسّْنذْ ڒْحَاڒْ ن ثِيرْوَا نْسنْثْ؟
JOB 39:3 نِيثنْثِي تّقْوِيسنْثْ، تَّارْونْثْ إِمژْيَاننْ نْسنْثْ، ڒوْجعْ نْ ثَارُوثْ نْسنْثْ سُّوفُّوغنْ ثنْ.
JOB 39:4 محْضنْ إِمژْيَاننْ نْسنْثْ، مقَّارنْ ذِي ڒخْڒَا، تّفّْغنْ غَارْ بَارَّا ؤُ وَارْ غَارْسنْثْ تّْعِيقِّيبنْ.
JOB 39:5 مَانْ ونْ يَارْخُونْ إِ وغْيُوڒْ ن ڒخْڒَا ؤُ ثِيسَارِّيفِينْ ن وغْيُوڒْ ن ڒخْڒَا، مَانْ ونْ ثنْثْ إِفسْينْ؟
JOB 39:6 نشّْ وْشِيغْ أَسْ ثَانزْرُوفْثْ ذ ثَادَّارْثْ، ڒوْضَا أَمدْجَاحْ ذ ثِيزذِّيغِينْ نّسْ.
JOB 39:7 نتَّا إِضحّشْ خْ ڒْغَاشِي إِنْهوْڒنْ ن ثنْذِينْثْ، وَارْ إِتّسْڒِي إِغُويَّانْ ن يِينِّي إِزيَّارنْ [إِسمْغَانْ].
JOB 39:8 جّْوَايهْ ن إِذُورَارْ ذ دّْمَانِي نّسْ ن ثَاروْسَا، يَارزُّو [ذَايْسنْ] خْ قَاعْ مِينْ إِدْجَانْ ذ أَزِيزَا.
JOB 39:9 مَا أَذْ إِخْسْ إِغَايْضْ ن ڒخْڒَا أَكْ-ذ وَاشَّاونْ ذ إِزِيرَارنْ أَذْ خَاكْ إِسخَّارْ؟ مَا أَذْ إِسّنْسْ غَارْ ڒْمذْوذْ نّشْ؟
JOB 39:10 مَا ثْزمَّارذْ أَذْ ثْمنْعذْ إِغَايْضْ ن ڒخْڒَا أَكْ-ذ وَاشَّاونْ ذ إِزِيرَارنْ س وسْغُونْ نّسْ غَارْ ؤُعيّذْ [ن وشْرَازْ]؟ مَا أَذْ إِشَارْزْ ثِييْسَارِينْ أَوَارْنِي أَشْ؟
JOB 39:11 مَا ثتّْشَاڒذْ خَاسْ، مِينْزِي نتَّا إِجْهذْ أَطَّاسْ، مَا أَذْ أَسْ ثجِّيذْ ڒْخذْمثْ نّشْ؟
JOB 39:12 مَا أَذْ خَاسْ ثتّشْڒذْ أَذْ [غَاركْ] د-يَارّْ زَّارِيعثْ نّشْ، أَذْ ت يَاوِي غَارْ ؤُنذْرَارْ نّشْ؟
JOB 39:13 أَفْرِيونْ ن نّْعَامثْ شَّاثنْ س ڒْخَاضَارْ. مَاشَا مَا أَقَا-ثنْ ذ أَفْرِيونْ ذ وَارِّيشْ إِذَاڒْفنْ ن ؤُبلَّارْجْ؟
JOB 39:14 مَاغَارْ ثتّجَّا ثِيمدْجَاڒِينْ نّسْ ذڭْ ؤُشَاڒْ ن ثمُّورْثْ، ثتّجَّا إِ-ثنْثْ تّحْمَانْثْ ذڭْ إِجْذِي.
JOB 39:15 ثتّتُّو أَقَا إِجّْ ن ؤُضَارْ إِزمَّارْ أَذْ ثنْثْ إِڒْبزْ، أَقَا ڒوْحُوشْ ن ڒخْڒَا زمَّارنْ أَذْ خَاسنْثْعفْسنْ.
JOB 39:16 نتَّاثْ ثْقسّحْ ذڭْ إِمژْيَاننْ نّسْ أَخْمِي وَارْ دْجِينْ نّسْ. بَاطڒْ إِ ثتّڭّْ ثِيزمَّارْ نّسْ، مَاغَارْ نتَّاثْ وَارْ ثْكسِّي س ومْنُوسْ،
JOB 39:17 مَاغَارْ أَربِّي إِجَّا إِ-ت أَذْ ثتُّو ثِيغِيثْ، وَارْ ذ أَسْ إِوْشِي بُو ثسْغَارْثْ ذِي ڒفْهَامثْ.
JOB 39:18 [مَاشَا] مَاڒَا ثكْسِي ذڭْ ؤُضَارْ نّسْ، ثسّْڭعَّاذْ إِخفْ نّسْ، ثْضحّشْ خْ ؤُيِيسْ ذ ونِّي خَاسْ إِنْيِينْ.
JOB 39:19 مَا ثْزمَّارذْ أَذْ ثوْشذْ جّهْذْ إِ ؤُيِيسْ؟ مَا ثْزمَّارذْ أَذْ ثسّْيَارْضذْ إِجِيمَانْ نّسْ س سّْبِيبْ؟
JOB 39:20 مَا ثْزمَّارذْ أَذْ ث يَارّْ إِنطُّو أَمْ ؤُبُورْخسْ؟ ڒْْعزّْ ن ؤُسْنحْنحْ نّسْ إِسَّاڭّْوَاذْ أَطَّاسْ.
JOB 39:21 خبّْشنْ [إِيْسَانْ] س إِضَارنْ نْسنْ [أَمْ تّْرَاجَانْ] ذِي ڒوْضَا ن ثغْزُورْثْ، إِفَارْحْ [ؤُيِيسْ] س جّهْذْ نّسْ، إِتّفّغْ، مَاحنْذْ أَذْ إِمّڒْقَا أَكْ-ذ ڒسْنَاحْ.
JOB 39:22 إِضحّشْ خْ مَارَّا مِينْ إِسَّاڭّْوَاذنْ، وَارْ إِتّْنخْڒِيعْ زِي وَالُو، وَارْ إِذِّيكّْوِيڒْ غَارْ ضفَّارْ زِي سِّيفْ.
JOB 39:23 إِتّْقَارْقُوبْ وقْرَابْ ن فْڒِيثْشَاثْ سنّجْ نّسْ، لَانْسَا ذ فْڒِيثْشَا تِّيسِّيقنْ.
JOB 39:24 س دّْرِيزْ [ن ثْشضْيِينْ] ذ زّْعَامثْ إِصَارّضْ ثَامُّورْثْ، وَارْ إِزمَّارْ أَذْ إِتّْوَاسّْبدّْ غَارْ ؤُسُوضِي ن ؤُيِيشّْ ن إِشَارِّي.
JOB 39:25 غَارْ ثْمِيجَّا ن ؤُسُوضِي ذڭْ ؤُيِيشّْ ن إِشَارِّي إِسّْنحْنِيحْ: ’هههْ!‘ إِتَّاشَا أَكْ-ذ ؤُمنْغِي زِي ڒَاڭّْوَاجْ، زّْڭَا ن ڒْحُوكَّامْ ذ إِغُويَّانْ ن ؤُمنْغِي.
JOB 39:26 مَا إِطَّاوْ ڒْبَازْ زِي ڒفْهَامثْ نّشْ، أَقَا إِتّْبزَّاعْ أَفْرِيونْ نّسْ غَارْ لْجَانُوبْ؟
JOB 39:27 مَا إِسّْڭعَّاذْ ؤُڭِيذَارْ إِخفْ نّسْ سنّجْ قَاعْ س ڒُومُورْ نّشْ، إِتّڭّْ ڒْعُوشّْ نّسْ ذِي ڒُوعْڒَا؟
JOB 39:28 إِزدّغْ ؤُ إِسّْنُوسَا خْ جَّارْفْ، خْ ؤُشنْقُوبْ ن جَّارْفْ، أَقَا-ث ذ لْبُورْجْ [نّسْ].
JOB 39:29 سّنِّي إِحطَّا زَّارْذثْ، ثِيطَّاوِينْ نّسْ خزَّارنْثْ إِ-ت-د زِي ڒَاڭّْوَاجْ.
JOB 39:30 إِمژْيَاننْ نّسْ سكّْفنْ إِذَامّنْ ؤُ مَانِي دْجَانْ إِنِّي إِتّْوَانْغنْ، أَقَا-ث ذِينْ [إِ يدْجَا].
JOB 40:1 يَارْنِي يَارَّا-د سِيذِي خْ أَيُوبْ، إِنَّا:
JOB 40:2 مَا إِخْسْ ونِّي إِتّمْشَارَّاعنْ أَكْ-ذ ؤُمْزمَّارْ خْ كُوڒْشِي أَذْ [ث] إِسڭّمْ؟ أجّْ ونِّي إِخْسنْ أَذْ إِذْعَا أَربِّي، أَذْ د-يَارّْ!
JOB 40:3 [خنِّي] يَارَّا-د أَيُوبْ خْ سِيذِي، إِنَّا:
JOB 40:4 خْزَارْ، نشّْ ذْرُوسْ، مِينْ زمَّارغْ أَذْ خَاكْ د-أَرّغْ؟ نشّْ أَذْ ڭّغْ أَفُوسْ إِنُو خْ ؤُقمُّومْ إِنُو.
JOB 40:5 أَقَا سِّيوْڒغْ إِشْثْ ن ثْوَاڒَا، [مَاشَا] وَارْ د-تَّارِّيغْ [عَاذْ]. ثْوَاڒَا وِيسّْ ثْنَاينْ وَارْ [ذ أَسْ] أَرنِّيغْ!
JOB 40:6 [خَاسْ ؤُشَا] يَارْنِي يَارَّا-د سِيذِي خْ أَيُوبْ زِي ثْحَارْيَاضْثْ، إِنَّا:
JOB 40:7 بْيسْ [خنِّي] ثِيجْعِينَّاثِينْ نّشْ أَمْ ورْيَازْ. نشّْ خْسغْ أَذْ شكْ سّقْسِيغْ ؤُ شكْ، أَرّْ-د خَافِي!
JOB 40:8 مَا ثخْسذْ س ثِيذتّْ أَذْ ثَارْژذْ ڒْحُوكْمْ إِنُو؟ مَا ثخْسذْ أَذْ غَارِي د-ثَارّذْ ڒْعِيبْ، مَاحنْذْ أَذْ ثْبَانذْ شكْ ذ أَمْسڭّذْ؟
JOB 40:9 مَا غَاركْ أَغِيڒْ أَمْ أَربِّي؟ مَا ثْزمَّارذْ أَذْ ثدَّارْذْحذْ أَمْ وَاجَّاجْ س ثْمِيجَّا [نّشْ]؟
JOB 40:10 قّنْ خنِّي إِخفْ نّشْ س لْعَاضَامَا ذ ؤُعُودْجِي، أَرْضْ س ثِيسِّيقْثْ ذ ڒْعزّْ.
JOB 40:11 أجّْ أَذُوقّزْ ن ؤُفُوڭمْ نّشْ أَذْ إِزدْجعْ، خْزَارْ غَارْ كُوڒْ بُو نّْفَاخثْ، ؤُشَا سهْوَا إِ-ث!
JOB 40:12 خْزَارْ مْلِيحْ غَارْ مْكُوڒْ بُو-نّْفَاخثْ، سهْوَا إِ-ث، ڒْْبزْ إِعفَّاننْ ذڭْ ومْشَانْ نْسنْ.
JOB 40:13 فَّارْ إِ-ثنْ مَارَّا أَمْ مُوننْ ذڭْ ؤُشَاڒْ، شْفنْ إِغمْبَابْ نْسنْ ذِي ثْنُوفّْرَا [سَاذُو ثَامُّورْثْ].
JOB 40:14 خنِّي ؤُڒَا ذ نشّْ أَذْ شكْ سّمْغَارغْ، مِينْزِي أَفُوسْ نّشْ أَفُوسِي إِسّنْجمْ إِ شكْ.
JOB 40:15 خْزَارْ مَاشَا ڒْوحْشْ، [’بهِيمُوثْ‘]، ونِّي ڭِّيغْ أَمْ مَامّشْ شكْ ڭِّيغْ. إِتّتّْ أَرْبِيعْ أَمْ ؤُفُونَاسْ.
JOB 40:16 خْزَارْ جّهْذْ نّسْ ذِي ثجْعِينَّاثِينْ نّسْ، ڒْْعزّْ نّسْ ذڭْ إِژوْرَانْ نّسْ ن ؤُعذِّيسْ!
JOB 40:17 مَاڒَا إِخْسْ، أَذْ إِڭّْ أَكنَّاسْ نّسْ أَمْ ثْشجَّارْثْ ن ثنْڭلْثْ، إِژوْرَانْ ن ثْمصَّاضِينْ نّسْ محْضنْ مُّوذنْ.
JOB 40:18 إِخْسَانْ نّسْ تّڭّنْ أَمْ يِيقُوذَاسْ ن نّْحَاسْ، أَمْ بَارَّاثْ ن وُوزَّاڒْ إِضَارنْ ذ إِغَادْجنْ نّسْ.
JOB 40:19 نتَّا ذ أَمزْوَارُو ن إِبْرِيذنْ ن أَربِّي. ونِّي ث يڭِّينْ، إِوْشَا أَسْ سِّيفْ نّسْ.
JOB 40:20 إِوَا، إِذُورَارْ تَّاوْينْ أَسْ-د أَرْبِيعْ، مَارَّا ڒوْحُوشْ ن ييَّارْ تِّيرَارنْ ذِينِّي.
JOB 40:21 إِبُّوزّڒْ سَاذُو إِ ثْشجُّورَا إِتّڭّنْ ثِيڒِي، ذڭْ ؤُذُورِّي ن ؤُغَانِيمْ، ذِي سّبْخثْ.
JOB 40:22 أَذْ خَاسْ دُّورْينْثْ ثْشجُّورَا إِ إِتِّيشنْ ثِيڒِي، كُوڒْ إِشْثْ س ثِيڒِي نّسْ، ثِينمْرَاتْشْ ن ثْغزْرَاثِينْ تّنّْضنْثْ أَسْ-د.
JOB 40:23 خْزَارْ، مَاڒَا إِهَاجْ يغْزَارْ، وَارْ إِتَّارْجِيجِي، إِتّْغِيمَا يَارْسَا مَاڒَا ڒْحمْڒثْ ن لْ-ؤُرْذُونْ ثُوذفْ أَسْ-د غَارْ ؤُقمُّومْ.
JOB 40:24 مَا إِزمَّارْ [بْنَاذمْ] أَذْ ث إِطّفْ [أَمْ إِخزَّارْ نتَّا نِيشَانْ] ذِي ثِيطَّاوِينْ نّسْ، أَذْ أَسْ إِسّْنُوقّبْ ثِينْزَارْثْ س ثسْغُونِينْ؟
JOB 40:25 مَا ثْزمَّارذْ أَذْ ثْجبْذذْ ’لِيبِييَاثَانْ‘ س ثْسنَّارْثْ ن ويْمَارْ، نِيغْ أَذْ ثسّهْوِيذْ إِڒسْ نّسْ ذڭْ ؤُفِيڒُو [ن ويْمَارْ]؟
JOB 40:26 مَا ثْزمَّارذْ أَذْ أَسْ ثڭّذْ ثَاخَاذنْثْ ن ؤُغَانِيمْ ذِي ثنْزَارْثْ نّسْ، نِيغْ أَذْ ثسّْنُوقّْبذْ أَغسْمِيرْ نّسْ س ؤُغَانْتْشُو؟
JOB 40:27 مَا أَذْ زَّايكْ إِتَّارْ أَحِينِّي؟ مَا أَذْ إِسِّيوڒْ أَكِيذكْ س وَاوَاڒنْ إِمِيزِيضنْ؟
JOB 40:28 مَا أَذْ يڭّْ أَكِيذكْ ڒْعَاهْذْ؟ مَا ثْزمَّارذْ أَذْ ث ثكْسِيذْ ذ إِسْمغْ إِ ڒبْذَا؟
JOB 40:29 مَا ثْزمَّارذْ أَكِيذسْ ثتِّيرَارذْ أَمْ أَكْ-ذ إِجّْ ن ؤُجْضِيضْ، نِيغْ أَذْ ث ثقّْنذْ إِ ثحْرَامِينْ نّشْ؟
JOB 40:30 مَا زمَّارنْ إِنيْمَارنْ أَذْ ذَايسْ سبّبنْ؟ مَا زمَّارنْ أَذْ ث بْضَانْ جَارْ أَيْثْ ن كنْعَانْ؟
JOB 40:31 مَا ثْزمَّارذْ أَذْ ثجُّوذْ ثِيڒْمشْثْ نّسْ س فْڒِيثْشَاثْ، نِيغْ س لَانْسَا ن إِسڒْمَانْ أَزدْجِيفْ نّسْ؟
JOB 40:32 سَارْسْ خَاسْ أَفُوسْ نّشْ، خمّْ غَارْ ؤُمنْغِي، وَارْ ث تّڭِّيذْعمَّارْصْ عَاذْ.
JOB 41:1 خْزَارْ، [قَاعْ] أَرَاجِي أَذْ إِفْشڒْ، مْغِيرْ ثَامُوغْڒِي نّسْ ثسّعْڭَازْ [بْنَاذمْ].
JOB 41:2 وَارْ إِدْجِي ؤُڒَا ذ إِجّنْ أَمُّو ذ أَزعَّامْ أَڒَامِي ث إِ غَا إِهْوڒْ، مَانْ ونْ [خنِّي] إِزمَّارنْ أَذْ إِقِّيمْ إِبدّْ زَّاثْ إِ ؤُغمْبُوبْ إِنُو؟
JOB 41:3 مَانْ ونْ إِ ذ أَيِي إِوْشِينْ [شَا] ذ أَمزْوَارُو، أَڒَامِي ذ أَيِي إِتّْخصَّا أَذْ غَارسْ ث-إِ-د-أَرّغْ؟ مَارَّا مِينْ إِدْجَانْ سَاذُو إِجنْوَانْ إِنُو!
JOB 41:4 نشّْ وَارْ تّسْقَارِيغْ خْ إِضَارنْ نّسْ، خْ ڒمْغَارثْ ن جّهْذْ [نّسْ] ؤُ خْ ؤُشُووَّارْ ن وَادُّوذْ نّسْ.
JOB 41:5 مَانْ ونْ إِزعّْمنْ أَذْ إِقجّعْ ثَاقْشُورْثْ ن وَارُّوضْ نّسْ، مَانْ ونْ إِزعّْمنْ أَذْ د-إِقَارّبْ غَارْ ثْيُويَا ن ڒسْذُوذْ ن ثغْمَاسْ ن إِغسْمَارْ نّسْ؟
JOB 41:6 مَانْ ونْ إِزمَّارنْ أَذْ يَارْزمْ ثِيوُّورَا غَارْ ؤُغمْبُوبْ نّسْ؟ مِينْ إِنّْضنْ إِ ثغْمَاسْ نّسْ مْغِيرْ ذ أَنخْڒِيعْ.
JOB 41:7 ڒسْذُوذْ ن ثْسدَّارِييِينْ خْ وعْرُورْ نّسْ شنّْعنْ، [كُوڒْ  إِجّْ زَّايْسنْ] إِتّْوَابلّعْ س طَّابعْ إِقّْننْ نِيشَانْ.
JOB 41:8 إِجّنْ إِقّْننْ [نِيشَانْ] غَارْ إِجّْ ن نّغْنِي، وَارْ إِزمَّارْ أَذْ ذِينْ د-يَاذفْ أَرِّيحْ جَارْ أَسنْ.
JOB 41:9 ڒسّْقنْ ذڭْ وَايَاوْيَا، ؤُذْفنْ ذڭْ إِخفْ نْسنْ مَاحنْذْ وَارْ ثمّْسبْضِينْ.
JOB 41:10 مَاڒَا إِعْضسْ، ثتّْشعْشِيعْ ثْفَاوْثْ، ثِيطَّاوِينْ نّسْ ڭِّينْثْ أَمْ وَابْڒِيونْ ن ثْفَاوْثْ نْ ڒفْجَارْ.
JOB 41:11 زڭْ ؤُجقْمِيمْ نّسْ تّفّْغنْ-د إِصفْضَاونْ، ثِيفطُّوثِينْ ن ثْمسِّي دُّوقُّوزنْثْ [زَّايسْ].
JOB 41:12 دّخَّانْ إِتّْفوَّارْ زڭْ إِخُوبَاشْ ن ونْزَارنْ نّسْ، أَمْ زڭْ إِجّْ ن ؤُطنْجِيرْ إِتّْننَّانْ س ؤُغَانِيمْ إِدُّوخُّوننْ.
JOB 41:13 ثْوَارِّيثْ ن نّفْسْ نّسْ ثسّكَّارَا ثِيمسِّي ذِي ڒفْحمْ، زڭْ ؤُحرْقُومْ نّسْ إِتّفّغْ-د ؤُحَاذُوقْ ن ثْمسِّي.
JOB 41:14 جّهْذْ إِزْذغْ ذڭْ إِجِيمَانْ نّسْ، غَارْ زَّاثْ نّسْ إِنطُّو ؤُنخْڒِيعْ.
JOB 41:15 طّْرُوفَا ن ويْسُومْ [ن ؤُعذِّيسْ] نّسْ مّْڒسْقنْ، أَمْ خَاسنْ فسْينْ، وَارْ زمَّارنْ أَذْ تّْوَانْهزّنْ.
JOB 41:16 ؤُڒْ نّسْ إِقْسحْ أَمْ وژْرُو، إِقْسحْ أَمْ ثصْضَارْثْ ن سْوَادَّايْ ن ثْسِيرْثْ.
JOB 41:17 خْمِي إِسّْڭعَّاذْ إِخفْ نّسْ، تّْنخْڒَاعنْ إِنِّي إِجهْذنْ، زڭْ ؤُقزّبْ خطَّانْ ذِي ثنْذَايْثْ.
JOB 41:18 مَاڒَا إِڒْقفْ إِ-ث شَا ن يِيجّنْ س سِّيفْ، وَارْ إِتِّيڒِي، [وَارْ إِدْجِي س] ؤُحْرِيشْ، ڒَْا س لَانْسَا ؤُڒَا س فْڒِيثْشَا.
JOB 41:19 ؤُزَّاڒْ غَارسْ أَمْ ؤُڒُومْ، نّْحَاسْ أَمْ ؤُكشُّوضْ يَارْشَانْ.
JOB 41:20 فْڒِيثْشَا ن ڒْقوْسْ وَارْ ث ثسّْثوّجْ، إِژْرَا ن إِدْجِييْ دَّاكّْوَاڒنْ زَّاثسْ ذ أَقشْقَاشْ.
JOB 41:21 إِذبُّوزنْ إِحسّبْ إِ-ثنْ أَمْ ؤُقشْقَاشْ، إِضحّشْ خْ ؤُزبْزبْ ن ؤُحْرِيشْ.
JOB 41:22 غَارْ وَادَّايْ ن [ؤُعذِّيسْ نّسْ] أَقَا ذِينْ إِشقْفَانْ إِقضْعنْ، إِتّْجَارَّا ڒمْوَاسْ إِقضْعنْ نِّي [أَمْ ثڒْوِيحْثْ إِتّحْڒُودْجُوضنْ إِ ؤُسَارْوثْ] ثِيوَا ن ؤُبدْجَاعْ.
JOB 41:23 إِڭَّا ڒَادْجَاغْ أَذْ إِسّْثخْثخْ أَمْ ثيْذَارْثْ، إِتّڭّْ ڒبْحَارْ أَمْ ؤُمقْرَاجْ إِتّْهَاجَانْ.
JOB 41:24 إِتّجَّا أَوَارْنِي أَسْ جُّورّثْ ثَارقّْ ذ أَمسْرَاقْ، [أَمَانْ] إِهوْڒنْ تّْبَاننْ أَمْ ؤُشُوَّافْ ن ؤُمشَّايْبُو.
JOB 41:25 وَارْ ذِينْ إِدْجِي ؤُڒَا ذ إِجّْ خْ ثمُّورْثْ يَارْوسْ ذَايسْ، إِتّْوَاڭّْ حِيمَاعمَّارْصْ وَارْ إِتّڭّْوذْ.
JOB 41:26 إِنْضَارْ ثِيطَّاوِينْ نّسْ خْ مَارَّا وِي يُوعْڒَانْ، أَقَا-ث ذ أَجدْجِيذْ خْ مَارَّا إِيْرَاذنْ إِمژْيَاننْ إِنفّْخنْ.
JOB 42:1 أَيُوبْ يَارَّا-د خْ سِيذِي، إِنَّا:
JOB 42:2 ”نشّْ سّْنغْ أَقَا شكْ ثْزمَّارذْ إِ كُوڒْشِي وَارْ إِسّْبطِّيڒْ ؤُڒَا ذ إِجّْ ن ونْوَايْ نّشْ.
JOB 42:3 [شكْ ثقَّارذْ:] ’مَانْ ونْ إِسّْبَارّْشْننْ بْڒَا ثُوسّْنَا شّْوَارْ [ن أَربِّي]؟‘ س ؤُيَا سِّيوْڒغْ خْ مِينْ وَارْ فْهِيمغْ، خْ ثْمسْڒَايِينْ نِّي ذِي تّْبهْثغْ أَطَّاسْ، وَارْ ثنْثْ سِّينغْ.“
JOB 42:4 ”سڒْ مَاشَا ؤُشَا أَذْ سِّيوْڒغْ، خْسغْ أَذْ شكْ سّقْسِيغْ ؤُشَا [خنِّي] شكْ أَذْ أَيِي [خَاسْ] ثسَّارْڭْبذْ.
JOB 42:5 س ؤُمزُّوغْ خَاكْ إِ سْڒِيغْ [وَاهَا]، مَاشَا ڒخُّو ثِيطّْ إِنُو ثژْرِي شكْ.
JOB 42:6 خْ ؤُيَا تّْعِيفِّيغْ إِخفْ إِنُو ؤُشَا نْذمّغْ، قِّيمغْ ذِي ثْعجَّاجْثْ ذ يِيغّضْ.“
JOB 42:7 أَوَارْنِي ڒَامِي ثُوغَا إِسِّيوِيڒْ سِيذِي أَوَاڒنْ-أَ أَكْ-ذ أَيُوبْ، إِنَّا سِيذِي إِ إِلِيفَازْ زِي ثَايْمَانْ: ”لْغَاضَابْ إِنُو يَارْغَا خَاكْ ؤُ خْ ثْنَاينْ ن إِمدُّوكَّاڒْ نّشْ، مَاغَارْ كنِّيوْ وَارْ خَافِي ثسِّيوْڒمْ شَا نِيشَانْ أَمْ مَامّشْ خَافِي إِسِّيوڒْ ؤُمْسخَّارْ إِنُو أَيُوبْ.
JOB 42:8 خنِّي ڒخُّو، كْسِيمْ كنِّيوْ سبْعَا ن إِفُونَاسنْ إِمژْيَاننْ ذ سبْعَا ن إِشَارِّييّنْ، ؤُشَا ؤُيُورمْ غَارْ ؤُمْسخَّارْ إِنُو أَيُوبْ ؤُشَا قدّْممْ ثنْ ذ ثَاغَارْصْثْ ن وشْمَاضْ إِ يِيخفْ نْومْ. جّمْ أَمْسخَّارْ إِنُو أَيُوبْ أَذْ خَاومْ إِژَّادْجْ. مَاغَارْ نشّْ أَذْ سّْڭعّْذغْ أَغمْبُوبْ نّسْ [إِ وسْثَاجبْ]، حِيمَا وَارْ تّڭّغْ أَكِيذْومْ أَمْ ثُوبُّوهڒْيَا نْومْ، مِينْزِي كنِّيوْ وَارْ خَافِي ثسِّيوِيڒمْ نِيشَانْ أَمْ مَامّشْ خَافِي إِسِّيوِيڒْ ؤُمْسخَّارْ إِنُو أَيُوبْ.“
JOB 42:9 [خنِّي] إِفّغْ إِلِيفَازْ زِي ثَايْمَانْ، بِيلْذَاذْ زِي شُوحَا ذ صُوفَارْ زِي نَاعْمَاثْ ؤُشَا ڭِّينْ نِيثْنِي أَمْ مَامّشْ ذ أَسنْ إِنَّا سِيذِي. سِيذِي إِسّْڭعّذْ أَغمْبُوبْ ن أَيُوبْ [إِ ؤُسْثَاجبْ ن ثْژَادْجِيثْ نّسْ].
JOB 42:10 أَوَارْنِي ڒَامِي ثُوغَا إِتّْژَادْجْ أَيُوبْ ذِي طّْوعْ ن إِمدُّوكَّاڒْ نّسْ، إِنّقْڒبْ سِيذِي ثَامحْبَاسْثْ ن أَيُوبْ إِ ذِي إِدْجَا نتَّا [زِي سِّيبّثْ ن ڒهْڒَاشْ نّسْ]، ؤُشَا يَارْنِي سِيذِي ذِي مَارَّا أَڭْڒَا ن أَيُوبْ ثْنَاينْ ن ثْسقَّارْ.
JOB 42:11 ؤُسِينْ-د غَارسْ مَارَّا أَيْثْمَاسْ ذ مَارَّا سُويثْمَاسْ ذ مَارَّا إِنِّي ث إِسّْننْ زِيشْ. نِيثْنِي شِّينْ أَكِيذسْ أَغْرُومْ ذِي ثَادَّارْثْ نّسْ ؤُشَا سّشْننْ أَسْ أَزِيدْجزْ نْسنْ ؤُشَاعزَّانْ ث خْ مَارَّا ڒْغَارْ خَاسْ د-إِغْضڒْ سِيذِي. إِوْشَا أَسْ كُوڒْ إِجّنْ زَّايْسنْ إِجّْ ن ڒوْزنْ ن نُّوقَارْثْ ؤُڒَا ذ إِشْثْ ن ثْخَاذنْثْ ن وُورغْ.
JOB 42:12 إِبَاركْ سِيذِي ثَانڭَّارُوثْ ن أَيُوبْ كْثَارْ زِي ثْمزْوَارُوثْ نّسْ، مَاغَارْ ثُوغَا غَارسْ أَربْعَا-أَڒَافْ ن وُودْجِي ذ ستَّا-أَڒَافْ ن إِڒغْمَانْ ذ وَاڒفْ ن إِفُونَاسنْ ن ثغْنَاشْثْ ذ وَاڒفْ ن ثغْيَاڒْ.
JOB 42:13 ثُوغَا غَارسْ سبْعَا ن إِحنْجِيرنْ ذ ثْڒَاثَا ن يسِّيسْ.
JOB 42:14 ثَامزْوَارُوثْ إِڭَّا أَسْ يَامِيمَا، وِيسّْ ثْنَاينْ قَّارنْ أَسْ قَاصِيعَا ذ وِيسّْ ثْڒَاثَا قَّارنْ أَسْ قَارْنْ-هَافُّوكْ.
JOB 42:15 وَارْ ؤُفِينْ ذِي مَارَّا ثَامُّورْثْ ثِيحْرَامِينْ شْنَانْثْ أَمْ يسِّيسْ ن أَيُوبْ. بَابَاثْسنْثْ إِوْشَا أَسنْثْ ثَاسْغَارْثْ جَارْ أَيْثْمَاثْسنْثْ.
JOB 42:16 أَيُوبْ إِدَّارْ أَوَارْنِي إِ ؤُيَا مْيَا ؤُ-ربْعِينْ ن إِسڭّْوُوسَا. نتَّا إِژْرَا إِحنْجِيرنْ نّسْ ذ إِحنْجِيرنْ ن إِحنْجِيرنْ نّسْ [غَارسْ أَڒْ] جِّيڒْ وِيسّْ أَربْعَا.
JOB 42:17 أَيُوبْ إِمُّوثْ أَوَارْنِي ڒَامِي إِوْسَارْ أَطَّاسْ ؤُ ثُوغَا إِجِّيونْ ؤُسَّانْ [ن ثُوذَارْثْ نّسْ].
PSA 1:1 سّعْذْ ن ورْيَازْ، ونِّي وَارْ إِڭُّورنْ ذِي شّْوَارْ ن إِعفَّاننْ، ذ ونِّي وَارْ إِبدّنْ ذڭْ وبْرِيذْ ن إِمذْنَابْ، ذ ونِّي وَارْ إِقِّيمنْ خْ ڒْكُورْسِي ن إِمسْثهْزَاينْ،
PSA 1:2 مَاشَا ڒفْرَاحثْ نّسْ أَقَا-ت ذِي شَّارِيعَا ن سِيذِي ؤُ إِتّْخَارّصْ ذِي شَّارِيعَا نّسْ أَسّْ ذ دْجِيڒثْ.
PSA 1:3 أَذْ يِيڒِي أَمْ يِيشْثْ ن ثْشجَّارْثْ إِ إِتّْوَاژُّونْ غَارْ ثْغزْرَاثِينْ ن وَامَانْ، ثنِّي إِتِّيشنْ ڒْغِيدْجثْ نّسْ ذِي ڒْوقْثْ نّسْ، أَفَارْ نّسْ وَارْ إِتِّيژغْ. مَارَّا مِينْ إِتّڭّْ، أَذْ يِيڒِي.
PSA 1:4 وَارْ [تِّيڒِينْ] إِعفَّاننْ أَمُّو، مِينْزِي [نِيثْنِي] أَمْ إِشَارْفَا إِتَّاوِي-يْ-إِ-ث ؤُسمِّيضْ.
PSA 1:5 خْ ؤُيَا إِعفَّاننْ وَارْ تّْبذِّينْ شَا ذڭْ وَاسّْ ن ڒحْسَابْ، ؤُڒَا ذ إِمذْنَابْ ذِي ثْمسْمُونْثْ ن إِمْسڭَّاذنْ.
PSA 1:6 مِينْزِي سِيذِي إِسّنْ أَبْرِيذْ ن إِمْسڭَّاذنْ، [مَاشَا] أَبْرِيذْ ن إِعفَّاننْ أَذْ إِفْنَا.
PSA 2:1 مَايمِّي تّْهَاجنْ ڒڭْنُوسْ، تّْخَارِّيصنْ شُّوعُوبْ ذِي ڒْبَاطرْ؟
PSA 2:2 كَّارنْ إِجدْجِيذنْ ن ثمُّورْثْ، أَيْثْ ن بُو-صُّولْطَا مْشَاوَارنْ ضِيدّْ إِ سِيذِي ؤُ ضِيدّْ إِ لْمَاسِيحْ نّسْ:
PSA 2:3 ’أجّْ أَنغْ أَذْ نْقسّْ إِشذِّييّنْ نْسنْ، أَذْ خَانغْ نسّْبعّذْ ثِيسغْوِينْ نْسنْ!‘
PSA 2:4 ونِّي إِزدّْغنْ ذڭْ ؤُجنَّا إِضحّشْ، سِيذِي إِنُو أَذْ زَّايْسنْ إِسّْثهْزَا.
PSA 2:5 خنِّي أَذْ كِيذْسنْ إِسِّيوڒْ س وغْضَابْ نّسْ، س ڒْحَاذُوقْ ن وغْضَابْ نّسْ أَذْ ثنْ إِسِّيڭّْوذْ.
PSA 2:6 ”نشّْ أَقَا ذهْنغْ أَجدْجِيذْ إِنُو، خْ صِيهْيُونْ، أَذْرَارْ إِنُو إِقدّْسنْ!“
PSA 2:7 نشّْ أَذْ بَارّْحغْ ثِيكّسْثْ ن وَاوَاڒْ! سِيذِي إِنَّا أَيِي: ”شكْ ذ مِّي، أَسّْ-أَ جِّيغْ-د شكْ!
PSA 2:8 تَّارْ زَّايِي ؤُ نشّْ أَذْ أَشْ وْشغْ ڒڭْنُوسْ ذ ڒْوَارْثْ، ثِينڭُّورَا ن ثمُّورْثْ أَذْ غَاركْ إِڒِينْثْ ذ أَڭْڒَا إِ شكْ.
PSA 2:9 أَذْ ثنْ ثْڒبْزذْ س يِيجّْ ن وقْضِيبْ ن وُوزَّاڒْ، أَذْ ثنْ ثَارْژِيذْ ذ ثَارژِّيثْ أَمْ يِيجّْ ن ؤُغَارَّافْ ن ثْڒَاخْثْ.“
PSA 2:10 ڒخُّو [خنِّي]، أَ إِجدْجِيذنْ، إِڒِيمْ ذ إِفهَّامنْ، ثبّْثمْ إِخفْ نْومْ، أَ ڒْقُوضَاثْ ن ثمُّورْثْ!
PSA 2:11 سخَّارمْ إِ سِيذِي س ثڭّْوُوذِي، فَارْحمْ س ثَارْجِيجثْ.
PSA 2:12 سُوذْممْ مِّيسْ، حِيمَا نتَّا وَارْ إِسعَّارْ ؤُ أَذْ ثتّْوَاهلّْكمْ ذڭْ وبْرِيذْ، وَاخَّا إِتّْوَاسَّارْغْ وغْضَابْ نّسْ مْغِيرْ ذْرُوسْ وَاهَا. سّعْذْ نْسنْ إِ يِينِّي غَارسْ يَاركّْوَاڒنْ.
PSA 3:1 [أَزهّذْ ن ذَاوُوذْ، ؤُمِي يَارْوڒْ زڭْ وُوذمْ ن مِّيسْ أَبْشَالُومْ.]
PSA 3:2 [أَ] سِيذِي، إِنِّي ذ أَيِي إِحصَّارنْ أَقَا كتَّارنْ، أَطَّاسْ أَقَا أَثنْ ضِيدّْ إِنُو.
PSA 3:3 أَطَّاسْ أَقَا قَّارنْ خْ ڒعْمَارْ إِنُو: ”إِ نتَّا وَارْ ذِينْ [إِدْجِي] ؤُسنْجمْ غَارْ أَربِّي!“ سِيلَاهْ.
PSA 3:4 [أَحقَّا] شكْ، [أَ] سِيذِي، ذ ثَاسدَّارْثْ ن ؤُسڒْقِي إِ نشّْ، أَعُودْجِي إِنُو، شكْ ذ ونِّي إِسّْڭعّْذنْ أَزدْجِيفْ إِنُو.
PSA 3:5 س ثْمِيجَّا إِنُو ڒَاغِيغْ إِ سِيذِي، ؤُشَا نتَّا يَارَّا-د خَافِي زڭْ وذْرَارْ نّسْ إِقدّْسنْ. سِيلَاهْ.
PSA 3:6 سنّْذغْ ؤُشَا إِكَّا خَافِي يِيضصْ، فَاقغْ-د، مِينْزِي سِيذِي إِتّْعَاونْ أَيِي.
PSA 3:7 وَارْ تّڭّْوِيذغْ زِيعشْرَا ن ڒُوڒُوفْ ن ڒْڭنْسْ، إِنِّي ذ أَيِي د-إِنّْضنْ، سّْبدَّانْ إِخفْ نْسنْ خْ إِغزْذِيسنْ إِنُو.
PSA 3:8 كَّارْ، أَ سِيذِي، سنْجمْ أَيِي، [أَ] أَربِّي إِنُو، مِينْزِي شكْ ثوْثِيذْ مَارَّا ڒْعذْيَانْ إِنُو غَارْ ؤُغسْمِيرْ، أَقَا ثدّْزذْ ثِيغْمَاسْ ن إِعفَّاننْ.
PSA 3:9 أَسنْجمْ أَقَا-ث ن سِيذِي، لْبَارَاكَا نّشْ أَقَا-ت خْ ڒْڭنْسْ نّشْ. سِيلَاهْ.
PSA 4:1 [إِ ؤُمقّْرَانْ ن إِمغْنَاجنْ. أَكْ-ذ ؤُزنْزُونْ خْ إِفِيڒَانْ. أَزهّذْ ن ذَاوُوذْ.]
PSA 4:2 أَرّْ-د خَافِي خْمِي د تّْڒَاغِيغْ، [أَ] أَربِّي ن ثْسڭْذَا إِنُو! ذِي ڒحْصَارثْ أَقَا شكْ ثڭِّيذْ أَيِي تَّاسِيعْ. حِينّْ خَافِي ؤُ سڒْ-د غَارْ ثْژَادْجِيثْ إِنُو!
PSA 4:3 ثَارْوَا ن [يِيجّْ ن] ورْيَازْ، أَڒْ مڒْمِي إِ غَا يِيڒِي ؤُعُودْجِي إِنُو ذ ڒْعَارْ؟ أَڒْ مڒْمِي غَا ثخْسمْ ڒْبَاطڒْ، أَذْ ثَارْزُومْ خْ إِخَارِّيقنْ؟ سِيلَاهْ.
PSA 4:4 سْنمْ [خنِّي]، أَقَا سِيذِي إِحُوزّْ إِجّْ ن ؤُمدُّوكّڒْ أَمْثِيقِّي إِ يِيخفْ نّسْ. سِيذِي أَذْ أَيِي إِسڒْ خْمِي ذ أَسْ إِ غَا ڒَاغِيغْ.
PSA 4:5 أَرْجِيجمْ، [مَاشَا] وَارْ خطِّيمْ. سِيوْڒمْ ذڭْ وُوڒْ نْومْ ذِي ڒشْثُو نْومْ ؤُشَا سُوسْممْ. سِيلَاهْ.
PSA 4:6 قدّْممْ ثِيغَارْصَا ن ثْسڭْذَا، تّشْڒمْ خْ سِيذِي.
PSA 4:7 أَطَّاسْ قَّارنْ: ”وِي ذ أَنغْ إِ غَا إِسّشْننْ ڒْخَارْ؟“ أجّْ أَذْ خَانغْ د-ثنْقَارْ ثْفَاوْثْ ن وُوذمْ نّشْ، [أَ] سِيذِي!
PSA 4:8 شكْ ثسِّيذْفذْ ڒفْرَاحثْ غَارْ وُوڒْ إِنُو، كْثَارْ [خْ ڒفْرَاحثْ] إِ [ذِينْ] إِدْجَانْ ذِي ڒْوقْثْ ؤُمِي ثُوغَا فيّْضنْ إِمنْذِي نْسنْ ذ بِينُو نْسنْ ن جْذِيذْ.
PSA 4:9 ذِي ڒهْنَا أَذْ زّْڒغْ ؤُ أَذْ طّْصغْ، مِينْزِي مْغِيرْ شكْ، أَ سِيذِي، أَذْ أَيِي ثسّْزذْغذْ ذِي ڒَامَانْ.
PSA 5:1 [إِ ؤُمقّْرَانْ ن إِمغْنَاجنْ. أَكْ-ذ ثمْجَا. أَزهّذْ ن ذَاوُوذْ.]
PSA 5:2 [أَ] سِيذِي، سڒْ إِ مِينْ غَا إِنِيغْ، فهْمثْ إِ ؤُنِيخْسسْ إِنُو.
PSA 5:3 حكَّارْ إِ ثْمِيجَّا ن ثُوثْرَا إِنُو، [أَ] أَجدْجِيذْ إِنُو ذ أَربِّي إِنُو، أَقَا إِ شكْ ؤُمِي تّْژَادْجِيغْ.
PSA 5:4 غَارْ ثُوفُّوثْ، [أَ] سِيذِي، ثسْڒِيذْ شكْ إِ ثْمِيجَّا إِنُو، غَارْ ثُوفُّوثْ نّْقڒْبغْ-د غَاركْ، ؤُشَا قِّيمغْ تّْرَاجِيغْ شكْ.
PSA 5:5 شكْ وَارْ ثدْجِيذْ شَا ذ أَربِّي نِّي إِتّخْسنْ ثُوعفّْنَا، بْنَاذمْ أَعفَّانْ وَارْ غَاركْ إِتِّيفْ أَغِيمِي.
PSA 5:6 إِبُوحَاڒِييّنْ وَارْ تّْغِيمِينْ تّْبدَّانْ زَّاثْ إِ ثِيطَّاوِينْ نّشْ، شكْ ثْشَارّْهذْ مَارَّا إِنِّي إِتّڭّنْ ڒْغَارْ.
PSA 5:7 أَذْ ثْهلّْكذْ أَيْثْ ن بُو-إِخَارِّيقنْ، سِيذِي إِتّْعِيفَّا أَرْيَازْ ن إِذَامّنْ ذ ڒْغشّْ.
PSA 5:8 مَاشَا س ڒمْغَارثْ ن ثْمخْسِيوْثْ نّشْ إِشوَّارنْ أَذْ أَذْفغْ غَارْ ثَادَّارْثْ نّشْ، أَذْ سجْذغْ غَارْ زَّاوشْثْ نّشْ ثَامقّْرَانْثْ س ثِيڭّْوُوذِي زَّايكْ.
PSA 5:9 [أَ] سِيذِي، سُويُورْ أَيِي خْ وبْرِيذْ ن ثْسڭْذَا نّشْ، ذِي طّْوعْ ن يِينِّي إِ ذ أَيِي إِحصَّارنْ، سڭّمْ أَبْرِيذْ نّشْ زَّاثْ إِ وُوذمْ إِنُو.
PSA 5:10 مِينْزِي ذڭْ ؤُقمُّومْ نْسنْ وَارْ ذِينْ بُو ڒَامَانْ، جُّوفْ نْسنْ ذ أَخيّبْ، ثْمِيجَّا نْسنْ ذ أَنْضڒْ يَارزْمنْ، أَربُّونْ ثْخَانْشثْ س يِيڒسْ نْسنْ.
PSA 5:11 خْڒفْ زَّايْسنْ، [أَ] أَربِّي، أجّْ إِ-ثنْ أَذْ وْضَانْ س ڒشْوَارْ [ن يِيخفْ] نْسنْ، أَژّڒْ خَاسنْ ذِي سِّيبّثْ ن وَاطَّاسْ ن إِخطَّانْ نْسنْ، مِينْزِي نِيثْنِيغوّْغنْ خَاكْ.
PSA 5:12 مَارَّا إِنِّي غَاركْ يَاركّْوَاڒنْ أَذْ فَارْحنْ، أَذْ سْڒِيوڒْونْ إِ ڒبْذَا. شكْ ثْفَارْيذْ خَاسنْ! أَقَا إِنِّي إِتّخْسنْ إِسمْ نّشْ أَذْ نڭْزنْ س ڒفْرَاحثْ [إِ غَارْسنْ] ذَايكْ.
PSA 5:13 مِينْزِي شكْ، [أَ] سِيذِي، أَذْ ثْبَارْكذْ أَمْسڭَّاذْ، أَذْ أَسْ ثْقُووَّارذْ س ؤُحِينِّي أَمْ س ثْسدَّارْثْ ن ؤُسڒْقِي ثَامقّْرَانْثْ.
PSA 6:1 [إِ ؤُمقّْرَانْ ن إِمغْنَاجنْ. أَكْ-ذ ؤُزنْزُونْ خْ ؤُفِيڒُو وِيسّْ ثْمنْيَا. أَزهّذْ ن ذَاوُوذْ.]
PSA 6:2 [أَ] سِيذِي، وَارْ ذ أَيِي تّْودَّابْ ذڭْ وغْضَابْ نّشْ، وَارْ ذ أَيِي تَّاربِّي شَا ذڭْ وسْعَارْ نّشْ!
PSA 6:3 حِينّْ خَافِي، [أَ] سِيذِي، مَاغَارْ نشّْ أَقَا أَرْخُوغْ. سْڭنْفَا أَيِي، [أَ] سِيذِي، مَاغَارْ إِغْسَانْ إِنُو تَّارْجِيجِينْ!
PSA 6:4 وَاهْ، ڒعْمَارْ إِنُو يَارْجفْ أَطَّاسْ، ؤُ شكْ، [أَ] سِيذِي، أَڒْ مڒْمِي؟
PSA 6:5 ذْوڒْ-د، [أَ] سِيذِي، فكّْ ڒعْمَارْ إِنُو، سنْجمْ أَيِي ذِي طّْوعْ ن ثْمخْسِيوْثْ نّشْ إِشوَّارنْ.
PSA 6:6 مِينْزِي ذِي ڒْموْثْ وَارْ ذِينِّي بُو ڒِيذَارثْ نّشْ. وِي شكْ إِ غَا إِقَاذَانْ ذِي ڒَاخَارْثْ؟
PSA 6:7 نشّْ ؤُحْڒغْ س إِنِيخْسِيسنْ إِنُو. دْجِيڒثْ ثكْمڒْ سُّوفّغْ قَامَا إِنُو، ؤُڒَا ذ ثَاسُّوثْ إِنُو ثطّبْطبْ قَاعْ س إِمطَّاونْ.
PSA 6:8 ثِيطّْ إِنُو ثغْڒِي س وشْضَانْ، جّهْذْ نّسْ إِرُوحْ زِي مَارَّا إِنِّي ذ أَيِي إِحصَّارنْ.
PSA 6:9 أَڭّْوجمْ خَافِي، مَارَّا إِنِّي إِتّڭّنْ ڒْمُوعْصِييّثْ، مِينْزِي سِيذِي إِسْڒَا إِ ثْمِيجَّا ن إِمطَّاونْ إِنُو.
PSA 6:10 سِيذِي إِسْڒَا إِ ثُوثْرَا إِنُو، سِيذِي أَذْ إِقْبڒْ ثَاژَادْجِيثْ إِنُو.
PSA 6:11 مَارَّا ڒْعذْيَانْ إِنُو أَذْ ثنْ ثڒْقفْ ڒفْضِيحثْ ذ ؤُنخْڒِيعْ، أَذْ د-ذوْڒنْ غَارْ ضفَّارْ، أَكْ-ذ ورْمَاشْ ن وَابْڒِيونْ أَذْ سضْحَانْ.
PSA 7:1 [إِزْڒِي ن ذَاوُوذْ ذڭْ وَاطَّاسْ ن ثْمِيجِّيوِينْ، إِزْڒِي نِّي إِغنّجْ إِ سِيذِي ذِي سِّيبّثْ ن وَاوَاڒنْ ن كُوشْ، ونِّي إِدْجَانْ زڭْ أَيْثْ ن بِينْيَامِينْ.]
PSA 7:2 [أَ] سِيذِي، أَربِّي إِنُو، أَقَا غَاركْ أَركّْوَاڒغْ! سنْجمْ أَيِي زِي مَارَّا إِنِّي خَافِي إِتَّاژّْڒنْ ؤُشَا فكّْ أَيِي،
PSA 7:3 مَاحنْذْ نتَّا وَارْ ذ أَيِي إِزعّفْ أَمْ ويْرَاذْ، أَذْ أَيِي إِمزّقْ، [ڒَْامِي] وَارْ ذِينْ وِي غَا إِفكّنْ!
PSA 7:4 [أَ] سِيذِي، أَربِّي إِنُو، مَاڒَا نشّْ ڭِّيغْ مَانْ أَيَا، مَاڒَا ذِينْ شَا ن ڒْغشّْ إِڒْصقْ ذڭْ إِفَاسّنْ إِنُو،
PSA 7:5 مَاڒَا نشّْ خڒْفغْ ونِّي أَكِيذِي إِدَّارنْ ذِي ڒهْنَا س ڒْغَارْ، - [مَاشَا س ڒْعكْسْ] ونِّي ذ أَيِي إِحصَّارنْ خْ وَالُو، جِّيغْ ث أَذْ يُويُورْ -
PSA 7:6 أجّْ [خنِّي] أَذْ يَاژّڒْ ڒعْذُو خْ ڒعْمَارْ إِنُو، أَذْ أَيِي إِعْذُو، أَذْ إِعْفسْ خْ ثُوذَارْثْ إِنُو ذِي ثمُّورْثْ، [أجّْ إِ-ث] أَذْ إِسّزْذغْ أَعُودْجِي إِنُو ذِي ثْعجَّاجْثْ! سِيلَاهْ.
PSA 7:7 كَّارْ-د، [أَ] سِيذِي، ذڭْ وغْضَابْ نّشْ، سُوعْڒَا إِخفْ نّشْ خْ ؤُذُوقّزْ ن يِينِّي ذ أَيِي إِحصَّارنْ، فَاقْ ذِي طّْوعْ إِنُو، أَقَا ثڭِّيذْ ثُومُورذْ ڒْحقّْ.
PSA 7:8 أَڭْرَاوْ ن ڒڭْنُوسْ أَذْ أَشْ د-إِنّضْ، [خنِّي] ذْوڒْ ثِيوَا نْسنْ غَارْ سنّجْ.
PSA 7:9 سِيذِي أَذْ إِحَاكمْ ڒڭْنُوسْ. أَغْ أَيِي ثَاسْغَارْثْ، [أَ] سِيذِي، عْلَاحْسَابْ ثَاسڭْذَا إِنُو، عْلَاحْسَابْ ڒكْمَارثْ إِ ذَايِي.
PSA 7:10 سْبدّْ ثُوعفّْنَا ن إِعفَّاننْ، سمْثنْ أَمْسڭّذْ، [شكْ،] ونِّي إِقدْجْبنْ ؤُڒَاونْ ذ ثِيژَّاڒْ، [أَ] أَربِّي إِسڭّْذنْ!
PSA 7:11 ثَاسدَّارْثْ إِنُو إِ ؤُسڒْقِي غَارْ أَربِّي، أَمْسنْجمْ ن إِمْسڭّْمنْ ن وُوڒَاونْ.
PSA 7:12 أَربِّي ذ إِجّْ ن ڒْقَاضِي إِسڭّْذنْ، أَربِّي نِّي إِسخّْضنْ كُوڒْ أَسّْ.
PSA 7:13 مَاڒَا نتَّا وَارْ د-إِعْقِيبْ، أَذْ إِسّقْضعْ نتَّا سِّيفْ نّسْ، أَذْ إِمْحضْ ڒْقوْسْ نّسْ ؤُشَا أَذْ [خَاسْ] إِنيّشْ.
PSA 7:14 إِڭَّا خَاسْ ڒسْنَاحْ إِنقّنْ، أَذْ يَارّْ فْڒِيثْشَاثْ نّسْ ذ إِصفْضَاونْ يَارقّنْ.
PSA 7:15 خْزَارْ، أَقَا وْضَانْ-د خَاسْ ڒوْجعْ ن ثَارُوثْ ن ڒْمُوعْصِييّثْ، إِكْسِي دّيْسثْ ن ثَامَارَا ؤُشَا أَذْ يَارُو إِخَارِّيقنْ.
PSA 7:16 إِقَّازْ إِجّْ ن وحْفُورْ ؤُشَا إِسُّودْجغْ إِ-ث، مَاشَا ذ نتَّا [س يِيخفْ نّسْ] إِ إِوْضَانْ ذڭْ [وحْفُورْ ن] ثُورْصُوضِي إِ إِڭَّا.
PSA 7:17 ثَامَارَا نّسْ أَذْ د-ثذْوڒْ خْ ؤُزدْجِيفْ نّسْ، ڒخْشُونثْ نّسْ أَذْ د-ثهْوَا خْ ؤُشقُّوفْ نّسْ.
PSA 7:18 أَذْ قَاذِيغْ سِيذِي عْلَاحْسَابْ ثَاسڭْذَا نّسْ، أَذْ زهّْذغْ إِ يِيسمْ ن سِيذِي، أَمْعُودْجِي خْ كُوڒْشِي.
PSA 8:1 [إِ ؤُمقّْرَانْ ن إِمغْنَاجنْ. س ثغْنِينْثْ ن ؤُجْتِّي، ورْيَازْ زِي جَاثْ. أَزهّذْ ن ذَاوُوذْ.]
PSA 8:2 [أَ] سِيذِي، أَربِّي نّغْ، مَامّشْ إِجْهذْ يِيسمْ نّشْ خْ مَارَّا ثَامُّورْثْ، [شكْ] ذ ونِّي إِڭِّينْ لْعَاضَامَا نّشْ سنّجْ إِ إِجنْوَانْ.
PSA 8:3 زڭْ ؤُقمُّومْ ن إِحنْجِيرنْ ذ إِسيْمَانْ، ثڭِّيذْ ذْسَاسْ إِجْهذْ زِي سِّيبّثْ ن يِينِّي شكْ إِحصَّارنْ، حِيمَا أَذْ ثْبلّْعذْ أَبْرِيذْ خْ ڒعْذُو ؤُ خْ ونِّي يَارزُّونْ أَذْ إِخْڒفْ.
PSA 8:4 مَاڒَا ثْوَاڒِيغْ أَجنَّا، ڒْْخذْمثْ ن إِضوْضَانْ نّشْ، ثَازِيرِي ذ يثْرَانْ، إِنِّي ثڭِّيذْ،
PSA 8:5 مِينْ إِعْنَا [خنِّي] بْنَاذمْ، أَقَا شكْ ثْخَارّْصذْ ذَايسْ، مِّيسْ ن بْنَاذمْ، أَقَا شكْ ثْخزَّارذْ غَارسْ؟
PSA 8:6 شكْ ثَارِّيذْ ث مْغِيرْ شْوَايْثْ وَاهَا قلّْ إِ أَربِّي، ثوْشِيذْ أَسْ تَّاجْ ن ؤُعُودْجِي ذ ڒْعزّْ.
PSA 8:7 شكْ ثَارِّيذْ ث أَذْ إِحْكمْ خْ ثْمڭَّا ن إِفَاسّنْ نّشْ، ثسَّارْسذْ مَارَّا سْوَادَّايْ إِ إِضَارنْ نّسْ:
PSA 8:8 ؤُدْجِي ذ إِفُونَاسنْ، مَارَّا إِنَا، ؤُڒَا ذ ڒْمَاڒْ ن ييَّارْ،
PSA 8:9 إِجْضَاضْ ن ؤُجنَّا ذ إِسڒْمَانْ ن ڒبْحَارْ، [مَارَّا] مِينْ إِتّْشُوقَانْ إِبْرِيذنْ ن ڒبْحُورْ.
PSA 8:10 [أَ] سِيذِي، سِيذِيثْنغْ، مَامّشْ إِجْهذْ يِيسمْ نّشْ ذِي مَارَّا ثَامُّورْثْ!
PSA 9:1 [إِ ؤُمقّْرَانْ ن إِمغْنَاجنْ. س ثغْنِينْثْ ن ’ڒْْموْثْ ن مِّيسْ‘. أَزهّذْ ن ذَاوُوذْ.]
PSA 9:2 أَلِيفْ. أَذْ قَاذِيغْ سِيذِي س مَارَّا ؤُڒْ إِنُو، أَذْ بَارّْحغْ مَارَّا لْمُوعْجِيزَاثْ نّشْ.
PSA 9:3 أَذْ زَّايكْ فَارْحغْ أَذْ زَّايكْ سْڒِيوْڒِيوغْ. نشّْ أَذْ زهّْذغْ إِ يِيسمْ نّشْ، [أَ] شكْ، أَمْعُودْجِي خْ كُوڒْشِي!
PSA 9:4 بِيثْ. ؤُمِي ڒْعذْيَانْ إِنُو ذوْڒنْ غَارْ ضفَّارْ، وْضَانْ ؤُغڒْينْ زَّاثْ إِ وُوذمْ نّشْ.
PSA 9:5 مَاغَارْ شكْ ثْونِّيذْ أَيِي ثَاسْغَارْثْ إِنُو ؤُ ثْبلّْعذْ دّعْوثْ إِنُو، ثقِّيمذْ خْ ڒْعَارْشْ، [أَ شكْ،] ذ ڒْقَاضِي أَمْسڭّذْ.
PSA 9:6 ڭِيملْ. شكْ ثْوبّْخذْ ڒڭْنُوسْ، ثْهلّْكذْ أَعفَّانْ، ثمْحِيذْ إِسمْ نْسنْ إِ ڒبْذَا قَاعْ.
PSA 9:7 هِي. ڒعْذُو، أَقَا نِيثْنِي تّْوَاقْضَانْ، أَقَا أَثنْ ذ ڒْخِيرْبَاثْ إِ ڒبْذَا. ثْغضْڒذْ إِغْرِيمنْ نْسنْ، ڒِْيذَارثْ نْسنْ ثفْنَا.
PSA 9:8 وَاوْ. سِيذِي إِتّْغِيمَا إِ ڒبْذَا، أَقَا إِسّْبدّْ ڒْعَارْشْ نّسْ إِ ڒحْكَامْ.
PSA 9:9 نتَّا أَذْ إِشَارّعْ دُّونشْثْ س ثْسڭْذَا، أَذْ إِحْكمْ شُّوعُوبْ س ڒْحقّْ.
PSA 9:10 سِيذِي ذ لْبُورْجْ يُوعْڒَانْ إِ ونِّي إِحْصَارنْ، إِجّْ ن لْبُورْجْ يُوعْڒَانْ ذِي ڒْوقْثْ ن ڒحْصَارثْ.
PSA 9:11 إِنِّي إِسّْننْ إِسمْ نّشْ، أَذْ خَاكْ تّشْڒنْ، مَاغَارْ إِنِّي خَاكْ يَارزُّونْ، وَارْ ذَايْسنْ ثْسمّْحذْ، [أَ] سِيذِي.
PSA 9:12 زَايِينْ. زهّْذمْ إِ سِيذِي، ونِّي إِزدّْغنْ ذِي صِيهْيُونْ، بَارّْحمْ س ثْمڭَّا نّسْ جَارْ ڒڭْنُوسْ.
PSA 9:13 مِينْزِي نتَّا يَارزُّو خْ ؤُسِيزّڒْ ن إِذَامّنْ، إِتّْخَارَّاصْ ذَايْسنْ. وَارْ إِتُّو شَا إِغُويَّانْ ن يِينِّي إِتّْوَاحصَّارنْ.
PSA 9:14 خِيثْ. حِينّْ خَافِي، [أَ] سِيذِي، خْزَارْ غَارْ ڒغْبنْ إِنُو إِ د-يُوسِينْ زڭْ إِنِّي ذ أَيِي إِشَارّْهنْ، شكْ ذ ونِّي ذ أَيِي غَا إِسّْڭعّْذنْ زِي ثوُّورَا ن ڒْموْثْ،
PSA 9:15 حِيمَا أَذْ بَارّْحغْ س مَارَّا شَّانْ نّشْ، ذِي ثوُّورَا ن يدْجِيسْ ن صِيهْيُونْ. نشّْ فَارّْحغْ خْ ؤُسنْجمْ نّشْ.
PSA 9:16 ثِيث. ڒڭْنُوسْ وْضَانْ ذڭْ [وحْفُورْ ن] ثُورْصُوضِي إِ ڭِّينْ نِيثْنِي [س يِيخفْ نْسنْ]، إِضَارنْ نْسنْ تّْوَاشدّنْ ذِي ثْرَاشَّا نِّي سّْنُوفَّارنْ نِيثْنِي [س يِيخفْ نْسنْ]،.
PSA 9:17 سِيذِي إِڭَّا إِخفْ نّسْ أَذْ ث سّْننْ، نتَّا يُوغَا ثَاسْغَارْثْ. أَعفَّانْ إِنُّوغْ ذِي ثْمڭَّا ن إِفَاسّنْ نّسْ. أجّْ إِفِيڒَانْ أَذْ دّنْذْننْ. سِيلَاهْ.
PSA 9:18 يُوذْ. إِعفَّاننْ أَذْ د-ذوْڒنْ غَارْ ڒَاخَارْثْ، مَارَّا ڒڭْنُوسْ نِّي إِتُّونْ أَربِّي.
PSA 9:19 مَاشَا أَمزْڒُوضْ وَارْ إِتّْوَاتُّو إِ ڒبْذَا، وَارْ إِتّْوَاقطّعْ ڒَايَاسْ ن يِينِّي إِتّْوَاحْصَارنْ إِ ڒبْذَا.
PSA 9:20 قُوفْ. كَّارْ، [أَ] سِيذِي، حِيمَا وَارْ إِذِّيكّْوِيڒْ بْنَاذمْ إِجْهذْ كْثَارْ. أجّْ ڒڭْنُوسْ أَذْ تّْوَاشَارّْعنْ زَّاثْ إِ وُوذمْ نّشْ.
PSA 9:21 سِيڭّْوذْ إِ-ثنْ، [أَ] سِيذِي، أجّْ ڒڭْنُوسْ أَذْ سّْننْ أَقَا أَثنْ ذ إِوْذَانْ! سِيلَاهْ.
PSA 10:1 [مِينْ إِقِّيمنْ ن ؤُزهّذْ 9] لَامِيذْ. [أَ] سِيذِي، مَايمِّي ثقِّيمذْ ثِيڭّْوجذْ [أَمُّو]؟ مَايمِّي ثسّْنُوفَّارذْ إِخفْ نّشْ ذِي ڒْوقْثْ ن ڒحْصَارثْ؟
PSA 10:2 س نّْفَاخثْ إِضفَّارْ ؤُعفَّانْ ڒْمسْكِينْ. أَذْ تّْوَاطّْفنْ س ثْمعْمَاتْشْ إِ ذِي تّْخَارّْصنْ.
PSA 10:3 مَاغَارْ أَعفَّانْ إِسّْعُودْجْ إِخفْ نّسْ غَارْ مژْرِي ن ڒعْمَارْ نّسْ، إِتّْبَاركْ أَضمَّاعْ، إِتّْشقَّافْ ذِي سِيذِي.
PSA 10:4 أَعفَّانْ أَمْ ونِّي إِسّْڭعَّاذنْ ثِينْزَارْثْ نّسْ غَارْ ؤُجنَّا، وَارْ إِتّْبقّشْ، [إِقَّارْ]. ”وَارْ ذِينْ أَربِّي“، مَانْ أَيَا ذ مَارَّا مِينْ ذِي إِزمَّارْ أَذْ إِتّْخَارّصْ.
PSA 10:5 مَارَّا إِبْرِيذنْ نّسْ تّفّْغنْ أَسْ مْلِيحْ كُوڒْ ثْوَاڒَا. ڒهْكَامَاثْ نّشْ تُّوعْڒَانْثْ خَاسْ. إِتّْزَاوَارْ مَارَّا إِنِّي ث إِحصَّارنْ.
PSA 10:6 نتَّا إِقَّارْ ذڭْ وُوڒْ نّسْ: ”وَارْ تّنْهزِّيغْ، زِي جِّيڒْ أَڒْ جِّيڒْ وَارْ ذ أَيِي إِڒقّفْ ؤُڒَا ذ إِجّْ ن ڒْغَارْ.“
PSA 10:7 أَقمُّومْ نّسْ إِشُّورْ س نّعْڒثْ ذ إِخَارِّيقنْ ذ دّدْجْ. سَاذُو يِيڒسْ نّسْ [أَقَا ذِينْ] ثَامَارَا ذ ڒْمُوعْصِييّثْ.
PSA 10:8 نتَّا إِتّْغِيمَا غَارْ وشْبَارْ ذِي ذْشُورَاثْ، ذڭْ إِمُوشَانْ إِنُّوفَّارنْ إِنقّْ إِنِّي وَارْ إِڭِّينْ س شَا. ثِيطَّاوِينْ نّسْ مّنْضَارنْثْ خْ ڒْمسْكِينْ.
PSA 10:9 إِڒْبثْ ذڭْ ومْشَانْ إِنُّوفَارنْ أَمْ ويْرَاذْ ذڭْ ؤُذُورِّي ن ؤُعِيشُّو نّسْ. نتَّا إِتّْحكَّارْ حِيمَا أَذْ يَاشَارْ ڒْمسْكِينْ. إِتَّاشَارْ ڒْمسْكِينْ ؤُمِي ث إِجبّذْ ذِي ثْرَاشَّا نّسْ.
PSA 10:10 نتَّا إِهكّْوَا-د غَارْ وَادَّايْ، إِتَّاضَارْ، [أَقَا] ڒْمسْكِينْ إِوطَّا جَارْ [وَاشَّارنْ] نّسْ إِجهْذنْ.
PSA 10:11 إِقَّارْ ذڭْ وُوڒْ نّسْ: ”أَربِّي إِتُّو، نتَّا إِسّْنُوفَّارْ ؤُذمْ نّسْ، عمَّارْصْ أَذْ ث إِژَارْ.“
PSA 10:12 قُوفْ. كَّارْ، [أَ] سِيذِي، أَربِّي، سْڭعّذْ أَفُوسْ نّشْ، وَارْ تّتُّو ڒْمُوسَاكِينْ.
PSA 10:13 مَايمِّي إِتّْشقَّافْ ؤُعفَّانْ ذِي أَربِّي، [مَايمِّي] إِقَّارْ ذڭْ وُوڒْ نّسْ: ”شكْ وَارْ ثتّْبقَّاشذْ!“؟
PSA 10:14 رِيخْ. أَقَا شكْ ثژْرِيذْ، مِينْزِي شكْ ثتّْوَاڒِيذْ ثَامَارَا ذ وشْضَانْ، مَاحنْذْ أَذْ [ثنْ] ثسَّارْسذْ ذڭْ ؤُفُوسْ نّشْ. ڒْْمسْكِينْ إِتَّارّْ-د غَاركْ س ؤُزدْجِيفْ. شكْ ذ أَمْعَاونْ ن ؤُيُوجِيڒْ.
PSA 10:15 شِينْ. أَرْژْ أَغِيڒْ ن ؤُعفَّانْ، خْڒفْ ڒْغَارْ زڭْ ونِّي إِتّڭّنْ ثُوعفّْنَا، [أَڒْ] وَارْ ثتِّيفذْ وَالُو [عَاذْ].
PSA 10:16 سِيذِي ذ أَجدْجِيذْ إِ ڒبْذَا قَاعْ. تّْوَاثحَّانْ ڒڭْنُوسْ زِي ثمُّورْثْ نّسْ.
PSA 10:17 ثَافْ. [أَ] سِيذِي، شكْ ثسْڒِيذْ إِ مژْرِي ن إِمْوَاضْعنْ، أَذْ ثسّْجهْذذْ ؤُڒَاونْ نْسنْ، أَذْ غَارْسنْ ثْميّْڒذْ أَمزُّوغْ نّشْ،
PSA 10:18 حِيمَا أَذْ ثَاغذْ ثَاسْغَارْثْ إِ ؤُيُوجِيڒْ ؤُ إِ ونِّي إِتّْوَاحصَّارنْ، مَاحنْذْ ؤُڒَا ذ إِجّْ ن بْنَاذمْ خْ ثمُّورْثْ وَارْ إِتّْغِيمِي إِسَّاڭّْوَاذْ [عَاذْ ؤُڒَا ذ إِجّْ].
PSA 11:1 [إِ ؤُمقّْرَانْ ن إِمغْنَاجنْ. ن ذَاوُوذْ.] غَارْ سِيذِي أَركّْوَاڒغْ. مَامّشْ ثقَّارمْ إِ ڒعْمَارْ إِنُو: ”ضْوُو غَارْ وذْرَارْ نْومْ، [أَ] إِجْضَاضْ!“
PSA 11:2 مَاغَارْ خْزَارْ، إِعفَّاننْ أَقَا محّْضنْ ڒْقوْسْ، سّْرُوسَانْ فْڒِيثْشَاثْ نْسنْ غَارْ ؤُفِيڒُو، حِيمَا أَذْ وْثنْ ذِي ثَادْجسْثْ ذڭْ إِنِّي ؤُمِي إِسڭّذْ وُوڒْ.
PSA 11:3 وَاهْ، ذْسُوسَا ن دُّونشْثْ تّْوَاردّْدْجنْ! مِينْ [إِزمَّارْ خنِّي] أَذْ يڭّْ ؤُمْسڭّذْ؟
PSA 11:4 سِيذِي [إِزدّغْ] ذِي زَّاوشْثْ نّسْ ثَامقّْرَانْثْ إِقدّْسنْ، ڒْْعَارْشْ ن سِيذِي أَقَا-ث ذڭْ إِجنْوَانْ. ثِيطَّاوِينْ نّسْ تّْوَاڒَانْثْ، ڒْْخزْرَاثْ نّسْ أَرزُّونْثْ ذِي ثَارْوَا ن بْنَاذمْ.
PSA 11:5 سِيذِي إِتّْبقّشْ أَمْسڭّذْ، [مَاشَا] ڒعْمَارْ نّسْ إِتّْعِيفَّا أَعفَّانْ ذ ونِّي إِتّخْسنْ لْعُونْفْ.
PSA 11:6 نتَّا أَذْ إِوّثْ إِعفَّاننْ س إِجّْ ن ونْژَارْ ن ڒفْخُوخْ، ثِيمسِّي ذ ڒشْبَارِييّثْ ذ ثْحَارْيَاضْثْ ثَامقّْرَانْثْ [أَذْ إِڒِينْثْ] ذ ثَاسْغَارْثْ ن ڒْكَاسْ نْسنْ.
PSA 11:7 مِينْزِي سِيذِي ذ أَمْسڭّذْ، إِتّخْسْ ثِيمڭَّا إِسڭّْذنْ. إِنِّي إِڭُّورنْ نِيشَانْ أَذْ ژَترنْ ؤُذمْ نّسْ.
PSA 12:1 [إِ ؤُمقّْرَانْ ن إِمغْنَاجنْ. خْ ؤُفِيڒُو وِيسّْ ثْمنْيَا. أَزهّذْ ن ذَاوُوذْ.]
PSA 12:2 سنْجمْ، [أَ] سِيذِي، مِينْزِي أَمدُّوكّڒْ أَمْثِيقِّي وَارْ إِقِّيمْ عَاذْ، مَاغَارْ وَارْ ذِينْ [عَاذْ] إِمْثِيقَّانْ جَارْ ثَارْوَا ن بْنَاذمْ.
PSA 12:3 نِيثْنِي سَّاوَاڒنْ جَارْ أَسنْ س إِخَارِّيقنْ، س إِينْشِيشنْ شُّورنْ س وَاوَاڒنْ إِمِيزِيضنْ، أَقَا سَّاوَاڒنْ س ثْنَاينْ ن إِغمْبَابْ.
PSA 12:4 أجّْ سِيذِي أَذْ إِقْضعْ مَارَّا إِينْشِيشنْ شُّورنْ س وَاوَاڒنْ إِمِيزِيضنْ، ؤُڒَا ذ إِڒسْ س وَاوَاڒنْ ن ؤُكبَّارْ،
PSA 12:5 إِنِّي إِقَّارنْ: ”س يِيڒسْ نّغْ أَذْ غَارْنغْ يِيڒِي ؤُقَارُّو إِمْغَارْ، إِينْشِيشنْ أَقَا أَثنْ نّغْ! مَانْ ونْ [إِدْجَانْ] خَانغْ ذ سِيذِي؟“
PSA 12:6 ”ذِي سِّيبّثْ ن وَاردّدْجْ ن ڒْمُوسَاكِينْ، ؤُڒَا ذِي سِّيبّثْ ن إِغُويَّانْ ن إِمزْڒَاضْ أَذْ كَّارغْ ڒخُّو نشّْ“، إِنَّا سِيذِي، ”ونِّي خْ ثُوغَا إِدُّوقزْ نتَّا، نشّْ أَذْ ث أَوْيغْ ذِي ڒَامَانْ.“
PSA 12:7 ثِيوَاڒِينْ ن سِيذِي أَقَا أَثنْثْ ذ ثِيوَاڒِينْ صْفَانْثْ، تّْوَاسِّيزْذْڭنْثْ [أَمْ] نُّوقَارْثْ ذڭْ إِجّْ ن ڒْكَاسْ إِ ؤُفسْيِي ذڭْ ؤُشَاڒْ، تّْوَاصفَّانْثْ سبْعَا ن ثْوَاڒَاوِينْ.
PSA 12:8 شكْ، [أَ] سِيذِي، أَذْ ثنْ ثحْضِيذْ، أَذْ أَنغْ ثسَّارذْ زِي جِّيڒْ-أَ، إِ ڒبْذَا قَاعْ.
PSA 12:9 إِعفَّاننْ ڭُّورنْ تّنّْضنْ مَانِي مَا خْمِي غَا إِكَّارْ دّدْجْ جَارْ ثَارْوَا ن بْنَاذمْ.
PSA 13:1 [إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.]
PSA 13:2 مشْحَاڒْ عَاذْ، [أَ] سِيذِي، إِ ذ أَيِي غَا ثتُّوذْ؟ أَڒْ مشْحَاڒْ عَاذْ إِ خَافِي إِ غَا ثسّْنُوفَّارذْ ؤُذمْ نّشْ؟
PSA 13:3 مشْهَاڒْ إِ إِقِّيمنْ أَذْ ڭّغْ عَاذْ ڒهْمُومْ ذِي ڒعْمَارْ إِنُو، أَشْضَانْ ذڭْ وُوڒْ إِنُو مْكُوڒْ أَسّْ؟ أَڒْ مڒْمِي غَا إِسّْعُودْجْ ڒعْذُو إِنُو إِخفْ نّسْ خَافِي؟
PSA 13:4 خْزَارْ-د، أَرّْ-د خَافِي، [أَ] سِيذِي، أَربِّي إِنُو! أڭّْ ثْفَاوْثْ غَارْ ثِيطَّاوِينْ إِنُو، حِيمَا وَارْ تّطّْصغْ إِضصْ ن ڒْموْثْ،
PSA 13:5 حِيمَا ڒعْذُو إِنُو وَارْ إِقَّارْ: ”نشّْغلّْبغْ خَاسْ!“، [حِيمَا] ونِّي ذ أَيِي إِحصَّارنْ وَارْ إِفَارّحْ مَاڒَا فَارْغغْ.
PSA 13:6 نشّْ تّشْڒغْ خْ ثْمخْسِيوْثْ نّشْ إِشوَّارنْ. ؤُڒْ إِنُو أَذْ إِفَارْحْ خْ ؤُسنْجمْ نّشْ. نشّْ أَذْغنّْجغْ إِ سِيذِي، مَاغَارْ نتَّا إِڭَّا ذَايِي ڒْخِيرْ.
PSA 14:1 [إِ ؤُمقّْرَانْ ن إِمغْنَاجنْ. ن ذَاوُوذْ.] أَبُوهَاڒِي إِنَّا ذڭْ وُوڒْ نّسْ: ”وَارْ ذِينْ بُو أَربِّي!“ نِيثْنِي تَّاردّْدْجنْ، تّڭّنْ ثِيمسْڒَايِينْ إِضخْسنْ، وَارْ ذِينْ ؤُڒَا ذ إِجّْ إِتّڭّْ مِينْ إِشْنَانْ.
PSA 14:2 سِيذِي إِخزَّارْ-د زڭْ ؤُجنَّا غَارْ ثَارْوَا ن بْنَاذمْ، حِيمَا أَذْ إِژَارْ، مَا ذِينْ حذْ ذَايسْ ڒفْهَامثْ، إِجّْ ونِّي يَارزُّونْ أَربِّي.
PSA 14:3 مَارَّا فّْغنْ زڭْ وبْرِيذْ، [أَقَا أَثنْ جْمِيعْ] ذوْڒنْ ذ إِعفَّاننْ، وَارْ ذِينْ ؤُڒَا ذ إِجّْ إِتّڭّْ ڒْخَارْ، ؤُڒَا ذ إِجّْ.
PSA 14:4 مَارَّا إِنِّي إِتّڭّنْ ڒْمُوعْصِييّثْ مَا وَارْ غَارْسنْ بُو ثُوسّْنَا، إِنِّي إِتّتّنْ ڒْڭنْسْ إِنُو أَخْمِي تّتّنْ أَغْرُومْ؟ نِيثْنِي وَارْ تّْڒَاغَانْ خْ سِيذِي.
PSA 14:5 أَقَا ثوْضَا-د خَاسنْ ذِينْ إِڭّْوُوذِي ثمْغَارْ، مَاغَارْ أَربِّي أَقَا-ث أَكْ-ذ جِّيڒْ نْ إِمْسڭَّاذنْ.
PSA 14:6 كنِّيوْ ثْنفْضمْ أَرَّايْ ن ڒْمُوسَاكِينْ، مَاشَا سِيذِي ذ أَمْشَانْ نّسْ ن ثَاروْڒَا.
PSA 14:7 مَانْ ونْ زِي صِيهْيُونْ إِ غَا يِيوْينْ أَسنْجمْ ن إِسْرَائِيل! خْمِي د غَا يَارّْ سِيذِي إِمحْبَاسْ ن ڒْڭنْسْ نّسْ، أَذْ يَارْشقْ يَاعْقُوبْ، أَذْ إِفَارْحْ إِسْرَائِيل.
PSA 15:1 [أَزهّذْ ن ذَاوُوذْ.] [أَ] سِيذِي، مَانْ ونْ إِ غَا إِقِّيمنْ ذڭْ ؤُقِيضُونْ نّشْ؟ مَانْ ونْ إِ غَا إِزذْغنْ خْ وذْرَارْ نّشْ إِقدّْسنْ؟
PSA 15:2 ونِّي إِڭُّورنْ ذِي ڒكْمَاڒثْ ن ثُوذَارْثْ نّسْ ونِّي إِتّڭّنْ ثَاسڭْذَا، [ونِّي] إِسَّاوَاڒنْ ثِيذتّْ ذڭْ وُوڒْ نّسْ.
PSA 15:3 ونِّي وَارْ إِتّْشقَّافنْ س يِيڒسْ نّسْ، [ونِّي] وَارْ إِتّڭّنْ ڒْغَارْ إِ إِمْعَاشَارنْ نّسْ، ؤُ وَارْ إِتّْزَاوَارْ أَجَّارْ نّسْ.
PSA 15:4 ونِّي إِمّنْضَارنْ [زِي أَربِّي] أَقَا إِتّْوَاسّحْقَارْ ذِي ثِيطَّاوِينْ نّسْ، [مَاشَا] إِنِّي إِتّڭّْوذنْ سِيذِي، إِتّْوقَّارْ إِ-ثنْ. مَاڒَا إِجُّودْجْ نتَّا إِ ثْخسَّارْثْ نّسْ، وَارْ [ث] إِتّْبذِّيڒْ.
PSA 15:5 ونِّي وَارْ إِتِّيشنْ [ثَامنْيَاثْ ن] نُّوقَارْثْ نّسْ س أَرِّيبَا، ونِّي وَارْ إِتّطّْفنْ أَرّشْوثْ ضِيدّْ ن يِينِّي وَارْ إِڭِّينْ س شَا. ونِّي إِتّڭّنْ مَانْ أَيَا، وَارْ إِفَارّغْ إِ ڒبْذَا.
PSA 16:1 [ثِيرَا إِنقْشنْ. ن ذَاوُوذْ.] حْضَا خَافِي، [أَ] أَربِّي، مَاغَارْ نشّْ أَركّْوَاڒغْ غَاركْ.
PSA 16:2 [ڒعْمَارْ إِنُو] ثنَّا إِ سِيذِي: ”شكْ ذ سِيذِي إِنُو، [شكْ] ذ ڒْخَارْ إِنُو، وَارْ ذِينْ مِينْ خَاكْ يُوعْڒَانْ!“
PSA 16:3 خْ إِمْقدَّاسنْ إِ [إِزدّْغنْ] خْ ثمُّورْثْ، نِيثْنِي ذ أَيْثْ ن جّهْذْ زِي [سِّيبّثْ ن] مَارَّا أَرْضَا إِنُو إِ ذَايْسنْ [إِدْجَانْ].
PSA 16:4 ثَامَارَا ن يِينِّي إِضفَّارنْ [أَمُّو] ذغْيَا إِجّْ ن [أَربِّي] نّغْنِي أَذْ تّْوَاكْثَارنْثْ. نشّْ وَارْ تّْفَارِّيغغْ ثَاوْهِيبْثْ نْسنْ ن ؤُسيّبْ ن إِذَامّنْ، وَارْ تِّيذَارغْ إِسْمَاونْ نْسنْ خْ إِينْشِيشنْ إِنُو.
PSA 16:5 سِيذِي ذ ثَاسْغَارْثْ إِنُو ذ ڒْكَاسْ إِنُو. شكْ ثطّْفذْ ثَاقدُّوحْثْ إِنُو ذڭْ ؤُفُوسْ نّشْ.
PSA 16:6 إِفِيڒَانْ [ن ڒعْبَارْ] كَّارنْ أَيِي-د ذڭْ إِمُوشَانْ إِصبْحنْ، وَاهْ، ثَاسْغَارْثْ [إِنُو] [أَقَا] ثُوسَا-د خَافِي مْلِيحْ.
PSA 16:7 أَذْ بَارْكغْ سِيذِي، ونِّي ذ أَيِي إِنصْحنْ. ؤُڒَا س دْجِيڒثْ سّْڒمْذنْثْ أَيِي ثِيژَّاڒْ إِنُو.
PSA 16:8 تّڭّغْ سِيذِي ڒبْذَا جَارْ ثِيطَّاوِينْ إِنُو. ؤُمِي نتَّا [إِدْجَا] خْ ؤُفُوسْ أَفُوسِي إِنُو، نشّْ وَارْ تّفْشِيرغْ.
PSA 16:9 س ؤُيَا إِفَارّحْ ؤُڒْ إِنُو، إِتَّارْشِيقْ ڒعْمَارْ إِنُو. وَاهْ، [ؤُڒَا ذ] دَّاثْ إِنُو أَذْ إِدَّارْ س ڒَامَانْ.
PSA 16:10 مَاغَارْ شكْ وَارْ ثْسمّْحذْ شَا ذِي ڒعْمَارْ إِنُو ذِي ڒَاخَارْثْ، وَارْ ثتَّارِّيذْ أَمْثِيقِّي نّشْ أَذْ إِكِيشُّو.
PSA 16:11 شكْ أَذْ أَيِي ثسّشْنذْ أَبْرِيذْ ن ثُوذَارْثْ، ثْيَاوَانْثْ زِي ڒفْرَاحثْ أَقَا-ث زَّاثْ إِ وُوذمْ نّشْ، نِّيعْمَاثْ أَقَا أَثنْثْ ذڭْ ؤُفُوسْ نّشْ إِ ڒبْذَا.
PSA 17:1 [ثَاژَادْجِيثْ ن ذَاوُوذْ.] [أَ] سِيذِي، سڒْ غَارْ ثْسڭْذَا، أڭّْ ڒْبَاڒْ إِ ؤُغُويِّي إِنُو، أوْشْ أَمزُّوغْ خْمِي تّْژَادْجِيغْ س إِينْشِيشنْ وَارْ زَّايْسنْ د-إِتّكّْ شَا ڒْغشّْ.
PSA 17:2 أجّْ ڒْحقّْ إِنُو أَذْ إِفّغْ زِي زَّاثْ إِ وُوذمْ نّشْ، أجّْ ثِيطَّاوِينْ نّشْ أَذْ خزَّارنْثْ غَارْ مِينْ إِدْجَانْ إِسڭّْذنْ.
PSA 17:3 شكْ ثْقدْجْبذْ ؤُڒْ إِنُو، ثَارْزُوذْ [ذَايسْ] سْ دْجِيڒثْ. ثْجَارّْبذْ أَيِي، [مَاشَا] وَارْ ثُوفِيذْ وَالُو. [مَاڒَا] نْوِيغْ أَذْ خَارّْصغْ ذِي شَا وَارْ إِحْڒِي، وَارْ إِتّفِّيغْ زڭْ إِينْشِيذنْ إِنُو.
PSA 17:4 خْ مِينْ تّڭّنْ إِوْذَانْ، أَقَا نشّْ حْضِيغْ إِخفْ إِنُو زِي ثبْرِيذِينْ ن أَيْثْ ن بُو-ڒخْشُونثْ، عْلَاحْسَابْ أَوَاڒْ زڭْ إِينْشِيشنْ نّشْ.
PSA 17:5 أڭّْ إِصُورَافْ إِنُو ذِي جُّورَّاثْ [ن إِضَارنْ] نّشْ، [حِيمَا] وَارْ فَارّْغنْ إِضَارنْ إِنُو.
PSA 17:6 نشّْ ڒَاغِيغْ خَاكْ، مِينْزِي شكْ أَذْ خَافِي د-ثَارّذْ، [أَ] أَربِّي، أوْشْ أَيِي أَمزُّوغْ، سڒْ إِ مِينْ غَا إِنِيغْ.
PSA 17:7 سْشنْ ڒعْجَايبْ ن ثْمخْسِيوْثْ نّشْ إِشوَّارنْ، شكْ ذ ونِّي إِسّنْجَامنْ إِنِّي غَاركْ يَاركّْوَاڒنْ، [شكْ ذ ونِّي ثنْ إِسّنْجَامنْ] زڭْ يِينِّي إِتّْغوّْغنْ س ؤُفُوسْ نّشْ أَفُوسِي.
PSA 17:8 حْضَا أَيِي أَمْ مُومُّو ن ثِيطّْ نّشْ، سْنُوفَّارْ أَيِي ذِي ثِيڒِي ن وَافْرِيونْ نّشْ
PSA 17:9 زڭْ إِعفَّاننْ إِنِّي إِخْسنْ أَذْ ذَايِي حْصَارنْ، إِنِّي ذ ڒْعذْيَانْ ن ڒعْمَارْ إِنُو، إِنِّي ذ أَيِي إِتّْقُووَّارنْ.
PSA 17:10 نِيثْنِي بلّْعنْ [ؤُڒْ نْسنْ] س ثَاذُونْثْ نْسنْ، س ؤُقمُّومْ نْسنْ سَّاوَاڒنْ س نّْفَاخثْ.
PSA 17:11 ڒخُّو قُووَّارنْ عَاذْ إِ إِصُورَافْ نّغْ، ثِيطَّاوِينْ نْسنْ مُّوقّْڒنْثْ مَاحنْذْ أَذْ [أَيِي] نْضَارنْ غَارْ ثمُّورْثْ.
PSA 17:12 نتَّا يَارْوسْ ذڭْ ويْرَاذْ نِّي إِمژّْرنْ مَاحنْذْ أَذْ إِمزّقْ [ثَايْمَارْثْ نّسْ]، ذڭْ إِجّْ ن ويْرَاذْ ذ أَمژْيَانْ إِ إِقِّيمنْ ذڭْ إِمُوشَانْ إِنُّوفَّارنْ.
PSA 17:13 كَّارْ، [أَ] سِيذِي، رُوحْ مْسَاڭَارْ أَكِيذسْ، غْضڒْ-إِ-ث غَارْ ثمُّورْثْ. فكّْ ڒعْمَارْ إِنُو س سِّيفْ نّشْ زڭْ ؤُعفَّانْ،
PSA 17:14 س ؤُفُوسْ نّشْ زڭْ إِرْيَازنْ، [أَ] سِيذِي، زڭْ إِرْيَازنْ ن دُّونشْثْ-أَ نِّي غَارْسنْ ثُوذَارْثْ-أَ ذ ثَاسْغَارْثْ [نْسنْ]، إِنِّي زِي ثتّْعمَّارذْ أَعذِّيسْ نْسنْ س ڒكْنُوزْ إِنُوفَّارنْ، [ؤُڒَا ذ] إِحنْجِيرنْ [نْسنْ] تّْوَايَاوَاننْ، تّجَّانْ مِينْ إِشطّنْ إِ ثَارْوَا نْسنْ.
PSA 17:15 نشّْ أَذْ ژَترغْ ؤُذمْ نّشْ ذِي ثْسڭْذَا، أَذْ ذوْڒغْ جِّيوْنغْ س وَادُّوذْ نّشْ خْمِي د غَا فَاقغْ.
PSA 18:1 [إِ ؤُمقّْرَانْ ن إِمغْنَاجنْ. ن ؤُمْسخَّارْ ن سِيذِي.] [ن ذَاوُوذْ، ونِّي إِسِّيوْڒنْ أَوَاڒنْ ن يزْڒِي-يَا إِ سِيذِي،] [ذڭْ وَاسّْ ؤُمِي ث إِفكّْ سِيذِي] [زڭْ ؤُفُوسْ ن مَارَّا ڒْعذْيَانْ نّسْ] [ؤُ زڭْ ؤُفُوسْ ن شَاوُولْ.]
PSA 18:2 نتَّا إِنَّا: ”نشّْ تّخْسغْ شكْ، [أَ] سِيذِي، جّهْذْ إِنُو [ذ شكْ].
PSA 18:3 سِيذِي ذ ثَاسْضَارْثْ إِنُو ذ لْبُورْجْ إِنُو ذ أَمْفكِّي إِنُو، أَربِّي إِنُو، ثَاصْضَارْثْ إِنُو، نشّْ غَارسْ أَركّْوَاڒغْ. [شكْ] ذ ثَاسدَّارْثْ إِنُو ن ؤُسڒْقِي ذ يِيشّْ ن ؤُسنْجمْ إِنُو، لْبُورْجْ إِنُو يُوعْڒَانْ.
PSA 18:4 نشّْ ڒَاغِيغْ-د خْ سِيذِي، ونِّي إِسْذَاهدْجنْ أَسمْغَارْ، ؤُ نشّْ أَقَا تّْوَاسّْنجْمغْ زِي ڒْعذْيَانْ إِنُو.
PSA 18:5 إِسغْوَانْ ن ڒْموْثْ نّْضنْ أَيِي-د، سِّيڭّْوذنْثْ أَيِي ڒْحمْڒَاثْ ن وَامَانْ إِهَاجنْ.
PSA 18:6 إِسغْوَانْ ن ڒَاخَارْثْ شَارْفنْ أَيِي، ثِيخشْفِينْ ن ڒْموْثْ حْصَارنْثْ أَيِي.
PSA 18:7 ذِي ڒحْصَارثْ إِنُو ڒَاغِيغْ-د خْ سِيذِي، خْ أَربِّي إِنُو إِ خْ د-ڒَاغِيغْ. زِي زَّاوشْثْ نّسْ ثَامقّْرَانْثْ إِسْڒَا نتَّا إِ ثْمِيجَّا إِنُو، إِغُويَّانْ إِنُو [ؤُذْفنْ] غَارْ إِمزُّوغنْ نّسْ.
PSA 18:8 [خنِّي] ثنْهزّْ ؤُ ثَارْجِيجْ ثمُّورْثْ، ذْسُوسَا ن إِذُورَارْ تّْرَاحنْ-د تَّاسنْ-د ؤُ نْهزّنْ، مَاغَارْ إِتّْوَاسَّارْغْ [وغْضَابْ نّسْ].
PSA 18:9 إِڭعّذْ دّخَّانْ زڭْ ونْزَارنْ نّسْ، ثِيمسِّي زڭْ ؤُقمُّومْ نّسْ ثْصَارْضْ، إِتّْوَاسَّارْغْ زَّايسْ ڒفْحمْ.
PSA 18:10 نتَّا إِجَّا أَجنَّا أَذْ يَاضَارْ ؤُشَا [خنِّي] إِهْوَا-د نتَّا، [أَقَا ذِينْ] إِجّْ ن ؤُسيْنُو إِبُّومْبسْ سَاذُو إِضَارنْ نّسْ.
PSA 18:11 إِنْذهْ خْ إِجّْ ن ؤُكِيرُوبْ، [وَاهْ،] إِضْوَا، نتَّا إِحوّمْ خْ وَافْرِيونْ ن ؤُسمِّيضْ.
PSA 18:12 نتَّا إِڭَّا ثَادْجسْثْ أَمْ يِيجّْ ن ؤُسڒْقِي خْ يِيخفْ نّسْ، أَعِيشُّو نّسْ أَقَا-ث ذڭْ ونّضْ نّسْ، أَمَانْ إِبُّوبّْسنْ، إِسيْنُوثنْ إِبَّارشْننْ.
PSA 18:13 زِي ثِيسِّيقْثْ قِيبَاتْشْ نّسْ تّكّنْ إِسيْنُوثنْ نّسْ، [أَكْ-ذ] ثبْرُورِي ذ ڒفْحمْ إِتّحْذُوذُوقنْ.
PSA 18:14 سِيذِي إِڭَّا أَجَّاجْ أَذْ إِدُّوقّزْ ذڭْ إِجنْوَانْ، أَمْعُودْجِي خْ كُوڒْشِي إِڭَّا ثْمِيجَّا نّسْ تّْنفْرَارَا: ثَابْرُورِي ذ ڒفْحمْ إِتّحْذُوذُوقنْ.
PSA 18:15 نتَّا إِسّكّْ فْڒِيثْشَاثْ [ن ڒْقوْسْ نّسْ] ؤُشَا إِبزّعْ إِ-ثنْ، [إِزَّارْيضْ] أَسَّامنْ ؤُشَا إِسِّيڭّْوذْ إِ-ثنْ.
PSA 18:16 ثِيسِيوِينْ ن إِغزْرَانْ ذوْڒنْثْ تّْبَاننْثْ، ذْسُوسَا ن دُّونشْثْ ذوْڒنْ عَارَّانْ زڭْ ؤُودّبْ نّشْ، [أَ] سِيذِي، زڭْ ؤُسُوضِي ن ڒعْوِينْ زڭْ ونْزَارنْ نّشْ.
PSA 18:17 زِي سنّجْ إِسّْوِيژّضْ-د [أَفُوسْ نّسْ]، يِيوِي أَيِي، إِجْبذْ أَيِي-د زڭْ وَامَانْ مْغَارنْ.
PSA 18:18 نتَّا إِفكّْ أَيِي-د زِي ڒعْذُو إِنُو إِجهْذنْ، زڭْ إِنِّي ذ أَيِي إِشَارّْهنْ، مِينْزِي نِيثْنِي ثُوغَا جهّْذنْ خَافِي.
PSA 18:19 نِيثْنِي حْصَارنْ أَيِي ذڭْ وَاسّْ ن أَرْژِييّثْ إِنُو، مَاشَا سِيذِي ثُوغَا ذ أَمْعمّذْ إِنُو.
PSA 18:20 نتَّا إِنْذهْ أَيِي غَارْ تَّاسِيعْ ؤُشَا إِسّنْجمْ أَيِي، مَاغَارْ نتَّا ثُوغَا إِسّْعِيزَّا أَيِي.
PSA 18:21 سِيذِي إِخْڒفْ أَيِي عْلَاحْسَابْ ثَاسڭْذَا إِنُو، عْلَاحْسَابْ ثَازْذُوڭِي ن إِفَاسّنْ إِنُو إِخدْجصْ أَيِي.
PSA 18:22 مَاغَارْ نشّْ حْضِيغْ إِبْرِيذنْ ن سِيذِي، وَارْ حيّْذغْ شَا خْ أَربِّي إِنُو س ؤُخيّبْ.
PSA 18:23 مَاغَارْ مَارَّا لْفَارَايِيضْ نّسْ [ثُوغَا] جَارْ [ثِيطَّاوِينْ] إِنُو، وَارْ حيِّيذغْ شَا خْ ثْوصَّا نّسْ.
PSA 18:24 أَقَا-يِي كمّْڒغْ نِيشَانْ أَكِيذسْ، حْضِيغْ إِخفْ إِنُو زِي ڒْمُوعْصِييّثْ إِنُو.
PSA 18:25 سِيذِي إِخْڒفْ أَيِي أَنشْثْ ن ثْسڭْذَا إِنُو، أَنشْثْ ن ثَازْذُوڭِي ن إِفَاسّنْ إِنُو زَّاثْ إِ ثِيطَّاوِينْ نّسْ.
PSA 18:26 إِ ؤُمدُّوكّڒْ أَمْثِيقِّي إِ ثدْجِيذْ شكْ ذ أَمدُّوكّڒْ أَمْثِيقِّي، إِ بُو-ثغْرُوضْثْ إِكمّْڒنْ إِ ثدْجِيذْ شكْ ثْكمّْڒذْ.
PSA 18:27 إِ ونِّي إِتّْوَاسِّيزذْڭنْ أَقَا شكْ ذ أَمزْذَاڭْ، أَكْ-ذ ونِّي إِفَارْغنْ، أَقَا ثتّْمُوغْزْڒذْ.
PSA 18:28 شكْ ثسّْنجْمذْ ڒْڭنْسْ إِتّْوَاحْصَارنْ، [مَاشَا] ثِيطَّاوِينْعفَّارنْثْ أَذْ ثنْثْ ثسّهْوِيذْ.
PSA 18:29 مِينْزِي شكْ ذ ڒفْنَارْ إِنُو، [أَ] سِيذِي! أَربِّي إِنُو إِتّڭّْ ثَافَاوْثْ ذِي ثَادْجسْثْ إِنُو.
PSA 18:30 مِينْزِي أَكِيذكْ أَذْ أَزّْڒغْ خْ إِشْثْ ن بَانْذِييَّا، أَكْ-ذ أَربِّي إِنُو أَذْ نڭْزغْ خْ إِجّْ ن ڒْحِيضْ.
PSA 18:31 أَبْرِيذْ ن أَربِّي إِكْمڒْ، مِينْ إِقَّارْ سِيذِي إِتّْوَاصفَّا [ذِي ثْمسِّي]. نتَّا ذ أَسڒْقِي إِ مَارَّا إِنِّي غَارسْ يَاركّْوَاڒنْ.
PSA 18:32 مَاغَارْ مَانْ ونْ إِ إِدْجَانْ ذ أَربِّي، مْغِيرْ سِيذِي، ؤُ مَانْ ونْ إِ إِدْجَانْ ذ ثَاصْضَارْثْ، مْغِيرْ أَربِّي نّغْ؟
PSA 18:33 أَربِّي ونِّي ذ أَيِي إِتّْبيْسنْ س جّْهذْ، ونِّي ذ أَيِي إِتِّيشنْ أَبْرِيذْ إِنُو إِكْمڒْ.
PSA 18:34 نتَّا إِڭَّا إِضَارنْ إِنُو أَمْ يِينِّي ن ثُوذَاذِينْ، نتَّا يَارَّا أَيِي أَذْ بدّغْ خْ ڒڭْعُوذِي إِنُو.
PSA 18:35 إِسّڒْمذْ إِفَاسّنْ إِنُو إِ ؤُمنْغِي، إِغَادْجنْ إِنُو مَاحنْذْ أَذْ محْضنْ إِجّْ ن ڒْقوْسْ ن نّْحَاسْ.
PSA 18:36 ثوْشِيذْ أَيِي ثَاسدَّارْثْ ن ؤُسڒْقِي ن ؤُسنْجمْ نّشْ، أَفُوسْ نّشْ أَفُوسِي ذ أَسنّذْ إِنُو، أَوَاضعْ نّشْ ثسّمْغَارذْ أَيِي.
PSA 18:37 أَقَا ثڭِّيذْ تَّاسِيعْ إِ إِصُورِيفْ[أنْ] إِنُو سَاذُو إِنُو، ثِيشعْبِينْ إِنُو وَارْ ميّْڒنْثْ.
PSA 18:38 نشّْ ضْفَارغْ ڒْعذْيَانْ إِنُو ؤُ حَارْثغْ خَاسنْ، وَارْ تّْعِيقِيبغْ أَڒْ ثنْ قْضِيغْ.
PSA 18:39 نشّْ أَردّْدْجغْ ثنْ، [أَڒَامِي] وَارْ زمَّارنْ أَذْ كَّارنْ عَاوذْ. نِيثْنِي وْضَانْ-د سَاذُو إِضَارنْ إِنُو.
PSA 18:40 شكْ ثْبيْسذْ أَيِي س جّهْذْ إِ ؤُمنْغِي، ثَارِّيذْ-د إِنِّي غَارِي د-إِكَّارنْ أَذْ أَضَارنْ سَاذُو إِنُو.
PSA 18:41 شكْ ثوْشِيذْ أَيِي ثِيمجَّارْثْ ن ڒْعذْيَانْ إِنُو، ن يِينِّي ذ أَيِي إِشَارّْهنْ، ؤُ نشّْ أَردّْدْجغْ ثنْ.
PSA 18:42 نِيثْنِي ڒَاغَانْ، [مَاشَا] وَارْ ذِينْ ثُوغِي أَمْسنْجمْ، [ڒَاغَانْ] خْ سِيذِي، مَاشَا نتَّا وَارْ خَاسنْ د-يَارِّي.
PSA 18:43 نشّْ ودَّارغْ ثنْ أَمْ ثْعجَّاجْثْ زَّاثْ إِ ؤُسمِّيضْ، أَمْ ؤُبدْجَاعْ خْ إِبْرِيذنْ فَارْضغْ زَّايْسنْ.
PSA 18:44 شكْ ثْفكّذْ أَيِي زڭْ إِمْشُوبّْشنْ ن ڒْڭنْسْ، ثڭِّيذْ أَيِي ذ أَزدْجِيفْ ن ڒڭْنُوسْ، إِجّْ ن ويْذُوذْ وَارْ ث سِّينغْ، أَذْ أَيِي إِسخَّارْ.
PSA 18:45 مْغِيرْ ڒَامِي ذ أَيِي إِسْڒَا ؤُمزُّوغْ [نْسنْ] وَاهَا، سْڒِينْ-د غَارِي. إِبَارَّانِييّنْ سّْنِيعْمِيڒنْ سُّوبُوضنْ أَيِي.
PSA 18:46 فشْڒنْ إِبَارَّانِييّنْ، [وَاخَّا] نّْضنْ أَسنْ-د لْبَارَاجَاثْ نْسنْ.
PSA 18:47 ثُوذَارْثْ إِ سِيذِي! أَذْ ثتّْوَابَاركْ ثصْضَارْثْ إِنُو. أَذْ إِتّْوَاسّْڭعّذْ أَربِّي ن ؤُسنْجمْ إِنُو.
PSA 18:48 أَربِّي ونِّي خَافِي إِتّنْثَاقَامنْ ونِّي ذ أَيِي إِتّڭّنْ ڒڭْنُوسْ سَاذُو ؤُفُوسْ إِنُو،
PSA 18:49 ونِّي ذ أَيِي إِتّْفكَّانْ زڭْ [ؤُفُوسْ ن] ڒْعذْيَانْ إِنُو، [وَاهْ]، شكْ ثسّْڭعَّاذذْ أَيِي ثِيوَا ن يِينِّي ذ أَيِي إِتّْضَادَّانْ، شكْ ثسّنْجَامذْ أَيِي زڭْ ورْيَازْ ن ڒخْشُونثْ.
PSA 18:50 خْ ؤُيَا، سِيذِي، خْسغْ أَذْ شكْ قَاذِيغْ، أَذْ زهّْذغْ إِسمْ نّشْ.
PSA 18:51 نتَّا إِڭَّا إِسنْجِيمنْ ن ؤُجدْجِيذْ نّسْ مْغَارنْ، إِسّْشنْ ثَامخْسِيوْثْ نّسْ إِشوَّارنْ إِ ؤُمذْهُونْ نّسْ، إِ ذَاوُوذْ ؤُ إِ زَّارِيعثْ نّسْ إِ ڒبْذَا.
PSA 19:1 [إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.]
PSA 19:2 إِجنْوَانْ تّْبَارّْحنْ س ؤُعُودْجِي ن أَربِّي، ڒْقُوبّثْ ثسَّاوَاڒْ خْ ڒْخذْمثْ ن إِفَاسّنْ نّسْ.
PSA 19:3 أَسّْ إِسَّازَّاڒْ أَوَاڒنْ إِ وَاسّْ، دْجِيڒثْ ثسّْشَانْ ثُوسّْنَا غَارْ دْجِيڒثْ.
PSA 19:4 وَارْ إِدْجِي ذ ڒْهَارْذْ ؤُ وَارْ دْجِينْ شَا ذ أَوَاڒنْ، ثْمِيجَّا نْسنْ وَارْ ذ أَسْ إِتّسْڒِي حذْ.
PSA 19:5 ڒُْومُورَاثْ نْسنْ فّْغنْثْ خْ ثمُّورْثْ مَارَّا، أَوَاڒنْ نْسنْ [فّْغنْ] أَڒْ طَّارْفْ ن دُّونشْثْ. نتَّا إِڭَّا ذِيهَا إِجّْ ن ؤُقِيضُونْ إِ ثْفُوشْثْ،
PSA 19:6 أَمْ مُوڒَايْ نِّي د-إِسِّيجّنْ زڭْ وخَّامْ ن ڒمْڒَاشْ، إِسْڒِيوْڒوْ أَمْ يِيجّْ ن بُو-ثرْيَاسْثْ، حِيمَا أَذْ إِكْسِي ذِي ثِيشْڒِي نّسْ.
PSA 19:7 إِفّغْ-د زڭْ إِجّْ ن طَّارْفْ ن ؤُجنَّا، ؤُشَا يُويُورْ أَڒْ طَّارْفْ نّسْ نّغْنِي، وَارْ ثتّْنُوفَّارْ ؤُڒَا ذ إِشْثْ نْ ڒْحَاجثْ إِ ڒْحَاذُوقْ نّسْ.
PSA 19:8 أَقَا ثكْمڒْ شَّارِيعَا ن سِيذِي، ثِيوِي-د أَڭنْفُو إِ بُوحْبڒْ. شّْهَاذَاثْ ن سِيذِي ذَايْسنْثْ ڒَامَانْ، تِّيشّنْثْ ثِيغِيثْ إِ ؤُحَافِي.
PSA 19:9 ڒُْومُورَاثْ ن سِيذِي سڭّْذنْثْ، سّْفَارّْحنْثْ ؤُڒْ. ثَاوْصِييّثْ ن سِيذِي ثصْفَا، ثسّْشَانَا ثَافَاوْثْ إِ ثِيطَّاوِينْ.
PSA 19:10 ثِيڭّْوُوذِي زِي سِيذِي ثصْفَا، ثقِّيمْ ثْبدّْ إِ ڒبْذَا. ڒحْكَامَاثْ ن سِيذِي ذ ثِيذتّْ، أَقَا أَثنْثْ ذ ڒْحقّْ مَارَّا.
PSA 19:11 نِيثنْثِي جبّْذنْثْ مژْرِي كْثَارْ خْ وُورغْ، [وَاهْ]، كْثَارْ زڭْ وُورغْ إِتّْوَاصفَّانْ، أَقَا أَثنْثْ ذ ثِيمِيژِيذِينْ خْ ثَامّنْثْ نِيغْ خْ ثَامّنْثْ ن ثغْرَاصْثْ.
PSA 19:12 ؤُڒَا ذ أَمْسخَّارْ نّشْ إِتّْوَاوبّخْ زَّايْسنْثْ، ذڭْ ؤُحطُّو نْسنْثْ [ثتّْنُوفَّارْ] ذَايسْ ڒْمُونثْ ثَامقّْرَانْثْ.
PSA 19:13 أَودَّارْ، وِي زَّايسْ يُوشِينْ؟ سِيزْذڭْ أَيِي زِي [مِينْ] وَارْ إِتّْبِيننْ.
PSA 19:14 حْضَا أَمْسخَّارْ نّشْ عَاوذْ زڭْ ؤُعفَّارْ، حِيمَا وَارْ خَافِي إِتّْصدْجِيضْ، [حِيمَا] أَذْ إِڒِيغْ ذ أَمزْذَاڭْ زڭْ ؤُخطُّو إِمْغَارنْ.
PSA 19:15 أَذْ د-أَسنْ وَاوَاڒنْ ن ؤُقمُّومْ إِنُو ذ إِخَارِيصّنْ ن وُوڒْ إِنُو، خْ ڒْخَاضَارْ نّشْ، [أَ] سِيذِي، [أَ] ثَاصْضَارْثْ إِنُو ذ أَمفْذِي إِنُو!
PSA 20:1 [إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.]
PSA 20:2 أَذْ خَاكْ د-يَارّْ سِيذِي ذڭْ وَاسّْ ن ڒحْصَارثْ، أَذْ شكْ إِسِّيزْذغْ إِسمْ ن أَربِّي ن يَاعْقُوبْ [ذڭْ ومْشَانْ] يُوعْڒَانْ إِفَارْينْ.
PSA 20:3 أَذْ أَشْ إِوْشْ أَفُوسْ زِي زَّاوشْثْ إِقدّْسنْ، أَذْ شكْ د-إِعَاونْ زِي صِيهْيُونْ.
PSA 20:4 أَذْ شكْ يِيذَارْ ذِي ثوْهِيبِينْ [ن ڒْغِيدْجثْ] نّشْ، أَذْ ثِيڒِي ثْغَارْصْثْ ن وشْمَاضْ نّشْ أَمْ ثَاذُونْثْ إِ نتَّا. سِيلَاهْ.
PSA 20:5 أَذْ أَشْ إِوْشْ عْلَاحْسَابْ [مِينْ إِمّژْرِي] وُوڒْ نّشْ، أجّْ إِ-ث أَذْ إِكمّڒْ مَارَّا إِنْوَاينْ نّشْ.
PSA 20:6 نشِّينْ أَذْ نسْڒِيوْڒوْ خْ ؤُسنْجمْ س ؤُفُوسْ نّشْ، أَذْ نسُّوعْڒَا إِبَانْذُوثنْ ذڭْ يِيسمْ ن أَربِّي نّغْ. أَذْ إِسّْجِيونْ سِيذِي مَارَّا مژْرِي نّشْ.
PSA 20:7 ڒخُّو سّْنغْ، أَقَا سِيذِي أَذْ يَاوِي أَسنْجمْ إِ ؤُمذْهُونْ نّسْ. نتَّا أَذْ ث-إِ-د-يَارّْ زڭْ إِجنْوَانْ ن زَّاوشْثْ نّسْ إِقدّْسنْ، س ثْمڭَّا ثِيمقّْرَانِينْ ن ؤُسنْجمْ س ؤُفُوسْ أَفُوسِي نّسْ.
PSA 20:8 إِنَا تّْخَارَّاصنْ ذڭْ إِكَارُّوثنْ ؤُ إِنَا ذڭْ إِيْسَانْ، مَاشَا نشِّينْ أَذْ نْخَارّصْ ذڭْ إِسمْ ن سِيذِي، أَربِّي نّغْ.
PSA 20:9 نِيثْنِي ؤُضَارنْ ؤُشَا وْضَانْ، نشِّينْ نكَّارْ ؤُ نقِّيمْ نْبدّْ.
PSA 20:10 [أَ] سِيذِي، أَوِي-د أَسنْجمْ! أجّْ أَذْ أَنغْ د-يَارّْ ؤُجدْجِيذْ ذڭْ وَاسّْ إِ ذِي نْڒَاغَا.
PSA 21:1 [إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.]
PSA 21:2 [أَ] سِيذِي، أَجدْجِيذْ إِفَارْحْ س جّهْذْ نّشْ، مَامّشْ إِفَارْحْ أَطَّاسْ س ؤُسنْجمْ نّشْ!
PSA 21:3 ثوْشِيذْ أَسْ مژْرِي ن وُوڒْ نّسْ، شكْ وَارْ ثُوڭِيذْ شَا أَزَاوڭْ ن إِينْشِيشنْ نّسْ. سِيلَاهْ.
PSA 21:4 مَاغَارْ شكْ ثُوسِيذْ-د إِ ؤُمْسَاڭَارْ أَكِيذسْ س لْبَارَاكَاثْ [شُّورنْثْ س] ڒْخَارْ، ثقّْنذْ أَسْ تَّاجْ ن وُورغْ إِتّْوَاصفَّانْ خْ ؤُزدْجِيفْ نّسْ.
PSA 21:5 إِتَّارْ أَشْ ثُوذَارْثْ، ثوْشِيذْ أَسْ ت، ثُوزّڭَّارْثْ ن وُوسَّانْ إِ ڒبْذَا قَاعْ.
PSA 21:6 إِمْغَارْ ؤُعُودْجِي نّسْ س ؤُسنْجمْ نّشْ، ثسّْزهّْجذْ ث س ثِيسِّيقْثْ ذ ڒْعزّْ.
PSA 21:7 مِينْزِي شكْ ثَارِّيذْ إِ-ث ذ لْبَارَاكَا ثَامقّْرَانْثْ إِ ڒبْذَا، شكْ ثشُّورذْ ث س ڒفْرَاحثْ غَارْ وُوذمْ نّشْ.
PSA 21:8 مَاغَارْ أَجدْجِيذْ إِتّْشَاڒْ خْ سِيذِي، وَارْ إِتّفْرِيغْ س ثْمخْسِيوْثْ إِشوَّارنْ ن ؤُمْعُودْجِي خْ كُوڒْشِي.
PSA 21:9 أَفُوسْ نّشْ أَذْ يَافْ مَارَّا ڒْعذْيَانْ نّشْ، أَفُوسْ أَفُوسِي نّشْ أَذْ يَافْ مَارَّا إِنِّي شكْ إِشَارّْهنْ.
PSA 21:10 شكْ أَذْ ثنْ ثَارِّيذْ أَمْ ثفْقُونْثْ إِشمّْضنْ ذِي ڒْوقْثْ ن وضْحَارْ نّشْ، سِيذِي أَذْ ثنْ إِسَارْضْ س وغْضَابْ نّسْ، ثِيمسِّي أَذْ ثنْ ثشّْ.
PSA 21:11 أَذْ ثمْحِيذْ ڒْغِيدْجثْ نْسنْ زِي ثمُّورْثْ، زَّارِيعثْ نْسنْ زِي ثَارْوَا ن بْنَاذمْ.
PSA 21:12 مَاغَارْ نِيثْنِي نذْينْ أَشْ ڒْغَارْ، ڭِّينْ إِشْثْ ن ثْمعْمُوتْشْ، مَاشَا وَارْ زمَّارنْ وَالُو.
PSA 21:13 مَاغَارْ شكْ أَذْ ثنْ ثڭّذْ جَارْ ثِيطَّاوِينْ، س إِفِيڒَانْ [ن ڒْقوْسْ] نّشْ أَذْ ثْنيّْشذْ خْ وُوذْمَاونْ نْسنْ.
PSA 21:14 سْڭعّذْ إِخفْ نّشْ، [أَ] سِيذِي، س جّْهذْ نّشْ! أجّْ أَنغْ أَذْ نْغنّجْ ؤُ أَذْ نْزهّذْ إِ ثْزمَّارْ نّشْ.
PSA 22:1 [إِ ؤُمقّْرَانْ ن إِمغْنَاجنْ، س ثغْنِينْثْ ن ’ثُوذَاذْثْ ن ثُوفُّوثْ‘. أَزهّذْ ن ذَاوُوذْ.]
PSA 22:2 أَربِّي إِنُو، أَربِّي إِنُو، مَايمِّي إِ ذ أَيِي ثجِّيذْ؟ زِي ڒَاڭّْوَاجْ [إِ ثدْجِيذْ] زڭْ ؤُسنْجمْ إِنُو، زڭْ وَاوَاڒنْ إِ سْغُويُّوغْ [أَمْ ويْرَاذْ].
PSA 22:3 [أَ] أَربِّي إِنُو، ڒَاغِيغْ ذڭْ وَاسّْ، [مَاشَا] شكْ وَارْ خَافِي د-ثَارِّيذْ شَا، س دْجِيڒثْ، [مَاشَا] نشّْ وَارْ [ؤُفِيغْ] أَرَّاحثْ.
PSA 22:4 شكْ ذ أَمْقدّسْ [إِ ثدْجِيذْ]، ثْزدّْغذْ [ذِي ڒْوسْطْ ن] إِزْڒَانْ ن ؤُصبّحْ ن إِسْرَائِيل.
PSA 22:5 تّشْڒنْ خَاكْ ڒجْذُوذْ نّغْ، ثُوغَا تّشْڒنْ ؤُ شكْ ثَارِّيذْ ثنْ أَذْ نجْمنْ.
PSA 22:6 نِيثْنِي سْغُوينْ-د غَاركْ ؤُشَا تّْوَاسّْنجْمنْ، ثُوغَا تّشْڒنْ خَاكْ ؤُ وَارْ نّْحشْمنْ شَا.
PSA 22:7 نشّْ ذ إِشْثْ ن ثْكشَّا، وَارْ إِدْجِي ذ أَرْيَازْ، [نشّْ ذ] ڒْحڭْرَا ن بْنَاذمْ تّْوَاسّحْقَارغْ جَارْ ڒْڭنْسْ.
PSA 22:8 مَارَّا إِنِّي ذ أَيِي إِژْرِينْ، سْثْهزَّانْ زَّايِي، أَرزّْمنْ إِينْشِيشنْ [نْسنْ]، سّنْهزَّانْ أَزدْجِيفْ.
PSA 22:9 [قَّارنْ]: ”سعْذُو ث خْ سِيذِي، أجّْ وَانِيثَا أَذْ ث إِفكّْ، أَذْ ث إِسّنْجمْ، مَاغَارْ نتَّا يَارْضَا خَاسْ.“
PSA 22:10 شكْ ثْجبّْذذْ أَيِي-د زڭْ ؤُعذِّيسْ ن يمَّا، شكْ ثَارِّيذْ أَيِي ذِي ڒَامَانْ خْ وَابُّوشنْ ن يمَّا.
PSA 22:11 زِي ڒمْرَاوثْ تّْوَامّنْضَارغْ خَاكْ، زڭْ ؤُعذِّيسْ ن يمَّا أَقَا شكْ ذ أَربِّي إِنُو.
PSA 22:12 وَارْ تّْغِيمِي بُو غَارْ ڒَاڭّْوَاجْ زَّايِي، مَاغَارْ ڒحْصَارثْ ثُوذسْ ؤُ وَارْ ذِينْ شَا أَمْعَاوَانْ.
PSA 22:13 أَطَّاسْ ن إِفُونَاسنْ نّْضنْ أَيِي-د، [إِفُونَاسنْ] إِجهْذنْ زِي بَاشَانْ قُووَّارنْ أَيِي-د،
PSA 22:14 أَرْزْمنْ-د غَارِي أَقمُّومْ نْسنْ أَمشْنَاوْ إِجّْ ن ويْرَاذْ إِتّْمزَّاقنْ، إِزهَّارنْ.
PSA 22:15 نشّْ تّْوَافَارّْغغْ أَمْ وَامَانْ ؤُ مَارَّا إِغْسَانْ إِنُو تّْوَامّْسبْضَانْ. ؤُڒْ إِنُو أَمْ شّْمعْ، أَقَا إِفْسِي ذَاخڒْ إِنُو.
PSA 22:16 جّهْذْ إِنُو يُوژغْ أَمْ يِيجّْ ن ؤُشدْجِيقْ ن إِشْثْ ن ثْقدُّوحْثْ، إِڒسْ إِنُو إِڒْصقْ غَارْ وَانغْ إِنُو. شكْ ثسَّارْسذْ أَيِي ذِي ثْعجَّاجْثْ ن ڒْموْثْ.
PSA 22:17 مَاغَارْ إِطَانْ نّْضنْ أَيِي-د، إِشْثْ ن بَانْذِييَّا ن ثَارْوَا ن ڒحْرَامْ قُووَّارنْ أَيِي-د، أَقَا أَمْ ويْرَاذْ إِفَاسّنْ ذ إِضَارنْ إِنُو.
PSA 22:18 زمَّارغْ أَذْ حسْبغْ مَارَّا إِغْسَانْ إِنُو. نِيثْنِي تّْوَاڒَانْ أَيِي، خزَّارنْ-د غَارِي.
PSA 22:19 نِيثْنِي بْضَانْ أَرُّوضْ  إِنُو جَارْ أَسنْ، ؤُشَا نْضَارنْ ثَاقدُّوحْثْ خْ ڒعْبَايثْ إِنُو.
PSA 22:20 شكْ، [أَ] سِيذِي، وَارْ [تِّيڒِي] غَارْ ڒَاڭّْوَاجْ، [أَ] جّهْذْ إِنُو، أَسْ-د ذغْيَا حِيمَا أَذْ أَيِي ثْعَاوْنذْ.
PSA 22:21 فكّْ ڒعْمَارْ إِنُو زِي سِّيفْ، أَينِّي زڭْ ؤُقطّسْ ن وقْزِينْ.
PSA 22:22 فكّْ أَيِي زڭْ ؤُقمُّومْ ن ويْرَاذْ، [فكّْ أَيِي] زڭْ وَاشَّاونْ ذ إِزِيرَارنْ ن إِغَايْضْ نْ ڒخْڒَا! أَقَا شكْ ثسْڒِيذْ أَيِي.
PSA 22:23 أَذْ بَارّْحغْ إِسمْ نّشْ إِ وَاوْمَاثنْ إِنُو، أَذْ خَاكْ صبْحغْ ذِي ڒْوسْطْ ن وڭْرَاوْ نْ ڒْڭنْسْ.
PSA 22:24 كنِّيوْ، إِنِّي إِتّڭّْوْذنْ سِيذِي، سمْغَارمْ ث، [أَ كنِّيوْ،] مَارَّا زَّارِيعثْ ن يَاعْقُوبْ، سْعُودْجمْ ث ؤُ وقَّارمْ ث، [أَ كنِّيوْ،] مَارَّا زَّارِيعثْ ن إِسْرَائِيل!
PSA 22:25 مَاغَارْ وَارْ إِسّحْقِيرْ شَا ڒحْصَارثْ ن ونِّي إِتّْوَاحْصَارنْ، وَارْ ت إِعِيفّْ شَا، وَارْ خَاسْ إِسّْنُوفَّارْ شَا ؤُذمْ نّسْ، [مَاشَا] نتَّا إِسْڒَا أَسْ مَاڒَا إِڒَاغَا أَسْ-د.
PSA 22:26 زَّايكْ أَذْ د-يَاسْ ؤُقَاذِي إِنُو ذڭْ إِجّْ ن وڭْرَاوْ [ن ڒْڭنْسْ] أَمقّْرَانْ، أَذْ كمّْڒغْ لْوُوعُوذْ إِنُو زَّاثْ إِ يِينِّي زَّايسْ إِتّڭّْوذنْ.
PSA 22:27 إِمْوَاضْعنْ أَذْ شّنْ ؤُ أَذْ جِّيوْننْ، إِنِّي أَرزُّونْ خْ سِيذِي أَذْ أَسْ صبّْحنْ، ؤُڒَاونْ نْسنْ أَذْ دَّارنْ إِ ڒبْذَا.
PSA 22:28 مَارَّا ثِينڭُّورَا ن ثمُّورْثْ أَذْ ث إِذَارنْثْ، أَذْ د-ذوْڒنْثْ غَارْ سِيذِي، مَارَّا ڒَادْجَاثْ ن ڒڭْنُوسْ أَذْ سجْذنْثْ زَّاثْ إِ وُوذمْ نّشْ،
PSA 22:29 مِينْزِي ثَاڭلْذِيثْ إِ سِيذِي [إِ ثدْجَا]، نتَّا إِحكّمْ جَارْ ڒڭْنُوسْ.
PSA 22:30 مَارَّا إِنِّي إِصحّنْ ذِي ثمُّورْثْ أَذْ شّنْ، أَذْ سجْذنْ، مَارَّا إِنِّي د-إِهكّْوَانْ ذِي ثْعجَّاجْثْ أَذْ سجْذنْ زَّاثْ إِ وُوذمْ نّسْ، [كُوڒْ إِجّنْ] إِ وَارْ إِزمَّارنْ أَذْ إِحْضَا ڒعْمَارْ نّسْ.
PSA 22:31 زَّارِيعثْ أَذْ أَسْ ثْسخَّارْ، أَذْ ثتّْوَازمّْ ذ أَرَّاوْ إِ سِيذِي إِنُو.
PSA 22:32 أَذْ د-أَسنْ، أَذْ بَارّْحنْ ثَاسڭْذَا نّسْ إِ يِيجّْ ن ڒْڭنْسْ إِ غَا د-إِتّْوَاخڒْقنْ، مَاغَارْ نتَّا أَقَا إِڭَّا إِ-ت.
PSA 23:1 [أَزهّذْ ن ذَاوُوذْ.] سِيذِي ذ أَمكْسَاوْ إِنُو، وَارْ خَافِي إِتّكّْ شَا زّْعَافْ.
PSA 23:2 نتَّا إِسَّاريَّاحْ أَيِي ذِي دّْمَانِي ن ثَاروْسَا إِزِيزَاونْ، إِندّهْ أَيِي غَارْ وَامَانْ يَارْسَانْ.
PSA 23:3 نتَّا إِسّْفَاقَا ڒعْمَارْ إِنُو، إِندّهْ أَيِي ذِي ڒَاثَارَاثْ ن ثْسڭْذَا ذِي طّْوعْ ن يِيسمْ نّسْ.
PSA 23:4 وَاخَّا ڭُّورغْ ذِي ثغْزُورْثْ ن ثِيڒِي ن ڒْموْثْ، وَارْ تّڭّْوْذغْ زِي ڒْغَارْ، مَاغَارْ شكْ أَكِيذِي. أَعكَّازْ نّشْ ذ ثَاغَّارْشْثْ نّشْ سّْفوَّاجنْ خَافِي.
PSA 23:5 ثسّوْجَاذذْ طَّابْڒَا إِنُو زَّاثْ إِ وُوذمْ ن يِينِّي ذ أَيِي إِحصَّارنْ. ثْذهّْنذْ أَزدْجِيفْ إِنُو س زّشْثْ، ڒْْكَاسْ إِنُو إِفيّضْ.
PSA 23:6 إِوَا، ڒْخِيرْ ذ ثْمخْسِيوْثْ إِشوَّارنْ أَذْ أَيِي ضْفَارنْ، مَارَّا ؤُسَّانْ ن ثُوذَارْثْ إِنُو، نشّْ أَذْ زذْغغْ ذِي ثَادَّارْثْ ن سِيذِي، أَڒْ أَنڭَّارْ ن وُوسَّانْ.
PSA 24:1 [أَزهّذْ ن ذَاوُوذْ.] [أَ. أَزهّذْ ؤُمِي تّْڭعّْذنْ غَارْ وذْرَارْ ن صِيهْيُونْ] [مَارَّا إِمغْنَاجنْ ن ڒْغَاشِي إِتّْعيّْذنْ:] إِ سِيذِي ثدْجَا ثمُّورْثْ ذ ؤُعمَّارْ نّسْ، دُّونشْثْ ذ إِمزْذَاغْ نّسْ.
PSA 24:2 مَاغَارْ نتَّا إِسَّارْسْ ذْسَاسْ نّسْ خْ ڒبْحُورْ، إِسّمْثنْ إِ-ث خْ سّحْڒَاثْ.
PSA 24:3 [ثْمِيجَّا:] وِي إِزمَّارنْ أَذْ إِڭعّذْ أَذْرَارْ ن سِيذِي، وِي إِزمَّارنْ أَذْ إِبدّْ ذڭْ ومْشَانْ نّسْ إِقدّْسنْ؟
PSA 24:4 [ثْمِيجَّا نّغْنِي:] ونِّي غَارْ إِدْجَا إِفَاسّنْ إِمزْذَاڭنْ ذ وُوڒْ إِصْفَا، ونِّي وَارْ د-إِتَّارِّي ڒعْمَارْ نّسْ خْ ڒْغشّْ، وَارْ إِتّْجَّادْجْ ژُورْ!
PSA 24:5 [مَارَّا إِمغْنَاجنْ:] نتَّا أَذْ إِكْسِي لْبَارَاكَا زِي سِيذِي، ؤُڒَا ذ ثَاسڭْذَا زِي أَربِّي ن ؤُسنْجمْ نّسْ.
PSA 24:6 ذ وَا ذ جِّيڒْ ن يِينِّي خَاسْ يَارزُّونْ، إِنِّي يَارزُّونْ خْ وُوذمْ نّشْ، أَقَا-ث ذ يَاعْقُوبْ. سِيلَاهْ.
PSA 24:7 [بْ. أَزهّذْ ؤُمِي ؤُذْفنْ غَارْ ثنْذِينْثْ ن صِيهْيُونْ] [مَارَّا إِمغْنَاجنْ ن ڒْغَاشِي إِتّْعيّْذنْ:] سْڭعّْذنْثْ إِزدْجِيفنْ نْومْ، [أَ] ثِيوُّورَا، سْڭعّْذنْثْ إِخفْ نْكنْثْ، [أَ] ثِيوُّورَا ن ڒبْذَا، [حِيمَا] أَذْ يَاذفْ ؤُجدْجِيذْ ن ؤُعُودْجِي!
PSA 24:8 [ثْمِيجَّا زِي ثوُّورْثْ ن ثنْذِينْثْ:] مَانْ ونْ إِ إِدْجَانْ ذ أَجدْجِيذْ ن ؤُعُودْجِي وَانِيثَا؟ [مَارَّا إِمغْنَاجنْ:] ذ سِيذِي، إِجْهذْ إِجبَّارْ، سِيذِي أَقَا-ث ذ أَجبَّارْ ذڭْ ؤُمنْغِي.
PSA 24:9 سْڭعّْذنْثْ إِزدْجِيفنْ نْكنْثْ، [أَ] ثِيوُّورَا، سْڭعّْذنْثْ إِخفْ نْكنْثْ، [أَ] ثِيوُّورَا ن ڒبْذَا، [حِيمَا] أَذْ يَاذفْ ؤُجدْجِيذْ ن ؤُعُودْجِي!
PSA 24:10 [ثْمِيجَّا زِي ثوَّارْثْ ن ثنْذِينْثْ:] مِينْ إِعْنَا نتَّا، أَجدْجِيذْ-أَ ن ؤُعُودْجِي؟ [مَارَّا إِمغْنَاجنْ:] سِيذِي ن ڒْعسْكَارَاثْ ذ نتَّا ذ أَجدْجِيذْ ن ؤُعُودْجِي. سِيلَاهْ.
PSA 25:1 [أَزهّذْ ن ذَاوُوذْ.] أَلِيفْ. [أَ] سِيذِي، غَاركْ إِ د-سّْڭعَّاذغْ ڒعْمَارْ إِنُو.
PSA 25:2 بِيثْ. [أَ] أَربِّي إِنُو، نشّْ تّشْڒغْ خَاكْ. أجّْ أَيِي وَارْ تّْسضْحِيغْ، أجّْ ڒْعذْيَانْ إِنُو وَارْ خَافِي تّسْڒِيوْڒِيونْ س ڒفْرَاحثْ.
PSA 25:3 ڭِيملْ. وَاهْ، مَارَّا إِنِّي شكْ إِتّْرَاجَانْ وَارْ تّْسضْحِينْ. إِنِّي إِڭِّينْ س ڒغْذَارْ بْڒَا سِّيبّثْ، أَذْ سضْحنْ.
PSA 25:4 ذَالِيثْ. [أَ] سِيذِي، سْشنْ أَيِي إِبْرِيذنْ نّشْ، سْغَارْ أَيِي إِمسْرَاقْ نّشْ.
PSA 25:5 هِي. نْذهْ أَيِي ذِي ثِيذتّْ نّشْ ؤُ سْغَارْ أَيِي، مِينْزِي شكْ ذ أَربِّي ن ؤُسنْجمْ إِنُو، نشّْ سِّيثِيمغْ ذَايكْ أَسّْ مَارَّا.
PSA 25:6 زَايِينْ. عْقڒْ، [أَ] سِيذِي، خْ أَرّحْمثْ نّشْ، خْ ثْمڭَّا ن ثْمخْسِيوْثْ نّشْ إِشوَّارنْ، مَاغَارْ أَقَا أَثنْثْ [دْجَانْثْ] زِي ڒبْذَا.
PSA 25:7 خِيثْ. وَارْ تِّيذَارْ شَا دّْنُوبْ ن ثمْژِي إِنُو ؤُڒَا ذ إِخطَّانْ إِنُو. خمّْ [مَاشَا] غَارِي ذِي ثْمخْسِيوْثْ نّشْ إِشوَّارنْ، ذِي طّْوعْ ن ثْشُونِي نّشْ، [أَ] سِيذِي.
PSA 25:8 ثِيث. سِيذِي إِصْبحْ، إِشْنَا، خْ ؤُيَا أَذْ إِسّْغَارْ أَبْرِيذْ إِ إِمذْنَابْ.
PSA 25:9 يُوذْ. نتَّا أَذْ إِڭوّذْ إِمْهِيننْ س ڒْحقّْ، نتَّا أَذْ إِسّڒْمذْ أَبْرِيذْ نّسْ إِ إِمْهِيننْ.
PSA 25:10 كَافْ. مَارَّا إِمسْرَاقْ ن سِيذِي أَقَا أَثنْ ذ ثَامخْسِيوْثْ إِشوَّارنْ ذ ڒَامَانْ، إِ يِينِّي إِحطَّانْ ڒْعَاهْذْ نّسْ ذ شَّاهَاذَاثْ نّسْ.
PSA 25:11 لَامِيذْ. ذِي طّْوعْ ن يِيسمْ نّشْ، [أَ] سِيذِي، غْفَارْ ڒْمُوعْصِييّثْ إِنُو، مَاغَارْ أَقَا-ت ذ أَطَّاسْ.
PSA 25:12 مِيمْ. مَانْ ونْ ذ أَرْيَازْ إِ إِتّڭّْوذنْ سِيذِي؟ نتَّا أَذْ أَسْ إِسّڒْمذْ أَبْرِيذْ إِ إِتّْخصَّا أَذْ إِخْضَارْ.
PSA 25:13 نُونْ. ڒعْمَارْ نّسْ أَذْ إِسّنْسْ ذِي ڒْخِيرْ، ثَارْوَا نّسْ أَذْ ثْوَارْثْ ثَامُّورْثْ.
PSA 25:14 سَامِيخْ. ڒَامَانْ إِ ذِينْ ن سِيذِي إِ يِينِّي زَّايسْ إِتّڭّْوذنْ، ڒْْعَاهْذْ نّسْ أَقَا-ث ذِينْ مَاحنْذْ أَذْ أَسنْ ث إِسَّارْڭبْ.
PSA 25:15 عَايِينْ. ثِيطَّاوِينْ إِنُو ڒبْذَا ذِي سِيذِي، مِينْزِي نتَّا أَذْ إِفكّْ إِضَارنْ إِنُو زِي ثْرَاشَّا.
PSA 25:16 بِي. أَرّْ-د غَارِي س وُوذمْ نّشْ، حِينّْ خَافِي، مَاغَارْ نشّْ أَقَا أَيِي وحّْذِي ؤُ ذِي ڒغْبنْ.
PSA 25:17 ثْسَاذِي. ڒحْصَارَاثْ ن وُوڒْ إِنُو أَقَا مَّارْنِينْثْ. سُوفّغْ أَيِي زِي دِّيقَاثْ إِ ذ أَيِي.
PSA 25:18 رِيخْ. خْزَارْ-د غَارْ ڒغْبنْ إِنُو ذ وَارْبرْ إِنُو، كْسِي خَافِي مَارَّا دّْنُوبْ إِنُو.
PSA 25:19 رِيخْ. خْزَارْ غَارْ ڒْعذْيَانْ إِنُو، مِينْزِي تّْوَاكتَّارنْ، نِيثْنِي شَارّْهنْ أَيِي س يِيجّْ ن وشْرَاهْ إِقسْحنْ.
PSA 25:20 شِينْ. حْضَا خْ ڒعْمَارْ إِنُو ؤُ فكّْ أَيِي! وَارْ ذ أَيِي تّجِّي شَا أَذْ سضْحِيغْ، مِينْزِي غَاركْ إِ غَا أَركّْوَاڒغْ.
PSA 25:21 ثَافْ. أَذْ ثحْضَا أَيِي ڒكْمَارثْ ذ ڒصْفَايثْ، مَاغَارْ سِّيثِيمغْ ذَايكْ.
PSA 25:22 [أَ] أَربِّي، فْذِي إِسْرَائِيل زِي مَارَّا ڒحْصَارَاثْ نّسْ.
PSA 26:1 [أَزهّذْ ن ذَاوُوذْ.] أَغْ أَيِي ثَاسْغَارْثْ إِنُو، [أَ] سِيذِي، مَاغَارْ نشّْ ڭُّورغْ ذِي ڒصْفَايثْ إِنُو. نشّْ تّشْڒغْ خْ سِيذِي، وَارْ تّفْرِيغغْ شَا.
PSA 26:2 قدْجبْ أَيِي، [أَ] سِيذِي، جَارّبْ أَيِي، سصْفَا ثِيژَّاڒْ إِنُو ذ وُوڒْ إِنُو.
PSA 26:3 مِينْزِي ثَامخْسِيوْثْ نّشْ إِشوَّارنْ أَقَا-ت زَّاثْ إِ ثِيطَّاوِينْ إِنُو، نشّْ ڭُّورغْ ذِي ثِيذتّْ نّشْ.
PSA 26:4 نشّْ وَارْ تّْغِيمِيغْ أَكْ-ذ إِرْيَازنْ وَارْ إِسكّْوِينْ، وَارْ تّْمُونغْ أَكْ-ذ يِينِّي إِشمّْثنْ.
PSA 26:5 نشّْ شَارّْهغْ أَڭْرَاوْ ن ثَارْوَا ن ڒهْرَامْ، وَارْ تّْغِيمِيغْ أَكْ-ذ إِعفَّاننْ.
PSA 26:6 نشّْ سِّيرِيذغْ إِفَاسّنْ إِنُو أَمْ وَارْ ذَايِي ڒْعِيبْ، تّنّْضغْ إِ ؤُعَالْطَارْ نّشْ، [ڒْمذْبحْ نّشْ ن وشْمَاضْ]، [أَ] سِيذِي،
PSA 26:7 مَاحنْذْ أَذْ سّْڭعّْذغْ ثْمِيجَّا ثشُّورْ س ؤُقَاذِي، مَاحنْذْ أَذْ بَارّْحغْ س مَارَّا لْمُوعْجِيزَاثْ نّشْ.
PSA 26:8 [أَ] سِيذِي، نشّْ تّخْسغْ ثَازذِّيغْثْ ن ثَادَّارْثْ نّشْ، ؤُڒَا ذ أَمْشَانْ ن ثْزذِّيغْثْ ن ؤُعُودْجِي نّشْ.
PSA 26:9 وَارْ سْمُونَا ڒعْمَارْ إِنُو أَكْ-ذ إِمذْنَابْ، ؤُڒَا ذ ثُوذَارْثْ إِنُو غَارْ إِرْيَازنْ [إِ إِسَّازَّاڒنْ] إِذَامّنْ.
PSA 26:10 إِنِّي غَارْ إِدْجَا إِفَاسّنْ نْسنْ [شُّورنْ س] ثُوعفّْنَا، أَفُوسْ نْسنْ أَفُوسِي [إِشُّورْ] س ڒْغشّْ.
PSA 26:11 نشّْ ڭُّورغْ ذِي ڒصْفَايثْ إِنُو، فْذِي أَيِي ؤُ حِينّْ خَافِي.
PSA 26:12 أَضَارْ إِنُو إِبدّْ خْ ثمُّورْثْ إِوَاطَانْ. نشّْ أَذْ بَارْكغْ سِيذِي ذِي ثْمسْمُونِينْ.
PSA 27:1 [أَزهّذْ ن ذَاوُوذْ.] سِيذِي ذ ثَافَاوْثْ إِنُو ذ ؤُسنْجمْ إِنُو، وِي زِي غَا ڭّْوذغْ؟ سِيذِي ذ لْقلْعَا إِجهْذنْ إِ ثُوذَارْثْ إِنُو، وِي زِي غَا نّْخڒْعغْ [عَاذْ]؟
PSA 27:2 ؤُمِي غَارِي د-قَارّْبنْ إِعفَّاننْ حِيمَا أَذْ شّنْ دَّاثْ إِنُو، إِنِّي ذ أَيِي إِحصَّارنْ ذ ڒْعذْيَانْ إِنُو، نّْقَارْضنْ نِيثْنِي، وْضَانْ [غَارْ ثمُّورْثْ].
PSA 27:3 وَاخَّا أَذْ خَافِي إِحْجمْ إِجّْ ن ڒْعسْكَارْ، ؤُڒْ إِنُو وَارْ إِتّڭّْوذْ شَا. وَاخَّا أَذْ خَافِي إِكَّارْ ؤُمنْغِي، [عَاذْ] نشّْ تّْغِيمِيغْ تّشْڒغْ.
PSA 27:4 إِشْثْ ن ڒْحَاجّثْ تَّارغْ زِي سِيذِي، ثَا أَذْ خَاسْ أَرْزُوغْ: مِينْ غَا كّغْ دَّارغْ أَذْ قِّيمغْ أَذْ زذْغغْ ذِي ثَادَّارْثْ ن سِيذِي، حِيمَا أَذْ ژَترغْ ڒضْرَافثْ ن سِيذِي، حِيمَا أَذْ بقْشغْ ذِي زَّاوشْثْ نّسْ ثَامقّْرَانْثْ.
PSA 27:5 مَاغَارْ نتَّا إِسّْذُورُّويْ أَيِي ذڭْ ؤُعُوشِّي نّسْ ذڭْ وَاسّْ ن ڒْغَارْ. نتَّا إِسّْڒقَّا أَيِي ذڭْ ؤُسڒْقِي ن ؤُقِيضُونْ نّسْ، نتَّا إِسّْڭعَّاذْ أَيِي خْ إِشْثْ ن ثصْضَارْثْ.
PSA 27:6 ڒخُّو أَذْ إِتّْوَاسّْڭعّذْ ؤُزدْجِيفْ إِنُو خْ ڒْعذْيَانْ إِنُو إِنِّي ذ أَيِي د-إِنّْضنْ، غَارْ وسْرُودّحْ [ذِي ڒْبُوقْ] أَذْ أَوْيغْ ثِيغَارْصَا غَارْ ؤُقِيضُونْ نّسْ، أَذْغنّْجغْ، [وَاهْ،] أَذْ زهّْذغْ إِ سِيذِي.
PSA 27:7 سڒْ غَارْ ثْمِيجَّا إِنُو، [أَ] سِيذِي، خْمِي غَا ڒَاغِيغْ، حِينّْ خَافِي ؤُ أَرّْ-د خَافِي.
PSA 27:8 زَّايكْ إِ إِسَّاوَاڒْ وُوڒْ إِنُو: ”أَرْزُو خْ وُوذمْ إِنُو!“ نشّْ أَرزُّوغْ خْ وُوذمْ نّشْ، [أَ] سِيذِي.
PSA 27:9 وَارْ زَّايِي تّفَّارْ ؤُذمْ نّشْ، وَارْ تّْخِييَّابْ أَمْسخَّارْ نّشْ ذڭْ وغْضَابْ. ثُوغَا شكْ ذ أَمْعَاونْ إِنُو. وَارْ ذ أَيِي تّْسمْحذْ ؤُ وَارْ ذ أَيِي تّجِّي، [أَ] أَربِّي ن ؤُسنْجمْ إِنُو.
PSA 27:10 مَاغَارْ بَابَا ذ يمَّا أَقَا سمْحنْ ذَايِي، [مَاشَا] سِيذِي أَذْ أَيِي إِكْسِي [غَارسْ].
PSA 27:11 سْشنْ أَيِي أَبْرِيذْ نّشْ، [أَ] سِيذِي، نْذهْ أَيِي غَارْ وبْرِيذْ إِسڭّْمنْ، ذِي سِّيبّثْ ن يِينِّي ذ أَيِي إِحصَّارنْ.
PSA 27:12 وَارْ ذ أَيِي تّْسلّمْ غَارْ [مژْرِي] [ذڭْ] ڒعْمَارْ ن يِينِّي ذ أَيِي إِحصَّارنْ، مَاغَارْ ڒشْهُوذْ إِسّْخَارِّيقنْ كَّارنْ خَافِي، إِنِّي [إِ خَافِي] إِتّْسُوضنْ س ڒخْشُونثْ.
PSA 27:13 [ؤُهْ]، مَاڒَا نشّْ زعْمَا وَارْ ؤُمِينغْ أَذْ ژَترغْ ڒْخَارْ ن سِيذِي ذِي ثمُّورْثْ ن يِينِّي إِدَّارنْ!
PSA 27:14 رَاجَا سِيذِي، رَاجَا إِ-ث، إِڒِي ذ أَرْيَازْ، نتَّا أَذْ ذَايكْ يڭّْ ؤُڒْ، [وَاهْ] رَاجَا سِيذِي.
PSA 28:1 [ن ذَاوُوذْ.] إِ شكْ ؤُمِي ڒَاغِيغْ، [أَ] سِيذِي، أَقَا شكْ ذ ثَاصْضَارْثْ إِنُو. وَارْ تّڭّْ شَا إِخفْ نّشْ وَارْ غَارِي ثتّسْڒِيذْ، أَڒَامِي، س وسْقَارْ نّشْ زَّاثِي، وَارْ تَّاركّْوِيسغْ أَكْ-ذ يِينِّي د-إِهكّْوَانْ ذڭْ ونْضڒْ.
PSA 28:2 سڒْ إِ ثْمِيجَّا ن ثُوثْرَا إِنُو، خْمِي خَاكْ تّْڒَاغِيغْ، خْمِي كسِّيغْ إِفَاسّنْ إِنُو غَارْ وخَّامْ [ن ذَاخڒْ] ن زَّاوشْثْ نّشْ إِقدّْسنْ.
PSA 28:3 وَارْ ذ أَيِي تّْجَارِّي أَكْ-ذ إِعفَّاننْ، أَكْ-ذ يِينِّي إِتّڭّنْ ڒْمُوعْصِييّثْ، إِنِّي إِسَّاوَاڒنْ خْ ڒهْنَا أَكْ-ذ جِّيرَانْ نْسنْ، أَمْ غَارْسنْ إِدْجَا ڒْغَارْ ذڭْ وُوڒْ نْسنْ.
PSA 28:4 خدْجصْ أَسنْ عْلَاحْسَابْ مِينْ تّڭّنْ، عْلَاحْسَابْ ثُوعفّْنَا ن ثْمڭَّا نْسنْ. خدْجصْ أَسنْ عْلَاحْسَابْ ڒْخذْمثْ ن إِفَاسّنْ نْسنْ، أوْشْ أَسنْ ڒْمُونثْ نْسنْ إِ إِسْذَاهدْجنْ،
PSA 28:5 مِينْزِي نِيثْنِي وَارْ خزَّارنْ غَارْ ڒفْعَايڒْ ن سِيذِي، ؤُڒَا غَارْ ڒْخذْمثْ ن إِفَاسّنْ نّسْ. نتَّا أَذْ ثنْ إِغْضڒْ، وَارْ ثنْ إِبنِّي شَا.
PSA 28:6 أَذْ إِتّْوَابَاركْ سِيذِي، مَاغَارْ نتَّا إِسْڒَا إِ ثْمِيجَّا ن ثُوثْرَا إِنُو.
PSA 28:7 سِيذِي ذ ڒْعزّْ إِنُو ذ ثَاسدَّارْثْ إِنُو ن ؤُسڒْقِي، ؤُڒْ إِنُو إِتّْشڒْ خَاسْ ؤُشَا تّْوَاعَاوْنغْ. ؤُڒْ إِنُو إِنڭّزْ س ڒفْرَاحثْ، س يزْڒِي إِنُو أَذْ ث قَاذِيغْ.
PSA 28:8 سِيذِي ذ جّهْذْ نْسنْ، نتَّا ذ لْبُورْجْ إِجهْذنْ ن إِسنْجِيمنْ إِ ؤُمذْهُونْ نّسْ.
PSA 28:9 سنْجمْ ڒْڭنْسْ نّشْ، بَاركْ ثَاسْغَارْثْ نّشْ، أَرْوسْ إِ-ثنْ ؤُ أَرْبُو ثنْ إِ ڒبْذَا قَاعْ.
PSA 29:1 [أَزهّذْ ن ذَاوُوذْ.] وْشمْ إِ سِيذِي، أَرَّاوْ ن إِربِّيثنْ، وْشمْ إِ سِيذِي أَعُودْجِي ذ ثْزمَّارْ.
PSA 29:2 وْشمْ إِ سِيذِي أَعُودْجِي ن يِيسمْ نّسْ، بنْذْقمْ زَّاثْ إِ سِيذِي ذِي ڒْعزّْ ن زَّاوشْثْ إِقدّْسنْ.
PSA 29:3 ثْمِيجَّا ن سِيذِي [ثدَّارْضحْ] ثِيوَا إِ وَامَانْ، أَربِّي ن ؤُعُودْجِي إِسّْهمْهمْ، سِيذِي، خْ وَامَانْ أَطَّاسْ.
PSA 29:4 ثْمِيجَّا ن سِيذِي [ثشُّورْ س] جّهْذْ، ثْمِيجَّا ن سِيذِي [ثشُّورْ س] ڒْعزّْ.
PSA 29:5 ثْمِيجَّا ن سِيذِي ثتَّارژَّا [ثِيشجُّورَا ن] ثْنڭْلِينْ، سِيذِي إِتَّارژَّا ثِينڭْلِينْ ن لُوبْنَانْ.
PSA 29:6 يَارَّا إِ-ثنْ أَذْ نڭْزنْ أَمْ ؤُعجْمِي، [أَذْرَارْ ن] لُوبْنَانْ ذ [وذْرَارْ ن] سِيرْيُونْ، أَمْ ؤُمژْيَانْ ن إِغَايْضْ ن ڒخْڒَا أَكْ-ذ وَاشَّاونْ ذ إِزِيرَارنْ.
PSA 29:7 ثْمِيجَّا ن سِيذِي ثْنقّشْ إِشعَّاڒنْ ن ثْمسِّي.
PSA 29:8 ثْمِيجَّا ن سِيذِي ثَارَّا ڒخْڒَا إِتَّارْجِيجِي، سِيذِي يَارَّا ڒخْڒَا ن قَاذَاشْ إِتَّارْجِيجِي.
PSA 29:9 ثْمِيجَّا ن سِيذِي ثَارَّا ثُوذَاذِينْ تَّارْونْثْ، نتَّا إِتّْعَارَّا إِزغْرَانْ، [مَاشَا] ذِي زَّاوشْثْ نّسْ ثَامقّْرَانْثْ مَارَّا ثسَّاوَاڒْ خْ ؤُعُودْجِي نّسْ.
PSA 29:10 سِيذِي ثُوغَا إِتّْغِيمَا [أَمْ ڒْقَاضِي] غَارْ سّحْڒثْ ن وَامَانْ، سِيذِي إِتّْغِيمَا [أَمْ] ؤُجدْجِيذْ إِ ڒبْذَا.
PSA 29:11 سِيذِي أَذْ إِوْشْ جّهْذْ إِ ڒْڭنْسْ نّسْ، سِيذِي أَذْ إِبَاركْ ڒْڭنْسْ نّسْ س ڒهْنَا.
PSA 30:1 [أَزهّذْ. إِزْڒِي إِ ؤُذشّنْ ن ثَادَّارْثْ. ن ذَاوُوذْ.]
PSA 30:2 نشّْ أَذْ شكْ سُّوعْڒِيغْ، [أَ] سِيذِي، مَاغَارْ شكْ ثسّْڭعّْذذْ أَيِي، وَارْ ثجِّيذْ شَا ڒْعذْيَانْ إِنُو أَذْ فَارْحنْ خْ وعْرُورْ إِنُو.
PSA 30:3 [أَ] سِيذِي، أَربِّي إِنُو، نشّْ ڒَاغِيغْ أَشْ، ؤُشَا شكْ ثسّْڭنْفِيذْ أَيِي.
PSA 30:4 [أَ] سِيذِي، شكْ ثسُّوعْڒِيذْ ڒعْمَارْ إِنُو زِي ڒَاخَارْثْ، ثَارِّيذْ أَيِي-د غَارْ ثُوذَارْثْ جَارْ يِينِّي د-إِهكّْوَانْ ذڭْ وحْفُورْ.
PSA 30:5 زهّْذمْ إِ سِيذِي، [أَ كنِّيوْ،] إِمْثِيقَّانْ نّسْ، قَاذَامْ،عقْڒمْ خْ ثْقدَّاسْثْ نّسْ.
PSA 30:6 مَاغَارْ أَغْضَابْ نّسْ [إِتّكّْ] ذْرُوسْ [وَاهَا]، مَاشَا أَرْضَا نّسْ إِتّْغِيمَا [مَارَّا] ثُوذَارْثْ. ذِي ثْمذِّيثْ أَقَا ذِينْ إِمطَّاونْ أَڒْ دْجِيڒثْ، [مَاشَا] غَارْ ثُوفُّوثْ أَقَا ذِينْ أَسْڒِيوْڒوْ.
PSA 30:7 ذڭْ ؤُفْڒَاحْ إِنُو نِّيغْ نشّْ: ”وَارْ تّْفَارِيغغْ شَا إِ ڒبْذَا!“
PSA 30:8 [أَ] سِيذِي، ذِي ڒْخَاضَارْ نّشْ ثسّْمثْنذْ أَذْرَارْ إِنُو س ؤُمتّنْ إِجهْذنْ، [مَاشَا] ؤُمِي ثْڒحّْفذْ ؤُذمْ نّشْ، ذوْڒغْ تّڭّْوذغْ.
PSA 30:9 نشّْ ڒَاغِيغْ أَشْ-د، [أَ] سِيذِي، تَّارغْ أَرْضَا زِي سِيذِي إِنُو.
PSA 30:10 مَانْ ڒفْضڒْ نْ إِذَامّنْ إِنُو، ن ؤُهكّْوُو إِنُو غَارْ ثُورْصُوضِي [ذڭْ ونْضڒْ]؟ مَا أَذْ شكْ ثْقَاذَا ثْعجَّاجْثْ؟ مَا أَذْ ثْبَارّحْ س ڒَامَانْ نّشْ؟
PSA 30:11 سڒْ-د غَارِي، [أَ] سِيذِي، حِينّْ خَافِي، [أَ] سِيذِي، إِڒِي ذ أَمْعَاونْ إِنُو.
PSA 30:12 شكْ أَقَا ثَارِّيذْ ثْغُويِّيثْ إِنُو [ن وشْضَانْ] ذ شّْضِيحْ س نُّوبْثَاثْ، ثسَّارْخُوذْ ثَاخَانْشثْ إِنُو [ن وشْضَانْ]، ثسّْبيْسذْ أَيِي س ڒفْرَاحثْ،
PSA 30:13 حِيمَا أَعُودْجِي [إِنُو] أَذْ أَشْ إِزهّذْ ؤُ وَارْ إِتّْسُوسُومْ. [أَ] سِيذِي، أَربِّي إِنُو، نشّْ أَذْ شكْ قَاذِيغْ إِ ڒبْذَا.
PSA 31:1 [إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.]
PSA 31:2 نشّْ أَركّْوَاڒغْ غَاركْ، [أَ] سِيذِي، وَارْ تّجِّي أَذْ سضْحِيغْ إِ ڒبْذَا، فكّْ أَيِي س ثْسڭْذَا نّشْ.
PSA 31:3 أوْشْ أَيِي أَمزُّوغْ نّشْ، فكّْ أَيِي ذغْيَا. إِڒِي ذ ثَاصْضَارْثْ إِجهْذنْ إِ نشّْ، إِجّْ ن لْبُورْجْ حِيمَا أَذْ أَيِي ثسّْنجْمذْ.
PSA 31:4 مَاغَارْ شكْ ذ ثَاصْضَارْثْ إِنُو ذ لْبُورْجْ إِنُو. نْذهْ أَيِي، ثْهِيلَّا ذَايِي ذِي طّْوعْ ن يِيسمْ نّشْ.
PSA 31:5 فكّْ أَيِي زِي ثْرَاشَّا نِّي خَافِي ڭِّينْ س ثْنُوفّْرَا، مَاغَارْ شكْ ذ جّهْذْ إِنُو.
PSA 31:6 ذڭْ ؤُفُوسْ نّشْ إِ ڭِّيغْ بُوحْبڒْ  إِنُو. شكْ ثفْذِيذْ أَيِي، [أَ] سِيذِي، أَربِّي، ذ أَمْثِيقِّي [إِ ثدْجِيذْ].
PSA 31:7 نشّْ شَارّْهغْ إِنِّي إِتّْشغْڒنْ إِخفْ نْسنْ س [ڒخْيَاڒَاثْ] إِبطّْڒنْ. نشّْ تّشْڒغْ خْ سِيذِي.
PSA 31:8 نشّْ أَذْ أَرشْقغْ ؤُ أَذْ فَارْحغْ زِي ثْمخْسِيوْثْ نّشْ إِشوَّارنْ، مِينْزِي شكْ ثتّْوَاڒِيذْ ڒغْبنْ إِنُو [ؤُ] ثَارڭّْبذْ خْ ڒحْصَارَاثْ إِنُو،
PSA 31:9 [مِينْزِي] وَارْ ذ أَيِي ثَارِّيذْ غَارْ ؤُفُوسْ ن ڒعْذُو إِنُو، [مَاشَا] ثڭِّيذْ أَيِي تَّاسِيعْ غَارْ إِضَارنْ إِنُو.
PSA 31:10 حِينّْ خَافِي، [أَ] سِيذِي، مَاغَارْ تّْوَاحصَّارغْ، ثِيطّْ إِنُو ذ ڒعْمَارْ إِنُو ذ ثكْرِيشْثْ إِنُو أَقَا فشْڒنْ.
PSA 31:11 مَاغَارْ ثُوذَارْثْ إِنُو ثْكمّڒْ س وشْضَانْ، إِسڭّْوُوسَا إِنُو س ؤُزهَّارْ. جّْهذْ إِنُو إِهيّفْ زِي ڒْمُوعْصِييّثْ إِنُو، إِخْسَانْ إِنُو أَقَا أَرْشَانْ.
PSA 31:12 إِ مَارَّا إِنِّي ذ أَيِي إِحصَّارنْ ذوْڒغْ ذ أَسْثهْزِي، إِ جِّيرَانْ إِنُو [قَاعْ] أَطَّاسْ، إِ يِينِّي ذ أَيِي إِسّْننْ [ذوْڒغْ] ذ إِجّنْ إِ إِسّْنخْڒِيعنْ. إِنِّي ذ أَيِي إِتّْوَاڒِينْ ذڭْ وبْرِيذْ، تّْرَاكّْوَاڒنْ زَّايِي.
PSA 31:13 تُّونْ أَيِي س وُوڒْ أَمْ يِيجّْ ن ؤُمتِّينْ، ذوْڒغْ أَمْ يِيشقْفَانْ ن وقْذِيحْ،
PSA 31:14 مَاغَارْ سْڒِيغْ أَقَا أَطَّاسْ شقّْفنْ [ذَايكْ]، أَسِّيڭّْوذْ ثُوغَا إِتّنّضْ أَيِي-د ؤُمِي خَافِي ڭِّينْ ثَامعْمُوتْشْ. ثُوغَا أَرزُّونْ أَذْ كّْسنْ ثُوذَارْثْ إِنُو.
PSA 31:15 [مَاشَا] نشّْ تّشْڒغْ خَاكْ، [أَ] سِيذِي، قَّارغْ: ’شكْ ذ أَربِّي إِنُو!‘
PSA 31:16 ڒْوقْثْ إِنُو أَقَا-ت ذڭْ ؤُفُوسْ نّشْ. فكّْ أَيِي زڭْ ؤُفُوسْ ن ڒْعذْيَانْ إِنُو ؤُ زڭْ إِنِّي ذ أَيِي إِضفَّارنْ،
PSA 31:17 أجّْ ؤُذمْ نّشْ أَذْ يَارْغْ خْ ؤُمْسخَّارْ نّشْ، سنْجمْ أَيِي س ثْمخْسِيوْثْ نّشْ إِشوَّارنْ.
PSA 31:18 [أَ] سِيذِي، وَارْ تّجِّي أَذْ ذوْڒغْ تّْسضْحِيغْ، مَاغَارْ خَاكْ إِ تّْڒَاغِيغْ. أَرّْ إِعفَّاننْ أَذْ ذوْڒنْ تّْسضْحَانْ، أَرّْ إِ-ثنْ أَذْ سُّوسْمنْ ذِي ڒَاخَارْثْ.
PSA 31:19 أجّْ أَذْ سْقَارنْ إِينْشِيشنْ إِسّْخَارِّيقنْ، إِنِّي إِسَّاوَاڒنْ س نّْفَاخثْ ضِيدّْ إِ ؤُمْسڭّذْ، س ؤُعفَّارْ ذ ؤُسحْقَارْ.
PSA 31:20 مشْحَاڒْ إِمقَّارْ ڒْخَارْ نّشْ إِ ثْخمّْڒذْ إِ يِينِّي شكْ إِتّڭّْوذنْ، نِّي ثسّْوجْذذْ إِ يِينِّي غَاركْ يَاركّْوَاڒنْ زِي ثَارْوَا ن بْنَاذمْ!
PSA 31:21 شكْ ثسّْذُورُّويذْ إِ-ثنْ س ؤُڒحَّافْ ن وُوذمْ نّشْ، زِي نّْفَاخثْ ن بْنَاذمْ. شكْ ثسّْنُوفَّارذْ إِ-ثنْ ذِي ثخْزَانْثْ، زڭْ ؤُمْشُوبّشْ ن إِينْشِيشنْ.
PSA 31:22 أَذْ إِتّْوَابَاركْ سِيذِي، مَاغَارْ نتَّا يَارَّا أَيِي-د ثَامخْسِيوْثْ نّسْ إِشوَّارنْ ذ ڒعْجبْ، ذڭْ إِشْثْ ن ثنْذِينْثْ إِفَارْينْ.
PSA 31:23 نشّْ ذغْيَا نِّيغْ: ”نشّْ تّْوَاقسّغْ زِي زَّاثْ إِ ثِيطَّاوِينْ نّشْ!‘ مَاشَا عَاذْ شكْ ثسْڒِيذْ إِ ثْمِيجَّا إِنُو، ؤُمِي د خَاكْ ڒَاغِيغْ.
PSA 31:24 سْعِيزّمْ سِيذِي، مَارَّا إِمْثِيقَّانْ نّسْ، مَاغَارْ سِيذِي إِحطَّا خْ يِينِّي إِتَّامْننْ، ؤُ ونِّي إِتّڭّنْ س نّْفَاخثْ، إِتّْخدْجصْ إِ-ث س أَطَّاسْ.
PSA 31:25 إِڒِيمْ ذ إِرْيَازنْ ؤُ نتَّا أَذْ ذَايْومْ يڭّْ ؤُڒْ، [وَاهْ]، مَارَّا إِنِّي إِتّْرَاجَانْ سِيذِي.
PSA 32:1 [ن ذَاوُوذْ. أَخمِّي.] سّعْذْ ن ونِّي ؤُمِي ثتّْوَاغْفَارْ ثْعذِّيثْ نّسْ، ونِّي ؤُمِي ذْڒِينْ خْ دّْنُوبْ نّسْ.
PSA 32:2 سّعْذْ ن ورْيَازْ ونِّي ؤُمِي وَارْ إِحصّبْ سِيذِي ڒْمُوعْصِييّثْ نّسْ، ونِّي غَارْ إِدْجَا بُوحْبڒْ وَارْ ذَايسْ بُو ڒْغشّْ.
PSA 32:3 ؤُمِي سْقَارغْ، أَرْشَانْ إِغْسَانْ إِنُو، س ؤُزهَّارْ إِنُو، أَسّْ مَارَّا.
PSA 32:4 مَاغَارْ أَسّْ ذ دْجِيڒثْ إِسّذْقڒْ أَيِي ؤُفُوسْ نّشْ، إِذَامّنْ ن ثُوذَارْثْ إِنُو ذوْڒنْ [أَمْ] ڒَاژَاغْ ن ؤُنبْذُو. سِيلَاهْ.
PSA 32:5 سَّارڭْبغْ أَشْ دّنْبْ إِنُو، وَارْ سّْذُورْيغْ ڒْمُوعْصِييّثْ إِنُو. نشّْ نِّيغْ: ”أَذْ نعْمغْ خْ إِخطَّانْ إِنُو غَارْ سِيذِي!“، [خنِّي] شكْ ثغْفَارذْ أَيِي ڒْمُوعْصِييّثْ ن دّنْبْ إِنُو. سِيلَاهْ.
PSA 32:6 س ؤُينِّي مَارَّا أَمْثِيقِّي أَذْ أَشْ إِسْجذْ ذِي ڒْوقْثْ ؤُمِي غَا ثجّذْ [بْنَاذمْ] أَذْ شكْ يُوفَا. خْمِي ذِينْ إِشْثْ ن سّحْڒثْ ن وَامَانْ أَطَّاسْ، وَارْ ث ثْڒقّفْ قَاعْ.
PSA 32:7 شكْ ذ أَمْشَانْ ن ؤُذُورِّي إِ نشّْ، ثسَّارذْ أَيِي زِي ڒحْصَارثْ، ثْقُووَّارذْ أَيِي س إِغُويَّانْ ن ڒفْرَاحثْ ن ؤُفكِّي. سِيلَاهْ.
PSA 32:8 نشّْ أَذْ شكْ وْشغْ ڒفْهَامثْ ؤُشَا أَذْ أَشْ سّْڒمْذغْ أَبْرِيذْ إِتّْخصَّا أَذْ ذَايسْ ثُويُورذْ. نشّْ أَذْ شكْ وصِّيغْ، أَذْ خَاكْ ثِيڒِي ثِيطّْ إِنُو.
PSA 32:9 وَارْ تِّيڒِي أَمْ ؤُيِيسْ، أَمْ ؤُسَارْذُونْ بْڒَا ڒعْقڒْ، نِّي إِتّْخصَّا أَذْ ثنْ قمّْعنْ س سّْرِيمثْ ذ ورْيَامْ، نِيغْ وَارْ إِزمَّارْ أَذْ غَاركْ د-إِقَارّبْ.
PSA 32:10 أَطَّاسْ [دْجَانْثْ] ثَامَارَا ن ؤُعفَّانْ، [مَاشَا] ونِّي إِتّْشَاڒنْ خْ سِيذِي، أَذْ أَسْ إِقُووَّارْ نتَّا س ثْمخْسِيوْثْ نّسْ إِشوَّارنْ.
PSA 32:11 فَارْحمْ ذِي سِيذِي، أَرشْقمْ، [أَ] إِمْسڭَّاذنْ، سْڒِيوڒْومْ، [أَ] مَارَّا إِنِّي غَارْ إِدْجَا وُوڒْ إِسڭّْمنْ!
PSA 33:1 سْڒِيوڒْومْ إِ سِيذِي، [أَ] إِمْسڭَّاذنْ، أَصبَّاحْ ذ إِشْثْ ن ثلْوِيزْثْ إِ يِينِّي إِسڭّْمنْ.
PSA 33:2 قَاذَامْ سِيذِي س ڒْڭَامْبْرِي، زهّْذمْ أَسْ س لْعُوذْ ؤُ س لهَارْپَا أَكْ-ذعشْرَا ن إِفِيڒَانْ.
PSA 33:3 غنّْجمْ أَسْ س يِيجّْ ن يزْڒِي أَمَايْنُو، إِرَارمْ مْلِيحْ س وسْرُودّحْ [ن ڒْبُوقْ].
PSA 33:4 مِينْزِي أَوَاڒْ ن سِيذِي إِسڭّمْ، مَارَّا مِينْ إِتّڭّْ، [إِتّڭّْ إِ-ث] س ڒَامَانْ.
PSA 33:5 نتَّا إِتّخْسْ ثَاسڭْذَا ذ ڒْحقّْ. ثَامُّورْثْ ثشُّورْ س ثْمخْسِيوْثْ إِشوَّارنْ ن سِيذِي.
PSA 33:6 زڭْ وَاوَاڒْ ن سِيذِي تّْوَاڭّنْ إِجنْوَانْ، زِي أَرُّوحْ ن ؤُقمُّومْ نّسْ [تّْوَاڭّنْثْ] مَارَّا ڒْعسْكَارَاثْ نْسنْ.
PSA 33:7 نتَّا إِسّْمُونْ أَمَانْ ن ڒبْحَارْ أَمْ يِيجّْ ن وغْبَارْ. نتَّا إِخمّڒْ [أَمَانْ] إِهوْڒنْ ذڭْ إِخَّامنْ ن ڒخْزنْ.
PSA 33:8 أَذْ ثڭّْوذْ مَارَّا ثَامُّورْثْ زِي سِيذِي، أَذْ زَّايسْ ڭّْوذنْ مَارَّا إِمزْذَاغْ ن دُّونشْثْ.
PSA 33:9 مَاغَارْ نتَّا إِسَّاوَاڒْ ؤُشَا أَقَا-ث ذِينْ، نتَّا إِتَّامَارْ ؤُشَا أَذْ يِيڒِي إِبدّْ ذِينْ.
PSA 33:10 سِيذِي إِتَّارژَّا شّْوَارْ ن ڒڭْنُوسْ، إِسّبْضڒْ إِخَارِّيصنْ نْ ڒڭْنُوسْ.
PSA 33:11 شّْوَارْ ن سِيذِي أَذْ إِقِّيمْ إِبدّْ إِ ڒبْذَا، إِخَارِّيصنْ ن وُوڒْ نّسْ زِي جِّيڒْ أَڒْ جِّيڒْ.
PSA 33:12 سّعْذْ ن ڒْڭنْسْ إِ غَارْ إِدْجَا أَربِّي نّسْ ذ سِيذِي، ڒْڭنْسْ نِّي إِخْضَارْ إِ-ث نتَّا ذ ثَاسْغَارْثْ إِ يِيخفْ نّسْ.
PSA 33:13 سِيذِي إِخزَّارْ-د زڭْ ؤُجنَّا، إِتّْوَاڒَا مَارَّا ثَارْوَا ن بْنَاذمْ.
PSA 33:14 زِي ثْزذِّيغْثْ نّسْ إِمثْننْ إِخزَّارْ غَارْ مَارَّا إِمزْذَاغْ ن ثمُّورْثْ.
PSA 33:15 نتَّا وحّْذسْ ذ ونِّي إِكوّْننْ ؤُڒْ نْسنْ، نتَّا إِحكَّارْ إِ مَارَّا ثِيمڭَّا نْسنْ.
PSA 33:16 أَجدْجِيذْ وَارْ إِتّْوَاسّنْجَامْ س يِيجّْ ن ڒْعسْكَارْ ذ أَمقّْرَانْ، بُو-ثغْرُوضْثْ وَارْ إِتّْوَافكِّي س جّهْذْ أَطَّاسْ.
PSA 33:17 أَقَا ذ أَخَارِّيقْ [بلِّي] أَيِيسْ أَذْ د-يَاوِي أَسنْجمْ، [عَاذْ] س جّهْذْ نّسْ أَمقّْرَانْ وَارْ د-إِتّنْفكِّي.
PSA 33:18 خْزَارْ، ثِيطّْ ن سِيذِي خْ يِينِّي زَّايسْ إِتّڭّْوذنْ، خْ يِينِّي إِتّْرَاجَانْ ثَامخْسِيوْثْ نّسْ إِشوَّارنْ،
PSA 33:19 حِيمَا أَذْ إِفكّْ ڒعْمَارْ نْسنْ زِي ڒْموْثْ، حِيمَا أَذْ ثنْ يجّْ قِّيمنْ دَّارنْ ذِي ڒَاژْ.
PSA 33:20 ڒعْمَارْ نّغْ إِتّْرَاجَا سِيذِي، أَقَا نتَّا ذ أَعَاونْ نّغْ ذ ثَاسدَّارْثْ نّغْ إِ ؤُسڒْقِي.
PSA 33:21 مَاغَارْ زَّايسْ إِفَارّحْ وُوڒْ نّغْ، مِينْزِي نتّْشَاڒْ خْ يِيسمْ نّسْ إِقدّْسنْ.
PSA 33:22 أَذْ خَانغْ ثَارْسَا ثْمخْسِيوْثْ نّشْ إِشوَّارنْ، [أَ] سِيذِي، أَمْ مَامّشْ إِ شكْ نتّْرَاجَا.
PSA 34:1 [ن ذَاوُوذْ، ؤُمِي إِسّْنِيعْمِيڒْ، إِڭَّا إِخفْ نّسْ ذ أَبُوهَاڒِي زَّاثْ إِ وُوذمْ ن أَبِيمِيلِيكْ،] [ونِّي إِ خَاسْ يُوژّْڒنْ أَڒَامِي يُويُورْ نتَّا.]
PSA 34:2 أَلِيفْ. نشّْ خْسغْ أَذْ بَارْكغْ إِ سِيذِي ڒبْذَا، أَصبِّيحْ نّسْ أَذْ يِيڒِي ذڭْ ؤُقمُّومْ إِنُو بْڒَا قطُّو.
PSA 34:3 بِيثْ. ڒعْمَارْ إِنُو أَذْ إِصبّحْ إِ سِيذِي. إِمْهِيننْ أَذْ أَسْ سْڒنْ ؤُ أَذْ فَارْحنْ.
PSA 34:4 ڭِيملْ. سمْغَارمْ أَكِيذِي سِيذِي، أجّْ أَنغْ أَذْ نسُّوعْڒَا إِسمْ نّسْ جْمِيعْ.
PSA 34:5 ذَالِيثْ. نشّْ أَرْزُوغْ خْ سِيذِي ؤُ نتَّا يَارَّا-د خَافِي، إِفكّْ أَيِي زِي مَارَّا إِنّخْڒِيعنْ إِنُو.
PSA 34:6 هِي. نِيثْنِي خزَّارنْ غَارسْ ؤُشَا شعْشعنْ، إِغمْبَابْ نْسنْ وَارْ دِّيكّْوِيڒنْ زوْغنْ س ؤُسضْحِيعمَّارْصْ.
PSA 34:7 زَايِينْ. ڒْمسْكِينْ-أَ [ذَانِيثَا] إِڒَاغَا ؤُ سِيذِي إِسْڒَا [غَارسْ]، إِفكّْ إِ-ث زِي مَارَّا ڒحْصَارَاثْ نّسْ.
PSA 34:8 خِيثْ. لْمَالَاكْ ن سِيذِي إِقُووَّارْ س ڒْمَارْڭحْ نّسْ خْ يِينِّي ث إِتّڭّْوذنْ، نتَّا إِفكّْ إِ-ثنْ.
PSA 34:9 ثِيث. قَاسمْ ؤُشَا خْزَارمْ، أَقَا سِيذِي إِشْنَا. سّعْذْ ن ورْيَازْ ونِّي غَارسْ يَاركّْوَاڒنْ.
PSA 34:10 يُوذْ. ڭّْوذمْ سِيذِي، [أَ كنِّيوْ،] إِمْقدَّاسنْ نّسْ، مَاغَارْ إِنِّي ث إِتّڭّْوذنْ وَارْ ثنْ إِتّْخصِّي وَالُو.
PSA 34:11 كَافْ. إِيْرَاذنْ إِمژْيَاننْ تّحْوَاجنْ، ذَايْسنْ ڒَاژْ، [مَاشَا] إِنِّي يَارزُّونْ خْ سِيذِي، وَارْ ثنْ إِتّْخصِّي وَالُو زِي مَارَّا [مِينْ إِدْجَانْ] ذ ڒْخَارْ.
PSA 34:12 لَامِيذْ. أَسمْ-د، [أَ، كنِّيوْ] إِحنْجِيرنْ، سْڒمْ-د غَارِي! نشّْ أَذْ أَومْ سّْڒمْذغْ ثِيڭّْوُوذِي ن سِيذِي.
PSA 34:13 مِيمْ. مَانْ ونْ إِ إِدْجَانْ ذ أَرْيَازْ ونِّي ذِي إِدْجَا مژْرِي ذِي ثُوذَارْثْ، ونِّي إِتّخْسنْ ؤُسَّانْ [ن ثُوذَارْثْ نّسْ] حِيمَا أَذْ إِژَارْ ڒْخَارْ؟
PSA 34:14 نُونْ. مْنعْ إِڒسْ نّشْ زِي ڒْغَارْ، ؤُڒَا ذ إِينْشِيشنْ نّشْ زڭْ وَاوَاڒْ نْ ڒْغشّْ.
PSA 34:15 سَامِيخْ. حيّذْ خْ ثُوعفّْنَا ؤُ أڭّْ ڒْخَارْ، أَرْزُو خْ ڒهْنَا ؤُ ضْفَارْ إِ-ث.
PSA 34:16 عَايِينْ. ثِيطَّاوِينْ ن سِيذِي خْ إِمْسڭَّاذنْ، إِمزُّوغنْ نّسْ ميّْڒنْ غَارْ إِغُويَّانْ نْسنْ.
PSA 34:17 بِي. ؤُذمْ ن سِيذِي ضِيدّْ إِ يِينِّي إِتّڭّنْ ڒْغَارْ، حِيمَا أَذْ إِكّسْ ڒِيذَارثْ ذَايْسنْ زِي ثمُّورْثْ.
PSA 34:18 ثْسَاذِي. نِيثْنِي ڒَاغَانْ ؤُ سِيذِي إِسْڒَا [غَارْسنْ]، نتَّا إِفكّْ إِ-ثنْ زِي مَارَّا ڒحْصَارَاثْ نْسنْ.
PSA 34:19 قُوفْ. سِيذِي يُوذسْ إِ مَارَّا إِنِّي ؤُمِي إِتّْوَارْژْ وُوڒْ نْسنْ، إِسّنْجَامْ إِنِّي ؤُمِي إِتّْوَاڒْبزْ بُوحْبڒْ نْسنْ.
PSA 34:20 رِيخْ. أَطَّاسْ [إِدْجَانْ] إِفقُّوسنْ ن إِمْسڭَّاذنْ، [مَاشَا] سِيذِي إِفكّْ إِ-ثنْ زَّايْسنْ مَارَّا.
PSA 34:21 شِينْ. نتَّا إِحطَّا إِغْسَانْ نّسْ مَارَّا، ؤُڒَا ذ إِجّْ زَّايْسنْ وَارْ إِتَّارژِّي.
PSA 34:22 ثَافْ. أَقَا ڒْغَارْ أَذْ إِنغْ أَعفَّانْ، إِنِّي إِشَارّْهنْ أَمْسڭّذْ أَذْ تّْوَاعَاقْبنْ.
PSA 34:23 سِيذِي أَذْ إِفْذِي ڒعْمَارْ ن إِمْسخَّارنْ نّسْ، مَارَّا إِنِّي غَارسْ يَاركّْوَاڒنْ، وَارْ تّْوَاعَاقْبنْ.
PSA 35:1 [ن ذَاوُوذْ.] مْشُوبّشْ، [أَ] سِيذِي، أَكْ-ذ يِينِّي أَكِيذِي إِتّمْشُوبُّوشنْ، مْنغْ أَكْ-ذ يِينِّي كِيذِي إِتّْمنْغَانْ.
PSA 35:2 طّفْ ثَاسدَّارْثْ ن ؤُسڒْقِي ذ ثْسدَّارْثْ ثَامقّْرَانْثْ، ؤُشَا كَّارْ، أوْشْ أَيِي أَفُوسْ.
PSA 35:3 جْبذْ-د لَانْسَا، قّنْ [أَبْرِيذْ] إِ ؤُمْسَاڭَارْ أَكْ-ذ يِينِّي د أَيِي إِضَافَّارنْ، إِنِي إِ ڒعْمَارْ إِنُو: ”أَسنْجمْ نّشْ أَقَا ذ نشّْ!“
PSA 35:4 أَرّْ إِنِّي يَارزُّونْ خْ ڒعْمَارْ إِنُو أَذْ تّْوَاخَاروْضنْ ؤُ أَذْ تّْوَافضْحنْ، أجّْ إِنِّي إِتّْخَارِّيصنْ ذِي ڒْغَارْ خَافِي أَذْ تّْوَاعَارّْننْ غَارْ ضفَّارْ، أجّْ إِ-ثنْ أَذْ ذوْڒنْ تّْسضْحَانْ.
PSA 35:5 أجّْ إِ-ثنْ أَذْ ذوْڒنْ أَمْ يِيشَارْفَا ذڭْ ؤُسمِّيضْ، أجّْ لْمَالَاكْ ن سِيذِي أَذْ ثنْ إِعَارْنْ.
PSA 35:6 أجّْ أَذْ إِذْوڒْ وبْرِيذْ نْسنْ ذ ثَادْجسْثْ، أَذْ يِيڒِي إِتّحْڒُودْجُوضْ، ؤُشَا أجّْ لْمَالَاكْ ن سِيذِي أَذْ ثنْ إِضْفَارْ.
PSA 35:7 مَاغَارْ بْڒَا سِّيبّثْ سّْنُوفَّارنْ خَافِي [أَحْفُورْ ن] ثُورْصُوضِي ذ ثْرَاشَّا نْسنْ، بْڒَا سِّيبّثْ غْزِينْ ث إِ ڒعْمَارْ إِنُو.
PSA 35:8 أجّْ أَردّدْجْ أَذْ خَاسْ د-يَاسْ بْڒَا مَا إِسّنْ، أجّْ ثْرَاشَّا نّسْ نِّي إِسّْنُوفَّارْ أَذْ ث ثطّفْ سِيمَانْثْ نّسْ، أجّْ إِ-ث أَذْ [ذَايسْ] د-إِوْضَا سِيمَانْثْ نّسْ، [س إِجّْ ن ؤُوطُّو] إِ ث إِ غَا يَاردّْدْجنْ.
PSA 35:9 ڒعْمَارْ إِنُو أَذْ إِفَارْحْ زِي سِيذِي، أَذْ يَارْشقْ ذڭْ ؤُسنْجمْ نّسْ.
PSA 35:10 أَذْ إِنِينْ مَارَّا إِغْسَانْ إِنُو: ”[أَ] سِيذِي، مَانْ ونْ [إِدْجَانْ] أَمْ شكْ! شكْ ذ ونِّي إِتّْفكَّانْ ڒْمسْكِينْ زڭْ ونِّي خَاسْ إِجهّْذنْ، ڒْمسْكِينْ ذ ؤُمزْڒُوضْ زڭْ إِنِّي ذ أَسنْ إِكشّْضنْ.“
PSA 35:11 إِشهَّاذنْ إِقْطَاطْعِييّنْ كَّارنْ. مِينْ وَارْ سِّينغْ، تّْسقْسَانْ أَيِي.
PSA 35:12 أَرِّينْ أَيِي-د ڒْغَارْ ذِي ڒْخَارْ، [ڭِّينْ ذَايِي] ڒحْوجْ ن يِينِّي خَافِي إِعِيزّنْ.
PSA 35:13 نشّْ [مَاشَا] أَرْضغْ إِشْثْ ن ثْخَانْشثْ [ن وشْضَانْ]، ڒَْامِي ثُوغَا هدْجْشنْ نِيثْنِي، ڭِّيغْ أَذْ إِژُومّْ ڒعْمَارْ إِنُو، ؤُشَا ثَاژَادْجِيثْ إِنُو [ثتّْغِيمَا] ثدّكّْوَاڒْ-د غَارِي ذِي ذَاخڒْ إِنُو.
PSA 35:14 أَخْمِي ث ثُوغَا ذ أَمدُّوكّڒْ إِنُو نِيغْ ذ ؤُمَا، أَمُّو إِ ثُوغَا ڭُّورغْ، أَمْ شَا ن إِجّْ إِشطّْ خْ يمَّاسْ، أَمُّو ثُوغَا أَيِي ڭُّورغْغنّْسغْ [ذڭْ وَارُّوضْ] ذ أَبَارْشَانْ.
PSA 35:15 [مَاشَا] خْمِي تّْقجْذِيحغْ، فَارّْحنْ نِيثْنِي، تّْمُوننْ أَكْ-ذ وَايَاوْيَا. تّْمُوننْ ضِيدّْ إِنُو إِنِّي ن وَادَّايْ، بْڒَا مَا أَذْ [ث] سّْنغْ. شقّْفنْ ذَايِي، وَارْ سُّوسْمنْ.
PSA 35:16 أَمْ إِنِّي إِغطّْصنْ [بْنَاذمْ] إِ يِيجّْ ن ؤُڒقُّوزْ ن وغْرُومْ، [أَمُّو]غزَّانْ-د غَارِي ثِيغْمَاسْ.
PSA 35:17 [أَ] سِيذِي إِنُو، أَڒْ مشْحَاڒْ إِ غَا ثكّذْ ثْخزَّارذْ [وَاهَا]؟ سنْجمْ أَيِي زڭْ وَاردّدْجْ نْسنْ إِ إِڭِّينْ، أَينِّي إِنُو زڭْ ويْرَاذنْ إِمژْيَاننْ.
PSA 35:18 نشّْ أَذْ شكْ قَاذِيغْ ذڭْ يِيجّْ ن وڭْرَاوْ [ن ڒْڭنْسْ] ذ أَمقّْرَانْ، أَذْ شكْ صبّْحغْ جَارْ إِجّْ ن ڒْڭنْسْ إِمْغَارْ أَطَّاسْ.
PSA 35:19 إِنِّي إِدْجَانْ ذ ڒْعذْيَانْ إِنُو ذِي ڒْبَاطرْ، وَارْ ثنْ تّجِّي أَذْ خَافِي فَارْحنْ، إِنِّي ذ أَيِي إِشَارّْهنْ، وَارْ ثنْ تّجِّي أَذْ خَافِي مّْسغْمَازنْ بْڒَا سِّيبّثْ.
PSA 35:20 مَاغَارْ نِيثْنِي وَارْ سِّيوِيڒنْ شَا خْ ڒهْنَا، مَاشَا تّْخَارِّيصنْ ذڭْ إِنْوَاينْ [شُّورنْ] س ڒْغشّْ ضِيدّْ إِنِّي يَارزُّونْ ڒْهُوذْنثْ ذِي ثمُّورْثْ.
PSA 35:21 نِيثْنِي أَرزّْمنْ أَقمُّومْ نْسنْ قَاعْ، قَّارنْ: ”هَا، هَا، ثِيطّْ نّغْ سِيمَانْثْ نّسْ ثژْرَا إِ-ت!“
PSA 35:22 [أَ] سِيذِي، شكْ ثژْرِيذْ ت، وَارْ تّسْقَارَا، سِيذِي إِنُو، وَارْ خَافِي تّڭّْوِيجْ شَا.
PSA 35:23 فَاقْ، كَّارْ ذِي طّْوعْ ن ڒْحقّْ إِنُو، [أَ] أَربِّي إِنُو ذ سِيذِي إِنُو، ذِي طّْوعْ ن دّعْوثْ إِنُو.
PSA 35:24 حْكمْ خَافِي س ڒْحقّْ عْلَاحْسَابْ ثَاسڭْذَا نّشْ، [أَ] سِيذِي، أَربِّي إِنُو، وَارْ ثنْ تّجِّي أَذْ خَافِي فَارْحنْ.
PSA 35:25 وَارْ [ثنْ] تّجِّي أَذْ إِنِينْ ذڭْ وُوڒْ نْسنْ: ”هَا، أَقَا أَنغْ مْلِيحْ!“، وَارْ ثنْ تّجِّي أَذْ إِنِينْ: ”أَقَا نْسَارْضْ إِ-ث!“
PSA 35:26 أجّْ إِنِّي إِفَارّْحنْ خْ أَرْژِييّثْ إِنُو، أَذْ تّْوَاخَاروْضنْ ؤُ أَذْ سّْنُوفَّارنْ إِخفْ نْسنْ جْمِيعْ، أجّْ إِنِّي إِڭِّينْ إِخفْ نْسنْ مْغَارنْ زَّاثِي، أَذْ يَارْضنْ س ؤُسضْحِي ذ ڒفْضِيحثْ.
PSA 35:27 أجّْ إِنِّي يَارْضَانْ ذِي ثْسڭْذَا أَذْ سْڒِيوڒْونْ ؤُ أَذْ فَارْحنْ، أجّْ إِ-ثنْ أَذْ إِنِينْ: ”ذ أَمقّْرَانْ إِ يدْجَا سِيذِي ونِّي يَارْضَانْ ذِي ڒهْنَا ن ؤُمْسخَّارْ نّسْ.“
PSA 35:28 [خنِّي] إِڒسْ إِنُو أَذْ إِبَارّحْ ثَاسڭْذَا نّشْ ذ ؤُصبّحْ نّشْ أَسّْ مَارَّا.
PSA 36:1 [إِ ؤُمقّْرَانْ ن إِمغْنَاجنْ. زڭْ ؤُمْسخَّارْ ن سِيذِي. ن ذَاوُوذْ.]
PSA 36:2 إِسَّاوَاڒْ ؤُخطُّو ن ؤُعفَّانْ ذَاخڒْ ذڭْ وُوڒْ إِنُو: ”وَارْ غَارسْ ثِيڭّْوُوذِي ن أَربِّي زَّاثْ إِ ثِيطَّاوِينْ نّسْ.“
PSA 36:3 مِينْزِي [أَخطُّو-يَا] إِسّْحِينَّابْ إِ-ث ذِي ثِيطَّاوِينْ نّسْ، أَقَا يُوفَا ڒْمُوعْصِييّثْ نّسْ [ثَارَّا إِ-ث-إِ-د] غَارْ وشْرَاهْ.
PSA 36:4 أَوَاڒنْ ن ؤُقمُّومْ نّسْ أَقَا أَثنْ ذ ڒْغشّْ ذ وشْمَاثْ، نتَّا إِسّْبدّْ حِيمَا أَذْ يَارْزُو ڒفْهَامثْ حِيمَا أَذْ إِڭّْ ڒْخَارْ.
PSA 36:5 إِتّْخمّمْ ذِي ڒْغشّْ ذِي قَامَا نّسْ، إِڭُّورْ أَذْ إِبدّْ ذڭْ إِجّْ ن وبْرِيذْ وَارْ إِصبْحنْ. ڒْغَارْ وَارْ ث إِتّْمنْضِيرْ.
PSA 36:6 [أَ] سِيذِي، ثَامخْسِيوْثْ نّشْ إِشوَّارنْ [ثتَّاكّْوَاضْ] أَڒْ ذَاخڒْ ن إِجنْوَانْ، ڒَْامَانْ نّشْ أَڒْ إِسيْنُوثنْ.
PSA 36:7 ثَاسڭْذَا نّشْ [ثڭَّا] أَمْ يِيذُورَارْ ن أَربِّي، ڒحْكَامَاثْ نّشْ أَمْ [وَامَانْ] إِهوْڒنْ. سِيذِي إِسّنْجَامْ بْنَاذمْ ذ ڒْمَاڒْ.
PSA 36:8 مشْحَاڒْ ثِيغْڒَا ثْمخْسِيوْثْ نّشْ إِشوَّارنْ، [أَ] أَربِّي! [س ؤُينِّي] أَركّْوَاڒنْ غَاركْ ثَارْوَا ن بْنَاذمْ، غَارْ ثِيڒِي ن وَافْرِيونْ نّشْ.
PSA 36:9 تّْوَاسْجَاوْننْ س ؤُفيّضْ س ثَاذُونْثْ ن ثَادَّارْثْ نّشْ، إِغْزَارْ س نّْعَامِي نّشْ ثوْشذْ [أَسنْ] مَاحنْذْ أَذْ [زَّايسْ] سْونْ.
PSA 36:10 مَاغَارْ غَاركْ إِ إِدْجَا ڒْعُونْصَارْ ن ثُوذَارْثْ، ذِي ثْفَاوْثْ نّشْ أَقَا نتّْوَاڒَا ثَافَاوْثْ.
PSA 36:11 سْوِيژّضْ ثَامخْسِيوْثْ نّشْ إِشوَّارنْ خْ يِينِّي إِ شكْ إِسّْننْ، ثَاسڭْذَا نّشْ خْ يِينِّي إِ غَارْ إِدْجَا وُوڒْ إِسڭّْمنْ.
PSA 36:12 وَارْ تّجِّي أَذْ خَافِي د-يَاسْ ؤُضَارْ ن أَيْثْ ن بُو-نّْفَاخثْ، وَارْ تّجِّي أَفُوسْ ن إِعفَّاننْ أَذْ أَيِي د-يَارّْ أَذْ ثلّْعغْ مَانِي مَا.
PSA 36:13 أَقَا ذِينْ إِ وْضَانْ، إِنِّي إِتّڭّنْ ڒْمُوعْصِييّثْ، تّْوَاغضْڒنْ غَارْ ثمُّورْثْ، وَارْ زمَّارنْ عَاذْ أَذْ كَّارنْ عَاوذْ.
PSA 37:1 [ن ذَاوُوذْ.] أَلِيفْ. وَارْ ثتّْوَارقّْ [ثفْقحْثْ نّشْ] خْ إِعفَّاننْ، وَارْ تَّاسمْ خْ يِينِّي إِتّڭّنْ ڒْغشّْ.
PSA 37:2 مَاغَارْ أَذْ وْضَانْ ذغْيَا أَمْ أَرْبِيعْ، أَمْ أَرْبِيعْ أَزِيزَا أَذْ سْڒَاونْ.
PSA 37:3 بِيثْ. تّْشڒْ خْ سِيذِي ؤُ أڭّْ ڒْخَارْ، زْذغْ ذِي ثمُّورْثْ ؤُ إِڒِي ذ أَمْثِيقِّي.
PSA 37:4 أَرّْ مژْرِي ذِي سِيذِي، ؤُ نتَّا أَذْ شكْ إِوْشْ مِينْ ذِي إِتّْمژْرِي وُوڒْ نّشْ.
PSA 37:5 ڭِيملْ. أَرّْ ثِيشْڒِي نّشْ غَارْ سِيذِي، تّْشَاڒْ خَاسْ ؤُ نتَّا أَذْ [ت] إِڭّْ.
PSA 37:6 نتَّا أَذْ إِسّضْهَارْ ثَاسڭْذَا نّشْ أَمْ ثْفَاوْثْ، ڒْْحقّْ نّشْ أَمْ يِيشعْشِيعنْ ن ثْفُوشْثْ ذِي طّْحَا ن ؤُزِيڒْ.
PSA 37:7 ذَالِيثْ. سُوسمْ زَّاثْ إِ سِيذِي ؤُ رَاجَا ث. وَارْ تّجِّي [ثَافْقحْثْ نّشْ] أَذْ ثَاسمْ خْ ونِّي إِفڒْهنْ ذڭْ وبْرِيذْ نّسْ، خْ ورْيَازْ نِّي إِتّڭّنْ ثَاحْرَايْمشْثْ.
PSA 37:8 هِي. أجّْ أَغْضَابْ نّشْ أَذْ يَارْسَا ؤُ أجّْ أَسْعَارْ نّشْ أَذْ إِرَاحْ. وَارْ تّجِّي [ثَافْقحْثْ نّشْ] أَذْ ثتّْوَاسَّارغْ. [مَانْ أَيَا أَذْ يَاوِي] مْغِيرْ ثُوعفّْنَا وَاهَا.
PSA 37:9 مَاغَارْ إِعفَّاننْ أَذْ تّْوَاثحَّانْ، [مَاشَا] إِنِّي إِسِّيثِيمنْ خْ سِيذِي أَذْ وَارْثنْ ثَامُّورْثْ.
PSA 37:10 وَاوْ. مْغِيرْ شْوَايْثْ وَاهَا ؤُشَا أَعفَّانْ وَارْ إِتّْغِيمِي [عَاذْ]. أَذْ ثْحكَّارذْ مْلِيحْ ومْشَانْ نّسْ، [مَاشَا] وَارْ ذِينْ إِتِّيڒِي [عَاذْ].
PSA 37:11 إِمْهِيننْ أَذْ وَارْثنْ ثَامُّورْثْ، أَذْ أَرّنْ مژْرِي ذِي ڒهْنَا أَمقّْرَانْ.
PSA 37:12 زَايِينْ. أَعفَّانْ إِتّْخَارّصْ ذِي ثْمعْمَاتْشْ ثِيحْرَايْمِييِّينْ ضِيدّْ إِ ؤُمْسڭّذْ، إِتّْغزَّا خَاسْ ثِيغْمَاسْ.
PSA 37:13 سِيذِي إِنُو إِضحّشْ خَاسْ، مَاغَارْ إِتّْوَاڒَا أَقَا أَسّْ نّسْ أَذْ د-يَاسْ.
PSA 37:14 خِيثْ. إِعفَّاننْ جبْذنْ-د سِّيفْ ؤُ محْضنْ ڒْقوْسْ، حِيمَا أَذْغضْڒنْ ڒْمسْكِينْ ذ ؤُمزْڒُوضْ، حِيمَا أَذْ غَارْصنْ إِ يِينِّي إِڭُّورنْ ذڭْ وبْرِيذْ نْسنْ نِيشَانْ.
PSA 37:15 سِّيفْ نْسنْ أَذْ ثنْ إِڒْقفْ ذڭْ وُوڒْ نْسنْ، ڒقْوَاسْ نْسنْ أَذْ تّْوَارْژنْ.
PSA 37:16 ثِيث. ذْرُوسْ إِ غَارسْ غَارْ ؤُمْسڭّذْ، حْسنْ زڭْ ؤُفيّضْ ن وَاطَّاسْ ن إِعفَّاننْ.
PSA 37:17 مَاغَاڒْ إِغَادْجنْ ن إِعفَّاننْ أَذْ تّْوَارْژنْ، [مَاشَا] سِيذِي أَذْ إِسنّذْ إِمْسڭَّاذنْ.
PSA 37:18 يُوذْ. سِيذِي إِسّنْ ؤُسَّانْ ن يِينِّي إِڭُّورنْ نِيشَانْ، ثَاسْغَارْثْ نْسنْ أَذْ ثقِّيمْ إِ ڒبْذَا.
PSA 37:19 وَارْ تّْوَاقمِّيحنْ ذِي ڒْوقْثْ ثَاعفَّانْثْ، ذڭْ وُوسَّانْ ن ڒَاژْ أَذْ تّْوَاسّْجِيوْننْ.
PSA 37:20 كَافْ. مَاغَارْ إِعفَّاننْ أَذْ فْنَانْ، ڒْْعذْيَانْ ن سِيذِي أَذْ ودَّارنْ، أَذْ تّْوَاقْضَانْ أَمْ ونِّي إِدْجَانْ إِغْڒَانْ قَاعْ زڭْ إِزْمَارنْ إِقبُّوزنْ، أَذْ ضْونْ ذِي ثَايُّوثْ.
PSA 37:21 لَامِيذْ. أَعفَّانْ يَارطّڒْ، وَارْ إِتَّارِّي [أَمَارْوَاسْ]، مَاشَا أَمْسڭّذْ إِتّْحِينّْ، إِتِّيشْ.
PSA 37:22 مَاغَارْ إِنِّي زَّايسْ إِتّْوَابَارْكنْ أَذْ وَارْثنْ ثَامُّورْثْ، [مَاشَا] إِنِّي زَّايسْ إِتّْوَانعْڒنْ، أَذْ تّْوَاثحَّانْ.
PSA 37:23 مِيمْ. إِصُورَافْ ن ورْيَازْ إِجهْذنْ تّْوَاسّْمتّْننْ زِي سِيذِي، نتَّا يَارطَّا خْ وبْرِيذْ نّسْ.
PSA 37:24 مَاڒَا إِوْضَا، وَارْ إِتّْمنْضَارْ، مَاغَارْ سِيذِي إِوْشَا أَسْ أَفُوسْ نّسْ.
PSA 37:25 نُونْ. نشّْ ثُوغَا أَيِي ذ أَمژْيَانْ، [ڒخُّو] وْسَارغْ، [مَاشَا]عمَّارْصْ وَارْ ژْرِيغْ أَمْسڭّذْ إِتّْوَاجّْ، نِيغْ ثَارْوَا نّسْ أَرزُّونْ خْ وغْرُومْ.
PSA 37:26 أَسّْ إِكْمڒْ إِتّْحِينَّا ؤُ يَاڒطّڒْ [إِ إِمزْڒَاضْ]، زَّارِيعثْ نّسْ أَذْ ثِيڒِي إِ لْبَارَاكَا.
PSA 37:27 سَامِيخْ. حيّذْ خْ ڒْغَارْ ؤُ أڭّْ ڒْخَارْ، [خنِّي] أَذْ غَاركْ ثِيڒِي ثْزذِّيغْثْ إِ ڒبْذَا قَاعْ.
PSA 37:28 مَاغَارْ سِيذِي إِتّخْسْ ڒْحقّْ، وَارْ إِسمّحْ ذڭْ إِمْثِيقَّانْ نّسْ. عَايِينْ. أَذْ تّْوَاحْضَانْ إِ ڒبْذَا قَاعْ، مَاشَا زَّارِيعثْ ن إِعفَّاننْ أَذْ ثتّْوَاثحَّا.
PSA 37:29 إِمْسڭَّاذنْ أَذْ وَارْثنْ ثَامُّورْثْ، أَذْ ذَايسْ زذْغنْ إِ ڒبْذَا.
PSA 37:30 بِي. أَقمُّومْ ن ؤُمْسڭّذْ إِتّْبَارّحْ س ثِيغِيثْ، إِڒسْ نّسْ إِسَّاوَاڒْ س ڒْحقّْ.
PSA 37:31 شَّارِيعَا ن أَربِّي نّسْ ذڭْ وُوڒْ نّسْ، إِصُورَافْ نّسْ وَارْ تّفْرِيغنْ.
PSA 37:32 ثْسَاذِي. أَعفَّانْ إِڒبّثْ إِ ؤُمْسڭّذْ، يَارزُّو أَذْ ث إِنغْ،
PSA 37:33 [مَاشَا] سِيذِي وَارْ زَّايسْ يَارخُّو أَفُوسْ نّسْ، وَارْ خَاسْ إِحْكمْ خْمِي ث غَا إِحَاكمْ.
PSA 37:34 قُوفْ. سِيثِيمْ خْ سِيذِي ؤُ طّفْ ذڭْ وبْرِيذْ نّسْ. نتَّا أَذْ شكْ إِسّْڭعّذْ حِيمَا أَذْ ثْوَارْثذْ ثَامُّورْثْ. أَذْ ثْژَارذْ أَقَا إِعفَّاننْ أَذْ تّْوَاثحَّانْ.
PSA 37:35 رِيخْ. نشّْ ژْرِيغْ إِجّْ ن ؤُعفَّانْ ذ بُو-ڒخْشُونثْ، إِمقَّارْ أَمْ ثْشجَّارْثْ ن ثنْڭلْثْ ثَازِيزَاوْثْ.
PSA 37:36 أَقَا إِعْذُو، ؤُشَا خْزَارْ، وَارْ ث ثُوغِي شَا عَاذْ ذِينْ. أَرْزُوغْ خَاسْ، مَاشَا إِذْوڒْ وَارْ إِدْجِي [عَاذْ].
PSA 37:37 شِينْ. حْضَا خْ ونِّي إِدْجَانْ إِكْمڒْ ؤُ خزَّارْ غَارْ ونِّي إِڭُّورنْ نِيشَانْ، مَاغَارْ أَنڭَّارْ ن ورْيَازْ نِّي أَذْ يِيڒِي ذ ڒهْنَا.
PSA 37:38 إِنِّي إِتّْعدَّانْ أَذْ تّْوَاردّْدْجنْ جْمِيعْ، مِينْ إِقِّيمنْ ن إِعفَّاننْ أَذْ إِتّْوَاثحَّا.
PSA 37:39 ثَافْ. أَسنْجمْ ن إِمْسڭَّاذنْ [أَذْ د-يَاسْ] زِي سِيذِي، أَقَا نتَّا ذ أَروْڒَا نْسنْ ذِي ڒْوقْثْ ن ڒحْصَارثْ.
PSA 37:40 سِيذِي أَذْ أَسنْ إِوْشْ أَفُوسْ ؤُ أَذْ ثنْ إِفكّْ. نتَّا أَذْ ثنْ إِفكّْ زڭْ إِعفَّاننْ ؤُ أَذْ ثنْ إِسّنْجمْ، مَاغَارْ نِيثْنِي أَركّْوَاڒنْ غَارسْ.
PSA 38:1 [أَزهّذْ ن ذَاوُوذْ. إِ ڒِيذَارثْ.]
PSA 38:2 [أَ] سِيذِي، وَارْ ذ أَيِي تّْعَاقَابْ ذڭْ ؤُذُوقّزْ ن وغْضَابْ نّشْ، وَارْ ذ أَيِي تّْودَّابْ س وسْعَارْ نّشْ.
PSA 38:3 مَاغَارْ فْڒِيثْشَاثْ نْ ڒْقوْسْ نّشْ ؤُذْفنْثْ ذَايِي، أَفُوسْ نّشْ إِتّْزيَّارْ خَافِي.
PSA 38:4 وَارْ [ذِينْ] إِقِّيمْ مِينْ إِدْجَانْ إِكمّْڒنْ ذِي أَرِّيمثْ إِنُو زڭْ وسْخضْ نّشْ، وَارْ إِقِّيمْ مِينْ إِصحّنْ ذڭْ إِغْسَانْ إِنُو زِي سِّيبّثْ ن دّنْبْ إِنُو.
PSA 38:5 مَاغَارْ ڒْمُوعْصِييَّاثْ إِنُو ڭعّْذنْثْ أَيِي غَارْ ؤُزدْجِيفْ إِنُو، ذقّْڒنْثْ خَافِي أَمْ يِيجّْ ن دّْقڒْ إِمْغَارْ أَطَّاسْ.
PSA 38:6 إِيزِّيمنْ إِنُو ذَايْسنْ أَرِّيحثْ، ڭيّْحنْ س ثُوبُّوهڒْيَا إِنُو.
PSA 38:7 ذوْڒغْ قوْسغْ، ذوْڒغْغنْسغْ أَڒْ طَّارْفْ. أَسّْ مَارَّا ڭُّورغْ ذڭْ [وَارُّوضْ ن وشْضَانْ ذ] أَبَارْشَانْ.
PSA 38:8 مَاغَارْ تَّاشِيغْ ثِيجْعِينَّاثِينْ إِنُو أَرْغِينْثْ س ثْمسِّي مَارَّا، وَارْ ذِينْ إِقِّيمْ مِينْ إِدْجَانْ إِكمّْڒنْ ذِي أَرِّيمثْ إِنُو.
PSA 38:9 نشّْ جمّْذغْ ؤُ تّْوَاغضْڒغْ قَاعْ، سْغُويُّوغْ س زّْهِيرْ ن وُوڒْ إِنُو.
PSA 38:10 [أَ] سِيذِي إِنُو، مَارَّا مِينْ ذِي غَارِي مژْرِي أَقَا-ث زَّاثكْ، أَوعّضْ إِنُو وَارْ زَّايكْ إِتّْنُوفَّارْ.
PSA 38:11 ؤُڒْ إِنُو إِدّنْذُونْ، مَارَّا جّهْذْ إِفّغْ أَيِي، ؤُڒَا ذ ثَافَاوْثْ [ثفّغْ] زِي ثِيطَّاوِينْ إِنُو، [وَاهْ] ؤُڒَا ذ نِيثنْثِي وَارْ غَارِي بدّنْثْ [عَاذْ].
PSA 38:12 إِمْعِيزّنْ إِنُو ذ إِمدُّوكَّاڒْ إِنُو بدّنْ أَرنْذَاذْ [إِنُو غَارْ] جّْرِيحشْثْ إِنُو، ؤُڒَا ذ إِنِّي إِ ذ أَيِي يُوذْسنْ تَّاڭّْوجنْ خَافِي.
PSA 38:13 إِنِّي يَارزُّونْ أَذْ كّْسنْ ثُوذَارْثْ إِنُو، نذْينْ أَيِي ڒفْخُوخْ، إِنِّي يَارزُّونْ أَذْ أَيِي ڭّنْ ڒْغَارْ، سَّاوَاڒنْ أَمْ مّژْرنْ أَذْ أَردّْدْجنْ، نِيثْنِي شڒْغنْ س ڒْغشّْ أَسّْ مَارَّا.
PSA 38:14 [مَاشَا] نشّْ تّڭّغْ إِخفْ إِنُو أَخْمِي ذ أَذهْشُورْ، أَمْ ويْنَاوْ نِّي وَارْ يَارزّْمنْ أَقمُّومْ نّسْ.
PSA 38:15 نشّْ أَمْ ورْيَازْ وَارْ إِتّسْڒِينْ، ونِّي وَارْ غَارْ إِدْجِي ثْوَارِّيثْ زڭْ ؤُقمُّومْ نّسْ.
PSA 38:16 مَاغَارْ تّْرَاجِيغْ شكْ، [أَ] سِيذِي، شكْ أَذْ د-ثَارِّيذْ، [أَ] سِيذِي إِنُو، [أَ] أَربِّي إِنُو!
PSA 38:17 مَاغَارْ نِّيغْ: ”أجّْ إِ-ثنْ وَارْ خَافِي فَارّْحنْ، خْمِي غَا فَارْغنْ إِضَارنْ إِنُو، أجّْ إِ-ثنْ وَارْ سّمْغَارَانْ إِخفْ نْسنْ خَافِي.
PSA 38:18 مَاغَارْ نشّْ أَقَا أَذْ نْقَارْضغْ، ڒحْرِيقْ إِنُو أَقَا-ث ڒبْذَا زَّاثِي.
PSA 38:19 مَاغَارْ سَّارْڭْبغْ أَشْ ڒْمُوعْصِييّثْ إِنُو، أَقَا تّْوَاحصَّارغْ زِي دّنْبْ إِنُو.
PSA 38:20 ڒْعذْيَانْ إِنُو دَّارنْ، أَقَا أَثنْ س جّهْذْ، أَطَّاسْ [دْجَانْ] إِنِّي ذ أَيِي إِشَارّْهنْ بْڒَا سِّيبّثْ.
PSA 38:21 إِنِّي إِتَّارَّانْ ڒْخَارْ س ڒْغَارْ سّْبدّنْ إِخفْ نْسنْ ضِيدّْ إِنُو، ؤُمِي نشّْ أَرزُّوغْ خْ مِينْ إِصبْحنْ.
PSA 38:22 وَارْ ذَايِي سمّحْ، [أَ] سِيذِي، أَربِّي إِنُو، وَارْ خَافِي تَّاڭّْوجْ.
PSA 38:23 ذغْيثْ حِيمَا أَذْ أَيِي ثوْشِيذْ أَفُوسْ، [أَ] سِيذِي إِنُو، أَسنْجمْ إِنُو.
PSA 39:1 [إِ ؤُمقّْرَانْ ن إِمغْنَاجنْ. إِ يَاذُوثُونْ. أَزهّذْ ن ذَاوُوذْ.]
PSA 39:2 نِّيغْ: ”نشّْ أَذْ كَّارغْ أَذْ حْضِيغْ إِبْرِيذنْ إِنُو زِي دّنْبْ ن يِيڒسْ إِنُو، أَذْ طّْفغْ أَحطُّو غَارْ ؤُقمُّومْ إِنُو س إِشْثْ ن ثشْمَانْثْ، مِينْ غَا يكّْ ؤُعفَّانْ زَّاثِي.“
PSA 39:3 نشّْ ذوْڒغْ أَمْ ويْنَاوْ، [ڒحّْفغْ إِخفْ إِنُو س] ؤُسغْذْ، بكْمغْ ؤُڒَا خْ ڒْخَارْ، [مَاشَا] ڒحْرِيقْ إِنُو ثُوغَا يَارنِّي.
PSA 39:4 ؤُڒْ  إِنُو إِذْوڒْ  إِحمَّا ذِي ذَاخڒْ إِنُو، ثتّْوَاسَّارغْ إِشْثْ ن ثْمسِّي غَارْ ؤُنِيخْسسْ إِنُو. [خنِّي] سِّيوْڒغْ س يِيڒسْ إِنُو:
PSA 39:5 ”[أَ] سِيذِي، سْشنْ أَيِي أَنڭَّارْ إِنُو، مَانْ إِدْجَا ڒْقدّْ ن وُوسَّانْ إِنُو، حِيمَا أَذْ سّْنغْ مَامّشْ أَرخْفغْ.
PSA 39:6 خْزَارْ، شكْ ثَارِّيذْ ؤُسَّانْ إِنُو أَمْ يِيشْبَارنْ ن ؤُفُوسْ، ڒْْمِيجَاڒْ ن ثُوذَارْثْ إِنُو زَّاثْ إِ شكْ أَخْمِي ذ وَالُو. كُوڒْ بْنَاذمْ، مَامّشْ مَا إِبدّْ إِمْثنْ، نِيشَانْ أَمْ يِيشْثْ ن ثَايُّوثْ.“ سِيلَاهْ.
PSA 39:7 إِوَا، بْنَاذمْ إِڭُّورْ أَمْ يِيجّْ ن ڒخْيَاڒْ، وَاهْ، [أَمْ] إِشْثْ ن ثَايُّوثْ [أَمُّو إِ] إِتّْرَاحْ إِتَّاسْ-د. نتَّا إِسّْمُونْ، وَارْ إِسِّينْ مَانْ ونْ ث إِ غَا إِكْسِينْ [غَارسْ].
PSA 39:8 ؤُ ڒخُّو، مِينْ غَا سِّيثْمغْ، [أَ] سِيذِي إِنُو؟ أَقَا نشّْ تّْرَاجِيغْ شكْ!
PSA 39:9 فكّْ أَيِي زِي مَارَّا إِخطَّانْ إِنُو، وَارْ ذ أَيِي تّڭّْ شَا ذ ثِيسضْحَاشْ إِ ؤُبُوحَاڒِي.
PSA 39:10 نشّْ ذوْڒغْ أَمْ ويْنَاوْ، وَارْ أَرزّْمغْ أَقمُّومْ إِنُو، مَاغَارْ ذ شكْ إِ إِڭِّينْ أَيَا.
PSA 39:11 كْسِي زَّايِي جّْرِيحشْثْ نّشْ، أَقَا فنِّيغْ س ؤُطفُّو إِحصَّارنْ ن ؤُفُوسْ نّشْ.
PSA 39:12 [مَاڒَا] ثْسڭّْذذْ شَا ن ورْيَازْ س ثِييِّيثَا ذِي سِّيبّثْ ن ڒْمُوعْصِييّثْ نّسْ، [خنِّي] ثسّْفسْيذْ أَشوَّارْ ن وَادُّوذْ نّسْ أَمْ ثْشِينْذَا. إِوَا كُوڒْ بْنَاذمْ [أَذْ إِفْنَا] [أَمْ يِيشْثْ ن] ثَايُّوثْ. سِيلَاهْ.
PSA 39:13 سڒْ إِ ثْژَادْجِيثْ إِنُو، [أَ] سِيذِي، سْحسّْ إِ ؤُغُويِّي إِنُو. وَارْ تّبْكِيمْ غَارْ إِمطَّاونْ إِنُو، مَاغَارْ أَقَا أَيِي ذ أَبَارَّانِي، ذ أَمْعزّبْ غَاركْ، أَمْ مَارَّا ڒجْذُوذْ إِنُو.
PSA 39:14 سْحيّذْ خَافِي مَاحنْذْ أَذْ شعْشعغْ [عَاذْ س ڒفْرَاحثْ]، قْبڒْ أَذْ رَاحغْ ؤُ وَارْ [ذَا] تِّيڒِيغْ عَاذْ.
PSA 40:1 [إِ ؤُمقّْرَانْ ن إِمغْنَاجنْ. ن ذَاوُوذْ. أَزهّذْ.]
PSA 40:2 سِّيثِيمغْ قَاعْ خْ سِيذِي. نتَّا يَارَّا-د غَارِي س ؤُزدْجِيفْ، إِسّْحسّْ غَارْ ؤُغُويِّي إِنُو.
PSA 40:3 نتَّا إِسّْڭعّذْ أَيِي-د زڭْ إِجّْ ن وَانُو إِنقّنْ، زڭْ ؤُبدْجَاعْ ذ ؤُبَارْيُوضْ، نتَّا إِسَّارْسْ إِضَارنْ إِنُو خْ ثصْضَارْثْ، إِسّمْثنْ إِصُورَافْ إِنُو.
PSA 40:4 نتَّا إِڭَّا أَيِي إِجّْ ن يزْڒِي ذ أَمَايْنُو ذڭْ ؤُقمُّومْ إِنُو، إِجّْ ن إِزْڒِي ن ؤُصبّحْ إِ أَربِّي. أَطَّاسْ أَذْ ث ژَترنْ، أَذْ ثشْڒنْ خْ سِيذِي.
PSA 40:5 سّعْذْ ن ورْيَازْ ونِّي إِتّشْڒنْ خْ سِيذِي، ونِّي وَارْ إِتّْميّْڒنْ غَارْ أَيْثْ ن بُو-نّْفَاخثْ، ؤُڒَا غَارْ يِينِّي إِودَّارنْ غَارْ ؤُخَارِّيقْ.
PSA 40:6 أَطَّاسْ، [أَ] سِيذِي، أَربِّي إِنُو، ذ لْمُوعْجِيزَاثْ نِّي ثڭِّيذْ، ؤُڒَا ذ مِينْ ثنْوِيذْ خَانغْ. ؤُڒَا ذ إِجّْ إِزمَّارْ أَذْ إِعْبَارْ إِخفْ نّسْ أَكِيذكْ. نشّْ أَذْ ثنْثْ هَاجِيغْ، أَذْ زَّايْسنْثْ سِّيوْڒغْ. أَقَا نِيثنْثِي ذڭْ وَاطَّاسْ، وَارْ زمَّارنْثْ أَذْ تّْوَاحسْبنْثْ.
PSA 40:7 وَارْ ثخْسذْ ثَاغَارْصْثْ ذ ثوْهِيبْثْ [ن ڒْغِيدْجثْ]. شكْ ثَارْزْمذْ إِمزُّوغنْ إِنُو. ثَاغَارْصْثْ ن وشْمَاضْ ذ ثْغَارْصْثْ ن دّنْبْ وَارْ ثنْثْ ثتَّارذْ.
PSA 40:8 خنِّي نِّيغْ: ”خْزَارْ، نشّْ أَذْ د-أَسغْ، ذڭْ وذْلِيسْ إِتّْوَانّْضنْ يُورَا خَافِي.
PSA 40:9 نشّْ غَارِي مژْرِي، [أَ] أَربِّي، حِيمَا أَذْ ڭّغْ مِينْ ثخْسذْ شكْ. شَّارِيعَا نّشْ أَقَا-ت ذِي ذَاخڒْ إِنُو.“
PSA 40:10 نشّْ تّْبَارّْحغْ ڒخْبَارْ أَصبْحَانْ ن ثْسڭْذَا [نّشْ] ذڭْ وڭْرَاوْ [ن ڒْڭنْسْ] أَمقّْرَانْ. خْزَارْ، وَارْ تّقّْنغْ إِينْشِيشنْ إِنُو، [أَ] سِيذِي، شكْ ثسّْنذْ ث.
PSA 40:11 وَارْ تّْخمّْڒغْ ثَاسڭْذَا نّشْ ذَاخڒْ ذڭْ وُوڒْ إِنُو، سَّاوَاڒغْ خْ ثِيذتّْ نّشْ ؤُ خْ ؤُسنْجمْ نّشْ. ثَامخْسِيوْثْ نّشْ إِشوَّارنْ ذ ڒَامَانْ إِ ذَايكْ وَارْ ثنْ سّْنُوفَّارغْ ذڭْ وڭْرَاوْ [ن ڒْڭنْسْ] أَمقّْرَانْ.
PSA 40:12 شكْ، [أَ] سِيذِي، وَارْ خَافِي ثسّْبذِّيذْ أَرّحْمثْ نّشْ. أجّْ ثَامخْسِيوْثْ نّشْ إِشوَّارنْ ذ ڒَامَانْ إِ ذَايكْ أَذْ أَيِي حْضَانْثْ ڒبْذَا.
PSA 40:13 مَاغَارْ وَارْ إِزمَّارْ أَذْ إِتّْوَاحصّبْ ڒْْغَارْ إِ ذ أَيِي إِقُووَّارنْ، ڒْْمُوعْصِييَّاثْ إِنُو تّْمنْعنْثْ أَيِي-د، ذوْڒغْ وَارْ تّْوِيڒِيغْ عَاذْ [س مَانْ أَيَا]. أَقَا-ثنْثْ ذ أَطَّاسْ خْ ؤُشُوَّافْ ن ؤُزدْجِيفْ إِنُو، ؤُڒْ إِنُو إِتّفْشِيڒْ.
PSA 40:14 [أَ] سِيذِي، أَذْ أَشْ يَارْضَا حِيمَا أَذْ أَيِي ثْفكّذْ، [أَ] سِيذِي، ذغْيَاثْ حِيمَا أَذْ أَيِي ثوْشذْ أَفُوسْ.
PSA 40:15 أجّْ إِنِّي يَارزُّونْ ڒعْمَارْ إِنُو حِيمَا أَذْ ث ثحَّانْ أَذْ تّْوَاخَارْوضنْ، أَذْ سّْنُوفَارنْ إِخفْ نْسنْ [جْمِيعْ]، أجّْ إِنِّي إِفَارّْحنْ ذڭْ ؤُعدّبْ إِنُو أَذْ ذوْڒنْ غَارْ ضفَّارْ ؤُ أَذْ تّْوَاسّْبهْذْڒنْ.
PSA 40:16 أجّْ إِ-ثنْ أَذْ تّْوَاردّْدْجنْ أَمْ ؤُخدْجصْ إِ ڒفْضِيحثْ نْسنْ [إِ إِڭِّينْ]، إِنِّي ذِينْ إِقَّارنْ: ”هَا، هَا!“
PSA 40:17 أجّْ مَارَّا إِنِّي خَاكْ يَارزُّونْ، أَذْ أَرّنْ مژْرِي، أَذْ زَّايكْ فَارْحنْ. أجّْ إِنِّي إِتّخْسنْ أَسنْجمْ نّشْ أَذْ إِنِينْ ڒبْذَا: ”سِيذِي ذ أَمقّْرَانْ!“
PSA 40:18 نشّْ ذِي ڒغْبنْ ؤُ زڒْضغْ، [مَاشَا] سِيذِي إِنُو إِعْقڒْ خَافِي. شكْ ذ ونِّي ذ أَيِي إِوْشِينْ أَفُوسْ ذ ونِّي ذ أَيِي إِسّْنجْمنْ. [أَ] أَربِّي إِنُو، وَارْ تّْعطَّاڒْ شَا.
PSA 41:1 [إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.]
PSA 41:2 سّعْذْ ن ونِّي إِفهّْمنْ إِ ؤُمَارْخُو. سِيذِي أَذْ ث إِفكّْ ذڭْ وَاسّْ ن ڒْغَارْ.
PSA 41:3 سِيذِي ڭُّورْ أَذْ ث إِحْضَا، أَذْ ث يجّْ أَذْ إِدَّارْ، نتَّا أَذْ يَارّْ مژْرِي ذِي ثمُّورْثْ. وَارْ ث تّْسلَّامْ شَا غَارْ [مِينْ ذِينْ إِدْجَانْ] [ذِي] ڒعْمَارْ ن ڒْعذْيَانْ نّسْ.
PSA 41:4 سِيذِي أَذْ كِيذسْ إِبدّْ ذِي ثَاسُّوثْ ن ڒهْڒَاشْ. شكْ ثتّْبدّْڒذْ مَارَّا ڒشْثُو نّسْ ؤُمِي إِهدْجشْ.
PSA 41:5 نشّْ نِّيغْ: ”[أَ] سِيذِي، حِينّْ خَافِي، سْڭنْفَا ڒعْمَارْ إِنُو، مَاغَارْ خْضِيغْ أَكِيذكْ.“
PSA 41:6 ڒْعذْيَانْ إِنُو سَّاوَاڒنْ خَافِي س ڒْغَارْ: ”مڒْمِي إِ غَا إِمّثْ ؤُ أَذْ إِتّْوَاكّسْ إِسمْ نّسْ؟“
PSA 41:7 مَاڒَا يُوسَا-د [حذْ] مَاحنْذْ أَذْ [أَيِي] إِژَارْ، إِسَّاوَاڒْ ذِي ڒْبَاطڒْ. ؤُڒْ نّسْ إِسّْمُونْ غَارسْ ڒْغشّْ، [خنِّي] إِتّفّغْ غَارْ بَارَّا، إِسَّاوَاڒْ.
PSA 41:8 مَارَّا إِنِّي ذ أَيِي إِشَارّْهنْ تّمْثَامنْ خَافِي جْمِيعْ، أَقَا أَثنْ تّْخَارِّيصنْ ذَايِي، مَاحنْذْ [أَذْ] أَيِي [ڭّنْ] ڒْغَارْ.
PSA 41:9 إِڒْقفْ إِ-ث أَشْثَابْ أَبَارْشَانْ ؤُ ونِّي د-إِوْضَانْ [أَمُّو]، وَارْ د-إِتّكَّارْ عَاذْ.
PSA 41:10 ؤُڒَا ذ أَرْيَازْ وِي أَكْ-ذ دَّارغْ ذِي ڒهْنَا، ونِّي ذِي تِّيقّغْ، ونِّي إِشّنْ أَغْرُومْ إِنُو، أَقَا إِسّمْغَارْ خَافِي أَنِيرْزْ نّسْ.
PSA 41:11 [مَاشَا] شكْ، [أَ] سِيذِي، حِينّْ خَافِي، سْنكَّارْ أَيِي-د، [خنِّي] نشّْ أَذْ ثنْ خدْجْصغْ.
PSA 41:12 س مَانْ أَيَا أَذْ سّْنغْ أَقَا ؤُسِيغْ أَشْ-د خْ ڒْخَاضَارْ، مَاحنْذْ ڒعْذُو إِنُو وَارْ خَافِي إِتّْذُوقّزْ س ؤُسْڒِيوْڒوْ.
PSA 41:13 ؤُ خَافِي، أَقَا شكْ تِّيشذْ أَيِي أَفُوسْ [س وَاوَاڒْ نّكْ] خْ ڒكْمَارثْ إِنُو، ثسّْبدّذْ أَيِي زَّاثْ إِ وُوذمْ نّشْ إِ ڒبْذَا.
PSA 41:14 أَذْ إِتّْوَابَاركْ سِيذِي، أَربِّي ن إِسْرَائِيل، زِي ڒبْذَا أَڒْ إِ ڒبْذَا! أَمِينْ، [وَاهْ،] أَمِينْ!
PSA 42:1 [إِ ؤُمقّْرَانْ ن إِمغْنَاجنْ. أَخمِّي ن أَيْثْ ن قُورَاحْ.]
PSA 42:2 أَمْ إِغَايْضْ ن وزْغَارْ إِتّْمژْرِي غَارْ ثْغزْرَاثِينْ ن وَامَانْ، أَمُّو ؤُڒَا ذ ؤُڒْ  إِنُو إِتّْمژْرِي غَاركْ، [أَ] أَربِّي.
PSA 42:3 ڒعْمَارْ إِنُو إِتّْفَاذَا غَارْ أَربِّي، غَارْ أَربِّي إِدَّارنْ. مڒْمِي إِ غَا أَذْفغْ، أَذْ بَانغْ زَّاثْ إِ وُوذمْ ن أَربِّي؟
PSA 42:4 إِمطَّاونْ إِنُو ثُوغَا أَثنْ ذ أَغْرُومْ إِنُو أَسّْ ذ دْجِيڒثْ، ؤُمِي ذ أَيِي قَّارنْ أَسّْ إِمُونْ: ”مَانِي إِدْجَا أَربِّي نّشْ؟“
PSA 42:5 نشّْ تِّيذَارغْ ذِي مَانْ أَيَا ؤُ سّْفَارّْغغْ ڒعْمَارْ إِنُو ذَايِي، مَاغَارْ نشّْ تّْنُومغْ ڭّعّْذغْ ذڭْ إِجّْ ن ؤُهِيمُورْ إِقّنْ، أَمْ ڭُّورغْ أَكِيذْسنْ غَارْ ثَادَّارْثْ ن أَربِّي، س ڒْحسّْ ن ؤُسْڒِيوْڒوْ ذ ؤُقَاذِي، إِجّْ نْ ڒْغَاشِي إِتّْعيّْذنْ.
PSA 42:6 [أَ] ڒعْمَارْ إِنُو، مَايمِّي ثْقنْضذْ أَمُّو، ثْهكّْوڒذْ ذَايِي؟ رَاجَا أَربِّي، مَاغَارْ أَذْ قِّيمغْ أَذْ ث قَاذِيغْ عَاذْ خْ إِسنْجَامنْ [إِ د-إِتّفّْغنْ] [زِي زَّاثْ] ن وُوذمْ نّسْ.
PSA 42:7 [أَ] أَربِّي، ڒعْمَارْ إِنُو إِقْنضْ أَمُّو ذَايِي. خْ ؤُيَا تِّيذَارغْ شكْ زِي ثمُّورْثْ ن لْ-ؤُرْذُونْ، زڭْ [إِذُورَارْ ن] هِيرْمُونْ، زڭْ إِذُورَارْ ن مِيصْعَارَا.
PSA 42:8 ڒْحمْڒثْ ثتّْڒَاغَا إِ ڒْحمْڒثْ نّغْنِي غَارْ زّْهِيرْ ن إِشرْشُورنْ نّشْ، مَارَّا ڒمْهَامذْ نّشْ ذ ڒمْوَاجْ نّشْ كِّينْ خَافِي.
PSA 42:9 أجّْ سِيذِي أَذْ إِوصَّا ثَامخْسِيوْثْ نّسْ إِشوَّارنْ س وَاسّْ، [ؤُشَا] أَذْ غَارِي يِيڒِي يِيجّْ ن إِزْڒِي ذِي دْجِيڒثْ، أَقَا-ث ذ ثْژَادْجِيثْ إِ أَربِّي ن ثُوذَارْثْ إِنُو.
PSA 42:10 نشّْ أَذْ إِنِيغْ إِ أَربِّي: ”ثَاصْضَارْثْ إِنُو [ذ شكْ]، مَايمِّي ذ أَيِي ثتُّوذْ؟ مَايمِّي ڭُّورغْ [ذڭْ ورُّوضْ] ذ أَبَارْشَانْ زِي سِّيبّثْ ن دّدْجْ ن ڒعْذُو؟“
PSA 42:11 إِنِّي ذ أَيِي إِحصَّارنْ سّْبهْتّْڒنْ أَيِي س إِشْثْ ن ثَاجُّوثْ إِنقّنْ ذڭْ إِغْسَانْ إِنُو، ؤُمِي ذ أَيِي قَّارنْ: ”مَانِي إِدْجَا أَربِّي نّشْ؟“
PSA 42:12 [أَ] ڒعْمَارْ إِنُو، مَايمِّي ثْقنْضذْ أَمُّو، ثْهكّْوڒذْ ذَايِي؟ رَاجَا أَربِّي، مَاغَارْ أَذْ ث قَاذِيغْ عَاذْ خْ إِسنْجَامنْ [إِ د-إِتّفّْغنْ] [زِي زَّاثْ] ن وُوذمْ إِنُو، ؤُ [زِي زَّاثْ ن] أَربِّي إِنُو.
PSA 43:1 [مِينْ إِقِّيمنْ ن ؤُزهّذْ 42] أَغْ أَيِي ثَاسْغَارْثْ، [أَ] أَربِّي، نْذهْ دّعْوثْ إِنُو. فكّْ أَيِي زڭْ إِجّْ ن ڒْڭنْسْ وَارْ ذَايسْ بُو ثْمخْسِيوْثْ، زڭْ ورْيَازْ ن ثحْرَايْمشْثْ ذ دّدْجْ.
PSA 43:2 أَقَا شكْ ذ أَربِّي ن جّهْذْ إِنُو، مَايمِّي [خنِّي] ذ أَيِي ثنْضَارذْ؟ مَايمِّي ڭُّورغْ [ذڭْ ورُّوضْ] ذ أَبَارْشَانْ زِي سِّيبّثْ ن دّدْجْ ن ڒعْذُو؟“
PSA 43:3 سكّْ-د ثَافَاوْثْ نّشْ ذ ثِيذتّْ نّشْ، مَاحنْذْ أَذْ أَيِي ڭوّْذنْثْ، أَذْ أَيِي نذْهنْثْ غَارْ وذْرَارْ نّشْ إِقدّْسنْ ؤُ غَارْ ثْزذِّيغِينْ نّشْ،
PSA 43:4 [أَڒَامِي] إِ غَا د-أَسغْ غَارْ ؤُعَالْطَارْ، [ڒْمذْبحْ ن وشْمَاضْ] ن أَربِّي، غَارْ أَربِّي ن ڒفْرَاحثْ، [ونِّي ذ] أَرْشقْ إِنُو. نشّْ أَذْ شكْ قَاذِيغْ س ڒْڭَامْبْرِي، [أَ] أَربِّي، أَربِّي إِنُو!
PSA 43:5 [أَ] ڒعْمَارْ إِنُو، مَايمِّي ثْقنْضذْ أَمُّو، ثْهكّْوڒذْ ذَايِي؟ رَاجَا أَربِّي، مَاغَارْ أَذْ ث قَاذِيغْ عَاذْ خْ إِسنْجَامنْ [إِ د-إِتّفّْغنْ] [زِي زَّاثْ] ن وُوذمْ إِنُو، ؤُ [زِي زَّاثْ ن] أَربِّي إِنُو.
PSA 44:1 [إِ ؤُمقّْرَانْ ن إِمغْنَاجنْ. زڭْ أَيْثْ ن قُورَاحْ. أَخمِّي.]
PSA 44:2 [أَ] أَربِّي، نشِّينْ نسْڒَا ت س إِمزُّوغنْ نّغْ، ڒجْذُوذْ نّغْ حَاجَانْ أَنغْ ت: شكْ ثڭِّيذْ إِشْثْ ن ثْمڭِّيثْ ذڭْ وُوسَّانْ نْسنْ، ذڭْ وُوسَّانْ ن وشْحَاڒْ ؤُيَا.
PSA 44:3 س ؤُفُوسْ نّشْ أَقَا ثسُّوفّْغذْ ڒڭْنُوسْ زِي ثسْغَارْثْ [نْسنْ]، [خنِّي] ثژُّوذْ ثنْ [ذَايسْ]. شكْ ثڭِّيذْ ڒْغَارْ ذِي شُّوعُوبْ، ثْبزّْعذْ ثنْ.
PSA 44:4 نِيثْنِي مَاشَا وَارْ وَارْثنْ ثَامُّورْثْ س سِّيفْ، أَغِيڒْ نْسنْ وَارْ ذ أَسنْ د-يِيوِي أَسنْجمْ، [مَاشَا] أَفُوسْ نّشْ أَفُوسِي، أَغِيڒْ نّشْ ذ ثْفَاوْثْ ن وُوذمْ نّشْ، مِينْزِي نِيثْنِي ؤُفِينْ أَرْضَا [ذِي ثِيطَّاوِينْ نّشْ].
PSA 44:5 أَقَا شكْ ذ أَجدْجِيذْ إِنُو، [أَ] أَربِّي! أوْشْ [عَاذْ ڒخُّو] ڒُومُورْ إِ إِسنْجَامنْ ن يَاعْقُوبْ.
PSA 44:6 أَكِيذكْ أَذْ نغْضڒْ إِنِّي ذ أَنغْ إِحصَّارنْ، س يِيسمْ نّشْ أَذْ نعْفسْ خْ يِينِّي خَانغْ إِتّمْعَاڒَانْ.
PSA 44:7 مَاغَارْ وَارْ تّشْڒغْ خْ ڒْقوْسْ إِنُو، سِّيفْ إِنُو وَارْ ذ أَيِي إِسّنْجَامْ.
PSA 44:8 مَاغَارْ شكْ ثسّنْجَامذْ أَنغْ زڭْ إِنِّي ذ أَنغْ إِحصَّارنْ، ثسّْبهْذِيڒذْ إِنِّي ذ أَنغْ إِشَارّْهنْ.
PSA 44:9 نْصبّحْ إِ أَربِّي أَسّْ مَارَّا، أَذْ نْقَاذَا إِسمْ نّشْ إِ ڒبْذَا. سِيلَاهْ.
PSA 44:10 مَاشَا ڒخُّو ثنْضَارذْ أَنغْ، ثسّْبهْذَاڒذْ أَنغْ، شكْ وَارْ ثتّفِّيغذْ شَا أَكْ-ذ ڒْعسْكَارَاثْ نّغْ [غَارْ ؤُمنْغِي].
PSA 44:11 شكْ ثجِّيذْ أَنغْ نتّْرَاكّْوَاڒْ زَّاثْ إِ ونِّي ذ أَنغْ إِحصَّارنْ، إِنِّي ذ أَنغْ إِشَارّْهنْ تّْكشّْضنْ [مِينْ تّخْسنْ] إِ يِيخفْ نْسنْ.
PSA 44:12 شكْ ثوْشِيذْ أَنغْ أَمْ وُودْجِي إِ مَاشَّا، ثزُّوزَارذْ أَنغْ جَارْ ڒڭْنُوسْ.
PSA 44:13 شكْ ثزّْنُوزِيذْ ڒْڭنْسْ نّشْ س وَالُو، ذڭْ ؤُزّنْزِي نْسنْ وَارْ غَاركْ بُو ڒفْضڒْ.
PSA 44:14 شكْ ثتّڭّذْ أَنغْ ذ ڒْحڭْرَا إِ وَاجَّارنْ نّغْ، ذ أَسْثهْزِي ذ ؤُبهْذڒْ غَارْ يِينِّي ذ أَنغْ-د إِتّنّْضنْ.
PSA 44:15 شكْ ثتّڭّذْ أَنغْ ذ أَمذْيَا جَارْ ڒڭْنُوسْ، [ثتّڭّذْ] أَذْ خَانغْ هزّنْ أَزدْجِيفْ جَارْ شُّوعُوبْ.
PSA 44:16 أَسّْ مَارَّا ڒْعَارْ إِنُو أَقَا-ث زَّاثِي [جَارْ ثِيطَّاوِينْ إِنُو]، ڒحْيَا إِذْڒَا أَغمْبُوبْ إِنُو،
PSA 44:17 زِي ثْمِيجَّا ن يِينِّي إِسّحْقَارَّانْ، تّْشقَّافنْ، زِي سِّيبّثْ ن ڒعْذُو ؤُ ن ونِّي يَارزُّونْ أَنْثَاقمْ.
PSA 44:18 أَيَا مَارَّا إِكَّا خَانغْ، [مَاشَا] وَارْ شكْ نتُّو، وَارْ نْغشّْ شَا ذِي ڒْعَاهْذْ نّشْ.
PSA 44:19 ؤُڒْ نّغْ وَارْ إِذْوِيڒْ غَارْ ضفَّارْ، إِصُورَافْ نّغْ وَارْ د-فِّيغنْ شَا زڭْ ؤُمسْرُوقْ نّشْ،
PSA 44:20 وَاخَّا شكْ ثْڒبْزذْ أَنغْ ذڭْ ومْشَانْ ن وُوشَّاننْ ن ڒخْڒَا، ثذْڒِيذْ أَنغْ س ثِيڒِي ن ڒْموْثْ.
PSA 44:21 مْڒِي ثُوغَا نتُّو إِسمْ ن أَربِّي نّغْ، نسّْوِيژّضْ إِفَاسّنْ نّغْ غَارْ يِيجّْ ن أَربِّي ذ أَغْرِيبْ،
PSA 44:22 مَا إِڒِي أَربِّي وَارْ يَارزُّو ذِي مَانْ أَيَا؟ أَقَا نتَّا يَارڭّبْ خْ مِينْ إِنُّوفَّارنْ ذڭْ وُوڒْ.
PSA 44:23 مَاغَارْ ذِي طّْوعْ نّشْ نقّنْ أَنغْ كُوڒْ أَسّْ، أَقَا حسّْبنْ أَنغْ أَمْ وُودْجِي ن ثْغَارْصْثْ.
PSA 44:24 فَاقْ، مَايمِّي ثطّْصذْ، سِيذِي إِنُو؟ فَاقْ، وَارْ ذ أَنغْ نطَّارْ إِ ڒبْذَا!
PSA 44:25 مَايمِّي غَا ثفَّارذْ ؤُذمْ نّشْ، أَذْ ثتُّوذْ ڒغْبنْ ذ دّدْجْ نّغْ؟
PSA 44:26 مَاغَارْ ڒعْمَارْ نّغْ إِتَّاضَارْ غَارْ ثْعجَّاجْثْ، أَعذِّيسْ نّغْ إِڒصّقْ ذِي ثمُّورْثْ.
PSA 44:27 كَّارْ، أوْشْ أَنغْ أَفُوسْ، فْذِي خَانغْ ذِي طّْوعْ ن ثْمخْسِيوْثْ نّشْ إِشوَّارنْ.
PSA 45:1 [إِ ؤُمقّْرَانْ ن إِمغْنَاجنْ. س ثغْنِينْثْ ن ’ثْلِيلِّيشِينْ‘.] [زڭْ أَيْثْ ن قُورَاحْ. أَخمِّي. إِزْڒِي ن ثَايْرِي.]
PSA 45:2 زڭْ وُوڒْ إِنُو إِدُّوقّزْ-د إِجّْ ن وَاوَاڒْ ذ أَصبْحَانْ، قَّارغْ إِ ؤُجدْجِيذْ مِينْ سّْوجْذغْ، إِڒسْ إِنُو ذ ڒقْڒمْ ن إِجّْ ن ؤُمَارِيرْ إِمحْضنْ.
PSA 45:3 ”شكْ ثشْنِيذْ خْ مَارَّا ثَارْوَا ن بْنَاذمْ، ڒْْخَاضَارْ إِتّْوَازدْجعْ خْ إِينْشِيشنْ نّشْ، خْ ؤُيَا إِبَاركْ إِ شكْ أَربِّي إِ ڒبْذَا.
PSA 45:4 بْيسْ سِّيفْ خْ ثْمسَّاضْثْ نّشْ، [أَ] بُو-ثغْرُوضْثْ، ثِيسِّيقْثْ نّشْ ذ ڒْعزّْ نّشْ.
PSA 45:5 [وَاهْ]، ڒْعزّْ نّشْ! إِڒِي ثْفڒْحذْ، نْذهْ ذِي طّْوعْ ن ثِيذتّْ، [ضِيدّْ إِ] ڒحْصَارثْ ن ثْسڭْذَا. أَفُوسْ نّشْ أَفُوسِي أَذْ شكْ إِسّڒْمذْ ثِيمسْڒَايِينْ سَّاڭّْوَاذنْثْ.
PSA 45:6 فْڒِيثْشَاثْ نّشْ قضْعنْثْ، - [وَاهْ،] ڒڭْنُوسْ أَذْ وْضَانْ سَاذُو [ؤُفُوسْ] نّشْ - شُوقنْثْ ؤُڒْ ن ڒْعذْيَانْ ن ؤُجدْجِيذْ.
PSA 45:7 ڒْكُورْسِي نّشْ إِڭلّْذنْ، [أَ] أَربِّي، أَقَا-ث إِ ڒبْذَا قَاعْ. أَزدْجَاضْ ن ثْڭلْذِيثْ نّشْ ذ إِجّْ ن ؤُزدْجَاضْ ن ثْسڭْذَا.
PSA 45:8 شكْ ثتّخْسذْ ثَاسڭْذَا ؤُ ثْشَارّْهذْ ڒْغَارْ. خْ ؤُيَا إِ شكْ إِذْهنْ، [أَ] أَربِّي، أَربِّي نّشْ س زّشْثْ ن ڒفْرَاحثْ ثِيوَا إِ إِعْشِيرنْ نّشْ.
PSA 45:9 مَارَّا ڒعْبَايَاثْ نّشْ أَمْ مِيرُّو ذ وشْفِيڒْ ذ ڒْقَارْفَا، زِي ڒقْصُورْ ن ڒْعَاجْ سّْفَارَّاحنْ شكْ س ؤُزنْزُونْ خْ إِفِيڒَانْ [ن ڒْڭَامْبْرِي]،
PSA 45:10 يسِّيسْ ن ؤُجدْجِيذْ أَقَا-ثنْثْ جَارْ ثِينوْجِيوِينْ نّشْ إِوقَّارنْ، ثَاسْڒِيثْ ن ؤُجدْجِيذْ ثْبدّْ أَشْ خْ ؤُفُوسِي، س [ورُّوضْ زڭْ] وُورغْ إِغْڒَانْ قَاعْ زِي ؤُفِيرْ.
PSA 45:11 سڒْ، [أَ] يدْجِي، خْزَارْ، أوْشْ أَمزُّوغْ نّمْ! تُّو ڒْڭنْسْ نّمْ ذ ثَادَّارْثْ ن بَابَامْ!
PSA 45:12 [خنِّي] أَجدْجِيذْ أَذْ إِمّژْرِي ذڭْ وَاژْرِي نّمْ، مَاغَارْ نتَّا ذ سِيذِي نّمْ! بنْذقْ زَّاثسْ!
PSA 45:13 يدْجِيسْ ن صُورْ س إِشْثْ ن ثَارْزفْثْ، [وَاهْ،] أَيْثْ ن بُو-وَاڭْڒَا ن إِجّْ ن ڒْڭنْسْ أَذْ أَرْزُونْ أَذْ خَامْ أَرْضَانْ.
PSA 45:14 يدْجِيسْ ن ؤُجدْجِيذْ أَقَا-ت ذ أَعُودْجِي مَارَّا ذَاخڒْ، أَرُّوضْ نّسْ ذ إِجّْ ن ؤُمُوذِي [زڭْ ؤُفِيڒُو] ن وُورغْ.
PSA 45:15 أَذْ ثتّْوَانْذهْ غَارْ ؤُجدْجِيذْ ذڭْ وَارُّوضْ س ثِينْثَاثْ إِفَارْزنْ. ثِيعْزَارِييِّينْ ثِينِّي ت إِضفَّارَانْ، أَقَا أَثنْثْ ذ ثِيمدُّوكَّاڒْ نّسْ نِّي د غَاركْ تّْوَاوْينْثْ.
PSA 45:16 أَقَا تّْوَاوْينْثْ س ڒفْرَاحثْ ذ وَارْشقْ، [أَمُّو] إِ غَا أَذْفنْثْ غَارْ ڒقْصَارْ ن ؤُجدْجِيذْ.
PSA 45:17 ثَارْوَا نّشْ أَذْ إِڒِينْ ذڭْ ومْشَانْ ن ڒجْذُوذْ نّشْ، شكْ أَذْ ثنْ ثڭّذْ ذ ڒْحُوكَّامْ ذِي مَارَّا ثَامُّورْثْ.
PSA 45:18 نشّْ أَذْ إِذَارغْ إِسمْ نّشْ ذِي كُوڒْ جِّيڒْ ذ [كُوڒْ] جِّيڒْ [أَوَارْنِي أَسْ]. خْ ؤُيَا، أَذْ شكْ قَاذَانْ مَارَّا ڒڭْنُوسْ إِ ڒبْذَا قَاعْ.“
PSA 46:1 [إِ ؤُمقّْرَانْ ن إِمغْنَاجنْ. زڭْ أَيْثْ ن قُورَاحْ.] [س لهَارْپَاثْ إِتّْوَارِّيڭْلَانْ غَارْ سنّجْ. إِزْڒِي.]
PSA 46:2 أَربِّي ذ أَمْشَانْ ن ثَاروْڒَا ذ جّهْذْ إِ نشِّينْ. أَقَا إِبَانْ-د إِتِّيشْ أَفُوسْ أَطَّاسْ ذِي ڒحْصَارَاثْ.
PSA 46:3 خْ ؤُيَا وَارْ نتّڭّْوذْ شَا، وَاخَّا أَذْ ثْبدّڒْ ثَامُّورْثْ، أَذْ وْضَانْ إِذُورَارْ ذڭْ وُوڒْ نْ ڒبْحُورْ،
PSA 46:4 أَذْ هَاجَانْثْ ڒْحمْڒَاثْ نّسْ، أَذْ ڭّنْثْ أَكُوفُّو، أَذْ نْهزّنْ إِذُورَارْ س ؤُنّقْڒبْ نّسْ! سِيلَاهْ.
PSA 46:5 ثِيغزْرَاثِينْ ن إِغْزَارْ أَذْ سّْفَارّْحنْثْ ثَانْذِينْثْ ن أَربِّي، زَّاوشْثْ إِقدّْسنْ ن ثْزذِّيغِينْ ن ؤُمْعُودْجِي خْ كُوڒْشِي.
PSA 46:6 أَربِّي أَقَا-ث ذِي ڒْوسْثْ نّسْ، وَارْ ثتّنْهزَّا، أَربِّي أَذْ أَسْ إِوْشْ أَفُوسْ خْمِي د غَا ثسِّيجْ ثُوفُّوثْ.
PSA 46:7 ڒڭْنُوسْ مُوزَّارنْ، ثِيڭلْذِيوِينْ نْهزّنْثْ. نتَّا إِڭَّا ثْمِيجَّا نّسْ أَذْ ثتّْوَاسڒْ، ثَامُّورْثْ أَقَا ثفْسِي.
PSA 46:8 سِيذِي ن ڒْعسْكَارَاثْ أَقَا-ث أَكِيذْنغْ، أَربِّي ن يَاعْقُوبْ ذ لْبُورْجْ نّغْ يُوعْڒَانْ. سِيلَاهْ.
PSA 46:9 أَسمْ-د، خْزَارمْ ثِيمڭَّا ن سِيذِي، نتَّا إِ إِڭِّينْ أَنخْڒِيعْ خْ ثمُّورْثْ.
PSA 46:10 نتَّا إِسّْبدَّا إِمنْغَانْ أَڒْ أَنڭَّارْ ن ثمُّورْثْ، نتَّا أَذْ يَارْژْ ڒْقوْسْ، إِشَّاثْ لَانْسَا ذِي إِوثْوِيثنْ، إِكَارُّوثنْ إِسّشْمَاضْ إِ-ثنْ س ثْمسِّي.
PSA 46:11 سْبدّْ، سْنمْ إِلَّا أَقَا نشّْ ذ أَربِّي. نشّْ أَذْ تّْوَاسّْڭعّْذغْ جَارْ ڒڭْنُوسْ، نشّْ أَذْ تّْوَاسّْڭعّْذغْ خْ ثمُّورْثْ.
PSA 46:12 سِيذِي ن ڒْعسْكَارَاثْ أَقَا-ث أَكِيذْنغْ، أَربِّي ن يَاعْقُوبْ ذ لْبُورْجْ يُوعْڒَانْ إِ نشِّينْ. سِيلَاهْ.
PSA 47:1 [إِ ؤُمقّْرَانْ ن إِمغْنَاجنْ. زڭْ أَيْثْ ن قُورَاحْ. أَزهّذْ.]
PSA 47:2 [أَ] مَارَّا ڒڭْنُوسْ، وْثمْ ذڭْ إِفَاسّنْ، ذُوقّْزمْ س ؤُسْڒِيوْڒوْ زَّاثْ إِ أَربِّي.
PSA 47:3 مَاغَارْ سِيذِي، أَمْعُودْجِي خْ كُوڒْشِي، أَقَا إِسَّاڭّْوَاذْ، نتَّا ذ إِجّْ ن ؤُجدْجِيذْ ذ أَمقّْرَانْ خْ مَارَّا ثَامُّورْثْ.
PSA 47:4 نتَّا إِسَّاضَارَا أَنغْ ڒڭْنُوسْ، نتَّا [يَارَّا] شُّوعُوبْ سَاذُو إِضَارنْ نّغْ.
PSA 47:5 نتَّا إِفَارّزْ ثَاسْغَارْثْ نّغْ إِ نشِّينْ، [ثنِّي ذ] أَفيّشْ ن يَاعْقُوبْ ونِّي ثُوغَا إِتّخْسْ. سِيلَاهْ.
PSA 47:6 أَربِّي يُوڒِي سنّجْ س ؤُسْڒِيوْڒوْ، سِيذِي، غَارْ ثْمِيجَّا ن ؤُسُوضِي ذڭْ ؤُيِيشّْ ن إِشَارِّي.
PSA 47:7 زهّْذمْ إِ أَربِّي، زهّْذمْ! زهّْذمْ إِ ؤُجدْجِيذْ، زهّْذمْ!
PSA 47:8 مَاغَارْ أَربِّي ذ أَجدْجِيذْ خْ مَارَّا ثَامُّورْثْ. زهّْذمْ [أَيَا] إِ ؤُخمِّي ذَايسْ.
PSA 47:9 أَربِّي إِحكّمْ خْ ڒڭْنُوسْ، أَربِّي إِتّْغِيمَا خْ ڒْعَارْشْ نّسْ إِقدّْسنْ.
PSA 47:10 ثَارْوَا ن ثَاصِيڒثْ نْ ڒڭْنُوسْ تّْوَاسّْمُوننْ أَكْ-ذ ڒْڭنْسْ ن أَربِّي ن إِبْرَاهِيمْ، مَاغَارْ ثِيسدَّارِييّنْ إِ ؤُسڒْقِي ن ثمُّورْثْ إِ أَربِّي. نتَّا أَقَا إِتّْوَاسّْعُودْجْ قَاعْ.
PSA 48:1 [إِزْڒِي، أَزهّذْ زڭْ أَيْثْ ن قُورَاحْ.]
PSA 48:2 سِيذِي ذ أَمقّْرَانْ، إِسْذَاحدْجْ أَذْ إِتّْوَاسّمْغَارْ أَطَّاسْ، ذِي ثنْذِينْثْ ن أَربِّي نّغْ، خْ وذْرَارْ نّسْ إِقدّْسنْ.
PSA 48:3 ڒُْوعْڒَا [نّسْ] ذ ڒمْڒَاحثْ، أَذْرَارْ ن صِيهْيُونْ أَقَا-ث ذ ڒفْرَاحثْ إِ مَارَّا ثَامُّورْثْ، غَارْ ؤُغزْذِيسْ ن شَّامَالْ ن ثنْذِينْثْ ن ؤُجدْجِيذْ ذ أَمقّْرَانْ.
PSA 48:4 أَربِّي أَقَا-ث ذِي ڒقْصُورْ نّسْ، نتَّا إِتّْوَاسّنْ أَمْ يِيجّْ ن لْبُورْجْ يُوعْڒَانْ.
PSA 48:5 مَاغَارْ خْزَارْ، إِجدْجِيذنْ مُوننْ، أَقَا فّْغنْ جْمِيعْ.
PSA 48:6 [ڒَْامِي ث] ژْرِينْ، ثْبهْثنْ، أَقَا نّْجرْفَانْ ؤُشَا أَروْڒنْ ذغْيَا.
PSA 48:7 ذِينِّي ثطّفْ إِ-ثنْ ثَارْجِيجِيثْ، أَمْ ڒحْرِيقْ ن إِشْثْ ن [ثمْغَارْثْ] ثتَّارُو.
PSA 48:8 س ؤُسمِّيضْ زِي شَّارْقْ ثتَّارژِّيذْ إِغَارُّوبَا ن ثَارْشِيشْ.
PSA 48:9 أَمْ مَامّشْ ثُوغَا ت نسْڒَا، أَمُّو إِ ت نثْوَاڒَا ذِي ثنْذِينْثْ ن سِيذِي ن ڒْعسْكَارَاثْ، ذِي ثنْذِينْثْ ن أَربِّي نّغْ. أَربِّي أَذْ ت إِسّمْثنْ إِ ڒبْذَا. سِيلَاهْ.
PSA 48:10 [أَ] أَربِّي، نِيذَارْ ثَامخْسِيوْثْ نّشْ إِشوَّارنْ، ذِي ڒْوسْطْ ن زَّاوشْثْ نّشْ ثَامقّْرَانْثْ.
PSA 48:11 أَمْ إِسمْ نّشْ، [أَ] أَربِّي، أَمُّو إِتَّاكّْوَاضْ ؤُڒَا ذ شَّانْ نّشْ أَڒْ ثِينڭُّورَا ن ثمُّورْثْ. أَفُوسْ نّشْ أَفُوسِي إِشُّورْ س ثْسڭْذَا.
PSA 48:12 أجّْ أَذْرَارْ ن صِيهْيُونْ أَذْ إِفَارْحْ، جّمْ يسِّيسْ ن يَاهُوذَا أَذْ أَرشْقنْثْ زِي سِّيبّثْ ن ڒحْكَامَاثْ نّشْ.
PSA 48:13 كّمْ خْ صِيهْيُونْ، نّْضمْ أَسْ-د، حسْبمْ صُّومْعَاثْ نّسْ!
PSA 48:14 ڭّمْ ؤُڒْ نْومْ خْ ڒْحِيضْ نّسْ إِجهْذنْ، خْزَارمْ مْلِيحْ ذِي ڒقْصُورْ نّسْ، حِيمَا أَذْ ت تّْعَاوْذذْ إِ جِّيڒْ  إِ د غَا يَاسنْ.
PSA 48:15 مَاغَارْ أَربِّي وَانِيثَا ذ أَربِّي نّغْ [إِ] ڒبْذَا قَاعْ. نتَّا أَذْ أَنغْ إِنْذهْ غَارْ ؤُجمَّاضْ ن ڒْموْثْ.
PSA 49:1 [إِ ؤُمقّْرَانْ ن إِمغْنَاجنْ. زڭْ أَيْثْ ن قُورَاحْ. أَزهّذْ.]
PSA 49:2 سْڒمْ [إِ] ؤُيَا، مَارَّا ڒڭْنُوسْ، سْحسّمْ مَارَّا، [أَ] إِمزْذَاغْ ن دُّونشْثْ،
PSA 49:3 أَمْ ثَارْوَا ن أَذَامْ، أَمْ ثَارْوَا ن إِجّْ ن ورْيَازْ، أَيْثْبَابْ ن وَاڭْڒَا ذ إِمزْڒَاضْ جْمِيعْ أَكْ-ذ وَايَاوْيَا!
PSA 49:4 أَقمُّومْ إِنُو إِسَّاوَاڒْ ثِيغِيثْ، إِخَارِّيصنْ ن وُوڒْ إِنُو [شُّورنْ] س ڒفْهَامثْ.
PSA 49:5 نشّْ أَذْ وْشغْ أَمزُّوغْ إِنُو إِ وَاوَاڒْ إِوزْننْ، أَذْ سَّارْڭْبغْ ثْحَاجِيثْ إِنُو ن ثْوَافِيثْ غَارْ [ثِيرَارْثْ ن] ڒْڭَامْبْرِي.
PSA 49:6 مَايمِّي غَا ڭّْوذغْ ذڭْ وُوسَّانْ إِعفَّاننْ، خْمِي د أَيِي ثتّنّضْ ڒْمُوعْصِييّثْ ن يِينِّي ذ أَيِي د-إِضفَّارنْ ذِي ثِيرِي إِنُو.
PSA 49:7 [أَقَا ذِينْ] إِنِّي إِتّْشَاڒنْ خْ ڒكْسِيبثْ نْسنْ، تّْفيّْشنْ س وَاڭْڒَا نْسنْ أَمقّْرَانْ،
PSA 49:8 [مَاشَا] ؤُڒَا ذ إِجّْ ن ثَاوْمَاثْ وَارْ إِزمَّارْ أَذْ إِفْذِي يِيجّْ ن ورْيَازْ، وَارْ إِزمَّارْ أَذْ إِخدْجصْ دّيّثْ ن يِيخفْ نّسْ إِ أَربِّي.
PSA 49:9 تَّامَانْ ن وصْڒَاحْ ن ڒعْمَارْ نْسنْ ثِيغْڒَا أَطَّاسْ، وَارْ د-ثتِّيسْ إِ ڒبْذَا،
PSA 49:10 حِيمَا نتَّا أَذْ إِدَّارْ إِ ڒبْذَا، عمَّارْصْ وَارْ إِتّْكِيشُّو.
PSA 49:11 مَاغَارْ إِتّْوَاڒَا إِمِيغِيسنْ مُّوثنْ، [ؤُڒَا ذ] أَبُوهَاڒِي ذ ؤُقفُّوحْ أَذْ تّْوَاقسّنْ س ثْنَاينْ، أَذْ جّنْ ڒكْسِيبثْ نْسنْ إِ إِنّغْنِي أَوَارْنِي أَسنْ.
PSA 49:12 أَخَارّصْ ن وُوڒْ نْسنْ أَقَا ثُوذْرِينْ نْسنْ [أَذْ قِّيمنْثْ] إِ ڒبْذَا، ثِيزذِّيغِينْ نْسنْ زِي جِّيڒْ أَڒْ جِّيڒْ. [وَاخَّا] ؤُڒَا ذ ثِيمُّورَا ڭِّينْ أَسنْثْ إِسْمَاونْ نْسنْ.
PSA 49:13 بْنَاذمْ إِ غَارْ إِدْجَا شَّانْ، وَارْ إِتّْغِيمِي شَا، نتَّا أَمْ ڒبْهِيمثْ إِفنَّانْ.
PSA 49:14 وَا ذ أَبْرِيذْ إِ غَارْسنْ، مِينْ خفْ تّْسنَّاذنْ، ؤُشَا إِنِّي ثنْ إِضفَّارنْ أَذْ جِّيوْننْ س ؤُقمُّومْ نْسنْ. سِيلَاهْ.
PSA 49:15 أَمْ وُودْجِي سَّاريّْحنْ نِيثْنِي إِخفْ نْسنْ ذِي ڒَاخَارْثْ، ڒْموْثْ أَذْ ثنْ ثَارْوسْ. إِمْسڭَّاذنْ أَذْ خَاسنْ حكْمنْ خْ صّْبحْ، أَدُّوذْ نْسنْ [أَذْ إِذْوڒْ] إِ ڒْغشّْ ذِي ڒَاخَارْثْ، [تّْوَاسُّوفّْغنْ نِيثْنِي] زِي ثْزذِّيغْثْ نْسنْ.
PSA 49:16 مَاشَا أَربِّي أَذْ إِفْذِي ڒعْمَارْ إِنُو زڭْ ؤُفُوسْ ن ڒَاخَارْثْ، مَاغَارْ نتَّا أَذْ أَيِي يَاوِي [أَكِيسْ]. سِيلَاهْ.
PSA 49:17 وَارْ تّڭّْوذْ شَا مَاڒَا شَا ن ورْيَازْ إِذْوڒْ ذ بُو-وَاڭْڒَا، خْمِي إِ غَا يَارْنِي ؤُشُووَّارْ ن ثَادَّارْثْ نّسْ،
PSA 49:18 مَاغَارْ ذِي ڒْموْثْ نّسْ وَارْ كِيذسْ إِكسِّي شَا مَارَّا أَيَا، أَشُووَّارْ نّسْ وَارْ إِهكّْوِي أَكِيذسْ أَوَارْنِي أَسْ.
PSA 49:19 وَاخَّا إِبَاركْ ڒعْمَارْ نّسْ ذِي ثُوذَارْثْ نّسْ، وَاخَّا نِيثْنِي أَذْ شكْ سّمْغَارنْ مَاغَارْ ثڭِّيذْ مِينْ إِصبْحنْ إِ يِيخفْ نّشْ،
PSA 49:20 أَقَا أَذْ د-يَاوضْ [ڒعْمَارْ] نّسْ غَارْ جِّيڒْ ن ڒجْذُوذْ نّسْ، [نِّي] وَارْ ژَترّنْ ثَافَاوْثْ إِ ڒبْذَا.
PSA 49:21 بْنَاذمْ إِ غَارْ إِدْجَا شَّانْ، [مَاشَا] وَارْ إِفهّمْ، نتَّا أَمْ ڒبْهِيمثْ إِفنَّانْ.
PSA 50:1 [إِجّْ ن ؤُزهّذْ ن أَسَافْ. أَربِّي خْ مَارَّا إِربِّيثنْ،] [سِيذِي إِسَّاوَاڒْ. نتَّا إِتّْڒَاغَا إِ ثمُّورْثْ] [زِي مَانِي د-ثنْقَارْ ثْفُوشْثْ أَڒْ مَانِي ثغْڒِي.]
PSA 50:2 زِي صِيهْيُونْ، أَژْرِي إِكمّْڒنْ، إِتّْبَانْ أَربِّي إِتِّيسِّيقْ.
PSA 50:3 أَربِّي نّغْ أَذْ د-يَاسْ، وَارْ إِسّغْذْ شَا. ثِيمسِّي زَّاثسْ أَذْ ثشّْ، ثَاحَارْيَاضْثْ إِ ذ أَسْ د-إِتّنّْضنْ أَذْ ثْسُوضْ أَطَّاسْ.
PSA 50:4 نتَّا أَذْ إِڒَاغَا إِ إِجنْوَانْ سنّجْ، إِ ثمُّورْثْ حِيمَا أَذْ إِحْكمْ خْ ڒْڭنْسْ نّسْ:
PSA 50:5 ”سْمُونمْ-د غَارِي إِمْثِيقَّانْ إِنُو، إِنِّي كِيذِي إِتّڭّنْ ڒْعَاهْذْ س ثْغَارْصْثْ.“
PSA 50:6 إِجنْوَانْ تّْبَارّْحنْ ثَاسڭْذَا نّسْ، مَاغَارْ أَربِّي س يِيخفْ نّسْ أَقَا-ث ذ ڒْقَاضِي. سِيلَاهْ.
PSA 50:7 ”سڒْ، [أَ] ڒْڭنْسْ إِنُو، ؤُ نشّْ أَذْ سِّيوْڒغْ، إِسْرَائِيل، نشّْ أَذْ شهْذغْ ضِيدّْ نّشْ: أَقَا نشّْ، أَربِّي، ذ أَربِّي نّشْ!
PSA 50:8 وَارْ إِدْجِي خْ ثْغَارْصَا نّشْ أَذْ شكْ وبّْخغْ، مَاغَارْ ثِيغَارْصَا نّشْ أَقَا أَثنْثْ ڒبْذَا زَّاثِي.
PSA 50:9 وَارْ كسِّيغْ شَا أَفُونَاسْ أَمژْيَانْ زِي ثَادَّارْثْ نّشْ، ؤُڒَا ذ إِغَايْضنْ زِي ثقْوِيرِينْ نّشْ.
PSA 50:10 مَاغَارْ مَارَّا إِمُودَّارْ ن وزْغَارْ، أَقَا إِنُو، ڒْمَاڒْ خْ وَاڒفْ إِذُورَارْ.
PSA 50:11 نشّْ سّْنغْ مَارَّا إِجْضَاضْ ن إِذُورَارْ، [مَارَّا] مِينْ إِتّنْهزَّانْ ذڭْ إِيَّارْ، أَقَا-ث إِنُو.
PSA 50:12 مْڒِي ثُوغَا ذَايِي ڒَاژْ، مَا وَارْ ذ أَشْ ث قَّارغْ، مَاغَارْ إِنُو دُّونشْثْ ذ ؤُعمَّارْ نّسْ.
PSA 50:13 مَا أَذْ شّغْ [خنِّي] أَيْسُومْ ن [إِفُونَاسنْ] إِجهْذنْ، نِيغْ إِذَامّنْ ن إِغَايْضنْ؟
PSA 50:14 أَوِي-د إِ أَربِّي ثَاوْهِيبْثْ ن ؤُقَاذِي، كمّڒْ لْوُوعُوذْ نّشْ إِ ؤُمْعُودْجِي خْ كُوڒْشِي.
PSA 50:15 ڒَاغَا أَيِي-د ذڭْ وَاسّْ ن ڒحْصَارثْ، [خنِّي] أَذْ شكْ سّْنجْمغْ ؤُشَا شكْ أَذْ أَيِي ثڭّذْ شَّانْ.“
PSA 50:16 [مَاشَا] إِ ؤُعفَّانْ إِقَّارْ أَربِّي: ”مَايمِّي ثْبَارّْحذْ ثِيوصَّا إِنُو، [مَايمِّي إِ] ثڭِّيذْ ڒْعَاهْذْ إِنُو ذڭْ ؤُقمُّومْ نّشْ،
PSA 50:17 [ؤُمِي] ثْشَارّْهذْ تَّارْبِييّثْ إِنُو ؤُ ثنْضَارذْ أَوَاڒنْ إِنُو أَوَارْنِي أَشْ.
PSA 50:18 مَاڒَا ثژْرِيضْ إِجّْ ن ؤُخوَّانْ، أَمُّو إِ ثڭُّورذْ أَكِيذسْ، ثتّْصُورِيذْ أَكْ-ذ يِينِّي إِزنَّانْ.
PSA 50:19 أَقمُّومْ نّشْ ثتَّارِّيذْ إِ-ث إِ ڒْغَارْ، إِڒسْ نّشْ إِتّْخَارّصْ ذڭْ وشْمَاثْ.
PSA 50:20 ثتّْغِيمِيذْ [ذِينِّي،] ثسَّاوَاڒذْ خْ ؤُمَاشْ، ثسّفْذَاحضْ زِي مِّيسْ ن يمَّاسْ.
PSA 50:21 أَيَا ثتّڭّذْ ؤُ نشّْ سّغْذِيغْ. تّْغِيڒْ أَشْ، أَقَا أَيِي أَمْ شكْ. نشّْ أَذْ شكْ وبّْخغْ، أَذْ سَّارْسغْ [دّْنُوبْ نّشْ] زَّاثْ إِ ثِيطَّاوِينْ نّشْ.
PSA 50:22 فْهمْ أَيَا [خنِّي]، [أَ شكْ] إِ إِتُّونْ أَربِّي، حِيمَا وَارْ [شكْ] ثْمزّْقغْ [أَمْ] وَارْ ذِينْ إِتِّيڒِي ؤُفكِّي.“
PSA 50:23 ونِّي د-إِتَّاوْينْ ثَاغَارْصْثْ ن ؤُقَاذِي، إِتّڭّْ أَيِي شَّانْ ؤُ إِسّوْجَاذْ أَبْرِيذْ، حِيمَا أَذْ أَسْ سّشْنغْ أَسنْجمْ ن أَربِّي.
PSA 51:1 [إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.]
PSA 51:2 [أَڒَامِي إِ غَارسْ د-يُوسَا ؤُنَابِي نَاثَانْ، أَوَارْنِي ڒَامِي يُوذفْ ذَاوُوذْ خْ بَاثْ-شَابَاعْ.]
PSA 51:3 حِينّْ خَافِي، [أَ] أَربِّي، عْلَاحْسَابْ ثَامخْسِيوْثْ نّشْ إِشوَّارنْ. مْسحْ إِخطَّانْ إِنُو عْلَاحْسَابْ أَفيّضْ ن أَرّحْمثْ نّشْ.
PSA 51:4 سِّيرْذْ ڒْمُوعْصِييّثْ إِنُو زَّايِي مَارَّا، سِيزْذڭْ أَيِي زِي دّنْبْ إِنُو،
PSA 51:5 مَاغَارْ نشّْ سّْنغْ إِخطَّانْ إِنُو، دّنْبْ إِنُو ڒبْذَا إِبدّْ أَيِي-د غَارْ ثِيطَّاوِينْ.
PSA 51:6 أَكِيذكْ، [أَكِيذكْ] وَاهَا إِ خْضِيغْ، ڭِّيغْ مِينْ إِدْجَانْ ذ أَعفَّانْ جَارْ ثِيطَّاوِينْ نّشْ، أَڒَامِي شكْ ثْسڭّْذذْ ذڭْ وَاوَاڒنْ نّشْ، ثصْفِيذْ ذِي ڒحْكَامَاثْ نّشْ.
PSA 51:7 خْزَارْ، تّْوَاخڒْقغْ-د ذِي دّْنُوبْ، ذِي دّْنُوبْ ثكْسِي أَيِي يمَّا.
PSA 51:8 خْزَارْ، شكْ ثتّخْسذْ ثِيذتّْ ذِي ذَاخڒْ، ذِي ثْنُوفّْرَا ثسّْشَانذْ أَيِي ثِيغِيثْ.
PSA 51:9 كْسِي خَافِي دّْنُوبْ س ثْعلْدْجثْ، خنِّي أَذْ ذوْڒغْ قُّورغْ، سِيرْذْ أَيِي، [خنِّي] أَذْ ذوْڒغْ ذ أَشمْڒَاڒْ خْ وذْفڒْ.
PSA 51:10 أَرّْ أَيِي أَذْ سْڒغْ أَرْشُوقْ ذ ڒفْرَاحثْ، حِيمَا إِغْسَانْ نِّي ثْڒبْزذْ شكْ، أَذْ شضْهنْ س ڒفْرَاحثْ.
PSA 51:11 سْنُوفَّارْ ؤُذمْ نّشْ زَّاثْ إِ دّْنُوبْ إِنُو، مْسحْ إِ مَارَّا ڒْمُوعْصِييّثْ إِنُو.
PSA 51:12 خْڒقْ-د ذَايِي ؤُڒْ إِزْذِيڭْ، [أَ] أَربِّي، جدّذْ ذِي ذَاخڒْ إِنُو إِجّْ ن أَرُّوحْ إِمثْننْ.
PSA 51:13 وَارْ ذ أَيِي نطَّارْ زڭْ وُوذمْ نّشْ، وَارْ زَّايِي تّكّسْ أَرُّوحْ إِقدّْسنْ نّشْ.
PSA 51:14 أوْشْ أَيِي عَاوذْ ڒفْرَاحثْ ن ؤُسنْجمْ نّشْ، ؤُڒَا ذ إِجّْ ن بُوحْبڒْ أَمْسعَّافْ إِ كِيذِي غَا إِبدّنْ.
PSA 51:15 [خنِّي] أَذْ سّْغَارغْ إِبْرِيذنْ نّشْ إِ يِينِّي [خَاكْ] إِعدَّانْ، [حِيمَا] أَذْ غَاركْ د -عقْبنْ إِمذْنَابْ.
PSA 51:16 فكّْ أَيِي زڭْ ؤُمَارْوَاسْ ن إِذَامّنْ، [أَ] أَربِّي، أَربِّي ن ؤُسنْجمْ إِنُو، [خنِّي] أَذْ إِسْڒوْڒِيوْ إِڒسْ إِنُو خْ ثْسڭْذَا نّشْ.
PSA 51:17 أَرْزمْ أَيِي إِينْشِيشنْ إِنُو، [أَ] سِيذِي إِنُو، [خنِّي] أَذْ إِبَارّحْ ؤُقمُّومْ إِنُو س شَّانْ نّشْ،
PSA 51:18 مَاغَارْ وَارْ ذ أَكْ ثشْقِي ثْغَارْصْثْ، إِڒِي وْشِيغْ أَشْ ت، ثَاغَارْصْثْ ن وشْمَاضْ وَارْ ذ أَشْ د-ثتِّيسْ خْ ڒْخَاضَارْ.
PSA 51:19 ثِيغَارْصَا ن أَربِّي أَقَا أَثنْثْ ذ إِجّْ ن بُوحْبڒْ يَارژْ، إِجّْ ن وُوڒْ إِدّزْ وَارْ ث ثسّحْقَارِيذْ، [أَ] أَربِّي!
PSA 51:20 أڭّْ ڒْخَارْ إِ صِيهْيُونْ عْلَاحْسَابْ أَرْضَا نّشْ، بْنَا ڒحْيُوضْ ن ؤُرْشَالِيمْ!
PSA 51:21 خنِّي أَذْ ثَارْضِيذْ ذِي ثْغَارْصَا ن ڒْمُوعْصِييّثْ، ذِي ثْغَارْصْثْ ن وشْمَاضْ إِكمّْڒنْ. [خنِّي] أَذْ قدّْمنْ إِفُونَاسنْ إِمژْيَاننْ خْ ؤُعَالْطَارْ نّشْ،
PSA 52:1 [إِ ؤُمقّْرَانْ ن إِمغْنَاجنْ. أَخمِّي ن ذَاوُوذْ.]
PSA 52:2 [ڒَْامِي د-يُوسَا ذُووَاعْ، زِي إِذُومْ،] [إِخبَّارْ شَاوُولْ، إِنَّا أَسْ:] [”أَقَا ذَاوُوذْ يُوسَا-د غَارْ ثَادَّارْثْ ن أَخِيمَالِيكْ.“]
PSA 52:3 مَامّشْ ثْفيّْشذْ زِي ثْعفَّانْثْ، [أَ] جِّيهڒْ؟ ثَامخْسِيوْثْ إِشوَّارنْ ن أَربِّي [ثتّكّْ] أَسّْ إِمُونْ.
PSA 52:4 إِڒسْ نّشْ إِتّْخَارّصْ ذِي ڒْغَارْ، أَمْ مَامّشْ ڒْمُوسْ إِقضْعنْ إِ ؤُحفِّي يِيوْيِي ذْرُوشْثْ س ڒْغفْڒثْ.
PSA 52:5 شكْ ثتّخْسذْ ثَاعفَّانْثْ أَطَّاسْ خْ ثْصبْحَانْثْ، ڒْهَارْذْ س إِخَارِّيقنْ كْثَارْ خْ ڒْهَارْذْ ن ثْسڭْذَا. سِيلَاهْ.
PSA 52:6 شكْ ثتّخْسذْ أَوَاڒنْ إِتَّاكّْوَارنْ، ؤُڒَا ذ إِڒسْ [إِشُّورْ] س وشْمَاثْ.
PSA 52:7 مَاشَا أَربِّي أَذْ شكْ يَاردّدْجْ إِ ڒبْذَا، نتَّا أَذْ شكْ إِطّفْ، أَذْ شكْ إِكّسْ زِي ثْزذِّيغْثْ. نتَّا أَذْ شكْ إِقْڒعْ زڭْ إِژوْرَانْ نّشْ زِي ثمُّورْثْ ن يِينِّي إِدَّارنْ. سِيلَاهْ.
PSA 52:8 إِمْسڭَّاذنْ أَذْ ث ژَترنْ أَذْ ڭّْوذنْ. أَذْ خَاسْ ضحْشنْ، [أَذْ إِنِينْ]:
PSA 52:9 ”خْزَارْ أَرْيَازْ إِجهْذنْ ونِّي ؤُمِي وَارْ إِڭِّي أَربِّي جّهْذْ نّسْ، مَاشَا ثُوغَا إِتّْشڒْ خْ وَاڭْڒَا نّسْ أَمقّْرَانْ. ثُوغَا إِذْوڒْ إِجْهذْ س طّْبِيعثْ نّسْ إِغشّنْ.“
PSA 52:10 نشّْ أَذْ إِڒِيغْ أَمْ يِيشْثْ ن ثْزِيثُونْثْ ثَازيْزَاوْثْ ذِي ثَادَّارْثْ ن أَربِّي. إِ ڒبْذَا قَاعْ إِ غَا تِّيقّغْ ذِي ثْمخْسِيوْثْ إِشوَّارنْ ن أَربِّي.
PSA 52:11 نشّْ أَذْ شكْ قَاذِيغْ إِ ڒبْذَا قَاعْ، مَاغَارْ شكْ ثڭِّيذْ [ث]. أَذْ سِّيثِيمغْ ذڭْ يِيسمْ نّشْ، مَاغَارْ نتَّا ذ أَصبْحَانْ إِ إِمْثِيقَّانْ نّشْ.
PSA 53:1 [إِ ؤُمقّْرَانْ ن إِمغْنَاجنْ. س ثغْنِينْثْ ن ’إِزْڒِي ن وشْضَانْ‘.] [أَخمِّي ن ذَاوُوذْ.]
PSA 53:2 أَبُوهَاڒِي إِنَّا ذڭْ وُوڒْ نّسْ: ”وَارْ ذِينْ بُو أَربِّي!“ نِيثْنِي تَّاردّْدْجنْ، تّڭّنْ مِينْ إِدْجَانْ ذ نّْعِي ن ڒْغشّْ، وَارْ ذِينْ ؤُڒَا ذ إِجّْ إِتّڭّْ مِينْ إِشْنَانْ.
PSA 53:3 أَربِّي إِخزَّارْ-د زڭْ ؤُجنَّا غَارْ ثَارْوَا ن بْنَاذمْ، حِيمَا أَذْ إِژَارْ مَا ذِينْ حذْ غَارسْ ڒفْهَامثْ، إِجّنْ إِ يَارزُّونْ أَربِّي.
PSA 53:4 مَارَّا فّْغنْ زڭْ وبْرِيذْ، [أَقَا أَثنْ جْمِيعْ] ذوْڒنْ ذ إِعفَّاننْ، وَارْ ذِينْ ؤُڒَا ذ إِجّْ إِتّڭّْ ڒْخَارْ، ؤُڒَا ذ إِجّْ.
PSA 53:5 إِنِّي إِتّڭّنْ ڒْمُوعْصِييّثْ مَا وَارْ غَارْسنْ ثُوسّْنَا، إِنِّي إِتّتّنْ ڒْڭنْسْ إِنُو أَخْمِي تّتّنْ أَغْرُومْ؟ نِيثْنِي وَارْ تّْڒَاغَانْ خْ أَربِّي.
PSA 53:6 أَقَا ذِينْ إِ خَاسنْ ثوْضَا ثِيڭّْوُوذِي إِمْغَارنْ، ؤُمِي وَارْ ذِينْ [مِينْ زِي] إِ غَا ڭّْوذنْ، مَاغَارْ أَربِّي إِطَارّشْ إِغْسَانْ ن ونِّي خَاكْ إِهجّْمنْ. شكْ ثسّْبهْذْڒذْ إِ-ثنْ، مِينْزِي أَربِّي إِنْضَارْ إِ-ثنْ.
PSA 53:7 أَهْ، إِڒِي أَسنْجمْ أَمقّْرَانْ ن إِسْرَائِيل أَذْ د-يَاسْ [ذغْيَا] زِي صِيهْيُونْ! خْمِي د غَا إِنّقْڒبْ أَربِّي ثَامحْبَاسْثْ ن ڒْڭنْسْ نّسْ، أَذْ يَارْشقْ يَاعْقُوبْ، أَذْ إِفَارْحْ إِسْرَائِيل.
PSA 54:1 [إِ ؤُمقّْرَانْ ن إِمغْنَاجنْ. أَكْ-ذ ؤُزنْزُونْ خْ إِفِيڒَانْ. أَخمِّي ن ذَاوُوذْ.]
PSA 54:2 [ڒَْامِي د-ؤُسِينْ إِزِيفِييّنْ، نَّانْ أَسْ إِ شَاوُولْ: ”مَا وَارْ إِسّْنُوفَّارْ ذَاوُوذْ إِخفْ نّسْ غَارْنغْ؟“]
PSA 54:3 سنْجمْ أَيِي، [أَ] أَربِّي، س يِيسمْ نّشْ، أَغْ أَيِي ثَاسْغَارْثْ س ثْزمَّارْ نّشْ إِجهْذنْ.
PSA 54:4 [أَ] أَربِّي، سڒْ إِ ثْژَادْجِيثْ إِنُو، سْحسّْ إِ وَاوَاڒنْ ن ؤُقمُّومْ إِنُو.
PSA 54:5 مَاغَارْ إِبَارَّانِييّنْ كَّارنْ أَكِيذِي، أَيْثْ ن بُو-ڒخْشُونثْ أَرزُّونْ أَذْ أَيِي نْغنْ. وَارْ تّڭّنْ شَا أَربِّي زَّاثْ إِ ثِيطَّاوِينْ نْسنْ. سِيلَاهْ.
PSA 54:6 خْزَارْ، أَربِّي ذ أَمْعَاونْ إِنُو. سِيذِي إِنُو أَقَا-ث جَارْ يِينِّي ذ أَيِي إِسنّْذنْ.
PSA 54:7 نتَّا أَذْ إِخدْجصْ ڒْغَارْ إِ يِينِّي ذ أَيِي إِحصَّارنْ. قْضَا خَاسنْ ذِي ڒَامَانْ نّشْ.
PSA 54:8 س ڒْخَاضَارْ أَذْ أَشْ د-أَوْيغْ ثِيغَارْصَا، أَذْ قَاذِيغْ إِسمْ نّشْ، [أَ] سِيذِي، مَاغَارْ [نتَّا] ذ أَصبْحَانْ،
PSA 54:9 مَاغَارْ نتَّا إِفكّْ أَيِي زِي مَارَّا ڒحْصَارثْ، ؤُشَا يَارَّا أَيِي-د أَذْ خزَّارغْ خْ ڒْعذْيَانْ إِنُو سْوَادَّايْ.
PSA 55:1 [إِ ؤُمقّْرَانْ ن إِمغْنَاجنْ.] [أَكْ-ذ ؤُزنْزُونْ خْ إِفِيڒَانْ.] [أَخمِّي ن ذَاوُوذْ.]
PSA 55:2 [أَ] أَربِّي، سڒْ إِ ثْژَادْجِيثْ إِنُو، وَارْ سّْنُوفَّارَا شَا إِخفْ نّشْ زَّاثْ إِ ثُوثْرَا إِنُو.
PSA 55:3 حْضَا أَيِي ؤُ أَرّْ-د خَافِي. نشّْ تّْرَاحغْ تَّاسغْ-د غَارْ زَّاثْ ذ ضفَّارْ، أَمْ تّْشثْشِيغْ ؤُ سّْغُونْفِيغْ،
PSA 55:4 زِي سِّيبّثْ ن ڒْحسّْ ن ڒعْذُو، زڭْ ؤُهُوذِّي ن ؤُعفَّانْ. مَاغَارْ نِيثْنِي هجْمنْ-د خَافِي س ڒْمُوعْصِييّثْ، ضفَّارنْ أَيِي س ؤُخيّقْ.
PSA 55:5 ؤُڒْ إِنُو إِتّْفَارْفِيرْ ذَايِي ذَاخڒْ، إِنخْڒِيعنْ ن ڒْموْثْ وْضَانْ-د خَافِي.
PSA 55:6 ثِيڭّْوُوذِي ذ ثَارْجِيجِيثْ تّطّْفنْثْ أَيِي، ؤُڒَا ذ أَرْجفْ إِحصَّارْ أَيِي.
PSA 55:7 نشّْ نِّيغْ: ”مْڒِي ذ أَيِي وْشِينْ أَفْرِيونْ أَمْ ثذْبِيرْثْ، [خنِّي] إِڒِي ضْوِيغْ، أَذْ زذْغغْ ذِي شَا ن ومْشَانْ [نّغْنِي].“
PSA 55:8 خْزَارْ، أَذْ أَروْڒغْ غَارْ ڒَاڭّْوَاجْ قَاعْ، أَذْ سّنْسغْ ذِي ڒخْڒَا. سِيلَاهْ.
PSA 55:9 أَذْ ذغْيغْ غَارْ ومْشَانْ ن ؤُفكِّي، حِيمَا أَذْ تّْوَافكّغْ زڭْ ؤُسمِّيضْ، زِي ثْحَارْيَاضْثْ.
PSA 55:10 صَارْضْ إِ-ثنْ، [أَ] سِيذِي إِنُو، سبْضَا إِڒسْ نْسنْ، مِينْزِي تّْوَاڒِيغْ لْعُونْفْ ذ ؤُمنْغِي ذِي ثنْذِينْثْ.
PSA 55:11 أَسّْ ذ دْجِيڒثْ قُووَّارنْ نِيثْنِي إِ ڒحْيُوضْ نّسْ. غَارْ ذَاخڒْ ن ثنْذِينْثْ [أَقَا ذِينْ] ڒغْبنْ ذ ثَامَارَا،
PSA 55:12 ڒْغشّْ أَقَا-ث ذَاخڒْ نّسْ، أَزَّايْ نّسْ وَارْ زَّايسْ إِتّْحيِّيذْ شَا دّدْجْ ذ وشْمَاثْ.
PSA 55:13 مَاغَارْ وَارْ إِدْجِي ذ ڒعْذُو ونِّي ذ أَيِي إِسّحْقَارَانْ، [مِينْزِي] أَيَا زمَّارغْ أَذْ ث كْسِيغْ. [وَارْ إِدْجِي] ؤُڒَا ذ ونِّي ذ أَيِي إِشَارّْهنْ ذ ونِّي إِسّمْغَارَانْ إِخفْ نّسْ [س وَاوَاڒْ] خَافِي، [مِينْزِي] زَّايسْ زمَّارغْ أَذْ نُّوفَّارغْ!
PSA 55:14 [مَاشَا] أَقَا ذ شكْ، [أَ] بْنَاذمْ، شكْ ذ أَقْرِينْ إِنُو، أَمدُّوكّڒْ إِنُو ذ جَّارْ إِنُو!
PSA 55:15 نشِّينْ إِنِّي إِڭُّورنْ ذ لمْلِيحْ أَكْ-ذ وَايَاوْيَا ذِي تِّيقّثْ، نڭُّورْ غَارْ ثَادَّارْثْ ن أَربِّي ذڭْ ؤُهِيمُورْ.
PSA 55:16 أَذْ خَاسنْ ثوْضَا ڒْموْثْ [أَڒَامِي] إِ غَا هْوَانْ أَمْ دَّارنْ ذِي ڒَاخَارْثْ، مَاغَارْ أَقَا ذِينْ ڒْغَارْ ذِي ثْزذِّيغِينْ نْسنْ، ذڭْ وُوڒَاونْ نْسنْ.
PSA 55:17 نشّْ، [وَاهْ،] نشّْ أَذْ ڒَاغِيغْ خْ أَربِّي، سِيذِي أَذْ أَيِي إِسّنْجمْ.
PSA 55:18 غَارْ ثْمذِّيثْ، غَارْ ثُوفُّوثْ ؤُ س ؤُزِيڒْ أَذْ شثْشِيغْ، أَذْ سّْغُونْفغْ ؤُ نتَّا أَذْ إِسڒْ إِ ثْمِيجَّا إِنُو.
PSA 55:19 نتَّا إِڭَّا أَصْڒَاحْ خْ ڒعْمَارْ إِنُو س ڒهْنَا زڭْ إِنِّي غَارِي د-إِقَارّْبنْ [إِ وهْجَامْ]، مِينْزِي أَقَا-ثنْ ذڭْ وَاطَّاسْ ضِيدّْ إِنُو.
PSA 55:20 أَربِّي أَذْ إِسڒْ، أَذْ ثنْ د-إِسّهْوَا. نتَّا إِتّْغِيمَا [خْ ڒْعَارْشْ] زڭْ وشْحَاڒْ ؤُيَا. سِيلَاهْ. أَقَا نِيثْنِي وَارْ تّْبذِّيڒنْ، وَارْ تّڭّْوذنْ شَا أَربِّي.
PSA 55:21 نتَّا إِنطَّارْ أَفُوسْ ذڭْ إِنِّي أَكْ-ذ وِي [إِڭَّا] ڒهْنَا، نتَّا إِسّخْسَارْ ڒْعَاهْذْ نّسْ.
PSA 55:22 أَقمُّومْ نّسْ يَارْضبْ حْسنْ زِي ثْرُوسِّي، مَاشَا ذڭْ وُوڒْ نّسْ إِتُّورْجَا أَمنْغِي. أَوَاڒنْ نّسْ ذ إِڒقَّاغنْ خْ زّشْثْ، [مَاشَا] أَقَا أَثنْ [أَمْ] ڒسْيُوفْ تّْوَاجبْذنْ.
PSA 55:23 نْضَارْ أَمْنُوسْ نّشْ خْ سِيذِي ؤُ نتَّا أَذْ ذَايكْ إِتّْهِيلَّا. عمَّارْصْ وَارْ إِتّجِّي أَمْسڭّذْ أَذْ إِفَارْغْ.
PSA 55:24 شكْ [مَاشَا]، [أَ] أَربِّي، أَذْ ثنْ ثسّهْوِيذْ ذڭْ وحْفُورْ ن ثُورْصُوضِي. إِرْيَازنْ ن إِذَامّنْ ذ ڒْغشّْ وَارْ تّْكمّْڒنْ أَزْينْ ن وُوسَّانْ نْسنْ. [مَاشَا] نشّْ تّشْڒغْ خَاكْ.
PSA 56:1 [إِ ؤُمقّْرَانْ ن إِمغْنَاجنْ. س ثغْنِينْثْ ن ’إِشْثْ ن ثذْبِيرْثْ إِبكّْممْ ذڭْ إِمُوشَانْ إِڭّْوجنْ‘.] [ن ذَاوُوذْ. ثِيرَا إِنقْشنْ،] [ڒَْامِي ث طّْفنْ إِفِيلِيسْطِينِييّنْ ذِي جَاثْ.]
PSA 56:2 حِينّْ خَافِي، [أَ] أَربِّي، مَاغَارْ إِجّْ ن بْنَاذمْ يَارزُّو أَذْ أَيِي إِسَارْضْ، إِحصَّارْ أَيِي ؤُمْجَاهذْ أَسّْ مَارَّا.
PSA 56:3 إِنِّي ذ أَيِي إِحصَّارنْ خْسنْ أَذْ أَيِي صَارْضنْ أَسّْ مَارَّا، مَاغَارْ إِنِّي كِيذِي إِتّْمنْغَانْ س نّْفَاخثْ، أَقَا أَثنْ ذڭْ وَاطَّاسْ!
PSA 56:4 ذڭْ وَاسّْ إِ ذِي إِ غَا ڭّْوذغْ، أَذْ خَاكْ تّشْڒغْ،
PSA 56:5 خْ أَربِّي، ونِّي ؤُمِي غَا صبْحغْ أَوَاڒْ نّسْ، خْ أَربِّي إِ تّشْڒغْ، وَارْ تّڭّْوِيذغْ شَا، [مَاغَارْ] مِينْ زمَّارنْ أَذْ أَيِي ڭّنْ مِيدّنْ؟
PSA 56:6 نِيثْنِي قدْجْبنْ أَوَاڒنْ إِنُو أَسّْ إِكْمڒْ، مَارَّا ثْنَاوِي نْسنْ أَقَا أَثنْ خَافِي ذ ڒْغَارْ.
PSA 56:7 نِيثْنِي مُوننْ، نُوفَّارنْ، نِيثْنِي حطَّانْ إِنَارْزِيونْ إِنُو، خْمِي أَرزُّونْ [أَذْ نْغنْ] ڒعْمَارْ إِنُو.
PSA 56:8 مَا زمَّارنْ أَذْ أَروْڒنْ وَاخَّا ڭِّينْ ڒْغشّْ؟ سهْوَا ڒڭْنُوسْ ذڭْ وغْضَابْ نّشْ، [أَ] أَربِّي!
PSA 56:9 شكْ ثْحسّْبذْ [ؤُسَّانْ ن] وطْلَاعْ إِنُو. أڭّْ إِمطَّاونْ إِنُو ذِي ثْزيَّاثْ ن وَامَانْ نّشْ، - مَا وَارْ دْجِينْ ذڭْ وذْلِيسْ نّشْ؟ -
PSA 56:10 خنِّي أَذْ ذوْڒنْ ڒْعذْيَانْ إِنُو غَارْ ضفَّارْ، ذڭْ وَاسّْ ؤُمِي غَا ڒَاغِيغْ. نشّْ سّْنغْ أَيَا: أَربِّي أَقَا-ث أَكِيذِي.
PSA 56:11 خْ أَربِّي، ونِّي ؤُمِي غَا سّمْغَارغْ أَوَاڒْ نّسْ، خْ سِيذِي، ونِّي ؤُمِي غَا سّمْغَارغْ أَوَاڒْ نّسْ،
PSA 56:12 خْ أَربِّي إِ خفْ تّشْڒغْ، وَارْ تّڭّْوِيذغْ شَا، [مَاغَارْ] مِينْ إِزمَّارْ بْنَاذمْ أَذْ أَيِي يڭّْ؟
PSA 56:13 خَافِي، [أَ] أَربِّي، أَرْسِينْ لْوُوعُوذْ إِ شكْ [إِتّْوَاڭّنْ]. أَذْ [ثنْ] كمّْڒغْ إِ شكْ س ؤُقَاذِي.
PSA 56:14 مَاغَارْ شكْ ثْفكّذْ ڒعْمَارْ إِنُو زِي ڒْموْثْ! مَا [وَارْ ثحْضِيذْ] إِضَارنْ إِنُو زڭْ ؤُنقْرَاضْ، حِيمَا أَذْ ؤُيُورغْ زَّاثْ إِ وُوذمْ ن أَربِّي ذِي ثْفَاوْثْ ن ثُوذَارْثْ؟
PSA 57:1 [إِ ؤُمقّْرَانْ ن إِمغْنَاجنْ. ’وَارْ ث تَّاردّدْجْ!‘ ن ذَاوُوذْ.] [ثِيرَا إِنقْشنْ. ؤُمِي يَارْوڒْ زِي شَاوُولْ ذڭْ إِفْرِي.]
PSA 57:2 حِينّْ خَافِي، [أَ] أَربِّي، حِينّْ خَافِي، مَاغَارْ ڒعْمَارْ إِنُو يَاركّْوَاڒْ-د غَاركْ. نشّْ ؤُفِيغْ أَذُورِّي ذِي ثِيڒِي ن وَافْرِيونْ نّشْ، أَڒْ غَا عْذُونْثْ ڒْمُوصِيبَاثْ.
PSA 57:3 نشّْ أَذْ ڒَاغِيغْ غَارْ أَربِّي، أَمْعُودْجِي خْ كُوڒْشِي، غَارْ أَربِّي ونِّي ذ أَيِي غَا إِنذْهنْ غَارْ ؤُنڭَّارْ [إِصبْحنْ].
PSA 57:4 نتَّا أَذْ د-إِسّكّْ أَسنْجمْ إِنُو زڭْ ؤُجنَّا، أَذْ إِسّْبهْذڒْ ونِّي إِخْسنْ أَذْ أَيِي إِسَارْضْ. سِيلَاهْ. أَربِّي أَذْ إِسّكّْ ثَامخْسِيوْثْ نّسْ إِشوَّارنْ ذ ڒَامَانْ نّسْ.
PSA 57:5 ڒعْمَارْ إِنُو أَقَا-ث جَارْ إِيْرَاذنْ، زّْڒغْ جَارْ إِصفْضَاونْ يَارقّنْ، ثَارْوَا ن بْنَاذمْ، إِنِّي ثِيغْمَاسْ نْسنْ [أَمْ] لَانْسَاثْ ذ فْڒِيثْشَاثْ [ن ڒْقوْسْ]، إِڒسْ نْسنْ أَمْ يِيجّْ ن سِّيفْ إِقْضعْ.
PSA 57:6 [أَ] أَربِّي، سْڭعّذْ إِخفْ نّشْ ثِيوَا إِ إِجنْوَانْ، [أَرّْ] أَعُودْجِي نّشْ سنّجْ إِ مَارَّا ثَامُّورْثْ.
PSA 57:7 نِيثْنِي ڭِّينْ ثْرَاشَّا إِ إِصُورَافْ إِنُو، ڒعْمَارْ إِنُو ثُوغَا إِغْنسْ. نِيثْنِي غْزِينْ أَيِي أَحْفُورْ، [مَاشَا] وْضَانْ ذَايسْ سِيمَانْثْ نْسنْ. سِيلَاهْ.
PSA 57:8 [أَ] أَربِّي، ؤُڒْ إِنُو يَاركّنْ، ؤُڒْ إِنُو يَاركّنْ. أَقَا نشّْ أَذْغنّْجغْ أَذْ زهّْذغْ.
PSA 57:9 فَاقْ، أَعُودْجِي إِنُو! فَاقْ، لْهَارْبَا ذ ڒْڭَامْبْرِي! نشّْ تّخْسغْ أَذْ سّْفَاقغْ ثَافَاوْثْ ن ڒفْجَارْ.
PSA 57:10 نشّْ أَذْ شكْ قَاذِيغْ جَارْ ڒڭْنُوسْ، [أَ] سِيذِي إِنُو، أَذْ زهّْذغْ جَارْ شُّوعُوبْ إِ شكْ.
PSA 57:11 مَاغَارْ ثَامخْسِيوْثْ نّشْ إِشوَّارنْ [ثتَّاكّْوَاضْ] أَڒْ إِجنْوَانْ، ڒَْامَانْ نّشْ أَڒْ إِسيْنُوثنْ.
PSA 57:12 [أَ] أَربِّي، سْڭعّذْ إِخفْ نّشْ ثِيوَا إِ إِجنْوَانْ، [أَرّْ] أَعُودْجِي نّشْ سنّجْ إِ مَارَّا ثَامُّورْثْ.
PSA 58:1 [إِ ؤُمقّْرَانْ ن إِمغْنَاجنْ. ’وَارْ ث تَّاردّدْجْ!‘] [ن ذَاوُوذْ. ثِيرَا إِنقْشنْ.]
PSA 58:2 مَا ثسَّاوَاڒمْ س ثِيذتّْ ثَاسڭْذَا ذڭْ ؤُسغْذِي؟ مَا ثْحكّْممْ ثَارْوَا ن بْنَاذمْ س ڒْحقّْ؟
PSA 58:3 لَّ، [مَاشَا] ذڭْ وُوڒْ [نْومْ] ثتّڭّمْ ڒْغشّْ، خْ ثمُّورْثْ ثْوزّْنمْ لْعُونْفْ ن إِفَاسّنْ نْومْ.
PSA 58:4 زڭْ [وَامِي دْجَانْ ذِي] ڒمْڒَاوثْ فّْغنْ إِعفَّاننْ زڭْ وبْرِيذْ، زڭْ ؤُعذِّيسْ ن يمَّاثْسنْ ودَّارنْ أَيْثْ ن بُو-إِخَارِّيقنْ.
PSA 58:5 أَقَا ذَايْسنْ سّمْ أَمْ سمّْ ن ؤُفِيغَارْ. نِيثْنِي أَمْ يِيشْثْ ن ثْڒفْسَا ثَاذهْشُورْثْ، ثنِّي إِقّْننْ أَمزُّوغْ نّسْ،
PSA 58:6 ثنِّي وَارْ إِتّسْڒِينْ غَارْ ثْمِيجَّا ن إِعزَّامنْ، [ؤُڒَا غَارْ ثْمِيجَّا] ن ؤُسحَّارْ نِّي إِتّْحَاكَانْ أَطَّاسْ ذِي ثْسحَّارْثْ.
PSA 58:7 [أَ] أَربِّي، أَرْژْ أَسنْ ثِيغْمَاسْ ذڭْ ؤُقمُّومْ نْسنْ، أَرْژْ ثِيغْمَاسْ ن ثغْمَارْثْ ن إِيْرَاذنْ إِمژْيَاننْ، [أَ] سِيذِي!
PSA 58:8 أجّْ إِ-ثنْ أَذْ فسْينْ أَمْ وَامَانْ، أَڒَامِي أَذْ فّْغنْ. مَاڒَا إِمحّضْ [ڒْْقوْسْ] س فْڒِيثْشَاثْ نّسْ، أجّْ إِ-ثنْ وَارْ قْضِيعنْ.
PSA 58:9 أجّْ إِ-ث أَذْ إِفْنَا أَمْ ؤُبُوشّڒْ إِرِيزّنْ. أجّْ إِ-ثنْ وَارْ ژَترّنْ ثْفُوشْثْ، أَمْ وطُّو ن ؤُعذِّيسْ ن ثْمطُّوثْ.
PSA 58:10 قْبڒْ  إِ غَا أَشَانْثْ مَارْمِيثَاثْ نْومْ أَكْ-ذ [ڒحْمُو ن] شْبَارْقْ أَكْ-ذ إِسنَّاننْ، أَذْ ذَايسْ إِسُوضْ أَڒَامِي أَذْ يَاژّڒْ خْ [ويْسُومْ] ذ أَزِيزَا نِيغْ [خْ ويْسُومْ] إِتّحْذُوذُوقنْ.
PSA 58:11 أَمْسڭّذْ أَذْ إِفَارْحْ خْمِي غَا إِژَارْ أَنْثَاقمْ. نتَّا أَذْ إِسِّيرْذْ إِضَارنْ نّسْ ذڭْ إِذَامّنْ ن إِعفَّاننْ.
PSA 58:12 أَذْ يِينِي بْنَاذمْ: ”وَاهْ، أَقَا ذِينْ ڒْغِيدْجثْ إِ ؤُمْسڭّذْ، أَقَا ذِينْ إِجّْ ن أَربِّي نِّي إِحكّْمنْ ذِي ثمُّورْثْ.“
PSA 59:1 [إِ ؤُمقّْرَانْ ن إِمغْنَاجنْ. ’وَارْ ث تَّاردّدْجْ!‘] [ن ذَاوُوذْ. ثِيرَا إِنقْشنْ.] [ؤُمِي شَاوُولْ إِجَّا أَذْ حْضَانْ ثَادَّارْثْ ن ذَاوُوذْ حِيمَا أَذْ ث نْغنْ.]
PSA 59:2 فكّْ أَيِي زِي ڒْعذْيَانْ إِنُو، [أَ] أَربِّي، سْڭعّذْ أَيِي سنّجْ غَارْ ؤُحطُّو زڭْ إِنِّي خَافِي إِتّكَّارنْ.
PSA 59:3 فكّْ أَيِي زڭْ إِنِّي إِتّڭّنْ ڒْغشّْ، سنْجمْ أَيِي زڭْ إِرْيَازنْ ن إِذَامّنْ.
PSA 59:4 أَقَا، خْزَارْ، نِيثْنِي ڭِّينْ إِجّْ ن ڒْفخْ إِ ڒعْمَارْ إِنُو، أَيْثْ ن بُو-صُّولْطَا مُوننْ خَافِي. وَارْ ذِينْ أَخطُّو ؤُڒَا ذ دّنْبْ غَارِي، [أَ] سِيذِي!
PSA 59:5 [وَاخَّا] وَارْ ڭِّيغْ لْجَارِيمَا، أَقَا نِيثْنِي [زعْمَا] ؤُسِينْ-د تَّازّْڒنْ-د غَارِي ؤُ سّْوجَّاذنْ إِخفْ نْسنْ. فَاقْ، أَسْ-د غَارْ ؤُمْسَاڭَارْ أَكِيذِي ؤُ خْزَارْ.
PSA 59:6 شكْ، [أَ] سِيذِي، أَربِّي ن ڒْعسْكَارَاثْ، أَربِّي ن إِسْرَائِيل، فَاقْ حِيمَا أَذْ ثْڒقْفذْ مَارَّا ڒڭْنُوسْ. وَارْ تّْحِينِّي خْ ؤُڒَا ذ إِجّْ زِي مَارَّا إِغدَّارنْ إِنِّي إِتّڭّنْ ڒْغشّْ. سِيلَاهْ.
PSA 59:7 أَقَا تّْعقْبنْ غَارْ ثْمذِّيثْ، تّْزُونْ أَمْ وقْزِينْ، تّنّْضنْ إِ ثنْذِينْثْ.
PSA 59:8 خْزَارْ، س ؤُقمُّومْ نْسنْ سُّوسُوفنْ [قَاعْ]، ڒسْيُوفْ نْسنْ أَقَا أَثنْ خْ إِينْشِيشنْ نْسنْ، مِينْزِي مَانْ ونْ إِ غَا إِسْڒنْ؟
PSA 59:9 شكْ [مَاشَا]، [أَ] سِيذِي، أَذْ خَاسنْ ثْضحْشذْ، شكْ أَذْ ثْحشّذْ خْ مَارَّا ڒڭْنُوسْ.
PSA 59:10 [أَ] جّهْذْ نّسْ، نشّْ أَذْ ث رَاجِيغْ، مَاغَارْ أَربِّي ذ لْبُورْجْ إِنُو يُوعْڒَانْ.
PSA 59:11 ثَامخْسِيوْثْ إِشوَّارنْ ن أَربِّي إِنُو أَذْ أَيِي ثِيزْوَارْ، أَربِّي أَذْ أَيِي يَارّْ أَذْ ژَترغْ إِنِّي ذ أَيِي إِحصَّارنْ.
PSA 59:12 وَارْ ثنْ نقّْ شَا، مَاحنْذْ ڒْڭنْسْ إِنُو وَارْ ث إِتّتُّو. أجّْ إِ-ثنْ أَذْ ودَّارنْ س جّهْذْ نّشْ، منْضَارْ إِ-ثنْ سْوَادَّايْ، [مَاغَارْ شكْ ذ] ثَاسدَّارْثْ نّغْ إِ ؤُسڒْقِي، [أَ] سِيذِي إِنُو.
PSA 59:13 [خْ] دّْنُوبْ ن ؤُقمُّومْ نْسنْ، [خْ] وَاوَاڒنْ إِ د-إِتّفّْغنْ زڭْ إِينْشِيشنْ نْسنْ، [خْ ؤُيَا] أجّْ إِ-ثنْ أَذْ تّْوَاحبّْسنْ ذِي نّْفَاخثْ نْسنْ، ؤُڒَا خْ نّعْڒثْ ؤُ خْ ؤُخَارِّيقْ نِّي خفْ تّْحَارْذنْ.
PSA 59:14 كحّضْ إِ-ثنْ ذڭْ وسْعَارْ [نّشْ]، كحّضْ إِ-ثنْ أَڒَامِي وَارْ دْجِينْ [عَاذْ]، أَرّْ إِ-ثنْ أَذْ سّْننْ، أَقَا أَربِّي ذ ڒْحَاكمْ ذِي يَاعْقُوبْ، أَڒْ ثِينڭُّورَا ن ثمُّورْثْ. سِيلَاهْ.
PSA 59:15 أَقَا أَذْعقْبنْ غَارْ ثْمذِّيثْ، تّْزُونْ أَمْ وقْزِينْ ؤُ تّنّْضنْ إِ ثنْذِينْثْ.
PSA 59:16 أجّْ إِ-ثنْ تّمْهَافَانْ ذَا ذ ذِيهَا خْ مَاشَّا، أجّْ إِ-ثنْ [خنِّي] أَذْ قِّيمنْ سّْنُوسَانْ، مَاڒَا وَارْ جِّيوْننْ،
PSA 59:17 نشّْ أَذْغنّْجغْ خْ جّْهذْ نّشْ، غَارْ ثفُّوثْ أَذْ سْڒِيوْڒوغْ خْ ثْمخْسِيوْثْ نّشْ إِشوَّارنْ، مَاغَارْ ثُوغَا شكْ ذ إِجّْ ن لْبُورْجْ يُوعْڒَانْ إِ نشّْ، ذ أَمْشَانْ ن ثَاروْڒَا ذڭْ وَاسّْ ن ڒحْصَارثْ إِنُو.
PSA 59:18 جّهْذْ إِنُو، نشّْ أَذْ زهّْذغْ إِ شكْ، مَاغَارْ شكْ أَربِّي ذ لْبُورْجْ إِنُو يُوعْڒَانْ، أَربِّي ن ثْمخْسِيوْثْ إِنُو إِشوَّارنْ.
PSA 60:1 [إِ ؤُمقّْرَانْ ن إِمغْنَاجنْ. س ثغْنِينْثْ ن ’ثَالِيلّشْثْ ذ أَشهَّاذْ‘.] [ثِيرَا إِنقْشنْ ن ذَاوُوذْ إِ ؤُسڒْمذْ.]
PSA 60:2 [خْ ڒَامِي ثُوغَا إِتّْمنْغَا أَكْ-ذ إِمزْذَاغْ ن أَرَامْ-نَاهْرَايْنْ، أَقَا-ت ذ مِيسُوپُوثَامْيَا،] [ؤُ أَكْ-ذ أَيْثْ ن أَرَامْ زِي صُوبَا، ؤُمِي د-إِذْوڒْ يُووَابْ،] [إِوْثَا أَيْثْ ن إِذُومْ ذِي ثغْزُورْثْ ن ثْمدْجَاحْثْ،عشْرَا أَڒَافْ ن يرْيَازنْ.]
PSA 60:3 [أَ] أَربِّي، شكْ ثنْضَارضْ أَنغْ، ثَارْژِيذْ أَنغْ. ثُوغَا ثسْعَارذْ [أَطَّاسْ]! سْبدّْ أَنغْ عَاوذْ!
PSA 60:4 شكْ ثسّنْهزّذْ ثَامُّورْثْ، ثْفدْجْقذْ ت. سْڭنْفَا ثِيرژَّا نّسْ، مَاغَارْ أَقَا ثتّنْهزَّا.
PSA 60:5 شكْ ثسّشْنذْ [إِخفْ نّشْ] إِ ڒْڭنْسْ نّشْ س ڒقْسَاحثْ. شكْ ثوْشِيذْ أَنغْ أَذْ نْسُو شّْرَابْ إِسّْذوَّاخنْ.
PSA 60:6 إِنِّي شكْ إِتّڭّْوذنْ، ثڭِّيذْ أَسنْ ثَاعدْجَانْثْ إِ غَارْ تّْرَاكّْوَاڒنْ زِي [فْڒِيثْشَاثْ ن] ڒْقوْسْ. سِيلَاهْ.
PSA 60:7 حِيمَا إِمْعِيزّنْ نّشْ أَذْ تّْوَافكّنْ، أَوِي أَسنْجمْ س ؤُفُوسْ أَفُوسِي نّشْ ؤُ أَرّْ-د خَانغْ.
PSA 60:8 أَربِّي ثُوغَا إِسَّاوَاڒْ ذِي زَّاوشْثْ نّسْ إِقدّْسنْ، س ؤُينِّي أَذْ نڭْزغْ س ڒفْرَاحثْ. نشّْ أَذْ بْضِيغْ شَاكِيمْ، أَذْعبَّارغْ ثَاغْزُورْثْ ن سُوكُّوثْ.
PSA 60:9 جِيلْعَاذْ إِنُو، مَانَاسَّا إِنُو، إِفْرَايِيمْ ذ أَسڒْقِي إِجهْذنْ ن ؤُزدْجِيفْ إِنُو، يَاهُوذَا ذ أَمْڭوّذْ إِنُو.
PSA 60:10 مُوآبَ ذ سَّارِيجْ إِنُو إِ ؤُسِيرْذْ، خْ إِذُومْ أَذْ نْضَارغْ سَانْذَالِييَاثْ إِنُو، نشّْ أَذْ دُّوقْزغْ س ؤُسْڒِيوْڒوْ خْ [ثمُّورْثْ ن] فِيلِيشِيثْ.
PSA 60:11 وِي ذ أَيِي إِ غَا إِنذْهنْ [ذِي] ثنْذِينْثْ إِفَارْينْ؟ وِي ذ أَيِي غَا إِڭوّْذنْ غَارْ إِذُومْ؟
PSA 60:12 مَا وَارْ ذ أَنغْ ثنْضَارذْ، [أَ،] أَربِّي، ؤُ أَكْ-ذ ڒْعسْكَارَاثْ نّغْ مَا وَارْ أَكِيذْسنْ د-ثفِّيغذْ [عَاذْ]، [أَ] أَربِّي؟
PSA 60:13 أوْشْ أَنغْ أَفُوسْ [حِيمَا أَذْ أَنغْ ثسّْنجْمذْ] زِي ڒحْصَارثْ، [مَاغَارْ] أَسنْجمْ [س ؤُفُوسْ ن] يِيجّْ ن بْنَاذمْ أَقَا-ث بَاطڒْ.
PSA 60:14 أَكْ-ذ أَربِّي أَذْ نڭّْ س ومْحَاذْ، نتَّا أَذْ إِعْفسْ خْ يِينِّي ذ أَنغْ إِحصَّارنْ.
PSA 61:1 [إِ ؤُمقّْرَانْ ن إِمغْنَاجنْ. أَكْ-ذ ؤُزنْزُونْ خْ إِفِيڒَانْ. ن ذَاوُوذْ.]
PSA 61:2 [أَ] أَربِّي، سڒْ إِ ؤُڒَاغِي إِنُو، سڒْ مْلِيحْ إِ ثْژَادْجِيثْ إِنُو.
PSA 61:3 زِي طَّارْفْ أَنڭَّارْ ن ثمُّورْثْ تّْڒَاغِيغْ خَاكْ، خْمِي إِتّفْشِيڒْ وُوڒْ إِنُو. نْذهْ أَيِي خْ إِجّْ ن جَّارْفْ يُوعْڒَانْ خَافِي.
PSA 61:4 مَاغَارْ شكْ ذ أَمْشَانْ ن ثَاروْڒَا إِ نشّْ، ذ لْبُورْجْ إِجهْذنْ ضِيدّْ إِ ڒعْذُو.
PSA 61:5 نشّْ أَذْ قِّيمغْ ذڭْ ؤُقِيضُونْ نّشْ إِ ڒبْذَا، أَذْ أَروْڒغْ سَاذُو ؤُذُورِّي ن وَافْرِيونْ نّشْ. سِيلَاهْ.
PSA 61:6 مَاغَارْ شكْ، [أَ] أَربِّي، ثسْڒِيذْ غَارْ لْوُوعُوذْ إِنُو. شكْ ثوْشِيذْ [أَيِي] ثَاسْغَارْثْ ن يِينِّي إِتّڭّْوذنْ إِسمْ نّشْ.
PSA 61:7 أَرْنِي [عَاذْ] ؤُسَّانْ خْ وُوسَّانْ ن ؤُجدْجِيذْ، أجّْ أَذْ أَرذْفنْ إِسڭّْوُوسَا نّسْ إِجّْ إِ ونّغْنِي أَمْ جِّيڒْ إِضْفَارْ ؤُمَاسْ.
PSA 61:8 نتَّا أَذْ إِقِّيمْ زَّاثْ إِ وُوذمْ ن أَربِّي إِ ڒبْذَا. أَذْ خَاسْ ثحْضَا ثَامخْسِيوْثْ إِشوَّارنْ ذ ڒَامَانْ.
PSA 61:9 خنِّي أَذْ زهّْذغْ إِ يِيسمْ نّشْ إِ ڒبْذَا، حِيمَا أَذْ كمّْڒغْ لْوُوعُوذْ إِنُو، أَسّْ [أَوَارْنِي] ؤُمَاسْ.
PSA 62:1 [إِ ؤُمقّْرَانْ ن إِمغْنَاجنْ. سَاذُو ؤُفُوسْ ن يَاذُوثُونْ. ن ذَاوُوذْ.]
PSA 62:2 وَاهْ، ڒعْمَارْ إِنُو يَارسَّا، إِتّْرَاجَا أَربِّي وَاهَا، أَقَا زَّايسْ [د-إِتَّاسْ] ؤُسنْجمْ إِنُو.
PSA 62:3 وَاهْ، نتَّا ذ ثَاصْضَارْثْ إِنُو ذ ؤُسنْجمْ إِنُو، لْبُورْجْ إِنُو يُوعْڒَانْ، وَارْ تّفْرِيغغْ أَطَّاسْ.
PSA 62:4 مشْحَاڒْ [عَاذْ] إِ غَا ثكّمْ ثْهجّْممْ خْ ورْيَازْ؟ [مشْحَاڒْ عَاذْ] أَقَا ثْڒهَّامْ مَاحنْذْ أَذْ ث ثغْضْڒمْ، أَمْ إِجّْ ن ڒْحِيضْ إِوطَّا، أَمْ يِيجّْ ن وغْبَارْ إِتّْوَاغْضڒْ؟
PSA 62:5 وَاهْ، نِيثْنِي تّمْشَاوَارنْ وَاهَا حِيمَا أَذْ ث-إِ-د -غضْڒنْ زڭْ ومْشَانْ نّسْ يُوعْڒَانْ. نِيثْنِي أَرطَّانْ س إِخَارِّيقنْ. تّْبَارْكنْ س ؤُقمُّومْ نْسنْ، [مَاشَا] ذڭْ وُوڒْ نْسنْ نعّْڒنْ. سِيلَاهْ.
PSA 62:6 وَاهْ، رَاجَا إِ أَربِّي، [أَ] ڒعْمَارْ إِنُو، مِينْزِي زَّايسْ ڒَايَاسْ إِنُو.
PSA 62:7 وَاهْ، نتَّا ذ ثَاصْضَارْثْ إِنُو ذ ؤُسنْجمْ إِنُو، لْبُورْجْ إِنُو يُوعْڒَانْ، وَارْ تّفْرِيغغْ شَا.
PSA 62:8 أَسنْجمْ إِنُو ذ ؤُعُودْجِي إِنُو أَقَا أَثنْ ذِي أَربِّي، [نتَّا ذ] ثَاصْضَارْثْ إِنُو إِجهْذنْ، أَمْشَانْ إِنُو ن ثَاروْڒَا أَقَا-ث ذِي أَربِّي.
PSA 62:9 ثِيقّمْ ڒبْذَا ذَايسْ، [أَ] ڒْڭنْسْ! زدْجْعمْ ؤُڒْ نْومْ زَّاثْ إِ وُوذمْ نّسْ. أَربِّي ذ أَمْشَانْ نّغْ ن ثَاروْڒَا. سِيلَاهْ.
PSA 62:10 وَاهْ، ثَارْوَا ن أَذَامْ أَقَا أَثنْ ذ ڒعْوِينْ، ثَارْوَا ن ورْيَازْ أَقَا ذَايْسنْ أَخَارِّيقْ. أَذْ ڭعّْذنْ ذِي ڒْمِيزَانْ س ثْنَاينْ ن طَّاوْيَاثْ، أَقَا أَثنْ جْمِيعْ [فْسُوسنْ] خْ ڒعْوِينْ.
PSA 62:11 وَارْ تّشْڒمْ خْ دّدْجْ، وَارْ تّجِّيمْ أَذْ كنِّيوْ جبّْذنْ [زڭْ وبْرِيذْ] س ؤُكَّارْضَا. مَاڒَا أَڭْڒَا إِمقَّارْ، وَارْ خَاسْ سّْرُوسَامْ ؤُڒْ نْومْ.
PSA 62:12 أَربِّي إِسِّيوڒْ  إِشْثْ ن ثْوَاڒَا، سْڒِيغْ ثْنَاينْ ن ثْوَاڒَاوِينْ، أَقَا: ”جّهْذْ زِي أَربِّي“.
PSA 62:13 ثَامخْسِيوْثْ إِشوَّارنْ إِ شكْ، [أَ] سِيذِي إِنُو! مِينْزِي شكْ أَذْ ثْخدْجْصذْ كُوڒْ إِجّْ عْلَاحْسَابْ مِينْ إِڭَّا.
PSA 63:1 [أَزهّذْ ن ذَاوُوذْ، أَڒَامِي ث ثُوغَا ذِي ڒخْڒَا ن يَاهُوذَا.]
PSA 63:2 [أَ] أَربِّي، شكْ ذ أَربِّي إِنُو! غَارْ ثُوفُّوثْ أَرزُّوغْ خَاكْ، ڒعْمَارْ إِنُو إِتّْفَاذَا غَاركْ، أَيْسُومْ إِنُو إِتّْمژْرِي ذَايكْ، ذڭْ إِشْثْ ن ثمُّورْثْ يُوژْغنْ إِتّْفَاذَانْ بْڒَا أَمَانْ.
PSA 63:3 أَمُّو إِ ذَايكْ خزَّارغْ ذِي زَّاوشْثْ إِقدّْسنْ، حِيمَا أَذْ ژَترغْ جّهْذْ نّشْ ذ ؤُعُودْجِي نّشْ.
PSA 63:4 مَاغَارْ ثَامخْسِيوْثْ نّشْ إِشوَّارنْ ثحْڒَا خْ ثُوذَارْثْ، س ؤُينِّي أَذْ شكْ صبّْحنْ إِينْشِيشنْ إِنُو.
PSA 63:5 أَمُّو إِ ذ أَشْ غَا بَارْكغْ ذِي ثُوذَارْثْ إِنُو، أَذْ سّْڭعّْذغْ إِفَاسّنْ إِنُو ذڭْ يِيسمْ نّشْ.
PSA 63:6 ڒعْمَارْ إِنُو أَذْ إِجِّيونْ أَمْ زِي ثَاذُونْثْ ذ مِينْ إِمسْڒنْ، س إِينْشِيشنْ إِسْڒِيوْڒونْ أَذْ [شكْ] إِصبّحْ ؤُقمُّومْ إِنُو،
PSA 63:7 مَاڒَا تّْخَارّْصغْ ذَايكْ ذِي ثَاسُّوثْ، تّْخمَّامغْ ذَايكْ غَارْ ؤُضُوفنْ ن وشْبَارْ ن دْجِيڒثْ.
PSA 63:8 مِينْزِي ثُوغَا شكْ ذ أَمْعَاونْ إِنُو، ذِي ثِيڒِي ن وَافْرِيونْ نّشْ أَذْ سْڒِيوْڒوغْ.
PSA 63:9 ڒعْمَاڒْ إِنُو إِڒصّقْ ذَايكْ أَوَارْنِي أَشْ، أَفُوسْ نّشْ أَفُوسِي إِتّطّفْ ذَايِي.
PSA 63:10 إِنِّي إِتّخْسنْ أَذْ أَردّْدْجنْ ڒعْمَارْ إِنُو، أَذْ إِوْضنْ غَارْ إِمُوشَانْ يُودْجْغنْ قَاعْ سَاذُو ثمُّورْثْ.
PSA 63:11 نِيثْنِي أَذْ تّْوَاسلّْمنْ إِ ثْزمَّارْ ن سِّيفْ، أَذْ ذوْڒنْ ذ ثَاكشَّاضْثْ إِ إِشعْبَاونْ.
PSA 63:12 مَاشَا أَجدْجِيذْ أَذْ إِفَارْحْ زِي أَربِّي. كُوڒْ  إِجّْ زڭْ إِنِّي إِ غَارسْ إِ غَا إِتّْجَادْجَانْ أَذْ إِفيّشْ، مِينْزِي أَقمُّومْ ن يِينِّي إِسَّاوَاڒنْ س إِخَارِّيقنْ أَذْ إِتّْوَابلّعْ.
PSA 64:1 [إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.]
PSA 64:2 سڒْ، [أَ] أَربِّي، إِ ثْمِيجَّا إِنُو خْمِي تّْشثْشِيغْ، حْضَا ثُوذَارْثْ إِنُو زڭْ ؤُسِيڭّْوذْ ن ڒعْذُو.
PSA 64:3 سْذُورِّي أَيِي زِي ثْمعْمُوتْشْ ن إِعفَّاننْ، زِي ڒْغَاشِي ن يِينِّي إِتّڭّنْ ڒْمُوعْصِييّثْ،
PSA 64:4 إِنِّي إِسّقْضَاعنْ إِڒسْ نْسنْ أَمْ يِيجّْ ن سِّيفْ، قَارّْصنْ أَوَاڒْ يَارزْڭنْ أَمْ فْڒِيثْشَا [ن ڒْقوْسْ] نْسنْ،
PSA 64:5 حِيمَا أَذْ وْثنْ [س ڒْقوْسْ] خْ ونِّي إِكمّْڒنْ زڭْ إِمُوشَانْ إِنُوفَّارنْ. ذغْيَا أَذْ خَاسْ نيّْشنْ، [إِوَا] وَارْ ذِينْ مِينْزِي إِ غَا ڭّْوذنْ.
PSA 64:6 نِيثْنِي حزّْمنْ مَاحنْذْ أَذْ ڭّنْ مِينْ وَارْ إِحْڒِينْ، سَّاوَاڒنْ س ثْنُوفّْرَا مَاحنْذْ أَذْ نذْينْ ثِيخْشِيفِينْ. قَّارنْ: ”وِي ثنْ إِ غَا إِژَارنْ!“
PSA 64:7 نِيثْنِي تّْخَارّْصنْ ذِي [مَارَّا مِينْ إِدْجَانْ ذ] أَعفَّانْ: ”أَقَا نوْجذْ، إِشْثْ ن ثْمعْمُوتْشْ ن ثحْرَايْمشْثْ!“ أَقَا مِينْ إِدْجَانْ ذَاخڒْ ذڭْ ورْيَازْ ؤُ ذڭْ وُوڒْ نّسْ أَقَا يُودْجغْ.
PSA 64:8 أَربِّي أَذْ ثنْ إِوّثْ س فْڒِيثْشَا [ن ڒْقوْسْ]، ذغْيَا أَذْ بَاننْ جّْرَايحْ نْسنْ.
PSA 64:9 إِڒسْ نْسنْ أَذْ ثنْ يَارّْ أَذْ نْقَارْضنْ ذڭْ إِخفْ نْسنْ، كُوڒْ إِجّْ، زڭْ إِنِّي ثنْ إِتّْوَاڒَانْ، أَذْ يَارْوڒْ.
PSA 64:10 [خنِّي] أَذْ ڭّْوذنْ مَارَّا إِوْذَانْ، أَذْ بَارّْحنْ ثِيمڭَّا ن أَربِّي ؤُشَا أَذْ خْزَارنْ مْلِيحْ ذِي مِينْ د إِتّڭّْ.
PSA 64:11 أَمْسڭّذْ أَذْ إِفَارْحْ ذِي سِيذِي ؤُ أَذْ غَارسْ د-يَارْوڒْ، مَارَّا إِنِّي ؤُمِي إِسڭّذْ وُوڒْ أَذْ فَارْحنْ.
PSA 65:1 [إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ. إِزْڒِي.]
PSA 65:2 أَصبّحْ إِتّْرَاجَا إِ شكْ ذِي ڒْهُوذْنثْ، [أَ،] أَربِّي، ذِي صِيهْيُونْ، [إِتّْخصَّا] أَذْ إِتّْوَاكمّڒْ لْوَاعْذْ إِ شكْ.
PSA 65:3 شكْ ثسْڒِيذْ إِ ثْژَادْجِيثْ، مَارَّا دَّاثْ أَذْ غَاركْ د-يَاسْ.
PSA 65:4 ڒْمُوعْصِييّثْ ثُوغَا ثجْهذْ خَافِي، [مَاشَا] شكْ ثتّڭّذْ أَصْڒَاحْ خْ إِخطَّانْ نّغْ.
PSA 65:5 سّعْذْ ن ونِّي إِ ثْفَارّْزذْ شكْ ؤُ ثسّْقَارّْبذْ ث-إِ-د [غَاركْ]، حِيمَا أَذْ إِزْذغْ ذِي ڒمْرَاحَاثْ نّشْ. نشِّينْ أَذْ نجِّيونْ س ڒْخَارْ ن ثَادَّارْثْ نّشْ، س ثْقدَّاسْثْ ن زَّاوشْثْ نّشْ ثَامقّْرَانْثْ.
PSA 65:6 شكْ أَذْ خَانغْ د-ثَارّذْ ذِي ثْسڭْذَا س ثْمڭَّا إِسَّاڭّْوَاذنْ، [أَ] أَربِّي ن ؤُسنْجمْ نّغْ. أَقَا [شكْ] ذ ڒَامَانْ ن مَارَّا ثِينڭُّورَا ن ثمُّورْثْ، ن ڒبْحُورْ إِڭّْوجنْ قَاعْ.
PSA 65:7 [شكْ] ذ ونِّي إِسّْرُوسَانْ إِذُورَارْ س جّْهذْ نّسْ، شكْ ثْبكّْسذْ س جّهْذْ.
PSA 65:8 [شكْ] ذ ونِّي إِتَّارَّانْ ڒهْوڒْ ن ڒبْحُورْ يَارسَّا، ڒهْوڒْ نْ ڒمْوَاجْ زّْهِيرْ نْ شُّوعُوبْ.
PSA 65:9 إِنِّي إِزدّْغنْ غَارْ ثْنڭُّورَا [ن ثمُّورْثْ] تّڭّْوذنْ زِي ڒعْڒَامَاثْ نّشْ، أَقَا شكْ ثتَّارِّيذْ ڒفْجَارْ ن ثُوفُّوثْ ذ وطُّو ن ثْمذِّيثْ أَذْ سْڒِيوڒْونْ.
PSA 65:10 شكْ ثَارزّْفذْ ثَامُّورْثْ، ثتَّارِّيذْ [ثِيغزْرَاثِينْ] أَذْ ت شُوقنْثْ، أَقَا شكْ ثتَّارِّيذْ ت-إِ-د س ڒْخِيرْ أَطَّاسْ. إِغْزَارْ ن أَربِّي [نِّي ت إِتّْشُوقَا] أَقَا إِتّْشُورْ س وَامَانْ. شكْ ثسّوْجَاذذْ إِمنْذِي نْسنْ، مَاغَارْ إِ ؤُيَا إِ ثڭِّيذْ ثَامُّورْثْ.
PSA 65:11 شكْ ثتّْسَاوذْ مْسقّمْ ڒَْاثَارَاثْ ن وشْرَازْ، ثسّْهكّْوِيذْ إِبُوذَا نّسْ. ثسَّارْضَابذْ ثَامُّورْثْ س إِنشْنَاشنْ، ثتّْبَارْكذْ أَغمُّويْ نّسْ.
PSA 65:12 شكْ ثتّڭّذْ تَّاجْ إِ ؤُسڭّْوَاسْ ن ڒْخَارْ نّشْ، ڒَْاثَارَاثْ نّشْ تُّوذُومنْثْ س ثَاذُونْثْ.
PSA 65:13 أَقَا تُّوذُومنْثْ خْ دّْمَانِي ن ڒخْڒَا، ثِيوْرِيرِينْ بكّْسنْثْ س ڒفْرَاحثْ.
PSA 65:14 دّْمَانِي ن ثَاروْسَا سُّونْثْ س وُودْجِي، ثِيغْزُورِينْ ذْڒِينْثْ س إِمنْذِي. نِيثْنِي دُّوقُّوزنْ س ؤُسْڒِيوْڒوْ، [وَاهْ]، تّْغنَّاجنْ.
PSA 66:1 [إِ ؤُمقّْرَانْ ن إِمغْنَاجنْ. إِزْڒِي. أَزهّذْ.] ذُوقّْزمْ س ؤُسْڒِيوْڒوْ إِ أَربِّي، [وَاهْ،] مَارَّا ثَامُّورْثْ!
PSA 66:2 زهّْذمْ إِ ؤُعُودْجِي ن يِيسمْ نّسْ، سّْعُودْجْ [إِ-ث] إِ ؤُسمْغَارْ نّسْ.
PSA 66:3 إِنِيمْ إِ أَربِّي: ”مَامّشْ سَّاڭّْوَاذنْثْ ثْمڭَّا نّشْ!“ زِي ڒمْغَارثْ ن جّْهذْ نّشْ أَذْ [خَاكْ] سّْنِيعْمِيڒنْ ڒْعذْيَانْ نّشْ أَذْ أَضَارنْ إِ شكْ.
PSA 66:4 مَارَّا ثَامُّورْثْ، [وَاهْ مَارَّا] أَذْ أَشْ سجْذنْ ؤُ أَذْ زهّْذنْ، أَذْ زهّْذنْ إِ يِيسمْ نّشْ. سِيلَاهْ.
PSA 66:5 أَسمْ-د، خْزَارمْ ثِيمڭَّا ن أَربِّي. مِينْ إِڭَّا زَّاثْ إِ ثَارْوَا ن بْنَاذمْ أَقَا إِسَّاڭّْوَاذْ.
PSA 66:6 نتَّا يَارَّا ڒبْحَارْ ذ ڒْبَارْ. نِيثْنِي ژْوَانْ إِغْزَارْ خْ إِضَارنْ. ذِينِّي إِ زَّايسْ نْفَارّحْ.
PSA 66:7 س جّهْذْ نّسْ إِحكّمْ إِ ڒبْذَا. ثِيطَّاوِينْ نّسْ تّْعسّنْثْ خْ ڒڭْنُوسْ. غَارْومْ أَذْ مّْعَاڒَانْ إِنِّي إِتّْغوّْغنْ. سِيلَاهْ.
PSA 66:8 بَارْكمْ أَربِّي نّغْ، [كنِّيوْ أَ] ڒڭْنُوسْ، ڭّمْ أَذْ إِتّْوَاسڒْ ڒْحسّْ ن ؤُصبّحْ نّسْ.
PSA 66:9 [نتَّا] ذ ونِّي ذ أَنغْ إِتِّيشنْ ثُوذَارْثْ، ذ ونِّي وَارْ إِجِّينْ أَضَارْ نّغْ أَذْ إِفَارْغْ.
PSA 66:10 مِينْزِي شكْ، [أَ] أَربِّي، ثْقدْجْبذْ أَنغْ، شكْ ثسِّيزذْڭذْ أَنغْ أَخْمِي سِّيزْذَاڭنْ نُّوقَارْثْ.
PSA 66:11 شكْ ثْنذْهذْ أَنغْ ذِي ثْرَاشَّا [ن ڒْفخْ]. ثسَّارْسذْ خَانغْ إِجّْ ن دّْقڒْ خْ ثجْعِينَّا نّغْ.
PSA 66:12 شكْ ثجِّيذْ إِوْذَانْ أَذْ نْينْ خْ إِزدْجِيفنْ نّغْ، أَقَا نذْوڒْ ذِي ثْمسِّي ذ وَامَانْ، [مَاشَا] شكْ ثسُّوفّْغذْ أَنغْ س إِجّْ ن ڒْقدّْ إِفيّضْ.
PSA 66:13 نشّْ أَذْ د-أَذْفغْ غَارْ ثَادَّارْثْ نّشْ س ثْغَارْصَا ن وشْمَاضْ، أَذْ أَشْ خدْجْصغْ لْوُوعُوذْ إِنُو،
PSA 66:14 [لْوُوعُوذْ] نِّي زَّايْسنْ نطْقنْ إِينْشِيشنْ إِنُو، نِّي [زَّايْسنْ] إِسِّيوڒْ ؤُقمُّومْ إِنُو، ڒَْامِي ثُوغَا أَيِي ذِي ڒحْصَارثْ.
PSA 66:15 ثِيغَارْصَا ن وشْمَاضْ نْ ڒْمَارْ إِصحّنْ أَذْ أَشْ ثنْثْ-إِ-د-أَوْيغْ أَكْ-ذ ڒبْخُورْ ن إِشَارِّييّنْ. نشّْ أَذْ [أَشْ] سّْوجْذغْ إِفُونَاسنْ ذ إِغَايْضنْ. سِيلَاهْ.
PSA 66:16 مَارَّا كنِّيوْ إِ إِتّڭّْوْذنْ أَربِّي، أَسّتِّيوْ-د، سْڒمْ، نشّْ خْسغْ أَذْ أَومْ عَاوْذغْ مِينْ إِ ذ أَيِي إِڭَّا ذِي ڒعْمَارْ إِنُو.
PSA 66:17 [عَاذْ] إِڒَاغَا خَاسْ ؤُقمُّومْ إِنُو، [خنِّي] أَقَا نتَّا إِتّْوَاسّمْغَارْ سَاذُو يِيڒسْ إِنُو.
PSA 66:18 مْڒِي ثُوغَا نْوِيغْ ڒْمُوعْصِييّثْ ذڭْ وُوڒْ إِنُو، [خنِّي] أَقَا سِيذِي إِنُو وَارْ ذ أَيِي إِتّسْڒِي شَا.
PSA 66:19 أَربِّي [مَاشَا] أَقَا إِسْڒَا أَيِي، أَقَا نتَّا إِوْشَا ثَايْنِيثْ إِ ثْمِيجَّا ن ثْژَادْجِيثْ إِنُو.
PSA 66:20 أَذْ إِتّْوَابَاركْ أَربِّي ونِّي وَارْ إِنْضَارنْ ثَاژَادْجِيثْ إِنُو، وَارْ ذ أَيِي إِكِّيسْ ثَامخْسِيوْثْ نّسْ إِشوَّارنْ.
PSA 67:1 [إِ ؤُمقّْرَانْ ن إِمغْنَاجنْ. أَكْ-ذ ؤُزنْزُونْ خْ إِفِيڒَانْ. أَزهّذْ. إِزْڒِي.]
PSA 67:2 أَذْ خَانغْ إِحِينّْ أَربِّي. نتَّا إِتّجَّا ؤُذمْ نّسْ أَذْ خَانغْ يَارْغْ - سِيلَاهْ -
PSA 67:3 مَاحنْذْ أَذْ سّْننْ أَبْرِيذْ نّشْ خْ ثمُّورْثْ، [أَذْ سّْننْ] أَسنْجمْ نّشْ جَارْ مَارَّا ڒڭْنُوسْ!
PSA 67:4 ڒڭْنُوسْ أَذْ شكْ قَاذَانْ، [أَ] أَربِّي، مَارَّا ڒڭْنُوسْ أَذْ شكْ قَاذَانْ.
PSA 67:5 ڒڭْنُوسْ أَذْ فَارْحنْ، أَذْ سْڒِيوڒْونْ، مَاغَارْ شكْ أَذْ ثْحكْمذْ خْ ڒڭْنُوسْ نِيشَانْ، شكْ أَذْ ثسُّويُورذْ شُّوعُوبْ خْ ثمُّورْثْ - سِيلَاهْ -
PSA 67:6 ڒڭْنُوسْ أَذْ شكْ قَاذَانْ، [أَ] أَربِّي، مَارَّا ڒڭْنُوسْ أَذْ شكْ قَاذَانْ.
PSA 67:7 ثَامُّورْثْ ثتِّيشْ ڒْغِيدْجثْ نّسْ. أَربِّي، أَربِّي نّغْ، أَذْ أَنغْ إِبَاركْ.
PSA 67:8 أَربِّي أَذْ أَنغْ إِبَاركْ ؤُ مَارَّا ثِينڭُّورَا ن ثمُّورْثْ أَذْ زَّايسْ ڭّْوذنْثْ.
PSA 68:1 [إِ ؤُمقّْرَانْ ن إِمغْنَاجنْ. ن ذَاوُوذْ. أَزهّذْ. إِزْڒِي.]
PSA 68:2 أَربِّي أَذْ إِكَّارْ، ڒْْعذْيَانْ نّسْ أَذْ تّْوَاريّْشنْ، إِنِّي ث إِشَارّْهنْ أَذْ أَروْڒنْ زَّاثْ إِ وُوذمْ نّسْ.
PSA 68:3 شكْ أَذْ ثنْ ثسِّيڭّْوجذْ أَمْ دّخَّانْ [إِطَّاوْ]، أَمْ شّْمعْ إِفسِّي ذِي ثْمسِّي، [أَمُّو] إِ غَا فْنَانْ إِعفَّاننْ زَّاثْ إِ وُوذمْ ن أَربِّي.
PSA 68:4 إِمْسڭَّاذنْ أَذْ فَارْحنْ، أَذْ سْڒِيوْڒِيونْ س ڒفْرَاحثْ زَّاثْ إِ وُوذمْ ن أَربِّي ؤُ أَذْغبَّانْ ڒفْرَاحثْ.
PSA 68:5 غنّْجمْ إِ أَربِّي، زهّْذمْ إِ يِيسمْ نّسْ، ڭّمْ إِجّْ ن وبْرِيذْ يُوعْڒَانْ إِ ونِّي إِندّْهنْ ذِي ڒوْضَا. سِيذِي ذ إِسمْ نّسْ. نڭْزمْ سْ ڒفْرَاحثْ زَّاثْ إِ وُوذمْ نّسْ.
PSA 68:6 بَابَاثْسنْ ن إِيُوجِيڒنْ ذ ڒْقَاضِي ن ثِيجَّاڒْ، [أَمُّو إِ يدْجَا] أَربِّي ذِي ثْزذِّيغْثْ نّسْ إِقدّْسنْ،
PSA 68:7 [أَمُّو إِ يدْجَا] أَربِّي ونِّي إِسّْزدَّاغنْ إِنِّي وحّذْسنْ ذڭْ إِشْثْ ن ثْوَاشُونْثْ، ونِّي إِسُّوفُّوغنْ إِمحْبَاسْ س ؤُفْڒَاحْ، مَاشَا إِمْغوَّاغنْ أَذْ زذْغنْ ذڭْ إِشْثْ ن ثمُّورْثْ إِتّْوَاسّْشمْضنْ [زِي ثْفُوشْثْ].
PSA 68:8 [أَ] أَربِّي، أَڒَامِي ثِيزَّارذْ زَّاثْ إِ وُوذمْ ن ڒْڭنْسْ نّشْ، أَڒَامِي ثُوغَا ثڭُّورذْ ذِي ثْنزْرُوفْثْ - سِيلَاهْ -
PSA 68:9 ثنْهزّْ ثمُّورْثْ ؤُشَا ؤُشْرُورنْ إِجنْوَانْ، زَّاثْ إِ وُوذمْ ن أَربِّي، ؤُڒَا ذ أَذْرَارْ ن سِينَا [إِنْهزّْ] زَّاثْ إِ وُوذمْ ن أَربِّي، أَربِّي ن إِسْرَائِيل.
PSA 68:10 [أَكْ-ذ] ونْژَارْ إِفْسُوسنْ ثْرُوشّذْ [ثَامُّورْثْ]، [أَ،] أَربِّي، [خْمِي] إِ غَا إِسْڒَاوْ ڒْوَارْثْ نّشْ، ثوْشِيذْ أَسْ شكْ [عَاوذْ] جّهْذْ.
PSA 68:11 ثَاحِيمَارْثْ نّشْ ثُوغَا ثْزدّغْ ذَايسْ. س ثْشُونِي نّشْ ثسّْوجْذذْ ت إِ ڒْمسْكِينْ، [أَ] أَربِّي!
PSA 68:12 سِيذِي إِنُو إِوْشَا أَوَاڒْ، ثِيمْغَارِينْ نِّي د-إِتَّاوْينْ ڒخْبَارْ أَصبْحَانْ [تّْكوّْننْثْ] إِجّْ ن ؤُبَارُّو أَمقّْرَانْ ن ثْرقَّاسِينْ.
PSA 68:13 إِجدْجِيذنْ ن ڒْعسْكَارَاثْ تّْرَاكّْوَاڒنْ، أَقَا تّْرَاكّْوَاڒنْ، ؤُ ثنِّي إِقِّيمنْ ذِي ثَادَّارْثْ، ثْبطَّا ثَاكشَّاضْثْ.
PSA 68:14 مَا كنِّيوْ وَارْ ثبُّوزّْڒمْ جَارْ ثْنَاينْ ن ثَارْيِيوِينْ، [أَمْ وذْبِيرْ جَارْ] وَافْرِيونْ [نّسْ] إِ إِتّْوَاڒحّْفنْ س نُّوقَارْثْ، [جَارْ] أَرِّيشْ نّسْ س وُورغْ أَزِيزَا إِتِّيسِّيقنْ،
PSA 68:15 ڒَامِي أَمْزمَّارْ خْ كُوڒْشِي إِسَّاريّشْ إِجدْجِيذنْ ذِي ثمُّورْثْ، إِشَّاثْ وذْفڒْ خْ صَالْمُونْ.
PSA 68:16 أَذْرَارْ ن أَربِّي! أَذْرَارْ ن بَاشَانْ! أَذْرَارْ ن بَاشَانْ ذ إِجّْ ن وذْرَارْ س ثْقِيشِّيثِينْ [أَطَّاسْ].
PSA 68:17 مَايمِّي ثْخزَّارمْ أَمُّو س وَاسَامْ، [كنِّيوْ أَ] إِذُورَارْ س مَارَّا ثِيقِيشِّيثِينْ [نْومْ]، غَارْ وذْرَارْ إِ إِمژْرِي إِ-ث أَربِّي ذ ثَازذِّيغْثْ إِ يِيخفْ نّسْ؟ [وَاهْ، نِيشَانْ] سِيذِي أَذْ ذِينْ إِزْذغْ إِ ڒبْذَا.
PSA 68:18 إِكَارُّوثنْ ن أَربِّي أَقَا أَثنْ ذعشْرَايَاثْ ن ڒُوڒُوفْ ذعشْرَايَاثْ ن ڒُوڒُوفْ، ؤُڒَا ذ أَڒفْ ؤُ عَاوذْ [أَڒفْ]. سِيذِي إِنُو أَقَا-ث جَارْ أَسنْ، [أَذْرَارْ ن] سِينَا [أَقَا إِتّْوَاڒحّفْ] س ثْقدَّاسْثْ.
PSA 68:19 شكْ ثُوڒْيذْ غَارْ سنّجْ، ثْنذْهذْ إِمحْبَاسْ ذِي ثْمحْبَاسْثْ، شكْ ثْمنْعذْ ثَارْزِيفِينْ زڭْ إِوْذَانْ، [إِوَا عَاذْ] زڭْ إِمْغوّْغنْ، حِيمَا سِيذِي، أَربِّي، أَذْ إِزْذغْ [ذِينِّي].
PSA 68:20 أَذْ إِتّْوَابَاركْ سِيذِي إِنُو. أَسّْ خْ وَاسّْ يَاربُّو إِ نشِّينْ دّْقُوڒَاثْ. أَربِّي نِّي ذ أَسنْجمْ نّغْ - سِيلَاهْ -
PSA 68:21 أَربِّي نِّي ذ إِجّْ ن أَربِّي ن إِسنْجَامنْ إِ نشِّينْ. أَقَا ذِينْ إِفكِّيثنْ زِي ڒْموْثْ غَارْ سِيذِي، سِيذِي إِنُو.
PSA 68:22 س ثِيذتّْ، أَربِّي، أَذْ إِڒْبزْ أَزدْجِيفْ ن ڒْعذْيَانْ نّسْ، أَشقُّوفْ س ؤُشُوَّافْ ن ونِّي إِقِّيمنْ إِتّنّضْ س إِمرْوُوسَا [ن دّْنُوبْ] نّسْ.
PSA 68:23 سِيذِي إِنُو إِنَّا: ”نشّْ أَذْ [كنِّيوْ] د-أَرّغْ زِي بَاشَانْ، أَذْ [كنِّيوْ] د-أَرّغْ زِي ڒَادْجَاغْ ن ڒبْحَارْ،
PSA 68:24 حِيمَا أَذْ ثْحَارّْشذْ س ؤُضَارْ نّشْ ذڭْ إِذَامّنْ، [ؤُشَا ؤُڒَا ذ] إِڒسْ ن يِيطَانْ نّشْ [أَذْ إِطّفْ] ثَاسْغَارْثْ نّسْ زِي ڒْعذْيَانْ.“
PSA 68:25 نِيثْنِي ژْرِينْ إِبْرِيذنْ نّشْ مَامّشْ ثنْ ثُويُورذْ، [أَ] أَربِّي، إِبْرِيذنْ ن أَربِّي إِنُو، أَجدْجِيذْ إِنُو، [ڒحّْفنْ] ذِي ثْقدَّاسْثْ.
PSA 68:26 إِمغْنَاجنْ ثُوغَا ڭُّورنْ غَارْ زَّاثْ، إِنِّي إِشَّاثنْ خْ إِفِيڒَانْ أَوَارْنِي أَسنْ، ثِيعْزَارِييِّينْ، ثِينِّي إِتِّيرَارنْ خْ إِبنْذِيڒنْ نْسنْثْ ذِي ڒْوسْطْ.
PSA 68:27 بَارْكمْ أَربِّي ذِي ثْمسْمُونِينْ، [أَ] سِيذِي، زِي ڒْعُونْصَارْ ن إِسْرَائِيل.
PSA 68:28 أَقَا ذِينْ بِينْيَامِينْ أَمژْيَانْ، ونِّي خَاسنْ إِتّْصدْجَاضنْ، [خنِّي] ڒْحُوكَّامْ ن يَاهُوذَا أَكْ-ذ ؤُبَارُّو ن إِعْشِيرنْ نْسنْ، [ؤُڒَا ذ] ڒْحُوكَّامْ ن زابُولُونْ [ذ] ڒْحُوكَّامْ ن نَافْثَالِي.
PSA 68:29 أَربِّي نّشْ إِوصَّا [مَاحنْذْ أَذْ أَسْ إِمّوْشْ] جّهْذْ نّشْ. [أَ،] أَربِّي، سجْهذْ مِينْ ثڭِّيذْ ذِي طّْوعْ نّغْ،
PSA 68:30 زِي زَّاوشْثْ نّشْ ثَامقّْرَانْثْ، سنّجْ إِ ؤُرْشَالِيمْ. إِجدْجِيذنْ أَذْ أَشْ إِوْينْ ثَارْزِيفِينْ.
PSA 68:31 سِيڭّْوذْ ڒْوحْشْ نِّي [ذڭْ] ؤُغَانِيمْ، أَبَارُّو ن [إِفُونَاسنْ] إِجهْذنْ أَكْ-ذ إِعجْمِييّنْ ن ڒڭْنُوسْ، أَڒَامِي إِڭَّا إِخفْ نّسْ أَمْ إِتّْوَاڒْبزْ، [أَمْ] نُّوقَارْثْ إِدّزْ. نتَّا إِزدْجعْ ڒڭْنُوسْ نِّي ثُوغَا تّْمژْرنْ ذڭْ ؤُمنْغِي.
PSA 68:32 أَذْ د-أَسنْ إِمْشنّْعنْ زِي مِيصْرَا، كُوشْ أَذْ إِسّْوِيژّضْ إِفَاسّنْ نّسْ غَارْ أَربِّي س ثزْڒَا.
PSA 68:33 [أَ] ثِيڭلْذِيوِينْ ن ثمُّورْثْ، غنّْجنْثْ إِ أَربِّي، زهّْذنْثْ إِ سِيذِي إِنُو. سِيلَاهْ.
PSA 68:34 نتَّا ذ ونِّي إِندّْهنْ ذڭْ ؤُجنَّا خْ [مَارَّا] إِجنْوَانْ زڭْ وشْحَاڒْ ؤُيَا. خْزَارْ، أَقَا نتَّا إِڭَّا إِجّْ ن ڒْحسّْ إِجهْذنْ س ثْمِيجَّا نّسْ.
PSA 68:35 وْشمْ جّهْذْ إِ أَربِّي! لْعَاضَامَا نّسْ أَقَا-ت ثِيوَا إِ إِسْرَائِيل ؤُ جّهْذْ نّسْ أَقَا-ث ذڭْ إِسيْنُوثنْ.
PSA 68:36 [أَ،] أَربِّي، مَامّشْ ثسِّيڭّْوذذْ زِي ثِيزَاوِييِّينْ نّشْ إِقدّْسنْ، [أَ] أَربِّي ن إِسْرَائِيل، [شكْ] ذ ونِّي إِتِّيشنْ جّهْذْ ذ ثْزمَّارْ إِ ڒْڭنْسْ. أَذْ إِتّْوَابَاركْ أَربِّي. *
PSA 69:1 [إِ ؤُمقّْرَانْ ن إِمغْنَاجنْ. س ثغْنِينْثْ ن ’ثْلِيلِّيشِينْ‘. ن ذَاوُوذْ.]
PSA 69:2 سنْجمْ أَيِي، [أَ] أَربِّي، مَاغَارْ أَمَانْ إِوْضنْ أَيِي غَارْ ڒعْمَارْ [إِنُو].
PSA 69:3 نشّْغبِّيغْ ذڭْ ؤُبَارْيُوضْ يُودْجغْ، وَارْ [ذِينْ] مَانِي غَا بدّغْ. أَقَا-يِي ذڭْ وَامَانْ يُودْجْغنْ ؤُ ڒْحمْڒثْ ثتَّازّڒْ خَافِي.
PSA 69:4 نشّْ ؤُحْڒغْ س إِغُويَّانْ، ثْمِيجَّا إِنُو ثبُّويْبحْ، ثِيطَّاوِينْ إِنُو قْضَانْثْ زڭْ ؤُرَاجِي خْ أَربِّي إِنُو.
PSA 69:5 إِنِّي ذ أَيِي إِشَارّْهنْ خْ وَالُو تّْوسّْعنْ خْ ؤُشُوَّافْ [إِ إِدْجَانْ] خْ ؤُزدْجِيفْ إِنُو. إِنِّي يَارزُّونْ أَذْ أَيِي أَردّْدْجنْ، ڒْْعذْيَانْ إِنُو إِ [خَافِي] إِسّْخَارِّيقنْ، ذوْڒنْ جهّْذنْ. مِينْ وَارْ ؤُشَارغْ، إِتّْخصَّا أَيِي أَذْ ت-إِ-د-أَرّغْ [عَاذْ].
PSA 69:6 [أَ] أَربِّي، شكْ ثسّْنذْ ثُوبُّوهڒْيَا إِنُو، إِمرْوُوسَا [ن دّْنُوبْ] إِنُو وَارْ خَاكْ فَّارنْ.
PSA 69:7 أجّْ إِنِّي خَاكْ إِسِّيثِيمنْ، وَارْ تّْسضْحِينْ، [أَ] سِيذِي إِنُو، سِيذِي ن ڒْعسْكَارَاثْ، أجّْ إِنِّي خَاكْ يَارزُّونْ، وَارْ زَّايِي تّْوَافطّْحنْ، [أَ] أَربِّي ن إِسْرَائِيل.
PSA 69:8 مَاغَارْ ذِي طّْوعْ نّشْ إِ كسِّيغْ أَسحْقَارْ، أَسضْحِي إِڒحّفْ إِ ؤُغمْبُوبْ إِنُو.
PSA 69:9 ذوْڒغْ ذ أَغْرِيبْ غَارْ أَيْثْمَا، إِ إِحنْجِيرنْ ن يمَّا [ذوْڒغْ] ذ أَبَارَّانِي.
PSA 69:10 مَاغَارْ ثُوسْمِي [إِقدّْسنْ] إِ ثَادَّارْثْ نّشْ ثشَّا أَيِي، أَسحْقَارْ ن يِينِّي شكْ إِسّحْقَارَانْ إِوْضَا-د خَافِي.
PSA 69:11 نشّْ رُوغْ غَارْ ؤُژُومِّي ن ڒعْمَارْ إِنُو، [مَاشَا] أَيَا يِيوِي أَيِي-د عْڒَامْ كُوڒْ أَسحْقَارْ.
PSA 69:12 نشّْ يَارْضغْ إِشْثْ ن ثْخَانْشثْ [ن وشْضَانْ]، [مَاشَا] ذوْڒغْ أَسنْ ذ إِجّْ ن لْمَاثَالْ.
PSA 69:13 إِنِّي إِقِّيمنْ غَارْ ثوَّارْثْ [ن ثنْذِينْثْ] سَّاوَاڒنْ خَافِي، ؤُڒَا ذ إِزْڒَانْ ن يِينِّي إِسسّنْ شّْرَابْ.
PSA 69:14 نشّْ مَاشَا تّتَّارغْ غَاركْ، [أَ] سِيذِي! [أَقَا ذِينْ] إِجّْ ن ڒْحَاڒْ ن أَرْضَا، [أَ] أَربِّي، س ڒمْغَارثْ ن ثْمخْسِيوْثْ نّشْ إِشوَّارنْ. أَرّْ-د خَافِي س ؤُسنْجمْ نّشْ إِ د-إِفّْغنْ زِي ڒْمَانثْ نّشْ.
PSA 69:15 جْبذْ أَيِي-د زڭْ ؤُبَارْيُوضْ، أجّْ أَيِي وَارْ تّْغبِّيغْ، [حِيمَا] أَذْ تّْوَافكّغْ زڭْ إِنِّي ذ أَيِي إِشَارّْهنْ ؤُ زڭْ وَامَانْ يُودْجْغنْ.
PSA 69:16 وَارْ تّجِّي أَذْ أَيِي ثَاوِي ڒْحمْڒثْ، [وَارْ تّجِّي] ڒَادْجَاغْ أَذْ أَيِي إِسَارْضْ، أَذْ خَافِي إِبلّعْ وَانُو أَقمُّومْ نّسْ.
PSA 69:17 أَرّْ خَافِي، [أَ] سِيذِي، مَاغَارْ ثَامخْسِيوْثْ نّشْ إِشوَّارنْ ثصْبحْ. قْڒبْ غَارِي عْلَاحْصَابْ أَرّحْمثْ نّشْ إِفيّْضنْ.
PSA 69:18 وَارْ تّفَّارْ شَا ؤُذمْ نّشْ خْ ؤُمْسخَّارْ نّشْ، مَاغَارْ تّْوَاحْصَارغْ. أَرّْ-د خَافِي ذَاوحْذَا.
PSA 69:19 أَذسْ أَيِي-د غَارْ ڒعْمَارْ إِنُو، فكّْ إِ-ث. سصْڒحْ أَيِي ذِي سِّيبّثْ ن ڒْعذْيَانْ إِنُو.
PSA 69:20 شكْ ثسّْنذْ ڒْعَارْ إِنُو ذ ؤُسضْحِي إِنُو ذ ڒفْضِيحثْ إِنُو، أَقَا مَارَّا إِنِّي ذ أَيِي إِحصَّارنْ [بدّنْ] زَّاثكْ.
PSA 69:21 أَسحْقَارْ يَارْژْ أَيِي ؤُڒْ ؤُ نشّْ قنْضغْ أَطَّاسْ. رَاجِيغْ أَزِيدْجزْ، مَاشَا وَالُو، نشّْ [رَاجِيغْ] إِنِّي ذ أَيِي غَا إِعزَّانْ، مَاشَا وَارْ ؤُفِيغْ [ؤُڒَا ذ إِجّنْ].
PSA 69:22 نِيثْنِي ڭِّينْ سّمْ ذِي مَاشَّا إِنُو، إِ ؤُفَاذِي إِنُو ڭِّينْ أَيِي أَذْ سْوغْ ڒْخدْجْ.
PSA 69:23 أجّْ طَّابْڒَا نْسنْ أَذْ ثذْوڒْ ذ ڒْفخْ، ؤُڒَا ذ ثَاخْشفْثْ إِ يِينِّي أَكِيذْسنْ إِبدّنْ.
PSA 69:24 سْذَارْغڒْ ثِيطَّاوِينْ نْسنْ، حِيمَا وَارْ تّْوِيڒِينْ [عَاذْ]، أَرّْ ثِيجْعِينَّاثِينْ نْسنْ أَذْ تّنْهزَّانْثْ ڒبْذَا.
PSA 69:25 زدْجعْ خَاسنْ أَسْخضْ نّشْ، أجّْ ڒْحَاذُوقْ ن وغْضَابْ نّشْ أَذْ ثنْ إِڒْقفْ.
PSA 69:26 أجّْ ڒْمَارْڭحْ ن ثْزذِّيغْثْ نْسنْ أَذْ إِذْوڒْ ذ ڒْخَارْبثْ، مَاحنْذْ وَارْ [ذَايسْ] إِزدّغْ [عَاذْ] ؤُڒَا ذ إِجّنْ.
PSA 69:27 مَاغَارْ نِيثْنِي ذَارَّاشنْ خْ ورْيَازْ نِّي ثُوغَا ثوْثِيذْ شكْ، س ڒْهَارْذْ نْسنْ أَرْنِينْ إِ ڒحْرِيقْ ن يِينِّي زَّايكْ إِتّْوَاڒقّْفنْ.
PSA 69:28 أَرّْ دّنْبْ خْ دّنْبْ نْسنْ، وَارْ ثنْ تّجِّي أَذْ د-أَذْفنْ غَارْ ثْسڭْذَا نّشْ.
PSA 69:29 أجّْ إِ-ثنْ أَذْ تّْوَامْحَانْ زڭْ وذْلِيسْ [إِتّْوَانْضنْ] ن ثُوذَارْثْ، أَڒَامِي وَارْ تّْوَازمَّامنْ شَا غَارْ إِمْسڭَّاذنْ.
PSA 69:30 [مَاشَا] نشّْ أَقَا أَيِي ذِي ڒغْبنْ ؤُ تّْنزْبَارغْ. إِڒِي أَذْ أَيِي إِسّْڭعّذْ سنّجْ ؤُسنْجمْ نّشْ، [أَ] أَربِّي.
PSA 69:31 نشّْ أَذْ صبّْحغْ إِسمْ ن أَربِّي س يِيجّْ ن يزْڒِي، س ؤُقَاذِي أَذْ [أَسْ] سّمْغَارغْ.
PSA 69:32 أَيَا أَذْ يَارْضَا سِيذِي كْثَارْ زڭْ إِجّْ ن ؤُفُونَاسْ، زڭْ إِجّْ ن ؤُفُونَاسْ أَمژْيَانْ س وَاشَّاونْ ذ ثشْضشْثْ إِمّْسبْضَانْ.
PSA 69:33 إِمْهِيننْ نِّي ت إِژْرِينْ، أَذْ فَارْحنْ، [ؤُ] إِنِّي يَارزُّونْ خْ أَربِّي، أَقَا ؤُڒْ نْومْ أَذْ إِدَّارْ.
PSA 69:34 مَاغَارْ سِيذِي إِتّسْڒَا غَارْ إِمزْڒَاضْ، وَارْ إِسّحْقِيرِي شَا إِمحْبَاسْ نّسْ.
PSA 69:35 أجّْ إِجنْوَانْ ذ ثمُّورْثْ أَذْ ث سّمْغَارنْ، ڒبْحُورْ ذ مَارَّا مِينْ ذَايْسنْ إِتّنْهزَّانْ.
PSA 69:36 مَاغَارْ أَربِّي أَذْ إِسّنْجمْ صِيهْيُونْ، أَذْ إِبْنَا [عَاوذْ] ثِيندَّامْ ن يَاهُوذَا، ؤُشَا نِيثْنِي أَذْ ذِينْ زذْغنْ، أَذْ ت طّْفنْ ذ ڒْوَارْثْ.
PSA 69:37 زَّارِيعثْ ن إِمْسخَّارنْ نّسْ أَذْ ت ثطّفْ ذ ثَاسْغَارْثْ، إِنِّي إِتّخْسنْ إِسمْ نّسْ أَذْ ذَايسْ زذْغنْ.
PSA 70:1 [إِ ؤُمقّْرَانْ ن إِمغْنَاجنْ. ن ذَاوُوذْ. إِ ڒِيذَارثْ.]
PSA 70:2 [أَ] أَربِّي، ذغْيَاثْ حِيمَا أَذْ أَيِي ثْفكّذْ، حِيمَا أَذْ أَيِي ثْعَاوْنذْ، [أَ] سِيذِي.
PSA 70:3 أجّْ إِنِّي يَارزُّونْ ڒعْمَارْ إِنُو أَذْ تّْوَاخَاروْضنْ ؤُ أَذْ سّْنُوفَّارنْ إِخفْ نْسنْ، أجّْ إِنِّي يَارطَّانْ خْ ڒْغَارْ إِ ذَايِي إِڒقّْفنْ، أَذْ ذوْڒنْ غَارْ ضفَّارْ ؤُ أَذْ تّْوَاسّْبهْذْڒنْ.
PSA 70:4 أجّْ إِ-ثنْ أَذْعقْبنْ زِي سِّيبّثْ ن ؤُبهْذڒْ، إِنِّي ذِينْ إِقَّارنْ: ”هَا، هَا!“
PSA 70:5 أجّْ مَارَّا إِنِّي خَاكْ يَارزُّونْ، أَذْ أَرْشْقنْ، أَذْ زَّايكْ فَارْحنْ. أجّْ إِنِّي إِتّخْسنْ أَسنْجمْ نّشْ، أَذْ إِنِينْ ڒبْذَا: ”أَربِّي ذ أَمقّْرَانْ!“
PSA 70:6 [مَاشَا] نشّْ ذِي ڒغْبنْ ؤُ زڒْضغْ، [أَ] أَربِّي، ذغْيَاثْ غَارِي. شكْ ذ ثْوِيزَا إِنُو ذ أَمْسنْجمْ إِنُو، [أَ] سِيذِي، وَارْ تّْعطَّاڒْ شَا!
PSA 71:1 أَركّْوَاڒغْ غَاركْ، [أَ] سِيذِي، أجّْ أَيِيعمَّارْصْ وَارْ تّْسضْحِيغْ إِ ڒبْذَا.
PSA 71:2 فكّْ أَيِي س ثْسڭْذَا نّشْ ؤُ أَرْخُو أَيِي. أَرّْ-د غَارِي أَمزُّوغْ نّشْ ؤُ سنْجمْ أَيِي.
PSA 71:3 إِڒِي ذ إِشْثْ ن ثصْضَارْثْ إِ ثْزذِّيغْثْ إِ نشّْ، حِيمَا أَذْ غَارسْ د-أَسغْ ڒبْذَا. شكْ ثْوصِّيذْ حِيمَا أَذْ تّْوَاسّْنجْمغْ، مَاغَارْ شكْ ذ ثَاسْضَارْثْ إِنُو ذ لْبُورْجْ إِنُو.
PSA 71:4 أَربِّي إِنُو، سنْجمْ أَيِي زڭْ ؤُفُوسْ ن ؤُعفَّانْ، زڭْ ؤُفُوسْ ن مِّيسْ ن ڒْمُوعْصِييّثْ ؤُ زِي بُو -غزُّو.
PSA 71:5 مَاغَارْ شكْ ذ ڒَايَاسْ إِنُو، سِيذِي إِنُو، سِيذِي، [شكْ] ذ أَثشْڒِي إِنُو زِي ثمْژِي إِنُو.
PSA 71:6 زڭْ ؤُعذِّيسْ [ن يمَّا]، ثُوغَا أَيِيعمّْذغْ خَاكْ. زڭْ ؤُعذِّيسْ ن يمَّا، أَقَا شكْ ذ ونِّي ذ أَيِي إِحُوزنْ، نشّْ صبْحغْ شكْ ڒبْذَا.
PSA 71:7 إِ وَاطَّاسْ نشّْ أَمْ يِيشْثْ نْ ڒعْڒَامثْ [ن ڒعْجبْ]، [مَاشَا] شكْ ذ أَمْشَانْ إِنُو إِجْهذْ إِ ثَاروْڒَا.
PSA 71:8 أجّْ أَقمُّومْ إِنُو أَذْ إِشُّورْ س ؤُصبّحْ نّشْ، أَسّْ إِمُونْ س شَّانْ نّشْ.
PSA 71:9 وَارْ خَافِي تّْمنْضَارْ ذڭْ وُوسَّانْ ن ثوْسَارْ إِنُو، وَارْ ذ أَيِي سمّحْ مَاڒَا جّهْذْ إِنُو إِرُوحْ.
PSA 71:10 مَاغَارْ ڒْعذْيَانْ إِنُو سَّاوَاڒنْ خَافِي، إِنِّي يَارزُّونْ ڒعْمَارْ إِنُو، مْشَاوَارنْ خَافِي جْمِيعْ.
PSA 71:11 نِيثْنِي قَّارنْ: ”أَربِّي إِسْمحْ ذَايسْ. ضْفَارمْ ث ؤُ منْعمْ ث، مَاغَارْ وَارْ ذِينْ ونِّي إِ غَا إِفكّنْ.
PSA 71:12 [أَ] أَربِّي، وَارْ تّْغِيمِي ثِيڭّْوجذْ خَافِي، [أَ] أَربِّي إِنُو، أوْشْ أَيِي ذغْيَا أَفُوسْ.
PSA 71:13 أجّْ إِغْرِيمنْ ن ثُوذَارْثْ إِنُو أَذْ تّْوَاسضْحَانْ ؤُ أَذْ تّْوَاشّنْ، أجّْ إِنِّي يَارزُّونْ أَذْ أَيِي ڭّنْ ڒْغَارْ أَذْ تّْوَاذْڒنْ س ؤُسحْقَارْ ذ ڒفْضِيحثْ.
PSA 71:14 نشّْ مَاشَا أَذْ قِّيمغْ تّْرَاجِيغْ [شكْ] ڒبْذَا، ؤُ أَذْ أَرْنِيغْ [عَاذْ] غَارْ ؤُصبّحْ نّشْ.
PSA 71:15 أَقمُّومْ إِنُو أَذْ إِبَارّحْ س ثْسڭْذَا نّشْ، أَسنْجمْ نّشْ، أَسّْ إِمُونْ، مَاغَارْ وَارْ سِّينغْ ڒْقدّْ نّسْ.
PSA 71:16 نشّْ أَذْ د-أَسغْ س ثْمڭَّا ثِيمقّْرَانِينْ ن سِيذِي إِنُو، سِيذِي، أَذْ إِذَارغْ ثَاسڭْذَا نّشْ، مْغِيرْ ثنِّي نّشْ وَاهَا.
PSA 71:17 [أَ] أَربِّي، شكْ ثُوغَا ثسّڒْمَاذذْ أَيِي زِي ثمْژِي إِنُو، ؤُ نشّْ أَڒْ أَسّْ-أَ تّْبَارّْحغْ س لْمُوعْجِيزَاثْ نّشْ.
PSA 71:18 [أَ] أَربِّي، وَارْ ذ أَيِي سمّحْ شَا، وَاخَّا وْسَارغْ شَابغْ، أَڒْ غَا حَاجِيغْ إِ جِّيڒْ-أَ خْ [ثْمڭَّا ن] ؤُفُوسْ نّشْ ؤُڒَا خْ ثْمڭَّا نّشْ ثِيمقّْرَانِينْ، إِ مَارَّا مِينْ إِ د غَا يَاسنْ.
PSA 71:19 [أَ] أَربِّي، ثَاسڭْذَا نّشْ ثِيوضْ أَڒْ سنّجْ [قَاعْ]، مَاغَارْ شكْ ثڭِّيذْ ثِيمڭَّا ثِيمقّْرَانِينْ، [أَ] أَربِّي، مَانْ ونْ إِدْجَانْ أَمْ شكْ!
PSA 71:20 أَقَا شكْ ثجِّيذْ ثكَّا خَافِي أَطَّاسْ ن ڒحْصَارَاثْ ذ ڒْغَارْ، [مَاشَا وَاخَّا أَمنِّي] شكْ أَذْ أَيِي ثسّدَّارذْ عَاوذْ، شكْ أَذْ أَيِي ثسُّوفّْغذْ زڭْ [وَامَانْ] إِهوْڒنْ ن ثمُّورْثْ.
PSA 71:21 شكْ أَذْ ثَارِّيذْ ڒمْغَارثْ إِنُو أَذْ ثمْغَارْ، أَذْ أَيِي د-ثنّْضذْ س ؤُفوّجْ نّشْ.
PSA 71:22 أَذْ شكْ قَاذِيغْ [عَاوذْ] س لهَارْپَا، [خْ] ڒَامَانْ نّشْ، [أَ] أَربِّي، أَذْ شكْ زهّْذغْ س ڒْڭَامْبْرِي، [أَ] أَمْقدَّاسْ ن إِسْرَائِيل.
PSA 71:23 إِينْشِيشنْ إِنُو أَذْ سْڒِيوْڒونْ، أَقَا أَذْ زهّْذغْ إِ شكْ، ؤُڒَا ذ ڒعْمَارْ إِنُو نِّي ثفْذِيذْ شكْ.
PSA 71:24 ؤُڒَا ذ إِڒسْ إِنُو أَذْ إِحَاجَا خْ ثْسڭْذَا نّشْ أَسّْ مَارَّا، مَاغَارْ إِنِّي يَارزُّونْ أَذْ أَيِي ڭّنْ ڒْغَارْ، سضْحَانْ، إِوَا، تّْوَافضْحنْ.
PSA 72:1 [ن سُولِيمَانْ.] [أَ] أَربِّي، أوْشْ إِ ؤُجدْجِيذْ [مَاحنْذْ] أَذْ إِحْكمْ عْلَاحْسَابْ ڒْحقّْ نّشْ، ؤُ [أوْشْ] ثَاسڭْذَا نّشْ إِ مِّيسْ ن ؤُجدْجِيذْ.
PSA 72:2 [خنِّي] نتَّا أَذْ إِحَاكمْ ڒْڭنْسْ نّشْ س ثْسڭْذَا، ڒْمُوسَاكِينْ نّشْ س ڒْحقّْ.
PSA 72:3 إِذُورَارْ أَذْ إِوْينْ ڒهْنَا إِ ڒْڭنْسْ، [ؤُڒَا ذ] ثِيوْرِيرِينْ ثَاسڭْذَا.
PSA 72:4 نتَّا أَذْ يَاغْ ثسْغَارْثْ ن ڒْمُوسَاكِينْ ن ڒْڭنْسْ، أَذْ إِسّنْجمْ ثَارْوَا ن إِمزْڒَاضْ، ؤُشَا أَذْ إِڒْبزْ ونِّي [ثنْ] إِحصَّارنْ.
PSA 72:5 نِيثْنِي أَذْ زَّايكْ ڭّْوذنْ مِينْ غَا ثكّْ ثْفُوشْثْ [[ثدْجَا]، ] ؤُ ثَازِيرِي [أَذْ ثسّْشنْ] ؤُذمْ [نّسْ]، زِي جِّيڒْ أَڒْ جِّيڒْ.
PSA 72:6 نتَّا أَذْ د-إِهْوَا خْ إِيَّارْ أَوَارْنِي إِ وحْثَاشْ، أَمْ ثِينشْنَاشِينْ إِ إِسَّارْضَابنْ ثَامُّورْثْ.
PSA 72:7 ذڭْ وُوسَّانْ نّسْ أَذْ إِنُّووَارْ ؤُمْسڭّذْ، أَذْ ذِينْ يِيڒِي ڒهْنَا إِفيّْضنْ أَڒْ غَا ثَافذْ ثَازِيرِي وَارْ ثدْجِي عَاذْ.
PSA 72:8 نتَّا أَذْ إِحْكمْ زِي ڒبْحَارْ أَڒْ ڒبْحَارْ، زڭْ إِغْزَارْ [ن لْفُورَاطْ] أَڒْ ثِينڭُّورَا ن ثمُّورْثْ.
PSA 72:9 إِمزْذَاغْ نْ ڒخْڒَا أَذْ قُّونْجڒنْ زَّاثسْ، [مَاشَا] ڒْعذْيَانْ نّسْ أَذْ ڒسْحنْ ؤُشَاڒْ.
PSA 72:10 إِجدْجِيذنْ ن ثَارْشِيشْ أَذْ د-إِوْينْ إِشْثْ ن ثوْهِيبْثْ، إِجدْجِيذنْ ن شَابَا ذ سبَا أَذْ د-قَارّْبنْ ثَارْزفِينْ.
PSA 72:11 مَارَّا إِجدْجِيذنْ أَذْ أَسْ أَضَارنْ، مَارَّا ڒڭْنُوسْ أَذْ أَسْعبْذنْ.
PSA 72:12 مَاغَارْ نتَّا أَذْ إِفكّْ أَمزْڒُوضْ، ونِّي [غَارسْ] إِتّْڒَاغَانْ، ؤُڒَا ذ ڒْمسْكِينْ ذ ونِّي وَارْ غَارسْ أَمْعَاونْ.
PSA 72:13 نتَّا أَذْ إِعْثقْ أَمَارْخُو ذ ؤُمزْڒُوضْ، نتَّا أَذْ إِسّنْجمْ ڒعْمَارْ ن إِمزْڒَاضْ.
PSA 72:14 نتَّا أَذْ إِفكّْ ڒعْمَارْ نْسنْ زِي دّدْجْ ذ لْعُونْفْ، إِذَامّنْ نْسنْ أَذْ سكّْوَانْ أَطَّاسْ ذِي ثِيطَّاوِينْ نّسْ.
PSA 72:15 نتَّا أَذْ إِدَّارْ! ؤُ أَذْ أَسْ إِمّوْشْ وُورغْ زِي شَابَا. ؤُ [نِيثْنِي] أَذْ ژَّادْجنْ ڒبْذَا ذِي طّْوعْ نّسْ، أَسّْ مَارَّا أَذْ ث بَارْكنْ.
PSA 72:16 أَذْ يِيڒِي إِجّْ ن ؤُفيّضْ ن إِمنْذِي ذِي ثمُّورْثْ خْ ثْقِيشَّاثْ ن إِذُورَارْ، ڒْْغِيدْجثْ نّسْ أَذْ ثنْهزّْ أَمْ [ثْشجُّورَا ن] لُوبْنَانْ، ؤُ إِنِّي زِي ثنْذِينْثْ أَذْ نُّووَارنْ أَمْ أَغمُّويْ [أَزِيزَا] ذِي ثمُّورْثْ.
PSA 72:17 إِسمْ نّسْ أَذْ إِقِّيمْ إِ ڒبْذَا، إِڒِي أَذْ إِنُّووَارْ إِسمْ نّسْ زَّاثْ إِ وُوذمْ ن ثْفُوشْثْ. أَذْ ذَايسْ تّْوَابَارْكنْ نِيثْنِي، مَارَّا ڒڭْنُوسْ أَذْ ث سّمْغَارنْ.
PSA 72:18 أَذْ إِتّْوَابَاركْ سِيذِي أَربِّي، أَربِّي ن إِسْرَائِيل. نتَّا إِتّڭّْ لْمُوعْجِيزَاثْ، نتَّا وَاهَا.
PSA 72:19 أَذْ إِتّْوَابَاركْ إِسمْ ن ؤُعُودْجِي نّسْ إِ ڒبْذَا. أَذْ ثتّْوَاشُّورْ مَارَّا ثَامُّورْثْ س ؤُعُودْجِي نّسْ. أَمِينْ، [وَاهْ،] أَمِينْ.
PSA 72:20 ثِيژِيدْجَاثِينْ ن ذَاوُوذْ، مِّيسْ ن يَاسَّا، أَقَا كمّْڒنْثْ.
PSA 73:1 [أَزهّذْ ن أَسَافْ.] وَاهْ، أَربِّي ذ أَصبْحَانْ إِ إِسْرَائِيل، إِ يِينِّي س وُوڒْ إِصْفَانْ.
PSA 73:2 نشّْ مَاشَا، عْڒَاحَاڒْ ثُوغَا إِضَارنْ إِنُو فّْغنْ [زڭْ وبْرِيذْ]، وَارْ إِقِّيمْ وَالُو أَذْ حْڒُودْجْضنْ إِصُورَافْ إِنُو.
PSA 73:3 مَاغَارْ ثُوغَا ؤُسْمغْ زڭْ إِبُوهَاڒِييّنْ، [ڒَْامِي] ژْرِيغْ أَقَا إِعفَّاننْ مْلِيحْ إِ دْجَانْ.
PSA 73:4 مَاغَارْ وَارْ ذِينْ بُو إِسغْوَانْ غَارْ ڒْموْثْ نْسنْ، صُّولْطَا نْسنْ أَقَا إِبدّْ نِيشَانْ.
PSA 73:5 نِيثْنِي وَارْ شَارّْشنْ ذِي ثَامَارَا ن إِوْذَانْ، وَارْ تّْوَاڒقّْفنْ [س ڒْمُوصِيبَاثْ] أَمْ [وزْينْ نّغْنِي ن] بْنَاذمْ.
PSA 73:6 س ؤُيَا ثتَّايڒْ أَسنْ-د نّْفَاخثْ أَمْ ثْسدّشْثْ غَارْ يِيرِي نْسنْ ؤُشَا إِڒحّفْ أَسنْ لْعُونْفْ أَمْ يِيجّْ ن وَارُّوضْ.
PSA 73:7 ثِيطَّاوِينْ نْسنْ تّْوَافّْغنْثْ زِي ثَاذُونْثْ، نِيثْنِيعدُّونْ ڒخْيَاڒَاثْ ن وُوڒْ [نْسنْ].
PSA 73:8 نِيثْنِي سْثهْزَانْ [س بْطَايْطَايْ] سَّاوَاڒنْ خْ ڒْغَارْ، خْ دّدْجْ، أَقَا سَّاوَاڒنْ زِي سنّجْ.
PSA 73:9 نِيثْنِي أَرزّْمنْ ؤُقمُّومْ نْسنْ خْ ؤُجنَّا، ڒْْهَارْذْ نْسنْ إِڭُّورْ خْ ثمُّورْثْ.
PSA 73:10 س ؤُيَا إِنّقْڒبْ [دَّابْ] نْسنْ ن ڒْڭنْسْ غَارْ ذَا، أَمَانْ إِفيّْضنْ تّْسكَّافنْ ثنْ نِيثْنِي.
PSA 73:11 قَّارنْ: ”مَامّشْ إِ غَا إِسّنْ أَربِّي؟“ ”مَامّشْ إِ غَا إِڭّْ ؤُمْعُودْجِي خْ كُوڒْشِي أَذْ إِسّنْ؟“
PSA 73:12 خْزَارْ، أَقَا أَثنْ ذ إِعفَّاننْ! [عَاذْ] دَّارنْ ڒبْذَا ذِي ڒْهُوذْنثْ، سّوْسِيعنْ أَڭْڒَا نْسنْ.
PSA 73:13 س ثِيذتّْ، أَمنِّي وَاهَا سِّيزذْڭغْ ؤُڒْ إِنُو ؤُ سِّيرْذغْ إِفَاسّنْ إِنُو ذِي ثَازْذُوڭِي.
PSA 73:14 أَسّْ أَمْ إِمُونْ نشّْ ثِييِّيثَا ذَايِي، كُوڒْ صّْبحْ ثتّْوَاربِّيغْ.
PSA 73:15 مَاڒَا نِّيغْ: ”ؤُڒَا ذ نشّْ أَذْ سِّيوْڒغْ أَمُّو!“، خْزَارْ، إِڒِي غْذَارغْ جِّيڒْ ن إِحنْجِيرنْ نّشْ.
PSA 73:16 إِتّْڒِيغْ أَيِي [زمَّارغْ] أَذْ فهْمغْ أَيَا، [مَاشَا] ذِي ثِيطَّاوِينْ إِنُو إِتَّاوِي-د [مْغِيرْ] ثَامَارَا إِبطّْڒنْ،
PSA 73:17 أَڒَامِي ؤُذْفغْ غَارْ ثْزَاوِييِّينْ إِقدّْسنْ ن أَربِّي، ؤُشَا حكَّارغْ إِ ثْنڭَّارُوثْ نْسنْ.
PSA 73:18 وَاهْ، شكْ ثسّْرُوسِيذْ ثنْ خْ إِمُوشَانْ إِتّحْرُودْجُوضنْ، شكْ ثْغطّْڒذْ ثنْ ذ ڒْخِيرْبَاثْ.
PSA 73:19 مَامّشْ ذوْڒنْ ذ [إِشْثْ ن ڒْقشْعثْ ن] ؤُنخْڒِيعْ ذڭْ إِشْثْ ن ثشْثِي، تّْوَامْحَانْ ؤُ تّْوَاقْضَانْ س إِشڒْوَاونْ إِسَّاڭّْوَاذنْ.
PSA 73:20 أَمْ ثَارْجِيثْ غَارْ ؤُفَاقِي، [أَ] سِيذِي إِنُو، [أَمُّو] إِ غَا ثسّحْقَارذْ [أَبيّنْ ن] ڒخْيَاڒْ نْسنْ خْمِي د غَا ثْفَاقذْ.
PSA 73:21 ڒَامِي إِتّْوَاسَّارْزڭْ ؤُڒْ إِنُو [ذِي ڒْوقْثْ نِّي]، إِتّجِّي أَيِي [ڒحْرِيقْ] ذِي ثِيژَّاڒْ إِنُو.
PSA 73:22 نشّْ ثُوغَا أَيِي ذ أَقفُّوحْ، ثُوغَا أَيِي غَاركْ أَمْ يِيجّْ ن ڒْوحْشْ بْڒَا ڒعْقڒْ.
PSA 73:23 [عَاذْ مَاشَا] ڒبْذَا أَقَا أَيِي غَاركْ، شكْ ثطّْفذْ أَيِي زڭْ ؤُفُوسْ أَفُوسِي إِنُو.
PSA 73:24 شكْ أَذْ أَيِي ثْڭوّْذذْ س شّْوَارْ نّشْ ؤُ أَوَارْنِي مَانْ أَيَا أَذْ أَيِي ثكْسِيذْ غَارْ ؤُعُودْجِي نّشْ.
PSA 73:25 مَانْ ونْ إِ غَارِي ذڭْ ؤُجنَّا حَاشَا شكْ؟ أَكِيذكْ وَارْ ثْزمَّارْ أَذْ أَيِي ثَارْضَا ؤُڒَا ذ إِشْثْ ن ثْمسْڒَاشْثْ ذِي ثمُّورْثْ.
PSA 73:26 مَاڒَا أَرِّيمثْ ذ وُوڒْ إِنُو سمّْحنْ ذَايِي، [خنِّي] أَربِّي ذ ثَاصْضَارْثْ ن وُوڒْ إِنُو ذ ثَاسْغَارْثْ إِنُو إِ ڒبْذَا.
PSA 73:27 مَاغَارْ خْزَارْ، إِنِّي زَّايكْ إِتّڭّْوجنْ أَذْ فْنَانْ. شكْ أَذْ ثْكحّضذْ كُوڒْ إِجّْ ونِّي خَاكْ إِتّْحيَّاذنْ ؤُمِي إِ غَا إِسّفْسذْ إِخفْ نّسْ،
PSA 73:28 نشّْ مَاشَا، ڒْذَاسثْ إِ أَربِّي ذ مْلِيحْ إِ نشّْ. نشّْ ڭِّيغْ سِيذِي إِنُو، سِيذِي، ذ أَمْشَانْ إِنُو ن ثَاروْڒَا، حِيمَا أَذْ بَارّْحغْ مَارَّا ثِيمڭَّا نّشْ.
PSA 74:1 [أَخمِّي ن أَسَافْ.] مَايمِّي، [أَ] أَربِّي، ثنْضَارذْ إِ ڒبْذَا؟ مَايمِّي غَا يَارْغْ وغْضَابْ نّشْ خْ وُودْجِي ن دّْمَانِي ن ثَاروْسَا نّشْ؟
PSA 74:2 خمّمْ ذِي ثْمسْمُونْثْ نّشْ نِّي ثُوغَا ثْكسْبذْ زڭْ وشْحَاڒْ ؤُيَا، ثَاقْبِيتْشْ ن ثسْغَارْثْ ن ڒْوَارْثْ نّشْ ثنِّي ثفْذِيذْ، أَذْرَارْ ن صِيهْيُونْ ونِّي خْ ثُوغَا ثْزدّْغذْ.
PSA 74:3 سْڭعّذْ إِصُورَافْ نّشْ غَارْ مِينْ يَاردّْدْجنْ إِ ڒبْذَا. ڒعْذُو يَارَّا مَارَّا ذ ڒْخَارْبثْ ذِي زَّاوشْثْ إِقدّْسنْ.
PSA 74:4 إِنِّي ثُوغَا شكْ إِحصَّارنْ سّْبُوعْرُوثنْ ذِي ڒْوسْثْ ن ومْشَانْ نّشْ ن ؤُمْسَاڭَارْ، سّْبدَّانْ ڒعْڒَامَاثْ نْسنْ ذ ڒعْڒَامَاثْ.
PSA 74:5 أَقَا نتَّا إِذْوڒْ إِتّْوَاسّنْ أَمْ [يِيجّنْ] إِسّْڭعَّاذْ شّْوَاقَارْ ذِي شْبَارْقْ إِقّْننْ،
PSA 74:6 ؤُ خنِّي أَرْژِينْ [مَارَّا] إِنْقَاشنْ نّسْ جْمِيعْ، س شَّاقُورْ ذ إِفْضِيسنْ.
PSA 74:7 نِيثْنِي قّذنْ ثِيمسِّي إِ ثْزَاوِييِّينْ نّشْ إِقدّْسنْ، أَقَا عَارَّانْ ثَازذِّيغْثْ ن يِيسمْ نّشْ أَڒْ ثَامُّورْثْ.
PSA 74:8 نِيثْنِي نَّانْ ذڭْ وُوڒْ نْسنْ: ”أجّْ أَنغْ أَذْ ثنْثْ نَاردّدْجْ مَارَّا!“ [أَمُّو إِ] سَّارْغنْ نِيثْنِي مَارَّا إِمُوشَانْ ن ؤُمْسَاڭَارْ ن أَربِّي ذِي ثمُّورْثْ.
PSA 74:9 ڒعْڒَامَاثْ نّغْ وَارْ ثنْثْ نتّْوِيڒِي [عَاذْ]، وَارْ ذِينْ ؤُڒَا ذ إِجّْ ن ؤُنَابِي [عَاذْ]، ؤُشَا ؤُڒَا ذ إِجّْ جَارْ أَنغْ إِسّنْ أَڒْ مڒْمِي [عَاذْ].
PSA 74:10 أَڒْ مڒْمِي، [أَ] أَربِّي، أَذْ [زَّايكْ] إِسْثهْزَا ونِّي إِحصَّارنْ؟ مَا أَذْ إِشقّفْ ڒعْذُو إِ ڒبْذَا ذڭْ يِيسمْ نّشْ؟
PSA 74:11 مَايمِّي إِ ثتّڭّذْ أَذْ ذَايْنغْ إِسْمحْ أَفُوسْ نّشْ، أَفُوسْ نّشْ أَفُوسِي؟ [سُوفُّوغْ إِ-ث] زڭْ وحْسِينْ [ن ؤُپَارْثسُّو] نّشْ، قْضَا [خَاسنْ].
PSA 74:12 زڭْ وشْحَاڒْ ؤُيَا أَقَا أَربِّي ذ أَجدْجِيذْ إِنُو. نتَّا ذ ونِّي إِ د-إِتَّاوْينْ إِسنْجَامنْ ذِي ڒْوسْثْ ن ثمُّورْثْ.
PSA 74:13 س ثْزمَّارْ نّشْ ثْفثْقذْ ڒبْحَارْ، إِزدْجِيفنْ ن ڒْهَايْشَاثْ ثدّْزذْ إِ-ثنْ خْ وَامَانْ.
PSA 74:14 شكْ ثْڒبْزذْ إِزدْجِيفنْ ن ’لِيبِييَاثَانْ‘، ثوْشِيذْ إِ-ث ذ مَاشَّا إِ ڒوْحُوشْ ن ڒخْڒَا.
PSA 74:15 شكْ ثْفدْجْقذْ ڒْعُونْصَارْ ذ ثغْزَارْثْ، شكْ ثسِّيژْغذْ إِغزْرَانْ إِتَّازّْڒنْ بْڒَا قطُّو.
PSA 74:16 أَسّْ نّشْ، نّشْ ؤُڒَا ذ دْجِيڒثْ، شكْ ثڭِّيذْ ذِينْ ثَافَاوْثْ ذ ثْفُوشْثْ.
PSA 74:17 شكْ ثسّْمثْنذْ مَارَّا إِيْمِيرنْ ن ثمُّورْثْ، أَنبْذُو ذ ثْڭرْسْثْ أَقَا ثڭِّيذْ أَسنْ ثِيفْرَاسْ [نْسنْ].
PSA 74:18 عْقڒْ خْ مَانْ أَيَا: ڒعْذُو إِسّحْقَارْ سِيذِي، إِجّْ ن ڒْڭنْسْ أَبُوهَاڒِي إِشقّفْ ذڭْ يِيسمْ نّشْ.
PSA 74:19 وَارْ تِّيشْ ڒعْمَارْ ن ثجْلِيلّحْثْ نّشْ إِ ڒوْحُوشْ، وَارْ ثتُّو إِ ڒبْذَا ثُوذَارْثْ ن ڒْمُوسَاكِينْ نّشْ.
PSA 74:20 خْزَارْ غَارْ ڒْعَاهْذْ، مَاغَارْ [ذڭْ] إِمُوشَانْ ن طّْڒَامْ ذِي ثمُّورْثْ أَقَا ذَايْسنْ ثُوذْرِينْعمَّارنْثْ س لْعُونْفْ.
PSA 74:21 وَارْ تّجِّي ونِّي إِتّْوَاحصَّارنْ أَذْ د-إِعْقبْ س ؤُسضْحِي، أجّْ ڒْمسْكِينْ ذ ؤُمزْڒَاضْ أَذْ صبّْحنْ إِسمْ نّشْ.
PSA 74:22 كَّارْ بدّْ، [أَ] أَربِّي، بلّعْ دّعْوثْ نّشْ، خمّْ مَامّشْ شكْ إِسّحْقَارَانْ إِبُوهَاڒِييّنْ أَسّْ إِمُونْ.
PSA 74:23 وَارْ تّتُّو شَا أَغُويِّي ن إِغْرِيمنْ نّشْ، أَسْبُوعَارْ ن يِينِّي إِ خَاكْ إِغوّْغنْ إِتّْڭعَّاذْ غَارْ ؤُجنَّا بْڒَا [أَ]قطُّو.
PSA 75:1 [إِ ؤُمقّْرَانْ ن إِمغْنَاجنْ. ’وَارْ تَّاردّدْجْ!‘ أَزهّذْ ن أَسَافْ. إِزْڒِي.]
PSA 75:2 نشِّينْ نتّْقَاذَا شكْ، [أَ] أَربِّي، نتّْقَاذَا! أَقَا إِسمْ نّشْ يُوذسْ، أَقَا لْمُوعْجِيزَاثْ نّشْ سَّاوَاڒنْ [خْ مَانْ أَيَا].
PSA 75:3 مَاغَارْ نشّْ أَذْ خْضَارغْ ڒْحَاڒْ إِتّْوَاڭّنْ، أَذْ ڭّغْ شّْرعْ س ڒْحقّْ.
PSA 75:4 ثَامُّورْثْ أَكْ-ذ مَارَّا إِمزْذَاغْ نّسْ ثفْسِييْ، مَاشَا نشّْ سّْمتّْنغْ إِبِيلَارنْ نّسْ. سِيلَاهْ.
PSA 75:5 نشّْ نِّيغْ إِ إِبُوهَاڒِييّنْ: ”وَارْ تّڭّْوذمْ شَا!“، إِ إِعفَّاننْ: ”وَارْ سّْڭعَّاذمْ إِشّْ [نْومْ]!
PSA 75:6 وَارْ سّْڭعَّاذمْ إِشّْ نْومْ [أَمُّو] سنّجْ، وَارْ سَّاوَاڒمْ س نّْفَاخثْ!“
PSA 75:7 مَاغَارْ أَسْڭعّذْ وَارْ د-إِتَّاسْ زِي شَّارْقْ، نِيغْ زِي ڒْغَارْبْ ؤُڒَا زِي ڒخْڒَا.
PSA 75:8 مَاغَارْ أَربِّي ذ ڒْقَاضِي. نتَّا إِسّهكّْوَا إِجّنْ ؤُ إِسّْڭعَّاذْ ونّغْنِي.
PSA 75:9 مَاغَارْ أَقَا [ذِينْ] إِجّْ ن ڒْكَاسْ ذڭْ ؤُفُوسْ ن سِيذِي، بِينُو إِتّڭّْ كُوفُّو، إِتّْوَاخدْجَاضْ مَارَّا. نتَّا إِتّْكبَّا زَّايسْ. مَارَّا إِعفَّاننْ ن ثمُّورْثْ أَذْ ژمّنْ ؤُڒَا ذ ڒخْمِيرَا نّسْ ؤُمِي [زَّايسْ] إِ غَا سْونْ.
PSA 75:10 نشّْ أَذْ [ث] بَارّْحغْ إِ ڒبْذَا قَاعْ، أَذْ زهّْذغْ إِ أَربِّي ن يَاعْقُوبْ.
PSA 75:11 نشّْ أَذْ زذْمغْ مَارَّا أَشَّاونْ ن إِعفَّاننْ، أَشَّاونْ ن إِمْسڭَّاذنْ أَذْ تّْوَاسّْڭعّْذنْ.
PSA 76:1 [إِ ؤُمقّْرَانْ ن إِمغْنَاجنْ. أَكْ-ذ ؤُزنْزُونْ خْ إِفِيڒَانْ.] [أَزهّذْ ن أَسَافْ، إِزْڒِي.]
PSA 76:2 أَربِّي إِتّْوَاسّنْ ذِي يَاهُوذَا، إِسمْ نّسْ ذ أَمقّْرَانْ ذِي إِسْرَائِيل.
PSA 76:3 أَعُوشِّي نّسْ أَقَا-ث ذِي شَالِيمْ، ثَازذِّيغْثْ نّسْ ذِي صِيهْيُونْ.
PSA 76:4 ذِينِّي يَارْژَا فْڒِيثْشَاثْ يَارقّنْ ن ڒْقوْسْ، ثَاسدَّارْثْ ن ؤُسڒْقِي ذ سِّيفْ ؤُڒَا ذ أَمنْغِي. سِيلَاهْ.
PSA 76:5 ثسَّاڭّْوَاذذْ ؤُ ثْجهْذذْ إِ ثدْجِيذْ خْ إِذُورَارْ نِّي إِمّژْرنْ ذِي ثْكشَّاضْثْ.
PSA 76:6 إِنِّي إِزعَّامنْ تّْوَاكشّْضنْ. نِيثْنِي نُّوذْمنْ، طّْصنْ، ؤُڒَا ذ إِجّْ زڭْ إِرْيَازنْ إِمحْضنْ وَارْ إِزمَّارْ أَذْ إِمّْعَاڒَا.
PSA 76:7 س ؤُودّبْ نّشْ، [أَ] أَربِّي ن يَاعْقُوبْ، إِغَارْقْ ؤُكَارُّو ذ ؤُيِيسْ ذڭْ يِيضصْ.
PSA 76:8 شكْ، [وَاهْ،] شكْ ثسَّاڭّْوَاذذْ، وِي إِزمَّارنْ أَذْ إِقِّيمْ إِبدّْ زَّاثْ إِ وُوذمْ نّشْ، خْمِي د غَا إِكَّارْ وغْضَابْ نّشْ؟
PSA 76:9 زڭْ ؤُجنَّا ثڭِّيذْ أَذْ إِتّْوَاسڒْ ڒْحُوكْمْ. ثطّفْ ثڭّْوُوذِي ثَامُّورْثْ ؤُشَا ثسّغْذْ،
PSA 76:10 ؤُمِي إِكَّارْ أَربِّي مَاحنْذْ أَذْ إِشَارّعْ، حِيمَا أَذْ إِفكّْ مَارَّا إِمْهِيننْ ن ثمُّورْثْ. سِيلَاهْ.
PSA 76:11 مَاغَارْ أَفُوڭمْ ن إِوْذَانْ أَذْ يَاوِي أَقَاذِي إِ شكْ، مِينْ إِقِّيمنْ [عَاذْ] ن وسْعَارْ أَذْ ث ثْمنْعذْ.
PSA 76:12 وْشمْ لْوُوعُوذْ ؤُ ڭّمْ زَّايْسنْ زَّاثْ إِ سِيذِي، أَربِّي نْومْ. أجّْ مَارَّا إِنِّي ذ أَسْ د-إِنّْضنْ أَذْ أَوْينْ صّْذَاقِي إِ ونِّي إِتّْخصَّا أَذْ زَّايسْ ڭّْوذنْ،
PSA 76:13 ونِّي إِمنّْعنْ إِ ڒْحُوكَّامْ بُوحْبڒَاثْ نْسنْ، ونِّي زَّايسْ تّڭّْوْذنْ إِجدْجِيذنْ ن ثمُّورْثْ.
PSA 77:1 [إِ ؤُمقّْرَانْ ن إِمغْنَاجنْ. سَاذُو ؤُفُوسْ ن يَاذُوثُونْ.] [أَزهّذْ ن أَسَافْ.]
PSA 77:2 [نشّْ سّْڭعّْذغْ] ثْمِيجَّا إِنُو غَارْ أَربِّي ؤُشَا ڒَاغِيغْ، [سّْڭعّْذغْ] ثْمِيجَّا إِنُو غَارْ أَربِّي، نتَّا أَذْ أَيِي إِسڒْ.
PSA 77:3 ذڭْ وَاسّْ ن ڒحْصَارثْ إِنُو أَرْزُوغْ سِيذِي إِنُو. س دْجِيڒثْ سّْوِيژّْضغْ أَفُوسْ إِنُو بْڒَا مَا أَذْ أَسْ أَرْخُوغْ، ڒعْمَارْ إِنُو يُوڭِي أَذْ إِتّْوَاعزَّا.
PSA 77:4 ؤُمِي ثُوغَا تِّيذَارغْ أَربِّي، [خنِّي] تّْزهَّارغْ، تّْخمَّامغْ، [ؤُشَا] يَارْخُو بُوحْبڒْ إِنُو. سِيلَاهْ.
PSA 77:5 شكْ ثَارّذْ ثِيطَّاوِينْ إِنُو أَذْ قِّيمنْثْ فَاقنْثْ، نّْهوْڒغْ، وَارْ سِّيوْڒغْ.
PSA 77:6 نشّْ تّْخمَّامغْ ذڭْ وُوسَّانْ ن وشْحَاڒْ ؤُيَا، ذڭْ إِسڭّْوُوسَا ن زّْمَانَاثْ [إِعْذُونْ].
PSA 77:7 نشّْ تِّيذَارغْ ذڭْ ؤُزنْزُونْ خْ إِفِيڒَانْ إِنُو س دْجِيڒثْ، خْمِي تّْخمَّامغْ ذڭْ وُوڒْ إِنُو ؤُ بُوحْبڒْ إِنُو يَارزُّو:
PSA 77:8 مَا أَذْ [أَنغْ] إِنْضَارْ سِيذِي إِنُو إِ ڒبْذَا، وَارْ [خَافِي] إِتّْحِينِّي عَاذْ؟
PSA 77:9 مَا ثْبدّْ ثْمخْسِيوْثْ نّسْ إِشوَّارنْ إِ ڒبْذَا؟ مَا إِتّْوَابْضڒْ وَاوَاڒْ إِ إِدْجَانْ زِي جِّيڒْ إِ جِّيڒْ نّغْنِي [أَوَارْنِي أَسْ]؟
PSA 77:10 مَا إِتُّو أَربِّي أَحِينِّي نّسْ؟ مَا ذڭْ وغْضَابْ نّسْ إِبلّعْ أَرّحْمثْ نّسْ؟“ سِيلَاهْ.
PSA 77:11 نِّيغْ: ”وَا ذ ڒعْذَابْ إِنُو، أَقَا ذ إِسڭّْوُوسَا زڭْ ؤُفُوسْ ن ؤُمْعُودْجِي خْ كُوڒْشِي.“
PSA 77:12 نشّْ أَذْ إِذَارغْ ثِيمڭَّا ن سِيذِي، أَذْعقْڒغْ خْ لْمُوعْجِيزَاثْ نّشْ ن زِيشْ.
PSA 77:13 نشّْ أَذْ خمَّامغْ ذِي مَارَّا ڒخْذَايمْ نّشْ، أَذْ تّْخَارَّاصغْ ذِي مَارَّا مِينْ ثڭِّيذْ.
PSA 77:14 [أَ] أَربِّي، أَبْرِيذْ نّشْ أَقَا ذڭْ ؤُقدَّاسْ [إِ يدْجَا]! مَانْ ونْ [إِ يدْجَانْ] ذ أَربِّي أَمقّْرَانْ أَمْ أَربِّي؟
PSA 77:15 شكْ ذ أَربِّي نِّي إِتّڭّنْ لْمُوعْجِيزَاثْ، شكْ ثسّشْنذْ ثِيزمَّارْ نّشْ جَارْ ڒڭْنُوسْ.
PSA 77:16 شكْ ثفْذِيذْ ڒْڭنْسْ نّشْ س ؤُغِيڒْ نّشْ، ثَارْوَا ن يَاعْقُوبْ ذ يُوسُوفْ. سِيلَاهْ.
PSA 77:17 أَمَانْ ژْرِينْ شكْ، [أَ] أَربِّي، أَمَانْ ژْرِينْ شكْ ؤُشَا أَرْجِيجنْ، [وَاهْ،] [أَمَانْ] إِهوْڒنْ نّْهوْڒنْ.
PSA 77:18 إِسيْنُوثنْ إِذقّْڒنْ فَارّْغنْ-د أَمَانْ نْسنْ، إِبَارُّوثنْ ن إِسيْنُوثنْ سّْڭعّْذنْ ثْمِيجَّا نْسنْ، ؤُ فْڒِيثْشَاثْ ن ڒْقوْسْ نّشْ ضْوِينْثْ ذَا ذ ذِيهَا.
PSA 77:19 ثْمِيجَّا نّشْ ثڭَّا أَمْ وَاجَّاجْ ذِي ثْحَارْيَاضْثْ، أَسَّامنْ ڭِّينْ ثَافَاوْثْ خْ دُّونشْثْ، ثَامُّورْثْ ثنْهزّْ ثَارْجِيجْ. `
PSA 77:20 أَبْرِيذْ نّشْ [إِشُوقْ] ذِي ڒبْحَارْ، أَمسْرَاقْ نّشْ ذڭْ وَامَانْ إِمقّْرَاننْ، [مَاشَا] إِصُورَافْ [ن إِضَارنْ] نّشْ وَارْ بِيننْ [عَاذْ].
PSA 77:21 شكْ ثْنذْهذْ ڒْڭنْسْ نّشْ أَمْ [إِشْثْ ن ثْحِيمَارْثْ] ن وُودْجِي، س ؤُفُوسْ ن مُوسَا ذ هَارُونْ.
PSA 78:1 [أَخمِّي ن أَسَافْ.] [أَ] ڒْڭنْسْ إِنُو، أوْشْ أَمزُّوغْ إِ شَّارِيعَا إِنُو! ميّْڒمْ أَمزُّوغْ نْومْ غَارْ وَاوَاڒنْ ن ؤُقمُّومْ إِنُو.
PSA 78:2 نشّْ أَذْ أَرْزْمغْ أَقمُّونْ إِنُو س وَاوَاڒْ إِوزْننْ، أَذْ بَارّْحغْ ڒمْعَانِي إِنُّوفَّارنْ زڭْ وشْحَاڒْ ؤُيَا،
PSA 78:3 [ثِيمسْڒَايِينْ] نِّي نسْڒَا ؤُ نسّنْ، نِّي ذ أَنغْ حَاجَانْ ڒجْذُوذْ نّغْ.
PSA 78:4 وَارْ ثنْ نتّفَّارْ زڭْ إِحنْجِيرنْ نْسنْ، زِي جِّيڒْ إِ د غَا يَاسنْ. أَذْ نْبَارّحْ س ثْمڭَّا إِصبّْحنْ ن سِيذِي، س ثْمڭَّا نّسْ إِجهْذنْ ذ لْمُوعْجِيزَاثْ نّسْ نِّي ثُوغَا إِڭَّا.
PSA 78:5 مَاغَارْ نتَّا إِڭَّا إِشْثْ ن شّْهَاذثْ ذِي يَاعْقُوبْ، إِسَّارْسْ إِشْثْ ن شَّارِيعَا ذِي إِسْرَائِيل، نِّي ثُوغَا يُومُورْ إِ ڒجْذُوذْ نّغْ، مَاحنْذْ أَذْ ت سّْغَارنْ إِ إِحنْجِيرنْ نْسنْ،
PSA 78:6 مَاحنْذْ جِّيڒْ إِ د غَا يَاسنْ أَذْ إِسّنْ، إِحنْجِيرنْ نِّي د غَا إِتّْوَاخڒْقنْ [أَوَارْنِي أَسنْ]، ؤُ [خنِّي] ؤُڒَا ذ نِيثْنِي أَذْ كَّارنْ أَذْ ت سّعْذُونْ إِ إِحنْجِيرنْ نْسنْ،
PSA 78:7 [مَاحنْذْ] نِيثْنِي أَذْ سَّارْسنْ ڒَْامَانْ نْسنْ خْ أَربِّي، وَارْ تّتُّونْ شَا ثِيمڭَّا ن أَربِّي، [مَاشَا] أَذْ حْضَانْ ثِيوصَّا نّسْ،
PSA 78:8 وَارْ تِّيڒِينْ أَمْ ڒجْذُوذْ نْسنْ، إِجّْ ن جِّيڒْ أَغنَّانْ ذ إِغوّْغنْ، إِجّْ ن جِّيڒْ س وُوڒْ وَارْ إِمْثنْ ؤُ س أَرُّوحْ إِغْذَارنْ أَربِّي.
PSA 78:9 أَيْثْ ن إِفْرَايِيمْ، إِمْجبَّاذنْ نْ ڒْقوْسْ، عقْبنْ ذڭْ وَاسّْ ن ؤُمنْغِي.
PSA 78:10 وَارْ حْضَانْ ڒْعَاهْذْ أَكْ-ذ أَربِّي، ؤُڭِينْ أَذْ ؤُيُورنْ ذِي شَّارِيعَا نّسْ.
PSA 78:11 تُّونْ ثِيمڭَّا نّسْ ذ لْمُوعْجِيزَاثْ، ثِينِّي إِ ذ أَسنْ إِسّْشنْ.
PSA 78:12 زَّاثْ إِ [ثِيطَّاوِينْ ن] ڒجْذُوذْ نْسنْ إِڭَّا نتَّا إِشْثْ ن لْمُوعْجِيزَا، ذِي ثمُّورْثْ ن مِيصْرَا، ذڭْ إِيَّارْ ن صُوعَانْ.
PSA 78:13 نتَّا إِبْضَا ڒبْحَارْ ؤُشَا إِسّژْوَا ثنْ زَّايسْ، إِجَّا أَمَانْ أَذْ بدّنْ أَمْ وغْبَارْ.
PSA 78:14 نتَّا إِسّْقبّضْ إِ-ثنْ س وَاسّْ س ؤُسيْنُو، س دْجِيڒثْ مَارَّا س ثْفَاوْثْ ن ثْمسِّي.
PSA 78:15 نتَّا إِبْضَا ڒجْرُوفْ ذِي ڒخْڒَا، إِوْشَا إِ ڒْڭنْسْ أَذْ إِسُو س ؤُفيّضْ أَمشْنَاوْ زڭْ [وَامَانْ] إِهوْڒنْ.
PSA 78:16 نتَّا إِجَّا ڒْعُونْصَارَاثْ أَذْ فيّْضنْثْ زِي سّدْجَاحْ، نتَّا إِجَّا أَمَانْ أَذْ هْوَانْ أَمْ يِيغزْرَانْ.
PSA 78:17 مَاشَا نِيثْنِي أَرْنِينْ ذِي دّْنُوبْ نْسنْ خَاسْ، غوّْغنْ خْ ؤُمْعُودْجِي خْ كُوڒْشِي [ؤُمِي ثُوغَا أَثنْ] ذِي ثْنزْرُوفْثْ يُوژْغنْ.
PSA 78:18 نِيثْنِي جَارّْبنْ أَربِّي ذڭْ وُوڒْ نْسنْ ؤُمِي تَّارنْ مَاشَّا غَارْ [مژْرِي ن] ڒعْمَارْ نْسنْ.
PSA 78:19 سِّيوْڒنْ ضِيدّْ إِ أَربِّي، نَّانْ: ”مَا إِزمَّارْ أَربِّي أَذْ إِسّوْجذْ طَّابْڒَا ذِي ڒخْڒَا؟
PSA 78:20 خْزَارْ، نتَّا إِوْثَا ذِي ثصْضَارْثْ، [أَڒَامِي] د-ؤُزّْڒنْ [زَّايسْ] وَامَانْ ذ إِغزْرَانْ. مَا إِزمَّارْ نتَّا أَذْ إِوْشْ أَغْرُومْ نِيغْ إِسّوْجذْ أَيْسُومْ إِ ڒْڭنْسْ نّسْ؟“
PSA 78:21 س ؤُيَا إِسْڒَا سِيذِي ؤُشَا إِفُّوڭمْ. ثِيمسِّي ثَارْغَا ضِيدّْ إِ يَاعْقُوبْ، إِكَّارْ-د وغْضَابْ نّسْ ضِيدّْ إِ إِسْرَائِيل،
PSA 78:22 مَاغَارْ وَارْ ؤُمِينمْ شَا ذِي أَربِّي، وَارْ تّْشِيڒِينْ ذڭْ ؤُسنْجمْ نّسْ.
PSA 78:23 نتَّا يُومُورْ إِسيْنُوثنْ سنّجْ ؤُ يَارْزمْ ثِيوُّورَا ن ؤُجنَّا.
PSA 78:24 إِفَارّغْ-د خَاسنْ ’مَانَّا‘ مَاحنْذْ أَذْ شّنْ، إِوْشَا أَسنْ إِمنْذِي زڭْ ؤُجنَّا.
PSA 78:25 مَارَّا شِّينْ أَغْرُومْ ن يِينِّي ذَايْسنْ ڒْعزّْ. إِسّكّْ أَسنْ مَاشَّا نْسنْ غَارْ وبْرِيذْ أَڒَامِي جِّيوْننْ.
PSA 78:26 نتَّا إِڭَّا أَسمِّيضْ ن مَانِيسْ د-ثْنقَّارْ ثْفُوشْثْ أَذْ إِكَّارْ ذڭْ ؤُجنَّا، س ثْزمَّارْ نّسْ إِسّكّْ-د أَسمِّيضْ ن لْجَانُوبْ.
PSA 78:27 إِجَّا أَيْسُومْ أَذْ خَاسنْ د-إِوْضَا أَمْ [ونْژَارْ ن] ثْعجَّاجْثْ، إِجْضَاضْ س وَافْرِيونْ أَمْ يِيجْذِي نْ ڒبْحُورْ.
PSA 78:28 نتَّا إِجَّا إِ-ثنْ أَذْ وْضَانْ ذِي ڒْوسْثْ ن ڒْمَارْڭحْ ن ڒْعسْكَارْ، غَارْ مَارَّا إِغزْذِيسنْ ن ثْزذِّيغِينْ نْسنْ.
PSA 78:29 نِيثْنِي شِّينْ ؤُ جِّيوْننْ قَاعْ، كْسِينْ مِينْ ذِي ثُوغَا ضمْعنْ.
PSA 78:30 نِيثْنِي ثُوغَا عَاذْ وَارْ تّْوَافكّنْ زڭْ وضْمَاعْ نْسنْ، مَاشَّا ثُوغَا عَاذْ ذڭْ ؤُقمُّومْ نْسنْ،
PSA 78:31 [ؤُمِي] خَاسنْ إِكَّارْ وغْضَابْ ن أَربِّي. نتَّا إِنْغَا إِنِّي إِدْجَانْ ذ إِقبُّوزنْ قَاعْ جَارْ أَسنْ، يَارَّا-د إِحُوذْرِييّنْ ن إِسْرَائِيل أَذْ أَضَارنْ [غَارْ ثْعجَّاجْثْ ن ثمُّورْثْ].
PSA 78:32 [مَاشَا] قَاعْ أَمنِّي أَرْنِينْ ڭِّينْ دّْنُوبْ، وَارْ ؤُمِيننْ ذِي لْمُوعْجِيزَاثْ نّسْ.
PSA 78:33 نتَّا إِجَّا ؤُسَّانْ نْسنْ أَذْ عْذُونْ أَمْ يِيجّْ ن ڒفْوَارْ، إِسڭّْوُوسَا نْسنْ أَمْ يِيشْثْ ن ڒْعُورّثْ.
PSA 78:34 خْمِي ثنْ إِ غَا إِنغْ، أَرْزُونْ خْ أَربِّي، ذوْڒنْ-د غَارسْ، أَرْزُونْ خَاسْ س شْضَارثْ.
PSA 78:35 نِيثْنِيعقْڒنْ أَقَا أَربِّي ذ ثَاصْضَارْثْ نْسنْ، أَربِّي، أَمْعُودْجِي خْ كُوڒْشِي، ذ أَمفْذِي نْسنْ.
PSA 78:36 مَاشَا نِيثْنِي سّْنِيعْمِيڒنْ زَّاثسْ س ؤُقمُّومْ نْسنْ، س يِيڒسْ نْسنْ سّْخَارِّيقنْ خَاسْ.
PSA 78:37 وَارْ ثُوغِي ؤُڒْ نْسنْ إِمْثنْ أَكِيذسْ، وَارْ ؤُيُورنْ س ڒْمَانثْ أَكْ-ذ ڒْعَاهْذْ نّسْ.
PSA 78:38 نتَّا [مَاشَا] ثُوغَا يَارحّمْ [ذَايْسنْ] ؤُ إِسّصْڒحْ خْ ڒْمُوعْصِييّثْ نّغْ، وَارْ يَاردّدْجْ، مَاشَا أَطَّاسْ ن ثْوَاڒَاوِينْ إِجَّا زڭْ وغْضَابْ نّسْ ؤُ وَارْ إِڭِّي مَارَّا أَسْعَارْ نّسْ أَذْ إِكَّارْ.
PSA 78:39 نتَّا إِعْقڒْ أَقَا نِيثْنِي مْغِيرْ ذ أَيْسُومْ وَاهَا، ذ إِجّْ ن ؤُسمِّيضْ إِعدُّو وَارْ د-إِتّْعِيقِّيبْ.
PSA 78:40 مشْحَاڒْ ن ثْوَاڒَاوِينْ سْعَارنْ ث ذِي ڒخْڒَا، ڭِّينْ أَسْ ڒحْرِيقْ ذِي ثْنزْرُوفْثْ!
PSA 78:41 ثْوَاڒَا أَوَارْنِي ثنّغْنِيثْ قدْجْبنْ أَربِّي، ڭِّينْ ڒحْرِيقْ إِ ؤُمْقدَّاسْ ن إِسْرَائِيل.
PSA 78:42 وَارْ خَارّْصنْ شَا عَاذْ ذڭْ ؤُفُوسْ نّسْ، ذڭْ وَاسّْ نِّي ڒَامِي ثنْ إِفْذَا [زڭْ ؤُفُوسْ] ن ونِّي إِ-ثنْ إِحْصَارنْ،
PSA 78:43 أَڒَامِي إِڭَّا ڒعْڒَامَاثْ ذِي مِيصْرَا، ؤُڒَا ذ لْمُوعْجِيزَاثْ نّسْ ذڭْ إِيَّارْ ن صُوعَانْ،
PSA 78:44 [أَڒَامِي] إِڭَّا إِغزْرَانْ نْسنْ أَذْ ذوْڒنْ ذ إِذَامّنْ، ؤُڒَا ذ مَارَّا ڒْعُونْصَارَاثْ نْسنْ، حِيمَا نِيثْنِي وَارْ زمَّارنْ أَذْ [زَّايْسنْ] سْونْ عَاذْ.
PSA 78:45 إِسّكّْ جَارْ أَسنْ إِجّْ ن ويْڒَافْ ن إِبعَّاشْ إِ ثنْ إِشّنْ، ؤُڒَا ذ إِقَارْقْرِيونْ نِّي ثنْ إِثحَّانْ.
PSA 78:46 نتَّا إِوْشَا ڒْغِيدْجثْ نْسنْ إِ ثْمُوغْرِي إِصَارّْضنْ، ؤُڒَا ذ صَّابثْ نْسنْ إِ ثْمُوغْرِي.
PSA 78:47 إِنْغَا ثَازَايَارْثْ نْسنْ س ثبْرُورِّي، ؤُڒَا ذ إِزمُّورنْ نْسنْ س ثْكضْفِينْ.
PSA 78:48 نتَّا إِجَّا ڒْمَاڒْ نْسنْ إِ ؤُبْرُورِي، ثِيحِيمْرِيوِينْ نْسنْ إِ وَاسَّامنْ.
PSA 78:49 نتَّا إِسّكّْ ڒْحَاذُوقْ ن وغْضَابْ نّسْ جَارْ أَسنْ، أَمُوزَّارْ ذ ثفْقحْثْ ذ ڒْحصْرَانْ، ؤُمِي د-إِسّكّْ لْمَالَاكَاثْ س جّْرَايحْ.
PSA 78:50 نتَّا إِسڭّمْ إِجّْ ن ؤُمسْرَاقْ إِ وغْضَابْ نّسْ، وَارْ إِسّْعِيزّْ خْ ڒعْمَارْ نْسنْ زِي ڒْموْثْ، إِسّعْذُو ڒْمَاڒْ نْسنْ إِ طَّاعُونْ.
PSA 78:51 نتَّا إِنْغَا مَارَّا إِمنْزَا ذِي مِيصْرَا، إِمنْزَا ن يرْيَازنْ ذَايْسنْ ثرْيَاسْثْ ذڭْ إِقِيضَانْ ن حَامْ.
PSA 78:52 إِڭَّا ڒْڭنْسْ نّسْ أَذْ إِسّْڭعّذْ أَمْ وُودْجِي، إِسّْقبّضْ إِ-ثنْ أَمْ يِيشْثْ ن ثْحِيمَارْثْ ذِي ڒخْڒَا.
PSA 78:53 إِنْذهْ إِ-ثنْ ذِي ڒَامَانْ، وَارْ ڭّْوِيذنْ وَالُو، مَاغَارْ ڒبْحَارْ إِذْڒَا ڒْعذْيَانْ نْسنْ.
PSA 78:54 إِوْيِي ثنْ غَارْ ثمُّورْثْ نّسْ إِقدّْسنْ، غَارْ وذْرَارْ-أَ نِّي ذ إِكْسبْ ؤُفُوسْ أَفُوسِي نّسْ.
PSA 78:55 إِسُّوفّغْ ڒڭْنُوسْ زَّاثْ إِ وُوذمْ نْسنْ، إِڭَّا أَذْ أَسنْ د-ثكَّارْ ثسْغَارْثْ نْسنْ س ؤُفِيڒُو [ن ڒعْبَارْ]، ؤُشَا إِسّزْذغْ ثِيقبَّاڒْ ن إِسْرَائِيل ذڭْ إِقِيضَانْ نْسنْ.
PSA 78:56 [مَاشَا] نِيثْنِي قدْجْبنْ ث، سْعَارنْ أَربِّي، أَمْعُودْجِي خْ كُوڒْشِي، وَارْ هْضِينْ شّْهَاذَاثْ نّسْ.
PSA 78:57 نِيثْنِي ذوْڒنْ غَارْ ضفَّارْ، ڭِّينْ س ڒغْذَارْ أَمْ ڒجْذُوذْ نْسنْ. نِيثْنِي ودَّارنْ أَمْ يِيشْثْ ن فْڒِيثْشَا ن ڒْقوْسْ إِ إِثفّْغنْ س ڒخْذعْ.
PSA 78:58 سْعَارنْ ث س ڒڭْعُوذِي نْسنْ [إِ خْ وهّْبنْ ثِيغَارْصَا]، أَرِّينْ ث أَذْ يَاسمْ س ڒخْيَاڒَاثْ نْسنْ إِنقْشنْ
PSA 78:59 أَربِّي إِسْڒَا مَانْ أَيَا ؤُشَا إِتّْوَاسَّارْغْ وغْضَابْ نّسْ، إِذْوڒْ إِعِيفّْ أَطَّاسْ زِي إِسْرَائِيل.
PSA 78:60 نتَّا إِجَّا ثَازذِّيغْثْ نّسْ ذِي شِيلُو، أَقِيضُونْ مَانِي ثُوغَا إِزدّغْ جَارْ إِوْذَانْ.
PSA 78:61 نتَّا يَارَّا جّهْذْ نّسْ غَارْ ثْمحْبَاسْثْ، ؤُڒَا ذ ثَالْوِيزْثْ نّسْ غَارْ ؤُفُوسْ ن ونِّي ث إِحصَّارنْ.
PSA 78:62 نتَّا إِسلّمْ ڒْڭنْسْ نّسْ إِ سِّيفْ، يَارْغَا وغْضَابْ نّسْ خْ ثسْغَارْثْ نّسْ.
PSA 78:63 ثِيمسِّي ثشَّا إِحُوذْرِييّنْ نْسنْ، ثِيعْزَارِييِّينْ نْسنْ وَارْ خَاسنْثْ د-إِوْينْ إِغنِّيجنْ.
PSA 78:64 إِكهَّاننْ نْسنْ وْضَانْ س سِّيفْ ؤُ ثِيجَّاڒْ نْسنْ وَارْ رُونْثْ شَا.
PSA 78:65 [خنِّي] إِفَاقْ-د سِيذِي إِنُو أَمْ شَا ن إِجّْ إِ ثُوغَا إِطّْصنْ، أَمْ يِيجّْ ن بُو-ثغْرُوضْثْ نِّي إِسْغُويُّو زِي بِينُو.
PSA 78:66 نتَّا إِوْثَا إِنِّي ث إِحصَّارنْ غَارْ ضفَّارْ، إِڭَّا ذَايْسنْ ڒفْضِيحثْ إِ ڒبْذَا.
PSA 78:67 أَقِيضُونْ ن يُوسُوفْ إِنْضَارْ إِ-ث، ثَاقْبِيتْشْ ن إِفْرَايِيمْ وَارْ ت إِفَارْزْ.
PSA 78:68 إِفَارْزْ ثَاقْبِيتْشْ ن يَاهُوذَا، أَذْرَارْ ن صِيهْيُونْ ونِّي ثُوغَا إِتّخْسْ.
PSA 78:69 إِبْنَا زَّاوشْثْ نّسْ إِقدّْسنْ أَمْ [إِجنْوَانْ] يُوعْڒَانْ، أَمْ ثمُّورْثْ نِّي إِسّمْثنْ إِ ڒبْذَا.
PSA 78:70 إِفَارْزْ أَمْسخَّارْ نّسْ ذَاوُوذْ، إِكْسِي ث زِي ڒْكُورِيثْ ن وُودْجِي.
PSA 78:71 إِجَّا إِ-ث أَذْ د-يَاسْ زِي غَارْ ضفَّارْ ن وُودْجِي، مَاحنْذْ أَذْ يَارْوسْ يَاعْقُوبْ، ڒْڭنْسْ نّسْ، ؤُڒَا ذ إِسْرَائِيل، ڒْوَارْثْ نّسْ.
PSA 78:72 نتَّا يَارْوسْ إِ-ثنْ عْلَاحْسَابْ ڒصْفَايثْ ن وُوڒْ نّسْ، إِڭوّذْ إِ-ثنْ س ؤُفُوسْ إِزمَّارنْ.
PSA 79:1 [أَزهّذْ ن أَسَافْ.] [أَ] أَربِّي، ڒڭْنُوسْ ؤُذْفنْ غَارْ ڒْوَارْثْ نّشْ. نِيثْنِي سّْخمْجنْ زَّاوشْثْ نّشْ ثَامقّْرَانْثْ إِقدّْسنْ، أَرِّينْ ؤُرْشَالِيمْ ذ ڒْخِيرْبَاثْ.
PSA 79:2 ڒْخشْبَاثْ ن إِمْسخَّارنْ نّشْ وْشِينْ ثنْثْ ذ مَاشَّا إِ إِجْضَاضْ ن ؤُجنَّا، أَيْسُومْ ن إِمْثِيقَّانْ نّشْ إِ ڒوْحُوشْ ن ثمُّورْثْ.
PSA 79:3 إِذَامّنْ نْسنْ زدْجْعنْ ثنْ أَمْ وَامَانْ غَارْ مَارَّا إِغزْذِيسنْ ن ؤُرْشَالِيمْ، ؤُڒَا ذ إِجّْ وَارْ [ثنْ] إِنْضِيڒْ.
PSA 79:4 نذْوڒْ ذ ڒفْذِيحثْ إِ جِّيرَانْ نّغْ، ذ ؤُسْثهْزِي ذ ؤُسحْقَارْ إِ مَارَّا إِنِّي ذ أَنغْ د-إِنّْضنْ.
PSA 79:5 أَرْ مڒْمِي، [أَ] سِيذِي؟ مَا [خنِّي] أَذْ ثقِّيمذْ ثْسعَّارذْ إِ ڒبْذَا؟ [مَا] أَذْ ثَارغْ ثُوسْمِي نّشْ [إِقدّْسنْ] أَمْ ثْمسِّي [إِ ڒبْذَا]؟
PSA 79:6 فَارّغْ أَسْعَارْ نّشْ خْ ڒڭْنُوسْ إِ وَارْ شكْ إِسِّيننْ، خْ ثِيڭلْذِيوِينْ نِّي وَارْ إِتّْڒِيغِينْ خْ يِيسمْ نّشْ.
PSA 79:7 مَاغَارْ نِيثْنِي شِّينْ يَاعْقُوبْ، أَردّْدْجنْ ثَازذِّيغْثْ نّسْ.
PSA 79:8 وَارْ خَانغْعقّڒْ عْلَاحْسَابْ ڒْمُوعْصِييّثْ نّغْ ن زِيشْ. قدْجقْ، أجّْ أَرّحْمثْ نّشْ أَذْ كِيذْنغْ ثمْسَاڭَارْ، مَاغَارْ نضْعفْ أَطَّاسْ.
PSA 79:9 أوْشْ أَنغْ أَفُوسْ نّشْ، [أَ] أَربِّي، ذِي طّْوعْ ن ؤُعُودْجِي ن يِيسمْ نّشْ، فكّْ أَنغْ ؤُ سصْڒحْ خْ دّْنُوبْ نّغْ ذِي طّْوعْ ن يِيسمْ نّشْ.
PSA 79:10 مَايمِّي غَا إِنِينْ ڒڭْنُوسْ: ”مَانِي إِدْجَا أَربِّي نْسنْ؟“ أجّْ أَنْثَاقمْ ن إِذَامّنْ إِتّْوَاسِّيزْڒنْ ن ڒْڭنْسْ نّشْ أَذْ إِذْوڒْ إِتّْوَاسّنْ جَارْ ڒڭْنُوسْ جَارْ ثِيطَّاوِينْ نّغْ.
PSA 79:11 أجّْ أَزهَّارْ ن ؤُمحْبُوسْ أَذْ د-يَاسْ زَّاثْ إِ وُوذمْ نّشْ، حْضَا إِحنْجِيرنْ ن ڒْموْثْ عْلَاحْسَابْ ڒمْغَارثْ ن ؤُغِيڒْ نّشْ.
PSA 79:12 أَرّْ أَسنْ إِ جِّيرَانْ نّغْ أَبهْذڒْ نْسنْ سبْعَا ن ثْسقَّارْ غَارْ وحْسِينْ نْسنْ، [أَبهْذڒْ نْسنْ] إِ زِي شكْ فضْحنْ، [أَ] سِيذِي إِنُو.
PSA 79:13 نشِّينْ ذ ڒْڭنْسْ نّشْ ذ وُودْجِي ن دّْمَانِي ن ثَاروْسَا نّشْ. نتّْقَاذَا شكْ إِ ڒبْذَا، زِي جِّيڒْ أَڒْ جِّيڒْ. نشِّينْ أَذْ نْبَارّحْ شَّانْ نّشْ.
PSA 80:1 [إِ ؤُمقّْرَانْ ن إِمغْنَاجنْ.] [س ثغْنِينْثْ ن ’ثْلِيلِّيشِينْ‘.] [شّْهَاذثْ ن أَسَافْ. أَزهّذْ.]
PSA 80:2 سڒْ، [أَ] أَمكْسَاوْ ن إِسْرَائِيل، شكْ ذ ونِّي يَاركّْوسنْ يُوسُوفْ أَمْ وُودْجِي، شكْ ذ ونِّي إِتّْغِيمَانْ خْ إِكِيرُوبنْ، بَانْ-د ذِي ثِيسِّيقْثْ!
PSA 80:3 سكَّارْ جّهْذْ أَمقّْرَانْ نّشْ زَّاثْ إِ وُوذمْ ن إِفْرَايِيمْ ذ بِينْيَامِينْ ذ مَانَاسَّا، أَسْ-د حِيمَا أَذْ أَنغْ ثْفكّذْ.
PSA 80:4 [أَ] أَربِّي، أَرّْ أَنغْ-د، أجّْ ؤُذمْ نّشْ أَذْ [خَانغْ] يَارْغْ، [خنِّي] أَذْ نتّْوَافكّْ.
PSA 80:5 [أَ] سِيذِي، أَربِّي ن ڒْعسْكَارَاثْ، مشْحَاڒْ إِ غَا ثكّذْ ثتّْخيَّاقذْ غَارْ ثْژَادْجِيثْ ن ڒْڭنْسْ نّشْ؟
PSA 80:6 شكْ ثسّشّذْ ثنْ س وغْرُومْ ن إِمطَّاونْ، ثَارِّيذْ ثنْ أَذْ سْونْ إِمطَّاونْ س إِجّْ ن ڒْمِيجَاڒْ إِتّْوَاڭّنْ.
PSA 80:7 شكْ ثڭِّيذْ أَنغْ ذ [إِشْثْ ن ثْشَامَّا ن] إِمْشُوبّشنْ إِ جِّيرَانْ نّغْ، ڒْْعذْيَانْ نّغْ سْثهزَّانْ [زَّايْنغْ] جَارْ أَسنْ.
PSA 80:8 أَرّْ أَنغْ-د، [أَ] أَربِّي ن ڒْعسْكَارَاثْ، أجّْ ؤُذمْ نّشْ أَذْ [خَانغْ] يَارْغْ، [خنِّي] أَذْ نتّْوَافكّْ.
PSA 80:9 شكْ ثْقڒْعذْ إِشْثْ ن ثْزَايَارْثْ زِي مِيصْرَا، ثُوژّْڒذْ خْ ڒڭْنُوسْ، ؤُشَا ثژُّوذْ-إِ-ت [ذِينْ].
PSA 80:10 شكْ ثسّْوجْذذْ أَسْ [أَمْشَانْ] ؤُ ثَارِّيذْ ت-إِ-د أَذْ ثوّثْ إِژوْرَانْ، ثْعمَّارْ [ثْزَايَارْثْ] مَارَّا ثَامُّورْثْ.
PSA 80:11 تّْوَاسّْذُورْينْ إِذُورَارْ س ثِيڒِي نّسْ، ثِيشجُّورَا ن ثنْڭلْثْ ن أَربِّي س ڒفْرُوعْ نّسْ.
PSA 80:12 ثڭَّا ثِيسضْوِينْ نّسْ أَذْ أَوْضنْثْ أَڒْ ڒبْحَارْ، إِفثْوَانْ نّسْ إِزِييْزَاونْ أَڒْ إِغْزَارْ [ن لْفُورَاطْ].
PSA 80:13 مَايمِّي ثْغضْڒضْ إِغبْرَاونْ نّسْ، أَڒَامِي مَارَّا إِنِّي د-إِتّكّنْ خْ وبْرِيذْ ڒقّْضنْ ت؟
PSA 80:14 إِڒفْ زڭْ وزْغَارْ إِقْڒبْ [ثَازَايَارْثْ]، [مَارَّا] مِينْ إِنْثنْهزَّانْ ذڭْ إِيَّارْ، أَقَا إِهْذَا إِ-ت.
PSA 80:15 [أَ] أَربِّي ن ڒْعسْكَارَاثْ، ذْوڒْ-د [غَارْنغْ]، سِيجّْ-د زڭْ ؤُجنَّا، ؤُ خْزَارْ، أَرْزفْ ثَازَايَارْثْ-أَ،
PSA 80:16 تّْهِيلَّا ذِي ثْزَايَارْثْ ثنِّي إِژُّو ؤُفُوسْ نّشْ أَفُوسِي، ذِي مِّيشْ نِّي ثسّْجهْذذْ إِ يِيخفْ نّشْ.
PSA 80:17 أَقَا ثتّْوَاسّشْمضْ س ثْمسِّي، ثتّْوَاقْضعْ. زڭْ ؤُسڭّْوذْ ن وُوذمْ نّشْ أَذْ ودَّارنْ.
PSA 80:18 أجّْ أَفُوسْ نّشْ أَذْ يِيڒِي أَكْ-ذ ورْيَازْ ن ؤُفُوسْ نّشْ أَفُوسِي، أَكْ-ذ مِّيسْ ن بْنَاذمْ ونِّي ثسّْجهْذذْ إِ يِيخفْ نّشْ.
PSA 80:19 [خنِّي] وَارْ خَاكْ نْحيّذْ شَا. أجّْ أَنغْ أَذْ ندَّارْ، [خنِّي] أَذْ نْڒَاغَا خْ يِيسمْ نّشْ.
PSA 80:20 [أَ] سِيذِي، أَربِّي ن ڒْعسْكَارَاثْ، أَرّْ أَنغْ-د، أجّْ ؤُذمْ نّشْ أَذْ [خَانغْ] يَارْغْ، [خنِّي] أَذْ نتّْوَافكّْ.
PSA 81:1 [إِ ؤُمقّْرَانْ ن إِمغْنَاجنْ.] [س ثغْنِينْثْ ن ؤُجِيتِّي، أَرْيَازْ زِي جَاثْ.] [ن أَسَافْ.]
PSA 81:2 سْڒِيوْڒمْ إِ أَربِّي، جّهْذْ نّغْ، ذُوقّْزمْ س ؤُسْڒِيوْڒوْ إِ أَربِّي ن يَاعْقُوبْ.
PSA 81:3 سْڭعّْذمْ إِشْثْ ن يزْڒِي ن ؤُصبّحْ، أَوِي أَبنْذِيرْ، ڒْْڭَامْبْرِي مِيژِيذْ ذ لهَارْبَا.
PSA 81:4 سُوضمْ ذڭْ ؤُيِيشّْ ن إِشَارِّي غَارْ ؤُبذِّي ن ؤُيُورْ، غَارْ ثْزِيرِي إِقفْڒنْ، غَارْ وَاسّْ ن ڒْعِيذْ نّغْ.
PSA 81:5 مَاغَارْ ثَا ذ ثَاوْصيّثْ إِ إِسْرَائِيل، إِشْثْ ن لْفَارِيضَا ن أَربِّي ن يَاعْقُوبْ.
PSA 81:6 إِڭَّا إِ-ت ذ شّْهَاذثْ ذِي يُوسُوفْ، ڒَْامِي د-إِفّغْ ضِيدّْ إِ ثمُّورْثْ ن مِيصْرَا. أَقَا سْڒِيغْ إِجّْ ن يِيڒسْ وَارْ ذ أَسْ فهْمغْ.
PSA 81:7 ثَاغْرُوضْثْ نّسْ فكّغْ ت زِي دّْقڒْ، إِفَاسّنْ نّسْ أَرْخُونْ زِي ثْسُودْجثْ [إِ ثُوغَا يَاربُّو].
PSA 81:8 شكْ ثْڒَاغِيذْ ذِي ڒحْصَارثْ ؤُ نشّْ فكّغْ شكْ [زَّايسْ]. نشّْ أَرِّيغْ-د خَاكْ أَمْ تّْنُوفَّارغْ ذڭْ وَاجَّاجْ، غَارْ وَامَانْ ن مَارِيبَا قدْجْبغْ شكْ. سِيلَاهْ.
PSA 81:9 سڒْ، ڒْڭنْسْ إِنُو، [خنِّي] نشّْ أَذْ شهْذغْ ذِي ڒْوسْطْ نّشْ، [أَ] إِسْرَائِيل، مَاڒَا [خنِّي] ثُوغَا ثخْسذْ أَذْ غَارِي د-ثسْڒذْ.
PSA 81:10 وَارْ غَاركْ إِتِّيڒِي إِجّْ ن أَربِّي ذ أَغْرِيبْ، وَارْ سجذْ ؤُڒَا إِ يِيجّْ ن أَربِّي إِ وَارْ ثسِّينذْ.
PSA 81:11 نشّْ ذ سِيذِي، أَربِّي نّشْ، ونِّي شكْ د-إِسُّوفّْغنْ زِي مِيصْرَا. أَرْزمْ أَقمُّونْ نّشْ ؤُ نشّْ أَذْ ث شُّورغْ.
PSA 81:12 مَاشَا ڒْڭنْسْ إِنُو وَارْ إِسْڒِي شَا غَارْ ثْمِيجَّا إِنُو، إِسْرَائِيل وَارْ ذ أَيِي إِخْسْ.
PSA 81:13 [س ؤُينِّي] جِّيغْ ثنْ إِ وُوڒْ نْسنْ إِقسْحنْ، [أَڒَامِي] إِ غَا ؤُيُورنْ ذِي ڒشْوَارْ [ن ؤُزدْجِيفْ] نْسنْ.
PSA 81:14 مْڒِي د-إِسْڒَا غَارِي ڒْڭنْسْ إِنُو، مْڒِي إِسْرَائِيل إِخْسْ أَذْ يُويُورْ ذڭْ إِبْرِيذنْ إِنُو!
PSA 81:15 [خنِّي] مَامّشْ ذغْيَا إِڒِي قْضِيغْ خْ ڒْعذْيَانْ نْسنْ، أَرِّيغْ أَفُوسْ إِنُو ضِيدّْ إِ يِينِّي ثنْ إِحصَّارنْ.
PSA 81:16 إِنِّي إِشَارّْهنْ سِيذِي أَذْ غَارسْ د-ذوْڒنْ تّْمُورُوذنْ ذدْجنْ، ڒْْوقْثْ [ن ؤُخدْجصْ] نْسنْ أَذْ يِيڒِي إِ ڒبْذَا.
PSA 81:17 إِڒِي أَقَا إِوْشَا أَسْ مَاشَّا زِي لمْلِيحْ ن يِيرْذنْ، [وَاهْ]، إِڒِي س ثَامّنْثْ زِي جَّارْفْ أَقَا نشّْ سّْجِّيوْنغْ شكْ.
PSA 82:1 [أَزهّذْ ن أَسَافْ.] أَربِّي إِبدّْ ذِي ثْمسْمُونْثْ ن أَربِّي. نتَّا إِحكّمْ س ڒْحقّْ ذِي ڒْوسْثْ ن إِربِّيثنْ.
PSA 82:2 مشْحَاڒْ إِ غَا ثكّمْ ثْحكّْممْ س ڒْغشّْ، أَذْ ثسّْڭعّْذمْ ؤُذمْ ن إِعفَّاننْ؟ سِيلَاهْ.
PSA 82:3 حكْممْ س ڒْحقّْ خْ ؤُمَارْخُو ؤُ خْ ؤُيُوجِيڒْ، أَغمْ ثَاسْغَارْثْ إِ ونِّي إِتّْوَاحصَّارنْ ؤُ إِ ؤُمزْڒُوضْ.
PSA 82:4 فكّمْ أَمَارْخُو ذ ؤُمزْڒُوضْ، فكّْ إِ-ث زڭْ ؤُفُوسْ ن إِعفَّاننْ.
PSA 82:5 نِيثْنِي وَارْ تّسّْننْ ؤُ وَارْ فهّْمنْ، ڭُّورنْ تّنّْضنْ ذِي ثَادْجسْثْ، مَارَّا ذْسُوسَا ن ثمُّورْثْ تّنْهزَّانْ.
PSA 82:6 نشّْ نِّيغْ: ”كنِّيوْ ذ إِربِّيثنْ، كنِّيوْ مَارَّا ذ إِحنْجِيرنْ ن ؤُمْعُودْجِي خْ كُوڒْشِي!“
PSA 82:7 عَاذْ أَذْ ثمْثمْ أَمْ [كُوڒْ] بْنَاذمْ، أَذْ ثوْضَامْ أَمْ كُوڒْ إِجّنْ زِي ڒْحُوكَّامْ.
PSA 82:8 كَّارْ، [أَ] أَربِّي، حْكمْ خْ ثمُّورْثْ، مِينْزِي شكْ أَذْ ثطّْفذْ ثَاسْغَارْثْ نّشْ زِي مَارَّا ڒڭْنُوسْ.
PSA 83:1 [إِزْڒِي. أَزهّذْ ن أَسَافْ.]
PSA 83:2 [أَ] أَربِّي، وَارْ سّغْذْ، وَارْ تّڭّْ إِخفْ نّشْ ذ أَذهْشُورْ، وَارْ سقَّارْ شَا، [أَ] أَربِّي.
PSA 83:3 مَاغَارْ خْزَارْ، ڒْْعذْيَانْ نّشْ تَّارُّودْجُوذنْ، إِنِّي شكْ إِشَارّْهنْ سّْڭعّْذنْ أَزدْجِيفْ.
PSA 83:4 تّْخَارّْصنْ ذڭْ إِشْثْ ن ثْمعْمُوتْشْ ذِي ثْنُوفَّارْ ضِيدّْ إِ ڒْڭنْسْ نّشْ، تّمْشَاوَارنْ خْ يِينِّي إِتّْوَاحْضَانْ زَّايكْ.
PSA 83:5 قَّارنْ: ”أَسمْ-د، أجّْ أَنغْ أَذْ ثنْ نْثحَّا أَمْ ڒْڭنْسْ، [أَڒَامِي] وَارْ إِتِّيذَارْ عَاذْ ذڭْ يِيسمْ ن إِسْرَائِيل.“
PSA 83:6 مَاغَارْ تّمْشَاوَارنْ س وُوڒْ ذ إِجّْ، أَقَا تّڭّنْ إِجّْ ن ڒْعَاهْذْ ضِيدّْ إِ شكْ:
PSA 83:7 إِقِيضَانْ ن إِذُومْ ذ أَيْثْ ن إِسْمَاعِيلْ، مُوآبَ ذ أَيْثْ ن هَاجَارْ،
PSA 83:8 جَابَالْ ذ عَامُّونْ ذ عَامَالِيقْ، فِيلِيشِيثْ ذ إِمزْذَاغْ ن صُورْ.
PSA 83:9 ؤُڒَا ذ أَشُّورْ إِمَّارْنِي غَارْسنْ. نِيثْنِي ثُوغَا أَثنْ ذ أَفُوسْ إِجْهذْ إِ أَيْثْ ن لُوطْ. سِيلَاهْ.
PSA 83:10 أڭّْ أَسنْ أَمْ مِيذْيَانْ ذ سِيسَارَا، أَمْ يَابِينْ غَارْ يغْزَارْ ن قِيشُونْ.
PSA 83:11 نِيثْنِي تّْوَاثحَّانْ غَارْ عَايْنْ-ذُورْ، ذوْڒنْ ذ ڒغْبَارْ خْ ثمُّورْثْ.
PSA 83:12 أڭّْ إِ-ثنْ أَكْ-ذ ثَارْوَا ن ثَاصِيڒثْ نْسنْ أَمْ غُورَابْ ذ ذِي‘بْ، مَارَّا أَيْثْ ن جّهْذْ نْسنْ أَمْ زَابَاحْ ذ صَالْمُونَّاعْ،
PSA 83:13 إِنِّي إِقَّارنْ: ”أجّْ أَنغْ أَذْ نطّفْ ثِيزذِّيغِينْ ن أَربِّي إِ يِيخفْ نّغْ ذ ڒْوَارْثْ.“
PSA 83:14 [أَ] أَربِّي إِنُو، أڭّْ إِ-ثنْ أَمْ يِيجّْ ن ؤُقلِّيجْ إِتّنّْضنْ [ذِي ڒعْوِينْ]، أَمْ ؤُڒُومْ زَّاثْ إِ وُوذمْ ن ؤُسمِّيضْ.
PSA 83:15 أَمْ ثْمسِّي ثسّْرقَّا أَزْغَارْ، أَمْ ؤُشعَّاڒْ إِتّتّْ إِذُورَارْ،
PSA 83:16 أَژّڒْ أَمُّو خَاسنْ س ؤُسمِّيضْ نّشْ، سْنخْڒعْ إِ-ثنْ س ثْحَارْيَاضْثْ نّشْ.
PSA 83:17 ڒحّفْ ؤُذمْ نْسنْ س ڒحْيَا، مَاحنْذْ نِيثْنِي، [أَ] سِيذِي، أَذْ أَرْزُونْ خْ يِيسمْ نّشْ.
PSA 83:18 أجّْ إِ-ثنْ أَذْ بَارّْقنْ ؤُ أَذْ أَرجْفنْ إِ ڒبْذَا، أجّْ إِ-ثنْ أَذْ سضْحَانْ ؤُشَا أَذْ تّْوَاهلّْكنْ،
PSA 83:19 حِيمَا أَذْ سّْننْ، أَقَا شكْ وَاهَا إِ غَارْ إِدْجَا يِيسمْ ’سِيذِي‘، أَمْعُودْجِي خْ مَارَّا ثَامُّورْثْ.
PSA 84:1 [إِ ؤُمقّْرَانْ ن إِمغْنَاجنْ.] [س ثغْنِينْثْ ن ؤُجِيتِّي، أَرْيَازْ زِي جَاثْ.] [زڭْ أَيْثْ ن قُورَاحْ. أَزهّذْ.]
PSA 84:2 مَامّشْ تّْعِيزّنْثْ ثْزذِّيغِينْ نّشْ، [أَ] سِيذِي ن ڒْعسْكَارَاثْ!
PSA 84:3 ڒعْمَارْ إِنُو ذَايسْ مژْرِي، [وَاهْ،] إِفنَّا [س ؤُوحّشْ] خْ ڒمْرَاحَاثْ ن سِيذِي، ؤُڒْ إِنُو ذ دَّاثْ إِنُو سْڒِيوْڒِيونْ إِ أَربِّي إِدَّارنْ.
PSA 84:4 ؤُڒَا ذ ژَّاوشْ إِتَّافْ عَاذْ إِشْثْ ن ثَادَّارْثْ، ؤُ ثَافَارْدْجسْثْ ثُوفَا إِجّْ ن ڒْعُوشّْ إِ يِيخفْ نّسْ إِ ذِي ثسّْرُوسَّا إِسّْضَاونْ نّسْ، [غَارْ] إِعَالْطَارنْ نّشْ، [أَ] سِيذِي ن ڒْعسْكَارَاثْ، أَجدْجِيذْ إِنُو ذ أَربِّي إِنُو!
PSA 84:5 سّعْذْ نْسنْ ن يِينِّي إِزدّْغنْ ذِي ثَادَّارْثْ نّشْ، أَقَا أَثنْ تّْصبَّاحنْ إِ شكْ بْڒَا قطُّو. سِيلَاهْ.
PSA 84:6 سّعْذْ ن إِوْذَانْ إِنِّي [إِتَّافنْ] جّهْذْ نْسنْ ذَايكْ، [إِنِّي إِحطَّانْ] إِبْرِيذنْ إِڭعّْذنْ [غَارْ زَّاوشْثْ نّشْ ثَامقّْرَانْثْ] ذڭْ وُوڒْ نْسنْ.
PSA 84:7 خْمِي تّْشُوقَانْ ذڭْ إِجّْ ن ڒوْضَا ن ثغْزُورْثْ ن ثْشجُّورَا ن ؤُمتِّينْ، أَرِّينْ ث ذ ڒْعُونْصَارْ. ؤُڒَا ذ أَنْژَارْ أَمزْوَارُو أَذْ [ثنْ] إِسّْذُورِييْ س لْبَارَاكَاثْ.
PSA 84:8 نِيثْنِي ڭُّورنْ زِي جّهْذْ أَڒْ جّهْذْ، أَذْ د-بَاننْ غَارْ أَربِّي ذِي صِيهْيُونْ.
PSA 84:9 [أَ] سِيذِي، أَربِّي ن ڒْعسْكَارَاثْ، سڒْ إِ ثْژَادْجِيثْ إِنُو، سْحسّْ، [أَ] أَربِّي ن يَاعْقُوبْ! سِيلَاهْ.
PSA 84:10 [أَ] أَربِّي، [شكْ ذ] ثَاسدَّارْثْ نّغْ ن ؤُسڒْقِي، أَقَا خْزَارْ غَارْ وُوذمْ ن ؤُمذْهُونْ نّشْ!
PSA 84:11 مَاغَارْ إِجّْ ن وَاسّْ ذِي ڒمْرَاحَاثْ نّشْ إِحْڒَا خْ وَاڒفْ [ن وُوسَّانْ نّغْنِي]. معْلِيكْ ؤُفِيغْ أَذْ بدّغْ خْ ثْنبْذَاثْ ن ثَادَّارْثْ ن أَربِّي إِنُو، ؤُڒَا ذ أَثْلَاعْ ذڭْ إِقِيضَانْ ن ثُوعفّْنَا.
PSA 84:12 مَاغَارْ سِيذِي أَربِّي ذ ثَافُوشْثْ ذ ثْسدَّارْثْ إِ ؤُسڒْقِي، سِيذِي أَذْ إِوْشْ أَحِينِّي ذ ؤُعُودْجِي. نتَّا وَارْ إِسّْعِيزِّي ڒْخَارْ ذڭْ إِنِّي إِڭُّورنْ س ڒكْمَارثْ.
PSA 84:13 [أَ] سِيذِي ن ڒْعسْكَارَاثْ، سّعْذْ ن بْنَاذمْ نِّي ذَايكْ إِتِّيقَّانْ.
PSA 85:1 [إِ ؤُمقّْرَانْ ن إِمغْنَاجنْ.] [زڭْ أَيْثْ ن قُورَاحْ. أَزهّذْ.]
PSA 85:2 شكْ ثَارْضِيذْ خْ ثمُّورْثْ، [أَ] سِيذِي، ثسّنْقڒْبذْ ثَامحْبَاسْثْ ن يَاعْقُوبْ.
PSA 85:3 ثكّْسذْ ڒْمُوعْصِييّثْ خْ ڒْڭنْسْ نّشْ، ثذْڒِيذْ مَارَّا دّْنُوبْ نّسْ. سِيلَاهْ.
PSA 85:4 شكْ ثْمنْعذْ مَارَّا أَفُوڭمْ، ثسّْثوّْجذْ ڒْحَاذُوقْ ن وغْضَابْ نّشْ.
PSA 85:5 أَرّْ أَنغْ، [أَ] أَربِّي ن ؤُسنْجمْ نّغْ، تُّو أَغْضَابْ نّشْ خَانغْ.
PSA 85:6 مَا ثخْسذْ أَذْ خَانغْ ثسْعَارذْ إِ ڒبْذَا؟ مَا أَذْ ثڭّذْ أَغْضَابْ نّشْ أَذْ إِقِّيمْ زِي جِّيڒْ أَڒْ جِّيڒْ؟
PSA 85:7 مَا وَارْ ذ أَنغْ ثجِّيذْ أَذْ ندَّارْ عَاوذْ، حِيمَا أَذْ أَشْ إِفَارْحْ ڒْڭنْسْ نّشْ؟
PSA 85:8 سْشنْ أَنغْ-د ثَامخْسِيوْثْ نّشْ إِشوَّارنْ، [أَ] سِيذِي، أوْشْ أَنغْ أَسنْجمْ نّشْ.
PSA 85:9 نشّْ خْسغْ أَذْ سْڒغْ مِينْ غَا إِسِّيوڒْ أَربِّي، سِيذِي، مَاغَارْ نتَّا أَذْ إِسِّيوڒْ أَكْ-ذ ڒْڭنْسْ نّسْ ؤُ أَكْ-ذ إِمْثِيقَّانْ نّسْ خْ ڒهْنَا. غَارْومْ، مَاڒَا نِيثْنِي أَذْ د-ذوْڒنْ تّْشَاڒَانْ [خْ يِيخفْ نْسنْ].
PSA 85:10 نِيشَانْ، أَقَا يُوذسْ-د ؤُسنْجمْ نّسْ إِ يِينِّي زَّايسْ إِتّڭّْوذنْ، حِيمَا أَعُودْجِي [نّسْ] أَذْ إِزْذغْ ذِي ثمُّورْثْ نّغْ.
PSA 85:11 ثَامخْسِيوْثْ إِشوَّارنْ ذ ڒَامَانْ أَذْ مّْسَاڭَارنْ، ثَاسڭْذَا ذ ڒهْنَا أَذْ مّْسُوذُومنْ.
PSA 85:12 ثِيذتّْ أَذْ ثغْمِي زِي ثمُّورْثْ، ثَاسڭْذَا أَذْ ثسِّيجّْ غَارْ سْوَادَّايْ زڭْ ؤُجنَّا.
PSA 85:13 سِيذِي أَذْ إِوْشْ ؤُڒَا ذ مِينْ إِصبْحنْ، ثَامُّورْثْ نّغْ أَذْ ثوْشْ ڒْغِيدْجثْ نّسْ.
PSA 85:14 ثَاسڭْذَا أَذْ أَسْ ثِيزْوَارْ زَّاثْ إِ وُوذمْ نّسْ، أَذْ ثحْضَا جُّورّثْ ن إِصُورَافْ نّسْ.
PSA 86:1 [ثَاژَادْجِيثْ ن ذَاوُوذْ.] [أَ] سِيذِي، أَرّْ أَمزُّوغْ نّشْ [غَارِي]، سڒْ أَيِي، مَاغَارْ نشّْ ذِي ڒغْبنْ ؤُ زڒْضغْ.
PSA 86:2 حْضَا خْ ڒعْمَارْ إِنُو، مَاغَارْ نشّْ ذ أَمْثِيقِّي، [أَ] أَربِّي إِنُو، سنْجمْ أَمْسخَّارْ نّشْ، ونِّي خَاكْ إِتّْشَاڒَانْ.
PSA 86:3 حِينّْ خَافِي، [أَ] سِيذِي إِنُو، مَاغَارْ تّْڒَاغِيغْ خَاكْ أَسّْ أَمْ إِمُونْ.
PSA 86:4 سْفَارْحْ ڒعْمَارْ ن ؤُمْسخَّارْ نّشْ، مَاغَارْ إِ شكْ، [أَ] سِيذِي إِنُو، سّْڭعَّاذغْ ڒعْمَارْ إِنُو.
PSA 86:5 مَاغَارْ شكْ، [أَ] سِيذِي إِنُو، ذ أَصبْحَانْ ؤُ ذ أَمْسَامحْ، غَاركْ ثَامخْسِيوْثْ إِشوَّارنْ إِ مَارَّا إِنِّي غَاركْ إِتّْڒَاغَانْ.
PSA 86:6 [أَ] سِيذِي، سڒْ إِ ثْژَادْجِيثْ إِنُو، حكَّارْ إِ ثْمِيجَّا ن ثُوثْرَا إِنُو.
PSA 86:7 ذڭْ وَاسّْ ن ڒحْصَارثْ إِنُو تّْڒَاغِيغْ-د غَاركْ، مَاغَارْ شكْ أَذْ خَافِي د-ثَارّذْ.
PSA 86:8 جَارْ إِربِّيثنْ وَارْ إِدْجِي ؤُڒَا ذ إِجّنْ أَمْ شكْ، [أَ] سِيذِي إِنُو، وَارْ ذِينْ مِينْ يَارْوسنْ ذِي ثْمڭَّا نِّي ثڭِّيذْ.
PSA 86:9 مَارَّا ڒڭْنُوسْ إِ ثڭِّيذْ، أَذْ د-أَسنْ، أَذْ سجْذنْ زَّاثْ إِ وُوذمْ نّشْ، [أَ] سِيذِي إِنُو، أَذْ سّْعُودْجنْ إِسمْ نّشْ.
PSA 86:10 مَاغَارْ شكْ ذ أَمقّْرَانْ ؤُ شكْ ذ ونِّي إِتّڭّنْ لْمُوعْجِيزَاثْ، شكْ وحّْذكْ ذ أَربِّي [إِ ثدْجِيذْ].
PSA 86:11 سْشنْ أَيِي أَبْرِيذْ نّشْ، [أَ] سِيذِي، [حِيمَا] أَذْ ؤُيُورغْ ذِي ثِيذتّْ نّشْ، سْمُونْ ؤُڒْ  إِنُو مَاحنْذْ أَذْ ڭّْوذغْ إِسمْ نّشْ.
PSA 86:12 [أَ] سِيذِي إِنُو، أَربِّي إِنُو، خْسغْ أَذْ شكْ قَاذِيغْ س مَارَّا وُوڒْ إِنُو، أَذْ شنّْعغْ إِسمْ نّشْ إِ ڒبْذَا قَاعْ.
PSA 86:13 مَاغَارْ ثَامخْسِيوْثْ نّشْ إِشوَّارنْ ثمْغَارْ خَافِي، شكْ ثْفكّذْ ڒعْمَارْ إِنُو زِي ڒَادْجَاغْ ن ڒَاخَارْثْ.
PSA 86:14 [أَ] أَربِّي، إِمْعفَّارنْ كَّارنْ-د أَكِيذِي، إِشْثْ ن بَانْذِييَّا ن أَيْثْ ن بُو-ڒخْشُونثْ أَرزُّونْ أَذْ [نْغنْ] ڒعْمَارْ إِنُو. شكْ وَارْ غَارْسنْ ثدْجِيذْ قِيبَاتْشْ إِ ثِيطَّاوِينْ نْسنْ.
PSA 86:15 [مَاشَا] شكْ، [أَ] سِيذِي إِنُو، ذ أَربِّي ذ أَرْحِيمْ ذ ؤُحْنِينْ، غَاركْ تَّاسِيعْ ن ڒْخَاضَارْ ؤُڒَا ذ ثَامخْسِيوْثْ إِشوَّارنْ ذ ڒَامَانْ مْغَارنْ.
PSA 86:16 خْزَارْ-د غَارِي ؤُ حِينّْ خَافِي، أڭّْ جّهْذْ نّشْ ذڭْ ؤُمْسخَّارْ نّشْ، ؤُشَا سنْجمْ مِّيسْ ن ثَايَّا نّشْ.
PSA 86:17 أڭّْ إِشْثْ ن ڒعْڒَامثْ ذِي طّْوعْ إِنُو، حِيمَا إِنِّي ذ أَيِي إِشَارّْهنْ أَذْ ث ژَترنْ أَذْ سضْحَانْ، مَاغَارْ شكْ، [أَ] سِيذِي، ثوْشِيذْ أَيِي أَفُوسْ ؤُ ثسّْفوّْجذْ خَافِي.
PSA 87:1 [أَزهّذْ، إِزْڒِي ن أَيْثْ ن قُورَاحْ.] ذْسَاسْ نّسْ [أَقَا-ث] خْ إِذُورَارْ إِقدّْسنْ.
PSA 87:2 سِيذِي إِتّخْسْ ثِيوُّورَا ن صِيهْيُونْ أَطَّاسْ خْ مَارَّا ثِيزدّْغِينْ ن يَاعْقُوبْ.
PSA 87:3 ثِيمسْڒَايِينْ يُوعْڒَانْ قَّارنْ خَامْ، [أَ] ثَانْذِينْثْ ن أَربِّي. سِيلَاهْ.
PSA 87:4 نشّْ أَذْ بَارّْحغْ رَاهَابْ ذ بَابِيلْ غَارْ يِينِّي إِ ذ أَيِي إِسّْننْ. خْزَارْ، فِيلِيشِيثْ ذ ونِّي زِي صُورِي أَكْ-ذ ؤُكُوشِي ... ’وَانِيثَا إِتّْوَاخڒْقذْ-د ذِينْ!‘
PSA 87:5 مَاشَا خْ صِيهْيُونْ أَذْ إِنِينْ: ’[إِنَا] مَارَّا تّْوَاخڒْقنْ-د ذَايسْ!‘، أَمْعُودْجِي خْ كُوڒْشِي أَذْ ت إِسّمْثنْ.
PSA 87:6 سِيذِي أَذْ إِزمّمْ ذِي لِيسْثَا ن ڒڭْنُوسْ: ’وَانِيثَا إِخْڒقْ-د ذِينْ‘. سِيلَاهْ.
PSA 87:7 نِيثْنِي تّْغنَّاجنْ أَمْ شطّْحنْ: ’ثَاڒَاوِينْ إِنُو مَارَّا ذَايمْ!‘
PSA 88:1 [إِزْڒِي، أَزهّذْ ن أَيْثْ ن قُورَاحْ.] [إِ ؤُمقّْرَانْ ن إِمغْنَاجنْ،] [س ثغْنِينْثْ ن ’إِزْڒِي ن وشْضَانْ‘ غَارْ ڒحْصَارَاثْ.] [أَخمِّي ن هَايْمَانْ، أَزْرَاحِي.]
PSA 88:2 [أَ] سِيذِي، أَربِّي ن ؤُسنْجمْ إِنُو، ذڭْ وَاسّْ إِ ذِي د غَا سْغُويغْ غَاركْ س دْجِيڒثْ،
PSA 88:3 أجّْ [خنِّي] أَذْ د-ثَاسْ ثْژَادْجِيثْ إِنُو زَّاثكْ، أوْشْ أَمزُّوغْ نّشْ إِ ؤُڒَاغِي إِنُو.
PSA 88:4 مَاغَارْ ڒعْمَارْ إِنُو إِجِّيونْ س ڒْمُوصِيبَاثْ، ثُوذَارْثْ إِنُو ثُوذسْ-د ڒَاخَارْثْ.
PSA 88:5 نشّْ تّْوَاحسَّابغْ أَمْ يِينِّي د-إِهكّْوَانْ ذڭْ وحْفُورْ [ن ونْضڒْ]، أَمْ إِجّْ ن ورْيَازْ ؤُمِي وَارْ ذَايسْ جّْهذْ [عَاذْ].
PSA 88:6 أَقَا تّْوَاحُوزغْ جَارْ إِمتَّانْ، أَمْ يِينِّي إِتّْوَانْغنْ إِنِّي إِزّْڒنْ ذڭْ ونْضڒْ، إِنِّي وَارْ ثنْ ثتِّيذَارذْ [عَاذْ]، تّْوَاقضْعنْ نِيثْنِي زڭْ ؤُفُوسْ نّشْ.
PSA 88:7 شكْ ثڭِّيذْ أَيِي ذڭْ ونْضڒْ يُودْجْغنْ قَاعْ، ذِي ثَادْجسْثْ، ذِي ڒَادْجَاغْ.
PSA 88:8 أَسْعَارْ نّشْ إِذْقڒْ خَافِي أَطَّاسْ، س مَارَّا ڒمْوَاجْ [ن وسْعَارْ] نّشْ ثسّْذدْجذْ أَيِي. سِيلَاهْ.
PSA 88:9 إِمْقَارَّابنْ إِنُو ثسِّيڭّْوجذْ إِ-ثنْ خَافِي، ثَارِّيذْ أَيِي ذ نّْعِي إِ نِيثْنِي. إِتّْوَابلّعْ خَافِي، وَارْ زمَّارغْ أَذْ د-فّْغغْ.
PSA 88:10 ثِيطّْ إِنُو ثعْمشْ س ڒغْبنْ. [أَ] سِيذِي، أَسّْ مَارَّا تّْڒَاغِيغْ غَاركْ، نشّْ سّْوِيژّْضغْ إِفَاسّنْ إِنُو غَاركْ.
PSA 88:11 مَا أَذْ ثڭّذْ إِشْثْ ن لْمُوعْجِيزَا ذڭْ إِمتَّانْ؟ نِيغْ أَذْ د-كَّارنْ ڒخْيَاڒَاثْ [ن إِمتَّانْ]، مَا أَذْ شكْ قَاذَانْ؟ سِيلَاهْ.
PSA 88:12 مَا أَذْ بَارّْحنْ س ثْمخْسِيوْثْ نّشْ إِشوَّارنْ ذڭْ ونْضڒْ، س ڒَامَانْ نّشْ ذِي [ثسْرَافْثْ ن] ؤُهلّكْ؟
PSA 88:13 مَا أَذْ تّْوَاسّْننْثْ لْمُوعْجِيزَاثْ نّشْ ذِي ثَادْجسْثْ، ثَاسڭْذَا نّشْ ذِي ثمُّورْثْ ن ثَاتُّوثْ؟
PSA 88:14 [أَ] سِيذِي، نشّْ تّْڒَاغِيغْ شكْ، ثَاژَادْجِيثْ إِنُو ثتَّاسْ-د زَّاثكْ غَارْ ؤُثفُّو.
PSA 88:15 مَايمِّي، [أَ] سِيذِي، ثْنطَّارذْ ڒعْمَارْ إِنُو، [مَايمِّي] ثسّْنُوفَّارذْ ؤُذمْ نّشْ زَّايِي؟
PSA 88:16 زِي ثمْژِي إِنُو نشّْ ذِي ڒغْبنْ ؤُ ڭُّورغْ غَارْ ؤُنُورِي، كْسِيغْ إِسْنخْرِيعنْ نّشْ [ضِيدّْ إِنُو]، تّْوَاحْصَارغْ [زَّايْسنْ].
PSA 88:17 ثتّكّْ خَافِي ڒْحَاذُوقْ ن وغْضَابْ نّشْ، إِتّحَّا أَيِي ؤُسڭّْوِيذْ نّشْ.
PSA 88:18 أَسّْ مَارَّا إِتّنّضْ أَيِي-د أَمْ وَامَانْ، إِتّْقُووَّارْ أَيِي-د مَارَّا.
PSA 88:19 أَمْعِيزّْ إِنُو ذ ؤُمدُّوكّڒْ إِنُو ثسِّيڭّْوجذْ إِ-ثنْ خَافِي، إِنِّي ذ أَيِي إِسّْننْ إِنُو [أَقَا أَثنْ تّْوَاڒحّْفنْ] س ثَادْجسْثْ.
PSA 89:1 [أَخمِّي ن إِثَانْ، أَزْرَاحِي.]
PSA 89:2 أَذْغنّْجغْ خْ ثْمڭَّا ن ثْمخْسِيوْثْ إِشوَّارنْ ن سِيذِي إِ ڒبْذَا، أَذْ بَارّْحغْ ڒَْامَانْ نّشْ س ؤُقمُّومْ إِنُو زِي جِّيڒْ أَڒْ جِّيڒْ.
PSA 89:3 مَاغَارْ نِّيغْ: ”ثَامخْسِيوْثْ إِشوَّارنْ ثتّْوَابْنَا إِ ڒبْذَا، أَقَا ثْضمْنذْ ڒَْامَانْ نّشْ ذڭْ إِجنْوَانْ.“
PSA 89:4 ”نشّْ ڭِّيغْ إِجّْ ن ڒْعَاهْذْ أَكْ-ذ ونِّي زَّايِي إِتّْوَافَارْزنْ، جُّودْجغْ إِ ؤُمْسخَّارْ إِنُو ذَاوُوذْ:
PSA 89:5 ’نشّْ أَذْ ضمْنغْ زَّارِيعثْ نّشْ إِ ڒبْذَا ؤُ أَذْ بْنِيغْ ڒْعَارْشْ نّشْ زِي جِّيڒْ أَڒْ جِّيڒْ.‘ “ سِيلَاهْ.
PSA 89:6 إِجنْوَانْ تّْقَاذَانْ [شكْ] خْ لْمُوعْجِيزَا[ث] نّشْ، [أَ] سِيذِي، ذڭْ وڭْرَاوْ ن إِمْقدَّاسنْ [تّْقَاذَانْ شكْ] خْ ڒَْامَانْ نّشْ.
PSA 89:7 مَاغَارْ مَانْ ونْ ذڭْ إِسيْنُوثنْ [إِزمَّارْ] أَذْ إِتّْوَاقدّْ أَكْ-ذ سِيذِي، [مَانْ ونْ إِ إِدْجَانْ] جَارْ وَارَّاونْ ن إِربِّيثنْ [إِزمَّارْ] أَذْ إِمْقُودَّا أَكْ-ذ سِيذِي؟
PSA 89:8 أَربِّي إِوْعَارْ أَطَّاسْ ذڭْ وڭْرَاوْ ن إِمْقدَّاسنْ، مَارَّا إِنِّي ذ أَسْ د-إِنّْضنْ تّڭّْوذنْ زَّايسْ.
PSA 89:9 [أَ] سِيذِي، أَربِّي ن ڒْعسْكَارَاثْ، مَانْ ونْ غَارْ إِدْجَا ثِيزمَّارْ أَمْ شكْ، [أَ] سِيذِي! ڒَْامَانْ نّشْ إِتّنّضْ إِ شكْ.
PSA 89:10 شكْ ثْحكّْمذْ خْ نّْفَاخثْ ن ڒبْحَارْ. خْمِي د-تّْنكَّارنْ ڒمْوَاجْ نّسْ، أَقَا شكْ ثَارسِّيذْ إِ-ثنْ.
PSA 89:11 أَقَا ثْڒبْزذْ رَاهَابْ أَمْ يِيجّنْ ونِّي إِسّْنُوقّْبنْ، ثْزدْجْعذْ ڒْعذْيَانْ نّشْ س ؤُغِيڒْ نّشْ إِجهْذنْ.
PSA 89:12 نّشْ ذ إِجنْوَانْ، نّشْ ؤُڒَا ذ ثَامُّورْثْ. دُّونِيثْ ذ ؤُعمَّارْ نّسْ ثڭِّيذْ أَسنْ ذْسَاسْ.
PSA 89:13 شكْ ثْخڒْقذْ-د شَّامَالْ ذ لْجَانُوبْ، ثابُورْ ذ هِيرْمُونْ سْڒِيوْڒِيونْ س يِيسمْ نّشْ.
PSA 89:14 أَقَا غَاركْ أَغِيڒْ إِ ذِي [ثڭِّيذْ] ثَارْيَاسْثْ، أَفُوسْ نّشْ إِجْهذْ، أَفُوسْ أَفُوسِي نّشْ إِتّْوَاسّْڭعَّاذْ.
PSA 89:15 ثَاسڭْذَا ذ ڒْحقّْ أَقَا أَثنْ ذ ذْسَاسْ ن ڒْعَارْشْ نّشْ، ثَامخْسِيوْثْ إِشوَّارنْ ذ ڒَْامَانْ إِتِّيزْوَارنْ زَّاثْ إِ وُوذمْ نّشْ.
PSA 89:16 سّعْذْ ن ڒْڭنْسْ إِ إِسّْننْ [أَذْ ميّْزنْ] أَسُوضِي س وسْرُودّحْ [ن ڒْبُوقْ]، [أَ] سِيذِي، نِيثْنِي أَذْ ؤُيُورنْ ذِي ثْفَاوْثْ ن وُوذمْ نّشْ.
PSA 89:17 نِيثْنِي أَذْ فَارْحنْ أَسّْ مَارَّا س يِيسمْ نّشْ ؤُشَا أَذْ د-تّْوَاسّْڭعّْذنْ س ثْسڭْذَا نّشْ،
PSA 89:18 مَاغَارْ شكْ ذ ڒمْڒَاحثْ ن جّهْذْ نْسنْ، إِشّْ نّغْ أَذْ إِتّْوَاسّْڭعّذْ س ڒْخَاضَارْ نّشْ.
PSA 89:19 ثَاسدَّارْثْ نّغْ ن ؤُسڒْقِي ن سِيذِي، أَجدْجِيذْ نّغْ أَقَا-ث ن ؤُمْقدَّاسْ ن إِسْرَائِيل.
PSA 89:20 إِشْثْ ن ثْوَاڒَا ثُوغَا ثسِّيوْڒذْ ذِي ڒوْحِييْ خْ ؤُمْثِيقِّي نّشْ، ثنِّيذْ: ”س [ؤُفُوسْ ن] إِجّْ ن بُو-ثغْرُوضْثْ ڭِّيغْ ثْوِيزَا، إِجّْ ونِّي إِتّْوَافَارْزنْ زِي ڒْڭنْسْ سّْڭعّْذغْ-ث.
PSA 89:21 نشّْ ؤُفِيغْ ذَاوُوذْ، أَمْسخَّارْ إِنُو، ذهْنغْ ث س زّشْثْ إِقدّْسنْ،
PSA 89:22 مَاحنْذْ أَفُوسْ إِنُو أَذْ يِيڒِي إِمْثنْ أَكِيذسْ، [وَاهْ] أَغِيڒْ إِنُو أَذْ ث إِسّمْحذْ.
PSA 89:23 ڒعْذُو وَارْ ث إِسَّاڭّْوَاذْ، مِّيسْ ن ڒْمُوعْصِييّثْ وَارْ ث إِحصَّارْ.
PSA 89:24 إِنِّي ث إِحصَّارنْ أَذْ ثنْ ڒبْزغْ زَّاثْ إِ وُوذمْ نّسْ، إِنِّي ث إِشَارّْهنْ أَذْ ثنْ وْثغْ.
PSA 89:25 ڒَْامَانْ إِنُو ذ ثْمخْسِيوْثْ إِنُو إِشوَّارنْ، أَقَا أَثنْ أَكِيذسْ [إِ غَا يِيڒِينْ]، أَذْ إِتّْوَاسّْڭعّذْ يِيشّْ نّسْ س يِيسمْ إِنُو.
PSA 89:26 أَذْ سَّارْسغْ أَفُوسْ نّسْ خْ ڒبْحَارْ، أَفُوسْ نّسْ أَفُوسِي خْ إِغزْرَانْ.
PSA 89:27 نتَّا أَذْ خَافِي د-إِڒَاغَا: ’أَقَا شكْ ذ بَابَا إِنُو، أَربِّي إِنُو، ذ ثَاصْضَارْثْ ن ؤُسنْجمْ إِنُو!‘
PSA 89:28 نشّْ أَذْ ث ڭّغْ ذ أَمنْزُو [إِنُو]، أَمْعُودْجِي خْ إِجدْجِيذنْ ن ثمُّورْثْ.
PSA 89:29 إِ ڒبْذَا أَذْ حْضِيغْ ثَامخْسِيوْثْ إِنُو إِشوَّارنْ زَّاثسْ، ؤُ ڒْعَاهْذْ إِنُو أَذْ غَارسْ إِقِّيمْ س ڒْمَانثْ.
PSA 89:30 أَذْ ژُّوغْ زَّارِيعثْ نّسْ إِ ڒبْذَا، ڒْْعَارْشْ نّسْ مِينْ غَا كّنْ ؤُسَّانْ ن ؤُجنَّا دْجَانْ.
PSA 89:31 مَاڒَا إِحنْجِيرنْ نّسْ حيّْذنْ خْ شَّارِيعَا إِنُو، وَارْ ڭُّورنْ أَكْ-ذ لْفَارَايِيضْ إِنُو،
PSA 89:32 مَاڒَا سّْفسْذنْ ثِيوصَّا إِنُو، وَارْ حطِّينْ ڒُومُورَاثْ إِنُو،
PSA 89:33 [خنِّي] أَذْ خدْجْصغْ أَعدُّو نْسنْ س وعْمُوذْ، ڒْْمُوعْصِييّثْ نْسنْ س ثيِّيثَا.
PSA 89:34 [مَاشَا] وَارْ خَاسنْ تّكّْسغْ ثَامخْسِيوْثْ إِنُو إِشوَّارنْ، وَارْ نكَّارغْ ڒْْمَانثْ إِنُو.
PSA 89:35 وَارْ تّْغصَّابغْ ڒْعَاهْذْ إِنُو، مِينْ د-إِفّْغنْ زڭْ إِينْشِيشنْ إِنُو، وَارْ ث تّْبذِّيڒغْ.
PSA 89:36 نشّْ جُّودْجغْ إِشْثْ ن ثْوَاڒَا غَارْ ثْقدَّاسْثْ إِنُو: ‘وَارْ سّْخَارِّيقغْعمَّارْصْ خْ ذَاوُوذْ!‘
PSA 89:37 زَّارِيعثْ نّسْ أَذْ ثقِّيمْ إِ ڒبْذَا، ؤُ ڒْعَارْشْ نّسْ [أَذْ ذِينْ إِبدّْ] زَّاثِي أَمْ ثْفُوشْثْ.
PSA 89:38 نتَّا أَذْ إِقِّيمْ إِبدّْ إِ ڒبْذَا أَمْ ثْزِيرِي ؤُ أَشهَّاذْ ذڭْ إِسيْنُو[ثنْ] أَقَا-ث ذ أَمْثِيقِّي.“ سِيلَاهْ.
PSA 89:39 [مَاشَا] شكْ ثْعَارّْنذْ ث غَارْ ؤُغزْذِيسْ، ثنْضَارذْ ث، شكْ ثْفُوڭّْمذْ خْ ؤُمذْهُونْ نّشْ.
PSA 89:40 شكْ ثنْضَارذْ ڒْعَاهْذْ أَكْ-ذ ؤُمْسخَّارْ نّشْ، ثْفسْذذْ تَّاجْ [ن وعْزَاڒْ] نّسْ [س ؤُبدْجَاعْ] ن ثمُّورْثْ.
PSA 89:41 ثْغضْڒذْ مَارَّا ڒحْيُوذْ نّسْ، ثْهذْمذْ ثِيندَّامْ نْسنْ إِفَارْينْ.
PSA 89:42 مَارَّا إِنِّي د-إِكِّينْ أَبْرِيذْ كشّْضنْ ث، نتَّا إِذْوڒْ ذ أَسحْقَارْ إِ جِّيرَانْ نّسْ.
PSA 89:43 شكْ ثسّْڭعّْذذْ أَفُوسْ أَفُوسِي ن يِينِّي ث إِحصَّارنْ، ثسّْفَارّْحذْ مَارَّا ڒْعذْيَانْ نّسْ.
PSA 89:44 شكْ ثسّنْقڒْبذْ ڒقْضعْ ن سِّيفْ نّسْ، شكْ ثجِّيذْ ث وَارْ إِتّْغِيمِي إِبدّْ ذڭْ ؤُمنْغِي.
PSA 89:45 شكْ ثسّْبدّذْ أَژْرِي نّسْ، ڒْْكُورْسِي نّسْ إِڭلّْذنْ ثنْضَارذْ ث غَارْ ثمُّورْثْ.
PSA 89:46 شكْ ثسّمْژِيذْ أَسْ ؤُسَّانْ ن ثمْژِي نّسْ، ثذْڒِيذْ ث س ڒفْضِيحثْ. سِيلَاهْ.
PSA 89:47 أَڒْ مڒْمِي عَاذْ، [أَ] سِيذِي، أَذْ ثسّْنُوفَّارذْ إِخفْ نّشْ بْڒَا قطُّو، أَذْ يَارْغْ وسْعَارْ نّشْ أَمْ ثْمسِّي؟
PSA 89:48 عْقڒْ خْ ڒْمِيجَاڒْ ن ثُوذَارْثْ إِنُو! مَايمِّي د-ثْخڒْقذْ مَارَّا أَرَّاوْ ن بْنَاذمْ أَمنِّي بَاطڒْ؟
PSA 89:49 مَانْ أَرْيَازْ إِجهْذنْ وَارْ إِتّْوِيڒِي ڒْموْثْ، [مَانْ أَرْيَازْ] إِ غَا إِفكّنْ ڒعْمَارْ نّسْ زڭْ ؤُفُوسْ ن ڒَاخَارْثْ؟ سِيلَاهْ.
PSA 89:50 [أَ] سِيذِي إِنُو، مَانِي دْجَانْثْ ثْمڭَّا ن ثْمخْسِيوْثْ نّشْ ن زِيشْ، ثِينِّي خْ ثُوغَا ثجُّودْجذْ إِ ذَاوُوذْ س ڒْْمَانثْ نّشْ؟
PSA 89:51 [أَ] سِيذِي إِنُو، عْقڒْ خْ ؤُسحْقَارْ ن إِمْسخَّارنْ نّشْ، نِّي أَربُّوغْ ذڭْ وحْسِينْ إِنُو زڭْ ؤُبَارُّو ن مَارَّا ڒڭْنُوسْ،
PSA 89:52 إِ زِي ذ أَيِي سّحْقَارَانْ ڒْْعذْيَانْ نّشْ، [أَ] سِيذِي، إِ زِي سّحْقَارَانْ إِصُورَافْ ن ؤُمذْهُونْ نّشْ.
PSA 89:53 أَذْ إِتّْوَابَاركْ سِيذِي إِ ڒبْذَا قَاعْ! أَمِينْ، [وَاهْ،] أَمِينْ!
PSA 90:1 [ثَاژَادْجِيثْ ن مُوسَا، أَرْيَازْ ن أَربِّي.] [أَ] سِيذِي إِنُو، شكْ ثُوغَا ذ ثَازذِّيغْثْ نّغْ زِي جِّيڒْ أَڒْ جِّيڒْ.
PSA 90:2 قْبڒْ مَا أَذْ إِڒِينْ إِذُورَارْ، قْبڒْ مَا أَذْ د-ثسُّوفّْغذْ ثَامُّورْثْ ذ دُّونشْثْ، [وَاهْ] أَقَا شكْ ذ أَربِّي زِي ڒبْذَا أَڒْ ڒبْذَا.
PSA 90:3 شكْ ثجِّيذْ بْنَاذمْ أَذْ إِعْقبْ غَارْ ثْعجَّاجْثْ. ثقَّارذْ: ”عقْبتِّيوْ-د ثَارْوَا ن بْنَاذمْ!“
PSA 90:4 مَاغَارْ أَڒفْ ن إِسڭّْوُوسَا ذِي ثِيطَّاوِينْ نّشْ أَمْ وَاسّْ ن إِضنَّاضْ نِّي إِعْذُونْ، ؤُڒَا أَمْ يِيشْثْ ن [نُّوبثْ ن] ثْعسَّاسْثْ ذِي دْجِيڒثْ.
PSA 90:5 شكْ ثْفَارْضذْ ثنْ، أَقَا أَثنْ أَمْ يِيضصْ. غَارْ ثُوفُّوثْ ڭِّينْ أَمْ أَرْبِيعْ إِيمَّانْ.
PSA 90:6 غَارْ ثُوفُّوثْ إِتّْزيْزِيوْ [أَرّْبِيعْ] ؤُشَا إِيمَّا، غَارْ ثْمذِّيثْ إِتّْوَامْجَارْ، إِتَّاژغْ.
PSA 90:7 مَاغَارْ نشِّينْ نفْنَا س وغْضَابْ نّشْ، ننّخْڒعْ زڭْ وسْعَارْ نّشْ.
PSA 90:8 شكْ ثڭِّيذْ ڒْمُوعْصِييّثْ نّغْ قِيبَاتْشْ نّشْ، دّْنُوبْ نّغْ إِنُّوفَّارنْ ذِي ثْفَاوْثْ ن وُوذمْ نّشْ.
PSA 90:9 مَاغَارْ مَارَّا ؤُسَّانْ نّغْ أَذْ عْذُونْ ذڭْ ؤُفُوڭمْ نّشْ إِسّڭّْوَاذنْ، نسّعْذُو إِسڭّْوُوسَا نّغْ أَمْ يِيجّْ ن ؤُسُوضِي.
PSA 90:10 ؤُسَّانْ ن ثُوذَارْثْ نّغْ تّكّنْ سبْعِينْ ن إِسڭّْوُوسَا، نِيغْ، مڒْمِي إِ غَا نِيڒِي نجْهذْ، أَقَا ثْمَانْيِينْ ن إِسڭّْوُوسَا. مِينْ ذَايسْ ذ أَعُودْجِي، [إِتَّارُو-د] ثَامَارَا ذ ڒْوحْرَانْ، ذغْيَا ثتّكّْ ثْعدُّو ؤُ نطَّاوْ غَارْ ذِينْ.
PSA 90:11 مَانْ ونْ إِسّْننْ ڒْْقسْحَانْ ن وغْضَابْ نّشْ، [ؤُ مَانْ ونْ إِسّْننْ] ثِيڭّْوُوذِي زَّايكْ [أَمْ د-إِتّْڒِيقْ] أَكْ-ذ أَذُوقّزْ نّشْ [ن ؤُفُوڭمْ]؟
PSA 90:12 سڒْمذْ أَنغْ أَذْ نْحسّبْ ؤُسَّانْ نّغْ، حِيمَا أَذْ د-نَاوِي ؤُڒْ [إِشُّورنْ س] ثِيغِيثْ.
PSA 90:13 ذْوڒْ-د، [أَ] سِيذِي، أَڒْ مڒْمِي؟ حِينّْ خْ إِمْسخَّارنْ نّشْ.
PSA 90:14 سْجِّيونْ أَنغْ غَارْ [ؤُ]ثفُّو س ثْمخْسِيوْثْ نّشْ إِشوَّارنْ، [خنِّي] أَذْ نسْڒِيوْڒوْ، أَذْ نْفَارْحْ مَارَّا ؤُسَّانْ نّغْ.
PSA 90:15 سْفَارْحْ أَنغْ أَنشْثْ ن وُوسَّانْ إِ ذ أَنغْ ثحْصَارذْ، [أَنشْثْ ن] إِسڭّْوُوسَا إِ ذِي نژْرَا ڒْغَارْ.
PSA 90:16 سْشنْ ڒْخذْمثْ نّشْ إِ إِمْسخَّارنْ نّشْ، ڒْعزّْ نّشْ خْ إِحنْجِيرنْ نْسنْ.
PSA 90:17 أَذْ خَانغْ ثهْوَا ڒضْرَافثْ ن سِيذِي، أَربِّي نّغْ، ضْمنْ شكْ ڒْخذْمثْ ن إِفَاسّنْ نّغْ، [وَاهْ]، ڒْخذْمثْ ن إِفَاسّنْ نّغْ ضْمنْ إِ-ت.
PSA 91:1 [ثْمِيجَّا ثَامزْوَارُوثْ:] ونِّي إِزدّْغنْ ذڭْ ؤُذُورِّي ن ؤُمْعُودْجِي خْ كُوڒْشِي، أَقَا نتَّا أَذْ إِسّنْسْ ذِي ثِيڒِي ن ؤُمْزمَّارْ خْ كُوڒْشِي.
PSA 91:2 [ثْمِيجَّا وِيسّْ ثْنَاينْ:] أَذْ إِنِيغْ إِ سِيذِي: [شكْ] ذ أَمْشَانْ إِنُو ن ثَاروْڒَا ذ لْبُورْجْ إِنُو، أَربِّي إِنُو، ونِّي خْ تّشْڒغْ!
PSA 91:3 [ثْمِيجَّا ثَامزْوَارُوثْ:] مَاغَارْ نتَّا أَذْ شكْ إِفكّْ زِي ڒْفخْ ن إِنيْمَارنْ ن إِجْضَاضْ، زِي طَّاعُونْ يَاردّْدْجنْ.
PSA 91:4 س أَرِّيشْ نّسْ أَذْ شكْ إِذڒْ، سَاذُو وَافْرِيونْ نّسْ أَذْ ثَافذْ أَذُورِّي. ڒْْمَانثْ نّسْ ذ ثَاسدَّارْثْ ثَامقّْرَانْثْ ذ أَرُّوضْ ن وُوزَّاڒْ.
PSA 91:5 وَارْ ثتّڭّْوذذْ شَا زڭْ ؤُنخْڒِيعْ ن دْجِيڒثْ، زِي فْڒِيثْشَا ن ڒْقوْسْ إِ [ذِينْ] إِطَّاونْ س وَاسّْ،
PSA 91:6 ؤُڒَا زِي طَّاعُونْ إِ د-إِتّنّْضنْ ذِي ثَادْجسْثْ، زِي لْهَالَاكْ إِ يَاردّْدْجنْ س ؤُزِيڒْ.
PSA 91:7 وَاخَّا أَذْ وْضَانْ أَڒفْ غَارْ ؤُغزْذِيسْ نّشْ ؤُعشْرَا أَڒفْ غَارْ أَفُوسْ أَفُوسِي نّشْ، [عَاذْ] وَارْ شكْ د-إِتِّيكّْوِيضْ.
PSA 91:8 أَذْ ثْوَاڒِيذْ أَيَا س ثِيطَّاوِينْ نّشْ وَاهَا، أَذْ ثْژَارذْ مَامّشْ غَا إِتّْوَاخْڒفْ زڭْ إِعفَّاننْ.
PSA 91:9 [ثْمِيجَّا وِيسّْ ثْنَاينْ:] مَاغَارْ [خَاكْ]: ’شكْ [أَ] سِيذِي، أَقَا شكْ ذ أَمْشَانْ إِنُو ن ثَاروْڒَا!‘ [ثْمِيجَّا ثَامزْوَارُوثْ] أَقَا شكْ ثڭِّيذْ أَمْعُودْجِي خْ كُوڒْشِي ذ ثَازذِّيغْثْ إِ يِيخفْ نّشْ،
PSA 91:10 وَارْ ذَايكْ ثْنطّحْ ثُوعفّْنَا، ؤُڒَا ذ إِشْثْ ن جّْرِيحشْثْ وَارْ د-ثْقَارَّابْ شَا غَارْ ؤُقِيضُونْ نّشْ،
PSA 91:11 مَاغَارْ نتَّا أَذْ خَاكْ يُومُورْ لْمَالَاكَاثْ نّسْ، مَاحنْذْ أَذْ شكْ حْضَانْثْ ذِي مَارَّا إِبْرِيذنْ نّشْ.
PSA 91:12 أَذْ شكْ كْسِينْ خْ إِفَاسّنْ نْسنْثْ، حِيمَا أَضَارْ نّشْ وَارْ إِنڭّحْ أَژْرُو.
PSA 91:13 أَذْ ثْعفْسذْ خْ ويْرَاذْ إِزهَّارنْ ؤُ خْ ثْڒفْسَا، أَذْ ثْعجْنذْ خْ ويْرَاذْ أَمژْيَانْ ذ ڒْهَايْشثْ [ن ڒبْحَارْ].
PSA 91:14 [ثْمِيجَّا وِيسّْ ثْڒَاثَا زِي أَربِّي:] ؤُمِي د-إِقّنْ نتَّا غَارِي، نشّْ أَذْ ث سّْنجْمغْ. نشّْ أَذْ ث سّْڭعّْذغْ، مَاغَارْ نتَّا إِسّنْ إِسمْ إِنُو.
PSA 91:15 نتَّا أَذْ أَيِي إِڒَاغَا ؤُ نشّْ أَذْ خَاسْ د-أَرّغْ. ذِي ڒحْصَارثْ أَقَا أَيِي غَارسْ. نشّْ أَذْ ث فكّغْ، أَذْ أَسْ سّْعُودْجغْ.
PSA 91:16 نشّْ أَذْ ث سّْجِّيوْنغْ أَكْ-ذ ثُوزّڭَّارْثْ ن وُوسَّانْ، نشّْ أَذْ أَسْ سّشْنغْ أَسنْجمْ إِنُو.
PSA 92:1 [أَزهِّيذْ. إِجّْ ن إِزْڒِي إِ وَاسّْ ن سّبْثْ.]
PSA 92:2 مَامّشْ إِصْبحْ مَاحنْذْ أَذْ نْقَاذَا سِيذِي، أَذْ نْزهّذْ إِ يِيسمْ نّشْ، [أَ] أَمْعُودْجِي خْ كُوڒْشِي،
PSA 92:3 مَاحنْذْ أَذْ نْبَارّحْ س ثْمخْسِيوْثْ نّشْ إِشوَّارنْ غَارْ ثُوفُّوثْ، ڒَْامَانْ نّشْ ذِي دْجْيَاڒِي،
PSA 92:4 [ذِي لهَارْبَا] سعشْرَا ن إِفِيڒَانْ ؤُ ذِي لهَارْبَا، س [ثِيرَارْثْ خْ] إِفِيڒَانْ ن ڒْڭَامْبْرِي.
PSA 92:5 مَاغَارْ شكْ ثسّْفَارْحذْ أَيِي، [أَ] سِيذِي، س ثْمڭَّا نّشْ، نشّْ أَذْ سْڒِيوڒْوغْ خْ ڒفْعَايڒْ ن إِفَاسّنْ نّشْ.
PSA 92:6 مَامّشْ مْغَارنْثْ ثْمڭَّا نّشْ، [أَ] سِيذِي، مَامّشْ ؤُدْجْغنْ إِخَارِّيصنْ نّشْ!
PSA 92:7 إِجّْ ن ؤُقفُّوحْ وَارْ غَارسْ مِينْ غَا إِعَاوذْ، إِجّْ ن ؤُبُوهَاڒِي وَارْ إِفهّمْ مَانْ أَيَا.
PSA 92:8 مَاڒَا إِعفَّاننْغمّْينْ أَمْ أَرْبِيعْ، ؤُ مَارَّا إِنِّي إِتّڭّنْ ڒْمُوعْصِييّثْ تّْنوَّارنْ، [أَقَا أَيَا أَذْ إِسِّيوضْ] أَثحِّي نْسنْ إِ ڒبْذَا قَاعْ.
PSA 92:9 شكْ ذ أَمْعُودْجِي خْ كُوڒْشِي إِ ڒبْذَا، [أَ] سِيذِي!
PSA 92:10 مَاغَارْ خْزَارْ، ڒْعذْيَانْ نّشْ، سِيذِي، ڒْعذْيَانْ نّشْ أَذْ فْنَانْ، مَارَّا إِنِّي إِتّڭّنْ ڒْغشّْ أَذْ تّْوَازدْجْعنْ.
PSA 92:11 شكْ أَذْ ثسّْڭعّْذذْ أَشَّاوْ إِنُو أَمْ ونِّي ن إِغَايْضْ ن ڒخْڒَا أَكْ-ذ وَاشَّاونْ ذ إِزِيرَارنْ، تّْوَاذهْنغْ س زّشْثْ ن طْرِي.
PSA 92:12 ثِيطّْ إِنُو أَذْ ثْژَارْ إِنِّي خَافِي إِتّْشكّْمنْ، إِمزُّوغنْ إِنُو أَذْ سْڒنْ إِ إِغْرِيمنْ إِنُو إِنِّي خَافِي د-إِكَّارنْ.
PSA 92:13 أَمْسڭّذْ أَذْ إِنوَّارْ أَمْ ثْشجَّارْثْ ن ثِينِي، أَذْ إِغْمِي أَمْ ثْشجَّارْثْ ن ثنْڭلْثْ خْ [إِذُورَارْ ن] لُوبْنَانْ،
PSA 92:14 إِنِّي إِتّْوَاژُّونْ ذِي ثَادَّارْثْ ن سِيذِي، أَذْ نُّووَارنْ ذِي ڒمْرَاحَاثْ ن أَربِّي نّغْ.
PSA 92:15 نِيثْنِي أَذْ وْشنْ ڒْغِيدْجثْ ذِي ثوْسَارْ، أَذْ قِّيمنْ صحّنْ ذ طْرِي.
PSA 92:16 مَاحنْذْ أَذْ بَارّْحنْ، بلِّي سِيذِي أَقَا-ث نِيشَانْ. نتَّا ذ ثَاصْضَارْثْ إِنُو ؤُ وَارْ ذَايسْ بُو ڒْغشّْ.
PSA 93:1 سِيذِي إِحكّمْ، نتَّا يَارْضْ س لْعَاضَامَا، سِيذِي يَارْضْ س جّهْذْ أَمْ س يِيجّْ ن ؤُحزَّامْ. وَاهْ، دُّونشْثْ ثْبدّْ ثمْثنْ، وَارْ ثتّنْهزِّي شَا.
PSA 93:2 ڒْكُورْسِي إِڭلّْذنْ نّشْ إِمْثنْ زِي مشْحَاڒْ ؤُيَا، شكْ ثدْجِيذْ زِي ڒبْذَا.
PSA 93:3 إِغزْرَانْ سّْڭعّْذنْ، [أَ] سِيذِي، إِغزْرَانْ سّْڭعّْذنْ ثْمِيجَّا نْسنْ. إِغزْرَانْ أَذْ سّْڭعّْذنْ [ڒْْحسّْ ن] زّْهِيرْ نْسنْ.
PSA 93:4 سِيذِي ذِي ڒُوعْڒَا إِجْهذْ خْ زّْهِيرْ ن وَاطَّاسْ ن وَامَانْ إِجهْذنْ ؤُ خْ ؤُهَاجِي ن ڒبْحَارْ.
PSA 93:5 شّْهَاذَاثْ نّشْ أَقَا ذَايْسنْثْ ڒَامَانْ. ثَاقدَّاسْثْ ثْزهّجْ إِ ثَادَّارْثْ نّشْ، [أَ] سِيذِي، أَڒْ مَارَّا ؤُسَّانْ.
PSA 94:1 [أَ] أَربِّي ن ؤُنْثَاقمْ، [أَ] سِيذِي، أَربِّي ن ؤُنْثَاقمْ، بَانْ-د ذِي ثِيسِّيقْثْ!
PSA 94:2 [أَ،] ڒْقَاضِي ن ثمُّورْثْ، سْڭعّذْ إِخفْ نّشْ، أَرّْ ثَاسْغَارْثْ إِ إِمْعفَّارنْ أَمْ مِينْ سّْذَاحدْجنْ نِيثْنِي.
PSA 94:3 مشْحَاڒْ إِ غَا كّنْ عَاذْ إِعفَّاننْ، [أَ] سِيذِي، مشْحَاڒْ إِ غَا كّنْ نڭّْزنْ إِعفَّاننْ س ڒفْرَاحثْ،
PSA 94:4 أَذْ قِّيمنْ سَّاوَاڒنْ أَوَاڒنْ إِقسْحنْ، [مشْحَاڒْ] إِ غَا قِّيمنْ مَارَّا إِنِّي إِتّڭّنْ ڒْمُوعْصِييّثْ أَذْ سّمْغَارنْ إِخفْ نْسنْ؟
PSA 94:5 [أَ] سِيذِي، نِيثْنِي ڒبّْزنْ ڒْڭنْسْ نّشْ، حصَّارنْ ثَاسْغَارْثْ ن ڒْوَارْثْ نّشْ.
PSA 94:6 نِيثْنِي نقّنْ ثَاجَّاتْشْ ذ ؤُبَارَّانِي، غَارّْصنْ إِ إِيُوجِيڒنْ.
PSA 94:7 نِيثْنِي قَّارنْ: ”سِيذِي وَارْ ت إِتّْوِيڒِي، أَربِّي ن يَاعْقُوبْ وَارْ ذ أَسْ إِتّْحكَّارْ.“
PSA 94:8 فثْنمْ كنِّيوْ إِقفُّوحنْ ذِي ڒْڭنْسْ، [جْمِيعْ] أَكْ-ذ إِبُوهَاڒِييّنْ، مڒْمِي إِ غَا ثْذوْڒمْ ثْفهّْممْ؟
PSA 94:9 مَا وَارْ إِتّسْڒِي ونِّي إِژُّونْ أَمزُّوغْ؟ مَا وَارْ إِژَارّْ ونِّي إِڭِّينْ ثِيطّْ؟
PSA 94:10 مَا وَارْ إِتّْعَاقبْ ونِّي إِتّْوبّْخنْ ڒڭْنُوسْ، ونِّي إِسّڒْمَاذنْ ثُوسّْنَا إِ بْنَاذمْ؟
PSA 94:11 سِيذِي يَارڭّبْ خْ إِخَارِّيصنْ ن إِوْذَانْ، أَقَا أَثنْ أَمْ يِيجّْ ن ؤُسُوضِي وَاهَا.
PSA 94:12 سّعْذْ ن ورْيَازْ نِّي ثتّْوبّْخذْ، [أَ] سِيذِي، ونِّي ثسّڒْمَاذذْ زِي شَّارِيعَا نّشْ،
PSA 94:13 حِيمَا أَذْ ث ثسَّاريّحذْ زڭْ وُوسَّانْ إِعفّْننْ، أَڒْ غَا حْفَارنْ أَحْفُورْ ن ثُورْصُوضِي إِ ؤُعفَّانْ.
PSA 94:14 مَاغَارْ سِيذِي وَارْ إِنطَّارْ ڒْڭنْسْ نّسْ، وَارْ إِسمّحْ ذِي ثسْغَارْثْ نّسْ.
PSA 94:15 مَاغَارْ ڒْحُوكْمْ أَذْ د-إِذْوڒْ غَارْ ثْسڭْذَا، مَارَّا إِنِّي غَارْسنْ ؤُڒْ إِسڭّْمنْ أَذْ ت-إِ-د-ضفَّارنْ.
PSA 94:16 مَانْ ونْ كِيذِي إِ غَا إِبدّنْ ضِيدّْ إِ إِعفَّاننْ؟ مَانْ ونْ خَافِي إِ غَا إِوْثنْ ضِيدّْ إِ يِينِّي إِتّڭّنْ ڒْغشّْ؟
PSA 94:17 مْڒِي وَارْ إِدْجِي سِيذِي ذ ثْوِيزَا إِنُو، إِڒِي إِزْذغْ ڒعْمَارْ إِنُو عْڒَاحَاڒْ ذڭْ وسْغَاضْ.
PSA 94:18 مَاڒَا نِّيغْ: ’أَضَارْ إِنُو إِتّفْرِيغْ!‘، [خنِّي] ثطّفْ أَيِي ثْمخْسِيوْثْ نّشْ إِشوَّارنْ، [أَ] سِيذِي!
PSA 94:19 مَاڒَا مَّارْنِينْ ذَايِي إِخَارِّيصنْ أَڒْ طَّارْفْ، ثُوغَا ڒعْمَارْ إِنُو إِتَّارّْ مژْرِي ذڭْ ؤُسْفوّجْ نّشْ.
PSA 94:20 مَا [ثخْسذْ] أَذْ كِيذكْ إِسّْمُونْ ڒْْكُورْسِي ن ؤُهلّكْ، ونِّي إِسِّيوْضنْ ڒغْبنْ خْ [ذْسَاسْ] ن ثوْصيّثْ؟
PSA 94:21 نِيثْنِي حصَّارنْ ڒعْمَارْ ن ؤُمْسڭَّاذْ، شهّْذنْ خْ إِذَامّنْ إِمزْذَاڭنْ س ڒْغَارْ.
PSA 94:22 سِيذِي ثُوغَا أَيِي ذ إِجّْ ن لْبُورْجْ يُوعْڒَانْ، أَربِّي إِنُو ذ ثَاصْضَارْثْ ن ثَاروْڒَا إِنُو.
PSA 94:23 نتَّا أَذْ خَاسنْ إِسّعْقبْ ڒْمُوعْصِييّثْ نْسنْ، أَمْ تّڭّنْ ڒْغَارْ نْسنْ أَذْ ثنْ إِثحَّا. سِيذِي، أَربِّي نّغْ، أَذْ ثنْ إِثحَّا.
PSA 95:1 أَسمْ-د، أجّْ أَنغْ أَذْ نسْڒِيوْڒوْ زَّاثْ إِ سِيذِي، أجّْ أَنغْ أَذْ نْذُوقّزْ س ؤُسْڒِيوْڒوْ إِ ثصْضَارْثْ ن ؤُسنْجمْ نّغْ.
PSA 95:2 أجّْ أَنغْ أَذْ نَاذسْ غَارْ وُوذمْ نّسْ س ؤُقَاذِي، أجّْ أَنغْ أَذْ أَسْ نسْڒِيوْڒوْ س إِزهِّيذنْ.
PSA 95:3 مَاغَارْ سِيذِي [ذ] إِجّْ أَربِّي ذ أَمقّْرَانْ، إِجّْ ن ؤُجدْجِيذْ ذ أَمقّْرَانْ سنّجْ إِ مَارَّا إِربِّيثنْ.
PSA 95:4 ذڭْ ؤُفُوسْ نّسْ [دْجَانْ] إِمُوشَانْ يُودْجْغنْ قَاعْ ن ثمُّورْثْ، ؤُڒَا ذ ثِيقِيشَّاثِينْ ن إِذُورَارْ [أَقَا أَثنْثْ] نّسْ.
PSA 95:5 نّسْ ڒبْحَارْ، مَاغَارْ إِخْڒقْ إِ-ث-إِ-د، ؤُ إِفَاسّنْ نّسْ ڭِّينْ ؤُڒَا ذ ڒْبَارْ.
PSA 95:6 أَسمْ-د، أجّْ أَنغْ أَذْ [أَسْ] نْبنْذقْ، أَذْ نسْجذْ، أجّْ أَنغْ أَذْ نسْجذْ خْ إِفَادّنْ زَّاثْ إِ سِيذِي، ونِّي ذ أَنغْ إِڭِّينْ،
PSA 95:7 مَاغَارْ نتَّا ذ أَربِّي نّغْ ؤُ نشِّينْ ذ ڒْڭنْسْ ن ثَاروْسَا نّسْ، ؤُڒَا ذ ؤُدْجِي ن ؤُفُوسْ نّسْ. مَاڒَا أَسّْ-أَ ثْسدْجمْ غَارْ ثْمِيجَّا نّسْ،
PSA 95:8 وَارْ سّقْسِيحمْ شَا ؤُڒْ نْومْ، أَمْ ذِي مَارِيبَا، أَمْ ذڭْ وَاسّْ ن مَاسَّا ذِي ڒخْڒَا،
PSA 95:9 مَانِي ثُوغَا ذ أَيِي تّْجَارّْبنْ ڒجْذُوذْ نْومْ، قدْجْبنْ أَيِي، وَاخَّا ثُوغَا ژْرِينْ ڒْخذْمثْ إِنُو.
PSA 95:10 أَربْعِينْ ن إِسڭّْوُوسَا ثُوغَا تّْعِيفّغْ جِّيڒْ-أَ، نِّيغْ: ”أَقَا-ثنْ ذ إِجّْ ن ڒْڭنْسْ س وُوڒْ إِودَّارنْ، وَارْ سِّيننْ إِبْرِيذنْ إِنُو.“
PSA 95:11 س ؤُينِّي نشّْ جُّودْجغْ ذڭْ وغْضَابْ إِنُو: ”نِيثْنِي وَارْ د-تِّيذْفنْعمَّارْصْ ذِي أَرَّاحثْ إِنُو!“
PSA 96:1 غنّْجمْ إِ سِيذِي إِجّْ ن يزْڒِي أَمَايْنُو، غنّْجمْ إِ سِيذِي، مَارَّا ثَامُّورْثْ!
PSA 96:2 غنّْجمْ إِ سِيذِي، بَارْكمْ إِسمْ نّسْ، بشَّارمْ إِ ؤُسنْجمْ نّسْ أَسّْ خْ وَاسّْ.
PSA 96:3 بَارّْحمْ أَعُودْجِي نّسْ جَارْ ڒڭْنُوسْ، ڒعْجَايبْ نّسْ جَارْ مَارَّا ڒڭْنُوسْ.
PSA 96:4 مَاغَارْ سِيذِي ذ أَمقّْرَانْ، إِسّْذَاحدْجْ أَسمْغَارْ أَطَّاسْ، نتَّا ذ أَمْسَاڭّْوذْ مَاهُو مَارَّا إِربِّيثنْ.
PSA 96:5 مِينْزِي مَارَّا إِربِّيثنْ ن ڒڭْنُوسْ أَقَا أَثنْ ذ لْ-أَصْنَامْ، [مَاشَا] سِيذِي إِڭَّا إِجنْوَانْ.
PSA 96:6 ثِيسِّيقْثْ ذ ڒْعزّْ [دْجَانْ] زَّاثْ إِ وُوذمْ نّسْ، جّهْذْ ذ وَاژْرِي أَقَا أَثنْ ذِي زَّاوشْثْ نّسْ إِقدّْسنْ.
PSA 96:7 وْشمْ إِ سِيذِي، [أَ،] ثِيقبَّاڒْ ن ڒڭْنُوسْ، وْشمْ إِ سِيذِي أَعُودْجِي ذ جّهْذْ.
PSA 96:8 وْشمْ إِ سِيذِي أَعُودْجِي ن يِيسمْ نّسْ، أَوْيمْ-د ثَاوْهِيبْثْ، أَسمْ-د غَارْ ڒمْرَاحَاثْ نّسْ،
PSA 96:9 بنْذقْ زَّاثْ إِ سِيذِي س ؤُشوَّارْ إِقدّْسنْ، أَرْجِيجمْ زَّاثْ إِ وُوذمْ نّسْ، [أَ] مَارَّا ثَامُّورْثْ!
PSA 96:10 إِنِيمْ جَارْ ڒڭْنُوسْ: ”سِيذِي إِحكّمْ!“ نِيشَانْ، [ڒخُّو] دُّونشْثْ ثْبدّْ ثمْثنْ، وَارْ تّنْهزِّي [عَاذْ]. نتَّا أَذْ إِحْكمْ ڒڭْنُوسْ س ڒْحقّْ.
PSA 96:11 أجّْ إِجنْوَانْ أَذْ فَارْحنْ ؤُ ثَامُّورْثْ أَذْ ثَارْشقْ، أجّْ أَذْ إِزْهَارْ ڒبْحَارْ ذ ؤُعمَّارْ نّسْ،
PSA 96:12 أجّْ أَذْ إِسْڒِيوْڒِيوْ ييَّارْ س ڒفْرَاحثْ س مَارَّا مِينْ ذَايسْ، خنِّي أَذْ سْڒِيوْڒِيونْثْ مَارَّا ثْشجُّورَا ن وزْغَارْ
PSA 96:13 زَّاثْ إِ وُوذمْ ن سِيذِي، مَاغَارْ نتَّا أَذْ د-يَاسْ، مَاغَارْ نتَّا أَذْ د-يَاسْ حِيمَا أَذْ إِشَارّعْ ثَامُّورْثْ. نتَّا أَذْ إِشَارّعْ دُّونشْثْ س ثْسڭْذَا ؤُ ڒڭْنُوسْ س ڒْحقّْ نّسْ.
PSA 97:1 سِيذِي إِحكّمْ، أجّْ ثَامُّورْثْ أَذْ ثْفَارْحْ، أَذْ أَرشْقنْثْ مَارَّا ثڭْزِيرِينْ.
PSA 97:2 قُووَّارنْ أَسْ إِسيْنُوثنْ ذ يِيجّْ ن ؤُسيْنُو إِبُّومْبسْ، ثَاسڭْذَا ذ ڒْحقّْ أَقَا أَثنْ ذ ذْسَاسْ ن ڒْعَارْشْ نّسْ.
PSA 97:3 ثِيمسِّي ثڭُّورْ أَسْ زَّاثْ ن وُوذمْ نّسْ، ثْقدّْ إِغْرِيمنْ نّسْ إِ ذ أَسْ د-إِتّنّْضنْ.
PSA 97:4 أَسَّامنْ نّسْ سّْڒَاقَّانْ دُّونشْثْ، ثَامُّورْثْ ثْژَارّْ إِ-ت، ثنْهزَّا.
PSA 97:5 إِذُورَارْ فسّْينْ أَمْ شّْمعْ زَّاثْ إِ وُوذمْ ن سِيذِي، زَّاثْ إِ وُوذمْ ن سِيذِي ن مَارَّا ثَامُّورْثْ.
PSA 97:6 إِجنْوَانْ تّْبَارّْحنْ ثَاسڭْذَا نّسْ، مَارَّا ڒڭْنُوسْ تّْوَاڒَانْ أَعُودْجِي نّسْ.
PSA 97:7 أجّْ أَذْ سضْحَانْ مَارَّا إِنِّيعبّْذنْ إِ [ڒخْيَاڒَاثْ] إِنقْشنْ ن ؤُكشُّوضْ، مَارَّا إِنِّي إِتّْشنّْعنْ ذِي لْ-أَصْنَامْ. بنْذْقمْ زَّاثسْ، كنِّيوْ، مَارَّا إِربِّيثنْ!
PSA 97:8 صِيهْيُونْ إِسْڒَا، إِفَارْحْ، يسِّيسْ ن يَاهُوذَا أَرشْقنْثْ، زِي سِّيبّثْ ن ڒحْكَامَاثْ نّشْ، [أَ] سِيذِي.
PSA 97:9 مَاغَارْ شكْ، [أَ] سِيذِي، ذ أَمْعُودْجِي خْ مَارَّا ثَامُّورْثْ، شكْ ذ ونِّي يُوعْڒَانْ قَاعْ خْ مَارَّا إِربِّيثنْ.
PSA 97:10 كنِّيوْ إِ إِتّخْسنْ سِيذِي، شَارْهمْ ڒْغَارْ. نتَّا إِحطَّا خْ ڒعْمُورْ ن إِمْثِيقَّانْ نّسْ، نتَّا إِتّْفكَّا إِ-ثنْ زڭْ ؤُفُوسْ ن إِعفَّاننْ.
PSA 97:11 ثَافَاوْثْ ثتّْوَازَارْعْ إِ ؤُمْسڭّذْ، ڒفْرَاحثْ إِ يِينِّي غَارْ إِدْجَا ؤُڒْ إِسڭّْمنْ.
PSA 97:12 [كنِّيوْ] إِمْسڭَّاذنْ، فَارْحمْ زِي سِيذِي، قَاذَامْ خْمِي ثتِّيذَارمْ ثَاقدَّاسْثْ نّسْ.
PSA 98:1 [أَزهِّيذْ.] غنّْجمْ إِ سِيذِي إِجّْ ن يزْڒِي ن جْذِيذْ، مَاغَارْ نتَّا إِڭَّا لْمُوعْجِيزَاثْ. أَفُوسْ نّسْ أَفُوسِي ذ ؤُغِيڒْ نّسْ إِقدّْسنْ سّْنجْمنْ ث.
PSA 98:2 سِيذِي إِسّْشنْ أَسنْجمْ نّسْ، إِسَّارْڭبْ ثَاسڭْذَا نّسْ زَّاثْ إِ ثِيطَّاوِينْ ن ڒڭْنُوسْ.
PSA 98:3 نتَّا إِعْقڒْ خْ ثْمخْسِيوْثْ نّسْ إِشوَّارنْ، خْ ڒَامَانْ نّسْ إِ ثَادَّارْثْ ن إِسْرَائِيل. مَارَّا ثِينڭُّورَا ن ثمُّورْثْ ژْرِينْثْ أَسنْجمْ س [ؤُفُوسْ ن] ن أَربِّي نّغْ.
PSA 98:4 ذُوقّْزمْ س ؤُسْڒِيوْڒوْ إِ سِيذِي، مَارَّا ثَامُّورْثْ، سْغُويّمْ، سْڒِيوڒْومْ، زهّْذمْ.
PSA 98:5 زهّْذمْ إِ سِيذِي س ڒْڭَامْبْرِي، س ڒْڭَامْبْرِي ؤُ س ثْمِيجَّا ن يزْڒِي،
PSA 98:6 س ڒبْوَاقْ ذ ڒْحسّْ ن ؤُسُوضِي ذڭْ ؤُيِيشّْ ن إِشَارِّي. ذُوقّْزمْ س ؤُسْڒِيوْڒوْ زَّاثْ إِ وُوذمْ ن ؤُجدْجِيذْ، سِيذِي.
PSA 98:7 أجّْ أَذْ إِزْهَارْ ڒبْحَارْ ذ مَارَّا أَعمَّارْ نّسْ، دُّونشْثْ ذ يِينِّي ذَايسْ إِزدّْغنْ.
PSA 98:8 أجّْ إِغزْرَانْ أَذْ وْثنْ شَامْخَا س إِفَاسّنْ، إِذُورَارْ أَذْ سّْڒِيوْڒونْ [جْمِيعْ]
PSA 98:9 زَّاثْ إِ وُوذمْ ن سِيذِي، مَاغَارْ نتَّا أَذْ د-يَاسْ حِيمَا أَذْ إِحْكمْ ثَامُّورْثْ. نتَّا أَذْ إِحْكمْ ثَامُّورْثْ س ثْسڭْذَا، ڒڭْنُوسْ س ڒْحقّْ.
PSA 99:1 سِيذِي إِحكّمْ، أجّْ أَذْ أَرْجِيجنْ ڒڭْنُوسْ. نتَّا إِقِّيمْ [خْ] إِكِيرُوبنْ، ثَامُّورْثْ ثبْذَا أَذْ ثنْهزّْ.
PSA 99:2 سِيذِي ذ أَمقّْرَانْ ذِي صِيهْيُونْ، نتَّا يُوعْڒَا أَطَّاسْ خْ مَارَّا ڒڭْنُوسْ.
PSA 99:3 أجّْ إِ-ثنْ أَذْ قَاذَانْ إِسمْ نّشْ أَمقّْرَانْ إِسَّاڭّْوَاذنْ، [أَذْ إِنِينْ]: ”أَقَا نتَّا ذ أَمْقدَّاسْ!“
PSA 99:4 جّهْذْ ن ؤُجدْجِيذْ أَقَا نتَّا إِتّخْسْ ڒْحقّْ. شكْ ثڭِّيذْ أَمْشَانْ إِمْثنْ إِ ثْسڭْذَا، ثڭِّيذْ ڒْحقّْ ذ ثْسڭْذَا ذِي يَاعْقُوبْ.
PSA 99:5 سْعُودْجمْ سِيذِي، أَربِّي نّغْ، بنْذْقمْ زَّاثْ إِ ثْنبْذَاثْ ن إِضَارنْ نّسْ. أَقَا نتَّا ذ أَمْقدّسْ!
PSA 99:6 مُوسَا ذ هَارُونْ [ثُوغَا أَثنْ] زڭْ إِكهَّاننْ نّسْ، شَامْوِيلْ [ثُوغَا] زڭْ إِنِّي إِڒَاغَانْ إِسمْ نّسْ. نِيثْنِي ڒَاغَانْ غَارْ سِيذِي ؤُشَا نتَّا إِسْڒَا أَسنْ.
PSA 99:7 إِسِّيوڒْ أَكِيذْسنْ زڭْ ؤُقلِّيجْ ن ؤُسيْنُو. نِيثْنِي حْضَانْ شّْهَاذَاثْ نّسْ، ؤُڒَا ذ ثِيوصَّا نّسْ نِّي ذ أَسنْ إِوْشَا.
PSA 99:8 [أَ] سِيذِي، أَربِّي نّغْ، شكْ ثسْڒِيذْ أَسنْ. شكْ ذ إِجّْ ن أَربِّي إِغفَّارنْ، [مَاشَا] ؤُڒَا ذ ؤُمْثَاقمْ خْ ثْمڭَّا نْسنْ.
PSA 99:9 سْعُودْجمْ سِيذِي، أَربِّي نّغْ، بنْذْقمْ [أَسْ] زَّاثْ إِ وذْرَارْ نّسْ إِقدّْسنْ، مَاغَارْ سِيذِي، أَربِّي نّغْ، ذ أَمْقدّسْ [إِ إِدْجَا].
PSA 100:1 [إِزْڒِي ن ؤُقَاذِي.] أجّْ أَذْ ثدُّوقّزْ مَارَّا ثَامُّورْثْ س ؤُسْڒِيوْڒوْ إِ سِيذِي.
PSA 100:2 سخَّارمْ إِ سِيذِي س ڒفْرَاحثْ، أَسمْ-د زَّاثْ إِ وُوذمْ نّسْ س ؤُسْڒِيوْڒوْ.
PSA 100:3 سْنمْ، أَقَا سِيذِي ذ أَربِّي [إِ يدْجَا]. نتَّا إِخْڒقْ أَنغْ-د ؤُ نشِّينْ نّسْ [إِ ندْجْ]، ڒْْڭنْسْ نّسْ ذ وُودْجِي ن ثَاروْسَا نّسْ.
PSA 100:4 أَذْفمْ ثِيوُّورَا نّسْ س ؤُقَاذِي، ڒمْرَاحَاثْ نّسْ س إِزْڒَانْ ن ؤُصبّحْ، قَاذَامْ ث، بَارْكمْ إِسمْ نّسْ.
PSA 100:5 مَاغَارْ سِيذِي ذ أَصبْحَانْ، ثَامخْسِيوْثْ نّسْ إِشوَّارنْ [ثتّْغِيمَا] إِ ڒبْذَا، ڒَْامَانْ نّسْ زِي جِّيڒْ أَڒْ جِّيڒْ.
PSA 101:1 [أَزهّذْ ن ذَاوُوذْ.] نشّْ أَذْغنّْجغْ خْ ثْمخْسِيوْثْ إِشوَّارنْ ذ ڒْحقّْ، أَذْ زهّْذغْ إِ شكْ، [أَ] سِيذِي!
PSA 101:2 نشّْ أَذْ ڭّغْ س ڒعْقڒْ عْلَاحْسَابْ إِجّْ ن وبْرِيذْ إِكمّْڒنْ. مڒْمِي غَارِي إِ د غَا ثَاسذْ؟ نشّْ أَذْ ؤُيُورغْ س وُوڒْ نِيشَانْ ذِي ڒْوسْطْ ن ثَادَّارْثْ إِنُو،
PSA 101:3 نشّْ وَارْ نطَّارغْ ثِيطَّاوِينْ إِنُو ذِي مِينْ إِفضْحنْ. نشّْ شَارّْهغْ مِينْ تّڭّنْ إِنِّي خَاكْ إِحيّْذنْ [مَانْ أَيَا] وَارْ ذ أَيِي إِڒصّقْ.
PSA 101:4 ؤُڒْ إِتّفْرِيغنْ إِتّْخصَّا أَذْ خَافِي يَاڭّْوجْ، وَارْ خْسغْ أَذْ سّْنغْ مِينْ وَارْ إِحْڒِينْ.
PSA 101:5 ونِّي إِشقّْفنْ ذڭْ جَّارْ نّسْ س ثْنُوفّْرَا، أَذْ ث ثحِّيغْ. ونِّي إِتّْكبَّارنْ س ثِيطَّاوِينْ نّسْ ذ ونِّي إِتّْعفَّارنْ س وُوڒْ نّسْ، وَارْ ث كسِّيغْ.
PSA 101:6 ثِيطَّاوِينْ إِنُو [أَرزُّونْثْ] خْ إِمْثِيقَّانْ ذِي ثمُّورْثْ، حِيمَا نِيثْنِي أَذْ غَارِي قِّيمنْ. ونِّي إِڭُّورنْ ذڭْ إِجّْ ن وبْرِيذْ إِكمّْڒنْ، أَذْ أَيِي إِسخَّارْ.
PSA 101:7 ونِّي إِتّڭّنْ ڒْغشّْ، وَارْ إِتّْغِيمِي ذِي ثَادَّارْثْ إِنُو، ؤُڒَا ذ بُو-إِخَارِّيقنْ وَارْ إِتّْوَاضْمنْ زَّاثْ إِ ثِيطَّاوِينْ إِنُو.
PSA 101:8 كُوڒْ صّْبحْ أَذْ ثحِّيغْ مَارَّا إِعفَّاننْ زِي ثمُّورْثْ، حِيمَا [أَمُّو إِ] غَا مْحِيغْ مَارَّا إِنِّي إِتّڭّنْ ڒْمُوعْصِييّثْ زِي ثنْذِينْثْ ن سِيذِي.
PSA 102:1 [ثَاژَادْجِيثْ ن إِجّْ ن ڒْمسْكْسِينْ مَاڒَا مَانَاينِّي ذ أَطَّاسْ خَاسْ،] [ؤُشَا خنِّي إِتّْفَارّغْ إِمُونَاسْ نّسْ زَّاثْ إِ سِيذِي.]
PSA 102:2 [أَ] سِيذِي، سڒْ غَارْ ثْژَادْجِيثْ إِنُو، أجّْ أَغُويِّي إِنُو أَذْ غَاركْ د-يَاوضْ.
PSA 102:3 وَارْ تّفَّارْ ؤُذمْ نّشْ خَافِي ذڭْ وَاسّْ إِ ذِي تّْوَاحْصَارغْ. أَرّْ-د غَارِي أَمزُّوغْ نّشْ ذڭْ وَاسّْ إِ ذِي ڒَاغِيغْ، سڒْ-د [خنِّي] غَارِي ذغْيَا.
PSA 102:4 مِينْزِي ؤُسَّانْ إِنُو عْذُونْ أَمْ دّخَّانْ، إِخْسَانْ إِنُو أَمْ ثفْقُونْثْ إِشمْضنْ.
PSA 102:5 ؤُڒْ إِنُو إِتِّيسْڒَاوْ ؤُ يُوژغْ أَمْ أَرْبِيعْ، أَڒَامِي تُّوغْ أَذْ شّغْ أَغْرُومْ إِنُو.
PSA 102:6 زِي سِّيبّثْ ن ؤُزهَّارْ يُودْجْغنْ إِنُو، ڒصْقنْ إِغْسَانْ إِنُو غَارْ ثڒْمشْثْ إِنُو.
PSA 102:7 نشّْ أَمْ يِيجّْ بُو-ؤُعُوقِّي ن ؤُجْضِيضْ ذِي ڒخْڒَا، ذوْڒغْ أَمْ يِيجّْ ن مُوكَا جَارْ ڒْخِيرْبَاثْ.
PSA 102:8 تّْغِيمغْ فَاقغْ س ڒفْثَانثْ، ذوْڒغْ أَمْ يِيجّْ ن وجْضِيضْ إِ إِقِّيمنْ وحّْذسْ خْ ثْزقَّا.
PSA 102:9 ڒْعذْيَانْ إِنُو تّكّْوَارنْ أَيِي أَسّْ مَارَّا. إِنِّي خَافِي إِتّْعدَّانْ، نعّْڒنْ أَمْ قَّارنْ إِسمْ إِنُو.
PSA 102:10 مَاغَارْ تّتّغْ إِغّضْ أَمْ وغْرُومْ ؤُ خدْجْضغْ ثِيسسِّيثْ إِنُو س إِمطَّاونْ [إِنُو]
PSA 102:11 زِي سِّيبّثْ ن وسْخضْ نّشْ ذ ؤُذُوقّزْ ن وغْضَابْ نّشْ، مَاغَارْ شكْ ثسّْڭعّْذذْ أَيِي ؤُ ثنْضَارذْ أَيِي [عَاوذْ] غَارْ ثمُّورْثْ.
PSA 102:12 ؤُسَّانْ إِنُو أَمْ يِيشْثْ ن ثِيڒِي إِزُّوڭَّارْثنْ، ؤُ نشّْ ثَاژْغغْ أَمْ ثُوڭَا.
PSA 102:13 [مَاشَا] شكْ، [أَ] سِيذِي، أَذْ ثقِّيمذْ [خْ ڒْكُورْسِي نّكْ] إِ ڒبْذَا، زِي جِّيڒْ أَڒْ جِّيڒْ أَذْ ذَايكْ خَارّْصنْ.
PSA 102:14 شكْ أَذْ ثكَّارذْ أَذْ ثَارْحْمذْ خْ صِيهْيُونْ، مَاغَارْ أَقَا ذ ڒْوقْثْ مَاحنْذْ أَذْ خَاسْ ثْحِينّذْ، مِينْزِي ڒْوقْثْ إِتّْوَاڭّنْ أَقَا ثِيوضْ-د.
PSA 102:15 مَاغَارْ إِژْرَا نّسْ ؤُسِينْ-د خْ ڒْخَاضَارْ ن إِمْسخَّارنْ نّشْ ؤُ نِيثْنِي كْسِينْ س وسْحِيسّفْ ذِي ثْعجَّاجْثْ نْسنْ.
PSA 102:16 ڒڭْنُوسْ أَذْ ڭّْوذنْ إِسمْ ن سِيذِي، مَارَّا إِجدْجِيذنْ ن ثمُّورْثْ [أَذْ ڭّْوذنْ] أَعُودْجِي نّشْ.
PSA 102:17 خْمِي غَا إِبْنَا سِيذِي صِيهْيُونْ [ثْوَاڒَاثْ نّغْنِيثْ]، أَذْ د-إِبَانْ ذڭْ ؤُعُودْجِي نّسْ.
PSA 102:18 أَذْ إِڒْهَا أَكْ-ذ ثْژَادْجِيثْ ن ؤُمزْڒُوضْ، وَارْ إِسّحْقَارَا شَا ثَاژَادْجِيثْ نْسنْ.
PSA 102:19 مَانْ أَيَا إِتّْوَارِي إِ جِّيڒْ إِ د غَا يَاسنْ، ڒْْڭنْسْ نِّي د غَا إِتّْوَاخڒْقنْ، أَذْ إِصبّحْ إِ سِيذِي،
PSA 102:20 مَاغَارْ نتَّا أَقَا إِسِّيجّْ-د زِي زَّاوشْثْ نّسْ إِقدّْسنْ يُوعْڒَانْ، زڭْ ؤُجنَّا إِخْزَارْ-د سِيذِي غَارْ ثمُّورْثْ سْوَادَّايْ
PSA 102:21 حِيمَا أَذْ إِسڒْ أَوعّضْ ن ؤُمحْبُوسْ، حِيمَا أَذْ يَارْخُو إِ يِينِّي [إِدْجَانْ ذ] ثَارْوَا ن ڒْموْثْ،
PSA 102:22 مَاحنْذْ أَذْ بَارّْحنْ س يِيسمْ ن سِيذِي ذِي صِيهْيُونْ، ذ شّنْعثْ نّسْ ذِي ؤُرْشَالِيمْ،
PSA 102:23 خْمِي ذِينِّي إِ غَا تّْوَاسّْمُوننْ ڒڭْنُوسْ، [جْمِيعْ] أَكْ-ذ ثْڭلْذِيوِينْ، حِيمَا أَذْ سخَّارنْ إِ سِيذِي.
PSA 102:24 نتَّا إِسَّارْخُو جّهْذْ إِنُو أَكْ-ذ وبْرِيذْ، نتَّا إِسّمْژِي ذڭْ وُوسَّانْ إِنُو.
PSA 102:25 نشّْ نِّيغْ: ’وَارْ ذ أَيِي كسِّي ذڭْ وزْينْ ن وُوسَّانْ [ن ثُوذَارْثْ] إِنُو، [أَ] أَربِّي، أَقَا إِسڭّْوُوسَا نّشْ [تّْغِيمَانْ] زِي جِّيڒْ أَڒْ جِّيڒْ.
PSA 102:26 زڭْ وشْحَاڒْ ؤُيَا ثڭِّيذْ ذْسَاسْ إِ ثمُّورْثْ، إِجنْوَانْ ذ ڒْخذْمثْ ن إِفَاسّنْ نّشْ.
PSA 102:27 إِنَا أَذْ فْنَانْ، مَاشَا شكْ أَذْ ثْذُومذْ. نِيثْنِي مَارَّا أَذْ أَرْشَانْ أَمْ وَارُّوضْ، شكْ أَذْ ثنْ ثْبدّْڒذْ أَمْ يِيشْثْ ن ڒعْبَايثْ، [أَمُّو إِ] غَا تّْوَابدّْڒنْ.
PSA 102:28 شكْ [مَاشَا] ذ شكْ، إِسڭّْوُوسَا نّشْ وَارْ قطِّينْعمَّارْصْ.‘
PSA 102:29 إِحنْجِيرنْ ن إِمْسخَّارنْ نّشْ أَذْ [ذِينْ] زذْغنْ ؤُ ثَارْوَا نْسنْ أَذْ تّْوَاسّْمثْننْ زَّاثْ إِ وُوذمْ نّشْ.
PSA 103:1 [ن ذَاوُوذْ.] بَاركْ سِيذِي، [أَ] ڒعْمَارْ إِنُو، ذ مَارَّا مِينْ ذَايِي إِسمْ نّسْ إِقدّْسنْ.
PSA 103:2 بَاركْ سِيذِي، [أَ] ڒعْمَارْ إِنُو، وَارْ تّتُّوعمَّارْصْ مَارَّا ثِيمڭَّا نّسْ إِصبْحنْ.
PSA 103:3 [نتَّا] ذ ونِّي ذ أَشْ إِغفَّارنْ مَارَّا دّْنُوبْ نّشْ، ونِّي إِسّْڭنْفَانْ مَارَّا ڒهْڒَاشَاثْ نّشْ،
PSA 103:4 ونِّي إِفْذِينْ ثُوذَارْثْ نّشْ زِي ثُورْصُوضِي، ونِّي خَاكْ إِڭِّينْ تَّاجْ ن ثْمخْسِيوْثْ إِشوَّارنْ ذ أَرّحْمثْ،
PSA 103:5 ونِّي إِسّْجَّاوَاننْ أَقمُّومْ نّشْ س مِينْ إِصبْحنْ، ونِّي إِتَّارَّانْ ثمْژِي نّشْ أَمْ ؤُڭِيذرْ.
PSA 103:6 سِيذِي إِتّڭّْ ثَاسڭْذَا ذ ڒْحقّْ إِ مَارَّا إِنِّي إِتّْوَاحصَّارنْ.
PSA 103:7 نتَّا إِسّْشنْ إِ مُوسَا إِبْرِيذنْ نّسْ، إِ أَيْثْ ن إِسْرَائِيل ثِيمڭَّا نّسْ.
PSA 103:8 سِيذِي ذ أَرْحِيمْ ذ أَحْنِينْ، غَارسْ تَّاسِيعْ ن ڒْخَاضَارْ، إِشُّورْ س ثْمخْسِيوْثْ إِشوَّارنْ.
PSA 103:9 نتَّا وَارْ إِتّمْشُوبُّوشْ إِ ڒبْذَا، وَارْ إِتّْغِيمِي [إِتّْخيِّيقْ] إِ ڒبْذَا.
PSA 103:10 نتَّا وَارْ ذ أَنغْ إِتّڭّْ عْلَاحْسَابْ دّْنُوبْ نّغْ ؤُ وَارْ زَّايْنغْ إِخدْجفْ عْلَاحْسَابْ ڒْمُوعْصِييّثْ نّغْ،
PSA 103:11 مَاغَارْ أَمْ ؤُجنَّا يُوعْڒَانْ خْ ثمُّورْثْ، أَمُّو إِ ثمْغَارْ ثْمخْسِيوْثْ نّسْ إِشوَّارنْ ثِيوَا مَارَّا إِنِّي ث إِتّڭّْوذنْ.
PSA 103:12 أَمْ إِڭّْوجْ شَّارْقْ خْ ڒْغَارْبْ، أَمُّو إِ إِسِّيڭّْوجْ نتَّا إِخطَّانْ نّغْ خَانغْ.
PSA 103:13 أَمْ مَامّشْ إِحِينّْ بَابَاثْسنْ خْ إِحنْجِيرنْ نّسْ، أَمُّو إِ إِتّْحِينّْ سِيذِي خْ يِينِّي ث إِتّڭّْوذنْ.
PSA 103:14 مَاغَارْ نتَّا إِسّنْ مَامّشْ نتّْوَاڭّْ، إِعْقڒْ أَقَا نشِّينْ ذ أَشَاڒْ.
PSA 103:15 ؤُسَّانْ ن بْنَاذمْ أَمشْنَاوْ ثُوڭَا، نتَّا إِتّْنُووَارْ أَمْ ثْنُووَّاشْثْ ن ييَّارْ.
PSA 103:16 مَاڒَا إِكَّا-د خَاسْ ؤُسمِّيضْ، وَارْ ثقِّيمْ ؤُ أَمْشَانْ مَانِي ثُوغَا ثْبدّْ، وَارْ خَاسْ إِسِّينْ عَاذْ.
PSA 103:17 [مَاشَا] ثَامخْسِيوْثْ إِشوَّارنْ ن سِيذِي ثتّْغِيمَا زِي ڒبْذَا أَڒْ ڒبْذَا ثِيوَا يِينِّي ث إِتّڭّْوذنْ، ؤُ ثَاسڭْذَا نّسْ [ثتّْغِيمَا] إِ وَارَّاوْ ن وَارَّاوْ،
PSA 103:18 إِ مَارَّا إِنِّي إِحطَّانْ ڒْعَاهْذْ نّسْ ؤُ إِعقّْڒنْ خْ ڒُومُورَاثْ نّسْ، مَاحنْذْ أَذْ زَّايْسنْ تّڭّنْ.
PSA 103:19 سِيذِي إِسّْبدّْ ڒْعَارْشْ نّسْ ذڭْ ؤُجنَّا، ثَاڭلْذَا نّسْ ثْحكّمْ خْ مَارَّا [مِينْ إِدْجَانْ].
PSA 103:20 بَارْكنْثْ سِيذِي، [كنِّينْثْ]، لْمَالَاكَاثْ نّسْ، أَيْثْ ن بُو-ثغْرُوضْثْ إِمحْضنْ إِنِّي إِتّڭّنْ أَوَاڒْ نّسْ، إِنِّي إِتّسْڒَانْ إِ ثْمِيجَّا ن وَاوَاڒْ نّسْ.
PSA 103:21 بَارْكنْثْ سِيذِي، مَارَّا ڒْعسْكَارَاثْ نّسْ، [كنِّيوْ،] إِمْسخَّارنْ نّسْ، إِنِّي إِتّڭّنْ مِينْ ذ أَسْ يَارشْقنْ!
PSA 103:22 بَارْكمْ سِيذِي، [أَ] مَارَّا مِينْ إِتّْوَاڭّنْ [س ؤُفُوسْ نّسْ]، ذِي مَانِي مَا إِ ثدْجَا ڒحْكَامثْ نّسْ. بَاركْ سِيذِي، [أَ] ڒعْمَارْ إِنُو.
PSA 104:1 بَاركْ سِيذِي، [أَ] ڒعْمَارْ إِنُو! [أَ] سِيذِي، أَربِّي إِنُو، مَامّشْ ذ أَمقّْرَانْ شكْ! شكْ ثْيَارْضذْ س لْعَاضَامَا ذ ڒْعزّْ.
PSA 104:2 نتَّا إِڒحّفْ إِخفْ نّسْ س ثْفَاوْثْ أَمْ س إِجّْ ن ؤُپَارْثسُّو، نتَّا إِتّْبزّعْ أَجنَّا أَمْ ثْجَارْثِيڒْثْ ن ؤُقِيضُونْ.
PSA 104:3 [أَقَا نتَّا] ذ ونِّي إِسَّارْسنْ ثِيحنْيَا ن وسْقفْ سَاذُو إِخَّامنْ نّسْ خْ وَامَانْ، ذ ونِّي إِڭِّينْ إِسيْنُوثنْ ذ أَكَارُّو نّسْ، ذ ونِّي إِڭُّورنْ خْ وَافْرِيونْ ن ؤُسمِّيضْ،
PSA 104:4 ذ ونِّي إِڭِّينْ لْمَالَاكَاثْ نّسْ أَمْ يِيسمِّيضنْ ؤُ إِمْسخَّارنْ نّسْ ذ إِشْثْ ن ثْمسِّي إِتّحْذُوذُوقنْ.
PSA 104:5 نتَّا إِسّْبدّْ ثَامُّورْثْ خْ ذْسُوسَا نّسْ، وَارْ ثتّنْهزِّيعمَّارْصْ إِ ڒبْذَا.
PSA 104:6 شكْ ثْڒحّْفذْ أَسْ س [وَامَانْ] إِهوْڒنْ أَمْ س يِيجّْ ن وَارُّوضْ، أَمَانْ بدّنْ ثِيوَا إِ إِذُورَارْ.
PSA 104:7 نِيثْنِي أَروْڒنْ زڭْ ؤُسِيڭّْوذْ نّشْ، قدْجْقنْ أَذْ فّْغنْ زِي ثْمِيجَّا ن وَاجَّاجْ نّشْ.
PSA 104:8 تّْوَاسّْڭعّْذنْ إِذُورَارْ، هكّْوَانْثْ ثيْسَارِينْ ذڭْ ومْشَانْ إِ ذ أَسنْ ثڭِّيذْ.
PSA 104:9 شكْ ثڭِّيذْ أَيْمِيرْ إِ وَامَانْ نِّي وَارْعدُّونْ، وَارْ د-ذكّْوِيڒنْ مَاحنْذْ أَذْ ذْڒنْ ثَامُّورْثْ.
PSA 104:10 [شكْ] ذ ونِّي إِندّْهنْ ثَاڒَاوِينْ ذِي ثغْزُورِينْ، أَقَا تَّازّْڒنْثْ ذِينْ جَارْ إِذُورَارْ.
PSA 104:11 أَقَا وَارّْذنْثْ مَارَّا ڒْمَاڒْ ن ييَّارْ، إِغْيَاڒْ ن ڒخْڒَا تّكّْسنْ أَفَاذِي نْسنْ زَّايْسنْثْ.
PSA 104:12 إِجْضَاضْ ن ؤُجنَّا زدّْغنْ غَارْ ثمَّاوِينْ نْسنْ، زِي جَارْ ڒفْرُوعْ ثتّكّْ-د ثْمِيجَّا نْسنْ.
PSA 104:13 [نتَّا أَقَا] ذ ونِّي إِتّسُّونْ إِذُورَارْ زڭْ إِخَّامنْ نّسْ ذڭْ ؤُجنَّا، ثَامُّورْثْ ثتّْيَاوَانْ زِي ڒْغِيدْجثْ [إِ د-إِفّْغنْ] زِي مِينْ ثڭِّيذْ شكْ.
PSA 104:14 نتَّا إِڭَّا أَرْبِيعْ إِغمِّي إِ ڒْمَارْ، ؤُڒَا ذ أَغمُّويْ ذِي طّْوعْ ن بْنَاذمْ. [إِڭَّا إِ-ت] مَاحنْذْ أَذْ د-يَاوِي أَغْرُومْ زِي ثمُّورْثْ
PSA 104:15 ؤُ بِينُو نِّي إِسّْفَارَّاحنْ ؤُڒْ ن بْنَاذمْ.، أَڒَامِي إِغمْبَابْ أَذْ [زَّايسْ] وسّْڭنْ مَاهُو زِي زّشْثْ، ؤُڒَا ذ أَغْرُومْ نِّي إِسّجْهذْ ؤُڒْ ن بْنَاذمْ.
PSA 104:16 ثِيشجُّورَا ن سِيذِي تّْيَاوَاننْثْ، ثِيشجُّورَا ن ثنْڭلْثْ ن لُوبْنَانْ نِّي إِژُّو نتَّا،
PSA 104:17 مَانِي تّڭّنْ إِجْضَاضْ ڒْعُوشّْ نْسنْ، [مَانِي] إِ ثدْجَا ثَادَّارْثْ ن ؤُبلَّارْجْ ذِي ثْشجُّورَا ن ؤُمرْزِي.
PSA 104:18 إِذُورَارْ يُوعْڒَانْ أَقَا أَثنْ إِ إِغَايْضنْ ن ثْصُوضَارْ، ڒجْرُوفْ ذ أَمْشَانْ ن ثَاروْڒَا إِ إِكَاوْكَاونْ ن ثصْضَارْثْ.
PSA 104:19 نتَّا إِڭَّا ثَازِيرِي ذ ڒعْبَارْ إِ ڒوْقَاثْ إِتّْوَاڭّنْ، ثَافُوشْثْ ثسّنْ مڒْمِي إِ غَا ثغْڒِي.
PSA 104:20 شكْ ثسّكِّيذْ-د ثَادْجسْثْ ؤُ ثوْضَا-د دْجِيڒثْ [إِ ذِي] تّخْثُوثْينْ مَارَّا ڒوْحُوشْ ن وزْغَارْ.
PSA 104:21 أَيْرَاذنْ إِمژْيَاننْ زهَّارنْ خْ زَّارْذثْ، أَرزُّونْ خْ مَاشَّا نْسنْ زِي أَربِّي.
PSA 104:22 مَاڒَا ثفّغْ-د [خنِّي] ثْفُوشْثْ، تّشْرُورُوذنْ غَارْ ڒْمَارْڭحْ، تّْغمَّارنْ ذڭْ إِفْرَانْ نْسنْ.
PSA 104:23 [خنِّي] إِتّفّغْ بْنَاذمْ غَارْ ڒْخذْمثْ نّسْ، غَارْ ثوُّورِي نّسْ أَڒْ ثَامذِّيثْ.
PSA 104:24 مَامّشْ أَطَّاسْ إِ ثڭِّيذْ، [أَ] سِيذِي، س ثِيغِيثْ إِ ثڭِّيذْ مَارَّا ثِيمسْڒَايِينْ، ثَامُّورْثْ ثتّْوَاشُّورْ س وَاڭْڒَا نّشْ.
PSA 104:25 أَقَا ذِينْ ڒبْحَارْ إِمْغَارْ، يِيرِيوْ غَارْ مَارَّا إِغزْذِيسنْ نّسْ، مَانِي إِسّْفُوفّيْ مَارَّا س إِمُودَّارنْ إِمقّْرَاننْ ذ إِمژْيَاننْ، بْڒَا ڒحْسَابْ،
PSA 104:26 مَانِي ڭُّورنْ إِغَارُّوبَا، [ؤُڒَا ذ] ’لِيبِييَاثَانْ‘ نِّي ثڭِّيذْ حِيمَا أَذْ ذَايسْ إِتِّيرَارْ.
PSA 104:27 نِيثْنِي مَارَّا تّْرَاجَانْ شكْ، أَذْ أَسنْ ثوْشذْ مَاشَّا نْسنْ ذِي ڒْوقْثْ نّسْ.
PSA 104:28 [مَاڒَا] ثوْشِيذْ أَسنْ، يَارّْونْ نِيثْنِي، [مَاڒَا] ثَارْزْمذْ أَفُوسْ نّشْ، دَّاكّْوَاڒنْ جِّيوْننْ س ڒْخَارْ.
PSA 104:29 [مَاڒَا] ثفَّارذْ ؤُذمْ نّشْ، أَقَا تّْنخْڒَاعنْ، [مَاڒَا] ثْكسِّيذْ أَسنْ نّفْسْ، أَذْ سُّوفّْغنْ بُوحْبڒْ ؤُشَا أَذْ د-ذوْڒنْ غَارْ ؤُشَاڒْ نْسنْ.
PSA 104:30 [مَاڒَا] ثسّكّذْ-د أَرُّوحْ نّشْ، [خنِّي] تّْوَاخڒْقنْ-د نِيثْنِي، أَذْ ثَارِّيذْ أَغمْبُوبْ ن ثمُّورْثْ ذ أَمَايْنُو.
PSA 104:31 أَعُودْجِي ن سِيذِي أَذْ يِيڒِي إِ ڒبْذَا، سِيذِي أَذْ إِفَارْحْ إِ مَارَّا مِينْ إِڭَّا.
PSA 104:32 [مَاڒَا] نتَّا إِخزَّارْ ذِي ثمُّورْثْ، ثتَّارْجِيجِي، [مَاڒَا] إِحَاذَا إِذُورَارْ، أَذْ ذُوخّْننْ.
PSA 104:33 نشّْ خْسغْ أَذْغنّْجغْ إِ سِيذِي مِينْ غَا كّغْ دَّارغْ، أَذْ زهّْذغْ إِ أَربِّي إِنُو مِينْ [ذَا] إِ غَا كّغْ دْجِيغْ.
PSA 104:34 أَخمّمْ إِنُو أَذْ د-يَاسْ خْ ڒْخَاضَارْ نّسْ، أَذْ فَارْحغْ ذِي سِيذِي.
PSA 104:35 إِمذْنَابْ أَذْ تّْوَاثحَّانْ قَاعْ زِي ثمُّورْثْ، إِعفَّاننْ وَارْ تِّيڒِينْ عَاذْ. بَاركْ سِيذِي، [أَ] ڒعْمَارْ إِنُو. هَالِّيلُو-يَاهْ!
PSA 105:1 قَاذَامْ سِيذِي، ڒَْاغَامْ خْ يِيسمْ نّسْ، بَارّْحمْ س ثْمڭَّا نّسْ جَارْ ڒڭْنُوسْ.
PSA 105:2 غنّْجمْ أَسْ، زهّْذمْ إِ نتَّا، سِيوْڒمْ خْ مَارَّا لْمُوعْجِيزَاثْ نّسْ.
PSA 105:3 شنّْعمْ إِخفْ نّشْ س يِيسمْ نّسْ إِقدّْسنْ، حِيمَا ؤُڒْ ن يِينِّي يَارزُّونْ سِيذِي، أَذْ إِفَارْحْ.
PSA 105:4 سقْسَامْ خْ سِيذِي ذ جّهْذْ نّسْ، أَرْزُومْ ؤُذمْ نّسْ ڒبْذَا.
PSA 105:5 عقْڒمْ خْ لْمُوعْجِيزَاثْ نّسْ إِ إِڭَّا، خْ ڒعْڒَامثْ نّسْ ؤُ خْ ڒحْكَامَاثْ ن ؤُقمُّومْ نّسْ.
PSA 105:6 زَّارِيعثْ ن إِبْرَاهِيمْ، أَمْسخَّارْ نّسْ، أَيْثْ ن يَاعْقُوبْ، إِنِّي زَّايسْ إِتّْوَافَارْزنْ!
PSA 105:7 نتَّا ذ سِيذِي، أَربِّي نّغْ. ڒحْكَامَاثْ نّسْ [إِ د-إِتَّاسنْ] خْ ثمُّورْثْ مَارَّا.
PSA 105:8 عقْڒمْ خْ ڒْعَاهْذْ نّسْ إِ ڒبْذَا، أَوَاڒْ نِّي إِوصَّا إِ وَاڒفْ ن جِّيڒَاثْ،
PSA 105:9 إِ إِڭَّا أَكْ-ذ إِبْرَاهِيمْ، ؤُ [إِسّمْثنْ إِ-ث س] ثْجَادْجِيثْ نّسْ إِ إِسْحَاقْ.
PSA 105:10 نتَّا إِڭَّا إِ-ث ذ ثَاوْصيّثْ إِ يَاعْقُوبْ، إِ إِسْرَائِيل [إِڭَّا إِ-ث] ذ ڒْعَاهْذْ إِ ڒبْذَا،
PSA 105:11 ؤُمِي إِنَّا: ”أَذْ أَشْ وْشغْ ثَامُّورْثْ ن كنْعَانْ، أَفِيڒُو [ن ڒعْبَارْ] ن ثسْغَارْثْ نْومْ!“
PSA 105:12 ؤُمِي ثُوغَا كنِّيوْ ذڭْ إِجّْ ن وُورُو ن يرْيَازنْ، س ذْرُوسْ [وَاهَا]، ؤُ أَمْ يِيبَارَّانِييّنْ [إِ ثدْجِيمْ] ذَايسْ.
PSA 105:13 نِيثْنِي ثلْعنْ زِي ڒْڭنْسْ غَارْ ڒْڭنْسْ [نّغْنِي]، زڭْ إِشْثْ ن ثْڭلْذِيثْ غَارْ إِجّْ ن ڒْڭنْسْ نّغْنِي.
PSA 105:14 وَارْ إِجِّي ؤُڒَا ذ إِجّْ ن بْنَاذمْ أَذْ ثنْ إِسّحْصَارْ، إِعَاقبْ إِجدْجِيذنْ ذِي طّْوعْ نْسنْ.
PSA 105:15 وَارْ تّْحَاذَامْ شَا إِمذْهُوننْ إِنُو، وَارْ تّڭّمْ ڒْغَارْ ذڭْ إِنَابِييّنْ إِنُو.
PSA 105:16 [خنِّي] إِڒَاغَا-د إِ ڒَاژْ غَارْ ثمُّورْثْ. يَارْژَا أَسنْ مَارَّا ڒعْوتْشْ ن وغْرُومْ.
PSA 105:17 إِسّكّْ-د إِجّْ ن ورْيَازْ غَارْ زَّاثْ، يُوسُوفْ إِمّنْزْ ذ إِسْمغْ.
PSA 105:18 شَارْفنْ إِضَارنْ نّسْ ذڭْ إِشذِّييّنْ، ڒعْمَارْ نّسْ إِتّْوَاحْصَارْ ذڭْ وُوزَّاڒْ.
PSA 105:19 أَڒْ ڒْوقْثْ نِّي ذِي إِتّْوَاسّقْفڒْ وَاوَاڒْ نّسْ إِصفَّا أَسْ ڒْهَارْذْ ن سِيذِي.
PSA 105:20 إِسّكّْ ؤُجدْجِيذْ [إِجّْ] حِيمَا أَذْ أَسْ إِسَّارْخُو، ڒْْحَاكمْ نْ ڒڭْنُوسْ إِضْڒقْ إِ-ث.
PSA 105:21 نتَّا إِڭَّا إِ-ث ذ بَابْ خْ ثَادَّارْثْ نّسْ، ؤُڒَا ذ ڒْحَاكمْ خْ مَارَّا مِينْ غَارسْ.
PSA 105:22 حِيمَا أَذْ غَارسْ إِشدّْ ڒْحُوكَّامْ ؤُ [حِيمَا] أَذْ إِسّڒْمذْ ثِيغِيثْ إِ إِمْغَارنْ نّسْ.
PSA 105:23 [أَوَارْنِي أَيَا] يُوسَا-د إِسْرَائِيل غَارْ مِيصْرَا، إِقِّيمْ يَاعْقُوبْ أَمْ ؤُبَارَّانِي ذِي ثمُّورْثْ ن حَامْ.
PSA 105:24 نتَّا إِڭَّا ڒْغِيدْجثْ ذِي ڒْڭنْسْ نّسْ أَطَّاسْ، يَارَّا إِ-ث إِجْهذْ خْ يِينِّي ث إِحصَّارنْ.
PSA 105:25 نتَّا يَارَّا ؤُڒْ نْسنْ إِنّقْڒبْ، أَڒَامِي ذوْڒنْ شَارّْهنْ ڒْڭنْسْ نّسْ، ذوْڒنْغدَّارنْ إِمْسخَّارنْ نّسْ.
PSA 105:26 [خنِّي] إِسّكّْ-د مُوسَا، أَمْسخَّارْ نّسْ، ذ هَارُونْ ونِّي إِفَارْزْ إِ-ث نتَّا.
PSA 105:27 نِيثْنِي ڭِّينْ ڒعْڒَامَاثْ نْسنْ إِفَارْزنْ جَارْ أَسنْ، ؤُ [ڭِّينْ] لْمُوعْجِيزَاثْ ذِي ثمُّورْثْ ن حَامْ.
PSA 105:28 نتَّا إِسّكّْ-د ثَادْجسْثْ ؤُشَا ثذْوڒْ مَارَّا ذ ثَادْجسْثْ. نِيثْنِي وَارْغوّْغنْ شَا خْ وَاوَاڒنْ نّسْ.
PSA 105:29 نتَّا يَارَّا أَمَانْ نْسنْ ذ إِذَامّنْ ؤُ إِنْغَا إِسڒْمَانْ نْسنْ.
PSA 105:30 نتَّا يَارَّا ثَامُّورْثْ نْسنْ ثْسفَّايْ س إِقَارْقْرِيونْ، أَڒْ ذَاخڒْ ذڭْ إِخَّامنْ ن إِجدْجِيذنْ نْسنْ.
PSA 105:31 نتَّا إِسِّيوڒْ ؤُشَا يُوسَا-د ويْڒَافْ ن إِبعَّاشْ، نَّامُوسْ [وْضَانْ-د] خْ ثمُّورْثْ نْسنْ مَارَّا.
PSA 105:32 نتَّا يَارَّا أَنْژَارْ نْسنْ ذ أَبْرُورِّي، [إِسّكّْ-د] ثِيمسِّي ذ إِشعَّاڒنْ خْ ثمُّورْثْ نْسنْ.
PSA 105:33 نتَّا إِوْثَا ثَازَايَارْثْ نْسنْ ذ وَارْثُو نْسنْ، يَارْژَا ثِيشجُّورَا ذِي ثمُّورْثْ نْسنْ.
PSA 105:34 نتَّا إِسِّيوڒْ، [خنِّي] ثُوسَا-د ثْمُوغْرِي، ؤُڒَا ذ بُو-وڒْسَاحْ، أَقَا أَثنْ بْڒَا ڒحْسَابْ.
PSA 105:35 نِيثْنِي شِّينْ مَارَّا أَفْسُو ذِي ثمُّورْثْ نْسنْ، شِّينْ ڒْغِيدْجثْ ن ثمُّورْثْ نْسنْ.
PSA 105:36 نتَّا إِنْغَا مَارَّا إِمنْزَا ذِي ثمُّورْثْ نْسنْ، إِمنْزَا ن مَارَّا ثَارْيَاسْثْ نْسنْ.
PSA 105:37 نتَّا إِسُّوفّغْ إِ-ثنْ-د س نُّوقَارْثْ ذ وُورغْ، وَارْ ذِينْ ثُوغِي ؤُڒَا ذ إِجّْ ذِي ثْقبَّاڒْ نْسنْ إِ إِنْذرْفنْ.
PSA 105:38 مِيصْرَا ثْفَارْحْ س وُوفُّوغْ نْسنْ، مَاغَارْ ثوْضَا خَاسنْ ثِيڭّْوُوذِي ثمْغَارْ.
PSA 105:39 نتَّا إِبزّعْ أَسيْنُو أَمْ يِيجّْ ن أَرْوَاقْ ؤُ ثْمسِّي حِيمَا أَذْ ثوْشْ ثَافَاوْثْ س دْجِيڒثْ.
PSA 105:40 نِيثْنِي ژُّودْجنْ ؤُ نتَّا يَارَّا أَذْ د-أَسنْ إِجْضَاضْ، قَّارنْ أَسْ ’ثْسَالْوَا‘، إِسّْجِّيونْ إِ-ثنْ س وغْرُومْ ن ؤُجنَّا.
PSA 105:41 نتَّا يَارْزمْ ثَاصْضَارْثْ، أَمَانْ ذُوقّْزنْ-د زَّايسْ، ؤُزّْڒنْ خْ ڒَاژَاغْ [ؤُ ذوْڒنْ] أَمْ يغْزَارْ.
PSA 105:42 مَاغَارْ نتَّا إِعْقڒْ خْ وَاوَاڒْ نّسْ إِقدّْسنْ، خْ ؤُمْسخَّارْ نّسْ إِبْرَاهِيمْ.
PSA 105:43 نتَّا إِسُّوفّغْ-د ڒْڭنْسْ نّسْ س ڒفْرَاحثْ، إِنِّي زَّايسْ إِتّْوَافَارْزنْ س ؤُسْڒِيوْڒوْ.
PSA 105:44 نتَّا إِوْشَا أَسنْ ثِيمُّورَا ن ڒڭْنُوسْ، نِيثْنِي وَارْثنْ ثَامَارَا ن شُّوعُوبْ،
PSA 105:45 حِيمَا أَذْ طّْفنْ ذِي ثْوصَّا نّسْ، أَذْ حْضَانْ إِزرْفَانْ نّسْ. هَالِّيلُو-يَاه.
PSA 106:1 هَالِّيلُو-يَاهْ، قَاذَامْ سِيذِي، مَاغَارْ نتَّا إِصْبحْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 106:2 وِي إِزمَّارنْ أَذْ إِحَاجَا ثِيمڭَّا ثِيمقّْرَانِينْ ن سِيذِي، أَذْ إِبَارّحْ مَارَّا شَّانْ نّسْ؟
PSA 106:3 سّعْذْ نْسنْ إِ يِينِّي إِحْضَانْ ڒْحقّْ، [سّعْذْ نّسْ] إِ ونِّي إِتّڭّنْ ڒبْذَا ثَاسڭْذَا.
PSA 106:4 عْقڒْ خَافِي، [أَ] سِيذِي، س أَرْضَا غَارْ ڒْڭنْسْ نّشْ، عَاهذْ أَيِي س ؤُسنْجمْ نّشْ،
PSA 106:5 مَاحنْذْ أَذْ ژَترغْ ڒْخَارْ إِ يِينِّي زَّايكْ إِتّْوَافَارْزنْ، مَاحنْذْ أَذْ فَارْحغْ س ڒفْرَاحثْ ن ڒْڭنْسْ نّشْ، مَاحنْذْ أَذْ فَارْحغْ س يِيخفْ إِنُو [جْمِيعْ] أَكْ-ذ ثسْغَارْثْ نّشْ.
PSA 106:6 نشِّينْ نخْضَا، [جْمِيعْ] أَكْ-ذ ڒجْذُوذْ نّغْ، نڭَّا ڒْغشّْ، نڭَّا ثُوعفّْنَا.
PSA 106:7 ڒجْذُوذْ نّغْ ذِي مِيصْرَا وَارْ فْهِيمنْ إِ لْمُوعْجِيزَاثْ نّشْ، وَارْ خَارّْصنْ ذڭْ ؤُفيّضْ ن ثْمڭَّا ن ثْمخْسِيوْثْ نّشْ إِشوَّارنْ، مَاشَاغوّْغنْ غَارْ ڒبْحَارْ، غَارْ ڒبْحَارْ ن ثلْڭَا.
PSA 106:8 [مَاشَا] نتَّا إِسّنْجمْ إِ-ثنْ ذِي طّْوعْ ن يِيسمْ نّسْ، حِيمَا أَذْ ثتّْوَاسّنْ ڒمْغَارثْ نّسْ.
PSA 106:9 نتَّا إِوبّخْ ڒبْحَارْ ن ثلْڭَا أَڒَامِي إِذْوڒْ يُوژغْ، ؤُشَا إِجَّا إِ-ثنْ أَذْ كّنْ خْ [وُوذمْ ن ثمُّورْثْ] [جَارْ] [وَامَانْ] إِهوْڒنْ أَخْمِي [ذِي] ڒخْڒَا.
PSA 106:10 نتَّا إِفكّْ إِ-ثنْ زڭْ ؤُفُوسْ ن يِينِّي [إِ-ثنْ] إِشَارّْهنْ، إِفكّْ إِ-ثنْ زڭْ ؤُفُوسْ ن ڒعْذُو.
PSA 106:11 أَمَانْ ذْڒِينْ إِنِّي ثنْ إِحصَّارنْ، وَارْ إِقِّيمْ ؤُڒَا ذ إِجّنْ زَّايْسنْ.
PSA 106:12 نِيثْنِي تّشْڒنْ خْ وَاوَاڒنْ نّسْ، صبّْحنْ أَسْ س يِيجّْ ن يزْڒِي ن ؤُصبّحْ.
PSA 106:13 [مَاشَا] تُّونْ ذغْيَا ثِيمڭَّا نّسْ، وَارْ خْسنْ أَذْ رَاجَانْ [عَاذْ] شّْوَارْ نّسْ.
PSA 106:14 نِيثْنِي ذوْڒنْ تّْمغّْڒنْ أَطَّاسْ ذِي ڒخْڒَا، قدْجْبنْ أَربِّي ذِي ثْنزْرُوفْثْ.
PSA 106:15 [خنِّي] إِوْشَا أَسنْ مِينْ تَّارنْ، [مَاشَا] إِسّمْژِي [ڒْْقدّْ ن] ڒعْمُورْ نْسنْ.
PSA 106:16 نِيثْنِي ذوْڒنْ ؤُسْمنْ زِي مُوسَا ذِي ڒْمَارْڭحْ ن ڒْعسْكَارْ، ؤُڒَا زِي هَارُونْ، أَمْقدّسْ ن سِيذِي.
PSA 106:17 ثَامُّورْثْ ثنُّورْزمْ، ثْصَارْضْ ذَاثَانْ، ؤُشَا ثنْثِييْ أَبَارُّو ن أَبِيرَامْ.
PSA 106:18 ثِيمسِّي ثبْذَا ثشْمضْ جَارْ ؤُبَارُّو نْسنْ، إِجّْ ن ؤُشعَّاڒْ ن ثْمسِّي إِقّذْ إِعفَّاننْ [نِّي].
PSA 106:19 نِيثْنِي ڭِّينْ إِجّْ ن ؤُعجْمِي غَارْ حُورِيبْ، بنْذْقنْ إِ يِيجّْ ن ڒخْيَاڒْ إِفسْينْ.
PSA 106:20 نِيثْنِي بدّْڒنْ أَعُودْجِي ن سِيذِي أَكْ-ذ ڒخْيَاڒْ ن إِجّْ ن ؤُفُونَاسْ إِ إِتّتّنْ أَرْبِيعْ.
PSA 106:21 تُّونْ أَربِّي، أَمْسنْجمْ نْسنْ، ونِّي ثُوغَا إِڭِّينْ ثِيمڭَّا ثِيمقّْرَانِينْ ذِي مِيصْرَا،
PSA 106:22 لْمُوعْجِيزَاثْ ذِي ثمُّورْثْ ن حَامْ، ثِيمڭَّا سَّاڭّْوَاذنْثْ غَارْ ڒبْحَارْ ن ثلْڭَا.
PSA 106:23 إِنَّا أَقَا أَذْ ثنْ إِكحّضْ، مْڒِي وَارْ إِدْجِي ذ مُوسَا، ونِّي زَّايسْ إِتّْوَافَارْزنْ، إِكَّارْ-د ذِي ثْخنْذُوقْثْ زَّاثْ إِ وُوذمْ نّسْ ذِي طّْوعْ نْسنْ، مَاحنْذْ أَذْ إِسّْبعّذْ أَسْعَارْ نّسْ إِ زِي إِخْسْ أَذْ ثنْ يَاردّدْجْ.
PSA 106:24 نِيثْنِي كّْسنْ ثَاقْشُورْثْ خْ ثمُّورْثْ إِعِيزّنْ، وَارْ ثشْڒنْ شَا خْ وَاوَاڒْ نّسْ.
PSA 106:25 نِيثْنِي نْذقْمنْ ذڭْ إِقِيضَانْ نْسنْ، وَارْ سْڒِينْ غَارْ ثْمِيجَّا ن سِيذِي.
PSA 106:26 نتَّا إِسّْڭعّذْ أَفُوسْ نّسْ خَاسنْ، [إِجِّيدْجْ] أَذْ ثنْ إِسّغْضڒْ ذِي ڒخْڒَا،
PSA 106:27 مَاحنْذْ أَذْ إِسّغْضڒْ ثَارْوَا نْسنْ جَارْ ڒڭْنُوسْ، مَاحنْذْ أَذْ ثنْ إِزدْجعْ ذِي ثمُّورَا.
PSA 106:28 نِيثْنِي سّْڒحْمنْ إِخفْ نْسنْ غَارْ بَاعَالْ-فَاغُورْ، شِّينْ ثِيغَارْصَا إِ إِمتَّانْ.
PSA 106:29 سْعَارنْ ث س ثْمڭَّا نْسنْ، أَڒَامِي د خَاسنْ ثوْضَا جّْرِيحشْثْ.
PSA 106:30 [خنِّي] إِكَّارْ-د فِينَاحَاسْ، يُوسَا-د جَارْ أَسنْ، ؤُ أَمُّو إِ ثتّْوَاسّْبدّْ جّْرِيحشْثْ.
PSA 106:31 أَيَا إِتّْوَاحْسبْ أَسْ-د ذ ثَاسڭْذَا، زِي جِّيڒْ أَڒْ جِّيڒْ إِ ڒبْذَا.
PSA 106:32 نِيثْنِي سْعَارنْ أَفُوڭمْ نّسْ غَارْ وَامَانْ ن مَارِيبَا، أَڒَامِي إِڭَّا مُوسَا ڒْغَارْ ذِي سِّيبّثْ نْسنْ،
PSA 106:33 مَاغَارْ سَّارزْڭنْ ڒعْمَارْ نّسْ، غَارسْ أَڒَامِي إِفّغْ وَاوَاڒْ وَارْ إِضْبِيعنْ زڭْ إِينْشِيشنْ نّسْ.
PSA 106:34 نِيثْنِي وَارْ ثحَّانْ ڒڭْنُوسْ عْلَاحْسَابْ مِينْ ذ أَسنْ يُومُورْ سِيذِي.
PSA 106:35 [مَاشَا] صُّورنْ إِخفْ نْسنْ أَكْ-ذ ڒڭْنُوسْ ڒمْذنْ [أَذْ ڭّنْ] مِينْ ڭِّينْ نِيثْنِي.
PSA 106:36 نِيثْنِي ثُوغَا تّْسخَّارنْ إِ ڒخْيَاڒَاثْ ن لْ-أَصْنَامْ نْسنْ، إِنِّي ذ أَسنْ إِذوْڒنْ ذ ڒْفخْ.
PSA 106:37 نِيثْنِي إِوْينْ إِحنْجِيرنْ نْسنْ ذ ثْحنْجِيرِينْ نْسنْ ذ ثَاغَارْصْثْ إِ شّْوَاطنْ.
PSA 106:38 نِيثْنِي سِّيزّْڒنْ إِذَامّنْ إِمزْذَاڭنْ، إِذَامّنْ ن إِحنْجِيرنْ نْسنْ ذ ثْحنْجِيرِينْ نْسنْ، نِّي إِوْينْ ذ ثَاغَارْصْثْ إِ ڒخْيَاڒَاثْ ن لْ-أَصْنَامْ ن كنْعَانْ، أَڒَامِي ثذْوڒْ ثمُّورْثْ ثفْسذْ س إِذَامّنْ.
PSA 106:39 نِيثْنِي ذوْڒنْ خمْجنْ زِي ثْمڭَّا نْسنْ، سّْفسْذنْ إِخفْ نْسنْ س ڒخْذَايمْ نْسنْ.
PSA 106:40 يَارْغَا وغْضَابْ ن سِيذِي خْ ڒْڭنْسْ نّسْ ؤُ نتَّا إِعِيفّْ ثَاسْغَارْثْ نّسْ.
PSA 106:41 نتَّا إِسلّمْ إِ-ثنْ غَارْ إِفَاسّنْ ن ڒڭْنُوسْ ؤُ إِنِّي ثنْ إِشَارّْهنْ ذوْڒنْ تّْسدْجَاضنْ خَاسنْ.
PSA 106:42 حْصَارنْ ثنْ ڒْعذْيَانْ نْسنْ، نِيثْنِي تّْوَاسّْوَاضْعنْ سَاذُو أَفُوسْ نْسنْ.
PSA 106:43 أَطَّاسْ ن ثْوَاڒَاوِينْ ثُوغَا إِتّْفكَّا إِ-ثنْ، [مَاشَا] نِيثْنِي سَّارزْڭنْ خَاسْ س ثْغنَّانْثْ نْسنْ، تّْوَاسّْمژْينْ س ڒْمُوعْصِييّثْ نْسنْ.
PSA 106:44 [وَاخَّا أَمنِّي] نتَّا إِخْزَارْ [عَاذْ] غَارْسنْ ؤُمِي ثنْ ثُوغَا ذِي ڒحْصَارثْ، ؤُمِي إِسْڒَا ثْغُويِّيثْ نْسنْ.
PSA 106:45 يِيذَارْ ڒْعَاهْذْ نّسْ ذِي طّْوعْ نْسنْ ؤُ إِنْذمْ زِي سِّيبّثْ ن ثْمخْسِيوْثْ نّسْ إِشوَّارنْ.
PSA 106:46 إِسّْشنْ أَسنْ أَرّحْمثْ [نّسْ] زَّاثْ إِ وُوذمْ ن مَارَّا إِنِّي ثنْ إِحبّْسنْ.
PSA 106:47 سنْجمْ أَنغْ، [أَ] سِيذِي، أَربِّي، نْذهْ أَنغْ نْمُونْ زِي ڒڭْنُوسْ، حِيمَا أَذْ نْقَاذَا إِسمْ أَمْقدَّاسْ نّشْ، أَذْ شكْ نْصبّحْ س يزْڒَانْ ن ؤُسمْغَارْ.
PSA 106:48 أَذْ إِتّْوَابَاركْ سِيذِي، أَربِّي ن إِسْرَائِيل، زِي ڒبْذَا أَڒْ ڒبْذَا!“ أجّْ مَارَّا ڒْڭنْسْ أَذْ يِينِي: ’أَمِينْ! هَالِّيلُو-يَاهْ!‘
PSA 107:1 قَاذَامْ سِيذِي، مَاغَارْ نتَّا إِصْبحْ، مَاغَارْ ثَامخْسِيوْثْ نّسْ إِشوَّارنْ [ثتّْغِيمَا] إِ ڒبْذَا.
PSA 107:2 أجّْ إِنِّي إِتّْوَافكّنْ ن سِيذِي أَذْ سِّيوْڒنْ أَمُّو، إِنِّي إِفكّْ زڭْ ؤُفُوسْ ن يِينِّي [ثنْ] إِحصَّارنْ،
PSA 107:3 إِنِّي إِسّْمُونْ زِي ثمُّورَا، زِي شَّارْقْ، زِي ڒْغَارْبْ، زِي شَّامَالْ ؤُ زِي ڒبْحَارْ.
PSA 107:4 [ثُوغَا ذِينْ] إِنِّي إِودَّارنْ ذِي ڒخْڒَا، أَبْرِيذْ [نْسنْ] إِكَّا خْ ثْنزْرُوفْثْ، وَارْ ؤُفِينْ ثَانْذِينْثْ مَاحنْذْ أَذْ ذَايسْ زذْغنْ.
PSA 107:5 ذَايْسنْ ڒَاژْ ذ ؤُفَاذِي، ڒعْمَارْ نْسنْ إِفْشڒْ ذَايْسنْ.
PSA 107:6 [خنِّي] سْغُوينْ غَارْ سِيذِي ذِي ڒحْصَارثْ نْسنْ، [ؤُ] نتَّا إِفكّْ إِ-ثنْ زِي ثِيڭّْوُوذِي نْسنْ.
PSA 107:7 نتَّا إِنْذهْ إِ-ثنْ ذڭْ إِجّْ ن وبْرِيذْ إِسڭّذْ، مَاحنْذْ أَذْ ؤُيُورنْ غَارْ إِشْثْ ن ثنْذِينْثْ حِيمَا أَذْ [ذَايسْ] زذْغنْ.
PSA 107:8 أجّْ إِ-ثنْ أَذْ قَاذَانْ سِيذِي خْ ثْمخْسِيوْثْ نّسْ إِشوَّارنْ، خْ لْمُوعْجِيزَاثْ نّسْ إِ ثَارْوَا ن بْنَاذمْ.
PSA 107:9 مَاغَارْ نتَّا إِسّْجِّيونْ ڒعْمَارْ إِفُّوذنْ، ڒعْمَارْ إِدْجُوژنْ إِشُّورْ إِ-ث س ڒْخَارْ.
PSA 107:10 [ثُوغَا ذِينْ] إِنِّي إِقِّيمنْ ذِي ثَادْجسْثْ ذ ثِيڒِي ن ڒْموْثْ، س إِشذِّيينْ ن دّدْجْ ذ وُوزَّاڒْ،
PSA 107:11 مَاغَارْغوّْغنْ أَكْ-ذ وَاوَاڒنْ ن أَربِّي، وَارْ سْڒِينْ غَارْ شّْوَارْ ن ؤُمْعُودْجِي خْ كُوڒْشِي.
PSA 107:12 نتَّا إِسّقْنعْ ؤُڒْ نْسنْ س ثَامَارَا، نّْذرْفنْ، وَارْ ؤُفِينْ وِي غَا إِوْشنْ أَفُوسْ.
PSA 107:13 [خنِّي] ڒَاغَانْ إِ سِيذِي ذِي ڒحْصَارثْ نْسنْ ؤُ نتَّا إِسّنْجمْ إِ-ثنْ زِي ثِيڭّْوُوذِي نْسنْ،
PSA 107:14 نتَّا إِسُّوفّغْ إِ-ثنْ زِي ثَادْجسْثْ ؤُ زِي ثِيڒِي ن ڒْموْثْ، يَارْژَا إِشذِّيينْ نْسنْ.
PSA 107:15 أجّْ إِ-ثنْ أَذْ قَاذَانْ سِيذِي خْ ثْمخْسِيوْثْ نّسْ إِشوَّارنْ، خْ لْمُوعْجِيزَاثْ نّسْ إِ ثَارْوَا ن بْنَاذمْ.
PSA 107:16 مَاغَارْ نتَّا يَارْژَا ثِيوُّورَا ن نّْحَاسْ، إِشَارّڭْ زّكْرُونَاثْ ن وُوزَّاڒْ.
PSA 107:17 [ثُوغَا ذِينْ] إِبُوهَاڒِييّنْ إِنِّي إِتّْوَاغزَّانْ زِي سِّيبّثْ ن ؤُخطُّو نْسنْ ذ ڒْمُوعْصِييّثْ نْسنْ.
PSA 107:18 إِعِيفّْ ڒعْمَارْ نْسنْ زِي مَارَّا مَاشَّا، إِوْضنْ أَڒْ ثوُّورَا ن ڒْموْثْ.
PSA 107:19 [خنِّي] ڒَاغَانْ إِ سِيذِي ذِي ڒحْصَارثْ نْسنْ ؤُ نتَّا إِسّنْجمْ إِ-ثنْ زِي ثِيڭّْوُوذِي نْسنْ.
PSA 107:20 نتَّا إِسّكّْ أَوَاڒْ نّسْ، إِسّْڭنْفَا إِ-ثنْ ؤُ إِسّنْجمْ إِ-ثنْ زڭْ إِحُوفَارْ نْسنْ.
PSA 107:21 أجّْ إِ-ثنْ أَذْ قَاذَانْ سِيذِي خْ ثْمخْسِيوْثْ نّسْ إِشوَّارنْ، خْ لْمُوعْجِيزَاثْ نّسْ إِ ثَارْوَا ن بْنَاذمْ.
PSA 107:22 أجّْ إِ-ثنْ أَذْ أَوْينْ ثِيوْهِيبِينْ ن ؤُقَاذِي، أَذْ بَارّْحنْ ثِيمڭَّا نّسْ س ؤُسْڒِيوْڒوْ.
PSA 107:23 [ثُوغَا ذِينْ] إِنِّي إِهكّْوَانْ غَارْ ڒبْحَارْ س إِغَارُّوبَا، إِنِّي إِخدّْمنْ خْ وَامَانْ إِوسْعنْ.
PSA 107:24 ژْرِينْ مِينْ إِڭَّا سِيذِي، ؤُڒَا ذ لْمُوعْجِيزَاثْ نّسْ ذِي ڒَادْجَاغْ [ن ڒبْحَارْ].
PSA 107:25 مَاڒَا نتَّا إِسِّيوڒْ، إِكَّارْ-د إِجّْ ن ؤُسمِّيضْ نِّي إِسّْڭعّْذنْ ڒمْوَاجْ نّسْ.
PSA 107:26 ڭعّْذنْ غَارْ ؤُجنَّا ؤُشَا هْوَانْ غَارْ ثِيسِي ن [وَامَانْ] إِهوْڒنْ. إِفْسِي ڒعْمَارْ نْسنْ زِي ثِيڭّْوُوذِي.
PSA 107:27 ميّْڒنْ، ميّْڒمْ زِي سَّا غَارْ ذَا أَمْ ؤُمسْشَارْ، إِودَّارْ أَسنْ مَارَّا ڒعْقڒْ نْسنْ.
PSA 107:28 [خنِّي] ڒَاغَانْ إِ سِيذِي ذِي ڒحْصَارثْ نْسنْ [ؤُ] نتَّا إِسُّوفّغْ إِ-ثنْ-د زِي ثِيڭّْوُوذِي نْسنْ.
PSA 107:29 نتَّا يَارَّا أَسمِّيضْ أَذْ يَارْسَا، أَڒَامِي ذوْڒنْ ڒمْوَاجْ سّغْضنْ.
PSA 107:30 نِيثْنِي فَارْحنْ ؤُمِي أَرْسِينْ [ڒمْوَاجْ] ؤُ [ؤُمِي] نتَّا إِنْذهْ إِ-ثنْ غَارْ ڒْمُويِّي إِ غَارسْ ثُوغَا تّْمژْرِيينْ.
PSA 107:31 أجّْ إِ-ثنْ أَذْ قَاذَانْ سِيذِي خْ ثْمخْسِيوْثْ نّسْ إِشوَّارنْ، خْ لْمُوعْجِيزَاثْ نّسْ إِ ثَارْوَا ن بْنَاذمْ،
PSA 107:32 أجّْ إِ-ثنْ أَذْ ث سّْعُودْجنْ ذڭْ وڭْرَاوْ ن ڒْڭنْسْ، أَذْ ث شنّْعنْ ذِي ڒْحڒْقثْ ن إِمْغَارنْ.
PSA 107:33 نتَّا يَارَّا إِغزْرَانْ ذ ڒخْڒَا، ڒْْعُونْصَارَاثْ [يَارَّا إِ-ثنْثْ] ذ ثَامُّورْثْ إِفُّوذنْ،
PSA 107:34 ثَامُّورْثْ إِ إِتِّيشنْ ڒْغِيدْجثْ [يَارَّا إِ-ت] ذ ثَامدْجَاحْثْ، زِي سِّيبّثْ ن ثُوعفّْنَا ن يِينِّي ذَايسْ إِزدّْغنْ.
PSA 107:35 نتَّا يَارَّا ڒخْڒَا ذ أَيڒْمَامْ ن وَامَانْ، ثَامُّورْثْ يُوژْغنْ ذ ڒْعُونْصَارَاثْ.
PSA 107:36 ذِينِّي إِ إِسّزْذغْ إِنِّي إِدْجُوژنْ ؤُشَا [ذِينْ] سّْبدّنْ [نِيثْنِي] إِشْثْ ن ثنْذِينْثْ مَاحنْذْ أَذْ [ذَايسْ] زذْغنْ.
PSA 107:37 نِيثْنِي زَارّْعنْ ذڭْ إِيَّارنْ، تّژُّونْ ثِيزَايَارِينْ ذڭْ إِمَارْجَاعنْ، ثِينِّي د-إِتَّاوْينْ إِڭُومَّا ذ ڒْغِيدْجثْ [نْسنْ].
PSA 107:38 نتَّا إِبَاركْ إِ-ثنْ، [أَڒَامِي] ذوْڒنْ ذڭْ وَاطَّاسْ، أَڭْڒَا ن ڒْمَاڒْ نْسنْ وَارْ إِتّْوَاسّمْژِي.
PSA 107:39 [خنِّي] مَاشَا ذَاكّْوَاڒنْ ذِي ذْرُوسْ [عَاوذْ]، هكّْوَانْ غَارْ ڒَادْجَاغْ زِي سِّيبّثْ ن ڒحْصَارثْ ذ ڒغْبنْ ذ وشْضَانْ.
PSA 107:40 نتَّا إِتّْكبَّا أَسحْقَارْ خْ ثَارْوَا ن ثَاصِيڒثْ، إِجَّا إِ-ثنْ تّثْلِيعنْ ذِي ڒخْڒَا مَانِي وَارْ [دْجِينْ] إِبْرِيذنْ.
PSA 107:41 إِسّْڭعّذْ-د أَمزْڒُوضْ زِي ڒغْبنْ ؤُشَا يَارَّا ڒَادْجَاثْ أَمْ ثْحِيمَارِينْ ن وُودْجِي.
PSA 107:42 إِنِّي إِڭُّورنْ نِيشَانْ تّْوَاڒَانْ ؤُشَا فَارّْحنْ، [مَاشَا] مَارَّا [أَيْثْ ن] ڒْمُوعْصِييّثْ تّقّْننْ أَقمُّومْ [نْسنْ].
PSA 107:43 ونِّي ذ أَمِيغِيسْ، أجّْ إِ-ث أَذْ إِحْضَا، أجّْ إِ-ثنْ أَذْ سّْننْ نِيشَانْ ثِيمڭَّا ن ثْمخْسِيوْثْ ن سِيذِي.
PSA 108:1 [إِزْڒِي. أَزهّذْ ن ذَاوُوذْ.]
PSA 108:2 [أَ] أَربِّي، ؤُڒْ إِنُو إِعوّڒْ، أَذْغنّْجغْ أَذْ زهّْذغْ، [وَاهْ] ؤُڒَا ذ أَعُودْجِي إِنُو.
PSA 108:3 فَاقْ، لهَارْبَا ذ ڒْڭَامْبْرِي! نشّْ خْسغْ أَذْ سّْفَاقغْ ثَافَاوْثْ ن ڒفْجَارْ.
PSA 108:4 نشّْ أَذْ شكْ قَاذِيغْ جَارْ ڒڭْنُوسْ، [أَ] سِيذِي، أَذْ أَكْ زهّْذغْ جَارْ شُّوعُوبْ.
PSA 108:5 مَاغَارْ ثَامخْسِيوْثْ نّشْ إِشوَّارنْ [ثتَّاكّْوَاضْ] ثِيوَا إِ إِجنْوَانْ، ڒَْامَانْ نّشْ أَڒْ إِسيْنُوثنْ.
PSA 108:6 [أَ] أَربِّي، سْڭعّذْ إِخفْ نّشْ ثِيوَا إِ إِجنْوَانْ، [أَرّْ] أَعُودْجِي نّشْ خْ مَارَّا ثَامُّورْثْ،
PSA 108:7 حِيمَا إِمْعِيزّنْ نّشْ أَذْ تّْوَانجْمنْ، أَوِي أَسنْجمْ س ؤُفُوسْ أَفُوسِي نّشْ ؤُ أَرّْ-د خَانغْ [أَوَاڒْ].
PSA 108:8 أَربِّي ثُوغَا إِسَّاوَاڒْ ذِي زَّاوشْثْ نّسْ إِقدّْسنْ، س ؤُينِّي إِ غَا نڭْزغْ س ڒفْرَاحثْ. نشّْ أَذْ بْضِيغْ شَاكِيمْ، أَذْعبَّارغْ ثَايْسَارْثْ ن سُوكُّوثْ.
PSA 108:9 جِيلْعَاذْ إِنُو، مَانَاسَّا إِنُو، إِفْرَايِيمْ ذ أَسڒْقِي إِجهْذنْ ن ؤُزدْجِيفْ إِنُو، يَاهُوذَا ذ أَمْڭوّذْ إِنُو.
PSA 108:10 مَاشَا مُوآبَ ذ سَّارِيجْ إِنُو ن ؤُسِيرْذْ، خْ إِذُومْ أَذْ نْضَارغْ سَانْذَالِييَاثْ إِنُو، خْ [ثمُّورْثْ ن] فِيلِيشِيثْ أَذْ ذُوقّْزغْ س ؤُسْڒِيوْڒوْ.
PSA 108:11 وِي ذ أَيِي غَا إِنذْهنْ [غَارْ] ثنْذِينْثْ إِفَارْينْ؟ وِي ذ أَيِي غَا إِڭوّْذنْ غَارْ إِذُومْ؟
PSA 108:12 مَا وَارْ ذ أَنغْ ثنْضَارذْ، [أَ] أَربِّي، ؤُ أَكْ-ذ ڒْعسْكَارَاثْ نّغْ مَا [زعْمَا] وَارْ د-ثفِّيغذْ [عَاذْ] أَكِيذْسنْ، [أَ] أَربِّي؟
PSA 108:13 أوْشْ أَنغْ أَفُوسْ [حِيمَا أَذْ أَنغْ ثسّْنجْمذْ] زِي ڒحْصَارثْ، [مَاغَارْ] أَسنْجمْ [س ؤُفُوسْ ن] يِيجّْ ن بْنَاذمْ أَقَا إِبْضڒْ.
PSA 108:14 أَكْ-ذ أَربِّي أَذْ نڭّْ س ومْحَاضْ ؤُ نتَّا أَذْ إِعْفسْ خْ يِينِّي ذ أَنغْ إِحصَّارنْ.
PSA 109:1 [إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.] [أَ] أَربِّي ن ؤُصبّحْ إِنُو، وَارْ سْغِيذِي!
PSA 109:2 مَاغَارْ أَقمُّومْ ن إِجّْ ن ؤُعفَّانْ، أَقَا أَقمُّومْ [إِشُّورْ س] إِخَارِّيقنْ إِنُّورْزمْ خَافِي. نِيثْنِي سَّاوَاڒنْ أَكِيذِي س يِيجّْ ن يِيڒسْ إِسّْخَارِّيقنْ.
PSA 109:3 نّْضنْ أَيِي-د س وَاوَاڒنْ إِشُّورنْ س وشْرَاهْ، تّْمنْغَانْ أَكِيذِي خْ وَالُو.
PSA 109:4 إِ ثْوَارِّيثْ خْ ثْمخْسِيوْثْ إِنُو، شّثْشَانْ نِيثْنِي زَّايِي ؤُ نشّْ كسِّيغْ س ڒْمعْرُوفْ.
PSA 109:5 نِيثْنِي خدْجْصنْ أَيِي ڒْخَارْ س ڒْغَارْ، ثَامخْسِيوْثْ إِنُو س وشْرَاهْ.
PSA 109:6 أڭّْ خَاسْ إِجّْ ن ؤُعفَّانْ، أجّْ إِجّْ ن شِّيطَانْ أَذْ إِبدّْ غَارْ ؤُغزْذِيسْ نّسْ.
PSA 109:7 مَاڒَا خَاسْ شَارّْعنْ، أَذْ إِفّغْ أَمْ ؤُقْطَاطْعِي ؤُشَا أجّْ ثَاژَادْجِيثْ نّسْ أَذْ ثِيڒِي ذ دّنْبْ.
PSA 109:8 أَذْ ذوْڒنْ ؤُسَّانْ نّسْ ؤُذْرُوسنْ، أجّْ ونّغْنِي أَذْ إِطّفْ ڒْفُوسِينَا نّسْ.
PSA 109:9 أَذْ ذوْڒنْ إِحنْجِيرنْ نّسْ ذ إِيُوجِيڒنْ، ثَامْغَارْثْ نّسْ ذ ثَاجَّاتْشْ.
PSA 109:10 أَذْ ثلّْعنْ إِحنْجِيرنْ نّسْ ذَا ذ ذِيهَا، أَذْ تَّارنْ، أَذْ أَرْزُونْ خْ مَاشَّا غَارْ ڒَاڭّْوَاجْ ن ڒْخِيرْبَاثْ [ن ثْزذِّيغِينْ] نْسنْ.
PSA 109:11 أَذْ إِتَّارْ بُو-ؤُمَارْوَاسْ مَارَّا مِينْ غَارسْ، أَذْ كشّْضنْ إِبَارَّانِييّنْ [ڒْْغِيدْجثْ ن] وَارْبرْ نّسْ.
PSA 109:12 وَارْ غَارسْ إِتِّيڒِي ؤُڒَا ذ إِجّنْ ونِّي ذ أَسْ إِ غَا إِڭِّينْ س ثْمخْسِيوْثْ إِشوَّارنْ، أجّْ ؤُڒَا ذ إِجّْ أَذْ إِحِينّْ خْ إِيُوجِيڒنْ نّسْ.
PSA 109:13 أَذْ تّْوَاثحَّانْ ثَارْوَا نّسْ أَوَارْنِي أَسْ، أَذْ إِتّْوَامْحَا إِسمْ نْسنْ ذِي جِّيڒْ إِ د غَا يَاسنْ.
PSA 109:14 أَذْ يِيذَارْ سِيذِي ڒْمُوعْصِييّثْ ن ڒجْذُوذْ نّسْ، عمَّارْصْ وَارْ إِمحِّي دّنْبْ ن يمَّاسْ.
PSA 109:15 إِڒِي أَذْ بدّنْ ڒبْذَا قِيبَاتْشْ إِ سِيذِي، أجّْ إِ-ث أَذْ إِكّسْ ڒِيذَارثْ نْسنْ خْ ثمُّورْثْ.
PSA 109:16 مَاغَارْ نتَّا وَارْ إِعْقِيڒْ حِيمَا أَذْ يڭّْ س ثْمخْسِيوْثْ إِشوَّارنْ، [مَاشَا] إِمَارّثْ ڒْمسْكِينْ ذ ؤُمزْڒُوضْ، ؤُڒَا ذ ونِّي ؤُمِي إِتّْوَارْژْ وُوڒْ، حِيمَا أَذْ ث إِنغْ.
PSA 109:17 نتَّا ثُوغَا إِتّخْسْ نّعْڒثْ، [خنِّي] أجّْ إِ-ت أَذْ خَاسْ ثوْضَا، ؤُ ؤُمِي وَارْ إِفَارْحْ س لْبَارَاكَا، أجّْ إِ-ت أَذْ خَاسْ ثِيڭّْوجْ.
PSA 109:18 ؤُمِي يَارْضْ نّعْڒثْ أَمْ وَارُّوضْ نّسْ، أجّْ إِ-ت أَذْ ثَاذفْ [خنِّي] أَمْ وَامَانْ غَارْ ذَاخڒْ نّسْ، أَمْ زّشْثْ ذڭْ إِغْسَانْ نّسْ.
PSA 109:19 أجّْ أَذْ ثِيڒِي [نّعْڒثْ نِّي] أَمْ وَارُّوضْ إِ ذِي إِتّْڒحّفْ، أَمْ وبْيَاسْ إِ إِبكّسْ ڒبْذَا.
PSA 109:20 ثَا ذ ڒْمُونثْ ن سِيذِي إِ إِغْرِيمنْ إِنُو، إِ يِينِّي إِسَّاوَاڒنْ ڒْغَارْ خْ ڒعْمَارْ إِنُو.
PSA 109:21 [مَاشَا] شكْ، [أَ] سِيذِي، سِيذِي إِنُو، أڭّْ ذَايِي [أَمْ مَامّشْ ثخْسذْ] ذِي طّْوعْ ن يِيسمْ نّشْ، مَاغَارْ ثَامخْسِيوْثْ نّشْ إِشوَّارنْ ذ ثَاصبْحَانْثْ، فكّْ أَيِي.
PSA 109:22 مَاغَارْ نشّْ ذِي ڒغْبنْ ؤُ زڒْضغْ، ؤُڒْ إِنُو إِتّْوَاسّْنُوقّبْ غَارْ ذَاخڒْ [ذڭْ إِذْمَارنْ إِنُو].
PSA 109:23 أَمْ إِشْثْ ن ثِيڒِي إِزُّوڭَّارْثنْ قطِّيغْ، زّْرُوزَانْ أَيِي أَمْ يِيشْثْ ن ثْمُورْغِي.
PSA 109:24 إِفَادّنْ إِنُو تَّارْجِيجِينْ س ؤُژُومِّي، أَرِّيمثْ إِنُو ذ ثَامُوسْرِيوْثْ، إِتّْخصَّا إِ-ت ثَاذُونْثْ.
PSA 109:25 نشّْ ذوْڒغْ أَسنْ ذ [إِشْثْ ن ڒْقشْعثْ ن] ؤُسحْقَارْ. مَاڒَا ژْرِينْ أَيِي، سّنْهزَّانْ أَزدْجِيفْ نْسنْ.
PSA 109:26 أوْشْ أَيِي أَفُوسْ، [أَ] سِيذِي، أَربِّي إِنُو، سنْجمْ أَيِي عْلَاحْصَابْ ثَامخْسِيوْثْ نّشْ إِشوَّارنْ،
PSA 109:27 حِيمَا أَذْ سّْننْ أَقَا ذ مَانْ أَيَا ذ أَفُوسْ نّشْ، أَقَا شكْ إِ إِڭِّينْ مَانْ أَيَا، [أَ] سِيذِي.
PSA 109:28 نِيثْنِي ذ يِينِّي إِنعّْڒنْ، مَاشَا شكْ أَذْ ثْبَارْكذْ، مَاڒَا تّْغوّْغنْ، أَذْ ذوْڒنْ تّْسضْحَانْ [مَاشَا] أَمْسخَّارْ نّشْ أَذْ إِفَارْحْ.
PSA 109:29 أجّْ إِغْرِيمنْ إِنُو أَذْ يَارْضنْ س ڒفْضِيحثْ، أَذْ ڒحّْفنْ ذڭْ ؤُسضْحِي أَمْ ذڭْ إِجّْ ن ؤُسڒْهَامْ.
PSA 109:30 زڭْ وُوڒْ إِنُو أَذْ قَاذِيغْ سِيذِي س ؤُقمُّومْ إِنُو، أَذْ ث سّمْغَارغْ جَارْ وَاطَّاسْ.
PSA 109:31 مَاغَارْ نتَّا أَذْ إِبدّْ أَكْ-ذ ؤُمزْڒُوضْ غَارْ ؤُفُوسْ نّسْ أَفُوسِي، حِيمَا أَذْ [ث] إِسّنْجمْ زڭْ إِنِّي إِحكّْمنْ خْ ڒعْمَارْ نّسْ.
PSA 110:1 [أَزهّذْ ن ذَاوُوذْ.] سِيذِي إِسَّاوَاڒْ أَكْ-ذ سِيذِي إِنُو: قِيمْ غَارْ ؤُفُوسْ أَفُوسِي إِنُو، أَڒْ د-سَّارْسغْ ڒْعذْيَانْ نّشْ ذ ثَانبْذَاثْ سَاذُو إِضَارنْ نّشْ.
PSA 110:2 سِيذِي أَذْ إِسّكّْ أَزدْجَاضْ ن صُّولْطَا نّشْ زِي صِيهْيُونْ، شكْ أَذْ ثْصلّْطذْ ذِي ڒْوسْطْ ن ڒْعذْيَانْ نّشْ.
PSA 110:3 ڒْڭنْسْ نّشْ أَذْ يِيڒِي ذ أَمْسعَّافْ ذڭْ وَاسّْ ن صُّولْطَا نّشْ، أَذْ د-يَاسْ ذِي ثِيسِّيقْثْ إِقدّْسنْ زِي ڒمْڒَاوْڒثْ ن ثُوفُّوثْ، [أَمُّو إِ غَا يِيڒِي] إِ شكْ نّْذَا ن يِينِّي عَاذْ مَامّشْ ذ أَشْ د-إِتّْوَاخڒْقنْ.
PSA 110:4 سِيذِي إِجِّيدْجْ،عمَّارْصْ أَذْ خَاسْ إِنْذمْ: ”شكْ ذ أَكهَّانْ إِ ڒبْذَا، عْلَاحْسَابْ صِّيفثْ ن مَالْكِيصَاذِيقْ!“، [إِخْسْ أَذْ يِينِي ’أَجدْجِيذْ ذ أَمْسڭّذْ‘].
PSA 110:5 سِيذِي أَقَا-ث غَارْ ؤُفُوسْ أَفُوسِي نّشْ. نتَّا أَذْ إِڒْبزْ إِجدْجِيذنْ ذڭْ وَاسّْ ن وغْضَابْ نّسْ.
PSA 110:6 نتَّا أَذْ إِحَاكمْ خْ ڒڭْنُوسْ، أَقَا ذَا [ثَامُّورْثْ] ثشُّورْ س ڒْخشْبَاثْ، أَذْ إِڒْبزْ أَزدْجِيفْ خْ إِشْثْ ن ثمُّورْثْ ثَامقّْرَانْثْ.
PSA 110:7 أَكْ-ذ وبْرِيذْ أَذْ إِسُو زِي ثغْزَارْثْ، خْ ؤُيَا أَذْ إِسّْڭعّذْ أَزدْجِيفْ نّسْ.
PSA 111:1 هَالِّيلُو-يَاهْ! أَلِيفْ. أَذْ قَاذغْ سِيذِي س مَارَّا ؤُڒْ إِنُو، بِيثْ. ذِي ڒَامَانْ ن وڭْرَاوْ ن يِينِّي إِڭُّورنْ نِيشَانْ، [ذِي] ثْمسْمُونْثْ.
PSA 111:2 ڭِيملْ. ڒفْعَايڒْ ن سِيذِي ذ إِمقّْرَاننْ، ذَالِيثْ. أَقَا ثْوَارزُّونْ زِي مَارَّا إِنِّي زَّايْسنْ إِفَارّْحنْ.
PSA 111:3 هِي. نتَّا إِڭَّا س لْعَاضَامَا ذ ڒْعزّْ، وَاوْ. ثَاسڭْذَا نّسْ ثتّْغِيمَا إِ ڒبْذَا.
PSA 111:4 زَايِينْ. نتَّا إِڭَّا إِجّْ ن [ڒْْعِيذْ] [إِ] ڒِيذَارثْ ن لْمُوعْجِيزَاثْ نّسْ. خِيثْ. سِيذِي ذ أَحْنِينْ ذ أَرْحِيمْ.
PSA 111:5 ثِيث. نتَّا إِوْشَا مَاشَّا إِ يِينِّي ث إِتّڭّْوذنْ، يُوذْ. إِتِّيذَارْ ڒْعَاهْذْ نّسْ إِ ڒبْذَا.
PSA 111:6 كَافْ. نتَّا إِسّْشنْ إِ ڒْڭنْسْ نّسْ ثِيمڭَّا نّسْ إِجهْذنْ، لَامِيذْ. حِيمَا أَذْ أَسنْ إِوْشْ ثَاسْغَارْثْ ن ڒڭْنُوسْ.
PSA 111:7 مِيمْ. ڒفْعَايڒْ ن إِفَاسّنْ نّسْ ذ ثِيذتّْ ذ ڒْحقّْ، نُونْ. مَارَّا ثِيوصَّا نّسْ ذَايْسنْثْ ڒَامَانْ،
PSA 111:8 سَامِيخْ. أَقَا أَثنْ بدّنْ إِ ڒبْذَا، عَايِينْ. تّْوَاڭّنْ ذِي ثِيذتّْ ؤُ س ڒصْفَايثْ.
PSA 111:9 بِي. نتَّا إِسّوْجذْ تَّامَانْ ن وصْڒَاحْ إِ ڒْڭنْسْ نّسْ، ثْسَاذِي. إِڭَّا ڒْعَاهْذْ نّسْ إِ ڒبْذَا. قُوفْ. إِسمْ نّسْ ذ أَمْقدَّاسْ ذ إِسّڭّْوَاذنْ.
PSA 111:10 رِيخْ. ثِيڭّْوُوذِي ن سِيذِي ذ بدُّو ن ثِيغِيثْ. شِينْ. مَارَّا إِنِّي إِتّڭّنْ أَمنِّي، أَقَا غَارْسنْ ڒعْقڒْ ذ لمْلِيحْ. ثَافْ. شَّانْ نّسْ إِتّْغِيمَا إِ ڒبْذَا.
PSA 112:1 هَالِّيلُو-يَاهْ! أَلِيفْ. سّعْذْ ن ورْيَازْ نِّي إِتّڭّْوذنْ سِيذِي، بِيثْ. ونِّي إِفَارّْحنْ أَطَّاسْ خْ ثْوصَّا نّسْ.
PSA 112:2 ڭِيملْ. ثَارْوَا نّسْ أَذْ إِڒِينْ جهّْذنْ ذِي ثمُّورْثْ، ذَالِيثْ. جِّيڒْ ن يِينِّي إِڭُّورنْ نِيشَانْ أَذْ إِتّْوَابَاركْ.
PSA 112:3 هِي. ڒْخِيرْ ذ وَاڭْڒَا أَذْ شُّورنْ ثَادَّارْثْ نّسْ، وَاوْ. ثَاسڭْذَا نّسْ ثتّْغِيمَا إِ ڒبْذَا.
PSA 112:4 زَايِينْ. إِ يِينِّي إِڭُّورنْ نِيشَانْ [أَذْ أَسنْ] ثغْڒِي ثْفَاوْثْ ذِي ثَادْجسْثْ. خِيثْ. [نتَّا] ذ أَحْنِينْ ذ أَرْحِيمْ ذ ؤُمْسڭّذْ.
PSA 112:5 ثِيث. أَرْيَازْ نِّي إِتّْحِينَّا ؤُ يَارطّڒْ، [أَذْ يِيڒِي] مْلِيحْ، يُوذْ. أَقَا إِعدّڒْ ثِيمسْڒَايِينْ نّسْ نِيشَانْ.
PSA 112:6 كَافْ. مَاغَارْ نتَّا وَارْ إِتّْغِيمِي إِتّنْهزَّا إِ ڒبْذَا. لَامِيذْ. أَذْ [ذِينْ] ثِيڒِي ڒِيذَارثْ ذڭْ ؤُمْسڭّذْ إِ ڒبْذَا.
PSA 112:7 مِيمْ. نتَّا وَارْ إِتّڭّْوذْ زِي نَّابْ إِ وَارْ إِحْڒِينْ، نُونْ. ؤُڒْ نّسْ إِمْثنْ، إِتّْشَاڒْ خْ سِيذِي.
PSA 112:8 سَامِيخْ. ؤُڒْ نّسْ إِمْثنْ، وَارْ إِتّڭّْوذْ، عَايِينْ. أَڒْ غَا إِخْزَارْ غَارْ يِينِّي ث-إِ-د إِحصَّارنْ.
PSA 112:9 بِي. إِزُوزَّارْ، إِتِّيشْ إِ إِمزْڒَاضْ. ثْسَاذِي. ثَاسڭْذَا نّسْ ثتّْغِيمَا إِ ڒبْذَا، قُوفْ. إِشّْ نّسْ أَذْ إِتّْوَاسُّوعْڒَا س شَّانْ.
PSA 112:10 رِيخْ. أَذْ ث إِژَارْ ؤُعفَّانْ، أَذْ إِفُّوڭمْ. شِينْ. نتَّا أَذْ إِغزّْ س ثغْمَاسْ، [خنِّي] أَذْ إِفْسِي. ثَافْ. مژْرِي ن إِعفَّاننْ أَذْ إِبْضڒْ.
PSA 113:1 هَالِّيلُو-يَاهْ، سْعُودْجمْ، [كنِّيوْ] إِمْسخَّارنْ ن سِيذِي، سْعُودْجمْ إِسمْ ن سِيذِي!
PSA 113:2 أَذْ إِتّْوَابَاركْ إِسمْ ن سِيذِي، زِي ڒخُّو أَڒْ ڒبْذَا.
PSA 113:3 زِي مَانِيسْ د-ثْنقَّارْ ثْفُوشْثْ أَڒْ مَانِيسْ ثْغدْجِي ثْفُوشْثْ، أَذْ إِتّْوَاسّْعُودْجْ إِسمْ ن سِيذِي.
PSA 113:4 سِيذِي يُوعْڒَا خْ مَارَّا ڒڭْنُوسْ، ثِيوَا إِ إِجنْوَانْ ذ أَعُودْجِي نّسْ.
PSA 113:5 مَانْ ونْ إِدْجَانْ أَمْ سِيذِي، أَربِّي نّغْ، ونِّي إِزدّْغنْ ذِي ڒُوعْڒَا قَاعْ،
PSA 113:6 ونِّي يُوضَارنْ مَاحنْذْ أَذْ إِژَارْ ذڭْ إِجنْوَانْ ؤُ خْ ثمُّورْثْ!
PSA 113:7 ونِّي د-إِسّْنكَّارَانْ أَمُوقْڒِيڒْ زِي ثْعجَّاجْثْ، إِسّْڭعّذْ أَمزْڒُوضْ زڭْ وفْرَاضْ
PSA 113:8 مَاحنْذْ أَذْ [ث] إِسّْغِيمْ أَكْ-ذ ثَارْوَا ن ثَاصِيڒثْ، أَكْ-ذ ثَارْوَا ن ثَاصِيڒثْ نْ ڒْڭنْسْ نّسْ.
PSA 113:9 ونِّي إِسّزْذَاغنْ ثنِّي وَارْ إِتِّيرْونْ ذِي ثَادَّارْثْ، [أَمْ] إِشْثْ ن يمَّاثْسنْ ن إِحنْجِيرنْ ثْفَارْحْ. هَالِّيلُو-يَاه.
PSA 114:1 أَڒَامِي إِفّغْ إِسْرَائِيل زِي مِيصْرَا، ثَادَّارْثْ ن يَاعْقُوبْ زڭْ إِجّْ ن ڒْڭنْسْ س يِيڒسْ ن مِيدّنْ،
PSA 114:2 إِذْوڒْ يَاهُوذَا ذ زَّاوشْثْ نّسْ إِقدّْسنْ، إِسْرَائِيل ذ [ثَامُّورْثْ ن] ڒحْكَامثْ نّسْ.
PSA 114:3 ڒبْحَارْ إِژْرَا إِ-ث ؤُشَا يَارْوڒْ، لْ-ؤُرْذُونْ إِنّقْڒبْ غَارْ ضفَّارْ.
PSA 114:4 إِذُورَارْ نڭْزنْ أَمْ يِيشَارِّييّنْ، ثِيوْرِيرِينْ أَمْ يِيزْمَارنْ.
PSA 114:5 مِينْ شكْ يُوغِينْ، [أَ] ڒبْحَارْ، أَڒَامِي ثْركّْوَاڒذْ، [أَ شكْ] لْ-ؤُرْذُونْ، أَڒَامِي ثنْقڒْبذْ غَارْ ضفَّارْ؟
PSA 114:6 [أَ] إِذُورَارْ، [مِينْ كنِّيوْ يُوغِينْ] أَڒَامِي ثْنڭّْزمْ أَمْ يِيشَارِّييّنْ، ثِيوْرِيرِينْ أَمْ يِيزْمَارنْ؟
PSA 114:7 [أَ] ثَامُّورْثْ أَرْجِيجِي زَّاثْ إِ وُوذمْ ن سِيذِي، زَّاثْ إِ وُوذمْ ن أَربِّي ن يَاعْقُوبْ،
PSA 114:8 ونِّي يَارِّينْ ثَاصْضَارْثْ ذ ڒْحمْڒثْ ن وَامَانْ، سّدْجَاحْ ذ ڒْعُونْصَارَاثْ ن وَامَانْ.
PSA 115:1 وَارْ إِدْجِي إِ نشِّينْ، [أَ] سِيذِي، وَارْ إِدْجِي إِ نشِّينْ، مَاغَارْ إِ يِيسمْ نّشْ أَذْ يِيڒِي ؤُعُودْجِي، ذِي سِّيبّثْ ن ثْمخْسِيوْثْ نّشْ إِشوَّارنْ ذ ڒَامَانْ نّشْ.
PSA 115:2 مَايمِّي غَا قَّارنْ ڒڭْنُوسْ: ’مَانِي إِدْجَا خنِّي أَربِّي نْسنْ؟‘
PSA 115:3 أَربِّي نّغْ أَقَا-ث ذڭْ ؤُجنَّا، إِڭَّا مَارَّا مِينْ ذ أَسْ يَارْضَانْ.
PSA 115:4 ڒخْيَاڒَاثْ نْسنْ ن لْ-أَصْنَامْ أَقَا أَثنْثْ س نُّوقَارْثْ ذ وُورغْ، ڒْْخذْمثْ ن إِفَاسّنْ ن إِوْذَانْ.
PSA 115:5 غَارْسنْ أَقمُّومْ، [مَاشَا] وَارْ سِّيوِيڒنْثْ، غَارْسنْثْ ثِيطَّاوِينْ، [مَاشَا] وَارْ تّْوِيڒِينْثْ،
PSA 115:6 غَارْسنْثْ إِمزُّوغنْ، [مَاشَا] وَارْ تّسْڒِينْثْ، غَارْسنْثْ وَانْزَارنْ، [مَاشَا] وَارْ تّْشمِّينْثْ.
PSA 115:7 إِفَاسّنْ نْسنْ وَارْ زمَّارنْ أَذْ شبَّارنْ، إِضَارنْ نْسنْ وَارْ زمَّارنْ أَذْ ؤُيُورنْ. نِيثْنِي وَارْ سُّوفُّوغنْ ڒْحسّْ زِي ثْمِيجَّا نْسنْ.
PSA 115:8 أجّْ إِنِّي ثنْثْ إِڭِّينْ أَذْ ذَايْسنْثْ أَروْسنْ، كُوڒْ  إِجّْ زڭْ إِنِّي خَاسنْثْ إِتّشْڒنْ.
PSA 115:9 إِسْرَائِيل، ثْشڒْ خْ سِيذِي. نتَّا ذ ثْوِيزَا نْسنْ ذ ثَاسدَّارْثْ نْسنْ إِ ؤُسڒْقِي.
PSA 115:10 ثَادَّارْثْ ن هَارُونْ، ثْشڒْ خْ سِيذِي. نتَّا ذ ثْوِيزَا نْسنْ ذ ثَاسدَّارْثْ نْسنْ إِ ؤُسڒْقِي.
PSA 115:11 [مَارَّا كنِّيوْ] إِنِّي إِتّڭّْوذنْ سِيذِي، ثشْڒمْ خْ سِيذِي. نتَّا ذ ثْوِيزَا نْسنْ ذ ثَاسدَّارْثْ نْسنْ إِ ؤُسڒْقِي.
PSA 115:12 سِيذِي إِعْقڒْ خَانغْ، نتَّا أَذْ إِبَاركْ. أَذْ إِبَاركْ ثَادَّارْثْ ن إِسْرَائِيل، أَذْ إِبَاركْ ثَادَّارْثْ ن هَارُونْ.
PSA 115:13 نتَّا أَذْ إِبَاركْ إِنِّي إِتّڭّْوذنْ زِي سِيذِي، إِمژْيَاننْ [جْمِيعْ] أَكْ-ذ إِمقّْرَاننْ.
PSA 115:14 سِيذِي أَذْ أَومْ إِسّْمَارْنِي [ثَارْوَا]، إِ كنِّيوْ ؤُڒَا إِ إِحنْجِيرنْ نْومْ.
PSA 115:15 كنِّيوْ ثتّْوَابَارْكمْ زِي سِيذِي، ونِّي إِڭِّينْ إِجنْوَانْ ذ ثمُّورْثْ.
PSA 115:16 إِجنْوَانْ، [وَاهْ،] إِجنْوَانْ ن سِيذِي، [مَاشَا] ثَامُّورْثْ إِوْشَا إِ-ت إِ ثَارْوَا ن بْنَاذمْ.
PSA 115:17 إِمتَّانْ وَارْ زمَّارنْ أَذْ سّمْغَارنْ سِيذِي، ؤُڒَا ذ إِنِّي د-إِهْوَانْ ذڭْ ؤُسُوسمْ.
PSA 115:18 نشِّينْ أَذْ نْبَاركْ سِيذِي، زِي ڒخُّو أَڒْ إِ ڒبْذَا. هَالِّيلُو-يَاهْ!
PSA 116:1 نشّْ تّخْسغْ، مَاغَارْ سِيذِي إِسْڒَا إِ ثْمِيجَّا إِنُو، إِ ثُوثْرَا إِنُو،
PSA 116:2 مَاغَارْ نتَّا إِوْشَا أَيِي أَمژُّوغْ نّسْ. أَذْ أَسْ ڒَاغِيغْ مَارَّا ؤُسَّانْ [ن ثُوذَارْثْ إِنُو].
PSA 116:3 إِسغْوَانْ ن ڒْموْثْ نّْضنْ أَيِي-د، ثوْضَا-د خَافِي ثِيڭّْوُوذَا ن ڒَاخَارْثْ. نشّْ ؤُفِيغْ أَقَا أَيِي تّْوَاحْصَارغْ ؤُ شضْنغْ.
PSA 116:4 ڒَاغِيغْ خْ يِيسمْ ن سِيذِي، نِّيغْ: ”[أَ] سِيذِي، فكّْ ڒعْمَارْ إِنُو!“
PSA 116:5 سِيذِي ذ أَحْنِينْ ذ أَمْسڭّذْ، أَربِّي نّغْ ذَايسْ ڒحْنُونشْثْ.
PSA 116:6 سِيذِي إِحطَّا ؤُڒَاونْ ن إِحَافِييّنْ. نشّْ ثُوغَا أَيِي [أَمْ] ؤُنعْضَابْ، [مَاشَا] نتَّا إِسّنْجمْ أَيِي.
PSA 116:7 هْنَا عَاوذْ، [أَ] ڒعْمَارْ إِنُو، مَاغَارْ سِيذِي إِڭَّا أَشْ مِينْ إِصبْحنْ.
PSA 116:8 مَاغَارْ شكْ ثحْضِيذْ ڒعْمَارْ إِنُو زِي ڒْموْثْ، ثِيطَّاوِينْ إِنُو زڭْ إِمطَّاونْ، أَضَارْ إِنُو زڭْ ؤُنقْرَاضْ.
PSA 116:9 أَذْ ؤُيُورغْ زَّاثْ إِ وُوذمْ ن سِيذِي، ذِي ثمُّورَا ن يِينِّي إِدَّارنْ.
PSA 116:10 نشّْ ؤُمْنغْ، س ؤُينِّي نِّيغْ: ”نشّْ تّْوَاحْصَارغْ أَطَّاسْ!“
PSA 116:11 ذِي ثِيڭّْوُوذِي إِنُو نِّيغْ: ”مَارَّا إِوْذَانْ ذ أَيْثْ ن بُو-إِخَارِّيقنْ!“
PSA 116:12 مَامّشْ إِ غَا خدْجْصغْ سِيذِي خْ مَارَّا ڒْخَارْ إِ ذ أَيِي إِڭَّا؟
PSA 116:13 أَذْ سّْڭعّْذغْ ڒْْكَاسْ ن ؤُسنْجمْ أَمقّْرَانْ، أَذْ ڒَاغِيغْ خْ يِيسمْ ن سِيذِي.
PSA 116:14 نشّْ أَذْ كمّْڒغْ لْوُوعُوذْ إِنُو إِ سِيذِي، قِيبَاتْشْ إِ مَارَّا ڒْڭنْسْ نّسْ.
PSA 116:15 أَقَا إِغْڒَا ذِي ثِيطَّاوِينْ ن سِيذِي ڒْْموْثْ ن إِمْثِيقَّانْ نّسْ.
PSA 116:16 أَ سِيذِي، أَقَا نشّْ ذ أَمْسخَّارْ نّشْ، نّشْ ذ أَمْسخَّارْ نّشْ، مِّيسْ ن ثَايَّا نّشْ. شكْ ثسَّارْخُوذْ خَافِي إِشذِّيينْ إِنُو.
PSA 116:17 نشّْ أَذْ شكْ د-أَوْيغْ ثَاوْهِيبْثْ ن ؤُقَاذِي، أَذْ ڒَاغِيغْ خْ يِيسمْ ن سِيذِي.
PSA 116:18 نشّْ أَذْ سّْقفْڒغْ لْوُوعُوذْ إِنُو إِ سِيذِي، قِيبَاتْشْ إِ مَارَّا ڒْڭنْسْ نّسْ.
PSA 116:19 ذِي ڒمْرَاحَاثْ ن ثَادَّارْثْ ن سِيذِي، ذِي ڒْوسْطْ نّمْ، [أَ] ؤُرْشَالِيمْ! هَالِّيلُو-يَاه.
PSA 117:1 سْعُودْجمْ سِيذِي، مَارَّا ڒڭْنُوسْ، صبْحمْ ث، مَارَّا شُّوعُوبْ!
PSA 117:2 مَاغَارْ ثَامخْسِيوْثْ نّسْ إِشوَّارنْ ذ ثَامقّْرَانْثْ ثِيوَا نّغْ، ڒَْامَانْ ن سِيذِي إِتّْغِيمَا إِ ڒبْذَا، هَالِّيلُو-يَاهْ!
PSA 118:1 [غَارْ بدُّو ...] قَاذَامْ سِيذِي، مَاغَارْ نتَّا ذ أَصبْحَانْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 118:2 أجّْ إِسْرَائِيل أَذْ يِينِي: ”ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.“
PSA 118:3 أجّْ ثَادَّارْثْ ن هَارُونْ أَذْ ثِينِي ”ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.“
PSA 118:4 أجّْ إِنِّي إِتّڭّْوذنْ سِيذِي أَذْ إِنِينْ: ”ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.“
PSA 118:5 [ذڭْ وبْرِيذْ ...] ذِي ڒحْصَارثْ ڒَاغِيغْ غَارْ سِيذِي. سِيذِي يَارَّا-د خَافِي، [إِوْشَا أَيِي] تَّاسِيعْ.
PSA 118:6 سِيذِي أَقَا-ث أَكِيذِي، وَارْ تّڭّْوذغْ شَا، [مَاغَارْ] مِينْ إِزمَّارْ بْنَاذمْ أَذْ أَيِي إِڭّْ؟
PSA 118:7 سِيذِي أَقَا-ث أَكِيذِي جَارْ يِينِّي ذ أَيِي إِوْشِينْ أَفُوسْ. نشّْ أَذْ خزَّارغْ [غَارْ سْوَادَّايْ] خْ يِينِّي ذ أَيِي إِشَارّْهنْ.
PSA 118:8 إِحْڒَا أَذْ أَروْڒغْ غَارْ سِيذِي خْ ؤُثشْڒِي خْ بْنَاذمْ.
PSA 118:9 إِحْڒَا أَذْ أَروْڒغْ غَارْ سِيذِي خْ ؤُثشْڒِي خْ ثَارْوَا ن ثَاصِيڒثْ.
PSA 118:10 مَارَّا ڒڭْنُوسْ نّْضنْ أَيِي-د، نشّْغضْڒغْ ثنْ س يِيسمْ ن سِيذِي.
PSA 118:11 نّْضنْ أَيِي-د، [وَاهْ،] قُووَّارنْ أَيِي. نشّْغضْڒغْ ثنْ س يِيسمْ ن سِيذِي.
PSA 118:12 نِيثْنِي نّْضنْ أَيِي أَمْ ثْزِيزْوَا، أَقَا أَمْ ثْمسِّي ن إِسنَّاننْ خسْينْ. نشّْغضْڒغْ ثنْ س يِيسمْ ن سِيذِي.
PSA 118:13 شكْ ثْعَارْنذْ أَيِي س ڒقْسَاحثْ أَڒَامِي عْڒَاحَاڒْ وْضِيغْ، مَاشَا سِيذِي إِوْشَا أَيِي أَفُوسْ.
PSA 118:14 سِيذِي ذ جّهْذْ إِنُو ذ أَزهّذْ [إِنُو]، نتَّا إِذْوڒْ أَيِي ذ أَسنْجمْ.
PSA 118:15 ذڭْ إِقِيضَانْ ن إِمْسڭَّاذنْ [إِتّْوَاسڒْ] ڒْْحسّْ ن ؤُسْڒِيوْڒوْ ذ ؤُسنْجمْ. أَفُوسْ أَفُوسِي ن سِيذِي إِڭَّا س جّهْذْ.
PSA 118:16 أَفُوسْ أَفُوسِي ن سِيذِي إِتّْوَاسّْڭعّذْ، أَفُوسْ أَفُوسِي ن سِيذِي إِڭَّا س ومْحَاضْ.
PSA 118:17 نشّْ وَارْ تّْمتِّيغْ شَا، أَذْ دَّارغْ، أَذْ بَارّْحغْ ثِيمڭَّا ن سِيذِي.
PSA 118:18 سِيذِي إِوبّخْ أَيِي أَطَّاسْ، [مَاشَا] وَارْ ذ أَيِي إِوْشِي إِ ڒْموْثْ.
PSA 118:19 [غَارْ وَاذَافْ ...] أَرْزْممْ أَيِي ثِيوُّورَا ن ثْسڭْذَا، أَذْ زَّايْسنْثْ أَذْفغْ، أَذْ قَاذِيغْ سِيذِي.
PSA 118:20 [إِنِّي يَارحّْبنْ زڭْ يِينِّي إِتَّاذْفنْ قَّارنْ ...] ثَا ذ ثَاوَّارْثْ ن سِيذِي، إِمْسڭَّاذنْ أَذْ زَّايسْ أَذْفنْ.
PSA 118:21 نشّْ أَذْ أَشْ قَاذِيغْ ؤُمِي ذ أَيِي ثسْڒِيذْ، ثْذوْڒذْ أَيِي ذ أَسنْجمْ.
PSA 118:22 أَژْرُو إِ وَارْ خْسنْ إِبنَّاينْ، إِذْوڒْ ذ إِخفْ ن ثغْمَارْثْ.
PSA 118:23 وَا يُوسَا-د زِي سِيذِي ؤُ مَانْ أَيَا ذ ڒعْجبْ ذِي ثِيطَّاوِينْ نّغْ.
PSA 118:24 وَا ذ أَسّْ إِ إِڭَّا سِيذِي، أجّْ أَنغْ أَذْ نَارْشقْ ؤُ أَذْ ذَايسْ نْفَارْحْ.
PSA 118:25 أَ سِيذِي، أَوِي-د أَسنْجمْ، أَ سِيذِي، أَوِي-د أَفْڒَاحْ.
PSA 118:26 لْبَارَاكَا إِ ونِّي د غَا يَاسنْ س يِيسمْ ن سِيذِي! نشِّينْ أَذْ كنِّيوْ نْبَاركْ زِي ثَادَّارْثْ ن سِيذِي.
PSA 118:27 أَربِّي ذ سِيذِي نِّي ذ أَنغْ إِڭِّينْ ثَافَاوْثْ. قْنمْ [ثَاغَارْصْثْ ن] ڒْعِيذْ س إِسغْوَانْ غَارْ وَاشَّاونْ ن ؤُعَالْطَارْ، [ڒْمذْبحْ ن وشْمَاضْ].
PSA 118:28 [إِنِّي إِتَّاذْفنْ قَّارنْ ...] شكْ ذ أَربِّي إِنُو، س ؤُيَا أَذْ شكْ قَاذِيغْ، [أَ] أَربِّي إِنُو، أَذْ شكْ سّْعُودْجغْ.
PSA 118:29 [مَارَّا جْمِيعْ ...] قَاذَامْ سِيذِي، مَاغَارْ نتَّا إِصْبحْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 119:1 أَلِيفْ. سّعْذْ نْسنْ إِ يِينِّي إِكمّْڒنْ أَبْرِيذْ [ن ثُوذَارْثْ] نْسنْ بْڒَا ڒْعِيبْ، إِنِّي إِڭُّورنْ خْ وبْرِيذْ ن شَّارِيعَا ن سِيذِي.
PSA 119:2 سّعْذْ نْسنْ إِ يِينِّي إِحطَّانْ شّْهَاذَاثْ نّسْ، إِنِّي خَاسْ يَارزُّونْ س مَارَّا ؤُڒْ نْسنْ.
PSA 119:3 نِيثْنِي وَارْ تّڭّنْ ڒْغشّْ، مَاشَا ڭُّورنْ ذڭْ إِبْرِيذنْ نّسْ.
PSA 119:4 [أَ] سِيذِي، شكْ ثُومَارذْ مَاحنْذْ بْنَاذمْ أَذْ إِحْضَا ثِيوصَّا نّشْ نِيشَانْ.
PSA 119:5 مْڒِي قَاعْ إِبْرِيذنْ إِنُو تّْوَاسڭّْذنْ، مَاحنْذْ أَذْ حْضِيغْ ثِيوصَّا نّشْ،
PSA 119:6 [خنِّي]عمَّارْصْ أَذْ سضْحِيغْ مَاڒَا خزَّارغْ غَارْ مَارَّا ثِيوصَّا نّشْ.
PSA 119:7 س وُوڒْ إِقُّورْ أَذْ شكْ قَاذِيغْ، مَاڒَا نشّْ ڒمْذغْ ڒحْكَامَاثْ نّشْ إِسڭّْذنْ.
PSA 119:8 أَذْ حْضِيغْ ثِيوصَّا نّشْ! وَارْ ذَايِي سمّحْ [مَارَّا]!
PSA 119:9 بِيثْ. مَامّشْ إِ غَا إِسِّيزْذڭْ إِجّْ ن ؤُحُوذْرِي أَبْرِيذْ نّسْ؟ س ومْنَاعْ نّسْ ذڭْ وَاوَاڒْ نّشْ.
PSA 119:10 نشّْ أَرزُّوغْ خَاكْ س وُوڒْ إِنُو مَارَّا، وَارْ ذ أَيِي تّجِّي أَذْ فّْغغْ خْ ڒُومُورَاثْ نّشْ.
PSA 119:11 مِينْ ثقَّارذْ شكْ، خمّْڒغْ ث ذڭْ وُوڒْ إِنُو، مَاحنْذْ وَارْ كِيذكْ خطِّيغْ.
PSA 119:12 ثتّْوَابَارْكذْ شكْ، [أَ] سِيذِي، سڒْمذْ أَيِي ثِيوصَّا نّشْ.
PSA 119:13 س إِينْشِيشنْ إِنُو بَارّْحغْ مَارَّا لْفَارَايِيضْ ن ؤُقمُّومْ نّشْ.
PSA 119:14 أَقَا فَارْحغْ س وبْرِيذْ ن شّْهَاذَاثْ نّشْ، أَمْ س مَارَّا مِينْ إِدْجَانْ إِغْڒَا.
PSA 119:15 أَذْ خَارّْصغْ ذِي ڒُومُورَاثْ نّشْ، أَذْ خزَّارغْ غَارْ إِمسْرَاقْ نّشْ.
PSA 119:16 نشّْ تَّارّغْ مژْڒِي ذِي ثِيوصَّا نّشْ، أَوَاڒْ نّشْ وَارْ ث تّتُّوغْ.
PSA 119:17 ڭِيملْ. أڭّْ ثْشُونِي إِ ؤُمْسخَّارْ نّشْ، مَاحنْذْ أَذْ دَّارغْ ؤُ أَذْ حْضِيغْ أَوَاڒْ نّشْ.
PSA 119:18 أَرْزمْ أَيِي ثِيطَّاوِينْ إِنُو، حِيمَا أَذْ ژَترغْ لْمُوعْجِيزَاثْ ن شَّارِيعَا نّشْ.
PSA 119:19 نشّْ أَقَا أَيِي ذ أَبَارَّانِي خْ ثمُّورْثْ، وَارْ خَافِي ثفَّارْ ڒُومُورَاثْ نّشْ.
PSA 119:20 ڒعْمَارْ إِنُو إِتّْوَافْنَا س ؤُوحّشْ غَارْ لْفَارَايِيضْ نّشْ، ڒبْذَا.
PSA 119:21 شكْ ثْعَاقْبذْ إِمْعفَّارنْ إِتّْوَانعْڒنْ، إِنِّي إِتّفّْغنْ خْ ڒُومُورَاثْ نّشْ.
PSA 119:22 كْسِي خَافِي ڒفْضِيحثْ ذ ؤُسحْقَارْ، مَاغَارْ حْضِيغْ شّْهَاذَاثْ نّشْ.
PSA 119:23 ؤُڒَا ذ ڒْحُوكَّامْ قِّيمنْ، سَّاوَاڒنْ أَكْ-ذ وَايَاوْيَا خَافِي، [مَاشَا] أَمْسخَّارْ نّشْ إِتّْخَارّصْ ذِي ثْوصَّا نّشْ.
PSA 119:24 شّْهَاذَاثْ نّشْ ذ مژْرِي إِنُو، أَقَا أَثنْثْ ذ إِمْشَاوَارنْ إِنُو.
PSA 119:25 ذَالِيثْ. ڒعْمَارْ إِنُو إِڒْصقْ غَارْ ثْعجَّاجْثْ، أَرّْ-د ذَايِي ثُوذَارْثْ عْلَاحْسَابْ أَوَاڒْ نّشْ.
PSA 119:26 نشّْ نعْمغْ إِ شكْ خْ إِبْرِيذنْ إِنُو ؤُ شكْ ثسْثَاجْبذْ أَيِي. سڒْمذْ أَيِي ثِيوصَّا نّشْ.
PSA 119:27 أَرّْ أَيِي أَذْ فهْمغْ أَبْرِيذْ ن ڒُومُورَاثْ نّشْ، أَذْ خَارّْصغْ ذِي لْمُوعْجِيزَاثْ نّشْ.
PSA 119:28 ڒعْمَارْ إِنُو إِفْسِي س وشْضَانْ، سڭّمْ أَيِي غَارْ [وبْرِيذْ ن] وَاوَاڒْ نّشْ.
PSA 119:29 سِيڭّْوجْ أَيِي خْ وبْرِيذْ ن إِخَارِّيقنْ، حِينّْ خَافِي س شَّارِيعَا نّشْ.
PSA 119:30 نشّْ إِخْضَارغْ أَبْرِيذْ ن ثِيذتّْ، سَّارْسغْ لْفَارَايِيضْ نّشْ [زَّاثِي].
PSA 119:31 نشّْ شبَّارغْ ذِي شّْهَاذَاثْ نّشْ، [أَ] سِيذِي، وَارْ ذ أَيِي تّجِّي أَذْ سضْحِيغْ.
PSA 119:32 نشّْ أَذْ أَزّْڒغْ أَبْرِيذْ ن ڒُومُورَاثْ نّشْ، مَاغَارْ شكْ ثڭِّيذْ تَّاسِيعْ إِ وُوڒْ إِنُو.
PSA 119:33 هِي. [أَ] سِيذِي! سڒْمذْ أَيِي أَبْرِيذْ ن ثْوصَّا نّشْ، [خنِّي] نشّْ أَذْ ذَايسْ طّْفغْ أَڒْ أَنڭَّارْ.
PSA 119:34 أوْشْ أَيِي ڒفْهَامثْ، [خنِّي] أَذْ حْضِيغْ شَّارِيعَا نّشْ ؤُ أَذْ ذَايسْ طّْفغْ س وُوڒْ إِنُو مَارَّا.
PSA 119:35 نْذهْ أَيِي خْ وبْرِيذْ ن ڒُومُورَاثْ نّشْ، مِينْزِي فَارّْحغْ زَّايسْ.
PSA 119:36 أَرّْ ؤُڒْ إِنُو غَارْ شّْهَاذَاثْ نّشْ، وَارْ إِدْجِي غَارْ طّْمعْ ن أَرْبحْ.
PSA 119:37 سْهيّضْ ثِيطَّاوِينْ إِنُو خْ ڒْبَاطڒْ، أَرّْ-د ذَايِي ثُوذَارْثْ س إِبْرِيذنْ نّشْ.
PSA 119:38 ضْمنْ مِينْ ثنِّيذْ إِ ؤُمْسخَّارْ نّشْ، ونِّي شكْ إِتّڭّْوْذنْ.
PSA 119:39 سْحيّذْ خَافِي ڒفْضِيحثْ إِ زِي تّڭّْوذغْ، مَاغَارْ لْفَارَايِيضْ نّشْ شْنَانْثْ.
PSA 119:40 خْزَارْ، تّْوحّْشغْ ڒُومُورَاثْ نّشْ، أَرّْ أَيِي دَّارغْ س ثْسڭْذَا نّشْ.
PSA 119:41 وَاوْ. أجّْ أَذْ غَارِي د-ثَاسْ ثْمخْسِيوْثْ نّشْ إِشوَّارنْ، [أَ] سِيذِي، أَسنْجمْ نّشْ [أَقَا-ث] أَمْ مَامّشْ إِ ثنِّيذْ شكْ.
PSA 119:42 حِيمَا زمَّارغْ أَذْ أَرّغْ خْ ونِّي زَّايِي إِسّْبهْذَاڒنْ، مَاغَارْ تّشْڒغْ خْ وَاوَاڒْ نّشْ.
PSA 119:43 وَارْ تّكّسْ أَوَاڒْ ن ثِيذتّْ قَاعْ زڭْ ؤُقمُّومْ إِنُو، مَاغَارْ تّْرَاجِيغْ لْفَارَايِيضْ نّشْ.
PSA 119:44 نشّْ أَذْ حْضِيغْ شَّارِيعَا نّشْ بْڒَا قطُّو، إِ ڒبْذَا قَاعْ.
PSA 119:45 نشّْ ڭُّورغْ ذِي تَّاسِيعْ، مَاغَارْ أَرْزُوغْ خْ ڒُومُورَاثْ نّشْ.
PSA 119:46 أَذْ سِّيوْڒغْ خْ شّْهَاذَاثْ نّشْ زَّاثْ إِ إِجدْجِيذنْ، وَارْ [زَّاثْسنْ] تّْسضْحِيغْ شَا.
PSA 119:47 أَذْ أَرّغْ مژْرِي ذِي ڒُومُورَاثْ نّشْ، ثِينِّي إِ تّخْسغْ.
PSA 119:48 أَذْ سْڭعّْذغْ إِفَاسّنْ إِنُو قِيبَاڒْ إِ ڒُومُورَاثْ نّشْ، ثِينِّي إِ تّخْسغْ، أَذْ خَارّْصغْ ذِي ثْوصَّا نّشْ.
PSA 119:49 زَايِينْ. عْقڒْ خْ وَاوَاڒْ [إِ ثنِّيذْ] إِ ؤُمْسخَّارْ نّشْ، مِينْ خفْ ثُويْڒذْ أَسِيثمْ إِنُو.
PSA 119:50 ذ وَا ذ أَفوّجْ إِنُو ذِي ڒغْبنْ إِنُو، مَاغَارْ لْوَاعْذْ نّشْ يَارَّا-د ذَايِي ثُوذَارْثْ.
PSA 119:51 إِمْعفَّارنْ سْثهْزَانْ زَّايِي أَڒْ طَّارْفْ، [مَاشَا] نشّْ وَارْ حيِّيذغْ شَا خْ شَّارِيعَا نّشْ.
PSA 119:52 نشّْ خَارّْصغْ ذِي لْفَارَايِيضْ نّشْ ن ڒبْذَا، [أَ] سِيذِي، [خنِّي] أَقَا تّْوَافوّْجغْ.
PSA 119:53 ثَافْقحْثْ ثطّفْ أَيِي ذِي سِّيبّثْ ن إِعفَّاننْ، إِنِّي إِسمّْحنْ ذِي شَّارِيعَا نّشْ.
PSA 119:54 ثِيوصَّا نّشْ ثُوغَا أَثنْثْ ذ إِزْڒَانْ إِنُو ذِي ثَادَّارْثْ ن ثْبَارَّانشْثْ إِنُو.
PSA 119:55 ذِي دْجِيڒثْ ثُوغَا تّْخَارّْصغْ ذڭْ يِيسمْ نّشْ، [أَ] سِيذِي، ؤُ حْضِيغْ شَّارِيعَا نّشْ.
PSA 119:56 أَمُّو إِ ذ أَيِي إِمْسَارْ، مَاغَارْ حْضِيغْ ڒُومُورَاثْ نّشْ.
PSA 119:57 خِيثْ. سِيذِي ذ ثَاسْغَارْثْ إِنُو، نشّْ نِّيغْ أَذْ حْضِيغْ أَوَاڒنْ نّشْ.
PSA 119:58 حشّْمغْ [زَّاثْ] إِ وُوذمْ نّشْ س مَارَّا وُوڒْ  إِنُو، حِينّْ خَافِي أَمْ مَامّشْ إِ [ذ أَيِي] ثنِّيذْ.
PSA 119:59 نشّْ خَارّْصغْ ذڭْ إِبْرِيذنْ إِنُو، أَذْ سّْعقْبغْ [إِصُورَافْ ن] إِضَارنْ إِنُو غَارْ شّْهَاذَاثْ نّشْ.
PSA 119:60 نشّْ قدْجْقغْ، وَارْعطَّاڒغْ شَا، حِيمَا أَذْ حْضِيغْ ڒُومُورَاثْ نّشْ.
PSA 119:61 إِسغْوَانْ ن إِعفَّاننْ شَارّْفنْ أَيِي، [مَاشَا] وَارْ تّتُّوغْ شَّارِيعَا نّشْ.
PSA 119:62 غَارْ وزْينْ ن دْجِيڒثْ تّْنكَّارغْ، حِيمَا أَذْ شكْ قَاذِيغْ خْ لْفَارَايِيضْ نّشْ إِسڭّْذنْ.
PSA 119:63 نشّْ ذ أَعْشِيرْ ن مَارَّا إِنِّي شكْ إِتّڭّْوذنْ، ن يِينِّي إِحطَّانْ ڒُومُورَاثْ نّشْ.
PSA 119:64 زِي ثْمخْسِيوْثْ نّشْ إِشوَّارنْ ثشُّورْ ثمُّورْثْ مَارَّا، [أَ] سِيذِي، سڒْمذْ أَيِي ثِيوصَّا نّشْ.
PSA 119:65 ثِيث. شكْ ثڭِّيذْ س ثْشُونِي إِ ؤُمْسخَّارْ نّشْ، [أَ] سِيذِي، عْلَاحْسَابْ أَوَاڒْ نّشْ.
PSA 119:66 سڒْمذْ أَيِي مَاحنْذْ أَذْ ميّْزغْ ؤُ أَذْ سّْنغْ مْلِيحْ، مِينْزِي تّشْڒغْ خْ ڒُومُورَاثْ نّشْ.
PSA 119:67 قْبڒْ مَا تّْوَاحْصَارغْ، ودَّارغْ، [مَاشَا] ڒخُّو حطِّيغْ مِينْ ثقَّارذْ شكْ.
PSA 119:68 شكْ ذ أَصبْحَانْ، ثتّڭّذْ مِينْ إِصبْحنْ، سڒْمذْ أَيِي ثِيوصَّا نّشْ.
PSA 119:69 إِمْعفَّارنْ أَرخُّونْ-د خَافِي إِخَارِّيقنْ، [مَاشَا] نشّْ حطِّيغْ ڒُومُورَاثْ نّشْ س مَارَّا ؤُڒْ إِنُو.
PSA 119:70 ؤُڒْ نْسنْ وَارْ إِتَّاشَانْ أَمْ ثَاذُونْثْ، [مَاشَا] نشّْ، أَقَا شَّارِيعَا نّشْ تَّافغْ ذَايسْ مژْرِي.
PSA 119:71 ثُوغَا إِ نشّْ مْلِيحْ ؤُمِي تّْوَاحْصَارغْ، مَاغَارْ أَمُّو إِ ڒمْذغْ ثِيوصَّا نّشْ.
PSA 119:72 شَّارِيعَا زڭْ ؤُقمُّومْ نّشْ غَارِي إِحْڒَا أَطَّاسْ خْ وَاڒَافْ ن [ؤُقِييَّاثْ] ن وُورغْ نِيغْ ن نُّوقَارْثْ.
PSA 119:73 يُوذْ. إِفَاسّنْ نّشْ ڭِّينْ أَيِي، كوّْننْ أَيِي. أوْشْ أَيِي ڒعْقڒْ، مَاحنْذْ أَذْ ڒمْذغْ ڒُومُورَاثْ نّشْ.
PSA 119:74 إِنِّي شكْ إِتّڭّْوذنْ أَذْ أَيِي ژَترنْ ؤُشَا أَذْ فَارْحنْ، مَاغَارْ تّْرَاجِيغْ أَوَاڒْ نّشْ.
PSA 119:75 نشّْ سّْنغْ، [أَ] سِيذِي، أَقَا سڭّْذنْثْ ڒحْكَامَاثْ نّشْ، ؤُ أَقَا شكْ ثحْصَارذْ أَيِي س ڒَامَانْ.
PSA 119:76 أجّْ أَذْ ثِيڒِي ثْمخْسِيوْثْ نّشْ إِشوَّارنْ ذ أَفوّجْ إِ نشّْ، أَمْ مَامّشْ إِ ثنِّيذْ إِ ؤُمْسخَّارْ نّشْ.
PSA 119:77 أَذْ خَافِي د-ثَاسْ أَرّحْمثْ نّشْ، مَاحنْذْ أَذْ دَّارغْ، مَاغَارْ شَّارِيعَا نّشْ ذَايسْ مژْرِي إِنُو.
PSA 119:78 أجّْ أَذْ سضْحَانْ إِمْعفَّارنْ، مَاغَارْ س إِخَارِّيقنْ سّْفَارّْغنْ أَيِي [صِّيفثْ إِنُو]، [مَاشَا] نشّْ ثْخمَّامغْ ذِي ڒُومُورَاثْ نّشْ.
PSA 119:79 أجّْ أَذْ غَارِي د-ذوْڒنْ إِنِّي شكْ إِتّڭّْوذنْ، إِنِّي إِسّْننْ شّْهَاذَاثْ نّشْ.
PSA 119:80 أجّْ أَذْ يِيڒِي ؤُڒْ إِنُو إِمُونْ غَارْ ثْوصَّا نّشْ، حِيمَا وَارْ تّْسضْحِيغْ شَا.
PSA 119:81 كَافْ. ڒعْمَارْ إِنُو إِسْخفْ [زِي مژْرِي] غَارْ ؤُسنْجمْ نّشْ، أَقَا تّْرَاجِيغْ أَوَاڒْ نّشْ.
PSA 119:82 ثِيطَّاوِينْ إِنُو ذقّْڒنْثْ [زِي مژْرِي] غَارْ مِينْ ثقَّارذْ شكْ، ؤُمِي نِّيغْ: ’مڒْمِي إِ خَافِي إِ غَا ثسّْفوّْجذْ؟‘
PSA 119:83 مَاغَارْ ذوْڒغْ أَمْ يِيشْثْ ن ثْخَانْشثْ ن يِيڒمْ [ثُويڒْ] ذِي دّخَّانْ، [مَاشَا] ثِيوصَّا نّشْ وَارْ ثنْثْ تُّوغْ.
PSA 119:84 مشْحَاڒْ ن وُوسَّانْ [عَاذْ] [إِ إِقِّيمنْ] إِ ؤُمْسخَّارْ نّشْ؟ مڒْمِي إِ غَا ثْشَارّْعذْ إِنِّي ذ أَيِي إِضفَّارنْ؟
PSA 119:85 إِمْعفَّارنْ غْزَانْ أَيِي إِحُوفَارْ، مِينْ وَارْ د-يُوسِينْ أَكْ-ذ شَّارِيعَا نّشْ.
PSA 119:86 مَارَّا ڒُومُورَاثْ نّشْ ذ ثِيذتّْ. نِيثْنِي تّْذَارَّاشنْ أَيِي س إِخَارِّيقنْ، أوْشْ أَيِي أَفُوسْ!
PSA 119:87 عْڒَاحَاڒْ إِڒِي أَقَا ثحَّانْ أَيِي زِي ثمُّورْثْ، [مَاشَا] نشّْ وَارْ حيّْذغْ خْ ڒُومُورَاثْ نّشْ.
PSA 119:88 أَرّْ-د ذَايِي ثُوذَارْثْ عْلَاحْسَابْ ثَامخْسِيوْثْ نّشْ إِشوَّارنْ، [خنِّي] أَذْ حْضِيغْ شّْهَاذثْ [إِ د-إِفّْغنْ] زڭْ ؤُقمُّومْ نّشْ.
PSA 119:89 لَامِيذْ. [أَ] سِيذِي، أَوَاڒْ نّشْ إِتّْغِيمَا إِ ڒبْذَا إِمْثنْ ذڭْ ؤُجنَّا.
PSA 119:90 ثَامخْسِيوْثْ نّشْ إِشوَّارنْ [ثِيوضْ] زِي جِّيڒْ أَڒْ جِّيڒْ. شكْ ثڭِّيذْ ثَامُّورْثْ أَذْ ثْبدّْ ثمْثنْ ؤُ [أَمُّو إِ] غَا ثقِّيمْ ثْبدّْ.
PSA 119:91 عْلَاحْسَابْ لْفَارَايِيضْ نّشْ أَذْ قِّيمنْ بدّنْ، مَاغَارْ مَارَّا نِيثْنِي ذ إِمْسخَّارنْ نّشْ.
PSA 119:92 معْلِيكْ وَارْ ثدْجِي شَّارِيعَا نّشْ ذ مژْرِي إِنُو، إِڒِي تّْوَاهلّْكغْ ذِي ڒحْصَارثْ إِنُو.
PSA 119:93 عمَّارْصْ أَذْ تُّوغْ ڒُومُورَاثْ نّشْ إِ ڒبْذَا، مَاغَارْ زَّايْسنْثْ ثَارِّيذْ أَيِي-د ثُوذَارْثْ.
PSA 119:94 نشّْ أَقَا أَيِي إِ شكْ، سنْجمْ أَيِي، مِينْزِي أَرْزُوغْ خْ ڒُومُورَاثْ نّشْ.
PSA 119:95 إِعفَّاننْ رَاجَانْ أَيِي حِيمَا أَذْ أَيِي ثحَّانْ، [مَاشَا] نشّْ خزَّارغْ غَارْ شّْهَاذَاثْ نّشْ.
PSA 119:96 نشّْ ژْرِيغْ أَقَا مَارَّا مِينْ ثدْجَا ڒكْمَارثْ غَارسْ أَنڭَّارْ، [مَاشَا] ڒُومُورْ نّشْ غَارسْ تَّاسِيعْ أَطَّاسْ.
PSA 119:97 مِيمْ. مَامّشْ إِ خَافِي ثْعِيزّْ شَّارِيعَا نّشْ، أَسّْ إِكْمڒْ تّْخَارّْصغْ ذَايسْ.
PSA 119:98 س ڒُومُورَاثْ نّشْ ثَارِّيذْ أَيِي ذ أَمِيغِيسْ خْ ڒْعذْيَانْ إِنُو، مَاغَارْ أَقَا أَثنْ غَارِي إِ ڒبْذَا.
PSA 119:99 نشّْ غَارِي ڒعْقڒْ كْثَارْ خْ مَارَّا إِمْسڒْمَاذنْ إِنُو، مَاغَارْ تّْخَارّْصغْ ذڭْ إِبْرِيذنْ نّشْ.
PSA 119:100 نشّْ غَارِي ڒفْهَامثْ كْثَارْ خْ إِوسُّورَا، مَاغَارْ حْضِيغْ ڒُومُورَاثْ نّشْ.
PSA 119:101 منْعغْ إِضَارنْ إِنُو زِي قَاعْ إِبْرِيذنْ إِعفَّاننْ، حِيمَا أَذْ حْضِيغْ أَوَاڒْ نّشْ.
PSA 119:102 نشّْ وَارْ حيّْذغْ شَا خْ لْفَارَايِيضْ نّشْ، مَاغَارْ شكْ ذ ونِّي ذ أَيِي إِسّْغَارنْ.
PSA 119:103 مَامّشْ إِ غَا يِيڒِي ذ مِيژِيذْ مِينْ ثقَّارذْ شكْ إِ وَانغْ إِنُو، خْ ثَامّنْثْ إِ ؤُقمُّومْ إِنُو!
PSA 119:104 زِي ڒُومُورَاثْ نّشْ تَّارِّيغْ-د ڒعْقڒْ، خْ ؤُيَا شَارّْهغْ كُوڒْ أَمسْرُوقْ ن إِخَارِّيقنْ.
PSA 119:105 نُونْ. أَوَاڒْ نّشْ ذ ڒفْنَارْ إِ ؤُضَارْ إِنُو ذ ثَافَاوْثْ إِ ؤُمسْرُوقْ إِنُو.
PSA 119:106 نشّْ جُّودْجغْ ؤُ أَذْ [ث] ڭّغْ، أَقَا أَذْ حْضِيغْ مَارَّا لْفَارَايِيضْ نّشْ إِسڭّْذنْ.
PSA 119:107 نشّْ تّْوَاحْصَارغْ أَطَّاسْ، [أَ] سِيذِي، أَرّْ-د ذَايِي ثُوذَارْثْ عْلَاحْسَابْ أَوَاڒْ نّشْ.
PSA 119:108 تّْزَاوْڭغْ، كْسِي س أَرْضَا ثِيوْهِيبِينْ ن ڒْخَاضَارْ زڭْ ؤُقمُّومْ إِنُو، [أَ] سِيذِي، ؤُ سڒْمذْ أَيِي لْفَارَايِيضْ نّشْ.
PSA 119:109 ثُوذَارْثْ إِنُو أَقَا-ث ڒبْذَا ذِي لْخَاطرْ، [مَاشَا]عمَّارْصْ أَذْ تُّوغْ شَّارِيعَا نّشْ.
PSA 119:110 إِعفَّاننْ ڭِّينْ أَيِي إِجّْ ن ڒْفخْ، [مَاشَا] نشّْ وَارْ فّْغغْ شَا خْ ڒُومُورَاثْ نّشْ.
PSA 119:111 شّْهَاذَاثْ نّشْ ذ ثَاسْغَارْثْ إِنُو إِ ڒبْذَا، مَاغَارْ نِيثنْثِي سّْفَارّْحنْثْ ؤُڒْ إِنُو.
PSA 119:112 حزّْمغْ ؤُڒْ إِنُو مَاحنْذْ أَذْ ڭّغْ عْلَاحْسَابْ ثِيوصَّا نّشْ، إِ ڒبْذَا، أَڒْ أَنڭَّارْ.
PSA 119:113 سَامِيخْ. أَيْثْ ن ثْنَاينْ ن إِغمْبَابْ شَارّْهغْ ثنْ، [مَاشَا] تّخْسغْ شَّارِيعَا نّشْ.
PSA 119:114 شكْ ذ أَذُورِّي إِنُو ذ ثَاسدَّارْثْ ن ؤُسڒْقِي إِنُو، نشّْ تّْرَاجِيغْ أَوَاڒْ نّشْ.
PSA 119:115 بعّْذمْ خَافِي، [أَ] إِعفَّاننْ، حِيمَا أَذْ حْضِيغْ ڒُومُورَاثْ ن أَربِّي إِنُو.
PSA 119:116 سنّذْ أَيِي عْلَاحْسَابْ لْوَاعْذْ نّشْ، مَاحنْذْ أَذْ دَّارغْ ؤُ وَارْ تّْسضْحِيغْ ذِي ڒَايَاسْ إِنُو.
PSA 119:117 عمّذْ أَيِي، [خنِّي] أَذْ تّْوَاسّْنجْمغْ، ؤُ أَذْ أَرّغْ مژْرِي ذِي ثْوصَّا نّشْ ڒبْذَا.
PSA 119:118 مَارَّا إِنِّي إِتَّاڭّْوجنْ خْ ثْوصَّا نّشْ، سّحْقَارغْ ثنْ، مَاغَارْ ڒْغشّْ نْسنْ [مْغِيرْ] ذ إِخَارِّيقنْ.
PSA 119:119 أَمْ كُوفُّو ثْمحِّيذْ مَارَّا إِعفَّاننْ زِي ثمُّورْثْ، س ؤُيَا تّخْسغْ شّْهَاذَاثْ نّشْ.
PSA 119:120 زِي ثِيڭّْوُوذِي زَّايكْ ثشِّيرُّووْ أَرِّيمثْ إِنُو، [أَمُّو إِ] ڭّْوذغْ زِي ڒحْكَامَاثْ نّشْ.
PSA 119:121 عَايِينْ. نشّْ ڭِّيغْ ڒْحقّْ ذ ثْسڭْذَا، وَارْ ذ أَيِي تّْسلّمْ إِ [ڒْمَارْڭحْ ن] يِينِّي ذ أَيِي إِحصَّارنْ.
PSA 119:122 أڭّْ ڒْعَارْبُونْ ذِي طّْوعْ ن ؤُمْسخَّارْ نّشْ، وَارْ تّجِّي إِمْعفَّارنْ أَذْ أَيِي حْصَارنْ.
PSA 119:123 ثِيطَّاوِينْ إِنُو ذقّْڒنْثْ [زِي مژْرِي] غَارْ ؤُسنْجمْ نّشْ، غَارْ لْوَاعْذْ ن ثْسڭْذَا نّشْ.
PSA 119:124 أڭّْ س ثْمخْسِيوْثْ نّشْ إِشوَّارنْ أَكْ-ذ ؤُمْسخَّارْ نّشْ، سڒْمذْ أَيِي ثِيوصَّا نّشْ.
PSA 119:125 نشّْ ذ أَمْسخَّارْ نّشْ، أوْشْ أَيِي ڒعْقڒْ، مَاحنْذْ أَذْ سّْنغْ شّْهَاذَاثْ نّشْ.
PSA 119:126 أَقَا يِيوضْ أَسْ-د ڒْحَاڒْ إِ سِيذِي، حِيمَا أَذْ إِبدّْ خْ إِضَارنْ نّسْ، [مَاغَارْ] نِيثْنِي أَرْژِينْ شَّارِيعَا نّشْ.
PSA 119:127 مِينْزِي تّخْسغْ ثِيوصَّا نّشْ خْ وُورغْ، [وَاهْ] أَطَّاسْ خْ وُورغْ إِتّْوَاصفَّانْ،
PSA 119:128 خْ ؤُيَا حسْبغْ مَارَّا ڒُومُورَاثْ [نّشْ] ذِي كُوڒْ [ثَامسْڒَاشْثْ] نِيشَانْ، [مَاشَا] شَارْهغْ كُوڒْ أَمسْرُوقْ ن إِخَارِّيقنْ.
PSA 119:129 بِي. شّْهَاذَاثْ نّشْ ذ لْمُوعْجِيزَاثْ، خْ ؤُيَا إِحطَّا ثنْثْ وُوڒْ إِنُو.
PSA 119:130 أَنُورْزمْ ن وَاوَاڒنْ نّشْ إِسّْشَانْ ثَافَاوْثْ، إِ إِحَافِييّنْ إِتِّيشْ أَسنْ ڒعْقڒْ.
PSA 119:131 أَرْزْمغْ أَقمُّومْ إِنُو أَطَّاسْ ؤُ سَّاحْرَاثغْ زِي مژْرِي غَارْ ڒُومُورَاثْ نّشْ.
PSA 119:132 أَرّْ ؤُذمْ [نّشْ] غَارِي ؤُ حِينّْ خَافِي، أَمْ مَامّشْ د-ثكَّارْ إِ يِينِّي إِتّخْسنْ إِسمْ نّشْ.
PSA 119:133 سمْثنْ إِصُورَافْ إِنُو أَمْ مَامّشْ إِ ذ أَيِي ثنِّيذْ، وَارْ تّجِّي أَذْ خَافِي إِحْكمْ ڒْغشّْ وَالُو.
PSA 119:134 فكّْ أَيِي زِي ڒحْصَارثْ ن إِوْذَانْ، مَاحنْذْ أَذْ حْضِيغْ ڒُومُورَاثْ نّشْ.
PSA 119:135 أجّْ ؤُذمْ نّشْ أَذْ يَارْغْ خْ ؤُمْسخَّارْ نّشْ، سڒْمذْ أَيِي ثِيوصَّا نّشْ.
PSA 119:136 ثِيغزْرَاثِينْ ن وَامَانْ هْوَانْثْ-إِ-د زِي ثِيطَّاوِينْ إِنُو، مَاغَارْ نِيثْنِي وَارْ حطَّانْ شَّارِيعَا نّشْ.
PSA 119:137 ثْسَاذِي. أَقَا شكْ ذ أَمْسڭّذْ، [أَ] سِيذِي، ؤُڒَا ذ لْفَارَايِيضْ نّشْ سڭّْذنْثْ.
PSA 119:138 شكْ ثُومُورذْ ثَاسڭْذَا ن شّْهَاذَاثْ نّشْ، ڒْْمَانثْ [نْسنْ] ذ ثَامقّْرَانْثْ أَطَّاسْ.
PSA 119:139 ثُوسْمِي إِنُو [إِقدّْسنْ] إِنُو ثشَّا أَيِي، مَاغَارْ إِنِّي ذ أَيِي إِحصَّارنْ تُّونْ أَوَاڒنْ نّشْ.
PSA 119:140 لْوَاعْذْ نّشْ إِقُّورْ أَطَّاسْ، أَمْسخَّارْ نّشْ إِتّخْسْ إِ-ث.
PSA 119:141 نشّْ ذ أَمُوقْڒِيڒْ ؤُ تّْوَاسّحْقَارغْ، [مَاشَا] وَارْ تّتُّوغْ ڒُومُورَاثْ نّشْ.
PSA 119:142 ثَاسڭْذَا نّشْ ذ ثَاسڭْذَا إِ ڒبْذَا، شَّارِيعَا نّشْ ذ ثِيذتّْ.
PSA 119:143 دِّيقثْ ذ ثڭّْوُوذِي ڒقّْفنْثْ أَيِي، [مَاشَا] ڒُومُورَاثْ نّشْ ذَايْسنْثْ مژْرِي إِنُو.
PSA 119:144 ثَاسڭْذَا ن شّْهَاذَاثْ نّشْ إِ ڒبْذَا إِ ثدْجَا. سفْهمْ أَيِي [ثنْثْ]، [خنِّي] أَذْ دَّارغْ.
PSA 119:145 قُوفْ. ڒَاغِيغْ س مَارَّا ؤُڒْ  إِنُو، أَرّْ-د خَافِي، [أَ] سِيذِي، [خنِّي] أَذْ حْضِيغْ ثِيوصَّا نّشْ.
PSA 119:146 نشّْ ڒَاغِيغْ-د خَاكْ، فكّْ أَيِي، [خنِّي] أَذْ حْضِيغْ مَارَّا شّْهَاذَاثْ نّشْ.
PSA 119:147 قْبڒْ ثُوفُّوثْ ثُوغَا تّْڒَاغِيغْ حِيمَا أَذْ أَيِي د-ثوْشذْ أَفُوسْ، رَاجِيغْ أَوَاڒْ نّشْ.
PSA 119:148 ثِيطَّاوِينْ إِنُو فَاقنْثْ قْبڒْ ڒْوقْثْ ن وُوضُوفْ ن وشْبَارْ، حِيمَا أَذْ خَارّْصغْ ذڭْ وَاوَاڒنْ نّسْ.
PSA 119:149 سڒْ-د غَارْ ثْمِيجَّا إِنُو عْلَاحْسَابْ ثَامخْسِيوْثْ نّشْ إِشوَّارنْ، [أَ] سِيذِي، أَرّْ-د ذَايِي ثُوذَارْثْ عْلَاحْسَابْ لْفَارَايِيضْ نّشْ.
PSA 119:150 إِنِّي يَارزُّونْ أَذْ ڭّنْ ڒفْضَايحْ، ؤُذْسنْ أَيِي، أَقَا نِيثْنِي تَّاڭّْوجنْ أَطَّاسْ خْ شَّارِيعَا نّشْ.
PSA 119:151 شكْ ثُوذْسذْ، [أَ] سِيذِي، مَارَّا ڒُومُورَاثْ نّشْ ذ ثِيذتّْ إِ دْجَانْ.
PSA 119:152 [ؤُڒَا] ذ أَطَّاسْ زڭْ وَامِي ثُوغَا سّْنغْ شّْهَاذَاثْ نّشْ، مَاغَارْ شكْ ثڭِّيذْ ثنْثْ إِ ڒبْذَا.
PSA 119:153 رِيخْ. خْزَارْ غَارْ ڒغْبنْ إِنُو ؤُ ثسّْنجْمذْ أَيِي، مَاغَارْ وَارْ تُّوغْ شَّارِيعَا نّشْ.
PSA 119:154 أَغْ أَيِي ثَاسْغَارْثْ ؤُشَا فكّْ أَيِي، أَرّْ-د ذَايِي ثُوذَارْثْ أَمْ مَامّشْ إِ ذ أَيِي ثنِّيذْ.
PSA 119:155 إِڭّْوجْ ؤُسنْجمْ خْ إِعفَّاننْ، مَاغَارْ وَارْ أَرزُّونْ ثِيوصَّا نّشْ.
PSA 119:156 [أَ] سِيذِي، أَرّحْمثْ نّشْ ذ أَطَّاسْ، أَرّْ-د ذَايِي ثُوذَارْثْ عْلَاحْسَابْ لْفَارَايِيضْ ن نّشْ.
PSA 119:157 إِنِّي ذ أَيِي إِتّْذَارَّاشنْ ذ يِينِّي ذ أَيِي إِحصَّارنْ أَقَا أَثنْ [س] وَاطَّاسْ، [مَاشَا] نشّْ وَارْ حيّْذغْ شَا خْ شّْهَاذَاثْ نّشْ.
PSA 119:158 ژْرِيغْ إِنِّي ذ أَيِي إِغْذَارنْ ؤُشَا عِيفّغْ [ثنْ]، مَاغَارْ نِيثْنِي وَارْ طِّيفنْ ذڭْ وَاوَاڒْ نّشْ.
PSA 119:159 خْزَارْ، مَامّشْ تّخْسغْ ڒُومُورَاثْ نّشْ، [أَ] سِيذِي، أَرّْ-د ذَايِي ثُوذَارْثْ عْلَاحْسَابْ ثَامخْسِيوْثْ نّشْ إِشوَّارنْ.
PSA 119:160 بدُّو ن وَاوَاڒْ نّشْ أَقَا-ث ذ ثِيذتّْ، كُوڒْ ڒحْكَامْ إِسڭّْذنْ زَّايكْ أَقَا-ث إِ ڒبْذَا.
PSA 119:161 شِينْ. ڒْحُوكَّامْ ذَارّْشنْ خَافِي خْ وَالُو، [مَاشَا] ؤُڒْ إِنُو ثُوغَا إِتّڭّْوذْ زڭْ وَاوَاڒْ نّشْ.
PSA 119:162 نشّْ فَارْحغْ خْ لْوَاعْذْ نّشْ، أَمشْنَاوْ إِجّنْ إِ إِتَّافْ إِشْثْ ن ثْكشَّاضْثْ ثَامقّْرَانْثْ.
PSA 119:163 نشّْ شَارّْهغْ أَخَارِّيقْ ؤُ عِيفّغْ ث، [مَاشَا] تّخْسغْ شَّارِيعَا نّشْ.
PSA 119:164 سبْعَا ن ثْوَاڒَاوِينْ ذڭْ وَاسّْ صبْحغْ شكْ خْ ڒحْكَامَاثْ ن ثْسڭْذَا نّشْ.
PSA 119:165 إِنِّي إِتّخْسنْ شَّارِيعَا نّشْ، أَقَا غَارْسنْ ڒهْنَا ثَامقّْرَانْثْ، وَارْ ذِينْ أَژْرُو ن ؤُنقْرَاضْ زَّاثْسنْ.
PSA 119:166 [أَ] سِيذِي، تّْرَاجِيغْ أَسنْجمْ نّشْ، ؤُ تّڭّغْ عْلَاحْصَابْ ثِيوصَّا نّشْ.
PSA 119:167 ڒعْمَارْ إِنُو إِحطَّا شّْهَاذَاثْ نّشْ، تّخْسغْ ثنْثْ أَطَّاسْ.
PSA 119:168 نشّْ حطِّيغْ ڒُومُورَاثْ نّشْ ذ شّْهَاذَاثْ نّشْ، مَاغَارْ مَارَّا إِبْرِيذنْ إِنُو [أَرْزْمنْ] زَّاثكْ.
PSA 119:169 ثَافْ. [أَ] سِيذِي، أجّْ أَذْ غَاركْ د-يَاوضْ ؤُڒَاغِي إِنُو زَّاثْ إِ وُوذمْ نّشْ، أوْشْ أَيِي ڒعْقڒْ عْلَاحْسَابْ أَوَاڒْ نّشْ.
PSA 119:170 أجّْ أَذْ د-ثَاسْ ثُوثْرَا إِنُو غَارْ وُوذمْ نّشْ، فكّْ أَيِي أَمْ مَامّشْ إِ ذ أَيِي ثنِّيذْ.
PSA 119:171 إِينْشِيشنْ إِنُو أَذْ ؤُشْرُورنْ أَصبّحْ أَمْ يِيجّْ ن ڒْعُونْصَارْ، مَاغَارْ شكْ ثسّڒْمَاذذْ أَيِي ثِيوصَّا نّشْ.
PSA 119:172 إِڒسْ إِنُو أَذْ يَارّْ مِينْ ثنِّيذْ شكْ، مَاغَارْ مَارَّا ڒُومُورَاثْ نّشْ سڭّْذنْ.
PSA 119:173 أجّْ أَفُوسْ نّشْ أَذْ أَيِي إِڭّْ ثْوِيزَا، مَاغَارْ إِخْضَارغْ ڒُومُورَاثْ نّشْ.
PSA 119:174 [أَ] سِيذِي، تّْمژْرغْ غَارْ ؤُسنْجمْ نّشْ، شَّارِيعَا نّشْ أَقَا ذَايسْ مژْرِي إِنُو.
PSA 119:175 أجّْ ڒعْمَارْ إِنُو أَذْ إِدَّارْ، أَذْ شكْ إِصبّحْ، أَذْ أَيِي عَاوْننْثْ لْفَارَايِيضْ نّشْ.
PSA 119:176 نشّْ ودَّارغْ أَمْ يِيجّْ ن ؤُهُوڒِي إِودَّارنْ. أَرْزُو خْ ؤُمْسخَّارْ نّشْ، مَاغَارْ وَارْ تُّوغْ ڒُومُورَاثْ نّشْ.
PSA 120:1 [إِزْڒِي ن ؤُڭعّذْ.] نشّْ ڒَاغِيغْ غَارْ سِيذِي ذِي ڒحْصَارثْ إِنُو ؤُ نتَّا إِسْڒَا أَيِي.
PSA 120:2 [أَ] سِيذِي، فكّْ ڒعْمَارْ إِنُو زڭْ إِينْشِيشنْ إِسّْخَارِّيقنْ، زڭْ إِڒسْ إِشمّْثنْ.
PSA 120:3 مِينْ ذ أَشْ إِ غَا يوْشْ، مِينْ ذ أَشْ إِ غَا يَارْنِي إِڒسْ نِّي إِشمّْثنْ؟
PSA 120:4 فْڒِيثْشَاثْ ن ڒْقوْسْ قضْعنْثْ [زڭْ ؤُفُوسْ] ن إِجّْ ن ؤُمْجَاهذْ، أَكْ-ذ ڒفْحمْ ن ثْشجَّارْثْ ن ثَاڭَّا.
PSA 120:5 ؤُشْثْ إِنُو، أَقَا نشّْ ذ أَبَارَّانِي ذِي مَاشِيكْ، أَقَا زدّْغغْ غَارْ إِقِيضَانْ ن قِيذَارْ!
PSA 120:6 أَطَّاسْ إِ إِزْذغْ ڒعْمَارْ إِنُو غَارْ يِينِّي إِشَارّْهنْ ڒهْنَا.
PSA 120:7 نشّْ ذ أَهدَّانْ، مَاشَا خْمِي غَا سِّيوْڒغْ، خنِّي أَرزُّونْ أَمنْغِي.
PSA 121:1 [إِزْڒِي ن ؤُڭعّذْ.] نشّْ سّْڭعّْذغْ ثِيطَّاوِينْ إِنُو غَارْ إِذُورَارْ، مَانِيسْ د غَا ثَاسْ ثْوِيزَا إِنُو؟
PSA 121:2 ثْوِيزَا إِنُو زِي سِيذِي، ونِّي إِڭِّينْ إِجنْوَانْ ذ ثمُّورْثْ.
PSA 121:3 نتَّا وَارْ إِتّجِّي أَضَارْ نّشْ أَذْ إِفَارْغْ، ونِّي شكْ إِحطَّانْ وَارْ إِتّْنُوذُومْ.
PSA 121:4 خْزَارْ، ونِّي إِحطَّانْ إِسْرَائِيل وَارْ إِتّْنُوذُومْ ؤُ وَارْ إِتّطّصْ.
PSA 121:5 سِيذِي ذ أَمحْضَايْ نّشْ، سِيذِي ذ ثِيڒِي نّشْ غَارْ ؤُفُوسْ أَفُوسِي نّشْ.
PSA 121:6 ذڭْ وَاسّْ ثَافُوشْثْ وَارْ شكْ ثشِّيثْ شَا، ؤُڒَا ذ ثَازِيرِي س دْجِيڒثْ.
PSA 121:7 سِيذِي أَذْ شكْ إِحْضَا زِي مَارَّا ڒْغَارْ، نتَّا أَذْ إِحْضَا ڒعْمَارْ نّشْ.
PSA 121:8 سِيذِي أَذْ إِحْضَا ؤُفُّوغْ نّشْ ذ وَاذَافْ نّشْ، زِي ڒخُّو أَڒْ إِ ڒبْذَا.
PSA 122:1 [إِزْڒِي ن ؤُڭعّذْ. ن ذَاوُوذْ.] نشّْ فَارّْحغْ ؤُمِي ذ أَيِي نَّانْ: ”نشِّينْ أَذْ نُويُورْ غَارْ ثَادَّارْثْ ن سِيذِي.
PSA 122:2 إِضَارنْ نّغْ بدّنْ-د غَارْ ثوُّورَا نّشْ، [أَ] ؤُرْشَالِيمْ!“
PSA 122:3 ؤُرْشَالِيمْ ثتّْوَابْنَا أَمْ يِيشْثْ ن ثنْذِينْثْ نِّي إِتّْوَاشبَّارنْ مْلِيحْ أَكْ-ذ يِيخفْ نّسْ.
PSA 122:4 غَارْ ذِينِّي تّْڭعَّاذنْثْ ثْقبَّاڒْ، ثِيقبَّاڒْ ن سِيذِي، [عْلَاحْسَابْ] لْفَارِيضَا إِ إِسْرَائِيل، حِيمَا أَذْ قَاذَانْ إِسمْ ن سِيذِي.
PSA 122:5 مَاغَارْ ذِينِّي بدّنْ ڒكْرَاسِي ن شّْرعْ ڒكْرَاسِي ن ثَادَّارْثْ ن ذَاوُوذْ.
PSA 122:6 تَّارمْ إِ ڒهْنَا ن ؤُرْشَالِيمْ: ”أَقَا أَذْ فڒْحنْ إِنِّي شمْ إِتّخْسنْ،
PSA 122:7 حِيمَا أَذْ ذِينْ يِيڒِي ڒهْنَا غَارْ ڒْحِيضْ ن زَّاثْ نّمْ، ؤُڒَا ذ ڒْهُوذْنثْ ذِي ڒقْصُورْ نّمْ.“
PSA 122:8 ذِي طّْوعْ ن أَيْثْمَا ذ إِمدُّوكَّاڒْ إِنُو أَذْ إِنِيغْ: ”أَذْ ذَايمْ يِيڒِي ڒهْنَا!“
PSA 122:9 ذِي طّْوعْ ن ثَادَّارْثْ ن سِيذِي، أَربِّي نّغْ، أَذْ أَشْ أَرْزُوغْ خْ مِينْ إِشْنَانْ.
PSA 123:1 [إِزْڒِي ن ؤُڭعّذْ.] نشّْ سّْڭعّْذغْ ثِيطَّاوِينْ إِنُو غَاركْ، شكْ إِ إِقِّيمنْ [خْ ڒْكُورْسِي نّسْ] ذڭْ ؤُجنَّا.
PSA 123:2 خْزَارْ، أَمْ ثِيطَّاوِينْ ن إِسمْغَانْ غَارْ ؤُفُوسْ ن بَابْ نْسنْ، أَمْ ثِيطَّاوِينْ ن ثَايَّا غَارْ ؤُفُوسْ ن لَالَّاسْ، أَمُّو إِ [خزَّارنْثْ] ثِيطَّاوِينْ نّغْ غَارْ سِيذِي، أَربِّي نّغْ، أَڒْ خَانغْ إِ غَا إِحِينّْ.
PSA 123:3 حِينّْ خَانغْ، [أَ] سِيذِي، حِينّْ خَانغْ، مَاغَارْ يُوزَا غَارْنغْ ؤُسحْقَارْ.
PSA 123:4 ڒعْمَارْ نّغْ يُوزَا غَارسْ أَطَّاسْ زڭْ ؤُسْثهْزِي ن أَيْثْ ن بُو-نّْفَاخثْ، ؤُڒَا زڭْ ؤُسحْقَارْ ن إِغبَّاننْ.
PSA 124:1 [إِزْڒِي ن ؤُڭعّذْ. ن ذَاوُوذْ.] مْڒِي سِيذِي وَارْ كِيذْنغْ إِبدّْ! إِنِي [ث خنِّي أَمُّو]، [أَ] إِسْرَائِيل،
PSA 124:2 مْڒِي سِيذِي وَارْ كِيذْنغْ إِبدّْ، ؤُمِي أَكِيذْنغْ د-كَّارنْ إِوْذَانْ،
PSA 124:3 إِڒِي سَارْضنْ أَنغْ أَمْ ندَّارْ، ؤُمِي يَارْغَا ؤُخيّقْ نْسنْ خَانغْ،
PSA 124:4 إِڒِي أَمَانْ فيّْضنْ خَانغْ، إِڒِي إِشْثْ ن ڒْحمْڒثْ ثكَّا خْ ڒعْمَارْ نّغْ،
PSA 124:5 إِڒِي أَمَانْ إِحَاجنْ كِّينْ خْ ڒعْمَارْ نّغْ.
PSA 124:6 أَذْ إِتّْوَابَاركْ سِيذِي، ونِّي وَارْ د أَنغْ إِتّجِّينْ ذ ثَاكشَّاضْثْ إِ ثغْمَاسْ نْسنْ.
PSA 124:7 ڒعْمَارْ نّغْ يَارْوڒْ أَمْ وجْضِيضْ زِي ڒْفخْ ن ؤُنڭْمَارْ. ڒْفخْ يَارژْ ؤُ نشِّينْ ننْفكّْ.
PSA 124:8 ثْوِيزَا نّغْ ثْبدّْ ذڭْ يِيسمْ ن سِيذِي، ونِّي إِڭِّينْ إِجنْوَانْ ذ ثمُّورْثْ.
PSA 125:1 [إِزْڒِي ن ؤُڭعّذْ.] إِنِّي إِتّشْڒنْ خْ سِيذِي، أَقَا أَثنْ أَمْ وذْرَارْ ن صِيهْيُونْ، ونِّي وَارْ إِتّنْهزِّينْ، [مَاشَا] إِتّْغِيمَا إِ ڒبْذَا.
PSA 125:2 أَمْ مَامّشْ إِذُورَارْ قُووَّارنْ إِ ؤُرْشَالِيمْ، أَمُّو إِقُووَّارْ سِيذِي إِ ڒْڭنْسْ نّسْ، زِي ڒخُّو أَڒْ ڒبْذَا.
PSA 125:3 مَاغَارْ أَزدْجَاضْ ن ڒْغَارْ وَارْ إِتّْغِيمِي إِتَّاريّحْ خْ ثمُّورْثْ ن إِمْسڭَّاذنْ، حِيمَا إِمْسڭَّاذنْ وَارْ سّْوِيژِّيضنْ إِفَاسّنْ نْسنْ غَارْ ڒْغَارْ.
PSA 125:4 إِڒِي أَذْ يڭّْ سِيذِي ثَاشُونِي ذڭْ إِصبْحَاننْ، ذڭْ إِنِّي إِسڭّْذنْ س وُوڒْ،
PSA 125:5 [مَاشَا] إِنِّي إِ غَا إِحيّْذنْ [زڭْ وبْرِيذْ] غَارْ إِبْرِيذنْ إِفَارْغنْ، أَذْ ثنْ إِسِّيڭّْوجْ سِيذِي [جْمِيعْ] أَكْ-ذ يِينِّي إِتّڭّنْ ڒْغشّْ. [أَذْ ذِينْ يِيڒِي] ڒهْنَا خْ إِسْرَائِيل.
PSA 126:1 [إِزْڒِي ن ؤُڭعّذْ.] ؤُمِي إِسّعْقبْ سِيذِي إِنِّي د-إِذوْڒنْ غَارْ صِيهْيُونْ، ثُوغَا أَنغْ أَخْمِي يِينِّي إِتُّورْجَانْ.
PSA 126:2 ثُوغَا أَقمُّونْ نّغْ إِشُّورْ س ثْضحَّاشْثْ، إِڒسْ نّغْ إِشُّورْ س ؤُسْڒِيوْڒوْ. نَّانْ جَارْ ڒڭْنُوسْ: ’سِيذِي إِڭَّا ذَايْسنْ ثِيمسْڒَايِينْ ثِيمقّْرَانِينْ!‘
PSA 126:3 سِيذِي إِڭَّا ذَايْنغْ ثِيمسْڒَايِينْ ثِيمقّْرَانِينْ، أَقَا نشِّينْ نْفَارْحْ [زَّايسْ].
PSA 126:4 [أَ] سِيذِي، قدْجبْ ثَامحْبَاسْثْ نّغْ، أَمْ مَامّشْ [تّْقدْجْبنْثْ] ثِيغزْرَاثِينْ [ثَامُّورْثْ] ن لْجَانُوبْ.
PSA 126:5 إِنِّي إِزَارّْعنْ س إِمطَّاونْ، أَذْ مْجَارنْ س ؤُسْڒِيوْڒوْ.
PSA 126:6 ونِّي يَاربُّونْ ثَاخَانْشثْ ن زَّارِيعثْ، إِتّْرُو خْمِي د-إِڭُّورْ، [مَاشَا] خْمِي د غَا يَاسْ، أَذْ د-يَاسْ س ؤُسْڒِيوْڒوْ، أَذْ يَارْبُو ثِيقبِّيضِينْ [ن إِمنْذِي] نّسْ.
PSA 127:1 [إِزْڒِي ن ؤُڭعّذْ. ن سُولِيمَانْ.] مْڒِي وَارْ إِبنِّي سِيذِي ثَادَّارْثْ، أَذْ سِّيحْڒنْ إِبنَّاينْ إِخفْ نْسنْ بَاطڒْ. مْڒِي وَارْ إِحطِّي سِيذِي خْ ثنْذِينْثْ، أَعسَّاسْ أَذْ إِعسّْ بَاطڒْ.
PSA 127:2 بَاطڒْ أَقَا كنِّيوْ أَذْ ثكَّارمْ زِيشْ، أَذْ ثطّْصمْ ثْعضْڒمْ، أَذْ ثشّمْ أَغْرُومْ ن ڒمْحَاينْ، مَاغَارْ نتَّا إِتِّيشْ إِ-ث إِ إِمْعِيزّنْ نّسْ ذڭْ يِيضصْ.
PSA 127:3 خْزَارْ، أَرَّاونْ ذ ثَاسْغَارْثْ [إِ إِمّوْشنْ] زِي سِيذِي، ڒْغِيدْجثْ ن ؤُعذِّيسْ أَقَا-ت ذ ڒْمُونثْ.
PSA 127:4 أَمْ مَامّشْ [جهْذنْثْ] فْڒِيثْشَاثْ ن ڒْقوْسْ ذڭْ ؤُفُوسْ ن ورْيَازْ، أَمُّو إِ دْجَانْ أَرَّاونْ [زڭْ إِسڭّْوُوسَا] ن ثمْژِي.
PSA 127:5 سّعْذْ ن ورْيَازْ إِجهْذنْ نِّي زَّايْسنْ إِشُّورْ أَقْرَابْ نّسْ ن فْڒِيثْشَاثْ ن ڒْقوْسْ. نِيثْنِي وَارْ تّْسضْحِينْ شَا ؤُمِي سَّاوَاڒنْ أَكْ-ذ ڒْعذْيَانْ غَارْ ثوَّارْثْ [ن ثنْذِينْثْ].
PSA 128:1 [إِزْڒِي ن ؤُڭعّذْ.] سّعْذْ ن كُوڒْ إِجّْ ونِّي إِتّڭّْوذنْ سِيذِي، ونِّي إِڭُّورنْ ذڭْ إِبْرِيذنْ نّسْ.
PSA 128:2 أَقَا أَذْ ثشّذْ زڭْ وَارْبرْ ن إِفَاسّنْ نّشْ، أَذْ ثِيڒِيذْ ذ أَمِيمُونْ ذ لمْلِيحْ.
PSA 128:3 ثَامْغَارْثْ نّشْ أَذْ ثِيڒِي أَمْ إِشْثْ ن ثْزَايَارْثْ إِ د-إِتَّاوْينْ ڒْغِيدْجثْ ذِي ثَادَّارْثْ نّشْ، أَرَّاونْ نّشْ أَذْ إِڒِينْ أَمْ إِغمُّوينْ ن زِّيثُونْ قُووَّارنْ إِ طَّابْڒَا نّشْ.
PSA 128:4 أَمُّو إِ غَا إِتّْوَابَاركْ ورْيَازْ إِجهْذنْ نِّي إِتّڭّْوذنْ سِيذِي.
PSA 128:5 سِيذِي أَذْ شكْ إِبَاركْ زِي صِيهْيُونْ، ؤُ أَذْ ثْژَارذْ أَقَا ؤُرْشَالِيمْ أَذْ ثِيڒِي مْلِيحْ، مَارَّا ؤُسَّانْ ن ثُوذَارْثْ نّشْ،
PSA 128:6 [وَاهْ،] أَذْ ثْژَارذْ إِحنْجِيرنْ ن إِحنْجِيرنْ نّشْ. ڒهْنَا [أَذْ يِيڒِي] خْ إِسْرَائِيل.
PSA 129:1 [إِزْڒِي ن ؤُڭعّذْ.] ”زِي ثمْژِي إِنُو حْصَارنْ أَيِي أَطَّاسْ ن ثْوَاڒَاوِينْ!“ إِنِي [ث خنِّي أَمُّو]، [أَ] إِسْرَائِيل،
PSA 129:2 زِي ثمْژِي إِنُو حْصَارنْ أَيِي أَطَّاسْ ن ثْوَاڒَاوِينْ، مَاشَا وَارْ ذ أَيِي زمَّارنْ.
PSA 129:3 إِمْشَارّْزنْ شَارْزنْ خْ وعْرُورْ إِنُو، ڭِّينْ ڒَاثَارَاثْ ن وشْرَازْ نْسنْ ذ إِزِيرَارنْ.
PSA 129:4 سِيذِي ذ أَمْسڭّذْ. نتَّا إِقْضعْ إِسغْوَانْ ن إِعفَّاننْ.
PSA 129:5 أجّْ مَارَّا إِنِّي إِشَارّْهنْ صِيهْيُونْ، أَذْ سضْحَانْ ؤُ أَذْ تّْوَاعَارْننْ غَارْ ضفَّارْ.
PSA 129:6 أجّْ إِ-ثنْ أَذْ ذوْڒنْ أَمْ أَرْبِيعْ خْ ثْزغْوِينْ إِ إِتِّيسْڒَاوْ قْبڒْ إِ-ث غَا قڒْعنْ،
PSA 129:7 وَارْ زَّايسْ إِتّْعمَّارْ ونِّي إِمجَّارنْ أَفُوسْ نّسْ، ؤُڒَا ذ ونِّي إِتّْشدَّانْ إِشوَّافنْ [ن إِمنْذِي] أَحْسِينْ نّسْ،
PSA 129:8 ؤُ حِيمَا إِمْسبْرِيذنْ وَارْ قَّارنْ: ”لْبَارَاكَا ن سِيذِي أَقَا-ت أَكِيذْومْ!“ ”نشِّينْ نْبَاركْ كنِّيوْ س يِيسمْ ن سِيذِي.“
PSA 130:1 [إِزْڒِي ن ؤُڭعّذْ.] زِي ڒَادْجَاغْ ڒَاغِيغْ-د خَاكْ، [أَ] سِيذِي!
PSA 130:2 [أَ] سِيذِي إِنُو، سڒْ إِ ثْمِيجَّا إِنُو، أجّْ إِمزُّوغنْ نّشْ أَذْ فثْننْ خْ ثْمِيجَّا ن ثُوثْرَا إِنُو!
PSA 130:3 [أَ] سِيذِي، مَاڒَا ثحْضِيضْ ڒْْمُوعْصِييَّاثْ مْلِيحْ، [أَ] سِيذِي إِنُو، مَانْ ونْ إِزمَّارنْ أَذْ إِقِّيمْ إِبدّْ.
PSA 130:4 مَاشَا غَاركْ أَسَامحْ، مَاحنْذْ أَذْ زَّايكْ ڭّْوذنْ.
PSA 130:5 نشّْ سِيثِيمغْ ذِي سِيذِي، ڒعْمَارْ إِنُو [إِشُّورْ س] ؤُسِيثمْ، تّْرَاجِيغْ أَوَاڒْ نّسْ،
PSA 130:6 ڒعْمَارْ إِنُو [إِتّْرَاجَا] سِيذِي إِنُو، أَطَّاسْ زڭْ إِعسَّاسنْ [تّْرَاجَانْ] غَارْ [ؤُ]ثفُّو.
PSA 130:7 أجّْ إِسْرَائِيل أَذْ إِرَاجَا سِيذِي، مَاغَارْ ثَامخْسِيوْثْ إِشوَّارنْ أَقَا-ت غَارْ سِيذِي، غَارسْ أَفكِّي إِشطّْ.
PSA 130:8 نتَّا أَذْ إِسّنْجمْ إِسْرَائِيل زِي مَارَّا ڒْمُوعْصِييَّاثْ نّسْ.
PSA 131:1 [إِزْڒِي ن ؤُڭعّذْ. ن ذَاوُوذْ.] [أَ] سِيذِي، ؤُڒْ إِنُو وَارْ ذَايسْ بُو نّْفَاخثْ، ثِيطَّاوِينْ إِنُو وَارْ ذَايْسنْثْ بُو ؤُنعْفَارْ، وَارْ تّڭّغْ شَا ثِيمسْڒَايِينْ ؤُجَارنْثْ أَيِي نِيغْ ذ ثِينِّي ذ ڒعْجبْ إِ نشّْ.
PSA 131:2 س ثِيذتّْ، سَّاريّْحغْ ڒعْمَارْ إِنُو ؤُ سّسْقَارغْ ث، أَمْ إِجّْ ن ؤُنِييْبُو ؤُمِي إِتّْوَاسّْبدّْ وُوطُّوضْ أَكْ-ذ يمَّاسْ، أَمْ إِجّْ ن ؤُنِييْبُو ؤُمِي إِتّْوَاسّْبدّْ وُوتُّوضْ أَمُّو إِ إِدْجَا ڒعْمَارْ إِنُو ذَايِي.
PSA 131:3 أجّْ إِسْرَائِيل أَذْ إِرَاجَا سِيذِي، زِي ڒخُّو أَڒْ ڒبْذَا.
PSA 132:1 [إِزْڒِي ن ؤُڭعّذْ.] [أَ] سِيذِي، إِذَارْ ذَاوُوذْ، [إِذَارْ] مَارَّا أَودّبْ نّسْ،
PSA 132:2 مَامّشْ إِجُّودْجْ إِ سِيذِي، إِوَاعْذْ إِ ؤُمْزمَّارْ ن يَاعْقُوبْ:
PSA 132:3 ”[ؤُشْثْ]، مَاڒَا أَذْ أَذْفغْ غَارْ ثَاقِيذُونْثْ ن ثَادَّارْثْ إِنُو، أَذْ حبْشغْ خْ قَامَا ن ڒشْثُو إِنُو،
PSA 132:4 أَذْ سمّْحغْ يِيضصْ إِ ثِيطَّاوِينْ إِنُو، ؤُڒَا ذ أَنُوذمْ إِ وَابْڒِيونْ إِنُو،
PSA 132:5 قْبڒْ إِ غَا أَفغْ أَمْشَانْ إِ سِيذِي، إِشْثْ ن ثْزذِّيغْثْ إِ سِيذِي، أَمْزمَّارْ ن يَاعْقُوبْ!“
PSA 132:6 خْزَارْ، نسْڒَا خْ [تَّابُوثْ] ذِي إِفْرَاثَا، نُوفَا إِ-ت ذڭْ إِيَّارنْ ن يَاعَارْ.
PSA 132:7 أَذْ نَاذفْ غَارْ ثْزذِّيغِينْ نّسْ، أَذْ نسْجذْ إِ ثْنبْذَاثْ ن إِضَارنْ نّسْ.
PSA 132:8 كَّارْ، سِيذِي، [ؤُيُورْ] غَارْ أَرَّاحثْ نّشْ، شكْ ذ تَّابُوثْ ن جّهْذْ نّشْ.
PSA 132:9 أجّْ إِكهَّاننْ نّشْ أَذْ يَارْضنْ س ثْسڭْذَا، إِمْثِيقَّانْ نّشْ أَذْ سْڒِيوڒْونْ.
PSA 132:10 وَارْ د-ثَارِّي ؤُذمْ ن ؤُمذْهُونْ نّشْ ذِي طّْوعْ ن ؤُمْسخَّارْ نّشْ ذَاوُوذْ.
PSA 132:11 سِيذِي إِجُّودْجْ إِ ذَاوُوذْ س ڒَامَانْ، عمَّارْصْ أَذْ إِحيّذْ نتَّا خْ ثْجَادْجِيثْ نّسْ: ”زِي ڒْغِيدْجثْ ن ؤُعذِّيسْ نّشْ أَذْ سّْغِيمغْ [إِجّْ] خْ ڒْعَارْشْ نّشْ.
PSA 132:12 مَاڒَا إِحنْجِيرنْ نّشْ أَذْ حْضَانْ ڒْعَاهْذْ إِنُو ذ شّْهَاذَاثْ إِنُو، ثِينِّي ذ أَسنْ إِ غَا سّْڒمْذغْ، خنِّي ؤُڒَا ذ إِحنْجِيرنْ نْسنْ أَذْ قِّيمنْ خْ ڒْكُورْسِي نّشْ إِ ڒبْذَا.“
PSA 132:13 مَاغَارْ سِيذِي إِفَارْزْ صِيهْيُونْ، إِمژْرِي ت ذ ثَازذِّيغْثْ إِ يِيخفْ نّسْ.
PSA 132:14 ”وَا ذ [أَمْشَانْ ن] أَرَّاهثْ إِنُو إِ ڒبْذَا، ذَا إِ خْسغْ أَذْ زذْغغْ، نشّْ خْسغْ ث.
PSA 132:15 أَذْ بَارْكغْ نِّيعْمثْ ن صِيهْيُونْ، أَذْ سّْجِيوْنغْ إِمزْڒَاضْ نّسْ س وغْرُومْ.
PSA 132:16 أَذْ سّْيَارْضغْ إِكهَّاننْ نّسْ س ؤُسنْجمْ، إِمْثِيقَّانْ نّسْ أَذْ سْڒِيوڒْونْ س جّهْذْ.
PSA 132:17 ذِينِّي أَذْ سّْغمّْيغْ إِجّْ ن ؤُيِيشّْ إِ ذَاوُوذْ، إِجّْ نْ ڒفْنَارْ إِ ؤُمذْهُونْ إِنُو سّْوجْذغْ [ث ذِينْ].
PSA 132:18 أَذْ سّْيَارْضغْ ڒْعذْيَانْ نّسْ س ؤُسضْحِي، مَاشَا أَذْ خَاسْ إِنُّووَارْ تَّاجْ [ن وعْزَاڒْ] نّسْ.“
PSA 133:1 [إِزْڒِي ن ؤُڭعّذْ. ن ذَاوُوذْ.] خْزَارْ، مَامّشْ إِصْبحْ ذ مَامّشْ إِشْنَا، مَاڒَا ثَاوْمَاثْ زدّْغنْ مُوننْ!
PSA 133:2 أَيَا أَمْ زّشْثْ إِشْنَانْ خْ ؤُزدْجِيفْ، ثنِّي د-إِهكّْوَانْ خْ ثْمَارْثْ، خْ ثْمَارْثْ ن هَارُونْ، ثْهكّْوَا-د خْ ثْمَا ن ؤُفُورِّي ن وَارُّوضْ نّسْ.
PSA 133:3 أَيَا أَمْ نّْذَا ن [وذْرَارْ ن] هِيرْمُونْ، ونِّي د-إِهكّْوَانْ خْ إِذُورَارْ ن صِيهْيُونْ، مَاغَارْ ذِينِّي يُومُورْ سِيذِي لْبَارَاكَا [نّسْ]، ثُوذَارْثْ إِ ڒبْذَا.
PSA 134:1 [إِزْڒِي ن ؤُڭعّذْ.] خْزَارْ، بَارْكمْ سِيذِي، [أَ] كنِّيوْ إِمْسخَّارنْ ن سِيذِي، إِنِّي إِبدّنْ ذِي ثَادَّارْثْ ن سِيذِي ذِي دْجِيڒثْ.
PSA 134:2 سْڭعّْذمْ إِفَاسّنْ نْومْ غَارْ زَّاوشْثْ إِقدّْسنْ ؤُ بَارْكمْ سِيذِي.
PSA 134:3 أَذْ شكْ إِبَاركْ سِيذِي زِي صِيهْيُونْ، نتَّا ذ ونِّي إِڭِّينْ إِجنْوَانْ ذ ثمُّورْثْ.
PSA 135:1 هَالِّيلُو-يَاهْ! صبّْحمْ إِسمْ ن سِيذِي، صبّْحمْ [خَاسْ]، [أَ] إِمْسخَّارنْ ن سِيذِي،
PSA 135:2 [كنِّيوْ] إِنِّي إِبدّنْ ذِي ثَادَّارْثْ ن سِيذِي، ذِي ڒمْرَاحَاثْ ن ثَادَّارْثْ ن أَربِّي نّغْ.
PSA 135:3 هَالِّيلُو-يَاهْ، مَاغَارْ سِيذِي إِصْبحْ، زهّْذمْ إِ يِيسمْ نّسْ، مَاغَارْ نتَّا ذ ڒضْرَافثْ.
PSA 135:4 مَاغَارْ سِيذِي إِفَارْزْ يَاعْقُوبْ إِ يِيخفْ نّسْ، إِسْرَائِيل ذ أَڭْڒَا نّسْ.
PSA 135:5 مَاغَارْ نشّْ سّْنغْ أَقَا سِيذِي ذ أَمقّْرَانْ، سِيذِيثْنغْ [ذ أَمقّْرَانْ] خْ مَارَّا إِربِّيثنْ.
PSA 135:6 مَارَّا مِينْ ذ أَسْ إِتّعْجِيبنْ إِ سِيذِي، إِڭَّا إِ-ث، ذڭْ إِجنْوَانْ ؤُ خْ ثمُّورْثْ، ذِي ڒبْحُورْ ؤُ ذڭْ [وَامَانْ] إِهوْڒنْ مَارَّا.
PSA 135:7 نتَّا إِسّْڭعّذْ إِسيْنُوثنْ زِي طّْرُوفَا ن ثمُّورْثْ، نتَّا إِتّڭّْ أَسَّامنْ أَكْ-ذ ونْژَارْ، إِتّْڭوَّاذْ أَسمِّيضْ زِي ڒهْرِيثْ نّسْ غَارْ بَارَّا.
PSA 135:8 نتَّا إِوْثَا إِمنْزَا ن مِيصْرَا، زڭْ إِوْذَانْ أَڒْ ڒْمَارْ.
PSA 135:9 نتَّا إِسّكّْ ڒعْڒَامَاثْ ذ لْمُوعْجِيزَاثْ ذِي ڒْوسْطْ نّشْ، [أَ] مِيصْرَا، غَارْ فِيرْعُونْ ؤُ غَارْ مَارَّا إِمْسخَّارنْ نّسْ.
PSA 135:10 نتَّا إِوْثَا أَطَّاسْ ن ڒڭْنُوسْ ؤُ إِنْغَا إِجدْجِيذنْ إِجهْذنْ.
PSA 135:11 سِيحُونْ، أَجدْجِيذْ ن إِمُورِييّنْ، ؤُ عُوجْ، أَجدْجِيذْ ن بَاشَانْ، ؤُ مَارَّا ثِيڭلْذِيوِينْ ن كنْعَانْ.
PSA 135:12 إِوْشَا أَسنْ ثَامُّورْثْ ذ ثَاسْغَارْثْ، ذ ثَاسْغَارْثْ إِ إِسْرَائِيل، ڒْڭنْسْ نّسْ.
PSA 135:13 [أَ] سِيذِي، إِسمْ نّشْ إِتّْغِيمَا إِ ڒبْذَا، أَخَارّصْ ذَايكْ [أَذْ يِيڒِي] زِي جِّيڒْ أَڒْ جِّيڒْ.
PSA 135:14 مَاغَارْ سِيذِي أَذْ يَارّْ ثَاسْغَارْثْ غَارْ ڒْڭنْسْ نّسْ، نتَّا أَذْ إِحِينّْ خْ إِمْسخَّارنْ نّسْ.
PSA 135:15 ڒخْيَاڒَاثْ نْ لْ-أَصْنَامْ ن ڒڭْنُوسْ أَقَا أَثنْثْ س نُّوقَارْثْ ذ وُورغْ، تّْوَاڭّنْثْ س إِفَاسّنْ ن إِوْذَانْ.
PSA 135:16 نِيثنْثِي غَارْسنْثْ إِجّْ ن ؤُقمُّومْ، [مَاشَا] وَارْ سِّيوِيڒنْثْ، غَارْسنْ ثِيطَّاوِينْ، [مَاشَا] وَارْ تّْوِيڒِينْثْ،
PSA 135:17 نِيثنْثِي غَارْسنْ ثِيمزُّوغنْ، [مَاشَا] وَارْ تّسْڒِينْثْ، وَالُو أَسُوضِي [ن نّفْسْ] ذڭْ ؤُقمُّونْ نْسنْ.
PSA 135:18 أَذْ ذوْڒنْ إِنِّي ثنْثْ إِڭِّينْ أَمْ نِيثنْثِي، مَارَّا وِي خَاسنْثْ إِتّْشَاڒْ.
PSA 135:19 [أَ] ثَادَّارْثْ ن إِسْرَائِيل، بَارْكمْ سِيذِي، [أَ] ثَادَّارْثْ ن هَارُونْ، بَارْكمْ سِيذِي.
PSA 135:20 [أَ] ثَادَّارْثْ ن لَاوِي، بَارْكمْ سِيذِي! أجّْ مَارَّا إِنِّي إِتّڭّْوذنْ سِيذِي، أَذْ بَارْكنْ سِيذِي.
PSA 135:21 أَذْ إِتّْوَابَاركْ سِيذِي زِي صِيهْيُونْ، نتَّا ذ ونِّي إِزدّْغنْ ذِي ؤُرْشَالِيمْ. هَالِّيلُو-يَاهْ!
PSA 136:1 قَاذَامْ سِيذِي، مَاغَارْ نتَّا إِصْبحْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 136:2 قَاذَامْ ونِّي ذ أَربِّي خْ [مَارَّا] إِربِّيثنْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 136:3 قَاذَامْ ونِّي ذ سِيذِي خْ [مَارَّا] إِسِيذِيثنْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا،
PSA 136:4 ... ونِّي إِتّڭّنْ لْمُوعْجِيزَاثْ ثِيمقّْرَانِينْ، نتَّا وَاهَا، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا،
PSA 136:5 ... ونِّي إِڭِّينْ إِجنْوَانْ س ڒفْهَامثْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا،
PSA 136:6 ... ونِّي إِڭِّينْ ثَامُّورْثْ خْ وَامَانْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 136:7 ... ونِّي إِڭِّينْ ثِيفَاوِينْ ثِيمقّْرَانِينْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا،
PSA 136:8 ثَافُوشْثْ حِيمَا أَذْ ثحْكمْ خْ وَاسّْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا،
PSA 136:9 ثَازِيرِي ذ إِثْرَانْ حِيمَا أَذْ حكْمنْ خْ دْجِيڒثْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا،
PSA 136:10 ... ونِّي إِوْثِينْ إِمِيصْرِييّنْ ذڭْ إِمنْزَا نْسنْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا،
PSA 136:11 ... ونِّي د-إِسُّوفّْغنْ إِسْرَائِيل زِي ڒْوسْثْ نْسنْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا،
PSA 136:12 س ؤُفُوسْ إِجهْذنْ ذ ؤُغِيڒْ إِتّْوَاسّْڭعّْذنْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 136:13 ... ونِّي إِبْضَانْ ڒبْحَارْ ن ثلْڭَا خْ ثْنَاينْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا،
PSA 136:14 ؤُشَا إِسّژْوَا إِسْرَائِيل ذِي ڒْوسْثْ نّسْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 136:15 ؤُشَا إِنْضَارْ فِيرْعُونْ ذِي ڒبْحَارْ ن ثلْڭَا أَكْ-ذ ڒْعسْكَارْ نّسْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 136:16 ... ونِّي إِنذْهنْ ڒْڭنْسْ نّسْ [ذڭْ وبْرِيذْ] ذِي ڒخْڒَا، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 136:17 ... ونِّي إِوْثِينْ إِجدْجِيذنْ إِمقّْرَاننْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا،
PSA 136:18 ؤُشَا إِنْغَا إِجدْجِيذنْ إِجهْذنْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 136:19 [عْقڒْ خْ] سِيحُونْ، أَجدْجِيذْ ن إِمُورِييّنْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا،
PSA 136:20 خْ عُوجْ، أَجدْجِيذْ ن بَاشَانْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 136:21 ثَامُّورْثْ نْسنْ إِوْشَا إِ-ت ذ ثَاسْغَارْثْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا،
PSA 136:22 ذ ثَاسْغَارْثْ إِ ؤُمْسخَّارْ نّسْ إِسْرَائِيل، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 136:23 إِذَارْ أَنغْ ذِي دّدْجْ نّغْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 136:24 نتَّا إِكّسْ أَنغْ-د زڭْ [إِفَاسّنْ] [ن] يِينِّي ذ أَنغْ إِحْصَارنْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 136:25 نتَّا ذ ونِّي إِتِّيشنْ مَاشَّا إِ مَارَّا إِمُودَّارنْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 136:26 قَاذَامْ أَربِّي ن إِجنْوَانْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا.
PSA 137:1 غَارْ إِغزْرَانْ ن بَابِيلْ، ذِينِّي إِ ثُوغَا نتّْغِيمَا، نْرُو عَاوذْ خْمِي ثُوغَا نتِّيذَارْ صِيهْيُونْ.
PSA 137:2 نُويڒْ ڒْڭَامْبْرِييَاثْ نّغْ غَارْ إِصفْصَافنْ [إِ إِدْجَانْ] ذِي ڒْوسْثْ نّسْ.
PSA 137:3 مَاغَارْ إِنِّي ذ أَنغْ إِحبّْسنْ تَّارنْ زَّايْنغْ ذِينِّي [أَذْ نْغنّجْ] أَوَاڒنْ ن إِجّْ ن يزْڒِي، إِنِّي ذ أَنغْ إِحصَّارنْ تَّارنْ شَا ن ڒْحَاجّثْ إِسّفْرَاحنْ. [نِيثْنِي نَّانْ]: ”غنّْجمْ زعْمَا [إِجّْ زڭْ] إِزْڒَانْ ن صِيهْيُونْ إِ نشِّينْ!“
PSA 137:4 مَامّشْ نْزمَّارْ أَذْ نْغنّجْ إِجّْ ن يزْڒِي ن سِيذِي ذِي ثمُّورْثْ ن مِيدّنْ؟
PSA 137:5 مَاڒَا نشّْ تُّوغْ شمْ، [أَ] ؤُرْشَالِيمْ، أجّْ [خنِّي] أَذْ إِتُّو ؤُفُوسْ أَفُوسِي إِخفْ نّسْ.
PSA 137:6 أجّْ أَذْ أَيِي إِڒْصقْ إِڒسْ إِنُو خْ وَانغْ إِنُو، مَاڒَا وَارْ شمْ تِّيذَارغْ، مَاڒَا وَارْ سّْعُودْجِيغْ ؤُرْشَالِيمْ خْ ڒفْرَاحثْ إِنُو ثَامقّْرَانْثْ قَاعْ.
PSA 137:7 [أَ] سِيذِي، عْقڒْ خْ أَيْثْ ن إِذُومْ، [ذڭْ] وَاسّْ ن ؤُرْشَالِيمْ، إِنِّي إِقَّارنْ: ”عَارَّامْ [ت]، عَارَّامْ [ت]، أَڒْ ذْسَاسْ نّسْ!“
PSA 137:8 [أَ] يدْجِيسْ ن بَابِيلْ، [شمْ] ثنِّي إِتّْوَاسّْحُوزنْ إِ وَاردّدْجْ، سّعْذْ ن يِينِّي ذ أَمْ إِ غَا إِخدْجْصنْ ثَامڭِّيثْ [إِعفّْننْ] إِ ذَايْنغْ ثڭِّيذْ.
PSA 137:9 سّعْذْ ن ونِّي إِ غَا إِطّْفنْ إِحنْجِيرنْ نْومْ إِمژْيَاننْ، أَذْ ثنْ إِڒْبزْ خْ ثصْضَارْثْ.
PSA 138:1 [ن ذَاوُوذْ.] أَذْ شكْ قَاذِيغْ س مَارَّا ؤُڒْ إِنُو، أَذْ شكْ زهّْذغْ زَّاثْ إِ إِربِّيثنْ.
PSA 138:2 أَذْ بنْذْقغْ غَارْ زَّاوشْثْ نّشْ ثَامقّْرَانْثْ إِقدّْسنْ، أَذْ قَاذِيغْ إِسمْ نّشْ خْ ثْمخْسِيوْثْ نّشْ إِشوَّارنْ ؤُ خْ ڒَامَانْ نّشْ، مَاغَارْ شكْ ثسّمْغَارذْ أَوَاڒْ نّشْ خْ مَارَّا [مِينْ إِتّْوَافنْ عَاذْ] [ذڭْ] يِيسمْ نّشْ.
PSA 138:3 ذڭْ وَاسّْ ڒَامِي خَاكْ د-ڒَاغِيغْ، ثَارِّيذْ-د خَافِي، شكْ ثوْشِيذْ جّهْذْ إِ ڒعْمَارْ إِنُو.
PSA 138:4 مَارَّا إِجدْجِيذنْ ن ثمُّورْثْ أَذْ شكْ قَاذَانْ، [أَ] سِيذِي، خْمِي تّسْڒَانْ أَوَاڒنْ زڭْ ؤُقمُّومْ نّشْ.
PSA 138:5 أَذْغنّْجنْ خْ إِبْرِيذنْ ن سِيذِي، مَاغَارْ أَعُودْجِي ن سِيذِي ذ أَمقّْرَانْ.
PSA 138:6 مَاغَارْ وَاخَّا إِتّْوَاسُّوعْڒَا سِيذِي أَطَّاسْ، [عَاذْ] إِخزَّارْ-د غَارْ ؤُمْوَاضعْ، [مَاشَا] بُو-نّْفَاخثْ إِسّنْ إِ-ث زِي ڒَاڭّْوَاجْ.
PSA 138:7 مَاڒَا ؤُيُورغْ ذِي ڒْوسْطْ ن ڒحْصَارثْ، أَذْ أَيِي د-ثتَّارّذْ غَارْ ثُوذَارْثْ. شكْ ثسّْوِيژّْضذْ أَفُوسْ نّشْ ضِيدّْ إِ وغْضَابْ ن ڒْعذْيَانْ إِنُو، أَفُوسْ نّشْ أَفُوسِي إِسّنْجمْ أَيِي.
PSA 138:8 سِيذِي أَذْ ث إِكمّڒْ إِ نشّْ. [أَ] سِيذِي، ثَامخْسِيوْثْ نّشْ إِشوَّارنْ ثتّْغِيمَا إِ ڒبْذَا، ڒفْعَايڒْ ن إِفَاسّنْ نّشْ وَارْ ثنْ ثَارخُّوذْ.
PSA 139:1 [إِ ؤُمقّْرَانْ ن إِمغْنَاجنْ. ن ذَاوُوذْ. أَزهّذْ.] [أَ] سِيذِي، شكْ ثْبقّْشذْ أَيِي ؤُ ثسّْنذْ أَيِي.
PSA 139:2 شكْ ثسّْنذْ أَغِيمِي إِنُو ذ ؤُبذِّي إِنُو، زِي ڒَاڭّْوَاجْ ثْفهّْمذْ إِخَارِّيصنْ إِنُو.
PSA 139:3 خْمِي ڭُّورغْ ؤُ خْمِي طّْصغْ ثَارزُّوذْ ذَايِي، أَقَا شكْ ثسّْنذْ مَارَّا إِبْرِيذنْ إِنُو.
PSA 139:4 مِينْزِي وَارْ ذِينْ ؤُڒَا ذ إِجّْ ن وَاوَاڒْ خْ يِيڒسْ إِنُو، ؤُ خْزَارْ، شكْ أَ سِيذِي، ثسّْنذْ ث كُوڒْشِي.
PSA 139:5 شكْ ثْحصَّارذْ أَيِي زِي ضفَّارْ ؤُ زِي زَّاثْ، ثسَّارْسذْ خَافِي ثَاڒقَّا ن ؤُفُوسْ نّشْ.
PSA 139:6 ثُوسّْنَا-يَا ذ أَثبْهثْ إِ نشّْ، ثُوعْڒَا خَافِي، وَارْ زمَّارغْ أَذْ ت أَوْضغْ.
PSA 139:7 غَارْ مَانِي [زمَّارغْ] أَذْ رَاحغْ زِي أَرُّوحْ نّشْ، غَارْ مَانِي غَا أَروْڒغْ زڭْ وُوذمْ نّشْ؟
PSA 139:8 مَاڒَا ڭعّْذغْ غَارْ ؤُجنَّا، أَقَا شكْ ذِينِّي، [مَاڒَا] ڭِّيغْ ڒَاخَارْثْ ذ ثَاسُّوثْ إِنُو، خْزَارْ، أَقَا شكْ ؤُڒَا ذِينِّي،
PSA 139:9 [مَاڒَا] كْسِيغْ أَفْرِيونْ [أَمْ ثْفَاوْثْ ن] ڒفْجَارْ، أَذْ زذْغغْ غَارْ ؤُنڭَّارْ قَاعْ ن ڒبْحَارْ،
PSA 139:10 [خنِّي] ؤُڒَا ذِينِّي أَذْ أَيِي إِنْذهْ ؤُفُوسْ نّشْ، [أَفُوسْ نّشْ] أَفُوسِي أَذْ أَيِي إِطّفْ.
PSA 139:11 مَاڒَا نِّيغْ: ”إِوَا ثَادْجسْثْ، وْضَا-د خَافِي، [خنِّي] دْجِيڒثْ ذ ثْفَاوْثْ إِ ذ أَيِي إِقُووَّارنْ.
PSA 139:12 إِ شكْ ثَادْجسْثْ وَارْ ثدْجِي ذ طّْڒَامْ، [إِ شكْ] دْجِيڒثْ ثتّڭّْ ثْفَاوْثْ أَمْ ؤُزِيڒْ، [إِ شكْ] ثَادْجسْثْ [أَقَا-ت] أَمْ ثْفَاوْثْ.
PSA 139:13 [وَاهْ،] شكْ ثْخڒْقذْ-د ثِيژَّاڒْ إِنُو، ثْمُوذذْ أَيِي ذڭْ ؤُعذِّيسْ ن يمَّا.
PSA 139:14 قَاذِيغْ شكْ ؤُمِي د-تّْوَاخڒْقغْ زڭْ إِشْثْ ن ثبْرِيذْثْ ن ڒعْجبْ ذ ثَامقّْرَانْثْ. ثِيمڭَّا نّشْ ذ لْمُوعْجِيزَاثْ، ڒعْمَارْ إِنُو ثسّنْ ث [مْلِيحْ] قَاعْ.
PSA 139:15 إِخْسَانْ إِنُو ثُوغَا وَارْ خَاكْ نُّوفَّارنْ، ؤُمِي تّْوَاڭّغْ س ثْنُوفّْرَا، تّْوَامُوذغْ [أَمْ إِجّْ ن ؤُبُورْضَا] ذِي ڒَادْجَاغْ ن ثمُّورْثْ.
PSA 139:16 ثِيطَّاوِينْ نّشْ ژْرِينْثْ أَبدُّو إِنُو إِضفْصنْ. ذڭْ وذْلِيسْ نّشْ إِتّْوَانّْضنْ أَقَا مَارَّا يُورَانْ، أَقَا ؤُسَّانْ إِ ثُوغَا تّْوَاڭّنْ، جَارْ أَسنْ [ؤُڒَا ذ أَسّْ] أَمزْوَارُو [ن ؤُبدُّو إِنُو].
PSA 139:17 مَامّشْ غَارِي تّْعِيزَّانْ إِخَارِّيصنْ نّشْ، [أَ] أَربِّي، مَامّشْ إِمْغَارْ ؤُبَارُّو نْسنْ!
PSA 139:18 مَاڒَا خْسغْ أَذْ ثنْ حسْبغْ، أَقَا أَثنْ كْثَارْ أَطَّاسْ زڭْ يجْذِي، [ؤُ] خْمِي فَاقغْ، أَقَا أَيِي عَاذْ أَكِيذكْ.
PSA 139:19 [أَ] أَربِّي، معْلِيكْ إِ غَا ثنْغذْ أَعفَّانْ، [معْلِيكْ] إِ غَا ثجّذْ إِرْيَازنْ إِ إِسَّازَّاڒنْ إِذَامّنْ أَذْ خَافِي أَڭّْوجّنْ،
PSA 139:20 إِنِّي خَاكْ إِسَّاوَاڒنْ س ثْحْرَايْمشْثْ، ڒْعذْيَانْ نّشْ إِنِّي إِنطّْقنْ [إِسمْ نّشْ] ذِي ڒْبَاطڒْ.
PSA 139:21 [أَ] سِيذِي، مَا وَارْ شَارّْهغْ إِنِّي شكْ إِشَارّْهنْ، ؤُ مَا وَارْ تّْعِيفّغْ إِنِّي أَكِيذكْ إِتّمْعَاڒَانْ؟
PSA 139:22 نشّْ شَارّْهغْ ثنْ س إِجّْ ن وشْرَاهْ إِكْمڒْ، أَقَا نِيثْنِي ذوْڒنْ أَيِي ذ ڒْعذْيَانْ.
PSA 139:23 أَرْزُو خَافِي، [أَ] أَربِّي، سّنْ ؤُڒْ إِنُو، قدْجبْ أَيِي ؤُ سّنْ إِخَارِّيصنْ إِنُو.
PSA 139:24 خْزَارْ-د، مَا أَقَا أَيِي ذِي شَا ن وبْرِيذْ ن ڒقْجَاحثْ ؤُ نْذهْ أَيِي غَارْ وبْرِيذْ ن ڒبْذَا.
PSA 140:1 [إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.]
PSA 140:2 فكّْ أَيِي زِي بْنَاذمْ ذ أَعفَّانْ، [أَ] سِيذِي، حْضَا أَيِي زڭْ ورْيَازْ ن لْعُونْفْ،
PSA 140:3 زڭْ يِينِّي إِتّْخَارَّاصنْ ذڭْ وُوڒْ [نْسنْ] ذِي ڒْغَارْ، [ؤُ] سّكَّارنْ إِمنْغَانْ ذِي مَارَّا ؤُسَّانْ.
PSA 140:4 نِيثْنِي سّْقضْعنْ إِڒْسَاونْ نْسنْ أَمْ يِيجّْ ن ؤُفِيغَارْ، سّمْ إِحْمَا أَقَا-ث سَاذُو إِينْشِيشنْ نْسنْ. سِيلَاهْ.
PSA 140:5 حْضَا خَافِي، [أَ] سِيذِي، زڭْ إِفَاسّنْ ن إِعفَّاننْ، حْضَا أَيِي زڭْ إِرْيَازنْ ن لْعُونْفْ، إِنِّي يَارزُّونْ أَذْ أَيِيغضْڒنْ غَارْ ثمُّورْثْ.
PSA 140:6 أَيْثْ ن بُو-نّْفَاخثْ سّْنُوفَّارنْ خَافِي إِجّْ ن ڒْفخْ، تّْبزَّاعنْ ثِيسغْوِينْ أَمْ يِيشْثْ ن ثْرَاشَّا غَارْ ؤُغزْذِيسْ ن ؤُمسْرَاقْ، أَقَا تّڭّنْ أَيِي ثِيخفْشِينْ. سِيلَاهْ.
PSA 140:7 نشّْ نِّيغْ إِ سِيذِي: ”شكْ ذ أَربِّي إِنُو!“ سڒْ، [أَ] سِيذِي، غَارْ ثْمِيجَّا ن ثُوثْرَا إِنُو.
PSA 140:8 [أَ] سِيذِي، سِيذِي إِنُو، جّهْذْ ن ؤُسنْجمْ إِنُو، ذڒْ أَزدْجِيفْ إِنُو ذڭْ وَاسّْ ن [ڒْْحسّْ] ن ڒسْنَاحْ.
PSA 140:9 [أَ] سِيذِي، وَارْ تّجِّي أَعفَّانْ أَذْ يَارّْ مژْرِي. وَارْ تّڭّْ تَّاسِيعْ إِ ونْوَايْ نّسْ إِعفّْننْ، أَڒَامِي غَا سّْعُودْجنْ إِخفْ نْسنْ. سِيلَاهْ.
PSA 140:10 [خْ] ؤُزدْجِيفْ ن [مَارَّا] إِنِّي ذ أَيِي د-إِنّْضنْ، إِڒِي أَذْ ثنْ إِذڒْ ؤُشقّفْ ن إِينْشِيشنْ نْسنْ،
PSA 140:11 أجّْ أَذْ خَاسنْ كبّنْ ڒفْحمْ، [إِڒِي] نتَّا أَذْ ثنْ إِغْضرْ ذِي ثْمسِّي، ذِي ڒْحمْڒَاثْ يُودْجْغنْ، حِيمَا وَارْ تّكَّارنْ عَاذْ.
PSA 140:12 أجّْ أَرْيَازْ [إِ إِشقّْفنْ] س يِيڒسْ وَارْ إِتّْغِيمِي إِبدّْ خْ ثمُّورْثْ، أجّْ أَذْ إِعَارْنْ ڒْغَارْ ذغْيَا أَرْيَازْ بُو-ڒخْشُونثْ.
PSA 140:13 نشّْ سّْنغْ، أَقَا سِيذِي أَذْ إِسّقْفڒْ دّعْوثْ ن ڒْمُوسَاكِينْ، ڒْحقّْ ن إِمزْڒَاضْ.
PSA 140:14 س ثِيذتّْ، إِمْسڭَّاذنْ أَذْ قَاذَانْ إِسمْ نّشْ، إِنِّي إِڭُّورنْ نِيشَانْ أَذْ قِّيمنْ زَّاثْ إِ وُوذمْ نّشْ.
PSA 141:1 [أَزهّذْ ن ذَاوُوذْ.] [أَ] سِيذِي، نشّْ تّْڒَاغِيغْ غَاركْ، ذغْيَاثْ غَارِي، سڒْ غَارْ ثْمِيجَّا إِنُو خْمِي د خَاكْ إِ غَا تّْڒَاغِيغْ.
PSA 141:2 إِڒِي أَذْ ثْبدّْ ثْژَادْجِيثْ إِنُو أَمْ ڒبْخُورْ [إِتّْفُوحنْ] زَّاثْ إِ وُوذمْ نّشْ، ؤُڒَا ذ أَسْڭعّذْ ن إِفَاسّنْ إِنُو أَمْ ثوْهِيبْثْ ن ثْمذِّيثْ.
PSA 141:3 [أَ] سِيذِي، أڭّْ إِجّْ ن ؤُعسَّاسْ غَارْ ؤُقمُّومْ إِنُو، حْضَا ثَاوَّارْثْ ن إِينْشِيشنْ إِنُو.
PSA 141:4 أڭّْ أَقَا ؤُڒْ إِنُو وَارْ إِتّْنجْبِيذْ غَارْ إِشْثْ ن ثْمسْڒَاشْثْ ذ ثَاعفَّانْثْ، مَاحنْذْ أَذْ ڭّغْ ثِيمڭَّا س ڒْغشّْ أَكْ-ذ إِرْيَازنْ نِّي إِتّڭّنْ ڒْمُوعْصِييّثْ، أڭّْ أَقَا نشّْ وَارْ تّتّغْ زِي ثَازْيُوضِي نْسنْ.
PSA 141:5 أجّْ أَمْسڭّذْ أَذْ أَيِي إِوّثْ، [مَاغَارْ أَيَا] ذ ثَامخْسِيوْثْ إِشوَّارنْ، مَاڒَا نتَّا إِتّْسڭّذْ أَيِي، أَيَا ذ زّشْثْ خْ ؤُزدْجِيفْ إِنُو، أَذْ ت إِقْبڒْ ؤُزدْجِيفْ إِنُو. [وَاهْ]، ؤُڒَا أَمُّو أَذْ ثِيڒِي ثْژَادْجِيثْ إِنُو عَاذْ ضِيدّْ إِ ثْمڭَّا نْسنْ إِعفّْننْ.
PSA 141:6 ڒْقُوضَاثْ نْسنْ مّنْضَارنْ سْوَادَّايْ خْ ؤُغزْذِيسْ ن جَّارْفْ، أَقَا سْڒِينْ بلِّي أَوَاڒنْ إِنُو ضَارْفنْ.
PSA 141:7 أَخْمِي ثتّْوَاشَارْزْ ؤُ ثنُّورْزمْ ثمُّورْثْ، أَمُّو إِ تّْوَازدْجْعنْ إِغْسَانْ نّغْ غَارْ ؤُقمُّومْ ن ڒَاخَارْثْ.
PSA 141:8 مَاشَا ثِيطَّاوِينْ إِنُو خزَّارنْثْ-إِ-د غَاركْ، [أَ] سِيذِي، سِيذِي إِنُو، نشّْ أَركّْوَاڒغْ غَاركْ، وَارْ تّجِّي ڒعْمَارْ إِنُو يَارْخفْ.
PSA 141:9 سِيڭّْوجْ أَيِي إِ ومْنَاعْ ن ڒْفخْ إِ ذ أَيِي مذْينْ، زِي ثخْشِيفِينْ ن يِينِّي إِتّڭّنْ ڒْمُوعْصِييّثْ.
PSA 141:10 إِڒِي إِعفَّاننْ أَذْ وْضَانْ مَارَّا ذِي ثْرَاشَّاوِينْ نْسنْ، مِينْ غَا كّغْعدُّوغْ.
PSA 142:1 [أَخمِّي ن ذَاوُوذْ.] ثَاژَادْجِيثْ ؤُمِي ث ثُوغَا ذڭْ يفْرِي.
PSA 142:2 س ثْمِيجَّا إِنُو سْغُويغْ غَارْ سِيذِي، س ثْمِيجَّا إِنُو حشّْمغْ سِيذِي.
PSA 142:3 نشّْ تّْزدْجَاعغْ إِفقُّوصنْ إِنُو زَّاثْ إِ وُوذمْ نّسْ، سَّارْڭْبغْ [أَسْ] ڒحْصَارثْ إِنُو زَّاثْ إِ وُوذمْ نّسْ.
PSA 142:4 مَاڒَا بُوحْبڒْ إِنُو إِذْقڒْ خَافِي أَطَّاسْ، شكْ ثسّْنذْ أَمسْرُوقْ إِنُو. نِيثْنِي سّْنُوفَّارنْ أَيِي إِجّْ ن ڒْفخْ ذڭْ وبْرِيذْ نِّي ذِي غَا ؤُيُورغْ.
PSA 142:5 سْوضْ غَارْ ؤُفُوسِي، ؤُ خْزَارْ، وَارْ ذِينْ ثُوغِي حذْ إِ ذ أَيِي غَا إِوْشنْ ثَايْنِيثْ، إِتّْوَاكّسْ أَيِي قَاعْ مَانِي غَا أَروْڒغْ، وَارْ ذِينْ ثُوغِي ؤُڒَا ذ إِجّْ إِ غَا إِسّقْسَانْ خْ ڒعْمَارْ إِنُو.
PSA 142:6 نشّْ سْغُويُّوغْ-د غَاركْ، [أَ] سِيذِي. قَّارغْ: ”شكْ ذ أَمْشَانْ إِنُو ن ثَاروْڒَا، ثَاسْغَارْثْ إِنُو ذِي ثمُّورْثْ ن يِينِّي إِدَّارنْ.
PSA 142:7 حْضَا خْ ؤُغُويِّي إِنُو، مَاغَارْ فْنِيغْ قَاعْ. فكّْ أَيِي زڭْ إِنِّي ذ أَيِي إِضفَّارنْ، مَاغَارْ نِيثْنِي جهْذنْ خَافِي.
PSA 142:8 سُوفّغْ ڒعْمَارْ إِنُو زِي ڒحْبسْ مَاحنْذْ أَذْ قَاذِيغْ إِسمْ نّشْ. إِمْسڭَّاذنْ أَذْ أَيِي د-نّْضنْ، مَاغَارْ شكْ ثتّڭّذْ ذَايِي س ثْشُونِي.“
PSA 143:1 [أَزهّذْ ن ذَاوُوذْ.] [أَ] سِيذِي، سڒْ إِ ثْژَادْجِيثْ إِنُو، سْحسّْ إِ ثُوثْرَا إِنُو. أَرّْ-د خَافِي عْلَاحْسَابْ ثِيذتّْ نّشْ، عْلَاحْسَابْ ثَاسڭْذَا نّشْ.
PSA 143:2 وَارْ تّڭّْ شّْرعْ أَكْ-ذ ؤُمْسخَّارْ نّشْ، مَاغَارْ ؤُڒَا ذ إِجّْ زڭْ إِنِّي إِدَّارنْ أَذْ يِيڒِي ذ أَمْسڭّذْ زَّاثْ إِ وُوذمْ نّشْ.
PSA 143:3 مِينْزِي ڒعْذُو إِتّْذَارَّاشْ ڒعْمَارْ إِنُو، إِعفّسْ خْ ثُوذَارْثْ إِنُو غَارْ ثمُّورْثْ، إِسّْزدّغْ أَيِي ذڭْ إِمُوشَانْ ن طّْڒَامْ، أَمْ يِينِّي إِمُّوثنْ زِي مشْحَاڒْ ؤُيَا.
PSA 143:4 بُوحْبڒْ إِنُو إِتّفْشِيڒْ خَافِي، ؤُڒْ إِنُو يَاروّعْ ذِي ذَاخڒْ إِنُو.
PSA 143:5 نشّْ تّْعقْڒغْ خْ وُوسَّانْ إِعْذُونْ، تّْخمَّامغْ ذِي مَارَّا ثِيمڭَّا نّشْ، تّْخَارّْصغْ ذِي ڒفْعَايڒْ ن إِفَاسّنْ نّشْ.
PSA 143:6 نشّْ تّْبزّْعغْ إِفَاسّنْ إِنُو غَاركْ، ڒعْمَارْ إِنُو أَقَا-ث زَّاثكْ أَمْ إِشْثْ ن ثمُّورْثْ إِفُّوذنْ. سِيلَاهْ.
PSA 143:7 أَرّْ-د خَافِي ذغْيَا، [أَ] سِيذِي، بُوحْبڒْ إِنُو إِتّفْشِيڒْ، وَارْ سّْنُوفَّارَا ؤُذمْ نّشْ زَّايِي، مَاحنْذْ وَارْ دِّيكّْوِيڒغْ أَمْ يِينِّي د-إِهكّْوَانْ ذڭْ وحْفُورْ [ن ونْضڒْ].
PSA 143:8 أجّْ أَيِي أَذْ سْڒغْ إِ ثْمخْسِيوْثْ نّشْ إِشوَّارنْ غَارْ ثفُّوثْ، مَاغَارْ تّشْڒغْ خَاكْ. سْشنْ أَيِي أَبْرِيذْ إِ غَا ؤُيُورغْ، مَاغَارْ سّْڭعّْذغْ ڒعْمَارْ إِنُو غَاركْ.
PSA 143:9 [أَ] سِيذِي، كّسْ أَيِي إِ ڒْعذْيَانْ إِنُو، غَاركْ إِ غَا أَروْڒغْ.
PSA 143:10 سڒْمذْ أَيِي أَذْ ڭّغْ [مِينْ إِدْجَانْ] إِ أَرْضَا نّشْ، مَاغَارْ شكْ ذ أَربِّي إِنُو. أجّْ أَرُّوحْ نّشْ إِصبْحنْ أَذْ أَيِي إِنْذهْ ذڭْ إِشْثْ ن ثمُّورْثْ إِوَاطَانْ.
PSA 143:11 [أَ] سِيذِي، أَرّْ-د ذَايِي ثُوذَارْثْ ذِي طّْوعْ ن يِيسمْ نّشْ. س ثْسڭْذَا نّشْ، سُوفّغْ ڒعْمَارْ إِنُو زِي ڒحْصَارثْ،
PSA 143:12 أَردّدْجْ ڒْعذْيَانْ إِنُو ذِي ثْمخْسِيوْثْ نّشْ إِشوَّارنْ، قْضَا خْ مَارَّا إِنِّي ذ أَيِي إِحصَّارنْ، مَاغَارْ نشّْ ذ ؤُمْسخَّارْ نّشْ.
PSA 144:1 [ن ذَاوُوذْ.] أَذْ إِتّْوَابَاركْ سِيذِي، ثَاصْضَارْثْ إِنُو، ونِّي إِسّڒْمَاذنْ إِفَاسّنْ إِنُو إِ ؤُمنْغِي، إِضوْضَانْ إِنُو إِ ڒْحَارْبْ.
PSA 144:2 [شكْ إِ ذ أَيِي ثدْجِيذْ] ذ أَمدُّوكّڒْ إِنُو إِ ذَايسْ ثَامخْسِيوْثْ إِشوَّارنْ، ؤُڒَا ذ لْبُورْجْ إِنُو، لْبُورْجْ إِنُو يُوعْڒَانْ ذ أَمْسنْجمْ إِنُو، ثَاسدَّارْثْ إِنُو إِ ؤُسڒْقِي، ذ ونِّي غَارْ أَركّْوَاڒغْ، ذ ونِّي ذ أَيِي إِسّْوَاضْضْعنْ ڒْڭنْسْ إِنُو.
PSA 144:3 [أَ] سِيذِي، مِينْ إِعْنَا بْنَاذمْ، أَقَا شكْ ثخْسذْ أَذْ ث ثسّْنذْ؟ مِّيسْ ن بْنَاذمْ، أَقَا شكْ ثتّْخَارِّيصذْ ذَايسْ؟
PSA 144:4 بْنَاذمْ أَمشْنَاوْ ڒفْوَارْ، ؤُسَّانْ نّسْ أَذْ عْذُونْ أَمْ ثِيڒِي.
PSA 144:5 ميّڒْ إِجنْوَانْ نّشْ، [أَ] سِيذِي، هْوَا-د. حَاذَا إِذُورَارْ، [خنِّي] أَذْ ڭّنْ دّخَّانْ.
PSA 144:6 ژَترْيضْ أَسَّامنْ ؤُ زدْجعْ إِ-ثنْ، سكّْ فْڒِيثْشَاثْ نّشْ ؤُ سْخَارْوضْ إِ-ثنْ.
PSA 144:7 سْوِيژّضْ إِفَاسّنْ نّشْ زِي سنّجْ، سُوفّغْ أَيِي-د ؤُ فكّْ أَيِي زِي [ڒْْحمْڒَاثْ ن] وَامَانْ ثِيمقّْرَانِينْ، زڭْ ؤُفُوسْ ن إِبَارَّانِييّنْ،
PSA 144:8 مَاغَارْ أَقمُّومْ نْسنْ إِقَّارْ إِخَارِّيقنْ، أَفُوسْ نْسنْ أَفُوسِي ذ إِجّْ ن ؤُفُوسْ [إِشُّورْ] س ڒْغشّْ.
PSA 144:9 [أَ] أَربِّي، أَذْ أَشْغنّْجغْ إِجّْ ن يزْڒِي ذ ن جْذِيذْ إِ شكْ، س لهَارْپَا ؤُ [س لْعُوذْ] سعشْرَا ن إِفِيڒَانْ أَذْ أَشْ زهّْذغْ.
PSA 144:10 شكْ ذ ونِّي إِسَّاوَاضنْ أَسنْجمْ إِ إِججْدْجِيذنْ، ذ ونِّي إِفكّنْ أَمْسخَّارْ نّسْ ذَاوُوذْ زِي سِّيفْ أَعفَّانْ،
PSA 144:11 سُوفّغْ أَيِي-د ؤُ فكّْ أَيِي زڭْ ؤُفُوسْ ن ثَارْوَا ن ؤُبَارَّانِي، زڭْ ونِّي غَارْ إِدْجَا ؤُقمُّومْ إِ إِقَّارنْ مْغِيرْ إِخَارِّيقنْ، ؤُ زڭْ ونِّي غَارْ إِدْجَا ؤُفُوسْ أَفُوسِي [إِشُّورْ] س ڒْغشّْ.
PSA 144:12 معْلِيكْ إِحنْجِيرنْ نّغْ أَذْ إِڒِينْ أَمْ يِيغذِّيونْ، إِنِّي إِمْغَارنْ [عَاذْ] ذِي ثمْژِي نْسنْ، يسِّيثْنغْ أَمْ ثْغمَّارْ إِ ڭِّينْ س ؤُكشُّوضْ [س عْڒَامْ كُوڒْ أَرْشَامنْ]، ڭِّينْ ثنْثْ إِ يِيشْثْ ن زَّاوشْثْ إِقدّْسنْ.
PSA 144:13 [أَذْ شُّورنْ] ڒهْرِيثْ نّغْ، أَذْ وْشنْ زَّاذْ أَوَارْنِي زَّاذْ، أَذْ يَارْنِي وُودْجِي نّغْ س ڒُوڒُوفْ ن ثْسقَّارْ، سعشْرَا ن ڒُوڒُوفْ ن ثْسقَّارْ ذِي دّْمَانِي ن ثَاروْسَا نّغْ.
PSA 144:14 أَذْ حمْڒنْ إِمْوَانْ نّغْ مْلِيحْ، وَارْ إِتِّيڒِي عَاذْ ؤُهْجَامْ نِيغْ ذ ؤُفُّوغْ [إِ ؤُمنْغِي] ؤُڒَا ذ إِغُويَّانْ ذڭْ وَازَّاينْ نّغْ.
PSA 144:15 سّعْذْ ن ڒْڭنْسْ نِّي إِدْجَانْ أَمْيَا. سّعْذْ ن ڒْڭنْسْ نِّي زِي أَربِّي نْسنْ ذ سِيذِي.
PSA 145:1 [إِزْڒِي ن ؤُصبّحْ ن ذَاوُوذْ.] أَلِيفْ. [أَ]، أَربِّي إِنُو، أَجدْجِيذْ، نشّْ أَذْ شكْ سّْعُودْجغْ، أَذْ بَارْكغْ إِسمْ نّشْ إِ ڒبْذَا قَاعْ.
PSA 145:2 بِيثْ. كُوڒْ أَسّْ أَذْ شكْ بَارْكغْ، أَذْ سّمْغَارغْ إِسمْ نّشْ إِ ڒبْذَا قَاعْ.
PSA 145:3 ڭِيملْ. سِيذِي ذ أَمقّْرَانْ، إِسّْذِيهدْجْ أَسمْغَارْ أَطَّاسْ، ڒمْغَارثْ نّسْ وَارْ ذَايسْ بُو ثَارزُّوثْ.
PSA 145:4 ذَالِيثْ. جِّيڒْ أَوَارْنِي جِّيڒْ أَذْ إِسّمْغَارْ ڒخْذَايمْ نّشْ، أَذْ بَارّْحنْ س ثْمڭَّا نّشْ ثِيمقّْرَانِينْ.
PSA 145:5 هِي. نشّْ أَذْ سِّيوْڒغْ خْ ثِيسِّيقْثْ ن ؤُعُودْجِي ن لْعَاضَامَا نّشْ، خْ ڒخْبَارْ ن لْمُوعْجِيزَاثْ نّشْ.
PSA 145:6 وَاوْ. نِيثْنِي أَذْ سِّيوْڒنْ خْ جّْهذْ ن ثْمڭَّا نّشْ إِسَّاڭّْوَاذنْ، نشّْ أَذْ بَارّْحغْ س ڒمْغَارثْ نّشْ.
PSA 145:7 زَايِينْ. ڒِيذَارثْ ن ثْشُونِي نّشْ إِفيّْضنْ أَذْ ت ڭّنْ [ذ إِجّْ ن ڒْعُونْصَارْ إِتّْشُورْشُورْ]، أَذْ سْڒِيوْڒِيونْ إِ ثْسڭْذَا نّشْ.
PSA 145:8 خِيثْ. سِيذِي ذ أَرْحِيمْ ذ أَحْنِينْ، غَارسْ تَّاسِيعْ ن ڒْخَاضَارْ ذ وَاطَّاسْ ن ثْمخْسِيوْثْ إِشوَّارنْ.
PSA 145:9 ثِيث. سِيذِي ذ أَصبْحَانْ إِ مَارَّا، أَرّحْمثْ نّسْ أَقَا-ت ثِيوَا مَارَّا ثِيمڭَّا نّسْ.
PSA 145:10 يُوذْ. مَارَّا ثِيمڭَّا نّشْ، [أَ] سِيذِي، أَذْ شكْ قَاذِينْثْ، إِمْثِيقَّانْ نّشْ أَذْ شكْ بَارْكنْ.
PSA 145:11 كَافْ. نِيثْنِي أَذْ سِّيوْڒنْ خْ ؤُعُودْجِي ن ثْڭلْذِيثْ نّشْ، أَذْ سِّيوْڒنْ خْ ثِيمڭَّا نّشْ ثِيمقّْرَانِينْ،
PSA 145:12 لَامِيذْ. حِيمَا أَذْ بَارّْحنْ س ثْمڭَّا نّسْ ثِيمقّْرَانِينْ إِ ثَارْوَا ن بْنَاذمْ، س ؤُعُودْجِي ن لْعَاضَامَا ن ثْڭلْذِيثْ نّسْ.
PSA 145:13 مِيمْ. ثَاڭلْذِيثْ نّشْ ذ إِشْثْ ن ثْڭلْذِيثْ إِ ڒبْذَا، ڒحْكَامثْ نّشْ [أَذْ ثِيڒِي] خْ كُوڒْ جِّيڒْ.
PSA 145:14 سَامِيخْ. سِيذِي إِتّْسنّذْ مَارَّا إِنِّي إِوْضَانْ، إِتّْسڭّمْ مَارَّا إِنِّي إِقْوِيسنْ.
PSA 145:15 عَايِينْ. مَارَّا ثِيطَّاوِينْ تّْرَاجَانْثْ شكْ، شكْ ثتِّيشذْ أَسنْ مَاشَّا ذِي ڒْوقْثْ نّسْ [إِتّْوَاڭّنْ].
PSA 145:16 بِي. شكْ ثَارزّْمذْ أَفُوسْ نّشْ، ثسّْيَاوَانذْ مَارَّا مِينْ إِدَّارنْ [أَكْ-ذ] مِينْ إِخْسْ ڒْخَاضَارْ [نْسنْ].
PSA 145:17 ثْسَاذِي. سِيذِي أَقَا-ث نِيشَانْ ذِي مَارَّا إِبْرِيذنْ نّسْ، إِتّڭّْ س ثْمخْسِيوْثْ إِشوَّارنْ ذِي مَارَّا ثِيمڭَّا نّسْ.
PSA 145:18 قُوفْ. سِيذِي يُوذسْ إِ مَارَّا إِنِّي خَاسْ إِتّْڒَاغَانْ، مَارَّا إِنِّي خَاسْ إِتّْڒَاغَانْ ذِي ثِيذتّْ.
PSA 145:19 رِيخْ. نتَّا إِڭَّا س ڒْخَاضَارْ إِ مَارَّا إِنِّي ث إِتّڭّْوْذنْ، إِتّسْڒَا إِغُويَّانْ نْسنْ ؤُ إِسّنْجَامْ إِ-ثنْ.
PSA 145:20 شِينْ. سِيذِي إِحطَّا خْ مَارَّا إِنِّي ث إِتّخْسنْ، [مَاشَا] مَارَّا إِعفَّاننْ إِتّحَّا إِ-ثنْ.
PSA 145:21 ثَافْ. أَقمُّومْ إِنُو أَذْ إِسِّيوڒْ خْ ؤُصبّحْ ن سِيذِي، مَارَّا دَّاثْ أَذْ إِبَاركْ إِسمْ نّسْ إِقدّْسنْ، إِ ڒبْذَا قَاعْ.
PSA 146:1 هَالِّيلُو-يَاه. [أَ] ڒعْمَارْ إِنُو، صبّحْ إِ سِيذِي.
PSA 146:2 نشّْ أَذْ صبّْحغْ إِ سِيذِي مِينْ غَا كّغْ دَّارغْ، أَذْ زهّْذغْ إِ أَربِّي إِنُو مِينْ [ذَا] غَا كّغْ عَاذْ.
PSA 146:3 وَارْ ثْشڒْ خْ ثَارْوَا ن ثَاصِيڒثْ، خْ مِّيسْ ن بْنَاذمْ، ونِّي ؤُمِي وَارْ غَارْ إِدْجِي بُو ؤُسنْجمْ.
PSA 146:4 إِفّغْ بُوحْبڒْ نّسْ، إِذْوڒْ غَارْ ثمُّورْثْ. ذڭْ وَاسّْ نِّي سِيمَانْثْ نّسْ أَذْ قْضَانْ إِنْوَاينْ نّسْ.
PSA 146:5 سّعْذْ ن ونِّي غَارْ إِدْجَا أَربِّي ن يَاعْقُوبْ ذ أَمْعَاونْ، ونِّي إِتّْرَاجَانْ سِيذِي، أَربِّي نّسْ،
PSA 146:6 ونِّي إِڭِّينْ إِجنْوَانْ ذ ثمُّورْثْ، ڒبْحَارْ ذ مَارَّا مِينْ ذَايسْ، ونِّي ذَايسْ ڒَامَانْ إِ ڒبْذَا،
PSA 146:7 ونِّي إِتَّاغنْ ثَاسْغَارْثْ إِ يِينِّي إِتّْوَاحصَّارنْ، ونِّي إِتِّيشنْ أَغْرُومْ إِ يِينِّي إِدْجُوژنْ. سِيذِي يَارخُّو إِ إِمحْبَاسْ.
PSA 146:8 سِيذِي يَارزّمْ إِ إِذَارْغَاڒنْ ثِيطَّاوِينْ، إِسّْبدَّا إِنِّي إِڭُّورنْ إِتّقْوِيسنْ، سِيذِي إِتّخْسْ إِمْسڭَّاذنْ.
PSA 146:9 سِيذِي إِحطَّا إِبَارَّانِييّنْ، إِتِّيشْ أَفُوسْ إِ ؤُيُوجِيڒْ ذْ ثِيجَّاڒْ، [مَاشَا] أَبْرِيذْ ن إِعفَّاننْ أَذْ ث إِسّْفَارْغْ.
PSA 146:10 سِيذِي أَذْ إِحْكمْ إِ ڒبْذَا، أَربِّي نّشْ، [أَ] صِيهْيُونْ، [إِحكّمْ] زِي جِّيڒْ أَڒْ جِّيڒْ. هَالِّيلُو-يَاه.
PSA 147:1 هَالِّيلُو-يَاهْ، مَاغَارْ أَزهّذْ إِ أَربِّي نّغْ ذ أَصبْحَانْ، مِينْزِي إِتَّاسْ-د أَكِيذسْ أَذْ أَسْ نْصبّحْ.
PSA 147:2 سِيذِي إِبنَّا ؤُرْشَالِيمْ، إِسّْمُونْ إِمّنعْرَاقْ ن إِسْرَائِيل.
PSA 147:3 نتَّا إِسّْڭنْفَا إِنِّي غَارْسنْ ؤُڒْ يَارْژنْ، إِتّْشدَّا إِيزِّيمنْ نْسنْ إِتّقْسنْ.
PSA 147:4 إِحسّبْ قدَّا ن إِثْرَانْ، إِتّْڒَاغَا ثنْ مَارَّا س يِيسمْ.
PSA 147:5 سِيذِيثْنغْ ذ أَمقّْرَانْ ؤُ جّهْذْ نّسْ إِمْغَارْ. ڒعْقڒْ نّسْ وَارْ غَارسْ بُو ڒعْبَارْ.
PSA 147:6 سِيذِي إِتّْسنّذْ إِمْوَاضْعنْ، إِسّْهكّْوَا إِعفَّاننْ أَڒْ ثَامُّورْثْ.
PSA 147:7 قَاذَامْ سِيذِي س ؤُغنّجْ، زهّْذمْ إِ أَربِّي نّغْ س ڒْڭَامْبْرِي.
PSA 147:8 [نتَّا] ذ ونِّي إِدَّاڒنْ أَجنَّا س إِسيْنُوثنْ، ذ ونِّي إِسّوْجَاذنْ أَنْژَارْ إِ ثمُّورْثْ، ذ ونِّي إِسّْغمَّاينْ أَرْبِيعْ خْ إِذُورَارْ.
PSA 147:9 ذ ونِّي إِتِّيشنْ إِ ڒْمَاڒْ مَاشَّا نّسْ، ؤُڒَا إِ ثَارْوَا ن إِبَاغْڒِيونْ خْمِي غَا سْغُوينْ.
PSA 147:10 نتَّا وَارْ يَارطِّي س جّهْذْ ن ؤُيِيسْ، إِضَارنْ ن ورْيَازْ وَارْ ذ أَسْ تّعْجِيبنْ.
PSA 147:11 يَارطَّا أَسْ إِ سِيذِي إِنِّي ث إِتّڭّْوذنْ، إِنِّي إِسِّيثْمنْ ذِي ثْمخْسِيوْثْ نّسْ إِشوَّارنْ.
PSA 147:12 [أَ] ؤُرْشَالِيمْ، صبّحْ إِ سِيذِي، [أَ] صِيهْيُونْ، صبّحْ إِ أَربِّي نّمْ.
PSA 147:13 مَاغَارْ نتَّا إِسّمْحذْ زّكْرُونَاثْ ن ثوُّورَا نّشْ، إِبَاركْ إِحنْجِيرنْ نّشْ ذِي ڒْوسْثْ نّشْ،
PSA 147:14 نتَّا إِوْشَا ڒهْنَا إِ إِيْمِيرنْ نّشْ، إِسّْجِيونْ إِ شكْ س مِينْ إِصبْحنْ قَاعْ ن يِيرْذنْ.
PSA 147:15 نتَّا إِسّكَّا ثِيوَاڒِينْ نّسْ غَارْ ثمُّورْثْ، أَوَاڒْ نّسْ إِتَّازّڒْ أَطَّاسْ.
PSA 147:16 إِتِّيشْ أَذْفڒْ أَمْ ثْضُوفْثْ، إِزُّوزَارَا نّْذَا إِڭرْسنْ أَمْ يِيغّضْ.
PSA 147:17 إِسّكَّا أَذْفڒْ نّسْ ذ إِبْقُوقنْ، وِي إِزمَّارنْ أَذْ إِقِّيمْ إِبدّْ زَّاثْ إِ ثسْمُوضِي نّسْ؟
PSA 147:18 إِسّكَّا أَوَاڒْ نّسْ ؤُشَا إِتَّارَّا إِ-ثنْ أَذْ فسْينْ، نتَّا إِتّجَّا أَسمِّيضْ نّسْ إِتّْسُوضْ، خنِّي تُّوشْرُورنْ وَامَانْ.
PSA 147:19 نتَّا إِبَارّحْ إِ يَاعْقُوبْ أَوَاڒنْ نّسْ، إِ إِسْرَائِيل ثِيوصَّا نّسْ ذ لْفَارَايِيضْ نّسْ.
PSA 147:20 ؤُڒَا إِ يِيجّْ ن ڒْڭنْسْ نّغْنِي وَارْ ذ أَسْ إِڭِّي أَمُّو، نِيثْنِي وَارْ سِّيننْ شَا لْفَارَايِيضْ نّسْ. هَالِّيلُو-يَاهْ!
PSA 148:1 هَالِّيلُو-يَاهْ! صبّْحمْ إِ سِيذِي زڭْ إِجنْوَانْ، صبّْحمْ ث ذِي ڒُوعْڒَا.
PSA 148:2 صبّْحمْ ث، مَارَّا لْمَالَاكَاثْ نّسْ! صبّْحمْ ث، مَارَّا ڒْعسْكَارَاثْ نّسْ!
PSA 148:3 صبّْحنْثْ ث، ثَافُوشْثْ ذ ثْزِيرِي! صبّْحمْ ث، مَارَّا إِثْرَانْ يَارقّنْ!
PSA 148:4 صبّْحثْ، أَجنَّا خْ إِجنْوَانْ، ؤُڒَا ذ أَمَانْ نِّي [إِدْجَانْ] ثِيوَا إِ ؤُجنَّا.
PSA 148:5 أجّْ إِ-ثنْ أَذْ صبّْحنْ إِسمْ ن سِيذِي، مَاغَارْ نتَّا يُومُورْ ؤُ [أَمُّو] تّْوَاخڒْقنْ-د.
PSA 148:6 نتَّا إِذكّنْ إِ-ثنْ [ذِينْ] إِ ڒبْذَا، إِوْشَا [أَسنْ] إِشْثْ ن ثوْصيّثْ إِ وَارْ زمَّارنْ أَذْ تعدَّانْ [عمَّارْصْ].
PSA 148:7 صبّْحمْ إِ سِيذِي، زِي ثمُّورْثْ، [كنِّيوْ] ڒْهَايْشَاثْ نْ ڒبْحَارْ ذ مَارَّا [أَمَانْ] إِهوْڒنْ،
PSA 148:8 ثِيمسِّي ذ ثبْرُورِّي ذ وذْفڒْ ذ دّخَّانْ، أَسمِّيضْ ن ثْحَارْيَاضْثْ نِّي إِتّڭّنْ أَوَاڒْ نّسْ،
PSA 148:9 إِذُورَارْ ذ مَارَّا ثِيوْرِيرِيرِينْ، ثِيشجُّورَا ن فْرُوثَا ذ مَارَّا ثِيشجُّورَا ن ثنْڭلْثْ،
PSA 148:10 ڒوْحُوشْ ن ڒخْڒَا ذ مَارَّا ڒْمَارْ، إِمُودَّارنْ إِتّْبُوعنْ ذ إِجْضَاضْ س وَافْرِيونْ [نْسنْ]،
PSA 148:11 [كنِّيوْ] إِجدْجِيذنْ ن ثمُّورْثْ ذ مَارَّا شُّوعُوبْ، [كنِّيوْ] ڒْحُوكَّامْ ذ مَارَّا ڒْقُوضَاثْ خْ ثمُّورْثْ،
PSA 148:12 إِبْڒِيغنْ ؤُڒَا ذ ثِيعْزَارِييِّينْ، إِوسُّورَا [جْمِيعْ] أَكْ-ذ إِمژْيَاننْ!
PSA 148:13 أجّْ إِ-ثنْ أَذْ صبّْحنْ إِسمْ ن سِيذِي، مَاغَارْ إِسمْ نّسْ وَاهَا يُوعْڒَانْ قَاعْ، ثِيسِّيقْثْ نّسْ [ثَاڒقّْ] خْ ثمُّورْثْ ذ إِجنْوَانْ.
PSA 148:14 نتَّا إِسّْڭعّذْ إِشّْ ن ڒْڭنْسْ نّسْ، أَصبّحْ ن مَارَّا إِمْثِيقَّانْ نّسْ، ن أَيْثْ ن إِسْرَائِيل، ن ڒْڭنْسْ إِ د أَسْ يُوذْسنْ. هَالِّيلُو-يَاهْ!
PSA 149:1 هَالِّيلُو-يَاهْ! غنّْجمْ إِجّْ ن يزْڒِي ن جْذِيذْ إِ سِيذِي، سْعُودْجمْ ث ذڭْ وڭْرَاوْ ن إِمْثِيقَّانْ نّسْ.
PSA 149:2 أَذْ إِفَارْحْ إِسْرَائِيل زڭْ ونِّي ث إِڭِّينْ، أَذْ أَرْشْقنْ إِحنْجِيرنْ ن صِيهْيُونْ س ؤُجدْجِيذْ نْسنْ.
PSA 149:3 أَذْ صبّْحنْ نِيثْنِي إِسمْ نّسْ س شّْضِيحْ س نُّوبْثَاثْ، أَذْ أَسْ زهّْذنْ س ؤُبنْذِيرْ ذ ڒْڭَامْبْرِي،
PSA 149:4 مَاغَارْ سِيذِي يَارْضَا خْ ڒْڭنْسْ نّسْ، أَذْ يَاوِي شَّانْ إِ إِمْوَاضْعنْ س ونْجَامْ.
PSA 149:5 أَذْ سْڒِيوڒْونْ إِمْثِيقَّانْ س ؤُوقَّارْ يُودْجْغنْ، أجّْ إِ-ثنْ أَذْ سْغُوينْ س ڒفْرَاحثْ زڭْ إِمُوشَانْ نْسنْ ن أَرَّاحثْ.
PSA 149:6 إِزْڒَانْ ن ؤُعُودْجِي إِ أَربِّي ذڭْ ؤُقمُّومْ نْسنْ إِجّْ ن سِّيفْ إِقْضعْ س ثْنَاينْ ن وُوذْمَاونْ ذڭْ ؤُفُوسْ نْسنْ،
PSA 149:7 حِيمَا أَذْ نْثَاقْمنْ زِي ڒڭْنُوسْ، [حِيمَا] أَذْ عَاقْبنْ شُّوعُوبْ،
PSA 149:8 حِيمَا أَذْ شَارْفنْ إِجدْجِيذنْ نْسنْ س سّْنَاسڒْ، أَيْثْ ن ثَاصِيڒثْ نْسنْ س سّْنَاسڒْ ن وُوزَّاڒْ،
PSA 149:9 حِيمَا أَذْ خَاسنْ ڭّنْ ڒْحُوكْمْ يُورَانْ. ذ مَانْ أَيَا أَذْ ثِيڒِي ذ لْعَاضَامَا ن مَارَّا إِمْثِيقَّانْ نّسْ. هَالِّيلُو-يَاه.
PSA 150:1 هَالِّيلُو-يَاهْ، صبّْحمْ أَربِّي ذِي زَّاوشْثْ نّسْ إِقدّْسنْ، صبّْحمْ ث ذِي ڒْكُوبّثْ ن جّهْذْ نّسْ!
PSA 150:2 صبّْحمْ ث خْ ثْمڭَّا نّسْ ثِيمقّْرَانِينْ، صبّْحمْ ث خْ ڒمْغَارثْ نّسْ ثَامقّْرَانْثْ!
PSA 150:3 صبّْحمْ س ثْمِيجَّا ن ؤُسُوضِي ذڭْ ؤُيِيشّْ ن إِشَارِّي، صبّْحمْ س لهَارْپَا ذ ڒْڭَامْبْرِي!
PSA 150:4 صبّْحمْ ث س ؤُبنْذِيرْ ذ شّْضِيحْ س نُّوبْثَاثْ، صبّْحمْ ث س [ثِيرَارْثْ] ن إِفِيڒَانْ ذ ثمْجَا!
PSA 150:5 صبّْحمْ أَسْ س ڒْحسّْ إِفْسُوسنْ ن ثدْجُونِينْ ن وُوزَّاڒْ، صبّْحمْ أَسْ س ڒْحسّْ يُوعْڒَانْ ن ثدْجُونِينْ ن وُوزَّاڒْ!
PSA 150:6 مَارَّا مِينْ إِتَّارَّانْ نّفْسْ، صبّحْ إِ سِيذِي. هَالِّيلُو-يَاهْ!
PRO 1:1 أَوَاڒنْ إِوزْننْ ن سُولِيمَانْ، مِّيسْ ن ذَاوُوذْ، أَجدْجِيذْ ن إِسْرَائِيل،
PRO 1:2 حِيمَا أَذْ إِسّنْ [بْنَاذمْ] ثِيغِيثْ ذ تَّارْبِييّثْ، حِيمَا أَذْ إِفْهمْ أَوَاڒنْ [شُّورنْ س] ڒفْهَامثْ،
PRO 1:3 حِيمَا أَذْ إِقْبڒْ تَّارْبِييّثْ ذ ڒعْقڒْ، ثَاسڭْذَا ذ ڒْحقّْ ذ ڒصْفَايثْ،
PRO 1:4 حِيمَا أَذْ إِوْشْ أَسْفَارْزْ إِ إِحَافِييّنْ، ثُوسّْنَا ذ ؤُحَاذُورْ إِ ؤُحُوذْرِي.
PRO 1:5 أجّْ أَمِيغِيسْ أَذْ إِسڒْ ؤُ أَذْ يَارْنِي ذِي ڒفْهَامثْ نّسْ، أجّْ ونِّي إِفهّْمنْ أَذْ إِكْسبْ ڒقْنَاعثْ،
PRO 1:6 حِيمَا أَذْ إِفْهمْ أَوَاڒْ إِوزْننْ ذ لْمَاثَالْ، أَوَاڒنْ ن إِمِيغِيسنْ ذ ڒمْعَانِي إِنُّوفَارنْ نْسنْ.
PRO 1:7 ثِيڭّْوُوذِي ن سِيذِي ذ بدُّو ن ثُوسّْنَا، [مَاشَا] إِبُوهَاڒِييّنْ سّحْقَارَانْ ثِيغِيثْ ذ تَّارْبِييّثْ.
PRO 1:8 سڒْ، أَ مِّي، غَارْ تَّارْبِييّثْ ن بَابَاشْ، وَارْ تَّاڭِي شَا ثَاغُورِي ن يمَّاشْ،
PRO 1:9 مَاغَارْ نِيثنْثِي [أَذْ إِڒِينْثْ] ذ تَّاجْ إِشْنَا خْ ؤُزدْجِيفْ نّشْ، ذ ثْسدّْيِينْ [إِزوّْقنْ] إِ يِيرِي نّشْ.
PRO 1:10 [أَ] مِّي، مَاڒَا خْسنْ إِمذْنَابْ أَذْ شكْ غْوَانْ، وَارْ ذ أَسنْ تّڭّْ شَا أَرَّايْ.
PRO 1:11 مَاڒَا نِيثْنِي قَّارنْ: ”ؤُيُورْ أَكِيذْنغْ، أجّْ أَذْ نْحَامَا إِ [ؤُسِيزّڒْ ن] إِذَامّنْ، أجّْ أَنغْ أَذْ نڭّْ إِجّْ ن ڒْفخْ إِ ؤُمزْذَاڭْ، بْڒَا سِّيبّثْ،
PRO 1:12 أجّْ أَنغْ أَذْ ثنْ نْصَارْضْ أَمْ دَّارنْ، أَمْ مَامّشْ [ثْصَارضْ] ڒَاخَارْثْ، أَمْ كمْڒمْ، أَمْ مَامّشْ إِمْسَارْ أَكْ-ذ يِينِّي إِهكّْوَانْ ذڭْ وحْفُورْ [ن ونْضڒْ].
PRO 1:13 أَذْ نَافْ عْڒَامْكُورْ ڒحْوَايجْ يِيغْڒَانْ أَطَّاسْ، ثُوذْرِينْ نّغْ أَذْ ثنْثْ نشُّورْ س ثْكشَّاضْثْ.
PRO 1:14 شكْ أَذْ ثنْضَارذْ ثَاقدُّوحْثْ نّشْ جَارْ أَنغْ، أَذْ غَارْنغْ [ثِيڒِي] مَارَّا إِشْثْ ن ثشْيَارْثْ.“
PRO 1:15 [أَ] مِّي، وَارْ كِيذْسنْ ڭُّورْ ذڭْ وبْرِيذْ، سِيڭّْوجْ أَضَارْ نّشْ خْ ؤُمسْرُوقْ نْسنْ،
PRO 1:16 مَاغَارْ إِضَارنْ نْسنْ تَّازّْڒنْ غَارْ ڒْغَارْ، ؤُ نِيثْنِي تّْقدْجِيقنْ مَاحنْذْ أَذْ سِّيزّْڒنْ إِذَامّنْ.
PRO 1:17 مَاغَارْ س ڒْبَاطڒْ أَذْ ثتّْوَابزّعْ ثْرَاشَّا، زَّاثْ إِ ثِيطَّاوِينْ ن مَارَّا مِينْ غَارْ إِدْجَا وَافْرِيونْ،
PRO 1:18 [مَاغَارْ] نِيثْنِي تّْحَامَانْ إِذَامّنْ [ن يِيخفْ] نْسنْ، تّڭّنْ ڒْفخْ إِ ڒعْمُورْ [ن يِيخفْ] نْسنْ.
PRO 1:19 أَمُّو إِ إِدْجَانْ إِبْرِيذنْ ن كُوڒْ إِجّْ ونِّي إِتَّازّْڒنْ غَارْ أَرْبحْ، أَقَا أَيَا إِتّطّفْ ڒعْمَارْ ن سِيذِيسْ.
PRO 1:20 ثِيغِيثْ ثتّْڒَاغَا س جّْهذْ [ذِيهَا] بَارَّا، ثسّْڭعّذْ ثْمِيجَّا نّسْ ذڭْ وَازَّاينْ.
PRO 1:21 غَارْ ؤُمزْوَارْ ن إِمُوشَانْ إِ ذَايْسنْ ڒْهَارَاجْ، ثتّْبَارَّاحْ نتَّاثْ، غَارْ وَاذَافنْ ن ثوُّورَا ن ثنْذِينْثْ ثسَّاوَاڒْ أَوَاڒنْ نّسْ.
PRO 1:22 ”أَڒْ مڒْمِي غَا قِّيمنْ إِحَافِييّنْ تّخْسنْ ثَاقُوبَّانشْثْ، [أَڒْ مڒْمِي] ذ أَسنْ إِ غَا إِعْجبْ ؤُحشِّي إِ إِمسْثهْزَاينْ، ؤُ [أَڒْ مڒْمِي] غَا شَارْهنْ إِبُوهَاڒِييّنْ ثُوسّْنَا؟
PRO 1:23 ذوْڒمْ غَارْ ؤُوبّخْ إِنُو! خْزَارمْ، نشّْ أَذْ خَاومْ سّْفَارّْغغْ أَرُّوحْ إِنُو، أَوَاڒنْ إِنُو أَذْ أَومْ ثنْعڒْمغْ.“
PRO 1:24 ”أَقَا زعْمَا ڒَاغِيغْ ؤُ كنِّيوْ وَارْ ثخْسمْ، سّْوِيژّْضغْ نشّْ أَفُوسْ إِنُو، [مَاشَا] ؤُڒَا ذ إِجّْ وَارْ ذ أَسْ إِحكَّارْ.
PRO 1:25 ثنْضَارمْ شّْوَارْ إِنُو، أَوبّخْ إِنُو وَارْ ث ثقْبِيڒمْ.
PRO 1:26 [س ؤُينِّي] ؤُڒَا ذ نشّْ أَذْ ضحْشغْ خْ ؤُضيّعْ نْومْ، نشّْ أَذْ [زَّايْومْ] سْثهْزغْ خْمِي د غَا يَاسْ ؤُنخْڒِيعْ نْومْ،
PRO 1:27 خْمِي د غَا يَاسْ ؤُنخْڒِيعْ نْومْ أَمْ يِيجّْ ن ؤُردّدْجْ، أَضيّعْ نْومْ أَمْ يِيشْثْ ن ثْحَارْيَاضْثْ، خْمِي خَاومْ د غَا ثوْضَا ڒحْصَارثْ ذ ثڭّْوُوذِي.
PRO 1:28 خنِّي أَذْ خَافِي د-ڒَْاغَانْ، مَاشَا نشّْ وَارْ د-تَّارِّيغْ، أَذْ خَافِي أَرْزُونْ، [مَاشَا] وَارْ ذ أَيِي تِّيفنْ،
PRO 1:29 مِينْزِي نِيثْنِي شَارْهنْ ثُوسّْنَا، ؤُ وَارْ إِخْضَارنْ [أَذْ طّْفنْ ذِي] ثِيڭّْوُوذِي ن سِيذِي.
PRO 1:30 نِيثْنِي وَارْ خْسنْ شَا ڒشْوَارْ إِنُو، مَارَّا أَوبّخْ إِنُو نْضَارنْ ث.
PRO 1:31 نِيثْنِي أَذْ شّنْ زِي ڒْغِيدْجثْ ن وبْرِيذْ نْسنْ، ؤُ أَذْ جِّيوْننْ س إِخَارِّيصنْ ن يِيخفْ نْسنْ،
PRO 1:32 مِينْزِي ؤُفُّوغْ ن إِحَافيّنْ [خْ وبْرِيذْ] أَذْ ثنْ إِنغْ، ؤُ أَفْڒَاحْ ن إِبُوهَاڒِييّنْ أَذْ ثنْ إِسّْهلّكْ.
PRO 1:33 وِي غَارِي إِ غَا إِسْڒنْ، أَذْ إِزْذغْ ذِي ڒَامَانْ، أَذْ يِيڒِي ذِي ڒهْنَا بْڒَا أَنخْڒِيعْ ن ثُوعفّْنَا.“
PRO 2:1 مِّي إِنُو، مَاڒَا ثْقبْڒذْ أَوَاڒنْ إِنُو ؤُ أَذْ ثحْضِيذْ ثِيوصَّا إِنُو غَاركْ،
PRO 2:2 مَاحنْذْ أَمزُّوغْ نّشْ أَذْ إِوْشْ ثَايْنِيثْ إِ ثِيغِيثْ [ؤُشَا] ؤُڒْ نّشْ أَذْ إِميّڒْ غَارْ ڒفْهَامثْ،
PRO 2:3 [وَاهْ،] مَاڒَا ثتّْڒَاغِيذْ-د خْ ڒعْقڒْ، أَذْ ثسّْخذْمذْ ثْمِيجَّا نّشْ مَاحنْذْ [أَذْ ثَافذْ] ڒفْهَامثْ،
PRO 2:4 مَاڒَا ثَارزُّوذْ خَاسْ أَمْ [ثَارزُّوذْ] خْ نُّوقَارْثْ، [مَاڒَا] خَاسْ ثَارزُّوذْ أَمْ خْ ثْخُوبَايْ إِنُّوفَّارنْ،
PRO 2:5 خنِّي أَذْ ثْفهْمذْ إِ ثِيڭّْوُوذِي ن سِيذِي، ؤُ أَذْ ثَافذْ ثُوسّْنَا ن أَربِّي.
PRO 2:6 مَاغَارْ سِيذِي إِتِّيشْ ثِيغِيثْ، زڭْ ؤُقمُّومْ نّسْ ثتّفّغْ-د ثُوسّْنَا ذ ڒفْهَامثْ.
PRO 2:7 إِ يِينِّي إِڭُّورنْ نِيشَانْ إِسّوْجذْ أَسنْ ثْوِيزَا، إِ يِينِّي إِڭُّورنْ ذِي ڒكْمَارثْ [أَقَا-ث] ذ ثَاسدَّارْثْ إِ ؤُسڒْقِي،
PRO 2:8 حِيمَا أَذْ قِّيمنْ تّطّْفنْ ذڭْ إِمسْرَاقْ نْ ڒْحقّْ، ؤُ نتَّا أَذْ إِسَّارْ أَبْرِيذْ ن يِينِّي ذَايْسنْ ڒَامَانْ زَّاثسْ.
PRO 2:9 خنِّي إِ غَا ثْفهْمذْ ثَاسڭْذَا ذ ڒْحقّْ، ؤُڒَا ذ ڒصْفَايثْ، كُوڒْ ڒَاثَارْ إِصبْحنْ [مَاحنْذْ أَذْ ث ثضْفَارذْ].
PRO 2:10 مَاغَارْ ثِيغِيثْ أَذْ ثَاذفْ غَارْ وُوڒْ نّشْ، ؤُ ثُوسّْنَا أَذْ ثَارْضَا خْ ڒعْمَارْ نّشْ.
PRO 2:11 أَحَاذُورْ أَذْ خَاكْ إِحْضَا، ڒفْهَامثْ أَذْ خَاكْ ثسَّارْ:
PRO 2:12 ... مَاحنْذْ أَذْ شكْ ثْفكّْ زڭْ وبْرِيذْ ن ؤُعفَّانْ، زڭْ ورْيَازْ نِّي إِقدْجْبنْ أَوَاڒْ نّسْ،
PRO 2:13 زڭْ إِنِّي إِسمْحنْ ذڭْ إِمسْرَاقْ إِسڭّْمنْ، مَاحنْذْ أَذْ ؤُيُورنْ إِبْرِيذنْ ن طّْڒَامْ،
PRO 2:14 إِنِّي إِفَارّْحنْ مَاحنْذْ أَذْ ڭّنْ ڒْغَارْ، [ؤُ] سّْڒِيوْڒِيونْ خْ ڒخْذَاعَاثْ ن ڒْغَارْ،
PRO 2:15 زڭْ يِينِّي فَارْغنْ إِمسْرَاقْ نْسنْ ذ يِينِّي إِميّْڒنْ سَّا ذ سَّا ذِي ڒَاثَارَاثْ [ن يِيخفْ] نْسنْ،
PRO 2:16 ... مَاحنْذْ أَذْ شكْ ثْفكّْ زِي ثمْغَارْثْ ثْبَارَّانشْثْ، زِي ثمْغَارْثْ زِي بَارَّا إِ إِتّْغَارَّانْ س وَاوَاڒنْ نّسْ،
PRO 2:17 ثنِّي إِسمْحنْ ذڭْ ؤُمدُّوكّڒْ ن ثمْژِي نّسْ، ؤُ ثتُّو ڒْعَاهْذْ ن أَربِّي نّسْ.
PRO 2:18 مِينْزِي ثْهكّْوَا غَارْ ڒْموْثْ [جْمِيعْ] أَكْ-ذ ثَادَّارْثْ نّسْ، ؤُ ڒَاثَارَاثْ نّسْ [هكّْوَانْثْ] غَارْ ڒخْيَاڒَاثْ [ن إِمتَّانْ].
PRO 2:19 مَارَّا إِنِّي غَارسْ غَا يَاذْفنْ، وَارْ د-تّْعِيقِّيبنْعمَّارْصْ، وَارْ تَّاكّْوَاضنْعمَّارْصْ غَارْ إِمسْرَاقْ ن ثُوذَارْثْ.
PRO 2:20 ... [وَاهْ،] حِيمَا أَذْ ثُويُورذْ أَبْرِيذْ ن إِصبْحَاننْ، ؤُ أَذْ ثطّْفذْ ذڭْ إِمسْرَاقْ ن إِمْسڭَّاذنْ،
PRO 2:21 مَاغَارْ إِنِّي إِڭُّورنْ نِيشَانْ أَذْ زذْغنْ ذِي ثمُّورْثْ، ؤُ إِنِّي إِڭُّورنْ س ڒكْمَارثْ أَذْ ذَايسْ قِّيمنْ.
PRO 2:22 [مَاشَا] إِعفَّاننْ أَذْ تّْوَاقضْعنْ زِي ثمُّورْثْ، إِغدَّارنْ أَذْ زَّايسْ تّْوَاقڒْعنْ.
PRO 3:1 مِّي إِنُو، وَارْ تّتُّو [ثَاغُورِي] إِنُو ن شَّارِيعَا، أجّْ ؤُڒْ نّشْ أَذْ إِحْضَا ثِيوصَّا إِنُو،
PRO 3:2 مَاغَارْ نِيثنْثِي أَذْ أَشْ د-إِوْينْثْ أَطَّاسْ ن وُوسَّانْ، ؤُڒَا ذ إِسڭّْوُوسَا ن ثُوذَارْثْ ذ ڒهْنَا.
PRO 3:3 ثَامخْسِيوْثْ إِشوَّارنْ ذ ڒَامَانْ وَارْ ثنْ ثجِّيذْ أَذْ زَّايكْ فّْغنْ، قّنْ إِ-ثنْ غَارْ يِيرِي نّشْ، أَرِي ثنْ خْ ثڒْوِيحْثْ ن وُوڒْ نّشْ،
PRO 3:4 [خنِّي] أَذْ ثَافذْ أَرْضَا ذ ڒفْهَامثْ إِصبْحنْ ذِي ثِيطَّاوِينْ ن أَربِّي ؤُ ن بْنَاذمْ.
PRO 3:5 ثِيقّْ ذِي سِيذِي س وُوڒْ نّشْ كُوڒْشِي، وَارْ تّْشَاڒَا خْ ڒفْهَامثْ [ن يِيخفْ] نّشْ.
PRO 3:6 سّنْ إِ-ث ذِي مَارَّا إِبْرِيذنْ نّشْ، [خنِّي] نتَّا أَذْ إِسڭّمْ إِمسْرَاقْ نّشْ.
PRO 3:7 وَارْ تّڭّْ إِخفْ نّشْ ذ أَمِيغِيسْ. ڭّْوذْ سِيذِي ؤُ بعّذْ خْ مِينْ إِدْجَانْ ذ أَعفَّانْ.
PRO 3:8 أَيَا أَذْ يِيڒِي ذ أَڭنْفُو إِ إِژوْرَانْ [ن ثُوذَارْثْ] نّشْ، ذ ونْعَاشْ إِ إِغْسَانْ نّشْ.
PRO 3:9 وقَّارْ سِيذِي س وَاڭْڒَا نّشْ، س ثْمزْوَارُوثْ ن مَارَّا صَّابثْ نّشْ.
PRO 3:10 [خنِّي] أَذْ تّْوَاشُّورنْ ڒهْرِيثْ نّشْ س ؤُفيّضْ، ؤُ ثِيسِيرِينْ نّشْ [ن ؤُضِيڒْ] أَذْ دُّوقّْزنْ س بِينُو ن جْذِيذْ.
PRO 3:11 مِّي إِنُو، وَارْ نطَّارْ تَّارْبِييّثْ ن سِيذِي، وَارْ تَّارَّا أَعْرُورْ خْ ؤُوبّخْ نّسْ،
PRO 3:12 مَاغَارْ ونِّي إِسّْعِيزَّا سِيذِي، أَذْ ث إِعَاقبْ عَاوذْ، أَمْ إِتّڭّْ بَابَاسْ أَكْ-ذ مِّيسْ ونِّي خْ يَارْضَا.
PRO 3:13 سّعْذْ ن بْنَاذمْ نِّي إِتَّافنْ ثِيغِيثْ، ؤُڒَا ذ بْنَاذمْ نِّي إِتّْكسَّابنْ ڒفْهَامثْ،
PRO 3:14 مَاغَارْ مِينْ ثتَّاوِي نتَّاثْ، ثحْڒَا خْ ثْسبَّابْثْ ذِي نُّوقَارْثْ، ؤُ ڒْغِيدْجثْ نّسْ [ثحْڒَا] خْ وُورغْ إِتِّيسِّيقنْ.
PRO 3:15 نتَّاثْ ثِيغْڒَا خْ ڒْمَارْجَانْ، ؤُ مَارَّا مِينْ ذِي [ثْزمَّارذْ] أَذْ ثمّژْرذْ، وَارْ إِزمَّارْ أَكِيذسْ إِتّمْقُودَّا.
PRO 3:16 ثُوزّڭَّارْثْ ن وُوسَّانْ [غَارسْ] ذڭْ ؤُفُوسْ نّسْ، أَڭْڒَا ذ شَّانْ أَقَا أَثنْ خْ ؤُزڒْمَاضْ نّسْ.
PRO 3:17 إِبْرِيذنْ نّسْ ذ إِبْرِيذنْ ن ڒضْرَافثْ، ؤُ مَارَّا إِمسْرَاقْ نّسْ أَقَا أَثنْ ذ ڒهْنَا.
PRO 3:18 نتَّاثْ ذ ثَاشجَّارْثْ ن ثُوذَارْثْ إِ يِينِّي غَارسْ إِڒسْقنْ، كُوڒْ إِجّنْ ونِّي ذَايسْ إِتّطّْفنْ، أَذْ يِيڒِي ذ أَمسْعُوذْ.
PRO 3:19 سِيذِي إِڭَّا ذْسَاسْ ن ثمُّورْثْ س ثِيغِيثْ نّسْ، س ڒفْهَامثْ نّسْ إِڭَّا إِجنْوَانْ.
PRO 3:20 زِي ثُوسّْنَا نّسْ دُّوقّْزنْ-د [وَامَانْ] إِهوْڒنْ، تّْنشْنِيشنْ-د إِسيْنُوثنْ نّْذَا.
PRO 3:21 مِّي إِنُو، وَارْ ثنْثْ ثجِّيذْ أَذْ فّْغنْثْ زِي ثِيطَّاوِينْ نّشْ، حْضَا أَفْثَانْ ذ ؤُحَاضُورْ،
PRO 3:22 [مَاغَارْ] أَذْ إِڒِينْ ذ ثُوذَارْثْ إِ ڒعْمَارْ نّشْ ؤُڒَا ذ أَرْضَا إِ يِيرِي نّشْ.
PRO 3:23 خنِّي أَذْ ثُويُورذْ أَبْرِيذْ نّشْ ذِي ڒَامَانْ، وَارْ ثتّْنقْرِيضذْ ذڭْ ؤُضَارْ نّشْ.
PRO 3:24 مَاڒَا ثْرُوحذْ أَذْ ثزّْڒذْ، وَارْ ثنّْخڒْعِيذْ، ؤُ [خْمِي] إِ غَا ثزّْڒذْ، أَذْ يِيژِيذْ يِيضصْ نّشْ.
PRO 3:25 وَارْ تّڭّْوذْ زڭْ ؤُنخْڒِيعْ ن ذغْيَا ؤُڒَا زڭْ وَاريّبْ س [ؤُفُوسْ] ن إِعفَّاننْ خْمِي د غَا يَاسْ.
PRO 3:26 مَاغَارْ سِيذِي أَذْ أَشْ يِيڒِي ذ أَسنّذْ نّشْ، نتَّا أَذْ إِحْضَا أَفُوسْ نّشْ زِي ثْسَارِّيفْثْ.
PRO 3:27 وَارْ قطّعْ ڒْخَارْ خْ بَابْ نّسْ، مَاڒَا أَقَا-ث ذڭْ ؤُفُوسْ نّشْ مَاحنْذْ أَذْ ثڭّذْ [ڒْخَارْ].
PRO 3:28 وَارْ قَّارْ إِ جَّارْ نّشْ: ’رُوحْ ؤُشَا عْقبْ-د، ثِيوشَّا أَذْ [أَشْ ت] وْشغْ!‘، مَاڒَا [ثَامسْڒَاشْثْ] أَقَا-ت أَكِيذكْ.
PRO 3:29 وَارْ نكّْوِي ڒْغَارْ أَكْ-ذ جَّارْ نّشْ، ؤُمِي أَكِيذكْ إِزدّغْ ذِي ڒَامَانْ.
PRO 3:30 وَارْ ثمْشُوبُّوشْ أَكْ-ذ إِجّْ ن بْنَاذمْ بْڒَا سِّيبّثْ، مَاڒَا نتَّا وَارْ ذ أَشْ إِڭِّي ڒْغَارْ.
PRO 3:31 وَارْ تَّاسمْ زڭْ إِجّْ ن بُو-ڒخْشُونثْ، حْضَا مَاحنْذْ وَارْ ثتِّيخْضَارذْ ؤُڒَا [ذ إِجّْ] زِي مَارَّا إِبْرِيذنْ نّسْ.
PRO 3:32 مَاغَارْ ونِّي إِتّفّْغنْ زڭْ وبْرِيذْ، أَقَا-ث ذ نّْعِي إِ سِيذِي، [مَاشَا] [نتَّا إِتّڭّْ] ڒَامَانْ نّسْ ذڭْ إِنِّي إِڭُّورنْ نِيشَانْ.
PRO 3:33 نّعْڒثْ ن سِيذِي [أَقَا-ت] خْ ثَادَّارْثْ ن ؤُعفَّانْ، [مَاشَا] ثَازذِّيغْثْ ن إِمْسڭَّاذنْ أَذْ ت إِبَاركْ.
PRO 3:34 مَاڒَا ذ إِمسْثهْزَاينْ، أَذْ [زَّايْسنْ] إِسّْثهْزَا نتَّا، [مَاشَا مَاڒَا] ذ إِنِّي إِتّْوَاحْصَارنْ، أَذْ [أَسنْ] إِسْشنْ أَرْضَا نّسْ.
PRO 3:35 إِمِيغِيسنْ أَذْ وَارْثنْ شَّانْ، [مَاشَا] إِبُوهَاڒِييّنْ أَذْ سَّارْبُونْ ڒفْضِيحثْ خْ يِيخفْ نْسنْ.
PRO 4:1 سْڒمْ، كنِّيوْ إِحنْجِيرنْ، غَارْ تَّارْبِييّثْ ن بَابَا[ثْومْ]، حكَّارمْ مْلِيحْ مَاحنْذْ أَذْ ثكْسِيمْ ثُوسّْنَا س ڒفْهَامثْ،
PRO 4:2 مَاغَارْ نشّْ أَذْ أَومْ وْشغْ ثَاغُورِي إِصبْحنْ، وَارْ سمّْحمْ ذِي ثْغُورِي إِنُو.
PRO 4:3 مَاغَارْ نشّْ ثُوغَا أَيِي ذ مِّيسْ إِ بَابَا، أَرقَّاغْ ذ أَينِّي ن [مِّيسْ] زَّاثْ إِ وُوذمْ ن يمَّا.
PRO 4:4 نتَّا إِسّڒْمذْ أَيِي، إِنَّا أَيِي: ”أجّْ ؤُڒْ نّشْ أَذْ إِطّفْ ذڭْ وَاوَاڒنْ إِنُو، حْضَا ثِيوصَّا إِنُو، [خنِّي] أَذْ ثدَّارذْ!“
PRO 4:5 جْبذْ-د غَاركْ ثِيغِيثْ، جْبذْ-د غَاركْ ڒعْقڒْ، وَارْ ثتُّو ؤُ وَارْ ثْحيِّيذْ خْ وَاوَاڒنْ ن ؤُقمُّومْ إِنُو.
PRO 4:6 وَارْ سمّحْ [ذِي ثِيغِيثْ]، [خنِّي] نتَّاثْ أَذْ شكْ ثحْضَا، سْعِيزّْ إِ-ت ؤُ نتَّاثْ أَذْ شكْ ثسَّارْ.
PRO 4:7 بدُّو ن ثِيغِيثْ ذ ؤُضُوفْ ن ثِيغِيثْ، طّفْ ڒفْهَامثْ س مَارَّا مِينْ غَاركْ.
PRO 4:8 سْڭعّذْ إِ-ت-إِ-د، خنِّي نتَّاثْ أَذْ شكْ ثسّْڭعّذْ، نتَّاثْ أَذْ أَشْ ثڭّْ شَّانْ مَاڒَا ثْذَارّْعذْ أَسْ.
PRO 4:9 نتَّاثْ أَذْ أَشْ ثوْشْ إِجّْ ن تَّاجْ ثشْنَا خْ ؤُزدْجِيفْ نّشْ، أَذْ أَشْ ثوْشْ إِجّْ ن تَّاجْ إِزوّْقنْ.
PRO 4:10 سڒْ، [أَ] مِّي، ؤُ كْسِي أَوَاڒنْ إِنُو، [خنِّي] أَذْ مَّارْنِينْ إِسڭّْوُوسَا ن ثُوذَارْثْ نّشْ.
PRO 4:11 سّْڒمْذغْ أَشْ أَبْرِيذْ ن ثِيغِيثْ، نذْهغْ شكْ ذِي ڒَاثَارَاثْ إِسڭّْمنْ.
PRO 4:12 مَاڒَا ثُويُورذْ، أَصُورِيفْ نّشْ وَارْ إِتّْنحْصَّارْ، مَاڒَا ثَازّْڒذْ، وَارْ تّْنقْرِيضذْ.
PRO 4:13 شبَّارْ ذِي تَّارْبِييّثْ، وَارْ [خَاسْ] ثمّْسبْضَا، حْضَا ت، مَاغَارْ نتَّاثْ ذ ثُوذَارْثْ نّشْ.
PRO 4:14 وَارْ ڭُّورْ خْ ؤُمسْرُوقْ ن إِعفَّاننْ، وَارْ تِّيذِيفْ أَبْرِيذْ ن يِينِّي إِتّڭّنْ ڒْغَارْ،
PRO 4:15 حيّذْ خَاسْ، وَارْ خَاسْ ڭُّورْ، فّغْ زَّايسْ ؤُ أَذْ ثكّذْ خَاسْ.
PRO 4:16 مَاغَارْ نِيثْنِي وَارْ تّطّْصنْ أَمْ وَارْ [زمَّارنْ] أَذْ ڭّنْ ثُوعفّْنَا، إِتّْرَاحْ أَسنْ إِضصْ نْسنْ مَاڒَا وَارْ سّْنقْرِيضنْ حذْ [عَاذْ]،
PRO 4:17 مَاغَارْ نِيثْنِي تّتّنْ أَغْرُومْ ن ڒْغشّْ، ؤُ نِيثْنِي سسّنْ بِينُو زِي ثْمڭَّا ن ڒخْشُونثْ.
PRO 4:18 أَمسْرُوقْ ن إِمْسڭَّاذنْ أَمْ ثْفَاوْثْ إِتِّيسِّيقنْ ن ثفُّوثْ، ثنِّي ثَارنِّي ذڭْ ؤُسقْسقْ أَڒْ إِمْغَارْ وَاسّْ قَاعْ.
PRO 4:19 أَبْرِيذْ ن إِعفَّاننْ أَمْ ثَادْجسْثْ، نِيثْنِي وَارْ سِّيننْ مِينْ ذِي إِ غَا نْقَارْضنْ.
PRO 4:20 مِّي إِنُو، أوْشْ ثَايْنِيثْ إِ وَاوَاڒنْ إِنُو، أوْشْ أَمزُّوغْ نّشْ إِ وَاوَاڒنْ إِنُو،
PRO 4:21 وَارْ ثنْ تّجِّي أَذْغفْڒنْ زِي ثِيطَّاوِينْ نّشْ، خمّڒْ إِ-ثنْ ذَاخڒْ ذڭْ وُوڒْ نّشْ،
PRO 4:22 مَاغَارْ نِيثْنِي ذ ثُوذَارْثْ إِ يِينِّي ثنْ إِ غَا يَافنْ، ؤُڒَا ذ أَڭنْفُو إِ أَرِّيمثْ نْسنْ مَارَّا.
PRO 4:23 حْضَا ؤُڒْ نّشْ خْ مَارَّا مِينْ إِزمَّارْ أَذْ إِتّْوَاحْضَا، مَاغَارْ زَّايسْ فّْغنْ إِژوْرَانْ ن ثُوذَارْثْ.
PRO 4:24 كّسْ إِخَارِّيقنْ ن ؤُقمُّومْ نّشْ، سْبعّذْ خَاكْ أَفَارْيضْ ن إِينْشِيشنْ نّشْ.
PRO 4:25 أجّْ ثِيطَّاوِينْ نّشْ أَذْ خْزَارنْثْ غَارْ زَّاثْ، [أجّْ] أَبْڒِيونْ نّشْ أَذْ خْزَارنْ غَارْ [مِينْ إِدْجَانْ] أَرنْذَاذْ نّشْ.
PRO 4:26 وَاطَا ڒَاثَارْ ن ؤُضَارْ نّشْ، أجّْ أَذْ إِڒِينْ مَارَّا إِبْرِيذنْ نّشْ سَارّْحنْ.
PRO 4:27 وَارْ فَارّغْ [غَارْ] يفُوسْ ؤُڒَا [غَارْ] ؤُزڒْمَاضْ، سْبعّذْ أَضَارْ نّشْ زِي ثُوعفّْنَا.
PRO 5:1 مِّي إِنُو، أوْشْ ثَايْنِيثْ إِ ثِيغِيثْ إِنُو، أوْشْ أَمزُّوغْ إِ ڒفْهَامثْ إِنُو،
PRO 5:2 مَاحنْذْ أَذْ ثوْشذْ حَاضُورْ، ؤُ إِينْشِيشنْ نّشْ أَذْ حْضَانْ خْ ثُوسّْنَا.
PRO 5:3 مِينْزِي إِينْشِيشنْ ن ثمْغَارْثْ ثَابَارَّانِيثْ تُّوذُومنْ س ثَامّنْثْ ن ثغْرَاصْثْ، أَنغْ نّسْ ذ أَڒقَّاغْ خْ زّشْثْ،
PRO 5:4 مَاشَا غَارْ ؤُنڭَّارْ [أَقَا-ت] ذ ثَامرْزَاڭْثْ أَمْ شِّيحْ، ثقْضعْ أَمْ يِيجّْ ن سِّيفْ س [ثْنَاينْ ن] وُوذْمَاونْ.
PRO 5:5 إِضَارنْ نّسْ تَّاوْينْ غَارْ ڒْموْثْ، إِصُورَافْ نّسْ ندّْهنْ غَارْ ڒَاخَارْثْ.
PRO 5:6 أَڒَامِي وَارْ ثطِّيفذْ [عمَّارْصْ] أَبْرِيذْ ن ثُوذَارْثْ، ڭُّورنْثْ ڒَاثَارَاثْ [ن إِضَارنْ] نّسْ سَّا ذ سَّا بْڒَا مَا ثسّْنذْ شكْ.
PRO 5:7 خنِّي ڒخُّو، [أَ] إِحنْجِيرنْ، سْڒمْ-د غَارِي، وَارْ ثْحيَّاذمْ شَا خْ وَاوَاڒنْ ن ؤُقمُّومْ إِنُو.
PRO 5:8 سِيڭّْوجْ أَبْرِيذْ نّشْ خَاسْ، وَارْ تَّاذسْ ثَاوَّارْثْ ن ثَادَّارْثْ نّسْ،
PRO 5:9 حِيمَا وَارْ ثتِّيشذْ شَّانْ نّشْ إِ إِنّغْنِي، إِسڭّْوُوسَا نّشْ إِ ونِّي إِتّقْسِيحنْ أَطَّاسْ،
PRO 5:10 حِيمَا إِبَارَّانِييّنْ وَارْ تّْجَاوَاننْ ذڭْ وَاڭْڒَا نّشْ، ؤُ مَارَّا [ڒْْغِيدْجثْ ن] ؤُمَارّثْ نّشْ وَارْ د-ثتِّيسْ ذِي ثَادَّارْثْ ن ونِّي وَارْ إِتّْوِيسّْننْ،
PRO 5:11 ؤُ أَذْ ثْزهَّارذْ غَارْ ؤُنڭَّارْ، خْمِي غَا ثتّْوَاشّْ أَرِّيمثْ نّشْ ذ ويْسُومْ نّشْ،
PRO 5:12 أَذْ ثِينِيذْ: ”مَامّشْ ڭِّيغْ نشّْ شَارْهغْ تَّارْبِييّثْ، [مَامّشْ] إِنْضَارْ ؤُڒْ إِنُو أَوبّخْ؟
PRO 5:13 [مَامّشْ] وَارْ سْڒِيغْ غَارْ ثْمِيجَّا ن يِينِّي ذ أَيِي إِذَارّْبنْ، وَارْ وْشِيغْ أَمزُّوغْ إِنُو إِ إِمْسڒْمَاذنْ إِنُو؟
PRO 5:14 عْڒَاحَاڒْ ثُوغَا ؤُفِيغْ إِخفْ إِنُو ذِي عْڒَامْ كُوڒْ ڒْغَارْ، ذِي ڒْوسْطْ ن وڭْرَاوْ [ن ڒْڭنْسْ] ؤُ ن ثْمسْمُونْثْ!“
PRO 5:15 سُووْ أَمَانْ زڭْ وَانُو نّشْ، ؤُڒَا ذ أَمَانْ إِسِّيزّْڒنْ زِي ڒَادْجَاغْ ن ڒْعُونْصَارْ نّشْ.
PRO 5:16 إِڒِي أَذْ سّفْينْ وَامَانْ [ن ڒْعُونْصَارْ] نّشْ بَارَّا، [أَمْ] ثْغزْرَاثِينْ ن وَامَانْ خْ إِبْرِيذنْ.
PRO 5:17 أجّْ إِ-ثنْ أَذْ إِڒِينْ إِ شكْ وحّْذكْ، وَارْ إِدْجِي إِ إِبَارَّانِييّنْ إِ ذِينْ زَّاثكْ.
PRO 5:18 أَذْ إِتّْوَابَاركْ ڒْعُونْصَارْ نّشْ، فَارْحْ إِ ثمْغَارْثْ [زڭْ وُوسَّانْ] ن ثمْژِي نّشْ.
PRO 5:19 ثُوذَاذْثْ إِعِيزّنْ ؤُڒَا ذ ثِيغيْذثْ ن وزْغَارْ إِشوَّارنْ [نتَّاثْ]! أجّْ إِبَّاشْ نّسْ أَذْ شكْ سّْيِيوْينْ ذِي مَارَّا ؤُسَّانْ، سلّمْ إِخفْ نّشْ ڒبْذَا غَارْ ثَايْرِي نّسْ!
PRO 5:20 مَايمِّي، [أَ] مِّي، أَذْ شكْ ثغْوَا ثمْغَارْثْ ثَابَارَّانشْثْ، أَذْ ثْذَارّْعذْ إِ وحْسِينْ ن ثمْغَارْثْ وَارْ ثسِّينذْ؟
PRO 5:21 مَاغَارْ إِبْرِيذنْ ن بْنَاذمْ أَقَا أَثنْ [ذِينْ] زَّاثْ إِ ثِيطَّاوِينْ ن سِيذِي، نتَّا يَارْزُو ذِي مَارَّا إِمسْرَاقْ نّسْ.
PRO 5:22 ڒْمُوعْسِييّثْ [ن يِيخفْ] نّسْ أَذْ ثْحبّسْ أَعفَّانْ، س إِسغْوَانْ ن دّْنُوبْ نّسْ أَذْ إِتّْوَاشدّْ.
PRO 5:23 نتَّا أَذْ إِمّثْ ؤُمِي وَارْ ذِينْ ثُوغِي تَّارْبِييّثْ، أَذْ إِودَّارْ س ثُوبُّوهڒْيَا نّسْ ثَامقّْرَانْثْ.
PRO 6:1 مِّي إِنُو، مَاڒَا ثْذوْڒذْ ذ أَمَارْهُونْ إِ جَّارْ نّشْ، ثوْشِيذْ ثِيشْثِي نّشْ ن ؤُفُوسْ إِ يِيجّْ ن ؤُبَارَّانِي،
PRO 6:2 [مَاڒَا] ثْذوْڒذْ ثقّْنذْ زڭْ وَاوَاڒنْ ن ؤُقمُّومْ نّشْ، ثتّْوَاحبّْسذْ زڭْ وَاوَاڒنْ ن ؤُقمُّومْ نّشْ،
PRO 6:3 [خنِّي] أڭّْ ثَا، [أَ] مِّي، ؤُ فكّْ إِخفْ نّشْ، مَاغَارْ ثْذوْڒذْ غَارْ ؤُفُوسْ ن جَّارْ نّشْ: ؤُيُورْ، بنْذقْ [خَاسْ] ؤُ زيَّارْ خْ ونِّي شكْ يُوذْسنْ.
PRO 6:4 وَارْ تِّيشْ شَا إِضصْ إِ ثِيطَّاوِينْ نّشْ، ؤُڒَا ذ أَنُوذمْ إِ وَابْڒِيونْ نّشْ.
PRO 6:5 فكّْ إِخفْ نّشْ زڭْ ؤُفُوسْ [نّسْ] أَمْ ثْغيْضثْ ن وغْزَارْ، أَمْ يِيجّْ ن وجْضِيضْ زڭْ ؤُفُوسْ ن ؤُنڭْمَارْ.
PRO 6:6 ؤُيُورْ غَارْ ثْكضْفثْ، [شكْ، أَ] أَمعْڭُوزْ، خْزَارْ مَامّشْ ثُويُورْ نتَّاثْ ؤُ ذْوڒْ ذ أَمِيغِيسْ.
PRO 6:7 وَاخَّا نتَّاثْ وَارْ غَارسْ بُو ؤُمْڭوّذْ، نِيغْ أَوقَّافْ نِيغْ ڒْحَاكمْ،
PRO 6:8 [عَاذْ] ثسّوْجَاذْ أَغْرُومْ نّسْ ذڭْ ؤُنبْذُو، ثيْرُو مَاشَّا نّسْ ذِي ڒْوقْثْ ن ثْميْرَا.
PRO 6:9 أَڒْ مڒْمِي غَا ثقِّيمذْ ثزّْڒذْ، [شكْ، أَ] أَمعْڭُوزْ؟ مڒْمِي غَا ثكَّارذْ زڭْ إِضصْ نّشْ؟
PRO 6:10 أَرْنِي شْوَايْثْ ن يِيضصْ، أَرْنِي شْوَايْثْ ن ؤُوَارّشْ، أَرْنِي شْوَايْثْ ن ؤُبُوزّڒْ س إِفَاسّنْ إِمُوننْ،
PRO 6:11 [أَقَا ذَا] أَذْ خَاكْ د-إِوْضَا زّڒْضْ أَمْ يِيجّْ ن ؤُخوَّانْ، ڒغْبنْ نّشْ أَمْ يِيجّْ ن ورْيَازْ إِ غَارْ إِدْجَا ڒسْنَاحْ.
PRO 6:12 بْنَاذمْ إِ وَارْ إِسكّْوِينْ، أَرْيَازْ ن ڒْغشّْ، إِڭُّورْ س إِجّْ ن ؤُقمُّومْ إِشُّورنْ س مِينْ إِعوْجنْ.
PRO 6:13 إِغمّزْ س ثِيطَّاوِينْ نّسْ، إِسَّاوَاڒْ س إِضَارنْ نّسْ، إِتّْشيَّارْ س إِضوْضَانْ نّسْ.
PRO 6:14 ؤُڒْ نّسْ [إِشُّورْ] س ڒخْذَاعَاثْ، إِنكّْوَا ڒبْذَا ڒْغَارْ، إِتّْسبَّابْ إِمنْغِييّنْ.
PRO 6:15 خْ ؤُيَا ذغْيَا أَذْ د-يَاسْ ؤُضيّعْ نّسْ، ذڭْ إِشْثْ ن ثشْثِي أَذْ إِتّْوَارْژْ أَمْ وَارْ ذِينْ إِتِّيڒِي ؤُڭنْفُو.
PRO 6:16 ستَّا [ن ثْمسْڒَايِينْ]-أَ إِشَارّهْ إِ-ثنْثْ سِيذِي، [وَاهْ] سبْعَا أَقَا أَثنْثْ ذ نّْعِي إِ ڒعْمَارْ نّسْ:
PRO 6:17 ثِيطَّاوِينْ ن نّْفَاخثْ، إِجّْ ن يِيڒسْ إِسّْخَارِّيقنْ، ؤُڒَا ذ إِفَاسّنْ إِسَّازَّاڒنْ إِذَامّنْ إِمزْذَاڭنْ،
PRO 6:18 ؤُڒْ إِنكّْوَانْ ثِيمعْمَاتْشْ إِغشّنْ، إِضَارنْ نِّي إِتّْقدْجِيقنْ مَاحنْذْ أَذْ أَزّْڒنْ غَارْ مِينْ إِدْجَانْ ذ أَعفَّانْ،
PRO 6:19 أَشهَّاذْ إِسّْخَارِّيقنْ نِّي د-إِذدْجْقنْ إِ إِخَارِّيقنْ، ؤُڒَا ونِّي إِتّْسبَّابنْ إِمنْغِييّنْ جَارْ ثَاوْمَاثْ.
PRO 6:20 [أَ] مِّي، حْضَا ثَاوْصيّثْ ن بَابَاشْ، ؤُ وَارْ منْضَارْ ثَاغُورِي ن يمَّاشْ.
PRO 6:21 قّنْ إِ-ثنْثْ ڒبْذَا خْ وُوڒْ نّشْ، شدّْ إِ-ثنْثْ غَارْ يِيرِي نّشْ.
PRO 6:22 مَاڒَا ثڭُّورذْ، أَيَا أَذْ شكْ إِڭوّذْ، مَاڒَا ثزّْرذْ، أَيَا أَذْ شكْ إِحْضَا، مَاڒَا ثْفَاقذْ أَقَا مَانْ أَيَا أَذْ كِيذكْ إِسِّيوڒْ.
PRO 6:23 مِينْزِي ثَاوْصيّثْ ذ ڒفْنَارْ ذ ثْغُورِي ذ ثْفَاوْثْ، إِوبَّاخْ ن تَّارْبِييّثْ أَقَا أَثنْ ذ أَبْرِيذْ ن ثُوذَارْثْ
PRO 6:24 نِّي شكْ إِ غَا إِحْضَانْ زِي ثمْغَارْثْ ثَاعفَّانْثْ، زِي ڒهْرُوذْ إِزوّْقنْ ن يِيڒسْ ن ثمْغَارْثْ زِي بَارَّا.
PRO 6:25 وَارْعشّقْ شَا أَژْرِي نّسْ ذڭْ وُوڒْ نّشْ، حْضَا وَارْ شكْ ثحْصِيرْ س وَابْڒِيونْ نّسْ،
PRO 6:26 مِينْزِي زِي سِّيبّثْ ن إِشْثْ ن ثمْغَارْثْ ن فَارْقْ-شّْغڒْ، [بْنَاذمْ أَذْ إِكْسِي] [مْغِيرْ] إِشْثْ ن ثْخبَّازْثْ ن وغْرُومْ، [وَاهْ،] ثَامْغَارْثْ ن إِجّْ ن ورْيَازْ نّغْنِي أَقَا ثَارزُّو ڒعْمَارْ إِغْڒَانْ.
PRO 6:27 مَا إِزمَّارْ حذْ أَذْ يَارْبُو ثِيمسِّي ذڭْ وحْسِينْ ن وَارُّوضْ نّسْ، بْڒَا مَا أَذْ يَارْغْ وَارُّوضْ نّسْ؟
PRO 6:28 مَا إِزمَّارْ حذْ أَذْ يُويُورْ خْ ڒفْحمْ [إِتّحْذُوذُوقنْ]، بْڒَا مَا أَذْ شمْضنْ إِضَارنْ نّسْ؟
PRO 6:29 أَمُّو [ؤُڒَا ذ] ونِّي إِ غَا يَاذْفنْ غَارْ ثمْغَارْثْ ن جَّارْ نّسْ، [وَاهْ] كُوڒْ إِجّنْ ونِّي ت إِ غَا إِهَاذَانْ، وَارْ إِتّْوِيحْسِيبْ ذ أَمزْذَاڭْ.
PRO 6:30 أَشفَّارْ وَارْ ث سّْحقَّارنْ مَاڒَا يُوشَارْ، حِيمَا أَذْ إِسّْيِيونْ ڒعْمَارْ نّسْ مَاڒَا ذَايسْ ڒَاژْ.
PRO 6:31 [مَاشَا] مَاڒَا إِتّْوَافْ، أَمُّو خَاسْ إِ غَا إِخدْجصْ سبْعَا ن ثْسقَّارْ. إِتّْخصَّا أَسْ أَذْ إِوْشْ مَارَّا مِينْ غَارسْ ذِي ثَادَّارْثْ.
PRO 6:32 [مَاشَا] ونِّي إِتّڭّنْ زِّينَا أَكْ-ذ إِشْثْ ن ثمْغَارْثْ، وَارْ غَارسْ بُو وُوڒْ إِمْثنْ. ونِّي إِتّڭّنْ أَيَا، إِتَّاردّدْجْ ڒعْمَارْ نّسْ.
PRO 6:33 ذْرُوشْثْ ذ ڒفْضِيحثْ أَذْ ثنْ يَافْ، ڒحْيَا نّسْ وَارْ إِمحِّي شَا.
PRO 6:34 مَاغَارْ ثُوسْمِي [ثتَّاوِي-د] أَسْعَارْ ن ورْيَازْ، نتَّا وَارْ إِتّسّنْ أَحِينِّي ذڭْ وَاسّْ ن ونْثَاقمْ.
PRO 6:35 وَارْ إِحسّبْ دّيّثْ إِ وصْڒحْ، وَارْ ت إِقبّڒْ، أَذْ يُوڭِي، وَاخَّا ثسّمْغَارِيذْ ذِي ثرْزفْثْ عَاذْ س وَاطَّاسْ.
PRO 7:1 مِّي إِنُو، حْضَا أَوَاڒنْ إِنُو، خمّڒْ ثِيوصَّا إِنُو غَاركْ.
PRO 7:2 حْضَا ثِيوصَّا إِنُو ؤُ شكْ أَذْ ثقِّيمذْ ثدَّارذْ، [حْضَا] ثَاغُورِي إِنُو أَمْ مُومُّو ن ثِيطّْ نّشْ.
PRO 7:3 قّنْ إِ-ثنْثْ غَارْ إِضوْضَانْ نّشْ، أَرِي ثنْثْ خْ ثڒْوِيحْثْ ن وُوڒْ نّشْ.
PRO 7:4 إِنِي إِ ثِيغِيثْ: ’شمْ ذ ؤُتْشْمَا!‘، ؤُ سمَّا ڒفْهَامثْ: ’أَمدُّوكّڒْ [إِنُو]!‘،
PRO 7:5 مَاحنْذْ [نِيثنْثِي] أَذْ شكْ حْضَانْثْ زِي ثمْغَارْثْ ثَابَارَّانشْثْ، زِي ثمْغَارْثْ زِي بَارَّا إِ شكْ إِتّْغَارَّانْ س وَاوَاڒنْ نّسْ.
PRO 7:6 مَاغَارْ زِي ڒْكَازِي ن ثَادَّارْثْ إِنُو، جَارْ شّبَّاشْ [ن ڒْكَازِي] سوْضغْ غَارْ وَادَّايْ،
PRO 7:7 سوْضغْ غَارْ إِحَافِييّنْ [إِنِّي وَارْ إِتّْحِيكِينْ]، جَارْ إِحنْجِيرنْ [ن بْنَاذمْ] حكَّارغْ إِجّْ ن ؤُحُوذْرِي س وُوڒْ وَارْ إِمْثنْ.
PRO 7:8 نتَّا إِژْوَا أَبْرِيذْ غَارْ ثغْمَارْثْ نّسْ، ؤُ إِطّفْ أَبْرِيذْ غَارْ ثَادَّارْثْ نّسْ.
PRO 7:9 غَارْ ثْبَامْبَاسْثْ، غَارْ ثْمذِّيثْ ن وَاسّْ، ذِي ڒَادْجَاغْ نْ دْجِيڒثْ ذ ثُوبَّارْشنْثْ،
PRO 7:10 خْزَارْ، [أَقَا] إِشْثْ ن ثمْغَارْثْ ثُوسَا-د إِ ؤُمْسَاڭَارْ أَكِيذسْ، ذڭْ وَارُّوضْ ن ثمْغَارْثْ ن فَارْقْ-شّْغڒْ ؤُ س ثحْرَايْمشْثْ ن وُوڒْ.
PRO 7:11 نتَّاثْ ثخْثِيخْ ؤُ ثْغوّغْ، إِضَارنْ نّسْ وَارْ قِّيمنْ عَاذْ ذِي ثَادَّارْثْ.
PRO 7:12 إِشْثْ ن ثْوَاڒَا ذِي بَارَّا، [خنِّي] عَاوذْ ذڭْ وَازَّاينْ، غَارْ مَارَّا ثِيغمَّارْ [ن إِبْرِيذنْ] ثتّْحَامَا.
PRO 7:13 نتَّاثْ ثطّفْ إِ-ث ؤُ ثسُّوذمْ إِ-ث، ثقْجَارْ ؤُذمْ نّسْ، ثنَّا أَسْ:
PRO 7:14 ”ثُوغَا خَافِي [مَاحنْذْ أَذْ وْشغْ] ثِيوْهِيبِينْ ن ڒهْنَا. أَسّْ-أَ سّْقفْڒغْ لْوُوعُوذْ إِنُو.
PRO 7:15 خْ ؤُيَا إِ د-فّْغغْ مَاحنْذْ أَذْ شكْ مّْسَاڭَارغْ، مَاحنْذْ أَذْ خَاكْ أَرْزُوغْ ؤُ [أَمُّو إِ شكْ] ؤُفِيغْ.
PRO 7:16 نشّْ سُّوغْ مَالْثَاثْ خْ قَامَا إِنُو، ڒِْيزَارَاثْ إِزوّْقنْ زِي ڒقْثنْ أَزْذَاذْ زِي مِيصْرَا.
PRO 7:17 نشّْ رُوشّغْ ثَاسُّوثْ إِنُو [س] مِيرُّو ذ وشْفِيڒْ ذ ڒْقَارْفَا.
PRO 7:18 أَسْ-د، أجّْ أَنغْ أَذْ نجِّيونْ أَسْحِينّبْ أَڒْ ثُوفُّوثْ، أجّْ أَنغْ أَذْ نَارّْ مژْرِي ذِي ڒِيرَارْثْ ن ثَايْرِي.
PRO 7:19 مَاغَارْ أَرْيَازْ وَارْ إِدْجِي ذِي ثَادَّارْثْ، نتَّا [إِسَافَارْ] إِڭّْوجْ أَطَّاسْ.
PRO 7:20 إِكْسِي إِشْثْ ن ثْكمُّوسْثْ [ن ثْمنْيَاثْ] ن نُّوقَارْثْ أَكِيذسْ، أَذْ يَارڭّْوحْ غَارْ وَاسّْ ن ثْزِيرِي إِقفْڒنْ.“
PRO 7:21 [أَمُّو] إِ ث ثطّفْ س وَاطَّاسْ ن ڒْهَارْذْ نّسْ، ثغْوَا إِ-ث س ڒهْرُوذْ نّسْ إِزوّْقنْ ن إِينْشِيشنْ نّسْ.
PRO 7:22 ذغْيَا نتَّا يَارْذفْ إِ-ت، أَمْ يِيجّْ ن ؤُفُونَاسْ إِڭُّورنْ غَارْ ڒْڭُورْنثْ، أَمْ إِشْثْ ن سّْنسْڒثْ [خْ إِضَارنْ] [ن ونِّي إِڭُّورنْ] غَارْ ؤُمَارّثْ ن ؤُبُوهَاڒِي
PRO 7:23 - أَڒَامِي د أَسْ ثْشَارّڭْ فْڒِيثْشَا ثْسَا - أَمْ يِيجّْ ن وجْضِيضْ إِضْوِينْ ذڭْ إِجّْ ن ونْذَايْ، ؤُ وَارْ إِسِّينْ أَقَا وَانِيثَا إِتّْوَاڭّْ ضِيدّْ إِ ثُوذَارْثْ نّسْ.
PRO 7:24 [خنِّي] ڒخُّو، [أَ] إِحنْجِيرنْ، سْڒمْ-د غَارِي، ؤُ سْڒمْ غَارْ وَاوَاڒنْ ن ؤُقمُّومْ إِنُو.
PRO 7:25 أجّْ ؤُڒْ نّشْ وَارْ إِتّْوذِّيرْ ذڭْ إِبْرِيذنْ نّسْ، وَارْ تّْميِّيڒْ غَارْ إِمسْرَاقْ نّسْ.
PRO 7:26 مَاغَارْ ذڭْ وَاطَّاسْ إِتّْوَايزْمنْ إِنِّي ثغْضرْ، إِمْغَارْ وَاطَّاسْ [لْعَاذَاذْ ن] مَارَّا إِنِّي ثنْغَا.
PRO 7:27 ثَادَّارْثْ نّسْ [ثشُّورْ] [س] إِبْرِيذنْ غَارْ ڒَاخَارْثْ نِّي إِهكّْوَانْ غَارْ إِخَّامنْ ن ذَاخڒْ ن ڒْموْثْ.
PRO 8:1 مَا وَارْ ثتّْڒِيغِي ثِيغِيثْ ؤُ وَارْ ثسْڭِيعِّيذْ ڒفْهَامثْ ثْمِيجَّا نّسْ؟
PRO 8:2 خْ ثْقِيشَّاثْ ن ڒڭْعُوذِي خْ وبْرِيذْ، مَانِي تّمْسڒْقَانْ إِمسْرَاقْ ثْبدّْ نتَّاثْ ذ أَبذِّي.
PRO 8:3 غَارْ ؤُغزْذِيسْ ن ثوُّورَا، غَارْ وَاذَافْ ن ثنْذِينْثْ، مَانِي غَا ثَاذْفذْ خْ ثوُّورَا، ثتّْڒَاغَا س جّهْذْ:
PRO 8:4 ”إِ كنِّيوْ، [أَ] إِرْيَازنْ، تّْڒَاغِيغْ، ثْمِيجَّا إِنُو [ثتّفّغْ] غَارْ ثَارْوَا ن بْنَاذمْ.
PRO 8:5 [كنِّيوْ] إِحَافِييّنْ، فهْممْ [خنِّي] مِينْ إِدْجَانْ ذ أَفْثَانْ، [كنِّيوْ] إِبُوهَاڒِييّنْ، فهْممْ [س] وُوڒْ [نْومْ].
PRO 8:6 سْڒمْ، مِينْزِي أَذْ سِّيوْڒغْ أَوَاڒنْ إِ د-إِجبّْذنْ ڒفْثنْ، أَنُورْزمْ ن إِينْشِيشنْ إِنُو [جبّذْ-د] ثِيمسْڒَايِينْ إِسڭّْذنْ،
PRO 8:7 مَاغَارْ أَنغْ إِنُو أَذْ يِينِي ثِيذتّْ س نّيّثْ، ڒْْهَارْذْ إِعفّْننْ أَقَا-ث ذ نّْعِي إِ إِينْشِيشنْ إِنُو.
PRO 8:8 مَارَّا أَوَاڒنْ ن ؤُقمُّومْ إِنُو [تّفّْغنْ-د] زِي ثْسڭْذَا، وَارْ ذَايْسنْ ؤُڒَا ذ إِشْثْ ن ڒْحَاجّثْ إِخْنُونّسنْ نِيغْ إِفَارْغنْ.
PRO 8:9 أَقَا أَثنْ مَارَّا صْفَانْ إِ ونِّي ذِي ثدْجَا ڒفْهَامثْ، ؤُڒَا س ڒقْيَاسْ إِ يِينِّي [إِخْسنْ] أَذْ أَفنْ ثُوسّْنَا.
PRO 8:10 كْسِيمْ تَّارْبِييّثْ إِنُو، وَارْ إِدْجِي نُّوقَارْثْ، ؤُڒَا ثُوسّْنَا كْثَارْ خْ وُورغْ إِقُّورنْ،
PRO 8:11 مَاغَارْ ثِيغِيثْ حْسنْ زِي ڒْمَارْجَانْ، مَارَّا مِينْ ذِي إِزمَّارْ [بْنَاذمْ] أَذْ إِمژْرِي، وَارْ [إِزمَّارْ] أَذْ ذَايسْ يَارْوسْ.
PRO 8:12 نشّْ، ثِيغِيثْ، زدّْغغْ غَارْ وفْثَانْ، تَّافغْ ثُوسّْنَا س ؤُحَاذُورْ.
PRO 8:13 ثِيڭّْوُوذِي ن سِيذِي ذ أَشْرَاهْ ن ڒْغَارْ، نّْفَاخثْ ذ ثْشنَّاعْثْ ذ ؤُمسْرُوقْ أَعفَّانْ، نشّْ شَارّْهغْ ؤُڒَا ذ أَقمُّومْ [إِشُّورْ س] ڒخْذَاعَاثْ.
PRO 8:14 غَارِي أَشَاوَارْ ذ ثْوِيزَا، نشّْ ذ ڒفْهَامثْ، غَارِي جّهْذْ.
PRO 8:15 زَّايِي حكّْمنْ إِجدْجِيذنْ، [زَّايِي] تَّاريْسنْ أَيْثْ ن جّهْذْ س ثْسڭْذَا.
PRO 8:16 زَّايِي حكّْمنْ ڒْحُوكَّامْ ذ ثَارْوَا ن ثَاصِيڒثْ، مَارَّا ڒْقُوضَاثْ ن ثمُّورْثْ.
PRO 8:17 نشّْ تّخْسغْ مَارَّا إِنِّي ذ أَيِي إِتّخْسنْ، ذ يِينِّي خَافِي يَارزُّونْ زِيشْ، أَذْ أَيِي أَفنْ.
PRO 8:18 أَڭْڒَا ذ شَّانْ أَقَا أَثنْ غَارِي، أَڭْڒَا إِقِّيمنْ ذ ثْسڭْذَا.
PRO 8:19 فْرُوثَا إِنُو ثشْنَا خْ وُورغْ إِتِّيسِّيقنْ، [وَاهْ] خْ وُورغْ أَزْذَاذْ، ڒْْغِيدْجثْ إِنُو ثعْذُو نُّوقَارْثْ إِقُّورنْ.
PRO 8:20 نشّْ ڭُّورغْ خْ ؤُمسْرُوقْ ن ثْسڭْذَا، ذِي ڒْوسْطْ ن إِمسْرَاقْ ن ڒْحقّْ،
PRO 8:21 حِيمَا أَذْ أَرّغْ إِنِّي ذ أَيِي إِتّخْسنْ أَذْ طّْفنْ إِشْثْ ن ثسْغَارْثْ ذ ڒْوَارْثْ، نشّْ أَذْ شُّورغْ إِخَّامنْ ن ثْخُوبَايْ نْسنْ.
PRO 8:22 سِيذِي إِڭَّا أَيِي، ذ أَمزْوَارُو ن وبْرِيذْ نّسْ، [عَاذْ] قْبڒْ أَمزْوَارُو ن ثْمڭَّا نّسْ زڭْ وشْحَاڒْ ؤُيَا.
PRO 8:23 زِي ڒبْذَا إِتّْوَازدْجعْ خَافِي [جّهْذْ]، زڭْ ؤُمزْوَارُو، زِي ڒْوقْثْ ن ؤُمزْوَارُو إِ ذِي ثتّْوَاڭّْ ثمُّورْثْ،
PRO 8:24 ؤُمِي وَارْ ذِينْ ثُوغِي عَاذْ [أَمَانْ] إِهوْڒنْ، نشّْ تّْوَاخڒْقغْ-د، ؤُمِي وَارْ ذِينْ ثُوغِي عَاذْ ڒْعُونْصَارَاثْ شُّورنْثْ س وَامَانْ.
PRO 8:25 قْبڒْ مَا أَذْ تّْوَاڭّنْ إِذُورَارْ، قْبڒْ [مَا أَذْ إِڒِينْثْ] ثوْرِيرِينْ، ثُوغَا خڒْقغْ-د نشّْ.
PRO 8:26 نتَّا ثُوغَا عَاذْ وَارْ د-إِخْڒِيقْ ثَامُّورْثْ ذ إِيَّارنْ، ؤُڒَا ذ ثَامزْوَارُوثْ ن ثْعجَّاجْثْ ن دُّونشْثْ.
PRO 8:27 ؤُمِي نتَّا إِڭَّا إِجنْوَانْ، ثُوغَا أَيِي ذِينْ، ؤُمِي نتَّا يَارْشمْ إِشْثْ ن ثْقُورَارشْثْ خْ وُوذمْ ن [وَامَانْ] إِهوْڒنْ.
PRO 8:28 ؤُمِي نتَّا إِڭَّا إِسيْنُوثنْ سنّجْ، ؤُمِي تّْوَاجهْذنْثْ ڒْْعُونْصَارَاثْ ن [وَامَانْ] إِهوْڒنْ،
PRO 8:29 ؤُمِي نتَّا إِڭَّا إِ ڒبْحَارْ أَيْمِيرْ نّسْ، مَاحنْذْ أَمَانْ وَارْ د -عدُّونْ ڒُومُورْ نّسْ، ؤُمِي نتَّا إِعْبَارْ ذْسُوسَا ن ثمُّورْثْ،
PRO 8:30 ثُوغَا أَيِي ذ أَمُوذْرُوسْ إِعِيزّنْ غَارْ ؤُغزْذِيسْ نّسْ. نشّْ ثُوغَا أَيِي مَارَّا ذ ثَارِّيثْ ن مژْرِي أَسّْ خْ وَاسّْ، تِّيرَارغْ زَّاثْ إِ وُوذمْ نّسْ ڒبْذَا،
PRO 8:31 تِّيرَارغْ ذِي مَارَّا ثَامُّورْثْ نّسْ، أَمْ ثُوغَا ثَارِّيثْ ن مژْرِي إِنُو أَكْ-ذ ثَارْوَا ن بْنَاذمْ.
PRO 8:32 [خنِّي] ڒخُّو، [أَ] إِحنْجِيرنْ [إِنُو]، سْڒمْ-د غَارِي! سّعْذْ ن يِينِّي إِحطَّانْ إِبْرِيذنْ إِنُو.
PRO 8:33 سْڒمْ غَارْ تَّارْبِييّثْ ؤُ ذوْڒمْ ذ إِمِيغِيسنْ، وَارْ نطَّارمْ [تَّارْبِييّثْ].
PRO 8:34 سّعْذْ ن بْنَاذمْ نِّي غَارِي إِسْڒَانْ، ونِّي إِطّْفنْ أَشْبَارْ غَارْ ثوُّورَا إِنُو زڭْ وَاسّْ أَڒْ وَاسّْ، إِحتَّا خْ ثْغمَّارْ ن ثوُّورَا إِنُو،
PRO 8:35 مَاغَارْ ونِّي ذ أَيِي يُوفِينْ، أَذْ يَافْ ثُوذَارْثْ، ؤُ أَذْ إِطّفْ أَرْضَا ن سِيذِي.
PRO 8:36 ونِّي إِ ذ أَيِي إِخْضَانْ، إِيزّمْ ڒعْمَارْ نّسْ، مَارَّا إِنِّي ذ أَيِي إِشَارّْهنْ، تّخْسنْ ڒْموْثْ.
PRO 9:1 ثِيغِيثْ ثبْنَا ثَادَّارْثْ نّسْ، ثڭَّا ثسُّويْذَا إِپِيلَارنْ نّسْ، [أَقَا أَثنْ ذِي] سبْعَا.
PRO 9:2 نتَّاثْ ثْغَارْصْ إِ ڒْمَاڒْ نّسْ، ثْخدْجضْ بِينُو نّسْ. عَاوذْ ثسُّو طَّابْڒَا نّسْ.
PRO 9:3 نتَّاثْ ثسّكّْ ثِيمْسخَّارِينْ نّسْ ثِيمژْيَانِينْ. خْ ثْقِيشَّاثِينْ ن ڒڭْعُوذِي ن ثنْذِينْثْ ثتّْڒَاغَا:
PRO 9:4 ”ونِّي إِدْجَانْ ذ أَحَافِي، أجّْ إِ-ث أَذْ د-يَاسْ ذَانِيثَا!“ نتَّاثْ ثقَّارْ إِ يِينِّي وَارْ غَارْ إِدْجِي شَا وُوڒْ إِمْثنْ:
PRO 9:5 ”أَسمْ-د، شّمْ زڭْ وغْرُومْ إِنُو، سْومْ زِي بِينُو نِّي ذ أَومْ د-خدْجْضغْ.
PRO 9:6 جّمْ ثَاقُوبَّانشْثْ، ؤُشَا دَّارمْ، ضْفَارمْ أَبْرِيذْ ن ڒفْهَامثْ.“
PRO 9:7 ”ونِّي إِتّْوبّْخنْ أَمسْثهْزِييْ، إِسَّاربُّو ڒفْضِيحثْ إِ يِيخفْ نّسْ، ونِّي إِتّْعَاقَابنْ أَعفَّانْ، أَقَا [نتَّا يَاربُّو] أَبقِّيضْ ن ڒفْضِيحثْ نّسْ.
PRO 9:8 وَارْ تّْعيَّابْ أَمسْثهْزِييْ حِيمَا نتَّا وَارْ شكْ إِشَارّهْ، عيّبْ [أَ]مِيغِيسْ، خنِّي نتَّا أَذْ شكْ إِخْسْ.
PRO 9:9 أوْشْ إِ ؤُمِيغِيسْ، [خنِّي] أَذْ إِذْوڒْ ذ مِيغِيسْ كْثَارْ، سْغَارْ ثُوسّْنَا إِ ؤُمْسڭّذْ، [خنِّي] نتَّا أَذْ إِفْهمْ كْثَارْ.“
PRO 9:10 ثِيڭّْوُوذِي ن سِيذِي ذ بدُّو ن ثِيغِيثْ، ثُوسّْنَا ن ؤُمْقدَّاسْ ذ أَمقّْرَانْ ذ بدُّو ن ڒفْهَامثْ.
PRO 9:11 مَاغَارْ زَّايِي أَذْ كْثَارنْ وُوسَّانْ نّشْ، إِسڭّْوُوسَا ن ثُوذَارْثْ أَذْ تّْوَارْنِينْ إِ شكْ.
PRO 9:12 مَاڒَا شكْ ذ مِيغِيسْ، [خنِّي] أَذْ ثِيڒِيذْ ذ مِيغِيسْ إِ يِيخفْ نّشْ، ؤُ مَاڒَا ثسْثهزِّيذْ، أَذْ ثَارْبُوذْ أَيَا سِيمَانْثْ نّشْ.“
PRO 9:13 ثَامْغَارْثْ ثابُوهَاڒشْثْ ثتّْبُوهْڒُويْ، [نتَّاثْ] ذ ثَاقُوبَّانِيثْ، وَارْ ثسّنْ وَالُو.
PRO 9:14 نتَّاثْ ثتّْغِيمَا غَارْ ثوَّارْثْ ن ثَادَّارْثْ نّسْ، خْ إِجّْ ن كُورْسِي، [خْ] ڒڭْعُوذِي ن ثنْذِينْثْ
PRO 9:15 حِيمَا أَذْ ثْڒَاغَا خْ إِنِّي إِعدُّونْ، إِنِّي إِڭُّورنْ نِيشَانْ إِمسْرَاقْ نْسنْ، [ثنَّا]:
PRO 9:16 ”ونِّي إِدْجَانْ ذ أَحَافِي، أجّْ إِ-ث أَذْ د-يَاسْ ذَانِيثَا!“ نتَّاثْ ثقَّارْ إِ يِينِّي وَارْ غَارْ إِدْجِي شَا وُوڒْ إِمْثنْ:
PRO 9:17 ”أَمَانْ إِتّْوَاشَارنْ ذ إِمِيژِيذنْ، أَغْرُومْ إِنُّوفَّارنْ أَقَا إِشْنَا.“
PRO 9:18 نتَّا وَارْ إِسِّينْ أَقَا ذِينْ ڒخْيَاڒَاثْ، أَقَا إِنوْجِيونْ نّسْ ذڭْ وَادْجَاغْ ن ڒَاخَارْثْ [إِ إِدْجَانْ].
PRO 10:1 أَوَاڒنْ إِوزْننْ ن سُولِيمَانْ إِجّْ ن مِّيسْ ذ أَمِيغِيسْ إِسّْفَارَّاحْ بَابَاسْ، [مَاشَا] إِجّْ ن ؤُبُوهَاڒِي ن مِّيسْ ذ ونِّي ذ أَمْنُوسْ [أَمقّْرَانْ] ن يمَّاسْ.
PRO 10:2 ثِيخُوبَايْ ن ثُوعفّْنَا وَارْ نّفّْعنْثْ، [مَاشَا] ثَاسڭْذَا ثتّْفكَّا زِي ڒْموْثْ.
PRO 10:3 سِيذِي وَارْ إِتّجِّي ڒعْمَارْ ن إِمْسڭَّاذنْ أَذْ إِحيّفْ، [مَاشَا] مژْرِي ن إِعفَّاننْ إِعَارّنْ إِ-ث غَارْ ڒَاڭّْوَاجْ.
PRO 10:4 وِي إِخدّْمنْ س ؤُفُوسْ يَارْخُونْ، إِتَّاوِي-د زّڒْضْ، [مَاشَا] أَفُوسْ ن يِينِّي إِتّْشطَّارنْ إِتَّاوِي-د أَڭْڒَا.
PRO 10:5 ونِّي إِيَارّْونْ ذڭْ ؤُنبْذُو ذ إِجّْ ن مِّيسْ إِفهّْمنْ، [مَاشَا] ونِّي إِتّطّْصنْ ذِي ثْميْرَا ذ إِجّْ ن مِّيسْ ن ڒفْضِيحثْ.
PRO 10:6 لْبَارَاكَاثْ [أَرسَّانْثْ] خْ ؤُزدْجِيفْ ن إِمْسڭَّاذنْ، [مَاشَا] لْعُونْفْ إِسّْذُورُّويْ أَقمُّومْ ن إِعفَّاننْ.
PRO 10:7 ڒِيذَارثْ إِ ؤُمْسڭّذْ [أَذْ د-يَاوِي] لْبَارَاكَا، [مَاشَا] إِسمْ ن إِعفَّاننْ أَذْ يَارْصُوضْ.
PRO 10:8 ونِّي ذ أَمِيغِيسْ ذڭْ وُوڒْ، أَذْ إِقْبڒْ ثِيوصَّا، [مَاشَا] ونِّي [إِسَّاوَاڒنْ] ثُوبُّوهڒْيَا س إِينْشِيشنْ نّسْ، أَذْ إِوْضَا.
PRO 10:9 ونِّي إِڭُّورنْ ذِي ڒصْفَايثْ، إِڭُّورْ ذِي ڒَامَانْ، [مَاشَا] ونِّي [إِڭُّورنْ] إِبْرِيذنْ إِفَارْغنْ، أَذْ إِتّْوَاسّنْ.
PRO 10:10 ونِّي إِتّْغمَّازنْ س ثِيطَّاوِينْ، إِتّڭّْ ڒحْرِيقْ، ونِّي [إِسَّاوَاڒنْ] ثُوبُّوهڒْيَا س إِينْشِيشنْ نّسْ، أَذْ إِوْضَا.
PRO 10:11 أَقمُّومْ ن ؤُمْسڭّذْ ذ ثَاڒَا ن ثُوذَارْثْ، [مَاشَا] لْعُونْفْ إِسّْذُورُّويْ أَقمُّومْ ن إِعفَّاننْ.
PRO 10:12 أَشْرَاهْ ثسّكَّارَا-د إِمْشُوبّشنْ، [مَاشَا] ثَايْرِي ثسّْذُورُّويْ مَارَّا إِخطَّانْ.
PRO 10:13 خْ إِينْشِيشنْ ن ونِّي غَارْ إِدْجَا ڒفْهَامثْ ثتّْوَافْ ثِيغِيثْ، [مَاشَا] أَعْمُوذْ إِ ونِّي وَارْ غَارْ إِدْجِي بُو ڒعْقڒْ.
PRO 10:14 إِمِيغِيسنْ تّْخمَّارنْ ثُوسّْنَا، [مَاشَا] أَقمُّومْ ن ؤُبُوهَاڒِي إِتَّاذسْ غَارْ ؤُهلّكْ.
PRO 10:15 إِ بُو-وَاڭْڒَا مِينْ إِدْجَانْ نّسْ ذ ثَانْذِينْثْ إِجهْذنْ نّسْ، لبْلَا ن إِمزْڒَاضْ ذ أَهلّكْ نْسنْ.
PRO 10:16 ڒْغِيدْجثْ ن ؤُمْسڭّذْ أَقَا-ت إِ ثُوذَارْثْ، ڒْمُونثْ ن ؤُعفَّانْ إِ دّنْبْ.
PRO 10:17 ونِّي إِحطَّانْ تَّارْبِييّثْ، [أَقَا-ث خْ] وبْرِيذْ ن ثُوذَارْثْ، [مَاشَا] ونِّي إِسمّْحنْ ذڭْ ؤُوبّخْ، أَذْ إِودَّارْ.
PRO 10:18 وِي إِتّفَّارنْ أَشْرَاهِي، غَارسْ إِينْشِيشنْ سّْخَارِّيقنْ، وِي إِتّْشقَّافنْ أَقَا-ث ذ أَبُوهَاڒِي.
PRO 10:19 غَارْ وَاطَّاسْ ن وَاوَاڒنْ وَارْ إِقِّيمْ ؤُخطُّو إِنقّصْ، [مَاشَا] ونِّي إِمنّْعنْ إِينْشِيشنْ نّسْ، أَقَا [إِتّڭّْ] س ڒعْقڒْ.
PRO 10:20 نُّوقَارْثْ إِقُّورنْ ذ إِڒسْ ن ؤُمْسڭّذْ، ؤُڒْ ن إِعفَّاننْ وَارْ إِسكّْوِينْ.
PRO 10:21 إِينْشِيشنْ ن إِمْسڭَّاذنْ سّشَّانْ أَطَّاسْ، [مَاشَا] إِبُوهَاڒِييّنْ مُّوثنْ ؤُمِي وَارْ غَارْسنْ بُو وُوڒْ إِمْثنْ.
PRO 10:22 لْبَارَاكَا ن سِيذِي ثتَّاوِي-د أَڭْڒَا، أَرْبرْ [ن بْنَاذمْ] وَارْ ذَايسْ يَارنِّي وَالُو.
PRO 10:23 إِ ؤُبُوهَاڒِي ثَامڭِّيثْ ن ڒفْضِيهثْ أَمْ يِيشْثْ ن ڒُورَارثْ، [مَاشَا] إِ ورْيَازْ ن ڒفْهَامثْ [أَذبَّارْ] س ثِيغِيثْ [أَمْ مَانْ أَيَا].
PRO 10:24 مِينْ زِي إِتّڭّْوذْ ؤُعفَّانْ أَذْ ث إِڒْقفْ، [مَاشَا] أَسِيثمْ ن إِمْسڭَّاذنْ أَذْ يِيڒِي.
PRO 10:25 مَاڒَا ثعْذُو-د ثْحَارْيَاضْثْ، أَعفَّانْ وَارْ إِتّْغِيمِي، [مَاشَا] أَمْسڭّذْ أَذْ إِقِّيمْ إِمْثنْ إِ ڒبْذَا.
PRO 10:26 أَمْ بِينُو أَسمَّامْ إِ ثغْمَاسْ ذ دّخَّانْ إِ ثِيطَّاوِينْ، أَمُّو إِ إِڭَّا ؤُمعْڭُوزْ إِ يِينِّي ث إِسّكّنْ.
PRO 10:27 ثِيڭّْوُوذِي ن سِيذِي ثَارنِّي ذڭْ ؤُسَّانْ [إِ ثُوذَارْثْ]، [مَاشَا] إِسڭّْوُوسَا ن إِعفَّاننْ تّْوَاسّْقُوضّضنْ.
PRO 10:28 ثَارَاجِيثْ ن إِمْسڭَّاذنْ ذ ڒفْرَاحثْ، [مَاشَا] ڒَايَاسْ ن إِعفَّاننْ ڭُّورْ أَذْ إِفْنَا.
PRO 10:29 أَبْرِيذْ ن سِيذِي ذ لْبُورْجْ [إِجهْذنْ] إِ ونِّي إِڭُّورنْ نِيشَانْ، [مَاشَا] ذ أَهلّكْ إِ يِينِّي إِتّڭّنْ ڒْغشّْ.
PRO 10:30 أَمْسڭّذْعمَّارْصْ أَذْ إِنْهزّْ إِ ڒبْذَا، [مَاشَا] إِعفَّاننْ وَارْ زدّْغنْ ذِي ثمُّورْثْ.
PRO 10:31 أَقمُّومْ ن ؤُمْسڭّذْ إِتَّاوِي-د ثِيغِيثْ س وَاطَّاسْ، [مَاشَا] إِجّْ ن يِيڒسْ إِعمَّارْ س ڒخْذَاعَاثْ أَذْ إِتّْوَاقسّْ.
PRO 10:32 إِينْشِيشنْ ن ؤُمْسڭّذْ سّْننْ مِينْ يَارْضَانْ، [مَاشَا] أَقمُّومْ ن ؤُعفَّانْ [إِسّنْ] ڒخْذَاعَاثْ وَاهَا.
PRO 11:1 ڒْمِيزَانْ أَغشَّاشْ ذ نّْعِي إِ سِيذِي، [مَاشَا] أَژْرُو ن ڒوْزنْ نِيشَانْ إِتَّافْ أَرْضَا نّسْ.
PRO 11:2 مَاڒَا ثُوسَا-د نّْفَاخثْ، ثُوسَا-د ؤُڒَا ذ ڒفْضِيحثْ، [مَاشَا] غَارْ إِمْوَاضْعنْ [ثدْجَا] ثِيغِيثْ.
PRO 11:3 ڒصْفَايثْ ن إِنِّي إِڭُّورنْ نِيشَانْ ثْندّهْ إِ-ثنْ، [مَاشَا] ثَاحْرَايْمشْثْ ن إِغدَّارنْ ثَاڒدّدْجْ إِ-ثنْ.
PRO 11:4 أَڭْڒَا وَارْ إِنفّعْ غَارْ وَاسّْ ن ؤُذُوقّزْ [ن ؤُفُوڭمْ]، [مَاشَا] ثَاسڭْذَا ثتّْفكَّا زِي ڒْموْثْ.
PRO 11:5 ثَاسڭْذَا ن ونِّي إِڭُّورنْ نِيشَانْ إِتَّارَّا أَبْرِيذْ نّسْ نِيشَانْ، [مَاشَا] أَعفَّانْ إِوطَّا س ثُوعفّْنَا نّسْ.
PRO 11:6 ثَاسڭْذَا ن إِنِّي إِڭُّورنْ نِيشَانْ أَذْ ثنْ ثْفكّْ، [مَاشَا] إِغدَّارنْ أَذْ تّْوَاشَارْفنْ ذڭْ ؤُمژْرِي [نْسنْ].
PRO 11:7 مَاڒَا إِمُّوثْ بْنَاذمْ أَعفَّانْ، إِفْنَا ڒَايَاسْ نّسْ، ؤُڒَا ذ مِينْ تّْرَاجَانْ [يرْيَازنْ] ذَايْسنْ ثرْيَاسْثْ أَذْ إِفْنَا.
PRO 11:8 أَمْسڭّذْ أَذْ د-إِتّْوَافكّْ زِي ڒحْصَارثْ، ؤُشَا [خنِّي] أَعفَّانْ أَذْ د-يَاسْ ذڭْ ومْشَانْ نّسْ.
PRO 11:9 أَمْنَافقْ إِتَّاردّدْجْ جَّارْ نّسْ س ؤُقمُّومْ نّسْ، [مَاشَا] إِمْسڭَّاذنْ أَذْ تّْوَافكّنْ س ثُوسّْنَا.
PRO 11:10 ثَانْذِينْثْ ثتّسْڒِيوْڒِيوْ مَاڒَا إِمْسڭَّاذنْ أَقَا أَثنْ مْلِيحْ، ؤُ مَاڒَا تّْوَاهلّْكنْ إِعفَّاننْ، أَقَا ذِينْ أَسْڒِيوْڒوْ.
PRO 11:11 ثتّْوَاسّْڭعّذْ ثنْذِينْثْ س لْبَارَاكَا ن إِنِّي إِڭُّورنْ نِيشَانْ، [مَاشَا] س ؤُقمُّومْ ن إِعفَّاننْ أَذْ ثتّْوَاهْذمْ.
PRO 11:12 ونِّي وَارْ غَارْ إِدْجِي شَا وُوڒْ إِمْثنْ، إِسّحْقَارَا جَّارْ نّسْ، [مَاشَا] أَرْيَازْ ونِّي غَارْ إِدْجَا ڒفْهَامثْ إِتّسْقَارْ.
PRO 11:13 ونِّي إِڭُّورنْ ذَا ذ ذِيهَا س ثخْبَارْجِيثْ، إِتّْعَارَّا مِينْ إِنُّوفَّارنْ، [مَاشَا] ونِّي [إِ ذِي إِدْجَا] أَرُّوحْ ذَايسْ ڒَامَانْ، أَقَا إِسّْنُوفَّارَا ثَامسْڒَاشْثْ.
PRO 11:14 مَاڒَا وَارْ ذِينْ أَذبَّارْ، إِوطَّا ڒْڭنْسْ، [مَاشَا] أَذْ يِيڒِي ؤُسنْجمْ س ڒمْغَارثْ ن ؤُمْشَاوَارْ.
PRO 11:15 ونِّي إِضمّْننْ ڒْبَارَّانِي، وَارْ د أَسْ ثتّفّغْ شَا مْلِيحْ، [مَاشَا] ونِّي إِشَارّْهنْ إِنِّي إِتّڭّنْ ثِيشْثِي خْ ؤُفُوسْ، أَقَا-ث ذِي ڒَامَانْ.
PRO 11:16 ثَامْغَارْثْ ثتَّافْ أَرْضَا، ثطّفْ ذِي ڒْعزّْ [نّسْ]، [مَاشَا] أَيْثْ ن بُو-ڒخْشُونثْ تّطّْفنْ ذڭْ وَاڭْڒَا.
PRO 11:17 بْنَاذمْ س ثْمخْسِيوْثْ إِشوَّارنْ إِتّڭّْ ڒْخَارْ إِ ڒعْمَارْ نّسْ، [مَاشَا] أَقسَّاحْ إِتّْغزَّا أَيْسُومْ [ن يِيخفْ] نّسْ.
PRO 11:18 أَعفَّانْ إِمجَّارْ ڒْغِيدْجثْ ن ڒْغشّْ، [مَاشَا] ونِّي إِزَارّْعنْ ثَاسڭْذَا، [إِمجَّارْ] إِشْثْ نْ ڒْمُونثْ إِمثْننْ.
PRO 11:19 ثَاسڭْذَا نِيشَانْ [ثتَّاوِي غَارْ] ثُوذَارْثْ، ونِّي يَاردّْفنْ ڒْغَارْ، [يَارزُّو] ڒْموْثْ نّسْ.
PRO 11:20 إِنِّي غَارْسنْ ؤُڒْ  إِفَارْغنْ أَقَا أَثنْ ذ نّْعِي إِ سِيذِي، [مَاشَا] إِنِّي إِڭُّورنْ نِيشَانْ نتَّا يَارطَّا ذَايْسنْ.
PRO 11:21 س ثِيذتّْ، أَعفَّانْ وَارْ إِتّْغِيمِي بْڒَا ڒخْڒَاصْ، [مَاشَا] ثَارْوَا ن إِمْسڭَّاذنْ أَذْ تّْوَاسّْنجْمنْ.
PRO 11:22 [أَمشْنَاوْ] إِشْثْ ن ثْخَاذنْثْ ن وُورغْ ذِي ثِينْزَارْ ن يِيڒفْ، [أَمُّو إِ ثدْجَا] إِشْثْ ن ثمْغَارْثْ ثشْنَا وَارْ ذِي إِدْجَا ؤُميّزْ.
PRO 11:23 مژْرِي ن إِمْسڭَّاذنْ مْغِيرْ غَارْ مِينْ إِصبْحنْ، [مَاشَا] ڒَايَاسْ ن إِعفَّاننْ أَقَا-ث نْهْڒَا ڒعْبَارْ.
PRO 11:24 أَقَا ذِينْ [إِجّنْ] ونِّي إِبطَّانْ س وشْرِيمْ، [وَاخَّا أَمنِّي] إِتّْوَارْنِي أَسْ عَاذْ كْثَارْ، ؤُ أَقَا ذِينْ [إِجّنْ] ونِّي إِمنّْعنْ [كْثَارْ] خْ مِينْ إِشُووَّارنْ، وَاخَّا مَانْ أَيَا [إِندّهْ] غَارْ زّڒْضْ.
PRO 11:25 ڒعْمَارْ نِّي إِتّْبَارْكنْ أَذْ إِتّْوَاسّْجِيونْ، ؤُ ونِّي إِتِّيشنْ أَمَانْ، أَذْ أَسْ إِمّوْشْ وَامَانْ إِ نتَّا سِيمَانْثْ نّسْ.
PRO 11:26 ونِّي إِتّْخمَّاڒنْ إِمنْذِي، إِنعّڒْ إِ-ث شّعْبْ، [مَاشَا] لْبَارَاكَا أَذْ ثِيڒِي خْ ؤُزدْجِيفْ ن ونِّي إِزْنُوزَانْ [إِمنْذِي].
PRO 11:27 ونِّي إِتّْشطَّارنْ ذِي طّْوعْ ن مِينْ إِصبْحنْ، يَارزُّو مِينْ يَارْضَانْ، [مَاشَا] ونِّي إِتّْحَامَانْ ڒْغَارْ، أَذْ ث إِڒْقفْ.
PRO 11:28 ونِّي إِتّْشَاڒنْ خْ وَاڭْڒَا نّسْ، أَذْ إِوْضَا، [مَاشَا] إِمْسڭَّاذنْ تّْنعْنِيعنْ أَمْ إِفثْوَانْ إِزِيزَاونْ.
PRO 11:29 ونِّي إِهكّْوْڒنْ [أَيْثْبَابْ ن] ثَادَّارْثْ نّسْ، أَذْ إِوَارْثْ أَسمِّيضْ، ؤُ أَبُوهَاڒِي [أَذْ يِيڒِي] ذ أَمْسخَّارْ ن ونِّي ذِي إِدْجَا وُوڒْ أَمِيغِيسْ.
PRO 11:30 ڒْغِيدْجثْ ن ؤُمْسڭَّاذْ ذ إِشْثْ ن ثْشجَّارْثْ ن ثُوذَارْثْ، ونِّي يَاربّْحنْ ڒعْمُورْ أَقَا-ث ذ أَمِيغِيسْ.
PRO 11:31 خْزَارْ، أَقَا أَذْ إِتّْوَاخدْجصْ ؤُمْسڭّذْ ذِي ثمُّورْثْ، [خنِّي] مَاهُو أَعفَّانْ ذ ؤُمذْنُوبْ.
PRO 12:1 ونِّي إِتّخْسنْ تَّارْبِييّثْ، إِتّخْسْ ثُوسّْنَا، [مَاشَا] ونِّي إِشَارّْهنْ أَوبّخْ أَقَا نتَّا ذ أَقفُّوحْ.
PRO 12:2 بْنَاذمْ ذ أَصبْحَانْ إِتَّافْ أَرْضَا ن سِيذِي، [مَاشَا] أَرْيَازْ إِنكّْوَانْ ثَاحْرَايْمشْثْ أَذْ ث إِبَارّحْ ذ بُو-ؤُمَارْوَاسْ.
PRO 12:3 بْنَاذمْ وَارْ إِزمَّارْ أَذْ إِقِّيمْ إِبدّْ ؤُمِي إِتّڭّْ ڒْغَارْ، [مَاشَا] أَژْوَارْ ن إِمْسڭَّاذنْ وَارْ إِزمَّارْ أَذْ إِنْهزّْ.
PRO 12:4 ثَامْغَارْثْ إِمحْضنْ ذ تَّاجْ ن ورْيَازْ نّسْ، [مَاشَا] ثنِّي ث يَارِّينْ إِتّْسضْحَا، [ذ ثنِّي] أَمْ وَارصُّوضْ ذڭْ إِغْسَانْ نّسْ.
PRO 12:5 إِخمِّيمنْ ن إِمْسڭَّاذنْ ذ ڒْحقّْ، إِخَارِّيصنْ ن إِعفَّاننْ ذ ڒْغشّْ [مَارَّا].
PRO 12:6 أَوَاڒنْ ن إِعفَّاننْ ڒبْثنْ ذڭْ إِذَامّنْ، [مَاشَا] أَقمُّومْ ن يِينِّي إِڭُّورنْ نِيشَانْ أَذْ ثنْ إِسّنْجمْ.
PRO 12:7 إِعفَّاننْ تّْنقْڒَابنْ ؤُ وَارْ دْجِينْ عَاذْ، [مَاشَا] ثَادَّارْثْ ن إِمْسڭَّاذنْ أَذْ ثقِّيمْ ثْبدّْ.
PRO 12:8 إِتّْوَاسّمْغَارْ بْنَاذمْ عْلَاحْسَابْ ڒْقدّْ ن ڒعْقڒْ نّسْ، [مَاشَا] ونِّي ذِي إِدْجَا وُوڒْ إِفَارْغنْ، أَذْ إِتّْوَاسّحْقَارْ.
PRO 12:9 إِحْڒَا ونِّي وَارْ إِحسّْبنْ خْ إِخفْ نّسْ أَطَّاسْ، [مَاشَا] غَارسْ إِجّْ ن ؤُمْسخَّارْ، خْ ونِّي إِتّْشنّْعنْ س إِخفْ نّسْ، [مَاشَا] أَغْرُومْ وَارْ غَارسْ يدْجِي.
PRO 12:10 أَمْسڭّذْ إِسّنْ ڒعْمَارْ ن ڒبْهِيمثْ نّسْ، [مَاشَا] أَرّحْمَاثْ ن ؤُعفَّانْ قسْحنْثْ.
PRO 12:11 ونِّي إِشَارّْزنْ ثَامُّورْثْ نّسْ، أَذْ إِجَّاونْ س وغْرُومْ، [مَاشَا] ونِّي يَاردّْفنْ مِينْ إِدْجَانْ إِخْوَانْ، وَارْ غَارسْ شَا وُوڒْ إِمْثنْ.
PRO 12:12 أَعفَّانْ إِتّخْسْ [مِينْ إِدْجَانْ ذِي] ثْرَاشَّا ن يِينِّي إِتّڭّنْ ڒْغَارْ، [مَاشَا] أَژْوَارْ ن إِمْسڭَّاذنْ إِتّْغِيمَا إِتِّيشْ.
PRO 12:13 ذڭْ ؤُخطُّو ن إِينْشِيشنْ [ذَايسْ] إِجّْ ن ڒْفخْ ذ أَعفَّانْ، [مَاشَا] أَمْسڭّذْ أَذْ إِنْجمْ زِي ڒحْصَارثْ.
PRO 12:14 زِي ڒْغِيدْجثْ ن ؤُقمُّومْ [نّسْ] إِتّْوَاسّْجِيونْ بْنَاذمْ س ڒْخِيرْ، مِينْ د-تَّاوْينْ إِفَاسّنْ ن بْنَاذمْ أَذْ غَارسْ د-إِذْوڒْ.
PRO 12:15 أَبْرِيذْ ن ؤُبُوهَاڒِي نِيشَانْ ذِي ثِيطَّاوِينْ نّسْ، [مَاشَا] ونِّي إِتّسْڒَانْ إِ شّْوَارْ، أَقَا نتَّا ذ أَمِيغِيسْ.
PRO 12:16 أَبُوهَاڒِي إِسّْشَانَا ڒْهمّْ نّسْ ذڭْ وَاسّْ ذ إِجّْ، [مَاشَا] ونِّي إِفتّْننْ، إِتّْذَاڒَا ڒحْيَا نّسْ.
PRO 12:17 ونِّي د-إِنطّْقنْ ثِيذتّْ، إِسّْشَانَا ثَاسڭْذَا، [مَاشَا] أَشهَّاذْ إِسّْخَارِّيقنْ [إِسّْشَانَا] أَشْمَاثْ.
PRO 12:18 أَقَا ذِينْ ونِّي إِتّْهَارْوَاضنْ أَمْ ثجِّيثْ ن سِّيفْ، [مَاشَا] إِڒسْ ن إِمِيغِيسنْ إِتَّاوِي-د أَڭنْفُو.
PRO 12:19 إِينْشِيشنْ [إِشُّورنْ س] ثِيذتّْ أَذْ تّْوَاضْمنْ إِ ڒبْذَا، [مَاشَا] إِڒسْ إِسّْخَارِّيقنْ [مْغِيرْ] إِ يِيجّْ ن ؤُمُورْ وَاهَا.
PRO 12:20 أَشْمَاثْ أَقَا-ث ذڭْ وُوڒْ ن يِينِّي إِنكّْوَانْ ثُوعفّْنَا، [مَاشَا] إِ يِينِّي إِنسّْحنْ ڒهْنَا، [أَقَا ذِينْ] ڒفْرَاحثْ.
PRO 12:21 أَمْسڭّذْ وَارْ ث إِڒقّفْ ڒْغشّْ، [مَاشَا] إِعفَّاننْ أَذْ تّْوَاشُّورنْ س ڒْغَارْ.
PRO 12:22 إِينْشِيشنْ إِسْخَارِّيقنْ ذ نّْعِي إِ سِيذِي، [مَاشَا] إِنِّي إِتّمْصُورُّوفنْ س ڒَامَانْ يَارْضَانْ أَسْ.
PRO 12:23 بْنَاذمْ إِفثْننْ إِسّْذُورُّويْ ثُوسّْنَا نّسْ، [مَاشَا] ؤُڒْ ن إِبُوهَاڒِييّنْ إِسْغُويُّو س ثُوبُّوهڒْيَا ذِي ڒخْڒَا.
PRO 12:24 أَفُوسْ ن ونِّي إِمحْضنْ أَذْ إِحْكمْ، [مَاشَا] ڒعْڭزْ إِندّهْ غَارْ ثسْمُوغِي.
PRO 12:25 أَمْنُوسْ ذڭْ وُوڒْ ن بْنَاذمْ إِسّْهكّْوَا إِ-ث، [مَاشَا] أَوَاڒْ إِصبْحنْ إِسّْفَارَّاحْ إِ-ث.
PRO 12:26 أَمْسڭَّاذْ إِسّْشَانَا أَبْرِيذْ إِ جَّارْ نّسْ، [مَاشَا] أَبْرِيذْ ن ؤُعفَّانْ يَارَّا إِ-ثنْ أَذْ ودَّارنْ.
PRO 12:27 أَمعْڭُوزْ وَارْ إِضفَّارْ شَا أَنيْمَارْ نّسْ. [مَاشَا] أَڭْڒَا إِغْڒَانْ ن إِوْذَانْ أَقَا ذ أَمْحَاضْ.
PRO 12:28 ذڭْ ؤُمسْرُوقْ ن ثْسڭْذَا [ثدْجَا] ثُوذَارْثْ، أَبْرِيذْ ن ڒَاثَارْ نّسْ وَارْ ذَايسْ بُو ڒْموْثْ.
PRO 13:1 إِجّْ ن مِّيسْ ذ أَمِيغِيسْ [ذ صِّيفثْ ن] ؤُوبّخْ ن بَابَاسْ، [مَاشَا] أَمسْثهْزِييْ وَارْ إِتّسْڒِي غَارْ ؤُثخْثِيخْ.
PRO 13:2 زِي ڒْغِيدْجثْ ن وَاوَاڒنْ نّسْ أَذْ يشّْ بْنَاذمْ ڒْخَارْ، [مَاشَا] ڒعْمَارْ ن إِغدَّارنْ [أَذْ يشّْ] لْعُونْفْ.
PRO 13:3 ونِّي يسَّارنْ أَقمُّومْ نّسْ، إِحطَّا ڒعْمَارْ نّسْ، [مَاشَا] ونِّي يَارزّْمنْ إِينْشِيشنْ نّسْ أَطَّاسْ، [إِتّْرَاجَا] ث ؤُهلّكْ.
PRO 13:4 ڒعْمَارْ ن ؤُمعْڭُوزْ يَارْجفْ، [وَاخَّا أَيَا] وَارْ إِنفّعْ ذِي وَالُو، [مَاشَا] ڒعْمَارْ ن يِينِّي إِتّْشطَّارنْ أَذْ إِتّْوَاسّْجِيوْننْ.
PRO 13:5 أَوَاڒنْ ن إِخَارِّيقنْ إِشَارّهْ إِ-ثنْ ؤُمْسڭّذْ، [مَاشَا] أَعفَّانْ إِسَّارْزَاڭْ إِخفْ نّسْ ؤُ إِسّْفطَّاحْ [إِنّغْنِي].
PRO 13:6 ثَاسڭْذَا ثْحطَّا ونِّي إِڭُّورنْ أَبْرِيذْ [نّسْ] نِيشَانْ، [مَاشَا] ثُوعفّْنَا أَذْ ث إِسّْهلّكْ أَمذْنُوبْ.
PRO 13:7 أَقَا ذِينْ إِنِّي إِتَّارَّانْ إِخفْ نْسنْ ذ بُو-وَاڭْڒَا، [وَاخَّا] وَارْ غَارْسنْ وَالُو، ؤُ أَقَا ذِينْ إِنِّي إِتَّارَّانْ إِخفْ نْسنْ ذ إِمزْڒَاضْ، [وَاخَّا] غَارْسنْ أَطَّاسْ.
PRO 13:8 دّيّثْ إِ ڒعْمَارْ ن شَا ن يِيجّنْ ذ أَڭْڒَا نّسْ، [مَاشَا] أَمزْڒُوضْ وَارْ إِتّسْڒِي شَا ؤُڒَا ذ إِجّْ ن ؤُهُوذِّي.
PRO 13:9 ثَافَاوْثْ ن إِمْسڭَّاذنْ أَذْ ثَارْغْ س ڒفْرَاحثْ، [مَاشَا] ڒفْنَارْ ن إِعفَّاننْ أَذْ إِخْسِي.
PRO 13:10 زِي ثْنفْسشْثْ إِتَّاسْ-د مْغِيرْ ؤُمنْغِي، [مَاشَا] إِنِّي إِكسِّينْ أَشَاوَارْ، غَارْسنْ ثِيغِيثْ.
PRO 13:11 أَڭْڒَا ن ذغْيَا، أَذْ يِيڒِي ذْرُوسْ، [مَاشَا] ونِّي إِيَارّْونْ س ؤُفُوسْ، أَذْ يَارْبحْ.
PRO 13:12 ڒَايَاسْ يُويْڒنْ إِسّْعِيدْجْ ؤُڒْ، [مَاشَا] ثْوَارِّيثْ ن مژْرِي إِشُّورنْ، أَقَا ت ذ ثَاشجَّارْثْ ن ثُوذَارْثْ.
PRO 13:13 ونِّي إِسّحْقَارَانْ أَوَاڒْ، أَذْ زَّايسْ إِتّْوَاقّنْ، [مَاشَا] ونِّي إِتّڭّْوذنْ ثَاوْصيّثْ، أَذْ إِتّْوَاخدْجصْ.
PRO 13:14 ثَاغُورِي ن ؤُمِيغِيسْ ذ ڒْعُونْصَارْ ن ثُوذَارْثْ، مَاحنْذْ أَذْ يَاڒْوڒْ [بْنَاذمْ] إِ ثخْشِيفِينْ ن ڒْموْثْ.
PRO 13:15 ڒعْقڒْ إِصبْحنْ إِتَّاوِي-د أَرْضَا، [مَاشَا] أَبْرِيذْ ن إِغدَّارنْ أَقَا إِقْسحْ أَطَّاسْ.
PRO 13:16 كُوڒْ إِجّنْ ونِّي إِفتّْننْ، إِخدّمْ س ثُوسّْنَا، [مَاشَا] أَبُوهَاڒِي إِتّْبزَّاعْ ثَاغْيُوڒِي [نّسْ].
PRO 13:17 أَمْسخَّارْ أَعفَّانْ إِوطَّا ذِي ڒْغَارْ، [مَاشَا] أَمْسخَّارْ ذ أَمْثِيقِّي [إِتَّاوِي-د] أَڭنْفُو.
PRO 13:18 زّْڒضْ ذ ڒفْضِيحثْ أَقَا أَثنْ إِ ونِّي يُوڭِينْ تَّارْبِييّثْ، [مَاشَا] ونِّي إِكْسِينْ أَوبّخْ [غَارْ وُوڒْ نّسْ]، أَذْ إِتّْوَاوقَّارْ.
PRO 13:19 إِجّْ ن ؤُسِيثمْ إِشُّورنْ ذ أَمِيژِيذْ إِ ڒعْمَارْ، [مَاشَا] إِ إِبُوهَاڒِييّنْ ذ نّْعِي مَاحنْذْ أَذْ حيّْذنْ خْ ڒْغَارْ.
PRO 13:20 ونِّي إِڭُّورنْ أَكْ-ذ إِمِيغِيسنْ، أَذْ إِذْوڒْ ذ أَمِيغِيسْ، [مَاشَا] ونِّي إِتّمْصُورُّوفنْ أَكْ-ذ إِبُوهَاڒِييّنْ، أَذْ ث إِڒْقفْ دّدْجْ.
PRO 13:21 ڒْغَارْ أَذْ إِضْفَارْ إِمذْنَابْ، [مَاشَا] أَمْسڭّذْ أَذْ ث خدْجْضنْ س ڒْخَارْ.
PRO 13:22 ونِّي إِصبْحنْ إِتّجَّا ثَاسْغَارْثْ إِ وَايَّاونْ نّسْ، [مَاشَا] أَڭْڒَا ن أَيْثْ-بُو-دّْنُوبْ إِتّْوَاخمّڒْ إِ ؤُمْسڭّذْ.
PRO 13:23 أَرْبرْ ن إِمزْڒَاضْ إِتَّاوِي-د مَاشَّا س وَاطَّاسْ، [مَاشَا] أَقَا ذِينْ إِنِّي إِتّْوَاهلّْكنْ ڒَْامِي [ذِينْ] أَنْقَاسْ ن ڒْحقّْ.
PRO 13:24 ونِّي إِمنّْعنْ أَعْمُوذْ نّسْ، إِشَارْهْ مِّيسْ، [مَاشَا] ونِّي ث إِتّخْسنْ، إِتّكَّارْ أَكِيذسْ إِتّْوبّخْ إِ-ث ذِي ڒْوقْثْ.
PRO 13:25 أَمْسڭّذْ أَذْ إِشّْ أَڒْ غَا إِجَّاونْ ڒعْمَارْ نّسْ، [مَاشَا] أَعذِّيسْ ن إِعفَّاننْ أَذْ إِقِّيمْ إِتّحْوَاجَا [ڒبْذَا].
PRO 14:1 ثِيغِيثْ ن ثمْغَارِينْ ثْبنَّا ثَادَّارْثْ نّسْ، [مَاشَا] ثُوبُّوهڒْيَا ثْهدّمْ إِ-ت س إِفَاسّنْ نّسْ.
PRO 14:2 ونِّي إِڭُّورنْ ذِي ڒصْفَايثْ نّسْ، إِتّڭّْوذْ سِيذِي، [مَاشَا] ونِّي إِتّفّْغنْ زڭْ إِبْرِيذنْ نّسْ، إِسّحْقَارَا إِ-ث.
PRO 14:3 ذڭْ ؤُقمُّومْ ن ؤُبُوهَاڒِي [أَقَا ذِينْ] ڒْمشْعضْ إِ نّْفَاخثْ [نّسْ]، [مَاشَا] إِينْشِيشنْ ن إِمِيغِيسنْ حطَّانْ ثنْ.
PRO 14:4 مَانِي وَارْ دْجِينْ إِفُونَاسنْ، إِتّْغِيمَا ڒْمذْوذْ إِخْوَا [مَاشَا] س جّهْذْ ن ؤُفُونَاسْ أَقَا ذِينْ صَّابثْ ثمْغَارْ.
PRO 14:5 أَشهَّاذْ ذ ثِيذتّْ وَارْ إِسّْخَارِّيقْ شَا، [مَاشَا] أَشهَّاذْ إِسّْخَارِّيقنْ إِتّْسُوضْ إِخَارِّيقنْ.
PRO 14:6 إِ ؤُمسْثهْزِييْ وَارْ ذِينْ ثِيغِيثْ خْمِي ت يَارزُّو، [مَاشَا] إِ ؤُفهَّامْ إِهْونْ [خَاسْ]، [مَاحنْذْ أَذْ يَافْ] ثُوسّْنَا.
PRO 14:7 أَڭّْوجْ خْ ورْيَازْ أَبُوهَاڒِي، [مَاغَارْ] شكْ وَارْ [غَارسْ] ثتِّيفذْ شَا إِينْشِيشنْ [إِ إِسَّاوَاڒنْ] ثُوسّْنَا.
PRO 14:8 ثِيغِيثْ ن ونِّي إِفتّْننْ أَقَا-ت ذ ڒفْهَامثْ ن وبْرِيذْ [ن يِيخفْ] نّسْ، [مَاشَا] ثُوبُّوهڒْيَا ن إِبُوهَاڒِييّنْ ذ أَشْمَاثْ.
PRO 14:9 إِبُوهَاڒِييّنْ سْثهْزَانْ س [وعْذَاڒْ] ن ؤُمَارْوَاسْ، [مَاشَا] جَارْ إِنِّي إِڭُّورنْ نِيشَانْ إِتّْوَافْ ڒْخَاضَارْ.
PRO 14:10 ؤُڒْ إِسّنْ ثَارْزُوڭِي نّسْ، ڒْْبَارَّانِي وَارْ إِزمَّارْ أَذْ يَاشَا س ڒفْرَاحثْ نّسْ.
PRO 14:11 ثَادَّارْثْ ن إِعفَّاننْ أَذْ ثتّْوَاردّدْجْ، [مَاشَا] ثَاقِيضُونْثْ ن إِنِّي إِڭُّورنْ نِيشَانْ أَذْ ثنّوَّارْ.
PRO 14:12 أَذْ ثَاغْ إِتّْغِيڒْ أَسْ إِ شَا ن يِيجّنْ أَقَا أَبْرِيذْ نِيشَانْ، [مَاشَا] أَنڭَّارْ نّسْ [مْغِيرْ] إِبْرِيذنْ [إِتَّاوْينْ] غَارْ ڒْموْثْ.
PRO 14:13 وَاخَّا غَارْ وضْحَاشْ ؤُڒْ إِتّڭّْ ڒحْرِيقْ، [وَاهْ]، أَنڭَّارُو ن ڒفْرَاحثْ ثتَّاكّْوَاضْ-د أَشْضَانْ.
PRO 14:14 ونِّي غَارْ إِدْجَا وُوڒْ إِفّْغنْ زڭْ وبْرِيذْ، أَذْ إِتّْوَاسّْجِيونْ س إِبْرِيذنْ نّسْ، ؤُ أَرْيَازْ أَصبْحَانْ س يِيخفْ نّسْ.
PRO 14:15 ونِّي إِدْجَانْ ذ أَحَافِي، إِتَّامنْ ذِي كُوڒْ أَوَاڒْ، [مَاشَا] ونِّي إِفتّْننْ إِحطَّا أَصُورِيفْ نّسْ.
PRO 14:16 أَمِيغِيسْ إِتّڭّْوذْ ؤُ إِتّْحيَّاذْ خْ ڒْغَارْ، [مَاشَا] أَبُوهَاڒِي إِسعَّارْ، ؤُمِي إِتّْغِيڒْ أَسْ أَقَا-ث ذِي ڒَامَانْ.
PRO 14:17 ونِّي إِتّْخيَّاقنْ ذغْيَا، أَذْ إِڭّْ ثُوبُّوهڒْيَا، ؤُ أَرْيَازْ إِنكّْوَانْ ثَاحْرَايْمشْثْ، أَذْ إِتّْوَاشَارْهْ.
PRO 14:18 إِحَافِييّنْ أَذْ وَارْثنْ ثُوبُّوهڒْيَا، [مَاشَا] إِنِّي إِفتّْننْ، أَذْ أَسنْ قّْننْ س إِجّْ ن تَّاجْ ن ثُوسّْنَا.
PRO 14:19 إِغشَّاشنْ أَذْ أَضَارنْ زَّاثْ إِ وُوذمْ ن إِصبْحَاننْ، إِعفَّاننْ [أَذْ أَضَارنْ] زَّاثْ إِ ثوُّورَا ن إِمْسڭَّاذنْ.
PRO 14:20 أَمزْڒُوضْ إِشَارّهْ إِ-ث [عَاذْ] ؤُمدُّوكّڒْ نّسْ، [مَاشَا] أَطَّاسْ ذ إِنِّي إِتّخْسنْ أَيْثْ ن بُو-وَاڭْڒَا.
PRO 14:21 ونِّي إِسّحْقَارَانْ جَّارْ نّسْ، إِتّڭّْ دّْنُوبْ، [مَاشَا] سّعْذْ ن ونِّي إِتّْحِينَّانْ خْ إِنِّي إِتّْوَاحْصَارنْ.
PRO 14:22 إِنِّي د-إِخدْجْقنْ ڒْغَارْ، مَا وَارْ تّْودَّارِينْ نِيثْنِي؟ ثَامخْسِيوْثْ إِشوَّارنْ ذ ڒَامَانْ أَقَا غَارْ يِينِّي إِتّْخَارَّاصنْ ذِي مِينْ إِصبْحنْ.
PRO 14:23 ذِي مَارَّا ڒْوحْڒَانْ ن وَارْبرْ ذَايسْ ڒفْضڒْ، [مَاشَا] ڒْهَارْذْ ن إِينْشِيشنْ إِندّهْ غَارْ وحْوَاجْ وَاهَا.
PRO 14:24 تَّاجْ ن إِمِيغِيسنْ ذ أَڭْڒَا نْسنْ، ثُوبُّوهڒْيَا ن إِبُوهَاڒِييّنْ ذ ثُوبُّوهڒْيَا [وَاهَا].
PRO 14:25 أَشهَّاذْ أَمْثِيقِّي إِسّنْجَامْ ڒعْمُورْ، [مَاشَا] ونِّي يَارخُّونْ إِ إِخَارِّيقنْ، إِشمّثْ.
PRO 14:26 ذِي ثِيڭّْوُوذِي ن سِيذِي [ذَايسْ] تِّيقثْ إِجهْذنْ، نتَّا أَذْ يِيڒِي ذ أَمْشَانْ ن ثَاروْڒَا إِ إِحنْجِيرنْ نّسْ.
PRO 14:27 ثِيڭّْوُوذِي ن سِيذِي ذ ڒْعُونْصَارْ ن ثُوذَارْثْ، إِ ؤُسنْجمْ زڭْ إِشذِّيينْ ن ڒْموْثْ.
PRO 14:28 ذڭْ وَاطَّاسْ ن ڒْڭنْسْ [إِخمّڒْ] ؤُشوَّارْ ن ؤُجدْجِيذْ، [مَاشَا] ذِي ثِيكّسْثْ ن شّعْبْ [إِخمّڒْ] ؤُهلّكْ نْ ڒْحَاكمْ.
PRO 14:29 ونِّي غَارْ إِدْجَا تَّاسِيعْ ن ڒْخَاضَارْ، غَارسْ ڒفْهَامثْ ثمْغَارْ، [مَاشَا] ونِّي ذِي إِدْجَا بُوحْبڒْ إِحْصَارنْ إِسّكَّارْ ثُوبُّوهڒْيَا.
PRO 14:30 ؤُڒْ إِصّحْ، أَقَا ذ ثُوذَارْثْ إِ أَرِّيمثْ، [مَاشَا] ثُوسْمِي ذ أَرصُّوضْ ن يغْسَانْ.
PRO 14:31 ونِّي إِحصَّارنْ أَمحْذَاجْ، إِسّحْقَارَا ونِّي ث إِ-د-إِخڒْقنْ، [مَاشَا] ونِّي إِتّْحِينَّانْ خْ ؤُمزْڒُوضْ، إِتّْشنّعْ إِ-ث.
PRO 14:32 أَعفَّانْ إِتَّاژّڒْ خْ يِيخفْ نّسْ س ڒْغَارْ نّسْ إِ إِتّڭّْ، [مَاشَا] أَمْسڭّذْ غَارسْ مَانِي إِ غَا يَارْوڒْ [عَاذْ] ذِي ڒْموْثْ نّسْ.
PRO 14:33 ثِيغِيثْ ثَارْسَا ذڭْ وُوڒْ ن إِفهَّامنْ، [مَاشَا] مِينْ إِدْجَانْ ذَاخڒْ ذڭْ إِبُوهَارِييّنْ أَذْ إِتّْوَاسّْننْ.
PRO 14:34 ثَاسڭْذَا ثسّْعُودْجْ ڒْڭنْسْ، [مَاشَا] ڒفْضِيحثْ ن شُّوعُوبْ ذ دّْنُوبْ.
PRO 14:35 ڒْخَاضَارْ ن ؤُجدْجِيذْ يَارْسَا خْ ؤُمْسخَّارْ إِفهّْمنْ [مَاشَا] ونِّي إِفطّْحنْ إِڒقّفْ إِ-ث ؤُذُوقّزْ نّسْ [ن ؤُفُوڭمْ].
PRO 15:1 ثْوَارِّيثْ إِفْسُوسنْ ثسّسْمَاضْ أَخيّقْ، [مَاشَا] أَوَاڒْ إِتّقّْسنْ إِسّكَّارَا-د أَخيّقْ.
PRO 15:2 إِڒسْ ن إِمِيغِيسنْ إِجبّذْ ثُوسّْنَا غَارْ زَّاثْ، [مَاشَا] أَقمُّومْ ن إِبُوهَاڒِييّنْ إِتَّازّڒْ س ثُوبُّوهڒْيَا.
PRO 15:3 ثِيطَّاوِينْ ن سِيذِي ذِي كُوڒْ أَمْشَانْ، تّْحكَّارنْثْ إِ إِصبْحَاننْ ذ إِعفَّاننْ.
PRO 15:4 إِڒسْ نِّي إِسّْڭنْفَانْ ذ ثَاشجَّارْثْ ن ثُوذَارْثْ، [مَاشَا] أَرّْهَاجْ نّسْ إِتَّارژَّا بُوحْبڒْ.
PRO 15:5 أَبُوهَاڒِي إِنطَّارْ تَّارْبِييّثْ ن بَابَاسْ، [مَاشَا] ونِّي إِتّْحكَّارَانْ إِ ؤُوبّخْ، أَقَا إِفْثنْ.
PRO 15:6 ذِي ثَادَّارْثْ ن ؤُمْسڭَّاذْ - ذَايسْ ڒْكنْزْ إِمْغَارْ، [مَاشَا] ذِي مِينْ د-إِتَّاوِي ؤُعفَّانْ ذَايسْ ثَامَارَا.
PRO 15:7 إِينْشِيشنْ ن إِمِيغِيسنْ تّْبزَّاعنْ ثُوسّْنَا، [مَاشَا] ؤُڒْ ن إِبُوهَاڒِييّنْ وَارْ إِدْجِي نِيشَانْ.
PRO 15:8 ثَاغَارْصْثْ إِ إِتّْقدَّامنْ إِعفَّاننْ ذ نّْعِي إِ سِيذِي، [مَاشَا] ثَاژَادْجِيثْ ن إِنِّي إِڭُّورنْ نِيشَانْ أَقَا-ت إِ نتَّا ذ أَرْضَا.
PRO 15:9 أَبْرِيذْ ن ؤُعفَّانْ ذ نّْعِي إِ سِيذِي، [مَاشَا] ونِّي إِضفَّارَانْ ثَاسڭْذَا، إِتّخْسْ إِ-ث نتَّا.
PRO 15:10 تَّارْبِييّثْ إِقسْحنْ ثْڒقّفْ ونِّي إِسمْحنْ ذڭْ وبْرِيذْ، ؤُ ونِّي إِشَارّْهنْ أَوبّخْ، أَذْ إِمّثْ.
PRO 15:11 ڒَاخَارْثْ ذ [ثسْرَافْثْ ن] ؤُهلّكْ [أَقَا ذِينْ أَرزْمنْ] زَّاثْ إِ سِيذِي، مشْحَاڒْ عَاذْ وُوڒَاونْ ن ثَارْوَا ن بْنَاذمْ؟
PRO 15:12 أَمسْثهْزِييْ وَارْ إِتّخْسْ ونِّي ث إِ غَا إِوبّْخنْ، وَارْ إِتّْرِيحْ شَا غَارْ إِمِيغِيسنْ.
PRO 15:13 ؤُڒْ إِفَارْحنْ إِتّڭّْ ؤُذمْ إِشْنَانْ، [مَاشَا] أَمْنُوسْ ذڭْ وُوڒْ إِسكّفْ بُوحْبڒْ.
PRO 15:14 ؤُڒْ إِفهّْمنْ يَارزُّو ثُوسّْنَا، [مَاشَا] أَقمُّومْ ن إِبُوهَاڒِييّنْ إِسّشَّا إِخفْ نّسْ س ثُوبُّوهڒْيَا.
PRO 15:15 إِ يِينِّي إِتّْوَاحْصَارنْ مَارَّا ؤُسَّانْ نْسنْ أَقَا إِعفّْننْ، [مَاشَا] ؤُڒْ إِفَارْحنْ [أَمْ] إِشْثْ ن زَّارْذثْ وَارْ إِقطِّينْ.
PRO 15:16 إِحْڒَا ذْرُوسْ أَكْ-ذ ثڭّْوُوذِي ن سِيذِي، خْ إِجّْ ن ڒْكنْزْ ذ أَمقّْرَانْ س ڒحْوڒْ.
PRO 15:17 إِحْڒَا إِجّْ ن طّبْصِي ن ڒْخُوضَارْثْ مَانِي [ثْحكّمْ] ثَايْرِي، خْ إِجّْ ن ؤُينْذُوزْ إِصحّنْ أَكْ-ذ وشْرَاهْ.
PRO 15:18 أَرْيَازْ إِتَّارُّوجْذُوذنْ إِسّكَّارَا إِمنْغِييّنْ، [مَاشَا] ونِّي غَارْ إِدْجَا تَّاسِيعْ ن ڒْخَاضَارْ إِسّخْسَايْ أَمنْغِي.
PRO 15:19 أَبْرِيذْ ن ؤُمعْڭُوزْ أَمْ شْبَارْقْ أَكْ-ذ إِسنَّاننْ، [مَاشَا] أَمسْرُوقْ ن يِينِّي إِڭُّورنْ نِيشَانْ أَقَا إِتّْوَاسّْڭعّذْ.
PRO 15:20 مِّيسْ أَمِيغِيسْ إِسّْفَارّحْ بَابَاسْ، [مَاشَا] بْنَاذمْ أَبُوهَاڒِي إِسّحْقَارَا يمَّاسْ.
PRO 15:21 ثُوبُّوهڒْيَا أَقَا-ت ذ ڒفْرَاحثْ إِ ونِّي وَارْ غَارْ إِدْجِي بُو وُوڒْ إِمْثنْ، [مَاشَا] إِجّْ ن ورْيَازْ ن ڒفْهَامثْ إِڭُّورْ نِيشَانْ.
PRO 15:22 إِنْوَاينْ فشّْڒنْ مَاڒَا وَارْ ذِينْ إِدْجِي شّْوَارْ، [مَاشَا] س وَاطَّاسْ ن إِمْشَاوَارنْ أَذْ يِيڒِي [ونْوَايْ].
PRO 15:23 أَرْيَازْ غَارسْ ڒفْرَاحثْ ذِي ثمْوَارِّيثْ إِصبْحنْ زڭْ ؤُقمُّومْ نّسْ. مشْحَاڒْ إِصْبحْ وَاوَاڒْ ذِي ڒْوقْثْ نّسْ!
PRO 15:24 أَبْرِيذْ ن ثُوذَارْثْ [إِندّهْ] غَارْ سنّجْ إِ ؤُفهَّامْ، مَاحنْذْ نتَّا أَذْ إِحيّذْ خْ ڒَاخَارْثْ سْوَادَّايْ.
PRO 15:25 ثَادَّارْثْ ن بُو-نّْفَاخثْ أَذْ ت إِقْڒعْ سِيذِي، [مَاشَا] أَيْمِيرْ [ن ييَّارْ] ن ثَاجَّاتْشْ إِسّمْثَانْ إِ-ث نتَّا.
PRO 15:26 إِخمِّيمنْ ن ؤُعفَّانْ ذ نّْعِي إِ سِيذِي، [مَاشَا] أَوَاڒنْ إِشوَّارنْ ذ إِمزْذَاڭنْ.
PRO 15:27 ونِّي يَارزُّونْ خْ أَرْبحْ إِغطّڒْ ثَادَّارْثْ نّسْ ذِي أَرّْژِييّثْ، [مَاشَا] ونِّي إِشَارّْهنْ ثَارْزِيفِينْ، أَذْ إِدَّارْ.
PRO 15:28 ؤُڒْ ن إِمْسڭَّاذنْ إِتّْخَارَّاصْ مَاحنْذْ أَذْ د-يَارّْ، [مَاشَا] أَقمُّومْ ن إِعفَّاننْ إِتّْفيّضْ س ڒْغَارْ.
PRO 15:29 إِڭّْوجْ سِيذِي خْ إِعفَّاننْ، [مَاشَا] ثَاژَادْجِيثْ ن إِمْسڭَّاذنْ إِتّسْڒَا أَسْ.
PRO 15:30 ثَافَاوْثْ [ذِي] ثِيطَّاوِينْ ثسّْفَارّحْ ؤُڒْ، ڒخْبَارْ أَصبْحَانْ إِسّْيُومَا إِغْسَانْ.
PRO 15:31 أَمزُّوغْ إِتّسْڒَانْ غَارْ ؤُوبّخْ إِ ثُوذَارْثْ، أَذْ إِسّنْسْ ذِي ڒْوسْطْ ن إِمِيغِيسنْ.
PRO 15:32 ونِّي إِنطَّارنْ تَّارْبِييّثْ، إِسّحْقَارَا إِخفْ نّسْ، [مَاشَا] ونِّي إِتّسْڒَانْ غَارْ ؤُوبّخْ، إِسّْيَاوَانْ ؤُڒْ [نّسْ].
PRO 15:33 ثِيڭّْوُوذِي ن سِيذِي ذ تَّارْبِييّثْ غَارْ ثِيغِيثْ، ؤُ أَوَاضعْ إِتِّيزْوَارْ إِ شَّانْ.
PRO 16:1 بْنَاذمْ غَارسْ إِخَارِّيصنْ ذڭْ وُوڒْ [نّسْ]، [مَاشَا] ثَامْوَارِّيثْ ن يِيڒسْ [ثتَّاسْ-د] زِي سِيذِي.
PRO 16:2 مَارَّا إِبْرِيذنْ ن ورْيَازْ صْفَانْ ذِي ثِيطَّاوِينْ نّسْ، [مَاشَا] سِيذِي إِتّْقدْجَابْ بُوحْبڒَاثْ.
PRO 16:3 سَارْسْ ڒخْذَايمْ نّشْ إِ سِيذِي، [خنِّي] أَذْ تّْوَاسّْمتّْننْ إِنْوَاينْ نّشْ.
PRO 16:4 سِيذِي إِخْڒقْ-د مَارَّا إِ لْغَارَاضْ نّسْ، عَاذْ ؤُڒَا ذ أَعفَّانْ [إِڭَّا إِ-ث] إِ وَاسّْ ن ڒْغَارْ.
PRO 16:5 كُوڒْ أَمْعفَّارْ ذ نّْعِي إِ سِيذِي، أَفُوسْ خَاسْ، نتَّا وَارْ إِتّتّْوَابَارِّي [عمَّارْصْ].
PRO 16:6 س ثْمخْسِيوْثْ إِشوَّارنْ ذ ڒَامَانْ أَذْ إِتّْوَاسّصْڒحْ خْ ڒْغشّْ، ؤُ س ثِيڭّْوُوذِي ن سِيذِي إِتّْحيَّاذْ ورْيَازْ خْ ڒْغَارْ.
PRO 16:7 مَاڒَا ؤُسِينْ-د إِبْرِيذنْ ن إِجّْ ن ورْيَازْ خْ ڒْخَاضَارْ ن سِيذِي، أَذْ يَارّْ نتَّا ؤُڒَا ذ ڒْعذْيَانْ نّسْ أَذْ كِيذسْ ڭّنْ ڒهْنَا.
PRO 16:8 إِحْرَا ذْرُوسْ أَكْ-ذ ثْسڭْذَا خْ وَاطَّاسْ ن ڒْغِيدْجثْ بْڒَا ڒْحقّْ.
PRO 16:9 ؤُڒْ ن بْنَاذمْ إِتّْخَارّصْ أَبْرِيذْ نّسْ، [مَاشَا] سِيذِي إِندّهْ إِصُورَافْ نّسْ.
PRO 16:10 ڒْحُوكْمْ بْڒَا أَذْوَاڒْ خْ إِينْشِيشنْ ن ؤُجدْجِيذْ، أَقمُّومْ نّسْ وَارْ إِخطِّي ذڭْ وحْكَامْ.
PRO 16:11 ڒْمِيزَانْ [نِيشَانْ] ذ طَّاوْيَاثْ ن ڒْمِيزَانْ نِيشَانْ أَقَا أَثنْ ن سِيذِي، مَارَّا إِژْرَا ن ڒوْزنْ ذِي ثشْيَارْثْ ذ ڒْخذْمثْ نّسْ.
PRO 16:12 ذ نّْعِي إِ إِجدْجِيذنْ خْمِي غَا ڭّنْ ڒْغَارْ، مَاغَارْ ڒْعَارْشْ إِتّْوَاسّمْثنْ زِي ثْسڭْذَا.
PRO 16:13 إِينْشِيشنْ [إِ إِشُّورنْ] س ثْسڭْذَا تّعْجِيبنْ إِ ؤُجدْجِيذْ، ؤُ ونِّي إِسَّاوَاڒنْ نِيشَانْ، إِتّخْسْ إِ-ث نتَّا.
PRO 16:14 أَسْعَارْ ن ؤُجدْجِيذْ [أَمْ] لْمَالَاكَاثْ نْ ڒْموْثْ، [مَاشَا] أَرْيَازْ أَمِيغِيسْ إِزمَّارْ أَذْ غَارسْ ت إِ-د يَارّْ.
PRO 16:15 ذِي ثْفَاوْثْ ن وُوذمْ [إِتِّيسِّيقنْ] ن ؤُجدْجِيذْ [ثدْجَا] ثُوذَارْثْ، أَرْضَا نّسْ أَمْ ؤُسيْنُو ن ونْژَارْ ذِي ثفْسُوثْ.
PRO 16:16 أَقَا ثحْڒَا ثَارزُّوثْ ن ثِيغِيثْ خْ وُورغْ إِتِّيسِّيقنْ، ؤُ [مشْحَاڒْ كْثَارْ] أَذْ ثِيڒِي ثْوَافِيثْ ن ڒفْهَامثْ سنّجْ خْ [ثْوَافِيثْ ن] نُّوقَارْثْ.
PRO 16:17 أَبْرِيذْ ن يِينِّي إِڭُّورنْ نِيشَانْ إِتّْحيَّاذْ خْ ڒْغَارْ. ونِّي إِحطَّانْ أَبْرِيذْ نّسْ، إِحطَّا ڒعْمَارْ نّسْ.
PRO 16:18 ثَانفْسشْثْ ثتِّيزْوَارْ-د إِ أَرْژِّييّثْ، ؤُ نّْفَاخثْ ثتَّاسْ-د قْبڒْ إِ ؤُوطُّو.
PRO 16:19 إِحْڒَا أَقْنَاعْ ن بُوحْبڒْ أَكْ-ذ إِنِّي إِتّْوَاحْصَارنْ، خْ ؤُبطُّو ن ثْكشَّاضْثْ أَكْ-ذ أَيْثْ-نّْفَاخثْ.
PRO 16:20 ونِّي إِتّْخَارَّاصنْ مْلِيحْ ذِي شَا ن ثْمسْڒَاشْثْ، أَذْ يَافْ ڒْخَارْ، سّعْذْ ن ونِّي إِتّْشَاڒَانْ خْ سِيذِي.
PRO 16:21 ونِّي غَارْ إِدْجَا وُوڒْ ذ أَمِيغِيسْ، أَذْ ث سمَّانْ بُو-وفْثَانْ، ؤُ ثَاژْيُوذِي [ن ڒْهَارْذْ] ن إِينْشِيشنْ ثَارنِّي ذِي ڒفْهَامثْ.
PRO 16:22 ڒعْقڒْ ذ ڒْعُونْصَارْ ن ثُوذَارْثْ إِ بَابْ نّسْ، [مَاشَا] تَّارْبِييّثْ إِ إِبُوهَاڒِييّنْ ذ ثُوبُّوهڒْيَا [وَاهَا].
PRO 16:23 ؤُڒْ ن ؤُمِيغِيسْ إِتَّارَّا أَقمُّومْ نّسْ إِفهّمْ، زڭْ إِينْشِيشنْ نّسْ أَذْ فهْمنْ كْثَارْ.
PRO 16:24 أَوَاڒنْ إِشوَّارنْ [ڭِّينْ أَمْ] ثَامّنْثْ ن ثغْرَاسْثْ، [أَقَا أَثنْ] ذ إِمِيژِيذنْ إِ ڒعْمَارْ ذ ؤُڭنْفُو إِ يغْسَانْ.
PRO 16:25 أَذْ ثَاغْ إِتّْغِيڒْ أَسْ إِ شَا ن يِيجّنْ أَقَا أَبْرِيذْ نّسْ نِيشَانْ، [مَاشَا] أَنڭَّارْ نّسْ [مْغِيرْ] إِبْرِيذنْ [إِتَّاوْينْ] غَارْ ڒْموْثْ.
PRO 16:26 ڒَاژْ ن ؤُشوَّاڒْ إِخدّمْ أَسْ إِ نتَّا، مَاغَارْ أَقمُّومْ نّسْ إِندّهْ إِ-ث.
PRO 16:27 أَرْيَازْ إِ وَارْ إِسكّْوِينْ إِغزَّا ڒْغَارْ، خْ إِينْشِيشنْ نّسْ أَمْ يِيشْثْ ن ثْمسِّي إِتّْشعَّاڒنْ.
PRO 16:28 أَرْيَازْ [إِشُّورنْ] س ڒخْذَاعَاثْ إِسّكَّارَا أَمنْغِي، ؤُ أَخْبَارْجِي إِتَّاوِي-د [عَاذْ] أَبطُّو أَكْ-ذ ؤُمدُّوكّڒْ إِصبْحنْ أَطَّاسْ.
PRO 16:29 أَرْيَازْ بُو-ڒخْشُونثْ إِتّْغَارَّا جَّارْ نّسْ، إِندّهْ إِ-ث غَارْ إِجّْ ن وبْرِيذْ إِ وَارْ إِدْجِينْ مْلِيحْ.
PRO 16:30 نتَّا إِتّقّنْ ثِيطَّاوِينْ نّسْ مَاحنْذْ أَذْ إِخَارّصْ مَارَّا دَّارْبَاثْ ن ڒخْذَاعثْ، إِتّْكمّشْ إِينْشِيشنْ نّسْ، [أَقَا ذَا] إِڭَّا ڒْغَارْ.
PRO 16:31 أَشُوَّافْ إِشَابنْ ذ إِجّْ ن تَّاجْ إِزوّْقنْ، ثْزمَّارذْ أَذْ ت ثَافذْ خْ وبْرِيذْ ن ثْسڭْذَا.
PRO 16:32 إِحْڒَا بُو-تَّاسِيعْ ن ڒْخَاضَارْ خْ إِجّْ ن ورْيَازْ إِجهْذنْ ؤُ ونِّي إِتّبَّاثنْ بُوحْبڒْ نّسْ [إِحْڒَا] خْ ونِّي إِحوّْسنْ إِشْثْ ن ثنْذِينْثْ.
PRO 16:33 ثَاقدُّوحْثْ ثمّنْضَارْ ذڭْ وحْسِينْ، [مَاشَا] مْكُوڒْ أَرَّايْ إِتَّاسْ-د زِي سِيذِي.
PRO 17:1 إِحْڒَا إِجّْ ن ؤُزعِّيفْ ن وغْرُومْ يُوژْغنْ أَكْ-ذ ڒهْنَا، خْ إِشْثْ ن ثَادَّارْثْ ثشُّورْ س ثْغَارْصَا، ذَايسْ أَمنْغِي.
PRO 17:2 إِجّْ ن يِيسْمغْ إِفثْننْ أَذْ إِضبَّارْ خْ إِجّْ ن مِّيسْ نِّي إِتَّاوْينْ غَارْ ڒفْضِيحثْ، ذِي ڒْوسْطْ ن يَايْثْمَاسْ أَذْ إِبْضَا نتَّا ڒْوَارْثْ.
PRO 17:3 أَطنْجِيرْ ن ؤُسفْسِي إِ نُّوقَارْثْ ؤُ أَفَارَّانْ إِ وُورغْ، [مَاشَا] سِيذِي إِتّْجَارَّابْ ؤُڒَاونْ.
PRO 17:4 أَعفَّانْ إِخزَّارْ غَارْ إِينْشِيشنْ إِعفَّاننْ، بُو-إِخَارِّيقنْ إِتِّيشْ أَمزُّوغْ إِ يِيڒسْ إِشُّورنْ س ڒْغشّْ.
PRO 17:5 ونِّي إِتّْحشّنْ خْ ؤُمزْڒُوضْ، إِسّْفطّحْ ونِّي ث-إِ-د-إِخڒْقنْ، ونِّي إِفَارّْحنْ خْ أَرْژِييّثْ، وَارْ إِتّْوِيحْسِيبْ ذ أَمزْذَاڭْ.
PRO 17:6 تَّاجْ ن إِوسُّورَا ذ أَيَّاونْ، ثَالْوِيزْثْ ن إِحنْجِيرنْ ذ إِبَابَاثنْ نْسنْ.
PRO 17:7 أَينْشِيشْ ن شَّانْ وَارْ د-إِتِّيسْ أَكْ-ذ ؤُبُوهَاڒِي، [خنِّي]عسَّاكْ عَاذْ أَينْشِيشْ إِسّْخَارِّيقنْ أَكْ-ذ ؤُمْشنّعْ.
PRO 17:8 ثَارْزفْثْ ن أَرّشْوثْ ذ إِجّْ ن وژْرُو إِزوّْقنْ ذِي ثِيطَّاوِينْ ن بَابْ نّسْ، مَانِي مَا يَارَّا س ؤُزدْجِيفْ، إِتّفْڒِيحْ.
PRO 17:9 ونِّي إِسّْذُورُّوينْ أَخطُّو، يَارزُّو ثَايْرِي، [مَاشَا] ونِّي إِتّْعَاوَاذنْ إِشْثْ ن ڒْحَاجّثْ زِي جْذِيذْ، إِبطَّا إِمدُّوكَّاڒْ إِشْنَانْ.
PRO 17:10 إِتّْقَارَّا ؤُثخْثخْ خْ ؤُفهَّامْ أَطَّاسْ خْ مْيَا ن ثيِّيثَا خْ يِيجّْ ن ؤُبُوهَاڒِي.
PRO 17:11 أَمْغوّغْ يَارزُّو مْغِيرْ خْ ڒْغَارْ، [خْ ؤُيَا] أَذْ غَارسْ د-إِتّْوَاسّكّْ إِجّْ ن ؤُمْسخَّارْ إِقسْحنْ ضِيدّْ نّسْ.
PRO 17:12 أجّْ أَذْ إِمّڒْقَا شَا ن دُّوبْ إِ ؤُمِي تّْوَاشَارنْ ثَارْوَا أَكْ-ذ شَا ن يِيجّنْ، [مَاشَا] وَارْ إِدْجِي أَبُوهَاڒِي ذِي ثُوبُّوهڒْيَا نّسْ.
PRO 17:13 ونِّي إِتّْخدْجَاصنْ مِينْ إِصبْحنْ س ڒْغَارْ، وَارْ ثتّْحيِّيذْ أَرْژِييّثْ خْ ثَادَّارْثْ نّسْ.
PRO 17:14 بدُّو ن ؤُمنْغِي [أَمشْنَاوْ] أَرْزَامْ ن ڒْحمْڒثْ ن وَامَانْ. أجّْ أَمنْغِي أَذْ يَارْسْ قْبڒْ إِ غَا إِدُّوقّزْ.
PRO 17:15 ونِّي إِتّْبَارَّانْ أَعفَّانْ ؤُ ونِّي إِتّْبَارَّاحنْ أَقَا أَمْسڭّذْ ذ أَعفَّانْ، أَقَا نِيثْنِي س ثْنَاينْ إِذْسنْ ذ نّْعِي إِ سِيذِي.
PRO 17:16 مَايمِّي ذِينْ إِ غَا إِڒِينْثْ ثْمنْيَاثْ ذڭْ ؤُفُوسْ ن ؤُبُوهَاڒِي مَاحنْذْ أَذْ إِسغْ ثِيغِيثْ، أَمْ وَارْ غَارسْ ؤُڒْ [إِ مَانْ أَيَا]؟
PRO 17:17 أَمدُّوكّڒْ [ذ ثِيذتّْ] إِتّخْسْ ڒبْذَا، ؤُ ثَاوْمَاثْ ثتّْوَاخْڒقْ-د إِ ڒحْصَارثْ.
PRO 17:18 بْنَاذمْ نِّي وَارْ غَارْ إِدْجِي وُوڒْ إِمْثنْ، إِشَّاثْ أَفُوسْ، إِتّڭّْ إِخفْ نّسْ ذ أَضْمَانْ إِ جَّارْ نّسْ.
PRO 17:19 ونِّي إِتّخْسنْ أَخطُّو، إِتّخْسْ أَمْشُوبّشْ، ونِّي إِتّڭّنْ ثَاوَّارْثْ نّسْ ثْڭعّذْ، يَارزُّو ثَارژِّيثْ.
PRO 17:20 ونِّي غَارْ إِدْجَا ؤُڒْ إِفَارْغْ، وَارْ إِتِّيفْ مِينْ إِصبْحنْ، ونِّي إِفَارّْغنْ س إِينْشِيشنْ نّسْ، أَذْ إِوْضَا ذِي أَرْژِييّثْ.
PRO 17:21 ونِّي د-يُورْونْ إِجّْ ن ؤُبُوهَاڒِي، [إِتَّاوِي-د] أَشْضَانْ إِ يِيخفْ نّسْ، بَابَاسْ ن ؤُبُوهَاڒِي وَارْ إِزمَّارْ أَذْ إِفَارْحْ.
PRO 17:22 ؤُڒْ إِفَارْحنْ إِجبّذْ أَڭنْفُو، [مَاشَا] بُوحْبڒْ إِشضْننْ إِسَّاژَاغْ إِغْسَانْ.
PRO 17:23 أَعفَّانْ أَذْ د-إِكْسِي ثَارْزفْثْ [ن أَرّشْوثْ] زڭْ وحْسِينْ، حِيمَا أَذْ إِسّْفَارْغْ إِمسْرَاقْ ن ڒْحقّْ.
PRO 17:24 أَفهَّامْ [إِتّڭّْ] ثِيغِيثْ زَّاثْ إِ ثْمُوغْڒِي نّسْ، [مَاشَا] ثِيطَّاوِينْ ن ؤُبُوهَاڒِي [تَّاوْينْثْ] أَڒْ طَّارْفْ ن ثمُّورْثْ.
PRO 17:25 إِجّْ ن مِّيسْ أَبُوهَاڒِي ذ ڒعْذَابْ إِ بَابَاسْ، ذ إِجّْ ن ڒحْڒِيقْ أَمرْزَاڭْ إِ ونِّي ث-إِ-د يُورْونْ.
PRO 17:26 أَودّبْ ن ؤُمْسڭّذْ وَارْ إِدْجِي نِيشَانْ، [أَمْ ؤُڒَا ذ] ثِييِّيثَا إِ أَيْثْ ن طَّاسِيڒثْ ذِي سِّيبّثْ ن ڒصْفَايثْ [نْسنْ].
PRO 17:27 ونِّي غَارْ ثدْجَا ثُوسّْنَا، إِمنّعْ أَوَاڒنْ نّسْ، أَرْيَازْ أَفهَّامْ [ذَايسْ] بُوحْبڒْ نّسْ يَارْسَا.
PRO 17:28 ؤُڒَا أَبُوهَاڒِي إِسّْغَاذنْ، أَذْ إِتّْوَاحْسبْ ذ أَمِيغِيسْ، ونِّي إِبلّْعنْ إِينْشِيشنْ نّسْ [أَذْ إِتّْوَاحْسبْ] ذ أَفتَّانْ.
PRO 18:1 ونِّي إِعزّْڒنْ إِخفْ نّسْ، يَارزُّو خْ مژْرِي نّسْ، نتَّا إِدُّوقُّوزْ خْ مَارَّا مِينْ إِزمَّارنْ أَذْ يِيڒِي ذ أَذبَّارْ.
PRO 18:2 أَبُوهَاڒِي وَارْ ذ أَسْ ثتّعْجِيبْ ڒفْهَامثْ، [إِتّعْجِيبْ أَسْ] مْغِيرْ أَعَارِّي ن وُوڒْ نّسْ.
PRO 18:3 خْمِي د-إِتَّاذفْ ؤُعفَّانْ، إِتَّاسْ-د ؤُڒَا ذ أَسحْقَارْ، ؤُ أَكْ-ذ ڒفْضِيحثْ إِتَّاسْ-د ڒْعَارْ.
PRO 18:4 أَوَاڒنْ زڭْ ؤُقمُّومْ ن ورْيَازْ [أَمْ] وَامَانْ يُودْجْغنْ، ڒْْعُونْصَارْ ن ثِيغِيثْ ذ [إِشْثْ ن] ثِيغْزَارْثْ إِتَّازّْڒنْ.
PRO 18:5 وَارْ إِدْجِي شَا مْلِيحْ أَذْ ثسّْعِيزّذْ أَعفَّانْ، مَاحنْذْ أَذْ ثسّْحيّْذذْ أَمْسڭّذْ ذِي شّْرعْ.
PRO 18:6 إِينْشِيشنْ ن ؤُبُوهَاڒِي ندّْهنْ [ث] غَارْ ؤُمْشبّشْ، أَقمُّومْ نّسْ إِتّْڒَاغَا-د إِ وعْمُوذْ.
PRO 18:7 أَقمُّومْ ن ؤُبُوهَاڒِي ذ أَهلّكْ نّسْ، إِينْشِيشنْ نّسْ ذ ڒْفخْ إِ ڒعْمَارْ نّسْ.
PRO 18:8 أَوَاڒنْ ن إِخْبَارْجِييّنْ أَمْ حَالَاوِيثْ، هكّْوَانْثْ ذڭْ إِخَّامنْ ن ذَاخڒْ ن ؤُعذِّيسْ.
PRO 18:9 ونِّي إِدْجَانْ ذ أَمَارْخُو ذِي ڒْخذْمثْ نّسْ، أَقَا ث ذ ؤُمَاسْ ن بَابْ ن ؤُڒدّدْجْ.
PRO 18:10 إِسمْ ن سِيذِي ذ إِجّْ ن لْبُورْجْ إِمْثنْ، أَمْسڭّذْ إِتَّازّڒْ غَارْ ذِينِّي، ؤُشَا إِتّْوَاسَّاكّْوَاضْ أَڒْ ذِينْ ذِي ڒَامَانْ.
PRO 18:11 أَڭْڒَا ن بُو-وَاڭْڒَا ذ ثَانْذِينْثْ نّسْ إِجهْذنْ، [ثَانِيثَا] أَمْ يِيجّْ ن ڒْحِيضْ يُوعْڒَانْ قَاعْ ذِي ڒْبَاڒْ نّسْ.
PRO 18:12 قْبڒْ مَا إِ غَا إِتّْوَارْژْ، إِتّْڭعَّاذْ وُوڒْ نْ بْنَاذمْ، [مَاشَا] أَوَاضعْ إِتِّيزْوَاڒْ أَسْ إِ شَّانْ.
PRO 18:13 ونِّي د-إِتَّارَّانْ أَوَاڒْ قْبڒْ إِ غَا إِسڒْ، ذ مَانْ أَيَا ذ ثُوبُّوهڒْيَا ذ ڒفْضِيحثْ إِ نتَّا.
PRO 18:14 بُوحْبڒْ ن ورْيَازْ إِتّْسنّذْ إِ-ث غَارْ ڒهْڒَاشْ نّسْ، [مَاشَا] بُوحْبڒْ إِتّْوَارْژنْ، وِي إِزمَّارنْ أَذْ ث إِكْسِي؟
PRO 18:15 ؤُڒْ ن ؤُفهَّامْ يَارزُّو ثُوسّْنَا، أَمزُّوغْ ن ؤُمِيغِيسْ يَارزُّو ثُوسّْنَا.
PRO 18:16 ثَارْزفْثْ ن بْنَاذمْ ثَارزّمْ أَسْ ثِيوُّورَا، ثْندّهْ إِ-ث زَّاثْ إِ وُوذمْ ن إِمقّْرَاننْ.
PRO 18:17 ونِّي ذ أَمزْوَارُو ذِي دّعْوثْ نّسْ إِتّْبَانْ ذ أَمْسڭّذْ، [مَاشَا خنِّي] أَذْ د-يَاسْ جَّارْ نّسْ ؤُشَا إِتّْنشّبْ ذِي ثْمسْڒَاشْثْ.
PRO 18:18 ثَاقدُّوحْثْ إِتّجَّانْ إِمنْغَانْ تّْبدَّانْ، ثْبطَّا جَارْ إِنِّي غَارْ ثدْجَا صُّولْطَا.
PRO 18:19 إِجّْ ن ؤُمَا نِّي ؤُمِي ذِي ڭِّينْ ڒْعِيبْ، [إِتّْوَاطّفْ كْثَارْ] خْ إِشْثْ ن ثنْذِينْثْ إِجهْذنْ، إِمنْغَانْ ڭِّينْ أَمْ زّكْرُونْ ن ڒقْصَارْ.
PRO 18:20 زِي ڒْغِيدْجثْ ن ؤُقمُّومْ ن إِجّْ ن ورْيَازْ إِتّْيَاوَانْ ؤُعذِّيسْ نّسْ، أَذْ إِجَّاونْ زِي صَّابثْ ن إِينْشِيشنْ نّسْ.
PRO 18:21 ڒْموْثْ ذ ثُوذَارْثْ ذڭْ ؤُفُوسْ ن يِيڒسْ، كُوڒْ إِجّنْ ونِّي ثنْ إِتّخْسنْ، أَذْ يشّْ رْغِيدْجثْ نْسنْ.
PRO 18:22 ونِّي يُوفِينْ ثَامْغَارْثْ، يُوفَا مِينْ إِصبْحنْ، ؤُ نتَّا إِطّفْ أَرْضَا ن سِيذِي.
PRO 18:23 س ؤُحشّمْ إِسَّاوَاڒْ ؤُمزْڒُوضْ، بُو-وَاڭْڒَا إِتَّارَّا-د س ڒقْسَاحثْ.
PRO 18:24 أَرْيَازْ نِّي غَارْ دْجَانْ إِمدُّوكَّاڒْ [أَطَّاسْ]، أَذْ إِوْضَا ذِي ثَامَارَا، [مَاشَا] شَا ن إِمُورنْ أَمدُّوكّڒْ إِتّخْسْ [إِ شكْ] كْثَارْ زِي ثَاوْمَاثْ.
PRO 19:1 إِحْڒَا إِجّْ ن ؤُمزْڒُوضْ إِڭُّورنْ ذِي ڒصْفَايثْ نّسْ، خْ ونِّي غَارْ إِدْجَانْ إِينْشِيشنْ فَارْغنْ، ؤُ أَقَا ث ذ أَبُوهَاڒِي [إِ يدْجَا].
PRO 19:2 بْڒَا ثُوسّْنَا ؤُڒَا ذ ڒعْمَارْ وَارْ إِدْجِي شَا مْلِيحْ، ونِّي إِتّْقدْجْقنْ س إِضَارنْ [نّسْ]، أَذْ إِخْضَا.
PRO 19:3 ثُوبُّوهڒْيَا ن بْنَاذمْ إِسّْفَارَّاغْ أَبْرِيذْ نّسْ، ؤُ [خنِّي] ؤُڒْ نّسْ أَذْ إِسْعَارْ خْ سِيذِي.
PRO 19:4 أَڭْڒَا إِتَّاوِي-د أَطَّاسْ ن إِمدُّوكَّاڒْ، [مَاشَا] أَمزْڒُوضْ إِسمّحْ ذَايسْ ؤُمدُّوكّڒْ نّسْ.
PRO 19:5 أَشهَّاذْ إِسّْخَارِّيقنْ وَارْ إِتّْوَاحسّبْ شَا ذ أَمزْذَاڭْ، ونِّي د-يَارخُّونْ إِ إِخَارِّيقنْ، وَارْ إِنجّمْ.
PRO 19:6 أَطَّاسْ تّْزَاوْڭنْ زَّاثْ إِ وُوذمْ ن ؤُمْشنّعْ، كُوڒْ  إِجّْ إِتّخْسْ أَذْ يِيڒِي ذ أَمدُّوكّڒْ ن ورْيَازْ إِ غَارْ إِدْجَا ثرْزِيفِينْ.
PRO 19:7 مَارَّا أَيْثْمَاسْ ن ؤُمزْڒُوضْ شَارّْهنْ ث، مشْحَاڒْ تِّيڭّْوجّنْ خَاسْ إِمدُّوكَّاڒْ نّسْ! نتَّا إِضفَّارْ أَوَاڒنْ نِّي وَارْ إِسكّْوِينْ وَالُو.
PRO 19:8 ونِّي إِطّْفنْ ؤُڒْ [أَمِيغِيسْ]، إِتّخْسْ ڒعْمَارْ نّسْ، ونِّي إِحطَّانْ ڒفْهَامثْ، أَذْ يَافْ مِينْ إِشْنَانْ.
PRO 19:9 إِجّْ ن ؤُشهَّاذْ إِسّْخَارِّيقنْ وَارْ إِتّْوَاحسّبْ شَا ذ أَمزْذَاڭْ، ونِّي يَارخُّونْ إِ إِخَارِّيقنْ، أَذْ إِتّْوَاهلّكْ.
PRO 19:10 أَفيّشْ وَارْ د-يُوسِي خْ ؤُبُوهَاڒِي، مَامّشْ عَاذْ خْ ؤُمْسخَّارْ مَاحنْذْ أَذْ إِسلّطْ خْ ڒْحُوكَّامْ.
PRO 19:11 ڒعْقڒْ ن بْنَاذمْ إِتَّارَّا إِ-ث أَذْ إِڭّْ س تَّاسِيعْ ن ڒْخَاضَارْ ثُوسَا-د خَاسْ مَاحنْذْ أَذْ إِميّكْ خْ [ؤُ]خطُّو نّسْ.
PRO 19:12 أَسْخضْ ن ؤُجدْجِيذْ أَمْ زّْهِيرْ ن ويْرَاذْ ذِي ثمْژِي نّسْ، [مَاشَا] أَرْضَا نّسْ أَمْ نّْذَا خْ أَرْبِيعْ.
PRO 19:13 مِّيسْ أَبُوهَاڒِي ذ أَرْژِييّثْ إِ بَابَاسْ، أَمْشُوبّشْ ن ثمْغَارْثْ إِڭَّا أَمْ ثُوذِّيمْثْ [ن ثْزقَّا] وَارْ إِقطِّينْ.
PRO 19:14 ثَادَّارْثْ ذ وَاڭْڒَا أَقَا أَثنْ ذ ڒْوَارْثْ ن ڒجْذُوذْ [مَاشَا] إِشْثْ ن ثمْغَارْثْ إِفهّْمنْ أَقَا-ت ن سِيذِي.
PRO 19:15 ڒعْڭزْ يَارَّا [بْنَاذمْ] أَذْ إِوْضَا ذڭْ إِضصْ يُودْجْغنْ، ؤُ ڒعْمَارْ [إِشُّورْ] س ڒْغشّْ أَذْ إِدْجَاژْ.
PRO 19:16 ونِّي إِحطَّانْ ثَاوْصيّثْ، إِحطَّا ڒعْمَارْ نّسْ، ونِّي وَارْ إِحطِّينْ إِبْرِيذنْ نّسْ، أَذْ إِمّثْ.
PRO 19:17 ونِّي إِتّْحِينَّانْ خْ ؤُمزْڒُوضْ، يَارطّڒْ إِ سِيذِي. نتَّا أَذْ أَسْ إِخدْجصْ ڒْخذْمثْ نّسْ.
PRO 19:18 وبّخْ مِّيشْ، مَاڒَا عَاذْ ذِينْ شَا ن ڒَايَاسْ، [مَاشَا] وَارْ ث نقّْ شَا، وَارْ تّجِّي شَا أَذْ إِكْسِي أَيَا ڒعْمَارْ نّشْ.
PRO 19:19 ونِّي إِسْعَارنْ أَطَّاسْ، أَذْ إِتّْوَاخدْجصْ [إِ مَانَاينِّي]، مَاغَارْ مَاڒَا ثخْسذْ أَذْ ث ثْمنْعذْ، خنِّي أَذْ ذَايسْ ثَارنْيذْ [وَاهَا].
PRO 19:20 سڒْ شكْ غَارْ ؤُشَاوَارْ ؤُشَا قْبڒْ تَّارْبِييّثْ، مَاحنْذْ أَذْ ثْذوْڒذْ ذ أَمِيغِيسْ غَارْ ؤُنڭَّارْ.
PRO 19:21 أَقَا ذِينْ أَطَّاسْ ن إِخمِّيمنْ ذڭْ وُوڒْ ن ورْيَازْ، [مَاشَا] شّْوَارْ ن سِيذِي إِتّْغِيمَا إِبدّْ.
PRO 19:22 ثَامخْسِيوْثْ إِشوَّارنْ ن بْنَاذمْ ذ ڒضْرَافثْ نّسْ، [أَمُّو إِ إِدْجَا] إِجّْ ن ؤُمزْڒُوضْ حْسنْ خْ إِجّْ ن بُو-إِخَارِّيقنْ.
PRO 19:23 ثِيڭّْوُوذِي ن سِيذِي ثْندّهْ غَارْ ثُوذَارْثْ، مَاغَارْ إِتّطّصْ إِجِّيونْ، وَارْ غَارسْ د-إِتَّاسْ شَا مِينْ وَارْ إِحْڒِينْ.
PRO 19:24 أَمعْڭُوزْ إِسّْنُوفَّارْ أَفُوسْ نّسْ ذِي طّبْصِي، وَارْ ث-إِ-د-إِتَّارِّي [عَاوذْ] غَارْ ؤُقمُّومْ نّسْ.
PRO 19:25 وّثْ أَمسْثهْزِييْ، أَمُّو إِ غَا إِفْثنْ ونِّي وَارْ غَارسْ بُو ڒفْهَامثْ، ؤُ عَاقبْ أَفهَّامْ، [خنِّي] أَذْ إِكْسبْ ڒفْهَامثْ.
PRO 19:26 ونِّي إِتّڭّنْغزُّو ذِي بَابَاسْ نِيغْ ونِّي إِسُّوفُّوغنْ يمَّاسْ، أَقَا ذ مِّيسْ نْ ڒفْضِيحثْ نِّي يَارَّانْ [بْنَاذمْ] أَذْ إِسضْحَا.
PRO 19:27 سْبدّْ-د، أَ مِّي، مَاحنْذْ أَذْ ثسْڒذْ غَارْ ؤُوبّخْ، مَاڒَا ثخْسذْ أَذْ ثْحيّْذذْ خْ وَاوَاڒنْ إِشُّورنْ س ثُوسّْنَا.
PRO 19:28 إِجّْ ن ؤُشهَّاذْ إِ وَارْ إِسكّْوِينْ إِغطّڒْ زِي ڒْحقّْ، ؤُشَا أَقمُّومْ ن إِعفَّاننْ إِصَارّضْ ڒْغشّْ.
PRO 19:29 إِمسْثهْزَاينْ ثتّْرَاجَا أَثنْ ڒحْكَامثْ، ؤُ ثِييِيتَّا ذڭْ وعْرُورْ إِ إِبُوهَاڒِييّنْ.
PRO 20:1 بِينُو ذ إِجّْ ن ؤُمسْثهْزِييْ، شّْرَابْ ذ بُو-سّْضعْ، كُوڒْ إِجّنْ ونِّي زَّايسْ إِ غَا إِودَّارنْ، [عمَّارْصْ] وَارْ إِذِّيكّْوِيڒْ ذ أَمِيغِيسْ.
PRO 20:2 أَهُوذِّي ن ؤُجدْجِيذْ أَمْ زّْهِيرْ ن وَايْرَاذْ: ونِّي ث إِسّعَارنْ، إِخطَّا أَكْ-ذ ڒعْمَارْ نّسْ.
PRO 20:3 أَسْمَاحْ ذڭْ ؤُمْشُوبّشْ أَقَا ذ شَّانْ إِ ورْيَازْ، [مَاشَا] كُوڒْ أَبُوهَاڒِي أَذْ إِدُّوقّزْ.
PRO 20:4 زِي ڒْوقْثْ ن ڒخْرِيفْ وَارْ إِشَارّزْ ؤُمعْڭُوزْ، [خنِّي] أَذْ إِتَّارْ ذِي ڒْوقْثْ ن ثْميْرَا، [مَاشَا] وَارْ إِتِّيفْ وَالُو.
PRO 20:5 إِخَارِّيصنْ ذڭْ وُوڒْ ن بْنَاذمْ أَمَانْ يُودْجْغنْ، [مَاشَا] إِجّْ ن ورْيَازْ س ڒفْهَامثْ إِسّنْ أَذْ ثنْ يَايمْ.
PRO 20:6 أَطَّاسْ ن إِوْذَانْ تّْڒَاغَانْ خْ شَا ن إِجّنْ ’أَمدُّوكّڒْ نْسنْ ذ أَمْثِيقِّي‘، [مَاشَا] أَرْيَازْ ذ أَمْثِيقِّي، مَانْ ونْ ث إِ غَا يَافنْ؟
PRO 20:7 أَمْسڭّذْ إِڭُّورْ ذِي ڒصْفَايثْ نّسْ، سّعْذْ ن إِحنْجِيرنْ نّسْ [إِ إِتّجَّا] أَوَارْنِي أَسْ.
PRO 20:8 إِجّْ ن ؤُجدْجِيذْ نِّي إِتّْغِيمَانْ خْ ڒْكُورْسِي ن شّْرعْ، إِتّْصفَّا مَارَّا ڒْغَارْ س ثِيطَّاوِينْ نّسْ.
PRO 20:9 وِي إِزمَّارنْ أَذْ يِينِي: ”نشّْ سِّيزذْڭغْ ؤُڒْ إِنُو، نشّْ إِزْذِيڭغْ زِي دّْنُوبْ إِنُو!“؟
PRO 20:10 إِجّْ ن ڒوْزنْ ذ إِجّْ ن ڒوْزنْ نّغْنِي، إِجّْ ن إِفَا ذ إِجّْ ن إِفَا نّغْنِي، أَقَا أَثنْ س ثْنَاينْ إِذْسنْ ذ نّْعِي إِ سِيذِي.
PRO 20:11 أَحُوذْرِي إِسّْشَانَا ذِي ثْمڭَّا نّسْ، مَا ڒْخذْمثْ نّسْ ثصْفَا نِيغْ أَقَا نِيشَانْ [إِ ثدْجَا].
PRO 20:12 أَمزُّوغْ إِتّسْڒَانْ ذ ثِيطّْ إِتّْوَاڒَانْ، سِيذِي إِڭَّا إِ-ثنْ س ثْنَاينْ إِذْسنْ.
PRO 20:13 وَارْ تّخْسْ إِضصْ مَاحنْذْ وَارْ ثذِّيكّْوِيڒذْ ذ أَمزْڒُوضْ، أَرْزمْ ثِيطَّاوِينْ نّشْ، سْيِيونْ إِخفْ نّشْ س وغْرُومْ.
PRO 20:14 ’وَارْ إِحْڒِي، وَارْ إِحْڒِي!‘، إِقَّارْ ؤُمْسوّقْ، [مَاشَا] مَاڒَا يُويُورْ، [أَمُّو إِ] إِتّْشنّعْ إِخفْ نّسْ.
PRO 20:15 ؤُرغْ إِدْجَا، ؤُڒَا ذ أَطَّاسْ ن ڒْمَارْجَانْ، [مَاشَا] إِينْشِيشنْ [شُّورنْ] س ثُوسّْنَا ذ إِشْثْ ن ڒْقشْعثْ إِغْڒَانْ أَطَّاسْ.
PRO 20:16 مَاڒَا إِجّنْ إِدَّاكّْوَاڒْ ذ أَضْمَانْ إِ يِيجّْ ن ؤُبَارَّانِي، [خنِّي] كْسِي أَرُّوضْ نّسْ ؤُ كْسِي ث ذ دِّييّثْ إِ يِينِّي وَارْ إِتّْوَاسّْننْ.
PRO 20:17 ذ أَمِيژِيذْ إِ بْنَاذمْ أَغْرُومْ [نِّي إِطّفْ س] إِخَارِّيقنْ، أَوَارْنِي أَسْ أَذْ إِشُّورْ ؤُقمُّومْ نّسْ س إِقَايَاسنْ.
PRO 20:18 إِخمِّيمنْ تّكْمِيڒنْ س ؤُشَاوَارْ، خْ ؤُينِّي نْذهْ أَمنْغِي س ؤُذبَّارْ.
PRO 20:19 ونِّي إِڭُّورنْ ذَا ذ ذِيهَا س ثخْبَارْجِيثْ، إِتّْعَارَّا مِينْ إِنُّوفَّارنْ، وَارْ ثْسبّبْ أَكْ-ذ ونِّي إِسّْحِينِّيبنْ س إِينْشِيشنْ نّسْ إِصبْهنْ.
PRO 20:20 ونِّي إِ غَا إِنعْڒنْ خْ بَابَاسْ ذ يمَّاسْ، ڒفْنَارْ نّسْ أَذْ إِتّْوَاسّخْسِي ذِي ثَادْجسْثْ ثَابَارْشَانْثْ.
PRO 20:21 مَاڒَا ثَاسْغَارْثْ ثتّْوَاكْسبْ ذغْيَا س ثَازْڒَا ذڭْ ؤُمزْوَارُو، وَارْ د-ثِيوضْ ذ لْبَارَاكَا غَارْ ؤُنڭَّارْ.
PRO 20:22 وَارْ قَّارْ: ”نشّْ أَذْ خڒْفغْ ڒْغَارْ!“ [مَاشَا] ثْشڒْ خْ سِيذِي ؤُ نتَّا أَذْ شكْ إِسّنْجمْ.
PRO 20:23 إِجّْ ن ڒوْزنْ ذ إِجّْ ن ڒوْزنْ نّغْنِي، أَقَا أَثنْ ذ نّْعِي إِ سِيذِي، ڒْْمِيزَانَاثْ إِغشّنْ وَارْ دْجِينْ شَا مْلِيحْ.
PRO 20:24 إِصُورَافْ ن إِجّْ ن ورْيَازْ أَقَا أَثنْ ن سِيذِي، [خنِّي] مَامّشْ غَا يڭّْ بْنَاذمْ أَذْ إِسّنْ أَبْرِيذْ نّسْ؟
PRO 20:25 أَقَا-ث ذ ڒْفخْ إِ بْنَاذمْ إِ غَا إِڒَاغَانْ س ؤُقدْجقْ ’أَمْقدّسْ‘، ؤُ [عَاذْ] أَوَارْنِي لْوُوعُوذْ نّسْ [إِ إِڭَّا] أَذْ إِخَارّصْ.
PRO 20:26 إِجّْ ن ؤُجدْجِيذْ أَمِيغِيسْ إِتّْصفَّا إِعفَّاننْ، إِتّجَّا ثَاجَارَّارْثْ [ن ثڒْوِيحْثْ إِتّحْڒُودْجُوضنْ إِ ؤُسَارْوثْ] أَذْ خَاسنْ إِعْقبْ.
PRO 20:27 ثْوَارِّيثْ ن نّفْسْ ن بُوحْبڒْ ن بْنَاذمْ ذ ڒفْنَارْ ن سِيذِي نِّي يَارزُّونْ ذِي ذَاخڒْ ن إِخَّامنْ ن ؤُعذِّيسْ.
PRO 20:28 ثَامخْسِيوْثْ إِشوَّارنْ ذ ڒَامَانْ حطَّانْ أَجدْجِيذْ، ؤُ ڒْعَارْشْ نّسْ إِسّجْهذْ إِ-ث س ثْمخْسِيوْثْ إِشوَّارنْ.
PRO 20:29 ثَالْوِيزْثْ ن إِحُوذْرِييّنْ ذ جّهْذْ نْسنْ، ؤُ لْعَاضَامَا ن إِوسُّورَا ذ أَشُوَّافْ إِشَابنْ.
PRO 20:30 إِيزِّيمنْ إِتَّازّْڒنْ س إِذَامّنْ سِّيزْذِيڭنْ [بْنَاذمْ] زِي ڒْغَارْ، ؤُ ثِييِّيثَا [صفَّانْثْ] ؤُڒَا ذ ثَاكْرِيشْثْ.
PRO 21:1 ؤُڒْ ن ؤُجدْجِيذْ أَمْ ثْغزْرَاثِينْ ن وَامَانْ ذڭْ ؤُفُوسْ ن سِيذِي. نتَّا إِندّهْ إِ-ث، مَانِي مَا إِخْسْ نتَّا.
PRO 21:2 مَارَّا إِبْرِيذنْ ن بْنَاذمْ نِيشَانْ ذِي ثِيطَّاوِينْ نّسْ، [مَاشَا] سِيذِي إِتّْقدْجَابْ ؤُڒَاونْ.
PRO 21:3 ثِيمڭَّا ن ثْسڭْذَا ذ ڒْحقّْ، ذ ثِينَا إِ سِيذِي حْسنْ زِي [ثوْهِيبْثْ ن] ثْغَارْصْثْ.
PRO 21:4 نّْفَاخثْ ن ثِيطَّاوِينْ ذ ؤُڒْ أَعفَّارْ، أَرْبرْ ن إِعفَّاننْ ذ دّنْبْ.
PRO 21:5 إِخمِّيمنْ ن ونِّي إِمحْضنْ [تَّاوْينْ] مْغِيرْ غَارْ ؤُفيّضْ، [مَاشَا] مَارَّا ونِّي إِتّْقدْجِيقنْ أَطَّاسْ [إِتَّاوِي] غَارْ ڒحْوجْ وَاهَا.
PRO 21:6 أَسْمُونِي ن وَاڭْڒَا س يِيڒسْ إِسّْخَارِّيقنْ، [أَمُّو إِ ثدْجَا] ثْوَارِّيثْ ن نّفْسْ إِعدُّونْ ذغْيَا ن يِينِّي يَارزُّونْ ڒْموْثْ.
PRO 21:7 لْعُونْفْ ن إِعفَّاننْ إِتّْجَارَّا إِ-ثنْ، مَاغَارْ تَّاڭِينْ أَذْ ڭّنْ مِينْ إِسڭّْمنْ.
PRO 21:8 أَبْرِيذْ ن بُو-ؤُمَارْوَاسْ إِتّفْرِيغْ، [مَاشَا] أَمزْذَاڭْ إِتّڭّْ مِينْ إِدْجَانْ نِيشَانْ.
PRO 21:9 إِحْڒَا أَذْ ثْزذْغذْ ذڭْ إِشْثْ ثغْمَارْثْ ن ثْزقَّا، خْ [ثْزذِّيغْثْ] أَكْ-ذ إِشْثْ ن ثمْغَارْثْ إِتّمْشُوبُّوشنْ ذڭْ إِشْثْ ن ثَادَّارْثْ ثْشَارْشْ.
PRO 21:10 ڒعْمَارْ ن إِعفَّاننْ إِتّْمژْرِي ذِي ڒْغَارْ، أَمْقَارّبْ نّسْ وَارْ غَارسْ إِتِّيفْ أَرْضَا ذِي ثِيطَّاوِينْ نّسْ.
PRO 21:11 مَاڒَا إِتّْوَاخدْجصْ ؤُمسْثهْزِييْ، إِدَّاكّْوَاڒْ ونِّي وَارْ غَارسْ بُو ڒفْهَامثْ ذ أَمِيغِيسْ، مَاڒَا سّْڒمْذنْ أَمِيغِيسْ، إِكسِّي نتَّا ثُوسّْنَا.
PRO 21:12 [إِجّْ ن] ؤُمْسڭّذْ إِتّْبقّشْ مْلِيحْ ثَادَّارْثْ ن ؤُعفَّانْ، إِغطّڒْ إِعفَّاننْ ذِي أَرْژِييّثْ.
PRO 21:13 ونِّي إِتّْبلَّاعنْ أَمزُّوغْ نّسْ غَارْ إِغُويَّانْ ن ؤُمزْڒُوضْ، ؤُڒَا ذ نتَّا أَذْ إِسْغُويْ [مَاشَا] وَارْ خَاسْ د-تَّارَّانْ.
PRO 21:14 صّذْقثْ ذِي ثْنُوفّْرَا ثصْڒحُّو وغْضَابْ، ثَارْزفْثْ [إِمّوْشنْ] ذڭْ وحْسِينْ [ن وَارُّوضْ] [ثصْڒحُّو] أَخيّقْ إِمْغَارنْ.
PRO 21:15 أَقَا ذ ڒفْرَاحثْ إِ ؤُمْسڭّذْ مَاحنْذْ أَذْ إِڭّْ مِينْ [إِدْجَانْ] نِيشَانْ، [مَاشَا] ذ أَشڒْوَاوْ إِ يِينِّي إِتّڭّنْ ڒْغشّْ.
PRO 21:16 بْنَاذمْ نِّي إِتّفّْغنْ زڭْ وبْرِيذْ ن ڒعْقڒْ، أَذْ يَاريّحْ ذڭْ وڭْرَاوْ ن ڒخْيَاڒَاثْ [ن إِمتَّانْ].
PRO 21:17 ونِّي إِتّخْسنْ أَفَارَّاجْ، أَذْ إِحْوَاجْ، ونِّي إِتّخْسنْ بِينُو ذ زّشْثْ، وَارْ إِذِّيكّْوِيڒْ ذ بُو وَاڭْڒَا.
PRO 21:18 أَعفَّانْ ذ دّيّثْ إِ إِمْسڭَّاذنْ، ؤُ أَغدَّارْ أَذْ د-يِيڒِي ذڭْ ومْشَانْ ن يِينِّي إِڭُّورنْ نِيشَانْ.
PRO 21:19 إِحْڒَا أَذْ ثْزذْغذْ ذِي ثمُّورْثْ إِخْڒَانْ، خْ [ثَازذِّيغْثْ] أَكْ-ذ إِشْثْ ن ثمْغَارْثْ إِتّمْشُوبُّوشنْ ؤُ إِتّقّْسنْ.
PRO 21:20 إِجّْ ن ڒْكنْزْ إِتّْوَاحْوَاجنْ ذ زّشْثْ أَقَا أَثنْ ذِي ثْزذِّيغْثْ ن إِمِيغِيسنْ، [مَاشَا] بْنَاذمْ أَبُوهَاڒِي إِصَارّضْ إِ-ث.
PRO 21:21 ونِّي يَارزُّونْ خْ ثْسڭْذَا ذ ثْمخْسِيوْثْ إِشوَّارنْ، إِتَّافْ ثُوذَارْثْ ذ ثْسڭْذَا ذ شَّانْ.
PRO 21:22 أَمِيغِيسْ إِتّْڭعَّاذْ خْ ثنْذِينْثْ ن أَيْثْ ن بُو-ثغْڒُوضْثْ، إِغطّڒْ جّهْذْ ن تِّيقثْ نْسنْ ذِي ثمُّورْثْ.
PRO 21:23 ونِّي إِحطَّانْ أَقمُّومْ ذ يِيڒسْ نّسْ، إِحطَّا ڒعْمَارْ نّسْ زِي ڒحْصَارَاثْ.
PRO 21:24 ونِّي ذ بُو-نّْفَاخثْ إِفُّوشّْحنْ تّْڒَاغَانْ أَسْ ’أَمسْثهْزِييْ‘، نتَّا إِتّڭّْ س نّْفَاخثْ بْڒَا ڒقْيَاسْ.
PRO 21:25 شّهْوثْ ن ؤُمعْڭُوزْ ثْنقّْ إِ-ث، مَاغَارْ إِفَاسّنْ نّسْ ؤُڭِينْ أَذْ خذْمنْ.
PRO 21:26 أَسّْ إِمُونْ إِتّْشهَّا ثِيمسْڒَايِينْ ن ؤُشهِّي، [مَاشَا] أَمْسڭّذْ أَذْ إِوْشْ، وَارْ إِتّْغِيمِي إِتّطّفْ [ذِي شَا إِ يِيخفْ نّسْ].
PRO 21:27 ثَاغَارْصْثْ ن ؤُعفَّانْ ذ نّْعِي، مَاهُو مَاڒَا نِيثْنِي أَذْ ت أَوْينْ س ؤُنكّْوِي إِغشّنْ.
PRO 21:28 أَشهَّاذْ إِسّْخَارِّيقنْ أَذْ إِتّْوَاهلّكْ، [مَاشَا] أَرْيَازْ نِّي إِتّسْڒَانْ، أَذْ إِسِّيوڒْ [ثِيذتّْ] ڒبْذَا.
PRO 21:29 أَرْيَازْ أَعفَّانْ إِسّجْهذْ إِخفْ نّسْ أَكْ-ذ وُوذمْ نّسْ، [مَاشَا] ونِّي إِڭُّورنْ نِيشَانْ إِسّمْثنْ إِبْرِيذنْ نّسْ.
PRO 21:30 وَارْ ثدْجِي ثِيغِيثْ ؤُڒَا ذ ڒفْهَامثْ، وَارْ ذِينْ إِدْجِي بُو ؤُشَاوَارْ قِيبَاتْشْ إِ سِيذِي.
PRO 21:31 أَيِيسْ أَذْ أَسْ حزّْمنْ إِ وَاسّْ ن ؤُمنْغِي، [مَاشَا] ڒغْڒبْ غَارْ سِيذِي.
PRO 22:1 إِسمْ أَصبْحَانْ إِحْڒَا خْ وَاطَّاسْ ن وَاڭْڒَا، أَحِينِّي إِحْڒَا خْ نُّوقَارْثْ ذ وُورغْ.
PRO 22:2 بُو-وَاڭْڒَا ذ ؤُمزْڒُوضْ تّمْسَاڭَارنْ، سِيذِي إِ-ثنْ إِڭِّينْ مَارَّا.
PRO 22:3 [بْنَاذمْ] إِفتّْننْ إِتّْوَاڒَا ڒْغَارْ ؤُشَا إِتّْنُوفَّارْ، [مَاشَا] إِحَافِييّنْ أَرنِّينْ ڭُّورنْ ؤُشَا أَذْ تّْوَاعَاقَابنْ.
PRO 22:4 ڒْمُونثْ إِ ؤُوَاضعْ ذ ثِيڭّْوُوذِي ن سِيذِي، ذ أَڭْڒَا ذ شَّانْ ذ ثُوذَارْثْ.
PRO 22:5 إِسنَّاننْ ذ ڒفْخُوخْ أَقَا أَثنْ خْ وبْرِيذْ ن ونِّي إِفَارْغنْ، ونِّي إِحطَّانْ ڒعْمَارْ نّسْ، إِتّْغِيمَا غَارْ ڒَاڭّْوَاجْ نْسنْ.
PRO 22:6 ذَارّبْ أَحُوذْرِي عْلَاحْسَابْ ڒقْيَاسْ ن وبْرِيذْ نّسْ، وَاخَّا نتَّا إِوْسَارْ، وَارْ خَاسْ إِتّْحيِّيذْ شَا.
PRO 22:7 بُو-وَاڭْڒَا إِتّْصدْجَاضْ خْ إِمزْڒَاضْ، بُو-ؤُمَارْوَاسْ ذ إِسْمغْ ن ونِّي ذ أَسْ يَارطّْڒنْ.
PRO 22:8 ونِّي إِزَارّْعنْ ڒْغشّْ، أَذْ إِمْجَارْ ڒغْبنْ، أَعْمُوذْ ن ؤُذُوقّزْ نّسْ [ن ؤُفُوڭمْ] أَذْ إِفْنَا.
PRO 22:9 ونِّي غَارْ إِدْجَا ڒْخزْرَاثْ صبْحنْثْ، أَذْ إِتّْوَابَاركْ، مِينْزِي نتَّا إِتِّيشْ إِ إِمزْڒَاضْ زڭْ وغْرُومْ نّسْ.
PRO 22:10 أَژّڒْ خْ ؤُمسْثهْزِييْ، أَذْ إِفّغْ ڒْهمّْ، أَقَا إِبدّْ ؤُمْحَارْوَاضْ ذ ڒفْضِيحثْ.
PRO 22:11 ونِّي إِتّخْسنْ ڒصْفَايثْ ن وُوڒْ، ونِّي غَارْ إِدْجَا إِينْشِيشنْ [إِشُّورنْ] س أَرْضَا، أَجدْجِيذْ أَذْ يِيڒِي ذ أَمدُّوكّڒْ نّسْ.
PRO 22:12 ثِيطَّاوِينْ ن سِيذِي حطَّانْثْ خْ ثُوسّْنَا، [مَاشَا] أَوَاڒنْ ن ؤُغدَّارْ أَذْ ثنْ إِبْضڒْ.
PRO 22:13 أَمعْڭُوزْ إِقَّارْ: ”أَقَا ذِينْ إِجّْ ن وَايْرَاذْ ذِي بَارَّا! أَذْ ثَاغْ بَالَاكْ أَذْ تّْوَانْغغْ ذِي ڒْوسْطْ ن وَازَّاينْ!“
PRO 22:14 أَقمُّومْ ن ثمْغَارِينْ ثِيبَارَّانِييِّينْ ذ إِشْثْ ن ثسْرَافْثْ يُودْجْغنْ، ونِّي خْ إِفُّوڭمْ سِيذِي، أَذْ ذَايسْ إِوْضَا.
PRO 22:15 ثُوبُّوهڒْيَا [ثتّْغِيمَا] ثْڒسّقْ ذڭْ وُوڒْ ن ؤُحُوذْرِي، أَعْمُوذْ ن ؤُوبّخْ أَذْ ت إِسُّوفّغْ زَّايسْ.
PRO 22:16 ونِّي إِحصَّارنْ أَمَارْخُو، أَذْ يَارْنِي ذِي ڒمْغَارثْ نّسْ، ونِّي إِتِّيشنْ إِ بُو-وَاڭْڒَا، أَذْ إِحْوَاجْ [وَاهَا].
PRO 22:17 أوْشْ أَمزُّوغْ نّشْ، ؤُشَا سڒْ غَارْ وَاوَاڒنْ ن إِمِيغِيسنْ، أَرّْ ؤُڒْ نّشْ غَارْ ثُوسّْنَا إِنُو.
PRO 22:18 مَاغَارْ أَقَا مْلِيحْ مَاڒَا ثْخمّْڒذْ ثنْ ذِي ذَاخڒْ نّشْ، [مَاڒَا] أَذْ ثنْ ثسّْوجْذذْ جْمِيعْ خْ إِينْشِيشنْ نّشْ.
PRO 22:19 مَاحنْذْ أَذْ يِيڒِي ؤُثشْڒِي نّشْ خْ سِيذِي، أَذْ أَشْ ثنْ سّشْنغْ ڒخُّو، وَاهْ إِ شكْ.
PRO 22:20 مَا زعْمَا وَارْ ذ أَشْ ؤُرِيغْ أَوَاڒنْ إِفَارْزنْ أَطَّاسْ، [شُّورنْ] س شّْوَارْ ذ ثُوسّْنَا،
PRO 22:21 حِيمَا أَذْ أَشْ سّشْنغْ ڒمْثنْ ن وَاوَاڒنْ ن ثِيذتّْ، مَاحنْذْ ثْزمَّارذْ أَذْ د-ثَارّذْ س ڒَامَانْ خْ ونِّي شكْ د-إِسّكّنْ.
PRO 22:22 وَارْ تّْكشَّاضْ أَمَارْخُو مَاغَارْ نتَّا ذ أَمَارْخُو، وَارْ ڒبّزْ ڒْمسْكِينْ غَارْ ثوَّارْثْ،
PRO 22:23 مَاغَارْ سِيذِي أَذْ أَسنْ يَاغْ ثَاسْغَارْثْ نْسنْ، نتَّا أَذْ إِكشّضْ ڒعْمَارْ ن يِينِّي إِ-ثنْ إِتّْكشَّاضنْ.
PRO 22:24 وَارْ تّمْدُّوكُّوڒْ أَكْ-ذ أَرْيَازْ إِتَّارُّوجْذُوذنْ، وَارْ تِّيذفْ غَارْ بَابْ ن وسْعَارْ،
PRO 22:25 مَاحنْذْ شكْ وَارْ ثتّْنِيمِيذْ شَا أَكْ-ذ إِمسْرَاقْ نّسْ، أَذْ ثڭّذْ ڒْفخْ إِ ڒعْمَارْ نّشْ.
PRO 22:26 وَارْ تَّاذفْ جَارْ إِنِّي إِتِّيشنْ أَوَاڒْ س ثْموْشِيوْثْ ن إِفَاسّنْ، جَارْ إِنِّي إِدْجَانْ ذ أَضْمَانْ إِ إِمَارْوُوسَا.
PRO 22:27 مَاڒَا وَارْ غَاركْ مِينْ زِي غَا ثْخدْجْصذْ، مَايمِّي إِجبّذْ قَامَا نّشْ زِي سَاذُو نّشْ؟
PRO 22:28 وَارْ سْمُوطُّويْ أَيْمِيرْ ن وشْحَاڒْ ؤُيَا، ونِّي ڭِّينْ ڒجْذُوذْ نّشْ.
PRO 22:29 مَا ثژْرِيذْ إِجّْ ن ورْيَازْ إِمحْضنْ ذِي ڒْحِيرْفَا نّسْ؟ أَذْ ث سّْبدّنْ زَّاثْ إِ وُوذمْ ن إِجدْجِيذنْ، وَارْ إِدْجِي أَذْ إِبدّْ زَّاثْ إِ وُوذمْ ن مِيدّنْ وَارْ ذِي إِدْجِي ڒَامَانْ.
PRO 23:1 مَاڒَا ثقِّيمذْ غَارْ إِجّْ ن ڒْحَاكمْ، مَاحنْذْ أَذْ ثشّذْ [أَكِيذسْ]، حْضَا مْلِيحْ مِينْ [إِدْجَانْ] زَّاثكْ.
PRO 23:2 أڭّْ إِجّْ ن ڒْمُوسْ خْ يِيڒِي نّشْ، مَاڒَا شكْ ذ إِجّْ ن بُو-ڒمْغَارثْ ن ؤُعذِّيسْ.
PRO 23:3 وَارْ تّڭّْ مژْرِي ذِي مَاشَّا نّسْ إِشْنَانْ، مَاغَارْ أَقَا-ث ذ مَاشَّا ن ثُوخُّونَا.
PRO 23:4 وَارْ سِّيحِيڒْ إِخفْ نّشْ حِيمَا أَذْ ثْذوْڒذْ ذ بُو-وَاڭْڒَا، سَارْخُو ذڭْ نّيّثْ نّشْ.
PRO 23:5 مَاڒَا طَّاونْثْ ثِيطَّاوِينْ غَارسْ، أَقَا وَارْ ذِينْ [أَڭْڒَا] عَاذْ! مَاغَارْ أَذْ إِڭّْ أَفْرِيونْ إِ يِيخفْ نّسْ، أَذْ إِضْوَا غَارْ ؤُجنَّا أَمْ يِيجّْ ن ؤُڭِيذرْ.
PRO 23:6 وَارْ تّتّْ أَغْرُومْ ن ونِّي ذِي ثدْجَا ثِيطّْ ثَاعفَّانْثْ، وَارْ مژْرِي ذِي مَاشَّا نّسْ إِشْنَانْ.
PRO 23:7 مَاغَارْ أَمْ مَامّشْ [ث] إِتّْخَارَّاصْ، أَمُّو [إِ ث إِتّڭّْ] نتَّا. إِقَّارْ: ”أشّْ، ثسْوذْ!“، [مَاشَا] ؤُڒْ نّسْ وَارْ أَكِيذكْ إِدْجِي.
PRO 23:8 أَزعِّيفْ إِ ثشِّيذْ، أَذْ ث-إِ-د-ثْعُوقّذْ، أَوَاڒنْ إِصبْحنْ نّشْ ثْضيّْعذْ ثنْ.
PRO 23:9 وَارْ سِيوڒْ ذڭْ ؤُمزُّوغْ ن إِجّْ ن ؤُبُوهَاڒِي، مَاغَارْ نتَّا أَذْ إِسّحْقَارْ أَوَاڒنْ ن وفْثَانْ نّشْ.
PRO 23:10 وَارْ سْمُوطُّويْ أَيْمِيرْ ن وشْحَاڒْ ؤُيَا، وَارْ تَّاذفْ ذڭْ إِيَّارنْ ن إِيُوجِيڒنْ،
PRO 23:11 مَاغَارْ أَمفْذِي نْسنْ ذ أَمقّْرَانْ، نتَّا أَذْ د-يَاغْ ثَاسْغَارْثْ نْسنْ زَّايكْ.
PRO 23:12 أَرّْ ؤُڒْ نّشْ غَارْ ؤُوبّخْ، إِمزُّوغنْ نّشْ غَارْ وَاوَاڒنْ ن ثُوسّْنَا.
PRO 23:13 وَارْ تّطّفْ تَّارْبِييّثْ خْ ؤُحُوذْرِي، وَاخَّا ثشَّاثذْ ث س وعْمُوذْ، وَارْ إِتّْمتِّي.
PRO 23:14 شكْ أَذْ ث ثوْثذْ س وعْمُوذْ، ؤُ أَذْ ثسّْنجْمذْ ڒعْمَارْ نّسْ زِي ڒَاخَارْثْ.
PRO 23:15 مِّي إِنُو، مَاڒَا ؤُڒْ نّشْ ذ أَمِيغِيسْ، أَذْ إِفَارْحْ ؤُڒَا ذ ؤُڒْ إِنُو أَكِيذسْ.
PRO 23:16 ثِيژَّاڒْ إِنُو أَذْ نڭْزنْثْ س ڒفْرَاحثْ، مَاڒَا إِينْشِيشنْ نّشْ سِّيوْڒنْ مِينْ إِدْجَانْ إِسڭّْذنْ.
PRO 23:17 أجّْ ؤُڒْ نّشْ وَارْ إِتِّيسِيمْ زڭْ إِمذْنَابْ، مَاشَا [أجّْ إِ-ث أَذْ يَارّْ أَزدْجِيفْ] غَارْ ثِيڭّْوُوذِي ن سِيذِي أَسّْ إِمُونْ!
PRO 23:18 مَاغَارْ خنِّي أَقَا ذِينْ ثِيوشَّا، ؤُ ڒَايَاسْ نّشْ وَارْ إِتَّارژِّي.
PRO 23:19 سڒْ-د شكْ، أَ مِّي، إِڒِي ذ أَمِيغِيسْ، نْذهْ ؤُڒْ نّشْ غَارْ وبْرِيذْ.
PRO 23:20 وَارْ تّْغِيمِي غَارْ إِسْكَارْجِييّنْ، ؤُڒَا غَارْ إِنِّي إِلهّْفنْ ذڭْ ويْسُومْ،
PRO 23:21 مَاغَارْ أَسْكَارْجِييْ ذ أَملْهُوفْ أَذْ ذوْڒنْ ذ إِمزْڒَاضْ، ؤُ أَنُوذمْ إِسّْيِيرِيضْ ذڭْ إِحْڒُوشنْ.
PRO 23:22 سڒْ-د شكْ غَارْ بَابَاشْ ونِّي شكْ إِ د-إِجِّينْ، ؤُ وَارْ سّحْقِيرِي يمَّاشْ مَاڒَا ثوْسَارْ.
PRO 23:23 سغْ-دّْ ثِيذتّْ، وَارْ [ت] ثزْنُوزَا شَا، [أَمُّو] ؤُڒَا ذ ثِيغِيثْ ذ ؤُوبّخْ ذ ڒفْهَامثْ.
PRO 23:24 بَابَاسْ ن ؤُمْسڭّذْ أَذْ إِفَارْحْ س وَاطَّاسْ، ونِّي د-إِجِّينْ إِجّْ [مِّيسْ] ذ أَمِيغِيسْ، أَذْ أَسْ إِفَارْحْ.
PRO 23:25 أجّْ أَذْ إِفَارْحْ بَابَاشْ ؤُڒَا ذ يمَّاشْ، أجّْ ثنِّي شكْ إِ د-يُورْونْ أَذْ ثْفَارْحْ.
PRO 23:26 أوْشْ أَيِي ؤُڒْ نّشْ، أَ مِّي، أجّْ ثِيطَّاوِينْ نّشْ أَذْ أَفنْثْ أَرْضَا ذڭْ إِبْرِيذنْ إِنُو.
PRO 23:27 مَاغَارْ ثَامْغَارْثْ فَارْقْ-شّْغڒْ ذ إِشْثْ ن ثسْرَافْثْ يُودْجْغنْ، ؤُ ثَامْغَارْثْ زِي بَارَّا ذ إِجّْ ن ڒْعُونْصَارْ إِحْسَارْ.
PRO 23:28 وَاهْ، نتَّاثْ ثتّْحَامَا أَمْ يِيجّْ ن ؤُخوَّانْ، نتَّاثْ ثَارنِّي ذڭْ إِغدَّارنْ جَارْ إِوْذَانْ.
PRO 23:29 وِي إِ غَارْ إِدْجَا وشْضَانْ؟ وِي إِ غَارْ إِدْجَا زّڒْضْ؟ وِي إِ غَارْ إِدْجَا ؤُمْشُوبّشْ؟ وِي إِ غَارْ إِدْجَا ؤُشثْشِي؟ وِي إِ غَارْ إِدْجَانْ إِيزِّيمنْ بْڒَا سِّيبّثْ؟ وِي إِ غَارْ دْجَانْثْ ثِيطَّاوِينْ بَّاروْينْثْ؟
PRO 23:30 غَارْ إِنِّي إِتّْغِيمَانْ غَارْ بِينُو أَڒْ ثَامذِّيثْ، غَارْ يِينِّي د-يُوسِينْ حِيمَا أَذْ قَّاسنْ بِينُو إِخدْجْضنْ.
PRO 23:31 وَارْ خزَّارْ غَارْ بِينُو، خْمِي إِتّزْوِيغْ، إِتّْڒِيقْڒِيقْ ذِي ڒْكَاسْ ؤُ نتَّا إِهْونْ [إِ ثِيسِّيثْ].
PRO 23:32 غَارْ ؤُنڭَّارْ إِتّْغِيمَا إِزعّفْ أَمْ يِيجّْ ن ؤُفِيغَارْ، إِتّْرُوشَّا سّمْ أَمْ ثْڒفْسَا.
PRO 23:33 ثِيطَّاوِينْ نّشْ أَذْ ثْوَاڒَانْثْ ثِيمْغَارِينْ ثِيبَارَّانِييِّينْ، ؤُ ؤُڒْ نّشْ أَذْ إِسِّيوڒْ س ؤُخَارْوضْ.
PRO 23:34 شكْ أَذْ ثِيڒِيذْ أَمْ يِيجّنْ إِ إِتّطّْصنْ ذِي ڒْوسْطْ ن ڒبْحَارْ، أَمْ إِجّنْ إِ إِتّطّْصنْ ذِي ثْقِيشَّاثْ ن ثحْنَاشْثْ [ن ؤُغَارَّابُو]
PRO 23:35 [أَذْ ثِينِيذْ:] ”وْثِينْ أَيِي، [مَاشَا] وَارْ يزْمغْ، ذخْمنْ أَيِي، [مَاشَا] وَارْ ؤُشِيغْ أَكْ-ذ وَالُو. مڒْمِي إِ د غَا فَاقغْ؟ نشّْ أَذْ أَرْزُوغْ عَاوذْ [غَارْ بِينُو]!“
PRO 24:1 وَارْ تَّاسمْ. زڭْ إِرْيَازنْ إِعفَّاننْ، وَارْ أَرزُّو شَا ثْمُونثْ أَكِيذْسنْ.
PRO 24:2 مَاغَارْ ؤُڒْ نْسنْ إِتّقّرْ غَارْ ؤُردّدْجْ، أَوَاڒنْ ن إِينْشِيشنْ نْسنْ [إِ د-إِتّْوَاينْ غَارْ] أَرْژِييّثْ.
PRO 24:3 ثَادَّارْثْ ثتّْوَابْنَا س ثِيغِيثْ، ثتّْوَاسّمْثنْ س ڒفْهَامثْ،
PRO 24:4 س ثُوسّْنَا تّْوَاعمَّارنْ إِخَّامنْ ن ذَاخڒْ، س مَارَّا أَڭْڒَا إِغْڒَانْ ذ وَاڭْڒَا إِڒِيقّنْ.
PRO 24:5 أَرْيَازْ أَمِيغِيسْ إِجْهذْ، أَرْيَازْ ن ثُوسّْنَا يَارنِّي ذِي جّهْذْ نّسْ،
PRO 24:6 مَاغَارْ إِتّْخصَّا أَذْ إِتّْوَانْذهْ ؤُمنْغِي س ؤُذبَّارْ، ؤُ س ڒمْغَارثْ ن ؤُمْشَاوَارْ أَذْ يِيڒِي ؤُسنْجمْ.
PRO 24:7 ثِيغِيثْ ثُوعْڒَا خْ ؤُبُوهَاڒِي، نتَّا وَارْ يَارزّمْ أَقمُّونْ نّسْ ذِي ثوَّارْثْ [ن ثنْذِينْثْ].
PRO 24:8 ونِّي إِتّْخَارِّيصنْ ذِي ڒْغَارْ، أَذْ أَسْ ڒَاغَانْ أَرَّايْسْ ن بُو-ثحْڒَايْمشْثْ.
PRO 24:9 ڒمْوَايَاڒْ ن ؤُخَارّصْ ن ؤُبُوهَاڒِي ذ دّنْبْ، ؤُ أَمسْثهْزِييْ ذ نّْعِي إِ بْنَاذمْ.
PRO 24:10 مَاڒَا ثَارْخُوذْ زڭْ إِخفْ نّشْ ذڭْ وَاسّْ ن ڒحْصَارثْ، أَمُّو ؤُڒَا ذ جّْهذْ نّشْ أَذْ ثتّْوَاحْصَارْ.
PRO 24:11 سنْجمْ إِنِّي إِتّْوَاطّْفنْ مَاحنْذْ أَذْ تّْوَانْغنْ، إِنِّي ثنْ إِتَّاوْينْ غَارْ مَانِي ثنْ إِ غَا نْغنْ، سْبدّْ إِ-ثنْ!
PRO 24:12 مَاڒَا شكْ أَذْ ثِينِيذْ: ”خْزَارْ، أَقَا وَارْ نسِّينْ وَالُو خْ مَانْ أَيَا!“، مَا ونِّي إِوزّْننْ ؤُڒَاونْ، وَارْ ث إِسَّارْڭِيبْ؟ ونِّي إِحطَّانْ ڒعْمَارْ نّشْ، إِسّنْ إِ-ث! نتَّا أَذْ إِخدْجصْ بْنَاذمْ عْلَاحْسَابْ ڒْخذْمثْ نّسْ.
PRO 24:13 أشّْ ثَامّنْثْ، أَ مِّي، مَاغَارْ نتَّاثْ ثصْبحْ، ثَامّنْثْ ن ثغْرَاسْثْ أَقَا ذ ثْمِيژِيذْثْ إِ وَانغْ نّشْ.
PRO 24:14 أَمُّو إِ ثدْجَا ثُوسّْنَا ن ثِيغِيثْ إِ ڒعْمَارْ نّشْ. مَاڒَا ثُوفِيذْ ت، [خنِّي] ثدْجَا ثِيوشَّا، ڒَْايَاسْ نّشْ وَارْ إِتّْوَاقطّعْ شَا.
PRO 24:15 [أَ] أَعفَّانْ، وَارْ ثتّْحَامَا خْ ثْزذِّيغْثْ ن ؤُمْسڭّذْ، وَارْ هدّمْ أَمْشَانْ ن وَاريّحْ نّسْ!
PRO 24:16 مَاغَارْ أَمْسڭّذْ أَذْ إِوْضَا سبْعَا ن ثْوَاڒَاوِينْ، أَذْ د-إِكَّارْ عَاوذْ، [مَاشَا] إِعفَّاننْ أَذْ نّْقَارْضنْ س ڒْغَارْ.
PRO 24:17 وَارْ فَارّحْ إِ [ؤُ]وطُّو ن ڒعْذُو نّشْ، مَاڒَا نتَّا إِنْقَارْضْ، أجّْ ؤُڒْ نّشْ وَارْ إِفَارّحْ،
PRO 24:18 مَاحنْذْ سِيذِي وَارْ ث إِژَارّْ ؤُ مَانْ أَيَا أَذْ يِيڒِي ذ ڒْعِيبْ ذِي ثِيطَّاوِينْ نّسْ، [أَڒَامِي] نتَّا أَذْ خَاسْ إِسّْحيّذْ أَغْضَابْ نّسْ.
PRO 24:19 وَارْ تّْخيِّيقْ أَطَّاسْ خْ ونِّي إِتّڭّنْ ڒْغَارْ، وَارْ تَّاسمْ زڭْ إِعفَّاننْ،
PRO 24:20 مَاغَارْ أَقَا ونِّي إِتّڭّنْ ڒْغَارْ وَارْ غَارسْ ثِيوشَّا، ڒفْنَارْ ن إِعفَّاننْ أَذْ إِتّْوَاسّخْسِي.
PRO 24:21 [أَ] مِّي، ڭّْوذْ سِيذِي ذ ؤُجدْجِيذْ، وَارْ تّْخدْجضْ شَا إِخفْ نّشْ أَكْ-ذ يِينِّي إِخْسنْ أَذْ نْقڒْبنْ [كُوڒْشِي]،
PRO 24:22 مَاغَارْ أَذْ د-يَاسْ ؤُضيّعْ نْسنْ ذڭْ إِجّْ ن ؤُمُورْ، وِي إِسّْننْ أَنڭَّارُو أَعفَّانْ ن إِسڭّْوُوسَا نْسنْ؟
PRO 24:23 ؤُڒَا ذ يِينَا ذ أَوَاڒنْ إِوزْننْ ن إِمِيغِيسنْ. أَسْفَارْزْ ن وُوذْمَاونْ ذِي دّعْوثْ وَارْ إِدْجِي شَا مْلِيحْ.
PRO 24:24 ونِّي إِقَّارنْ إِ ؤُعفَّانْ: ”شكْ ذ أَمْسڭّذْ!“، وَانِيثَا أَذْ ث نعْڒنْ ڒڭْنُوسْ، أَذْ ث شَارْهنْ شُّوعُوبْ.
PRO 24:25 [مَاشَا] إِنِّي ثنْ إِ غَا إِحَاكْمنْ، أَذْ إِڒِينْ مْلِيحْ، لْبَارَاكَا س [مَارَّا] ڒْخَارْ أَذْ غَارْسنْ د-ثَاسْ.
PRO 24:26 [أَمْ إِجّنْ] ونِّي إِسُّوذُومنْ إِينْشِيشنْ، [أَمُّو إِ يدْجَا] ونِّي د-إِتَّارَّانْ س وَاوَاڒنْ إِسڭّْمنْ.
PRO 24:27 سوْجذْ ڒْخذْمثْ نّشْ بَارَّا، كمّڒْ  إِ-ت إِ يِيخفْ نّشْ ذڭْ إِيَّارْ، ؤُشَا بْنَا ثَادَّارْثْ نّشْ أَوَارْنِي مَانْ أَيَا!
PRO 24:28 وَارْ تِّيڒِي ذ أَشهَّاذْ بْڒَا سِّيبّثْ خْ جَّارْ نّشْ. مَا [إِعدّڒْ] أَذْ ثْغَارّذْ س إِينْشِيشنْ نّشْ؟
PRO 24:29 وَارْ قَّارْ: ”أَمْ مَامّشْ إِ ذ أَيِي إِڭَّا، أَمُّو إِ د-أَسْ غَا ڭّغْ ؤُڒَا ذ نشّْ!“، [مَاغَارْ] نشّْ أَذْ د-خڒْفغْ زِي كُوڒْ  إِجّنْ عْلَاحْسَابْ ڒْخذْمثْ نّسْ.
PRO 24:30 نشّْ كّغْ خْ ييَّارْ ن إِجّْ ن ؤُمعْڭُوزْ، خْ ؤُمَارْجعْ ن ؤُضِيڒْ ن إِجّْ ن بْنَاذمْ س وُوڒْ نّسْ وَارْ إِمْثِيننْ.
PRO 24:31 خْزَارْ، ثْڭعّذْ-د خَاسْ مَارَّا ثيْزِيثْ، ثذْڒَا ثْزڭّْوَارْثْ ؤُذمْ ن ثمُّورْثْ نّسْ، أَقَا ڒْحِيضْ نّسْ ن وژْرُو إِتّْوَاهْذمْ.
PRO 24:32 [ڒَْامِي] ت ژْرِيغْ، كْسِيغْ ت غَارْ وُوڒْ إِنُو، ژْرِيغْ ت ؤُشَا كْسِيغْ ت أَمْ يِيجّْ ن ؤُوبّخْ.
PRO 24:33 ”أجّْ أَيِي أَذْ طّْصغْ شْوَايْثْ ذْرُوسْثْ، شْوَايْثْ ذْرُوسْثْ ن ؤُنُوذمْ، شْوَايْثْ ذْرُوسْثْ ن ؤُبُوزّڒْ س إِفَاسّنْ ضفْصنْ،
PRO 24:34 [ذِينِّي] د غَا يَاسْ زّڒْضْ نّشْ، ؤُڒَا ذ ڒغْبنْ نّشْ أَمْ يِيجّْ ن ورْيَازْ س ڒسْنَاحْ.“
PRO 25:1 ؤُڒَا ذ إِنَا ذ أَوَاڒنْ إِوزْننْ ن سُولِيمَانْ نِّي إِتّْعَاوَاذنْ ؤُرِينْ ثنْ إِرْيَازنْ ن حِيزْقِييَا، أَجدْجِيذْ ن يَاهُوذَا.
PRO 25:2 أَقَا ذ شَّانْ ن أَربِّي مَاحنْذْ أَذْ إِسَّارْ إِشْثْ ن ثْمسْڒَاشْثْ، [مَاشَا] شَّانْ ن إِجدْجِيذنْ ذ أَبقّشْ ذڭْ إِشْثْ ن ثْمسْڒَاشْثْ.
PRO 25:3 ڒُْوعْڒَا ن ؤُجنَّا ذ ڒَادْجَاغْ ن ثمُّورْثْ، ذ وُوڒْ ن إِجدْجِيذنْ وَارْ دْجِينْ إِ ؤُبقّشْ.
PRO 25:4 كّسْ كُوفُّو زِي نُّوقَارْثْ، أَذْ د-ثفّغْ إِشْثْ نْ ڒْقشْعثْ إِ ومْزِيڒْ.
PRO 25:5 سْبعّذْ إِعفَّاننْ زِي زَّاثْ ن وُوذمْ ن ؤُجدْجِيذْ، [خنِّي] أَذْ إِتّْوَاسّمْثنْ ڒْْعَارْشْ نّسْ س ثْسڭْذَا.
PRO 25:6 وَارْ ثْفيّشْ زَّاثْ إِ وُوذمْ ن ؤُجدْجِيذْ، وَارْ تّْبذِّي مَانِي تّْبدَّانْ إِمقّْرَاننْ.
PRO 25:7 مَاغَارْ إِحْڒَا أَذْ أَشْ إِنِينْ: ”ڭعّذْ-د ذَا!“، ؤُڒَا مَا أَذْ شكْ سّهْوَانْ زَّاثْ إِ وُوذمْ ن إِجّْ ن ؤُمْشنّعْ نِّي ژْرِينْثْ ثِيطَّاوِينْ نّشْ.
PRO 25:8 وَارْ تّْقدْجِيقْ أَذْ ثذْعِيذْ، مَاغَارْ مِينْ ثخْسذْ أَذْ ثڭّذْ غَارْ ؤُنڭَّارْ نّسْ، مَاڒَا جَّارْ نّشْ أَذْ شكْ إِسّفْضحْ؟
PRO 25:9 شَارّعْ أَكْ-ذ جَّارْ نّشْ، [مَاشَا] وَارْ سُّوفُّوغْ سِّيرّْ ن ونّغْنِي،
PRO 25:10 حِيمَا ونِّي ذ أَسْ إِتّسْڒَانْ وَارْ شكْ إِسّْحشّمْ شَا، مَاغَارْ [ڒخْذنِّي] وَارْ إِزمَّارْ أَذْ ثتّْوَاسّْبعّذْ ڒفْضِيحثْ نّشْ [عَاذْ].
PRO 25:11 [أَمْ] تّفَّاحِينْ ن وُورغْ خْ طّْبَاسَا ن نُّوقَارْثْ، [أَمُّو دْجَانْ] وَاوَاڒنْ سِّيوْڒنْ ثنْ س ڒقْيَاسْ نّسْ.
PRO 25:12 [أَمْ] إِشْثْ ن ثْخَاذنْثْ ن وُورغْ ؤُ [أَمْ] إِشْثْ ن ثْسدّشْثْ ن وُورغْ إِغْڒَانْ قَاعْ، [أَمُّو إِ إِدْجَا] ؤُوبّخْ أَمِيغِيسْ غَارْ ؤُمزُّوغْ إِتّسْڒَانْ.
PRO 25:13 أَمْ وذْفڒْ أَسمَّاضْ ذڭْ إِجّْ ن وَاسّْ ن ثْميْرَا، [أَمُّو إِ] إِدْجَا ؤُمْسخَّارْ ذَايسْ ڒَامَانْ إِ ونِّي ث إِسّكَّانْ، [مَاغَارْ] إِسّْفَاقَا ڒعْمَارْ ن بَابْ نّسْ.
PRO 25:14 [أَمْ] إِسيْنُوثنْ ذ ؤُسمِّيضْ بْڒَا أَنْژَارْ، [أَمُّو] أَرْيَازْ نِّي إِتّْعفَّارْ ذڭْ إِشْثْ ن ثرْزفْثْ وَارْ إِسكّْوِينْ.
PRO 25:15 س تَّاسِيعْ ن ڒْخَاضَارْ إِتّْوَاسّقْنعْ ڒْحَاكمْ، إِجّْ ن يِيڒسْ أَمِيژِيذْ إِتَّارژَّا إِغْسَانْ.
PRO 25:16 [مَاڒَا] ثُوفِيذْ ثَامّنْثْ، أشّْ مِينْ ثحْوَاجذْ وَاهَا، نِيغْ أَذْ ثَافّْ ثشِّيذْ كْثَارْ زِي مِينْ ثحْوَاجذْ، ؤُ بَالَاكْ أَذْ ت-إِ-د ثْعُوقّذْ.
PRO 25:17 وَارْ سّْرُوسَا أَضَارْ نّشْ أَطَّاسْ ذِي ثَادَّارْثْ ن جَّارْ نّشْ، نِيغْ أَذْ شكْ إِجِّيونْ ؤُ أَذْ شكْ إِعِيفّْ.
PRO 25:18 [أَمْ] وفْضِيسْ ذ سِّيفْ ذ فْڒِيثْشَا إِقضْعنْ، [أَمُّو إِ إِدْجَا] ورْيَازْ نِّي إِشهّْذنْ س ژُورْ خْ جَّارْ نّسْ.
PRO 25:19 [أَمْ] ثِيغْمسْثْ يَارْژنْ ؤُ [أَمْ] ؤُضَارْ إِنْقْرَاضنْ، [أَمُّو] إِ إِدْجَا ؤُثشْڒِي خْ ونِّي وَارْ ذِي إِدْجِي تِّيقثْ ذڭْ وَاسّْ ن ڒحْصَارثْ.
PRO 25:20 [أَمْ] ونِّي إِتّكّْسنْ أَپَارْثسُّو نّسْ ذڭْ إِجّْ ن وَاسّْ إِسْمضْ ؤُ [أَمْ] ڒْخدْجْ إِ تّڭّنْ خْ نِيطْرُونْ، [أَمُّو إِ إِدْجَا] ونِّي إِتّْغنَّاجنْ إِزْڒَانْ زَّاثْ إِ يِيجّنْ س وُوڒْ إِشْضنْ.
PRO 25:21 مَاڒَا إِدْجُوژْ ونِّي شكْ إِشَارّْهنْ، [خنِّي] أوْشْ أَسْ أَغْرُومْ، مَاڒَا إِفُّوذْ، أوْشْ أَسْ أَذْ إِسُو،
PRO 25:22 مَاغَارْ أَمُّو إِ ثْيَارّْوذْ ڒفْحمْ [إِتّحْذُوذُوقنْ] خْ ؤُزدْجِيفْ نّسْ، ؤُ سِيذِي أَذْ شكْ إِخدْجصْ.
PRO 25:23 أَسمِّيضْ زِي شَّامَالْ إِتَّاوِي-د أَنْژَارْ، إِڒسْ أَغدَّارْ [إِتَّاوِي-د] ؤُذْمَاونْ إِخيّْقنْ.
PRO 25:24 إِحْڒَا أَذْ ثْزذْغذْ ذڭْ إِشْثْ ثغْمَارْثْ ن ثْزقَّا، ؤُڒَا خْ [ثَازذِّيغْثْ] أَكْ-ذ إِشْثْ ن ثمْغَارْثْ إِتّمْشُوبُّوشنْ ذڭْ إِشْثْ ن ثَادَّارْثْ ثْشَارْشْ.
PRO 25:25 [أَمْ] وَامَانْ إِصمَّاضنْ إِ يِيجّْ ن ڒعْمَارْ يُوحڒْ، [أَمُّو إِ إِدْجَا] ڒخْبَارْ أَصبْحَانْ زڭْ إِشْثْ ن ثمُّورْثْ ثِيڭّْوجْ.
PRO 25:26 [أَمْ] إِجّْ ن ڒْعُونْصَارْ إِتّْوَافسْذنْ ؤُ [أَمْ] إِجّْ ن وَانُوغشّنْ ث، [أَمُّو إِ إِدْجَا] ؤُمْسڭّذْ إِتّْزعْزِيعنْ زَّاثْ إِ وُوذمْ ن إِعفَّاننْ.
PRO 25:27 مَاشَّا ن وَاطَّاسْ ن ثَامّنْثْ وَارْ إِدْجِي شَا مْلِيحْ، [مَاشَا] ثَارزُّوثْ ذِي ثْمسْڒَايِينْ يوْعَارنْ ذ شَّانْ.
PRO 25:28 [أَمْ] إِشْثْ ن ثنْذِينْثْ إِهذْمنْ بْڒَا ڒْحِيضْ، [أَمُّو إِ إِدْجَا] إِجّْ ن ورْيَازْ وَارْ إِتّطّفْ بُوحْبڒْ نّسْ.
PRO 26:1 [أَمْ] وذْفڒْ ذڭْ ؤُنبْذُو ؤُ [أَمْ] ونْژَارْ ذِي ثْميْرَا، [أَمُّو] وَارْ د-إِتِّيسْ شَّانْ أَكْ-ذ ؤُبُوهَاڒِي.
PRO 26:2 أَمْ ژَّاوشْ إِتّْفَارْفَارنْ، أَمْ ثْفَاڒْدْجسْثْ إِطَّاونْ [سَّا ذ سَّا]، أَمُّو إِ ثڭَّا إِشْثْ ن نّعْڒثْ بْڒَا سِّيبّثْ، نتَّاثْ وَارْ ثْڒقّفْ.
PRO 26:3 أَركُّوضْ إِ ؤُيِيسْ، سْڒِيمثْ إِ وغْيُوڒْ، ؤُ أَعْمُوذْ إِ وعْرُورْ ن إِبُوهَاڒِييّنْ.
PRO 26:4 وَارْ د-تَّارِّي خْ ؤُبُوهَاڒِي أَنشْثْ ثُوبُّوهڒْيَا نّسْ، مَاحنْذْ ؤُڒَا ذ شكْ وَارْ ذَايسْ ثَاركّْوسذْ.
PRO 26:5 أَرّْ-د خْ ؤُبُوهَاڒِي عْلَاحْسَابْ ثُوبُّوهڒْيَا نّسْ، مَاحنْذْ وَارْ إِتّْغِيڒْ نتَّا ذ أَمِيغِيسْ ذِي ثِيطَّاوِينْ نّسْ.
PRO 26:6 [أَمْ] ونِّي إِتّْقسّنْ إِضَارنْ ن يِيخفْ نّسْ ؤُ [أَمْ] ونِّي إِسسّنْ لْعُونْفْ، [أَمُّو إِ يدْجَا] ونِّي إِسّكَّانْ ثِيبْرَاثِينْ س ؤُفُوسْ ن إِجّْ ن ؤُبُوهَاڒِي.
PRO 26:7 ثِيمسَّاضِينْ ن ؤُنعْضَابْ أَرهْفنْثْ، [أَمُّو إِ يدْجَا] ؤُڒَا ذ أَوَاڒْ إِوزْننْ ذڭْ ؤُقمُّومْ ن إِبُوهَاڒِييّنْ.
PRO 26:8 أَمْ ونِّي إِتّْشدَّانْ أَژْرُو إِغْڒَانْ ذڭْ إِدْجِييْ، أَمُّو إِ إِدْجَا ونِّي إِتّڭّنْ شَّانْ إِ ؤُبُوهَاڒِي.
PRO 26:9 [أَمْ] إِشْثْ ن ثِيونْثْ ن ثْزڭّْوَارْثْ د-إِڭّعّْذنْ ذڭْ ؤُفُوسْ ن ؤُسْكَارْجِي، [أَمُّو إِ إِدْجَا] لْمَاثَالْ ذڭْ ؤُقمُّومْ ن إِبُوهَاڒِييّنْ.
PRO 26:10 أَطَّاسْ إِزمَّارْ أَذْ د-إِسُّوفّغْ مَارَّا [زڭْ يِيخفْ نّسْ]، [مَاشَا] ڒْمُونثْ ن ؤُبُوهَاڒِي ذ ونِّي ث غَا إِشْرَانْ، أَذْ خْسَارنْ.
PRO 26:11 أَمْ إِجّْ ن وقْزِينْ إِعقْبنْ غَارْ مِينْ إِعُوقّْ، [أَمُّو إِ] إِتّْعَاوَاذْ إِجّْ ن ؤُبُوهَاڒِي ثُوبُّوهڒْيَا نّسْ.
PRO 26:12 مَا ثژْرِيضْ [عمَّارْصْ] إِجّْ ن ورْيَازْ إِ إِتّڭّنْ إِخفْ نّسْ ذ أَمِيغِيسْ؟ أَقَا ذِينْ ڒَايَاسْ أَطَّاسْ إِ يِيجّْ ن ؤُبُوهَاڒِي ؤُڒَا خَاسْ.
PRO 26:13 أَمعْڭُوزْ إِقَّارْ: ”[أَقَا ذِينْ] إِجّْ ن وَايْرَاذْ إِزهَّارنْ ذڭْ وبْرِيذْ، إِجّْ ن ويْرَاذْ [يُويُورْ] ذڭْ وَازَّاينْ!“
PRO 26:14 [أَمْ] ثوَّارْثْ ثتُّونُّوضْ إِ ثغْمَارْثْ نّسْ، [أَمُّو إِ إِتُّونُوضْ] ؤُڒَا ذ أَمعْڭُوزْ ذِي قَامَا نّسْ.
PRO 26:15 أَمعْڭُوزْ إِسّْنُوفَّارْ أَفُوسْ نّسْ ذِي طّبْصِي، أَقَا نتَّا يَارْخُو مَاحنْذْ أَذْ ث إِسِّيوضْ غَارْ ؤُقمُّومْ نّسْ.
PRO 26:16 أَمعْڭُوزْ إِتّْوَاڒَا إِخفْ نّسْ ذ أَمِيغِيسْ، زِي سبْعَا [إِرْيَازنْ] نِّي [إِزمَّارنْ] أَذْ د-أَرّنْ س ڒفْهَامثْ.
PRO 26:17 [أَمْ] ونِّي إِتّْشبَّارنْ ذڭْ إِمزُّوغنْ ن وقْزِينْ، [أَمُّو إِ يدْجَا] ونِّي إِتَّاذْفنْ ذڭْ ؤُمْشُوبّشْ نِّي وَارْ إِدْجِي نّسْ.
PRO 26:18 أَمْ إِجّْ ن ؤُمجْنُونْ نِّي إِشَّاثنْ إِصفْضَاونْ ذ فْڒِيثْشَاثْ ذ [سّمْ] إِنقّنْ،
PRO 26:19 أَمُّو [إِ إِدْجَا] ورْيَازْ نِّي إِشمْثنْ جَّارْ نّسْ، ؤُشَا إِقَّارْ: ”أَقَا تّْقسَّارغْ وَاهَا، نِيغْ لَّا!“
PRO 26:20 مَاڒَا وَارْ إِدْجِي ؤُكشُّوضْ، أَذْ ثخْسِي ثْمسِّي، ؤُ مَاڒَا وَارْ [ذِينْ] إِدْجِي ؤُخْبَارْجِي، يَارسَّا ؤُمْشُوبّشْ.
PRO 26:21 [أَمْ إِدْجَا] ڒفْحمْ إِ ڒفْحمْ إِتّحْذُوذُوقنْ ذ ؤُكشُّوضْ إِ ثْمسِّي، [أَمُّو إِ] يدْجَا إِجّْ ن ورْيَازْ إِتّمْشُوبُّوشنْ، مَاحنْذْ أَذْ د-إِسْنكَّارْ أَمنْغِي.
PRO 26:22 أَوَاڒنْ ن ؤُخْبَارْجِييْ أَمْ حَالَاوِيثْ، ثِينِّي هكّْوَانْثْ ذڭْ إِخَّامنْ ن ذَاخڒْ ن ؤُعذِّيسْ.
PRO 26:23 [أَمْ] كُوفُّو ن نُّوقَارْثْ خْ ؤُشدْجِيقْ ن ثْڒَاخْثْ، [أَمُّو إِ دْجَانْ] إِينْشِيشنْ إِمِيزِيضنْ ن يِيجّنْ س وُوڒْ ذ أَعفَّانْ.
PRO 26:24 ونِّي ذِي إِدْجَا وشْرَاهْ، إِسّْنُوفَّارَا [إِ-ث] س يِيڒسْ نّسْ [مَاشَا] ذڭْ وُوڒْ نّسْ إِتّْخَارّصْ ذِي ڒْغشّْ.
PRO 26:25 مَاڒَا نتَّا إِتّْحشّمْ س ثْمِيجَّا نّسْ، وَارْ ث تِّيقِّي شَا، مَاغَارْ سبْعَا ن نّْعَاوَاثْ [أَقَا ذِينْ] ذڭْ وُوڒْ نّسْ.
PRO 26:26 ؤُڒَا مَاڒَا إِڒحّفْ وشْرَاهْ نّسْ ذڭْ وشْمَاثْ، ثُوعفّْنَا نّسْ أَذْ ثتّْوَاعَارَّا ذڭْ وڭْرَاوْ [ن ڒْڭنْسْ].
PRO 26:27 ونِّي إِغْزِينْ [إِجّْ ن وحْفُورْ ن] ثُورْصُوضِي، أَذْ ذَايسْ إِوْضَا سِيمَانْثْ نّسْ ؤُ ثَاصْضَارْثْ أَذْ د-ثذْوڒْ غَارْ ونِّي ت إِسّقْنُونُّوينْ.
PRO 26:28 إِڒسْ إِسّْخَارِّيقنْ إِشَارّهْ ونِّي إِتَّاردّْدْجنْ، إِجّْ ن ؤُقمُّومْ أَڒقَّاغْ [س ثحْرَايْمشْثْ] إِتَّاوِي-د ڒْخَارْبثْ.
PRO 27:1 وَارْ تّْفيّشْ زڭْ وَاسّْ ن ثِيوشَّا، مَاغَارْ وَارْ ثسِّينذْ شَا مِينْ د غَا يَاوِي وَاسّْ.
PRO 27:2 أجّْ إِجّْ ن ؤُبَارَّانِي أَذْ شكْ إِشنّعْ، وَارْ إِدْجِي أَقمُّومْ نّشْ، إِجّْ ن مِيدّنْ، وَارْ إِدْجِي إِينْشِيشنْ نّشْ.
PRO 27:3 أَژْرُو إِذْقڒْ، إِجْذِي إِوزّنْ، [مَاشَا] أَفُوڭمْ ن ؤُبُوهَاڒِي إِذْقڒْ خَاسنْ س ثْنَاينْ إِذْسنْ.
PRO 27:4 أَسْعَارْ ذ ؤُذُوقّزْ ن وغْضَابْ أَقَا أَثنْ قسْحنْ، [مَاشَا] مَانْ ونْ إِزمَّارنْ أَذْ إِقِّيمْ إِبدّْ غَارْ ثُوسْمِي؟
PRO 27:5 ثحْڒَا تَّارْبِييّثْ س بْطَايْطَايْ خْ ثَايْرِي إِنُّوفَّارنْ.
PRO 27:6 إِيزِّيمنْ ن ونِّي [شكْ] إِتّخْسنْ أَقَا ذ [ڒعْڒَامَاثْ ن] ڒَامَانْ، [مَاشَا] إِسُوذِيمنْ ن يِينِّي [شكْ] إِشَارّْهنْ أَقَا ذ أَطَّاسْ.
PRO 27:7 ونِّي إِجِّيوْننْ، إِعجّنْ خْ ثَامّنْثْ ن ثغْرَاصْثْ، [مَاشَا] إِ ونِّي إِدْجُوژنْ مَارَّا مِينْ يَارزْڭنْ ذ أَمِيژِيذْ.
PRO 27:8 أَمْ إِجّْ ن وجْضِيضْ إِطَّاوْ، [إِڭّْوذْ] زِي ڒْعُوشّْ نّسْ، أَمُّو [إِ إِدْجَا] ورْيَازْ نِّي إِ غَا إِطلّْعنْ بَارَّا خْ ومْشَانْ نّسْ.
PRO 27:9 زّشْثْ ذ ڒبْخُورْ سّْفَارَّاحنْ ؤُڒْ، [أَمُّو عَاوذْ] ثَامْسعَّافْثْ إِشْنَانْ ن إِجّْ ن ؤُمدُّوكّڒْ زِي شّْوَارْ ن وُوڒْ.
PRO 27:10 وَارْ سمّحْ ذڭْ ؤُمدُّوكّڒْ نّشْ، ؤُڒَا ذڭْ ؤُمدُّوكّڒْ ن بَابَاشْ، وَارْ تِّيذفْ شَا غَارْ ثَادَّارْثْ ن ؤُمَاشْ ذڭْ وَاسّْ ن أَرْژِييّثْ نّشْ. إِحْڒَا إِجّْ ن وَاجَّارْ يُوذسْ خْ إِجّْ ن ثوْمَاثْ يِيڭّْوجْ.
PRO 27:11 إِڒِي ذ أَمِيغِيسْ، [أَ] مِّي، ؤُ سْفَارْحْ ؤُڒْ إِنُو، مَاحنْذْ زمَّارغْ أَذْ د-أَرّغْ خْ ونِّي ذ أَيِي غَا إِسّحْقَارنْ.
PRO 27:12 ونِّي إِفتّْننْ إِتّْوَاڒَا ڒْغَارْ ؤُشَا إِسّْنُوفَّارَا إِخفْ نّسْ، [مَاشَا] إِحَافِييّنْ أَرنِّينْ ڭُّورنْ ؤُشَا إِتّْخصَّا أَذْ تّْوَاعَاقَابنْ.
PRO 27:13 كْسِي أَرُّوضْ نّسْ، مَاغَارْ إِدَّاكّْوَاڒْ ذ أَضْمَانْ إِ يِيجّْ ن ؤُبَارَّانِي، كْسِي ث ذ دِّييّثْ إِ يِيشْثْ ن ثمْغَارْثْ زِي بَارَّا.
PRO 27:14 ونِّي إِتّْبَارْكنْ أَمدُّوكّڒْ نّسْ زِيشْ غَارْ ثُوفُّوثْ س ثْمِيجَّا إِجهْذنْ، أَقَا مَانْ أَيَا أَذْ أَسْ إِتّْوَاحْسبْ ذ نّعْڒثْ.
PRO 27:15 [أَمشْنَاوْ] ثُوذِّيمْثْ وَارْ إِتّْبذِّينْ ذڭْ وَاسّْ ن ونْژَارْ إِجهْذنْ، [أَمُّو إِ ثدْجَا] ثمْغَارْثْ إِتّمْشُوبُّوشنْ.
PRO 27:16 ونِّي إِتّخْسنْ أَذْ أَسْ إِبلّعْ، [أَقَا-ث أَمْ ونِّي] إِتّخْسنْ أَذْ إِقَالَا إِ ؤُسمِّيضْ، ؤُ أَفُوسْ نّسْ أَفُوسِي أَذْ إِطّفْ زّشْثْ [إِتّحْرُودْجُوضنْ].
PRO 27:17 [أَمْ] ونِّي إِسّقْضَاعنْ ؤُزَّاڒْ س وُوزَّاڒْ، [أَمُّو إِ] إِسّقْضَاعْ ورْيَازْ ثِيمڭَّا ن ونِّي ث يُوذْسنْ.
PRO 27:18 ونِّي إِحطَّانْ خْ إِجّْ ن وَارْثُو، أَذْ إِشّْ ڒْغِيدْجثْ نّسْ، ونِّي إِحطَّانْ بَابْ نّسْ، أَذْ إِتّْوَاشنّعْ.
PRO 27:19 أَمْ د-إِتّْبَانْ ؤُغمْبُوبْ ذڭْ ؤُغمْبُوبْ ذڭْ وَامَانْ، أَمُّو د-إِتّْبَانْ وُوڒْ نْ بْنَاذمْ خْ بْنَاذمْ عَاوذْ.
PRO 27:20 [أَمْ] ڒَاخَارْثْ ذ ؤُسْهلّكْ وَارْ تّْيِيوِيننْ، [أَمُّو] ؤُڒَا ذ ثِيطَّاوِينْ ن إِوْذَانْ وَارْ تِّيوْضنْثْ أَذْ جِّيوْننْثْ.
PRO 27:21 أَطنْجِيرْ ن ؤُسفْسِي إِ نُّوقَارْثْ ذ ؤُفَارَّانْ إِ وُورغْ، [أَمُّو إِ إِدْجَا ؤُڒَا ذ] أَرْيَازْ أَمْ مَامّشْ ث تّْمدَّاحنْ.
PRO 27:22 مَاڒَا ثدّْزذْ أَبُوهَاڒِي س وزْذُوزْ ذِي ڒْمهْرَازْ جَارْ ڒْحبّْ ن إِمنْذِي، ثُوبُّوهڒْيَا نّسْ وَارْ خَاسْ ثْحيِّيذْ.
PRO 27:23 حْضَا مَاحنْذْ أَذْ ثسّْنذْ مَامّشْ د-إِتّْبَانْ وُودْجِي نّشْ، وجّهْ ؤُڒْ نّشْ غَارْ ثْحِيمْرِيوِينْ.
PRO 27:24 مَاغَارْ ڒكْسِيبثْ وَارْ ثتّْغِيمِي إِ ڒبْذَا، نِيغْ مَا أَذْ إِقِّيمْ تَّاجْ [ن وعْزَاڒْ] زِي جِّيڒْ أَڒْ جِّيڒْ نّغْنِي؟
PRO 27:25 مَاڒَا إِرُوحْ أَرْبِيعْ ؤُشَا إِبَانْ-د ؤُغمُّويْ [أَزِيزَا]، إِتّْوَاحْثشْ أَفْسُو خْ إِذُورَارْ،
PRO 27:26 [خنِّي أَذْ إِڒِينْ] إِزْمَارنْ إِ وَارُّوضْ نّشْ، ؤُڒَا ذ إِغَايْضنْ إِ ثْمسْغِيوْثْ ن يِيجّْ ن ييَّارْ.
PRO 27:27 ؤُشَا أَذْ غَاركْ يِيڒِي مِينْ ثحْوَاجذْ ن ؤُغِي ن ثْغَايْطِينْ إِ مَاشَّا نّشْ، [أَذْ يِيڒِي ذ] مَاشَّا إِ ثَادَّارْثْ نّشْ، ؤُڒَا ذ ڒعْوتْشْ إِ ثمْسخَّارِينْ نّشْ ثِيمژْيَانِينْ.
PRO 28:1 إِعفَّاننْ تّْرَاكّْوَاڒنْ وَاخَّا وَارْ [ذِينِّي] وِي [إِ-ثنْ] إِضَافَّارنْ، [مَاشَا] إِمْسڭَّاذنْ ذَايْسنْ ثَارْيَاسْثْ أَمْ ن إِجّْ ن وَايْرَاذْ.
PRO 28:2 زِي سِّيبّثْ ن ؤُعذِّي ن ثمُّورْثْ [أَقَا ذِينْ] أَطَّاسْ ن ڒْحُوكَّامْ نّسْ، [مَاشَا] س إِجّْ ن بْنَاذمْ س ڒعْقڒْ ذ ثُوسّْنَا، أَذْ ثقِّيمْ صُّولْطَا [ثْبدّْ] إِ يِيجّْ ن ڒْوقْثْ ذ أَزِيرَارْ.
PRO 28:3 أَرْيَازْ أَمزْڒُوضْ نِّي إِتّْزيَّارنْ خْ إِمَارْخَا، [أَمْ] ونْژَارْ إِتَّاوْينْ مَارَّا، [أَڒْ] وَارْ إِتّْغِيمِي عَاذْ وغْرُومْ.
PRO 28:4 إِنِّي إِتّجَّانْ شَّارِيعَا سّمْغَارَانْ أَعفَّانْ، [مَاشَا] إِنِّي إِحطَّانْ شَّارِيعَا تّْمنْغَانْ أَكِيذْسنْ.
PRO 28:5 إِرْيَازنْ إِعفَّاننْ وَارْ فهّْمنْ ڒْحقّْ، [مَاشَا] إِنِّي يَارزُّونْ سِيذِي، فهّْمنْ إِ كُوڒْشِي.
PRO 28:6 إِحْڒَا ؤُمزْڒُوضْ نِّي إِڭُّورنْ إِصْفَا، خْ ونِّي إِڭُّورنْ إِفَارْغْ ذِي ثْنَاينْ ن إِبْرِيذنْ، [وَاخَّا] نتَّا غَارسْ أَڭْڒَا.
PRO 28:7 ونِّي إِحطَّانْ شَّارِيعَا، ذ إِجّْ ن مِّيسْ إِفهّمْ، [مَاشَا] ونِّي ذ أَمدُّوكّڒْ ن إِملْهَافْ، يَارَّا بَابَاسْ أَذْ إِسضْحَا.
PRO 28:8 ونِّي إِسّمْغَارَانْ أَڭْڒَا نّسْ س أَرِّيبَا ذ وَارْبحْ، إِسّْمُونَا أَيَا إِ ونِّي إِتّْحِينَّانْ خْ إِمزْڒَاضْ.
PRO 28:9 ونِّي إِسّْحيَّاذنْ أَمزُّوغْ نّسْ زڭْ ؤُسدْجِي ن شَّارِيعَا، [عَاذْ] ثَاژَادْجِيثْ نّسْ ذ نّْعِي.
PRO 28:10 ونِّي إِتَّارَّانْ إِنِّي إِڭُّورنْ نِيشَانْ أَذْ ودَّارنْ خْ إِجّْ ن وبْرِيذْ أَعفَّانْ، نتَّا سِيمَانْثْ نّسْ أَذْ إِوْضَا ذِي ثسْرَافْثْ نّسْ، [مَاشَا] إِنِّي إِ ذِي ثدْجَا ڒكْمَارثْ أَذْ وَارْثنْ مِينْ إِصبْحنْ.
PRO 28:11 بُو-وَاڭْڒَا إِتّڭّْ إِخفْ نّسْ ذ أَمِيغِيسْ ذِي ثِيطَّاوِينْ نّسْ، [مَاشَا] إِجّْ ن ؤُمزْڒُوضْ نِّي ذِي ثدْجَا ڒفْهَامثْ، يَارْڭبْ خَاسْ.
PRO 28:12 مَاڒَا أَذْ سْڒِيوْڒِيونْ إِمْسڭَّاذنْ س ڒفْرَاحثْ، أَقَا ذِينْ أَعُودْجِي أَمقّْرَانْ، [مَاشَا] مَاڒَا كَّارنْ-د إِعفَّاننْ، أَذْ إِسّْنُوفَّارْ بْنَاذمْ [إِخفْ نّسْ].
PRO 28:13 ونِّي إِدَّاڒنْ إِخطَّانْ نّسْ، وَارْ إِتّفْڒِيحْ، [مَاشَا] ونِّي زَّايْسنْ إِنعّْمنْ ؤُ إِتّْحيَّاذْ خَاسنْ، أَذْ يَافْ أَرّحْمثْ.
PRO 28:14 سّعْذْ ن بْنَاذمْ نِّي إِتّْوقَّارنْ بْڒَا أَبذِّي، [مَاشَا] ونِّي إِسّقْسَاحنْ ؤُڒْ نّسْ، أَذْ إِوْضَا ذِي ڒْغَارْ.
PRO 28:15 [أَمْ] إِجّْ ن ويْرَاذْ إِتَّارُّوجْذُوذنْ، [أَمْ] إِجّْ ن دُّوبْ [إِتّْڒَاژَانْ] إِتَّازّْڒنْ زِي سَّا غَارْ ذِيهَا، [أَمُّو إِ إِدْجَا] إِجّْ نْ ڒْحَاكمْ أَعفَّانْ خْ إِجّْ ن ڒْڭنْسْ أَمزْڒُوضْ.
PRO 28:16 ڒْحَاكمْ نِّي بْڒَا ڒفْهَامثْ، [أَقَا-ث ذ ڒْحَاكمْ خْ] وَاطَّاسْ ن ورْبَاحْ س ؤُبعّجْ، [مَاشَا] ونِّي إِشَارّْهنْ أَرْبحْ، أَذْ إِزُّوڭَّارْثْ ؤُسَّانْ نّسْ.
PRO 28:17 إِجّْ ن بْنَاذمْ إِتّْوَاحْصَارنْ ؤُمِي إِسِّيزّڒْ إِذَامّنْ ن شَا ن يِيجّنْ، أَذْ يَارْوڒْ غَارْ وحْفُورْ ن ونْضڒْ [ن يِيخفْ نّسْ]. وَارْ تّجِّي حذْ أَذْ ث إِسّْبدّْ!
PRO 28:18 ونِّي إِڭُّورنْ [أَبْرِيذْ نّسْ] ذِي ڒصْفَايثْ، أَذْ إِنْجمْ، [مَاشَا] ونِّي إِڭُّورنْ إِفَارْغْ ذِي ثْنَاينْ ن إِبْرِيذنْ، وَارْ إِتّْعطَّارْ أَذْ إِوْضَا.
PRO 28:19 ونِّي إِشَارّْزنْ ثَامُّورْثْ نّسْ، أَذْ إِجَّاونْ س وغْرُومْ، [مَاشَا] ونِّي إِضفَّارنْ أَرْيَازْ إِخْوَانْ، أَذْ إِجَّاونْ زّڒْضْ.
PRO 28:20 أَرْيَازْ إِ ذِي إِدْجَا ڒَامَانْ أَطَّاسْ [أَذْ إِكْسِي] أَطَّاسْ ن لْبَارَاكَاثْ، [مَاشَا] ونِّي إِتّْقدْجِيقنْ حِيمَا أَذْ إِڭّْ أَڭْڒَا، وَارْ إِتّْوِيحْسِيبْ ذ أَمزْذَاڭْ.
PRO 28:21 أَسْفَارْزْ ن وُوذْمَاونْ وَارْ إِشْنِي شَا، [مَاغَارْ] إِ يِيجّْ ن ؤُڒقُّوزْ ن وغْرُومْ [إِزمَّارْ] شَا ن ورْيَازْ أَذْ إِخْضَا.
PRO 28:22 أَرْيَازْ س ثِيطّْ ثَاعفَّانْثْ إِتّْقدْجِيقْ غَارْ وَاڭْڒَا، [مَاشَا] نتَّا وَارْ إِسِّينْ أَقَا ڒخْسسْ أَذْ غَارسْ د-يَاسْ.
PRO 28:23 ونِّي إِتّْعَاقَابنْ إِجّْ ن بْنَاذمْ، أَقَا غَارْ ؤُنڭَّارْ أَذْ يَافْ أَرْضَا كْثَارْ خْ ونِّي إِسّْشَانَانْ ثَاژْيُوضِي س يِيڒسْ نّسْ.
PRO 28:24 ونِّي إِتّْكشَّاضنْ بَابَاسْ نِيغْ يمَّاسْ ؤُشَا إِقَّارْ: ”وَارْ إِدْجِي ذ دّنْبْ!“، أَقَا-ث ذ أَشْرِيشْ ن إِجّْ ن بُو-ڒَْاخَارْثْ.
PRO 28:25 ونِّي ذِي إِدْجَا نّْفَاخثْ، إِسّكَّارَا-د أَمْشُوبّشْ، [مَاشَا] ونِّي إِتّْشَاڒَانْ خْ سِيذِي، أَذْ إِذْوڒْ لَابَاسْ خَاسْ.
PRO 28:26 ونِّي إِتّْشَاڒَانْ خْ وُوڒْ نّسْ، أَقَا ذ أَبُوهَاڒِي، [مَاشَا] ونِّي إِڭُّورنْ [أَبْرِيذْ نّسْ] ذِي ثِيغِيثْ، أَذْ إِنْجمْ.
PRO 28:27 ونِّي إِتِّيشنْ إِ إِمزْڒَاضْ، وَارْ ذَايسْ إِتِّيڒِي بُو ڒغْبنْ، [مَاشَا] ونِّي إِتّقّْننْ ثِيطَّاوِينْ نّسْ، أَذْ إِتّْوَانْعڒْ أَطَّاسْ.
PRO 28:28 مَاڒَا كَّارنْ-د إِعفَّاننْ، [خنِّي] إِتّْنُوفَّارْ بْنَاذمْ، [مَاشَا] مَاڒَا تّْوَاهلّْكنْ نِيثْنِي، أَذْ مَّارنْينْ إِمْسڭَّاذنْ.
PRO 29:1 أَرْيَازْ، ونِّي إِسّقْسْحنْ يِيرِي [نّسْ] أَوَارْنِي ڒَامِي ث عَاقْبنْ أَطَّاسْ ن ثْوَاڒَاوِينْ، أَذْ يَارْژْ ذڭْ إِجّْ ن ؤُمُورْ، [خنِّي] وَارْ ذِينْ إِدْجِي [عَاذْ] ؤُڭنْفُو.
PRO 29:2 مَاڒَا ذوْڒنْ إِمْسڭَّاذنْ س صُّولْطَا، [خنِّي] إِفَارّحْ ڒْڭنْسْ، [مَاشَا] مَاڒَا إِحكّمْ ؤُعفَّانْ، إِوعّضْ ڒْڭنْسْ.
PRO 29:3 بْنَاذمْ إِتّخْسنْ ثِيغِيثْ، إِسّْفَارَّاحْ بَابَاسْ، [مَاشَا] ونِّي إِتّْمُونَانْ أَكْ-ذ ثمْغَارِينْ ن فَارْقْ-شّْغڒْ، يَاردّدْجْ أَڭْڒَا [نّسْ].
PRO 29:4 أَجدْجِيذْ إِسّْبدَّا ثَامُّورْثْ س ڒْحقّْ، [مَاشَا] أَرْيَازْ نِّي إِسّْڭعَّاذنْ ضَّارِيبَا أَطَّاسْ ن ثْوَاڒَاوِينْ، إِهدّمْ إِ-ت.
PRO 29:5 أَرْيَازْ نِّي إِسّْوَاطَانْ جَّارْ نّسْ، إِتّْبزَّاعْ إِشْثْ ن ثْرَاشَّا إِ إِضَارنْ نّسْ.
PRO 29:6 ذڭْ ؤُعذِّي ن إِجّْ ن ورْيَازْ أَعفَّانْ [إِنُّوفَّارْ ذَايسْ] إِجّْ ن ڒْفخْ، [مَاشَا] أَمْسڭّذْ إِتّسْڒِيوْڒوْ ؤُ إِفَارّحْ.
PRO 29:7 أَمْسڭّذْ إِسّنْ دّعْوثْ ن إِمَارْخَا، أَعفَّانْ وَارْ إِفهّمْ وَالُو ذِي ثُوسّْنَا.
PRO 29:8 إِمسْثهْزَايّنْ سّكَّارَانْ أَغوّغْ ذِي ثنْذِينْثْ، [مَاشَا] إِمِيغِيسنْ سّْنقْڒَابنْ أَغْضَابْ.
PRO 29:9 [مَاڒَا] أَمِيغِيسْ إِكْسِي-د ثَانْفُوتْشْ إِ يِيجّْ ن ؤُبُوهَاڒِي، [خنِّي] نتَّا ڭُّورْ أَذْ إِخيّقْ وَانِيثَا ؤُ أَذْ إِضْحشْ، [مَاشَا] وَارْ ذِينْ ڒْهُوذْنثْ.
PRO 29:10 إِرْيَازنْ ؤُمِي إِتّعْجِيبْ إِذَامّنْ شَارّْهنْ ونِّي إِكمّْڒنْ، [مَاشَا] إِنِّي إِڭُّورنْ نِيشَانْ خزَّارنْ غَارْ ڒعْمَارْ نّسْ.
PRO 29:11 أَبُوهَاڒِي إِضدْجقْ إِ مَارَّا بُوحْبڒْ نّسْ، [مَاشَا] أَمِيغِيسْ إِتّْقمّعْ إِ-ث.
PRO 29:12 ڒْحَاكمْ نِّي إِتِّيشنْ ثَايْنِيثْ إِ ڒْهَارْذْ ن إِخَارِّيقّنْ، زَّايسْ أَذْ إِڒِينْ مَارَّا إِمْسخَّارنْ نّسْ ذ إِعفَّاننْ.
PRO 29:13 أَمزْڒُوضْ ذ ورْيَازْ إِتّْوَاحْسَارنْ ڒبْذَا، مْسَاڭَارنْ، سِيذِي إِسّْنوَّارْ ثِيطَّاوِينْ نْسنْ س ثْنَاينْ إِذْسنْ.
PRO 29:14 أَجدْجِيذْ نِّي إِتِّيشنْ س ثِيذتّْ ثَاسْغَارْثْ إِ إِمَارْخَا ذِي شّْرعْ، ڒْْكُورْسِي نّسْ أَذْ إِقِّيمْ إِبدّْ إِ ڒبْذَا.
PRO 29:15 أَعْمُوذْ ذ ؤُوبّخْ تِّيشنْ ثِيغِيثْ، [مَاشَا] أَحنْجِيرْ جِّينْ ث إِ يِيخفْ نّسْ، يَارَّا يمَّاسْ أَذْ ثْسضْحَا.
PRO 29:16 مَاڒَا ذوْڒنْ إِعفَّاننْ جهْذنْ، [خنِّي] يَارنِّي ؤُخطُّو، [مَاشَا] إِمْسڭَّاذنْ أَذْ ژَترنْ وطُّو نْسنْ.
PRO 29:17 أَربَّا مِّيشْ ؤُ نتَّا أَذْ شكْ إِسَّاريّحْ، نتَّا أَذْ إِوْشْ [لْبَارَاكَاثْ] ثِيمِيژِيذِينْ إِ ڒعْمَارْ نّشْ.
PRO 29:18 مَاڒَا وَارْ ذِينْ ڒوْحِييْ، إِتّْفُوشُّوحْ ڒْڭنْسْ، سّعْذْ ن ونِّي إِحطَّانْ شَّارِيعَا.
PRO 29:19 إِجّْ ن إِسْمغْ وَارْ إِتّجِّي أَذْ ث أَرّبَّانْ س وَاوَاڒنْ، مَاغَارْ وَاخَّا نتَّا إِفهّمْ خَاكْ، وَارْ خَاكْ د-إِتَّارِّي شَا.
PRO 29:20 مَا شكْ [عمَّارْصْ] وَارْ ثژْرِيذْ إِجّْ ن ورْيَازْ إِتّْقدْجِيقْ س وَاوَاڒنْ نّسْ؟ أَقَا ذِينْ ڒَايَاسْ كْثَارْ إِ ؤُبُوهَاڒِي ؤُڒَا خَاسْ.
PRO 29:21 [مَاڒَا] إِجّنْ إِسُّوبضْ إِسْمغْ نّسْ زِي ثمْژِي، أَذْ إِذْوڒْ غَارْ ؤُنڭَّارْ وَارْ ث إِتّْقِيذِي.
PRO 29:22 أَرْيَازْ إِتَّارُّوجْذُوذنْ إِسّكَّارَا-د أَمْشُوبّشْ، ؤُ بَابْ ن وسْعَارْ [إِتّڭّْ] أَطَّاسْ ن إِخطَّانْ.
PRO 29:23 نّْفَاخثْ ن بْنَاذمْ أَذْ ث إِسّْوَاضعْ، [مَاشَا] أَمْوَاضعْ ن بُوحْبڒْ أَذْ أَسْ إِتّْوَاڭّْ شَّانْ.
PRO 29:24 ونِّي إِبطَّانْ أَكْ-ذ ؤُخوَّانْ، إِشَارّهْ إِخفْ نّسْ، [مَاغَارْ] نتَّا إِتّسْڒَا إِ نّعْڒثْ، [مَاشَا] وَارْ ث إِقَّارْ شَا.
PRO 29:25 ثِيڭّْوُوذِي زڭْ إِوْذَانْ ثْندّهْ غَارْ ڒْفخْ، [مَاشَا] ونِّي إِتّْشَاڒَانْ خْ سِيذِي، أَذْ إِتّْوَاسّْڭعّذْ ذِي ڒَامَانْ.
PRO 29:26 أَطَّاسْ أَرزُّونْ ؤُذمْ ن ڒْحَاكمْ، [وَاخَّا] ثَاسْغَارْثْ ن كُوڒْ إِجّْ ثتَّاسْ-د زِي سِيذِي.
PRO 29:27 أَرْيَازْ أَغشَّاشْ ذ نّْعِي إِ إِمْسڭَّاذنْ، [مَاشَا] ونِّي إِڭُّورنْ نِيشَانْ ذڭْ وبْرِيذْ نّسْ، أَقَا-ث ذ نّْعِي إِ ؤُعفَّانْ.
PRO 30:1 أَوَاڒنْ ن أَجُورْ، مِّيسْ ن يَاكِي، زِي ثقْبِيتْشْ ن مَاسَّا. نشّْ أَرْبڒغْ، [أَ] أَربِّي، نشّْ أَرْبڒغْ، [أَ] أَربِّي، ؤُ كمّْڒغْ.
PRO 30:2 مَاغَارْ نشّْ ذ أَقفُّوحْ، وَارْ إِدْجِي ذ بْنَاذمْ، ڒفْهَامثْ ن بْنَاذمْ وَارْ غَارِي ثدْجِي.
PRO 30:3 نشّْ وَارْ ڒْمِيذغْ ثِيغِيثْ، مَاحنْذْ أَذْ غَارِي ثِيڒِي ثُوسّْنَا ن ؤُمْقدَّاسْ أَمقّْرَانْ.
PRO 30:4 وِي إِڭعّْذنْ غَارْ ؤُجنَّا ؤُشَا إِهْوَا-د؟ مَانْ ونْ إِيَارّْونْ أَسمِّيضْ ذڭْ إِفَاسّنْ نّسْ؟ وِي إِسّنّْضنْ أَمَانْ ذڭْ وَارُّوضْ؟ وِي يَاركّْننْ مَارَّا ثِينڭُّورَا ن ثمُّورْثْ؟ مَانْ إِسمْ نّسْ ؤُ مَانْ إِسمْ ن مِّيسْ؟ شكْ ثسّْنذْ ث، مَا وَارْ إِدْجِي أَمنِّي؟
PRO 30:5 كُوڒْ أَوَاڒْ ن أَربِّي إِتّْوَاصفَّا، أَقَا نتَّا ذ أَذُورِّي إِ يِينِّي غَارسْ د-يَاركّْوَاڒنْ.
PRO 30:6 وَارْ أَرنِّي غَارْ وَاوَاڒنْ نّسْ، حِيمَا نتَّا وَارْ شكْ إِتّْوبّخْ، ؤُ أَذْ ثْبَانذْ-د شكْ ذ بُو-إِخَارِّيقنْ.
PRO 30:7 نشّْ تَّارغْ أَشْ ثْنَاينْ ن ثْمسْڒَايِينْ، وَارْ خَافِي ثنْثْ قطّعْ قْبڒْ إِ غَا مّْثغْ.
PRO 30:8 سِيڭّْوجْ خَافِي مِينْ إِبضْڒنْ ذ ڒْهَارْذْ إِخَارِّيقنْ، وَارْ ذ أَيِي تِّيشْ زّڒْضْ ؤُڒَا ذ وَاڭْڒَا، شَارّڭْ أَيِي ثَاسْغَارْثْ إِنُو إِ ذ أَيِي د-إِتَّاسنْ زڭْ وغْرُومْ،
PRO 30:9 مَاڒَا لَّا، خْمِي غَا جِّيوْنغْ، أَذْ ثَاغْ أَذْ شكْ نْكَارغْ، أَذْ إِنِيغْ ’وِي إِدْجَانْ سِيذِي؟‘، نِيغْ خنِّي، مَاڒَا زڒْضغْ، أَذْ أَشَارغْ، ؤُ أَذْ ڭّغْ ڒْعِيبْ ذڭْ يِيسمْ ن أَربِّي إِنُو.
PRO 30:10 وَارْ شقّفْ ذڭْ إِجّْ ن ؤُمْسخَّارْ غَارْ سِيذِيسْ نّسْ، حِيمَا نتَّا وَارْ شكْ إِنعّڒْ ؤُ [خنِّي] شكْ أَذْ ذَايكْ يِيڒِي ڒْعِيبْ.
PRO 30:11 [أَقَا ذِينْ] إِجّْ ن جِّيڒْ إِ إِنعّْڒنْ بَابَاسْ، ؤُ وَارْ إِتّْبَاركْ يمَّاسْ،
PRO 30:12 إِجّْ ن جِّيڒْ [إِ يدْجَانْ] ذ أَمزْذَاڭْ ذِي ثِيطَّاوِينْ نّسْ، [مَاشَا] وَارْ إِتّْوَاسِيرْذْ زِي ڒخْمجْ نّسْ،
PRO 30:13 إِجّْ ن جِّيڒْ س ڒْخزْرَاثْ إِنفْخنْ، س وَابْڒِيونْ نّسْ إِڭعّْذنْ،
PRO 30:14 إِجّْ ن جِّيڒْ س ثغْمَاسْ أَمْ ڒسْيُوفْ ذ ثغْمَاسْ ن ثغْمَارْثْ أَمْ ڒمْوَاسْ، حِيمَا أَذْ صَارْضنْ إِنِّي إِتّْوَاحْصَارنْ زِي ثمُّورْثْ ذ إِمزْڒَاضْ زڭْ إِوْذَانْ.
PRO 30:15 ثَادَّا غَارسْ ثْنَاينْ ن يسِّيسْ: ’أوْشْ!‘ ’أوْشْ!‘ أَقَا ذِينْ ثْڒَاثَا نِّيعمَّارْصْ أَذْ جِّيوْننْ. أَربْعَاعمَّارْصْ أَذْ إِنِينْ: ”شْفَا!“
PRO 30:16 ڒَاخَارْثْ ذ ڒمْڒَاوثْ إِبلّْعنْ، ثَامُّورْثْ إِ وَارْ إِجِّيوْننْعمَّارْصْ زڭْ وَامَانْ، ؤُڒَا ذ ثْمسِّي وَارْ قَّارنْثْعمَّارْصْ: ”شْفَا!“
PRO 30:17 ثِيطّْ إِ إِسّْثهْزَانْ زِي بَابَاسْ، ؤُ ثسّحْقَارْ طَّاعثْ إِ يمَّاسْ، أَذْ ت قڒْعنْ إِبَاغْڒِيونْ غَارْ ثغْزَارْثْ، ؤُ إِمژْيَاننْ ن ؤُڭِيذرْ أَذْ ت شّنْ.
PRO 30:18 ثْڒَاثَا-يَا [ن ثْمسْڒَايِينْ] عْذُونْثْ أَيِي س ڒعْجبْ، أَربْعَا وَارْ ثنْثْ سِّينغْ:
PRO 30:19 أَبْرِيذْ ن ؤُڭِيذرْ ذڭْ ؤُجنَّا، أَبْرِيذْ ن ؤُفِيغَارْ خْ ثصْضَارْثْ، أَبْرِيذْ ن ؤُغَارَّابُو ذڭْ وُوڒْ ن ڒبْحَارْ، ؤُ أَبْرِيذْ ن ورْيَازْ أَكْ-ذ ثعْزَارشْثْ.
PRO 30:20 أَمُّو إِ إِتّڭّْ أَبْرِيذْ ن إِشْثْ ن ثمْغَارْثْ إِزنَّانْ: نتَّاثْ ثتّتّْ، ثسِّيرِيذْ أَقمُّومْ نّسْ، ثقَّارْ: ”نشّْ وَارْ ڭِّيغْ وَالُو ذ ڒْغشّْ!“
PRO 30:21 سَاذُو ثْڒَاثَا [ن ثْمسْڒَايِينْ-أَ] ثنْهزّْ ثمُّورْثْ، سَاذُو أَربْعَا إِ وَارْ ثْزمَّارْ أَذْ ثَارْبُو:
PRO 30:22 سَاذُو إِجّْ ن ؤُمْسخَّارْ مَاڒَا نتَّا إِذْوڒْ ذْ أَجدْجِيذْ، سَاذُو إِجّْ ن ؤُبُوهَاڒِي مَاڒَا نتَّا إِجِّيونْ أَغْرُومْ،
PRO 30:23 سَاذُو إِشْثْ ن ثمْغَارْثْ ثتّْوَاسّحْقَارْ مَاڒَا نتَّاثْ ثتّْوَاسّمْڒشْ، ؤُ سَاذُو إِشْثْ ن ثَايَّا مَاڒَا ثطّفْ ڒْوَارْثْ ن لَالَّاسْ.
PRO 30:24 أَربْعَا-يَا ذ إِمژْيَاننْ قَاعْ خْ ثمُّورْثْ، [عَاذْ] نِيثْنِي ذ إِمِيغِيسنْ قَاعْ:
PRO 30:25 ثِيكضْفِينْ وَارْ دْجِينْثْ ذ ڒْڭنْسْ إِجهْذنْ، [مَاشَا عَاذْ] نِيثنْثِي سّوْجَاذنْثْ مَاشَّا نْسنْ ذڭْ ؤُنبْذُو.
PRO 30:26 إِكَاوْكَاونْ ن ثصْضَارْثْ ذ إِجّْ ن ڒْڭنْسْ نْهْڒَا جّْهذْ، [مَاشَا] نِيثْنِي بنَّانْ ثَازذِّيغْثْ نْسنْ خْ ثصْضَارْثْ.
PRO 30:27 ثَامُوغْرِي وَارْ غَارسْ بُو أَجدْجِيذْ، [وَاخَّا أَمنِّي] إِفّغْ س ؤُستّفْ مَارَّا.
PRO 30:28 أَزرْمُومِّي ثْزمَّارذْ أَذْ ث ثطّْفذْ س ثْنَاينْ ن إِفَاسّنْ، [عَاذْ أَقَا-ث] نتَّا ذِي ڒقْصُورْ ن إِجدْجِيذنْ.
PRO 30:29 ثْڒَاثَا-يَا صُّورُوفنْ س ڒْعزّْ، أَربْعَا ڭُّورنْ س ثشْڒِي ثشْنعْ:
PRO 30:30 أَيْرَاذْ، بُو-ثغْرُوضْثْ جَارْ ڒْمَارْ، ونِّي وَارْ إِتّْوخِّيرنْ زَّاثْ إِ حذْ،
PRO 30:31 إِجّْ ن [ؤُغِيڒَاسْ] س ثجْعِينَّاثِينْ نّسْ بيْسنْثْ، نِيغْ إِجّْ ن ؤُمْيَانْ، ؤُ إِجّْ ن ؤُجدْجِيذْ نِّي غَارْ إِدْجَا ؤُڒَاغِي ن ؤُمنْغِي.
PRO 30:32 مَاڒَا شكْ ثڭِّيذْ س ثُوبُّوهڒْيَا ؤُمِي ثسّْڭعّْذذْ إِخفْ نّشْ، نِيغْ ثْخمّمذْ ذِي ثحْرَايْمشْثْ: سَارْسْ [أَ]فُوسْ خْ ؤُقمُّومْ!
PRO 30:33 مَاغَارْ أَسنْذُو ن ؤُغِي إِتَّاوِي-د ثْرُوسِّي، ؤُ أَسنْذُو ن ونْزَارنْ إِتَّاوِي-د إِذَامّنْ، ؤُ أَسنْذُو ن ؤُخيّقْ، إِتَّاوِي-د أَمْشُوبّشْ.
PRO 31:1 أَوَاڒنْ ن لَامُويِيلْ، أَجدْجِيذْ ن ثقْبِيتْشْ ن مَاسَّا، إِ زِي ث ثْعڒْمذْ يمَّاسْ.
PRO 31:2 مِينْ [ذِينْ]، [أَ] مِّي، مِينْ [ذِينْ]، [أَ] مِّي ن وحْسِينْ إِنُو، مِينْ [إِ غَا ثڭّذْ]، [أَ] مِّي ن لْوُوعُوذْ إِنُو؟
PRO 31:3 وَارْ تِّيشْ ثِيزمَّارْ نّشْ إِ ثمْغَارِينْ، ؤُڒَا إِبْرِيذنْ نّشْ إِ ثِينِّي إِتّْهلَّاكنْ إِجدْجِيذنْ.
PRO 31:4 وَارْ د-ثُوسِي إِ إِجدْجِيذنْ، [أَ] لَامُويِيلْ، وَارْ د-ثُوسِي إِ إِجدْجِيذنْ مَاحنْذْ أَذْ سْونْ بِينُو، ؤُڒَا إِ أَيْثْ ن جّهْذْ مَاحنْذْ أَذْ مژْرنْ ذِي شّْرَابْ.
PRO 31:5 نِيغْ أَذْ إِسُووْ ؤُ أَذْ إِتُّو لْفَارِيضَا، ؤُ أَذْ إِسّْفَارْغْ ثَانْفُوتْشْ ن مَارَّا إِمْخيّْبنْ.
PRO 31:6 أوْشْ شّْرَابْ إِ يِينِّي إِ غَا إِتّْوَاهلّْكنْ، ؤُڒَا ذ بِينُو إِ يِينِّي ذ إِمرْزَاڭنْ ذِي ڒعْمَارْ نْسنْ.
PRO 31:7 أجّْ إِ-ث أَذْ إِسُووْ ؤُ أَذْ إِتُّو زّڒْضْ نّسْ، [أجّْ إِ-ث] وَارْ تّْخَارَّاصْ ذِي ثَامَارَا نّسْ عَاذْ.
PRO 31:8 أَرْزمْ أَقمُّومْ نّشْ إِ إِزِييْنَانْ، إِ دّعْوثْ ن مَارَّا إِنِّي إِتّْوَاجّنْ.
PRO 31:9 أَرْزمْ أَقمُّومْ نّشْ، حْكمْ س ڒْحُوكْمْ نِيشَانْ، ؤُشَا أَغْ ثَاسْغَارْثْ إِ ؤُمزْڒُوضْ.
PRO 31:10 أَلِيفْ. مَانْ ونْ إِ غَا يَافنْ إِشْثْ ن ثمْغَارْثْ إِمحْضنْ؟ تَّامَانْ نّسْ إِعْذُو مَارَّا ڒْمَارْجَانْ.
PRO 31:11 بِيثْ. خَاسْ إِ إِتّْشَاڒَا وُوڒْ ن ورْيَازْ نّسْ، وَارْ ذ أَسْ إِتّْخصِّي ڒفْضڒْ.
PRO 31:12 ڭِيملْ. نتَّاثْ ثتّڭّْ أَسْ مِينْ إِصبْحنْ، وَارْ إِدْجِي ڒْغَارْ، مَارَّا ؤُسَّانْ ن ثُوذَارْثْ نّسْ.
PRO 31:13 ذَالِيثْ. نتَّاثْ ثَارزُّو ثَاضُوفْثْ ذ ثِيفّسْثْ، ؤُ ثْخدّمْ س إِفَاسّنْ نّسْ إِمحْضنْ.
PRO 31:14 هِي. نتَّاثْ ثڭَّا أَمْ ثْغَارُّوبَا ن ؤُسبَّابْ، زِي ڒَاڭّْوَاجْ ثتَّاوِي-د مَاشَّا نّسْ.
PRO 31:15 وَاوْ. نتَّاثْ ثتّْنَاكَّارْ ؤُمِي عَاذْ ثدْجَا دْجِيڒثْ، ثتِّيشْ مَاشَّا إِ ثَادَّارْثْ نّسْ، ؤُ ثَاسْغَارْثْ [نْسنْثْ] إِ ثمْسخَّارِينْ نّشْ ثِيمژْيَانِينْ.
PRO 31:16 زَايِينْ. نتَّاثْ ثتّْخَارَّاصْ ذڭْ إِيَّارْ ؤُ ثتّطّفْ إِ-ث، زِي ڒْغِيدْجثْ ن إِفَاسّنْ نّسْ ثژُّو ثِيزَايَارِينْ ذڭْ ؤُمَارْجعْ.
PRO 31:17 خِيثْ. نتَّاثْ ثْبكّسْ ثِيجْعِينَّاثِينْ نّسْ س جّهْذْ، ؤُ ثسّمْحَاضْ إِغَادْجنْ نّسْ.
PRO 31:18 ثِيث. نتَّاثْ ثْحكَّارْ إِ ڒفْضڒْ ن ثْسبَّابْثْ نّسْ، ڒفْنَارْ نّسْ وَارْ إِخسِّي ذِي دْجِيڒثْ.
PRO 31:19 يُوذْ. نتَّاثْ ثسّْوِيژّضْ إِفَاسّنْ نّسْ غَارْ ثْرُوكَّا، ؤُ إِفَاسّنْ نّسْ طّْفنْ أَمكُّوكْ ن ؤُخيَّاضْ.
PRO 31:20 كَافْ. نتَّاثْ ثَارزّمْ أَفُوسْ نّسْ إِ ؤُمحْذَاجْ، ثسّْوَاژَّاضْ إِفَاسّنْ نّسْ إِ ؤُمزْڒُوضْ.
PRO 31:21 لَامِيذْ. نتَّاثْ وَارْ ثتّڭّْوذْ زِي ثَادَّارْثْ نّسْ ذِي سِّيبّثْ ن وذْفڒْ، مَاغَارْ مَارَّا ثَادَّارْثْ نّسْ غَارسْ أَرُّوضْ أَرْجُووَانِي.
PRO 31:22 مِيمْ. نتَّاثْ ثڭَّا إِ يِيخفْ نّسْ ثِيسُونْثَاوِينْ ن زْوَاقْ، أَرُّوضْ نّسْ [س] ڒقْطنْ أَزْذَاذْ ذ [ؤُفِيڒُو] أَرْجُووَانِي.
PRO 31:23 نُونْ. أَرْيَازْ نّسْ إِتّْوَاسّنْ ذِي ثوُّورَا، خْمِي إِتّْغِيمَا أَكْ-ذ إِمْغَارنْ ن ثمُّورْثْ.
PRO 31:24 سَامِيخْ. نتَّاثْ ثتّڭّْ أَرُّوضْ ن ڒقْطنْ ؤُشَا ثزّْنُوزَا [إِ-ث]، نتَّاثْ ثزّْنُوزَا إِبُويَاسْ إِ ؤُسبَّابْ زِي كنْعَانْ.
PRO 31:25 عَايِينْ. جّهْذْ ذ ڒْعزّْ ذ أَرُّوضْ نّسْ، نتَّاثْ ثْضحّشْ [ثسْفَارْنِينْ] خْ وَاسّْ إِ د غَا يَاسنْ.
PRO 31:26 بِي. نتَّاثْ ثَارزّمْ أَقمُّومْ نّسْ س ثِيغِيثْ، [أَقَا ذِينْ] ثَاغُورِي س ثْمخْسِيوْثْ إِشوَّارنْ خْ يِيڒسْ نّسْ.
PRO 31:27 ثْسَاذِي. نتَّاثْ ثْحطَّا خْ مِينْ إِتّمّْسَارَانْ ذِي ثَادَّارْثْ، أَغْرُومْ ن ڒعْڭزْ وَارْ ثتّتّْ.
PRO 31:28 قُوفْ. إِحنْجِيرنْ نّسْ تّكَّارنْ، سّمْغَارَانْ ت س ڒفْرَاحثْ، ؤُڒَا ذ أَرْيَازْ نّسْ إِتّْمدّحْ إِ-ت.
PRO 31:29 رِيخْ. أَطَّاسْ ن ثْيسِّيثْ ڭِّينْثْ ثِيمڭَّا جهْذنْثْ، [مَاشَا] شمْ ثعْذُوذْ-د ثنْ مَارَّا.
PRO 31:30 شِينْ. ڒبْهُوثْ ثْشمّثْ ؤُ أَژْرِي إِتّْغشَّا [مَاشَا] ثَامْغَارْثْ نِّي إِتّڭّْوْذنْ سِيذِي، إِتّْخصَّا أَذْ ت سّمْغَارنْ.
PRO 31:31 ثَافْ. وْشمْ أَسْ زِي ڒْغِيدْجثْ ن إِفَاسّنْ نّسْ، جّمْ ثِيمڭَّا نّسْ أَذْ أَسْ صبّْحنْثْ غَارْ ثوُّورَا.
ECC 1:1 أَوَاڒنْ ن ؤُمْبَارّحْ، مِّيسْ ن ذَاوُوذْ، أَجدْجِيذْ ذِي ؤُرْشَالِيمْ.
ECC 1:2 ذ إِبطَّاڒنْ قَاعْ، إِقَّارْ ؤُمْبَارّحْ، ذ إِبطَّاڒنْ قَاعْ، أَقَا كُوڒْشِي ذِي ڒْبَاطڒْ.
ECC 1:3 مَانْ ڒفْضڒْ إِ إِدْجَانْ غَارْ بْنَاذمْ ذِي مَارَّا أَرْبرْ إِ زِي إِتّْمَارّثْ سَاذُو ثْفُوشْثْ؟
ECC 1:4 جِّيڒْ  إِڭُّورْ، إِجّْ ن جِّيڒْ [نّغْنِي] إِتَّاسْ-د، [مَاشَا] ثَامُّورْثْ أَذْ ثقِّيمْ ثْبدّْ إِ ڒبْذَا.
ECC 1:5 ثْنقَّارْ-د ثْفُوشْثْ ؤُ ثْغدْجِي ثْفُوشْثْ [عَاوذْ]، [خنِّي] أَذْ د-ثذْوڒْ ذغْيَا غَارْ مَانِيسْ إِ د-ثْنقَّارْ.
ECC 1:6 إِڭُّورْ [ؤُسمِّيضْ] غَارْ لْجَانُوبْ ؤُ إِتّنّضْ [عَاوذْ] غَارْ شَّامَالْ. أَمْ إِڭُّورْ إِتّنّضْ، إِتّنّضْ ؤُسمِّيضْ، ؤُشَا إِتّْغِيمَا ؤُسمِّيضْ إِدَّاكّْوَاڒْ-د غَارْ ؤُذُووَّارْ نّسْ.
ECC 1:7 مَارَّا إِغزْرَانْ تّْكبَّانْ ذِي ڒبْحَارْ، [مَاشَا] وَارْ إِتّْشُّورِي ڒبْحَارْ. غَارْ مَانِيسْ د-تَّازّْڒنْ إِغزْرَانْ، ذِينِّي تّْغِيمنْ تَّازّْڒنْ [عَاوذْ].
ECC 1:8 مَارَّا ثِيمسْڒَايِينْ سَّاحَاڒنْثْ [بْڒَا قطُّو]، ؤُڒَا ذ إِجّنْ وَارْ إِزمَّارْ أَذْ خَاسْ يِينِي شَا.عمَّارْصْ ثِيطّْ أَذْ ثجَّاونْ زڭْ وژْرِي ؤُشَا أَمزُّوغْعمَّارْصْ أَذْ إِجَّاونْ زڭْ ؤُثسْڒِي.
ECC 1:9 مِينْ ثُوغَا إِدْجَانْ أَذْ يِيڒِي، مِينْ إِتّْوَاڭّنْ أَذْ إِتّْوَاڭّْ [عَاوذْ]. وَارْ [ذِينْ] إِدْجِي جْذِيذْ سَاذُو ثْفُوشْثْ.
ECC 1:10 مَا أَقَا ذِينْ شَا ن ڒْحَاجّثْ قَّارنْ خَاسْ: ”خْزَارْ، مَانْ أَيَا ذ جْذِيذْ!“؟، أَقَا-ت ذِينْ ذِي زّْمَانَاثْ نِّي ثُوغَا إِدْجَانْ قْبڒْ إِ نشِّينْ.
ECC 1:11 وَارْ ذِينْ دْجِينْ ذ إِخَارِّيصنْ خْ يِينِّي ثُوغَا ذ إِمزْوُورَا، ؤُشَا ؤُڒَا خْ يِينِّي إِ غَا يِيڒِينْ ذ إِنڭُّورَا، وَارْ خَاسنْ تِّيڒِينْ إِخَارِّيصنْ غَارْ يِينِّي د غَا يَاسنْ أَوَارْنِي أَسنْ [عَاذْ].
ECC 1:12 نشّْ، أَمْبَارّحْ، ثُوغَا أَيِي ذ أَجدْجِيذْ خْ إِسْرَائِيل، ذِي ؤُرْشَالِيمْ.
ECC 1:13 نشّْ ثُوغَا كّْسغْ ذڭْ وُوڒْ  إِنُو أَذْ أَرْزُوغْ ؤُ أَذْ بقّْشغْ س ثِيغِيثْ ذِي مَارَّا مِينْ إِمْسَارنْ سَاذُو ؤُجنَّا. مَانْ أَيَا ذ إِجّْ ن شّْغڒْ إِوْعَارْ، إِوْشَا إِ-ث أَربِّي إِ ثَارْوَا ن بْنَاذمْ حِيمَا أَذْ ذَايسْ ڒْهَانْ.
ECC 1:14 نشّْ ژْرِيغْ مَارَّا ثِيمڭَّا إِ إِتّْوَاڭّنْ سَاذُو ثْفُوشْثْ، ؤُ خْزَارْ، مَارَّا أَيَا ثُوغَا-ث ذِي ڒْبَاطڒْ ذ وضْفَارْ ن ؤُسمِّيضْ.
ECC 1:15 مِينْ إِفَارْغنْ وَارْ إِزمَّارْ أَذْ إِتّْوَاسڭّمْ، ؤُ مِينْ إِتّْخصَّانْ وَارْ إِزمَّارْ أَذْ إِتّْوَاحْسبْ.
ECC 1:16 نشّْ نِّيغْ ذڭْ وُوڒْ إِنُو: ”خْزَارْ، نشّْ سّمْغَارغْ ثِيغِيثْ إِنُو ؤُشَا أَرْنِيغْ ذَايسْ، مَاهُو مَارَّا إِنِّي ثُوغَا إِزدّْغنْ ذِي ؤُرْشَالِيمْ قْبڒْ إِنُو. ؤُڒْ إِنُو إِژْرَا أَطَّاسْ ن ثِيغِيثْ ذ ثُوسّْنَا.
ECC 1:17 نشّْ ڭِّيغْ ؤُڒْ إِنُو، مَاحنْذْ أَذْ د-أَوْيغْ ثِيغِيثْ، [مَاحنْذْ] أَذْ سّْنغْ ثُوبُّوهڒْيَا ذ جّْهڒْ. نشّْ ؤُفِيغْ ؤُڒَا ذ مَانْ أَيَا أَقَا ذ أَضْفَارْ ن ؤُسمِّيضْ.
ECC 1:18 مَاغَارْ ذڭْ وَاطَّاسْ ن ثِيغِيثْ، ذَايسْ أَطَّاسْ ن ڒْهمّْ، ؤُ ونِّي يَارنِّينْ ذِي ثُوسّْنَا، يَارنِّي ذڭْ ومْنُوسْ.
ECC 2:1 نشّْ نِّيغْ ذڭْ وُوڒْ إِنُو: ”أَسْ-د، أَذْ شكْ قدْجْبغْ س ڒفْرَاحثْ. خْزَارْ غَارْ مِينْ إِشْنَانْ!“ ؤُفِيغْ ؤُڒَا ذ مَانْ أَيَا أَقَا-ث ذِي ڒْبَاطڒْ.
ECC 2:2 إِ ثَاذحَّاشْثْ نِّيغْ نشّْ: ”ذ ثابُوهَاڒِيثْ [شمْ]!“، ؤُ إِ ڒفْرَاحثْ: ”مِينْ د غَا ثَاوِي أَمنِّي؟“
ECC 2:3 نشّْ أَرْزُوغْ ذڭْ وُوڒْ إِنُو ؤُمِي سَّارشَّاقغْ أَرِّيمثْ إِنُو س بِينُو - ذِي ڒْوقْثْ مَانِي ؤُڒْ إِنُو إِقِّيمْ إِتّطّفْ [سْڒَايمْ ن ثُوذَارْثْ إِنُو] س ثِيغِيثْ - ؤُ ؤُمِي قِّيمغْ ڒسّْقغْ ذِي ثُوبُّوهڒْيَا[-يَا]، أَڒَامِي أَذْ ژَترغْ مِينْ إِدْجَانْ حْسنْ قَاعْ إِ ثَارْوَا ن بْنَاذمْ، مَاحنْذْ أَذْ ث ڭّنْ سَاذُو ؤُجنَّا أَمْ حسّْبنْ سْ ڒْمقْڒُوبْ ڒْقدّْ ن وُوسَّانْ ن ثُوذَارْثْ نْسنْ.
ECC 2:4 نشّْ أَرْنِيغْ ذِي ڒمْغَارثْ ن مِينْ ڭِّيغْ. نشّْ سّْبدّغْ إِ يِيخفْ إِنُو ثُوذْرِينْ، ژُّوغْ ثِيزَايَارِينْ ذڭْ إِمَارْجَاعنْ إِ يِيخفْ إِنُو.
ECC 2:5 نشّْ ڭِّيغْ إِحْوِيشنْ ذ إِفْثِيسنْ أَمْ يِينِّي ن جّنّثْ ؤُشَا ژُّوغْ ذَايْسنْ عْڒَامْ كُوڒْ ثِيشجُّورَا ن فْرُوثَا.
ECC 2:6 نشّْ ڭِّيغْ إِيڒْمَامنْ شُّورنْ س وَامَانْ حِيمَا أَذْ زَّايْسنْ سّسْوغْ أَزْغَارْ، مَاحنْذْ أَذْ سُّوفّْينْثْ ثْشجُّورَا.
ECC 2:7 نشّْ سْغِيغْ إِسمْغَانْ ذ ثِييَّا، ؤُشَا ذوْڒنْ غَارِي إِمْسخَّارنْ إِتّْوَارْونْ ذِي ثَادَّارْثْ [إِنُو]. ثُوغَا غَارِي ؤُڒَا ذ إِشْثْ ن ثْحِيمَارْثْ ذ ثَامقّْرَانْثْ ن إِفُونَاسنْ ذ وُودْجِي، أَطَّاسْ خْ مَارَّا إِنِّي ثُوغَا إِدْجَانْ ذِي ؤُرْشَالِيمْ قْبڒْ خَافِي.
ECC 2:8 نشّْ سّْمُونغْ إِ يِيخفْ إِنُو ؤُڒَا ذ نُّوقَارْثْ ذ وُورغْ ذ ڒكْنُوزْ ن إِجدْجِيذنْ ؤُ زِي لْعَامَالَاثْ. نشّْ ضبَّارغْ-د إِ يِيخفْ إِنُو إِمغْنُوجنْ ذ ثْمغْنُوجِينْ ؤُڒَا ذ مِينْ ذِي مژْرنْ ثَارْوَا ن بْنَاذمْ: ثَامْغَارْثْ ذ ثمْغَارِينْ.
ECC 2:9 نشّْ أَرْنِيغْ ذِي ڒمْغَارثْ إِنُو ؤُشَا أَرْنِيغْ-د أَطَّاسْ، مَاهُو مَارَّا إِنِّي إِدْجَانْ قْبڒْ إِ نشّْ ذِي ؤُرْشَالِيمْ، [مَاشَا] ثِيغِيثْ ثقِّيمْ ثْبدّْ أَكِيذِي.
ECC 2:10 مَارَّا مِينْ إِدْجَانْ ذ مژْرِي ذِي ثِيطَّاوِينْ إِنُو، وَارْ ذ أَسنْثْ قْضِيعغْ. وَارْ منْعغْ إِ وُوڒْ إِنُو ؤُڒَا ذ إِشْثْ ن ڒْحَاجّثْ، مَاغَارْ ؤُڒْ إِنُو إِفَارْحْ زِي سِّيبّثْ ن مَارَّا ثَامَارَا إِنُو: ثَا ذ ثَاسْغَارْثْ ن مَارَّا أَمَارّثْ إِنُو.
ECC 2:11 [خَاسْ ؤُشَا] ڭِّيغْ ؤُذمْ إِنُو غَارْ مَارَّا ثِيمڭَّا إِنُو، مِينْ ڭِّينْ إِفَاسّنْ إِنُو، ؤُ غَارْ ؤُمَارّثْ نِّي ڭِّيغْ أَمْ ذ أَيِي ثُوغَا تّْمَارَّاثغْ مَاحنْذْ أَذْ ڭّغْ [مَارَّا أَيَا]. خْزَارْ، [ؤُفِيغْ] مَانْ أَيَا مَارَّا أَقَا-ث ذِي ڒْبَاطڒْ ذ وضْفَارْ ن ؤُسمِّيضْ ؤُشَا وَارْ [ذَايسْ] إِدْجِي بُو ڒفْضڒْ سَاذُو ثَافُوشْثْ.
ECC 2:12 نشّْ ڭِّيغْ ؤُذمْ إِنُو مَاحنْذْ أَذْ ژَترغْ ثِيغِيثْ، ؤُڒَا ذ ثُوبُّوهڒْيَا ذ ثَاغْيُوڒِي، مَاغَارْ مِينْ إِعْنَا بْنَاذمْ نِّي د غَا إِضْفَارنْ أَجدْجِيذْ نِّي يَارشّْحنْ أَطَّاسْ زڭْ وَامِي؟
ECC 2:13 نشّْ ژْرِيغْ أَقَا ثِيغِيثْ ثعْذُو خْ ثُوبُّوهڒْيَا، أَمْ ثعْذُو ثْفَاوْثْ خْ ثَادْجسْثْ.
ECC 2:14 أَمِيغِيسْ غَارسْ ثِيطَّاوِينْ ذڭْ ؤُزدْجِيفْ نّسْ، [مَاشَا] أَبُوهَاڒِي إِڭُّورْ ذِي ثَادْجسْثْ. [خنِّي] ؤُفِيغْ أَقَا ثْڒقّفْ إِ-ثنْ مَارَّا ثِيرَا ذ إِشْثْ.
ECC 2:15 [خنِّي] نِّيغْ ذڭْ وُوڒْ إِنُو: ”مَاڒَا ثڒْقفْ أَبُوهَاڒِي، أَذْ ثڒْقفْ ؤُڒَا ذ نشّْ. مَايمِّي غَا ميّْزغْ س ثِيغِيثْ؟“ [ؤُشَا] نِّيغْ ذڭْ وُوڒْ إِنُو: ”ؤُڒَا ذ مَانْ أَيَا أَقَا-ث ذِي ڒْبَاطڒْ.“
ECC 2:16 مَاغَارْ إِ ڒبْذَا وَارْ إِتِّيڒِي ڒْعقْڒَانْ خْ ؤُمِيغِيسْ ؤُڒَا خْ ؤُبُوهَاڒِي. ذڭْ وُوسَّانْ إِ د غَا يَاسنْ أَذْ إِتّْوَاتُّو مَارَّا. مَا وَارْ إِمُّوثْ ؤُمِيغِيسْ أَمْ ؤُبُوهَاڒِي؟
ECC 2:17 ؤُشَا بْذِيغْ أَذْ شَارْهغْ ثُوذَارْثْ، مَاغَارْ مِينْ إِتّْوَاڭّنْ سَاذُو ثَافُوشْثْ، ثوْضَا-د خَافِي [مْغِيرْ] ذ ثَامَارَا، مَاغَارْ مَانْ أَيَا مَارَّا أَقَا-ث ذِي ڒْبَاطڒْ ذ وضْفَارْ ن ؤُسمِّيضْ.
ECC 2:18 بْذِيغْ عَاوذْ أَذْ شَارْهغْ أَمَارّثْ إِنُو إِ زِي مَارّْثغْ سَاذُو ثَافُوشْثْ، مَاحنْذْ أَذْ ث جّغْ إِ يِيجّْ ن بْنَاذمْ نِّي إِ غَا يِيڒِينْ أَوَارْنِي أَيِي.
ECC 2:19 وِي إِسّْننْ مَا نتَّا أَذْ يِيڒِي ذ أَمِيغِيسْ نِيغْ ذ أَبُوهَاڒِي؟ أَقَا ڭُّورْ أَذْ إِصلّطْ خْ مَارَّا أَمَارّثْ إِنُو إِ زِي مَارّْثغْ ؤُ إِ زِي ثُوغَا دْجِيغْ ذ أَمِيغِيسْ سَاذُو ثْفُوشْثْ. أَقَا ؤُڒَا ذ مَانْ أَيَا أَقَا-ث ذِي ڒْبَاطڒْ.
ECC 2:20 [ڒخْذنِّي] نّْقڒْبغْ حِيمَا أَذْ ڭّغْ ؤُڒْ إِنُو أَذْ إِقْنضْ خْ مَارَّا أَمَارّثْ إِنُو إِ زِي ثُوغَا مَارّْثغْ سَاذُو ثْفُوشْثْ.
ECC 2:21 مَاغَارْ [وَاخَّا] أَقَا ذِينْ إِجّْ ن بْنَاذمْ إِ ؤُمِي د-يُوسَا أَمَارّثْ نّسْ أَكْ-ذ ثِيغِيثْ ذ ثُوسّْنَا ذ ثْزمَّارْ، [عَاذْ] إِتّْخصَّا أَشْ أَذْ ث إِوْشْ إِ يِيجّْ ن بْنَاذمْ إِ وَارْ إِمَارّْثنْ إِ مَانْ أَيَا. ؤُڒَا ذ مَانْ أَيَا أَقَا-ث ذِي ڒْبَاطڒْ ذ إِشْثْ ن ثُوعفّْنَا ذ ثَامقّْرَانْثْ.
ECC 2:22 مَاغَارْ مَانْ ڒفْضڒْ غَارْ بْنَاذمْ زِي مَارَّا أَمَارّثْ نّسْ ؤُ زِي ثَارزُّوثْ ن وُوڒْ نّسْ إِ زِي إِتّْمَارَّاثْ سَاذُو ثْفُوشْثْ؟
ECC 2:23 مَاغَارْ مَارَّا ؤُسَّانْ نّسْ مْغِيرْ ذ أَمْنُوسْ ؤُ شّْغڒْ نّسْ [يِيوِيضْ] ڒْهمّْ. عَاذْ ذِي دْجِيڒثْ وَارْ يَاريّحْ وُوڒْ نّسْ. ؤُڒَا ذ مَانْ أَيَا أَقَا-ث ذِي ڒْبَاطڒْ.
ECC 2:24 وَارْ ذِينْ إِدْجِي ذ لمْلِيحْ إِ بْنَاذمْ خْ مَاشَّا ذ ثْسسْوِيثْ ؤُڒَا خْ ؤُمِي إِغبَّا ڒعْمَارْ نّسْ غَارْ [مَارَّا] أَمَارّثْ نّسْ. نشّْ ژْرِيغْ أَقَا ؤُڒَا ذ مَانْ أَيَا [يُوسَا-د] زڭْ ؤُفُوسْ ن أَربِّي.
ECC 2:25 مَاغَارْ مَانْ ونْ إِزمَّارنْ أَذْ يشّْ نِيغْ مَانْ ونْ إِزمَّارنْ أَذْ يَاوِي أَڒِيقِّي بَارَّا إِ نشّْ؟
ECC 2:26 مَاغَارْ نتَّا إِتِّيشْ ثِيغِيثْ ذ ثُوسّْنَا ذ ڒفْرَاحثْ إِ بْنَاذمْ نِّي إِشْنَانْ زَّاثْ إِ وُوذمْ نّسْ. [مَاشَا] إِ ؤُمذْنُوبْ إِتِّيشْ أَسْ شّْغڒْ مَاحنْذْ أَذْ إِيَارْوْ ؤُ أَذْ إِسّْمُونْ، حِيمَا أَذْ ث إِوْشْ [خنِّي] إِ ونِّي إِدْجَانْ إِشْنَانْ زَّاثْ إِ وُوذمْ ن أَربِّي. ؤُڒَا ذ مَانْ أَيَا أَقَا-ث ذِي ڒْبَاطڒْ ذ وضْفَارْ ن ؤُسمِّيضْ.
ECC 3:1 مَارَّا غَارسْ ڒْمِيجَاڒْ نّسْ ؤُ أَقَا ذِينْ [عَاوذْ] ثَاسَاعّثْ [إِتّْوَاڭّنْ] إِ كُوڒْ أَنْوَايْ سَاذُو أَجنَّا.
ECC 3:2 أَقَا ذِينْ إِشْثْ ن ثْسَاعّثْ ن ثَارْوَا ذ إِشْثْ ن ثْسَاعّثْ ن ڒْموْثْ، إِشْثْ ن ثْسَاعّثْ ن ثَاژُّوثْ ذ إِشْثْ ن ثْسَاعّثْ ن وقْڒَاعْ ن مِينْ إِثْوَاژُّونْ،
ECC 3:3 إِشْثْ ن ثْسَاعّثْ ن ثْمنْغِيوْثْ ذ إِشْثْ ن ثْسَاعّثْ ن ؤُسْڭنْفِي، إِشْثْ ن ثْسَاعّثْ ن وهْذَامْ ذ إِشْثْ ن ثْسَاعّثْ ن ڒبْنِي،
ECC 3:4 إِشْثْ ن ثْسَاعّثْ ن إِمطَّاونْ ذ إِشْثْ ن ثْسَاعّثْ ن ثْضحَّاشْثْ، إِشْثْ ن ثْسَاعّثْ ن وشْضَانْ ذ إِشْثْ ن ثْسَاعّثْ ن شّْضِيحْ،
ECC 3:5 إِشْثْ ن ثْسَاعّثْ ن ؤُحجَّارْ ن وژْرُو ذ إِشْثْ ن ثْسَاعّثْ ن وجْرَاوْ ن وژْرُو، إِشْثْ ن ثْسَاعّثْ ن ؤُذَارّعْ ذ إِشْثْ ن ثْسَاعّثْ ن ڒَاڭّْوَاجْ خْ ؤُذَارّعْ،
ECC 3:6 إِشْثْ ن ثْسَاعّثْ ن ثَارزُّوثْ ذ إِشْثْ ن ثْسَاعّثْ ن ؤُودَّارْ، إِشْثْ ن ثْسَاعّثْ ن ؤُخمّرْ ذ إِشْثْ ن ثْسَاعّثْ ن ونْضَارْ،
ECC 3:7 إِشْثْ ن ثْسَاعّثْ ن ؤُشَارّڭْ ذ إِشْثْ ن ثْسَاعّثْ ن ؤُخيّضْ، إِشْثْ ن ثْسَاعّثْ ن ؤُسغْذِي ذ إِشْثْ ن ثْسَاعّثْ ن ڒْهَارْذْ،
ECC 3:8 إِشْثْ ن ثْسَاعّثْ ن ثَايْرِي ذ إِشْثْ ن ثْسَاعّثْ ن وشْرَاهْ، إِشْثْ ن ثْسَاعّثْ ن ڭَارَّا ذ إِشْثْ ن ثْسَاعّثْ ن ڒهْنَا.
ECC 3:9 مَانْ ثِيزِي غَارْ ونِّي إِخدّْمنْ خْ مِينْ خفْ يَاربّرْ؟
ECC 3:10 نشّْ ژْرِيغْ شّْغڒْ نِّي إِوْشَا أَربِّي إِ ثَارْوَا ن بْنَاذمْ مَاحنْذْ أَذْ زَّايسْ سِّيحْڒنْ إِخفْ نْسنْ.
ECC 3:11 نتَّا إِڭَّا مَارَّا ذ أَصبْحَانْ ذِي ڒْوقْثْ نّسْ. إِڭَّا ؤُڒَا ذ ڒْوقْثْ ن ڒبْذَا ذڭْ وُوڒْ نْسنْ، بْڒَا مَا إِزمَّارْ بْنَاذمْ أَذْ إِحَاكَا ذِي ثْمڭَّا نِّي إِڭَّا أَربِّي زڭْ ؤُمزْوَارُو أَڒْ أَنڭَّارُو.
ECC 3:12 نشّْ ؤُفِيغْ وَارْ غَارْسنْ إِدْجِي مِينْ إِحْڒَانْ خْ مِينِّي فَارّْحنْ [إِوْذَانْ] نِيغْ أَذْ أَرّنْ مژْرِي مڒْمِي نِيثْنِي [عَاذْ] ذِي ثُوذَارْثْ نْسنْ،
ECC 3:13 ؤُ عَاوذْ أَقَا كُوڒْ بْنَاذمْ أَذْ إِشّْ، أَذْ إِسُو ؤُشَا أَذْ يَارّْ مژْرِي ذِي مِينْ إِصبْحنْ ذِي مَارَّا أَمَارّثْ نّسْ. أَيَا ذ إِشْثْ ن ثَارْزفْثْ ن أَربِّي.
ECC 3:14 نشّْ سّْنغْ أَقَا مَارَّا مِينْ إِتّڭّْ أَربِّي، أَذْ يِيڒِي إِ ڒبْذَا. وَارْ إِزمَّارْ أَذْ غَارسْ إِتّْمَارْنِي وَالُو ؤُ وَارْ زَّايسْ إِتّْوَاسّنْقِيسْ وَالُو. أَربِّي إِڭَّا [إِ-ث] مَاحنْذْ أَذْ ڭّْوذنْ زَّاثْ إِ وُوذمْ نّسْ.
ECC 3:15 مِينْ إِدْجَانْ، ثُوغَا إِدْجَا قْبڒْ ؤُشَا مِينْ إِ غَا يِيڒِينْ، ثُوغَا إِدْجَا [قْبڒْ]. أَربِّي يَارزُّو خْ مِينْ إِعْذُونْ [عَاذْ].
ECC 3:16 أَقَا ژْرِيغْ سَاذُو ثْفُوشْثْ عَاوذْ أَمْشَانْ ن ڒْحقّْ: أَقَا إِسلّطْ ذِينْ ڒْغشّْ، [ؤُشَا ژْرِيغْ] ؤُڒَا ذ أَمْشَانْ ن ثْسڭْذَا: أَقَا [إِسلّطْ] ذِينْ ڒْغَارْ.
ECC 3:17 نشّْ نِّيغْ ذڭْ وُوڒْ إِنُو: ”أَربِّي أَذْ إِحْكمْ أَمْسڭّذْ ذ ؤُعفَّانْ، مَاغَارْ ذِينِّي إِشْثْ ن ثْسَاعّثْ إِ كُوڒْ أَنْوَايْ ؤُ إِ قَاعْ ڒْخذْمثْ.“
ECC 3:18 نشّْ نِّيغْ ذڭْ وُوڒْ إِنُو: ”أَقَا ذِي طّْوعْ ن ثَارْوَا ن بْنَاذمْ، أَقَا أَربِّي أَذْ ثنْ إِسِّيففْ ؤُ نِيثْنِي أَذْ ثْوَاڒَانْ أَقَا نِيثْنِي أَمْ ڒْمَاڒْ، نِيثْنِي س يِيخفْ نْسنْ.“
ECC 3:19 مَاغَارْ خْ ثِيرَا ن ثَارْوَا ن بْنَاذمْ ؤُ خْ ثِيرَا ن ڒْمَاڒْ: نِيثْنِي غَارْسنْ ثِيرَا ذ إِشْثْ. أَمْ مَامّشْ إِمُّوثْ وَا، إِمُّوثْ ؤُڒَا ذ ونّغْنِي، مَارَّا إِذْسنْ غَارْسنْ ذ ثْوَارِّيثْ ن نّفْسْ ذ إِجّْ. وَارْ ذِينْ إِدْجِي ڒفْضڒْ إِ بْنَاذمْ خْ ڒْمَاڒْ، مَاغَارْ مَارَّا أَقَا-ث ذِي ڒْبَاطڒْ.
ECC 3:20 مَارَّا إِذْسنْ ڭُّورنْ غَارْ إِجّْ ن ومْشَانْ، مَارَّا نِيثْنِي زڭْ ؤُشَاڒْ ؤُشَا أَذْ د-ذوْڒنْ غَارْ ؤُشَاڒْ.
ECC 3:21 وِي إِسّْننْ، مَا بُوحْبڒْ ن ثَارْوَا ن بْنَاذمْ أَذْ إِڭعّذْ غَارْ سنّجْ ؤُ بُوحْبڒْ ن ڒْمَاڒْ أَذْ د-إِهْوَا غَارْ ثمُّورْثْ؟
ECC 3:22 أَمُّو إِ تّْوَاڒِيغْ، وَارْ إِدْجِي مِينْ إِحْڒَانْ خْ مِينِّي إِفَارّحْ بْنَاذمْ ذِي ثْمڭَّا نّسْ، مَاغَارْ مَانْ أَيَا ذ ثَاسْغَارْثْ نّسْ، مِينْزِي مَانْ ونْ إِزمَّارنْ أَذْ ث يَارّْ أَڒْ غَا إِژَارْ مِينْ غَا يِيڒِينْ أَوَارْنِي أَسْ؟
ECC 4:1 ژْرِيغْ عَاوذْ مَارَّا دّدْجْ إِ إِتّْوَاڭّنْ سَاذُو ثْفُوشْثْ. خْزَارْ، أَقَا ذَا إِمطَّاونْ ن يِينِّي إِتّْوَاذدْجنْ، [مَاشَا] وَارْ غَارْسنْ بُو ؤُمْفوّجْ. إِفّغْ-د لْعُونْفْ زڭْ ؤُفُوسْ ن يِينِّي ثنْ إِتّذْدْجَانْ، [مَاشَا] وَارْ غَارْسنْ بُو ؤُمْفوّجْ.
ECC 4:2 [خنِّي] صبّْحغْ إِمتِّيننْ نِّي إِمُّوثنْ عَاذْ [أَطَّاسْ زڭْ وَامِي]، زڭْ إِنِّي إِدَّارنْ، إِنِّي عَاذْ إِدَّارنْ.
ECC 4:3 [مَاشَا] إِحْڒَانْ خَاسنْ س ثْنَاينْ إِذْسنْ نِّي ذ ونِّي وَارْ إِدْجِينْ عَاذْ، ذ ونِّي وَارْ إِژْرِينْ [عَاذْ] ثِيمڭَّا ثِيعفَّانِينْ نِّي إِتّْوَاڭّنْثْ سَاذُو ثْفُوشْثْ.
ECC 4:4 ؤُشَا نشّْ ژْرِيغْ مَارَّا أَمَارّثْ ذ مَارَّا ثِيزمَّارْ ذِي ڒْخذْمثْ، أَقَا-ث مْغِيرْ ذ أَمْعَانَاذْ ن إِجّْ أَكْ-ذ ونّغْنِي. ؤُڒَا ذ مَانْ أَيَا أَقَا-ث ذِي ڒْبَاطڒْ ذ وضْفَارْ ن ؤُسمِّيضْ.
ECC 4:5 أَبُوهَاڒِي إِضْفسْ إِفَاسّنْ نّسْ ؤُشَا إِتّتّْ أَيْسُومْ [ن إِخفْ] نّسْ.
ECC 4:6 إِحْڒَا إِجّْ ن وُورُو [ن ؤُفُوسْ] إِشُّورْ س ڒْهُوذْنثْ ؤُڒَا ثْنَاينْ ن إِفَاسّنْ شُّورنْ س ؤُمَارّثْ ذ وضْفَارْ ن ؤُسمِّيضْ.
ECC 4:7 عَاوذْ ژْرِيغْ [شَا] مِينْ إِدْجَانْ ذِي ڒْبَاطڒْ سَاذُو ثْفُوشْثْ.
ECC 4:8 أَقَا [ذِينْ] إِجّنْ [أَقَا ث حَافِي] ؤُ وَارْ ذِينْ ونِّي ذ وِيسّْ ثْنَاينْ إِ إِبدّنْ غَارسْ. ؤُڒَا وَارْ غَارسْ إِدْجِي ؤُحنْجِيرْ ؤُ وَارْ غَارسْ ؤُمَاسْ. وَارْ إِدْجِي ؤُنڭَّارْ غَارْ مَارَّا أَمَارّثْ نّسْ، ؤُڒَا وَارْ ثتّْيِيوِيننْثْ ثِيطَّاوِينْ نّسْ زڭْ وَاڭْڒَا. ”إِ ؤُمِي تّڭّغْ ثَامَارَا ؤُ سّكِّيغْ ت ذِي ڒعْمَارْ إِنُو زِي ثْشُونِي؟“ ؤُڒَا ذ مَانْ أَيَا ذِي ڒْبَاطڒْ ذ إِجّْ ن شّْغڒْ إِوْعَارْ إِ يدْجَا.
ECC 4:9 ثْنَاينْ حْسنْ زڭْ إِجّنْ وَاهَا، مَاغَارْ نِيثْنِي غَارْسنْ ڒْمُونثْ ذ لمْلِيحْ ذڭْ ؤُمَارّثْ نْسنْ.
ECC 4:10 مَاغَارْ مَاڒَا نِيثْنِي وْضَانْ، أَذْ إِسّْنكَّارْ إِجّنْ زڭْ ؤُمْعَاشَارْ نّسْ عَاوذْ. [مَاشَا] أَخيّبْ إِ ونِّي إِدْجَانْ وحّْذسْ مَاڒَا نتَّا إِوْضَا، مِينْزِي وَارْ ذِينْ إِتِّيڒِي حذْ، مَاحنْذْ أَذْ ث إِسّْنكَّارْ أَذْ إِبدّْ.
ECC 4:11 عَاوذْ مَاڒَا ثْنَاينْ طّْسنْ مُوننْ، أَذْ غَارْسنْ يِيڒِي ڒحْمُو، [مَاشَا] مَامّشْ غَا إِڭّْ إِجّنْ وحّْذسْ أَذْ إِحْمَا؟
ECC 4:12 مَاڒَا ذِينْ إِجّنْ يَارْنَا خْ إِجّنْ إِ إِدْجَانْ وحّْذسْ، [مَاشَا] ثْنَاينْ أَذْ غَارسْ بدّنْ [جْمِيعْ]. إِجّْ ن وسْغُونْ إِمُوذنْ خْ ثْڒَاثَا وَارْ إِقطُّو ذغْيَا.
ECC 4:13 إِحْرَا إِجّْ ن ؤُحُوذْرِي ذ أَمزْڒُوضْ ذ أَمِيغِيسْ زڭْ إِجّْ ن ؤُجدْجِيذْ إِوْسَارْ ذ أَبُوهَاڒِي إِ وَارْ إِفهّْمنْ عَاذْ إِ وعْڒَامْ.
ECC 4:14 مَاغَارْ أَذْ د-إِفّغْ زِي ڒحْبسْ مَاحنْذْ أَذْ إِذْوڒْ ذ أَجدْجِيذْ وَاخَّا نتَّا إِتّْوَاخْڒقْ-د ذ أَمزْڒُوضْ ذِي ثْڭلْذِيثْ نّسْ.
ECC 4:15 نشّْ ژْرِيغْ مَارَّا إِنِّي إِدَّارنْ إِ إِڭُّورنْ سَاذُو ثْفُوشْثْ، [جْمِيعْ] أَكْ-ذ ؤُحُوذْرِي، ونِّي ذ وِيسّْ ثْنَاينْ نِّي إِ غَا إِبدّنْ ذڭْ ومْشَانْ نّسْ.
ECC 4:16 وَارْ ذِينْ أَنڭَّارْ غَارْ ڒْڭنْسْ نِّي أَمْ إِكْمڒْ نِّي زِي إِزْوَارْ نتَّا [أَمْ يِيخفْ]. [وَاخَّا أَمنِّي] ؤُڒَا ذ إِنِّي د غَا يَاسنْ أَوَارْنِي أَسْ، وَارْ زَّايسْ فَارّْحنْ. ؤُڒَا ذ مَانْ أَيَا أَقَا-ث ذِي ڒْبَاطڒْ ذ وضْفَارْ ن ؤُسمِّيضْ.
ECC 4:17 حْضَا أَصُورِيفْ نّشْ مَاڒَا شكْ ثڭُّورذْ غَارْ ثَادَّارْثْ ن أَربِّي. أَقَارّبْ حِيمَا أَذْ ثسْحسّذْ، حْسنْ زڭْ ؤُوهّبْ ن ثْغَارْصْثْ س [ؤُفُوسْ ن] إِپُوهَاڒِييّنْ، مَاغَارْ نِيثْنِي وَارْ سِّيننْ أَقَا نِيثْنِي تّڭّنْ ثُوعفّْنَا.
ECC 5:1 وَارْ ثْقدْجِيقْ س ؤُقمُّومْ نّشْ ؤُ حْضَا أَقَا ؤُڒْ نّشْ وَارْ إِتّمْحِيزْوَارْ أَذْ إِنْطقْ أَوَاڒْ زَّاثْ إِ أَربِّي. مَاغَارْ أَربِّي ذڭْ ؤُجنَّا، [مَاشَا] شكْ ذِي ثمُّورْثْ. خْ ؤُيَا أجّْ أَذْ إِڒِينْ وَاوَاڒنْ نّشْ ؤُذْرُوسنْ.
ECC 5:2 مَاغَارْ أَمْ ثَارْجِيثْ ثتَّاسْ-د س وَاطَّاسْ ن ڒهُّو، أَمُّو ؤُڒَا ذ ڒْهَارْذْ ن ؤُبُوهَاڒِي س وَاطَّاسْ ن وَاوَاڒنْ.
ECC 5:3 مَاڒَا شكْ ثڭِّيذْ إِ أَربِّي إِشْثْ ن ثْجَادْجِيثْ، وَارْ تّْرَاجَا شَا [خنِّي] مَاحنْذْ أَذْ ت ثْكمّْڒذْ، مَاغَارْ وَارْ ذ أَسْ تّعْجِيبنْ إِبُوهَاڒِييّنْ. مِينْ ثْوَاعْذذْ، إِتّْخصَّا أَذْ ث تّْكمّْڒذْ.
ECC 5:4 إِهْڒَا مَاڒَا وَارْ ثْوَاعْذذْ خْ مَاڒَا شكْ ثْوَاعْذذْ، [مَاشَا] وَارْ ثْكمّْڒذْ.
ECC 5:5 وَارْ تّجِّي أَقَا أَقمُّومْ نّشْ أَذْ يَارّْ أَرِّيمثْ نّشْ أَذْ ثخْضَا ؤُ وَارْ ثقَّارْ زَّاثْ إِ وُوذمْ ن لْمَالَاكْ، أَقَا مَانْ أَيَا ذ أَودَّارْ وَاهَا. مَايمِّي غَا إِفُّوڭمْ أَربِّي خْ مِينْ ثقَّارذْ ؤُ أَذْ يَاردّدْجْ ڒْخذْمثْ ن إِفَاسّنْ نّشْ؟
ECC 5:6 مَاغَارْ ذڭْ وَاطَّاسْ ن ثِيرْجَا، أَقَا ذَايْسنْثْ مِينْ إِدْجَانْ ذِي ڒْبَاطڒْ، أَمُّو ؤُڒَا ذڭْ وَاطَّاسْ ن وَاوَاڒنْ. س ؤُيَا: ڭّْوذْ أَربِّي!
ECC 5:7 مَاڒَا شكْ ثْحكَّارذْ ڒحْصَارثْ ن إِمزْڒَاضْ ؤُڒَا ذ أَمْنَاعْ نْ ڒْحقّْ ذ ثْسڭْذَا ذِي لْعَامَالَا، وَارْ تَّارْجِيفْ شَا أَقَا [مَانْ أَيَا] يُوسَا-د [أَسنْ] س ڒْخَاضَارْ، مَاغَارْ خْ يِيجّْ ن ؤُمقّْرَانْ أَقَا ذِينْ ونِّي ذ أَمقّْرَانْ [خَاسْ] ؤُشَا خَاسنْ بدّنْ إِنِّي ذ إِمقّْرَاننْ [عَاذْ].
ECC 5:8 إِجّْ ن ؤُجدْجِيذْ إِتّْشطَّارنْ إِ ثمُّورْثْ [ن ثْفدْجَاحْثْ]، أَقَا نتَّا ذْ ڒفْضڒْ إِ ثمُّورْثْ ذِي مَارَّا إِغزْذِيسنْ.
ECC 5:9 ونِّي إِتّخْسنْ ثْمنْيَاثْ، وَارْ إِتّْجِيوِينْعمَّارْصْ ثْمنْيَاثْ، ؤُ ونِّي إِتّخْسنْ أَڭْڒَا،عمَّارْصْ [وَارْ إِتّْجِيوِينْ] ڒْمُونثْ [نّسْ]. ؤُڒَا ذ مَانْ أَيَا أَقَا-ث ذِي ڒْبَاطڒْ.
ECC 5:10 مَانِي إِتّْمَارْنِي وَاڭْڒَا، أَمُّو تّْمَارْنِينْ ؤُڒَا ذ إِنِّي ث إِ غَا إِشّنْ. مَانْ ڒفْضڒْ إِ غَا إِقِّيمنْ إِ أَيْثْبَابْ نّسْ مْغِيرْ ثِيطَّاوِينْ نْسنْ زمَّارنْثْ أَذْ خْزَارنْثْ [أَيَا]؟
ECC 5:11 إِضصْ ن ؤُخدَّامْ ذ مِيژِيذْ، مَا نتَّا غَارسْ ذْرُوسْ نِيغْ أَطَّاسْ ن مَاشَّا، [مَاشَا] إِ بُو-وَاڭْڒَا أَفيّضْ نّسْ وَارْ ث إِتّجِّي أَذْ إِطّصْ.
ECC 5:12 أَقَا ذِينْ إِجّْ ن ڒْغَارْ إِ ژْرِيغْ سَاذُو ثْفُوشْثْ، [إِجّْ ن ڒْغَارْ] إِتّڭّْ أَمْ ڒهْڒَاشْ: أَڭْڒَا إِتّْعسّْ خَاسْ بَابْ نّسْ إِ ذْرُوشْثْ إِ إِخفْ نّسْ.
ECC 5:13 إِفْنَا [زعْمَا] وَاڭْڒَا نّسْ س إِشْثْ ن ثمْسَارْثْ ذ ثَاعفَّانْثْ ؤُشَا نتَّا ثُوغَا يجّْ-د مِّيسْ، [خنِّي] وَارْ غَارسْ إِقِّيمْ وَالُو [عَاذْ] ذڭْ ؤُفُوسْ نّسْ.
ECC 5:14 أَمْ مَامّشْ د-إِفّغْ نتَّا زڭْ ؤُعذِّيسْ ن يمَّاسْ، [أَمُّو إِ غَا] إِعْقبْ ذ أَعَارْيَانْ. أَذْ يُويُورْ أَمْ مَامّشْ إِ د-يُوسَا. س [مَارَّا] أَمَارّثْ نّسْ إِ زِي إِمَارّثْ، وَارْ [إِزمَّارْ] أَذْ [كِيذسْ] إِكْسِي ؤُڒَا ذ إِشْثْ ڒْحَاجّثْ ذڭْ ؤُفُوسْ نّسْ.
ECC 5:15 ؤُڒَا ذ ثَا ذ إِشْثْ ن ثْمسْڒَاشْثْ ذ ثَاعفَّانْثْ: نِيشَانْ مَامّشْ إِ د-يُوسَا نتَّا، أَذْ يُويُورْ. مَانْ ڒفْضڒْ نّسْ [خنِّي] إِ ونِّي إِمَارّْثنْ إِ ؤُسمِّيضْ [وَاهَا]؟
ECC 5:16 عَاوذْ إِتّْغِيمَا إِتّتّْ ذِي ثَادْجسْثْ مَارَّا ؤُسَّانْ نّسْ أَمْ كمْڒنْ. إِتّْوَامَارّثْ [س] ڒحْڒَاشْ نّسْ ذ ؤُذُوقّزْ نّسْ ن وغْضَابْ.
ECC 5:17 خْزَارْ، مِينْ تّْوَاڒِيغْ ذ مَانْ أَيَا: أَقَا ذ لمْلِيحْ ؤُ إِشْنَا أَقَا [إِجّْ] أَذْ إِشّْ، أَذْ إِسُو ؤُ أَذْ إِژَارْ مَارَّا ڒْخَارْ إِ مَارَّا أَمَارّثْ نّسْ إِ ؤُمِي إِتّْمَارَّاثْ [بْنَاذمْ] سَاذُو ثَافُوشْثْ ذِي ڒْقدّْ ن وُوسَّانْ ن ثُوذَارْثْ إِ ذ أَسْ د-يَارْزفْ أَربِّي، مَاغَارْ ثَا ذ ثَاسْغَارْثْ نّسْ.
ECC 5:18 عَاوذْ كُوڒْ بْنَاذمْ إِ ؤُمِي إِوْشَا أَربِّي أَڭْڒَا ذ ثْخُوبَايْ ؤُ إِ ؤُمِي إِوْشَا ثِيزمَّارْ مَاحنْذْ أَذْ زَّايسْ إِشّْ ؤُ أَذْ زَّايسْ يَارْبُو ثَاسْغَارْثْ نّسْ ؤُ أَذْ زَّايسْ إِفَارْحْ غَارْ ؤُمَارّثْ نّسْ، أَقَا-ت ذ ثَارْزفْثْ ن أَربِّي.
ECC 5:19 مَاغَارْ نتَّا وَارْ إِتِّيذَارْ [عَاذْ] أَطَّاسْ ذڭْ وُوسَّانْ ن ثُوذَارْثْ نّسْ، مِينْزِي أَربِّي إِسْڒَا أَسْ ؤُمِي [ذ أَسْ] إِوْشَا ڒفْرَاحثْ ذڭْ وُوڒْ نّسْ.
ECC 6:1 أَقَا ذِينْ إِجّْ نْ ڒْغَارْ نِّي ژْرِيغْ سَاذُو ثْفُوشْثْ نِّي إِمْسَارنْ أَطَّاسْ جَارْ إِوْذَانْ:
ECC 6:2 إِجّنْ يَارْزفْ أَسْ أَربِّي أَڭْڒَا ذ ثْخُوبَايْ ذ شَّانْ. أَقَا وَارْ إِتّْخصِّي وَالُو إِ ڒعْمَارْ نّسْ زِي مَارَّا مِينْ ذَايسْ ذ مژْرِي، [مَاشَا] أَربِّي وَارْ ث إِجِّي أَذْ زَّايسْ إِشّْ، [مَاغَارْ] إِجّْ ن ؤُبَارَّانِي أَذْ ث إِشّْ. أَقَا ؤُڒَا ذ مَانْ أَيَا ذِي ڒْبَاطڒْ ذ إِجّْ ن ڒْغَارْ ذ أَعفَّانْ.
ECC 6:3 مَاڒَا إِجّْ ن ورْيَازْ يجّْ-د مْيَا ن إِحنْجِيرنْ ؤُ إِدَّارْ أَطَّاسْ ن إِسڭّْوُوسَا، أَڒَامِي ذوْڒنْ وُوسَّانْ ن ثُوذَارْثْ نّسْ ذڭْ وَاطَّاسْ، [مَاشَا] ڒعْمَارْ نّسْ وَارْ إِجِّيونْ شَا س ڒْخَارْ ؤُ وَارْ إِتّْوِيفْ ونْضڒْ إِ نتَّا، نشّْ أَذْ إِنِيغْ: إِجّْ ن وغْرَايْ إِشْنَا أَسْ خْ نتَّا.
ECC 6:4 مَاغَارْ يُوسَا-د ذِي ڒْبَاطڒْ ؤُشَا إِفّغْ ذِي ثَادْجسْثْ ؤُ س ثَادْجسْثْ إِتّْوَاڒحّفْ إِسمْ نّسْ.
ECC 6:5 نتَّا عَاوذْ وَارْ إِژْرِي ثَافُوشْثْ ؤُ وَارْ ت إِسِّينْ. [أَمُّو] غَارْ [وغْرَايْ-أَ] ڒْهُوذْنثْ كْثَارْ خْ [ورْيَازْ] نِّي،
ECC 6:6 وَاخَّا نتَّا إِدَّارْ أَڒْفَاينْ ن إِسڭّْوُوسَا، [مَاشَا] بْڒَا مَا أَذْ إِژَارْ ڒْخَارْ! مَا وَارْ إِڭُّورنْ كُوڒْ إِجّْ غَارْ ومْشَانْ ذ إِجّْ؟
ECC 6:7 مَارَّا أَمَارّثْ ن بْنَاذمْ إِ ؤُقمُّومْ نّسْ، وَاخَّا أَمنِّيعمَّارْصْ وَارْ إِتّْشُّورِي ڒعْمَارْ نّسْ.
ECC 6:8 مَاغَارْ مَانْ ڒفْضڒْ إِ ؤُمِيغِيسْ خْ ؤُبُوهَاڒِي؟ [مَانْ ڒفْضڒْ إِ] ؤُمزْڒُوضْ نِّي إِسّْننْ أَذْ يُويُورْ قِيبَاتْشْ إِ يِينِّي إِدَّارنْ؟
ECC 6:9 إِحْڒَا أَذْ ثژْرِيذْ مِينْ إِدْجَانْ زَّاثْ إِ ثِيطَّاوِينْ خْ وثْلَاعْ ن ڒعْمَارْ. ؤُڒَا ذ مَانْ أَيَا ذِي ڒْبَاطڒْ ذ وضْفَارْ ن ؤُسمِّيضْ.
ECC 6:10 مِينْ مَا إِدْجَا شَا ن إِجّنْ، أَقَا إِسمْ نّسْ إِتّْوَاڒَاغَا قْبڒْ، ؤُ ثُوغَا إِتّْوَاسّنْ مِينْ غَا يِيڒِي بْنَاذمْ: نتَّا وَارْ إِزمَّارْ أَذْ إِمْشُوبّشْ أَكْ-ذ ونِّي خَاسْ إِجهْذنْ.
ECC 6:11 مَاغَارْ أَقَا ذِينْ أَطَّاسْ ن وَاوَاڒنْ نِّي يَارنّْينْ ذِي مِينْ إِدْجَانْ ذِي ڒْبَاطڒْ. مَانْ ڒفْضڒْ [ن ؤُيَا] إِ بْنَاذمْ؟
ECC 6:12 مَاغَارْ وِي إِزمَّارنْ أَذْ إِسّنْ مِينْ إِحْڒَانْ إِ بْنَاذمْ ذِي ثُوذَارْثْ [نّسْ] ذِي ڒْوقْثْ ن ڒْقدّْ ن وُوسَّانْ ن ثُوذَارْثْ [نّسْ] إِفنَّانْ نِّي إِسّْعدُّو أَمْ ثِيڒِي؟ مَاغَارْ وِي إِزمَّارنْ أَذْ إِسّْشنْ إِ بْنَاذمْ مِينْ غَا إِمْسَارنْ أَوَارْنِي أَسْ سَاذُو ثْفُوشْثْ؟
ECC 7:1 إِسمْ إِصْبحْ إِحْڒَا خْ زّشْثْ إِصبْحنْ، أَسّْ ن ڒْموْثْ [إِحْڒَا] خْ وَاسّْ ن ثَارْوَا.
ECC 7:2 ثحْڒَا ثْوَاحِيثْ غَارْ ثَادَّارْثْ ن وشْضَانْ خْ ثْوَاحِيثْ غَارْ ثَادَّارْثْ [مَانِي تّْقدَّامنْ] إِشْثْ ن زَّارْذثْ، [مِينْزِي ذِينْ] إِدْجَا قطُّو ن بْنَاذمْ مَارَّا، ؤُ ونِّي إِدَّارنْ إِتّڭّْ إِ-ت ذڭْ وُوڒْ نّسْ.
ECC 7:3 إِحْڒَا وشْضَانْ خْ ثْذحَّاشْثْ، مَاغَارْ س إِجّْ ن ؤُغمْبُوبْ إِشضْننْ إِدَّاكّْوَاڒْ وُوڒْ حْسنْ.
ECC 7:4 ؤُڒْ ن إِمِيغِيسنْ [أَقَا-ث] ذِي ثَادَّارْثْ ن وشْضَانْ، [مَاشَا] ؤُڒْ نْ إِبُوهَاڒِييّنْ [أَقَا-ث] ذِي ثَادَّارْثْ ن ڒفْرَاحثْ.
ECC 7:5 إِحْڒَا أَذْ ثسْڒذْ غَارْ ؤُوبّخْ زڭْ إِمِيغِيسنْ خْ وسْحسِّي إِ يزْڒِي ن إِبُوهَاڒِييّنْ.
ECC 7:6 مَاغَارْ أَمْ ؤُثَارْثكْ ن إِسنَّاننْ سَاذُو ؤُمقْرَاجْ، أَمُّو إِ ثڭَّا ثْضحَّاشْثْ ن ؤُبُوهَاڒِي. ؤُڒَا ذ مَانْ أَيَا أَقَا-ث ذِي ڒْبَاطڒْ.
ECC 7:7 مَاغَارْ ڒحْصَارثْ أَذْ ثسّْبُوهْڒِي أَمِيغِيسْ، ؤُ ثَارْزفْثْ [ن أَرّشْوثْ] ثسّخْسَارَا ؤُڒْ.
ECC 7:8 أَنڭَّارُو ن ثْمسْڒَاشْثْ ثحْڒَا خْ ؤُمزْوَارُو نّسْ. ونِّي غَارْ إِدْجَا تَّاسِيعْ نْ ڒْخَاضَارْ أَطَّاسْ إِحْڒَا خْ ؤُمْعفَّارْ.
ECC 7:9 وَارْ سخّضْ ذغْيَا ذِي بُوحْبڒْ نّشْ، مَاغَارْ ذڭْ وحْسِينْ ن إِبُوهَاڒِييّنْ إِزدّغْ ؤُخيّقْ.
ECC 7:10 وَارْ ثقَّارْ: ”مِينْ ثُوغَا [ذِينْ]، أَقَا ؤُسَّانْ ن زِيشْ إِحْڒَانْ خْ مَامّشْ دْجَانْ وُوسَّانْ-أَ؟“ مَاغَارْ أَسقْسِي-يَا وَارْ [إِزمَّارْ أَذْ إِفّغْ] زِي ثِيغِيثْ.
ECC 7:11 ثِيغِيثْ إِ د-إِتَّاسنْ أَكْ-ذ ثسْغَارْثْ ثشْنَا، ؤُ [ثِيغِيثْ] أَقَا ذ ڒفْضڒْ إِ يِينِّي إِتّْوَاڒَانْ ثَافُوشْثْ.
ECC 7:12 مَاغَارْ أَمْ مَامّشْ ثِيغِيثْ ثدْجَا ذ ثَاسدَّارْثْ [إِ ؤُسڒْقِي]، [أَمُّو] ؤُڒَا ذ ثْمنْيَاثْ أَقَا أَثنْثْ ذ ثَاسدَّارْثْ [إِ ؤُسڒْقِي]. ڒفْضڒْ ن ثُوسّْنَا أَقَا ثِيغِيثْ ثتِّيشْ ثُوذَارْثْ إِ أَيْثْبَابْ نّسْ.
ECC 7:13 خْزَارْ مِينْ إِڭَّا أَربِّي، مَاغَارْ وِي إِزمَّارنْ أَذْ إِسڭّمْ مِينْ إِسّْفَارْغْ نتَّا؟
ECC 7:14 أَرّْ مژْرِي س ڒْخَارْ ذڭْ وَاسّْ ن وفْڒَاحْ، [مَاشَا] ذڭْ وَاسّْ ن أَرْژِييّثْ، خْزَارْ [خنِّي]، مَاغَارْ أَربِّي إِڭَّا وَا ؤُڒَا ذ ثَا، حِيمَا بْنَاذمْ وَارْ إِزمَّارْ أَذْ يَافْ أَوَارْنِي أَسْ وَالُو.
ECC 7:15 مَارَّا أَيَا إِ ژْرِيغْ ذڭْ وُوسَّانْ [ن ثُوذَارْثْ إِنُو] إِفنَّانْ. أَقَا ذِينْ أَمْسڭّذْ نِّي إِتّْوَاهلّْكنْ ذِي ثْسڭْذَا نّسْ ؤُشَا أَقَا ذِينْ أَعفَّانْ نِّي إِسّْزُوڭَّارْثنْ [ؤُسَّانْ نّسْ] ذِي مَارَّا ثُوعفّْنَا نّسْ.
ECC 7:16 وَارْ تّڭّْ إِخفْ نّشْ ذ أَمْسڭّذْ أَطَّاسْ، ؤُ وَارْ تّڭّْ إِخفْ نّشْ ذ أَمِيغِيسْ أَطَّاسْ. مَايمِّي غَا ثَاردّْدْجذْ إِخفْ نّشْ؟
ECC 7:17 وَارْ تِّيڒِي ذ أَعفَّانْ أَطَّاسْ ؤُ وَارْ تِّيڒِي عَاوذْ ذ أَبُوهَاڒِي أَطَّاسْ. مَايمِّي غَا ثمّْثذْ مَاڒَا وَارْ د-يِيوِيضْ عَاذْ ڒْمِيجَاڒْ نّشْ؟
ECC 7:18 مْلِيحْ مَاڒَا شكْ ثْشبَّارذْ ذِي ثَا، [أَمْ] وَارْ يَارخُّو ؤُفُوسْ نّشْ ذِي ثِينْ، مَاغَارْ ونِّي إِتّڭّْوذنْ أَربِّي، أَذْ إِتّْوَافكّْ زِي مَارَّا أَيَا.
ECC 7:19 ثِيغِيثْ ثسّجْهذْ أَمِيغِيسْ [خْ]عشْرَا ن أَيْثْ ن بُو-صُّولْطَا نِّي إِدْجَانْ ذڭْ إِشْثْ ن ثنْذِينْثْ.
ECC 7:20 وَاهْ نِيشَانْ، وَارْ إِدْجِي ؤُڒَا ذ إِجّْ ن بْنَاذمْ ذ أَمْسڭّذْ خْ ثمُّورْثْ، [ؤُڒَا ذ إِجّْ] إِتّڭّْ ڒْخَارْ ؤُ وَارْ إِخطِّي شَا.
ECC 7:21 وَارْ تِّيشْ ثَايْنِيثْ نّشْ إِ مَارَّا أَوَاڒنْ نِّي قَّارنْ إِوْذَانْ، حِيمَاعمَّارْصْ وَارْ ثتّسْڒِيذْ أَقَا أَمْسخَّارْ نّشْ أَذْ شكْ إِنْعڒْ.
ECC 7:22 مَاغَارْ ؤُڒْ نّشْ يُوشَا أَطَّاسْ ن ثْوَاڒَاوِينْ، أَقَا ؤُڒَا ذ شكْ ثْنعْڒذْ إِنّغْنِي.
ECC 7:23 مَارَّا أَيَا بقّْشغْ ث س ثِيغِيثْ. نشّْ نِّيغْ: ”خْسغْ أَذْ كسْبغْ ثِيغِيثْ!“، [مَاشَا] ثِيغِيثْ ثقِّيمْ أَيِي غَارْ ڒَاڭّْوَاجْ.
ECC 7:24 [مَاغَارْ] مِينْ إِڭّْوجنْ ذ مِينْ يُودْجْغنْ، [وَاهْ،] يُودْجْغنْ، مَانْ ونْ إِزمَّارنْ أَذْ ث يَافْ؟
ECC 7:25 نّْقڒْبغْ، ؤُڒَا ذ ؤُڒْ إِنُو [أَكِيذِي]، مَاحنْذْ أَذْ أَفغْ ثُوسّْنَا، مَاحنْذْ أَذْ بقّْشغْ، أَذْ أَرْزُوغْ ثِيغِيثْ ذ ونْوَايْ [إِ ذَايسْ]، مَاحنْذْ أَذْ سّْنغْ [س ثِيذتّْ] أَقَا ڒْغَارْ ذ ثَاغْيُوڒِي ؤُ ثَاغْيُوڒِي [ذَايسْ] أَطمّسْ أَطَّاسْ.
ECC 7:26 ؤُفِيغْ مِينْ إِدْجَانْ ذ أَمرْزَاڭْ خْ ڒْموْثْ: ثَامْغَارْثْ [ثنِّي إِدْجَانْ أَمْ] ثْرَاشَّاوِينْ ؤُ ؤُڒْ نّسْ [أَمشْنَاوْ] ڒفْخُوخْ [إِنقّنْ] ؤُ إِفَاسّنْ نّسْ [أَمشْنَاوْ] إِشذِّييّنْ. ونِّي يَارْضَانْ زَّاثْ إِ وُوذمْ ن أَربِّي، إِزمَّارْ أَذْ زَّايسْ إِنْفكّْ، [مَاشَا] أَمذْنُوبْ أَذْ زَّايسْ إِمْخُومْبرْ.
ECC 7:27 خْزَارْ، أَيَا إِ ؤُفِيغْ، إِقَّارْ ؤُمْبَارّحْ، [ؤُمِي أَرنْيغْ] إِشْثْ [ن ڒْحَاجّثْ] إِ يِيشْثنْ [نّغْنِي] مَاحنْذْ [أَمُّو إِ] غَا يَافغْ ڒْحَاسُوڒْ [نّسْ]:
ECC 7:28 مِينْ ثُوغَا يَارزُّو ڒعْمَارْ إِنُو عَاذْ، [مَاشَا] وَارْ ث ؤُفِيغْ. [وَاهْ] ؤُفِيغْ إِجّْ ن ورْيَازْ ذڭْ وَاڒفْ، [مَاشَا] إِشْثْ ن ثمْغَارْثْ وَارْ ت ؤُفِيغْ جَارْ مَارَّا يِينَا.
ECC 7:29 خْزَارْ، إِشْثْ وَاهَا إِ ؤُفِيغْ، أَقَا أَربِّي إِڭَّا بْنَاذمْ نِيشَانْ، [مَاشَا] نِيثْنِي أَرْزُونْ ذڭْ وَاطَّاسْ ن يبْرِيذنْ إِحْرَايْميّنْ.
ECC 8:1 وِي إِدْجَانْ أَمْ ؤُمِيغِيسْ ؤُ وِي إِسّْننْ أَذْ إِفكّْ إِشْثْ ن ثْمسْڒَاشْثْ؟ ثِيغِيثْ ن بْنَاذمْ ثتَّارَّا أَغمْبُوبْ نّسْ إِتّْنوَّارْ ؤُشَا ثْبدّڒْ [ثِيفْرَاسْ] ن ڒقْسحْ ن ؤُغمْبُوبْ نّسْ.
ECC 8:2 نشّْ [قَّارغْ]: ”حْضَا أَضبَّارْ ن ؤُجدْجِيذْ!“ ؤُ [مَانْ أَيَا] ذِي سِّيبّثْ ن ثْجَادْجِيثْ ن أَربِّي.
ECC 8:3 وَارْ تِّيڭّْوِيجْ س ثَازْڒَا خْ وُوذمْ نّسْ، وَارْ تّڭّْ أَزدْجِيفْ نّشْ ذِي ثْمسْڒَاشْثْ ثَاعفَّانْثْ، مَاغَارْ نتَّا إِڭَّا مَارَّا مِينْ خفْ يَارْضَا.
ECC 8:4 أَوَاڒْ ن ؤُجدْجِيذْ ذَايسْ صُّولْطَا ثمْغَارْ. مَانْ ونْ إِزمَّارنْ أَذْ أَسْ يِينِي: ”مِينْ ثتّڭّذْ شكْ؟“
ECC 8:5 ونِّي إِحطَّانْ ثَاوْصيّثْ، وَارْ ث إِڒقّفْ [وَالُو ن] مِينْ إِدْجَانْ ذ أَعفَّانْ. ؤُڒْ ن ؤُمِيغِيسْ إِسّنْ ڒْحَاڒْ ذ ڒْحُوكْمْ.
ECC 8:6 مَاغَارْ إِ كُوڒْ أَنْوَايْ إِجّْ ن ڒْحَاڒْ ذ إِجّْ ن ڒْحُوكْمْ، مَاغَارْ ثُوعفّْنَا ن بْنَاذمْ ثسّذْقَاڒْ إِ-ث.
ECC 8:7 مَاغَارْ نتَّا وَارْ إِسِّينْ مِينْ غَا إِمْسَارنْ، مَاغَارْ مَانْ ونْ إِ ذ أَسْ ث إِ غَا إِسّْشْننْ مَامّشْ غَا يِيڒِي أَيَا؟
ECC 8:8 وَارْ [ذِينْ] إِدْجِي ؤُڒَا ذ إِجّْ ن بْنَاذمْ إِزمَّارْ خْ ؤُسُوضِي ن ؤُسمِّيضْ أَڒَامِي إِزمَّارْ أَذْ خَاسْ إِبلّعْ. وَارْ [ذِينْ] إِدْجِي ؤُڒَا ذ إِجّْ غَارسْ صُّولْطَا خْ وَاسّْ ن ڒْموْثْ، ؤُ وَارْ [ذِينْ] إِدْجِي ؤُڒَا ذ إِجّْ إِزمَّارْ أَذْ إِكْسِي تّسْرِيحْ ذڭْ ؤُمنْغِي، ؤُ ثُوعفّْنَا وَارْ ثجِّي أَذْ نجْمنْ أَيْثْبَابْ نّسْ.
ECC 8:9 مَارَّا أَيَا ژْرِيغْ ث، ؤُمِي سّنْقڒْبغْ ؤُڒْ إِنُو غَارْ مَارَّا مِينْ إِتّْوَاڭّنْ سَاذُو ثْفُوشْثْ، ذِي ڒْوقْثْ ڒَامِي إِصلّطْ بْنَاذمْ خْ بْنَاذمْ نّغْنِي إِ ذْرُوشْثْ نّسْ.
ECC 8:10 أَمُّو إِ ژْرِيغْ إِعفَّاننْ نِّي ثُوغَا إِتّْوَانضْڒنْ، ؤُذْفنْ [غَارْ ونْضڒْ]، [ؤُمِي] يِينِّي إِڭِّينْ مِينْ إِدْجَانْ نِيشَانْ فّْغنْ زڭْ ومْشَانْ أَمْقدَّاسْ، تّْوَاتُّونْ ذِي ثنْذِينْثْ. ؤُڒَا ذ مَانْ أَيَا ذِي ڒْبَاطڒْ.
ECC 8:11 مَاغَارْ ڒْحُوكْمْ خْ ثْعفَّانْثْ وَارْ إِتّْوَاڭّْ ذغْيَا، خْ ؤُيَا إِشُّورْ وُوڒْ ن ثَارْوَا ن بْنَاذمْ مَاحنْذْ أَذْ ڭّنْ مِينْ إِدْجَانْ ذ أَعفَّانْ.
ECC 8:12 وَاخَّا أَمذْنُوبْ إِتّڭّْ ثَاعفَّانْثْ مْيَا ن ثْوَاڒَاوِينْ ؤُ إِدَّارْ أَطَّاسْ، وَاخَّا أَمنِّي سّْنغْ أَقَا إِنِّي إِتّڭّْوذنْ أَربِّي أَذْ فڒْحنْ، إِنِّي زَّايسْ إِتّڭّْوذنْ.
ECC 8:13 أَعفَّانْ [مَاشَا] وَارْ إِتِّيڒِي مْلِيحْ ؤُ وَارْ غَارسْ ثتِّيڒِي ثُوذَارْثْ ذ ثَازِيرَارْثْ. نتَّا أَذْ يِيڒِي أَمْ ثِيڒِي، مَاغَارْ وَارْ إِتّڭّْوذْ أَربِّي.
ECC 8:14 أَقَا ذِينْ شَا مِينْ إِتّْوَاڭّنْ خْ ثمُّورْثْ نِّي إِدْجَانْ ذِي ڒْبَاطڒْ: أَقَا ذِينْ إِمْسڭَّاذنْ إِتّمّْسَارْ أَسنْ أَخْمِي تّڭّنْ أَمْ يِيعفَّاننْ، ؤُ أَقَا ذِينْ إِعفَّاننْ إِتّمْسَارْ أَسنْ أَخْمِي تّڭّنْ ثَاسڭْذَا. نشّْ نِّيغْ: ؤُڒَا ذ مَانْ أَيَا ذِي ڒْبَاطڒْ.
ECC 8:15 س ؤُينِّي إِ تّْصبَّاحغْ ڒفْرَاحثْ، مَاغَارْ وَارْ ذِينْ إِدْجِي إِ بْنَاذمْ مِينْ إِدْجَانْ حْسنْ [ذِي ثُوذَارْثْ نّسْ] سَاذُو ثْفُوشْثْ مْغِيرْ مَاڒَا نتَّا إِتّتّْ، إِسسّْ ؤُ إِفَارّحْ. إِڒِي أَيَا أَذْ ث إِعَاشَارْ ذڭْ ؤُمَارّثْ نّسْ ذِي مَارَّا ؤُسَّانْ ن ثُوذَارْثْ نّسْ إِ ذ أَسْ يَارْزفْ أَربِّي سَاذُو ثْفُوشْثْ.
ECC 8:16 ؤُمِي ثُوغَا ڭِّيغْ ؤُڒْ إِنُو مَاحنْذْ أَذْ سّْنغْ ثِيغِيثْ ؤُ مَاحنْذْ أَذْ خْزَارغْ مَانْ ثَاسبَّابْثْ إِ إِڭُّورنْ خْ ثمُّورْثْ - مَاغَارْ أَمْ س وَاسّْ أَمْ س دْجِيڒثْ بْنَاذمْ وَارْ إِتِّيشْ شَا أَرَّاحثْ إِ ثِيطَّاوِينْ نّسْ -
ECC 8:17 ژْرِيغْ مَارَّا مِينْ إِڭَّا أَربِّي، أَقَا بْنَاذمْ وَارْ إِزمَّارْ أَذْ يَافْ مِينْ إِتّْوَاڭّنْ، [إِخْسْ أَذْ يِينِي] مِينْ إِتّْوَاڭّنْ سَاذُو ثْفُوشْثْ. مَاغَارْ مَامّشْ إِ غَا إِمَارّثْ بْنَاذمْ أَمْ يَارزُّو، وَارْ إِتِّيفْ وَالُو. وَاخَّا أَمِيغِيسْ أَذْ يِينِي بلِّي نتَّا إِسّنْ، نتَّا وَارْ إِزمَّارْ مَاشَا أَذْ ث يَافْ.
ECC 9:1 مَاغَارْ نشّْ ڭِّيغْ مَارَّا أَيَا غَارْ وُوڒْ إِنُو، مَاحنْذْ أَذْ أَرْزُوغْ ذِي مَارَّا أَيَا، أَقَا إِمْسڭَّاذنْ ذ إِمِيغِيسنْ ذ ثْمڭَّا نْسنْ ذڭْ ؤُفُوسْ ن أَربِّي. ثَايْرِي ذ وشْرَاهْ وَارْ ثنْ إِسِّينْ بْنَاذمْ، أَقَا مَارَّا إِدْجَا زَّاثسْ.
ECC 9:2 مَارَّا [إِدْجَا] أَمْ مَامّشْ [إِدْجَا] غَارْ مَارَّا: ثِيرَا ذ إِشْثْ ثْڒقّفْ أَمْسڭّذْ ذ ؤُعفَّانْ، أَمْ ؤُصبْحَانْ ذ ؤُمزْذَاڭْ أَمْ ؤُمخْمُوجْ، ونِّي إِقدّْمنْ ثَاغَارْصْثْ ذ ونِّي وَارْ إِقدّْمنْ ثَاغَارْصْثْ، أَصبْحَانْ ذ ؤُمذْنُوبْ، ونِّي إِتّْجَّادْجَانْ ذ ونِّي إِتّڭّْوذنْ مَاحنْذْ أَذْ إِجَّادْجْ.
ECC 9:3 مَانْ أَيَا ذ إِجّْ ن ڒْغَارْ غَارْ مَارَّا مِينْ إِمْسَارنْ سَاذُو ثْفُوشْثْ، أَقَا مَارَّا [إِوْذَانْ] إِڒْقفْ إِ-ثنْ ثِيرَا ذ إِشْثْ، ؤُشَا ؤُڒَا ؤُڒْ نْ ثَارْوَا ن بْنَاذمْ إِشُّورْ س ڒْغَارْ، ؤُ أَقَا ذِينْ أَطمّسْ ذڭْ وُوڒْ نْسنْ ذِي ڒْوقْثْ ن ثُوذَارْثْ نْسنْ، ؤُ أَوَارْنِي إِ ؤُيَا [أَذْ ؤُيُورنْ نِيثْنِي] غَارْ إِمتِّيننْ.
ECC 9:4 مَاغَارْ إِ ونِّي إِقّْننْ إِ مَارَّا إِنِّي إِدَّارنْ أَقَا ذِينْ أَسِيثمْ، مِينْزِي ڒْحَاڒْ إِ وقْزِينْ إِدَّارنْ حْسنْ زِي [ڒْحَاڒْ] إِ ويْرَاذْ إِمُّوثنْ.
ECC 9:5 مَاغَارْ إِنِّي إِدَّارنْ سّْننْ، أَقَا نِيثْنِي أَذْ مّْثنْ، [مَاشَا] إِمتَّانْ وَارْ سِّيننْ وَالُو قَاعْ. نِيثْنِي وَارْ تّطّْفنْ وَالُو زِي ڒْمُونثْ، مَاغَارْ ڒِيذَارثْ خَافْسنْ ثتّْوَاتُّو.
ECC 9:6 أَقَا ثَايْرِي نْسنْ ذ وشْرَاهْ نْسنْ ذ ثُوسْمِي نْسنْ فْنَانْ. إِ ڒبْذَا وَارْ غَارْسنْ بُو ثسْغَارْثْ عَاذْ ذِي مَارَّا مِينْ إِتّمْسَارنْ سَاذُو ثْفُوشْثْ.
ECC 9:7 ؤُيُورْ [خنِّي]، إِوَا أشّْ س ڒفْرَاحثْ أَغْرُومْ نّشْ، سُو س وُوڒْ إِفَارْحنْ بِينُو نّشْ، مَاغَارْ إِعْجبْ أَسْ إِ أَربِّي ثِيمڭَّا نّشْ أَطَّاسْ زڭْ وَامِي.
ECC 9:8 أجّْ أَذْ يِيڒِي أَرُّوضْ نّشْ ذ أَشمْڒَاڒْ ڒبْذَا ؤُعمَّارْصْ وَارْ إِتّْخصِّي زّشْثْ خْ ؤُزدْجِيفْ نّشْ.
ECC 9:9 بَارّعْ خْ ثُوذَارْثْ أَكْ-ذ ثمْغَارْثْ نِّي ثتّخْسذْ، مَارَّا ؤُسَّانْ ن ثُوذَارْثْ نّشْ إِفنَّانْ نِّي ذ أَسْ إِوْشَا أَربِّي سَاذُو ثْفُوشْثْ، مَاڒَا ؤُسَّانْ ن لْحَاضَارْ نّشْ إِفنَّانْ ذَانِيثَا، مَاغَارْ ثَا ذ ثَاسْغَارْثْ نّشْ ذِي ثُوذَارْثْ-أَ ؤُ غَارْ ؤُمَارّثْ إِ زِي ثْمَارّْثذْ سَاذُو ثْفُوشْثْ.
ECC 9:10 مَارَّا مِينْ غَا يَافْ ؤُفُوسْ نّشْ مَاحنْذْ أَذْ ث يڭّْ، أڭّْ إِ-ث عْلَاحْسَابْ جّهْذْ نّشْ، مَاغَارْ وَارْ إِدْجِي ذِي ڒَاخَارْثْ مَانِي غَا ثُويُورذْ مِينْ غَا ثڭّذْ، نِيغْ أَخَارّصْ نِيغْ ثُوسّْنَا ؤُڒَا ذ ثِيغِيثْ.
ECC 9:11 عَاوذْ ژْرِيغْ سَاذُو ثْفُوشْثْ أَقَا أَيْثْ ن بُو-ثَازْڒَا وَارْغدْجْبنْ [ڒبْذَا] ذِي حَامَاثْ، نِيغْ أَيْثْ ن بُو-ثغْرُوضْثْ [ڒبْذَا] ذڭْ ؤُمنْغِي، ؤُ إِمِيغِيسنْ وَارْ غَارْسنْ إِدْجِي وغْرُومْ [ڒبْذَا] ؤُ يِينِّي س ڒعْقڒْ وَارْ غَارْسنْ إِدْجِي وَاڭْڒَا [ڒبْذَا]، ؤُڒَا ذ إِنِّي س ڒفْهَامثْ وَارْ غَارْسنْ إِدْجِي أَرْضَا [ڒبْذَا]، مَاغَارْ ڒْحَاڒْ ذ ثِيرَا ڒقّْفنْ ؤُڒَا ذ مَارَّا نِيثْنِي.
ECC 9:12 مَاغَارْ بْنَاذمْ وَارْ إِسِّينْ ڒْمِيجَاڒْ نّسْ، أَمْ يِيسڒْمَانْ إِنْحصْرنْ ذِي ثْرَاشَّا ن أَرْژِييّثْ، ؤُ أَمْ يِيجْضَاضْ إِنّْحصْرنْ ذِي ڒْفخْ. أَمُّو ؤُڒَا ذ ثَارْوَا ن بْنَاذمْ تّْوَاطّْفنْ ذِي ڒْفخْ ذڭْ إِشْثْ ن ڒْوقْثْ ذ ثَاعفَّانْثْ، خْمِي خَاسنْ د-ثْوطَّا [ثْرَاشَّا] ذغْيَا.
ECC 9:13 ؤُڒَا ذ مَانْ أَيَا بْذِيغْ أَذْ ذَايسْ ژْرِيغْ ثِيغِيثْ سَاذُو ثْفُوشْثْ، ثُوسَا أَيِي-د ذ ثَامقّْرَانْثْ أَطَّاسْ.
ECC 9:14 ثُوغَا ذِينْ إِشْثْ ن ثنْذِينْثْ ذ ثَامژْيَانْثْ ذَايسْ ذْرُوسْ ن يوْذَانْ [وَاهَا]. إِفّغْ خَاسْ إِجّْ ن ؤُجدْجِيذْ ذ أَمقّْرَانْ، إِحوّسْ إِ-ت، ؤُ إِسّْبدّْ خَاسْ لْبَارَاجَاثْ ثِيمقّْرَانِينْ.
ECC 9:15 إِتّْوَافّْ ذَايسْ إِجّْ ن ورْيَازْ ذ أَمزْڒُوضْ ذ أَمِيغِيسْ ونِّي إِفكّنْ ثَانْذِينْثْ س ثِيغِيثْ نّسْ، [مَاشَا] ؤُڒَا ذ إِجّْ ن بْنَاذمْ إِعْقڒْ [عَاذْعمَّارْصْ] خْ ورْيَازْ نِّي.
ECC 9:16 [خنِّي] نِّيغْ نشّْ: ”ثِيغِيثْ ثحْڒَا خْ جّْهذْ!“، وَاخَّا ثتّْوَاسّحْقَارْ ثِيغِيثْ ن ؤُمزْڒُوضْ ؤُ أَوَاڒنْ نّسْ وَارْ ثتّْوَاسْڒنْ.
ECC 9:17 أَوَاڒنْ ن إِمِيغِيسنْ نِّي غَارْ تّسْڒَانْ [إِوْذَانْ] ذِي ڒْهُوذْنثْ، حْسنْ زڭْ ؤُغُويِّي نْ ڒْحَاكمْ جَارْ إِبُوهَاڒِييّنْ.
ECC 9:18 ثِيغِيثْ ثحْڒَا خْ ڒسْنَاحْ ن ؤُمنْغِي، [مَاشَا] إِجّْ ن ؤُمذْنُوبْ [وَاهَا] إِهدّمْ أَطَّاسْ.
ECC 10:1 إِزَانْ إِنقّنْ تَّارَّانْ زّشْثْ ن وذْهَانْ ن ؤُعطَّارْ أَذْ ثَارْصُوضْ ؤُ أَذْ ثسْممْ. ذْرُوسْ ن ثُوبُّوهڒْيَا ثْوزّنْ أَطَّاسْ خْ ثِيغِيثْ ذ شَّانْ.
ECC 10:2 ؤُڒْ ن ؤُمِيغِيسْ أَقَا-ث [إِ نتَّا] أَفُوسْ نّسْ أَفُوسِي، [مَاشَا] ؤُڒْ ن ؤُبُوهَاڒِي [إِ وَانِيثَا] أَفُوسْ نّسْ أَزڒْمَاضْ.
ECC 10:3 ؤُڒَا ذڭْ وبْرِيذْ مِينْ خفْ إِڭُّورْ ؤُبُوهَاڒِي، ؤُڒْ نّسْ وَارْ إِمْثِينْ، إِقَّارْ إِ مَارَّا أَقَا نتَّا ذ أَبُوهَاڒِي.
ECC 10:4 مَاڒَا خَاكْ إِخيّقْ بُوحْبڒْ ن بُو-جّهْذْ، وَارْ تّڭّْوِيجْ خْ ومْشَانْ نّشْ، مَاغَارْ مَانْ أَيَا ذ دّْوَا، يَارسَّا دّْنُوبْ إِمقّْرَاننْ.
ECC 10:5 أَقَا ذِينْ إِجّْ نْ ڒْغَارْ نّغْنِي نِّي ژْرِيغْ سَاذُو ثْفُوشْثْ، أَقَا-ث ذ إِجّْ ن ؤُودَّارْ إِ د-إِفّْغنْ زڭْ إِجّْ ن بُو-صُّولْطَا:
ECC 10:6 أَسْڭعَّاذْ أَطَّاسْ ن ثُوبُّوهڒْيَا، [أَمْ] تّْغِيمَانْ أَيْثْ ن بُو-وَاڭْڒَا سْوَادَّايْ.
ECC 10:7 نشّْ ژْرِيغْ إِمْسخَّارنْ نْيِينْ خْ ييْسَانْ ؤُڒَا ذ ڒْحُوكَّامْ نِّي إِڭُّورنْ أَمْ يِيمْسخَّارنْ [خْ إِضَارنْ نْسنْ] خْ ثمُّورْثْ.
ECC 10:8 ونِّي إِتّقَّازنْ أَحْفُورْ، أَذْ ذَايسْ إِوْضَا [س يِيخفْ نّسْ]، ونِّي إِسّْنُوقّْبنْ ڒْحِيضْ، إِزمَّارْ أَذْ أَسْ إِقّسْ ؤُفِيغَارْ.
ECC 10:9 ونِّي إِكّْسنْ إِژْرَا، أَذْ [زَّايْسنْ] إِيْزمْ [إِخفْ نّسْ]، ونِّي إِتّْفتّْقنْ أَكشُّوضْ، أَذْ يِيڒِي ذِي لْخَاطَارْ.
ECC 10:10 مَاڒَا ؤُزَّاڒْ [ن شَّاقُورْ] إِذْوڒْ إِحْفَا ؤُ [بَابْ نّسْ] وَارْ ث إِسّقْضعْ، خنِّي إِتّْخصَّا أَسْ جّْهذْ كْثَارْ، [مَاشَا] ثِيغِيثْ ثشْنَا أَطَّاسْ حِيمَا أَذْ إِفْڒحْ بْنَاذمْ.
ECC 10:11 مَاڒَا إِزْعفْ ؤُفِيغَارْ قْبڒْ أَعزّمْ، وَارْ ذِينْ ڒفْضڒْ إِ ؤُعزَّامْ.
ECC 10:12 أَوَاڒنْ زڭْ ؤُقمُّومْ ن ؤُمِيغِيسْ ذَايْسنْ أَرْضَا، [مَاشَا] إِينْشِيشنْ ن ؤُبُوهَاڒِي صَارْضنْ ث سِيمَانْثْ نّسْ.
ECC 10:13 بدُّو ن وَاوَاڒنْ زڭْ ؤُقمُّومْ نّسْ ذ ثُوبُّوهڒْيَا ؤُ أَنڭَّارُو ن مِينْ د-إِفّْغنْ زڭْ ؤُقمُّومْ نّسْ ذ أَطمّسْ أَعفَّانْ.
ECC 10:14 أَبُوهَاڒِي إِتّْكتَّارْ ڒْهَارْذْ أَطَّاسْ، مَاشَا بْنَاذمْ وَارْ إِسِّينْ مِينْ غَا إِمْسَارنْ، ؤُ مِينْ غَا إِمْسَارنْ أَوَارْنِي أَسْ، وِي ذ أَسْ ث إِ غَا إِعَاوْذنْ؟
ECC 10:15 أَمَارّثْ ن إِبُوهَاڒِييّنْ إِتَّارَّا إِ-ثنْ ؤُحْڒنْ، مَاغَارْ نِيثْنِي وَارْ سِّيننْ مَامّشْ غَا يُويُورنْ غَارْ ثنْذِينْثْ.
ECC 10:16 ؤُشْثْ خَامْ، [أَ] ثَامُّورْثْ، مَاڒَا أَجدْجِيذْ نّمْ ذ أَحنْجِيرْ [عَاذْ]، ؤُ ڒْحُوكَّامْ نّمْ غَارْ ثفُّوثْ تّتّنْ!
ECC 10:17 سّعْذْ نّمْ، [أَ] ثَامُّورْثْ، مَاڒَا أَجدْجِيذْ نّمْ ذ مِّيسْ ن ثَارْوَا ن ثَاصِيڒثْ، ؤُ ڒْحُوكَّامْ نّمْ تّتّنْ غَارْ ڒْوقْثْ إِتّْوَاڭّنْ، مَاحنْذْ أَذْ تّْوَامحْذنْ، وَارْ إِدْجِي مَاحنْذْ أَذْ سْكَارنْ.
ECC 10:18 س ڒعْڭزْ إِ هكّْوَانْثْ ثِيحنْيَا ؤُ س إِفَاسّنْ يَارهْفنْ أَذْ ثُوذُومْ ثَادَّارْثْ.
ECC 10:19 [بْنَاذمْ] إِتّڭّْ أَغْرُومْ مَاحنْذْ أَذْ إِضْحشْ، بِينُو إِسّْفَارَّاحْ إِنِّي إِدَّارنْ ؤُ ثْمنْيَاثْ نفّْعنْثْ إِ مَارَّا مِينْ إِدْجَانْ.
ECC 10:20 وَارْ نعّڒْ أَجدْجِيذْ [عَاذْ] ذِي ڒْبَاڒْ نّشْ، ذڭْ وخَّامْ ن يِيضصْ وَارْ نعّڒْ بُو-وَاڭْڒَا، مَاغَارْ إِجْضَاضْ ن ؤُجنَّا زمَّارنْ أَذْ سُّويُورنْ ڒْحسّْ [ن وَاوَاڒنْ نّشْ] ؤُ [أَمُّو مَارَّا] وِي غَارْ دْجَانْ وَافْرِيونْ إِزمَّارْ أَذْ إِسّعْذُو أَوَاڒْ.
ECC 11:1 سكّْ أَغْرُومْ نّشْ ثِيوَا إِ وَامَانْ، مَاغَارْ أَوَارْنِي إِ أَطَّاسْ ن وُوسَّانْ أَذْ ث ثَافذْ [عَاوذْ].
ECC 11:2 بْضَا ث ذِي سبْعَا نِيغْ عَاذْ ذِي ثْمنْيَا، مَاغَارْ شكْ وَارْ ثسِّينذْ مَانْ ڒْغَارْ إِ غَا يِيڒِينْ ذِي ثمُّورْثْ.
ECC 11:3 مَاڒَا شُّورنْ إِسيْنُوثنْ، تّْزدْجَاعنْ أَنْژَارْ خْ ثمُّورْثْ. مَا ثَاشجَّارْثْ ثوْضَا غَارْ لْجَانُوبْ نِيغْ غَارْ شَّامَالْ، ذڭْ ومْشَانْ مَانِي ثوْضَا، ثتّْغِيمَا ذِينْ [ثزّڒْ].
ECC 11:4 ونِّي إِخزَّارنْ ڒبْذَا غَارْ ؤُسمِّيضْ، وَارْ إِتِّيوِيضْ أَذْ إِزَارْعْ، ونِّي إِحطَّانْ ڒبْذَا إِسيْنُوثنْ، وَارْ إِتِّيوِيضْ أَذْ إِمْجَارْ.
ECC 11:5 أَمْ مَامّشْ شكْ وَارْ ثسِّينذْ أَبْرِيذْ ن ؤُسمِّيضْ، أَمُّو [إِ وَارْ ثسِّينذْ ؤُڒَا] مَامّشْ تّْوَاڭّنْ إِغْسَانْ ذڭْ ؤُعذِّيسْ ن ثمْغَارْثْ س دّيْسثْ. أَمُّو إِ وَارْ ثسِّينذْ ؤُڒَا ذ ثْمڭَّا ن أَربِّي ونِّي إِتّڭّنْ مَارَّا [مِينْ إِدْجَانْ].
ECC 11:6 زَارْعْ زَّارِيعثْ نّشْ غَارْ ثُوفُّوثْ ؤُ وَارْ تّكّسْ أَفُوسْ نّشْ غَارْ ثْمذِّيثْ، مَاغَارْ شكْ وَارْ ثسِّينذْ مِينْ إِ غَا إِفْڒحْ، ثَا نِيغْ ثَا، نِيغْ عَاذْ س ثْنَاينْ إِذْسنْثْ أَذْ إِڒِينْثْ صبْحنْثْ.
ECC 11:7 ثَافَاوْثْ ذ ثْمِيژِيذْثْ ؤُشَا مْلِيحْ إِ ثِيطَّاوِينْ أَذْ ژَترنْثْ ثْفُوشْثْ.
ECC 11:8 وَاهْ، مَاڒَا أَرْيَازْ إِدَّارْ أَطَّاسْ ن إِسڭّْوُوسَا، أجّْ إِ-ث أَذْ إِفَارْحْ ذِي مَارَّا [إِسڭّْوُوسَا نِّي]، ؤُ أجّْ إِ-ث أَذْ إِعْقڒْ [عَاوذْ]، أَقَا ؤُسَّانْ إِبَارْشَاننْ أَذْ إِڒِينْ ذڭْ وَاطَّاسْ. مَارَّا مِينْ إِ ذ غَا يَاسنْ [عَاذْ]، أَقَا-ث ذِي ڒْبَاطڒْ.
ECC 11:9 فَارْحْ، [أَ شكْ] أَحُوذْرِي، ذِي ثمْژِي نّشْ، سْفَارْحْ ؤُڒْ نّشْ ذڭْ وُوسَّانْ ن ثمْژِي نّشْ. ؤُيُورْ ذڭْ إِبْرِيذنْ ن وُوڒْ نّشْ ؤُ ذِي مِينْ تّْوَاڒَانْثْ ثِيطَّاوِينْ نّشْ، مَاشَا سّنْ أَقَا سِيذِي أَذْ شكْ إِسّكّْ خْ مَارَّا أَيَا إِ شّْرعْ.
ECC 11:10 سِيڭّْوجْ ڒْهمّْ خْ وُوڒْ نّشْ ؤُ سْحيّذْ ڒْغَارْ خْ أَرِّيمثْ نّشْ، مَاغَارْ ثمْژِي ذ ڒْوقْثْ س ؤُشُوَّافْ أَبَارْشَانْ [ن ثمْژِي] أَقَا أَثنْ ذِي ڒْبَاطڒْ.
ECC 12:1 إِذَارْ ونِّي شكْ د-إِخڒْقنْ ذڭْ وُوسَّانْ ن ثمْژِي نّشْ، قْبڒْ إِ د غَا يَاوْضنْ وُوسَّانْ ن ڒْغَارْ إِ زِي غَا ثِينِيذْ: ”وَارْ ذَايْسنْ ؤُفِيغْ ڒفْرَاحثْ!“،
ECC 12:2 قْبڒْ أَذْ ثتّْوَابَارْشنْ ثْفُوشْثْ ذ ثْفَاوْثْ ذ ثْزِيرِي ذ إِثْرَانْ ؤُشَا أَذْ د -عقْبنْ إِسيْنُوثنْ أَوَارْنِي إِ ونْژَارْ،
ECC 12:3 غَارْ وَاسّْ مِينْ ذِي إِعسَّاسنْ ن ثَادَّارْثْ أَذْ أَرْجِيجنْ، إِرْيَازنْ إِجهْذنْ أَذْ قوْسنْ، ثِينِّي إِحَارّْينْ ثَاسِيرْثْ أَذْ سّْبدّنْثْ [ثَاوُّورِي نْسنْثْ]، مِينْزِي نِيثنْثِي قِّيمنْثْ ذْرُوسْ إِذْسنْثْ، ؤُشَا [ثِيمْغَارِينْ] نِّي د-إِسَّاجَّانْ زِي ڒْكْوَازِي، أَذْ تّْوَاڒحّْفنْثْ س ثَادْجسْثْ،
ECC 12:4 ؤُ ثْنَاينْ ن ثوُّورَا غَارْ زّنْقّثْ أَذْ تّْوَابلّْعنْثْ، خْمِي دّْرِيزْ ن ثْسِيرْثْ أَذْ إِسّغْذْ ؤُشَا ڒْحسّْ ن ؤُجْضِيضْ أَذْ ث إِسِّيڭّْوذْ ذڭْ يِيضسْ ؤُ مَارَّا يسِّيسْ ن ؤُغنِّيجْ أَذْ ذوْڒنْثْ قوْسنْثْ،
ECC 12:5 ؤُ [بْنَاذمْ] أَذْ إِڭّْوذْ زِي مَارَّا مِينْ إِدْجَانْ يُوعْڒَانْ، ؤُشَا أَذْ ذِينْ إِڒِينْثْ [عْڒَامْ كُوڒْ ڒحْوَايجْ] إِنخْڒِيعنْ ذڭْ وبْرِيذْ، ؤُ ثَاشجَّارْثْ ن دْجوْزْ أَذْ ثْنوَّارْ ؤُ أَبُورْخسْ أَذْ إِذْوڒْ ذ ثَامَارَا ؤُ ثَانوَّاشْثْ ن ’ؤُكبَّاسْ‘ وَارْ ذ أَسْ د-يُوسِي عَاذْ غَارْ ڒْبَاڒْ - مَاغَارْ بْنَاذمْ إِڭُّورْ غَارْ ثَادَّارْثْ نّسْ ن ڒبْذَا ؤُ إِنِّي إِشطّْننْ أَذْ رَاحنْ أَذْ د-ثَاسنْ ذڭْ إِبْرِيذنْ -
ECC 12:6 قْبڒْ إِ غَا ثتّْوَارْخُو ثسْغُونْثْ ن نُّوقَارْثْ، أَذْ ثتّْوَارْژْ طَّاوْيّثْ ن وُورغْ، أَذْ إِنّفْرَارْ وقْبُوشْ غَارْ ثَاڒَا ؤُشَا أَذْ ثقْضُو ثْجَارَّارْثْ ذڭْ وَانُو،
ECC 12:7 ؤُشَا ؤُشَاڒْ أَذْ د-إِعْقبْ غَارْ ثمُّورْثْ أَمْ مَامّشْ ث-ثُوغَا، ؤُ بُوحْبڒْ أَذْ د-إِعْقبْ غَارْ أَربِّي، ونِّي ث إِوْشِينْ.
ECC 12:8 ذ إِبطَّاڒنْ قَاعْ، إِقَّارْ ؤُمْبَارّحْ، أَقَا كُوڒْشِي ذِي ڒْبَاطڒْ.
ECC 12:9 سنّجْ إِ ؤُيَا، مِينْزِي أَمْبَارّحْ ثُوغَا-ث ذ أَمِيغِيسْ، إِسّڒْمذْ عَاوذْ ثُوسّْنَا إِ ڒْڭنْسْ، ثُوغَا إِتّْبَاڒُو، إِتّْبقَّاشْ مْلِيحْ، ؤُشَا إِعْذڒْ أَطَّاسْ ن وَاوَاڒنْ إِوزْننْ.
ECC 12:10 يَارْزُو ؤُمْبَارّحْ مَاحنْذْ أَذْ يَافْ أَوَاڒنْ إِعذْڒنْ، ؤُ مِينْ يُورَا، أَقَا-ث نِيشَانْ، أَوَاڒنْ ن ثِيذتّْ.
ECC 12:11 أَوَاڒنْ ن إِمِيغِيسنْ أَمْ يِيسنَّاننْ ؤُ أَمشْنَاوْ إِمسْمِيرنْ إِتّْوَاسِّيذْفنْ، إِ زَّايْسنْ إِ-د-تَّاسنْثْ أَطَّاسْ ن ثْمسْڒَايِينْ، أَقَا-ثنْ مّوْشنْ زڭْ ؤُينِّي ن ؤُمكْسَاوْ.
ECC 12:12 سنّجْ إِ مَارَّا أَيَا، [أَ] مِّي، حْضَا إِخفْ نّشْ: وَارْ ذِينْ أَقطُّو ن ثِيرَا ن وَاطَّاسْ ن إِذْلِيسنْ ؤُ أَطَّاسْ ن ثْغُورِي ثسَّاحَاڒْ أَرِّيمثْ.
ECC 12:13 أَوَاڒْ أَنڭَّارُو ن مَارَّا مِينْ ثسْڒِيذْ، أَقَا ث ذ وَا: ”ڭّْوذْ أَربِّي ؤُ حْضَا ثِيوصَّا نّسْ!“، مَاغَارْ مَانْ أَيَا [إِ يُورِينْ] إِ كُوڒْ إِجّْ ن بْنَاذمْ.
ECC 12:14 مَاغَارْ سِيذِي أَذْ يَاوِي كُوڒْ ثَامڭِّيثْ زَّاثْ إِ ثَادَّارْثْ ن شّْرعْ خْ مَارَّا مِينْ إِنُّوفَّارنْ، مَا ثُوغَا إِصْبحْ نِيغْ ثُوغَا وَارْ إِحْڒِي.
SOL 1:1 إِزْڒِي خْ إِزْڒَانْ نِّي [إِدْجَانْ] ن سُولِيمَانْ.
SOL 1:2 ”أجّْ إِ-ث أَذْ أَيِي إِسُّوذمْ س إِسُوذِيمنْ ن ؤُقمُّومْ نّسْ، مِينْزِي ؤُسْحِينّبْ نّشْ حْسنْ زِي بِينُو.
SOL 1:3 ڒفْوَاحثْ ن زّشْثْ نّشْ ثشْنَا، إِسمْ نّشْ أَمْ زّشْثْ إِزدْجْعنْ، خْ ؤُيَا تّخْسنْثْ شكْ ثعْزَارِييِّينْ.
SOL 1:4 جْبذْ أَيِي أَوَارْنِي أَشْ، نشِّينْ أَذْ نَازّڒْ أَوَارْنِي أَشْ! أَجدْجِيذْ إِنْذهْ أَيِي ذڭْ إِخَامّنْ نّسْ. أجّْ أَنغْ أَذْ نَارْشقْ ؤُ أَذْ زَّايكْ نْفَارْحْ، أَذْ نعْقڒْ خْ ؤُسْحِينّبْ نّشْ كْثَارْ خْ مِينْ غَا نعْقڒْ خْ بِينُو. نِيشَانْ تّخْسنْثْ شكْ.“
SOL 1:5 ”ذ ثَابَارْشَانْثْ نشّْ، ؤُ صبْحغْ، [أَ] يسِّيسْ ن ؤُرْشَالِيمْ، أَمْ ثْقِيضُونِينْ ن قِيذَارْ، أَمْ ڒِيزَارَاثْ ن سُولِيمَانْ.
SOL 1:6 وَارْ ذ أَيِي خزَّارنْثْ [أَمُّو]، مِينْزِي نشّْ بَّارْشْنغْ، مِينْزِي ثسّشْمضْ أَيِي ثْفُوشْثْ، إِحنْجِيرنْ ن يمَّا ثُوغَا خيّْقنْ خَافِي، ڭِّينْ أَيِي أَذْ حْضِيغْ إِمَارْجَاعنْ ن ؤُضِيڒْ. أَمَارْجعْ ن يِيخفْ إِنُو وَارْ ث حْضِيغْ شَا.“
SOL 1:7 ”شكْ، ونِّي إِتّخْسْ بُوحْبڒْ إِنُو، إِنِي أَيِي، مَانِي ثَاركّْوسذْ، مَانِي ثسَّاريَّاحذْ [ثَاحِيمَارْثْ] غَارْ طْحَا ن ؤُزِيڒْ، مِينْزِي إِ ؤُمِي غَا إِڒِيغْ أَمْ ثنِّي إِحجْبنْ غَارْ ثْحِيمْرِيوِينْ ن إِمْعَاشَارنْ نّشْ؟“
SOL 1:8 ”مَاڒَا شمْ وَارْ ث ثسِّينذْ، [شمْ] ثنِّي إِشْنَانْ قَاعْ جَارْ ثمْغَارِينْ، خنِّي فّغْ، ضْفَارْ ڒَاثَارْ ن وُودْجِي، أَرْوسْ ثِيغَاضْثِينْ نّمْ مَانِي زدّْغنْ إِمكْسَاونْ.“
SOL 1:9 ”سّمْقُوذِّيغْ شمْ أَكْ-ذ ڒْعوْذَا إِنُو زَّاثْ إِكَارُّوثنْ ن فِيرْعُونْ، [أَ] ثَامدُّوكّتْشْ إِنُو.
SOL 1:10 مشْحَاڒْ صبْحنْ إِمڭِّيزنْ نّمْ جَارْ ثْسدّْيِينْ، إِرِي نّمْ جَارْ إِفِيڒَانْ س ثْيَاقُوثِينْ.
SOL 1:11 أَذْ أَمْ نڭّْ ثِيسدّْيِينْ ن وُورغْ، أَكْ-ذ ثْنقِّيضِينْ ن نُّوقَارْثْ.“
SOL 1:12 ”مِينْ غَا يكّْ ؤُجدْجِيذْ [إِقِّيمْ] غَارْ طَّابْڒَا نّسْ ثَاقُورَارِيثْ، إِتِّيشّْ صّنْبلْ إِنُو ڒفْوَاحثْ نّسْ.
SOL 1:13 لِّيفْ إِنُو إِتّڭّْ أَيِي أَمْ ثشْيَارْثْ ن مِيرُّو، ثنِّي إِسّنْسنْ جَارْ إِذْمَارنْ إِنُو.
SOL 1:14 لِّيفْ إِنُو إِ نشّْ أَمْ ثْقبِّيضْثْ ن نوَّاشْ ن ڒْحنِّي، ذڭْ إِمَارْجَاعنْ ن ؤُضِيڒْ ن عَايْنْ-جَاذِي.“
SOL 1:15 ”خْزَارْ، ثشْنِيذْ شمْ، ثَامدُّوكّتْشْ إِنُو! خْزَارْ، شمْ ثشْنِيذْ، ثِيطَّاوِينْ نّمْ ذ إِذْبِيرنْ.“
SOL 1:16 ”خْزَارْ، شكْ ثشْنِيذْ، [أَ] لِّيفْ إِنُو، وَاهْ، ثْضَارْفذْ، ثُوزِّيزوْثْ ذ ثَاسُّوثْ نّغْ،
SOL 1:17 ثِيحنْيَا ن ثُوذْرِينْ نّغْ ذ ثِينڭْلِينْ، ثِيحنْيَا ن ثْزقَّا أَقَا أَثنْثْ ذ ثِيشجُّورَا ن ؤُمرْزِي.“
SOL 2:1 ”نشّْ ذ ثَانوَّاشْثْ ن شَارُونْ وَارْ زَّايسْ وْضَانْثْ ثِيفْرَايْعمَّارْصْ، ذ ثَالِيلّشْثْ ن ثيْسَارِينْ.“
SOL 2:2 ”أَمْ ثْلِيلّشْثْ جَارْ ثْزڭّْوَارْثْ، أَمُّو إِ ثدْجَا ثَامدُّوكّتْشْ إِنُو جَارْ ثْيدْجِيثِينْ.“
SOL 2:3 ”أَمْ ثْشجَّارْثْ ن تّفَّاحْثْ جَارْ ثْشجُّورَا ن وزْغَارْ، أَمُّو إِ يدْجَا لِّيفْ إِنُو جَارْ وَارَّاونْ. نشّْ أَقَا أَيِي مّژْرغْ أَذْ قِّيمغْ ذِي ثِيڒِي نّسْ. ڒْْغِيدْجثْ نّسْ ذ مِيژِيذْ إِ وَانغْ إِنُو.
SOL 2:4 نتَّا إِنْذهْ أَيِي ذِي ثَادَّارْثْ ن بِينُو، ؤُ ثَايْرِي ذ ثَاعدْجَانْثْ نّسْ خَافِي.
SOL 2:5 سْجهْذمْ أَيِي س ثْغَارْيِيطَاثِينْ ن زّْبِيبْ، سْبَارّْذمْ أَيِي س تّفَّاحِينْ، مَاغَارْ نشّْ هڒْشغْ س ثَايْرِي.
SOL 2:6 أَزڒْمَاضْ نّسْ سَاذُو ؤُزدْجِيفْ إِنُو، أَفُوسِي نّسْ إِذَارّعْ أَيِي-د.
SOL 2:7 نشّْ أَذْ كنِّينْثْ سّْجَادْجَاغْ، [أَ] يسِّيسْ ن ؤُرْشَالِيمْ، غَارْ ثْغَايْضِينْ ن وزْغَارْ ؤُ غَارْ ثُوذَاذِينْ ذڭْ إِيَّارْ[أنْ]، أَقَا كنِّينْثْ وَارْ هكّْوْڒنْثْ ثَايْرِي، وَارْ ت-إِ-د-سّكَّارَانْثْ أَڒْ ثتّخْسْ سِيمَانْثْ نّسْ.“
SOL 2:8 ”ثْمِيجَّا ن لِّيفْ إِنُو! أَقَا ذَا، إِتَّاسْ-د، إِنطُّو خْ إِذُورَارْ، إِنڭّزْ خْ ثوْرِيرِينْ!
SOL 2:9 لِّيفْ إِنُو [يَارْوسْ] ذڭْ إِغَايْضْ ن وزْغَارْ، نِيغْ ذڭْ إِجّْ ن ؤُمژْيَانْ ن وُوذَاذنْ. أَقَا-ث ذَا، إِبدّْ أَوَارْنِي إِ ڒْحِيضْ نّغْ، إِخزَّارْ زِي ڒكْوَازِي، إِتّْشيّعْ زِي شّبَّاشْ.“
SOL 2:10 ”لِّيفْ إِنُو إِتَّارَّا-د، إِنَّا أَيِي: ’كَّارْ، بدّْ، [أَ] ثَامدُّوكّتْشْ إِنُو، أَژْرِي إِنُو، أَسْ-د!
SOL 2:11 مَاغَارْ أَقَا ذَا، ثَاڭرْسْثْ ثعْذُو، إِكْسِي ونْژَارْ، أَقَا إِرُوحْ.
SOL 2:12 بَاننْ-د إِنُووَّارنْ ذِي ثمُّورْثْ، ڒْْحَاڒْ ن ونْزِيزْ أَقَا-ث ذَا، ؤُ ثْمِيجَّا ن ثْجْلِيلّحْثْ نسْڒَا إِ-ت [عَاوذْ] ذِي ثمُّورْثْ نّغْ.
SOL 2:13 أَرْثُو ن ثَازَارْثْ إِتّْخمَّاڒْ ڒْبَاشُورْ نّسْ، ثِيزَايَارِينْ إِتّْنوَّارنْ أَرْخُونْ إِ ڒفْوَاحْ. كَّارْ، بدّْ، ثَامدُّوكّتْشْ إِنُو، أَژْرِي إِنُو، أَسْ-د!‘ “
SOL 2:14 ”ثَاذْبِيرْثْ إِنُو ذڭْ إِمُوشَانْ ن ؤُذُورِّي ذِي ڒجْرُوفْ، ثْنُوفَّارْ ذِي ثْسَاونْثْ [ن وذْرَارْ]. أجّْ أَيِي أَذْ ژَترغْ أَغمْبُوبْ نّمْ، أَذْ سْڒغْ إِ ثْمِيجَّا نّمْ، مَاغَارْ ذ ثْمِيژِيذْثْ [إِ ثدْجَا] ثْمِيجَّا نّمْ، إِصْبحْ ؤُغمْبُوبْ نّمْ.“
SOL 2:15 ”طّْفمْ أَنغْ-د إِشعْبَاونْ، إِشعْبَاونْ إِمژْيَاننْ، إِنِّي إِتَّارْيْثَارنْ [أَنغْ] إِمَارْجَاعنْ ن ؤُضِيڒْ، مَاغَارْ ثِيزَايَارِينْ ذڭْ إِمَارْجَاعنْ نّغْ تّْنوَّارنْثْ [عَاذْ].
SOL 2:16 لِّيفْ إِنُو أَقَا-ث إِنُو ؤُ نشّْ نّسْ، نشّْ ن ونِّي يَاركّْوْسنْ جَارْ ثْلِيلِّيشِينْ
SOL 2:17 أَڒْ إِ غَا إِسْمضْ وَاسّْ ؤُ أَذْ أَروْڒنْثْ ثِيڒِيوِينْ. نّضْ-د، [أَ] لِّيفْ إِنُو، إِڒِي أَمْ يِيجّْ ن إِغَايْضْ ن وزْغَارْ نِيغْ أَمْ يِيجّْ ن ؤُمژْيَانْ ن وُوذَاذنْ خْ إِذُورَارْ [إِ إِتّْوَاقضْعنْ] س ثيْسَارِينْ.“
SOL 3:1 ”أَرْزُوغْ خَاسْ ذِي دْجْيَاڒِي [أَمْ دْجِيغْ] خْ ثَاسُّوثْ إِنُو، [أَرْزُوغْ خْ] ونِّي إِتّخْسْ ڒعْمَارْ إِنُو. نشّْ أَرْزُوغْ خَاسْ، [مَاشَا نشّْ] وَارْ ث ؤُفِيغْ.
SOL 3:2 [نشّْ نِّيغْ]: ’أَذْ كَّارغْ، أَذْ سُوحغْ ذِي ثنْذِينْثْ، ذڭْ إِبْرِيذنْ ؤُ خْ وَازَّاينْ. نشّْ أَذْ خَاسْ أَرْزُوغْ، [أَذْ أَرْزُوغْ] [خْ] ونِّي إِتّخْسْ ڒعْمَارْ إِنُو.‘ نشّْ أَرْزُوغْ خَاسْ، [مَاشَا] وَارْ ث ؤُفِيغْ.
SOL 3:3 ؤُفِينْ أَيِي إِعسَّاسنْ أَمْ تّنّْضنْ ذِي ثنْذِينْثْ. نشّْ نِّيغْ: ’مَا ثژْرِيمْ كنِّيوْ ونِّي إِتّخْسنْ ڒعْمَارْ إِنُو؟‘
SOL 3:4 ڒَامِي ثُوغَا عَاذْ وَارْ خَاسنْ عْذُوغْ، ؤُفِيغْ ث، ونِّي إِتّخْسنْ ڒعْمَارْ إِنُو. نشّْ طّْفغْ ث، وَارْ زَّايسْ أَرخُّوغْ أَڒَامِي ث-إِ-د-إِوْيغْ غَارْ ثَادَّارْثْ ن يمَّا، ذڭْ وخَّامْ ن ذَاخڒْ ن ثنِّي إِ د أَيِي يُورْونْ.
SOL 3:5 نشّْ أَذْ كنِّينْثْ سّْجَادْجَاغْ، [أَ] يسِّيسْ ن ؤُرْشَالِيمْ، غَارْ ثْغَايْضِينْ ن وزْغَارْ ؤُ غَارْ ثُوذَاذِينْ ذڭْ إِيَّارْ[أنْ]، أَقَا كنِّينْثْ وَارْ هكّْوْڒنْثْ ثَايْرِي، وَارْ ت-إِ-د-سّكَّارَانْثْ أَڒْ ثتّخْسْ سِيمَانْثْ نّسْ.“
SOL 3:6 ”مِينْ ثعْنَا ثنِّي إِ د-إِڭعّْذنْ زِي ڒخْڒَا، أَمْ إِقلِّيجنْ ن دّخَّانْ، ذڭْ إِجّْ ن ؤُسيْنُو ن مِيرُّو ذ جَّاوِي، ن مَارَّا ڒبْزَارْ إِتّْفُوحنْ ن ؤُسبَّابْ؟
SOL 3:7 خْزَارْ، ڒشْثُو [ن ثْربُّوثْ] ن سُولِيمَانْ، تّنّْضنْ أَسْ-د ستِّينْ ن أَيْثْ ن بُو-ثغْرُوضْثْ، زڭْ أَيْثْ ن بُو-ثغْرُوضْثْ ن إِسْرَائِيل،
SOL 3:8 مَارَّا إِنِّي إِتّطّْفنْ سِّيفْ، إِنِّي إِڒمّْذنْ أَمنْغِي، كُوڒْ إِجّْ س سِّيفْ نّسْ غَارْ ثْمصَّاضْثْ نّسْ زِي سِّيبّثْ ن مِينْ إِسَّاڭّْوَاذنْ ذِي دْجِيڒثْ.
SOL 3:9 أَجدْجِيذْ سُولِيمَانْ إِڭَّا إِ يِيخفْ نّسْ إِجّْ ن ڒشْثُو إِ ثْربُّوثْ س ؤُكشُّوضْ ن لُوبْنَانْ.
SOL 3:10 إِعُومَاذْ [غَارْ ثغْمَارْثْ] إِڭَّا إِ-ثنْ س نُّوقَارْثْ، أَعمّذْ ن وعْرُورْ ن وُورغْ ؤُشَا أَغِيمِي نّسْ ن أَرْجُووَانِي. ذَاخڒْ نّسْ يَارْضنْ ث س ثَايْرِي ن يسِّيسْ ن ؤُرْشَالِيمْ.“
SOL 3:11 ”فّْغنْثْ ؤُ خْزَارنْثْ، [كنِّينْثْ] يسِّيسْ ن صِيهْيُونْ، [أَقَا ذَا] أَجدْجِيذْ سُولِيمَانْ أَكْ-ذ تَّاجْ إِ زِي ث ثْڭلّذْ يمَّاسْ ذڭْ وَاسّْ ن وُورَارْ نّسْ، ذڭْ وَاسّْ ن ڒفْرَاحثْ [يُوژْغنْ] ذڭْ وُوڒْ نّسْ.“
SOL 4:1 ”خْزَارْ، ثشْنِيذْ شمْ، ثَامدُّوكّتْشْ إِنُو، شمْ ثشْنِيذْ. أَوَارْنِي لّْثَامْ نّمْ ثِيطَّاوِينْ نّمْ ذ ثِيذْبِيرِينْ. أَشُوَّافْ نّمْ أَمْ ثْحِيمَارْثْ ن إِغَايْضنْ إِ د-إِهكّْوَانْ زڭْ إِذُورَارْ ن جِيلْعَاذْ.
SOL 4:2 ثِيغْمَاسْ نّمْ ڭِّينْثْ أَمْ ثْحِيمَارْثْ ن وُودْجِي ڒْسِينْ ثنْثْ، إِنِّي د-إِتّْڭعَّاذنْ زڭْ ومْشَانْ ن ؤُصبّنْ، مَارَّا [ثِيخسْوِينْ] ؤُرْونْثْ ثَاشْنِيوِينْ، وَارْ ثقِّيمْ إِشْثْ نْبْڒَا إِحنْجِيرنْ.
SOL 4:3 إِينْشِيشنْ نّمْ أَمْ ؤُفِيڒُو أَزڭّْوَاغْ إِحذْقنْ، إِصْبحْ ؤُقمُّومْ نّمْ. لْحنْكَاثْ نّمْ أَمْ ثْرمَّانْثْ إِبْضَانْ سَاذُو لّْثَامْ نّمْ.
SOL 4:4 إِرِي نّمْ أَمْ صُّومْعثْ ن ذَاوُوذْ، بْنَانْ ت أَمْ ثسْفِيفِينْ [ن ثْسدّْيِينْ]. أَڒفْ ن ثْسدَّارِييِينْ [ن ؤُعسْكَارِي] ؤُيْڒنْثْ غَارسْ، مَارَّا أَمْ ثْسدَّارِييِينْ [إِقسْحنْ إِقُورَارنْ] ن أَيْثْ ن بُو-ثغْرُوضْثْ.
SOL 4:5 إِذْمَارنْ نّمْ ڭِّينْ أَمْ ثْنَاينْ ن إِغَايْضنْ إِمژْيَاننْ، أَمْ وَاشْنِيونْ ن ثْغَايْضثْ ن وزْغَارْ، تّْهدَّانْ ذِي ثْلِيلِّيشِينْ.
SOL 4:6 أَڒْ إِ غَا إِسْمضْ وَاسّْ ؤُ أَذْ أَروْڒنْثْ ثِيڒِيوِينْ، أَذْ ؤُيُورغْ غَارْ وذْرَارْ ن ؤُمِيرُّو، غَارْ ثوْرِيرْثْ ن جَّاوِي.
SOL 4:7 شمْ مَارَّا ذ أَژْرِي، ثَامدُّوكّتْشْ إِنُو، وَارْ ذَايمْ ؤُڒَا ذ إِجّْ نْ ڒْعِيبْ.
SOL 4:8 [أَسْ-د] أَكِيذِي زڭْ [إِذُورَارْ ن] لُوبْنَانْ، [أَ] ثَاسْڒِيثْ إِنُو، أَسْ-د أَكِيذِي زڭْ [إِذُورَارْ ن] لُوبْنَانْ، صْوذْ-د زِي ثْقِيشّثْ ن أَمَانَا، زِي ثْقِيشّثْ ن شَانِيرْ ذ هِيرْمُونْ، زِي غَارْ ڒْمَارَاڭحْ ن وَايْرَاذنْ، زڭْ إِذُورَارْ ن إِغِيڒَاسنْ.
SOL 4:9 ثُوشَارذْ أَيِي ؤُڒْ، [أَ] ؤُتْشْمَا، [أَ] ثَاسْڒِيثْ [إِنُو]، [وَاهْ] ثُوشَارذْ أَيِي ؤُڒْ، س إِشْثْ ن [ڒْْخزْرَاثْ ن] ثِيطَّاوِينْ نّمْ، س إِشْثْ ن ثْسدّشْثْ ن يِيرِي نّمْ.
SOL 4:10 مَامّشْ ثشْنَا ؤُسْحِينّبْ نّمْ، [أَ] ؤُتْشْمَا، [أَ] ثَاسْڒِيثْ [إِنُو]، مشْحَاڒْ ثصْبحْ ؤُسْحِينّبْ نّمْ خْ بِينُو، ڒفْوَاحثْ ن زّشْثْ نّمْ خْ مَارَّا ڒعْطُورْ.
SOL 4:11 زڭْ إِينْشِيشنْ نّمْ، [أَ] ثَاسْڒِيثْ [إِنُو]، ثتُّوذُومْ ثَامّنْثْ ن ثغْرَاصْثْ، ثَامّنْثْ ذ ؤُغِي سَاذُو إِڒسْ نّمْ، ؤُ ڒفْوَاحثْ ن وَارُّوضْ نّمْ أَمْ ڒفْوَاحثْ [ن إِذُورَارْ ن] لُوبْنَانْ.
SOL 4:12 [أَ] ؤُتْشْمَا، [أَ] ثَاسْڒِيثْ [إِنُو]، شمْ ذ ثَاحْوِيشْثْ إِبلّْعنْ، ذ ثَاڒَا إِقّْننْ، ذ ڒْعُونْصَارْ إِشمّْعنْ.
SOL 4:13 ڒفْرُوعْ إِ زَّايمْ إِسّْنطِّيينْ ذ جنّثْ ن ثْرمَّانِينْ، س ڒْغِيدْجثْ إِصبْحنْ أَطَّاسْ، نّوَّاشْ ن ڒْحنِّي ذ صّنْبلْ،
SOL 4:14 صّنْبلْ ذ زّْعفْرَانْ، س ؤُغَانِيمْ ؤُحمُّومْ إِتّْفُوحنْ أَكْ-ذ ڒْقَارْفَا، عْڒَامْ كُوڒْ ثِيشجُّورَا ن جَّاوِي، مِيرُّو ذ وشْفِيڒْ، أَكْ-ذ مَارَّا ڒعْطُورْ إِصبْحنْ قَاعْ.
SOL 4:15 [أَ] ثَاڒَا ن إِحْوِيشنْ، أَنُو ن وَامَانْ إِدَّارنْ، إِنِّي د-إِتَّازّْڒنْ زڭْ [إِذُورَارْ ن] لُوبْنَانْ.“
SOL 4:16 ”كَّارْ، [أَ] أَسمِّيضْ ن نّجْ، أَسْ-د، [أَ] أَسمِّيضْ ن سْوَادَّايْ، سُوضْ خْ وحْوِيشْ إِنُو، أجّْ [ڒفْوَاحثْ ن] ڒعْطُورْ نّسْ أَذْ ثُويُورْ. أجّْ لِّيفْ إِنُو أَذْ د-يَاسْ غَارْ وحْوِيشْ نّسْ، أَذْ إِشّْ زِي ڒْغِيدْجثْ نّسْ إِصبْحنْ!“
SOL 5:1 ”نشّْ ؤُسِيغْ-د غَارْ وحْوِيشْ إِنُو، [أَ] ؤُتْشْمَا، [أَ] ثَاسْڒِيثْ إِنُو، ڒقْضغْ مِيرُّو إِنُو أَكْ-ذ بَالْسَامْ. إِنُو، شِّيغْ أَغْرُومْ ن ثْزِيزْوَا أَكْ-ذ ثَامّنْثْ إِنُو، سْوِيغْ بِينُو إِنُو ذ ؤُغِي إِنُو. إِمدُّوكَّاڒْ، أشّمْ، سْومْ، سْشَارمْ، [أَ] إِمْعِيزّنْ!“
SOL 5:2 ”نشّْ طّْسغْ، مَاشَا ؤُڒْ إِنُو إِفَاقْ. [أَقَا ذَا] ثْمِيجَّا ن لِّيفْ إِنُو، ونِّي إِسّْقَارْقْبنْ: ’أَرْزمْ أَيِي، [أَ] ؤُتْشْمَا، ثَامدُّوكّتْشْ إِنُو، ثَاذْبِيرْثْ إِنُو، [أَ] كُوڒْشِي إِنُو، مَاغَارْ أَزدْجِيفْ إِنُو إِشُّورْ س نّْذَا، إِمُوزَارنْ إِنُو [شُّورنْ] س ثُوذِّيمِينْ ن دْجِيڒثْ!‘
SOL 5:3 أَقَا كّْسغْ أَرُّوضْ إِنُو، مَامّشْ إِ ث غَا يَارْضغْ عَاوذْ؟ إِضَارنْ سِّيرْذغْ ثنْ، مَا أَذْ ثنْ سّْخمْجغْ عَاوذْ؟
SOL 5:4 لِّيفْ إِنُو إِسّكّْ-د أَفُوسْ نّسْ زڭْ ؤُنُوقِّيبْ ن ثوَّارْثْ، ؤُشَا إِنْهزّْ وُوڒْ إِنُو زَّايسْ.
SOL 5:5 نشّْ بدّغْ حِيمَا أَذْ أَرْزْمغْ إِ لِّيفْ إِنُو، إِفَاسّنْ إِنُو ؤُذُومنْ س مِيرُّو، [زڭْ] إِضوْضَانْ إِنُو إِسِّيزّڒْ مِيرُّو خْ إِفَاسّنْ ن زّكْرُونْ.
SOL 5:6 نشّْ أَرْزْمغْ إِ لِّيفْ إِنُو، [مَاشَا] لِّيفْ إِنُو ثُوغَا يُويُورْ، إِعْذُو. إِفّغْ ڒعْمَارْ إِنُو ؤُمِي ثُوغَا إِسَّاوَاڒْ! نشّْ أَرْزُوغْ خَاسْ، [مَاشَا] وَارْ ث ؤُفِيغْ. نشّْ ڒَاغِيغْ أَسْ، نتَّا وَارْ خَافِي د-يَارِّي.
SOL 5:7 ؤُفِينْ أَيِي إِعسَّاسنْ غَارْ ونّضْ نْسنْ ذِي ثنْذِينْثْ، نِيثْنِي وْثِينْ أَيِي، يزْمنْ أَيِي، أَقنْذُورْ إِنُو كّْسنْ أَيِي ث إِعسَّاسنْ ن ڒحْيُوضْ.“
SOL 5:8 ”نشّْ أَذْ كنِّينْثْ سّْجَادْجَاغْ، [أَ] يسِّيسْ ن ؤُرْشَالِيمْ، مَاڒَا كنِّينْثْ ثُوفِينْثْ لِّيفْ إِنُو، مِينْ ذ أَسْ غَا ثِينِينْثْ؟ أَقَا ثسّحْڒشْ أَيِي ثَايْرِي.“
SOL 5:9 ”مِينْ غَارسْ غَارْ لِّيفْ نّمْ كْثَارْ خْ لِّيفْ [نّغْنِي]، [أَ] شمْ إِ ذِي إِدْجَا وَاژْرِي قَاعْ زِي ثمْغَارِينْ؟ مِينْ غَارسْ غَارْ لِّيفْ نّمْ كْثَارْ خْ إِنّغْنِي، أَقَا شمْ أَمُّو إِ ذ أَنغْ ثسّْجَادْجَاذْ؟“
SOL 5:10 ”لِّيفْ إِنُو ذ أَشمْڒَاڒْ [إِتِّيسِّيقنْ] ذ أَزڭّْوَاغْ [أَمْ إِذَامّنْ]، [إِتّْبَانْ] أَمْ ؤُبَانْذُو سنّجْ خْعشْرَا ن ڒُوڒُوفْ.
SOL 5:11 أَزدْجِيفْ نّسْ ذ ؤُرغْ إِقُّورْ إِصْفَانْ، إِمُوزَارنْ ن ؤُشُوَّافْ نّسْ ذ ثِيوْرِيرِينْ إِتّڭّنْ أَمْ ڒمْوَاجْ، ذ إِبَارْشَاننْ أَمْ يِيبَاغْڒِيونْ.
SOL 5:12 ثِيطَّاوِينْ نّسْ ڭِّينْثْ أَمْ ثذْبِيرِينْ غَارْ ثْسدْجْيَاوِينْ ن وَامَانْ، عُومّنْثْ ذڭْ ؤُغِي، قِّيمنْثْ ذِي ثْشُويَارْ نْسنْ [أَمْ إِژْرَا إِغْڒَانْ].
SOL 5:13 إِمڭِّيزنْ نّسْ ڭِّينْ أَمْ يِيحْوِيشنْ ن ڒعْطُورْ، [شُّورنْ س] ڒعْشُوبْ إِتّْفُوحنْ، إِينْشِيشنْ نّسْ أَمْ ثْلِيلِّيشِينْ، تُّوذُومنْ س مِيرُّو إِفسْينْ.
SOL 5:14 إِغَادْجنْ نّسْ أَمْ يِيقضْبَانْ ن وُورغْ، عمَّارنْثْ س [إِژْرَا ن] ثخْرِيسُولِيثْ، أَعذِّيسْ نّسْ إِڭَّا أَمْ ڒْعَاجْ إِتِّيسِّيقنْ، ڒحّْفنْ ث س ثْيَاقُوثِينْ ن صَافِّيرْ.
SOL 5:15 إِمسْضَانْ نّسْ ذ إِپِيلَارنْ ن ڒْمَارْمُورْ، خْ ذْسُوسَا ن وُورغْ إِتّْوَاصفَّانْ. إِبَانْ-د نتَّا أَمْ لُوبْنَانْ، إِتّْوَافَارْزْ أَمْ [ثْشجَّارْثْ ن] ثنْڭلْثْ.
SOL 5:16 أَنغْ نّسْ إِشُّورْ س ثَاژْيُوذِي، مَارَّا إِ غَارسْ إِشُووَّارْ. وَا ذ لِّيفْ إِنُو، وَا ذ أَمدُّوكّڒْ إِنُو، [أَ كنِّينْثْ] يسِّيسْ ن ؤُرْشَالِيمْ!“
SOL 6:1 ”مَانِي يُويُورْ لِّيفْ نّمْ، [أَ] شمْ إِشْنَانْ قَاعْ خْ ثمْغَارِينْ؟ مَانِي يَارَّا س ؤُزدْجِيفْ لِّيفْ نّمْ؟ نشِّينْ نخْسْ أَذْ خَاسْ نَارْزُو أَكِيذمْ!“
SOL 6:2 ”لِّيفْ إِنُو إِهْوَا غَارْ ؤُحْوِيشْ نّسْ، غَارْ ثْبُوذَا س ڒعْطُورْ، حِيمَا أَذْ يَارْوسْ ذڭْ إِحْوِيشنْ، حِيمَا أَذْ إِسّْمُونْ ثِيلِيلِّيشِينْ.
SOL 6:3 نشّْ زڭْ لِّيفْ إِنُو، ؤُ لِّيفْ إِنُو أَقَا-ث إِنُو، نتَّا ذ ونِّي يَاركّْوْسنْ جَارْ ثْلِيلِّيشِينْ.“
SOL 6:4 ”شمْ ثْصبْحذْ، [أَ] ثَامدُّوكّتْشْ إِنُو، أَمشْنَاوْ ثِيرْصَا، ثشْنِيذْ أَمْ ؤُرْشَالِيمْ، ثسَّاڭّْوَاذذْ أَمْ يِيسذِّييّنْ ن ڒْعسْكَارْ س إِبَانْذُوثنْ [نْسنْ].
SOL 6:5 كّسْ ثِيطَّاوِينْ زَّايِي، مَاغَارْ نِيثنْثِيغضْڒنْثْ أَيِي إِفَادّنْ أَطَّاسْ. أَشُوَّافْ نّمْ أَمْ ثْحِيمَارْثْ ن إِغَايْضنْ إِ د-إِهكّْوَانْ زڭْ [إِذُورَارْ ن] جِيلْعَاذْ.
SOL 6:6 ثِيغْمَاسْ نّمْ ڭِّينْثْ أَمْ ثْحِيمَارْثْ ن وُودْجِي، إِ د-إِتّْڭعَّاذنْ زڭْ ومْشَانْ ن ؤُصبّنْ. مَارَّا [ثِيخسْوِينْ] ؤُرْونْثْ ثَاشْنِيوْثْ، وَارْ ثقِّيمْ إِشْثْ نْبْڒَا إِحنْجِيرنْ.
SOL 6:7 لْحنْكَاثْ نّمْ أَمْ ثْرمَّانْثْ إِبْضَانْ أَوَارْنِي إِ لّْثَامْ نّمْ.
SOL 6:8 أَقَا ذِينْ ستِّينْ ن ثْجدْجِيذِينْ ذ ثْمنْيِينْ ن ثِييَّا، ؤُڒَا ذ ثِيعْزَارِييِّينْ بْڒَا ڒحْسَابْ.
SOL 6:9 وحّْذسْ نتَّاثْ، ثَاذْبِيرْثْ إِنُو، ثنِّي إِكمّْڒنْ إِنُو، أَينِّي ن يسِّيسْ ن يمَّاسْ، نتَّاثْ ذ ثنِّي إِفَارْزنْ غَارْ ثنِّي إِ ذ أَسْ د-يُورْونْ. مَاڒَا زْڒِينْثْ ت ثْيسِّيثْ، أَذْ ت سّْعُودْجَانْثْ، ثِيجدْجِيذِينْ ذ ثِييَّا أَذْ ت سّمْغَارنْثْ.“
SOL 6:10 ”مِينْ ثعْنَا ثنِّي د-إِسِّيجّنْ أَمْ ثْفَاوْثْ ن ڒفْجَارْ، ثشْنَا أَمْ ثْزِيرِي إِقفْڒنْ، ثصْفَا أَمْ ثْفُوشْثْ يَارقّنْ، ثسَّاڭّْوَاذْ أَمْ يِيسذِّييّنْ ن ڒْعسْكَارْ س إِبَانْذُوثنْ؟“
SOL 6:11 ”نشّْ حْوِيغْ غَارْ ثحْوِيشْثْ ن ثْشجُّورَا ن ثغْيَاشْثْ حِيمَا أَذْ ژَترغْ أَغمُّويْ إِبدّنْ ذِي ثغْزُورْثْ، حِيمَا أَذْ ژَترغْ مَا ثَازَايَارْثْ ثسُّوفّغْ-د، مَا ثِيشجُّورَا ن أَرمَّانْ تّْنوَّارنْثْ.
SOL 6:12 ثُوغَا وَارْ د-أَرِّيغْ ثَايْنِيثْ أَقَا ڭِّيغْ إِخفْ إِنُو ذڭْ إِكَارُّوثنْ ن ڒْڭنْسْ إِنُو إِڭلّْذنْ.“
SOL 7:1 ”عْقبْ-د، عْقبْ-د، [أَ] شُولَامِيثْ! عْقبْ-د، عْقبْ-د، مَاحنْذْ أَذْ ذَايمْ نخْزَارْ.“ ”مِينْ ثخْسمْ أَذْ ثْژَارمْ ذِي شُولَامِيثْ؟“ ”[نتَّاثْ] أَمْ شّْضِيحْ س نُّوبْثَاثْ ن ثْنَاينْ ن ڒْعسْكَارَاثْ.“
SOL 7:2 ”مشْحَاڒْ شْنَانْ إِصُورَافْ نّمْ ذِي صَانْذَالِييَّاثْ [نّمْ]، [أَ، شمْ] يسِّيسْ ن إِجّْ ن ؤُمْشنّعْ! أَحْنُونِّي ن ثْمصَّاضْثْ نّمْ أَمْ ثْسدّْيِينْ إِغْڒَانْ [تّْرَاحنْثْ تَّاسنْثْ-د]، صّنْعثْ ن إِفَاسّنْ ن ؤُفنَّانْ.
SOL 7:3 ثَاعبُّوضْثْ نّمْ أَمْ ثْسَارِيجْثْ ثحْنُونِّي، مَانِي وَارْ إِتّْخصِّي بِينُو إِخدْجْضنْ. أَعذِّيسْ نّمْ ذ أَكمِّيشْ ن إِرْذنْ، نّْضنْثْ أَسْ-د ثْلِيلِّيشِينْ.
SOL 7:4 إِذْمَارنْ نّمْ [ڭِّينْ] أَمْ ثْنَاينْ ن إِغَايْضنْ إِمژْيَاننْ، أَمْ وَاشْنِيونْ ن ثْغَايْضثْ ن وزْغَارْ.
SOL 7:5 إِرِي نّمْ إِڭَّا أَمْ صُّومْعثْ ن ڒْعَاجْ، ثِيطَّاوِينْ نّمْ أَمْ يِييڒْمَامنْ ن حَاشْبُونْ، غَارْ ثوَّارْثْ ن بَاثْ-رَابِّيمْ، ثِينْزَارْثْ نّمْ أَمْ صُّومْعثْ ن لُوبْنَانْ إِ إِسَّاجَّانْ غَارْ ذِيمَاشْقْ.
SOL 7:6 ثِيوَا نّمْ [إِڭَّا] أَزدْجِيفْ نّمْ أَمْ كَارْمِيلْ، أَشُوَّافْ ن ؤُزدْجِيفْ نّمْ ذ أَرْجُووَانِي، أَجدْجِيذْ إِتّْوَاحْبسْ ذڭْ إِمُوزَارنْ نّمْ.“
SOL 7:7 ”مشْحَاڒْ ثشْنِيذْ شمْ، ؤُ مشْحَاڒْ ثْصبْحذْ، [أَ] ثَايْرِي، ذِي [كُوڒْشِي] مِينْ إِزمَّارْ بْنَاذمْ أَذْ يَارّْ مژْرِي!“
SOL 7:8 ”ثِيذِّي نّمْ ثَارْوسْ ذِي ثْشجَّارْثْ ن ثِينِي، إِذْمَارنْ نّمْ ذڭْ إِزكُّوننْ ن ؤُضِيڒْ.
SOL 7:9 نشّْ نِّيغْ: ’أَذْ نْيغْ خْ ثْشجَّارْثْ ن ثِينِي، أَذْ طّْفغْ ذِي ڒفْرُوعْ نّسْ.‘ إِذْمَارنْ نّمْ [أَذْ إِڒِينْ] أَمْ إِزنْكَاكْ ن ؤُضِيڒْ غَارْ ثْزَايَارْثْ، ڒفْوَاحثْ ن ونْزَارنْ نّمْ أَمْ تّفَّاحِينْ،
SOL 7:10 أَنغْ نّمْ أَمْ بِينُو إِصبْحنْ أَطَّاسْ ...“، ”... ونِّي إِتّْرَاحنْ نِيشَانْ غَارْ لِّيفْ إِنُو، ونِّي إِتَّارَّانْ إِينْشِيشنْ ن يِينِّي إِطّْصنْ أَذْ نْهزّنْ.“
SOL 7:11 ”نشّْ ن لِّيفْ إِنُو، غَارِي د-إِتَّاسْ مژْرِي نّسْ.
SOL 7:12 أَسْ-د، لِّيفْ إِنُو، أجّْ أَنغْ أَذْ نُويُورْ غَارْ ييَّارْ، أَذْ نسّنْسْ ذِي ڒذْشُورْ.
SOL 7:13 أجّْ أَنغْ أَذْ نكَّارْ زِيشْ حِيمَا أَذْ نُويُورْ غَارْ إِمَارْجَاعنْ ن ؤُضِيڒْ، أجّْ أَنغْ أَذْ نْژَارْ، مَا ثَازَايَارْثْ [أَقَا] ثسُّوفُّوغْ، مَا نُّووَّارْ نّسْ نُّورْزْمنْ، مَا ثِيشجُّورَا ن أَرمَّانْ نوَّارنْثْ. ذِينِّي إِ ذ أَشْ غَا وْشغْ أَسْحِينّبْ إِنُو.
SOL 7:14 تِّيفَّاحِينْ ن ثَايْرِي أَرْخُونْثْ إِ ڒفْوَاحْ ؤُ ثِيوَا ن ثوُّورَا نّغْ أَقَا ذِينْ فْرُوثَاثْ إِشوَّارنْ، ثِينِّي ن طّْرِي ذ ثِينِّي إِتّْوَاخمّْڒنْ. [أَ] لِّيفْ إِنُو، خمّْڒغْ ثنْثْ إِ شكْ!“
SOL 8:1 ”أَخْ، معْلِيكْ قَاعْ شكْ ذ ؤُمَا، ثطّضذْ ذِي ثْبِيبِّيشِينْ ن يمَّا. مَاڒَا ؤُفِيغْ شكْ ذِي بَارَّا، أَذْ شكْ سُّوذْمغْ، بْڒَا مَا ذ أَيِي سّحْقَارَانْ.
SOL 8:2 إِڒِي أَذْ شكْ نذْهغْ، أَذْ شكْ أَوْيغْ غَارْ ثَادَّارْثْ ن يمَّا، شكْ أَذْ أَيِي ثسّْڒمْذذْ [ذِينْ]. أَذْ أَشْ وْشغْ بِينُو إِتّْفُوحنْ س ڒعْثُوڒْ أَذْ ثسْوذْ، أَژمِّي ن [ثْشجَّارْثْ] إِنُو [ن] وَارمَّانْ.
SOL 8:3 أَزڒْمَاضْ نّسْ سَاذُو ؤُزدْجِيفْ إِنُو، أَفُوسِي نّسْ إِذَارّعْ أَيِي-د.
SOL 8:4 نشّْ أَذْ كنِّينْثْ سّْجَادْجَاغْ، [أَ] يسِّيسْ ن ؤُرْشَالِيمْ: مَايمِّي غَا ثْهوْڒنْثْ ثَايْرِي نِيغْ أَذْ ت-إِ-د-ثسّكَّارنْثْ، قْبڒْ مَا ثتّخْسْ نتَّاثْ؟“
SOL 8:5 ”مِينْ ثعْنَا نِّي [ذِينْ] إِتّْڭعَّاذنْ زِي ڒخْڒَا، ثتّْعمّذْ خْ لِّيفْ نّسْ؟“ ”سَاذُو [ثْشجَّارْثْ] ن تّفَّاحْثْ أَرّغْ مژْرِي نّمْ، مَانِي شمْ د-ثجَّا يمَّامْ س ڒحْرِيقْ ن ثَارْوَا، مَانِي شمْ د-ثجَّا ثنِّي شمْ د-يُورْونْ.“
SOL 8:6 ”سَارْسْ أَيِي أَمْ طَّابعْ خْ وُوڒْ نّشْ، أَمْ طَّابعْ خْ ؤُغِيڒْ نّشْ، مَاغَارْ ثَايْرِي ثجْهذْ أَمْ ڒْموْثْ، ثُوسْمِي ثقْسحْ أَمْ ڒَاخَارْثْ، ثِيفطُّوثِينْ نّسْ ذ ثِيفطُّوثِينْ ن ثْمسِّي، [أَقَا أَثنْثْ] أَمْ ؤُشعَّاڒْ ن سِيذِي.
SOL 8:7 أَطَّاسْ ن وَامَانْ وَارْ زمَّارنْ أَذْ سّْخسْينْ ثَايْرِي، ؤُڒَا ذ إِغزْرَانْ وَارْ ت تِّيوْينْ. وَاخَّا إِوْشَا إِجّنْ إِ ثَايْرِي مَارَّا أَڭْڒَا ن ثَادَّارْثْ نّسْ، أَذْ ث سّحْقَارنْ ذ أَسحْقَارْ.“
SOL 8:8 ”نشِّينْ غَارْنغْ إِشْثْ ن ؤُتْشْمَاثْنغْ ثَامژْيَانْثْ، عَاذْ وَارْ ذ أَسْ د-فِّيغنْ إِذْمَارنْ. مِينْ غَا نڭّْ إِ ؤُتْشْمَاثْنغْ ذڭْ وَاسّْ إِ ذِي خَاسْ إِ غَا سِّيوْڒنْ؟“
SOL 8:9 ”مَاڒَا نتَّاثْ ذ ڒْحِيضْ، أَذْ خَاسْ نسّْبدّْ أَشْبَارْ [أَمْ إِجّْ ن تَّاجْ] ن نُّوقَارْثْ. مَاڒَا نتَّاثْ ذ ثَاوَّارْثْ، أَذْ ت نقّنْ س ثْفڒْوِينْ ن ؤُكشُّوضْ ن ثنْڭلْثْ.“
SOL 8:10 ”نشّْ ذ ڒْحِيضْ ؤُ إِذْمَارنْ إِنُو أَمْ لْبُورْجَاثْ. خنِّي ذوْڒغْ نشّْ ذِي ثِيطَّاوِينْ نّسْ أَمْ ثنِّي يُوفِينْ ڒحْنَا.“
SOL 8:11 ”سُولِيمَانْ ثُوغَا غَارسْ إِجّْ ن ؤُمَارْجعْ ن ؤُضِيڒْ ذِي بَاعْلْ-هَامُونْ. إِوْشَا أَمَارْجعْ نِّي إِ إِعسَّاسنْ. إِ ڒْغِيدْجثْ نّسْ قَاعْ إِجّْ يِيوِي-د أَڒفْ ن ڒوْزنْ ن نُّوقَارْثْ.“
SOL 8:12 ”أَحْوِيشْ ن ؤُضِيڒْ  إِنُو، أَقَا-ث زَّاثْ إِ ثِيطَّاوِينْ إِنُو. أَڒفْ ن ڒوْزنْ ن نُّوقَارْثْ أَقَا أَثنْ إِ شكْ، [أَ] سُولِيمَانْ، ؤُ أَڒْفَاينْ إِ إِعسَّاسنْ ن ڒْغِيدْجثْ زَّايسْ.“
SOL 8:13 ”[أَ شمْ] ثنِّي إِزدّْغنْ ذڭْ إِحْوِيشنْ، إِعْشِيرنْ [نّمْ] تّسْڒَانْ [س إِمزُّوغنْ نْسنْ] إِ ثْمِيجَّا نّمْ، [قَّارنْ:] ’أجّْ أَيِي أَذْ ت سْڒغْ!“
SOL 8:14 ”ذغْيَا، [أَ] لِّيفْ إِنُو، أڭّْ أَمْ يِيغَايْضْ ن وزْغَارْ نِيغْ أَمْ ؤُمژْيَانْ ن ؤُذَاذنْ، خْ إِذُورَارْ [إِشُّورنْ] س ڒعْشُوبْ إِتّْفُوحنْ.“
ISA 1:1 ڒوْحِييْ ن إِشَاعْيَا، مِّيسْ ن أَمُوصْ، نِّي إِژْرَا خْ يَاهُوذَا ذ ؤُرْشَالِيمْ، ذڭْ وُوسَّانْ ن عُوزِّييَا، يُوثَامْ، أَحَازْ ذ حِيزْقِييَا، إِجدْجِيذنْ ن يَاهُوذَا.
ISA 1:2 ”سْڒمْ، [أَ] إِجنْوَانْ، ؤُشَا سّغْذْ، [أَ] ثَامُّورْثْ، مِينْزِي سِيذِي إِسَّاوَاڒْ: ’نشّْ سّيْمغْ إِحنْجِيرنْ ؤُ سّمْغَارغْ ثنْ، [مَاشَا] نِيثْنِيغوّْغنْ خَافِي.
ISA 1:3 أَفُونَاسْ إِسّنْ بَابْ نّسْ ذ ؤُسْنُوسْ ڒْمذْوذْ ن سِيذِي نّسْ، [مَاشَا] إِسْرَائِيل وَارْ غَارسْ بُو ثُوسّْنَا، ڒْڭنْسْ إِنُو وَارْ ذَايسْ ثدْجِي ڒفْهَامثْ.
ISA 1:4 ؤُشْثْ خْ ڒْڭنْسْ إِ إِخْضَانْ، ڒْڭنْسْ [إِ خْ إِدْجَا] دّْقڒْ ن ڒْمُوعْصِييّثْ، زَّارِيعثْ ن إِعفَّاننْ، ثَارْوَا ن ؤُسْنخْڒِيعْ. نِيثْنِي جِّينْ سِيذِي، سّحْقَارنْ أَمْقدَّاسْ ن إِسْرَائِيل، أَرِّينْ [أَسْ-د] س وعْرُورْ.
ISA 1:5 مَانِي ثتّخْسمْ أَذْ ثتّْوَاوْثمْ عَاذْ، [ؤُمِي] كنِّيوْ ثقِّيممْ ثتّْغوَّاغمْ. أَزدْجِيفْ مَارَّا إِهْڒشْ، ؤُڒْ مَارَّا يُوهڒْ أَطَّاسْ.
ISA 1:6 زِي ثْڒقَّا ن ؤُضَارْ أَڒْ أَزدْجِيفْ وَارْ ذَايسْ ثتِّيفذْ مِينْ إِصبْحنْ! مْغِيرْ إِيزِّيمنْ، طّعْبَايَارْ ذ إِيزِّيمنْ يَارزْمنْ، وَارْ ثنْ هنّْضنْ، وَارْ ثنْ سّْيَارْضنْ، وَارْ ثنْ سَّارضْبنْ س زّشْثْ.
ISA 1:7 ثَامُّورْثْ نْومْ ثخْڒَا، ثِيندَّامْ نْومْ سّْشمْضنْ ثنْثْ س ثْمسِّي، ثَامُّورْثْ نْومْ صَّارْذنْ ت إِبَارَّانِييّنْ زَّاثْ إِ ثِيطَّاوِينْ نْومْ، أَقَا-ت ذ ڒْخِيرْبثْ أَخْمِي سّنْقڒْبنْ ت إِبَارَّانِييّنْ.
ISA 1:8 يدْجِيسْ ن صِيهْيُونْ ثقِّيمْ غَارْ ضفَّارْ أَمْ يِيشْثْ ن ثْعِيشُّوثْ ذڭْ ؤُمَارْجعْ ن ؤُضِيڒْ، أَمْ ثخَّانْثْ [ن ؤُعسَّاسْ] ذڭْ إِيَّارْ ن ڒخْيَارْ، أَمْ ثنْذِينْثْ إِتّْوَاحْصَارنْ.
ISA 1:9 مْڒِي سِيذِي ن ڒْعسْكَارَاثْ وَارْ ذ أَنغْ إِجِّي ذْرُوسْ مِينْ يَاروْڒنْ، إِڒِي نذْوڒْ أَمْ سَاذُومْ، إِڒِي نڭَّا أَمْ عَامُورَّا.‘ “
ISA 1:10 ”سْڒمْ إِ وَاوَاڒْ ن سِيذِي، [أَ] ڒْحُوكَّامْ ن سَاذُومْ! وْشمْ أَمزُّوغْ إِ شَّارِيعَا ن أَربِّي، [أَ] ڒْڭنْسْ ن عَامُورَّا!
ISA 1:11 مِينْ غَا ڭّغْ س ثْغَارْصِي نْومْ، إِقَّارْ سِيذِي. نشّْ جِّيوْنغْ زِي ثْغَارْصَا ن وشْمَاضْ ن إِشَارِّييّنْ ؤُ زِي ثَاذُونْثْ ن ڒْمَاڒْ إِصحّنْ. إِذَامّنْ ن إِفُونَاسنْ إِمژْيَاننْ ذ يزْمَارنْ ذ إِغَايْضنْ وَارْ ذ أَيِي تّعْجِيبنْ.
ISA 1:12 خْمِي د-ثتَّاسمْ حِيمَا أَذْ ثْبَانمْ زَّاثْ إِ وُوذمْ إِنُو، وِي كنِّيوْ إِعَارْضنْ إِ ؤُيَا، مَاحنْذْ أَذْ ثْعفْسمْ خْ ڒمْرَاحَاثْ إِنُو؟
ISA 1:13 وَارْ ذ أَيِي د-ثَاوْيمْ عَاذْ ثَاوْهِيبْثْ إِبضْڒنْ. ڒبْخُورْ غَارِي ذ نّْعِي. ؤُسَّانْ ن إِيُورنْ ن جْذِيذْ ذ وُوسَّانْ ن سّبْثْ ذ ؤُڒَاغِي إِ ثْمسْمُونِينْ إِقدّْسنْ وَارْ زمَّارغْ أَذْ حمْڒغْ [مَارَّا] أَيَا، أَقَا-ث ذ ڒْمُوعْصِييّثْ، [عَاذْ ؤُڒَا] ذ أَمُونِي إِفَارْزنْ.
ISA 1:14 ڒعْمَارْ إِنُو إِشَارّهْ ؤُسَّانْ ن ؤُيُورْ ن جْذِيذْ نْومْ ذ ڒعْيُوذَاثْ نْومْ إِتّْوَاڭّنْ. أَقَا أَثنْ ذوْڒنْ غَارِي ذ ڒحْمڒْ، نشّْ ؤُحْڒغْ أَذْ ثنْ أَرْبُوغْ.
ISA 1:15 خْمِي ثتّْسَارَّاحمْ إِفَاسّنْ نْومْ، تّْڒحّْفغْ إِ ثِيطَّاوِينْ إِنُو زَّايْومْ. عَاذْ مَاڒَا كنِّيوْ ثَارْنِيمْ ذِي ثْژَادْجِيثْ، نشّْ وَارْ ت تّسْڒِيغْ، مَاغَارْ إِفَاسّنْ نْومْعمَّارنْ س إِذَامّنْ.
ISA 1:16 سِيرْذمْ، سِيزْذڭمْ إِخفْ نْومْ، سِّيڭّْوجمْ ثُوعفّْنَا ن ثْمڭَّا نْومْ زِي زَّاثْ ن ثِيطَّاوِينْ إِنُو. سْبدّمْ زِي ڒْغَارْ إِ ثتّڭّمْ.
ISA 1:17 ڒمْذمْ أَذْ ثڭّمْ مِينْ إِصبْحنْ، أَرْزُومْ خْ ڒْحقّْ، وْشمْ أَفُوسْ إِ ونِّي إِحْسَارنْ، ڭّمْ ثَاسْغَارْثْ إِ ؤُيُوجِيڒْ، وْثمْ خْ ثَاجَّاتْشْ.“
ISA 1:18 ”أَستِّيوْ-د ؤُ أجّْ أَنغْ أَذْ نتّمْحَاكمْ أَكْ-ذ وَايَاوْيَا!، إِقَّارْ سِيذِي. وَاخَّا دّْنُوبْ نّشْ ذ إِزڭّْوَاغنْ أَمْ ؤُزڭّْوَاغْ إِحذْقنْ، أَذْ ذوْڒنْ ذ إِشمْڒَارنْ أَمْ وذْفڒْ، وَاخَّا ذ إِزڭّْوَاغنْ أَمْ ؤُزڭّْوَاغْ يُودْجْغنْ، أَذْ ذوْڒنْ ذ إِشمْڒَاڒنْ أَمْ ثْضُوفْثْ.
ISA 1:19 مَاڒَا كنِّيوْ ثْعوّْڒمْ، ؤُ أَذْ ثسْڒمْ، [خنِّي] أَذْ ثشّمْ مِينْ إِصبْحنْ ن ثمُّورْثْ،
ISA 1:20 مَاشَا مَاڒَا كنِّيوْ ثُوڭِيمْ ؤُشَا أَذْ ثْغوّْغمْ، أَذْ كنِّيوْ يشّْ سِّيفْ، مَاغَارْ أَقمُّومْ ن سِيذِي أَقَا إِسِّيوڒْ!“
ISA 1:21 ”مَامّشْ ثذْوڒْ ثنْذِينْثْ نِّي ذَايسْ ڒَامَانْ ذ ثَامْغَارْثْ ن فَارْقْ-شّْغڒْ! نتَّاثْ ثُوغَا ثشُّورْ س ڒْحقّْ، ثَاسڭْذَا ثُوغَا ثتّْنُوسَا ذَايسْ، مَاشَا ڒخُّو إِقتَّاڒنْ.
ISA 1:22 نُّوقَارْثْ نّمْ ثذْوڒْ ذ كُوفُّو، بِينُو نّمْ صُّورنْ ث أَكْ-ذ وَامَانْ.
ISA 1:23 ڒْْحُوكَّامْ نّمْ تّْغوّْغنْ، أَقَا ڭِّينْ إِخوَّاننْ ذ إِمدُّوكَّاڒْ نْسنْ، مَارَّا تّخْسنْ ثِيرْزِيفِينْ ؤُشَا أَرزُّونْ خْ أَرّشْوثْ. نِيثْنِي وَارْ تِّيغنْ إِ ؤُيُوجِيڒْ ثَاسْغَارْثْ نّسْ، دّعْوثْ ن ثِيجَّاڒْ وَارْ ثنْ ثتِّيكّْوِيضْ.“
ISA 1:24 ”س ؤُيَا إِقَّارْ سِيذِي، سِيذِي ن ڒْعسْكَارَاثْ، أَمْزمَّارْ ن إِسْرَائِيل: ’ؤُشْثْ [خَاومْ]! نشّْ أَذْ سّْفوّْجغْ إِخفْ إِنُو س إِغْرِيمنْ إِنُو، نشّْ أَذْ خڒْفغْ إِخفْ إِنُو زِي ڒْعذْيَانْ إِنُو.
ISA 1:25 نشّْ أَذْ وْثغْ أَفُوسْ إِنُو خَاومْ، أَذْ كنِّيوْ صفِّيغْ أَكْ-ذ لِّيخِييَّا ؤُشَا مَارَّا ڒخْفِيفْ نّمْ أَذْ ث ودَّارغْ.
ISA 1:26 نشّْ أَذْ [أَمْ] وْشغْ عَاوذْ ڒْقُوضَاثْ نّمْ أَمْ غَارْ ؤُمزْوَارُو، ذ أَيْثْ ن شّْوَارْ نّمْ أَمْ غَارْ ؤُمزْوَارُو. أَوَارْنِي أَيَا أَذْ أَمْ ڒَاغَانْ: ’ثَانْذِينْثْ ن ثْسڭْذَا!‘ ذ ’ثنْذِينْثْ ذَايسْ ڒَامَانْ!‘
ISA 1:27 صِيهْيُونْ أَذْ ثتّْوَاسّنْجمْ س ڒْحقّْ ذ يِينِّي زَّايسْ إِتُّوبنْ [أَذْ تّْوَاسّنْجْمنْ] س ثْسڭْذَا،
ISA 1:28 [مَاشَا] إِمْغوّْغنْ ذ إِمذْنَابْ أَذْ تّْوَارْژنْ جْمِيعْ، ؤُشَا إِنِّي إِ غَا إِحيّْذنْ خْ سِيذِي، أَذْ تّْوَاقْضَانْ.
ISA 1:29 نِيثْنِي أَذْ سضْحَانْ زِي سِّيبّثْ ن ثْشجُّورَا ن لْ-أَصْنَامْ نِّي ذِي ثمّژْرمْ ؤُشَا كنِّيوْ أَذْ ثْسضْحَامْ زِي سِّيبّثْ ن إِحْوِيشنْ نِّي ثِيخْضَارمْ كنِّيوْ.
ISA 1:30 مَاغَارْ كنِّيوْ أَذْ ثِيڒِيمْ أَمْ ثْشجَّارْثْ ن يِيڭّْ إِ زِي أَفَارْ نّسْ إِسْڒَاوْ، ؤُ أَمْ وحْوِيشْ إِ وَارْ غَارْ دْجِينْ وَامَانْ.
ISA 1:31 أَذْ إِذْوڒْ ونِّي إِجهْذنْ ذ إِجّْ ن ؤُفِيڒُو ن ثِيفّسْثْ ؤُ ڒْخذْمثْ نّسْ ذ إِشْثْ ن ثْفطُّوثْ، أَذْ أَرْغنْ س ثْنَاينْ إِذْسنْ مُوننْ ؤُشَا وَارْ ذِينْ إِدْجِي ؤُڒَا ذ إِجّْ وِي غَا إِسّْخسْينْ.‘ “
ISA 2:1 أَوَاڒْ نِّي إِژْرَا إِشَاعْيَا، مِّيسْ ن أَمُوصْ، خْ يَاهُوذَا ذ ؤُرْشَالِيمْ.
ISA 2:2 ”ذڭْ ؤُنڭَّارْ ن وُوسَّانْ أَذْ يِيڒِي وذْرَارْ ن ثَادَّارْثْ ن سِيذِي إِبدّْ إِمْثنْ خْ [وذْرَارْ] أَمقّْرَانْ قَاعْ ن إِذُورَارْ. نتَّا أَذْ إِعْذُو مَارَّا ثِيوْرِيرِينْ ؤُشَا أَذْ غَارسْ د-أَزّْڒنْ مَارَّا ڒڭْنُوسْ.
ISA 2:3 أَطَّاسْ ن ڒڭْنُوسْ أَذْ طّْفنْ أَبْرِيذْ [ذِينِّي]، أَذْ إِنِينْ: ’أَسمْ-د، أجّْ أَنغْ أَذْ نْڭعّذْ غَارْ وذْرَارْ ن سِيذِي، غَارْ ثَادَّارْثْ ن أَربِّي ن يَاعْقُوبْ، حِيمَا نتَّا أَذْ أَنغْ إِسّڒْمذْ إِبْرِيذنْ نّسْ ؤُ نشِّينْ أَذْ نُويُورْ ذِي ثبْرِيذِينْ نّسْ!‘، مَاغَارْ زِي صِيهْيُونْ أَذْ د-ثفّغْ شَّارِيعَا ؤُ أَوَاڒْ ن سِيذِي زِي ؤُرْشَالِيمْ.
ISA 2:4 نتَّا أَذْ إِحْكمْ جَارْ شُّوعُوبْ ؤُ أَذْ إِحَاكمْ خْ وَاطَّاسْ ن ڒڭْنُوسْ. نِيثْنِي أَذْ ڭّنْ ڒسْيُوفْ نْسنْ ذ دُّوزَانْ ؤُ فْڒِيثْشَاثْ نْسنْ ذ ڒمْوَاسْ إِ وزْبَارْ. وَارْ إِسّْڭعَّاذْ [إِجّْ ن] ڒْڭنْسْ [عَاذْ] سِّيفْ خْ [إِجّْ ن] ڒْڭنْسْ [نّغْنِي] ؤُ وَارْ ذَارِّيبنْ عَاذْ إِ ؤُمنْغِي.
ISA 2:5 [أَ] ثَادَّارْثْ ن يَاعْقُوبْ، أَرَاحْ-د أجّْ أَنغْ أَذْ نُويُورْ ذِي ثْفَاوْثْ ن سِيذِي.“
ISA 2:6 ”مَاغَارْ شكْ ثنْضَارذْ ڒْڭنْسْ نّشْ، ثَادَّارْثْ ن يَاعْقُوبْ، مِينْزِي نِيثْنِي شُّورنْ س ؤُقَارِّي زِي [ثمُّورَا ن] شَّارْقْ ؤُشَا شغْڒنْ إِخفْ نْسنْ س ثْبزْڭِيوْثْ أَمْ [ڒْڭنْسْ ن] إِفِيلِيسْطِينِييّنْ، ؤُشَا وْثِينْ إِفَاسّنْ أَكْ-ذ ثَارْوَا ن إِبَارَّانِييّنْ.
ISA 2:7 ثَامُّورْثْ نْسنْ ثشُّورْ س نُّوقَارْثْ ذ وُورغْ ؤُ وَارْ ذِينْ أَنڭَّارْ غَارْ ثْخُوبَايْ نْسنْ. ثَامُّورْثْ نْسنْ ثشُّورْ س ييْسَانْ ؤُ وَارْ ذِينْ أَنڭَّارْ غَارْ [ؤُبَارُّو ن] إِكَارُّوثنْ نْسنْ.
ISA 2:8 ثَامُّورْثْ نْسنْ ثشُّورْ س لْ-أَصْنَامْ، نِيثْنِي بنْذْقنْ زَّاثْ إِ ڒْخذْمثْ ن إِفَاسّنْ نْسنْ، إِ مِينْ ڭِّينْ إِضوْضَانْ نْسنْ.
ISA 2:9 [أَمُّو] إِ غَا إِغْنسْ بْنَاذمْ ؤُشَا أَذْ إِسّهْوَا [كُوڒْ] إِجّْ ن ورْيَازْ إِخفْ نّسْ. وَارْ ذ أَسنْ تّْسَامَاحْ!“
ISA 2:10 ”أَذفْ غَارْ ڒجْرُوفْ، نُوفَّارْ ذڭْ ؤُشَاڒْ زِي سِّيبّثْ ن ؤُسْنخْڒِيعْ ن سِيذِي ؤُ زِي سِّيبّثْ ن ڒْعزّْ ن لْعَاضَامَا نّسْ!
ISA 2:11 ثِيطَّاوِينْ إِنفْخنْ ن إِوْذَانْ أَذْ د-تّْوَاسّهْوَانْثْ ؤُ أَشنّعْ ن يرْيَازنْ أَذْ إِهْوَا. أَذْ إِتّْوَاسّْعُودْجْ سِيذِي وَاهَا ذڭْ وَاسّْ نِّي.
ISA 2:12 مَاغَارْ أَسّْ إِ سِيذِي أَذْ د-يَاسْ خْ كُوڒْ بُو-نّْفَاخثْ ذ ؤُمْعفَّارْ ؤُ خْ كُوڒْ  إِجّْ ونِّي إِسّْعُودْجَانْ إِخفْ نّسْ، حِيمَا أَذْ د-إِتّْوَاسّهْوَا.
ISA 2:13 خْ مَارَّا ثِيشجُّورَا ن ثنْڭلْثْ يُوعْڒَانْ ذ إِتّْوَاسّْڭعّْذنْ [ن وذْرَارْ] ن لُوبْنَانْ، خْ مَارَّا ثِيشجُّورَا ن ڒْبدْجُوضْ ن بَاشَانْ،
ISA 2:14 خْ مَارَّا إِذُورَارْ إِعفَّارنْ، خْ مَارَّا ثِيوْرِيرِينْ يُوعْڒَانْ،
ISA 2:15 خْ كُوڒْ لْبُورْجْ يُوعْڒَانْ، خْ كُوڒْ ڒْحِيضْ ن لْقلْعَا،
ISA 2:16 خْ مَارَّا إِغَارُّوبَا ن ثَارْشِيشْ ؤُ خْ مَارَّا ڒقْشُوعْ إِغْڒَانْ.
ISA 2:17 نّْفَاخثْ ن بْنَاذمْ أَذْ ثسّهْوَا ؤُ إِرْيَازنْ إِعفَّارنْ أَذْ تّْوَاسّهْوَانْ. أَذْ إِتّْوَاسّْعُودْجْ سِيذِي وَاهَا ذڭْ وَاسّْ نِّي.
ISA 2:18 لْ‘أَصْنَامْ أَذْ تّْوَابضْڒنْ مَارَّا.
ISA 2:19 [خنِّي] أَذْ د-أَذْفنْ ذڭْ إِفْرَانْ ن ڒجْرُوفْ ذ إِحْفْرَاونْ ن ثمُّورْثْ زِي سِّيبّثْ ن ؤُسْنخْڒِيعْ ن سِيذِي ؤُ زِي سِّيبّثْ ن ؤُعُودْجِي ن لْعَاضَامَا نّسْ، خْمِي نتَّا أَذْ د-إِكَّارْ حِيمَا أَذْ إِسّْنخْڒعْ ثَامُّورْثْ.
ISA 2:20 ذڭْ وَاسّْ نِّي أَذْ إِنْضَارْ بْنَاذمْ لْ-أَصْنَامْ نّسْ ن نُّوقَارْثْ ذ لْ-أَصْنَامْ نّسْ ن وُورغْ، إِنِّي ڭِّينْ إِ يِيخفْ نْسنْ حِيمَا أَذْ أَسنْ بنْذْقنْ، [أَڒَامِي إِ غَا يِيڒِينْ] إِ إِجَارْبُوعنْ ذ ڒْوضْوَاضَاثْ،
ISA 2:21 مَاحنْذْ أَذْ د-أَذْفنْ ذِي ثزِّييِينْ ن ڒجْرُوفْ ؤُ ذڭْ إِفْرَانْ ذڭْ وژْرُو زِي ثِيڭّْوُوذِي ن سِيذِي ؤُ زِي سِّيبّثْ ن ڒْعزّْ ن لْعَاضَامَا نّسْ، خْمِي د غَا إِكَّارْ حِيمَا أَذْ إِسّْنخْڒعْ ثَامُّورْثْ.“
ISA 2:22 ”حيّْذمْ خْ بْنَاذمْ، ونِّي ذڭْ ونْزَارنْ نّسْ إِدْجَا مْغِيرْ نّفْسْ، مِينْزِي مِينْ إِعْنَا نتَّا قَاعْ أَذْ خَاسْ نحْسبْ؟“
ISA 3:1 ”مَاغَارْ خْزَارْ، سِيذِي، سِيذِي ن ڒْعسْكَارَاثْ، أَذْ إِكّسْ خْ ؤُرْشَالِيمْ ذ يَاهُوذَا قَاعْ أَعكَّازْ ذ قَاعْ ثَاغَّارْشْثْ، قَاعْ ثَاموْشِيوْثْ س ؤُفُوسْ ن وغْرُومْ ذ قَاعْ ثَاموْشِيوْثْ س ؤُفُوسْ ن وَامَانْ،
ISA 3:2 بُو-ثغْرُوضْثْ ذ ؤُعسْكَارِي، ڒْقَاضِي ذ ؤُنَابِي، أَڭزَّانْ ذ ؤُمْغَارْ،
ISA 3:3 أَمقّْرَانْ خْ خمْسِينْ ذ بُو-شَّانْ، أَمْشَاوَارْ، بُو-صّنْعثْ ذ ونِّي غَارْ إِدْجَا ڒفْهَامثْ ن ثْحسّشْثْ ن ؤُعزّمْ.
ISA 3:4 نشّْ أَذْ خَاسنْ ڭّغْ إِحُوضْرِييّنْ ذ ڒْحُوكَّامْ نْسنْ ؤُ نِيثْنِي أَذْ خَاسنْ سلّْطنْ أَمْ مَامّشْ تّخْسنْ نِيثْنِي.
ISA 3:5 خنِّي ذِي ڒْڭنْسْ أَذْ حْسَارنْ إِجّْ إِ ونّغْنِي، أَرْيَازْ إِ ورْيَازْ [نّغْنِي]، كُوڒْ إِجّْ إِ جَّارْ نّسْ. نِيثْنِي أَذْ هكّْوڒنْ إِجّْ إِ ونّغْنِي، أَحُوذْرِي إِ ؤُوسَّارْ، ونِّي إِتّْوَاسّحْقَارنْ إِ ونِّي إِتّْوَاشنّْعنْ.
ISA 3:6 خْمِي غَا إِشبَّارْ شَا ن يِيجّنْ ؤُمَاسْ ذِي ثَادَّارْثْ ن بَابَاسْ، [أَذْ يِينِي]: ’شكْ غَاركْ [عَاذْ] إِجّْ ن ؤُپَارْثسُّو، إِتّْخصَّا أَذْ ثِيڒِيذْ ذ أَمْڭوّذْ خَانغْ. أَرّْ ڒْخَارْبثْ-أَ سَاذُو أَفُوسْ نّشْ!‘،
ISA 3:7 [خنِّي] أَذْ يَاڭِي نتَّا ذڭْ وَاسّْ نِّي، أَذْ يِينِي: ’نشّْ وَارْ زمَّارغْ أَذْ إِڒِيغْ ذ أَمسْڭنْفُو. وَارْ ذِينْ بُو وغْرُومْ ؤُ وَارْ ذِينْ بُو وَارُّوضْ ذِي ثَادَّارْثْ إِنُو. وَارْ ذ أَيِي ثڭّمْ ذ أَمْڭوّذْ ن ڒْڭنْسْ!‘
ISA 3:8 مَاغَارْ ثنّذْرفْ [ثنْذِينْثْ ن] ؤُرْشَالِيمْ ؤُ ثوْضَا يَاهُوذَا، مِينْزِي إِڒسْ نْسنْ ذ ثْمڭَّا نْسنْ أَقَا أَثنْ ضِيدّْ إِ سِيذِي مَاحنْذْ أَذْ سْعَارنْ ثِيطَّاوِينْ ن ؤُعُودْجِي نّسْ.
ISA 3:9 ثِيفْرَاسْ ن إِغمْبَابْ نْسنْ شهّْذنْثْ خَاسنْ. أَمْ سَاذُومْ سَّاوَاڒنْ نِيثْنِي س بْطَايْطَايْ خْ دّْنُوبْ نْسنْ، وَارْ ثنْ سّْنُوفَّارنْ. ؤُشْثْ خْ ڒعْمَارْ نْسنْ، مَاغَارْ نِيثْنِي تّڭّنْ ڒْغَارْ ذڭْ يِيخفْ نْسنْ.“
ISA 3:10 ”إِنِيمْ إِ ؤُمْسڭّذْ أَقَا أَذْ يِيڒِي مْلِيحْ، أَقَا أَذْ شّنْ [س يِيخفْ نْسنْ] ڒْغِيدْجثْ ن ثْمڭَّا نْسنْ.
ISA 3:11 ؤُشْثْ خْ ؤُعفَّانْ. ؤُشْثْ خَاسْ، مَاغَارْ أَذْ ث خدْجْصنْ عْلَاحْسَابْ [مِينْ ڭِّينْ] إِفَاسّنْ نّسْ.
ISA 3:12 إِنِّي إِذدْجنْ ڒْڭنْسْ إِنُو أَقَا أَثنْ ذ إِحنْجِيرنْ، ؤُشَا ثِيمْغَارِينْ تّْصلّْطنْثْ خَاسْ. [أَ] ڒْڭنْسْ إِنُو، إِنِّي شكْ إِندّْهنْ، أَقَا تّْغَارَّانْ شكْ، ؤُشَا ڒَاثَارْ ن ثْبْرِيذِينْ نّشْ مسّْحنْ ث.“
ISA 3:13 ”سِيذِي إِوْجذْ حِيمَا أَذْ إِشَارّعْ، نتَّا إِبدّْ حِيمَا أَذْ إِشَارّعْ ڒڭْنُوسْ.
ISA 3:14 سِيذِي أَذْ د-يَارْفعْ دّعْوثْ أَكْ-ذ إِمْغَارنْ ن ڒْڭنْسْ ؤُ أَكْ-ذ ڒْحُوكَّامْ نّسْ، مَاغَارْ كنِّيوْ ثسّْشمْضمْ أَمَارْجعْ ن ؤُضِيڒْ ؤُ مِينْ ثُوشَارمْ إِ إِمزْڒَاضْ أَقَا-ث ذِي ثُوذْرِينْ نْومْ.
ISA 3:15 مِينْ كنِّيوْ يُوغِينْ، أَقَا ثْڒبّْزمْ ڒْڭنْسْ إِنُو ؤُ ثتّفّْژمْ إِغمْبَابْ ن إِمزْڒَاضْ؟، إِقَّارْ سِيذِي إِنُو، سِيذِي ن ڒْعسْكَارَاثْ.“
ISA 3:16 [أَمُّو] إِ إِقَّارْ سِيذِي: ”مِينْزِي يسِّيسْ ن صِيهْيُونْ ذَايْسنْثْ نّْفَاخثْ، ڭُّورنْثْ س إِرَاونْ ڭعّْذنْ، س ڒخْزْرَاثْ تّْغَارَّانْثْ، أَمْ تّْرَاحنْثْ ؤُ تّْقزْقِيزنْثْ س إِصُورَافْ مَاحنْذْ أَذْ سّْطنْطُوننْثْ إِخڒْخَاڒنْ ن إِضَارنْ نْسنْثْ،
ISA 3:17 أَذْ يَارّْ سِيذِي إِنُو جْذَامْ خْ ثَاشقُّوفْثْ ن ؤُزدْجِيفْ ن يسِّيسْ ن صِيهْيُونْ ؤُشَا أَذْ إِعَارَّا سِيذِي ڒْعَارْ نْسنْثْ.“
ISA 3:18 ”ذڭْ وَاسّْ نِّي أَذْ أَسنْثْ إِكّسْ سِيذِي إِنُو [مَارَّا] ڒهْزُوطْ [نْسنْثْ]: إِخڒْخَاڒنْ خْ إِضَارنْ نْسنْثْ ذ ڒِيزَارَاثْ [تّْوَاشدّنْثْ] خْ ثنْيَارْثْ ذ ثزْرِيوِينْ ثِيمژْيَانِينْ
ISA 3:19 ذ ثخْرَازِينْ ذِي صِّيفثْ ن ثُوذِّيمِينْ ذ ثِيمقْيَاسِينْ ذ لّْثَامَاثْ
ISA 3:20 ذ إِحوَّاقنْ إِزوّْقنْ إِ ؤُزدْجِيفْ ذ إِخرْخَاڒنْ ذ ثْحزَّامِينْ ذ ثْزِييَّاثِينْ إِتّْفُوحنْ ذ ڒحْرُوزْ
ISA 3:21 ذ ثْخَاذِينْ ن ؤُفُوسْ ذ ثخْرَازِينْ ن ثنْزَارِينْ
ISA 3:22 ذ وَارُّوضْ ن ويْذُوذْ ذ ڒِيزَارَاثْ ذ ثْسبْنَايْ ذ إِقُورَابْ
ISA 3:23 ذ ثِيسِيثِينْ ذ ورُّوضْ نْ ڒقْطنْ أَزْذَاذْ ذ ثْشُوشَّايْ ذ فُونَارَاثْ ن ؤُزدْجِيفْ.
ISA 3:24 ذڭْ ومْشَانْ [ن ڒفْوَاحثْ] ن بَالْسَامْ أَذْ ثِيڒِي أَرِّيحثْ، ذڭْ ومْشَامْ ن ثْحزَّامْثْ [أَذْ يِيڒِي] وسْغُونْ، ذڭْ ومْشَانْ ن ثْشنْكُوكِينْ إِشُووَّارنْ [أَذْ يِيڒِي] ؤُزدْجِيفْ أَقشَّارْ، ذڭْ ومْشَانْ ن ورُّوضْ إِوْسعْ [أَذْ ثِيڒِي] ثْخَانْشثْ [ن وشْضَانْ] ؤُ ذڭْ ومْشَانْ ن وژْرِي ذ ؤُعدْجمْ ن وشْمَاضْ [خْ ثڒْمشْثْ].
ISA 3:25 إِرْيَازنْ نّمْ أَذْ وْضَانْ س سِّيفْ ؤُ أَيْثْ ن بُو-ثغْرُوضْثْ نّمْ ذڭْ ؤُمنْغِي.
ISA 3:26 ثِيوُّورَا نّسْ أَذْ شثْشَانْثْ ؤُ أَذْ شضْننْثْ ؤُشَا نتَّاثْ أَذْ ثقِّيمْ خْ ثمُّورْثْ س إِفَاسّنْ خْوَانْ.“
ISA 4:1 ”ذڭْ وَاسّْ نِّي أَذْ شبَّارنْثْ سبْعَا ن ثمْغَارِينْ ذڭْ إِجّْ ن ورْيَازْ، أَذْ قَّارنْثْ: ’نشِّينْ أَذْ نشّْ أَغْرُومْ نّغْ ؤُ أَذْ نسّْيَارْضْ إِخفْ نّغْ، أجّْ أَنغْ أَذْ نكْسِي إِسمْ نّشْ وَاهَا، كْسِي ڒفْضِيحثْ خَانغْ.‘ “
ISA 4:2 ”ذڭْ وَاسّْ نِّي أَذْ إِذْوڒْ ؤُغدُّو ن سِيذِي ذ ثلْوِيزْثْ إِشوَّارنْ، ؤُ ڒْغِيدْجثْ ن ثمُّورْثْ ذ ڒْعزّْ ذ ؤُشوَّارْ إِ مِينْ إِنّجْمنْ ن إِسْرَائِيل.
ISA 4:3 مِينْ إِقِّيمنْ ن صِيهْيُونْ ذ ونِّي إِقِّيمنْ ذِي ؤُرْشَالِيمْ عَاذْ، أَذْ أَسنْ إِنِينْ: ’ذ أَمْقدَّاسْ!‘، كُوڒْ إِجّْ ذِي ؤُرْشَالِيمْ ونِّي إِتّْوَازمّمنْ إِ ثُوذَارْثْ.
ISA 4:4 خْمِي غَا إِسِّيرْذْ سِيذِي ڒخْمجْ ن يسِّيسْ ن صِيهْيُونْ ؤُ أَذْ إِسْرِيرْ زِي ڒْوسْثْ ن ؤُرْشَالِيمْ إِذَامّنْ س أَرُّوحْ ن ڒحْكَامْ ؤُ س أَرُّوحْ إِشمّْضنْ،
ISA 4:5 خنِّي أَذْ إِڭّْ سِيذِي ذڭْ ؤُزِيڒْ إِجّْ ن ؤُسيْنُو خْ مَارَّا ثَازذِّيغْثْ خْ وذْرَارْ ن صِيهْيُونْ ؤُ خْ ثْمسْمُونِينْ نّسْ ؤُ س دْجِيڒثْ دّخَّانْ ذ ثِيسِّيقْثْ ن ثْمسِّي إِتّْشعْشِيعنْ، مَاغَارْ ثِيوَا مَارَّا مِينْ إِعُودْجنْ [أَذْ ثِيڒِي] ثْقِيذُونْثْ إِ ؤُذُورِّي ن ثسْڒِيثْ.
ISA 4:6 أَذْ يِيڒِي ؤُعِيشُّو إِ ثِيڒِي س ؤُزِيڒْ زِي ڒحْمُو ؤُ إِ ومْشَانْ ن ثَاروْڒَا ذ ؤُذُورِّي زِي ڒْحمْڒثْ ذ ونْژَارْ.“
ISA 5:1 ”تّخْسغْ أَذْغنّْجغْ [إِزْڒِي] إِ لِّيفْ إِنُو، إِزْڒِي ن لِّيفْ إِنُو خْ [ؤُمَارْجعْ] نّسْ ن ؤُضِيڒْ: ’لِّيفْ إِنُو غَارسْ إِجّْ ن ؤُمَارْجعْ ن ؤُضِيڒْ خْ إِجّْ ن وذْرَارْ إِ د-إِتّْوَاسّْڭعّْذنْ أَمْ إِجّْ ن يِيشّْ ن إِجّْ ن مِّيسْ ذهْننْ ث س زّشْثْ.
ISA 5:2 نتَّا إِنْقشْ إِ-ث ؤُ إِصفَّا إِ-ث زڭْ إِژْرَا، إِژُّو ث س ثْزَايَارِينْ إِشنّْعنْ. نتَّا إِسّْبدّْ إِجّْ ن لْبُورْجْ ذِي ڒْوسْطْ نّسْ. إِنْقشْ ذَايسْ ثَاسِيرْثْ ن ؤُضِيڒْ. خنِّي ثُوغَا إِسِّيثِيمْ، أَحْوِيشْ ن ثْزَايَارْثْ أَذْ د-يَاوِي أَضِيڒْ، مَاشَا نتَّا يِيوِي-د أَضِيڒْ أَسمَّامْ.‘ “
ISA 5:3 ”[خنِّي] ڒخُّو، [أَ] إِمزْذَاغْ ن ؤُرْشَالِيمْ ذ [كنِّيوْ] إِرْيَازنْ ن يَاهُوذَا، حكْممْ جَارْ أَيِي ذ ؤُمَارْجعْ إِنُو ن ؤُضِيڒْ!
ISA 5:4 مِينْ زمَّارغْ نشّْ عَاذْ أَذْ ڭّغْ إِ ؤُمَارْجعْ إِنُو ن ؤُضِيڒْ نِّي وَارْ ذ أَسْ ڭِّيغْ عَاذْ؟ مَايمِّي سِّيثِيمغْ أَقَا أَذْ د-يَاوِي أَضِيڒْ مْلِيحْ، [ؤُمِي] د يِيوِي مْغِيرْ أَضِيڒْ أَسمَّامْ؟
ISA 5:5 [خنِّي] ڒخُّو، نشّْ خْسغْ أَذْ أَومْ سّشْنغْ مِينْ غَا ڭّغْ أَكْ-ذ ؤُمَارْجعْ إِنُو ن ؤُضِيڒْ: نشّْ أَذْ كّْسغْ أَفْرَايْ نّسْ إِ ث إِحْضَانْ، حِيمَا أَذْ ث ڒقْضنْ قَاعْ، أَذْ ڭّغْ إِشْثْ ن ثَازِّيثْ ذِي ڒْحِيضْ أَڒْ خَاسْ إِ غَاعفْسنْ.
ISA 5:6 أَذْ ث ڭّغْ ذ ڒخْڒَا، وَارْ ث زبَّارنْ نِيغْ أَذْ ث شَارْزنْ، [مَاشَا] ثَازڭّْوَارْثْ ذ إِسنَّاننْ أَذْ ذِينِّيغمْينْ ؤُ نشّْ أَذْ ؤُمُورغْ إِسيْنُوثنْ مَاحنْذْ وَارْ ذ أَسْ تِّيشنْ أَنْژَارْ.
ISA 5:7 مَاغَارْ أَمَارْجعْ ن ؤُضِيڒْ ن سِيذِي ن ڒْعسْكَارَاثْ ذ ثَادَّارْثْ ن إِسْرَائِيل ؤُ إِرْيَازنْ ن يَاهُوذَا ذ ثَاغدُّوثْ مِينْ خفْ يَارْضَا. إِرَاجَا ڒْحقّْ، [مَاشَا] خْزَارْ، ثُوعفّْنَا، [إِرَاجَا] ثَاسڭْذَا، [مَاشَا] خْزَارْ، ثْغُويِّيثْ.“
ISA 5:8 ”ؤُشْثْ خْ يِينِّي إِتّْسدَّانْ ثَادَّارْثْ غَارْ ثَادَّارْثْ ؤُ أَرنّْينْ إِيَّارْ غَارْ ييَّارْ، أَڒْ ثَافذْ وَارْ ذَا إِدْجِي ومْشَانْ عَاذْ ؤُ كنِّيوْ وَاهَا إِ إِزدّْغنْ ذِي ڒْوسْطْ ن ثمُّورْثْ!
ISA 5:9 إِنَّا أَيِي سِيذِي ن ڒْعسْكَارَاثْ ذڭْ إِمزُّوغنْ إِنُو: ’س ثِيذتّْ، أَطَّاسْ ن ثُوذْرِينْ أَذْ ذوْڒنْثْ ذ ڒْخِيرْبثْ إِسَّاڭّْوَاذنْ، [ثُوذْرِينْ] ثِيمقّْرَانِينْ ذ ثِينِّي إِشْنَانْ وَارْ ذَايْسنْثْ إِزدّغْ عَاذْ ؤُڒَا ذ إِجّْ.‘
ISA 5:10 مِينْزِيعشْرَا ن إِفدَّاننْ ن ؤُمَارْجعْ ن ؤُضِيڒْ أَذْ أَوْينْ مْغِيرْ إِجّْ ن ؤُبَاثُو، ؤُ إِجّْ ن ؤُحُومِيرْ ن زَّارِّيعثْ أَذْ يَاوِي مْغِيرْ إِجّْ ن إِفَا [ن ڒْحبّْ ن إِرْذنْ].“
ISA 5:11 ”ؤُشْثْ خْ يِينِّي إِكَّارنْ زِيشْ، أَرزُّونْ خْ شّْرَابْ ؤُ تّْغِيمَانْ [وْسوْسنْ] أَڒْ ثْبَامْبَاسْثْ، [أَڒْ] ثنْ إِسّحْمَا بِينُو!
ISA 5:12 ڒْڭَامْبْرِي ذ لهَارْپَا ذ ؤُبنْذِيرْ ذ ثمْجَا ذ بِينُو أَقَا أَثنْ غَارْ زّْرَاذِي نْسنْ، [مَاشَا] مِينْ إِتّڭّْ سِيذِي وَارْ غَارسْ خزَّارنْ، ثَامڭِّيثْ ن إِفَاسّنْ نّسْ، وَارْ ت تّْوِيڒِينْ.
ISA 5:13 س ؤُيَا أَذْ إِتّْوَانْذهْ ڒْڭنْسْ إِنُو ذِي لْمنْفَا، مِينْزِي وَارْ غَارسْ ثدْجِي ثُوسّْنَا. ثَارْوَا ن ثَاصِيڒثْ ن ڒْڭنْسْ أَذْ هيّْفنْ، أَذْ يَاژغْ ؤُبَارُّو نْسنْ س ؤُفَاذِي.
ISA 5:14 س ؤُيَا إِ غَا ثَارْزمْ ڒَاخَارْثْ أَطَّاسْ ثْمِيجَّا نّسْ، أَذْ يَارْزمْ أَقمُّومْ نّسْ نْهْڒَا ڒقْيَاسْ، مَاحنْذْ أَذْ ذَايسْ إِهْوَا ڒْعزّْ نّسْ ذ ؤُبَارُّو نّسْ ذ دّْرِيزْ نّسْ ذ [مَارَّا] إِنِّي ذَايسْ إِنڭّْزنْ [أَمُّو] س ڒفْرَاحثْ.
ISA 5:15 [خنِّي] أَذْ إِخْنسْ بْنَاذمْ ؤُشَا [كُوڒْ] أَرْيَازْ أَذْ إِتّْوَاسّهْوَا، ؤُشَا ثِيطَّاوِينْ ن أَيْثْ ن بُو-نّْفَاخثْ أَذْ ذوْڒنْثْ خزَّارنْثْ غَارْ سْوَادَّايْ.
ISA 5:16 [مَاشَا] سِيذِي ن ڒْعسْكَارَاثْ أَذْ إِتّْوَاسّْعُودْجْ س ڒْحقّْ ؤُ أَربِّي ذ أَمْقدَّاسْ أَذْ ؤُتّْوَاقدّسْ س ثْسڭْذَا.
ISA 5:17 أَذْ هدّنْ ذِينِّي إِزْمَارنْ أَمْ [تّْهدَّانْ] خْ ثْكسَّاوْثْ نْسنْ، ؤُشَا إِبَارَّانِييّنْ أَذْ شّنْ ڒخْرَابِي ن أَيْثْ ن بُو-وَاڭْڒَا.“
ISA 5:18 ”ؤُشْثْ خْ يِينِّي [غَارْسنْ] د-إِجبّْذنْ ڒْمُوعْصِييّثْ س ثسْغُونِينْ ن ڒْغشّْ ؤُڒَا ذ دّنْبْ س إِسغْوَانْ [إِقبُّوزنْ] ن ؤُكَارُّو ن إِعجْمِييّنْ،
ISA 5:19 إِنِّي إِقَّارنْ: ’أجّْ إِ-ث أَذْ يَازّڒْ، أجّْ إِ-ث أَذْ ث إِڭّْ ذغْيَا حِيمَا أَذْ ث نْژَارْ، ؤُشَا شّْوَارْ ن ؤُمْقدّسْ ن إِسْرَائِيل أجّْ إِ-ث أَذْ إِخشّْ، أَذْ د-يَاسْ، حِيمَا أَذْ ث نسّنْ!‘ “
ISA 5:20 ”ؤُشْثْ خْ ينِّي، مِينْ وَارْ إِحْڒِينْ قَّارنْ أَسْ إِصْبحْ ؤُ مِينْ إِصبْحنْ وَارْ إِحْڒِي، إِنِّي إِتّڭّنْ ثَادْجسْثْ ذ ثْفَاوْثْ ؤُ ثَافَاوْثْ ذ ثَادْجسْثْ، إِنِّي إِتّڭّنْ مِينْ يَارْزِيڭنْ ذ مِيژِيذْ ؤُ مِينْ إِزِيضنْ ذ أَمَارْزَاڭْ.“
ISA 5:21 ”ؤُشْثْ خْ يِينِّي ؤُمِي إِتّْغِيڒْ أَسنْ أَقَا أَثنْ ذ إِمِيغِيسنْ إِ يِيخفْ نْسنْ، ؤُ [ؤُشْثْ خْ يِينِّي إِحسّْبنْ] إِخفْ نْسنْ ذ إِفهَّامنْ!“
ISA 5:22 ”ؤُشْثْ خْ يِينِّي إِدْجَانْ ذ أَيْثْ ن بُو-ثغْرُوضْثْ غَارْ ثْسسِّيثْ ن بِينُو ؤُ [خْ] يرْيَازنْ إِمحْضنْ غَارْ وحْرَايْ ن شّْرَابْ،
ISA 5:23 إِنِّي إِتّْسَارَّاحنْ إِ ؤُعفَّانْ س ثرْزفْثْ [إِغشّنْ]، [مَاشَا] كّْسنْ ثَاسْغَارْثْ إِ إِمْسڭَّاذنْ.“
ISA 5:24 ”س ؤُيَا إِ غَا إِخْسَارْ وژْوَارْ نْسنْ ؤُ ثَانوَّاشْثْ نْسنْ أَذْ ثضُووْ أَمْ ثْعجَّاجْثْ، أَمْ مَامّشْ إِتّتّْ إِڒسْ ن ثْمسِّي إِغدْجْ ؤُ أَمْ مَامّشْ إِهكّْوَا وُورُومْ س ؤُشعَّاڒْ، مَاغَارْ نِيثْنِي نْضَارنْ شَّارِيعَا ن سِيذِي ن ڒْعسْكَارَاثْ ؤُ سّحْقَارَانْ زڭْ وَاوَاڒنْ ن ؤُمْقدَّاسْ ن إِسْرَائِيل.
ISA 5:25 خْ ؤُيَا يَارْغَا وغْضَابْ ن سِيذِي خْ ڒْڭنْسْ نّسْ ؤُشَا إِكْسِي خَاسْ أَفُوسْ نّسْ. أَقَا إِوْثَا إِ-ث أَڒَامِي أَرْجِيجنْ إِذُورَارْ ؤُ ڒْخشْبَاثْ نْسنْ مدّنْثْ خْ إِمسْرَاقْ أَمْ وفْرَاضْ. س مَارَّا أَيَا وَارْ يَارخُّو وغْضَابْ نّسْ، مَاشَا أَفُوسْ نّسْ إِقِّيمْ إِسَارّحْ.
ISA 5:26 مَاغَارْ أَذْ إِسّْڭعّذْ ثَاعدْجَانْثْ إِ ڒڭْنُوسْ نِّي إِدْجَانْ ذِي ڒَاڭّْوَاجْ، ؤُ زڭْ ؤُنڭَّارُو ن ثمُّورْثْ أَذْ ث إِصفَّارْ غَارسْ. خْزَارْ، إِتَّاسْ-د ذغْيَا س ثزْڒَا.
ISA 5:27 وَارْ غَارسْ يُوحِيڒْ ؤُڒَا ذ إِجّْ، ؤُڒَا ذ إِجّنْ إِنْقَارْضْ، ؤُڒَا ذ إِجّنْ إِنُّوذمْ نِيغْ إِطّصْ، ؤُڒَا غَارْ إِجّنْ وَارْ إِفْسِي أَبْيَاسْ خْ ثجْعِينَّا نّسْ نِيغْ إِقطّسْ أَسْ إِجّْ ن ؤُفِيڒُو ن سَانْذَالِييَاثْ نّسْ.
ISA 5:28 فْڒِيثْشَاثْ نّسْ قضْعنْثْ ؤُ مَارَّا ڒقْوَاسْ نّسْ تّْوَامحّْضنْ. ثِيشضْيِينْ ن ييْسَانْ نّسْ بَاننْثْ قسْحنْثْ أَمْ ؤُقَايَاسْ، ثِيجَارَّارِينْ نّسْ أَمْ ثْحَارْيَاضْثْ.
ISA 5:29 زّْهِيرْ نّسْ أَمْ [زّْهِيرْ ن] ثيْرَاذْثْ ؤُ [نتَّا] إِتّْزهَّارْ أَمْ يِييْرَاذنْ إِمژْيَاننْ. أَذْ يَارُّودْجذْ، أَذْ إِطّفْ ثَايْمَارْثْ نّسْ ؤُشَا أَذْ [ت] إِجَارّْ ؤُ وَارْ إِتِّيڒِي وِي ث غَا إِفكّنْ.
ISA 5:30 ذڭْ وَاسّْ نِّي أَذْ إِزهَّارْ ضِيدّْ [ڒْْڭنْسْ] أَمْ زّْهِيرْ نْ ڒبْحَارْ. أَذْ خزَّارنْ غَارْ ثمُّورْثْ، أَقَا-ت [مْغِيرْ ذ] ثَادْجسْثْ ذ ڒحْصَارثْ، ؤُشَا ثَافَاوْثْ أَذْ ثبَّارْشنْ س إِسيْنُوثنْ إِبَّارشْننْ.“
ISA 6:1 ذڭْ ؤُسڭّْوَاسْ ن ڒْموْثْ ن ؤُجدْجِيذْ عُوزِّييَا ژْرِيغْ سِيذِي إِقِّيمْ خْ ڒْعَارْشْ يُوعْڒَانْ إِتّْوَاسّْڭعّْذنْ ؤُشَا أَفْرَايْ ن وَارُّوضْ نّسْ إِتّْشُورْ زَّاوشْثْ ثَامقّْرَانْثْ.
ISA 6:2 ثِيوَا نّسْ بدّنْ إِسَارَافِييّنْ، [لْمَالَاكَاثْ نِّي إِتّْبَاننْ أَمْ ذَايْسنْ ثِيمسِّي]، غَارْسنْ ستَّا ن وَافْرِيونْ. قَاعْ إِجّْ غَارسْ ستَّا ن وَافْرِيونْ. س ثْنَاينْ [ن وَافْرِيونْ] إِڒحّفْ أَغمْبُوبْ نّسْ، س ثْنَاينْ إِڒحّفْ إِضَارنْ نّسْ ؤُ س ثْنَاينْ ثُوغَا إِطَّاوْ.
ISA 6:3 إِڒَاغَا إِجّْ خْ ونّغْنِي، إِنَّا: ”أَمْقدَّاسْ، أَمْقدَّاسْ، أَمْقدَّاسْ ذ سِيذِي ن ڒْعسْكَارَاثْ. مَارَّا ثَامُّورْثْ ثشُّورْ س ؤُعُودْجِي نّسْ!“،
ISA 6:4 أَڒَامِي نْهزّنْ ذْسُوسَا ن ثْنبْذَاثِينْ ن ثوَّارْثْ س ثْمِيجَّا ن ونِّي إِڒَاغَانْ ؤُشَا ثَادَّارْثْ ثشُّورْ س دّخَّانْ.
ISA 6:5 [خنِّي] نِّيغْ نشّْ: ”ؤُشْثْ خَافِي، مَاغَارْ أَذْ هلّْكغْ، مَاغَارْ نشّْ ذ أَرْيَازْ بُو-إِينْشِيشنْ خمْجنْ ؤُ زدّْغغْ جَارْ ڒْڭنْسْ ن أَيْثْ ن بُو-إِينْشِيشنْ خمْجنْ، [وَاخَّا أَمنِّي] ثِيطَّاوِينْ إِنُو ژْرِينْثْ أَجدْجِيذْ، سِيذِي ن ڒْعسْكَارَاثْ.“
ISA 6:6 إِضْوَا-د إِجّْ زڭْ إِسَارَافِييّنْ غَارِي. يَارْبُو ڒفْحمْ إِتّحْذُوذُوقنْ ذڭْ ؤُفُوسْ نّسْ نِّي ثُوغَا إِكْسِي س ثْجقَّاضْثْ زڭْ ؤُعَالْطَارْ.
ISA 6:7 نتَّا إِحَاذَا زَّايسْ أَقمُّومْ إِنُو، إِنَّا: ”خْزَارْ، إِحَاذَا [ڒفْهمْ إِتّحْذُوذُوقنْ] وَانِيثَا إِينْشِيشنْ نّشْ. ثمّكْسِي ڒْمُوعْصِييّثْ نّشْ ؤُ إِتّْوَاسّصْڒحْ إِ دّنْبْ نّشْ.“
ISA 6:8 أَوَارْنِي ؤُيَا سْڒِيغْ إِ ثْمِيجَّا ن سِيذِي إِنُو، ثقَّارْ: ”مَانْ ونْ إِ غَا سّكّغْ ؤُ وِي غَا يُويُورنْ مَاحنْذْ أَذْ إِزْوَارْ إِ نشِّينْ؟“ [خَاسْ ؤُشَا] نِّيغْ: ”خْزَارْ، أَقَا أَيِي ذَا، سكّْ أَيِي!“
ISA 6:9 [خنِّي] إِنَّا: ”ؤُيُورْ ؤُشَا ثِينِيذْ إِ ڒْڭنْسْ-أَ: ’وَاخَّا أَذْ ثسْڒمْ س ثيْنِيثْ، وَارْ [ث] ثْفهّْممْ!‘، ؤُشَا: ’وَاخَّا ثژْرِيمْ مْلِيحْ، وَارْ [ث] ثسِّينمْ!‘
ISA 6:10 سقْسحْ ؤُڒْ ن ڒْڭنْسْ-أَ، ؤُشَا بلّعْ أَسْ إِمزُّوغنْ نّسْ، سڒْسقْ أَسْ ثِيطَّاوِينْ مَاحنْذْ س ثِيطَّاوِينْ نّسْ وَارْ إِتّْوِيڒِي ؤُ س إِمزُّوغنْ نّسْ وَارْ إِتّسْڒِي ؤُ س وُوڒْ نّسْ وَارْ إِتّسّنْ، أَڒَامِي وَارْ إِذِّيكّْوِيڒْ ؤُشَا أَذْ إِتّْوَاسّْڭنْفَا.“
ISA 6:11 [خنِّي] نِّيغْ: ”أَڒْ مڒْمِي، [أَ] سِيذِي إِنُو؟“ نتَّا يَارَّا-د: ”أَڒْ إِ غَا تّْوَاخَارّْبنْثْ ثْندَّامْ، وَارْ [ذَايْسنْثْ] إِتّْغِيمِي عَاذْ ؤُمزْذُوغْ، ؤُڒَا ذ ثُوذْرِينْ، وَارْ [ذَايْسنْثْ] إِتّْغِيمِي عَاذْ بْنَاذمْ، ؤُشَا أَذْ ثِيڒِي ثمُّورْثْ ثَاردّدْجْ.
ISA 6:12 مَاغَارْ سِيذِي أَذْ إِسّْبعّذْ إِوْذَانْ غَارْ ڒَاڭّْوَاجْ، ؤُشَا أَذْ ثِيڒِي ثمُّورْثْ ثخْوَا أَطَّاسْ.
ISA 6:13 [مَاشَا] أَذْ ذَايسْ ثقِّيمْ عَاذْ إِشْثْ ن ثعْشَارْثْ، [مَاشَا] ؤُڒَا ذ مَانْ أَيَا أَذْ ثتّْوَاشّْ، [مَاشَا] أَمْ مَامّشْ غَارْ ثْشجَّارْثْ ن يِيڭّْ ؤُ غَارْ ثْشجَّارْثْ ن ڒْبدْجُوضْ أَوَارْنِي ڒَامِي ثنْثْ إِ غَا زذْمنْ، أَذْ إِقِّيمْ عَاذْ جّْذعْ، [أَمُّو] إِ غَا يِيڒِي جّْذعْ نّسْ ذ زَّارِيعثْ ثَامْقدّسْثْ.“
ISA 7:1 ذڭْ وُوسَّانْ ن أَحَازْ، مِّيسْ ن يُوثَامْ، مِّيسْ ن عُوزِّييَا، أَجدْجِيذْ ن يَاهُوذَا، إِڭعّذْ رَاصِينْ، أَجدْجِيذْ ن أَرَامْ، أَكْ-ذ فَاقَاحْ، مِّيسْ ن رَامَالْيَاهُو، أَجدْجِيذْ ن إِسْرَائِيل، غَارْ ؤُرْشَالِيمْ مَاحنْذْ أَذْ إِمّْنغْ أَكِيذسْ. [مَاشَا] نتَّا وَارْ إِزمَّارْ أَذْ خَاسْ إِغلّبْ.
ISA 7:2 [ؤُمِي] حَاجَانْ إِ ثَادَّارْثْ ن ذَاوُوذْ، نَّانْ: ”أَقَا إِهْوَا أَرَامْ خْ إِفْرَايِيمْ!“، يَارْجِيجْ وُوڒْ ن ؤُجدْجِيذْ ذ وُوڒْ ن ڒْڭنْسْ نّسْ، أَمْ مَامّشْ تَّارْجِيجِينْثْ ثْشجُّورَا ن وزْغَارْ س ؤُسمِّيضْ.
ISA 7:3 إِنَّا سِيذِي إِ إِشَاعْيَا: ”فّغْ إِ ؤُمْسَاڭَارْ أَكْ-ذ أَحَازْ، شكْ ذ مِّيشْ شَاآرْ-يَاشُوبْ، غَارْ ؤُنڭَّارْ ن ؤُقَاذُوسْ ن وَامَانْ ن ؤُيڒْمَانْ ن سنّجْ، ونِّي [إِدْجَانْ] غَارْ وبْرِيذْ يُوعْرَانْ غَارْ وحْوِيشْ ن ؤُصبَّانْ.
ISA 7:4 إِنِي أَسْ: ’حْضَا، أَرْسْ، وَارْ تّڭّْوذْ شَا ؤُ وَارْ تّجِّي ؤُڒْ نّشْ أَذْ يَارْخُو خْ ثْنَاينْ ن إِسفْضَاونْ ن ؤُكشُّوضْ إِدُّوخُّوننْ، خْ ؤُخيّقْ يَارْغِينْ ن رَاصِينْ ذ أَرَامْ، ؤُ ن مِّيسْ ن رَامَالْيَاهُو،
ISA 7:5 ؤُمِي إِخَارّصْ أَرَامْ ذِي ڒْغَارْ خَاكْ، [جْمِيعْ] أَكْ-ذ إِفْرَايِيمْ ؤُ أَكْ-ذ مِّيسْ ن رَامَالْيَاهُو، إِنَّا:
ISA 7:6 ’أجّْ أَنغْ أَذْ نْڭعّذْ خْ [ثمُّورْثْ ن] يَاهُوذَا ؤُشَا أَذْ أَسْ نسِّيڭّْوذْ ؤُشَا أَذْ ت نبْضَا جَارْ أَنغْ ؤُ [خنِّي] أَذْ نڭّْ ذِينِّي مِّيسْ ن طَابْيِيلْ ذ أَجدْجِيذْ.‘
ISA 7:7 أَمُّو إِ إِقَّارْ سِيذِي إِنُو، سِيذِي: ’أَيَا وَارْ إِتِّيڒِي، أَيَا وَارْ إِتّمّْسَارْ شَا!‘
ISA 7:8 مَاغَارْ أَزدْجِيفْ ن أَرَامْ ذ ذِيمَاشْقْ ؤُ أَزدْجِيفْ ن ذِيمَاشْقْ ذ رَاصِينْ - وَاخَّا أَمّنِّي إِقِّيمْ عَاذْ مْغِيرْ خمْسَا ؤُ-ستِّينْ ن إِسڭّْوُوسَا خنِّي أَذْ يَارْژْ إِفْرَايِيمْ أَڒْ وَارْ إِتِّيڒِي [عَاذْ] ذ ڒْڭنْسْ -
ISA 7:9 ؤُشَا أَزدْجِيفْ ن إِفْرَايِيمْ ذ سَامَارْيَا ؤُ أَزدْجِيفْ ن سَامَارْيَا ذ مِّيسْ ن رَامَالْيَاهُو. مَاڒَا وَارْ ثُومِينمْ، وَارْ ثتّْغِيمَامْ أَذْ ثْبدّمْ.“
ISA 7:10 يَارْنِي سِيذِي [عَاذْ] ذڭْ وَاوَاڒْ أَكْ-ذ أَحَازْ، إِنَّا:
ISA 7:11 ”تَّارْ إِشْثْ ن ڒعْڒَامثْ إِ يِيخفْ نّشْ زِي سِيذِي، أَربِّي نّشْ، تَّارْ إِ-ت سْوَادَّايْ ذِي رَادْجَاغْ نِيغْ تَّارْ إِ-ت ذِينِّي سنّجْ ذِي ڒُوعْڒَا.“
ISA 7:12 [مَاشَا] أَحَازْ إِنَّا: ”نشّْ وَارْ ت تّتَّارغْ شَا ؤُ وَارْ تّْقدْجَابغْ سِيذِي.“
ISA 7:13 [خنِّي] إِنَّا نتَّا: ”سْڒمْ، [كنِّيوْ] [أَ] ثَادَّارْثْ ن ذَاوُوذْ، مَا وَارْ كنِّيوْ إِقدّْ أَذْ ثسِّيحْڒمْ إِوْذَانْ، أَقَا كنِّيوْ ثسِّيحْڒمْ [عَاوذْ] ؤُڒَا أَربِّي إِنُو؟
ISA 7:14 س ؤُيَا أَذْ أَومْ إِوْشْ سِيذِي إِنُو سِيمَانْثْ نّسْ ڒعْڒَامثْ. خْزَارْ، ثَاعْزَارشْثْ أَذْ ثيْسِي دّيْسثْ، أَذْ ثَارُو مِّيسْ، أَذْ أَسْ ثڭّْ ’عِيمَّانُو-إِلْ‘، [إِخْسْ أَذْ يِينِي ’سِيذِي أَقَا-ث أَكِيذْنغْ‘].
ISA 7:15 نتَّا أَذْ إِشّْ ثْرُوسِّي ذ ثَامّنْثْ أَڒْ غَا إِفْثنْ أَذْ إِنْضَارْ مِينْ وَارْ إِحْڒِينْ ؤُ أَذْ إِخْضَارْ مِينْ إِصبْحنْ.
ISA 7:16 مَاغَارْ قْبڒْ إِ غَا إِسّنْ ؤُحنْجِيرْ أَذْ إِنْضَارْ مِينْ وَارْ إِحْڒِينْ ؤُ أَذْ إِخْضَارْ مِينْ إِصبْحنْ، أَذْ ثخْڒَا ثمُّورْثْ نِّي ن ثْنَاينْ ن إِجدْجِيذنْ إِ زِي شكْ ثطّْفذْ ثِيڭّْوُوذِي.
ISA 7:17 أَذْ إِسِّيوضْ سِيذِي خَاكْ ؤُ خْ ڒْڭنْسْ نّشْ ؤُ خْ ثَادَّارْثْ ن بَابَاشْ س ؤُفُوسْ ن ؤُجدْجِيذْ ن أَشُّورْ ؤُسَّانْ أَمْ مَامّشْ وَارْ د-ؤُسِينْ زڭْ وَاسّْ نِّي ذِي إِمّْسبْضَا إِفْرَايِيمْ خْ يَاهُوذَا.“
ISA 7:18 ”ذڭْ وَاسّْ نِّي أَذْ إِمْسَارْ، أَقَا سِيذِي أَذْ إِصفَّارْ إِژَانْ [إِ إِدْجَانْ] غَارْ إِنڭُّورَا ن إِغزْرَانْ ن مِيصْرَا ؤُڒَا ذ ثْزِيزْوَا [إِ إِدْجَانْ] ذِي ثمُّورْثْ ن أَشُّورْ.
ISA 7:19 أَذْ د-أَسنْ ؤُشَا أَذْ أَرْسنْ مَارَّا ذِي ثغْزُورِينْ ؤُ ذِي ثزِّييِينْ ن ڒجْرُوفْ ؤُ خْ مَارَّا ڒْحَارَّاشْ ؤُ خْ مَارَّا إِيڒْمَامنْ ن ڒْوَارُوذْ.“
ISA 7:20 ”ذڭْ وَاسّْ نِّي أَذْ أَومْ إِڒْسْ سِيذِي إِنُو س إِجّْ ن ڒْمُوسّْ إِ ذ إِشْرَا خْ ؤُجمَّاضْ ن إِغْزَارْ [ن لْفُورَاطْ]، س [ؤُفُوسْ ن] ؤُجدْجِيذْ ن أَشُّورْ، [أَشُوَّافْ ن] ؤُزدْجِيفْ ذ ؤُشُوَّافْ خْ إِضَارنْ ؤُڒَا ذ ثْمَارْثْ.“
ISA 7:21 ”ذڭْ وَاسّْ نِّي أَرْيَازْ أَذْ يَاربَّا إِشْثْ ن ثْعجْمِيثْ ن إِفُونَاسنْ ذ ثْنَاينْ ن وُودْجِي.
ISA 7:22 س ثْيَاوَانْثْ ن ؤُغِي إِ غَا وْشنْثْ، أَذْ يشّْ ثْرُوسِّي. ثْرُوسِّي ذ ثَامّنْثْ أَذْ يشّْ مَارَّا وِي غَا إِقِّيمنْ ذِي ثمُّورْثْ.“
ISA 7:23 ”ذڭْ وَاسّْ نِّي أَذْ يِيڒِي كُوڒْ أَمْشَامْ إِ خفْ بدّنْ أَڒفْ ن ثْزَايَارِينْ إِ إِسكّْوَانْ أَڒفْ ن ڒوْزَانْ ن نُّوقَارْثْ، إِ إِسنَّاننْ ذ ثْزڭّْوَارْثْ.
ISA 7:24 أَذْ ؤُيُورنْ غَارْ ذِينْ س فْڒِيثْشَا ذ ڒْقوْسْ، مَاغَارْ مَارَّا ثَامُّورْثْ أَذْ ثِيڒِي ثشُّورْ س إِسنَّاننْ ذ ثْزڭّْوَارْثْ.
ISA 7:25 ؤُڒَا خْ مَارَّا ثِيسَاوْنِينْ نِّي شَارّْزنْ س ؤُڒِيزِيمْ، وَارْ ذِينْ د-تَّاسنْ [عَاذْ] زِي سِّيبّثْ ن ثِيڭّْوُوذِي زڭْ إِسنَّاننْ ذ ثْزڭّْوَارْثْ. [ثَامُّورْثْ نِّي] أَذْ ثِيڒِي حِيمَا أَذْ أَرّنْ غَارْ ذِينِّي إِفُونَاسنْ ؤُ حِيمَا أَذْ [خَاسْ]عفْسنْ وُودْجِي.“
ISA 8:1 إِنَّا أَيِي سِيذِي: ”كْسِي ثَاڒْوِيحْثْ ثَامقّْرَانْثْ، ثَارِيذْ خَاسْ س ڒقْڒمْ ن بْنَاذمْ [أَڒَامِي زمَّارنْ أَذْ ث غَارنْ]: ’زَّارْذثْ س ثَازْڒَا، ثَاكشَّاضْثْ ذغْيَا!‘ “
ISA 8:2 ڒشْهُوذْ إِمْثِيقَّانْ إِوْيغْ-ثنْ ذ أَشهَّاذْ إِ يِيخفْ إِنُو: أَكهَّانْ ؤُرِييَا ذ زَاكَارِييَّا، مِّيسْ ن يَابْرَاخْيَا.
ISA 8:3 ثُوغَا ؤُذْفغْ خْ ثْنَابِيثْ ؤُ ثكْسِي س دّيْسثْ، ثُورُووْ-د إِجّْ ن ؤُحنْجِيرْ. ؤُشَا إِنَّا أَيِي سِيذِي: ”أڭّْ أَسْ: ’مَاهَارْ-شَالَالْ، خَاشْ-بَازْ!‘، [إِخْسْ أَذْ يِينِي: ’زَّارْذثْ س ثَازْڒَا، ثَاكشَّاضْثْ ذغْيَا!‘]
ISA 8:4 مَاغَارْ قْبڒْ مَا أَذْ إِڒْمذْ ؤُحنْجِيرْ أَذْ يِينِي: ’بَابَا!‘، نِيغْ: ’يمَّا!‘، أَذْ كّْسنْ أَڭْڒَا ن ذِيمَاشْقْ ذ زَّارْذثْ ن سَامَارْيَا زَّاثْ إِ وُوذمْ ن ؤُجدْجِيذْ ن أَشُّورْ.“
ISA 8:5 يَارْنِي سِيذِي ذڭْ وَاوَاڒْ أَكِيذِي، إِنَّا:
ISA 8:6 ”مِينْزِي ڒْڭنْسْ-أَ إِسّحْقَارْ أَمَانْ يَارْسَانْ إِتَّازّْڒنْ ن شِيلُوهَا، س ؤُيَا إِفَارْحْ رَاصِينْ ذ مِّيسْ ن رَامَالْيَاهُو.
ISA 8:7 س ؤُيَا، خْزَارْ، سِيذِي إِنُو أَذْ يَارّْ أَمَانْ يوْعَارنْ ذ إِمقّْرَاننْ ن إِغْزَارْ [ن لْفُورَاطْ] أَذْ خَاسنْ حمْڒنْ، [إِخْسْ أَذْ يِينِي] أَجدْجِيذْ ن أَشُّورْ ذ مَارَّا أَعُودْجِي نّسْ. أَذْ إِڭعّذْ زِي مَارَّا ثَارْيِيوِينْ نّسْ ؤُ أَذْ د-إِسّْفِييْ ثِيوَا ن مَارَّا ثِيمُووَّا نّسْ.
ISA 8:8 أَذْ يَاذفْ غَارْ يَاهُوذَا، أَذْ ت إِسّْغَارْقْ ؤُشَا أَذْ يَارْنِي أَذْ غَارسْ د-يَازّڒْ أَڒْ د-أَسْ إِ غَا يَاوضْ أَڒْ يِيڒِي. خْمِي غَا إِسّْوِيژّضْ أَفْرِيونْ نّسْ أَذْ ذْڒنْ ثِيرُو ن ثمُّورْثْ نّشْ! [أَ عِيمَّانُو-إِلْ]، أَربِّي أَقَا-ث أَكِيذنغْ.“
ISA 8:9 ”هَاجَامْ، [أَ كنِّيوْ] ڒڭْنُوسْ، [مَاشَا عَاذْ] أَذْ ثتّْوَاڒبْزمْ! أجّْ مَارَّا جّْوَايهْ إِڭّْوجنْ ن دُّونشْثْ أَذْ وْشنْ إِمزُّوغنْ نْسنْ: وَاخَّا ثْحزّْممْ إِخفْ نْومْ، أَذْ ثتّْوَاڒبْزمْ، وَاخَّا ثْحزّْممْ إِخفْ نْومْ، أَذْ ثتّْوَاڒبْزمْ!
ISA 8:10 مْشَاوَارمْ، [مَاشَا] أَمْشَاوَارْ نْومْ أَذْ إِفْشڒْ! إِنِيمْ إِجّْ ن وَاوَاڒْ، وَارْ إِتِّيڒِي، مَاغَارْ أَربِّي أَقَا-ث أَكِيذْنغْ، [’عِيمَّانُو-إِلْ‘].“
ISA 8:11 مَاغَارْ أَمُّو إِ ذ أَيِي إِنَّا سِيذِي، ؤُمِي خَافِي إِجْهذْ ؤُفُوسْ نّسْ ؤُ إِعْڒمْ أَيِي حِيمَا وَارْ ڭُّورغْ خْ وبْرِيذْ ن ڒْڭنْسْ-أَ، إِنَّا:
ISA 8:12 ”وَارْ قَّارمْ ’ثَامعْمُوتْشْ!‘ إِ مَارَّا ؤُمِي إِقَّارْ ڒْڭنْسْ-أَ ’ثَامعْمُوتْشْ!‘ وَارْ تّڭّْوذمْ ؤُ وَارْ تّْنخْڒِيعمْ!
ISA 8:13 سِيذِي ن ڒْعسْكَارَاثْ أَذْ ث ثسّْقدّْسمْ، أَذْ زَّايسْ ثڭّْوذمْ ؤُ أَذْ زَّايسْ ثنّْخڒْعمْ.
ISA 8:14 نتَّا أَذْ يِيڒِي ذ زَّاوشْثْ إِقدّْسنْ، ذ أَژْرُو ن ؤُنذْرَافْ ؤُڒَا ذ ثَاصْضَارْثْ ن ؤُنقْرَاضْ إِ ثْنَاينْ ن ثُوذْرِينْ ن إِسْرَائِيل، ذ ڒْفخْ ذ ثْرَاشَّا إِ إِمزْذَاغْ ن ؤُرْشَالِيمْ.
ISA 8:15 أَطَّاسْ جَارْ أَسنْ أَذْ نّْقَارْضنْ، أَذْ وْضَانْ، أَذْ تّْوَارْژنْ، أَذْ ذوْڒنْ غَارْ ڒْفخْ ؤُشَا أَذْ نَّاغنْ.“
ISA 8:16 ”شْفنْ شّْهَاذثْ، شمّعْ شَّارِيعَا جَارْ إِمحْضَارنْ إِنُو!“
ISA 8:17 ”نشّْ أَذْ رَاجِيغْ سِيذِي، ونِّي إِڒحّْفنْ إِ ؤُغمْبُوبْ نّسْ زَّاثْ إِ ثَادَّارْثْ ن يَاعْقُوبْ، خَاسْ إِ غَا ثشْڒغْ.
ISA 8:18 خْزَارْ، نشّْ ذ إِحنْجِيرنْ نِّي ذ أَيِي إِوْشَا سِيذِي، أَقَا أَنغْ ندْجْ إِ ڒعْڒَامَاثْ ذ لْمُوعْجِيزَاثْ ذِي إِسْرَائِيل زِي سِّيبّثْ ن سِيذِي ن ڒْعسْكَارَاثْ نِّي إِزدّْغنْ خْ وذْرَارْ ن صِيهْيُونْ.“
ISA 8:19 ”مَاڒَا نَّانْ أَومْ: ’سقْسَامْ إِنِّي إِسَّاوَاڒَانْ أَكْ-ذ إِمتَّانْ ذ إِڭزَّاننْ، إِنِّي إِتّْوسْوِيسنْ ؤُ إِتّْوشْوِيشنْ!‘، [خنِّي إِنِي:] ’مَا وَارْ د-يُوسِي إِ يِيجّْ ن ڒْڭنْسْ أَذْ إِسّقْسَا أَربِّي نّسْ؟ مَا [إِعدّڒْ أَذْ سّقْسَانْ] إِمتَّانْ ذِي طّْوعْ ن يِينِّي إِدَّارنْ؟‘ “
ISA 8:20 ”[ذوْڒمْ] غَارْ شَّارِيعَا ؤُ غَارْ شّْهَاذثْ! مَاڒَا وَارْ ؤُيُورنْ عْلَاحْسَابْ أَوَاڒْ-أَ، وَارْ غَارْسنْ ثتِّيڒِي ثْفَاوْثْ ن ڒفْجَارْ.“
ISA 8:21 ”أَذْ إِنّضْ [ڒْْڭنْسْ] ذَا ذ ذِيهَا [ذِي ثمُّورْثْ]، إِشْضنْ ؤُ إِدْجُوزْ، ؤُشَا مَاڒَا إِدْجُوزْ ؤُشَا إِخيّقْ، أَذْ إِنْعڒْ [ڒْْڭنْسْ] أَجدْجِيذْ نّسْ ذ أَربِّي نّسْ. مَا أَذْ خْزَارنْ غَارْ ؤُجنَّا،
ISA 8:22 نِيغْ غَارْ ثمُّورْثْ، [أَقَا ذَا مْغِيرْ] ڒحْصَارثْ ذ طّْڒَامْ، طّْڒَامْ إِسَّاڭّْوَاذْ. إِتّْوَاسُّوفّغْ [ڒْْڭنْسْ] غَارْ ثُوبَّارْشنْثْ.“
ISA 8:23 ”مَاشَا وَارْ إِتّْغِيمِي طّْڒَامْ إِسَّاڭّْوَاذْ مَانِي ثدْجَا ڒحْصَارثْ [ڒخُّو]. زِيشْ يِيوِي-د نتَّا أَسحْقَارْ غَارْ ثمُّورْثْ ن زابُولُونْ ؤُ غَارْ ثمُّورْثْ ن نَافْثَالِي، أَمُّو إِ غَا يَاوِي ذِي ڒْوقْثْ إِ د غَا يَاسنْ شَّانْ خْ وبْرِيذْ ن ڒبْحَارْ، خْ ؤُجمَّاضْ ن لْ-ؤُرْذُونْ، غَارْ لْجَالِيلْ ن ڒڭْنُوسْ.“
ISA 9:1 ”ڒْڭنْسْ إِ إِدَّارنْ ذِي ثَادْجسْثْ، أَذْ إِژَارْ ثَافَاوْثْ ثَامقّْرَانْثْ. ثِيوَا نِّي إِزدّْغنْ ذِي ثمُّورْثْ ن ثِيڒِي ن ڒْموْثْ أَذْ ثَارغْ ثْفَاوْثْ.
ISA 9:2 شكْ أَذْ ثمَّارْنِيذْ ذِي ڒْڭنْسْ ؤُ أَذْ ثسّمْغَارذْ ڒفْرَاحثْ. نِيثْنِي أَذْ فَارْحنْ زَّاثْ إِ وُوذمْ نّشْ أَمْ مَامّشْ فَارْحنْ غَارْ ثْميْرَا، أَمْ مَامّشْ أَرشْڭنْ خْمِي بطَّانْ ثَاكشَّاضْثْ ...
ISA 9:3 مَاغَارْ [أَ]زَايْڒُو ن دّْقڒْ نّسْ ذ وعْمُوذْ خْ ثغْرُوضْثْ نّسْ ذ ؤُزدْجَاضْ ن ؤُوقَّافْ نّسْ، أَقَا ثَارْژِيذْ ثنْ أَمْ ذڭْ وَاسّْ ن مِيذْيَانْ،
ISA 9:4 مَاغَارْ كُوڒْ ڒْبُوطَا نِّي يُوذْفنْ ذڭْ ؤُزهَّارْ ن ؤُمنْغِي ؤُ كُوڒْ أَپَارْثسُّو نِّي مَارْغنْ ذڭْ إِذَامّنْ، أَذْ إِتّْوَاسَّارْغْ، أَذْ يِيڒِي ذ مَاشَّا إِ ثْمسِّي،
ISA 9:5 مَاغَارْ إِتّْوَارُو أَنغْ-د ؤُحنْجِيرْ، إِمّوْشْ أَنغْ مِّيسْ ؤُشَا ڒحْكَامثْ ثتّْوَاسَّارْسْ خْ ثغْرُوضْثْ نّسْ ؤُ تّْڒَاغَانْ أَسْ إِسمْ نّسْ: ڒعْجبْ، أَمْشَاوَارْ، أَربِّي إِجهْذنْ، بَابَاسْ ن ڒبْذَا، ڒْحَاكمْ ن ڒهْنَا.
ISA 9:6 إِ ڒمْغَارثْ ن ڒحْكَامثْ [نّسْ] ؤُ إِ ڒهْنَا [نّسْ] وَارْ إِتِّيڒِي قطُّو خْ ڒْعَارْشْ ن ذَاوُوذْ ؤُ خْ ثْڭلْذِيثْ نّسْ، حِيمَا أَذْ ثتّْوَاضْمنْ ؤُ أَذْ ثتّْوَاسّجْهذْ س ڒْحقّْ ذ ثْسڭْذَا، زِي ڒخُّو أَڒْ إِ ڒبْذَا. أَشْضَارْ ن سِيذِي ن ڒْعسْكَارَاثْ أَذْ إِڭّْ أَيَا.“
ISA 9:7 ”سِيذِي إِنُو إِسّكّْ أَوَاڒْ ضِيدّْ إِ يَاعْقُوبْ ؤُشَا إِوْضَا ذِي إِسْرَائِيل.
ISA 9:8 مَارَّا ڒْڭنْسْ أَذْ [ث] إِسّنْ، إِفْرَايِيمْ ذ إِمزْذَاغْ ن سَامَارْيَا نِّي إِقَّارنْ س نّْفَاخثْ ؤُ س وُوڒْ [إِشُّورنْ] س ؤُكبَّارْ:
ISA 9:9 ’[رحْيُوضْ ن] لَّاجُورْ وْضَانْ، [مَاشَا] أَذْ [ثنْ] نبْنَا [عَاوذْ] س ثْصُوضَارْ إِتّْوَاسُّويْذَانْ. ؤُرْثَانْ ن ڒخْڒَا تّْوَازذْمنْ، [مَاشَا] أَذْ نژُّو ثِيشجُّورَا ن ثنْڭلْثْ ذڭْ ومْشَانْ نْسنْ!‘
ISA 9:10 أَذْ خَاسْ إِسّكَّارْ سِيذِي إِغْرِيمنْ ن رَاصِينْ ؤُ نتَّا أَذْ إِسّهْوڒْ ڒْعذْيَانْ نّسْ [خَاسْ].
ISA 9:11 أَرَامْ زِي شَّارْقْ ؤُ إِفِيلِيسْطِينِييّنْ زِي ضفَّارْ، أَڒَامِي نِيثْنِي أَذْ صَارْضنْ إِسْرَائِيل قَاعْ. س مَارَّا أَيَا وَارْ يَارخُّو وغْضَابْ نّسْ، مَاشَا أَفُوسْ نّسْ إِقِّيمْ إِسَارّحْ،
ISA 9:12 [مَاغَارْ] ڒْڭنْسْ وَارْ د-إِذِيكّْوِيڒْ غَارْ ونِّي ث إِوْثِينْ ؤُ نِيثْنِي وَارْ أَرزُّونْ سِيذِي ن ڒْعسْكَارَاثْ.“
ISA 9:13 ”أَذْ إِقسّْ سِيذِي زِي إِسْرَائِيل أَزدْجِيفْ ذ ؤُكنَّاسْ، ثَاسطَّا ن ثِينِي ذ ؤُغَانِيمْ، ذڭْ إِجّْ ن وَاسّْ.
ISA 9:14 أَوسَّارْ ذ ونِّي ؤُمِي غَا يِيڒِي شَّانْ، أَقَا أَثنْ ذ أَزدْجِيفْ، ؤُشَا أَنَابِي نِّي إِسّڒْمَاذنْ إِخَارِّيقنْ، نتَّا ذ أَكنَّاسْ.
ISA 9:15 [مَاغَارْ] إِمْڭوَّاذنْ ن ڒْڭنْسْ-أَ ذ إِمْغكّْوَاينْ ؤُ إِنِّي زَّايْسنْ إِتّْوَانذْهنْ أَذْ تّْوَاصَارْضنْ.
ISA 9:16 خْ ؤُيَا وَارْ إِفَارّحْ سِيذِي إِنُو خْ إِحُوذْرِييّنْ نْسنْ، ؤُ وَارْ يَارحّمْ خْ إِيُوجِيڒنْ ذ ثجَّاڒْ نْسنْ، مَاغَارْ مَارَّا نِيثْنِي ذ إِمْنَافْقنْ ذ إِعفَّاننْ ؤُ كُوڒْ أَقمُّومْ إِسَّاوَاڒْ ثُوبُّوهڒْيَا. س مَارَّا أَيَا وَارْ يَارخُّو وغْضَابْ نّسْ، مَاشَا أَفُوسْ نّسْ إِقِّيمْ إِسَارّحْ.“
ISA 9:17 ”مَاغَارْ ثُوعفّْنَا ثَارقّْ أَمْ ثْمسِّي، ثتّتّْ إِسنَّاننْ ذ ثْزڭّْوَارْثْ، ثسّْرقَّا إِخشَّابنْ ن وزْغَارْ، [أَڒَامِي] تّْڭعَّاذنْ ذِي دّخَّانْ.
ISA 9:18 س ؤُذُوقّزْ [ن ؤُفُوڭمْ] ن سِيذِي ن ڒْعسْكَارَاثْ أَذْ إِسّْقُوسْبَارْ ثَامُّورْثْ ؤُشَا ڒْڭنْسْ أَذْ يِيڒِي ذ مَاشَّا ن ثْمسِّي. ؤُڒَا ذ إِجّنْ وَارْ إِتّْحِيوِيڒْ خْ ونّغْنِي.
ISA 9:19 [وَاخَّا] بْنَاذمْ إِنهّشْ غَارْ يفُوسْ، أَذْ إِقِّيمْ إِدْجُوزْ. [وَاخَّا] إِتّتّْ غَارْ ؤُزڒْمَاضْ، وَارْ تّْيِيوِيننْ نِيثْنِي. كُوڒْ إِجّْ أَذْ إِسَارْضْ أَيْسُومْ ن ؤُغِيڒْ نّسْ.
ISA 9:20 مَانَاسَّا [أَذْ إِسَارْضْ] إِفْرَايِيمْ ؤُ إِفْرَايِيمْ [أَذْ إِسَارْضْ] مَانَاسَّا ؤُشَا ثْنَاينْ إِذْسنْ مُوننْ أَذْ إِڒِينْ ضِيدّْ إِ يَاهُوذَا. س مَارَّا أَيَا وَارْ يَارخُّو وغْضَابْ نّسْ، مَاشَا أَفُوسْ نّسْ إِقِّيمْ إِسَارّحْ.“
ISA 10:1 ”ؤُشْثْ خْ يِينِّي إِسُّوفُّوغنْ ڒُومُورَاثْ إِغشّنْ، إِنِّي إِتَّارِينْ ثِيوصَّا إِتّْضدْجنْ
ISA 10:2 حِيمَا أَذْ سّْحيّْذنْ إِمزْڒَاضْ خْ ثسْغَارْثْ [نْسنْ] ؤُ حِيمَا أَذْ أَشَارنْ ثَاسْغَارْثْ ن يِينِّي إِتّْوَاحْصَارنْ ن ڒْڭنْسْ إِنُو، أَڒَامِي غَا ذوْڒنْثْ ثِيجَّاڒْ ذ ثَاكشَّاضْثْ نْسنْ ؤُ إِيُوجِيڒنْ ذ ثَايْمَارْثْ.
ISA 10:3 [مَاشَا] مِينْ ثخْسمْ أَذْ ثڭّمْ ذڭْ وَاسّْ ن ؤُخدْجصْ ؤُ غَارْ ؤُردّدْجْ نِّي د غَا يَاسنْ زِي ڒَاڭّْوَاجْ؟ وِي غَارْ إِ غَا ثَاروْڒمْ حِيمَا أَذْ ثَافمْ ثْوِيزَا ؤُ مَانِي غَا ثجّمْ أَعُودْجِي نْومْ؟
ISA 10:4 وَارْ [ذِينْ] مِينْ غَا ڭّنْ مْغِيرْ أَذْ ؤُضَارنْ [خْ إِفَادّنْ] وَاهَا جَارْ إِمحْبَاسْ ؤُ أَذْ وْضَانْ جَارْ إِنِّي إِتّْوَانْغنْ. س مَارَّا أَيَا وَارْ يَارخُّو وغْضَابْ نّسْ، مَاشَا أَفُوسْ نّسْ إِقِّيمْ إِسَارّحْ.“
ISA 10:5 ”ؤُشْثْ خْ أَشُّورْ، أَزدْجَاضْ ن وغْضَابْ إِنُو، أَقَا أَسْخضْ إِنُو ذ أَعْمُوذْ ذڭْ إِفَاسّنْ نْسنْ!
ISA 10:6 أَذْ ث سّكّغْ غَارْ ڒْڭنْسْ [إِشُّورنْ] س نِّيفَاقْ ؤُ نشّْ أَذْ ث ؤُمُورغْ خْ ڒْڭنْسْ إِ خْ إِدُّوقّزْ ؤُفُوڭمْ إِنُو، مَاحنْذْ أَذْ أَشَارنْ ثُوكَّارْضَا ؤُ مَاحنْذْ أَذْ ث كشّْضنْ قَاعْ ؤُ أَذْ ث عَارَّانْ إِ ؤُنعْفَاسْ أَمْ ثْعجَّاجْثْ خْ إِمسْرَاقْ.
ISA 10:7 مَاشَا نتَّا س يِيخفْ نّسْ وَارْ ذ أَسْ إِتّْغِيڒْ أَمُّو ؤُ ؤُڒْ نّسْ إِتّْخَارّصْ مَامّشْ نّغْنِي، مَاغَارْ نتَّا غَارسْ ذڭْ وُوڒْ مْغِيرْ ڒكْحضْ ؤُ مَاحنْذْ أَذْ إِقْضَا خْ ڒڭْنُوسْ، وَارْ إِدْجِي ذْرُوسْ.
ISA 10:8 مَاغَارْ إِقَّارْ: ’مَا وَارْ دْجِينْ ڒْحُوكَّامْ إِنُو ذ إِجدْجِيذنْ مَارَّا؟
ISA 10:9 مَا وَارْ [إِمْسَارْ] إِ كَالْنُو أَمشْنَاوْ [مِينْ إِمْسَارنْ] إِ كَارْكَامِيشْ؟ مَا وَارْ [إِمْسَارْ] إِ حَامَاثْ أَمشْنَاوْ [مِينْ إِمْسَارنْ] إِ أَرْفَاذْ؟ مَا وَارْ [إِمْسَارْ] إِ سَامَارْيَا أَمْ [مِينْ إِمْسَارنْ] إِ ذِيمَاشْقْ؟
ISA 10:10 أَمْ مَامّشْ أَفُوسْ إِنُو إِطّفْ ثِيڭلْذَاوِينْ ن لْ-أَصْنَامْ نِّي زِي عْذُونْثْ ڒخْيَاڒَاثْ نْسنْ إِنقْشنْ ڒخْيَاڒَاثْ ن ؤُرْشَالِيمْ ذ سَامَارْيَا،
ISA 10:11 مَا وَارْ تّڭّغْ أَمُّو [عَاوذْ]، أَمْ مَامّشْ إِ ث ڭِّيغْ أَكْ-ذ سَامَارْيَا ذ لْ-أَصْنَامْ نّسْ، ؤُڒَا أَكْ-ذ ؤُرْشَالِيمْ ذ ڒخْيَاڒَاثْ نّسْ ن لْ-أَصْنَامْ؟‘ “
ISA 10:12 ”[مَاشَا] خْمِي غَا إِكمّڒْ سِيذِي مَارَّا ڒْخذْمثْ نّسْ خْ وذْرَارْ ن صِيهْيُونْ ؤُ ذِي ؤُرْشَالِيمْ، [خنِّي] أَذْ خدْجْصغْ نشّْ ڒْغِيدْجثْ ن ؤُكبَّارْ ذڭْ وُوڒْ ن ؤُجدْجِيذْ ن أَشُّورْ ؤُڒَا ذ أَعفَّارْ يُوفّنْ ذِي ثِيطَّاوِينْ نّسْ،
ISA 10:13 مَاغَارْ نتَّا إِنَّا: ’أَيَا ڭِّيغْ ث س ؤُفُوسْ إِنُو إِجهْذنْ ؤُ س ثِيغِيثْ إِنُو، مَاغَارْ نشّْ غَارِي ڒعْقڒْ. إِيْمِيرنْ ن ڒڭْنُوسْ كّْسغْ ثنْ، ؤُ ڒعْوَايضْ نْسنْ كشّْضغْ ثنْ، ؤُ أَمْ جِّيهڒْ غضْڒغْ ڒْحُوكَّامْ [نْسنْ].
ISA 10:14 أَمْ ڒْعُوشّْ، [أَمُّو] يُوفَا ؤُفُوسْ إِنُو أَڭْڒَا ن ڒڭْنُوسْ، جَارْوغْ مَارَّا ثَامُّورْثْ أَمْ مَامّشْ جَارْونْ ثِيمدْجَاڒِينْ إِمّنْضَارنْ. ؤُڒَا ذ إِجّْ وَارْ إِسّنْهزِّي أَفْرِيونْ، وَارْ ذِينْ ونِّي يَارزْمنْ أَجقْمِيمْ نِيغْ إِجَاوْ.‘
ISA 10:15 مَا إِتّْفيّشْ شَّاقُورْ قِيبَاتْشْ إِ ونِّي زَّايسْ إِتّْشقَّارنْ؟ نِيغْ إِتّْنفّخْ ڒْمنْشَارْ زَّاثْ إِ ونِّي زَّايسْ إِتّْقسّنْ؟ [أَيَا إِڒِي] أَخْمِي أَعْمُوذْ إِتّْحنّضْ [أَرْيَازْ] نِّي ث إِسّْڭعّْذنْ، نِيغْ أَخْمِي أَعْمُوذْ إِسّْڭعّذْ [بَابْ نّسْ] نِّي وَارْ إِدْجِينْ ذ أَكشُّوضْ.“
ISA 10:16 س ؤُيَا أَذْ إِسّكّْ سِيذِي إِنُو، سِيذِي ن ڒْعسْكَارَاثْ، بُو-ذدْجِيسْ جَارْ إِرْيَازنْ نْسنْ إِقبُّوزنْ ؤُ نتَّا أَذْ إِسِّيرغْ ثِيمسِّي سَاذُو أَعُودْجِي ن أَشُّورْ أَمْ يِيجّْ ن ڒْحَاذُوقْ ن ثْمسِّي.
ISA 10:17 ثَافَاوْثْ ن إِسْرَائِيل أَذْ ثذْوڒْ ذ ثِيمسِّي ؤُ أَمْقدّسْ نّسْ ذ أَشعَّاڒْ نِّي إِ غَا إِشمْضنْ ؤُ أَذْ ثشّْ إِسنَّاننْ ذ ثْزڭّْوَارْثْ نّسْ ذڭْ إِجّْ ن وَاسّْ وَاهَا.
ISA 10:18 نتَّا أَذْ يشّْ أَعُودْجِي ن وزْغَارْ نّسْ ؤُ ن ڒْعِيرْسْثْ إِصبْحنْ نّسْ س [مَارَّا] ڒعْمَارْ ذ ويْسُومْ [إِ ذَايْسنْ]، ؤُشَا أَذْ يِيڒِي [ؤُعُودْجِي نّسْ] أَمْ يِيجّْ ن ؤُمحْڒُوشْ إِتّْرَاحنْ إِغدْجِي.
ISA 10:19 مِينْ إِقِّيمنْ ن ثْشجُّورَا ن وزْغَارْ نّسْ أَذْ يِيڒِي ذْرُوسْ وَاهَا، إِجّْ ن ؤُحُوذْرِي إِزمَّارْ أَذْ ثنْ إِحْسبْ.“
ISA 10:20 ”ذڭْ وَاسّْ نِّي أَذْ يِيڒِي مِينْ إِقِّيمنْ ن إِسْرَائِيل ذ إِنِّي إِنجْمنْ زِي ثَادَّارْثْ ن يَاعْقُوبْ وَارْ تّْعمِّيذنْ عَاذْ خْ ونِّي ثنْ إِشَّاثنْ، مَاشَا أَذْ إِعمّذْ [إِسْرَائِيل] خْ سِيذِي، أَمْقدَّاسْ ن إِسْرَائِيل، س ڒَامَانْ إِشُّورْ.
ISA 10:21 مِينْ إِقِّيمنْ أَذْ د-إِذْوڒْ، مِينْ إِقِّيمنْ ن يَاعْقُوبْ [أَذْ د-إِذْوڒْ] غَارْ أَربِّي إِجهْذنْ.
ISA 10:22 [أَ] إِسْرَائِيل، وَاخَّا ڒْڭنْسْ نّشْ أَمُّو إِوْسعْ أَمْ يِيدْجِي ن ڒبْحَارْ، أَذْ [زَّايْسنْ] د-إِذْوڒْ مْغِيرْ مِينْ إِشطّنْ. أَكحّضْ بَاينْ، ثَاسڭْذَا ثوْسعْ.
ISA 10:23 مَاغَارْ سِيذِي إِنُو، سِيذِي ن ڒْعسْكَارَاثْ، أَذْ إِقْضَا [خْ مَانْ أَيَا] ؤُشَا أَذْ إِڭّْ مِينْ يُورَانْ ذِي مَارَّا ثَامُّورْثْ.“
ISA 10:24 ”س ؤُيَا، أَمُّو إِ إِقَّارْ سِيذِي إِنُو، سِيذِي ن ڒْعسْكَارَاثْ: ’[أَ] ڒْڭنْسْ إِنُو نِّي إِزدّْغنْ ذِي صِيهْيُونْ، وَارْ تّڭّْوذْ شَا زِي أَشُّورْ خْمِي شكْ إِشَّاثْ س ؤُزدْجَاضْ ؤُشَا إِسّْڭعّذْ خَاكْ أَعْمُوذْ، أَمْ مَامّشْ إِمْسَارْ ذِي مِيصْرَا.
ISA 10:25 مَاغَارْ عَاذْ مْغِيرْ شْوَايْثْ، [خنِّي] أَذْ إِكمّڒْ [مْكُوڒْ] وسْخضْ نِّي ؤُشَا أَذْ يِيڒِي وغْضَابْ إِنُو خْ ؤُردّدْجْ نْسنْ.
ISA 10:26 مَاغَارْ سِيذِي ن ڒْعسْكَارَاثْ أَذْ إِحنّضْ ثِيوَا نّسْ أَركُّوضْ، أَمْ مَامّشْ إِوْثَا مِيذْيَانْ غَارْ ثصْضَارْثْ ن غُورَابْ. ثَاغَّارْشْثْ نّسْ أَذْ ثِيڒِي [ثسّْوِيژَّاضْ] ثِيوَا إِ ڒبْحَارْ ؤُ نتَّا أَذْ ت إِسّْڭعّذْ أَمْ مَامّشْ ث إِڭَّا ذِي مِيصْرَا.
ISA 10:27 ذڭْ وَاسّْ نِّي أَذْ إِوْضَا ڒحْمڒْ ن أَشُّورْ خْ ثغْرُوضْثْ نّشْ ؤُ ثَاغْنَاشْثْ نّسْ خْ يِيرِي نّشْ. أَزَايْڒُو أَذْ إِتّْوَابطّڒْ س إِجِيمَانْ نِّي إِصحّنْ.“
ISA 10:28 ”أَذْ د-يَاسْ غَارْ عَايَّاثْ، إِعْذُو خْ مِيجْرُونْ، إِسَّارْسْ دُّوزَانْ نّسْ ذِي مِيخْمَاشْ.
ISA 10:29 نِيثْنِيعدُّونْ خْ وبْرِيذْ ن ؤُژكّْوُو خْ إِذُورَارْ، أَذْ سّنْسنْ ذِي جَابَاعْ. رَامَا ثتَّارْجِيجِي، ثَارْوڒْ جِيبْعَا ن شَاوُولْ.
ISA 10:30 سْغُويّْ س ثْمِيجَّا إِجهْذنْ، [أَ] يدْجِيسْ ن جَالِّيمْ! أَرّْ ڒْبَاڒْ، لَايْشَا، [أَ شمْ] عَانَاثُوثْ، مسْكِينَا!
ISA 10:31 [ثَانْذِينْثْ ن] مَاذْمِينَا ثَارْوڒْ، إِمزْذَاغْ ن جِيبِيمْ فّْغنْ مَاحنْذْ أَذْ أَفنْ ڒَامَانْ.
ISA 10:32 أَسّْ-أَ عَاذْ أَذْ إِبدّْ ذِي نُوبْ. نتَّا أَذْ إِكْسِي أَفُوسْ نّسْ [إِسَّاڭّْوَاذْ] غَارْ وذْرَارْ ن يدْجِيسْ ن صِيهْيُونْ، غَارْ ثوْرِيرْثْ ن ؤُرْشَالِيمْ.“
ISA 10:33 ”خْزَارْ، سِيذِي، سِيذِي ن ڒْعسْكَارَاثْ، أَذْ إِقسّْ ڒفْرُوعْ س ؤُغِيڒْ. إِنِّي س ثِيذِّي يُوعْڒَانْ أَذْ تّْوَازذْمنْ، ؤُشَا إِنِّي إِسّْڭعّْذنْ إِخفْ نْسنْ أَذْ تّْوَاسّهْوَانْ.
ISA 10:34 شْبَارْقْ ن وزْغَارْ أَذْ إِتّْوَاقْڒعْ س وُوزَّاڒْ ؤُشَا لُوبْنَانْ أَذْ إِوْضَا س ؤُفُوسْ ن ؤُمْزمَّارْ.“
ISA 11:1 ”أَذْ د-ثفّغْ ثْسطَّا زِي جّْذعْ ن يَاسَّا ؤُ ثَاغدُّوثْ زڭْ إِژوْرَانْ نّسْ أَذْ د-ثَاوِي ڒْغِيدْجثْ.
ISA 11:2 أَذْ خَاسْ يَارْسَا أَرُّوحْ ن سِيذِي، أَرُّوحْ ن ثِيغِيثْ ذ ڒعْقڒْ، أَرُّوحْ ن شّْوَارْ ذ جّهْذْ، أَرُّوحْ ن ثُوسّْنَا ذ ثِيڭّْوُوذِي زِي سِيذِي.
ISA 11:3 أَرْضَا نّسْ أَذْ يِيڒِي ذِي ثِيڭّْوُوذِي ن سِيذِي. وَارْ إِشَارّعْ عْلَاحْسَابْ مِينْ تّْوَاڒَانْثْ ثِيطَّاوِينْ نّسْ، وَارْ إِحكّمْ عْلَاحْسَابْ مِينْ تّسْڒَانْ إِمزُّوغنْ نّسْ.
ISA 11:4 أَذْ إِشَارّعْ إِمُوقْڒِيڒنْ س ثْسڭْذَا ؤُ أَذْ إِحْكمْ إِمْوَاضْعنْ ن ثمُّورْثْ س ڒْحقّْ، [مَاشَا] ثَامُّورْثْ أَذْ ت إِوّثْ س ؤُزدْجَاضْ ن ؤُقمُّومْ نّسْ ؤُ س ؤُسُوضِي ن ؤُقمُّومْ نّسْ أَذْ إِنغْ أَعفَّانْ.
ISA 11:5 ثَاسڭْذَا أَذْ ثِيڒِي ذ أَبْيَاسْ ن ثجْعِينَّاثِينْ نّسْ ؤُ ثِيذتّْ ذ أَبْيَاسْ خْ ثْمصَّاضِينْ نّسْ.
ISA 11:6 أَذْ إِزْذغْ وُوشّنْ غَارْ إِزْمَارْ، أَغِيرَاسْ أَذْ إِجنْ غَارْ إِغَايْضْ أَمژْيَانْ. أَعجْمِي ذ وَايْرَاذْ أَمژْيَانْ ذ ڒْمَاڒْ إِصحّنْ [أَذْ إِڒِينْ] مُوننْ ؤُشَا أَحنْجِيرْ أَمژْيَانْ أَذْ ثنْ إِنْذهْ.
ISA 11:7 ثَافُونَاسْثْ ذ دُّوبْ أَذْ هْذَانْ [جْمِيعْ]، ؤُشَا إِمژْيَاننْ نْسنْ أَذْ جْننْ غَارْ وَايَاوْيَا ؤُشَا أَيْرَاذْ أَذْ يشّْ ڒُومْ أَمْ ؤُفُونَاسْ.
ISA 11:8 أَحْضِيضْ أَذْ يَارّْ مزْڒِي زَّاثْ إِ وخْبُوشْ ن ثْڒفْسَا ؤُ أَنِيبُو إِ كّْسنْ زڭْ ؤُطُّوضْ، أَذْ إِسّْوِيژّضْ أَفُوسْ نّسْ غَارْ وَارْزَامْ ن ثْفَاوْثْ [ن وحْفُورْ] ن ؤُفِيغَارْ.
ISA 11:9 وَارْ تّڭّنْ ڒْغَارْ ؤُ وَارْ تّڭّنْ أَردّدْجْ خْ وذْرَارْ إِنُو إِقدّْسنْ مَارَّا، مَاغَارْ ثَامُّورْثْ ثشُّورْ س ثُوسّْنَا ن سِيذِي أَمْ مَامّشْ ذْڒنْ وَامَانْ ثِيسِي ن ڒبْحَارْ.
ISA 11:10 ذڭْ وَاسّْ نِّي أَذْ إِبدّْ وژْوَارْ ن يَاسَّا أَمْ ثْعدْجَانْثْ إِ ويْذُوذنْ. غَارسْ أَذْ سّقْسَانْ ڒڭْنُوسْ ؤُشَا أَمْشَانْ ن أَرَّاحثْ نّسْ أَذْ يِيڒِي إِشوَّارْ.“
ISA 11:11 ”ذڭْ وَاسّْ نِّي أَذْ إِسّْڭعّذْ سِيذِي إِنُو أَفُوسْ نّسْ إِشْثْ ن ثْوَاڒَا نّغْنِيثْ، حِيمَا أَذْ إِسلّكْ مِينْ إِقِّيمنْ ن ڒْڭنْسْ نّسْ زِي أَشُّورْ، مِيصْرَا، فَاثْرُوسْ، كُوشْ، عِيلَامْ، شِينْعَارْ ذ حَامَاثْ ؤُ زِي ثڭْزِيرِينْ ن ڒبْحَارْ.
ISA 11:12 نتَّا أَذْ إِسّْبدّْ ثَاعدْجَانْثْ إِ ڒڭْنُوسْ ؤُ أَذْ إِجَارْوْ عَاوذْ إِمنّعْرَاقْ ن إِسْرَائِيل، حِيمَا أَذْ إِسّْمُونْ إِنِّي إِتّْوَازدْجْعنْ زِي يَاهُوذَا زِي أَربْعَا ن ثْغمُّورَا ن ثمُّورْثْ.
ISA 11:13 [خنِّي] أَذْ إِڭّْوجْ وَاسَامْ ن إِفْرَايِيمْ ؤُ إِنِّي إِحصَّارنْ يَاهُوذَا أَذْ تّْوَاقضْعنْ. إِفْرَايِيمْ وَارْ إِتِّيسمْ عَاذْ زِي يَاهُوذَا ؤُ يَاهُوذَا وَارْ إِحصَّارْ عَاذْ إِفْرَايِيمْ.
ISA 11:14 أَذْ فّْغنْ غَارْ ڒْغَارْبْ أَخْمِي طَّاونْ خْ ثْغَارْضِينْ ن إِفِيلِيسْطِينِييّنْ ؤُشَا مُوننْ أَذْ كشّْضنْ أَيْثْ ن شَّارْقْ. أَذْ سّْوِيژّْضنْ إِفَاسّنْ نْسنْ غَارْ إِذُومْ ذ مُوآبَ ؤُشَا أَيْثْ ن عَامُّونْ أَذْ أَسنْ طَّاعنْ.
ISA 11:15 أَذْ إِحَارّمْ سِيذِي إِڒسْ ن ڒبْحَارْ ن مِيصْرَا ؤُشَا نتَّا أَذْ إِسّْڭعّذْ أَفُوسْ نّسْ خْ يغْزَارْ [ن لْفُورَاطْ] س ؤُحَاذُوقْ ن أَرُّوحْ نّسْ ؤُ أَذْ ث إِوّثْ أَڒْ غَا إِذْوڒْ سبْعَا ن ثْغزْرَاثِينْ، ؤُشَا أَذْ يَارّْ أَقَا زمَّارنْ أَذْ كّنْ خْ وبْرِيذْ س سَانْذَالِييَاثْ.
ISA 11:16 أَذْ [ذِينْ] يِيڒِي وبْرِيذْ إِسڭّْمنْ إِ مِينْ إِقِّيمنْ ن ڒْڭنْسْ نّسْ نِّي إِ غَا إِشطّنْ زِي أَشُّورْ، أَمْ مَامّشْ ثُوغَا إِدْجَا [وبْرِيذْ] إِ إِسْرَائِيل ؤُمِي د-إِڭعّذْ زِي مِيصْرَا.“
ISA 12:1 ”ذڭْ وَاسّْ نِّي أَذْ ثِينِيذْ: ’نشّْ تّْقَاذِيغْ شكْ، [أَ] سِيذِي، أَقَا ثُوغَا شكْ ثْخيّْقذْ خَافِي، [مَاشَا] أَغْضَابْ نّشْ إِنّقْڒبْ ؤُ شكْ ثسّْفوَّاجذْ خَافِي.
ISA 12:2 خْزَارْ، أَربِّي ذ أَسنْجمْ إِنُو، نشّْ أَذْ [خَاسْ] تّشْڒغْ،عمَّارْصْ أَذْ ڭّْوذغْ، مَاغَارْ سِيذِي إِنُو، سِيذِي، أَقَا-ث ذ جّهْذْ ذ ؤُزهِّيذْ إِنُو، نتَّا إِذْوڒْ أَيِي ذ أَسنْجمْ.‘
ISA 12:3 كنِّيوْ أَذْ ثَايْممْ أَمَانْ س ڒفْرَاحثْ زِي ثَاڒَاوِينْ ن ؤُسنْجمْ.“
ISA 12:4 ”ذڭْ وَاسّْ نِّي أَذْ ثِينِيمْ: ’قَاذَامْ إِ سِيذِي، ڒَاغَامْ إِسمْ نّسْ، سشْنمْ ثِيمڭَّا نّسْ جَارْ ڒڭْنُوسْ، بَارّْحمْ أَقَا إِسمْ نّسْ إِعُودْجْ!
ISA 12:5 زهّْذمْ إِ سِيذِي، مَاغَارْ نتَّا إِڭَّا ثِيمسْڒَايِينْ ثِيمقّْرَانِينْ. أجّْ أَيَا أَذْ إِتّْوَاسّنْ ذِي مَارَّا ثَامُّورْثْ.
ISA 12:6 سْڒِيوْڒوْ ؤُغنّجْ، [أَ شمْ] ثنِّي إِزدّْغنْ ذِي صِيهْيُونْ، مِينْزِي ذ أَمقّْرَانْ أَمْقدَّاسْ ن إِسْرَائِيل ذِي ڒْوسْطْ نّمْ.‘ “
ISA 13:1 ڒْْحُوكْمْ إِسَّاڭّْوَاذنْ خْ بَابِيلْ نِّي إِژْرَا إِشَاعْيَا، مِّيسْ ن أَمُوصْ.
ISA 13:2 ”سْڭعّْذمْ ثَاعدْجَانْثْ خْ وذْرَارْ أَقشَّارْ، سْغُويّمْ غَارْسنْ، شيَّارمْ س ؤُفُوسْ أَقَا أَذْ أَذْفنْ زِي ثوُّورَا ن ثَارْوَا ن ثَاصِيڒثْ!“
ISA 13:3 ”نشّْ ؤُمُورغْ إِمْقدَّاسنْ إِنُو، نشّْ ڒَاغِيغْ خْ أَيْثْ ن بُو-ثغْرُوضْثْ إِنُو ذِي سِّيبّثْ ن وغْضَابْ إِنُو، إِنِّي إِنڭّْزنْ س ڒفْرَاحثْ خْ لْعَاضَامَا إِنُو.“
ISA 13:4 ”أَقَا زّْهِيرْ ن إِجّْ ن ؤُبَارُّو [أَمقّْرَانْ] خْ إِذُورَارْ، أَمْ ن إِجّْ ن ڒْڭنْسْ إِمْغَارْ، ڒْحسّْ ن دّْرِيزْ ن ثْڭلْذَاوِينْ، ن ڒڭْنُوسْ ؤُسِينْ-د مُوننْ. سِيذِي ن ڒْعسْكَارَاثْ إِسدّْ ڒْعسْكَارْ [نّسْ].
ISA 13:5 أَذْ د-أَسنْ زِي ثمُّورْثْ ثِيڭّْوجْ، زِي طَّارْفْ ن ؤُجنَّا، سِيذِي ذ ڒقْشُوعْ ن وسْخضْ نّسْ، حِيمَا أَذْ خَارّْبنْ مَارَّا ثَامُّورْثْ.“
ISA 13:6 ”سْغُويّمْ، مَاغَارْ أَسّْ ن سِيذِي يُوذسْ-د، أَذْ د-يَاسْ أَمْ ؤُردّدْجْ زڭْ ؤُمْزمَّارْ خْ كُوڒْشِي.
ISA 13:7 خْ ؤُيَا ذوْڒنْ مَارَّا إِفَاسّنْ فشْڒنْ ؤُ وُوڒْ ن كُوڒْ بْنَاذمْ إِفسِّي.
ISA 13:8 نِيثْنِي نّْخڒْعنْ، إِڒقّفْ إِ-ثنْ وغْنَاسْ ذ ڒوْجعْ ن ثَارُوثْ، تّْنزْبَارنْ أَمْ ثمْغَارْثْ إِتَّارُونْ. كُوڒْ إِجّْ إِخزَّارْ غَارْ ونّغْنِي، إِغمْبَابْ نْسنْ [ڭِّينْ] أَمْ يِيشعَّاڒنْ [ن ثْمسِّي].“
ISA 13:9 ”خْزَارْ، أَسّْ ن سِيذِي أَذْ د-يَاسْ، [س] ڒقْسَاحثْ إِوْعَارنْ ؤُ [س] ڒْحَاذُوقْ ن وغْضَابْ [نّسْ]، حِيمَا أَذْ يَارّْ ثَامُّورْثْ ذ وَاردّدْجْ ؤُ حِيمَا أَذْ زَّايسْ إِمْحَا إِمذْنَابْ.
ISA 13:10 مَاغَارْ إِثْرَانْ ن ؤُجنَّا ذ إِوْرَافنْ ن إِثْرَانْ وَارْ تّجِّينْ عَاذْ ثَافَاوْثْ نْسنْ أَذْ ثَارْغْ، ثَافُوشْثْ أَذْ ثبَّارْشنْ خْمِي د غَا ثنْقَارْ، ؤُشَا ثَازِيرِي وَارْ تّجِّي عَاذْ ثَافَاوْثْ نّسْ أَذْ ثْشعْشعْ.
ISA 13:11 [مَاغَارْ] أَذْ خدْجْصغْ إِ دُّونشْثْ ثُوعفّْنَا نّسْ ؤُ إِ إِعفَّاننْ ڒْمُوعْصِييّثْ نْسنْ ؤُ نشّْ أَذْ سّْبدّغْ نّْفَاخثْ ن إِمْعفَّارنْ ؤُ أَذْ سّهْوِيغْ نّْفَاخثْ ن أَيْثْ ن بُو-ڒخْشُونثْ.
ISA 13:12 أَذْ أَرّغْ أَرْيَازْ أَذْ يِيڒِي إِغْڒَا خْ وُورغْ أَزْذَاذْ، ؤُڒَا ذ بْنَاذمْ خْ وُورغْ إِغْڒَانْ زِي ؤُفِيرْ.
ISA 13:13 خْ ؤُيَا أَذْ سَّارْجِيجغْ إِجنْوَانْ ؤُشَا أَذْ ثنْهزّْ ثمُّورْثْ زڭْ ومْشَانْ نّسْ زڭْ ؤُذُوقّزْ [ن ؤُفُوڭمْ] ن سِيذِي ن ڒْعسْكَارَاثْ ؤُ زڭْ وَاسّْ ن ڒْحَاذُوقْ ن وغْضَابْ نّسْ.“
ISA 13:14 ”أَمْ ثْغَايْضثْ ن وزْغَارْ إِنْجرْفنْ، أَمْ وُودْجِي وَارْ غَارسْ د-إِكْسِي ؤُڒَا ذ إِجّْ، [أَمُّو] إِ غَا نّْقڒْبنْ نِيثْنِي كُوڒْ إِجّْ غَارْ ڒْڭنْسْ نّسْ ؤُ كُوڒْ  إِجّْ أَذْ يَارْوڒْ غَارْ ثمُّورْثْ نّسْ.
ISA 13:15 قَاعْ ونِّي إِ غَا إِتّْوَافنْ، أَذْ خَاسْ شُوقنْ، ؤُ قَاعْ ونِّي إِ غَا طّْفنْ، أَذْ إِوْضَا س سِّيفْ.
ISA 13:16 زَّاثْ إِ ثِيطَّاوِينْ نْسنْ أَذْ تّْوَادّْزنْ إِحنْجِيرنْ نْسنْ، أَذْ تّْوَاكشّْضنْثْ ثُوذْرِينْ نْسنْ ؤُ ثِيمْغَارِينْ نْسنْ أَذْ تّْوَاسّْنُوقّْبنْثْ.“
ISA 13:17 ”خْزَارْ، نشّْ أَذْ خَاسنْ سّْحَارّْشغْ إِمَاذِييّنْ، نِيثْنِي وَارْ ذ أَسنْ ثشْقِي نُّوقَارْثْ ؤُ غَارْسنْ نِيثْنِي ؤُرغْ وَارْ إِسكّْوِي.
ISA 13:18 ڒقْوَاسْ نْسنْ أَذْ خَارّْڭنْ إِحُوذْرِييّنْ، وَارْ أَرحّْمنْ شَا خْ ڒْغِيدْجثْ ن ؤُعذِّيسْ، ؤُ ثِيطّْ نْسنْ وَارْ ثتّْزِيدْجِيزْ إِ إِحنْجِيرنْ.
ISA 13:19 [ثَانْذِينْثْ ن] بَابِيلْ، ثَالْوِيزْثْ جَارْ ثْڭلْذَاثِينْ، [ثنِّي] ذ ڒْعزّْ ذ ؤُسمْغَارْ ن إِكَالْذَانِييّنْ، أَذْ ثذْوڒْ أَمْ مَامّشْ ڒَامِي ثُوغَا أَربِّي إِسّْنقْڒبْ سَاذُومْ ذ عَامُورَّا.
ISA 13:20 إِ ڒبْذَا وَارْ إِتّْغِيمِي ذِينْ ؤُڒَا ذ إِجّْ، وَارْ [ذَايسْ] زدّْغنْ عَاذْ زِي جِّيڒْ أَڒْ جِّيڒْ. أَعْرَابْ وَارْ ذِينِّي إِشِّيثْ أَقِيضُونْ نّسْ [عَاذْ] ؤُ إِمكْسَاونْ وَارْ تّجِّينْ أَذْ ثَاريّحْ ذِينْ [ثْحِيمَارْثْ نْسنْ]عمَّارْصْ.
ISA 13:21 ڒوْحُوشْ ن ڒخْڒَا أَذْ زّْڒنْ ذِينِّي ؤُ ثِيزذِّيغِينْ نْسنْ أَذْ شُّورنْثْ س مُوكَاثْ، يسِّيسْ ن نّْعَامثْ أَذْ زذْغنْثْ ذِينِّي ؤُشَا إِمُويَانْ [إِجنّنْ] أَذْ ذِينِّي نڭْزنْ.
ISA 13:22 أَذْ سّْمِيعِّيونْ إِفِيسنْ إِجّْ غَارْ ونّغْنِي ذِي لْقلْعَاثْ إِتّْوَاجّنْ [ن بَابِيلْ] ؤُڒَا ذ ؤُشَّاننْ ن ڒخْڒَا ذِي ڒقْصُورْ ن ڒهْزُوطْ. ڒْوقْثْ نّسْ أَذْ د-ثَاوضْ ذغْيَا ؤُ ؤُسَّانْ نّسْ وَارْ تّْزُوڭَّارْثنْ شَا.“
ISA 14:1 ”مَاغَارْ سِيذِي أَذْ إِحِينّْ خْ يَاعْقُوبْ ؤُشَا أَذْ إِفَارْزْ إِسْرَائِيل عَاذْ. نتَّا أَذْ أَسنْ إِوْشْ ڒْهُوذْنثْ ذِي ثمُّورْثْ نْسنْ. أَبَارَّانِي أَذْ كِيذْسنْ إِمُونْ ؤُ نِيثْنِي أَذْ ذوْڒنْ غَارْ ثَادَّارْثْ ن يَاعْقُوبْ.
ISA 14:2 ڒڭْنُوسْ أَذْ ثنْ أَوْينْ ؤُ أَذْ [ثنْ] سِّيذْفنْ غَارْ ومْشَانْ نْسنْ. ثَادَّارْثْ ن إِسْرَائِيل أَذْ ثنْ ثطّفْ ذ ثَاسْغَارْثْ ذِي ثمُّورْثْ ن سِيذِي، أَمْ يِيسمْغَانْ ذ ثِييَّا. أَذْ حبّْسنْ إِنِّي ثنْ إِحبّْسنْ، ؤُشَا أَذْ حكْمنْ خْ إِنِّي ثنْ إِحصَّارنْ.“
ISA 14:3 ”ذڭْ وَاسّْ إِ ذ أَشْ إِ غَا إِسَّاريّحْ سِيذِي زِي ڒحْرِيقْ نّشْ، زڭْ ؤُنخْڒِيعْ نّشْ ؤُ زِي ثْسخَّارْثْ نّشْ إِقسْحنْ إِ زِي ڭِّينْ أَذْ [أَسنْ] ثْسخَّارذْ،
ISA 14:4 أَذْ ثسّْڭعّْذذْ أَمتِّيڒْ-أَ خْ ؤُجدْجِيذْ ن بَابِيلْ، أَذْ ثِينِيذْ: ’مَامّشْ إِسّْبدّْ ونِّي إِحصَّارنْ زِي [ڒحْصَارثْ] نّسْ، [مَامّشْ] ثتّْوَاقْضَا ڒقْسَاحثْ؟‘
ISA 14:5 يَارْژَا سِيذِي أَعْمُوذْ ن إِعفَّاننْ، أَزدْجَاضْ ن أَيْثْ ن بُو-صُّولْطَا،
ISA 14:6 ونِّي إِوْثِينْ ڒڭْنُوسْ ذڭْ إِجّْ ن ؤُذُوقّزْ [ن ؤُفُوڭمْ] س ثِييِّيثَا بْڒَا قطُّو، ونِّي ثُوغَا إِحكّْمنْ خْ ڒڭْنُوسْ س وغْضَابْ، إِضَافَّارْ [إِ-ثنْ] بْڒَا أَزِيدْجزْ.
ISA 14:7 مَارَّا ثَامُّورْثْ ثَارْسَا، ثسْقَارْ. [خنِّي] ذُوقُّوزنْ سْ ڒفْرَاحثْ.
ISA 14:8 ؤُڒَا ذ ثِيشجُّورَا ن ؤُمرْزِي فَارّْحنْثْ زَّايكْ ؤُ ثِيشجُّورَا ن ثنْڭلْثْ ن [إِذُورَارْ ن] لُوبْنَانْ [قَّارنْثْ]: ’زڭْ وَامِي شكْ ثْمدّذْ غَارْ ثمُّورْثْ، وَارْ ذَا د-إِتِّيسْ ؤُڒَا ذ إِجّنْ عَاذْ حِيمَا أَذْ أَنغْ يَارْژْ!‘ “
ISA 14:9 ”ڒَْاخَارْثْ سْوَادَّايْ أَذْ ثنْهزّْ ذِي طّْوعْ نّشْ، مَاحنْذْ أَذْ فّْغنْ نِيثْنِي غَارْ ؤُمْسَاڭَارْ أَكِيذكْ خْمِي د غَا ثَاسذْ. ذِي طّْوعْ نّشْ أَذْ ثسّْفَاقْ ڒخْيَاڒَاثْ [ن إِمتَّانْ]، مَارَّا ڒْحُوكَّامْ ن ثمُّورْثْ، أَذْ ثڭّْ مَارَّا إِجدْجِيذنْ ن ثمُّورْثْ أَذْ كَّارنْ زِي ڒكْرَاسِي نْسنْ إِڭلّْذنْ.
ISA 14:10 نِيثْنِي مَارَّا أَذْ طّْفنْ ذڭْ وَاوَاڒْ، أَذْ أَشْ إِنِينْ: ’ؤُڒَا ذ شكْ ثْذوْڒذْ ثَارهْفذْ، أَمْ نشِّينْ، [ڒخُّو] شكْ ثَاروْسذْ ذَايْنغْ!‘
ISA 14:11 أَقَا ثْمنْضَارْ نّْفَاخثْ نّشْ ذِي ڒَاخَارْثْ، ڒْحسّْ ن لهَارْپَاثْ نّشْ. سَاذُو نّشْ تّْوَابزّْعنْ إِوكِّيونْ [أَمْ ڒمْثَاحْ]، ؤُ إِكشَّاونْ ذ مَالْثَا نّشْ.
ISA 14:12 مَامّشْ [ثڭِّيذْ] ثوْضِيذْ-د زڭْ ؤُجنَّا، [شكْ،] [أَ يِيثْرِي ن ڒفْجَارْ] إِتّْسقْسِيقنْ، مِّيسْ ن ثُوفُّوثْ ن ڒْحَاڒْ! مَامّشْ ثتّْوَارْژذْ غَارْ ثمُّورْثْ، [شكْ] أَمَارْنِيوْ ن ڒڭْنُوسْ!
ISA 14:13 ثنِّيذْ ذڭْ وُوڒْ نّشْ: ’نشّْ أَذْ ڭعّْذغْ غَارْ ؤُجنَّا، أَذْ سّْبدّغْ ڒْعَارْشْ إِنُو ثِيوَا إِ يثْرَانْ ن أَربِّي، أَذْ قِّيمغْ خْ وذْرَارْ ن ؤُمُونِي غَارْ طّْرُوفَا ن شَّامَالْ قَاعْ.
ISA 14:14 نشّْ أَذْ ڭعّْذغْ ثِيوَا ن ثْقِيشَّاثِينْ ن إِسيْنُوثنْ، أَذْ أَرْوْسغْ ذڭْ ؤُمْعُودْجِي خْ كُوڒْشِي!‘
ISA 14:15 لَّ، أَذْ شكْ د-سّهْوَانْ ذِي ڒَاخَارْثْ، ذِي ڒَادْجَاغْ قَاعْ ن وَانُو!
ISA 14:16 إِنِّي شكْ إِ غَا إِژَارنْ، أَذْ ذَايكْ جْعَارنْ، أَذْ فهْمنْ [ؤُشَا أَذْ إِنِينْ]: ’مَا وَا ذ أَرْيَازْ نِّي إِسَّارْجِيجنْ ثَامُّورْثْ، ونِّي إِجِّينْ ثِيڭلْذِينْ أَذْ نْهزّنْثْ،
ISA 14:17 ونِّي يَارِّينْ ثَامُّورْثْ ذ ڒخْڒَا ؤُشَا يَاردّدْجْ ثِيندَّامْ نّسْ، ونِّي وَارْ يَارْخُونْ إِ إِمحْبَاسْ نّسْ أَذْ أَركّْوحنْ؟‘
ISA 14:18 مَارَّا إِجدْجِيذنْ ن ڒڭْنُوسْ، مَارَّا نِيثْنِي زّْڒنْ [ذِينْ] ذِي شَّانْ، كُوڒْ إِجّْ ذِي ثَادَّارْثْ نّسْ.
ISA 14:19 [مَاشَا] شكْ ثْمنْضَارذْ، سِّيڭّْوجنْ شكْ خْ ونْضڒْ نّشْ، [أَمْ] إِشْثْ ن نّْعِي ن ثْغدُّوثْ [مّنْضَارنْ ت]، سّْذُورْينْ ت س إِمتَّانْ إِتّْوَاسّْنُوقّْبنْ س سِّيفْ، إِنِّي د غَا إِهْوَانْ غَارْ إِژْرَا ن ثسْرَافْثْ [ن ونْضڒْ]، أَمْ ڒْخشْبثْ إِ خْعفْسنْ.
ISA 14:20 وَارْ ثمَّارْسذْ ذڭْ ونْضڒْ ذ إِجّنْ أَكِيذْسنْ، مَاغَارْ ثْخَارّْبذْ ثَامُّورْثْ نّشْ ؤُشَا ثنْغِيذْ ڒْڭنْسْ نّشْ. زَّارِيعثْ ن إِعفَّاننْعمَّارْصْ وَارْ ت إِتِّيذَارنْ إِ ڒبْذَا.
ISA 14:21 سْوجْذمْ طَّابْڒَا ن ثْغَارْصْثْ إِ إِحنْجِيرنْ نّسْ خْ ڒْمُوعْصِييّثْ ن إِبَابَاثنْ نْسنْ، مَاحنْذْ نِيثْنِيعمَّارْصْ وَارْ تّْبذِّينْ [عَاذْ]، أَذْ وَارْثنْ ثَامُّورْثْ ؤُشَا أَذْ شُّورنْ ؤُذمْ ن ثمُّورْثْ س ثْندَّامْ.
ISA 14:22 نشّْ أَذْ خَاسنْ كَّارغْ، [أَمُّو] إِ إِسَّاوَاڒْ سِيذِي ن ڒْعسْكَارَاثْ، نشّْ أَذْ ثحِّيغْ زِي بَابِيلْ [كُوڒْ] إِسمْ ذ [مَارَّا] مِينْ إِقِّيمنْ، أَمْ مِّيسْ ؤُڒَا ذ مِّيسْ ن مِّيسْ، أَمُّو إِ إِقَّارْ سِيذِي.
ISA 14:23 نشّْ أَذْ أَرّغْ [بَابِيلْ] ذ ثَاسْغَارْثْ ن ثْوُوشْثْ ن دْجِيڒثْ ؤُڒَا ذ إِيڒْمَامنْ. أَذْ ثنْ مْحِيغْ س ثْمذْوَاسْثْ ن ؤُردّدْجْ، [أَمُّو] إِ إِقَّارْ سِيذِي ن ڒْعسْكَارَاثْ.“
ISA 14:24 سِيذِي ن ڒْعسْكَارَاثْ إِجِّيدْجْ، إِنَّا ”س ثِيذتّْ، أَمْ مَامّشْ نشّْ إِ ت خَارّْصغْ، أَمُّو إِ غَا إِمْسَارْ، أَمْ مَامّشْ نشّْ إِ ت ؤُرِيغْ، أَمُّو إِ د غَا يَاسْ.
ISA 14:25 أَقَا نشّْ أَذْ أَرْژغْ أَشُّورْ ذِي ثمُّورْثْ إِنُو ؤُ أَذْ خَاسْعفْسغْ خْ إِذُورَارْ إِنُو، حِيمَا [أَ]زَايْڒُو نّسْ أَذْ زَّايْسنْ إِتّْوَاكْسِي ؤُ ڒحْمڒْ نّسْ أَذْ إِوْضَا خْ ثْغَارْضِينْ نْسنْ.
ISA 14:26 وَا ذ أَشَاوَارْ نِّي إِتّْوَاڭّنْ خْ مَارَّا ثَامُّورْثْ ؤُ وَا ذ أَفُوسْ إِ إِسّْوِيژّْضنْ إِ مَارَّا ڒڭْنُوسْ.
ISA 14:27 مَاغَارْ سِيذِي ن ڒْعسْكَارَاثْ إِخَارّصْ أَيَا، مَانْ ونْ إِزمَّارنْ أَذْ ث إِبْضڒْ؟ أَقَا أَفُوسْ نّسْ إِسّْوِيژَّاضْ إِ-ث، مَانْ ونْ إِزمَّارنْ أَذْ ث يَارّْ [غَارْ ؤُغزْذِيسْ]؟“
ISA 14:28 ذڭْ ؤُسڭّْوَاسْ ن ڒْموْثْ ن أَحَازْ، يُوسَا-د ڒْحُوكْمْ إِسَّاڭّْوَاذنْ وَانِيثَا:
ISA 14:29 ”وَارْ فَارّحْ، [أَ شمْ،] مَارَّا [ثَامُّورْثْ ن] فِيلِيشِيثْ، أَقَا أَكشُّوضْ نِّي شمْ إِوْثِينْ، إِتّْوَارْژْ، مَاغَارْ زڭْ وژْوَارْ ن ؤُفِيغَارْ أَذْ د-إِفّغْ ؤُرفْسِيوْ أَمسْمُومْ ؤُ ڒْغِيدْجثْ نّسْ أَذْ ثِيڒِي ذ ڒْحَايْشثْ إِشمْضنْ إِطَّاونْ.
ISA 14:30 إِمنْزَا ن إِمُوقْڒِيڒنْ أَذْ هْذَانْ [س ڒْهُوذْنثْ] ؤُشَا إِمزْڒَاضْ أَذْ زّْڒنْ ذِي ڒَامَانْ، [مَاشَا] أَذْ نْغغْ أَژْوَارْ نّمْ س ڒَاژْ ؤُشَا [أَرفْسِيوْ] أَذْ إِنغْ مِينْ زَّايمْ إِقِّيمنْ.“
ISA 14:31 ”رُو، [أَ] ثَاوَّارْثْ، سْغُويّْ، [أَ] ثَانْذِينْثْ، أَقَا فشْڒنْ مَارَّا [إِمزْذَاغْ ن] فِيلِيشِيثْ! مَاغَارْ زِي شَّامَالْ أَذْ د-يَاسْ دّخَّانْ ؤُشَا ؤُڒَا ذ إِجّنْ أَذْ يَاڭّْوجْ زڭْ إِسذِّييّنْ نّسْ ن ڒْعسْكَارْ.“
ISA 14:32 ”مِينْ إِ د غَا يَارّنْ خْ إِرقَّاسنْ ن ڒْڭنْسْ؟“ ”أَقَا سِيذِي إِڭَّا [ذْسَاسْ] ن صِيهْيُونْ حِيمَا ڒْمُوسَاكِينْ ن ڒْڭنْسْ نّسْ أَذْ غَارسْ أَروْڒنْ!“
ISA 15:1 ڒْْحُوكْمْ إِسَّاڭّْوَاذنْ خْ مُوآبَ. ”ذِي دْجِيڒثْ إِتّْوَاهْذمْ أَرْ-مُوآبَ، إِذْوڒْ إِسُّوسمْ، وَاهْ، ذِي دْجِيڒثْ إِتّْوَاهْذمْ قِيرْ-مُوآبَ، إِذْوڒْ إِسُّوسمْ!
ISA 15:2 ڭعّْذنْ غَارْ بَايِيثْ ذ ذِيبُونْ، غَارْ ڒڭْعُوذِي حِيمَا أَذْ رُونْ. [ذِينِّي] أَذْ إِرُو مُوآبَ خْ نابُو ذ مَايْذَابَا. قَاعْ أَزدْجِيفْ نْسنْ إِڒْسَا ذ أَقشَّارْ، مَارَّا ثِيمِيرَا تّْوَاحفّنْثْ.
ISA 15:3 بيْسنْ س ثْخُونْشَايْ [ن وشْضَانْ] ذڭْ إِزْنِيقنْ نْسنْ، أَقَا [ذِينْ] مْغِيرْ ثْغُويِّيثْ خْ ثْزغْوِينْ نْسنْ ؤُ ذڭْ وَازَّاينْ نْسنْ، إِمطَّاونْ وطَّانْ-د [خْ ؤُغمْبُوبْ].
ISA 15:4 حَاشْبُونْ إِسْغُويُّو، ؤُڒَا ذ أَلِيعَالَا. تّسْڒَانْ إِ ثْمِيجَّا نْسنْ أَڒْ يَاهَاصْ. خْ ؤُيَا سْغُويُّونْ [ؤُڒَا ذ] إِرْيَازنْ ن مُوآبَ نِّي غَارْ إِدْجَا ڒسْنَاحْ، بُوحْبڒْ [ن مْكُوڒْ أَرْيَازْ] إِفْشڒْ ذَايسْ.“
ISA 15:5 ”ؤُڒْ إِنُو إِسْغُويُّو خْ مُوآبَ. إِمَارْوَاڒْ نّسْ إِوْضنْ أَڒْ [ثَانْذِينْثْ ن] صُوغَارْ، [ثنِّي إِدْجَانْ أَمْ] ثَاعجْمِيثْ ن ثْڒَاثَا ن إِسڭّْوُوسَا. أَمْ تّْرُونْ تّْڭعَّاذنْ ثَاسَاونْثْ ن لُوحِيثْ، [وَاهْ،] ذڭْ وبْرِيذْ غَارْ حُورُونَايِيمْ سّْڭَاعَّاذنْ نِيثْنِي ثَاغُويِّيثْ ن ثْخسَّارْثْ.
ISA 15:6 وَاهْ، أَمَانْ ن نِيمْرِيمْ أَذْ ذوْڒنْ إِمُوشَانْ خْڒَانْ، [وَاهْ،] أَرْبِيعْ إِسْڒَاوْ، أَغمُّويْ ن أَرْبِيعْ إِقْضَا، وَارْ إِتِّيڒِي عَاذْ ؤُغمُّويْ أَزِيزَا.
ISA 15:7 خْ ؤُيَا أَذْ أَرْبُونْ مِينْ إِشطّنْ ذ مِينْ [عَاذْ] غَارْسنْ، غَارْ ؤُجمَّاضْ ن إِغْزَارْ ن إِصفْصَافنْ.
ISA 15:8 وَاهْ، أَذْ د-ثفّغْ ثْغُويِّيثْ ن ؤُشثْشِي ذِي ثمُّورْثْ ن مُوآبَ، أَوعّضْ نّسْ [أَذْ د-إِفّغْ] أَڒْ أَجْلَايِيمْ، أَغُويِّي س إِمطَّاونْ أَڒْ بِي‘رْ-إِلِيمْ.
ISA 15:9 عَاذْ شُّورنْ وَامَانْ ن ذِيمُونْ س إِذَامّنْ، وَاخَّا نشّْ أَذْ أَرنْيغْ خْ ذِيبُونْ عَاذْ كْثَارْ: أَيْرَاذْ [أَذْ د-يَاسْ] خْ يِينِّي د-يَاروْڒنْ زِي مُوآبَ، خْ مِينْ إِقِّيمنْ ذِي ثمُّورْثْ.“
ISA 16:1 ” ’سكّمْ [دّْمَانِي شُّورنْ س] إِزْمَارنْ ن ڒْحَاكمْ ن ثمُّورْثْ، زِي سَالَاعْ غَارْ ڒخْڒَا، غَارْ وذْرَارْ ن يدْجِيسْ ن صِيهْيُونْ!‘
ISA 16:2 أَمْ إِجْضَاضْ يَاروْڒنْ، إِتّْوَاسّضْونْ زِي ڒْعُوشّْ، أَمُّو إِ غَا ڭّنْثْ يسِّيسْ ن مُوآبَ غَارْ إِمُوشَانْ ن ؤُژكّْوُو ن [يغْزَارْ] ن أَرْنُونْ.
ISA 16:3 ’أَوْيمْ [خنِّي] شّْوَارْ، كْسِيمْ أَوَاڒْ، ڭّمْ ثِيڒِي نّمْ أَمْ دْجِيڒثْ ذڭْ ؤُزِيڒْ، سْنُوفَّارْ إِمثْلَاعْ، وَارْ زْنُوزِي إِنِّي يَاروْڒنْ!‘
ISA 16:4 ’جّمْ إِنِّي زَّايِي خْ يُوژّْڒنْ أَذْ غَارمْ قِّيمنْ، [أَ] [ثَامُّورْثْ ن] مُوآبَ! إِڒِي ذ أَذُورِّي إِ نِيثْنِي زَّاثْ إِ وُوذمْ ن ؤُمْثحَّايْ!‘ “ ”ڒحْصَارثْ [مَاشَا] أَذْ ثْبدّْ، أَثحِّي أَذْ إِقْضَا، إِنِّي إِعفّْسنْ خْ ثمُّورْثْ أَذْ مْودَّارنْ زِي ثمُّورْثْ.
ISA 16:5 ڒْكُورْسِي إِڭلّْذنْ أَذْ إِتّْوَاشدّْ س ثْمخْسِيوْثْ إِشُووَّارنْ ؤُ نتَّا أَذْ خَاسْ إِقِّيمْ ذِي ثِيذتّْ ذڭْ ؤُقِيضُونْ ن ذَاوُوذْ، نتَّا ذ ونِّي إِحكّْمنْ ذ ونِّي يَارزُّونْ ڒْحقّْ ؤُشَا إِسّفْڒحْ ثَاسڭْذَا.“
ISA 16:6 ”نشِّينْ نسْڒَا خْ نّْفَاخثْ ن [ثمُّورْثْ ن] مُوآبَ، أَقَا نتَّاثْ ذ ثَاعفَّارْثْ أَڒْ طَّارْفْ. ثَاعفَّارْثْ نّسْ ذ نّْفَاخثْ نّسْ ذ زّْعَامثْ نّسْ، أَقَا [مَارَّا] ڒْهَارْذْ نّسْ إِخْوَانْ وَارْ إِدْجِي شَا نِيشَانْ.
ISA 16:7 س ؤُيَا إِ غَا ثْرُو [ثمُّورْثْ ن] مُوآبَ خْ مُوآبَ، مَارَّا نِيثْنِي أَذْ رُونْ، أَذْ سْغُوينْ خْ زّْبِيبْ ن قِيرْ-حَارِيسَاثْ، نِيثْنِي ذوْڒنْ تّْوَاغڒْبنْ قَاعْ.
ISA 16:8 مَاغَارْ إِسْڒَاونْثْ ثْزَايَارِينْ ذڭْ إِمَارْجَاعنْ ن ؤُضِيڒْ ن حَاشْبُونْ. ثِيسضْوِينْ ن ضِّيڒشْثْ ن سِيبْمَا أَرنّْينْثْ ڒْحُوكَّامْ نْ ڒڭْنُوسْ. ثِيسضْوِينْ يِيوْضنْثْ أَڒْ يَاعْزِيرْ، سُوحنْثْ ذِي ڒخْڒَا، بزّْعنْثْ، أَقَا ژْوَانْثْ ڒبْحَارْ.
ISA 16:9 خْ ؤُيَا تّْرُوغْ [خْ] ضِّيڒشْثْ ن سِيبْمَا، أَمْ مَامّشْ رُوغْ خْ يَاعْزِيرْ. سُّوغْ شمْ س إِمطَّاونْ إِنُو، [أَ، ثِيندَّامْ ن] حَاشْبُونْ ذ أَلِيعَالَا، مِينْزِي رُوحنْ إِغُويَّانْ ن ؤُسْڒِيوْڒوْ زِي ثِينِي نّمْ ن ؤُنبْذُو ؤُ زڭْ وڒْقَاضْ نّمْ.
ISA 16:10 ثْحيّذْ ڒفْرَاحثْ ذ زّْهُو زڭْ إِيَّارْ[أنْ] إِسّغْمَاينْ ن ثْفدْجَاحْثْ، وَارْ تّْغنِّيجنْ ؤُ وَارْ سْڒِيوْڒِيونْ [عَاذْ] ذڭْ إِمَارْجَاعنْ ن ؤُضِيڒْ. ونِّي يَارفّْسنْ وَارْ يَارفّسْ [عَاذْ] أَضِيڒْ ذِي ثْسِيڒْثْ [ن ؤُضِيڒْ]. سّْبدّغْ نشّْ ڒعْيُوذَاثْ ن ؤُسْڒِيوْڒوْ.
ISA 16:11 خْ ؤُيَا سْغُويُّونْثْ ثكْرِيشِينْ إِنُو أَمْ يِيجّْ ن ڒْڭَامْبْرِي خْ مُوآبَ، ؤُ ذَاخڒْ إِنُو خْ كِيرْ-حَارِيسْ.
ISA 16:12 خْمِي إِ غَا يَاحڒْ مُوآبَ خْ ڒْڭعّْذثْ [مَانِي تّْقدَّامنْ ثِيوْهِيبِينْ نّسْ] ؤُشَا أَذْ يَاذفْ غَارْ زَّاوشْثْ نّسْ إِقدّْسنْ حِيمَا أَذْ إِژَّادْجْ، [خنِّي] أَذْ ژَترنْ أَقَا مُوآبَ وَارْ إِزمَّارْ أَذْ إِڭّْ وَالُو.“
ISA 16:13 وَا ذ أَوَاڒْ إِ إِسِّيوڒْ سِيذِي خْ مُوآبَ.
ISA 16:14 [ؤُشَا] ڒخُّو إِسَّاوَاڒْ سِيذِي، إِقَّارْ: ”ذِي ثْڒَاثَا ن إِسڭّْوُوسَا عْلَاحْسَابْ إِسڭّْوُوسَا ن ؤُشوَّاڒْ، أَذْ إِذْوڒْ ؤُعُودْجِي ن مُوآبَ إِتّْوَاسّحْقَارْ أَكْ-ذ مَارَّا أَبَارُّو نِّي أَمقّْرَانْ. مِينْ [زَّايسْ] إِ غَا إِقِّيمنْ، أَذْ يِيڒِي ذْرُوسْ قَاعْ، وَارْ إِدْجِي أَطَّاسْ.“
ISA 17:1 ڒْحُوكْمْ إِسَّاڭّْوَاذنْ خْ ذِيمَاشْقْ. ”أَقَا ذَا، ذِيمَاشْقْ وَارْ ثتِّيڒِي عَاذْ ذ ثَانْذِينْثْ، أَذْ ثذْوڒْ ذ ڒْخَارْبثْ إِتّْوَاهذْمنْ.
ISA 17:2 ثِيندَّامْ ن عَارُوعِيرْ أَذْ ذوْڒنْثْ خْڒَانْثْ، أَذْ إِڒِينْثْ إِ ثْحِيمْرِيوِينْ. ثِينَا أَذْ ذِينِّي زّْڒنْثْ ؤُشَا ؤُڒَا ذ إِجّنْ وَارْ ثنْثْ إِسّْفعْفِيعْ.
ISA 17:3 أَذْ ثتّْوَاقْضَا خْ لْقلْعَا زِي إِفْرَايِيمْ ؤُڒَا خْ ثَاڭلْذِيثْ زِي ذِيمَاشْقْ ؤُ خْ مِينْ إِقِّيمنْ ن أَرَامْ. نِيثْنِي أَذْ أَسنْ إِمْسَارْ أَمْ مَامّشْ إِمْسَارْ إِ ؤُعُودْجِي ن أَيْثْ ن إِسْرَائِيل، [أَمُّو إِ] إِقَّارْ سِيذِي ن ڒْعسْكَارَاثْ.“
ISA 17:4 ”ذڭْ وَاسّْ نِّي أَذْ إِسْڒَاوْ ؤُعُودْجِي ن يَاعْقُوبْ ؤُشَا أَذْ ثذْوڒْ ثَاذُونْثْ ن أَرِّيمثْ نّسْ ثقِّيدْجثْ.
ISA 17:5 أَذْ يِيڒِي أَخْمِي إِتّْقبّضْ ونِّي إِمجَّارنْ إِمنْذِي إِبدّنْ ؤُشَا إِمجَّارْ ؤُغِيڒْ نّسْ ثِيذْرِينْ، أَذْ يِيڒِي أَخْمِي إِجّْ إِڒقّضْ ثِيذْرِينْ ذِي ثغْزُورْثْ ن إِرَافَاوِييّنْ.
ISA 17:6 أَذْ إِقِّيمْ [مْغِيرْ] إِجّْ ن ؤُشطِّي إِ وڒْقَاضْ، أَمْ غَارْ وزْوَاضْ ن إِزمُّورنْ، ثْنَاينْ نِيغْ ثْڒَاثَا [ن ثْزِيثُونِينْ] غَارْ ثْقِيشّثْ ن ثَاسطَّا سنّجْ، ؤُشَا أَربْعَا نِيغْ خمْسَا غَارْ ثِيسضْوِينْ إِغمَّاينْ أَطَّاسْ، [أَمُّو إِ] إِقَّارْ سِيذِي، أَربِّي ن إِسْرَائِيل.“
ISA 17:7 ”ذڭْ وَاسّْ نِّي أَذْ إِخْزَارْ بْنَاذمْ خْ ونِّي ث إِڭِّينْ ؤُ ثِيطَّاوِينْ نّسْ أَذْ ژَترنْ أَمْقدَّاسْ ن إِسْرَائِيل.
ISA 17:8 وَارْ إِتّْوَاڒِي إِعَالْطَارنْ، ڒْخذْمثْ ن إِفَاسّنْ نّسْ، ؤُڒَا ذ مِينْ إِڭِّينْ إِضوْضَانْ نّسْ وَارْ ث إِژَّارْ، ثِيربِّينْ ن شْوَارْثِي لَّا ؤُڒَا ذ إِپِيلَارنْ ن أَربِّي ن ثْفُوشْثْ لَّا.“
ISA 17:9 ”ذڭْ وَاسّْ نِّي أَذْ إِڒِينْثْ ثْندَّامْ نّسْ إِفَارْينْ أَمْ ومْشَانْ إِخْڒَا ذڭْ وزْغَارْ ؤُ ثَاقِيشّثْ ن وذْرَارْ نِّي جِّينْ زَّاثْ إِ ثِيطَّاوِينْ ن أَيْثْ ن إِسْرَائِيل، أَذْ يِيڒِي ذ أَمْشَانْ إِتّْوَاردّْدْجنْ.
ISA 17:10 مَاغَارْ شكْ ثتُّوذْ أَربِّي ن ؤُسنْجمْ نّشْ، وَارْ ثعْقِيڒذْ خْ ثصْضَارْثْ نّشْ إِجهْذنْ. خْ ؤُيَا ثتّژُّوذْ أَغمُّويْ إِضَارْفنْ ؤُشَا ثْزَارّْعذْ ثِيغدُّوثِينْ ثِيبَارَّانِييِّينْ.
ISA 17:11 ذڭْ وَاسّْ نِّي ذِي ثنْثْ ثژُّوضْ، أَذْ ثنْثْ ثْفَارْيذْ، ؤُ غَارْ ؤُثفُّو ثجِّيذْ زَّارِيعثْ نّمْ أَذْ ثسّْفُوفِّي: [ذ مَانْ أَيَا] ذ ثَامجْرَا إِعُورّْشنْ ذڭْ وَاسّْ ن ڒحْڒَاشْ نّشْ ذ ڒحْرِيقْ وَارْ إِتّْڭنْفِينْ.“
ISA 17:12 ”ؤُشْثْ خْ ؤُبَارُّو ن ڒڭْنُوسْ نِّي إِزهَّارنْ أَمْ زهَّارنْ ڒبْحُورْ، ؤُڒَا [ؤُشْثْ خْ] دّْرِيزْ ن شُّوعُوبْ نِّي [إِڭِّينْ] أَمْ ڒحْوڒْ ن وَامَانْ إِمقّْرَاننْ إِنْهوْڒنْ!
ISA 17:13 أَذْ هوْڒنْ شُّوعُوبْ أَمْ ڒحْوڒْ ن وَامَانْ إِمقّْرَاننْ، [مَاشَا] نتَّا أَذْ ثنْ يَاربَّا ؤُ نِيثْنِي أَذْ أَروْڒنْ غَارْ ڒَاڭّْوَاجْ. أَذْ إِتّْوَاعَارْنْ [ؤُبَارُّو نْ ڒڭْنُوسْ] أَمْ ؤُڒُومْ خْ إِذُورَارْ [إِتّْوَاعَارْننْ] زڭْ ؤُسمِّيضْ، أَمْ [ؤُسيْنُو ن ثْعجَّاجْثْ] ثنّضْ أَسْ-د ثْحَارْيَاضْثْ.
ISA 17:14 غَارْ ڒْوقْثْ ن ثْمذِّيثْ، خْزَارْ، أَنخْڒِيعْ! قْبڒْ مَا أَذْ إِصْبحْ ڒْحَاڒْ، وَارْ إِدْجِي نتَّا عَاذْ. ثَا ذ ثَاسْغَارْثْ ن يِينِّي ذ أَنغْ إِكشّْضنْ، زّْهَارْ ن يِينِّي ذ أَنغْ يُوشَارنْ.“
ISA 18:1 ”ؤُشْثْ خْ ثمُّورْثْ ن ڒْحسّْ ن وَافْرِيونْ، ثنِّي غَارْ ؤُرنْذَاذْ إِغزْرَانْ ن [ثمُّورْثْ ن] كُوشْ،
ISA 18:2 ثنِّي إِسّكّنْ إِمْسكَّانْ [نّسْ] خْ ڒبْحَارْ، ذِي ثْغَارَّابُوثِينْ ن ؤُغَانِيمْ ثِيوَا إِ وَامَانْ. ؤُيُورمْ، [أَ كنِّيوْ] إِرقَّاسنْ إِفْسُوسنْ، غَارْ إِجّْ ن ڒْڭنْسْ إِزُّوڭَّارْثنْ ؤُ إِتّْوسّْڭنْ [ن ثڒْمشْثْ]، غَارْ إِجّْ ن ڒْڭنْسْ نِّي زِي ڭّْوذنْ زڭْ وَامِي إِدْجَا ؤُ زِي سَّا ثْسَاونْثْ، غَارْ ڒْڭنْسْ نِّي إِتَّامَارَانْ ڒبْذَا ؤُ إِعفّسْ، ونِّي زِي قضْعنْ إِغزْرَانْ ثَامُّورْثْ نّسْ.
ISA 18:3 [أَ كنِّيوْ] مَارَّا إِمزْذَاغْ ن دُّونشْثْ ذ يِينِّي إِزدّْغنْ ذِي ثمُّورْثْ، خْمِي غَا سّْڭعّْذنْ ثَاعدْجَانْثْ خْ إِذُورَارْ، [خنِّي] أَذْ [ث] ثْژَارمْ، ؤُ خْمِي غَا سُوضنْ ذڭْ ؤُيِيشّْ ن إِشَارِّي، أَذْ [ث] ثسْڒمْ!“
ISA 18:4 ”مَاغَارْ أَمُّو إِ ذ غَارِي إِنَّا سِيذِي: ’نشّْ أَذْ حْضِيغْ ذِي ڒْهُوذْنثْ خْ ڒْعَارْشْ إِنُو، أَمْ ڒهْمُو يَارقّنْ غَارْ طّْحَا [ن ؤُزِيڒْ]، أَمْ ؤُسيْنُو [إِشُّورنْ س] نّْضَا غَارْ ڒهْمُو ن صَّابثْ.‘
ISA 18:5 مَاغَارْ قْبڒْ صَّابثْ، خْمِي غَا إِكمّڒْ نُّووَّارْ، ثذْوڒْ ثْنوَّارْثْ ذ أَضِيڒْ إِننَّا، أَذْ إِزْبَارْ نتَّا إِزْبِيرنْ س إِجقَّاضنْ ن وزْبَارْ، أَذْ إِكّسْ أَرْبِيبنْ، أَذْ ثنْ إِقْضُو.
ISA 18:6 نِيثْنِي مَارَّا أَذْ تّْوَاجّنْ إِ إِجْضَاضْ إِتّْكشَّاضنْ خْ إِذُورَارْ ؤُ إِ ڒوْحُوشْ ن ثمُّورْثْ. ذڭْ ؤُنبْذُو أَذْ خَاسنْ أَرْسنْ إِجْضَاضْ إِتّْكشَّاضنْ ؤُ ذِي ڒْمشْثَا أَذْ خَاسنْ أَرْسنْ ڒوْحُوشْ ن ڒخْرَا.
ISA 18:7 ذِي ڒْوقْثْ نِّي أَذْ أَوْينْ إِشْثْ ن ثَارْزفْثْ إِ سِيذِي ن ڒْعسْكَارَاثْ: إِجّْ ن ڒْڭنْسْ إِزُّوڭَّارْثنْ ذ إِتّْوسّْڭنْ [ن ثڒْمشْثْ] - ؤُ [مَانْ أَيَا] زڭْ إِجّْ ن ڒْڭنْسْ إِمڭّْوذْ زَّايسْ زڭْ وَامِي إِدْجَا ذ ثْسَاونْثْ، زڭْ إِجّْ ن ڒْڭنْسْ نِّي إِتَّامَارنْ ڒبْذَا ؤُ إِعفّسْ، نِّي زِي قضْعنْ إِغزْرَانْ ثَامُّورْثْ نّسْ - غَارْ ومْشَانْ ن يِيسمْ ن سِيذِي ن ڒْعسْكَارَاثْ: غَارْ وذْرَارْ ن صِيهْيُونْ.“
ISA 19:1 ڒْْحُوكْمْ خْ مِيصْرَا. ”خْزَارْ، سِيذِي إِنّْيَا خْ إِشْثْ ن ثْسيْنُوثْ إِتَّازّْڒنْ. نتَّا يُوذفْ غَارْ مِيصْرَا ؤُشَا لْ-أَصْنَامْ أَذْ أَرْجِيجنْ زَّاثْ إِ وُوذمْ نّسْ ؤُ أَيْثْ ن مِيصْرَا أَذْ أَسنْ إِفْشڒْ وُوڒْ ذڭْ إِذْمَارنْ نْسنْ.
ISA 19:2 مَاغَارْ أَذْ سّْحَارّْشغْ إِمِيصْرِييّنْ خْ إِمِيصْرِييّنْ، مَاحنْذْ كُوڒْ  إِجّْ أَذْ إِمّْنغْ أَكْ-ذ ؤُمَاسْ، ؤُ كُوڒْ إِجّْ أَكْ-ذ وَاجَّارْ نّسْ، ثَانْذِينْثْ أَكْ-ذ ثنْذِينْثْ، ثَاڭلْذِيثْ أَكْ-ذ ثْڭلْذِيثْ.
ISA 19:3 بُوهْبڒْ نْ إِمِيصْرِييّنْ أَذْ يَارْجفْ ذَايْسنْ ؤُ نشّْ أَذْ فسْخغْ إِخَارِّيصنْ نْسنْ. [خنِّي] أَذْ سّقْسَانْ لْ-أَصْنَامْ نْسنْ ذ يِينِّي إِتّْعزّْمنْ ؤُڒَا ذ يِينِّي إِسَّاوَاڒنْ أَكْ-ذ إِمتَّانْ ذ إِڭزَّاننْ.
ISA 19:4 أَذْ ڭّغْ إِمِيصْرِييّنْ ذڭْ ؤُفُوسْ ن أَيْثْبَابْ إِقسْحنْ ؤُشَا أَجدْجِيذْ إِوْعَارنْ أَذْ خَاسنْ إِحْكمْ، [أَمُّو إِ] إِقَّارْ سِيذِي، سِيذِي ن ڒْعسْكَارَاثْ.
ISA 19:5 أَمَانْ ذِي ڒبْحَارْ أَذْ أَژْغنْ ؤُ إِغْزَارْ أَذْ إِذْوڒْ ذ إِجْذِي، أَذْ يَاژغْ.
ISA 19:6 إِغزْرَانْ أَذْ أَرْخُونْ إِ أَرِّيحثْ يُورْسُوضنْ ؤُ إِغزْرَانْ ن مِيصْرَا أَذْ أَرْسنْ ؤُشَا أَذْ أَژْغنْ، أَغَانِيمْ ذ ثلْڭَا أَذْ إِسْڒَاونْ.
ISA 19:7 دّْمَانِي ن ثَاروْسَا غَارْ نِيلْ، غَارْ ؤُقمُّومْ ن إِغْزَارْ [ن نِيلْ]، ؤُڒَا ذ مَارَّا ثَامُّورْثْ غَارْ إِغزْرَانْ مَانِي زَارّْعنْ، أَذْ أَژْغنْ، أَذْ تّْوَاكّْسنْ، وَارْ تِّيڒِينْ عَاذْ.
ISA 19:8 إِبحْرِييّنْ ن إِسڒْمَانْ أَذْ شضْننْ ؤُ مَارَّا إِنِّي إِنْضَارنْ ثَاسنَّارْثْ نْسنْ ذڭْ إِغْزَارْ [ن نِيلْ]، ؤُ إِنِّي إِبزّْعنْ ثْرَاشَّا ن ؤُذلَّاعْ خْ وَامَانْ، أَذْ إِسْڒَاونْ [زڭْ وشْضَانْ].
ISA 19:9 إِنِّي إِخدّْمنْ ثِيفّسْثْ أَزْذَاذْ مشّْضنْ أَذْ سضْحَانْ، ؤُڒَا ذ إِذَارَّازنْ ن ڒْكتَّانْ ذ أَشمْڒَاڒْ.
ISA 19:10 أَذْ تّْوَادّْزنْ إِپِيلَارنْ ن ثمُّورْثْ، مَارَّا إِنِّي إِخدّْمنْ ذِي طّْوعْ نْ ڒْمُونثْ إِشْضنْ أَسْ ڒعْمَارْ.“
ISA 19:11 ”وَاهْ، ڒْحُوكَّامْ ن صُوعَانْ ذ إِبُوهَاڒِييّنْ، شّْوَارْ ن إِمْشَاوَارنْ إِمِيغِيسنْ ن فِيرْعُونْ إِذْوڒْ إِبُّوهْڒِي. مَامّشْ ثْزعّْممْ أَذْ ثقَّارمْ [عَاذْ] إِ فِيرْعُونْ: ’نشّْ ذ مِّيسْ ن إِمِيغِيسنْ، مِّيسْ ن إِجدْجِيذنْ ن وشْحَاڒْ ؤُيَا؟‘
ISA 19:12 مَانِي دْجَانْ خنِّي إِمِيغِيسنْ نّشْ؟ أجّْ إِ-ثنْ أَذْ أَشْ سَّارْڭْبنْ ؤُ أَذْ [شكْ] سّشْننْ مِينْ إِخَارّصْ سِيذِي ن ڒْعسْكَارَاثْ ضِيدّْ إِ مِيصْرَا!
ISA 19:13 ڒْحُوكَّامْ ن صُوعَانْ ذوْڒنْ ذ إِبُوهَاڒِييّنْ، تّْوَاشمْثنْ ڒْحُوكَّامْ ن نُوفْ. أَذْ سّْودَّارنْ مِيصْرَا، [أَقَا] إِنِّي ذ إِژْرَا ن ثغْمَارْثْ ن ثْقبَّاڒْ نّسْ.“
ISA 19:14 ”سِيذِي إِكبّْ ذِي مِيصْرَا بُوحْبڒْ  إِسّْذوَّاخنْ ذِي ڒْوسْطْ نّسْ. نِيثْنِي سّْودَّارنْ مِيصْرَا ذِي مَارَّا مِينْ إِڭَّا، أَمْ ؤُمسْكَارْ إِودَّارْ ذِي ثْعُوقِّيثْ نّسْ.
ISA 19:15 وَارْ إِتِّيڒِي [عَاذْ] إِ مِيصْڒَا مِينْ غَا يڭّْ، مِينْ إِزمَّارْ أَذْ [ث] إِڭّْ ؤُزدْجِيفْ نِيغْ أَكنَّاسْ، ثَاسطَّا نِيغْ أَغَانِيمْ.“
ISA 19:16 ”ذڭْ وَاسّْ نِّي أَذْ إِڒِينْ إِمِيصْرِييّمْ أَمْ ثمْغَارِينْ. أَذْ أَرْجِيجنْ، أَذْ نّْخڒْعنْ زِي سِّيبّثْ ن ونْهزِّي [إِسَّاڭّْوَاذنْ] ن ؤُفُوسْ ن سِيذِي ن ڒْعسْكَارَاثْ، إِ زِي غَارْسنْ إِ غَا إِنْهزّْ سَّا ذ سَّا.
ISA 19:17 ثَامُّورْثْ ن يَاهُوذَا أَذْ ثذْوڒْ ذ أَمذْيَا ن ؤُنخْڒِيعْ إِ إِمِيصْرِييّنْ. مَارَّا ونِّي ث إِتِّيذَارنْ، أَذْ إِنّخْڒعْ زِي سِّيبّثْ ن ؤُخَارّصْ ن سِيذِي ن ڒْعسْكَارَاثْ نِّي خَاسنْ إِخَارّصْ.“
ISA 19:18 ”ذڭْ وَاسّْ نِّي أَذْ ذِينْ إِڒِينْثْ خمْسَا ن ثْندَّامْ ذِي ثمُّورْثْ ن مِيصْرَا، أَذْ [ذِينْ] سِّيوْڒنْ [إِوْذَانْ] إِڒسْ ن كنْعَانْ ؤُشَا أَذْ جَّادْجنْ غَارْ سِيذِي ن ڒْعسْكَارَاثْ. إِشْثْ ن زَّايْسنْثْ أَذْ أَسْ قَّارنْ ’إِرْ-هَا-هرسْ!‘، [’ثَانْذِينْثْ ن وَاردّدْجْ‘].
ISA 19:19 ذڭْ وَاسّْ نِّي أَذْ [ذِينْ] يِيڒِي إِجّْ ن ؤُعَالْطَارْ ذِي ڒْوسْطْ ن ثمُّورْثْ ن مِيصْرَا ؤُ إِجّْ ن ؤُمَايْضُو [إِقدّْسنْ] غَارْ ويْمِيرْ نّسْ.
ISA 19:20 أَيَا أَذْ يِيڒِي ذ ڒعْڒَامثْ ذ شّْهَاذثْ إِ سِيذِي ن ڒْعسْكَارَاثْ ذِي ثمُّورْثْ ن مِيصْرَا: خْمِي غَا ڒَاغَانْ إِ سِيذِي زِي سِّيبّثْ ن يِينِّي ثنْ إِحصَّارنْ، نتَّا أَذْ غَارْسنْ إِسّكّْ أَمْسنْجمْ ذ أَمقّْرَانْ، ؤُ وَانِيثَا أَذْ ثنْ إِفكّْ.
ISA 19:21 أَذْ إِذْوڒْ سِيذِي إِتّْوَاسّنْ غَارْ إِمِيصْرِييّنْ ؤُشَا إِمِيصْرِييّنْ أَذْ سّْننْ سِيذِي ذڭْ وَاسّْ نِّي. نِيثْنِي أَذْ أَسْ سخَّارنْ س ثْغَارْصْثْ ذ ثوْهِيبْثْ [ن ڒْغِيدْجثْ] ؤُشَا أَذْ وْشنْ أَوَاڒْ إِ سِيذِي ؤُ أَذْ ث كمّْڒنْ.
ISA 19:22 أَذْ إِوّثْ سِيذِي إِمِيصْرِييّنْ س ثِييِّيثَا، نتَّا أَذْ [ثنْ] إِوّثْ ؤُ أَذْ [ثنْ] إِسّْڭنْفَا. نِيثْنِي أَذْ د-ذوْڒنْ غَارْ سِيذِي ؤُ نتَّا أَذْ يجّْ إِخفْ نّسْ أَذْ إِتّْوَاسّصْڒحْ س ثْژَادْجِيثْ يُودْجْغنْ نْسنْ ؤُ أَذْ ثنْ إِسّْڭنْفَا.“
ISA 19:23 ”ذڭْ وَاسّْ نِّي أَذْ [ذِينْ] يِيڒِي وبْرِيذْ أَمقّْرَانْ زِي مِيصْرَا أَڒْ أَشُّورْ. أَيْثْ ن أَشُّورْ أَذْ د-أَسنْ ذِي مِيصْرَا ؤُشَا إِمِيصْرِييّنْ ذِي أَشُّورْ. أَذْ [أَسْ]عبْذنْ إِمِيصْرِييّنْ [إِ نتَّا] [جْمِيعْ] أَكْ-ذ أَيْثْ ن أَشُّورْ.“
ISA 19:24 ”ذڭْ وَاسّْ نِّي أَذْ يِيڒِي إِسْرَائِيل ذ وِيسّْ ثْڒَاثَا أَكْ-ذ مِيصْرَا ذ أَشُّورْ، ذ لْبَارَاكَا ذِي ڒْوسْطْ ن ثمُّورْثْ.
ISA 19:25 مَاغَارْ سِيذِي ن ڒْعسْكَارَاثْ أَذْ ثنْ إِبَاركْ، أَذْ يِينِي: ’إِڒِي أَذْ إِتّْوَابَاركْ ڒْڭنْسْ إِنُو مِيصْرَا، ؤُ ڒْخذْمثْ ن إِفَاسّنْ إِنُو أَشُّورْ، ؤُڒَا ذ ثَاسْغَارْثْ إِنُو إِسْرَائِيل!‘ “
ISA 20:1 ذڭْ ؤُسڭّْوَاسْ نِّي ذِي د-يُوسَا ؤُكُومَانْذَارْ ن ڒْعسْكَارْ غَارْ أَشْذُوذْ، ؤُمِي ث إِسّكّْ سَارْجُونْ، أَجدْجِيذْ ن أَشُّورْ، ؤُ إِمّْنغْ نتَّا أَكْ-ذ أَشْذُوذْ ؤُشَا إِطّفْ إِ-ث،
ISA 20:2 ذِي ڒْوقْثْ نِّي ثُوغَا إِسَّاوَاڒْ سِيذِي، س ؤُقمُّومْ ن إِشَاعْيَا، مِّيسْ ن أَمُوصْ، إِنَّا: ”ؤُيُورْ، سَارْسْ أَرُّوضْ ن ثْخَانْشثْ [ن وشْضَانْ] نِّي خْ ثجْعِينَّا نّشْ ؤُ كّسْ سَانْذَالِييَاثْ نّشْ خْ إِضَارنْ نّشْ!“ إِڭَّا إِ-ث [إِشَاعْيَا]، إِڭُّورْ ذ أَعَارْيَانْ ؤُ س ڒحْفَا خْ إِضَارنْ نّسْ.
ISA 20:3 [ڒخْذنِّي] إِنَّا سِيذِي: ”أَمْ مَامّشْ إِڭُّورْ ؤُمْسخَّارْ إِنُو إِشَاعْيَا [ڒخُّو عَاذْ] ثْڒَاثَا ن إِسڭّْوُوسَا ذ أَعَارْيَانْ ؤُ س ڒحْفَا ذَا ذ ذِيهَا، أَمْ ڒعْڒَامثْ ؤُ أَمْ يِيجّْ ن ڒعْجبْ إِ مِيصْرَا ؤُ إِ كُوشْ،
ISA 20:4 أَمُّو إِ غَا إِنْذهْ ؤُجدْجِيذْ ن أَشُّورْ إِمحْبَاسْ ن مِيصْرَا ذ إِمنْفِييّنْ ن كُوشْ، أَمژْيَانْ ذ ؤُمقّْرَانْ، أَعَارْيَانْ ذ ؤُحفْيَانْ ن إِضَارنْ، ؤُڒَا س دَّابُوبْ إِعَارَّانْ، [أَقَا] ذ ڒفْضِيحثْ إِ مِيصْرَا.
ISA 20:5 [خنِّي] أَذْ ڭّْوذنْ ؤُ أَذْ سضْحَانْ زِي سِّيبّثْ ن أَيْثْ ن كُوشْ إِ غَارْ ثُوغَا خزَّارنْ ذ شَا، ؤُ زِي سِّيبّثْ ن إِمِيصْرِييّنْ، أَفيّشْ نْسنْ.
ISA 20:6 إِمزْذَاغْ ن ثمُّورْثْ-أَ خْ ثْمَا نْ ڒبْحَارْ أَذْ إِنِينْ ذڭْ وَاسّْ نِّي: ’خْزَارْ، أَمُّو إِ إِمْسَارْ إِ ونِّي غَارْ نْخزَّارْ ذ شَا، ذ ونِّي غَارْ نَارْوڒْ حِيمَا أَذْ نَارْزُو ثْوِيزَا، حِيمَا أَذْ نتّْوَافكّْ زِي زَّاثْ ن وُوذمْ ن ؤُجدْجِيذْ ن أَشُّورْ. مَامّشْ [خنِّي] نْزمَّارْ أَذْ ننْجمْ [ڒخُّو]؟‘ “
ISA 21:1 ڒْْحُوكْمْ إِسَّاڭّْوَاذنْ خْ ڒخْڒَا ن ڒبْحَارْ. ”أَمْ مَامّشْ تَّازّْڒنْثْ ثْحَارْيَاضِينْ ذِي [ثمُّورْثْ ن] لْجَانُوبْ، [أَمُّو إِ] غَا إِفّغْ نتَّا زِي ڒخْڒَا، زِي ثمُّورْثْ إِسَّاڭّْوَاذنْ.
ISA 21:2 ثُوسَا-د غَارِي إِجّْ ن ڒوْحِييْ إِقْسحْ: ’أَغدَّارْ إِتّڭّْ س ڒغْذَارثْ ؤُ أَمْثحَّايْ أَذْ إِثحَّا. ڭعّذْ-د، [أَ] عِيلَامْ، حْصَارْ، [أَ] مَاذَايْ!‘ نشّْ أَذْ سّْبدّغْ مَارَّا أَزهَّارْ نّسْ.
ISA 21:3 خْ ؤُيَا تّكْسنْثْ ذَايِي ثجْعِينَّاثِينْ إِنُو، ؤُ طّْفنْ أَيِي ڒوْجعْ ن ثَارُوثْ أَمْ ڒوْجعْ ن إِشْثْ ن ثمْغَارْثْ إِتَّارْونْ. نشّْ تّْنزْبَارغْ خْمِي [ذ أَسْ] تّسْڒِيغْ، نّْخڒْعغْ ؤُمِي ث تّْوَاڒِيغْ.
ISA 21:4 ؤُڒْ إِنُو إِنّجْرفْ، أَقَارْقبْ [نّسْ] إِسّنْهزَّا ذَايِي ثِيڭّْوُوذِي. ثْبَامْبَاسْثْ ن ثْمذِّيثْ نِّي وهّْشغْ أَطَّاسْ، إِڭَّا أَيِي ت ذ ڒْعُورّثْ.“
ISA 21:5 ”سْرُوسَا-د طَّابْڒَا، سْبدّْ أَعسَّاسْ، أشّْ، سُو!“ ”كَّارمْ، [أَ] ڒْحُوكَّامْ، ذهْنمْ ثَاسدَّارْثْ [ن ؤُسڒْقِي]!“
ISA 21:6 مَاغَارْ أَمُّو إِ ذ أَيِي إِنَّا سِيذِي: ”ؤُيُورْ، أڭّْ إِجّْ ن ؤُعسَّاسْ، أجّْ إِ-ث أَذْ إِخبَّارْ مِينْ إِتّْوَاڒَا!“
ISA 21:7 أَقَا إِژْرَا إِرْيَازنْ نِّي إِنْيِينْ خْ ييْسَانْ، ثْيُويَا ن إِمْنَاينْ أَكْ-ذ ثْيُويَا نّغْنِي، إِجّْ ن ؤُكَارَابَانْ ن يغْيَاڒْ ذ إِجّْ ن ؤُكَارَابَانْ ن إِڒغْمَانْ. ثُوغَا إِحطَّا مْلِيحْ، مْلِيحْ أَطَّاسْ.
ISA 21:8 [خنِّي] إِڒَاغَا ونِّي ت إِژْرِينْ: ”[أَ] سِيذِي إِنُو، ذڭْ وَاسّْ تّْبذِّيغْ بْڒَا قطُّو خْ وشْبَارْ ن ثْعسَّاسْثْ ؤُ كُوڒْ دْجِيڒثْ تّْعسّغْ.
ISA 21:9 خْزَارْ، ذِيهَا ؤُسِينْ-د إِرْيَازنْ نِّي إِنْيِينْ خْ ييْسَانْ، ثْيُويَا ن إِمْنَاينْ أَكْ-ذ ثْيُويَا نّغْنِي!“ [عَاوذْ] إِطّفْ نتَّا ذڭْ وَاوَاڒْ، إِنَّا: ”ثوْضَا [ثنْذِينْثْ ن] بَابِيلْ، ثوْضَا، ذ مَارَّا ڒخْيَاڒَاثْ إِنقْشنْ ن إِربِّيثنْ نّسْ إِڒْبزْ إِ-ثنْ خْ ثمُّورْثْ!“
ISA 21:10 [أَ] أَسَارْوَاثْ إِنُو، [أَ] مِّيسْ ن ؤُنذْرَارْ إِنُو! مِينْ سْڒِيغْ زِي سِيذِي ن ڒْعسْكَارَاثْ، أَربِّي ن إِسْرَائِيل، خبَّارغْ كنِّيوْ خَاسْ.
ISA 21:11 ڒْْحُوكْمْ إِسَّاڭّْوَاذنْ خْ ذُومَا. ”زِي سَاعِيرْ ڒَاغَانْ أَيِي-د: ’أَعسَّاسْ، مشْحَاڒْ [عَاذْ] غَا ثكّْ دْجِيڒثْ؟ أَعسَّاسْ، مشْحَاڒْ [عَاذْ] غَا ثكّْ دْجِيڒثْ؟‘
ISA 21:12 إِنَّا ؤُعسَّاسْ: ’يُوسَا-د ؤُثفُّو ن ڒْحَاڒْ، ؤُڒَا ذ دْجِيڒثْ [ثُوسَا-د]. مَاڒَا كنِّيوْ ثخْسمْ أَذْ ثسّقْسَامْ، سقْسَامْ! ذوْڒمْ-د، أَسمْ-د!‘ “
ISA 21:13 ڒْْحُوكْمْ إِسَّاڭّْوَاذنْ ذِي ثْمذِّيثْ. ”ذڭْ وزْغَارْ ذِي [ثمُّورْثْ ن] وعْرَابنْ أَذْ ثسّنْسمْ، [أَ كنِّيوْ]، إِكَارَابَاننْ ن أَيْثْ ن ذَاذَانْ!
ISA 21:14 ؤُيُورمْ غَارْ وُومْسَاڭَارْ أَكْ-ذ ونِّي إِفُّوذنْ حِيمَا أَذْ أَسْ ثَاوْيمْ أَمَانْ! إِمزْذَاغْ ن ثمُّورْثْ ن ثَايْمَا فّْغنْ-د غَارْ ؤُمْسَاڭَارْ أَكْ-ذ ؤُمَارْوَاڒْ س وغْرُومْ.
ISA 21:15 مَاغَارْ نِيثْنِي أَروْڒنْ زِي ڒسْيُوفْ، زِي سِّيفْ إِ د-إِتّْوَاجبْذنْ، زِي ڒْقوْسْ إِتّْوَامحْذنْ ؤُ زِي ڒغْبنْ ن ؤُمنْغِي.
ISA 21:16 مَاغَارْ أَمُّو إِ ذ أَيِي إِنَّا سِيذِي إِنُو: ’عَاذْ ذڭْ إِجّْ ن ؤُسڭّْوَاسْ، عْلَاحْسَابْ إِسڭّْوُوسَا ن ؤُشوَّاڒْ، [خنِّي] أَذْ إِقْضَا مَارَّا خْ ؤُعُودْجِي ن قِيذَارْ!
ISA 21:17 ڒْقدّْ ن أَيْثْ ن بُو-ڒْقوْسْ إِقِّيمنْ، أَيْثْ ن بُو-ثغْڒُوذْطْ ن قِيذَارْ، أَذْ يِيڒِي ذْرُوسْ وَاهَا، مَاغَارْ سِيذِي، أَربِّي ن إِسْرَائِيل ذ ونِّي إِنَّانْ [أَيَا].‘ “
ISA 22:1 ڒْْحُوكْمْ إِسَّاڭّْوَاذنْ خْ ثغْزُورْثْ ن ڒوْحِييْ. ”مِينْ شمْ يُوغِينْ أَڒَامِي ثْڭعّْذذْ شمْ أَكْ-ذ مَارَّا [إِوْذَانْ] خْ ثْزغْوِينْ؟
ISA 22:2 [أَ] شمْ، ثنِّي إِشُّورنْ س دّْرِيزْ، [أَ شمْ] ثَانْذِينْثْ إِزْرُودّْحنْ، ثَانْذِينْثْ إِنڭّْزنْ س ڒفْرَاحثْ: إِنِّي ذَايمْ إِتّْوَانْغنْ، وَارْ تّْوَانْغنْ س سِّيفْ ؤُ وَارْ مّْثنْ ذڭْ ؤُمنْغِي.
ISA 22:3 مَارَّا إِمْڭوَّاذنْ نّمْ مُوننْ أَروْڒنْ، [مَاشَا] تّْوَاحبّْسنْ نْهْڒَا ؤُڒَا ذ إِشْثْ ن ثشْثِي ن ڒْقوْسْ، مَارَّا إِنِّي ذَايمْ ؤُفِينْ، تّْوَاشَارْفنْ، وَاخَّا أَروْڒنْ غَارْ ڒَاڭّْوَاجْ.“
ISA 22:4 ”خْ ؤُيَا قَّارغْ: ’سَاڭّْوجمْ خَافِي ڒْخزْرَاثْ، أجّْ أَيِي أَذْ رُوغْ س إِمطَّاونْ إِمرْزَاڭنْ. وَارْ ذ أَيِي حصَّارمْ حِيمَا أَذْ أَيِي ثْعزَّامْ خْ وَاردّدْجْ ن يدْجِيسْ ن ڒْڭنْسْ إِنُو!‘
ISA 22:5 مَاغَارْ ذ إِجّْ ن وَاسّْ ن وزْرُودّحْ ذ ؤُعْفَاسْ ذ ؤُخَارْوضْ إِ د-إِسّكّْ سِيذِي إِنُو، سِيذِي ن ڒْعسْكَارَاثْ، ذِي ثغْزُورْثْ ن ڒوْحِييْ، [إِجّْ ن وَاسّْ] ن وغْذَاڒْ نْ ڒْحِيضْ ؤُ ن إِغُويَّانْ إِ خْ د-تَّارَّانْ إِذُورَارْ.
ISA 22:6 مَاغَارْ عِيلَامْ إِطّفْ أَقْرَابْ نّسْ س فْڒِيثْشَاثْ، [جْمِيعْ] أَكْ-ذ ؤُكَارُّو ن ؤُمنْغِي ؤُ أَكْ-ذ أَرْيَازْ [نِّي ث إِندّْهنْ] ذ يِينِّي إِنْيِينْ خْ ييْسَانْ، ؤُ قِيرْ إِعَارَّا ثَاسدَّارْثْ [ن ؤُعسْكَارِي].
ISA 22:7 أَذْ إِمْسَارْ أَقَا ڒمْخيّرْ ن ثيْسَارِينْ نّشْ أَذْ تّْوَاشُّورنْ س إِكَارُّوثنْ [ن ؤُمنْغِي] ؤُ إِمْنَاينْ أَذْ سدّنْ إِخفْ نْسنْ [إِ ؤُمنْغِي] [أَرنْذَاذْ ن] ثوَّارْثْ [ن ثنْذِينْثْ].
ISA 22:8 أَذْ إِكّسْ نتَّا أَرُّوضْ خْ يَاهُوذَا. ذڭْ وَاسّْ نِّي أَذْ ثخْزَارذْ غَارْ ڒسْنَاحْ [إِ إِدْجَانْ] ذِي ثَادَّارْثْ ن وزْغَارْ.
ISA 22:9 أَذْ ثْژَارمْ ثِيزّيِّينْ ذِي ثنْذِينْثْ ن ذَاوُوذْ، مِينْزِي أَقَا أَثنْثْ ذڭْ وَاطَّاسْ. أَذْ ثسّْمُونمْ أَمَانْ ن ؤُيڒْمَامْ ن وَادَّايْ.
ISA 22:10 أَذْ ثْحسْبمْ ثُوذْرِينْ ن ؤُرْشَالِيمْ ؤُشَا أَذْ ثْهذْممْ ثُوذْرِينْ حِيمَا أَذْ ثسّْجهْذمْ ڒْحِيضْ.
ISA 22:11 أَذْ ثڭّمْ إِجّْ ن ؤُيڒْمَامْ جَارْ ڒحْيُوضْ، حِيمَا أَذْ ثسّْمُونمْ أَمَانْ ن ؤُيڒْمَانْ أَقْذِيمْ، [مَاشَا] وَارْ ثْخزَّارمْ غَارْ ونِّي ث إِڭِّينْ، ؤُ وَارْ ثْحطِّيمْ ونِّي ث إِصنّْعنْ زڭْ وشْحَاڒْ ؤُيَا.“
ISA 22:12 ”ذڭْ وَاسّْ نِّي أَذْ إِڒَاغَا سِيذِي إِنُو، سِيذِي نْ ڒْعسْكَارَاثْ، مَاحنْذْ أَذْ ثْرُومْ، أَذْ ثسْغُويمْ، أَذْ ثْحفّمْ أَزدْجِيفْ ؤُ مَاحنْذْ أَذْ ثْيَارْضمْ ثَاخَانْشثْ [ن وشْضَانْ].
ISA 22:13 [مَاشَا] خْزَارْ، [ڒخُّو أَقَا ذِينْ] أَرْشَاقْ ذ ڒفْرَاحثْ، نقّنْ إِفُونَاسنْ، غَارْصنْ إِ وُودْجِي، تّتّنْ أَيْسُومْ ؤُ سسّنْ بِينُو، [أَمْ قَّارنْ:] ’أجّْ أَنغْ أَذْ نشّْ، أَذْ نْسُو، مَاغَارْ ثِيوشَّا أَذْ نمّثْ!‘
ISA 22:14 [مَاشَا] سِيذِي ن ڒْعسْكَارَاثْ إِسَّارْڭبْ أَيِي [خْ ؤُيَا] ذڭْ إِمزُّوغنْ إِنُو، [إِنَّا:] ’ڒْمُوعْصِييّثْ-أَ وَارْ إِتّْوَاسّصْڒحْ إِ كنِّيوْ أَڒْ غَا ثمّْثمْ!‘، [أَمُّو إِ] إِقَّارْ سِيذِي إِنُو، سِيذِي ن ڒْعسْكَارَاثْ.“
ISA 22:15 ”أَمُّو إِ إِقَّارْ سِيذِي إِنُو، سِيذِي ن ڒْعسْكَارَاثْ: ’ؤُيُورْ، أَذفْ غَارْ ووْكِيڒْ نِّي، غَارْ شِيبْنَا، ڒمْقدّمْ ن ثْزذِّيغْثْ [ن ؤُجدْجِيذْ]، [ؤُشَا إِنِي]:
ISA 22:16 مِينْ غَاركْ [إِدْجَانْ] ذَانِيثَا، نِيغْ مَانْ ونْ غَاركْ [إِدْجَانْ] ذَانِيثَا، أَقَا شكْ ثْنقْشذْ ذَا إِجّْ ن ونْضڒْ إِ يِيخفْ نّشْ؟ [إِوَا] إِنقّشْ أَنْضڒْ نّسْ سنّجْ، إِنقّشْ إِ يِيخفْ نّسْ إِشْثْ ن ثْزذِّيغْثْ ذِي جَّارْفْ!
ISA 22:17 خْزَارْ، سِيذِي أَذْ زَّايكْ إِحجَّارْ س إِجّْ ن ؤُحجَّارْ إِمْغَارْ، نتَّا أَذْ شكْ إِطّفْ س إِجّْ ن وُوضُوفْ إِقْسحْ.
ISA 22:18 نتَّا أَذْ شكْ إِسّحْنُونّضْ قَاعْ أَڒَامِي [ثْذوْڒذْ] ذ ثَاقُورَارْثْ، إِشْثْ ن ثْشَامَّا نِّي ت إِ غَا نْضَارنْ غَارْ إِشْثْ ن ثمُّورْثْ ثمْغَارْ. ذِينِّي إِ غَا ثمّْثذْ ؤُ ذِينِّي إِ غَا إِڒِينْ خنِّي إِكَارُّوثنْ نّشْ إِشُووَّارنْ، [أَ شكْ] ڒفْضِيحثْ ن ثَادَّارْثْ ن بَابْ نّشْ!
ISA 22:19 نشّْ أَذْ شكْ د-سُّوفّْغغْ زِي ڒْفُوسِينَا نّشْ، [وَاهْ،] نتَّا أَذْ شكْ د-إِقْڒعْ زڭْ ومْشَانْ نّشْ.‘ “
ISA 22:20 ”ذڭْ وَاسّْ نِّي أَذْ ڒَاغِيغْ إِ ؤُمْسخَّارْ إِنُو أَلْيَاقِيمْ، مِّيسْ ن حِيلْقِييَا.
ISA 22:21 نشّْ أَذْ أَسْ سّْيَارْضغْ أَرُّوضْ نّشْ ؤُ نشّْ أَذْ أَسْ بيْسغْ أَبْيَاسْ نّشْ ؤُ أَذْ وْشغْ ثِيزمَّارْ نّشْ ذڭْ ؤُفُوسْ نّسْ. نتَّا أَذْ يِيڒِي ذ بَابَاثْسنْ إِ إِمزْذَاغْ ن ؤُرْشَالِيمْ ذ ثَادَّارْثْ ن يَاهُوذَا.
ISA 22:22 نشّْ أَذْ أَسْ سَّارْسغْ ڒْمفْثَاحْ ن ثَادَّارْثْ ن ذَاوُوذْ خْ ثغْرُوضْثْ نّسْ. [مَاڒَا] نتَّا أَذْ يَارْزمْ، وَارْ إِزمَّارْ ؤُڒَا ذ إِجّْ أَذْ إِبلّعْ، [مَاڒَا] نتَّا إِبلّعْ، وَارْ إِزمَّارْ ؤُڒَا ذ إِجّْ أَذْ يَارْزمْ.
ISA 22:23 نشّْ أَذْ ث وْثغْ أَمْ ڒوْثذْ ذڭْ إِجّْ ن ومْشَانْ إِمْثنْ ؤُ نتَّا أَذْ يِيڒِي ذ ڒْعَارْشْ ن ؤُعُودْجِي إِ ثَادَّارْثْ ن بَابَاسْ.
ISA 22:24 أَذْ خَاسْ أَيْڒنْ مَارَّا أَعُودْجِي ن ثَادَّارْثْ ن بَابَاسْ، إِغدُّوينْ إِمژْيَانِينْ ذ ثْغدُّوثِينْ، زِي مَارَّا ثِيقْشُوعِينْ ثِيمژْيَانِينْ، زِي طّْبَاصِي أَڒْ مَارَّا ثِيقْنُوشِينْ.
ISA 22:25 ذڭْ وَاسّْ نِّي أَذْ إِتّْوَاكّسْ ڒوْثذْ إِ إِتّْوَاوْثنْ ذڭْ ومْشَانْ إِمثْننْ، إِقَّارْ سِيذِي ن ڒْعسْكَارَاثْ. أَذْ إِتّْوَاقْضعْ ؤُ [خنِّي] أَذْ إِوْضَا ؤُشَا دّْقڒْ إِ ثُوغَا غَارسْ يُويْڒنْ، أَذْ إِتّْوَاقسّْ، مَاغَارْ [أَمُّو إِ] إِنَّا سِيذِي.“
ISA 23:1 ڒْحُوكْمْ إِسَّاڭّْوَاذنْ خْ صُورْ. ” ’رُومْ، [أَ] إِغَارُّوبَا ن ثَارْشِيشْ، مَاغَارْ ثهْذمْ [ثنْذِينْثْ ن صُورْ] ؤُمِي وَارْ ثقِّيمْ ثَادَّارْثْ ؤُڒَا ذ ڒْمُويِّي.‘ وَاهْ، [أَمُّو إِ] ذ أَسنْ إِتّْوَاسَّارْڭبْ زِي ثمُّورْثْ ن أَيْثْ ن كِيتِّيمْ.
ISA 23:2 ’سُوسْممْ، [أَ كنِّيوْ] إِمزْذَاغْ ن ثڭْزِيرْثْ! إِسبَّابنْ ن صِيذُونْ إِنِّي إِژكّْوَانْ ڒبْحَارْ [س إِغَارُّوبَا نْسنْ]، أَقَا شُّورنْ شمْ [س سّڒْعثْ]!‘
ISA 23:3 زَّارِيعثْ ن سِيخُورْ، صَّابثْ ن إِغْزَارْ [ن نِيلْ]، ثذْوڒْ ذ ڒْمُونثْ نّسْ. [أَمُّو إِ] ثذْوڒْ [ثنْذِينْثْ ن صُورْ] ذ ڒْمَارْسِي ن ڒڭْنُوسْ.“
ISA 23:4 ” ’سضْحَا، [أَ شمْ] صِيذُونْ!‘ مَاغَارْ ڒبْحَارْ إِقَّارْ، لْبُورْجْ ن ڒبْحَارْ إِقَّارْ: ’وَارْ ذَايِي ثُوغِي ڒوْجعْ ن ثَارُوثْ ؤُ نشّْ وَارْ ؤُرِيوغْ. نشّْ وَارْ سّْغِيمِيغْ إِحُوذْرِييّنْ ؤُ وَارْ أَربِّيغْ ثِيعْزُورَايْ.‘
ISA 23:5 خْمِي غَا يَاوضْ ڒخْبَارْ غَارْ مِيصْرَا، [خنِّي] أَذْ نزْبَارنْ نِيثْنِي س ڒحْرِيقْ خْمِي غَا سْڒنْ إِ ڒخْبَارْ خْ صُورْ.“
ISA 23:6 ” ’ژْوَامْ غَارْ ثَارْشِيشْ، سْغُويّمْ، [كنِّيوْ] إِمزْذَاغْ ن ثڭْزِيرْثْ!‘
ISA 23:7 مَا وَا [ذ أَشْثَابْ] نْومْ، [أَ] [ثَانْذِينْثْ] إِنڭّْزنْ س ڒفْرَاحثْ، ثنِّي زِي لْ-أَصلْ نّسْ [إِدْجَانْ] زڭْ وُوسَّانْ ن وشْحَاڒْ ؤُيَا؟ إِصُورَافْ نّسْ أَذْ ت أَرْبُونْ غَارْ ڒَاڭّْوَاجْ حِيمَا أَذْ [ذِينْ] ثقِّيمْ أَمْ ثْبَارَّانشْثْ.
ISA 23:8 وِي إِخَارّْصنْ مَانْ أَيَا ذِي ڒْبَاڒْ نّسْ ضِيدّْ إِ صُورْ، [ثَانْذِينْثْ] نِّي إِبطَّانْ تِّيجَانْ، أَقَا زعْمَا إِسبَّابنْ [نّسْ] ذ ڒْحُوكَّامْ، إِتِّيجَارِييّنْ [نّسْ] ذ إِمْشنّْعنْ ن ثمُّورْثْ؟
ISA 23:9 سِيذِي ن ڒْعسْكَارَاثْ أَقَا غَارسْ ذِي ڒْبَاڒْ نّسْ حِيمَا أَذْ إِسّْعِيدْجثْ نّْفَاخثْ ن مَارَّا [مِينْ إِدْجَانْ ذ] ثَالْوِيزْثْ، حِيمَا أَذْ يَارْژْ ڒْعزّْ ن مَارَّا إِمْشنّْعنْ ن ثمُّورْثْ.“
ISA 23:10 ” ’سسْفِييْ ثَامُّورْثْ نّمْ أَمْ يغْزَارْ [ن نِيلْ]، [أَ شمْ] يدْجِيسْ ن ثَارْشِيشْ! وَارْ شمْ ثْمنّعْ ؤُڒَا ذ إِشْثْ ن ڒْحَاجّثْ عَاذْ!‘
ISA 23:11 نتَّا إِسّْوِيژّضْ أَفُوسْ نّسْ خْ ڒبْحَارْ، نتَّا إِسّنْهزّْ ثِيڭلْذِيوِينْ. سِيذِي يُومُورْ ضِيدّْ إِ كنْعَانْ مَاحنْذْ أَذْ أَردّْدْجنْ لْبُورْجَاثْ نّسْ.
ISA 23:12 نتَّا إِنَّا: ’عمَّارْصْ عَاذْ أَذْ ثِيڒِيذْ ثْفَارْحذْ، ثتّْوَاسّْعِيدْجْثذْ، [أَ] ثَاعْزَارشْثْ، يدْجِيسْ ن صِيذُونْ! [رُوحْ] غَارْ أَيْثْ ن كِيتِّيمْ، كَّارْ، ژْوَا. ؤُڒَا ذِينِّي وَارْ ثطِّيفذْ ڒهْنَا.‘
ISA 23:13 خْزَارْ، ثَامُّورْثْ ن إِكَالْذَانِييّنْ، ڒْڭنْسْ-أَ إِ ثُوغَا وَارْ إِدْجِينْ، أَقَا إِنيّشْ أَشُّورْ [ذ ثَامُّورْثْ] إِ ڒوْحُوشْ ن ڒخْڒَا - [مَاغَارْ] نِيثْنِي سّْڭعّْذنْ لْبُورْجَاثْ نْسنْ إِ وهْجَامْ، سّْعَارَّانْ ڒقْصُورْ نّسْ - أَقَا ڒْڭنْسْ-أَ يَارَّا إِ-ت ذ ڒْخِيرْبثْ.
ISA 23:14 رُومْ، [كنِّيوْ] إِغَارُّوبَا ن ثَارْشِيشْ، مَاغَارْ لْبُورْجْ نْومْ إِتّْوَاهْذمْ.“
ISA 23:15 ”ذڭْ وَاسّْ نِّي أَذْ إِمْسَارْ، أَقَا صُورْ أَذْ ثتّْوَاتُّو [ڒْْقدّْ ن] سبْعِينْ ن إِسڭّْوُوسَا، أَمْ [ڒْْقدّْ ن] وُوسَّانْ ن إِجّْ ن ؤُجدْجِيذْ. غَارْ ؤُنڭَّارْ ن سبْعِينْ ن إِسڭّْوُوسَا [نِّي] أَذْ إِمْسَارْ إِ صُورْ أَمْ مَامّشْ ذ أَسْ قَّارنْ ذڭْ إِزْڒِي ن ثمْغَارْثْ ن فَارْقْ-شّْغڒْ:
ISA 23:16 ’كْسِي ڒْڭَامْبْرِي، ؤُيُورْ ؤُشَا نّضْ ذِي ثنْذِينْثْ، [أَ شمْ،] ثَامْغَارْثْ ن فَارْقْ-شّْغڒْ إِتّْوَاتُّونْ! إِرَارْ إِجّْ ن دْجْغَا مْلِيحْ ؤُشَاغنّجْ أَطَّاسْ، مَاحنْذْ أَذْ خَامْعقْڒنْ!‘
ISA 23:17 أَوَارْنِي سبْعِينْ ن إِسڭّْوُوسَا سِيذِي أَذْ يَارْزفْ صُورْ [عَاوذْ] ؤُشَا نتَّاثْ أَذْ د-ثذْوڒْ غَارْ ڒْمُونثْ نّسْ ن فَارْقْ-شّْغڒْ ؤُشَا أَذْ ثسّفْسذْ إِخفْ نّسْ س مَارَّا ثِيڭلْذَاوِينْ ن دُّونشْثْ نِّي إِدْجَانْ خْ وُوذمْ ن ثمُّورْثْ.
ISA 23:18 [مَاشَا] ثَاسبَّابْثْ نّسْ ذ ڒْمُونثْ نّسْ ن فَارْقْ-شّْغڒْ أَذْ إِڒِينْثْ قدّْسنْثْ إِ سِيذِي. وَارْ ثتّْوَاخمّڒْ [ذڭْ إِخَّامنْ ن ثْخُوبَايْ] ؤُ وَارْ ثتّْوَاخزّنْ، مَاغَارْ سّڒْعثْ نّسْ أَذْ ثِيڒِي إِ يِينِّي إِزدّْغنْ زَّاثْ إِ وُوذمْ ن سِيذِي، حِيمَا أَذْ شّنْ أَڒْ إِ غَا جِّيوْننْ ؤُشَا حِيمَا أَذْ يَارْضنْ أَرُّوضْ إِشُووَّارنْ.“
ISA 24:1 ”خْزَارْ، سِيذِي أَذْ إِسّخْوَا ثَامُّورْثْ، أَذْ ت إِسّْخَارّبْ، أَذْ إِقدْجبْ ؤُذمْ نّسْ ؤُشَا أَذْ إِبزّعْ إِمزْذَاغْ نّسْ.
ISA 24:2 أَمْ مَامّشْ إِدْجَا ڒْڭنْسْ، أَمُّو [إِ غَا يِيڒِي] ؤُڒَا ذ أَكهَّانْ، أَمْ ؤُمْسخَّارْ ؤُڒَا ذ سِيذِي نّسْ، أَمْ ثَايَّا ؤُڒَا ذ لَّالَاسْ، أَمْ ؤُمْسوّقْ ؤُڒَا ذ أَمْزنْزِي، أَمْ أَرطَّاڒْ ؤُڒَا ذ ونِّي [زَّايسْ] إِكْسِينْ أَرْضَاڒْ، أَمْ بَابْ ن ؤُمَارْوَاسْ ؤُڒَا ذ بُو-ؤُمَارْوَاسْ نّسْ.
ISA 24:3 أَذْ سّخْوَانْ ثَامُّورْثْ مَارَّا، أَذْ [ت] كشّْضنْ قَاعْ، مَاغَارْ سِيذِي إِنَّا أَوَاڒْ-أَ!“
ISA 24:4 ”ثَامُّورْثْ ثشْضنْ، ثِيسْڒَاوْ، دُّونشْثْ ثفْثُوتّسْ، ثِيسْڒَاوْ. إِمْشنّْعنْ نْ ڒْڭنْسْ ن ثمُّورْثْ ثفْثُوتُّوسنْ.
ISA 24:5 ثَامُّورْثْ ثتّْوَاسّْعِيدْجثْ زڭْ إِمزْذَاغْ نّسْ، مَاغَارْ نِيثْنِي تّْعدَّانْ خْ إِزرْفَانْ، تّْبدَّاڒنْ ثِيوصَّا، تَّارژَّانْ ڒْعَاهْذْ ن ڒبْذَا.
ISA 24:6 خْ ؤُيَا ثتّتّْ نّعْڒثْ ثَامُّورْثْ ؤُ يِينِّي خَاسْ إِزدّْغنْ أَقَا ذَايْسنْ ڒْعِيبْ. س ؤُينِّي أَذْ تّْوَاسّْشمْضنْ إِمزْذَاغْ ن ثمُّورْثْ، أَذْ شطّنْ ذْرُوسْ ن إِوْذَانْ وَاهَا.“
ISA 24:7 ”بِينُو ن جْذِيذْ إِشْضنْ، ثَازَايَارْثْ ثفْثُوتّسْ، مَارَّا إِنِّي ثُوغَا إِفَارْحنْ ذڭْ وُوڒْ، زهَّارنْ.
ISA 24:8 صَافِي ثِيشْثِي إِسّْفَارَّاحنْ ن إِبنْذِيرنْ، دّْرِيزْ ن يِينِّي إِنڭّْزنْ س ڒفْرَاحثْ، صَافِي [ثِينخْثْ] إِسّْفَارَّاحنْ ن ڒْڭَامْبْرِي.
ISA 24:9 وَارْ سسّنْ بِينُو [عَاذْ] ذِي ڒْوقْثْ ن ؤُغنّجْ، شّْرَابْ أَذْ يِيڒِي ذ أَمرْزَاڭْ إِ يِينِّي [ث] إِسسّنْ.
ISA 24:10 ثَانْذِينْثْ إِتّْوَاجّنْ ذ ڒْخَارْبثْ، مَارَّا ثُوذْرِينْ بلّْعنْثْ إِ وَاذَافْ.
ISA 24:11 ذڭْ إِمسْرَاقْ تّْوعّْضنْ إِوْذَانْ خْ بِينُو، مَارَّا ڒفْرَاحثْ ثْودَّارْ، أَسْڒِيوْڒوْ إِفّغْ زِي ثَامُّورْثْ.
ISA 24:12 مِينْ إِقِّيمنْ ن ثنْذِينْثْ ذ ڒْخِيرْبثْ إِسَّاڭّْوَاذنْ [وَاهَا]، ؤُ ثَاوَّارْثْ ثتّْوَاڒْبزْ.
ISA 24:13 أَمُّو إِ غَا ثِيڒِي [ثنْذِينْثْ] ذِينْ ذِي ڒْوسْثْ ن ثمُّورْثْ، جَارْ ڒڭْنُوسْ. أَذْ ثِيڒِي أَمْ غَارْ وزْوَاضْ ن ؤُزمُّورْ، أَمْ غَارْ وڒْقَاضْ [ن ؤُضِيڒْ] خْمِي غَا ثعْذُو صَّابثْ.“
ISA 24:14 ”نِيثْنِي أَذْ سّْڭعّْذنْ ثْمِيجَّا نْسنْ، أَذْ سْڒِيوْڒونْ. ؤُمِي سِيذِي إِعُودْجنْ أَطَّاسْ، أَذْ سّْغُوينْ نِيثْنِي س ڒفْرَاحثْ زِي مَانِي ثْغدْجِي ثْفُوشْثْ.
ISA 24:15 خْ ؤُيَا، سْعُودْجمْ خنِّي سِيذِي ذِي ثمُّورَا ن ثْفَاوْثْ، [سْعُودْجمْ] إِسمْ ن سِيذِي، أَربِّي ن إِسْرَائِيل، ذِي ثڭْزِيرِينْ نْ ڒبْحَارْ!
ISA 24:16 زِي ثْمُووَّا قَاعْ ن ثمُّورْثْ نتّسْڒَا إِ إِزْڒَانْ، إِ ؤُعُودْجِي ن ؤُمْسڭّذْ!“ [خنِّي] نِّيغْ: نشّْ فنِّيغْ، فنِّيغْ، ؤُشْثْ خَافِي! إِمْكشَّاضنْ تّْكشَّاضنْ، ؤُ إِمْكشَّاضنْ تّْكشَّاضنْ مِينْ مَا [خْسنْ] أَذْ كشّْضنْ.
ISA 24:17 ثِيڭّْوُوذِي ذ ثسْرَافْثْ ذ ڒْفخْ [أَذْ] خَاكْ [إِڒِينْ]، [أَ] أَمزْذُوغْ ن ثمُّورْثْ!
ISA 24:18 ونِّي إِ غَا يَاروْڒنْ زِي دّْرِيزْ إِسَّاڭّْوَاذنْ، أَذْ إِوْضَا ذِي ثسْرَافْثْ، ذ ونِّي إِ غَا إِڭعّْذنْ زِي ثسْرَافْثْ، أَذْ إِنَّاغْ ذِي ڒْفخْ، مَاغَارْ ثِيبُورْجَاثِينْ ذِي ڒُوعْڒَا أَذْ نُّورْزْمنْثْ، ذْسُوسَا ن ثمُّورْثْ أَذْ نْهزّنْ.
ISA 24:19 ثَامُّورْثْ أَذْ ثْشَارّڭْ قَاعْ، أَذْ ثْفدْجقْ ثمُّورْثْ ذ إِفدْجَاقنْ، أَذْ ثنْهزّْ ثمُّورْثْ أَطَّاسْ.
ISA 24:20 أَذْ ثْميّڒْ ثمُّورْثْ سَّا غَارْ ذَا أَمْ يِيجّنْ إِسْشَارْ، أَذْ ثمْرَايْوَا أَمْ يِيجّْ ن ؤُعْشُوشْ إِ ثْمنْسِيوْثْ. إِعذِّيينْ نّسْ أَذْ خَاسْ زِييَّارنْ أَطَّاسْ، ؤُشَا نتَّاثْ أَذْ ثوْضَا، وَارْ ثْزمَّارْ أَذْ ثكَّارْ عَاذْ.“
ISA 24:21 ”ذڭْ وَاسّْ نِّي أَذْ إِخْڒفْ سِيذِي خْ ڒْعسْكَارْ ن ڒُوعْڒَا ذِي ڒُوعْڒَا، ؤُڒَا خْ إِجدْجِيذنْ نِّي [إِدْجَانْ] خْ وُوذمْ ن ثمُّورْثْ [أَذْ زَّايْسنْ إِخْڒفْ] خْ وُوذمْ ن ثمُّورْثْ.
ISA 24:22 أَذْ تّْوَاسّْمُوننْ أَمْ يِيمحْبَاسْ ذڭْ إِشْثْ ن ثسْرَافْثْ ؤُ أَذْ تّْوَاحبْذْسنْ ذِي ڒحْبسْ ؤُ أَوَارْنِي إِ وَاطَّاسْ ن وُوسَّانْ أَذْ غَارْسنْ أَرْزْفنْ.
ISA 24:23 ثَازِيرِي أَذْ ثزْوغْ س ؤُسضْحِي ؤُ ثَافُوشْثْ ثْسضْحَا خْمِي غَا يِيڒِي سِيذِي ن ڒْعسْكَارَاثْ ذ أَجدْجِيذْ خْ وذْرَارْ ن صِيهْيُونْ ؤُ ذِي ؤُرْشَالِيمْ، ؤُشَا زَّاثْ إِ إِمْغَارنْ نّسْ [أَذْ ذِينِّي يِيڒِي] ؤُعُودْجِي.“
ISA 25:1 ”أَ سِيذِي، شكْ ذ أَربِّي إِنُو، نشّْ أَذْ شكْ سّْعُودْجغْ، أَذْ صبّْحغْ إِسمْ نّشْ، مَاغَارْ شكْ ثڭِّيذْ ڒعْجبْ، أَطَّاسْ ن شّْوَارْ نّشْ زڭْ وشْحَاڒْ ؤُيَا، أَقَا-ث ذ ثِيذتّْ ؤُ ذَايسْ ڒَامَانْ.
ISA 25:2 شكْ ثَارِّيذْ ثَانْذِينْثْ ذ أَعُورِّيشْ ن يژْرَا، ثَانْذِينْثْ إِتّْوَاسّْجهْذنْ ذ ڒْخِيرْبثْ، ڒقْصَارْ ن إِبَارَّانِييّنْ ذِي ثَانْذِينْثْ، وَارْ ث سّْبذِّينْعمَّارْصْ عَاوذْ.
ISA 25:3 خْ ؤُيَا أَذْ شكْ إِسّْعُودْجْ إِجّْ ن ڒْڭنْسْ إِجْهذْ، ثَانْذِينْثْ ن ڒڭْنُوسْ إِقسْحنْ أَطَّاسْ أَذْ زَّايكْ ثڭّْوذْ.
ISA 25:4 مَاغَارْ ثُوغَا شكْ ذ لْقلْعَا إِ ؤُمَارْخُو، ذ لْقلْعَا إِ ؤُمزْڒُوضْ خْمِي إِتّْنحْصَارْ، شكْ ذ أَذُورِّي إِ ونْژَارْ إِشَّاثنْ، ؤُڒَا ذ ثِيڒِي ذِي ڒحْمُو مِينْزِي لْحَارَاجْ ن أَيْثْ ن بُو-ڒخْشُونشْثْ أَقَا-ث أَمْ ونْژَارْ إِشَّاثنْ خْ ڒْحِيضْ.
ISA 25:5 أَمْ ڒحْمُو ذڭْ إِجّْ ن ومْشَانْ يُوژغْ، أَمُّو إِ غَا ثسّغْذذْ لْحَارَاجْ ن إِبَارَّانِييّنْ، أَمْ ثِيڒِي ن ؤُسيْنُو ثسّسْمِيضْ ڒهْمُو، أَمُّو إِ غَا إِتّْوَاسّغْذْ إِزْڒِي ن أَيْثْ ن بُو-ڒخْشُونشْثْ.“
ISA 25:6 ”سِيذِي ن ڒْعسْكَارَاثْ أَذْ إِسّوْجذْ خْ وذْرَارْ-أَ إِشْثْ ن زَّارْذثْ س مَاشَّا ثشُّورْ س ثَاذُونْثْ خْ وذْرَارْ-أَ إِ مَارَّا رڭْنُوسْ، إِشْثْ ن زَّارْذثْ س بِينُو إِصبْحنْ قَاعْ، س إِشْثْ ن مَاشَّا ثشُّورْ س ثَاذُونْثْ ذ وَاذُوفْ، س بِينُو إِصبْحنْ إِصْفَانْ.
ISA 25:7 نتَّا أَذْ إِبطّڒْ خْ وذْرَارْ-أَ أَڒحَّافْ إِ زِي تّْڒحَّافنْ مَارَّا ڒڭْنُوسْ ؤُڒَا ذ دُّورِي إِ زِي تّْوَاسّْذُورُّوينْ مَارَّا ڒڭْنُوسْ.
ISA 25:8 نتَّا أَذْ إِسَارْضْ ڒْموْثْ إِ ڒبْذَا ؤُشَا سِيذِي إِنُو، سِيذِي، أَذْ إِمْسحْ إِمطَّاونْ زِي مَارَّا إِغمْبَابْ، أَذْ إِكّسْ ڒفْضِيحثْ ن ڒْڭنْسْ نّسْ زِي مَارَّا ثَامُّورْثْ، مَاغَارْ أَمُّو إِ إِنَّا سِيذِي.“
ISA 25:9 ”ذڭْ وَاسّْ نِّي أَذْ إِنِينْ: ’أَقَا ذَا، وَا ذ أَربِّي نّغْ، خَاسْ إِ نڭَّا أَسِيثمْ نّغْ ؤُ نتَّا أَذْ أَنغْ إِسّنْجمْ. وَا ذ سِيذِي نِّي خْ نڭَّا أَسِيثمْ نّغْ، أَذْ نسْڒِيوْڒوْ، أَذْ نْفَارْحْ خْ ؤُسنْجمْ نّسْ!‘
ISA 25:10 مَاغَارْ أَفُوسْ ن سِيذِي أَذْ يَارْسْ خْ وذْرَارْ-أَ، مَاشَا مُوآبَ أَذْ إِتّْوَادّزْ ذِي ثمُّورْثْ نّسْ، أَمْ مَامّشْ إِتّْوَادّزْ ؤُڒُومْ، أَذْ إِذْوڒْ ذ ثَازُوبَاشْثْ.
ISA 25:11 مُوآبَ أَذْ ذَايسْ إِبزّعْ س إِفَاسّنْ نّسْ، أَمْ ؤُفتَّاحْ ذڭْ وفْثَاحْ. أَربِّي أَذْ إِسَّاضَارْ نّْفَاخثْ نّسْ جْمِيعْ أَكْ-ذ مَارَّا مِينْ إِزمَّارْ أَذْ إِڭّْ س ثحْرَايْمشْثْ ن إِفَاسّنْ نّسْ.
ISA 25:12 نتَّا أَذْ إِهْذمْ لْبُورْجْ ن إِغبْڒَاونْ نّشْ يُوعْڒَانْ، أَذْ ثنْ إِسّهْوَا، أَذْ ثنْ إِمّنْضَارْ غَارْ ثمُّورْثْ، ذڭْ ؤُشَاڒْ.“
ISA 26:1 ذڭْ وَاسّْ نِّي أَذْغنّْجنْ إِزْڒِي-يَا ذِي ثمُّورْثْ ن يَاهُوذَا: ”نشِّينْ غَارْنغْ إِشْثْ ن ثنْذِينْثْ إِجهْذنْ، نتَّا إِسّْبدّْ ’أَسنْجمْ‘ ذْ ڒحْيُوضْ ذ ڒقْوَارَاثْ.
ISA 26:2 أَرْزْممْ ثِيوُّورَا، مَاحنْذْ ڒْڭنْسْ أَمْسڭّذْ أَذْ د-يَاذفْ، ڒْڭنْسْ نِّي إِحطَّانْ ڒَْامَانْ إِ سِيذِي ڒبْذَا.
ISA 26:3 س ڒْبَاڒْ إِمْثنْ أَمْ ث إِدْجَا، شكْ ثْحطِّيذْ ث ذِي ڒهْنَا، وَاهْ ذِي ڒهْنَا، مَاغَارْ ڒْڭنْسْ إِتّْشَاڒَا خَاكْ.“
ISA 26:4 ”ثشْڒمْ خْ سِيذِي إِ ڒبْذَا، مَاغَارْ ذِي سِيذِي، سِيذِي، إِ ثدْجَا ذ ثَاصْضَارْثْ ن زّْمَانَاثْ.
ISA 26:5 مَاغَارْ نتَّا إِتَّارَّا أَذْ أَضَارنْ إِنِّي إِزدّْغنْ ذِينِّي ذِي ڒُوعْڒَا، ثَانْذِينْثْ يُوعْڒَانْ أَذْ ت إِسّهْوَا، أَذْ ت إِسّهْوَا أَڒْ ثَامُّورْثْ، أَذْ ت إِعَارْنْ ذڭْ ؤُشَاڒْ.
ISA 26:6 أَذْ خَاسْ إِعْفسْ ؤُضَارْ، إِضَارنْ ن ونِّي إِتّْوَاحْصَارنْ، ڒَْاثَارَاثْ ن إِضَارنْ ن إِمزْڒَاضْ.“
ISA 26:7 ”أَبْرِيذْ ن ؤُمْسڭّذْ إِوَاطَا، نِيشَانْ إِ إِدْجَا ڒَاثَارْ ن ؤُمْسڭّذْ، شكْ ثتّْسڭَّامذْ ث.
ISA 26:8 ؤُڒَا ذڭْ وبْرِيذْ ن ڒحْكَامَاثْ نّشْ، أَ سِيذِي، ثُوغَا نسِّيثِيمْ أَشْ، ڒعْمَارْ نّغْ إِمّژْرِي ذڭْ يِيسمْ نّشْ ؤُ ذِي ڒِيذَارثْ نّشْ.
ISA 26:9 ثُوغَا ڒعْمَارْ إِنُو إِتّْوحَّاشْ إِ شكْ ذِي دْجِيڒثْ، ؤُڒَا ذ بُوحْبڒْ إِنُو ذَايِي، ثُوغَا يَارزُّو خَاكْ س جّهْذْ. مَاغَارْ مَاڒَا ڒحْكَامَاثْ نّشْ ؤُسِينْثْ-إِ-د خْ ثمُّورْثْ، أَذْ ڒمْذنْ إِمزْذَاغْ ن ثمُّورْثْ ثَاسڭْذَا.“
ISA 26:10 ”مَاڒَا إِسّْشنْ بْنَاذمْ أَحِينِّي إِ ؤُعفَّانْ، وَانِيثَا وَارْ إِڒمّذْ ثَاسڭْذَا، مَاشَا أَذْ يڭّْ ڒْغَارْ ذِي ثمُّورْثْ إِشُّورنْ س ثْسڭْذَا، ؤُ وَارْ إِژَارّْ أَعُودْجِي ن سِيذِي.“
ISA 26:11 ”أَ سِيذِي، أَفُوسْ نّشْ إِتّْوَاسّْڭعَّاذْ، مَاشَا نِيثْنِي وَارْ ث تّْوِيڒِينْ. وَاخَّا أَمنِّي أَذْ ث ژَترنْ عَاذْ، مَاشَا أَذْ سضْحَانْ زڭْ وَاسَامْ نّشْ إِ ڒْڭنْسْ نّشْ، وَاهْ، ثِيمسِّي أَذْ ثشّْ إِغْرِيمنْ نّشْ.
ISA 26:12 أَ سِيذِي، ڒْحُوكْمْ نّشْ خَانغْ أَذْ يِيڒِي ذ ڒهْنَا، مَاغَارْ شكْ ثْكمّْڒذْ مَارَّا ثِيمڭَّا نّغْ ذِي طّْوعْ نّغْ.
ISA 26:13 أَ سِيذِي، أَربِّي نّغْ، إِسِيذِيثنْ نّغْنِي سدْجْضنْ خَانغْ. زَّايكْ شكْ وحّْذكْ أَقَا نتِّيذَارْ إِسمْ نّشْ.
ISA 26:14 إِمتَّانْ وَارْ تّدَّارنْ عَاوذْ، ڒخْيَاڒَاثْ وَارْ تّْنكَّارَانْ. س ؤُيَا ثْخڒْفذْ أَسنْ س ڒْغَارْ ؤُشَا ثقْضِيذْ ثنْ. شكْ ثكّْسذْ مَارَّا ڒْعقْرَانْ خَاسنْ.
ISA 26:15 أَ سِيذِي، شكْ ثَارْنِيذْ ذِي ڒْڭنْسْ-أَ، شكْ ثَارْنِيذْ ذِي ڒْڭنْسْ-أَ، ثتّْوَاسّْعُودْجذْ ذَايسْ، أَقَا ثسّْوسْعذْ مَارَّا إِيْمِيرنْ ن ثمُّورْثْ.“
ISA 26:16 ”أَ سِيذِي، ذِي ڒحْصَارثْ أَرْزُونْ خَاكْ، زدْجْعنْ ثِيژَادْجِيثِينْ نْسنْ س ثْحسّشْثْ، ؤُمِي خَاسنْ د-ثُوسَا ثَارْبِييّثْ نّشْ.
ISA 26:17 أَمْ مَامّشْ ثتّْنزْبَارْ إِشْثْ ن ثمْغَارْثْ س دّيْسثْ، ثنِّي إِڭُّورنْ أَذْ ثَارُو أَحنْجِيرْ نّسْ ؤُ ثسْغُويُّو س ڒوْجعْ ن ثَارُوثْ نّسْ، أَمُّو إِ ذ أَنغْ ثُوغَا نشِّينْ، أَ سِيذِي، زَّاثْ إِ ثِيطَّاوِينْ نّشْ.
ISA 26:18 ثُوغَا نشِّينْ أَخْمِي نكْسِي س دّيْسثْ، إِمْنعْ أَنغْ ڒحْرِيقْ ن ثَارْوَا، ثُوغَا نشِّينْ أَخْمِي نُورُو أَسمِّيضْ. وَارْ د-نِيوِي أَسنْجمْ إِ ثمُّورْثْ، ؤُ إِمزْذَاغْ ن دُّونشْثْ وَارْ د-تّْوَاخڒْقنْ.“
ISA 26:19 ”إِمتَّانْ نّشْ أَذْ دَّارنْ! ڒْْخشْبَاثْ إِنُو أَذْ بدّنْثْ! فَاقمْ، ؤُشَا سْڒِيوڒْومْ كنِّيوْ، إِنِّي إِزدّْغنْ ذڭْ ؤُشَاڒْ! أَقَا نّْذَا ن ثْفَاوِينْ أَمْ نّْذَا نّشْ، ؤُشَا ثَامُّورْثْ أَذْ ثَارُو ڒخْيَاڒَاثْ ن إِمتَّانْ.“
ISA 26:20 ”ؤُيُورْ، أَ ڒْڭنْسْ إِنُو، أَذفْ غَارْ إِخَّامنْ نّشْ ن ذَاخڒْ، بلّعْ ثِيوُّورَا أَوَارْنِي أَشْ. سْنُوفَّارْ إِخفْ نّشْ ڒْقدّْ ن إِشْثْ ن ثْزحْزِيحْثْ أَڒْ د إِعْذُو وسْخضْ.
ISA 26:21 مَاغَارْ خْزَارْ، سِيذِي أَذْ إِفّغْ زڭْ ومْشَانْ نّسْ مَاحنْذْ أَذْ إِخْڒفْ إِ إِمزْذَاغْ ن ثمُّورْثْ ڒْْمُوعْصِييّثْ نْسنْ، ؤُشَا ثَامُّورْثْ أَذْ ثْعَارَّا إِذَامّنْ إِ خَاسْ إِتّْوَاسِّيزْڒنْ، وَارْ ثْخمِّيڒْ عَاذْ إِنِّي خَاسْ إِتّْوَانْغنْ.“
ISA 27:1 ”ذڭْ وَاسّْ نِّي أَذْ إِخْڒفْ سِيذِي زِي ’لِيبِييَاثَانْ‘، أَفِيغَارْ إِتّحْرُودْجُوضنْ س ثَازْڒَا، س سِّيفْ نّسْ إِقْسحْ، إِمْغَارْ ذ إِجْهذْ، [وَاهْ أَذْ إِخْڒفْ] زِي ’لِيبِييَاثَانْ‘، أَفِيغَارْ إِتّحْرُورُوذنْ، ؤُشَا أَذْ إِنغْ ڒْهَايْشثْ نِّي إِدْجَانْ ذِي ڒبْحَارْ.“
ISA 27:2 ”ذڭْ وَاسّْ نِّي [أَذْ ذِينْ يِيڒِي] ... إِجّْ ن ؤُمَارْجعْ ن ؤُضِيڒْ س بِينُو إِشْنَانْ. غنّْجمْ خَاسْ س نُّوبْثَاثْ.
ISA 27:3 نشّْ، سِيذِي، أَذْ ت إِحْضَا، أَذْ ت سّْبزّْڭغْ، حِيمَا وَارْ ت إِجَارّحْ حذْ، نشّْ أَذْ خَاسْعسّغْ س وَاسّْ ذ دْجِيڒثْ.
ISA 27:4 ثَافْقحْثْ وَارْ ذَايِي ثدْجِي قَاعْ، مَاشَا مَاڒَا شَا ن يِيجّنْ إِزْعمْ أَذْ إِسَّارْسْ زَّاثِي ثَازڭّْوَارْثْ ذ إِسنَّاننْ، نشّْ أَذْ كِيذْسنْ مّنْغغْ، أَذْ ثنْ سَّارْغغْ مُوننْ،
ISA 27:5 إِلَّا مَاڒَا إِطّفْ بْنَاذمْ ذِي جّهْذْ إِنُو، ؤُشَا أَذْ يڭّْ ڒهْنَا أَكِيذِي، وَاهْ أَذْ يڭّْ ڒهْنَا أَكِيذِي!“
ISA 27:6 ”ذڭْ [وُوسَّانْ] إِ د غَا يَاسنْ أَذْ إِوّثْ يَاعْقُوبْ أَژْوَارْ، إِسْرَائِيل أَذْ إِنُّووَارْ، أَذْ إِيْمَا، ؤُ نِيثْنِي أَذْ شُّورنْ ثَامُّورْثْ س ڒْغِيدْجثْ.“
ISA 27:7 ”مَا إِوْثَا إِ-ث نتَّا، أَمْ مَامّشْ ونِّي إِوْثِينْ، إِوْثَا إِ-ث؟ مَا إِتّْوَانغْ نتَّا، أَمْ مَامّشْ تّْوَانْغنْ إِنِّي زَّايسْ إِتّْوَانْغنْ؟
ISA 27:8 شكْ ثَاربِّيذْ ت س ڒقْيَاسْ ڒَامِي ت ثنْضَارذْ، نتَّا إِسُّوزَّارْ [إِ-ت] س ؤُسمِّيضْ نّسْ إِقسْحنْ، ذڭْ إِجّْ ن وَاسّْ ن ؤُسمِّيضْ زِي مَانِيسْ إِ د-ثْنقَّارْ ثْفُوشْثْ.
ISA 27:9 س ؤُيَا أَذْ إِتّْوَاڭّْ أَصْڒَاحْ خْ ڒْمُوعْصِييّثْ ن يَاعْقُوبْ س مَانْ أَيَا ؤُشَا أَذْ يِيڒِي أَيَا ذ ڒْغِيدْجثْ ثكْمڒْ زڭْ ؤُحيّذْ خْ دّْنُوبْ نّسْ: أَقَا نتَّا أَذْ يَارّْ مَارَّا إِژْرَا ن إِعَالْطَارنْ ذ إِژْرَا ن جَّارْ تّْوَاڒبْزنْ ؤُ وَارْ ذِينْ تّْبذِّينْثْ [عَاذْ] ثْربِّينْ ن شْوَارْثِي ذ إِپِيلَارنْ ن أَربِّي ن ثْفُوشْثْ.“
ISA 27:10 ”مَاغَارْ ثَانْذِينْثْ إِتّْوَاسّْجهْذنْ [أَذْ ثذْوڒْ] حَافِي، أَمْ يِيشْثْ ن ثْزذِّيغْثْ إِتّْوَاجّنْ، إِخْڒَانْ أَمْ ڒخْڒَا. ذِينِّي أَذْ إِهْذَا ؤُعجْمِي، أَذْ ذِينْ إِجْنَا، أَذْ إِشّْ ثِيسضْوِينْ نّسْ.
ISA 27:11 خْمِي غَا يَاژْغنْ ڒفْرُوعْ نّسْ، أَذْ تّْوَاقضْعنْ. أَذْ د-أَسنْثْ ثمْغَارِينْ، أَذْ ثنْ سَّارْغنْثْ، [مَاغَارْ] وَارْ إِدْجِي ذ إِجّْ ن ڒْڭنْسْ ذَايسْ ڒفْهَامثْ. خْ ؤُيَا ونِّي ث إِڭِّينْ، وَارْ ذ أَسنْ إِزِّيدْجِيزْ، ؤُ ونِّي ث إِكوّْننْ، وَارْ ذ أَسْ يَارطَّا.“
ISA 27:12 ”ذڭْ وَاسّْ نِّي أَذْ إِزْوضْ سِيذِي ثِيذْرِينْ زِي مَانِي إِدْجَا يغْزَارْ [ن لْفُورَاطْ] أَڒْ ثغْزَارْثْ ن مِيصْرَا. [مَاشَا كنِّيوْ] أَذْ تّْوَاڒقْضمْ، إِجّنْ أَوَارْنِي إِ ونّغْنِي، [أَ] أَيْثْ ن إِسْرَائِيل.
ISA 27:13 ذڭْ وَاسّْ نِّي أَذْ سُوضنْ ذڭْ ؤُيِيشّْ أَمقّْرَانْ ن إِشَارِّي. [خنِّي] أَذْ د-أَسنْ إِنِّي إِسّْوجْذنْ أَذْ هلّْكنْ ذِي أَشُّورْ ؤُڒَا ذ يِينِّي إِتّْوَاعَارّْننْ غَارْ ثمُّورْثْ ن مِيصْرَا. نِيثْنِي أَذْ سجْذنْ إِ سِيذِي ذڭْ وذْرَارْ إِقدّْسنْ ذِي ؤُرْشَالِيمْ.“
ISA 28:1 ”ؤُشْثْ خْ تَّاجْ ؤُعفَّارْ ن إِمسْشَارنْ ن إِفْرَايِيمْ، أَقَا ثَالْوِيزْثْ نّسْ إِشُووَّارنْ [أَمشْنَاوْ] ثَانوَّاشْثْ إِسْڒَاونْ خْ ثْقِيشّثْ ن ثغْزُورْثْ إِصبْحنْ ن يِينِّي خْ يغْڒبْ بِينُو.
ISA 28:2 خْزَارْ، سِيذِي إِنُو غَارسْ [إِجّنْ] إِجْهذْ ؤُ إِوْعَارْ أَمْ ثشْثِي ن ثبْرُورِي، أَمْ ثْحَارْيَاضْثْ إِ إِتَّاوْينْ طَّاعُونْ ذ ؤُخَارّبْ. أَمْ ڒْحمْڒَاثْ ن وَامَانْ إِمْغَارنْ إِسّْفَاينْ أَذْ إِنْضَارْ نتَّا [تَّاجْ نِّي] س ؤُفُوسْ [نّسْ] غَارْ ثمُّورْثْ.
ISA 28:3 تَّاجْ أَعفَّارْ ن إِمسْشَارنْ ن إِفْرَايِيمْ أَذْ ثعفْسنْ س إِضَارنْ.
ISA 28:4 ثَانوَّاشْثْ إِسْڒَاونْ ن ثلْوِيزْثْ نّسْ إِشُووَّارنْ خْ ثْقِيشّثْ ن ثغْزُورْثْ إِسّغْمَاينْ، أَذْ ثِيڒِي أَمْ ثْبَاشُورْثْ ثِيوضْ قْبڒْ أَنبْذُو، ثنِّي ونِّي إِخزَّارنْ ذَا ذ ذِيهَا إِژْرَا إِ-ت ؤُشَا إِسّغْڒِي إِ-ت [ذغْيَا] ؤُمِي ثُوغَا [عَاذْ] ذڭْ ؤُفُوسْ نّسْ.“
ISA 28:5 ”ذڭْ وَاسّْ نِّي أَذْ يِيڒِي سِيذِي ن ڒْعسْكَارَاثْ ذ ثَاجّْ ن ؤُشُووَّاضْ ذ تَّاجْ إِشوَّارنْ إِ مِينْ إِقِّيمنْ ن ڒْڭنْسْ نّسْ،
ISA 28:6 ذ أَرُّوحْ ن ڒْحُوكْمْ إِ ونِّي إِقِّيمنْ [خْ ڒْكُورْسِي] إِ ڒْحُوكْمْ، ؤُڒَا ذ [أَرُّوحْ ن] ثَارْيَاسْثْ إِ أَيْثْ ن بُو-ثغْرُوضْثْ إِ يِينِّي إِتَّارَّانْ أَمنْغِي غَارْ ثوَّارْثْ [ن ثنْذِينْثْ].“
ISA 28:7 ”عَاذْ إِنَا تّمّْرَايْوَانْ س بِينُو، ؤُشَا تّْوَارنْينْ زِي شّْرَابْ. إِتّمْرَايْوَا ؤُكهَّانْ ذ ؤُنَابِي س شّْرَابْ. تّْوَاصَارْضنْ س بِينُو، تّْوَارنْينْ زِي شّْرَابْ، تّمْرَايْوَانْ غَارْ إِوحَّانْ نْسنْ، تّنْهزَّانْ ذَا ذ ذِيهَا ؤُمِي حكّْمنْ غَارْ ؤُشَارّعْ.
ISA 28:8 مَاغَارْ مَارَّا طَّابْڒَاثْعمَّارنْثْ س ثْرَارِيثْ إِخمْجنْ، ؤُڒَا ذ إِجّْ ن ومْشَانْ [وَارْ إِقِّيمْ ذ أَمزْذَاڭْ].
ISA 28:9 ’إِ ؤُمِي إِخْسْ نتَّا أَذْ إِسّْغَارْ ثُوسّْنَا، إِ ؤُمِي إِخْسْ أَذْ إِسّْشنْ أَرقَّاسْ؟ [إِ] يِينِّي ؤُمِي إِتّْوَاكّسْ أَسنْ ؤُغِي، [إِ] يِينِّي ؤُمِي إِكّْسنْ أَبُّوشْ؟
ISA 28:10 مَاغَارْ أَقَا ذَا، ڒُومُورْ خْ ڒُومُورْ، ڒُومُورْ خْ ڒُومُورْ، لْفَارِيضَا خْ لْفَارِيضَا، لْفَارِيضَا خْ لْفَارِيضَا، ذَا ذْرُوسْثْ، ذِيهَا ذْرُوسْثْ.‘ “
ISA 28:11 ”س ؤُيَا أَذْ إِسِّيوڒْ أَكْ-ذ ڒْڭنْسْ-أَ س إِينْشِيشنْ إِطّوْطِيونْ ؤُ س إِجّْ ن يِيڒسْ نّغْنِي،
ISA 28:12 نتَّا ذ ونِّي ثُوغَا إِ ذ أَسنْ إِنَّا: ’وَا ذ أَرَّاحثْ، وْشمْ أَرَّاحثْ إِ ونِّي يُوحْڒنْ!‘، ؤُشَا: ’وَا ذْ ڒْمَارْڭحْ!‘، [مَاشَا] نِيثْنِي وَارْ خْسنْ شَا أَذْ سْڒنْ.
ISA 28:13 أَذْ أَسنْ يِيڒِي وَاوَاڒْ ن سِيذِي: ’ڒُومُورْ خْ ڒُومُورْ، ڒُومُورْ خْ ڒُومُورْ، لْفَارِيضَا خْ لْفَارِيضَا، لْفَارِيضَا خْ لْفَارِيضَا، ذَا ذْرُوسْثْ، ذِيهَا ذْرُوسْثْ!‘، مَاحنْذْ نِيثْنِي، أَمْ ؤُيُورنْ، أَذْ وْضَانْ غَارْ ضفَّارْ، أَذْ تّْوَارْژنْ، أَذْ ذوْڒنْ ذِي ڒْفخْ ؤُ أَذْ تّْوَاحبّْسنْ.“
ISA 28:14 ”س ؤُيَا، سْڒمْ إِ وَاوَاڒْ ن سِيذِي، [أَ كنِّيوْ] إِمسْثهْزَاينْ، إِنِّي غَارْ إِدْجَا صُّولْطَا خْ ڒْڭنْسْ-أَ نِّي إِدْجَانْ ذِي ؤُرْشَالِيمْ!
ISA 28:15 مِينْزِي ثقَّارمْ: ’نشِّينْ نڭَّا ڒْعَاهْذْ أَكْ-ذ ڒْموْثْ ؤُ نڭَّا إِشْثْ ن ضّْمَانَا أَكْ-ذ ڒَاخَارْثْ. خْمِي غَا إِعْذُو ؤُركُّوضْ إِفَارْشنْ، وَارْ غَارْنغْ د-يِيوِيضْ، مَاغَارْ نڭَّا أَخَارِّيقْ أَخْمِي مَانِي غَارْ إِ غَا نَارْوڒْ ؤُ أَذْ ننُّوفَّارْ أَوَارْنِي إِ ڒْغشّْ!‘
ISA 28:16 س ؤُيَا، أَمُّو إِ إِقَّارْ سِيذِي إِنُو، سِيذِي: ’خْزَارْ، نشّْ أَذْ سَّارْسغْ إِجّْ ن وژْرُو ذِي صِيهْيُونْ، أَژْرُو إِقدْجْبنْ، أَژْرُو ن ثغْمَارْثْ إِغْڒَانْ، ذْسَاسْ إِمْثنْ. ونِّي يُومْننْ وَارْ إِتّْرِيكْوِيڒْ.‘
ISA 28:17 أَذْ سَّارْسغْ ڒْحقّْ ذ ؤُفِيڒُو ن ڒعْبَارْ ؤُشَا ثَاسڭْذَا ذ بْلُومُو. ثبْرُورِّي أَذْ ثحَّا أَمْشَانْ ن ثَاروْڒَا إِشُّورنْ س إِخَارِّيقنْ ؤُشَا أَمَانْ أَذْ د-سّفْينْ أَمْشَانْ [نّسْ] ن ؤُدُّورِي.
ISA 28:18 ڒْعَاهْذْ نْومْ أَكْ-ذ ڒْموْثْ أَذْ إِتّْوَامْحَا، ضّْمَانَا نْومْ أَكْ-ذ ڒَاخَارْثْ وَارْ ثتّْغِيمِي ثْبدّْ. خْمِي غَا إِعْذُو ؤُركُّوضْ إِفَارْشنْ، أَذْ زَّايسْ ثتّْوَاعفْسمْ كنِّيوْ.
ISA 28:19 مڒْمِي مَا إِعْذُو، أَذْ كنِّيوْ يَاوِي [أَكِيذسْ]، مَاغَارْ أَذْ ثعْذُو ثُوفُوثْ أَوَارْنِي إِ ثُوفُوثْ، س وَاسّْ ذ دْجِيرثْ. ؤُشَا أَفهَّامْ ن ؤُرقَّاسْ أَذْ يَاوِي مْغِيرْ أَسْنخْڒِيعْ.
ISA 28:20 مَاغَارْ قَامَا أَذْ إِقُوضضْ أَڒَامِي وَارْ إِزمَّارْ [بْنَاذمْ] أَذْ إِبُّوزّرْ ؤُشَا ثَاعْڒَاوْثْ أَذْ ثِيڒِي ثحْصَارْ أَڒَامِي [بْنَاذمْ] وَارْ إِزمَّارْ أَذْ ذَايسْ يَاذفْ.
ISA 28:21 مَاغَارْ سِيذِي أَذْ إِكَّارْ أَمْ خْ وذْرَارْ ن فَارَاصِيمْ، أَذْ إِهَاجْ أَمْ ذِي ثغْزُورْثْ ن جِيبْعُونْ، مَاحنْذْ أَذْ يڭّْ شّْغڒْ نّسْ: ’شّْغڒْ نّسْ أَذْ يِيڒِي ذ أَغْرِيبْ!‘، ؤُشَا مَاحنْذْ أَذْ يڭّْ ڒْخذْمثْ نّسْ: ’ڒْخذْمثْ نّسْ أَذْ ثِيڒِي ثَاغْرِيبْثْ!‘
ISA 28:22 ؤُ ڒخُّو، وَارْ سّهْقَارَا، حِيمَا سّْنَاسڒْ نْومْ وَارْ ثنْثْ تّْزيَّارنْ عَاذْ كْثَارْ، مَاغَارْ سْڒِيغْ زِي سِيذِي إِنُو، سِيذِي ن ڒْعسْكَارَاثْ أَقَا إِكّسْ ذڭْ وَاوَاڒْ أَذْ يَاردّدْجْ إِمُونْ مَارَّا ثَامُّورْثْ.“
ISA 28:23 ”سْحسّمْ ؤُ سْڒمْ إِ ثْمِيجَّا إِنُو، حْضَامْ ؤُ سْڒمْ غَارْ وَاوَاڒنْ إِنُو!
ISA 28:24 مَا إِشَارّزْ ؤُمْشَارّزْ أَسّْ إِمُونْ، حِيمَا أَذْ إِزَارْعْ؟ مَا [ڒبْذَا] إِتّْفدْجحْ ؤُ إِنقّشْ إِيَّارْ نّسْ؟
ISA 28:25 مَا وَارْ إِدْجِي أَمُّو، مَاڒَا نتَّا إِوَاطَا ؤُذمْ [ن ييَّارْ]، إِسُّويُوسْ سَّانُودْجْ ؤُشَا [زَّارِيعثْ ن] ڒْشمُّونْ إِبزّعْ إِ-ت، إِڭَّا إِرْذنْ ذِي ڒصْفُوفْ ذ إِمنْذِي ذِي إِكْوَاذْرُوننْ ؤُشَا كَارْصَانَا إِڭَّا إِ-ث غَارْ ثْمَاوِّينْ نّسْ؟
ISA 28:26 إِذَارّبْ إِ-ث أَربِّي نّسْ مَامّشْ إِتّْخصَّا أَذْ إِخْذمْ نِيشَانْ، إِسّڒْمذْ إِ-ث.
ISA 28:27 مِينْزِي وَارْ سَّارْوَاثنْ سَّانُودْجْ س ثڒْوِيحْثْ إِتّحْڒُودْجُوضنْ إِ ؤُسَارْوثْ ؤُ وَارْ سّكِّينْ ثَاجَارَّارْثْ ن ؤُكَارُّو ثِيوَا ن ڒْشمُّونْ، مَاشَا زكّْوْضنْ سَّانُودْجْ س وعْمُوذْ ذ ڒْشمُّونْ س ؤُقطَّابْ.
ISA 28:28 مَا حَارّْينْ إِمنْذِي [غَارْ ؤُسَارْوثْ]؟ لَّ، [بْنَاذمْ] وَارْ ث إِسَّارْوِيثْ إِ ڒبْذَا، وَارْ [خَاسْ] إِندّهْ ثِيجَارَّارِينْ ن ؤُكَارُّو ذ ييْسَانْ نّسْ إِ ڒبْذَا: وَارْ ث إِحَارِّي.
ISA 28:29 ؤُڒَا ذ مَانْ أَيَا إِفّغْ-د زِي سِيذِي ن ڒْعسْكَارَاثْ. شّْوَارْ نّسْ ذ ڒعْجبْ، أَقَا نتَّا إِمْغَارْ ذڭْ ؤُسُويَارْ.“
ISA 29:1 ”ؤُشْثْ خْ أَرِييِيلْ، أَرِييِيلْ، ثَانْذِينْثْ ن ڒْمَارْڭحْ ن ڒْعسْكَارْ ن ذَاوُوذْ. أَرْنِيمْ [عَاذْ] إِجّْ ن ؤُسڭّْوَاسْ غَارْ ؤُسڭّْوَاسْ[-أَ]، جّمْ ڒعْيُوذَاثْ [ن ؤُسڭّْوَاسْ] أَذْ عْذُونْثْ،
ISA 29:2 [خنِّي] أَذْ حْصَارغْ أَرِييِيلْ، ؤُشَا أَذْ [ذِينْ] يِيڒِي ؤُوحْوحْ ذ وشْضَانْ ؤُ نتَّاثْ أَذْ ثِيڒِي إِ نشّْ أَمْ أَرِييِيلْ.
ISA 29:3 أَذْ أَمْ قوَّارغْ ؤُ أَذْ شمْ حْصَارغْ س إِجّْ ن ڒْعسْكَارْ إِ ؤُحطُّو ؤُشَا أَذْ خَامْ سّْبدّغْ لْبَارَاجَاثْ.
ISA 29:4 أَذْ ثتّْوَاسّهْوِيذْ، أَذْ ثسِّيوْڒذْ زِي ثمُّورْثْ ؤُشَا أَوَاڒنْ نّمْ أَذْ ثنْ ثْرمْرمْذْ زِي ثْعجَّاجْثْ. ثْمِيجَّا نّمْ أَذْ ثفّغْ زِي ثمُّورْثْ أَمْ [ثْمِيجَّا] ن ونِّي إِسَّاوَاڒَانْ أَكْ-ذ إِمتَّانْ ؤُشَا أَوَاڒنْ نّمْ [أَذْ إِڒِينْ] أَمْ ؤُشوْشوْ [وَاهَا] زڭْ ؤُشَاڒْ.
ISA 29:5 أَبَارُّو ن إِغْرِيمنْ نّمْ أَذْ يِيڒِي أَمْ ثْعجَّاجْثْ ثَازْذَاذْثْ، ؤُشَا أَبَارُّو ن أَيْثْ ن بُو-ڒخْشُونثْ أَمْ ؤُڒُومْ إِعدُّونْ، إِتَّاوْيْ إِ-ث ؤُسمِّيضْ. أَذْ إِمْسَارْ ذڭْ ورْمَاشْ ن وَابْڒِيونْ، ذڭْ إِشْثْ ن ثشْثِي!
ISA 29:6 سِيذِي ن ڒْعسْكَارَاثْ أَذْ غَاركْ إِنّوْجُو س وَاجَّاجْ ذ ونْهزِّي ن ثمُّورْثْ، [س] ڒْحسّْ إِجهْذنْ ن ثْمِيجَّا [نّسْ]، [س] ؤُسمِّيضْ ن ثْحَارْيَاضْثْ ؤُ [س] ؤُشعَّاڒْ ن ثْمسِّي إِتّتّنْ.
ISA 29:7 أَمْ ثَارْجِيثْ، إِجّْ ن ڒوْحِييْ ذِي دْجِيڒثْ، أَمُّو إِ غَا يِيڒِي ؤُبَارُّو ن مَارَّا ڒڭْنُوسْ نِّي إِ غَا إِمّنْغنْ أَكْ-ذ أَرِييِيلْ، [وَاهْ،] مَارَّا إِنِّي إِ غَا إِمّنْغنْ أَكِيذسْ ؤُ أَكْ-ذ لْبُورْجْ نّسْ ذ إِنِّي ت إِ غَا إِحْصَارنْ [أَذْ إِڒِينْ أَمُّو].
ISA 29:8 أَذْ يِيڒِي أَمْ يِيجّنْ يُورْجَا ؤُمِي ذَايسْ يدْجَا ڒَاژْ. خْزَارْ، نتَّا إِتّتّْ، [خنِّي مَاشَا] أَذْ د-إِفَاقْ، يُوفَا أَقَا ڒعْمَارْ نّسْ وَارْ إِجِّيونْ [عَاذْ]. نِيغْ [أَذْ يِيڒِي] أَمشْنَاوْ إِجّنْ يُورْجَا أَمْ إِفُّوذْ، ؤُ خْزَارْ، نتَّا إِسسّْ، [خنِّي مَاشَا] أَذْ د-إِفَاقْ، يُوفَا أَقَا نتَّا إِفْنَا، ؤُشَا ڒعْمَارْ نّسْ إِتّْمژْرِي [عَاذْ أَذْ إِسُو]. أَمُّو إِ غَا ثِيڒِي [ثْمسْڒَاشْثْ] إِ مَارَّا ڒڭْنُوسْ نِّي إِ غَا إِمّنْغنْ أَكْ-ذ وذْرَارْ ن صِيهْيُونْ.“
ISA 29:9 ”جْعَارمْ ؤُ ثْبهْثمْ، سْمسْحمْ ثِيطَّاوِينْ نْومْ [أَڒْ إِ غَا] ثِيڒِيمْ ذ إِذَارْغَاڒنْ! نِيثْنِي سْشَارنْ، [مَاشَا] وَارْ إِدْجِي زِي بِينُو، تّمْرَايْوَانْ، [مَاشَا] وَارْ إِدْجِي زِي شّْرَابْ.
ISA 29:10 مَاغَارْ سِيذِي إِزدْجعْ خَاومْ بُوحْبڒْ ن يِيضصْ يُودْجْغنْ. إِبلّعْ ثِيطَّاوِينْ نْومْ، إِنَابِييّنْ، ؤُشَا إِزدْجِيفنْ نْومْ، إِمْوَاڒَاونْ [ن ثْمژْرِيوِينْ]، إِڒحّفْ إِ-ثنْ.
ISA 29:11 أَمُّو إِ ذ أَومْ إِذْوڒْ ڒوْحِييْ ن مَارَّا أَيَا أَمْ وَاوَاڒنْ ن إِجّْ ن وذْلِيسْ إِتّْوَانّْضنْ نِّي إِمّوْشنْ إِ ونِّي إِسّْننْ ثِيغْرِي، قَّارنْ: ’غَارْ إِ-ث-إِ-ذ خَافِي!‘، ؤُشَا [خنِّي] أَذْ يَارّْ: ’نشّْ وَارْ زمَّارغْ [أَذْ ث غَارغْ]، مَاغَارْ إِشمّعْ.‘
ISA 29:12 نِيغْ إِمّوْشْ وذْلِيسْ إِ ونِّي وَارْ إِسّْننْ أَذْ إِغَارْ، [ؤُمِي] قَّارنْ: ’غَارْ إِ-ث-إِ-ذ خَافِي!‘، ؤُشَا [خنِّي] أَذْ يَارّْ نتَّا: ’نشّْ وَارْ سِّينغْ أَذْ غَارغْ.‘ “
ISA 29:13 ”إِنَّا أَيِي سِيذِي إِنُو: ’مِينْزِي ڒْڭنْسْ-أَ يُوذسْ أَيِي-د مْغِيرْ س وَاوَاڒنْ وَاهَا ؤُ [مِينْزِي نِيثْنِي] تّڭّنْ أَيِي شَّانْ س إِينْشِيشنْ نْسنْ، [أَمْ] إِڭّْوجْ خَافِي ؤُڒْ نْسنْ، ؤُ مِينْزِي أَوقَّارْ إِ زِي ذ أَيِي وقَّارنْ [إِتّفّغْ] زِي ثْوصَّا نِّي ڒمْذنْ زڭْ إِوْذَانْ [وَاهَا]،
ISA 29:14 س ؤُيَا، خْزَارْ، نشّْ أَرنِّيغْ أَذْ ڭّغْ ذِي ڒْڭنْسْ-أَ س ڒعْجبْ، س ڒعْجبْ ذ ؤُسْثبْهثْ. ثِيغِيثْ ن إِمِيغِيسنْ أَذْ ثفْنَا ؤُ ڒفْهَامثْ ن إِفهَّامنْ أَذْ ثْودَّارْ.“
ISA 29:15 ؤُشْثْ خْ يِينِّي إِسّْنُوفَّارَانْ زَّاثْ إِ سِيذِي، إِنِّي إِسّْذُورُّوينْ أَخَارِّيصْ نْسنْ، ؤُشَا تّڭّنْ ثِيمڭَّا نْسنْ ذِي طّْڒَامْ، [ؤُمِي] قَّارنْ: ’وِي ذ أَنغْ إِژْرِينْ ذ وِي ذ أَنغْ إِسّْننْ؟‘
ISA 29:16 كنِّيوْ ثسّنْقڒْبمْ [ثَامسْڒَاشْثْ]! أَخْمِي زعْمَا إِزمَّارْ أَذْ إِتّْوَاحْسبْ بُو-ثْڒَاخْثْ أَمْ ثْڒَاخْثْ، أَڒَامِي مِينْ إِتّْوَاڭّنْ أَذْ يِينِي خْ ونِّي ث إِڭِّينْ: ’نتَّا وَارْ ذ أَيِي إِڭِّي!‘، ؤُشَا ڒْقشْعثْ ن ثْڒَاخْثْ أَذْ ثِينِي خْ ؤُقدَّارْ نّسْ: ’نتَّا وَارْ إِتّْحِيكِي وَالُو!‘ “
ISA 29:17 ”مَا وَارْ إِدْجِي ذْرُوسْ إِ إِقِّيمنْ أَڒْ غَا إِذْوڒْ لُوبْنَانْ ذ ڒْعَارْسثْ إِصبْحنْ ؤُ أَذْ ثتّْوَاحْسبْ ڒْعَارْسثْ إِصبْحنْ ذ أَزْغَارْ؟
ISA 29:18 ذڭْ وَاسّْ نِّي أَذْ سْڒنْ إِذهْشُورنْ أَوَاڒنْ ن وذْلِيسْ-أَ إِتّْوَانّْضنْ، ؤُشَا أَذْ ثْوَاڒَانْثْ ثِيطَّاوِينْ ن إِضَارْغَاڒنْ زِي ثَادْجسْثْ ؤُ زِي طّْڒَامْ.
ISA 29:19 أَذْ أَرْنِينْ إِمْوَاضْعنْ ذِي ڒفْرَاحثْ ذِي سِيذِي، ؤُشَا أَذْ فَارْحنْ إِمزْڒَاضْ جَارْ إِوْذَانْ ذڭْ ؤُمْقدَّاسْ ن إِسْرَائِيل.
ISA 29:20 مَاغَارْ بُو-ڒخْشُونثْ أَذْ إِقْضَا، ونِّي إِسْثْهزَانْ أَذْ إِفْنَا، ؤُ مَارَّا إِنِّي يَارزُّونْ ڒْغشّْ أَذْ نّْقضْعنْ،
ISA 29:21 إِنِّي إِتّڭّنْ ڒْعِيبْ ذِي بْنَاذمْ زِي سِّيبّثْ ن إِجّْ ن وَاوَاڒْ [وَاهَا]، إِنِّي إِسّْرُوسَانْ ڒفْخُوخْ إِ يِينِّي إِذفّْعنْ ڒْحقّْ ذِي ثوَّارْثْ [ن ثنْذِينْثْ]، ؤُڒَا ذ إِنِّي إِعَارّْننْ أَمْسڭّذْ غَارْ ؤُغزْذِيسْ خْ وَالُو.“
ISA 29:22 ”س ؤُيَا، أَمُّو إِ إِقَّارْ سِيذِي، ونِّي إِفكّنْ إِبْرَاهِيمْ، إِ ثَادَّارْثْ ن يَاعْقُوبْ: ’يَاعْقُوبْ وَارْ إِتّْسضْحِي [عَاذْ] ؤُشَا أَغمْبُوبْ نّسْ وَارْ إِتّوْرِيغْ [عَاذْ].
ISA 29:23 مَاغَارْ خْمِي غَا إِژَارْ نتَّا ثَارْوَا نّسْ، إِنِّي ذ ڒْخذْمثْ ن إِفَاسّنْ إِنُو، ذِي ڒْوسْطْ نّسْ، أَذْ سّْقدّْسنْ نِيثْنِي إِسمْ إِنُو، أَذْ سّْقدّْسنْ أَمْقدَّاسْ ن يَاعْقُوبْ ؤُ أَذْ ڭّْوذنْ أَربِّي ن إِسْرَائِيل.
ISA 29:24 إِنِّي إِودَّارنْ ذِي بُوحْبڒْ أَذْ غَارْسنْ ثِيڒِي ثُوسّْنَا ن ڒفْهَامثْ، ؤُشَا إِنِّي إِتّْنذْقَامنْ، أَذْ أَرْزْمنْ ثَاوَّارْثْ أَذْ ڒمْذنْ.‘ “
ISA 30:1 ”[أَمُّو إِ] إِقَّارْ سِيذِي: ’ؤُشْثْ خْ إِحنْجِيرنْ نِّي إِغوّْغنْ مَاحنْذْ أَذْ سُّوفّْغنْ شّْوَارْ، [مَاشَا] وَارْ إِدْجِي زَّايِي، مَاحنْذْ أَذْ ڭّنْ إِجّْ نْ ڒْعَاهْذْ، [مَاشَا] وَارْ إِدْجِي [زِي] أَرُّوحْ إِنُو، حِيمَا أَذْ سّْعُورّْشنْ دّنْبْ خْ دّنْبْ،
ISA 30:2 إِنِّي إِڭُّورنْ مَاحنْذْ أَذْ هْوَانْ غَارْ مِيصْرَا نْهْڒَا مَا أَذْ أَيِي سّقْسَانْ، حِيمَا أَذْ أَفنْ أَسڒْقِي غَارْ جّهْذْ ن فِيرْعُونْ ؤُ مَاحنْذْ أَذْ أَروْڒنْ غَارْ ثِيڒِي ن مِيصْرَا.
ISA 30:3 [مَاشَا] جّهْذْ ن فِيرْعُونْ أَذْ كنِّيوْ يَارّْ ثتّْسضْحَامْ ؤُشَا أَذُورِّي ذِي يِيڒِي ن مِيصْرَا أَذْ كنِّيوْ إِفْضحْ.
ISA 30:4 مَاغَارْ ڒْحُوكَّامْ نّسْ دْجَانْ ذِي صُوعَانْ ؤُشَا إِمْسكَّانْ نّسْ إِوْضنْ غَارْ حَانِيسْ.
ISA 30:5 نِيثْنِي مَارَّا أَذْ تّْوَاسّْبَارّْقنْ زِي ڒْڭنْسْ نِّي وَارْ ذ أَسنْ إِنفّْعنْ شَا، وَارْ إِتِّيشنْ أَفُوسْ ؤُڒَا ذ وَالُو ن ڒفْضڒْ، مَاشَا أَذْ ثنْ يَاوِي غَارْ ڒفْضِيحثْ ذ ڒْهڭْرَا.“
ISA 30:6 ڒْحُوكْمْ إِسَّاڭّْوَاذنْ خْ ڒْمَاڒْ ن ثمُّورْثْ ن لْجَانُوبْ. ”ذڭْ إِشْثْ ن ثمُّورْثْ ن ڒحْصَارثْ ذ دّدْجْ، مَانِي زَّايسْ د-ؤُسِينْ ثَايْرَاذْثْ ذ ويْرَاذْ ذ ؤُفِيغَارْ ذ ڒْحَايْشثْ إِشمْضنْ إِطَّاونْ، أَربُّونْ-د نِيثْنِي أَڭْڒَا نْسنْ خْ وعْرُورْ ن إِسْنُوسنْ ذ ڒكْنُوزْ نْسنْ خْ ثعْرُورِينْ ن إِڒغْمَانْ غَارْ إِجّْ ن ڒْڭنْسْ وَارْ ثنْ إِنفّعْ ذِي شَا.
ISA 30:7 [مَاغَارْ] مِيصْرَا أَذْ إِوْشْ أَفُوسْ بَاطڒْ ؤُ إِ وَالُو. س ؤُيَا ڒَاغِيغْ [مِيصْرَا] وَانِيثَا: ’رَاهَابْ، [بُو-ثغْرُوضْثْ أَمقّْرَانْ]، ثقِّيمْ وَاهَا!‘ “
ISA 30:8 ”[خنِّي] ڒخُّو، أَسْ-د، أَرِي ث زَّاثْ إِ ثِيطَّاوِينْ نْسنْ خْ ثڒْوِيحْثْ، خبْشْ إِ-ث ذڭْ إِشْثْ ن ثبْرَاثْ إِتّْوَانّْضنْ، [مَاحنْذْ] أَذْ ثِيڒِي ثتّْوَاحْضَا أَڒْ أَسّْ إِ د غَا يَاسنْ، إِ ڒبْذَا نْ ڒبْذَاثْ.
ISA 30:9 مَاغَارْ نِيثْنِي ذ ڒْڭنْسْ إِغوّْغنْ، أَيْثْ ن بُو-إِخَارِّيقنْ، إِحنْجِيرنْ نِّي وَارْ إِخْسنْ أَذْ سْڒنْ إِ شَّارِيعَا ن سِيذِي،
ISA 30:10 إِنِّي إِقَّارنْ إِ إِمْوَاڒَاونْ: ’وَارْ تّْوِيڒِيمْ وَالُو!‘، ؤُ إِ يِينِّي إِخزَّارنْ إِوحَّانْ: ’وَارْ تّْوِيڒِيمْ إِوحَّانْ نِّي إِدْجَانْ ذ ثِيذتّْ. سِيوْڒمْ أَكِيذْنغْ مِينْ د إِسّْحِينِّيبنْ، [مْڒِي] ذ أَنغْ ثتّْوَاڒَامْ مِينْ إِغشّنْ!
ISA 30:11 حيّْذمْ زڭْ وبْرِيذْ، فّْغمْ زڭْ وبْرِيذْ، جّمْ أَمْقدَّاسْ ن إِسْرَائِيل أَذْ خَانغْ يِيڭّْوجْ!‘ “
ISA 30:12 ”س ؤُيَا، أَمُّو إِ إِقَّارْ ؤُمْقدَّاسْ ن إِسْرَائِيل: ’مِينْزِي كنِّيوْ ثنْضَارمْ أَوَاڒْ-أَ، ثتّشْڒمْ خْ دّدْجْ ؤُ خْ مِينْ إِفّْغنْ [زڭْ وبْرِيذْ]، [وَاهْ،] ثتّڭّمْ ڒَامَانْ نْومْ ذِي مَانْ أَيَا،
ISA 30:13 س ؤُيَا أَذْ ثِيڒِي ڒْمُوعْصِييّثْ-أَ إِ كنِّيوْ أَمْ ثَازِّيثْ [ذِي ڒْحِيضْ] إِ غَا إِوْضَانْ، نِّي إِضهَّارنْ ذِي ڒْحِيضْ يُوعْڒَانْ، أَقَا ثَارژِّيثْ نّسْ أَذْ د-ثَاسْ ذغْيَا، ذڭْ إِشْثْ ن ثشْثِي.
ISA 30:14 أَذْ ث يَارْژْ أَمْ إِتّْوَارْژْ إِجّْ ن ؤُغَارَّافْ ن بُو-ثْڒَاخْثْ نْهْڒَا أَحِينِّي. جَارْ مَارَّا إِفثْوِيثنْ نّسْ وَارْ إِتّْوَافْ [عَاذْ] ؤُڒَا ذ إِجّْ ن ؤُشقُّوفْ عَاذْ إِ زِي د غَا يَاوْينْ ثِيمسِّي زِي ڒْمجْمَارْ نِيغْ أَذْ أَيْمنْ أَمَانْ زِي جُّوبْ.‘ “
ISA 30:15 ”مَاغَارْ أَمُّو إِ إِقَّارْ سِيذِي إِنُو، سِيذِي، أَمْقدَّاسْ ن إِسْرَائِيل: ’س تُّوبثْ ذ ڒْهُوذْنثْ أَذْ غَارْومْ يِيڒِي ؤُسنْجمْ، ذِي ثْرُوسِي ذ ڒَامَانْ أَذْ غَارْومْ يِيڒِي جّهْذْ، مَاشَا كنِّيوْ وَارْ ثخْسمْ.‘
ISA 30:16 كنِّيوْ ثقَّارمْ: ’لَّ، خْ ييْسَانْ نخْسْ أَذْ نَارْوڒْ!‘ خْ ؤُيَا [س ؤُغِيڒْ] أَذْ ثَاروْڒمْ. ؤُشَا [ثقَّارمْ عَاوذْ]: ’خْ إِيْسَانْ ن حَامَاثْ نخْسْ أَذْ نِّييْ [إِ ثَاروْڒَاثْ]!‘ خْ ؤُيَا أَذْ قدْجْقنْ ؤُڒَا ذ إِمْسضْفَارنْ نْومْ!
ISA 30:17 إِجّْ نْ ڒُوڒُوفْ أَذْ يَارْوڒْ إِ ؤُهذِّي ن يِيجّْ [ن ورْيَازْ]. إِ ؤُهذِّي ن خمْسَا أَذْ ثَاروْڒمْ مَارَّا أَڒْ غَا ثقِّيممْ أَمْ ثْسنْيَانْثْ ن ؤُشنْيَالْ خْ ثْقِيشّثْ ن وذْرَارْ، أَمْ ثْعدْجَانْثْ خْ ثوْرِيرْثْ.“
ISA 30:18 ”س ؤُيَا أَذْ رَاجَا سِيذِي مَاحنْذْ أَذْ أَومْ إِسّْشنْ أَحِينِّي نّسْ، س ؤُينِّي أَذْ إِڭعّذْ سنّجْ أَڒَامِي إِ غَا يَارْحمْ كنِّيوْ [أَوَارْنِي مَانْ أَيَا]، مَاغَارْ سِيذِي ذ أَربِّي ن ڒْحقّْ. سّعْذْ ن مَارَّا إِنِّي ث إِتّْرَاجَانْ.
ISA 30:19 مَاغَارْ ڒْڭنْسْ أَذْ إِزْذغْ ذِي صِيهْيُونْ، ذِي ؤُرْشَالِيمْ. شكْ وَارْ ثتّْرُوذْعمَّارْصْ عَاذْ، نتَّا أَذْ خَاكْ إِحِينّْ، مَاڒَا إِسْڒَا إِ ثْمِيجَّا نّشْ ثتّْڒَاغَا، أَذْ خَاكْ د-يَارّْ.
ISA 30:20 سِيذِي إِنُو أَذْ أَومْ إِوْشْ أَغْرُومْ ذِي ڒحْصَارثْ ؤُڒَا ذ أَمَانْ ذِي ڒغْبنْ، إِمسْغَارنْ نّشْ وَارْ إِتّْنُوفَّارنْ [عَاذْ]، [مَاشَا] ثِيطَّاوِينْ نّشْ أَذْ ژَترنْثْ إِمسْغَارنْ نّشْ.
ISA 30:21 إِمزُّوغنْ نّشْ أَذْ سْڒنْ إِ وَاوَاڒْ زِي غَارْ ضفَّارْ نّشْ إِ إِقَّارنْ: ’أَقَا أَبْرِيذْ، ؤُيُورمْ ذَايسْ. وَارْ تّفّْغمْ يفُوسْ ؤُڒَا ذ أَزڒْمَاضْ.‘
ISA 30:22 أَذْ ثْحسْبمْ إِشلّلنْ إِ إِتّْوَاڭّنْ س نُّوقَارْثْ نّشْ ن ڒخْيَاڒَاثْ نّشْ إِنقْشنْ ؤُڒَا ذ أَڒحّفْ ن وُورغْ ن ڒخْيَاڒَاثْ نّشْ إِفسْينْ ذ ثخْمُوجِي. أَذْ ثنْ ثنْضَارذْ أَمْ وَارُّوضْ ثسّخْمجْ إِ-ث [ثمْغَارْثْ إِ خْ دْجَانْ] إِذَامّنْ، أَذْ ثِينِيذْ: ’غَارْ بَارَّا!‘ “
ISA 30:23 ”[خنِّي] أَذْ إِوْشْ نتَّا أَنْژَارْ إِ زَّارِيعثْ نّشْ إِ ثْزَارْعذْ ذڭْ إِيَّارْ ؤُڒَا ذ أَغْرُومْ ذ صَّابثْ ن ثمُّورْثْ نّشْ. ذڭْ وَاسّْ نِّي أَذْ ثهْذَا ثْحِيمَارْثْ نّشْ خْ دّْمَانِي إِسَارّْحنْ.
ISA 30:24 إِينْذُوزنْ ذ يغْيَاڒْ إِمژْيَاننْ، إِنِّي إِشَارّْزنْ ثَامُّورْثْ، أَذْ شّنْ ڒعْڒفْ إِردّْ إِ زُوزَّارنْ س دْجُوحْ ذ ثزَّارْثْ.
ISA 30:25 خْ كُوڒْ أَذْرَارْ ؤُ خْ كُوڒْ ثَاوْرِيرْثْ إِڭعّْذنْ أَذْ إِڒِينْثْ ثِيغزْرَاثِينْ ذ ثْمِيزَابِينْ شُّورنْ س وَامَانْ، ذڭْ وَاسّْ ن ثْغَارْصْثْ ثَامقّْرَانْثْ، خْمِي غَا وْضَانْ صُّومْعَاثْ.
ISA 30:26 ثَافَاوْثْ ن ثْزِيرِي أَذْ ثِيڒِي أَمْ ثْفَاوْثْ ن ثْفُوشْثْ ؤُشَا ثَافَاوْثْ ن ثْفُوشْثْ أَذْ ثِيڒِي ثجْهذْ سبْعَا ن ثْسقَّارْ خْ ثْفَاوْثْ ن سبْعَا ن وُوسَّانْ، ذڭْ وَاسّْ إِ ذِي إِ غَا إِشْفنْ سِيذِي ثَارژِّيثْ ن ڒْڭنْسْ نّسْ ؤُشَا أَذْ إِسّْڭنْفَا أَيزِّيمْ ن ثشْثِي إِ إِوْثَا نتَّا.“
ISA 30:27 ”خْزَارْ، إِتَّاسْ-د إِسمْ ن سِيذِي زِي ڒَاڭّْوَاجْ، يَارقّْ وغْضَابْ نّسْ ؤُ أَسِيڭّْوذْ إِمْغَارْ، شُّورنْ إِينْشِيشنْ نّسْ س وسْخضْ ؤُ إِڒسْ نّسْ إِڭَّا أَمْ ثْمسِّي إِتّتّنْ.
ISA 30:28 أَسُوضِي ن نّفْسْ نّسْ أَمْ يغْزَارْ إِسّفْينْ، إِتَّاكّْوَاضنْ أَڒْ إِرِي، مَاحنْذْ أَذْ إِزُّوزَارْ ڒڭْنُوسْ س ثَازَّارْثْ ن ؤُردّدْجْ، ؤُ مَاحنْذْ أَذْ يڭّْ إِ ڒڭْنُوسْ سْڒِيمثْ ن ؤُغَارِّي خْ إِغسْمَارنْ نْسنْ.“
ISA 30:29 ”أَذْ غَارْومْ يِيڒِي إِجّْ ن إِزْڒِي، أَمْ ذِي دْجِيڒثْ نِّي ذِي إِسّوْجذْ بْنَاذمْ إِخفْ نّسْ إِ ڒْعِيذْ، ؤُڒَا ذ ڒفْرَاحثْ ذڭْ وُوڒْ أَمْ غَارْ إِجّنْ إِڭُّورنْ ؤُمِي إِژمَّارْ ذِي ثمْجَا مَاحنْذْ أَذْ د-يَاسْ غَارْ وذْرَارْ ن سِيذِي، غَارْ ثصْضَارْثْ ن إِسْرَائِيل.
ISA 30:30 سِيذِي أَذْ يجّْ أَذْ سْڒنْ إِ ثْمِيجَّا نّسْ يُوعْڒَانْ ؤُشَا أَذْ إِسّْشنْ مَامّشْ غَا إِهْوَا ؤُغِيڒْ نّسْ أَكْ-ذ وسْخضْ ن وغْضَابْ ذ ثْمسِّي إِتّحْذُوذُوقنْ إِتّتّنْ، أَذُوقّزْ ن ونْژَارْ ذ ڒْحَاڒْ ن ونْژَارْ ذ إِبْقُوقنْ ن ثبْرُورِي.
ISA 30:31 مَاغَارْ أَشُّورْ أَذْ يَارْجِيجْ س ثْمِيجَّا ن سِيذِي خْمِي [ث] غَا إِوّثْ نتَّا س وعْمُوذْ نّسْ.
ISA 30:32 قَاعْ ثْوَاڒَا إِعدُّو خَاسْ وعْمُوذْ ن ؤُسڭّذْ، [أَعْمُوذْ] نِّي خَاسْ إِسَّارْسْ سِيذِي، [أَقَا] ذ مَانْ أَيَا أَذْ يِيڒِي غَارْ [ثِينخْثْ ن] إِبنْذِيرنْ ذ [سْنِيثْرَاثْ ن] ڒْڭَامْبْرِييَّاثْ، [مَاغَارْ] نتَّا أَكِيذْسنْ إِمّْنغْ س إِغَادْجنْ إِتّنْهزَّانْ.
ISA 30:33 مَاغَارْ زڭْ وشْحَاڒْ ؤُيَا إِوْجذْ [ومْشَانْ إِ] نّْعِي نِّي، إِوْجذْ ؤُڒَا إِ ؤُجدْجِيذْ. إِڭَّا إِ-ث يُودْجغْ ذ ؤُمِيرِيوْ. أَقلِّيجْ نّسْ ن ثْمسِّي ذ ؤُكشُّوضْ ذ أَمقّْرَانْ. ثْوَارِّيثْ ن نّفْسْ ن سِيذِي أَذْ ث إِقدّْ أَمْ يغْزَارْ ن ڒشْبَارِييّثْ.“
ISA 31:1 ”ؤُشْثْ خْ يِينِّي د-إِهْوَانْ غَارْ مِيصْرَا حِيمَا أَذْ أَفنْ ثْوِيزَا، إِنِّي إِتّشْڒنْ خْ ييْسَانْ ؤُ تّڭّنْ ڒَامَانْ ذڭْ إِكَارُّوثنْ، مِينْزِي نِيثْنِي ذڭْ وَاطَّاسْ، ؤُڒَا خْ يِينِّي إِنْيِينْ خْ ييْسَانْ، مِينْزِي نِيثْنِي جّهْذنْ، [أَخْمِي] وَارْ خزَّارنْ غَارْ ؤُمْقدَّاسْ ن إِسْرَائِيل ؤُ وَارْ أَرزُّونْ سِيذِي.“
ISA 31:2 ”[مَاشَا] ؤُڒَا ذ نتَّا ذ أَمِيغِيسْ، نتَّا ڭُّورْ أَذْ يجّْ ڒْغَارْ أَذْ د-يَاسْ. وَارْ إِتّْذِيكّْوِيڒْ ذڭْ وَاوَاڒْ نّسْ، أَذْ إِكَّارْ ضِيدّْ إِ ثَادَّارْثْ ن إِعفَّاننْ ؤُ ضِيدّْ إِ ثْوِيزَا ن يِينِّي إِتّڭّنْ ڒْمُوعْصِييّثْ.
ISA 31:3 [مَاغَارْ] إِمِيصْرِييّنْ ذ إِوْذَانْ، وَارْ دْجِينْ ذ أَربِّي، ؤُشَا إِيْسَانْ نْسنْ ذ أَيْسُومْ، وَارْ إِدْجِي ذ أَرُّوحْ. أَذْ إِسَارّحْ سِيذِي أَفُوسْ نّسْ [أَڒْ] إِ غَا إِنْقَارْضْ ونِّي إِوْشِينْ أَفُوسْ، ؤُشَا [خنِّي] أَذْ إِوْضَا ؤُڒَا ذ ونِّي ذَايسْ إِوْشِينْ أَفُوسْ. [أَمُّو] إِ غَا قْضَانْ نِيثْنِي مَارَّا إِذْسنْ.“
ISA 31:4 ”مَاغَارْ أَمُّو إِ ذ أَيِي إِنَّا سِيذِي: ’أَمْ مَامّشْ إِتَّارُّوجْذُوذْ وَايْرَاذْ نِيغْ وَايْرَاذْ أَمژْيَانْ خْ زَّارْذثْ نّسْ خْمِي خَاسْ د-تّْڒَاغَانْ إِجّْ ن ؤُبَارُّو ن إِمكْسَاونْ، بْڒَا مَا أَذْ إِنّخْڒعْ زِي ثْمِيجَّا نْسنْ ؤُ وَارْ إِخنّسْ زڭْ ؤُبَارُّو نْسنْ، أَمُّو إِ غَا إِهْوَا ؤُڒَا ذ سِيذِي ن ڒْعسْكَارَاثْ حِيمَا أَذْ إِمّْنغْ خْ وذْرَارْ ن صِيهْيُونْ ؤُ خْ ثوْرِيرْثْ نّسْ.
ISA 31:5 أَمْ يِيجْضَاضْ إِتّْفَارْفِيرنْ [سنّجْ إِ ڒْعُوشّْ نْسنْ]، أَمُّو إِ غَا إِسّڒْقَا سِيذِي ن ڒْعسْكَارَاثْ خْ ؤُرْشَالِيمْ. أَذْ ت إِسَّارْ، أَذْ ت إِسّنْجمْ، أَذْ [خَاسْ] يكّْ ؤُشَا أَذْ ت إِسّنْجمْ.“
ISA 31:6 ”ذوْڒمْ-د غَارْ ونِّي خْ حيّْذنْ أَيْثْ ن إِسْرَائِيل س وَاطَّاسْ.
ISA 31:7 مَاغَارْ ذڭْ وَاسّْ نِّي أَذْ إِمّنْضَارْ كُوڒْ إِجّْ لْ-أَصْنَامْ نّسْ ن نُّوقَارْثْ ذ لْ-أَصْنَامْ نّسْ ن وُورغْ، إِنِّي يڭِّينْ إِفَاسّنْ نْومْ إِ يِيخفْ نْومْ، [إِ] دّنْبْ.
ISA 31:8 أَشُّورْ أَذْ إِوْضَا س سِّيفْ، وَارْ إِدْجِي [سِّيفْ] ن إِجّْ ن ورْيَازْ. أَذْ ث يشّْ سِّيفْ، وَارْ إِدْجِي ن إِجّْ ن بْنَاذمْ. أَذْ يَارْوڒْ أَشُّورْ زَّاثْ إِ سِّيفْ ؤُشَا إِحُوذْرِييّنْ نّسْ أَذْ ذوْڒنْ غَارْ ثسْمُوغِي.
ISA 31:9 ثَاصْضَارْثْ نّسْ أَذْ ثڭّْوجْ س ثِيڭّْوُوذِي ؤُشَا ڒْحُوكَّامْ نّسْ أَذْ أَروْڒنْ زِي ثْعدْجَانْثْ!‘، [أَمُّو إِ] إِقَّارْ سِيذِي، ونِّي غَارْ ثدْجَا ثْمسِّي ذِي صِيهْيُونْ ؤُڒَا ذ ثَافْقُونْثْ ذِي ؤُرْشَالِيمْ.“
ISA 32:1 ”خْزَارْ، إِجّْ ن ؤُجدْجِيذْ أَذْ إِحْكمْ ذِي ثْسڭْذَا ؤُ ڒْحُوكَّامْ أَذْ حكْمنْ س ڒْحقّْ.
ISA 32:2 أَرْيَازْ نِّي أَذْ يِيڒِي أَمْ يِيجّْ ن ؤُذُورِّي زڭْ ونْژَارْ، أَمْ ثْسدَّارْثْ إِسّْڒقَّانْ زِي ثْحَارْيَاضْثْ، أَمْ ثْغزْرَاثِينْ ن وَامَانْ ذِي ثمُّورْثْ يُوژْغنْ، أَمْ ثِيڒِي ن إِجّْ ن جَّارْفْ إِذقْڒنْ ذِي ثمُّورْثْ إِتّْفَاذَانْ.
ISA 32:3 ثِيطَّاوِينْ ن يِينِّي إِتّْوَاڒَانْ وَارْ تّْبلِّيعنْثْ [عَاذْ]، ؤُ إِمزُّوغنْ ن يِينِّي إِتّسْڒَانْ أَذْ سّْحسّنْ [عَاوذْ]،
ISA 32:4 ؤُڒْ ن إِمْقدْجْقنْ أَذْ يِيڒِي إِحطَّا [عَاوذْ] مَاحنْذْ أَذْ يَافْ ثُوسّْنَا، ؤُ إِڒسْ ن يِينِّي إِسّْثوْثِيونْ إِزمَّارْ أَذْ إِسِّيوڒْ عَاوذْ س ڒْفَارْزْ.
ISA 32:5 أَبُوهَاڒِي وَارْ ذ أَسْ تّْڒِيغِينْ [عَاذْ] ’أَمْشنّعْ!‘، ؤُشَا ونِّي إِشمّْثنْ وَارْ ذ أَسْ قَّارنْ [عَاذْ] ’مِّيسْ ن ڒْخِيرْ!‘
ISA 32:6 مَاغَارْ أَبُوهَاڒِي إِسَّاوَاڒْ ثُوبُّوهڒْيَا ؤُ ؤُڒْ نّسْ إِتّڭّْ ڒْمُوعْصِييّثْ ؤُمِي نتَّا إِتّڭّْ أَفُوشّحْ ؤُ إِتّْشقّفْ ذِي سِيذِي، ؤُ ؤُمِي إِتّجِّي ڒعْمَارْ ن ونِّي إِدْجُوژنْ أَذْ إِقِّيمْ إِخْوَا، ذ ونِّي إِفُّوذنْ وَارْ ث إِتّجِّي أَذْ إِسُو.
ISA 32:7 ثَاحْرَايْمشْثْ ن ؤُشمَّاثْ ثْعفّنْ. نتَّا إِتّْخَارّصْ ذِي ڒفْضِيحثْ حِيمَا أَذْ إِغْضڒْ إِنِّي إِتّْوَاحْصَارنْ س وَاوَاڒنْ إِخَارِّيقنْ، [وَاخَّا] أَمزْڒُوضْ إِشَّاثْ خْ ڒْحقّْ [نّسْ].
ISA 32:8 [مَاشَا] أَمْشنّعْ أَذْ إِخَارّصْ ذڭْ إِنْوَاينْ إِشنّْعنْ، أَذْ إِكَّارْ ذِي طّْوعْ ن مِينْ إِشنّْعنْ.“
ISA 32:9 ”كَّارنْثْ، [كنِّينْثْ] ثِيمْغَارِينْ وَارْ ذِي إِدْجِي ومْنُوسْ، سْڒنْثْ إِ ثْمِيجَّا إِنُو، [أَ كنِّينْثْ] ثِيحنْجِيرِينْ إِتّْشَاڒنْ خْ سِيمَانْثْ نْكنْثْ، سْڒنْثْ غَارْ وَاوَاڒْ إِنُو!
ISA 32:10 أَوَارْنِي وُوسَّانْ نِيغْ أَسڭّْوَاسْ، [خنِّي] أَذْ ثَارْجِيجنْثْ، [أَ] كنِّينْثْ إِ إِتّْشَاڒنْ خْ يِيخفْ نْكنْثْ، مَاغَارْ أَذْ ثقْضَا صَّابثْ ن ؤُضِيڒْ، وَارْ إِتِّيڒِي وڒْقَاضْ عَاذْ.
ISA 32:11 قفْقْفنْثْ، [أَ كنِّينْثْ] نْبْڒَا أَمْنُوسْ، أَرْجِيجنْثْ، [كنِّينْثْ] ثِينِّي إِتّْشَاڒنْثْ خْ يِيخفْ نْكنْثْ، كّْسنْثْ أَرُّوضْ، عَارْيْننْثْ، [خنِّي] بيْسنْثْ ثِيجْعِينَّاثِينْ نْكنْثْ [س وَارُّوضْ ن وشْضَانْ].“
ISA 32:12 ”أَذْ وْثنْثْ نِيثنْثِي ذڭْ إِذْمَارنْ س إِڭجْذُورنْ خْ إِحْوِيشنْ إِعِيزّنْ، خْ ثْزَايَارِينْ إِسّغْمَاينْ.
ISA 32:13 أَذْ ڭعّْذنْ إِسنَّاننْ ذ ثْزڭّْوَارْثْ خْ ثمُّورْثْ ن ڒْڭنْسْ إِنُو، [وَاهْ،] خْ مَارَّا ثُوذْرِينْ ن ڒفْرَاحثْ ذِي ثنْذِينْثْ إِنڭّْزنْ س ؤُسْڒوْڒِيوْ.
ISA 32:14 مَاغَارْ ڒقْصَارْ أَذْ إِتّْوَاجّْ، دّْرِيزْ ن ثنْذِينْثْ أَذْ إِبْكمْ، [ثَاوْرِيرْثْ ن] ’عُوفِيلْ‘ ذ لْبُورْجْ ن ثْعسَّاسْثْ أَذْ ذوْڒنْ ذ إِفْرَانْ إِ ڒبْذَا، ذ أَمْشَانْ ن ڒفْرَاحثْ مَانِي تّمْزُوعْبُوضنْ إِغْيَاڒْ ن ڒخْڒَا، ذ دّْمَانِي إِ ثْحِيمْرِيوِينْ.
ISA 32:15 أَڒْ غَا إِتّْوَافَارّغْ خَانغْ أَرُّوحْ زِي سنّجْ.“ ”[خنِّي] أَذْ إِذْوڒْ ڒخْڒَا ذ ڒْعِيرْسْثْ إِصبْحنْ ؤُ ڒْعِيرْسْثْ إِصبْحنْ أَذْ ثتّْوَاحْسبْ ذ أَزْغَارْ.
ISA 32:16 ڒْحقّْ أَذْ إِزْذغْ ذِي ڒخْڒَا ؤُشَا ثَاسڭْذَا أَذْ ثقِّيمْ ذڭْ إِيَّارْ إِسّغْمَاينْ.
ISA 32:17 مِينْ د-إِتَّاوْينْ ثَاسڭْذَا أَذْ يِيڒِي ذ ڒهْنَا ؤُشَا ڒْغِيدْجثْ ن ثْسڭْذَا أَذْ ثِيڒِي ذ ڒْهُوذْنثْ ذ ڒَامَانْ إِ ڒبْذَا.
ISA 32:18 ڒْڭنْسْ إِنُو أَذْ إِزْذغْ ذڭْ ومْشَانْ ن ڒهْنَا، ذِي ثْزذِّيغِينْ ذَايْسنْثْ ڒَامَانْ ؤُ ذڭْ إِمُوشَانْ ذَايْسنْ أَرَّاحثْ.“
ISA 32:19 ”أَذْ ثشَّاثْ ثْبْرُورِّي أَڒْ د غَا ثسّهْوَا أَزْغَارْ ؤُشَا ثَانْذِينْثْ أَذْ ثهْوَا ذِي ڒوْضَا.“
ISA 32:20 ”سّعْذْ ن كنِّيوْ إِنِّي إِزَارّْعنْ غَارْ مَارَّا ثِيغزْرَاثِينْ، إِنِّي [ذِينْ] إِندّْهنْ إِضَارنْ ن ؤُفُونَاسْ ذ وغْيُوڒْ!“
ISA 33:1 ”ؤُشْثْ خَاكْ، [أَ] أَمْثحَّايْ، [شكْ ذ] ونِّي [سِيمَانْثْ نّسْ] وَارْ إِتّْوَاثحِّي، [شكْ ذ] ونِّي إِتّْكشّْضنْ، وَاخَّا نِيثْنِي وَارْ شكْ كشّْضنْ. مَاڒَا ثْكمّْڒذْ أَثحِّي نّشْ، أَذْ ثتّْوَاثحِّيذْ [سِيمَانْثْ نّشْ]، مَاڒَا ثْكمّْڒذْ ثَاكشَّاضْثْ، أَذْ ثتّْوَاكشّْضذْ [سِيمَانْثْ نّشْ].“
ISA 33:2 ”[أَ] سِيذِي، حِينّْ خَانغْ، أَقَا نسِّيثِيمْ أَشْ. إِڒِي ذ أَغِيڒْ نْسنْ [إِجهْذنْ] ذِي كُوڒْ صّْبحْ، وَاهْ، ذِي ڒْوقْثْ ن ڒحْسَارثْ إِڒِي ذ أَسنْجمْ نّغْ.“
ISA 33:3 ”خْ ڒْحسّْ ن زّْهِيرْ أَذْ أَروْڒنْ ڒڭْنُوسْ. مَاڒَا شكْ ثسّْڭعّْذذْ إِخفْ نّشْ أَذْ تّْوَازدْجْعنْ ڒڭْنُوسْ غَارْ مَارَّا إِغزْذِيسَا.
ISA 33:4 [خنِّي] أَذْ ثتّْوَاكّسْ زَّارْذثْ نْومْ، أَمْ ثْمُورْغِي إِصَارّْضنْ تّكّْسنْثْ [صَّابثْ]. أَمْ تَّازّْڒنْثْ ثْمُورْغِي سَّا ذ سَّا، أَمُّو إِ تَّازّْڒنْ ؤُڒَا ذ نِيثْنِي غَارْ زَّارْذثْ.“
ISA 33:5 ”إِتّْوَاسُّوعْڒَا سِيذِي مَاغَارْ نتَّا إِزدّغْ قَاعْ سنّجْ. نتَّا إِشُّورْ صِيهْيُونْ س ڒْحقّْ ذ ثْسڭْذَا.
ISA 33:6 أَذْ يِيڒِي ڒَامَانْ [خْمِي إِ غَا يِيڒِينْثْ] ڒْمِيجَاڒَاثْ ن ڒْوقْثْ نّشْ، إِجّْ ن ؤُبَارُّو ن إِسنْجَامنْ، ثِيغِيثْ ذ ثُوسّْنَا. أَذْ ثِيڒِي ثِيڭّْوُوذِي ن سِيذِي ذ ڒْكنْزْ نّسْ.“
ISA 33:7 ”خْزَارْ، إِنِّي ذَايْسنْ ثَارْيَاسْثْ أَمشْنَاوْ أَيْرَاذْ سْغُويُّونْ بَارَّا، [وَاهْ،] إِرقَّاسنْ ن ڒهْنَا تّْرُونْ س إِمطَّاونْ إِمرْزَاڭنْ.
ISA 33:8 إِبْرِيذنْ إِسڭّْمنْ تّْوَاجّنْ، ونِّي إِنُّومنْ أَذْ يكّْ خْ ؤُمسْرُوقْ، إِسْمحْ ذَايسْ. أَقَا يَارْژَا ڒْعَاهْذْ، إِسّحْقَارْ ثِيندَّامْ، وَارْ إِحسّبْ بْنَاذمْ.
ISA 33:9 ثشْضنْ ؤُ ثِيسْڒَاوْ ثمُّورْثْ. لُوبْنَانْ إِسضْحَا، يُوژغْ. [ڒوْضَا إِسّغْمَاينْ ن] شَارُونْ ثذْوڒْ ذ ڒخْڒَا ؤُشَا بَاشَانْ ذ كَارْمَالْ تّْسدْجْضنْ [أَفَارْ نْسنْ].“
ISA 33:10 ”ڒخُّو أَذْ كَّارغْ، ڒخُّو أَذْ تّْوَاسّْڭعّْذغْ، ڒخُّو أَذْ تّْوَاسّْعُودْجغْ، إِقَّارْ سِيذِي.“
ISA 33:11 ”كنِّيوْ ثكْسِيمْ دّيْسثْ س ؤُڒُومْ، أَذْ ثَارْومْ إِغدْجْ. بُوحْبڒْ نْومْ ذ ثِيمسِّي إِ كنِّيوْ غَا يشّنْ.
ISA 33:12 ڒڭْنُوسْ أَذْ ذوْڒنْ أَمْ جَّارْ سَّارْغنْ ث، أَمْ ڒْحَارَّاشْ س إِسنَّاننْ إِتّْوَاقسّنْ أَذْ ثنْ سّْشمْضنْ س ثْمسِّي.
ISA 33:13 كنِّيوْ [إِ إِدْجَانْ] ذِي ڒَاڭّْوَاجْ، سْڒمْ مِينْ ڭِّيغْ، ؤُشَا كنِّيوْ ذِي ڒَاذَاسْ، سْنمْ صُّولْطَا إِنُو!
ISA 33:14 إِمذْنَابْ ذِي صِيهْيُونْ تّڭّْوذنْ، إِمْنَافْقنْ تّْقفْقَافنْ، قَّارنْ: ’مَانْ ونْ زَّايْنغْ إِزمَّارْ أَذْ إِزْذغْ ذِي ثْمسِّي إِتّتّنْ، مَانْ ونْ زَّايْنغْ إِزمَّارْ أَذْ إِزْذغْ ذِي ڒْحَاذُوقْ ن ڒبْذَا؟‘ “
ISA 33:15 ”ونِّي إِڭُّورنْ ذِي ثْسڭْذَا ؤُ إِقَّارْ ڒْحقّْ، ونِّي إِنْضَارنْ أَرْبحْ س ؤُبعّجْ، ونِّي إِمنّْعنْ إِفَاسّنْ نّسْ زڭْ وُوضُوفْ ن ثرْزِيفِينْ ن أَرّشْوثْ، ونِّي إِتّْبلَّاعنْ أَمزُّوغْ نّسْ معْلِيكْ يُوفَا أَذْ إِسڒْ خْ ؤُسِيزّڒْ ن إِذَامّنْ، ونِّي إِتّقّْننْ ثِيطَّاوِينْ نّسْ معْلِيكْ يُوفَا أَذْ إِثْوَاڒَا مِينْ إِدْجَانْ ذ أَعفَّانْ،
ISA 33:16 ذ وَانِيثَا إِ غَا إِزذْغنْ خْ ڒڭْعُوذِي. لْقلْعَاثْ ذِي ڒجْرُوفْ أَذْ إِڒِينْثْ لْبُورْجْ نّسْ يُوعْڒَانْ، أَذْ أَسْ إِمّوْشْ وغْرُومْ نّسْ، أَمَانْ نّسْ أَذْ تّْوَاضمْننْ.
ISA 33:17 ثِيطَّاوِينْ نّشْ أَذْ ثْوَاڒَانْثْ أَجدْجِيذْ ذڭْ وژْرِي نّسْ، نِيثنْثِي أَذْ ژَترنْثْ إِشْثْ ن ثمُّورْثْ ذَايسْ تَّاسِيعْ أَطَّاسْ.
ISA 33:18 ؤُڒْ نّشْ أَذْ إِعْقڒْ خْ ؤُسْنخْڒِيعْ. مَانِي إِدْجَا ؤُمَارِيرْ؟ مَانِي إِدْجَا ونِّي إِوزْننْ؟ مَانِي إِدْجَا ونِّي إِسّطّنْ لْبُورْجَاثْ؟
ISA 33:19 شكْ وَارْ ثْژَارّذْ عَاذْ ڒْڭنْسْ إِقسْحنْ [نِّي]، ڒْڭنْسْ س يِيڒسْ إِذقْڒنْ أَڒَامِي وَارْ إِزمَّارْ أَذْ أَسْ إِسڒْ [بْنَاذمْ]، [ڒْڭنْسْ] نِّي إِسّْطوْطِيونْ س يِيڒسْ أَڒَامِي وَارْ إِزمَّارْ أَذْ أَسْ إِفْهمْ [ؤُڒَا ذ إِجّْ].“
ISA 33:20 ”خْزَارْ غَارْ صِيهْيُونْ، ثَانْذِينْثْ ن ؤُمُونِيثنْ نّغْ. ثِيطَّاوِينْ نّشْ أَذْ ژَترنْثْ ؤُرْشَالِيمْ، ثَازذِّيغْثْ نِّي ذِي إِدْجَا ڒَامَانْ، أَقِيضُونْ إِ وَارْ سّْمُوطُّوينْ، إِ زِي ڒوْثَاذْ نّسْعمَّارْصْ أَذْ تّْوَاقڒْعنْ ؤُڒَا ذ إِمُورَارْ نّسْ وَارْ تّْوَاقطَّاسنْ.
ISA 33:21 مَاغَارْ ذِينِّي أَذْ غَارْنغْ يِيڒِي سِيذِي س ڒْعزّْ. أَيَا أَذْ يِيڒِي ذ أَمْشَانْ ن إِغزْرَانْ ذ ثْسدْجْيَاوِينْ إِمِيرِيونْ. وَارْ خَاسنْ نذْهنْ إِغَارُّوبَا إِمقّْرَاننْ ن ڒمْقَاذفْ، ؤُڒَا ذ إِجّْ ن ؤُغَارَّابُو س ڒجْوَاذْ أَذْ [ذِينْ] إِعْذُو.
ISA 33:22 مِينْزِي سِيذِي ذ ڒْقَاضِي نّغْ، سِيذِي ذ أَمْڭوَّاذْ نّغْ، سِيذِي ذ أَجدْجِيذْ نّغْ. نتَّا أَذْ أَنغْ إِسّنْجمْ.“
ISA 33:23 ”[ڒخُّو مَاشَا] أَرْخُونْ إِسغْوَانْ نّمْ، وَارْ منّْعنْ [عَاذْ] ثِيسنْيَانِينْ ذڭْ ؤُضَارْ نّسْ، وَارْ تّْبزَّاعنْ [عَاذْ] ڒْبَاشّْ. [مَاشَا] ذِي ڒْوقْثْ نِّي أَذْ ثتّْوَابْضَا زَّارْذثْ ثَامقّْرَانْثْ، [عَاذْ] إِنعْضَابْ أَذْ كشّْضنْ ثَاكشَّاضْثْ.
ISA 33:24 ؤُڒَا ذ إِجّْ ن ؤُمزْذُوغْ أَذْ يِينِي: ’نشّْ هڒْشغْ!‘، [مَاغَارْ] ڒْڭنْسْ إِ ذَايسْ إِزدّْغنْ، أَذْ [أَسْ] إِتّْوَاغْفَارْ ڒْمُوعْصِييّثْ.“
ISA 34:1 ”قَارّْبمْ-د، [أَ] ڒڭْنُوسْ، مَاحنْذْ أَذْ ثسْڒمْ، [كنِّيوْ أَ،] شُّوعُوبْ، أَرّمْ-د ڒْبَاڒْ! سڒْ، [أَ] ثَامُّورْثْ ذ مَارَّا مِينْ ذَايسْ، دُّونشْثْ ذ مَارَّا مِينْ زَّايسْ د-إِسّْفُوفُّوينْ.
ISA 34:2 مَاغَارْ أَذُوقّزْ [ن وغْضَابْ] ن سِيذِي [أَذْ د-يَاسْ] خْ مَارَّا ڒڭْنُوسْ ؤُ أَسْعَارْ خْ مَارَّا ڒْعسْكَارْ نْسنْ. نتَّا إِحَارّمْ إِ-ثنْ [إِ ؤُثحِّي]، أَقَا إِڭَّا إِ-ثنْ إِ ثْغَارْصْثْ.
ISA 34:3 إِنِّي زَّايْسنْ إِتّْوَانْغنْ أَذْ ثنْ نْضَارنْ، ؤُشَا أَرِّيحثْ ن ڒْخشْبَاثْ نْسنْ أَذْ ثْڭعّذْ. أَذْ فسْينْ إِذُورَارْ س إِذَامّنْ نْسنْ.
ISA 34:4 مَارَّا ڒْعسْكَارْ ن ؤُجنَّا أَذْ إِفْنَا ؤُشَا إِجنْوَانْ أَذْ تّْوَانّْضنْ أَمْ وذْلِيسْ إِتّْوَانّْضنْ ؤُ أَذْ إِوْضَا مَارَّا ڒْعسْكَارْ نْسنْ أَمْ وَافَارْ خْ ثْزَايَارْثْ ؤُ أَمْ مَامّشْ د-ثوْضَا ثَازَارْثْ زڭْ وَارْثُو.“
ISA 34:5 ”مَاغَارْ سِّيفْ إِنُو أَذْ إِتّْوَاژَارْ ذڭْ إِجنْوَانْ. خْزَارْ، أَذْ د-إِهْوَا خْ إِذُومْ ؤُ خْ ڒْڭنْسْ نِّي حَارّْمغْ قَاعْ إِ ڒْحُوكْمْ.
ISA 34:6 سِّيفْ ن سِيذِي إِشُّورْ س إِذَامّنْ، إِذْوڒْ إِتّحْرُودْجُوضْ س ثَاذُونْثْ، س إِذَامّنْ ن إِزْمَارنْ ذ إِغَايْضنْ، س ثَاذُونْثْ ن ثِيژَّاڒْ ن إِشَارِّييّنْ، مَاغَارْ سِيذِي إِڭَّا إِجّْ ن ڒْعِيذْ ن ثْغَارْصْثْ ذِي بُوصْرَا، ذ إِشْثْ ن ثْغَارْصْثْ ثَامقّْرَانْثْ ذِي ثمُّورْثْ ن إِذُومْ.
ISA 34:7 أَذْ كِيذْسنْ وْضَانْ إِغَايْضنْ ن ڒخْڒَا أَكْ-ذ وَاشَّاونْ نْسنْ ذ إِزِيرَارنْ، ؤُشَا ؤُڒَا ذ إِفُونَاسنْ إِمژْيَاننْ [جْمِيعْ] أَكْ-ذ [إِفُونَاسنْ] إِجهْذنْ ؤُشَا ثَامُّورْثْ نْسنْ أَذْ ثْسُو إِذَامّنْ ؤُ أَشَاڒْ [ن ثمُّورْثْ] أَذْ إِجّْونْ س ثَاذُونْثْ.
ISA 34:8 مَاغَارْ أَذْ يِيڒِي إِجّْ ن وَاسّْ ن نّقْمثْ إِ سِيذِي، إِجّْ ن ؤُسڭّْوَاسْ ن ؤُخدْجصْ إِ دّعْوثْ ن صِيهْيُونْ.
ISA 34:9 ثِيغْزَارِينْ ن إِذُومْ أَذْ ذوْڒنْثْ ذ ثِيزفْثْ ؤُ أَشَاڒْ نّسْ أَذْ إِذْوڒْ ذ ڒشْبَارِييّثْ، [وَاهْ،] ثَامُّورْثْ نّسْ أَذْ ثذْوڒْ ذ ثِيزفْثْ يَارقّنْ.
ISA 34:10 وَارْ تّْخسِّي [ثْمسِّي نّسْ] سْ دْجِيڒثْ ؤُڒَا س وَاسّْ، دّخَّانْ نّسْ أَذْ إِڭعّذْ إِ ڒبْذَا. زِي جِّيڒْ أَڒْ جِّيڒْ أَذْ ثِيڒِي [ثمُّورْثْ] ثتّْوَاردّدْجْ، إِ ڒبْذَا ن ڒبْذَاثْعمَّارْصْ وَارْ ت إِژْوِي ؤُڒَا ذ إِجّْ.
ISA 34:11 بُو-ؤُعُوقِّي ذ ثْوُوشْثْ نْ دْجِيڒثْ أَذْ ت طّْفنْ ذ ثَاسْغَارْثْ، بُو-ؤُسُوضِي [ن ڒْموْثْ] ذ ؤُبَاغڒْ أَذْ ذَايسْ زذْغنْ. نتَّا أَذْ خَاسْ إِمْحضْ أَفِيڒُو ن ڒعْبَارْ ن ڒخْڒَا ؤُ أَذْ إِسَّارْسْ بْلُومُو ن ڒْخَاوِي.
ISA 34:12 ثَارْوَا نّسْ ن ثَاصِيڒثْ؟ وَارْ ذِينْ ثدْجِي بُو ثْڭلْذَا أَڒَامِي زَّايسْ إِ غَا بَارّْحنْ ؤُ مَارَّا ڒْحُوكَّامْ نّسْ قْضَانْ.
ISA 34:13 ذِي ڒقْصُورْ نّسْ أَذْ إِڭعّذْ شْبَارْقْ أَكْ-ذ إِسنَّاننْ، إِرزَّازنْ ذ ثَابْغَا ن ؤُسنَّانْ أَذْغمْينْ ذِي لْقلْعَاثْ نّسْ. ثَامُّورْثْ أَذْ ثذْوڒْ ذ ثَازذِّيغْثْ إِ وُوشَّاننْ ن ڒخْڒَا، ذ إِجّْ ن وحْوِيشْ إِ يسِّيسْ ن نّْعَامثْ.
ISA 34:14 ڒوْحُوشْ ن ڒخْڒَا أَذْ مّڒْقَانْ أَكْ-ذ إِفِيسنْ ؤُشَا أَمْيَانْ [إِجنّنْ] أَذْ إِڒَاغَا إِ ؤُمْعَاشَارْ نّسْ، وَاهْ، ڒْوحْشْ ن دْجِيڒثْ أَذْ يَاريّحْ ذِينِّي، أَذْ يَافْ أَغِيمِي إِ يِيخفْ نّسْ.
ISA 34:15 ذِينِّي أَذْ ثسَّارْسْ ثْفِيغَارْثْ ن فْڒِيثْشَا ڒْعُوشّْ نّسْ، أَذْ ثسَّارْسْ ثِيمدْجَاڒِينْ، أَذْ ثنْثْ ثسّْفْرُورِييْ ؤُشَا ذِي ثِيڒِي نّسْ أَذْ ثْهِيلَّا [ذڭْ إِمژْيَاننْ نّسْ]، وَاهْ، ذِينِّي أَذْ مُوننْ إِجْضَاضْ إِتّْكشَّاضنْ.
ISA 34:16 أَرْزُومْ ذڭْ وذْلِيسْ ن سِيذِي ؤُ غَارمْ زَّايسْ: ’ؤُڒَا ذ إِجّْ [زِي ڒوْحُوشْ-أَ] إِزمَّارْ أَذْ زَّايسْ إِنْقصْ، ؤُڒَا ذ إِجّْ وَارْ يَارزُّو خْ وعْشِيرْ نّسْ!‘، مَاغَارْ أَقمُّومْ إِنُو يُورَا إِ-ث، ؤُشَا أَرُّوحْ نّسْ ذ ونِّي ثنْ إِ غَا إِسّْمُوننْ.
ISA 34:17 نتَّا سِيمَانْثْ نّسْ إِنْضَارْ ثَاقدُّوحْثْ ذِي طّْوعْ نْسنْ، ؤُشَا أَفُوسْ نّسْ إِبْضَا أَسنْ ثَامُّورْثْ س ؤُفِيڒُو نْ ڒعْبَارْ. نِيثْنِي أَذْ ت وَارْثنْ إِ ڒبْذَا، زِي جِّيڒْ أَڒْ جِّيڒْ أَذْ ذَايسْ زذْغنْ.“
ISA 35:1 ”أَذْ إِفَارْحْ ڒخْڒَا ذ ثمُّورْثْ يُوژْغنْ، أَذْ ثسْڒِيوْڒوْ ڒوْضَا، أَذْ ثْنوَّارْ أَمْ ثْنوَّاشْثْ وَارْ زَّايسْ وْضَانْثْ ثِيفْرَايْعمَّارْصْ.
ISA 35:2 أَذْ ثْنوَّارْ أَذْ ثْشُووَّارْ، [وَاهْ،] أَذْ ثسْڒوْڒِيوْ [ڒوْضَا] س ڒفْرَاحثْ ذ ؤُسْڒِيوْڒوْ. أَذْ أَسْ إِمّوْشْ ؤُعُودْجِي ن لُوبْنَانْ، ڒْعزّْ ن كَارْمِيلْ ؤُ [ن ڒوْضَا ن] شَارُونْ. نِيثْنِي أَذْ ژَترنْ أَعُودْجِي ن سِيذِي، ڒْعزّْ ن أَربِّي نّغْ.“
ISA 35:3 ”سْمحْضمْ إِفَاسّنْ أَرْخُونْ ؤُ سْجهْذمْ إِفَادّنْ إِتّمْرَايْوَانْ.
ISA 35:4 إِنِيمْ إِ يِينِّي غَارْ إِدْجَا ؤُڒْ إِڭّْوذْ: ’إِڒِيمْ ذ إِرْيَازنْ، وَارْ تّڭّْوذمْ! خْزَارمْ، أَربِّي نْومْ أَذْ إِخْڒفْ، أَذْ د-يَاسْ وخْڒَافْ ن أَربِّي، نتَّا أَذْ د-يَاسْ س يِيخفْ نّسْ، أَذْ كنِّيوْ إِسّنْجمْ.‘
ISA 35:5 خنِّي أَذْ نُّورْزْمنْثْ ثِيطَّاوِينْ ن إِضَارْغَاڒنْ ؤُشَا أَذْ تّْوَارزْمنْ إِمزُّوغنْ ن إِذُوهْشَارْ.
ISA 35:6 خنِّي أَذْ إِنْڭزْ ؤُقِيذَارْ أَمْ ؤُذَاذْ ؤُشَا إِڒسْ ن ؤُزِينُونْ أَذْ إِسْڒِيوْڒوْ، مَاغَارْ أَذْ دُّوقّْزنْ وَامَانْ ذِي ڒخْڒَا ؤُڒَا ذ ثِيغْزَارِينْ ذِي ڒوْضَا.
ISA 35:7 ثَامُّورْثْ يُوژْغنْ أَذْ ثذْوڒْ ذ سَّارِيجْ ؤُ ثَامُّورْثْ إِفُّوذنْ ذ ثَاڒَاوِينْ إِتّْبقْبُوقنْ. ذِي ثمُّورْثْ ن وُوشَّاننْ ن ڒخْڒَا، مَانِي أَرّيْحنْ، أَذْ يِيڒِي أَرْبِيعْ أَكْ-ذ ؤُغَانِيمْ ذ وزْرَافْ.“
ISA 35:8 ”أَذْ ذِينْ يِيڒِي إِجّْ ن وبْرِيذْ إِسڭّْمنْ، أَبْرِيذْ نِّي إِ غَا ڒَاغَانْ ’أَبْرِيذْ أَمْقدَّاسْ!‘. ؤُڒَا ذ إِجّْ ن ؤُمخْمُوجْ وَارْ خَاسْ إِڭُّورْ، [مَاشَا] أَذْ يِيڒِي إِ نِيثْنِي: مَانْ ونْ مَا إِڭُّورنْ خْ وبْرِيذْ-أَ، [عَاذْ] إِبُوهَاڒِييّنْ وَارْ تّْوذِّيرِينْ.
ISA 35:9 وَارْ ذِينِّي إِتِّيڒِي وَايْرَاذْ، [وَاهْ،] وَارْ خَاسْ إِتّْڭِيعِّيذْ نِيغْ أَذْ إِتّْوَافْ ذِينْ ؤُڒَا ذ إِجّْ ن ڒْوحْشْ إِتّْشَارّڭْ، [مَاشَا] إِنِّي إِتّْوَافكّنْ أَذْ خَاسْ ؤُيُورنْ.
ISA 35:10 إِنِّي إِتّْوَاصڒْحنْ زِي سِيذِي أَذْعقْبنْ، أَذْ د-أَسنْ سْڒِيوْڒِيونْ غَارْ صِيهْيُونْ. ڒفْرَاحثْ ن ڒبْذَا [أَذْ ثَارْسَا] خْ إِزدْجِيفنْ نْسنْ. أَفَارّجْ ذ ڒفْرَاحثْ أَذْ غَارْسنْ أَوْضنْ، أَشْضَانْ ذ وسْحِيسّفْ أَذْ [زَّايْسنْ] أَروْڒنْ.“
ISA 36:1 ذڭْ ؤُسڭّْوَاسْ وِيسّْ أَرْبعْطَاشْ ن ؤُجدْجِيذْ حِيزْقِييَا إِڭعّذْ سَانْحَارِيبْ، أَجدْجِيذْ ن أَشُّورْ، خْ مَارَّا ثِيندَّامْ إِفَارْينْ ن يَاهُوذَا ؤُشَا إِحوّسْ إِ-ثنْثْ.
ISA 36:2 إِسكّْ ؤُجدْجِيذْ ن أَشُّورْ أَكُومَانْذَارْ ن ڒْعسْكَارْ زِي لَاخِيشْ غَارْ ؤُرْشَالِيمْ غَارْ ؤُجدْجِيذْ حِيزْقِييَا، أَكْ-ذ إِجّْ ن ڒْعسْكَارْ ذ أَمقّْرَانْ أَطَّاسْ. نتَّا إِبدّْ غَارْ ؤُقَاذُوسْ ن وَامَانْ ن ؤُيڒْمَامْ ن سنّجْ، ونِّي [إِدْجَانْ] غَارْ وبْرِيذْ أَمقّْرَانْ غَارْ وحْوِيشْ ن ؤُصبَّانْ. *
ISA 36:3 [خنِّي] إِفّغْ غَارسْ أَلْيَاقِيمْ، مِّيسْ ن حِيلْقِييَا، ڒمْقدّمْ ن ثْزذِّيغْثْ [ن ؤُجدْجِيذْ] أَكْ-ذ ؤُمَارِيرْ شِيبْنَا ذ يُووَاخْ، مِّيسْ ن أَسَافْ، أَمَارِيرْ ن ؤُمزْرُويْ.
ISA 36:4 إِنَّا أَسنْ ؤُكُومَانْذَارْ ن ڒْعسْكَارْ: ”إِنِيمْ خنِّي إِ حِيزْقِييَا: أَمُّو إِ إِقَّارْ ؤُجدْجِيذْ أَمقّْرَانْ، أَجدْجِيذْ ن أَشُّورْ: ’مَانْ أَثشْڒِي وَا إِ خْ ثتَّاشْڒذْ؟
ISA 36:5 نِّيغْ أَشْ، أَقَا-ث ذ ڒْهَارْذْ ن إِينْشِيشنْ وَاهَا. ذڭْ ؤُمنْغِي إِتّْخصَّا شّْوَارْ ذ ثْزمَّارْ. مَانْ ونْ خْ ثتَّاشْڒذْ ڒخُّو، أَقَا شكْ ثْغوّْغذْ خَافِي؟
ISA 36:6 خْزَارْ، ثتّشْڒذْ خْ مِيصْرَا، خْ ؤُغَانِيمْ نِّي إِنّْضفْسنْ ونِّي إِتّجُّونْ ذڭْ ؤُفُوسْ نّسْ ؤُمِي حذْ خَاسْ إِ غَا إِعمّذْ، ؤُشَا [خنِّي] إِسّْنُوقّبْ إِ-ث. أَمُّو [إِ إِدْجَا] فِيرْعُونْ، أَجدْجِيذْ ن مِيصْرَا، إِ مَارَّا إِنِّي خَاسْ إِتَّاشْڒنْ.
ISA 36:7 مَاڒَا كنِّيوْ أَذْ ذ أَيِي ثِينِيمْ: نشِّينْ نتَّاشڒْ خْ سِيذِي، أَربِّي نّغْ!، [خنِّي نشّْ أَذْ إِنِيغْ:] مَا نتَّا وَارْ إِدْجِي ذ ونِّي زِي إِحيّذْ حِيزْقِييَا ڒڭْعُوذِي ذ إِعَالْطَارنْ ؤُ [خنِّي] إِنَّا إِ يَاهُوذَا ذ ؤُرْشَالِيمْ: أَذْ ثْبنْذْقمْ زَّاثْ إِ ؤُعَالْطَارْ-أَ ذِي ؤُرْشَالِيمْ؟‘
ISA 36:8 خنِّي ڒخُّو، أڭّْ إِجّْ ن ؤُمْحَارّمْ أَكْ-ذ سِيذِي إِنُو، أَجدْجِيذْ ن أَشُّورْ: ’نشّْ أَذْ أَشْ وْشغْ أَڒْفَاينْ ن إِيْسَانْ مَاڒَا شكْ زڭْ ؤُغزْذِيسْ نّشْ أَذْ أَسنْ-د ثَاوْيذْ إِمْنَاينْ.‘
ISA 36:9 مَامّشْ ثخْسذْ شكْ أَذْ ثنْقڒْبذْ خْ وُوذمْ ن لْوَالِي، ونِّي قَاعْ ذ أَمژْيَانْ ن إِمْسخَّارنْ ن سِيذِي إِنُو، ؤُشَا أَذْ ثتّشْڒذْ خْ مِيصْرَا ذِي سِّيبّثْ ن إِكَارُّوثنْ ذ إِمْنَاينْ؟
ISA 36:10 [خنِّي] ڒخُّو، مَا نشّْ ڭعّْذغْ-د ضِيدّْ ن ومْشَانْ-أَ حِيمَا أَذْ ث أَردّْدْجغْ بْڒَا سِيذِي؟ سِيذِي إِنِي أَيِي: ’ڭعّذْ ضِيدّْ إِ ثمُّورْثْ-أَ، أَردّدْجْ إِ-ت.‘ “
ISA 36:11 ؤُشَا إِنَّا أَلْيَاقِيمْ، مِّيسْ ن حِيلْقِييَا، أَكْ-ذ شِيبْنَا ذ يُووَاخْ إِ ؤُكُومَانْذَارْ ن ڒْعسْكَارْ: ”سِيوڒْ عَافكْ س ثْرَامِيثْ أَكْ-ذ إِمْسخَّارنْ نّشْ، مِينْزِي نفْهمْ أَسْ مْلِيحْ. وَارْ كِيذْنغْ سِّيوِيڒْ س ثْيَاهُوذشْثْ ذڭْ إِمزُّوغنْ ن ڒْڭنْسْ [إِ إِدْجَانْ] خْ ڒْحِيضْ.“
ISA 36:12 [مَاشَا] أَكُومَانْذَارْ ن ڒْعسْكَارْ إِنَّا: ”مَا إِسّكّْ أَيِي-د سِيذِي إِنُو غَارْ سِيذِي نّشْ ؤُ غَاركْ [وَاهَا] حِيمَا أَذْ سِّيوْڒغْ أَوَاڒنْ-أَ، وَارْ إِدْجِي غَارْ يرْيَازنْ نِّي إِقِّيمنْ خْ ڒْحِيضْ، [مَاحنْذْ أَذْ إِنِيغْ] أَقَا أَثنْ [جْمِيعْ] أَكِيذْومْ أَذْ شّنْ أَسُوفّغْ نْسنْ ؤُ أَذْ سْونْ إِبشِّيشنْ نْسنْ؟“
ISA 36:13 خنِّي إِكَّارْ ؤُكُومَانْذَارْ، إِڒَاغَا س جّْهذْ س ثْيَاهُوذشْثْ، إِسِّيوڒْ، إِنَّا: ”سْڒمْ إِ وَاوَاڒنْ ن ؤُجدْجِيذْ أَمقّْرَانْ، أَجدْجِيذْ ن أَشُّورْ!
ISA 36:14 أَمُّو إِ إِقَّارْ ؤُجدْجِيذْ: ’حْضَامْ وَارْ كنِّيوْ إِتّْغشِّي حِيزْقِييَا مِينْزِي نتَّا وَارْ إِزمَّارْ أَذْ كنِّيوْ إِفكّْ.
ISA 36:15 وَارْ تّجِّيمْ حِيزْقِييَا أَذْ كنِّيوْ يَارّْ أَذْ ثثشْڒمْ خْ سِيذِي، أَذْ ثِينِيمْ: سِيذِي أَذْ أَنغْ إِسّنْجمْ نِيشَانْ ؤُ وَارْ ثتّْموْشِي ثنْذِينْثْ ذڭْ إِفَاسّنْ ن ؤُجدْجِيذْ ن أَشُّورْ.
ISA 36:16 وَارْ تّسْڒِيمْ شَا غَارْ حِيزْقِييَا، مَاغَارْ أَمُّو إِ إِقَّارْ ؤُجدْجِيذْ ن أَشُّورْ: ڭّمْ أَيِي أَرَّايْ ؤُشَا فّْغمْ-د [زِي ثنْذِينْثْ] غَارِي، [خنِّي] إِزمَّارْ كُوڒْ إِجّنْ زَّايْومْ أَذْ إِشّْ زِي ثْزَايَارْثْ نّسْ ؤُ كُوڒْ إِجّنْ زڭْ وَارْثُو ن ثَازَارْثْ نّسْ ؤُ كُوڒْ إِجّنْ أَذْ إِسُو أَمَانْ زڭْ وَانُو نّسْ،
ISA 36:17 أَڒْ د غَا يَاسغْ ؤُ أَذْ كنِّيوْ أَوْيغْ غَارْ إِشْثْ ن ثمُّورْثْ أَمْ ثمُّورْثْ نْومْ: غَارْ إِشْثْ ن ثمُّورْثْ ثشُّورْ س إِمنْذِي ذ بِينُو ن جْذِيذْ، غَارْ إِشْثْ ن ثمُّورْثْ ثشُّورْ س وغْرُومْ ؤُ س إِمَارْجَاعنْ ن ؤُضِيڒْ.
ISA 36:18 وَارْ تّجِّيمْ حِيزْقِييَا أَذْ كنِّيوْ إِغَارّْ خْمِي إِقَّارْ: سِيذِي أَذْ أَنغْ إِفكّْ. مَا زمَّارنْ [خنِّي] إِربِّيثنْ ن ڒڭْنُوسْ، كُوڒْ إِجّْ [زَّايْسنْ]، أَذْ فكّنْ ثَامُّورْثْ نْسنْ زڭْ ؤُفُوسْ ن ؤُجدْجِيذْ ن أَشُّورْ؟
ISA 36:19 مَانِي دْجَانْ إِربِّيثنْ ن حَامَاثْ ذ أَرْفَاذْ؟ مَانِي دْجَانْ إِربِّيثنْ ن سْفَارْوَايِيمْ؟ مَا سّْنجْمنْ نِيثْنِي خنِّي سَامَارْيَا زڭْ ؤُفُوسْ إِنُو؟
ISA 36:20 مَانْ ونْ زِي مَارَّا إِربِّيثنْ ن ثمُّورَا-يَا إِسّنْجمْ ثَامُّورْثْ نّسْ زڭْ ؤُفُوسْ إِنُو أَڒَامِي غَا إِسّنْجمْ سِيذِي ؤُرْشَالِيمْ زڭْ ؤُفُوسْ إِنُو؟‘ “
ISA 36:21 [مَاشَا] نِيثْنِي سّغْذنْ، وَارْ خَاسْ د-أَرِّينْ س ؤُڒَا ذ إِجّْ ن وَاوَاڒْ، مَاغَارْ ڒُومُورْ ن ؤُجدْجِيذْ ثُوغَا إِقَّارْ: ”كنِّيوْ وَارْ خَاسْ د-ثَارِّيمْ شَا!“
ISA 36:22 [خنِّي] يُوسَا-د أَلْيَاقِيمْ، مِّيسْ ن حِيلْقِييَا، ڒمْقدّمْ ن ثْزذِّيغْثْ [ن ؤُجدْجِيذْ]، أَكْ-ذ شِيبْنَا، أَمَارِيرْ، ذ يُووَاخْ، مِّيسْ ن أَسَافْ، أَمَارِيرْ ن ؤُمزْرُويْ، س وَارُّوضْ إِشَارّْڭنْ غَارْ حِيزْقِييَا. نِيثْنِي حَاجَانْ أَسْ [مَارَّا] أَوَاڒنْ ن ؤُكُومَانْذَارْ ن ڒْعسْكَارْ.
ISA 37:1 ؤُمِي إِسْڒَا ؤُجدْجِيذْ حِيزْقِييَا أَيَا، إِشَارّڭْ أَرُّوضْ نّسْ، إِذْڒَا إِخفْ نّسْ س إِشْثْ ن ثْخَانْشثْ [ن وشْضَانْ] ؤُشَا يُوذفْ غَارْ ثَادَّارْثْ ن سِيذِي.
ISA 37:2 [أَوَارْنِي أَسْ] إِسّكّْ نتَّا أَلْيَاقِيمْ، ڒمْقدّمْ ن ثْزذِّيغْثْ [ن ؤُجدْجِيذْ]، ذ شَابْنَا، أَمَارِيرْ، ذ إِمْغَارنْ ن إِكهَّاننْ ذڭْ وَارُّوضْ ن ثْخُونْشَايْ [ن وشْضَانْ] غَارْ ؤُنَابِي إِشَايَا، مِّيسْ ن أَمُوصْ.
ISA 37:3 نِيثْنِي نَّانْ أَسْ: ”أَمُّو إِ إِقَّارْ حِيزْقِييَا: ’أَسّْ-أَ ذ إِجّْ ن وَاسّْ ن ڒحْصَارثْ ؤُ ن وعْقَابْ ؤُ ن ؤُبهْذڒْ، مَاغَارْ إِحنْجِيرنْ إِوْضنْ-د أَڒْ أَرْزَامْ ن ؤُعذِّيسْ [ن يمَّاثْسنْ]، [مَاشَا] وَارْ ذِينْ جّهْذْ إِ ثْوَارُوثْ.
ISA 37:4 أَذْ ثَاغْ سِيذِي، أَربِّي نّشْ، إِسْڒَا مَارَّا أَوَاڒنْ ن ؤُكُومَانْذَارْ ن ڒْعسْكَارْ ونِّي د-إِسّكّْ سِيذِيسْ، أَجدْجِيذْ ن أَشُّورْ، حِيمَا أَذْ إِسْثهْزَا زِي أَربِّي إِدَّارنْ، ؤُ [أَذْ ثَاغْ] سِيذِي، أَربِّي نّشْ، أَذْ إِعَاقبْ أَوَاڒنْ نِّي إِسْڒَا. سْڭعّذْ [خنِّي] إِشْثْ ن ثْژَادْجِيثْ ذِي طّْوعْ ن ڒْبَاقِي نِّي إِ غَا إِتّْوَافنْ [عَاذْ].‘ “
ISA 37:5 [أَمُّو] إِوْضنْ إِمْسخَّارنْ ن ؤُجدْجِيذْ حِيزْقِييَا غَارْ إِشَاعْيَا.
ISA 37:6 إِنَّا أَسنْ إِشَاعْيَا: ”أَمُّو إِتّْخصَّا أَذْ ثِينِيمْ إِ سِيذِيثْومْ: ’أَمُّو إِ إِقَّارْ سِيذِي: وَارْ ثڭّْوذْ شَا زڭْ وَاوَاڒنْ إِ ثسْڒِيذْ، إِ زِي إِ ذ أَيِي شقّْفنْ إِحُوذْرِييّنْ ن ؤُجدْجِيذْ ن أَشُّورْ.
ISA 37:7 خْزَارْ، نشّْ أَذْ ذَايسْ ڭّغْ إِجّْ ن بُوحْبڒْ ؤُ نتَّا أَذْ إِسڒْ إِجّْ ن ڒخْبَارْ ؤُشَا [خنِّي] أَذْ إِعْقبْ غَارْ ثمُّورْثْ نّسْ ؤُ نشّْ أَذْ ث نْغغْ [ذِينْ] ذِي ثمُّورْثْ نّسْ س سِّيفْ.‘ “
ISA 37:8 [خنِّي] إِعْقبْ-د ؤُكُومَانْذَارْ ن ڒْعسْكَارْ ؤُشَا يُوفَا أَجدْجِيذْ ن أَشُّورْ إِتّْمنْغَا أَكْ-ذ [ثنْذِينْثْ ن] لِيبْنَا، مَاغَارْ إِسْڒَا أَقَا إِقْڒعْ إِقِيضَانْ نّسْ [إِفّغْ] زِي لَاخِيشْ.
ISA 37:9 [ؤُمِي] إِسْڒَا أَقَا نَّانْ خْ ثِيرْهَاقَا، أَجدْجِيذْ ن كُوشْ: ”خْزَارْ، إِفّغْ-د حِيمَا أَكِيذكْ إِمّْنغْ!“، [ؤُمِي] إِسْڒَا [أَيَا]، إِسّكّْ [عَاوذْ] إِرقَّاسنْ غَارْ حِيزْقِييَا، إِنَّا:
ISA 37:10 ”أَمُّو إِ إِتّْخصَّا أَذْ ثسِّيوْڒمْ أَكْ-ذ حِيزْقِييَا، أَجدْجِيذْ ن يَاهُوذَا، أَذْ ثِينِيمْ: ’وَارْ تّجِّي أَذْ شكْ إِغْوَا أَربِّي نّشْ ونِّي خْ ثتّْشَاڒذْ أَمْ إِقَّارْ: ؤُرْشَالِيمْ وَارْ ثْوطِّي إِ ؤُجدْجِيذْ ن أَشُّورْ ذڭْ إِفَاسّنْ!
ISA 37:11 خْزَارْ، ثسْڒِيذْ مِينْ ڭِّينْ إِجدْجِيذنْ ن أَشُّورْ أَكْ-ذ مَارَّا ثِيمُّورَا نّغْنِي، ثِينِّي حَارّْمنْ نِيثْنِي إِ ؤُثحِّي. مَا إِتّْغِيڒْ أَشْ أَذْ ثتّْوَاسّْنجْمذْ؟
ISA 37:12 مَا فكّنْ ثنْ إِربِّيثنْ ن ڒڭْنُوسْ إِنِّي يَاردّْدْجنْ ڒجْذُوذْ إِنُو؟ جُوزَانْ ذ حَارَانْ ذ رْصِيفْ ذ أَيْثْ ن عَاذَانْ، إِنِّي [ثُوغَا إِزدّْغنْ] ذِي ثَالَاسَّارْ؟
ISA 37:13 مَانِي إِدْجَا ؤُجدْجِيذْ ن حَامَاثْ ذ ؤُجدْجِيذْ ن أَرْفَاذْ ذ ؤُجدْجِيذْ ن ثنْذِينْثْ ن سْفَارْوَايِيمْ ؤُڒَا ذ [أَجدْجِيذْ ن] هَانَاعْ ذ عِيوَّا؟‘ “
ISA 37:14 حِيزْقِييَا إِكْسِي ثِيبْرَاثِينْ زڭْ ؤُفُوسْ ن إِرقَّاسنْ ؤُشَا إِغْرِي ثنْثْ. [خنِّي] إِڭعّذْ غَارْ ثَادَّارْثْ ن سِيذِي ؤُشَا إِبزّعْ إِ-ثنْثْ حِيزْقِييَا زَّاثْ إِ وُوذمْ ن سِيذِي.
ISA 37:15 إِژُّودْجْ حِيزْقِييَا إِ سِيذِي، إِنَّا:
ISA 37:16 ”[أَ] سِيذِي ن ڒْعسْكَارَاثْ، أَربِّي ن إِسْرَائِيل، ونِّي إِتّْغِيمَانْ [جَارْ] إِكِيرُوبنْ! شكْ، [وَاهْ] شكْ وحّْذكْ ذ أَربِّي ن مَارَّا ثِيڭلْذِيوِينْ ن دُّونشْثْ. شكْ ثڭِّيذْ إِجنْوَانْ ذ ثمُّورْثْ.
ISA 37:17 أوْشْ أَمزُّوغْ نّشْ، [أَ] سِيذِي، أَرْزمْ ثِيطَّاوِينْ نّشْ ؤُشَا ثخْزَارذْ! سڒْ مَارَّا أَوَاڒنْ ن سَانْحَارِيبْ ونِّي د-إِسّكّْ نتَّا حِيمَا أَذْ إِعيّبْ أَربِّي إِدَّارنْ.
ISA 37:18 ذ ثِيذتّْ، [أَ] سِيذِي، إِجدْجِيذنْ ن أَشُّورْ قْضَانْ ثِيمُّورَا نِّي، خَارّْبنْ ثَامُّورْثْ نْسنْ
ISA 37:19 ؤُ نْضَارنْ إِربِّيثنْ نْسنْ ذِي ثْمسِّي، مَاغَارْ ثُوغَا وَارْ دْجِينْ ذ إِربِّيثنْ، مَاشَا ذ ثِيمڭَّا ن ؤُفُوسْ ن يوْذَانْ وَاهَا، زڭْ ؤُكشُّوضْ ذ وژْرُو، ؤُشَا نِيثْنِي قْضَانْ ثنْ.
ISA 37:20 ڒخُّو [مَاشَا]، [أَ] سِيذِي، أَربِّي نّغْ، سنْجمْ أَنغْ زڭْ ؤُفُوسْ نّسْ، مَاحنْذْ مَارَّا ثِيڭلْذِيوِينْ ن دُّونشْثْ أَذْ سّْننْ، [أَ] سِيذِي، أَقَا شكْ وحّْذكْ ذ أَربِّي.“
ISA 37:21 [خنِّي] إِسّكّْ إِشَاعْيَا، مِّيسْ ن أَمُوصْ، [إِجّْ ن ؤُرقَّاسْ] غَارْ حِيزْقِييَا، إِنَّا: ”أَمُّو إِ إِقَّارْ سِيذِي، أَربِّي ن إِسْرَائِيل: ’نشّْ سْڒِيغْ س مِينْزِي ثژُّودْجذْ-د غَارِي خْ سَانْحَارِيبْ، أَجدْجِيذْ ن أَشُّورْ.
ISA 37:22 وَا ذ أَوَاڒْ إِ خَاسْ إِنَّا سِيذِي: ’ثَاعْزَارْشْثْ، يدْجِيسْ ن صِيهْيُونْ، ثسّحْقَارْ إِ شكْ، نتَّاثْ ثسْثهْزَا زَّايكْ، يدْجِيسْ ن ؤُرْشَالِيمْ ثْهزّْ أَزدْجِيفْ أَوَارْنِي أَشْ.
ISA 37:23 مَانْ ونْ ثْعيّْبذْ ؤُ ذِي مَانْ ونْ ثْشقّْفذْ، مَانْ ونْ غَارْ ثسّْڭعّْذذْ ثْمِيجَّا ؤُ خْ مَانْ ونْ إِ خفْ ثسّْڭعّْذذْ س نّْفَاخثْ ثِيطَّاوِينْ نّشْ؟ [شكْ ثتّْغنَّانذْ] خْ ؤُمْقدَّاسْ ن إِسْرَائِيل!
ISA 37:24 س ؤُقمُّومْ ن إِمْسخَّارنْ نّشْ ثذْعِيذْ سِيذِي إِنُو، ثنِّيذْ: س ؤُبَارُّو ن إِكَارُّوثنْ إِنُو ڭعّْذغْ إِذُورَارْ يُوعْڒَانْ، إِغزْذِيسنْ ن لُوبْنَانْ. نشّْ أَذْ زذْمغْ ثِيشجُّورَا نّسْ ن ثنْڭلْثْ يُوعْڒَانْ ؤُڒَا ذ ثِيشجُّورَا نّسْ إِشْنَانْ قَاعْ ن إِمرْزَا ؤُ نشّْ أَذْ د-أَسغْ أَڒْ ثَاقِيشَّاثْ نّسْ يُوعْڒَانْ قَاعْ، غَارْ وزْغَارْ ن ؤُمَارْجعْ نّسْ ن ؤُضِيڒْ.
ISA 37:25 نشّْ غْزِيغْ [أَنُوثنْ] ؤُ سْوِيغْ أَمَانْ. س ثْڒقَّا ن إِضَارنْ إِنُو سِّيژْغغْ مَارَّا إِغزْرَانْ ن مِيصْرَا!‘ “
ISA 37:26 ”مَا وَارْ ثسْڒِيذْ أَقَا [أَطَّاسْ] زڭْ وَامِي ڭِّيغْ مَانْ أَيَا ؤُشَا وْشِيغْ أَسْ ؤُذمْ ذڭْ وُوسَّانْ ن مشْحَاڒْ ؤُيَا؟ ڒخُّو جِّيغْ ث أَذْ د-إِفّغْ، أَقَا شكْ ذ ونِّي إِ غَا يَارّنْ ثِيندَّامْ إِفَارْينْ ذ ڒْخِيرْبَاثْ.
ISA 37:27 إِمزْذَاغْ نْسنْ ثُوغَا أَرْخُونْ، أَرْژِينْ، سضْحَانْ. نِيثْنِي ثُوغَا أَثنْ أَمْ وفْسُو ذڭْ إِيَّارْ، [أَمْ] ؤُغمُّويْ أَزِيزَا، [أَمْ] ؤُڒُومْ خْ ثْزغْوِينْ، [أَمْ] [إِمنْذِي] إِشمْضنْ [س ؤُسمِّيضْ] قْبڒْ إِ غَا إِفّغْ.
ISA 37:28 [مَاشَا] نشّْ سّْنغْ أَغِيمِي نّشْ ذ ؤُفُّوغْ نّشْ ذ ثْوَاسِيثْ نّشْ ذ ؤُغوّغْ نّشْ خَافِي.
ISA 37:29 مِينْزِي شكْ ثْغوّْغذْ خَافِي ؤُ ثُوفّثْ نّشْ ثِيوضْ-د غَارْ إِمزُّوغنْ إِنُو، أَذْ أَشْ د-سّكّغْ إِشْثْ ن ثْسنَّارْثْ ذڭْ ونْزَارنْ ؤُ [أَذْ ڭّغْ] إِشْثْ ن سْڒِيمثْ جَارْ إِينْشِيشنْ نّشْ ؤُ نشّْ أَذْ شكْ أَرّغْ خْ وبْرِيذْ إِ ذِي د-ثُوسِيذْ ذَا.“
ISA 37:30 ”ثَا أَذْ أَشْ ثِيڒِي ذ ڒعْڒَامثْ: ذڭْ ؤُسڭّْوَاسْ-أَ أَذْ ثشّمْ مِينْ غَا إِغمْينْ س يِيخفْ نّسْ ؤُ ذڭْ ؤُسڭّْوَاسْ وِيسّْ ثْنَاينْ مِينْ زَّايسْ غَا إِغمْينْ عَاوذْ، مَاشَا ذڭْ ؤُسڭّْوَاسْ وِيسّْ ثْڒَاثَا أَذْ ثْزَارْعمْ ؤُ أَذْ ثمْجَارمْ، أَذْ ثژُّومْ ثِيزَايَارِينْ ذڭْ إِمَارْجَاعنْ ؤُشَا أَذْ ثشّمْ ڒْغِيدْجثْ نّسْ.
ISA 37:31 مَاغَارْ مِينْ إِنجْمنْ، مِينْ إِقِّيمنْ زِي ثَادَّارْثْ ن يَاهُوذَا، أَذْ إِوّثْ عَاوذْ إِژوْرَانْ غَارْ سْوَادَّايْ ؤُ سنّجْ أَذْ يَاوِي ڒْغِيدْجثْ.
ISA 37:32 مَاغَارْ زِي ؤُرْشَالِيمْ أَذْ د-إِفّغْ مِينْ إِقِّيمنْ ؤُ زڭْ وذْرَارْ ن صِيهْيُونْ أَذْ إِفّغْ مِينْ إِ غَا إِنّجْمنْ، أَسَامْ [إِقدّْسنْ] ن سِيذِي ن ڒْعسْكَارَاثْ أَذْ ت إِڭّْ.“
ISA 37:33 ”س ؤُيَا، أَمُّو إِ إِقَّارْ سِيذِي خْ ؤُجدْجِيذْ ن أَشُّورْ: ’نتَّا وَارْ د-إِتِّيذفْ شَا غَارْ ثنْذِينْثْ-أَ ؤُ وَارْ ذَايسْ إِشِّيثْ شَا ؤُڒَا ذ إِشْثْ ن فْڒِيثْشَا ؤُ وَارْ غَارسْ د-إِقَارّبْ شَا س ؤُڒَا ذ إِشْثْ ن ثْسدَّارْثْ [ن ؤُعسْكَارِي] ؤُ وَارْ خَاسْ إِتّْبقِّيضْ ؤُڒَا ذ إِجّْ ن لْبَارَاجْ إِ ڒحْصَارثْ.
ISA 37:34 خْ وبْرِيذْ إِ خْ د-يُوسَا، أَذْ د-إِعْقبْ. وَارْ إِتِّيذِيفْ شَا غَارْ ثنْذِينْثْ-أَ، إِقَّارْ سِيذِي.
ISA 37:35 نشّْ أَذْ سّڒْقِيغْ خْ ثنْذِينْثْ-أَ حِيمَا أَذْ ت سّْنجْمغْ ذِي طّْوعْ إِنُو ؤُ ذِي طّْوعْ ن ؤُمْسخَّارْ إِنُو ذَاوُوذْ.‘ “
ISA 37:36 خنِّي إِفّغْ لْمَالَاكْ ن سِيذِي ؤُشَا إِنْغَا مْيَا ؤُ-خمْسَا ؤُ-ثْمنْيِينْ-أَڒفْ [ن يرْيَازنْ] ذِي ڒْمَارْڭحْ ن ڒْعسْكَارْ ن أَشُّورْ. ؤُمِي د-كَّارنْ نِيثْنِي ثِيوشَّا نّسْ، خْزَارْ، أَقَا أَثنْ مَارَّا إِذْسنْ ذ ڒْخشْبَاثْ.
ISA 37:37 ؤُشَا إِفْسِي سَانْحَارِيبْ، أَجدْجِيذْ ن أَشُّورْ، إِقِيضَانْ نّسْ، إِرُوحْ، إِعْقبْ [غَارْ ثمُّورْثْ نّسْ]. إِقِّيمْ إِزدّغْ ذِي نِينْوَا.
ISA 37:38 ؤُمِي إِسْجذْ [إِجّْ ن وَاسّْ] ذِي ثَادَّارْثْ ن أَربِّي نّسْ نِيسْرُوخْ، إِمْسَارْ، أَقَا إِحنْجِيرنْ نّسْ أَذْرَامِّيلِيكْ ذ شَارَاصَارْ نْغِينْ ث س سِّيفْ. نِيثْنِي أَروْڒنْ غَارْ ثمُّورْثْ ن أَرَارَاثْ. مِّيسْ أَسَارْحَادُّونْ إِذْوڒْ ذ أَجدْجِيذْ ذڭْ ومْشَانْ نّسْ.
ISA 38:1 ذڭْ وُوسَّانْ نِّي إِحْڒشْ حِيزْقِييَا س إِجّْ ن ڒحْڒَاشْ إِنقّنْ. يُوسَا-د غَارسْ ؤُنَابِي إِشَاعْيَا، مِّيسْ ن أَمُوصْ، إِنَّا أَسْ: ”أَمُّو إِ إِقَّارْ سِيذِي: ’أوْشْ ڒُومُورَاثْ إِ ثَادَّارْثْ نّشْ، مَاغَارْ أَذْ ثمّْثذْ، وَارْ ثتّْغِيمِيذْ ثدَّارذْ [عَاذْ كْثَارْ].‘ “
ISA 38:2 [خنِّي] إِنّقْڒبْ حِيزْقِييَا س ؤُغمْبُوبْ نّسْ غَارْ ڒْحِيضْ ؤُشَا إِژُّودْجْ غَارْ سِيذِي،
ISA 38:3 إِنَّا: ”أَ، سِيذِي، عْقڒْ أَقَا نشّْ ؤُيُورغْ زَّاثْ إِ وُوذمْ نّشْ س ڒَامَانْ ؤُ س يِيجّْ ن وُوڒْ إِكمّْڒنْ ؤُ ڭِّيغْ مِينْ إِدْجَانْ نِيشَانْ ذِي ثِيطَّاوِينْ نّشْ.“ ؤُشَا إِبْذَا حِيزْقِييَا إِتّْرُو س جّْهذْ.
ISA 38:4 يُوسَا-د وَاوَاڒْ ن سِيذِي غَارْ إِشَاعْيَا، إِنَّا:
ISA 38:5 ”ؤُيُورْ، إِنِي إِ حِيزْقِييَا: ’أَمُّو إِ إِقَّارْ سِيذِي، أَربِّي ن بَابَاشْ ذَاوُوذْ: نشّْ سْڒِيغْ إِ ثْژَادْجِيثْ نّشْ ؤُ ژْرِيغْ إِمطَّاونْ نّشْ. خْزَارْ، نشّْ أَذْ أَرْنِيغْ خمّسْطَاشْ ن إِسڭّْوُوسَا إِ وُوسَّانْ ن ثُوذَارْثْ نّشْ.
ISA 38:6 نشّْ أَذْ شكْ سّْنجْمغْ زڭْ ؤُفُوسْ ن ؤُجدْجِيذْ ن أَشُّورْ، ؤُڒَا ذ ثَانْذِينْثْ. نشّْ أَذْ سّڒْقِيغْ خْ ثنْذِينْثْ-أَ.
ISA 38:7 أَيَا أَذْ يِيڒِي ذ ڒعْڒَامثْ ن سِيذِي إِ شكْ، أَقَا سِيذِي أَذْ إِڭّْ أَوَاڒْ-أَ نِّي إِنَّا.
ISA 38:8 خْزَارْ، أَذْ سّْعقْبغْ ثِيڒِي خْ ثْرفِّيذِينْ ن أَحَازْ نِّي د-إِهْوَانْ خْ ثْرفِّيذِينْ ن دّْرُوجْ ن ثْفُوشْثْ،عشْرَا ن ثْرفِّيذِينْ.‘ “ [خنِّي] ثعْقبْ-د ثْفُوشْثْعشْرَا ن ثْرفِّيذِينْ خْ ثْرفِّيذِينْ نِّي زِي د-ثهْوَا.
ISA 38:9 ثِيرَا ن حِيزْقِييَا، أَجدْجِيذْ ن يَاهُوذَا، ڒَامِي ثُوغَا إِحْڒشْ ؤُشَا إِڭّنْفَا زِي ڒهْڒَاشْ نّسْ.
ISA 38:10 ”نشّْ نِّيغْ: ’[ڒخُّو] ذڭْ وزْينْ ن وُوسَّانْ [ن ثُوذَارْثْ] إِنُو إِتّْخصَّا أَذْ ؤُيُورغْ خْ ثوُّورَا ن ڒَاخَارْثْ. مِينْ إِقِّيمنْ ن إِسڭّْوُوسَا إِنُو تّْوَاكّْسنْ زَّايِي.‘
ISA 38:11 نشّْ نِّيغْ: ’وَارْ ژَترّغْ عَاذْ سِيذِي، سِيذِي، ذِي ثمُّورْثْ ن يِينِّي إِدَّارنْ، وَارْ تّْوِيڒِيغْ عَاذْ إِوْذَانْ أَكْ-ذ إِمزْذَاغْ ن ڒَاخَارْثْ.‘
ISA 38:12 ثِيشْڒِي [ن ثُوذَارْثْ إِنُو] أَذْ ت [خَافِي] أَرْژنْ، أَذْ زَّايِي ت كّْسنْ أَمْ [كّْسنْ] أَقِيضُونْ ن ؤُمكْسَاوْ. أَمْ بُو-ؤُزطَّا ضفْسغْ ثُوذَارْثْ إِنُو. أَذْ أَيِي إِقسّْ زِي دّبُّوزْ ن ثْخيَّاضْثْ: أَذْ ثقْضِيذْ [ثُوذَارْثْ إِنُو] جَارْ وَاسّْ ذ دْجِيڒثْ!
ISA 38:13 رَاجِيغْ س صّْبَارْ أَڒْ أَثفُّو. نتَّا أَذْ يَارْژْ مَارَّا إِغْسَانْ إِنُو أَمْ وَايْرَاذْ: أَذْ ثقْضِيذْ [ثُوذَارْثْ إِنُو] جَارْ ؤُثفُّو ذ دْجِيڒثْ!
ISA 38:14 تّْجِيوْجِيوغْ أَمْ ثْفَاڒْدْجسْثْ إِتّنّْضنْ أَمْ ثطَّاوْ، تّْڭرْڭُورغْ أَمْ ثذْبِيرْثْ. سّْڭعّْذغْ ثِيطَّاوِينْ إِنُو: ’[أَ] سِيذِي إِنُو، نشّْ تّْوَاحْصَارغْ، إِڒِي ذ أَضْمَانْ إِ نشّْ!‘
ISA 38:15 مِينْ غَا إِنِيغْ؟ مِينْ ذ أَيِي إِنَّا، أَقَا إِڭَّا إِ-ث. مَارَّا إِسڭّْوُوسَا [ن ثُوذَارْثْ] إِنُو أَذْ كّغْ خْ ثَارْزُوڭِي ن ڒعْمَارْ إِنُو.
ISA 38:16 ’[أَ] سِيذِي إِنُو، خْ مَانْ أَيَا إِزمَّارْ [بْنَاذمْ] أَذْ إِدَّارْ ؤُشَا سنّجْ إِ مَارَّا أَيَا أَقَا ذَايسْ ثُوذَارْثْ ن بُوحْبڒْ إِنُو، [مَاغَارْ] شكْ أَذْ أَيِي ثڭّنْفِيذْ ؤُ شكْ أَذْ أَيِي ثَارِّيذْ أَذْ ذوْڒغْ غَارْ ثُوذَارْثْ!
ISA 38:17 خْزَارْ، ثَارْزُوڭِي ثُوغَا ثَارْزڭْ أَيِي إِ ڒهْنَا. شكْ ثْڒسْقذْ غَارْ ڒعْمَارْ إِنُو أَطَّاسْ [أَڒَامِي ذ أَيِي ثحْضِيذْ] زڭْ [وحْفُورْ ن] ثُورْصُوضِي، مَاغَارْ ثنْضَارذْ مَارَّا دّْنُوبْ إِنُو أَوَارْنِي إِ وعْرُورْ نّشْ.
ISA 38:18 مَاغَارْ ڒَاخَارْثْ وَارْ شكْ ثْقَاذَا شَا، ڒْموْثْ وَارْ شكْ إِسّمْغَارْ. وِي غَا إِهْوَانْ ذڭْ وحْفُورْ، وَارْ تّْرِيجِينْ ڒَامَانْ نّشْ.
ISA 38:19 ونِّي إِدَّارنْ، [أَ] ونِّي إِدَّارنْ، أَقَا نتَّا أَذْ شكْ إِقَاذَا. بَابَاثْسنْ أَذْ إِسّْشنْ ڒَامَانْ نّشْ إِ إِحنْجِيرنْ [نّسْ].‘ “
ISA 38:20 ”سِيذِي [يُوسَا-د] حِيمَا أَذْ أَيِي إِسّنْجمْ. أَذْ نُورَارْ س ؤُزنْزُونْ خْ إِفِيڒَانْ إِنُو مَارَّا ؤُسَّانْ ن ثُوذَارْثْ نّغْ ذِي ثَادَّارْثْ ن سِيذِي.“
ISA 38:21 أَقَا إِنَّا إِشَاعْيَا: ”أجّْ إِ-ثنْ أَذْ أَوْينْ إِجّْ ن وغْرُومْ ن ثَازَارْثْ ؤُشَا أَذْ ث ڒثْفنْ خْ ثْحبُّوشْثْ، [خنِّي] أَذْ إِڭّنْفَا.“
ISA 38:22 حِيزْقِييَا أَقَا إِنَّا: ”مَانْ إِ غَا ثِيڒِي ڒعْڒَامثْ أَقَا نشّْ أَذْ سّْڭعّْذغْ [عَاوذْ] غَارْ ثَادَّارْثْ ن سِيذِي؟“
ISA 39:1 ذِي ڒْوقْثْ نِّي إِسّكّْ بَارَاذُوخْ-بَالَاذَانْ، مِّيسْ ن بَالَاذَانْ، أَجدْجِيذْ ن بَابِيلْ، ثِيبْرَاثِينْ ذ إِشْثْ ن ثَارْزفْثْ غَارْ حِيزْقِييَا، مَاغَارْ ثُوغَا إِسْڒَا أَقَا حِيزْقِييَا إِهْڒشْ ؤُشَا إِڭّنْفَا.
ISA 39:2 إِفَارْحْ زَّايْسنْ حِيزْقِييَا ؤُشَا إِسّْشنْ أَسنْ مَارَّا ثَادَّارْثْ ن ثْخُوبَايْ نّسْ: نُّوقَارْثْ ذ وُورغْ ذ ڒعْطُورْ ذ زّشْثْ ذ ڒهْرِي ن ڒسْنَاحْ نّسْ ذ مَارَّا مِينْ إِتّْوَافنْ ذڭْ إِخَّامنْ نّسْ ن ثْخُوبَايْ. وَارْ إِقِّيمْ وَالُو ذِي ثَادَّارْثْ نّسْ ؤُ ذِي مَارَّا ڒحْكَامثْ نّسْ نِّي وَارْ ثُوغِي ذ أَسنْ ث إِسّْشنْ.
ISA 39:3 [خنِّي] يُوسَا-د ؤُنَابِي إِشَاعْيَا غَارْ ؤُجدْجِيذْ حِيزْقِييَا، إِنَّا أَسنْ: ”مِينْ نَّانْ إِرْيَازنْ نِّي ؤُ مَانِيسْ غَاركْ د-ؤُسِينْ؟“ حِيزْقِييَا إِنَّا: ”نِيثْنِي ؤُسِينْ-د زڭْ إِشْثْ ن ثمُّورْثْ ثِيڭّْوجْ، زِي بَابِيلْ.“
ISA 39:4 نتَّا إِنَّا: ”مِينْ ژْرِينْ نِيثْنِي ذِي ثَادَّارْثْ نّشْ؟“ حِيزْقِييَا إِنَّا: ”نِيثْنِي ژْرِينْ مَارَّا مِينْ إِدْجَانْ ذِي ثَادَّارْثْ إِنُو. وَارْ إِقِّيمْ شَا زِي مِينْ إِدْجَانْ ذڭْ إِخَّامنْ ن ثْخُوبَايْ إِنُو، وَارْ ذ أَسنْ ث سّشْنغْ.“
ISA 39:5 [خنِّي] إِنَّا إِشَاعْيَا إِ حِيزْقِييَا: ”سڒْ إِ وَاوَاڒْ ن سِيذِي ن ڒْعسْكَارَاثْ:
ISA 39:6 ’خْزَارْ، أَذْ د-أَسنْ وُوسَّانْ مڒْمِي مَارَّا مِينْ إِدْجَانْ ذِي ثَادَّارْثْ نّشْ ؤُڒَا ذ مِينْ يَارْونْ ڒجْذُوذْ نّشْ أَڒْ أَسّْ-أَ، أَذْ ث أَوْينْ غَارْ بَابِيلْ. وَارْ إِتّْغِيمِي وَالُو، إِقَّارْ سِيذِي.
ISA 39:7 أَذْ أَوْينْ ؤُڒَا زڭْ إِحنْجِيرنْ نّشْ إِنِّي د غَا إِفّْغنْ زَّايكْ، إِنِّي د غَا ثجّذْ، حِيمَا أَذْ إِڒِينْ ذ إِمْسخَّارنْ إِمْشنّْعنْ ذِي ڒقْصَارْ ن ؤُجدْجِيذْ ن بَابِيلْ.‘ “
ISA 39:8 حِيزْقِييَا إِنَّا إِ إِشَاعْيَا: ”أَوَاڒْ ن سِيذِي إِ ذ أَيِي ثنِّيذْ إِصْبحْ.“ نتَّا إِنَّا عَاوذْ: ”مَاڒَا [خنِّي] ذڭْ وُوسَّانْ إِنُو أَذْ [ذِينْ] يِيڒِي ڒهْنَا ذ ڒَامَانْ!“
ISA 40:1 ”سْفوّجْ، سْفوّجْ ڒْڭنْسْ إِنُو، [أَمُّو إِ] إِقَّارْ أَربِّي نْومْ!
ISA 40:2 سِيوْڒمْ غَارْ وُوڒْ ن ؤُرْشَالِيمْ ؤُشَا بَارّْحمْ أَسْ أَقَا أَمنْغِي نّسْ إِقْضَا، أَقَا ڒْمُوعْصِييّثْ نّسْ ثصْڒحْ، أَقَا ثكْسِي س ؤُضفُّوسْ زڭْ ؤُفُوسْ ن سِيذِي إِ مَارَّا دّْنُوبْ نّسْ.
ISA 40:3 ثْمِيجَّا ن ونِّي إِسْغُويُّونْ ذِي ڒخْڒَا: ’سْوجْذمْ أَبْرِيذْ إِ سِيذِي، سَارّْحمْ ذِي ڒخْڒَا أَبْرِيذْ إِ أَربِّي نّغْ!‘
ISA 40:4 مَارَّا ثِيغْزُورِينْ أَذْ تّْوَاسّْڭعّْذنْثْ، مَارَّا إِذُورَارْ ذ ثوْرِيرِينْ أَذْ تّْوَاسّهْوَانْ. مِينْ إِفَارْغنْ، أَذْ إِذْوڒْ إِسڭّمْ ؤُشَا إِجّْ ن ؤُسذِّي ن إِذُورَارْ أَذْ إِذْوڒْ ذ ڒوْضَا إِوَاطَانْ.
ISA 40:5 أَذْ إِتّْوَاسَّارْڭبْ ؤُعُودْجِي ن سِيذِي ؤُشَا مَارَّا دَّاثْ أَذْ ثْژَارْ أَقَا أَقمُّومْ ن سِيذِي إِسِّيوڒْ.“
ISA 40:6 ”ثْمِيجَّا ثنَّا: ’بَارّحْ!‘ ؤُ نتَّا إِنَّا: ’مِينْ غَا بَارّْحغْ؟‘ ’مَارَّا دَّاثْ أَمْ أَرْبِيعْ ذ مَارَّا ثَامخْسِيوْثْ نّسْ إِشوَّارنْ أَمْ ثْنوَّاشْثْ ذڭْ إِيَّارْ.
ISA 40:7 أَرْبِيعْ إِتَّاژغْ، ثَانوَّاشْثْ ثسْڒَاوْ خْمِي خَاسْ إِتّْسُوضْ أَرُّوحْ ن سِيذِي. ذ ثِيذتّْ، ڒْڭنْسْ ذ أَرْبِيعْ.
ISA 40:8 أَرْبِيعْ إِتَّاژغْ، ثَانوَّاشْثْ ثسْڒَاوْ، مَاشَا أَوَاڒْ ن أَربِّي نّغْ إِتّْغِيمَا إِ ڒبْذَا.‘ “
ISA 40:9 ”ڭعّذْ خْ إِجّْ ن وذْرَارْ ذ أَمقّْرَانْ، [أَ] صِيهْيُونْ، [أَ] شمْ ثَامْبشَّارْثْ ن ڒخْبَارْ أَصبْحَانْ، سْڭعّذْ ثْمِيجَّا نّمْ س جّهْذْ، [أَ] ؤُرْشَالِيمْ، [أَ] شمْ ثَامْبشَّارْثْ ن ڒخْبَارْ أَصبْحَانْ، سْڭعّذْ ثْمِيجَّا نّمْ، وَارْ ثڭّْوذْ، إِنِي إِ ثْندَّامْ ن يَاهُوذَا: ’خْزَارْ، أَربِّي نْكنْثْ!‘
ISA 40:10 خْزَارْ، أَذْ د-يَاسْ سِيذِي إِنُو، سِيذِي، نتَّا إِجْهذْ ؤُشَا أَغِيڒْ نّسْ أَذْ إِحْكمْ. خْزَارْ، ڒْمُونثْ نّسْ غَارسْ ؤُشَا أَخدْجصْ نّسْ إِزْوَارْ أَسْ.
ISA 40:11 أَذْ يَارْوسْ ثَاحِيمَارْثْ نّسْ أَمْ ؤُمكْسَاوْ، أَذْ إِسّْمُونْ إِزْمَارنْ غَارْ ؤُغِيڒْ نّسْ ؤُشَا أَذْ ثنْ يَارْبُو ذڭْ وحْسِينْ نّسْ. أَذْ إِنْذهْ إِنِّي إِسُّوطُّوضنْ س ڒعْقڒْ.“
ISA 40:12 ”مَانْ ونْ إِعْبَارنْ أَمَانْ [ن ڒبْحَارْ] س وُورُو ن ؤُفُوسْ نّسْ ؤُ [مَانْ ونْ] إِكْسِينْ ڒقْيَاسْ ن إِجنْوَانْ س ڒعْبَارْ ن ؤُفُوسْ؟ ؤُ [مَانْ ونْ] إِطّْفنْ ؤُشَاڒْ ن ثمُّورْثْ س إِجّْ ن ڒْمُوذْ؟ مَانْ ونْ إِوزّْننْ إِذُورَارْ س إِجّْ ن ڒْبَاسْكُو ؤُ ثِيوْرِيرِينْ س ڒْمِيزَانْ؟
ISA 40:13 مَانْ ونْ إِبقّْشنْ خْ أَرُّوحْ ن سِيذِي ؤُ [مَانْ ونْ] ث إِسّْغَارنْ أَمْ ؤُمْشَاوَارْ نّسْ؟
ISA 40:14 وِي ث إِسقْسَانْ نتَّا خْ شّْوَارْ ذ مَانْ ونْ إِ ذ أَسْ إِسّْشْننْ ڒفْهَامثْ ؤُ وِي ذ أَسْ إِسّْڒمْذنْ أَبْرِيذْ ن ڒْحقّْ ؤُشَا يَارْنِي أَسْ ثُوسّْنَا؟ وِي ذ أَسْ إِسَّارْڭْبنْ أَبْرِيذْ إِشُّورنْ س ڒفْهَامثْ؟“
ISA 40:15 ”خْزَارْ، ڒڭْنُوسْ تّْوَاحسْبنْ أَمْ يِيشْثْ ن ثُوذِّينْثْ زڭْ ؤُبُوقَاڒْ ؤُ أَمْ [شْوَايْثْ ن] ثْنغْذَا خْ ڒْمِيزَانْ. أَقَا ذَا، نتَّا إِسّْڭعّذْ ثِيڭْزِيرِينْ أَمْ ثْعجَّاجْثْ إِفْسُوسنْ.
ISA 40:16 لُوبْنَانْ وَارْ إِتّْقِيذِّي إِ ؤُكشُّوضْ ن ثْمسِّي ؤُشَا ڒْمَاڒْ نّسْ وَارْ تّْقِيذِّينْ إِ ثْغَارْصْثْ ن وشْمَاضْ.
ISA 40:17 مَارَّا ڒڭْنُوسْ أَقَا أَثنْ أَمْ وَارْ ذِينْ دْجِينْ قِيبَاتْشْ نّسْ ؤُشَا إِحسّبْ إِ-ثنْ ذ وَالُو، ذ ڒعْوِينْ.
ISA 40:18 وِي أَكْ-ذ إِ غَا ثسّمْقُودّمْ أَربِّي نِيغْ مَانْ أَرْوَاسْ إِ زِي ث غَا ثْخڒْفمْ؟“
ISA 40:19 ”أَحْرَايْفِي إِتّْكبَّا ڒخْيَاڒْ إِنقْشنْ ؤُ أَمْزِيڒْ ن وُورغْ إِتّْغدْجفْ إِ-ث س وُورغْ ؤُ إِفسِّي أَسْ ثِيسدّْيِينْ ن نُّوقَارْثْ.
ISA 40:20 ونِّي إِدْجَانْ ذ أَمزْڒُوضْ إِ ثوْهِيبْثْ ن ؤُسْڭعّذْ أَذْ إِخْضَارْ إِجّْ ن ؤُكشُّوضْ وَارْ يَارشِّي. نتَّا يَارزُّو إِجّْ ن بُو-صّنْعثْ مَاحنْذْ أَذْ إِڭّْ ڒخْيَاڒْ إِنقْشنْ نِّي وَارْ إِتّنْهزِّينْ.“
ISA 40:21 ”مَا وَارْ [ت] ثسِّينمْ؟ مَا وَارْ [ت] تّسْڒِيمْ؟ مَا وَارْ [ت] ثُوغِي غَارْومْ إِتّْوَاسّنْ زڭْ ؤُمزْوَارُو؟ مَا وَارْ ثُوغِي ثْحطَّامْ ذْسُوسَا ن ثمُّورْثْ؟
ISA 40:22 نتَّا ذ ونِّي إِقِّيمنْ خْ ثْقُورَارْثْ ن ثَايُّوثْ إِ د-إِنّْضنْ إِ [مَارَّا] ثَامُّورْثْ، [ثَامُّورْثْ] مَانِي إِمزْذَاغْ نّسْ [تّْبَاننْ-د] أَمْ يِيبُورخْسنْ، نتَّا ذ ونِّي إِمحّْضنْ إِجنْوَانْ أَمْ أَرْوَاقْ، إِتّْبزّعْ إِ-ثنْ أَمْ ؤُقِيضُونْ إِ وزْذَاغْ،
ISA 40:23 نتَّا ذ ونِّي إِتَّارَّانْ أَيْثْ ن جّهْذْ ذ وَالُو، ؤُ إِسّخْوَا ڒْقُوضَاثْ ن ثمُّورْثْ.
ISA 40:24 عَاذْ شْوَايْثْ وَاهَا تّْوَاژُّونْ، عَاذْ شْوَايْثْ وَاهَا تّْوَازَارْعنْ، عَاذْ شْوَايْثْ وَاهَا إِوْثَا جّْذعْ [ن ثْشجَّارْثْ] نْسنْ أَژْوَارْ ذِي ثمُّورْثْ، أَقَا إِسُوضْ نتَّا خَاسنْ أَڒَامِي ؤُژْغنْ ؤُشَا ثَاحَارْيَاضْثْ ثكْسِي ثنْ أَمْ ؤُڒُومْ.“
ISA 40:25 ”أَكْ-ذ مَانْ ونْ ثخْسمْ كنِّيوْ أَذْ أَيِي ثسّمْقُودّمْ، مَانْ ونْ إِ ذِي أَروْسغْ؟، إِقَّارْ ؤُمْقدَّاسْ.
ISA 40:26 سْڭعّْذمْ ثِيطَّاوِينْ نْومْ ؤُ خْزَارمْ، مَانْ ونْ إِڭِّينْ مَانْ أَيَا؟ ذ نتَّا ونِّي إِسُّوفُّوغنْ ڒْعسْكَارْ نْسنْ مَارَّا، ونِّي ذ أَسنْ إِتّْڒَاغَانْ مَارَّا س إِسمْ نْسنْ س ڒمْغَارثْ ن جّهْذْ [نّسْ] ؤُ س ڒْعزّْ [نّسْ] إِجهْذنْ، وَارْ إِبطّڒْ ؤُڒَا ذ إِجّْ!“
ISA 40:27 ”مَايمِّي ثقَّارذْ [خنِّي]، [أَ] يَاعْقُوبْ، ؤُ ثسَّاوَاڒذْ [أَمُّو]، [أَ] إِسْرَائِيل: ’أَبْرِيذْ إِنُو إِنُّوفَّارْ خْ سِيذِي ؤُ ثَاسْغَارْثْ إِنُو ثتّكّْ خْ أَربِّي إِنُو؟‘
ISA 40:28 مَا وَارْ [ت] ثسِّينذْ؟ مَا وَارْ [ت] ثسْڒِيذْ أَقَا أَربِّي نْ ڒبْذَا، سِيذِي، ونِّي د-إِخڒْقنْ طّْرُوفَا ن ثمُّورْثْ، وَارْ إِتِّيحڒْ ؤُ وَارْ يَارخُّو؟ وَارْ إِزمَّارْ [بْنَاذمْ] أَذْ إِفْهمْ ڒعْقڒْ نّسْ.
ISA 40:29 نتَّا إِتِّيشْ جّهْذْ إِ ونِّي يُوحْڒنْ ؤُ ونِّي وَارْ غَارْ إِدْجِي جّهْذْ يَارنِّي أَسْ جّهْذْ س وَاطَّاسْ.
ISA 40:30 إِحنْجِيرنْ تَّاحْڒنْ ؤُ أَرخُّونْ، إِبْڒِيغنْ تّنْقْرَاضنْ ؤُشَا وطَّانْ،
ISA 40:31 [مَاشَا] إِنِّي إِتّْرَاجَانْ سِيذِي، تَّايْمنْ جّهْذْ ن جْذِيذْ. نِيثْنِي تّطّْفنْ أَفْرِيونْ أَمْ ؤُڭِيذرْ، تَّازّْڒنْ، [مَاشَا] وَارْ تِّيحْڒنْ، ڭُّورنْ [مَاشَا] وَارْ أَرخُّونْ.“
ISA 41:1 ”سغْذمْ-د زَّاثِي، [أَ] ثِيڭْزِيرِينْ خْ ثْمَا ن ڒبْحَارْ، ؤُشَا جّمْ شُّوعُوبْ أَذْ طّْفنْ جّهْذْ ن جْذِيذْ، جّمْ ثنْ أَذْ د-أَذْسنْ، خنِّي أَذْ سِّيوْڒنْ، جّمْ أَنغْ أَذْ نْقَارّبْ غَارْ ڒحْكَامْ مَارَّا نْمُونْ.
ISA 41:2 مَانْ ونْ إِ د-إِسّْفَاقنْ زِي مَانِيسْ ذ ثْنقَّارْ ثْفُوشْثْ إِجّنْ ونِّي أَكِيذسْ ثمْسَاڭَارْ ثْسڭْذَا غَارْ إِضَارنْ نّسْ؟ [مَانْ ونْ] إِسلّْمنْ ڒڭْنُوسْ ذڭْ ؤُفُوسْ نّسْ ؤُشَا إِڭَّا إِ-ث أَذْ يَاريّسْ خْ إِجدْجِيذنْ؟ [مَانْ ونْ] يَارِّينْ [ڒڭْنُوسْ] إِ سِّيفْ نّسْ أَمْ ثْعجَّاجْثْ، إِ ڒْقوْسْ نّسْ أَمْ ؤُڒُومْ نِّي ذِي إِتّْسُوضْ ؤُسمِّيضْ؟
ISA 41:3 نتَّا إِضْفَارْ إِ-ثنْ، إِكمّڒْ غَارْ زَّاثْ ذِي ڒهْنَا خْ وبْرِيذْ وَارْ [ث] إِحِيذِيعمَّارْصْ س إِضَارنْ نّسْ.
ISA 41:4 مَانْ ونْ إِسّقْفڒْ ؤُشَا إِڭَّا أَيَا؟ نتَّا، ونِّي زڭْ ؤُمزْوَارُو إِبَارّْحنْ إِ جِّيڒَاثْ: ’نشّْ، سِيذِي، ذ أَمزْوَارُو ؤُ غَارْ إِنڭُّورَا نشّْ نشّْ.‘
ISA 41:5 ثِيڭْزِيرِينْ ژْرِينْثْ [ث]، ڭّْوذنْثْ، إِنڭُّورَا ن ثمُّورْثْ أَرْجِيجنْ، نِيثْنِي ؤُذْسنْ-د، إِوْضنْ-د.
ISA 41:6 إِجّنْ إِوْشَا أَفُوسْ إِ ؤُمدُّوكّڒْ نّسْ، إِنَّا إِ ؤُمَاسْ: ’إِڒِي ذ أَرْيَازْ!‘ “
ISA 41:7 ”أَصْنَايْعِي إِڭَّا ؤُڒْ ذڭْ ومْزِيڒْ ن وُورغْ نِّي [ث] إِسّرْغنْ س وفْضِيسْ، ونِّي إِوتِّينْ خْ ژّبْرَا، أَمْ إِقَّارْ خْ مَامّشْ سّْڒسْقنْ إِزِييْنَانْ: ’ذ لمْلِيحْ!‘. [خنِّي] إِسّمْثنْ [ومْزِيڒْ] إِ ڒخْيَاڒْ س إِمسْمَارْ، أَڒَامِي وَارْ إِتّنْهزِّي.“
ISA 41:8 ”[مَاشَا] شكْ، [أَ] إِسْرَائِيل، أَمْسخَّارْ إِنُو، [أَ] يَاعْقُوبْ نِّي إِخْضَارغْ، زَّارِيعثْ ن إِبْرَاهِيمْ، أَمدُّوكّڒْ إِنُو إِعِيزّنْ،
ISA 41:9 طّْفغْ شكْ زڭْ إِنڭُّورَا ن ثمُّورْثْ ؤُشَا ڒَاغِيغْ-د خَاكْ زِي طّْرُوفَا نّسْ قَاعْ، نِّيغْ أَشْ: ’شكْ ذ أَمْسخَّارْ إِنُو، إِخْضَارغْ شكْ، وَارْ شكْ نْضَارغْ.‘
ISA 41:10 وَارْ تّڭّْوذْ شَا، مَاغَارْ نشّْ دْجِيغْ أَكِيذكْ، وَارْ سْحِيسِّيفْ، مَاغَارْ نشّْ ذ أَربِّي نّشْ. نشّْ أَذْ شكْ سّْجهْذغْ، أَذْ أَشْ وْشغْ أَفُوسْ، [وَاهْ،] نشّْ أَذْ ذَايكْ منْعغْ س ؤُفُوسِي إِشُّورْ س ثْسڭْذَا إِنُو.“
ISA 41:11 ”خْزَارْ، نِيثْنِي أَذْ سضْحَانْ، أَذْ ذوْڒنْ إِ ڒفْضِيحثْ، مَارَّا إِنِّي خَاكْ إِسّْحمَّانْ. إِرْيَازنْ نِّي أَكِيذكْ إِتّمْشُوبُّوشنْ، أَذْ ذوْڒنْ ذ وَالُو، أَذْ تّْوَاهلّْكنْ.
ISA 41:12 شكْ أَذْ خَاسنْ ثَارْزُوذْ، [مَاشَا] وَارْ ثنْ ثتِّيفذْ. إِرْيَازنْ نِّي كِيذكْ إِتّمْشُوبُّوشنْ أَذْ ذوْڒنْ ذ وَالُو ذ ڒْبَاطڒْ، [وَاهْ،] إِرْيَازنْ نِّي إِتّْمنْغَانْ أَكِيذكْ.
ISA 41:13 مَاغَارْ نشّْ ذ سِيذِي، أَربِّي نّشْ، ونِّي إِطّْفنْ أَفُوسْ أَفُوسِي نّشْ ذ ونِّي ذ أَشْ إِقَّارنْ: ’وَارْ تّڭّْوذْ شَا، نشّْ أَذْ أَشْ وْشغْ أَفُوسْ!
ISA 41:14 وَارْ ثڭّْوذْ شَا، [أَ شكْ] أَكشَّاوْ يَاعْقُوبْ، [أَ] يرْيَازنْ ن إِسْرَائِيل! نشّْ أَذْ أَشْ وْشغْ أَفُوسْ، أَمفْذِي نّشْ ذ أَمْقدَّاسْ ن إِسْرَائِيل!‘، [أَمُّو إِ] إِقَّارْ سِيذِي.
ISA 41:15 خْزَارْ، نشّْ ڭِّيغْ شمْ ذ ثَاڒْوِيحْثْ إِتّحْڒُودْجُوضنْ إِ ؤُسَارْوثْ ذ ثَامَايْنُوثْ، س ثغْمَاسْ إِقضْعنْ غَارْ ثْنَاينْ ن إِغزْذِيسنْ. إِذُورَارْ أَذْ ثنْ ثْسَّارْوْثذْ ؤُ أَذْ ثنْ ثدّْزذْ ؤُ ثِيوْرِيرِينْ أَذْ ثنْثْ ثڭّذْ ذ ڒُومْ.
ISA 41:16 شكْ أَذْ ثنْ ثزُّوزَارذْ، أَذْ ثنْ يَاوِي ؤُسمِّيضْ، أَذْ ثنْ ثَاريّشْ ثْحَارْيَاضْثْ. شكْ مَاشَا أَذْ ثسْڒِيوْڒوذْ خْ سِيذِي، أَذْ ثْشنّْعذْ إِخفْ نّشْ ذڭْ ؤُمْقدَّاسْ ن إِسْرَائِيل.“
ISA 41:17 ”إِنِّي إِتّْوَاحْصَارنْ ذ إِمزْڒَاضْ أَرزُّونْ خْ وَامَانْ، [مَاشَا] وَالُو ذَا. إِڒسْ نْسنْ يُوژغْ س ؤُفَاذِي. نشّْ، سِيذِي، أَذْ أَسنْ سْڒغْ، نشّْ، أَربِّي ن إِسْرَائِيل، وَارْ ذَايْسنْ سمّْحغْ.
ISA 41:18 خْ ثوْرِيرِينْ ثِيقشُّورَا أَذْ جّغْ إِغزْرَانْ أَذْ دُّوقّْزنْ ؤُڒَا ذ ڒْعُونْصَارَاثْ ذِي ڒْوسْطْ ن ڒوْضَاثْ. نشّْ أَذْ أَرّغْ ڒخْڒَا ذ أَيڒْمَامْ ن وَامَانْ ؤُڒَا ذ ثَامُّورْثْ يُوژْغنْ ذ ثِينذْوِينْ.
ISA 41:19 ذِي ڒخْڒَا أَذْ ژُّوغْ ثَاشجَّارْثْ ن ثنْڭلْثْ ذ ثْشجَّارْثْ ن ؤُكَاسِييَا ذ ثْشجَّارْثْ ن ثَارِيحَانْثْ ذ ؤُزمُّورْ، ذِي ثْنزْرُوفْثْ أَذْ ڭّغْ ثَاشجَّارْثْ ن ؤُمرْزِي ذ ثْشجَّارْثْ ن ذُولْبْ ذ ثَايْذَا أَكْ-ذ وَايَاوْيَا،
ISA 41:20 حِيمَا أَذْ ژَترنْ، أَذْ نعْمنْ، أَذْ أَرْڭْبنْ، أَذْ فهْمنْ جْمِيعْ، أَقَا أَفُوسْ ن سِيذِي إِڭَّا أَيَا، أَقَا أَمْقدَّاسْ ن إِسْرَائِيل إِخْڒقْ إِ-ت-إِ-د.“
ISA 41:21 ”قدّْممْ دّعْوثْ نْومْ [زَّاثِي]، إِقَّارْ سِيذِي، أَوْيمْ-د بُورْهَانَاثْ نْومْ إِجهْذنْ قَاعْ، إِقَّارْ ؤُجدْجِيذْ ن يَاعْقُوبْ.
ISA 41:22 أجّْ إِ-ثنْ أَذْ أَوْينْ ؤُ أَذْ أَنغْ بَارّْحنْ مِينْ غَا إِمْسَارنْ. سَارْڭْبمْ أَنغْ خْ ثْمسْڒَايِينْ ثِيمزْوُورَا قَاعْ، مَامّشْ دْجَانْثْ، حِيمَا أَذْ [ثنْثْ] نكْسِي غَارْ وُوڒْ ؤُشَا أَذْ نسّنْ أَنڭَّارْ نْسنْثْ، نِيغْ أجّْ أَنغْ أَذْ نْسڒْ خْ ثْمسْڒَايِينْ إِ د غَا يَاسنْ [عَاذْ].
ISA 41:23 بَارّْحمْ ثِيمسْڒَايِينْ إِ غَا يِيڒِينْ ذَاوحْذَا عَاذْ، [مَاحنْذْ] أَذْ نسّنْ أَقَا كنِّيوْ ذ إِربِّيثنْ. ڭّمْ شَا ذ ڒْخَارْ نِيغْ ذ ڒْغَارْ، [حِيمَا] أَذْ نْخزَّارْ ذڭْ وَايَاوْيَا س ڒْخزْرَاثْ إِبقّْشنْ، أَذْ [ت] نْژَارْ [جْمِيعْ].
ISA 41:24 خْزَارْ، كنِّيوْ قلّْ خْ وَالُو ؤُ مِينْ ثتّڭّمْ وَارْ ذَايسْ بُو نّْفَاعْ، ونِّي كنِّيوْ إِخْضَارنْ أَقَا-ث ذ نّْعِي.“
ISA 41:25 ”نشّْ أَذْ د-سّكَّارغْ [إِجّنْ] زِي شَّامَالْ ؤُ نتَّا أَذْ د-إِفّغْ زِي مَانِيسْ د-ثْنقَّارْ ثْفُوشْثْ، أَذْ إِڒَاغَا خْ إِسمْ إِنُو. نتَّا أَذْ د-يَاسْ أَمْ بُو-ثْڒَاخْثْ نِّي إِعفّْسنْ خْ ؤُبدْجَاعْ، أَذْ إِعْفسْ خْ أَيْثْ ن جّهْذْ أَمْ خْ ثَارِّيسْثْ.“
ISA 41:26 ”مَانْ ونْ [إِ-ت] إِبَارّْحنْ زڭْ ؤُمزْوَارُو قَاعْ، [حِيمَا] أَذْ [ت] نسّنْ، نِيغْ [خنِّي] مَانْ ونْ [إِ-ت] إِبَارّْحنْ قْبڒْ، حِيمَا نْزمَّارْ أَذْ نِينِي: ’أَقَا نتَّا ذَايسْ ڒَامَانْ!‘ مَاشَا وَارْ ذِينْ وِي [ت] إِبَارّْحنْ، [وَارْ ذِينْ] وِي ذ أَنغْ إِتَّارَّانْ أَذْ نْسڒْ شَا، ؤُڒَا ذ إِجّْ وَارْ إِسْڒِي أَومْ ثْنطْقمْ س شَا.
ISA 41:27 [أَمْ] ؤُمزْوَارُو [نِّيغْ نشّْ] إِ صِيهْيُونْ: ’أَقَا-ثنْ ذَا!‘، ؤُ إِ ؤُرْشَالِيمْ: ’نشّْ أَذْ أَوْيغْ إِجّْ ن ؤُرقَّاسْ س ڒخْبَارْ أَصبْحَانْ.‘
ISA 41:28 نشّْ خْزَارغْ، [مَاشَا] وَارْ ذِينْ ثُوغِي ؤُڒَا ذ إِجّْ! وَارْ [ذِينْ] ثُوغِي ؤُڒَا ذ إِجّْ زَّايْسنْ ونِّي إِزمَّارنْ أَذْ إِوْشْ شّْوَارْ، [أَڒَامِي] زمَّارغْ أَذْ سّقْسِيغْ ؤُ نِيثْنِي أَذْ خَافِي د-أَرّنْ.
ISA 41:29 خْزَارْ، نِيثْنِي مَارَّا ذِي ڒْبَاطڒْ، ڒخْذَايمْ نْسنْ وَارْ ذَايْسنْ نّْفَاعْ، ڒخْيَاڒَاثْ إِفسْينْ نْسنْ ذ ڒعْوِينْ [وَاهَا] ؤُ خْوَانْثْ.“
ISA 42:1 ”خْزَارْ، أَمْسخَّارْ إِنُو ونِّي تّْعَاوَانغْ، ذ ونِّي فَارْزغْ، ذ ونِّي د-يُوسِينْ خْ ڒْخَاضَارْ إِنُو. نشّْ سَّارْسغْ خَاسْ أَرُّوحْ إِنُو. نتَّا أَذْ إِسُّوفّغْ ڒحْكَامْ غَارْ ڒڭْنُوسْ.
ISA 42:2 وَارْ إِسْغُويُّو ؤُ وَارْ إِسّْڭِيعِّيذْ ثْمِيجَّا نّسْ ؤُ وَارْ إِتَّارِّي ثْمِيجَّا نّسْ أَذْ أَسْ سْڒنْ ذِي بَارَّا.
ISA 42:3 أَغَانِيمْ إِنْضفْسنْ وَارْ ث إِتَّارژِّي شَا ؤُ ثَافْثِيتْشْ ن ثِيفّسْثْ إِتّْذُوخُّوننْ وَارْ ث إِسّخْسِييْ شَا، [وَاهْ،] س ثِيذتّْ أَذْ إِسُّوفّغْ ثَاسڭْذَا.
ISA 42:4 نتَّا وَارْ إِتِّيحڒْ ؤُ وَارْ إِتّْوَارژِّي أَڒْ د-إِسّْبدّْ ثَاسڭْذَا خْ ثمُّورْثْ ؤُ غَارْ شَّارِيعَا نّسْ أَذْ رَاجَانْثْ ثِيڭْزِيرِينْ.“
ISA 42:5 ”أَمُّو إِ إِقَّارْ أَربِّي، سِيذِي، ونِّي إِڭِّينْ ؤُ إِبزّْعنْ إِجنْوَانْ، ونِّي إِڭِّينْ ثَامُّورْثْ ذ مِينْ خَاسْ إِغمّْينْ، ونِّي إِتِّيشنْ ثْوَارِّيثْ ن نّفْسْ إِ ڒْڭنْسْ إِ ذَايسْ إِزدّْغنْ، ؤُ بُوحْبڒْ إِ يِينِّي إِڭُّورنْ خْ [ثمُّورْثْ]:
ISA 42:6 ’نشّْ، سِيذِي، ڒَاغِيغْ أَشْ ذِي ثْسڭْذَا ؤُشَا أَذْ شكْ منْعغْ زڭْ ؤُفُوسْ، أَذْ شكْ حْضِيغْ ؤُشَا أَذْ شكْ أَرّغْ ذ ڒْعَاهْذْ إِ ڒْڭنْسْ ذ ثْفَاوْثْ إِ ڒڭْنُوسْ،
ISA 42:7 حِيمَا أَذْ ثَارْزْمذْ ثِيطَّاوِينْ إِذَاغَاڒنْ، أَذْ ثسُّوفّْغذْ إِمحْبَاسْ زِي ڒحْبسْ ؤُ يِينِّي إِقِّيمنْ ذِي ثَادْجسْثْ زِي ثَادَّارْثْ ن ثْعسَّاسْثْ.
ISA 42:8 نشّْ ذ سِيذِي، وَا ذ إِسمْ إِنُو، ؤُشَا وَارْ تِّيشغْ شَّانْ إِنُو إِ ونّغْنِي ؤُ أَسمْغَارْ إِنُو وَارْ [ث تِّيشغْ] إِ ڒخْيَاڒَاثْ إِنقْشنْ.
ISA 42:9 خْزَارْ، ثِيمسْڒَايِينْ ثِيمزْوُورَا إِوْضنْثْ ؤُشَا ثِيمسْڒَايِينْ ن جْذِيذْ أَذْ ثنْثْ بَارّْحغْ. قْبڒْ مَّا أَذْ فّْغنْثْ، أَذْ أَومْ ثنْثْ سّشْنغْ.‘ “
ISA 42:10 ”غنّْجمْ إِزْڒِي ن جْذِيذْ إِ سِيذِي، أَسمْغَارْ نّسْ زڭْ إِنڭُّورَا ن ثمُّورْثْ، [كنِّيوْ] إِنِّي إِندّْهنْ ڒبْحَارْ، ذ مَارَّا مِينْ ذَايسْ: [كنِّينْثْ أَ] ثِيڭْزِيرِينْ ذ إِمزْذَاغْ نْسنْثْ.
ISA 42:11 أَذْ إِسّْڭعّذْ ڒخْڒَا [ثْمِيجَّا نّسْ] ؤُشَا ؤُڒَا ذ ثْندَّامْ نّسْ، [جْمِيعْ] أَكْ-ذ ڒذْشُورْ نِّي ذِي إِزدّغْ قِيذَارْ. أجّْ إِنِّي إِزدّْغنْ ذِي ڒجْرُوفْ أَذْ سْڒِيوْڒونْ، [أجّْ إِ-ثنْ] أَذْ سْغُوينْ س ڒفْرَاحثْ خْ ثْقِيشِّيثِينْ ن إِذُورَارْ،
ISA 42:12 أجّْ إِ-ثنْ أَذْ سّْعُودْجنْ سِيذِي، أَذْ بَارّْحنْ شَّانْ نّسْ خْ [مَارَّا] ثِيڭْزِيرِينْ.
ISA 42:13 سِيذِي أَذْ د-إِفّغْ أَمْ بُو-ثغْرُوضْطْ، أَذْ إِسّكَّارْ مژْرِي ذڭْ ؤُمنْغِي أَمْ ورْيَازْ إِمحْضنْ، نتَّا أَذْ إِسْڒِيوْڒوْ، أَذْ إِسْغُويْ إِ ؤُمنْغِي، أَذْ إِحْصَارْ قَاعْ ڒْعذْيَانْ نّسْ.“
ISA 42:14 ”نشّْ ثُوغَا سّغْذغْ زڭْ وشْحَاڒْ ؤُيَا، ثُوغَا سْقَارغْ، تّبَّاثغْ إِخفْ إِنُو. أَذْ سْغُويغْ أَمْ يِيشْثنْ إِتَّارُونْ، أَذْ [ثنْ] أَردّْدْجغْ ؤُ أَذْ [ثنْ] صَارْضغْ [جْمِيعْ].
ISA 42:15 إِذُورَارْ ذ ثوْرِيرِينْ أَذْ ثنْ أَرّغْ ذ أَمسُّوشِي ؤُ أَذْ جّغْ أَغمُّويْ أَزِيزَا نْسنْ مَارَّا أَذْ يَاژغْ، إِغزْرَانْ أَذْ ثنْ ڭّغْ ذ ثِيڭْزِيرِينْ، ؤُشَا أَذْ سِّيژْغغْ إِيڒْمَامنْ.
ISA 42:16 إِذَارْغَاڒنْ أَذْ ثنْ نذْهغْ خْ إِجّْ ن وبْرِيذْ وَارْ ث سِّيننْ، أَذْ ثنْ جّغْ أَذْ ؤُيُورنْ خْ ثْبْرِيذِينْ وَارْ ثنْثْ أَرْڭْبنْ. طّْرَامْ زَّاثْ إِ ثِيطَّاوِينْ نْسنْ أَذْ ث ڭّغْ ذ ثْفَاوْثْ، مِينْ إِفَارْغنْ، أَذْ ث سڭّْذغْ. ثِينَا ذ ثِيمسْڒَايِينْ إِ غَا ڭّغْ ذِي طّْوعْ نْسنْ ؤُ وَارْ ذَايْسنْ سمْحغْ.
ISA 42:17 إِنِّي إِتّْشَاڒَانْ خْ ڒخْيَاڒَاثْ إِنقْشنْ، إِنِّي إِقَّارنْ إِ ڒخْيَاڒَاثْ إِفسْينْ: ’كنِّيوْ ذ إِربِّيثنْ نّغْ!‘، أَقَا نِيثْنِي أَذْ ذوْڒنْ غَارْ ضفَّارْ، أَذْ سضْحَانْ أَطَّاسْ.“
ISA 42:18 ”سْڒمْ، [كنِّيوْ] إِذُوهْشَارْ! إِذَارْغَاڒنْ، خْزَارمْ ؤُ وَاڒَامْ.
ISA 42:19 مَانْ ونْ إِدْجَانْ ذ أَذَارْغَاڒْ أَمْ ؤُمْسخَّارْ إِنُو، ذ أَذهْشُورْ أَمْ ؤُرقَّاسْ إِنُو؟ مَانْ ونْ إِدْجَانْ ذ أَذَارْغَاڒْ أَمْ ؤُمْثِيقِّي ؤُ ذ أَذَارْغَاڒْ أَمْ ؤُمْسخَّارْ ن سِيذِي؟
ISA 42:20 أَطَّاسْ إِ ثتّْوَاڒِيذْ، [مَاشَا] وَارْ ثُوشِيذْ وَالُو، [إِوَا] نتَّا يَارْزمْ إِمزُّوغنْ، [مَاشَا] وَارْ إِتّسْڒِي شَا.
ISA 42:21 ثُوغَا يَارْضَا سِيذِي ذِي طّْوعْ ن ثْسڭْذَا نّسْ [مَاحنْذْ] أَذْ إِسّمْغَارْ ذ إِسّْعُودْجْ شَّارِيعَا.
ISA 42:22 [مَاشَا ڒخُّو] نِيثْنِي ذ إِجّْ ن ڒْڭنْسْ أَشَارنْ ت، كشّْضنْ ت. مَارَّا تّْوَاشدّنْ ذڭْ إِفْرَانْ، تّْوَاقّْننْ ذِي ڒحْبسْ. نِيثْنِي ذوْڒنْ ذ ثَايْمَارْثْ، [أَمْ] وَارْ ذِينْ إِدْجِي ؤُمْسنْجمْ، ذوْڒنْ نِيثْنِي إِ ثْكشَّاضْثْ، [مَاشَا] ؤُڒَا ذ إِجّْ إِقَّارْ: ’أَرّْ إِ-ث-إِ-د!‘
ISA 42:23 مَانْ ونْ زَّايْومْ أَذْ إِوْشْ أَمزُّوغْ إِ مَانْ أَيَا؟ مَانْ ونْ إِ غَا إِحكَّارنْ، [مَانْ ونْ] إِ غَا إِسڒْ ذِي طّْوعْ ن مِينْ غَا يِيڒِينْ أَوَارْنِي مَانْ أَيَا؟
ISA 42:24 مَانْ ونْ إِسِّيوْضنْ يَاعْقُوبْ أَمْ ثيْمَارْثْ ذ إِسْرَائِيل إِ إِخوَّاننْ؟ مَا وَارْ ت إِڭِّي سِيذِي، ونِّي ذِي نخْضَا؟ [مَاغَارْ] نِيثْنِي وَارْ خْسنْ أَذْ ؤُيُورنْ خْ إِبْرِيذنْ نّسْ، وَارْ خْسنْ أَذْ سْڒنْ غَارْ شَّارِيعَا نّسْ.
ISA 42:25 س ؤُينِّي إِزدْجعْ خَاسْ أَسْعَارْ ن وغْضَابْ نّسْ ؤُڒَا ذ لْعُونْفْ ن ڭَارَّا. إِقوَّارْ أَسْ س إِشعَّاڒنْ، [مَاشَا] نتَّا وَارْ ذ أَسْ إِحكَّارْ، إِقّذْ أَسْ ثِيمسِّي، [مَاشَا] نتَّا وَارْ ت إِكسِّي غَارْ وُوڒْ نّسْ.“
ISA 43:1 ”[مَاشَا] ڒخُّو، أَمُّو إِ إِقَّارْ سِيذِي، ونِّي شكْ د-إِخڒْقنْ، [أَ] يَاعْقُوبْ، ذ ونِّي ذ أَمْكوَّانْ نّشْ، [أَ] إِسْرَائِيل، وَارْ تّڭّْوذْ شَا، مَاغَارْ نشّْ فكّغْ شكْ، ڒَاغِيغْ أَشْ س يِيسمْ نّشْ، شكْ إِنُو.
ISA 43:2 مَاڒَا ثْشُوقذْ ذڭْ وَامَانْ، أَذْ إِڒِيغْ أَكِيذكْ، مَاڒَا ذڭْ إِغزْرَانْ، وَارْ شكْ تِّيوْينْ. مَاڒَا ثژْوِيذْ خْ ثْمسِّي، وَارْ ثْشمّْضذْ، ؤُشَا أَشعَّاڒْ وَارْ شكْ إِسّْرُوغَا.
ISA 43:3 مَاغَارْ نشّْ ذ سِيذِي، أَربِّي نّشْ، أَمْقدَّاسْ ن إِسْرَائِيل، أَمْسنْجمْ نّشْ. نشّْ وْشِيغْ مِيصْرَا ذ دّيّثْ إِ شكْ، كُوشْ ذ سبَا ذڭْ ومْشَانْ نّشْ.
ISA 43:4 مِينْزِي ثْسكّْوِيذْ أَطَّاسْ ذِي ثِيطَّاوِينْ إِنُو، أَقَا ثتّْوَاسّْعُودْجذْ ؤُ نشّْ تّخْسغْ شكْ. وْشِيغْ إِوْذَانْ ذڭْ ومْشَانْ نّشْ ذ شُّوعُوبْ ذڭْ ومْشَانْ ن ڒعْمَارْ نّشْ.
ISA 43:5 وَارْ تّڭّْوذْ شَا، مَاغَارْ نشّْ أَكِيذكْ. أَذْ أَوْيغْ إِحنْجِيرنْ نّشْ زِي مَانِي د-ثْنقَّارْ ثْفُوشْثْ، أَذْ شكْ سّْمُونغْ زِي مَانِي د-ثْغدْجِي ثْفُوشْثْ.
ISA 43:6 نشّْ أَذْ إِنِيغْ إِ شَّامَالْ: ’أوْشْ!‘ ؤُ إِ لْجَانُوبْ: ’وَارْ تّطّفْ!‘، أَركّْوحْ إِحنْجِيرنْ إِنُو زِي ڒَاڭّْوَاجْ، يسِّي زِي ثْمَا ن ثمُّورْثْ،
ISA 43:7 كُوڒْ  إِجّنْ ونِّي ؤُمِي تّْڒَاغَانْ س يِيسمْ إِنُو، ونِّي د-خڒْقغْ إِ شَّانْ إِنُو، ونِّي كوّْنغْ ذ ونِّي ڭِّيغْ عَاوذْ.“
ISA 43:8 ”أجّْ أَذْ إِفّغْ ڒْڭنْسْ أَذَارْغَاڒْ، وَاخَّا [غَارْسنْ] ثِيطَّاوِينْ، ؤُڒَا ذ إِذُوهْشَارنْ، وَاخَّا غَارْسنْ إِمزُّوغنْ.
ISA 43:9 أجّْ أَذْ تّْوَاسّْمُوننْ مَارَّا ڒڭْنُوسْ ؤُشَا أجّْ شُّوعُوبْ أَذْ نّْجَارْونْ! مَانْ ونْ زَّايْسنْ إِزمَّارْ أَذْ إِبَارّحْ ثَا، ذ مَانْ ونْ إِزمَّارْ أَذْ أَنغْ يِينِي مِينْ ثُوغَا إِدْجَانْ زِيشْ؟ أجّْ إِ-ثنْ أَذْ أَوْينْ ڒشْهُوذْ نْسنْ مَاحنْذْ أَذْ تّْوَاسڭّْذنْ، ؤُشَا [أجّْ ڒشْهُوذْ] أَذْ سْڒنْ، أَذْ إِنِينْ: ’ذ ثِيذتّْ!‘
ISA 43:10 كنِّيوْ ذ ڒشْهُوذْ إِنُو ؤُڒَا ذ أَمْسخَّارْ إِنُو نِّي فَارْزغْ، حِيمَا أَذْ ثسّْنمْ، أَذْ ذَايِي ثَامْنمْ، أَذْ ثْفهْممْ أَقَا نشّْ نشّْ. قْبڒْ نشّْ وَارْ إِتّْوَاڭّْ ؤُڒَا ذ إِجّْ ن أَربِّي ؤُشَا أَوَارْنِي أَيِي وَارْ إِتِّيڒِي ؤُڒَا ذ إِجّنْ!، إِقَّارْ سِيذِي.
ISA 43:11 نشّْ، نشّْ ذ سِيذِي، ؤُ وَارْ إِدْجِي ؤُمْسنْجمْ مْغِيرْ نشّْ.
ISA 43:12 نشّْ بَارّْحغْ ؤُ سّْنجْمغْ ؤُ نشّْ إِوْيغْ أَومْ [ث-إِ-د] غَارْ ؤُمجُّونْ. ؤُڒَا ذ إِجّْ ن [أَربِّي] ڒْبَارَّانِي وَارْ ثُوغِي جَارْ أَومْ. كنِّيوْ ذ ڒشْهُوذْ أَقَا نشّْ ذ أَربِّي، أَمُّو إِ إِقَّارْ سِيذِي.
ISA 43:13 ؤُڒَا زڭْ وَاسّْ-أَ، أَقَا نشّْ نشّْ ؤُشَا ؤُڒَا ذ إِجّْ وَارْ إِزمَّارْ أَذْ إِسّْفكّْ زڭْ ؤُفُوسْ إِنُو! [مَاڒَا] نشّْ خذْمغْ، مَانْ ونْ إِزمَّارنْ أَذْ ث إِنّقْڒبْ؟“
ISA 43:14 ”أَمُّو إِ إِقَّارْ سِيذِي، أَمفْذِي نْومْ، أَمْقدَّاسْ ن إِسْرَائِيل: ’ذِي طّْوعْ نْومْ سّكّغْ [إِجّنْ] غَارْ بَابِيلْ ؤُشَا أَذْ ثنْ أَرّغْ أَذْ أَروْڒنْ، ؤُشَا أَذْ هْوَانْ مَارَّا إِكَالْذَانِييّنْ ذڭْ إِغُورَّابَا نِّي زِي ثُوغَا فَارّْحنْ [أَمُّو قْبڒْ].
ISA 43:15 نشّْ ذ سِيذِي، أَمْقدَّاسْ نْومْ، ونِّي د-إِخڒْقنْ إِسْرَائِيل، أَجدْجِيذْ نْومْ.‘ “
ISA 43:16 ”أَمُّو إِ إِقَّارْ سِيذِي نِّي إِڭِّينْ أَبْرِيذْ ذِي ڒبْحَارْ ذ ثبْرِيذْثْ ذڭْ وَامَانْ إِجهْذنْ،
ISA 43:17 ونِّي إِجِّينْ إِكَارُّوثنْ ذ ييْسَانْ، ڒْعسْكَارْ ذ جّهْذْ أَذْ فّْغنْ - أَقَا ذَا، زّْڒنْ مُوننْ، وَارْ تّْنكَّارنْعمَّارْصْ، خسْينْ، قْضَانْ أَمْ ثفْثِيتْشْ ن ثِيفّسْثْ! -
ISA 43:18 [أَمُّو إِ إِقَّارْ سِيذِي]: ’وَارْ تّْعقِيڒمْ [عَاذْ] خْ مِينْ ثُوغَا إِدْجَانْ زِيشْ، وَارْ تِّيذَارمْ [عَاذْ] مِينْ إِعْذُونْ.
ISA 43:19 خْزَارْ، أَذْ ڭّغْ مِينْ إِدْجَانْ ن جْذِيذْ، ڒخُّو أَذْ د-إِفّغْ. مَا وَارْ ذ أَسْ ثْحكَّارمْ شَا؟ وَاهْ، نشّْ أَذْ سَّارْسغْ أَبْرِيذْ ذِي ڒخْڒَا، إِغْزَارنْ ذِي ثْنزْرُوفْثْ.
ISA 43:20 ڒْمَاڒْ ن ڒخْڒَا أَذْ أَيِي سّْعُودْجَانْ، ؤُشَّاننْ ن ڒخْڒَا ذ يسِّيسْ ن نّْعَامثْ، مَاغَارْ نشّْ أَذْ ڭّغْ أَمَانْ أَذْ أَزّْڒنْ ذِي ڒخْڒَا ؤُڒَا ذ إِغزْرَانْ ذِي ثْنزْرُوفْثْ، حِيمَا أَذْ سّسْوغْ ڒْڭنْسْ إِنُو، إِنِّي فَارْزغْ.
ISA 43:21 ڒْڭنْسْ-أَ ڭِّيغْ ث إِ نشّْ، نِيثْنِي أَذْ بَارّْحنْ شَّانْ إِنُو.‘ “
ISA 43:22 ”[مَاشَا] شكْ وَارْ ذ أَيِي د-ثْڒَاغِيذْ، [أَ] يَاعْقُوبْ، وَارْ ثسِّيحْڒذْ إِخفْ نّشْ أَكِيذِي، [أَ] إِسْرَائِيل!
ISA 43:23 شكْ وَارْ ذ أَيِي د-ثِيوْيذْ إِجّنْ زڭْ وُودْجِي ن ثْغَارْصَا نّشْ ن وشْمَاضْ، ؤُشَا س ثْغَارْصِي نّشْ وَارْ ذ أَيِي ثْشنّْعذْ.عمَّارْصْ وَارْ شكْ حْصَارغْ غَارْ ثوْهِيبْثْ [ن ڒْغِيدْجثْ] ؤُ وَارْ شكْ سِّيحْڒغْعمَّارْصْ س جَّاوِي.
ISA 43:24 شكْ وَارْ ذ أَيِي ثسْغِيذْ أَغَانِيمْ ن ؤُحمُّومْ إِتّْفُوحنْ س ثْمنْيَاثْ ن نُّوقَارْثْ ؤُشَا وَارْ ذ أَيِي ثسّْجِيوْنذْ س ثَاذُونْثْ ن ثْغَارْصَا نّشْ، مَاشَا س دّْنُوبْ نّشْ ثَارْنِيذْ أَيِي-د ڒْخذْمثْ، س ڒْمُوعْصِييَّاثْ نّشْ ثسِّيحْڒذْ أَيِي.“
ISA 43:25 ”نشّْ، ذ نشّْ، ونِّي إِ غَا إِمسْحنْ إِعذِّيينْ نّشْ ذِي طّْوعْ إِنُو، نشّْ وَارْ تِّيذَارغْ عَاذْ دّْنُوبْ نّشْ.“
ISA 43:26 ”أَرّْ [إِ-ثنْ] غَارْ ڒْبَاڒْ إِنُو، أجّْ أَنغْ أَذْ نمْشَارّعْ، وّثْ خْ يِيخفْ نّشْ مَاحنْذْ أَذْ د-ثَاوْيذْ ثَاسْغَارْثْ نّشْ.
ISA 43:27 بَابَاشْ أَمزْوَارُو إِخْضَا ؤُ ؤُڒَا ذ إِمْسصْڒَاحنْ نّشْ عْذُونْ خَافِي.
ISA 43:28 [خنِّي] سّْعِيدْجْثغْ إِمقّْرَاننْ ن زَّاوشْثْ إِقدّْسنْ، ؤُ أَرِّيغْ يَاعْقُوبْ مَاحنْذْ أَذْ إِتّْوَاحَارّمْ [إِ ؤُثحِّي] ؤُشَا جِّيغْ إِسْرَائِيل مَاحنْذْ أَذْ ثعيّْبنْ.“
ISA 44:1 ”ڒخُّو [مَاشَا]، سڒْ، [أَ] أَمْسخَّارْ إِنُو يَاعْقُوبْ، إِسْرَائِيل نِّي فَارْزغْ!
ISA 44:2 أَمُّو إِ إِقَّارْ سِيذِي، ونِّي شكْ إِڭِّينْ، ونِّي شكْ إِڭِّينْ زڭْ ؤُعذِّيسْ [ن يمَّاشْ]، ونِّي ذ أَشْ إِوْشِينْ أَفُوسْ: ’وَارْ تّڭّْوذْ شَا، [أَ] يَاعْقُوبْ، أَمْسخَّارْ إِنُو، يَاشُورُونْ نِّي فَارْزغْ!
ISA 44:3 مَاغَارْ نشّْ أَذْ سيّْحغْ أَمَانْ خْ مِينْ إِفُّوذنْ ذ ثْسدْجْيَاوِينْ خْ مِينْ يُوژْغنْ. نشّْ أَذْ زدْجْعغْ أَرُّوحْ إِنُو خْ زَّارِيعثْ نّشْ ؤُڒَا ذ لْبَارَاكَا إِنُو خْ ثَارْوَا نّشْ.
ISA 44:4 نِيثْنِي أَذْغمْينْ جَارْ أَرْبِيعْ، أَمْ يِيصفْصَافنْ غَارْ ثْغزْرَاثِينْ ن وَامَانْ.
ISA 44:5 إِجّنْ أَذْ يِينِي: ’[نشّْ] ن سِيذِي!‘ ؤُشَا إِجّنْ نّغْنِي أَذْ إِڒَاغَا إِخفْ نّسْ س يِيسمْ ن يَاعْقُوبْ، ؤُ [عَاوذْ] إِجّنْ نّغْنِي أَذْ يَارِي س ؤُفُوسْ نّسْ: ’[نشّْ] ن سِيذِي!‘ ؤُشَا أَذْ إِكنَّا إِخفْ نّسْ س يِيسمْ [إِشنّْعنْ] ’إِسْرَائِيل‘.‘ “
ISA 44:6 ”أَمُّو إِ إِقَّارْ سِيذِي، أَجدْجِيذْ ن إِسْرَائِيل، ذ أَمفْذِي نّسْ، سِيذِي ن ڒْعسْكَارَاثْ: ’نشّْ ذ أَمزْوَارُو، نشّْ ذ أَنڭَّارُو، نْهْڒَا نشّْ وَارْ إِدْجِي ؤُڒَا ذ إِجّْ ن أَربِّي نّغْنِي.
ISA 44:7 مَانْ ونْ إِزمَّارنْ أَذْ إِبَارّحْ أَمْ نشّْ؟ أجّْ إِ-ث أَذْ [ث] يِينِي ؤُ أَذْ أَيِي ث إِسّْشنْ زڭْ وَاسّْ نِّي ذِي ژُّوغْ ڒْڭنْسْ ن وشْحَاڒْ ؤُيَا. أجّْ إِ-ثنْ أَذْ أَسنْ عَاوْذنْ ثِيمسْڒَايِينْ ن ثِيوشَّا، مِينْ إِ د غَا يَاسنْ.
ISA 44:8 وَارْ تّْنخْڒِيعمْ ؤُ وَارْ تّڭّْوْذمْ. مَا وَارْ ذ أَومْ ث-إِ-د-سِّيوْضغْ زڭْ [وَاكُوذْ ن] زِيشْ غَارْ إِمزُّوغنْ نْومْ ؤُ مَا وَارْ حَاجِيغْ ث؟ كنِّيوْ ذ ڒشْهُوذْ إِنُو: مَا أَقَا ذِينْ إِجّْ ن أَربِّي نْهْڒَا نشّْ؟ وَارْ [ذِينْ] إِدْجِي ؤُڒَا ذ إِشْثْ ن ثصْضَارْثْ نّغْنِي، نشّْ وَارْ سِّينغْ ؤُڒَا ذ إِجّنْ.‘ “
ISA 44:9 ”إِنِّي إِتّڭّنْ ڒخْيَاڒَاثْ إِنقْشنْ إِخْوَانْ، ؤُ [ڒخْيَاڒَاثْ] نِّي تّخْسنْ نِيثْنِي وَارْ نفّْعنْثْ ذڭْ وَالُو. نِيثْنِي [س يِيخفْ نْسنْ] ذ ڒشْهُوذْ نْسنْثْ أَقَا وَارْ تّْوِيڒِينْثْ ؤُ وَارْ سِّيننْثْ وَالُو، أَڒَامِي غَا ذوْڒنْ تّْسضْحَانْ نِيثْنِي.
ISA 44:10 مَانْ ونْ إِتّڭّنْ إِجّْ ن أَربِّي ؤُ [مَانْ ونْ] إِتّْكبَّانْ ڒخْيَاڒْ ن لْ-أَصْنَامْ أَمْ وَارْ غَارسْ بُو ثِيزِي زَّايسْ؟
ISA 44:11 خْزَارْ، مَارَّا إِشْرِيشنْ نْسنْ أَذْ ذوْڒنْ تّْسضْحَانْ، مَاغَارْ أَيْثْ ن بُو-صّنْعثْ [إِ إِخدّْمنْ س ؤُكشُّوضْ ذ وژْرُو] ذ إِوْذَانْ وَاهَا. أجّْ إِ-ثنْ أَذْ مُوننْ، أَذْ كَّارنْ، أَذْ نّْخڒْعنْ، نِيثْنِي أَذْ ذوْڒنْ تّْسضْحَانْ جْمِيعْ.
ISA 44:12 أَمْزِيڒْ ن وُوزَّاڒْ غَارسْ إِميْذِي ن ومْزِيڒْ، إِخدّمْ غَارْ ڒفْحمْ إِتّحْذُوذُوقنْ، إِتّْقَارّسْ ڒخْيَاڒْ س إِفْضِيسنْ [نّسْ]. إِخدّمْ إِ-ث س ؤُغِيڒْ إِجهْذنْ. نتَّا إِدْجُوژْ أَڒَامِي وَارْ غَارسْ إِقِّيمْ بُو جّْهذْ عَاذْ. وَارْ إِسسّْ أَمَانْ أَڒْ غَا يَاحڒْ أَطَّاسْ.
ISA 44:13 أَنجَّارْ إِعبَّارْ ثَافْروْثْ س ؤُفِيڒُو نّسْ ن ڒعْبَارْ، يَارشّمْ [ڒخْيَاڒْ إِنقْشنْ] س ؤُكرَّاجْ، ؤُ إِنجَّارْ إِ-ث س ڒْمُوسْ ؤُشَا يَارشّمْ إِ-ث س دّوَارَا ؤُ إِڭَّا إِ-ث ذ إِجّْ ن ڒخْيَاڒْ ن بْنَاذمْ مَاحنْذْ أَذْ إِتّْوَاسَّارْسْ ذڭْ إِشْثْ ن ثَادَّارْثْ.
ISA 44:14 إِزدّمْ بْنَاذمْ ثِيشجُّورَا ن ثنْڭلْثْ إِ يِيخفْ نّسْ، إِكسِّي إِشْثْ ن [ثْشجَّارْثْ ن] سِّيذْرِي نِيغْ ن ڒْبدْجُوضْ، يَارزُّو إِ يِيخفْ نّسْ جَارْ ثْشجُّورَا ن وزْغَارْ. إِتّژُّو إِشْثْ ن ثَايْذَا ؤُشَا ثْمقَّارْ س ونْژَارْ.
ISA 44:15 أَذْ ثِيڒِي [ثْشجَّارْثْ] ذ ڒفْحمْ إِ بْنَاذمْ. إِكسِّي زَّايسْ ؤُشَا إِژْغَاڒَا إِخفْ نّسْ غَارسْ. عَاوذْ إِسّْرَاقَّا ثِيمسِّي، إِسّْننَّا زَّايسْ أَغْرُومْ. زِي ثْشجَّارْثْ إِتّڭّْ [بْنَاذمْ] عَاوذْ إِجّْ ن أَربِّي ؤُشَا إِتّْبنْذَاقْ أَسْ، إِتّڭّْ زَّايسْ ڒخْيَاڒْ إِنقْشنْ ؤُشَا إِسجَّاذْ أَسْ.
ISA 44:16 إِجّْ ن وزْينْ [ن ؤُكشُّوضْ] زَّايسْ إِسّشْمَاضْ إِ-ث س ثْمسِّي، أَكْ-ذ وزْينْ إِقِّيمنْ إِتّتّْ أَيْسُومْ. إِشنّفْ أَيْسُومْ ؤُشَا إِتّْيَاوَانْ. إِژْغَاڒَا إِخفْ نّسْ، إِقَّارْ: ’أَهْ، مَامّشْ حمِّيغْ، نشّْ تَّاشِيغْ أَكْ-ذ ثْمسِّي!‘
ISA 44:17 زِي مِينْ إِقِّيمنْ [ن ؤُكشُّوضْ] إِتّڭّْ إِجّْ ن أَربِّي، إِجّْ ن ڒخْيَاڒْ إِنقْشنْ. إِسجَّاذْ أَسْ، إِتّْبنْذَاقْ زَّاثسْ، إِتّْژَادْجْ غَارسْ، إِقَّارْ: ’سنْجمْ أَيِي، مِينْزِي شكْ ذ أَربِّي إِنُو!‘ “
ISA 44:18 ”وَارْ سِّيننْ، وَارْ تّْحِيكِينْ، مَاغَارْ ثِيطَّاوِينْ نْسنْ مسْحنْثْ ؤُمِي وَارْ تّْوِيڒِينْ وَالُو، ؤُشَا ؤُڒَاونْ نْسنْ وَارْ تّفْثِيننْ.
ISA 44:19 ؤُڒَا ذ إِجّْ إِتّڭّْ إِ-ت غَارْ وُوڒْ نّسْ ؤُشَا وَارْ ذِينْ بُو ثُوسّْنَا ؤُڒَا ذْ ڒفْهَامثْ حِيمَا أَذْ إِنِينْ: ’إِجّْ ن وزْينْ زَّايسْ سّْشمْضغْ ث ذِي ثْمسِّي. سّْننّغْ أَغْرُومْ خْ ڒفْحمْ نّسْ [إِتّحْذُوذُوقنْ] ؤُ شنْفغْ أَيْسُومْ ؤُ شِّيغْ ث. زِي مِينْ إِقِّيمنْ [ن ؤُكشُّوضْ] مَا أَذْ زَّايسْ ڭّغْ جّْعِيفشْثْ [ن صَّانَامْ]، مَا أَذْ سجْذغْ زَّاثْ إِ ؤُكشُّوضْ ن ثْشجَّارْثْ؟‘
ISA 44:20 نتَّا إِسّشَّا إِخفْ نّسْ س إِغّضْ، ؤُڒْ نّسْ إِتّْوَاغَارّنْ إِغكّْوَا إِ-ث. وَارْ إِزمَّارْ أَذْ إِسّنْجمْ ڒعْمَارْ نّسْ، أَذْ يِينِي: ’مَا [خنِّي] وَارْ [ذِينْ] إِدْجِي ڒْغشّْ ذڭْ ؤُفُوسْ أَفُوسِي إِنُو؟‘ “
ISA 44:21 ”عْقڒْ خْ مَانْ أَيَا، [أَ] يَاعْقُوبْ، [أَ شكْ] إِسْرَائِيل! مَاغَارْ أَقَا شكْ ذ أَمْسخَّارْ إِنُو، نشّْ كوّْنغْ شكْ، شكْ ذ أَمْسخَّارْ إِنُو، [أَ] إِسْرَائِيل، وَارْ شكْ تّتُّوغْ شَا.
ISA 44:22 نشّْ مسّْحغْ إِعذِّيينْ نّشْ أَمْ ثَايُّوثْ ؤُڒَا ذ دّْنُوبْ نّشْ أَمْ ؤُسيْنُو. ذْوڒْ-د غَارِي، مَاغَارْ نشّْ فكّغْ شكْ.“
ISA 44:23 ”غنّْجمْ س ڒفْرَاحثْ، [أَ] إِجنْوَانْ، مَاغَارْ سِيذِي إِڭَّا إِ-ث. سْڒِيوْڒوثْ، [أَ] ڒَادْجَاغْ ن ثمُّورْثْ، كْسِيمْ ذڭْ إِغُويَّانْ س ڒفْرَاحثْ، [أَ] إِذُورَارْ، سْڒِيوْڒِيومْ، [أَ شكْ]، أَزْغَارْ ذ كُوڒْ ثَاشجَّارْثْ إِ ذَايسْ [إِدْجَانْ]! مَاغَارْ سِيذِي إِفكّْ إِ يَاعْقُوبْ، إِسّْعُودْجْ إِخفْ نّسْ ذِي إِسْرَائِيل.“
ISA 44:24 ”أَمُّو إِ إِقَّارْ سِيذِي، أَمفْذِي نّشْ، ونِّي شكْ إِڭِّينْ زڭْ ؤُعذِّيسْ [ن يمَّاشْ]: ’نشّْ ذ سِيذِي ونِّي إِڭِّينْ مَارَّا، ونِّي إِتّْبزَّاعنْ أَجنَّا، نشّْ وَاهَا، نشّْ ذ ونِّي إِسَّارْسنْ ثَامُّورْثْ. مَانْ ونْ [ثُوغَا خنِّي] أَكِيذِي؟
ISA 44:25 [نشّْ] ذ ونِّي إِبطّْڒنْ ڒعْڒَامَاثْ ن أَيْثْ ن بُو-إِخَارِّيقنْ ؤُشَا سّْبُوهْڒِيغْ إِڭزَّاننْ، ذ ونِّي إِسّْوخَّارنْ إِمِيغِيسنْ ؤُ يَارَّا ثُوسّْنَا نْسنْ ذ ثَاغْيُوڒِي،
ISA 44:26 ونِّي إِسّْمثْننْ أَوَاڒْ ن ؤُمْسخَّارْ نّسْ ؤُ إِسّقْفڒْ شّْوَارْ ن إِرقَّاسنْ نّسْ، ونِّي إِقَّارنْ إِ ؤُرْشَالِيمْ: ’أَذْ ذَايمْ إِڒِينْ إِمزْذَاغْ عَاذْ!‘ ؤُشَا إِ [كُوڒْ إِشْثْ زِي] ثْندَّامْ ن يَاهُوذَا: ’شمْ أَذْ ثتّْوَاسّْبدّذْ عَاوذْ!‘ ؤُشَا ’نشّْ أَذْ سّْبدّغْ ڒْخِيرْبَاثْ نّسْ عَاوذْ!‘،
ISA 44:27 ونِّي إِقَّارنْ إِ [وَامَانْ] يُودْجْغنْ: ’أَژْغمْ، نشّْ أَذْ سِّيژْغغْ إِغزْرَانْ نْومْ!‘،
ISA 44:28 ونِّي إِقَّارنْ إِ كُورَاشْ: ’[نتَّا ذ] أَمكْسَاوْ إِنُو، نتَّا أَذْ إِسّقْفڒْ ڒْخَاضَارْ إِنُو، ؤُمِي غَا إِنِينْ إِ ؤُرْشَالِيمْ: ’أَذْ شمْعذْڒنْ!‘، ؤُ إِ زَّاوشْثْ ثَامقّْرَانْثْ: ’أَذْ أَمْ ڭّنْ ذْسَاسْ!‘ “
ISA 45:1 ”أَمُّو إِ إِقَّارْ سِيذِي إِ ؤُمذْهُونْ نّسْ، إِ كُورَاشْ، ونِّي زِي طّْفغْ أَفُوسْ نّسْ أَفُوسِي مَاحنْذْ أَذْ أَسْ سَّاضَارغْ ڒڭْنُوسْ زَّاثْ إِ وُوذمْ نّسْ: ’أَذْ سَّارْخُوغْ ثِيحزَّامِينْ س ڒسْنَاحْ خْ ثجْعِينَّاثِينْ ن إِجدْجِيذنْ، حِيمَا أَذْ أَسْ أَرْزْمغْ ثِيوُّورَا، ؤُ ڒبْنِييَّاثْ ن ثوُّورَا وَارْ تّْوَابلِّيعنْثْ شَا.
ISA 45:2 نشّْ أَذْ أَشْ إِزْوَارغْ، أَذْ وَاطِيغْ مِينْ وَارْ إِهوْننْ، أَذْ أَرْژغْ ثِيوُّورَا ن نّْحَاسْ ؤُ أَذْ وْثِيغْ زّكْرُونَاثْ ن وُوزَّاڒْ ذ إِوثْوِيثنْ.
ISA 45:3 أَذْ أَشْ وْشغْ ڒكْنُوزْ ن ثَادْجسْثْ، أَڭْڒَا إِنُّوفَّارنْ، حِيمَا أَذْ ثسّْنذْ أَقَا نشّْ، سِيذِي، ذ ونِّي شكْ إِڒَاغَانْ س يِيسمْ نّشْ، أَربِّي ن إِسْرَائِيل.
ISA 45:4 ذِي طّْوعْ ن ؤُمْسخَّارْ إِنُو يَاعْقُوبْ، إِسْرَائِيل ونِّي فَارْزغْ، ڒَاغِيغْ أَشْ س يِيسمْ نّشْ، وْشِيغْ أَشْ إِسمْ [ن شَّانْ]، [وَاخَّا] وَارْ ذ أَيِي ثسِّينذْ شَا.
ISA 45:5 نشّْ ذ سِيذِي، وَارْ ذِينْ إِدْجِي ونّغْنِي، نْهْڒَا نشّْ وَارْ إِدْجِي أَربِّي. أَذْ أَشْ حزّْمغْ أَبْيَاسْ، وَاخَّا وَارْ ذ أَيِي ثسِّينذْ شَا،
ISA 45:6 مَاحنْذْ أَذْ سّْننْ زِي مَانِي د-ثْنقَّارْ ثْفُوشْثْ أَڒْ مَانِي ثْغدْجِي، أَقَا نْهْڒَا نشّْ وَارْ [ذِينْ] إِدْجِي ؤُڒَا ذ إِشْثْ ن ثْمسْڒَاشْثْ، نشّْ ذ سِيذِي، وَارْ ذِينْ إِدْجِي نّغْنِي.
ISA 45:7 نشّْ تّڭّغْ ثَافَاوْثْ ؤُ خدْجْقغْ-د ثَادْجسْثْ، تّڭّغْ ڒهْنَا ؤُ خدْجْقغْ-د ڒْغَارْ، نشّْ، سِيذِي، ذ ونِّي إِتّڭّنْ مَارَّا أَيَا.‘ “
ISA 45:8 ”ؤُذُوممْ، [أَ كنِّيوْ] إِجنْوَانْ، زِي سنّجْ، جّمْ إِسيْنُوثنْ أَذْ د-فَارّْغنْ ثَاسڭْذَا، أَذْ ثنُّورْزمْ ثمُّورْثْ، ؤُشَا [جّمْ ثنْ] أَذْ أَوْينْ أَسنْجمْ إِ ڒْغِيدْجثْ ؤُ أجّْ ثَاسڭْذَا أَذْ ثغْمِي جْمِيعْ أَكِيذسْ. نشّْ، سِيذِي، خڒْقغْ ث.“
ISA 45:9 ”ؤُشْثْ خْ ونِّي إِتّمْشُوبُّوشنْ أَكْ-ذ ونِّي ث إِڭِّينْ، إِجّْ ن ؤُقدُّوحْ جَارْ إِقدُّوحنْ نّغْنِي؟ مَا ثْزمَّارْ ثْڒَاخْثْ أَذْ ثِينِي إِ ونِّي ث إِڭِّينْ: ’مِينْ ثڭِّيذْ؟‘ نِيغْ ثْزمَّارْ ڒْقشْعثْ نّشْ أَذْ ثِينِي: ’وَارْ غَارسْ بُو إِفَاسّنْ‘؟
ISA 45:10 ؤُشْثْ خْ ونِّي إِقَّارنْ إِ بَابَا[س]: ’مِينْ د-ثجِّيذْ؟‘ نِيغْ إِ ثمْغَارْثْ: ’مِينْ د-ثُورُوذْ؟‘ “
ISA 45:11 ”أَمُّو إِ إِقَّارْ سِيذِي، أَمْقدَّاسْ ن إِسْرَائِيل، ذ ونِّي ث إِڭِّينْ: ’سقْسَامْ أَيِي خْ ثْمسْڒَايِينْ إِ د إِتَّاسنْ، تّشْڒمْ خَافِي أَذْ حْضِيغْ إِحنْجِيرنْ إِنُو ؤُڒَا ذ ڒْخذْمثْ ن إِفَاسّنْ إِنُو.
ISA 45:12 نشّْ ڭِّيغْ ثَامُّورْثْ ؤُ خڒْقغْ-د خَاسْ بْنَاذمْ. [وَاهْ] ذ نشّْ [إِ ت يڭِّينْ]، إِفَاسّنْ إِنُو بزّْعنْ إِجنْوَانْ، ؤُ مَارَّا ڒْعسْكَارَاثْ نْسنْ تُّومُورغْ ثنْثْ.
ISA 45:13 نشّْ سّكَّارغْ ث ذِي ثْسڭْذَا ؤُشَا أَذْ سڭّْمغْ مَارَّا إِبْرِيذنْ نّسْ. نتَّا أَذْ إِبْنَا ثَانْذِينْثْ إِنُو عَاوذْ ؤُشَا أَذْ إِسّْنُوفْسڒْ إِمحْبَاسْ إِنُو، وَارْ إِدْجِي إِ تَّامَانْ ؤُ وَارْ إِدْجِي إِ ثَارْزفْثْ!‘ إِقَّارْ سِيذِي ن ڒْعسْكَارَاثْ.“
ISA 45:14 ”أَمُّو إِ إِقَّارْ سِيذِي: ’أَرْبرْ نْ إِمِيصْرِييّنْ ذ صّڒْعثْ ن أَيْثْ ن كُوشْ ذ سَابَا، إِرْيَازنْ إِمْغَارنْ ذِي ثِيذِّي، أَذْ غَارمْ د-ژْوَانْ ؤُشَا أَذْ إِڒِينْ نّمْ. نِيثْنِي أَذْ شمْ ضْفَارنْ، أَذْ غَارمْ عْذُونْ ذِي سّْنَاسڒْ، أَذْ أَمْ سجْذنْ، أَذْ أَمْ سلّْمنْ إِخفْ نْسنْ، أَذْ نعْمنْ: ’س ثِيذتّْ، غَارمْ إِ إِدْجَا أَربِّي، وَارْ ذِينْ إِدْجِي ونّغْنِي، ؤُڒَا ذ إِجّْ نّغْنِي مْغِيرْ أَربِّي!‘
ISA 45:15 ذ ثِيذتّْ، شكْ ذ أَربِّي إِنُوفَّارنْ، أَربِّي ن إِسْرَائِيل، أَمْسنْجمْ.
ISA 45:16 نِيثْنِي مَارَّا أَذْ سضْحَانْ، أَذْ تّْوَافضْحنْ عَاوذْ. إِمْزِيڒنْ نْ ڒخْيَاڒَاثْ ن لْ-أَصْنَامْ أَذْ فّْغنْ جْمِيعْ، نّْفضْهنْ.
ISA 45:17 إِسْرَائِيل أَذْ إِتّْوَاسّنْجمْ س [ؤُفُوسْ ن] سِيذِي س إِجّْ ن ؤُسنْجمْ إِتّْذُومَانْ. وَارْ ثتّْسضْحِيمْ ؤُ وَارْ ثتّْنفْضِيحمْ إِ ڒبْذَا قَاعْ.‘ “
ISA 45:18 ”مَاغَارْ أَمُّو إِ إِقَّارْ سِيذِي، ونِّي د-إِخڒْقنْ إِجنْوَانْ، نتَّا، أَربِّي، ذ ونِّي إِكوّْننْ ثَامُّورْثْ ؤُشَا إِتّڭّْ إِ-ت، نتَّا، ذ ونِّي ت إِسّْمثْننْ. وَارْ ت-إِ-د-إِخْڒِيقْ ثخْوَا، [مَاشَا] إِكوّنْ إِ-ت مَاحنْذْ أَذْ خَاسْ زدّْغنْ: نشّْ ذ سِيذِي، وَارْ إِدْجِي ؤُڒَا ذ إِجّْ نّغْنِي!“
ISA 45:19 ”وَارْ سِّيوْڒغْ س ثْنُوفّْرَا، ذِي شَا ن ومْشَانْ إِبَارّشْننْ ذِي ثمُّورْثْ. نشّْ وَارْ نِّيغْ إِ ثَارْوَا ن يَاعْقُوبْ: أَرْزُومْ أَيِي بَاطڒْ! نشّْ ذ سِيذِي نِّي إِسَّاوَاڒنْ ثَاسڭْذَا، ذ ونِّي إِتّْبَارّْحنْ مِينْ إِدْجَانْ إِسڭّْمنْ.“
ISA 45:20 ”مُونمْ، أَسمْ-د، قَارّْبمْ-د مُوننْ، [أَ كنِّيوْ،] إِنِّي إِنّجْمنْ زِي ڒڭْنُوسْ! نِيثْنِي وَارْ سِّيننْ وَالُو، إِنِّي يَاربُّونْ ڒخْيَاڒَاثْ إِنقْشنْ ن ؤُكشُّوضْ ؤُشَا تّْعبّْذنْ إِ يِيجّْ ن أَربِّي نِّي وَارْ إِزمَّارنْ أَذْ إِسّنْجمْ.
ISA 45:21 بَارّْحمْ، قَارّْبمْ-د. مْشَاوَارمْ ذِي وِينْ جَارْ أَومْ: مَانْ ونْ إِڭِّينْ أَذْ سْڒنْ أَيَا زڭْ وشْحَاڒْ ؤُيَا، مَانْ ونْ زَّايسْ إِبَارّْحنْ زِي مڒْمِي؟ مَا وَارْ إِدْجِي ذ نشّْ، سِيذِي؟ نْهْڒَا نشّْ وَارْ إِدْجِي ؤُڒَا ذ إِجّْ ن أَربِّي نّغْنِي، نْهْڒَا نشّْ وَارْ [ذِينْ] إِدْجِي أَربِّي أَمْسڭّذْ ذ ؤُمْسنْجمْ.
ISA 45:22 قڒْبمْ-د غَارِي ؤُ ثجّمْ إِخفْ نْومْ أَذْ تّْوَاسّْنجْممْ، [أَ كنِّيوْ،] مَارَّا [إِوْذَانْ ن] طّْرُوفَا ن ثمُّورْثْ، مَاغَارْ نشّْ ذ أَربِّي ؤُ وَارْ [ذِينْ] إِدْجِي ؤُڒَا ذ إِجّْ ن نّغْنِي.
ISA 45:23 نشّْ جُّودْجغْ غَارْ إِخفْ إِنُو، إِفّغْ-د إِجّْ ن وَاوَاڒْ زڭْ ؤُقمُّومْ إِنُو ذِي ثْسڭْذَا ؤُشَا [أَوَاڒْ-أَ] وَارْ ذِينْ إِقِّيمْ وذْوَاڒْ: أَقَا مَارَّا أَفُوذْ أَذْ يَاضَارْ زَّاثِي، مَارَّا إِڒسْ أَذْ غَارِي إِجَّادْجْ!
ISA 45:24 أَذْ خَافِي قَّارنْ: ’ذِي سِيذِي وَاهَا ثدْجَا ثَاسڭْذَا إِفيّْضنْ ذ جّهْذْ!‘ نِيثْنِي أَذْ غَارسْ د-أَسنْ، [مَاشَا] مَارَّا إِنِّي خَاسْ إِتّْفُوڭْمنْ، أَذْ سضْحَانْ.
ISA 45:25 [مَاشَا] مَارَّا زَّارِيعثْ ن إِسْرَائِيل، أَذْ تّْوَاسڭّْذنْ نِيثْنِي ذِي سِيذِي ؤُشَا أَذْ [ث] شنّْعنْ.“
ISA 46:1 ”[صَّانَامْ] بِيلْ يُوضَارْ، نابُو إِقْوسْ [غَارْ ثمُّورْثْ]، أَقَا ڒخْيَاڒَاثْ ن لْ-أَصْنَامْ نْسنْ [ذقّْڒنْثْ] إِ ڒْمَاڒْ ؤُ إِ ڒبْهَايمْ. مِينْ ثُوغَا ثَاربُّومْ كنِّيوْ، [أَقَا ڒخُّو] ذ ڒحْمُوڒْ، دّْقڒْ إِ [ڒْمَاڒْ] إِفْنَانْ س ڒْوحْڒَانْ.
ISA 46:2 أَقَا قوْسنْ أَمْ كمّْڒنْ، ؤُضَارنْ، وَارْ زمَّارنْ أَذْ سّْنجْمنْ دّْقڒْ، ؤُشَا ؤُڒَا ذ نِيثْنِي سِيمَانْثْ نْسنْ ؤُيُورنْ ذِي ثْمحْبَاسْثْ.“
ISA 46:3 ”سْڒمْ غَارِي، [أَ] ثَادَّارْثْ ن يَاعْقُوبْ، ذ مَارَّا مِينْ إِقِّيمنْ ن ثَادَّارْثْ ن إِسْرَائِيل، [كنِّيوْ،] إِنِّي كْسِيغْ زڭْ ؤُعذِّيسْ ن يمَّاثْومْ، إِنِّي أَرْبُورغْ زڭْ وَامِي ثْسمْحمْ ذڭْ ؤُعذِّيسْ ن يمَّاثْومْ.
ISA 46:4 أَڒْ ثَاوْسَارْثْ [نْومْ] نشّْ نشّْ، أَڒْ غَا ثْشَابمْ، أَذْ [كنِّيوْ] أَرْبُوغْ. نشّْ ڭِّيغْ [ث] ؤُ نشّْ أَذْ [كنِّيوْ] كْسِيغْ، أَذْ [كنِّيوْ] أَرْبُوغْ ؤُ أَذْ [كنِّيوْ] سّْنجْمغْ.“
ISA 46:5 ”أَكْ-ذ مَانْ ونْ ثخْسمْ أَذْ أَيِي ثسّمْقُودَّامْ، ؤُ مَانْ ونْ ثخْسمْ أَكِيذِي ثسّكّْوِيمْ [مَاحنْذْ] أَذْ نمْرَاوَاسْ؟
ISA 46:6 تّْفَارَّاغنْ نِيثْنِي ؤُرغْ زِي ثشْيَارْثْ ؤُ وزّْننْ نُّوقَارْثْ خْ ڒْمِيزَانْ. تّْخدْجْصنْ إِجّْ ن ومْزِيڒْ ن وُورغْ، [مَاحنْذْ] نتَّا أَذْ زَّايسْ إِڭّْ إِجّْ ن أَربِّي. سجَّاذنْ، وَاهْ، بنْذْقنْ أَسْ.
ISA 46:7 أَربُّونْ ث خْ ثغْرُوضْثْ، كسِّينْ ث ذَا ذ ذِيهَا، خنِّي سّْبدَّانْ ث ذڭْ ومْشَانْ نّسْ. ذِينِّي إِتّْغِيمَا إِبدّْ، وَارْ إِتّنْهِيزِّي سّنِّي. وَاهْ، مَاڒَا حذْ إِڒَاغَا أَسْ، وَارْ د-إِتَّارِّي، وَارْ ث إِسّنْجَامْ زِي ڒحْصَارثْ نّسْ.“
ISA 46:8 ”عقْڒمْ خْ مَانْ أَيَا، ذوْڒمْ غَارْ ڒْبَاڒْ نْومْ، كْسِيمْ ث غَارْ وُوڒْ، [أَ كنِّيوْ] إِنِّي إِتّْعدَّانْ!
ISA 46:9 عقْڒمْ خْ ثْمسْڒَايِينْ ثِيمزْوُورَا زڭْ وشْحَاڒْ ؤُيَا: أَقَا نشّْ ذ أَربِّي: وَارْ ذِينْ إِدْجِي ؤُڒَا ذ إِجّْ ن أَربِّي نّغْنِي، ؤُشَا ؤُڒَا ذ إِجّْ وَارْ إِدْجِي أَمْ نشّْ،
ISA 46:10 ونِّي إِبَارّْحنْ زڭْ ؤُمزْوَارْ مِينْ غَا يِيڒِي غَارْ ؤُنڭَّارْ، ؤُڒَا زڭْ وشْحَاڒْ ؤُيَا مِينْ وَارْ إِمْسَارنْ [عَاذْ]، ونِّي إِقَّارنْ: ’أَخَارّصْ إِنُو يَارْشمْ، أَذْ ڭّغْ مَارَّا أَرْضَا إِنُو!‘،
ISA 46:11 ونِّي إِڒَاغَانْ أَجْضِيضْ إِتّْكشَّاضنْ زِي شَّارْقْ، أَرْيَازْ ن ؤُخَارّصْ نّسْ زِي ثمُّورْثْ إِڭّْوجنْ. [وَاهْ]، أَمْ مَامّشْ سِّيوْڒغْ، [أَمُّو إِ] ت غَا ڭّغْ أَذْ د-يَاسْ، نشّْ سّْوجْذغْ ت، أَذْ ت ڭّغْ.“
ISA 46:12 ”سْڒمْ غَارِي، [كنِّيوْ] أَيْثْ ن بُو-صُّولْطَا، إِنِّي إِڭّْوجنْ خْ ثْسڭْذَا!
ISA 46:13 أَذْ د-سّْقَارّْبغْ ثَاسڭْذَا إِنُو، أَقَا وَارْ ثتّڭّْوِيجْ، وَارْ إِتّْعطِّيڒْ ؤُسنْجمْ إِنُو. أَذْ أَوْيغْ أَسنْجمْ ذِي صِيهْيُونْ، [أَذْ وْشغْ] أَعُودْجِي إِنُو إِ إِسْرَائِيل.“
ISA 47:1 ”هْوَا، قِّيمْ ذِي ثْعجَّاجْثْ، [أَ شمْ،] ثَاعْزَارشْثْ، يدْجِيسْ ن بَابِيلْ! قِّيمْ خْ ثمُّورْثْ، وَارْ [ذِينْ] إِدْجِي عَاذْ إِجّْ ن ڒْعَارْشْ، [أَ] يدْجِيسْ ن إِكَالْذَانِييّنْ! مَاغَارْ وَارْ ذ أَمْ قَّارنْ عَاذْ ’ثَامُوذْرُوسْثْ‘ نِيغْ ’لِّيفْ‘.
ISA 47:2 كْسِي ثَاسِيرْثْ ؤُشَا حْرِييْ أَوْرنْ! كّسْ أَڒحَّافْ نّمْ، سْڭعّذْ أَبحْرُورْ نّمْ، عَارَّا إِفَادّنْ ؤُشَا ثْشُوقذْ ذڭْ إِغزْرَانْ!
ISA 47:3 ڒحْيَا نّمْ أَذْ إِتّْوَاعَارَّا، أَذْ ثتّْوَاژَارْ عَاذْ ڒفْضِيحثْ نّمْ. أَذْ خڒْفغْ ؤُ وَارْ سّْعِيزِّيغْ خْ ؤُڒَا ذ إِجّْ ن بْنَاذمْ.
ISA 47:4 أَمفْذِي نّغْ، سِيذِي ن ڒْعسْكَارَاثْ ذ إِسمْ نّسْ، أَقَا-ث ذ أَمْقدَّاسْ ن إِسْرَائِيل.“
ISA 47:5 ”قِّيمْ ذِينْ ؤُشَا سّغْذْ، فّغْ [غَارْ بَارَّا] ذِي ثَادْجسْثْ، [أَ] يدْجِيسْ ن إِكَالْذَانِييّنْ، مَاغَارْ وَارْ ذ أَمْ قَّارنْ عَاذْ ’لَّلَاسْ ن ثْڭلْذِيوِينْ‘.
ISA 47:6 نشّْ ڭِّيغْ أَغْضَابْ إِنُو أَذْ إِدُّوقّزْ خْ ڒْڭنْسْ إِنُو، سّْعِيدْجْثغْ ثَاسْغَارْثْ إِنُو ؤُشَا ڭِّيغْ ثنْ ذڭْ إِفَاسّنْ نّمْ، [مَاشَا] شمْ وَارْ ذ أَسنْ ثسّشْنذْ أَرّحْمثْ. عَاذْ إِ ؤُوسَّارْ ثقّْنذْ أَسْ ثَاغْنَاشْثْ ثذْقڒْ.
ISA 47:7 ثنِّيذْ: ’نشّْ أَذْ إِڒِيغْ ذ لَّالَاسْ [ن ثْڭلْذِيوِينْ] إِ ڒبْذَا!‘، مِينْثْرَا وَارْ ثكْسِيذْ أَيَا مَارَّا غَارْ وُوڒْ،عمَّارْصْ وَارْ ثِيذَارذْ قطُّو ن ؤُيَا [مَارَّا].“
ISA 47:8 ”[خنِّي] ڒخُّو، سڒْ إِ ؤُيَا، [أَ شمْ،] [ثَامْغَارْثْ] ن مژْرِي، ثنِّي [إِ ذِينْ] إِقِّيمنْ ذِي ڒَامَانْ، ثنِّي إِقَّارنْ ذڭْ وُوڒْ نّسْ: ’ذ نشّْ، وَارْ [ذِينْ] ثدْجِي ؤُڒَا ذ إِشْثْ نّغْنِيثْ!عمَّارْصْ أَذْ ذَا قِّيمغْ ذ ثَاجَّاتْشْ، نْهْڒَا إِحنْجِيرنْ وَارْ ث سِّينغْ!‘
ISA 47:9 [مَاشَا] ثْنَاينْ-أَ أَذْ خَامْ وْضَانْ ذڭْ إِشْثْ ن ثشْثِي، ذڭْ إِجّْ ن وَاسّْ: نْهْڒَا إِحنْجِيرنْ ذ ثَاجَّاتْشْ أَذْ ثِيڒِيذْ! [ثْنَاينْ-أَ] أَذْ خَامْ وْضَانْ زِي سِّيبّثْ ن وَاطَّاسْ ن ثْڭزَّانْثْ نّمْ ذ ؤُبَارُّو ن ثْسحَّارْثْ نّمْ.
ISA 47:10 [مَاغَارْ] ثتّشْڒذْ خْ ثُوعفّْنَا نّمْ، [ثنِّيذْ]: ’وَارْ ذ أَيِي إِتّْوِيڒِي ؤُڒَا ذ إِجّنْ!‘ ثِيغِيثْ نّمْ ذ ثُوسّْنَا نّمْ أَرِّينْثْ شمْ أَذْ ثَارّذْ س وعْرُورْ [غَارِي]. ذڭْ وُوڒْ نّمْ ثنِّيذْ: ’ذ نشّْ، وَارْ [ذِينْ] إِدْجِي ؤُڒَا ذ إِجّْ ن نّغْنِي!‘
ISA 47:11 أَذْ خَامْ د-يَاسْ ڒْغَارْ ذ أَمقّْرَانْ. مَامّشْ أَذْ د-إِنْقَارْ، وَارْ ثسِّينذْ [قْبڒْ]. أَودَّارْ أَذْ خَامْ إِوْضَا أَڒَامِي وَارْ ثْزمَّارذْ أَذْ أَسْ ثسّْحيْذذْ. ذغْيَا أَذْ خَامْ د-ثَاسْ ثشْثِي، بْڒَا مَا أَذْ خَاسْ ثَارْڭْبذْ [قْبڒْ].“
ISA 47:12 ”إِوَا، أَرْزُو أَذْ ثقِّيمذْ ثْبدّذْ [ذِينْ] أَكْ-ذ ثْڭزَّانْثْ نّمْ ؤُ أَكْ-ذ ؤُبَارُّو نّمْ ن ثْسحَّارْثْ نِّي زِي ثسِّيحْڒذْ إِخفْ نّمْ زِي ثمْژِي نّمْ. بَالَاكْ ثْزمَّارذْ أَذْ غَارمْ ثِيڒِي ثِيزِي زِي مَانْ أَيَا، نِيغْ بَالَاكْ ثْزمَّارذْ أَذْ ثسِّيڭّْوذذْ س ؤُيَا!
ISA 47:13 ثسِّيحْڒذْ إِخفْ نّمْ أَكْ-ذ وَاطَّاسْ ن إِخَارِّيصنْ نّمْ. إِوَا، أَذْ كَّارنْ إِنِّي إِتّْفكَّانْ أَجنَّا ؤُ حطَّانْ إِثْرَانْ، إِنِّي إِتّْكَاشَافنْ مِينْ إِ د غَا يَاسنْ غَارْ ؤُبذِّي ن ؤُيُورْ، أجّْ إِ-ثنْ أَذْ شمْ سّْنجْمنْ زِي مِينْ خَامْ غَا إِكّنْ غَارْ زَّاثْ.
ISA 47:14 خْزَارْ، نِيثْنِي أَذْ ذوْڒنْ أَمْ ؤُڒُومْ: أَذْ ثنْ ثسّشْمضْ ثْمسِّي، وَارْ زمَّارنْ أَذْ فكّنْ ڒعْمَارْ نْسنْ زڭْ إِفَاسّنْ ن إِشعَّاڒنْ ن ثْمسِّي. وَارْ إِتِّيڒِي ڒفْحمْ إِتّحْذُوذُوقنْ نِّي غَارْ زْغَاڒنْ، وَارْ إِدْجِي ؤُحَاذُوقْ نِّي غَارْ زمَّارنْ أَذْ قِّيمنْ.
ISA 47:15 أَمُّو إِ غَا إِڒِينْ إِ شمْ إِنِّي ؤُمِي ثُوغَا ثسَّاحَاڒذْ إِخفْ نّمْ، إِسبَّابنْ نّمْ زِي ثمْژِي نّمْ. كُوڒْ إِجّْ أَذْ يُويُورْ ذڭْ وبْرِيذْ نّسْ، ؤُڒَا ذ إِجّْ وَارْ شمْ إِسّنْجِيمْ.“
ISA 48:1 ”سْڒمْ أَيَا، [أَ كنِّيوْ] ثَادَّارْثْ ن يَاعْقُوبْ، إِنِّي ؤُمِي تّْڒَاغَانْ س يِيسمْ ن إِسْرَائِيل، [إِنِّي] إِفّْغنْ زڭْ وَامَانْ ن يَاهُوذَا، إِنِّي إِتّْجَادْجَانْ غَارْ يِيسمْ ن سِيذِي ؤُ تِّيذَارنْ أَربِّي ن إِسْرَائِيل، [مَاشَا] وَارْ إِدْجِي ذِي ثِيذتّْ، ؤُ وَارْ إِدْجِي ذِي ثْسڭْذَا.
ISA 48:2 نِيثْنِي تّْڒَاغَانْ إِخفْ نْسنْ ’[ڒْڭنْسْ] زِي ثنْذِينْثْ ثَامْقدَّاسْثْ!‘ ؤُ تّْشَاڒنْ خْ أَربِّي ن إِسْرَائِيل، أَقَا سِيذِي ن ڒْعسْكَارَاثْ ذ إِسمْ نّسْ.“
ISA 48:3 ”ثِيمسْڒَايِينْ ثِيمزْوُورَا سَّارْڭْبغْ خَاسنْثْ عَاذْ أَطَّاسْ زڭْ وَامِي، أَقَا فّْغنْثْ-إِ-د زڭْ ؤُقمُّومْ إِنُو ؤُشَا بَارّْحغْ زَّايْسنْثْ. ذغْيَا ڭِّيغْ [ثنْثْ] ؤُشَا [خنِّي] ؤُسِينْثْ-إِ-د.
ISA 48:4 مِينْزِي نشّْ سّْنغْ، أَقَا شكْ ثسّْقسْحذْ إِخفْ نّشْ، أَقَا إِجِيمَانْ نّشْ أَمْ ثْبَارَّاثْ ن وُوزَّاڒْ ؤُ ثَانْيَارْثْ نّشْ [أَخْمِي د-ثكَّا زِي] نّْحَاسْ،
ISA 48:5 سَّارْڭْبغْ [أَشْ ثنْثْ] عَاذْ أَطَّاسْ زڭْ وَامِي. قْبڒْ مَا إِمْسَارْ، بَارّْحغْ زَّايْسنْثْ مَاحنْذْ شكْ وَارْ ثقَّارذْ: ’صَّانَامْ إِنُو إِڭَّا إِ-ثنْثْ!‘، [نِيغْ] ’ڒخْيَارَاثْ إِنُو إِنقْشنْ!‘ [نِيغْ:] ’ڒخْيَاڒْ إِنُو إِفسْينْ يُومُورْ إِ-ثنْثْ!‘
ISA 48:6 شكْ ثسْڒِيذْ خَاسنْثْ، خْزَارْ مْلِيحْ غَارْ مَارَّا أَيَا. مَا وَارْ ثخْسمْ أَذْ زَّايْسنْثْ ثْبَارّْحمْ؟ زِي ڒخُّو أَذْ أَشْ بَارّْحغْ ثِيمسْڒَايِينْ ن جْذِيذْ، ثِيمسْڒَايِينْ إِنُّوفَّارنْ نِّي وَارْ ثسِّينذْ.
ISA 48:7 ڒخُّو تّْوَاخڒْقنْثْ-د، وَارْ إِدْجِي أَطَّاسْ زڭْ وَامِي. قْبڒْ أَسّْ-أَ وَارْ خَاسنْثْ ثسْڒِيذْ مَاحنْذْ وَارْ ثقَّارذْ: ’خْزَارْ، سّْنغْ ت مڒْمِي!‘
ISA 48:8 وَاهْ، وَارْ خَاسنْثْ ثسْڒِيذْ ؤُ عَاوذْ وَارْ ثنْثْ ثسِّينذْ ؤُ عَاوذْ أَمزُّوغْ نّشْ ثُوغَا وَارْ يَارْزِيمْ، مَاغَارْ نشّْ سّْنغْ، أَقَا شكْ أَذْ ثڭّذْ س ڒغْذَارثْ أَطَّاسْ ؤُشَا أَذْ أَشْ ڒَاغَانْ ’ونِّي إِتّْعدَّانْ!‘ [عَاذْ] زڭْ ؤُعذِّيسْ ن يمَّاشْ.“
ISA 48:9 ”ذِي طّْوعْ ن يِيسمْ إِنُو أَذْ سّْعضْڒغْ أَغْضَابْ إِنُو، ؤُ [ذِي طّْوعْ] ن شَّانْ إِنُو أَذْ ثبّْثغْ إِخفْ إِنُو إِ ڒْخَارْ نّشْ، مَاحنْذْ وَارْ شكْ محِّيغْ قَاعْ.
ISA 48:10 خْزَارْ، نشّْ سّصْفِيغْ شكْ، [مَاشَا] وَارْ إِدْجِي أَمْ نُّوقَارْثْ، قدْجْبغْ شكْ ذِي ثفْقُونْثْ ن ؤُسفْصِي ن ڒغْبنْ.
ISA 48:11 ذِي طّْوعْ إِنُو، ذِي طّْوعْ إِنُو أَذْ ث ڭّغْ، مَاغَارْ مَامّشْ إِ غَا إِتّْوَاعَارَّا إِسمْ إِنُو؟ أَعُودْجِي إِنُو وَارْ ث تِّيشغْ إِ ؤُڒَا ذ إِجّنْ نّغْنِي.“
ISA 48:12 ”سڒْ-د غَارِي، [أَ] يَاعْقُوبْ، [شكْ، أَ] إِسْرَائِيل، ونِّي ؤُمِي ڒَاغِيغْ! نشّْ نشّْ، نشّْ ذ أَمزْوَارُو ؤُڒَا ذ أَنڭَّارُو.
ISA 48:13 أَفُوسْ إِنُو إِسَّارْسْ عَاوذْ ذْسُوسَا ن ثمُّورْثْ، ؤُشَا أَفُوسِي إِنُو إِبزّعْ إِجنْوَانْ. مَاڒَا ڒَاغِيغْ أَسنْ، تّْبدَّانْ نِيثْنِي [ذِينِّي] جْمِيعْ.
ISA 48:14 مُونمْ مَارَّا كنِّيوْ ؤُ سْڒمْ: مَانْ ونْ جَارْ أَسنْ إِبَارّحْ زِي [مَارَّا] مَانْ أَيَا؟ سِيذِي إِتّخْسْ إِ-ث، ؤُ وَانِيثَا أَذْ يڭّْ عْلَاحْسَابْ ڒْخَاضَارْ نّسْ ضِيدّْ إِ بَابِيلْ، أَغِيڒْ نّسْ أَذْ يِيڒِي ضِيدّْ إِ إِكَالْذَانِييّنْ.
ISA 48:15 أَقَا نشّْ، [وَاهْ،] نشّْ نِّيغْ ث، ؤُ نشّْ ڒَاغِيغْ أَسْ [عَاوذْ]. أَذْ ڭّغْ أَذْ د-يَاسْ، ؤُشَا نتَّا أَذْ إِفْڒحْ ذڭْ وبْرِيذْ نّسْ.
ISA 48:16 قَارّْبمْ-د غَارِي، سْڒمْ أَيَا: زڭْ ؤُمزْوَارُو نشّْ وَارْ سِّيوْڒغْ س ثْنُوفّْرَا. زڭْ وَامِي مَارَّا أَيَا إِمْسَارْ، أَقَا أَيِي نشّْ ذِينْ! ’ؤُ ڒخُّو سِيذِي إِنُو، سِيذِي، إِسّكّْ أَيِي-د، أَكْ-ذ أَرُّوحْ نّسْ.‘ “
ISA 48:17 ”أَمُّو إِ إِقَّارْ سِيذِي، أَمفْذِي نّشْ، أَمْقدَّاسْ ن إِسْرَائِيل: ’نشّْ ذ سِيذِي، أَربِّي نّشْ، ونِّي شكْ إِسّْڒمْذنْ مِينْ إِنفّْعنْ، ذ ونِّي شكْ إِندّْهنْ ذڭْ وبْرِيذْ نِّي خْ إِ غَا ثُويُورذْ.
ISA 48:18 أَخْ، مْڒِي ثخْزَارذْ [مَاشَا] غَارْ ثْوصَّا إِنُو، [خنِّي] أَذْ يَافْ ڒهْنَا نّشْ أَذْ يِيڒِي أَمْ يغْزَارْ ؤُ ثَاسڭْذَا نّشْ أَمْ ڒمْوَاجْ ن ڒبْحَارْ،
ISA 48:19 زَّارِيعثْ نّشْ ثُوغَا-ت أَمْ يِيجْذِي، ؤُ [إِحنْجِيرنْ نّشْ] نِّي د-إِتّفّْغنْ زِي ثجْعِينَّا نّشْ أَمْ ڒْحبّْ إِ د-يُوسِينْ زَّايسْ. إِسمْ نّسْ وَارْ إِتّْنقْضِيعْ ؤُ وَارْ إِتّْوَاثحِّي زَّاثْ إِ وُوذمْ إِنُو.‘ “
ISA 48:20 ”فّْغمْ زِي بَابِيلْ، أَروْڒمْ زڭْ إِكَالْذَانِييّنْ، بَارّْحمْ [أَسْ] س إِغُويَّانْ ن ؤُسْڒِيوْڒوْ، مَاحنْذْ أَذْ سْڒنْ أَيَا، سُوفّْغمْ [ڒخْبَارْ] أَڒْ أَنڭَّارْ ن دُّونشْثْ، إِنِيمْ: ’سِيذِي إِفكّْ أَمْسخَّارْ نّسْ يَاعْقُوبْ!‘
ISA 48:21 وَارْ خَاسنْ إِكِّي ؤُفَاذِي ؤُمِي ثنْ د-إِڭوّذْ س إِمُوشَانْ إِتّْوَاخَارّْبنْ. نتَّا إِسُّوفّغْ أَسنْ-د أَمَانْ زِي ثصْضَارْثْ. ؤُمِي نتَّا إِفدْجقْ جَّارْفْ، دُّوقّْزنْ-د زَّايسْ وَامَانْ.“
ISA 48:22 ”إِعفَّاننْ وَارْ تِّيفنْ ڒهْنَا!، إِقَّارْ سِيذِي.“
ISA 49:1 ”سْڒمْ-د غَارِي، [أَ] ثِيڭْزِيرِينْ، سْحسّمْ، [أَ] شُّوعُوبْ ن ڒَاڭّْوَاجْ! سِيذِي إِڒَاغَا أَيِي-د زڭْ [وَامِي ذ أَيِي ثُوغَا ذڭْ] ؤُعذِّيسْ ن يمَّا، زڭْ [وَامِي ذ أَيِي ثُوغَا عَاذْ ذِي] ڒمْڒَاوثْ إِڒَاغَا أَيِي-د س يِيسمْ إِنُو.
ISA 49:2 نتَّا إِڭَّا أَقمُّومْ إِنُو ذ سِّيفْ إِقضْعنْ، نتَّا إِسّْذُورِييْ أَيِي ذِي ثِيڒِي ن ؤُفُوسْ نّسْ. نتَّا إِڭَّا أَيِي ذ فْڒِيثْشَا س ثِيخفْثْ إِقضْعنْ، إِڭَّا أَيِي ذڭْ وقْرَابْ نّسْ ن فْڒِيثْشَاثْ.
ISA 49:3 إِنَّا أَيِي: ’شكْ ذ أَمْسخَّارْ إِنُو إِسْرَائِيل نِّي ذِي غَا تّْوَاسّْعُودْجغْ!‘ “
ISA 49:4 ”[مَاشَا] نشّْ نِّيغْ: ’نشّْ أَرْبْرغْ خْ وَالُو، ضيّْعغْ جّهْذْ إِنُو ذِي ڒْخَاوِي ذ ڒْبَاطڒْ. س ثِيذتّْ، ثَاسْغَارْثْ إِنُو غَارْ سِيذِي ؤُ ڒْمُونثْ إِنُو غَارْ أَربِّي إِنُو.‘ “
ISA 49:5 ”ؤُشَا ڒخُّو إِقَّارْ سِيذِي، ونِّي ذ أَيِي إِڭِّينْ ذ أَمْسخَّارْ زڭْ وَامِي ذ أَيِي ثُوغَا ذڭْ ؤُعذِّيسْ ن يمَّا مَاحنْذْ أَذْ غَارسْ د-سّْعقْبغْ يَاعْقُوبْ ؤُ مَاحنْذْ أَذْ غَارسْ سّْمُونغْ إِسْرَائِيل - [وَاهْ،] نشّْ تّْوَاسّْعُودْجغْ ذِي ثِيطَّاوِينْ ن سِيذِي ؤُشَا أَربِّي إِنُو ذ جّهْذْ إِنُو! -
ISA 49:6 [وَاهْ،] نتَّا إِقَّارْ: ’ذْرُوسْ، أَقَا شكْ أَذْ ثِيڒِيذْ ذ أَمْسخَّارْ إِنُو مَاحنْذْ أَذْ ثسّْنكَّارذْ [عَاوذْ] ثِيقبَّاڒْ ن يَاعْقُوبْ ؤُ مَاحنْذْ أَذْ د-ثَارّذْ إِنِّي إِتّْوَاحْذَانْ زِي إِسْرَائِيل. نشّْ ڭِّيغْ شكْ ذ ثَافَاوْثْ إِ ڒڭْنُوسْ، مَاحنْذْ أَذْ ثِيڒِيذْ ذ أَسنْجمْ إِنُو أَڒْ ؤُنڭَّارْ ن ثمُّورْثْ!‘
ISA 49:7 أَمُّو إِ إِقَّارْ سِيذِي، أَمفْذِي ن إِسْرَائِيل، أَمْقدّسْ نّسْ، إِ ورْيَازْ إِتّْوَاسّحْقَارنْ، إِ ونِّي ذ نّْعِي ن ڒْڭنْسْ، إِ ؤُمْسخَّارْ ن أَيْثْ نْ صُّولْطَا: ’إِجدْجِيذنْ أَذْ [شكْ] ژَترنْ ؤُ أَذْ كَّارنْ، ڒْحُوكَّامْ أَذْ أَضَارنْ زَّاثكْ ذِي طّْوعْ ن سِيذِي، ونِّي ذ أَمْثِيقِّي، أَمْقدَّاسْ ن إِسْرَائِيل، ونِّي شكْ إِفَارْزنْ!‘ “
ISA 49:8 ”أَمُّو إِ إِقَّارْ سِيذِي: ’ذِي ڒْحَاڒْ ن أَرْضَا، سْڒِيغْ أَشْ، ؤُ ذڭْ وَاسّْ ن ؤُسنْجمْ، وْشِيغْ أَشْ أَفُوسْ. نشّْ أَذْ شكْ حْضِيغْ ؤُ أَذْ شكْ أَرشّْحغْ ذ ڒْعَاهْذْ ن ڒْڭنْسْ، مَاحنْذْ أَذْ ثسّْبدّذْ ثَامُّورْثْ، مَاحنْذْ أَذْ ثطّْفذْ ثِيسقَّارْ يَاردّْدْجنْ عَاوذْ ذ ثَاسْغَارْثْ،
ISA 49:9 مَاحنْذْ أَذْ ثِينِيذْ إِ إِمحْبَاسْ: فّْغمْ-د!، إِ يِينِّي [إِدْجَانْ] ذِي ثَادْجسْثْ: ضْهَارمْ-د! أَذْ أَروْسنْ غَارْ إِبْرِيذنْ، خْ مَارَّا ثِيوْرِيرِينْ إِقُوشَّارنْ أَذْ إِڒِينْ دّْمَانِي نْسنْ ن ثَاروْسَا.
ISA 49:10 وَارْ خَاسنْ إِتّكّْ ڒَاژْ ؤُڒَا ذ أَفَاذِي، ڒحْمُو ذ ثْفُوشْثْ وَارْ ثنْ ثشِّيثْ شَا، مَاغَارْ ونِّي خَاسنْ إِتّْحِينَّانْ أَذْ ثنْ إِڭوّذْ، أَذْ ثنْ إِنْذهْ غَارْ ثَاڒَاوِينْ ن وَامَانْ.
ISA 49:11 مَارَّا إِذُورَارْ إِنُو أَذْ ثنْ ڭّغْ ذ إِبْرِيذنْ ؤُ إِبْرِيذنْ إِنُو إِوَاطَانْ أَذْ تّْوَاسُّوعْڒَانْ.
ISA 49:12 خْزَارْ، أَذْ د-أَسنْ زِي ڒَاڭّْوَاجْ. خْزَارْ، إِنَا [أَذْ د-أَسنْ] زِي شَّامَالْ ؤُ زِي ڒبْحَارْ ؤُ إِنّغْنِي زِي ثمُّورْثْ ن أَسْوَانْ.‘ “
ISA 49:13 ”سْڒِيوْڒِيومْ، [أَ كنِّيوْ] إِجنْوَانْ، فَارْحثْ، [أَ شمْ،] ثَامُّورْثْ! أَرّمْ إِذُورَارْ أَذْ دُّوقّْزنْ س ؤُسْڒِيوْڒوْ، مَاغَارْ سِيذِي إِسّْفوّجْ خْ ڒْڭنْسْ نّسْ، نتَّا أَذْ إِحِينّْ خْ ڒْمُوسَاكِينْ نّسْ!“
ISA 49:14 ”[مَاشَا] صِيهْيُونْ ثنَّا: ’سِيذِي إِسْمحْ ذَايِي، سِيذِي إِنُو إِتُّو أَيِي.‘
ISA 49:15 مَا ثْزمَّارْ ثمْغَارْثْ أَذْ ثتُّو أَسيْمِي نّسْ، ؤُمِي وَارْ ثتّْحِينِّي خْ مِّيسْ ن ؤُعذِّيسْ نّسْ؟ وَاخَّا ثتُّو ث، نشّْ وَارْ شمْ تّتُّوغْ.
ISA 49:16 خْزَارْ، نشّْ نقْشغْ شمْ ذِي ثْنَاينْ ن ثْڒقَّا ن إِفَاسّنْ [إِنُو]، ڒحْيُوضْ نّمْ ڒبْذَا غَارِي زَّاثْ إِ ثِيطَّاوِينْ.
ISA 49:17 إِحنْجِيرنْ نّمْ أَذْعڒْفنْ، [مَاشَا] إِمْثحَّاينْ نّمْ ؤُ إِنِّي شمْ إِخَارّْبنْ أَذْ خَامْ ؤُيُورنْ.
ISA 49:18 سْڭعّذْ ثَامُوغْڒِي نّمْ ؤُشَا خْزَارْ ذَا ذ ذِيهَا. خْزَارْ، مَارَّا مُوننْ ؤُسِينْ-د غَارمْ. س ثِيذتّْ أَمْ دَّارغْ نشّْ، إِقَّارْ سِيذِي، أَذْ ثَارْضذْ إِخفْ نّمْ س مَارَّا إِنَا أَمْ س ڒهْزُوطْ، ؤُشَا أَذْ زَّايْسنْ ثْزوّْقذْ إِخفْ نّمْ أَمْ [ث ثڭَّا] ثسْڒِيثْ.‘
ISA 49:19 مَاغَارْ ڒْخِيرْبَاثْ نّمْ ذ إِمُوشَانْ نّمْ إِتّْوَاردّْدْجنْ، [وَاهْ] ثَامُّورْثْ نّمْ إِتّْوَاثحَّانْ أَذْ ثِيڒِي ثحْصَارْ إِ إِمزْذَاغْ، ؤُشَا إِنِّي إِخْسنْ أَذْ شمْ صَارْضنْ، أَذْ إِڒِينْ غَارْ ڒَاڭّْوَاجْ.
ISA 49:20 ؤُڒَا ذ إِحنْجِيرنْ نِّي زَّايمْ إِتّْوَاشَارنْ، أَذْ إِنِينْ ذڭْ إِمزُّوغنْ نّمْ: ’أَمْشَانْ ذَايسْ ڒْحصْرَانْ خَافِي، أڭّْ أَيِي أَمْشَانْ إِ نشّْ، [مَاحنْذْ] زمَّارغْ أَذْ [ذَايسْ] زذْغغْ!‘
ISA 49:21 أَذْ ثِينِيذْ ذڭْ وُوڒْ نّمْ: ’مَانْ ونْ إِ ذ أَيِي د-يُورْونْ مَارَّا إِحنْجِيرنْ-أَ؟ ؤُشَارنْ أَيِي إِحنْجِيرنْ ؤُ وَارْ د-تِّيرْوغْ، سُّوفّْغنْ أَيِي-د ذ أَمحْبُوسْ ؤُشَا نْضَارنْ أَيِي-د. مَانْ ونْ إِ ثنْ إِسّيْمنْ؟ خْزَارْ، نشّْ وَاهَا ذ ثنِّي ثُوغَا إِشطّنْ، مَانِيسْ د-ؤُسِينْ نِيثْنِي؟‘ “
ISA 49:22 ”أَمُّو إِ إِقَّارْ سِيذِي إِنُو، سِيذِي: ’خْزَارْ، أَذْ سّْڭعّْذغْ أَفُوسْ إِنُو غَارْ ڒڭْنُوسْ ؤُ أَذْ سّْبدّغْ ثَاعدْجَانْثْ إِنُو إِ ڒڭْنُوسْ. [خنِّي] أَذْ أَوْينْ إِحنْجِيرنْ نّمْ ذڭْ وحْسِينْ نْسنْ [غَارْ ذَانِيثَا] ؤُشَا أَذْ أَرْبُونْ يسِّيمْ خْ ثْغَارْضِينْ نْسنْ.
ISA 49:23 إِجدْجِيذنْ أَذْ شمْ صُوننْ، ثِيجدْجِيذِينْ أَذْ شمْ سُّوطّْذنْثْ. أَذْ أَضَارنْ زَّاثكْ س ؤُغمْبُوبْ نْسنْ غَارْ ثمُّورْثْ، أَذْ أَمْ ڒسْحنْ ثَاعجَّاشْثْ زڭْ إِضَارنْ نّمْ. [خنِّي] أَذْ ثسّْنذْ أَقَا نشّْ ذ سِيذِي، ؤُشَا إِنِّي خَاسْ إِ غَا إِسِيثِيمنْ، وَارْ تّْسضْحِينْ شَا.‘ “
ISA 49:24 ”مَا إِزمَّارْ إِجّْ أَذْ إِكّسْ خْ ونِّي إِجهْذنْ زَّارْذثْ؟ مَا إِزمَّارْ أَذْ يَارْوڒْ ونِّي إِدْجَانْ ذ أَمحْبُوسْ ن ؤُمْسڭّذْ؟
ISA 49:25 [مَاشَا] أَمُّو إِ إِقَّارْ سِيذِي: ’أَذْ د-تّْوَاكّْسنْ إِمحْبَاسْ زڭْ ؤُفُوسْ ن ؤُمْزمَّارْ ؤُڒَا ذ ثَاكشَّاضْطْ ن ؤُقهَّارْ أَذْ ثخْثُوتّڒْ زِي جَارْ إِفَاسّنْ نّسْ. [مَاغَارْ] ونِّي إِخْسنْ أَذْ شمْ إِشَارّعْ، نشّْ أَذْ ث شَارّْعغْ، ؤُشَا إِحنْجِيرنْ نّمْ أَذْ ثنْ سّْنجْمغْ.
ISA 49:26 إِ يِينِّي شمْ إِحصَّارنْ أَذْ أَسنْ وْشغْ أَذْ شّنْ أَيْسُومْ [ن يِيخفْ] نْسنْ ؤُ نِيثْنِي أَذْ سْشَارنْ س إِذَامّنْ نْسنْ أَمْ س بِينُو ژمّنْ ث جْذِيذْ، ؤُ مَارَّا إِوْذَانْ أَذْ سّْننْ أَقَا نشّْ، سِيذِي، ذ أَمْسنْجَامْ نّمْ ذ أَمفْذِي نّمْ، أَمْزمَّارْ ن يَاعْقُوبْ.‘ “
ISA 50:1 ”أَمُّو إِ إِقَّارْ سِيذِي: ’مَانِي ثدْجَا ثبْرَاثْ ن وَادْجَافْ، ثنِّي زِي سّْقبّْضغْ يمَّاثْومْ؟ نِيغْ إِ مَانْ ونْ زڭْ أَيْثْبَابْ ن وَارطَّارْ إِنُو كنِّيوْ زّنْزغْ؟ خْزَارْ، زِي سِّيبّثْ ن ڒْمُوعْصِييّثْ نْومْ ثمّنْزمْ ؤُ زِي سِّيبّثْ ن إِعذِّيينْ نْومْ ثمّنْزْ يمَّاثْومْ.
ISA 50:2 مَايمِّي د-ؤُسِيغْ، وَارْ ذِينْ إِدْجِي ؤُڒَا ذ إِجّْ، مَايمِّي إِ ڒَاغِيغْ، وَارْ د-يَارِّي ؤُڒَا ذ إِجّْ؟ مَا أَفُوسْ إِنُو ذ أَقُوضَاضْ أَڒَامِي وَارْ إِزمَّارْ أَذْ إِفكّْ، مَا وَارْ ذَايِي إِدْجِي جّْهذْ، حِيمَا أَذْ فكّغْ؟ خْزَارْ، س ؤُسِيڭّْوذْ إِنُو أَذْ سِّيژْرغْ ڒبْحَارْ، أَذْ ڭّغْ إِغزْرَانْ ذ ڒخْڒَا ؤُشَا أَذْ أَژْغنْ [أَڒَامِي] إِ غَا يَارْصُوضنْ إِسڒْمَانْ نْسنْ مَاغَارْ وَارْ [ذِينْ] إِدْجِي [عَاذْ] وَامَانْ، ؤُشَا أَذْ مّْثنْ زڭْ ؤُفَاذِي.
ISA 50:3 أَذْ سّْيَارْضغْ أَجنَّا س ثُوبَّارْشنْثْ، أَذْ ثنْ ڒحّْفغْ س ثْخَانْشثْ [ن وشْضَانْ] أَمْ وَارُّوضْ [نْسنْ].‘ “
ISA 50:4 ”سِيذِي إِنُو، سِيذِي، إِوْشَا أَيِي إِڒسْ ن ؤُمحْضَارْ، مَاحنْذْ نشّْ أَذْ سّْنغْ مَامّشْ غَا سّْمحْذغْ ونِّي يُوحّْڒنْ س إِجّْ ن وَاوَاڒْ. قَاعْ ثُوفُّوثْ نتَّا إِسّْفَاقَا أَيِي، إِسّْفَاقَا أَيِي أَمزُّوغْ، مَاحنْذْ نشّْ أَذْ [غَارسْ] سْڒِيغْ أَمْ ؤُمحْضَارْ.
ISA 50:5 سِيذِي إِنُو، سِيذِي، يَارْزمْ أَيِي أَمزُّوغْ ؤُ نشّْ وَارْغوّْغغْ شَا، وَارْ د-دّْوِيڒغْ غَارْ ضفَّارْ.
ISA 50:6 نشّْ وْشِيغْ أَعْرُورْ إِنُو إِ يِينِّي ذ أَيِي إِوْثِينْ، ؤُ إِغمِّيزنْ إِنُو إِ يِينِّي ذ أَيِي إِسّْنشْفنْ [ثْمَارْثْ]. أَغمْبُوبْ إِنُو وَارْ ث سّْنُوفَّارغْ زَّاثْ إِ ؤُسحْقَارْ ذ ؤُسُوسفْ.
ISA 50:7 [مَاشَا] سِيذِي إِنُو، سِيذِي، أَذْ أَيِي إِوْشْ أَفُوسْ، خْ ؤُيَا وَارْ قطِّيغْ ذِي ڒفْضِيحثْ، خْ ؤُيَا جِّيغْ أَغمْبُوبْ إِنُو إِقْسحْ أَمْ سّدْجَاحْ، [مِينْزِي] سّْنغْ، أَقَا نشّْ وَارْ تّْسضْحِيغْ شَا.
ISA 50:8 ونِّي ذ أَيِي إِتّْسڭّْذنْ، أَقَا-ث يُوذسْ. مَانْ ونْ إِ غَا إِزعْمنْ أَذْ كِيذِي إِشَارّعْ؟ جّمْ أَنغْ أَذْ نْبدّْ نْمُونْ! مَانْ ونْ كِيذِي إِتّمْشَارَّاعنْ، أجّْ إِ-ث أَذْ غَارِي د-يَاسْ.
ISA 50:9 خْزَارْ، سِيذِي إِنُو، سِيذِي، أَذْ أَيِي إِوْشْ أَفُوسْ. مَانْ ونْ إِزمَّارنْ أَذْ أَيِي إِڭّْ ڒْعِيبْ؟ خْزَارْ، نِيثْنِي مَارَّا أَمْ وَارُّوضْ إِدُّويْسَارنْ، أَذْ ثنْ ثشّْ ثْشِينْذَا.“
ISA 50:10 ”مَانْ ونْ [إِ ذِينْ] جَارْ أَومْ إِتّڭّْوذْ زِي سِيذِي، مَانْ ونْ [جَارْ أَومْ] إِتّسْڒَانْ إِ ثْمِيجَّا ن ؤُمْسخَّارْ نّسْ؟ ونِّي إِڭُّورنْ ذِي ثَادْجسْثْ ذ ونِّي ؤُمِي وَارْ غَارْ ثدْجِي ثَافَاوْثْ، أجّْ إِ-ث أَذْ إِتّْشڒْ خْ يِيسمْ ن سِيذِي، [أجّْ إِ-ث] أَذْ إِعمّذْ خْ أَربِّي نّسْ.
ISA 50:11 خْزَارْ، كنِّيوْ مَارَّا ثسَّارْغمْ ثِيمسِّي، ثْبيْسمْ إِخفْ نْومْ س فْڒِيثْشَاثْ إِ ؤُسشْمَاضْ. [إِوَا،] ؤُيُورمْ [خنِّي] ذِي ثْفَاوْثْ ن ثْمسِّي نْومْ ؤُ غَارْ [ثْفَاوْثْ ن] فْڒِيثْشَاثْ يَارقّنْ نِّي ثسَّارْغمْ. أَيَا أَذْ خَاومْ د-يَاسْ زڭْ ؤُفُوسْ إِنُو، س ڒحْرِيقْ أَذْ ثزّْڒمْ [ذِينِّي].“
ISA 51:1 ”سْڒمْ غَارِي، [أَ كنِّيوْ] إِنِّي إِضَافَّارنْ ثَاسڭْذَا، [كنِّيوْ] إِنِّي يَارزُّونْ سِيذِي! خْزَارمْ غَارْ ثصْضَارْثْ مَانِيسْ ثتّْوَانقْشمْ ؤُ غَارْ وخْبُوشْ ن وَانُو مَانِيسْ د-ثتّْوَاغْزمْ.
ISA 51:2 خْزَارمْ غَارْ إِبْرَاهِيمْ، جذِّيثْومْ، ؤُ غَارْ سَارَا، ثنِّي كنِّيوْ إِ د-يُورْونْ. مَاغَارْ ثُوغَا-ث [عَاذْ] حَافِي ؤُمِي ث ڒَاغِيغْ، [مَاشَا] نشّْ بَارْكغْ ث ؤُ أَرْزْفغْ أَسْ أَطَّاسْ ن وَارَا.
ISA 51:3 مَاغَارْ سِيذِي أَذْ إِسّْفوّجْ صِيهْيُونْ، أَذْ إِسّْفوّجْ مَارَّا ڒْخِيرْبَاثْ نّسْ ؤُشَا أَذْ ت يَارّْ أَمْ [جّنّثْ ن] عَاذْنْ ؤُ ڒخْڒَا نّسْ أَمْ وحْوِيشْ ذِي جّنّثْ ن سِيذِي. أَرْشَاقْ ذ ڒفْرَاحثْ أَذْ ذَايسْ ثنْ أَفنْ، أَقَاذِي ذ ڒْحسّْ ن إِزهِّيذنْ.“
ISA 51:4 ”سْڒمْ-د غَارِي، [أَ] شّعْبْ إِنُو، ؤُ وْشمْ أَيِي أَمزُّوغْ، [أَ] ڒْڭنْسْ إِنُو، مَاغَارْ أَذْ زَّايِي ثفّغْ شَّارِيعَا ؤُ نشّْ أَذْ ضمْنغْ ڒْحقّْ إِنُو أَڒْ غَا يِيڒِي [ڒْحقّْ إِنُو] ذ ثَافَاوْثْ إِ ڒڭْنُوسْ.
ISA 51:5 ثَاسڭْذَا إِنُو ثُوذسْ-د، أَسنْجمْ إِنُو إِتّفّغْ-د ؤُ إِغَادْجنْ إِنُو أَذْ شَارّْعنْ ڒڭْنُوسْ، أَذْ أَيِي رَاجَانْثْ ثڭْزِيرِينْ ؤُشَا أَذْ سِّيثْمنْثْ خْ ؤُغِيڒْ إِنُو.“
ISA 51:6 ”سْڭعّْذمْ ثِيطَّاوِينْ نْومْ غَارْ ؤُجنَّا، خْزَارمْ ثَامُّورْثْ ذَا سْوَادَّايْ، مَاغَارْ أَجنَّا أَذْ إِفَّارْفَارْ أَمْ دّخَّانْ، ثَامُّورْثْ أَذْ ثدُّويْسَارْ أَمْ وَارُّوضْ، ؤُشَا أَمُّو إِ غَا مّْثنْ [ؤُڒَا ذ] إِمزْذَاغْ نّسْ، [مَاشَا] أَسنْجمْ إِنُو أَذْ إِقِّيمْ إِ ڒبْذَا، ثَاسڭْذَا إِنُوعمَّارْصْ وَارْ ت قطِّينْ.“
ISA 51:7 ”سْڒمْ-د غَارِي، [أَ كنِّيوْ] إِنِّي إِسّْننْ ثَاسڭْذَا، [أَ شكْ] ڒْڭنْسْ نِّي [يَاربُّونْ] شَّارِيعَا إِنُو ذڭْ وُوڒْ. وَارْ تّڭّْوْذمْ زِي ڒْحڭْرَا ن يوْذَانْ ؤُ وَارْ ثنْ تّجِّيمْ أَذْ شمْ أَرْژنْ س ؤُعيّبْ نْسنْ!
ISA 51:8 مَاغَارْ ثَاشِينْذَا أَذْ ثنْ ثشّْ أَمْ ثتّتّْ أَرُّوضْ، ؤُشَا أَكِيشُّو أَذْ ثنْ يشّْ أَمْ ثَاضُوفْثْ، [مَاشَا] ثَاسڭْذَا إِنُو أَذْ ثقِّيمْ إِ ڒبْذَا ؤُ أَسنْجمْ إِنُو زِي جِّيڒْ أَڒْ جِّيڒْ.“
ISA 51:9 ”فَاقْ، فَاقْ، أَرْضْ س جّْهذْ، [أَ] أَغِيڒْ ن سِيذِي! فَاقْ أَمْ ذڭْ وُوسَّانْ ن زِيشْ، أَمْ ذِي جِّيڒَاثْ ن زّْمَانَاثْ ن وشْحَارْ ؤُيَا. مَا وَارْ إِدْجِي ذ شكْ، ونِّي إِقسّنْ رَاهَابْ، ذ ونِّي إِسّْنُوقّْبنْ ڒْهَايْشثْ؟
ISA 51:10 مَا وَارْ إِدْجِي ذ شكْ ونِّي إِسِّيژْغنْ ڒبْحَارْ، أَمَانْ ن ڒْحمْڒثْ ن [وَامَانْ] إِمقّْرَاننْ إِنّْهوْڒنْ [مَا وَارْ إِدْجِي ذ شكْ] ونِّي يَارِّينْ أَبْرِيذْ ذڭْ وَامَانْ يُودْجْغنْ ن ڒبْحَارْ، أَڒَامِي زمَّارنْ أَذْ ژْوَانْ إِنِّي إِتّْوَافكّنْ؟
ISA 51:11 إِنِّي إِفْذَا إِ-ثنْ سِيذِي أَذْ د-ذوْڒنْ، أَذْ د-أَسنْ غَارْ صِيهْيُونْ س ؤُسْڒِيوْڒوْ. ڒفْرَاحثْ نْ ڒبْذَا أَذْ ثِيڒِي خْ إِزدْجِيفنْ نْسنْ، نِيثْنِي أَذْ سّْوِيژّْضنْ [إِفَاسّنْ نْسنْ] غَارْ وَارْشَاقْ ذ ڒفْرَاحثْ، [أَمْ] إِ غَا يَارْوڒْ زَّايْسنْ وشْضَانْ ذ وسْحِيسّفْ.“
ISA 51:12 ”ذ نشّْ، [وَاهْ،] ذ نشّْ ونِّي كنِّيوْ إِسّْفوّْجنْ. مِينْ [ثعْنِيذْ] شكْ، أَقَا شكْ ثتّڭّْوذذْ زڭْ ورْيَازْ [إِفنَّانْ]، زِي مِّيسْ ن بْنَاذمْ نِّي [إِدْجَانْ أَمْ] أَرْبِيعْ،
ISA 51:13 ثتّتُّوذْ سِيذِي ونِّي شكْ إِڭِّينْ، ونِّي إِبزّْعنْ أَجنَّا ذ ونِّي إِسَّارْسنْ ذْسُوسَا ن ثمُّورْثْ، أَقَا شكْ ثتّڭّْوذذْ ڒبْذَا، أَسّْ إِكْمڒْ، زِي سِّيبّثْ ن وسْعَارْ ن ونِّي إِحصَّارنْ ؤُمِي إِسّوْجَاذْ إِخفْ نّسْ مَاحنْذْ أَذْ يَاردّدْجْ؟ مَانِي إِدْجَا [خنِّي] وسْعَارْ ن ونِّي إِحصَّارنْ؟
ISA 51:14 ونِّي إِشَارّْفنْ س سّْنَاسڒْ أَمْ إِتّفْرِيغْ أَذْ إِتّْوَافكّْ ذَاوحْذَا. وَارْ إِتّْمتِّي ذڭْ وحْفُورْ [ن إِمحْبَاسْ]، وَارْ زَّايسْ إِنقّصْ وغْرُومْ.
ISA 51:15 [مَاغَارْ] نشّْ ذ سِيذِي، أَربِّي نّشْ، ونِّي إِسّهْوَاڒنْ ڒبْحَارْ أَڒْ غَا هَاجَانْ ڒمْوَاجْ نّسْ، سِيذِي ن ڒْعسْكَارَاثْ ذ إِسمْ نّسْ.
ISA 51:16 تّڭّغْ أَشْ أَوَاڒنْ إِنُو ذڭْ ؤُقمُّومْ نّشْ ؤُ سّْذُورُّويغْ شكْ ذِي ثِيڒِي ن ؤُفُوسْ إِنُو، مَاحنْذْ أَذْ ژُّوغْ أَجنَّا، أَذْ سَّارْسغْ ذْسُوسَا ن ثمُّورْثْ ؤُ أَذْ إِنِيغْ إِ صِيهْيُونْ: ’شكْ ذ ڒْڭنْسْ إِنُو!‘ “
ISA 51:17 ”فَاقْ، فَاقْ، كَّارْ-د أَ ؤُرْشَالِيمْ! زڭْ ؤُفُوسْ ن سِيذِي ثسْوِيذْ زِي ڒْكَاسْ ن وسْعَارْ نّسْ أَمقّْرَانْ. ثشِّيذْ ڒخْمِيرَا زِي ڒْكَاسْ نِّي إِسّْذوَّاخنْ، [وَاهْ،] ثْژمّذْ [ت].
ISA 51:18 وَارْ ت إِتّْڭوِّيذْ ؤُڒَا ذ إِجّنْ زِي مَارَّا إِحنْجِيرنْ نِّي د-ثُورُووْ، ؤُ زِي مَارَّا إِحنْجِيرنْ نِّي ثسّْيمْ، وَارْ ت يطِّيفْ ؤُڒَا ذ إِجّْ زڭْ ؤُفُوسْ.
ISA 51:19 ثْنَاينْ [ن ثْمسْڒَايِينْ]-أَ ڒقْفنْثْ شمْ، [مَاشَا] وِي خَامْ إِ غَا إِحِينّنْ؟ [خْزَارْ،] أَخَارّبْ ذ وڒْبزْ ذ ڒَاژْ ذ سِّيفْ! مَامّشْ شمْ إِ غَا سّْفوّْجغْ؟
ISA 51:20 وْضَانْ إِحنْجِيرنْ نّمْ، غَاشَانْ، زّْڒنْ غَارْ مَارَّا ثِيغمَّارْ ن إِبْرِيذنْ أَمْ ثْغَايْضِينْ ن وزْغَارْ ذِي ثْرَاشَّا. نِيثْنِي جِّيوْننْ س وسْعَارْ ن سِيذِي، س ؤُسِيڭّْوذْ ن أَربِّي نّمْ.“
ISA 51:21 ”س ؤُيَا سڒْ أَيَا، [أَ شمْ] ڒْمِيسْكِينَا، ذ ثَامسْشَارْثْ، [مَاشَا] وَارْ إِدْجِي س بِينُو!
ISA 51:22 أَمُّو إِ إِقَّارْ سِيذِي نّمْ، سِيذِي، أَربِّي نّمْ، ونِّي إِشَّاثنْ دّعْوثْ خْ ڒْڭنْسْ نّسْ: ’خْزَارْ، نشّْ أَذْ كّْسغْ ڒْكَاسْ إِسّْذوَّاخنْ زڭْ ؤُفُوسْ نّمْ، وَارْ ثْسسّذْ عَاذْ كْثَارْ زِي ڒخْمِيرَا ن ڒْكَاسْ ن وسْعَارْ إِنُو.
ISA 51:23 نشّْ أَذْ ث ڭّغْ ذڭْ ؤُفُوسْ ن يِينِّي ذَايمْ إِغزَّانْ، إِنِّي إِنَّانْ إِ ڒعْمَارْ نّمْ: سَاضَارْ إِخفْ نّمْ [غَارْ ثمُّورْثْ]، نشِّينْ أَذْ خَامْ نژْوَا! أَمُّو إِ ثڭِّيذْ أَعْرُورْ نّمْ أَمْ مَامّشْ ثدْجِيذْ ذ ثَامُّورْثْ، [ؤُشَا] ثُوغَا شكْ ذ أَبْرِيذْ ذِي طّْوعْ ن يِينِّي خَامْ إِژْوَانْ.‘ “
ISA 52:1 ”فَاقْ، فَاقْ، أَرْضْ س جّهْذْ [أَ،] صِيهْيُونْ، أَرْضْ س ورُّوضْ نّمْ إِشُّووَّارنْ، [أَ] ؤُرْشَالِيمْ، ثَانْذِينْثْ ثَامْقدَّاسْثْ! زِي سَّا ثْسَاونْثْ وَارْ غَارمْ ث-إِ-د-إِتِّيذِيفْ عَاذْ ونِّي وَارْ إِتّْوَاخثْننْ ذ ؤُمخْمُوجْ.
ISA 52:2 زرْزْ خَامْ ثَاعجَّاشْثْ، كَّارْ، قِّيمْ شمْ، [أَ] ؤُرْشَالِيمْ! أَرْخُو سّْنَاسڒْ زڭْ يِيرِي نّمْ، [أَ] ثَامحْبُوسْثْ، [أَ] يدْجِيسْ ن صِيهْيُونْ!
ISA 52:3 مَاغَارْ أَمُّو إِ إِقَّارْ سِيذِي: ’ثمّنْزمْ س بَاطڒْ، أَذْ ثتّْوَاسّْفكّمْ [عَاوذْ] بْڒَا ثْمنْيَاثْ!‘
ISA 52:4 مَاغَارْ أَمُّو إِ إِقَّارْ سِيذِي إِنُو، سِيذِي: ’زِيشْ إِهْوَا ڒْڭنْسْ إِنُو غَارْ مِيصْرَا مَاحنْذْ أَذْ ذِينِّي إِقِّيمْ [أَمْ ڒْبَارَّانِي]، ؤُشَا أَشُّورْ إِحْصَارْ إِ-ث خْ وَالُو!‘ “
ISA 52:5 ”ؤُشَا ڒخُّو، مِينْ غَارِي عَاذْ خَافِي أَذْ ت ڭّغْ ذَانِيثَا، إِقَّارْ سِيذِي، مَاغَارْ أَوْينْ ڒْڭنْسْ إِنُو بْڒَا سِّيبّثْ ؤُشَا إِنِّي خَاسْ إِتّْصلّْطنْ سّْغُويُّونْ، إِقَّارْ سِيذِي، أَسّْ مَارَّا تّْعيّْبنْ ذڭْ يِيسمْ إِنُو.
ISA 52:6 س ؤُيَا أَذْ إِسّنْ ڒْڭنْسْ إِنُو إِسمْ إِنُو، س ؤُيَا، أَقَا نشّْ نشّْ، ونِّي إِقَّارنْ ذڭْ وَاسّْ نِّي: نشّْ أَقَا أَيِي ذَا!“
ISA 52:7 ”مشْحَاڒْ شْنَانْ خْ إِذُورَارْ إِصُورَافْ ن ؤُمْبشَّارْ نِّي إِتّْبَارّْحنْ س ڒهْنَا، ن ؤُمْبشَّارْ ن [ڒخْبَارْ] أَصبْحَانْ نِّي إِتّْبَارّْحنْ س ؤُسنْجمْ، ونِّي إِقَّارنْ إِ صِيهْيُونْ: ’أَربِّي نّمْ ذ أَجدْجِيذْ!‘
ISA 52:8 [سْڒمْ إِ] ثْمِيجَّا ن إِعسَّاسنْ نّمْ! نِيثْنِي تّْسْڭعَّاذنْ ثْمِيجَّا [نْسنْ]، تّسْڒِيوْڒِيونْ مُوننْ، مَاغَارْ ؤُذمْ ذڭْ ؤُذمْ [أَكِيذسْ] أَذْ ثْوَاڒَانْ مَامّشْ إِ د غَا إِسّعْقبْ سِيذِي صِيهْيُونْ.
ISA 52:9 سْغُويّنْثْ س ڒفْرَاحثْ، سْڒِيوْڒونْثْ ثْمُوننْثْ، [أَ] ڒْخِيرْبَاثْ ن ؤُرْشَالِيمْ، مَاغَارْ سِيذِي إِسّْفوّجْ ڒْڭنْسْ نّسْ، إِفكّْ ؤُرْشَالِيمْ.
ISA 52:10 إِعَارَّا سِيذِي أَغِيڒْ نّسْ أَمْقدّسْ زَّاثْ إِ ثِيطَّاوِينْ ن مَارَّا ڒڭْنُوسْ ؤُ مَارَّا ثِيمَاوِّينْ ن ثمُّورْثْ أَذْ ژَترنْثْ أَسنْجمْ ن أَربِّي نّغْ.“
ISA 52:11 ”رُوحمْ، رُوحمْ، فّْغمْ-د سّنِّي، وَارْ تّْحَاذَامْ وَالُو ن مِينْ إِخمْجنْ، فّْغمْ سّنِّي زِي ڒْوسْطْ نّسْ، سِيزذْڭمْ إِخفْ نْومْ، [أَ كنِّيوْ] إِنِّي يَاربُّونْ ڒقْشُوعْ ن سِيذِي!
ISA 52:12 مَاغَارْ كنِّيوْ وَارْ ثتّفّْغمْ س ثزْڒَا، وَارْ ثَاركّْوَاڒمْ، مَاغَارْ سِيذِي أَذْ يُويُورْ زَّاثْ نْومْ ؤُ أَربِّي ن إِسْرَائِيل أَذْ يِيڒِي ذ أَغزْذِيسْ نْومْ أَنڭَّارْ.“
ISA 53:1 ”خْزَارْ، أَمْسخَّارْ إِنُو أَذْ يڭّْ س ڒعْقڒْ، أَذْ إِتّْوَاسّْعُودْجْ ؤُ أَذْ إِتّْوَاسُّوعْڒَا، [وَاهْ،] أَذْ إِتّْوَاسّْعُودْجْ أَڒْ طَّارْفْ.
ISA 53:2 أَمْ زَّايكْ نّْخڒْعنْ أَطَّاسْ - أَمُّو س وَاطَّاسْ إِخْسَارْ ؤُذمْ نّسْ، وَارْ إِدْجِي [عَاذْ] أَمْ ن إِجّْ ن بْنَاذمْ، ؤُ أَدُّوذْ نّسْ، وَارْ إِدْجِي [عَاذْ] أَمْ ن ثَارْوَا ن بْنَاذمْ -
ISA 53:3 أَمُّو إِ غَا إِسّنْڭزْ نتَّا أَطَّاسْ ن ڒڭْنُوسْ، [وَاهْ، عَاذْ] إِجدْجِيذنْ أَذْ سّغْذنْ، مَاغَارْ مِينْ وَارْ ذ أَسنْ بَارّْحنْ، أَذْ ث ژَترنْ، ؤُ مِينْعمَّارْصْ وَارْ سْڒِينْ، أَذْ ث فهْمنْ.“
ISA 53:4 ”مَانْ ونْ يُومْننْ ذِي ڒخْبَارْ نّغْ ؤُ وِي إِ ؤُمِي ذ إِتّْوَاسّْشنْ ؤُغِيڒْ ن سِيذِي؟
ISA 53:5 [مَاغَارْ] أَمْ ثْسطَّا إِمْغَارْ نتَّا زَّاثْ إِ وُوذمْ نّسْ، أَمْ وژْوَارْ زِي ثمُّورْثْ يُوژْغنْ. نتَّا ثُوغَا وَارْ غَارسْ أَدُّوذْ نِيغْ أَشوَّارْ [خْمِي] ث نْژَارْ، وَارْ غَارسْ بُو وَاژْرِي ن ڒْخژْرَاثْ أَڒَامِي ذَايسْ إِ غَا نمّژْرِي.
ISA 53:6 ثُوغَا إِتّْوَاسّحْقَارْ، إِمّنْضَارْ زڭْ إِوْذَانْ، أَرْيَازْ نْ ڒحْرِيقْ، إِسّنْ ڒحْڒَاشْ، أَمْ يِيجّنْ إِ ؤُمِي ڒحّْفنْ أَغمْبُوبْ، [أَمُّو إِ] ثُوغَا إِتّْوَاسّحْقَارْ ؤُ نشِّينْ وَارْ ث نْحسِّيبْ وَالُو.
ISA 53:7 س ثِيذتّْ، إِكْسِي خَاسْ ڒحْڒَاشْ نّغْ ؤُشَا يَارْبُو ڒحْرِيقْ نّغْ، [مَاشَا] نشِّينْ نْحسْبْ إِ-ث أَمْ يِيجّنْ ثڒْقفْ إِ-ث لْمُوصِيبَا، أَمْ يِيجّنْ إِغْضڒْ إِ-ث ؤُ إِحْصَارْ إِ-ث أَربِّي.
ISA 53:8 [مَاشَا] نتَّا إِتّْوَاسّْنُوقّبْ خْ إِعذِّيينْ نّغْ، خْ ڒْمُوعْصِييّثْ نّغْ ڒبْزنْ ث. ثمَّارْسْ خَاسْ ثشْثِي نِّي ذ أَنغْ د-إِسَّاكّْوَاضنْ ڒهْنَا، ؤُ س إِيزِّيمنْ نّسْ إِذْوڒْ أَنغْ ذ أَڭنْفِي.
ISA 53:9 مَارَّا نشِّينْ ثُوغَا نْودَّارْ أَمْ وُودْجِي، نذْوڒْ كُوڒْ  إِجّْ غَارْ وبْرِيذْ نّسْ، [مَاشَا] سِيذِي يَارَّا أَذْ خَاسْ ثوْضَا ڒْمُوعْصِييّثْ نّغْ مَارَّا.
ISA 53:10 ذدْجنْ ث، ؤُشَا إِجَّا [إِ-ثنْ] أَذْ ث سّْبهْذْڒنْ. وَارْ يَارْزِيمْ أَقمُّومْ نّسْ. أَمْ إِزْمَارْ نذْهنْ ث غَارْ ثْغَارْصْثْ، أَمْ ثخْسِي ثڭْنُو قِيبَاتْشْ إِ ونِّي ت إِدْجَاسنْ، أَمُّو وَارْ يَارْزِيمْ نتَّا أَقمُّومْ نّسْ.
ISA 53:11 إِمّكْسِي-د زِي ڒحْصَارثْ ؤُ زِي ڒحْكَامْ. مَانْ ونْ زِي جِّيڒْ نّسْ ثُوغَا إِخمّْ ذَايسْ، زعْمَا إِتّْوَاقسّْ زِي ثمُّورْثْ ن يِينِّي إِدَّارنْ، أَقَا خَاسْ ثِيشْثِي زِي سِّيبّثْ ن ؤُعذِّي نْ ڒْڭنْسْ إِنُو!
ISA 53:12 إِمّوْشْ أَسْ ونْضڒْ غَارْ إِعفَّاننْ، [مَاشَا] غَارْ تُّوجَارْ ثُوغَا-ث ذِي ڒْموْثْ نّسْ إِقسْحنْ، وَاخَّا نتَّاعمَّارْصْ وَارْ إِڭِّي لْعُونْفْ ؤُعمَّارْصْ وَارْ ثُوغِي ڒْغشّْ ذڭْ ؤُقمُّومْ نّسْ.
ISA 53:13 [مَاشَا] ثُوغَا إِدْجَا إِ أَرْضَا ن سِيذِي مَاحنْذْ أَذْ ث إِڒْبزْ، إِسّحْڒشْ [إِ-ث]. ڒَامِي ڒعْمَارْ نّسْ إِڭَّا إِخفْ نّسْ ذ ثَاغَارْصْثْ ن ؤُمَارْوَاسْ [إِ دّْنُوبْ نّغْ]، أَذْ إِژَارْ نتَّا زَّارِيعثْ، أَذْ إِسّْزُوڭَّارْ نتَّا ؤُسَّانْ نّسْ ؤُشَا أَرْضَا ن سِيذِي أَذْ إِقْفڒْ س ؤُفُوسْ نّسْ.
ISA 53:14 ذِي سِّيبّثْ ن ؤُمَارّثْ ن ڒعْمَارْ نّسْ أَذْ ث إِژَارْ ؤُشَا أَذْ إِجِّيونْ. س ثُوسّْنَا نّسْ أَذْ إِسڭّذْ ؤُمْسخَّارْ إِنُو، أَمْسڭّذْ، أَطَّاسْ ن يوْذَانْ، مَاغَارْ أَذْ يَارْبُو ڒْمُوعْصِييّثْ نْسنْ.
ISA 53:15 س ؤُيَا أَذْ أَسْ وْشغْ ثَاسْغَارْثْ جَارْ إِمقّْرَاننْ ؤُشَا أَكْ-ذ أَيْثْبَابْ ن صُّولْطَا أَذْ إِبْضَا ثَاكشَّاضْثْ، مِينْزِي إِسبّڒْ ثُوذَارْثْ نّسْ إِ ڒْموْثْ ؤُشَا إِتّْوَاحْسبْ زڭْ إِنِّي إِتّْعدَّانْ ؤُشَا يَارْبُو دّْنُوبْ ن وَاطَّاسْ ؤُشَا إِتَّارْ ذِي طّْوعْ ن يِينِّي إِتّْعدَّانْ.“
ISA 54:1 ”سْرِيوْڒوْ، [شمْ] ثنِّي وَارْ إِتِّيرْونْعمَّارْصْ! ذُوقّزْ س ؤُسْڒِيوْڒوْ، سْغُويّْ س ڒفْرَاحثْ، [أَ شمْ] ثنِّي وَارْ إِسِّيننْ ڒوْجعْ ن ثَارْوَا، مَاغَارْ ثَارْوَا ن ثنِّي ذِي سمْحنْ ذ أَطَّاسْ خْ إِحنْجِيرنْ ن ثنِّي غَارْ إِدْجَا ورْيَازْ، إِقَّارْ سِيذِي.
ISA 54:2 أڭّْ تَّاسِيعْ إِ إِقِيضَانْ نّمْ ؤُ أجّْ أَذْ بزّْعنْ أَرْوَاقَاثْ ن ثْزذِّيغِينْ نّمْ أَطَّاسْ، وَارْ [ثنْ] منّعْ. سْزُوڭَّارْ ثِيمُورَارْ نّمْ ؤُشَا زِييَّارْ ڒوْثَاذْ!
ISA 54:3 مَاغَارْ شمْ أَذْ ثِيرِيوذْ غَارْ يفُوسْ ؤُ غَارْ ؤُزڒْمَاضْ ؤُشَا زَّارِيعثْ نّمْ أَذْ ثطّفْ ڒڭْنُوسْ ذ ثَاسْغَارْثْ ؤُشَا نِيثْنِي أَذْ سّْزذْغنْ ثِيندَّامْ يَاردّْدْجنْ.“
ISA 54:4 ”وَارْ تّڭّْوذْ شَا، مَاغَارْ وَارْ ثْسضْحِيذْ ؤُ وَارْ تّْوَاسّْبَارّْقذْ شَا، مَاغَارْ وَارْ ثتّْوَافضْحذْ. أَذْ ثتُّوذْ ڒفْضِيحثْ ن ثمْژِي نّمْ، وَارْ ثتّعْقِيڒذْ خْ ڒحْشُومِييّثْ ن إِسڭّْوُوسَا نّمْ أَمْ ثَاجَّاتْشْ.
ISA 54:5 مَاغَارْ أَرْيَازْ نّمْ ذ ونِّي شمْ إِڭِّينْ، ’سِيذِي ن ڒْعسْكَارَاثْ‘ ذ إِسمْ نّسْ، ؤُشَا أَمْقدَّاسْ ن إِسْرَائِيل ذ أَمفْذِي نّمْ. أَذْ أَسْ ڒَاغَانْ ’أَربِّي ن مَارَّا ثَامُّورْثْ‘.
ISA 54:6 مَاغَارْ سِيذِي إِڒَاغَا خَامْ أَمْ إِ يِيشْثْ ن ثمْغَارْثْ إِ ذِي إِسْمحْ [ورْيَازْ نّسْ]، إِ ذَايسْ أَشْضَانْ ذڭْ بُوحْبڒْ نّسْ، ؤُ [أَمْ] ثمْغَارْثْ ن إِسڭّْوُوسَا ن ثمْژِي، وَاخَّا ثُوغَا-ت ثمّنْضَارْ، إِقَّارْ أَربِّي نّمْ.
ISA 54:7 [مْغِيرْ] ثَازحْزِيحْثْ سمْحغْ ذَايمْ، [مَاشَا] س أَرّحْمثْ ثَامقّْرَانْثْ أَذْ شمْ سّْمُونغْ [غَارِي].
ISA 54:8 ؤُمِي ڭِّيغْ أَذُوقّزْ ن وغْضَابْ إِنُو أَذْ إِسْفِي، أَقَا سّْنُوفَّارغْ زَّايمْ أَغمْبُوبْ إِنُو إِ يِيشْثْ ثْزحْزِيحْثْ [وَاهَا]، [مَاشَا] س ثْمخْسِيوْثْ إِشُووَّارنْ ن ڒبْذَا أَذْ أَيِي ثزِّيدْجْزذْ، إِقَّارْ سِيذِي، أَمفْذِي نّمْ.“
ISA 54:9 ”مَاغَارْ وَا أَذْ يِيڒِي إِ نشّْ [أَمْ] وُوسَّانْ ن نُوحْ ؤُمِي جُّودْجغْ أَقَا أَمَانْ ن نُوحْعمَّارْصْ وَارْ سّْفِيينْ ثَامُّورْثْ. أَمُّو إِ جُّودْجغْ [ڒخُّو]، أَقَاعمَّارْصْ وَارْ تّڭّغْ أَذْ خَامْ إِدُّوقّزْ وغْضَابْ إِنُو ؤُ وَارْ شمْ تّْعِيقِيبغْ [عَاذْ].
ISA 54:10 مَاغَارْ إِذُورَارْ أَذْ ذوْڒنْ غَارْ ؤُغزْذِيسْ ؤُ ثِيوْرِيرِينْ أَذْ نّْهزّنْثْ، [مَاشَا] ثَامخْسِيوْثْ إِنُو إِشوَّارنْعمَّارْصْ أَذْ خَامْ ثْحيّذْ ؤُشَا ڒْعَاهْذْ ن ڒهْنَا إِنُو وَارْ إِتّنْهزِّيعمَّارْصْ، إِقَّارْ سِيذِي، ونِّي ؤُمِي ثزِّيدْجْزذْ.“
ISA 54:11 ”[أَ، شمْ] ثنِّي إِتّْوَاحْصَارنْ، ثنِّي إِقطّبْ ؤُسمِّيضْ، ثنِّي نْهْڒَا أَفوّجْ! خْزَارْ، نشّْ أَذْ قُووَّارغْ إِژْرَا نّمْ [إِغْڒَانْ] س [إِشْثْ ن ثْمَا] ثَابَارْشَانْثْ ؤُشَا أَذْ ڭّغْ ذْسَاسْ نّمْ خْ ثْيَاقُوثِينْ ن صَافِّيرْ.
ISA 54:12 نشّْ أَذْ ڭّغْ ڒكْوَازَا نّمْ إِ ثْفُوشْثْ زڭْ ؤُكْرِيسْثَالْ، ؤُڒَا ذ ثِيوُّورَا نّمْ ن ڒعْقَاقْ إِزڭّْوَاغنْ ذ مَارَّا ڒحْيُوضْ نّمْ إِ ذ أَمْ إِنّْضنْ زڭْ إِژْرَا إِغْڒَانْ.
ISA 54:13 مَارَّا إِحنْجِيرنْ نّمْ أَذْ إِڒِينْ ذ إِمحْضَارنْ ن سِيذِي ؤُشَا ڒهْنَا ن إِحنْجِيرنْ نّمْ أَذْ يِيڒِي ذ أَمقّْرَانْ.
ISA 54:14 شمْ أَذْ ثِيڒِيذْ ثَاركّْنذْ س ثْسڭْذَا. أَذْ ثِيڒِيذْ ثتَّاڭّْوجذْ خْ ڒحْصَارثْ، مَاغَارْ وَارْ [ذِينْ] مِينْ زِي غَا ثڭّْوذذْ، ؤُڒَا خْ ؤُنخْڒِيعْ، مِينْزِي وَارْ د غَارمْ إِتِّيكّْوِيضْ شَا.
ISA 54:15 خْزَارْ، أَذْ سّْمُوننْ، [مَاشَا أَيَا] وَارْ إِدْجِي زَّايِي. وِي خَامْ إِ غَا إِسّْمُوننْ، أَذْ زَّايمْ إِوْضَا.
ISA 54:16 خْزَارْ، نشّْ خڒْقغْ-د أَمْزِيڒْ ونِّي إِتّْسُوضنْ ثِيرْجِينْ ن ثْمسِّي ؤُ إِسُّوفُّوغْ-د إِشْثْ ن ڒْقشْعثْ إِ ڒْخذْمثْ نّسْ. [أَمُّو] إِ د-خڒْقغْ عَاوذْ أَمْثحَّايْ مَاحنْذْ أَذْ يَاردّدْجْ.
ISA 54:17 كُوڒْ ڒسْنَاحْ نِّي إِتّْوَاڭّنْ ضِيدّْ نّمْ، وَارْ إِتِّيوضْ، ؤُشَا كُوڒْ  إِڒسْ نِّي خَامْ إِ د غَا إِڭعّْذنْ ذِي دّعْوثْ، أَذْ ث ثْحكْمذْ شمْ. ثَا ذ ثَاسْغَارْثْ ن إِمْسخَّارنْ ن سِيذِي ؤُشَا ثَاسڭْذَا نْسنْ ثفّغْ-د زَّايِي، [أَمُّو إِ] إِقَّارْ سِيذِي.“
ISA 55:1 ”أَ، مَارَّا إِنِّي إِفُّوذنْ، أَسمْ-د غَارْ وَامَانْ، ونِّي وَارْ غَارْ دْجِينْثْ ثنْعَاشِينْ، أَسمْ-د، سْغمْ، شّمْ، [وَاهْ،] أَسمْ-د ؤُشَا سْغمْ بِينُو ذ ؤُغِي، بْڒَا ثِينْعَاشِينْ ؤُ بْڒَا تَّامَانْ.
ISA 55:2 مَايمِّي ثْوزّْنمْ نُّوقَارْثْ إِ مِينْ وَارْ إِدْجِينْ ذ أَغْرُومْ ؤُ [مَايمِّي] ثْجهْذمْ إِ مِينْ وَارْ إِجِّيوْننْ؟ سْڒمْ-د غَارِي مْلِيحْ، شّمْ مِينْ إِشْنَانْ ؤُشَا أجّْ ڒعْمَارْ نْومْ أَذْ إِغبَّا ثَاذُونْثْ.
ISA 55:3 وْشمْ أَمزُّوغْ ؤُشَا أَسمْ-د غَارِي، سْڒمْ، [خنِّي] أَذْ إِدَّارْ ڒعْمَارْ نْومْ، [مَاغَارْ] نشّْ أَذْ أَكِيذْومْ ڭّغْ إِجّْ ن ڒْعَاهْذْ إِ ڒبْذَا، ثِيمڭَّا ن ثْمخْسِيوْثْ ن ڒَامَانْ إِشوَّارنْ ن ذَاوُوذْ.
ISA 55:4 خْزَارْ، ڭِّيغْ ث ذ أَشهَّاذْ إِ شُّوعُوبْ، ذ ڒْحَاكمْ، ذ بَابْ ن ڒُومُورْ إِ شُّوعُوبْ.
ISA 55:5 خْزَارْ، أَذْ ثْڒَاغِيذْ إِجّْ ن ڒْڭنْسْ إِ وَارْ ثسِّينذْ، ؤُ ڒْڭنْسْ إِ وَارْ شكْ إِسِّيننْ أَذْ غَاركْ د-يَاسْ ذِي طّْوعْ ن سِيذِي، أَربِّي نّشْ، ؤُ ذِي طّْوعْ ن ؤُمْقدَّاسْ ن إِسْرَائِيل، مِينْزِي نتَّا إِسّْعُودْجْ شكْ.“
ISA 55:6 ”أَرْزُومْ خْ سِيذِي ڒَامِي نتَّا إِتّجَّا إِخفْ نّسْ أَذْ إِتّْوَافْ، ڒَاغَامْ أَسْ ڒَامِي د-يُوذسْ نتَّا.
ISA 55:7 أجّْ أَعفَّانْ أَذْ إِسْمحْ ذڭْ وبْرِيذْ نّسْ ؤُشَا أَرْيَازْ ن ڒْغشّْ ذڭْ إِخَارِّيصنْ نّسْ. أجّْ إِ-ث أَذْ د-إِذْوڒْ غَارْ سِيذِي، [خنِّي] نتَّا أَذْ أَسْ إِزِّيدْجزْ، ؤُ غَارْ أَربِّي نّغْ، مَاغَارْ نتَّا إِغفَّارْ أَطَّاسْ ن ثْوَاڒَاوِينْ.
ISA 55:8 مَاغَارْ إِخَارِيصّنْ إِنُو وَارْ دْجِينْ أَمْ يِيخَارِيصّنْ نْومْ ؤُ إِبْرِيذنْ إِنُو وَارْ دْجِينْ أَمْ يِيبْرِيذنْ نْومْ، إِقَّارْ سِيذِي.
ISA 55:9 مَاغَارْ أَمْ مَامّشْ ؤُعْڒَانْ إِجنْوَانْ خْ ثمُّورْثْ، أَمُّو إِ يُوعْڒَانْ إِبْرِيذنْ إِنُو خْ إِبْرِيذنْ نْومْ ؤُ إِخَارِّيصنْ إِنُو خْ إِخَارِّيصنْ نْومْ.
ISA 55:10 مَاغَارْ أَمْ مَامّشْ إِ د-إِهكّْوَا ونْژَارْ ذ وذْفڒْ زڭْ ؤُجنَّا ؤُ وَارْ غَارسْ د-إِذِّيكّْوِيڒْ شَا، مَاشَا إِسُّوفَّا ثَامُّورْثْ ذ أَمزْوَارُو ؤُشَا إِتَّارَّا إِ-ت أَذْ ثوْشْ ڒْغِيدْجثْ، أَذْ ثَاوِي أَغمُّويْ ؤُشَا [أَوَارْنِي أَسْ] إِتِّيشْ زَّارِيعثْ إِ ونِّي إِژَارّْعنْ ذ وغْرُومْ إِ ونِّي إِتّتّنْ،
ISA 55:11 أَمُّو إِ غَا يِيڒِي ؤُڒَا ذ أَوَاڒْ إِ د-إِتّفّْغنْ زڭْ ؤُقمُّومْ إِنُو. وَارْ د غَارِي إِذِّيكّْوِيڒْ إِخْوَا، مَاشَا أَذْ يڭّْ مِينْ خْسغْ ؤُ أَذْ يَاوضْ [مَارَّا] مِينْ غَارْ ث سّكّغْ.“
ISA 55:12 ”مَاغَارْ أَذْ ثفّْغمْ س ڒفْرَاحثْ ؤُشَا أَذْ كنِّيوْ سّْقبّْضنْ ذِي ڒهْنَا. إِذُورَارْ ذ ثوْرِيرِينْ أَذْ دُّوقّْزنْ س ؤُسْڒِيوْڒوْ زَّاثْ إِ وُوذمْ نْومْ ؤُ مَارَّا ثِيشجُّورَا ن ييَّارْ أَذْ وْثنْثْ شَامْخَا س إِفَاسّنْ.
ISA 55:13 ذڭْ ومْشَانْ ن ؤُسنَّانْ أَذْ ثغْمِي [ثْشجَّارْثْ ن] ؤُمرْزِي، ذڭْ ومْشَانْ ن ثْزڭّْوَارْثْ أَذْ ثغْمِي ثْشجَّارْثْ ن ثَارِيحَانْثْ. أَيَا أَذْ يِيڒِي إِ سِيذِي، إِ [شَّانْ ن] يِيسمْ [نّسْ]، إِ ڒعْڒَامثْ نْ ڒبْذَا إِ وَارْ إِمحِّينْعمَّارْصْ.“
ISA 56:1 ”أَمُّو إِ إِقَّارْ سِيذِي: ’حْضَامْ ڒْحقّْ ؤُشَا ڭّمْ ثَاسڭْذَا، مِينْزِي أَسنْجمْ إِنُو يُوذسْ-د، أَذْ د-يَاسْ ذغْيَا، ؤُشَا ثَاسڭْذَا إِنُو [ثِيوضْ-د] حِيمَا أَذْ ثتّْوَاسَّارْڭبْ.
ISA 56:2 سّعْذْ ن ورْيَازْ نِّي إِتّڭّنْ أَمُّو ؤُڒَا ذ مِّيسْ ن بْنَاذمْ نِّي إِمنّْعنْ ذِي مَانْ أَيَا، ونِّي إِحطَّانْ أَسّْ ن سّبْثْ حِيمَا وَارْ إِتّْوَاسّْعِيدْجِيثْ، ذ ونِّي إِحطَّانْ أَفُوسْ نّسْ أَڒَامِي وَارْ إِتّڭّْ زِي مَارَّا مِينْ وَارْ إِحْڒِينْ.
ISA 56:3 وَارْ تّجِّي أَبَارَّانِي ونِّي إِقّْننْ غَارْ سِيذِي أَذْ يِينِي: ’سِيذِي إِعْزڒْ أَيِي قَاعْ خْ ڒْڭنْسْ نّسْ!‘، ؤُشَا وَارْ تّجِّي ونِّي ؤُمِي تّْوَادّْزنْ إِمدْجَاڒنْ أَذْ يِينِي: ’خْزَارْ، نشّْ ذ ثَاشجَّارْثْ يُوژْغنْ!‘
ISA 56:4 مَاغَارْ أَمُّو إِ إِقَّارْ سِيذِي خْ [إِمْسخَّارنْ] إِنِّي ؤُمِي تّْوَادّْزنْ إِمدْجَاڒنْ، إِنِّي إِحطَّانْ ؤُسَّانْ إِنُو ن سّبْثْ ؤُ تِّيخْضَارنْ مِينْ إِدْجَانْ إِ أَرْضَا إِنُو ؤُ تّطّْفنْ ذِي ڒْعَاهْذْ إِنُو:
ISA 56:5 نشّْ أَذْ أَسنْ ڭّغْ أَمْشَانْ ذِي ثَادَّارْثْ إِنُو ؤُ جَارْ ڒحْيُوضْ  إِنُو ؤُشَا أَذْ أَسنْ وْشغْ إِسمْ حْسنْ خْ [يِيسمْ] ن إِحنْجِيرنْ ذ ثْحنْجِيرِينْ. كُوڒْ إِجّنْ زَّايْسنْ أَذْ أَسْ وْشغْ إِسمْ نْ ڒبْذَا نِّيعمَّارْصْ وَارْ إِمحِّينْ.
ISA 56:6 إِبَارَّانِييّنْ نِّي إِ غَا إِقّْننْ غَارْ سِيذِي حِيمَا أَذْ أَسْ سخَّارنْ ؤُ حِيمَا أَذْ خْسنْ إِسمْ ن سِيذِي، حِيمَا أَذْ إِڒِينْ ذ إِمْسخَّارنْ نّسْ - مَارَّا إِنِّي إِحطَّانْ أَسّْ ن سّبْثْ حِيمَا وَارْ إِتّْوَاسّْعِيدْجِيثْ، ؤُڒَا ذ إِنِّي إِمنّْعنْ ذِي ڒْعَاهْذْ إِنُو -
ISA 56:7 أَذْ ثنْ أَوْيغْ [عَاوذْ] غَارْ وذْرَارْ إِنُو إِقدّْسنْ ؤُ أَذْ ثنْ سّفْرَاحغْ ذِي ثَادَّارْثْ إِنُو ن ثْژَادْجِيثْ. ثِيغَارْصَا نْسنْ ن وشْمَاضْ ذ ثْغَارْصَا نْسنْ نّغْنِي أَذْ إِڒِينْثْ إِ أَرْضَا إِنُو خْ ؤُعَالْطَارْ إِنُو، مَاغَارْ ثَادَّارْثْ إِنُو أَذْ أَسْ ڒَاغَانْ ثَادَّارْثْ ن ثْژَادْجِيثْ إِ مَارَّا ڒڭْنُوسْ.‘ “
ISA 56:8 ”سِيذِي إِنُو، سِيذِي، ونِّي ذ إِسّْمُونَانْ إِنِّي خْ يُوژّْڒنْ ن إِسْرَائِيل، إِقَّارْ: ’نشّْ أَذْ غَارسْ د-سّْمُونغْ كْثَارْ خْ يِينِّي د-إِتّْوَاسّْمُوننْ غَارسْ [عَاذْ].‘ “
ISA 56:9 ”مَارَّا ڒوْحُوشْ ن ڒخْڒَا، أَسمْ-د إِ مَاشَّا، [وَاهْ،] مَارَّا ڒْمَاڒْ ن وزْغَارْ!
ISA 56:10 إِعسَّاسنْ نّسْ دَّارْغْڒنْ مَارَّا، وَارْ سِّيننْ وَالُو. مَارَّا نِيثْنِي ذ إِطَانْ إِبكْمنْ، وَارْ زمَّارنْ أَذْ زُونْ، طّْسنْ، زّْڒنْ، تّخْسنْ أَنُوذمْ.
ISA 56:11 إِطَانْ-أَ أَرْجْفنْ أَڒْ طَّارْفْ، وَارْ سِّيننْ ثَايَاوَانْثْ. نِيثْنِي ذ إِمكْسَاونْ وَارْ إِفهّْمنْ، كُوڒْ  إِجّنْ [زَّايْسنْ] إِضفَّارْ أَبْرِيذْ نّسْ، كُوڒْ إِجّْ يَارزُّو ثِيزِي نّسْ، عَاذْ ونِّي ذ أَنڭَّارْ زَّايْسنْ.
ISA 56:12 [قَّارنْ]: ’أَستِّيوْ-د، أَذْ د-أَوْيغْ بِينُو، أَذْ نسْشَارْ س شّْرَابْ. أَمْ وَاسّْ-أَ أَمُّو إِ غَا يِيڒِي ؤُڒَا ذ ثِيوشَّا، [أَذْ يِيڒِي عَاذْ] ذ أَمقّْرَانْ ذ إِشْنَانْ [خَاسْ]!‘ “
ISA 57:1 ”إِتّْوَاهلّكْ ؤُمْسڭّذْ ؤُشَا وَارْ ذِينْ ؤُڒَا ذ إِجّْ وِي ث إِتّْكسِّينْ غَارْ وُوڒْ. إِرْيَازنْ ذَايْسنْ ثَامخْسِيوْثْ إِشوَّارنْ مّكْسِينْ، بْڒَا مَا إِحطَّا ؤُڒَا ذ إِجّْ أَقَا أَمْسڭّذْ إِمّكْسِي قْبڒْ إِ د غَا يَاسْ [أَسّْ ن] لْمُوصِيبَا.
ISA 57:2 نتَّا أَذْ د-يَاذفْ ذِي ڒهْنَا، أَذْ أَرّيْحنْ نِيثْنِي ذِي قَامَاثْ نْسنْ [ذڭْ إِمضْڒَانْ]، [كُوڒْ إِجّْ] ونِّي يُويُورنْ أَبْرِيذْ نّسْ إِسڭّْمنْ.“
ISA 57:3 ”قَارّْبمْ-د ذَا، [أَ كنِّيوْ] إِحنْجِيرنْ ن ثْبزْڭِيوْثْ، ثَارْوَا ن يِينِّي إِزنَّانْ ؤُ ن ثمْغَارْثْ ن فَارْقْ-شّْغڒْ!
ISA 57:4 وِي زِي ثسْثهزَّامْ أَمُّو، وِي خْ ثْشَارَّاڭمْ أَقمُّومْ ؤُ وِي غَارْ ثْجبّْذمْ إِڒسْ غَارْ بَارَّا؟ مَا وَارْ ثدْجِيمْ ذ إِحنْجِيرنْ ن ؤُعذِّي، ثَارْوَا ن ڒْغشّْ؟
ISA 57:5 [كنِّيوْ] إِنِّي إِتّْهَاجنْ غَارْ ثْشجُّورَا ن لْ-أَصْنَامْ، سَاذُو كُوڒْ ثَاشجَّارْثْ ثَازِيزَاوْثْ، [كنِّيوْ] إِنِّي إِغَارّْصنْ إِ إِحنْجِيرنْ إِمژْيَاننْ ذِي ثغْزُورِينْ، سْوَادَّايْ ذِي ثزِّييِينْ ن ڒجْرُوفْ.
ISA 57:6 ثَاسْغَارْثْ نّمْ غَارْ إِژْرَا إِيُويْذَانْ ن ثغْزُورِينْ. أَقَا ذِينْ ثَاسْغَارْثْ إِ ذ أَمْ د-يكَّارنْ. ؤُڒَا إِ نِيثْنِي ثْزدْجْعذْ أَسنْ ثَاوْهِيبْثْ ن ؤُسيّبْ، ثْوهّْبذْ ثَاوْهِيبْثْ [ن ڒْغِيدْجثْ]. مَا نشّْ أَذْ قِّيمغْ سْقَارغْ خْ مَانْ أَيَا؟“
ISA 57:7 ”خْ وذْرَارْ يُوعْڒَانْ ذ إِتّْوَاسّْڭعّْذنْ ثسُّوذْ قَامَا نّمْ. ؤُڒَا ذِينِّي ثْڭعّْذذْ حِيمَا أَذْ ثْوهّْبذْ ثَاغَارْصْثْ.
ISA 57:8 أَوَارْنِي ثوَّارْثْ ذ ڒضْرُوفْ نّسْ [غَارْ إِغزْذِيسنْ نّسْ] ثڭِّيذْ ڒعْڒَامثْ نّمْ ن ڒِيذَارثْ، [’مْزُوزَا نّمْ‘]، مَاغَارْ شمْ ثنْعزْڒذْ خَافِي ذ ثَاعَارْيَانْثْ ؤُ ثْڭعّْذذْ ذِينِّي سنّجْ. ثْعذْڒذْ إِ يِيخفْ نّمْ قَامَا ذ ثْمِيرِيوْثْ ؤُشَا ثْعَاهْذذْ إِخفْ نّمْ أَكْ-ذ شَا زَّايْسنْ. ثتّخْسذْ ثَاسُّوثْ نْسنْ، ثژْرِيذْ ثَارْيَاسْثْ [نْسنْ].
ISA 57:9 أَكْ-ذ زّشْثْ ثْرُوحذْ غَارْ ؤُجدْجِيذْ ؤُشَا ثَارْنِيذْ أَطَّاسْ ذِي ڒعْطُورْ إِتّْفُوحنْ نّمْ. ثسّكّذْ إِمْسخَّارنْ نّمْ غَارْ ڒَاڭّْوَاجْ ؤُشَا ثسّْوَاضْعذْ إِخفْ نّمْ أَڒْ ڒَاخَارْثْ.
ISA 57:10 زِي سِّيبّثْ ن وَاطَّاسْ ن إِمْسَاڭَارنْ نّمْ ثُوحْڒذْ، [مَاشَا]عمَّارْصْ وَارْ ثنِّيذْ: ’وَارْ ذِينْ إِقِّيمْ ڒَايَاسْ!‘ ثُوفِيذْ جّهْذْ ن جْذِيذْ إِ ثُوذَارْثْ. خْ ؤُيَا وَارْ ثحْڒِيشذْ.
ISA 57:11 مَانْ ونْ زِي ثسّْحِيسّْفذْ ؤُ ثڭّْوذذْ أَقَا شمْ ثسّْخَارّْقذْ خَافِي ؤُ وَارْ ذ أَيِي ثِيذَارذْ، وَارْ ذ أَيِي ثڭِّيذْ غَارْ وُوڒْ نّمْ؟ مَا وَارْ ثُوغِي نشّْ سّغْذغْ زڭْ وشْحَاڒْ ؤُيَا، [أَڒَامِي] شمْ وَارْ زَّايِي ثڭّْوِيذذْ شَا [عَاذْ]؟“
ISA 57:12 ”نشّْ أَذْ عَاوْذغْ خْ ثْسڭْذَا نّمْ ذ ثْمڭَّا نّمْ: وَارْ شمْ نفّْعنْ شَا.
ISA 57:13 خْمِي غَا ثْڒَاغِيذْ، أجّْ خنِّي أَڭْرَاوْ نّمْ [إِ غَارمْ ثسّْمُونذْ] أَذْ شمْ إِفكّْ. أَسمِّيضْ أَذْ ثنْ يَاوِي مَارَّا، إِجّْ ن ؤُسُوضِي أَذْ ثنْ إِكْسِي، [مَاشَا] ونِّي غَارِي يَاركّْوَاڒنْ، أَذْ إِوَارْثْ ثَامُّورْثْ ذ وذْرَارْ إِنُو إِقدّْسنْ ذ ثَاسْغَارْثْ.“
ISA 57:14 ”أَذْ يِينِي: ’سْڭعّْذمْ، سْڭعّْذمْ [أَبْرِيذْ]، كْسمْ مِينْ إِسّنْقْرَاضنْ زڭْ وبْرِيذْ ن ڒْڭنْسْ إِنُو!‘
ISA 57:15 مَاغَارْ أَمُّو إِ إِقَّارْ ونِّي يُوعْڒَانْ ؤُ ونِّي إِتّْوَاسّْڭعّْذنْ، ونِّي إِزدّْغنْ ذِي ڒبْذَا، ونِّي ؤُمِي قَّارنْ أَقَا أَمْقدَّاسْ [إِ إِدْجَا]: ’نشّْ زدّْغغْ ذِي ڒُوعْڒَا ؤُ ذڭْ وقْذَاسْ ؤُ غَارْ ونِّي ؤُمِي إِتّْوَارْژْ بُوحْبڒْ ؤُ غَارْ ؤُمْوَاضعْ ن بُوحْبڒْ، مَاحنْذْ أَذْ أَرّغْ بُوحْبڒْ ن إِمْوَاضْعنْ ذ وُوڒْ نْ إِنِّي إِتّْوَارْژِينْ غَارْ ثُوذَارْثْ!‘
ISA 57:16 مَاغَارْ نشّْ وَارْ تّمْشُوبُّوشغْ إِ ڒبْذَا ؤُ وَارْ تّڭّغْ أَذْ إِدُّوقّزْ وغْضَابْ إِنُو بْڒَا قطُّو، مِينْزِي [خنِّي] إِڒِي أَذْ يَارْخُو [كُوڒْ] بُوحْبڒْ زِي زَّاثْ ن وُوذمْ إِنُو، ڒعْمُورْ نِّي ڭِّيغْ.“
ISA 57:17 ”نشّْ فُّوڭْمغْ خْ ڒْمُوعْصِييّثْ ن مژْرِي نّسْ ذڭْ وَارْبحْ ؤُشَا وْثِيغْ [ڒْڭنْسْ]. نشّْ نُّوفَّارغْ ؤُشَا [خنِّي] إِدُّوقّزْ وغْضَابْ إِنُو. [مَاشَا] ڒْڭنْسْ يُويُورْ، إِذْوڒْ غَارْ وبْرِيذْ ن وُوڒْ نّسْ.“
ISA 57:18 ”نشّْ ژْرِيغْ إِبْرِيذنْ نّسْ، أَذْ ث سّْڭنْفِيغْ، أَذْ ث سّْقبّْضغْ، أَذْ أَسْ سّْفوّْجغْ ؤُشَا أَذْ أَسْ وْشغْ إِفوَّاجنْ، إِ نتَّا ؤُ إِ يِينِّي إِشضْننْ نّسْ.
ISA 57:19 نشّْ أَذْ د-خڒْقغْ ڒْغِيدْجثْ ن إِينْشِيشنْ نْسنْ. ’ڒهْنَا، ڒهْنَا إِ يِينِّي إِڭّْوجنْ ؤُ إِ يِينِّي يُوذْسنْ‘، إِقَّارْ سِيذِي.
ISA 57:20 مَاشَا إِعفَّاننْ ڭِّينْ أَمْ ڒبْحَارْ إِنّْهوْڒنْ إِ وَارْ إِزمَّارنْ أَذْ يَارْسَا، ؤُشَا أَمَانْ نّسْ إِوْينْ-د أَبَارْيُوضْ ذ ؤُبدْجَاعْ.
ISA 57:21 إِعفَّاننْ وَارْ غَارْ إِدْجِي ڒهْنَا!، إِقَّارْ أَربِّي إِنُو.“
ISA 58:1 ”ڒَْاغَا س جّهْذْ، وَارْ تّْشطَّارْ، أجّْ ثْمِيجَّا نّشْ أَذْ ثْڭعّذْ أَمْ ؤُيِيشّْ ن إِشَارِّي ؤُشَا بَارّحْ إِ ڒْڭنْسْ إِنُو إِعذِّيينْ نْسنْ ؤُ إِ ثَادَّارْثْ ن يَاعْقُوبْ دّْنُوبْ نْسنْ!
ISA 58:2 نِيثْنِي أَرزُّونْ خَافِي أَسّْ خْ وَاسّْ ؤُشَا إِعْجبْ أَسنْ ثُوسّْنَا ن إِبْرِيذنْ إِنُو، أَمشْنَاوْ [دْجَانْ ذ] ڒْڭنْسْ نِّي إِتّڭّنْ ثَاسڭْذَا ؤُ وَارْ إِتّجِّي ڒْحقّْ ن أَربِّي نّسْ. نِيثْنِي تَّارنْ زَّايِي ڒحْكَامَاثْ إِسڭّْذنْ، إِعْجبْ أَسنْ أَذْ د-قَارّْبنْ غَارْ أَربِّي،
ISA 58:3 [مَاشَا نِيثْنِي قَّارنْ]: ’مَايمِّي نْژُومّْ، ؤُشَا شكْ وَارْ ث ثژْرِيذْ؟ [مَايمِّي] نسّشْضَانْ بُوحْبڒْ نّغْ [أَمْ] شكْ وَارْ ذ أَسْ ثْحكَّارذْ؟‘ خْزَارْ، ذڭْ وَاسّْ ن ؤُژُومِّي نْومْ، ثَارِّيمْ مژْرِي ؤُشَا ثْزيَّارمْ أَطَّاسْ مَارَّا إِخدَّامنْ نْومْ.
ISA 58:4 خْزَارْ، أَژُومِّي نْومْ يِيوِي كنِّيوْ غَارْ ؤُمْشُوبّشْ ذ ؤُمنْغِي، غَارْ ثِييِّيثَا س ڒْپُونِييّثْ س ڒقْسَاحثْ. وَارْ تّْژُومّمْ أَمْ ثتّڭّمْ أَسّْ-أَ، مَاحنْذْ أَذْ ثتّْوَاسڒْ ثْمِيجَّا نْومْ ذِي ڒُوعْڒَا!
ISA 58:5 مَا وَا ذ أَژُومِّي نِّي إِخْضَارغْ نشّْ: إِجّْ ن وَاسّْ نِّي ذِي غَا إِعدّبْ بْنَاذمْ ڒعْمَارْ نّسْ، ونِّي خْ إِ غَا إِميّڒْ بْنَاذمْ أَزدْجِيفْ نّسْ أَمْ ؤُغَانِيمْ، ؤُ أَذْ إِسَّارْسْ ثَاخَانْشثْ ن وشْضَانْ ذ يِيغّضْ أَمْ قَامَا نّسْ؟ مَا ثقَّارذْ إِ ؤُيَا أَژُومِّي، مَا أَيَا ذ أَسّْ إِ د-يُوسِينْ خْ ڒْخَاضَارْ إِ سِيذِي؟“
ISA 58:6 ”مَا وَارْ إِدْجِي وَا ذ أَژُومِّي نِّي إِخْضَارغْ: أَفكِّي ن إِشذِّييّنْ ن ڒْغَارْ، أَزعْوَاضْ ن ثسْغُونِينْ ن زَّايْڒثْ، أَنُوفْسڒْ إِ يِينِّي إِتّْوَاحْصَارنْ، أَقَا أَذْ ثكّْسمْ قَاعْ زَّايْڒثْ؟
ISA 58:7 مَا وَارْ إِدْجِي [وَا ذ أَژُومِّي نِّي إِخْضَارغْ]، أَقَا أَذْ ثبْضِيذْ أَغْرُومْ نّشْ أَكْ-ذ ونِّي إِدْجُوزنْ ؤُشَا أَذْ ثسِّيذْفذْ ڒْمُوسَاكِينْ نِّي إِتّْوَاذَارّْشنْ غَارْ ثَادَّارْثْ؟ مَاڒَا شكْ ثژْرِيذْ أَعَارْيَانْ، أَذْ ث ثسّْيَارْضذْ ؤُ وَارْ ثسّْنُوفَارذْ إِخفْ نّشْ زڭْ ونِّي إِدْجَانْ زڭْ ويْسُومْ نّشْ؟
ISA 58:8 خنِّي ثَافَاوْثْ نّشْ أَذْ د-ثنْقَارْ أَمْ ثُوفُّوثْ ن ڒْحَاڒْ ؤُشَا أَسْڭنْفِي نّشْ أَذْ د-يَاوضْ ذغْيَا، ثَاسڭْذَا نّشْ أَذْ أَشْ ثِيزْوَارْ ؤُشَا أَعُودْجِي ن سِيذِي أَذْ يِيڒِي ذ أَغزْذِيسْ نّشْ أَنڭَّارُو.“
ISA 58:9 ”خنِّي أَذْ ثْڒَاغِيذْ ؤُشَا سِيذِي أَذْ خَاكْ د-يَارّْ. أَذْ ثسْغُويذْ غَارْ ثْوِيزَا، [ؤُشَا خنِّي] أَذْ يِينِي نتَّا: ’خْزَارْ، أَقَا أَيِي ذَا!‘ مَاڒَا [نِيشَانْ] ثكّْسذْ زَّايْرثْ زِي ڒْوسْطْ نّشْ، ؤُڒَا ذ أَشيَّارْ س ؤُضَاضْ ذ وَاوَاڒْ أَعفَّانْ،
ISA 58:10 ؤُشَا أَذْ ثَارْزْمذْ ڒعْمَارْ نّشْ إِ ونِّي إِدْجُوژنْ ؤُ أَذْ ثسّْجِّيوْنذْ ڒعْمَارْ إِشضْننْ! [خنِّي] أَذْ د-ثنْقَارْ ثْفَاوْثْ نّشْ ذِي ثَادْجسْثْ ؤُشَا ثُوبَّارْشنْثْ نّشْ أَذْ ثِيڒِي أَمْ طّْيَا ن ؤُزِيڒْ.
ISA 58:11 سِيذِي أَذْ شكْ إِتّْڭوَّاذْ ڒبْذَا ؤُ نتَّا أَذْ إِسّْجِّيونْ ڒعْمَارْ نّشْ ذِي جّْوَايهْ يُوژْغنْ ؤُشَا أَذْ إِسّجْهذْ إِغْسَانْ نّشْ. أَذْ ثْذوْڒذْ أَمْ وحْوِيشْ إِتّْوَاسُّونْ ؤُ أَمْ ڒْعُونْصَارْ إِتَّازّْڒنْ ن وَامَانْ إِ وَارْ تّْغَارَّانْ أَمَانْ نّسْعمَّارْصْ.
ISA 58:12 إِنِّي زَّايكْ [د-إِفّْغنْ] أَذْ عَاوْذنْ أَسْبذِّي إِ ڒْخِيرْبَاثْ ن وشْحَاڒْ ؤُيَا، أَذْعذْڒنْ ذْسُوسَا ن جِّيڒَاثْ إِعْذُونْ ؤُشَا أَذْ أَشْ قَّارنْ: ’ونِّي إِعدّْڒنْ ثَارژِّيثِينْ، ذ ونِّي إِتَّارَّانْ إِزُوبَاقْ أَذْ ذَايْسنْ ؤُيُورنْ!‘ “
ISA 58:13 ”مَاڒَا [خنِّي] ثْقڒْبذْ أَضَارْ نّشْ خْ [وَاسّْ ن] سّبْثْ، خْ ثَاڭِّيثْ مِينْ ذ أَشْ إِتّعْجِيبنْ ذڭْ وَاسّْ إِنُو إِقدّْسنْ، ؤُشَا أَذْ ثْڒَاغِيذْ إِ [وَاسّْ ن] سّبْثْ: ’طِّيبثْ!‘، إِ مِينْ إِدْجَانْ إِقدّْسنْ إِ سِيذِي: ’أَعُودْجِي!‘، ؤُشَا أَذْ ثْوقَّارذْ [أَسّْ ن سّبْثْ] أَمْ وَارْ ثْضفَّارضْ إِبْرِيذنْ نّشْ، وَارْ ثتّڭِّيذْ مِينْ ذ أَشْ إِتّعْجِيبنْ ؤُ وَارْ ثسِّيوِيڒِيذْ [غَارْ] ثِيزِي [نّشْ]،
ISA 58:14 خنِّي أَذْ ثَافذْ ڒفْرَاحثْ نّشْ ذِي سِيذِي ؤُ نشّْ أَذْ شكْ جّغْ أَذْ ثْنذْهذْ ثِيوَا إِ ڒڭْعُوذِي ن ثمُّورْثْ. أَذْ شكْ سّشّغْ زِي ثسْغَارْثْ ن بَابَاشْ يَاعْقُوبْ، مِينْزِي أَقمُّومْ ن سِيذِي إِسِّيوڒْ.“
ISA 59:1 ”خْزَارْ، أَفُوسْ ن سِيذِي وَارْ إِدْجِي ذ أَقُوضَاضْ حِيمَا أَذْ إِسّنْجمْ، أَمزُّوغْ نّسْ وَارْ إِدُّوهْشَارْ أَقَا نتَّا وَارْ إِتّسْڒِي،
ISA 59:2 مَاشَا ڒْمُوعْصِييّثْ نْومْ ذ مِينْ إِتّمْسبْضَانْ جَارْ أَومْ ذ أَربِّي نْومْ، ؤُشَا دّْنُوبْ نْومْ ڒحّْفنْ زَّايْومْ أَغمْبُوبْ نّسْ، أَقَا نتَّا وَارْ [إِ ذ أَومْ] إِتّسْڒِي.
ISA 59:3 مَاغَارْ تّْوَاسّْخمّْجنْ إِفَاسّنْ نْومْ س إِذَامّنْ، إِضوْضَانْ نْومْ س ڒْمُوعْصِييّثْ، إِينْشِيشنْ نْومْ سّْخَارِّيقنْ، إِڒسْ نْومْ إِنْطقْ س مِينْ وَارْ إِحْرِينْ.
ISA 59:4 ؤُڒَا ذ إِجّْ إِسّْمُونَا س ثْسڭْذَا ؤُشَا ؤُڒَا ذ إِجّْ إِتّْوَاشَارّعْ س ڒْحقّْ. مَارَّا نِيثْنِي تّْعمّْذنْ خْ مِينْ إِدْجَانْ بَاطڒْ ؤُشَا قَّارنْ إِخَارِّيقنْ. أَقَا كسِّينْ س دّيْسثْ ن ثُوعفّْنَا ؤُ تَّارْونْ-د ڒْمُوعْصِييّثْ.
ISA 59:5 حبْضنْ خْ ثْمدْجَاڒِينْ ن ثْڒفْسَا ؤُ زطّنْ أَخْمَاڒْ ن قُونْذْعَا. ونِّي إِشّنْ زِي ثْمدْجَاڒِينْ نْسنْ، أَذْ إِمّثْ، ؤُ خْمِي إِتَّارژَّا إِجّْ إِشْثنْ، ثتّفّغْ-د زَّايسْ إِشْثْ ن ثْفِيغَارْثْ.
ISA 59:6 إِخْمَارنْ نْسنْ وَارْ د-ؤُسِينْ إِ ورُّوضْ ؤُشَا وَارْ زمَّارنْ أَذْ أَرْضنْ إِخفْ نْسنْ س مِينْ ڭِّينْ [إِفَاسّنْ نْسنْ]. مِينْ ڭِّينْ أَقَا ذ ڒخْذَايمْ ن ڒْمُوعْصِييّثْ ؤُڒَا ذ ڒْخذْمثْ ن ڒخْشُونثْ ن إِفَاسّنْ نْسنْ.
ISA 59:7 إِضَارنْ نْسنْ تَّازّْڒنْ غَارْ ڒْغَارْ ؤُ نِيثْنِي تّْقدْجِيقنْ مَاحنْذْ أَذْ سِّيزّْڒنْ إِذَامّنْ إِمزْذَاڭنْ. إِخَارِّيصنْ نْسنْ ذ إِخَارِّيصنْ [شُّورنْ] أَكْ-ذ ڒْمُوعْصِييّثْ، أَردّدْجْ ذ ؤُكهّضْ أَقَا أَثنْ خْ إِبْرِيذنْ نْسنْ إِوَاطَانْ.
ISA 59:8 أَبْرِيذْ نْ ڒهْنَا وَارْ ث سِّيننْ ؤُ ڒَاثَارَاثْ نْسنْ وَارْ خَاسنْثْ وَالُو ن ڒْحقّْ. نِيثْنِي سّْفَارَّاغنْ إِزُوبَاقْ نْسنْ إِ يِيخفْ نْسنْ، مَارَّا إِنِّي ذَايْسنْ إِڭُّورنْ، وَارْ سِّيننْ ڒهْنَا.“
ISA 59:9 ”خْ ؤُيَا إِتّْغِيمَا ڒْحقّْ إِڭّْوجْ خَانغْ ؤُ ثَاسڭْذَا وَارْ د أَنغْ د-ثتِّيكّْوِيضْ. نشِّينْ نتّْرَاجَا ثَافَاوْثْ، [مَاشَا] خْزَارْ، أَقَا ذِينْ طّْڒَامْ، نْرَاجَا ثِيسِّيقْثْ ن ثْفَاوْثْ، [مَاشَا] نُويُورْ ذِي ثَادْجسْثْ.
ISA 59:10 نتّْفَافَا أَمْ يِيضَارْغَاڒنْ أَكْ-ذ ڒْحِيضْ ؤُ نتّمْهَافَا [سَّا غَارْ ذَا]، أَخْمِي وَارْ غَارْنغْ دْجِينْثْ ثِيطَّاوِينْ. نْوطَّا ذِي طّْحَا ن ؤُزِيڒْ أَخْمِي ذِي ثْبَامْبَاسْثْ خْ يِينِّي إِدَّارنْ أَخْمِي خْ إِمتَّانْ.
ISA 59:11 نشِّينْ نْزهَّارْ مَارَّا أَمْ دُّوبَاثْ ؤُ نتّْڭرْڭُورْ أَمْ تّْڭرْڭُورنْثْ ثذْبِيرِينْ، نتّْرَاجَا ڒْحقّْ، [مَاشَا] وَارْ د-يُوسِي، [نتّْرَاجَا] أَسنْجمْ، [مَاشَا] إِڭّْوجْ خَانغْ.
ISA 59:12 مَاغَارْ إِعذِّيينْ نّغْ أَطَّاسْ قِيبَاتْشْ شكْ ؤُ دّْنُوبْ نّغْ شهّْذنْ خَانغْ، مِينْزِي إِعذِّيينْ نّغْ أَقَا أَثنْ غَارْنغْ ؤُ ڒْمُوعْصِييَّاثْ نّغْ أَقَا نسّنْ إِ-ثنْثْ:
ISA 59:13 أَعذِّي ذ ؤُخَارّقْ خْ سِيذِي، ؤُشَا أَحيّذْ زِي أَربِّي نّغْ، ڒْهَارْذْ خْ دّدْجْ ذ ؤُغوّغْ، أَحَاوڒْ ذ ؤُسُوفّغْ ن إِخَارِّيقنْ زڭْ وُوڒْ.
ISA 59:14 إِتّْوخَّارْ ڒْحقّْ غَارْ ضفَّارْ، ؤُشَا ثتّْغِيمَا ثْسڭْذَا غَارْ ڒَاڭّْوَاجْ، مَاغَارْ ثِيذتّْ ثنّذْرفْ ذڭْ وَازَّايْ ؤُشَا مِينْ إِسڭّْمنْ وَارْ إِزمَّارْ أَذْ د-يَاذفْ.
ISA 59:15 ثْبطّڒْ ثِيذتّْ ؤُ ونِّي إِحيّْذنْ خْ ثُوعفّْنَا إِذْوڒْ ذ ثَاكشَّاضْثْ. أَيَا إِژْرَا إِ-ث سِيذِي ؤُشَا ثُوغَا-ث ذ أَعفَّانْ ذِي ثِيطَّاوِينْ نّسْ أَقَا وَارْ ذِينْ إِدْجِي ڒْحقّْ.
ISA 59:16 إِژْرَا أَقَا وَارْ ذِينْ ؤُڒَا ذ إِجّنْ ؤُ نتَّا ثُوغَا إِتّبْهثْ ڒَامِي ؤُڒَا ذ إِجّْ إِكْسِي س ڒْمعْرُوفْ إِ ؤُشفَّاعْ. [خنِّي] يِيوِي ؤُغِيڒْ نّسْ ذ أَسنْجمْ إِ نتَّا ؤُشَا ثَاسڭْذَا نّسْ ثُوغَا ذ أَعمّذْ نّسْ.
ISA 59:17 إِسّْيَارْضْ إِخفْ نّسْ ثَاسڭْذَا أَمْ وَارُّوضْ ن وُوزَّاڒْ ؤُشَا إِسَّارْسْ لْكَاسْكْ ن ؤُسنْجمْ خْ ؤُزدْجِيفْ نّسْ. نتَّا يَارْضْ أَرُّوضْ ن وخْڒَافْ ؤُشَا إِڒحّفْ س ثُوسْمِي [إِقدّْسنْ] أَمْ إِڒحّفْ س ؤُسڒْهَامْ.
ISA 59:18 أَمْ مَامّشْ سْذَاهْدْجنْثْ ثْمڭَّا [نْسنْ]، أَمُّو إِ غَا إِخْڒفْ إِ إِغْرِيمنْ نّسْ س وسْعَارْ، إِ ڒْعذْيَانْ نّسْ مِينْ ذ أَسنْ د-يُوسِينْ. ثِيڭْزِيرِينْ أَذْ ثنْثْ إِوْشْ ڒخْڒفْ نْسنْثْ إِ إِسْذَاحْدْجنْ.“
ISA 59:19 ”[خنِّي] أَذْ ڭّْوذنْ زڭْ يِيسمْ ن سِيذِي زِي مَانِيسْ ثْغدْجِي ثْفُوشْثْ، ؤُشَا أَعُودْجِي نّسْ زِي مَانِيسْ د-ثْنقَّارْ ثْفُوشْثْ. مَاغَارْ أَذْ د-يَاسْ أَمْ يغْزَارْ إِحْصَارنْ، أَسمِّيضْ ن سِيذِي أَذْ ث إِعَارْنْ.
ISA 59:20 أَذْ د-يَاسْ ؤُمفْذِي زِي صِيهْيُونْ، إِ يِينِّي إِ غَا إِثُوبنْ زڭْ إِعذِّيينْ [نْسنْ] زِي يَاعْقُوبْ، [أَمُّو إِ] إِقَّارْ سِيذِي.“
ISA 59:21 ”وَا ذ ڒْعَاهْذْ إِنُو أَكِيذْسنْ، إِقَّارْ سِيذِي. أَرُّوحْ إِنُو، ونِّي خَاكْ [إِدْجَانْ]، ذ وَاوَاڒنْ إِنُو نِّي ڭِّيغْ ذڭْ ؤُقمُّومْ نّشْ، وَارْ خَاكْ تّْحيِّيذنْ شَا زڭْ ؤُقمُّومْ نّشْ، وَارْ إِدْجِي زڭْ ؤُقمُّومْ ن ثَارْوَا نّشْ ؤُڒَا زڭْ ؤُقمُّونْ ن ثَارْوَا ن ثَارْوَا نّشْ، زِي ڒخُّو أَڒْ إِ ڒبْذَا، إِقَّارْ سِيذِي.“
ISA 60:1 ”كَّارْ، أڭّْ ثْفَاوْثْ مَاغَارْ ثَافَاوْثْ نّمْ ثُوسَا-د ؤُ أَعُودْجِي ن سِيذِي يَارقّْ ثِيوَا نّمْ.
ISA 60:2 مَاغَارْ خْزَارْ، ثَادْجسْثْ أَذْ ثْذڒْ ثَامُّورْثْ ؤُ أَسيْنُو إِبُّومْبسْ [أَذْ إِذڒْ] شُّوعُوبْ، [مَاشَا] ثِيوَا نّمْ أَذْ إِڭعّذْ سِيذِي ؤُ أَعُودْجِي نّسْ أَذْ د-إِضْهَارْ ثِيوَا نّمْ.
ISA 60:3 ڒڭْنُوسْ أَذْ غَارمْ د-أَسنْ ؤُ إِجدْجِيذنْ غَارْ ثِيسِّيقْثْ ن ڒفْجَارْ نّمْ.“
ISA 60:4 ”سْڭعّذْ ثِيطَّاوِينْ نّمْ، خْزَارْ ذَا ذ ذِيهَا، خْزَارْ، مَارَّا نِيثْنِي مُوننْ، تَّاسنْ-د غَارمْ. إِحنْجِيرنْ نّمْ أَذْ د-أَسنْ زِي ڒَاڭّْوَاجْ، يسِّيمْ تّْوَاكْسِينْثْ إِ-د خْ ثْمصَّاضِينْ.
ISA 60:5 خنِّي أَذْ ث ثْژَارذْ ؤُ أَذْ ثْسِيقْسِيقذْ ؤُشَا ؤُڒْ نّمْ أَذْ إِنْهزّْ س ؤُوقَّارْ ؤُ أَذْ إِنُّورْزمْ أَطَّاسْ، مَاغَارْ أَڭْڒَا ن ڒبْحَارْ أَذْ إِذْوڒْ غَارمْ، أَفيّشْ ن ڒڭْنُوسْ أَذْ غَارمْ د-يَاسْ.
ISA 60:6 إِجّْ ن ؤُبَارُّو ن إِڒغْمَانْ أَذْ شمْ إِذڒْ، إِڒغْمَانْ إِمژْيَاننْ زِي مِيذْيَانْ ذ عِييْفَا. مَارَّا أَذْ د-أَسنْ زِي شَابَا. أَذْ أَوْينْ ؤُرغْ ذ جَّاوِي، ؤُشَا أَذْ بشَّارنْ س وَاوَاڒنْ ن شَّانْ إِ سِيذِي.
ISA 60:7 مَارَّا ؤُدْجِي ن قِيذَارْ أَذْ غَارمْ نّْجَارْونْ. إِشَارِّييّنْ ن نَابَايُوثْ أَذْ إِڒِينْ إِ ثْسخَّارْثْ نّمْ. أَذْ ثنْ سّْڭعّْذنْ س أَرْضَا خْ ؤُعَالْطَارْ إِنُو ؤُ نشّْ أَذْ سّْعُودْجغْ ثَادَّارْثْ ن ؤُعُودْجِي إِنُو س ثِيذتّْ.“
ISA 60:8 ”مَانْ إِنَا إِنِّي د-إِطَّاونْ غَارْ ذِينِّي أَمْ يِيسيْنُوثنْ، أَمْ ثذْبِيرِينْ غَارْ ڒكْوَازَا نْسنْثْ؟
ISA 60:9 [وَاهْ،] ثِيڭْزِيرِينْ أَذْ أَيِي ڒَاجَانْثْ، ؤُشَا إِغَارُّوبَا ن ثَارْشِيشْ أَذْ إِڒِينْ ذ إِمزْوُورَا مَاحنْذْ أَذْ أَوْينْ إِحنْجِيرنْ نّمْ زِي ڒَاڭّْوَاجْ، أَكْ-ذ نُّوقَارْثْ نْسنْ ذ وُورغْ نْسنْ، إِ يِيسمْ ن سِيذِي، أَربِّي نّمْ، إِ ؤُمْقدَّاسْ ن إِسْرَائِيل، مِينْزِي نتَّا إِسّْعُودْجْ شمْ.
ISA 60:10 إِبَارَّانِييّنْ أَذْ بْنَانْ ڒحْيُوضْ نّمْ ؤُشَا إِجدْجِيذنْ أَذْ أَمْ سخَّارنْ، مَاغَارْ ذڭْ ؤُذُوقّزْ ن وغْضَابْ إِنُو وْثِيغْ شمْ، [مَاشَا] ذِي أَرْضَا إِنُو ثزِّيدْجذْ أَيِي.
ISA 60:11 ثِيوُّورَا نّمْ أَذْ قِّيمنْثْ ڒبْذَا أَرْزْمنْثْ. أَسّْ ذ دْجِيڒثْ وَارْ تّْبلِّيعنْثْ مَاحنْذْ أَذْ غَارمْ سِّيذْفنْ أَڭْڒَا ن ڒڭْنُوسْ ؤُشَا أَذْ [ذِينْ] سّْقبّْضنْ ؤُڒَا ذ إِجدْجِيذنْ نْسنْ نِّي د-إِوْينْ.
ISA 60:12 مَاغَارْ ڒْڭنْسْ ذ ثْڭلْذِيثْ نِّي وَارْ تّخْسنْ أَذْ أَمْ سخَّارنْ، أَذْ هلّْكنْ، ؤُشَا ڒڭْنُوسْ [نِّي] أَذْ تّْوَارذْدْجنْ قَاعْ.“
ISA 60:13 ”أَشُووَّارْ ن لُوبْنَانْ أَذْ غَارمْ د-يَاسْ، ثَاشجَّارْثْ ن ؤُمرْزِي، ثَاشجَّارْثْ ن دُّولْبْ ذ ثْشجَّارْثْ ن ثنْڭلْثْ مُوننْثْ، حِيمَا أَذْ زوّْقنْ أَمْشَانْ ن زَّاوشْثْ إِنُو إِقدّْسنْ، ؤُشَا أَمْشَانْ ن إِضَارنْ إِنُو أَذْ ث سّْعُودْجغْ.
ISA 60:14 إِحنْجِيرنْ ن يِينِّي ثُوغَا شمْ إِحصَّارنْ أَذْ غَارمْ د-أَسنْ س ؤُوَاضعْ، أَذْ أَضَارنْ غَارْ إِضَارنْ نّمْ مَارَّا إِنِّي زَّايمْ إِسْثهْزَانْ، ؤُشَا أَذْ أَمْ ڒَاغَانْ: ’ثَانْذِينْثْ ن سِيذِي، صِيهْيُونْ ن ؤُمْقدَّاسْ ن إِسْرَائِيل‘.“
ISA 60:15 ”إِ ؤُمِي، أَقَا شمْ ثُوغَا ثخْڒِيذْ ذ ثتّْوَاشَارْهذْ أَڒَامِي ؤُڒَا ذ إِجّْ وَارْ ذ خَامْ إِسِّيجّْ، أَذْ شمْ ڭّغْ ذ ڒْعزّْ إِتّْذُومَانْ ذ [ڒْعُونْصَارْ ن] ڒفْرَاحثْ زِي جِّيڒْ أَڒْ جِّيڒْ.
ISA 60:16 أَذْ ثطّْضذْ أَغِي ن ڒڭْنُوسْ ؤُ أَذْ ثطّْضذْ غَارْ إِفَّانْ ن إِجدْجِيذنْ. أَذْ ثسّْنذْ أَقَا نشّْ ذ سِيذِي، أَمْسنْجَامْ نّمْ ذ أَمفْذِي نّمْ، أَمْزمَّارْ ن يَاعْقُوبْ.“
ISA 60:17 ”ذڭْ ومْشَانْ ن نّْحَاسْ أَذْ أَوْيغْ ؤُرغْ، ذڭْ ومْشَانْ ن وُوزَّاڒْ نُّوقَارْثْ، ذڭْ ومْشَانْ ن ؤُكشُّوضْ نّْحَاسْ، ذڭْ ومْشَانْ ن يژْرَا ؤُزَّاڒْ. نشّْ أَذْ ڭّغْ ڒهْنَا ذ إِوقَّافنْ نّمْ ؤُڒَا ذ ثَاسڭْذَا ذ إِمْزيَّارنْ نّمْ.
ISA 60:18 وَارْ سِّيوْڒنْ عَاذْ خْ لْعُونْفْ ذِي ثمُّورْثْ نّمْ، ؤُڒَا خْ وَاردّدْجْ ذ ؤُخَارّبْ ذِي جّْوَايهْ نّمْ. ڒحْيُوضْ نّمْ أَذْ أَسنْ إِنِينْ: ’أَسنْجمْ!‘، ؤُ إِ ثوُّورَا نّمْ: ’ثَاصبِّيحْثْ!‘.
ISA 60:19 وَارْ ثتِّيڒِي عَاذْ ثْفُوشْثْ ذ ثَافَاوْثْ نّمْ ذڭْ ؤُزِيڒْ ؤُ ثَازِيرِي وَارْ ذ أَمْ ثتِّيشْ عَاذْ ثِيسِّيقْثْ نّسْ، [مَاشَا] سِيذِي أَذْ أَمْ يِيڒِي ذ ثَافَاوْثْ ن ڒبْذَا، ؤُشَا أَربِّي نّمْ أَذْ يِيڒِي ذ ڒهْزُوطْ نّمْ إِشْنَانْ قَاعْ.
ISA 60:20 ثَافُوشْثْ نّمْ وَارْ ثْغدْجِي عَاذْ ؤُ ثَازِيرِي نّمْ وَارْ ثْنقّصْ، مَاغَارْ سِيذِي أَذْ يِيڒِي ذ ثَافَاوْثْ نّمْ ن ڒبْذَا ؤُشَا ؤُسَّانْ ن وشْضَانْ نّمْ أَذْ قْضَانْ.
ISA 60:21 ڒْڭنْسْ نّمْ أَقَا أَثنْ مَارَّا ذ إِمْسڭَّاذنْ، نِيثْنِي أَذْ طّْفنْ ثَامُّورْثْ ذ ڒْوَارْثْ إِ ڒبْذَا: ثَاغدُّوثْ إِ ژُّوغْ، ڒْخذْمثْ ن إِفَاسّنْ إِنُو، أَقَا-ثنْ إِ ڒْعزّْ [إِنُو]!
ISA 60:22 أَمژْيَانْ قَاعْ أَذْ إِذْوڒْ ذ أَڒفْ ؤُ أَمُوقْڒِيڒْ قَاعْ أَذْ إِذْوڒْ ذ ڒْڭنْسْ إِجْهذْ، نشّْ، سِيذِي، أَذْ ث-إِ-د-نذْهغْ ذغْيَا خْمِي د غَا يَاوضْ ڒْحَاڒْ.“
ISA 61:1 ”أَرُّوحْ ن سِيذِي، سِيذِي، خَافِي مِينْزِي إِذْهنْ أَيِي سِيذِي إِنُو مَاحنْذْ أَذْ أَوْيغْ ڒخْبَارْ أَصبْحَانْ إِ إِمْوَاضْعنْ. نتَّا إِسّكّْ أَيِي-د، مَاحنْذْ أَذْ شفْنغْ إِنِّي ؤُمِي إِتّْوَارْژْ ؤُڒْ نْسنْ، مَاحنْذْ أَذْ بَارّْحغْ س ثْڒلِّي إِ إِمحْبَاسْ ذ ؤُنُوفْسڒْ زِي ڒحْبسْ إِ يِينِّي إِشَارْفنْ،
ISA 61:2 مَاحنْذْ أَذْ بَارّْحغْ أَسڭّْوَاسْ ن أَرْضَا إِ سِيذِي ذ وَاسّْ ن وخْڒَافْ ن أَربِّي نّغْ، مَاحنْذْ أَذْ سّْفوّْجغْ مَارَّا إِنِّي إِشضْننْ،
ISA 61:3 مَاحنْذْ أَذْ ڭّغْ إِ يِينِّي إِشضْننْ ذِي صِيهْيُونْ أَقَا أَذْ أَسنْ وْشنْ ڒهْزُوطْ ذڭْ ومْشَانْ ن يِيغّضْ، زّشْثْ ن ڒفْرَاحثْ ذڭْ ومْشَانْ ن وشْضَانْ، أَرُّوضْ ن ؤُسمْغَارْ ذڭْ ومْشَانْ ن بُوحْبڒْ إِتّْوَارْژنْ، حِيمَا أَذْ أَسنْ ڒَاغَانْ ’ثِيشجُّورَا ن يِيڭّْ ن ثْسڭْذَا!‘، ثِينِّي إِتّْوَاژُّونْ زِي سِيذِي، إِ ڒْعزّْ [نّسْ]!“
ISA 61:4 ”أَذْ سّْبدّنْ ڒْخِيرْبَاثْ ن وشْحَاڒْ ؤُيَا، أَذْعذْڒنْ ڒبْنِييَّاثْ إِهذْمنْ ن [جِّيڒَاثْ] إِ ذ [أَنغْ] إِزْوَارنْ، ؤُشَا أَذْ سّْبدّنْ عَاوذْ ثِيندَّامْ إِخَارّْبنْ نِّي ثُوغَا إِهذْمنْ زِي جِّيڒْ أَڒْ جِّيڒْ [نّغْنِي].
ISA 61:5 إِبَارَّانِييّنْ أَذْ إِڒِينْ وجْذنْ حِيمَا أَذْ أَروْسنْ ؤُدْجِي نْومْ، ؤُشَا إِغْرِيبنْ أَذْ إِڒِينْ ذ إِفدْجَاحنْ نْومْ ذ أَيْثْ ن ثْزَايَارْثْ نْومْ.
ISA 61:6 [مَاشَا] أَذْ كنِّيوْ ڒَاغَانْ ’إِكهَّاننْ ن سِيذِي!‘ ؤُشَا أَذْ أَومْ إِنِينْ ’إِمْسخَّارنْ ن أَربِّي نّغْ!‘. أَذْ ثشّمْ أَڭْڒَا ن ڒڭْنُوسْ ؤُشَا أَذْ ثْفيّْشمْ س ؤُعُودْجِي نْسنْ.
ISA 61:7 ذڭْ ومْشَانْ ن ؤُسضْحِي نْومْ، [أَذْ ذِينْ إِڒِينْثْ] ثْنَاينْ ن ثْسقَّارْ، ؤُ [ذڭْ ومْشَانْ ن] ڒفْضِيحثْ، أَذْ سْڒِيوْڒونْ نِيثْنِي خْ ثسْغَارْثْ نْسنْ. س ؤُيَا أَذْ طّْفنْ ثْنَاينْ ن ثْسقَّارْ ذِي ثمُّورْثْ نْسنْ، ڒفْرَاحثْ إِتّْذُومَانْ أَذْ غَارْسنْ ثِيڒِي.
ISA 61:8 مَاغَارْ نشّْ، سِيذِي، تّخْسغْ ڒْحقّْ، شَارّْهغْ ثُوكَّارْضَا س لْعُونْفْ. نشّْ أَذْ أَسنْ وْشغْ ڒْمُونثْ ذِي ڒَامَانْ، أَذْ كِيذْسنْ قّْنغْ إِجّْ ن ڒْعَاهْذْ إِتّْذُومَانْ.
ISA 61:9 زَّارِيعثْ نْسنْ أَذْ ثذْوڒْ ثتّْوَاسّنْ جَارْ ڒڭْنُوسْ ؤُشَا ثَارْوَا نْسنْ ذِي ڒْوسْطْ ن ڒڭْنُوسْ. مَارَّا وِي ثنْ إِ غَا إِژَارنْ، أَذْ قنْعنْ أَقَا إِنَا ذ زَّارِيعثْ إِ إِبَاركْ سِيذِي.“
ISA 61:10 ”فَارْحغْ أَطَّاسْ ذِي سِيذِي، ڒعْمَارْ إِنُو إِفَارْحْ ذِي أَربِّي إِنُو مِينْزِي نتَّا إِسّْيَارْضْ أَيِي أَرُّوضْ ن ؤُسنْجمْ، ؤُ س ؤُسڒْهَامْ ن ثْسڭْذَا إِ ذ أَيِي إِڒحّفْ، أَمْ مُوڒَايْ إِ إِقّْننْ أَرژّثْ ن ؤُكهَّانْ ؤُ أَمْ ثسْڒِيثْ نِّي إِسّْوجْذنْ إِخفْ نّسْ س ڒهْزُوطْ نّسْ.
ISA 61:11 مَاغَارْ أَمْ ثمُّورْثْ ثتّجَّا أَغمُّويْ نّسْ أَذْ د-إِفّغْ ؤُ أَمْ وحْوِيشْ إِسّْغمَّايْ مِينْ ذَايسْ إِزَارّْعنْ، أَمُّو إِ د إِسّغْمَايْ سِيذِي إِنُو، سِيذِي، ثَاسڭْذَا ذ شَّانْ زَّاثْ [إِ ثِيطَّاوِينْ] ن مَارَّا ڒڭْنُوسْ.“
ISA 62:1 ”ذِي طّْوعْ ن صِيهْيُونْ وَارْ زمَّارغْ أَذْ سّغْذغْ، ذِي طّْوعْ ن ؤُرْشَالِيمْ وَارْ تّسْقِيرِيغْ، أَڒْ د غَا ثنْقَارْ ثْسڭْذَا نّسْ أَمْ ثِيسِّيقْثْ ؤُ أَسنْجمْ نّسْ أَمْ وسْفضْ يَارقّنْ.
ISA 62:2 أَذْ ژَترنْ ڒڭْنُوسْ ثَاسڭْذَا نّمْ ؤُ مَارَّا إِجدْجِيذنْ [أَذْ ژَترنْ] أَعُودْجِي نّمْ. أَذْ أَمْ ڒَاغَانْ س يِيجّْ ن يِيسمْ ن جْذِيذْ نِّي ذ أَمْ إِ غَا إِڭَّا ؤُقمُّومْ ن سِيذِي.
ISA 62:3 أَذْ ثِيڒِيذْ ذ تَّاجْ إِشوَّارنْ ذڭْ ؤُفُوسْ ن سِيذِي ؤُڒَا ذ أَرژّثْ إِڭلّْذنْ ذڭْ ؤُفُوسْ ن أَربِّي نّمْ.
ISA 62:4 وَارْ ذ أَمْ قَّارنْ عَاذْ ’ثنِّي ذِي سمْحنْ!‘ ؤُ وَارْ ذ أَسْ قَّارنْ عَاذْ إِ ثمُّورْثْ نّمْ ’ثَامُّورْثْ إِخْڒَانْ!‘، مَاشَا أَذْ أَمْ ڒَاغَانْ ’ڒْخَاضَارْ إِنُو!‘، ؤُ ثَامُّورْثْ نّمْ ’ثَانمْڒَاشْثْ!‘، مَاغَارْ ثُوسِيذْ-د خْ ڒْخَاضَارْ ن سِيذِي ؤُ ثَامُّورْثْ نّمْ أَذْ ثتّْوَامْڒشْ.
ISA 62:5 مَاغَارْ أَمْ ؤُعزْرِي إِمْڒشْ ثَاعْزَارشْثْ، أَمُّو إِ كِيذمْ غَا مڒْشنْ إِحنْجِيرنْ نّمْ، ؤُشَا أَمْ مُوڒَايْ إِفَارّحْ إِ ثسْڒِيثْ، [أَمُّو] إِ ذ أَمْ غَا إِفَارْحْ أَربِّي نّمْ.“
ISA 62:6 ”[أَ] ؤُرْشَالِيمْ، سّْبدّغْ إِعسَّاسنْ خْ ڒحْيُوضْ نّمْ نِّي وَارْ سّْغِيذِينْ ڒبْذَا، ذڭْ وَاسّْ ذ دْجِيڒثْ. [أَ] كنِّيوْ إِنِّي إِعقّْڒنْ خْ سِيذِي، وَارْ تَّاريّْحمْ!
ISA 62:7 وَارْ تَّاريّْحمْ ذِي طّْوعْ نّسْ، أَڒْ د إِسّْبدّْ ؤُرْشَالِيمْ ؤُشَا إِڭَّا إِ-ت ذ أَصبّحْ خْ ثمُّورْثْ.
ISA 62:8 سِيذِي إِجُّودْجْ غَارْ ؤُفُوسْ نّسْ أَفُوسِي ؤُ غَارْ ؤُغِيڒْ نّسْ إِجهْذنْ: ’عمَّارْصْ عَاذْ أَذْ وْشغْ إِمنْذِي نّمْ ذ مَاشَّا إِ ڒْعذْيَانْ نّمْ، ؤُعمَّارْصْ عَاذْ أَذْ سّسْوغْ إِبَارَّانِييّنْ بِينُو نّمْ ن جْذِيذْ إِ خْ ثكْسِيذْ ثَامَارَا!
ISA 62:9 مَاغَارْ وِي ث غَا إِسّْمُوننْ، أَذْ زَّايسْ شّنْ ؤُ أَذْ سّمْغَارنْ سِيذِي، ؤُ وِي غَا إِڒقْضنْ أَضِيڒْ، أَذْ زَّايسْ سْونْ ذِي ڒمْرَاحَاثْ ن زَّاوشْثْ إِنُو إِقدّْسنْ.‘ “
ISA 62:10 ”عْذُومْ، عْذُومْ زِي ثوُّورَا ؤُشَا سْوجْذمْ إِ ڒْڭنْسْ أَبْرِيذْ. سْڭعّْذمْ، سْڭعّْذمْ أَبْرِيذْ إِوَاطَانْ، كّْسمْ إِژْرَا، سْڭعّْذمْ ثَاعدْجَانْثْ إِ ڒڭْنُوسْ!
ISA 62:11 خْزَارْ، سِيذِي إِڭَّا أَذْ سْڒنْ أَڒْ طَّارْفْ ن ثمُّورْثْ. إِنِيمْ إِ يدْجِيسْ ن صِيهْيُونْ: ’خْزَارْ، أَسنْجمْ نّمْ يُوسَا-د، خْزَارْ، ڒْمُونثْ نّسْ غَارسْ ؤُشَا ڒخْڒَاصْ نّسْ غَارْ زَّاثسْ.‘
ISA 62:12 أَذْ أَسنْ قَّارنْ: ’ڒْْڭنْسْ أَمْقدَّاسْ، إِنِّي إِتّْوَافكّنْ ن سِيذِي!‘، ؤُشَا أَذْ أَمْ قَّارنْ: ’ثنِّي خْ ثُوغَا أَرزُّونْ!‘ ذ ’ثَانْذِينْثْ إِ وَارْ إِتّْوَاجّنْ!‘.“
ISA 63:1 ”مِينْ إِعْنَا ونِّي د-يُوسِينْ زِي إِذُومْ، زِي بُوصْرَا، ذڭْ وَارُّوضْ س ؤُزّڭّْوَاغْ يُودْجْڒنْ، إِعُودْجنْ ذڭْ وَارُّوضْ نّسْ، ونِّي إِڭُّورنْ ذِي جّهْذْ نّسْ أَمقّْرَانْ؟“ ”ذ نشّْ، ونِّي إِسَّاوَاڒنْ ذِي ثْسڭْذَا، ذ ونِّي إِزمَّارنْ أَذْ إِسّنْجمْ!“
ISA 63:2 ”مَايمِّي أَرُّوضْ نّشْ ذ أَزڭّْوَاغْ ؤُ [مَايمِّي] أَرُّوضْ نّشْ أَمْ ورُّوضْ ن ونِّي إِعفّْسنْ خْ ثْسِيرْثْ ن ؤُضِيڒْ؟“
ISA 63:3 ”نشّْ وحّْذِي ذ ونِّي إِعفْسنْ ثَاسِيرْثْ ن بِينُو ؤُ وَارْ ذِينْ ثُوغِي ؤُڒَا ذ إِجّْ أَكِيذِي زِي ڒڭْنُوسْ.عفْسغْ خَاسنْ ذڭْ وغْضَابْ إِنُو، ڒبْزغْ ثنْ ذڭْ وسْعَارْ إِنُو. إِذَامّنْ نْسنْ رُوشّنْ خْ وَارُّوضْ إِنُو، ؤُشَا سَّارْصُوضنْ مَارَّا أَرُّوضْ إِنُو.
ISA 63:4 مَاغَارْ أَسّْ ن وخْڒَافْ أَقَا-ث غَارِي ذڭْ وُوڒْ، ؤُ يُوسَا-د ؤُسڭّْوَاسْ إِ يِينِّي إِتّْوَافكّنْ س ؤُفُوسْ إِنُو.“
ISA 63:5 ”نشّْ خْزَارغْ [أَمُّو ذ وَامُّو]، مَاشَا وَارْ [ذِينْ] ثُوغِي ؤُڒَا ذ إِجّْ إِ ذ أَيِي إِوْشِينْ أَفُوسْ. نشّْ ثُوغَا تّْبهْثغْ، مِينْزِي ؤُڒَا ذ إِجّنْ وَارْ كِيذِي إِبدّْ. [ؤُفِيغْ] مْغِيرْ أَغِيڒْ إِنُو إِ ذ أَيِي إِسّْنجْمنْ ؤُشَا أَسْعَارْ إِنُو ثُوغَا ذ أَعمّذْ إِنُو.
ISA 63:6 نشّْعفْسغْ خْ ڒڭْنُوسْ ذڭْ وغْضَابْ إِنُو، نشّْ سّسْشَارغْ ثنْ ذڭْ وسْعَارْ إِنُو ؤُشَا ڭِّيغْ إِذَامّنْ نْسنْ تَّازّْڒنْ غَارْ ثمُّورْثْ.“
ISA 63:7 ”نشّْ خْسغْ أَذْ إِذَارغْ ثِيمڭَّا ن ثْمخْسِيوْثْ ن سِيذِي، ثِيمڭَّا إِصبْحنْ ن سِيذِي، مَارَّا مِينْ إِ ذ أَنغْ إِڭَّا سِيذِي، ؤُڒَا ذ ڒْخِيرْ أَمقّْرَانْ إِ إِسّْشنْ إِ ثَادَّارْثْ ن إِسْرَائِيل عْلَاحْسَابْ أَرّحْمثْ نّسْ ذ ڒمْغَارثْ ن ثْمخْسِيوْثْ نّسْ إِشوَّارنْ.
ISA 63:8 نتَّا إِنَّا: ’نِيثْنِي ذ ڒْڭنْسْ إِنُو، إِحنْجِيرنْ نِّي وَارْ إِسّْخَارِّيقنْ!“ ؤُشَا نتَّا إِذْوڒْ ذ أَمْسنْجمْ إِ نِيثْنِي.
ISA 63:9 ذِي مَارَّا ڒحْصَارثْ نْسنْ ثُوغَا ؤُڒَا ذ نتَّا إِتّْوَاحْصَارْ، ؤُشَا لْمَالَاكْ ن وُوذمْ نّسْ إِسّنْجمْ إِ-ثنْ. ذِي ثَايْرِي نّسْ ذ أَرْضَا نّسْ إِفكّْ إِ-ثنْ. نتَّا إِسّْڭعّذْ إِ-ثنْ ؤُشَا يَارْبُو ثنْ ذِي مَارَّا ؤُسَّانْ ن وشْحَاڒْ ؤُيَا.“
ISA 63:10 ”نِيثْنِي [مَاشَا]غوّْغنْ ؤُشَا سّْشضْننْ أَرُّوحْ إِقدّْسنْ نّسْ. [خَاسْ ؤُشَا] إِذْوڒْ أَسنْ ذ ڒعْذُو إِ نِيثْنِي، إِمّْنغْ أَكِيذْسنْ.
ISA 63:11 [وَاخَّا أَمنِّي] إِعْقڒْ خْ وُوسَّانْ ن زّْمَانَاثْ ن وشْحَاڒْ ؤُيَا، خْ مُوسَا ذ ڒْڭنْسْ نّسْ. مَانِي إِدْجَا ونِّي ذ أَسنْ د-إِسّْڭعّْذنْ زِي ڒبْحَارْ أَكْ-ذ إِمكْسَاونْ ن وُودْجِي نّسْ؟ مَانِي إِدْجَا ونِّي إِڭِّينْ أَرُّوحْ نّسْ إِقدّْسنْ ذِي ڒْوسْطْ نْسنْ،
ISA 63:12 ونِّي إِڭِّينْ أَفُوسْ نّسْ إِتّْسقْسِيقنْ أَطَّاسْ أَذْ يُويُورْ أَكْ-ذ مُوسَا، ونِّي إِبْضَانْ أَمَانْ زَّاثْ إِ ثِيطَّاوِينْ نْسنْ حِيمَا أَذْ د-يَاوِي إِ يِيخفْ نّسْ إِسمْ إِ ڒبْذَا،
ISA 63:13 ونِّي ثنْ إِنذْهنْ ذڭْ [وَامَانْ] إِنّْهوْڒنْ؟ أَمْ ؤُيِيسْ ذِي ڒخْڒَا وَارْ نّْقَارْضنْ شَا،
ISA 63:14 أَمْ ڒْمَاڒْ نِّي د-إِهكّْوَانْ ذِي ثغْزُورْثْ، [أَمُّو] إِ إِسَّاريّحْ إِ-ثنْ أَرُّوحْ ن سِيذِي، أَمُّو ثْنذْهذْ ڒْڭنْسْ نّشْ مَاحنْذْ أَذْ د-ثَاوْيذْ إِ يِيخفْ نّشْ إِجّْ ن إِسمْ إِتّْسقْسِيقنْ أَطَّاسْ.“
ISA 63:15 ”سِيجّْ زڭْ ؤُجنَّا، ؤُ وَاڒَا زِي ثْزذِّيغْثْ [نّشْ] [ثشُّورْ س] ثَامْقدَّاسْثْ نّشْ ذ ثسِّيقْثْ نّشْ! مَانِي ثدْجَا ثُوسْمِي نّشْ [إِقدّْسنْ] ؤُ [مَانِي دْجَانْثْ] ثْمڭَّا نّشْ إِجهْذنْ؟ ثسِّيڭّْوجذْ خَافِي ڒهْنُونشْثْ نّشْ ذ أَرّحْمثْ نّشْ.
ISA 63:16 أَقَا شكْ ذ بَابَاثْنغْ، مَاغَارْ إِبْرَاهِيمْ وَارْ ذ أَنغْ إِسِّينْ ؤُشَا ؤُڒَا ذ إِسْرَائِيل وَارْ ذ أَنغْ إِسِّينْ. شكْ، [أَ] سِيذِي، ذ بَابَاثْنغْ، أَمفْذِي نّغْ، إِسمْ نّشْ أَقَا-ث زِي ڒبْذَا.
ISA 63:17 [أَ] سِيذِي، مَايمِّي إِ ذ أَنغْ ثجِّيذْ نتّفّغْ زڭْ إِبْرِيذنْ نّشْ، مَايمِّي ثسّقْسحذْ ؤُڒْ نّغْ أَڒَامِي وَارْ شكْ نڭّْوذْ؟ ذْوڒْ-د ذِي طّْوعْ ن إِمْسخَّارنْ نّشْ، [ذِي طّْوعْ ن] ثْقبَّاڒْ ن ثسْغَارْثْ نّشْ.
ISA 63:18 ڒْڭنْسْ نّشْ إِطّفْ إِ-ت ذ ڒْوَارْثْ مْغِيرْ شْوَايْثْ ن ڒْوقْثْ. إِغْرِيمنْ نّغْعفْسنْ خْ زَّاوشْثْ نّشْ إِقدّْسنْ.
ISA 63:19 أَقَا نذْوڒْ أَمْ يِينِّي إِ وَارْ خْ ثْحكْمذْ زِي زّْمَانَاثْ ن وشْحَاڒْ ؤُيَا ؤُ إِ خْ وَارْ إِتّْوَاڒَاغَا إِسمْ نّشْ. مْڒِي ثْشَارّْڭذْ إِجنْوَانْ، حِيمَا أَذْ د-ثهْوِيذْ، أَذْ أَرْجِيجنْ إِذُورَارْ زَّاثْ إِ وُوذمْ نّشْ.“
ISA 64:1 ”[مْڒِي د-ثهْوِيذْ،] أَمْ ثِيمسِّي ثسَّارغْ ثِيزْڭِي ؤُ أَمْ ثْمسِّي ثسّْثَارْثَارْ أَمَانْ، مَاحنْذْ أَذْ إِتّْوَاسّْشنْ إِسمْ نّشْ إِ إِغْرِيمنْ نّشْ، حِيمَا أَذْ أَرْجِيجنْ زَّاثكْ ڒڭْنُوسْ،
ISA 64:2 ؤُمِي ثڭِّيذْ ثِيمسْڒَايِينْ إِسَّاڭّْوَاذنْ إِ وَارْ ثنْثْ نْرِيجِيعمَّارْصْ. مْڒِي د-ثهْوِيذْ [أَڒَامِي] أَرْجِيجنْ إِذُورَارْ زَّاثْ إِ وُوذمْ نّشْ.“
ISA 64:3 ”زڭْ وشْحَاڒْ ؤُيَاعمَّارْصْ وَارْ [ث] سْڒِينْ، ڒَا ذ أَمزُّوغْ وَارْ [ث] إِسْڒِي، ؤُڒَا ذ ثِيطّْ وَارْ [ث] ثژْرِي، أَقَا إِجّْ ن أَربِّي نّغْنِي نْهْڒَا شكْ، ونِّي إِتّڭّنْ شَا ذِي طّْوعْ ن يِينِّي خَاسْ إِتّْرَاجَانْ.
ISA 64:4 ونِّي إِفَارّْحنْ زِي ثْسڭْذَا ؤُشَا أَذْ زَّايسْ يڭّْ، أَذْ ث ثڒْقِيذْ شكْ، إِنِّي خَاكْ إِتّعْقِيڒنْ ذڭْ إِبْرِيذنْ نّشْ. خْزَارْ، ثفُّوڭْمذْ، [مِينْزِي] نشِّينْ نخْضَا. نڭَّا إِ-ث [عَاذْ] ڒبْذَا، مَا [خنِّي] أَذْ نجْمنْ؟
ISA 64:5 نشِّينْ مَارَّا أَمْ ؤُمخْمُوجْ، مَارَّا ڒْمُوعْصِييّثْ نّغْ أَمْ وَارُّوضْ إِخدْجْضنْ ذڭْ إِذَامّنْ، نشِّينْ مَارَّا أَمْ ثْفَارْثْ نِيسّْڒَاوْ، ؤُشَا ڒْمُوعْصِييّثْ نّغْ ثْكسِّي أَنغْ أَمْ ؤُسمِّيضْ.
ISA 64:6 ؤُڒَا ذ إِجّْ وَارْ إِتّْڒِيغِي إِسمْ نّشْ، [ؤُڒَا ذ إِجّْ] إِتّكَّارْ حِيمَا أَذْ ذَايكْ إِطّفْ، مَاغَارْ شكْ ثسّْنُوفَّارذْ أَغمْبُوبْ نّشْ خَانغْ ؤُشَا ثجِّيذْ أَنغْ أَذْ نْغَارْقْ ذڭْ ؤُفُوسْ ن ڒْمُوعْصِييّثْ نّغْ.
ISA 64:7 [مَاشَا] ڒخُّو، [أَ] سِيذِي، شكْ ذ بَابَاثْنغْ، نشِّينْ ذ ثْڒَاخْثْ ؤُ شكْ ذ بُو-ثْڒَاخْثْ نّغْ، نشِّينْ مَارَّا ذ ڒْخذْمثْ ن إِفَاسّنْ نّشْ.
ISA 64:8 [أَ] سِيذِي، وَارْ ثڭِّيذْ أَذْ إِدُّوقّزْ وغْضَابْ نّشْ أَمُّو أَطَّاسْ ؤُ وَارْ تِّيذَارْ إِ ڒبْذَا ڒْمُوعْصِييّثْ. أَقَا ذَا، خْزَارْ، نشِّينْ مَارَّا ذ ڒْڭنْسْ نّشْ.
ISA 64:9 ثِيندَّامْ نّشْ ثِيمْقدَّاسِينْ ذوْڒنْثْ ذ ڒخْڒَا، صِيهْيُونْ ثذْوڒْ ذ ثَانزْرُوفْثْ، ؤُرْشَالِيمْ ذ أَمْشَانْ إِتّْوَاردّْدْجنْ.
ISA 64:10 ثَادَّارْثْ نّغْ ثشُّورْ س ثمْقدَّاسْثْ ذ ثِيسِّيقْثْ، مَانِي ڒجْذُوذْ نّغْ سّمْغَارنْ شكْ، ثتّْوَاشْمضْ س ثْمسِّي ؤُ مَارَّا مِينْ خَانغْ إِعِيزّنْ، إِذْوڒْ ذ ڒْخِيرْبثْ.
ISA 64:11 مَا ثْزمَّارذْ أَذْ ثْمنْعذْ إِخفْ نّشْ ذِي قَاعْ أَيَا، [أَ] سِيذِي، مَا ثْزمَّارذْ أَذْ ثسّغْذذْ ؤُ أَذْ أَنغْ ثحْصَارذْ أَمُّو أَطَّاسْ؟“
ISA 65:1 ”ثُوغَا تّْبَانغْ أَسنْ-د إِ يِينِّي وَارْ خَافِي سّقْسِينْ، زمَّارنْ أَذْ أَيِي أَفنْ إِنِّي وَارْ خَافِي يَارزُّونْ. نشّْ نِّيغْ إِ ڒْڭنْسْ إِ وَارْ إِڒِيغِينْ س يِيسمْ إِنُو: ’أَقَا أَيِي ذَا، خْزَارْ، أَقَا أَيِي ذَا!‘
ISA 65:2 أَسّْ مَارَّا سّْوِيژَّاضغْ إِفَاسّنْ إِنُو غَارْ ڒْڭنْسْ إِغوّْغنْ، ونِّي يُويُورنْ ذڭْ إِجّْ ن وبْرِيذْ وَارْ إِحْڒِينْ، خْ ڒحْسَابْ إِخَارِّيصنْ نّسْ،
ISA 65:3 ڒْڭنْسْ نِّي ذ أَيِي إِسعَّارنْ ڒبْذَا ذڭْ وُوذمْ إِنُو، أَمْ قدّْمنْ ثِيغَارْصَا ذهْ إِحْوِيشنْ ؤُ بخَّارنْ [ثِيوْهِيبِينْ] خْ لَّاجُورْ.
ISA 65:4 نِيثْنِي تّْغِيمَانْ ذڭْ إِمضْڒَانْ، ؤُ تّْنُوسَانْ ذڭْ إِفْرَانْ أَمْ تّتّنْ أَيْسُومْ ن إِڒْفَانْ ؤُ غَارْسنْ إِجّْ ن نّْعِي ن أَرّْوَا ذِي مَارْمِيثَاثْ نْسنْ.
ISA 65:5 نِيثْنِي قَّارنْ: ’قِّيمْ مَانِي ثدْجِيذْ، وَارْ ذ أَيِي د-ثَاذسْ، مَاغَارْ نشّْ ذ أَمْقدّسْ زَّايكْ!‘ أَقَا أَثنْ [أَمْ] دّخَّانْ ذڭْ ونْزَارنْ إِنُو، [أَمْ] ثْمسِّي يَارقّنْ أَسّْ إِكْمڒْ.
ISA 65:6 خْزَارْ، أَيَا يُورَا زَّاثْ إِ وُوذمْ إِنُو، وَارْ سّْغِيذِيغْ، مَاشَا أَذْ خڒْفغْ، [وَاهْ،] أَذْ خڒْفغْ [أَيَا] ذڭْ وحْسِينْ نْسنْ:
ISA 65:7 ڒْمُوعْصِييَّاثْ نْومْ ذ ڒْمُوعْصِييَّاثْ ن إِبَابَاثنْ نْومْ، إِنِّي وهّْبنْ ڒبْخُورْ خْ إِذُورَارْ ؤُ إِنِّي ذ أَيِي إِسّحْقَارنْ خْ ثوْرِيرِينْ. نشّْ سِيمَانْثْ إِنُو أَذْ أَسنْ خدْجْصغْ ڒْمُونثْ نْسنْ إِ سْذَاهْدْجنْ، [أَمُّو إِ] إِقَّارْ سِيذِي.“
ISA 65:8 ”أَمُّو إِ إِقَّارْ سِيذِي: ’أَمْ مَامّشْ ؤُمِي ؤُفِينْ أَژمِّي ن ؤُضِيڒْ ذڭْ ؤُزكُّونْ ؤُشَا قَّارنْ: وَارْ ث جَارّحْ، مَاغَارْ ذَايسْ لْبَارَاكَا!، أَمُّو إِ غَا ڭّغْ ذِي طّْوعْ ن إِمْسخَّارنْ إِنُو، حِيمَا وَارْ ثنْ قطِّيغْ مَارَّا.
ISA 65:9 نشّْ أَذْ د-جّغْ زَّارِيعثْ زِي يَاعْقُوبْ ؤُ أَذْ سُّوفّْغغْ أَوْرِيثْ ن إِذُورَارْ إِنُو زِي يَاهُوذَا. إِنِّي زَّايِي إِتّْوَافَارْزنْ أَذْ ت طّْفنْ ذ ثَاسْغَارْثْ ؤُشَا إِمْسخَّارنْ إِنُو أَذْ ذِينِّي زذْغنْ.
ISA 65:10 ڒوْضَا ن شَارُونْ أَذْ يِيڒِي ذ ثَاكسَّاوْثْ ن وُودْجِي، ؤُ ثَاغْزُورْثْ ن أَخُورْ ذ أَمْشَانْ ن أَرَّاحثْ إِ إِفُونَاسنْ، إِ ڒْڭنْسْ إِنُو ونِّي خَافِي يَارزُّونْ.“
ISA 65:11 ”كنِّيوْ مَاشَا إِنِّي إِسمْحنْ ذِي سِيذِي، إِنِّي إِتُّونْ أَذْرَارْ إِنُو إِقدّْسنْ، إِنِّي إِسّْوجْذنْ طَّابْڒَا إِ جَاذْ ؤُ إِنِّي إِشُّورنْ [أَغَارَّافْ س] بِينُو إِخدْجْضنْ إِ مِينِي،
ISA 65:12 نشّْ أَذْ كنِّيوْ حسْبغْ إِ سِّيفْ. كنِّيوْ أَذْ ثَاضَارمْ مَارَّا مَاحنْذْ أَذْ تّْوَاغَارْصمْ، ؤُمِي نشّْ إِ ذ أَومْ ڒَاغِيغْ، [مَاشَا] كنِّيوْ وَارْ [خَافِي] د-ثَارِّيمْ، [ؤُمِي] نشّْ غَارْومْ سِّيوْڒغْ، [مَاشَا] كنِّيوْ وَارْ [غَارِي] ثسْڒِيمْ، مَاشَا ثڭِّيمْ مِينْ إِدْجَانْ ذ أَعفَّانْ ذِي ثِيطَّاوِينْ إِنُو، ؤُ ثِيخْضَارمْ مِينْ وَارْ ذ أَيِي د-يُوسِينْ خْ ڒْخَاضَارْ.“
ISA 65:13 ”س ؤُيَا، أَمُّو إِ إِقَّارْ سِيذِي إِنُو، سِيذِي: ’خْزَارْ، إِمْسخَّارنْ إِنُو أَذْ شّنْ، [مَاشَا] كنِّيوْ أَذْ ثْدْجَاژمْ. خْزَارْ، إِمْسخَّارنْ إِنُو أَذْ سْونْ، [مَاشَا] كنِّيوْ أَذْ ثفَّاذمْ. خْزَارْ، إِمْسخَّارنْ إِنُو أَذْ فَارْحنْ، [مَاشَا] كنِّيوْ أَذْ ثْسضْحَامْ.
ISA 65:14 خْزَارْ، إِمْسخَّارنْ إِنُو أَذْ سْڒِيوْڒونْ س ڒفْرَاحثْ ن وُوڒْ، [مَاشَا] كنِّيوْ أَذْ ثسْغُويمْ زِي ڒحْرِيقْ ن وُوڒْ، أَذْ ثْوعّْضمْ زِي أَرْژِييّثْ ن بُوحْبڒْ.
ISA 65:15 أَذْ ثجّمْ إِسمْ نْومْ أَمْ نّعْڒثْ إِ يِينِّي زَّايِي إِتّْوَافَارْزنْ، ؤُشَا سِيذِي إِنُو، سِيذِي، أَذْ كنِّيوْ إِنغْ، [مَاشَا] إِمْسخَّارنْ نّسْ أَذْ خَاسنْ إِڒَاغَا س إِجّْ ن يِيسمْ نّغْنِي،
ISA 65:16 أَڒَامِي ونِّي إِخْسنْ أَذْ إِبَاركْ إِخفْ نّسْ ذِي ثمُّورْثْ، أَذْ إِبَاركْ إِخفْ نّسْ ذِي أَربِّي ن ثِيذتّْ، ؤُ ونِّي إِخْسنْ أَذْ إِجُّودْجْ ذِي ثمُّورْثْ، أَذْ إِجُّودْجْ غَارْ أَربِّي ن ثِيذتّْ، مَاغَارْ ڒحْصَارَاثْ ن زِيشْ أَذْ تّْوَاتُّونْثْ ؤُ أَذْ تّْوَاسّْنُوفَّارنْثْ زَّاثْ إِ ثِيطَّاوِينْ إِنُو.‘ “
ISA 65:17 ”مَاغَارْ خْزَارْ، نشّْ أَذْ ڭّغْ إِجنْوَانْ ن جْذِيذْ ذ ثمُّورْثْ ن جْذِيذْ. وَارْ تّعْقِيڒنْ عَاذْ خْ ثْمسْڒَايِينْ إِعْذُونْ، وَارْ د-تِّيسنْثْ [عَاذْ] إِ ؤُڒَا ذ إِجّْ غَارْ ڒْبَاڒْ.
ISA 65:18 فَارْحمْ خنِّي ؤُ فَارّْجمْ إِ ڒبْذَا خْ مِينْ إِ د غَا خڒْقغْ، مَاغَارْ خْزَارْ، نشّْ أَذْ د-خڒْقغْ ؤُرْشَالِيمْ ذ ڒفْرَاحثْ ؤُ ڒْڭنْسْ نّسْ ذ أَفَارّجْ.
ISA 65:19 نشّْ أَذْ سْڒِيوْڒوغْ خْ ؤُرْشَالِيمْ، أَذْ فَارْحغْ زِي ڒْڭنْسْ إِنُو.عمَّارْصْ عَاذْ أَذْ ذَايسْ سْڒنْ إِ ڒْحسّْ ن إِمطَّاونْ نِيغْ ن ؤُغُويِّي.
ISA 65:20 أَحْضِيضْ إِ غَا إِدَّارنْ شَا ن وُوسَّانْ [وَاهَا]، وَارْ إِتِّيڒِي عَاذْ، ؤُڒَا ذ أَوسَّارْ نِّي وَارْ إِتّْكمِّيڒنْ ؤُسَّانْ نّسْ. مَاغَارْ أَحُوضْرِي أَذْ إِمّثْ خْمِي غَارسْ غَا يِيڒِي مْيَا ن إِسڭّْوُوسَا، ؤُ أَمذْنُوبْ أَذْ إِتّْوَانْعڒْ خْمِي غَارسْ غَا يِيڒِي مْيَا ن إِسڭّْوُوسَا.
ISA 65:21 نِيثْنِي أَذْ بْنَانْ ثُوذْرِينْ أَذْ ذَايْسنْثْ زذْغنْ، أَذْ ژُّونْ ثِيزَايَارِينْ ذڭْ إِمَارْجَاعنْ، أَذْ شّنْ ڒْغِيدْجثْ نْسنْ.
ISA 65:22 نِيثْنِي وَارْ بنِّينْ [مَاحنْذْ] ونّغْنِي أَذْ [ذَايسْ] إِزْذغْ، وَارْ تّژُّونْ [مَاحنْذْ] ونّغْنِي أَذْ [زَّايسْ] يشّْ، مَاغَارْ ؤُسَّانْ ن ڒْڭنْسْ إِنُو أَذْ إِڒِينْ أَمْ وُوسَّانْ ن ثْشجَّارْثْ، ؤُ إِنِّي زَّايِي إِتّْوَافَارْزنْ أَذْ أَوْينْ أَرِيقِّي زِي ڒْخذْمثْ ن إِفَاسّنْ نْسنْ.
ISA 65:23 نِيثْنِي وَارْ خدّْمنْ عَاذْ بَاطڒْ، وَارْ تِّيرْونْ إِحنْجِيرنْ إِ ؤُشڒْوَاوْ س ڒْغفْڒثْ، مَاغَارْ نِيثْنِي ذ زَّارِيعثْ ن يِينِّي إِتّْوَابَارْكنْ زِي سِيذِي، ؤُڒَا ذ ثَارَّاوْثْ نْسنْ أَكِيذْسنْ.
ISA 65:24 قْبڒْ مَا أَذْ ڒَاغَانْ، أَذْ [خَاسنْ] د-أَرّغْ، خْوَانْسُو عَاذْ سَّاوَاڒنْ، أَذْ [أَسنْ] سْڒغْ.
ISA 65:25 ؤُشّنْ ذ إِزْمَارْ أَذْ أَروْسنْ مُوننْ، أَيْرَاذْ أَذْ إِشّْ ڒُومْ أَمْ ؤُفُونَاسْ، ؤُشَا أَفَارْ أَذْ يِيڒِي ذ مَاشَّا إِ ؤُفِيغَارْ. وَارْ تّڭّنْ ثُوعفّْنَا ؤُ وَارْ سّكَّارنْ ڒقْجَارثْ خْ مَارَّا أَذْرَارْ إِنُو إِقدّْسنْ، [أَمُّو إِ] إِقَّارْ سِيذِي.“
ISA 66:1 ”أَمُّو إِ إِقَّارْ سِيذِي: ’أَجنَّا ذ ڒْعَارْشْ إِنُو ؤُ ثَامُّورْثْ ذ ثَانبْذَاثْ إِ إِضَارنْ إِنُو. مَانِي [إِ غَا ثِيڒِي] خنِّي ثَادَّارْثْ نِّي ثخْسمْ أَذْ أَيِي ثبْنَامْ ؤُ مَانِي [إِ غَا يِيڒِي] ومْشَانْ ن أَرَّاحثْ إِنُو؟
ISA 66:2 مَارَّا أَيَا إِڭَّا إِ-ث ؤُفُوسْ إِنُو ذ مَارَّا أَيَا ثُوغَا إِدْجَا عَاذْ، [أَمُّو إِ] إِقَّارْ سِيذِي، [مَاشَا] نشّْ أَذْ نْضَارغْ ثِيطَّاوِينْ إِنُو خْ ؤُمزْڒُوضْ، خْ ونِّي إِتّْوَارْژَانْ بُوحْبڒْ نّسْ ؤُ خْ ونِّي إِتَّارْجِيجِينْ زَّاثْ إِ وَاوَاڒْ إِنُو.‘ “
ISA 66:3 ”ونِّي إِغَارْصنْ إِ ؤُفُونَاسْ، إِنْغَا [ؤُڒَا ذ] أَرْيَازْ، ؤُ ونِّي يِيوْينْ إِجّنْ زڭْ وُودْجِي ذ دّْبِيحثْ، يَارْژَا [عَاوذْ] إِرِي إِ يِيطَانْ، ؤُ ونِّي إِقدّْمنْ ثَاوْهِيبْثْ [ن ڒْغِيدْجثْ]، [إِقدّمْ] [ؤُڒَا ذ] إِذَامّنْ ن يِيڒفْ، ؤُ ونِّي إِسّْبخَّارنْ جَّاوِي، إِبَاركْ [ؤُڒَا ذ] أَعْبذْ ن ڒخْيَاڒَاثْ. نِيثْنِي إِخْضَارنْ إِبْرِيذنْ [إِ يِيخفْ نْسنْ] ؤُشَا ڒعْمَارْ نْسنْ إِعْجبْ أَسْ نّْعَاوَاثْ نْسنْ ن لْ-أَصْنَامْ.
ISA 66:4 أَمُّو إِ غَا أَرشّْحغْ ؤُڒَا ذ نشّْ ثِييِّيثَا نْسنْ إِ نِيثْنِي ؤُشَا أَذْ خَاسنْ أَوْيغْ مِينْ زِي تّڭّْوذنْ، مَاغَارْ نِيثْنِي وَارْ د-أَرِّينْ ؤُمِي نشّْ ذ أَسنْ ڒَاغِيغْ، [مَاغَارْ] نِيثْنِي وَارْ سْڒِينْ ؤُمِي غَارْسنْ سِّيوْڒغْ، [مَاشَا] نِيثْنِي ڭِّينْ مِينْ إِدْجَانْ ذ أَعفَّانْ ذِي ثِيطَّاوِينْ إِنُو ؤُشَا إِخْضَارنْ مِينْ وَارْ د-يُوسِينْ خْ ڒْخَاضَارْ إِنُو.“
ISA 66:5 ”سْڒمْ إِ وَاوَاڒْ ن سِيذِي، [أَ كنِّيوْ] إِنِّي إِتَّارْجِيجِينْ زَّاثْ إِ وَاوَاڒْ نّسْ: ’أَيْثْمَاثْومْ، إِنِّي كنِّيوْ إِشَارّْهنْ، إِنِّي كنِّيوْ إِنْضَارنْ ذِي طّْوعْ ن يِيسمْ إِنُو ؤُشَا قَّارنْ: إِڒِي أَذْ إِتّْوَاسّْعُودْجْ سِيذِي، سْشنْ أَنغْ ڒفْرَاحثْ نْومْ!، أَذْ سضْحَانْ.
ISA 66:6 أَذْ د-إِفّغْ دّْرِيزْ إِمْغَارْ زِي ثنْذِينْثْ، ثْمِيجَّا زِي زَّاوشْثْ ثَامقّْرَانْثْ، ثْمِيجَّا ن سِيذِي، ونِّي إِ غَا إِخدْجْصنْ ڒْعذْيَانْ نّسْ ڒْمُونثْ نْسنْ إِ إِسْذَاهدْجنْ.‘ “
ISA 66:7 ”قْبڒْ إِ غَا إِطّفْ ڒحْرِيقْ ن ثَارْوَا [إِ ثمْغَارْثْ صِيهْيُونْ]، أَقَا ثُورُووْ-د، قْبڒْ إِ ت غَا منْعنْ ڒوْجعْ ن ثَارُوثْ، ثڭَّا [أَحنْجِيرْ] ذ أَوْثمْ أَذْ إِنْجمْ.
ISA 66:8 وِي إِسْڒَانْ أَيَا؟ مَانْ ونْ إِ إِژْرِينْ أَيَا؟ مَا أَذْ د-ثخْڒقْ إِشْثْ ن ثمُّورْثْ ذڭْ إِجّْ ن وَاسّْ [وَاهَا]؟ مَا أَذْ د-إِخْڒقْ إِجّْ ن ڒْڭنْسْ ذڭْ إِشْثْ ن ثشْثِي [وَاهَا]؟ مَاشَا ؤُسِينْ أَسْ-د إِ صِيهْيُونْ ڒوْجعْ ن ثَارُوثْ عَاذْ شْوَايْثْ [وَاهَا]، أَقَا ثُورُووْ-د إِحنْجِيرنْ نّسْ.“
ISA 66:9 ”مَا أَذْ أَسْ أَرْزْمغْ أَعذِّيسْ نْهْڒَا مَا جِّيغْ [ت] أَذْ ثَارُو؟، إِقَّارْ سِيذِي. مَا نشّْ ونِّي إِسَّارَاونْ [ثِيمْغَارِينْ]، أَذْ [أَسنْثْ] بلّْعغْ [ثَاعذِّيسْثْ]؟إِقَّارْ أَربِّي نّمْ.“
ISA 66:10 ”فَارْحمْ أَكْ-ذ ؤُرْشَالِيمْ ؤُشَا سْڒِيوْڒِيومْ أَسْ، [أَ] مَارَّا كنِّيوْ إِنِّي ت إِتّخْسنْ. فَارْحمْ زَّايسْ س ؤُسْڒِيوْڒوْ، مَارَّا [كنِّيوْ] إِنِّي ثُوغَا خَاسْ إِشضْننْ،
ISA 66:11 حِيمَا أَذْ ثطّْضمْ، أَذْ ثجِّيوْنمْ زڭْ إِبَّاشْ نّسْ إِشُّورنْ س ؤُفوّجْ، حِيمَا أَذْ ثسْومْ س ثْيَاوَانْثْ ؤُ أَذْ ثَارّمْ مژْرِي زِي مِينْ إِدْجَانْ ذ أَصبْحَانْ قَاعْ ن ؤُعُودْجِي نّسْ!“
ISA 66:12 ”مَاغَارْ أَمُّو إِ إِقَّارْ سِيذِي: ’خْزَارْ، نشّْ أَذْ أَسْ سِّيزّْڒغْ ڒهْنَا أَمْ يغْزَارْ ؤُ أَعُودْجِي ن ڒڭْنُوسْ أَمْ ثغْزَارْثْ إِحمْڒنْ، حِيمَا كنِّيوْ أَذْ [زَّايسْ] ثطّْضنْ. أَذْ كنِّيوْ أَرْبُونْ خْ ثْمصَّاضِينْ ؤُ أَذْ خَاومْ سّْحِينّْبنْ خْ إِفَادّنْ.
ISA 66:13 أَمْ إِجّْ ن ورْيَازْ نِّي ثسّْڒهَّا أَسْ يمَّاسْ، أَمُّو كنِّيوْ إِ غَا سّڒْهُوغْ، ذِي ؤُرْشَالِيمْ أَذْ كنِّيوْ سّْفوّْجنْ.
ISA 66:14 أَذْ ثْژَارمْ أَيَا، أَذْ إِفَارْحْ وُوڒْ نْومْ، ؤُ إِغْسَانْ نْومْ أَذْ تّْوَانعْشنْ أَمْ أَرْبِيعْ أَزِيزَا. أَمُّو إِ غَا إِتّْوَاسّنْ ؤُفُوسْ ن سِيذِي غَارْ إِمْسخَّارنْ نّسْ، [مَاشَا] نتَّا أَذْ إِسْخضْ خْ ڒْعذْيَانْ نّسْ.‘ “
ISA 66:15 ”مِينْزِي، خْزَارْ، أَذْ د-يَاسْ سِيذِي ذِي ثْمسِّي، إِكَارُّوثنْ نّسْ [أَذْ ڭّنْ] أَمْ ثْحَارْيَاضْثْ، حِيمَا أَذْ يجّْ أَغْضَابْ نّسْ أَذْ يَارْسَا س إِجّْ ن ؤُذُوقّزْ ن وسْعَارْ نّسْ ؤُ ثَافْقحْثْ نّسْ س إِحُوذَاقْ ن ثْمسِّي.
ISA 66:16 مَاغَارْ سِيذِي أَذْ إِحْكمْ مَارَّا دَّاثْ س ثْمسِّي ذ سِّيفْ ؤُشَا إِنِّي غَا إِتّْوَانْغنْ زِي سِيذِي أَذْ إِڒِينْ ذڭْ وَاطَّاسْ.
ISA 66:17 [مَارَّا] إِنِّي إِسّْقدّْسنْ ؤُ إِسِّيزْذِيڭنْ إِخفْ نْسنْ ذڭْ إِحْوِيشنْ أَوَارْنِي إِ يِيجّنْ، إِنِّي إِتّتّنْ أَيْسُومْ ن إِڒْفَانْ ؤُڒَا ذ نّْعِي [ن ڒْمَاڒْ] ذْ إِغَارْذَاينْ، أَقَا مَارَّا نِيثْنِي أَذْ تّْوَاقْضَانْ!، [أَمُّو إِ] إِقَّارْ سِيذِي.“
ISA 66:18 ”نشّْ [أَذْ خدْجْصغْ] ثِيمڭَّا نْسنْ ذ إِخَارِّيصنْ نْسنْ، ؤُشَا أَذْ إِمْسَارْ أَذْ سّْمُونغْ مَارَّا ڒڭْنُوسْ ذ إِڒْسَاونْ ؤُ نِيثْنِي أَذْ د-أَسنْ أَذْ ژَترنْ أَعُودْجِي إِنُو.
ISA 66:19 نشّْ أَذْ ڭّغْ إِشْثْ ن ڒعْڒَامثْ جَارْ أَسنْ ؤُشَا أَذْ سّكّغْ إِنِّي زَّايْسنْ إِنّجْمنْ غَارْ ڒڭْنُوسْ، غَارْ ثَارْشِيشْ، فُوطْ ذ لُوذْ، إِمْجبَّاذنْ ن ڒْقوْسْ، غَارْ ثُوبَالْ ذ يَاوَانْ، غَارْ ثڭْزِيرِينْ إِڭّْوجنْ، ثِينِّي وَارْ إِسْڒِينْ ڒخْبَارْ خَافِي ؤُ وَارْ إِژْرِينْ أَعُودْجِي إِنُو. نِيثْنِي أَذْ بَارّْحنْ أَعُودْجِي إِنُو إِ ڒڭْنُوسْ،
ISA 66:20 أَذْ أَوْينْ أَيْثْمَاثْومْ زِي مَارَّا ڒڭْنُوسْ ذ ثَاوْهِيبْثْ [ن ڒْغِيدْجثْ] إِ سِيذِي: خْ ييْسَانْ ذ إِكَارُّوثنْ، ذِي ڒكْرَاسِي إِتّْوَاربُّونْ، خْ إِسَارْذَانْ ذ إِڒغْمَانْ ن إِشْثْ ن ثْڭعْرُورْثْ، غَارْ وذْرَارْ إِنُو أَمْقدّسْ، غَارْ ؤُرْشَالِيمْ، [أَمُّو إِ] إِقَّارْ سِيذِي إِنُو، أَمْ مَامّشْ تَّاوْينْ أَيْثْ ن إِسْرَائِيل ثَاوْهِيبْثْ [ن ڒْغِيدْجثْ] ذِي ثْقدُّوحْثْ ثزْذِيڭْ غَارْ ثَادَّارْثْ ن سِيذِي.
ISA 66:21 ؤُڒَا زَّايْسنْ أَذْ فَارْزغْ [شَا مَاحنْذْ أَذْ إِڒِينْ] ذ إِكهَّاننْ ذ إِلَاوِييّنْ، إِقَّارْ سِيذِي.
ISA 66:22 مَاغَارْ أَمْ يِيجنْوَانْ ن جْذِيذْ ذ ثمُّورْثْ ن جْذِيذْ نِّي إِ غَا ڭّغْ أَذْ بدّنْ زَّاثْ إِ وُوذمْ إِنُو، إِقَّارْ سِيذِي، أَمُّو إِ غَا [ثقِّيمْ] ثْبدّْ ؤُڒَا ذ زَّارِيعثْ نْومْ ذ إِسمْ نْومْ [زَّاثْ إِ وُوذمْ إِنُو].
ISA 66:23 أَذْ إِمْسَارْ زِي قَاعْ أَبذِّي ن ؤُيُورْ أَڒْ قَاعْ أَبذِّي نّغْنِي ؤُ زڭْ وَاسّْ ن سّبْثْ أَڒْ أَسّْ ن سّبْثْ نّغْنِي أَذْ د-أَسنْ مَارَّا إِوْذَانْ مَاحنْذْ أَذْ بنْذْقنْ زَّاثْ إِ وُوذمْ إِنُو، [أَمُّو إِ] إِقَّارْ سِيذِي.
ISA 66:24 نِيثْنِي أَذْ فّْغنْ، أَذْ ژَتڒنْ ڒْخشْبَاثْ ن يرْيَازنْ نِّي خَافِي إِعدَّانْ، مَاغَارْ أَكشَّا نْسنْعمَّارْصْ وَارْ إِتّْمتِّي ؤُڒَا ذ ثِيمسِّي نْسنْعمَّارْصْ وَارْ ثتّْخسِّي. أَذْ إِڒِينْ ذ نّْعِي إِ مَارَّا إِوْذَانْ ذ ڒْمَاڒْ.“
JER 1:1 أَوَاڒنْ ن إِرْمِييَا، مِّيسْ ن حِيلْقِييَا، زڭْ إِكهَّاننْ نِّي [إِدْجَانْ] ذِي عَانَاثُوثْ، ذِي ثمُّورْثْ ن بِينْيَامِينْ،
JER 1:2 ونِّي غَارْ د-يُوسَا وَاوَاڒْ ن سِيذِي ذڭْ وُوسَّانْ ن ؤُجدْجِيذْ يُوشِييَا، مِّيسْ ن أَمُونْ، أَجدْجِيذْ ن يَاهُوذَا، ذڭْ ؤُسڭّْوَاسْ وِيسّْ ثْڒطَّاشْ ن ڒحْكَامثْ نّسْ.
JER 1:3 يُوسَا-د [وَاوَاڒْ ن سِيذِي] غَارسْ ؤُڒَا ذڭْ وُوسَّانْ ن يَاهُويَاقِيمْ، مِّيسْ ن يُوشِييَا، أَجدْجِيذْ ن يَاهُوذَا، أَڒْ مَانِي إِكمّڒْ ؤُسڭّْوَاسْ وِيسّْ حِيطَاشْ ن صِيذْقِييَا، مِّيسْ ن يُوشِييَا، أَجدْجِيذْ ن يَاهُوذَا، أَڒَامِي د-إِوْينْ ؤُرْشَالِيمْ غَارْ لْمنْفَا ذڭْ ؤُيُورْ وِيسّْ خمْسَا.
JER 1:4 يُوسَا-د غَارِي وَاوَاڒْ ن سِيذِي، إِنَّا:
JER 1:5 ”قْبڒْ مَا ڭِّيغْ شكْ ذ أَسيْمِي ذڭْ ؤُعذِّيسْ [ن يمَّاشْ]، ثُوغَا سّْنغْ شكْ، ؤُ قْبڒْ مَا د-ثفّْغذْ زِي ڒمْڒَاوثْ، أَقَا سّْقدّْسغْ شكْ. نشّْ أَرشّْحغْ شكْ ذ أَنَابِي إِ ڒڭْنُوسْ.“
JER 1:6 [خنِّي] نِّيغْ: ”أَهْ، سِيذِي إِنُو، سِيذِي! خْزَارْ، نشّْ وَارْ زمَّارغْ أَذْ سِّيوْڒغْ، نشّْ [عَاذْ] ذ أَحُوذْرِي.“
JER 1:7 [مَاشَا] سِيذِي يَارَّا-د خَافِي: ”وَارْ قَّارْ: ’نشّْ [عَاذْ] ذ أَحُوذْرِي!‘، مَاغَارْ مَانِي مَا شكْ إِ غَا سّكّغْ أَذْ ذِينْ ثْرَاحذْ، ؤُ مَارَّا مِينْ ذ أَشْ غَا ؤُمُورغْ، أَذْ [ث] ثِينِيذْ.
JER 1:8 وَارْ زَّايْسنْ تّڭّْوذْ، مَاغَارْ نشّْ أَكِيذكْ، حِيمَا أَذْ شكْ فكّغْ!“، [أَمُّو إِ] إِقَّارْ سِيذِي.
JER 1:9 إِسّْوِيژّضْ سِيذِي أَفُوسْ نّسْ، إِحَاذَا أَقمُّومْ إِنُو ؤُشَا إِنَّا أَيِي سِيذِي: ”خْزَارْ، نشّْ ڭِّيغْ أَشْ أَوَاڒنْ إِنُو ذڭْ ؤُقمُّومْ نّشْ.
JER 1:10 خْزَارْ، ذڭْ وَاسّْ-أَ أَذْ شكْ أَرشّْحغْ خْ ڒڭْنُوسْ ؤُ خْ ثْڭلْذَاوِينْ، حِيمَا أَذْ ثْقڒْعذْ ؤُ أَذْ ثْهذْمذْ، حِيمَا أَذْ ثَاردّْدْجذْ ؤُ حِيمَا أَذْ ثْغضْڒذْ، حِيمَا أَذْ ثبْنِيذْ ؤُ أَذْ ثژُّوذْ.“
JER 1:11 يُوسَا-د غَارِي وَاوَاڒْ ن سِيذِي، إِنَّا: ”مِينْ ثتّْوَاڒِيذْ، إِرْمِييَا؟“ نشّْ أَرِّيغْ-د: ”نشّْ تّْوَاڒِيغْ إِشْثْ ن ثْسطَّا ن دْجوْزْ.“
JER 1:12 إِنَّا أَيِي سِيذِي: ”شكْ ثژْرِيذْ نِيشَانْ، مَاغَارْ نشّْ تّْعسّغْ خْ وَاوَاڒْ إِنُو حِيمَا أَذْ ث ڭّغْ.“
JER 1:13 يُوسَا-د غَارِي وَاوَاڒْ ن سِيذِي إِ ثْوَاڒَا وِيسّْ ثْنَاينْ، إِنَّا: ”مِينْ ثتّْوَاڒِيذْ؟“ نشّْ أَرِّيغْ-د: ”تّْوَاڒِيغْ ثَايْذَارْثْ إِتّْننَّانْ، أَبُوضْ نّسْ إِميّڒْ [غَارْ ذَا] زِي شَّامَالْ.“
JER 1:14 [خنِّي] إِنَّا أَيِي سِيذِي: ”زِي شَّامَالْ إِ د غَا إِهْوَا ڒْغَارْ[-أَ] خْ مَارَّا إِمزْذَاغْ ن ثمُّورْثْ.
JER 1:15 مَاغَارْ، خْزَارْ، نشّْ أَذْ ڒَاغِيغْ خْ مَارَّا ڒَادْجَاثْ ن ثْڭلْذِيوِينْ ن شَامَالْ، [أَمُّو إِ] إِقَّارْ سِيذِي، ؤُشَا نِيثْنِي أَذْ د-أَسنْ ؤُشَا أَذْ سّْبدّنْ ڒكْرَاسِي نْسنْ غَارْ وَاذَافْ ن ثوُّورَا ن ؤُرْشَالِيمْ ؤُ ضِيدّْ إِ مَارَّا ڒحْيُوضْ نّسْ إِ ذ أَسْ د-إِنّْضنْ ؤُ ضِيدّْ إِ مَارَّا ثِيندَّامْ ن يَاهُوذَا.
JER 1:16 نشّْ أَذْ خَاسنْ نطْقغْ مَارَّا ڒحْكَامَاثْ إِنُو، خْ مَارَّا ثُوعفّْنَا نْسنْ: أَقَا سمْحنْ ذَايِي ؤُشَا بخَّارنْ إِ إِربِّيثنْ نّغْنِي ؤُشَا سجْذنْ إِ مِينْ ڭِّينْ إِفَاسّنْ نْسنْ.
JER 1:17 شكْ [خنِّي]، حزّمْ ثِيجْعِينَّاثِينْ نّشْ ؤُشَا كَّارْ، بَارّحْ أَسنْ مَارَّا مِينْ ذ أَشْ غَا ؤُمُورغْ. وَارْ تّْنخْڒِيعْ زَّايْسنْ نِيغْ أَذْ شكْ سّْنخْڒْعغْ زَّاثْ إِ ثِيطَّاوِينْ نْسنْ.
JER 1:18 خْزَارْ، نشّْ أَذْ شكْ ڭّغْ ذ ثَانْذِينْثْ إِفَارْينْ، ذ إِجّْ ن ؤُپِيلَارْ ن وُوزَّاڒْ ذ ڒحْيُوضْ ن نّْحَاسْ ضِيدّْ إِ مَارَّا ثَامُّورْثْ: ضِيدّْ إِ إِجدْجِيذنْ ن يَاهُوذَا، ضِيدّْ إِ ڒْحُوكَّامْ نّسْ، ضِيدّْ إِ إِكهَّاننْ نّسْ ؤُ ضِيدّْ إِ ڒْڭنْسْ ن ثمُّورْثْ.
JER 1:19 نِيثْنِي أَذْ كِيذكْ مّنْغنْ، [مَاشَا] وَارْ شكْ أَرنّْينْ، مَاغَارْ نشّْ أَكِيذكْ، حِيمَا أَذْ شكْ فكّغْ، [أَمُّو إِ] إِقَّارْ سِيذِي.“
JER 2:1 يُوسَا-د غَارِي وَاوَاڒْ ن سِيذِي، إِنَّا:
JER 2:2 ”ؤُيُورْ، بَارّحْ ذڭْ ؤُمزُّوغْ ن ؤُرْشَالِيمْ، إِنِي: ’أَمُّو إِ إِقَّارْ سِيذِي: نشّْ تّْخَارَّاصغْ ذَايمْ، ذِي ثْمخْسِيوْثْ إِشوَّارنْ ن ثمْژِي نّمْ، خْ ثَايْرِي ن وُوسَّانْ ن ثْنخْضَابْثْ نّمْ، ؤُمِي د أَيِي د-ثضْفَارذْ ذِي ڒخْڒَا، ذِي ثمُّورْثْ ثَامسُّوشِيثْ.
JER 2:3 إِسْرَائِيل ثُوغَا ذ أَمْقدّسْ إِ سِيذِي، ثَامزْوَارُوثْ ن صَّابثْ نّسْ. مَارَّا وِي زَّايسْ إِشّنْ، إِدَّاكّْوَاڒْ ذَايسْ ڒْعِيبْ،  إِوْضَا-د خَاسنْ ڒْغَارْ، [أَمُّو إِ] إِقَّارْ سِيذِي.‘ “
JER 2:4 ”سْڒمْ إِ وَاوَاڒْ ن سِيذِي، كنِّيوْ زِي ثَادَّارْثْ ن يَاعْقُوبْ، ذ مَارَّا ڒَادْجَاثْ ن ثَادَّارْثْ ن إِسْرَائِيل.
JER 2:5 أَمُّو إِ إِقَّارْ سِيذِي: ’مَانْ ڒْغشّْ نِّي ذَايِي ؤُفِينْ ڒجْذُوذْ نْومْ أَڒَامِي خَافِي حيّْضنْ ؤُشَا ضْفَارنْ [لْ-أَصْنَامْ] إِبطّْڒنْ ؤُشَا ذوْڒنْ [سِيمَانْثْ نْسنْ] ذِي ڒْبَاطڒْ،
JER 2:6 وَارْ سّقْسِينْ: مَانِي إِدْجَا سِيذِي، ونِّي ذ أَنغْ د-إِسُّوفّْغنْ زِي مِيصْرَا، ونِّي ذ أَنغْ إِسّشْننْ أَبْرِيذْ ذِي ڒخْڒَا، خْ إِشْثْ ن ثمُّورْثْ ن ڒخْڒَا ذ إِخنْذْرَاقْ، خْ إِشْثْ ن ثمُّورْثْ ن ڒَاژَاغْ ذ ثِيڒِي ن ڒْموْثْ، خْ إِشْثْ ن ثمُّورْثْ وَارْ خَاسْ إِعْذُو ؤُڒَا ذ إِجّْ ؤُ وَارْ ذَايسْ إِزْذِيغْ ؤُڒَا ذ إِجّْ ن بْنَاذمْ؟
JER 2:7 نشّْ إِوْيغْ كنِّيوْ غَارْ إِشْثْ ن ثمُّورْثْ إِسّغْمَاينْ حِيمَا أَذْ زَّايسْ ثشّمْ ڒْغِيدْجثْ ذ ڒْخَارْ. [مَاشَا] ؤُمِي [ذِينْ] ثِيوْضمْ، ثسّْخمْجمْ ثَامُّورْثْ إِنُو ؤُ ثَارِّيمْ ثَاسْغَارْثْ إِنُو ذ جّْعِيفشْثْ.
JER 2:8 إِكهَّاننْ وَارْ سّقْسِينْ: مَانِي إِدْجَا سِيذِي؟، ؤُشَا إِنِّي ثُوغَا إِحطَّانْ شَّارِيعَا وَارْ ذ أَيِي سِّيننْ ؤُ إِمكْسَاونْعدُّونْ-د خَافِي ؤُ إِنَابِييّنْ تّْنَابّنْ س بَاعَالْ ؤُشَا ضْفَارنْ مِينْ وَارْ إِنفّْعنْ.
JER 2:9 س ؤُيَا نشّْ أَذْ أَرْنِيغْ أَذْ مْشُوبّْشغْ أَكِيذْومْ، ؤُڒَا أَكْ-ذ إِحنْجِيرنْ ن إِحنْجِيرنْ نْومْ أَذْ مْشُوبّْشغْ، [أَمُّو إِ] إِقَّارْ سِيذِي.‘ “
JER 2:10 ”ژْوَامْ غَارْ ثڭْزِيرِينْ ن أَيْثْ ن كِيتِّيمْ، أَقَا سكّمْ [إِرقَّاسنْ] غَارْ قِيذَارْ، بيْثمْ ؤُشَا خْزَارمْ مْلِيحْ، مَا إِمْسَارْعمَّارْصْ أَمْ مَانْ أَيَا!
JER 2:11 مَاعمَّارْصْ إِبدّڒْ شَا ن ڒْڭنْسْ إِربِّيثنْ نّسْ، [وَاخَّا] وَارْ دْجِينْ ذ إِربِّيثنْ؟ ڒْڭنْسْ إِنُو مَاشَا إِوْشَا ڒْعزّْ نّسْ ذڭْ ومْشَانْ ن مِينْ وَارْ إِنفّْعنْ.
JER 2:12 إِڒِيمْ ذ إِڭْنَاونْ خْ مَانْ أَيَا، [كنِّيوْ أَ] إِجنْوَانْ، ڭّْوذمْ، نْخڒْعمْ أَڒْ طَّارْفْ، [أَمُّو إِ] إِقَّارْ سِيذِي.
JER 2:13 مَاغَارْ ڒْڭنْسْ إِنُو إِڭَّا ثْنَاينْ ن ڒعْيُوبْ: نشّْ، ڒْعُونْصَارْ ن وَامَانْ إِدَّارنْ، أَقَا سمْحنْ ذَايسْ مَاحنْذْ أَذْ غْزَانْ أَنُوثنْ إِ يِيخفْ نْسنْ، أَنُوثنْ س ثَازّشْثْ إِ إِخْوَانْ زڭْ وَامَانْ.
JER 2:14 مَا إِسْرَائِيل ذ إِسْمغْ نِيغْ ذ إِجّْ إِتّْوَارُو [ذ إِسْمغْ] ذِي ثَادَّارْثْ؟ مَايمِّي إِذْوڒْ إِ زَّارْذثْ [خنِّي]؟
JER 2:15 سّْبُوعْرُوثنْ خَاسْ وَايْرَاذنْ إِمژْيَاننْ، ڭِّينْ أَذْ سْڒنْ إِ ثْمِيجَّا نْسنْ. نِيثْنِي أَرِّينْ ثَامُّورْثْ نّسْ ذ [إِشْثْ ن ڒْقشْعثْ ن] ؤُنخْڒِيعْ ثِيندَّامْ نّسْ تّْوَاسّْشمْضنْثْ أَڒَامِي وَارْ إِقِّيمْ إِزدّغْ ذَايْسنْثْ ؤُڒَا ذ إِجّْ.
JER 2:16 عَاذْ حفّنْ أَيْثْ ن نُوفْ ذ ثَاحْفَانِيسْ أَشقُّوفْ ن ؤُزدْجِيفْ نّشْ.
JER 2:17 مَا وَارْ ثڭِّيذْ شَا مَانَاوْيَا إِ يِيخفْ نّمْ، [مِينْزِي] شمْ ثْسمْحذْ ذِي سِيذِي، أَربِّي نّمْ أَمْ نتَّا إِنْذحْ إِ شمْ ذڭْ وبْرِيذْ؟“
JER 2:18 ”ڒخُّو، مِينْ ذِينْ جَارْ أَمْ ذ جَارْ وبْرِيذْ ن مِيصْرَا مَاحنْذْ أَذْ ثسْوذْ [ذِينْ] أَمَانْ زِي شِيخُورْ، [زڭْ إِغْزَارْ ذ أَبَارْشَانْ]؟ مِينْ جَارْ أَمْ ذ جَارْ وبْرِيذْ ن أَشُّورْ أَڒَامِي [ذِينْ] إِ غَا ثسْوذْ أَمَانْ ن إِغْزَارْ [ن لْفُورَاطْ]؟
JER 2:19 ثُوعفّْنَا نّمْ أَذْ شكْ ثَاربَّا ؤُ إِبْرِيذنْ ن ؤُودَّارْ نّمْ أَذْ شمْ عَاقْبنْ. سّنْ ؤُ خْزَارْ، مَامّشْ وَارْ إِحْڒِي ؤُ مشْحَاڒْ يَارْزڭْ أَقَا ثْسمْحذْ ذِي سِيذِي، أَربِّي نّمْ، ؤُ وَارْ زَّايِي ثتّڭّْوذذْ، [أَمُّو إِ] إِقَّارْ سِيذِي إِنُو، سِيذِي ن ڒْعسْكَارَاثْ.“
JER 2:20 ”أَطَّاسْ زڭْ وَامِي ثَارْژِيذْ [أَ]زَايْڒُو نّمْ، ثْشَارّْڭذْ إِشذِّييّنْ نّمْ. شمْ ثنِّيذْ: ’وَارْ خْسغْ أَذْ أَشْ سخَّارغْ!‘ مِينْزِي خْ كُوڒْ ڒْڭعّْذثْ يُوعْڒَانْ ؤُ سَاذُو كُوڒْ ثَاشجَّارْثْ ثَازِيزَاوْثْ ثُوضَارذْ أَمْ ثمْغَارْثْ ن فَارْقْ-شّْغڒْ.
JER 2:21 نشّْ مَاشَا ثُوغَا ژُّوغْ شمْ ذ ثَازَايَارْثْ ثَاحُورِّيثْ، ذ زَّارِيعثْ إِشْنَانْ أَطَّاسْ. مَامّشْ ثْذوْڒذْ غَارْ ثْسضْوِينْ ن ثْزَايَارْثْ ن ڒخْڒَا ثَابَارَّانشْثْ؟
JER 2:22 وَاخَّا ثسِّيرْذذْ إِخفْ نّمْ س لِّيخِييَّا ؤُشَا ثَارْنِيذْ أَسْرَايْ س صَّابُونْ، [عَاذْ] أَذْ ثقِّيمْ ڒْمُوعْصِييّثْ نّمْ زَّاثْ إِ وُوذمْ إِنُو، [أَمُّو إِ] إِقَّارْ سِيذِي إِنُو، سِيذِي.“
JER 2:23 ”مَامّشْ ثْزمَّارذْ أَذْ ثِينِيذْ: ’نشّْ وَارْ تّْوَاسّْخمْجغْ شَا، نشّْ وَارْ ضْفَارغْ شَا ’إِبَاعْلنْ!‘ خْزَارْ غَارْ وبْرِيذْ نّمْ ذِي ثغْزُورْثْ، عْقڒْ مِينْ ثڭِّيذْ، شمْ ذ ثَاڒْغمْثْ ثفْسُوسْ ثتَّازّڒْ، ثنِّي إِتّمْخَارْوَاضنْ ذڭْ إِبْرِيذنْ نّسْ!
JER 2:24 أَقَا-ت ذ ثَاغْيُوتْشْ ن ڒخْرَا، إِنُّومنْ ذِي ڒخْڒَا، ثنِّي إِتّْشمَّانْ أَرِّيحْ ذڭْ ونْژَارْ نّسْ ؤُمِي ثْحَاجْ. وِي ت إِ غَا إِسّْبدّنْ ذِي نّشْوثْ نّسْ؟ قَاعْ وِي ت يَارزُّونْ وَارْ إِحْذِيجْ أَذْ إِسِّيحڒْ إِخفْ نّسْ، أَذْ ت يَافْ ذڭْ ؤُيُورْ [ن نّشْوثْ] نّسْ.
JER 2:25 حْضَا وَارْ إِتِّيڒِي ؤُضَارْ نّمْ بْڒَا ثِيسِيڒَا ؤُڒَا ثْمِيجَّا نّمْ وَارْ ثتِّيژغْ س ؤُفَاذِي! شمْ مَاشَا ثقَّارذْ: ’وَارْ خَاسْ نسِّيوِيڒْ،عمَّارْصْ! مَاغَارْ نشّْعشْقغْ ذِي مِيدّنْ، خْسغْ أَذْ ؤُيُورغْ أَوَارْنِي أَسنْ!‘ “
JER 2:26 ”أَمْ ؤُخوَّانْ إِنّحْصڒْ إِسضْحَا، أَمُّو إِ غَا سضْحَانْ إِنِّي ن ثَادَّارْثْ ن إِسْرَائِيل، نِيثْنِي ذ إِجدْجِيذنْ نْسنْ ذ ڒْحُوكَّامْ نْسنْ ذ إِكهَّاننْ نْسنْ ذ إِنَابِييّنْ نْسنْ.
JER 2:27 نِيثْنِي قَّارنْ إِ ؤُكشُّوضْ: ’شكْ ذ بَابَا!‘، ؤُ إِ وژْرُو: شكْ ثجِّيذْ أَيِي-د!، مَاغَارْ نِيثْنِي وْشِينْ أَيِي س وعْرُورْ، وَارْ إِدْجِي س ؤُغمْبُوبْ، [مَاشَا] ذِي ڒحْصَارثْ نْسنْ قَّارنْ: ’كَّارْ، سنْجمْ أَنغْ!‘
JER 2:28 مَانِي دْجَانْ ڒخُّو إِربِّيثنْ نّشْ، إِنِّي ثڭِّيذْ إِ يِيخفْ نّشْ؟ أجّْ إِ-ثنْ أَذْ د-كَّارنْ، مَاڒَا زمَّارنْ أَذْ شكْ فكّنْ غَارْ ڒْوقْثْ ن ڒحْصَارثْ نّشْ، مَاغَارْ إِربِّيثنْ نْومْ أَمْ لْعَاذَاذْ ن ثْندَّامْ نّشْ، [أَ] يَاهُوذَا!“
JER 2:29 ”مَايمِّي أَكِيذِي ثمْشُوبُّوشمْ كنِّيوْ؟ كنِّيوْ مَارَّا ثتّْعدَّامْ خَافِي، [أَمُّو إِ] إِقَّارْ سِيذِي.
JER 2:30 خْ بَاطڒْ إِ وْثِيغْ إِحنْجِيرنْ نْومْ، وَارْ جِّينْ إِخفْ نْسنْ أَذْ أَريّْضنْ. سِّيفْ نْومْ إِشَّا إِنَابِييّنْ نْومْ أَمْ وَايْرَاذْ إِغَارّْصنْ.
JER 2:31 [أَ] كنِّيوْ، [أَ] جِّيڒْ [ن يِيضَا]، حْضَامْ أَوَاڒْ ن سِيذِي. مَا ثُوغَا أَيِي ذ ڒخْڒَا إِ إِسْرَائِيل، نِيغْ ذ ثَامُّورْثْ ن ثَادْجسْثْ ذ ثَابَارْشَانْثْ؟ مَايمِّي [خنِّي] إِقَّارْ ڒْڭنْسْ إِنُو: ’أَقَا نشِّينْ ننُّوفْصڒْ زَّايكْ، وَارْ إِ د غَاركْ نذِّيكّْوِيڒْ عَاذْ‘؟
JER 2:32 مَا أَذْ ثتُّو ثعْزَارشْثْ ثَالْوِيزْثْ نّسْ نِيغْ [أَذْ ثتُّو] ثسْڒِيثْ ثَاحزَّامْثْ نّسْ [إِزوّْقنْ]؟ وَاخَّا أَمنِّي إِ ذ أَيِي إِتُّو ڒْڭنْسْ إِنُو أَطَّاسْ ن وُوسَّانْ بْڒَا ڒحْسَابْ.
JER 2:33 مشْحَاڒْ ثسّْنذْ مْلِيحْ أَذْ ثَارْزُوذْ أَبْرِيذْ ن ثَايْرِي؟ س ؤُيَا إِ ثسّْڒمْذذْ ذِي إِبْرِيذنْ نّمْ ثِيمسْڒَايِينْ ثِيعفَّانِينْ إِ يِيخفْ نّمْ.
JER 2:34 ؤُڒَا ذڭْ ؤُبحْرُورْ ن وَارُّوضْ نّمْ ؤُفِينْ إِذَامّنْ ن ڒعْمُورَاثْ إِضعْفنْ إِزْذِيڭنْ، إِنِّي وَارْ ثمْنِيعذْ ؤُمِي ؤُشَارنْ [ثُوذْرِينْ]، [وَاهْ،] زِي سِّيبّثْ ن مَارَّا مَانْ أَيَا [أَقَا إِمْسَارْ].
JER 2:35 ؤُشَا [عَاذْ] ثقَّارذْ: ’س ثِيذتّْ، نشّْ ذ ثَامزْذَاڭْثْ، أَقَا أَغْضَابْ نّسْ إِحيّذْ خَافِي!‘ خْزَارْ، نشّْ أَذْ كِيمْ شَارّْعغْ، مِينْزِي ثقَّارذْ: ’نشّْ وَارْ ڭِّيغْ دّْنُوبْ!‘
JER 2:36 مَايمِّي ثتّڭّْوْجذْ أَطَّاسْ ؤُشَا ثْبدّْڒذْ [ڒبْذَا] أَبْرِيذْ نّمْ؟ ؤُڒَا [ثَامُّورْثْ ن] مِيصْرَا أَذْ شمْ ثشْمثْ، أَمْ مَامّشْ إِ ذ أَمْ ثشْمثْ أَشُّورْ.
JER 2:37 ؤُڒَا سّنِّي أَذْ ثڭّْوجذْ س إِفَاسّنْ نّمْ خْ ؤُزدْجِيفْ، مَاغَارْ سِيذِي إِنْضَارْ مَارَّا إِنِّي خْ ثتّشْڒذْ، أَڒَامِي وَارْ إِتِّيڒِي أَيَا ؤُڒَا أَكِيذْسنْ.“
JER 3:1 ”قَّارنْ: ’خْزَارْ، إِجّْ ن ورْيَازْ إِدْجفْ إِ ثمْغَارْثْ نّسْ ؤُ نتَّاثْ ثُويُورْ خَاسْ، ثذْوڒْ ذ ثَامْغَارْثْ ن إِجّْ نّغْنِي، مَا إِعدّڒْ أَذْ غَارسْ د-إِعْقبْ [خنِّي]؟ مَا وَارْ ثفْسذْ ثمُّورْثْ نِّي أَطَّاسْ؟‘ شمْ مَاشَا ثڭّذْ فَّارْقْ-شْغڒْ نّمْ أَكْ-ذ إِجّْ ن ؤُبَارُّو ن إِمدُّوكَّاڒْ، مَا [خنِّي] ثْزمَّارذْ أَذْ غَارِي د-ثْعقْبذْ، [أَمُّو إِ] إِقَّارْ سِيذِي.
JER 3:2 سْڭعّذْ ثَامُوغْڒِي نّمْ ذِي ڒڭْعُوذِي [إِ خفْ وهّْبنْ ثِيغَارْصَا]، خْزَارْ، مَانِي وَارْ شمْ خَارْضنْ؟ أَقَا ثُويُورذْ أَذْ ثقِّيمذْ ذڭْ إِبْرِيذنْ مَارَّا أَمْ يِيجّْ ن وعْرَابْ ذِي ڒخْڒَا. [أَمُّو] إِ ثسّْفسْذذْ ثَامُّورْثْ س فَارْقْ-شّْغڒْ نّمْ ذ ڒْغَارْ نّمْ.
JER 3:3 س ؤُيَا إِتّْوَامْنعْ ونْژَارْ ؤُشَا وَارْ د-إِوْثِي ونْژَارْ أَجُورِي. [مَاشَا] شمْ ثُوغَا غَارمْ ثَانْيَارْثْ ثقْجَارْ ن ثمْغَارْثْ ن فَارْقْ-شّْغڒْ، وَارْ ثخْسذْ أَذْ ثْسضْحِيذْ.
JER 3:4 مَا وَارْ ثبْذِيذْ مْغِيرْ إِ شْوَايْثْ ن ڒْوقْثْ وَاهَا أَذْ أَيِي ثتّْڒَاغَاذْ ’بَابَا! شكْ ذ أَمدُّوكّڒْ إِنُو زِي ثمْژِي إِنُو!
JER 3:5 مَا [خنِّي] أَذْ إِقِّيمْ وغْضَابْ نّسْ إِتّْبدَّا إِ ڒبْذَا؟ مَا نتَّا أَذْ ث إِحْضَا إِ ڒبْذَا؟‘ خْزَارْ، [أَمُّو إِ] ثقَّارذْ، [أَمْ] ثتّڭّذْ مَاڒَا ثِيمسْڒَايِينْ نِّي ثِيعفَّانِينْ ؤُ [ثتّْخَارّْصذْ] أَقَا أَيَا إِعدّڒْ [أَذْ إِتّْوَاڭّْ.]“
JER 3:6 سِيذِي إِنَّا أَيِي ذڭْ وُوسَّانْ ن يُوشِييَا: ”مَا ثژْرِيذْ مِينْ ثڭَّا [ثمْغَارْثْ] إِسْرَائِيل إِكْفَارنْ؟ نتَّاثْ ثْڭعّذْ كُوڒْ أَذْرَارْ يُوعْڒَانْ، ثزّڒْ سَاذُو كُوڒْ ثَاشجَّارْثْ ثَازِيزَاوْثْ ؤُشَا ثڭَّا ذِينْ أَمْ ثمْغَارْثْ ن فَارْقْ-شّْغڒْ!
JER 3:7 أَوَارْنِي ڒَامِي ثڭَّا أَيَا، نِّيغْ: ’أَذْ د-ثذْوڒْ غَارِي!‘، مَاشَا نتَّاثْ وَارْ د-ثذْوِيڒْ شَا. [خنِّي] ثژْرِي أَيَا ؤُتْشْمَاسْ إِغدَّارنْ يَاهُوذَا.
JER 3:8 ژْرِيغْ، ؤُمِي ذ أَسْ دْجْفغْ زِي سِّيبّثْ ن مَارَّا مِينْ زِي ثزْنَا [ثمْغَارْثْ] إِسْرَائِيل إِكْفَارنْ ؤُ وْشِيغْ أَسْ ثَابْرَاثْ ن وَادْجَافْ، أَقَا أَيَا وَارْ إِسّْنخْڒِيعْ ؤُتْشْمَاسْ ثَاغدَّارْثْ يَاهُوذَا، [مَاشَا] نتَّاثْ ثُويُورْ، ثسّفْسذْ إِخفْ نّسْ ؤُڒَا ذ نتَّاثْ س فَارْقْ-شّْغڒْ نّسْ.
JER 3:9 س فَارْقْ-شّْغڒْ نّسْ إِهوْننْ، ثتّْوَاسّفْسذْ ثمُّورْثْ، [مَاغَارْ] نتَّاثْ ثزْنَا س وژْرُو ذ ؤُكشُّوضْ.
JER 3:10 ذِي مَارَّا أَيَا وَارْ د غَارِي ثعْقِيبْ ؤُتْشْمَاسْ يَاهُوذَا ثَاغدَّارْثْ س مَارَّا ؤُڒْ نّسْ، [مَاشَا] ثسّْنِيعْمِيڒْ وَاهَا، [أَمُّو إِ] إِقَّارْ سِيذِي.“
JER 3:11 [س ؤُيَا] إِنَّا أَيِي سِيذِي: ”[ثَاوتْشْمَاثْ] إِسْرَائِيل إِكْفَارنْ، أَقَا ثَارَّا إِخفْ نّسْ ثْبَانْ-د ثْسڭّذْ كْثَارْ خْ [ؤُتْشْمَاسْ] يَاهُوذَا ثَاغدَّارْثْ.
JER 3:12 ؤُيُورْ، ڒَاغَا أَوَاڒنْ-أَ غَارْ شَّامَالْ، إِنِي: ’ذْوڒْ-د، أَ شمْ ثمْغَارْثْ إِسْرَائِيل إِكْفَارنْ!‘، [أَمُّو إِ] إِقَّارْ سِيذِي. أَغمْبُوبْ إِنُو وَارْ إِتّْبَارْشِينْ، مَاغَارْ نشّْ شُّورغْ س ثْمخْسِيوْثْ إِشوَّارنْ، [أَمُّو إِ] إِقَّارْ سِيذِي. نشّْ وَارْ تِّيڒِيغْ تّْفُوڭْمغْ ڒبْذَا.
JER 3:13 مَاشَا نْعمْ س ڒْمُوعْصِييّثْ نّمْ، أَقَا ثْعذِّيذْ خْ سِيذِي، أَربِّي نّمْ، ؤُشَا ثفّْغذْ زڭْ وبْرِيذْ غَارْ مَارَّا إِغزْذِيسنْ غَارْ إِبَارَّانِييّنْ، سَاذُو كُوڒْ ثَاشجَّارْثْ ثَازِيزَاوْثْ، [مَاشَا] كنِّيوْ وَارْ ثسْڒِيمْ شَا غَارْ ثْمِيجَّا إِنُو، [أَمُّو إِ] إِقَّارْ سِيذِي.“
JER 3:14 ”ذوْڒمْ-د، أَ ثَارَّاوْثْ إِكْفَارنْ!، [أَمُّو إِ] إِقَّارْ سِيذِي، مَاغَارْ نشّْ ذ أَرْيَازْ نْومْ، نشّْ أَذْ كنِّيوْ قبْڒغْ [عَاوذْ]، إِجّْ زڭْ إِشْثْ ن ثنْذِينْثْ ؤُ ثْنَاينْ زڭْ إِجّْ ن ڒَادْجْ، ؤُ نشّْ أَذْ كنِّيوْ أَوْيغْ غَارْ صِيهْيُونْ.
JER 3:15 نشّْ أَذْ أَومْ وْشغْ إِمكْسَاونْ إِ إِخْسْ وُوڒْ إِنُو، إِنِّي كنِّيوْ إِ غَا يَاروْسنْ س ثُوسّْنَا ذ ڒعْقڒْ.
JER 3:16 خْمِي غَا ثمَّارنْيمْ ذڭْ وُوسَّانْ نِّي، أَذْ د-ثَاوْيمْ ڒْغِيدْجثْ ذِي ثمُّورْثْ، إِقَّارْ سِيذِي، أَذْ ثَافذْ وَارْ قَّارنْ [عَاذْ] ’تَّابُوثْ ن ڒْعَاهْذْ ن سِيذِي!‘ وَارْ د أَسنْ ثتَّاڒِي غَارْ ڒْبَاڒْ، وَارْ ت تِّيذَارنْ، وَارْ ت فقّْذنْ [عَاذْ] ؤُشَا وَارْ ت تّْسنَّاعنْ.“
JER 3:17 ”ذِي ڒْوقْثْ نِّي أَذْ إِنِينْ إِ ؤُرْشَالِيمْ ’ڒْْكُورْسِي ن سِيذِي!‘، ؤُشَا مَارَّا ڒڭْنُوسْ أَذْ غَارسْ د-نّْيَارْونْ ذِي طّْوعْ ن يِيسمْ ن سِيذِي، غَارْ ؤُرْشَالِيمْ، ؤُشَا وَارْ تّْغِيمِينْ ڭُّورنْ شَا عْلَاحْسَابْ ڒقْسَاحثْ ن وُوڒْ نْسنْ أَعفَّانْ.
JER 3:18 ذڭْ وُوسَّانْ نِّي أَذْ ثُويُورْ ثَادَّارْثْ ن يَاهُوذَا غَارْ ثَادَّارْثْ ن إِسْرَائِيل ؤُشَا نِيثنْثِي أَذْ فّْغنْثْ مُوننْثْ زِي ثمُّورْثْ ن شَّامَالْ غَارْ ثمُّورْثْ نِّي وْشِيغْ ذ ثَاسْغَارْثْ إِ ڒجْذُوذْ نْومْ.“
JER 3:19 ”نشّْ ثُوغَا نِّيغْ: ’مَامّشْ زمَّارغْ أَذْ كنِّيوْ أَرّغْ ذ إِحنْجِيرنْ إِنُو ؤُشَا أَذْ أَومْ وْشغْ ثَامُّورْثْ إِعِيزّنْ، ثَاسْغَارْثْ [نِّي إِدْجَانْ ذ] ثَالْوِيزْثْ ن ڒْعسْكَارَاثْ ن ڒڭْنُوسْ؟‘ نشّْ نِّيغْ: ’كنِّيوْ أَذْ غَارِي ڒَاغَانْ: بَابَا! ؤُشَا وَارْ خَافِي ثتّْحيِّيذمْ [عَاذْ]!‘
JER 3:20 س ثِيذتّْ، أَمْ ثمْغَارْثْ ثغْذَارْ أَمدُّوكّڒْ نّسْ، أَمُّو ؤُڒَا ذ كنِّيوْ ثِيغْذَارمْ أَيِي، [أَ] ثَادَّارْثْ ن إِسْرَائِيل، [أَمُّو إِ] إِقَّارْ سِيذِي.“
JER 3:21 إِتّْوَاسڒْ إِجّْ ن ڒْحسّْ خْ ثوْرِيرِينْ إِقشَّارنْ، أَنِيخْسسْ ذ ثُوثْرَا ن أَيْثْ ن إِسْرَائِيل، مِينْزِي نِيثْنِي ؤُيُورنْ إِبْرِيذنْ فَارْغنْ ؤُشَا سِيذِي، أَربِّي نْسنْ، تُّونْ ث.
JER 3:22 ”ذوْڒمْ-د، أَ ثَارَّاوْثْ إِكْفَارنْ!، نشّْ خْسغْ أَذْ سّْڭنْفِيغْ أَكْفَارْ نْومْ.“ ”خْزَارْ، أَقَا أَنغْ ذَا، نشِّينْ نُوسَا-د غَاركْ، مَاغَارْ شكْ ذ سِيذِي، أَربِّي نّغْ!
JER 3:23 نِيشَانْ خْ وَالُو [إِ إِتّْرَاجَا بْنَاذمْ] زِي ڒڭْعُوذِي ن [ثوْهِيبِينْ] ذ دْجْغَارغْ خْ إِذُورَارْ. نِيشَانْ، ذِي سِيذِي، أَربِّي نّغْ، أَقَا إِدْجَا ؤُسنْجمْ ن إِسْرَائِيل.
JER 3:24 ڒفْضِيحثْ ثشَّا ڒْخذْمثْ ن ڒجْذُوذْ نّغْ زِي ثمْژِي نّغْ: ؤُدْجِي نْسنْ ذ إِفُونَاسنْ ذ ثْفُونَاسِينْ نْسنْ، إِحنْجِيرنْ نْسنْ ذ ثْحنْجِيرِينْ نْسنْ.
JER 3:25 نشِّينْ نزّڒْ ذِي ڒفْضِيحثْ نّغْ ؤُشَا ڒحْيَا نّغْ ثذْڒَا أَنغْ، مَاغَارْ نشِّينْ نخْضَا أَكْ-ذ سِيذِي، أَربِّي نّغْ، نشِّينْ ذ ڒجْذُوذْ نّغْ، زِي ثمْژِي نّغْ أَڒْ إِضَا. نشِّينْ وَارْ نسْڒِي شَا غَارْ ثْمِيجَّا ن سِيذِي، أَربِّي نّغْ.“
JER 4:1 ”مَاڒَا ثخْسذْ أَذْ د-ثْعقْبذْ، [أَ] إِسْرَائِيل، [أَمُّو إِ] إِقَّارْ سِيذِي، عْقبْ-د غَارِي، ؤُ مَاڒَا ثكّْسذْ مَارَّا نّْعَاوَاثْ ن لْ-أَصْنَامْ خْ وُوذمْ إِنُو، وَارْ تّْغِيمِي شَا ثدُّورِيذْ وَاهَا.
JER 4:2 جَادْجْ س ثِيذتّْ، س ڒْحقّْ ؤُ س ثْسڭْذَا، [إِنِي]: ’[س ثِيذتّْ] أَمْ إِدَّارْ سِيذِي!‘، [خنِّي] أَذْ زَّايسْ تّْوَابَارْكنْ ڒڭْنُوسْ ؤُشَا أَذْ ذَايسْ سّْعُودْجنْ إِخفْ نْسنْ.
JER 4:3 مَاغَارْ أَمُّو إِ إِقَّارْ سِيذِي إِ يرْيَازنْ ن يَاهُوذَا ؤُ إِ ؤُرْشَالِيمْ: ’شَارْزمْ إِيَّارْ إِخْوَانْ إِ يِيخفْ نْومْ، [مَاشَا] وَارْ زَارّْعمْ ذڭْ إِسنَّاننْ.
JER 4:4 خثْنمْ إِخفْ نْومْ إِ سِيذِي ؤُ سِّيڭّْوجمْ ڒعْذَاڒيَّاثْ ن وُوڒَاونْ نْومْ، كنِّيوْ إِرْيَازنْ ن يَاهُوذَا ذ كنِّيوْ إِمزْذَاغْ ن ؤُرْشَالِيمْ، حِيمَا أَسْعَارْ إِنُو وَارْ إِتَّارژِّي أَمْ ثْمسِّي، أَذْ إِشْمضْ بْڒَا مَا إِزمَّارْ ؤُڒَا ذ إِجّْ أَذْ إِسّخْسِي، زِي سِّيبّثْ ن ثْمڭَّا نْومْ ثِيعفَّانِينْ.‘ “
JER 4:5 ”بَارّْحمْ [ت] ذِي يَاهُوذَا ؤُ جّمْ أَذْ [أَسْ] سْڒنْ ذِي ؤُرْشَالِيمْ، إِنِيمْ: ’سُوضمْ ذڭْ ؤُيِيشّْ ن إِشَارِّي ذِي ثمُّورْثْ!‘، سْغُويّمْ س ثْمِيجَّا إِجهْذنْ، إِنِيمْ: ’سْمُونمْ، أَسمْ-د غَارْ ثْندَّامْ إِفَارْينْ!‘
JER 4:6 سْڭعّْذمْ ثَاعدْجَانْثْ إِ صِيهْيُونْ، وَارْ تّْغِيمِيمْ ثْبدّمْ، مَاغَارْ نشّْ أَذْ سِّيوْضغْ ڒْغَارْ زِي شَّامَالْ، لْمُوصِيبَا ثَامقّْرَانْثْ.
JER 4:7 أَيْرَاذْ إِڭعّذْ-د زِي شْبَارْقْ [ن ڒْمَارْڭحْ] نّسْ، أَمْثحَّايْ نْ ڒڭْنُوسْ إِرُوحْ ذڭْ وبْرِيذْ، إِفّغْ-د زڭْ ومْشَانْ نّسْ مَاحنْذْ أَذْ يَارّْ ثَامُّورْثْ نّمْ ذ [إِشْثْ ن ڒْقشْعثْ ن] ؤُنخْڒِيعْ. ثِيندَّامْ نّمْ أَذْ تّْوَاردّْدْجنْثْ أَڒَامِي وَارْ [ذَايْسنْثْ] إِتّْغِيمِي ؤُڒَا ذ إِجّْ ن ؤُمزْذُوغْ.
JER 4:8 س ؤُينِّي، أَرْضمْ ثِيخُونْشَايْ [ن وشْضَانْ]، شضْنمْ ؤُ وعّْضمْ، مَاغَارْ وَارْ خَانغْ إِحيّذْ ڒْحَاذُوقْ ن وغْضَابْ ن سِيذِي.“
JER 4:9 [أَمُّو إِ] إِقَّارْ سِيذِي: ”ذڭْ وَاسّْ نِّي أَذْ إِمْسَارْ، أَقَا ؤُڒْ ن ؤُجدْجِيذْ ذ ؤُڒَاونْ ن ڒْحُوكَّامْ أَذْ أَسنْ ثْرَاحْ ثَارْيَاسْثْ، إِكهَّاننْ أَذْ نّْخڒْعنْ ؤُشَا إِنَابِييّنْ أَذْ ثْبهْثنْ.“
JER 4:10 [خنِّي] نِّيغْ: ”أَخْ، سِيذِي إِنُو، سِيذِي، س ثِيذتّْ، أَقَا شكْ ثْشمْثذْ ڒْڭنْسْ-أَ ذ ؤُرْشَالِيمْ ؤُمِي ثنِّيذْ: ’أَذْ غَارْومْ يِيڒِي ڒهْنَا!‘ خْزَارْ، سِّيفْ يُوذفْ-د عَاذْ غَارْ ڒعْمَارْ [نّغْ]!“
JER 4:11 ”ذڭْ وَاسّْ نِّي أَذْ إِنِينْ إِ ڒْڭنْسْ-أَ ؤُ إِ ؤُرْشَالِيمْ: ’أَسمِّيضْ إِسّشْمَاضْ زِي ثوْرِيرِينْ ثِيقشَّارِينْ ذِي ڒخْڒَا أَقَا-ث ذڭْ وبْرِيذْ غَارْ يدْجِيسْ ن ڒْڭنْسْ إِنُو، وَارْ إِتِّيڒِي إِ ؤُزُوزَّارْ نِيغْ إِ ؤُصفِّي.
JER 4:12 أَذْ إِفّغْ زِي غَارِي إِجّْ ن ؤُسمِّيضْ إِجْهذْ خْ وَانِيثَا. ڒخُّو نشّْ [سِيمَانْثْ إِنُو] أَذْ ثنْ حكْمغْ.
JER 4:13 خْزَارْ، إِڭعّذْ أَمْ يِيسيْنُوثنْ ؤُشَا إِكَارُّوثنْ نّسْ ڭِّينْ أَمْ ثْحَارْيَاضْثْ، إِيْسَانْ نّسْ تِّيزْوَارنْ إِ إِڭِيذَارنْ. ؤُشْثْ نّغْ، نشِّينْ نتّْوَاردّدْجْ!‘ “
JER 4:14 ”سِيرْذْ ؤُڒْ نّمْ زِي ثُوعفّْنَا، [أَ] ؤُرْشَالِيمْ، مَاحنْذْ أَذْ ثتّْوَاسّْنجْمذْ! مشْحَاڒْ عَاذْ إِ غَا كّنْ زدّْغنْ إِخَارِّيصنْ إِعفَّاننْ ذڭْ وُوڒْ نّمْ؟
JER 4:15 مِينْزِي ثْمِيجَّا ثتّْبَارّحْ زِي ذَانْ ؤُشَا ثتّْوَاسڒْ ثشْثِي ثَامقّْرَانْثْ [إِ-د-إِتّْقَارَّابنْ] زڭْ إِذُورَارْ ن إِفْرَايِيمْ.
JER 4:16 بَارْحمْ [زَّايسْ] ذِي يَاهُوذَا ؤُ جّمْ أَذْ أَسْ سْڒنْ ذِي ؤُرْشَالِيمْ، إِنِيمْ: ’إِنِّي إِ غَا إِحْصَارنْ أَقَا ؤُسِينْ-د زِي ثمُّورْثْ ثِيڭّْوجْ، نِيثْنِي سّْڭعَّاذنْ ثْمِيجَّا نْسنْ ضِيدّْ إِ ثْندَّامْ ن يَاهُوذَا.‘
JER 4:17 نّْضنْ أَسْ-د أَمْ يِيعسَّاسنْ ذڭْ إِيَّارنْ، مَاغَارْ نتَّاثْ ثْغوّغْ خَافِي، [أَمُّو إِ] إِقَّارْ سِيذِي.
JER 4:18 ثَابْرِيذْثْ نّمْ ذ ثْمڭَّا نّمْ إِوْينْ أَمْ-د أَيَا. أَقَا-ث ذ أَشْثَابْ أَبَارْشَانْ نّمْ، يَارْزڭْ، إِڒقّفْ [إِ شمْ ذڭْ] وُوڒْ نّمْ.“
JER 4:19 ”[عَاونْ أَيِي،] أَعذِّيسْ إِنُو، أَعذِّيسْ إِنُو، نشّْ تّْفَارْفِيرغْ س ڒوْجعْ، [أَ] إِغزْذِيسنْ ن وُوڒْ إِنُو، ؤُڒْ إِنُو إِنڭّزْ، نشّْ وَارْ زمَّارغْ أَذْ سغْذغْ، مَاغَارْ أَسُوضِي ن ؤُيِيشّْ ن إِشَارِّي يُوذفْ غَارْ ڒعْمَارْ إِنُو، [ؤُشْثْ،] إِغُويَّانْ [ن ؤُمنْغِي].
JER 4:20 ’ثِيشْثِي خْ ثشْثِي!‘، [أَمُّو إِ] سْغُويُّونْ، مِينْزِي مَارَّا ثَامُّورْثْ ثْخَارّبْ. ذغْيَا تّْوَاهذْمنْ إِقِيضَانْ إِنُو، ذڭْ ورْمَاشْ ن وَابْڒِيونْ ثْجَارْثِيڒِينْ ن ؤُقِيضُونْ إِنُو!
JER 4:21 أَڒْ مڒْمِي [عَاذْ] أَذْ ثْوَاڒِيغْ ثَاعدْجَانْثْ [ن ؤُمنْغِي] ؤُشَا أَذْ سْڒغْ إِ ؤُسُوضِي ذڭْ ؤُيِيشّْ ن إِشَارِّي؟
JER 4:22 ڒْڭنْسْ إِنُو ذ أَبُوهَاڒِي، نِيثْنِي وَارْ ذ أَيِي سِّيننْ. نِيثْنِي ذ إِحنْجِيرنْ بْڒَا ڒعْقڒْ ؤُ وَارْ غَارْسنْ ثدْجِي ڒفْهَامثْ. نِيثْنِي ذ إِمِيغِيسنْ مَاحنْذْ أَذْ ڭّنْ ڒْغَارْ، [مَاشَا] وَارْ سِّيننْ أَذْ ڭّنْ مِينْ إِصبْحنْ.“
JER 4:23 ”نشّْ ژْرِيغْ ثَامُّورْثْ، خْزَارْ، ثُوغَا-ت ذ ڒخْڒَا ذ ڒْخَاوِي ؤُ وَارْ [ؤُفِيغْ] ثَافَاوْثْ ذڭْ ؤُجنَّا.
JER 4:24 نشّْ ژْرِيغْ إِذُورَارْ، خْزَارْ، تَّارْجِيجِينْ ؤُشَا مَارَّا ثِيوْرِيرِينْ تّنْهزَّانْثْ [تّْرَاحنْثْ ذ تَّاسنْثْ إِ-د].
JER 4:25 نشّْ ثْوَاڒِيغْ، خْزَارْ، وَارْ ذِينْ [ؤُڒَا ذ إِجّْ ن] بْنَاذمْ، ؤُ مَارَّا إِجْضَاضْ ن ؤُجنَّا ثُوغَا ضْوِينْ.
JER 4:26 نشّْ ژْرِيغْ، خْزَارْ، ثَامُّورْثْ إِسّغْمَاينْ ثُوغَا ذ ڒخْڒَا ؤُ مَارَّا ثِيندَّامْ نّسْ تّْوَاهذْمنْثْ ذِي سِّيبّثْ ن ڒْحَاذُوقْ ن وغْضَابْ ن سِيذِي.“
JER 4:27 ”مَاغَارْ أَمُّو إِ إِقَّارْ سِيذِي: ’مَارَّا ثَامُّورْثْ-أَ أَذْ ثذْوڒْ ذ ثَامُّورْثْ ذ ڒخْڒَا، [مَاشَا] نشّْ وَارْ [ت] قطّْعغْ مَارَّا.
JER 4:28 س ؤُيَا إِ غَا ثشْضنْ ثمُّورْثْ، أَذْ بَّارْشْننْ إِجنْوَانْ سنّجْ، مَاغَارْ أَقَا نشّْ نِّيغْ ث، نشّْ ڭِّيغْ خَاسْ. نشّْ وَارْ نْذِيمغْ شَا ؤُ نشّْ وَارْ دِّيكّْوِيڒغْ ذڭْ وَاوَاڒْ.
JER 4:29 زِي دّْرِيزْ ن إِمْنَاينْ [ن ييْسَانْ] ذ إِمْجبَّاذنْ ن ڒْقوْسْ ثَارْوڒْ ثنْذِينْثْ مَارَّا. نِيثْنِي أَرزُّونْ أَذْ د-أَذْفنْ ذڭْ إِزغْرَانْ ؤُشَا أَذْ ڭعّْذنْ خْ ڒجْرُوفْ، ثَانْذِينْثْ مَارَّا ثتّْوَاجّْ، وَارْ ذَايسْ إِقِّيمْ ؤُڒَا ذ إِجّْ ن ؤُمزْذُوغْ.‘ “
JER 4:30 ”مِينْ غَا ثڭّذْ [خنِّي]، [أَ شمْ] ثَانْذِينْثْ ثتّْوَاردّدْجْ؟ وَاخَّا أَذْ ثْيَارْضذْ [أَرُّوضْ ذ] أَزڭّْوَاغْ نِيغْ أَذْ ثقّْنذْ ڒهْزُوطْ ن وُورغْ نِيغْ أَذْ ثْكحّْڒذْ ثسّمْغَارِيذْ ثِيطَّاوِينْ نّمْ، أَقَا بَاطڒْ أَذْ ثْزوّْقذْ إِخفْ نّمْ. إِمعْشَاقنْ أَذْ شمْ سّْحقَّارنْ، أَذْ أَرْزُونْ أَذْ شمْ نْغنْ.
JER 4:31 مَاغَارْ نشّْ تّسْڒِيغْ ثْمِيجَّا، أَخْمِي زِي ثمْغَارْثْ إِتَّارْونْ، أَخْمِي زڭْ إِشْثنْ ثْحصَّارْ ذِي ثَارْوَا ثَامزْوَارُوثْ، ثْمِيجَّا ن يدْجِيسْ ن صِيهْيُونْ، ثْڒقّضْ-د نّفْسْ، ثسّْوَاژَّاضْ س إِفَاسّنْ نّسْ، [ثسْغُويُّو]: ’ؤُشْثْ إِنُو، مَاغَارْ ڒعْمَارْ إِنُو إِفْنَا س يِينِّي إِخْسنْ أَذْ أَيِي نْغنْ!‘ “
JER 5:1 ”ؤُيُورمْ ذِي ذْشُورَاثْ ن ؤُرْشَالِيمْ، ؤُشَا خْزَارمْ مْلِيحْ. إِڒِيمْ ثْفثْنمْ ؤُ أَرْزُومْ ذڭْ وَازَّاينْ نّسْ، مَا أَذْ ثَافمْ إِجّنْ، مَا ذِينْ إِجّْ إِتّڭّْ ثَاسڭْذَا، إِجّنْ ونِّي يَارزُّونْ ثِيذتّْ، [خنِّي] نشّْ أَذْ أَسْ غْفَارغْ [إِ ؤُرْشَالِيمْ].
JER 5:2 نِيثْنِي قَّارنْ: ’س ثِيذتّْ أَمْ إِدَّارْ سِيذِي!‘، [مَاشَا] وَاخَّا أَمنِّي تّْجَادْجَانْ ژُورْ.“
JER 5:3 ”[أَ] سِيذِي، مَا وَارْ [حطَّانْثْ] ثِيطَّاوِينْ نّشْ خْ ثِيذتّْ؟ شكْ ثوْثِيذْ ثنْ، مَاشَا وَارْ ؤُشِينْ أَكْ-ذ ڒحْرِيقْ، شكْ ثقْضِيذْ ثنْ، [مَاشَا] وَارْ خْسنْ أَذْ تّْوَاربَّانْ. نِيثْنِي ڭِّينْ ثَانْيَارْثْ نْسنْ إِقسْحنْ خْ وژْرُو، نِيثْنِي ؤُڭِينْ أَذْ د-ذوْڒنْ.
JER 5:4 نشّْ نِّيغْ: ’أَهْ، نِيثْنِي ذ ڒْمُوسَاكِينْ، تّڭّنْ ثُوبُّوهڒْيَا، مِينْزِي نِيثْنِي وَارْ سِّيننْ أَبْرِيذْ ن سِيذِي، ثَاسڭْذَا ن أَربِّي نْسنْ.
JER 5:5 نشّْ أَذْ ؤُيُورغْ غَارْ إِمقّْرَاننْ ؤُشَا أَذْ كِيذْسنْ سِّيوْڒغْ، مِينْزِي نِيثْنِي وَارْ سِّيننْ شَا أَبْرِيذْ ن سِيذِي، ثَاسڭْذَا ن أَربِّي نْسنْ.‘ نِيثْنِي جْمِيعْ [مَاشَا] أَرْژِينْ زَّايْڒثْ، قطّْسنْ إِسغْوَانْ.
JER 5:6 خْ ؤُيَا إِوّثْ إِ-ثنْ وَايْرَاذْ ن ثَاڭَانْثْ، إِمزّقْ إِ-ثنْ وُوشّنْ زِي ڒوْضَاثْ، إِتّْحَامَا ؤُغِيڒَاسْ ثِيندَّامْ نْسنْ. كُوڒْ إِجّْ ونِّي د غَا إِفّْغنْ [زِي ثنْذِينْثْ]، أَذْ ث شَارّْڭنْ، مَاغَارْ إِعذِّيينْ نْسنْ ذ أَطَّاسْ ؤُ أَحيّذْ نْسنْ إِمْغَارْ أَطَّاسْ.“
JER 5:7 ”مَامّشْ [زمَّارغْ] أَذْ أَومْ غْفَارغْ مَانْ أَيَا؟ إِحنْجِيرنْ نّشْ سمْحنْ ذَايِي، تّْجَادْجَانْ غَارْ مِينْ وَارْ إِدْجِي ذ أَربِّي. [ڒَْامِي] ثنْ سّْجِيوْنغْ، زنَّانْ نِيثْنِي، سّْمُوننْ س دّْحَاسْ غَارْ وخَّامْ ن ثمْغَارْثْ ن فَارْقْ-شّْغڒْ.
JER 5:8 نِيثْنِي ذ إِكِيذَارنْ إِعڒْفنْ إِتّلِيعنْ. كُوڒْ إِجّْ إِسّْنحْنِيحْ غَارْ ثمْغَارْثْ ن ونّغْنِي.
JER 5:9 مَا وَارْ تّْعِيقِيبغْ خْ مَانْ أَيَا، [أَمُّو إِ] إِقَّارْ سِيذِي، نِيغْ وَارْ إِتّنْثِيقِيمْ ڒعْمَارْ إِنُو زِي ڒْڭنْسْ أَمْ وَانِيثَا؟“
JER 5:10 ”ڭعّْذمْ خْ ڒحْيُوضْ نّسْ ؤُشَا هذْممْ ثنْ، [مَاشَا] وَارْ ثنْ مسّْحمْ قَاعْ زِي ثمُّورْثْ. قڒْعمْ إِزْبِيرنْ نْسنْ، مَاغَارْ نِيثْنِي وَارْ [دْجِينْ] شَا ن سِيذِي.
JER 5:11 ثَادَّارْثْ ن إِسْرَائِيل ذ ثَادَّارْثْ ن يَاهُوذَا [مَاشَا] غْذَارنْ أَيِي س وَاطَّاسْ، [أَمُّو إِ] إِقَّارْ سِيذِي.
JER 5:12 نِيثْنِي نكَّارنْ سِيذِي، قَّارنْ: ’نتَّا وَارْ [ذِينْ] إِدْجِي، وَارْ ذ أَنغْ إِڒقّفْ ڒْغَارْ، وَارْ نتّْوِيڒِي سِّيفْ ؤُڒَا ذ ڒَاژْ.
JER 5:13 إِنَابِييّنْ أَذْ ذوْڒنْ أَمْ ؤُسمِّيضْ ؤُشَا وَارْ ذِينْ إِدْجِي ونِّي زَّايْسنْ إِسَّاوَاڒنْ. أَمُّو إِ ذ أَسنْ غَا إِمْسَارْ.‘ “
JER 5:14 ”س ؤُيَا إِقَّارْ سِيذِي، أَربِّي ن ڒْعسْكَارَاثْ: ’مِينْزِي كنِّيوْ ثقَّارمْ أَوَاڒْ-أَ، خْزَارْ، نشّْ أَذْ ڭّغْ أَوَاڒنْ إِنُو ذڭْ ؤُقمُّومْ نّشْ ذ ثِيمسِّي، ڒْڭنْسْ-أَ [أَذْ ث ڭّغْ] ذ أَكشُّوضْ، ؤُشَا أَذْ ثنْ ثشّْ [ثْمسِّي].
JER 5:15 خْزَارْ، [أَ] ثَادَّارْثْ ن إِسْرَائِيل، نشّْ أَذْ خَاومْ سِّيوْضغْ إِجّْ ن ڒْڭنْسْ زِي ڒَاڭّْوَاجْ، [أَمُّو إِ] إِقَّارْ سِيذِي. أَقَا-ث ذ ڒْڭنْسْ إِوْعَارْ، ڒْڭنْسْ زڭْ وشْحَاڒْ ؤُيَا، ڒْڭنْسْ إِ زِي وَارْ ثسِّينذْ شكْ أَوَاڒْ نّسْ، ؤُ وَارْ ثْفهّْمذْ مِينْ قَّارنْ نِيثْنِي.
JER 5:16 أَزعْبُوڒْ نّسْ [ن فْڒِيثْشَاثْ] [إِڭَّا] أَمْ يِيجّْ ن ونْضڒْ يَارزْمنْ، نِيثْنِي مَارَّا ذ أَيْثْ ن بُو-ثغْرُوضْثْ.
JER 5:17 أَذْ إِشّْ [ڒْْڭنْسْ نِّي] صَّابثْ نّمْ ذ وغْرُومْ نّمْ، أَذْ إِشّْ إِحنْجِيرنْ نّمْ ذ يسِّيمْ، أَذْ إِشّْ ؤُدْجِي نّمْ ذ إِفُونَاسنْ ذ ثْفُونَاسِينْ نّمْ، أَذْ إِشّْ ثَازَايَارْثْ نّمْ ذ وَارْثُو نّمْ، [ؤُشَا] س سِّيفْ أَذْ إِوّثْ ثِيندَّامْ نّمْ إِفَارْينْ مِينْ خفْ ثتّشْڒذْ.‘ “
JER 5:18 ”[مَاشَا] ؤُڒَا ذڭْ وُوسَّانْ نِّي، [أَمُّو إِ] إِقَّارْ سِيذِي، نشّْ وَارْ كنِّيوْ قطِّيغْ مَارَّا.
JER 5:19 مَاڒَا خنِّي كنِّيوْ ثقَّارمْ: ’مَايمِّي ذ أَنغْ إِڭَّا سِيذِي، أَربِّي نّغْ، مَارَّا أَيَا؟‘، [خنِّي] أَذْ أَسنْ ثِينِيذْ: ’أَمْ مَامّشْ كنِّيوْ ذَايِي ثْسمْحمْ، ثتّْسخَّارمْ إِ إِربِّيثنْ [إِغْرِيبنْ] ذِي ثمُّورْثْ نْومْ، أَمُّو إِ غَا ثْسخَّارمْ إِ إِبَارَّانِييّنْ ذِي ثمُّورْثْ وَارْ ثدْجِي نْومْ.‘ “
JER 5:20 ”بَارّْحمْ أَيَا إِ ثَادَّارْثْ ن يَاعْقُوبْ، جّمْ أَذْ [ث] سْڒنْ ذِي يَاهُوذَا، إِنِي:
JER 5:21 ’سْڒمْ إِ وَايَا، [أَ شكْ] ڒْڭنْسْ أَبُوهَاڒِي، نهْڒَا وُوڒْ! غَارْومْ ثِيطَّاوِينْ، [مَاشَا] وَارْ تّْوِيڒِينْثْ، إِمزُّوغنْ، [مَاشَا] وَارْ تّسْڒِينْ.
JER 5:22 مَا وَارْ ذ أَيِي تّڭّْوذمْ، [أَمُّو إِ] إِقَّارْ سِيذِي. مَا وَارْ ثتّخْسمْ ثتَّارْجِيجِيمْ زَّاثْ إِ وُوذمْ إِنُو، [إِ نشّْ] ونِّي إِڭِّينْ إِ ڒبْحَارْ إِجْذِي ذ ويْمِيرْ، ذ إِشْثْ ن ثوْصيّثْ إِ ڒبْذَا ثنِّي وَارْ زمَّارنْ أَذْ عْذُونْ [ڒمْوَاجْ]. أَقَا تّنْهزَّانْ ڒمْوَاجْ، [عَاذْ] وَارْ زمَّارنْ، تّْهَاجَانْ ڒمْوَاجْ، [عَاذْ] وَارْ تعدُّونْ.‘
JER 5:23 [مَاشَا] ڒْڭنْسْ-أَ غَارسْ ؤُڒْ إِحيّْذنْ ذ إِغوّْغنْ. نِيثْنِي حيّْذنْ [خْ وبْرِيذْ] ؤُشَا فّْغنْ.
JER 5:24 نِيثْنِي وَارْ قَّارنْ ذڭْ يِيخفْ نْسنْ: ’أجّْ أَنغْ أَذْ نڭّْوذْ سِيذِي، أَربِّي نّغْ نِّي إِتِّيشنْ أَنْژَارْ ذِي ڒْوقْثْ نّسْ، أَنْژَارْ ن زِيشْ ذ ونْژَارْ ن ڒخْمِيمْ، ونِّي إِحطَّانْ إِ نشِّينْ سِّيمَانَاثْ إِتّْوَاڭّنْ ن ثْميْرَا.‘
JER 5:25 ڒْمُوعْصِييَّاثْ نْومْ منْعنْثْ مَانْ أَيَا ؤُ دّْنُوبْ نْومْ طّْفنْ خَاومْ مِينْ إِشْنَانْ.
JER 5:26 مَاغَارْ ؤُفِينْ إِعفَّاننْ ذِي ڒْڭنْسْ إِنُو. نِيثْنِي تّْحَامَانْ أَمْ يِييمَّارنْ ن يجْضَاضْ. سّْبدَّانْ إِجّْ ن ڒْفخْ إِنقّنْ، أَرزُّونْ أَذْ طّْفنْ إِوْذَانْ.
JER 5:27 أَمْ ڒقْفزْ إِشُّورْ س إِجْضَاضْ، أَمُّو ثُوذْرِينْ نْسنْ شُّورنْثْ س ڒْغشّْ. خْ ؤُيَا ذوْڒنْ نِيثْنِي ذ إِمقّْرَاننْ ذ أَيْثْ ن بُو-وَاڭْڒَا.
JER 5:28 أَقَا نِيثْنِي ؤُفّنْ س ثَاذُونْثْ، أَقَا أَثنْ ذ إِحْرَايْمِييّنْ، [س ثْمڭَّا نْسنْ] سّْعدُّونْ نِيثْنِي ثِيمڭَّا ثِيعفَّانِينْ أَطَّاسْ. وَارْ حكّْمنْ س ڒْحقّْ ذِي دّعْوثْ، ؤُڒَا ذِي دّعْوثْ ن ؤُيُوجِيڒْ، وَاخَّا أَمنِّي فڒْحنْ نِيثْنِي. عَاوذْ وَارْ شِّيثنْ خْ ثسْغَارْثْ ن إِمزْڒَاضْ.
JER 5:29 مَا وَارْ تّْعِيقِيبغْ خْ مَانْ أَيَا، [أَمُّو إِ] إِقَّارْ سِيذِي، مَا وَارْ خدْجْفغْ إِخفْ إِنُو زِي ڒْڭنْسْ أَمْ وَانِيثَا؟“
JER 5:30 ”مِينْ إِتّنخْڒَاعنْ ؤُ مِينْ إِدْجَانْ ذ نّْعِي أَقَا إِمْسَارْ ذِي ثمُّورْثْ.
JER 5:31 إِنَابِييّنْ تّْنبَّانْ س إِخَارِّيقنْ ؤُشَا إِكهَّاننْ تّْصدْجْضنْ سَاذُو ؤُفُوسْ نْسنْ. ؤُشَا ڒْڭنْسْ إِنُو إِتّخْسْ إِ-ث أَمُّو. مِينْ غَا ثڭّمْ خْمِي د غَا يَاوضْ قطُّو؟“
JER 6:1 ”سِيوْضمْ إِخفْ نْومْ ذِي ڒَامَانْ زِي ڒْوسْثْ ن ؤُرْشَالِيمْ، [أَ] أَيْثْ ن بِينْيَامِينْ، ؤُشَا سُوضمْ ذڭْ ؤُيِيشّْ ن إِشَارِّي ذِي ثَاقُوعَا. سْڭعّْذمْ أَشنْيَالْ [س دّخَّانْ] زِي بَايْثْ-هَا-كَارِيمْ، مِينْزِي إِسِّيڭْوَاذْ ڒْغَارْ زِي شَّامَالْ، لْمُوصِيبَا ثَامقّْرَانْثْ.
JER 6:2 ثَامْغَارْثْ إِشوَّارنْ ذ إِتّْوَاسُّوبُوضنْ، يدْجِيسْ ن صِيهْيُونْ، أَذْ ت سّْهلّْكغْ.
JER 6:3 إِمكْسَاونْ أَذْ غَارسْ د-أَسنْ أَكْ-ذ ثْحِيمْرِيوِينْ نْسنْ، نِيثْنِي أَذْ أَسْ د-قوَّارنْ، أَذْ وْثنْ إِقِيضَانْ [نْسنْ] خَاسْ، كُوڒْ إِجّْ أَذْ يَارْوسْ ذِي ثسْغَارْثْ نّسْ.
JER 6:4 [أَذْ إِنِينْ] ’قدّْسمْ أَمنْغِي ضِيدّْ نّسْ، كَّارمْ، جّمْ أَنغْ أَذْ [غَارسْ] نْڭعّذْ س ؤُزِيڒْ. ؤُشْثْ خَانغْ، مَاغَارْ أَسّْ عْڒَاينْ إِعْذُو، مِينْزِي ثِيڒِيوِينْ ن ثْمذِّيثْ تّْسَارّْحنْثْ-إِ-د.
JER 6:5 كَّارمْ، جّمْ أَنغْ أَذْ نْڭعّذْ سْ دْجِيڒثْ، أَذْ نهْذمْ ڒقْصُورْ نّسْ!‘
JER 6:6 مَاغَارْ أَمُّو إِ إِقَّارْ سِيذِي نْ ڒسْكَارَاثْ: قسّمْ ثِيشجُّورَا، سْبدّمْ أَشْبَارْ إِ ڒحْصَارثْ ضِيدّْ إِ ؤُرْشَالِيمْ. ثَا ذ ثَانْذِينْثْ إِ غَا ثتّْوَاعَاقبْ، أَقَا دّدْجْ ذِي ڒْوسْثْ نّسْ مَارَّا.
JER 6:7 أَمْ وَانُو إِتّجَّا أَمَانْ نّسْ تّْبقْبُوقنْ، أَمُّو إِ ثتّجَّا [ؤُرْشَالِيمْ] أَذْ إِبقْبقْ مِينْ وَارْ إِحْڒِينْ. [ڒْْحسّْ ن] لْعُونْفْ ذ وَاردّدْجْ إِتّْوَاسڒْ ذَايمْ، ڒحْڒَاشْ ذ ثيِّيثَا أَقَا-ثنْثْ ڒبْذَا زَّاثْ إِ ثِيطَّاوِينْ إِنُو.
JER 6:8 أجّْ إِ شمْ أَذْ ثتّْوَاوبّْخذْ، [أَ] ؤُرْشَالِيمْ، حِيمَا ڒعْمَارْ إِنُو وَارْ خَامْ ثتّمْسبْضِي، حِيمَا وَارْ شمْ تَّارِّيغْ ذْ ثَامُّورْثْ إِتّْوَاردّْدْجنْ ذ ثَامُّورْثْ إِخْڒَانْ زڭْ إِمزْذَاغْ.“
JER 6:9 ”أَمُّو إِ إِقَّارْ سِيذِي نْ ڒْعسْكَارَاثْ: ’أَمْ ثْزَايَارْثْ أَذْ ڒقْضنْ مِينْ إِقِّيمنْ ن إِسْرَائِيل س شْضَارثْ. أَرّْ أَفُوسْ نّشْ غَارْ ثْسضْوِينْ أَمْ ونِّي إِڒقّْضنْ أَضِيڒْ.‘
JER 6:10 وِي غَارْ إِ غَا سِّيوْڒغْ نِيغْ ؤُمِي غَاعڒْمغْ نشّْ، [حِيمَا] أَذْ سْڒنْ؟ خْزَارْ، أَمزُّوغْ نْسنْ وَارْ إِتّْوَاخْثنْ، [أَڒَامِي] وَارْ زمَّارنْ أَذْ سْڒنْ إِ وَالُو. أَقَا ذَا، أَوَاڒْ[أنْ] ن سِيذِي تَّافنْ [ثنْ] ذ أَحشِّي، وَارْ ثنْ حْذِيجنْ.“
JER 6:11 ”س ؤُينِّي شُّورغْ س وسْعَارْ ن سِيذِي، أَقَا ؤُحْڒغْ أَذْ ث منْعغْ. ’زدْجعْ [أَسْعَارْ نّشْ] [خنِّي] خْ إِحنْجِيرنْ ذڭْ وبْرِيذْ ؤُڒَا خْ ؤُمُونِي ن إِحُوذْرِييّنْ، مَاغَارْ عَاذْ أَرْيَازْ ذ ثمْغَارْثْ أَذْ ثنْ حبّْسنْ، أَمُّو ؤُڒَا ذ أَمْغَارْ ذ ؤُوسَّارْ.
JER 6:12 ثُوذْرِينْ نْسنْ أَذْ ذوْڒنْثْ إِ إِنّغْنِي، جْمِيعْ أَكْ-ذ إِحْوِيشنْ، ؤُڒَا ذ ثِيمْغَارِينْ، مَاغَارْ نشّْ أَذْ سْوِيژّْضغْ س ؤُفُوسْ إِنُو ضِيدّْ إِمزْذَاغْ ن ثمُّورْثْ[-أَ]، [أَمُّو إِ] إِقَّارْ سِيذِي.
JER 6:13 مَاغَارْ زڭْ ؤُمژْيَانْ أَڒْ أَمقّْرَانْ أَرزُّونْ مَارَّا نِيثْنِي ثِيزِي نْسنْ، ؤُ زڭْ ؤُنَابِي أَڒْ أَكهَّانْ مَارَّا ثْشمّثْ.
JER 6:14 ثَارژِّيثْ ن ڒْڭنْسْ إِنُو خْسنْ أَذْ ت سّْڭنْفَانْ س ڒهْونْ، قَّارنْ: ’ڒهْنَا، ڒهْنَا!‘، مَاشَا وَارْ ذِينْ إِدْجِي ڒهْنَا.
JER 6:15 مَا أَذْ سضْحَانْ مِينْزِي تّڭّنْ جّْعِيفشْثْ؟ نِيثْنِي وَارْ تّْسضْحِينْ شَا، ڒحْيَا وَارْ ث سِّيننْ. س ؤُيَا نِيثْنِي أَذْ وْضَانْ جَارْ إِنِّي إِوطَّانْ. غَارْ ڒْوقْثْ نِّي أَذْ زَّايْسنْ خڒْفغْ أَذْ نّْقَارْضنْ!‘، [أَمُّو إِ] إِقَّارْ سِيذِي.“
JER 6:16 ”أَمُّو إِ إِقَّارْ سِيذِي: ’بدّمْ غَارْ إِبْرِيذنْ، ؤُشَا حْذَامْ، سقْسَامْ خْ إِبْرِيذنْ ن وشْحَاڒْ ؤُيَا، مَانِي إِدْجَا وبْرِيذْ نِيشَانْ ؤُشَا ؤُيُورمْ خَاسْ، [خنِّي] أَذْ ثَافمْ أَرَّاحثْ إِ ڒعْمَارْ نْومْ!‘ نِيثْنِي [مَاشَا] قَّارنْ: ’نشِّينْ وَارْ [خَاسْ] نڭُّورْ!‘
JER 6:17 نشّْ ڭِّيغْ أَومْ إِعسَّاسنْ، نِّيغْ: ’سْڒمْ إِ ؤُسُوضِي ذڭْ ؤُيِيشّْ ن إِشَارِّي!‘، [مَاشَا] نِيثْنِي قَّارنْ: ’نشِّينْ وَارْ [غَارسْ] نسْحسِّي شَا!‘
JER 6:18 س ؤُيَا سْڒمْ، [أَ كنِّيوْ] ڒڭْنُوسْ، ؤُ [شمْ، أَ] ثَامسْمُونْثْ!، سّنْ مِينْ غَارْسنْ إِ غَا إِمْسَارنْ!
JER 6:19 سڒْ، [أَ] ثَامُّورْثْ، خْزَارْ، نشّْ أَذْ سِّيوْضغْ ڒْغَارْ [ذ أَمقّْرَانْ] خْ ڒْڭنْسْ-أَ، ڒْغِيدْجثْ ن إِنْوَاينْ نْسنْ ثِيعفَّانِينْ، مَاغَارْ نِيثْنِي وَارْ خزَّارنْ شَا غَارْ وَاوَاڒنْ إِنُو ؤُ نْضَارنْ شَّارِيعَا إِنُو.
JER 6:20 مَايمِّي ذ أَيِي د غَا يَاوْينْ جَّاوِي زِي شَابَا ذ ؤُغَانِيمْ ؤُحمُّومْ إِتّْفُوحنْ زِي ثمُّورْثْ يِيڭّْوجنْ؟ ثِيغَارْصَا ن وشْمَاضْ نْومْ وَارْ ذ أَيِي د-ؤُسِينْثْ إِ ڒْخَاضَارْ ؤُ ثِيغَارْصَا نْومْ وَارْ ذ أَيِي عْجِيبنْثْ.
JER 6:21 س ؤُيَا [أَمُّو إِ] إِقَّارْ سِيذِي: ’خْزَارْ، نشّْ أَذْ ڭّغْ ثِيعنْكْرِيفِينْ إِ ڒْڭنْسْ-أَ ؤُشَا نِيثْنِي أَذْ ذَايْسنْثْ نّْقَارْضنْ جْمِيعْ أَكْ-ذ إِبَابَاثنْ ذ إِحنْجِيرنْ، أَكْ-ذ وَاجَّارْ ذ ؤُمْعَاشَارْ نّسْ، [أَمُّو] إِ غَا هلّْكنْ.‘ “
JER 6:22 ”أَمُّو إِ إِقَّارْ سِيذِي: ’خْزَارْ، أَذْ د-يَاسْ إِجّْ ن ڒْڭنْسْ زِي شَّامَالْ، إِجّْ ن ڒْڭنْسْ أَمقّْرَانْ أَذْ إِتّْوَاڒَاغَا زڭْ إِنڭُّورَا ن ثمُّورْثْ.
JER 6:23 نِيثْنِي طّْفنْ ڒْقوْسْ ذ وحْرِيشْ، [أَقَا-ث ذ إِجّْ ن ڒْڭنْسْ] إِوْعَارْ، وَارْ أَرّحْمنْ. دّْرِيزْ نْسنْ إِڭَّا أَمْ زّْهِيرْ ن ڒبْحَارْ ؤُشَا نِيثْنِي نْيِينْ خْ ييْسَانْ. أَمْ ورْيَازْ ن ؤُمنْغِي أَمُّو إِ إِسّْبدّْ نتَّا إِخفْ نّسْ ضِيدّْ نّمْ، [أَ] يدْجِيسْ ن صِيهْيُونْ!“
JER 6:24 ”نشِّينْ نسْڒَا خَاسْ ڒخْبَارْ، أَرْخُونْ أَنغْ إِفَاسّنْ نّغْ،  إِڒْقفْ أَنغْ ؤُنذْقفْ، ڒحْرِيقْ أَمْ ن ثمْغَارْثْ إِتَّارْونْ.
JER 6:25 وَارْ تّفّْغمْ غَارْ بَارَّا غَارْ ييَّارْ، وَارْ ڭُّورمْ ذڭْ وبْرِيذْ، مَاغَارْ [أَقَا ذِينْ] سِّيفْ ن ڒعْذُو، ثِيڭّْوُوذِي أَقَا-ت مَانِي مَا!
JER 6:26 [أَ] يدْجِيسْ نْ ڒْڭنْسْ إِنُو، بيْسثْ إِخفْ نّمْ س ثْخَانْشثْ [ن وشْضَانْ]، زُوزَّارْ خَامْ [إِغّضْ]، شضْنثْ أَمْ خْ ؤُينِّي ن مِّيسْ نّمْ، سْغُويّْ س ثْغُويِّيثْ ثَامرْزَاڭْثْ، مَاغَارْ ذغْيَا أَذْ خَانغْ د-يَاسْ ؤُمْثحَّايْ.“
JER 6:27 ”نشّْ ڭِّيغْ شكْ ذ صُّومْعثْ ن ثْعسَّاسْثْ ذِي ڒْڭنْسْ إِنُو، ذ إِشْثْ ن لْقلْعَا، حِيمَا أَذْ ثسّْنذْ أَبْرِيذْ نْسنْ، أَذْ ذَايسْ ثَارْزُوذْ.“
JER 6:28 ”نِيثْنِي مَارَّا ذ إِنِّي إِحيّْذنْ خْ وبْرِيذْ زِي مَارْكَاثْ إِوْعَارنْ قَاعْ، ڭُّورنْ تّنّْضنْ ذِي ثمُّورْثْ تّْشقَّافنْ، نِيثْنِي أَمْ نّْحَاسْ ذ وُوزَّاڒْ، مَارَّا إِذْسنْ ذ أَيْثْ ن بُو-إِمُورْضَاسْ.
JER 6:29 أَرَّابُوزْ إِشْمضْ، ڒخْفِيفْ ثشَّا ث ثْمسِّي، [مَاشَا] ذِي ڒْبَاطڒْ إِسّفْسِي ؤُفسَّايْ أَمُّو س وشْضَارْ، إِعفَّاننْ وَارْ زمَّارنْ أَذْ تّْوَافَارْزنْ.
JER 6:30 قَّارنْ أَسْ: ’نُّوقَارْثْ إِمّنْضَارنْ!‘، مَاغَارْ إِنْضَارْ إِ-ثنْ سِيذِي.“
JER 7:1 أَوَاڒْ نِّي د-إِفّْغنْ زِي سِيذِي غَارْ إِرْمِييَا، إِنَّا:
JER 7:2 ”بدّْ ذِي ثوَّارْثْ ن ثَادَّارْثْ ن سِيذِي ؤُشَا ڒَاغَا ذِينِّي أَوَاڒْ-أَ، إِنِي: ’سْڒمْ أَوَاڒْ ن سِيذِي، [أَ] يَاهُوذَا مَارَّا، كنِّيوْ إِنِّي إِتَّاذْفنْ زِي ثوُّورَا-يَا حِيمَا أَذْ ثْبنْذْقمْ زَّاثْ إِ سِيذِي.
JER 7:3 أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل:عذْڒمْ إِبْرِيذنْ نّمْ ذ ثْمڭَّا نْومْ، [خنِّي] نشّْ أَذْ كنِّيوْ سّْزذْغغْ ذڭْ ومْشَانْ-أَ.
JER 7:4 وَارْ تّْشَاڒمْ خْ وَاوَاڒنْ ن إِخَارِّيقنْ أَمْ ثقَّارمْ: زَّاوشْثْ ثَامقّْرَانْثْ ن سِيذِي، زَّاوشْثْ ثَامقّْرَانْثْ ن سِيذِي، زَّاوشْثْ ثَامقّْرَانْثْ ن سِيذِي، أَقَا-ت ذ ثَا زعْمَا!
JER 7:5 مَاغَارْ [مْغِيرْ] مَاڒَا ثْعذْڒمْ إِبْرِيذنْ نْومْ ذ ثْمڭَّا نْومْ نِيشَانْ، مَاڒَا س ثِيذتّْ ثتّڭّمْ س ڒْحقّْ جَارْ ورْيَازْ ذ ؤُمدُّوكّڒْ نّسْ،
JER 7:6 وَارْ حصَّارمْ أَبَارَّانِي، أَيُوجِيڒْ ذ ثَاجَّاتْشْ، ؤُ وَارْ سِّيزِّيڒمْ إِذَامّنْ إِمزْذَاڭنْ ذڭْ ومْشَانْ-أَ ؤُ وَارْ ضفَّارمْ إِربِّيثنْ نّغْنِي إِ ؤُضيّعْ نْومْ،
JER 7:7 [خنِّي] نشّْ أَذْ كنِّيوْ سّْزذْغغْ ذڭْ ومْشَانْ-أَ، ذِي ثمُّورْثْ إِ وْشِيغْ إِ ڒجْذُوذْ نْومْ، زِي ڒبْذَا أَڒْ ڒبْذَا.
JER 7:8 خْزَارْ، كنِّيوْ ثتّْشَاڒَامْ خْ إِخَارِّيقنْ نِّي وَارْ إِنفّْعنْ ذِي وَالُو.
JER 7:9 ثتَّاشَارمْ، ثْنقّمْ، ثْزنَّامْ، ثتّْجَادْجَامْ ژُورْ، ثتّْقدَّاممْ ثِيوْهِيبِينْ ن ڒبْخُورْ إِ بَاعْلْ ؤُ ثْضفَّارَامْ إِربِّيثنْ نّغْنِي نِّي وَارْ ثسِّينمْ،
JER 7:10 ؤُشَا [خنِّي] أَذْ د-ثَاسمْ ثْبدّمْ زَّاثْ إِ وُوذمْ إِنُو ذِي ثَادَّارْثْ-أَ مِينْ خفْ إِتّْوَابَارّحْ س يِيسمْ إِنُو، ؤُشَا [خنِّي] ثْزعْممْ [عَاذْ] أَذْ ثقَّارمْ: ’نشِّينْ نتّْوَاسّنْجمْ!‘، ؤُشَا [خنِّي] ثتّْعَاوَاذمْ ثتّڭّمْ مَارَّا جّْعَايفْ-أَ!
JER 7:11 مَا ثذْوڒْ ثَادَّارْثْ-أَ مِينْ خفْ إِتّْوَابَارّحْ إِسمْ إِنُو ذ إِفْرِي ن إِخوَّاننْ ذِي ثِيطَّاوِينْ نْومْ؟ خْزَارْ، نشّْ ژْرِيغْ ث مْلِيحْ!‘، [أَمُّو إِ] إِقَّارْ سِيذِي.“
JER 7:12 ”وَاخَّا، ؤُيُورمْ غَارْ ومْشَانْ ن ثْزذِّيغْثْ إِنُو ذِي شِيلُو مَانِي ثُوغَا سّْزذْغغْ إِسمْ إِنُو ذڭْ ؤُمزْوَارُو. خْزَارمْ مِينْ زَّايسْ ڭِّيغْ زِي سِّيبّثْ ن ڒْغَارْ ن ڒْڭنْسْ إِنُو إِسْرَائِيل.
JER 7:13 [خنِّي] ڒخُّو، مِينْزِي كنِّيوْ ثڭِّيمْ مَارَّا ثِيمڭَّا-يَا، [أَمُّو إِ] إِقَّارْ سِيذِي، ؤُ نشّْ سِّيوْڒغْ أَكِيذْومْ زڭْ ؤُمزْوَارُو، [مَاشَا] كنِّيوْ وَارْ ثسْڒِيمْ شَا، ؤُ نشّْ ڒَاغِيغْ-د خَاومْ، [مَاشَا] كنِّيوْ وَارْ د-ثَارِّيمْ،
JER 7:14 [س ؤُينِّي] نشّْ أَذْ ڭّغْ أَكْ-ذ ثَادَّارْثْ-أَ مِينْ خفْ إِتّْوَابَارّحْ إِسمْ إِنُو، مِينْ خفْ ثتّْشَاڒَامْ، ؤُ أَكْ-ذ ومْشَانْ-أَ نِّي وْشِيغْ إِ كنِّيوْ ذ ڒجْذُوذْ نْومْ، أَمْ مَامّشْ ڭِّيغْ أَكْ-ذ شِيلُو.
JER 7:15 نشّْ أَذْ كنِّيوْ نْضَارغْ زِي زَّاثْ ن وُوذمْ إِنُو، أَمْ مَامّشْ نْضَارغْ مَارَّا أَيْثْمَاثْومْ، مَارَّا زَّارِيعثْ ن إِفْرَايِيمْ.“
JER 7:16 ”أَ شكْ، وَارْ تّْژَادْجْ إِ ڒْڭنْسْ-أَ ؤُ وَارْ سْڭعّذْ [ثْمِيجَّا نّشْ] حِيمَا أَذْ ثْرُوذْ نِيغْ أَذْ ثژَّادْجذْ ؤُ وَارْ تّْغِيمِي ثتّْرُوذْ-د غَارِي، مَاغَارْ نشّْ وَارْ غَاركْ د-تّسْڒِيغْ.
JER 7:17 مَا وَارْ ثتّْوِيڒِيذْ مِينْ تّڭّنْ نِيثْنِي ذِي ثْندَّامْ ن يَاهُوذَا ؤُ ذڭْ إِبْرِيذنْ ن ؤُرْشَالِيمْ؟
JER 7:18 إِحنْجِيرنْ سّْمُونَامْ أَكشُّوضْ، إِبَابَاثنْ [نْسنْ] سّْرَاقَّانْ ثِيمسِّي، ؤُ ثِيمْغَارِينْ تّڭّْونْثْ أَرشْثِي حِيمَا أَذْ سّْوجْذنْثْ ثِيفْضِيڒِينْ إِ ثْجدْجِيذْثْ ن ؤُجنَّا ؤُ حِيمَا أَذْ فَارّْغنْثْ ثِيوْهِيبِينْ ن ؤُسيّبْ زَّاثْ إِ إِربِّيثنْ نّغْنِي مَاحنْذْ أَذْ أَيِي سْعَارنْ.
JER 7:19 مَا سْعَارنْ أَيِي، إِقَّارْ سِيذِي؟ مَا وَارْ ث تّڭّنْ إِ يِيخفْ نْسنْ إِ ڒفْضِيحثْ ن سِيمَانْثْ نْسنْ؟
JER 7:20 س ؤُيَا، [أَمُّو إِ] إِقَّارْ سِيذِي إِنُو، سِيذِي، خْزَارْ، أَذْ إِتّْوَافَارّغْ وغْضَابْ إِنُو ذ وسْعَارْ إِنُو خْ ومْشَانْ-أَ: خْ إِوْذَانْ، خْ إِمُودَّارنْ، خْ ثْشجُّورَا ذڭْ إِيَّارْ ؤُ خْ ڒْغِيدْجثْ ن وُوذمْ ن ثمُّورْثْ. أَذْ يَارقّْ [وَاهْ،] ؤُ وَارْ [إِزمَّارْ] أَذْ إِتّْوَاسّخْسِي.“
JER 7:21 ”أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’سْمُونمْ ثِيغَارْصَا ن وشْمَاضْ نْومْ أَكْ-ذ ثْغَارْصَا نْومْ ؤُشَا شّمْ أَيْسُومْ [نْسنْثْ].
JER 7:22 مَاغَارْ ذڭْ وَاسّْ نِّي ذِي ثنْ سُّوفّْغغْ زِي ثمُّورْثْ ن مِيصْرَا، وَارْ سِّيوْڒغْ أَكْ-ذ ڒجْذُوذْ نْومْ مَاحنْذْ أَذْ أَسنْ وصِّيغْ خْ ثْغَارْصَا ن وشْمَاضْ ذ ثْغَارْصِي.
JER 7:23 مَاشَا نشّْ ؤُمُورغْ ثَامسْڒَاشْثْ-أَ ؤُمِي نِّيغْ: ’سْڒمْ-د غَارْ ثْمِيجَّا إِنُو، [خنِّي] نشّْ أَذْ أَومْ إِڒِيغْ ذ أَربِّي ؤُ كنِّيوْ أَذْ أَيِي ثِيڒِيمْ ذ ڒْڭنْسْ ؤُ أَذْ ثُويُورمْ ذِي أَبْرِيذْ مَارَّا نِّي ذ أَومْ إِ غَا ؤُمُورغْ مَاحنْذْ أَذْ ثِيڒِيمْ مْلِيحْ!‘
JER 7:24 [مَاشَا] نِيثْنِي وَارْ سْڒِينْ، وَارْ ذ أَيِي وْشِينْ ؤُمزُّوغْ، نِيثْنِي ضْفَارنْ إِخَارِّيصنْ ذ ڒقْسَاحثْ ن وُوڒْ أَعفَّانْ نْسنْ، ؤُ نِيثْنِي ذوْڒنْ غَارْ ضفَّارْ، وَارْ إِدْجِي غَارْ زَّاثْ.
JER 7:25 زڭْ وَاسّْ نِّي ذِي فّْغنْ ڒجْذُوذْ نْومْ زِي مِيصْرَا أَڒْ أَسّْ-أَ، سّكّغْ-د غَارْومْ مَارَّا إِمْسخَّارنْ إِنُو، إِنَابِييّنْ، زڭْ وُوسَّانْ ن وشْحَاڒْ ؤُيَا.
JER 7:26 نِيثْنِي وَارْ غَارِي سْڒِينْ ؤُ وَارْ ذ أَيِي وْشِينْ أَمزُّوغْ. نِيثْنِي أَرْنِينْ ذِي ڒقْسَاحثْ مَاهُو ڒجْذُوذْ نْسنْ.
JER 7:27 أَذْ كِيذْسنْ ثسَّاوَاڒذْ مَارَّا أَوَاڒنْ-أَ، [مَاشَا] نِيثْنِي وَارْ ذ أَكْ تّسْڒِينْ شَا. شكْ أَذْ أَسنْ ثْڒَاغِيذْ، [مَاشَا] وَارْ خَاكْ د-تَّارِّينْ.
JER 7:28 س ؤُيَا إِنِي أَسنْ: ’وَا ذ ڒْڭنْسْ إِ وَارْ إِتّسْڒِينْ غَارْ ثْمِيجَّا ن سِيذِي، أَربِّي نّسْ، ؤُ وَارْ إِتّجِّينْ إِخفْ نّسْ أَذْ إِتّْوَاوبّخْ. أَقَا ثِيذتّْ ثتّْوَاردّدْجْ ؤُ ثتّْوَاقسّْ زڭْ ؤُقمُّومْ نْسنْ!‘ “
JER 7:29 ”حفّْ ثَاجّْ نّشْ [ن وعْزَاڒْ] ؤُشَا نْضَارْ إِ-ث، وّثْ س إِڭجْذُورنْ خْ ڒڭْعُوذِي [مَانِي تّْوهّْبنْثْ دّْبَايحْ]، مَاغَارْ سِيذِي إِنْضَارْ جِّيڒْ مِينْ خفْ إِدُّوقّزْ [ؤُفُوڭمْ نّسْ]، ؤُشَا إِجَّا إِ-ث.
JER 7:30 مَاغَارْ إِحنْجِيرنْ ن يَاهُوذَا ڭِّينْ مِينْ [إِدْجَانْ] ذ أَعفَّانْ ذِي ثِيطَّاوِينْ إِنُو، [أَمُّو إِ] إِقَّارْ سِيذِي. نِيثْنِي سّْبدّنْ نّْعَاوَاثْ نْسنْ ن لْ-أَصْنَامْ ذِي ثَادَّارْثْ مِينْ خفْ إِتّْوَاڒَاغَا س يِيسمْ إِنُو مَاحنْذْ أَذْ ت سّْخمّْجنْ.
JER 7:31 نِيثْنِي سّْبدّنْ ڒڭْعُوذِي ن ثُوفَاثْ [مَانِي تّْوهّْبنْثْ دّْبَايحْ،] [ذ ثِينِّي إِدْجَانْ] ذِي ثغْزُورْثْ ن مِّيسْ ن هِينُّومْ، حِيمَا أَذْ سّْشمْضنْ إِحنْجِيرنْ ذ ثْحنْجِيرِينْ نْسنْ ذِي ثْمسِّي، مِينْعمَّارْصْ وَارْ ذ أَسنْ ؤُمُورغْ ذ مِينْعمَّارْصْ وَارْ ذ أَيِي د-إِدَّارنْ غَارْ ڒْبَاڒْ.“
JER 7:32 ”س ؤُيَا، خْزَارْ، أَذْ د-أَسنْ وُوسَّانْ، [أَمُّو إِ] إِقَّارْ سِيذِي، وَارْ ذ أَسْ تّْڒَاغَانْ عَاذْ ’ثُوفَاثْ‘ نِيغْ ’ثَاغْزُورْثْ ن مِّيسْ ن هِينُّومْ‘، مَاشَا ’ثَاغْزُورْثْ ن ونْغَايْ‘، ؤُشَا ذِي ثُوفَاثْ أَذْ نضْڒنْ [إِمتَّانْ]، مِينْزِي مَانِي نّغْنِي وَارْ ذِينْ أَمْشَانْ.
JER 7:33 ڒْخشْبَاثْ ن ڒْڭنْسْ-أَ أَذْ ذوْڒنْثْ ذ مَاشَّا إِ إِجْضَاضْ ن ؤُجنَّا ؤُ إِ ڒْمَاڒْ ن ييَّارْ ؤُشَا ؤُڒَا ذ إِجّْ وَارْ ثنْ إِسِّيڭّْوِيذْ.
JER 7:34 زِي ثْندَّامْ ن يَاهُوذَا ؤُ زڭْ إِبْرِيذنْ ن ؤُرْشَالِيمْ أَذْ سّْبدّغْ ثْمِيجَّا ن ؤُسْڒِيوْڒوْ ذ ثْمِيجَّا ن ڒفْرَاحثْ، ثْمِيجَّا ن مُوڒَايْ ذ ثْمِيجَّا ن ثسْڒِيثْ، مَاغَارْ ثَامُّورْثْ أَذْ ثذْوڒْ ذ ڒْخَارْبثْ.“
JER 8:1 ”ذِي ڒْوقْثْ نِّي، [أَمُّو إِ] إِقَّارْ سِيذِي، أَذْ سُّوفّْغنْ إِغْسَانْ ن إِجدْجِيذنْ ن يَاهُوذَا، إِغْسَانْ ن ڒْحُوكَّامْ نْسنْ، إِغْسَانْ ن إِكهَّاننْ نْسنْ، إِغْسَانْ ن إِنَابِييّنْ نْسنْ ذ يغْسَانْ ن إِمزْذَاغْ ن ؤُرْشَالِيمْ زڭْ إِمضْڒَانْ نْسنْ.
JER 8:2 أَذْ بزّْعنْ [إِخْسَانْ] إِ ثْفُوشْثْ ذ ثْزِيرِي ؤُ إِ مَارَّا إِثْرَانْ ن ؤُجنَّا، إِنِّي ثُوغَا تّخْسنْ، إِنِّي ؤُمِي ثُوغَاعبّْذنْ، إِنِّي ثُوغَا ضفَّارَانْ ذ يِينِّي ثُوغَا زَّايْسنْ أَرزُّونْ شّْوَارْ ذ يِينِّي ؤُمِي ثُوغَا سجَّاذنْ. وَارْ ثنْ د-يَارّْونْ، وَارْ ثنْ نطّْڒنْ، [مَاشَا] أَذْ إِڒِينْ ذ ڒغْبَارْ خْ وُوذمْ ن ثمُّورْثْ.
JER 8:3 نِيثْنِي أَذْ خْسنْ ڒْموْثْ خْ ثُوذَارْثْ جَارْ مَارَّا إِنِّي إِقِّيمنْ زڭْ يِينِّي إِقِّيمنْ ن ثقْبِيتْشْ ن ڒْڭنْسْ-أَ ثَاعفَّانْثْ، ذِي مَارَّا إِمُوشَانْ مَانِي [دْجَانْ] إِنِّي [عَاذْ] إِقِّيمنْ، مَانِي خَاسنْ ؤُژّْڒغْ، [أَمُّو إِ] إِقَّارْ سِيذِي نْ ڒْعسْكَارَاثْ.“
JER 8:4 ”إِنِي أَسنْ: ’أَمُّو إِ إِقَّارْ سِيذِي: مَا أَذْ وْضَانْ أَڒْ غَا قِّيمنْ وَارْ تّكَّارَانْ [عَاذْ]؟ مَا أَذْ [خَافِي] حيّْذنْ ؤُ وَارْ د-تّْعِيقِّيبنْ؟
JER 8:5 مَايمِّي إِحيّذْ ڒْڭنْسْ-أَ، ؤُرْشَالِيمْ [ثَانِيثَا]، ڒبْذَا [زَّايِي]؟ نِيثْنِي شبَّارنْ ذڭْ وشْمَاثْ، ؤُڭِينْ أَذْ غَارِي د-ذوْڒنْ.
JER 8:6 نشّْ سّْحسّغْ، سْڒِيغْ: مِينْ سَّاوَاڒنْ، وَارْ ث تّڭّنْ، ؤُڒَا ذ إِجّنْ وَارْ إِنْذِيمْ خْ ڒْغَارْ نّسْ، أَذْ يِينِي: مِينْ ڭِّيغْ؟ كُوڒْ إِجّْ إِقِّيمْ إِتَّازّڒْ أَمْ ؤُيِيسْ إِتَّازّْڒنْ غَارْ ؤُمنْغِي.
JER 8:7 ؤُڒَا ذ أَبلَّارْجْ ذڭْ ؤُجنَّا إِسّنْ ڒوْقَاثْ إِتّْوَاڭّنْ نّسْ. ثَاجْلِيلّحْثْ ذ ثْفَاڒْدْجسْثْ نِّي إِطَّاونْ ذڭْ ونّضْ، حْضَانْثْ ڒْوقْثْ ن وُوفُّوغْ نْسنْثْ، ڒْڭنْسْ إِنُو [مَاشَا] وَارْ إِسِّينْ ڒْحقّْ ن سِيذِي.
JER 8:8 مَامّشْ ثقَّارمْ: نشِّينْ ذ إِمِيغِيسنْ ذ شَّارِيعَا ن سِيذِي أَقَا-ت أَكِيذْنغْ! س ثِيذتّْ، خْزَارْ، ڒقْڒمْ ن إِخَارِّيقنْ ن إِمَارِيرنْ إِڭَّا [شَّارِيعَا] ذ أَخَارِّيقْ.
JER 8:9 إِمِيغِيسنْ تّْسضْحَانْ، تّڭّْوذنْ ؤُشَا تّْوَاحبّْسنْ. خْزَارْ، نْضَارنْ أَوَاڒْ ن سِيذِي، [خنِّي] مَامّشْ إِ ثدْجَا ثِيغِيثْ إِ غَارْسنْ؟“
JER 8:10 ”س ؤُيَا أَذْ وْشغْ ثِيمْغَارِينْ نْسنْ إِ إِنّغْنِي، إِيَّارنْ نْسنْ إِ يِينِّي إِ غَا إِحوّْسنْ [ثَامُّورْثْ]، مَاغَارْ زڭْ ؤُمژْيَانْ أَڒْ أَمقّْرَانْ أَرزُّونْ مَارَّا نِيثْنِي ثِيزِي نْسنْ، زڭْ ؤُنَابِي أَڒْ أَكهَّانْ مَارَّا ثْشمّثْ.
JER 8:11 ثَارژِّيثْ ن ڒْڭنْسْ إِنُو خْسنْ أَذْ ت سّْڭنْفَانْ س ڒهْونْ أَمْ قَّارنْ: ’ڒهْنَا، ڒهْنَا!‘، مَاشَا وَارْ ذِينْ إِدْجِي ڒهْنَا.
JER 8:12 مَا أَذْ سضْحَانْ نِيثْنِي، مِينْزِي تّڭّنْ جّْعِيفشْثْ؟ نِيثْنِي وَارْ تّْسضْحِينْ شَا، ڒحْيَا وَارْ ث سِّيننْ. س ؤُيَا أَذْ وْضَانْ جَارْ إِنِّي إِوطَّانْ. ذِي ڒْوقْثْ مڒْمِي زَّايْسنْ إِ غَا خڒْفغْ أَذْ نّْقَارْضنْ، [أَمُّو إِ] إِقَّارْ سِيذِي.“
JER 8:13 ”نشّْ أَذْ ثنْ ڒقْضغْ قَاعْ، [أَمُّو إِ] إِقَّارْ سِيذِي. وَارْ إِقِّيمْ [عَاذْ] ؤُضِيڒْ غَارْ ثْزَايَارْثْ ؤُ وَارْ ثقِّيمْ [عَاذْ] ثَازَارْثْ غَارْ ثْشجَّارْثْ ن وَارْثُو، [عَاذْ] ثِيفْرَايْ وْضَانْثْ. نشّْ أَذْ غَارْسنْ أَوْيغْ إِنِّي خَاسنْ إِ غَا إِعفْسنْ.“
JER 8:14 ”مَايمِّي ذَا نَارْنِي ذڭْ ؤُغِيمِي؟ إِتّْخصَّا أَنغْ أَذْ نْمُونْ، أَذْ نَاذفْ غَارْ ثْندَّامْ إِفَارْينْ، ؤُشَا أَذْ ذِينْ نسْقَارْ. أَقَا سِيذِي، أَربِّي نّغْ، يَارَّا أَنغْ أَذْ نسْقَارْ ؤُشَا إِوْشَا أَنغْ أَمَانْ إِسْمُومنْ، مَاغَارْ نخْضَا خْ سِيذِي.
JER 8:15 نسِّيتِّيمْ ذِي ڒهْنَا، [مَاشَا] وَارْ ذِينْ مِينْ إِصبْحنْ، ذِي ڒْوقْثْ ن ؤُسْڭنْفِي، [مَاشَا] خْزَارْ، [مْغِيرْ] أَسْنخْڒِيعْ.
JER 8:16 زِي ذَانْ إِتّْوَاسڒْ ؤُسَاحَارْثْ ن ييْسَانْ نّسْ، زڭْ وسْنحْنحْ ن [ييْسَانْ] إِجهْذنْ نّسْ ثنْهزَّا مَارَّا ثَامُّورْثْ. نِيثْنِي أَذْ د-أَسنْ أَذْ شّنْ ثَامُّورْثْ ذ ڒْغِيدْجثْ نّسْ، ثَانْذِينْثْ أَكْ-ذ إِمزْذَاغْ نّسْ.
JER 8:17 مَاغَارْ خْزَارْ، نشّْ أَذْ سّكّغْ جَارْ أَومْ إِفِيغْرَانْ، إِفِيغْرَانْ ن أَرّْهَاجْ، أَكِيذْسنْ وَارْ إِنفّعْ ؤُعزّمْ. إِنَا أَذْ كنِّيوْ زعْفنْ، [أَمُّو إِ] إِقَّارْ سِيذِي.“
JER 8:18 ”أَمْحَاذْ إِنُو أَقَا إِذْوڒْ ذ أَشْضَانْ، ؤُڒْ إِنُو يُوحڒْ أَطَّاسْ ذڭْ إِخفْ إِنُو.
JER 8:19 خْزَارْ، ڒْحسّْ ن إِغُويَّانْ ن يدْجِيسْ ن ڒْڭنْسْ إِنُو زِي ثمُّورْثْ ثِيڭّْوجْ: ’مَا سِيذِي وَارْ إِدْجِي ذِي صِيهْيُونْ، مَا وَارْ ذَايسْ إِدْجِي ؤُجدْجِيذْ نّسْ؟‘ “ ”مَايمِّي ذ أَيِي سْعَارنْ س ڒخْيَاڒَاثْ نْسنْ إِنقْشنْ، س [لْ-أَصْنَامْ] إِبطّْڒنْ ن إِبَارَّانِييّنْ؟“
JER 8:20 ”ثعْذُو ثْميْرَا، إِفّغْ ؤُنبْذُو، [ؤُ] نشِّينْ عَاذْ وَارْ ننْجِيمْ.
JER 8:21 نشّْ تّْوَارْژِيغْ زِي سِّيبّثْ ن ثَارژِّيثْ ن يسِّيسْ ن ڒْڭنْسْ إِنُو. نشّْ أَرْضغْ أَرُّوضْ ذ أَبَارْشَانْ، إِشبَّارْ ذَايِي ؤُنخْڒِيعْ.
JER 8:22 مَا وَارْ ذِينْ إِدْجِي بَالْسَامْ ذِي جِيلْعَاذْ؟ مَا وَارْ ذِينِّي إِدْجِي ؤُمسْڭنْفُو؟ مَايمِّي وَارْ إِنِّيضْ ؤُيزِّيمْ ن يدْجِيسْ ن ڒْڭنْسْ إِنُو؟
JER 8:23 أَخْ، مْڒِي أَزدْجِيفْ إِنُو ذ أَمَانْ، ثِيطّْ إِنُو ذ ڒْعُونْصَارْ ن إِمطَّاونْ، [خنِّي] أَزِيڒْ ذ دْجِيڒثْ إِڒِي رُوغْ خْ يِينِّي إِتّْوَانْغنْ ن يدْجِيسْ ن ڒْڭنْسْ إِنُو.“
JER 9:1 ”أَخْ، مْڒِي غَارِي ثَازذِّيغْثْ ذِي ڒخْڒَا إِ إِمْسبْرِيذنْ، [خنِّي] إِڒِي سمْحغْ ذِي ڒْڭنْسْ إِنُو، ؤُيُورغْ، مَاغَارْ نِيثْنِي مَارَّا ذ إِزنَّاينْ، أَمُونِي ن إِغدَّارنْ.
JER 9:2 نِيثْنِي سّْقضْعنْ إِڒسْ نْسنْ، ڒْقوْسْ [إِشُّورْ س] إِخَارِّيقنْ. نِيثْنِي وَارْ ذْوِيڒنْ ذ أَيْثْ ن بُو-ثغْرُوضْثْ ذِي ثمُّورْثْ س ڒْمَانثْ، مَاغَارْ نِيثْنِي ؤُيُورنْ زِي ثْعفَّانْثْ غَارْ ؤُتْشْمَاسْ ؤُمِي وَارْ ذ أَيِي سِّيننْ شَا، [أَمُّو إِ] إِقَّارْ سِيذِي.
JER 9:3 أجّْ كُوڒْ  إِجّْ أَذْ إِحْضَا إِخفْ نّسْ زڭْ ؤُمدُّوكّڒْ نّسْ، وَارْ تّْشِيڒمْ ؤُڒَا خْ ثَاوْمَاثْ، مَاغَارْ كُوڒْ ثَاوْمَاثْ ثتّڭّْ مْغِيرْ أَشْمَاثْ ؤُ كُوڒْ أَمدُّوكّڒْ إِتّنّضْ أَمْ إِتّْشقَّافْ س ڒْهَارْذْ نّسْ.
JER 9:4 كُوڒْ إِجّْ إِتّْغَارَّا أَمدُّوكّڒْ نّسْ، وَارْ قَّارنْ شَا ثِيذتّْ. نِيثْنِي سّڒْمَاذنْ إِ يِيڒسْ نْسنْ أَذْ إِسّْخَارّقْ، نِيثْنِي سَّاحَاڒنْ إِخفْ نْسنْ س مِينْ وَارْ إِسڭّْذنْ.
JER 9:5 ثَازذِّيغْثْ نّشْ ثْبدّْ ذِي ڒْوسْطْ ن وشْمَاثْ. س وشْمَاثْ [نْسنْ]عوّْڒنْ أَذْ أَيِي سّْننْ، [أَمُّو إِ] إِقَّارْ سِيذِي.“
JER 9:6 ”س ؤُيَا، أَمُّو إِ إِقَّارْ سِيذِي ن ڒْعسْكَارَاثْ: ’خْزَارْ، نشّْ أَذْ ثنْ سّْفسْيغْ ؤُ أَذْ ثنْ جَارّْبغْ، مَاغَارْ مَامّشْ غَا ڭّغْ أَذْ كَّارغْ [خنِّي] أَكْ-ذ يدْجِيسْ ن ڒْڭنْسْ إِنُو؟
JER 9:7 إِڒسْ نْسنْ أَمْ فْڒِيثْشَا ن ڒْقوْسْ إِنقّنْ، أَقَا إِسَّاوَاڒْ س وشْمَاثْ. س ؤُقمُّومْ نّسْ كُوڒْ  إِجّْ إِسَّاوَاڒْ خْ ڒهْنَا أَكْ-ذ ؤُمدُّوكّڒْ نّسْ، [مَاشَا] ذڭْ وُوڒْ نّسْ إِسّوْجَاذْ أَسْ إِجّْ ن ڒْفخْ.
JER 9:8 مَا وَارْ زَّايْسنْ خدْجْفغْ زِي مَانْ أَيَا، [أَمُّو إِ] إِقَّارْ سِيذِي. مَا وَارْ إِخدْجفْ ڒعْمَارْ إِنُو زِي ڒْڭنْسْ أَمْ وَا؟“
JER 9:9 ”نشّْ أَذْ رُوغْ، أَذْ سّْڭعّْذغْ ثْغُويِّيثْ ن ؤُوحْوحْ خْ إِذُورَارْ ذ يزْڒِي ن وشْضَانْ خْ دّْمَانِي ن ثَاروْسَا، مَاغَارْ تّْوَاشمْضنْ أَڒَامِي ؤُڒَا ذ إِجّْ وَارْ سّنِّي د-إِتّكّْ ؤُ وَارْ تّسْڒِينْ ڒْحسّْ ن ثْحِيمْرِيوِينْ عَاذْ. زڭْ إِجْضَاضْ ن ؤُجنَّا أَڒْ ڒْمَاڒْ [مَارَّا] أَروْڒنْ، كَّارنْ ؤُيُورنْ.“
JER 9:10 ”أَذْ أَرّغْ ؤُرْشَالِيمْ ذ إِزلِّيجنْ ن وژْرُو، ذ أَمْشَانْ ن ؤُذُورِّي إِ وُوشَّاننْ ن ڒخْڒَا، ؤُشَا ثِيندَّامْ ن يَاهُوذَا أَذْ ثنْثْ ڭّغْ ذ ثَامُّورْثْ إِتّْوَاردّْدْجنْ نِّي ذِي وَارْ إِزدّغْ ؤُڒَا ذ إِجّْ.“
JER 9:11 ”وِي إِدْجَانْ ذ أَرْيَازْ أَمِيغِيسْ، أَقَا أَذْ إِحَاكَا ذڭْ ؤُيَا، ؤُ وِي غَارْ إِسِّيوڒْ ؤُقمُّومْ ن سِيذِي؟ أجّْ إِ-ث أَذْ [زَّايسْ] إِبَارّحْ [خنِّي]! مَايمِّي ثتّْوَاخَارّبْ ثَامُّورْثْ، ثتّْوَاسّشْمضْ أَمْ ڒخْڒَا أَڒَامِي ؤُڒَا ذ إِجّْ وَارْ ت إِتّْشُوقِي؟“
JER 9:12 ”سِيذِي إِنَّا: ’ڒَْامِي أَرْخُونْ نِيثْنِي زِي شَّارِيعَا إِنُو ثنِّي ذ أَسنْ وْشِيغْ زَّاثْ إِ ؤُغمْبُوبْ نْسنْ، ؤُ وَارْ سْڒِينْ غَارْ ثْمِيجَّا إِنُو ؤُ وَارْ ت ضْفَارنْ،
JER 9:13 مَاشَا ضْفَارنْ ڒقْسَاحثْ ن وُوڒْ [ن يِيخفْ] نْسنْ ؤُڒَا ذ ’إِبَاعْلنْ‘ أَمْ مَامّشْ إِ ذ أَسنْ سّڒْمَاذنْ ڒجْذُوذْ نْسنْ،
JER 9:14 س ؤُيَا، [أَمُّو إِ] إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: خْزَارْ، نشّْ أَذْ وْشغْ شِّيحْ إِ ڒْڭنْسْ-أَ حِيمَا أَذْ ث شّنْ ؤُڒَا ذ أَمَانْ ن أَرّْهَاجْ حِيمَا أَذْ ثنْ سْونْ.
JER 9:15 نشّْ أَذْ ثنْ زُوزَّارغْ جَارْ ڒڭْنُوسْ نِّي وَارْ سِّيننْ، وَارْ إِدْجِي نِيثْنِي ؤُڒَا ذ ڒجْذُوذْ نْسنْ، ؤُ نشّْ أَذْ خَاسنْ سّكّغْ سِّيفْ أَڒْ ثنْ قْضِيغْ.‘
JER 9:16 أَمُّو إِ إِقَّارْ سِيذِي ن ڒْعسْكَارَاثْ: ’حْضَامْ، ڒَاغَامْ-د إِ ثمْغَارِينْ إِ وشْضَانْ مَاحنْذْ أَذْ د-أَسنْثْ، ؤُشَا جّمْ ؤُڒَا ذ ثِيمْغَارِينْ ثِيمِيغِيسِينْ أَذْ د-أَسنْثْ!‘ “
JER 9:17 ”[نشّْ نِّيغْ، وَاهْ،] جّمْ ثنْثْ أَذْ ذغْيَانْثْ ؤُ أَذْ سّْڭعّْذنْثْ ثْغُويِّيثْ ن وشْضَانْ خَانغْ أَڒْ د-أَزّْڒنْثْ ثِيطَّاوِينْ نّغْ س إِمطَّاونْ ؤُ وَامَانْ أَذْ د-هْوَانْ خْ وَابْڒِيونْ.
JER 9:18 مَاغَارْ ثْغُويِّيثْ ن وشْضَانْ سْڒِينْ أَسْ-د زِي صِيهْيُونْ: ’أَخْ، مَامّشْ نتّْوَاردّدْجْ، نشِّينْ نْسضْحَا أَطَّاسْ مَاغَارْ ثُوغَا خَانغْ أَذْ نكَّارْ أَذْ نسْمحْ ذِي ثمُّورْثْ نّغْ، مَاغَارْ ثِيزذِّيغِينْ نّغْ هذْمنْ ثنْثْ.‘
JER 9:19 سْڒنْثْ خنِّي إِ وَاوَاڒْ ن سِيذِي، [أَ] ثِيمْغَارِينْ، أجّْ أَمزُّوغْ نْكنْثْ أَذْ إِكْسِي أَوَاڒْ زڭْ ؤُقمُّومْ نّسْ. سْڒمْذنْثْ يسِّيثْكنْثْ أَذْ شضْننْثْ ؤُشَا أَذْ ثسّڒْمذْ كُوڒْ ثَامْغَارْثْ إِشْثْ ن وزْڒِي ن وشْضَانْ إِ ثْمدُّوكّتْشْثْ نّسْ.
JER 9:20 مِينْزِي ڒْموْثْ ثْڭعّذْ-د زِي ڒكْوَازِي نّغْ، يُوذفْ-د غَارْ ڒقْصُورْ نّغْ مَاحنْذْ أَذْ إِقْضعْ إِحنْجِيرنْ إِمژْيَاننْ زِي زّْنَاقِي ذ إِحُوذْرِييّنْ زڭْ وَازَّاينْ.“
JER 9:21 ”سِيوڒْ، [أَمُّو إِ] إِقَّارْ سِيذِي: ’ڒْْخشْبثْ ن بْنَاذمْ أَذْ ثوْضَا أَمْ ڒغْبَارْ خْ ييَّارْ، ؤُ أَمْ ثْقبِّيضْثْ ن إِمنْذِي أَوَارْنِي إِ ونِّي إِمجَّارنْ نِّي وَارْ ث إِ غَا إِجَارْونْ ؤُڒَا ذ إِجّْ.“
JER 9:22 ”أَمُّو إِ إِقَّارْ سِيذِي: ’وَارْ إِتّْفيِّيشْ ؤُمِيغِيسْ س ثِيغِيثْ [ن يِيخفْ نّسْ] ؤُڒَا ذ بُو-ثغْرُوضْثْ وَارْ إِتّْفيِّيشْ س جّْهذْ نّسْ، بُو-وَاڭْڒَا وَارْ إِتّْفيِّيشْ س وَاڭْڒَا نّسْ.
JER 9:23 مَاشَا ونِّي إِتّْفيَّاشنْ، أجّْ إِ-ث أَذْ إِسّمْغَارْ، بلِّي نتَّا غَارسْ ڒفْهَامثْ ؤُ إِسّنْ أَيِي، بلِّي نشّْ ذ سِيذِي نِّي إِتّڭّنْ س ثْمخْسِيوْثْ إِشوَّارنْ ذ ڒْحقّْ ذ ثْسڭْذَا ذِي ثمُّورْثْ، مَاغَارْ ثِيمسْڒَايِينْ-أَ تّعْجِيبنْثْ أَيِي، [أَمُّو إِ] إِقَّارْ سِيذِي.‘ “
JER 9:24 ”خْزَارْ، أَذْ د-أَسنْ وُوسَّانْ، [أَمُّو إِ] إِقَّارْ سِيذِي، أَقَا نشّْ أَذْ خڒْفغْ زِي مَارَّا إِنِّي إِخثْننْ، [مَاشَا وَاخَّا أَمنِّي] غَارْسنْ [عَاذْ] ڒعْذَاڒْيثْ،
JER 9:25 زِي مِيصْرَا ذ يَاهُوذَا ذ إِذُومْ ذ أَيْثْ ن عَامُّونْ ذ مُوآبَ ذ مَارَّا إِنِّي إِتّْحفَّانْ [أَشُوَّافْ] غَارْ طّْرُوفَا، إِنِّي إِزدّْغنْ ذِي ڒخْڒَا، مَاغَارْ مَارَّا ڒڭْنُوسْ وَارْ تّْوَاخثْننْ، مَاشَا مَارَّا ثَادَّارْثْ ن إِسْرَائِيل أَقَا غَارْسنْ ڒعْذَاڒْيثْ خْ وُوڒْ.“
JER 10:1 ”سْڒمْ أَوَاڒْ إِ زِي غَارْومْ د-إِسَّاوَاڒْ سِيذِي، [أَ] ثَادَّارْثْ ن إِسْرَائِيل!
JER 10:2 أَمُّو إِ إِقَّارْ سِيذِي: ’وَارْ ڒمّْذمْ أَبْرِيذْ ن ڒڭْنُوسْ إِ يِيخفْ نّمْ ؤُ وَارْ تّْنخْڒِيعمْ زِي ڒعْڒَامَاثْ ن ؤُجنَّا، وَاخَّا ڒڭْنُوسْ تّْنخْڒَاعنْ زَّايْسنْثْ.
JER 10:3 مَاغَارْ مِينْ حسّْبنْ ڒڭْنُوسْ ذ ڒْحقّْ أَقَا-ث ذِي ڒْبَاطڒْ، مِينْزِي أَقَا أَيَا ذ أَكشُّوضْ نِّي د-قسّنْ زڭْ وزْغَارْ، ذْ ڒْخذْمثْ ن إِفَاسّنْ ن بُو-صّنْعثْ نِّي إِڭَّا س إِميْذِي ن ومْزِيڒْ.
JER 10:4 زوّْقنْ ت س نُّوقَارْثْ ذ وُورغْ، س إِمسْمِيرنْ ذ إِفْضِيسنْ سّْمثْننْ ت [أَڒَامِي] وَارْ ثقِّيمْ ثتّنْخُوخُوڒْ.
JER 10:5 أَقَا أَثنْثْ أَمْ يِيشْثْ ن ثْشجَّارْثْ إِسَّاوَاڒنْ إِ [ذِينْ] إِبدّنْ، [مَاشَا] وَارْ زمَّارنْ أَذْ سِّيوْڒنْ، [إِتّْخصَّا] أَذْ ثنْثْ أَرْبُونْ، مِينْزِي وَارْ زمَّارنْثْ أَذْ ؤُيُورنْثْ. وَارْ زَّايْسنْثْ ثڭّْوذمْ شَا، مَاغَارْ نِيثنْثِي وَارْ زمَّارنْثْ أَذْ ڭّنْثْ مِينْ إِعفّْننْ، ؤُ [وَارْ زمَّارنْثْ] أَذْ ڭّنْثْ مِينْ إِصبْحنْ.‘ “
JER 10:6 ”ؤُڒَا ذ إِجّْ مَا أَمْ شكْ، [أَ] سِيذِي! شكْ ذ أَمقّْرَانْ ؤُ إِسمْ نّشْ ذ أَمقّْرَانْ س جّهْذْ.
JER 10:7 مَانْ ونْ وَارْ شكْ إِتّڭّْوِيذنْ، [شكْ]، [أَ] أَجدْجِيذْ ن ڒڭْنُوسْ؟ مِينْزِي أَيَا يُوسَا-د خَاكْ، مَاغَارْ جَارْ مَارَّا إِمِيغِيسنْ ن ڒڭْنُوسْ ؤُ ذِي مَارَّا ثَاڭلْذِيثْ نْسنْ ؤُڒَا ذ إِجّْ أَمْ شكْ.“
JER 10:8 ”أَقَا-ثنْ [جْمِيعْ] ذ إِفْغَارْ ذ إِبُوهَاڒِييّنْ، [مِينْزِي] تَّارْبِييّثْ ن [لْ-أَصْنَامْ] إِبطّْڒنْ [ثفّغْ-د] زڭْ ؤُكشُّوضْ [وَاهَا].
JER 10:9 إِوْينْ-د نُّوقَارْثْ إِتّْوَابزّْعنْ زِي ثَارْشِيشْ ذ وُورغْ زِي ؤُفَازْ، أَقَا-ت ذ ڒْخذْمثْ ن ؤُحْرَايْفِي ؤُڒَا ن إِفَاسّنْ ن ومْزِيڒْ ن وُورغْ. أَرُّوضْ نْسنْ [ن إِفِيڒَانْ] إِذهْمَانِييّنْ ذ أَرْجُووَانِييّنْ، مَارَّا [ڒخْيَاڒَاثْ] ڭِّينْ ثنْثْ يرْيَازنْ إِنِّي غَارْسنْ ثِيزمَّارْ.“
JER 10:10 ”سِيذِي أَربِّي ذ ثِيذتّْ، نتَّا ذ أَربِّي إِدَّارنْ، ذ أَجدْجِيذْ نْ ڒبْذَا. ثَامُّورْثْ ثتّنْهزَّا س ؤُذُوقّزْ ن وغْضَابْ نّسْ ؤُشَا ڒڭْنُوسْ وَارْ زمَّارنْ [أَذْ كْسنْ] أَسْخضْ نّسْ.“
JER 10:11 ”ذ مَانْ أَيَا ذ أَسنْ إِ غَا ثِينِيمْ: ’إِربِّيثنْ نِّي وَارْ إِڭِّينْ أَجنَّا ؤُڒَا ذ ثَامُّورْثْ، نِيثْنِي أَذْ تّْوَاقْضَانْ زِي ثمُّورْثْ ذ سَاذُو أَجنَّا.‘ “
JER 10:12 ”[مَاشَا] نتَّا إِڭَّا ثَامُّورْثْ س جّْهذْ نّسْ، إِڭَّا دُّونشْثْ زِي ثِيغِيثْ ؤُ س ڒفْهَامثْ نّسْ إِبزّعْ أَجنَّا.
JER 10:13 ڒَامِي إِتّجَّا ثْمِيجَّا نّسْ أَذْ ت سْڒنْ، [خنِّي ثڭَّا] أَمْ ؤُشَارْشُورْ ن وَامَانْ ذڭْ ؤُجنَّا. إِسيْنُوثنْ إِسّْڭعَّاذْ إِ-ثنْ زڭْ إِنڭُّورَا ن دُّونشْثْ، إِتّڭّْ أَسَّامنْ أَكْ-ذ ونْژَارْ ؤُ إِسّكَّا-د أَسمِّيضْ زڭْ إِخَّامنْ نّسْ ن ثْخُوبَايْ.“
JER 10:14 ”كُوڒْ بْنَاذمْ ذ أَڭَارُّوضْ، بْڒَا ثُوسّْنَا، كُوڒْ أَمْزِيڒْ ن وُورغْ إِتّْسضْحَا زِي سِّيبّثْ ن ڒخْيَاڒْ إِنقْشنْ [إِ إِڭَّا]، مَاغَارْ ڒخْيَاڒْ نّسْ إِفسْينْ ذ إِخَارِّيقنْ، وَارْ ذَايسْ [إِدْجِي] بُوحْبڒْ.
JER 10:15 أَقَا ثنْثْ ذ [لْ-أَصْنَامْ] إِبطّْڒنْ، أَقَا أَثنْثْ ذ ثِيمسْڒَايِينْ ن ثْسضْحَاشْثْ. ذِي ڒْوقْثْ مَانِي ثنْثْ إِ غَا عَاقْبنْ، أَذْ فْنَانْثْ.
JER 10:16 ثَاسْغَارْثْ ن يَاعْقُوبْ وَارْ ثدْجِي أَمْ [ثسْغَارْثْ] نْسنْثْ، مِينْزِي نتَّا ذ ونِّي إِڭِّينْ مَارَّا، ؤُشَا إِسْرَائِيل ذ ثَاقْبِيتْشْ ن ثسْغَارْثْ نّسْ، أَقَا سِيذِي ن ڒْعسْكَارَاثْ ذ إِسمْ نّسْ.“
JER 10:17 ”سڭّْوجْ سّڒْعثْ زِي ثمُّورْثْ نّمْ، [أَ شمْ] ثَامْغَارْثْ نِّي إِزدّْغنْ ذِي لْقلْعَا!
JER 10:18 مَاغَارْ أَمُّو إِ إِقَّارْ سِيذِي: ’خْزَارْ، ثْوَاڒَا-يَا أَذْ نْضَارغْ إِمزْذَاغْ ن ثمُّورْثْ غَارْ ڒَاڭّْوَاجْ ؤُشَا أَذْ أَسنْ د-أَوْيغْ ذِي ڒحْصَارثْ، حِيمَا أَذْ تّْوَاطّْفنْ!‘
JER 10:19 ؤُشْثْ إِنُو زِي سِّيبّثْ ن ثْرژِّيثْ إِنُو، أَيزِّيمْ إِنُو إِتّقّسْ أَيِي أَطَّاسْ. وَاخَّا نشّْ نِّيغْ: أَيَا ذ إِجّْ ن ڒهْڒَاشْ ؤُ نشّْ أَذْ ث كْسِيغْ!
JER 10:20 إِتّْوَاخَارّبْ ؤُقِيضُونْ إِنُو، مَارَّا إِمُورَارْ [ن ؤُقِيضُونْ] قطّْسنْ، إِحنْجِيرنْ إِنُو ؤُيُورنْ خَافِي ؤُ وَارْ ذَا دْجِينْ عَاذْ. وَارْ ذِينْ وِي غَا إِسّْبدّنْ أَقِيذُونْ إِنُو ؤُشَا أَذْ خَاسْ يَايڒْ ثِيجَارْثِيڒِينْ نّسْ.
JER 10:21 مَاغَارْ إِمكْسَاونْ ثُوغَا قجْحنْ، سِيذِي وَارْ خَاسْ أَرْزُونْ. خْ ؤُيَا وَارْ تّْڭعَّاذنْ ؤُ مَارَّا [ثَاحِيمَارْثْ ن] دّْمَانِي نْسنْ ثتّْوَازُوزَّارْ.
JER 10:22 ڒحْوڒْ ذ أَمقّْرَانْ، أَقَا ذَا، دّْرِيزْ زِي ثمُّورْثْ ذِي شَّامَالْ، حِيمَا أَذْ أَردّْدْجنْ ثِيندَّامْ ن يَاهُوذَا، [مَاحنْذْ أَذْ ت أَرّنْ ذ ثَامُّورْثْ ن] ثْزذِّيغْثْ إِ وُوشَّاننْ ن ڒخْڒَا.“
JER 10:23 ”نشّْ سّْنغْ، [أَ] سِيذِي، أَقَا وَارْ د-ثقِّيمْ غَارْ بْنَاذمْ أَذْ إِخْضَارْ أَبْرِيذْ نّسْ، ؤُڒَا إِ ورْيَازْ إِڭُّورْ، مَاحنْذْ أَذْ إِنْذهْ إِصُورَافْ نّسْ.
JER 10:24 سڭّمْ أَيِي، سِيذِي، مَاشَا س ڒْحقّْ، وَارْ إِدْجِي ذڭْ وغْضَابْ نّشْ، حِيمَا وَارْ ذ أَيِي ثَارِّيذْ ذ وَالُو.
JER 10:25 زدْجعْ أَسْعَارْ نّشْ خْ ڒڭْنُوسْ نِّي وَارْ شكْ إِسِّيننْ، ؤُ خْ ثْقبَّاڒْ نِّي وَارْ إِتّْڒِيغِينْ إِسمْ نّشْ، مِينْزِي نِيثْنِي صَارْضنْ يَاعْقُوبْ، صَارْضنْ ث ؤُشَا قْضَانْ خَاسْ، هذْمنْ أَمْشَانْ ن ثْزذِّيغْثْ نّسْ.“
JER 11:1 أَوَاڒْ نِّي د-إِفّْغنْ زِي سِيذِي غَارْ إِرْمِييَا، إِنَّا:
JER 11:2 ”سْڒمْ إِ وَاوَاڒنْ ن ڒْعَاهْذْ-أَ ؤُشَا سِيوڒْ أَكْ-ذ يرْيَازنْ ن يَاهُوذَا ؤُ أَكْ-ذ إِمزْذَاغْ ن ؤُرْشَالِيمْ،
JER 11:3 إِنِي أَسنْ: ’أَمُّو إِ إِقَّارْ سِيذِي، أَربِّي ن إِسْرَائِيل: إِتّْوَانْعڒْ ورْيَازْ نِّي وَارْ إِسْڒِينْ إِ وَاوَاڒنْ ن ڒْعَاهْذْ-أَ،
JER 11:4 ونِّي وصِّيغْ إِ ڒجْذُوذْ نْومْ ذڭْ وَاسّْ ؤُمِي ثنْ سُّوفّْغغْ زِي ثمُّورْثْ ن مِيصْرَا، زڭْ ؤُفَارَّانْ ن وُوزَّاڒْ، [ڒَْامِي] نِّيغْ: سْڒمْ إِ ثْمِيجَّا إِنُو ؤُشَا ڭّمْ أَمْ مَامّشْ إِ كنِّيوْ وصِّيغْ مَارَّا، [خنِّي] أَذْ أَيِي ثِيڒِيمْ ذ ڒْڭنْسْ إِنُو ؤُشَا نشّْ أَذْ أَومْ إِڒِيغْ ذ أَربِّي نْومْ،
JER 11:5 حِيمَا أَذْ منْعغْ ذِي ثْجَادْجِيثْ نِّي جُّودْجغْ ذِي طّْوعْ ن ڒجْذُوذْ نْومْ، مَاحنْذْ أَذْ أَسنْ وْشغْ إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ، أَمْ [ثدْجَا] أَسّْ-أَ.‘ “ [خنِّي] نشّْ أَرِّيغْ-د، نِّيغْ: ”أَمِينْ، سِيذِي!“
JER 11:6 إِنَّا أَيِي سِيذِي: ”بَارّحْ س مَارَّا أَوَاڒنْ-أَ ذِي ثْندَّامْ ن يَاهُوذَا ؤُ ذِي ذْشُورَاثْ ن ؤُرْشَالِيمْ، إِنِي: ’سْڒمْ إِ وَاوَاڒنْ ن ڒْعَاهْذْ-أَ، ڭّمْ زَّايْسنْ،
JER 11:7 مَاغَارْ نشّْعڒْمغْ س جّهْذْ إِ ڒجْذُوذْ نْومْ ذڭْ وَاسّْ ؤُمِي ثنْ سُّوفّْغغْ زِي ثمُّورْثْ ن مِيصْرَا، زڭْ ؤُمزْوَارُو أَڒْ أَسّْ-أَ، [وَاهْ،] شهْذغْ نِّيغْ: سْڒمْ غَارْ ثْمِيجَّا إِنُو‘
JER 11:8 [مَاشَا] نِيثْنِي وَارْ سْڒِينْ ؤُ وَارْ ذ أَيِي وْشِينْ أَمزُّوغْ نْسنْ، مَاشَا نِيثْنِي ضْفَارنْ مَارَّا إِذْسنْ ڒقْسَاحثْ ن وُوڒْ نْسنْ أَعفَّانْ. س ؤُينِّي سِّيوْضغْ خَاسنْ مَارَّا أَوَاڒنْ ن ڒْعَاهْذْ-أَ، إِنِّي خْ ثنْ وصِّيغْ مَاحنْذْ أَذْ زَّايْسنْ ڭّنْ، [مَاشَا] وَارْ زَّايْسنْ ڭِّينْ.‘ “
JER 11:9 إِنَّا أَيِي سِيذِي: ”أَقَا ثتّْوَاعَارَّا إِشْثْ ن ثْمعْمُوتْشْ جَارْ إِرْيَازنْ ن يَاهُوذَا ؤُ جَارْ إِمزْذَاغْ ن ؤُرْشَالِيمْ.
JER 11:10 نِيثْنِي ذوْڒنْ-د غَارْ ڒْمُوعْصِييّثْ ن ڒجْذُوذْ نْسنْ نِّي يُوڭِينْ أَذْ سْڒنْ غَارْ وَاوَاڒنْ إِنُو. نِيثْنِي رُوحنْ ضفَّارَانْ إِربِّيثنْ نّغْنِي مَاحنْذْ أَذْ أَسنْ سخَّارنْ. ثَادَّارْثْ ن إِسْرَائِيل ذ ثَادَّارْثْ ن يَاهُوذَا أَرْژِينْ ڒْعَاهْذْ إِنُو نِّي ڭِّيغْ أَكْ-ذ ڒجْذُوذْ نْسنْ.“
JER 11:11 ”س ؤُيَا، أَمُّو إِ إِقَّارْ سِيذِي: ’خْزَارْ، نشّْ أَذْ خَاسنْ نْضَارغْ إِجّْ ن ڒْغَارْ إِ زِي وَارْ زمَّارنْ أَذْ نجْمنْ. [مَاڒَا] ڒَاغَانْ أَيِي-د [خنِّي]، نشّْ وَارْ د غَارْسنْ تّسْڒِيغْ شَا.
JER 11:12 [خنِّي] أَذْ فّْغنْ ثِيندَّامْ ن يَاهُوذَا ذ إِمزْذَاغْ ن ؤُرْشَالِيمْ، أَذْ ڒَاغَانْ غَارْ إِربِّيثنْ إِ يِينِّي ؤُمِي قدّْمنْ ثِيوْهِيبِينْ نْ ڒبْخُورْ، [مَاشَا] يِينَا وَارْ زمَّارنْ أَذْ أَسنْ وْشنْ أَفُوسْ ذِي ڒْوقْثْ ؤُمِي ثنْ إِڒْقفْ ڒْغَارْ.
JER 11:13 مَاغَارْ إِربِّيثنْ نّشْ ذڭْ وَاطَّاسْ أَنشْثْ ن ثْندَّامْ نّشْ، [أَ] يَاهُوذَا، ؤُ إِعَالْثَارنْ إِ ثسّْبدّمْ إِ نّْعِي [ن صَّانَامْ] نِّي ذڭْ وَاطَّاسْ أَنشْثْ ن إِبْرِيذنْ ن ؤُرْشَالِيمْ، إِعَالْطَارنْ مَاحنْذْ أَذْ خَاسنْ وهّْبنْ ثِيوْهِيبِينْ ن ڒبْخُورْ إِ بَاعْلْ.‘ “
JER 11:14 ”شكْ [خنِّي] وَارْ ثتَّارْ إِ ڒْڭنْسْ-أَ، وَارْ تّكَّارذْ أَذْ أَسنْ ثْرُوذْ نِيغْ أَذْ أَسنْ ثذْعِيذْ، مَاغَارْ نشّْ وَارْ تّسْڒِيغْ ذِي ڒْوقْثْ نِّي خَافِي د غَا ڒَاغَانْ زِي سِّيبّثْ ن ڒْغَارْ إِ ثنْ إِڒقْفنْ.“
JER 11:15 ”مِينْ إِ ثڭِّيذْ، [أَ] ثَامْعِيزْثْ إِنُو، ذِي ثَادَّارْثْ إِنُو، ؤُمِي ثدْجَا ڒفْضِيحثْ نّسْ [ذ ثَا]: أَقَا أَطَّاسْ تَّاڭّْوجنْ خَامْ أَكْ-ذ ويْسُومْ إِقدّْسنْ. مَاغَارْ س ثُوعفّْنَا إِ ثڭِّيذْ، مَا ثْزمَّارذْ أَذْ ثْنڭْزذْ س ڒفْرَاحثْ؟
JER 11:16 ’ثَازِيثُونْثْ ثَازيْزَاوْثْ، [أَ شمْ،] ڒمْڒَاحثْ، س ڒْغِيدْجثْ إِشْنَانْ ذِي ڒوْصِيفثْ!‘، [أَمُّو إِ] ثُوغَا إِڭَّا سِيذِي إِسمْ نّمْ، [مَاشَا] [ڒخُّو] إِقّذْ أَسْ ثِيمسِّي أَمْ إِتّْوَاسڒْ ڒْحسّْ ن إِجّْ ن زّْهِيرْ ذ أَمقّْرَانْ ؤُشَا تّْوَارْژنْ ڒفْرُوعْ نّسْ.
JER 11:17 سِيذِي ن ڒْعسْكَارَاثْ، ذ ونِّي شمْ إِژُّونْ، إِڭَّا خَامْ إِجّْ ن ڒْغَارْ زِي سِّيبّثْ ن ڒْغَارْ إِ ثڭَّا ثَادَّارْثْ ن إِسْرَائِيل ذ ثَادَّارْثْ ن يَاهُوذَا، [ڒْغَارْ إِ] ڭِّينْثْ إِ يِيخفْ نْسنْثْ ؤُمِي ذ أَيِي سْعَارنْثْ س ثوْهِيبِينْ ن ڒبْخُورْ إِ بَاعْلْ.“
JER 11:18 ”سِيذِي إِسّْشنْ ث أَيِي ؤُشَا [ڒخُّو] سّْنغْ، ڒَامِي ثسّشْنذْ أَيِي ثِيمڭَّا نْسنْ.
JER 11:19 نشّْ سِيمَانْثْ إِنُو ثُوغَا أَيِي أَمْ يِيجّْ ن يزْمَارْ أَيْنَاوْ ن ثَادَّارْثْ، ندّْهنْ ث إِ ثْغَارْصْثْ، مَاغَارْ ثُوغَا وَارْ سِّينغْ أَقَا نِيثْنِي ڭِّينْ أَيِي إِجّْ ن ڒْفخْ [ؤُمِي قَّارنْ]: ’أجّْ أَنغْ أَذْ نْضيّعْ ثَاشجَّارْثْ أَكْ-ذ ڒْغِيدْجثْ نّسْ ؤُ أَذْ ت نْثحَّا زِي ثمُّورْثْ ن يِينِّي إِدَّارنْ مَاحنْذْ إِسمْ نّسْ وَارْ ث تِّيذَارنْ عَاذْ.‘ “
JER 11:20 ”سِيذِي ن ڒْعسْكَارَاثْ، [أَ شكْ] ڒْقَاضِي إِسڭّْذنْ نِّي إِتّْجَارَّابنْ ثِيژَّاڒْ ذ وُوڒْ، سْشنْ أَيِي نّقْمثْ نّشْ، مَاغَارْ نشّْ سلّْمغْ دّعْوثْ إِنُو ذڭْ إِفَاسّنْ نّشْ.“
JER 11:21 ”س ؤُيَا، أَمُّو إِ إِقَّارْ سِيذِي خْ يرْيَازنْ ن عَانَاثُوثْ، إِنِّي يَارزُّونْ ڒعْمَارْ نّشْ، قَّارنْ: ’وَارْ تّْنَابْ س يِيسمْ ن سِيذِي أَڒَامِي وَارْ ثْمتِّيذْ س ؤُفُوسْ نّغْ.‘
JER 11:22 س ؤُيَا، [أَمُّو] إِ إِقَّارْ سِيذِي ن ڒْعسْكَارَاثْ: ’خْزَارْ، نشّْ أَذْ ثنْ خدْجْصغْ: إِحُوذْرِييّنْ أَذْ مّْثنْ س سِّيفْ، إِحنْجِيرنْ ذ يسِّيثْسنْ أَذْ مّْثنْ س ڒَاژْ.
JER 11:23 وَارْ إِتّْغِيمِي مِينْ إِقِّيمنْ زَّايْسنْ، مَاغَارْ نشّْ أَذْ خَاسنْ د-سِّيوْضغْ إِجّْ ن ڒْغَارْ ذ أَعفَّانْ خْ يرْيَازنْ ن عَانَاثُوثْ ذڭْ ؤُسڭّْوَاسْ نِّي ذِي ثنْ إِ غَا خدْجْصغْ.‘ “
JER 12:1 ”مَاڒَا ڭِّيغْ أَذْ شَارّْعغْ أَكِيذكْ، [أَ] سِيذِي، شكْ [أَذْ ثْبَانذْ] ذ أَمْسڭّذْ. قَاعْ أَمنِّي تّخْسغْ أَذْ سِيوْڒغْ أَكِيذكْ خْ إِبْرِيذنْ ن ڒْحقّْ: مَايمِّي أَبْرِيذْ ن إِعفَّاننْ إِسڭّمْ، [ؤُ] مَايمِّي إِغدَّارنْ ڒبْذَا ذِي أَرَّاحثْ؟
JER 12:2 شكْ ثژُّوذْ ثنْ ؤُ نِيثْنِي وْثِينْ إِژوْرَانْ، نِيثْنِيغمْينْ-د ؤُ إِوْينْ-د ڒْغِيدْجثْ. شكْ أَقَا ثُوذْسذْ أَقمُّومْ نْسنْ، مَاشَا ثِيڭّْوجذْ خْ ثِيژَّاڒْ نْسنْ.“
JER 12:3 ”شكْ، [أَ] سِيذِي، ثسّْنذْ أَيِي، ثتّْوَارِيذْ أَيِي ؤُ ثْقدْجْبذْ ؤُڒْ إِنُو، [مَا] أَقَا-ث أَكِيذكْ. جْبذْ إِ-ثنْ أَمْ وُودْجِي إِ ثْغَارْصْثْ ؤُ عْزڒْ إِ-ثنْ إِ وَاسّْ ن ونْغَايْ.
JER 12:4 مشْحَاڒْ عَاذْ إِ غَا ثكّْ ثمُّورْثْ ثشْضنْ ؤُ أَفْسُو [أَزِيزَا] أَذْ يَاژغْ ذڭْ إِيَّارْ مَارَّا؟ س ثُوعفّْنَا ن يِينِّي ذِينْ إِزدّْغنْ ضيّْعنْ ڒْمَاڒْ ذ يجْضَاضْ، مَاغَارْ نِيثْنِي قَّارنْ: ’نتَّا وَارْ إِتّْوِيڒِي أَنڭَّارْ نّغْ.“
JER 12:5 ”مَاڒَا ثُوزّْڒذْ أَكْ-ذ إِنِّي إِتَّازّْڒنْ خْ إِضَارنْ، نِيثْنِي سَّاحَاڒنْ شكْ، مَامّشْ ثخْسذْ أَذْ ثڭّذْ [خنِّي] حَامَاثْ أَكْ-ذ إِيْسَانْ؟ مَاڒَا ثتَّاشِيذْ أَقَا شكْ ذِي ڒَامَانْ مْغِيرْ ذِي ثمُّورْثْ ن ڒهْنَا، مَامّشْ غَا ثڭّذْ [خنِّي] ذِي شْبَارْقْ إِقّْننْ ن [يغْزَارْ ن] لْ-ؤُرْذُونْ؟
JER 12:6 مَاغَارْ ؤُڒَا ذ أَيْثْمَاشْ ذ ثَادَّارْثْ ن بَابَاشْ، ؤُڒَا ذ نِيثْنِيغدَّارنْ شكْ، ؤُڒَا ذ نِيثْنِي سْغُويُّونْ س جّْهذْ أَوَارْنِي أَشْ. وَارْ ثنْ تِّيقّمْ، وَاخَّا سَّاوَاڒنْ أَكِيذكْ مْلِيحْ.“
JER 12:7 ”نشّْ سمْحغْ ذِي ثَادَّارْثْ إِنُو، نشّْ نْضَارغْ ثَاسْغَارْثْ إِنُو. ثنِّي إِسّْعِيزّْ ڒعْمَارْ إِنُو سلّْمغْ ت ذڭْ ؤُفُوسْ ن ڒْعذْيَانْ نّسْ.
JER 12:8 ثَاسْغَارْثْ إِنُو ثذْوڒْ-د أَكِيذِي أَمْ يِيجّْ ن وَايْرَاذْ ذڭْ وزْغَارْ. ثسّْڭعّذْ-د أَكِيذِي ثْمِيجَّا نّسْ، خْ ؤُيَا نشّْ ذوْڒغْ شَارّْهغْ ت.
JER 12:9 ثَاسْغَارْثْ إِنُو إِ نشّْ [أَمْ] ؤُجْضِيضْ إِبقّْضنْ إِتّْكشَّاضنْ. تّنّْضنْ أَسْ إِجْضَاضْ إِكشّْضنْ. كَّارمْ، سْمُونمْ-د مَارَّا ڒْمَاڒْ ن ييَّارْ، أجّْ إِ-ثنْ أَذْ د-أَسنْ حِيمَا أَذْ شّنْ!“
JER 12:10 ”إِمكْسَاونْ أَطَّاسْ خَارّْبنْ أَمَارْجعْ إِنُو ن ؤُضِيڒْ،عفْسنْ خْ ييَّارْ إِنُو، أَقَا أَرِّينْ إِيَّارْ إِعِيزّنْ إِنُو ذ إِجّْ ن ڒخْڒَا إِخْوَا.
JER 12:11 أَرِّينْ [إِيَّارْ] ذ إِشْثْ ن ثمُّورْثْ إِتّْوَاردّْدْجنْ، أَقَا إِتّْوَاخَارّبْ [ييَّارْ]، إِزّڒْ زَّاثِي إِشْضنْ. مَارَّا ثَامُّورْثْ ثْخَارّبْ مِينْزِي ؤُڒَا ذ إِجّْ وَارْ ذ أَسْ يشْقِي.
JER 12:12 خْ مَارَّا ثِيوْرِيرِينْ إِقشَّارنْ ذِي ڒخْڒَا ؤُسِينْ-د إِمْثحَّايّنْ، مَاغَارْ سِّيفْ إِسَارْضْ زِي طَّارْفْ ن ثمُّورْثْ أَڒْ طَّارْفْ [نّغْنِي] ن ثمُّورْثْ. وَارْ ذِينْ إِقِّيمْ ڒهْنَا إِ مَارَّا دَّاثْ.
JER 12:13 نِيثْنِي زَارْعنْ إِرْذنْ، [مَاشَا] مْجَارنْ إِسنَّاننْ، نِيثْنِي ؤُحْڒنْ، مَاشَا بْڒَا نّْفَاعْ. نِيثْنِي أَذْ سضْحَانْ خْ صَّابثْ نْومْ زِي سِّيبّثْ ن ڒْحَاذُوقْ ن وغْضَابْ ن سِيذِي.“
JER 12:14 ”أَمُّو إِ إِقَّارْ سِيذِي: مَارَّا أَجَّارنْ إِنُو إِعفَّاننْ نِّي إِتّْحَاذَانْ ثَاسْغَارْثْ إِنُو إِ وْشِيغْ إِ ڒْڭنْسْ إِنُو إِسْرَائِيل ذ ثَاسْغَارْثْ، خْزَارْ، نشّْ أَذْ ثنْ قڒْعغْ زِي ثمُّورْثْ، [مَاشَا] ثَادَّارْثْ ن يَاهُوذَا أَذْ ت قڒْعغْ زِي ڒْوسْطْ نْسنْ.
JER 12:15 أَوَارْنِي ڒَامِي ثنْ قڒْعغْ، أَذْ د-ذوْڒغْ ؤُ أَذْ خَاسنْ حِينّغْ ؤُشَا نشّْ أَذْ ثنْ أَرّغْ أَذْعقْبنْ، كُوڒْ إِجّْ غَارْ ثسْغَارْثْ نّسْ ؤُ كُوڒْ إِجّْ غَارْ ثمُّورْثْ نّسْ.
JER 12:16 خْمِي غَا ڒمْذنْ س ثِيذتّْ إِبْرِيذنْ ن ڒْڭنْسْ إِنُو مَاحنْذْ أَذْ جَّادْجنْ غَارْ يِيسمْ إِنُو: ’س ثِيذتّْ أَمْ إِدَّارْ سِيذِي!‘، أَمْ مَامّشْ نِيثْنِي سّْڒمْذنْ ڒْڭنْسْ إِنُو مَاحنْذْ أَذْ جَّادْجنْ غَارْ بَاعْلْ، [خنِّي] أَذْ تّْوَاسّْبدّنْ نِيثْنِي ذِي ڒْوسْطْ نْ ڒْڭنْسْ إِنُو.
JER 12:17 [مَاشَا] مَاڒَا نِيثْنِي وَارْ تّخْسنْ أَذْ سْڒنْ، [خنِّي] نشّْ أَذْ قڒْعغْ ڒْڭنْسْ نِّي ؤُشَا أَذْ ثنْ أَردّْدْجغْ، [أَمُّو إِ] إِقَّارْ سِيذِي.“
JER 13:1 ”أَمُّو إِ ذ أَيِي إِنَّا سِيذِي: ’ؤُيُورْ، سغْ إِ يِيخفْ نّشْ إِجّْ ن وبْيَاسْ ن ڒقْطنْ ؤُشَا بيْسْ إِ-ث خْ ثجْعِينَّاثِينْ نّشْ، [مَاشَا] وَارْ ث ثجِّي أَذْ يَاذفْ ذڭْ وَامَانْ!‘
JER 13:2 نشّْ سْغِيغْ إِجّْ ن وبْيَاسْ عْلَاحْسَابْ أَوَاڒْ ن سِيذِي ؤُشَا بيْسغْ ث خْ ثجْعِينَّاثِينْ إِنُو.
JER 13:3 [خنِّي] يُوسَا-د غَارِي وَاوَاڒْ ن سِيذِي إِ ثْوَاڒَا وِيسّْ ثْنَاينْ، إِنَّا:
JER 13:4 ’كْسِي أَبْيَاسْ إِ ثسْغِيذْ، نِّي ثْبيْسذْ خْ ثجْعِينَّاثِينْ نّشْ ؤُشَا كَّارْ، ؤُيُورْ غَارْ [يغْژَارْ ن] لْفُورَاطْ ؤُشَا فَّارْ إِ-ث ذِينِّي ذِي ثَازّشْثْ ن جَّارْفْ.‘
JER 13:5 نشّْ ؤُيُورغْ ؤُشَا فَّارغْ ث غَارْ لْفُورَاطْ، أَمْ مَامّشْ ثُوغَا ذ أَيِي يُومُورْ سِيذِي.“
JER 13:6 ”أَوَارْنِي إِ وَاطَّاسْ ن وُوسَّانْ إِنَّا أَيِي سِيذِي: ’كَّارْ، ؤُيُورْ غَارْ لْفُورَاطْ ؤُشَا كْسِي سّنِّي أَبْيَاسْ نِّي ذ أَشْ ؤُمُورغْ مَاحنْذْ أَذْ ث ثفَّارذْ ذِينِّي.‘
JER 13:7 [خنِّي] ؤُيُورغْ غَارْ لْفُورَاطْ ؤُشَا غْزِيغْ ؤُ كّْسغْ-د أَبْيَاسْ زڭْ ومْشَانْ مَانِي ث ثُوغَا فَّارغْ. خْزَارْ، أَبْيَاسْ إِضيّعْ، وَارْ إِدْجِي مِينْ ؤُمِي غَا إِنْفِيعْ عَاذْ.
JER 13:8 [خنِّي] يُوسَا-د غَارِي وَاوَاڒْ ن سِيذِي، إِنَّا:
JER 13:9 ’أَمُّو إِ إِقَّارْ سِيذِي: ’أَمُّو إِ غَا سّْضيّْعغْ نّْفَاخثْ ن يَاهُوذَا ؤُڒَا ذ نّْفَاخثْ ثَامقّْرَانْثْ ن ؤُرْشَالِيمْ.
JER 13:10 ڒْڭنْسْ-أَ أَعفَّانْ نِّي يُوڭِينْ أَذْ إِسڒْ غَارْ وَاوَاڒنْ إِنُو، نِّي إِضفَّارنْ ڒقْسَاحثْ ن وُوڒْ نّسْ ؤُشَا يَاردّفْ إِربِّيثنْ نّغْنِي مَاحنْذْ أَذْ ثنْ إِعْبذْ ؤُ أَذْ أَسنْ إِبنْذقْ، [ڒْڭنْسْ-أَ] أَذْ إِذْوڒْ أَمْ وبْيَاسْ-أَ إِ وَارْ إِنفّْعنْ إِ وَالُو عَاذْ.
JER 13:11 مَاغَارْ مَامّشْ إِقّنْ وبْيَاسْ إِ ثجْعِينَّاثِينْ ن ورْيَازْ، أَمُّو إِ أَرِّيغْ مَارَّا ثَادَّارْثْ ن إِسْرَائِيل ذ مَارَّا ثَادَّارْثْ ن يَاهُوذَا أَذْ غَارِي قّْننْثْ، [أَمُّو إِ] إِقَّارْ سِيذِي، مَاحنْذْ أَذْ إِڒِينْثْ ذ ڒْڭنْسْ إِنُو ذ يِيسمْ إِنُو ذ شَّانْ إِنُو ذ ؤُعُودْجِي إِنُو، [مَاشَا] نِيثْنِي وَارْ سْڒِينْ شَا.‘ “
JER 13:12 ”شكْ أَذْ أَسنْ ثِينِيذْ أَوَاڒْ-أَ: ’أَمُّو إِ إِقَّارْ سِيذِي، أَربِّي ن إِسْرَائِيل: قَاعْ أَغَارَّافْ أَذْ إِتّْوَاشُّورْ س بِينُو.‘ [خنِّي] أَذْ أَشْ إِنِينْ نِيثْنِي: ’مَا [زعْمَا] نشِّينْ وَارْ نسِّينْ سِيمَانْثْ نّغْ نِيشَانْ، أَقَا قَاعْ أَغَارَّافْ أَذْ إِتّْوَاشُّورْ س بِينُو؟‘
JER 13:13 [خنِّي] أَذْ ذ أَسنْ ثِينِيذْ: ’أَمُّو إِ إِقَّارْ سِيذِي: خْزَارْ، نشّْ أَذْ أَرّغْ أَذْ سْشَارنْ مَارَّا إِمزْذَاغْ ن ثمُّورْثْ-أَ، إِجدْجِيذنْ نِّي إِقِّيمنْ خْ ڒْعَارْشْ ن ذَاوُوذْ، إِكهَّاننْ، إِنَابِييّنْ ذ مَارَّا إِمزْذَاغْ ن ؤُرْشَالِيمْ.
JER 13:14 نشّْ أَذْ ثنْ وْثغْ ذ إِوثْوِيثنْ، إِجّْ أَكْ-ذ ونّغْنِي، إِبَابَاثنْ مُوننْ أَكْ-ذ إِحنْجِيرنْ، [أَمُّو إِ] إِقَّارْ سِيذِي. نشّْ وَارْ تّْحِينِّيغْ، وَارْ سّْعِيزِّيغْ ؤُ وَارْ أَرحّْمغْ مَاحنْذْ وَارْ ثنْ تّْضيِّيعغْ.‘ “
JER 13:15 ”سْڒمْ ؤُ وْشمْ أَمزُّوغْ، وَارْ تّْنفْخمْ، مَاغَارْ سِيذِي إِسِّيوڒْ.
JER 13:16 وْشمْ شَّانْ إِ سِيذِي، أَربِّي نْومْ، قْبڒْ إِ د غَا ثَاسْ ثَادْجسْثْ ؤُ قْبڒْ إِ غَا نْقَارْضنْ إِضَارنْ نْومْ خْ إِذُورَارْ إِبُّوبْسنْ، [أَمْ] ثتّْرَاجَامْ ثَافَاوْثْ، [مَاشَا] نتَّا أَذْ ت يَارّْ ذ ثِيڒِي ن ؤُنُورِي ؤُڒَا ذ أَسيْنُو إِبُّومْبسْ.
JER 13:17 [مَاشَا] مَاڒَا كنِّيوْ وَارْ ثتّخْسمْ أَذْ ثسْڒمْ، [خنِّي] أَذْ إِرُو ڒعْمَارْ إِنُو ذِي ثْنُوفّْرَا خْ نّْفَاخثْ [نْومْ]، أَذْ إِكْسِي ذڭْ إِمطَّاونْ، ؤُشَا أَذْ د-سّهْوَانْ إِمطَّاونْ زِي ثِيطَّاوِينْ إِنُو، مَاغَارْ ثَاحِيمَارْثْ ن سِيذِي أَقَا ثتّْوَانْذهْ ذِي ثْمحْبَاسْثْ.“
JER 13:18 ”إِنِي إِ ؤُجدْجِيذْ ذ يمَّاسْ ن ؤُجدْجِيذْ: ’سْوَاضْعمْ إِخفْ نْومْ، قِّيممْ ذڭْ ومْشَانْ إِهْوَا، مَاغَارْ تَّاجْ نْومْ إِشُووَّارنْ ثوْضَا أَومْ-د خْ ؤُزدْجِيفْ.‘
JER 13:19 تّْوَابلّْعنْثْ ثْندَّامْ ن [ثمُّورْثْ ن] لْجَانُوبْ، ؤُشَا ؤُڒَا ذ إِجّْ وَارْ ثنْثْ يَارزّمْ. أَقَا إِتّْوَانْذهْ مَارَّا [ڒْْڭنْسْ ن] يَاهُوذَا إِتّْوَانْذهْ إِمُونْ.
JER 13:20 سْڭعّْذمْ ثِيطَّاوِينْ نْومْ، ؤُ خْزَارمْ، مَانْ ونْ إِ د-يُوسِينْ زِي شَّامَالْ! مَانِي ثدْجَا ثْحِيمَارْثْ إِ ذ أَمْ إِمّوْشنْ، ؤُدْجِي نّمْ إِشوَّارنْ؟
JER 13:21 مِينْ غَا ثِينِيذْ مَاڒَا نتَّا إِڭَّا ذ أَزدْجِيفْ خَامْ إِنِّي إِ ثسّْڒمْذذْ مَاحنْذْ أَذْ إِڒِينْ ذ إِمدُّوكَّاڒْ نّمْ إِعِيزّنْ؟ مَا وَارْ شمْ د-منّْعنْ ڒوْجعْ أَمْ يِيشْثْ ن ثمْغَارْثْ إِتَّارْونْ؟“
JER 13:22 ”خْمِي غَا ثِينِيذْ ذڭْ وُوڒْ نّمْ: ’مَايمِّي ذ أَيِي إِڒْقفْ [مَارَّا] أَيَا؟‘، [سّنْ أَقَا:] ’خْ ؤُبَارُّو ن ڒْمُوعْصِييّثْ نّمْ تّْوَاسّْڭعّْذنْثْ خَامْ ثِيمَّاوِينْ [ن وَارُّوضْ]، تّْوَاذدْجنْ إِنِيرْزنْ نّمْ‘.
JER 13:23 مَا إِزمَّارْ إِجّْ [ن ورْيَازْ] زِي [ثمُّورْثْ ن] كُوشْ أَذْ إِبدّڒْ سْمخْ ن ثڒْمشْثْ نّسْ؟ نِيغْ أَغِيڒَاسْ أَرقِّيعنْ نّسْ؟ مَا ثْزمَّارمْ ؤُڒَا ذ كنِّيوْ [خنِّي] أَذْ ثْعذْڒمْ، [كنِّيوْ] إِنِّي إِنُّومنْ ثُوعفّْنَا.
JER 13:24 س ؤُينِّي نشّْ أَذْ ثنْ زُوزَّارغْ أَمْ ؤُڒُومْ نِّي إِطَّاونْ س ؤُسُوضِي ن ؤُسمِّيضْ ن ڒخْڒَا.
JER 13:25 وَا أَذْ يِيڒِي ذ زّْهَارْ نّمْ إِ ذ أَمْ د-إِكَّارنْ زَّايِي، [أَمُّو إِ] إِقَّارْ سِيذِي، مِينْزِي شمْ ثتُّوذْ أَيِي ؤُ ثتّشْڒذْ خْ إِخَارِّيقنْ.
JER 13:26 [خنِّي] ؤُڒَا ذ نشّْ أَذْ سّْڭعّْذغْ إِبحْرُورنْ [ن وَارُّوضْ] نّمْ أَڒْ ثِيوَا أَغمْبُوبْ نّمْ ؤُشَا أَذْ ژَترنْ ڒفْضِيحثْ نّمْ:
JER 13:27 زِّينَا نّمْ ذ ؤُسْنحْنحْ إِنزْرنْ نّمْ، فَارْقْ-شّْغڒْ نّمْ إِنْفضْحنْ. خْ ثوْرِيرِينْ ؤُ ذڭْ إِيَّارْ ژْرِيغْ نّْعَاوَاثْ نّمْ ن لْ-أَصْنَامْ. ؤُشْثْ خَامْ، [أَ] ؤُرْشَالِيمْ، أَڒْ مڒْمِي وَارْ ثتّْوَاسِّيزْذِيڭذْ شَا عَاذْ [زَّايْسنْثْ]؟“
JER 14:1 أَوَاڒْ ن سِيذِي إِ د-يُوسِينْ غَارْ إِرْمِييَا خْ ڒَاژَاغْ أَمقّْرَانْ.
JER 14:2 ”[ثَامُّورْثْ ن] يَاهُوذَا ثشْضنْ ؤُشَا ثِيوُّورَا نّسْ هيّْفنْثْ. قِّيمنْ نِيثْنِي خْ ثمُّورْثْ [س ورُّوضْ] ذ أَبَارْشَانْ، ؤُشَا ثْغُويِّيثْ ن ؤُشثْشِي ن ؤُرْشَالِيمْ ثْڭعّذْ غَارْ ؤُجنَّا.
JER 14:3 أَيْثْ ن جّهْذْ سكّنْ إِخمَّاسنْ نْسنْ إِمُوقْڒِيڒنْ مَاحنْذْ أَذْ أَيْمنْ أَمَانْ. ڒَامِي د-ؤُسِينْ نِيثْنِي غَارْ وَانُوثنْ ن ونْژَارْ، وَارْ ذَايْسنْ ؤُفِينْ أَمَانْ. نِيثْنِيعقْبنْ-د س إِبُوقَارنْ نْسنْ خْوَانْ، سضْحَانْ، ؤُشِينْ س ؤُبَارّقْ ؤُشَا ڒحّْفنْ إِ ؤُزدْجِيفْ نْسنْ،
JER 14:4 مِينْزِي ثتّْوَاشَارّڭْ ثمُّورْثْ، مَاغَارْ وَارْ ذِينْ أَنْژَارْ ذِي ثمُّورْثْ. إِفدْجَاحنْ تّْسضْحَانْ، تّْڒحَّافنْ إِ ؤُزدْجِيفْ نْسنْ.
JER 14:5 وَاهْ، ؤُڒَا ذ ثُوذَاذْثْ ذڭْ إِيَّارْ ثُورُووْ-د مِّيسْ، [مَاشَا خنِّي] ثسْمحْ ذَايسْ، مِينْزِي وَارْ ذِينْ إِقِّيمْ أَرْبِيعْ عَاذْ.
JER 14:6 إِغْيَاڒْ ن ڒخْڒَا بدّنْ خْ ثوْرِيرِينْ إِقُوشَّارنْ، سّْغَاثَانْ غَارْ ڒعْوِينْ أَمْ وُوشَّاننْ ن ڒخْڒَا. ثِيطَّاوِينْ نْسنْ خسْينْثْ مَاغَارْ وَارْ إِقِّيمْ وفْسُو [أَزِيزَا] عَاذْ.“
JER 14:7 ”وَاخَّا شهّْذنْثْ خَانغْ ڒْمُوعْصِييَّاثْ نّغْ، [أَ] سِيذِي، أڭّْ إِ-ث ذِي طّْوعْ ن يِيسمْ نّشْ، مَاغَارْ أَودَّارْ نّغْ ذڭْ وَاطَّاسْ، أَقَا نخْضَا أَكِيذكْ.
JER 14:8 [شكْ] ذ ڒَايَاسْ ن إِسْرَائِيل، [شكْ] ذ أَمْسنْجمْ نّسْ ذِي ڒْوقْثْ ن ڒحْصَارثْ، مَايمِّي غَا ثِيڒِيذْ أَمْ يِيجّْ ن ؤُبَارَّانِي ذِي ثمُّورْثْ، أَمْ يِيجّْ ن ؤُمْسبْرِيذْ إِتّْنُوسَانْ دْجِيڒثْ وَاهَا؟
JER 14:9 مَايمِّي ثدْجِيذْ أَمْ يِيجّْ ن ورْيَازْ إِودَّارنْ، أَمْ يِيجّْ ن بُو-ثغْرُوضْثْ إِ وَارْ إِزمَّارنْ أَذْ إِفكّْ؟ أَقَا شكْ ذِي ڒْوسْطْ نّغْ، [أَ] سِيذِي، إِسمْ نّشْ إِتّْوَابَارّحْ خَانغْ، وَارْ ذَايْنغْ سمّحْ!“
JER 14:10 ”أَمُّو إِ إِقَّارْ سِيذِي خْ ڒْڭنْسْ-أَ: ’ثُوغَا إِعْجبْ أَسنْ أَذْ ثلْعنْ، وَارْ سّْعِيزّنْ خْ إِضَارنْ نْسنْ. س ؤُينِّي سِيذِي وَارْ خَاسنْ يَارْضَا. ڒخُّو أَذْ يِيذَارْ نتَّا ڒْمُوعْصِييّثْ نْسنْ ؤُشَا أَذْ إِخدْجصْ دّْنُوبْ نْسنْ.‘ “
JER 14:11 إِنَّا أَيِي سِيذِي: ”وَارْ ثتَّارْ إِ ڒْڭنْسْ-أَ مَاحنْذْ أَذْ يِيڒِي مْلِيحْ!
JER 14:12 وَاخَّا ژُومّنْ، نشّْ وَارْ تّسْڒِيغْ شَا غَارْ ثْغُويِّيثْ نْسنْ، [وَاخَّا] نِيثْنِي إِوْينْ إِشْثْ ن ثْغَارْصْثْ ن وشْمَاضْ ذ إِشْثْ ن ثوْهِيبْثْ [ن ڒْغِيدْجثْ]، نشّْ وَارْ خَاسنْ أَرْضِيغْ شَا، مَاغَارْ نشّْ أَذْ ثنْ قْضِيغْ س سِّيفْ ذ ڒَاژْ ذ طَّاعُونْ.“
JER 14:13 [خنِّي] نِّيغْ نشّْ: ”وَايَّاوْ، أَ سِيذِي إِنُو، سِيذِي، خْزَارْ، إِنَابِييّنْ قَّارنْ أَسنْ: ’كنِّيوْ وَارْ ثْژَارّمْ سِّيفْ، وَارْ إِتِّيڒِي ڒَاژْ، مَاغَارْ نشّْ أَذْ أَومْ وْشغْ ڒهْنَا ذ ثِيذتّْ ذڭْ ومْشَانْ-أَ‘ “
JER 14:14 إِنَّا أَيِي سِيذِي: ”إِنَابِييّنْ تّْنبَّانْ س إِخَارِّيقنْ س يِيسمْ إِنُو. نشّْ وَارْ ثنْ د-سّكّغْ، وَارْ ثنْ ؤُمُورغْ ؤُ وَارْ كِيذْسنْ سِّيوْڒغْ. نِيثْنِي تّْنَابّنْ إِجّْ ن ڒوْحِييْ وَارْ إِدْجِينْ إِ كنِّيوْ، أَعزّمْ، مِينْ إِبضْڒنْ ذ وشْمَاثْ ن وُوڒْ [ن يِيخفْ] نْسنْ.“
JER 14:15 س ؤُيَا، أَمُّو إِ إِقَّارْ سِيذِي: ”خْ إِنَابِييّنْ نِّي إِتّْنبَّانْ س يِيسمْ إِنُو، وَاخَّا نشّْ وَارْ ثنْ د-سّكّغْ شَا، ؤُشَا قَّارنْ: ’وَارْ إِتِّيڒِي سِّيفْ ؤُڒَا ذ ڒَاژْ ذِي ثمُّورْثْ-أَ!‘، أَقَا إِنَابِييّنْ نِّي أَذْ تّْوَاقْضَانْ س سِّيفْ ذ ڒَاژْ.
JER 14:16 ڒْڭنْسْ ؤُمِي نبَّانْ، أَذْ إِمّنْضَارْ ذڭْ إِبْرِيذنْ ن ؤُرْشَالِيمْ زِي سِّيبّثْ ن ڒَاژْ ذ سِّيفْ، ؤُشَا وَارْ إِتِّيڒِي وِي ثنْ إِ غَا إِنضْڒنْ: نِيثْنِي، ثِيمْغَارِينْ نْسنْ، إِحنْجِيرنْ نْسنْ ذ ثْحنْجِيرِينْ نْسنْ. أَمُّو ذ خَاسنْ إِ غَا زدْجْعغْ ڒْغَارْ [ن يِيخفْ] نْسنْ.“
JER 14:17 ”س ؤُينِّي أَذْ أَسنْ ثِينِيذْ أَوَاڒْ-أَ: ’إِمطَّاونْ أَذْ د-سّفْينْثْ زِي ثِيطَّاوِينْ إِنُو أَذْ د-هْوَانْثْ، دْجِيڒثْ ذ وَاسّْ، بْڒَا قطُّو!‘ مَاغَارْ ثتّْوَارْژْ ثعْزَارشْثْ، إِدْجِيسْ ن ڒْڭنْسْ إِنُو، س ثَارژِّيثْ ذ ثَامقّْرَانْثْ، س ؤُيزِّيمْ إِتّقّسْ أَطَّاسْ.
JER 14:18 خْمِي غَا فّْغغْ، غَارْ ييَّارْ، أَقَا ذَا إِنِّي إِتّْوَاسّْنُوقّْبنْ س سِّيفْ، ؤُ خْمِي غَا أَذْفغْ غَارْ ثنْذِينْثْ، خْزَارْ، إِنِّي إِهڒْشنْ س ڒَاژْ! وَاهْ، إِنَابِييّنْ ذ إِكهَّاننْ ثتّْلِيعنْ ذڭْ إِشْثْ ن ثمُّورْثْ إِ وَارْ سِّيننْ.
JER 14:19 مَا ثنْضَارذْ شكْ يَاهُوذَا مَارَّا؟ مَا إِشَارّهْ ڒعْمَارْ نّشْ صِيهْيُونْ؟ مَايمِّي ذ أَنغْ ثوْثِيذْ أَمُّو أَڒَامِي وَارْ ذ أَنغْ إِقِّيمْ بُو ؤُڭنْفُو؟ سِيتِّيمنْ أَذْ يِيڒِي ڒهْنَا، مَاشَا وَارْ ذِينْ أَمْشَانْ إِ ڒْخَارْ، سِيتِّيمنْ ذڭْ إِجّْ ن ڒْوقْثْ ن ؤُڭنْفِي، [مَاشَا] خْزَارْ، [مْغِيرْ] أَسْنخْڒِيعْ.
JER 14:20 [أَ] سِيذِي، نشِّينْ وَارْ نسِّينْ ڒْغَارْ نّغْ ذ ڒْمُوعْصِييّثْ ن ڒجْذُوذْ نّغْ، مَاغَارْ نشِّينْ نخْضَا أَكِيذكْ.
JER 14:21 وَارْ ذ أَنغْ سّحْقَارَا شَا ذِي طّْوعْ ن يِيسمْ نّشْ، وَارْ سّحْقَارَا ڒْعَارْشْ ن ؤُعُودْجِي نّشْ. إِذَارْ أَنغْ، وَارْ ثَارژَّا ڒْعَاهْذْ إِ كِيذْنغْ ثڭِّيذْ!
JER 14:22 مَا أَقَا ذِينْ جَارْ [لْ-أَصْنَامْ] إِبطّْڒنْ ن ڒڭْنُوسْ [لْ-أَصْنَامْ] نِّي إِزمَّارنْ أَذْ وْشنْ أَنْژَارْ، نِيغْ شَّاثنْ إِجنْوَانْ س ونْژَارْ س سِيمَانْثْ نْسنْ؟ مَا وَارْ إِدْجِي ذ شكْ، [أَ] سِيذِي، أَربِّي نّغْ؟ س ؤُينِّي أَذْ شكْ نْرَاجَا، مَاغَارْ شكْ إِ إِتّڭّنْ مَارَّا أَيَا.“
JER 15:1 إِنَّا أَيِي سِيذِي: ”وَاخَّا مَاڒَا إِبدّْ مُوسَا ذ شَامْوِيلْ زَّاثْ إِ وُوذمْ إِنُو، عَاذْ وَارْ إِتِّيڒِي ڒعْمَارْ إِنُو أَكْ-ذ ڒْڭنْسْ-أَ. سِيڭّْوجْ إِ-ثنْ زِي زَّاثْ ن وُوذمْ إِنُو، أجّْ إِ-ثنْ أَذْ ؤُيُورنْ.
JER 15:2 خْمِي ذ أَشْ إِ غَا إِنِينْ: ’مَانِي غَا نُويُورْ؟‘، [خنِّي] أَذْ أَسنْ ثِينِيذْ: ’أَمُّو إِ إِقَّارْ سِيذِي: وِي [إِدْجَانْ] إِ ڒْموْثْ، غَارْ ڒْموْثْ، وِي [إِدْجَانْ] إِ سِّيفْ، غَارْ سِّيفْ، وِي [إِدْجَانْ] إِ ڒَاژْ، غَارْ ڒَاژْ ؤُ وِي [إِدْجَانْ] إِ ڒحْبسْ، غَارْ ڒحْبسْ!‘
JER 15:3 أَذْ ثنْ خدْجْصغْ س أَربْعَا ن وبْرِيذنْ، [أَمُّو إِ] إِقَّارْ سِيذِي: س سِّيفْ أَڒَامِي غَا تّْوَانْغنْ، س يِيطَانْ أَڒَامِي [ثنْ] جَارّنْ زڭْ وبْرِيذْ، س إِجْضَاضْ ن ؤُجنَّا ذ ڒوْحُوشْ ن ثمُّورْثْ أَڒْ غَا تّْوَاصَارْضنْ ؤُ أَذْ تّْوَاردّْدْجنْ.
JER 15:4 نشّْ أَذْ ثنْ أَرّغْ ذ [إِشْثْ ن ڒْقشْعثْ ن] ؤُنخْڒِيعْ إِ مَارَّا ثِيڭلْذِيوِينْ ن دُّونشْثْ زِي سِّيبّثْ ن مَانَاسَّا، مِّيسْ ن حِيزْقِييَا، أَجدْجِيذْ ن يَاهُوذَا، ذ أَخْڒَافْ زِي مِينْ إِڭَّا ذِي ؤُرْشَالِيمْ.“
JER 15:5 ”مَاغَارْ مَانْ ونْ ؤُمِي غَا ثزِّيدْجذْ، [أَ] ؤُرْشَالِيمْ؟ وِي ذ أَمْ إِ غَا إِسّْحِيسّْفنْ نِيغْ وِي د غَا إِفّْغنْ زڭْ وبْرِيذْ مَاحنْذْ أَذْ خَامْ إِسّقْسَا خْ ؤُمدُّورْ نّمْ؟
JER 15:6 شمْ ثْسمْحذْ ذَايِي، [أَمُّو إِ] إِقَّارْ سِيذِي، ثْذوْڒذْ غَارْ ضفَّارْ. س ؤُينِّي إِ غَا سّْوِيژّْضغْ أَفُوسْ إِنُو ضِيدّْ نّمْ ؤُشَا أَذْ شمْ أَردّْدْجغْ. نشّْ ؤُحْرغْ س ؤُحِينِّي خَاومْ.“
JER 15:7 ”نشّْ أَذْ ثنْ زُوزَّارغْ س دْجُوحْ ذِي ثوُّورَا ن ثمُّورْثْ. نشّْ كشّْضغْ إِحنْجِيرنْ زِي ڒْڭنْسْ إِنُو ؤُشَا سّْهلّْكغْ [ثنْ]. نِيثْنِي وَارْ د-ذْوِيڒنْ شَا زڭْ إِبْرِيذنْ نْسنْ [إِعفَّاننْ].
JER 15:8 ثِيجَّاڒْ نْسنْ أَذْ إِڒِينْثْ وسْعنْثْ خْ يجْذِي ن ڒبْحُورَاثْ. ذِي طّْيَا ن وَاسّْ أَذْ خَاسنْ سِّيوْضغْ إِجّْ ن ؤُمْثحَّايْ، خْ يمَّاسْ ذ ؤُحُوذْرِي. ذغْيَا أَذْ خَاسْ وْضِيغْ نشّْ س ثِيڭّْوُوذِي ذ إِنخْڒِيعنْ.
JER 15:9 ثنِّي إِ د-يُورْونْ سبْعَا ن إِحنْجِيرنْ، ثخْسِي. نتَّاثْ ثذْڒقْ إِ بُوحْبڒْ نّسْ، ثغْڒِي ثْفُوشْثْ نّسْ أَمْ إِدْجَا عَاذْ ذ وَاسّْ. نتَّاثْ ثتّْسضْحَا ؤُشَا ثتّطّفْ إِ-ت إِ-د ڒفْضِيحثْ. مِينْ إِقِّيمنْ زَّايْسنْ أَذْ ث وْشغْ إِ سِّيفْ زَّاثْ إِ وُوذمْ ن ڒْعذْيَانْ نْسنْ، [أَمُّو إِ] إِقَّارْ سِيذِي.“
JER 15:10 ”ؤُشْثْ خَافِي، يمَّا، أَقَا شمْ ثُورْوذْ أَيِي-د: إِجّْ ن ورْيَازْ ن ؤُمْشُوبّشْ، إِجّْ ن ورْيَازْ ن ؤُمنْغِي إِ مَارَّا ثَامُّورْثْ. نشّْ وَارْ ذ أَسنْثْ أَرْضْڒغْ ؤُشَا نِيثْنِي وَارْ ذ أَيِي تّتُّورْسنْ، وَاخَّا أَمنِّي مَارَّا نعّْڒنْ أَيِي.“
JER 15:11 إِنَّا سِيذِي: ”[أَهْ]، مَاڒَا نشّْ وَارْ ثڭّغْ س ثْشُونِي أَكِيذكْ، مَاڒَا نشّْ وَارْ ڭِّيغْ أَذْ شكْ إِحْشمْ ڒعْذُو ذِي ڒْوقْثْ ن ثشْثِي ثَاعفَّانْثْ ؤُ ذِي ڒْوقْثْ نْ ڒحْصَارثْ.“
JER 15:12 مَا إِزمَّارْ بْنَاذمْ أَذْ يَارْژْ ؤُزَّاڒْ، ؤُزَّاڒْ إِ د-يُوسِينْ زِي شَّامَالْ، نِيغْ نّْحَاسْ؟
JER 15:13 أَڭْڒَا نّشْ ذ ڒكْنُوزْ نّشْ أَذْ ثنْ وْشغْ ذ ثَاكشَّاضْثْ إِ ڒڭْنُوسْ، بْڒَا تَّامَانْ، زِي سِّيبّثْ ن مَارَّا دّْنُوبْ نّشْ ؤُشَا [أَيَا] ذِي مَارَّا ثَامُّورْثْ نّشْ.
JER 15:14 نشّْ أَذْ [شكْ] سّعْذُوغْ أَكْ-ذ ڒعْذُو نّشْ غَارْ إِشْثْ ن ثمُّورْثْ نِّي وَارْ ثسِّينذْ شَا، مَاغَارْ س وغْضَابْ إِنُو ثَارْغَا ثْمسِّي نِّي إِ غَا إِقِّيمنْ ثْشمّضْ ضِيدّْ نْومْ.“
JER 15:15 ”[أَ] سِيذِي، شكْ ثسّْنذْ ت، إِذَارْ أَيِي ؤُشَا ڒْهَا-د أَكِيذِي! نْثَاقمْ أَيِي زڭْ يِينِّي ذ أَيِي إِضفَّارنْ! وَارْ ذ أَيِي تّكّسْ، مِينْزِي غَاركْ تَّاسِيعْ ن ڒْخَاضَارْ أَطَّاسْ. سّنْ أَقَا نشّْ أَذْ خَاكْ كْسِيغْ ڒْعَارْ ذِي طّْوعْ نّشْ.
JER 15:16 ؤُمِي تّْوَافنْ وَاوَاڒنْ نّشْ، شِّيغْ ثنْ ذغْيَا. أَوَاڒْ نّشْ ثُوغَا-ث إِ نشّْ ذ أَرْشُوقْ ذ ڒفْرَاحثْ إِ وُوڒْ إِنُو مَاغَارْ إِتّْوَابَارّحْ إِسمْ نّشْ ذِي ثِيوَا إِنُو، [أَ] سِيذِي، أَربِّي ن ڒْعسْكَارَاثْ.
JER 15:17 نشّْ وَارْ تّْغِيمِيغْ شَا ذڭْ وڭْرَاوْ ن يِينِّي إِسْثهْزَانْ، وَارْ نڭّْزغْ س ڒفْرَاحثْ. زِي سِّيبّثْ ن ؤُفُوسْ نّشْ تّْغِيمِيغْ وحّْذِي، مَاغَارْ ثشُّورذْ أَيِي س وسْخضْ نّشْ.
JER 15:18 مَايمِّي ڒحْرِيقْ إِنُو إِدَّارْ ڒبْذَا ؤُ مَايمِّي وَارْ إِزمَّارْ ؤُيزِّيمْ إِنُوعمَّارْصْ أَذْ إِڭّنْفَا، مَا نتَّا يُوڭِي أَذْ إِڭّنْفَا؟ مَا س ثِيذتّْ أَقَا شكْ أَمْ وَامَانْ إِنْهوْڒنْ إِنِّي وَارْ ذِي إِدْجِي ڒَامَانْ؟“
JER 15:19 ”س ؤُيَا، أَمُّو إِ إِقَّارْ سِيذِي: ’مَاڒَا شكْ ثْذوْڒذْ-د، نشّْ أَذْ شكْ أَرّغْ أَذْ د-ثْذوْڒذْ ؤُ أَذْ ثْبدّذْ زَّاثْ إِ وُوذمْ إِنُو. مَاڒَا ثسِّيوْڒذْ مِينْ إِغْڒَانْ ذڭْ ومْشَانْ ن مِينْ وَارْ إِسكّْوِينْ وَالُو، [خنِّي] أَذْ ثِيڒِيذْ أَمْ ؤُقمُّومْ إِنُو. أجّْ إِ-ثنْ أَذْ غَاركْ د-ذوْڒنْ، مَاشَا شكْ وَارْ ثْزمَّارذْ أَذْ غَارْسنْ د-ثْذوْڒذْ.
JER 15:20 مَاغَارْ نشّْ أَذْ شكْ ڭّغْ إِ ڒْڭنْسْ-أَ ذ ڒْحِيضْ إِمثْننْ ن نّْحَاسْ. أَذْ كِيذكْ مّنْغنْ، [مَاشَا] نِيثْنِي وَارْ زمَّارنْ أَذْ شكْ أَرنْينْ، مَاغَارْ نشّْ أَكِيذكْ حِيمَا أَذْ شكْ سّْنجْمغْ ؤُ حِيمَا أَذْ شكْ فكّغْ، [أَمُّو إِ] إِقَّارْ سِيذِي.
JER 15:21 نشّْ أَذْ شكْ فكّغْ زڭْ ؤُفُوسْ ن إِعفَّاننْ ؤُ نشّْ أَذْ شكْ فْذِيغْ زڭْ ومْنَاعْ ن أَيْثْ ن بُو-ڒخْشُونثْ.“
JER 16:1 يُوسَا-د غَارِي وَاوَاڒْ ن سِيذِي، إِنَّا:
JER 16:2 ”وَارْ تَّاوِي ثَامْغَارْثْ إِ يِيخفْ نّشْ ؤُ وَارْ غَاركْ تِّيڒِينْ إِحنْجِيرنْ ذ ثْحنْجِيرِينْ ذڭْ ومْشَانْ-أَ،
JER 16:3 مَاغَارْ أَمُّو إِ إِقَّارْ سِيذِي خْ إِحنْجِيرنْ ذ ثْحنْجِيرِينْ إِ د غَا إِتّْوُورْونْ ذڭْ ومْشَانْ-أَ ؤُ خْ يمَّاثْسنْ إِ ثنْ د-يُورْونْ ؤُ خْ بَابَاثْسنْ إِ ثنْ د-إِجِّينْ ذِي ثمُّورْثْ-أَ:
JER 16:4 ’نِيثْنِي أَذْ مّْثنْ سْ  إِبْرِيذنْ إِوْعَارنْ أَطَّاسْ، وَارْ خَاسنْ شطّنْ ؤُ وَارْ ثنْ نطّْڒنْ، نِيثْنِي أَذْ ذوْڒنْ ذ ڒغْبَارْ إِ وُوذمْ ن ثمُّورْثْ ؤُشَا أَذْ تّْوَاغزّنْ س سِّيفْ ذ ڒَاژْ، ؤُ ڒْخشْبَاثْ نْسنْ أَذْ ذوْڒنْثْ ذ مَاشَّا إِ إِجْضَاضْ ن ؤُجنَّا ؤُ إِ ڒوْحُوشْ ن ڒخْڒَا.‘ “
JER 16:5 ”مَاغَارْ أَمُّو إِ إِقَّارْ سِيذِي: ’وَارْ تَّاذفْ غَارْ إِشْثْ ن ثَادَّارْثْ ن وشْضَانْ ؤُ وَارْ شَّاثْ أَڭجْذُورْ، وَارْ أَرحّمْ، مَاغَارْ نشّْ كّْسغْ ڒهْنَا إِنُو خْ ڒْڭنْسْ-أَ، ثَامخْسِيوْثْ إِنُو إِشوَّارنْ ذ أَرّحْمثْ، [أَمُّو إِ] إِقَّارْ سِيذِي.‘
JER 16:6 إِمقّْرَاننْ ذ إِمژْيَاننْ أَذْ مّْثنْ ذِي ثمُّورْثْ-أَ. وَارْ ثنْ نطّْڒنْ، وَارْ خَاسنْ شَّاثنْ أَڭجْذُورْ، وَارْ خبّْشنْ إِخفْ نْسنْ نِيغْ أَذْ سّْقُوشَّارنْ إِخفْ نْسنْ ذِي طّْوعْ نْسنْ.
JER 16:7 وَارْ ذ أَسنْ إِتّْوَارْژْ وغْرُومْ زِي سِّيبّثْ ن وشْضَانْ حِيمَا أَذْعزَّانْ شَا ن يِيجّنْ خْ إِجّْ ن ؤُمتِّي، ؤُ وَارْ ذ أَسنْ تِّيشنْ أَذْ سْونْ زڭْ ؤُغَارَّافْ ن ؤُعزِّي خْ بَابَاسْ نِيغْ يمَّاسْ.
JER 16:8 وَارْ تَّاذفْ غَارْ ثَادَّارْثْ مَانِي تّڭّنْ زَّارْذثْ مَاحنْذْ أَذْ ثقِّيمذْ غَارْسنْ إِ مَاشَّا ذ ثْسسِّيثْ.
JER 16:9 مَاغَارْ أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: خْزَارْ، نشّْ أَذْ سّْبدّغْ زَّاثْ إِ ثِيطَّاوِينْ نْومْ ذڭْ ومْشَانْ-أَ ثْمِيجَّا ن وَارْشَاقْ ذ ثْمِيجَّا ن ڒفْرَاحثْ، ثْمِيجَّا ن مُوڒَايْ ذ ثْمِيجَّا ن ثسْڒِيثْ.“
JER 16:10 ”خْمِي غَا ثْبَارّْحذْ مَارَّا أَوَاڒنْ-أَ إِ ڒْڭنْسْ-أَ ؤُشَا نِيثْنِي أَذْ سّقْسَانْ: ’مَايمِّي إِقَّارْ سِيذِي مَارَّا ڒْغَارْ-أَ أَمقّْرَانْ خَانغْ ؤُ مِينْ [إِدْجَانْ] ذ لْجَارِيمَا نّغْ ؤُ مِينْ إِدْجَانْ ذ دّنْبْ نّغْ إِ نڭَّا نشِّينْ أَكْ-ذ سِيذِي، أَربِّي نّغْ؟‘،
JER 16:11 [خنِّي] أَذْ أَسنْ ثِينِيذْ: ’مَاغَارْ ڒجْذُوذْ نْومْ سمْحنْ ذَايِي، [أَمُّو إِ] إِقَّارْ سِيذِي، ؤُشَا ؤُيُورنْ أَوَارْنِي إِ إِربِّيثنْ نّغْنِي ؤُشَاعبْذنْ ؤُ سجْذنْ أَسنْ، [مَاشَا] سمْحنْ ذَايِي ؤُ وَارْ حْضِينْ شَّارِيعَا إِنُو.
JER 16:12 ؤُ كنِّيوْ سِيمَانْثْ نْومْ ثڭِّيمْ مَاهُو خْ ڒجْذُوذْ نْومْ، مِينْزِي خْزَارْ، كُوڒْ  إِجّْ زَّايْومْ إِضَافَّارْ ڒقْسَاحثْ ن وُوڒْ نّسْ أَعفَّانْ، أَڒَامِي كنِّيوْ وَارْ د غَارِي ثسْڒِيمْ [قَاعْ].
JER 16:13 س ؤُينِّي أَذْ كنِّيوْ حجَّارغْ غَارْ بَارَّا زِي ثمُّورْثْ-أَ غَارْ إِشْثْ ن ثمُّورْثْ إِ وَارْ ثسِّينمْ كنِّيوْ ؤُڒَا ذ ڒجْذُوذْ نْومْ، ؤُشَا ذِينِّي إِ غَا ثْعبْذمْ إِربِّيثنْ نّغْنِي، أَسّْ ذ دْجِيڒثْ، مِينْزِي نشّْ وَارْ غَارْومْ د-تَّارْزِيفغْ عَاذْ س شَا ن ڒْخَاضَارْ.‘ “
JER 16:14 ”س ؤُيَا، خْزَارْ، أَذْ د-أَسنْ وُوسَّانْ، [أَمُّو إِ] إِقَّارْ سِيذِي، نِّي ذِي وَارْ قَّارنْ عَاذْ: ’س ثِيذتّْ أَمْ إِدَّارْ سِيذِي إِ د إِسُّوفّْغنْ أَيْثْ ن إِسْرَائِيل زِي مِيصْرَا!‘
JER 16:15 مَاشَا: ’س ثِيذتّْ أَمْ إِدَّارْ سِيذِي ونِّي د-إِسُّوفّْغنْ أَيْثْ ن إِسْرَائِيل زِي ثمُّورْثْ ن شَّامَالْ ؤُ زِي مَارَّا ثِيمُّورَا مَانِي خَاسنْ يُوژّڒْ!‘ مِينْزِي نشّْ أَذْ ثنْ أَرّغْ غَارْ ثمُّورْثْ نِّي وْشِيغْ إِ ڒجْذُوذْ نْسنْ.
JER 16:16 خْزَارْ، نشّْ أَذْ سّكّغْ أَطَّاسْ ن إِنيْمَارنْ ن إِسڒْمَانْ، [أَمُّو إِ] إِقَّارْ سِيذِي، إِنِّي ثنْ إِ غَا يْمَارنْ، ؤُ خنِّي أَذْ سّكّغْ أَطَّاسْ ن إِنيْمَارنْ نِّي خَاسنْ إِ غَا يَاژّْڒنْ زِي مْكُوڒْ أَذْرَارْ ؤُ زِي مْكُوڒْ ثَاوْرِيرْثْ ؤُ زڭْ إِفدْجِيقنْ جَارْ ڒجْرُوفْ.
JER 16:17 مَاغَارْ ثِيطَّاوِينْ إِنُو تّْوَاڒَانْثْ مَارَّا إِبْرِيذنْ نْسنْ، نِيثْنِي وَارْ زمَّارنْ أَذْ زَّايِي نُّوفَّارنْ ؤُشَا ڒْمُوعْصِييّثْ نْسنْ وَارْ ثْزمَّارْ أَذْ ثنُّوفَّارْ زَّاثْ إِ ثِيطَّاوِينْ إِنُو.
JER 16:18 أَمزْوَارْ أَذْ خڒْفغْ س ؤُضفُّوسْ [مَارَّا] ڒْمُوعْصِييّثْ نْسنْ ذ مَارَّا دّْنُوبْ نْسنْ، مِينْزِي نِيثْنِي سّْعِيدْجْثنْ ثَامُّورْثْ إِنُو. نِيثْنِي شُّورنْ ثَاسْغَارْثْ إِنُو س ڒْخشْبَاثْ ن نّْعَاوَاثْ ن لْ-أَصْنَامْ نْسنْ ؤُ س جّْعَايفْ نْسنْ.“
JER 16:19 ”[أَ] سِيذِي، شكْ ذ جّهْذْ إِنُو ذ لْبُورْجْ إِنُو ذ أَمْشَانْ إِنُو ن ثَاروْڒَا ذڭْ وَاسّْ ن ڒحْصَارثْ. أَذْ غَاركْ د-أَسنْ ڒڭْنُوسْ زڭْ إِنڭُّورَا ن دُّونشْثْ، أَذْ إِنِينْ: ’ثَاسْغَارْثْ نِّي طّْفنْ ڒجْذُوذْ نّغْ، [ذَايسْ مْغِيرْ] أَشْمَاثْ ذ [أَعْبذْ ن لْ-أَصْنَامْ] إِبطِّيڒنْ، ثِيمسْڒَايِينْ إِ وَارْ إِنفّْعنْ.‘
JER 16:20 مَا إِزمَّارْ بْنَاذمْ أَذْ إِڭّْ إِربِّيثنْ إِ يِيخفْ نّسْ؟ نِيثْنِي وَارْ دْجِينْ ذ إِربِّيثنْ.
JER 16:21 س ؤُيَا، خْزَارْ، ثْوَاڒَا-يَا نشّْ أَذْ ثنْ أَرّغْ أَذْ شهْذنْ، أَذْ ثنْ أَرّغْ أَذْ سّْننْ أَفُوسْ إِنُو ذ جّهْذْ إِنُو، ؤُشَا [خنِّي] أَذْ سّْننْ بلِّي إِسمْ إِنُو ’سِيذِي‘.“
JER 17:1 ”إِتّْوَاخْبشْ دّنْبْ ن يَاهُوذَا س بْلُومَا ن وُوزَّاڒْ، س ثْخفْثْ ن إِجّْ ن ؤُمسْمِيرْ ذِي ثڒْوِيحْثْ ن وُوڒْ نْسنْ ؤُ ذڭْ وَاشَّاونْ ن إِعَالْطَارنْ نّشْ.
JER 17:2 أَمْ مَامّشْ تِّيذَارنْ ثَارْوَا نْسنْ، تِّيذَارنْ نِيثْنِي ؤُڒَا ذ إِعَالْطَارنْ نْسنْ ذ ثْربِّينْ نْسنْ ن شْوَارْثِي غَارْ ثْشجُّورَا ثِيزِيزَاوِينْ خْ ثوْرِيرِينْ يُوعْڒَانْ.
JER 17:3 أَذْرَارْ إِنُو ذڭْ إِيَّارْ ذ وَاڭْڒَا نّشْ ذ مَارَّا ڒكْنُوزْ نّشْ أَذْ ثنْ وْشغْ ذ ثَاكشَّاضْثْ، ؤُڒَا ذ ڒڭْعُوذِي نّشْ [مَانِي ثتّْوهّْبذْ دّْبَايحْ]، زِي سِّيبّثْ ن دّْنُوبْ ذِي مَارَّا ثَامُّورْثْ نّشْ.
JER 17:4 [خنِّي] أَذْ ثَارْخُوذْ زِي ثسْغَارْثْ نّشْ نِّي ذ أَشْ وْشِيغْ ؤُ مَانْ أَيَا زِي سِّيبّثْ ن [دّْنُوبْ ن] يِيخفْ نّشْ. نشّْ أَذْ شكْ ڭّغْ ذ إِسْمغْ ن ڒْعذْيَانْ نّشْ ذڭْ إِشْثْ ن ثمُّورْثْ إِ وَارْ ثسِّينذْ شَا، مَاغَارْ كنِّيوْ ثَارِّيمْ إِشْثْ ن ثْمسِّي أَذْ ثْسَارغْ وغْضَابْ إِنُو نِّي إِ غَا إِقِّيمنْ إِشمّضْ إِ ڒبْذَا.“
JER 17:5 ”أَمُّو إِ إِقَّارْ سِيذِي: ’أَذْ إِتّْوَانْعڒْ ورْيَازْ نِّي إِتّْشَاڒنْ خْ بْنَاذمْ ؤُشَا إِڭَّا دَّاثْ ذ ؤُغِيڒْ نّسْ [إِ خفْ إِتّْعمّذْ]، ؤُ ونِّي ؤُڒْ نّسْ إِحيّذْ خْ سِيذِي.
JER 17:6 س مِينْزِي أَذْ يِيڒِي ذ ڒْعرْعَارْ ذِي ڒخْڒَا، ونِّي وَارْ إِتَّاشَانْ خْ مِينِّي د غَا يَاسْ مِينْ إِشْنَانْ، ذ ونِّي إِ غَا إِقِّيمنْ ذڭْ إِمُوشَانْ إِتّْوَاشمْضنْ س ڒحْمُو ذِي ڒخْڒَا، ذڭْ إِشْثْ ثمُّورْثْ ثَامدْجَاحْثْ وَارْ إِزْذِيغنْ.
JER 17:7 أَذْ إِتّْوَابَاركْ ورْيَازْ نِّي إِتّْشَاڒنْ خْ سِيذِي ذ ونِّي إِڭِّينْ سِيذِي ذ ڒَامَانْ نّسْ.
JER 17:8 أَذْ يِيڒِي أَمْ ثْشجَّارْثْ إِ إِتّْوَاژُّونْ غَارْ ثِيغزْرَاثِينْ ن وَامَانْ، ثنِّي إِوْثِينْ إِژوْرَانْ نّسْ غَارْ ثغْزَارْثْ. وَارْ ثسِّينْ شَا مڒْمِي د غَا يَاسْ ڒهْمُو ؤُ ثِيفْرَايْ نّسْ أَذْ قِّيمنْثْ ذ ثِيزِييْزَاوِينْ. ذڭْ إِجّْ ن ؤُسڭّْوَاسْ ن ڒَاژَاغْ وَارْ ثتِّيسْڒِيوْ شَا ؤُشَا وَارْ ثتّْبذِّي أَذْ ثكْسِي ڒْغِيدْجثْ نّسْ.‘ “
JER 17:9 ”ؤُڒْ ذ أَغدَّارْ سنّجْ خْ كُوڒْشِي، وَارْ إِزمَّارْ أَذْ إِڭّنْفَا، وِي إِزمَّارنْ أَذْ ث إِسّنْ؟
JER 17:10 نشّْ، سِيذِي، أَرزُّوغْ ذڭْ وُوڒْ ؤُ تّْجَارَّابغْ ثِيژَّاڒْ، حِيمَا أَذْ خدْجْصغْ كُوڒْ إِجّْ عْلَاحْسَابْ ثِيبْرِيذِينْ نّسْ، عْلَاحْسَابْ ڒْغِيدْجثْ ن ثْمڭَّا نّسْ.
JER 17:11 أَمْ إِشْثْ ن ثْسكُّورْثْ إِ إِسّْڭُوطّْينْ خْ [ثْمدْجَاڒِينْ] نِّي وَارْ د-ثُورُووْ، أَمُّو إِ إِدْجَا ونِّي إِڭِّينْ أَڭْڒَا، [مَاشَا] وَارْ إِدْجِي س ڒْحقّْ. ذِي ڒْوسْطْ ن وُوسَّانْ نّسْ إِتّْخصَّا أَذْ ذَايْسنْ إِسْمحْ ؤُ غَارْ ؤُنڭَّارُو نّسْ أَذْ إِذْوڒْ ذ أَبُوهَاڒِي.“
JER 17:12 ”إِجّْ ن ڒْعَارْشْ إِڭْذَارنْ س ؤُعُودْجِي، يُوعْڒَانْ أَطَّاسْ زڭْ ؤُمزْوَارُو، [أَمُّو إِ يدْجَا] أَمْشَانْ ن زَّاوشْثْ نّغْ إِقدّْسنْ.
JER 17:13 [شكْ] ذ ڒَايَاسْ ن إِسْرَائِيل، [أَ] سِيذِي، مَارَّا إِنِّي خَاكْ إِحيّْذنْ، أَذْ نْفضْحنْ. إِنِّي خَافِي إِحيّْذنْ، أَذْ ثْوَارِينْ [إِسْمَاونْ نْسنْ] ذڭْ ؤُشَاڒْ، مَاغَارْ نِيثْنِي سمْحنْ ذِي سِيذِي، ڒْعُونْصَارْ ن وَامَانْ إِدَّارنْ.
JER 17:14 سْڭنْفَا أَيِي، سِيذِي، [خنِّي] أَذْ ڭّنْفِيغْ، سنْجمْ أَيِي، [خنِّي] أَذْ تّْوَاسّْنجْمغْ، مَاغَارْ شكْ ذ إِزْڒِي ن ؤُصبّحْ إِنُو.
JER 17:15 خْزَارْ، نِيثْنِي قَّارنْ أَيِي: ’مَانِي إِدْجَا وَاوَاڒْ ن سِيذِي؟ أجّْ إِ-ث أَذْ د-إِخشّْ!‘
JER 17:16 نشّْعمَّارْصْ وَارْ حْصَارغْ إِخفْ إِنُو مَاحنْذْ أَذْ إِڒِيغْ ذ أَمكْسَاوْ أَوَارْنِي أَشْ، وَارْ مژْرِيغْ غَارْ وَاسّْ ن أَرْژِييّثْ. شكْ ثسّْنذْ ث: مِينْ إِ ذ أَيِي د-يُوسِينْ خْ إِينْشِيشنْ إِنُو، إِفّغْ-د زَّاثْ إِ ثِيطَّاوِينْ نّشْ.
JER 17:17 وَارْ ذ أَيِي سْنخْڒِيعْ شَا، شكْ ذ أَذُورِّي إِنُو ذڭْ وَاسّْ ن ڒْغَارْ.
JER 17:18 أجّْ إِنِّي ذ أَيِي إِضَافَّارنْ أَذْ نْفضْحنْ، مَاشَا وَارْ ذ أَيِي تّجِّي أَذْ نْفضْحغْ، أجّْ إِ-ثنْ أَذْ نْخڒْعنْ، مَاشَا وَارْ ذ أَيِي تّجِّي أَذْ نْخڒْعغْ. سِيوضْ-د خَاسنْ أَسّْ ن ڒْغَارْ ؤُشَا أَرْژْ إِ-ثنْ س إِشْثْ ن ثَارژِّيثْ س وضْفَاسْ.“
JER 17:19 ”أَمُّو إِ غَارِي د-إِسِّيوڒْ سِيذِي: ’ؤُيُورْ ؤُشَا بدّْ ذِي ثوَّارْثْ ن إِحنْجِيرنْ ن ڒْڭنْسْ، [ثَاوُّورْثْ] إِ زِي تَّاذْفنْ إِجدْجِيذنْ ن يَاهُوذَا ؤُ إِ زِي د-تّفّْغنْ نِيثْنُو، ؤُ [أڭّْ أَمُّو ؤُڒَا] ذِي مَارَّا ثِيوُّورَا ن [ثنْذِينْثْ] ؤُرْشَالِيمْ
JER 17:20 ؤُشَا إِنِي أَسنْ: سْڒمْ إِ وَاوَاڒْ ن سِيذِي، كنِّيوْ إِجدْجِيذنْ ن يَاهُوذَا ذ مَارَّا يَاهُوذَا ذ مَارَّا إِمزْذَاغْ ن ؤُرْشَالِيمْ إِنِّي إِتَّاذْفنْ زِي ثوُّورَا-يَا.‘
JER 17:21 أَمُّو إِ إِقَّارْ سِيذِي: ’حْضَامْ خْ إِخفْ نْومْ أَذْ ثَارْبُومْ ڒحْمڒْ ذڭْ وَاسّْ ن سّبْثْ ؤُ أَذْ ث ثسِّيذْفمْ زِي ثوُّورَا ن ؤُرْشَالِيمْ!
JER 17:22 ذڭْ وَاسّْ ن سّبْثْ وَارْ ثسُّوفُّوغمْ شَا ؤُڒَا ذ إِجّْ ن ڒحْمڒْ زِي ثُوذْرِينْ نْومْ ؤُ وَارْ ثتّڭّمْ ؤُڒَا ذ إِشْثْ ن ڒْخذْمثْ. كنِّيوْ أَذْ ثسّْقدّْسمْ أَسّْ ن سّبْثْ أَمْ مَامّشْ وصِّيغْ بَابَاثْومْ.‘
JER 17:23 [مَاشَا] نِيثْنِي وَارْ سْڒِينْ شَا ؤُ وَارْ ذ أَيِي وْشِينْ أَمزُّوغْ نْسنْ، نِيثْنِي [مَاشَا]غنَّانْ أَيِي، مَاحنْذْ وَارْ سْڒِينْ ؤُ وَارْ كْسِينْ أَودّبْ.“
JER 17:24 ”مَاڒَا ثسْڒِيمْ-د غَارِي مْلِيحْ، [أَمُّو إِ] إِقَّارْ سِيذِي، أَذْ يِيڒِي ڒَامِي وَارْ ثسِّيذْفمْ ڒحْمڒْ زِي ثوُّورَا ن ثنْذِينْثْ-أَ ؤُ ڒَامِي إِ غَا ثسّْقدّْسمْ أَسّْ ن سّبْثْ، وَارْ ذَايسْ ثتّڭّمْ ؤُڒَا ذ إِشْثْ ن ڒْخذْمثْ،
JER 17:25 [خنِّي] أَذْ أَذْفنْ إِجدْجِيذنْ ذ ڒْحُوكَّامْ نِّي إِقِّيمنْ خْ ڒْعَارْشْ ن ذَاوُوذْ زِي ثوُّورَا ن ثنْذِينْثْ-أَ، أَمْ ندّْهنْ إِكَارُّوثنْ ذ إِيْسَانْ، نِيثْنِي ذ ڒْحُوكَّامْ نْسنْ، إِرْيَازنْ ن يَاهُوذَا ذ إِمزْذَاغْ ن ؤُرْشَالِيمْ. [خنِّي] ثَانْذِينْثْ-أَ أَذْ ذَايسْ قِّيمنْ زدّْغنْ إِمزْذَاغْ نّسْ إِ ڒبْذَا.
JER 17:26 نِيثْنِي أَذْ د-أَسنْ زِي ثْندَّامْ ن يَاهُوذَا ؤُ زِي جّْوَايهْ إِ د-إِنّْضنْ إِ ؤُرْشَالِيمْ، ؤُ زِي ثمُّورْثْ ن بِينْيَامِينْ، ؤُ زِي ثمُّورْثْ إِوَاطَانْ، زِي ثمُّورْثْ ن إِذُورَارْ ؤُ زِي لْجَانُوبْ، نِيثْنِي أَذْ أَوْينْ ثَاغَارْصْثْ ن وشْمَاضْ ذ صّذْقثْ ن ثْغَارْصْثْ ذ ثوْهِيبْثْ [ن ڒْغِيدْجثْ] ذ جَّاوِي ؤُشَا أَذْ أَوْينْ ثَاوْهِيبْثْ ن ؤُقَاذِي ذِي ثَادَّارْثْ ن سِيذِي.
JER 17:27 [مَاشَا] مَاڒَا كنِّيوْ وَارْ غَارِي ثتّسْڒِيمْ حِيمَا أَذْ ثسّْقدّْسمْ أَسّْ ن سّبْثْ ؤُ حِيمَا أَذْ ثَاذْفمْ زِي ثوُّورَا ن ؤُرْشَالِيمْ س إِجّْ ن ڒحْمڒْ ذڭْ وَاسّْ ن سّبْثْ، [خنِّي] نشّْ أَذْ سَّارْغغْ إِشْثْ ن ثْمسِّي ذِي ثوُّورَا نّسْ نِّي إِ غَا إِشّنْ ڒقْصُورْ ن ؤُرْشَالِيمْ ؤُ وَارْ ڭُّورْعمَّارْصْ أَذْ ثخْسِي.“
JER 18:1 أَوَاڒْ نِّي د-يُوسِينْ زِي سِيذِي غَارْ إِرْمِييَا، إِنَّا:
JER 18:2 ”كَّارْ، هْوَا غَارْ ثَادَّارْثْ ن بُو-ثْڒَاخْثْ. ذِينِّي إِ غَا جّغْ أَوَاڒنْ إِنُو أَذْ تّْوَاسْڒنْ.“
JER 18:3 [خنِّي] هْوِيغْ غَارْ ثَادَّارْثْ ن بُو-ثْڒَاخْثْ، ؤُشَا خْزَارْ، ؤُفِيغْ ث إِخدّمْ إِشْثْ ن ڒْقشْعثْ خْ إِژْرَا [إِتّنّْضنْ].
JER 18:4 مَاڒَا إِخْسَارْ ؤُغَارَّافْ نِّي ثُوغَا إِتّڭّْ زِي ثْڒَاخْثْ نِّي إِدْجَانْ ذڭْ ؤُفُوسْ ن بُو-ثْڒَاخْثْ، نتَّا إِڭَّا زَّايسْ عَاوذْ إِجّْ ن ؤُغَارَّافْ نّغْنِي، أَمْ مَامّشْ ذ أَسْ إِتّْغِيڒْ ذ لمْلِيحْ إِ بُو-ثْڒَاخْثْ مَاحنْذْ أَذْ ث إِڭّْ.
JER 18:5 [خنِّي] يُوسَا-د غَارِي وَاوَاڒْ ن سِيذِي، إِنَّا:
JER 18:6 ”مَا وَارْ زمَّارغْ نشّْ أَذْ ڭّغْ أَكِيذْومْ أَمْ بُو-ثْڒَاخْثْ وَانِيثَا، [أَ] ثَادَّارْثْ ن إِسْرَائِيل، [أَمُّو إِ] إِقَّارْ سِيذِي. خْزَارْ، أَمْ ثْڒَاخْثْ ذڭْ ؤُفُوسْ ن بُو-ثْڒَاخْثْ، أَمُّو إِ ثدْجَامْ ذڭْ ؤُفُوسْ إِنُو، [أَ] ثَادَّارْثْ ن إِسْرَائِيل!
JER 18:7 إِشْثْ ن ثْوَاڒَا أَذْ سِّيوْڒغْ خْ إِجّْ نْ ڒْڭنْسْ ؤُ خْ إِشْثْ ن ثْڭلْذِيثْ أَقَا أَذْ [ث] قڒْعغْ، أَذْ [ث] هذْمغْ ؤُ أَذْ [ث] ثحِّيغْ،
JER 18:8 [مَاشَا] مَاڒَا ڒْڭنْسْ نِّي أَذْ د-إِذْوڒْ زِي ثُوعفّْنَا نّسْ إِ خْ سِّيوْڒغْ [أَكِيذْسنْ]، [خنِّي] أَذْ نذْمغْ زِي ڒْغَارْ إِ ثُوغَا نْوِيغْ أَذْ أَسْ ث ڭّغْ.
JER 18:9 إِشْثْ ن ثْوَاڒَا نّغْنِي أَذْ سِّيوْڒغْ خْ إِجّْ نْ ڒْڭنْسْ ؤُ خْ إِشْثْ ن ثْڭلْذِيثْ بلِّي أَذْ [ث] سّْبدّغْ ؤُ أَذْ [ث] ژُّوغْ،
JER 18:10 [مَاشَا] مَاڒَا أَذْ يڭّْ مِينْ إِدْجَانْ ذ أَعفَّانْ ذِي ثِيطَّاوِينْ إِنُو ؤُمِي وَارْ تّسْڒِينْ غَارْ ثْمِيجَّا إِنُو، [خنِّي] أَذْ نذْمغْ خْ مِينْ إِشْنَانْ إِ نِّيغْ أَذْ كِيذْسنْ ث ڭّغْ.
JER 18:11 خنِّي ڒخُّو، سِيوڒْ أَكْ-ذ إِرْيَازنْ ن يَاهُوذَا ؤُ أَكْ-ذ إِمزْذَاغْ ن ؤُرْشَالِيمْ، إِنِي: ’أَمُّو إِ إِقَّارْ سِيذِي: خْزَارْ، نشّْ سّْوجْذغْ إِجّْ نْ ڒْغَارْ ضِيدّْ نْومْ ؤُ نشّْ تّْخَارَّاصغْ ذڭْ إِجّْ ن ونْوَايْ خَاومْ. ذوْڒمْ-د خنِّي، كُوڒْ إِجّْ زڭْ وبْرِيذْ نّسْ أَعفَّانْ، ؤُعذْڒمْ إِبْرِيذنْ نْومْ ذ ثْمڭَّا نْومْ.‘
JER 18:12 مَاشَا نِيثْنِي قَّارنْ: ’ڒَْايَاسْ وَالُو! نشِّينْ أَذْ نضْفَارْ إِنْوَاينْ [ن يِيخفْ] نّغْ ؤُشَا أَذْ نڭّْ كُوڒْ إِجّْ عْلَاحْسَابْ ڒقْسَاحثْ ن وُوڒْ نّسْ!‘ “
JER 18:13 ”س ؤُيَا، أَمُّو إِ إِقَّارْ سِيذِي: ’سقْسَامْ ڒڭْنُوسْ، مَانْ ونْ إِسْڒِينْ [عمَّارْصْ] أَمْ وَا؟ ثَاعْزَارشْثْ إِسْرَائِيل ثڭَّا إِجّْ ن نّْعِي ذ أَمقّْرَانْ.
JER 18:14 مَا أَذْ إِحيّذْعمَّارْصْ وذْفڒْ ن لُوبْنَانْ زڭْ إِشْثْ ن ثصْضَارْثْ ذڭْ إِيَّارْ؟ مَا أَذْ أَژْغنْ [عمَّارْصْ] وَامَانْ إِتّْبُوقْبُوقنْ، إِسمَّاضنْ إِتَّازّْڒنْ؟
JER 18:15 مَاشَا وَاخَّا أَمنِّي إِتُّو أَيِي ڒْڭنْسْ إِنُو. نِيثْنِي تَّاوْينْ ثِيوْهِيبِينْ ن ڒبْخُورْ إِ [لْ-أَصْنَامْ] إِبطّْڒنْ إِنِّي ثنْ إِجِّينْ أَذْ نّْقَارْضنْ ذڭْ إِبْرِيذنْ نْسنْ، ذِي جُّورَاثْ ن وشْحَاڒْ ؤُيَا، مَاحنْذْ أَذْ ؤُيُورنْ ذڭْ إِزُوبَاقْ ن إِجّْ ن وبْرِيذْ وَارْ إِوِيطِينْ،
JER 18:16 مَاحنْذْ أَذْ أَرّنْ ثَامُّورْثْ نْسنْ ذ [إِشْثْ ن ڒْقشْعثْ ن] ؤُنخْڒِيعْ ذ ثْسضْحَاشْثْ إِ ڒبْذَا. قَاعْ ونِّي سّنِّي إِ غَا إِكّنْ، أَذْ إِنّخْڒعْ، أَذْ إِهزّْ أَزدْجِيفْ نّسْ.
JER 18:17 أَمْ ؤُسمِّيضْ ن مَانِيسْ إِ د-ثْنقَّارْ ثْفُوشْثْ أَذْ ثنْ زُوزَّارغْ زَّاثْ إِ ڒعْذُو. نشّْ أَذْ أَسنْ سّشْنغْ أَعْرُورْ، وَارْ إِدْجِي ؤُذمْ [إِنُو]، ذڭْ وَاسّْ ن ؤُهلّكْ نْسنْ.‘ “
JER 18:18 ”نِيثْنِي [مَاشَا] نَّانْ: ’أَسمْ-د، جّمْ أَنغْ أَذْ نڭّْ ثَامعْمُوتْشْ خْ إِرْمِييَا، مَاغَارْ شَّارِيعَاعمَّارْصْ أَذْ إِقْضَا غَارْ ؤُكهَّانْ، شّْوَارْ غَارْ ؤُمِيغِيسْ ؤُ أَوَاڒْ غَارْ ؤُنَابِي. أَسمْ-د، أجّْ أَنغْ أَذْ ث نوّثْ س [وَاوَاڒنْ ن] يِيڒسْ نّغْ ؤُشَا أجّْ أَنغْ وَارْ نتِّيشْ ثَايْنِيثْ إِ ؤُڒَا ذ إِجّْ زڭْ وَاوَاڒنْ إِ إِقَّارْ.‘ “
JER 18:19 ”حْضَا أَيِي، [أَ] سِيذِي، ؤُ سڒْ-د غَارْ ثْمِيجَّا ن يِينِّي أَكِيذِي إِتّْمنْغَانْ.
JER 18:20 مَا [خنِّي] أَذْ إِتّْوَاخْڒفْ مِينْ إِصبْحنْ س مِينْ وَارْ إِحْڒِينْ؟ مَاغَارْ نِيثْنِي غْزِينْ أَيِي إِشْثْ ن ثنْضتْشْ! إِذَارْ مَامّشْ بدّغْ زَّاثكْ حِيمَا أَذْ سِّيوْڒغْ ذِي ڒْخِيرْ نْسنْ، حِيمَا أَذْ خَاسنْ حيّْذغْ أَسْعَارْ نّشْ.
JER 18:21 س ؤُيَا، أوْشْ إِحنْجِيرنْ نْسنْ إِ ڒَاژْ ؤُشَا سلّمْ إِ-ثنْ إِ ثْزمَّارْ ن سِّيفْ ؤُشَا أجّْ ثِيمْغَارِينْ نْسنْ أَذْ أَسنْثْ أَشَارنْ إِحنْجِيرنْ، أَذْ ذوْڒنْثْ ذ ثِيجَّاڒْ، أجّْ إِرْيَازنْ نْسنْثْ أَذْ تّْوَانْغنْ ؤُ إِحُوضْرِييّنْ نْسنْثْ أَذْ مّْثنْ س سِّيفْ ذڭْ ؤُمنْغِي.
JER 18:22 أجّْ أَذْ ثتّْوَاسڒْ ثْغُويِّيثْ زِي ثُوذْرِينْ نْسنْ، مَاڒَا شكْ ذغْيَا ثْغضْرذْ-د خَاسنْ إِشْثْ ن بَانْذِييَّا ؤُمِي غْزِينْ إِشْثْ ن ثنْضتْشْ حِيمَا أَذْ أَيِي طّْفنْ، ؤُ سَّارْسنْ ڒفْخُوخْ إِنُّوفَّارنْ إِ إِضَارنْ إِنُو.
JER 18:23 [أَ] سِيذِي، شكْ ثسّْنذْ مَارَّا أَنْوَايْ نْسنْ مَاحنْذْ أَذْ أَيِي نْغنْ. وَارْ سْذُورِييْ ڒْمُوعْصِييّثْ نْسنْ ؤُ وَارْ محِّي دّْنُوبْ نْسنْ زَّاثْ إِ وُوذمْ نّشْ، [مَاشَا] أجّْ إِ-ثنْ أَذْ وْضَانْ زَّاثكْ. أڭّْ أَسنْ [أَمُّو] ذِي ڒْوقْثْ ن وغْضَابْ نّشْ.“
JER 19:1 أَمُّو إِ إِقَّارْ سِيذِي: ”ؤُيُورْ ؤُشَا سغْ إِجّْ ن ؤُغَارَّافْ ن ثْڒَاخْثْ ؤُشَا أَوِي [شَا زڭْ] إِمْغَارنْ ن ڒْڭنْسْ ؤُ زڭْ إِمْغَارنْ ن إِكهَّاننْ [أَكِيذكْ].
JER 19:2 فّغْ غَارْ بَارَّا غَارْ ثغْزُورْثْ ن مِّيسْ ن هِينُّومْ، ثنِّي غَارْ وَاذَافْ ن ثوَّارْثْ ن إِشقْفَانْ، ؤُشَا بَارّحْ ذِينِّي أَوَاڒنْ نِّي إِ ذ أَشْ غَا إِنِيغْ،
JER 19:3 إِنِي: ’سْڒمْ إِ وَاوَاڒْ ن سِيذِي، [أَ] إِجدْجِيذنْ ن يَاهُوذَا ذ إِمزْذَاغْ ن ؤُرْشَالِيمْ! أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: خْزَارْ، نشّْ أَذْ سِّيوْضغْ إِشْثْ ن ثشْثِي [ثَامقّْرَانْثْ] خْ ومْشَانْ-أَ، مَاحنْذْ ن مَارَّا نِّي ت غَا إِسْڒنْ، أَذْ طْنطْننْ إِمزُّوغنْ،
JER 19:4 مَاغَارْ نِيثْنِي حيّْذنْ خَافِي، أَرِّينْ أَمْشَانْ-أَ [ذ إِجّْ ن ومْشَانْ] إِ إِبَارَّانِييّنْ ؤُشَا قدّْمنْ ثِيوْهِيبِينْ ن ڒبْخُورْ إِ إِربِّيثنْ نّغْنِي نِّي وَارْ سِّيننْ، وَارْ إِدْجِي نِيثْنِي ؤُڒَا ذ إِبَابَاثنْ نْسنْ ذ إِجدْجِيذنْ ن يَاهُوذَا. نِيثْنِيعمَّارنْ أَمْشَانْ-أَ س إِذَامّنْ ن إِمزْذَاڭنْ.
JER 19:5 مِينْزِي نِيثْنِي سّْبدّنْ ڒڭْعُوذِي [مَانِي تّْوهّْبنْثْ دّْبَايحْ نْسنْ] إِ بَاعْلْ، حِيمَا أَذْ سّْشمْضنْ إِحنْجِيرنْ نْسنْ س ثْمسِّي، أَمْ ثْغَارْصَا ن وشْمَاضْ إِ بَاعْلْ، مِينْ وَارْ [ذ أَسنْ] ؤُمُورغْ ذ مِينْ وَارْ [غَارْسنْ] سِّيوْڒغْ ذ مِينْعمَّارْصْ وَارْ [ث] ڭِّيغْ ذڭْ وُوڒْ إِنُو.‘ “
JER 19:6 ”س ؤُيَا، خْزَارْ، أَذْ د-أَسنْ وُوسَّانْ، [أَمُّو إِ] إِقَّارْ سِيذِي، وَارْ ذَايْسنْ قَّارنْ عَاذْ إِ ومْشَانْ-أَ ’ثُوفَاثْ‘ نِيغْ ’ثَاغْزُورْثْ ن مِّيسْ ن هِينُّومْ‘، مَاشَا ’ثَاغْزُورْثْ ن ونْغَايْ‘.
JER 19:7 مَاغَارْ أَذْ سّْبطّْڒغْ إِنْوَاينْ ن يَاهُوذَا ذ ؤُرْشَالِيمْ ذڭْ ومْشَانْ-أَ ؤُ أَذْ ثنْغضْڒغْ زَّاثْ إِ وُوذمْ ن ڒْعذْيَانْ نْسنْ س سِّيفْ ؤُ س ؤُفُوسْ ن يِينِّي يَارزُّونْ ثُوذَارْثْ نْسنْ. نشّْ أَذْ وْشغْ ڒْخشْبَاثْ نْسنْ ذ مَاشَّا إِ إِجْضَاضْ ن ؤُجنَّا ؤُ إِ ڒْمَاڒْ ن ثمُّورْثْ.
JER 19:8 نشّْ أَذْ أَرّغْ ثَانْذِينْثْ-أَ ذ [إِشْثْ ن ڒْقشْعثْ ن] ؤُنخْڒِيعْ ذ ثْسضْحَاشْ. كُوڒْ إِجّْ ونِّي خَاسْ د غَا إِكّنْ أَذْ إِنّخْڒعْ ؤُ أَذْ إِصفَّارْ [س أَسْرُوبِي] خْ مَارَّا جّْعَايفْ نّسْ.
JER 19:9 نشّْ أَذْ أَسنْ ڭّغْ أَذْ شّنْ أَيْسُومْ ن إِحنْجِيرنْ نْسنْ ذ ويْسُومْ ن يسِّيثْسنْ. نِيثْنِي أَذْ شّنْ، كُوڒْ إِجّْ أَيْسُومْ ن جَّارْ نّسْ، ذِي [ڒْوقْثْ نِّي ذِي] غَا قُووَّارنْ إِ ثنْذِينْثْ، ذِي ڒحْصَارثْ إِ زِي ثنْ إِ غَا حْصَارنْ ڒْعذْيَانْ نْسنْ ذ يِينِّي يَارزُّونْ ثُوذَارْثْ نْسنْ.“
JER 19:10 [خنِّي] إِتّْخصَّا أَشْ أَذْ ثَارْژذْ أَغَارَّافْ جَارْ ثِيطَّاوِينْ ن يرْيَازنْ نِّي أَكِيذكْ يُويُورنْ.
JER 19:11 إِتّْخصَّا أَذْ أَسنْ ثِينِيذْ: ”أَمُّو إِ إِقَّارْ سِيذِي ن ڒْعسْكَارَاثْ: ’أَمُّو إِ غَا أَرْژغْ ڒْڭنْسْ-أَ ذ ثنْذِينْثْ-أَ، أَمْ مَامّشْ تَّارژَّانْ إِجّْ ن ؤُغَارَّافْ ن بُو-ثْڒَاخْثْ نِّي وَارْ إِزمَّارنْ أَذْ ثعذْڒنْ عَاذْ. نِيثْنِي أَذْ ثنْ نضْڒنْ ذِي ثُوفَاثْ ؤُمِي وَارْ ذِينْ إِقِّيمْ ومْشَانْ مَانِي غَا نضْڒنْ.
JER 19:12 أَمُّو إِ غَا ڭّغْ زڭْ ومْشَانْ-أَ ؤُ زڭْ إِمزْذَاغْ نّسْ، إِقَّارْ سِيذِي، حِيمَا أَذْ أَرّغْ ثَانْذِينْثْ-أَ أَمْ ثُوفَاثْ.
JER 19:13 ثُوذْرِينْ ن ؤُرْشَالِيمْ ذ ثُوذْرِينْ ن إِجدْجِيذنْ ن يَاهُوذَا أَذْ ذوْڒنْثْ خمْجنْثْ أَمْ ومْشَانْ ن ثُوفَاثْ، زِي سِّيبّثْ ن مَارَّا ثُوذْرِينْ إِ زِي خْ ثْزغْوِينْ نْسنْثْ قدّْمنْ نِيثْنِي ڒبْخُورْ إِ مَارَّا ڒْعسْكَارْ ن ؤُجنَّا ذ ثوْهِيبِينْ ن ؤُسيّبْ إِ إِربِّيثنْ نّغْنِي.‘ “
JER 19:14 ؤُمِي د-إِعْقبْ إِرْمِييَا زِي ثُوفَاثْ، مَانِي ثُوغَا ث إِسّكّْ سِيذِي مَاحنْذْ أَذْ إِنبَّا، يُويُورْ ذِي ڒمْرَاحْ ن زَّاثْ ن ثَادَّارْثْ ن سِيذِي ؤُشَا إِنَّا إِ ڒْڭنْسْ مَارَّا:
JER 19:15 ”أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’خْزَارْ، نشّْ أَذْ سِّيوْضغْ خْ ثنْذِينْثْ-أَ ؤُ خْ مَارَّا ثِيندَّامْ نّسْ مَارَّا ڒْغَارْ نِّي خْ سِّيوْڒغْ، مِينْزِي نِيثْنِي منْعنْ ثَاغنَّانْثْ أَمْ ؤُڭِينْ أَذْ سْڒنْ غَارْ وَاوَاڒنْ إِنُو.‘ “
JER 20:1 [ڒَْامِي] فَاشْحُورْ، مِّيسْ ن إِمِّيرْ، أَكهَّانْ نِّي إِتّْوَاڭّنْ ذ أَوقَّافْ أَمقّْرَانْ خْ ثَادَّارْثْ ن سِيذِي، إِسْڒَا إِ إِرْمِييَا إِتّْنبَّا أَوَاڒنْ-أَ،
JER 20:2 إِوْثَا فَاشْحُورْ أَنَابِي إِرْمِييَا ؤُشَا إِحبّسْ إِ-ث ذڭْ ؤُكشُّوضْ نِّي إِدْجَانْ ذڭْ وخَّامْ ن سنّجْ ن ثوَّارْثْ يُوعْڒَانْ ن بِينْيَامِينْ نِّي [إِدْجَانْ] ذِي ثَادَّارْثْ ن سِيذِي.
JER 20:3 ثِيوشَّا نّسْ إِجَّا فَاشْحُورْ أَذْ أَرْخُونْ إِ إِرْمِييَا زڭْ ؤُكشُّوضْ. [خنِّي] إِنَّا أَسْ إِرْمِييَا: ”وَارْ ذ أَشْ إِقَّارْ سِيذِي فَاشْحُورْ، مَاشَا مَاجُورْ-مِيسَّابِيبْ.
JER 20:4 مَاغَارْ أَمُّو إِ إِقَّارْ سِيذِي: ’خْزَارْ، نشّْ أَذْ شكْ ڭّغْ ذ أَسْنخْڒِيعْ إِ يِيخفْ نّشْ ؤُ إِ مَارَّا إِنِّي شكْ إِتّخْسنْ. نِيثْنِي أَذْ وْضَانْ س سِّيفْ ن ڒْعذْيَانْ نْسنْ، أَمْ ث تّْوَاڒَانْثْ ثِيطَّاوِينْ نّشْ، ؤُ نشّْ أَذْ وْشغْ مَارَّا يَاهُوذَا ذڭْ إِفَاسّنْ ن ؤُجدْجِيذْ ن بَابِيلْ نِّي ثنْ إِ غَا إِنذْهنْ ذِي ثْمحْبَاسْثْ غَارْ بَابِيلْ ؤُ أَذْ ثنْ إِنغْ س سِّيفْ.
JER 20:5 مَارَّا أَڭْڒَا ن ثنْذِينْثْ-أَ أَذْ ثنْ سلّْمغْ ؤُ مَارَّا مِينْ ذَايسْ إِغْڒَانْ ذ مَارَّا ثِيخُوبَا ن إِجدْجِيذنْ ن يَاهُوذَا أَذْ ڭّغْ أَيَا [مَارَّا] ذڭْ ؤُفُوسْ ن ڒْعذْيَانْ نْسنْ. نِيثْنِي أَذْ ثنْ أَشَارنْ، أَذْ ثنْ كْسِينْ [أَكِيذْسنْ] ؤُشَا أَذْ ثنْ إِ-د-أَوْينْ غَارْ بَابِيلْ.
JER 20:6 شكْ، فَاشْحُورْ، ذ مَارَّا أَيْثْ ن ثَادَّارْثْ نّشْ، كنِّيوْ أَذْ ثفّْغمْ ذ إِمحْبَاسْ. شكْ أَذْ د-ثَاوْضذْ غَارْ بَابِيلْ ؤُشَا أَذْ ثمّْثذْ ذِينِّي ؤُشَا أَذْ تّْوَانضْڒذْ ذِينِّي، شكْ ذ مَارَّا إِمدُّوكَّاڒْ نّشْ إِنِّي ؤُمِي ثْنبِّيذْ س إِخَارِّيقنْ.‘ “
JER 20:7 ”شكْ ثْجبْذذْ أَيِي، [أَ] سِيذِي، ؤُشَا نشّْ تّْوَاسّْقنْعغْ. شكْ ثْجهْذذْ خَافِي أَطَّاسْ، ثْغڒْبذْ أَيِي. أَسّْ مَارَّا تّْغِيمَانْ ذحّْشنْ ذَايِي، مَارَّا إِذْسنْ سْثهْزَانْ زَّايِي.
JER 20:8 مَاغَارْ مڒْمِي مَا سِّيوْڒغْ، سْغُويُّوغْ ’ڒخْشُونشْثْ!‘، ڒَاغِيغْ ’أَنخْڒِيعْ!‘، مَاغَارْ أَوَاڒْ ن سِيذِي إِتَّاوِي أَيِي-د أَسّْ إِمُونْ مْغِيرْ أَسحْقَارْ ذ ؤُسْثهْزِي.
JER 20:9 نِّيغْ: ’نشّْ وَارْ ث تِّيذَارغْ [عَاذْ] ؤُ وَارْ سِّيوِيڒغْ [عَاذْ] س يِيسمْ نّسْ!‘، [خنِّي] إِذْوڒْ أَيَا ذڭْ وُوڒْ إِنُو أَمْ يِيشْثْ ن ثْمسِّي يَارقّنْ، ثتّْوَاحْبسْ ذڭْ إِغْسَانْ إِنُو. نشّْ سَّاحَاڒغْ إِخفْ إِنُو مَاحنْذْ أَذْ صْبَارغْ، مَاشَا وَارْ ذ أَسْ زمَّارغْ.
JER 20:10 مَاغَارْ سْڒِيغْ أَشقّفْ س ڒْهَارْذْ ن وَاطَّاسْ: ’مَاجُورْ-مِيسَّاسِيبْ‘، [’أَسِيڭّْوذْ زِي مَارَّا إِغزْذِيسنْ!‘]، أَمُّو إِ قَّارنْ. ؤُشَا خنِّي قَّارنْ: ’سَارْڭبْ أَنغْ!، [خنِّي] نشِّينْ أَذْ [زَّايسْ] نْبَارّحْ!‘ كُوڒْ أَرْيَازْ أَكْ-ذ دَّارغْ ذِي ڒهْنَا، إِتّْرَاجَا أَڒْ غَا نْقَارْضغْ. [قَّارنْ:] ’أَذْ ثَاغْ نْزمَّارْ أَذْ ث نغْوَا، خنِّي أَذْ ث نغْڒبْ ؤُشَا أَذْ زَّايسْ نخْڒفْ.‘ “
JER 20:11 ”سِيذِي إِبدّْ أَكِيذِي أَمْ يِيجّْ ن بُو-ثغْرُوضْثْ ذ أَمقّْرَانْ، خْ ؤُيَا إِ غَا نّْقَارْضنْ إِنِّي ذ أَيِي إِضَافَّارنْ، وَارْ زمَّارنْ أَذْ ڭّنْ وَالُو. نِيثْنِي أَذْ سضْحَانْ س يِيخفْ نْسنْ أَطَّاسْ، مِينْزِي وَارْ ڭِّينْ س ڒعْقڒْ. أَذْ ثِيڒِي ذ إِشْثْ ن ڒفْضِيحثْ إِ ڒبْذَا إِ وَارْ تّتُّونْ إِ ڒبْذَا.
JER 20:12 [شكْ]، [أَ] سِيذِي ن ڒْعسْكَارَاثْ، ونِّي إِتّْقدْجَابنْ أَمْسڭّذْ، ونِّي إِتّْوَاڒَانْ ثِيژَّاڒْ ذ وُوڒْ، سْشنْ أَيِي نّقْمثْ نّشْ خَاسنْ، مَاغَارْ نشّْ ڭِّيغْ أَشْ ثَاغَاوْسَا إِنُو ذڭْ ؤُفُوسْ.“
JER 20:13 ”زهّْذمْ إِ سِيذِي، سمْغَارمْ سِيذِي، مَاغَارْ نتَّا إِفكّْ أَمزْڒُوضْ زڭْ ؤُفُوسْ ن إِعفَّاننْ.“
JER 20:14 ”أَقَا إِتّْوَانْعڒْ أَسّْ إِ ذِي د-تّْوَارْوغْ! أَسّْ إِ ذ أَيِي د-ثُورُو يمَّا وَارْ إِتِّيڒِي إِتّْوَابَاركْ.
JER 20:15 إِتّْوَانْعڒْ ورْيَازْ نِّي د-يِيوْينْ ڒخْبَارْ أَصبْحَانْ إِ بَابَا، إِنَّا: ’أَقَا إِتّْوَارُووْ أَشْ-د ؤُحنْجِيرْ!‘ ؤُشَا إِسّْفَارْحْ إِ-ث [أَمُّو] س وَاطَّاسْ.
JER 20:16 أجّْ أَرْيَازْ نِّي أَذْ يِيڒِي أَمْ ثْندَّامْ نِّي إِسّْنقْڒبْ سِيذِي بْڒَا مَا إِنْذمْ زِي مَانْ أَيَا. أجّْ إِ-ث أَذْ إِسڒْ إِ إِغُويَّانْ [ن ڒحْرِيقْ] غَارْ ثفُّوثْ ؤُ إِغُويَّانْ [ن ؤُمنْغِي] غَارْ طّْيَا ن وَاسّْ،
JER 20:17 مِينْزِي نتَّا وَارْ ذ أَيِي إِنْغِي ذڭْ ؤُعذِّيسْ ن يمَّا. أَمُّو ثذْوڒْ يمَّا ذ أَنْضڒْ إِنُو ؤُشَا إِقِّيمْ ؤُعذِّيسْ نّسْ إِكْسِي س دّيْسثْ إِ ڒبْذَا!
JER 20:18 مَايمِّي إِ د-فّْغغْ زڭْ ؤُعذِّيسْ؟ مَا حِيمَا أَذْ ژَترغْ ثَامَارَا ذ وشْضَانْ [وَاهَا] ؤُ حِيمَا أَذْ قْضِيغْ ؤُسَّانْ إِنُو ذِي ڒفْضِيحثْ؟“
JER 21:1 أَوَاڒْ نِّي د-إِفّْغنْ زِي سِيذِي غَارْ إِرْمِييَا، ؤُمِي أَجدْجِيذْ صِيذْقِييَا إِسّكّْ غَارسْ فَاشْحُورْ، مِّيسْ ن ؤُكهَّانْ مَالْكِييَا، ذ صَافَانْيَا، مِّيسْ ن ؤُكهَّانْ مَاعَاسِييَا، إِنَّا:
JER 21:2 ”سقْسَا مَاشَا سِيذِي خَانغْ، مَاغَارْ نابُوخَاذْرَاصَّارْ، أَجدْجِيذْ ن بَابِيلْ، إِتّْمنْغَا أَكِيذْنغْ. أَذْ ثَاغْ سِيذِي أَذْ ذَايْنغْ إِڭّْ إِشْثْ ن لْمُوعْجِيزَا أَمْ مَامّشْ مَارَّا لْمُوعْجِيزَاثْ نّسْ، مَاحنْذْ أَذْ خَانغْ إِحيّذْ [نابُوخَاذْرَاصَّارْ].“
JER 21:3 [خنِّي] إِنَّا أَسنْ إِرْمِييَا: ”أَمُّو إِ غَا ثِينِيمْ إِ صِيذْقِييَا:
JER 21:4 ’أَمُّو إِ إِقَّارْ سِيذِي، أَربِّي ن إِسْرَائِيل: خْزَارْ، نشّْ أَذْ سّنْقڒْبغْ ذڭْ إِفَاسّنْ نْومْ ڒسْنَاحْ إِ زِي تّْمنْغَامْ أَكْ-ذ ؤُجدْجِيذْ ن بَابِيلْ ذ إِكَالْذَانِييّنْ، إِنِّي ذ أَومْ د-إِنّْضنْ بَارَّا إِ ڒْحِيضْ، ؤُ نشّْ أَذْ ثنْ سّْمُونغْ ذِي ڒْوسْطْ ن ثنْذِينْثْ-أَ.
JER 21:5 نشّْ سِيمَانْثْ إِنُو أَذْ كِيذْومْ منْغغْ س ؤُفُوسْ إِسّْوِيژّْضنْ ذ ؤُغِيڒْ إِجهْذنْ، س وغْضَابْ ذ وسْعَارْ ؤُ س ؤُذُوقّزْ أَمقّْرَانْ [ن وغْضَابْ].
JER 21:6 نشّْ أَذْ وْثغْ إِمزْذَاغْ ن ثنْذِينْثْ-أَ، أَمْ إِوْذَانْ ؤُڒَا ذ ڒْمَارْ: نِيثْنِي أَذْ مّْثنْ س إِجّْ ن طَّاعُونْ أَمقّْرَانْ.
JER 21:7 أَوَارْنِي أَسْ، [أَمُّو إِ] إِقَّارْ سِيذِي، نشّْ أَذْ سّعْذُوغْ صِيذْقِييَا، أَجدْجِيذْ ن يَاهُوذَا، ذ إِمْسخَّارنْ نّسْ ذ ڒْڭنْسْ نّسْ نِّي إِقِّيمنْ ذِي ثنْذِينْثْ-أَ زِي طَّاعُونْ، زِي سِّيفْ ؤُ زِي ڒَاژْ، ذڭْ ؤُفُوسْ ن نابُوخَاذْرَاصَّارْ، أَجدْجِيذْ ن بَابِيلْ، ذڭْ ؤُفُوسْ ن ڒْعذْيَانْ نْسنْ ؤُ ذڭْ ؤُفُوسْ ن يِينِّي يَارزُّونْ ثُوذَارْثْ نْسنْ. نتَّا أَذْ ثنْ إِنغْ س ڒقْضعْ ن سِّيفْ ؤُ نتَّا وَارْ إِتّْحِينِّي، وَارْ إِسّْعِيزِّي ؤُ وَارْ يَارحّمْ.‘ “
JER 21:8 ”إِ ڒْڭنْسْ-أَ أَذْ ثِينِيذْ: ’أَمُّو إِ إِقَّارْ سِيذِي: خْزَارْ، نشّْ ڭِّيغْ أَومْ أَبْرِيذْ ن ثُوذَارْثْ ذ وبْرِيذْ ن ڒْموْثْ.
JER 21:9 ونِّي إِ غَا إِقِّيمنْ ذِي ثنْذِينْثْ-أَ، أَذْ إِتّْوَانغْ س سِّيفْ، س ڒَاژْ نِيغْ س طَّاعُونْ، [مَاشَا] ونِّي زَّايسْ إِ غَا إِفّْغنْ ؤُشَا أَذْ إِعْذُو غَارْ إِكَالْذَانِييّنْ إِنِّي كنِّيوْ إِحصَّارنْ، أَذْ إِقِّيمْ إِدَّارْ ؤُشَا ڒعْمَارْ نّسْ أَذْ أَسْ يِيڒِي أَمْ ثْكشَّاضْثْ.
JER 21:10 مَاغَارْ نشّْ أَرِّيغْ-د س وُوذمْ إِنُو ضِيدّْ إِ ومْشَانْ-أَ، وَارْ إِدْجِي إِ ڒْخَارْ، [أَمُّو إِ] إِقَّارْ سِيذِي. أَمْشَانْ-أَ أَذْ إِتّْوَاسّعْذُو ذڭْ ؤُفُوسْ ن ؤُجدْجِيذْ ن بَابِيلْ ؤُ نتَّا أَذْ أَسْ إِقّذْ ثِيمسِّي.‘ “
JER 21:11 زِي جِّيهثْ ن ثَادَّارْثْ ن ؤُجدْجِيذْ ن يَاهُوذَا، سْڒمْ إِ وَاوَاڒْ ن سِيذِي:
JER 21:12 ”[أَ] ثَادَّارْثْ ن ذَاوُوذْ، أَمُّو إِ إِقَّارْ سِيذِي: ’سڭّْذمْ نِيشَانْ ذِي ثفُّوثْ، فكّمْ ونِّي إِتّْوَاكشّْضنْ زڭْ ؤُفُوسْ ن ونِّي إِحصَّارنْ، نِيغْ أَذْ يَارّژْ وسْعَارْ إِنُو أَمْ ثْمسِّي أَڒَامِي وَارْ إِزمَّارْ ؤُڒَا ذ إِجّْ أَذْ ت إِسّخْسِي عَاذْ زِي سِّيبّثْ ن ثْمڭَّا نْومْ ثِيعفَّانِينْ.
JER 21:13 خْزَارْ، أَذْ شمْ ڒقْفغْ، [شمْ] ثنِّي إِزدّْغنْ ذِي ثيْسَارْثْ، [شمْ]، [أَ] ثَاصْضَارْثْ ن ڒْوَاطَا، [أَمُّو إِ] إِقَّارْ سِيذِي. كنِّيوْ ثقَّارمْ: مَانْ ونْ إِزمَّارنْ أَذْ غَارْنغْ د-إِهْوَا، مَانْ ونْ إِزمَّارنْ أَذْ د-يَاذفْ غَارْ ثْزذِّيغِينْ نّغْ؟
JER 21:14 نشّْ أَذْ كنِّيوْ عَاقْبغْ عْلَاحْسَابْ ڒْغِيدْجثْ ن ثْمڭَّا نْومْ، [أَمُّو إِ] إِقَّارْ سِيذِي. نشّْ أَذْ ڭّغْ ثِيمسِّي ذڭْ وزْغَارْ نّسْ نِّي إِ غَا إِشّنْ مَارَّا مِينْ ذ أَسْ د-إِنّْضنْ.‘ “
JER 22:1 ”أَمُّو إِ إِقَّارْ سِيذِي: ’هْوَا غَارْ ثَادَّارْثْ ن ؤُجدْجِيذْ ن يَاهُوذَا، إِنِي ذِينْ أَوَاڒْ-أَ،
JER 22:2 أَذْ ثِينِيذْ: [أَ] أَجدْجِيذْ ن يَاهُوذَا، ونِّي إِقِّيمنْ خْ ڒْعَارْشْ ن ذَاوُوذْ، سڒْ إِ وَاوَاڒْ ن سِيذِي، شكْ ذ إِمْسخَّارنْ نّشْ ذ ڒْڭنْسْ نّشْ إِ إِتَّاذْفنْ زِي ثوُّورَا-يَا!
JER 22:3 أَمُّو إِ إِقَّارْ سِيذِي: ڭّمْ ڒْحقّْ ذ ثْسڭْذَا ؤُ سّْنجْممْ مِينْ إِتّْوَاكشّْضنْ زڭْ ؤُفُوسْ ن ونِّي إِحصَّارنْ. وَارْ حصَّارمْ، وَارْ شَّاثمْ ڒْبَارَّانِي ذ ؤُيُوجِيڒْ ذ ثَاجَّاتْشْ. وَارْ سِّيزِّيڒمْ إِذَامّنْ إِمزْذَاڭنْ ذِي ثمُّورْثْ-أَ!
JER 22:4 مَاڒَا كنِّيوْ أَذْ ثڭّمْ أَوَاڒْ-أَ س ثِيذتّْ، [خنِّي] أَذْ أَذْفنْ إِجدْجِيذنْ زِي ثوُّورَا ن ثنْذِينْثْ-أَ، إِنِّي إِ غَا إِقِّيمنْ غَارْ ذَاوُوذْ خْ ڒْعَارْشْ نّسْ، إِنِّي إِ غَا إِنذْهنْ إِكَارُّوثنْ ذ ييْسَانْ، [وَاهْ،] نتَّا ذ إِمْسخَّارنْ نّسْ ذ ڒْڭنْسْ نّسْ.
JER 22:5 مَاڒَا وَارْ ثسْڒِيمْ شَا غَارْ وَاوَاڒنْ-أَ، أَقَا جُّودْجغْ إِ يِيخفْ إِنُو، [أَمُّو] إِقَّارْ سِيذِي، أَذْ ثذْوڒْ ثَادَّارْثْ-أَ ذ ڒْخِيرْبثْ.‘ “
JER 22:6 ”مَاغَارْ أَمُّو إِ إِقَّارْ سِيذِي خْ ثَادَّارْثْ ن ؤُجدْجِيذْ ن يَاهُوذَا: ’[وَاخَّا] شكْ ثُوسِيذْ أَيِي خْ ڒْخَاضَارْ أَمْ جِيلْعَاذْ ؤُ أَمْ ثْقِيشّثْ ن لُوبْنَانْ، ذ ثِيذتّْ أَذْ شكْ تّڭّغْ ذ ڒخْڒَا، ثِيندَّامْ وَارْ إِزْذِيغنْ.
JER 22:7 نشّْ أَذْ حُوزغْ ضِيدّْ نّشْ إِمْثحَّايّنْ، كُوڒْ إِجّْ س ڒسْنَاحْ نّسْ [إِ ونْغَايْ]. نِيثْنِي أَذْ قسّنْ ثِيشجُّورَا نّشْ ن ثنْڭلْثْ إِ إِشْنَانْ أَطَّاسْ [س شّْوَاقَارْ نْسنْ] ؤُشَا أَذْ [ثنْثْ] وْشنْ إِ ثْمسِّي.
JER 22:8 [خنِّي] أَذْ د-كّنْ أَطَّاسْ ن ڒڭْنُوسْ خْ ثنْذِينْثْ-أَ، أَذْ إِنِينْ، كُوڒْ إِجّْ إِ ؤُمْقَارَّابْ نّسْ: مَايمِّي سِيذِي إِڭَّا أَمُّو إِ ثنْذِينْثْ-أَ ثَامقّْرَانْثْ؟
JER 22:9 أَذْ إِنِينْ: مِينْزِي نِيثْنِي سمْحنْ ذِي ڒْعَاهْذْ ن سِيذِي، أَربِّي نْسنْ، ؤُشَا سجْذنْ إِ إِربِّيثنْ نّغْنِي ؤُشَا ذوْڒنْعبّْذنْ أَسنْ.‘ “
JER 22:10 ”وَارْ تّْرُومْ خْ ؤُمتِّينْ ؤُ وَارْ خَاسْ شَّاثمْ أَڭجْذُورْ. رُومْ خْ ونِّي يُويُورنْ، مَاغَارْ نتَّاعمَّارْصْ أَذْ د-إِعْقبْ،عمَّارْصْ أَذْ إِژَارْ عَاذْ ثَامُّورْثْ نّسْ مَانِي إِخْڒقْ.
JER 22:11 مَاغَارْ أَمُّو إِ إِقَّارْ سِيذِي خْ شَالُّومْ، مِّيسْ ن يُوشِييَا، أَجدْجِيذْ ن يَاهُوذَا، ونِّي إِذوْڒنْ ذ أَجدْجِيذْ ذڭْ ومْشَانْ ن بَابَاسْ يُوشِييَا، [شَالُّومْ] ونِّي د-إِفّْغنْ زڭْ ومْشَانْ-أَ: ’نتَّاعمَّارْصْ أَذْ د-إِعْقبْ ذِينِّي عَاذْ.
JER 22:12 مَاغَارْ ذڭْ ومْشَانْ مَانِي ث نذْهنْ ذِي ثْمحْبَاسْثْ، [ذِينِّي] إِ غَا إِمّثْ،عمَّارْصْ أَذْ إِژَارْ ثَامُّورْثْ-أَ عَاوذْ.‘ “
JER 22:13 ”أَخيّبْ إِ ونِّي إِ غَا إِسّْبدّنْ ثَازذِّيغْثْ نّسْ س ڒْمُوعْصِييّثْ، ثِيغُورْفِينْ نّسْ س ڒْغشّْ، ونِّي إِسّْخدَّامنْ ونِّي ث يُوذْسنْ نهْڒَا أَخدْجصْ ؤُ وَارْ ذ أَسْ إِتِّيشْ ڒْمُونثْ نّسْ،
JER 22:14 ونِّي إِقَّارنْ: ’نشّْ أَذْ سّْبدّغْ إِ يِيخفْ إِنُو إِشْثْ ن ثْزذِّيغْثْ يُوعْڒَانْ أَطَّاسْ س ثْغُورْفِينْ إِوسْعنْ.‘ [خنِّي] أَذْ ذَايسْ إِڭّْ ثِيبُورْجَاثِينْ ؤُشَا أَذْ ت إِسقّفْ س ؤُكشُّوضْ ن ثْشجُّورَا ن ثنْڭلْثْ ؤُشَا أَذْ ت إِزوّقْ س ثِينْثَاثْ ثِيزڭّْوَاغِينْ.
JER 22:15 مَا ثْحكّْمذْ أَمْ ؤُجدْجِيذْ ؤُمِي ثتّمْحِيزْوَارذْ زِي سِّيبّثْ ن ثْنڭْلِينْ؟ بَابَاشْ مَا وَارْ إِشِّي، مَا وَارْ إِسْوِي ؤُ مَا وَارْ إِڭِّي ڒْحقّْ ذ ثْسڭْذَا؟ نتَّا ثُوغَا مْلِيحْ خَاسْ خنِّي!
JER 22:16 نتَّا إِحْكمْ ثَامسْڒَاشْثْ ن ونِّي إِتّْوَاحْصَارنْ ذ ؤُمزْڒُوضْ. ثُوغَا مْلِيحْ خَاسْ خنِّي. مَا أَيَا وَارْ إِخْسْ أَذْ يِينِي أَقَا بْنَاذمْ إِسّنْ أَيِي؟، [أَمُّو إِ] إِقَّارْ سِيذِي.
JER 22:17 مَاشَا ثِيطَّاوِينْ نّشْ ذ وُوڒْ نّشْ أَقَا ثنْ مْغِيرْ خْ ثِيزِي نّشْ وَاهَا، خْ إِذَامّنْ إِمزْذَاڭنْ مَاحنْذْ أَذْ ثنْ ثسِّيزّْڒذْ، ؤُ خْ دّدْجْ ذ ؤُبعّجْ، مَاحنْذْ أَذْ ثنْ ثڭّذْ.“
JER 22:18 ”س ؤُيَا، أَمُّو إِ إِقَّارْ سِيذِي خْ يَاهُويَاقِيمْ، مِّيسْ ن يُوشِييَا، أَجدْجِيذْ ن يَاهُوذَا: ’نِيثْنِي وَارْ خَاسْ شطّْننْ: أَخْ، ؤُمَا! نِيغْ: أَخْ، ؤُتْشْمَا! نِيثْنِي وَارْ شطّْننْ: أَخْ، سِيذِي! نِيغْ: أَخْ، لْعَاضِيمْ!
JER 22:19 أَذْ نضْڒنْ س ونْضَاڒْ ن إِجّْ ن وغْيُوڒْ. أَذْ ث جَارّنْ ؤُ أَذْ ث نْضَارنْ غَارْ ڒَاڭّْوَاجْ، بَارَّا إِ ثِيوُّورَا ن ؤُرْشَالِيمْ.‘ “
JER 22:20 ”ڭعّذْ خْ [إِذُورَارْ ن] لُوبْنَانْ، سْغُويّْ ؤُشَا أجّْ ثْمِيجَّا نّمْ أَذْ ثتّْوَاسڒْ ذِي بَاشَانْ. سْغُويّْ-د عَاوذْ زِي أَبَارِيمْ، مَاغَارْ مَارَّا إِنِّي شمْ إِتّخْسنْ تّْوَارْژَانْ.
JER 22:21 نشّْ سِّيوْڒغْ أَكِيذمْ ڒَامِي شمْ ثُوغَا ذِي ڒَامَانْ، شمْ مَاشَا ثنِّيذْ: ’نشّْ وَارْ خْسغْ أَذْ سْڒغْ!‘ أَمُّو إِ ث ثڭِّيذْ زِي ثمْژِي نّمْ، مَاغَارْ شمْ ثُوغَا وَارْ ثتّخْسذْ أَذْ ثسْڒذْ إِ ثْمِيجَّا إِنُو.
JER 22:22 مَارَّا إِمكْسَاونْ أَذْ ثنْ يَارْوسْ ؤُسمِّيضْ ؤُشَا إِنِّي شمْ إِتّخْسنْ أَذْ ؤُيُورنْ ذِي ثْمحْبَاسْثْ. خنِّي أَذْ ثْسضْحِيذْ ؤُشَا أَذْ ثنْفضْحذْ زِي سِّيبّثْ ن مَارَّا ثُوعفّْنَا نّمْ.
JER 22:23 شمْ، [أَ] ثنِّي إِزدّْغنْ خْ [إِذُورَارْ ن] لُوبْنَانْ، ثنِّي إِحبْضنْ ذِي ثْشجُّورَا ن ثْنڭْلِينْ، مَامّشْ إِ غَا ثْزهَّارذْ خْمِي ذ أَمْ د غَا يَاسنْ ڒوْجعْ، ڒحْرِيقْ أَمْ يِيشْثنْ ثتَّارُو!“
JER 22:24 ”[س ثِيذتّْ أَمْ] دَّارغْ نشّْ، [أَمُّو إِ] إِقَّارْ سِيذِي: ’وَاخَّا، مَاڒَا كُونْ-يَاهُو، مِّيسْ ن يَاهُويَاقِيمْ، أَجدْجِيذْ ن يَاهُوذَا، ثُوغَا ذ ثْخَاذنْثْ ن ؤُشمِّيعْ ذڭْ ؤُفُوسْ إِنُو، أَقَا أَذْ شكْ كّْسغْ سّنِّي.
JER 22:25 نشّْ أَذْ شكْ وْشغْ ذڭْ ؤُفُوسْ ن يِينِّي يَارزُّونْ ثُوذَارْثْ نّشْ ؤُ ذڭْ ؤُفُوسْ ن ونِّي زِي ثتّڭّْوذذْ، ذڭْ ؤُفُوسْ ن نابُوخَاذْرَاصَّارْ، أَجدْجِيذْ ن بَابِيلْ، ؤُ ذڭْ ؤُفُوسْ ن إِكَالْذَانِييّنْ.
JER 22:26 شكْ ذ يمَّاشْ، أَذْ كنِّيوْ نْضَارغْ غَارْ إِشْثْ ن ثمُّورْثْ نّغْنِيثْ مَانِي وَارْ ثخْڒِيقمْ، ؤُشَا ذِينِّي أَذْ ثْمثْنمْ.
JER 22:27 وَارْ تّْعِيقِّيبمْعمَّارْصْ غَارْ ثمُّورْثْ نِّي ذِي ثمّژْرمْ مَاحنْذْ أَذْ غَارسْ د-ثْعقْبمْ.‘ “
JER 22:28 ”مَا كُونْ-يَاهُو أَرْيَازْ-أَ ذ إِجّْ ن ؤُغَارَّافْ إِمّنْضَارْ، يَارّژْ؟ نِيغْ نتَّا ذ إِجّْ ن ؤُغَارَّافْ وَارْ ث إِتّخْسْ عَاذْ ؤُڒَا ذ إِجّْ؟ مَايمِّي ث حجَّارنْ، نتَّا ذ زَّارِيعثْ نّسْ، نْضَارنْ [ثنْ] غَارْ إِشْثْ ن ثمُّورْثْ وَارْ ت سِّيننْ؟
JER 22:29 [أَ] ثَامُّورْثْ، ثَامُّورْثْ، ثَامُّورْثْ، سڒْ إِ وَاوَاڒْ ن سِيذِي!
JER 22:30 أَمُّو إِ إِقَّارْ سِيذِي: ’زمّْ أَرْيَازْ-أَ نْهْڒَا إِحنْجِيرنْ، إِجّْ ن ورْيَازْ نِّي وَارْ غَارْ إِدْجِي زّْهِيرْ ذڭْ وُوسَّانْ نّسْ. مَاغَارْ ؤُڒَا ذ إِجّْ زڭْ وَارَّاوْ نّسْ أَذْ غَارسْ يِيڒِي زّْهِيرْ [أَڒَامِي] إِ غَا إِقِّيمْ خْ ڒْعَارْشْ ن ذَاوُوذْ، أَذْ إِحْكمْ عَاوذْ ذِي [ثمُّورْثْ ن] يَاهُوذَا.‘ “
JER 23:1 ”ؤُشْثْ خْ إِمكْسَاونْ إِ إِنقّنْ ؤُ زُوزَّارَانْ ؤُدْجِي ن دّْمَانِي إِنُو ن ثَاروْسَا، [أَمُّو إِ] إِقَّارْ سِيذِي.
JER 23:2 س ؤُيَا أَمُّو إِ إِقَّارْ سِيذِي، أَربِّي ن إِسْرَائِيل، خْ إِمكْسَاونْ نِّي يَاركّْوْسنْ ڒْڭنْسْ إِنُو: ’كنِّيوْ ثْزُوزَّارمْ ؤُدْجِي إِنُو ؤُشَا ثُوژّْڒمْ خَاسنْ. كنِّيوْ وَارْ ثنْ ثحْضِيمْ. خْزَارْ، نشّْ أَذْ خڒْفغْ زِي ثُوعفّْنَا ذ ثْمڭَّا نْومْ، [أَمُّو إِ] إِقَّارْ سِيذِي.
JER 23:3 نشّْ أَذْ سّْمُونغْ مِينْ إِقِّيمنْ ن وُودْجِي إِنُو زِي مَارَّا ثِيمُّورَا مَانِي خَاسنْثْ ؤُژّْڒغْ. نشّْ أَذْ ثنْثْ أَرّغْ غَارْ ڒْكُورِيثْ نْسنْثْ، أَذْ أَرْونْثْ، أَذْ مَّارْنِينْثْ.
JER 23:4 نشّْ أَذْ أَسنْثْ ڭّغْ إِمكْسَاونْ نِّي ثنْثْ إِ غَا يَاروْسنْ. نِيثْنِي وَارْ تّڭّْوْذنْثْ عَاذْ ؤُ وَارْ تّْنخْڒِيعنْثْ ؤُ وَارْ تّْوذِّيرِينْثْ!‘، [أَمُّو إِ] إِقَّارْ سِيذِي.“
JER 23:5 ”خْزَارْ، أَذْ د-أَسنْ وُوسَّانْ، [أَمُّو إِ] إِقَّارْ سِيذِي، أَقَا نشّْ أَذْ سّكَّارغْ إِ ذَاوُوذْ أَغدُّو ن ثْسڭْذَا. نتَّا أَذْ إِحْكمْ أَمْ ؤُجدْجِيذْ، أَذْ إِفْڒحْ ؤُشَا أَذْ إِڭّْ ڒْحقّْ ذ ثْسڭْذَا ذِي ثمُّورْثْ.
JER 23:6 ذڭْ وُوسَّانْ نّسْ أَذْ إِتّْوَاسّنْجمْ يَاهُوذَا ؤُشَا إِسْرَائِيل أَذْ إِزْذغْ ذِي ڒَامَانْ. وَا أَذْ يِيڒِي ذ إِسمْ إِ زِي ذ أَسْ إِ غَا ڒَاغَانْ: سِيذِي، ثَاسڭْذَا نّغْ.“
JER 23:7 ”س ؤُيَا، خْزَارْ، أَذْ د-أَسنْ وُوسَّانْ، [أَمُّو إِ] إِقَّارْ سِيذِي، وَارْ قَّارنْ عَاذْ: ’س ثِيذتّْ أَمْ إِدَّارْ سِيذِي نِّي د-إِسُّوفّْغنْ أَيْثْ ن إِسْرَائِيل زِي مِيصْرَا!‘،
JER 23:8 مَاشَا: ’س ثِيذتّْ أَمْ إِدَّارْ سِيذِي نِّي د-إِسْڭعّْذنْ زَّارِيعثْ ن ثَادَّارْثْ ن إِسْرَائِيل، ونِّي ثنْ د-يَارِّينْ زِي ثمُّورْثْ ن شَّامَالْ ؤُ زِي مَارَّا ثِيمُّورَا مَانِيسْ خَاسنْ ؤُژّْڒغْ. نِيثْنِي أَذْ زذْغنْ ذِي ثمُّورْثْ نْسنْ.‘ “
JER 23:9 خْ إِنَابِييّنْ. ”ؤُڒْ إِنُو إِتّْوَارْژْ ذِي ذَاخڒْ إِنُو، مَارَّا إِغْسَانْ إِنُو تَّارْجِيجِينْ. نشّْ ذوْڒغْ أَمْ يِيجّْ ن ؤُمسْشُورْ، أَمْ ورْيَازْ نِّي يَارْنِي بِينُو، زِي سِّيبّثْ ن سِيذِي ؤُ زِي سِّيبّثْ ن وَاوَاڒنْ نّسْ إِقدّْسنْ.
JER 23:10 مَاغَارْ ثَامُّورْثْ ثشُّورْ س يِينِّي إِزنَّانْ، مَاغَارْ ثَامُّورْثْ ثشْضنْ زِي سِّيبّثْ ن نّعْڒثْ، دّْمَانِي ن ثَاروْسَا ذِي ڒخْڒَا ؤُژْغنْثْ. مَانِي خْسنْ أَذْ أَوْضنْ أَقَا-ث ذ أَعفَّانْ، ؤُڒَا ذ جّهْذْ نْسنْ وَارْ إِدْجِي شَا نِيشَانْ.
JER 23:11 مَاغَارْ أَمْ ؤُنَابِي أَمْ ؤُكهَّانْ تّْوَافسْذنْ، عَاذْ ذِي ثَادَّارْثْ إِنُو تَّافغْ ثُوعفّْنَا نْسنْ، [أَمُّو إِ] إِقَّارْ سِيذِي.
JER 23:12 س ؤُيَا أَذْ د-أَسنْ إِذْوڒْ وبْرِيذْ نْسنْ أَمْ يِيجّْ نْ ڒوْضَا إِتّحْرُودْجُوضْ ذِي ثَادْجسْثْ. أَذْ تّْوَاعَارّْننْ ؤُ نِيثْنِي أَذْ زَّايسْ د-وْضَانْ، مَاغَارْ أَذْ خَاسنْ د-سّهْوِيغْ إِشْثْ ن ثشْثِي ثَاعفَّانْثْ ذڭْ ؤُسڭّْوَاسْ إِ زَّايْسنْ إِ غَا خڒْفغْ، [أَمُّو إِ] إِقَّارْ سِيذِي.“
JER 23:13 ”أَقَا نشّْ ژْرِيغْ ثِيمسْڒَايِينْ إِسّْثبْهَاثنْ غَارْ إِنَابِييّنْ ن سَامَارْيَا: نِيثْنِي ثُوغَا تّْنَابّنْ س بَاعْلْ ؤُشَا تّْغَارَّانْ ڒْڭنْسْ إِنُو.
JER 23:14 [مَاشَا] غَارْ إِنَابِييّنْ ن ؤُرْشَالِيمْ ژْرِيغْ إِجّْ ن نّْعِي ذ أَعفَّانْ قَاعْ: نِيثْنِي زنَّانْ، ؤُيُورنْ أَمْ سّْخَارِّيقنْ ؤُشَا سّْجهْذنْ إِفَاسّنْ ن إِعفَّاننْ أَڒَامِي ؤُڒَا ذ إِجّْ وَارْ د-إِعْقبْ زڭْ وبْرِيذْ نّسْ أَعفَّانْ. مَامّشْ تّْوَاڒِيغْ نشّْ، مَارَّا إِذْسنْ أَمْ سَاذُومْ، ؤُشَا إِمزْذَاغْ ن ؤُرْشَالِيمْ [إِ نشّْ] أَمْ عَامُورَّا.
JER 23:15 س ؤُيَا، أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: خْزَارْ، نشّْ أَذْ وْشغْ شِّيحْ ذ مَاشَّا إِ ڒْڭنْسْ-أَ ؤُڒَا ذ أَمَانْ ن أَرّْهَاجْ مَاحنْذْ أَذْ ثنْ سْونْ، مِينْزِي زڭْ إِنَابِييّنْ ذِي ؤُرْشَالِيمْ إِفّغْ-د ؤُغسّبْ [ن شَّارِيعَا] غَارْ مَارَّا ثَامُّورْثْ.
JER 23:16 أَمُّو إِ إِقَّارْ سِيذِي ن ڒْعسْكَارَاثْ: وَارْ تّسْڒِيمْ شَا إِ وَاوَاڒنْ ن إِنَابِييّنْ نِّي ذ أَومْ إِتّْنبَّانْ، [أَمْ] سَّاوَاڒنْ أَكِيذْومْ بَاطڒْ. نِيثْنِي سَّاوَاڒنْ إِجّْ ن ڒوْحِييْ ن وُوڒْ [ن يِيخفْ] نْسنْ، وَارْ [سِّيوِيڒنْ] [ڒوْحِييْ] زڭْ ؤُقمُّومْ ن سِيذِي.
JER 23:17 ڒبْذَا قَّارنْ إِ يِينِّي ذ أَيِي إِسّحْقَارَانْ: سِيذِي إِنَّا إِ-ث، أَذْ غَارْومْ يِيڒِي ڒهْنَا! ؤُ إِ كُوڒْ إِجّْ ونِّي إِڭُّورنْ ذِي ڒقْسَاحثْ ن وُوڒْ نّسْ، قَّارنْ: وَارْ د خَاومْ إِتّمْسَارْ ؤُڒَا ذ إِجّْ ن ڒْغَارْ!
JER 23:18 مَاغَارْ مَانْ ونْ ثُوغَا إِبدّْ ذِي ڒْحڒْقثْ ن إِمْشَاوَارنْ ن سِيذِي، إِژْرَا أَوَاڒْ نّسْ ؤُ إِسْڒَا أَسْ؟ وِي إِسّْحسّنْ إِ وَاوَاڒْ نّسْ ؤُشَا إِسْڒَا غَارسْ؟
JER 23:19 خْزَارْ، ثَاحَارْيَاضْثْ ن سِيذِي، إِفّغْ-د [زَّايسْ] وسْعَارْ، إِشْثْ ن ثْحَارْيَاضْثْ ثزّبْزِيبْ نِّي د غَا إِهْوَانْ خْ ؤُزدْجِيفْ ن إِعفَّاننْ.
JER 23:20 أَغْضَابْ ن سِيذِي وَارْ د-إِذِّيكّْوِيڒْ شَا أَڒْ غَا يِيڒِينْ إِخَارِّيصنْ ن وُوڒْ نّسْ. ذڭْ ؤُنڭَّارْ ن وُوسَّانْ أَذْ أَسْ ثْفهْممْ س ڒفْهَامثْ ثكْمڒْ.
JER 23:21 نشّْ وَارْ د-سّكِّيغْ شَا إِنَابِييّنْ نِّي، [وَاخَّا أَمنِّي] ڭُّورنْ تَّازّْڒنْ نِيثْنِي. نشّْ وَارْ غَارْسنْ سِّيوْڒغْ شَا، [وَاخَّا أَمنِّي] بْذَانْ أَذْ نبَّانْ ذغْيَا [زڭْ يِيخفْ نْسنْ].
JER 23:22 مْڒِي ثُوغَا نِيثْنِي بدّنْ ذِي ڒْهڒْقثْ ن إِمْشَاوَارنْ إِنُو، إِڒِي أَرِّينْ ڒْڭنْسْ إِنُو أَذْ إِسڒْ إِ وَاوَاڒنْ إِنُو ؤُ إِڒِي أَرِّينْ ثنْ أَذْ د-ذوْڒنْ زڭْ وبْرِيذْ نْسنْ أَعفَّانْ ؤُ زِي ڒْغَارْ ن ثْمڭَّا نْسنْ.“
JER 23:23 ”نشّْ ذ إِجّْ ن أَربِّي زِي ڒَاذَاسْ، [أَمُّو إِ] إِقَّارْ سِيذِي، وَارْ إِدْجِي إِجّْ ن أَربِّي زِي ڒَاڭّْوَاجْ؟
JER 23:24 مَا إِزمَّارْ شَا ن يِيجّنْ أَذْ إِنُّوفَّارْ ذڭْ إِمُوشَانْ إِنُّوفَّارنْ، أَڒَامِي نشّْ وَارْ ث ژَترّغْ، إِقَّارْ سِيذِي. مَا وَارْ إِدْجِي ذ نشّْ ونِّي إِشُّورنْ أَجنَّا ذ ثمُّورْثْ؟، إِقَّارْ سِيذِي.
JER 23:25 نشّْ سْڒِيغْ مِينْ قَّارنْ إِنَابِييّنْ نِّي إِتّْنبَّانْ أَمْ سّْخَارِّيقنْ ذڭْ يِيسمْ إِنُو، قَّارنْ: ’ثُوغَا غَارِي إِشْثْ ن ثِيرْجَا، إِشْثْ ن ثِيرْجَا!‘
JER 23:26 أَڒْ مڒْمِي [عَاذْ] أَذْ إِڒِينْثْ ثِيرْجَا ذڭْ وُوڒْ ن إِنَابِييّنْ نِّي إِتّْنبَّانْ أَمْ سّْخَارِّيقنْ؟ نِيثْنِي ذ إِنَابِييّنْ ن وشْمَاطْ ن وُوڒْ [ن يِيخفْ] نْسنْ،
JER 23:27 إِنِّي يَارزُّونْ أَذْ أَرّنْ ڒْڭنْسْ إِنُو أَذْ إِتُّو إِسمْ إِنُو س ثِيرْجَا نْسنْ نِّي تّْهَاجَانْ إِجّْ إِ ونّغْنِي، أَمْ مَامّشْ إِبَابَاثنْ نْسنْ تُّونْ إِسمْ إِنُو س بَاعْلْ.
JER 23:28 أَنَابِي نِّي غَارسْ إِشْثْ ن ثِيرْجَا، أجّْ إِ-ث أَذْ ت إِحَاجَا، ؤُ [أَنَابِي] نِّي غَارْ إِدْجَا وَاوَاڒْ إِنُو، أجّْ إِ-ث أَذْ إِسِّيوڒْ أَوَاڒْ إِنُو س ثِيذتّْ. مَاغَارْ مِينْ د-يِيوْينْ ڒُومْ غَارْ إِمنْذِي، إِقَّارْ سِيذِي.
JER 23:29 مَا وَارْ إِدْجِي وَاوَاڒْ إِنُو أَمْ ثْمسِّي، إِقَّارْ سِيذِي، ؤُشَا أَمْ يِيجّْ ن وفْضِيسْ إِ إِڒبّْزنْ ثَاصْضَارْثْ؟
JER 23:30 س ؤُيَا، خْزَارْ، نشّْ أَذْ ڒقْفغْ إِنَابِييّنْ نِّي، [أَمُّو إِ] إِقَّارْ سِيذِي، إِنِّي إِتَّاشَارنْ أَوَاڒنْ إِنُو إِجّْ ن ونّغْنِي.
JER 23:31 خْزَارْ، نشّْ أَذْ ڒقْفغْ إِنَابِييّنْ نِّي، إِقَّارْ سِيذِي، إِنِّي إِسّْخدَّامنْ إِڒسْ نْسنْ ؤُ سَّاوَاڒنْ [زَّايسْ أَمُّو]: ’نتَّا إِقَّارْ!‘
JER 23:32 خْزَارْ، نشّْ أَذْ ڒقْفغْ إِنِّي إِتّْنبَّانْ س ثِيرْجَا إِخَارِّيقنْ، [أَمُّو إِ] إِقَّارْ سِيذِي. نِيثْنِي تّْحَاجَانْ ثِيرْجَا نِّي ؤُ [أَمُّو إِ] تّْغَارَّانْ ڒْڭنْسْ إِنُو زڭْ إِخَارِّيقنْ نْسنْ ذ ڒْهَارْذْ نْسنْ إِبطّْڒنْ. نشّْ وَارْ ثنْ د-سّكّغْ ؤُ وَارْ ذ أَسنْ وْشِيغْ أَوَاڒْ. نِيثْنِي وَارْ دْجِينْ ذ نّْفعْ إِ ڒْڭنْسْ، [أَمُّو إِ] إِقَّارْ سِيذِي.“
JER 23:33 ”خْمِي شكْ إِ غَا إِسّقْسَا إِجّْ ن ڒْڭنْسْ نِيغْ إِجّْ ن ؤُنَابِي نِيغْ إِجّْ ن ؤُكهَّانْ، أَذْ يِينِي: ’مِينْ إِعْنَا [خنِّي] ڒْحُوكْمْ إِسَّاڭّْوَاذنْ ن سِيذِي؟‘، خنِّي شكْ أَذْ أَسنْ ثِينِيذْ: ’مِينْ إِعْنَا [خنِّي] ڒْحُوكْمْ إِسَّاڭّْوَاذنْ؟‘ ’أَذْ كنِّيوْ نْضَارغْ!‘، [أَمُّو إِ] إِقَّارْ سِيذِي.
JER 23:34 أَنَابِي ذ ؤُكهَّانْ ذ ڒْڭنْسْ نِّي إِقَّارنْ [أَمْ سْثهزَّانْ]: ’ڒْحُوكْمْ إِسَّاڭّْوَاذنْ ن سِيذِي؟‘، أَرْيَازْ نِّي ذ ثَادَّارْثْ نِّي أَذْ زَّايسْ خڒْفغْ.
JER 23:35 أَمُّو إِتّْخصَّا أَذْ ثِينِيمْ، كُوڒْ  إِجّْ إِ جَّارْ نّسْ ؤُ كُوڒْ إِجّْ إِ ؤُمَاسْ: ’مَامّشْ خَاكْ د-يَارَّا سِيذِي؟‘، ؤُ: ’مِينْ إِنَّا سِيذِي؟‘
JER 23:36 وَارْ ثِيذَارمْ عَاذْ ڒْحُوكْمْ إِسَّاڭّْوَاذنْ ن سِيذِي، مَاغَارْ ڒْحُوكْمْ إِسَّاڭّْوَاذنْ ن سِيذِي أَذْ يِيڒِي مِينْ غَا يِينِي كُوڒْ إِجّْ: أَقَا كنِّيوْ ثسّْفَارْغمْ أَوَاڒنْ ن أَربِّي إِدَّارنْ، سِيذِي ن ڒْعسْكَارَاثْ، أَربِّي نّغْ.
JER 23:37 أَمُّو إِ غَا ثِينِيذْ إِ ؤُنَابِي: ’مَامّشْ خَاكْ د-يَارَّا سِيذِي؟‘، نِيغْ: ’مِينْ إِنَّا سِيذِي؟‘
JER 23:38 [مَاشَا] ؤُمِي ثقَّارمْ كنِّيوْ: ’ڒْحُوكْمْ إِسَّاڭّْوَاذنْ ن سِيذِي؟‘، س ؤُيَا، أَمُّو إِ إِقَّارْ سِيذِي، ؤُمِي كنِّيوْ ثقَّارمْ أَوَاڒْ-أَ: ’ڒْحُوكْمْ إِسَّاڭّْوَاذنْ ن سِيذِي؟‘، وَاخَّا نشّْ سّكّغْ-د غَارْومْ [إِجّنْ] حِيمَا أَذْ أَومْ يِينِي: ’كنِّيوْ وَارْ ثقَّارمْ شَا: ڒْحُوكْمْ إِسَّاڭّْوَاذنْ ن سِيذِي؟‘،
JER 23:39 س ؤُيَا، خْزَارْ، نشّْ أَذْ كنِّيوْ تُّوغْ قَاعْ. نشّْ أَذْ كنِّيوْ نْضَارغْ زِي زَّاثْ إِ وُوذمْ إِنُو أَكْ-ذ ثنْذِينْثْ نْومْ نِّي ذ أَومْ وْشِيغْ إِ كنِّيوْ ؤُڒَا إِ ڒجْذُوذْ نْومْ.
JER 23:40 نشّْ أَذْ خَاومْ د-سّهْوِيغْ ڒْحڭْرَا إِ ڒبْذَا ذ ڒفْضِيحثْ إِ ڒبْذَا نِّي وَارْ إِتّْوَاتُّونْعمَّارْصْ.“
JER 24:1 سِيذِي إِجَّا أَيِي أَذْ ژَترغْ مَانْ أَيَا. خْزَارْ، تّْوَاسَّارْسنْثْ ثْنَاينْ ن ثْسُودْجَاثِينْ ن ثَازَارْثْ قِيبَاتْشْ إِ زَّاوشْثْ ثَامقّْرَانْثْ ن سِيذِي أَوَارْنِي إِ ؤُمِي ثُوغَا نابُوخَاذْرَاصَّارْ، أَجدْجِيذْ ن بَابِيلْ، إِنْذهْ يَاكُونْيَا، مِّيسْ ن يَاهُويَاقِيمْ، أَجدْجِيذْ ن يَاهُوذَا، ذ ڒْحُوكَّامْ ن يَاهُوذَا أَكْ-ذ إِحْرَايْفِييّنْ ذ يمْزِيڒنْ زِي ؤُرْشَالِيمْ ذِي لْمنْفَا غَارْ بَابِيلْ.
JER 24:2 ذڭْ إِشْثْ ن ثْسُودْجثْ ثُوغَا [ذِينْ] ثَازَارْثْ إِصبْحنْ، أَمْ ڒْبَاشُورْ. ذِي ثْسُودْجثْ نّغْنِيثْ ثُوغَا ذِينْ ثَازَارْثْ وَارْ ثحْرِي أَطَّاسْ، زعْمَا وَارْ ثحْرِي أَڒَامِي وَارْ إِزمَّارْ أَذْ ثتّْوَاشّْ.
JER 24:3 إِنَّا أَيِي سِيذِي: ”مِينْ ثتّْوَاڒِيذْ شكْ، إِرْمِييَا؟“ نشّْ نِّيغْ: ”ثَازَارْثْ. ثَازَارْثْ إِصبْحنْ ثصْبحْ أَطَّاسْ، ؤُشَا ثنِّي وَارْ إِحْڒِينْ أَطَّاسْ، وَارْ ثحْڒِي أَڒَامِي وَارْ ثتّْوِيشِّي.“
JER 24:4 [خنِّي] يُوسَا-د غَارِي وَاوَاڒْ ن سِيذِي، إِنَّا:
JER 24:5 ”أَمُّو إِ إِقَّارْ سِيذِي، أَربِّي ن إِسْرَائِيل: ’أَمْ ثَازَارْثْ إِصبْحنْ أَمُّو إِ غَا حسْبغْ صبْحنْ إِنِّي إِتّْوَانذْهنْ ذِي ثْمحْبَاسْثْ زِي يَاهُوذَا، إِنِّي خْ ؤُژّْڒغْ زڭْ ومْشَانْ-أَ غَارْ ثمُّورْثْ ن إِكَالْذَانِييّنْ.
JER 24:6 نشّْ أَذْ خَاسنْ سَّارْسغْ ثِيطَّاوِينْ إِنُو س أَرْضَا ؤُشَا أَذْ ثنْ أَرّغْ أَذْعقْبنْ غَارْ ثمُّورْثْ-أَ. نشّْ أَذْ ثنْ سّْبدّغْ، وَارْ ثنْ هدّْمغْ، أَذْ ثنْ ژُّوغْ، وَارْ ثنْ قدْجْعغْ.
JER 24:7 نشّْ أَذْ أَسنْ وْشغْ إِجّْ ن وُوڒْ مَاحنْذْ أَذْ أَيِي سّْننْ، بلِّي أَقَا نشّْ ذ سِيذِي. نِيثْنِي أَذْ إِڒِينْ ذ ڒْڭنْسْ إِنُو ؤُ نشّْ أَذْ إِڒِيغْ ذ أَربِّي نْسنْ، مَاغَارْ نِيثْنِي أَذْ غَارِي د-ذوْڒنْ س وُوڒْ نْسنْ إِمُونْ.‘ “
JER 24:8 ”أَمْ ثَازَارْثْ وَارْ إِحْڒِينْ، ثنِّي وَارْ ثحْڒِي أَطَّاسْ أَڒَامِي وَارْ ثتّْوِيشِّي، إِقَّارْ سِيذِي، أَمُّو إِ غَا أَرّغْ صِيذْقِييَا، أَجدْجِيذْ ن يَاهُوذَا، ذ ڒْحُوكَّامْ نّسْ ذ مِينْ إِقِّيمنْ زِي ؤُرْشَالِيمْ ذ يِينِّي إِزدّْغنْ ذِي ثمُّورْثْ ن مِيصْرَا.
JER 24:9 نشّْ أَذْ ثنْ أَرّغْ ذ [إِشْثْ ن ڒْقشْعثْ ن] ؤُنخْڒِيعْ إِ مَارَّا ثِيڭلْذِيوِينْ ن دُّونشْثْ، ذ ڒْحڭْرَا ذ إِجّْ ن ؤُمذْيَا ذ [إِشْثْ ن ڒْقشْعثْ ن] ؤُسْثهْزِي ذ إِشْثْ ن نّعْڒثْ ذِي مَارَّا إِمُوشَانْ مَانِي خَاسنْ إِ غَا يَاژّْڒغْ.
JER 24:10 نشّْ أَذْ سّكّغْ جَارْ أَسنْ سِّيفْ ذ ڒَاژْ ذ طَّاعُونْ أَڒْ د-تّْوَاكّْسنْ مَارَّا زِي ثمُّورْثْ إِ أَسنْ وْشِيغْ، إِ نِيثْنِي ؤُ إِ ڒجْذُوذْ نْسنْ.“
JER 25:1 أَوَاڒْ نِّي د-يُوسِينْ غَارْ إِرْمِييَا خْ مَارَّا ڒْڭنْسْ ن يَاهُوذَا، ذڭْ ؤُسڭّْوَاسْ وِيسّْ أَربْعَا ن يَاهُويَاقِيمْ، مِّيسْ ن يُوشِييَا، أَجدْجِيذْ ن يَاهُوذَا. ثُوغَا-ث ذ أَسڭّْوَاسْ أَمزْوَارُو ن نابُوخَاذْرَاصَّارْ، أَجدْجِيذْ ن بَابِيلْ.
JER 25:2 إِنَّا ؤُنَابِي إِرْمِييَا [أَوَاڒْ-أَ] إِ مَارَّا ڒْڭنْسْ ن يَاهُوذَا ؤُ إِ مَارَّا إِمزْذَاغْ ن ؤُرْشَالِيمْ، إِنَّا:
JER 25:3 ”زڭْ ؤُسڭّْوَاسْ وِيسّْ ثْڒطَّاشْ ن يُوشِييَا، مِّيسْ ن أَمُونْ، أَجدْجِيذْ ن يَاهُوذَا، أَڒْ أَسّْ-أَ، أَقَا إِ يِيجّْ ن ڒْمِيجَّاڒْ ن ثْڒَاثَا ؤُ-عِيشْرِينْ ن إِسڭّْوُوسَا، يُوسَا-د غَارِي وَاوَاڒْ ن سِيذِي ؤُ نشّْ ثُوغَا سَّاوَاڒغْ أَكِيذْومْ، [وَاهْ،] زڭْ ؤُمزْوَارُو ثُوغَا نشّْ سَّاوَاڒغْ [أَكِيذْومْ]، [مَاشَا] كنِّيوْ وَارْ ثسْڒِيمْ شَا.
JER 25:4 سِيذِي إِسّكّْ-د عَاوذْ مَارَّا إِمْسخَّارنْ نّسْ، إِنَابِييّنْ، زڭْ ؤُمزْوَارُو إِسّكّْ إِ-ثنْ-د، [مَاشَا] كنِّيوْ وَارْ ثسْڒِيمْ ؤُ وَارْ ثوْشِيمْ شَا أَمزُّوغْ نْومْ حِيمَا أَذْ ثسْڒمْ.
JER 25:5 نِيثْنِي نَّانْ: ’ذوْڒمْ-د، كُوڒْ  إِجّْ زڭْ وبْرِيذْ نّسْ أَعفَّانْ ؤُ زِي ثُوعفّْنَا ن ثْمڭَّا نْومْ ؤُشَا زذْغمْ ذِي ثمُّورْثْ نِّي ذ أَومْ إِوْشَا سِيذِي ؤُ إِ ڒجْذُوذْ نْومْ زِي ڒبْذَا إِ ڒبْذَا قَاعْ.
JER 25:6 وَارْ تّْرَادَّافمْ إِربِّيثنْ نّغْنِي حِيمَا أَذْ أَسنْ ثْعبْذمْ ؤُ أَذْ أَسنْ ثْبنْذْقمْ. وَارْ ذ أَيِي سعَّارمْ س ثْمڭَّا ن إِفَاسّنْ نْومْ، مَاحنْذْ وَارْ ذ أَومْ تّڭّغْ ڒْغَارْ.‘
JER 25:7 مَاشَا كنِّيوْ وَارْ غَارِي ثسْڒِيمْ شَا، [أَمُّو إِ] إِقَّارْ سِيذِي، أَڒَامِي ذ أَيِي ثسْعَارمْ س ثْمڭَّا ن إِفَاسّنْ نْومْ، إِ ثْخسَّارْثْ نْومْ.“
JER 25:8 ”س ؤُيَا، أَمُّو إِ إِقَّارْ سِيذِي ن ڒْعسْكَارَاثْ: ’مِينْزِي كنِّيوْ وَارْ ثسْڒِيمْ شَا غَارْ وَاوَاڒنْ إِنُو،
JER 25:9 خْزَارْ، س ؤُيَا أَذْ ڭّغْ أَذْ أَوْيغْ مَارَّا ڒَادْجَاثْ زِي شَّامَالْ، [أَمُّو إِ] إِقَّارْ سِيذِي، ؤُڒَا ذ نابُوخَاذْرَاصَّارْ، أَجدْجِيذْ ن بَابِيلْ، أَمْسخَّارْ إِنُو. نشّْ أَذْ ثنْ سِّيوْضغْ خْ ثمُّورْثْ-أَ ؤُ خْ إِمزْذَاغْ نّسْ ؤُ خْ مَارَّا ڒڭْنُوسْ إِ ذ أَسْ د-إِنّْضنْ ؤُشَا أَذْ ثنْ حَارّْمغْ إِ ؤُثحِّي. نشّْ أَذْ ثنْ ڭّغْ ذ [إِشْثْ ن ڒْقشْعثْ ن] ؤُنخْڒِيعْ ذ ثْسضْحَاشْثْ ؤُڒَا ذ ڒْخِيرْبَاثْ إِ ڒبْذَا.
JER 25:10 نشّْ أَذْ زَّايْسنْ كّْسغْ ڒْحسّْ ن ڒفْرَاحثْ ذ ڒْحسّْ ن وَارْشَاقْ، ثْمِيجَّا ن مُوڒَايْ ذ ثْمِيجَّا ن ثسْڒِيثْ، دّْرِيزْ ن يژْرَا ن ثْسِيرْثْ ؤُڒَا ذ ثْفَاوْثْ ن ڒفْنَارْ.
JER 25:11 ثَامُّورْثْ-أَ مَارَّا أَذْ ثذْوڒْ ذ ڒْخِيرْبثْ ؤُڒَا ذ [إِشْثْ ن ڒْقشْعثْ ن] ؤُنخْڒِيعْ، ؤُ ڒڭْنُوسْ-أَ أَذْ سخَّارنْ أَجدْجِيذْ ن بَابِيلْ، سبْعِينْ ن إِسڭّْوُوسَا.
JER 25:12 خْمِي غَا عْذُونْ سبْعِينْ ن إِسڭّْوُوسَا نِّي، خنِّي أَذْ خڒْفغْ زڭْ ؤُجدْجِيذْ ن بَابِيلْ ذ ڒْڭنْسْ نِّي خْ ڒْمُوعْصِييّثْ نْسنْ، [أَمُّو إِ] إِقَّارْ سِيذِي، ؤُڒَا خْ ثمُّورْثْ ن إِكَالْذَانِييّنْ. نشّْ أَذْ ت أَرّغْ ذ إِشْثْ ن ثمُّورْثْ إِتّْوَاردّْدْجنْ إِ ڒبْذَا.
JER 25:13 نشّْ أَذْ د-سّهْوِيغْ خْ ثمُّورْثْ نِّي مَارَّا أَوَاڒنْ إِنُو نِّي خَاسْ نِّيغْ، مَارَّا مِينْ يُورِينْ ذڭْ وذْلِيسْ إِتّْوَانّْضنْ، مِينْ إِنبَّا إِرْمِييَا خْ مَارَّا ڒڭْنُوسْ.
JER 25:14 مَاغَارْ ؤُڒَا ذ نِيثْنِي، [وَاهْ،] نِيثْنِي، أَذْعبّْذنْ إِ وَاطَّاسْ ن ڒڭْنُوسْ ذ إِجدْجِيذنْ إِمقّْرَاننْ، ؤُشَا [أَمُّو] نشّْ أَذْ زَّايْسنْ خڒْفغْ عْلَاحْسَابْ ثِيمڭَّا نْسنْ ؤُ عْلَاحْسَابْ ڒْخذْمثْ ن إِفَاسّنْ نْسنْ.‘ “
JER 25:15 ”مَاغَارْ أَمُّو إِ ذ أَيِي إِنَّا سِيذِي، أَربِّي ن إِسْرَائِيل: ’كْسِي ڒْكَاسْ-أَ ن بِينُو ن وسْعَارْ زڭْ ؤُفُوسْ إِنُو ؤُ أوْشْ إِ-ث إِ مَارَّا ڒڭْنُوسْ مَانِي شكْ إِ غَا سّكّغْ، حِيمَا أَذْ سْونْ،
JER 25:16 مَاحنْذْ أَذْ سْونْ، أَذْ ميّْڒنْ سَّا غَارْ ذَا، أَذْ ذوْڒنْ تّْبُوهْڒُوينْ زِي سِّيبّثْ ن سِّيفْ نِّي د غَا سّكّغْ جَارْ أَسنْ.‘ “
JER 25:17 [أَوَارْنِي ؤُيَا] كْسِيغْ ڒْكَاسْ زڭْ ؤُفُوسْ ن سِيذِي، وْشِيغْ ث إِ مَارَّا ڒڭْنُوسْ، مَانِي إِ ذ أَيِي إِسّكّْ سِيذِي:
JER 25:18 ... إِ ؤُرْشَالِيمْ ذ ثْندَّامْ ن يَاهُوذَا، إِ إِجدْجِيذنْ نّسْ ذ ڒْحُوكَّامْ نّسْ، حِيمَا أَذْ ثنْ أَرّغْ ذ ڒْخِيرْبثْ، ذ [إِشْثْ ن ڒْقشْعثْ ن] ؤُنخْڒِيعْ ذ ثْسضْحَاشْثْ ؤُڒَا ذ نّعْڒثْ، أَمْ [ثدْجَا] أَسّْ-أَ،
JER 25:19 ... إِ فِيڒْعُونْ، أَجدْجِيذْ ن مِيصْرَا، إِ ؤُمْسخَّارنْ نّسْ، ڒْحُوكَّامْ نّسْ ؤُ إِ مَارَّا ڒْڭنْسْ نّسْ،
JER 25:20 ... إِ ؤُبَارُّو ن عْڒَامْ كُوڒْ  إِبَارَّانِييّنْ ... إِ إِجدْجِيذنْ ن ثمُّورْثْ نْ عُوصْ ... إِ مَارَّا إِجدْجِيذنْ ن ثمُّورْثْ ن إِفِيلِيسْطِينِييّنْ، إِ أَشْقَالُونْ، غَازَّا، عَاقْرُونْ ؤُ إِ مَارَّا مِينْ إِقِّيمنْ زِي أَشْذُوذْ،
JER 25:21 ... إِ إِذُومْ، مُوآبَ ذ أَيْثْ ن عَامُّونْ،
JER 25:22 ... إِ مَارَّا إِجدْجِيذنْ ن صُورْ، إِ مَارَّا إِجدْجِيذنْ ن صِيذُونْ ؤُ إِ إِجدْجِيذنْ ن ثڭْزِيرِينْ خْ ؤُجمَّاضْ ن ڒبْحَارْ،
JER 25:23 ... إِ ذَاذَانْ، ثَايْمَا، بُوزْ ذ مَارَّا إِنِّي إِتّْحفَّانْ [أَشُوَّافْ] غَارْ طّْرُوفَا،
JER 25:24 ... إِ مَارَّا إِجدْجِيذنْ ن ثمُّورْثْ ن وعْرَابنْ ؤُ إِ مَارَّا إِجدْجِيذنْ ن عْڒَامْ كُوڒْ إِبَارَّانِييّنْ نِّي إِزدّْغنْ ذِي ڒخْڒَا،
JER 25:25 ... إِ مَارَّا إِجدْجِيذنْ ن زِيمْرِي، ؤُ إِ مَارَّا إِجدْجِيذنْ ن عِيلَامْ ؤُ إِ مَارَّا إِجدْجِيذنْ ن مَاذَايْ،
JER 25:26 ... إِ مَارَّا إِجدْجِيذنْ ن شَّامَالْ، إِنِّي يُوذْسنْ ذ يِينِّي إِڭّْوجنْ، إِجّنْ أَوَارْنِي إِ ونّغْنِي، ... إِ مَارَّا ثِيڭلْذِيوِينْ ن دُّونشْثْ إِ إِدْجَانْ خْ وُوذمْ ن ثمُّورْثْ، ؤُشَا أَوَارْنِي أَسنْ مَارَّا أَذْ إِسُو ؤُجدْجِيذْ ن شِيشَاكْ، إِخْسْ أَذْ يِينِي بَابِيلْ.
JER 25:27 ”أَذْ أَسنْ ثِينِيذْ: ’أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: سْومْ، سْشَارمْ، عُوقّمْ، وْضَامْ ؤُ وَارْ ثكَّارمْ عَاذْ زَّاثْ إِ سِّيفْ إِ د غَا سّكّغْ جَارْ أَومْ.‘
JER 25:28 خْمِي غَا أَڭِينْ أَذْ كْسِينْ ڒْكَاسْ زڭْ ؤُفُوسْ نّشْ مَاحنْذْ أَذْ ث سْونْ، [خنِّي] إِنِي أَسنْ: ’أَمُّو إِ إِقَّارْ سِيذِي ن ڒْعسْكَارَاثْ: أَذْ ثسْومْ س ؤُغِيڒْ!
JER 25:29 مَاغَارْ خْزَارْ، ذِي ثنْذِينْثْ إِ خْ إِتّْوَابَارّحْ س يِيسمْ إِنُو، أَذْ بْذِيغْ س ڒْغَارْ. مَا أَذْ ذَايْومْ ڭّنْ أَمْ تّڭّنْ أَكْ-ذ إِمزْذَاڭنْ؟ كنِّيوْ وَارْ تّْوَاحسْبنْ ذ إِمزْذَاڭنْ، مَاغَارْ أَذْ ڒَاغِيغْ إِ سِّيفْ ضِيدّْ إِ مَارَّا إِمزْذَاغْ ن ثمُّورْثْ، [أَمُّو إِ] إِقَّارْ سِيذِي ن ڒْعسْكَارَاثْ.‘ “
JER 25:30 ”أَذْ خَاسنْ ثْنبِّيذْ مَارَّا أَوَاڒنْ-أَ ؤُشَا أَذْ ذ أَسنْ ثِينِيذْ: ’سِيذِي أَذْ د-إِزهَّارْ زِي سنّجْ ؤُشَا نتَّا أَذْ إِسّْڭعّذْ ثْمِيجَّا نّسْ زِي ثْزذِّيغْثْ نّسْ إِقدّْسنْ. نتَّا أَذْ إِزهَّارْ خْ ثْزذِّيغْثْ نّسْ، أَذْ إِڒَاغَا أَمْ ث تّڭّنْ إِنِّي يَارفّْسنْ أَضِيڒْ، ضِيدّْ إِ مَارَّا إِمزْذَاغْ ن دُّونشْثْ.
JER 25:31 أَذْ د-يَاسْ إِجّْ ن ڒْحسّْ إِسّْنخْڒِيعنْ أَڒْ ثْمَا ن ثمُّورْثْ، مِينْزِي سِيذِي غَارسْ إِشْثْ ن دّعْوثْ أَكْ-ذ ڒڭْنُوسْ. نتَّا أَذْ إِحْكمْ خْ بْنَاذمْ أَمْ إِكْمڒْ، أَذْ إِعَارّنْ مَارَّا إِعفَّاننْ غَارْ سِّيفْ، [أَمُّو إِ] إِقَّارْ سِيذِي.‘
JER 25:32 أَمُّو إِ إِقَّارْ سِيذِي ن ڒْعسْكَارَاثْ: ’خْزَارْ، إِجّْ ن ڒْغَارْ ثسُّورُوفْ زِي ڒْڭنْسْ غَارْ ڒْڭنْسْ نّغْنِي، إِشْثْ ن ثْهَارْيَاضْثْ ثوْعَارْ ثكَّارْ-د زِي ثْمُووَّا ن ثمُّورْثْ.
JER 25:33 ذڭْ وَاسّْ نِّي أَذْ إِڒِينْ إِنِّي إِتّْوَاسّْنُوقّْبنْ [س سِّيفْ] خْ إِشْثْ ن ثْمَا ن ثمُّورْثْ أَڒْ ثْمَا نّغْنِي. وَارْ خَاسنْ تّْرُونْ، وَارْ ثنْ جَارّْونْ ؤُ وَارْ ثنْ نطّْڒنْ. أَذْ ذوْڒنْ ذ ڒغْبَارْ خْ وُوذمْ ن ثمُّورْثْ.
JER 25:34 رُومْ، [كنِّيوْ] إِمكْسَاونْ، سْغُويمْ. زُوزَّارمْ [أَشَاڒْ] خْ يِيخفْ نْومْ، [كنِّيوْ] إِنِّي غَارْ إِدْجَا جّهْذْ خْ ثْحِيمْرِيوِينْ ن وُودْجِي، مَاغَارْ يِيوضْ-د ڒْحَاڒْ ن ثْغَارْصْثْ نْومْ، ؤُ نشّْ أَذْ كنِّيوْ زُوزَّارغْ ؤُ كنِّيوْ أَذْ ثفْرُورْيمْ أَمْ يِيجّْ ن ؤُغَارَّافْ إِغْڒَا.
JER 25:35 وَارْ ثْنفّعْ ثَاروْڒَا إِ إِمكْسَاونْ ؤُڒَا ذ ونْجَامْ ن يِينِّي غَارْ إِدْجَا جّهْذْ خْ ثْحِيمْرِيوِينْ ن وُودْجِي.
JER 25:36 سْحسّمْ مَامّشْ سْغُويُّونْ إِمكْسَاونْ س جّهْذْ، [مَامّشْ] تّْرُونْ إِنِّي غَارْ إِدْجَا جّهْذْ خْ ثْحِيمْرِيوِينْ ن وُودْجِي، مِينْزِي سِيذِي إِتَّاردّدْجْ دّْمَانِي نْسنْ ن ثَاروْسَا.
JER 25:37 مَاغَارْ دّْمَانِي ن ثَاروْسَا أَذْ ذوْڒنْ ؤُڭْنُونْ زِي سِّيبّثْ ن ڒْحَاذُوقْ ن وغْضَابْ ن سِيذِي.
JER 25:38 أَمْ ويْرَاذْ أَمژْيَانْ إِجَّا نتَّا أَذُورِّي نّسْ، مَاغَارْ ثَامُّورْثْ نْسنْ ثذْوڒْ ذ [إِشْثْ ن ڒْقشْعثْ ن] ؤُنخْڒِيعْ س ڒْحَاذُوقْ [ن سِّيفْ] ن ونِّي إِحصَّارنْ، س ڒْحَاذُوقْ ن وغْضَابْ نّسْ.‘ “
JER 26:1 ذڭْ ؤُمزْوَارُو ن ثْڭلْذَا ن يَاهُويَاقِيمْ، مِّيسْ ن يُوشِييَا، أَجدْجِيذْ ن يَاهُوذَا، يُوسَا-د وَاوَاڒْ-أَ زِي سِيذِي، إِنَّا:
JER 26:2 ”أَمُّو إِ إِقَّارْ سِيذِي: ’بدّْ ذِي ڒمْرَاحْ ن زَّاثْ ن ثَادَّارْثْ ن سِيذِي ؤُشَا إِنِي مَارَّا أَوَاڒنْ-أَ نِّي زِي شكْ وصِّيغْ مَاحنْذْ أَذْ زَّايْسنْ ثسِّيوْڒذْ إِ [إِمزْذَاغْ ن] مَارَّا ثِيندَّامْ ن يَاهُوذَا نِّي د-يُوسِينْ مَاحنْذْ أَذْ بنْذْقنْ ذِي ثَادَّارْثْ ن سِيذِي. وَارْ تّجِّي ؤُڒَا ذ إِجّْ ن وَاوَاڒْ وَارْ ث ثقَّارذْ.
JER 26:3 أَذْ ثَاغْ أَذْ سْڒنْ، أَذْ د-ذوْڒنْ، كُوڒْ إِجّْ زڭْ وبْرِيذْ أَعفَّانْ نّسْ، ؤُشَا أَذْ نذْمغْ خْ ڒْغَارْ نِّي نْوِيغْ أَذْ ذَايْسنْ ث ڭّغْ زِي سِّيبّثْ ن ثُوعفّْنَا ن ثْمڭَّا نْسنْ.
JER 26:4 إِنِي أَسنْ: ’أَمُّو إِ إِقَّارْ سِيذِي: مَاڒَا كنِّيوْ وَارْ ثتّخْسمْ أَذْ غَارِي ثسْڒمْ مَاحنْذْ أَذْ ثُويُورمْ عْلَاحْسَابْ شَّارِيعَا إِنُو نِّي ذ أَومْ ڭِّيغْ ذڭْ ؤُفُوسْ،
JER 26:5 [ؤُ مَاحنْذْ] أَذْ ثسْڒمْ غَارْ وَاوَاڒنْ ن إِمْسخَّارنْ إِنُو، إِنَابِييّنْ نِّي ذ أَومْ د-سّكّغْ زڭْ ؤُمزْوَارُو، وَاخَّا كنِّيوْ وَارْ [ذ أَسنْ] ثسْڒِيمْ،
JER 26:6 خنِّي أَذْ ڭّغْ أَكْ-ذ ثَادَّارْثْ-أَ أَمْ ڭِّيغْ أَكْ-ذ شِيلُو، ؤُشَا أَذْ أَرّغْ ثَانْذِينْثْ ذ نّعْڒثْ إِ مَارَّا ڒڭْنُوسْ ذِي ثمُّورْثْ.‘ “
JER 26:7 إِكهَّاننْ ذ إِنَابِييّنْ ذ مَارَّا ڒْڭنْسْ سْڒِينْ مَامّشْ إِسِّيوڒْ إِرْمِييَا أَوَاڒنْ-أَ ذِي ثَادَّارْثْ ن سِيذِي.
JER 26:8 ؤُمِي إِكمّڒْ إِرْمِييَا أَوَاڒْ خْ مَارَّا مِينْ ثُوغَا إِ ذ أَسْ إِوصَّا سِيذِي مَاحنْذْ أَذْ ث إِنَّا إِ مَارَّا ڒْڭنْسْ، طّْفنْ ث إِكهَّاننْ ذ إِنَابِييّنْ ذ مَارَّا ڒْڭنْسْ ؤُشَا نَّانْ: ”إِتّْخصَّا أَذْ ثمّْثذْ!
JER 26:9 مَايمِّي ثْنبِّيذْ س يِيسمْ ن سِيذِي، ثنِّيذْ: ’ثَادَّارْثْ-أَ أَذْ ثذْوڒْ أَمْ شِيلُو ؤُ ثَانْذِينْثْ-أَ أَذْ ثتّْوَاردّدْجْ أَڒَامِي وَارْ ذَايسْ إِزدّغْ ؤُڒَا ذ إِجّنْ؟‘ “ مَارَّا ڒْڭنْسْ إِمُونْ خْ إِرْمِييَا ذِي ثَادَّارْثْ ن سِيذِي.
JER 26:10 ؤُمِي سْڒِينْ ڒْحُوكَّامْ ن يَاهُوذَا أَوَاڒنْ-أَ، فّْغنْ-د زِي ثَادَّارْثْ ن ؤُجدْجِيذْ ڭعّْذنْ غَارْ ثَادَّارْثْ ن سِيذِي، قِّيمنْ غَارْ وَاذَافْ ن ثوَّارْثْ ن جْذِيذْ ن ثَادَّارْثْ ن سِيذِي.
JER 26:11 [خنِّي] سِّيوْڒنْ إِكهَّاننْ ذ إِنَابِييّنْ أَكْ-ذ ڒْحُوكَّامْ ؤُ أَكْ-ذ مَارَّا ڒْڭنْسْ، نَّانْ: ”أَرْيَازْ-أَ إِسْذَاهدْجْ ڒْموْثْ، أَمْ مَامّشْ ت ثسْڒَامْ س إِمزُّوغنْ نْومْ.“
JER 26:12 [خنِّي] إِسِّيوڒْ  إِرْمِييَا أَكْ-ذ مَارَّا ڒْحُوكَّامْ ؤُ أَكْ-ذ مَارَّا ڒْڭنْسْ، إِنَّا: ”سِيذِي إِسّكّْ أَيِي-د حِيمَا أَذْ نبِّيغْ مَارَّا أَوَاڒنْ إِ ثسْڒِيمْ ضِيدّْ إِ ثَادَّارْثْ-أَ ؤُ ضِيدّْ إِ ثنْذِينْثْ-أَ.
JER 26:13 [خنِّي] ڒخُّو،عذْڒمْ إِبْرِيذنْ نْومْ ذ ثْمڭَّا نْومْ ؤُشَا صْڒمْ إِ ثْمِيجَّا ن سِيذِي، أَربِّي نْومْ، [خنِّي] أَذْ إِنْذمْ سِيذِي زِي مَارَّا ڒْغَارْ إِ خَاومْ إِنَّا.
JER 26:14 [مَاشَا] نشّْ، خْزَارْ، أَقَا أَيِي ذڭْ ؤُفُوسْ نْومْ، ڭّمْ زَّايِي مَامّشْ إِ ذ أَومْ إِتّْغِيڒْ ذ لمْلِيحْ ذ نِيشَانْ ذِي ثِيطَّاوِينْ نْومْ.
JER 26:15 سْنمْ [مَاشَا] نِيشَانْ، مَاڒَا كنِّيوْ ثنْغِيمْ أَيِي، أَذْ د-ثَاوْيمْ إِذَامّنْ إِمزْذَاڭنْ خْ يِيخفْ نْومْ ؤُ خْ ثنْذِينْثْ-أَ ؤُ خْ إِمزْذَاغْ نّسْ، مِينْزِي س ثِيذتّْ، سِيذِي إِسّكّْ أَيِي-د غَارْومْ مَاحنْذْ أَذْ أَومْ إِنِيغْ مَارَّا أَوَاڒنْ-أَ ذڭْ إِمزُّوغنْ نْومْ.“
JER 26:16 ڒْحُوكَّامْ ذ مَارَّا ڒْڭنْسْ نَّانْ إِ إِكهَّاننْ ؤُ إِ إِنَابِييّنْ: ”أَرْيَازْ-أَ وَارْ إِسّْذِيحدْجْ ڒْموْثْ، مَاغَارْ نتَّا إِسَّاوَاڒْ أَكِيذْنغْ س يِيسمْ ن سِيذِي، أَربِّي نّغْ.“
JER 26:17 شَا ن إِرْيَازنْ زڭْ إِمْغَارنْ ن ثمُّورْثْ كَّارنْ، بدّنْ. نِيثْنِي سِّيوْڒنْ غَارْ مَارَّا أَڭْرَاوْ ن ڒْڭنْسْ، نَّانْ:
JER 26:18 ”مِيخَا زِي مُورَاشِيثْ ثُوغَا إِتّْنَابَّا ذڭْ وُوسَّانْ ن حِيزْقِييَا، أَجدْجِيذْ ن يَاهُوذَا، ؤُشَا إِسِّيوڒْ غَارْ مَارَّا ڒْڭنْسْ ن يَاهُوذَا، إِنَّا: ’أَمُّو إِ إِقَّارْ سِيذِي ن ڒْعسْكَارَاثْ: صِيهْيُونْ أَذْ ثتّْوَاشَارْزْ أَمْ يِيجّْ ن ييَّارْ ؤُ [ثَانْذِينْثْ ن] ؤُرْشَالِيمْ أَذْ ثذْوڒْ ذ ڒْخَارْبثْ ؤُ أَذْرَارْ ن ثَادَّارْثْ-أَ [أَذْ إِذْوڒْ] ذ ڒڭْعُوذِي [مَانِي غَا وهّْبنْ ثِيوْهِيبِينْ] ذڭْ وزْغَارْ.‘
JER 26:19 مَا إِنْغَا إِ-ث حِيزْقِييَا، أَجدْجِيذْ ن يَاهُوذَا، ذ مَارَّا يَاهُوذَا؟ مَا وَارْ إِڭّْوِيذْ نتَّا سِيذِي ؤُ إِكْسِي س ڒْمعْرُوفْ إِ سِيذِي أَڒَامِي إِنْذمْ خْ ڒْغَارْ إِ خَاسنْ إِقَّارْ؟ نشِّينْ أَذْ نڭّْ إِجّْ ن ڒْعِيبْ ذ أَمقّْرَانْ إِ يِيخفْ نّغْ.“
JER 26:20 ثُوغَا ذِينْ عَاذْ إِجّْ ن ورْيَازْ [نّغْنِي] ونِّي ثُوغَا إِتّْنبَّانْ س يِيسمْ ن سِيذِي، ؤُرِييَا، مِّيسْ ن شَامْعِييَا، زِي قَارْيَاثْ-يَاعَارِيمْ. نتَّا إِنبَّا ضِيدّْ إِ ثنْذِينْثْ-أَ ؤُ ضِيدّْ إِ ثمُّورْثْ-أَ عْلَاحْسَابْ مَارَّا أَوَاڒنْ نِّي إِنَّا إِرْمِييَا.
JER 26:21 [خْمِي] إِسْڒَا ؤُجدْجِيذْ يَاهُويَاقِيمْ [جْمِيعْ] أَكْ-ذ مَارَّا ڒْحُوكَّامْ أَوَاڒنْ نّسْ، إِخْسْ ؤُجدْجِيذْ أَذْ ث إِنغْ. إِسْڒَا ؤُرِييَا أَيَا، إِڭّْوذْ، يَارْوڒْ ؤُ يِيوضْ غَارْ مِيصْرَا.
JER 26:22 أَجدْجِيذْ يَاهُويَاقِيمْ [مَاشَا] إِسّكّْ إِرْيَازنْ غَارْ مِيصْرَا: إِلْ-نَاثَانْ، مِّيسْ ن عَاكْبُورْ أَكْ-ذ شَا ن إِرْيَازنْ. إِسّكّْ إِ-ثنْ غَارْ مِيصْرَا.
JER 26:23 نِيثْنِي إِوْينْ-د ؤُرِييَا زِي مِيصْرَا ؤُشَا نذْهنْ ث غَارْ ؤُجدْجِيذْ يَاهُويَاقِيمْ ؤُ وَانِيثَا إِنْغَا إِ-ث س سِّيفْ. نتَّا إِنْضَارْ ڒْخشْبثْ نّسْ ذڭْ إِمضْڒَانْ ن ثَارْوَا ن ڒْڭنْسْ.
JER 26:24 [مَاشَا] أَفُوسْ ن أَخِيقَامْ، مِّيسْ ن شَافَانْ، ثُوغَا-ث أَكْ-ذ إِرْمِييَا مَاحنْذْ وَارْ ث تِّيشنْ ذڭْ إِفَاسّنْ ن ڒْڭنْسْ مَاحنْذْ أَذْ ث نْغنْ.
JER 27:1 ذڭْ ؤُمزْوَارْ ن ثْڭلْذَا ن يَاهُويَاقِيمْ، مِّيسْ ن يُوشِييَا، أَجدْجِيذْ ن يَاهُوذَا، يُوسَا-د وَاوَاڒْ-أَ غَارْ إِرْمِييَا، إِنَّا:
JER 27:2 ”أَمُّو إِ ذ أَيِي إِنَّا سِيذِي: ’أڭّْ إِ يِيخفْ نّشْ إِسغْوَانْ ذ إِزَايْڒُوثنْ، ؤُ سَّارْسْ إِ-ثنْ خْ يِيرِي نّشْ
JER 27:3 ؤُشَا سكّْ إِ-ثنْ إِ ؤُجدْجِيذْ ن إِذُومْ، إِ ؤُجدْجِيذْ ن مُوآبَ، إِ ؤُجدْجِيذْ ن أَيْثْ ن عَامُّونْ، إِ ؤُجدْجِيذْ ن صُورْ ؤُ إِ ؤُجدْجِيذْ ن صِيذُونْ، س ؤُفُوسْ ن إِمْسخَّارنْ إِنِّي د-يُوسِينْ غَارْ ؤُرْشَالِيمْ غَارْ صِيذْقِييَا، أَجدْجِيذْ ن يَاهُوذَا.
JER 27:4 ؤُمُورْ أَسنْ أَذْ إِنِينْ إِ إِسِيذِيثنْ نْسنْ: أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل، أَمُّو إِ إِتّْخصَّا أَذْ ثِينِيمْ إِ إِسِيذِيثنْ نْومْ:
JER 27:5 س جّهْذْ إِنُو أَمقّْرَانْ ذ ؤُفُوسْ إِنُو إِسّْوِيژَّاذنْ ڭِّيغْ ثَامُّورْثْ ذ بْنَاذمْ ذ ڒبْهَايمْ نِّي إِدْجَانْ خْ وُوذمْ ن ثمُّورْثْ ؤُشَا نشّْ أَذْ ثنْ وْشغْ إِ ونِّي إِسْذَاهدْجنْ ذِي ثِيطَّاوِينْ إِنُو.
JER 27:6 [خنِّي] ڒخُّو، نشّْ ڭِّيغْ مَارَّا ثِيمُّورَا-يَا ذڭْ ؤُفُوسْ ن نابُوخَاذْنَاصَّارْ، أَجدْجِيذْ ن بَابِيلْ، أَمْسخَّارْ إِنُو. وْشِيغْ أَسْ ؤُڒَا ذ ڒْمَاڒْ ن ييَّارْ، مَاحنْذْ أَذْ خَاسْ سخَّارنْ.
JER 27:7 مَارَّا ڒڭْنُوسْ أَذْ أَسْ سخَّارنْ ؤُڒَا إِ مِّيسْ ذ مِّيسْ ن مِّيسْ أَڒَامِي إِ د غَا يَاسْ ڒْحَاڒْ إِ ثمُّورْثْ نّسْ. [خنِّي] أَطَّاسْ ن ڒڭْنُوسْ ذ إِجدْجِيذنْ إِمقّْرَاننْ أَذْ ڭّنْ أَذْ زَّايسْ تّْوَاسخَّارنْ.
JER 27:8 ڒْڭنْسْ ذ ثْڭلْذِيثْ إِ وَارْ إِخْسْ أَذْ أَسْ إِسخَّارْ إِ نابُوخَاذْنَاصَّارْ، أَجدْجِيذْ ن بَابِيلْ، ؤُشَا وَارْ إِخْسْ أَذْ إِسّهْوَا إِڒِي نّسْ سْوَادَّايْ إِ ؤُزَايْڒُو ن ؤُجدْجِيذْ ن بَابِيلْ، أَقَا نشّْ أَذْ خڒْفغْ زِي ڒْڭنْسْ نِّي س سِّيفْ ذ ڒَاژْ ذ طَّاعُونْ، [أَمُّو إِ] إِقَّارْ سِيذِي، أَڒْ ثنْ إِ غَا قْضِيغْ س ؤُفُوسْ نّسْ.
JER 27:9 كنِّيوْ [خنِّي]، وَارْ تّسْڒِيمْ إِ إِنَابِييّنْ نْومْ ذ إِڭزَّاننْ نْومْ ذ أَيْثْ ن بُو-ثِيرْجَا نْومْ ذ إِبزْڭَاونْ نْومْ ذ إِسحَّارنْ نْومْ نِّي غَارْومْ إِسَّاوَاڒنْ، قَّارنْ: كنِّيوْ وَارْ ثْسخَّارَامْ شَا إِ ؤُجدْجِيذْ ن بَابِيلْ!،
JER 27:10 مَاغَارْ نِيثْنِي تّْنبَّانْ س إِخَارِّيقنْ مَاحنْذْ أَذْ كنِّيوْ سِّيڭّْوجنْ خْ ثمُّورْثْ نْومْ، أَڒَامِي نشّْ أَذْ خَاونْ أَژّْڒغْ ؤُشَا كنِّيوْ أَذْ ثتّْوَاهلّْكمْ.
JER 27:11 [مَاشَا] ڒْڭنْسْ نِّي إِ غَا إِسَّاضَارنْ إِڒِي نّسْ سْوَادَّايْ إِ ؤُزَايْڒُو ن ؤُجدْجِيذْ ن بَابِيلْ ؤُشَا أَذْ أَسْ إِسّخَّارْ، أَقَا ڒْڭنْسْ نِّي أَذْ ث جّغْ أَذْ إِقِّيمْ ذِي ثمُّورْثْ نّسْ، ؤُشَا أَذْ ت إِشَارْزْ ؤُ أَذْ ذَايسْ إِزْذغْ!‘، [أَمُّو إِ] إِقَّارْ سِيذِي.“
JER 27:12 [خنِّي] سِّيوْڒغْ غَارْ صِيذْقِييَا، أَجدْجِيذْ ن يَاهُوذَا، عْلَاحْسَابْ مَارَّا أَوَاڒنْ-أَ، نِّيغْ: ”ڭّمْ إِڒَاونْ نْومْ سْوَادَّايْ إِ ؤُزَايْڒُو ن ؤُجدْجِيذْ ن بَابِيلْ ؤُ سخَّارمْ أَسْ ؤُ إِ ڒْڭنْسْ نّسْ، [خنِّي] أَذْ ثقِّيممْ ثدَّارمْ.
JER 27:13 مَايمِّي غَا ثتّْوَانْغمْ، شكْ ذ ڒْڭنْسْ نّشْ، س سِّيفْ ذ ڒَاژْ ذ طَّاعُونْ، أَمْ مَامّشْ إِسِّيوڒْ سِيذِي خْ ڒْڭنْسْ إِ وَارْ إِخْسنْ أَذْ إِسخَّارْ إِ ؤُجدْجِيذْ ن بَابِيلْ.
JER 27:14 وَارْ تّسْڒِيمْ إِ وَاوَاڒنْ ن إِنَابِييّنْ، إِنِّي غَارْومْ إِسَّاوَاڒنْ، قَّارنْ: ’كنِّيوْ وَارْ ثتّْسخَّارمْ شَا إِ ؤُجدْجِيذْ ن بَابِيلْ!‘، مَاغَارْ نِيثْنِي تّْنبَّانْ أَومْ س إِخَارِّيقنْ،
JER 27:15 مِينْزِي نشّْ وَارْ ثنْ د-سّكّغْ، [أَمُّو إِ] إِقَّارْ سِيذِي، ؤُ نِيثْنِي تّْنبَّانْ س إِخَارِّيقنْ س يِيسمْ إِنُو مَاحنْذْ أَذْ كنِّيوْ أَژّْڒغْ ؤُ كنِّيوْ أَذْ ثتّْوَاهلّْكمْ، كنِّيوْ ذ إِنَابِييّنْ نِّي ذ أَومْ إِتّْنَابّنْ،“
JER 27:16 سِّيوْڒغْ ؤُڒَا أَكْ-ذ إِكهَّاننْ ؤُ أَكْ-ذ مَارَّا ڒْڭنْسْ، نِّيغْ: ”أَمُّو إِ إِقَّارْ سِيذِي: ’وَارْ ثسْڒِيمْ غَارْ وَاوَاڒنْ ن إِنَابِييّنْ نْومْ إِ إِقَّارنْ: خْزَارْ، ڒقْشُوعْ زِي ثَادَّارْثْ ن سِيذِي أَذْ تّْوَارّنْ ذغْيَا زِي بَابِيلْ!، مَاغَارْ نِيثْنِي تّْنبَّانْ إِ كنِّيوْ س إِخَارِّيقنْ.
JER 27:17 وَارْ غَارْسنْ تّسْڒِيمْ شَا، [مَاشَا] سخَّارمْ إِ ؤُجدْجِيذْ ن بَابِيلْ، [خنِّي] أَذْ ثقِّيممْ ثدَّارمْ. مَايمِّي غَا ثذْوڒْ ثنْذِينْثْ-أَ ذ إِشْثْ نْ ڒْخِيرْبثْ؟
JER 27:18 مْڒِي نِيثْنِي ذ إِنَابِييّنْ، ؤُ أَوَاڒْ ن سِيذِي إِدْجَا [س ثِيذتّْ] غَارْسنْ، أجّْ إِ-ثنْ أَذْ تَّارنْ إِ سِيذِي ن ڒْعسْكَارَاثْ، أَقَا ڒقْشُوعْ إِ إِقِّيمنْ عَاذْ ذِي ثَادَّارْثْ ن سِيذِي ؤُ ذِي ثَادَّارْثْ ن ؤُجدْجِيذْ ن يَاهُوذَا ذِي ؤُرْشَالِيمْ وَارْ تّْرِيحنْ غَارْ بَابِيلْ.
JER 27:19 مَاغَارْ أَمُّو إِ إِقَّارْ سِيذِي ن ڒْعسْكَارَاثْ خْ إِپِيلَارنْ، خْ ڒبْحَارْ ن نّْحَاسْ، خْ ثْكَارُّوثِينْ ؤُ خْ مَارَّا ڒقْشُوعْ نّغْنِي إِ إِقِّيمنْ ذِي ثنْذِينْثْ-أَ،
JER 27:20 إِنِّي وَارْ كِيذسْ إِكْسِي نابُوخَاذْنَاصَّارْ، أَجدْجِيذْ ن بَابِيلْ، ؤُمِي إِنْذهْ يَاكُونْيَا، مِّيسْ ن يَاهُويَاقِيمْ، أَجدْجِيذْ ن يَاهُوذَا، زِي ؤُرْشَالِيمْ غَارْ بَابِيلْ أَكْ-ذ مَارَّا ثَارْوَا ن ثَاصِيڒثْ ن يَاهُوذَا ذ ؤُرْشَالِيمْ،
JER 27:21 [وَاهْ،] أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل، خْ ڒقْشُوعْ إِ إِقِّيمنْ ذِي ثَادَّارْثْ ن سِيذِي ؤُ ذِي ثَادَّارْثْ ن ؤُجدْجِيذْ ن يَاهُوذَا ؤُ ذِي ؤُرْشَالِيمْ:
JER 27:22 غَارْ بَابِيلْ أَذْ مّكْسِينْ ؤُ أَذْ قِّيمنْ ذِينِّي أَڒْ أَسّْ إِ غَارْسنْ د غَا أَرْزْفغْ، [أَمُّو إِ] إِقَّارْ سِيذِي. [خنِّي] أَذْ ثنْ سُّوفّْغغْ ؤُ أَذْ ثنْ د-أَرّغْ غَارْ ومْشَانْ-أَ.‘ “
JER 28:1 ذڭْ ؤُسڭّْوَاسْ نِّي، ذڭْ ؤُمزْوَارُو ن ثْڭلْذَا ن ؤُجدْجِيذْ صِيذْقِييَا، أَجدْجِيذْ ن يَاهُوذَا، ذڭْ ؤُسڭّْوَاسْ وِيسّْ أَربْعَا، ذڭْ ؤُيُورْ وِيسّْ خمْسَا، إِسِّيوڒْ أَكِيذِي حَانَانْيَا، مِّيسْ ن عَازُورْ، أَنَابِي زِي جِيبْعُونْ، ذِي ثَادَّارْثْ ن سِيذِي زَّاثْ إِ ثِيطَّاوِينْ ن إِكهَّاننْ ذ ڒْڭنْسْ إِمُونْ، إِنَّا:
JER 28:2 ”أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل، إِقَّارْ: ’نشّْ أَذْ أَرْژغْ أَزَايْڒُو ن ؤُجدْجِيذْ ن بَابِيلْ.
JER 28:3 عَاذْ ثْنَاينْ ن إِسڭّْوُوسَا [خنِّي] نشّْ أَذْ د-أَرّغْ غَارْ ثمُّورْثْ-أَ مَارَّا ڒقْشُوعْ ن ثَادَّارْثْ ن سِيذِي، إِنِّي إِكْسِي نابُوخَاذْنَاصَّارْ، أَجدْجِيذْ ن بَابِيلْ، زڭْ ومْشَانْ-أَ ؤُشَا يِيوْيْ-إِ-ثنْ غَارْ بَابِيلْ.
JER 28:4 نشّْ أَذْ سّْعقْبغْ يَاكُونْيَا، مِّيسْ ن يَاهُويَاقِيمْ، ذ مَارَّا إِمنْفِييّنْ زِي يَاهُوذَا إِ د-يِيوْضنْ غَارْ بَابِيلْ، غَارْ ومْشَانْ-أَ، [أَمُّو إِ] إِقَّارْ سِيذِي، مِينْزِي نشّْ أَذْ أَرْژغْ أَزَايْڒُو ن ؤُجدْجِيذْ ن بَابِيلْ.‘ “
JER 28:5 [خنِّي] إِنَّا ؤُنَابِي إِرْمِييَا إِ ؤُنَابِي حَانَانْيَا - زَّاثْ إِ ثِيطَّاوِينْ ن إِكهَّاننْ ؤُ زَّاثْ إِ ثِيطَّاوِينْ ن ڒْڭنْسْ إِمُونْ، إِنِّي إِبدّنْ ذِي ثَادَّارْثْ ن سِيذِي -
JER 28:6 [وَاهْ أَمُّو إِ] إِنَّا إِرْمِييَا: ”أَمِينْ، أَمُّو إِ غَا يڭّْ سِيذِي! إِڒِي أَذْ إِسّقْفڒْ سِيذِي أَوَاڒنْ نّشْ إِ ثْنبِّيذْ أَڒَامِي غَا يَارّْ ڒقْشُوعْ ن ثَادَّارْثْ ن سِيذِي ذ مَارَّا إِنِّي إِتّْوَانذْهنْ ذِي لْمنْفَا زِي بَابِيلْ غَارْ ومْشَانْ-أَ!
JER 28:7 سڒْ [مَاشَا] إِ وَاوَاڒْ-أَ إِ زِي سَّاوَاڒغْ ذڭْ إِمزُّوغنْ نْومْ ؤُ ذڭْ إِمزُّوغنْ ن ڒْڭنْسْ إِمُونْ:
JER 28:8 ’إِنَابِييّنْ نِّي ثُوغَا [ذِينْ] إِدْجَانْ قْبڒْ إِنُو ذ كنِّيوْ زڭْ وشْحَاڒْ ؤُيَا، نبَّانْ ضِيدّْ إِ وَاطَّاسْ ن ثمُّورَا ؤُ ضِيدّْ إِ وَاطَّاسْ ن ثْڭلْذِيثِينْ خْ ڭَارَّا، خْ إِشڒْوَاونْ ؤُ خْ طَّاعُونْ.
JER 28:9 [مَاشَا] أَنَابِي نِّي إِتّْنَابّنْ خْ سْڒَامْ، مَاڒَا أَوَاڒْ ن ؤُنَابِي نِّي أَذْ د-إِفّغْ، [خنِّي] أَذْ يِيڒِي إِتّْوَاسّنْ [س ثِيذتّْ] أَقَا سِيذِي إِسّكّْ-د أَنَابِي نِّي.‘ “
JER 28:10 [خنِّي] إِكْسِي ؤُنَابِي حَانَانْيَا أَزَايْڒُو ن يِيرِي ن ؤُنَابِي إِرْمِييَا، يَارْژْ إِ-ث.
JER 28:11 ؤُشَا إِسِّيوڒْ حَانَانْيَا زَّاثْ إِ ثِيطَّاوِينْ ن مَارَّا ڒْڭنْسْ، إِنَّا: ”أَمُّو إِ إِقَّارْ سِيذِي: ’قْبڒْ إِ غَا عْذُونْ ثْنَاينْ ن إِسڭّْوُوسَا كمّْڒنْ أَذْ أَرْژغْ أَزَايْڒُو ن نابُوخَاذْنَاصَّارْ، أَجدْجِيذْ ن بَابِيلْ، [إِ  إِدْجَانْ] خْ يِيڒَاونْ ن مَارَّا ڒڭْنُوسْ.“ ؤُشَا إِرْمِييَا يُويُورْ أَبْرِيذْ نّسْ.
JER 28:12 [خنِّي] يُوسَا-د وَاوَاڒْ ن سِيذِي غَارْ إِرْمِييَا أَوَارْنِي إِ ؤُمِي يَارْژَا ؤُنَابِي حَانَانْيَا أَزَايْڒُو خْ يِيڒَاونْ ن ؤُنَابِي إِرْمِييَا، إِنَّا:
JER 28:13 ”ؤُيُورْ، سِيوڒْ أَكْ-ذ حَانَانْيَا، إِنِي: ’أَمُّو إِ إِقَّارْ سِيذِي: إِزَايْڒُوثنْ ن ؤُكشُّوضْ ثَارْژِيذْ ثنْ، [مَاشَا] ثڭِّيذْ إِزَايْڒُوثنْ ن وُوزَّاڒْ ذڭْ ومْشَانْ نْسنْ.‘
JER 28:14 مَاغَارْ أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’إِجّْ ن ؤُزَايْڒُو ن وُوزَّاڒْ سَّارْسغْ ث خْ يِيڒَاونْ ن مَارَّا ڒڭْنُوسْ، مَاحنْذْ أَذْ سخَّارنْ إِ نابُوخَاذْنَاصَّارْ، أَجدْجِيذْ ن بَابِيلْ. نِيثْنِي أَذْ أَسْ سخَّارنْ. ؤُڒَا ذ ڒْمَاڒْ وْشِيغْ ثنْ ذڭْ ؤُفُوسْ نّسْ.‘ “
JER 28:15 [خَاسْ ؤُشَا] إِنَّا ؤُنَابِي إِرْمِييَا إِ ؤُنَابِي حَانَانْيَا: ”سڒْ، حَانَانْيَا، سِيذِي وَارْ شكْ د إِسّكّْ شَا ؤُ شكْ ثْغَارّذْ ڒْڭنْسْ-أَ أَذْ إِتّْشڒْ خْ إِخَارِّيقنْ.
JER 28:16 س ؤُيَا، أَمُّو إِ إِقَّارْ سِيذِي، خْزَارْ، نشّْ أَذْ شكْ نْضَارغْ. [عَاذْ] ذڭْ ؤُسڭّْوَاسْ-أَ أَذْ ثمّْثذْ مِينْزِي ثسِّيوْڒذْ خْ ؤُحيّذْ ن سِيذِي.“
JER 28:17 إِمُّوثْ ؤُنَابِي حَانَانْيَا ذڭْ ؤُسڭّْوَاسْ نِّي، ذڭْ ؤُيُورْ وِيسّْ سبْعَا.
JER 29:1 إِنَا ذ أَوَاڒنْ ن ثبْرَاثْ إِ د-إِسّكّْ ؤُنَابِي إِرْمِييَا زِي ؤُرْشَالِيمْ إِ إِمْغَارنْ [ن ڒْڭنْسْ] إِ إِقِّيمنْ جَارْ أَيْثْ ن لْمنْفَا إِ إِكهَّاننْ ذ إِنَابِييّنْ ؤُ إِ مَارَّا ڒْڭنْسْ نِّي ثُوغَا إِنْذهْ نابُوخَاذْنَاصَّارْ زِي ؤُرْشَالِيمْ ذِي لْمنْفَا غَارْ بَابِيلْ،
JER 29:2 أَوَارْنِي إِ ؤُمِي إِفّغْ ؤُجدْجِيذْ يَاكُونْيَا ذ يمَّاسْ ن ؤُجدْجِيذْ، ڒَا إِمْسخَّارنْ إِشنّْعنْ، ڒَا ڒْحُوكَّامْ ن يَاهُوذَا ذ ؤُرْشَالِيمْ، ڒَا ڒمْعُودْجَامْ ؤُڒَا ذ إِمْزِيڒنْ زِي ؤُرْشَالِيمْ.
JER 29:3 [إِسّكّْ إِرْمِييَا ثَابْرَاثْ نِّي] س ؤُفُوسْ ن أَلْعَاسَا، مِّيسْ ن شَافَانْ، ذ جَامَارْيَا، مِّيسْ ن حِيلْقِييَا، إِنِّي إِسّكّْ صِيذْقِييَا، أَجدْجِيذْ ن يَاهُوذَا، غَارْ بَابِيلْ غَارْ نابُوخَاذْنَاصَّارْ، أَجدْجِيذْ ن بَابِيلْ. [ثَابْرَاثْ] ثنَّا:
JER 29:4 ”أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل، إِ مَارَّا أَيْثْ ن لْمنْفَا نِّي د-إِوْيغْ زِي ؤُرْشَالِيمْ غَارْ بَابِيلْ:
JER 29:5 ’سْڭعّْذمْ ثُوذْرِينْ ؤُشَا زذْغمْ ذَايْسنْثْ، ژُّومْ إِحْوِيشنْ ؤُشَا شّمْ ڒْغِيدْجثْ نْسنْ،
JER 29:6 أَوْيمْ ثِيمْغَارِينْ ؤُشَا جّمْ-د إِحنْجِيرنْ ذ ثْحنْجِيرِينْ، أَوْيمْ إِ إِحنْجِيرنْ نْومْ ثِيمْغَارِينْ ؤُشَا وْشمْ ثْحنْجِيرِينْ نْومْ إِ يرْيَازنْ، مَاحنْذْ أَذْ ؤُرْونْثْ إِحنْجِيرنْ ذ ثْحنْجِيرِينْ. حْضَامْ أَذْ ذِينِّي ثمَّارْنِيمْ، وَارْ ثْنقّْصمْ،
JER 29:7 أَرْزُومْ ڒهْنَا إِ ثنْذِينْثْ مَانِي كنِّيوْ إِ غَا نذْهغْ ؤُ تَّارمْ إِ مَانْ أَيَا إِ سِيذِي، مَاغَارْ ذِي ڒهْنَا نّسْ إِ إِدْجَا ڒهْنَا نْومْ.‘
JER 29:8 مَاغَارْ أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’وَارْ تّجِّيمْ أَذْ كنِّيوْ شمْثنْ إِنَابِييّنْ ذ إِڭزَّاننْ نِّي إِدْجَانْ ذِي ڒْوسْطْ نْومْ ؤُ وَارْ تّسْڒِيمْ شَا غَارْ أَيْثْ ن بُو-ثِيرْجَا إِ كنِّيوْ إِتّجَّانْ أَذْ ثَارْجَامْ،
JER 29:9 مَاغَارْ نِيثْنِي تّْنبَّانْ إِخَارِّيقنْ س يِيسمْ إِنُو. نشّْ وَارْ ثنْ د-سكّغْ شَا، [أَمُّو إِ] إِقَّارْ سِيذِي.‘
JER 29:10 مِينْزِي أَمُّو إِ إِقَّارْ سِيذِي: ’خْمِي غَا قفْڒنْ سبْعِينْ ن إِسڭّْوُوسَا ذِي بَابِيلْ، خنِّي أَذْ كنِّيوْ أَرْزْفغْ ؤُشَا أَذْ أَومْ كمّْڒغْ أَوَاڒْ إِنُو أَصبْحَانْ ؤُمِي كنِّيوْ غَا أَرّغْ غَارْ ثمُّورْثْ-أَ.
JER 29:11 مَاغَارْ نشّْ سّْنغْ مَانْ إِخَارِّيصنْ إِ غَارِي خَاومْ، [أَمُّو إِ] إِقَّارْ سِيذِي، إِخَارِّيصنْ ن ڒهْنَا، وَارْ إِدْجِي ن ڒْغَارْ، حِيمَا أَذْ أَومْ وْشغْ إِمَارْ ذ ڒَايَاسْ.
JER 29:12 [مَاڒَا] كنِّيوْ أَذْ أَيِي ثْڒَاغَامْ، أَذْ غَارِي ثژَّادْجمْ، نشّْ أَذْ غَارْومْ سْڒغْ.
JER 29:13 أَذْ خَافِي ثَارْزُومْ ؤُشَا أَذْ أَيِي ثَافمْ مَاڒَا كنِّيوْ ثَارْزُومْ خَافِي س مَارَّا وُوڒْ نْومْ.
JER 29:14 أَذْ زَّايْومْ تّْوَافغْ، [أَمُّو إِ] إِقَّارْ سِيذِي، أَذْ سّنْقڒْبغْ ثَامحْبَاسْثْ نْومْ ؤُشَا أَذْ كنِّيوْ سّْمُونغْ زِي مَارَّا ڒڭْنُوسْ ؤُ زِي مَارَّا إِمُوشَانْ مَانِي خَاومْ ؤُژّْڒغْ، [أَمُّو إِ] إِقَّارْ سِيذِي، ؤُ نشّْ أَذْ كنِّيوْ أَرّغْ غَارْ ومْشَانْ إِ زِي كنِّيوْ نذْهغْ ذِي لْمنْفَا.‘ “
JER 29:15 ”[مَاشَا] مِينْزِي ثنَّامْ: ’سِيذِي إِسّْنكَّارْ أَنغْ-د إِنَابِييّنْ ذِي بَابِيلْ!‘،
JER 29:16 خْ ؤُيَا، أَمُّو إِ إِقَّارْ سِيذِي خْ ؤُجدْجِيذْ، ونِّي إِقِّيمنْ خْ ڒْعَارْشْ ن ذَاوُوذْ، ؤُ خْ مَارَّا ڒْڭنْسْ إِ إِزدّْغنْ ذِي ثنْذِينْثْ-أَ، أَيْثْمَاثْومْ إِنِّي وَارْ أَكِيذْومْ يُويُورنْ ذِي لْمنْفَا،
JER 29:17 [وَاهْ،] أَمُّو إِ إِقَّارْ سِيذِي ن ڒْعسْكَارَاثْ: ”خْزَارْ، نشّْ أَذْ سّكّغْ جَارْ أَسنْ سِّيفْ ذ ڒَاژْ ذ طَّاعُونْ ؤُشَا أَذْ ثنْ جّغْ أَمْ ثَازَارْثْ إِخْسَارنْ، ثنِّي وَارْ إِحْڒِينْ مَاحنْذْ أَذْ زَّايسْ شّنْ.
JER 29:18 نشّْ أَذْ ثنْ ضْفَارغْ س سِّيفْ ذ ڒَاژْ ذ طَّاعُونْ ؤُ نشّْ أَذْ ثنْ أَرّغْ ذ [إِشْثْ ن ڒْقشْعثْ ن] ؤُنخْڒِيعْ إِ مَارَّا ثِيڭلْذِيوِينْ ن دُّونشْثْ، أَذْ ثِيڒِيذْ ذ [إِشْثْ ن ڒْقشْعثْ ن] وخْزِي ذ ؤُسِيڭّْوذْ ذ ثْسضْحَاشْثْ ذ ڒْحڭْرَا جَارْ مَارَّا ڒڭْنُوسْ مَانِي ثنْ إِ غَا سُّوفّْغغْ.
JER 29:19 مِينْزِي نِيثْنِي وَارْ سْڒِينْ غَارْ وَاوَاڒنْ إِنُو، [أَمُّو إِ] إِقَّارْ سِيذِي، ؤُمِي غَارْسنْ د-سّكّغْ إِمْسخَّارنْ إِنُو، إِنَابِييّنْ. عَاذْ زڭْ ؤُمزْوَارُو سّكّغْ ثنْ، مَاشَا كنِّيوْ وَارْ ثسْڒِيمْ شَا، [أَمُّو إِ] إِقَّارْ سِيذِي.“
JER 29:20 ”كنِّيوْ [مَاشَا]، سْڒمْ إِ وَاوَاڒْ ن سِيذِي، مَارَّا كنِّيوْ إِنِّي إِتّْوَانذْهنْ ذِي لْمنْفَا، إِنِّي سّكّغْ زِي ؤُرْشَالِيمْ غَارْ بَابِيلْ.
JER 29:21 أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل، خْ أَخَابْ، مِّيسْ ن قُولَايَا، ؤُ خْ صِيذْقِييَا، مِّيسْ ن مَاعَاسِييَا، إِنِّي ذ أَومْ إِتّْنبَّانْ ذڭْ يِيسمْ إِنُو س إِخَارِّيقنْ: ’خْزَارْ، نشّْ أَذْ ثنْ ڭّغْ ذڭْ ؤُفُوسْ ن نابُوخَاذْرَاصَّارْ، أَجدْجِيذْ ن بَابِيلْ، ؤُ نتَّا أَذْ ثنْ إِنغْ زَّاثْ إِ ثِيطَّاوِينْ نْومْ.
JER 29:22 مَارَّا أَيْثْ ن لْمنْفَا زِي يَاهُوذَا نِّي [إِدْجَانْ] ذِي بَابِيلْ أَذْ زَّايْسنْ كّْسنْ إِشْثْ ن نّعْڒثْ، أَذْ إِنِينْ: سِيذِي أَذْ شكْ يڭّْ أَمْ صِيذْقِييَا ذ أَحَابْ نِّي إِشْنفْ ؤُجدْجِيذْ ن بَابِيلْ س ثْمسِّي!،
JER 29:23 مِينْزِي نِيثْنِي ڭِّينْ إِشْثْ ن ثُوبُّوهڒْيَا ذِي إِسْرَائِيل: نِيثْنِي زْنَانْ أَكْ-ذ ثمْغَارِينْ ن وِي ثنْ يُوذْسنْ ؤُ بَارّْحنْ س يِيسمْ إِنُو أَوَاڒنْ ن إِخَارِّيقنْ إِ ثُوغَا وَارْ ذ أَسنْ نِّيغْ. نشّْ ذ ونِّي إِسّْننْ ذ ونِّي إِشهْذنْ [خْ مَانْ أَيَا]!‘، [أَمُّو إِ] إِقَّارْ سِيذِي.“
JER 29:24 إِ شَامْعِييَا زِي نَاحْلَامْ، إِتّْخصَّا أَذْ كِيذسْ ثسِّيوْڒذْ أَذْ أَسْ ثِينِيذْ [أَمُّو]:
JER 29:25 ”أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل، إِقَّارْ: ’مِينْزِي س إِسمْ نّشْ إِ-د-ثسّكّذْ ثِيبْرَاثِينْ إِ مَارَّا ڒْڭنْسْ ذِي ؤُرْشَالِيمْ ؤُ إِ ؤُكهَّانْ صَافَانْيَا، مِّيسْ ن مَاعَاسِييَا، ؤُ إِ مَارَّا إِكهَّاننْ، يُورَا ذَايْسنْ:
JER 29:26 سِيذِي إِڭَّا شكْ ذ أَكهَّانْ ذڭْ ومْشَانْ ن ؤُكهَّانْ يَاهُويَاذَاعْ، مَاحنْذْ أَذْ ذِينْ إِڒِينْ إِوقَّافنْ ذِي ثَادَّارْثْ ن سِيذِي خْ كُوڒْ إِجّْ ؤُبُوهَاڒِي نِّي إِتّڭّنْ إِخفْ نّسْ ذ أَنَابِي. أَذْ ث ثقّْنذْ خْ ؤُكشُّوضْ أَكْ-ذ ڒْڭِيذْ خْ يِيرِي [نّسْ].
JER 29:27 خنِّي ڒخُّو، مَايمِّي وَارْ ثْعَاقْبذْ إِرْمِييَا زِي عَانَاثُوثْ، ونِّي خَاومْ إِتَّارَّانْ إِخفْ نّسْ ذ أَنَابِي؟
JER 29:28 مَاغَارْ نتَّا إِسّكّْ-د [إِشْثْ ن ثبْرَاثْ] إِ نشِّينْ ذِي بَابِيلْ مَانِي إِقَّارْ: أَطَّاسْ إِ غَا إِقِّيمنْ! سْبدّمْ ثُوذْرِينْ ؤُ زذْغمْ ذَايْسنْثْ، ژُّومْ إِحْوِيشنْ ؤُ أَذْ ثَاوْيمْ ڒِيقِّي إِ ڒْغِيدْجثْ نْسنْ!“
JER 29:29 ثُوغَا إِقَّارْ ؤُكهَّانْ صَافَانْيَا ثَابْرَاثْ-أَ ذڭْ إِمزُّوغنْ ن ؤُنَابِي إِرْمِييَا.
JER 29:30 [خنِّي] يُوسَا-د وَاوَاڒْ ن سِيذِي غَارْ إِرْمِييَا، إِنَّا:
JER 29:31 ”سْقَاذْ أَرقَّاسْ-أَ إِ مَارَّا أَيْثْ ن لْمنْفَا: ’أَمُّو إِ إِقَّارْ سِيذِي خْ شِيمْعِييَا زِي نَاحْلَامْ: مِينْزِي شَامْعِييَا ثُوغَا إِتّْنَابّْ أَومْ، وَاخَّا نشّْ وَارْ ث-إِ-د سّكّغْ، ؤُشَا يَارَّا كنِّيوْ أَذْ ثتِّيقّمْ ذڭْ إِخَارِّيقنْ!‘،
JER 29:32 س ؤُيَا، أَمُّو إِ إِقَّارْ سِيذِي: ’خْزَارْ، نشّْ أَذْ خڒْفغْ إِ شَامْعِييَا زِي نَاحْلَامْ ؤُ زِي ثَارْوَا نّسْ. ؤُڒَا ذ إِجّنْ زڭْ إِنِّي نّسْ وَارْ إِتّْغِيمِي إِزْذغْ ذِي ڒْوسْطْ ن ڒْڭنْسْ-أَ ؤُ نتَّا وَارْ إِژَارّْ ڒْخِيرْ إِ غَا ڭّغْ إِ ڒْڭنْسْ إِنُو، [أَمُّو إِ] إِقَّارْ سِيذِي، مِينْزِي س ڒْهَارْذْ نّسْ إِڭَّا أَذْ حيّْذنْ خْ سِيذِي.‘ “
JER 30:1 أَوَاڒْ نِّي د-يُوسِينْ زِي سِيذِي إِ إِرْمِييَا، إِنَّا:
JER 30:2 ”أَمُّو إِ إِقَّارْ سِيذِي، أَربِّي ن إِسْرَائِيل، إِقَّارْ: ’أَرِي مَارَّا أَوَاڒنْ نِّي ذ أَشْ نِّيغْ ذڭْ إِجّْ ن وذْلِيسْ.
JER 30:3 مَاغَارْ خْزَارْ، أَذْ د-أَسنْ وُوسَّانْ، [أَمُّو إِ] إِقَّارْ سِيذِي، أَذْ قڒْبغْ ثَامحْبَاسْثْ ن ڒْڭنْسْ إِنُو، إِسْرَائِيل ذ يَاهُوذَا، [أَمُّو إِ] إِقَّارْ سِيذِي. نشّْ أَذْ ثنْ أَرّغْ غَارْ ثمُّورْثْ إِ وْشِيغْ إِ ڒجْذُوذْ نْسنْ ؤُ نِيثْنِي أَذْ ت طّْفنْ ذ ثَاسْغَارْثْ.‘ “
JER 30:4 إِنَا ذ أَوَاڒنْ إِ زِي إِسِّيوڒْ سِيذِي خْ إِسْرَائِيل ذ يَاهُوذَا:
JER 30:5 ”مَاغَارْ أَمُّو إِ إِقَّارْ سِيذِي: ’نسْڒَا ڒْحسّْ إِسِّيڭّْوَاذنْ، [إِجّْ ن ڒْحسّْ] إِسّْنخْڒِيعنْ، وَارْ إِدْجِي [ن] ڒهْنَا.
JER 30:6 سقْسَامْ ؤُ خْزَارمْ، مَا إِزمَّارْ ورْيَازْ أَذْ يَارُووْ؟ مَايمِّي إِ تّْوَاڒِيغْ مَارَّا إِرْيَازنْ س إِفَاسّنْ خْ ثجْعِينَّا نْسنْ أَمْ يِيشْثْ ن ثمْغَارْثْ ثتَّارُو، ؤُ قَاعْ أَغمْبُوبْ إِذْوڒْ إِوَارْغْ أَمْ ڒْخشْبثْ؟
JER 30:7 ؤُشْثْ، مَاغَارْ ذ أَمقّْرَانْ أَسّْ نِّي، وَارْ إِدْجِي ؤُڒَا ذ إِجّنْ أَمْ نتَّا. إِشْثْ ن ڒْوقْثْ ن ڒحْصَارثْ إِ يَاعْقُوبْ، [مَاشَا] نتَّا أَذْ زَّايسْ إِتّْوَاسّنْجمْ.
JER 30:8 ذڭْ وَاسّْ نِّي أَذْ إِمْسَارْ، [أَمُّو إِ] إِقَّارْ سِيذِي ن ڒْعسْكَارَاثْ، أَذْ أَرْژغْ أَزَايْڒُو خْ يِيڒَاونْ نّشْ. إِبَارَّانِييّنْ وَارْ ث تّجِّينْ أَذْ خَاسنْ إِسخَّارْ [عَاذْ أَمْ يِيسْمغْ]،
JER 30:9 نِيثْنِي أَذْ سخَّارنْ إِ سِيذِي، أَربِّي نْسنْ، ؤُڒَا إِ ؤُجدْجِيذْ نْسنْ ذَاوُوذْ ونِّي د غَا سّكَّارغْ ذِي طّْوعْ نْسنْ.‘ “
JER 30:10 ”وَارْ ثڭّْوذْ، [أَ] شكْ أَمْسخَّارْ إِنُو يَاعْقُوبْ، [أَمُّو إِ] إِقَّارْ سِيذِي، وَارْ ثفْشِيڒْ شَا، [أَ] إِسْرَائِيل، مَاغَارْ خْزَارْ، نشّْ أَذْ شكْ سّْنجْمغْ زِي ثِيمُّورَا إِڭّْوجنْ ؤُڒَا ذ زَّارِيعثْ نّشْ زِي ثْمحْبَاسْثْ نْسنْ. أَذْ يَارڭّْوحْ يَاعْقُوبْ، أَذْ غَارسْ ثِيڒِي ڒْهُوذْنثْ، أَذْ إِدَّارْ ذِي ڒَامَانْ ؤُشَا ؤُڒَا ذ إِجّْ وَارْ ث إِسّْنخْڒِيعْ.
JER 30:11 مَاغَارْ نشّْ أَكِيذكْ، [أَمُّو إِ] إِقَّارْ سِيذِي، حِيمَا أَذْ شكْ سّْنجْمغْ، مَاغَارْ نشّْ أَذْ قْضِيغْ مَارَّا ڒڭْنُوسْ نِّي غَارْ شكْ زُوزَّارغْ، مَاشَاعمَّارْصْ وَارْ شكْ قطِّيغْ، [مَاشَا] أَذْ شكْ أَربِّيغْ س ڒعْبَارْ إِسڭّْذنْ ؤُ وَارْ شكْ هضّْبغْ ذ أَمزْذَاڭْ.“
JER 30:12 ”مَاغَارْ أَمُّو إِ إِقَّارْ سِيذِي: ’ثَارژِّيثْ نّمْ وَارْ ثْزمَّارْ أَذْ ثڭّنْفَا، أَيزِّيمْ نّمْ إِتّقّسْ.
JER 30:13 ؤُڒَا ذ إِجّْ وَارْ خَامْ إِسّْعِيزّْ أَڒْ إِ شمْ إِ غَا إِشْفنْ، وَارْ غَارمْ شَا دَّاوَاثْ حِيمَا أَذْ ثنْثْ ثڭّذْ خْ ثْحبُّوشْثْ نّمْ.
JER 30:14 مَارَّا إِنِّي ثُوغَا إِ شمْ إِتّخْسنْ تُّونْ شمْ، وَارْ خَامْ تّْسقْسِينْ، مَاغَارْ أَمْ مَامّشْ إِشَّاثْ ڒعْذُو أَمُّو إِ شمْ وْثِيغْ، أَمْ يِيجّنْ إِ يَاربَّانْ س ڒقْسَاحثْ، زِي سِّيبّثْ ن ڒْمُوعْصِييّثْ نّمْ إِمْغَارنْ، [مَاغَارْ] دّْنُوبْ نّمْ وسْعنْ أَطَّاسْ.
JER 30:15 مَايمِّي ثسْغُويُّوذْ [أَمُّو] خْ ثْرژِّيثْ نّمْ، خْ ڒحْرِيقْ نّمْ إِ وَارْ إِزمَّارنْ أَذْ إِڭّنْفَا؟ زِي سِّيبّثْ ن ڒْمُوعْصِييّثْ نّمْ إِمْغَارنْ، [مَاغَارْ] دّْنُوبْ نّمْ وسْعنْ أَطَّاسْ، نشّْ ڭِّيغْ ذَايمْ مَانْ أَيَا.
JER 30:16 س ؤُيَا، مَارَّا إِنِّي شمْ إِتّفّْزنْ، أَذْ تّْوَاشّنْ [سِيمَانْثْ نْسنْ]، ؤُشَا مَارَّا إِغْرِيمنْ نّمْ أَذْ ؤُيُورنْ ذِي ثْمحْبَاسْثْ، ؤُ إِنِّي شمْ إِكشّْضنْ، أَذْ تّْوَاكشّْضنْ ؤُ مَارَّا إِنِّي شمْ يُوشَارنْ، أَذْ ثنْ وْشغْ ذ ثُوكَّارْضَا.
JER 30:17 مَاغَارْ نشّْ أَذْ شمْ شفْنغْ ؤُ أَذْ شمْ سّْڭنْفِيغْ زڭْ إِيزِّيمنْ نّمْ نِّي إِ ذَايمْ وْثِينْ نِيثْنِي، [أَمُّو إِ] إِقَّارْ سِيذِي، مِينْزِي نِيثْنِي ڒَاغَانْ أَمْ ’ثَامنْضَارْثْ!‘، قَّارنْ: أَقَا-ت ذ صِيهْيُونْ، وَارْ خَاسْ إِتّْسقْسِي ؤُڒَا ذ إِجّْ!‘ “
JER 30:18 ”أَمُّو إِ إِقَّارْ سِيذِي: ’خْزَارْ، أَذْ سّنْقڒْبغْ ثَامحْبَاسْثْ ن إِقِيضَانْ ن يَاعْقُوبْ ؤُشَا أَذْ أَرحْمغْ خْ ثْزذِّيغِينْ نْسنْ. أَذْ بْنَانْ ثَانْذِينْثْ عَاوذْ خْ ڒْخِيرْبَاثْ نّسْ ؤُشَا ڒقْصَارْ أَذْ د-إِذْوڒْ غَارْ ومْشَانْ نّسْ إِصحّْ.
JER 30:19 أَذْ زَّايْسنْ إِفّغْ [إِجّْ ن إِزْڒِي ن] ؤُقَاذِي ذ إِشْثْ ن ثْمِيجَّا ن يوْذَانْ إِفَارّْحنْ. نشّْ أَذْ ثنْ أَرّغْ ذڭْ وَاطَّاسْ، نِيثْنِي وَارْ ذِيكّْوِيڒنْ ذْرُوسْ، ؤُ نشّْ أَذْ أَسنْ ڭّغْ ڒْعزّْ ؤُ نِيثْنِي وَارْ تّْوَاسّحْقِيرِينْ [عَاذْ].
JER 30:20 إِحنْجِيرنْ نّسْ أَذْ إِڒِينْ أَمْ يِينِّي زڭْ وشْحَاڒْ ؤُيَا ؤُشَا ثَامسْمُونْثْ نّسْ أَذْ ثِيڒِي زَّاثْ إِ وُوذمْ إِنُو ؤُ نشّْ أَذْ خڒْفغْ زڭْ إِنِّي إِ-ثنْ إِحْصَارنْ.
JER 30:21 أَمْزمَّارْ نّسْ أَذْ زَّايسْ يِيڒِي ؤُ ڒْحَاكمْ نّسْ أَذْ زَّايسْ إِفّغْ ؤُ نشّْ أَذْ ث-إِ-د-سّْقَارّْبغْ ؤُ نتَّا أَذْ أَيِي د-يَاذسْ، مَاغَارْ مَانْ ونْ إِدْجَانْ ذ أَضْمَانْ س وُوڒْ نّسْ مَاحنْذْ أَذْ غَارِي د-يَاذسْ؟‘، [أَمُّو إِ] إِقَّارْ سِيذِي.“
JER 30:22 ”كنِّيوْ أَذْ أَيِي ثِيڒِيمْ ذ ڒْڭنْسْ إِنُو ذ نشّْ أَذْ إِڒِيغْ ذ أَربِّي نْومْ.“
JER 30:23 ”خْزَارْ، ثَاحَارْيَاضْثْ ن سِيذِي، إِفّغْ-د [زَّايسْ] وسْعَارْ، [أَمْ] ثْحَارْيَاضْثْ ثزّبْزِيبْ نِّي إِ غَا إِهْوَانْ خْ ؤُزدْجِيفْ ن إِعفَّاننْ.
JER 30:24 ڒْحَاذُوقْ ن وغْضَابْ ن سِيذِي وَارْ إِتّْبذِّي شَا أَڒْ ذ إِڭَّا إِخَارِّيصنْ ن وُوڒْ نّسْ ؤُشَا إِكمّڒْ إِ-ثنْ. ذڭْ ؤُنڭَّارْ ن وُوسَّانْ أَذْ أَسْ ثْفهْممْ.“
JER 31:1 ”ذِي ڒْوقْثْ نِّي، [أَمُّو إِ] إِقَّارْ سِيذِي، أَذْ إِڒِيغْ ذ أَربِّي إِ مَارَّا ڒَادْجَاثْ ن إِسْرَائِيل ؤُ نِيثْنِي أَذْ إِڒِينْ ذ ڒْڭنْسْ إِنُو.“
JER 31:2 ”أَمُّو إِ إِقَّارْ سِيذِي: ’ڒْْڭنْسْ ن يِينِّي إِنجْمنْ زِي سِّيفْ، يُوفَا أَرْضَا ذِي ڒخْڒَا، أجّْ أَيِي أَذْ رَاحغْ نشّْ مَاحنْذْ أَذْ ث سَّاريّْحغْ، [وَاهْ، مَاحنْذْ أَذْ سَّاريّْحغْ] إِسْرَائِيل!‘ “
JER 31:3 ”زِي ڒَاڭّْوَاجْ إِبَانْ أَيِي-د سِيذِي!“ ... ”نشّْ ثُوغَا تّخْسغْ شمْ س ثَايْرِي ن ڒبْذَا، خْ ؤُيَا شمْ د-جبْذغْ س ثْمخْسِيوْثْ إِشوَّارنْ.
JER 31:4 نشّْ أَذْ شمْ بْنِيغْ عَاوذْ، أَذْ ثتّْوَابْنِيذْ عَاوذْ، [أَ شمْ] إِسْرَائِيل ثَاعْزَارشْثْ. شمْ أَذْ ثْزوّْقذْ إِخفْ نّمْ عَاوذْ س إِبنْذِيرنْ، أَذْ ثفّْغذْ س شّْضِيحْ س نُّوبْثَاثْ ن يِينِّي إِفَارّْحنْ.
JER 31:5 أَذْ ثژُّوذْ ثِيزَايَارِينْ ذڭْ إِمَارْجَاعنْ خْ إِذُورَارْ ن سَامَارْيَا: إِنِّي إِتّژُّونْ أَذْ ثنْثْ ژُّونْ ؤُ ڒْغِيدْجثْ أَذْ زَّايسْ أَرّنْ مژْرِي.
JER 31:6 مَاغَارْ أَذْ د-يَاسْ وَاسّْ نِّي ذِي أَذْ ڒَاغَانْ إِعسَّاسنْ خْ إِذُورَارْ ن إِفْرَايِيمْ: ’كَّارمْ، أجّْ أَنغْ أَذْ نْڭعّذْ غَارْ صِيهْيُونْ، غَارْ سِيذِي، أَربِّي نّغْ!‘ “
JER 31:7 ”مَاغَارْ أَمُّو إِ إِقَّارْ سِيذِي: ’غنّْجمْ س ڒفْرَاحثْ إِ يَاعْقُوبْ، سْڒِيوْڒِيومْ إِ ؤُزدْجِيفْ ن ڒڭْنُوسْ، بَارّْحمْ، سمْغَارمْ ث، إِنِيمْ: [أَ] سِيذِي، سنْجمْ ڒْڭنْسْ نّشْ، مِينْ إِقِّيمنْ زِي إِسْرَائِيل.
JER 31:8 خْزَارْ، نشّْ أَذْ ثنْ أَرّغْ أَذْ د-أَسنْ زِي ثمُّورْثْ ن شَّامَالْ ؤُ نشّْ أَذْ ثنْ سّْمُونغْ زڭْ إِنڭُّورَا ن ثمُّورْثْ. أَقَا ذِينْ جَارْ أَسنْ إِذَارْغَاڒنْ ذ إِنعْضَابنْ، ثِينِّي إِدْجَانْ س دّيْسثْ ذ ثِينِّي إِتَّارْونْ. أَذْعقْبنْ غَارْ ذَا س إِجّْ ن وڭْرَاوْ [ن ڒْڭنْسْ] أَمقّْرَانْ.
JER 31:9 أَذْ د-أَسنْ تّْرُونْ، أَذْ ثنْ ڭوّْذغْ أَمْ كسِّينْ س ڒْمعْرُوفْ. أَذْ ثنْ سّْنذْهغْ غَارْ ثغْزَارِينْ ن وَامَانْ، خْ إِجّْ ن وبْرِيذْ إِسڭّْمنْ مَانِي وَارْ تّْنقْرِيضنْ، مَاغَارْ نشّْ ذ بَابَاسْ إِ إِسْرَائِيل ؤُ إِفْرَايِيمْ ذ مِّي أَمنْزُو.‘ “
JER 31:10 ”سْڒمْ إِ وَاوَاڒْ ن سِيذِي، [أَ] كنِّيوْ ڒڭْنُوسْ، بَارّْحمْ ث خْ ثڭْزِيرِينْ نِّي إِڭّْوجنْ أَطَّاسْ، إِنِيمْ: ’ذ ونِّي ثُوغَا إِزُّوزَارنْ إِسْرَائِيل، أَذْ ث إِسّْمُونْ عَاوذْ ؤُ أَذْ ث يَارْوسْ أَمْ مَامّشْ يَاركّْوسْ ؤُمكْسَاوْ ثَاحِيمَارْثْ نّسْ.
JER 31:11 مَاغَارْ سِيذِي أَقَا إِفْذِي يَاعْقُوبْ ؤُشَا إِفكّْ إِ-ث زڭْ ؤُفُوسْ ن ونِّي خَاسْ إِجهْذنْ.‘
JER 31:12 نِيثْنِي أَذْ د-أَسنْ ؤُ أَذْ سْڒِيوْڒونْ خْ ڒْڭعّْذثْ ن صِيهْيُونْ ؤُشَا أَذْ أَزّْڒنْ غَارْ ڒْخَارْ ن سِيذِي، غَارْ إِمنْذِي، غَارْ بِينُو ن جْذِيذْ، غَارْ زّشْثْ، غَارْ إِزْمَارنْ ؤُ غَارْ إِفُونَاسنْ ذ ثْفُونَاسِينْ. ڒعْمَارْ نْسنْ أَذْ يِيڒِي أَمْ ڒعْرَاصِي إِتّْوَاسُّونْ ؤُشَاعمَّارْصْ [عَاذْ] أَذْ إِڒِينْ شضْننْ.
JER 31:13 خنِّي أَذْ ثْفَارْحْ ثعْزَارشْثْ غَارْ شّْضِيحْ س نُّوبْثَاثْ، ؤُڒَا ذ إِحُوذْرِييّنْ ذ إِوسُّورَا، [نِيثْنِي مَارَّا] مُوننْ، مِينْزِي نشّْ أَذْ أَرّغْ أَشْضَانْ نْسنْ ذ أَرْشُوقْ، أَذْ ثنْعزِّيغْ، أَذْ ثنْ سّْفَارْحغْ أَوَارْنِي وشْضَانْ نْسنْ.
JER 31:14 نشّْ أَذْ سّْجِيوْنغْ ڒعْمَارْ ن إِكهَّاننْ س ثَاذُونْثْ [ن ثْغَارْصَا] ؤُشَا أَذْ إِذْوڒْ ڒْڭنْسْ إِنُو إِجِّيونْ س ڒْخَارْ إِنُو، [أَمُّو إِ] إِقَّارْ سِيذِي.“
JER 31:15 ”أَمُّو إِ إِقَّارْ سِيذِي: ’ثتّْوَاسڒْ إِشْثْ ن ثْمِيجَّا ذِي رَامَا، أَوعّذْ ذ إِمطَّاونْ إِمَارْزَاڭنْ: رَاحِيلْ ثتّْرُو خْ ثَارْوَا نّسْ ؤُ وَارْ ثتّخْسْ أَذْ ثتّْوَاعزَّا خْ إِحنْجِيرنْ نّسْ، مَاغَارْ نِيثْنِي وَارْ دْجِينْ [عَاذْ].‘
JER 31:16 أَمُّو إِ إِقَّارْ سِيذِي: ’طّفْ ثْمِيجَّا نّمْ إِ ؤُنِيخْسسْ ؤُ ثِيطَّاوِينْ نّمْ إِ إِمطَّاونْ، مَاغَارْ أَقَا ثدْجَا ڒْمُونثْ إِ وَارْبرْ نّمْ، [أَمُّو إِ] إِقَّارْ سِيذِي، مَاغَارْ نِيثْنِي أَذْ د -عقْبنْ زِي ثمُّورْثْ ن ڒعْذُو.
JER 31:17 أَقَا ذِينْ ڒَايَاسْ إِ ثَارْوَا نّمْ، [أَمُّو إِ] إِقَّارْ سِيذِي، مَاغَارْ إِحنْجِيرنْ [نّمْ] أَذْ د-ذوْڒنْ غَارْ ثمُّورْثْ نْسنْ.‘ “
JER 31:18 ”نشّْ سْڒِيغْ مْلِيحْ مَامّشْ د-إِتّْشثْشَا إِفْرَايِيمْ، إِنَّا: ’شكْ ثَاربِّيذْ أَيِي ؤُ نشّْ تّْوَاربِّيغْ أَمْ يِيجّْ ن ؤُعجْمِي وَارْ إِتّْضَاوَاعنْ. أَرّْ أَيِي، [ذغْيَا] نشّْ خْسغْ أَذْ د-ذوْڒغْ، مَاغَارْ شكْ ذ سِيذِي، أَربِّي إِنُو.
JER 31:19 مَاغَارْ أَوَارْنِي ڒَامِي د-ذوْڒغْ، ثُوبغْ، ؤُ أَوَارْنِي ڒَامِي ذوْڒغْ سّْنغْ، وْثِيغْ إِخفْ إِنُو خْ ثْمصَّاضِينْ. نشّْ سضْحِيغْ، نْفضْحغْ، مَاغَارْ نشّْ أَرْبُوغْ ڒفْضِيحثْ ن ثمْژِي إِنُو.‘
JER 31:20 مَا وَارْ إِدْجِي إِفْرَايِيمْ ذ مِّي إِغْڒَانْ غَارِي ذ أَحنْجِيرْ إِنُو إِعِيزّنْ؟ مَاغَارْ كُوڒْ إِشْثْ ن ثْوَاڒَا سِّيوْڒغْ غَارسْ [س ؤُفُوسْ ن إِنَابِييّنْ]، قِّيمغْ تِّيذَارغْ ث. خْ ؤُيَا إِشَّاثْ جُّوفْ إِنُو ذَايِي. نِيشَانْ نشّْ أَذْ خَاسْ أَرّحْمغْ، [أَمُّو إِ] إِقَّارْ سِيذِي.“
JER 31:21 ”سْبدّْ إِقُودْجَايْ [إِ وسْشَانْ ن وبْرِيذْ]، سَارْسْ إِژْرَا [ن جُّورَّاثْ ن وبْرِيذْ]، أڭّْ ؤُڒْ نّمْ خْ وبْرِيذْ إِسڭّْمنْ، خْ وبْرِيذْ نِّي ذِي ثڭُّورذْ. ذْوڒْ، [أَ] ثَاعْزَارشْثْ إِسْرَائِيل، ذْوڒْ غَارْ ثْندَّامْ نّمْ.
JER 31:22 أَڒْ مڒْمِي عَاذْ ثخْسذْ أَذْ ثقِّيمذْ ثتّْلِيعذْ، [أَ شمْ،] يدْجِيسْ إِ [خَافِي] إِحيّْذنْ؟ مَاغَارْ سِيذِي إِڭَّا إِشْثْ ن ڒْحَاجّثْ ن جْذِيذْ ذِي ثمُّورْثْ: ثَامْغَارْثْ أَذْ ثتّْهِيلَّا [مَارَّا] إِ ورْيَازْ.“
JER 31:23 ”أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’أَذْ سِّيوْڒنْ أَوَاڒْ-أَ عَاوذْ ذِي ثمُّورْثْ ن يَاهُوذَا ؤُ ذِي ثْندَّامْ نّسْ خْمِي غَا سّنْقڒْبغْ ثَامحْبَاسْثْ نْسنْ: أَذْ شمْ إِبَاركْ سِيذِي، [أَ] ثَازذِّيغْثْ ن ثْسڭْذَا، [أَ] أَذْرَارْ إِقدّْسنْ!
JER 31:24 يَاهُوذَا ذ مَارَّا ثِيندَّامْ نّسْ أَذْ ذَايسْ زدّْغنْثْ جْمِيعْ، إِفدْجَاحنْ ذ يِينِّي إِتّثْلِيعنْ أَكْ-ذ ثْحِيمَارْثْ.
JER 31:25 مَاغَارْ نشّْ سّسُّوغْ ڒعْمَارْ يُوحْڒنْ ؤُشَا سّْجِيوْنغْ كُوڒْ ڒعْمَارْ إِحْزنْ.‘ “
JER 31:26 أَوَارْنِي أَيَا فَاقغْ-د ؤُشَا ؤُشِيغْ مشْحَارْ يِيزِيضْ يِيضصْ إِنُو.
JER 31:27 ”خْزَارْ، أَذْ د-أَسنْ وُوسَّانْ، [أَمُّو إِ] إِقَّارْ سِيذِي، أَذْ زَارْعغْ ثَادَّارْثْ ن إِسْرَائِيل ذ ثَادَّارْثْ ن يَاهُوذَا س زَّارِّيعثْ ن إِوْذَانْ ذ ڒْمَاڒْ.
JER 31:28 أَمْ مَامّشْ خَاسنْعسّغْ حِيمَا أَذْ قڒْعغْ، أَذْ هذْمغْ، أَذْ أَرْژغْ، أَذْ أَردّْدْجغْ ؤُ أَذْ ڭّغْ ڒْغَارْ، أَمُّو إِ خَاسنْ إِ غَاعسّغْ حِيمَا أَذْ سّْبدّغْ ؤُ حِيمَا أَذْ ژُّوغْ، [أَمُّو إِ] إِقَّارْ سِيذِي.
JER 31:29 ذڭْ وُوسَّانْ نِّي وَارْ تّْغِيمِينْ أَذْ إِنِينْ عَاذْ: ’إِبَابَاثنْ شِّينْ أَضِيڒْ أَسمَّامْ ؤُشَا ذوْڒنْثْ ثغْمَاسْ ن إِحنْجِيرنْ حْفَانْثْ.‘
JER 31:30 مَاشَا كُوڒْ إِجّْ أَذْ إِمّثْ زِي سِّيبّثْ ن ڒْمُوعْصِييّثْ [ن يِيخفْ] نّسْ. زِي مْكُوڒْ بْنَاذمْ نِّي إِ غَا إِشّنْ أَضِيرْ أَسمَّامْ، أَذْ أَسْ ذوْڒنْثْ ثغْمَاسْ حْفَانْثْ.“
JER 31:31 ”خْزَارْ، أَذْ د-أَسنْ وُوسَّانْ، [أَمُّو إِ] إِقَّارْ سِيذِي، نِّي ذِي غَا ڭّغْ إِجّْ ن ڒْعَاهْذْ ن جْذِيذْ أَكْ-ذ ثَادَّارْثْ ن إِسْرَائِيل ؤُ أَكْ-ذ ثَادَّارْثْ ن يَاهُوذَا،
JER 31:32 وَارْ إِدْجِي أَمْ مَامّشْ ڒْعَاهْذْ إِ ڭِّيغْ أَكْ-ذ ڒجْذُوذْ نْسنْ ؤُمِي ثنْ طّْفغْ زڭْ ؤُفُوسْ، حِيمَا أَذْ ثنْ نذْهغْ زِي ثمُّورْثْ ن مِيصْرَا، ڒْعَاهْذْ إِنُو نِّي أَرْژِينْ، وَاخَّا زعْمَا نشّْ ذوْڒغْ ذ أَرْيَازْ نْسنْ، [أَمُّو إِ] إِقَّارْ سِيذِي.
JER 31:33 مَاغَارْ وَا أَذْ يِيڒِي ذ ڒْعَاهْذْ نِّي إِ غَا ڭّغْ أَوَارْنِي إِ وُوسَّانْ نِّي أَكْ-ذ ثَادَّارْثْ ن إِسْرَائِيل، [أَمُّو إِ] إِقَّارْ سِيذِي: نشّْ أَذْ ڭّغْ شَّارِيعَا إِنُو ذڭْ وُوڒْ نْسنْ ؤُشَا أَذْ ت أَرِيغْ ذڭْ وُوڒْ نْسنْ. نشّْ أَذْ إِڒِيغْ ذ سِيذِي إِ نِيثْنِي ؤُ نِيثْنِي أَذْ إِڒِينْ ذ ڒْڭنْسْ إِ نشّْ.
JER 31:34 ؤُڒَا ذ إِجّنْ وَارْ إِسّڒْمِيذْ [عَاذْ] جَّارْ نّسْ نِيغْ ؤُمَاسْ، أَمْ قَّارنْ: ’سّنْ سِيذِي!‘، مَاغَارْ نِيثْنِي مَارَّا أَذْ أَيِي سّْننْ، أَمْ ؤُمژْيَانْ أَمْ ؤُمقّْرَانْ جَارْ أَسنْ، [أَمُّو إِ] إِقَّارْ سِيذِي، مَاغَارْ نشّْ أَذْ أَسنْ غْفَارغْ إِ ڒْمُوعْصِييّثْ نْسنْ ؤُ وَارْ تِّيذَارغْ [عَاذْ] دّْنُوبْ نْسنْ.“
JER 31:35 ”أَمُّو إِ إِقَّارْ سِيذِي، ونِّي إِڭِّينْ ثْفُوشْثْ إِ ثْفَاوْثْ ذڭْ وَاسّْ، [ونِّي يُومُورنْ] ثَازِيرِي ذ إِثْرَانْ إِ ثْفَاوْثْ ذِي دْجِيڒثْ، ونِّي إِسّهْوَاڒنْ ڒبْحَارْ أَڒَامِي دّْ-ذُوقُّوزنْثْ ڒمْوَاجْ نّسْ، أَقَا سِيذِي ن ڒْعسْكَارَاثْ ذ إِسمْ نّسْ:
JER 31:36 ’مَاڒَا لْفَارَايِيضْ-أَ أَذْ د-وْضَانْثْ زڭْ وُوذمْ إِنُو، إِقَّارْ سِيذِي، [خنِّي] أَذْ إِبدّْ ؤُڒَا ذ زَّارِيعثْ ن إِسْرَائِيل أَذْ ثِيڒِي ذ إِجّْ ن ڒْڭنْسْ زَّاثْ إِ وُوذمْ إِنُو، مَارَّا ؤُسَّانْ.‘
JER 31:37 أَمُّو إِ إِقَّارْ سِيذِي: ’مَاڒَا تّْوَاعْبَارنْ إِجنْوَانْ سنّجْ ؤُ [مَاڒَا] زمَّارنْ أَذْ أَرْزُونْ سَاذُو ذْسُوسَا ن ثمُّورْثْ، [خنِّي] ؤُڒَا ذ نشّْ أَذْ نْضَارغْ زَّارِيعثْ ن إِسْرَائِيل زِي سِّيبّثْ ن مَارَّا مِينْ ڭِّينْ، [أَمُّو إِ] إِقَّارْ سِيذِي.‘ “
JER 31:38 ”خْزَارْ، [أَمُّو إِ] إِقَّارْ سِيذِي، أَذْ د-أَسنْ وُوسَّانْ نِّي ذِي غَا بْنَانْ ثَانْذِينْثْ [عَاوذْ] إِ سِيذِي، زِي صُّومْعثْ ن حَانَانِييِيلْ أَڒْ ثوَّارْثْ ن ثغْمَارْثْ،
JER 31:39 ؤُشَا أَذْ إِفّغْ ؤُفِيڒُو نْ ڒقْيَاسْ عَاذْ كْثَارْ، نِيشَانْ غَارْ زَّاثْ غَارْ ثوْرِيرْثْ ن جَارِيبْ ؤُشَا [خنِّي] أَذْ إِميّڒْ غَارْ جُوعَا.
JER 31:40 مَارَّا ثَايْسَارْثْ س ڒْخشْبَاثْ إِمُّوثنْ ؤُ س يِيغّضْ ذ مَارَّا إِيَّارنْ أَڒْ ثغْزَارْثْ ن قِيذْرُونْ أَڒْ ثغْمَارْثْ ن ثوَّارْثْ ن ييْسَانْ غَارْ شَّارْقْ، مَارَّا أَيَا أَذْ يِيڒِي ذ أَمْقدَّاسْ إِ سِيذِي.عمَّارْصْ أَذْ ثتّْوَاقْڒعْ ؤُ أَذْ ثتّْوَاهْذمْ ؤُڒَا ذ إِشْثْ ن ڒْحَاجّثْ عَاذْ إِ ڒبْذَا.“
JER 32:1 أَوَاڒْ نِّي د-إِفّْغنْ زِي سِيذِي غَارْ إِرْمِييَا ذڭْ ؤُسڭّْوَاسْ وِيسّْعشْرَا ن صِيذْقِييَا، أَجدْجِيذْ ن يَاهُوذَا. أَسڭّْوَاسْ-أَ ثُوغَا ذ أَسڭّْوَاسْ وِيسّْ ثْمنْطَاشْ ن نابُوخَاذْرَاصَّارْ.
JER 32:2 ذڭْ وُوسَّانْ نِّي ثُوغَا ڒْعسْكَارْ ن ؤُجدْجِيذْ ن بَابِيلْ إِحصَّارْ-د ؤُرْشَالِيمْ ؤُشَا أَنَابِي إِرْمِييَا ثُوغَا إِتّْوَاحبّسْ ذِي ڒمْرَاحْ ن ڒحْبسْ نِّي ثُوغَا ذِي ثَادَّارْثْ ن ؤُجدْجِيذْ ن يَاهُوذَا.
JER 32:3 مَاغَارْ ثُوغَا إِحبّسْ إِ-ث صِيذْقِييَا، أَجدْجِيذْ ن يَاهُوذَا، أَمْ ذ أَسْ إِنَّا: ”مَايمِّي ثتّْنَابّذْ، ثقَّارذْ: ’أَمُّو إِ إِقَّارْ سِيذِي: خْزَارْ، نشّْ أَذْ ڭّغْ ثَانْذِينْثْ-أَ ذڭْ ؤُفُوسْ ن ؤُجدْجِيذْ ن بَابِيلْ ؤُ نتَّا أَذْ ت ثطّفْ.
JER 32:4 صِيذْقِييَا، أَجدْجِيذْ ن يَاهُوذَا، وَارْ إِنجّمْ زڭْ ؤُفُوسْ ن إِكَالْذَانِييّنْ، مَاشَا أَذْ إِمّوْشْ ذڭْ ؤُفُوسْ ن ؤُجدْجِيذْ ن بَابِيلْ. نتَّا أَذْ كِيذسْ إِسِّيوڒْ زڭْ ؤُقمُّومْ غَارْ ؤُقمُّومْ ؤُ نتَّا أَذْ ث إِژَارْ ثِيطّْ ذِي ثِيطّْ.
JER 32:5 نتَّا أَذْ يَاوِي صِيذْقِييَا غَارْ بَابِيلْ ؤُ نتَّا أَذْ ذِينِّي إِقِّيمْ، أَڒْ غَارسْ إِ غَا رَاحغْ، [أَمُّو إِ] إِقَّارْ سِيذِي. وَاخَّا كنِّيوْ أَذْ ثمّنْغمْ أَكْ-ذ إِكَالْذَانِييّنْ، وَارْ تِّيكّْوِيضمْ شَا.‘ “
JER 32:6 إِرْمِييَا إِنَّا: ”يُوسَا-د غَارِي وَاوَاڒْ ن سِيذِي، إِنَّا:
JER 32:7 ’خْزَارْ، حَانَامْ‘إِلْ، مِّيسْ نعمِّيشْ شَالُّومْ، أَذْ غَاركْ د-يَاسْ ؤُشَا أَذْ يِينِي: سغْ إِ يِيخفْ نّشْ إِيَّارْ إِنُو ذِي عَانَاثُوثْ، مَاغَارْ شكْ غَاركْ ڒْحقّْ نْ ڒفْذِييّثْ مَاحنْذْ أَذْ ث ثسْغِيذْ.‘ “
JER 32:8 [خنِّي] يُوسَا-د غَارِي حَانَامْ‘إِلْ، مِّيسْ نعمِّي، عْلَاحْسَابْ أَوَاڒْ ن سِيذِي، ذِي ڒمْرَاحْ ن ڒحْبسْ، إِنَّا أَيِي: ”سغْ خنِّي إِيَّارْ إِنُو ذِي عَانَاثُوثْ، ذِي ثمُّورْثْ ن بِينْيَامِينْ، مَاغَارْ شكْ غَاركْ ڒْحقّْ أَذْ ث ثْوَارْثذْ ؤُشَا غَاركْ [ڒْحقّْ] ن ؤُسُوفغْ مَاحنْذْ أَذْ ث ثفْذِيذْ، أَذْ ث ثسْغذْ.“ ڒخْذنِّي سّْنغْ إِلَّا أَوَاڒْ-أَ يُوسَا-د زِي سِيذِي.
JER 32:9 [أَمُّو إِ] سْغِيغْ إِيَّارْ نِّي [إِدْجَانْ] ذِي عَانَاثُوثْ خْ حَانَامْ‘إِلْ، مِّيسْ نعمِّي، ؤُشَا وزْنغْ أَسْ نُّوقَارْثْ: سْبعْطَاشْ شِيقْلُو ن نُّوقَارْثْ.
JER 32:10 نشّْ وقّْعغْ خْ ثَابْرَاثْ، شمّْعغْ ت ؤُشَا جِّيغْ شّْهُوذْ أَذْ ت سّْمثْننْ ؤُشَا وزْنغْ نُّوقَارْثْ ذِي ڒْمِيزَانْ.
JER 32:11 كْسِيغْ ثَابْرَاثْ إِتّْوَانّْضنْ ن ثْمسْغِيوْثْ، ثنِّي ثُوغَا إِتّْوَاشمّْعنْ، [إِتّْوَارِي ذَايسْ] مَامّشْ إِتّْوَاڭّْ ڒْعَاهْذْ ؤُ [مِينْ دْجَانْثْ] لْفَارَايِيضْ، ؤُڒَا ثَابْرَاثْ يَارزْمنْ
JER 32:12 ؤُشَا وْشِيغْ ثَابْرَاثْ إِتّْوَانْضنْ ن ثْمسْغِيوْثْ إِ بَارُوخْ، مِّيسْ ن نِيرِي-يَاهْ، مِّيسْ ن مَاحْسِييَا، زَّاثْ إِ ثِيطَّاوِينْ ن حَانَامْ‘إِلْ، مِّيسْ نعمِّي، ؤُ زَّاثْ إِ ثِيطَّاوِينْ نْ ڒشْهُوذْ نِّي ثُوغَا إِوقّْعنْ ثَابْرَاثْ إِتّْوَانّْضنْ ن ثْمسْغِيوْثْ زَّاثْ إِ ثِيطَّاوِينْ ن مَارَّا وُوذَاينْ نِّي إِقِّيمنْ ذِي ڒمْرَاحْ ن ڒحْبسْ.
JER 32:13 نشّْ ؤُمُورغْ بَارُوخْ زَّاثْ إِ ثِيطَّاوِينْ نْسنْ، نِّيغْ:
JER 32:14 ”أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’كْسِي ثِيبْرَاثِينْ-أَ، ثَابْرَاثْ إِتّْوَانّْضنْ ن ثْمسْغِيوْثْ، أَمْ ثنِّي إِشمّْعنْ أَمْ ثَانِيثَا، ثنِّي يَارزْمنْ، ؤُشَا سَّارْسْ إِ-ثنْثْ ذڭْ إِشْثْ ن ڒْقشْعثْ ن ثْڒَاخْثْ، مَاحنْذْ أَذْ قِّيمنْثْ أَطَّاسْ ن وُوسَّانْ حْضَانْثْ!‘
JER 32:15 مَاغَارْ أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’أَذْ تّْوَاسْغنْ عَاوذْ ثُوذْرِينْ ذ إِيَّارنْ ذ إِمَارْجَاعنْ ن ؤُضِيڒْ ذِي ثمُّورْثْ-أَ.‘ “
JER 32:16 أَوَارْنِي ؤُمِي ثُوغَا وْشِيغْ ثَابْرَاثْ ن ثْمسْغِيوْثْ إِ بَارُوخْ، مِّيسْ ن نِيرِي-يَاهْ، ژُّودْجغْ س ڒَادْجَاغْ غَارْ سِيذِي، نِّيغْ:
JER 32:17 ”أَخْ، سِيذِي إِنُو، سِيذِي، خْزَارْ، شكْ ثڭِّيذْ إِجنْوَانْ ذ ثَامُّورْثْ س جّْهذْ نّشْ أَمقّْرَانْ ؤُ س ؤُغِيڒْ نّشْ إِسّْوِيژّْضنْ. وَارْ خَاكْ إِوْعَارْ وَالُو.
JER 32:18 [شكْ] ذ ونِّي إِڭِّينْ ثَامخْسِيوْثْ إِشوَّارنْ إِ ڒُوڒُوفْ ؤُشَا ثْخدْجْصذْ ڒْمُوعْصِييّثْ ن إِبَابَاثنْ ذڭْ وحْسِينْ ن إِحنْجِيرنْ نْسنْ أَوَارْنِي أَسنْ، [أَ] شكْ أَربِّي ذ أَمقّْرَانْ ذ أَجبَّارْ، ونِّي ؤُمِي قَّارنْ: سِيذِي ن ڒْعسْكَارَاثْ.
JER 32:19 شكْ ذ أَمقّْرَانْ ن شّْوَارْ ؤُ ثجْهذْ ذِي ثْمڭَّا، مَاغَارْ ثِيطَّاوِينْ نّشْ تّْعسّنْثْ خْ مَارَّا إِبْرِيذنْ ن ثَارْوَا ن بْنَاذمْ، حِيمَا أَذْ ثْخدْجْصضْ كُوڒْ إِجّْ عْلَاحْسَابْ إِبْرِيذنْ نّسْ ؤُ عْلَاحْسَابْ ڒْغِيدْجثْ ن ثْمڭَّا نّسْ.
JER 32:20 شكْ ثڭِّيذْ ڒعْڒَامَاثْ ذ لْمُوجِيزَاثْ ذِي مِيصْرَا، أَڒْ أَسّْ-أَ، أَمْ ذڭْ إِسْرَائِيل أَمْ ذڭْ إِوْذَانْ نّغْنِي. ثڭِّيذْ إِجّْ ن يِيسمْ إِ يِيخفْ نّشْ، أَمْ مَامّشْ [إِ ثدْجَا] أَسّْ-أَ.
JER 32:21 شكْ ثسُّوفّْغذْ-د ڒْڭنْسْ نّشْ إِسْرَائِيل زِي ثمُّورْثْ ن مِيصْرَا س ڒعْڒَامَاثْ ذ لْمُوعْجِيزَاثْ، س إِجّْ ن ؤُفُوسْ  إِجهْذنْ ذ إِجّْ ن ؤُغِيڒْ  إِسّْوِيژَّاضنْ، [ؤُمِي ثسّكَّارذْ] إِشْثْ ن ثڭّْوُوذِي ثَامقّْرَانْثْ [جَارْ ڒڭْنُوسْ].
JER 32:22 شكْ ثوْشِيذْ أَسنْ ثَامُّورْثْ-أَ، ثنِّي ثجُّودْجذْ إِ ڒجْذُوذْ نْسنْ مَاحنْذْ أَذْ أَسنْ ت ثوْشذْ، إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ.
JER 32:23 نِيثْنِي ؤُذْفنْ-د غَارسْ ؤُشَا طّْفنْ ت ذ ثَاسْغَارْثْ، [مَاشَا] نِيثْنِي وَارْ سْڒِينْ إِ ثْمِيجَّا نّشْ ؤُ وَارْ ؤُيُورنْ ذڭْ [وبْرِيذْ ن] شَّارِيعَا نّشْ ؤُ وَارْ ڭِّينْ عْلَاحْصَابْ مَارَّا مِينْزِي ثنْ ثْوصِّيذْ. [س ؤُيَا] إِ ثنْ إِڒْقفْ مَارَّا ڒْغَارْ-أَ.
JER 32:24 خْزَارْ، إِشْبَارنْ إِ ڒحْصَارثْ! نِيثْنِي إِوْضنْ-د أَڒْ ثَانْذِينْثْ مَاحنْذْ أَذْ ت طّْفنْ، ؤُشَا ثَانْذِينْثْ ثمّوْشْ ذڭْ ؤُفُوسْ ن إِكَالْذَانِييّنْ نِّي أَكِيذسْ إِتّْمنْغَانْ، زِي سِّيبّثْ ن سِّيفْ ذ ڒَاژْ ذ طَّاعُونْ. مِينْ ثسِّيوْڒذْ أَقَا يِيوضْ-د. خْزَارْ، ثتّْوَارِيذْ [ث] سِيمَانْثْ نّشْ.
JER 32:25 [وَاخَّا أَمنِّي] ثنِّيذْ أَيِي، [أَ] سِيذِي إِنُو، سِيذِي: سغْ إِ يِيخفْ نّشْ إِيَّارْ نِّي س نُّوقَارْثْ ؤُشَا أجّْ ڒشْهُوذْ أَذْ ت سّْمثْننْ، [ڒَْامِي] ثمّوْشْ ثنْذِينْثْ ذڭْ ؤُفُوسْ ن إِكَالْذَانِييّنْ.“
JER 32:26 [خنِّي] يُوسَا-د وَاوَاڒْ ن سِيذِي غَارْ إِرْمِييَا، إِنَّا:
JER 32:27 ”خْزَارْ، نشّْ ذ سِيذِي، أَربِّي ن مَارَّا نِّي غَارْسنْ أَرِّيمثْ [ن ويْسُومْ]. مَا إِوْعَارْ خَافِي شَا؟‘
JER 32:28 س ؤُيَا، أَمُّو إِ إِقَّارْ سِيذِي: ’نشّْ أَذْ ڭّغْ ثَانْذِينْثْ-أَ ذڭْ ؤُفُوسْ ن إِكَالْذَانِييّنْ ؤُ ذڭْ ؤُفُوسْ ن نابُوخَاذْرَاصَّارْ، أَجدْجِيذْ ن بَابِيلْ، ؤُ نتَّا أَذْ ت إِطّفْ.
JER 32:29 إِكَالْذَانِييّنْ، إِنِّي إِتّْمنْغَانْ أَكْ-ذ ثنْذِينْثْ-أَ، أَذْ غَارسْ د-أَذْفنْ، أَذْ قدّنْ ثَانْذِينْثْ س ثْمسِّي ؤُشَا أَذْ ت سّْشمْضنْ أَكْ-ذ ثُوذْرِينْ نِّي خْ ثْزغْوِينْ نْسنْثْ إِ زِي قدّْمنْ ثِيوْهِيبِينْ ن ڒبْخُورْ إِ بَاعْلْ ؤُشَا سيّْبنْ ثِيوْهِيبِينْ ن ؤُسيّبْ إِ إِربِّيثنْ نّغْنِي حِيمَا أَذْ أَيِي سْعَارنْ.
JER 32:30 مَاغَارْ أَيْثْ ن إِسْرَائِيل ذ أَيْثْ ن يَاهُوذَا زِي ثمْژِي نْسنْ تّڭّنْ مْغِيرْ مِينْ إِدْجَانْ ذ أَعفَّانْ ذِي ثِيطَّاوِينْ إِنُو. أَيْثْ ن إِسْرَائِيل سْعَارنْ أَيِي س ڒْخذْمثْ ن إِفَاسّنْ نْسنْ!‘، إِقَّارْ سِيذِي.
JER 32:31 ’مَاغَارْ ثَانْذِينْثْ ثُوغَا ت إِ نشّْ [ذ سِّيبّثْ] ن وغْضَابْ ذ وسْعَارْ زڭْ وَاسّْ نِّي ذِي ثتّْوَابْنَا أَڒْ أَسّْ-أَ، أَڒَامِي ت غَا نْضَارغْ خْ وُوذمْ إِنُو
JER 32:32 زِي سِّيبّثْ ن مَارَّا ڒْغَارْ ن أَيْثْ ن إِسْرَائِيل ذ أَيْثْ ن يَاهُوذَا مَاحنْذْ أَذْ أَيِي سْعَارنْ، نِيثْنِي ذ إِجدْجِيذنْ نْسنْ ذ ڒْحُوكَّامْ نْسنْ ذ إِكهَّاننْ نْسنْ ذ إِنَابِييّنْ نْسنْ ذ إِرْيَازنْ ن يَاهُوذَا ذ إِمزْذَاغْ ن ؤُرْشَالِيمْ.
JER 32:33 نِيثْنِي وْشِينْ أَيِي-د س وعْرُورْ، وَارْ إِدْجِي س ؤُغمْبُوبْ، [وَاخَّا] نشّْ سّْڒمْذغْ ثنْ، [عَاذْ] زڭْ ؤُمزْوَارُو سّْغَارغْ ثنْ، [مَاشَا] نِيثْنِي وَارْ خْسنْ أَذْ سْڒنْ مَاحنْذْ أَذْ طّْفنْ تَّارْبِييّثْ.
JER 32:34 نِيثْنِي سّْبدّنْ نّْعَاوَاثْ نْسنْ ن لْ-أَصْنَامْ ذِي ثَادَّارْثْ إِ خفْ إِتّْوَابَارّحْ إِسمْ إِنُو مَاحنْذْ أَذْ ت سّْخمْجنْ.
JER 32:35 نِيثْنِي سّْبدّنْ ڒڭْعُوذِي ن بَاعْلْ [مَانِي إِ ذ أَسْ تّْوهّْبنْ دّْبَايحْ نْسنْ] ذِي ثغْزُورْثْ ن مِّيسْ ن هِينُّومْ مَاحنْذْ أَذْ سّعْذُونْ إِحنْجِيرنْ نْسنْ ذ ثْحنْجِيرِينْ نْسنْثْ إِ مُولَاكْ ذِي ثْمسِّي، مِينْ وَارْ ذ أَسنْ ؤُمُورغْعمَّارْصْ ؤُ مِينْ وَارْ ذ أَيِي د-إِدَّارنْ ذِي ڒْبَاڒْ إِنُو، أَقَا أَذْ ڭّنْ نّْعِي أَمْ وَا أَڒَامِي عَارْننْ يَاهُوذَا غَارْ دّْنُوبْ.‘ “
JER 32:36 ”س ؤُيَا، ڒخُّو، أَمُّو إِ إِقَّارْ سِيذِي، أَربِّي ن إِسْرَائِيل، خْ ثنْذِينْثْ-أَ إِ خْ ثقَّارمْ: ’أَقَا ثمّوْشْ ذڭْ ؤُفُوسْ ن ؤُجدْجِيذْ ن بَابِيلْ، س سِّيفْ، س ڒَاژْ ؤُ س طَّاعُونْ!‘:
JER 32:37 خْزَارْ، نشّْ أَذْ ثنْ سّْمُونغْ زِي مَارَّا ثِيمُّورَا مَانِي خَاسنْ ؤُژّْڒغْ ذڭْ وغْضَابْ إِنُو ؤُ ذڭْ وسْعَارْ إِنُو ؤُ ذڭْ ؤُذُوقّزْ ن وغْضَابْ إِنُو، ؤُ نشّْ أَذْ ثنْ أَرّغْ غَارْ ومْشَانْ-أَ ؤُ أَذْ ثنْ سّْزذْغغْ ذِي ڒَامَانْ.
JER 32:38 نِيثْنِي أَذْ إِڒِينْ ذ ڒْڭنْسْ إِنُو ؤُ نشّْ أَذْ إِڒِيغْ ذ أَربِّي نْسنْ.
JER 32:39 نشّْ أَذْ أَسنْ وْشغْ ؤُڒْ ذ إِجّْ ؤُڒَا ذ وبْرِيذْ ذ إِجّْ حِيمَا أَذْ أَيِي ڭّْوذنْ مَارَّا ؤُسَّانْ إِ ثِيزِي نْسنْ ؤُ إِ ثِيزِي ن إِحنْجِيرنْ نْسنْ أَوَارْنِي أَسنْ.
JER 32:40 نشّْ أَكِيذْسنْ ڭّغْ إِجّْ ن ڒْعَاهْذْ إِتّْذُومَانْ، أَقَا وَارْ تّْحيِّيذغْ زِي أَوَارْنِي أَسنْ، حِيمَا أَذْ أَسنْ ڭّغْ مِينْ إِصبْحنْ، ؤُ نشّْ أَذْ أَسنْ سَّارْسغْ ثِيڭّْوُوذِي زَّايِي ذڭْ وُوڒْ نْسنْ، مَاحنْذْ وَارْ خَافِي تّْحيِّيذنْ [عَاذْ].
JER 32:41 نشّْ أَذْ زَّايْسنْ فَارْحغْ مَاحنْذْ أَذْ ذَايْسنْ تّْهِيلِّيغْ ؤُ زِي ڒْمَانثْ إِنُو أَذْ ثنْ ژُّوغْ ذِي ثمُّورْثْ-أَ س مَارَّا ؤُڒْ إِنُو ؤُ س مَارَّا ڒعْمَارْ إِنُو.‘ “
JER 32:42 ”مَاغَارْ أَمُّو إِ إِقَّارْ سِيذِي: ’أَمْ مَامّشْ إِ د إِوْيغْ خْ ڒْڭنْسْ-أَ ثُوعفّْنَا-يَا ثَامقّْرَانْثْ، أَمُّو إِ خَاسنْ إِ غَا سِّيوْضغْ مَارَّا ثَاصبْحَانْثْ إِ خَاسنْ نِّيغْ.
JER 32:43 أَذْ سْغنْ [عَاوذْ] إِيَّارنْ ذِي ثمُّورْثْ-أَ إِ خفْ ثقَّارمْ كنِّيوْ: ’أَقَا-ت ذ إِشْثْ ثمُّورْثْ إِتّْوَاردّْدْجنْ نْهْڒَا بْنَاذمْ ذ ڒْمَارْ، ثمّوْشْ ذڭْ ؤُفُوسْ ن إِكَالْذَانِييّنْ.‘
JER 32:44 أَذْ سْغنْ [عَاوذْ] إِيَّارنْ س [تّْمنْيَاثْ ن] نُّوقَارْثْ، أَذْ وقّْعنْ ؤُ أَذْ شمّْعنْ ثِيبْرَاثِينْ ن ثْمسْغِيوْثْ، أَذْ أَوْينْ ڒشْهُوذْ حِيمَا أَذْ سّْمثْننْ [ثَامسْغِيوْثْ] ذِي ثمُّورْثْ ن بِينْيَامِينْ، ذِي جّْوَايهْ ن ؤُرْشَالِيمْ، ذِي ثْندَّامْ ن يَاهُوذَا، ذِي ثْندَّامْ ن ثمُّورْثْ ن إِذُورَارْ، ذِي ثْندَّامْ ن ثمُّورْثْ إِوَاطَانْ ؤُ ذِي ثْندَّامْ ن [ثمُّورْثْ ن] لْجَانُوبْ، مَاغَارْ نشّْ أَذْ سّنْقڒْبغْ ثَامحْبَاسْثْ نْسنْ، [أَمُّو إِ] إِقَّارْ سِيذِي.‘ “
JER 33:1 يُوسَا-د وَاوَاڒْ ن سِيذِي غَارْ إِرْمِييَا إِ ثْوَاڒَا وِيسّْ ثْنَاينْ، ؤُمِي ثُوغَا عَاذْ إِتّْوَابلّعْ خَاسْ ذِي ڒمْرَاحْ ن ڒحْبسْ، إِنَّا:
JER 33:2 ”أَمُّو إِ إِقَّارْ سِيذِي، ونِّي ث إِڭِّينْ، سِيذِي، ونِّي ت يَارشْمنْ أَڒَامِي ت غَا إِبدّْ ذ ؤُبذِّي، أَقَا سِيذِي ذ إِسمْ نّسْ:
JER 33:3 ’ڒَْاغَا أَيِي-د ؤُشَا أَذْ خَاكْ د-أَرّغْ ؤُ أَذْ أَشْ سّشْنغْ ثِيمسْڒَايِينْ ثِيمقّْرَانِينْ ذ إِنُّوفَارنْ، وَارْ ثنْثْ ثسِّينذْ.
JER 33:4 مَاغَارْ أَمُّو إِ إِقَّارْ سِيذِي، أَربِّي ن إِسْرَائِيل، خْ ثُوذْرِينْ ن ثنْذِينْثْ-أَ ؤُ خْ ثُوذْرِينْ ن إِجدْجِيذنْ ن يَاهُوذَا نِّي إِتّْوَاهذْمنْ، [مَاحنْذْ أَذْ إِڒِينْثْ إِ ؤُذُورِّي] ضِيدّْ ن وشْبَارنْ ن ڒحْصَارثْ ؤُ ضِيدّْ ن سِّيفْ:
JER 33:5 إِنِّي د-يُوسِينْ حِيمَا أَذْ مّنْغنْ أَكْ-ذ إِكَالْذَانِييّنْ، [أَقَا ؤُسِينْ-د] حِيمَا أَذْعمَّارنْ [ثُوذْرِينْ نِّي] س ڒْخشْبَاثْ ن إِوْذَانْ نِّي نْغِيغْ ذڭْ وغْضَابْ إِنُو ؤُ ذڭْ وسْعَارْ إِنُو، مِينْزِي سّْذُورّْيغْ ؤُذمْ إِنُو خْ ثنْذِينْثْ-أَ زِي سِّيبّثْ ن مَارَّا ثُوعفّْنَا نْسنْ!
JER 33:6 [مَاشَا] خْزَارْ، نشّْ أَذْ أَسْ-ت-إِ-د-أَوْيغْ أَعْذَاڒْ ذ ؤُڭنْفُو، نشّْ أَذْ ثنْ سّْڭنْفِيغْ ؤُشَا أَذْ خَاسنْ عَارِّيغْ إِجّْ [ن ڒْعُونْصَارْ] إِفيّْضنْ س ڒهْنَا ذ ثِيذتّْ.
JER 33:7 نشّْ أَذْ سّنْقڒْبغْ ثَامحْبَاسْثْ ن يَاهُوذَا ذ ثْمحْبَاسْثْ ن إِسْرَائِيل، ؤُ أَذْ ثنْ بْنِيغْ أَمْ ذڭْ ؤُمزْوَارُو.
JER 33:8 نشّْ أَذْ ثنْ سِّيزذْڭغْ زِي مَارَّا ڒْمُوعْصِييّثْ نْسنْ إِ زِي كِيذِي خْضَانْ. أَذْ غْفَارغْ مَارَّا ڒْمُوعْصِييَّاثْ نْسنْ إِ زِي خْضَانْ أَكِيذِي ؤُشَاعدَّانْ خَافِي.
JER 33:9 أَذْ ثِيڒِي [ثنْذِينْثْ ن ؤُرْشَالِيمْ] إِ نشّْ ذ إِسمْ إِسّفْرَاحنْ ذ ؤُسمْغَارْ ذ شَّانْ غَارْ مَارَّا ڒڭْنُوسْ ن دُّونشْثْ نِّي إِ غَا إِسْڒَانْ ڒْخَارْ نِّي ذ أَسنْ إِ غَا ڭّغْ. نِيثْنِي أَذْ ڭّْوذنْ ؤُ أَذْ أَرْجِيجنْ خْ مَارَّا ڒْخَارْ ؤُ خْ مَارَّا ڒهْنَا نِّي ذ أَسْ إِ غَا ڭّغْ.‘ “
JER 33:10 ”أَمُّو إِ إِقَّارْ سِيذِي: ذڭْ ومْشَانْ-أَ إِ خْ ثقَّارمْ كنِّيوْ: ’أَقَا-ث ذ ڒْخِيرْبثْ أَڒَامِي وَارْ إِقِّيمْ ؤُڒَا ذ إِجّْ ن بْنَاذمْ نِيغْ ذ ڒْمَاڒْ!‘، [وَاهْ،] ذِي ثْندَّامْ ن يَاهُوذَا ؤُ ذڭْ إِبْرِيذنْ ن ؤُرْشَالِيمْ، ثِينِّي إِتّْوَاردّْدْجنْ أَڒَامِي وَارْ إِقِّيمْ ؤُڒَا ذ إِجّْ ن بْنَاذمْ نِيغْ ذ أَمزْذُوغْ نِيغْ ذ ڒْمَاڒْ، أَذْ إِتّْوَاسڒْ [عَاذْ]
JER 33:11 ثْمِيجَّا نْ وَارْشَاقْ ذ ثْمِيجَّا ن ڒفْرَاحثْ، ثْمِيجَّا ن مُوڒَايْ ذ ثْمِيجَّا ن ثسْڒِيثْ، ثْمِيجَّا ن يِينِّي إِقَّارنْ: قَاذَامْ سِيذِي ن ڒْعسْكَارَاثْ، مَاغَارْ سِيذِي إِصْبحْ، مَاغَارْ ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا!، ثْمِيجَّا ن يِينِّي إِ د-إِتَّاوْينْ أَقَاذِي ذِي ثَادَّارْثْ ن سِيذِي، مَاغَارْ نشّْ أَذْ سّنْقڒْبغْ ثَامحْبَاسْثْ ن ثمُّورْثْ، [أَذْ ثِيڒِي] أَمْ ذڭْ ؤُمزْوَارُو، إِقَّارْ سِيذِي.‘ “
JER 33:12 ”أَمُّو إِ إِقَّارْ سِيذِي ن ڒْعسْكَارَاثْ: ’ذڭْ ومْشَانْ-أَ إِ إِتّْوَاردّْدْجنْ أَڒَامِي وَارْ إِقِّيمْ [عَاذْ] ؤُڒَا ذ إِجّْ ن بْنَاذمْ نِيغْ ذ ڒْمَاڒْ، [وَاهْ،] ذِي مَارَّا ثِيندَّامْ نّسْ أَذْ إِڒِينْثْ عَاوذْ دّْمَانِي ن ثَاروْسَا إِ إِمكْسَاونْ نِّي إِ غَا إِسَّاريّْحنْ ؤُدْجِي.
JER 33:13 ذِي ثمُّورْثْ ن إِذُورَارْ، ذِي ثْندَّامْ ن ثمُّورْثْ إِوَاطَانْ، ذِي ثْندَّامْ ن ثمُّورْثْ ن لْجَانُوبْ، ذِي ثمُّورْثْ ن بِينْيَامِينْ، ذڭْ إِمُوشَانْ إِ ذ أَسْ د-إِنّْضنْ إِ ؤُرْشَالِيمْ ؤُ ذِي ثْندَّامْ ن يَاهُوذَا أَذْ عْذُونْ وُودْجِي عَاوذْ سَاذُو إِفَاسّنْ ن يِينِّي إِ ثنْ إِحسّْبنْ!‘، [أَمُّو] إِ إِقَّارْ سِيذِي.“
JER 33:14 ”خْزَارْ، أَذْ د-أَسنْ وُوسَّانْ، [أَمُّو إِ] إِقَّارْ سِيذِي، أَذْ سّْقفْڒغْ أَوَاڒْ أَصبْحَانْ نِّي سِّيوْڒغْ إِ ثَادَّارْثْ ن إِسْرَائِيل ذ ثَادَّارْثْ ن يَاهُوذَا.
JER 33:15 ذڭْ وُوسَّانْ نِّي ؤُ ذِي ڒْوقْثْ نِّي أَذْ سّْغمْيغْ إِ ذَاوُوذْ أَغدُّو ن ثْسڭْذَا. نتَّا أَذْ يڭّْ ڒْحقّْ ذ ثْسڭْذَا ذِي ثمُّورْثْ.
JER 33:16 ذڭْ وُوسَّانْ نِّي أَذْ إِتّْوَاسّنْجمْ يَاهُوذَا ؤُشَا ؤُرْشَالِيمْ أَذْ ثزْذغْ ذِي ڒَامَانْ، أَذْ أَسْ ڭّنْ [إِ ؤُرْشَالِيمْ] إِسمْ وَانِيثَا: ’سِيذِي ذ ثَاسڭْذَا نّغْ.‘ “
JER 33:17 ”مَاغَارْ أَمُّو إِ إِقَّارْ سِيذِي: ’عمَّارْصْ أَذْ إِنْقصْ إِ ذَاوُوذْ إِجّْ ن ورْيَازْ نِّي إِقِّيمنْ خْ ڒْعَارْشْ ن ثَادَّارْثْ ن إِسْرَائِيل،
JER 33:18 ؤُشَا ؤُڒَا ذ إِكهَّاننْ إِلَاوِييّنْ وَارْ ذ أَسنْ إِنقّصْعمَّارْصْ إِجّْ ن ورْيَازْ نِّي إِ غَا إِقدّْمنْ ثَاغَارْصْثْ ن وشْمَاضْ زَّاثْ إِ وُوذمْ إِنُو نِيغْ أَذْ إِسّْبخَّارْ ثَاوْهِيبْثْ [ن ڒْغِيدْجثْ] نِيغْ أَذْ إِسّوْجذْ إِشْثْ ن ثْغَارْصْثْ، مَارَّا ؤُسَّانْ.‘ “
JER 33:19 يُوسَا-د وَاوَاڒْ ن سِيذِي غَارْ إِرْمِييَا، إِنَّا:
JER 33:20 ”أَمُّو إِ إِقَّارْ سِيذِي: ’مَاڒَا إِزمَّارْ أَذْ ثَارْژْممْ ڒْعَاهْذْ إِنُو س وَاسّْ ذ ڒْعَاهْذْ إِنُو س دْجِيڒثْ أَڒْ أَسّْ ذ دْجِيڒثْ وَارْ تِّيڒِينْ عَاذْ ذِي ڒْوقْثْ نْسنْ إِتّْوَاڭّنْ،
JER 33:21 [خنِّي] إِڒِي أَذْ إِتّْوَارْژْ ؤُڒَا ذ ڒْعَاهْذْ إِنُو أَكْ-ذ ؤُمْسخَّارْ إِنُو ذَاوُوذْ، أَڒَامِي وَارْ غَارسْ إِتِّيڒِي عَاذْ مِّيسْ نِّي إِ غَا إِحكْمنْ خْ ڒْعَارْشْ نّسْ، ؤُ أَكْ-ذ إِكهَّاننْ زڭْ أَيْثْ ن لَاوِي، إِمْسخَّارنْ إِنُو.
JER 33:22 أَمْ مَامّشْ وَارْ إِزمَّارْ أَذْ إِتّْوَاحْسبْ ڒْعسْكَارْ ن ؤُجنَّا ؤُ ؤُڒَا ذ إِجْذِي ن ڒبْحَارْ وَارْ إِزمَّارْ أَذْ إِتّْوَاعْبَارْ، أَمُّو س وَاطَّاسْ إِ غَا ڭّغْ ثَارْوَا ن ؤُمْسخَّارْ إِنُو ذَاوُوذْ ؤُ [ن] إِلَاوِييّنْ نِّي ذ أَيِي إِتّْسخَّارنْ.‘ “
JER 33:23 يُوسَا-د وَاوَاڒْ ن سِيذِي غَارْ إِرْمِييَا، إِنَّا:
JER 33:24 ”مَا وَارْ ثژْرِيذْ مَامّشْ إِسَّاوَاڒْ ڒْڭنْسْ-أَ، قَّارنْ: ’ثْنَاينْ ن ڒَادْجَاثْ نِّي إِفَارْزْ سِيذِي، أَقَا إِنْضَارْ إِ-ثنْثْ‘؟ أَقَا نِيثْنِي سْثهْزَانْ زِي ڒْڭنْسْ إِنُو أَڒَامِي وَارْ إِدْجِي عَاذْ ذ ڒْڭنْسْ إِ نِيثْنِي.“
JER 33:25 ”أَمُّو إِ إِقَّارْ سِيذِي: ’مَاڒَا ڒْعَاهْذْ إِنُو س وَاسّْ ذ دْجِيڒثْ وَارْ إِتِّيڒِي [عَاذْ]، وَارْ تّْغِيمِيغْ تّڭّغْ لْفَارَايِيضْ ن إِجنْوَانْ ذ ثمُّورْثْ،
JER 33:26 أَذْ نْضَارغْ ؤُڒَا ذ ثَارْوَا ن يَاعْقُوبْ ذ [ثَارْوَا] ن ذَاوُوذْ أَڒَامِي وَارْ تّڭّغْ [عَاذْ] زِي زَّارِيعثْ نّسْ إِنِّي غَا إِحكْمنْ خْ ثَارْوَا ن إِبْرَاهِيمْ ذ إِسْحَاقْ ذ يَاعْقُوبْ، مَاغَارْ نشّْ أَذْ سّنْقڒْبغْ ثَامحْبَاسْثْ نْسنْ ؤُ نشّْ أَذْ خَاسنْ حِينّغْ.‘ “
JER 34:1 أَوَاڒْ إِ د-إِفّْغنْ زِي سِيذِي غَارْ إِرْمِييَا - ؤُمِي نابُوخَاذْرَاصَّارْ، أَجدْجِيذْ ن بَابِيلْ، ذ مَارَّا ڒْعسْكَارْ نّسْ ذ مَارَّا ثِيڭلْذِيوِينْ ن دُّونشْثْ إِ إِدْجَانْ سَاذُو فُوسْ نّسْ ذ مَارَّا ڒڭْنُوسْ ثُوغَا تّْمنْغَانْ أَكْ-ذ ؤُرْشَالِيمْ ؤُ أَكْ-ذ مَارَّا ثِيندَّامْ نّسْ - إِ إِنَّانْ:
JER 34:2 ”أَمُّو إِ إِقَّارْ سِيذِي، أَربِّي ن إِسْرَائِيل: ’ؤُيُورْ ؤُشَا سِيوڒْ أَكْ-ذ صِيذْقِييَا، أَجدْجِيذْ ن يَاهُوذَا، إِنِي أَسْ: أَمُّو إِ إِقَّارْ سِيذِي، خْزَارْ، نشّْ أَذْ وْشغْ ثَانْذِينْثْ-أَ ذڭْ ؤُفُوسْ ن ؤُجدْجِيذْ ن بَابِيلْ ؤُ نتَّا أَذْ أَسْ إِقّذْ ثِيمسِّي.
JER 34:3 ؤُڒَا ذ شكْ س يِيخفْ نّشْ وَارْ ثْنجّْمذْ إِ ؤُفُوسْ نّسْ، مَاشَا أَذْ شكْ طّْفنْ ؤُ أَذْ شكْ وْشنْ ذڭْ ؤُفُوسْ نّسْ. ثِيطّْ ذِي ثِيطّْ أَذْ ثْژَارذْ أَجدْجِيذْ ن بَابِيلْ ؤُشَا أَذْ كِيذسْ ثسِّيوْڒذْ زڭْ ؤُقمُّومْ غَارْ ؤُقمُّومْ ؤُشَا أَذْ د-ثَاوْضذْ أَڒْ بَابِيلْ.
JER 34:4 سڒْ مَاشَا إِ وَاوَاڒْ ن سِيذِي، صِيذْقِييَا، أَجدْجِيذْ ن يَاهُوذَا. أَمُّو إِ خَاكْ إِقَّارْ سِيذِي: ’شكْ وَارْ ثتّْوَانْغذْ شَا س سِّيفْ.
JER 34:5 أَذْ ثمّْثذْ ذِي ڒهْنَا ؤُشَا أَمْ مَامّشْ سَّارْغنْ ثِيمسِّييَاثْ إِ ڒجْذُوذْ نّشْ، إِجدْجِيذنْ ن زِيشْ نِّي ثُوغَا إِدْجَانْ قْبڒْ إِ شكْ، أَذْ سَّارْغنْ عَاوذْ ذ ثِيمسِّييَاثْ إِ شكْ ؤُشَا أَذْ خَاكْ وْثنْ أَڭجْذُورْ، أَذْ إِنِينْ: أَخْ، سِيذِي!‘، مَاغَارْ نشّْ سِّيوْڒغْ أَوَاڒْ[-أَ]، [أَمُّو إِ] إِقَّارْ سِيذِي.‘ “
JER 34:6 إِسِّيوڒْ ؤُنَابِي إِرْمِييَا مَارَّا أَوَاڒنْ-أَ إِ صِيذْقِييَا، أَجدْجِيذْ ن يَاهُوذَا، ذِي ؤُرْشَالِيمْ،
JER 34:7 [ؤُمِي] ثُوغَا ڒْعسْكَارْ ن ؤُجدْجِيذْ ن بَابِيلْ إِتّْمنْغَا أَكْ-ذ ؤُرْشَالِيمْ ؤُ أَكْ-ذ مَارَّا ثِيندَّامْ ن يَاهُوذَا نِّي إِقِّيمنْ، أَكْ-ذ لَاخِيشْ ذ عَازِيقَا، مَاغَارْ ثِينَا ثُوغَا عَاذْ قِّيمنْثْ جَارْ ثْندَّامْ ن يَاهُوذَا، مِينْزِي ثُوغَا أَثنْثْ ذ ثِيندَّامْ إِفَارْينْ.
JER 34:8 أَوَاڒْ نِّي د-إِفّْغنْ زِي سِيذِي غَارْ إِرْمِييَا، أَوَارْنِي مَا إِقّنْ ؤُجدْجِيذْ صِيذْقِييَا إِجّْ ن ڒْعَاهْذْ أَكْ-ذ مَارَّا ڒْڭنْسْ نِّي إِدْجَانْ ذِي ؤُرْشَالِيمْ، مَاحنْذْ أَذْ بَارّْحنْ س إِجّْ ن ؤُسَارّحْ جَارْ أَسنْ،
JER 34:9 مَاحنْذْ كُوڒْ  إِجّنْ أَذْ يَارْخُو إِ إِسْمغْ نّسْ ؤُ إِ ثَايَّا نّسْ، إِ ؤُعِيبْرَانِي ؤُ إِ ثْعِيبْرَانشْثْ، أَڒَامِي وَارْ إِتّْغِيمِي جَارْ أَسنْ ؤُڒَا ذ إِجّنْ [ونِّي إِدْجَانْ] ذ إِسْمغْ غَارْ إِجّْ ن ورْيَازْ زِي يَاهُوذَا، غَارْ ؤُمَاسْ.
JER 34:10 مَارَّا ڒْحُوكَّامْ ذ مَارَّا ڒْڭنْسْ نِّي إِقّْننْ ڒْعَاهْذْ، سْڒِينْ أَقَا [كُوڒْ] أَرْيَازْ أَذْ يَارْخُو إِ إِسْمغْ نّسْ ؤُ [كُوڒْ] أَرْيَازْ أَذْ يَارْخُو إِ ثَايَّا نّسْ حِيمَا وَارْ إِتّْغِيمِي غَارْسنْ ؤُڒَا ذ إِجّْ ن إِسْمغْ. نِيثْنِي وْشِينْ أَمزُّوغْ [إِ مَانْ أَيَا] ؤُشَا سّكّنْ ثنْ.
JER 34:11 [مَاشَا أَوَارْنِي أَسْ] بدّْڒنْ، أَرِّينْ-د إِسمْغَانْ ذ ثِييَّا إِنِّي ؤُمِي ثُوغَا أَرْخُونْ، حْصَارنْ ثنْ عَاوذْ مَاحنْذْ أَذْ إِڒِينْ [عَاوذْ] ذ إِمْسمْغَانْ ذ ثِييَّا.
JER 34:12 [خنِّي] يُوسَا-د وَاوَاڒْ ن سِيذِي غَارْ إِرْمِييَا، إِنَّا:
JER 34:13 ”أَمُّو إِ إِقَّارْ سِيذِي، أَربِّي ن إِسْرَائِيل: ’نشّْ ڭِّيغْ إِجّْ ن ڒْعَاهْذْ أَكْ-ذ ڒجْذُوذْ نْومْ ذڭْ وَاسّْ نِّي ذِي ثنْ د-سُّوفّْغغْ زِي مِيصْرَا، زِي ثَادَّارْثْ ن ثسْمُوغِي، نِّيغْ:
JER 34:14 أَوَارْنِي ڒَامِي عْذُونْ سبْعَا ن إِسڭّْوُوسَا إِتّْخصَّا كُوڒْ  إِجّْ أَذْ إِسّكّْ ؤُمَاسْ أَعِيبْرَانِي نِّي ذ أَشْ إِزّنْزنْ إِخفْ نّسْ ؤُشَا ثُوغَا إِخدّمْ إِ شكْ ستَّا ن إِسڭّْوُوسَا. إِتّْخصَّا أَذْ أَسْ ثَارْخُوذْ [أَذْ يُويُورْ] ذِي ثْڒلِّي! [مَاشَا] ڒجْذُوذْ نْومْ وَارْ غَارِي د-سْڒِينْ ؤُ وَارْ [ذ أَيِي] وْشِينْ شَا أَمزُّوغْ.
JER 34:15 وَاخَّا كنِّيوْ ثْذوْڒمْ-د، ثڭِّيمْ مِينْ إِدْجَانْ نِيشَانْ ذِي ثِيطَّاوِينْ إِنُو أَمْ إِبَارّحْ كُوڒْ  إِجّْ س ؤُسَارْخُو إِ جَّارْ نّسْ ؤُشَا ثڭِّيمْ إِجّْ ن ڒْعَاهْذْ زَّاثْ إِ وُوذمْ إِنُو ذِي ثَادَّارْثْ مِينْ خفْ إِتّْوَابَارّحْ إِسمْ إِنُو،
JER 34:16 كنِّيوْ [مَاشَا] ثنّْقڒْبمْ عَاوذْ ؤُشَا ثسّْعِيدْجْثمْ إِسمْ إِنُو. كُوڒْ  إِجّْ يَارَّا-د إِسْمغْ نّسْ ؤُ كُوڒْ  إِجّْ يَارَّا-د ثَايَّا نّسْ نِّي ؤُمِي ثُوغَا ثَارْخُومْ مَاحنْذْ أَذْ ؤُيُورنْ نِيثْنِي مَانِي خْسنْ، ؤُشَا كنِّيوْ ثحْصَارمْ ثنْ عَاوذْ مَاحنْذْ أَذْ أَومْ إِڒِينْ ذ إِمْسمْغَانْ ذ ثِييَّا.‘ “
JER 34:17 ”س ؤُيَا، أَمُّو إِ إِقَّارْ سِيذِي: ’كنِّيوْ وَارْ غَارِي ثسْڒِيمْ مَاحنْذْ كُوڒْ إِجّْ أَذْ إِبَارّحْ س ؤُسَارْخُو إِ ؤُمَاسْ ؤُ كُوڒْ إِجّْ إِ جَّارْ نّسْ. خْزَارْ، أَمُّو نشّْ أَذْ أَومْ بَارّْحغْ س ؤُسَارْخُو، [أَمُّو إِ] إِقَّارْ سِيذِي، [مَاحنْذْ أَذْ كنِّيوْ سلّْمغْ] إِ سِّيفْ، إِ طَّاعُونْ ؤُ إِ ڒَاژْ. نشّْ أَذْ كنِّيوْ ڭّغْ ذ [إِشْثْ ن ڒْقشْعثْ ن] ؤُنخْڒِيعْ إِ مَارَّا ثِيڭلْذِيوِينْ ن دُّونشْثْ.
JER 34:18 نشّْ أَذْ أَرّغْ إِرْيَازنْ نِّي إِعْذُونْ خْ ڒْعَاهْذْ إِنُو، إِنِّي وَارْ إِطِّيفنْ ذڭْ وَاوَاڒنْ ن ڒْعَاهْذْ نِّي ڭِّينْ زَّاثْ إِ وُوذمْ إِنُو، [أَمْ] ؤُعجْمِي نِّي بْضَانْ خْ ثْنَاينْ ذ ونِّي جَارْ إِزيْنَاثْ نّسْ شُوقنْ نِيثْنِي:
JER 34:19 ڒْحُوكَّامْ ن يَاهُوذَا ذ ڒْحُوكَّامْ ن ؤُرْشَالِيمْ، إِمْسخَّارنْ إِشنّْعنْ، إِكهَّاننْ ذ مَارَّا ڒْڭنْسْ ن ثمُّورْثْ، إِنِّي إِشُوقنْ [مَارَّا] جَارْ إِزِييْنَاثْ ن ؤُعجْمِي.
JER 34:20 نشّْ أَذْ ثنْ وْشغْ ذڭْ ؤُفُوسْ ن ڒْعذْيَانْ نْسنْ ؤُ ذڭْ ؤُفُوسْ ن يِينِّي يَارزُّونْ أَذْ ثنْ نْغنْ ؤُشَا ڒْخشْبَاثْ نْسنْ أَذْ إِڒِينْثْ ذ مَاشَّا إِ إِجْضَاضْ ن ؤُجنَّا ؤُ إِ ڒْمَاڒْ ن ثمُّورْثْ.
JER 34:21 ؤُڒَا ذ صِيذْقِييَا، أَجدْجِيذْ ن يَاهُوذَا، ذ ڒْحُوكَّامْ نّسْ أَذْ ثنْ ڭّغْ ذڭْ ؤُفُوسْ ن ڒْعذْيَانْ نْسنْ، ذڭْ ؤُفُوسْ ن يِينِّي يَارزُّونْ ثُوذَارْثْ نْسنْ، ذڭْ ؤُفُوسْ ن ڒْعسْكَارْ ن ؤُجدْجِيذْ ن بَابِيلْ نِّي خَاومْ إِفّْغنْ [ڒخُّو].
JER 34:22 خْزَارْ، نشّْ أَذْ ؤُمُورغْ، [أَمُّو إِ] إِقَّارْ سِيذِي، ؤُ نشّْ أَذْ ثنْ د-أَرّغْ غَارْ ثنْذِينْثْ-أَ ؤُ نِيثْنِي أَذْ كِيذسْ مّنْغنْ، أَذْ ت طّْفنْ ؤُشَا أَذْ أَسْ قّْذنْ ثِيمسِّي. نشّْ أَذْ أَرّغْ ثِيندَّامْ ن يَاهُوذَا ذ إِشْثْ ن ثمُّورْثْ إِتّْوَاردّْدْجنْ، وَارْ ذَايسْ إِتّْغِيمِي ؤُڒَا ذ إِجّْ ن ؤُمزْذُوغْ [عَاذْ].‘ “
JER 35:1 أَوَاڒْ ن سِيذِي إِ د-يُوسِينْ غَارْ إِرْمِييَا ذڭْ وُوسَّانْ ن يَاهُويَاقِيمْ، مِّيسْ ن يُوشِييَا، أَجدْجِيذْ ن يَاهُوذَا، إِنَّا:
JER 35:2 ”ؤُيُورْ غَارْ ثَادَّارْثْ ن أَيْثْ ن رِيكَابْ ؤُشَا سِيوڒْ أَكِيذْسنْ ؤُ أَوْيِي ثنْ غَارْ ثَادَّارْثْ ن سِيذِي، ذڭْ إِجّْ زڭْ إِخَّامنْ [نّسْ]، ؤُ أوْشْ أَسنْ بِينُو حِيمَا أَذْ سْونْ.“
JER 35:3 [خنِّي] إِوْيغْ-د يَازَانْيَا[هُو]، مِّيسْ ن إِرْمِييَا، مِّيسْ ن حَابْصِينِييَا، [جْمِيعْ] أَكْ-ذ مَارَّا أَيْثْمَاسْ ذ مَارَّا إِحنْجِيرنْ نّسْ ذ مَارَّا ثَادَّارْثْ ن أَيْثْ ن رِيكَابْ.
JER 35:4 إِوْيغْ ثنْ غَارْ ثَادَّارْثْ ن سِيذِي، ذڭْ وخَّامْ ن أَيْثْ ن حَانَانْ، مِّيسْ ن يَاجْذَالْيَا، أَرْيَازْ ن أَربِّي، [أَخَّامْ] نِّي [إِدْجَانْ] زَّاثْ إِ وخَّامْ ن ڒْحُوكَّامْ، ثِيوَا إِ وخَّامْ ن مَاعَاسِييَا، مِّيسْ ن شَالُّومْ، أَعسَّاسْ ن ثوَّارْثْ.
JER 35:5 نشّْ سَّارْسغْ إِغَارَّافنْ شُّورنْ س بِينُو ذ ڒْكِيسَانْ زَّاثْ إِ وُوذمْ ن أَيْثْ ن رِيكَابْ ؤُشَا نِّيغْ أَسنْ: ’سْومْ بِينُو!‘
JER 35:6 [مَاشَا] نِيثْنِي نَّانْ: ’نشِّينْ وَارْ نْسسّْ شَا بِينُو، مَاغَارْ بَابَاثْنغْ يُونَاذَابْ، مِّيسْ ن رِيكَابْ، إِوصَّا أَنغْ، إِنَّا: كنِّيوْعمَّارْصْ وَارْ تّْسسّمْ بِينُو، كنِّيوْ ذ إِحنْجِيرنْ نْومْ، أَڒْ إِ ڒبْذَا.
JER 35:7 وَارْ إِعدّڒْ أَذْ ثبْنَامْ ثَادَّارْثْ نِيغْ أَذْ ثْزَارْعمْ زَّارِيعثْ نِيغْ أَذْ ثژُّومْ ثَازَايَارْثْ ذڭْ ؤُمَارْجعْ نِيغْ أَذْ غَارْومْ يِيڒِي ؤُمَارْجعْ ن ؤُضِيڒْ، [مَاشَا] مِينْ غَا ثكّمْ ثدَّارمْ أَذْ ثْزذْغمْ ذڭْ إِقِيضَانْ، مَاحنْذْ أَذْ ثدَّارمْ ؤُسَّانْ أَطَّاسْ ذِي ثمُّورْثْ مَانِي إِ غَا ثْزذْغمْ أَمْ يِيبَارَّانِييّنْ.
JER 35:8 نشِّينْ نسْڒَا غَارْ بَابَاثْنغْ يُونَاذَابْ، مِّيسْ ن رِيكَابْ، ذِي مَارَّا مِينْ زِي إِ ذ أَنغْ إِوصَّا، مَاحنْذْ وَارْ نْسسّْ بِينُو مَارَّا ثُوذَارْثْ نّغْ، نشِّينْ ذ ثمْغَارِينْ نّغْ ذ إِحنْجِيرنْ نّغْ ذ يسِّيثْنغْ،
JER 35:9 ؤُ مَاحنْذْ وَارْ نْبنِّي ثُوذْرِينْ ذ ثَازذِّيغْثْ إِ يِيخفْ نّغْ. وَارْ غَارْنغْ بُو ؤُمَارْجعْ ن ؤُضِيڒْ نِيغْ إِيَّارْ نِيغْ زَّارِيعثْ،
JER 35:10 ؤُشَا نشِّينْ ثُوغَا نْزدّغْ ذڭْ إِقِيضَانْ. [أَمُّو] إِ نسْڒَا ؤُ نڭَّا عْلَاحْصَابْ مَارَّا مِينْ زِي إِ ذ أَنغْ إِوصَّا بَابَاثْنغْ يُونَاذَابْ.
JER 35:11 ؤُمِي [مَاشَا] نابُوخَاذْنَاصَّارْ، أَجدْجِيذْ ن بَابِيلْ، إِڭعّذْ خْ ثمُّورْثْ-أَ، إِمْسَارْ، أَقَا ننَّا: أَسمْ-د، أَذْ نْرَاحْ غَارْ ؤُرْشَالِيمْ زِي سِّيبّثْ ن ڒْعسْكَارْ ن إِكَالْذَانِييّنْ ؤُ زِي سِّيبّثْ ن ڒْعسْكَارْ ن أَرَامْ! [س ؤُينِّي إِ] نْزدّغْ ذِي ؤُرْشَالِيمْ.‘ “
JER 35:12 [خنِّي] يُوسَا-د وَاوَاڒْ ن سِيذِي غَارْ إِرْمِييَا، إِنَّا:
JER 35:13 ”أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ؤُيُورْ، إِنِي إِ يرْيَازنْ ن يَاهُوذَا ؤُ إِ إِمزْذَاغْ ن ؤُرْشَالِيمْ: ’مَا وَارْ ثتّخْسمْ أَذْ ثكْسِيمْ تَّارْبِييّثْ س ؤُثسْڒِي إِ وَاوَاڒنْ إِنُو؟‘، إِقَّارْ سِيذِي.
JER 35:14 أَوَاڒنْ ن يُونَاذَابْ، مِّيسْ ن رِيكَابْ، إِنِّي يُومُورْ إِ إِحنْجِيرنْ نْسنْ حِيمَا وَارْ سسّنْ بِينُو، أَقَا ضْفَارنْ ثنْ-د، مَاغَارْ أَڒْ أَسّْ-أَ وَارْ سْوِينْ شَا، مِينْزِي نِيثْنِي سْڒِينْ غَارْ ثوْصيّثْ ن بَابَاثْسنْ، [مَاشَا] نشّْ سِّيوْڒغْ أَكِيذْومْ، [وَاهْ عَاذْ] زڭْ ؤُمزْوَارُو سِّيوْڒغْ أَكِيذْومْ، [مَاشَا] كنِّيوْ وَارْ غَارِي د-ثسْڒِيمْ شَا.
JER 35:15 نشّْ سّكّغْ-د غَارْومْ مَارَّا إِمْسخَّارنْ إِنُو، إِنَابِييّنْ. عَاذْ زِيشْ سكّغْ ثنْ حِيمَا أَذْ إِنِينْ: ذوْڒمْ-د خنِّي، كُوڒْ إِجّْ زڭْ وبْرِيذْ نّسْ أَعفَّانْ ؤُ ڭّمْ ڒخْذَايمْ ثِيصبْحَانِينْ ؤُ وَارْ ثْرَادَّافمْ إِربِّيثنْ نّغْنِي مَاحنْذْ أَذْ أَسنْ ثْسخَّارمْ، خنِّي ثْزمَّارمْ أَذْ ثقِّيممْ [ثْزذْغمْ] ذِي ثمُّورْثْ إِ ذ أَومْ وْشِيغْ ؤُ إِ ڒجْذُوذْ نْومْ. كنِّيوْ مَاشَا وَارْ ثوْشِيمْ أَمزُّوغْ ؤُ وَارْ غَارِي ثسْڒِيمْ.
JER 35:16 إِحنْجِيرنْ ن يُونَاذَابْ، مِّيسْ ن رِيكَابْ، سّْقفْڒنْ ثَاوْصيّثْ ن بَابَاثْسنْ نِّي ثنْ يُومُورْ، [مَاشَا] ڒْڭنْسْ-أَ وَارْ غَارِي إِسْڒِي شَا.“
JER 35:17 ”س ؤُيَا، أَمُّو إِ إِقَّارْ سِيذِي، أَربِّي ن ڒْعسْكَارَاثْ، أَربِّي ن إِسْرَائِيل: خْزَارْ، نشّْ أَذْ أَوْيغْ خْ يَاهُوذَا ؤُ خْ مَارَّا إِمزْذَاغْ ن ؤُرْشَالِيمْ مَارَّا ڒْغَارْ نِّي ذ أَسنْ نِّيغْ، مِينْزِي سِّيوْڒغْ أَكِيذْسنْ مَاشَا نِيثْنِي وَارْ سْڒِينْ شَا، ؤُشَا ڒَاغِيغْ أَسنْ مَاشَا نِيثْنِي وَارْ د-أَرِّينْ شَا.“
JER 35:18 إِنَّا إِرْمِييَا إِ ثَادَّارْثْ ن أَيْثْ ن رِيكَابْ: ”أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’ؤُمِي ثسْڒِيمْ غَارْ ثوْصيّثْ ن بَابَاثْومْ يُونَاذَابْ ؤُشَا ثحْضَامْ مَارَّا ثِيوصَّا نّسْ ؤُ ثڭِّيمْ عْلَاحْسَابْ مَارَّا مِينْ ذ أَومْ يُومُورْ،
JER 35:19 خْ ؤُيَا، أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: مَارَّا ؤُسَّانْ وَارْ إِتّْخصِّيعمَّارْصْ إِ يُونَاذَابْ، مِّيسْ ن رِيكَابْ، إِجّْ ن ورْيَازْ نِّي إِتّْبدَّانْ زَّاثْ إِ وُوذمْ إِنُو!‘ “
JER 36:1 ذڭْ ؤُسڭّْوَاسْ وِيسّْ أَربْعَا ن يَاهُويَاقِيمْ، مِّيسْ ن يُوشِييَا، أَجدْجِيذْ ن يَاهُوذَا، إِمْسَارْ أَقَا يُوسَا-د وَاوَاڒْ ن سِيذِي وَانِيثَا غَارْ إِرْمِييَا، إِنَّا:
JER 36:2 ”كْسِي إِجّْ ن وذْلِيسْ إِتّْوَانْضنْ ؤُشَا أَرِي خَاسْ مَارَّا أَوَاڒنْ إِ غَاركْ سِّيوْڒغْ خْ إِسْرَائِيل ؤُ خْ يَاهُوذَا ؤُ خْ مَارَّا ڒڭْنُوسْ، زڭْ وَاسّْ إِ د غَاركْ سِّيوْڒغْ، زڭْ وُوسَّانْ ن يُوشِييَا أَڒْ أَسّْ-أَ.
JER 36:3 أَذْ ثَاغْ أَذْ سْڒنْ إِنِّي ن ثَادَّارْثْ ن يَاهُوذَا خْ مَارَّا ڒْغَارْ نِّي خْسغْ أَذْ أَسنْ ڭّغْ مَاحنْذْ أَذْ د-ذوْڒنْ أَذْ ثُوبنْ، كُوڒْ إِجّْ زڭْ وبْرِيذْ نّسْ أَعفَّانْ، ؤُ نشّْ أَذْ أَسنْ غْفَارغْ ڒْمُوعْصِييّثْ نْسنْ ذ دّْنُوبْ نْسنْ.“
JER 36:4 [خنِّي] إِڒَاغَا-د إِرْمِييَا خْ بَارُوخْ، مِّيسْ ن نِيرِي-يَاهْ، ؤُشَا يُورَا بَارُوخْ زڭْ ؤُقمُّومْ ن إِرْمِييَا مَارَّا أَوَاڒنْ ن سِيذِي نِّي ذ أَسْ إِنَّا ذڭْ إِجّْ ن وذْلِيسْ إِتّْوَانّْضنْ.
JER 36:5 يُومُورْ إِرْمِييَا إِ بَارُوخْ، إِنَّا: ”نشّْ تّْوَاسّْبدّغْ، وَارْ زمَّارغْ أَذْ د-أَذْفغْ غَارْ ثَادَّارْثْ ن سِيذِي.
JER 36:6 أَذفْ-د شكْ غَارْ ذَاخڒْ ؤُشَا غَارْ أَوَاڒنْ ن سِيذِي زڭْ وذْلِيسْ إِتّْوَانْضنْ نِّي ثُورِيذْ زڭْ ؤُقمُّومْ إِنُو ذڭْ إِمزُّوغنْ ن ڒْڭنْسْ ذِي ثَادَّارْثْ ن سِيذِي ذڭْ وَاسّْ ن ؤُژُومِّي. إِتّْخصَّا أَذْ ثنْ ثْغَارذْ ذڭْ إِمزُّوغنْ ن مَارَّا [أَيْثْ ن] يَاهُوذَا، إِنِّي د-يُوسِينْ زِي مَارَّا ثِيندَّامْ نْسنْ.
JER 36:7 أَذْ ثَاغْ أَذْ يَافْ ثُوثْرَا نْسنْ أَرْضَا زَّاثْ إِ وُوذمْ ن سِيذِي ؤُ أَذْ د-ذوْڒنْ أَذْ ثُوبنْ نِيثْنِي، كُوڒْ إِجّْ زڭْ وبْرِيذْ نّسْ أَعفَّانْ، مَاغَارْ ذ أَمقّْرَانْ إِ يدْجَا وغْضَابْ ذ وسْعَارْ إِ خْ ثُوغَا إِسِّيوڒْ سِيذِي إِ ڒْڭنْسْ-أَ.“
JER 36:8 بَارُوخْ، مِّيسْ ن نِيرِي-يَاهْ، إِڭَّا مَارَّا أَمْ مَامّشْ ث يُومُورْ ؤُنَابِي إِرْمِييَا، ؤُشَا إِغْرَا-د أَوَاڒنْ ن سِيذِي [إِ ڒْڭنْسْ] زڭْ وذْلِيسْ [إِتّْوَانّْضنْ] ذِي ثَادَّارْثْ ن سِيذِي.
JER 36:9 ذڭْ ؤُسڭّْوَاسْ وِيسّْ خمْسَا ن يَاهُويَاقِيمْ، مِّيسْ ن يُوشِييَا، أَجدْجِيذْ ن يَاهُوذَا، ذڭْ ؤُيُورْ وِيسّْ ثسْعَا بَارّْحنْ س إِجّْ ن ؤُژُومِّي زَّاثْ إِ وُوذمْ ن سِيذِي إِ مَارَّا ڒْڭنْسْ ذِي ؤُرْشَالِيمْ ؤُ إِ مَارَّا ڒْڭنْسْ نِّي د-يُوسِينْ ذِي ؤُرْشَالِيمْ زِي ثْندَّامْ ن يَاهُوذَا.
JER 36:10 إِغْرَا-د بَارُوخْ أَوَاڒنْ ن إِرْمِييَا ذِي ثَادَّارْثْ ن سِيذِي خْ إِمزُّوغنْ ن مَارَّا ڒْڭنْسْ زڭْ وذْلِيسْ [إِتّْوَانّْضنْ]، ذڭْ وخَّامْ ن جَامَارْيَا، مِّيسْ ن شَافَانْ، أَمَارِيرْ، ذِي ڒمْرَاحْ ن سنّجْ، غَارْ وَاذَافْ ن ثوَّارْثْ ن جْذِيذْ ن ثَادَّارْثْ ن سِيذِي.
JER 36:11 [ؤُمِي] مِيخَا-يَاهُو، مِّيسْ ن جَامَارْيَا، مِّيسْ ن شَافَانْ، إِسْڒَا إِ مَارَّا أَوَاڒنْ ن سِيذِي زڭْ وذْلِيسْ [إِتّْوَانّْضنْ]،
JER 36:12 إِهْوَا-د نتَّا غَارْ ثَادَّارْثْ ن ؤُجدْجِيذْ، غَارْ وخَّامْ ن ؤُمَارِيرْ. خْزَارْ، قِّيمنْ ذِينْ مَارَّا ڒْحُوكَّامْ: أَلِيشَامَاعْ، أَمَارِيرْ، ذَالَايَا، مِّيسْ ن شَامْعِييَا، إِلْ-نَاثَانْ، مِّيسْ ن عَاكْبُورْ، جَامَارْيَا، مِّيسْ ن شَافَانْ، صِيذْقِييَا، مِّيسْ ن حَانَانْيَا، ؤُ مَارَّا ڒْحُوكَّامْ.
JER 36:13 مِيخَا-يَاهُو إِعَاوذْ أَسنْ مَارَّا أَوَاڒنْ نِّي ثُوغَا إِسْڒَا ؤُمِي د-إِغْرَا بَارُوخْ زڭْ وذْلِيسْ [إِتّْوَانْضنْ] ذڭْ إِمزُّوغنْ نْ ڒْڭنْسْ.
JER 36:14 [خنِّي] سّكّنْ-د مَارَّا ڒْحُوكَّامْ يَاهُوذِي، مِّيسْ ن نَاثَانْيَا، مِّيسْ ن شَالَامْيَا، مِّيسْ ن كُوشِي، غَارْ بَارُوخْ، نَّانْ: ”أَذْلِيسْ إِتّْوَانْضنْ مَانِيسْ د-ثغْرِيذْ خْ ڒْڭنْسْ، كْسِي ث ذڭْ ؤُفُوسْ نّشْ ؤُشَا أَسْ-د!“ [ڒخْذنِّي] إِكْسِي بَارُوخْ، مِّيسْ ن نِيرِي-يَاهْ، أَذْلِيسْ إِتّْوَانّْضنْ نِّي ؤُشَا يُوذفْ-د غَارْسنْ.
JER 36:15 نِيثْنِي نَّانْ أَسْ: ”قِّيمْ، ثْغَارذْ أَذْلِيسْ إِتّْوَانّْضنْ خَانغْ!“ [خنِّي] إِغْرَا ث بَارُوخْ خَاسنْ.
JER 36:16 ؤُمِي سْڒِينْ نِيثْنِي مَارَّا أَوَاڒنْ [نِّي]، خْزَارنْ ذڭْ وَايَاوْيَا ڭّْوذنْ ؤُشَا نَّانْ إِ بَارُوخْ: ”نِيشَانْ أَذْ نْعَاوذْ مَارَّا أَوَاڒنْ-أَ إِ ؤُجدْجِيذْ.“
JER 36:17 نِيثْنِي سّقْسَانْ بَارُوخْ، نَّانْ: ”إِنِي أَنغْ مَاشَا، مَامّشْ ثُورِيذْ مَارَّا أَوَاڒنْ-أَ زڭْ ؤُقمُّومْ نّسْ؟“
JER 36:18 يَارَّا-د خَاسنْ بَارُوخْ: ”س ؤُقمُّومْ نّسْ إِ خَافِي إِغْرَا مَارَّا أَوَاڒنْ-أَ ؤُ نشّْ ؤُرِيغْ ثنْ س سّْمخْ ذڭْ وذْلِيسْ[-أَ] [إِتّْوَانّْضنْ].“
JER 36:19 [خَاسْ ؤُشَا] نَّانْ ڒْحُوكَّامْ إِ بَارُوخْ: ”ؤُيُورْ، فَّارْ إِخفْ نّشْ، شكْ ؤُڒَا ذ إِرْمِييَا! ؤُڒَا ذ إِجّْ وَارْ إِتّسّنْ مَانِي ثدْجَامْ.“
JER 36:20 ؤُذْفنْ نِيثْنِي غَارْ ؤُجدْجِيذْ ذِي ڒمْرَاحْ، [مَاشَا] نِيثْنِي ثُوغَا خمّْڒنْ أَذْلِيسْ إِتّْوَانّْضنْ ذڭْ وخَّامْ ن إِلِيشَامَاعْ، أَمَارِيرْ، ؤُ نِيثْنِي حَاجَانْ مَارَّا أَوَاڒنْ-أَ غَارْ إِمزُّوغنْ ن ؤُجدْجِيذْ.
JER 36:21 [خنِّي] إِسّكّْ ؤُجدْجِيذْ يَاهُوذِي مَاحنْذْ أَذْ د-يَاوِي أَذْلِيسْ إِتّْوَانّْضنْ. وَانِيثَا يِيوِي ث إِ-د زڭْ وخَّامْ ن أَلِيشَامَاعْ، أَمَارِيرْ، ؤُشَا إِغْرَا إِ-ث-إِ-د يَاهُوذِي ذڭْ إِمجَّانْ ن ؤُجدْجِيذْ ؤُ ذڭْ إِمجَّانْ ن مَارَّا ڒْحُوكَّامْ نِّي د-إِبدّنْ غَارْ ؤُجدْجِيذْ.
JER 36:22 ثُوغَا إِقِّيمْ ؤُجدْجِيذْ ذِي ثَادَّارْثْ ن ثَاڭَارْسْثْ، ثُوغَا ذ أَيُورْ وِيسّْ ثسْعَا. زَّاثسْ ثَارقّْ [ذِينِّي] ثْمسِّي خْ ثْمجْمَارْثْ.
JER 36:23 ڒَامِي إِغْرَا يَاهُوذِي ثْڒَاثَا نِيغْ أَربْعَا ن إِضوْضَانْ، إِقسّْ إِ-ثنْ ؤُجدْجِيذْ س ڒْمُوسّْ ن ؤُمَارِيرْ ؤُشَا إِنْضَارْ إِ-ثنْ ذِي ثْمسِّي خْ ڒْمجْمَارْ، أَڒَامِي ثُوغَا ثِيمسِّي خْ ڒْمجْمَارْ ثشَّا مَارَّا أَذْلِيسْ.
JER 36:24 أَجدْجِيذْ ذ مَارَّا إِمْسخَّارنْ نّسْ إِنِّي إِسْڒِينْ إِ وَاوَاڒنْ-أَ مَارَّا، وَارْ نّْخڒْعنْ ؤُ وَارْ شَارّْڭنْ أَرُّوضْ نْسنْ.
JER 36:25 تَّارنْ إِلْ-نَاثَانْ ذ ذَالَايَا ذ جَامَارْيَا إِ ؤُجدْجِيذْ أَطَّاسْ حِيمَا وَارْ إِسّشْمِيضْ [أَذْلِيسْ] إِتّْوَانّْضنْ، [مَاشَا] نتَّا وَارْ غَارْسنْ إِسْڒِي.
JER 36:26 [عَاذْ] يُومُورْ ؤُجدْجِيذْ إِ يَارْحَامِييِيلْ، مِّيسْ ن ؤُجدْجِيذْ، إِ سَارَايَا، مِّيسْ ن عَازْرَايِيلْ، ؤُ إِ شَالَامْيَا، مِّيسْ ن عَابْذِييِيلْ، حِيمَا أَذْ طّْفنْ أَمَارِيرْ بَارُوخْ ذ ؤُنَابِي إِرْمِييَا ذ إِمحْبَاسْ. [مَاشَا] سِيذِي إِسّْنُوفَّارْ إِ-ثنْ.
JER 36:27 يُوسَا-د وَاوَاڒْ ن سِيذِي غَارْ إِرْمِييَا، أَوَارْنِي ڒَامِي إِسّشْمضْ ؤُجدْجِيذْ أَذْلِيسْ إِتّْوَانّْضنْ ذ وَاوَاڒنْ نِّي يُورَا بَارُوخْ، [إِنِّي د-إِفّْغنْ] زڭْ ؤُقمُّومْ ن إِرْمِييَا، إِنَّا:
JER 36:28 ”كْسِي عَاوذْ إِجّْ ن وذْلِيسْ إِتّْوَانّْضنْ نّغْنِي ؤُ أَرِي خَاسْ مَارَّا أَوَاڒنْ إِمزْوُورَا، إِنِّي ثُوغَا ذڭْ وذْلِيسْ أَمزْوَارُو إِ إِسّشْمضْ يَاهُويَاقِيمْ، أَجدْجِيذْ ن يَاهُوذَا،
JER 36:29 ؤُشَا إِنِي إِ يَاهُويَاقِيمْ، أَجدْجِيذْ ن يَاهُوذَا: ’أَمُّو إِ إِقَّارْ سِيذِي: شكْ ثسّْشمْضذْ أَذْلِيسْ-أَ إِتّْوَانّْضنْ، ثنِّيذْ: مَايمِّي ذَايسْ ثُورِيذْ، ثنِّيذْ: أَجدْجِيذْ ن بَابِيلْ أَذْ د-يَاسْ، أَذْ إِخَارّبْ ثَامُّورْثْ ؤُشَا أَذْ زَّايسْ إِمْحَا بْنَاذمْ ذ ڒْمَاڒْ؟‘
JER 36:30 ’س ؤُيَا، أَمُّو إِ إِقَّارْ سِيذِي خْ يَاهُويَاقِيمْ، أَجدْجِيذْ ن يَاهُوذَا: وَارْ غَارسْ إِتِّيڒِي ونِّي إِ غَا إِقِّيمنْ خْ ڒْعَارْشْ ن ذَاوُوذْ ؤُشَا ڒْخشْبثْ نّسْ أَذْ ثمّنْضَارْ إِ ڒحْمُو ن ؤُزِيڒْ ؤُ إِ ثسْمضْ ن دْجِيڒثْ.
JER 36:31 نشّْ أَذْ زَّايسْ خڒْفغْ ڒْمُوعْصِييّثْ نْسنْ، ؤُڒَا زِي ثَارْوَا نّسْ ؤُڒَا زڭْ إِمْسخَّارنْ نّسْ. نشّْ أَذْ سّْغضْڒغْ خَاسنْ، خْ إِمزْذَاغْ ن ؤُرْشَالِيمْ ؤُ خْ إِرْيَازنْ ن يَاهُوذَا، مَارَّا ڒْغَارْ إِ ذ أَسنْ نِّيغْ، [وَاخَّا] نِيثْنِي وَارْ خْسنْ أَذْ سْڒنْ.‘ “
JER 36:32 إِكْسِي إِرْمِييَا إِجّْ ن وذْلِيسْ نّغْنِي إِتّْوَانّْضنْ ؤُشَا إِوْشَا إِ-ث إِ ؤُمَارِيرْ بَارُوخْ، مِّيسْ ن نِيرِي-يَاه. وَانِيثَا يُورَا خَاسْ، زڭْ ؤُقمُّومْ ن إِرْمِييَا، مَارَّا أَوَاڒنْ ن وذْلِيسْ [إِتّْوَانّْضنْ] نِّي ثُوغَا يَاهُويَاقِيمْ، أَجدْجِيذْ ن يَاهُوذَا، إِسّشْمضْ س ثْمسِّي ؤُشَا تّْوَارْنِينْ عَاذْ غَارْسنْ وَاطَّاسْ ن وَاوَاڒنْ نّغْنِي إِ ثنْ يُوذْسنْ.
JER 37:1 إِذْوڒْ صِيذْقِييَا، مِّيسْ ن يُوشِييَا، ذ أَجدْجِيذْ ذڭْ ومْشَانْ ن كُونْ-يَاهُو، مِّيسْ ن يَاهُويَاقِيمْ، ونِّي ثُوغَا إِڭَّا نابُوخَاذْرَاصَّارْ، أَجدْجِيذْ ن بَابِيلْ، ذ أَجدْجِيذْ خْ ثمُّورْثْ ن يَاهُوذَا.
JER 37:2 وَانِيثَا وَارْ إِسْڒِي شَا غَارْ وَاوَاڒنْ ن سِيذِي نِّي إِسِّيوڒْ نتَّا س ؤُفُوسْ ن ؤُنَابِي إِرْمِييَا، وَارْ إِدْجِي وَانِيثَا ؤُڒَا ذ إِمْسخَّارنْ نّسْ ؤُڒَا ذ ڒْڭنْسْ ن ثمُّورْثْ.
JER 37:3 [وَاخَّا أَمنِّي] إِسّكّْ ؤُجدْجِيذْ صِيذْقِييَا يَاهُوخَالْ، مِّيسْ ن شَالَامْيَا، ذ صَافَانْيَا، مِّيسْ ن مَاعَاسِييَا، غَارْ ؤُنَابِي إِرْمِييَا مَاحنْذْ أَذْ أَسْ إِنِينْ: ”ژَتدْجْ خَانغْ غَارْ سِيذِي، أَربِّي نّغْ!“
JER 37:4 إِرْمِييَا ثُوغَا عَاذْ إِزمَّارْ أَذْ يَاذفْ ؤُ أَذْ إِفّغْ ذِي ڒْوسْطْ نْ ڒْڭنْسْ ؤُ نِيثْنِي ثُوغَا عَاذْ وَارْ ث نْضَارنْ ذِي ڒْحبْسْ.
JER 37:5 إِفّغْ-د ڒْعسْكَارْ ن فِيرْعُونْ زِي مِيصْرَا ؤُشَا ؤُمِي سْڒِينْ إِكَالْذَانِييّنْ نِّي ثُوغَا إِحصَّارنْ ؤُرْشَالِيمْ خْ مَانْ أَيَا، أَڭّْوجنْ خْ ؤُرْشَالِيمْ.
JER 37:6 خنِّي يُوسَا-د وَاوَاڒْ ن سِيذِي غَارْ ؤُنَابِي إِرْمِييَا، إِنَّا:
JER 37:7 ”أَمُّو إِ إِقَّارْ سِيذِي، أَربِّي ن إِسْرَائِيل: ’أَمُّو إِ غَا ثِينِيمْ إِ ؤُجدْجِيذْ ن يَاهُوذَا، ونِّي كنِّيوْ غَارِي د-إِسّكّنْ حِيمَا أَذْ أَيِي ثسّقْسَامْ: خْزَارْ، ڒْعسْكَارْ ن فِيرْعُونْ نِّي د-إِفّْغنْ مَاحنْذْ أَذْ أَومْ إِوْشْ أَفُوسْ، أَذْ د-إِعْقبْ غَارْ ثمُّورْثْ نّسْ، غَارْ مِيصْرَا!
JER 37:8 أَذْ د-ذوْڒنْ إِكَالْذَانِييّنْ، أَذْ مّنْغنْ أَكْ-ذ ثنْذِينْثْ-أَ ؤُشَا أَذْ ت طّْفنْ، أَذْ أَسْ قّْذنْ ثِيمسِّي.‘
JER 37:9 أَمُّو إِ إِقَّارْ سِيذِي: ’وَارْ شمّْثمْ إِخفْ نْومْ خْمِي غَا ثِينِيمْ: إِكَالْذَانِييّنْ أَذْ خَانغْ أَڭّْوجنْ، أَذْ ؤُيُورنْ!، مِينْزِي نِيثْنِي وَارْ ڭُّورنْ.
JER 37:10 عَاذْ مَاڒَا كنِّيوْ ثْغڒْبمْ مَارَّا ڒْعسْكَارْ ن إِكَالْذَانِييّنْ إِنِّي أَكِيذْومْ إِتّْمنْغَانْ، ؤُشَا أَذْ زَّايْسنْ قِّيمنْ مْغِيرْ إِرْيَازنْ إِيزْمنْ أَطَّاسْ، أَقَا نِيثْنِي أَذْ كَّارنْ، كُوڒْ  إِجّْ ذڭْ ؤُقِيضُونْ نّسْ، ؤُشَا أَذْ قّْذنْ ثِيمسِّي إِ ثنْذِينْثْ-أَ.‘ “
JER 37:11 إِمْسَارْ ؤُمِي د-إِسّْڭعّذْ ڒْعسْكَارْ ن إِكَالْذَانِييّنْ زِي ؤُرْشَالِيمْ زِي سِّيبّثْ ن ڒْعسْكَارْ ن فِيرْعُونْ،
JER 37:12 إِفّغْ إِرْمِييَا زِي ؤُرْشَالِيمْ مَاحنْذْ أَذْ إِرَاحْ غَارْ ثمُّورْثْ ن بِينْيَامِينْ حِيمَا أَذْ ذِينِّي إِطّفْ إِشْثْ ن ثسْغَارْثْ ذِي ڒْوسْطْ ن ڒْڭنْسْ نّسْ.
JER 37:13 [ڒَْامِي ث ثُوغَا] ذِي ثوَّارْثْ ن بِينْيَامِينْ، ثُوغَا ذِينْ أَكُومَانْذَارْ ن ثْعسَّاسْثْ، قَّارنْ أَسْ يَارِييَّا، مِّيسْ ن شَالَامْيَا، مِّيسْ ن حَانَانْيَا. نتَّا إِطّفْ أَنَابِي إِرْمِييَا، إِنَّا: ”شكْ ثخْسذْ أَذْ ثَاروْڒذْ غَارْ إِكَالْذَانِييّنْ!“
JER 37:14 يَارَّا-د [خَاسْ] إِرْمِييَا: ”مَانْ أَيَا مْغِيرْ ذ أَخَارِّيقْ! نشّْ وَارْ خْسغْ شَا أَذْ أَروْڒغْ غَارْ إِكَالْذَانِييّنْ!“ [مَاشَا] نتَّا وَارْ غَارسْ إِسْڒِي شَا ؤُشَا إِطّفْ يَارِييَّا إِرْمِييَا ؤُشَا يِيوْيِي ث غَارْ ڒْحُوكَّامْ [نْ ڒْڭنْسْ].
JER 37:15 فُّوڭْمنْ ڒْحُوكَّامْ أَطَّاسْ خْ إِرْمِييَا، وْثِينْ ث ؤُشَا ڭِّينْ ث ذِي ڒحْبسْ، ذِي ثَادَّارْثْ ن ؤُمَارِيرْ يُونَاثَانْ، مَاغَارْ ثَانِيثَا ثُوغَا أَرِّينْ ت ذ ثَادَّارْثْ ن ثْعسَّاسْثْ.
JER 37:16 أَمُّو د-إِوْضَا إِرْمِييَا ذڭْ وحْفُورْ ن إِمحْبَاسْ ؤُ ذڭْ إِخَّامنْ ن ڒحْبسْ. ذِينِّي إِقِّيمْ إِرْمِييَا أَطَّاسْ ن وُوسَّانْ.
JER 37:17 إِسّكّْ ؤُجدْجِيذْ صِيذْقِييَا إِجّنْ مَاحنْذْ أَذْ ث-إِ-د-أَوْينْ ؤُشَا إِسّقْسَا ث ؤُجدْجِيذْ س ثْنُوفّْرَا ذِي ثْزذِّيغْثْ نّسْ، إِنَّا: ”مَا أَقَا ذِينْ [زعْمَا] شَا ن وَاوَاڒْ ن سِيذِي؟“ إِنَّا [أَسْ] إِرْمِييَا: ”أَقَا-ث ذِينْ!“ [خنِّي] إِنَّا: ”شكْ أَذْ ثوْضِيذْ ذڭْ ؤُفُوسْ ن ؤُجدْجِيذْ ن بَابِيلْ.“
JER 37:18 [ڒخْذنِّي] إِنَّا إِرْمِييَا إِ ؤُجدْجِيذْ صِيذْقِييَا: ”مَانْ ڒْعِيبْ إِ ذَايكْ ڭِّيغْ نِيغْ ذڭْ إِمْسخَّارنْ نّشْ نِيغْ ذِي ڒْڭنْسْ-أَ أَڒَامِي كنِّيوْ ذ أَيِي ثنْضَارمْ ذِي ڒحْبسْ؟
JER 37:19 مَانِي دْجَانْ [ڒخُّو] إِنَابِييّنْ نْومْ نِّي ثُوغَا إِتّْنَابّنْ إِ كنِّيوْ، قَّارنْ: أَجدْجِيذْ ن بَابِيلْ وَارْ د-إِتِّيسْ ضِيدّْ نْومْ ؤُ ضِيدّْ إِ ثمُّورْثْ-أَ!
JER 37:20 [خنِّي] ڒخُّو، سڒْ مَاشَا، [أَ] سِيذِي إِنُو أَجدْجِيذْ! إِڒِي أَذْ ثَافْ ثُوثْرَا إِنُو ذ أَرْضَا زَّاثْ إِ وُوذمْ نّشْ! وَارْ تّجِّي أَذْ أَيِي أَرّنْ غَارْ ثَادَّارْثْ ن ؤُمَارِيرْ يُونَاثَانْ حِيمَا وَارْ ذِينِّي تّْمتِّيغْ.“
JER 37:21 [خنِّي] يُومُورْ ؤُجدْجِيذْ صِيذْقِييَا أَذْ حْضَانْ خْ إِرْمِييَا ذِي ڒمْرَاحْ ن ڒحْبسْ ؤُشَا وْشِينْ أَسْ كُوڒْ أَسّْ إِجّْ ن ونْڭُورْ ن وغْرُومْ زِي زّنْقثْ ن إِخْبَايْزِييّنْ أَڒَامِي إِقْضَا وغْرُومْ زِي ثنْذِينْثْ. [أَمُّو إِ] إِقِّيمْ إِرْمِييَا ذِي ڒمْرَاحْ ن ڒحْبسْ.
JER 38:1 [ڒَْامِي] شَافَاطْيَا، مِّيسْ ن مَاتَّانْ، ذ جَاذَالْيَا، مِّيسْ ن فَاشْحُورْ، ذ يُوخَالْ، مِّيسْ ن شَالَامْيَا، ذ فَاشْحُورْ، مِّيسْ ن مَالْكِييَا، سْڒِينْ إِ وَاوَاڒنْ نِّي إِسِّيوڒْ إِرْمِييَا غَارْ مَارَّا ڒْڭنْسْ، ؤُمِي وَانِيثَا إِنَّا:
JER 38:2 ”أَمُّو إِ إِقَّارْ سِيذِي: ’ونِّي إِ غَا إِقِّيمنْ ذِي ثنْذِينْثْ-أَ، أَذْ إِتّْوَانغْ س سِّيفْ، س ڒَاژْ نِيغْ س طَّاعُونْ، [مَاشَا] ونِّي إِ غَا إِفّْغنْ غَارْ إِكَالْذَانِييّنْ، أَذْ إِقِّيمْ إِدَّارْ. نتَّا أَذْ يَاوِي أَكِيذسْ بُوحْبڒْ نّسْ أَمْ ثْكشَّاضْثْ، أَذْ إِقِّيمْ إِدَّارْ!‘.
JER 38:3 أَمُّو إِ إِقَّارْ سِيذِي: ’ثَانْذِينْثْ-أَ أَذْ ثمّوْشْ ذڭْ ؤُفُوسْ ن ڒْعسْكَارْ ن ؤُجدْجِيذْ ن بَابِيلْ ؤُ نتَّا أَذْ ت إِطّفْ!‘ “،
JER 38:4 [ڒخْذنِّي] نَّانْ ڒْحُوكَّامْ إِ ؤُجدْجِيذْ: ”إِتّْخصَّا أَذْ إِتّْوَانغْ ورْيَازْ-أَ، مِينْزِي أَمُّو إِ إِسّفْشَاڒْ إِفَاسّنْ ن إِعسْكَارِييّنْ نِّي [عَاذْ] إِقِّيمنْ ذِي ثنْذِينْثْ-أَ ؤُڒَا ذ إِفَاسّنْ ن مَارَّا ڒْڭنْسْ ؤُمِي غَارْسنْ إِسَّاوَاڒْ أَوَاڒنْ-أَ، مَاغَارْ أَرْيَازْ-أَ وَارْ يَارزُّو شَا ڒهْنَا إِ ثنْذِينْثْ-أَ، مَاشَا يَارزُّو ڒْغَارْ.“
JER 38:5 إِنَّا ؤُجدْجِيذْ صِيذْقِييَا: ”خْزَارْ، نتَّا أَقَا-ث ذڭْ ؤُفُوسْ نّمْ، مَاغَارْ أَجدْجِيذْ وَارْ إِزمَّارْ أَذْ أَومْ إِڭّْ وَالُو.“
JER 38:6 طّْفنْ نِيثْنِي إِرْمِييَا ؤُشَا نْضَارنْ ث ذڭْ وَانُو ن مِّيسْ ن ؤُجدْجِيذْ مَالْكِييَا، ونِّي [إِدْجَانْ] ذِي ڒمْرَاحْ نْ ڒحْبسْ. سيّْبنْ إِرْمِييَا س إِسغْوَانْ سْوَادَّايْ. ثُوغَا وَارْ ذِينْ بُو وَامَانْ ذڭْ وَانُو، مَاشَا مْغِيرْ أَبَارْيُوضْ ؤُشَا إِغْضسْ إِرْمِييَا ذڭْ ؤُبَارْيُوضْ.
JER 38:7 [ؤُمِي] إِسْڒَا عَابْذْ-مَالِيكْ، أَكُوشِي، إِجّْ ن ؤُمْسخَّارْ أَمْشنّعْ ذِي ثَادَّارْثْ ن ؤُجدْجِيذْ، أَقَا نْضَارنْ إِرْمِييَا ذڭْ وَانُو، ؤُشَا إِقِّيمْ ؤُجدْجِيذْ غَارْ ثوَّارْثْ ن بِينْيَامِينْ،
JER 38:8 إِفّغْ عَابْذْ-مَالِيكْ زِي ثَادَّارْثْ ن ؤُجدْجِيذْ ؤُشَا إِسِّيوڒْ أَكْ-ذ ؤُجدْجِيذْ، إِنَّا:
JER 38:9 ”[أَ] سِيذِي إِنُو أَجدْجِيذْ، إِرْيَازنْ-أَ ڭِّينْ مِينْ وَارْ إِحْڒِينْ ذِي مَارَّا مِينْ ڭِّينْ إِ ؤُنَابِي إِرْمِييَا، ونِّي نْضَارنْ نِيثْنِي ذڭْ وَانُو. ثُوغَا إِزمَّارْ أَذْ ذِينِّي إِمّثْ س ڒَاژْ، مَاغَارْ [عَاذْ] وَالُو أَغْرُومْ ذِي ثنْذِينْثْ.“
JER 38:10 [خنِّي] يُومُورْ ؤُجدْجِيذْ عَابْذْ-مَالِيكْ أَكُوشِي [زِي ثمُّورْثْ ن كُوشْ]، إِنَّا: ”كْسِي سّنِّي ثْڒَاثِينْ ن يرْيَازنْ سَاذُو ؤُفُوسْ نّشْ ؤُشَا سْڭعّذْ أَنَابِي إِرْمِييَا زڭْ وَانُو قْبڒْ إِ غَا إِمّثْ.“
JER 38:11 عَابْذْ-مَالِيكْ إِكْسِي إِرْيَازنْ [نِّي] سَاذُو ؤُفُوسْ نّسْ ؤُشَا يُوذفْ غَارْ ثَادَّارْثْ ن ؤُجدْجِيذْ أَڒْ وَادَّايْ ن وخَّامْ ن ثْخُوبَايْ. سّنِّي إِكْسِي إِكتَّاننْ إِقْذِيمنْ ذ وَارُّوضْ إِقَّارْصنْ ؤُشَا إِسّهْوَا إِ-ثنْ-د س إِسغْوَانْ غَارْ إِرْمِييَا ذڭْ وَانُو.
JER 38:12 [خنِّي] إِنَّا عَابْذْ-مَالِيكْ أَكُوشِي إِ إِرْمِييَا: ”أڭّْ إِكتَّاننْ إِقْذِيمنْ ذ وَارُّوضْ إِقَّارْصنْ سَاذُو ثِيذِّيغِينْ ن إِغَادْجنْ نّشْ ؤُشَا أڭّْ إِسغْوَانْ سْوَادَّايْ!“ ؤُشَا أَمُّو إِ ت إِڭَّا إِرْمِييَا.
JER 38:13 جبْذنْ-د نِيثْنِي إِرْمِييَا س إِسغْوَانْ ؤُشَا سّْڭعّْذنْ ث-إِ-د زڭْ وَانُو. [مَاشَا] إِرْمِييَا إِقِّيمْ ذِي ڒمْرَاحْ نْ ڒحْبسْ.
JER 38:14 [خنِّي] إِسّكّْ أَجدْجِيذْ صِيذْقِييَا [شَا ن إِمْسخَّارنْ نّسْ]، إِجَّا أَذْ أَسْ د-أَوْينْ أَنَابِي إِرْمِييَا غَارْ وَاذَافْ وِيسّْ ثْڒَاثَا غَارْ ثَادَّارْثْ ن سِيذِي. إِنَّا ؤُجدْجِيذْ إِ إِرْمِييَا: ”نشّْ خْسغْ أَذْ شكْ سّقْسِيغْ خْ إِشْثْ نْ ڒْحَاجّثْ، وَارْ خَافِي ت تّفَّارْ وَالُو.“
JER 38:15 يَارَّا-د إِرْمِييَا خْ صِيذْقِييَا: ”مَاڒَا نشّْ سَّارْڭْبغْ شكْ، مَا وَارْ ذ أَيِي ثْنقّذْ زعْمَا؟ ؤُ مَاڒَا وْشِيغْ أَشْ إِجّْ ن أَرَّايْ، شكْ وَارْ غَارِي ثتّسْڒِيذْ!“
JER 38:16 [خَاسْ ؤُشَا] إِجُّودْجْ ؤُجدْجِيذْ صِيذْقِييَا إِ إِرْمِييَا س ثْنُوفّْرَا إِنَّا: ”س ثِيذتّْ أَمْ إِدَّارْ سِيذِي ونِّي ذ أَنغْ إِوْشِينْ ثُوذَارْثْ-أَ: ’[ؤُشْثْ خَافِي]، مَاڒَا نشّْ نْغِيغْ شكْ نِيغْ مَاڒَا وْشِيغْ شكْ ذڭْ إِفَاسّنْ ن يرْيَازنْ نِّي يَارزُّونْ ثُوذَارْثْ نّشْ!‘ “
JER 38:17 إِنَّا إِرْمِييَا إِ صِيذْقِييَا: ”أَمُّو إِ إِقَّارْ سِيذِي، أَربِّي ن ڒْعسْكَارَاثْ، أَربِّي ن إِسْرَائِيل: ’مَاڒَا شكْ أَذْ ثفّْغذْ س ثِيذتّْ غَارْ ڒْحُوكَّامْ ن ؤُجدْجِيذْ ن بَابِيلْ، أَذْ ثقِّيمذْ أَذْ ثدَّارذْ، ؤُشَا ثَانْذِينْثْ-أَ وَارْ ثتّْوَاسّشْمَاضْ س ثْمسِّي، شكْ أَذْ ثقِّيمذْ أَذْ ثدَّارذْ، [وَاهْ] شكْ ذ ثَادَّارْثْ نّشْ.
JER 38:18 [مَاشَا] مَاڒَا وَارْ ثفِّيغذْ شَا غَارْ ڒْحُوكَّامْ ن ؤُجدْجِيذْ ن بَابِيلْ، [خنِّي] أَذْ ثمّوْشْ ثنْذِينْثْ-أَ ذڭْ ؤُفُوسْ ن إِكَالْذَانِييّنْ. نِيثْنِي أَذْ ت سّْشمْضنْ س ثْمسِّي ؤُ شكْ وَارْ ثْنجّْمذْ زڭْ إِفَاسّنْ نْسنْ.‘ “
JER 38:19 أَجدْجِيذْ صِيذْقِييَا إِنَّا إِ إِرْمِييَا: ”نشّْ تّڭّْوذغْ زڭْ وُوذَاينْ نِّي يعْذُونْ غَارْ إِكَالْذَانِييّنْ، أَڒَامِي نِيثْنِي وَارْ ذ أَيِي سّْعدُّونْ غَارْ ؤُفُوسْ نْسنْ ؤُ وَارْ زَّايِي تّڭّنْ مِينْ خْسنْ.“
JER 38:20 إِنَّا [أَسْ] إِرْمِييَا: ”نِيثْنِي وَارْ شكْ سلّْمنْ شَا. سڒْ مَاشَا غَارْ ثْمِيجَّا ن سِيذِي، غَارْ ڒْحَاڒْضْ إِنُو، [خنِّي] أَذْ ثِيڒِيذْ مْلِيحْ ؤُ أَذْ ثقِّيمذْ أَذْ ثدَّارذْ.
JER 38:21 [مَاشَا] مَاڒَا ثُوڭِيذْ أَذْ ثفّْغذْ، [خنِّي] ذ وَا ذ أَوَاڒْ نِّي ذ أَيِي إِسّْشنْ سِيذِي:
JER 38:22 ’خْزَارْ، مَارَّا ثِيمْغَارِينْ نِّي ثُوغَا إِقِّيمنْ ذِي ثَادَّارْثْ ن ؤُجدْجِيذْ ن يَاهُوذَا، أَذْ تّْوَانذْهنْثْ غَارْ ڒْحُوكَّامْ ن ؤُجدْجِيذْ ن بَابِيلْ. خْزَارْ، نِيثنْثِي أَذْ إِنِينْثْ: إِرْيَازنْ نِّي أَكْ-ذ ثُوغَا ثدَّارذْ ذِي ڒهْنَا، أَقَا غْذَارنْ شكْ ؤُ زمَّارنْ خَاكْ، نُّوغنْ إِضَارنْ نّشْ ذڭْ ؤُبَارْيُوضْ، [ؤُشَا نِيثْنِي س يِيخفْ نْسنْ] ذوْڒنْ غَارْ ضفَّارْ!
JER 38:23 مَارَّا ثِيمْغَارِينْ نّشْ ذ إِحنْجِيرنْ نّشْ أَذْ تّْوَانذْهنْ غَارْ إِكَالْذَانِييّنْ، ؤُشَا ؤُڒَا ذ شكْ سِيمَانْثْ نّشْ وَارْ ثْنجّْمذْ زڭْ ؤُفُوسْ نْسنْ، مِينْزِي أَذْ ثتّْوَاطّْفذْ زڭْ ؤُجدْجِيذْ ن بَابِيلْ ؤُ ثَانْذِينْثْ-أَ أَذْ ثتّْوَاسّشْمضْ س ثْمسِّي.‘ “
JER 38:24 [خنِّي] صِيذْقِييَا إِنَّا إِ إِرْمِييَا: ”إِتّْخصَّا ؤُڒَا ذ إِجّْ وَارْ إِتّسّنْ أَوَاڒنْ-أَ، [أَمُّو] وَارْ ثْمّثِيذْ.
JER 38:25 مَاڒَا ڒْحُوكَّامْ سْڒِينْ أَقَا نشّْ سِّيوْڒغْ أَكِيذكْ، أَذْ غَاركْ د-أَسنْ، أَذْ أَشْ إِنِينْ: ’إِنِي أَنغْ مِينْ ثنِّيذْ إِ ؤُجدْجِيذْ! وَارْ خَانغْ ثفَّارْ [وَالُو]، نِيغْ أَقَا أَذْ شكْ ننّغْ: مِينْ خَاسْ كِيذكْ إِسِّيوڒْ ؤُجدْجِيذْ؟‘
JER 38:26 [خنِّي] إِتّْخصَّا أَذْ أَسنْ ثِينِيذْ: ’نشّْ وْضِيغْ س ڒْقدّْ إِنُو زَّاثْ إِ وُوذمْ ن ؤُجدْجِيذْ حِيمَا وَارْ إِتّجِّي أَذْ أَيِي أَرّنْ غَارْ ثَادَّارْثْ ن يُونَاثَانْ مَاحنْذْ أَذْ ذِينِّي مّْثغْ.‘ “
JER 38:27 [ڒَْامِي] د-ؤُسِينْ مَارَّا ڒْحُوكَّامْ غَارْ إِرْمِييَا، إِحَاجَا ثنْ مَارَّا أَوَاڒنْ-أَ إِنِّي ثُوغَا يُومُورْ ؤُجدْجِيذْ. [خَاسْ ؤُشَا] جِّينْ ث مَاغَارْ ؤُڒَا ذ إِجّْ وَارْ إِسْڒِي ثَامسْڒَاشْثْ سِيمَانْثْ نّسْ.
JER 38:28 [أَمُّو إِ] إِقِّيمْ إِرْمِييَا ذِي ڒمْرَاحْ ن ڒحْبسْ أَڒْ أَسّْ نِّي ذِي ثتّْوَاطّفْ ؤُرْشَالِيمْ، [وَاهْ،] نتَّا ثُوغَا-ث عَاذْ ذِينْ ؤُمِي ثتّْوَاطّفْ ؤُرْشَالِيمْ.
JER 39:1 ذڭْ ؤُسڭّْوَاسْ وِيسّْ ثسْعَا نْ صِيذْقِييَا، أَجدْجِيذْ ن يَاهُوذَا، ذڭْ ؤُيُورْ وِيسّْعشْرَا، يُوسَا-د نابُوخَاذْرَاصَّارْ، أَجدْجِيذْ ن بَابِيلْ، أَكْ-ذ مَارَّا ڒْعسْكَارْ نّسْ غَارْ ؤُرْشَالِيمْ ؤُشَا نّْضنْ أَسْ-د.
JER 39:2 ذڭْ ؤُسڭّْوَاسْ وِيسّْ حِيطَاشْ ن صِيذْقِييَا، ذڭْ ؤُيُورْ وِيسّْ أَربْعَا، ذڭْ وَاسّْ وِيسّْ ثسْعَا ن ؤُيُورْ، وْثِينْ إِبُوخَّاشْ ذِي [ڒْْحِيضْ ن] ثنْذِينْثْ.
JER 39:3 [خَاسْ ؤُشَا] ؤُذْفنْ مَارَّا ڒْحُوكَّامْ ن ؤُجدْجِيذْ ن بَابِيلْ ؤُشَا قِّيمنْ ذِي ثوَّارْثْ ن وَامَّاسْ: نَارْجَالْ-شَارَاصَارْ، شَامْجَارْ-نابُو، سَارْسَاخِيمْ، أَزدْجِيفْ ن إِمْسخَّارنْ ن ثَادَّارْثْ ن ؤُجدْجِيذْ، نَارْجَالْ-شَارْصَارْ، أَزدْجِيفْ ن أَيْثْ ن بُو-ثْسحَّارْثْ، ؤُڒَا ذ مَارَّا ڒْحُوكَّامْ إِنّغْنِي ن ؤُجدْجِيذْ ن بَابِيلْ.
JER 39:4 ڒَامِي صِيذْقِييَا، أَجدْجِيذْ ن يَاهُوذَا، ذ مَارَّا إِعسْكَارِييّنْ نّسْ ژْرِينْ ثنْ، أَروْڒنْ نِيثْنِي، فّْغنْ زِي ثنْذِينْثْ سْ دْجِيڒثْ خْ وبْرِيذْ غَارْ وحْوِيشْ ن ؤُجدْجِيذْ. نِيثْنِي كِّينْ زِي ثوَّارْثْ جَارْ ثْنَاينْ ن ڒحْيُوضْ ؤُشَا نتَّا إِطّفْ أَبْرِيذْ غَارْ ڒوْضَا.
JER 39:5 ضْفَارنْ ثنْ ڒْعسْكَارْ ن إِكَالْذَانِييّنْ، حَارْثنْ خْ صِيذْقِييَا ذِي ڒوْضَاثْ ن أَرِيحَا. نِيثْنِي طّْفنْ ث ذ أَمحْبُوسْ ؤُشَا إِوْينْ ث غَارْ نابُوخَاذْرَاصَّارْ، أَجدْجِيذْ ن بَابِيلْ، غَارْ رِيبْلَا ذِي ثمُّورْثْ ن حَامَاثْ، ؤُ وَانِيثَا إِحْكمْ خَاسْ.
JER 39:6 إِجَّا ؤُجدْجِيذْ ن بَابِيلْ أَذْ غَارْصنْ إِحنْجِيرنْ ن صِيذْقِييَا زَّاثْ إِ ثِيطَّاوِينْ نّسْ ذِي رِيبْلَا. ؤُڒَا ذ مَارَّا ثَارْوَا ن ثَاصِيڒثْ ن يَاهُوذَا إِغَارْصْ أَسنْ ؤُجدْجِيذْ ن بَابِيلْ.
JER 39:7 إِسّْذَارْغڒْ نتَّا ثِيطَّاوِينْ ن صِيذْقِييَا ؤُشَا إِقّنْ إِ-ث س ثْنَاينْ ن سّْنَاسڒْ ن نّْحَاسْ مَاحنْذْ أَذْ ث يَاوِي غَارْ بَابِيلْ.
JER 39:8 سّْشمْضنْ إِكَالْذَانِييّنْ ثَادَّارْثْ ن ؤُجدْجِيذْ ذ ثُوذْرِينْ ن ڒْڭنْسْ س ثْمسِّي ؤُشَا أَڒْژِينْ ڒحْيُوضْ ن ؤُرْشَالِيمْ.
JER 39:9 مِينْ إِشطّنْ زِي ڒْڭنْسْ نِّي إِتّْوَاجّنْ ذِي ثنْذِينْثْ، [إِخْسْ أَذْ يِينِي] [مَارَّا] إِنِّي ثُوغَا إِعْذُونْ غَارْ ؤُجدْجِيذْ ن بَابِيلْ ذ مِينْ إِشطّنْ زِي ڒْڭنْسْ، إِنْذهْ إِ-ثنْ نابُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ، ذِي لْمنْفَا.
JER 39:10 زڭْ إِمزْڒَاضْ ن ڒْڭنْسْ نِّي وَارْ غَارْ إِدْجِي وَالُو، إِجَّا نبُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ، إِجّْ ن وزْينْ ذِي ثمُّورْثْ ن يَاهُوذَا. إِوْشَا أَسنْ ذڭْ وَاسّْ نِّي إِمَارْجَاعنْ ن ؤُضِيڒْ ذ إِيَّارنْ.
JER 39:11 نابُوخَاذْرَاصَّارْ، أَجدْجِيذْ ن بَابِيلْ، ثُوغَا يُومُورْ نبُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ، خْ إِرْمِييَا، إِنَّا:
JER 39:12 ”أَوْيِي ث-إِ-د، حْضَا خَاسْ. وَارْ ذَايسْ تّڭّْ ؤُڒَا ذ إِجّْ نْ ڒْغَارْ، [مَاشَا] أڭّْ أَكِيذسْ أَمْ مَامّشْ إِ ذ أَشْ غَا يِينِي.“
JER 39:13 [خنِّي] إِسّكّْ نبُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ، [شَا ن إِرقَّاسنْ]، [نتَّا جْمِيعْ] أَكْ-ذ نبُوشَازْبَانْ، أَمقّْرَانْ ن إِمْسخَّارنْ ن ؤُجدْجِيذْ، ذ نَارْجَالْ-شَارَاصَارْ، أَزدْجِيفْ ن أَيْثْ ن ثْسحَّارْثْ، ؤُ أَكْ-ذ مَارَّا إِكُومَانْذَارنْ ن ؤُجدْجِيذْ ن بَابِيلْ.
JER 39:14 جِّينْ ثنْ أَذْ أَوْينْ إِرْمِييَا زِي ڒمْرَاحْ نْ ڒحْبسْ، سلّْمنْ ث ذڭْ ؤُفُوسْ ن جَاذَالْيَا، مِّيسْ ن أَخِيقَامْ، مِّيسْ ن شَافَانْ، مَاحنْذْ أَذْ ث-إِ-د-أَوْينْ غَارْ ثَادَّارْثْ نّسْ. [أَمُّو إِ] إِقِّيمْ إِزدّغْ جَارْ ڒْڭنْسْ.
JER 39:15 يُوسَا-د وَاوَاڒْ ن سِيذِي غَارْ إِرْمِييَا ؤُمِي ثُوغَا إِتّْوَاحْصَارْ ذِي ڒمْرَاحْ نْ ڒحْبسْ، إِنَّا:
JER 39:16 ”رُوحْ، سِيوڒْ أَكْ-ذ عَابْذْ-مَالِيكْ، أَكُوشِي، إِنِي: ’أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: خْزَارْ، نشّْ أَذْ سِّيوْضغْ أَوَاڒنْ إِنُو غَارْ ثنْذِينْثْ-أَ، إِ ڒْغَارْ وَارْ إِدْجِي إِ ڒْخَارْ، أَذْ د-فّْغنْ [وَاوَاڒنْ إِنُو] ذڭْ وَاسّْ نِّي زَّاثْ إِ ثِيطَّاوِينْ نّشْ.
JER 39:17 [مَاشَا] أَذْ شكْ سّْنجْمغْ ذڭْ وَاسّْ نِّي، [أَمُّو إِ] إِقَّارْ سِيذِي، ؤُ شكْ وَارْ ثتّْموْشِيذْ شَا ذڭْ إِفَاسّنْ ن يرْيَازنْ إِ زِي ثڭّْوذذْ.
JER 39:18 مَاغَارْ نشّْ أَذْ شكْ سّْنجْمغْ. وَارْ شَّاثنْ س سِّيفْ. أَذْ ثِيڒِي ثُوذَارْثْ نّشْ ذ ثَاكشَّاضْثْ نّشْ، مَاغَارْ شكْ ثتّشْڒذْ خَافِي، [أَمُّو إِ] إِقَّارْ سِيذِي.‘ “
JER 40:1 أَوَاڒْ إِ د-يُوسِينْ زِي سِيذِي غَارْ إِرْمِييَا أَوَارْنِي ڒَامِي ث-إِ-د-يِيوِي نبُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ، زِي رَامَا. ؤُمِي ث-إِ-د-إِوْينْ، إِتّْوَاشَارْفْ نتَّا س سّْنَاسڒْ ذِي ڒْوسْطْ ن إِمنْفِييّنْ زِي ؤُرْشَالِيمْ ذ يَاهُوذَا، إِنِّي إِتّْوَاندّْهنْ ذ إِمنْفِييّنْ غَارْ بَابِيلْ.
JER 40:2 ڒْقبْطَانْ ن إِعسَّاسنْ ن أَرِّيمثْ إِ د-يِيوِي إِرْمِييَا، إِنَّا أَسْ: ”سِيذِي، أَربِّي نّشْ، ثُوغَا إِتّْبَارّحْ س ڒْغَارْ-أَ خْ ومْشَانْ-أَ
JER 40:3 ؤُشَا يَارَّا [إِ-ث] سِيذِي أَذْ د-يَاسْ ؤُشَا نتَّا إِڭَّا س مِينْ ثُوغَا إِنَّا، مَاغَارْ كنِّيوْ ثخْضَامْ أَكْ-ذ سِيذِي ؤُ وَارْ ثسْڒِيمْ شَا غَارْ ثْمِيجَّا نّسْ. س ؤُينِّي كنِّيوْ إِڒْقفْ مَانْ أَيَا.
JER 40:4 ڒخُّو [مَاشَا]، خْزَارْ، أَذْ فسْيغْ أَسّْ-أَ سّْنَاسڒْ نِّي خْ إِفَاسّنْ نّشْ. مَاڒَا ذ لمْلِيحْ ذِي ثِيطَّاوِينْ نّشْ أَذْ كِيذِي د-ثَاسذْ غَارْ بَابِيلْ، [خنِّي] أَسْ-د، ؤُ نشّْ أَذْ شكْ كْسِيغْ. مَاشَا مَاڒَا ذ أَعفَّانْ ذِي ثِيطَّاوِينْ نّشْ مَاحنْذْ أَذْ كِيذِي ثُويُورذْ غَارْ بَابِيلْ، أجّْ إِ-ث خنِّي. خْزَارْ، مَارَّا ثَامُّورْثْ زَّاثكْ. شكْ ثْزمَّارذْ أَذْ ثُويُورذْ غَارْ إِجّْ ن ومْشَانْ إِ ذ أَشْ إِتّْغِيڒْ ذ مْلِيحْ ذ نِيشَانْ ذِي ثِيطَّاوِينْ نّشْ!“
JER 40:5 ؤُمِي ثُوغَا [عَاذْ] وَارْ د-إِعْقِيبْ، [يَارْنِي إِنَّا]: ”ذْوڒْ-د غَارْ جَاذَالْيَا، مِّيسْ ن أَخِيقَامْ، مِّيسْ ن شَافَانْ، ونِّي إِڭَّا ؤُجدْجِيذْ ن بَابِيلْ خْ ثْندَّامْ ن يَاهُوذَا ؤُشَا قِّيمْ غَارسْ جَارْ ڒْڭنْسْ، نِيغْ ؤُيُورْ مَانِي ثتّْوَارِيذْ مْلِيحْ ذِي ثِيطَّاوِينْ نّشْ مَاحنْذْ أَذْ ثْرَاحذْ.“ [خَاسْ ؤُشَا] إِوْشَا أَسْ ڒْقبْطَانْ ن إِعسَّاسنْ ن أَرِّيمثْ ڒعْوتْشْ [إِ ؤُمُودُّو] ذ إِشْثْ ن ثَارْزفْثْ ؤُشَا إِجَّا إِ-ث أَذْ يُويُورْ.
JER 40:6 يُويُورْ إِرْمِييَا غَارْ جَاذَالْيَا، مِّيسْ ن أَخِيقَامْ، غَارْ مِيصْفَاثْ. إِقِّيمْ إِتّْنُوسَا غَارسْ ذِي ڒْوسْطْ ن ڒْڭنْسْ نِّي ثُوغَا إِقِّيمنْ [عَاذْ] ذِي ثمُّورْثْ.
JER 40:7 [ڒَْامِي] مَارَّا إِكُومَانْذَارنْ ن ڒْعسْكَارَاثْ نِّي [إِدْجَانْ] ذڭْ إِيَّارنْ، نِيثْنِي ذ إِرْيَازنْ نْسنْ، سْڒِينْ أَقَا أَجدْجِيذْ ن بَابِيلْ إِڭَّا جَاذَالْيَا، مِّيسْ ن أَخِيقَامْ، خْ ثمُّورْثْ ؤُ إِڭَّا إِ-ث خْ يرْيَازنْ ذ ثمْغَارِينْ ذ إِحنْجِيرنْ، خْ إِمزْڒَاضْ قَاعْ ن ثمُّورْثْ ؤُ خْ [مَارَّا] إِنِّي ثُوغَا وَارْ إِتّْوَانذْهنْ غَارْ بَابِيلْ،
JER 40:8 ؤُسِينْ-د نِيثْنِي غَارْ جَاذَالْيَا ذِي مِيصْفَاثْ: إِسْمَاعِيلْ، مِّيسْ ن نَاثَانْيَا، يُوحَانَانْ ذ يُونَاثَانْ، إِحنْجِيرنْ ن قَارِيحَا، سَارَايَا، مِّيسْ ن ثَانْحُومَاثْ، [أَرْنِي خَاسْ] إِحنْجِيرنْ ن عِيفَا، أَنْطُوفَاثِي، ذ يَازَانْيَا، مِّيسْ ن ؤُمَاعْكِي، [مَارَّا] نِيثْنِي أَكْ-ذ يرْيَازنْ نْسنْ.
JER 40:9 جَاذَالْيَا، مِّيسْ ن أَخِيقَامْ، مِّيسْ ن شَافَانْ، إِجُّودْجْ أَسنْ ؤُ إِ يرْيَازنْ نْسنْ، إِنَّا: ”وَارْ تّڭّْوْذمْ مَاحنْذْ أَذْ ثْسخَّارمْ إِ إِكَالْذَانِييّنْ. قِّيممْ ذِي ثمُّورْثْ ؤُشَا سخَّارمْ إِ ؤُجدْجِيذْ ن بَابِيلْ، [خنِّي] أَذْ ثِيڒِيمْ مْلِيحْ.
JER 40:10 ؤُشَا نشّْ، خْزَارْ، نشّْ زدّْغغْ ذِي مِيصْفَاثْ مَاحنْذْ أَذْ بدّغْ [ذ أَمنْذُوبْ ذِي طّْوعْ نْومْ] زَّاثْ إِ وُوذمْ ن إِكَالْذَانِييّنْ نِّي غَارْنغْ إِ د غَا يَاسنْ. إِتّْخصَّا كنِّيوْ أَذْ ثسّْمُونمْ بِينُو ذ ثِينِي ن ؤُنبْذُو ذ زّشْثْ، ؤُشَا ڭّمْ أَيَا ذڭْ إِقْذِيحنْ نْومْ ؤُشَا زذْغمْ ذِي ثْندَّامْ نِّي ثطّْفمْ.“
JER 40:11 ؤُڒَا ذ مَارَّا ؤُذَاينْ نِّي [إِدْجَانْ] ذِي مُوآبَ ؤُ جَارْ أَيْثْ نْ عَامُّونْ ؤُ ذِي إِذُومْ ؤُ ذِي مَارَّا ثِيمُّورَا [إِنّغْنِي]، سْڒِينْ أَقَا أَجدْجِيذْ ن بَابِيلْ [إِجَّا] مِينْ إِقِّيمنْ [ن إِمزْذَاغْ] ذِي يَاهُوذَا ؤُ إِڭَّا خَاسنْ جَاذَالْيَا، مِّيسْ ن أَخِيقَامْ، مِّيسْ ن شَافَانْ.
JER 40:12 [س ؤُينِّي] د -عقْبنْ مَارَّا وُوذَاينْ زِي مَارَّا إِمُوشَانْ مَانِي خَاسنْ ؤُژّْڒنْ ؤُشَا إِوْضنْ غَارْ ثمُّورْثْ ن يَاهُوذَا غَارْ جَاذَالْيَا غَارْ مِيصْفَاثْ. نِيثْنِي سّْمُوننْ أَطَّاسْ ن بِينُو ذ ثِينِي ن ؤُنبْذُو.
JER 40:13 [ؤُڒَا ذ] يُوحَانَانْ، مِّيسْ ن قَارِيحَا، ذ مَارَّا إِكُومَانْذَارنْ ن ڒْعسْكَارَاثْ نِّي ثُوغَا ذڭْ إِيَّارنْ ؤُسِينْ-د غَارْ جَاذَالْيَا غَارْ مِيصْفَاثْ.
JER 40:14 نِيثْنِي نَّانْ أَسْ: ”مَا ثسّْنذْ شكْ، أَقَا بَاعْلِيسْ، أَجدْجِيذْ ن أَيْثْ ن عَامُّونْ، إِسّكّْ-د إِسْمَاعِيلْ، مِّيسْ ن نَاثَانْيَا، حِيمَا أَذْ شكْ إِنغْ؟“ جَاذَالْيَا، مِّيسْ ن أَخِيقَامْ، [مَاشَا] وَارْ ثنْ يُومِينْ.
JER 40:15 يُوحَانَانْ، مِّيسْ ن قَارِيحَا، [مَاشَا] إِسِّيوڒْ أَكْ-ذ جَاذَالْيَا س ثْنُوفّْرَا ذِي مِيصْفَاثْ، إِنَّا: ”أجّْ أَيِي أَذْ ذِينْ ڒَاحغْ ؤُ أَذْ نْغغْ إِسْمَايِيلْ، مِّيسْ ن نَاثَانْيَا. وَارْ ث إِسِّينْ ؤُڒَا ذ إِجّْ. مَايمِّي غَا إِنغْ حذْ ؤُ مَارَّا أَيْثْ ن يَاهُوذَا إِ د-خَاكْ إِمُوننْ أَذْ تّْوَاسّْزُوزَّارنْ ذ مِينْ إِقِّيمنْ زِي يَاهُوذَا أَذْ إِودَّارْ؟“
JER 40:16 [مَاشَا] جَاذَالْيَا، مِّيسْ ن أَخِيقَامْ، إِنَّا إِ يُوحَانَانْ، مِّيسْ ن قَارِيحَا: ”وَارْ تّڭّْ أَيَا، مَاغَارْ مِينْ ثقَّارذْ شكْ خْ إِسْمَاعِيلْ ذ إِخَارِّيقنْ [وَاهَا].“
JER 41:1 إِمْسَارْ ذڭْ ؤُيُورْ وِيسّْ سبْعَا أَقَا يُوسَا-د إِسْمَاعِيلْ، مِّيسْ ن نَاثَانْيَا، مِّيسْ ن إِلِيشَامَاعْ، ونِّي ذ إِجّْ زِي ڒْوَاشُونْ ن ؤُجدْجِيذْ، [جْمِيعْ] أَكْ-ذ إِمقّْرَاننْ ن ؤُجدْجِيذْ ؤُ أَكِيذسْ [عَاذْ]عشْرَا ن يرْيَازنْ، غَارْ جَاذَالْيَا، مِّيسْ ن أَخِيقَامْ، غَارْ مِيصْفَاثْ. نِيثْنِي مُوننْ تّتّنْ ذِينْ ذِي مِيصْفَاثْ.
JER 41:2 [خنِّي] إِكَّارْ إِسْمَاعِيلْ، مِّيسْ ن نَاثَانْيَا، [جْمِيعْ أَكْ-ذ]عشْرَا ن يرْيَازنْ نِّي ثُوغَا غَارسْ إِدْجَانْ ؤُشَا وْثِينْ جَاذَالْيَا، مِّيسْ ن أَخِيقَامْ، مِّيسْ ن شَافَانْ، س سِّيفْ، ؤُشَا أَمُّو إِ إِنْغَا [إِسْمَاعِيلْ] ونِّي ثُوغَا إِڭَّا ؤُجدْجِيذْ ن بَابِيلْ خْ ثمُّورْثْ.
JER 41:3 إِنْغَا إِسْمَاعِيلْ ؤُڒَا ذ مَارَّا ؤُذَاينْ إِ غَارسْ، إِخْسْ أَذْ يِينِي إِنِّي ثُوغَا غَارْ جَاذَالْيَا ذِي مِيصْفَاثْ، ؤُڒَا ذ إِكَالْذَانِييّنْ نِّي إِتّْوَافنْ ذِينْ، إِعسْكَارِييّنْ.
JER 41:4 ذڭْ وَاسّْ وِيسّْ ثْنَاينْ أَوَارْنِي ڒَامِي إِنْغَا جَاذَالْيَا، أَمْ ؤُڒَا ذ إِجّْ وَارْ يَارْڭِيبْ [عَاذْ]،
JER 41:5 ؤُسِينْ-د إِرْيَازنْ زِي شَاكِيمْ، شِيلُو ذ سَامَارْيَا، ثْمنْيِينْ ن يرْيَازنْ، س ثِيمِيرَا حفّنْثْ ذ ورُّوضْ إِشَارّڭْ ذ إِخبِّيشنْ. نِيثْنِي [إِوْينْ-د] ذڭْ إِفَاسّنْ نْسنْ إِشْثْ ن ثوْهِيبْثْ [ن ڒْغِيدْجثْ] ذ جَّاوِي مَاحنْذْ أَذْ ت أَوْينْ غَارْ ثَادَّارْثْ ن سِيذِي.
JER 41:6 ؤُشَا إِفّغْ غَارْسنْ إِسْمَاعِيلْ، مِّيسْ ن نَاثَانْيَا، زِي مِيصْفَاثْ إِ ؤُمْسَاڭَارْ أَكِيذْسنْ، إِرُو أَمْ إِڭُّورْ. ؤُمِي ثنْ إِمّڒْقَا، إِنَّا: ”أَسمْ-د غَارْ جَاذَالْيَا، مِّيسْ ن أَخِيقَامْ!“
JER 41:7 ؤُمِي د-إِوْضنْ نِيثْنِي غَارْ ڒْوسْطْ ن ثنْذِينْثْ، إِغَارْصْ أَسنْ إِسْمَاعِيلْ، مِّيسْ ن نَاثَانْيَا. نتَّا ذ يرْيَازنْ إِ كِيذسْ [إِدْجَانْ،] نْضَارنْ ثنْ ذِي ڒْوسْطْ ن وَانُو.
JER 41:8 [مَاشَا] تّْوَافنْعشْرَا ن يرْيَازنْ جَارْ أَسنْ إِنِّي إِنَّانْ إِ إِسْمَاعِيلْ: ”وَارْ ذ أَنغْ نقّْ شَا، مَاغَارْ ذڭْ إِيَّارْ نشِّينْ غَارْنغْ ڒعْوتْشْ إِخمّْڒنْ ن إِرْذنْ، إِمنْذِي، زّشْثْ ذ ثَامّنْثْ.“ [خنِّي] إِحْثَا خَاسنْ، وَارْ ثنْ إِنْغِي ذِي ڒْوسْطْ ن أَيْثْمَاسْ.
JER 41:9 أَنُو نِّي ذِي إِنْضَارْ إِسْمَاعِيلْ مَارَّا أَرِّيمَاثْ ن يرْيَازنْ نِّي إِنْغَا غَارْ ؤُغزْذِيسْ ن جَاذَالْيَا، ثُوغَا ذ ونِّي إِڭَّا ؤُجدْجِيذْ أَسَا زِي سِّيبّثْ ن بَاعْشَا، أَجدْجِيذْ ن إِسْرَائِيل. إِسْمَاعِيلْ، مِّيسْ ن نَاثَانْيَا، إِشُّورْ إِ-ث س يِينِّي إِتّْوَانْغنْ.
JER 41:10 إِنْذهْ إِسْمَاعِيلْ مَارَّا مِينْ إِقِّيمنْ [عَاذْ] زِي ڒْڭنْسْ [إِ إِدْجَانْ] ذِي مِيصْفَاثْ، ذ إِمحْبَاسْ، أَقَا يسِّيسْ ن ؤُجدْجِيذْ ذ مَارَّا ڒْڭنْسْ نِّي ثُوغَا إِقِّيمنْ [عَاذْ] ذِي مِيصْفَاثْ، إِنِّي خْ ثُوغَا إِڭَّا نبُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ، جَاذَالْيَا، مِّيسْ ن أَخِيقَامْ. إِسْمَاعِيلْ، مِّيسْ ن نَاثَانْيَا إِنْذهْ إِ-ثنْ ذ إِمحْبَاسْ ؤُشَا يُويُورْ حِيمَا أَذْ إِعْذُو [خْ لْ-ؤُرْذُونْ] غَارْ [ثمُّورْثْ ن] أَيْثْ ن عَامُّونْ.
JER 41:11 [ؤُمِي] يُوحَانَانْ، مِّيسْ ن قَارِيهَا، ذ مَارَّا إِكُومَانْذَارنْ ن ڒْعسْكَارَاثْ نِّي ثُوغَا غَارسْ إِدْجَانْ، سْڒِينْ س مَارَّا ڒْغَارْ إِ ثُوغَا إِڭَّا إِسْمَاعِيلْ، مِّيسْ ن نَاثَانْيَا،
JER 41:12 إِوْينْ نِيثْنِي مَارَّا إِرْيَازنْ ؤُشَا طّْفنْ [أَبْرِيذْ] حِيمَا أَذْ مّنْغنْ أَكْ-ذ إِسْمَاعِيلْ، مِّيسْ ن نَاثَانْيَا. نِيثْنِي ؤُفِينْ ث غَارْ ؤُيڒْمَامْ أَمقّْرَانْ غَارْ جِيبْعُونْ.
JER 41:13 ڒَامِي مَارَّا ڒْڭنْسْ إِ ثُوغَا أَكْ-ذ إِسْمَاعِيلْ، إِنْطحْ يُوحَانَانْ، مِّيسْ ن قَارِيحَا، ذ مَارَّا إِكُومَانْذَارنْ ن ڒْعسْكَارْ نِّي غَارسْ، فَارْحنْ أَطَّاسْ.
JER 41:14 مَارَّا ڒْڭنْسْ نِّي ثُوغَا إِنْذهْ إِسْمَاعِيلْ ذ أَمحْبُوسْ زِي مِيصْفَاثْ، قڒْبنْ، ذوْڒنْ-د ؤُشَا عْذُونْ غَارْ يُوحَانَانْ، مِّيسْ ن قَارِيحَا.
JER 41:15 إِسْمَاعِيلْ [مَاشَا]، مِّيسْ ن نَاثَانْيَا، يَارْوڒْ زِي زَّاثْ ن وُوذمْ ن يُوحَانَانْ أَكْ-ذ ثْمنْيَا ن يرْيَازنْ ؤُشَا يُويُورْ غَارْ أَيْثْ ن عَامُّونْ.
JER 41:16 [خنِّي] إِكْسِي يُوحَانَانْ، مِّيسْ ن قَارِييَاحْ، [نتَّا جْمِيعْ] أَكْ-ذ مَارَّا إِكُومَانْذَارنْ ن ڒْعسْكَارَاثْ نِّي غَارسْ [إِدْجَانْ]، مَارَّا مِينْ إِقِّيمنْ غَارْ ضفَّارْ ن ڒْڭنْسْ إِ يِيوِي نتَّا زِي إِسْمَاعِيلْ، مِّيسْ ن نَاثَانْيَا، زِي مِيصْفَاثْ، أَوَارْنِي ڒَامِي إِنْغَا وَانِيثَا جَاذَالْيَا، مِّيسْ ن أَخِيقَامْ: [أَقَا] إِرْيَازنْ إِجهْذنْ، إِعسْكَارِييّنْ، ثِيمْغَارِينْ، إِحنْجِيرنْ إِمژْيَاننْ ذ إِمْسخَّارنْ إِشنّْعنْ نِّي د-إِسّعْقبْ نتَّا زِي جِيبْعُونْ.
JER 41:17 نِيثْنِي ؤُيُورنْ [ذڭْ وبْرِيذْ] ؤُشَا قِّيمنْ ذڭْ ومْشَانْ ن أَرَّاحثْ ن كِيمْهَانْ نِّي غَارْ بَايْثْ-لَاحْمْ، مَاحنْذْ أَذْ سّنِّي عْذُونْ أَڒَامِي غَا ؤُذْفنْ نِيثْنِي غَارْ مِيصْرَا.
JER 41:18 [نِيثْنِي أَروْڒنْ] زِي زَّاثْ ن وُوذمْ ن إِكَالْذَانِييّنْ، مَاغَارْ ڭّْوذنْ زَّايْسنْ، مَاغَارْ إِسْمَاعِيلْ، مِّيسْ ن نَاثَانْيَا، إِنْغَا جَاذَالْيَا، مِّيسْ ن أَخِيقَامْ، ونِّي إِڭَّا ؤُجدْجِيذْ ن بَابِيلْ [ذ ڒْبَاشَا] خْ ثمُّورْثْ.
JER 42:1 [خنِّي] قَارّْبنْ-د مَارَّا إِكُومَانْذَارنْ ن ڒْعسْكَارْ، يُوحَانَانْ، مِّيسْ ن قَارِييَاحْ، ذ يَازَانْيَا، مِّيسْ ن هُوشَاعْيَا، ذ مَارَّا ڒْڭنْسْ، زڭْ ؤُمژْيَانْ أَڒْ أَمقّْرَانْ.
JER 42:2 نِيثْنِي نَّانْ إِ ؤُنَابِي إِرْمْيَا: ”إِڒِي أَذْ يَافْ ثُوثْرَا نّغْ أَرْضَا زَّاثْ إِ وُوذمْ نّشْ. تَّارْ أَنغْ غَارْ سِيذِي، أَربِّي نّشْ، ذِي طّْوعْ ن مَارَّا مِينْ إِقِّيمنْ، مِينْزِي نشِّينْ نقِّيمْ [عَاذْ] س ذْرُوسْ زڭْ وَاطَّاسْ، أَمْ مَامّشْ ثْزمَّارذْ أَذْ ثثْوَارِيذْ س ثِيطَّاوِينْ نّشْ ؤُمِي غَارْنغْ ثْخزَّارذْ.
JER 42:3 إِڒِي سِيذِي، أَربِّي نّشْ، أَذْ أَنغْ إِسّْشنْ مَانْ أَبْرِيذْ إِ غَا نضْفَارْ ذ مِينْ غَا نڭّْ.“
JER 42:4 إِنَّا أَسنْ ؤُنَابِي إِرْمِييَا: ”نشّْ سْڒِيغْ ث. خْزَارْ، نشّْ أَذْ تَّارغْ ذِي طّْوعْ نْومْ غَارْ سِيذِي، أَربِّي نْومْ، عْلَاحْسَابْ أَوَاڒنْ نْومْ. نشّْ أَذْ أَومْ إِنِيغْ مَارَّا أَوَاڒْ نِّي زِي د خَاومْ إِ غَا يَارّْ سِيذِي، وَارْ زَّايْومْ سّْنُوفَّارغْ ؤُڒَا ذ إِجّْ ن وَاوَاڒْ.“
JER 42:5 نِيثْنِي نَّانْ إِ إِرْمِييَا: ”سِيذِي أَذْ يِيڒِي ذ شَّاهذْ ذ أَمْثِيقِّي ذ أَصْذِيقْ جَارْ أَنغْ، مَاڒَا وَارْ نتّڭّْ عْلَاحْسَابْ كُوڒْ أَوَاڒْ نِّي كِيذكْ غَارْنغْ د غَا إِسّكّْ سِيذِي، أَربِّي نّشْ!
JER 42:6 ذ أَصبْحَانْ نِيغْ ذ أَعفَّانْ، أَذْ نْسڒْ غَارْ ثْمِيجَّا ن سِيذِي، أَربِّي نّغْ، إِ ؤُمِي شكْ إِ غَا نسّكّْ مَاحنْذْ أَذْ نِيڒِي مْلِيحْ خْمِي غَا نْسڒْ غَارْ ثْمِيجَّا ن سِيذِي، أَربِّي نّغْ.“
JER 42:7 أَوَارْنِي ڒَامِي عْذُونْعشْرَا ن وُوسَّانْ، إِمْسَارْ أَقَا إِفّغْ وَاوَاڒْ ن سِيذِي غَارْ إِرْمِييَا.
JER 42:8 [خَاسْ ؤُشَا] إِڒَاغَا نتَّا خْ يُوحَانَانْ، مِّيسْ ن قَارِييَاحْ، ؤُ خْ مَارَّا إِكُومَانْذَارنْ ن ڒْعسْكَارْ نِّي ثُوغَا غَارسْ [إِدْجَانْ]، ؤُڒَا خْ مَارَّا ڒْڭنْسْ، زڭْ ؤُمژْيَانْ أَڒْ أَمقّْرَانْ.
JER 42:9 إِنَّا أَسنْ: ”أَمُّو إِ إِقَّارْ سِيذِي، أَربِّي ن إِسْرَائِيل، غَارْ ونِّي ذ أَيِي ثسّكّمْ، حِيمَا أَذْ أَسْ سِّيوْضغْ ثُوثْرَا نْومْ زَّاثْ إِ وُوذمْ نّسْ:
JER 42:10 ’مَاڒَا كنِّيوْ ثقِّيممْ ثْزدّْغمْ ذِي ثمُّورْثْ-أَ، أَمُّو كنِّيوْ إِ غَا سّْبدّغْ ؤُ وَارْ كنِّيوْ هدّْمغْ، أَذْ كنِّيوْ ژُّوغْ ؤُ وَارْ كنِّيوْ قڒْعغْ، مَاغَارْ نشّْ ندّْمغْ خْ ڒْغَارْ إِ ذَايْومْ ڭِّيغْ.
JER 42:11 وَارْ تّڭّْوْذمْ شَا زڭْ ؤُجدْجِيذْ ن بَابِيلْ، ونِّي زِي ثتّڭّْوذمْ. وَارْ زَّايسْ تّڭّْوْذمْ، [أَمُّو إِ] إِقَّارْ سِيذِي. مَاغَارْ نشّْ أَكِيذْومْ حِيمَا أَذْ كنِّيوْ سّْنجْمغْ ؤُ أَذْ كنِّيوْ فكّغْ زڭْ ؤُفُوسْ نّسْ.
JER 42:12 نشّْ أَذْ كنِّيوْ أَرحْمغْ مَاحنْذْ نتَّا أَذْ كنِّيوْ يَارْحمْ ؤُ أَذْ كنِّيوْ يَارّْ أَذْ ثْذوْڒمْ غَارْ ثمُّورْثْ نْومْ.
JER 42:13 [مَاشَا] مَاڒَا كنِّيوْ ثقَّارمْ: نشِّينْ وَارْ نتّْغِيمِي شَا ذِي ثمُّورْثْ-أَ، ؤُ [مَاڒَا كنِّيوْ] وَارْ ثتّسْڒِيمْ شَا غَارْ ثْمِيجَّا ن سِيذِي، أَربِّي نْومْ،
JER 42:14 أَذْ ثِينِيمْ: لَّ، نخْسْ أَذْ نُويُورْ غَارْ مِيصْرَا مَانِي وَارْ نْژَارّْ أَمنْغِي ؤُ وَارْ نتّسْڒِي إِ ؤُسُوضِي ذڭْ ؤُيِيشّْ ن إِشَارِّي ؤُ وَارْ نتّْڒِيژِي أَغْرُومْ. أَقَا ذِينِّي إِ نخْسْ أَذْ نقِّيمْ!‘،
JER 42:15 خنِّي سْڒمْ ڒخُّو غَارْ وَاوَاڒْ ن سِيذِي، كنِّيوْ مِينْ إِقِّيمنْ ن يَاهُوذَا. أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’مَاڒَا كنِّيوْ ثْعمّْذمْ أَذْ ثُويُورمْ غَارْ مِيصْرَا ؤُشَا أَذْ د-ثَاوْضمْ حِيمَا أَذْ ذِينْ ثْزذْغمْ أَمْ يِيبَارَّانِييّنْ،
JER 42:16 [خنِّي] سِّيفْ إِ زِي ثتّڭّْوذمْ أَذْ كنِّيوْ إِڒْقفْ ذِينِّي ذِي مِيصْرَا ؤُ ڒَاژْ إِ زِي ثتّڭّْوذمْ أَذْ كنِّيوْ د-إِضْفَارْ ذِينِّي ذِي مِيصْرَا ؤُ أَذْ ذِينِّي ثمّْثمْ.
JER 42:17 خنِّي مَارَّا إِرْيَازنْ نِّي إِخْسنْ أَذْ ؤُيُورنْ غَارْ مِيصْرَا حِيمَا أَذْ ذِينْ زذْغنْ أَمْ يِيبَارَّانِييّنْ أَذْ مّْثنْ س سِّيفْ ذ ڒَاژْ ذ طَّاعُونْ. وَارْ زَّايْسنْ إِنجّمْ نِيغْ إِتَّاركّْوَاڒْ ؤُڒَا ذ إِجّنْ زِي ڒْغَارْ إِ خَاسنْ د غَاغضْڒغْ.‘
JER 42:18 مَاغَارْ أَمُّو إِ إِقَّارْ سِيذِي، أَربِّي ن إِسْرَائِيل: ’أَمْ مَامّشْ أَغْضَابْ إِنُو ذ وسْعَارْ إِنُو تّْوَازدْجْعنْ خْ إِمزْذَاغْ ن ؤُرْشَالِيمْ، أَمُّو إِ غَا إِتّْوَازدْجعْ ؤُڒَا ذ أَسْعَارْ إِنُو خَاومْ مَاڒَا ثِيوْضمْ غَارْ مِيصْرَا. كنِّيوْ أَذْ ثْذوْڒمْ ذ [ڒْقشْعثْ ن] وخْزِي ذ ؤُنخْڒِيعْ ذ ثْسضْحَاشْثْ، ؤُڒَا ذ نّعْڒثْ ذ ڒْحڭْرَا. أَمْشَانْ-أَعمَّارْصْ أَذْ ت ثْژَارمْ عَاذْ.‘
JER 42:19 سِيذِي إِسِّيوڒْ غَارْومْ، [أَ] مِينْ إِقِّيمنْ ن يَاهُوذَا! وَارْ تِّيذْفمْ غَارْ مِيصْرَا. سْنمْ مْلِيحْ أَقَا نشّْعڒْمغْ أَومْ أَسّْ-أَ.
JER 42:20 مَاغَارْ كنِّيوْ ثْغشّمْ خْ يِيخفْ نْومْ. كنِّيوْ سِيمَانْثْ نْومْ ثسّكّمْ أَيِي-د غَارْ سِيذِي، أَربِّي نْومْ، ثنَّامْ: ’ژَتدْجْ أَنغْ غَارْ سِيذِي، أَربِّي نّغْ. إِنِي أَنغْ مَارَّا مِينْ غَا يِيڒِي أَذْ يِينِي سِيذِي، أَربِّي نّغْ، ؤُشَا نشِّينْ أَذْ ث نڭّْ!‘
JER 42:21 أَسّْ-أَ نِّيغْ أَومْ، [مَاشَا] كنِّيوْ وَارْ ثسْڒِيمْ شَا غَارْ ثْمِيجَّا ن سِيذِي، أَربِّي نْومْ، غَارْ مَارَّا س مِينْ زِي إِ ذ أَيِي غَارْومْ د-إِسّكّْ.
JER 42:22 [خنِّي] ڒخُّو، سْنمْ مْلِيحْ أَقَا أَذْ ثمّْثمْ س سِّيفْ ذ ڒَاژْ ذ طَّاعُونْ ذڭْ ومْشَانْ مَانِي ثخْسمْ أَذْ ثُويُورمْ حِيمَا أَذْ ذِينِّي ثقِّيممْ أَمْ يِيبَارَّانِييّنْ.“
JER 43:1 إِمْسَارْ ؤُمِي إِكمّڒْ إِرْمِييَا ڒْهَارْذْ نّسْ إِ مَارَّا ڒْڭنْسْ س مَارَّا أَوَاڒنْ ن سِيذِي، أَربِّي نْسنْ، س مِينْ زِي ثُوغَا سِيذِي، أَربِّي نْسنْ، إِسّكّْ إِ-ث-إِ-د غَارْسنْ،
JER 43:2 أَقَا إِسِّيوڒْ عَازَارْيَا، مِّيسْ ن هُوشَاعْيَا، ؤُ نَّانْ [عَاوذْ] يُوحَانَانْ، مِّيسْ ن قَارِييَاحْ، ذ مَارَّا يرْيَازنْ إِمْعفَّارنْ إِ إِرْمِييَا: ”شكْ ثسّْخَارِّيقذْ. سِيذِي، أَربِّي نّغْ، وَارْ شكْ د-إِسكّْ مَاحنْذْ أَذْ ثِينِيذْ: ’وَارْ إِعدّڒْ أَذْ ثْرَاحمْ غَارْ مِيصْرَا مَاحنْذْ أَذْ ذِينِّي ثقِّيممْ أَمْ يِيبَارَّانِييّنْ!‘
JER 43:3 مَاشَا بَارُوخْ، مِّيسْ ن نِيرِي-يَاهْ، إِ شكْ إِ د-إِحَارّْشنْ خَانغْ، حِيمَا أَذْ أَنغْ ثْسلّْمذْ غَارْ إِفَاسّنْ ن إِكَالْذَانِييّنْ، مَاحنْذْ أَذْ أَنغْ نْغنْ ؤُ أَذْ أَنغْ نذْهنْ ذِي لْمنْفَا غَارْ بَابِيلْ.“
JER 43:4 [أَمُّو] وَارْ إِسْڒِي يُوحَانَانْ، مِّيسْ ن قَارِييَاحْ، ذ مَارَّا إِكُومَانْذَارنْ ن ڒْعسْكَارْ ؤُڒَا ذ مَارَّا ڒْڭنْسْ غَارْ ثْمِيجَّا ن سِيذِي، مَاحنْذْ أَذْ قِّيمنْ ذِي ثمُّورْثْ ن يَاهُوذَا.
JER 43:5 يُوحَانَانْ، مِّيسْ ن قَارِييَاحْ، ذ مَارَّا إِكُومَانْذَارنْ ن ڒْعسْكَارْ كْسِينْ مَارَّا مِينْ إِقِّيمنْ ن يَاهُوذَا، إِنِّي ثُوغَا د-إِذوْڒنْ زِي مَارَّا ڒڭْنُوسْ غَارْ مَانِي خَاسنْ ؤُژّْڒنْ، حِيمَا أَذْ قِّيمنْ ذِي ثمُّورْثْ ن يَاهُوذَا:
JER 43:6 إِرْيَازنْ إِجهْذنْ ذ ثمْغَارِينْ ذ إِحنْجِيرنْ إِمژْيَاننْ ذ يسِّيسْ ن ؤُجدْجِيذْ ذ مَارَّا ڒعْمَارْ نِّي ثُوغَا إِجَّا نبُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ، غَارْ جَاذَالْيَا، مِّيسْ ن أَخِيقَامْ، مِّيسْ ن شَافَانْ، ؤُڒَا ذ أَنَابِي إِرْمِييَا ذ بَارُوخْ، مِّيسْ ن نِيرِي-يَاه.
JER 43:7 نِيثْنِي ؤُسِينْ-د غَارْ ثمُّورْثْ ن مِيصْرَا، مِينْزِي نِيثْنِي وَارْ سْڒِينْ شَا غَارْ ثْمِيجَّا ن سِيذِي ؤُشَا ؤُسِينْ-د أَڒْ ثَاحْفَانِيسْ.
JER 43:8 [خنِّي] يُوسَا-د وَاوَاڒْ ن سِيذِي غَارْ إِرْمِييَا ذِي ثَاحْفَانْحِيسْ، إِنَّا:
JER 43:9 ”كْسِي إِژْرَا إِمقّْرَاننْ ذڭْ ؤُفُوسْ نّشْ ؤُشَا نُوفَّارْ إِ-ثنْ ذڭْ ؤُبدْجَاعْ ن ثِيسِي ن لُوصَا غَارْ وَاذَافْ ن ثَادَّارْثْ ن فِيرْعُونْ ذِي ثَاحْفَانِيسْ. [أڭّْ إِ-ث] زَّاثْ إِ ثِيطَّاوِينْ ن يرْيَازنْ ن يَاهُوذَا،
JER 43:10 إِنِي أَسنْ: ’أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: خْزَارْ، نشّْ أَذْ أَوْيغْ نابُوخَاذْرَاصَّارْ، أَجدْجِيذْ ن بَابِيلْ، أَمْسخَّارْ إِنُو، ؤُشَا أَذْ ڭّغْ ڒْعَارْشْ نّسْ خْ يژْرَا-يَا نِّي نُوفَّارغْ [ذِينِّي]، ؤُشَا نتَّا أَذْ إِوّثْ أَقِيضُونْ نّسْ إِڭلّْذنْ ثِيوَا نْسنْ.
JER 43:11 نتَّا أَذْ د-يَاسْ ؤُشَا أَذْ إِوّثْ ثَامُّورْثْ ن مِيصْرَا: ونِّي [إِدْجَانْ] إِ ڒْموْثْ، س ڒْموْثْ، ذ ونِّي [إِدْجَانْ] إِ ثْمحْبَاسْثْ، إِ ؤُحبّسْ، ذ ونِّي [إِدْجَانْ] إِ سِّيفْ، س سِّيفْ.
JER 43:12 نتَّا أَذْ سَّارغْ إِشْثْ ن ثْمسِّي ذڭْ إِخَّامنْ ن لْ-أَصْنَامْ ن مِيصْرَا، أَذْ سّْشمْضغْ إِخَامّنْ نِّي ؤُ أَذْ أَوْيغْ لْ-أَصْنَامْ ذ إِمحْبَاسْ. نتَّا أَذْ يَارْضْ ثَامُّورْثْ ن مِيصْرَا أَمْ ؤُمكْسَاوْ يَارْضْ أَرُّوضْ نّسْ ؤُشَا نتَّا أَذْ زَّايسْ د-إِفّغْ ذِي ڒهْنَا.
JER 43:13 نتَّا أَذْ يَارْژْ إِمَايْضُوثنْ نْسنْ [إِقدّْسنْ]، نِّي [إِدْجَانْ] ذِي ثمُّورْثْ ن مِيصْرَا، ؤُشَا أَذْ إِسّشْمضْ إِخَّامنْ ن لْ-أَصْنَامْ ن مِيصْرَا س ثْمسِّي.‘ “
JER 44:1 أَوَاڒْ نِّي د-إِفّْغنْ غَارْ إِرْمِييَا إِ مَارَّا ؤُذَاينْ نِّي ثُوغَا إِزدّْغنْ ذِي ثمُّورْثْ ن مِيصْرَا، إِنِّي ثُوغَا إِزدّْغنْ ذِي مَاجْذَالْ ذ ثَاحْفَانْحِيسْ ذ نُوفْ ؤُ ذِي ثمُّورْثْ ن فَاثْرُوسْ، إِ إِنَّانْ:
JER 44:2 ”أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’كنِّيوْ سِيمَانْثْ نْومْ ثژْرِيمْ ڒْغَارْ إِ ڭِّيغْ خْ ؤُرْشَالِيمْ ؤُ خْ مَارَّا ثِيندَّامْ ن يَاهُوذَا، ؤُشَا خْزَارْ، ڒخُّو ذوْڒنْثْ نِيثنْثِي ذ ڒْخِيرْبثْ، وَارْ ذَايْسنْثْ إِزدّغْ عَاذْ ؤُڒَا ذ إِجّْ،
JER 44:3 زِي سِّيبّثْ ن ڒْغَارْ إِ ڭِّينْ ؤُمِي ذ أَيِي سْعَارنْ أَڒَامِي وهّْبنْ ڒبْخُورْ مَاحنْذْ أَذْ [زَّايسْ]عبْذنْ إِ إِربِّيثنْ نّغْنِي إِنِّي وَارْ سِّيننْ نِيثْنِي، ڒَا ذ كنِّيوْ ؤُڒَا ذ ڒجْذُوذْ نْومْ.
JER 44:4 نشّْ سّكّغْ-د غَارْومْ مَارَّا إِمْسخَّارنْ إِنُو، إِنَابِييّنْ، عَاذْ زڭْ ؤُمزْوَارُو سّكّغْ ثنْ حِيمَا أَذْ إِنِينْ: وَارْ تّڭّمْ نّْعِي-يَا نِّي شَارّْهغْ نشّْ [أَطَّاسْ].
JER 44:5 نِيثْنِي [مَاشَا] وَارْ سْڒِينْ ؤُ وَارْ ذ أَيِي وْشِينْ أَمزُّوغْ نْسنْ ؤُمِي د-ذوْڒنْ نذْمنْ زِي ڒْغَارْ نْسنْ، ؤُمِي وَارْ وهّْبنْ [عَاذْ كْثَارْ] ثِيوْهِيبِينْ نْسنْ ن ڒبْخُورْ إِ إِربِّيثنْ نّغْنِي.
JER 44:6 [س ؤُيَا] إِ فَارْغغْ أَسْعَارْ إِنُو ذ وغْضَابْ إِنُو خْ ثْندَّامْ ن يَاهُوذَا ؤُ خْ إِبْرِيذنْ ن ؤُرْشَالِيمْ، [أَڒَامِي] ذوْڒنْثْ ذ ڒْخِيرْبثْ، تّْوَارذْدْجنْثْ أَمْ [ثدْجَا] أَسّْ-أَ.‘ “
JER 44:7 ”[خنِّي] ڒخُّو، أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’مَايمِّي ثتّڭّمْ ڒْغَارْ أَمْ وَانِيثَا خْ ثُوذَارْثْ نْومْ أَڒَامِي ثْقطَّامْ خْ ورْيَازْ ذ ثمْغَارْثْ، أَحنْجِيرْ ذ ؤُسيْمِي زِي ڒْوسْطْ ن يَاهُوذَا أَڒَامِي وَارْ خَاومْ إِشطّْ مِينْ إِقِّيمنْ؟
JER 44:8 مَايمِّي إِ ذ أَيِي ثْسعَّارمْ س ڒْخذْمثْ ن إِفَاسّنْ نْومْ، ؤُمِي ثسّْبخَّارَامْ ڒبْخُورْ إِ إِربِّيثنْ نّغْنِي زِي ثمُّورْثْ ن مِيصْرَا مَانِي غَارْ د-ثِيوْضمْ ڒخُّو حِيمَا أَذْ ذِينِّي ثْزذْغمْ أَمْ يِيبَارَّانِييّنْ، أَڒَامِي غَا ثْقضْعمْ إِخفْ نْومْ [أَمُّو] ؤُ حِيمَا أَذْ ثْذوْڒمْ ذ [إِشْثْ ن ڒْقشْعثْ ن] وخْزِي ذ ڒْحڭْرَا جَارْ مَارَّا ڒڭْنُوسْ ن ثمُّورْثْ؟
JER 44:9 مَا ثتُّومْ كنِّيوْ قَاعْ ڒْغَارْ إِ ڭِّينْ ڒجْذُوذْ نْومْ ذ ڒْغَارْ إِ ڭِّينْ إِجدْجِيذنْ ن يَاهُوذَا ذْ ڒْغَارْ إِ ڭِّينْثْ ثمْغَارِينْ نْسنْ ؤُڒَا ذ ڒْغَارْ إِ ثڭِّيمْ كنِّيوْ سِيمَانْثْ نْومْ ذ ڒْغَارْ إِ ڭِّينْثْ ثمْغَارِينْ نْومْ ذِي ثمُّورْثْ ن يَاهُوذَا ؤُ ذڭْ إِبْرِيذنْ ن ؤُرْشَالِيمْ؟
JER 44:10 أَڒْ أَسّْ-أَ إِ ذِي ندْجْ عَاذْ وَارْ تّْوَارّْژنْ [ذڭْ وُوڒْ]، وَارْ زَّايِي تّڭّْوْذنْ ؤُ وَارْ ضفَّارَانْ شَّارِيعَا إِنُو ذ ثْوصَّا إِنُو نِّي كنِّيوْ وْشِيغْ زَّاثْ إِ وُوذمْ نْومْ ؤُ زَّاثْ إِ وُوذمْ ن ڒجْذُوذْ نْومْ.‘ “
JER 44:11 ”س ؤُيَا، أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’خْزَارْ، نشّْ أَذْ أَرّغْ ؤُذمْ إِنُو إِ ڒْغَارْ خَاومْ ؤُ حِيمَا أَذْ قْضِيغْ مَارَّا يَاهُوذَا.
JER 44:12 نشّْ أَذْ كّْسغْ مِينْ إِقِّيمنْ ن يَاهُوذَا، إِنِّي إِعمّْذنْ أَذْ ؤُيُورنْ غَارْ ثمُّورْثْ ن مِيصْرَا حِيمَا أَذْ ذِينِّي زذْغنْ أَمْ يِيبَارَّانِييّنْ. نِيثْنِي أَذْ تّْوَاهلّْكنْ مَارَّا، أَذْ وْضَانْ ذِي ثمُّورْثْ ن مِيصْرَا. نِيثْنِي أَذْ تّْوَاهلّْكنْ س سِّيفْ ذ ڒَاژْ، أَمْ ؤُمژْيَانْ أَمْ ؤُمقّْرَانْ. نِيثْنِي أَذْ مّْثنْ س سِّيفْ ذ ڒَاژْ ؤُشَا أَذْ ذوْڒنْ ذ [إِشْثْ ن ڒْقشْعثْ ن] وخْزِي ذ ؤُنخْڒِيعْ ذ نّعْڒثْ ذ ڒْحڭْرَا.
JER 44:13 نشّْ أَذْ خڒْفغْ زڭْ إِنِّي إِزدّْغنْ ذِي ثمُّورْثْ ن مِيصْرَا أَمْ مَامّشْ ثُوغَا خڒْفغْ زِي ؤُرْشَالِيمْ، س سِّيفْ، س ڒَاژْ ؤُ س طَّاعُونْ.
JER 44:14 زِي مِينْ إِقِّيمنْ ن يَاهُوذَا، زڭْ إِنِّي إِوْضنْ غَارْ ثمُّورْثْ ن مِيصْرَا، حِيمَا أَذْ ذِينِّي زذْغنْ أَمْ يِيبَارَّانِييّنْ، وَارْ إِنجِّيمْ نِيغْ إِتَّاركّْوَاڒْ ؤُڒَا ذ إِجّْ، حِيمَا أَذْ د-إِعْقبْ غَارْ ثمُّورْثْ ن يَاهُوذَا مَانِي تّخْسنْ أَذْ د -عقْبنْ مَاحنْذْ أَذْ ذِينْ زذْغنْ. وَارْ د-تّعْقِيبنْ شَا، مْغِيرْ [شَا] إِنِّي إِنجْمنْ.‘ “
JER 44:15 [خنِّي] أَرِّينْ-د خْ إِرْمِييَا مَارَّا إِرْيَازنْ، إِنِّي إِسّْننْ أَقَا ثِيمْغَارِينْ نْسنْ وهّْبنْثْ ڒبْخُورْ إِ إِربِّيثنْ إِنّغْنِي، ؤُڒَا ذ مَارَّا ثِيمْغَارِينْ إِ ذِينْ إِبدّنْ، إِجّْ ن ؤُبَارُّو ذ أَمقّْرَانْ، مَارَّا ڒْڭنْسْ نِّي ثُوغَا إِزدّْغنْ ذِي ثمُّورْثْ ن مِيصْرَا، ذِي فَاثْرُوسْ، نَّانْ:
JER 44:16 ”خْ وَاوَاڒْ إِ كِيذْنغْ ثسِّيوْڒذْ ذڭْ يِيسمْ ن سِيذِي، وَارْ غَاركْ نتّسْڒِي شَا.
JER 44:17 مَاغَارْ كُوڒْ أَوَاڒْ إِ د-إِفّْغنْ زڭْ ؤُقمُّومْ نّغْ أَذْ ث نڭّْ ؤُمِي غَا نسّْبخَّارْ إِ ثْجدْجِيذْثْ ن ؤُجنَّا ؤُ ؤُمِي ذ أَسْ إِ غَا نْسيّبْ ثِيوْهِيبِينْ ن ؤُسيّبْ أَمْ مَامّشْ ثُوغَا نڭَّا، نشِّينْ ذ ڒجْذُوذْ نّغْ ؤُڒَا ذ إِجدْجِيذنْ نّغْ ذ ڒْحُوكَّامْ نّغْ، ذِي ثْندَّامْ ن يَاهُوذَا ؤُ ذڭْ إِبْرِيذنْ ن ؤُرْشَالِيمْ، [ؤُمِي] ثُوغَا نجِّيونْ نشِّينْ س وغْرُومْ ؤُ ثُوغَا أَنغْ مْلِيحْ، ثُوغَا وَارْ ذِينْ ثَارْجِيجَاثْ زِي حذْ.
JER 44:18 زڭْ وَامِي مَاشَا نسّْبدّْ نتّْوهّبْ ڒبْخُورْ إِ ثْجدْجِيذْثْ ن ؤُجنَّا ؤُ زڭْ ؤُسيّبْ ن ثوْهِيبِينْ إِ نتَّاثْ، أَقَا نحْوَاجْ ؤُ نفْنَا نشِّينْ س سِّيفْ ذ ڒَاژْ.
JER 44:19 مَاڒَا نشِّينْ نسّْبخَّارْ إِ ثْجدْجِيذْثْ ن ؤُجنَّا، نْسيّبْ أَسْ ثِيوْهِيبِينْ ن ؤُسيّبْ، مَا نْهْڒَا [أَرْڭَابْ ذ ڒْخَاضَارْ ن] يرْيَازنْ نّغْ نڭَّا أَسْ ثِيفْضِيرِينْ إِ صّذْقثْ نِّي ذَايسْ يَارْوسنْ ؤُ نْسيّبْ أَسْ ثِيوْهِيبِينْ ن ؤُسيّبْ؟“
JER 44:20 [خنِّي] إِسِّيوڒْ إِرْمِييَا غَارْ مَارَّا ڒْڭنْسْ، غَارْ إِرْيَازنْ ذ ثمْغَارِينْ، غَارْ مَارَّا ڒْڭنْسْ نِّي ثُوغَا إِ د خَاسْ يَارِّينْ [أَمُّو]، إِنَّا:
JER 44:21 ”ثِيوْهِيبِينْ ن ڒبْخُورْ نِّي ثسّْبخَّارمْ ذِي ثْندَّامْ ن يَاهُوذَا ؤُ خْ إِبْرِيذنْ ن ؤُرْشَالِيمْ، كنِّيوْ ذ ڒجْذُوذْ نْومْ، إِجدْجِيذنْ نْومْ ذ ڒْحُوكَّامْ نْومْ ذ ڒْڭنْسْ ن ثمُّورْثْ، مَا وَارْ ثنْثْ إِذَارْ سِيذِي نِيغْ وَارْ د-ؤُسِينْثْ غَارْ ڒْبَاڒْ نّسْ؟
JER 44:22 سِيذِي وَارْ إِقِّيمْ [عَاذْ] إِصبَّارْ أَومْ خْ ثْمڭَّا نْومْ ثِيعفَّانِينْ، خْ جّْعَايفْ إِ ثڭِّيمْ. س ؤُينِّي ثذْوڒْ ثمُّورْثْ نْومْ ذ ڒْخَارْبثْ ذ إِشْثْ ن ثمُّورْثْ إِخْڒَانْ ؤُڒَا ذ [إِشْثْ ن ڒْقشْعثْ ن] ؤُنخْڒِيعْ ذ نّعْڒثْ أَڒَامِي وَارْ ذِينْ إِزدّغْ [عَاذْ] ؤُڒَا ذ إِجّْ، أَمْ [ثدْجَا] أَسّْ-أَ.
JER 44:23 مِينْزِي كنِّيوْ ثِيوْيمْ-د ڒبْخُورْ ؤُ ثخْضَامْ أَكْ-ذ سِيذِي ؤُ وَارْ ثسْڒِيمْ شَا غَارْ ثْمِيجَّا ن سِيذِي ؤُ وَارْ ثُويُورمْ ذِي شَّارِيعَا نّسْ، ذِي ثْوصَّا نّسْ ؤُ ذِي شّْهَاذَاثْ نّسْ، خْ ؤُيَا إِ كنِّيوْ إِڒْقفْ ڒْغَارْ-أَ، أَمْ [ثدْجَا] أَسّْ-أَ.“
JER 44:24 [خنِّي] إِنَّا إِرْمِييَا إِ مَارَّا ڒْڭنْسْ ؤُ إِ مَارَّا ثِيمْغَارِينْ: ”سْڒمْ إِ وَاوَاڒْ ن سِيذِي، مَارَّا يَاهُوذَا نِّي إِدْجَانْ ذِي ثمُّورْثْ ن مِيصْرَا.
JER 44:25 أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل، إِقَّارْ: ’خْ كنِّيوْ ؤُ خْ ثمْغَارِينْ نْومْ، أَقَا ثنَّامْ [ث] س ؤُقمُّومْ نْومْ ؤُ س إِفَاسّنْ نْومْ ثڭِّيمْ [ث]، ثنَّامْ: أَموْشِي ن وَاوَاڒْ إِ نڭَّا، أَذْ ث نْكمّڒْ نِيشَانْ حِيمَا أَذْ نْقدّمْ ثِيوْهِيبِينْ ن ڒبْخُورْ إِ ثْجدْجِيذْثْ ن ؤُجنَّا ؤُ حِيمَا أَذْ نْسيّبْ ثِيوْهِيبِينْ ن ؤُسيّبْ. [خنِّي] كمّْڒمْ نِيشَانْ لْوُوعُوذْ إِ ثْوَاعْذمْ ؤُ ڭّمْ س ثِيذتّْ مِينْ ثُوغَا ثْوَاعْذمْ.‘ “
JER 44:26 ”س ؤُيَا سْڒمْ إِ وَاوَاڒْ ن سِيذِي، مَارَّا يَاهُوذَا إِ إِزدّْغنْ ذِي مِيصْرَا: ’خْزَارْ، نشّْ جُّودْجغْ س يِيسمْ إِنُو أَمقّْرَانْ، إِقَّارْ سِيذِي، وَارْ إِتّْوَاڒَاغَا س يِيسمْ إِنُو [عَاذْ] زِي شَا ن ورْيَازْ مَامّشْ مَا إِڭَّا زِي يَاهُوذَا ذِي مَارَّا ثَامُّورْثْ ن مِيصْرَا، أَذْ يِينِي: س ثِيذتّْ أَمْ إِدَّارْ سِيذِي إِنُو، سِيذِي!
JER 44:27 خْزَارْ، نشّْ أَذْ خَاسنْعسّغْ إِ ڒْغَارْ، وَارْ إِدْجِي إِ ڒْخَارْ. مَارَّا إِرْيَازنْ ن يَاهُوذَا نِّي إِدْجَانْ ذِي ثمُّورْثْ ن مِيصْرَا، أَذْ هلّْكنْ س سِّيفْ ذ ڒَاژْ أَڒْ غَا تّْوَاكّْسنْ.
JER 44:28 [مَاشَا] إِنِّي يَاروْڒنْ زِي سِّيفْ، أَذْ د-ذوْڒنْ زِي ثمُّورْثْ ن مِيصْرَا غَارْ ثمُّورْثْ ن يَاهُوذَا، [مْغِيرْ] إِجّْ ن وُورُو ن يرْيَازنْ. مَارَّا مِينْ إِقِّيمنْ ن يَاهُوذَا إِ د-إِوْضنْ غَارْ ثمُّورْثْ ن مِيصْرَا حِيمَا أَذْ ذِينْ زذْغنْ أَمْ يِيبَارَّانِييّنْ، أَذْ سّْننْ أَوَاڒْ ن مَانْ ونْ إِ غَا إِقِّيمْ إِبدّْ، ونِّي إِنُو نِيغْ ونِّي نْسنْ.
JER 44:29 مَانْ أَيَا أَذْ أَومْ ثِيڒِي ذ ڒعْڒَامثْ، [أَمُّو إِ] إِقَّارْ سِيذِي، أَقَا نشّْ أَذْ كنِّيوْ عَاقْبغْ ذڭْ ومْشَانْ-أَ حِيمَا أَذْ ثسّْنمْ أَقَا أَوَاڒنْ إِنُو خَاومْ أَذْ خَاومْ إِڒِينْ إِ ڒْغَارْ.
JER 44:30 [مَانْ أَيَا أَذْ يِيڒِي ذ ڒعْڒَامثْ]، أَمُّو إِ إِقَّارْ سِيذِي: خْزَارْ، نشّْ أَذْ سِّيوْضغْ فِيرْعُونْ حُوفْرَاعْ، أَجدْجِيذْ ن مِيصْرَا، غَارْ ؤُفُوسْ ن ڒْعذْيَانْ نّسْ ؤُ غَارْ ؤُفُوسْ ن يِينِّي يَارزُّونْ ثُوذَارْثْ نّسْ، أَمْ مَامّشْ سِّيوْضغْ صِيذْقِييَا، أَجدْجِيذْ ن يَاهُوذَا، غَارْ ؤُفُوسْ ن نابُوخَاذْرَاصَّارْ، أَجدْجِيذْ ن بَابِيلْ، ڒعْذُو نّسْ ونِّي ثُوغَا يَارزُّونْ ثُوذَارْثْ نّسْ.‘ “
JER 45:1 أَوَاڒْ نِّي إِسَّاوَاڒْ ؤُنَابِي إِرْمِييَا إِ بَارُوخْ، مِّيسْ ن نِيرِي-يَاهْ، ؤُمِي يُورَا وَانِيثَا أَوَاڒنْ زڭْ ؤُقمُّومْ ن إِرْمِييَا ذڭْ إِجّْ ن وذْلِيسْ إِتّْوَانّْضنْ، ذڭْ ؤُسڭّْوَاسْ وِيسّْ أَربْعَا ن يَاهُويَاقِيمْ، مِّيسْ ن يُوشِييَا، أَجدْجِيذْ ن يَاهُوذَا. إِنَّا:
JER 45:2 ”أَمُّو إِ إِقَّارْ سِيذِي، أَربِّي ن إِسْرَائِيل، خَاكْ، [أَ] بَارُوخْ!
JER 45:3 شكْ ثنِّيذْ: ’أَخيّبْ إِ نشّْ، مَاغَارْ سِيذِي يَارنِّي عَاذْ أَشْضَانْ خْ ڒحْرِيقْ إِنُو. نشّْ ؤُحْڒغْ س وزْهَارْ، وَارْ ؤُفِيغْ أَرَّاحثْ!‘
JER 45:4 إِتّْخصَّا أَذْ أَسْ ثِينِيذْ: ’أَمُّو إِ إِقَّارْ سِيذِي: خْزَارْ، مِينْ سّْبدّغْ، أَذْ ثغضْڒغْ، ؤُ مِينْ ژُّوغْ، أَذْ ث قڒْعغْ، [وَاهْ،] مَارَّا ثَامُّورْثْ-أَ.
JER 45:5 مَا ثخْسذْ شكْ أَذْ ثَارْزُوذْ خْ ثْمسْڒَايِينْ ثِيمقّْرَانِينْ إِ يِيخفْ نّشْ؟ وَارْ ثنْثْ ثَارزُّوذْ شَا، مَاغَارْ خْزَارْ، نشّْ أَذْ سِّيوْضغْ إِجّْ نْ ڒْغَارْ خْ مَارَّا دَّاثْ، [أَمُّو إِ] إِقَّارْ سِيذِي، [مَاشَا] أَذْ أَشْ وْشغْ ڒعْمَارْ نّشْ ذ ثَاكشَّاضْثْ ذِي مَارَّا إِمُوشَانْ مَانِي غَا ثْرَاحذْ.‘ “
JER 46:1 أَوَاڒْ ن سِيذِي نِّي د-يُوسِينْ غَارْ ؤُنَابِي إِرْمِييَا خْ ڒڭْنُوسْ.
JER 46:2 خْ مِيصْرَا ضِيدّْ ن ڒْعسْكَارْ ن فِيرْعُونْ نَاخُو، أَجدْجِيذْ ن مِيصْرَا، ونِّي ذِينْ غَارْ يغْزَارْ ن لْفُورَاطْ، غَارْ كَارْكَامِيشْ، ونِّي يَارْنَا نابُوخَاذْرَاصَّارْ، أَجدْجِيذْ ن بَابِيلْ، ذڭْ ؤُسڭّْوَاسْ وِيسّْ أَربْعَا ن يَاهُويَاقِيمْ، مِّيسْ ن يُوشِييَا، أَجدْجِيذْ ن يَاهُوذَا.
JER 46:3 ”سْوجْذمْ ثَاسدَّارْثْ [ن ؤُعسْكَارِي] ذ ثْسدَّارْثْ [نّسْ] ثَامقّْرَانْثْ ؤُشَا سْڭعّْذمْ غَارْ ؤُمنْغِي!
JER 46:4 حزّْمنْ إِ إِيْسَانْ، نْيمْ خَاسمْ، [أَ] إِمْنَاينْ ن ييْسَانْ! سْبدّمْ إِخفْ نْومْ س لْكَاسْكَاثْ [خْ إِزدْجِيفنْ نْومْ]. سْقضْعمْ فْڒِيثْشَاثْ ؤُشَا حزّْممْ س وَارُّوضْ ن وُوزَّاڒْ!
JER 46:5 مَايمِّي تّْوَاڒِيغْ نشّْ أَقَا نِيثْنِي نّْخڒْعنْ أَڒَامِي ذوْڒنْ غَارْ ضفَّارْ؟ عَاذْ أَيْثْ ن بُو-ثغْرُوضْثْ نْسنْ تّْوَارْژنْ، منْعنْ ذِي ثَاروْڒَا ؤُشَا وَارْ إِ-د-نّْقڒْبنْ غَارْ ضفَّارْ. أَقَا ذِينْ أَسْنخْڒِيعْ ذِي مَارَّا إِغزْذِيسنْ، [أَمُّو إِ] إِقَّارْ سِيذِي.
JER 46:6 أجّْ ونِّي إِفْسُوسنْ س إِضَارنْ وَارْ إِتَّاركّْوَاڒْ ؤُڒَا ذ بُو-ثغْرُوضْثْ وَارْ إِنجّمْ: نّْقَارْضنْ، وْضَانْ ذِي شَّامَالْ، غَارْ ثْمَا ن إِغْزَارْ ن لْفُورَاطْ.“
JER 46:7 ”مَانْ ونْ إِ ذِينْ د-إِڭعّْذنْ أَمْ وَامَانْ [ن مِيصْرَا]، أَمَانْ نّسْ زهَّارنْ أَمْ يِيغزْرَانْ؟
JER 46:8 مِيصْرَا ثْڭعّذْ-د أَمْ وَامَانْ، أَمَانْ نّسْ زهَّارنْ أَمْ يِيغزْرَانْ، ثقَّارْ: ’نشّْ أَذْ ڭعّْذغْ، أَذْ ذْڒغْ ثَامُّورْثْ، أَذْ قْضِيغْ خْ ثنْذِينْثْ ذ يِينِّي ذَايسْ إِزدّْغنْ.
JER 46:9 ڭعّْذمْ، [أَ] إِيْسَانْ، مُوزَّارمْ، [كنِّيوْ، أَ] إِكَارُّوثنْ ن ؤُمنْغِي! جّمْ أَيْثْ ن بُو-ثغْرُوضْثْ أَذْ فّْغنْ: أَيْثْ ن كُوشْ، أَيْثْ ن فُوطْ إِنِّي يَاربُّونْ ثَاسدَّارْثْ [ن ؤُعسْكَارِي] ذ أَيْثْ ن لُوذْ إِنِّي إِتّطّْفنْ ڒْقوْسْ ؤُشَا محّْضنْ ث.
JER 46:10 أَسّْ-أَ ذ إِجّْ ن وَاسّْ إِ سِيذِي إِنُو، سِيذِي ن ڒْعسْكَارَاثْ، إِجّْ ن وَاسّْ ن وخْڒَافْ مَاحنْذْ أَذْ إِخْڒفْ إِ يِيخفْ نّسْ زڭْ إِغْرِيمنْ نّسْ. أَذْ يشّْ سِّيفْ، أَذْ إِجَّاونْ ؤُشَا أَذْ إِسْشَارْ س إِذَامّنْ نْسنْ، مَاغَارْ أَقَا ذِينْ إِشْثْ ن ثْغَارْصْثْ إِ سِيذِي إِنُو، سِيذِي ن ڒْعسْكَارَاثْ، ذِي ثمُّورْثْ ن شَّامَالْ غَارْ يغْزَارْ ن لْفُورَاطْ.
JER 46:11 ڭعّْذمْ غَارْ جِيلْعَاذْ، أَوْيمْ-ذ بَالْسَامْ، [أَ شمْ] ثَاعْزَارشْثْ، إِدْجِيسْ ن مِيصْرَا!. بَاطڒْ ثَارنِّيذْ ذِي دّْوَاوَاثْ أَطَّاسْ، [مَاغَارْ] وَارْ غَارمْ بُو دَّاوَاثْ حِيمَا أَذْ ثنْثْ ثڭّذْ [خْ ؤُيزِّيمْ].
JER 46:12 سْڒِينْ ڒڭْنُوسْ خْ ڒفْضِيحثْ نّمْ ؤُشَا ثشُّورْ ثمُّورْثْ زڭْ إِغُويَّانْ [ن ڒحْڒِيقْ] نّمْ، مَاغَارْ بُو-ثغْرُوضْثْ إِمْقَارْقبْ أَكْ-ذ بُو-ثغْرُوضْطْ نّغْنِي، مُوننْ وْضَانْ س ثْنَاينْ.“
JER 46:13 أَوَاڒْ نِّي إِسِّيوڒْ سِيذِي غَارْ ؤُنَابِي إِرْمِييَا خْ ثْوَاسِيثْ ن نابُوخَاذْرَاصَّارْ، أَجدْجِيذْ ن بَابِيلْ، حِيمَا أَذْ إِوّثْ ثَامُّورْثْ ن مِيصْرَا.
JER 46:14 ”بَارّْحمْ [ث] ذِي مِيصْرَا ؤُ جّمْ أَذْ أَسْ سْڒنْ ذِي مَاجْذَالْ، جّمْ أَذْ أَسْ سْڒنْ ذِي نُوفْ ذ ثَاحْفَانْحِيسْ. إِنِيمْ: ’بدّْ أَبذِّي، وْجذْ!‘، مَاغَارْ سِّيفْ إِشَّا [مَارَّا] إِغزْذِيسنْ إِ ذ أَشْ د-إِنّْضنْ.
JER 46:15 مَايمِّي تّْوَامْحَانْ أَيْثْ ن بُو-صُّولْطَا نّشْ؟ وَارْ إِزمَّارْ نتَّا أَذْ إِقِّيمْ إِبدّْ، مِينْزِي سِيذِي إِعَارّنْ إِ-ث.
JER 46:16 نتَّا يَارَّا أَطَّاسْ أَذْ نْقَارْضنْ، [وَاهْ،] أَرْيَازْ إِوْضَا خْ ونّغْنِي، ؤُشَا نِيثْنِي نَّانْ: ’كَّارمْ، جّمْ أَنغْ أَذْ نذْوڒْ غَارْ ڒْڭنْسْ نّغْ ؤُ غَارْ ثمُّورْثْ مَانِي نخْڒقْ زِي سِّيبّثْ ن سِّيفْ إِوْعَارنْ.‘
JER 46:17 ذِينْ إِ ڒَاغَانْ نِيثْنِي: ’أَقَا فِيرْعُونْ، أَجدْجِيذْ ن مِيصْرَا، إِتّْوَاردّدْجْ، أَقَا إِجَّا ڒْوقْثْ إِتّْوَاڭّنْ أَذْ ثعْذُو.‘ “
JER 46:18 ”س ثِيذتّْ أَمْ دَّارغْ نشّْ، [أَمُّو إِ] إِقَّارْ ؤُجدْجِيذْ، سِيذِي ن ڒْعسْكَارَاثْ ذ إِسمْ نّسْ: ’نتَّا أَذْ د-يَاسْ، أَمْ [وذْرَارْ ن] ثابُورْ جَارْ إِذُورَارْ ؤُ أَمْ [وذْرَارْ ن] كَارْمِيلْ غَارْ ڒبْحَارْ!
JER 46:19 سْمُونْ ڒحْوَايجْ نّمْ إِ لْمنْفَا، [أَ شمْ] ثَامزْذُوغْثْ، إِدْجِيسْ ن مِيصْرَا، مَاغَارْ [ثَامُّورْثْ ن] نُوفْ أَذْ ثذْوڒْ ذ [إِشْثْ ن ڒْقشْعثْ ن] ؤُنخْڒِيعْ ؤُشَا أَذْ ثتّْوَاردّدْجْ، أَڒَامِي وَارْ ذِينْ إِقِّيمْ ؤُڒَا ذ إِجّْ إِزدّغْ.
JER 46:20 [ثَامُّورْثْ ن] مِيصْرَا ذ إِشْثْ ن ثَاعجْمِيثْ ثشْنَا، [مَاشَا] أَذْ غَارسْ د-يَاسْ إِجّْ ن يَارزِّي ذ أَذَارْغَاڒْ، أَذْ د-يَاسْ زِي شَّامَالْ.
JER 46:21 ؤُڒَا ذ إِشوَّاڒنْ نّسْ ذِي ڒْوسْطْ نّسْ ڭِّينْ أَمْ يِيعجْمِييّنْ إِصحّنْ، [مَاشَا] ؤُڒَا ذ نِيثْنِيعقْبنْ-د، نِيثْنِي أَروْڒنْ جْمِيعْ، وَارْ قِّيمنْ بدّنْ، مَاغَارْ أَسّْ ن ؤُضيّعْ نْسنْ أَذْ خَاسنْ د-يَاسْ، ثَاسَاعّثْ ن وخْڒَافْ نْسنْ.
JER 46:22 ثْمِيجَّا نّسْ ثڭَّا أَمْ ڒْحسّْ ن ؤُفِيغَارْ إِحْرَارَّانْ، مَاغَارْ أَذْ ذِينْ ؤُيُورنْ أَكْ-ذ إِجّْ ن ڒْعسْكَارْ ؤُ أَذْ غَارسْ د-أَسنْ س شّْوَاقَارْ أَمْ يِينزْذَامنْ ن ؤُكشُّوضْ.
JER 46:23 نِيثْنِي أَذْ قسّنْ أَزْغَارْ نّسْ، [أَمُّو إِ] إِقَّارْ سِيذِي، مَاغَارْ [ڒْْعسْكَارْ] وَارْ إِزمَّارْ أَذْ إِتّْوَاحْسبْ، مِينْزِي نِيثْنِي أَقَا أَثنْ ذڭْ وَاطَّاسْ خْ إِبُورخْسنْ، وَارْ زمَّارنْ أَذْ تّْوَاحسْبنْ.
JER 46:24 ثْسضْحَا يدْجِيسْ ن مِيصْرَا، أَقَا ثتّْوَاڭّْ ذڭْ ؤُفُوسْ ن إِجّْ ن ڒْڭنْسْ زِي شَّامَالْ.‘ “
JER 46:25 ”سِيذِي ن ڒْعسْكَارَاثْ، أَربِّي ن إِسْرَائِيل، إِنَّا: ’خْزَارْ، نشّْ أَذْ عَاقْبغْ أَمُونْ زِي [ثمُّورْثْ ن] نُو، ذ فِيرْعُونْ ذ مِيصْرَا، إِربِّيثنْ نّسْ ذ إِجدْجِيذنْ نّسْ، [وَاهْ،] فِيرْعُونْ ذ يِينِّي خَاسْ إِتّْشَاڒنْ.
JER 46:26 نشّْ أَذْ ثنْ وْشغْ ذڭْ ؤُفُوسْ ن يِينِّي يَارزُّونْ ثُوذَارْثْ نْسنْ ڒَا ذڭْ ؤُفُوسْ ن نابُوخَاذْرَاصَّارْ، أَجدْجِيذْ ن بَابِيلْ، ؤُڒَا ذڭْ ؤُفُوسْ ن إِمْسخَّارنْ نّسْ. [أَوَارْنِي إِ ؤُيَا] أَذْ ثذْوڒْ ثمُّورْثْ س إِمزْذَاغْ عَاوذْ أَمْ ذڭْ وُوسَّانْ ن زِيشْ، [أَمُّو إِ] إِقَّارْ سِيذِي.‘ “
JER 46:27 ”وَارْ ثڭّْوذْ، [أَ] شكْ أَمْسخَّارْ إِنُو يَاعْقُوبْ، وَارْ ثفْشِيڒْ شَا، [أَ] إِسْرَائِيل، مَاغَارْ خْزَارْ، نشّْ أَذْ شكْ سّْنجْمغْ زِي ثِيمُّورَا إِڭّْوجنْ ؤُڒَا ذ زَّارِيعثْ نّشْ زِي ثْمحْبَاسْثْ نْسنْ. أَذْ يَارڭّْوحْ يَاعْقُوبْ، أَذْ غَارسْ ثِيڒِي ڒْهُوذْنثْ، أَذْ إِدَّارْ ذِي ڒَامَانْ ؤُشَا ؤُڒَا ذ إِجّْ وَارْ ث إِسّْنخْڒِيعْ.
JER 46:28 وَارْ تّڭّْوذْ، [أَ] شكْ أَمْسخَّارْ إِنُو يَاعْقُوبْ، [أَمُّو إِ] إِقَّارْ سِيذِي، مَاغَارْ نشّْ أَكِيذكْ، مِينْزِي نشّْ أَذْ قْضِيغْ خْ مَارَّا ڒڭْنُوسْ نِّي مَانِي كنِّيوْ سِّيڭّْوجغْ، [مَاشَا]عمَّارْصْ وَارْ خَاكْ قطِّيغْ، [مَاشَا] أَذْ شكْ وبّْخغْ س ڒعْبَارْ إِسڭّْذنْ ؤُ وَارْ شكْ هضّْبغْ ذ أَمزْذَاڭْ.‘ “
JER 47:1 أَوَاڒْ ن سِيذِي نِّي د-يُوسِينْ غَارْ ؤُنَابِي إِرْمِييَا، [أَوَاڒْ إِ إِوجّْهنْ] ضِيدّْ إِ إِفِيلِيسْطِينِييّنْ قْبڒْ مَا إِوْثَا فِيرْعُونْ غَازَّا.
JER 47:2 ”أَمُّو إِ إِقَّارْ سِيذِي: ’خْزَارْ، أَمَانْ ڭعّْذنْ زِي شَّامَالْ، أَذْ ذوْڒنْ ذ إِشْثْ ن ثغْزَارْثْ ثسّْفَايْ. أَذْ حمْڒنْ خْ ثمُّورْثْ ؤُ خْ مَارَّا مِينْ ذَايسْ إِدْجَانْ، ثَانْذِينْثْ ذ إِمزْذَاغْ نّسْ. أَذْ سْغُوينْ إِوْذَانْ ؤُ مَارَّا إِمزْذَاغْ ن ثمُّورْثْ أَذْ شضْننْ أَطَّاسْ
JER 47:3 زِي سِّيبّثْ ن وزْبَارْ ن ثشْثِي ن ثْشضْيِينْ ن [ييْسَانْ] إِجهْذنْ، زِي سِّيبّثْ ن دّْرِيزْ ن إِكَارُّوثنْ [ن ؤُمنْغِي] ذ ؤُقَارْقبْ ن ثْجَارَّارِينْ. [عَاذْ] إِبَابَاثنْ وَارْ حكَّارنْ شَا إِ إِحنْجِيرنْ [نْسنْ] مَاغَارْ إِفَاسّنْ نْسنْ ذوْڒنْ أَرهْفنْ
JER 47:4 زِي سِّيبّثْ ن وَاسّْ إِ د غَا يَاسنْ حِيمَا أَذْ تّْوَاثحَّانْ مَارَّا أَيْثْ ن إِفِيلِيسْطِينِييّنْ، حِيمَا أَذْ إِتّْوَاكّسْ زِي صُورْ ذ صِيذُونْ كُوڒْ بُو-ثْوِيزَا إِ يَاروْڒنْ، مَاغَارْ سِيذِي أَذْ إِثحَّا إِفِيلِيسْطِينِييّنْ، مِينْ إِقِّيمنْ ن ثڭْزِيرْثْ ن كَافْثُورْ.
JER 47:5 ثُوسَا-د ثْقشَّارْثْ خْ غَازَّا، ثسّغْذْ [ثمُّورْثْ ن] أَشْقَالُونْ [جْمِيعْ] أَكْ-ذ مِينْ إِقِّيمنْ ن ڒوْضَا ن ثغْزُورْثْ نْسنْ. أَڒْ مڒْمِي غَا ثقِّيمذْ عَاذْ ثْخبّْشذْ إِخفْ نّمْ؟
JER 47:6 ؤُشْثْ [خَاكْ، أَ] سِّيفْ ن سِيذِي، أَڒْ مڒْمِي إِ غَا ثقِّيمذْ عَاذْ نهْڒَا أَرَّاحثْ؟ ذْوڒْ-د غَارْ فُورُّو ن وغْڒَافْ نّشْ، قِّيمْ وَارْ ثنْهزَّا!
JER 47:7 مَامّشْ إِ غَا ثقِّيمذْ ثَارْسِيذْ؟ أَقَا سِيذِي يُومُورْ سِّيفْ ضِيدّْ إِ أَشْقَالُونْ ؤُ ضِيدّْ إِ ثْمَا ن ڒبْحَارْ، إِ مَانَاينِّي إِ إِتّْوَاڭّْ.‘ “
JER 48:1 خْ مُوآبَ ”أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’ؤُشْثْ خْ نابُو، مَاغَارْ أَقَا [ثَانْذِينْثْ] ثتّْوَاخَارّبْ، [ثَانْذِينْثْ ن] قَارْيَاثَايِيمْ ثطّفْ إِ-ت ڒحْيَا، أَقَا ثتّْوَاطّفْ. لْبُورْجْ يُوعْڒَانْ ثطّفْ إِ-ت ڒهْيَا ؤُ ثتّنْهزَّا.
JER 48:2 ڒْعزّْ ن [ثمُّورْثْ ن] مُوآبَ وَارْ إِدْجِي [عَاذْ]. ذِي حَاشْبُونْ خَارّْصنْ ذِي ڒْغَارْ ضِيدّْ نّسْ، نَّانْ: أجّْ أَنغْ أَذْ ت نكّسْ زِي جَارْ ڒڭْنُوسْ. ؤُڒَا ذ شكْ، مَاذْمِينْ، أَذْ شكْ سّْبكْمنْ، سِّيفْ ڭُّورْ أَذْ شكْ إِضْفَارْ.
JER 48:3 [ثفّغْ] إِشْثْ ن ثْغُويِّيثْ [ن ڒحْرِيقْ] زِي حُورُونَايِيمْ: أَخَارّبْ ذ لْمُوصِيبَا ذ ثَامقّْرَانْثْ!
JER 48:4 [ثَامُّورْثْ ن] مُوآبَ ثتّْوَارْژْ، إِحنْجِيرنْ نّسْ إِمژْيَاننْ ڭِّينْ أَذْ ثتّْوَاسڒْ ثْغُويِّيثْ ثجْهذْ.
JER 48:5 وَاهْ، أَمْ إِتّْرُو إِتّْڭعَّاذْ نتَّا ثْسَاونْثْ ن لُوحِيثْ، مَاغَارْ غَارْ ؤُهكّْوُو غَارْ حُورُونَايِيمْ سْڒِينْ أَذُوقّزْ ن إِغُويَّانْ ن ثْخسَّارْثْ.
JER 48:6 أَروْڒمْ، سْنجْممْ ثُوذَارْثْ نْومْ، ذوْڒمْ أَمْ يِيجّْ ن ؤُخشَّابْ ذِي ثْنزْرُوفْثْ.
JER 48:7 مِينْزِي شمْ ثتّشْڒذْ خْ ثْمڭَّا نّمْ ذ ڒكْنُوزْ نّمْ، ؤُڒَا ذ شمْ أَذْ ثتّْوَاطّْفذْ. كَامُوشْ أَذْ يُويُورْ ذِي لْمنْفَا، إِكهَّاننْ نّسْ [جْمِيعْ] أَكْ-ذ ڒْحُوكَّامْ نّسْ.
JER 48:8 أَمْثحَّايْ أَذْ د-يَاسْ غَارْ كُوڒْ ثَانْذِينْثْ ؤُشَا ؤُڒَا ذ إِشْثْ ن ثنْذِينْثْ وَارْ ثْزمَّارْ أَذْ ثنْجمْ. أَذْ ثتّْوَابْضڒْ ڒوْضَا ن ثغْزُورْثْ ؤُشَا ڒْوَاطَا أَذْ ثتّْوَاخَارّبْ، أَمْ مَامّشْ ث إِنَّا سِيذِي.‘ “
JER 48:9 ”وْشمْ أَفْرِيونْ إِ مُوآبَ، مَاغَارْ نِيثْنِي أَذْ فّْغنْ س ثَازْڒَا ؤُشَا ثِيندَّامْ نّسْ أَذْ ذوْڒنْثْ ذ [إِشْثْ ن ڒْقشْعثْ ن] ؤُنخْڒِيعْ، مَانِي وَارْ إِتّْغِيمِي إِزدّغْ [عَاذْ] ؤُڒَا ذ إِجّْ.
JER 48:10 إِتّْوَانْعڒْ ونِّي يَارْخُونْ ذِي ثْسخَّارْثْ ن سِيذِي، إِتّْوَانْعڒْ ونِّي إِسّْبدّنْ سِّيفْ نّسْ خْ [ؤُسِيزّڒْ ن] إِذَامّنْ.
JER 48:11 ثُوغَا مُوآبَ ذِي ڒَامَانْ زِي ثمْژِي نّسْ، يَارْسَا [أَمْ بِينُو] خْ ڒخْمِيرَا نّسْ، وَارْ ث فَارّْغنْ زڭْ ؤُقْذِيحْ غَارْ ؤُقْذِيحْ [نّغْنِي] ؤُعمَّارْصْ وَارْ إِفِّيغْ غَارْ لْمنْفَا. خْ ؤُيَا إِقِّيمْ أَسْ ؤُڒذِّي نّسْ ذ ڒفْوَاحْ نّسْ وَارْ إِبدّڒْ.
JER 48:12 س ؤُيَا، خْزَارْ، أَذْ د-أَسنْ وُوسَّانْ، إِقَّارْ سِيذِي، أَذْ غَارسْ د-سّكّغْ إِنِّي إِ غَا إِفَارّْغنْ إِقْذِيحنْ ؤُشَا نِيثْنِي أَذْ ث فَارّْغنْ. نِيثْنِي أَذْ سّخْوَانْ ڒقْشُوعْ نّسْ ؤُ أَذْ أَرْژنْ إِغَارَّافنْ نّسْ.
JER 48:13 مُوآبَ أَذْ إِنّفْضحْ زِي سِّيبّثْ ن كَامُوشْ، أَمْ مَامّشْ ثنّفْضحْ ثَادَّارْثْ ن إِسْرَائِيل زِي سِّيبّثْ ن بَايْثْ-إِلْ، إِ خفْ ثُوغَا تّثْشْڒنْ نِيثْنِي.
JER 48:14 مَامّشْ ثْزمَّارمْ أَذْ ثِينِيمْ: ’نشِّينْ ذ أَيْثْ ن بُو-ثغْرُوضْثْ، إِرْيَازنْ إِمحْضنْ، [إِوجْذنْ] إِ ؤُمنْغِي؟‘
JER 48:15 مُوآبَ إِتّْوَاخَارّبْ ؤُشَا إِڭعّذْ [ڒعْذُو] غَارْ ثْندَّامْ نّسْ. أَشوَّارْ ن إِحُوذْرِييّنْ نّسْ هْوَانْ-د غَارْ ثْغَارْصْثْ، [أَمُّو إِ] إِقَّارْ ؤُجدْجِيذْ، إِسمْ نّسْ سِيذِي ن ڒْعسْكَارَاثْ.“
JER 48:16 ”أَضيّعْ ن مُوآبَ يُوذسْ-د أَطَّاسْ ؤُ ڒْغَارْ نّسْ يِيوضْ-د ذغْيَا.
JER 48:17 شثْشَامْ خَاسْ، مَارَّا كنِّيوْ إِ ذ أَسْ د-إِنّْضنْ ؤُ مَارَّا إِنِّي إِسّْننْ إِسمْ نّسْ. إِنِيمْ: ’مَامّشْ إِڭَّا يَارّژْ ؤُزدْجَاضْ [ن صُّولْطَا] إِجهْذنْ، ثَاسطَّا نِّي إِصبْحنْ أَطَّاسْ؟‘
JER 48:18 هْوَا-د زڭْ ومْشَانْ نّمْ يُوعْڒَانْ، قِّيمْ ذڭْ [إِشْثْ ن جِّيهثْ ن] ؤُفَاذِي، شمْ ثنِّي [ذِينْ] إِزدّْغنْ، يدْجِيسْ ن ذِيبُونْ، مَاغَارْ أَمْثحَّايْ ن مُوآبَ إِهجّمْ-د خَامْ، أَقَا يَاردّدْجْ لْقلْعَاثْ نّمْ.
JER 48:19 بدّثْ غَارْ وبْرِيذْ ؤُشَا خْزَارثْ، شمْ ثنِّي إِزدّْغنْ ذِي عَارُوعِيرْ! سقْسَاثْ أَرْيَازْ نِّي يَاروْڒنْ، ثَامْغَارْثْ نِّي إِنجْمنْ، إِنِي: ’مِينْ إِمْسَارنْ؟‘
JER 48:20 إِنّفْضحْ مُوآبَ، مِينْزِي إِتّْوَاڒْبزْ. شثْشَا، سْغُويّْ، أجّْ أَذْ سّْننْ ذِي أَرْنُونْ أَقَا مُوآبَ إِتّْوَاخَارّبْ.
JER 48:21 يِيوضْ-د ڒْحُوكْمْ خْ ڒْوَاطَا، خْ حُولُونْ، خْ يَاحْصَا، خْ مَايْفَاعَاثْ،
JER 48:22 خْ ذِيبُونْ، خْ نابُو، خْ بَايْثْ-ذَابْلَاثَايِيمْ،
JER 48:23 خْ قَارْيَاثَايِيمْ، خْ بَايْثْ-جَامُولْ، خْ بَايْثْ-مَاعُونْ،
JER 48:24 خْ قَارْيُوثْ ؤُ خْ بُوصْرَا، ؤُ خْ مَارَّا ثِيندَّامْ ن ثمُّورْثْ ن مُوآبَ، ثِينِّي إِڭّْوجنْ ذ ثِينِّي يُوذْسنْ.
JER 48:25 إِتّْوَاقْضعْ يِيشّْ ن مُوآبَ، يَارژْ ؤُغِيڒْ نّسْ، إِقَّارْ سِيذِي.“
JER 48:26 ”سْشَارمْ ث مَاغَارْ نتَّا ثُوغَا إِتّْعفَّارْ ضِيدّْ إِ سِيذِي س وَاوَاڒنْ ن ؤُكبَّارْ. أَذْ إِوْضَا مُوآبَ ذڭْ إِعُوقَّانْ ن يِيخفْ نّسْ ؤُشَا أَذْ إِذْوڒْ سِيمَانْثْ نّسْ إِ ثْسضْحَاشْثْ.
JER 48:27 نِيغْ مَا وَارْ ثُوغِي إِسْرَائِيل إِ ثْسضْحَاشْثْ إِ شكْ؟ مَا طّْفنْ ث زعْمَا جَارْ إِشفَّارنْ أَقَا شكْ ثتّْعيَّابذْ ث أَمْ ثسّنْهزِّيذْ أَزدْجِيفْ مڒْمِي مَا إِوْضَا أَشْ-د خْ يِيڒسْ؟
JER 48:28 فّْغمْ زِي ثْندَّامْ، زذْغمْ ذِي ڒجْرُوفْ، [كنِّيوْ] إِمزْذَاغْ ن مُوآبَ! ڭّمْ أَمْ ثذْبِيرْثْ إِ إِڭِّينْ ڒْعُوشّْ خْ ؤُجمَّاضْ ن ؤُقمُّومْ ن يفْرِي إِتّْفَانْ.
JER 48:29 نشِّينْ نسْڒَا خْ نّْفَاخثْ ن مُوآبَ، ذَايسْ نّْفَاخثْ أَطَّاسْ: نّْفَاخثْ نّسْ، أَعفَّارْ نّسْ ذ وُوڒْ نّسْ إِتُّوعْڒَانْ.“
JER 48:30 ”نشّْ سّْنغْ زّْعَامثْ نّسْ، إِقَّارْ سِيذِي، ؤُڒَا ذ ڒْغشّْ ن ڒْهَارْذْ نّسْ. نِيثْنِي وَارْ تّڭّنْ مِينْ قَّارنْ.
JER 48:31 خْ ؤُيَا إِ غَا وْثغْ أَڭجْذُورْ خْ مُوآبَ، خْ مَارَّا مُوآبَ أَذْ سْغُويغْ، أَذْ زهَّارنْ خْ إِرْيَازنْ ن قِيرْ-حَارِيسْ.
JER 48:32 س إِمطَّاونْ أَطَّاسْ خْ إِمطَّاونْ ن يَاعْزِيرْ أَذْ خَامْ رُوغْ، [أَ] شمْ ثْزَايَارْثْ ن سِيبْمَا. ڒفْرُوعْ نّمْ عْذُونْ ڒبْحَارْ، إِوْضنْ-د أَڒْ ڒبْحَارْ ن جَاعْزِيرْ. يُوسَا-د [مَاشَا] ؤُمْثحَّايْ إِهْجمْ خْ ثِينِي نّمْ ن ؤُنبْذُو ؤُڒَا خْ ڒْغِيدْجثْ نّمْ ن ؤُضِيڒْ.
JER 48:33 ثْرُوحْ ڒفْرَاحثْ ذ ورْشَاقْ زِي ثمُّورْثْ إِسّɣ̮مَاينْ، زِي ثمُّورْثْ ن مُوآبَ، مِينْزِي سّْبدّغْ بِينُو زِي ثيْسِيرِينْ ن ؤُضِيڒْ. وَارْ تّْغِيمِينْ أَذْ دّْزنْ عَاذْ أَضِيڒْ س ؤُسْڒِيوْڒوْ. أَسْڒِيوْڒوْ؟ شْفَا ؤُسْڒِيوْڒوْ.
JER 48:34 زِي سِّيبّثْ ن ثْغُويِّيثْ ن حَاشْبُونْ أَڒْ أَلِيعَالَا، أَڒْ يَاهَاصْ، [وَاهْ، نِيثْنِي] تّڭّنْ أَذْ سْڒنْ ثْمِيجَّا نْسنْ زِي صُوعَارْ أَڒْ حُورُونَايِيمْ، ثَاعجْمِيثْ [نِّي] ن ثْڒَاثَا ن إِسڭّْوُوسَا. مَاغَارْ عَاذْ أَمَانْ ن نِيمْرِيمْ أَذْ ذوْڒنْ ذ إِيرْمَامنْ إِتّْوَاخَارّْبنْ.
JER 48:35 ونِّي إِقدّْمنْ ثَاغَارْصْثْ ذِي ڒڭْعُوذِي ذ ونِّي إِتَّاوْينْ ثِيوْهِيبِينْ ن ڒبْخُورْ إِ إِربِّيثنْ نّسْ، أَذْ ث أَرّغْ أَذْ إِبدّْ [زِي مَانْ أَيَا] ذِي مُوآبَ، [أَمُّو إِ] إِقَّارْ سِيذِي.“
JER 48:36 ”خْ ؤُيَا إِتّْعفَّارْ وُوڒْ إِنُو خْ مُوآبَ أَمْ ثمْجَا، ؤُڒْ إِنُو إِتّْعفَّارْ خْ يرْيَازنْ ن قِيرْ-حَارِيسْ أَمْ يِيشْثْ ن ثمْجَا، مِينْزِي أَفيّضْ نِّي إِكْسبْ، أَقَا إِودَّارْ.
JER 48:37 قَاعْ إِزدْجِيفنْ ذ إِقشُّورَا ؤُ قَاعْ ثِيمِيرَا تّْوَاقضْعنْثْ، ذِي مَارَّا إِفَاسّنْ نْسنْ [أَقَا] إِقسِّيثنْ [ن وشْضَانْ] ؤُ إِ ثجْعِينَّا نْسنْ [أَقَا] ثَاخَانْشثْ [ن وشْضَانْ].
JER 48:38 خْ مَارَّا ثِيزغْوِينْ ن مُوآبَ ؤُ خْ مَارَّا وَازَّاينْ نّسْ، [وَاهْ،] مَانِي مَا [أَقَا ذِينْ] ثْغُويِّيثْ ن وشْضَانْ، مَاغَارْ نشّْ أَرْژِيغْ مُوآبَ أَمْ يِيشْثْ ن ڒْقشْعثْ وَارْ ذَايسْ بُو أَرْضَا [عَاذْ]، [أَمُّو إِ] إِقَّارْ سِيذِي.
JER 48:39 مَامّشْ إِتّْوَاوّثْ مُوآبَ، مَامّشْ سّْغُويُّونْ نِيثْنِي. مَامّشْ [إِ ذ أَسنْ ذ] يَارَّا مُوآبَ س وعْرُورْ س ؤُسضْحِي! مُوآبَ إِذْوڒْ ذ إِشْثْ نْ ڒْقشْعثْ ن ؤُسْثهْزِي ذ إِجّْ ن ؤُمذْيَا ن ؤُسْنخْڒِيعْ إِ مَارَّا إِنِّي ذ أَسْ د-إِنّْضنْ.“
JER 48:40 ”مَاغَارْ أَمُّو إِ إِقَّارْ سِيذِي: ’خْزَارْ، أَمْ يِيجّْ ن ؤُڭِيذرْ أَذْ إِحوّمْ نتَّا ؤُشَا أَذْ إِبزّعْ أَفْرِيونْ نّسْ ثِيوَا ن مُوآبَ.
JER 48:41 قَارْيُوثْ طّْفنْ ث ؤُشَاغڒْبنْ خْ لْقلْعَاثْ [ذڭْ إِذُورَارْ]. ذڭْ وَاسّْ نِّي أَذْ يِيڒِي وُوڒْ ن أَيْثْ ن بُو-ثغْرُوضْثْ ن مُوآبَ أَمْ وُوڒْ ن إِشْثْ ن ثمْغَارْثْ إِتَّارُونْ.
JER 48:42 مُوآبَ أَذْ إِتّْوَاردّدْجْ أَڒَامِي وَارْ إِتِّيڒِي [عَاذْ] ذ ڒْڭنْسْ مَاغَارْ إِسّمْغَارْ إِخفْ نّسْ خْ سِيذِي.
JER 48:43 ثِيڭّْوُوذِي ذ ونْذَايْ ذ ڒْفخْ أَذْ خَاكْ إِڒِينْ، [أَ] شكْ ونِّي إِزدّْغنْ ذِي مُوآبَ، [أَمُّو إِ] إِقَّارْ سِيذِي.
JER 48:44 ونِّي إِ غَا يَاروْڒنْ زِي ثِيڭّْوُوذِي، أَذْ إِوْضَا ذِي ثسْرَافْثْ، ؤُ ونِّي د غَا إِڭعّْذنْ زِي ثسْرَافْثْ، أَذْ إِنَّاغْ ذِي ڒْفخْ، مَاغَارْ نشّْ أَذْ أَوْيغْ خْ مُوآبَ أَسڭّْوَاسْ ن وخْڒَافْ نّسْ، إِقَّارْ سِيذِي.‘ “
JER 48:45 ”ذِي ثِيڒِي ن حَاشْبُونْ قِّيمنْ إِمَارْوَاڒْ تّْبدَّانْ بْڒَا جّهْذْ، مَاغَارْ ثِيمسِّي ثفّغْ-د زِي حَاشْبُونْ، إِجّْ ن ؤُهَاذُوقْ زِي سِيحُونْ، ؤُشَا وَانِيثَا إِشَّا لْحنْكَاثْ ن [ؤُزدْجِيفْ] مُوآبَ ذ أَشقُّوفْ ن مَارَّا أَيْثْ ن بُو-ڒخْشُونثْ.
JER 48:46 ؤُشْثْ خَاكْ، مُوآبَ، أَقَا إِخْسَارْ ڒْڭنْسْ ن كَامُوشْ، مَاغَارْ إِحنْجِيرنْ نّشْ تّْوَانذْهنْ ذِي ثْمحْبَاسْثْ ؤُشَا ؤُڒَا ذ يسِّيشْ تّْوَاحبّْسنْ.
JER 48:47 ذڭْ ؤُنڭَّارْ ن وُوسَّانْ أَذْ سّنْقڒْبغْ ثَامحْبَاسْثْ ن مُوآبَ!‘، [أَمُّو إِ] إِقَّارْ سِيذِي.“ أَڒْ ذَانِيثَا [إِدْجَا وَاوَاڒْ إِ يُورِينْ خْ] ڒْحُوكْمْ خْ مُوآبَ.
JER 49:1 خْ أَيْثْ ن عَامُّونْ ”أَمُّو إِ إِقَّارْ سِيذِي: ’مَا إِسْرَائِيل وَارْ غَارسْ بُو إِحنْجِيرنْ؟ مَا وَارْ غَارسْ بُو أَوْرِيثْ؟ مَايمِّي [خنِّي] إِطّفْ ؤُجدْجِيذْ نْومْ [ثَامُّورْثْ ن] جَاذْ ذ ڒْوَارْثْ إِ يِيخفْ نّسْ ؤُ مَايمِّي إِزدّغْ ڒْڭنْسْ نّسْ ذِي ثْندَّامْ [ن جَاذْ]؟
JER 49:2 س ؤُيَا، خْزَارْ، ؤُسَّانْ أَذْ د-أَسنْ، أَمُّو إِ إِقَّارْ سِيذِي، أَذْ جّغْ أَذْ تّْوَاسْڒنْ إِغُويَّانْ [ن ؤُمنْغِي] خْ [ثنْذِينْثْ ن] رَابَّا ن أَيْثْ ن عَامُّونْ. أَذْ ثذْوڒْ [ثنْذِينْثْ] ذ إِشْثْ ن ڒْڭعّْذثْ ن ڒْخَارْبثْ ؤُ ثِيندَّامْ إِ غَارسْ د-إِقّْننْ أَذْ ثنْثْ قّْذنْ س ثْمسِّي. إِسْرَائِيل أَذْ إِوَارْثْ [عَاوذْ] مِينْ زَّايسْ كّْسنْ ذ ڒْوَارْثْ، [أَمُّو إِ] إِقَّارْ سِيذِي.
JER 49:3 رُو، [أَ] حَاشْبُونْ، مَاغَارْ [ثَانْذِينْثْ ن] عَايْ ثتّْوَاردّدْجْ، سْغُويّنْثْ، [أَ كنِّينْثْ] يسِّيسْ ن رَابَّا، حزّْمنْثْ س ثْخُونْشَايْ [ن وشْضَانْ]، شضْننْثْ ؤُشَا ؤُيُورنْثْ غَارْ ذَا ذ ذِيهَا غَارْ ؤُغزْذِيسْ ن إِشْبَارنْ، مَاغَارْ أَجدْجِيذْ نْومْ، [مِيلْكُومْ]، أَذْ إِتّْوَانْذهْ ذِي لْمنْفَا، إِكهَّاننْ نّسْ أَكْ-ذ ڒْحُوكَّامْ نّسْ.‘ “
JER 49:4 ”مشْحَاڒْ ثتّْفيّْشذْ س ڒوْضَاثْ ن ثغْزُورِينْ نّمْ، س ؤُفيّضْ ن ڒوْضَا نّمْ ن ثغْزُورْثْ، [أَ شمْ] يدْجِيسْ إِكْفَارنْ، ثنِّي إِتّْشَاڒَانْ خْ وَاڭْڒَا نّسْ، [ثقَّارْ:] ’وِي د غَارِي إِ غَا إِقَارّْبنْ؟‘
JER 49:5 خْزَارْ، أَذْ خَامْ د -غضْرغْ ثِيڭّْوُوذِي زِي مَارَّا إِغزْذِيسنْ نّمْ، [أَمُّو إِ] إِقَّارْ سِيذِي إِنُو، سِيذِي ن ڒْعسْكَارَاثْ. كنِّيوْ أَذْ ثتّْوَاعَارّْنمْ، كُوڒْ إِجّْ نِيشَانْ غَارْ زَّاثْ، ؤُشَا وَارْ ذِينْ ؤُڒَا ذ إِجّنْ ونِّي إِ غَا إِسّْمُوننْ إِنِّي يَاروْڒنْ.
JER 49:6 [مَاشَا] أَوَارْنِي أَسْ أَذْ سّنْقڒْبغْ ثَامحْبَاسْثْ ن أَيْثْ ن عَامُّونْ، [أَمُّو إِ] إِقَّارْ سِيذِي.“
JER 49:7 خْ إِذُومْ ”أَمُّو إِ إِقَّارْ سِيذِي ن ڒْعسْكَارَاثْ: ’مَا وَارْ ثدْجِي عَاذْ ثِيغِيثْ ذِي ثِييْمَانْ؟ مَا إِبْضڒْ شّْوَارْ ن إِمِيغِيسنْ؟ مَا ثْضيّعْ ثِيغِيثْ نْسنْ؟
JER 49:8 أَروْڒمْ، ذوْڒمْ، فَّارمْ ذڭْ إِمُوشَانْ يُودْجْغنْ، [كنِّيوْ] إِمزْذَاغْ ن ذَاذَانْ، مَاغَارْ نشّْ أَذْ خَاسْ أَوْيغْ أَضيّعْ ن عِيسُو، ڒْوقْثْ نِّي ذِي أَذْ ث عَاقْبغْ.
JER 49:9 مَاڒَا ؤُسِينْ-د غَاركْ إِمڒْقَاضْ ن ؤُضِيڒْ، مَا [خنِّي] وَارْ تّجِّينْ شَا أَوَارْنِي أَسنْ؟ مَاڒَا [ؤُسِينْ-د] إِخوَّاننْ س دْجِيڒثْ، مَا خنِّي وَارْ تّْضيِّيعنْ أَڒْ غَا جِّيوْننْ؟
JER 49:10 نشّْ مَاشَا قشَّارغْ [ثَامُّورْثْ ن] عِيسُو، عَارِّيغْ خْ إِمُوشَانْ نّسْ إِنُّوفَّارنْ أَڒَامِي وَارْ إِزمَّارْ [عَاذْ] أَذْ إِنُّوفَّارْ. ثَارْوَا نّسْ تّْوَاردّْدْجنْ، ؤُڒَا ذ أَيْثْمَاسْ ذ جِّيرَانْ نّسْ، أَقَا نتَّا وَارْ إِدْجِي عَاذْ.
JER 49:11 أجّْ إِيُوجِيڒنْ نّشْ، نشّْ أَذْ ثنْ حْضِيغْ أَذْ قِّيمنْ دَّارنْ، ثِيجَّاڒْ نّشْ أجّْ إِ-ثنْثْ أَذْ خَافِي تّشْڒنْثْ.‘
JER 49:12 مَاغَارْ أَمُّو إِ إِقَّارْ سِيذِي: ’خْزَارْ، إِنِّي وَارْ ث إِسّْذِيهدْجنْ أَذْ سْونْ زِي ڒْكَاسْ، أَذْ زَّايسْ سْونْ. ؤُ شكْ [ونِّي ث إِسّْذَاهدْجنْ]، مَا أَذْ ثتّْوَابَارِّيذْ؟ وَارْ ثتّْوَابَارِّيذْ شَاعمَّارْصْ، أَذْ زَّايسْ ثسْوذْ س ؤُغِيڒْ!
JER 49:13 مَاغَارْ نشّْ جُّودْجغْ غَارْ إِخفْ إِنُو، [أَمُّو إِ] إِقَّارْ سِيذِي، أَقَا بُوصْرَا أَذْ إِذْوڒْ ذ [إِشْثْ ن ڒْقشْعثْ ن] ؤُنخْڒِيعْ ذ ڒْحڭْرَا، ؤُڒَا ذ إِشْثْ ن ڒْخِيرْبثْ ذ نّعْڒثْ، ؤُشَا مَارَّا ثِيندَّامْ نّسْ أَذْ ذوْڒنْثْ ذ ڒْخِيرْبَاثْ إِ ڒبْذَا.‘ “
JER 49:14 ”نشّْ سْڒِيغْ إِجّْ ن ڒخْبَارْ زِي سِيذِي، أَقَا إِتّْوَاسّكّْ-د إِجّْ ن ؤُرقَّاسْ جَارْ ڒڭْنُوسْ حِيمَا أَذْ يِينِي: ’سْمُونمْ، سْڭعّْذمْ خَاسْ، كَّارمْ غَارْ ؤُمنْغِي!‘
JER 49:15 مِينْزِي خْزَارْ، نشّْ سّمْژِييغْ شكْ جَارْ ڒڭْنُوسْ، ثتّْوَاسّحْقَارذْ جَارْ إِوْذَانْ.
JER 49:16 ڒحْكَامثْ نّشْ إِسَّاڭّْوَاذنْ ثْغَارّْ إِ شكْ ؤُڒَا ذ زّْعَامثْ ن وُوڒْ نّشْ، [أَ شكْ] ونِّي إِزدّْغنْ ذڭْ إِفدْجِيقنْ ن ڒجْرُوفْ، ونِّي إِتّْشبَّارنْ ذِي ثْقِيشّثْ ن ثوْرِيرِينْ! وَاخَّا ثڭِّيذْ ڒْعُوشّْ نّشْ سنّجْ قَاعْ أَمْ ث إِتّڭّْ ؤُڭِيذرْ، نشّْ أَذْ شكْ د -غضْڒغْ سّنِّي، إِقَّارْ سِيذِي.
JER 49:17 إِذُومْ أَذْ إِذْوڒْ ذ [إِشْثْ ن ڒْقشْعثْ ن] ؤُنخْڒِيعْ. كُوڒْ إِجّْ ونِّي د أَسْ إِ غَا إِكّنْ، أَذْ إِنّخْڒعْ ؤُ أَذْ إِصفَّارْ [س وسْرُوبِي] خْ مَارَّا جّْعَايفْ نّسْ.
JER 49:18 أَمْ غَارْ ؤُنقْڒبْ ن سَاذُومْ ذ عَامُورَّا ذ ذْشُورَاثْ نّسْ يُوذْسنْ، إِقَّارْ سِيذِي، وَارْ ذِينِّي إِزدّغْ [عَاذْ] ؤُڒَا ذ إِجّْ ؤُ وَارْ ذَايسْ إِتّْغِيمِي [عَاذْ] ؤُڒَا ذ إِجّْ ن مِّيسْ ن بْنَاذمْ [ذ أَبَارَّانِي].
JER 49:19 خْزَارْ، أَمْ يِيجّْ ن وَايْرَاذْ أَذْ د-إِڭعّذْ زِي شْبَارْقْ إِقّْننْ ن لْ-ؤُرْذُونْ ضِيدّْ إِ ثْزذِّيغْثْ إِجهْذنْ، خنِّي ذڭْ ورْمَاشْ ن وَابْڒِيونْ أَذْ ث أَرّغْ أَذْ أَزّڒْ سّنِّي، ؤُ ونِّي ؤُمِي فَارْزغْ، أَذْ خَاسْ ث أَرشّْحغْ. مَاغَارْ مَانْ ونْ إِدْجَانْ أَمْ نشّْ، مَانْ ونْ خَافِي إِ غَا إِڒَاغَانْ إِ دّعْوثْ؟ مَانْ ونْ ذ أَمكْسَاوْ ونِّي إِ غَا إِقِّيمنْ زَّاثِي إِبدّْ؟
JER 49:20 س ؤُيَا، سْڒمْ إِ ؤُشَاوَارْ ن سِيذِي نِّي إِقْضعْ خْ إِذُومْ، ؤُ [سْڒمْ] إِ إِنْوَاينْ نِّي إِخَارّصْ خْ إِمزْذَاغْ ن ثَايْمَانْ: ’س ثِيذتّْ، إِنِّي إِمژْيَاننْ أَطَّاسْ زڭْ وُودْجِي أَذْ ثنْ جَارّنْ، س ثِيذتّْ، ثَازذِّيغْثْ نْسنْ أَذْ ثتّْوَاسّْنخْڒعْ!‘
JER 49:21 ثَامُّورْثْ ثتّنْهزَّا س ڒْحسّْ ن ؤُوطُّو نْسنْ، س ثْغُويِّيثْ إِ زِي غَا إِتّْوَاسڒْ ڒْحسّْ نّسْ أَڒْ ڒبْحَارْ ن ثلْڭَا.
JER 49:22 خْزَارْ، إِتّْڭعَّاذْ أَمْ يِيجّْ ن ؤُڭِيذرْ [غَارْ ؤُجنَّا]، إِتّحْرَارَا، إِتّْبزَّاعْ أَفْرِيونْ نّسْ ثِيوَا ن بُوصْرَا. ذڭْ وَاسّْ نِّي أَذْ يِيڒِي وُوڒْ ن أَيْثْ ن بُو-ثغْرُوضْثْ ن إِذُومْ أَمْ وُوڒْ ن إِشْثْ ن ثمْغَارْثْ س ڒحْرِيقْ ن ثَارْوَا.“
JER 49:23 خْ ذِيمَاشْقْ ”حَامَاثْ ذ أَرْفَاذْ سضْحَانْ، مَاغَارْ نِيثْنِي سْڒِينْ إِ وَارقَّاسْ ذ أَعفَّانْ، فشْڒنْ. غَارْ ڒبْحَارْ ثتّْوَافْ ڒحْصَارثْ، بْنَاذمْ وَارْ إِزمَّارْ أَذْ يَارْسَا [ذِينْ].
JER 49:24 ثَارْخُو [ثنْذِينْثْ] ن ذِيمَاشْقْ، ثنّقْڒبْ، مَاحنْذْ أَذْ ثطّفْ ذِي ثَاروْڒَا. إِمْنعْ إِ-ت ؤُقْذِيدّسْ. ڒحْصَارثْ ذ ڒوْجعْ أَمْ ن إِشْثْ ثمْغَارْثْ إِتَّارْونْ طّْفنْ ت.
JER 49:25 ثَانْذِينْثْ إِشنّْعنْ، مَا وَارْ ثڭِّي أَمْ ثنِّي إِتّْوَاجّنْ، ثَانْذِينْثْ ن ڒفْرَاحثْ إِنُو؟
JER 49:26 س ؤُيَا أَذْ وْضَانْ إِحُوذْرِييّنْ نّسْ ذڭْ وَازَّاينْ ؤُ مَارَّا إِعسْكَارِييّنْ أَذْ تّْوَاسغْذنْ ذڭْ وَاسّْ نِّي، [أَمُّو إِ] إِقَّارْ سِيذِي ن ڒْعسْكَارَاثْ.
JER 49:27 نشّْ أَذْ سَّارْغغْ ثِيمسِّي ذِي ڒْحِيضْ ن ذِيمَاشْقْ، أَذْ ثشّْ ڒقْصُورْ ن بِينْهَاذَاذْ.“
JER 49:28 خْ وعْرَابنْ خْ قِيذَارْ ذ ثْڭلْذِيثِينْ ن حَاصُورْ نِّي إِغْڒبْ نابُوخَاذْرَاصَّارْ، أَجدْجِيذْ ن بَابِيلْ. ”أَمُّو إِ إِقَّارْ سِيذِي: ’كَّارمْ ؤُشَا هجْممْ خْ قِيذَارْ ؤُشَا أَردّْدْجمْ أَيْثْ ن شَّارْقْ.
JER 49:29 نِيثْنِي أَذْ أَسنْ كّْسنْ إِقِيضَانْ نْسنْ ذ وُودْجِي نْسنْ، ثِيجَارْثِيڒِينْ ن ؤُقِيضَانْ نْسنْ ذ مَارَّا ڒْقشّْ نْسنْ. ؤُشَا ؤُڒَا ذ إِڒغْمَانْ نْسنْ أَذْ ثنْ أَوْينْ أَكِيذْسنْ. أَذْ خَاسنْ سْغُوينْ: أَسِيڭّْوذْ مَانِي مَا!
JER 49:30 أَروْڒمْ، بعّْذمْ، فَّارمْ ذڭْ إِمُوشَانْ يُودْجْغنْ، [كنِّيوْ] إِمزْذَاغْ ن حَاصُورْ، [أَمُّو إِ] إِقَّارْ سِيذِي، مَاغَارْ نابُوخَاذْرَاصَّارْ، أَجدْجِيذْ ن بَابِيلْ، إِقْضعْ خَاومْ أَشَاوَارْ ؤُشَا إِخَارّصْ ذڭْ إِجّْ ن ونْوَايْ خَاومْ.
JER 49:31 كَّارمْ، ڭعّْذمْ خْ إِجّْ ن ڒْڭنْسْ نِّي إِزدّْغنْ ذِي ڒْهُوذْنثْ ؤُ ذِي ڒَامَانْ، [أَمُّو إِ] إِقَّارْ سِيذِي، [إِجّْ ن ڒْڭنْسْ] وَارْ غَارسْ بُو ثوُّورَا ؤُڒَا ذ زّنْكْرُونْ، ونِّي إِزدّْغنْ وحّْذسْ.
JER 49:32 إِڒغْمَانْ نْسنْ أَذْ تّْوَاحوّْسنْ ؤُشَا أَبَارُّو ن ثْحِيمْرِيوِينْ نْسنْ نْ ڒْمَاڒْ أَذْ تّْوَاشَارنْثْ ؤُ نشّْ أَذْ ثنْ زُوزَّارغْ غَارْ مَارَّا إِغزْذِيسنْ ن ؤُسمِّيضْ، [مَارَّا] إِنِّي إِتّْحفَّانْ [أَشُوَّافْ] غَارْ طّْرُوفَا، . نشّْ أَذْ خَاسنْ د-أَوْيغْ أَضيّعْ زِي مَارَّا إِغزْذِيسنْ، [أَمُّو إِ] إِقَّارْ سِيذِي.
JER 49:33 هَاصُورْ أَذْ إِذْوڒْ ذ ثَازذِّيغْثْ إِ وُوشَّاننْ ن ڒخْڒَا، إِشْثْ ن ثمُّورْثْ إِتّْوَاردّْدْجنْ إِ ڒبْذَا. وَارْ ذَايسْ إِزدّغْ [عَاذْ] ؤُڒَا ذ إِجّنْ ؤُشَا ؤُڒَا ذ إِجّْ ن مِّيسْ ن بْنَاذمْ أَذْ ذِينْ إِقِّيمْ [عَاذْ] أَمْ ؤُبَارَّانِي.‘ “
JER 49:34 خْ عِيلَامْ أَوَاڒْ ن سِيذِي إِ ؤُنَابِي إِرْمِييَا خْ عِيلَامْ، ذڭْ ؤُمزْوَارُو ن ثْڭلْذَا ن صِيذْقِييَا، أَجدْجِيذْ ن يَاهُوذَا، إِنَّا:
JER 49:35 ”أَمُّو إِ إِقَّارْ سِيذِي ن ڒْعسْكَارَاثْ: ’خْزَارْ، نشّْ أَذْ أَرْژغْ ڒْقوْسْ ن عِيلَامْ، أَمزْوَارُو ن ثْزمَّارْ نْسنْ ن أَيْثْ ن بُو-ثغْرُوضْثْ.
JER 49:36 نشّْ أَذْ د-سّهْوِيغْ خْ عِيلَامْ أَربْعَا ن إِسمِّيضنْ زِي أَربْعَا ن ثْغمُّورَا ن ؤُجنَّا ؤُ غَارْ مَارَّا ثِيغمُّورَا ن إِسمِّيضنْ أَذْ ثنْ زُوزَّارغْ. وَارْ إِتِّيڒِي بُو ڒْڭنْسْ مَانِي وَارْ د-تِّيسنْ إِنِّي خْ ؤُژّْڒنْ زِي عِيلَامْ.
JER 49:37 نشّْ أَذْ سّْنخْڒْعغْ [أَيْثْ ن] عِيلَامْ زَّاثْ إِ ڒْعذْيَانْ نْسنْ ؤُ زَّاثْ إِ يِينِّي يَارزُّونْ ثُوذَارْثْ نْسنْ. نشّْ أَذْ د -غضْڒغْ ڒْغَارْ خَاسنْ، ڒْحَاذُوقْ ن وغْضَابْ إِنُو، [أَمُّو إِ] إِقَّارْ سِيذِي. نشّْ أَذْ أَسنْ سّضْفَارغْ سِّيفْ أَڒْ ثنْ ثحِّيغْ.
JER 49:38 نشّْ أَذْ سّْبدّغْ ڒْعَارْشْ إِنُو ذِي عِيلَامْ ؤُشَا أَذْ ثحِّيغْ أَجدْجِيذْ ذ ڒْحُوكَّامْ سّنِّي، [أَمُّو إِ] إِقَّارْ سِيذِي.
JER 49:39 ذڭْ ؤُنڭَّارْ ن وُوسَّانْ أَذْ سّنْقڒْبغْ ثَامحْبَاسْثْ ن عِيلَامْ [أَمُّو إِ] إِقَّارْ سِيذِي.‘ “
JER 50:1 أَوَاڒْ نِّي إِسِّيوڒْ سِيذِي خْ بَابِيلْ، خْ ثمُّورْثْ ن إِكَالْذَانِييّنْ، س ؤُفُوسْ ن ؤُنَابِي إِرْمِييَا.
JER 50:2 ”بَارّْحمْ جَارْ ڒڭْنُوسْ، جّمْ أَذْ أَسْ سْڒنْ، سْڭعّْذمْ ثَاعدْجَانْثْ، جّمْ أَذْ أَسْ سْڒمْ، وَارْ [ت] سْنُوفَّارَامْ. إِنِيمْ: ’[ثَانْذِينْثْ ن] بَابِيلْ ثتّْوَاطّفْ، بِيلْ إِسضْحَا، مَارُوذَاخْ أَقَا يَارْژَا، ڒخْيَاڒَاثْ نّسْ ن لْ-أَصْنَامْ تّْوَابَارْقنْ، إِميْضَا ن [لْ-أَصْنَامْ نّسْ] تّْوَاڒبْزنْ!‘
JER 50:3 مَاغَارْ إِهْجمْ-د خَاسْ إِجّْ ن ڒْڭنْسْ زِي شَّامَالْ، أَذْ يَارّْ ثَامُّورْثْ نّسْ ذ [إِشْثْ ن ڒْقشْعثْ ن] ؤُنخْڒِيعْ، وَارْ ذَايسْ إِزدّغْ عَاذْ ؤُڒَا ذ إِجّْ، زِي بْنَاذمْ أَڒْ ڒْمَاڒْ أَروْڒنْ، فّْغنْ.“
JER 50:4 ”ذڭْ وُوسَّانْ نِّي ؤُ ذِي ڒْوقْثْ نِّي، [أَمُّو إِ] إِقَّارْ سِيذِي، أَذْ د-أَسنْ أَيْثْ ن إِسْرَائِيل مُوننْ أَكْ-ذ أَيْثْ ن يَاهُوذَا. أَذْ ؤُيُورنْ أَمْ تّْرُونْ، أَذْ أَرْزُونْ خْ سِيذِي، أَربِّي نْسنْ.
JER 50:5 خْ صِيهْيُونْ أَذْ سّقْسَانْ، أَقَا غَارْ ذِينِّي إِ نْضَارنْ ثِيطَّاوِينْ نْسنْ. نِيثْنِي أَذْ د-أَسنْ ؤُشَا أَذْ د-مَّارنْينْ غَارْ سِيذِي س إِجّْ ن ڒْعَاهْذْ إِتّْذُومَانْ نِّي وَارْ إِتّْوَاتُّونْ.
JER 50:6 ثُوغَا ڒْڭنْسْ إِنُو ذ ؤُدْجِي إِودَّارنْ، إِمكْسَاونْ نْسنْ سُّوفّْغنْ ثنْثْ خْ وبْرِيذْ خْ إِذُورَارْ إِكْفَارنْ. نِيثْنِي ؤُيُورنْثْ زڭْ وذْرَارْ أَڒْ ثوْرِيرْثْ، تُّونْثْ أَمْشَانْ ن أَرَّاحثْ نْسنْثْ.
JER 50:7 مَارَّا وِي ثنْثْ يُوفِينْ، شِّينْ ثنْثْ ؤُشَا إِغْرِيمنْ نْسنْثْ نَّانْ: ’نشِّينْ وَارْ ذ أَنغْ إِتَّارْسْ حذْ، مَاغَارْ نِيثنْثِي خْضَانْثْ أَكْ-ذ سِيذِي، أَكْ-ذ ثْزذِّيغْثْ ن ثْسڭْذَا، أَكْ-ذ ڒَايَاسْ ن ڒجْذُوذْ نْسنْثْ [ضِيدّْ إِ] سِيذِي.‘
JER 50:8 أَرْوْڒمْ زِي بَابِيلْ، فّْغمْ زِي ثمُّورْثْ ن إِكَالْذَانِييّنْ، إِڒِيمْ أَمْ يِيغَايْضنْ إِتِّيزْوَارنْ إِ وُودْجِي!“
JER 50:9 ”مَاغَارْ خْزَارْ، نشّْ سِيمَانْثْ إِنُو أَذْ د-سّْحَارّْشغْ خْ بَابِيلْ إِجّْ ن ؤُبَارُّو ن ڒڭْنُوسْ إِمقّْرَاننْ زِي ثمُّورْثْ ن شَّامَالْ. نِيثْنِي أَذْ سّْبدّنْ إِخفْ نْسنْ ضِيدّْ نّسْ. سّنِّي أَذْ ثتّْوَاطّفْ [ثَانْذِينْثْ ن بَابِيلْ]. فْڒِيثْشَاثْ نْسنْ أَمْ أَيْثْ ن بُو-ثغْڒُوضْثْ إِمحْضنْ، ؤُڒَا ذ إِشْثْ زَّايْسنْثْعمَّارْصْ وَارْ د-ثْعِيقِّيبْ ثخْوَا.
JER 50:10 [ثَامُّورْثْ ن] إِكَالْذَانِييّنْ أَذْ ثذْوڒْ ذ ثَاكشَّاضْثْ، مَارَّا إِنِّي ت إِ غَا إِكشّْضنْ، أَذْ جِّيوْننْ، [أَمُّو إِ] إِقَّارْ سِيذِي.
JER 50:11 مِينْزِي كنِّيوْ ثْفَارْحمْ، أَقَا ثْنڭّْزمْ س ڒفْرَاحثْ، [أَ كنِّيوْ] إِنِّي إِكشّْضنْ ثَاسْغَارْثْ إِنُو. كنِّيوْ ثْنذْومْ أَمْ ثْعجْمِييِّينْ ذِي دّمْنثْ ؤُ ثسّْنحْنِيحمْ أَمْ [ييْسَانْ] إِجهْذنْ.
JER 50:12 ثْسضْحَا يمَّاثْومْ، ثنِّي كنِّيوْ إِ د-يُورْونْ، أَقَا إِڒْقفْ إِ-ت ؤُسحْشمْ. خْزَارْ، نتَّاثْ ذ ثَانڭَّارُوثْ نْ ڒڭْنُوسْ: [مْغِيرْ] ذ ڒخْڒَا ذ ڒكْحضْ ذ ثَانزْرُوفْثْ.
JER 50:13 زِي سِّيبّثْ ن ؤُذُوقّزْ ن وغْضَابْ ن سِيذِي أَذْ ثقِّيمْ [ثنْذِينْثْ ن بَابِيلْ] وَارْ ثتّْوَازدّغْ [عَاذْ]، أَذْ ثذْوڒْ ذ إِشْثْ ن ثمُّورْثْ إِتّْوَاردّْدْجنْ. مَارَّا وِي غَا إِعْذُونْ خْ بَابِيلْ أَذْ إِنّخْڒعْ، أَذْ إِصفَّارْ [س ؤُعيّبْ] خْ مَارَّا جّْعَايفْ نّسْ.“
JER 50:14 ”سدّمْ إِخفْ نْومْ إِ ؤُمنْغِي أَكْ-ذ بَابِيلْ غَارْ مَارَّا إِغزْذِيسنْ نّسْ، مَارَّا إِنِّي إِمحْضنْ ڒْقوْسْ، مَاغَارْ نتَّاثْ ثخْضَا أَكْ-ذ سِيذِي.
JER 50:15 سْغُويّمْ خَاسْ زِي مَارَّا إِغزْذِيسنْ. أَقَا نتَّاثْ ثْسلّمْ إِخفْ نّسْ. وْضَانْ لْبُورْجَاثْ نّسْ، هذْمنْ ڒحْيُوضْ نّسْ، مَاغَارْ وَا ذ نّقْمثْ ن سِيذِي. خڒْفمْ زَّايسْ، ڭّمْ زَّايسْ أَمْ مَامّشْ إِ ثڭَّا نتَّاثْ.
JER 50:16 كّْسمْ أَزَارَّاعْ زِي بَابِيلْ ذ ونِّي إِطّْفنْ أَمْجَارْ ذِي ڒْوقْثْ ن ثْمجْرَا! زِي سِّيبّثْ ن سِّيفْ إِقسْحنْ أَذْعقْبنْ نِيثْنِي، كُوڒْ إِجّْ غَارْ ڒْڭنْسْ نّسْ، ؤُشَا أَذْ أَروْڒنْ، كُوڒْ  إِجّْ غَارْ ثمُّورْثْ نّسْ.“
JER 50:17 ”إِسْرَائِيل [أَمْ] إِجّنْ زڭْ وُودْجِي إِ خفْ ؤُژّْڒنْ، ثنِّي خْعرْفنْ وَايْرَاذنْ. غَارْ ؤُمزْوَارْ إِسَارْضْ إِ-ت ؤُجدْجِيذْ ن أَشُّورْ، غَارْ ؤُنڭَّارْ إِدّزْ أَسْ نابُوخَاذْرَاصَّارْ، أَجدْجِيذْ ن بَابِيلْ، إِغْسَانْ نّسْ.
JER 50:18 س ؤُيَا، أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: ’خْزَارْ، نشّْ أَذْ خڒْفغْ زڭْ ؤُجدْجِيذْ ن بَابِيلْ ذ ثمُّورْثْ نّسْ، أَمْ مَامّشْ خڒْفغْ زڭْ ؤُجدْجِيذْ ن أَشُّورْ.
JER 50:19 إِسْرَائِيل [مَاشَا] أَذْ ث-إِ-د-أَرّغْ غَارْ ثْزذِّيغْثْ نّسْ ؤُ نتَّا أَذْ يَارْوسْ خْ كَارْمَالْ ذ بَاشَانْ، أَذْ ثجَّاونْ ڒعْمَارْ نّسْ ذِي ثمُّورْثْ ن إِذُورَارْ ن إِفْرَايِيمْ ذ جِيلْعَاذْ.‘ “
JER 50:20 ”ذڭْ وُوسَّانْ نِّي ؤُ ذِي ڒْوقْثْ نِّي، إِقَّارْ سِيذِي، أَذْ أَرْزُونْ خْ ڒْعِيبْ ن إِسْرَائِيل، [مَاشَا] وَارْ إِتِّيڒِي، ؤُ خْ دّْنُوبْ ن يَاهُوذَا، [مَاشَا] وَارْ ثنْ تِّيفنْ، مِينْزِي إِنِّي إِ د غَا أَرّغْ أَذْ قِّيمنْ، نشّْ أَذْ أَسنْ غْفَارغْ.
JER 50:21 ڭعّذْ ضِيدّْ إِ ثمُّورْثْ ن مَارَاثَايِيمْ، [’ثَامُّورْثْ ن ؤُغوّغْ ثْنَاينْ ن ثْسقَّارْ‘]، ؤُ ضِيدّْ إِ إِمزْذَاغْ ن فَاقُوذْ، [’ثَانْذِينْثْ ن وخْڒفْ‘]. أَردّدْجْ ؤُ حَارّمْ أَوَارْنِي أَسنْ مَارَّا [إِ ؤُثحِّي]، [أَمُّو] إِ إِقَّارْ سِيذِي، ؤُ أڭّْ عْلَاحْسَابْ مَارَّا مِينْزِي شكْ ؤُمُورغْ.“
JER 50:22 ”[أَقَا ذَا، إِتّْوَاسڒْ] لْهَارَاجْ ن ؤُمنْغِي ذِي ثمُّورْثْ، إِشْثْ ن لْمُوصِيبَا ثَامقّْرَانْثْ.
JER 50:23 مَامّشْ إِتّْوَاقسّْ ؤُ إِتّْوَارْژْ وفْضِيسْ ن مَارَّا دُّونشْثْ! مَامّشْ إِذْوڒْ بَابِيلْ ذ [إِشْثْ ن ڒْقشْعثْ ن] ؤُنخْڒِيعْ جَارْ ڒڭْنُوسْ!
JER 50:24 نشّْ ڭِّيغْ أَمْ، [أَ، ثَانْذِينْثْ ن] بَابِيلْ، إِجّْ ن ڒْفخْ ؤُشَا ثجِّيذْ إِخفْ نّمْ أَذْ شمْ ڭّنْ ذِي ڒحْبسْ، وَاخَّا وَارْ ثُوشِيذْ. ؤُفِينْ ذ طّْفنْ ؤُڒَا ذ شمْ، مَاغَارْ شمْ ثُوغَا ثتّمْعَارِّيذْ أَكْ-ذ سِيذِي.
JER 50:25 سِيذِي يَارْزمْ أَخَّامْ نّسْ ن ثْخُوبَايْ ؤُشَا إِسُّوفّغْ-د دُّوزَانْ ن وسْخضْ نّسْ، مَاغَارْ ثَا ذ إِشْثْ ن ڒْخذْمثْ إِ سِيذِي إِنُو، سِيذِي ن ڒْعسْكَارَاثْ، ذِي ثمُّورْثْ ن إِكَالْذَانِييّنْ.
JER 50:26 أَزّْڒمْ غَارسْ زِي طَّارْفْ [ن ثمُّورْثْ]، أَرْزْممْ ڒخْزَاينْ نّسْ، نْضَارمْ مَارَّا خْ إِعُورِّيشنْ يُوعْڒَانْ ؤُشَا حَارّْممْ ثنْ [إِ ؤُثحِّي]، حْضَامْ مْلِيحْ مَاحنْذْ وَارْ زَّايسْ إِتّْغِيمِي وَالُو.
JER 50:27 نْغمْ مَارَّا إِفُونَاسنْ نّسْ إِمژْيَاننْ س سِّيفْ، سهْوَامْ ثنْ-د غَارْ ثْغَارْصْثْ. ؤُشْثْ خَاسنْ، مَاغَارْ أَسّْ نْسنْ يِيوضْ-د، ثَاسَاعّثْ ن ؤُعَاقبْ نْسنْ!
JER 50:28 [أَقَا ذَا] إِجّْ ن ڒْحسّْ ن إِمَارْوَاڒنْ ؤُ ن يِينِّي إِنجْمنْ زِي ثمُّورْثْ ن بَابِيلْ مَاحنْذْ أَذْ بَارّْحنْ أَخْڒَافْ ن سِيذِي، أَربِّي نّغْ، ذِي صِيهْيُونْ، أَخْڒَافْ ذِي طّْوعْ ن زَّاوشْثْ نّسْ ثَامقّْرَانْثْ.“
JER 50:29 ”ڒَْاغَامْ إِ أَيْثْ ن ڒْقوْسْ غَارْ بَابِيلْ، مَارَّا إِنِّي إِجبّْذنْ ڒْقوْسْ! حْصَارمْ ثَانْذِينْثْ زِي مَارَّا إِغزْذِيسنْ، حْضَامْ مَاحنْذْ ؤُڒَا ذ إِجّنْ أَذْ إِنْجمْ. خڒْفمْ ت عْلَاحْسَابْ ثِيمڭَّا نّسْ، ڭّمْ زَّايسْ عْلَاحْسَابْ مَارَّا مِينْ ثڭَّا، مَاغَارْ نتَّاثْ ثُوغَا ثفُّوشّحْ أَكْ-ذ سِيذِي، أَكْ-ذ ؤُمْقدّسْ ن إِسْرَائِيل.
JER 50:30 س ؤُيَا أَذْ وْضَانْ إِحُوذْرِييّنْ نّسْ ذڭْ وَازَّاينْ ذ مَارَّا إِعسْكَارِييّنْ نّسْ أَذْ تّْوَاسُّوسْمنْ ذڭْ وَاسّْ نِّي، [أَمُّو إِ] إِقَّارْ سِيذِي ن ڒْعسْكَارَاثْ.
JER 50:31 خْزَارْ، نشّْ أَذْ غَارمْ كَّارغْ، [أَ شمْ] ثنِّي إِفُّوشّْحنْ، [أَمُّو إِ] إِقَّارْ سِيذِي إِنُو، سِيذِي ن ڒْعسْكَارَاثْ، مِينْزِي أَسّْ نّمْ يِيوضْ-د، ثْسَاعّثْ نِّي ذِي شمْ إِ غَا خدْجْصغْ.
JER 50:32 خنِّي ونِّي إِفُّوشّْحنْ أَذْ إِنْقَارْضْ، أَذْ إِوْضَا، ؤُشَا ؤُڒَا ذ إِجّْ وَارْ ث إِسّْبذِّي. نشّْ أَذْ قّْذغْ ثِيمسِّي ذِي ثْندَّامْ نّسْ نِّي إِ غَا إِشّنْ مَارَّا مِينْ ذ أَسنْثْ-إِ-د إِنّْضنْ.“
JER 50:33 ”أَمُّو إِ إِقَّارْ سِيذِي ن ڒْعسْكَارَاثْ: ’تّْوَاحْصَارنْ أَيْثْ ن إِسْرَائِيل [جْمِيعْ] أَكْ-ذ أَيْثْ ن يَاهُوذَا. مَارَّا إِنِّي ثنْ إِحبّْسنْ، طّْفنْ ثنْ، ؤُڭِينْ أَذْ جّنْ أَذْ أَسنْ أَرْخُونْ.
JER 50:34 [مَاشَا] أَمفْذِي نْسنْ إِجْهذْ، سِيذِي ن ڒْعسْكَارَاثْ ذ إِسمْ نّسْ. نتَّا ڭُّورْ أَذْ إِوّثْ خْ دّعْوثْ نْسنْ حِيمَا أَذْ إِڭّْ ڒْهُوذْنثْ إِ ثمُّورْثْ ؤُ حِيمَا أَذْ إِسَّارْجِيجْ إِمزْذَاغْ ن بَابِيلْ.‘ “
JER 50:35 ”سِّيفْ خْ إِكَالْذَانِييّنْ، إِقَّارْ سِيذِي، ؤُ خْ إِمزْذَاغْ ن بَابِيلْ، خْ ڒْحُوكَّامْ نّسْ ؤُ خْ إِمِيغِيسنْ نّسْ.
JER 50:36 سِّيفْ خْ أَيْثْ ن بُو-إِخَارِّيقنْ مَاحنْذْ أَذْ ذوْڒنْ ذ إِبُوهَاڒِييّنْ، سِّيفْ خْ أَيْثْ ن بُو-ثغْرُوضْثْ نّسْ مَاحنْذْ أَذْ تّْوَارْژنْ.
JER 50:37 سِّيفْ خْ ييْسَانْ نّسْ ؤُ خْ إِكَارُّوثنْ نّسْ ؤُ خْ ؤُبَارُّو ن عْڒَامْ كُوڒْ  إِبَارَّانِييّنْ [نِّي إِدْجَانْ] ذِي ڒْوسْطْ نّسْ، مَاحنْذْ أَذْ ذوْڒنْ أَمْ ثمْغَارِينْ. سِّيفْ خْ ڒكْنُوزْ نّسْ مَاحنْذْ أَذْ تّْوَاشَارنْ.
JER 50:38 ڒكْحضْ خْ وَامَانْ نّسْ مَاحنْذْ أَذْ أَژْغنْ، مَاغَارْ ذ إِشْثْ ن ثمُّورْثْ ثشُّورْ س ڒخْيَاڒَاثْ إِنقْشنْ ؤُشَا نِيثْنِي ذوْڒنْ ذ إِبُوهَاڒِييّنْ زِي نّْعَاوَاثْ ن لْ-أَصْنَامْ.
JER 50:39 س ؤُيَا أَذْ [ذِينْ] زذْغنْ ڒوْحُوشْ ن ڒخْڒَا أَكْ-ذ يِيفِيسنْ ؤُشَا ؤُڒَا ذ يسِّيسْ ن نّْعَامثْ أَذْ زذْغنْثْ ذِينْ. إِ ڒبْذَا وَارْ إِتّْغِيمِي ذِينْ ؤُڒَا ذ إِجّْ ؤُ وَارْ [ذَايسْ] زدّْغنْ عَاذْ زِي جِّيڒْ أَڒْ جِّيڒْ.
JER 50:40 أَمْ مَامّشْ ثُوغَا إِسّْنقْڒبْ أَربِّي سَاذُومْ ذ عَامُورَّا ذ ذْشُورَاثْ نّسْ يُوذْسنْ، [أَمُّو] وَارْ ذِينِّي إِزدّغْ [عَاذْ] ؤُڒَا ذ إِجّْ ؤُ وَارْ ذَايسْ إِتّْغِيمِي [عَاذْ] ؤُڒَا ذ إِجّْ ن مِّيسْ ن بْنَاذمْ [ذ أَبَارَّانِي]، [أَمُّو إِ] إِقَّارْ سِيذِي.“
JER 50:41 ”خْزَارْ، إِجّْ ن ڒْڭنْسْ أَذْ د-يَاسْ زِي شَّامَالْ، إِجّْ ن ڒْڭنْسْ ذ أَمقّْرَانْ، ؤُشَا أَطَّاسْ ن إِجدْجِيذنْ أَذْ تّْوَاعَارّنْ أَذْ فَاقنْ زِي ثْغمُّورَا ن ثمُّورْثْ.
JER 50:42 نِيثْنِي منّْعنْ ذِي ڒْقوْسْ ذ فْڒِيثْشَا. نِيثْنِي تّوْعَارنْ، وَارْ أَرّحمنْ. ثْمِيجَّا نْسنْ أَمْ زّْهِيرْ ن ڒبْحَارْ، نِيثْنِي نَّاينْ خْ ييْسَانْ. أَقَا تّْحزَّامنْ غَارْ ؤُمنْغِي أَكِيذمْ، [أَ] يدْجِيسْ ن بَابِيلْ!
JER 50:43 إِسْڒَا ؤُجدْجِيذْ ن بَابِيلْ ڒخْبَارْ خَاسنْ ؤُشَا ذوْڒنْ أَسْ إِفَاسّنْ طّْسنْ. ثطّفْ إِ-ث إِ-د ثِيڭّْوُوذِي، [ؤُڒَا ذ] ڒحْرِيقْ أَمْ ن إِشْثْ ن ثمْغَارْثْ إِتَّارْونْ.
JER 50:44 خْزَارْ، أَمْ يِيجّْ ن وَايْرَاذْ أَذْ د-إِڭعّذْ زِي شْبَارْقْ إِقّْننْ ن لْ-ؤُرْذُونْ، [أَمُّو إِ غَا إِڭعّذْ] ضِيدّْ إِ ثْزذِّيغْثْ إِجهْذنْ، مَاغَارْ ذڭْ ورْمَاشْ ن وَابْڒِيونْ أَذْ ثنْ أَرّغْ أَذْ أَزّْڒنْ سّنِّي، ؤُ ونِّي ؤُمِي فَارْزغْ، أَذْ خَاسْ ث أَرشّْحغْ. مَاغَارْ مَانْ ونْ إِدْجَانْ أَمْ نشّْ، مَانْ ونْ خَافِي إِ د غَا إِڒَاغَانْ إِ دّعْوثْ؟ مَانْ ونْ ذ أَمكْسَاوْ ونِّي إِ غَا إِقِّيمنْ زَّاثِي إِبدّْ؟
JER 50:45 س ؤُيَا، سْڒمْ إِ ؤُشَاوَارْ ن سِيذِي نِّي إِقْضعْ خْ بَابِيلْ ؤُ [سْڒمْ] إِ إِنْوَاينْ نّسْ نِّي إِخَارّصْ خْ ثمُّورْثْ ن إِكَالْذَانِييّنْ: ’س ثِيذتّْ، إِنِّي إِمژْيَاننْ أَطَّاسْ زڭْ وُودْجِي أَذْ ثنْ جَارّنْ، س ثِيذتّْ، ثَازذِّيغْثْ نْسنْ أَذْ ثتّْوَاسّْنخْڒعْ!‘
JER 50:46 ثَامُّورْثْ ثتّنْهزَّا زِي ڒْحسّْ ن ؤُطفُّو ن بَابِيلْ ؤُشَا أَغُويِّي نّسْ إِتّْوَاسڒْ غَارْ ڒڭْنُوسْ.“
JER 51:1 ”أَمُّو إِ إِقَّارْ سِيذِي: ’خْزَارْ، نشّْ أَذْ د-سّكَّارغْ إِجّْ ن بُوحْبڒْ ن وَاردّدْجْ خْ بَابِيلْ ؤُ خْ يِينِّي ذِينْ إِزدّْغنْ ذڭْ وُوڒْ ن إِغْرِيمنْ إِنُو.
JER 51:2 نشّْ أَذْ سّكّغْ إِبَارَّانِييّنْ غَارْ بَابِيلْ، أَذْ ت زُوزَّارنْ ؤُشَا أَذْ فَارْضنْ ثَامُّورْثْ نّسْ، مِينْزِي ذڭْ وَاسّْ نْ ڒْغَارْ أَذْ بدّنْ أَرنْذَاذْ نّسْ غَارْ مَارَّا إِغزْذِيسنْ.
JER 51:3 أجّْ أَمْجبَّاذْ ن ڒْقوْسْ أَذْ إِمْحضْ ڒْقوْسْ نّسْ ضِيدّْ ن ونِّي إِمحْضنْ [ڒْقوْسْ] ؤُ ضِيدّْ ن ونِّي إِسّْڭعَّاذنْ إِخفْ نّسْ ذڭْ ورُّوضْ نّسْ ن وُوزَّاڒْ. وَارْ تّْحِيوِيڒمْ خْ إِحُوذْرِييّنْ نّسْ، حَارّْممْ مَارَّا ڒْعسْكَارْ نّسْ [إِ ؤُثحِّي].
JER 51:4 إِنِّي إِتّْوَانْغنْ وْضَانْ ذِي ثمُّورْثْ ن إِكَالْذَانِييّنْ، ؤُ إِنِّي إِتّْوَاسّْخَارّْقنْ أَقَا أَثنْ خْ إِبْرِيذنْ نّسْ.‘ “
JER 51:5 ”مَاغَارْ إِسْرَائِيل ذ يَاهُوذَا وَارْ تّْوَاجّنْ ذ ثَاجَّاتْشْ زِي أَربِّي نْسنْ، زِي سِيذِي ن ڒْعسْكَارَاثْ، مِينْزِي ثَامُّورْثْ ن [إِكَالْذَانِييّنْ] ثشُّورْ س ؤُمَارْوَاسْ غَارْ ؤُمْقدَّاسْ ن إِسْرَائِيل.“
JER 51:6 ”أَروْڒمْ زِي بَابِيلْ، أجّْ أَذْ إِسّنْجمْ كُوڒْ إِجّْ ثُوذَارْثْ نّسْ، وَارْ تّجِّيمْ أَذْ تّْوَاسّْبكّْممْ [إِ ڒبْذَا] س ڒْمُوعْصِييّثْ نّسْ، مَاغَارْ ثَا ذ ڒْوقْثْ ن وخْڒَافْ ن سِيذِي، نتَّا أَذْ زَّايسْ إِخْڒفْ مِينْ ثسْذَاهدْجْ.“
JER 51:7 ”بَابِيلْ ثُوغَا-ت ذ إِجّْ ن ڒْكَاسْ ن وُورغْ ذڭْ ؤُفُوسْ ن سِيذِي، إِسْشَارْ مَارَّا ثَامُّورْثْ. زِي بِينُو نّسْ سْوِينْ مَارَّا ڒڭْنُوسْ، خْ ؤُيَا إِفّغْ ڒعْقڒْ إِ ڒڭْنُوسْ.
JER 51:8 ذغْيَا ثوْضَا [ثنْذِينْثْ ن] بَابِيلْ ؤُ ثتّْوَاهْذمْ. وْثمْ خَاسْ أَڭجْذُورْ، أَوْيمْ أَسْ-د بَالْسَامْ إِ ڒحْرِيقْ نّسْ، أَذْ ثَاغْ أَذْ ثتّْوَاسّْڭنْفَا.“
JER 51:9 ”نشِّينْ نخْسْ أَذْ نَاوِي أَڭنْفُو إِ بَابِيلْ، مَاشَا وَارْ غَارسْ أَڭنْفُو. جّمْ [ثَانْذِينْثْ نِّي]، ؤُ أجّْ كُوڒْ  إِجّْ زَّايْنغْ أَذْ إِرَاحْ غَارْ ثمُّورْثْ نّسْ، مَاغَارْ ڒْحُوكْمْ خَاسْ يِيوضْ أَڒْ أَجنَّا، إِڭعّذْ أَڒْ إِسيْنُوثنْ.“
JER 51:10 ”سِيذِي إِسِّيوضْ-د ڒْمُوعْصِييّثْ نّغْ [غَارْ ثْفَاوْثْ]. أَسمْ-د، أجّْ أَنغْ أَذْ نْعَاوذْ ذِي صِيهْيُونْ مِينْ إِڭَّا سِيذِي، أَربِّي نّغْ.“
JER 51:11 ”سْقضْعمْ فْڒِيثْشَاثْ، طّْفمْ ثِيسدَّارِييِينْ [ن ؤُعسْكَارِي]. سِيذِي إِسّكَّارْ-د بُوحْبڒْ ن إِجدْجِيذنْ ن مَاذَايْ، مِينْزِي نتَّا إِعوّڒْ أَذْ إِهْذمْ بَابِيلْ، مَاغَارْ وَا ذ أَخْڒَافْ ن سِيذِي، أَخْڒَافْ إِ زَّاوشْثْ نّسْ ثَامقّْرَانْثْ.
JER 51:12 سْڭعّْذمْ ثَاعدْجَانْثْ خْ ڒحْيُوضْ ن بَابِيلْ، زيَّارمْ ثَاعسَّاسْثْ، سْبدّمْ إِعسَّاسنْ، ڭّمْ ڒفْخُوخْ، مَاغَارْ عْلَاحْسَابْ أَعوّڒْ ن سِيذِي، أَمُّو إِ غَا يڭّْ [مَارَّا] مِينْ إِنَّا خْ إِمزْذَاغْ ن بَابِيلْ.
JER 51:13 شمْ، أَ ثنِّي إِزدّْغنْ غَارْ مَانِي وسْعنْ وَامَانْ، ثنِّي غَارْ إِدْجَا وَاطَّاسْ ن وَاڭْڒَا، قطُّو نّمْ يِيوضْ-د، أَقَا إِشُّورْ ڒْقدّْ ن طّْمعْ نّمْ.
JER 51:14 إِجُّودْجْ سِيذِي ن ڒْعسْكَارَاثْ غَارْ يِيخفْ نّسْ: وَاخَّا نشّْ شُّورغْ شمْ س إِوْذَانْ أَمْ ثْمُورْغِي، عَاذْ أَذْ خَامْ د-ڒَْاغَانْ س إِشْثْ ن ثْغُويِّيثْ ن ؤُسْڒِيوْڒوْ!“
JER 51:15 ”نتَّا إِڭَّا ثَامُّورْثْ س جّْهذْ نّسْ، إِڭَّا دُّونشْثْ زِي ثِيغِيثْ نّسْ ؤُ إِبزّعْ أَجنَّا س ڒفْهَامثْ نّسْ.
JER 51:16 ڒَامِي إِتّجَّا ثْمِيجَّا نّسْ أَذْ ت سْڒنْ، [خنِّي ثڭَّا] أَمْ ؤُشَارْشُورْ ن وَامَانْ ذڭْ ؤُجنَّا. إِسيْنُوثنْ إِسّْڭعَّاذْ إِ-ثنْ زڭْ إِنڭُّورَا ن دُّونشْثْ، إِتّڭّْ أَسَّامنْ أَكْ-ذ ونْژَارْ ؤُشَا إِسّكَّا-د أَسمِّيضْ زڭْ إِخَّامنْ نّسْ ن ثْخُوبَايْ.
JER 51:17 كُوڒْ بْنَاذمْ ذ أَڭَارُّوضْ، بْڒَا ثُوسّْنَا، كُوڒْ أَمْزِيڒْ ن وُورغْ إِتّْسضْحَا زِي سِّيبّثْ ن ڒخْيَاڒْ [إِ إِڭَّا]، مَاغَارْ ڒخْيَاڒْ نّسْ إِفسْينْ ذ إِخَارِّيقنْ، وَارْ ذَايسْ [إِدْجِي] بُوحْبڒْ.
JER 51:18 أَقَا-ثنْثْ ذ [لْ-أَصْنَامْ] إِبطّْڒنْ، أَقَا أَثنْثْ ذ ڒقْشُوعْ ن ثْسضْحَاشْثْ! ذِي ڒْوقْثْ ن وخْڒَافْ نْسنْثْ، أَذْ فْنَانْثْ.“
JER 51:19 ”ثَاسْغَارْثْ ن يَاعْقُوبْ وَارْ ثدْجِي أَمْ [ثسْغَارْثْ] نْسنْثْ، مِينْزِي نتَّا ذ ونِّي إِڭِّينْ مَارَّا، ؤُشَا إِسْرَائِيل ذ ثَاقْبِيتْشْ ن ثسْغَارْثْ نّسْ، أَقَا سِيذِي ن ڒْعسْكَارَاثْ ذ إِسمْ نّسْ.“
JER 51:20 ”شكْ ثڭِّيذْ أَيِي أَمْ يِيجّْ ن شَّاقُورْ، ڒسْنَاحْ إِنُو إِ ؤُمنْغِي. زَّايكْ إِ غَا ڒبْزغْ ڒڭْنُوسْ، زَّايكْ إِ غَاغضْڒغْ ثِيڭلْذِيوِينْ.
JER 51:21 زَّايكْ إِ غَا ڒبْزغْ أَيِيسْ ذ ونِّي خَاسْ إِنْيِينْ ؤُ زَّايكْ إِ غَا ڒبْزغْ أَكَارُّو ن ؤُمنْغِي ذ ونِّي ث إِندّْهنْ،
JER 51:22 زَّايكْ إِ غَا ڒبْزغْ أَرْيَازْ ذ ثمْغَارْثْ، زَّايكْ إِ غَا ڒبْزغْ أَوسَّارْ ذ ؤُحُوضْرِي ؤُ زَّايكْ إِ غَا ڒبْزغْ أَبْڒِيغْ ذ ثبْڒِيغْثْ،
JER 51:23 زَّايكْ إِ غَا ڒبْزغْ أَمكْسَاوْ ذ ثْحِيمَارْثْ نّسْ، زَّايكْ إِ غَا ڒبْزغْ أَفدْجَاحْ ذ زَّايْڒثْ نّسْ [أَكْ-ذ إِينْذُوزنْ]، ؤُ زَّايكْ إِ غَا ڒبْزغْ لْوُولَاثْ ذ إِمْسيَّارنْ [ن ثمُّورْثْ]،
JER 51:24 [مَاشَا] زَّاثْ إِ ثِيطَّاوِينْ نْومْ أَذْ خڒْفغْ نشّْ زِي بَابِيلْ ؤُ زِي مَارَّا إِمزْذَاغْ ن [ثمُّورْثْ ن] إِكَالْذَانِييّنْ خْ مَارَّا ڒْغَارْ إِ ڭِّينْ ذِي صِيهْيُونْ، [أَمُّو إِ] إِقَّارْ سِيذِي.“
JER 51:25 ”خْزَارْ، نشّْ أَذْ كِيذكْ د-ڒْْهِيغْ، [شكْ] أَذْرَارْ ن وَاردّدْجْ، إِقَّارْ سِيذِي، شكْ ذ ونِّي يَاردّْدْجنْ مَارَّا ثَامُّورْثْ. نشّْ أَذْ خَاكْ د-سْوِيژّْضغْ أَفُوسْ إِنُو ؤُ أَذْ شكْ سّقْنُونّْيغْ زِي ڒجْرُوفْ ؤُ أَذْ شكْ ڭّغْ ذ أَذْرَارْ إِشمّْضنْ.
JER 51:26 عمَّارْصْ وَارْ زَّايكْ تَّاوْينْ [عَاذْ] أَژْرُو إِ وژْرُو ن ثغْمَارْثْ ؤُڒَا ذ أَژْرُو إِ ذْسُوسَا، مَاغَارْ أَذْ ثْذوْڒذْ إِ ڒْخِيرْبَاثْ إِ ڒبْذَا، إِقَّارْ سِيذِي.“
JER 51:27 ”سْڭعّْذمْ ثَاعدْجَانْثْ ذِي ثمُّورْثْ، سُوضمْ ذڭْ ؤُيِيشّْ ن إِشَارِّي جَارْ ڒڭْنُوسْ، فَارْزمْ ڒڭْنُوسْ ضِيدّْ نّسْ، ڒَاغَامْ ضِيدّْ نّسْ إِ ثْڭلْذِيوِينْ ن أَرَارَاطْ، مِينِّي ذ أَشْكَانَازْ، ڭّمْ إِجّْ ن ڒْعسْكَارْ ضِيدّْ نّسْ، جّمْ إِيْسَانْ أَذْ فّْغنْ أَمْ [إِجّْ ن ويْڒَافْ ن ثْمُوغْرِي] إِصَارّْضنْ إِقسْحنْ.
JER 51:28 فَارْزمْ ڒڭْنُوسْ ضِيدّْ نّسْ، إِجدْجِيذنْ ن مَاذَايْ أَكْ-ذ لْوُولَاثْ نّسْ ذ مَارَّا إِمْسيَّارنْ نّسْ، مَارَّا ثَامُّورْثْ [إِ خْ ثدْجَا] صُّولْطَا نّسْ.
JER 51:29 [خنِّي] أَذْ ثنْهزّْ ثمُّورْثْ ؤُشَا أَذْ ثْفَارْغْ سْ ڒحْرِيقْ، مِينْزِي إِنْوَاينْ ن سِيذِي بدّنْ نِيشَانْ مَاحنْذْ أَذْ أَرّنْ ثَامُّورْثْ ن بَابِيلْ ذ [إِشْثْ ن ڒْقشْعثْ ن] ؤُنخْڒِيعْ، وَارْ ذَايسْ إِزدّغْ [عَاذْ] ؤُڒَا ذ إِجّْ.
JER 51:30 أَيْثْ ن بُو-ثغْرُوضْثْ ن بَابِيلْ سمْحنْ ذڭْ ؤُمنْغِي، قِّيمنْ ذِي لْقلْعَاثْ نْسنْ. ثفْشڒْ ثْزمَّارْ نْسنْ، نِيثْنِي ذوْڒنْ ذ ثِيمْغَارِينْ. نِيثْنِي قّْذنْ إِ ثْزذِّيغِينْ نْسنْ ؤُشَا إِعُومَاذْ نْسنْ إِ ؤُبلّعْ تّْوَارْژنْ.
JER 51:31 أَمْسَازَّاڒْ [نِّي] خْ ؤُمْسَازَّاڒْ [نّغْنِي] إِتَّازّڒْ-د، أَرقَّاسْ [نِّي] خْ ؤُرقَّاسْ [نّغْنِي]، حِيمَا أَذْ حَاجَانْ إِ ؤُجدْجِيذْ ن بَابِيلْ، أَقَا ثَانْذِينْثْ نّسْ ثتّْوَاطّفْ زِي مَارَّا إِغزْذِيسنْ،
JER 51:32 أَقَا إِمُوشَانْ ن ؤُژكّْوُو تّْوَامنْعنْ، إِيَّارنْ ن ؤُغَانِيمْ تّْوَاشمْضنْ س ثْمسِّي ؤُشَا إِعسْكَارِييّنْ تّْوَانْهزّنْ.
JER 51:33 مَاغَارْ أَمُّو إِ إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: يدْجِيسْ ن بَابِيلْ ثڭَّا أَمْ ؤُنذْرَارْ، أَقَا ثِيوضْ-د ڒْوقْثْ حِيمَا أَذْ خَاسْعفْسنْ. عَاذْ ذْرُوسْ [إِ إِقِّيمنْ]، [خنِّي] ثِيوضْ-د ڒْوقْثْ ن ثْمجْرَا إِ نتَّاثْ.“
JER 51:34 ”نابُوخَاذْرَاصَّارْ، أَجدْجِيذْ ن بَابِيلْ، إِشَّا أَيِي، إِڒْبزْ أَيِي، إِڭَّا أَيِي ذ إِجّْ نْ وقْذِيحْ إِخْوَانْ، إِسَارْضْ أَيِي أَمْ ڒْهَايْشثْ، إِعمَّارْ أَعذِّيسْ نّسْ س ڒحْزُوثْ إِنُو ؤُشَا يُوژّڒْ خَافِي.
JER 51:35 [أجّْ أَذْ د-يَاسْ] خْ بَابِيلْ لْعُونْفْ إِ ذ أَيِي إِڭِّينْ ؤُ ذڭْ يِينِّي [إِ إِدْجَانْ ذ] دَّاثْ إِنُو، [أَمُّو إِ] ثقَّارْ ثنِّي إِزدّْغنْ ذِي صِيهْيُونْ. ’[أجّْ أَذْ د-أَسنْ] إِذَامّنْ إِنُو خْ إِمزْذَاغْ ن [ثمُّورْثْ ن] إِكَالْذَانِييّنْ [أَمُّو إِ] ثقَّارْ ؤُرْشَالِيمْ.“
JER 51:36 ”س ؤُيَا، أَمُّو إِ إِقَّارْ سِيذِي: ’نشّْ سِيمَانْثْ إِنُو تّذْعِيغْ دّْعَاوِي نّمْ ؤُ أَذْ زَّايمْ خڒْفغْ. نشّْ أَذْ سِّيژْغغْ ڒبْحَارْ نّسْ ؤُ أَذْ جّغْ ثَاڒَا نّسْ أَذْ ثَاژغْ.
JER 51:37 بَابِيلْ أَذْ ثذْوڒْ [مْغِيرْ] ذ ڒْخِيرْبَاثْ، إِشْثْ ن ثْزذِّيغْثْ ن وُوشَّاننْ ن ڒخْڒَا، [إِشْثْ ن ڒْقشْعثْ ن] ؤُنخْڒِيعْ ذ ؤُسمْژِي مَاحنْذْ وَارْ [ذَايسْ إِتّْغِيمِي] إِزدّغْ [عَاذْ] ؤُڒَا ذ إِجّنْ.‘ “
JER 51:38 ”مَارَّا إِذْسنْ أَذْ زهَّارنْ أَمْ وَايْرَاذنْ، أَذْ سّْمِيعّْرِيونْ أَمْ وَايْرَاذنْ إِمژْيَاننْ.
JER 51:39 خْمِي غَا يِيڒِينْ حْمَانْ، أَذْ سَّارْسغْ زَّاثْسنْ ثَاسسِّيثْ نْسنْ. نشّْ أَذْ ثنْ سّسْشَارغْ أَڒْ غَا ذوّْخنْ ؤُشَا أَذْ طّْصنْ إِضصْ ن ڒبْذَا،عمَّارْصْ أَذْ فَاقنْ [عَاذْ]، [أَمُّو إِ] إِقَّارْ سِيذِي.
JER 51:40 نشّْ أَذْ ثنْ د-سّهْوِيغْ أَمْ يِيزمْرَاونْ غَارْ ثْغَارْصْثْ، أَمْ يِيشَارِّييّنْ أَكْ-ذ إِغَايْضنْ.
JER 51:41 مَامّشْ إِتّْوَاطّفْ شِيشَاكْ ؤُ [مَامّشْ] إِتّْوَاطّفْ ڒْعزّْ ن مَارَّا ثَامُّورْثْ! مَامّشْ ثذْوڒْ [ثنْذِينْثْ ن] بَابِيلْ ذ [إِشْثْ ن ڒْقشْعثْ ن] ؤُنخْڒِيعْ جَارْ ڒڭْنُوسْ!
JER 51:42 إِڭعّذْ-د ڒبْحَارْ خْ [ثنْذِينْثْ ن] بَابِيلْ، س ؤُبَارُّو ن ڒمْوَاجْ نّسْ ثتّْوَاذڒْ نتَّاثْ.
JER 51:43 ثِيندَّامْ نّسْ ذوْڒنْثْ ذ [إِشْثْ ن ڒْقشْعثْ ن] ؤُنخْڒِيعْ، [ثَامُّورْثْ ثذْوڒْ ذ] ثَامُّورْثْ يُوژْغنْ ذ ثْنزْرُوفْثْ ذ إِشْثْ ن ثمُّورْثْ مَانِي وَارْ إِزدّغْ [عَاذْ] ؤُڒَا ذ إِجّْ ؤُ مَانِي وَارْ إِتّْشُوقِي ؤُڒَا ذ إِجّْ ن مِّيسْ ن بْنَاذمْ.
JER 51:44 نشّْ أَذْ خڒْفغْ زِي بِيلْ ذِي بَابِيلْ، أَذْ كّْسغْ زِي ثْمِيجَّا نّسْ مِينْ ثُوغَا إِسَارْضْ. ڒڭْنُوسْ وَارْ غَارسْ تَّازّْڒنْ عَاذْ. عَاذْ ڒْحِيضْ ن بَابِيلْ أَذْ إِوْضَا.“
JER 51:45 ”فّغْ زَّايسْ، [أَ] ڒْڭنْسْ إِنُو، أجّْ كُوڒْ إِجّْ أَذْ إِسّنْجمْ ثُوذَارْثْ نّسْ زِي ڒْحَاذُوقْ ن وغْضَابْ ن سِيذِي.
JER 51:46 مَاڒَا لَّا خنِّي أَذْ ضعْفنْ وُوڒَاونْ نْومْ ؤُشَا أَذْ ڭّْوذنْ زِي ڒخْبَارْ نِّي إِ غَا سْڒنْ ذِي ثمُّورْثْ، مَاغَارْ إِجّْ ن ڒخْبَارْ أَذْ إِتّْوَاسڒْ ذڭْ إِجّْ ن ؤُسڭّْوَاسْ ؤُشَا أَوَارْنِي إِ يِيجّْ ن ؤُسڭّْوَاسْ [نّغْنِي] أَذْ د-يَاسْ إِجّْ ن ڒخْبَارْ [نّغْنِي]. أَذْ ذِينْ يِيڒِي لْعُونْفْ ذِي ثمُّورْثْ، [إِجّْ ن] ڒْحَاكمْ أَذْ د-إِكَّارْ خْ إِجّْ ن ڒْحَاكمْ [نّغْنِي].“
JER 51:47 ”س ؤُينِّي خْزَارْ، أَذْ د-أَسنْ وُوسَّانْ نِّي ذِي غَا خڒْفغْ زِي بَابِيلْ زِي سِّيبّثْ ن ڒخْيَاڒَاثْ إِنقْشنْ ؤُشَا مَارَّا ثَامُّورْثْ نّسْ أَذْ ثنّفْضحْ ؤُ مَارَّا إِنِّي إِتّْوَانْغنْ أَذْ وْضَانْ ذِي ڒْوسْطْ نّسْ.
JER 51:48 أَجنَّا ذ ثمُّورْثْ ذ مَارَّا مِينْ ذَايْسنْ أَذْ سْڒِيوڒْونْ خْ بَابِيلْ. مَاغَارْ أَذْ غَارسْ د-أَسنْ إِمْثحَّايّنْ زِي شَّامَالْ، [أَمُّو إِ] إِقَّارْ سِيذِي.
JER 51:49 أَمْ مَامّشْ ثُوغَا بَابِيلْ ذ سِّيبّثْ ن ؤُوطُّو ن يِينِّي إِتّْوَانْغنْ ن إِسْرَائِيل، [أَمُّو] إِ غَا وْضَانْ مَارَّا إِنِّي إِتّْوَانْغنْ زِي مَارَّا ثَامُّورْثْ غَارْ [ثنْذِينْثْ ن] بَابِيلْ.“
JER 51:50 ”[كنِّيوْ]، إِنِّي إِنجْمنْ إِ سِّيفْ، فّْغمْ، وَارْ سْبدَّامْ إِخفْ نْومْ! خمّمْ-د زِي ڒَاڭّْوَاجْ ذِي سِيذِي ؤُ جّمْ ؤُرْشَالِيمْ أَذْ د-ثَاسْ غَارْ ڒْبَاڒْ نْومْ.
JER 51:51 نشِّينْ نْسضْحَا، مَاغَارْ نسْڒَا خْ ؤُسحْقَارْ، ثزْوغْ ن ڒحْيَا ثذْڒَا أَغمْبُوبْ نّغْ، مَاغَارْ إِبَارَّانِييّنْ ڭعّْذنْ خْ ثْزَاوِييِّينْ إِقدّْسنْ ن ثَادَّارْثْ ن سِيذِي.“
JER 51:52 ”س ؤُيَا خْزَارْ، أَذْ د-أَسنْ وُوسَّانْ، [أَمُّو إِ] إِقَّارْ سِيذِي، نشّْ أَذْ خڒْفغْ زِي ڒخْيَاڒَاثْ نّسْ إِنقْشنْ ؤُشَا ذِي مَارَّا ثَامُّورْثْ نّسْ أَذْ تّْوَازْبَارنْ إِنِّي إِتّْوَانْغنْ.
JER 51:53 وَاخَّا مَاڒَا [ثَانْذِينْثْ ن] بَابِيلْ ثْڭعّذْ أَڒْ أَجنَّا، وَاخَّا ثڭَّا لْبَارَاجْ نّسْ إِجهْذنْ يُوعْڒَانْ أَڒْ مَانِي وَارْ يِيوِيضْ ؤُڒَا ذ إِجّْ، وَاخَّا أَمنِّي أَذْ غَارسْ د-أَسنْ إِمْثحَّاينْ زَّايِي، [أَمُّو إِ] إِقَّارْ سِيذِي.“
JER 51:54 ”[إِفّغْ-د] ڒْحسّْ ن ثْغُويِّيثْ ثَامقّْرَانْثْ زِي بَابِيلْ، [أَمشْنَاوْ] ن إِشْثْ ن لْمُوصِيبَا ذ ثَامقّْرَانْثْ زِي ثمُّورْثْ ن إِكَالْذَانِييّنْ.
JER 51:55 مَاغَارْ سِيذِي إِڭَّا أَذْ إِخَارّبْ بَابِيلْ ؤُ أَذْ إِقْضَا خْ دّْرِيزْ نّسْ أَمقّْرَانْ، مِينْزِي ڒمْوَاجْ نْسنْ أَذْ زهَّارنْ أَمْ وَامَانْ إِمقّْرَاننْ، دّْرِيزْ ن ؤُزهَّارْ نْسنْ أَذْ إِتّْوَاسڒْ.
JER 51:56 مِينْزِي أَذْ خَاسْ د-أَسنْ إِمْثحَّاينْ، خْ بَابِيلْ، ؤُشَا تّْوَاحبّْسنْ أَيْثْ ن بُو-ثغْرُوضْثْ نّسْ، ڒقْوَاسْ نْسنْ أَذْ تّْوَارْژنْ، مَاغَارْ سِيذِي أَقَا-ث ذ أَربِّي ن وخْڒَافْ، أَذْ [زَّايسْ] إِخْڒفْ نِيشَانْ.“
JER 51:57 ”أَذْ سّسْشَارغْ ڒْحُوكَّامْ نّسْ ذ إِمِيغِيسنْ نّسْ ذ لْوُولَاثْ نّسْ ذ إِمْسيَّارنْ نّسْ ذ أَيْثْ ن بُو-ثغْرُوضْثْ نّسْ ؤُشَا نِيثْنِي أَذْغضْصنْ ذڭْ يِيضصْ ن ڒبْذَا ؤُعمَّارْصْ أَذْ فَاقنْ، [أَمُّو إِ] إِقَّارْ ؤُجدْجِيذْ، سِيذِي ن ڒْعسْكَارَاثْ ذ إِسمْ نّسْ.“
JER 51:58 أَمُّو إِ إِقَّارْ سِيذِي ن ڒْعسْكَارَاثْ: ”أَذْ أَرّنْ ڒحْيُوضْ إِمِيرِيونْ ن بَابِيلْ أَذْ سضْحَانْ أَطَّاسْ ؤُشَا ثِيوُّورَا نّسْ يُوعْڒَانْ أَذْ [ثنْثْ] قدّنْ س ثْمسِّي. ڒڭْنُوسْ أَذْ أَحْڒنْ بَاطڒْ ؤُ شُّوعُوبْ سِّيحْڒنْ إِخفْ نْسنْ ذِي طّْوعْ ن ثْمسِّي.“
JER 51:59 أَوَاڒْ نِّي يُومُورْ ؤُنَابِي إِرْمِييَا إِ سَارَايَا، مِّيسْ ن نِيرِي-يَاهْ، مِّيسْ ن مَاحْسِييَّا، ؤُمِي وَانِيثَا يُويُورْ زِي صِيذْقِييَا، أَجدْجِيذْ ن يَاهُوذَا، غَارْ بَابِيلْ، ذڭْ ؤُسڭّْوَاسْ وِيسّْ أَربْعَا ن ڒحْكَامثْ نّسْ. ثُوغَا سَارَايَا ذ ڒْحَاكمْ خْ ڒْمَارْڭحْ ن ڒْعسْكَارْ.
JER 51:60 إِرْمِييَا يُورَا مَارَّا ڒْغَارْ إِ د غَا يَاسنْ خْ بَابِيلْ ذڭْ إِجّْ ن وذْلِيسْ إِتّْوَانّْضنْ، مَارَّا أَوَاڒنْ نِّي إِتّْوَارِينْ خْ بَابِيلْ.
JER 51:61 [خنِّي] إِنَّا إِرْمِييَا إِ سَارَايَا: ”خْمِي د غَا ثَاسذْ غَارْ بَابِيلْ، خْزَارْ مَامّشْ غَا ثڭّذْ أَذْ ثْبَارّْحذْ س مَارَّا أَوَاڒنْ-أَ،
JER 51:62 أَذْ ثِينِيذْ: ’[أَ] سِيذِي، شكْ سِيمَانْثْ نّشْ ثقَّارذْ خْ ومْشَانْ-أَ بلِّي أَذْ [زَّايسْ] ثكّْسذْ إِمزْذَاغْ، مَاحنْذْ وَارْ ذَايسْ إِزدّغْ [عَاذْ] ؤُڒَا ذ إِجّْ، ڒَا بْنَاذمْ ؤُڒَا ذ ڒْمَاڒْ، ؤُ بلِّي [أَمْشَانْ-أَ] أَذْ يِيڒِي ذ إِشْثْ ن ثمُّورْثْ إِتّْوَاردّْدْجنْ!‘
JER 51:63 خْمِي إِ غَا ثْكمّْڒذْ زڭْ ؤُغَارِي ن وذْلِيسْ إِتّْوَانّْضنْ، أَذْ غَارسْ ثقّْنذْ إِجّْ ن وژْرُو، أَذْ ث ثنْضَارذْ ذِي ڒْوسْطْ ن [يغْزَارْ ن] لْفُورَاطْ.
JER 51:64 أَذْ ثِينِيذْ: ’أَمُّو إِ غَا ثْغبَّا [ثنْذِينْثْ ن] بَابِيلْ ؤُ وَارْ ثْڭِيعِّيذْ [عَاذْ] زِي سِّيبّثْ نْ ڒْغَارْ إِ خَاسْ د-سّهْوِيغْ. نِيثْنِي أَذْ سْڒَاونْ.‘ “ أَڒْ ذَا إِ يِيوْضنْ وَاوَاڒنْ ن إِرْمِييَا.
JER 52:1 صِيذْقِييَا [ثُوغَا] غَارسْ وَاحِيثْ ؤُ-عِيشْرِينْ ن إِسڭّْوُوسَا ؤُمِي إِذْوڒْ ذ أَجدْجِيذْ. نتَّا إِحْكمْ حِيطَاشْ ن إِسڭّْوُوسَا ذِي ؤُرْشَالِيمْ. يمَّاسْ قَّارنْ أَسْ حَامُوثَالْ، يدْجِيسْ ن إِرْمِييَا زِي لِيبْنَا.
JER 52:2 نتَّا إِڭَّا مِينْ إِدْجَانْ ذ أَعفَّانْ ذِي ثِيطَّاوِينْ ن سِيذِي، نِيشَانْ أَمْ مَامّشْ ث إِڭَّا يَاهُويَاقِيمْ.
JER 52:3 مَاغَارْ أَخيّقْ ن سِيذِي ثُوغَا يَارْسَا خْ ؤُرْشَالِيمْ ذ يَاهُوذَا، أَڒَامِي ثنْ إِنْضَارْ زِي زَّاثْ ن وُوذمْ نّسْ. [خنِّي] ثُوغَا صِيذْقِييَا إِغوّغْ خْ ؤُجدْجِيذْ ن بَابِيلْ.
JER 52:4 ذڭْ ؤُسڭّْوَاسْ وِيسّْ ثسْعَا ن ڒحْكَامثْ نّسْ، ذڭْ وَاسّْ وِيسّْعشْرَا ن ؤُيُورْ وِيسّْعشْرَا، إِفّغْ-د نابُوخَاذْرَاصَّارْ، أَجدْجِيذْ ن بَابِيلْ، س مَارَّا ڒْعسْكَارْ نّسْ غَارْ ؤُرْشَالِيمْ، نِيثْنِي نّْضنْ أَسْ-د ؤُشَا قوَّارنْ أَسْ س جّهْذْ غَارْ مَارَّا إِغزْذِيسنْ نّسْ.
JER 52:5 أَمُّو إِ ثتّْوَاحْسَارْ ثنْذِينْثْ أَڒْ أَسڭّْوَاسْ وِيسّْ حِيطَاشْ ن ؤُجدْجِيذْ صِيذْقِييَا.
JER 52:6 ذڭْ ؤُيُورْ وِيسّْ أَربْعَا، ذڭْ وَاسّْ وِيسّْ ثسْعَا ن ؤُيُورْ، ڒَامِي إِذْوڒْ ڒَاژْ إِمقَّارْ ذِي ثنْذِينْثْ ؤُشَا ڒْڭنْسْ ن ثمُّورْثْ وَارْ غَارسْ إِقِّيمْ بُو وغْرُومْ [عَاذْ]،
JER 52:7 أَقَا ثتّْوَارْژْ ثنْذِينْثْ ؤُ مَارَّا إِعسْكَارِييّنْ أَروْڒنْ، فّْغنْ س دْجِيڒثْ خْ وبْرِيذْ ن ثوَّارْثْ [إِ إِدْجَانْ] جَارْ ثْنَاينْ ن ڒحْيُوضْ نِّي [إِدْجَانْ] غَارْ وحْوِيشْ ن ؤُجدْجِيذْ، [ؤُمِي] إِكَالْذَانِييّنْ ثُوغَا قُووَّارنْ إِ ثنْذِينْثْ. ؤُشَا أَجدْجِيذْ يُويُورْ خْ وبْرِيذْ ن ڒوْضَا.
JER 52:8 ڒْعسْكَارْ ن إِكَالْذَانِييّنْ إِضْفَارْ أَجدْجِيذْ ؤُشَا نِيثْنِي حَارْثنْ خْ صِيذْقِييَا ذِي ڒْوَاطَاثْ ن أَرِيحَا. مَارَّا ڒْعسْكَارْ نّسْ تّْوَاسّبْضَانْ خَاسْ.
JER 52:9 نِيثْنِي طّْفنْ أَجدْجِيذْ ؤُشَا إِوْينْ ث غَارْ نابُوخَاذْرَاصَّارْ، أَجدْجِيذْ ن بَابِيلْ، غَارْ رِيبْلَا ذِي ثمُّورْثْ ن حَامَاثْ ؤُشَا وَانِيثَا إِحْكمْ خَاسْ.
JER 52:10 أَجدْجِيذْ ن بَابِيلْ إِنْغَا إِحنْجِيرنْ ن صِيذْقِييَا زَّاثْ إِ طِّيثَاوِينْ نّسْ. ؤُڒَا ذ مَارَّا ڒْحُوكَّامْ ن يَاهُوذَا إِنْغَا إِ-ثنْ ذِي رِيبْلَا.
JER 52:11 إِسّْذَارْغڒْ ثِيطَّاوِينْ ن صِيذْقِييَا ؤُشَا إِقّنْ إِ-ث س ثْنَاينْ ن سّْنَاسڒْ ن نّْحَاسْ. [أَمُّو] إِ ث يِيوِي ؤُجدْجِيذْ ن بَابِيلْ غَارْ بَابِيلْ ؤُشَا إِڭَّا إِ-ث ذِي ڒحْبسْ أَڒْ أَسّْ ؤُمِي إِمُّوثْ.
JER 52:12 ذڭْ ؤُيُورْ وِيسّْ خمْسَا، ذڭْ وَاسّْ وِيسّْعشْرَا ن ؤُيُورْ - ثُوغَا أَسڭّْوَاسْ ذ أَسڭّْوَاسْ وِيسّْ ثْسعْطَاشْ ن ؤُجدْجِيذْ نابُوخَاذْرَاصَّارْ، أَجدْجِيذْ ن بَابِيلْ - خْمِي د-يُوسَا نابُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ ونِّي ثُوغَا إِسخَّارْ زَّاثْ إِ وُوذمْ ن ؤُجدْجِيذْ ن بَابِيلْ، غَارْ ؤُرْشَالِيمْ،
JER 52:13 إِسَّارْغْ نتَّا ثَادَّارْثْ ن سِيذِي ذ ثَادَّارْثْ ن ؤُجدْجِيذْ ذ مَارَّا ثُوذْرِينْ ن ؤُرْشَالِيمْ ذ مَارَّا ثُوذْرِينْ ن إِمْشنّْعنْ إِسَّارْغْ إِ-ثنْثْ [عَاوذْ] س ثْمسِّي.
JER 52:14 مَارَّا ڒْعسْكَارْ ن إِكَالْذَانِييّنْ، إِنِّي د-يُوسِينْ أَكْ-ذ ڒْقبْطَانْ ن إِعسَّاسنْ ن أَرِّيمثْ، أَقَا أَرْژِينْ مَارَّا ڒحْيُوضْ ن ؤُرْشَالِيمْ إِ ذ أَسْ د-إِنّْضنْ.
JER 52:15 إِمزْڒَاضْ قَاعْ ن ڒْڭنْسْ ذ مِينْ إِشطّنْ ن ڒْڭنْسْ نِّي إِتّْوَاجّنْ ذِي ثنْذِينْثْ ذ إِنِّي إِفّْغنْ غَارْ ؤُجدْجِيذْ ن بَابِيلْ ؤُشَا ذوْڒنْ غَارسْ ؤُڒَا ذ مِينْ إِشطّنْ ن ڒْغَاشِي، إِنْذهْ إِ-ثنْ نبُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ، ذِي لْمنْفَا.
JER 52:16 [مَاشَا] زڭْ إِمزْڒَاضْ ن ثمُّورْثْ إِجَّا نبُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ، إِجّْ ن ذْرُوسْ أَمْ يِيمڒْقَاضْ ن ثْزَايَارْثْ ؤُ أَمْ يِيفدْجَاحنْ.
JER 52:17 [ؤُشَا] أَرْژِينْ إِكَالْذَانِييّنْ إِپِيلَارنْ ن نّْحَاسْ ذِي ثَادَّارْثْ ن سِيذِي، ثِيكَارُّوثِينْ ذ ثْرِيمَانْثْ ن نّْحَاسْ [إِ ثُوغَا إِدْجَانْ] ذِي ثَادَّارْثْ ن سِيذِي ؤُشَا كْسِينْ مَارَّا نّْحَاسْ أَكِيذْسنْ غَارْ بَابِيلْ.
JER 52:18 ؤُڒَا ذ ثِييْذُورِينْ ذ إِغنْجَاينْ ذ ثْجقَّاضِينْ ذ طَّاوْيَاثْ إِ ؤُرُوشِّي ذ ثْغنْجَايِينْ ذ مَارَّا ڒقْشُوعْ ن نّْحَاسْ إِ زِي تّْسخَّارنْ، كْسِينْ ثنْ.
JER 52:19 أَمُّو إِ إِكْسِي ڒْقبْطَانْ ن إِعسَّاسنْ ن أَرِّيمثْ طّْبَاصَا ذ طَّاوْيَاثْ إِ ؤُرُوشِّي ذ ثيْذُورِينْ ذ ڒقْنَاذڒْ ذ ثْغنْجَايِينْ ذ ڒْكِيسَانْ، [مَارَّا] مِينْ ثُوغَا إِدْجَانْ ن وُورغْ قَاعْ نِيغْ ن نُّوقَارْثْ قَاعْ.
JER 52:20 [خْ] ثْنَاينْ ن إِپِيلَارنْ ذ ثْرِيمَانْثْ ذ ثنْعَاشْ ن إِفُونَاسنْ ن نّْحَاسْ نِّي ثُوغَا [إِدْجَانْ] سَاذُو نّسْ ؤُڒَا خْ ثْكَارُّوثِينْ نِّي إِڭَّا ؤُجدْجِيذْ إِ ثَادَّارْثْ ن سِيذِي: أَقَا نّْحَاسْ ن مَارَّا ڒقْشُوعْ-أَ وَارْ زمَّارنْ أَذْ وزْننْ [مَارَّا أَيَا].
JER 52:21 [خْ] إِپِيلَارنْ: ثُوغَا ڒُوعْڒَا ن إِجّْ ن ؤُپِيلَارْ ذَايسْ ثْمنْطَاشْ ن إِغَادْجنْ ؤُشَا إِجّْ ن ؤُفِيڒُو ن [ڒعْبَارْ] ن ثنْعَاشْ ن إِغَادْجنْ إِزمَّارْ أَذْ أَسْ إِنّضْ. ثُوغَا ڒْڭذْرَانْ نّسْ ذَايسْ أَربْعَا ن إِضوْضَانْ ؤُشَا [غَارْ ذَاخڒْ] ثُوغَا-ث إِخْوَا.
JER 52:22 تَّاجْ سنّجْ نّسْ [ثُوغَا-ث] ن نّْحَاسْ. ڒُْوعْڒَا ن إِجّْ ن تَّاجْ ثُوغَا خمْسَا ن إِغَادْجنْ ؤُ خْ تَّاجْ [ثُوغَا خَاسْ] ثْرَاشَّا ذ ثْرمَّامِينْ إِ ذ أَسْ د-إِنّْضنْ. ثُوغَا مَارَّا ن نّْحَاسْ. أَمْ ثُوغَا وَانِيثَا، أَمُّو ثُوغَا ؤُڒَا ذ أَپِيلَارْ نّغْنِي ذ ثْرمَّانِينْ نّسْ.
JER 52:23 ثِيرمَّانِينْ ثُوغَا أَثنْثْ ذِي ستَّا ؤُ-ثسْعِينْ غَارْ مَارَّا إِغزْذِيسنْ ن ؤُسمِّيضْ. مَارَّا ثِيرمَّانِينْ ثُوغَا أَثنْثْ ذِي مْيَا خْ ثْرَاشَّا إِ ذ أَسْ د-إِنّْضنْ.
JER 52:24 ڒْقبْطَانْ ن إِعسَّاسنْ ن أَرِّيمثْ يِيوِي-د أَكِيذسْ ؤُڒَا ذ أَكهَّانْ أَمقّْرَانْ سَارَايَا، أَكهَّانْ وِيسّْ ثْنَاينْ صَافَانْيَا ذ ثْڒَاثَا ن إِعسَّاسنْ ن ثوَّارْثْ.
JER 52:25 زِي ثنْذِينْثْ إِكْسِي نتَّا إِجّْ ن ؤُمْسخَّارْ أَمْشنّعْ ونِّي ثُوغَا خْ إِعسْكَارِييّنْ، ڒَا ذ سبْعَا ن يرْيَازنْ نِّي إِزمَّارنْ أَذْ ژَترنْ ؤُذمْ ن ؤُجدْجِيذْ ذ يِينِّي إِتّْوَافنْ ذِي ثنْذِينْثْ، ڒَا ذ أَمَارِيرْ ن ؤُكُومَانْذَارْ ن ڒْعسْكَارْ نِّي ثُوغَا إِزمّنْ ڒْڭنْسْ ن ثمُّورْثْ إِ ؤُمنْغِي، ؤُڒَا ذ ستِّينْ ن يرْيَازنْ زِي ڒْڭنْسْ ن ثمُّورْثْ نِّي إِتّْوَافنْ ذِي ڒْوسْثْ ن ثنْذِينْثْ.
JER 52:26 نبُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ، إِطّفْ إِ-ثنْ ؤُشَا يِيوِي ثنْ غَارْ ؤُجدْجِيذْ ن بَابِيلْ، غَارْ رِيبْلَا.
JER 52:27 أَجدْجِيذْ ن بَابِيلْ إِوْثَا إِ-ثنْ ؤُشَا إِنْغَا إِ-ثنْ ذِي رِيبْلَا، ذِي ثمُّورْثْ ن حَامَاثْ. [أَمُّو إِ] إِتّْوَانْذهْ يَاهُوذَا زِي ثمُّورْثْ نّسْ غَارْ لْمنْفَا.
JER 52:28 وَا ذ ڒْڭنْسْ نِّي إِنْذهْ نابُوخَاذْرَاصَّارْ ذِي لْمنْفَا: ذڭْ ؤُسڭّْوَاسْ وِيسّْ سبْعَا [إِنْذهْ] ثڒْثْ-أَڒَافْ ؤُ-ثْڒَاثَا ؤُ-عِيشْرِينْ ن أَيْثْ ن يَاهُوذَا.
JER 52:29 ذڭْ ؤُسڭّْوَاسْ وِيسّْ ثْمنْطَاشْ ن نابُوخَاذْرَاصَّارْ، يِيوِي ثمْنمْ-مْيَا ؤُ-ثْنَاينْ ؤُ-ثْڒَاثِينْ ن إِوْذَانْ زِي ؤُرْشَالِيمْ.
JER 52:30 ذڭْ ؤُسڭّْوَاسْ وِيسّْ ثْڒَاثَا ؤُ-عِيشْرِينْ ن نابُوخَاذْرَاصَّارْ إِنْذهْ نبُوزَارَاذَانْ، ڒْقبْطَانْ ن إِعسَّاسنْ ن أَرِّيمثْ، سبْعَا-مْيَا ؤُ-خمْسَا ؤُ-ربْعِينْ ن أَيْثْ ن يَاهُوذَا غَارْ لْمنْفَا. مَارَّا [جْمِيعْ] ثُوغَا أَثنْ ذِي أَربْعَا-أَڒَافْ ؤُ-ستَّا-مْيَا ن إِوْذَانْ.
JER 52:31 ذڭْ ؤُسڭّْوَاسْ وِيسّْ سبْعَا ؤُ-ثْڒَاثِينْ ن ثْمحْبَاسْثْ ن يَاهُويَاكِينْ، أَجدْجِيذْ ن يَاهُوذَا، ذڭْ ؤُيُورْ وِيسّْ ثنْعَاشْ، ذڭْ وَاسّْ وِيسّْ خمْسَا ؤُ-عِيشْرِينْ ن ؤُيُورْ، إِسّْڭعّذْ أَوِيلْ-مَارُوذَاخْ، أَجدْجِيذْ ن بَابِيلْ، ذڭْ ؤُسڭّْوَاسْ أَمزْوَارُو ن ثْڭلْذَا نّسْ، أَزدْجِيفْ ن يَاهُويَاكِينْ، أَجدْجِيذْ ن يَاهُوذَا، ؤُشَا إِسُّوفّغْ إِ-ث-إِ-د زِي ڒحْبسْ.
JER 52:32 نتَّا إِعْذڒْ أَكِيذسْ، إِوْشَا أَسْ ڒْكُورْسِي نّسْ ثِيوَا إِ ڒكْرَاسِي ن إِجدْجِيذنْ نّغْنِي إِنِّي ثُوغَا غَارسْ ذِي بَابِيلْ.
JER 52:33 إِسَّارْسْ يَاهُويَاكِينْ أَرُّوضْ نّسْ ن ڒحْبسْ ؤُشَا إِذْوڒْ إِتّتّْ غَارسْ، مِينْ إِكَّا إِدَّارْ.
JER 52:34 خْ ڒْمعْثقْ نّسْ: ڒبْذَا إِمّوْشْ أَسْ ڒْمعْثقْ نّسْ س ؤُفُوسْ ن ؤُجدْجِيذْ ن بَابِيلْ، كُوڒْ أَسّْ مِينْ د-إِكَّارنْ ن وَاسّْ نِّي أَڒْ أَسّْ ن ڒْموْثْ نّسْ، مِينْ إِكَّا إِدَّارْ.
LAM 1:1 أَلِيفْ. مَامّشْ ثقِّيمْ [ذِيهَا] ثنْذِينْثْ وحّْذسْ! ثُوغَا ڒبْذَا ثشُّورْ س ڒْغَاشِي، ثذْوڒْ أَمْ يِيشْثْ ن ثَاجَّاتْشْ، ثُوغَا-ت ذ ثَامقّْرَانْثْ جَارْ ڒڭْنُوسْ، إِدْجِيسْ ن ؤُجدْجِيذْ جَارْ لْعَامَالَاثْ، ثذْوڒْ غَارْ ثسْمُوغِي.
LAM 1:2 بِيثْ. ثتّْرُو إِمطَّاونْ إِمرْزَاڭنْ س دْجِيڒثْ، إِمطَّاونْ نّسْ خْ إِمڭِّيزنْ نّسْ. وَارْ غَارسْ وِي ت غَا إِعزَّانْ زِي مَارَّا إِنِّي ت إِتّخْسنْ، مَارَّا إِمدُّوكَّاڒْ نّسْ غْذَارنْ-ت، ذوْڒنْ أَسْ ذ ڒْعذْيَانْ.
LAM 1:3 ڭِيملْ. ثتّْوَاحبّسْ [ثمُّورْثْ ن] يَاهُوذَا زِي سِّيبّثْ ن ڒغْبنْ، ؤُ زِي سِّيبّثْ ن ڒْقدّْ ن ثْخمَّاسْثْ نّسْ إِقسْحنْ. ثتّْغِيمَا جَارْ ڒڭْنُوسْ، وَارْ ثُوفِي أَرَّاحثْ، مَارَّا إِنِّي ت إِضَافَّارنْ حَارّْثنْ خَاسْ ذِي ڒْوسْطْ ن ڒحْصَارَاثْ نّسْ.
LAM 1:4 ذَالِيثْ. إِبْرِيذنْ غَارْ صِيهْيُونْ شضْننْ، مِينْزِي ؤُڒَا ذ إِجّْ وَارْ إِڭُّورْ [عَاذْ] غَارْ ڒْعِيذْ. مَارَّا ثِيوُّورَا نّسْ خْڒَانْثْ، إِكهَّاننْ نّسْ زهَّارنْ، ثِيعْزَارِييِّينْ نّسْ شضْننْثْ، ؤُشَا نتَّاثْ سِيمَانْثْ نّسْ ثشُّورْ س ثَارْزُوڭِي.
LAM 1:5 هِي. إِغْرِيمنْ نّسْ ذوْڒنْ حكّْمنْ [خَاسْ]، ڒْعذْيَانْ نّسْ فَارّْحنْ، مَاغَارْ سِيذِي إِسّشْضنْ إِ-ت زِي سِّيبّثْ ن ڒْقدّْ ن ڒْمُوعْصِييّثْ نّسْ. إِحنْجِيرنْ نّسْ إِمژْيَاننْ ؤُيُورنْ ذِي ثْمحْبَاسْثْ زَّاثْ إِ ثِيطَّاوِينْ ن إِغْرِيمنْ نْسنْ.
LAM 1:6 وَاوْ. أَشوَّارْ ن يدْجِيسْ ن صِيهْيُونْ إِنْڭزْ زَّايسْ، مَارَّا ڒْحُوكَّامْ نّسْ ڭِّينْ أَمْ ؤُذَاذنْ إِنِّي وَارْ إِتِّيفنْ دّمْنثْ ن ثَاروْسَا. ڭُّورنْ نِيثْنِي بْڒَا جّهْذْ زَّاثْ إِ ثِيطَّاوِينْ ن ونِّي ثنْ إِضَافَّارنْ.
LAM 1:7 زَايِينْ. ذڭْ وُوسَّانْ ن ڒغْبنْ نّسْ ؤُ ذڭْ وَاطَّاسْ ن وثْلَاعْ نّسْ أَذْ ثعْقڒْ ؤُرْشَالِيمْ خْ مَارَّا مِينْ ذَايسْ إِغْڒَانْ، مِينْ غَارسْ ثُوغَا زِيشْ. ڒَْامِي إِوْضَا ڒْڭنْسْ نّسْ س ؤُفُوسْ ن وغْرِيمْ، ثُوغَا وَارْ ذِينْ وِي ذ أَسْ إِ غَا إِوْشنْ أَفُوسْ. إِغْرِيمنْ نّسْ ژْرِينْ ت، سْثهْزَانْ زڭْ ؤُردّدْجْ نّسْ.
LAM 1:8 خِيثْ. ؤُرْشَالِيمْ ثُوغَا ثْخطَّا أَطَّاسْ. خْ ؤُيَا ثذْوڒْ أَمْ يِيشْثْ ن ثمْغَارْثْ ذڭْ [وُوسَّانْ ن] وعْزَاڒْ نّسْ. مَارَّا إِنِّي ثُوغَا ت إِتّْوقَّارنْ، سّحْقَارَانْ ت، مِينْزِي ژْرِينْ ڒحْيَا نّسْ. ؤُڒَا نتَّاثْ سِيمَانْثْ نّسْ ثْزهَّارْ، ثذْوڒْ غَارْ ضفَّارْ.
LAM 1:9 ثِيث. ثَاخْمُوجِي نّسْ [ثڒْصقْ] غَارْ ثْمُووَّا [ن ؤُبحْرُورْ] نّسْ، أَنڭَّارُو نّسْ وَارْ ذَايسْ ثْخمّْ. أَقَا ثهْوَا-د غَارْ ڒَادْجَاغْ س إِجّْ ن وبْرِيذْ إِسّْثبْهْثنْ، ؤُڒَا ذ إِجّْ وَارْ ت إِعزِّي. خْزَارْ مَاشَا ڒغْبنْ إِنُو، [أَ] سِيذِي، مَاغَارْ ڒعْذُو إِسّْمقَّارْ إِخفْ نّسْ.
LAM 1:10 يُوذْ. أَغْرِيمْ إِسّْوِيژّضْ أَفُوسْ نّسْ غَارْ مَارَّا مِينْ ذَايسْ إِغْڒَانْ. إِوَا ثژْرَا نتَّاثْ مَامّشْ ؤُذْفنْ ڒڭْنُوسْ غَارْ زَّاوشْثْ نّسْ إِقدّْسنْ، [ڒڭْنُوسْ] مِينْ خفْ ثُومُورذْ، وَارْ إِعدّڒْ أَذْ د-أَذْفنْ غَارْ وڭْرَاوْ [ن ڒْڭنْسْ] نّشْ.
LAM 1:11 كَافْ. قَاعْ إِمزْذَاغْ نّسْ زهَّارنْ، أَرزُّونْ أَغْرُومْ. نِيثْنِي وْشِينْ ڒقْشُوعْ إِغْڒَانْ نْسنْ ذِي طّْوعْ ن مَاشَّا، مَاحنْذْ أَذْ د-أَرّنْ أَسفْسِي غَارْ ڒعْمَارْ نْسنْ. خْزَارْ، [أَ] سِيذِي، وَاڒَا مَامّشْ ذوْڒغْ تّْوَاسّحْقَارغْ.
LAM 1:12 لَامِيذْ. مَا وَارْ ذَايْومْ إِشْقِي، كنِّيوْ إِنِّي إِعدُّونْ خْ وبْرِيذْ؟ وَاڒَامْ ؤُ خْزَارمْ، مَا [ذِينْ] شَا ن ڒحْرِيقْ أَمْ ڒحْرِيقْ إِ ذ أَيِي إِتّْوَاڭّنْ، إِ زِي ذ أَيِي إِسّْخيّقْ سِيذِي، ذڭْ وَاسّْ ن ڒْحَاذُوقْ ن وغْضَابْ نّسْ.
LAM 1:13 مِيمْ. زِي سنّجْ إِ د-إِسّكّْ نتَّا ثِيمسِّي ذڭْ إِغْسَانْ إِنُو، ثْشبَّارْ ذَايْسنْ. نتَّا إِنْضَارْ-د ثْرَاشَّا غَارْ إِضَارنْ إِنُو، يَارَّا أَيِي أَذْ ذوْڒغْ غَارْ ضفَّارْ، أَقَا يَاردّدْجْ أَيِي، إِسّهْڒشْ [أَيِي] أَسّْ أَمْ إِكْمڒْ.
LAM 1:14 نُونْ. إِتّْوَاشدّْ ؤُزَايْڒُو ن إِعذِييّنْ إِنُو س ؤُفُوسْ نّسْ، أَقَا تّْوَامُوذنْ، ڭعّْذنْ-د خْ يِيرِي إِنُو. نتَّا يَارَّا جّهْذْ إِنُو أَذْ إِفْشڒْ. إِوْشَا أَيِي سِيذِي إِنُو ذڭْ إِفَاسّنْ نْسنْ، نشّْ وَارْ زمَّارغْ أَذْ بدّغْ [عَاذْ].
LAM 1:15 سَامِيخْ. إِنْضَارْ سِيذِي إِنُو مَارَّا أَيْثْ ن بُو-صُّولْطَا إِنُو ذِي ڒْوسْثْ إِنُو، أَمْ مَامّشْ إِبَارّحْ س إِجّْ ن ؤُمُونِي إِفَارْزنْ ضِيدّْ إِنُو، مَاحنْذْ أَذْ يَارْژْ إِحُوذْرِييّنْ إِنُو، سِيذِي إِنُو أَقَا إِعْفسْ ذِي ثْسِيرْثْ ن ؤُضِيڒْ، ن ثعْزَارشْثْ، ن يدْجِيسْ ن يَاهُوذَا.
LAM 1:16 عَايِينْ. س مَانْ أَيَا تّْرُوغْ، [أَ] ثِيطّْ إِنُو، [أَ] ثِيطّْ إِنُو إِسَّازَّاڒنْ إِمطَّاونْ، مِينْزِي أَمسْفوّجْ نِّي إِزمَّارنْ أَذْ د-يَارّْ ڒعْمَارْ إِنُو، إِڭّْوجْ خَافِي. تّْوَاثحَّانْ إِحنْجِيرنْ إِنُو، مِينْزِي ڒعْذُو إِجْهذْ [خَاسنْ].
LAM 1:17 بِي. ثسّْوِيژّضْ صِيهْيُونْ إِفَاسّنْ نّسْ، [مَاشَا] نتَّاثْ وَارْ غَارسْ وِي ت غَا إِسّْفوّْجنْ. يُومُورْ سِيذِي خْ يَاعْقُوبْ، أَقَا إِغْرِيمنْ نّسْ أَذْ أَسْ د-نّْضنْ. ؤُرْشَالِيمْ ثذْوڒْ جَارْ أَسنْ أَمْ يِيشْثْ ن ثمْغَارْثْ [ذڭْ وُوسَّانْ ن] وعْزَاڒْ نّسْ.
LAM 1:18 ثْسَاذِي. سِيذِي ذ أَمْسڭّذْ، مَاغَارْ نشّْ ثُوغَاغوّْغغْ خْ ڒُومُورَاثْ نّسْ. سْڒمْ خنِّي، مَارَّا ڒڭْنُوسْ، خْزَارمْ غَارْ ڒهْڒِيقْ إِنُو. ثِيعْزَارِييِّينْ إِنُو ذ إِحُوذْرِييّنْ إِنُو ؤُيُورنْ ذِي ثْمحْبَاسْثْ.
LAM 1:19 قُوفْ. نشّْ ڒَاغِيغْ خْ يِينِّي ذ أَيِي إِتّخْسنْ، مَاشَا نِيثْنِي شمْثنْ أَيِي. إِكهَّاننْ إِنُو ذ إِمْغَارنْ إِنُو ضڒْقنْ إِ بُوحْبڒْ ذِي ثنْذِينْثْ، ؤُمِي ثُوغَا أَرزُّونْ مَاشَّا إِ يِيخفْ نْسنْ، حِيمَا أَذْ سّْمحْضنْ ڒعْمَارْ نْسنْ.
LAM 1:20 رِيخْ. خْزَارْ، [أَ] سِيذِي، مَاغَارْ نشّْ ذِي ڒحْصَارثْ، ثَاكْرِيشْثْ إِنُو ثنّحْوڒْ، ؤُڒْ  إِنُو إِنّقْڒبْ-د زِي ذَاخڒْ إِنُو، مَاغَارْ ثُوغَاغوّْغغْ أَطَّاسْ. ذِي بَارَّا إِ ذ أَيِي يُوشَارْ سِّيفْ إِحنْجِيرنْ إِنُو، ذَاخڒْ [إِحكّمْ] ڒْموْثْ.
LAM 1:21 شِينْ. سْڒِينْ مَامّشْ زهَّارغْ، [مَاشَا] نشّْ وَارْ غَارِي ؤُڒَا ذ إِجّْ ن ؤُمسْفوّجْ، مَارَّا ڒْعذْيَانْ إِنُو سْڒِينْ خْ أَرْژِييّثْ إِنُو. فَارْحنْ أَقَا شكْ إِ ت إِڭِّينْ. خْمِي د غَا ثسِّيوْضذْ أَسّْ إِ زِي د-ثْعڒْمذْ، [خنِّي] أَذْ إِڒِينْ أَمْ مَامّشْ دْجِيغْ نشّْ.
LAM 1:22 ثَافْ. أجّْ أَذْ د-يَاسْ مَارَّا ڒْغَارْ نْسنْ زَّاثكْ، أڭّْ زَّايْسنْ أَمْ مَامّشْ زَّايِي ثڭِّيذْ زِي سِّيبّثْ ن مَارَّا إِعذِّيينْ إِنُو، مِينْزِي إِزهَّارنْ إِنُو ذ أَطَّاسْ، ؤُڒْ إِنُو يُوحڒْ أَطَّاسْ.
LAM 2:1 أَلِيفْ. مَامّشْ إِذْڒَا سِيذِي إِنُو يدْجِيسْ ن صِيهْيُونْ س إِسيْنُوثنْ [إِبَارْشَاننْ]؟ أَقَا أَعُودْجِي ن إِسْرَائِيل إِنْضَارْ إِ-ث زڭْ ؤُجنَّا غَارْ ثمُّورْثْ، نتَّا وَارْ إِخَارّصْ ذِي ثْنبْذَاثْ ن إِضَارنْ نّسْ ذڭْ وَاسّْ ن وغْضَابْ نّسْ.
LAM 2:2 بِيثْ. إِقْضَا سِيذِي إِنُو خْ مَارَّا ثِيزدَّاغْ ن يَاعْقُوبْ، وَارْ ثنْثْ إِجِّي أَذْ نجْمنْثْ. ذڭْ ؤُذُوقّزْ نّسْ [ن ؤُفُوڭمْ] إِهْذمْ لْقلْعَاثْ ن يدْجِيسْ ن يَاهُوذَا، إِبقّضْ إِ-ثنْثْ خْ ثمُّورْثْ، إِسّْعَارَّا ثَاڭلْذِيثْ ذ ڒْحُوكَّامْ نّسْ.
LAM 2:3 ڭِيملْ. ذِي ڒْحَاذُوقْ ن وغْضَابْ نّسْ إِقسّْ قَاعْ إِشّْ ن إِسْرَائِيل. يَارَّا أَفُوسْ أَفُوسِي نّسْ غَارْ ضفَّارْ زَّاثْ إِ ڒعْذُو، ؤُ نتَّا يَارْغَا ضِيدّْ إِ يَاعْقُوبْ أَمْ ثْمسِّي إِتّحْذُوذُوقنْ، ثتّتّْ مَارَّا مِينْ إِ ذ أَسْ د-إِنّْضنْ.
LAM 2:4 ذَالِيثْ. نتَّا إِمْحضْ ڒْقوْسْ نّسْ أَمْ ڒعْذُو، إِسّْڭعّذْ أَفُوسِي نّسْ أَمْ ڒعْذُو، ونِّي إِوْثِينْ مَارَّا مِينْ ثمّژْرِي ثِيطّْ. ذڭْ ؤُقِيضُونْ ن يدْجِيسْ ن صِيهْيُونْ إِفَارّغْ أَسْعَارْ نّسْ أَمْ ثْمسِّي.
LAM 2:5 هِي. سِيذِي إِنُو إِذْوڒْ أَمْ ڒعْذُو، إِصَارْضْ إِسْرَائِيل، إِصَارْضْ مَارَّا ڒقْصُورْ نّسْ، إِهْذمْ لْقلْعَاثْ نّسْ، ؤُ يَارْنِي [عَاذْ] ذڭْ وشْضَانْ ذ إِغُويَّانْ غَارْ يدْجِيسْ ن يَاهُوذَا.
LAM 2:6 وَاوْ. نتَّا إِقْڒعْ س لْعُونْفْ أَعِيشُّو نّسْ، أَمْ إِجّْ ن وحْوِيشْ. يَاريّبْ أَمْشَانْ ن ؤُمْسَاڭَارْ. إِسّتُّو سِيذِي ذِي صِيهْيُونْ أَسّْ ن ڒْعِيذْ ذ أَسّْ ن سّبْثْ، ؤُ ذڭْ وسْخضْ نّسْ إِنْضَارْ أَجدْجِيذْ ذ ؤُكهَّانْ.
LAM 2:7 زَايِينْ. إِذْوڒْ سِيذِي إِنُو إِشَارّهْ أَعَالْطَارْ نّسْ، إِنْضَارْ زَّاوشْثْ إِقدّْسنْ نّسْ، إِوْشَا ڒحْيُوضْ ن يخَّامنْ ن ڒقْصَارْ ذڭْ ؤُفُوسْ ن ڒعْذُو. نِيثْنِي ڭِّينْ أَذْ سْڒنْ إِ ثْمِيجَّا نْسنْ ذِي ثَادَّارْثْ ن سِيذِي، أَمْ ذڭْ إِجّْ ن وَاسّْ ن ڒْعِيذْ.
LAM 2:8 خِيثْ. سِيذِي إِخَارّصْ أَذْ إِهْذمْ ڒْحِيضْ ن يدْجِيسْ ن صِيهْيُونْ، إِسَارّحْ [خَاسْ] فِيڒُو ن ڒعْبَارْ، وَارْ د-إِجْبِيذْ غَارسْ أَفُوسْ نّسْ زڭْ ؤُصَارْضْ. إِجَّا أَشْبَارْ ن زَّاثْ ذ ڒْحِيضْ أَذْ شضْننْ، أَقَا تّْوَاغضْڒنْ [جْمِيعْ] غَارْ ثمُّورْثْ.
LAM 2:9 ثِيث. ثِيوُّورَا نّسْ غَارْقنْثْ ذڭْ ؤُشَاڒْ، إِعُومَاذْ نّسْ ن ؤُبلّعْ يَاردّدْجْ إِ-ثنْ، يَارْژَا إِ-ثنْ. أَجدْجِيذْ نّسْ ذ ڒْحُوكَّامْ نّسْ [أَقَا أَثنْ] جَارْ ڒڭْنُوسْ، وَارْ ذِينْ [بُو ؤُسڒْمذْ ن] شَّارِيعَا، إِنَابِييّنْ نّسْ وَارْ تّطِّيفنْ شَا ڒوْحِييْ ن سِيذِي.
LAM 2:10 يُوذْ. إِمْغَارنْ ن يدْجِيسْ ن صِيهْيُونْ قِّيمنْ خْ ثمُّورْثْ، بكْمنْ، زُوزَّارَانْ ؤُشَاڒْ خْ ؤُزدْجِيفْ نْسنْ، بيْسنْ إِخفْ نْسنْ س ثْخُونْشَايْ [ن وشْضَانْ]. ثِيعْزَارِييِّينْ ن ؤُرْشَالِيمْ سَّاضَارنْثْ أَزدْجِيفْ نْسنْثْ غَارْ ثمُّورْثْ.
LAM 2:11 كَافْ. ثِيطَّاوِينْ إِنُو ؤُهْڒنْثْ زڭْ إِمطَّاونْ، ثَاكْرِيشْثْ إِنُو ثتّنْهزَّا، ثتّْوَازدْجعْ ثْسَا إِنُو خْ ثمُّورْثْ، خْ ثْرژِّيثْ ن يدْجِيسْ ن ڒْڭنْسْ إِنُو، مِينْزِي أَحنْجِيرْ ذ ؤُسيْمِي تّْغَاشَانْ خْ وَازَّاينْ ن ثنْذِينْثْ.
LAM 2:12 لَامِيذْ. نِيثْنِي قَّارنْ إِ يمَّاثْسنْ: ”مَانِي إِدْجَا [عَاذْ] إِمنْذِي ذ بِينُو؟“، خْمِي وطَّانْ خْ وَازَّاينْ ن ثنْذِينْثْ أَمْ يِينِّي إِتّْوَانْغنْ، خْمِي تّْوَاكّْسنْ زِي ثُوذَارْثْ نْسنْ خْ إِفَادّنْ ن يمَّاثْسنْ.
LAM 2:13 مِيمْ. مِينْ ذ أَمْ إِ غَا إِنِيغْ، مِينْ غَارْ شمْ إِ غَا سّمْقُوذِّيغْ، [أَ] يدْجِيسْ ن ؤُرْشَالِيمْ؟ مِينْ غَارْ شمْ إِ غَا سّمْقُوذِّيغْ، أَڒَامِي شمْ إِ غَا سّْفوّْجغْ، [أَ شمْ] ثَاعْزَارشْثْ، يدْجِيسْ ن صِيهْيُونْ، مَاغَارْ ثَارژِّيثْ نّمْ ذ ثَامقّْرَانْثْ أَمْ ڒبْحَارْ، وِي إِزمَّارنْ أَذْ شمْ إِسّْڭنْفَا؟
LAM 2:14 نُونْ. إِنَابِييّنْ نّمْ ژْرِينْ [إِوحَّانْ] إِخَارِّيقنْ ذ إِبُوحَاڒِييّنْ، وَارْ سّْعَارَّانْ شَا خْ ڒْمُوعْصِييّثْ نّمْ أَڒَامِي إِ غَا سّنْقڒْبنْ ثَامحْبَاسْثْ نّمْ. ذِي طّْوعْ نّمْ ژْرِينْ نِيثْنِي [مْغِيرْ] ڒحْكَامَاثْ إِخَارِّيقنْ ذ ثْحُوجَا ن ؤُغَارِّي.
LAM 2:15 سَامِيخْ. مَارَّا إِنِّي [خَامْ] د-إِتّكّنْ شَّاثنْ ذڭْ إِفَاسّنْ [س ؤُنخْڒِيعْ] زِي سِّيبّثْ نّمْ. نِيثْنِي تّْصفَّارنْ ؤُ سّنْهزَّانْ أَزدْجِيفْ نْسنْ خْ يدْجِيسْ ن ؤُرْشَالِيمْ، قَّارنْ: ’مَا ذ ثَا ذ ثَانْذِينْثْ نِّي ؤُمِي نَّانْ: ”مَا وَارْ إِدْجِي أَژْرِي نّسْ إِكْمڒْ، ذ [ڒْْعُونْصَارْ] ن ڒفْرَاحثْ إِ مَارَّا دُّونشْثْ!“؟
LAM 2:16 بِي مَارَّا ڒْعذْيَانْ نّمْ أَرزْمنْ-د غَارْومْ إِقمُّومنْ نْسنْ، تّْصفَّارنْ ؤُ تّْغزَّانْ ثِيغْمَاسْ، قَّارنْ: ”نشِّينْ نْصَارْضْ إِ-ت. وَا ذ أَسّْ إِ ثُوغَا نتّْرَاجَا، ڒخُّو نُوفَا إِ-ث، نتّْوَاڒَا إِ-ث!“
LAM 2:17 عَايِينْ. إِڭَّا سِيذِي مِينْ إِخَارّصْ، إِكمّڒْ أَوَاڒْ نّسْ ونِّي يُومُورْ زِي مشْحَاڒْ ؤُيَا. إِهْذمْ إِ [شمْ]، وَارْ [خَامْ] إِحِيوڒْ. ڒعْذُو إِجَّا إِ-ث إِفَارْحْ زَّايمْ، إِسّْڭعّذْ إِشّْ ن إِغْرِيمنْ نّمْ.
LAM 2:18 ثْسَاذِي. ؤُڒْ نْسنْ إِسْغُويُّو غَارْ سِيذِي إِنُو، ”[أَ] ڒْحِيضْ ن يدْجِيسْ ن صِيهْيُونْ، أجّْ أَذْ أَزّْڒنْ إِمطَّاونْ [نّمْ] أَمْ ثغْزَارْثْ، أَسّْ ذ دْجِيڒثْ بْڒَا مَا أَذْ نقْصنْ، وَارْ تّجِّي مُومُّو ن ثِيطَّاوِينْ نّمْ أَذْ إِبدّْ!“
LAM 2:19 قُوفْ. كَّارْ، سْغُويّْ ذِي دْجِيڒثْ، غَارْ ؤُمزْوَارُو ن ثْعسَّاسْثْ ن دْجِيڒثْ، زدْجعْ ؤُڒْ نّمْ أَمْ وَامَانْ زَّاثْ إِ وُوذمْ ن سِيذِي إِنُو. سْڭعّذْ غَارسْ إِفَاسّنْ نّمْ إِ ثُوذَارْثْ ن إِحنْجِيرنْ نّمْ إِمژْيَانِينْ، إِنِّي إِوْضَانْ غَارْ ثمُّورْثْ س ڒَاژْ، غَارْ ثْغمَّارْ ن مَارَّا إِبْرِيذنْ.
LAM 2:20 رِيخْ. خْزَارْ، [أَ] سِيذِي، وَاڒَا [مْلِيحْ] ؤُمِي ثڭِّيذْ مَانْ أَيَا؟ مَا إِتّْخصَّا [خنِّي] أَذْ شّنْثْ ثمْغَارِينْ ڒْْغِيدْجثْ ن ؤُعذِّيسْ نْسنْثْ، إِحنْجِيرنْ نْسنْثْ إِ ذِي تّْهِيلَّانْثْ نِيثنْثِي؟ مَا إِتّْخصَّا أَذْ إِتّْوَانغْ ؤُنَابِي ذ ؤُكهَّانْ ذِي زَّاوشْثْ إِقدّْسنْ ن سِيذِي؟
LAM 2:21 شِينْ. إِحُوذْرِييّنْ ذ إِوسُّورَا بُوزّْڒنْ خْ ثمُّورْثْ ذڭْ إِبْرِيذنْ. ثِيعْزَارِييِّينْ إِنُو ذ إِحُوذْرِييّنْ إِنُو وْضَانْ س سِّيفْ. ثنْغِيذْ [ثنْ] ذڭْ وَاسّْ ن وغْضَابْ نّشْ، ثْغَارْصضْ [أَسنْ]، وَارْ [خَاسنْ] ثْحِيوْڒذْ شَا.
LAM 2:22 ثَافْ. ثْعَارّْنذْ-د غَارِي مِينْ إِسَّاڭّْوَاذنْ زِي مَارَّا إِغزْذِيسنْ، أَمْ مَامّشْ إِبَارّحْ س إِجّْ ن ؤُمُونِي إِفَارْزنْ. وَارْ إِنجِّيمْ نِيغْ إِتَّاركّْوَاڒْ ؤُڒَا ذ إِجّْ ذڭْ وَاسّْ ن وغْضَابْ ن سِيذِي. إِنِّي إِ ذِي تّْهِيلِّيغْ ؤُ أَربِّيغْ إِقْضَا إِ-ثنْ ڒعْذُو إِنُو.
LAM 3:1 أَلِيفْ. نشّْ ذ أَرْيَازْ نِّي إِژْرِينْ ڒغْبنْ س وعْمُوذْ ن ؤُذُوقّزْ نّسْ [ن ؤُفُوڭمْ].
LAM 3:2 أَلِيفْ. نتَّا إِنْذهْ أَيِي ؤُشَا إِجَّا أَيِي أَذْ ؤُيُورغْ ذِي ثَادْجسْثْ، وَارْ إِدْجِي ذِي ثْفَاوْثْ.
LAM 3:3 أَلِيفْ. س ثِيذتّْ، نتَّا يَارَّا ڒبْذَا أَفُوسْ نّسْ ضِيدّْ إِنُو، أَسّْ إِكْمڒْ.
LAM 3:4 بِيثْ. نتَّا إِضيّعْ أَيْسُومْ إِنُو ذ ثڒْمشْثْ إِنُو، يَارْژَا إِغْسَانْ إِنُو.
LAM 3:5 بِيثْ. نتَّا بْنَا إِشْثْ ن ڒبْنِييّثْ خَافِي ؤُ إِقُووَّارْ أَيِي س أَرّْهَاجْ ذ ثَامَارَا.
LAM 3:6 بِيثْ. ذِي طّْڒَامْ إِجَّا أَيِي زدّْغغْ، أَمْ إِمتَّانْ ن وَاطَّاسْ زڭْ وَامِي.
LAM 3:7 ڭِيملْ. نتَّا إِبلّعْ أَيِي جَارْ ڒحْيُوضْ، وَارْ زمَّارغْ أَذْ نجْمغْ. إِسّذْقڒْ خَافِي سّْنَاسڒْ إِنُو ن نّْحَاسْ.
LAM 3:8 ڭِيملْ. عَاذْ مڒْمِي تّْڒَاغِيغْ ؤُ سْغُويُّوغْ، نتَّا إِقِّيمْ إِبْكمْ غَارْ ثْژَادْجِيثْ إِنُو.
LAM 3:9 ڭِيملْ. س ثْصُوضَارْ إِنْجَارنْ إِبلّعْ خَافِي أَبْرِيذْ، إِسّْفَارْغْ إِمسْرَاقْ إِنُو.
LAM 3:10 ذَالِيثْ. ثُوغَا نتَّا إِ نشّْ [أَمْ] دُّوبْ إِتّْحَامَانْ، [أَمْ] وَايْرَاذْ ذڭْ إِمُوشَانْ إِنُّوفَارنْ.
LAM 3:11 ذَالِيثْ. نتَّا يُوژّڒْ خَافِي زڭْ وبْرِيذْ، إِمزّقْ أَيِي، وَارْ ذ أَيِي إِجِّي شَا.
LAM 3:12 ذَالِيثْ. نتَّا إِسّمْحضْ ڒْقوْسْ نّسْ ؤُشَا إِجَّا أَيِي أَذْ إِڒِيغْ ذ أَوَاضْ إِ فْڒِيثْشَا [نّسْ].
LAM 3:13 هِي. فْڒِيثْشَاثْ زڭْ وقْرَابْ نّسْ إِجَّا إِ-ثنْثْ أَذْ أَذْفنْثْ ذِي ثِيژَّاڒْ إِنُو.
LAM 3:14 هِي. ذوْڒغْ ذ ثَاسضْهَاشْثْ إِ مَارَّا ڒْڭنْسْ إِنُو، ذ إِزْڒِي نْسنْ ن ؤُزَاوَارْ أَسّْ إِمُونْ.
LAM 3:15 هِي. نتَّا إِسّْجِّيونْ أَيِي س ثَارْزُوڭِي، إِسّسُّو أَيِي س شِّيحْ.
LAM 3:16 وَاوْ. ثِيغْمَاسْ إِنُو إِجَّا إِ-ثنْثْ زعّْفنْثْ ذڭْ ؤُقَايَاسْ أَڒَامِي أَرْژِينْثْ، إِذْڒَا أَيِي س يِيغّذْ.
LAM 3:17 وَاوْ. شكْ ثسِّيڭّْوجذْ ڒعْمَارْ إِنُو خْ ڒهْنَا، نشّْ تُّوغْ [مَارَّا] ثْشُونِي.
LAM 3:18 وَاوْ. نشّْ نِّيغْ: ”جّهْذْ إِنُو إِقْضَا، ؤُڒَا ذ أَسِيثمْ إِنُو ذِي سِيذِي.“
LAM 3:19 زَايِينْ. عْقڒْ خْ ڒغْبنْ إِنُو ذ ثْمحْبَاسْثْ إِنُو، خْ شِّيحْ ذ أَرّْهَاجْ.
LAM 3:20 زَايِينْ. ڒعْمَارْ إِنُو إِتّْخَارّصْ نِيشَانْ ذِي مَانْ أَيَا، أَقَا إِشْضنْ ذَايِي.
LAM 3:21 زَايِينْ. أَيَا خْسغْ أَذْ ث أَرّغْ غَارْ وُوڒْ، خْ ؤُيَا أَذْ قِّيمغْ سِّيثِيمغْ عَاذْ.
LAM 3:22 خِيثْ. س ثْمڭَّا ن ثْمخْسِيوْثْ ن سِيذِي، أَقَا وَارْ نتّْوَاهلّكْ شَا، مِينْزِي أَرّحْمثْ نّسْ [عمَّارْصْ] وَارْ ثتّْبذِّي.
LAM 3:23 خِيثْ. أَقَا-ت ذ جْذِيذْ كُوڒْ صّْبحْ، ڒَْامَانْ نّشْ ذ أَمقّْرَانْ.
LAM 3:24 خِيثْ. ثَاسْغَارْثْ إِنُو ذ سِيذِي، [أَمُّو إِ] إِقَّارْ ڒعْمَارْ إِنُو، خْ ؤُيَا تّْغِيمِيغْ سِّيثِيمغْ ذَايسْ.
LAM 3:25 ثِيث. إِصْبحْ سِيذِي إِ يِينِّي ذَايسْ إِسِّيثِيمنْ، إِ ڒعْمَارْ نِّي خَاسْ يَارزُّونْ.
LAM 3:26 ثِيث. أَقَا مْلِيحْ أَرَاجِي س ؤُسِيثمْ غَارْ زَّاثْ، [أَرَاجِي] ذِي ڒْهُوذْنثْ غَارْ ؤُسنْجمْ زِي سِيذِي.
LAM 3:27 ثِيث. مْلِيحْ إِ ورْيَازْ أَذْ يَارْبُو أَزَايْڒُو ذِي ثمْژِي نّسْ.
LAM 3:28 يُوذْ. أجّْ إِ-ث أَذْ إِقِّيمْ حَافِي، أَذْ إِسّغْذْ، مَاغَارْ سِيذِي إِڭَّا إِ-ت خَاسْ.
LAM 3:29 يُوذْ. أجّْ إِ-ث أَذْ إِڭّْ أَقمُّومْ نّسْ ذِي ثْعجَّاجْثْ، [أَذْ يِينِي:] ”أَذْ ثَاغْ إِدْجَا ڒَايَاسْ!“
LAM 3:30 يُوذْ. أجّْ إِ-ث أَذْ إِوْشْ أَمڭِّيزْ إِ ونِّي ث إِشَّاثنْ، أجّْ إِ-ث أَذْ إِتّْوَاجِّيونْ س ؤُسحْقَارْ.
LAM 3:31 كَافْ. مِينْزِي سِيذِي إِنُو وَارْ إِنطَّارْ [حذْ] إِ ڒبْذَا،
LAM 3:32 كَافْ. مَاشَا مَاڒَا نتَّا إِسّشْضنْ [حذْ]، أَذْ [خَاسْ] إِحِينّْ عَاوذْ عْلَاحْسَابْ ڒمْغَارثْ ن ثْمخْسِيوْثْ نّسْ إِشُووَّارنْ،
LAM 3:33 كَافْ. مَاغَارْ نتَّا وَارْ إِحصَّارْ نِيغْ إِسّشْضِينْ ثَارْوَا ن ورْيَازْ س وُوڒْ.
LAM 3:34 لَامِيذْ. خْمِي غَا ڒبْزنْ سَاذُو إِضَارنْ مَارَّا إِمحْبَاسْ ن ثمُّورْثْ،
LAM 3:35 لَامِيذْ. خْمِي غَا حَارّْفنْ ثَاسْغَارْثْ ن ورْيَازْ زَّاثْ إِ وُوذمْ ن ؤُمْعُودْجِي خْ كُوڒْشِي،
LAM 3:36 لَامِيذْ. خْمِي غَا قڒْبنْ دّعْوثْ ن بْنَاذمْ، مَا زعْمَا سِيذِي إِنُو وَارْ إِتّْوِيڒِي [مَانْ أَيَا]؟
LAM 3:37 مِيمْ. مَانْ ونْ إِ إِقَّارنْ [شَا ن ڒْحَاجّثْ] ؤُشَا [خنِّي] ثمْسَارْ، [مَاڒَا] وَارْ ت يُومُورْ سِيذِي إِنُو؟
LAM 3:38 مِيمْ. مَا وَارْ د-إِتِّيسْ زڭْ ؤُقمُّومْ ن ؤُمْعُودْجِي خْ كُوڒْشِي [مَارَّا] مِينْ وَارْ إِحْڒِينْ ؤُڒَا ذ [مَارَّا] مِينْ إِصبْحنْ؟
LAM 3:39 مِيمْ. مَامّشْ إِتّْشثْشَا بْنَاذمْ إِدَّارنْ [عَاذْ]؟ [أجّْ] ورْيَازْ [أَذْ إِشثْشَا] زِي سِّيبّثْ ن دّْنُوبْ نّسْ.
LAM 3:40 نُونْ. أجّْ أَنغْ أَذْ نخْزَارْ إِبْرِيذنْ نّغْ، أَذْ ذَايْسنْ نَارْزُو، أجّْ أَنغْ أَذْ د-نذْوڒْ غَارْ سِيذِي.
LAM 3:41 نُونْ. أجّْ أَنغْ أَذْ نسّْڭعّذْ أَكْ-ذ إِفَاسّنْ نّغْ ؤُڒَا ذ وُوڒَاونْ نّغْ، غَارْ أَربِّي ذڭْ ؤُجنَّا.
LAM 3:42 نُونْ. نشِّينْ نْعدَّا ؤُ نْغوّغْ، شكْ وَارْ ثغْفَارذْ شَا إِ [ؤُيَا].
LAM 3:43 سَامِيخْ. شكْ ثْڒحّْفذْ أَنغْ س وغْضَابْ، ثضْفَارضْ أَنغْ، ثنْغِيذْ، وَارْ [خَانغْ] ثْحِيوْڒذْ شَا.
LAM 3:44 سَامِيخْ. ثْڒحّْفذْ إِخفْ نّشْ ذڭْ ؤُسيْنُو، مَاحنْذْ أَذْ ثَافْ ثَاژَادْجِيثْ وَارْ ثْزمَّارْ أَذْ ثعْذُو.
LAM 3:45 سَامِيخْ. شكْ ثَارِّيذْ-د أَنغْ ذ ثَاخْمُوجِي ذ وفْرَاضْ ذِي ڒْوسْطْ ن ڒڭْنُوسْ.
LAM 3:46 بِي. مَارَّا ڒْعذْيَانْ نّغْ أَرْزْمنْ-د غَارْنغْ أَقمُّومْ نْسنْ.
LAM 3:47 بِي. ثِيڭّْوُوذَا ذ ڒْفخْ ذوْڒنْ [ذ أَزْينْ] زَّايْنغْ، أَخَارّبْ ذ أَرْژِييّثْ.
LAM 3:48 بِي. زِي ثِيطَّاوِينْ إِنُو تَّازّْڒنْثْ إِمطَّاونْ خْ ثَارژِّيثْ ن يدْجِيسْ ن ڒْڭنْسْ إِنُو.
LAM 3:49 عَايِينْ. ثِيطّْ إِنُو ثقِّيمْ ثتَّازّڒْ [س إِمطَّاونْ]، وَارْ ثتَّاريِّيحْ، وَارْ ثسّْبذِّي،
LAM 3:50 عَايِينْ. أَڒْ ذ إِ غَا إِسِّيجّْ سِيذِي زڭْ ؤُجنَّا، ؤُشَا أَذْ إِتّْوَاڒَا.
LAM 3:51 عَايِينْ. ثِيطّْ إِنُو ثتّڭّْ أَيِي ڒحْرِيقْ ذِي ڒعْمَارْ إِنُو، زِي سِّيبّثْ ن مَارَّا يسِّيسْ ن ثنْذِينْثْ إِنُو.
LAM 3:52 ثْسَاذِي. أَردّْفنْ أَيِي-د ڒْعذْيَانْ إِنُو بْڒَا قطُّو، أَمْ يِيجّْ ن وجْضِيضْ، [مَاشَا] بْڒَا سِّيبّثْ.
LAM 3:53 ثْسَاذِي. نِيثْنِي سّْبكْمنْ ثُوذَارْثْ إِنُو ذڭْ وَانُو، ؤُشَا نْضَارنْ أَژْرُو خَافِي.
LAM 3:54 ثْسَاذِي. أَمَانْ حمْڒنْ-د خْ ؤُزدْجِيفْ إِنُو، نِّيغْ: ”أَقَا وَارْ قِّيمغْ دْجِيغْ!“
LAM 3:55 قُوفْ. [أَ] سِيذِي، نشّْ ڒَاغِيغْ خْ يِيسمْ نّشْ، زِي ڒَادْجَاغْ ن وَانُو.
LAM 3:56 قُوفْ. شكْ ثسْڒِيذْ إِ ثْمِيجَّا إِنُو، وَارْ تّقّنْ أَمزُّوغْ نّشْ زَّاثْ إِ ؤُزهَّارْ إِنُو، زَّاثْ إِ إِغُويَّانْ إِنُو!
LAM 3:57 قُوفْ. شكْ ثُوسِيذْ-د غَارِي ذڭْ وَاسّْ إِ ذ أَشْ د-ڒَْاغِيغْ، ثنِّيذْ: ”وَارْ تّڭّْوذْ شَا!“
LAM 3:58 رِيخْ. شكْ، [أَ] سِيذِي إِنُو، ثَارفْعذْ دّْعَاوِي خْ ڒعْمَارْ إِنُو، شكْ ثْفكّذْ ثُوذَارْثْ إِنُو.
LAM 3:59 رِيخْ. [أَ] سِيذِي، ثژْرِيذْ دّدْجْ إِ ذَايِي إِڭِّينْ، أَغْ أَيِي ثَاسْغَارْثْ إِنُو.
LAM 3:60 رِيخْ. شكْ ثژْرِيذْ مَارَّا أَخْڒَافْ نْسنْ، مَارَّا مِينْ نْوَانْ ضِيدّْ إِنُو.
LAM 3:61 شِينْ. شكْ ثسْڒِيذْ ڒْحڭْرَا نْسنْ، [أَ] سِيذِي، مَارَّا مِينْ نْوَانْ ضِيدّْ إِنُو،
LAM 3:62 شِينْ. [أَوَاڒنْ نِّي د-إِتّفّْغنْ] [زِي جَارْ] إِينْشِيشنْ ن يِينِّي خَافِي إِكَّارنْ، ؤُڒَا ذ ڒمْوَايَاڒْ نْسنْ ن ؤُخَارّصْ خَافِي أَسّْ إِمُونْ.
LAM 3:63 شِينْ. خْزَارْ غَارْ ؤُغِيمِي ذ ؤُبذِّي نْسنْ، نشّْ ذ إِزْڒِي نْسنْ ن ؤُسْثهْزِي.
LAM 3:64 ثَافْ. [أَ] سِيذِي، خدْجصْ إِ-ثنْ ڒْمُونثْ نْسنْ إِ إِسْذَاهدْجنْ، عْلَاحْسَابْ ثِيمڭَّا ن إِفَاسّنْ نْسنْ.
LAM 3:65 ثَافْ. سْذَاغْرڒْ ؤُڒَاونْ نْسنْ، أجّْ نّعْڒثْ نّشْ أَذْ د-خَاسنْ-[ثوْضَا].
LAM 3:66 ثَافْ. ضْفَارْ [إِ-ثنْ] ذڭْ وغْضَابْ [نّشْ]، قْضَا خَاسنْ زِي سَاذُو ؤُجنَّا ن سِيذِي.
LAM 4:1 أَلِيفْ. مَامّشْ إِڭَّا إِبَّارْشنْ وُورغْ أَمُّو، [مَامّشْ] إِبدّڒْ وُورغْ إِشْنَا قَاعْ [أَمُّو]! مَامّشْ تّْوَابزّْعنْ إِژْرَا ن زَّاوشْثْ إِقدّْسنْ خْ ثْغمُّورَا ن إِبْرِيذنْ!
LAM 4:2 بِيثْ. إِحنْجِيرنْ إِغْڒَانْ ن صِيهْيُونْ تّْوَاحسْبنْ أَمْ وُورغْ إِقُّورنْ. مَامّشْ ذ أَسنْ تّڭّنْ [ڒخُّو] أَمْ يِيغَارَّافنْ ن ثْڒَاخْثْ، [أَمْ] ڒْخذْمثْ ن بُو-ثْڒَاخْثْ!
LAM 4:3 ڭِيملْ. عَاذْ ثُوشَّانِينْ ن ڒخْڒَا إِ د-إِسُّوفّْغنْ ثِيبِّيشِينْ، سُّوطُّوضنْثْ إِمژْيَاننْ نْسنْثْ، [مَاشَا] يدْجِيسْ ن ڒْڭنْسْ إِنُو ثذْوڒْ ثوْعَارْ، أَمْ نّْعَامَاثْ ذِي ڒخْڒَا.
LAM 4:4 ذَالِيثْ. إِڒسْ ن وحْضِيضْ إِڒْصقْ غَارْ وَانغْ نّسْ س ؤُفَاذِي، إِحنْجِيرنْ إِمژْيَاننْ ثتَّارنْ أَغْرُومْ، [مَاشَا] ؤُڒَا ذ إِجّنْ وَارْ ذ أَسنْ ث يبْضِي.
LAM 4:5 هِي. إِنِّي ثُوغَا إِتّتّنْ [زِيشْ] مَاشَّا إِڒدّنْ، غَاشَانْ ذڭْ إِبْرِيذنْ، إِنِّي إِتّْوَاسّيْمنْ [ذڭْ وَارُّوضْ] أَزڭّْوَاغْ إِحذْقنْ، حنّْضنْ ڒخُّو ذِي ڒغْبَارْ.
LAM 4:6 وَاوْ. ڒْمُوعْصِييّثْ ن يدْجِيسْ ن ڒْڭنْسْ إِنُو ذ ثَامقّْرَانْثْ خْ دّْنُوبْ ن [ثنْذِينْثْ ن] سَاذُومْ، ثنِّي إِنْقڒْبنْ ذڭْ إِجّْ ن ؤُمُورْ، بْڒَا تّْسَاخُّورْ ن إِفَاسّنْ.
LAM 4:7 زَايِينْ. ثُوغَا ثَارْوَا ن ثَاصِيڒثْ نّسْ صْفَانْ خْ وذْفڒْ، ذ إِشمْڒَاڒنْ خْ ؤُغِي، أَرِّيمَاثْ نْسنْ زوْغنْ خْ ڒْمَارْجَانْ، أَدُّوذْ نْسنْ [يَارقّْ] أَمْ صَافِّيرْ أَزِيزَا.
LAM 4:8 خِيثْ. [ڒخُّو] إِبدّڒْ وَادُّوذْ نْسنْ، إِذْوڒْ ذ أَبَارْشَانْ خْ ثَادْجسْثْ، وَارْ تّْوَاعْقِيڒنْ ذڭْ إِبْرِيذنْ [عَاذْ]. ثِيڒْمشْثْ نْسنْ ثڒْصقْ خْ يغْسَانْ نْسنْ، ثُوژغْ، ثذْوڒْ أَمْ ؤُكشُّوضْ.
LAM 4:9 ثِيث. إِحْڒَا إِنِّي إِتّْوَانْغنْ س سِّيفْ، خْ يِينِّي إِتّْوَانْغنْ س ڒَاژْ، مَاغَارْ نِيثْنِي أَذْ فسْينْ، تّْوَاڒقْفنْ س [ونْقَاسْ ن] صَّابثْ ن ييَّارْ.
LAM 4:10 يُوذْ. إِفَاسّنْ ن ثمْغَارِينْ [نِّي ثُوغَا] إِتّْحِينَّانْ [قْبڒْ]، سّْننَّانْ إِ إِحنْجِيرنْ نْسنْ. نِيثْنِي ذوْڒنْ أَسنْثْ ذ مَاشَّا، زِي سِّيبّثْ ن ثْرژِّيثْ ن يدْجِيسْ ن ڒْڭنْسْ إِنُو.
LAM 4:11 كَافْ. سِيذِي يَارْخُو إِ وسْعَارْ نّسْ، إِسّْفَارّغْ ڒْحَاذُوقْ ن وغْضَابْ نّسْ. نتَّا إِسَّارْغْ ثِيمسِّي ذِي صِيهْيُونْ، [ثِيمسِّي] ثنِّي إِشّنْ ذْسُوسَا نّسْ.
LAM 4:12 لَامِيذْ.عمَّارْصْ وَارْ ثتّْغِيڒْ إِ إِجدْجِيذنْ ن ثمُّورْثْ ذ إِمزْذَاغْ ن دُّونشْثْ، أَقَا أَغْرِيمْ ذ ڒعْذُو أَذْ د-أَذْفنْ غَارْ ثوُّورَا ن ؤُرْشَالِيمْ.
LAM 4:13 مِيمْ. ذ مَانْ أَيَا ذِي سِّيبّثْ ن دّْنُوبْ ن إِنَابِييّنْ نّسْ، [ذِي سِّيبّثْ] ن ڒْمُوعْصِييّثْ ن إِكهَّاننْ نّسْ، إِنِّي إِسِّيزّْڒنْ إِذَامّنْ ن إِمْسڭَّاذنْ ذِي ڒْوسْطْ نّسْ.
LAM 4:14 نُونْ. ثتّْلِيعنْ أَمشْنَاوْ إِذَارْغَاڒنْ ذڭْ إِبْرِيذنْ، مسْڒنْ س إِذَامّنْ، أَڒَامِي وَارْ إِزمَّارْ ؤُڒَا ذ إِجّنْ أَذْ إِحَاذَا أَرُّوضْ نْسنْ.
LAM 4:15 سَامِيخْ. ”أَڭّْوجمْ، [أَقَا إِذَامّنْ] خمْجنْ!“، ڒَْاغَانْ أَسنْ: ”أَڭّْوجمْ، أَڭّْوجمْ، وَارْ ث تّْحَاذَامْ!“ ؤُشَا خنِّي أَروْڒنْ، قِّيمنْ ودَّارنْ. إِتّْوَانَّا جَارْ ڒڭْنُوسْ: ”وَارْ إِعدّڒْ أَذْ قِّيمنْ [ذِينْ] عَاذْ كْثَارْ [أَمْ إِبَارَّانِييّنْ]!“
LAM 4:16 بِي. أَغمْبُوبْ ن سِيذِي يَاريّشْ إِ-ثنْ، وَارْ إِقِّيمْ أَذْ ذَايْسنْ إِخْزَارْ عَاذْ. ثُوغَا وَارْ غَارْسنْ أَوقَّارْ إِ إِكهَّاننْ، إِوسُّورَا وَارْ ذ أَسنْ سّشْننْ أَحِينِّي.
LAM 4:17 عَايِينْ. ڒبْذَا تّفْشِيڒنْثْ ثِيطَّاوِينْ نّغْ، ؤُمِي خْزَارنْثْ غَارْ ثْوِيزَا. ثُوغَا-ث بَاطڒْ! غَارْ مَارَّا أَخزَّارْ نّغْ نتّْرَاجَا إِجّْ ن ڒْڭنْسْ إِ وَارْ إِزمَّارنْ أَذْ إِسّنْجمْ.
LAM 4:18 ثْسَاذِي. نِيثْنِي حْصَارنْ أَنغْ، أَڒَامِي وَارْ نقِّيمْ نْزمَّارْ أَذْ نُويُورْ خْ وَازَّاينْ نّغْ. قطُّو نّغْ ثُوغَا يِيوضْ-د، ؤُسَّانْ نّغْ قْضَانْ، وَاهْ، قطُّو نّغْ يُوسَا-د.
LAM 4:19 قُوفْ. إِنِّي ذ أَنغْ إِضفَّارنْ ثُوغَا فْسُوسنْ خْ إِڭِيذَارنْ ذڭْ ؤُجنَّا. نِيثْنِي ؤُژّْڒنْ خَانغْ خْ إِذُورَارْ، ڭِّينْ أَنغْ إِجّْ ن ڒْفخْ ذِي ڒخْڒَا.
LAM 4:20 رِيخْ. نّفْسْ ن ونْزَارنْ نّغْ، لْمَاسِيحْ ن سِيذِي، إِتّْوَاحبّسْ ذِي إِحُوفَارْ نْسنْ، ونِّي خْ ننَّا: ”أَذْ ندَّارْ جَارْ ڒڭْنُوسْ ذِي ثِيڒِي نّسْ!“
LAM 4:21 شِينْ. سْڒِيوْڒوْ ؤُ فَارْحْ، [أَ] يدْجِيسْ ن إِذُومْ، ثنِّي إِزدّْغنْ ذِي ثمُّورْثْ ن عُوصْ! [مَاشَا] ؤُڒَا ذ شمْ أَذْ غَارمْ د-يَاسْ ڒْكَاسْ، شمْ أَذْ زَّايسْ ثسْشَارذْ، أَذْ ثتّْوَاعَارِّيذْ.
LAM 4:22 ثَافْ. غَارْ ڒْمُوعْصِييّثْ نّمْ أَذْ يِيڒِي ؤُنڭَّارْ، [أَ] يدْجِيسْ ن صِيهْيُونْ! نتَّا وَارْ إِ شمْ إِتّْحوِّيسْ عَاذْ. [مَاشَا] نتَّا أَذْ زَّايمْ إِخدْجصْ ڒْمُوعْصِييّثْ نّمْ، [أَ] يدْجِيسْ ن إِذُومْ! نتَّا أَذْ إِعَارَّا خْ دّْنُوبْ نّمْ.
LAM 5:1 عْقڒْ، [أَ] سِيذِي، خْ مِينْ إِ ذ أَنغْ إِمْسَارنْ، خْزَارْ-د ؤُ وَاڒَا ڒْحڭْرَا نّغْ.
LAM 5:2 ثوْضَا ثسْغَارْثْ ن ڒْوَارْثْ نّغْ إِ إِبَارَّانِييّنْ، ؤُڒَا ذ ثُوذْرِينْ نّغْ رُوحنْثْ ت غَارْ مِيدّنْ.
LAM 5:3 نشِّينْ نذْوڒْ ذ إِيُوجِيڒنْ بْڒَا بَابَاثْنغْ، ثِييمَّاثِينْ نّغْ ذوْڒنْثْ أَمْ ثِيجَّاڒْ.
LAM 5:4 أَمَانْ نّغْ نْسسّْ إِ-ثنْ س ثْمنْيَاثْ، أَكشُّوضْ نّغْ نتّْخدْجَاصْ خَاسْ.
LAM 5:5 ضفَّارنْ أَنغْ خْ يِيرِي نّغْ، نشِّينْ نمُّوثْ س ڒْوحْڒَانْ، [مَاشَا] وَارْ ذ أَنغْ جِّينْ أَرَّاحثْ.
LAM 5:6 أَقَا نْسَارّحْ أَفُوسْ غَارْ مِيصْرَا، غَارْ أَشُّورْ، مَاحنْذْ أَذْ نجِّيونْ أَغْرُومْ.
LAM 5:7 إِبَابَاثنْ نّغْ خْضَانْ، وَارْ دْجِينْ عَاذْ. ؤُ نشِّينْ نَاربُّو ڒْمُوعْصِييّثْ نْسنْ.
LAM 5:8 إِمْسخَّارنْ دّبَّارَانْ خَانغْ، ؤُڒَا ذ إِجّْ وَارْ ذ أَنغْ إِسّنْفكِّي زڭْ إِفَاسّنْ نْسنْ.
LAM 5:9 نشِّينْ نْسبّڒْ ثُوذَارْثْ نّغْ مَاحنْذْ أَذْ د-نَاوِي أَغْرُومْ نّغْ، زِي سِّيبّثْ ن سِّيفْ ذِي ڒخْڒَا.
LAM 5:10 ثِيڒْمشْثْ نّغْ ثتّحْذُوذُوقْ أَمْ ثفْقُونْثْ، زِي ڒْحَاذُوقْ ن ثْمسِّي ن ڒَاژْ.
LAM 5:11 سّْخَارْڭنْ ثِيمْغَارِينْ ذِي صِيهْيُونْ، ؤُڒَا ذ ثِيعْزَارِييِّينْ ذِي ثْندَّامْ ن يَاهُوذَا.
LAM 5:12 ڒْحُوكَّامْ يُويْڒنْ ثنْ س إِفَاسّنْ ن يِيخفْ نْسنْ، إِوسُّورَا وَارْ ثنْ وقَّارنْ [عَاذْ].
LAM 5:13 إِرْيَازنْ إِجهْذنْ قَاعْ أَربُّونْ [إِژْرَا ن] ثْسِيرْثْ، ؤُ إِحُوذْرِييّنْ تّْنقْرَاضنْ سَاذُو [ڒحْمڒْ ن] ؤُكشُّوضْ.
LAM 5:14 إِمْغَارنْ سّْبدّنْ أَغِيمِي ذِي ثوُّورَا ن ثنْذِينْثْ، إِحُوذْرِييّنْ [سّْبدّنْ] زڭْ ؤُزنْزُونْ نْسنْ [خْ إِفِيڒَانْ].
LAM 5:15 ثْودَّارْ ڒفْرَاحثْ ن وُوڒْ نّغْ، شّْضِيحْ نّغْ س نُّوبْثَاثْ إِذْوڒْ ذ أَشْضَانْ.
LAM 5:16 إِوْضَا أَنغْ ثَاجّْ خْ ؤُزدْجِيفْ نّغْ. ؤُشْثْ خَانغْ، مَاغَارْ نشِّينْ نخْضَا.
LAM 5:17 س ؤُينِّي إِهْڒشْ وُوڒْ نّغْ أَطَّاسْ، س ؤُينِّي بَّارشْننْثْ ثِيطَّاوِينْ نّغْ،
LAM 5:18 زِي سِّيبّثْ ن وذْرَارْ ن صِيهْيُونْ نِّي إِتّْوَاخَارّْبنْ، مَانِي تَّاوْينْ تَّارَّانْ إِشعْبَاونْ.
LAM 5:19 شكْ، [أَ] سِيذِي، أَذْ ثقِّيمذْ إِ ڒبْذَا، ڒْْكُورْسِي إِڭلّْذنْ نّشْ أَقَا-ث زِي جِّيڒْ أَڒْ جِّيڒْ.
LAM 5:20 مَايمِّي ثخْسذْ شكْ أَذْ أَنغْ ثتُّوذْ إِ ڒبْذَا؟ مَايمِّي إِ ذَايْنغْ ثْسمْحذْ قَاعْ أَنشْثْ ؤُيَا ن وُوسَّانْ؟
LAM 5:21 [أَ] سِيذِي، أَرّْ أَنغْ-د غَاركْ، [خنِّي] أَذْ غَاركْ د-نذْوڒْ. أَرّْ أَنغْ-د ؤُسَّانْ نّغْ ذ جْذِيذْ أَمْ زِيشْ.
LAM 5:22 مَاغَارْ مَا س ثِيذتّْ ثنْضَارذْ أَنغْ كُوڒْشِي؟ مَا ثفُّوڭْمذْ خَانغْ أَمُّو قَاعْ؟
EZE 1:1 ذڭْ ؤُسڭّْوَاسْ وِيسّْ ثْڒَاثِينْ، ذڭْ ؤُيُورْ وِيسّْ أَربْعَا، ذڭْ وَاسّْ وِيسّْ خمْسَا ن ؤُيُورْ، ؤُمِي ذ أَيِي ثُوغَا ذِي ڒْوسْطْ ن أَيْثْ ن لْمنْفَا غَارْ يغْزَارْ ن خابُورْ، إِمْسَارْ بلِّي أَرزْمنْ إِجنْوَانْ ؤُشَا ژْرِيغْ إِوحَّانْ ن أَربِّي.
EZE 1:2 ذڭْ وَاسّْ وِيسّْ خمْسَا ن ؤُيُورْ - ثُوغَا ذ أَسڭّْوَاسْ وِيسّْ خمْسَا ن لْمنْفَا ن ؤُجدْجِيذْ يُويَاكِينْ -
EZE 1:3 يُوسَا-د وَاوَاڒْ ن سِيذِي نِيشَانْ غَارْ حِيزْقِييَالْ، مِّيسْ ن بُوزِي، أَكهَّانْ، ذِي ثمُّورْثْ ن إِكَالْذَانِييّنْ، غَارْ يغْزَارْ ن خابُورْ. ثُوغَا ذِينْ خَاسْ أَفُوسْ ن سِيذِي.
EZE 1:4 ژْرِيغْ، ؤُشَا خْزَارْ، يُوسَا-د ؤُسمِّيضْ ن ثْحَارْيَاضْثْ زِي شَّامَالْ، إِجّْ ن ؤُسيْنُو ذ أَمقّْرَانْ، ذ إِشْثْ ن ثْمسِّي ثتّْشعّڒْ، إِنّضْ أَسْ-د [إِ ؤُسيْنُو] إِجّْ ن ؤُوسّڭْ. زِي ڒْوسْطْ نّسْ إِبَانْ-د [شَا] أَمْ وُوزَّاڒْ إِتّْوسّْڭنْ، زِي ڒْوسْطْ ن ثْمسِّي.
EZE 1:5 زِي ڒْوسْطْ نّسْ [ثْبَانْ-د] صِّيفثْ ن أَربْعَا ن إِمُودَّارنْ. أَمُّو د-ضْهَارنْ يِينَا: ثُوغَا [مَارَّا] غَارْسنْ صِّيفثْ ن بْنَاذمْ.
EZE 1:6 كُوڒْ إِجّْ غَارسْ أَربْعَا ن وُوذْمَاونْ ؤُ كُوڒْ  إِجّْ غَارسْ أَربْعَا ن وَافْرِيونْ.
EZE 1:7 إِضَارنْ نْسنْ ثُوغَا أَثنْ نِيشَانْ ؤُ ثِيڒقَّا ن إِضَارنْ نْسنْ أَمْ ثْڒقَّا ن إِضَارنْ ن ؤُعجْمِي ؤُشَا تِّيسِّيقنْثْ [ثْڒقَّاثْ ن إِضَارنْ نْسنْ] أَمْ وُوذمْ ن نّْحَاسْ إِتّْوَاسُّويْذَانْ.
EZE 1:8 سَاذُو أَفْرِيونْ نْسنْ غَارْ أَربْعَا ن إِغزْذِيسنْ نْسنْ [غَارْسنْ] إِفَاسّنْ ن بْنَاذمْ. أَربْعَا [ن إِمُودَّارنْ] غَارْسنْ ؤُذْمَاونْ ذ وَافْرِيونْ.
EZE 1:9 ثُوغَا أَفْرِيونْ نْسنْ مُوننْ إِجّْ أَكْ-ذ ونّغْنِي. نِيثْنِي وَارْ نّْقڒْبنْ شَا خْمِي ڭُّورنْ. ڭُّورنْ نِيثْنِي، كُوڒْ إِجّْ [زَّايْسنْ إِڭُّورْ] نِيشَانْ غَارْ زَّاثْ.
EZE 1:10 أَرْوَاسْ ن وُوذْمَاونْ نْسنْ [ثُوغَا أَمْ] وُوذمْ ن بْنَاذمْ ؤُ غَارْ ؤُغزْذِيسْ أَفُوسِي ن أَربْعَا [ن إِمُودَّارنْ نِّي] [أَمْ] وُوذمْ ن ويْرَاذْ ؤُ غَارْ ؤُغزْذِيسْ أَزڒْمَاضْ ن أَربْعَا [ن إِمُودَّارنْ نِّي] [أَمْ] وُوذمْ ن ؤُفُونَاسْ ؤُشَا أَربْعَا [ن إِمُودَّارنْ نِّي] غَارْسنْ عَاوذْ ؤُذمْ ن ؤُڭِيذرْ.
EZE 1:11 ؤُذْمَاونْ نْسنْ ذ وَافْرِيونْ نْسنْ تّْوَامْسبْضَانْ غَارْ ثِيوَا. ثْنَاينْ [ن وَافْرِيونْ] ن كُوڒْ إِجّنْ تّْمُونَانْ أَكْ-ذ ونّغْنِي، ؤُ ثْنَاينْ ذْڒِينْ أَرِّيمَاثْ نْسنْ.
EZE 1:12 نِيثْنِي ؤُيُورنْ، كُوڒْ إِجّْ نِيشَانْ غَارْ زَّاثْ. مَانِي مَا ثُوغَا إِخْسْ أَرُّوحْ أَذْ يُويُورْ، ڭُّورنْ نِيثْنِي. نِيثْنِي وَارْ تّْنقْڒِيبنْ شَا خْمِي ڭُّورنْ.
EZE 1:13 خْ وَارْوَاسْ ن إِمُودَّارنْ [نِّي]: أَقَا بَاننْ-د أَمْ ڒفْحمْ إِتّحْذُوذُوقنْ إِشمّْضنْ، أَمْ يِيصفْضَاونْ. ثُوغَا [ثِيمسِّي] ثتّْرَاحْ ثتَّاسْ-د جَارْ إِمُودَّارنْ ؤُشَا ثِيمسِّي ثتِّيسِّيقْ ؤُ زِي ثْمسِّي تّفّْغنْ-د وَاسَّامنْ.
EZE 1:14 إِمُودَّارنْ ثُوغَا تَّازّْڒنْ، ذكّْوَاڒنْ-د، إِتّْبَانْ أَمْ وَاسَّامنْ.
EZE 1:15 [ڒَْامِي] ژْرِيغْ إِمُودَّارنْ [نِّي]، خْزَارْ إِشْثْ ن ثْجَارَّارْثْ [ثْبدّْ] خْ ثمُّورْثْ زَّاثْ إِ إِمُودَّارنْ، غَارْ [كُوڒْ إِجّْ زِي] أَربْعَا ن وُوذْمَاونْ.
EZE 1:16 ثَاجَارَّارِينْ ذ ثْوَاڭِّيثْ نْسنْ بَاننْثْ-إِ-د أَمْ ثخْرِيسُولِيثْ ؤُ غَارْسنْ صِّيفثْ ذ إِشْثْ غَارْ أَربْعَا [ن إِمُودَّارنْ]. مَامّشْ د-ضْهَارنْثْ ؤُ مَامّشْ تّْوَاڭّنْثْ ثُوغَا أَخْمِي إِشْثْ ن ثْجَارَّارْثْ [ثُوغَا نِيشَانْ] ذِي ثْجَارَّارْثْ [نّغْنِي].
EZE 1:17 خْمِي ڭُّورنْ، ڭُّورنْ غَارْ أَربْعَا ن إِغزْذِيسنْ نْسنْ. نِيثْنِي وَارْ تّْنقْڒِيبنْ شَا خْمِي ڭُّورنْ.
EZE 1:18 يَانْثَاثْ نْسنْ ثُوغَا أَثنْ ؤُعْڒَانْثْ ؤُ سَّاڭْوَاذنْثْ ؤُ يَانْثَاثْ نْسنْ شُّورنْثْ س ثِيطَّاوِينْ إِ ذ أَسنْثْ-إِ-د إِنّْضنْ، غَارْ أَربْعَا [ن إِمُودَّارنْ نِّي].
EZE 1:19 خْمِي ڭُّورنْ إِمُودَّارنْ، ڭُّورنْثْ ؤُڒَا ذ ثْجَارَّارِينْ نِّي غَارْ زَّاثْ نْسنْ أَكِيذْسنْ، ؤُ خْمِي تّْوَاسّْڭعّْذنْ إِمُودَّارنْ زِي ثمُّورْثْ، تّْوَاسّْڭعّْذنْثْ ؤُڒَا ذ ثِيجَارَّارِينْ.
EZE 1:20 أَڒْ مَانِي إِخْسْ أَرُّوحْ أَذْ يُويُورْ، ذِينْ ڭُّورنْ نِيثْنِي، مَانِي إِخْسْ أَرُّوحْ أَذْ إِرَاحْ، ؤُشَا ثِيجَارَّارِينْ غَارْ زَّاثْ نْسنْ تّْوَاسّْڭعّْذنْثْ، مَاغَارْ أَرُّوحْ ن إِمُودَّارنْ ثُوغَا ذِي ثْجَارَّارِينْ.
EZE 1:21 خْمِي ڭُّورنْ نِيثْنِي، ڭُّورنْثْ ؤُڒَا ذ نِيثنْثِي، ؤُ خْمِي تّْبدَّانْ نِيثْنِي، بدّنْثْ ؤُڒَا ذ نِيثنْثِي ؤُ خْمِي تّْوَاسّْڭعّْذنْ نِيثْنِي، تّْوَاسّْڭعّْذنْثْ ؤُڒَا ذ ثِيجَارَّارِينْ أَكِيذْسنْ، مَاغَارْ أَرُّوحْ ن إِمُودَّارنْ ثُوغَا ذِي ثْجَارَّارِينْ.
EZE 1:22 سنّجْ إِ إِزدْجِيفنْ ن ؤُمُودَّارْ ثُوغَا ذِينْ مِينْ يَاروْسنْ ذڭْ إِشْثْ ن ڒْقُوبّثْ، ثْبَانْ-د أَمْ [يِيشْثْ ن ڒْقُوبّثْ] إِسَّاڭّْوَاذنْ ن وجْرِيسْ نِّي إِتّْوَابزّْعنْ سنّجْ إِ إِزدْجِيفنْ نْسنْ.
EZE 1:23 سَاذُو ڒْقُوبّثْ ثُوغَا أَفْرِيونْ نْسنْ سڭّْمنْ، سّْوِيژَّاضنْ إِجّْ غَارْ ونّغْنِي. كُوڒْ إِجّْ غَارسْ ثْنَاينْ مَاحنْذْ أَذْ زَّايْسنْ إِسّْذُورِييْ إِخفْ نّسْ غَارْ ؤُغزْذِيسْ-س، ؤُشَا كُوڒْ إِجّْ غَارسْ [عَاوذْ] ثْنَاينْ [نّغْنِي] مَاحنْذْ أَذْ زَّايْسنْ إِسّْذُورِييْ إِخفْ نّسْ غَارْ ؤُغزْذِيسْ نِّي، [ثُوغَا ذ مَانْ أَيَا إِ] أَرِّيمَاثْ نْسنْ.
EZE 1:24 خْمِي ڭُّورنْ، سْڒِيغْ إِ ڒْحسّْ ن وَافْرِيونْ نْسنْ أَمْ زّْهِيرْ ن ڒبْحَارْ، أَمْ ثْمِيجَّا ن ؤُمْزمَّارْ خْ كُوڒْشِي، أَقَا ڒْحسّْ ذ أَمقّْرَانْ أَمْ ڒْحسّْ ن ڒْعسْكَارْ. ڒَامِي بدّنْ، سّهْوَانْ أَفْرِيونْ نْسنْ.
EZE 1:25 ثُوغَا ذِينْ إِشْثْ ن ثْمِيجَّا سنّجْ إِ ڒْقُوبّثْ نِّي ثُوغَا سنّجْ إِ إِزدْجِيفنْ نْسنْ. ڒَامِي [خنِّي] بدّنْ نِيثْنِي، سّهْوَانْ أَفْرِيونْ نْسنْ.
EZE 1:26 سنّجْ إِ ڒْقُوبّثْ نِّي ثُوغَا خْ إِزدْجِيفنْ نْسنْ إِبَانْ-د [شَا] أَمْ يِيجّْ ن ڒْعَارْشْ س وُوذمْ ن وژْرُو ن صَافِّيرْ أَزِيزَا ؤُ سنّجْ قَاعْ خْ مِينْ إِتّْبَاننْ أَمْ ڒْعَارْشْ، [إِقِّيمْ] خَاسْ سنّجْ مِينْ إِتّْبَاننْ أَمْ صِّيفثْ ن بْنَاذمْ.
EZE 1:27 ؤُشَا ژْرِيغْ [أَقَا صْسِيفثْ] ثتّْبَانْ أَمْ وُوزَّاڒْ إِتّْوسّْڭنْ، ثْبَانْ-د أَمْ ثْمسِّي غَارْ ذَاخڒْ نّسْ ؤُ ذڭْ ونّضْ نّسْ. زِي ثجْعِينَّاثِينْ نّسْ أَڒْ سنّجْ ؤُ زِي مِينْ يَارْوسنْ ذِي ثجْعِينَّاثِينْ نّسْ أَڒْ وَادَّايْ، ژْرِيغْ [ونِّي] د-إِتّْبَاننْ أَمْ ثْمسِّي ؤُشَا إِنّضْ أَسْ-د إِجّْ ن ؤُوسّڭْ.
EZE 1:28 أَمْ مَامّشْ د-ثتّْبَانْ ثسْڒِيثْ ن ونْژَارْ ذڭْ إِسيْنُوثنْ ذڭْ إِجّْ ن وَاسّْ ن ونْژَارْ إِجهْذنْ، أَمُّو ثُوغَا شُّوفْ ن ؤُوسّڭْ نِّي إِ ذ [أَسْ] د-إِنّْضنْ. وَانِيثَا ذ ؤُذمْ ن وَادُّوذْ ن ؤُعُودْجِي ن سِيذِي. [ڒَْامِي] [ث] ژْرِيغْ، وْضِيغْ س ؤُغمْبُوبْ إِنُو [غَارْ ثمُّورْثْ] ؤُشَا سْڒِيغْ ثْمِيجَّا نِّي [كِيذِي] إِسَّاوَاڒنْ.
EZE 2:1 إِنَّا أَيِي: ”[أَ] مِّيسْ ن بْنَاذمْ، كَّارْ خْ إِضَارنْ نّشْ ؤُشَا نشّْ أَذْ كِيكْ سِّيوْڒغْ.“
EZE 2:2 ڒَامِي أَكِيذِي إِسِّيوڒْ، يُوذفْ-د ذَايِي أَرُّوحْ ؤُشَا إِسّكَّارْ-د أَيِي خْ إِضَارنْ إِنُو ؤُ نشّْ سْڒِيغْ إِ ثْمِيجَّا ن ونِّي كِيذِي إِسَّاوَاڒنْ.
EZE 2:3 نتَّا إِنَّا أَيِي: ”[أَ] مِّيسْ ن بْنَاذمْ، نشّْ سكّغْ شكْ غَارْ أَيْثْ ن إِسْرَائِيل، غَارْ ڒڭْنُوسْ إِغوّْغنْ، إِنِّي خَافِي إِغوّْغنْ. نِيثْنِي ذ ڒجْذُوذْ نْسنْعدَّانْ خَافِي أَڒْ أَسّْ-أَ.
EZE 2:4 نِيثْنِي ذ أَرَّاوْ ن وُوذمْ إِقسْحنْ ذ وُوڒْ إِزلْڭنْ. نشّْ سكّغْ شكْ غَارْسنْ، إِتّْخصَّا أَشْ أَذْ أَسنْ ثِينِيذْ: ’أَمُّو إِ إِقَّارْ سِيذِي إِنُو، سِيذِي!‘
EZE 2:5 مَا أَذْ [أَشْ] سْڒنْ نِيغْ أَذْ سمْحنْ ذِي مَانْ أَيَا، مِينْزِي نِيثْنِي ذ إِشْثْ ن ثَادَّارْثْ إِغوّْغنْ، نِيثْنِي أَذْ سّْننْ بلِّي ثُوغَا أَنَابِي ذِي ڒْوسْطْ نْسنْ.
EZE 2:6 ؤُشَا شكْ، [أَ] مِّيسْ ن بْنَاذمْ، وَارْ زَّايْسنْ تّڭّْوذْ ؤُ وَارْ تّڭّْوذْ ؤُڒَا زڭْ وَاوَاڒنْ نْسنْ. وَاخَّا أَقَا ذِينْ غَاركْ ثِيزڭّْوُورَا ذ إِسنَّاننْ ؤُ وَاخَّا زدّْغنْثْ غَاركْ ثْغَارْضْمِيوِينْ، وَارْ تّڭّْوذْ شَا زڭْ وَاوَاڒنْ نْسنْ ؤُ وَارْ زَّايْسنْ تّْنخْڒِيعْ، مِينْزِي نِيثْنِي ذ إِشْثْ ن ثَادَّارْثْ إِغوّْغنْ.
EZE 2:7 أَذْ كِيذْسنْ ثسِّيوْڒذْ س وَاوَاڒنْ إِنُو، مَا أَذْ سْڒنْ نِيغْ أَذْ سمْحنْ ذِي مَانْ أَيَا، مِينْزِي نِيثْنِي أَقَا تّْغوّْغنْ.
EZE 2:8 [مَاشَا] شكْ، [أَ] مِّيسْ ن بْنَاذمْ، سڒْ مِينْ ذ أَشْ غَا إِنِيغْ، وَارْ تّْغوِّيغْ أَمْ ثَادَّارْثْ نِّي إِغوّْغنْ. أَرْزمْ أَقمُّومْ نّشْ نِيشَانْ ؤُشَا أشّْ مِينْ ذ أَشْ غَا وْشغْ.“
EZE 2:9 ؤُشَا ژْرِيغْ، خْزَارْ، إِجّْ ن ؤُفُوسْ إِسّْوِيژّضْ-د غَارِي، ؤُ خْزَارْ، ذَايسْ إِجّْ ن وذْلِيسْ إِتّْوَانّْضنْ.
EZE 2:10 نتَّا إِبزّعْ إِ-ث زَّاثِي. ثُوغَا يُورَا زِي سنّجْ ذ وَادَّايْ ؤُشَا تّْوَارِينْ ذَايسْ إِزْڒَانْ ن وشْضَانْ ذ ؤُسْقِينّفْ ذ ؤُوحْوحْ ن ثَامَارَا.
EZE 3:1 نتَّا إِنَّا أَيِي: ”[أَ] مِّيسْ ن بْنَاذمْ، مِينْ ثتّْوَاڒِيذْ [ذَانِيثَا]، أشّْ إِ-ث! أشّْ أَذْلِيسْ-أَ إِتّْوَانّْضنْ ؤُشَا ؤُيُورْ، سِيوڒْ أَكْ-ذ ثَادَّارْثْ ن إِسْرَائِيل.“
EZE 3:2 نشّْ أَرْزْمغْ أَقمُّومْ إِنُو ؤُ نتَّا إِسّشّْ أَيِي أَذْلِيسْ نِّي إِتّْوَانّْضنْ.
EZE 3:3 إِنَّا أَيِي: ”[أَ] مِّيسْ ن بْنَاذمْ، عْڒفْ أَعذِّيسْ نّشْ، شُّورْ ثَاكْرِيشْثْ نّشْ س وذْلِيسْ إِتّْوَانّْضنْ نِّي إِ ذ أَشْ غَا وْشغْ.“ [خنِّي] شِّيغْ ؤُ ثُوغَا-ث ذ [أَ]مِيژِيذْ ذڭْ ؤُقمُّومْ إِنُو أَمْ ثَامّنْثْ.
EZE 3:4 [خنِّي] إِنَّا أَيِي: ”[أَ] مِّيسْ ن بْنَاذمْ، ؤُيُورْ، أَذفْ غَارْ ثَادَّارْثْ ن إِسْرَائِيل ؤُشَا سِيوڒْ أَوَاڒنْ إِنُو أَكِيذْسنْ.
EZE 3:5 مِينْزِي وَارْ د-ثتّْوَاسّكّذْ شَا غَارْ إِجّْ ن ڒْڭنْسْ س إِجّْ ن يِيڒسْ إِوْعَارْ ؤُ س إِجّْ ن وَاوَاڒْ إِقْسحْ، مَاشَا غَارْ ثَادَّارْثْ ن إِسْرَائِيل،
EZE 3:6 وَارْ إِدْجِي غَارْ ڒڭْنُوسْ أَطَّاسْ س إِجّْ ن يِيڒسْ إِوْعَارْ نِيغْ س إِجّْ ن وَاوَاڒْ إِقْسحْ، إِ زِي وَارْ ثْزمَّارذْ أَذْ ثْفهْمذْ أَوَاڒنْ نْسنْ. مَاڒَا سكّغْ شكْ غَارْسنْ نِيثْنِي، س ثِيذتّْ أَذْ أَشْ سْڒنْ.
EZE 3:7 [مَاشَا] ثَادَّارْثْ ن إِسْرَائِيل وَارْ إِخْسْ أَذْ غَاركْ إِسڒْ، مِينْزِي وَارْ خْسنْ أَذْ د-سْڒنْ غَارِي، مِينْزِي مَارَّا ثَادَّارْثْ ن إِسْرَائِيل، أَقَا نِيثْنِي [غَارْسنْ] أَزدْجِيفْ إِقْسحْ ؤُ [غَارْسنْ] ؤُڒْ يزْلڭْ.
EZE 3:8 خْزَارْ، نشّْ ڭِّيغْ ؤُذمْ نّشْ إِقْسحْ أَمْ وُوذْمَاونْ نْسنْ، ؤُ ثَانْيَارْثْ نّشْ ڭِّيغْ ت ثقْسحْ أَمْ ثنْيَارِينْ نْسنْ.
EZE 3:9 نشّْ ڭِّيغْ ثَانْيَارْثْ نّشْ أَمْ يِيجّْ ن ؤُمسْمِيرْ إِ إِدْجَانْ إِقسْحنْ خْ إِشْثْ ن ثْخذْمشْثْ ن وژْرُو. وَارْ زَّايْسنْ تّڭّْوذْ شَا ؤُ وَارْ تّْنخْڒِيعْ شَا زڭْ وُوذْمَاونْ نْسنْ، مِينْزِي نِيثْنِي ذ إِشْثْ ن ثَادَّارْثْ إِغوّْغنْ.“
EZE 3:10 نتَّا إِنَّا أَيِي: ”[أَ] مِّيسْ ن بْنَاذمْ، حْضَا مَارَّا أَوَاڒنْ إِنُو نِّي إِ غَا سِّيوْڒغْ أَكِيذكْ ذڭْ وُوڒْ نّشْ ؤُشَا سڒْ غَارْسنْ س إِمزُّوغنْ نّشْ.
EZE 3:11 ؤُيُورْ، أَذفْ غَارْ أَيْثْ ن لْمنْفَا غَارْ ثَارْوَا ن ڒْڭنْسْ نّشْ ؤُشَا سِيوڒْ أَكِيذْسنْ، إِنِي أَسنْ: ’أَمُّو إِ إِقَّارْ سِيذِي إِنُو، سِيذِي!‘، مَا أَذْ سْڒنْ نِيغْ أَذْ سمْحنْ ذِي مَانْ أَيَا.“
EZE 3:12 [خنِّي] إِسّْڭعّذْ أَيِي أَرُّوحْ ؤُشَا سْڒِيغْ أَوَارْنِي أَيِي إِشْثْ ن ثْمِيجَّا ثدَّارْذِيحْ أَطَّاسْ، ثقَّارْ: ”أَذْ إِتّْوَابَاركْ ؤُعُودْجِي ن سِيذِي زڭْ ومْشَانْ [ن ثْزذِّيغْثْ] نّسْ!“
EZE 3:13 سْڒِيغْ إِ ڒْحسّْ ن وَافْرِيونْ ن إِمُودَّارنْ نِّي إِڒقّْفنْ إِجّْ إِ ونّغْنِي ؤُڒَا إِ ڒْحسّْ ن ثْجَارَّارِينْ زَّاثْ نْسنْ ؤُ إِ ڒْحسّْ ن إِجّْ ن ؤُذَارْذِيحْ إِمْغَارْ.
EZE 3:14 [خنِّي] إِسّْڭعّذْ أَيِي أَرُّوحْ ؤُشَا إِكْسِي أَيِي. نشّْ ؤُيُورغْ، ذ أَمَارْزَاڭْ، إِتّحْذُوذُوقْ بُوحْبڒْ إِنُو [ذَايِي] ؤُ أَفُوسْ ن سِيذِي ثُوغَا إِذْقڒْ خَافِي.
EZE 3:15 [أَمُّو إِ] د-ؤُسِيغْ غَارْ أَيْثْ ن لْمنْفَا ذِي ثَالْ-أَبِيبْ، إِنِّي إِزدّْغنْ غَارْ يغْزَارْ ن خابُورْ. نشّْ قِّيمغْ ذِينْ مَانِي ثُوغَا زدّْغنْ، [وَاهْ،] قِّيمغْ ذِينْ سبْعَا ن وُوسَّانْ تّْبهْثغْ ڒَامِي ذ أَيِي ثُوغَا جَارْ أَسنْ.
EZE 3:16 إِمْسَارْ أَوَارْنِي ڒَامِي عْذُونْ سبْعَا ن وُوسَّانْ، أَقَا يُوسَا-د غَارِي وَاوَاڒْ ن سِيذِي. إِنَّا:
EZE 3:17 ”[أَ] مِّيسْ ن بْنَاذمْ، نشّْ ڭِّيغْ شكْ ذ أَعسَّاسْ خْ ثَادَّارْثْ ن إِسْرَائِيل. خْمِي غَا ثسْڒذْ إِ يِيجّْ ن وَاوَاڒْ زڭْ ؤُقمُّومْ إِنُو، إِتّْخصَّا شكْ أَذْ أَسنْ ثْعڒْمذْ زَّايِي.
EZE 3:18 خْمِي غَا إِنِيغْ إِ ؤُعفَّانْ ’س ثِيذتّْ أَذْ ثمّْثذْ!‘ ؤُشَا شكْ وَارْ ذ أَسْ ثعْڒِيمذْ شَا ؤُ وَارْ ثسِّيوْڒذْ حِيمَا أَذْ ثْعڒْمذْ أَعفَّانْ ذِي سِّيبّثْ ن وبْرِيذْ نّسْ أَعفَّانْ مَاحنْذْ أَذْ ث ثحْضِيذْ حِيمَا أَذْ إِقِّيمْ أَذْ إِدَّارْ، [خنِّي] أَذْ إِمّثْ ؤُعفَّانْ نِّي ذِي ڒْغشّْ نّسْ، مَاشَا إِذَامّنْ نّسْ أَذْ ثنْ تَّارغْ زڭْ ؤُفُوسْ نّشْ.
EZE 3:19 مَاشَا مَاڒَا ثْعڒْمذْ إِ ؤُعفَّانْ ؤُ نتَّا وَارْ إِبعّذْ شَا خْ ثُوعفّْنَا نّسْ ؤُ خْ وبْرِيذْ نّسْ إِعفّْننْ، [خنِّي] نتَّا أَذْ إِمّثْ ذِي ڒْمُوعْصِييّثْ نّسْ، [مَاشَا] ڒعْمَارْ نّشْ أَذْ إِنْجمْ.“
EZE 3:20 ”مَاڒَا أَمْسڭّذْ إِبعّذْ خْ ثْسڭْذَا نّسْ ؤُشَا إِڭَّا ڒْمُوعْصِييّثْ خْمِي غَا سَّارْسغْ إِشْثْ ن سِّيبّثْ زَّاثسْ أَڒَامِي غَا إِخْضَا، [خنِّي] أَذْ إِمّثْ. مِينْزِي شكْ وَارْ ذ أَسْ ثعْڒِيمذْ، أَذْ إِمّثْ ذِي دّنْبْ نّسْ ؤُشَا ثِيمڭَّا إِسڭّْذنْ إِ يڭَّا وَارْ ذَايْسنْثْ إِذَارنْ [عَاذْ]. [مَاشَا] إِذَامّنْ نّسْ أَذْ ثنْ تَّارغْ زڭْ إِفَاسّنْ نّشْ.
EZE 3:21 [مَاشَا] مَاڒَا ثْعڒْمذْ إِ ؤُمْسڭّذْ، حِيمَا وَارْ إِخطِّي ؤُمْسڭّذْ ؤُ نتَّا وَارْ إِخْضِي، [خنِّي] أَذْ إِقِّيمْ إِدَّارْ س ثِيذتّْ مِينْزِي ثُوغَا إِتّْوَاعْڒمْ، ؤُ شكْ ثْفكّذْ ڒعْمَارْ نّشْ.“
EZE 3:22 يُوسَا-د ذِينْ ؤُفُوسْ ن سِيذِي خَافِي ؤُشَا إِنَّا أَيِي: ”كَّارْ، فّغْ غَارْ ڒوْضَا [ن ثغْزُورْثْ]، أَذْ كِيذكْ سِّيوْڒغْ ذِينِّي.“
EZE 3:23 كَّارغْ ؤُشَا فّْغغْ غَارْ ڒوْضَا [ن ثغْزُورْثْ]، خْزَارْ، أَعُودْجِي ن سِيذِي ثُوغَا إِتّْبدَّا ذِينِّي أَمْ ؤُعُودْجِي إِ ژْرِيغْ غَارْ يغْزَارْ ن خابُورْ ؤُشَا وْضِيغْ خْ ؤُغمْبُوبْ إِنُو [غَارْ ثمُّورْثْ].
EZE 3:24 [خنِّي] يُوذفْ ذَايِي أَرُّوحْ ؤُشَا إِسّكَّارْ أَيِي خْ إِضَارنْ إِنُو ؤُشَا إِسِّيوڒْ أَكِيذِي. نتَّا إِنَّا أَيِي: ”ؤُيُورْ، بلّعْ إِخفْ نّشْ ذَاخڒْ ذِي ثَادَّارْثْ نّشْ.
EZE 3:25 ؤُ شكْ، [أَ] مِّيسْ ن بْنَاذمْ، خْزَارْ، أَذْ أَشْ ڭّنْ إِسغْوَانْ ؤُ أَذْ شكْ شَارْفنْ زَّايْسنْ. وَارْ ثتّفّغْ شَا حِيمَا أَذْ ثَاذْفذْ جَارْ أَسنْ.
EZE 3:26 أَذْ سّْڒسْقغْ إِڒسْ نّشْ غَارْ وَانغْ نّشْ. أَذْ ثْذوْڒذْ ذ أَزِينُونْ ؤُشَا وَارْ ثتِّيڒِيذْ ذ أَرْيَازْ جَارْ أَسنْ ونِّي ثنْ إِ غَا إِوبّْخنْ، مِينْزِي نِيثْنِي ذ إِشْثْ ن ثَادَّارْثْ ثْغوّغْ.
EZE 3:27 [مَاشَا] نشّْ، خْمِي كِيكْ إِ غَا سِّيوْڒغْ، أَذْ أَرْزْمغْ أَقمُّومْ نّشْ [عَاوذْ] ؤُشَا أَذْ أَسنْ ثِينِيذْ: ’أَمُّو إِ إِقَّارْ سِيذِي إِنُو، سِيذِي! وِي إِتّسْڒَانْ، أَذْ إِسڒْ، ؤُشَا وِي إِسمّْحنْ ذِي مَانْ أَيَا، [وَاخَّا] أَذْ ذَايسْ إِسْمحْ!‘، مِينْزِي نِيثْنِي ذ إِشْثْ ن ثَادَّارْثْ ثْغوّغْ.“
EZE 4:1 ”شكْ، [أَ] مِّيسْ ن بْنَاذمْ، كْسِي إِشْثْ ن لُوصَا ن ثْڒَاخْثْ ؤُشَا سَارْسْ إِ-ت زَّاثْ إِ وُوذمْ نّشْ ؤُشَا أَرْشمْ خَاسْ ثَانْذِينْثْ ن ؤُرْشَالِيمْ.
EZE 4:2 قوَّارْ أَسْ ؤُشَا بْنَا خَاسْ إِجّْ ن لْبَارَاجْ ؤُشَا أڭّْ خَاسْ أَشْبَارْ، أڭّْ خَاسْ ڒمْرَاڭحْ ن ڒْعسْكَارْ ؤُشَا وّثْ خَاسْ ذڭْ ونّضْ نّسْ ڒقْشُوعْ ن وذْهَامْ.
EZE 4:3 ؤُشَا شكْ، كْسِي إِشْثْ ن مَارْمِيثَا ن وُوزَّاڒْ ؤُشَا أڭّْ إِ-ت أَمْ يِيجّْ ن ڒْحِيضْ ن وُوزَّاڒْ جَارْ شكْ ذ ثنْذِينْثْ. أَرّْ ؤُذمْ نّشْ خَاسْ مَاحنْذْ أَذْ ثتّْوَاحْصَارْ ؤُ شكْ أَذْ ت ثحْصَارذْ: مَانْ أَيَا أَذْ ثِيڒِي ذ ڒعْڒَامثْ إِ ثَادَّارْثْ ن إِسْرَائِيل.
EZE 4:4 ؤُشَا شكْ، أَذْ ثزّْڒذْ خْ ؤُغزْذِيسْ نّشْ أَزڒْمَاضْ ؤُشَا أَذْ خَاسْ ثڭّذْ ڒْمُوعْصِييّثْ ن ثَادَّارْثْ ن إِسْرَائِيل. أَنشْثْ ن ؤُسَّانْ نِّي ذِي خَاسنْ إِ غَا ثزّْڒذْ، أَذْ ثَارْبُوذْ ڒْمُوعْصِييّثْ نْسنْ.
EZE 4:5 مَاغَارْ نشّْ أَذْ خَاكْ ڭّغْ [لْعَاذَاذْ ن] إِسڭّْوُوسَا ن ڒْمُوعْصِييّثْ نْسنْ أَمْ لْعَاذَاذْ ن وُوسَّانْ: ثڒْثْ-مْيَا ؤُ-ثسْعِينْ ن وُوسَّانْ أَذْ ثَارْبُوذْ ڒْمُوعْصِييّثْ ن ثَادَّارْثْ ن إِسْرَائِيل.
EZE 4:6 [خْمِي] إِ غَا ثْكمّْڒذْ [ؤُسَّانْ نِّي]، أَذْ ثزّْڒذْ عَاوذْ خْ ؤُغزْذِيسْ نّشْ أَفُوسِي ؤُشَا أَذْ ثَارْبُوذْ ڒْْمُوعْصِييّثْ ن ثَادَّارْثْ ن يَاهُوذَا، أَربْعِينْ ن وُوسَّانْ. إِجّْ ن وَاسّْ إِ يِيجّْ ن ؤُسڭّْوَاسْ، أَمْ مَامّشْ إِ ذ أَشْ ؤُمُورغْ.
EZE 4:7 أَذْ ثقِّيمذْ ثتَّارّذْ ؤُذمْ نّشْ غَارْ ڒحْصَارثْ ن ؤُرْشَالِيمْ ؤُشَا أَذْ ثْعَارِّيذْ أَغِيڒْ نّشْ، أَذْ ثْنبِّيذْ ضِيدّْ نّسْ.
EZE 4:8 خْزَارْ، نشّْ أَذْ خَاكْ ڭّغْ ثِيسْغُونِينْ أَڒَامِي وَارْ ثْزمَّارذْ أَذْ ثنّْقڒْبذْ زڭْ إِجّْ ن ؤُغزْذِيسْ غَارْ ؤُغزْذِيسْ نّغْنِي أَڒْ غَا ثْكمّْڒذْ ؤُسَّانْ ن ڒحْصَارثْ نّشْ.“
EZE 4:9 ”كْسِي إِرْذنْ، إِمنْذِي، إِبَاونْ، ڒعْذسْ، ثَافْسَاوْثْ ذ كَارْصَانَا ؤُشَا أڭّْ إِ-ثنْ ذِي ثبْقشْثْ ؤُشَا أڭّْ زَّايْسنْ أَغْرُومْ إِ يِيخفْ نّشْ. أَذْ ثشّذْ أَيَا أَمْ مشْحَاڒْ لْعَاذَاذْ ن وُوسَّانْ نِّي إِ غَا ثزّْڒذْ خْ ؤُغزْذِيسْ نّشْ، ثڒْثْ-مْيَا ؤُ-ثسْعِينْ ن وُوسَّانْ.
EZE 4:10 مَاشَّا نِّي إِ غَا ثشّذْ أَذْ ثتّْوَاوْزنْ: عِيشْرِينْ شِيقْلُو إِ يِيجّْ ن وَاسّْ. أَذْ ت ثشّذْ ذِي ثْسَاعّثِينْ إِتّْوَاڭّنْ.
EZE 4:11 أَذْ ثسْوذْ أَمَانْ س ڒعْبَارْ: إِشْثْ ن ثْسِيتُّوثْ زڭْ إِجّْ ن ؤُهِينُو. أَذْ ت ثسْوذْ زِي ڒْوقْثْ أَڒْ ڒْوقْثْ [نّغْنِي].
EZE 4:12 أَذْ ثشّذْ إِشْثْ ن ثْخبَّازْثْ ن إِمنْذِي ؤُشَا أَذْ ت ثسّنْڭّْوذْ زَّاثْ إِ ثِيطَّاوِينْ نْسنْ خْ إِژَّانْ إِ د-إِفّْغنْ زِي بْنَاذمْ.“
EZE 4:13 إِنَّا سِيذِي: ”أَمُّو إِ غَا شّنْ أَيْثْ ن إِسْرَائِيل أَغْرُومْ نْسنْ إِخمْجنْ جَارْ ڒڭْنُوسْ مَانِي ثنْ غَارْ إِ غَا سُّوفّْغغْ.“
EZE 4:14 [خنِّي] نِّيغْ: ”[أَ،] سِيذِي إِنُو، سِيذِي، خْزَارْ، ڒعْمَارْ إِنُو وَارْ إِتّْوَاسّخْمجْعمَّارْصْ [س مَاشَّا وَارْ إِحْڒِينْ]. زِي ثمْژِي إِنُو أَڒْ ڒخُّو نشّْ وَارْ شِّيغْ ڒْخشْبثْ نِيغْ مِينْ إِمزّْقنْ ؤُعمَّارْصْ وَارْ يُوذِيفْ ويْسُومْ ن جّْعِيفشْثْ غَارْ ؤُقمُّومْ إِنُو.“
EZE 4:15 ؤُشَا نتَّا إِنَّا أَيِي: ”خْزَارْ، أَذْ أَشْ وْشِيغْ ڒغْبَارْ ن إِفُونَاسنْ ذڭْ ومْشَانْ ن ؤُبَارُّوضْ ن بْنَاذمْ. سوْجذْ خَاسْ أَغْرُومْ نّشْ.“
EZE 4:16 [خنِّي] إِنَّا أَيِي: ”شكْ، [أَ] مِّيسْ ن بْنَاذمْ، خْزَارْ، أَذْ أَرْژغْ ڒعْوتْشْ ن وغْرُومْ ذِي ؤُرْشَالِيمْ ؤُشَا نِيثْنِي أَذْ شّنْ أَغْرُومْ س ڒوْزنْ س ؤُنخْڒِيعْ ؤُشَا س أَرْجفْ أَذْ سْونْ أَمَانْ س ڒعْبَارْ،
EZE 4:17 مِينْزِي أَذْ أَسنْ إِتّْخصَّا وغْرُومْ ذ وَامَانْ. نِيثْنِي أَذْ خْزَارنْ أَيَاوْيَا س أَرْجفْ ؤُشَا أَذْ ذوْڒنْ أَرْصُوضنْ ذِي ڒْمُوعْصِييّثْ نْسنْ.“
EZE 5:1 ”ؤُشَا شكْ، [أَ] مِّيسْ ن بْنَاذمْ، كْسِي إِجّْ ن ڒْمُوسْ إِقْضعْ، كْسِي إِجّْ ڒْمُوسْ ن ؤُحفَّافْ ؤُشَا سكّْ إِ-ث خْ ؤُزدْجِيفْ نّشْ ؤُ خْ ثْمَارْثْ نّشْ. [خنِّي] أَذْ ثكْسِيذْ إِجّْ ن ڒْمِيزَانْ ؤُشَا [أَشُوَّافْ] أَذْ ثنْ ثبْضِيذْ.
EZE 5:2 إِشْثْ ن تُّوڒُوثْ أَذْ ت ثسّْشمْضذْ ذِي ڒْوسْطْ ن ثنْذِينْثْ أَوَارْنِي ڒَامِي إِ غَا كمّْڒنْ وُوسَّانْ ن ڒحْصَارثْ [ؤُشَا] أَذْ ثكْسِيذْ إِشْثْ ن تُّوڒُوثْ [نّغْنِي]، أَذْ ثوْثذْ س سِّيفْ نّشْ ذڭْ ونّضْ نّسْ ؤُشَا إِشْثْ ن تُّوڒُوثْ [نّغْنِي] أَذْ ت ثْزُوزَّارذْ ذڭْ ؤُسمِّيضْ ؤُ نشّْ أَذْ جبْذغْ سِّيفْ أَوَارْنِي أَسْ.
EZE 5:3 سّنِّي أَذْ ثكْسِيذْ شْوَايْثْ ن إِژطَّانْ ؤُشَا أَذْ ثنْ ثْشدّذْ ذڭْ إِبحْرُورنْ [ن ؤُپَارْثسُّو] نّشْ.
EZE 5:4 أَذْ زَّايسْ ثكْسِيذْ عَاذْ شْوَايْثْ ن إِژطَّانْ ؤُشَا أَذْ ثنْ ثنْضَارذْ ذِي ڒْوسْثْ ن ثْمسِّي ؤُشَا أَذْ ثنْ ثسّْشمْضذْ س ثْمسِّي. سّنِّي أَذْ ثفّغْ ثْمسِّي خْ مَارَّا ثَادَّارْثْ ن إِسْرَائِيل.“
EZE 5:5 ”أَمُّو إِ إِقَّارْ سِيذِي إِنُو، سِيذِي: ثَا ذ ؤُرْشَالِيمْ إِ ژُّوغْ ذِي ڒْوسْطْ ن ڒڭْنُوسْ، أَكْ-ذ ثمُّورَا إِ ذ أَسْ د-إِنّْضنْ.
EZE 5:6 [مَاشَا] نتَّاثْ ثْغوّغْ خْ لْفَارَايِيضْ إِنُو مَاهُو ڒڭْنُوسْ، ؤُڒَا خْ ثْوصَّا إِنُو مَاهُو ثِيمُّورَا إِ ذ أَسْ د-إِنّْضنْ، مِينْزِي نِيثْنِي نْضَارنْ لْفَارَايِيضْ إِنُو ؤُ ثِيوصَّا إِنُو وَارْ ثنْثْ ضْفَارنْ.“
EZE 5:7 ”س ؤُيَا، أَمُّو إِ إِقَّارْ سِيذِي إِنُو، سِيذِي: ’مِينْزِي كنِّيوْ ثڭِّيمْ مَاهُو ڒڭْنُوسْ إِ ذ أَومْ د-إِنّْضنْ، وَارْ ثُويُورمْ ذِي ثْوصَّا إِنُو ؤُ وَارْ ثڭِّيمْ لْفَارَايِيضْ إِنُو، عَاذْ وَارْ ثڭِّيمْ عْلَاحْسَابْ لْفَارَايِيضْ نْ ڒڭْنُوسْ إِ ذ أَومْ د-إِنّْضنْ‘،
EZE 5:8 س ؤُيَا، أَمُّو إِ إِقَّارْ سِيذِي إِنُو، سِيذِي: ’خْزَارْ، ؤُڒَا ذ نشّْ أَذْ خَامْ قڒْبغْ ؤُ أَذْ ڭّغْ ڒحْكَامَاثْ ذِي ڒْوسْطْ نّمْ زَّاثْ إِ ثِيطَّاوِينْ ن ڒڭْنُوسْ.
EZE 5:9 أَذْ زَّايمْ ڭّغْ أَمْ مَامّشْعمَّارْصْ وَارْ ڭِّيغْ ؤُ وَارْ تّڭّغْعمَّارْصْ عَاذْ زِي سَّا ذ ثْسَاونْثْ، زِي سِّيبّثْ ن مَارَّا جّْعَايفْ نّمْ.
EZE 5:10 س ؤُيَا إِبَابَاثنْ أَذْ شّنْ أَرَّاوْ ذِي ڒْوسْطْ نّمْ ؤُشَا أَرَّاوْ أَذْ شّنْ إِبَابَاثنْ نْسنْ. نشّْ أَذْ أَمْ ڭّغْ ڒحْكَامَاثْ ؤُ مَارَّا مِينْ زَّايمْ إِقِّيمنْ أَذْ ث زُوزَّارغْ غَارْ مَارَّا ثِيغمُّورَا ن ؤُسمِّيضْ.‘ “
EZE 5:11 ”س ؤُيَا، س ثِيذتّْ أَمْ دَّارغْ نشّْ، [أَمُّو إِ] إِقَّارْ سِيذِي إِنُو، سِيذِي: [س ثِيذتّْ]، ؤُڒَا ذ نشّْ أَذْ قضْعغْ، وَارْ زِّيدْجِيزغْ، وَارْ أَرحّْمغْ، ؤُمِي ثسّْخمْجذْ زَّاوشْثْ إِنُو إِقدّْسنْ س مَارَّا نّْعَاوَاثْ نّمْ ن لْ-أَصْنَامْ ؤُ س مَارَّا جّْعَايفْ نّمْ!
EZE 5:12 إِشْثْ ن تُّوڒُوثْ [ن إِمزْذَاغْ] نّمْ أَذْ ثمّثْ س طَّاعُونْ ؤُ س ڒَاژْ ذِي ڒْوسْطْ نّمْ، ؤُشَا إِشْثْ ن تُّوڒُوثْ [نّغْنِي] أَذْ ثوْضَا س سِّيفْ ذڭْ ونّضْ نّمْ، ؤُ [عَاذْ] إِشْثْ ن تُّوڒُوثْ أَذْ ت زُوزَّارغْ غَارْ مَارَّا ثِيغمُّورَا ن ؤُسمِّيضْ ؤُ أَوَارْنِي أَسنْ أَذْ د-جبْذغْ سِّيفْ.
EZE 5:13 أَغْضَابْ إِنُو أَذْ إِجِّيونْ أَڒْ ؤُنڭَّارْ ؤُشَا أَذْ خَاسنْ سَّارْسغْ أَسْعَارْ إِنُو. [أَمُّو] إِ غَا سّْفوّْجغْ إِخفْ إِنُو ؤُ نِيثْنِي أَذْ سّْننْ، أَقَا نشّْ، سِيذِي، سِّيوْڒغْ ذِي ثُوسْمِي إِنُو [إِقدّْسنْ]، خْمِي غَا كمّْڒغْ أَسْعَارْ إِنُو خَاسنْ.
EZE 5:14 أَذْ شمْ أَرّغْ ذ ڒْخِيرْبثْ ذ إِشْثْ ن ڒْقشْعثْ ن ؤُسْثهْزِي جَارْ ڒڭْنُوسْ إِ ذ أَمْ د-إِنّْضنْ، زَّاثْ إِ ثِيطَّاوِينْ ن كُوڒْ إِجّْ نِّي إِ غَا إِعْذُونْ.
EZE 5:15 أَذْ ثذْوڒْ [ؤُرْشَالِيمْ] إِ ؤُسْثهْزِي ذ ڒْحڭْرَا، إِ [ؤُمذْيَا ن] ؤُسقْسحْ ذ ؤُسِيڭّْوذْ إِ ڒڭْنُوسْ إِ ذ أَسْ د-إِنّْضنْ، خْمِي ذ أَسْ إِ غَا قْضغْ ڒحْكَامَاثْ س وغْضَابْ ؤُ س وسْعَارْ ؤُ س ثِييِيتَّا إِحْمَانْ. نشّْ، سِيذِي، أَقَا سِّيوْڒغْ!
EZE 5:16 خْمِي ثنْ غَا وْثغْ س فْڒِيثْشَاثْ ن ڒَاژْ نِّي د غَا يَاوْينْ أَردّدْجْ، ثِينِّي غَا وْثغْ حِيمَا أَذْ كنِّيوْ سّْهلّْكغْ، [خنِّي] أَذْ خَاومْ أَرْنِيغْ ڒَاژْ ؤُ أَذْ أَرْژغْ ڒعْوتْشْ ن وغْرُومْ [نْومْ].
EZE 5:17 أَذْ خَاومْ سكّغْ ڒَاژْ ذ ڒوْحُوشْ إِوْعَارنْ نِّي إِ غَا إِكّْسنْ ثَارْوَا نّمْ. طَّاعُونْ ذ ؤُسِيزّڒْ ن إِذَامّنْ أَذْ كّنْ خَامْ ؤُ نشّْ أَذْ خَامْ سّكّغْ سِّيفْ. نشّْ، سِيذِي، أَقَا سِّيوْڒغْ!“
EZE 6:1 يُوسَا-د غَارِي وَاوَاڒْ ن سِيذِي، إِنَّا:
EZE 6:2 ”[أَ] مِّيسْ ن بْنَاذمْ، أَرّْ ؤُذمْ نّشْ غَارْ إِذُورَارْ ن إِسْرَائِيل ؤُشَا نَابّْ خَاسنْ
EZE 6:3 ؤُشَا إِنِي: ’[أَ] إِذُورَارْ ن إِسْرَائِيل، سْڒمْ إِ وَاوَاڒْ ن سِيذِي إِنُو، سِيذِي! أَمُّو إِ إِقَّارْ سِيذِي إِنُو، سِيذِي، إِ إِذُورَارْ ؤُ إِ ثوْرِيرِينْ، إِ ثْغزْرَاثِينْ ؤُ إِ ثغْزُورْثِينْ: خْزَارْ، نشّْ أَذْ خَاومْ سّكّغْ سِّيفْ ؤُشَا ڒڭْعُوذِي نْومْ [مَانِي ثتّْوهَّابمْ دّْبَايحْ نْومْ] أَذْ ثنْثْ أَردّْدْجغْ.
EZE 6:4 أَذْ تّْوَارذْدْجنْ إِعَالْطَارنْ نْومْ ؤُ إِپِيلَارنْ ن أَربِّي ن ثْفُوشْثْ نْومْ أَذْ تّْوَارْژنْ ؤُ نشّْ أَذْ نْضَارغْ إِنِّي إِتّْوَاسّْنُوقْبنْ زَّاثْ إِ وُوذمْ ن إِميْضَا ن [لْ-أَصْنَامْ نْومْ].
EZE 6:5 أَذْ ڭّغْ ڒْخشْبَاثْ ن أَيْثْ ن إِسْرَائِيل زَّاثْ إِ إِميْضَا ن [لْ-أَصْنَامْ نْسنْ] ؤُشَا أَذْ زُوزَّارغْ إِغْسَانْ نْومْ غَارْ مِينْ د-إِنّْضنْ إِ إِعَالْطَارنْ نْومْ.
EZE 6:6 ذِي مَارَّا إِمُوشَانْ مَانِي ثْزدّْغمْ أَذْ تّْوَاردّْدْجنْثْ ثْندَّامْ ؤُشَا ڒڭْعُوذِي أَذْ ثنْثْ جّنْ، أَڒَامِي إِعَالْطَارنْ نْومْ أَذْ إِڒِينْ ذ ڒْخَارْبثْ ذ تّْوَاجّنْ، ؤُشَا إِميْضَا ن [لْ-أَصْنَامْ نْومْ] أَذْ تّْوَارْژنْ ؤُ إِپِيلَارنْ نْومْ ن أَربِّي ن ثْفُوشْثْ أَذْ تّْوَاقسّنْ ؤُ ثِيمڭَّا نْومْ أَذْ تّْوَامْحَانْثْ.
EZE 6:7 إِنِّي إِتّْوَانْغنْ أَذْ [ذِينْ] إِڒِينْ ذِي ڒْوسْطْ نْومْ، ؤُشَا [أَمُّو] إِ غَا ثسّْنمْ أَقَا نشّْ ذ سِيذِي.‘ “
EZE 6:8 ”أَذْ ڭّغْ أَقَا إِنِّي إِتّْوَاسّْنجْمنْ زِي سِّيفْ جَارْ ڒڭْنُوسْ أَذْ قِّيمنْ دَّارنْ ؤُمِي كنِّيوْ غَا زُوزَّارغْ خْ ثمُّورَا.
EZE 6:9 إِنِّي إِتّْوَانجْمنْ أَذْ خَافِيعقْڒنْ جَارْ رڭْنُوسْ مَانِي تّْوَاندّْهنْ ذ إِمحْبَاسْ، مِينْزِي نشّْ أَرْژِيغْ ؤُڒْ نْسنْ نِّي خَافِي إِتَّاڭّْوجنْ، إِشُّورنْ س فَارْقْ-شّْغڒْ ؤُشَا ؤُڒَا ذ ثِيطَّاوِينْ نْسنْ نِّي إِضْفَارنْ أَوَارْنِي إِ إِميْضَا ن [لْ-أَصْنَامْ نْسنْ] شُّورنْثْ س فَارْقْ-شّْغڒْ. نِيثْنِي أَذْ عِيفّنْ إِخفْ نْسنْ زِي سِّيبّثْ ن ثْمڭَّا إِعفّْننْ نِّي ڭِّينْ س مَارَّا جَّاعَايفْ نْسنْ.
EZE 6:10 نِيثْنِي أَذْ سّْننْ بلِّي نشّْ ذ سِيذِي. نشّْ وَارْ نِّيغْ أَمنِّي وَاهَا أَقَا نشّْ أَذْ ذَايْسنْ ڭّغْ ڒْغَارْ-أَ.“
EZE 6:11 ”أَمُّو إِ إِقَّارْ سِيذِي إِنُو، سِيذِي: وّثْ س ؤُفُوسْ نّشْ ؤُشَا ذَارّشْ س ؤُضَارْ نّشْ ؤُشَا إِنِي: ’أَيْ!‘ خْ مَارَّا نّْعَاوَاثْ ثِيعفَّانِينْ ن ثَادَّارْثْ ن إِسْرَائِيل، مَاغَارْ نِيثْنِي أَذْ وْضَانْ س سِّيفْ، س ڒَاژْ ؤُ س طَّاعُونْ!
EZE 6:12 وِي إِدْجَانْ يِيڭّْوجْ أَذْ إِمّثْ س طَّاعُونْ ؤُ وِي إِدْجَانْ يُوذسْ أَذْ إِوْضَا س سِّيفْ ؤُ وِي إِقِّيمنْ ؤُ أَقَا إِتّْوَاحْصَارْ أَذْ إِمّثْ س ڒَاژْ، [أَمُّو] أَذْ ذَايْسنْ كمّْڒغْ أَسْعَارْ إِنُو.
EZE 6:13 إِتّْخصَّا أَذْ ثسّْنمْ بلِّي نشّْ ذ سِيذِي، خْمِي إِنِّي زَّايْسنْ إِتّْوَانْغنْ أَذْ [ذِينْ] إِڒِينْ جَارْ إِميْضَا ن [لْ-أَصْنَامْ نْسنْ] ذڭْ ونّضْ ن إِعَالْطَارنْ نْسنْ خْ كُوڒْ ثَاوْرِيرْثْ ثُوعْڒَا، خْ مَارَّا ثِيقِّيشَاثِينْ ن إِذُورَارْ، سَاذُو كُوڒْ ثَاشجَّارْثْ ثَازِيزَاوْثْ ؤُ سَاذُو كُوڒْ ثَاشجَّارْثْ ن يِيڭّْ س وَاطَّاسْ ن ثفْرَايْ، [ذڭْ] ومْشَانْ مَانِي نُّومنْ سّوْجَاذنْ إِشْثْ ن ڒفْوَاحثْ إِتّْفُوحنْ إِ مَارَّا إِميْضَا ن [لْ-أَصْنَامْ نْسنْ].
EZE 6:14 أَذْ سّْوِيژّْضغْ أَفُوسْ إِنُو ضِيدّْ نْسنْ ؤُشَا أَذْ ڭّغْ ثَامُّورْثْ ذ إِشْثْ ن ثمُّورْثْ إِتّْوَاردّْدْجنْ، إِشْثْ ن ثمُّورْثْ إِتّْوَاردّْدْجنْ مَاهُو ڒخْڒَا ن ذَابْلَا، ذِي مَارَّا إِمُوشَانْ مَانِي زدّْغنْ. ؤُشَا نِيثْنِي أَذْ سّْننْ بلِّي نشّْ ذ سِيذِي.“
EZE 7:1 يُوسَا-د غَارِي وَاوَاڒْ ن سِيذِي، إِنَّا:
EZE 7:2 ”شكْ، [أَ] مِّيسْ ن بْنَاذمْ، أَمُّو إِ إِقَّارْ سِيذِي إِنُو، سِيذِي، إِ ثمُّورْثْ ن إِسْرَائِيل: ’أَنڭَّارْ، يُوسَا-د ؤُنڭَّارْ خْ أَربْعَا ن إِغزْذِيسنْ ن ثمُّورْثْ.
EZE 7:3 ڒخُّو يُوسَا-د خَامْ ؤُنڭَّارْ نّمْ، مِينْزِي أَذْ غَارمْ د-سكّغْ أَغْضَابْ إِنُو ؤُ أَذْ خَامْ حكْمغْ أَمْ يِيبْرِيذنْ نّمْ ؤُشَا أَذْ خَامْ ڭّغْ مَارَّا جّْعَايفْ نّمْ.
EZE 7:4 وَارْ ذ أَمْ زِّيدْجِيزنْثْ ثِيطَّاوِينْ إِنُو ؤُ وَارْ أَرحّْمغْ، مِينْزِي أَذْ أَرّغْ إِبْرِيذنْ نّمْ خْ ؤُزدْجِيفْ نّمْ ؤُ جّْعَايفْ نّمْ أَذْ شمْ ڒقْفنْثْ ذِي ڒْوسْطْ نّمْ. أَمُّو إِ غَا ثسّْنمْ بلِّي نشّْ ذ سِيذِي.‘
EZE 7:5 أَمُّو إِ إِقَّارْ سِيذِي إِنُو، سِيذِي: ’إِجّْ ن ڒْغَارْ، إِجّْ ن ڒْغَارْ إِفَارْزنْ، أَقَا أَذْ د-يَاسْ.
EZE 7:6 يُوسَا-د ؤُنڭَّارْ، أَنڭَّارْ يُوسَا-د، إِفَاقْ-د ضِيدّْ نّمْ، أَقَا أَذْ د-يَاسْ!
EZE 7:7 ثُوسَا-د غَاركْ ثْقدُّوحْثْ، أَ أَمزْذُوغْ ن ثمُّورْثْ، ثَاسَاعّثْ ثُوسَا-د، أَسّْ ن ؤُخَارْوضْ إِقَارّبْ-د ؤُ وَارْ ذِينْ أَسْڒِيوْڒوْ زڭْ إِذُورَارْ.
EZE 7:8 ڒخُّو ذغْيَا أَذْ خَامْ زدْجْعغْ أَسْعَارْ إِنُو ؤُشَا أَذْ ذَايمْ كمّْڒغْ أَغْضَابْ إِنُو. أَذْ خَامْ حكْمغْ أَنشْثْ ن إِبْرِيذنْ نّمْ ؤُشَا أَذْ خَامْ سِّيوْضغْ مَارَّا جّْعَايفْ نّمْ.
EZE 7:9 وَارْ زِّيدْجِيزغْ ؤُ وَارْ أَرحّْمغْ. أَذْ غَارمْ د-أَرّغْ مِينْ ثسّْذَاهدْجذْ، ؤُ جّْعَايفْ نّمْ أَذْ إِڒِينْثْ ذِي ڒْوسْطْ نّمْ ؤُ كنِّيوْ أَذْ ثسّْنمْ بلِّي أَقَا نشّْ ذ سِيذِي ونِّي كنِّيوْ إِشَّاثنْ.‘
EZE 7:10 ’خْزَارْ، أَسّْ، خْزَارْ، أَقَا ذَا ثِيوضْ-د ثْقدُّوحْثْ، ثقْضَا ثْقدُّوحْثْ، ثْنوَّارْ ثَاغَّارْشْثْ، ثسّنْذِي نّْفَاخثْ.
EZE 7:11 إِڭعّذْ لْعُونْفْ أَمْ ؤُزدْجَاضْ ن ڒْغَارْ. وَارْ زَّايْسنْ إِقِّيمْ ؤُڒَا ذ إِجّْ، وَالُو ن ڒْغَاشِي نْسنْ إِنْهوْڒنْ، وَالُو ن دّْرِيزْ نْسنْ ؤُ وَالُو ن ؤُسمْغَارْ أَذْ غَارْسنْ إِقِّيمْ عَاذْ.
EZE 7:12 ثُوسَا-د ثْسَاعّثْ، إِخشّذْ وَاسّْ. أجّْ ونِّي إِسْغِينْ وَارْ إِفَارّحْ ؤُ أجّْ ونِّي إِزّْنُوزَانْ وَارْ إِتّشْضِينْ، مِينْزِي ڒْحَاذُوقْ ن وغْضَابْ أَقَا-ث خْ مَارَّا ڒْغَاشِي نّسْ إِنْهوْڒنْ.
EZE 7:13 مِينْزِي ونِّي إِزّْنُوزَانْ وَارْ د-إِذِّيكّْوِيڒْ غَارْ مِينْ إِمّنْزنْ، وَاخَّا نِيثْنِي قِّيمنْ دَّارنْ، مِينْزِي وَارْ إِبطِّيڒْ ڒوْحِييْ خْ مَارَّا ڒْغَاشِي إِنْهوْڒنْ ن ثمُّورْثْ، ؤُشَا ؤُڒَا ذ إِجّْ وَارْ إِزمَّارْ س ڒْمُوعْصِييّثْ نّسْ أَذْ إِقِّيمْ إِتّطّفْ ذِي ثُوذَارْثْ نّسْ.
EZE 7:14 نِيثْنِي سُوضنْ س جّهْذْ ذِي ڒْبُوقْ ؤُشَا سّْوجْذنْ مَارَّا ڒحْوَايجْ، مَاشَا ؤُڒَا ذ إِجّْ وَارْ إِتّفّغْ غَارْ ؤُمنْغِي، مِينْزِي ڒْحَاذُوقْ ن وغْضَابْ إِنُو أَقَا-ث خْ مَارَّا ڒْغَاشِي إِنْهوْڒنْ ن ثمُّورْثْ.‘
EZE 7:15 ’زِي بَارَّا سِّيفْ ؤُ زِي ذَاخڒْ طَّاعُونْ ذ ڒَاژْ. وِي إِدْجَانْ ذڭْ إِيَّارْ أَذْ إِمّثْ س سِّيفْ، وِي إِدْجَانْ ذِي ثنْذِينْثْ أَذْ ث يشّْ ڒَاژْ ذ طَّاعُونْ.
EZE 7:16 وِي زَّايْسنْ يَاروْڒنْ، وَاهْ أَذْ نجْمنْ، مَاشَا أَذْ إِڒِينْ خْ إِذُورَارْ أَمْ إِذْبِيرنْ زِي ثغْزُورِينْ، أَذْ نّزْبَارنْ مَارَّا، كُوڒْ إِجّْ خْ ڒْمُوعْصِييّثْ نّسْ.
EZE 7:17 مَارَّا إِفَاسّنْ أَذْ هيّْفنْ، ؤُ مَارَّا إِفَادّنْ أَذْ ذوْڒنْ ذ أَمَانْ.‘
EZE 7:18 ’أَذْ بيْسنْ س ثْخُونْشَايْ ن وشْضَانْ، أَرْجفْ أَذْ ثنْ إِسّْذُورِييْ خْ مَارَّا ؤُذْمَاونْ أَذْ يِيڒِي ڒحْيَا ؤُ خْ مَارَّا إِزدْجِيفنْ نْسنْ ثُوقشَّارْثْ.
EZE 7:19 أَذْ نْضَارنْ نُّوقَارْثْ نْسنْ ذڭْ إِبْرِيذنْ ؤُ ؤُرغْ نْسنْ أَذْ يِيڒِي أَمْ شَا ن ڒْحَاجّثْ ثخْمجْ. نُّوقَارْثْ نْسنْ ذ وُورغْ نْسنْ وَارْ زمَّارنْ أَذْ ثنْ فكّنْ ذڭْ وَاسّْ ن ؤُذُوقّزْ ن ؤُفُوڭمْ ن سِيذِي. وَارْ زمَّارنْ أَذْ زَّايْسنْ سّْجِيوْننْ ڒعْمَارْ نْسنْ نِيغْ أَذْ زَّايْسنْ شُّورنْ ثَاكْرِيشْثْ نْسنْ، مِينْزِي أَيَا ثُوغَا ذ سِّيبّثْ ن ؤُنقْرَاضْ إِ د-يِيوْينْ ڒْمُوعْصِييّثْ نْسنْ.
EZE 7:20 أَژْرِي ن ثلْوِيزْثْ إِڭَّا إِ-ث ذ لْعَاضَامَا يُوعْڒَانْ، مَاشَا نِيثْنِي ڭِّينْ ذَايسْ ڒخْيَاڒَاثْ ن نّْعَاوَاثْ نْسنْ ن لْ-أَصْنَامْ ؤُ ڒخْيَاڒَاثْ ن جّْعَايفْ نْسنْ. خْ ؤُيَا أَرِّيغْ ثَالْوِيزْثْ ذ ثَاخْمُوجِي إِ نِيثْنِي.
EZE 7:21 نشّْ أَذْ ت وْشغْ ذ ثُوشّفّْرَا ذڭْ ؤُفُوسْ ن إِبَارَّانِييّنْ ؤُشَا أَذْ ت وْشغْ ذ ثَاكشَّاضْثْ إِ إِعفَّاننْ ن ثمُّورْثْ، ؤُشَا نِيثْنِي أَذْ سّْعِيدْجْثنْ ثَالْوِيزْثْ.
EZE 7:22 نشّْ أَذْ خَاسْ سّنْقڒْبغْ ؤُذمْ إِنُو ؤُ نِيثْنِي أَذْ سّْعِيدْجْثنْ ثَازذِّيغْثْ إِنُو إِنُّوفَارنْ، مَاغَارْ إِشفَّارنْ أَذْ ذِينْ أَذْفنْ ؤُشَا أَذْ سّْعِيدْجْثنْ مَارَّا.‘
EZE 7:23 ’سوْجذْ سّْنسْڒثْ، مِينْزِي ثَامُّورْثْ ثشُّورْ س ؤُسِيزّڒْ ن إِذَامّنْ ؤُ ثَانْذِينْثْ ثشُّورْ س لْعُونْفْ.
EZE 7:24 نشّْ أَذْ أَوْيغْ ڒڭْنُوسْ إِعفَّاننْ قَاعْ، ؤُ نِيثْنِي أَذْ طّْفنْ ثُوذْرِينْ نْسنْ، أَذْ سّْبدّنْ نّْفَاخثْ ن أَيْثْ ن جّهْذْ، ؤُشَا أَذْ تّْوَاسّْعِيدْجْثنْثْ ثْزَاوِييِّينْ نْسنْ إِقدّْسنْ.
EZE 7:25 أَذْ د-يَاسْ ؤُنخْڒِيعْ ذ أَمقّْرَانْ. نِيثْنِي أَذْ أَرْزُونْ ڒهْنَا، مَاشَا وَارْ إِتِّيڒِي.
EZE 7:26 أَقَا أَذْ د-يَاسْ ؤُشڒْوَاوْ أَوَارْنِي إِ ؤُشڒْوَاوْ، أَذْ يِيڒِي ڒْهَارْذْ أَوَارْنِي إِ ڒْهَارْذْ. نِيثْنِي أَذْ أَرْزُونْ ڒوْحِييْ ن ؤُنَابِي، وَاخَّا ثقْضَا شَّارِيعَا ن ؤُكهَّانْ ذ شّْوَارْ ن إِمْغَارنْ
EZE 7:27 أَجدْجِيذْ أَذْ إِشْضنْ، ڒْحَاكمْ أَذْ يَارْضْ أَنخْڒِيعْ ؤُ إِفَاسّنْ ن ڒْڭنْسْ أَذْ قَارّْمنْ س ثِيڭّْوُوذِي. نشّْ أَذْ زَّايْسنْ ڭّغْ أَمْ وبْرِيذْ نْسنْ ؤُ نشّْ أَذْ خَاسنْ حكْمغْ أَمْ لْفَارَايِيضْ نْسنْ. أَمُّو إِ غَا سّْننْ أَقَا نشّْ ذ سِيذِي.‘ “
EZE 8:1 ذڭْ ؤُسڭّْوَاسْ وِيسّْ ستَّا، ذڭْ ؤُيُورْ وِيسّْ ستَّا، ذڭْ وَاسّْ وِيسّْ خمْسَا ن ؤُيُورْ، [ؤُمِي] ثُوغَا قِّيمغْ ذِي ثُوذَارْثْ إِنُو ؤُ إِمْغَارنْ ن يَاهُوذَا ثُوغَا قِّيمنْ زَّاثْ إِ وُوذمْ إِنُو، [خنِّي] إِمْسَارْ أَقَا إِوْضَا-د خَافِي ذِينْ ؤُفُوسْ ن سِيذِي إِنُو، سِيذِي.
EZE 8:2 نشّْ ژْرِيغْ، ؤُشَا خْزَارْ، ثُوغَا ذِينْ ونِّي صْسِيفثْ نّسْ يَارْوسنْ ذڭْ وُوذمْ ن ثْمسِّي. زِي ثجْعِينَّاثِينْ نّسْ غَارْ وَادَّايْ أَقَا إِبَانْ-د أَمْ ثْمسِّي ؤُ زِي ثجْعِينَّاثِينْ نّسْ أَڒْ سنّجْ [ثُوغَا] أَخْمِي ثژْرِيذْ ثِيسِّيقْثْ، ثْبَانْ-د أَمْ وُوزَّاڒْ إِتّْوسّْڭنْ.
EZE 8:3 إِسّْوِيژّضْ-د مِينْ يَارْوسنْ ذڭْ إِجّْ ن ؤُفُوسْ ؤُشَا نتَّا إِطّفْ أَيِي-د غَارْ إِشْثْ ن ثْزَارزْثْ ن ؤُزدْجِيفْ إِنُو، ؤُشَا أَرُّوحْ إِسّْڭعّذْ أَيِي جَارْ ؤُجنَّا ذ ثمُّورْثْ، إِنْذهْ أَيِي ذِي إِوحَّانْ ن أَربِّي غَارْ ؤُرْشَالِيمْ، غَارْ وَاذَافْ [ن ثوَّارْثْ] ن ڒمْرَاحْ ن ذَاخڒْ نِّي إِخزَّارنْ غَارْ شَّامَالْ، مَانِي إِدْجَا ڒْكُورْسِي ن ڒخْيَاڒْ ن لْ-أَصْنَامْ ن ثُوسْمِي نِّي إِسّكَّارَانْ ثُوسْمِي.
EZE 8:4 ؤُ خْزَارْ، ذِينْ إِ إِدْجَا ؤُعُودْجِي ن أَربِّي ن إِسْرَائِيل، إِتّْبَانْ-د أَمْ مَامّشْ [ث] ژْرِيغْ ذِي ڒوْضَا ن ثغْزُورْثْ.
EZE 8:5 نتَّا إِنَّا أَيِي: ”[أَ] مِّيسْ ن بْنَاذمْ، سْڭعّذْ ڒخُّو ثَامُوغْڒِي نّشْ غَارْ شَّامَالْ!“ ؤُشَا سّْڭعّْذغْ ثَامُوغْڒِي إِنُو جِّيهثْ ن شَّامَالْ، ؤُ خْزَارْ، إِبدّْ [ذِينْ] ڒخْيَاڒْ نِّي ن صَّانَامْ ن ثُوسْمِي غَارْ شَّامَالْ ن ثوَّارْثْ ن ؤُعَالْطَارْ ذڭْ وَاذَافْ.
EZE 8:6 [خَاسْ ؤُشَا] إِنَّا أَيِي: ”[أَ] مِّيسْ ن بْنَاذمْ، مَا ثتّْوَاڒِيذْ مِينْ تّڭّنْ نِيثْنِي، جّْعَايفْ ثِيمقّْرَانِينْ نِّي ثتّڭّْ ثَادَّارْثْ ن إِسْرَائِيل ذَانِيثَا، أَڒَامِي إِتّْخصَّا أَذْ أَڭّْوجغْ خْ زَّاوشْثْ إِنُو إِقدّْسنْ. أَذْ ثْژَارذْ عَاذْ جّْعَايفْ ثِيمقّْرَانِينْ [خْ ثِينَا].“
EZE 8:7 نتَّا يِيوْيِي أَيِي غَارْ وَاذَافْ نْ ڒمْرَاحْ. [ؤُمِي] ژْرِيغْ، خْزَارْ، أَقَا ذِينْ إِجّْ ن وحْفُورْ ذِي ڒْحِيضْ.
EZE 8:8 نتَّا إِنَّا أَيِي: ”[أَ] مِّيسْ ن بْنَاذمْ، غَازْ خنِّي ڒْحِيضْ.“ نشّْ غْزِيغْ ڒْحِيضْ ؤُشَا خْزَارْ، أَقَا ذِينْ إِجّْ ن وَاذَافْ.
EZE 8:9 [خنِّي] إِنَّا أَيِي: ”أَذفْ، ؤُشَا خْزَارْ جّْعَايفْ ثِيمقّْرَانِينْ نِّي تّڭّنْ ذَانِيثَا.“
EZE 8:10 ؤُذْفغْ ؤُشَا ژْرِيغْ، خْزَارْ، أَقَا ذِينْ عْڒَامْ كُوڒْ  إِنقَّاشنْ ن إِمُودَّارنْ إِتّْبُوعنْ، ن ڒْمَاڒْ أَمنْڭُوسْ ؤُ ن مَارَّا إِميْضَا [ن لْ-أَصْنَامْ] ن ثَادَّارْثْ ن إِسْرَائِيل تّْوَانقْشنْ ذِي ڒْحِيذْ ذڭْ ونّضْ.
EZE 8:11 أَقَا سبْعِينْ ن يرْيَازنْ زڭْ إِمْغَارنْ ن ثَادَّارْثْ ن إِسْرَائِيل، أَكْ-ذ يَازَانْيَاهُو، مِّيسْ ن شَافَانْ، ذِي ڒْوسْثْ نْسنْ، بدّنْ زَّاثْسنْ ؤُ كُوڒْ إِجّْ س ڒْمجْمَارْ نّسْ ن ڒبْخُورْ ذڭْ ؤُفُوسْ نّسْ ؤُشَا ثُوڒِي ثجْنوْثْ ثشُّورْ س أَرِّيحثْ ن ڒبْخُورْ.
EZE 8:12 [خنِّي] إِنَّا أَيِي: ”[أَ] مِّيسْ ن بْنَاذمْ، مَا ثژْرِيذْ مِينْ تّڭّنْ إِمْغَارنْ ن إِسْرَائِيل ذِي ثَادْجسْثْ، كُوڒْ إِجّْ ذڭْ وخَّامْ ن ڒخْيَاڒْ نّسْ إِنقْشنْ، مَاغَارْ قَّارنْ: سِيذِي وَارْ ذ أَنغْ إِژْرِي، سِيذِي يجَّا ثَامُّورْثْ.“
EZE 8:13 نتَّا إِنَّا أَيِي: ”أَذْ ثْژَارذْ عَاذْ جّْعَايفْ ثِيمقّْرَانِينْ [خْ ثِينَا] نِّي تّڭّنْ نِيثْنِي.“
EZE 8:14 [خنِّي] إِنْذهْ أَيِي غَارْ وَاذَافْ ن ثوَّارْثْ ن ثَادَّارْثْ ن سِيذِي، ونِّي إِدْجَانْ غَارْ شَّامَالْ، ؤُ خْزَارْ، قِّيمنْثْ ذِينْ ثمْغَارِينْ تّْرُونْثْ ذِي ثَامُّوزْ.
EZE 8:15 نتَّا إِنَّا أَيِي: ”[أَ] مِّيسْ ن بْنَاذمْ، مَا ثژْرِيذْ أَيَا! أَذْ ثْژَارذْ عَاذْ جّْعَايفْ مْغَارنْثْ خْ ثِينَا.“
EZE 8:16 ؤُشَا يِيوْيِي أَيِي غَارْ ڒمْرَاحْ ن ذَاخڒْ ن ثَادَّارْثْ ن سِيذِي، ؤُشَا خْزَارْ، غَارْ ثوَّارْثْ ن زَّاوشْثْ ن سِيذِي، جَارْ وسْقِيفْ ذ ؤُعَالْطَارْ، أَقَا ذِينْ عْڒَاحَاڒْ خمْسَا ؤُ-عِيشْرِينْ ن يرْيَازنْ. إِعُورَارْ نْسنْ ذوْڒنْ غَارْ زَّاوشْثْ ن سِيذِي ؤُ ؤُذْمَاونْ نْسنْ غَارْ شَّارْقْ، ؤُشَا نِيثْنِي سجْذنْ غَارْ شَّارْقْ إِ ثْفُوشْثْ.
EZE 8:17 [خنِّي] إِنَّا أَيِي: ”[أَ] مِّيسْ ن بْنَاذمْ، مَا ثژْرِيذْ أَيَا؟ مَا أَقَا ذْرُوسْثْ إِ ثَادَّارْثْ ن يَاهُوذَا مَاحنْذْ أَذْ ڭّنْ جّْعَايفْ-أَ ثِيمقّْرَانِينْ نِّي تّڭّنْ ذَانِيثَا؟ مَاغَارْ نِيثْنِي شُّورنْ ثَامُّورْثْ س لْعُونْفْ ؤُشَا قِّيمنْ ذوْڒنْ-د غَارِي حِيمَا أَذْ أَيِي سْعَارنْ. خْزَارْ، تّڭّنْ [عَاذْ] ثَاسطَّا [إِتّْوَاقضْعنْ] غَارْ ونْزَارنْ نْسنْ!
EZE 8:18 [خنِّي] ؤُڒَا ذ نشّْ أَذْ ڭّغْ س وسْعَارْ. وَارْ ذَايِي إِزِّيدْجِيزْ حذْ ؤُ وَارْ أَرحّْمغْ. وَاخَّا نِيثْنِي سْغُويُّونْ س ثْمِيجَّا إِجهْذنْ ذڭْ إِمزُّوغنْ إِنُو، نشّْ وَارْ د غَارْسنْ تّسْڒِيغْ.“
EZE 9:1 [خنِّي] إِڒَاغَا ذڭْ إِمزُّوغنْ إِنُو س ثْمِيجَّا ثجْهذْ، إِنَّا: ”أجّْ إِمحْضَاينْ ن ثنْذِينْثْ أَذْ د-قَارّْبنْ، كُوڒْ  إِجّْ س ڒسْنَاحْ نّسْ ن ؤُردّدْجْ ذڭْ ؤُفُوسْ نّسْ.“
EZE 9:2 ؤُشَا خْزَارْ، ستَّا ن يرْيَازنْ ؤُسِينْ-د زڭْ وبْرِيذْ زِي ثوَّارْثْ يُوعْڒَانْ نِّي إِخزَّارنْ غَارْ شَّامَالْ ؤُ كُوڒْ إِجّْ غَارسْ ڒسْنَاحْ نّسْ إِ ؤُثحِّي ذڭْ ؤُفُوسْ نّسْ. ذِي ڒْوسْطْ نْسنْ ثُوغَا ذِينْ إِجّْ ن ورْيَازْ، ثُوغَا يَارْضْ ڒقْطنْ، يِيوِي ثَاذْوَاثْ ن ؤُمَارِيرْ غَارْ وبْيَاسْ نّسْ. ؤُذْفنْ نِيثْنِي ؤُشَا ڭِّينْ أَذْ بدّنْ غَارْ ؤُعَالْطَارْ ن نّْحَاسْ.
EZE 9:3 أَعُودْجِي ن أَربِّي ن إِسْرَائِيل إِسّْڭعّذْ إِخفْ نّسْ زِي سنّجْ ن ؤُكِيرُوبْ نِّي خْ إِدْجَانْ، يُويُورْ غَارْ ثْنبْذَاثْ ن ثَادَّارْثْ ؤُشَا نتَّا إِڒَاغَا-د إِ ورْيَازْ نِّي يَارْضنْ ڒقْطنْ ذ ونِّي [يِيوْينْ] ثَاذْوَاثْ ن ؤُمَارِيرْ غَارْ وبْيَاسْ نّسْ.
EZE 9:4 إِنَّا أَسْ سِيذِي: ”شُوقّْ ذِي ڒْوسْطْ ن ثنْذِينْثْ، ذِي ڒْوسْطْ ن ؤُرْشَالِيمْ، ؤُشَا أڭّْ كْرُوزْ [ذ ڒعْڒَامثْ] خْ ثنْيَارِينْ ن يرْيَازنْ نِّي إِتّْنِيخْسِيسنْ ذ تّْوعّْضنْ خْ سِّيبّثْ ن مَارَّا جّْعَايفْ نِّي إِتّْوَاڭّنْ ذِي ڒْوسْطْ نّسْ.“
EZE 9:5 ؤُمِي سْڒِيغْ، إِنَّا إِ إِنّغْنِي: ”شُوقّمْ ذِي ثنْذِينْثْ أَوَارْنِي أَسْ، نْغمْ، وَارْ زِّيدْجِيزمْ ؤُ وَارْ أَرحّْممْ!
EZE 9:6 نْغمْ إِوسُّورَا، إِحُوضْرِييّنْ، ثِيعزْرِييِينْ، إِحنْجِيرنْ ذ ثمْغَارِينْ أَڒْ غَا تّْوَاهلّْكنْ قَاعْ، مَاشَا وَارْ تّْهَاذَامْ ؤُڒَا ذ إِجّْ خَاسْ كْرُوشْ [ذ ڒعْڒَامثْ]. بْذَامْ زِي زَّاوشْثْ إِنُو إِقدّْسنْ.“ ؤُشَا نِيثْنِي بْذَانْ زڭْ إِوسُّورَا نِّي إِدْجَانْ زَّاثْ إِ ثَادَّارْثْ.
EZE 9:7 ؤُشَا نتَّا إِنَّا أَسنْ: ”سْخمْجمْ ثَادَّارْثْ ؤُشَا شُّورمْ ڒمْرَاحَاثْ س [ڒْْخشْبَاثْ ن] يِينِّي إِتّْوَانْغنْ. فّْغمْ!“ فّْغنْ نِيثْنِي ؤُشَا نْغِينْ [إِوْذَانْ] ذِي ثنْذِينْثْ.
EZE 9:8 ڒَامِي ثنْ نْغِينْ ؤُشَا قِّيمغْ نشّْ، إِمْسَارْ أَقَا نشّْ وْضِيغْ خْ ؤُغمْبُوبْ إِنُو [غَارْ ثمُّورْثْ] ؤُشَا نِّيغْ: ”أَخْ، سِيذِي إِنُو، سِيذِي، مَا أَذْ ثَاردّْدْجذْ ڒخُّو مِينْ إِقِّيمنْ ن إِسْرَائِيل ؤُمِي غَا ثْزدْجْعذْ أَسْعَارْ نّشْ خْ ؤُرْشَالِيمْ؟“
EZE 9:9 [خنِّي] إِنَّا أَيِي: ”ڒْمُوعْصِييّثْ ن ثَادَّارْثْ ن إِسْرَائِيل ذ يَاهُوذَا ثمْغَارْ أَطَّاسْ ؤُ ثَامُّورْثْ ثشُّورْ س إِذَامّنْ ؤُ ثنْذِينْثْ ثشُّورْ س ؤُسْفَارْغْ ن ڒْحقّْ، مِينْزِي نِيثْنِي قَّارنْ: ’سِيذِي إِسْمحْ ذِي ثمُّورْثْ ؤُشَا سِيذِي وَارْ إِژَارّْ!‘
EZE 9:10 [س ؤُيَا] ؤُڒَا ذ نشّْ أَذْ ڭّغْ أَمُّو. ثِيطّْ إِنُو وَارْ ثْسمّحْ ؤُ نشّْ وَارْ تّْحِينِّيغْ. نشّْ أَذْ سّنْقڒْبغْ أَبْرِيذْ نْسنْ خْ ؤُزدْجِيفْ نْسنْ.“
EZE 9:11 ؤُشَا خْزَارْ، أَرْيَازْ نِّي يَارْضنْ ڒقْطنْ، ونِّي د-يِيوْينْ غَارْ وبْيَاسْ نّسْ ثَاذْوَاثْ [ن ؤُمَارِيرْ]، أَقَا يَارَّا-د ڒخْبَارْ، إِنَّا: ”ڭِّيغْ أَمْ مَامّشْ إِ ذ أَيِي ثُومُورذْ.“
EZE 10:1 [أَوَارْنِي أَيَا] ژْرِيغْ، خْزَارْ، سنّجْ إِ ڒْقُوبّثْ، سنّجْ إِ ؤُزدْجِيفْ ن إِكِيرُوبنْ، [ثُوغَا ذِينْ شَا] أَمْ وژْرُو ن صَافِّيرْ، مِينْ د-إِتّْبَاننْ أَمْ وُوذمْ ن مِينْ يَارْوسنْ ذڭْ إِجّْ ن ڒْعَارْشْ، [ؤُ] سنّجْ إِ نِيثْنِي إِضْهَارْ-د نتَّا.
EZE 10:2 ؤُشَا إِسِّيوڒْ أَكْ-ذ ورْيَازْ نِّي يَارْضنْ أَرُّوذْ نْ ڒقْطنْ، إِنَّا: ”أَذفْ-د غَارْ ذَاخڒْ جَارْ ثْجَارَّارِينْ إِتّنّْضنْ، أَڒْ سَاذُو إِ إِكِيرُوبنْ، ؤُشَا شُّورْ إِفَاسّنْ نّشْ س ڒفْحمْ إِتّحْذُوذُوقنْ زِي جَارْ إِكِيرُوبنْ ؤُشَا زدْجعْ إِ-ث خْ ثنْذِينْثْ!“ ؤُشَا يُوذفْ-د [جَارْ أَسنْثْ] زَّاثْ إِ ثِيطَّاوِينْ إِنُو.
EZE 10:3 إِكِيرُوبنْ ثُوغَا بدّنْ غَارْ ؤُغزْذِيسْ أَفُوسِي ن ثَادَّارْثْ ؤُمِي د-يَاذفْ ورْيَازْ غَارْ ذَاخڒْ ؤُشَا أَسيْنُو إِشُّورْ ڒمْرَاحْ ن ذَاخڒْ.
EZE 10:4 أَعُودْجِي ن سِيذِي إِسّْڭعّذْ إِخفْ نّسْ زِي سنّجْ ن ؤُخِيرُوبْ، [إِعْذُو] خْ ثْنبْذَاثْ ن ثوَّارْثْ ن ثَادَّارْثْ ؤُشَا ثتّْوَاشُّورْ ثَادَّارْثْ س ؤُسيْنُو ؤُ ڒمْرَاحْ ن زَّاثْ ثُوغَا إِشُّورْ س ثسِّيقْثْ ن ؤُعُودْجِي ن سِيذِي.
EZE 10:5 ذْرِيزّْ ن وَافْرِيونْ إِتّْوَاسڒْ-د أَڒْ ذَاخڒْ ذِي ڒمْرَاحْ ن بَارَّا، أَمْ ثْمِيجَّا ن أَربِّي، أَمْزمَّارْ خْ كُوڒْشِي، خْمِي إِسَّاوَاڒْ.
EZE 10:6 إِمْسَارْ أَوَارْنِي ڒَامِي يُومُورْ نتَّا إِ ورْيَازْ نِّي يَارْضنْ ڒقْطنْ، إِنَّا: ”كْسِي ثِيمسِّي زِي جَارْ ثْجَارَّارِينْ إِتّنْضنْ، زِي جَارْ إِكِيرُوبنْ!“، أَقَا وَانِيثَا يُوذفْ-د ؤُشَا إِبدّْ زَّاثْ إِ ثْجَارَّارْثْ إِتّنْضنْ.
EZE 10:7 [خنِّي] إِسّْوِيژّضْ إِجّْ ن ؤُكِيرُوبْ أَفُوسْ نّسْ زِي جَارْ إِكِيرُوبنْ غَارْ ثْمسِّي نِّي ثُوغَا جَارْ أَسنْ، إِكْسِي زَّايسْ ؤُشَا إِسَّارْسْ إِ-ت ذڭْ إِفَاسّنْ ن ونِّي يَارْضنْ ڒقْطنْ. وَانِيثَا إِكْسِي ت ؤُشَا إِفّغْ.
EZE 10:8 سَاذُو وَافْرِيونْ ن إِكِيرُوبنْ إِتّْوَاژَارْ شَا أَمْ صِّيفثْ ن ؤُفُوسْ ن بْنَاذمْ.
EZE 10:9 [خنِّي] ژْرِيغْ، خْزَارْ، أَقَا ذِينْ أَربْعَا ن ثْجَارَّارِينْ غَارْ ؤُغزْذِيسْ ن إِكِيرُوبنْ، إِشْثْ ن ثْجَارَّارْثْ غَارْ ؤُغزْذِيسْ ن إِجّْ ن ؤُكِيرُوبْ. ؤُذمْ ن ثْجَارَّارِينْ أَمْ وُوذمْ ن وژْرُو ن ثخْرِيسُولِيثْ.
EZE 10:10 خْ مَامّشْ د-ضْهَارنْ، أَقَا أَربْعَا غَارْسنْ صِّيفثْ ذ إِشْثنْ، أَخْمِي إِشْثْ ن ثْجَارَّارْثْ [ثتّْڒِيقْ نِيشَانْ] ذِي ڒْوسْطْ ن ثْجَارَّارْثْ [نّغْنِي].
EZE 10:11 خْمِي ڭُّورنْ، ڭُّورنْ غَارْ أَربْعَا ن إِغزْذِيسنْ [نْسنْ]. نِيثْنِي وَارْ تّْنقْڒِيبنْ شَا خْمِي ڭُّورنْ، مِينْزِي أَمْشَانْ مَانِي ثَارَّا [ثْجَارَّارْثْ] ن زَّاثْ أَزدْجِيفْ نّسْ، أَقَا ضْفَارنْ ت-إِ-د. نِيثْنِي وَارْ نّْقڒْبنْ شَا خْمِي ڭُّورنْ.
EZE 10:12 مَارَّا أَرِّيمثْ نْسنْ: إِعُورَارْ نْسنْ، إِفَاسّنْ نْسنْ ذ وَافْرِيونْ نْسنْ، ؤُشَا ؤُڒَا ذ ثِيجَارَّارِينْ نْسنْ شُّورنْ س ثِيطَّاوِينْ ذڭْ ونّضْ نْسنْ غَارْ [مَارَّا] أَربْعَا [إِمُودَّارنْ] نِّي، [وَاهْ عَاذْ] ثِيجَارَّارِينْ نْسنْ.
EZE 10:13 سْڒِيغْ [إِشْثْ ن ثْمِيجَّا] أَقَا ثتّْڒَاغَا أَسنْثْ إِ ثْجَارَّارِينْ: ’ثَاجَارَّارْثْ ن دّوْرَانْ!‘
EZE 10:14 كُوڒْ إِجّْ غَارسْ أَربْعَا ن وُوذْمَاونْ: ؤُذمْ أَمزْوَارُو [ثُوغَا] ذ ؤُذمْ ن ؤُكِيرُوبْ، ؤُ ؤُذمْ وِيسّْ ثْنَاينْ ذ ؤُذمْ ن بْنَاذمْ، ؤُ [ؤُذمْ] وِيسّْ ثْڒَاثَا ذ ؤُذمْ ن ويْرَاذْ، ؤُ [ؤُذمْ] وِيسّْ أَربْعَا ذ ؤُذمْ ن ؤُڭِيذرْ.
EZE 10:15 سّْڭعّْذنْ إِكِيرُوبنْ إِخفْ نْسنْ. وَا ذ سِيمَانْثْ ن ؤُمُودَّارْ إِ ژْرِيغْ غَارْ يغْزَارْ ن خابُورْ.
EZE 10:16 ؤُمِي ؤُيُورنْ إِكِيرُوبنْ، ؤُيُورنْثْ ؤُڒَا ذ ثِيجَارَّارِينْ غَارْ ؤُغزْذِيسْ نْسنْ، ؤُمِي سّْڭعّْذنْ إِكِيرُوبنْ أَفْرِيونْ نْسنْ مَاحنْذْ أَذْ سّْڭعّْذنْ إِخفْ نْسنْ زِي ثمُّورْثْ، وَارْ قْنُونّْينْثْ ثْجَارَّارِينْ نِّي أَڒَامِي أَڭّْوجنْثْ خْ ؤُغزْذِيسْ نْسنْ.
EZE 10:17 ؤُمِي بدّنْ نِيثْنِي، بدّنْثْ ؤُڒَا ذ نِيثنْثِي، ؤُمِي سّْڭعّْذنْ نِيثْنِي إِخفْ نْسنْ، سّْڭعّْذنْثْ ؤُڒَا ذ نِيثنْثِي إِخفْ نْسنْثْ، مِينْزِي بُوحْبڒْ ن إِمُودَّارنْ [ثُوغَا-ث] ذَايْسنْثْ.
EZE 10:18 [خنِّي] إِفّغْ ؤُعُودْجِي ن سِيذِي زِي سنّجْ ن ثْنبْذَاثْ ن ثَادَّارْثْ ؤُشَا إِبدّْ سنّجْ إِ إِكِيرُوبنْ.
EZE 10:19 إِكِيرُوبنْ سّْڭعّْذنْ أَفْرِيونْ نْسنْ ؤُشَا، ؤُمِي د-فّْغنْ، سّْڭعّْذنْ إِخفْ نْسنْ زِي ثمُّورْثْ زَّاثْ إِ ثِيطَّاوِينْ إِنُو ؤُشَا ؤُڒَا ذ ثِيجَارَّارِينْ غَارْ ؤُغزْذِيسْ نْسنْ. نِيثْنِي قِّيمنْ بدّنْ غَارْ وَاذَافْ ن ثوَّارْثْ ن شَّارْقْ ن ثَادَّارْثْ ن سِيذِي ؤُشَا أَعُودْجِي ن أَربِّي [ثُوغَا-ث] خَاسنْ زِي سنّجْ.
EZE 10:20 وَا ذ أَمُودَّارْ إِ ژْرِيغْ سَاذُو أَربِّي ن إِسْرَائِيل غَارْ يغْزَارْ ن خابُورْ. [خنِّي] سّْنغْ بلِّي ثُوغَا أَثنْ ذ إِكِيرُوبنْ.
EZE 10:21 كُوڒْ إِجّْ غَارسْ أَربْعَا ن وُوذْمَاونْ ؤُ كُوڒْ إِجّْ غَارسْ أَربْعَا ن وَافْرِيونْ ؤُ سَاذُو أَفْرِيونْ نْسنْ أَقَا ذِينْ مِينْ يَارْوسنْ ذڭْ إِفَاسّنْ ن إِوْذَانْ.
EZE 10:22 ؤُذْمَاونْ نْسنْ أَمْ وُوذْمَاونْ نِّي ژْرِيغْ غَارْ يغْزَارْ ن خابُورْ، مَامّشْ د-بَاننْ [وُوذْمَاونْ نِّي]، ؤُڒَا ذ نِيثْنِي س يِيخفْ نْسنْ. نِيثْنِي ڭُّورنْ كُوڒْ إِجّْ نِيشَانْ غَارْ زَّاثْ نّسْ.
EZE 11:1 [خنِّي] إِسّْڭعّذْ أَيِي أَرُّوحْ [عَاوذْ] ؤُشَا إِنْذهْ أَيِي غَارْ ثوَّارْثْ ن شَّارْقْ ن ثَادَّارْثْ ن سِيذِي نِّي إِدْجَانْ غَارْ شَّارْقْ، ؤُ خْزَارْ، غَارْ وَاذَافْ ن ثوَّارْثْ [أَقَا ذِينْ] خمْسَا ؤُ-عِيشْرِينْ ن يرْيَازنْ ؤُ ذِي ڒْوسْطْ نْسنْ ژْرِيغْ يَازَانْيَا[هُو]، مِّيسْ ن عَازُورْ، ؤُ فَالَاطْيَا، مِّيسْ ن بَانَايَا، ڒْحُوكَّامْ ن ڒْڭنْسْ.
EZE 11:2 نتَّا إِنَّا أَيِي: ”[أَ] مِّيسْ ن بْنَاذمْ، إِنَا ذ إِرْيَازنْ نِّي إِتّْخَارِّيصنْ ذِي دّدْجْ، تِّيشنْ شّْوَارْ أَعفَّانْ ذِي ثنْذِينْثْ-أَ،
EZE 11:3 قَّارنْ: ’وَارْ بنَّامْ عَاذْ ثُوذْرِينْ ذڭْ وُوسَّانْ-أَ! ثَانِيثَا ذ مَارْمِيثَا ؤُشَا نشِّينْ ذ أَيْسُومْ!‘ “
EZE 11:4 ”س ؤُيَا نَابّْ خَاسنْ، نَابّْ، [شكْ]، [أَ] مِّيسْ ن بْنَاذمْ!“
EZE 11:5 [خنِّي] إِوْضَا-د أَرُّوحْ ن سِيذِي خَافِي ؤُشَا نتَّا إِنَّا أَيِي: ”إِنِي: ’أَمُّو إِ إِقَّارْ سِيذِي! أَمُّو إِ ثسِّيوْڒمْ كنِّيوْ، [أَ] ثَادَّارْثْ ن إِسْرَائِيل، مَاغَارْ نشّْ سّْنغْ ڒحْوَايجْ نِّي إِتّْڭعَّاذنْ غَارْ بُوحْبڒْ نْومْ.
EZE 11:6 ثَارْنِيمْ [ڒْْخشْبَاثْ ن] يِينِّي إِتّْوَانْغنْ نْومْ ذِي ثنْذِينْثْ-أَ ؤُشَا ثشُّورمْ إِبْرِيذنْ نّسْ س [ڒْْخشْبَاثْ ن] يِينِّي إِتّْوَانْغنْ!‘ “
EZE 11:7 ”س ؤُيَا، أَمُّو إِ إِقَّارْ سِيذِي إِنُو، سِيذِي: ’إِنِّي زَّايْومْ إِتّْوَانْغنْ، إِنِّي ثسَّارْسمْ ذِي ڒْوسْطْ نّسْ، أَقَا أَثنْ ذ أَيْسُومْ ؤُ نتَّاثْ ذ مَارْمِيثَا، [مَاشَا] نشّْ أَذْ كنِّيوْ سُّوفّْغغْ زِي ڒْوسْطْ نّسْ.
EZE 11:8 سِّيفْ ثتّڭّْوْذمْ، ذ سِّيفْ أَذْ خَاومْ د-سّكّغْ، إِقَّارْ سِيذِي إِنُو، سِيذِي.
EZE 11:9 نشّْ أَذْ كنِّيوْ نذْهغْ زِي ڒْوسْثْ نّسْ ؤُشَا أَذْ وْشغْ كنِّيوْ ذڭْ ؤُفُوسْ ن إِبَارَّانِييّنْ ؤُشَا أَذْ ڭّغْ ڒحْكَامَاثْ جَارْ أَومْ.
EZE 11:10 س سِّيفْ أَذْ ثوْضَامْ. ذِي ثمُّورْثْ ن إِسْرَائِيل أَذْ خَاومْ حكْمغْ ؤُشَا أَذْ ثسّْنمْ بلِّي نشّْ ذ سِيذِي.
EZE 11:11 ثَانْذِينْثْ-أَ وَارْ ذ أَومْ ثتِّيڒِي ذ مَارْمِيثَا ؤُ كنِّيوْ وَارْ ذَايسْ ثتِّيڒِيمْ ذ أَيْسُومْ. نشّْ أَذْ خَاومْ حكْمغْ ذِي ثمُّورْثْ ن إِسْرَائِيل.
EZE 11:12 كنِّيوْ أَذْ ثسّْنمْ بلِّي نشّْ ذ سِيذِي، مِينْزِي وَارْ ثُويُورمْ ذِي ثْوصَّا إِنُو ؤُ وَارْ ثڭِّيمْ عْلَاحْسَابْ لْفَارَايِيضْ إِنُو، [مَاشَا] ثڭِّيمْ أَمْ مَامّشْ لْفَارَايِيضْ نْ ڒڭْنُوسْ إِ ذ أَومْ د-إِتّنّْضنْ.‘ “
EZE 11:13 ڒَامِي ثُوغَا تّْنَابِّيغْ، إِمْسَارْ أَقَا فَالَاطْيَا، مِّيسْ ن بَانَايَا، إِمُّوثْ. [خنِّي] وْضِيغْ غَارْ ثمُّورْثْ س ؤُغمْبُوبْ إِنُو ؤُشَا ڒَاغِيغْ س ثْمِيجَّا إِجهْذنْ، نِّيغْ: ”أَ، سِيذِي إِنُو، سِيذِي، مَا أَذْ ثقْضِيذْ مِينْ إِقِّيمنْ زِي إِسْرَائِيل؟“
EZE 11:14 [خنِّي] يُوسَا-د غَارِي وَاوَاڒْ ن سِيذِي، إِنَّا:
EZE 11:15 ”[أَ] مِّيسْ ن بْنَاذمْ، أَقَا ذ أَيْثْمَاشْ، أَيْثْمَاشْ، إِرْيَازنْ نِّي [إِدْجَانْ] ذ إِمفْذِييّنْ نْومْ ذ مَارَّا ثَادَّارْثْ ن إِسْرَائِيل، أَقَا-ثنْ مَارَّا ذ إِنِّي إِ ذ أَسنْ نَّانْ إِمزْذَاغْ ن ؤُرْشَالِيمْ: ’أَڭّْوجمْ خْ سِيذِي، ثَامُّورْثْ-أَ ثمّوْشْ أَنغْ ذ ثَاسْغَارْثْ!‘ “
EZE 11:16 ”س ؤُيَا إِنِي: ’أَمُّو إِ إِقَّارْ سِيذِي إِنُو، سِيذِي: وَاخَّا نشّْ سِّيڭّْوجغْ ثنْ جَارْ ڒڭْنُوسْ، وَاخَّا نشّْ بزّْعغْ ثنْ خْ ثمُّورَا، س مَارَّا أَيَا أَذْ أَسنْ إِڒِيغْ [عَاذْ] شْوَايْثْ ذ زَّاوشْثْ إِقدّْسنْ ذِي ثمُّورَا مَانِي غَا يَاوْضنْ.‘ “
EZE 11:17 ”س ؤُيَا إِنِي: ’أَمُّو إِ إِقَّارْ سِيذِي إِنُو، سِيذِي: نشّْ ڭُّورْ أَذْ كنِّيوْ سّْمُونغْ زِي ڒڭْنُوسْ، أَذْ كنِّيوْ سّْمُونغْ زِي ثمُّورَا مَانِي غَا ثتّْوَابزّْعمْ ؤُ نشّْ أَذْ أَومْ وْشغْ ثَامُّورْثْ ن إِسْرَائِيل.
EZE 11:18 نِيثْنِي أَذْ ذِينْ أَوْضنْ ؤُ أَذْ زَّايسْ كّْسنْ مَارَّا نّْعَاوَاثْ نّسْ ن لْ-أَصْنَامْ ذ مَارَّا جّْعَايفْ نّسْ.
EZE 11:19 نشّْ أَذْ أَسنْ وْشغْ إِجّْ ن وُوڒْ ذ إِجّْ ن بُوحْبڒْ ن جْذِيذْ ذِي ذَاخڒْ نْومْ. أَذْ كّْسغْ ؤُڒْ ن وژْرُو زِي أَرِّيمثْ نْسنْ ؤُ أَذْ أَسنْ وْشغْ ؤُڒْ ن ويْسُومْ،
EZE 11:20 حِيمَا أَذْ ؤُيُورنْ ذِي ثْوصَّا إِنُو ؤُ أَذْ حْضَانْ لْفَارَايِيضْ إِنُو ؤُ أَذْ [زَّايْسنْثْ] ڭّنْ. أَذْ إِڒِينْ ذ ڒْڭنْسْ إِنُو ؤُ نشّْ أَذْ إِڒِيغْ ذ أَربِّي نْسنْ.
EZE 11:21 [مَاشَا] [إِنِّي] ؤُڒْ [نْسنْ] أَذْ إِضْفَارْ ؤُڒْ نْ نّْعَاوَاثْ نْسنْ ن لْ-أَصْنَامْ ذ جّْعَايفْ نْسنْ، نشّْ أَذْ ڭّغْ إِبْرِيذنْ نْسنْ خْ ؤُزدْجِيفْ نْسنْ، [أَمُّو إِ] إِقَّارْ سِيذِي إِنُو، سِيذِي.‘ “
EZE 11:22 [خنِّي] سّْڭعّْذنْ إِكِيرُوبنْ أَفْرِيونْ نْسنْ ؤُ ثِيجَارَّارِينْ [ثُوغَا] زَّاثْسنْ ؤُشَا أَعُودْجِي ن أَربِّي ن إِسْرَائِيل [ثُوغَا-ث] خَاسنْ سنّجْ نْسنْ.
EZE 11:23 [خَاسْ ؤُشَا] إِڭعّذْ ؤُعُودْجِي ن سِيذِي زِي ڒْوسْطْ ن ثنْذِينْثْ ؤُشَا [إِقِّيمْ] إِتّْبدَّا خْ وذْرَارْ نِّي [إِدْجَانْ] غَارْ شَّارْقْ ن ثنْذِينْثْ.
EZE 11:24 [خنِّي] إِسّْڭعّذْ أَيِي-د أَرُّوحْ ؤُشَا يِيوِي أَيِي ذڭْ إِجّْ ن ڒوْحِييْ س أَرُّوحْ ن أَربِّي غَارْ [ثمُّورْثْ] ن إِكَالْذَانِييّنْ غَارْ أَيْثْ ن لْمنْفَا. [أَوَارْنِي مَانْ أَيَا] إِڭعّذْ زَّايِي ڒوْحِييْ إِ ژْرِيغْ،
EZE 11:25 ؤُ نِّيغْ إِ أَيْثْ ن لْمنْفَا مَارَّا مِينْ ثُوغَا ذ أَيِي إِسّْشنْ سِيذِي.
EZE 12:1 يُوسَا-د غَارِي وَاوَاڒْ ن سِيذِي، إِنَّا:
EZE 12:2 ”[أَ] مِّيسْ ن بْنَاذمْ، شكْ ثْزدّْغذْ ذڭْ إِشْثْ ن ثَادَّارْثْ إِغوّْغنْ، مَاغَارْ نِيثْنِي غَارْسنْ ثِيطَّاوِينْ مَاحنْذْ أَذْ تّْوَاڒَانْ، [مَاشَا] وَارْ تّْوِيڒِينْ، ؤُڒَا ذ إِمجَّاننْ مَاحنْذْ أَذْ سْڒنْ، [مَاشَا] وَارْ تّسْڒِينْ، مِينْزِي نِيثْنِي ذ إِشْثْ ن ثَادَّارْثْ إِغوّْغنْ.
EZE 12:3 شكْ، [أَ] مِّيسْ ن بْنَاذمْ، سوْجذْ ڒحْوَايجْ إِ لْمنْفَا ؤُشَا ؤُيُورْ ذِي لْمنْفَا زَّاثْ إِ ثِيطَّاوِينْ نْسنْ. أَذْ ثُويُورذْ ذِي لْمنْفَا زَّاثْ إِ ثِيطَّاوِينْ نْسنْ زڭْ ومْشَانْ نّشْ غَارْ إِجّْ ن ومْشَانْ نّغْنِي. أَذْ ثَاغْ أَذْ نعْمنْ أَقَا أَثنْ ذ إِشْثْ ن ثَادَّارْثْ إِغوّْغنْ.
EZE 12:4 أَذْ ثسُّوفّْغذْ ڒحْوَايشْ نّشْ ذڭْ ؤُزِيڒْ زَّاثْ إِ ثِيطَّاوِينْ نْسنْ أَمْ ڒحْوَايشْ إِ لْمنْفَا، أَذْ ثفّْغذْ ذِي ثْمذِّيثْ زَّاثْ إِ ثِيطَّاوِينْ نْسنْ، أَمشْنَاوْ [إِوْذَانْ] إِنِّي إِڭُّورنْ ذِي لْمنْفَا.
EZE 12:5 أڭّْ أَنُوقِّيبْ ذِي ڒْحِيضْ زَّاثْ إِ ثِيطَّاوِينْ نْسنْ ؤُشَا سُوفّغْ [مَارَّا أَيَا] زَّايسْ.
EZE 12:6 زَّاثْ إِ ثِيطَّاوِينْ نْسنْ أَذْ ثَاوْيذْ [أَيَا] خْ ثْغَارْضِينْ نّشْ، ذِي ثْبَامْبَاسْثْ أَذْ ثسُّوفّْغذْ [أَيَا]. أَذْ ثفَّارذْ ؤُذمْ نّشْ، [أَڒَامِي] وَارْ ثْژَارّذْ ثَامُّورْثْ، مِينْزِي ڭِّيغْ شكْ ذ ڒعْڒَامثْ ن ڒعْجبْ إِ ثَادَّارْثْ ن إِسْرَائِيل.“
EZE 12:7 نشّْ ڭِّيغْ أَمْ مَامّشْ إِ ذ أَيِي إِوصَّا. س ؤُزِيڒْ سُّوفّْغغْ ڒحْوَايشْ إِنُو أَمْ ڒحْوَايشْ إِ لْمنْفَا. غَارْ ثْمذِّيثْ غْزِيغْ س ؤُفُوسْ إِنُو خْ ڒْحِيضْ ؤُ ذِي دْجِيڒثْ سُّوفّْغغْ [مَارَّا] غَارْ بَارَّا ؤُشَا إِوْيغْ ث خْ ثْغَارْضِينْ [إِنُو] زَّاثْ إِ ثِيطَّاوِينْ نْسنْ.
EZE 12:8 يُوسَا-د غَارِي وَاوَاڒْ ن سِيذِي خْ ثُوفُّوثْ، إِنَّا:
EZE 12:9 ”[أَ] مِّيسْ ن بْنَاذمْ، مَا وَارْ ذ أَشْ ثنَّا ثَادَّارْثْ ن إِسْرَائِيل، ثَادَّارْثْ إِغوّْغنْ [نِّي]: ’مِينْ ثتّڭّذْ؟‘
EZE 12:10 إِنِي أَسنْ: ’أَمُّو إِ إِقَّارْ سِيذِي إِنُو، سِيذِي! ڒْحُوكْمْ إِسَّاڭّْوَاذنْ وَانِيثَا [أَذْ يِيڒِي خْ] ڒْحَاكمْ ذِي ؤُرْشَالِيمْ ؤُ خْ مَارَّا ثَادَّارْثْ ن إِسْرَائِيل، إِنِّي إِزدّْغنْ جَارْ أَسنْ.‘
EZE 12:11 إِنِي: ’نشّْ ذ ڒعْڒَامثْ ن ڒعْجبْ إِ كنِّيوْ. أَمْ مَامّشْ ڭِّيغْ نشّْ، أَمُّو إِ غَا ڭّنْ ذَايْسنْ، أَذْ تّْوَانذْهنْ ذِي لْمنْفَا، ذِي ثْمحْبَاسْثْ.
EZE 12:12 ڒْحَاكمْ نِّي [إِدْجَانْ] ذِي ڒْوسْطْ نْسنْ، أَذْ يَارْبُو [ڒحْوَايشْ] خْ ثغْرُوضْثْ نّسْ ذِي دْجِيڒثْ ؤُشَا أَذْ إِفّغْ. نِيثْنِي أَذْ غْزَانْ خْ ڒْحِيضْ مَاحنْذْ أَذْ زَّايسْ ث سُّوفّْغنْ. نتَّا أَذْ إِذڒْ أَغمْبُوبْ نّسْ أَڒَامِي غَا إِقِّيمْ وَارْ إِزمَّارْ أَذْ إِژَارْ [عَاذْ] ثَامُّورْثْ س ثِيطّْ[أَوِينْ] [نّسْ].
EZE 12:13 نشّْ أَذْ خَاسنْ بزّْعغْ ثْرَاشَّا إِنُو أَڒَامِي غَا إِذْوڒْ ذ أَمحْبُوسْ ذِي ڒْفخْ إِنُو ؤُشَا أَذْ ث أَوْيغْ غَارْ بَابِيلْ، [غَارْ] ثمُّورْثْ ن إِكَالْذَانِييّنْ. نتَّا [مَاشَا] وَارْ ت إِژَارّْ، [مَاشَا وَاخَّا أَمنِّي] أَذْ ذِينْ إِمّثْ.
EZE 12:14 مَارَّا إِنِّي ذ أَسْ د-إِنّْضنْ مَاحنْذْ أَذْ ث عَاوْننْ ذ مَارَّا بَانْذِييَّاثْ ن ڒْعسْكَارْ نّسْ، أَذْ ثنْ بزّْعغْ إِ مَارَّا ثِيغمُّورَا ن ؤُسمِّيضْ ؤُشَا أَذْ جبْذغْ سِّيفْ أَوَارْنِي أَسنْ.
EZE 12:15 [أَمُّو إِ] غَا سّْننْ بلِّي نشّْ ذ سِيذِي، خْمِي ثنْ غَا بزّْعغْ جَارْ ڒڭْنُوسْ ؤُشَا أَذْ ثنْ زُوزَّارغْ ذِي ثمُّورَا.
EZE 12:16 مَاشَا أَذْ زَّايْسنْ جّغْ شَا ن يرْيَازنْ [إِنِّي إِنجْمنْ] زِي سِّيفْ، زِي ڒَاژْ ؤُ زِي طَّاعُونْ، حِيمَا أَذْ عَاوْذنْ إِ ڒڭْنُوسْ مَانِي غَا يَاوْضنْ، خْ مَارَّا جّْعَايفْ نْسنْ نِّي ڭِّينْ. [خنِّي] أَذْ سّْننْ بلِّي نشّْ ذ سِيذِي.‘ “
EZE 12:17 يُوسَا-د غَارِي وَاوَاڒْ ن سِيذِي، إِنَّا:
EZE 12:18 ”[أَ] مِّيسْ ن بْنَاذمْ، أَذْ ثشّذْ أَغْرُومْ نّشْ س ثَارْجِيجِي ؤُشَا أَذْ ثسْوذْ أَمَانْ نّشْ س وَارْجفْ ذ وشْضَانْ.
EZE 12:19 أَذْ ثِينِيذْ إِ ڒْڭنْسْ ن ثمُّورْثْ: ’أَمُّو إِ إِقَّارْ سِيذِي إِنُو، سِيذِي، خْ إِمزْذَاغْ ن ؤُرْشَالِيمْ [إِ يدْجَانْ] خْ وُوذمْ ن ثمُّورْثْ ن إِسْرَائِيل: نِيثْنِي أَذْ شّنْ أَغْرُومْ نْسنْ س وشْضَانْ ؤُ أَذْ سْونْ أَمَانْ نْسنْ س وجْعَارْ، مِينْزِي مَارَّا أَعمَّارْ نّسْ أَذْ إِتّْوَاكّسْ زِي ثمُّورْثْ زِي سِّيبّثْ ن لْعُونْفْ ن مَارَّا إِنِّي ذَايسْ إِزدّْغنْ.
EZE 12:20 ثِيندَّامْ إِزدّْغنْ أَذْ ذوْڒنْثْ ذ ڒْخِيرْبثْ ؤُشَا ثَامُّورْثْ أَذْ ثتّْوَاردّدْجْ. أَذْ ثسّْنمْ بلِّي نشّْ ذ سِيذِي.‘ “
EZE 12:21 يُوسَا-د غَارِي وَاوَاڒْ ن سِيذِي، إِنَّا:
EZE 12:22 ”[أَ] مِّيسْ ن بْنَاذمْ، مَانْ أَمذْيَا نِّي غَارْومْ ذِينْ ذِي ثمُّورْثْ ن إِسْرَائِيل، ؤُمِي ثقَّارمْ: ”عدُّونْ وُوسَّانْ ؤُشَا وَارْ د-إِفِّيغْ ؤُرَا ذ إِجّْ ن ڒوْحِييْ‘؟“
EZE 12:23 ”س ؤُيَا إِنِي أَسنْ: ’أَمُّو إِ إِقَّارْ سِيذِي إِنُو، سِيذِي: نشّْ أَذْ سّْبدّغْ أَمذْيَا-يَا، أَڒَامِي غَا قِّيمنْ وَارْ قَّارنْ عَاذْ مَانْ أَيَا أَمْ ؤُمذْيَا ذِي إِسْرَائِيل.‘ “ ”س ؤُيَا سِيوڒْ أَكِيذْسنْ [أَمُّو]: ’أَقَا إِوْضنْ-د ؤُسَّانْ [نِّي]، ؤُشَا ؤُڒَا ذ أَسقْفڒْ ن كُوڒْ ڒوْحِييْ!‘
EZE 12:24 مِينْزِي وَارْ إِتِّيڒِي عَاذْ ڒوْحِييْ وَارْ إِدْجِينْ ؤُڒَا ذ ثَاڭزَّانْثْ س وَاوَاڒنْ إِمِيزِيضنْ ذِي ثَادَّارْثْ ن إِسْرَائِيل.
EZE 12:25 مِينْزِي نشّْ، سِيذِي، أَذْ سِّيوْڒغْ. أَوَاڒْ إِ غَا سِّيوْڒغْ، أَذْ يِيڒِي، وَارْ إِتّْعطَّاڒْ عَاذْ، مِينْزِي ذڭْ وُوسَّانْ نْومْ، [أَ] ثَادَّارْثْ إِغوّْغنْ، أَذْ سِّيوْڒغْ إِجّْ ن وَاوَاڒْ ؤُشَا أَذْ ث ڭّغْ، إِقَّارْ سِيذِي إِنُو، سِيذِي.“
EZE 12:26 يُوسَا-د غَارِي وَاوَاڒْ ن سِيذِي، إِنَّا:
EZE 12:27 ”[أَ] مِّيسْ ن بْنَاذمْ، خْزَارْ، إِنِّي ن ثَادَّارْثْ ن إِسْرَائِيل، إِنِّي إِقَّارنْ: ’ڒوْحِييْ نِّي إِتّْوَاڒَا أَقَا-ث إِ [يِيجّْ ن ڒْوقْثْ أَوَارْنِي] إِ وَاطَّاسْ ن وُوسَّانْ، إِتّْنَابَّا خْ [وُوسَّانْ ن] زّْمَانَاثْ إِڭّْوجنْ أَطَّاسْ.‘ “
EZE 12:28 ”س ؤُيَا إِنِي أَسنْ: ’أَمُّو إِ إِقَّارْ سِيذِي إِنُو، سِيذِي: وَارْ إِتّْعطَّاڒْ عَاذْ ؤُڒَا ذ إِجّْ زڭْ وَاوَاڒنْ إِنُو. أَوَاڒْ إِ نِّيغْ، أَذْ يِيڒِي، [أَمُّو إِ] إِقَّارْ سِيذِي إِنُو، سِيذِي.‘ “
EZE 13:1 يُوسَا-د غَارِي وَاوَاڒْ ن سِيذِي، إِنَّا:
EZE 13:2 ”[أَ] مِّيسْ ن بْنَاذمْ، نَابّْ ضِيدّْ إِ إِنَابِييّنْ ن إِسْرَائِيل إِنِّي إِتّْنبَّانْ، ؤُشَا إِنِي إِ يِينِّي إِتّْنبَّانْ غَارْ [مژْرِي] ن وُوڒْ نْسنْ: ’سْرمْ إِ وَاوَاڒْ ن سِيذِي!
EZE 13:3 أَمُّو إِ إِقَّارْ سِيذِي إِنُو، سِيذِي: ؤُشْثْ خْ إِنَابِييّنْ إِبُوحَاڒِييّنْ نِّي إِڭُّورنْ أَوَارْنِي إِ بُوحْبڒْ نْ يِيخفْ نْسنْ ؤُ أَوَارْنِي مِينْ وَارْ ژْرِينْ!
EZE 13:4 [أَ] إِسْرَائِيل، إِنَابِييّنْ نْومْ ذوْڒنْ أَمْ يِيشعْبَاونْ جَارْ ڒْخِيرْبَاثْ.
EZE 13:5 وَارْ ثُوڒْيمْ غَارْ ثِيزّيِّينْ [ذِي ڒحْيُوضْ ن ثنْذِينْثْ] نِيغْ ثبْنَامْ ڒْحِيضْ إِ ثَادَّارْثْ ن إِسْرَائِيل، حِيمَا أَذْ ثقِّيممْ ثتّْبدَّامْ ذڭْ ؤُمنْغِي ذڭْ وَاسّْ ن سِيذِي.
EZE 13:6 نِيثْنِي تّْوَاڒِينْ مِينْ وَارْ إِدْجِينْ، ؤُشَا [سَّاوَاڒنْ] ثَاڭزَّانْثْ إِسّْخَارِّيقنْ، أَقَا إِنِّي إِقَّارنْ: سِيذِي إِقَّارْ!، وَاخَّا سِيذِي وَارْ ثنْ إِسّكّْ شَا، [عَاذْ] سِيتِّيمنْ بلِّي أَوَاڒْ أَذْ إِفّغْ.
EZE 13:7 مَا كنِّيوْ وَارْ ثژْرِيمْ [خنِّي] إِوحَّانْ وَارْ إِدْجِينْ، نِيغْ وَارْ ثسِّيوِيڒمْ كنِّيوْ ثَاڭزَّانْثْ إِسّْخَارِّيقنْ ؤُمِي ثقَّارمْ: سِيذِي إِقَّارْ!، [وَاخَّا] نشّْ وَارْ سِّيوِيڒغْ شَا؟‘ “
EZE 13:8 ”س ؤُيَا، أَمُّو إِ إِقَّارْ سِيذِي إِنُو، سِيذِي: ’مِينْزِي ثسَّاوَاڒمْ ڒْبَاطڒْ ؤُ ثتّْوَاڒَامْ [إِوحَّانْ] إِسّْخَارِّيقنْ، س ؤُيَا، خْزَارْ، نشّْ أَقَا أَيِي خَاومْ، إِقَّارْ سِيذِي إِنُو، سِيذِي.
EZE 13:9 أَذْ يِيڒِي ؤُفُوسْ إِنُو ضِيدّْ إِ إِنَابِييّنْ نِّي إِتّْوَاڒَانْ ڒْبَاطڒْ ؤُ تّْڭزَّاننْ س إِخَارِّيقنْ. نِيثْنِي وَارْ تّْغِيمِينْ شَا ذڭْ وڭْرَاوْ ن ڒْڭنْسْ إِنُو ؤُ وَارْ تّْوَازمِّيمنْ شَا ذِي لِيسْثَا ن ثَادَّارْثْ ن إِسْرَائِيل ؤُ وَارْ د-تَّاسنْ خْ وُوذمْ ن ثمُّورْثْ ن إِسْرَائِيل. كنِّيوْ أَذْ ثسّْنمْ بلِّي نشّْ، سِيذِي، ذ سِيذِي.‘ “
EZE 13:10 ”مِينْزِي، [وَاهْ،] مِينْزِي نِيثْنِي تّْغَارَّانْ ڒْڭنْسْ إِنُو، قَّارنْ: ’ڒهْنَا!‘ أَمْ وَارْ إِدْجِي ڒهْنَا، [أَمُّو] إِ غَا إِبْنَا [ڒْڭنْسْ] إِجّْ ن ڒْحِيضْ إِتّنْهزَّانْ. ؤُشَا خْزَارمْ، [خنِّي] تّْڒحَّافنْ أَسْ [عَاوذْ] س جَّارْ.
EZE 13:11 إِنِي إِ يِينِّي إِتّْڒحَّافنْ [ڒْْحِيضْ] س جَّارْ، بلِّي أَذْ إِوْضَا. أَذْ د-يَاسْ ونْژَارْ إِجهْذنْ ؤُشَا كنِّيوْ، [أَ] إِبْقُوقنْ إِمقّْرَاننْ ن ثبْرُورِي، أَذْ ثوْضَامْ، ؤُشَا إِسمِّيضنْ ن ثْحَارْيَاضْثْ أَذْ د-فّْغنْ س جّهْذْ.
EZE 13:12 ؤُشَا خْزَارْ، خْمِي إِوْضَا ڒْحِيضْ، مَا وَارْ ذ أَومْ قَّارنْ: ’مَانِي إِدْجَا جَّارْ إِ زِي ذ أَسْ ثْڒحّْفمْ؟‘ “
EZE 13:13 ”س ؤُيَا، أَمُّو إِ إِقَّارْ سِيذِي إِنُو، سِيذِي: ’ذڭْ وسْعَارْ إِنُو أَذْ ث أَرْژغْ س إِسمِّيضنْ ن ثْحَارْيَاضْثْ ؤُ س وغْضَابْ إِنُو أَذْ يِيڒِي ونْژَارْ إِجهْذنْ أَطَّاسْ ؤُ س وسْعَارْ إِنُو [أَذْ وْضَانْ] إِبْقُوقنْ إِمقّْرَاننْ ن ثبْرُورِي أَڒَامِي غَا إِقْضَا.
EZE 13:14 [أَمُّو] إِ غَاغضْڒغْ ڒْحِيضْ نِّي ثْڒحّْفمْ س جَّارْ إِفسْينْ ؤُ نشّْ أَذْ ث مّنْضَارغْ غَارْ ثمُّورْثْ أَڒَامِي غَا إِتّْوَاعَارَّا ذْسَاسْ نّسْ. أَذْ ثوْضَا ثنْذِينْثْ ؤُ كنِّيوْ أَذْ ثتّْوَاهلّْكمْ ذِي ڒْوسْطْ نّسْ ؤُشَا أَذْ ثسّْنمْ بلِّي نشّْ ذ سِيذِي.
EZE 13:15 أَذْ نْضَارغْ أَسْعَارْ إِنُو خْ ڒْحِيضْ ؤُ خْ يِينِّي ث إِذْڒِينْ س جَّارْ ؤُشَا أَذْ أَومْ إِنِيغْ: وَارْ ذِينْ إِدْجِي [عَاذْ] ڒْحِيضْ ؤُڒَا ذ يِينِّي ذ أَسْ إِڒحّْفنْ،
EZE 13:16 إِنَابِييّنْ ن إِسْرَائِيل نِّي إِنبَّانْ خْ ؤُرْشَالِيمْ ؤُشَا ثْوَاڒِينْ إِجّْ ن ڒوْحِييْ ن ڒهْنَا إِ نتَّاثْ أَمْ وَارْ إِدْجِي ڒهْنَا!‘، [أَمُّو إِ] إِقَّارْ سِيذِي إِنُو، سِيذِي.“
EZE 13:17 ”شكْ، [أَ] مِّيسْ ن بْنَاذمْ، أَرّْ ؤُذمْ نّشْ غَارْ يسِّيسْ ن ڒْڭنْسْ نّشْ، ثِينِّي إِتّْنبَّانْ زڭْ وُوڒْ ن يِيخفْ نْسنْثْ، ؤُ نبَّا خَاسنْثْ،
EZE 13:18 إِنِي: ’أَمُّو إِ إِقَّارْ سِيذِي إِنُو، سِيذِي: ؤُشْثْ [خْ ثمْغَارِينْ] نِّي إِتّْخيَّاضنْ ڒشْفنْ خْ مَارَّا ڒمْفَاصڒْ ن إِفَاسّنْ إِنُو ؤُشَا تّڭّنْثْ إِڒحَّافْ خْ ؤُزدْجِيفْ ن ؤُمقّْرَانْ ذ ؤُمژْيَانْ مَاحنْذْ أَذْ ڭْمَارنْثْ ڒعْمُورْ! مَا ثخْسنْثْ أَذْ ثڭْمَارنْثْ ڒعْمُورْ ن ڒْڭنْسْ إِنُو ؤُ أَذْ ثحْضَانْثْ ثُوذَارْثْ ن يِيخفْ نْكنْثْ؟
EZE 13:19 مَا ثخْسنْثْ أَذْ أَيِي ثسّْفسْذنْثْ غَارْ ڒْڭنْسْ إِنُو ذِي طّْوعْ ن شَا ن وُورَاونْ ن إِمنْذِي ذ شَا ن إِڒقّْوَازْ ن وغْرُومْ، مَاحنْذْ أَذْ ثنْغنْثْ ڒعْمُورْ، نِّي وَارْ إِعدّڒْ أَذْ مّْثنْ ؤُ مَاحنْذْ أَذْ ثحْضَانْثْ ثُوذَارْثْ ن ڒعْمُورْ نِّي وَارْ إِعدّڒْ أَذْ قِّيمنْ دَّارنْ، س إِخَارِّيقنْ نْكنْثْ غَارْ ڒْڭنْسْ إِنُو نِّي إِسّْحسَّانْ غَارْ ؤُخَارِّيقْ؟‘ “
EZE 13:20 ”س ؤُيَا، أَمُّو إِ إِقَّارْ سِيذِي إِنُو، سِيذِي: ’خْزَارْ، أَذْ أَرّغْ ڒشْفنْ نْكنْثْ إِ زِي ثْيمَّارنْثْ ذِينْ، أَذْ ضْونْ أَكْ-ذ ڒعْمُورْ. أَذْ ثنْ قڒْعغْ زڭْ إِغَادْجنْ نْكنْثْ ؤُشَا أَذْ ذڒْقغْ إِ ڒعْمُورْ إِ ثْيمَّارنْثْ، [أَذْ ڭّغْ] ڒعْمُورْ أَذْ ضْونْ.
EZE 13:21 أَذْ شَارّْڭغْ إِڒحَّافنْ نْكنْثْ ؤُشَا أَذْ سّْنجْمغْ ڒْڭنْسْ إِنُو زڭْ إِفَاسّنْ نْكنْثْ أَڒَامِي نِيثْنِي وَارْ تِّيڒِينْ عَاذْ ذ ثَاكشَّاضْثْ ذڭْ إِفَاسّنْ نْكنْثْ. [خنِّي] كنِّينْثْ أَذْ ثسّْننْثْ بلِّي نشّْ ذ سِيذِي،
EZE 13:22 مِينْزِي كنِّينْثْ ثسّْخيّْقنْثْ ؤُڒْ ن ؤُمْسڭّذْ س إِخَارِّيقنْ، ؤُمِي نشّْ سِيمَانْثْ إِنُو وَارْ ذَايسْ ڭِّيغْ ڒحْرِيقْ ؤُ مِينْزِي كنِّينْثْ ثسّْجهْذنْثْ إِفَاسّنْ ن إِعفَّاننْ أَڒَامِي أَعفَّانْ وَارْ د-إِذْوِيڒْ زڭْ وبْرِيذْ نّسْ أَعفَّانْ مَاحنْذْ أَذْ إِقِّيمْ إِدَّارْ.“
EZE 13:23 ”س ؤُيَا وَارْ ثْژَارّمْ عَاذْ [إِوحَّانْ] وَارْ إِدْجِينْ ؤُ وَارْ ثتّڭّمْ عَاذْ س ثْڭزَّانْثْ. نشّْ أَذْ سّْنجْمغْ ڒْڭنْسْ إِنُو زڭْ ؤُفُوسْ نْومْ ؤُ كنِّيوْ أَذْ ثسّْنمْ بلِّي نشّْ ذ سِيذِي.“
EZE 14:1 ؤُسِينْ-د غَارِي يرْيَازنْ زڭْ إِمْغَارنْ ن إِسْرَائِيل ؤُشَا قِّيمنْ زَّاثِي.
EZE 14:2 [خنِّي] يُوسَا-د غَارِي وَاوَاڒْ ن سِيذِي، إِنَّا:
EZE 14:3 ”[أَ] مِّيسْ ن بْنَاذمْ، إِرْيَازنْ-أَ سّْڭعّْذنْ إِميْضَا [ن لْ-أَصْنَامْ نْسنْ] ذڭْ وُوڒْ نْسنْ ؤُشَا ڭِّينْ ثَاعنْكْرِيفْثْ إِ د-يِيوْينْ ڒْمُوعْصِييّثْ نْسنْ نِيشَانْ زَّاثْ إِ يِيخفْ نْسنْ. مَا نشّْ أَذْ ثنْ جّغْ عَاذْ أَذْ تَّارنْ شّْوَارْ زَّايِي؟“
EZE 14:4 ”س ؤُيَا، شكْ، سِيوڒْ أَكِيذْسنْ ؤُشَا إِنِي أَسنْ: ’أَمُّو إِ إِقَّارْ سِيذِي إِنُو، سِيذِي: كُوڒْ أَرْيَازْ زِي ثَادَّارْثْ ن إِسْرَائِيل نِّي إِسّْڭعّْذنْ إِميْضَا ن لْ-أَصْنَامْ ذڭْ وُوڒْ نّسْ ؤُشَا إِڭَّا ثَاعنْكْرِيفْثْ إِ د-يِيوْينْ ڒْمُوعْصِييّثْ نّسْ نِيشَانْ زَّاثْ إِ وُوذمْ نّسْ ؤُشَا [خنِّي] أَذْ د-يَاسْ غَارْ ؤُنَابِي، نشّْ، سِيذِي، أَذْ خَاسْ د-يَارّْ، مَاڒَا إِتَّاسْ-د، أَنشْثْ [ڒْقدّْ ن] ؤُبَارُّو ن إِميْضَا نّسْ ن لْ-أَصْنَامْ،
EZE 14:5 حِيمَا أَمُّو إِ غَا ڒقْفغْ ثَادَّارْثْ ن إِسْرَائِيل ذڭْ وُوڒْ نْسنْ، مَاغَارْ أَڭّْوجنْ خَافِي مَارَّا زِي سِّيبّثْ ن إِميْضَا نْسنْ ن لْ-أَصْنَامْ.‘ “
EZE 14:6 ”س ؤُيَا، إِنِي إِ ثَادَّارْثْ ن إِسْرَائِيل: ’أَمُّو إِ إِقَّارْ سِيذِي إِنُو، سِيذِي: ذوْڒمْ-د ؤُشَا قڒْبمْ خْ إِميْضَا نْومْ ن لْ-أَصْنَامْ ؤُشَا أَرّمْ إِغمْبَابْ نْومْ خْ مَارَّا جّْعَايفْ نْومْ.‘
EZE 14:7 مِينْزِي إِ كُوڒْ أَرْيَازْ زِي ثَادَّارْثْ ن إِسْرَائِيل ؤُ زِي إِبَارَّانِي[يّنْ] نِّي إِزدّْغنْ ذِي إِسْرَائِيل - ونِّي إِ غَا يَاڭّْوجنْ زِي ضفَّارْ إِنُو ؤُ إِتّجَّا أَذْ د-أَذْفنْ إِميْضَا ن لْ-أَصْنَامْ غَارْ وُوڒْ نّسْ ؤُشَا إِڭَّا ثَاعنْكْرِيفْثْ إِ د-إِتَّاوْينْ ڒْمُوعْصِييّثْ نّسْ نِيشَانْ زَّاثْ إِ وُوذمْ نّسْ ؤُشَا [خنِّي] أَذْ د-يَاسْ غَارْ ؤُنَابِي، مَاحنْذْ أَذْ يَارْزُو زَّايسْ شّْوَارْ - أَقَا نشّْ ذ سِيذِي أَذْ خَاسْ د-أَرّغْ.
EZE 14:8 نشّْ أَذْ أَرّغْ ؤُذمْ إِنُو ضِيدّْ إِ ورْيَازْ نِّي ؤُشَا أَذْ ث سّْجْعَارغْ أَڒَامِي [إِ غَا إِذْوڒْ] ذ إِشْثْ ن ڒعْڒَامثْ ذ إِجّْ ن ؤُمذْيَا. نشّْ أَذْ ث قضْعغْ زِي ڒْوسْطْ ن ڒْڭنْسْ إِنُو ؤُ كنِّيوْ أَذْ ثسّْنمْ أَقَا نشّْ ذ سِيذِي.‘ “
EZE 14:9 ” ’خْمِي إِجّْ ن ؤُنَابِي إِجَّا إِخفْ نّسْ أَذْ أَسْ غَارّنْ ؤُشَا إِسِّيوڒْ إِجّْ ن وَاوَاڒْ، [خنِّي] نشّْ، سِيذِي، أَذْ غَارّغْ أَنَابِي نِّي ؤُشَا أَذْ سّْوِيژّْضغْ أَفُوسْ إِنُو ضِيدّْ نّسْ ؤُشَا أَذْ ث ثحِّيغْ زِي ڒْوسْثْ ن ڒْڭنْسْ إِنُو ن إِسْرَائِيل.
EZE 14:10 نِيثْنِي أَذْ أَرْبُونْ ڒْمُوعْصِييّثْ نْسنْ. أَنشْثْ ن ڒْمُوعْصِييّثْ ن يِينِّي يَارزُّونْ شّْوَارْ، أَمُّو إِ غَا ثِيڒِي ڒْمُوعْصِييّثْ ن ؤُنَابِي [نِّي]،
EZE 14:11 حِيمَا ثَادَّارْثْ ن إِسْرَائِيل وَارْ ثتّْودَّارْ [عَاذْ] زِي ضفَّارْ إِنُو ؤُ نِيثْنِي وَارْ سّْخمَّاجنْ [عَاذْ] إِخفْ نْسنْ س مَارَّا إِخطَّانْ نْسنْ. [خنِّي] أَذْ أَيِي إِڒِينْ ذ ڒْڭنْسْ ؤُ نشّْ أَذْ إِڒِيغْ ذ أَربِّي نْسنْ!‘، [أَمُّو إِ] إِقَّارْ سِيذِي إِنُو، سِيذِي.“
EZE 14:12 يُوسَا-د غَارِي وَاوَاڒْ ن سِيذِي، إِنَّا:
EZE 14:13 ”[أَ] مِّيسْ ن بْنَاذمْ، مَاڒَا ثخْضَا إِشْثْ ن ثمُّورْثْ أَكِيذِي أَمْ ثتّڭّْ س ڒْغذْرَانْ أَمقّْرَانْ، [خنِّي] نشّْ أَذْ سّْوِيژّْضغْ أَفُوسْ إِنُو ضِيدّْ نّسْ. أَذْ أَرْژغْ ڒعْوتْشْ ن وغْرُومْ نّسْ ؤُ أَذْ سّكّغْ ذَايسْ ڒَاژْ ؤُ أَمُّو إِ غَا ثحِّيغْ أَمْ بْنَاذمْ أَمْ ڒْمَاڒْ.
EZE 14:14 مَاڒَا ثُوغَا أَثنْ ذِي ڒْوسْثْ نّسْ ثْڒَاثَا ن يرْيَازنْ-أَ، نُوحْ ذ ذَانِييِيلْ ذ أَيُوبْ، أَذْ فكّنْ نِيثْنِي مْغِيرْ ڒعْمَارْ [ن يِيخفْ نْسنْ] س ثْسڭْذَا نْسنْ، [أَمُّو إِ] إِقَّارْ سِيذِي إِنُو، سِيذِي.“
EZE 14:15 ”مَاڒَا ڭِّيغْ أَذْ ژْوَانْ إِمُودَّارنْ ن ڒخْڒَا خْ ثمُّورْثْ ؤُشَا أَذْ زَّايسْ كشّْضنْ إِحنْجِيرنْ، أَڒَامِي ثذْوڒْ ذ إِشْثْ ن ثمُّورْثْ إِتّْوَاردّْدْجنْ، أَڒَامِي وَارْ يدْجِي وِي سّنِّي إِ غَا يعْذُونْ زِي سِّيبّثْ ن ڒوْحُوشْ إِوْعَارنْ،
EZE 14:16 [وَاخَّا ثُوغَا] ثْڒَاثَا ن يرْيَازنْ نِّي ذِي ڒْوسْطْ نّسْ، س ثِيذتّْ أَمْ دَّارغْ نشّْ، إِسَّاوَاڒْ سِيذِي إِنُو، سِيذِي، وَارْ زمَّارنْ نِيثْنِي أَذْ فكّنْ إِحنْجِيرنْ نِيغْ ثِيحنْجِيرِينْ، أَذْ فكّنْ مْغِيرْ إِخفْ نْسنْ، [مَاشَا] ثَامُّورْثْ أَذْ ثذْوڒْ ذ إِشْثْ ن ثمُّورْثْ إِتّْوَاردّْدْجنْ.“
EZE 14:17 ”نِيغْ أَذْ سِّيوْضغْ سِّيفْ خْ ثمُّورْثْ نِّي، أَذْ إِنِيغْ: ’سِّيفْ، أكّْ خْ ثمُّورْثْ!‘، أَڒَامِي زَّايسْ إِ غَا قضْعغْ بْنَاذمْ ذ ڒْمَاڒْ،
EZE 14:18 س ثِيذتّْ أَمْ دَّارغْ نشّْ، إِقَّارْ سِيذِي إِنُو، سِيذِي، وَاخَّا [ثُوغَا] ثْڒَاثَا ن يرْيَازنْ نِّي ذِي ڒْوسْطْ نّسْ، وَارْ زمَّارنْ نِيثْنِي أَذْ فكّنْ إِحنْجِيرنْ نِيغْ ثِيحنْجِيرِينْ، أَذْ فكّنْ مْغِيرْ إِخفْ نْسنْ.“
EZE 14:19 ”نِيغْ أَذْ سّكّغْ طَّاعُونْ غَارْ ثمُّورْثْ نِّي ؤُشَا أَذْ سّْفَارْغغْ أَسْعَارْ إِنُو [إِخدْجْضنْ] س إِذَامّنْ أَڒَامِي زَّايسْ إِ غَا قضْعغْ بْنَاذمْ ذْ ڒْمَاڒْ،
EZE 14:20 [س ثِيذتّْ أَمْ] دَّارغْ نشّْ، إِقَّارْ سِيذِي إِنُو، سِيذِي، [وَاخَّا ثُوغَا] نُوحْ ذ ذَانِييَالْ ذ أَيُوبْ ذِي ڒْوسْطْ نّسْ، وَارْ زمَّارنْ نِيثْنِي أَذْ فكّنْ إِحنْجِيرنْ نِيغْ ثِيحنْجِيرِينْ، أَذْ فكّنْ مْغِيرْ إِخفْ نْسنْ س ثْسڭْذَا نْسنْ.“
EZE 14:21 ”مِينْزِي أَمُّو إِ إِقَّارْ سِيذِي إِنُو، سِيذِي: مَاهُو خْمِي غَا سّكّغْ ضِيدّْ إِ ؤُرْشَالِيمْ أَربْعَا ن ڒحْكَامَاثْ إِنُو إِقسْحنْ [مَارَّا]: سِّيفْ ذ ڒَاژْ ذ ڒْمَاڒْ ن ڒخْڒَا ذ طَّاعُونْ، مَاحنْذْ أَذْ زَّايسْ قضْعغْ بْنَاذمْ ذ ڒْمَاڒْ!
EZE 14:22 ؤُشَا خْزَارْ، أَذْ ذَايسْ قِّيمنْ [عَاذْ] إِنِّي إِنّجْمنْ ؤُ نِيثْنِي أَذْ تّْوَانذْهنْ بَارَّا، [أَمْ] إِحنْجِيرنْ [أَمْ] ثْحنْجِيرِينْ. خْزَارْ، أَذْ غَارْومْ د-فّْغنْ ؤُشَا كنِّيوْ أَذْ ثْژَارمْ أَبْرِيذْ نْسنْ ذ ڒخْذَايمْ نْسنْ ؤُشَا كنِّيوْ أَذْ تّْوَاسّْفوّْجمْ خْ ڒْغَارْ نِّي سِّيوْضغْ خْ ؤُرْشَالِيمْ، [وَاهْ،] خْ مَارَّا مِينْ خَاسْ سِّيوْضغْ.
EZE 14:23 نِيثْنِي أَذْ كنِّيوْ سّْفوّْجنْ خْمِي غَا ثْژَارمْ أَبْرِيذْ نْسنْ ذ ڒخْذَايمْ نْسنْ ؤُشَا كنِّيوْ أَذْ ثسّْنمْ بلِّي مَارَّا مِينْ ذَايسْ ڭِّيغْ، وَارْ ث ڭِّيغْ بْڒَا سِّيبّثْ، [أَمُّو إِ] إِقَّارْ سِيذِي إِنُو، سِيذِي.“
EZE 15:1 يُوسَا-د غَارِي وَاوَاڒْ ن سِيذِي، إِنَّا:
EZE 15:2 ”[أَ] مِّيسْ ن بْنَاذمْ، مِينْ إِعْنَا ؤُكشُّوضْ ن ثْزَايَارْثْ كْثَارْ زڭْ ؤُكشُّوضْ [نّغْنِي]، [كْثَارْ زڭْ] ؤُكشُّوضْ نِّي ذِينْ [إِدْجَانْ] جَارْ ثْشجُّورَا ن وزْغَارْ؟
EZE 15:3 مَا إِزمَّارْ [بْنَاذمْ] أَذْ زَّايسْ إِكْسِي أَكشُّوضْ مَاحنْذْ أَذْ زَّايسْ إِڭّْ إِشْثْ ن ڒْقشْعثْ إِنفّْعنْ إِ ڒْخذْمثْ؟ مَا إِتّْوَاكّْسِي زَّايسْ إِشْثْ ن ڒوْثذْ حِيمَا أَذْ ذَايسْ ثَايْڒذْ شَا ن ڒْقشْعثْ؟
EZE 15:4 خْزَارْ، أَذْ إِمّوْشْ ذ مَاشَّا إِ ثْمسِّي. ثِيمسِّي أَذْ ثشّْ ثْنَاينْ ن طّْرُوفَا نّسْ ؤُ أَغزْذِيسْ نْ ڒْوسْثْ إِتّْوَاشمْضْ. مَا أَذْ إِصْڒحْ [ؤُكشُّوضْ نِّي عَاذْ] إِ يِيشْثْ نْ ڒْقشْعثْ إِ ڒْخذْمثْ؟
EZE 15:5 خْزَارْ، ؤُمِي ثُوغَا [عَاذْ] إِمُونْ، وَارْ زَّايسْ ثتّْوَاڭّْ إِشْثْ ن ڒْقشْعثْ إِ ڒْخذْمثْ. مشْحَاڒْ قلّْ عَاذْ ؤُمِي ث ثشَّا ثِيمسِّي، إِشْمضْ [ؤُكشُّوضْ]. مَا أَذْ زَّايسْ ڭّنْ عَاذْ شَا نْ ڒْقشْعثْ إِ ڒْخذْمثْ؟“
EZE 15:6 ”س ؤُيَا، أَمُّو إِ إِقَّارْ سِيذِي إِنُو، سِيذِي: ’مَامّشْ إِ وْشِيغْ أَكشُّوضْ ن ثْزَايَارْثْ جَارْ ؤُكشُّوضْ ن وزْغَارْ إِ ثِيمسِّي، حِيمَا أَذْ إِتّْوَاشّْ، أَمُّو إِ غَا سلّْمغْ ؤُڒَا ذ إِمزْذَاغْ ن ؤُرْشَالِيمْ [إِ ثْمسِّي]!
EZE 15:7 مَاغَارْ نشّْ أَذْ أَرّغْ ؤُذمْ إِنُو ضِيدّْ نْسنْ. [خْمِي] إِ غَا خْسنْ أَذْ د-فّْغنْ زِي ثْمسِّي، أَذْ ثنْ ثسّشْمضْ ثْمسِّي ؤُ كنِّيوْ أَذْ ثسّْنمْ بلِّي نشّْ ذ سِيذِي، ؤُمِي ڭِّيغْ ؤُذمْ إِنُو ضِيدّْ نْسنْ.
EZE 15:8 أَذْ أَرّغْ ثَامُّورْثْ ذ إِشْثْ ن ثمُّورْثْ إِتّْوَاردّْدْجنْ، مِينْزِي نِيثْنِي غْذَارنْ أَيِي س إِشْثْ ڒغْذَارثْ إِقسْحنْ، [أَمُّو إِ] إِقَّارْ سِيذِي إِنُو، سِيذِي.‘ “
EZE 16:1 يُوسَا-د غَارِي وَاوَاڒْ ن سِيذِي، إِنَّا:
EZE 16:2 ”[أَ] مِّيسْ ن بْنَاذمْ، سْشنْ إِ ؤُرْشَالِيمْ جّْعَايفْ نّسْ،
EZE 16:3 ؤُشَا إِنِي: ’أَمُّو إِ إِقَّارْ سِيذِي إِنُو، سِيذِي، إِ ؤُرْشَالِيمْ: خْ لْ-أَصلْ نّمْ ذ وخْڒَاقْ نّمْ أَقَا شمْ زِي ثمُّورْثْ ن أَيْثْ ن كنْعَانْ. ثُوغَا بَابَامْ ذ أَمُورِي ؤُ يمَّامْ ذ ثَاحِيتِّيثْ.
EZE 16:4 [غَارْ] ثْڒَاڒِيثْ نّمْ، ذڭْ وَاسّْ نِّي ذِي د-ثتّْوَاخڒْقذْ، وَارْ ذ أَمْ قسّنْ ثَاعبُّوثْ نِيغْ سِّيرْذنْ شمْ س وَامَانْ، حِيمَا أَذْ شمْ سِّيزْذڭنْ. وَارْ شمْ مدْجْحنْ س ثْمدْجَاحْثْ نِيغْ شمْ سّنّْضنْ س ثحْڒُوشِينْ.
EZE 16:5 ثُوغَا وَارْ ثْخزَّارْ إِ شمْ ؤُڒَا ذ إِشْثْ ن ثِيطّْ، حِيمَا أَذْ أَمْ يڭّْ شَا زِي دّڭَّا، حِيمَا أَذْ أَمْ ثزِّيدْجزْ، [مَاشَا] ثمّنْضَارذْ خْ وُوذمْ ن ييَّارْ س ڒْحڭْرَا ن ڒعْمَارْ نّمْ ذڭْ وَاسّْ نِّي ذِي د-ثتّْوَاخڒْقذْ.‘ “
EZE 16:6 ”[ؤُمِي] ژْوِيغْ زَّاثكْ، ژْرِيغْ شمْ ثتّْنقْڒَابذْ ذڭْ إِذَامّنْ نّمْ. نشّْ نِّيغْ أَمْ ؤُمِي شمْ ثُوغَا ذڭْ إِذَامّنْ نّمْ: ’دَّارْ!‘، [وَاهْ،] نشّْ نِّيغْ أَمْ ؤُمِي ثُوغَا شمْ ذڭْ إِذَامّنْ نّمْ: ’دَّارْ!‘
EZE 16:7 أَرْنِيغْ ذَايكْ أَڒَامِي ثْفيّْضذْ أَمْ ؤُغمُّويْ ن ييَّارْ. شمْ ثيْمِيذْ، ثمْغَارذْ ؤُشَا ثِيوْضذْ أَذْ ثِيڒِيذْ ثشْنِيذْ أَطَّاسْ. إِذْمَارنْ نّمْ جمْذنْ ؤُ ؤُشُوَّافْ نّمْ إِمْغَارْ، [مَاشَا] ثُوغَا شمْ ذ ثَاعَارْيَانْثْ ذ ثَاقذِّيذْثْ.
EZE 16:8 [ؤُمِي] ژْوِيغْ زَّاثمْ، ژْرِيغْ شمْ ؤُشَا خْزَارْ، ؤُسَّانْ نّمْ [إِوْضنْ]، ؤُسَّانْ ن ثَايْرِي. نشّْ سّْوِيژّْضغْ أَفْرِيوْ[أنْ] إِنُو خَامْ ؤُشَا ذْڒِيغْ ثُوعَّارْينْثْ نّمْ. جُّودْجغْ إِشْثْ ن ثْجَادْجِيثْ ذِي طّْوعْ نّمْ ؤُشَا ؤُذْفغْ غَارْ ڒْعَاهْذْ أَكِيذمْ، [أَمُّو إِ] إِقَّارْ سِيذِي إِنُو، سِيذِي، ؤُشَا [أَمُّو إِ] ثْذوْڒذْ إِنُو.
EZE 16:9 سِّيرْذغْ شمْ س وَامَانْ ؤُشَا سْڒِيڒغْ إِذَامّنْ نّمْ زَّايمْ ؤُشَا ذهْنغْ شمْ س زّشْثْ.
EZE 16:10 نشّْ سّْيَارْضغْ شمْ س وَارُّوضْ نْ ؤُبُورْضَا س ثِينْثَاثْ إِفَارْزنْ ؤُشَا سّْغُونغْ شمْ س ثْسِيڒَا ن ثڒْمشْثْ ن دّنْفِيڒْ ؤُشَا سّْبيْسغْ شمْ س ڒقْطنْ أَزْذَاذْ ؤُشَا ذْڒِيغْ شمْ س ڒهْرِيرْ.
EZE 16:11 قّْنغْ شمْ س ڒهْزُوطْ ؤُشَا ڭِّيغْ أَمْ ثْمقْيَاسِينْ غَارْ إِفَاسّنْ نّمْ ذ إِشْثْ ن ثْسدّشْثْ ذڭْ يِيرِي نّمْ.
EZE 16:12 ڭِّيغْ ثَاخَاذنْثْ ذِي ثِينْزَارْثْ نّمْ ذ ثخْرَازِينْ ذڭْ إِمجَّانْ نّمْ ذ تَّاجْ إِشْنَانْ خْ ؤُزدْجِيفْ نّمْ.
EZE 16:13 [أَمُّو إِ] ثتّْوَازهّْجذْ س وُورغْ ذ نُّوقَارْثْ ؤُشَا أَرُّوضْ نّمْ ثُوغَا-ث س ڒقْثنْ أَزْذَاذْ ذ ڒهْرِيرْ ذ ؤُبُورْضَارْ س ثِينْثَاثْ إِفَارْزنْ. شمْ ثُوغَا ثشِّيذْ أَرنْ أَزْذَاذْ ذ ثَامّنْثْ ذ زّشْثْ. ثُوغَا شمْ ثشْنِيذْ أَطَّاسْ ؤُشَا ثْفڒْحذْ أَڒَامِي ثْذوْڒذْ ثسّْذَاهْجذْ ثَاڭلْذَا.
EZE 16:14 إِفّغْ زَّايكْ إِجّْ ن يِيسمْ جَارْ ڒڭْنُوسْ زِي سِّيبّثْ ن وَاژْرِي نّمْ، مِينْزِي ثُوغَا أَژْرِي نّمْ نِيشَانْ زڭْ ؤُشوَّارْ إِنُو إِ خَامْ سَّارْسغْ، [أَمُّو إِ] إِقَّارْ سِيذِي إِنُو، سِيذِي.“
EZE 16:15 ”[مَاشَا] ثتِّيقّذْ ذڭْ وژْرِي [ن يِيخفْ] نّمْ ؤُشَا ثسّفْسذْ إِخفْ نمْ [أَمْ ثتِّيقّذْ] ذڭْ يِيسمْ نّمْ ؤُشَا ثْفَارّْغذْ فَارْقْ-شّْغڒْ نّمْ خْ مَارَّا وِي يعْذُونْ: إِ وَانِيثَا ثُوغَا أَژْرِي نّمْ.
EZE 16:16 ثكْسِيذْ شَا زڭْ وَارُّوضْ نّمْ، ثڭِّيذْ ڒڭْعُوذِي س ثِينْثَاثْ أَطَّاسْ إِ يِيخفْ نّمْ ؤُشَا ثسّفّْسذذْ إِخفْ نّمْ ذِينْ. أَمْ مَانْ أَيَاعمَّارْصْ وَارْ إِمْسَارْ ؤُعمَّارْصْ وَارْ إِتِّيڒِي عَاذْ.
EZE 16:17 ثكْسِيذْ ڒهْزُوطْ ن وُورغْ إِنُو ذ نُّوقَارْثْ إِنُو نِّي ذ أَشْ وْشِيغْ ؤُشَا ثڭِّيذْ زِي مَانْ أَيَا ڒخْيَاڒَاثْ ن يرْيَازنْ إِ يِيخفْ نّمْ ؤُشَا ثسّفْسذذْ إِخفْ نّمْ زَّايْسنْ.
EZE 16:18 ثكْسِيذْ أَرُّوضْ ن ؤُبُورْضَارْ س ثِينْثَاثْ إِفَارْزنْ ؤُشَا ثْڒحّْفذْ أَسنْ [زَّايسْ] ؤُشَا ثسَّارْسذْ زّشْثْ إِنُو ذ ڒبْخُورْ إِنُو زَّاثْسنْ.
EZE 16:19 أَغْرُومْ إِنُو نِّي ذ أَمْ وْشِيغْ، وَارنْ أَزْذَاذْ ذ زّشْثْ ذ ثَامّنْثْ إِ زِي شمْ سّشّغْ، أَقَا ثسَّارْسذْ أَيَا ذ أَرِّيحثْ إِتّْفُوحنْ زَّاثْسنْ، [أَمُّو إِ] إِمْسَارْ، إِقَّارْ سِيذِي إِنُو، سِيذِي.
EZE 16:20 إِحنْجِيرنْ نّمْ ذ يسِّيمْ نِّي د-ثُورْوذْ إِ نشّْ، أَقَا ثكْسِيذْ ثنْ ؤُشَا ثْقدّْمذْ ثنْ ذ مَاشَّا إِ نِيثْنِي. مَا [خنِّي] فَارْقْ-شّْغڒْ نّمْ ذ ذْرُوسْثْ وَاهَا،
EZE 16:21 أَڒَامِي ثْغَارْصذْ إِ إِحنْجِيرنْ إِنُو ؤُشَا ثزّنْزذْ ثنْ ؤُمِي ثنْ ثسّكّذْ خْ ثْمسِّي؟
EZE 16:22 غَارْ مَارَّا جّْعَايفْ نّمْ ذ فَارْقْ-شّْغڒْ نّمْ وَارْ ثِيذَارذْ ذڭْ وُوسَّانْ ن ثمْژِي نّمْ ؤُمِي ثُوغَا شمْ ذ ثَاعَارْيَانْثْ، ثتّْوَاعَارِّيذْ [ؤُ] ثتّْنقْڒَابذْ ذڭْ إِذَامّنْ نّمْ.
EZE 16:23 أَوَارْنِي مَارَّا ڒْغَارْ إِ ثڭِّيذْ - أَيْ، أَيهَّاثْ خَامْ، إِقَّارْ سِيذِي إِنُو، سِيذِي - إِمْسَارْ
EZE 16:24 أَقَا شكْ ثبْنِيذْ إِ يِيخفْ نّمْ إِشْثْ ن ڒْڭعّْذثْ ؤُشَا ثڭِّيذْ إِ يِيخفْ نّمْ ذِي مَارَّا أَزَّايْ إِشْثْ ن ڒْڭعّْذثْ [حِيمَا أَذْ ذِينْ وهّْبنْ ثِيغَارْصَا].
EZE 16:25 ذِي مَارَّا أَزدْجِيفْ ن وبْرِيذْ ثبْنِيذْ ڒڭْعُوذِي إِ يِيخفْ نّمْ. ثْجيّْحذْ أَژْرِي نّمْ س إِجّْ ن نّْعِي ن وبْرِيذْ ؤُشَا ثسّْوِيژّْضذْ إِضَارنْ نّمْ إِ كُوڒْ إِجّْ وِي يعْذُونْ ؤُشَا ثَارْنِيذْ أَطَّاسْ ذِي فَارْقْ-شّْغڒْ نّمْ.
EZE 16:26 ثسّْفسْذذْ إِخفْ نّمْ ؤُڒَا س أَيْثْ ن مِيصْرَا، جِّيرَانْ نّمْ نِّي إِقّْبُوبُّوزنْ س ويْسُومْ [نْسنْ]. ثَارْنِيذْ أَمُّو أَطَّاسْ ذِي فَارْقْ-شّْغڒْ نّمْ مَاحنْذْ أَذْ أَيِي ثسْعَارذْ.
EZE 16:27 خْزَارْ، خنِّي نشّْ سّْوِيژّْضغْ أَفُوسْ إِنُو ضِيدّْ نّمْ ؤُشَا سّْنقْصغْ ثَاسْغَارْثْ نّمْ إِ ذ أَمْ د-إِتَّاسنْ ؤُشَا سلّْمغْ شمْ غَارْ مژْرِي ن يِينِّي شمْ إِشَارّْهنْ، [غَارْ] يسِّيسْ ن إِفِيلِيسْطِينِييّنْ، ثِينِّي تّْسضْحَانْثْ زڭْ وبْرِيذْ نّمْ إِفضْحنْ.
EZE 16:28 ثسّفْسذذْ إِخفْ نّمْ أَكْ-ذ أَيْثْ ن أَشُّورْ، ؤُمِي وَارْ ثجِّيوْنذْ. ثسّفْسذذْ إِخفْ نّمْ أَكِيذْسنْ، [مَاشَا] وَارْ ثُوفِيذْ أَجِيونْ.
EZE 16:29 ثَارْنِيذْ أَطَّاسْ ذِي فَارْقْ-شّْغڒْ نّمْ أَڒْ ذِي ثمُّورْثْ ن إِسبَّابنْ، [ثَامُّورْثْ ن] إِكَالْذَانِييّنْ، ؤُشَا ؤُڒَا س ؤُيَا وَارْ ثجِّيوْنذْ.
EZE 16:30 مشْحَاڒْ إِهْڒشْ وُوڒْ نّمْ، [أَمُّو إِ] إِقَّارْ سِيذِي إِنُو، سِيذِي، أَقَا ثڭِّيذْ مَارَّا أَيَا، ڒْخذْمثْ ن إِشْثْ ن ثمْغَارْثْ ن فَارْقْ-شّْغڒْ إِغوّْغنْ،
EZE 16:31 ؤُمِي ثبْنِيذْ إِشْثْ ن ڒْڭعّْذثْ غَارْ ؤُزدْجِيفْ ن كُوڒْ أَبْرِيذْ، ثڭِّيذْ إِشْثْ ن ڒْڭعّْذثْ [إِ ثوْهِيبْثْ ن ثْغَارْصَا] ذِي كُوڒْ أَزَّايْ، بْڒَا مَا ثدْجِيذْ [ذ ثِيذتّْ] ذ ثَامْغَارْثْ ن فَارْقْ-شّْغڒْ ؤُمِي ثسّحْقَارذْ ڒخْڒَاصْ [نّمْ ن فَارْقْ-شّْغڒْ].
EZE 16:32 [أَ شمْ،] ثَامْغَارْثْ إِزنَّانْ، ثنِّي إِتّطّْفنْ إِبَارَّانِييّنْ ذڭْ ومْشَانْ ن ورْيَازْ نّسْ.
EZE 16:33 إِ مَارَّا ثِيمْغَارِينْ ن فَارْقْ-شّْغڒْ وْشِينْ أَسنْثْ ڒْمُونثْ، [مَاشَا] شمْ ثوْشِيذْ ثِيموْشَا إِ مَارَّا إِنِّي شمْ إِتّخْسنْ ؤُشَا [أَمُّو إِ] ثنْ ثسّغْوِيذْ س فَارْقْ-شّْغڒْ نّمْ، مَاحنْذْ أَذْ غَارمْ د-أَسنْ زِي مَارَّا إِغزْذِيسنْ.
EZE 16:34 أَمُّو، س فَارْقْ-شّْغڒْ نّمْ، أَذْ كِيذمْ إِمْسَارْ ڒْعكْسْ ن مِينْ إِمْسَارنْ إِ ثمْغَارِينْ [نّغْنِي]، مِينْزِي وَارْ شمْ ضفَّارنْ شَا مَاحنْذْ أَذْ زَّايمْ ڭّنْ س فَارْقْ-شّْغڒْ [نْسنْ]. مَاڒَا شمْ ثوْشِيذْ أَسنْ ڒخْڒَاصْ ن ثمْغَارْثْ ن فَارْقْ-شّْغڒْ، وَارْ ثطّْفذْ شَا ڒخْڒَاصْ ن ثمْغَارْثْ ن فَارْقْ-شّْغڒْ، [خنِّي] أَقَا شمْ ثْذوْڒذْ ذ ڒْعكْسْ زَّايْسنْ.“
EZE 16:35 ”س ؤُيَا، [أَ] ثَامْغَارْثْ ن فَارْقْ-شّْغڒْ، سڒْ إِ وَاوَاڒْ ن سِيذِي.
EZE 16:36 أَمُّو إِ إِقَّارْ سِيذِي إِنُو، سِيذِي: ’مِينْزِي ثسّْفَارّْغذْ نّْحَاسْ نّمْ [إِتّْوَاڒحّْفنْ س دّْرَا] ؤُ ثسّْعَارِّيذْ ڒحْيَا نّمْ س فَارْقْ-شّْغڒْ نّمْ أَكْ-ذ يِينِّي إِ شمْ إِتّخْسنْ ؤُ أَكْ-ذ مَارَّا إِميْضَا نّمْ ن لْ-أَصْنَامْ ن جّْعَايفْ نّمْ، ؤُ ؤُمِي ذ أَسنْ ثوْشِيذْ إِذَامّنْ ن إِحنْجِيرنْ نّمْ،
EZE 16:37 خْزَارْ، س ؤُيَا أَذْ سّْمُونغْ مَارَّا إِنِّي ثُوغَا شمْ إِتّخْسنْ نِّي ثُوغَا إِ ذ أَمْ إِتّعْجِيبنْ ؤُ مَارَّا إِنِّي ثخْسذْ [جْمِيعْ] أَكْ-ذ مَارَّا إِنِّي ثْشَارْهذْ. نشّْ أَذْ ثنْ د-سّْمُونغْ خَامْ زِي مَارَّا إِغزْذِيسنْ ؤُشَا أَذْ سّْعَارِّيغْ ڒحْيَا نّمْ، [أَڒْ] إِ غَا ژَترنْ مَارَّا ڒحْيَا نّمْ.
EZE 16:38 نشّْ أَذْ خَامْ شَارّْعغْ عْلَاحْسَابْ لْفَارَايِيضْ إِ ثِينِّي إِزنَّانْ ذ ثِينِّي إِسِّيزّْڒنْ إِذَامّنْ ؤُشَا أَذْ شمْ سلّْمغْ غَارْ [إِجّْ ن ؤُسِيزّڒْ ن] إِذَامّنْ إِ د-إِفّْغنْ زڭْ وسْعَارْ ذ ثُوسْمِي.
EZE 16:39 نشّْ أَذْ وْشغْ شمْ ذڭْ ؤُفُوسْ نْسنْ ؤُشَا نِيثْنِي أَذْ أَرْژنْ ڒْڭعّْذثْ نّمْ ؤُشَا أَذْ أَردّْدْجنْ ڒڭْعُوذِي نّمْ ؤُشَا أَذْ أَمْ كّْسنْ أَرُّوضْ نّمْ، أَذْ أَوْينْ ڒهْزُوطْ نّمْ ؤُشَا أَذْ شمْ جّنْ ذ ثَاعَارْيَانْثْ ذ ثَاقذِّيذْثْ.
EZE 16:40 أَوَارْنِي أَيَا أَذْ خَامْ سِّيوْضنْ إِجّْ ن وڭْرَاوْ [ذ أَمقّْرَانْ] ؤُشَا أَذْ شمْ أَرجْمنْ ؤُشَا أَذْ شمْ قسّنْ س ڒسْيُوفْ نْسنْ.
EZE 16:41 نِيثْنِي أَذْ سّْشمْضنْ ثُوذْرِينْ نّمْ س ثْمسِّي ؤُشَا أَذْ خَامْ د-سّهْوَانْ ڒحْكَامَاثْ زَّاثْ إِ ثِيطَّاوِينْ ن وَاطَّاسْ ن ثمْغَارِينْ. نشّْ أَذْ ڭّغْ أَذْ ثسّْبدّذْ زِي فَارْقْ-شّْغڒْ نّمْ، وَارْ ثْبطِّيذْ عَاذْ ڒخْڒَاصْ ن فَارْقْ-شّْغڒْ.
EZE 16:42 [أَمُّو] إِ غَا سَّارْسغْ أَسْعَارْ إِنُو خَامْ ؤُشَا ثُوسْمِي إِنُو [إِقدّْسنْ] أَذْ خَامْ ثْبعّذْ ؤُ نشّْ أَذْ ذوْڒغْ أَريّْحغْ، وَارْ تّْعسِّيبغْ عَاذْ.
EZE 16:43 مِينْزِي وَارْ ثِيذَارذْ ذڭْ وُوسَّانْ ن ثمْژِي نّمْ، ؤُمِي ذ أَيِي ثسْعَارذْ س مَارَّا أَيَا، أَقَا ذَا نشّْ عَاوذْ أَذْ أَوْيغْ أَبْرِيذْ نّمْ خْ يِيخفْ نّمْ، [أَمُّو إِ] إِقَّارْ سِيذِي إِنُو، سِيذِي.عمَّارْصْ أَذْ ڭّغْ ڒفْضِيحثْ سنّجْ إِ مَارَّا جّْعَايفْ نّمْ [ؤُمِي نشّْ وَارْ شمْ تّْعِيقِيبغْ شَا].‘ “
EZE 16:44 ”خْزَارْ، مَارَّا ونِّي إِسَّاوَاڒنْ س وَاوَاڒنْ إِوزْننْ، أَذْ خَامْ إِسَّاوَاڒْ أَوَاڒْ-أَ، أَذْ يِينِي: ’أَمْ يمَّاسْ، أَمْ يدْجِيسْ!‘
EZE 16:45 أَقَا شمْ ذ يدْجِيسْ ن يمَّامْ نِّي إِعِيفّنْ أَرْيَازْ نّسْ ذ إِحنْجِيرنْ نّسْ ؤُ شمْ ذ ؤُتْشْمَاسْ ن سُويثْمَامْ نِّي إِعِيفّنْ زڭْ يرْيَازنْ نْسنْثْ ذ إِحنْجِيرنْ نْسنْثْ. ثُوغَا يمَّامْ ذ ثَاحِيتِّيثْ ؤُ بَابَامْ ذ أَمُورِي.
EZE 16:46 ؤُتْشْمَامْ ثَامقّْرَانْثْ أَقَا-ت سَامَارْيَا، نتَّاثْ ذ يسِّيسْ نّسْ زدّْغنْ غَارْ ؤُژرْمَاضْ نّمْ، ؤُ ؤُتْشْمَامْ ثنِّي ذ ثَامژْيَانْثْ زَّايمْ، ثْزدّغْ غَارْ يفُوسْ نّمْ، أَقَا-ت ذ سَاذُومْ ذ يسِّيسْ.
EZE 16:47 شمْ وَارْ ثڭُّورذْ ذڭْ إِبْرِيذنْ نْسنْثْ ؤُ وَارْ ثڭِّيذْ أَمْ جّْعَايفْ نْسنْثْ. [مَاشَا] أَخْمِي مَامّشْ دّڭَّا ثُوغَا ذْرُوسْثْ [وَاهَا]، ثْفسْذذْ مَارَّا إِبْرِيذنْ نّمْ كْثَارْ زَّايْسنْثْ.
EZE 16:48 س ثِيذتّْ أَمْ دَّارغْ نشّْ، [أَمُّو إِ] إِقَّارْ سِيذِي إِنُو، سِيذِي: أَقَا سَاذُومْ، ؤُتْشْمَامْ أَكْ-ذ يسِّيسْ،عمَّارْصْ وَارْ ثڭِّي أَمْ ثڭِّيذْ شمْ ذ يسِّيمْ.
EZE 16:49 خْزَارْ، ثَا ذ ڒْمُوعْصِييّثْ ن ؤُتْشْمَامْ سَاذُومْ: نّْفَاخثْ، ثْيَاوَانْثْ ن وغْرُومْ ذ إِشْثْ ن ثُوذَارْثْ ذِي ڒْهُوذْنثْ بْڒَا أَمْنُوسْ، [أَمُّو إِ] إِدْجَا ؤُمدُّورْ نّسْ ؤُ ن يسِّيسْ، [مَاشَا] أَفُوسْ ن ونِّي إِتّْوَاحْصَارنْ ؤُ ن ؤُمزْڒُوضْ وَارْ ذ أَسْ ثسّجْهذْ.
EZE 16:50 نِيثنْثِي نّفْخنْثْ ؤُشَا ڭِّينْثْ جّْعِيفشْثْ زَّاثْ إِ وُوذمْ إِنُو. ؤُمِي ژْرِيغْ أَيَا، نْضَارغْ ثنْثْ.
EZE 16:51 [مَاشَا] سَامَارْيَا وَارْ ثْخطِّي ؤُڒَا ذڭْ وزْينْ ن دّْنُوبْ نّمْ ؤُشَا شمْ ثڭِّيذْ جّْعَايفْ كْثَارْ زَّايسْ. س مَارَّا جّْعَايفْ إِ ثڭِّيذْ، ثَارّذْ سُويثْمَامْ بَاننْثْ سڭّْذنْثْ.
EZE 16:52 [خنِّي] شمْ عَاوذْ، كْسِي ڒفْضِيحثْ نّمْ، مِينْزِي ثوْثِيذْ خْ سُويثْمَامْ. ؤُمِي ثڭِّيذْ دّْنُوبْ ذ جّْعِيفشْثْ كْثَارْ زَّايْسنْثْ، بَاننْثْ نِيثنْثِي سڭّْذنْثْ خَامْ. سضْحَا ؤُ كْسِي ڒفْضِيحثْ نّمْ، مِينْزِي ثَارِّيذْ سُويثْمَامْ بَاننْثْ سڭّْذنْثْ.
EZE 16:53 خْمِي غَا بطّْڒغْ ثَامحْبَاسْثْ نْسنْثْ، ثَامحْبَاسْثْ ن سَاذُومْ ذ يسِّيسْ، ؤُڒَا ذ ثَامحْبَاسْثْ ن سَامَارْيَا ذ يسِّيسْ، [خنِّي] أَذْ بطّْڒغْ [عَاوذْ] ثَامحْبَاسْثْ نّمْ ذِي ڒْوسْطْ نْسنْثْ،
EZE 16:54 حِيمَا أَذْ ثكْسِيذْ ڒفْضِيحثْ نّمْ ؤُشَا أَذْ ثْسضْحِيذْ زِي مَارَّا مِينْ ثڭِّيذْ، ڒَامِي شمْ ثنْثْ ثسّْفوّْجذْ.
EZE 16:55 مَاڒَا سُويثْمَامْ، سَاذُومْ ذ يسِّيسْ، أَذْ د-ذوْڒنْثْ غَارْ ؤُمدُّورْ نْسنْثْ أَمزْوَارُو، ؤُشَا ؤُڒَا ذ سَامَارْيَا ذ يسِّيسْ أَذْ د-ذوْڒنْثْ غَارْ ؤُمدُّورْ نْسنْثْ أَمزْوَارُو، [خنِّي] أَذْ د-ثْذوْڒذْ ؤُڒَا ذ شمْ ذ يسّْمَامْ غَارْ ؤُمدُّورْ نْكنْثْ أَمزْوَارُو.
EZE 16:56 ذڭْ وَاسّْ ن نّْفَاخثْ نّمْ وَارْ إِتّْوَاسڒْ شَا زڭْ ؤُقمُّومْ نّمْ خْ [مِينْ إِمْسَارنْ إِ] ؤُتْشْمَامْ سَاذُومْ،
EZE 16:57 قْبڒْ مَا إِعَارَّا ثُوعفّْنَا نّمْ، أَمْ مَامّشْ [إِ إِمْسَارْ] ذِي ڒْوقْثْ ن ڒْحڭْرَا س ؤُفُوسْ ن يسِّيسْ ن أَرَامْ ذ مَارَّا إِنِّي ذ أَسْ د-إِنّْضنْ، يسِّيسْ ن إِفِيلِيسْطِينِييّنْ نِّي شمْ إِسّحْقَارنْ غَارْ مَارَّا إِغزْذِيسنْ نّمْ.
EZE 16:58 ڒفْضَايحْ نّمْ ذ جّْعَايفْ نّمْ أَذْ ثنْثْ ثكْسِيذْ!، [أَمُّو إِ] إِقَّارْ سِيذِي.“
EZE 16:59 ”مِينْزِي أَمُّو إِ إِقَّارْ سِيذِي إِنُو، سِيذِي: ’نشّْ أَذْ زَّايمْ ڭّغْ أَمْ مَامّشْ ثڭِّيذْ شمْ ؤُمِي ثسّحْقَارذْ ثَاجَادْجِيثْ س ثْرژِّيثْ ن ڒْعَاهْذْ.
EZE 16:60 [مَاشَا عَاذْ] أَذْعقْڒغْ خْ ڒْعَاهْذْ إِنُو أَكِيذمْ ذڭْ وُوسَّانْ ن ثمْژِي نّمْ ؤُشَا أَذْ ڭّغْ إِجّْ ن ڒْعَاهْذْ إِ ڒبْذَا إِ شمْ.
EZE 16:61 خنِّي أَذْ ثِيذَارذْ ذڭْ إِبْرِيذنْ نّمْ ؤُشَا أَذْ ثْسضْحِيذْ خْمِي غَا ثَاوْيذْ سُويثْمَامْ نِّي مْغَارنْثْ زَّايمْ، [جْمِيعْ] أَكْ-ذ ثِينِّي ثِيمَاژُوژِينْ خَامْ. نشّْ أَذْ أَمْ ثنْثْ وْشِيغْ ذ يسِّيمْ، [مَاشَا] وَارْ إِدْجِي س وبْرِيذْ ن ڒْعَاهْذْ نّمْ.
EZE 16:62 [مَاشَا] نشّْ أَذْ ڭّغْ ڒْعَاهْذْ إِنُو أَكِيذمْ ؤُشَا أَذْ ثسّْنذْ، أَقَا نشّْ ذ سِيذِي،
EZE 16:63 حِيمَا أَذْ ثِيذَارذْ ذَايسْ ؤُشَا أَذْ ثْسضْحِيذْ ؤُشَا وَارْ ثَارزّْمذْعمَّارْصْ عَاذْ أَقمُّومْ نّمْ زِي سِّيبّثْ ن ڒفْضِيحثْ نّمْ، خْمِي غَا ڭّغْ أَصْڒَاحْ إِ شمْ خْ مَارَّا مِينْ ثڭِّيذْ!، [أَمُّو إِ] إِقَّارْ سِيذِي إِنُو، سِيذِي.‘ “
EZE 17:1 يُوسَا-د غَارِي وَاوَاڒْ ن سِيذِي، إِنَّا:
EZE 17:2 ”[أَ] مِّيسْ ن بْنَاذمْ، عَاوذْ إِشْثْ ن طْحَاجِيثْ ن ثْوَافِيثْ ؤُ أوْشْ إِجّْ ن ؤُمذْيَا إِ ثَادَّارْثْ ن إِسْرَائِيل
EZE 17:3 ؤُشَا إِنِي: ’أَمُّو إِ إِقَّارْ سِيذِي إِنُو، سِيذِي! أَڭِيذرْ ذ أَمقّْرَانْ س وَافْرِيونْ أَرزْمنْ، ذَايْسنْ ڒوْثَاذْ إِزِيرَارنْ شُّورنْ س وَارِّيشْ ذ ثِينْثَاثْ إِفَارْزنْ، يُوسَا-د غَارْ إِذُورَارْ ن لُوبْنَانْ ؤُشَا إِكّسْ ثُوشّنْثْ ن ثْشجَّارْثْ ن ثنْڭلْثْ.
EZE 17:4 أَزدْجِيفْ ن ڒفْرُوعْ نّسْ إِسّنْذَاينْ إِكّسْ إِ-ث، ؤُشَا يِيوْيِي ث غَارْ إِشْثْ ن ثمُّورْثْ ن تِّيجَارَا ؤُشَا إِسَّارْسْ إِ-ث ذڭْ إِشْثْ ن ثنْذِينْثْ ن إِسبَّابنْ.
EZE 17:5 إِكْسِي زِي زَّارِيعثْ ن ثمُّورْثْ ؤُشَا إِڭَّا إِ-ت ذڭْ إِجّْ ن ييَّارْ إِشْنَا إِ وزْرَاعْ. إِكْسِي ت، إِژُّو ت أَمْ ثْشجَّارْثْ ن ؤُصفْصَافْ غَارْ وَامَانْ أَطَّاسْ.
EZE 17:6 ثغْمِي-د زَّارِيعثْ ؤُشَا ثذْوڒْ ذ ثَازَايَارْثْ س ڒفْرُوعْ وسّْعنْ أَكْ-ذ ثْرُونْكُو ذ أَقُوضَاضْ نِّي زِي ذوْڒنْثْ ثْسضْوِينْ غَارْ ؤُڭِيذرْ، أَمْ ثُوغَا إِژوْرَانْ نّسْ قِّيمنْ سَاذُو نّسْ. أَمُّو إِ ثذْوڒْ ذ إِشْثْ ن ثْزَايَارْثْ نِّي إِسُّوفّْغنْ ثِيسضْوِينْ ؤُشَا ثڭَّا أَذْ سّنْذْينْ إِفثْوَانْ.
EZE 17:7 ثُوغَا عَاوذْ إِجّْ ن ؤُڭِيذرْ أَمقّْرَانْ نّغْنِي س وَافْرِيونْ إِمْغَارنْ ذ وَاطَّاسْ ن أَرِّيشْ ؤُشَا خْزَارْ، ثَازَايَارْثْ ثَارَّا إِژوْرَانْ نّسْ غَارسْ ؤُشَا ثسّْوِيژّضْ ثِيسضْوِينْ نّسْ غَارسْ زڭْ إِيَّارْ مَانِي ثتّْوَاژُّو حِيمَا أَڭِيذرْ أَذْ أَسْ إِسّسُّو.
EZE 17:8 ثُوغَا ثتّْوَاژُّو ذڭْ إِجّْ ن ييَّارْ إِسْبحْ زَّاثْ إِ وَامَانْ أَطَّاسْ حِيمَا أَذْ ثسُّوفّغْ ثِيسضْوِينْ ؤُشَا أَذْ ثوْشْ ڒْغِيدْجثْ، حِيمَا أَذْ ثذْوڒْ ذ ثَازَايَارْثْ ثشُّورْ.‘
EZE 17:9 إِنِي [خنِّي]: ’أَمُّو إِ إِقَّارْ سِيذِي إِنُو، سِيذِي: مَا أَذْ إِفّغْ مَانْ أَيَا مْلِيحْ؟ مَا وَارْ إِتّكّسْ ؤُڭِيذرْ أَمقّْرَانْ إِژوْرَانْ نّسْ ؤُشَا أَذْ إِقْضعْ ڒْغِيدْجثْ نّسْ أَڒَامِي إِ غَا ثَاژغْ؟ وَاهْ أَذْ ثَاژغْ س مَارَّا ثِيفْرَايْ نِّي غَارسْ إِغمّْينْ، وَارْ إِتّْوَاحْذِيجْ عَاذْ ُغِيڒْ إِجهْذنْ نِيغْ ڒْغَاشِي أَطَّاسْ حِيمَا أَذْ ت سّْڭعّْذنْ زڭْ إِژوْرَانْ نّسْ.
EZE 17:10 خْزَارْ، وَاخَّا ژُّونْ ت، مَاشَا مَا خنِّي أَذْ ثفْڒحْ؟ مَا وَارْ ثتِّيژغْ خْمِي ت غَا إِڒْقفْ ؤُسمِّيضْ ن ڒْغَارْبْ؟ وَاهْ، أَذْ ثَاژغْ خْ إِعُورَارْ ن ڒعْرَاصِي مَانِي د-ثْغمِّي.‘ “
EZE 17:11 يُوسَا-د غَارِي وَاوَاڒْ ن سِيذِي، إِنَّا:
EZE 17:12 ”إِنِي ڒخُّو إِ ثَادَّارْثْ إِغوّْغنْ: ’مَا وَارْ ثسِّينمْ مِينْ عْنَانْثْ ثْمسْڒَايِينْ-أَ؟‘ إِنِي: ’خْزَارْ، أَجدْجِيذْ ن بَابِيلْ يُوسَا-د غَارْ ؤُرْشَالِيمْ ؤُشَا إِطّفْ أَجدْجِيذْ نّسْ ذ ڒْحُوكَّامْ نّسْ ؤُشَا يِيوْيِي ثنْ غَارسْ ذِي بَابِيلْ.
EZE 17:13 إِطّفْ [عَاوذْ إِجّنْ] زِي زَّارِيعثْ إِڭلّْذنْ ؤُشَا إِڭَّا أَكِيذسْ إِجّْ ن ڒْعَاهْذْ ؤُشَا يَارَّا إِ-ث أَذْ إِوْشْ ثَاجَادْجِيثْ ؤُ أَيْثْ ن جّهْذْ ذِي ثمُّورْثْ، أَقَا إِكّسْ إِ-ثنْ،
EZE 17:14 حِيمَا أَذْ ثِيڒِي ثْڭلْذِيثْ ثْوَاضعْ ؤُ وَارْ ثسّْڭِيعِّيذْ إِخفْ نّسْ ؤُ حِيمَا أَذْ ثحْضَا ڒْعَاهْذْ نّسْ، أَذْ ثقِّيمْ ثتّْبدَّا.
EZE 17:15 [مَاشَا] نتَّا إِغوّغْ خَاسْ، إِسّكّْ إِرقَّاسنْ نّسْ غَارْ مِيصْرَا، مَاحنْذْ أَذْ أَسْ وْشنْ إِيْسَانْ ذ [إِجّْ ن ؤُبَارُّو ن] ڒْڭنْسْ. مَا أَذْ إِفّغْ أَيَا مْلِيحْ؟ مَا إِزمَّارْ أَذْ يَارْوڒْ ونِّي إِڭِّينْ أَيَا؟ مَا إِزمَّارْ ونِّي يَارْژِينْ ڒْعَاهْذْ أَذْ يَارْوڒْ؟‘ “
EZE 17:16 ”س ثِيذتّْ أَمْ دَّارغْ نشّْ، إِقَّارْ سِيذِي إِنُو، سِيذِي: ’ذڭْ ومْشَانْ [مَانِي إِزدّغْ] ؤُجدْجِيذْ نِّي ث إِڭِّينْ ذ أَجدْجِيذْ، ونِّي زِي إِسّحْقَارْ نتَّا ثَاجَادْجِيثْ [إِ ذ أَسْ إِجِّيدْجْ]، ذ ونِّي زِي يَارْژْ ڒْعَاهْذْ [إِ كِيذسْ إِڭَّا]، [أَقَا ذِينْ] غَارسْ، ذِي ڒْوسْثْ ن بَابِيلْ، أَذْ إِمّثْ!
EZE 17:17 وَارْ إِزمَّارْ فِيرْعُونْ س إِجّْ ن ڒْعسْكَارْ أَمقّْرَانْ ذ إِجّْ ن وڭْرَاوْ إِمْغَارْ أَذْ يڭّْ ؤُڒَا ذ إِشْثْ ن ڒْحَاجّثْ ذِي طّْوعْ نّسْ ذڭْ ؤُمنْغِي، خْمِي غَا سّْڭعّْذنْ إِجّْ ن ڒْحِيضْ ؤُشَا خْمِي غَا بْنَانْ إِجّْ ن وشْبَارْ مَاحنْذْ أَذْ نْغنْ أَطَّاسْ ن إِوْذَانْ.
EZE 17:18 أَقَا إِسّحْقَارْ ثَاجَادْجِيثْ ؤُمِي يَارْژَا ڒْعَاهْذْ إِ خْ إِوْشَا أَفُوسْ نّسْ. [مِينْزِي] نتَّا إِڭَّا مَارَّا مَانْ أَيَا، وَارْ إِتّْرَاكّْوَاڒْ.‘ “
EZE 17:19 ”س ؤُيَا، أَمُّو إِ إِقَّارْ سِيذِي إِنُو، سِيذِي: ’س ثِيذتّْ أَمْ دَّارغْ نشّْ، ثَاجَادْجِيثْ إِ ذ أَيِي [إِجِّيدْجْ] ؤُشَا [خنِّي] إِسّحْقَارْ إِ-ت، ؤُڒَا ذ ڒْعَاهْذْ إِ كِيذِي إِڭَّا ؤُشَا [خنِّي] يَارْژَا إِ-ث، أَذْ ثنْ-إِ-د أَرّغْ خْ ؤُزدْجِيفْ نّسْ!
EZE 17:20 أَذْ خَاسْ بزّْعغْ ثْرَاشَّا إِنُو مَاحنْذْ أَذْ يِيڒِي إِشَارْفْ ذِي ڒْفخْ إِنُو. أَذْ ث أَوْيغْ غَارْ بَابِيلْ ؤُشَا أَذْ خَاسْ شَارّْعغْ ذِينْ زِي سِّيبّثْ ن ڒغْذَارثْ نّسْ إِ زِي ذ أَيِي إِغْذَارْ.
EZE 17:21 مَارَّا إِنِّي زَّايسْ يَاروْڒنْ [جْمِيعْ] أَكْ-ذ مَارَّا ڒْعسْكَارْ نّسْ، أَذْ وْضَانْ س سِّيفْ، ؤُشَا إِنِّي إِقِّيمنْ أَذْ تّْوَازدْجْعنْ غَارْ مَارَّا ثِيغمُّورَا ن ؤُسمِّيضْ. [خنِّي] كنِّيوْ أَذْ ثسّْنمْ بلِّي نشّْ، سِيذِي، سِّيوْڒغْ.‘ “
EZE 17:22 ”أَمُّو إِ إِقَّارْ سِيذِي إِنُو، سِيذِي: ’نشّْ أَذْ كّْسغْ [إِجّْ ن ؤُفثْوِي ن] ثُوشّنْثْ ن ثْشجَّارْثْ ن ثنْڭلْثْ يُوعْڒَانْ ؤُشَا أَذْ ث ژُّوغْ. زڭْ ؤُزدْجِيفْ أَكْ-ذ ثْسضْوِينْ نّسْ أَذْ قڒْعغْ إِشْثْ ن ثْسطَّا ثَارْهفْ ؤُشَا أَذْ ت ژُّوغْ خْ إِجّْ ن وذْرَارْ يُوعْڒَانْ.
EZE 17:23 أَذْ ت ژُّوغْ خْ وذْرَارْ يُوعْڒَانْ قَاعْ ذِي إِسْرَائِيل. ثَانِيثَا أَذْ ثَاوِي ثِيسضْوِينْ ؤُشَا أَذْ ثَارّْ ڒْغِيدْجثْ، أَذْ ثذْوڒْ ذ ثَاشجَّارْثْ ن ثنْڭلْثْ إِجهْذنْ. عْڒَامْ كُوڒْ إِجْضَاضْ س عْڒَامْ كُوڒْ أَفْرِيونْ أَذْ زذْغنْ سَاذُو نّسْ، [وَاهْ،] ذِي ثِيڒِي نّسْ أَذْ زذْغنْ نِيثْنِي،
EZE 17:24 ؤُشَا أَذْ سّْننْ مَارَّا ثِيشجُّورَا ن ييَّارْ، أَقَا نشّْ، سِيذِي، سّهْوِيغْ ثَاشجَّارْثْ يُوعْڒَانْ ؤُشَا سّْڭعّْذغْ ثَاشجَّارْثْ ثَاقُوضَاضْثْ ؤُ سِّيژْغغْ ثَاشجَّارْثْ ثَازيْزَاثْ ؤُشَا أَرِّيغْ ثَاشجَّارْثْ يُوژْغنْ أَذْ ثْنوَّارْ. نشّْ، سِيذِي، سِّيوْڒغْ ؤُشَا أَذْ ث ڭّغْ.‘ “
EZE 18:1 يُوسَا-د غَارِي وَاوَاڒْ ن سِيذِي، إِنَّا:
EZE 18:2 ”مِينْ كنِّيوْ يُوغِينْ أَڒَامِي إِ غَا ثِيوْيمْ أَوَاڒْ-أَ غَارْ وُوذمْ ن ثمُّورْثْ ن إِسْرَائِيل ؤُشَا ثقَّارمْ: ’إِبَابَاثنْ شِّينْ أَضِيڒْ أَسمَّاغْ ؤُشَا ثِيغْمَاسْ ن وَارَّاوْ ذوْڒنْثْ حَارشْونْثْ‘؟
EZE 18:3 س ثِيذتّْ أَمْ دَّارغْ نشّْ، [أَمُّو إِ] إِقَّارْ سِيذِي إِنُو، سِيذِي: ’[ؤُشْثْ خَاومْ] مَاڒَاعمَّارْصْ عَاذْ أَذْ ثَاوْيمْ أَوَاڒْ-أَ ذِي إِسْرَائِيل!
EZE 18:4 خْزَارْ، مَارَّا ڒعْمُورْ إِنُو، أَمْ ڒعْمَارْ ن بَابَاسْ ؤُڒَا ذ ڒعْمَارْ ن مِّيسْ إِنُو. ڒعْمَارْ نِّي إِخْضَانْ، أَذْ إِمّثْ.‘ “
EZE 18:5 ”مَاڒَا شَا ن يِيجّنْ ذ أَمْسڭّذْ [إِ يدْجَا]، إِتّڭّْ ڒْحقّْ ذ مِينْ إِسڭّْذنْ:
EZE 18:6 وَارْ إِتّتّْ [دّْبَايحْ] خْ إِذُورَارْ، وَارْ إِسّْڭِيعِّيذْ ثِيطَّاوِينْ نّسْ غَارْ إِميْضَا [ن لْ-أَصْنَامْ] ن ثَادَّارْثْ ن إِسْرَائِيل، وَارْ إِسّخْمِيجْ ثَامْغَارْثْ ن جَّارْ نّسْ ؤُ وَارْ د-إِتّْقَارِّيبْ غَارْ ثمْغَارْثْ نِّي إِعزّْڒنْ [ؤُمِي خَاسْ إِذَامّنْ]،
EZE 18:7 وَارْ إِحصَّارْ ؤُڒَا ذ إِجّْ، إِتَّارَّا-د دِّييّثْ إِ بُو-أَمَارْوَاسْ، وَارْ إِتّْكشَّاضْ، ونِّي إِدْجُوژنْ إِتِّيشْ أَسْ وغْرُومْ نّسْ ؤُ ونِّي ذ أَعَارْيَانْ إِسّْدُّورِي إِ-ث س وَارُّوضْ،
EZE 18:8 نتَّا وَارْ يَارطّڒْ س أَرِّيبَا نِيغْ أَذْ إِكْسِي أَرْبحْ، أَفُوسْ نّسْ إِتّڭّْوجْ خْ مِينْ وَارْ إِسڭّْذنْ، نتَّا إِحكّمْ نِيشَانْ جَارْ ورْيَازْ ذ إِجّْ ن ورْيَازْ [نّغْنِي]،
EZE 18:9 إِڭُّورْ ذِي ثْوصَّا إِنُو ؤُشَا إِحطَّا لْفَارَايِيضْ إِنُو ؤُمِي غَا يڭّْ س ڒَامَانْ، [خنِّي] أَقَا نتَّا ذ أَمْسڭّذْ، أَذْ إِدَّارْ س ثِيذتّْ!‘، [أَمُّو إِ] إِقَّارْ سِيذِي إِنُو، سِيذِي.
EZE 18:10 مَاڒَا يجّْ-د مِّيسْ ذ أَشفَّارْ، ونِّي إِسِّيزَّاڒنْ إِذَامّنْ ذ ونِّي إِتّڭّنْ إِشْثنْ زِي ثْمسْڒَايِينْ-أَ،
EZE 18:11 [وَاخَّا] نتَّا [س يِيخفْ نّسْ أَمْ بَابَاسْ] وَارْ إِتّڭّْ ثِيمسْڒَايِينْ-أَ، [مَاشَا] مِّيسْ وَانِيثَا إِتّتّْ [ثِيوْهِيبِينْ] خْ إِذُورَارْ، إِسّخْمجْ ثَامْغَارْثْ ن جَّارْ نّسْ،
EZE 18:12 إِحصَّارْ ڒْمسْكِينْ ذ ؤُمزْڒُوضْ، إِتّْكشَّاضْ، وَارْ د-يَارِّي دِّييّثْ، إِسّْڭعَّاذْ ثِيطَّاوِينْ نّسْ غَارْ إِميْضَا ن لْ-أَصْنَامْ، إِتّڭّْ إِشْثْ ن جّْعِيفشْثْ،
EZE 18:13 يَارطّڒْ س أَرِّيبَا، إِتّطّفْ أَرْبحْ، مَا [خنِّي] أَذْ إِقِّيمْ [مِّيسْ] وَانِيثَا إِدَّارْ؟ وَارْ إِتّْغِيمِي إِدَّارْ ؤُمِي إِڭَّا مَارَّا جّْعَايفْ نِّي. أَذْ إِتّْوَانغْ نِيشَانْ، إِذَامّنْ نّسْ أَذْ خَاسْ إِڒِينْ.“
EZE 18:14 ”خْزَارْ، [مَاڒَا] أَذْ د-يجّْ مِّيسْ نِّي إِتّْوَاڒَا مَارَّا دّْنُوبْ نِّي إِتّڭّْ بَابَاسْ ؤُشَا إِخزَّارْ [وَاهَا] [أَمْ] نتَّا [س يِيخفْ نّسْ] وَارْ إِتّڭّْ ثِيمسْڒَايِينْ نِّي،
EZE 18:15 [إِخْسْ أَذْ يِينِي] وَارْ إِتّتّْ خْ إِذُورَارْ، وَارْ إِسّْڭِيعِّيذْ ثِيطَّاوِينْ نّسْ غَارْ إِميْضَا [ن لْ-أَصْنَامْ] ن ثَادَّارْثْ ن إِسْرَائِيل، وَارْ إِسّخْمِيجْ ثَامْغَارْثْ ن جَّارْ نّسْ،
EZE 18:16 وَارْ إِحصَّارْ ؤُڒَا ذ إِجّْ، وَارْ إِمنّعْ دِّييّثْ، وَارْ إِتّْكشَّاضْ، إِتِّيشْ أَغْرُومْ نّسْ إِ ونِّي إِدْجُوژنْ، إِسّْذُورُّويْ إِ ؤُعَارْيَانْ س وَارُّوضْ،
EZE 18:17 إِتَّاڭّْوجْ س ؤُفُوسْ نّسْ خْ ؤُمزْڒُوضْ، وَارْ إِكسِّي أَرِّيبَا ذ وَارْبحْ، إِتّڭّْ س ثْسڭْذَا ؤُشَا إِحطَّا ثِيوصَّا إِنُو، أَقَا مِّيسْ وَانِيثَا وَارْ إِتّْمتِّي زِي سِّيبّثْ ن ڒْمُوعْصِييّثْ ن بَابَاسْ، أَذْ إِدَّارْ س ثِيذتّْ.
EZE 18:18 بَابَاسْ أَذْ إِمّثْ ذِي ڒْمُوعْصِييّثْ نّسْ، خْ ؤُمِي إِڭَّا بزّزْ [خْ إِوْذَانْ] س ڒخْشُونثْ، إِكشّضْ أَڭْڒَا ؤُشَا إِڭَّا مِينْ وَارْ إِحْڒِينْ ذِي ڒْوسْطْ ن ڒْڭنْسْ نّسْ.“
EZE 18:19 ”[مَاشَا] كنِّيوْ ثقَّارمْ: ’مَايمِّي مِّيسْ وَارْ إِكسِّي ڒْمُوعْصِييّثْ ن بَابَاسْ؟ [مِينْزِي] مِّيسْ ثُوغَا إِتّڭّْ ڒْحقّْ ذ ثْسڭْذَا ؤُشَا إِحْضَا مَارَّا ثِيوصَّا إِنُو ؤُشَا إِڭَّا إِ-ثنْثْ، نتَّا أَذْ إِقِّيمْ إِدَّارْ س ثِيذتّْ.
EZE 18:20 ڒعْمَارْ نِّي إِخْضَانْ، أَذْ إِمّثْ. مِّيسْ وَارْ إِكسِّي شَا ڒْمُوعْصِييّثْ ن بَابَاسْ ؤُشَا بَابَاسْ وَارْ إِكسِّي شَا ڒْمُوعْصِييّثْ ن مِّيسْ. ثَاسڭْذَا ن ؤُمْسڭّذْ أَذْ ثِيڒِي خْ يِيخفْ نّسْ ؤُ ثُوعفّْنَا ن ؤُعفَّانْ أَذْ ثِيڒِي خْ يِيخفْ نّسْ.
EZE 18:21 [مَاشَا] مَاڒَا أَعفَّانْ إِذْوڒْ-د زِي دّْنُوبْ نِّي إِڭَّا، أَذْ إِحْضَا مَارَّا ثِيوصَّا إِنُو ؤُشَا أَذْ يڭّْ ڒْحقّْ ذ ثْسڭْذَا، [خنِّي] أَذْ إِقِّيمْ إِدَّارْ س ثِيذتّْ، وَارْ إِتّْمتِّي شَا.
EZE 18:22 مَارَّا إِعذِّيينْ نّسْ نِّي إِڭَّا، وَارْ ذ أَسْ تّْوَاحسّْبنْ شَا. س ثْسڭْذَا نّسْ نِّي إِڭَّا، أَذْ إِدَّارْ.
EZE 18:23 مَا أَذْ أَرْضِيغْ س ثِيذتّْ ڒْموْثْ ن إِعفَّاننْ؟‘، إِقَّارْ سِيذِي إِنُو، سِيذِي. ’مَا نتَّا وَارْ [إِتّْغِيمِي] إِدَّارْ خْمِي د غَا إِذْوڒْ؟
EZE 18:24 [مَاشَا] مَاڒَا أَمْسڭّذْ إِحيّذْ خْ ثْسڭْذَا نّسْ ؤُشَا أَذْ إِڭّْ دّدْجْ عْلَاحْسَابْ مَارَّا جّْعَايفْ نِّي إِتّڭّْ ؤُعفَّانْ، أَذْ إِڭّْ [أَمنِّي] ؤُڒَا ذ نتَّا، مَا [خنِّي] أَذْ إِقِّيمْ إِدَّارْ؟ وَارْ ثتّْوَاعْقِيڒْ [عَاذْ] مَارَّا ثَاسڭْذَا نِّي إِڭَّا. س ڒغْذَارثْ نّسْ إِ زِي إِغْذَارْ ؤُ س دّْنُوبْ نّسْ إِ زِي إِدّنْبْ، س يِينَا أَذْ إِمّثْ.‘ “
EZE 18:25 ”ثقَّارمْ [عَاوذْ]: ’أَبْرِيذْ ن سِيذِي وَارْ إِدْجِي شَا نِيشَانْ!‘. سْڒمْ، [أَ] ثَادَّارْثْ ن إِسْرَائِيل، مَا أَبْرِيذْ إِنُو وَارْ إِدْجِي نِيشَانْ؟ مَا وَارْ دْجِينْ [س ثِيذتّْ] أَقَا إِبْرِيذنْ نْومْ وَارْ سڭّْمنْ؟
EZE 18:26 مَاڒَا إِحيّذْ ؤُمْسڭّذْ خْ ثْسڭْذَا نّسْ ؤُشَا إِتّڭّْ دّدْجْ ؤُ س مَانْ أَيَا أَذْ إِمّثْ، [خنِّي] أَذْ إِمّثْ ذِي دّدْجْ نّسْ نِّي إِڭَّا.
EZE 18:27 [مَاشَا] مَاڒَا إِذْوڒْ-د ؤُعفَّانْ زِي ثْمڭَّا نّسْ ثِيعفَّانِينْ نِّي إِڭَّا ؤُشَا أَذْ إِڭّْ ڒْحقّْ ذ ثْسڭْذَا، [خنِّي] أَذْ يَارّْ ڒعْمَارْ نّسْ أَذْ إِقِّيمْ إِدَّارْ.
EZE 18:28 إِذْوڒْ إِتّْوَاڒَا ؤُشَا إِذْوڒْ-د زِي مَارَّا إِعذِّيينْ نّسْ نِّي إِڭَّا. أَذْ إِدَّارْ س ثِيذتّْ، وَارْ إِتّْمتِّي شَا.
EZE 18:29 إِنِّي زِي ثَادَّارْثْ ن إِسْرَائِيل يَارنَّانْ قَّارنْ: ’أَبْرِيذْ ن سِيذِي وَارْ إِسڭّمْ!‘ مَا إِبْرِيذنْ إِنُو وَارْ سڭّْمنْ، [أَ] ثَادَّارْثْ ن إِسْرَائِيل؟ [ذ ثِيذتّْ] مَا وَارْ دْجِينْ إِبْرِيذنْ نْومْ وَارْ سڭّْمنْ؟“
EZE 18:30 ”س ؤُيَا نشّْ أَذْ خَاومْ شَارّْعغْ، [أَ] ثَادَّارْثْ ن إِسْرَائِيل، كُوڒْ إِجّْ أَنشْثْ إِبْرِيذنْ نّسْ، إِقَّارْ سِيذِي إِنُو، سِيذِي.عقْبمْ، ذوْڒمْ-د زِي مَارَّا إِعذِّيينْ نْومْ، [خنِّي] وَارْ ثتِّيڒِي ڒْمُوعْصِييّثْ نْومْ ذ ثَاعنْكْرِيفْثْ إِ د-يِيوْينْ ڒْمُوعْصِييّثْ إِ كنِّيوْ.
EZE 18:31 نْضَارمْ ڒْمُوعْصِييّثْ نْومْ إِ زِي ثْعدَّامْ. ڭّمْ ؤُڒْ [نْومْ] ذ أَمَايْنُو ؤُ بُوحْبڒْ [نْومْ] ذ أَمَايْنُو. مَاغَارْ إِ غَا ثمّْثمْ، [أَ] ثَادَّارْثْ ن إِسْرَائِيل؟
EZE 18:32 مِينْزِي نشّْ وَارْ أَرْضِيغْ ذِي ڒْموْثْ ن ونِّي إِتّْخصَّا أَذْ إِمُّوثْ، [أَمُّو إِ] إِقَّارْ سِيذِي إِنُو، سِيذِي، ذوْڒمْ-د ؤُشَا دَّارمْ.“
EZE 19:1 ”شكْ [خنِّي]، سْڭعّذْ إِجّْ ن يژْرِي ن وشْضَانْ خْ ڒْحُوكَّامْ ن إِسْرَائِيل
EZE 19:2 ؤُشَا إِنِي: ’مَامّشْ ثُوغَا ثزّڒْ يمَّاثْومْ أَمْ ثيْرَاذْثْ ثزّڒْ جَارْ ثيْرَاذِينْ! ثسّْيمْ إِمژْيَاننْ نّسْ جَارْ وَايْرَاذنْ إِمژْيَاننْ!
EZE 19:3 نتَّاثْ ثسْيمْ إِجّْ زڭْ إِمژْيَاننْ نّسْ. وَانِيثَا إِذْوڒْ ذ أَيْرَاذْ أَمژْيَانْ، إِڒْمذْ أَذْ إِشَارّڭْ ثَايْمَارْثْ نّسْ، عَاذْ إِوْذَانْ إِشَّا إِ-ثنْ.
EZE 19:4 ڒَْامِي سْڒِينْ ڒڭْنُوسْ مَانْ أَيَا، حبّْسنْ ث ذڭْ وحْفُورْ ن ثُورْصُوضِي نْسنْ، ؤُشَا إِوْينْ ث س ثْسنَّارِينْ ذڭْ ونْزَارْ نّسْ غَارْ ثمُّورْثْ ن مِيصْرَا.‘
EZE 19:5 ’ؤُمِي ثژْرَا أَقَا ڒَايَاسْ نّسْ إِرُوحْ، إِبْضڒْ، خنِّي ثكْسِي إِجّنْ زڭْ إِمژْيَاننْ نّسْ، ؤُشَا إِڭَّا إِ-ث ذ أَيْرَاذْ أَمژْيَانْ.
EZE 19:6 وَانِيثَا ثُوغَا إِڭُّورْ جَارْ وَايْرَاذنْ، ؤُشَا إِذْوڒْ ذ أَيْرَاذْ ذ أَمژْيَانْ، إِڒْمذْ أَذْ إِشَارّڭْ ثَايْمَارْثْ نّسْ، عَاذْ إِوْذَانْ إِشَّا إِ-ثنْ.
EZE 19:7 نتَّا إِغْصبْ ثِيجَّاڒْ نْسنْ، يَاردّدْجْ ثِيندَّامْ نْسنْ، أَڒَامِي ثْسُوسمْ ثمُّورْثْ ذ مَارَّا مِينْ ذَايسْ زِي سِّيبّثْ ن ڒْحسّْ ن ؤُزهَّارْ نّسْ.
EZE 19:8 خنِّي سّْبدّنْ خَاسْ ڒڭْنُوسْ زِي ثمُّورَا إِ ذ أَسْ د-إِنّْضنْ ؤُشَا بزّْعنْ خَاسْ ثْرَاشَّا نْسنْ، طّْفنْ ث ذڭْ وحْفُورْ نْسنْ ن ثُورْصُوضِي.
EZE 19:9 نِيثْنِي بلّْعنْ خَاسْ ذڭْ إِجّْ ن ڒقْفزْ س ثْسنَّارِينْ ذڭْ ونْزَارنْ نّسْ، حِيمَا أَذْ ث أَوْينْ غَارْ ؤُجدْجِيذْ ن بَابِيلْ. نِيثْنِي إِوْينْ ث ذِي لْقلْعَاثْ، أَڒَامِي وَارْ إِتّْوَاسڒْ عَاذْ ثْمِيجَّا نّسْ خْ إِذُورَارْ ن إِسْرَائِيل.‘
EZE 19:10 ’ثُوغَا يمَّاشْ أَمْ ثْزَايَارْثْ ذِي ڒْوقْثْ ن أَرَّاحثْ نّشْ، ثتّْوَاژُّو غَارْ وَامَانْ أَطَّاسْ. ثُوغَا س ڒْغِيدْجثْ ؤُ س وَاطَّاسْ ن ثْسضْوِينْ، زِي سِّيبّثْ ن وَاطَّاسْ ن وَامَانْ.
EZE 19:11 ثُوغَا غَارسْ ثِيسضْوِينْ إِجهْذنْ أَمْ إِزدْجَاضْ ن ڒْحُوكَّامْ. ثْرُونْكُو ن يِيجّنْ زَّايسْ إِڭعّذْ جَارْ إِسيْنُوثنْ، ؤُشَا س ڒُوعْڒَا نّسْ إِتّْوَاژَارْ نِيشَانْ، س وَاطَّاسْ ن ڒفْرُوعْ نّسْ.
EZE 19:12 مَاشَا ثَازَايَارْثْ ثتّْوَاقْڒعْ س إِجّْ ن ؤُذُوقّزْ ن وسْعَارْ، ثمّنْضَارْ غَارْ ثمُّورْثْ، ؤُشَا أَسمِّيضْ زِي شَّارْقْ يُوژغْ ڒْغِيدْجثْ نّسْ. أَرْژنْ ؤُشَا ؤُژْغنْ ڒفْرُوعْ نّسْ إِجهْذنْ، ثِيمسِّي ثشَّا إِ-ثنْ.
EZE 19:13 ڒخُّو ژُّونْ ث ذِي  ڒخْڒَا، ذڭْ إِشْثْ ن ثمُّورْثْ يُوژْغنْ ذ إِفُّوذنْ.
EZE 19:14 ثفّغْ-د ثْمسِّي زڭْ إِشْثْ ن ثْسطَّا زِي جَارْ ثْزرْمِينْ نّسْ، ثشَّا ڒْغِيدْجثْ نّسْ، أَڒَامِي وَارْ غَارسْ ثقِّيمْ عَاذْ ثْسطَّا إِجهْذنْ ؤُڒَا ذ أَزدْجَاضْ مَاحنْذْ أَذْ إِحْكمْ.‘ “ وَا ذ إِجّْ ن يژْرِي ن وشْضَانْ ؤُشَا أَذْ إِذْوڒْ ذ إِجّْ ن يژْرِي ن وشْضَانْ [س ثِيذتّْ].
EZE 20:1 ذڭْ ؤُسڭّْوَاسْ وِيسّْ سبْعَا، ذڭْ ؤُيُورْ وِيسّْ خمْسَا، ذڭْ وَاسّْ وِيسّْعشْرَا ن ؤُيُورْ إِمْسَارْ بلِّي ؤُسِينْ-د إِرْيَازنْ زڭْ إِمْغَارنْ ن إِسْرَائِيل، مَاحنْذْ أَذْ سّقْسَانْ سِيذِي، ؤُشَا قِّيمنْ زَّاثِي.
EZE 20:2 يُوسَا-د غَارِي وَاوَاڒْ ن سِيذِي، إِنَّا:
EZE 20:3 ”[أَ] مِّيسْ ن بْنَاذمْ، سِيوڒْ أَكْ-ذ إِمْغَارنْ ن إِسْرَائِيل، ؤُشَا إِنِي أَسنْ: ’أَمُّو إِ إِقَّارْ سِيذِي إِنُو، سِيذِي: مَا ثُوسِيمْ-د مَاحنْذْ أَذْ أَيِي ثسّقْسَامْ؟ س ثِيذتّْ أَمْ دَّارغْ نشّْ، وَارْ كنِّيوْ تّجِّيغْ أَذْ كِيذِي ثمْشَاوَارنْ، [أَمُّو إِ] إِقَّارْ سِيذِي إِنُو، سِيذِي.
EZE 20:4 ’مَا ثخْسذْ أَذْ خَاسنْ ثْحكْمذْ، مَا ثخْسذْ أَذْ [خَاسنْ] ثْحكْمذْ، [أَ] مِّيسْ ن بْنَاذمْ؟ سْشنْ أَسنْ جّْعَايفْ ن ڒجْذُوذْ نْسنْ
EZE 20:5 ؤُشَا إِنِي أَسنْ: أَمُّو إِ إِقَّارْ سِيذِي إِنُو، سِيذِي: ذڭْ وَاسّْ نِّي ذِي إِخْضَارغْ إِسْرَائِيل، سّْڭعّْذغْ نشّْ أَفُوسْ إِنُو، [جُّودْجغْ] إِ زَّارِيعثْ ن ثَادَّارْثْ ن يَاعْقُوبْ ؤُشَا سّشْنغْ إِخفْ نّسْ غَارْسنْ ذِي ثمُّورْثْ ن مِيصْرَا. نشّْ سّْڭعّْذغْ أَفُوسْ إِنُو ذِي طّْوعْ نْسنْ، نِّيغْ: نشّْ ذ سِيذِي، أَربِّي نْومْ.
EZE 20:6 ذڭْ وَاسّْ نِّي سّْڭعّْذغْ أَسنْ أَفُوسْ إِنُو [جُّودْجغْ،] مَاحنْذْ أَذْ ثنْ سُّوفّْغغْ زِي ثمُّورْثْ ن مِيصْرَا غَارْ ثمُّورْثْ نِّي إِخْضَارغْ نشّْ إِ نِيثْنِي، [ثَامُّورْثْ] إِفيّْضنْ س ؤُغِي ذ ثَامّنْثْ، أَقَا-ت ذ ثَالْوِيزْثْ ن مَارَّا ثِيمُّورَا.
EZE 20:7 نِّيغْ أَسنْ: أجّْ كُوڒْ إِجّْ أَذْ إِمّنْضَارْ نّْعَاوَاثْ نّسْ ن لْ-أَصْنَامْ زَّاثْ إِ ثِيطَّاوِينْ نّسْ، إِتّْخصَّا وَارْ سّْخمِّيجنْ نِيثْنِي إِخفْ نْومْ س إِميْضَا ن لْ-أَصْنَامْ ن مِيصْرَا، نشّْ ذ سِيذِي، أَربِّي نْومْ.‘ “
EZE 20:8 ”[مَاشَا] نِيثْنِيغوّْغنْ خَافِي ؤُشَا وَارْ خِيسنْ أَذْ غَارِي د-سْڒنْ. وَارْ نْضَارنْ نّْعَاوَاثْ نْسنْ ن لْ-أَصْنَامْ زَّاثْ إِ ثِيطَّاوِينْ نْسنْ [ؤُ] وَارْ جِّينْ إِميْضَا نْسنْ ن لْ-أَصْنَامْ [نِّي د-إِوْينْ] زِي مِيصْرَا. [خنِّي] نِّيغْ أَذْ خَاسنْ زدْجْعغْ أَسْعَارْ إِنُو مَاحنْذْ أَذْ خَاسنْ كمّْڒغْ لْغَاضَابْ إِنُو ذِي ڒْوسْطْ ن ثمُّورْثْ ن مِيصْرَا.
EZE 20:9 نشّْ ڭِّيغْ ث ذِي طّْوعْ ن يِيسمْ إِنُو أَڒَامِي وَانِيثَا وَارْ إِتّْوَاسّفْسَاذْ زَّاثْ إِ ثِيطَّاوِينْ ن ڒڭْنُوسْ نِّي ثُوغَا زدّْغنْ جَارْ أَسنْ، إِ ؤُمِي سشْنغْ إِخفْ إِنُو زَّاثْ إِ ثِيطَّاوِينْ نْسنْ خْمِي ثنْ سُّوفّْغغْ زِي ثمُّورْثْ ن مِيصْرَا.
EZE 20:10 سُّوفّْغغْ ثنْ-د زِي ثمُّورْثْ ن مِيصْرَا ؤُشَا نذْهغْ ثنْ غَارْ ڒخْڒَا.
EZE 20:11 وْشِيغْ أَسنْ ثِيوصَّا إِنُو ؤُشَا سَّارْڭْبغْ ثنْ خْ لْفَارَايِيضْ  إِنُو إِ زِي غَا إِدَّارْ بْنَاذمْ نِّي زَّايْسنْثْ إِ غَا يڭّْ.
EZE 20:12 وْشِيغْ أَسنْ عَاوذْ ؤُسَّانْ إِنُو ن سّبْثْ مَاحنْذْ أَذْ إِڒِينْ ذ ڒعْڒَامثْ جَارْ أَيِي ذ نِيثْنِي، حِيمَا أَذْ سّْننْ، أَقَا نشّْ ذ سِيذِي ونِّي ثنْ إِسّْقدّْسنْ.
EZE 20:13 [مَاشَا] ثَادَّارْثْ ن إِسْرَائِيل ثْغوّغْ خَافِي ذِي ڒخْڒَا. نِيثْنِي وَارْ ؤُيُورنْ شَا عْلَاحْسَابْ ثِيوصَّا إِنُو ؤُشَا مّنْضَارنْ لْفَارَايِيضْ إِنُو إِ زِي غَا إِدَّارْ بْنَاذنْ نِّي ثنْثْ إِڭِّينْ ؤُشَا نِيثْنِي سّْعِيدْجْثنْ ؤُسَّانْ ن سّبْثْ إِنُو أَڒَامِي نِّيغْ ثُوغَا خْسغْ أَذْ خَاسنْ فَارّْغغْ أَسْعَارْ إِنُو ذِي ڒخْڒَا حِيمَا أَذْ خَاسنْ قْضِيغْ.
EZE 20:14 [مَاشَا] نشّْ ڭِّيغْ ث ذِي طّْوعْ ن يِيسمْ إِنُو، حِيمَا وَانِيثَا وَارْ إِتّْوَاسّْعِيدْجِيثْ شَا زَّاثْ إِ ثِيطَّاوِينْ ن ڒڭْنُوسْ نِّي ثُوغَا إِتّْوَاڒِينْ ؤُمِي سُّوفّْغغْ [ثَادَّارْثْ ن إِسْرَائِيل] زِي [مِيصْرَا].
EZE 20:15 نشّْ سّْڭعّْذغْ أَفُوسْ إِنُو ضِيدّْ نْسنْ ذِي ڒخْڒَا [ؤُشَا جُّودْجغْ] أَقَا وَارْ ثنْ تَّاوْيغْ غَارْ ثمُّورْثْ نِّي ذ أَسنْ وْشِيغْ، ثَامُّورْثْ إِفيّْضنْ س ؤُغِي ذ ثَامّنْثْ، ثنِّي يدْجَانْ ذ ثَالْوِيزْثْ ن مَارَّا ثِيمُّورَا،
EZE 20:16 مِينْزِي نِيثْنِي نْضَارنْ لْفَارَايِيضْ  إِنُو، وَارْ ؤُيُورنْ ذِي ثْوصَّا إِنُو ؤُ سّْعِيدْجْثنْ ؤُسَّانْ إِنُو ن سّبْثْ، مَاغَارْ ؤُڒْ نْسنْ إِضْفَارْ إِميْضَا نْسنْ ن لْ-أَصْنَامْ.
EZE 20:17 [مَاشَا] سمْحغْ أَسنْ ذِي ثِيطَّاوِينْ إِنُو أَڒَامِي نشّْ وَارْ ثنْ أَردّْدْجغْ ؤُ وَارْ خَاسنْ قْضِيغْ ذِي ڒخْڒَا.“
EZE 20:18 ”نشّْ نِّيغْ إِ إِحنْجِيرنْ نْسنْ ذِي ڒخْڒَا: ’وَارْ ڭُّورمْ ذِي ثْوصَّا ن ڒجْذُوذْ نْومْ، وَارْ تّطّْفمْ ذِي لْفَارَايِيضْ نْسنْ ؤُ وَارْ سّْخمِّيجمْ إِخفْ نْومْ س إِميْضَا نْسنْ ن لْ-أَصْنَامْ.
EZE 20:19 نشّْ ذ سِيذِي، أَربِّي نْومْ! ؤُيُورمْ ذِي ثْوصَّا إِنُو ؤُ حْضَامْ لْفَارَايِيضْ إِنُو ؤُشَا ڭّمْ زَّايْسنْثْ.
EZE 20:20 سْقدّْسمْ ؤُسَّانْ إِنُو ن سّبْثْ، [مَاحنْذْ] أَذْ إِڒِينْ ذ ڒعْڒَامثْ جَارْ أَيِي ذ كنِّيوْ، حِيمَا أَذْ ثسّْنمْ بلِّي نشّْ ذ سِيذِي، أَربِّي نْومْ.‘
EZE 20:21 [مَاشَا] عَاذْ أَرَّاوْ [نْسنْ]غوّْغنْ خَافِي: وَارْ ڭُّورنْ ذِي ثْوصَّا إِنُو ؤُ وَارْ حْضِينْ لْفَارَايِيضْ  إِنُو مَاحنْذْ أَذْ ذَايْسنْثْ ؤُيُورنْ، مِينْ زِي بْنَاذمْ نِّي ثنْثْ إِتّڭّنْ أَذْ زَّايْسنْثْ إِدَّارْ. نِيثْنِي سّْعِيدْجْثنْ ؤُسَّانْ إِنُو ن سّبْثْ [أَڒَامِي] نِّيغْ، أَذْ خَاسنْ فَارّْغغْ أَسْعَارْ إِنُو، مَاحنْذْ أَذْ أَسنْ كمّْڒغْ [أَمُّو] أَغْضَابْ إِنُو ذِي ڒخْڒَا.
EZE 20:22 نشّْ أَرِّيغْ-د أَفُوسْ إِنُو [إِ ثُوغَا إِسّْوِيژّْضنْ ضِيدّْ نْسنْ]. ڭِّيغْ ث ذِي طّْوعْ ن يِيسمْ إِنُو، حِيمَا وَارْ إِتّْوَاسّخْمِيجْ [إِسمْ إِنُو] زَّاثْ إِ ثِيطَّاوِينْ نْ ڒڭْنُوسْ، [مَاغَارْ] زَّاثْ إِ ثِيطَّاوِينْ نْسنْ سُّوفّْغغْ ثنْ-د زِي مِيصْرَا.
EZE 20:23 [عَاوذْ] سّْڭعّْذغْ أَفُوسْ إِنُو ذِي ڒخْڒَا، [جُّودْجغْ] أَذْ ثنْ بزّْعغْ جَارْ ڒڭْنُوسْ ؤُ أَذْ ثنْ زُوزَّارغْ ذِي ثمُّورَا،
EZE 20:24 مِينْزِي وَارْ ڭُّورنْ ذِي لْفَارَايِيضْ  إِنُو، [مَاشَا] نْضَارنْ ثِيوصَّا إِنُو ؤُ سّْعِيدْجْثنْ ؤُسَّانْ إِنُو ن سّبْثْ، ؤُ [مِينْزِي] ثِيطَّاوِينْ نْسنْ ضفَّارنْثْ أَوَارْنِي إِ إِميْضَا ن لْ-أَصْنَامْ ن ڒجْذُوذْ نْسنْ.
EZE 20:25 [خنِّي] نشّْ وْشِيغْ أَسنْ ثِيوصَّا وَارْ إِحْڒِينْ ذ لْفَارَايِيضْ إِ زِي وَارْ زمَّارنْ نِيثْنِي أَذْ دَّارنْ.
EZE 20:26 نشّْ سّْخمْجغْ ثنْ س ثوْهِيبِينْ نْسنْ ؤُمِي نِيثْنِي أَرِّينْ مَارَّا مِينْ يَارزْمنْ ڒمْڒَاوثْ [ذ أَمزْوَارُو] أَذْ يكّْ ثِيمسِّي، [ڭِّيغْ ت] حِيمَا أَذْ ثنْ ثحِّيغْ أَڒَامِي غَا سّْننْ أَقَا نشّْ ذ سِيذِي.“
EZE 20:27 ”س ؤُيَا، [أَ] مِّيسْ ن بْنَاذمْ، سِيوڒْ أَكْ-ذ ثَادَّارْثْ ن إِسْرَائِيل، إِنِي أَسنْ: ’أَمُّو إِ إِقَّارْ سِيذِي إِنُو، سِيذِي: ؤُڒَا س مَانْ أَيَا ثُوغَا ڒجْذُوذْ نْومْ تّْشقَّافنْ ذَايِي ؤُمِي ثُوغَا ذَايِيغدَّارنْ أَطَّاسْ.
EZE 20:28 [ڒَْامِي] ثنْ سِّيذْفغْ ذِي ثمُّورْثْ ثنِّي خْ سّْڭعّْذغْ أَفُوسْ إِنُو مَاحنْذْ أَذْ ثنْ ت وْشغْ، خزَّارنْ نِيثْنِي غَارْ كُوڒْ ثَاوْرِيرْثْ يُوعْڒَانْ ؤُ غَارْ وزْغَارْ إِمْشُوبّْشنْ ؤُشَا إِوْينْ ذِينْ ثِيغَارْصَا نْسنْ ؤُ قدّْمنْ ذِينْ ثِيوْهِيبِينْ نْسنْ [إِ ذ أَيِي] سْعَارنْثْ، ؤُ قّذْمنْ ذِينْ أَرِّيحثْ نْسنْ إِتّْفُوحنْ ؤُ سيّْبنْ ذِينْ ثِيوْهِيبِينْ نْسنْ ن ؤُسيّبْ.
EZE 20:29 [خنِّي] نِّيغْ أَسنْ: ’مَانْ ڒْڭعّْذثْ نِّي غَارْ غَا ثْرَاحمْ؟ إِسمْ نّسْ ’بَامَاهْ‘، [إِخْسْ أَذْ يِينِي ’ڒْڭعّْذثْ‘]، أَڒْ أَسّْ-أَ.‘ “
EZE 20:30 ”س ؤُيَا، إِنِي إِ ثَادَّارْثْ ن إِسْرَائِيل: ’أَمُّو إِ إِقَّارْ سِيذِي إِنُو، سِيذِي: مَا [وَارْ] ثسّْخمِّيجمْ كنِّيوْ إِخفْ نْومْ خْ سِيمَانْثْ ن وبْرِيذْ ن ڒجْذُوذْ نْومْ ؤُ [وَارْ] ثسّفْسِيذمْ ؤُڒَا ذ كنِّيوْ إِخفْ نْومْ أَمْ ثْضفَّارَامْ نّْعَاوَاثْ نْسنْ ن لْ-أَصْنَامْ؟
EZE 20:31 أَمْ ثسّْڭعَّاذمْ ثِيوْهِيبِينْ نْومْ، ثسّكَّامْ إِحنْجِيرنْ نْومْ خْ ثْمسِّي ؤُ ثسّْخمَّاجمْ إِخفْ نْومْ س إِميْضَا نْومْ ن لْ-أَصْنَامْ أَڒْ أَسّْ-أَ؟ مَا نشّْ [خنِّي] أَذْ كنِّيوْ جّغْ أَذْ أَيِي ثسّقْسَامْ، [أَ] ثَادَّارْثْ ن إِسْرَائِيل؟ س ثِيذتّْ أَمْ دَّارغْ نشّْ، إِقَّارْ سِيذِي إِنُو، سِيذِي، نشّْ وَارْ تِّيجِّيغْ كنِّيوْ أَذْ أَيِي ثسّقْسَامْ!
EZE 20:32 مِينْ د-إِڭعّْذنْ ذِي بُوحْبڒْ نْومْ، وَارْ إِتِّيڒِي، مِينْ ثقَّارمْ كنِّيوْ: نشِّينْ أَذْ نِيڒِي أَمْ ڒڭْنُوسْ ؤُ أَمْ ڒَادْجَاثْ ن ثمُّورَا ؤُمِي غَا نعْبذْ [صَّانَامْ] ن ؤُكشُّوضْ ذ وژْرُو.
EZE 20:33 س ثِيذتّْ أَمْ دَّارغْ نشّْ، إِقَّارْ سِيذِي إِنُو، سِيذِي: نشّْ أَذْ خَاومْ صلّْطغْ س ؤُفُوسْ إِجهْذنْ ؤُ س ؤُغِيڒْ إِسّْوِيژّْضنْ ؤُ س ؤُفَارّغْ ن وسْعَارْ [إِنُو]!
EZE 20:34 مَاغَارْ نشّْ أَذْ كنِّيوْ سُّوفّْغغْ زِي ڒڭْنُوسْ ؤُشَا أَذْ كنِّيوْ سّْمُونغْ زِي ثمُّورَا مَانِي ذِي ثتّْوَابزّْعمْ كنِّيوْ، س ؤُفُوسْ إِجهْذنْ ذ ؤُغِيڒْ  إِسّْوِيژَّاضنْ ؤُ س ؤُفَارّغْ ن وسْعَارْ [إِنُو].
EZE 20:35 أَذْ كنِّيوْ أَوْيغْ غَارْ ڒخْڒَا ن ڒڭْنُوسْ، ؤُشَا ذِينْ أَذْ كنِّيوْ شَارّْعغْ، ؤُذمْ ذ ؤُذمْ.
EZE 20:36 أَمْ مَامّشْ حكْمغْ خْ ڒجْذُوذْ نْومْ ذِي ڒخْڒَا ن ثمُّورْثْ ن مِيصْرَا، أَمُّو إِ خَاومْ غَا حكْمغْ، إِقَّارْ سِيذِي إِنُو، سِيذِي.
EZE 20:37 أَذْ كنِّيوْ سّكّغْ سَاذُو ؤُزدْجَاذْ [ن ؤُمكْسَاوْ] ؤُشَا أَذْ كنِّيوْ سِّيذْفغْ ذِي تَّارْبِييّثْ ن ڒْعَاهْذْ.
EZE 20:38 نشّْ أَذْ زَّايْومْ زُوزَّارغْ إِمْغوَّاغنْ ذ يِينِّي خَافِي إِتّْعدَّانْ. نشّْ أَذْ ثنْ سُّوفّْغغْ زِي ثمُّورْثْ ن ڒْغُوبِّييثْ نْسنْ مَانِي زدّْغنْ أَمْ يِيبَارَّانِييّنْ، [مَاشَا] وَارْ د-تِّيكّْوِيضنْ شَا غَارْ ثمُّورْثْ ن إِسْرَائِيل. [أَمُّو] إِ غَا ثسّْنمْ بلِّي نشّْ ذ سِيذِي.‘ “
EZE 20:39 ”ؤُشَا كنِّيوْ، [أَ] ثَادَّارْثْ ن إِسْرَائِيل، أَمُّو إِ إِقَّارْ سِيذِي إِنُو، سِيذِي، أجّْ كُوڒْ إِجّْ أَذْ يُويُورْ غَارْ إِميْضَا نّسْ ن لْ-أَصْنَامْ. [مَاشَا] أَوَارْنِي أَسْ أَذْ غَارِي ثسْڒمْ س ثِيذتّْ. [خنِّي] وَارْ ثسّخْسَارَامْ عَاذْ إِسمْ إِنُو س ثوْهِيبِينْ نْومْ ذ إِميْضَا نْومْ ن لْ-أَصْنَامْ.
EZE 20:40 مِينْزِي خْ وذْرَارْ إِنُو إِقدّْسنْ، خْ وذْرَارْ يُوعْڒَانْ ن إِسْرَائِيل، [أَمُّو إِ] إِقَّارْ سِيذِي إِنُو، سِيذِي، ذِينْ أَذْ أَيِي ثْسخَّارْ قَاعْ ثَادَّارْثْ ن إِسْرَائِيل، مَارَّا نِيثْنِي. ذِينْ أَذْ خَاسنْ أَرْضِيغْ ؤُشَا ذِينْ أَذْ تَّارغْ ثِيوْهِيبِينْ نْومْ ن ؤُسْڭعّذْ ؤُڒَا ذ ثْمنْزُوثْ ن مِينْ غَا ثسّْڭعّْذمْ زِي مَارَّا ثِيوْهِيبِينْ نْومْ إِقدّْسنْ.
EZE 20:41 نشّْ أَذْ خَاومْ أَرْضِيغْ زِي سِّيبّثْ ن أَرِّيحثْ إِتّْفُوحنْ خْمِي كنِّيوْ غَا سُّوفّْغغْ زِي ڒڭْنُوسْ ؤُ أَذْ كنِّيوْ سّْمُونغْ زِي ثمُّورَا مَانِي كنِّيوْ زُوزَّارغْ ؤُشَا أَذْ تّْوَاقدّْسغْ زَّايْومْ زَّاثْ إِ-ث ثِيطَّاوِينْ ن ڒڭْنُوسْ
EZE 20:42 ؤُشَا أَذْ ثسّْنمْ بلِّي نشّْ ذ سِيذِي، ڒَامِي كنِّيوْ د-إِوْيغْ عَاوذْ غَارْ ثمُّورْثْ ن إِسْرَائِيل، غَارْ ثمُّورْثْ خْ ثنِّي ؤُمِي سّْوِيژّْضغْ أَفُوسْ إِنُو، [جُّودْجغْ] أَذْ ت وْشغْ إِ ڒجْذُوذْ نْومْ.
EZE 20:43 ذِينْ أَذْ ثِيذَارمْ إِبْرِيذنْ نْومْ ذ مَارَّا ثِيمڭَّا نْومْ نِّي زِي ثسّْخمْجنْ إِخفْ نْومْ ؤُشَا كنِّيوْ أَذْ ثْشَارْهمْ إِخفْ نْومْ زِي سِّيبّثْ ن مَارَّا ثِيمڭَّا نْومْ إِعفّْننْ إِ ثڭِّيمْ.
EZE 20:44 كنِّيوْ أَذْ ثسّْنمْ بلِّي نشّْ ذ سِيذِي، ڒَامِي ڭِّيغْ أَكِيذْومْ ذِي طّْوعْ ن يِيسمْ إِنُو [ؤُشَا] وَارْ إِدْجِي عْلَاحْسَابْ إِبْرِيذنْ نْومْ إِعفّْننْ، [ؤُ وَارْ إِدْجِي] عْلَاحْسَابْ ثِيمڭَّا نْومْ إِغشّنْ، [أَ] ثَادَّارْثْ ن إِسْرَائِيل!‘، [أَمُّو إِ] إِقَّارْ سِيذِي إِنُو، سِيذِي.“
EZE 21:1 يُوسَا-د غَارِي وَاوَاڒْ ن سِيذِي، إِنَّا:
EZE 21:2 ”[أَ] مِّيسْ ن بْنَاذمْ، أڭّْ ؤُذمْ نّشْ غَارْ لْجَانُوبْ، أجّْ [أَوَاڒنْ نّشْ] أَذْ ؤُذُومنْ جِّيهثْ ن لْجَانُوبْ ؤُشَا نَابّْ ضِيدّْ إِ وزْغَارْ ن ييَّارْ ذِي [ثمُّورْثْ ن] لْجَانُوبْ.
EZE 21:3 إِنِي إِ وزْغَارْ ن [ثمُّورْثْ ن] لْجَانُوبْ: ’سڒْ إِ وَاوَاڒْ ن سِيذِي: أَمُّو إِ إِقَّارْ سِيذِي إِنُو، سِيذِي: خْزَارْ، نشّْ أَذْ سَّارْغغْ ذَايمْ إِشْثْ ن ثْمسِّي، ثنِّي إِ غَا إِشّنْ كُوڒْ ثَاشجَّارْثْ ثَازِيزَاوْثْ ؤُ كُوڒْ ثَاشجَّارْثْ يُوژْغنْ. أَشعَّاڒْ ن ڒْعابُوقْ وَارْ إِتّْوَاخسِّي ؤُ س ؤُيَا أَذْ تّْوَاشمْضنْ مَارَّا إِغمْبَابْ زِي لْجَانُوبْ أَڒْ شَّامَالْ
EZE 21:4 ؤُشَا مَارَّا إِوْذَانْ ذ ڒْمَاڒْ أَذْ ژَترنْ أَقَا نشّْ، سِيذِي، ذ ونِّي إِسَّارْغنْ [ثِيمسِّي]. وَارْ ثتّْوَاخسِّي شَا.‘
EZE 21:5 نِّيغْ نشّْ: ’أَ، سِيذِي إِنُو، سِيذِي، عَاذْ نِيثْنِي قَّارنْ خَافِي: ’مَا وَارْ إِسِّيوڒْ نتَّا س ثْحُوجَا ن ثْوَافِيثْ [وَاهَا]؟‘!“
EZE 21:6 يُوسَا-د غَارِي وَاوَاڒْ ن سِيذِي، إِنَّا:
EZE 21:7 ”[أَ] مِّيسْ ن بْنَاذمْ، أڭّْ ؤُذمْ نّشْ غَارْ ؤُرْشَالِيمْ، أجّْ [أَوَاڒنْ نّشْ] أَذْ ؤُذُومنْ ضِيدّْ إِ ثْزَاوِييِّينْ إِقدّْسنْ ؤُشَا نَابّْ ضِيدّْ إِ ثمُّورْثْ ن إِسْرَائِيل.
EZE 21:8 إِنِي إِ ثمُّورْثْ ن إِسْرَائِيل: ’أَمُّو إِ إِقَّارْ سِيذِي إِنُو، سِيذِي: خْزَارْ، أَقَا غَارمْ، نشّْ أَذْ د-جبْذغْ سِّيفْ إِنُو زڭْ ؤُفُورُّو ن وغْڒَافْ نّسْ ؤُشَا أَذْ قضْعغْ أَمْ ؤُمْسڭّذْ أَمْ ؤُعفَّانْ.
EZE 21:9 مِينْزِي أَذْ قضْعغْ أَمْ ؤُمْسڭّذْ أَمْ ؤُعفَّانْ زِي ڒْوسْطْ نّمْ، س ؤُيَا أَذْ د-إِفّغْ سِّيفْ إِنُو زڭْ ؤُفُورُّو ن وغْڒَافْ نّسْ، ضِيدّْ إِ مَارَّا [إِنِّي غَارْسنْ أَرِّيمثْ ن] ويْسُومْ، زِي لْجَانُوبْ أَڒْ شَّامَالْ،
EZE 21:10 ؤُشَا مَارَّا [إِنِّي غَارْسنْ أَرِّيمثْ ن] ويْسُومْ أَذْ سّْننْ، بلِّي نشّْ، سِيذِي، جبْذغْ سِّيفْ إِنُو زڭْ ؤُفُورُّو ن وغْڒَافْ.عمَّارْصْ وَارْ [غَارسْ] د-إِذِّيكّْوِيڒْ.‘ “
EZE 21:11 ”[مَاشَا] شكْ، [أَ] مِّيسْ ن بْنَاذمْ، سْغُونْفَا، سْغُونْفَا زَّاثْ إِ ثِيطَّاوِينْ نْسنْ س ثجْعِينَّاثِينْ تّْوَارْژنْثْ ذ ثَارْزُوڭِي.
EZE 21:12 أَذْ إِمْسَارْ خْمِي ذ أَشْ إِ غَا إِنِينْ: ’مَاغَارْ ثسّْغُونْفِيذْ [أَمُّو]؟‘، أَقَا شكْ أَذْ ثِينِيذْ: ’زِي سِّيبّثْ ن مِينْ سْڒِيغْ، مَاغَارْ أَذْ د-يَاسْ ؤُشَا كُوڒْ ؤُڒْ أَذْ إِفْسِي ؤُ مَارَّا إِفَاسّنْ أَذْ هيّْفنْ ؤُ مَارَّا بُوحْبڒْ أَذْ يَارْخُو ؤُ مَارَّا إِفَادّنْ أَذْ أَرْذْبنْ أَمْ وَامَانْ. خْزَارْ، أَذْ د-يَاسْ ؤُشَا أَذْ يِيڒِي، [أَمُّو إِ] إِقَّارْ سِيذِي إِنُو، سِيذِي.‘ “
EZE 21:13 يُوسَا-د غَارِي وَاوَاڒْ ن سِيذِي، إِنَّا:
EZE 21:14 ”[أَ] مِّيسْ ن بْنَاذمْ، نَابّْ ؤُشَا إِنِي: ’أَمُّو إِ إِقَّارْ سِيذِي إِنُو، سِيذِي!‘ ؤُشَا إِنِي: ’سِّيفْ، سِّيفْ، أَقَا إِتّْوَاسّقْضعْ ؤُ إِتّْوَاسُّويْذَا.
EZE 21:15 إِتّْوَاسّقْضعْ مَاحنْذْ أَذْ إِغَارْصْ ثِيغَارْصَا، إِتّْوَاسُّويْذَا مَاحنْذْ أَذْ إِللّشْ.‘ نِيغْ إِتّْخصَّا إِ نشِّينْ أَذْ نْفَارّحْ، أَذْ نِينِي: ’أَزدْجَاضْ ن ڒحْكَامثْ ن مِّي إِسّحْقَارْ كُوڒْ أَكشُّوضْ نّغْنِي؟‘
EZE 21:16 ’إِمّوْشْ مَاحنْذْ أَذْ إِتّْوَاسُّويْذَا، مَاحنْذْ أَذْ ث طّْفنْ ذڭْ ؤُفُوسْ. سِّيفْ إِتّْوَاقْضعْ ؤُ إِتّْوَاسُّويْذَا، مَاحنْذْ أَذْ إِتّْوَاڭّْ ذڭْ ؤُفُوسْ ن ؤُقتَّاڒْ.
EZE 21:17 سْغُويّْ ؤُشَا ثْرُوذْ، أَ مِّيسْ ن بْنَاذمْ، مَاغَارْ أَذْ يِيڒِي خْ ڒْڭنْسْ إِنُو، أَذْ يِيڒِي خْ مَارَّا ڒْحُوكَّامْ ن إِسْرَائِيل. أَقَا مّوْشنْ إِ سِّيفْ مُوننْ أَكْ-ذ ڒْڭنْسْ إِنُو. س ؤُيَا، وّثْ خْ ثْمصَّاضْثْ نّشْ.‘
EZE 21:18 ’وَاهْ، سِّيفْ إِتّْوَاقدْجبْ. مَاشَا مَانَا، مَاڒَا أَزدْجَاضْ نِّي إِسّحْقَارنْ مَارَّا أَكشُّوضْ وَارْ د-إِتِّيڒِي عَاذْ؟‘، [أَمُّو إِ] إِقَّارْ سِيذِي إِنُو، سِيذِي.
EZE 21:19 ’شكْ، أَ مِّيسْ ن بْنَاذمْ، نَابّْ، ؤُشَا وّثْ إِفَاسّنْ إِجّْ ذڭْ ونّغْنِي، مَاغَارْ سِّيفْ أَذْ إِوّثْ ثْنَاينْ، وَاهْ، ثْڒَاثَا ن إِمُورنْ. أَقَا-ث ذ سِّيفْ ن يِينِّي إِتّْوَانْغنْ، سِّيفْ ن ؤُمقّْرَانْ نِّي إِتّْوَانغْ، سِّيفْ نِّي غَارْسنْ إِتَّاذْفنْ،
EZE 21:20 حِيمَا خنِّي ؤُڒْ أَذْ إِفْسِي ؤُشَا أَذْ مَّارنْينْثْ ثْعنْكْرِيفِينْ. ڒقْضعْ ن سِّيفْ ڭِّيغْ ث خْ مَارَّا ثِيوُّورَا نْسنْ. أَيْ، أَقَا سِّيفْ إِوْجذْ مَاحنْذْ أَذْ إِللّشْ، أَقَا إِتّْوَاجبّْ-د زڭْ ؤُفُورُّو ن وغْڒَافْ مَاحنْذْ أَذْ إِغَارْصْ.
EZE 21:21 سْمُونْ جّهْذْ نّشْ، قسّْ غَارْ ؤُفُوسِي، بدّْ، قسّْ غَارْ ؤُزڒْمَاضْ، أَرّْ ڒقْضعْ نّشْ مَانِي مَا ثخْسذْ.‘
EZE 21:22 ’ؤُڒَا ذ نشّْ أَذْ وْثغْ إِفَاسّنْ إِنُو إِجّْ ذڭْ ونّغْنِي ؤُشَا أَذْ سَّاريّْحغْ أَسْعَارْ إِنُو. نشّْ، سِيذِي، أَقَا سِّيوْڒغْ.‘ “
EZE 21:23 يُوسَا-د غَارِي وَاوَاڒْ ن سِيذِي، إِنَّا:
EZE 21:24 ”شكْ، [أَ] مِّيسْ ن بْنَاذمْ، أڭّْ ثْنَاينْ ن إِبْرِيذنْ زِي مَانِي د غَا يَاسْ سِّيفْ ن ؤُجدْجِيذْ ن بَابِيلْ. زڭْ إِشْثْ ن ثمُّورْثْ أَذْ فّْغنْ نِيثْنِي س ثْنَاينْ إِذْسنْ. نْقشْ إِجّْ ن ؤُشِييَّارْ غَارْ [ؤُ]بطُّو ن وبْرِيذْ، نْقشْ [إِ-ث] غَارْ [ؤُ]بطُّو ن وبْرِيذْ غَارْ ثنْذِينْثْ.
EZE 21:25 أَذْ ثْنيّْشذْ أَبْرِيذْ س مَانِيسْ د غَا يَاسْ سِّيفْ غَارْ رَابَّا ن أَيْثْ ن عَامُّونْ ؤُ غَارْ يَاهُوذَا أَڒْ ذَاخڒْ ذِي ثنْذِينْثْ إِتّْوَاسّْجهْذنْ: ؤُرْشَالِيمْ.
EZE 21:26 مِينْزِي أَجدْجِيذْ ن بَابِيلْ أَذْ إِبدّْ غَارْ مَانِي فَارْقنْ إِبْرِيذنْ، غَارْ [ؤُ]بدُّو ن ثْنَاينْ ن إِبْرِيذنْ نِّي مَاحنْذْ أَذْ إِعزّمْ. أَذْ إِزّرْزْ فْڒِيثْشَاثْ ن ڒْقوْصْ، أَذْ إِسّقْسَا ڒخْيَاڒَاثْ ن لْ-أَصْنَامْ، أَذْ إِخْزَارْ ثْسَا.
EZE 21:27 ذڭْ ؤُفُوسْ نّسْ ؤُفُوسِي يُوسَا-د وشْثَابْ ن ’ؤُرْشَالِيمْ!‘، مَاحنْذْ أَذْ [ذِينْ] يڭّْ ڒقْشُوعْ ن وذْهَامْ، مَاحنْذْ أَذْ يَارْزمْ أَقمُّومْ [نّسْ] س إِغُويَّانْ ن ونْغِي، مَاحنْذْ أَذْ إِسّْڭعّذْ ثْمِيجَّا [نّسْ] س إِغُويَّانْ [ن ؤُمنْغِي]، مَاحنْذْ أَذْ إِڭّْ ڒقْشُوعْ ن وذْهَامْ ضِيدّْ إِ ثوُّورَا، مَاحنْذْ أَذْ يڭّْ أَشْبَارْ، مَاحنْذْ أَذْ إِڭّْ لْبَارَاجَاثْ.
EZE 21:28 مَاشَا مَانْ أَيَا أَذْ غَارْسنْ يِيڒِي أَمْ ؤُڭزّنْ إِغشّنْ ذِي ثِيطَّاوِينْ نْسنْ، [مَاغَارْ نِيثْنِي] أَقَا غَارْسنْ ثِيجَادْجَاثِينْ إِمثْننْ، [مَاشَا] نتَّا أَذْ إِسّعْقڒْ خْ ڒْمُوعْصِييّثْ نْسنْ، مَاحنْذْ أَذْ تّْوَاطّْفنْ [نِيثْنِي].“
EZE 21:29 ”س ؤُيَا، أَمُّو إِ إِقَّارْ سِيذِي إِنُو سِيذِي: ’مِينْزِي ثسّعْقِيڒمْ خْ ڒْمُوعْصِييّثْ نْومْ ؤُمِي إِعذِّيينْ نْومْ تّْبَاننْ نِيشَانْ، خْمِي تّْوَاژَارّنْ دّْنُوبْ نْومْ س مَارَّا مِينْ ثتّڭّمْ، [وَاهْ،] مِينْزِي ثْسّعْقِيڒمْ [خْ ڒْمُوعْصِييّثْ نْومْ]، [س ؤُيَا] أَذْ كنِّيوْ طّْفنْ س ؤُفُوسْ.‘
EZE 21:30 ؤُ شكْ، أَعفَّانْ إِيزّْمنْ إِ ڒْموْثْ، [شكْ،] [أَ] ڒْحَاكمْ ن إِسْرَائِيل، ونِّي أَسّْ نّسْ أَذْ د-يَاسْ ذِي ڒْوقْثْ ن ڒحْسَابْ أَنڭَّارُو ن ڒْمُوعْصِييّثْ،
EZE 21:31 أَمُّو إِ [ذ أَشْ] إِقَّارْ سِيذِي إِنُو، سِيذِي: ’كّسْ أَرژّثْ نِّي، كّسْ تَّاجْ نِّي. [أَمُّو] وَارْ إِتِّيڒِي عَاذْ. مِينْ إِسّهْوَانْ، أَذْ إِتّْوَاسُّوعْڒَا، ؤُ مِينْ إِسُّوعْڒَانْ، أَذْ د-إِتّْوَاسّهْوَا.
EZE 21:32 أَذْ أَرّغْ أَيَا ذ ڒْخَارْبثْ، ذ ڒْخَارْبثْ، [وَاهْ،] أَذْ ث أَرّغْ ذ ڒْخَارْبثْ. [مَاشَا] [مَارَّا] أَيَا وَارْ إِتّْغِيمِي عَاذْ، [مْغِيرْ] أَڒْ د غَا يَاسْ ونِّي غَارْ إِدْجَانْ ڒْحقّْ ؤُشَا نشّْ أَذْ أَسْ ث وْشغْ.‘ “
EZE 21:33 ”ؤُ شكْ، [أَ] مِّيسْ ن بْنَاذمْ، نَابّْ ؤُشَا إِنِي: ’أَمُّو إِ إِقَّارْ سِيذِي إِنُو، سِيذِي، خْ أَيْثْ نْ عَامُّونْ ؤُ خْ ؤُسحْقَارْ نْسنْ!‘ إِنِي: ’سِّيفْ، سِّيفْ إِتّْوَاجبْذْ-د، إِتّْوَاسُّويْذَا مَاحنْذْ أَذْ يشّْ، مَاحنْذْ أَذْ إِللّشْ، ...
EZE 21:34 - وَاخَّا نِيثْنِي تّْوَاڒَانْ إِ شكْ إِجّْ ن ڒوْحِييْ وَارْ إِدْجِينْ، وَاخَّا نِيثْنِي تّْڭزّْننْ إِ شكْ إِجّْ ن ؤُڭزّنْ إِسّْخَارِّيقنْ - ... أَقَا سِّيفْ إِتّْوَاجبْذْ-د مَاحنْذْ أَذْ شكْ يَارّْ غَارْ إِرَاونْ ن إِعفَّاننْ إِتّْوَاسّْنُوقّْبنْ نِّي زِي د-يُوسَا وَاسّْ نْسنْ ذِي ڒْوقْثْ ن ڒحْسَابْ أَنڭَّارُو ن ڒْمُوعْصِييّثْ.
EZE 21:35 أَرّْ سِّيفْ غَارْ ؤُفُورُّو ن وغْڒَافْ نّسْ. ذڭْ ومْشَانْ مَانِي د-ثتّْوَاخڒْقذْ، ذِي ثمُّورْثْ ن لْ-أَصلْ نّشْ أَذْ شكْ حكْمغْ.
EZE 21:36 أَذْ خَاكْ زدْجْعغْ وسْخضْ إِنُو. س ثْمسِّي ن ؤُذُوقّزْ إِنُو ن ؤُفُوڭمْ أَذْ خَاكْ سُوضغْ ؤُشَا أَذْ شكْ ڭّغْ ذڭْ ؤُفُوسْ ن أَيْثْ ن بُو -غزُّو نِّي إِسّْننْ أَذْ ذدْجنْ.
EZE 21:37 أَذْ ثِيڒِيذْ ذ مَاشَّا إِ ثْمسِّي، إِذَامّنْ نّشْ أَذْ ثنْ سِّيزّْڒنْ ذِي ڒْوسْطْ ن ثمُّورْثْ. وَارْ ثتِّيڒِي قَاعْ ڒِيذَارثْ ذَايكْ، مَاغَارْ نشّْ، سِيذِي، أَقَا سِّيوْڒغْ.‘ “
EZE 22:1 يُوسَا-د غَارِي وَاوَاڒْ ن سِيذِي، إِنَّا:
EZE 22:2 ”شكْ، [أَ] مِّيسْ ن بْنَاذمْ، مَا ثخْسذْ أَذْ ثْحكْمذْ، مَا ثخْسذْ أَذْ ثْحكْمذْ خْ ثنْذِينْثْ ن إِذَامّنْ؟ سْشنْ أَسْ [خنِّي] جّْعَايفْ نّسْ،
EZE 22:3 إِنِي: ’أَمُّو إِ إِقَّارْ سِيذِي إِنُو، سِيذِي: [شمْ]، [أَ] ثَانْذِينْثْ، ثنِّي إِسِّيزّْڒنْ إِذَامّنْ ذِي ڒْوسْطْ نّسْ، أَڒَامِي د-ثِيوضْ ڒْوقْثْ نّسْ، [أَ] ثَانْذِينْثْ، ثنِّي إِڭِّينْ إِميْضَا ن لْ-أَصْنَامْ خْ يِيخفْ نّسْ مَاحنْذْ أَذْ زَّايْسنْ ثسّخْمجْ إِخفْ نّسْ!
EZE 22:4 س إِذَامّنْ نِّي ثسِّيزّْڒذْ، ثْذوْڒذْ س ؤُمَارْوَاسْ ؤُ س إِميْضَا نّمْ ن لْ-أَصْنَامْ نِّي ثڭِّيذْ، أَقَا ثسّْخمْجذْ إِخفْ نّمْ، ثسِّيوْضذْ ؤُسَّانْ نّمْ ؤُشَا ثْرهّْڭذْ أَڒْ إِسڭّْوُوسَا نّمْ. خْ ؤُيَا وْشِيغْ شمْ إِ ڒڭْنُوسْ إِ ؤُسحْقَارْ ؤُ إِ ثمُّورَا إِ ؤُسْثهْزِي.
EZE 22:5 إِنِّي يُوذْسنْ ذ يِينِّي إِڭّْوجنْ أَذْ زَّايمْ سْثهْزَانْ: [‘شمْ، أَ] ثَامخْمُوجْثْ ن يِيسمْ، [شمْ، ثنِّي] إِشُّورنْ س ؤُصدّعْ!
EZE 22:6 خْزَارْ، ڒْحُوكَّامْ ن إِسْرَائِيل ثُوغَا أَثنْ ذَايمْ، كُوڒْ إِجّْ خْ ڒحْسَابْ جّهْذْ نّسْ، مَاحنْذْ أَذْ سِيزّْڒنْ إِذَامّنْ.
EZE 22:7 سّحْقَارنْ بَابَاثْسنْ ذ يمَّاثْسنْ ذَايمْ، ڭِّينْ س ؤُغِيڒْ أَكْ-ذ ؤُبَارَّانِي ذِي ڒْوسْطْ نّمْ، حْصَارنْ أَيُوجِيڒْ ذ ثَاجَّاتْشْ إِ ذَايمْ.
EZE 22:8 مِينْ إِدْجَانْ إِقدّْسنْ إِ نشّْ، أَقَا ثسّحْقَارذْ ث، ؤُشَا ؤُسَّانْ ن سّبْثْ إِنُو ثسّْعِيدْجْثذْ إِ-ثنْ.
EZE 22:9 إِمْشقَّافنْ ثُوغَا أَثنْ ذَايمْ مَاحنْذْ أَذْ سِّيزْڒنْ إِذَامّنْ. نِيثْنِي قِّيمنْ شِّينْ خْ إِذُورَارْ نِّي [ذِينِّي] غَارمْ، أَقَا ڭِّينْ ڒفْضِيحثْ ذِي ڒْوسْطْ نّمْ.
EZE 22:10 نِيثْنِي سّْعَارَّانْ ڒْعَارْ ن بَابَامْ نِّي ذِينْ غَارمْ، ؤُ ثنِّي ثُوغَا ثخْمجْ ؤُمِي خَاسْ إِذَامّنْ، أَقَاغصْبنْ ت ذَايمْ.
EZE 22:11 إِجّنْ إِڭَّا نّْعِي أَكْ-ذ ثْمطُّوثْ ن وَاجَّارْ نّسْ، ؤُشَا إِجّنْ نّغْنِي إِسّخْمجْ ثَامْغَارْثْ ن مِّيسْ، [إِتّڭّْ] ڒفْضِيحثْ [أَكِيذسْ]، ؤُشَا [عَاوذْ] إِجّنْ نّغْنِي إِغْصبْ ؤُتْشْمَاسْ، يدْجِيسْ ن بَابَاسْ، [ذِينْ] غَارمْ.
EZE 22:12 أَقَا طّْفنْ ذِينْ غَارمْ أَرّشْوثْ، مَاحنْذْ أَذْ سِّيزّْڒنْ إِذَامّنْ، ثكْسِيذْ أَرِّيبَا ذ أَرْبحْ ؤُشَا ثْبعّْجذْ أَجَّارْ نّشْ س ؤُغِيڒْ، مَاشَا ثتُّوذْ أَيِي!‘، [أَمُّو إِ] إِقَّارْ سِيذِي إِنُو، سِيذِي.“
EZE 22:13 ”خْزَارْ، وْثِيغْ إِفَاسّنْ إِنُو إِجّْ ذڭْ ونّغْنِي زِي سِّيبّثْ ن ؤُبعّجْ إِ ثڭِّيذْ ؤُ زِي سِّيبّثْ ن إِذَامّنْ نِّي إِسِّيزّْڒنْ ذِي ڒْوسْطْ نّمْ.
EZE 22:14 مَا أَذْ إِقِّيمْ ؤُڒْ نّمْ إِمْثنْ؟ مَا أَذْ إِڒِينْ إِفَاسّنْ نّمْ جهْذنْ ذڭْ وُوسَّانْ نِّي ذِي غَا ڭّغْ [مِينْ إِدْجَانْ] ضِيدّْ نّمْ. نشّْ، سِيذِي، أَقَا سِّيوْڒغْ ؤُشَا أَذْ ث ڭّغْ.
EZE 22:15 أَذْ شمْ زُوزَّارغْ جَارْ ڒڭْنُوسْ، أَذْ شمْ بزّْعغْ خْ ثمُّورَا، ؤُ أَذْ كمّْڒغْ ثَاخْمُوجِي نّمْ قَاعْ.
EZE 22:16 [أَمُّو] إِ غَا ثتّْوَاسّْعِيدْجْثذْ زڭْ يِيخفْ نّمْ زَّاثْ إِ ثِيطَّاوِينْ ن ڒڭْنُوسْ ؤُ شمْ أَذْ ثسّْنذْ بلِّي نشّْ ذ سِيذِي.“
EZE 22:17 يُوسَا-د غَارِي وَاوَاڒْ ن سِيذِي، إِنَّا:
EZE 22:18 ”[أَ] مِّيسْ ن بْنَاذمْ، إِنِّي ن ثَادَّارْثْ ن إِسْرَائِيل ذوْڒنْ أَيِي أَمْ كُوفُّو. مَارَّا نِيثْنِي ذوْڒنْ ذ نّْحَاسْ ذ إِسْثَانْيُو ذ وُوزَّاڒْ ذ ڒخْفِيفْ ذِي ڒْوسْطْ ن ثفْقُونْثْ، أَقَا أَثنْ ذوْڒنْ كُوفُّو ن نُّوقَارْثْ.“
EZE 22:19 ”س ؤُيَا، أَمُّو إِ إِقَّارْ سِيذِي إِنُو، سِيذِي، مِينْزِي مَارَّا كنِّيوْ ثْذوْڒمْ أَمْ كُوفُّو، س ؤُيَا، خْزَارْ، نشّْ أَذْ كنِّيوْ سّْمُونغْ ذِي  ؤُرْشَالِيمْ.
EZE 22:20 أَخْمِي يَارْونْ نّْحَاسْ ذ إِسْثَانْيُو ذ وُوزَّاڒْ ذ ڒخْفِيفْ ذِي ثفْقُونْثْ، حِيمَا أَذْ خَاسنْ شعّْڒنْ ثِيمسِّي مَاحنْذْ أَذْ سّْفسْينْ مَانْ أَيَا [مَارَّا]، أَمُّو إِ [كنِّيوْ] غَا سّْمُونغْ ذڭْ وغْضَابْ إِنُو ؤُ ذڭْ وسْعَارْ إِنُو. أَذْ كنِّيوْ سَّارْسغْ ذِينِّي ؤُشَا أَذْ كنِّيوْ سّْفسْيغْ.
EZE 22:21 نشّْ أَذْ كنِّيوْ سّْمُونغْ ؤُشَا أَذْ خَاومْ سُوضغْ س ثْمسِّي ن ؤُذُوقّزْ إِنُو [ن ؤُفُوڭمْ] أَڒَامِي كنِّيوْ أَذْ ثتّْوَافسْيمْ ذِي ڒْوسْطْ نّسْ.
EZE 22:22 أَخْمِي سّْفسْينْ نُّوقَارْثْ ذِي ثفْقُونْثْ، أَمُّو إِ غَا ثتّْوَاسّْفسْيمْ كنِّيوْ ذَايسْ ؤُشَا أَذْ ثسّْنمْ أَقَا نشّْ، سِيذِي، سّْفَارْغغْ خَاومْ أَسْعَارْ إِنُو.“
EZE 22:23 يُوسَا-د غَارِي وَاوَاڒْ ن سِيذِي، إِنَّا:
EZE 22:24 ”[أَ] مِّيسْ ن بْنَاذمْ، إِنِي إِ [ثمُّورْثْ]: ’شمْ ذ إِشْثْ ن ثمُّورْثْ إِ وَارْ إِتّْوَاسِّيزْذِيڭنْ، [إِشْثْ ن ثمُّورْثْ] إِ وَارْ إِتّْوَاسُوفّنْ س ونْژَارْ إِجهْذنْ ذڭْ وَاسّْ ن وسْخضْ.
EZE 22:25 أَقَا ذِينْ إِشْثْ ن ثْمعْمُوتْشْ ن إِنَابِييّنْ [نّسْ] ذِي ڒْوسْطْ نّسْ. أَمْ ويْرَاذْ إِزهَّارنْ إِسَارْضْ ثَايْمَارْثْ نّسْ، [أَمُّو إِ] شِّينْ نِيثْنِي ڒعْمُورْ. كّْسنْ [مِينْ إِدْجَانْ ذ] ثَاخَابشْثْ ذ مِينْ إِغْڒَانْ. نِيثْنِي أَرْنِينْ ثِيجَّاڒْ نّسْ ذِي ڒْوسْطْ نّسْ.
EZE 22:26 إِكهَّاننْ نْسنْ سّْعِيدْجِيثنْ شَّارِيعَا إِنُو ؤُشَا سّْخمَّاجنْ ثِيمسْڒَايِينْ إِنُو إِقدّْسنْ. نِيثْنِي وَارْ فَارّْزنْ شَا جَارْ مِينْ إِقدّْسنْ ذ مِينْ إِتّْوَاسّْعِيدْجْثنْ، وَارْ سّْشَانَانْ شَا لْفَارْقْ جَارْ مِينْ إِخمْجنْ ذ مِينْ إِزْذِيڭنْ ؤُشَا تّْبلَّاعنْ ؤُڒَا ذ ثِيطَّاوِينْ نْسنْ إِ وُوسَّانْ إِنُو ن سّبْثْ ؤُشَا [أَمُّو] تّْوَاسّْعِيدْجِيثغْ ذِي ڒْوسْطْ نْسنْ.
EZE 22:27 ڒْحُوكَّامْ نّسْ ذِي ڒْوسْطْ نّسْ ڭِّينْ أَمْ وُوشَّاننْ نِّي إِشَارّْڭنْ ثَايْمَارْثْ مَاحنْذْ أَذْ سِّيزّْڒنْ إِذَامّنْ ؤُ مَاحنْذْ أَذْ أَردّْدْجنْ ڒعْمُورْ، حِيمَا أَذْ طّْفنْ أَرْبحْ وَارْ إِحْڒِينْ.
EZE 22:28 إِنَابِييّنْ نّسْ ذْڒِينْ ثنْ س جِّيڒْ يُوژْغنْ. نِيثْنِي تّْوَاڒَانْ إِوحَّانْ وَارْ إِدْجِينْ ؤُشَا سَّاوَاڒنْ غَارْسنْ س ثْڭزَّانْثْ إِسّْخَارِّيقنْ. نِيثْنِي قَّارنْ: أَمُّو إِ إِقَّارْ سِيذِي إِنُو، سِيذِي!، [أَمْ] سِيذِي ثُوغَا وَارْ إِنِي وَالُو.
EZE 22:29 ڒْڭنْسْ ن ثمُّورْثْ إِڭَّا بزّزْ [خْ إِوْذَانْ] س ڒخْشُونثْ، كشّْضنْ ثَاكشَّاضْثْ، حصَّارنْ ڒْمسْكِينْ ذ ؤُمزْڒُوضْ، ؤُشَا ذدْجنْ أَبَارَّانِي بْڒَا مَا [غَارْسنْ يِيڒِي] ڒْحقّْ.
EZE 22:30 أَرْزُوغْ جَارْ أَسنْ إِجّْ ن ورْيَازْ نِّي إِ غَا إِسّْبدّنْ إِجّْ ن ڒْحِيضْ ؤُشَا أَذْ إِبدّْ ذِي ثَازِّيثْ ذِي طّْوعْ ن ثمُّورْثْ أَڒَامِي وَارْ ت تَّارذْدْجغْ، مَاشَا وَارْ ث ؤُفِيغْ.
EZE 22:31 [خَاسْ ؤُشَا] سّْفَارْغغْ خَاسنْ أَسْخضْ إِنُو. س ثْمسِّي ن ؤُذُوقّزْ إِنُو [ن ؤُفُوڭمْ] قْضِيغْ خَاسنْ، أَبْرِيذْ نْسنْ أَرِّيغْ ث خْ ؤُزدْجِيفْ نْسنْ!‘، [أَمُّو إِ] إِقَّارْ سِيذِي إِنُو، سِيذِي.‘ “
EZE 23:1 يُوسَا-د غَارِي وَاوَاڒْ ن سِيذِي، إِنَّا:
EZE 23:2 ”[أَ] مِّيسْ ن بْنَاذمْ، ثُوغَا [ذِينْ] ثْنَاينْ ن ثمْغَارِينْ، يسِّيسْ ن إِشْثْ ن ثمْغَارْثْ.
EZE 23:3 نِيثنْثِي سّْفسْذنْثْ إِخفْ نْسنْ ذِي مِيصْرَا، ذِي ثمْژِي نْسنْثْ سّْفسْذنْثْ إِخفْ نْسنْثْ. ذِينْ ثُوغَاعبْزنْثْ ذڭْ إِذْمَارنْ نْسنْثْ ؤُشَا ذِينْ حَاذَانْ إِبَّاشْ نْسنْثْ إِعُوزْرْينْ.
EZE 23:4 إِسْمَاونْ نْسنْثْ ثُوغَا ؤُهُولَا، ثَامقّْرَانْثْ نْسنْثْ، ذ ؤُتْشْمَاسْ ؤُهُولِيبَا. نِيثنْثِي ذوْڒنْثْ إِنُو ؤُشَا ؤُرْونْثْ إِحنْجِيرنْ ذ ثْحنْجِيرِينْ. إِنَا ذ إِسْمَاونْ نْسنْثْ: سَامَارْيَا ذ ؤُهُولَا، ؤُ ؤُرْشَالِيمْ ذ ؤُهُولِيبَا.
EZE 23:5 ؤُهُولَا ثسّفْسذْ إِخفْ نّسْ غَارِي ؤُ ثعْشقْ إِنِّي ت إِتّخْسنْ، أَيْثْ ن أَشُّورْ، جِّيرَانْ [نّسْ]،
EZE 23:6 [إِرْيَازنْ] نِّي أَرْضنْ أَرُّوضْ أَذحْمِي، لْوُولَاثْ ذ إِمْضبَّارنْ، مَارَّا إِحُوذْرِييّنْ إِشنّْعنْ، إِمْنَاينْ نِّي ينْيِينْ س ؤُيِيسْ.
EZE 23:7 س فَارْقْ-شّْغڒْ نّسْ ثوْشَا إِخفْ نّسْ إِ نِيثْنِي، غَارْ ڒمْخيَّارْ ن أَيْثْ ن أَشُّورْ، غَارْ مَارَّا نِيثْنِي ؤُشَا نتَّاثْ ثتّْوَاسّخْمجْ س مَارَّا وِي ثتّخْسْ، س مَارَّا إِميْضَا نْسنْ نْ صَّانَامْ.
EZE 23:8 نتَّاثْ وَارْ ثجِّي فَارْقْ-شّْغڒْ نّسْ أَكْ-ذ إِمِيصْرِييّنْ، مِينْزِي ذِي ثمْژِي نّسْ طّْسنْ أَكِيذسْ ؤُشَا حَاذَانْ إِبَّاشْ نّسْ إِعُوزْرْينْ ؤُشَا سّْفَارّْغنْ خَاسْ فَارْقْ-شّْغڒْ نْسنْ.“
EZE 23:9 ”س ؤُيَا وْشِيغْ ت ذڭْ ؤُفُوسْ ن يِينِّي ثُوغَا ت إِتّخْسنْ، ذڭْ ؤُفُوسْ ن أَيْثْ ن أَشُّورْ إِ ثُوغَا ثعْشقْ.
EZE 23:10 نِيثْنِي سّْعَارَّانْ ڒْعَارْ نّسْ ؤُشَا كّْسنْ إِحنْجِيرنْ نّسْ ذ ثْحنْجِيرِينْ نّسْ ؤُشَا نْغِينْ ت س سِّيفْ. ثذْوڒْ أَسْ إِجّْ ن يِيسمْ وَارْ إِشْنِيعْ جَارْ ثمْغَارِينْ ؤُشَا نِيثْنِي سِّيوْضنْ خَاسْ ڒحْكَامَاثْ.“
EZE 23:11 ”[ؤُمِي] ثژْرَا مَانْ أَيَا ؤُتْشْمَاسْ، ؤُهُولِيبَا، أَقَا ثَارْنِي عَاذْ ذڭْ وعْشقْ نّسْ ؤُشَا ثَارْنِي ؤُڒَا ذِي فَارْقْ-شّْغڒْ نّسْ كْثَارْ خْ فَارْقْ-شّْغڒْ ن ؤُتْشْمَاسْ.
EZE 23:12 نتَّاثْ ثعْشقْ أَيْثْ ن أَشُّورْ، لْوُولَاثْ ذ إِمْضبَّارنْ، جِّيرَانْ نِّي يَارْضنْ أَرُّوضْ ذ لمْلِيحْ قَاعْ، إِمْنَاينْ نِّي ينْيِينْ خْ ييْسَانْ، مَارَّا إِحُوذْرِييّنْ إِشنّْعنْ.
EZE 23:13 ژْرِيغْ أَقَا نتَّاثْ ثسّخْمجْ إِخفْ نّسْ. نِيثنْثِي س ثْنَاينْ إِذْسنْثْ ؤُيُورنْثْ أَبْرِيذْ ذ إِجّنْ.
EZE 23:14 [مَاشَا] نتَّاثْ ثَارْنِي [عَاذْ] ذِي فَارْقْ-شّْغڒْ نّسْ. [ؤُمِي] ثژْرَا إِرْيَازنْ، حنّْشنْ ثنْ خْ ڒْحِيضْ، ثْصَاوَارْ ن يرْيَازنْ، أَرْشَامنْ ذِي ثِينْثَاثْ ثِيزڭّْوَاغِينْ،
EZE 23:15 بيْسنْ س وبْيَاسْ غَارْ ثجْعِينَّاثِينْ نْسنْ، س إِرژَّاثْ س ثِينْثَاثْ إِفَارْقنْ خْ إِزدْجِيفنْ نْسنْ، مَارَّا غَارْسنْ شُّوفْ أَمْ يِينغْرَافنْ [ن ڒْعسْكَارْ]، أَروْسنْ ذِي أَيْثْ ن بَابِيلْ، [إِرْيَازنْ] زِي [ثمُّورْثْ ن] إِكَالْذَانِييّنْ، ثَامُّورْثْ مَانِي خڒْقنْ.
EZE 23:16 أَمُّو إِ ثذْوڒْ نتَّاثْ ثتّخْسْ إِ-ثنْ ؤُمِي ثِيطَّاوِينْ نّسْ ژْرِينْثْ [ثنْ] ؤُشَا نتَّاثْ ثسّكّْ غَارْسنْ إِرقَّاسنْ، غَارْ [ثمُّورْثْ ن] إِكَالْذَانِييّنْ.
EZE 23:17 ؤُسِينْ-د غَارسْ أَيْثْ ن بَابِيلْ مَاحنْذْ أَذْ طّْصنْ أَكِيذسْ ذِي قَامَا ن ثْمخْسَا ؤُشَا سّْخمْجنْ ت س فَارْقْ-شّْغڒْ نْسنْ ؤُشَا نتَّاثْ ثسّخْمجْ إِخفْ نّسْ زَّايْسنْ. [خنِّي] إِڭّْوجْ خَاسنْ ڒعْمَارْ نّسْ.
EZE 23:18 ثسّفْسذْ نتَّاثْ إِخفْ نّسْ س بْطَايْطَايْ ؤُشَا ثسّْعَارَّا ڒْعَارْ نّسْ. [خنِّي] إِڭّْوجْ خَاسْ ڒعْمَارْ إِنُو أَمْ مَامّشْ ثُوغَا إِڭّْوجْ ڒعْمَارْ إِنُو ؤُڒَا خْ ؤُتْشْمَاسْ.
EZE 23:19 ثسّفْسذْ إِخفْ نّسْ أَطَّاسْ ؤُمِي ثعْقڒْ خْ وُوسَّانْ ن ثمْژِي نّسْ ڒَامِي ثُوغَا ثسّفْسذْ إِخفْ نّسْ ذِي ثمُّورْثْ ن مِيصْرَا.
EZE 23:20 نتَّاثْ ثعْشقْ إِنِّي ت إِتّخْسنْ، إِنِّي أَيْسُومْ نْسنْ أَمْ ويْسُومْ ن إِغْيَاڒْ ؤُ إِنِّي أَذْعَاقْ نْسنْ أَمْ وذْعَاقْ ن إِيْسَانْ.
EZE 23:21 أَقَا ثعْقبْ-د غَارْ ڒفْضِيهثْ ن ثمْژِي نّمْ، أَڒَامِي إِمِيصْرِييّنْ حَاذَانْ إِذْمَارنْ نّمْ ن ثمْژِي.“
EZE 23:22 ”س ؤُيَا، ؤُهُولِيبَا، أَمُّو إِ إِقَّارْ سِيذِي إِنُو، سِيذِي: ’خْزَارْ، نشّْ أَذْ خَامْ سّكَّارغْ إِنِّي شمْ إِتّخْسنْ إِ خْ ثُوغَا إِڭّْوجْ ڒعْمَارْ نّمْ ؤُشَا أَذْ ڭّغْ أَذْ خَامْ د-أَسنْ زڭْ ونّضْ نّمْ:
EZE 23:23 ثَارْوَا ن بَابِيلْ ذ مَارَّا إِكَالْذَانِييّنْ، إِمحْضَاينْ ذ إِمْشنّْعنْ ذ ثَارْوَا ن ثَاصِيڒثْ ؤُ مَارَّا أَيْثْ ن أَشُّورْ أَكِيذْسنْ، إِحُوذْرِييّنْ إِجبّْذنْ مژْرِي، لْوُولَاثْ، مَارَّا نِيثْنِي ذ إِمْضبَّارنْ، إِنغْرَافنْ [ن ڒْعسْكَارْ] ذ يرْيَازنْ س يِيسمْ، أَقَا مَارَّا نِيثْنِي ذ إِمْنَاينْ إِنِّي ينْيِينْ خْ ييْسَانْ.
EZE 23:24 نِيثْنِي أَذْ خَامْ د-ؤُسِينْ س إِكَارُّوثنْ إِ ؤُمنْغِي أَكْ-ذ ثْجَارَّارِينْ إِقَارْقْبنْ ؤُ س إِجّْ ن وڭْرَاوْ ن ڒڭْنُوسْ، س ثْسدَّارِييِينْ [ن ؤُعسْكَارِي] ثِيمقّْرَانِينْ ذ ثْسدَّارِييِينْ ثِيمژْيَانِينْ، ؤُڒَا س لْكَاسْكْ خْ ؤُزدْجِيفْ. نِيثْنِي أَذْ سّْبدّنْ إِخفْ نْسنْ ذڭْ ونّضْ نّمْ ؤُ نشّْ أَذْ أَسنْ وْشغْ دّعْوثْ ؤُ نِيثْنِي أَذْ شمْ حكْمنْ عْلَاحْسَابْ شَّارِيعَا نْسنْ.
EZE 23:25 نشّْ أَذْ ڭّغْ ثُوسْمِي إِنُو [إِقدّْسنْ] ضِيدّْ إِ شمْ ؤُشَا نِيثْنِي أَذْ زَّايمْ ڭّنْ س وسْعَارْ. نِيثْنِي أَذْ قّْسنْ ثِينْزَارِينْ نّمْ ذ ثِيطَّاوِينْ نّمْ ؤُشَا مِينْ زَّايمْ إِقِّيمنْ أَذْ إِوْضَا س سِّيفْ. نِيثْنِي أَذْ كّْسنْ إِحنْجِيرنْ نّمْ ذ يسِّيمْ نّمْ ؤُشَا مِينْ إِقِّيمنْ أَذْ إِتّْوَاشّْ س ثْمسِّي.
EZE 23:26 أَذْ كّْسنْ أَرُّوضْ نّمْ ؤُشَا أَذْ كّْسنْ ڒهْزُوطْ نّمْ.
EZE 23:27 [أَمُّو] إِ غَا سّْبدّغْ ڒفْضِيحثْ نّمْ ؤُڒَا ذ فَارْقْ-شّْغڒْ نّمْ زِي ثمُّورْثْ ن مِيصْرَا ؤُشَا وَارْ غَارْسنْ ثسّْڭِيعّْذذْ عَاذْ ثِيطَّاوِينْ نّمْ ؤُ وَارْ ثِيذَارذْ عَاذْ مِيصْرَا.‘
EZE 23:28 مِينْزِي أَمُّو إِ إِقَّارْ سِيذِي إِنُو، سِيذِي: ’خْزَارْ، نشّْ أَذْ شمْ ڭّغْ ذڭْ ؤُفُوسْ ن يِينِّي شمْ إِشَارّْهنْ، ذڭْ ؤُفُوسْ ن يِينِّي إِ خْ ثُوغَا إِڭّْوجْ ڒعْمَارْ نّمْ.
EZE 23:29 أَذْ زَّايمْ ڭّنْ أَمْ وشْرَاهْ نْسنْ ؤُ أَذْ كّْسنْ مَارَّا إِ ؤُمِي ثَارْبْرذْ ؤُشَا أَذْ شمْ جّنْ أَوَارْنِي أَسنْ ثتّْوَاعَارِّيذْ ذ ثُوعَارْيَانْثْ أَڒَامِي إِتّْوَاعَارَّا ڒْعَارْ ن فَارْقْ-شّْغڒْ نّمْ ؤُڒَا ذ ڒفْضِيهثْ نّمْ ذ فَارْقْ-شّْغڒْ نّمْ.
EZE 23:30 أَذْ زَّايمْ ڭّنْ أَيَا مِينْزِي ثضْفَارذْ ڒڭْنُوسْ أَمْ إِڭُّورْ بْنَاذمْ أَوَارْنِي إِ ثمْغَارْثْ ن فَارْقْ-شّْغڒْ ؤُ مِينْزِي ثسّْخمْجذْ إِخفْ نّمْ س إِميْضَا نْ صَّانَامْ نْسنْ.
EZE 23:31 ثُويُورذْ ذڭْ وبْرِيذْ ن ؤُتْشْمَامْ، ؤُشَا أَذْ أَمْ وْشغْ ڒْكَاسْ نّسْ ذڭْ ؤُفُوسْ نّمْ.‘ “
EZE 23:32 ”أَمُّو إِ إِقَّارْ سِيذِي إِنُو، سِيذِي: ’أَذْ ثسْوذْ ڒْكَاسْ ن ؤُتْشْمَامْ ونِّي يُودْجْغنْ ؤُ إِوسْعنْ، أَڒَامِي ڒْقدّْ نّسْ أَذْ يَارّْ ڒْعذْيَانْ أَذْ زَّايمْ ذهْشنْ س ڒْحڭْرَا ؤُ أَذْ زَّايمْ سْثهْزَانْ.
EZE 23:33 أَذْ ثشُّورذْ س وسْشَارْ ذ وشْضَانْ. ڒْْكَاسْ ن ؤُتْشْمَامْ سَامَارْيَا ذ إِجّْ نْ ڒْكَاسْ ن ؤُنخْڒِيعْ ذ وَاردّدْجْ.
EZE 23:34 أَذْ ث ثسْوذْ ؤُشَا أَذْ ث ثْژمّذْ، أَذْ ثْغزّذْ شْقُوفْ نّسْ ؤُشَا أَذْ ثْقبْشذْ زَّايسْ إِذْمَارنْ نّمْ، مِينْزِي نشّْ نِّيغْ ث!‘، أَمُّو إِ إِقَّارْ سِيذِي إِنُو، سِيذِي.
EZE 23:35 ’س ؤُيَا، أَمُّو إِ إِقَّارْ سِيذِي إِنُو، سِيذِي: ’ؤُمِي ذَايِي ثتُّوذْ ؤُشَا ثمّنْضَارذْ أَيِي أَوَارْنِي إِ وعْرُورْ نّمْ، س ؤُيَا إِتّْخصَّا شمْ أَذْ ثَارْبُوذْ س يِيخفْ نّمْ ؤُڒَا ذ ڒفْضِيحثْ نّمْ ذ فَارْقْ-شّْغڒْ نّمْ.‘ “
EZE 23:36 إِنَّا أَيِي سِيذِي: ”[أَ] مِّيسْ ن بْنَاذمْ، مَا ثخْسذْ أَذْ ثْشَارّْعذْ ؤُهُولَا ذ ؤُهُولِيبَا؟ إِنِي أَسنْثْ [خنِّي] جّْعَايفْ نْسنْثْ.
EZE 23:37 مِينْزِي زنَّانْثْ ؤُشَا إِذَامّنْ ڒصْقنْ غَارْ إِفَاسّنْ نْسنْثْ ؤُ زنَّانْثْ أَكْ-ذ إِميْضَا ن لْ-أَصْنَامْ نْسنْثْ. سنّجْ إِ ؤُيَا أَرِّينْثْ إِحنْجِيرنْ نْسنْثْ، إِنِّي ؤُرْونْثْ إِ نشّْ، أَذْ ژْوَانْ ثِيمسِّي ذ مَاشَّا إِ إِميْضَا ن لْ-أَصْنَامْ نْسنْثْ.
EZE 23:38 مَارَّا أَيَا ڭِّينْثْ ذَايِي: ذڭْ وَاسّْ نِّي سّْخمْجنْثْ نِيثنْثِي زَّاوشْثْ إِنُو إِقدّْسنْ ؤُشَا سّْعِيدْجْثنْثْ ؤُسَّانْ إِنُو ن سّبْثْ.
EZE 23:39 مِينْزِي ؤُمِي غَارْصنْ إِ ثَارْوَا نْسنْثْ إِ إِميْضَا نْسنْثْ ن لْ-أَصْنَامْ، ؤُسِينْثْ-إِ-د ذڭْ وَاسّْ نِّي سِيمَانْثْ نّسْ ذِي زَّاوشْثْ إِنُو إِقدّْسنْ مَاحنْذْ أَذْ ت سّْعِيدْجْثنْثْ. خْزَارْ، أَمُّو إِ ڭِّينْثْ ذِي ڒْوسْطْ ن ثَادَّارْثْ إِنُو.
EZE 23:40 عَاذْ سّكّنْثْ خْ يرْيَازنْ إِ د-يُوسِينْ زِي ڒَاڭّْوَاجْ. سّكّنْ أَرقَّاسْ غَارْسنْ، ؤُ خْزَارْ، ؤُسِينْ-د نِيثْنِي، إِنِّي إِ خْ ثسِّيرْذذْ إِخفْ نّمْ، إِ خْ ثْكُولَارذْ ثِيطَّاوِينْ نّمْ ؤُشَا ثْهزْطذْ س ثلْوِيزْثْ.
EZE 23:41 ثقِّيمذْ خْ إِجّْ ن ڒشْثُو يشْنَا، ثُوغَا زَّاثسْ طَّابْڒَا إِسّْوجْذنْ إِ خْ ثسَّارْسذْ ڒبْخُورْ إِنُو ذ زّشْثْ إِنُو.
EZE 23:42 [ڒَْامِي] إِسُّوسمْ ڒْحسّْ ن ڒْغَاشِي إِنْهوْڒنْ [نِّي ذِينْ] غَارسْ، تّْوَانذْهنْ إِسْكَارْجِييّنْ زِي ڒخْڒَا غَارْ يرْيَازنْ نِّي [إِدْجَانْ] زِي ڒْغَاشِي ن إِوْذَانْ، ؤُشَا نِيثْنِي ڭِّينْ ثِيمقْيَاسِينْ غَارْ إِفَاسّنْ نْسنْثْ ؤُڒَا ذ إِجّْ ن ثَاجّْ إِزوّْقنْ خْ إِزدْجِيفنْ نْسنْثْ.
EZE 23:43 [خنِّي] نِّيغْ نشّْ: أَقَا أَثنْ زنَّانْ أَكْ-ذ إِشْثْ ن ثمْغَارْثْ ن فَارْقْ-شّْغڒْ دُّويْسَارنْ. ڒخُّو فَارْقْ-شّْغڒْ نّسْ سِيمَانْثْ نّسْ أَذْ إِسّفْسذْ إِخفْ نّسْ ؤُشَا نتَّاثْ [ثُويُورْ أَكِيذسْ ذَايسْ].
EZE 23:44 نِيثْنِي ؤُذْفنْ خَاسْ أَمْ ؤُذْفنْ خْ إِشْثْ ن ثمْغَارْثْ ن فَارْقْ-شّْغڒْ. أَمُّو ؤُذْفنْ خْ ؤُهُولَا ؤُ خْ ؤُهُولِيبَا، ثِيمْغَارِينْ نِّي إِتّْوَافضْحنْ.
EZE 23:45 إِرْيَازنْ إِسڭّْذنْ أَذْ ثنْثْ حكْمنْ عْلَاحْسَابْ ڒْحقّْ ن ثِينِّي إِزنَّانْ ؤُ عْلَاحْسَابْ ڒْحقّْ ن ثِينِّي إِسِّيزَّاڒنْ إِذَامّنْ، مِينْزِي نِيثنْثِي ذ ثِيمْغَارِينْ إِزنَّانْ ؤُشَا إِذَامّنْ ڒصْقنْ غَارْ إِفَاسّنْ نْسنْثْ.“
EZE 23:46 ”مِينْزِي أَمُّو إِ إِقَّارْ سِيذِي إِنُو، سِيذِي: ’نشّْ أَذْ خَاسنْثْ سّكَّارغْ إِجّْ ن وڭْرَاوْ ؤُشَا أَذْ ثنْثْ أَرّغْ ذ [إِشْثْ ن ڒْقشْعثْ ن] ؤُنخْڒِيعْ ذ ثَاكشَّاضْثْ.
EZE 23:47 أَڭْرَاوْ ن ڒْڭنْسْ أَذْ ثنْثْ يَارْجمْ ؤُشَا أَذْ ثنْثْ قضْعنْ س ڒسْيُوفْ. إِحنْجِيرنْ نْسنْثْ ذ ثْحنْجِيرِينْ نْسنْثْ أَذْ ثنْ نْغنْ ؤُشَا أَذْ سّْشمْضنْ ثُوذْرِينْ نْسنْثْ س ثْمسِّي.
EZE 23:48 [أَمُّو] إِ غَا سّْبدّغْ ڒفْضَايحْ نْسنْثْ ذِي ثمُّورْثْ أَڒَامِي غَا تّْوَاعڒْمنْثْ مَارَّا ثِيمْغَارِينْ ؤُشَا وَارْ تّڭّنْثْ عَاذْ أَمْ ڒفْضَايحْ نْسنْثْ.
EZE 23:49 [أَمُّو إِ] خَاكنْثْ غَا ڭّنْ ڒفْضِيحثْ نْكنْثْ ؤُشَا أَذْ ثَارْبُونْثْ دّْنُوبْ ن [وعْبذْ ن] إِميْضَا نْكنْثْ ن لْ-أَصْنَامْ ؤُشَا أَذْ ثسّْننْثْ، أَقَا نشّْ سِيذِي ذ سِيذِي!‘ “
EZE 24:1 يُوسَا-د غَارِي وَاوَاڒْ ن سِيذِي ذڭْ ؤُسڭّْوَاسْ وِيسّْ ثسْعَا، ذڭْ ؤُيُورْ وِيسّْعشْرَا، ذڭْ وَاسّْ وِيسّْعشْرَا ن ؤُيُورْ، إِنَّا:
EZE 24:2 ”[أَ] مِّيسْ ن بْنَاذمْ، أَرِي إِ يِيخفْ نّشْ إِسمْ ن أَسّْ-أَ، [إِسمْ ن] أَسّْ ن يِيضَا. ذڭْ وَاسّْ-أَ نِّيثْ أَذْ إِحْصَارْ ؤُجدْجِيذْ ن بَابِيلْ ؤُرْشَالِيمْ.
EZE 24:3 سِيوڒْ إِجّْ ن ؤُمذْيَا إِ ثَادَّارْثْ إِغوّْغنْ نِّي، إِنِي أَسنْ: ’أَمُّو إِ إِقَّارْ سِيذِي إِنُو، سِيذِي: أڭّْ إِجْث ن ثيْذُورْثْ، أڭّْ إِ-ت ؤُشَا كبّْ ذَايسْ أَمَانْ.
EZE 24:4 أڭّْ ذَايسْ ثِيفتُّوثِينْ ن ويْسُومْ، مَارَّا ثِيفتُّوثِينْ إِشْنَانْ، ثَامصَّاضْثْ ذ ثغْرُوضْثْ، عمَّارْ إِ-ت س يغْسَانْ ذ لمْلِيحْ قَاعْ.
EZE 24:5 كْسِي لمْلِيحْ ن وُودْجِي ؤُشَا أَرّْ ؤُڒَا ذ أَكشُّوضْ سَاذُو نْسنْ. أجّْ أَذْ سهْذنْ مَارَّا مْلِيحْ أَڒَامِي عَاذْ إِغْسَانْ نّسْ أَذْ ذَايسْ تّْوَاننَّانْ.‘ “
EZE 24:6 ”س ؤُيَا، [أَمُّو إِ] إِقَّارْ سِيذِي إِنُو، سِيذِي: ’ؤُشْثْ خْ ثنْذِينْثْ ن إِذَامّنْ! ثَايْذُورْثْ إِ زِي ڒخْمجْ نّسْ عَاذْ ذَايسْ، ثنِّي زِي وَارْ يكِّيسْ ڒخْمجْ نّسْ! كّسْ زَّايسْ ثَافتُّوثْ أَوَارْنِي إِ ثْفتُّوثْ نّغْنِي بْڒَا أَذْ خَاسْ ثڭِّيذْ ثَاقدُّوحْثْ.
EZE 24:7 مِينْزِي إِذَامّنْ نّسْ أَقَا ذِي ڒْوسْثْ نّسْ، ثسِّيزڒْ إِ-ثنْ خْ إِشْثْ ن ثصْضَارْثْ ثَاقشَّارْثْ. وَارْ ثنْ ثسِّيزِّيڒْ خْ ثمُّورْثْ مَاحنْذْ أَذْ ثنْ ثذِّيڒْ س ؤُشَاڒْ.
EZE 24:8 حِيمَا أَذْ إِتّْوَاسّكَّارْ وسْعَارْ، حِيمَا أَذْ يِيڒِي ونْقَامْ، ڭِّيغْ إِذَامّنْ إِ ثسِّيزّڒْ نتَّاثْ خْ ثصْضَارْثْ ثَاقشَّارْثْ، حِيمَا وَارْ دَّاڒنْ إِذَامّنْ نّسْ.‘ “
EZE 24:9 ”س ؤُيَا، أَمُّو إِ إِقَّارْ سِيذِي إِنُو، سِيذِي: ’ؤُشْثْ خْ ثنْذِينْثْ ن إِذَامّنْ! نشّْ س يِيخفْ إِنُو أَذْ ڭّغْ أَقلِّيجْ ن ؤُكشُّوضْ إِ ؤُشعَّاڒْ ن ثْمسِّي إِمْغَارْ!
EZE 24:10 أَرْنِي أَكشُّوضْ، أجّْ ثِيمسِّي أَذْ ثَارغْ أَطَّاسْ، شنّفْ أَيْسُومْ مْلِيحْ ؤُشَا أجّْ أَخدْجضْ ن ڒبْژَارْ أَذْ إِتّخْتّخْ مْلِيحْ ؤُشَا أجّْ إِغْسَانْ أَذْ شمْضنْ.
EZE 24:11 أَرّْ خنِّي ثَايْذُورْثْ إِخْوَانْ عَاوذْ خْ ڒفْحمْ نّسْ إِتّحْذُوذُوقنْ، حِيمَا أَذْ إِحْمَا أَذْ إِشْمضْ دّْرَا نّسْ ن نّْحَاسْ ؤُشَا أَذْ ثفْسِي زَّايسْ ثخْمُوجِي إِ ذَايسْ إِدْجَانْ ؤُ خنِّي أَذْ إِتّْوَاقْضِي ڒخْمجْ.
EZE 24:12 مَارَّا أَمَارّثْ أَقَا-ث ذِي بَاطڒْ. ڒخْمجْ نّسْ إِفيّْضنْ وَارْ د-إِفِّيغْ زَّايسْ. أَرّْ ڒخْمجْ نِّي ذِي ثْمسِّي!
EZE 24:13 ذِي ثخْمُوجِي نّمْ [ثدْجِي] ڒفْضِيحثْ نّمْ، مِينْزِي نشّْ ثُوغَا خْسغْ أَذْ شمْ سِّيزذْڭغْ ؤُشَا خنِّي وَارْ ثتّْوَاسِّيزْذِيڭذْ. خْ ؤُيَا وَارْ ثتّْوَاسِّيزْذِيڭذْ زِي ڒخْمجْ نّمْ أَڒْ خَامْ إِ غَا سِّيوْضغْ أَسْعَارْ إِنُو.
EZE 24:14 نشّْ، سِيذِي، سِّيوْڒغْ. أَذْ إِفّغْ ؤُ نشّْ أَذْ ث ڭّغْ. وَارْ سمْحغْ ذڭْ إِمرْوُوسَا ؤُ وَارْ زِّيدْجْزغْ ؤُ وَارْ نْذِيمغْ. أَذْ خَامْ حكْمنْ إِبْرِيذنْ نّمْ ذ ثْمڭَّا نّمْ!‘، أَمُّو إِ إِقَّارْ سِيذِي إِنُو، سِيذِي.“
EZE 24:15 يُوسَا-د غَارِي وَاوَاڒْ ن سِيذِي، إِنَّا:
EZE 24:16 ”[أَ] مِّيسْ ن بْنَاذمْ، خْزَارْ، س إِشْثْ ن ثشْثِي نشّْ أَذْ كسّغْ مژْرِي نّشْ زَّاثْ إِ ثِيطَّاوِينْ نّشْ. وَارْ تّتّْرُو، وَارْ تّجِّي أَذْ ؤُزّْڒنْ إِمطَّاونْ نّشْ.
EZE 24:17 سْغُويّْ ذڭْ ؤُهدّنْ، وَارْ شطّنْ خْ ؤُمتِّينْ. قّنْ أَرژّثْ نّشْ خَاكْ ؤُشَا أڭّْ ثِيسِيڒَا نّشْ ذڭْ إِضَارنْ نّشْ، ؤُ وَارْ تّْڒحِّيفْ أَشْڒَاغمْ غَارْ ؤُينْشِيشْ نِيغْ أَذْ ثشّذْ أَغْرُومْ نِّي د غَا يَاوْينْ إِوْذَانْ [إِ وشْضَانْ].“
EZE 24:18 غَارْ ثُوفُّوثْ سِّيوْڒغْ إِ ڒْڭنْسْ ؤُ غَارْ ثْمذِّيثْ ثمُّوثْ ثْمطُّوثْ إِنُو ؤُ ذِي ثْوشَّا ڭِّيغْ أَمْ مَامّشْ إِ ذ أَيِي إِتّْوَاوصَّا.
EZE 24:19 إِنَّا أَيِي ڒْڭنْسْ: ”مَا وَارْ ثخْسذْ أَذْ أَنغْ ثسّشْنذْ مِينْ عْنَانْثْ ثْمسْڒَايِينْ-أَ، مَايمِّي إِ ثڭّذْ أَمُّو؟“
EZE 24:20 نشّْ نِّيغْ أَسنْ: ”يُوسَا-د غَارِي وَاوَاڒْ ن سِيذِي، إِنَّا:
EZE 24:21 ’إِنِي إِ ثَادَّارْثْ ن إِسْرَائِيل: أَمُّو إِ إِقَّارْ سِيذِي إِنُو، سِيذِي! خْزَارْ، نشّْ أَذْ سّْعِيدْجْثغْ زَّاوشْثْ إِنُو إِقدّْسنْ [ثنِّي ذ] أَعُودْجِي ن جّهْذْ نْومْ ذ ؤُمژْرِي ن ثِيطَّاوِينْ نْومْ ذ ڒهْزُوطْ إِ ڒعْمَارْ نْومْ، ؤُڒَا ذ إِحنْجِيرنْ نْومْ ذ ثْحنْجِيرِينْ نْومْ نِّي ثجِّيمْ ذِينْ أَذْ وْضَانْ س سِّيفْ.
EZE 24:22 [خنِّي] أَذْ ثڭّمْ أَمْ مَامّشْ ڭِّيغْ نشّْ. وَارْ ثتّْڒحِّيفمْ أَشْڒَاغمْ غَارْ ؤُينْشِيشْ ؤُشَا أَغْرُومْ [إِ د-يِيوْينْ] إِرْيَازنْ، وَارْ [ث] ثتّتّمْ.
EZE 24:23 أَرژَّاثْ نْومْ أَذْ إِڒِينْثْ خْ إِزدْجِيفنْ نْومْ ؤُ سَانْذَالِييَاثْ نْومْ ذڭْ إِضَارنْ نْومْ. وَارْ ثْشطّْنمْ ؤُ وَارْ ثتّْرُومْ. أَذْ ثثحَّامْ ذِي ڒْمُوعْصِييّثْ نْومْ ؤُشَا أَذْ ثْوحْوحمْ إِجّنْ خْ ونّغْنِي.
EZE 24:24 أَمُّو إِ غَا يِيڒِي حِيزْقِييَالْ ذ ڒعْڒَامثْ ن ڒعْجبْ إِ كنِّيوْ. أَذْ ثڭّمْ نِيشَانْ أَمْ مَامّشْ إِڭَّا نتَّا. خْمِي د غَا يَاسْ دّڭَّا، أَذْ ثسّْنمْ، بلِّي نشّْ سِيذِي، ذ سِيذِي.‘ “
EZE 24:25 ”ؤُشَا شكْ، [أَ] مِّيسْ ن بْنَاذمْ، مَا وَارْ إِتِّيڒِي أَقَا ذڭْ وَاسّْ إِ زَّايْسنْ إِ غَا كسّغْ لْبُورْجْ نْسنْ، ڒفْرَاحثْ خْ ثلْوِيزْثْ نْسنْ، ؤُڒَا ذ مژْرِي ن ثِيطَّاوِينْ نْسنْ ذ إِحنْجِيرنْ ذ ثْحنْجِيرِينْ نْسنْ نِّي يَاربُّونْ نِيثْنِي ذڭْ وُوڒْ،
EZE 24:26 أَقَا ذڭْ وَاسّْ نِّي سِيمَانْثْ نّسْ أَذْ غَاركْ د-يَاسْ إِجّنْ ونِّي يَاروْڒنْ مَاحنْذْ أَذْ يڭّْ ثْنَاينْ ن إِمزُّوغنْ نّشْ أَذْ سْڒنْ [ؤُيَا].
EZE 24:27 ذڭْ وَاسّْ نِّي أَذْ يَارْزمْ ؤُقمُّومْ نّشْ أَكْ-ذ [ؤُقمُّومْ] ن ونِّي يَاروْڒنْ ؤُشَا أَذْ ثسِّيوْڒذْ، وَارْ ثتِّيڒِيذْ عَاذْ ذ أَيْنَاوْ. شكْ أَذْ أَسنْ ثِيڒِيذْ ذ ڒعْڒَامثْ نْ ڒعْجبْ ؤُشَا نِيثْنِي أَذْ سّْننْ بلِّي نشّْ ذ سِيذِي.“
EZE 25:1 يُوسَا-د غَارِي وَاوَاڒْ ن سِيذِي، إِنَّا:
EZE 25:2 ”[أَ] مِّيسْ ن بْنَاذمْ، أَرّْ ؤُذمْ نّشْ غَارْ أَيْثْ ن عَامُّونْ ؤُشَا نَابّْ خَاسنْ.
EZE 25:3 إِنِي إِ أَيْثْ نْ عَامُّونْ: ’سْڒمْ إِ وَاوَاڒْ ن سِيذِي إِنُو، سِيذِي! أَمُّو إِ إِقَّارْ سِيذِي إِنُو، سِيذِي: ؤُمِي ثنِّيذْ ’يَا، أَيُوزْ!‘ خْ زَّاوشْثْ إِنُو إِقدّْسنْ ؤُمِي ت سّْعِيدْجْثنْ، ؤُ خْ ثمُّورْثْ ن إِسْرَائِيل ؤُمِي ت أَردّْدْجنْ، ؤُڒَا خْ ثَادَّارْثْ ن يَاهُوذَا ڒَامِي ثنْ إِوْينْ غَارْ لْمنْفَا،
EZE 25:4 س ؤُيَا، خْزَارْ، نشّْ أَذْ وْشغْ شمْ [أَ، ثَامُّورْثْ ن عَامُّونْ] ذ ثَاسْغَارْثْ إِ يِينِّي د-يُوسِينْ زِي شَّارْقْ ؤُشَا نِيثْنِي أَذْ ڭّنْ ڒمْرَاڭحْ نْسنْ ذَايمْ ؤُشَا أَذْ أَرّنْ ثِيزذِّيغِينْ نْسنْ ذَايمْ. نِيثْنِي أَذْ شّنْ ڒْغِيدْجثْ نّمْ ؤُشَا أَذْ سْونْ أَشفَّايْ نّمْ.
EZE 25:5 نشّْ أَذْ ڭّغْ رَابَّا ذ أَمْشَانْ ن أَرَّاحثْ إِ إِڒغْمَانْ ؤُشَا [ثَامُّورْثْ ن] أَيْثْ ن عَامُّونْ ذ دّْمَانِي ن وَاريّحْ إِ وُودْجِي ؤُشَا كنِّيوْ أَذْ ثسّْنمْ بلِّي نشّْ ذ سِيذِي.‘
EZE 25:6 مِينْزِي أَمُّو إِ إِقَّارْ سِيذِي إِنُو، سِيذِي: ’ؤُمِي ثوْثِيذْ إِفَاسّنْ نّشْ إِجّْ ذڭْ ونّغْنِي [س ڒفْرَاحثْ]، ثذْزذْ س ؤُضَارْ ؤُ ثْفَارْحذْ س مَارَّا نّْفَاخثْ نّشْ ذِي ڒعْمَارْ خْ ثمُّورْثْ ن إِسْرَائِيل،
EZE 25:7 س ؤُيَا، خْزَارْ، نشّْ أَذْ سّْوِيژّْضغْ أَفُوسْ إِنُو ضِّيذْ نّشْ ؤُشَا أَذْ شكْ أَرّغْ ذ ثَاكشَّاضْثْ إِ ڒڭْنُوسْ ؤُ أَذْ شكْ قضْعغْ زِي جَارْ ڒڭْنُوسْ ؤُشَا أَذْ شكْ ثحِّيغْ زِي ثمُّورَا. أَذْ شكْ أَردّْدْجغْ ؤُشَا أَذْ ثسّْنذْ أَقَا نشّْ ذ سِيذِي.‘ “
EZE 25:8 ”أَمُّو إِ إِقَّارْ سِيذِي إِنُو، سِيذِي: ’ؤُمِي مُوآبَ ذ سَاعِيرْ قَّارنْ: خْزَارْ، ثَادَّارْثْ ن يَاهُوذَا [ثدْجَا] أَمْ مَارَّا ڒڭْنُوسْ!،
EZE 25:9 س ؤُيَا، خْزَارْ، نشّْ أَذْ أَرْزْمغْ أَغزْذِيسْ ن زَّاثْ ن مُوآبَ، زِي ثْندَّامْ، زِي ثْندَّامْ نّسْ نِّي [إِدْجَانْ] غَارْ طَّارْفْ قَاعْ [ن ثمُّورْثْ نّسْ]، ثِينِّي ذ ثَالْوِيزْثْ ن ثمُّورْثْ: بَايْثْ-يَاشِيمُوثْ، بَاعْلْ-مَاعُونْ ذ قَارْيَاثَايِيمْ.
EZE 25:10 نشّْ أَذْ ثنْثْ وْشغْ ذ ثَاسْغَارْثْ إِ أَيْثْ ن شَّارْقْ [جْمِيعْ] أَكْ-ذ [ثمُّورْثْ ن] أَيْثْ ن عَامُّونْ، حِيمَا وَارْ ثتِّيڒِي [عَاذْ] ڒِيذَارثْ ذڭْ أَيْثْ ن عَامُّونْ جَارْ ڒڭْنُوسْ.
EZE 25:11 أَذْ سِّيوْضغْ ڒحْكَامَاثْ خْ مُوآبَ ؤُ نِيثْنِي أَذْ سّْننْ، بلِّي نشّْ ذ سِيذِي.‘ “
EZE 25:12 ”أَمُّو إِ إِقَّارْ سِيذِي إِنُو، سِيذِي: ’ؤُمِي إِذُومْ إِڭَّا س نّقْمثْ وَاهَا ضِيدّْ إِ ثَادَّارْثْ ن يَاهُوذَا ؤُشَا ؤُمِي إِذْوڒْ ذَايْسنْ ڒْعِيبْ أَطَّاسْ ؤُمِي زَّايْسنْ نقْمنْ،
EZE 25:13 س ؤُيَا، أَمُّو إِ إِقَّارْ سِيذِي إِنُو، سِيذِي، أَذْ سّْوِيژّْضغْ أَفُوسْ إِنُو ضِيدّْ إِ إِذُومْ ؤُشَا أَذْ زَّايسْ قضْعغْ بْنَاذمْ ذ ڒْمَاڒْ ؤُشَا أَذْ ث ڭّغْ ذ ڒْخِيرْبثْ زِي ثَايْمَانْ، ؤُشَا أَذْ وْضَانْ س سِّيفْ أَڒْ ذَاذَانْ.
EZE 25:14 نشّْ أَذْ سِّيوْضغْ نّقْمثْ إِنُو خْ إِذُومْ س ؤُفُوسْ ن ڒْڭنْسْ إِنُو إِسْرَائِيل. ؤُ نِيثْنِي أَذْ ڭّنْ أَكْ-ذ إِذُومْ عْلَاحْسَابْ أَغْضَابْ إِنُو ؤُ عْلَاحْسَابْ أَسْعَارْ إِنُو، أَذْ سّْننْ نّقْمثْ إِنُو!‘، إِقَّارْ سِيذِي إِنُو، سِيذِي.“
EZE 25:15 ”أَمُّو إِ إِقَّارْ سِيذِي إِنُو، سِيذِي: ’ؤُمِي إِفِيلِيسْطِينِييّنْ ڭِّينْ س نّقْمثْ ؤُ نقْمنْ س نّْفَاخثْ ن وُوڒْ ؤُمِي أَردّْدْجنْ نِيثْنِي زِي ڒعْذَاوثْ إِتّْذُومَانْ،
EZE 25:16 س ؤُيَا، أَمُّو إِ إِقَّارْ سِيذِي إِنُو، سِيذِي: خْزَارْ، نشّْ أَذْ سّْوِيژّْضغْ أَفُوسْ إِنُو ضِيدّْ إِ إِفِيلِيسْطِينِييّنْ ؤُشَا أَذْ قضْعغْ إِكَارِيثِييّنْ ؤُشَا أَذْ أَردّْدْجغْ مِينْ إِقِّيمنْ خْ ثْمَا ن ڒبْحَارْ.
EZE 25:17 نّقْمَاثْ ثِيمقّْرَانِينْ س لعْقَايبْ إِقسْحنْ أَذْ ذَايْسنْ ڭّغْ ؤُ نِيثْنِي أَذْ سّْننْ بلِّي نشّْ ذ سِيذِي، خْمِي غَا كمّْڒغْ نّقْمثْ إِنُو ذَايْسنْ.‘ “
EZE 26:1 ذڭْ ؤُسڭّْوَاسْ وِيسّْ حِيطْعَاشْ، ذڭْ وَاسّْ أَمزْوَارُو ن ؤُيُورْ إِمْسَارْ بلِّي يُوسَا-د غَارِي وَاوَاڒْ ن سِيذِي، إِنَّا:
EZE 26:2 ”[أَ] مِّيسْ ن بْنَاذمْ، ؤُمِي ثنَّا [ثنْذِينْثْ ن] صُورْ خْ ؤُرْشَالِيمْ: ’يَا أَيُوزْ، أَقَا ثتّْوَارژَّا، ثَاوَّارْثْ ن ڒڭْنُوسْ ثتّْوَارْزمْ غَارِي. أَذْ غَارِي يِيڒِي [وَاڭْڒَا] أَطَّاسْ، ؤُمِي نتَّاثْ ثتّْوَاردّدْجْ [ڒخُّو]!‘،
EZE 26:3 س ؤُيَا، أَمُّو إِ إِقَّارْ سِيذِي إِنُو، سِيذِي: ’خْزَارْ، نشّْ دْجِيغْ ضِيدّْ نّشْ، [أَ] صُورْ! أَذْ خَامْ سّكَّارغْ أَطَّاسْ ن ڒڭْنُوسْ، أَمْ مَامّخْ إِسّْڭعّذْ ڒبْحَارْ ڒمْوَاجْ نّسْ.
EZE 26:4 نِيثْنِي أَذْ أَردّْدْجنْ ڒهْيُوضْ ن [ثنْذِينْثْ ن] صُورْ ؤُشَا أَذْ أَرْژنْ صُّومْعَاثْ نّسْ ؤُ نشّْ أَذْ خَاسْ كّْسغْ أَشَاڒْ نّسْ ؤُشَا أَذْ ت أَرّغْ ذ ثَاصْضَارْثْ ثَاقشَّارْثْ.
EZE 26:5 أَذْ [ذِينْ] ثِيڒِي ذِي ڒْوسْثْ ن ڒبْحَارْ، مَاحنْذْ أَذْ خَاسْ بزّْعنْ ثِيرَاشِّيوِينْ إِ ثْنيْمَارْثْ ن إِسڒْمَانْ، مِينْزِي نشّْ نِّيغْ [ث]، أَمُّو إِ إِقَّارْ سِيذِي إِنُو، سِيذِي، ؤُ نتَّاثْ أَذْ ثِيڒِي ذ ثَاكشَّاضْثْ إِ ڒڭْنُوسْ.
EZE 26:6 يسِّيسْ نِّي [إِدْجَانْ] ذڭْ إِيَّارْ [خْ ڒْبَارّْ]، أَذْ تّْوَانْغنْثْ س سِّيفْ ؤُ نِيثْنِي أَذْ سّْننْ بلِّي نشّْ ذ سِيذِي.‘ “
EZE 26:7 ”مِينْزِي أَمُّو إِ إِقَّارْ سِيذِي إِنُو، سِيذِي: ’خْزَارْ، زِي شَّامَالْ أَذْ سِّيوْضغْ نابُوخَاذْرَاصَّارْ، أَجدْجِيذْ ن بَابِيلْ، أَجدْجِيذْ ن إِجدْجِيذنْ، خْ صُورْ أَكْ-ذ إِيْسَانْ ذ إِكَارُّوثنْ، أَكْ-ذ إِمْنَاينْ ؤُ أَكْ-ذ إِجّْ ن وڭْرَاوْ ذ إِجّْ ن ڒْڭنْسْ أَمقّْرَانْ.
EZE 26:8 أَذْ إِنغْ س سِّيفْ يسِّيمْ نِّي يدْجَانْ ذڭْ إِيَّارْ، أَذْ إِسّْبدّْ ڒْقَامَّاثْ ضِيدّْ نّمْ، أَذْ إِبْنَا إِجّْ ن وشْبَارْ ضِيدّْ نّمْ ؤُ أَذْ إِسّْبدّْ ضِيدّْ نّمْ إِشْثْ ن ثسْقِيفْثْ [تّْوَاڭّنْ ت س] ثْسدَّارِييِينْ ثِيمقّْرَانِينْ.
EZE 26:9 نتَّا أَذْ إِڭّْ إِشَارِّييّنْ ن وذْهَامْ ضِيدّْ إِ ڒحْيُوضْ نّمْ ؤُشَا أَذْ إِسّْحيّذْ سُّومْعَاثْ نّمْ س ڒسْيُوفْ نّسْ.
EZE 26:10 أَذْ أَمْ إِذڒْ ڒعْجَاجْ ن ؤُبَارُّو ن ييْسَانْ نّسْ، س زّْهِيرْ ن إِمْنَاينْ ذ ؤُقَارْقبْ ن ثْجَارَّارِينْ ذ [دّْرِيزْ ن] إِكَارُّوثنْ أَذْ أَرْجِيجنْ ڒحْيُوضْ نّمْ خْمِي غَا يَاذفْ خْ ثوُّورَا نّمْ أَمْ د-ؤُذْفنْ خْ إِشْثْ ن ثنْذِينْثْ ثتّْوَاهْذمْ.
EZE 26:11 س إِشُوشَّا ن ييْسَانْ نّسْ أَذْ إِعْفسْ خْ إِبْرِيذنْ نّمْ مَارَّا، أَذْ إِنغْ ڒْڭنْسْ نّمْ س سِّيفْ ؤُشَا إِپِيلَارنْ نّمْ إِجهْذنْ [إِقدّْسنْ] أَذْ وْضَانْ غَارْ ثمُّورْثْ.
EZE 26:12 نِيثْنِي أَذْ أَشَارنْ أَڭْڒَا نّمْ أَذْ كشّْضنْ ثَاسبَّابْثْ نّمْ، أَذْ أَردّْدْجنْ ڒحْيُوضْ نّمْ، أَذْغضْڒنْ ثُوذْرِينْ نّمْ إِعِيزّنْ. إِژْرَا نّمْ ذ ثْحنْيَا ن ؤُكشُّوذْ نّمْ ذ ڒعْجَاجْ نّمْ أَذْ ثنْ مّنْضَارنْ ذڭْ وَامَانْ.
EZE 26:13 [أَمُّو] إِ غَا سّسْقَارغْ دّْرِيزْ ن إِژْڒَانْ نّمْ ؤُشَا ڒْحسّْ ن ڒْڭَامْبْرِييَاثْ نّمْ وَارْ إِتّْوَاسڒْ عَاذْ.
EZE 26:14 أَذْ شمْ أَرّغْ ذ ثَاصْضَارْثْ ثَاقشَّارْثْ إِ وفْسَارْ ن ثْرَاشِّيوِينْ إِ ثْنيْمَارْثْ ن إِسڒْمَانْ.عمَّارْصْ أَذْ ثتّْوَابْنِيذْ [عَاوذْ]، مِينْزِي نشّْ، سِيذِي، نِّيغْ ث!، [أَمُّو إِ] إِقَّارْ سِيذِي إِنُو، سِيذِي.‘ “
EZE 26:15 ”أَمُّو إِ إِقَّارْ سِيذِي إِنُو، سِيذِي إِ [ثڭْزِيرْثْ ن] صُورْ: ’مَا وَارْ تَّارْجِيجِينْثْ ثڭْزِيرِينْ س ڒْحسّْ ن ؤُوطُّو نّمْ، خْمِي سّْبُوعْرُورنْ إِنِّي إِتّْوَايزّْمنْ إِ ڒْموْثْ، خْمِي غَا ثمْسَارْ إِشْثْ ن ثشْثِي إِنقّنْ ذِي ڒْوسْثْ نّمْ؟
EZE 26:16 مَارَّا ڒْحُوكَّامْ ن ڒبْحَارْ أَذْ د-هْوَانْ زِي ڒكْرَاسِي نْسنْ إِڭلّْذنْ ؤُشَا أَذْغضْڒنْ إِحَاشنْ نْسنْ، أَذْ كّْسنْ أَرُّوضْ نْسنْ إِبُورْضَارنْ س ثِينْثَاثْ إِفَارْزنْ. أَذْ ڒحّْفنْ س ڒْعُورّثْ، أَذْ قِّيمنْ خْ ثمُّورْثْ ؤُشَا أَذْ أَرْجِيجنْ ذِي كُوڒْ ڒْوقْثْ ؤُشَا أَذْ خَامْ نْخڒْعنْ.
EZE 26:17 أَذْ خَامْ سِّيڒْينْ إِجّْ ن وزْڒِي ن وشْضَانْ، أَذْ أَمْ إِنِينْ: مَامّشْ ثتّْوَاثحِّيذْ، أَ شمْ، ثنِّي إِ ذِي زذْغنْ إِنِّي د-إِفّْغنْ زِي ڒبْحَارْ، أَ شمْ ثَانْذِينْثْ إِشنّْعنْ، ثنِّي إِجهْذنْ أَطَّاسْ ذِي ڒبْحَارْ، شمْ، أَ صُورْ ذ إِمزْذَاغْ نّسْ، ثنِّي إِتّڭّنْ أَرْجفْ جَارْ أَسنْ ذِي مَارَّا إِنِّي ذَايسْ إِزذْغنْ.
EZE 26:18 ڒخُّو أَذْ أَرْجِيجنْثْ ثڭْزِيرِينْ ذڭْ وَاسّْ ن ؤُوطُّو نّمْ، وَاهْ ثِيڭْزِيرِينْ ذِي ڒبْحَارْ أَذْ نّْخڒْعنْثْ س ؤُنڭَّارْ نّشْ.‘ “
EZE 26:19 ”مِينْزِي أَمُّو إِ إِقَّارْ سِيذِي إِنُو، سِيذِي: ’خْمِي نشّْ أَذْ شمْ يَارّغْ ذ ثَانْذِينْثْ إِتّْوَارذْدْجنْ أَمْ ثْندَّامْ نِّي وَارْ إِزْذِيغنْ، خْمِي خَامْ إِ غَا سِّيوْضغْ [أَمَانْ] إِهوْڒنْ ؤُشَا [خْمِي] أَطَّاسْ ن وَامَانْ أَذْ شمْ ذْڒنْ،
EZE 26:20 [خنِّي] أَذْ شمْ د-سّهْوِيغْ أَكْ-ذ يِينِّي د-إِهْوَانْ ذڭْ وحْفُورْ [ن ونْضڒْ]، غَارْ ڒْڭنْسْ ن ڒْوقْثْ ن زِيشْ. أَذْ شكْ سَّارْسغْ ذِي ڒَادْجَاغْ ن ثمُّورْثْ، ذِي ڒْخِيرْبَاثْ ن ڒْوقْثْ ن زِيشْ، غَارْ إِنِّي د-إِهْوَانْ ذڭْ [وحْفُورْ ن] ونْضڒْ، حِيمَا وَارْ ذَايمْ تِّيڒِينْ إِمزْذَاغْ عَاذْ. [مَاشَا] ذِي ثمُّورْثْ ن يِينِّي إِدَّارنْ أَذْ وْشغْ ڒْعزّْ.
EZE 26:21 أَذْ شمْ أَرّغْ ذ إِجّْ ن ؤُمذْيَا ن وَارْجفْ ؤُشَا وَارْ ثتِّيڒِيذْ [عَاذْ]. أَذْ خَامْ أَرْزُونْ ؤُشَا وَارْ ثتّْوِيفِيذْعمَّارْصْ إِ ڒبْذَا!‘، [أَمُّو إِ] إِقَّارْ سِيذِي إِنُو سِيذِي.“
EZE 27:1 يُوسَا-د غَارِي وَاوَاڒْ ن سِيذِي، إِنَّا:
EZE 27:2 ”شكْ، [أَ] مِّيسْ ن بْنَاذمْ، سْڭعّذْ إِجّْ ن وژْرِي ن وشْضَانْ، خْ صُورْ.
EZE 27:3 إِنِي إِ صُورْ، [ثَانْذِينْثْ] إِ ذِينْ إِزدّْغنْ غَارْ ثوُّورَا ن ڒبْحَارْ، [ثَانْذِينْثْ] نِّي إِتّْسبَّابنْ أَكْ-ذ ڒڭْنُوسْ [نِّي إِزدّْغنْ] ذِي ثڭْزِيرِينْ أَطَّاسْ: ’أَمُّو إِ إِقَّارْ سِيذِي إِنُو، سِيذِي: أَ صُورْ، شمْ ثقَّارذْ: نشّْ أَقَا أَيِي نِيشَانْ ذڭْ وَاژْرِي!‘
EZE 27:4 إِسغْوَانْ ن ؤُيڒْزِيمْ نّمْ أَقَا أَثنْ ذڭْ وُوڒْ ن ڒبْحُورْ، إِنِّي شمْ إِبْنَانْ أَقَا ڭِّينْ أَژْرِي نّمْ نِيشَانْ.
EZE 27:5 مَارَّا ثِيڒْوِيحِينْ ن ثْفڒْوِينْ ن ثْغَارُّوبَا نّمْ ڭِّينْ ثنْثْ إِ شمْ ذِي ثْنَاينْ زِي ثْشجُّورَا ن ؤُمرْزِي، إِوْينْ ثِيشجُّورَا ن ثنْڭلْثْ زِي لُوبْنَانْ، مَاحنْذْ أَذْ أَمْ ڭّنْ ثِيحنْيَا إِ ڒْبَاشَّاثْ.
EZE 27:6 زِي ثْشجُّورَا ن ڒْبدْجُوضْ ن بَاشَانْ ڭِّينْ ڒمْقَاذفْ نّمْ، ڒْبَانْكُووَاثْ نّمْ إِ إِقدَّافنْ أَقَا أَثنْثْ زِي ڒْعَاجْ إِتّْوَاڭّْ ذڭْ ؤُكشُّوذْ ن ثنْڭلْثْ، إِوْينْ ث زِي ثڭْزِيرِينْ ن أَيْثْ ن كِيتِّيمْ.
EZE 27:7 ڒْْبَاشّْ نّمْ ثُوغَا-ث س ڒقْطنْ أَزْذَاذْ زِي مِيصْرَا، خيّْضنْ ث س وَاطَّاسْ ن ثِينْثَاثْ. ڒْْبَاشّْ ثُوغَا إِ شمْ ذ ثَاعدْجَانْثْ، ثَاسْقِيفْثْ ن ؤُقِيضُونْ نّمْ ثُوغَا-ت زڭْ ؤُفِيڒُو ؤُذهْمَانِي ذ أَرْجُووَانِي زِي ثڭْزِيرِينْ ن إِلِيشَا.
EZE 27:8 إِمزْذَاغْ ن صِيذُونْ ؤُ ن أَرْوَاذْ ثُوغَا أَثنْ ذ إِقدَّافنْ نّمْ. إِمِيغِيسنْ نّمْ، أَ صُورْ، نِّي ذَايمْ إِدْجَانْ، ثُوغَا أَثنْ ذ إِندَّاهنْ نّمْ.
EZE 27:9 إِوسُّورَا ن جُوبَايْلْ ذ إِمِيغِيسنْ نّسْ ثُوغَا أَثنْ ذَايمْ، عدّْڒنْ مَارَّا ثِيزَّا نّمْ. مَارَّا ثِيغَارُّوبَا نْ ڒبْحَارْ ذ إِبحْرِييّنْ نْسنْ ؤُسِينْ-د غَارمْ حِيمَا أَذْ كِيذمْ سبّْ[أ]بنْ.
EZE 27:10 أَيْثْ ن لْفُورْصْ، ن لُوذْ ؤُ ن فُوطْ ثُوغَا أَثنْ ذِي ڒْعسْكَارْ نّمْ، إِرْيَازنْ إِعسْكَارِييّنْ. ؤُيْڒنْ ذَايمْ ثَاسدَّارْثْ [نْسنْ] ذ لْكَاسْكْ [نْسنْ] ؤُشَا وْشِينْ أَمْ ڒْعزّْ.
EZE 27:11 أَيْثْ ن أَرْوَاذْ ذ ڒْعسْكَارْ نّمْ ثُوغَا أَثنْ خْ ڒحْيُوضْ نّمْ ؤُشَا إِڭَامَّاذِييّنْ، [أَيْثْ ن بُو-ثرْيَاسْثْ نّمْ]، [بدّنْ] خْ سُّومْعَاثْ نّمْ. ثِيسدَّارِييّنْ نْسنْ إِقسْحنْ ن ؤُسڒْقِي إِ ثُوغَا ؤُيْڒنْثْ ذڭْ ونّضْ خْ ڒحْيُوضْ، أَرْنِينْثْ ذڭْ وَاژْرِي نّمْ أَطَّاسْ.
EZE 27:12 ثَارْشِيسْ ثُوغَا ثتّْسبَّابْ أَكِيذمْ إِ سِّيبّثْ ن ؤُفيّضْ ن عْڒَامْ كُوڒْ إِڭڒْوَانْ. نِيثْنِي وْشِينْ أَمْ نُّوقَارْثْ، ؤُزَّاڒْ، أَسْثَانْيُو ذ ڒخْفِيفْ ذِي طّْوعْ [ن سّڒْعثْ] نِّي [ذ أَسنْ] ثزّنْزذْ.
EZE 27:13 يَاوَانْ ذ ثُوبَالْ ذ مَاشِيخْ ثُوغَا أَثنْ ذ إِسبَّابنْ نّمْ. نِيثْنِي وْشِينْ أَمْ ڒعْمُورْ ن إِوْذَانْ ذ ڒقْشُوعْ ن نّْحَاسْ ذِي طّْوعْ ن سّڒْعثْ نّمْ.
EZE 27:14 زِي ثَادَّارْثْ [ن إِجدْجِيذنْ] ن ثُوجَارْمَا وْشِينْ أَمْ يِييْسَانْ ذ إِمْنَاينْ ذ إِسرْذَانْ ذِي طّْوعْ [ن سّڒْعثْ] نِّي [ذ أَسنْ] ثزّنْزذْ.
EZE 27:15 أَرَّاوْ ن ذَاذَانْ ثُوغَا أَثنْ ذ إِسبَّابنْ ذِي طّْوعْ نّمْ. أَطَّاسْ ن ثڭْزِيرِينْ ثُوغَا خْسنْثْ أَذْ طّْفنْثْ سّڒْعثْ زڭْ ؤُفُوسْ نّمْ. ثِيغْمَاسْ ثِيمقّْرَانِينْ ن ڒْفِيڒْ ذ ؤُكشُّوضْ ن وبْنُوسْ أَرِّينْثْ أَمْ ثنْثْ-إِ-د ذ أَرِّيغَالُوثنْ.
EZE 27:16 أَرَامْ ثُوغَا إِتّْسبَّابْ أَكِيذمْ خْ وَاطَّاسْ ن ڒقْشُوعْ إِ ثْصنّْعذْ. نِيثْنِي وْشِينْ أَمْ كَارْبُونْكلْ ذ أَجُورْوَانِي ذ لْبُورْضَا س ثِينْثَاثْ إِفَارْزنْ ذ ڒقْطنْ أَزْذَاذْ ذ ڒْمَارْجَانْ ذ ڒعْقَاقْ إِزڭّْوَاغنْ ذِي طّْوعْ ن سّڒْعثْ نِّي [ذ أَسنْ ثْقدّْمذْ].
EZE 27:17 يَاهُوذَا ذ ثمُّورْثْ ن إِسْرَائِيل ثُوغَا تّْسبَّابنْ أَكِيذمْ. نِيثْنِي وْشِينْ أَمْ يِيمنْذِي زِي مِينِّيثْ ؤُڒَا ذ حَالَاوِيثْ، ثَامّنْثْ، زّشْثْ ذ بَالْسَامْ ذِي طّْوعْ ن سّڒْعثْ نّمْ.
EZE 27:18 ذِيمَاشْقْ ثُوغَا إِتّْسبَّابْ أَكِيذمْ ذڭْ وَاطَّاسْ ن ڒقْشُوعْ إِ ثْصنّْعذْ، خْ مَارَّا إِڭڒْوَانْ نّمْ، س بِينُو ن خِيلْبُونْ ذ ثْضُوفْثْ ثَاشمْڒَاڒْثْ.
EZE 27:19 ذِي طّْوعْ ن [سّڒْعثْ] نِّي [ذ أَسنْ] ثزّنْزذْ، وْشِينْ أَمْ وَاذَانْ ذ يَاوَانْ ؤُزَّاڒْ ن ومْزِيڒْ ذ قَاسِّييَا ذ ؤُغَانِيمْ أَحمُّومْ إِتّْفُوحنْ زِي ؤُزَالْ.
EZE 27:20 ذَاذَانْ ثُوغَا إِتّْسبَّابْ أَكِيذمْ س ورُّوضْ ن ثْبَارْذِيوِينْ إِ ؤُندَّاهْ.
EZE 27:21 إِعْرَابنْ [ذِي ڒْوَاطَاثْ] ذ مَارَّا ڒْحُوكَّامْ ن قِيذَارْ ثُوغَا تّْسبَّابنْ أَكِيذمْ. ذڭْ إِزمْرَاونْ ذ إِشَارِّييّنْ ذ إِغَايْضنْ ثُوغَا تّْسبَّابنْ أَكِيذمْ.
EZE 27:22 إِسبَّابنْ ن شَابَا ذ يِينِّي ن رَاعْمَا ثُوغَا أَثنْ ذ إِسبَّابنْ نّمْ. نِيثْنِي وْشِينْ ڒمْخيّرْ ن ڒعْطُورْ ذ عْڒَامْ كُوڒْ إِژْرَا إِغْڒَانْ ذ وُورغْ ذِي طّْوعْ ن سّڒْعَاثْ نِّي ذ أَسنْ ثْقدّْمذْ.
EZE 27:23 حَارَانْ ذ كِينَّا ذ عَاذَانْ، إِسبَّابنْ ن شَابَا، أَشُّورْ [ذ] كِيلْمَاذْ، ثُوغَا تّْسبَّابنْ أَكِيذمْ.
EZE 27:24 نِيثْنِي ثُوغَا تّْسبَّابنْ أَكِيذمْ ذڭْ ڒعْبَايَاثْ إِشنّْعنْ ذ إِسڒْهَامنْ إِذحْمِييّنْ ذ لْبُورْضَاثْ ثِيقَارْقَاشِينْ ؤُ ذِي ڒْكتَّانْ إِغْڒَانْ س [إِفِيڒَانْ ن] ثِينْثَاثْ إِفَارْزنْ نِّي [إِدْجَانْ] جَارْ سّڒْعثْ نّمْ س ثسْغُونِينْ إِجهْذنْ إِتّْوَامُوذنْ.
EZE 27:25 إِغَارُّوبَا ن ثَارْشِيشْ ثُوغَا أَثنْ ذ إِكَارَابَاننْ نّمْ ذ سّڒْعثْ نّمْ. ثُوغَا شمْ ذِينِّي، ثشُّورذْ ؤُ ثْذقْڒذْ أَطَّاسْ ذڭْ وُوڒْ نْ ڒبْحُورْ.
EZE 27:26 إِقدَّافنْ نّمْ إِوْينْ شمْ غَارْ وَامَانْ يُوعْڒَانْ، أَسمِّيضْ زِي شَّارْقْ يَارْژَا شمْ ذڭْ وُوڒْ نْ ڒبْحُورْ.
EZE 27:27 إِڭڒْوَانْ نّمْ ذ سّڒْعثْ نِّي ثزّنْزذْ ذ ثْسبَّابْثْ نّمْ، إِبحْرِييّنْ نّمْ ذ إِندَّاهنْ نّمْ ذ يِينِّي إِعدّْڒنْ ثِيرژَّا نّمْ، ذ إِسبَّابنْ نِّي إِتّْسبَّابنْ أَكِيذمْ، ذ مَارَّا إِعسْكَارِييّنْ إِنِّي أَكِيذمْ ؤُ أَكْ-ذ مَارَّا أَڭْرَاوْ ذِي ڒْوسْطْ نّمْ، أَذْ وْضَانْ مَارَّا ذڭْ وُوڒْ ن ڒبْحُورْ ذڭْ وَاسّْ ن ؤُوطُّو نّمْ.
EZE 27:28 زِي ڒْحسّْ ن ثْغُويِّيثْ ن إِندَّاهنْ نّمْ أَذْ أَرْجِيجنْ ذْشُورَاثْ نّمْ.
EZE 27:29 أَذْ هْوَانْ زِي ثْغَارُّوبَا مَارَّا إِنِّي إِطّْفنْ ثِيمقْذَافِينْ، مَارَّا إِبحْرِييّنْ ذ مَارَّا إِندَّاهنْ نّمْ. نِيثْنِي أَذْ بدّنْ خْ ثمُّورْثْ،
EZE 27:30 ؤُشَا أَذْ سّْڭعّْذنْ ثْمِيجَّا نْسنْ، أَذْ سْغُوينْ س إِمطَّاونْ إِمَارْزَاڭنْ، أَذْ نْضَارنْ أَشَاڒْ خْ إِزدْجِيفنْ نْسنْ، أَذْ زُوزَّارنْ إِغّضْ خْ يِيخفْ نْسنْ،
EZE 27:31 ؤُشَا أَذْ حفّنْ إِخفْ نْسنْ زِي سِّيبّثْ نّمْ. نِيثْنِي أَذْ بيْسنْ س ثْخُونْشَايْ ن وشْضَانْ ؤُشَا أَذْ خَامْ رُونْ س ڒعْمَارْ إِشُّورْ س ثَارْزُوڭِي ؤُ أَذْ سّْڭعّْذنْ إِشْثْ ن ثْغُويِّيثْ ثَامرْزَاڭْثْ.
EZE 27:32 أَمْ تّْوحْوِيحنْ أَذْ خَامْ سّْڭعّْذنْ إِجّْ ن إِزْڒِي ن وشْضَانْ، ؤُشَا أَذْ خَامْ وْثنْ أَڭجْذُورْ، أَذْ إِنِينْ: مَانْ ونْ إِدْجَانْ أَمْ صُورْ، أَمْ ثنْذِينْثْ إِتّْوَاهذْمنْ ذِي ڒْوسْطْ ن ڒبْحَارْ؟
EZE 27:33 ڒَْامِي د-إِوْينْ سّڒْعثْ نّمْ زڭْ [ؤُجمَّاضْ ن] ڒبْحُورْ، ثُوغَا ثسّْجِيوْنذْ أَطَّاسْ ن ڒڭْنُوسْ. س وَاطَّاسْ ن إِڭڒْوَانْ نّمْ ذ ثْسبَّابْثْ نّمْ ثَارِّيذْ إِجدْجِيذنْ ن ثمُّورْثْ ذ تّْوَاجَارنْ.
EZE 27:34 ذِي ثْسَاعّثْ نِّي ذِي ثتّْوَارْژذْ س ڒبْحُورْ، ذِي ڒْمهْمُوذْ ن وَامَانْ، ثُوغَا ثوْضَا ثْسبَّابْثْ نّمْ مَارَّا ؤُ مَارَّا أَڭْرَاوْ إِ غَارمْ ذِي ڒبْحَارْ.
EZE 27:35 مَارَّا إِمزْذَاغْ ن ثڭْزِيرِينْ تّْبهْثنْ ؤُ إِجدْجِيذنْ نْسنْ تَّارْجِيفنْ، تّْنخْڒَاعنْ ؤُذْمَاونْ نْسنْ.
EZE 27:36 إِسبَّابنْ جَارْ ڒڭْنُوسْ أَذْ خَامْ صفَّارنْ، أَقَا ثْذوْڒذْ ذ إِجّْ ن ؤُمذْيَا إِ وَارْجفْ، ؤُشَا وَارْ ثتِّيڒِيذْ عَاذْ إِ ڒبْذَا.‘ “
EZE 28:1 يُوسَا-د غَارِي وَاوَاڒْ ن سِيذِي، إِنَّا:
EZE 28:2 ”[أَ] مِّيسْ ن بْنَاذمْ، إِنِي إِ ڒْحَاكمْ ن صُورْ: ’أَمُّو إِ إِقَّارْ سِيذِي إِنُو، سِيذِي: مِينْزِي ثسّْڭعّْذذْ ؤُڒْ نّشْ، ثنِّيذْ: نشّْ ذ أَربِّي، نشّْ تّْغِيمِيغْ خْ ڒْكُورْسِي ن أَربِّي ذِي ڒْوسْطْ ن ڒبْحُورْ!، وَاخَّا شكْ ذ بْنَاذمْ، وَارْ ثدْجِيذْ ذ أَربِّي، أَقَا ثڭِّيذْ ؤُڒْ نّشْ [خنِّي] أَمْ وُوڒْ ن أَربِّي.
EZE 28:3 خْزَارْ، شكْ ذ أَمِيغِيسْ خْ ذَانِييِيلْ، وَارْ ذِينْ [إِدْجِي] ؤُڒَا ذ إِجّْ ن سِّيرّْ خَاكْ إِنُّوفَّارنْ.
EZE 28:4 س ثِيغِيثْ نّشْ ذ ڒفْهَامثْ نّشْ أَقَا ثسّْمُونذْ إِ يِيخفْ نّشْ إِڭڒْوَانْ [مْغَارنْ] ؤُ ثڭِّيذْ ؤُرغْ ذ نُّوقَارْثْ ذڭْ إِخَّامنْ نّشْ ن ثْخُوبَايْ.
EZE 28:5 س ثِيغِيثْ نّشْ إِمْغَارنْ غَارْ ثْسبَّابْثْ نّشْ، ثَارْنِيذْ ذڭْ إِڭڒْوَانْ نّشْ ؤُشَا ذِي سِّيبّثْ ن إِڭڒْوَانْ نّشْ [مْغَارنْ،] إِسّْڭعّذْ وُوڒْ نّشْ إِخفْ نّسْ.‘
EZE 28:6 س ؤُيَا، [أَمُّو إِ] إِقَّارْ سِيذِي إِنُو، سِيذِي: ’ؤُمِي ثڭِّيذْ ؤُڒْ نّشْ أَمْ وُوڒْ ن أَربِّي،
EZE 28:7 س ؤُيَا، خْزَارْ، نشّْ أَذْ خَاكْ د-أَوْيغْ إِبَارَّانِييّنْ، ڒڭْنُوسْ إِقسْحنْ أَطَّاسْ. نِيثْنِي أَذْ د-جبْذنْ ڒسْيُوفْ نْسنْ ضِيدّْ إِ وژْرِي ن ثِيغِيثْ نّشْ ؤُشَا أَذْ سّْفسْذنْ ثِيسِّيقْثْ نّشْ.
EZE 28:8 نِيثْنِي أَذْ شكْ سّهْوَانْ غَارْ [وحْفُورْ ن] ثُورْصُوضِي ؤُشَا أَذْ ثمّْثذْ ڒْموْثْ ن يِينِّي إِتّْوَاسّْنُوقّْبنْ ذڭْ وُوڒْ ن ڒبْحُورْ.
EZE 28:9 مَا ثْزعْمذْ س ثِيذتّْ أَذْ ثِينِيذْ زَّاثْ إِ وُوذمْ ن يِينِّي شكْ إِ غَا إِنْغنْ: ’نشّْ ذ أَربِّي‘؟ أَقَا شكْ ذ بْنَاذمْ، وَارْ إِدْجِي ذ أَربِّي ذڭْ ؤُفُوسْ ن يِينِّي إِ شكْ إِ غَا إِذدْجنْ.
EZE 28:10 أَذْ ثمّْثذْ س ؤُفُوسْ ن إِبَارَّانِييّنْ أَمْ يِينِّي وَارْ إِتّْوَاخثْننْ، مَاغَارْ نشّْ نِّيغْ [ث]!، [أَمُّو إِ] إِقَّارْ سِيذِي إِنُو، سِيذِي.‘ “
EZE 28:11 يُوسَا-د غَارِي وَاوَاڒْ ن سِيذِي، إِنَّا:
EZE 28:12 ”[أَ] مِّيسْ ن بْنَاذمْ، سْڭعّذْ إِجّْ ن يزْڒِي ن وشْضَانْ خْ ؤُجدْجِيذْ ن صُورْ ؤُشَا إِنِي أَسْ: ’أَمُّو إِ إِقَّارْ سِيذِي إِنُو، سِيذِي: أَ شكْ، ونِّي ذ ڒْخَاثمْ ن ڒبْنِي إِفَارْزنْ، ثشُّورذْ س ثِيغِيثْ ؤُ ثْكمّْڒذْ ذڭْ وژْرِي!
EZE 28:13 ثُوغَا شكْ ذِي عَاذْنْ، ذِي جّنّثْ ن أَربِّي. ثُوغَا ذْڒِينْ شكْ س عْڒَامْ كُوڒْ إِژْرَا إِغْڒَانْ، س ڒعْقَاقْ، ثْيَاقُوثْ ذ ذْيَامَانْثِي، س ثخْرِيسُولِيثْ، ؤُنِيكْسْ ذ يَاسْبِيسْ، س صَافِّيرْ أَزِيزَا، كَارْبُونْكلْ، سْمَارَاخْثْ ذ وُورغْ. ڒْْخذْمثْ ن إِبنْذِيرنْ نّشْ ذ ؤُبَارُّو ن ثمْغَارِينْ نّشْ ثُوغَا ذَايكْ، ذڭْ وَاسّْ نِّي ذِي د-ثتّْوَاخڒْقذْ ثُوغَا وجْذنْثْ.
EZE 28:14 ثُوغَا شكْ ذ إِجّْ ن ؤُكِيرُوبْ ذ أَمذْهُونْ إِسّْذُورُّوينْ، أَمُّو إِ ڭِّيغْ شكْ ذِينْ. ثُوغَا شكْ خْ وذْرَارْ إِقدّْسنْ ن أَربِّي، ثڭُّورذْ ذِي ڒْوسْطْ ن إِژْرَا إِتّحْذُوذُوقنْ.
EZE 28:15 ثُوغَا شكْ ثْكمّْڒذْ ذڭْ إِبْرِيذنْ نّشْ، زڭْ وَاسّْ نِّي ذِي د-ثتّْوَاخڒْقذْ، أَڒْ ذَايكْ ثتّْوَافْ ڒْمُوعْصِييّثْ.
EZE 28:16 س ڒمْغَارثْ ن ثْسبَّابْثْ نّشْ، إِشُّورْ ذَاخڒْ نّشْ س ڒخْشُونثْ ؤُشَا خنِّي ثخْضِيضْ. س ؤُيَا أَذْ شكْ سِّيڭّْوجغْ خْ وذْرَارْ ن أَربِّي، أَذْ شكْ مْحِيغْ زِي ڒْوسْطْ ن إِژْرَا إِتّحْذُوذُوقنْ، أَ شكْ أَكِيرُوبْ إِسّْذُورُّوينْ!
EZE 28:17 ؤُڒْ نّشْ إِسّْڭعّذْ إِخفْ نّسْ س وَاژْرِي نّشْ، أَقَا ثسّْعِيدْجْثذْ ثِيغِيثْ نّشْ ذِي طّْوعْ ن ثِيسِّيقْثْ نّشْ إِعفَّارنْ. نشّْ نْضَارغْ شكْ خْ ثمُّورْثْ ؤُشَا ڭِّيغْ شكْ زَّاثْ إِ وُوذمْ ن إِجدْجِيذنْ، أَڒَامِي زمَّارنْ أَذْ غَاركْ خْزَارنْ س ڒْحڭْرَا.
EZE 28:18 زِي سِّيبّثْ ن وَاطَّاسْ ن ڒْمُوعْصِييّثْ نّشْ ذ ڒْغشّْ ن ثْسبَّابْثْ نّشْ، أَقَا ثْغسْبذْ ثِيزَاوِييِّينْ نّشْ إِقدّْسنْ. س ؤُينِّي أَرِّيغْ ثِيمسِّي ثفّغْ-د زِي ڒْوسْطْ نّشْ، ثنِّي شكْ إِشّنْ، ؤُشَا أَرِّيغْ شكْ ذ إِغّضْ خْ ثمُّورْثْ زَّاثْ إِ ثِيطَّاوِينْ ن مَارَّا إِنِّي شكْ إِتّْوَاڒَانْ.
EZE 28:19 مَارَّا إِنِّي شكْ إِسّْننْ جَارْ ڒڭْنُوسْ، أَرجْفنْ زَّايكْ. ثْذوْڒذْ ذ إِجّْ ن ؤُمذْيَا ن وَارْجفْ ؤُ وَارْ ثتِّيڒِيذْ عَاذْ إِ ڒبْذَا.‘ “
EZE 28:20 يُوسَا-د غَارِي وَاوَاڒْ ن سِيذِي، إِنَّا:
EZE 28:21 ”[أَ] مِّيسْ ن بْنَاذمْ، أَرّْ ؤُذمْ نّشْ غَارْ صِيذُونْ ؤُشَا نَابّْ ضِيدّْ نّسْ،
EZE 28:22 ؤُشَا إِنِي: ’أَمُّو إِ إِقَّارْ سِيذِي إِنُو، سِيذِي: خْزَارْ، نشّْ أَقَا أَيِي ضِيدّْ نّمْ، [أَ] ثَانْذِينْثْ ن صِيذُونْ! نشّْ أَذْ تّْوَاسّْعُودْجغْ ذِي ڒْوسْثْ نّشْ. ؤُشَا نِيثْنِي أَذْ سّْننْ بلِّي نشّْ ذ سِيذِي خْمِي إِ غَا ڭّغْ ڒحْكَامَاثْ ذِي [صِيذُونْ] ؤُشَا أَذْ ذَايسْ تّْوَاقدّْسغْ.
EZE 28:23 أَذْ سّكّغْ طَّاعُونْ ذِي ڒْوسْطْ نّسْ ؤُڒَا ذ إِذَامّنْ ذڭْ إِبْرِيذنْ نّسْ ؤُ ونِّي إِتّْوَانْغنْ أَذْ إِوْضَا ذِي ڒْوسْطْ نّسْ س سِّيفْ نِّي خَاسْ [إِ غَا يِيڒِينْ] زڭْ ونّضْ نّسْ. [خنِّي] أَذْ سّْننْ، بلِّي نشّْ ذ سِيذِي،
EZE 28:24 ؤُشَاعمَّارْصْ عَاذْ أَذْ يِيڒِي إِ ثَادَّارْثْ ن إِسْرَائِيل أَسنَّانْ إِقبْشنْ نِيغْ ثَازڭّْوَارْثْ إِتّقّْسنْ زڭْ إِنِّي ذ أَسنْ د-إِنّْضنْ، إِنِّي ثنْ إِسّحْقَارَانْ. نِيثْنِي أَذْ سّْننْ بلِّي نشّْ ذ سِيذِي، ذ سِيذِي [إِ دْجِيغْ].‘ “
EZE 28:25 ”أَمُّو إِ إِقَّارْ سِيذِي إِنُو، سِيذِي: ’خْمِي غَا سّْمُونغْ ثَادَّارْثْ ن إِسْرَائِيل زِي ڒڭْنُوسْ نِّي مَانِي تّْوَابزّْعنْ نِيثْنِي ؤُشَا نشّْ سّشْنغْ إِخفْ إِنُو ذ أَمْقدّسْ ذَايْسنْ زَّاثْ إِ ثِيطَّاوِينْ ن ڒڭْنُوسْ، [خنِّي] أَذْ زذْغنْ ذِي ثمُّورْثْ نِّي وْشِيغْ إِ ؤُمْسخَّارْ إِنُو يَاعْقُوبْ.
EZE 28:26 نِيثْنِي أَذْ زذْغنْ ذِي ڒَامَانْ ؤُشَا أَذْ بْنَانْ ثُوذْرِينْ، أَذْ ڭّنْ إِمَارْجَاعنْ ن ؤُضِيڒْ ؤُ أَذْ ذَايْسنْ ژُّونْ ثِيزَايَارِينْ، [وَاهْ،] نِيثْنِي أَذْ [ذِينْ] زذْغنْ ذِي ڒَامَانْ أَوَارْنِي ڒَامِي ڭِّيغْ ڒحْكَامَاثْ خْ مَارَّا إِنِّي ثنْ إِكشّْضنْ زِي [ثمُّورَا] إِ ذ أَسنْ د-إِنّْضنْ. [خنِّي] أَذْ سّْننْ بلِّي نشّْ ذ سِيذِي، أَربِّي نْسنْ.‘ “
EZE 29:1 يُوسَا-د غَارِي وَاوَاڒْ ن سِيذِي ذڭْ ؤُسڭّْوَاسْ وِيسّْعشْرَا، ذڭْ ؤُيُورْ وِيسّْعشْرَا، ذڭْ وَاسّْ وِيسّْ ثنْعَاشْ ن ؤُيُورْ، إِنَّا:
EZE 29:2 ”[أَ] مِّيسْ ن بْنَاذمْ، أَرّْ ؤُذمْ نّشْ غَارْ فِيرْعُونْ، أَجدْجِيذْ ن مِيصْرَا ؤُشَا نَابّْ خَاسْ ؤُ خْ مَارَّا [ثَامُّورْثْ ن] مِيصْرَا.
EZE 29:3 سِيوڒْ، إِنِي: ’أَمُّو إِ إِقَّارْ سِيذِي إِنُو، سِيذِي: خْزَارْ، نشّْ ضِيدّْ نّشْ، أَ فِيرْعُونْ، أَجدْجِيذْ ن مِيصْرَا، شكْ ذ ڒْهَايْشثْ ثَامقّْرَانْثْ نِّي إِزّْڒنْ ذِي ڒْوسْطْ ن إِغزْرَانْ نّسْ، ثنِّي إِقَّارنْ: إِغْزَارْ إِنُو، نشّْ ڭِّيغْ ث إِ يِيخفْ إِنُو!
EZE 29:4 نشّْ أَذْ ڭّغْ ثِيسنَّارِينْ ذڭْ ؤُغسْمَارْ نّشْ، أَذْ سّْڒسْقغْ إِسڒْمَانْ ن إِغزْرَانْ نّشْ غَارْ ثقْشُورِينْ نّشْ. أَذْ شكْ د-جبْذغْ زِي ڒْوسْطْ ن إِغزْرَانْ نّشْ ؤُشَا مَارَّا إِسڒْمَانْ ن إِغزْرَانْ نّشْ أَذْ ڒسْقنْ غَارْ ثقْشُورِينْ نّشْ.
EZE 29:5 نشّْ أَذْ شكْ نْضَارغْ بَارَّا ذِي ڒخْڒَا، شكْ ذ مَارَّا إِسڒْمَانْ ن إِغزْرَانْ نّشْ. خْ وُوذمْ ن ييَّارْ أَذْ ثوْضِيذْ. وَارْ ذِينْ ونِّي شكْ إِ غَا يَاوْينْ نِيغْ شكْ إِ غَا إِطّْفنْ. نشّْ أَذْ شكْ وْشغْ ذ مَاشَّا إِ ڒوْحُوشْ ن ثمُّورْثْ ؤُ إِ إِجْضَاضْ ن ؤُجنَّا.
EZE 29:6 مَارَّا إِمزْذَاغْ ن مِيصْرَا أَذْ سّْننْ بلِّي نشّْ ذ سِيذِي، مَاغَارْ نِيثْنِي ثُوغَا أَثنْ ذ أَزدْجَاضْ ن ؤُغَانِيمْ إِ خْ ثُوغَا ثْسنّذْ ثَادَّارْثْ ن إِسْرَائِيل.
EZE 29:7 مَاڒَا نِيثْنِي كْسِينْ شكْ س ؤُفُوسْ نّشْ، ثْفدْجْقذْ ؤُشَا ثسّْنُوقّْبذْ غَارْسنْ ثَاغْرُوضْثْ نْسنْ مَارَّا، ؤُ مَاڒَا خَاكْ سّنْذنْ، ثَارْژِيذْ ؤُشَا ثسَّارْجِيجذْ ثِيجْعِينَّاثِينْ نْسنْ مَارَّا.‘ “
EZE 29:8 ”س ؤُيَا، أَمُّو إِ إِقَّارْ سِيذِي إِنُو، سِيذِي: ’خْزَارْ، نشّْ أَذْ خَاكْ سّعْذُوغْ سِّيفْ ؤُشَا أَذْ قسّغْ زَّايكْ بْنَاذمْ ذ ڒْمَاڒْ.
EZE 29:9 ثَامُّورْثْ ن مِيصْرَا أَذْ ثذْوڒْ إِ ؤُردّدْجْ ؤُ إِ ڒْخِيرْبثْ ؤُشَا نِيثْنِي أَذْ سّْننْ بلِّي نشّْ ذ سِيذِي، مِينْزِي نتَّا إِنَّا: ’إِغْزَارْ إِنُو ؤُ نشّْ ڭِّيغْ [ث]!‘ “
EZE 29:10 ”س ؤُيَا، خْزَارْ، نشّْ خَاكْ ؤُ خْ إِغزْرَانْ نّشْ ؤُ نشّْ أَذْ ڭّغْ ثَامُّورْثْ ن مِيصْرَا ذ ڒخْرَابِي، [وَاهْ،] ذ إِشْثْ نْ ڒْخِيرْبثْ ن وَاردّدْجْ زِي مَاجْذَالْ أَڒْ أَسْوَانْ، أَڒْ أَيْمِيرْ ن [ثمُّورْثْ ن] كُوشْ.
EZE 29:11 ؤُڒَا ذ إِجّْ ن بْنَاذمْ وَارْ زَّايسْ إِژكّْوِي خْ ؤُضَارْ ؤُ ؤُڒَا ذ إِجّْ ن ؤُضَارْ ن ڒْمَاڒْ أَذْ خَاسْ إِژْوَا. وَارْ ذَايكْ تِّيڒِينْ إِمزْضَاغْ إِ يِيجّْ ن ڒْمِيجَارْ ن أَربْعِينْ ن إِسڭّْوُوسَا.
EZE 29:12 [مِينْزِي] نشّْ أَذْ ڭّغْ ثَامُّورْثْ ن مِيصْڒَا ذ أَردّدْجْ ذِي ڒْوسْطْ ن ثمُّورَا تّْوَارذْدْجنْثْ ؤُشَا ثِيندَّامْ أَذْ إِڒِينْثْ ذ أَردّدْجْ ذِي ڒْوسْطْ ن ثْندَّامْ [نّغْنِي] نِّي إِذوْڒنْ ذ ڒْخِيرْبَاثْ، [ڒْمِيجَارْ ن] أَربْعِينْ ن إِسڭّْوُوسَا، ؤُ نشّْ أَذْ سُّويْسغْ إِمِيصْرِييّنْ جَارْ ڒڭْنُوسْ ؤُشَا أَذْ ثنْ بزّْعغْ خْ ثمُّورَا.“
EZE 29:13 ”مَاشَا أَمُّو إِ إِقَّارْ سِيذِي إِنُو، سِيذِي: ’أَوَارْنِي ڒَامِي إِ غَا عْذُونْ أَربْعِينْ ن إِسڭّْوُوسَا نشّْ أَذْ سّْمُونغْ إِمِيصْرِييّنْ زِي ڒڭْنُوسْ نِّي مَانِي ثُوغَا تّْوَابزّْعنْ.
EZE 29:14 نشّْ أَذْ بدّْڒغْ ثَامحْبَاسْثْ ن إِمِيصْرِييّنْ ؤُشَا أَذْ ثنْ سّْعقْبغْ ذِي ثمُّورْثْ ن فَاثْرُوسْ، ذِي ثمُّورْثْ إِ زَّايسْ د-إِفّْغنْ، ؤُشَا ذِينِّي أَذْ إِڒِينْ ذ إِشْثْ ن ثْڭلْذِيثْ ثَامعْنَانُوشْثْ.
EZE 29:15 ثَاڭلْذِيثْ نْسنْ أَذْ ثِيڒِي ذ ثَامعْنَانُوشْثْ زِي ثْڭلْذَاثِينْ نّغْنِي ؤُ وَارْ ثسّْڭعَّاذْ إِخفْ نّسْ عَاذْ خْ ڒڭْنُوسْ، مِينْزِي نشّْ أَذْ ثنْ سّْمژْيغْ أَڒَامِي وَارْ تّْصلّْطنْ عَاذْ خْ ڒڭْنُوسْ.
EZE 29:16 وَارْ ثتِّيڒِي عَاذْ إِ ثَادَّارْثْ ن إِسْرَائِيل ذ أَثشْڒِي نِّي ثنْ إِ غَا إِسِّيذَارْ ڒْمُوعْصِييّثْ، ڒَامِي ذوْڒنْ غَارْسنْ، ضفَّارنْ ثنْ. نِيثْنِي أَذْ سّْننْ بلِّي نشّْ ذ سِيذِي، ذ سِيذِي [إِ دْجِيغْ].‘ “
EZE 29:17 ذڭْ ؤُسڭّْوَاسْ وِيسّْ سبْعَا ؤُ-عِيشْرِينْ، ذڭْ ؤُيُورْ وِيسّْ أَمزْوَارُو، ذڭْ وَاسّْ أَمزْوَارُو ن ؤُيُورْ إِمْسَارْ بلِّي يُوسَا-د غَارِي وَاوَاڒْ ن سِيذِي، إِنَّا:
EZE 29:18 ”[أَ] مِّيسْ ن بْنَاذمْ، نابُوخَاذْرَاصَّارْ، أَجدْجِيذْ ن بَابِيلْ، يَارَّا ڒْعسْكَارْ نّسْ أَذْ يڭّْ إِشْثْ ن ڒْخذْمثْ ثَامقّْرَانْثْ ضِيدّْ إِ صُورْ. مَارَّا أَزدْجِيفْ إِقِّيمْ ذ أَقشَّارْ ؤُ مَارَّا ثَاغْڒُوضْثْ ثَارْكشْ، [مَاشَا] وَارْ غَارسْ ثُوغِي ڒخْڒَاصْ زِي [ثنْذِينْثْ ن] صُورْ، إِ نتَّا ؤُ إِ ڒْعسْكَارْ نّسْ خْ ڒْخذْمثْ إِ يڭَّا ضِيدّْ نّسْ.
EZE 29:19 س ؤُيَا، أَمُّو إِ إِقَّارْ سِيذِي إِنُو، سِيذِي: ’خْزَارْ، نشّْ أَذْ وْشغْ ثَامُّورْثْ ن مِيصْرَا إِ نابُوخَاذْرَاصَّارْ، أَجدْجِيذْ ن بَابِيلْ. نتَّا أَذْ [زَّايسْ] د-يَاوِي أَفيّضْ ن وَاڭْڒَا نّسْ ؤُشَا أَذْ إِكشّضْ ثَاكشَّاضْثْ نّسْ ؤُشَا أَذْ إِكّسْ ثُوكَّارْضَا. أَيَا أَذْ يِيڒِي ذ ڒخْڒَاصْ نّسْ إِ ڒْعسْكَارْ نّسْ.
EZE 29:20 خْ ڒْخذْمثْ نِّي يڭَّا ضِيدّْ [صُورْ] وْشِيغْ أَسْ ثَامُّورْثْ ن مِيصْرَا ذ ڒخْڒَاصْ، مِينْزِي نِيثْنِي ڭِّينْ ت ذِي طّْوعْ إِنُو، [أَمُّو إِ] إِقَّارْ سِيذِي إِنُو، سِيذِي.
EZE 29:21 ذڭْ وَاسّْ نِّي أَذْ أَرّغْ إِشّْ ن إِسْرَائِيل أَذْ د-إِفّغْ ؤُشَا أَذْ أَرْزْمغْ أَقمُّومْ نّشْ ذِي ڒْوسْطْ نْسنْ. [خنِّي] أَذْ سّْننْ بلِّي نشّْ ذ سِيذِي.‘ “
EZE 30:1 يُوسَا-د غَارِي وَاوَاڒْ ن سِيذِي، إِنَّا:
EZE 30:2 ”[أَ] مِّيسْ ن بْنَاذمْ، نَابّْ ؤُشَا إِنِي: ’أَمُّو إِ إِقَّارْ سِيذِي إِنُو، سِيذِي: رُومْ! أَيّهَّاثْ خْ وَاسّْ نِّي!
EZE 30:3 مِينْزِي يُوذسْ إِ يدْجَا وَاسّْ نِّي، يُوذسْ إِ يدْجَا وَاسّْ إِ سِيذِي، أَسّْ ن إِسيْنُوثنْ. أَذْ يِيڒِي ذ ثَاسَاعّثْ ن ڒڭْنُوسْ.
EZE 30:4 أَذْ د-يَاسْ سِّيفْ ذِي مِيصْرَا. أَذْ يِيڒِي وَارْجفْ أَمقّْرَانْ ذِي ثمُّورْثْ ن كُوشْ، خْمِي غَا وْضَانْ إِنِّي إِتّْوَاسّْنُوقّْبنْ ذِي مِيصْرَا، مِينْزِي أَذْ أَوْينْ أَفيّضْ ن وَاڭْڒَا نّسْ، أَذْ أَردّْدْجنْ ذْسُوسَا نّسْ.
EZE 30:5 كُوشْ ذ فُوطْ ذ لُوذْ ذ عْڒَامْ كُوڒْ  إِبَارَّانِييّنْ، ذ كُوبْ ذ أَيْثْ ن ثمُّورْثْ ن ڒْعَاهْذْ أَذْ كِيسنْ وْضَانْ س سِّيفْ.‘ “
EZE 30:6 ”أَمُّو إِ إِقَّارْ سِيذِي: ’إِنِّي إِتّْشَاڒنْ خْ مِيصْرَا أَذْ وْضَانْ ؤُ نّْفَاخثْ ن صُّولْطَا نّسْ أَذْ ثْغَارْقْ. زِي مَاجْذَالْ أَڒْ أَسْوَانْ أَذْ وْضَانْ س سِّيفْ ذِي ثمُّورْثْ!‘، أَمُّو إِ إِقَّارْ سِيذِي إِنُو، سِيذِي.
EZE 30:7 ‘نِيثْنِي أَذْ تّْوَارذْدْجنْ ذِي ڒْوسْطْ ن ثمُّورَا إِتّْوَارذْدْجنْثْ ؤُ ثِيندَّامْ نّسْ أَذْ إِڒِينْثْ ذِي ڒْوسْطْ ن ثْندَّامْ نّغْنِي إِتّْوَاخَارّْبنْ.
EZE 30:8 خنِّي أَذْ سّْننْ بلِّي نشّْ ذ سِيذِي، خْمِي غَا سَّارْغغْ ثِيمسِّي ذِي مِيصْرَا ؤُشَا مَارَّا إِنِّي ت إِتّْعَاوَاننْ أَذْ تّْوَارْژنْ.‘
EZE 30:9 ’ذڭْ وَاسّْ نِّي أَذْ فّْغنْ إِرقَّاسنْ س ثْغَارُّوبَا زِي زَّاثْ ن وُوذمْ إِنُو، مَاحنْذْ أَذْ سِّيڭّْوذنْ كُوشْ ونِّي ؤُمِي إِتّْغِيڒْ أَقَا نتَّا ذِي ڒَامَانْ. أَذْ ذَايْسنْ يِيڒِي وَارْجفْ أَمقّْرَانْ، أَمشْنَاوْ ذڭْ وَاسّْ نِّي ن مِيصْرَا، مَاغَارْ خْزَارْ، أَذْ د-يَاسْ!‘ “
EZE 30:10 ”أَمُّو إِ إِقَّارْ سِيذِي إِنُو، سِيذِي: ’نشّْ أَذْ سّْبدّغْ ڒْغَاشِي إِنْهوْڒنْ ن مِيصْرَا س ؤُفُوسْ ن نابُوخَاذْرَاصَّارْ، أَجدْجِيذْ ن بَابِيلْ.
EZE 30:11 نتَّا ذ ڒْڭنْسْ نّسْ أَكِيذسْ، إِمْسَاڭّْوَاذنْ قَاعْ ن ڒڭْنُوسْ أَذْ د-أَسنْ حِيمَا أَذْ ثحَّانْ ثَامُّورْثْ. نِيثْنِي أَذْ سُّوفّْغنْ ڒسْيُوفْ نْسنْ ضِيدّْ إِ مِيصْرَا ؤُشَا أَذْ شُّورنْ ثَامُّورْثْ س يِينِّي إِتّْوَاسّْنُوقّْبنْ.
EZE 30:12 نشّْ أَذْ سِّيژْغغْ إِغزْرَانْ ؤُشَا أَذْ زّنْزغْ ثَامُّورْثْ إِ إِعفَّاننْ ؤُ نشّْ أَذْ أَردّْدْجغْ ثَامُّورْثْ ذ مَارَّا مِينْ ذَايسْ س ؤُفُوسْ ن إِبَارَّانِييّنْ. نشّْ، سِيذِي، ونِّي إِنَّانْ أَيَا.‘ “
EZE 30:13 ”أَمُّو إِ إِقَّارْ سِيذِي إِنُو، سِيذِي: ’نشّْ أَذْ أَردّْدْجغْ إِميْضَا ن لْ-أَصْنَامْ ؤُشَا أَذْ قْضِيغْ خْ لْ-أَصْنَامْ زِي نُوفْ. وَارْ إِتّْغِيمِي عَاذْ ؤُڒَا ذ إِجّْ ن ڒْحَاكمْ زِي مِيصْرَا. نشّْ أَذْ سِّيذْفغْ ڒْعُورّثْ ذِي ثمُّورْثْ ن مِيصْرَا.
EZE 30:14 نشّْ أَذْ أَردّْدْجغْ فَاثْرُوسْ ؤُ أَذْ سَّارْغغْ صُوعَانْ ؤُ أَذْ أَوْيغْ ڒحْكَامَاثْ إِنُو ذِي نُو.
EZE 30:15 نشّْ أَذْ سّْفَارْغغْ أَسْعَارْ إِنُو خْ سِينْ، لْبُورْجْ ن مِيصْرَا، أَذْ قضْعغْ ڒْغَاشِي إِنْهوْڒنْ ن نُو.
EZE 30:16 نشّْ أَذْ سِّيذْفغْ ثِيمسِّي غَارْ مِيصْرَا، سِينْ أَذْ ثفْسِي س ڒحْرِيقْ، ثَامُّورْثْ ن نُو أَذْ ثتّْوَافدْجقْ ؤُ نُوفْ أَذْ ثِيڒِي ذِي ڒحْصَارثْ كُوڒْ أَسّْ.
EZE 30:17 إِحُوذْرِييّنْ زِي أَوَانْ ذ فِيبِيسْثَا أَذْ وْضَانْ س سِّيفْ ؤُ ثِيمْغَارِينْ أَذْ ؤُيُورنْثْ ذِي ثْمحْبَاسْثْ.
EZE 30:18 أَسّْ أَذْ إِتّْبَارْشنْ ذِي ثَاحْفَاحِيسْ خْمِي غَا يْأَرْژغْ نشّْ أَزَايْڒُو ن مِيصْرَا، ؤُ أَذْ أَسْ سّْبدّغْ نّْفَاخثْ ن جّهْذْ نّسْ ذِينِّي. إِجّْ ن ؤُسيْنُو أَذْ ت إِسّْذُورِّي ؤُشَا يسِّيسْ أَذْ ؤُيُورنْثْ ذِي ثْمحْبَاسْثْ.
EZE 30:19 نشّْ أَذْ سِّيوْضغْ ڒحْكَامَاثْ خْ مِيسْڒَا ؤُ نِيثْنِي أَذْ سّْننْ بلِّي نشّْ ذ سِيذِي.‘ “
EZE 30:20 ذڭْ ؤُسڭّْوَاسْ وِيسّْ حِيطَاشْ، ذڭْ ؤُيُورْ أَمزْوَارُو، ذڭْ وَاسّْ وِيسّْ سبْعَا ن ؤُيُورْ إِمْسَارْ بلِّي يُوسَا-د غَارِي وَاوَاڒْ ن سِيذِي، إِنَّا:
EZE 30:21 ” ’[أَ] مِّيسْ ن بْنَاذمْ، نشّْ أَرْژِيغْ أَغِيڒْ ن فِيرْعُونْ، أَجدْجِيذْ ن مِيصْرَا. خْزَارْ، وَارْ ث إِجبَّارْ ؤُڒَا ذ إِجّنْ مَاحنْذْ أَذْ إِتّْوَاسّْڭنْفَا، وَارْ ث تّنّْضنْ س بِينْذَاثْ أَڒَامِي زَّايْسنْثْ ث غَا سّْجهْذنْ، حِيمَا أَذْ إِطّفْ سِّيفْ [عَاوذْ]!‘
EZE 30:22 س ؤُيَا، أَمُّو إِ إِقَّارْ سِيذِي إِنُو، سِيذِي: ’خْزَارْ، نشّْ خْ فِيرْعُونْ، أَجدْجِيذْ ن مِيصْڒَا، ؤُ نشّْ أَذْ أَرْژغْ إِغَادْجنْ نّسْ، [أَمْ ؤُغِيڒْ] إِجهْذنْ [عَاذْ] أَمْ ونِّي إِتّْوَارْژِينْ. نشّْ أَذْ أَرّغْ سِّيفْ نّسْ أَذْ إِوْضَا زڭْ ؤُفُوسْ نّسْ.
EZE 30:23 نشّْ أَذْ زُوزَّارغْ إِمِيصْرِييّنْ جَارْ ڒڭْنُوسْ ؤُ أَذْ ثنْ بزّْعغْ خْ ثمُّورَا.
EZE 30:24 نشّْ أَذْ سّْجهْذغْ إِغَادْجنْ ن ؤُجدْجِيذْ ن بَابِيلْ ؤُشَا أَذْ وْشغْ سِّيفْ إِنُو ذڭْ ؤُفُوسْ نّسْ، [مَاشَا] إِغَادْجنْ ن فِيرْعُونْ أَذْ ثنْ أَرْژغْ، [أَڒَامِي] إِ غَا إِسْغُويْ أَمْ إِسْغُويُّو ونِّي إِسّْنُوقْبنْ.
EZE 30:25 [وَاهْ] نشّْ أَذْ سّْجهْذغْ إِغَادْجنْ ن ؤُجدْجِيذْ ن بَابِيلْ، [مَاشَا] إِغَادْجنْ ن فِيرْعُونْ أَذْ وْضَانْ. [خنِّي] أَذْ سّْننْ بلِّي نشّْ ذ سِيذِي، خْمِي غَا ڭّغْ سِّيفْ إِنُو ذڭْ ؤُفُوسْ ن ؤُجدْجِيذْ ن بَابِيلْ ؤُ نتَّا أَذْ ث إِسّْوِيژّضْ خْ ثمُّورْثْ ن مِيصْرَا.
EZE 30:26 نشّْ أَذْ زُوزَّارغْ إِمِيصْرِييّنْ جَارْ ڒڭْنُوسْ، أَذْ ثنْ بزّْعغْ خْ ثمُّورَا. [أَمُّو] إِ غَا سّْننْ بلِّي نشّْ ذ سِيذِي.‘ “
EZE 31:1 ذڭْ ؤُسڭّْوَاسْ وِيسّْ حِيطَاشْ، ذڭْ ؤُيُورْ وِيسّْ ثْڒَاثَا، ذڭْ وَاسّْ أَمزْوَارُو ن ؤُيُورْ إِمْسَارْ بلِّي يُوسَا-د غَارِي وَاوَاڒْ ن سِيذِي، إِنَّا:
EZE 31:2 ”[أَ] مِّيسْ ن بْنَاذمْ، إِنِي إِ فِيرْعُونْ، أَجدْجِيذْ ن مِيصْرَا، ؤُ إِ مَارَّا ڒْغَاشِي نّسْ إِنْهوْڒنْ: ’وِي أَكِيذكْ إِمْقُودَّانْ س مَارَّا ڒمْغَارثْ نّشْ؟
EZE 31:3 خْزَارْ، ثُوغَا أَشُّورْ ذ ثَاشجَّارْثْ ن ثنْڭلْثْ خْ إِذُورَارْ ن لُوبْنَانْ أَكْ-ذ ثْسضْوِينْ إِشْنَانْ ذ ثِيفْرَايْ إِ إِتِّيشنْ ثِيڒِي مْلِيحْ ؤُ أَكْ-ذ ثِيذِّي ذ أَزِيرَارْ يُوعْڒَانْ، أَڒَامِي ثُوشّنْثْ نّسْ ثِيوضْ-د أَڒْ إِسيْنُوثنْ.
EZE 31:4 أَمَانْ أَرِّينْ ت أَذْ إِيْمَا، أَمَانْ إِهوْڒنْ سّْڭعّْذنْ ت أَطَّاسْ. إِغزْرَانْ ن وَامَانْ نّسْ سِّيزّْڒنْ ذڭْ ونّضْ ن ثبْهِيرْثْ نّسْ ؤُشَا أَمَانْ إِهوْڒنْ أَرِّينْ إِغزْرَانْ نّسْ أَذْ رَاحنْ غَارْ مَارَّا ثِيشجُّورَا ن ييَّارْ.
EZE 31:5 خْ ؤُيَا إِتّْوَاسُّوعْڒَا ثِيذِّي نّسْ خْ مَارَّا ثِيشجُّورَا ن ييَّارْ، ؤُ ثِيسضْوِينْ نّسْ ذوْڒنْثْ س وَاطَّاسْ ؤُ إِفثْوَانْ نّسْ زُّوڭَّارْثنْ س وَامَانْ إِفيّْضنْ، خْمِي ثُوغَا ثسّْغمِّي.
EZE 31:6 مَارَّا إِجْضَاضْ ن ؤُجنَّا ڭِّينْ ڒْعُوشّْ نْسنْ ذِي ثْسضْوِينْ نّسْ، مَارَّا ڒْمَاڒْ ن ييَّارْ فرْخنْ سَاذُو إِفثْوَانْ نّسْ ؤُ مَارَّا ڒڭْنُوسْ مْغَارنْ ثُوغَا تّْغِيمَانْ ذِي ثِيڒِي نّسْ.
EZE 31:7 ثُوغَا-ت ثشْنَا س ڒمْغَارثْ نّسْ ؤُ س ثُوزّڭَّارْثْ ن ثْسضْوِينْ نّسْ، مَاغَارْ أَژْوَارْ نّسْ ثُوغَا-ث أَكْ-ذ وَاطَّاسْ ن وَامَانْ.
EZE 31:8 ثِيشجُّورَا ن ثنْڭلْثْ ذِي جّنّثْ ن أَربِّي وَارْ خَاسْ عْذُونْثْ، ثِيشجُّورَا ن ؤُمرْزِي وَارْ سكّْوِينْثْ ثْسضْوِينْ نّسْ ؤُشَا ثِيشجُّورَا ن ذُولْبْ وَارْ سكّْوِينْثْ إِفثْوَانْ نّسْ. ؤُڒَا ذ إِشْثْ ن ثْشجَّارْثْ ذِي جّنّثْ ن أَربِّي ثَارْوسْ ذَايسْ ذڭْ وَاژْرِي نّسْ.
EZE 31:9 ڭِّيغْ ت ثشْنَا أَكْ-ذ وَاطَّاسْ ن ثْسضْوِينْ نّسْ، أَڒَامِي زَّايسْ ؤُسْمنْثْ مَارَّا ثِيشجُّورَا ن عَاذْنْ، ثِينِّي ثُوغَا ذِي جّنّثْ ن أَربِّي.‘ “
EZE 31:10 ”س ؤُيَا، أَمُّو إِ إِقَّارْ سِيذِي إِنُو، سِيذِي: ’ؤُمِي ثسّْڭعّْذذْ إِخفْ نّمْ س ثِيذِّي نّمْ، وَاهْ نتَّاثْ ثڭَّا ثُوشّنْثْ نّسْ جَارْ إِسيْنُوثنْ ؤُ ؤُڒْ نّسْ إِسّْڭعّذْ إِخفْ نّسْ زِي سِّيبّثْ ن ڒُوعْڒَا نّسْ،
EZE 31:11 س ؤُينِّي وْشِيغْ ت ذڭْ ؤُفُوسْ ن ونِّي ذ أَمْزمَّارْ قَاعْ جَارْ ڒڭْنُوسْ، ونِّي إِڭِّينْ س ثِيذتّْ أَمْ د-إِتّْڒِيقنْ أَكْ-ذ ثُوعفّْنَا نّسْ، ؤُشَا أَمُّو إِ ؤُژّْڒغْ خَاسْ.
EZE 31:12 زذْمنْ ت إِبَارَّانِييّنْ، ڒڭْنُوسْ إِقسْحنْ أَطَّاسْ، زذْمنْ ث ؤُشَا جِّينْ ت. ثِيسضْوِينْ نّسْ وْضَانْثْ خْ إِذُورَارْ ؤُ ذِي مَارَّا ثِيغْزُورْثِينْ، إِفثْوَانْ نّسْ تّْوَارْژنْ ذِي مَارَّا ثِيغزْرَاثِينْ ن ثمُّورْثْ ؤُ مَارَّا ڒڭْنُوسْ ن ثمُّورْثْ هْوَانْ-د زِي سَاذُو ثِيڒِي نّسْ ؤُشَا جِّينْ ت.
EZE 31:13 مَارَّا إِجْضَاضْ ن ؤُجنَّا زذْغنْ خْ ؤُكشُّوضْ نّسْ نِّي إِوْضَانْ ؤُشَا مَارَّا ڒْمَاڒْ ن ييَّارْ ثُوغَا أَثنْ خْ إِفثْوَانْ نّسْ.
EZE 31:14 نشّْ ڭِّيغْ ت، حِيمَا مَارَّا ثِيشجُّورَا وَارْ ذِيكّْوِيڒنْثْ عَاذْ تّْنفّْخنْثْ س ثِيذِّي نْسنْثْ ؤُشَا أَذْ ڭّنْثْ ثُوشّنْثْ نْسنْ ذڭْ إِسيْنُوثنْ، ؤُ مَارَّا ثِيشجُّورَا نِّي إِسْوِينْ أَمَانْ س ؤُفيّضْ، وَارْ تّْبذِّينْثْ عَاذْ س يِيخفْ نْسنْثْ ذِي نّْفَاخثْ نْسنْثْ، مَاغَارْ نِيثنْثِي مَارَّا تّْوَاموْشنْثْ إِ ڒْموْثْ، غَارْ ڒَادْجَاغْ ن ثمُّورْثْ، ذِي ڒْوسْطْ ن ثَارْوَا ن بْنَاذمْ، أَكْ-ذ إِنِّي إِهكّْوَانْ ذڭْ وحْفُورْ ن ونْضڒْ.‘ “
EZE 31:15 ”أَمُّو إِ إِقَّارْ سِيذِي إِنُو، سِيذِي: ’ذڭْ وَاسّْ نِّي ذِي ثهْوَا غَارْ ڒَاخَارْثْ، ڭِّيغْ إِجّْ وشْضَانْ. ذِي طّْوعْ نّسْ ذْڒِيغْ أَمَانْ إِهوْڒنْ ؤُشَا سّْبدّغْ إِغزْرَانْ نّسْ ؤُشَا فشْڒنْ وَامَانْ إِمْغَارنْ. ذِي طّْوعْ نّسْ سّْبَارّشْنغْ إِذُورَارْ ن لُوبْنَانْ ؤُشَا مَارَّا ثِيشجُّورَا ن ييَّارْ شضْننْثْ خَاسْ.
EZE 31:16 س دّْرِيزْ ن ؤُوطُّو نّسْ سَّارْجِيجغْ ڒڭْنُوسْ، ؤُمِي ت سّهْوِيغْ غَارْ ڒَاخَارْثْ أَكْ-ذ إِنِّي إِهكّْوَانْ ذڭْ وحْفُورْ ن ونْضڒْ. مَارَّا ثِيشجُّورَا ن عَاذْنْ، ثِينِّي إِعِيزّنْ أَطَّاسْ ذ ثِينِّي إِشْنَانْ قَاعْ زِي لُوبْنَانْ، ثِينِّي إِسْوِينْ أَطَّاسْ ن وَامَانْ مَارَّا، أَقَا تّْوَاسّْفوّْجنْثْ س مَانْ أَيَا ذِي ڒَادْجَاغْ ن ثمُّورْثْ.
EZE 31:17 ؤُڒَا ذ نِيثنْثِي هْوَانْثْ أَكِيذسْ غَارْ ڒَاخَارْثْ، غَارْ إِنِّي إِتّْوَانْغنْ س سِّيفْ، إِنِّي ثُوغَا أَغِيڒْ نّسْ إِجهْذنْ، إِنِّي ثُوغَا إِقِّيمنْ ذِي ثِيڒِي نّسْ ذِي ڒْوسْثْ ن ڒڭْنُوسْ.
EZE 31:18 أَكْ وِي ثْسَاوِيذْ أَمُّو ذِي ڒْعزّْ ذ ڒمْغَارثْ جَارْ ثْشجُّورَا ن عَاذْنْ؟ وَاخَّا أَمنِّي أَذْ ثتّْوَاسّهْوِيذْ أَكْ-ذ ثْشجُّورَا نْ عَاذْنْ أَڒْ رَادْجَاغْ ن ثمُّورْثْ. أَذْ ثْبُوزّْڒذْ ذِي ڒْوسْثْ ن يِينِّي وَارْ إِتّْوَاخثْننْ، أَكْ-ذ إِنِّي إِتّْوَانْغنْ س سِّيفْ. ؤُشَا أَذْ إِنِينْ: وَا ذ فِيرْعُونْ ذ مَارَّا ڒْغَاشِي نّسْ إِنْهوْڒنْ!‘، أَمُّو إِ إِقَّارْ سِيذِي إِنُو، سِيذِي.“
EZE 32:1 ذڭْ ؤُسڭّْوَاسْ وِيسّْ ثنْعَاشْ، ذڭْ ؤُيُورْ وِيسّْ ثنْعَاشْ، ذڭْ وَاسّْ أَمزْوَارُو ن ؤُيُورْ إِمْسَارْ بلِّي يُوسَا-د غَارِي وَاوَاڒْ ن سِيذِي، إِنَّا:
EZE 32:2 ”[أَ] مِّيسْ ن بْنَاذمْ، سْڭعّذْ إِجّْ ن يزْڒِي ن وشْضَانْ خْ فِيرْعُونْ، أَجدْجِيذْ ن مِيصْرَا، ؤُشَا إِنِي أَسْ: ’ثُوغَا شكْ أَمْ ويْرَاذْ ذ أَمژْيَانْ جَارْ ڒڭْنُوسْ ؤُ ثُوغَا شكْ أَمْ ڒْهَايْشثْ ذِي ڒبْحُورْ. ثْغضْڒذْ إِخفْ نّشْ ذڭْ إِغزْرَانْ، ثسّنْهزّذْ أَمَانْ س إِضَارنْ نّشْ ؤُشَا ثسّفْسَاذْ إِغزْرَانْ نْسنْ.‘
EZE 32:3 أَمُّو إِ إِقَّارْ سِيذِي إِنُو، سِيذِي: ’نشّْ أَذْ خَاكْ سّْوِيژّْضغْ ثْرَاشَّا إِنُو، س يِيجّْ ن وڭْرَاوْ ن ڒڭْنُوسْ أَطَّاسْ. نِيثْنِي أَذْ شكْ سِّيڒْينْ أَكْ-ذ ثْرَاشَّا إِنُو.
EZE 32:4 نشّْ أَذْ شكْ جّغْ ذِي ثمُّورْثْ، أَذْ شكْ نْضَارغْ خْ وُوذمْ ن ييَّارْ. أَذْ خَاكْ سّْزذْغغْ مَارَّا إِجْضَاضْ ن ؤُجنَّا ؤُشَا أَذْ زَّايكْ سّْجِيوْنغْ إِمُودَّارنْ زِي مَارَّا ثَامُّورْثْ.
EZE 32:5 أَذْ ڭّغْ ويْسُومْ نّشْ خْ إِذُورَارْ ؤُشَا أَذْ شُّورغْ ثِيغْزُورِينْ س ڒڭْعُوذِي ن وَارَّايمْ نّشْ.
EZE 32:6 نشّْ أَذْ سّسْوغْ ثَامُّورْثْ أَڒْ إِذُورَارْ، س ؤُفيّضْ ن إِذَامّنْ نّشْ، ؤُشَا ثِيغزْرَاثِينْ أَذْ شُّورنْثْ زَّايكْ.‘
EZE 32:7 ’نشّْ أَذْ سّْذُورْيغْ أَجنَّا خْمِي شكْ غَا سّْخسْيغْ. أَذْ سّْبَارّشْنغْ إِثْرَانْ نّسْ، أَذْ سّْذُورْيغْ ثَافُوشْثْ س إِسيْنُوثنْ، ؤُشَا ثَازِيرِي وَارْ تّجِّي عَاذْ أَذْ ثَارْغَا ثْفَاوْثْ نّسْ.
EZE 32:8 مَارَّا ثِيفَاوِينْ يَارقّنْ ذڭْ ؤُجنَّا أَذْ ثنْثْ سّْبَارّشْنغْ ذِي طّْوعْ نّشْ ؤُشَا أَذْ سّكّغْ ثَادْجسْثْ خْ ثمُّورْثْ نّشْ!‘، أَمُّو إِ إِقَّارْ سِيذِي إِنُو، سِيذِي.
EZE 32:9 ’نشّْ أَذْغزِّيغْ ؤُڒْ ن وَاطَّاسْ ن ڒڭْنُوسْ، ؤُمِي إِ غَا يَاوْيغْ ڒخْبَارْ ن ثْرژِّيثْ نّشْ غَارْ ڒڭْنُوسْ، غَارْ ثمُّورَا إِ وَارْ ثنْثْ ثسِّينذْ شَا.
EZE 32:10 نشّْ أَذْ سّْنخْڒْعغْ أَطَّاسْ نْ ڒڭْنُوسْ ذِي سِّيبّثْ نّشْ ؤُ أَشُوَّافْ ن إِجدْجِيذنْ نْسنْ أَذْ ڭعّْذنْ زڭْ وَارْجفْ ذِي طّْوعْ نّشْ، خْمِي غَا سّنْهزّغْ سِّيفْ إِنُو سَّا ذ سَّا زَّاثْ إِ وُوذْمَاونْ نْسنْ. نِيثْنِي أَذْ أَرْجِيجنْ ڒبْذَا، كُوڒْ إِجّْ ذِي سِّيبّثْ ن ثُوذَارْثْ نّسْ، ذڭْ وَاسّْ ن ؤُوطُّو نّشْ.‘
EZE 32:11 مِينْزِي أَمُّو إِ إِقَّارْ سِيذِي إِنُو، سِيذِي: ’سِّيفْ ن ؤُجدْجِيذْ ن بَابِيلْ أَذْ خَاكْ يمَّارْسْ.
EZE 32:12 س ڒسْيُوفْ ن أَيْثْ ن بُو-ثغْرُوضْثْ أَذْغضْڒغْ ڒْغَاشِي نّشْ إِنْهوْڒنْ. أَقَا-ثنْ ڒڭْنُوسْ إِقسْحنْ أَطَّاسْ مَارَّا، نِيثْنِي أَذْ قْضَانْ خْ نّْفَاخثْ ن مِيصْرَا ؤُشَا مَارَّا ڒْغَاشِي نّسْ إِنْهوْڒنْ أَذْ إِتّْوَاثحَّا.
EZE 32:13 نشّْ أَذْ قْضِيغْ خْ إِمُودَّارنْ نّسْ إِنِّي إِدْجَانْ غَارْ وَاطَّاسْ ن وَامَانْ، ؤُڒَا ذ إِجّْ ن ؤُضَارْ ن بْنَاذمْ أَذْ ثنْ إِسَّارْوِي عَاوذْ ؤُشَا ؤُڒَا ذ إِشْثْ ن ثشْضشْثْ ن ڒْمَاڒْ أَذْ ثنْ ثسَّارْوِي عَاذْ.‘
EZE 32:14 ’خنِّي أَذْ سّهْوِيغْ أَمَانْ نْسنْ أَڒَامِي إِ غَا صْفَانْ ؤُ نشّْ أَذْ ڭّغْ إِغزْرَانْ نْسنْ أَذْ سِّيزّْڒنْ أَمْ زّشْثْ!‘، [أَمُّو] إِ إِقَّارْ سِيذِي إِنُو، سِيذِي.
EZE 32:15 ’أَڒَامِي ڭِّيغْ ثَامُّورْثْ ن مِيصْرَا ذ أَردّدْجْ ؤُشَا أَذْ ثِيڒِي ثمُّورْثْ ثتّْوَاردّدْجْ، ثحْفَا زِي مَارَّا مِينْ ذَايسْ، أَڒَامِي وْثغْ مَارَّا إِنِّي ذَايسْ إِزدّْغنْ، خنِّي أَذْ سّْننْ بلِّي نشّْ ذ سِيذِي.‘ “
EZE 32:16 ”وَا ذ إِزْڒِي ن وشْضَانْ ؤُشَا أَذْ ثغنّْجنْ أَمْ يزْڒِي ن وشْضَانْ، يسِّيثْسنْثْ ن ثمُّورَا أَذْ ثغنّْجنْثْ أَمْ يزْڒِي ن وشْضَانْ، أَذْ ثغنّْجنْثْ أَمْ يزْڒِي ن وشْضَانْ خْ مِيصْرَا ؤُ خْ مَارَّا ڒْغَاشِي نّسْ إِنْهوْڒنْ!، [أَمُّو إِ] إِقَّارْ سِيذِي إِنُو، سِيذِي.“
EZE 32:17 ذڭْ ؤُسڭّْوَاسْ وِيسّْ ثنْعَاشْ، ذڭْ ؤُيُورْ وِيسّْ ثنْعَاشْ، ذڭْ وَاسّْ وِيسّْ خمّسْطَاشْ ن ؤُيُورْ إِمْسَارْ بلِّي يُوسَا-د غَارِي وَاوَاڒْ ن سِيذِي، إِنَّا:
EZE 32:18 ”أَ مِّيسْ ن بْنَاذمْ، وّثْ أَڭجْذُورْ خْ ڒْغَاشِي إِنْهوْڒنْ ن مِيصْرَا. أجّْ إِ-ث أَذْ إِهْوَا، مِيصْرَا أَكْ-ذ يسِّيسْ ن ڒڭْنُوسْ إِجهْذنْ، ذِي ڒَادْجَاغْ ن ثمُّورْثْ، أَكْ-ذ يِينِّي إِهْوَانْ ذڭْ وحْفُورْ ن ونْضڒْ.
EZE 32:19 مَا شكْ إِعِيزّنْ خْ مَانْ مَّا؟ هْوَا، أجّْ أَذْ شكْ سَّارْسنْ أَكْ-ذ يِينِّي وَارْ إِتّْوَاخثْننْ.
EZE 32:20 أَذْ وْضَانْ ذِي ڒْوسْطْ ن يِينِّي إِتّْوَانْغنْ س سِّيفْ. أَقَا إِمّوْشْ سِّيفْ. جَارّْ مِيصْرَا زڭْ وبْرِيذْ أَكْ-ذ مَارَّا ڒْغَاشِي نّسْ إِنْهوْڒنْ.
EZE 32:21 إِنِّي غَارْ ثدْجَا صُّولْطَا أَطَّاسْ زڭْ أَيْثْ ن بُو-ثغْرُوضْثْ أَذْ سِّيوْڒنْ أَكِيذسْ ؤُ أَكْ-ذ يِينِّي ث إِعَاوَاننْ زِي ڒْوسْطْ ن ڒَاخَارْثْ. هْوَانْ نِيثْنِي، أَقَا زّْڒنْ ذِينِّي، إِنِّي وَارْ إِتّْوَاخثْننْ، إِنِّي إِتّْوَانْغنْ س سِّيفْ.‘
EZE 32:22 ’ذِيهَا إِدْجَا أَشُّورْ أَكْ-ذ مَارَّا أَڭْرَاوْ نّسْ، نّْضنْ أَسْ-د إِمضْڒَانْ نّسْ. مَارَّا نِيثْنِي تّْوَانْغنْ، وْضَانْ س سِّيفْ.
EZE 32:23 إِمضْڒَانْ نّسْ أَقَا أَثنْ ذِي ثْغمَّارْ ن وحْفُورْ ن ونْضڒْ ؤُ أَڭْرَاوْ نّسْ أَقَا-ث ذڭْ ونّضْ ن ونْضڒْ نّسْ. مَارَّا نِيثْنِي تّْوَاسّْنُوقّْبنْ، وْضَانْ س سِّيفْ، إِنِّي ثُوغَا إِسَّاڭّْوَاذنْ ذِي ثمُّورْثْ ن يِينِّي إِدَّارنْ.‘
EZE 32:24 ’ذِيهَا عِيلَامْ ذ مَارَّا ڒْغَاشِي نّسْ إِنْهوْڒنْ ذڭْ ونّضْ ن ونْضڒْ نّسْ. مَارَّا نِيثْنِي تّْوَاسّْنُوقّْبنْ، وْضَانْ س سِّيفْ، هْوَانْ بْڒَا أَخْثَانْ ذِي ڒَادْجَاغْ ن ثمُّورْثْ، إِنِّي ثُوغَا إِسَّاڭّْوَاذنْ ذِي ثمُّورْثْ ن يِينِّي إِدَّارنْ. نِيثْنِي إِوْينْ ڒفْضِيحثْ نْسنْ أَكِيذْسنْ، أَكْ-ذ يِينِّي إِهكّْوَانْ ذڭْ وحْفُورْ ن ونْضڒْ.
EZE 32:25 ڭِّينْ أَسْ إِجّْ ن ومْشَانْ ن أَرَّاحثْ ذِي ڒْوسْثْ ن يِينِّي إِتّْوَانْغنْ، غَارْ مَارَّا ڒْغَاشِي نّسْ إِنْهوْڒنْ. إِمضْڒَانْ نّسْ نّْضنْ أَسْ-د. مَارَّا نِيثْنِي وَارْ إِتّْوَاخثْننْ، وْضَانْ س سِّيفْ، مِينْزِي ثُوغَا سَّاڭّْوَاذنْ إِوْذَانْ ذِي ثمُّورْثْ ن يِينِّي إِدَّارنْ. نِيثْنِي إِوْينْ ڒفْضِيحثْ نْسنْ أَكِيذْسنْ، جْمِيعْ أَكْ-ذ يِينِّي إِهكّْوَانْ ذڭْ وحْفُورْ ن ونْضڒْ. أَقَا نتَّا إِتّْوَاسَّارْسْ ذِي ڒْوسْثْ ن يِينِّي إِتّْوَانْغنْ.‘
EZE 32:26 ذِيهَا مَاشِيخْ-ثُوبَالْ ذ مَارَّا ڒْغَاشِي نّسْ إِنْهوْڒنْ. نّْضنْ أَسْ-د إِمضْڒَانْ نّسْ. مَارَّا نِيثْنِي وَارْ تّْوَاخثْننْ، تّْوَاسّْنُوقّْبنْ س سِّيفْ، مَاغَارْ نِيثْنِي ثُوغَا سَّاڭّْوَاذنْ إِوْذَانْ ذِي ثمُّورْثْ ن يِينِّي إِدَّارنْ.
EZE 32:27 إِنِّي إِوْضَانْ زڭْ يِينِّي وَارْ إِتّْوَاخثْننْ وَارْ زِّيڒنْ أَكْ-ذ أَيْثْ ن بُو-ثغْرُوضْثْ نِّي إِهْوَانْ غَارْ ڒَاخَارْثْ أَكْ-ذ ڒسْنَاحْ نْسنْ ن ؤُمنْغِي. مَّارْسنْ ڒسْيُوفْ نْسنْ سَاذُو إِزدْجِيفنْ نْسنْ ؤُشَا ڒْمُوعْصِييّثْ نْسنْ أَقَا-ت خْ ييْسَانْ نْسنْ، وَاخَّا ثُوغَا نِيثْنِي ذ ثِيڭّْوُوذِي إِ أَيْثْ ن بُو-ثغْرُوضْثْ ذِي ثمُّورْثْ ن يِينِّي إِدَّارنْ.
EZE 32:28 ؤُڒَا ذ شكْ أَذْ ثِيڒِيذْ ثَارْژذْ ذِي ڒْوسْطْ ن يِينِّي وَارْ إِتّْوَاخثْننْ ؤُشَا أَذْ ثزّْڒذْ أَكْ-ذ يِينِّي إِتّْوَاسّْنُوقْبنْ س سِّيفْ.‘
EZE 32:29 ’ذِيهَا إِذُومْ، إِجدْجِيذنْ نّسْ ذ مَارَّا ڒْحُوكَّامْ نّسْ، إِنِّي إِ ذِينْ إِتّْوَاڭّنْ س مَارَّا صُّولْثَا نْسنْ أَكْ-ذ يِينِّي إِتّْوَاسّْنُوقّْبنْ س سِّيفْ. زّْڒنْ ذِينِّي أَكْ-ذ يِينِّي وَارْ إِتّْوَاخثْننْ ؤُ أَكْ-ذ يِينِّي إِهْوَانْ ذڭْ وحْفُورْ ن ونْضڒْ.‘
EZE 32:30 ’ذِيهَا أَيْثْ ن بُو-صُّولْطَا زِي شّْمَالْ، مَارَّا نِيثْنِي، ؤُ مَارَّا أَيْثْ ن صِيذُونْ، إِنِّي إِهْوَانْ أَكْ-ذ يِينِّي إِتّْوَانْغنْ. أَقَا تّْسضْحَانْ ذِينِّي، وَاخَّا ثُوغَا سَّاڭّْوَاذنْ إِوْذَانْ س ثرْيَاسْثْ نْسنْ ن أَيْثْ ن بُو-ثغْرُوضْثْ. أَقَا زّْڒنْ ذِينِّي بْڒَا أَخْثَانْ أَكْ-ذ يِينِّي إِتّْوَانْغنْ س سِّيفْ ؤُشَا أَربُّونْ ڒفْضِيحثْ نْسنْ أَكْ-ذ يِينِّي إِهْوَانْ ذڭْ وحْفُورْ ن ونْضڒْ.‘
EZE 32:31 ’فِيرْعُونْ أَذْ ثنْ إِژَارْ ؤُشَا أَذْ إِتّْوَاسّْفوّجْ زِي مَارَّا ڒْغَاشِي نّسْ إِنْهوْڒنْ، إِنِّي إِتّْوَاسّْنُوقّْبنْ س سِّيفْ، فِيرْعُونْ ذ مَارَّا ڒْعسْكَارْ نّسْ، [أَمُّو إِ] إِقَّارْ سِيذِي إِنُو، سِيذِي٬‘ “
EZE 32:32 ’مِينْزِي نشّْ جِّيغْ ث أَذْ إِسِّيڭّْوذْ إِنِّي ذِي ثمُّورْثْ ن يِينِّي إِدَّارنْ. نتَّا أَذْ إِمَّارْسْ ذِي ڒْوسْطْ ن يِينِّي وَارْ إِتّْوَاخثْننْ، غَارْ يِينِّي إِتّْوَاسّْنُوقّْبنْ س سِّيفْ، فِيرْعُونْ ذ مَارَّا ڒْغَاشِي نّسْ إِنْهوْڒنْ،‘ [أَمُّو إِ] إِقَّارْ سِيذِي إِنُو، سِيذِي.“
EZE 33:1 يُوسَا-د غَارِي وَاوَاڒْ ن سِيذِي، إِنَّا:
EZE 33:2 ”[أَ] مِّيسْ ن بْنَاذمْ، سِيوڒْ أَكْ-ذ ثَارْوَا ن ڒْڭنْسْ نّشْ، إِنِي أَسنْ: ’خْمِي غَا [يْ]أَوْيغْ سِّيفْ خْ ثمُّورْثْ ؤُشَا ڒْڭنْسْ ن ثمُّورْثْ أَذْ إِكْسِي إِجّْ ن ورْيَازْ زِي طّْرُوفَا نّسْ ؤُشَا أَذْ ث ڭّنْ ذ أَعسَّاسْ إِ يِيخفْ نْسنْ
EZE 33:3 ؤُشَا وَانِيثَا إِثْوَاڒَا يُوسَا-د سِّيفْ خْ ثمُّورْثْ، [خنِّي] إِتّْسُوضْ ذڭْ ؤُيِيشّْ ن إِشَارِّي ؤُشَا إِعدْجمْ إِ ڒْڭنْسْ،
EZE 33:4 ؤُشَا أَقَا ذِينْ إِجّنْ إِسْڒَا إِ ؤُسُوضِي ذڭْ ؤُيِيشّْ ن إِشَارِّي، [مَاشَا] وَارْ إِجِّي إِخفْ نّسْ أَذْ زَّايسْ إِتّْوَاعْڒمْ ؤُشَا يُوسَا-د سِّيفْ، إِكّسْ إِ-ث، [خنِّي] إِذَامّنْ نّسْ أَذْ إِڒِينْ خْ ؤُزدْجِيفْ نّسْ.
EZE 33:5 نتَّا إِسْڒَا إِ ڒْحسّْ ن ؤُسُوضِي ذڭْ ؤُيِيشّْ ن إِشَارِّي، [مَاشَا] وَارْ إِجِّي إِخفْ نّسْ أَذْ إِتّْوَاعْڒمْ، إِذَامّنْ نّسْ أَقَا أَثنْ خَاسْ، [مَاشَا] ڒعْمَارْ ن ونِّي إِجِّينْ إِخفْ نّسْ أَذْ إِتّْوَاعْڒمْ، أَذْ إِنْجمْ.
EZE 33:6 مَاشَا مَاڒَا أَعسَّاسْ إِثْوَاڒَا سِّيفْ يُوسَا-د ؤُشَا وَارْ إِسُوضْ ذڭْ ؤُيِيشّْ ن إِشَارِّي، [أَڒَامِي] وَارْ إِتّْوَاعْڒمْ ڒْڭنْسْ ؤُشَا سِّيفْ يُوسَا-د، إِكّسْ إِجّْ ن ڒعْمَارْ جَارْ أَسنْ، [خنِّي] أَقَا نتَّا إِمّكْسِي زِي سِّيبّثْ ن ڒْمُوعْصِييّثْ [ن يِيخفْ] نّسْ، [مَاشَا] نشّْ أَذْ تَّارغْ إِذَامّنْ نّسْ زڭْ ؤُفُوسْ ن ؤُعسَّاسْ.‘ “
EZE 33:7 ”شكْ، [أَ] مِّيسْ ن بْنَاذمْ، نشّْ ڭِّيغْ شكْ ذ أَعسَّاسْ خْ ثَادَّارْثْ ن إِسْرَائِيل. أَذْ ثسْڒذْ إِجّْ ن وَاوَاڒْ زڭْ ؤُقمُّومْ إِنُو ؤُشَا أَذْ أَسنْ ثْعڒْمذْ زَّايِي.
EZE 33:8 ؤُمِي نشّْ نِّيغْ إِ ؤُعفَّانْ: ’[أَ] أَعفَّانْ، شكْ أَذْ ثمّْثذْ ڒْموْثْ!‘، ؤُ شكْ وَارْ ثسِّيوِيڒذْ مَاحنْذْ أَذْ ثْعڒْمذْ إِ ؤُعفَّانْ خْ وبْرِيذْ نّسْ [إِودَّارنْ]، [خنِّي] أَذْ إِمّثْ ؤُعفَّانْ [نِّي] س ڒْمُوعْصِييّثْ نّسْ، [مَاشَا] نشّْ أَذْ تَّارغْ إِذَامّنْ نّسْ زڭْ ؤُفُوسْ نّشْ.
EZE 33:9 [مَاشَا] مَاڒَا شكْ ثْعڒْمذْ إِ ؤُعفَّانْ خْ وبْرِيذْ نّسْ، مَاحنْذْ أَذْ أَسْ إِحيّذْ ؤُشَا نتَّا وَارْ إِحيّذْ خْ وبْرِيذْ نّسْ، [خنِّي] نتَّا أَذْ إِمّثْ س ڒْمُوعْصِييّثْ نّسْ، [مَاشَا] شكْ ثسّْنجْمذْ ڒعْمَارْ نّشْ.“
EZE 33:10 ”شكْ، [أَ] مِّيسْ ن بْنَاذمْ، إِنِي إِ ثَادَّارْثْ ن إِسْرَائِيل: ’[أَمُّو إِ] ثسَّاوَاڒمْ، ثقَّارمْ: ’إِعذِّييّنْ نّغْ ذ دّْنُوبْ نّغْ [أَقَا أَثنْ] خَانغْ ؤُشَا نْهلّكْ ذَايْسنْ، [خنِّي] مَامّشْ غَا [نقِّيمْ] ندَّارْ؟‘
EZE 33:11 إِنِي أَسنْ: ’[س ثِيذتّْ أَمْ] دَّارغْ نشّْ، إِقَّارْ سِيذِي إِنُو، سِيذِي،عمَّارْصْ وَارْ أَرطِّيغْ خْ ڒْموْثْ ن ؤُعفَّانْ، مَاشَا أَذْ أَرْضغْ أَعفَّانْ خْمِي غَا إِثُوبْ زڭْ وبْرِيذْ نّسْ ؤُشَا أَذْ إِدَّارْ. ثُوبمْ، ثُوبمْ زڭْ وبْرِيذنْ نْومْ إِعفّْننْ، مَاغَارْ مَايمِّي غَا ثمّْثذْ، [أَ] ثَادَّارْثْ ن إِسْرَائِيل؟‘ “
EZE 33:12 ”شكْ، [أَ] مِّيسْ ن بْنَاذمْ، إِنِي إِ ثَارْوَا ن ڒْڭنْسْ نّشْ: ’ثَاسڭْذَا ن ؤُمْسڭّذْ وَارْ ث إِسّْنجِّيمْ ذڭْ وَاسّْ نِّي ذِي غَا إِخْضَا ؤُشَا ثُوعفّْنَا ن ؤُعفَّانْ وَارْ زَّايسْ إِ غَا إِنْقَارضْ ذڭْ وَاسّْ نِّي ذِي غَا إِثُوبْ زِي ثُوعفّْنَا نّسْ. أَمْسڭّذْ وَارْ إِزمَّارْ أَذْ إِقِّيمْ إِدَّارْ س ثْسڭْذَا نّسْ ذڭْ وَاسّْ نِّي ذِي غَا إِخْضَا.
EZE 33:13 ؤُمِي نِّيغْ نشّْ إِ ؤُمْسڭّذْ، أَقَا نتَّا أَذْ إِدَّارْ س ثِيذتّْ، [مَاشَا] نتَّا إِتِّيقّْ ذِي ثْسڭْذَا نّسْ ؤُشَا إِڭَّا ڒْمُوعْصِييّثْ، [خنِّي] وَارْ ثتِّيڒِي عَاذْ ڒِيذَارثْ ذِي ثْسڭْذَا نّسْ، مَاشَا ذِي ڒْغشّْ نّسْ نِّي إِڭَّا، أَقَا أَذْ ذَايسْ إِمّثْ.
EZE 33:14 مَاڒَا نشّْ نِّيغْ إِ ؤُعفَّانْ: ڒْموْثْ إِ غَا ثمّْثذْ!، ؤُشَا نتَّا إِثُوبْ خْ دّنْبْ نّسْ ؤُشَا أَذْ إِڭّْ ڒْحقّْ ذ ثْسڭْذَا،
EZE 33:15 - أَقَا أَعفَّانْ أَذْ إِسّعْقبْ دِّييّثْ نّسْ، أَذْ إِخدْجصْ مِينْ إِتّْوَاشَارنْ، أَذْ يُويُورْ ذِي ثْوصَّا ن ثُوذَارْثْ بْڒَا مَا أَذْ إِڭّْ ڒْغشّْ - [خنِّي] أَذْ إِدَّارْ س ثِيذتّْ، وَارْ إِتّْمتِّي شَا.
EZE 33:16 مَارَّا دّْنُوبْ نِّي إِڭَّا، وَارْ د أَسْ تّْوَاحسّْبنْ شَا. إِڭَّا ڒْحقّْ ذ ثْسڭْذَا، أَذْ إِدَّارْ س ثِيذتّْ.‘ “
EZE 33:17 ”ثَارْوَا نْ ڒْڭنْسْ نّشْ قَّارنْ: ’أَبْرِيذْ ن سِيذِي إِنُو وَارْ إِدْجِي شَا نِيشَانْ!‘، ؤُمِي أَبْرِيذْ ن سِيمَانْثْ نْسنْ وَارْ إِدْجِي شَا نِيشَانْ.
EZE 33:18 مَاڒَا أَمْسڭّذْ إِحيّذْ خْ ثْسڭْذَا نّسْ ؤُشَا إِتّڭّْ ڒْغشّْ، [خنِّي] أَذْ ذَايسْ إِمّثْ،
EZE 33:19 ؤُشَا خْمِي غَا إِثُوبْ ؤُعفَّانْ خْ ثُوعفّْنَا نّسْ ؤُشَا أَذْ إِڭّْ ڒْحقّْ ذ ثْسڭْذَا، [خنِّي] أَذْ زَّايسْ إِدَّارْ.
EZE 33:20 [عَاذْ] ثقَّارمْ: ’أَبْرِيذْ ن سِيذِي وَارْ إِدْجِي شَا نِيشَانْ!‘ نشّْ أَذْ خَاومْ حكْمغْ، [أَ] ثَادَّارْثْ ن إِسْرَائِيل، كُوڒْ  إِجّْ أَمْ يِيبْرِيذنْ نّسْ.“
EZE 33:21 ذڭْ ؤُسڭّْوَاسْ وِيسّْ ثنْعَاشْ ن لْمنْفَا نّغْ، ذڭْ ؤُيُورْ وِيسّْعشْرَا، ذڭْ وَاسّْ وِيسّْ خمْسَا ن ؤُيُورْ إِمْسَارْ بلِّي يُوسَا-د غَارِي إِجّْ ن ؤُمَارْوَاڒْ زِي ؤُرْشَالِيمْ، إِنَّا: ”ثَانْذِينْثْ ثتّْوَاغلّبْ!“
EZE 33:22 غَارْ دْجِيڒثْ ثُوغَا أَفُوسْ ن سِيذِي خَافِي، قْبڒْ د غَا يَاسْ ؤُمَارْوَاڒْ ؤُ نتَّا يَارْزمْ أَيِي أَقمُّومْ ؤُمِي د-يُوسَا ؤُمَارْوَاڒْ غَارِي ذِي ضّْبحْ. ثُوغَا أَقمُّومْ إِنُو إِتّْوَارْزمْ ؤُشَا وَارْ تِّيڒِيغْ عَاذْ ذ أَيْنَاوْ.
EZE 33:23 يُوسَا-د غَارِي وَاوَاڒْ ن سِيذِي، إِنَّا:
EZE 33:24 ”[أَ] مِّيسْ ن بْنَاذمْ، إِمزْذَاغْ ن ڒْخِيرْبَاثْ-أَ ذِي ثمُّورْثْ ن إِسْرَائِيل سَّاوَاڒنْ، قَّارنْ: ’إِبْرَاهِيمْ ثُوغَا-ث ذ إِجّْ ؤُشَا إِوَارْثْ ثَامُّورْثْ-أَ. نشِّينْ [ڒخُّو] ذڭْ وَاطَّاسْ، ثمّوْشْ أَنغْ ثمُّورْثْ ذ ثَاسْغَارْثْ!‘
EZE 33:25 س ؤُيَا، إِنِي أَسنْ: أَمُّو إِ إِقَّارْ سِيذِي إِنُو، سِيذِي: كنِّيوْ ثتّثمْ [أَيْسُومْ] أَكْ-ذ إِذَامّنْ ؤُشَا ثسّْڭعَّاذمْ ثِيطَّاوِينْ نْومْ غَارْ إِميْضَا ن [لْ-أَصْنَامْ نْومْ] ؤُشَا ثسِّيزَّاڒمْ إِذَامّنْ. مَا إِعدّڒْ أَذْ ثطّْفمْ كنِّيوْ ثَامُّورْثْ ذ ڒْوَارْثْ؟
EZE 33:26 ثتّْبدَّامْ خْ سِّيفْ نْومْ، ثتّڭّمْ جّْعِيفشْثْ ؤُ كُوڒْ أَرْيَازْ إِسّْخمَّاجْ ثَامْغَارْثْ ن جَّارْ نّسْ. مَا إِعدّڒْ أَذْ ثطّْفمْ كنِّيوْ ثَامُّورْثْ ذ ڒْوَارْثْ؟‘
EZE 33:27 أَمُّو إِ ذ أَسنْ غَا ثِينِيذْ: ’أَمُّو إِ إِقَّارْ سِيذِي إِنُو، سِيذِي: [س ثِيذتّْ أَمْ] دَّارغْ نشّْ، أَقَا إِنِّي إِدْجَانْ خْ ڒْخِيرْبَاثْ أَذْ وْضَانْ س سِّيفْ، ؤُ ونِّي إِدْجَانْ خْ وُوذمْ ن ييَّارْ أَذْ ث وْشغْ إِ ڒوْحُوشْ ن ڒخْڒَا مَاحنْذْ أَذْ ث صَارْضنْ ؤُشَا إِنِّي إِدْجَانْ ذِي لْقلْعَاثْ ؤُ ذڭْ إِفْرَانْ أَذْ مّْثنْ س طَّاعُونْ!
EZE 33:28 [مَاغَارْ] نشّْ أَذْ أَرّغْ ثَامُّورْثْ ذ أَردّدْجْ ذ إِجّْ ن ؤُمذْيَا ن وَارْجفْ ؤُشَا نّْفَاخثْ ن صُّولْطَا نّسْ أَذْ ثتّْوَاسّْبدّْ. إِذُورَارْ ن إِسْرَائِيل أَذْ تّْوَاردّْدْجنْ أَڒَامِي وَارْ ذِينْ وِي خَاسنْ إِ غَا إِژْوَانْ.
EZE 33:29 [خنِّي] أَذْ سّْننْ بلِّي نشّْ ذ سِيذِي، خْمِي غَا أَرّغْ ثَامُّورْثْ ذ أَردّدْجْ ذ إِجّْ ن ؤُمذْيَا ن وَارْجفْ زِي سِّيبّثْ ن جّْعَايفْ نْسنْ نِّي ڭِّينْ.‘ “
EZE 33:30 ”شكْ، [أَ] مِّيسْ ن بْنَاذمْ، أَيْثْ ن ڒْڭنْسْ نّشْ سَّاوَاڒنْ خَاكْ غَارْ ڒحْيُوضْ ؤُ غَارْ وَاذَافْ ن ثُوذْرِينْ. إِجّْ إِسَّاوَاڒْ أَكْ-ذ ونّغْنِي، كُوڒْ إِجّْ أَكْ-ذ ؤُمَاسْ، ؤُشَا إِقَّارْ: ’أَسمْ-د خنِّي ؤُشَا سْڒمْ مَانْ أَوَاڒْ إِ د إِفّغْ [زڭْ ؤُقمُّومْ] ن سِيذِي!‘
EZE 33:31 نِيثْنِي أَذْ غَاركْ د-أَسنْ أَمْ مَامّشْ إِ د-يُوسَا [إِجّْ ن ؤُبَارُّو ن] ڒْڭنْسْ، أَذْ قِّيمنْ زَّاثكْ أَمْ ڒْڭنْسْ إِنُو ؤُشَا أَذْ سْڒنْ إِ وَاوَاڒنْ نّشْ، مَاشَا وَارْ زَّايْسنْ تّڭّنْ، مَاغَارْ س ؤُقمُّومْ نْسنْ سّْنِيعْمِيڒنْ ثَايْرِي، مَاشَا ؤُڒْ نْسنْ إِڭُّورْ أَوَارْنِي إِ ڒفْضڒْ ن [يِيخفْ] نْسنْ.
EZE 33:32 ؤُشَا خْزَارْ، أَقَا شكْ غَارْسنْ أَمْ ونِّي إِتّْغنَّاجنْ إِزْڒَانْ س ثْمِيجَّا ثصْبحْ، [أَمشْنَاوْ] ونِّي إِزمَّارنْ أَذْ إِڭَّا [لْمُوسِيقَا] مْلِيحْ. نِيثْنِي أَذْ سْڒنْ غَارْ وَاوَاڒنْ نّشْ، [مَاشَا] وَارْ زَّايْسنْ تّڭّنْ.
EZE 33:33 [مَاشَا] ڒَامِي أَذْ د-يَاسْ أَيَا - خْزَارْ، أَذْ د-يَاسْ! - [خنِّي] أَذْ سّْننْ بلِّي ثُوغَا إِجّْ ن ؤُنَابِي ذِي ڒْوسْطْ نْسنْ.“
EZE 34:1 يُوسَا-د غَارِي وَاوَاڒْ ن سِيذِي، إِنَّا:
EZE 34:2 ”[أَ] مِّيسْ ن بْنَاذمْ، نَابّْ ضِيدّْ إِ إِمكْسَاونْ ن إِسْرَائِيل ؤُشَا إِنِي أَسنْ: ’أَمُّو إِ إِقَّارْ سِيذِي إِنُو، سِيذِي! ؤُشْثْ خْ إِمكْسَاونْ ن إِسْرَائِيل نِّي يَاركّْوسنْ إِخفْ نْسنْ! مَا وَارْ إِتّْخصِّي إِ إِمكْسَاونْ أَذْ أَروْسنْ ؤُدْجِي؟
EZE 34:3 كنِّيوْ ثتّتّمْ ثَاذُونْثْ ؤُشَا ثَارّْضمْ ثَاضُوفْثْ، ثْغَارّْصمْ إِ ڒْمَاڒْ إِمسّْڒنْ مْلِيحْ، [مَاشَا] وَارْ ثَاركّْوِيسمْ ؤُدْجِي.
EZE 34:4 وَارْ ثسّْمعْزمْ مِينْ إِهيّْفنْ، وَارْ ثتّسّْڭنْفِيمْ مِينْ إِحڒْشنْ، مِينْ إِتّْوَارْژِينْ وَارْ ث ثْشفّْنمْ، مِينْ إِودَّارنْ وَارْ ث ثتَّارِّيمْ ؤُ مِينْ إِخْسَارنْ وَارْ خَاسْ ثَارزُّومْ، [مَاشَا] س ؤُقابُو ذ ؤُفُوسْ إِقسْحنْ ثْحكّْممْ خَاسنْ.
EZE 34:5 [أَمُّو إِ] تّْوَازُوزَّارنْ، مِينْزِي وَارْ ذِينْ ثُوغِي بُو ؤُمكْسَاوْ. نِيثْنِي ذوْڒنْ ذ ثيْمَارْثْ ن ڒوْحُوشْ ن بَارَّا نِّي إِدْجَانْ ذِي ڒخْڒَا ؤُشَا [أَمُّو إِ] تّْوَابزّْعنْ.
EZE 34:6 ؤُيُورنْ ودَّارنْ ؤُدْجِي إِنُو خْ مَارَّا إِذُورَارْ ؤُ خْ كُوڒْ ثَاوْرِيرْثْ يُوعْڒَانْ، ؤُدْجِي إِنُو تّْوَابزّْعنْ خْ مَارَّا ثَامُّورْثْ. وَارْ ذِينْ وِي [خَاسنْ] إِ غَا إِسّقْسَانْ ؤُشَا وَارْ ذِينْ وِي [خَاسنْ] يَارزُّونْ.‘ “
EZE 34:7 ”س ؤُيَا، [أَ] إِمكْسَاونْ، سْڒمْ إِ وَاوَاڒْ ن سِيذِي:
EZE 34:8 ’[س ثِيذتّْ أَمْ] دَّارغْ نشّْ، [أَمُّو إِ] إِقَّارْ سِيذِي إِنُو، سِيذِي، مَا وَارْ [تِّيڒِيغْ] نشّْ [خَاسنْ]؟ مِينْزِي ؤُدْجِي إِنُو ذوْڒنْ ذ ثَايْمَارْثْ ؤُ ؤُدْجِي إِنُو ذوْڒنْ ذ مَاشَّا إِ ڒوْحُوشْ ن ڒخْڒَا، ؤُمِي وَارْ ذِينْ إِدْجِي ؤُمكْسَاوْ ؤُ مِينْزِي إِمكْسَاونْ إِنُو وَارْ تّْسقْسَانْ شَا خْ وُودْجِي إِنُو ؤُ ؤُمِي إِمكْسَاونْ إِنُو أَروْسنْ إِخفْ نْسنْ، وَارْ إِدْجِي ؤُدْجِي إِنُو!‘ “
EZE 34:9 ”س ؤُيَا، [أَ] إِمكْسَاونْ، سْڒمْ إِ وَاوَاڒْ ن سِيذِي!
EZE 34:10 أَمُّو إِ إِقَّارْ سِيذِي إِنُو، سِيذِي: ’خْزَارْ، نشّْ أَقَا أَيِي ضِيدّْ إِ إِمكْسَاونْ [نِّي]! نشّْ أَذْ تَّارغْ ؤُدْجِي إِنُو زڭْ ؤُفُوسْ نْسنْ ؤُشَا أَذْ ثنْ سّْبدّغْ زڭْ وَارْوَاسْ ن وُودْجِي، أَڒَامِي إِمكْسَاونْ وَارْ يَاركّْوسنْ عَاذْ إِخفْ نْسنْ. نشّْ أَذْ سّْنجْمغْ ؤُدْجِي إِنُو زڭْ ؤُقمُّومْ نْسنْ، أَڒَامِي وَارْ ذ أَسنْ تِّيڒِينْ عَاذْ ذ مَاشَّا.‘
EZE 34:11 مِينْزِي أَمُّو إِ إِقَّارْ سِيذِي إِنُو، سِيذِي: ’خْزَارْ، نشّْ أَذْ سّقْسِيغْ خْ وُودْجِي إِنُو ؤُ أَذْ خَاسنْ أَرْزُوغْ.
EZE 34:12 أَمْ ؤُمكْسَاوْ أَذْ إِسّْمُونْ ثَاحِيمَارْثْ نّسْ ذڭْ وَاسّْ نِّي ذِي يدْجَا ذِي ڒْوسْثْ ن وُودْجِي نّسْ إِبزّْعنْ، أَمنِّي إِ غَا [يْ]أَرْزُوغْ نشّْ خْ وُودْجِي إِنُو. نشّْ أَذْ ثنْ سّْنجْمغْ زِي مَارَّا إِمُوشَانْ مَانِي تّْوَابزّْعنْ، ذڭْ وَاسّْ ن إِسيْنُوثنْ ذ ثَادْجسْثْ.
EZE 34:13 نشّْ أَذْ ثنْ سُّوفّْغغْ زِي ڒڭْنُوسْ، أَذْ ثنْ سّْمُونغْ زِي ثمُّورَا ؤُشَا أَذْ ثنْ أَوْيغْ غَارْ ثمُّورْثْ نْسنْ. نشّْ أَذْ ثنْ أَروْسغْ خْ إِذُورَارْ ن إِسْرَائِيل، غَارْ ثْغزْرَاثِينْ ؤُ ذِي مَارَّا إِمُوشَانْ إِ إِتّْڒِيقنْ إِ ثْزذِّيغْثْ ذِي ثمُّورْثْ.
EZE 34:14 نشّْ أَذْ ثنْ أَروْسغْ خْ إِشْثْ ن دّمْنثْ ن ثَاروْسَا ذ ثَاصبْحَانْثْ. خْ إِذُورَارْ يُوعْڒَانْ ن إِسْرَائِيل أَذْ يِيڒِي ڒْمذْوڒْ ن ثَاروْسَا نْسنْ. ذِينِّي أَذْ أَريّْحنْ ذڭْ إِشْثْ ن دّمْنثْ ن ثَاروْسَا ثَاصبْحَانْثْ ؤُ أَذْ أَروْسنْ ذڭْ إِشْثْ ن دّمْنثْ ن ثَاروْسَا ذ لمْلِيحْ أَطَّاسْ، خْ إِذُورَارْ ن إِسْرَائِيل.
EZE 34:15 نشّْ أَذْ أَروْسغْ ؤُدْجِي إِنُو ؤُشَا أَذْ ثنْ سَّاريّْحغْ!‘، [أَمُّو إِ] إِقَّارْ سِيذِي إِنُو، سِيذِي.
EZE 34:16 ’نشّْ أَذْ أَرْزُوغْ مِينْ إِخْسَارنْ ؤُشَا مِينْ إِودَّارنْ أَذْ ث أَرّغْ ؤُ مِينْ إِتّْوَارْژِينْ أَذْ ث شفْنغْ ؤُ مِينْ إِهڒْشنْ أَذْ ث سّْجهْذغْ، [مَاشَا] مِينْ إِمسّْڒنْ ذ مِينْ إِجهْذنْ أَذْ ث أَردّْدْجغْ. نشّْ أَذْ ثنْ أَروْسغْ سْ ڒْحقّْ.
EZE 34:17 ؤُ كنِّيوْ، [أَ] ؤُدْجِي إِنُو، أَمُّو إِ إِقَّارْ سِيذِي إِنُو، سِيذِي، خْزَارْ، نشّْ أَذْ حكْمغْ جَارْ إِجّنْ زڭْ وُودْجِي ذ وُودْجِي نّغْنِي، جَارْ إِشَارِّييّنْ ذ إِغَايْضنْ.
EZE 34:18 مَا ذْرُوسْثْ أَومْ ؤُمِي ثشِّيمْ دّمْنثْ ن ثَاروْسَا إِنُو ذ ثَاصبْحَانْثْ؟ مَا ثخْسمْ [خنِّي عَاوذْ] أَذْ ثْعفْسمْ خْ مِينْ إِقِّيمنْ إِ ثَاروْسَا س إِضَارنْ نْومْ؟ مَا ثخْسمْ أَذْ ثسْومْ أَمَانْ إِصْفَانْ ؤُشَا [خنِّي] أَذْ ثسَّارْوْينْ مِينْ إِقِّيمنْ س إِضَارنْ نْومْ؟
EZE 34:19 مَا إِتّْخصَّا [خنِّي] إِ وُودْجِي إِنُو أَذْ شّنْ مِينْ خفْعفْسنْ إِضَارنْ نْومْ ؤُ أَذْ سْونْ مِينْ سَّارْوْينْ إِضَارنْ نْومْ؟‘ “
EZE 34:20 ”س ؤُيَا أَمُّو إِ ذ أَسنْ إِقَّارْ سِيذِي إِنُو، سِيذِي: ’خْزَارْ، نشّْ أَذْ شَارّْعغْ جَارْ وُودْجِي إِمسّْڒنْ ذ وُودْجِي إِكُّوشْضنْ،
EZE 34:21 مِينْزِي مَارَّا ؤُدْجِي إِضعْفنْ ثْعَارْنمْ إِ-ثنْ س ؤُغزْذِيسْ ؤُ س ثغْرُوضْثْ ؤُ ثسّْقَارْبمْ ثنْ س وَاشَّاونْ نْومْ، أَڒَامِي ثنْ ثْبزّْعمْ ذِي بَارَّا.
EZE 34:22 نشّْ أَذْ سّْنجْمغْ ؤُدْجِي إِنُو أَڒَامِي وَارْ تِّيڒِينْ عَاذْ إِ ثيْمَارْثْ ؤُ نشّْ أَذْ شَارّْعغْ جَارْ إِجّنْ زڭْ وُودْجِي ذ وُودْجِي نّغْنِي.
EZE 34:23 نشّْ أَذْ خَاسنْ سّكَّارغْ إِجّْ ن ؤُمكْسَاوْ نِّي ثنْ إِ غَا يَاروْسنْ: أَمْسخَّارْ إِنُو ذَاوُوذْ. نتَّا أَذْ ثنْ يَارْوسْ ؤُ نتَّا أَذْ أَسنْ يِيڒِي ذ أَمكْسَاوْ.
EZE 34:24 نشّْ، سِيذِي، أَذْ أَسنْ إِڒِيغْ ذ أَربِّي ؤُ أَمْسخَّارْ إِنُو ذَاوُوذْ أَذْ يِيڒِي ذ ڒْحَاكمْ ذِي ڒْوسْطْ نْسنْ، نشّْ، سِيذِي، أَقَا نِّيغْ ث.
EZE 34:25 نشّْ أَذْ ڭّغْ إِجّْ ن ڒْعَاهْذْ ن ڒهْنَا أَكِيذْسنْ ؤُشَا أَذْ كّْسغْ ڒوْحُوشْ إِوْعَارنْ زِي ثمُّورْثْ. نِيثْنِي أَذْ زذْغنْ ذِي ڒخْڒَا سْ ڒَامَانْ ؤُشَا أَذْ طّْصنْ ذڭْ إِزغْرَانْ.
EZE 34:26 أَذْ ڭّغْ مِينْ إِنّْضنْ إِ وذْرَارْ إِنُو ذ لْبَارَاكَا ؤُ نشّْ أَذْ د-سّهْوِيغْ أَنْژَارْ ذِي ڒْوقْثْ نّسْ. أَذْ ذِينْ يِيڒِي ونْژَارْ أَطَّاسْ س لْبَارَاكَا.
EZE 34:27 ثِيشجُّورَا ن ييَّارْ أَذْ وْشنْثْ ڒْغِيدْجثْ نْسنْثْ ؤُشَا ثَامُّورْثْ أَذْ ثوْشْ صَّابثْ نّسْ ؤُشَا نِيثْنِي أَذْ زذْغنْ ذِي ڒَامَانْ ذِي ثمُّورْثْ نْسنْ. [خنِّي] أَذْ سّْننْ بلِّي نشّْ ذ سِيذِي، خْمِي غَا أَرْژغْ إِمْقدْجَاذنْ ن زَّايْڒثْ نْسنْ ؤُشَا أَذْ ثنْ قڒْعغْ زڭْ ؤُفُوسْ ن يِينِّي ثنْ إِجِّينْ أَذْ أَسنْ سخَّارنْ.
EZE 34:28 وَارْ تِّيڒِينْ عَاذْ ذ ثَاكشَّاضْثْ إِ ڒڭْنُوسْ ؤُشَا ڒوْحُوشْ ن ثمُّورْثْ وَارْ ثنْ صَارّْضنْ عَاذْ، [مَاشَا] نِيثْنِي أَذْ زذْغنْ ذِي ڒَامَانْ ؤُ وَارْ ثنْ إِسّْنخْڒِيعْ ؤُڒَا ذ إِجّْ.
EZE 34:29 نشّْ أَذْ أَسنْ سّْذُوقّْزغْ إِجّْ ن ؤُغمُّويْ، أَذْ يِيڒِي إِ يِيجّْ ن يِيسمْ [إِشنّْعنْ]. [خنِّي] وَارْ تّْمكْسِينْ عَاذْ س ڒَاژْ زِي ثمُّورْثْ ؤُشَا وَارْ أَربُّونْ عَاذْ ڒْحڭْرَا ن ڒڭْنُوسْ.
EZE 34:30 [خنِّي] أَذْ سّْننْ بلِّي نشّْ، سِيذِي أَربِّي نْسنْ، أَقَا أَيِي كِيذْسنْ، ؤُشَا نِيثْنِي ذ ڒْڭنْسْ إِنُو، ثَادَّارْثْ ن إِسْرَائِيل!، [أَمُّو إِ] إِقَّارْ سِيذِي إِنُو، سِيذِي.
EZE 34:31 كنِّيوْ، [أَ] ؤُدْجِي إِنُو، ؤُدْجِي ن ڒْمذْوڒْ إِنُو ن ثَاروْسَا، كنِّيوْ ذ بْنَاذمْ، [مَاشَا] نشّْ ذ أَربِّي نْومْ، [أَمُّو إِ] إِقَّارْ سِيذِي إِنُو، سِيذِي.‘ “
EZE 35:1 يُوسَا-د غَارِي وَاوَاڒْ ن سِيذِي، إِنَّا:
EZE 35:2 ”[أَ] مِّيسْ ن بْنَاذمْ، أَرّْ ؤُذمْ نّشْ غَارْ إِذُورَارْ ن سَاعِيرْ ؤُ نَابّْ خَاسْ،
EZE 35:3 [وَاهْ،] إِنِي أَسْ: ’أَمُّو إِ إِقَّارْ سِيذِي إِنُو، سِيذِي! خْزَارْ، نشّْ [أَذْ] غَاركْ [د-أَسغْ]، [أَ،] إِذُورَارْ ن سَاعِيرْ ؤُشَا أَذْ سّْوِيژّْضغْ أَفُوسْ إِنُو ضِيدّْ نّشْ ؤُشَا أَذْ شكْ أَرّغْ ذ ثَاردّدْجْثْ ذ ڒخْڒَا.
EZE 35:4 نشّْ أَذْ أَرّغْ ثِيندَّامْ نّشْ ذ ڒْخَارْبثْ ؤُ شكْ أَذْ ثْذوْڒذْ ذ ثَاردّدْجْثْ ؤُ شكْ أَذْ ثسّْنذْ بلِّي نشّْ ذ سِيذِي،
EZE 35:5 مِينْزِي غَاركْ ڒعْذَاوَاثْ إِتّْذُومَانْ ؤُ [مِينْزِي] ثْسلّْمذْ أَيْثْ ن إِسْرَائِيل إِ ثْزمَّارْ ن سِّيفْ ذِي ڒْوقْثْ ن ؤُضيّعْ نْسنْ، ذِي ڒْوقْثْ ن لْحِيسَابْ أَنڭَّارْ خْ ڒْمُوعْصِييّثْ.‘ “
EZE 35:6 ”س ؤُيَا، [س ثِيذتّْ أَمْ] دَّارغْ نشّْ، إِقَّارْ سِيذِي إِنُو، سِيذِي: ’نشّْ أَذْ شكْ أَرّغْ ذ إِذَامّنْ [قَاعْ] ؤُ إِذَامّنْ أَذْ شكْ ضْفَارنْ. [وَاهْ] ؤُمِي وَارْ ثْشَارْهذْ شَا أَسِيزّڒْ ن إِذَامّنْ، أَذْ شكْ ضْفَارنْ إِذَامّنْ.
EZE 35:7 نشّْ أَذْ أَرّغْ إِذُورَارْ ن سَاعِيرْ ذ ثَاردّدْجْثْ ذ ڒْخَارْبثْ. نشّْ أَذْ زَّايسْ قسّغْ وِي إِعدُّونْ ذ وِي د-إِذكّْوَاڒنْ.
EZE 35:8 نشّْ أَذْ شُّورغْ إِذُورَارْ نّسْ س يِينِّي إِتّْوَانْغنْ، ثِيوْرِيرِينْ نّشْ ذ ثغْزُورْثِينْ نّشْ، [وَاهْ،] إِنِّي إِتّْوَانْغنْ س سِّيفْ أَذْ وْضَانْ ذِي مَارَّا ثِيغزْرَاثِينْ نّشْ.
EZE 35:9 نشّْ أَذْ شكْ ڭّغْ ذ ثِيردّدْجِينْ إِ ڒبْذَا ؤُ ثِيندَّامْ نّشْعمَّارْصْ وَارْ ذَايْسنْثْ تّْوِيفنْ [عَاذْ] إِمزْذَاغْ ؤُ كنِّيوْ أَذْ ثسّْنمْ بلِّي نشّْ ذ سِيذِي،
EZE 35:10 مِينْزِي ثنِّيذْ: ثْنَاينْ ن ڒڭْنُوسْ نِّي ذ ثْنَاينْ ن ثمُّورَا نِّي أَذْ إِڒِينْثْ إِنُو ؤُ نشِّينْ أَذْ ثنْثْ طّْفنْ ذ ڒْوَارْثْ!، [أَمْ] سِيذِي أَقَا-ث ذِينْ.‘ “
EZE 35:11 ”س ؤُيَا، [س ثِيذتّْ أَمْ] دَّارغْ نشّْ، إِقَّارْ سِيذِي إِنُو، سِيذِي: ’نشّْ أَذْ أَشْ ڭّغْ أَنشْثْ ن وغْضَابْ نّشْ ؤُ أَنشْثْ ن ثُوسْمِي نّشْ نِّي ثُوغَا غَاركْ ذڭْ وشْرَاهْ نّشْ زَّايْسنْ، [مَاشَا] نِيثْنِي أَذْ أَيِي سّْننْ خْمِي خَاكْ غَا حكْمغْ.
EZE 35:12 أَذْ ثسّْنذْ، بلِّي نشّْ، سِيذِي، سْڒِيغْ إِ مَارَّا أَشقَّافْ نّشْ نِّي ثسِّيوْڒذْ ضِيدّْ إِ إِذُورَارْ ن إِسْرَائِيل، ثنِّيذْ: أَقَا ثْوَاردّْدْجنْ، مّوْشنْ أَنغْ ذ مَاشَّا.
EZE 35:13 [أَمُّو إِ] خَافِي ثْقڒْبمْ س ؤُقمُّومْ نْومْ إِشُّورْ س ؤُكبَّارْ ؤُشَا ثَارْنِيمْ ثْفَارّْغمْ أَوَاڒنْ نْومْ خَافِي أَطَّاسْ. نشّْ سْڒِيغْ ث.‘
EZE 35:14 أَمُّو إِ إِقَّارْ سِيذِي إِنُو، سِيذِي: ’أَمْ ثْفَارّحْ مَارَّا ثَامُّورْثْ، نشّْ أَذْ شكْ أَرّغْ ذ إِشْثْ ن ثمُّورْثْ إِتّْوَاردّْدْجنْ.
EZE 35:15 أَمْ مَامّشْ ثْفَارْحذْ س ثسْغَارْثْ ن ثَادَّارْثْ ن إِسْرَائِيل، مِينْزِي أَقَا ثتّْوَاردّدْجْ، نشّْ أَذْ كِيكْ ڭّغْ أَمُّو، [أَ كنِّيوْ،] إِذُورَارْ ن سَاعِيرْ، [شمْ] مَارَّا [ثَامُّورْثْ] ن إِذُومْ، أَذْ ثِيڒِيذْ ذ ثَاردّدْجْثْ! ؤُشَا نِيثْنِي أَذْ سّْننْ، بلِّي نشّْ ذ سِيذِي.‘ “
EZE 36:1 ”شكْ، [أَ] مِّيسْ ن بْنَاذمْ، نَابّْ إِ إِذُورَارْ ن إِسْرَائِيل، إِنِي: ’إِذُورَارْ ن إِسْرَائِيل، سْڒمْ إِ وَاوَاڒْ ن سِيذِي!
EZE 36:2 أَمُّو إِ إِقَّارْ سِيذِي إِنُو، سِيذِي: مِينْزِي ڒعْذُو إِنَّا خَاومْ: إِيَا، أَقَا ڒڭْعُوذِي نْ ڒبْذَا ذوْڒنْثْ أَنغْ ذ ثَاسْغَارْثْ! ...
EZE 36:3 ... س ؤُيَا نَابّْ، إِنِي: أَمُّو إِ إِقَّارْ سِيذِي إِنُو، سِيذِي: مِينْزِي أَردّْدْجنْ ؤُ صَارْضنْ كنِّيوْ زِي مَارَّا إِغزْذِيسنْ، حِيمَا أَذْ ثْذوْڒمْ ذ ثَاسْغَارْثْ ن مِينْ إِقِّيمنْ نْ ڒڭْنُوسْ ؤُ [مِينْزِي] ثتّْوَاسّكَّارنْ خَاومْ أَوَاڒنْ ؤُشَا ثْذوْڒمْ إِ ؤُشقَّافْ جَارْ ڒْڭنْسْ،
EZE 36:4 ... س ؤُيَا، إِذُورَارْ ن إِسْرَائِيل، سْڒمْ إِ وَاوَاڒْ ن سِيذِي إِنُو، سِيذِي! أَمُّو إِ إِقَّارْ سِيذِي إِنُو، سِيذِي، إِ إِذُورَارْ ذ ثوْرِيرِينْ، إِ ثْغزْرَاثِينْ ذ ڒْوَاطَاثْ، إِ ڒْخِيرْبَاثْ تّْوَاردّْدْجنْثْ ؤُ إِ ثْندَّامْ إِ إِجِّينْ، ثِينِّي إِذوْڒنْ إِ ثْكشَّاضْثْ ذ ڒْحڭْرَا إِ مِينْ إِقِّيمنْ ن ڒڭْنُوسْ نِّي د أَومْ د-إِنّْضنْ،
EZE 36:5 ... س ؤُيَا، أَمُّو إِ إِقَّارْ سِيذِي إِنُو، سِيذِي: س ثِيذتّْ، أَقَا ذِي ثْمسِّي ن ثُوسْمِي إِنُو [إِقدّْسنْ] سِّيوْڒغْ ضِيدّْ إِ مِينْ إِقِّيمنْ ن ڒڭْنُوسْ ؤُ ضِيدّْ إِ مَارَّا [ثَامُّورْثْ] ن إِذُومْ، إِنِّي إِوْشِينْ ثَامُّورْثْ إِنُو ذ ثَاسْغَارْثْ إِ يِيخفْ نْسنْ، س ڒفْرَاحثْ ن وُوڒْ مَارَّا، س ڒعْمَارْ [إِشُّورنْ] س ؤُسحْقَارْ، مَاحنْذْ دّْمَانِي ن ثَاروْسَا أَذْ أَسنْ إِڒِينْثْ ذ ثَاكشَّاضْثْ!
EZE 36:6 ... س ؤُيَا، نَابّْ ضِيدّْ إِ ثمُّورْثْ ن إِسْرَائِيل ؤُشَا إِنِي إِ إِذُورَارْ ذ ثوْرِيرِينْ ؤُ إِ ثْغزْرَاثِينْ ذ ڒْوَاطَاثْ: أَمُّو إِ إِقَّارْ سِيذِي إِنُو، سِيذِي، خْزَارْ، نشّْ سِيوْڒغْ ذِي ثُوسْمِي إِنُو [إِقدّْسنْ] ؤُ ذڭْ وسْعَارْ إِنُو، مِينْزِي كنِّيوْ أَقَا ثَارْبُومْ ڒْحڭْرَا ن ڒڭْنُوسْ.
EZE 36:7 ... س ؤُيَا، أَمُّو إِ إِقَّارْ سِيذِي إِنُو، سِيذِي، نشّْ سّْڭعّْذغْ أَفُوسْ إِنُو، [ژُودْجغْ]: س ثِيذتّْ، ڒڭْنُوسْ إِ ذ أَومْ د-إِنّْضنْ أَذْ أَرْبُونْ ڒْحڭْرَا س يِيخفْ نْسنْ!
EZE 36:8 [مَاشَا] كنِّيوْ، إِذُورَارْ ن إِسْرَائِيل، أَذْ ثوْشمْ [عَاوذْ] ڒفْرُوعْ نْومْ ؤُشَا أَذْ د-ثَاوْيمْ ڒْغِيدْجثْ نْومْ إِ ڒْڭنْسْ إِنُو إِسْرَائِيل، مِينْزِي عْڒَاحَاڒْ أَذْ د-أَسنْ.
EZE 36:9 مَاغَارْ خْزَارْ، نشّْ [أَذْ إِڒِيغْ] أَكِيذْومْ ؤُشَا نشّْ أَذْ غَارْومْ نْقڒْبغْ ؤُ كنِّيوْ، [أَ إِذُورَارْ]، أَذْ خَاومْ شَارْزنْ [عَاوذْ] ؤُ أَذْ خَاومْ زَارّْعنْ.
EZE 36:10 نشّْ أَذْ أَرْنِيغْ إِوْذَانْ خَاومْ، مَارَّا ثَادَّارْثْ ن إِسْرَائِيل، [وَاهْ،] مَارَّا نتَّاثْ، ؤُشَا أَذْ سّْزذْغنْ ثِيندَّامْ ؤُ أَذْ بْنَانْ ڒْخِيرْبَاثْ [عَاوذْ].
EZE 36:11 أَذْ خَاومْ أَرْنِيغْ إِوْذَانْ ذ ڒْمَاڒْ ؤُ نِيثْنِي أَذْ أَرْنِينْ ذڭْ يِيخفْ نْسنْ ؤُ أَذْ د-جّنْ ڒْغِيدْجثْ ؤُ نشّْ أَذْ كنِّيوْ سّْزذْغغْ [ذِينْ] عَاوذْ، أَمْ ذڭْ وُوسَّانْ ن وشْحَاڒْ ؤُيَا، [وَاهْ،] نشّْ أَذْ أَرّغْ ڒْحَاڒْ حْسنْ خْ ؤُمزْوَارْ نْومْ ؤُ كنِّيوْ أَذْ ثسّْنمْ بلِّي نشّْ ذ سِيذِي.
EZE 36:12 أَذْ جّغْ إِوْذَانْ أَذْ خَاومْ ؤُيُورنْ: ڒْڭنْسْ إِنُو إِسْرَائِيل. نِيثْنِي أَذْ شكْ طّْفنْ ذ ڒْوَارْثْ، [أَ ڒْڭنْسْ إِنُو]، ؤُ كنِّيوْ، [أَ إِذُورَارْ ن إِسْرَائِيل،] أَذْ أَسنْ ثِيڒِيمْ ذ ڒْوَارْثْ، ؤُ كنِّيوْ وَارْ ثتّْكشَّاضمْ عَاذْ أَرَّاوْ [نْسنْ].
EZE 36:13 أَمُّو إِ إِقَّارْ سِيذِي إِنُو، سِيذِي: مِينْزِي قَّارنْ أَومْ: شمْ ثتّذْ إِوْذَانْ ؤُ شمْ ذ [إِشْثْ ن ثمُّورْثْ] إِ إِتّْكشَّاضنْ أَرَّاوْ ن ڒْڭنْسْ نّمْ! ...
EZE 36:14 ... س ؤُيَا وَارْ ثشّذْ عَاذْ إِوْذَانْ ؤُ وَارْ ثسّْنقْرَاضذْ عَاذْ ڒْڭنْسْ نّمْ!، [أَمُّو إِ] إِقَّارْ سِيذِي إِنُو، سِيذِي.
EZE 36:15 نشّْ أَذْ ڭّغْعمَّارْصْ أَذْ ثتّْوَاسڒْ عَاذْ ڒْحڭْرَا نْ ڒڭْنُوسْ خَامْ ؤُ وَارْ ثْكسِّيذْ عَاذْ أَسْثهْزِي ن ڒڭْنُوسْ ؤُ وَارْ ثسّْنقْرَاضذْ عَاذْ ڒْڭنْسْ نّمْ!، [أَمُّو إِ] إِقَّارْ سِيذِي إِنُو، سِيذِي.‘ “
EZE 36:16 يُوسَا-د غَارِي وَاوَاڒْ ن سِيذِي، إِنَّا:
EZE 36:17 ”[أَ] مِّيسْ ن بْنَاذمْ، [ؤُمِي] ثُوغَا ثَادَّارْثْ ن إِسْرَائِيل ثْزدّغْ ذِي ثمُّورْثْ نّسْ، أَقَا سّْخمّْجنْ ت س وبْرِيذْ نْسنْ ذ ثْمڭَّا نْسنْ. أَبْرِيذْ نْسنْ ثُوغَا-ث أَمْ ڒخْمجْ ن ثمْغَارْثْ إِ خْ دْجَانْ إِذَامّنْ [ذڭْ وُوسَّانْ ن] وعْزَاڒْ [نّسْ].
EZE 36:18 نشّْ سّْفَارّْغغْ خَاسنْ أَسْعَارْ إِنُو زِي سِّيبّثْ ن إِذَامّنْ نِّي سِّيزّْڒنْ خْ ثمُّورْثْ ؤُ زِي سِّيبّثْ ن إِميْضَا ن [لْ-أَصْنَامْ نْسمْ] إِ زِي ت سّْخمْجنْ.
EZE 36:19 نخّْ سّْبزّْعغْ ثنْ جَارْ ڒڭْنُوسْ ؤُ نِيثْنِي تّْوَاسُّويْسنْ ذِي ثمُّورَا. نشّْ حكْمغْ خَاسنْ عْلَاحْسَابْ ثُويُورْثْ نْسنْ ؤُ عْلَاحْسَابْ ڒخْذَايمْ نْسنْ.
EZE 36:20 [ؤُمِي] إِوْضنْ غَارْ ڒڭْنُوسْ مَانِي ثُوغَا ؤُيُورنْ، سّْفضْحنْ إِسمْ إِقدّْسنْ إِنُو، مِينْزِي إِتّْوَانَّا خَاسنْ: ’إِنَا ذ ڒْڭنْسْ ن سِيذِي، [مَاشَا] ثُوغَا إِتّْخصَّا أَذْ فّْغنْ زِي ثمُّورْثْ نّسْ.‘
EZE 36:21 مَاشَا نشّْ سّْعِيزّغْ ثنْ ذِي طّْوعْ ن يِيسمْ إِنُو إِقدّْسنْ نِّي ثسّفْضحْ ثَادَّارْثْ ن إِسْرَائِيل جَارْ ڒڭْنُوسْ مَانِي ثُوغَا ؤُيُورنْ نِيثْنِي ...
EZE 36:22 ... س ؤُيَا، إِنِي إِ ثَادَّارْثْ ن إِسْرَائِيل: أَمُّو إِ إِقَّارْ سِيذِي إِنُو، سِيذِي: وَارْ ت تّڭّغْ ذِي طّْوعْ نْومْ، [أَ] ثَادَّارْثْ ن إِسْرَائِيل، مَاشَا ذِي طّْوعْ ن يِيسمْ إِنُو إِقدّْسنْ نِّي ثسّْفضْحمْ كنِّيوْ جَارْ ڒڭْنُوسْ مَانِي ثُوغَا ثُويُورمْ.
EZE 36:23 مَاغَارْ أَذْ سّْقدّْسغْ إِسمْ إِنُو إِمْغَارنْ نِّي ثسّْفضْحمْ ذِي ڒْوسْثْ نْسنْ، ؤُشَا ڒڭْنُوسْ أَذْ سّْننْ أَقَا نشّْ ذ سِيذِي، [أَمُّو إِ] إِقَّارْ سِيذِي إِنُو، سِيذِي، خْمِي غَا تّْوَاقدّْسغْ ذَايْومْ زَّاثْ إِ ثِيطَّاوِينْ نْسنْ.
EZE 36:24 مِينْزِي أَذْ كنِّيوْ كْسِيغْ زِي ڒڭْنُوسْ، أَذْ كنِّيوْ سّْمُونغْ زِي مَارَّا ثِيمُّورَا ؤُشَا أَذْ كنِّيوْ أَوْيغْ غَارْ ثمُّورْثْ نْومْ.
EZE 36:25 أَذْ خَاومْ زدْجْعغْ أَمَانْ إِزْذِيڭنْ ؤُشَا أَذْ تّْوَاسِّيزْذڭمْ. نشّْ أَذْ كنِّيوْ سِّيزْذڭغْ زِي مَارَّا ڒخْمُوجَاثْ نْومْ ؤُ زِي مَارَّا إِميْضَا نْومْ [ن لْ-أَصْنَامْ].
EZE 36:26 أَذْ أَومْ وْشغْ ؤُڒْ ن جْذِيذْ ؤُ أَذْ ڭّغْ بُوحْبڒْ أَمَايْنُو ذِي ذَاخڒْ نْومْ ؤُشَا أَذْ كّْسغْ زِي أَرِّيمثْ نْومْ ؤُڒْ ن وژْرُو ؤُشَا أَذْ أَومْ وْشغْ ؤُڒْ ن ويْسُومْ.
EZE 36:27 أَذْ ڭّغْ أَرُّوحْ إِنُو ذِي ذَاخڒْ نْومْ ؤُ أَذْ أَرّغْ كنِّيوْ أَذْ ثڭّمْ ثِيوصَّا إِنُو ؤُ أَذْ ثحْضَامْ لْفَارَايِيضْ إِنُو ؤُ أَذْ زَّايْسنْثْ ثڭّمْ.
EZE 36:28 أَذْ ثْزذْغمْ ذِي ثمُّورْثْ نِّي وْشِيغْ إِ ڒجْذُوذْ نْومْ، ؤُشَا كنِّيوْ أَذْ ثِيڒِيمْ ذ ڒْڭنْسْ إِنُو ؤُشَا نشّْ أَذْ إِڒِيغْ ذ أَربِّي نْومْ.
EZE 36:29 نشّْ أَذْ كنِّيوْ سّْنجْمغْ زِي مَارَّا ڒخْمُوجَاثْ نْومْ. أَذْ ڒَاغِيغْ إِ إِمنْذِي ؤُشَا أَذْ ذَايسْ أَرْنِيغْ أَطَّاسْ ؤُ وَارْ ذ أَومْ تِّيشغْ ڒَاژْ.
EZE 36:30 أَذْ أَرْنِيغْ [أَمنِّي] ڒْغِيدْجثْ ن ثْشجُّورَا ؤُ ن ييَّارْ، حِيمَا وَارْ خَاومْ ثكّْ عَاذْ ڒْحڭْرَا ن ڒَاژْ جَارْ ڒڭْنُوسْ.
EZE 36:31 [خنِّي] أَذْ ثِيذَارمْ ذڭْ إِبْرِيذنْ نْومْ إِعفّْننْ ذ ثْمڭَّا نْومْ وَارْ إِصبْحنْ ؤُ كنِّيوْ أَذْ ثْعِيفّمْ زڭْ يِيخفْ نْومْ ؤُ زِي جّْعَايفْ نْومْ.
EZE 36:32 [مَاشَا] وَارْ ت تّڭّغْ ذِي طّْوعْ نْومْ، [أَمُّو إِ] إِقَّارْ سِيذِي إِنُو، سِيذِي، سْنمْ ت مْلِيحْ! سضْحَامْ ؤُ سّْنمْ ڒفْضِيحثْ ن إِبْرِيذنْ نْومْ، [أَ] ثَادَّارْثْ ن إِسْرَائِيل.“
EZE 36:33 ”أَمُّو إِ إِقَّارْ سِيذِي إِنُو، سِيذِي: ’ذڭْ وَاسّْ نِّي أَذْ سِّيزذْڭغْ مَارَّا ڒْمُوعْصِييَّاثْ نْومْ، أَذْ سّْزذْغغْ ثِيندَّامْ [عَاوذْ] ؤُشَا أَذْ بْنِيغْ [عَاوذْ] ڒْخِيرْبَاثْ.
EZE 36:34 ثَامُّورْثْ إِتّْوَاردّْدْجنْ أَذْ ثتّْوَاشَارْزْ ذڭْ ومْشَانْ إِ غَا ثِيڒِي ثتّْوَاردّدْجْ زَّاثْ إِ ثِيطَّاوِينْ ن مَارَّا إِنِّي ت إِژكّْوَانْ.
EZE 36:35 أَذْ إِنِينْ: ثَامُّورْثْ نِّي ثُوغَا ثتّْوَاردّدْجْ، ثذْوڒْ أَمْ جّنّثْ ن عَاذْنْ ؤُ ثِيندَّامْ تّْوَاخَارَّابنْثْ ذ تّْوَاردّْدْجنْثْ ذ تّْوَاهذْمنْثْ، أَقَا تّْوَاسّْجهْذنْثْ ؤُ زدّْغنْ ذَايْسنْثْ إِمزْذَاغْ [عَاوذْ].
EZE 36:36 [خنِّي] أَذْ سّْننْ ڒڭْنُوسْ نِّي إِقِّيمنْ ذڭْ ونّضْ نْومْ، أَقَا نشّْ، سِيذِي، أَذْ بْنِيغْ مِينْ إِتّْوَاهذْمنْ [عَاوذْ] ؤُ أَذْ ژُّوغْ خْ مِينْ إِتّْوَاردّْدْجنْ. نشّْ، سِيذِي، سِّيوْڒغْ ؤُ نشّْ أَذْ ث ڭّغْ.‘ “
EZE 36:37 ”أَمُّو إِ إِقَّارْ سِيذِي إِنُو، سِيذِي: ’أَذْ أَيِي ثتَّارْ ثَادَّارْثْ ن إِسْرَائِيل ؤُڒَا ذ مَانْ أَيَا حِيمَا أَذْ أَسنْ ث ڭّغْ. نشّْ أَذْ ذَايْسنْ أَرْنِيغْ [إِوْذَانْ]، [أَڒَامِي أَذْ ذِينْ إِڒِينْ] أَنشْثْ ن إِوْذَانْ أَمْ وُودْجِي.
EZE 36:38 أَنشْثْ إِدْجَانْ ن وُودْجِي إِقدّْسنْ أَمْ وُودْجِي إِ شُّورنْ [ثَانْذِينْثْ ن] ؤُرْشَالِيمْ ذِي ڒعْيُوذَاثْ نّسْ إِتّْوَاڭّنْ، أَمُّو إِ غَا إِڒِينْثْ ثْندَّامْ إِتّْوَاردّْدْجنْ شُّورنْثْ س وُودْجِي ذ إِوْذَانْ ؤُ نِيثْنِي أَذْ سّْننْ أَقَا نشّْ ذ سِيذِي.‘ “
EZE 37:1 ثُوغَا ؤُفُوسْ ن سِيذِي خَافِي ؤُشَا سِيذِي إِسُّوفّغْ أَيِي-د ذِي أَرُّوحْ ؤُشَا إِسَّارْسْ أَيِي ذِي ڒْوسْطْ ن ڒوْضَا نِّي ثُوغَا يشُّورنْ س إِغْسَانْ.
EZE 37:2 نتَّا إِنْذهْ أَيِي ذڭْ ونّضْ نّسْ، ؤُ خْزَارْ، أَقَا ذِينْ أَطَّاسْ س وَاطَّاسْ [ن إِغْسَانْ] خْ وُوذمْ ن ڒوْضَا، ؤُ خْزَارْ، أَقَا أَثنْ ؤُژْغنْ أَطَّاسْ.
EZE 37:3 نتَّا إِنَّا أَيِي: ”[أَ] مِّيسْ ن بْنَاذمْ، مَا أَذْ دَّارنْ إِغْسَانْ-أَ [عَاوذْ]؟“ نِّيغْ نشّْ: ”[أَ] سِيذِي إِنُو، سِيذِي، شكْ ثسّْنذْ [ث]!“
EZE 37:4 [خنِّي] إِنَّا أَيِي: ”نَابّْ خْ يغْسَانْ-أَ، إِنِي أَسنْ: ’[أَ] إِغْسَانْ ؤُژْغنْ، سْڒمْ إِ وَاوَاڒْ ن سِيذِي.
EZE 37:5 أَمُّو إِ إِقَّارْ سِيذِي إِنُو، سِيذِي، إِ إِغْسَانْ-أَ: خْزَارْ، نشّْ أَذْ ذَايْومْ سِّيذْفغْ بُوحْبڒْ ؤُشَا أَذْ ثدَّارمْ [عَاوذْ].
EZE 37:6 أَذْ خَاومْ ڭّغْ إِژوْرَانْ ؤُ أَذْ خَاومْ سّْڭعّْذغْ أَيْسُومْ ؤُشَا أَذْ كنِّيوْ ذْڒغْ س إِڒمْ ؤُشَا أَذْ ذَايْومْ ڭّغْ بُوحْبڒْ، أَذْ ثدَّارمْ [عَاوذْ]. [خنِّي] أَذْ ثسّْنمْ بلِّي نشّْ ذ سِيذِي.‘ “
EZE 37:7 [ڒَامِي] ثُوغَا تّْنَابّغْ أَمْ مَامّشْ ذ أَيِي إِتّْوَاوصَّا، ؤُشَا ثُوغَا [ذِينْ] إِجّْ ن ڒْحسّْ ڒَامِي ثُوغَا تّْنَابّغْ، ؤُ خْزَارْ، [أَقَا ذَا] إِشْثْ ن ثَارْجِيجِيثْ ؤُشَا إِغْسَانْ مُوننْ، [كُوڒْ] إِغسْ أَكْ-ذ إِغسْ نّسْ.
EZE 37:8 ژْڒِيغْ، ؤُ خْزَارْ، أَقَا ذوْڒنْ خَاسنْ-د إِژوْرَانْ ؤُ يُوڒِي خَاسنْ ويْسُومْ ؤُ نتَّا إِذْڒَا إِ-ثنْ س يِيڒمْ سنّجْ نْسنْ، [مَاشَا] وَارْ ذَايْسنْ ثُوغِي [عَاذْ] بُوحْبڒْ.
EZE 37:9 نتَّا إِنَّا أَيِي: ”نَابّْ إِ أَرُّوحْ، نَابّْ، [أَ] مِّيسْ ن بْنَاذمْ، ؤُشَا إِنِي إِ أَرُّوحْ: ’أَمُّو إِ إِقَّارْ سِيذِي إِنُو، سِيذِي: أَسْ-د زِي أَربْعَا ن ثْغمُّورَا ن ؤُسمِّيضْ، [أَ] أَرُّوحْ، ؤُ سُوضْ ذڭْ إِنَا إِنِّي إِتّْوَانْغنْ، [حِيمَا] أَذْ دَّارنْ.‘ “
EZE 37:10 [خنِّي] نَابّغْ أَمْ مَامّشْ إِ ذ أَيِي إِتّْوَاوصَّا. ؤُشَا يُوذفْ أَرُّوحْ ذَايْسنْ ؤُشَا دَّارنْ [عَاوذْ] ؤُشَا [كَّارنْ] بدّنْ خْ إِضَارنْ نْسنْ، [أَقَا] ذ إِجّْ ن ڒْعسْكَارْ ذ أَمقّْرَانْ أَطَّاسْ س وَاطَّاسْ.
EZE 37:11 [خنِّي] إِنَّا أَيِي: ”[أَ] مِّيسْ ن بْنَاذمْ، إِغْسَانْ-أَ [أَقَا أَثنْ] مَارَّا ثَادَّارْثْ ن إِسْرَائِيل. خْزَارْ، نِيثْنِي قَّارنْ: ’إِغْسَانْ نّغْ ؤُژْغنْ ؤُشَا ڒَايَاسْ نّغْ إِودَّارْ ؤُ نشِّينْ نتّْوَاقْضعْ!‘
EZE 37:12 س ؤُيَا، نَابّْ، إِنِي أَسنْ: ’أَمُّو إِ إِقَّارْ سِيذِي إِنُو، سِيذِي: خْزَارْ، نشّْ أَذْ أَرْزْمغْ إِمضْڒَانْ نْومْ، أَذْ كنِّيوْ سّْڭعّْذغْ زڭْ إِمضْڒَانْ نْومْ، [أَ] ڒْڭنْسْ إِنُو، ؤُ نشّْ أَذْ كنِّيوْ أَوْيغْ خْ وُوذمْ ن ثمُّورْثْ ن إِسْرَائِيل.
EZE 37:13 كنِّيوْ أَذْ ثسّْنمْ، بلِّي نشّْ ذ سِيذِي، ؤُمِي أَرْزْمغْ إِمضْڒَانْ نْومْ ؤُشَا سُّوفّْغغْ-د كنِّيوْ زڭْ إِمضْڒَانْ نْومْ، [أَ] ڒْڭنْسْ إِنُو.
EZE 37:14 نشّْ أَذْ ڭّغْ أَرُّوحْ إِنُو ذَايْومْ [ذِي ذَاخڒْ نْومْ] ؤُ كنِّيوْ أَذْ ثدَّارمْ [عَاوذْ] ؤُ نشّْ أَذْ كنِّيوْ سَّارْسغْ خْ وُوذمْ ن ثمُّورْثْ نْومْ ؤُ كنِّيوْ أَذْ ثسّْنمْ بلِّي نشّْ، سِيذِي، سِّيوْڒغْ ؤُشَا ڭِّيغْ [ث]، [أَمُّو إِ] إِقَّارْ سِيذِي.‘ “
EZE 37:15 يُوسَا-د غَارِي وَاوَاڒْ ن سِيذِي، إِنَّا:
EZE 37:16 ”شكْ، [أَ] مِّيسْ ن بْنَاذمْ، كْسِي إِجّْ ن ؤُزدْجَاضْ [ن ؤُكشُّوضْ] ؤُشَا أَرِي ذَايسْ: ’إِ يَاهُوذَا ؤُ إِ أَرَّاوْ ن إِسْرَائِيل، إِمْعَاشَارنْ نّسْ!‘ كْسِي أَوَارْنِي أَسْ أَزدْجَاضْ نّغْنِي ؤُشَا أَرِي ذَايسْ: ’إِ يُوسُوفْ، أَزدْجَاذْ ن إِفْرَايِيمْ، ؤُ [إِ] مَارَّا ثَادَّارْثْ ن إِسْرَائِيل، إِمدُّوكَّاڒْ نّسْ!‘
EZE 37:17 سْمُونْ ثنْ خنِّي إِجّْ أَكْ-ذ ونّغْنِي، [أڭّْ زَّايْسنْ] إِجّْ ن ؤُزدْجَاضْ إِ شكْ. أَذْ ذوْڒنْ ذ إِجّْ ذڭْ ؤُفُوسْ نّشْ.
EZE 37:18 خْمِي كِيكْ إِ غَا إِسِّيوْڒنْ ثَارْوَا ن ڒْڭنْسْ نّشْ، أَذْ إِنِينْ: ’مَا وَارْ ثخْسذْ أَذْ أَنغْ ثسّشْنذْ مِينْ إِخْسْ أَذْ إِنِينْثْ ثْمسْڒَايِينْ-أَ إِ شكْ؟‘،
EZE 37:19 إِنِي أَسنْ: ’أَمُّو إِ إِقَّارْ سِيذِي إِنُو، سِيذِي: خْزَارْ، نشّْ أَذْ كْسِيغْ أَزدْجَاضْ ن يُوسُوفْ، ونِّي إِدْجَانْ ذڭْ ؤُفُوسْ ن إِفْرَايِيمْ، [أَزدْجَاضْ] ن ثْقبَّاڒْ ن إِسْرَائِيل، إِمْعَاشَارنْ نّسْ، ؤُشَا أَذْ ثنْ سّْمُونغْ أَكْ-ذ ؤُزدْجَاضْ ن يَاهُوذَا ؤُشَا أَذْ ثنْ ڭّغْ ذ إِجّْ ن ؤُزدْجَاضْ ؤُشَا أَذْ ذوْڒنْ ذ إِجّْ ذڭْ ؤُفُوسْ إِنُو.‘
EZE 37:20 إِزدْجَاضنْ زڭْ ؤُكشُّوضْ إِ خْ ثُورِيذْ، [أَذْ إِڒِينْ] ذڭْ ؤُفُوسْ نّشْ زَّاثْ إِ ثِيطَّاوِينْ نْسنْ.
EZE 37:21 [خنِّي] إِنِي أَسنْ: ’أَمُّو إِ إِقَّارْ سِيذِي إِنُو، سِيذِي: خْزَارْ، نشّْ أَذْ طّْفغْ أَيْثْ ن إِسْرَائِيل زِي ڒْوسْثْ نْ ڒڭْنُوسْ مَانِي غَارْ ؤُيُورنْ ؤُشَا أَذْ ثنْ سّْمُونغْ زڭْ ونّضْ ؤُشَا أَذْ ثنْ أَوْيغْ غَارْ وُوذمْ ن ثمُّورْثْ نْسنْ.
EZE 37:22 نشّْ أَذْ ثنْ ڭّغْ ذ إِجّْ ن ڒْڭنْسْ ذِي ثمُّورْثْ، خْ إِذُورَارْ ن إِسْرَائِيل، ذ إِجّْ ن ؤُجدْجِيذْ أَذْ يِيڒِي إِ مَارَّا إِذْسنْ ذ أَجدْجِيذْ ؤُشَاعمَّارْصْ عَاذْ أَذْ إِڒِينْ إِ ثْنَاينْ نْ ڒڭْنُوسْ ؤُعمَّارْصْ عَاذْ أَذْ تّْوَابْضَانْ ذِي ثْنَاينْ ن ثْڭلْذِيوِينْ.
EZE 37:23 وَارْ سّْخمَّاجنْ عَاذْ إِخفْ نْسنْ س إِميْضَا نْسنْ ن لْ-أَصْنَامْ، س نّْعَاوَاثْ نْسنْ ن لْ-أَصْنَامْ ؤُ س ڒْمُوعْصِييَّاثْ نْسنْ. نشّْ أَذْ ثنْ سّْنجْمغْ زِي مَارَّا ثِيندَّامْ نْسنْ إِ ذِي خْضِينْ نِيثْنِي ؤُ نشّْ أَذْ ثنْ سِّيزذْڭغْ. [خنِّي] نِيثْنِي أَذْ أَيِي إِڒِينْ ذ ڒْڭنْسْ ؤُ نشّْ أَذْ أَسنْ إِڒِيغْ ذ أَربِّي.
EZE 37:24 أَمْسخَّارْ إِنُو ذَاوُوذْ أَذْ خَاسنْ يِيڒِي ذ أَجدْجِيذْ ؤُشَا أَذْ ذِينْ يِيڒِي إِجّْ ن ؤُمكْسَاوْ إِ مَارَّا نِيثْنِي. نِيثْنِي أَذْ ضْفَارنْ لْفَارَايِيضْ إِنُو ؤُشَا أَذْ حْضَانْ ثِيوصَّا إِنُو، أَذْ زَّايْسنْثْ ڭّنْ.
EZE 37:25 أَذْ زذْغنْ ذِي ثمُّورْثْ نِّي وْشِيغْ إِ ؤُمْسخَّارْ إِنُو يَاعْقُوبْ، إِ ذِي ثُوغَا زدّْغنْ ڒجْذُوذْ نْومْ، [وَاهْ،] نِيثْنِي أَذْ ذَايسْ زذْغنْ إِ ڒبْذَا، نِيثْنِي ذ إِحنْجِيرنْ نْسنْ ذ إِحنْجِيرنْ ن إِحنْجِيرنْ نْسنْ، ؤُشَا أَمْسخَّارْ إِنُو ذَاوُوذْ أَذْ يِيڒِي ذ ڒْحَاكمْ نْسنْ إِ ڒبْذَا.
EZE 37:26 نشّْ أَذْ كِيذْسنْ قضْعغْ إِجّْ ن ڒْعَاهْذْ ن ڒهْنَا، أَذْ يِيڒِي ذ ڒْعَاهْذْ إِ ڒبْذَا. نشّْ أَذْ ثنْ بَارْكغْ ؤُ أَذْ ذَايْسنْ أَرْنِيغْ أَطَّاسْ ؤُ نشّْ أَذْ ڭّغْ زَّاوشْثْ إِنُو إِقدّْسنْ ذِي ڒْوسْطْ نْسنْ إِ ڒبْذَا.
EZE 37:27 أَذْ غَارْسنْ ثِيڒِي ثْزذِّيغْثْ إِنُو ؤُ نشّْ أَذْ إِڒِيغْ ذ أَربِّي نْسنْ ؤُ نِيثْنِي أَذْ إِڒِينْ ذ ڒْڭنْسْ إِنُو،
EZE 37:28 ؤُشَا أَذْ سّْننْ ڒڭْنُوسْ، بلِّي نشّْ ذ سِيذِي نِّي إِسّْقدّْسنْ إِسْرَائِيل خْمِي غَا ثِيڒِي زَّاوشْثْ إِنُو إِقدّْسنْ ذِي ڒْوسْطْ نْسنْ إِ ڒبْذَا.‘ “
EZE 38:1 يُوسَا-د غَارِي وَاوَاڒْ ن سِيذِي، إِنَّا:
EZE 38:2 ”[أَ] مِّيسْ ن بْنَاذمْ، أَرّْ ؤُذمْ نّشْ غَارْ [هَا]جُوجْ [زِي] ثمُّورْثْ ن مَاجُوجْ، ڒْحَاكمْ ن رُوشْ، مَاشِيكْ ذ ثُوبَالْ، ؤُشَا نَابّْ ضِيدّْ نّسْ،
EZE 38:3 إِنِي: ’أَمُّو إِ إِقَّارْ سِيذِي إِنُو، سِيذِي: خْزَارْ، نشّْ أَقَا أَيِي ضِيدّْ نّشْ، [أَ] [هَا]جُوجْ، ڒْحَاكمْ ن رُوشْ، مَاشِيكْ ذ ثُوبَالْ.
EZE 38:4 نشّْ أَذْ شكْ قمّْعغْ ؤُ أَذْ ڭّغْ ثِيسنَّارِينْ ذڭْ إِقَابْسِيونْ نّشْ ؤُشَا أَذْ شكْ سُّوفّْغغْ، شكْ ذ مَارَّا ڒْعسْكَارْ نّشْ، إِيْسَانْ ذ إِمْنَاينْ، مَارَّا أَرْضنْ أَرُّوضْ مْلِيحْ أَطَّاسْ، إِجّْ ن وڭْرَاوْ ذ أَمقّْرَانْ أَطَّاسْ، س ثْسدَّارْثْ ثَامقّْرَانْثْ ذ ثْسدَّارْثْ ثَامژْيَانْثْ [ن ؤُعسْكَارِي]، مَارَّا نِيثْنِي غَارْسنْ ثِيزمَّارْ ذڭْ ؤُمنْغِي س سِّيفْ.
EZE 38:5 أَيْثْ ن لْفُورْسْ، ن كُوشْ ؤُ ن فُوطْ أَكِيذْسنْ، مَارَّا إِذْسنْ س ثْسدَّارْثْ [ن ؤُعسْكَارِي] ذ لْكَاسْكْ [ن ؤُعسْكَارِي]،
EZE 38:6 جُومَارْ أَكْ-ذ مَارَّا ڒْعسْكَارْ نّسْ، ذ ثَادَّارْثْ ن ثُوجَارْمَا زِي طّْرُوفَا ن شَّامَالْ قَاعْ أَكْ-ذ مَارَّا ڒْعسْكَارْ نّسْ، [وَاهْ،] أَطَّاسْ ن ڒڭْنُوسْ [أَذْ د-أَسنْ] أَكِيذكْ.
EZE 38:7 إِڒِي ثْوجْذذْ ؤُ سوْجذْ إِخفْ نّشْ، شكْ ذ مَارَّا أَڭْرَاوْ نّشْ نِّي ثسّْمُونذْ غَاركْ، ؤُ إِڒِي ذ أَمحْضَايْ نْسنْ.
EZE 38:8 أَوَارْنِي وَاطَّاسْ ن وُوسَّانْ أَذْ ثتّْوَاڒَاغِيذْ، أَوَارْنِي ڒَامِي عْذُونْ أَطَّاسْ ن إِسڭّْوُوسَا أَذْ د-ثَاسذْ غَارْ ثمُّورْثْ نِّي إِتّْوَاعذْڒنْ زِي سِّيفْ، [غَارْ إِجّْ ن ڒْڭنْسْ] إِ إِتّْوَاسّْمُوننْ زِي ڒڭْنُوسْ خْ إِذُورَارْ ن إِسْرَائِيل نِّي ثُوغَا ذ ڒْخِيرْبثْ إِ يِيجّْ ن ڒْوقْثْ ذ أَزِيرَارْ، [غَارْ إِجّْ ن ڒْڭنْسْ] نِّي إِتّْوَاسُّوفّْغنْ زِي ڒڭْنُوسْ، ؤُ مَارَّا نِيثْنِي زدّْغنْ [ذِينِّي] ذِي ڒَامَانْ.
EZE 38:9 [خنِّي] أَذْ ثْڭعّْذذْ أَمْ ثْحَارْيَاضْثْ، أَمْ ؤُسيْنُو مَاحنْذْ أَذْ ثذْڒذْ ثَامُّورْثْ، شكْ ذ مَارَّا ڒْعسْكَارْ نّشْ ؤُڒَا ذ أَطَّاسْ ن ڒڭْنُوسْ نِّي كِيكْ [إِدْجَانْ].‘ “
EZE 38:10 ”أَمُّو إِ إِقَّارْ سِيذِي إِنُو، سِيذِي: ’ذڭْ وَاسّْ نِّي أَذْ إِمْسَارْ، أَقَا أَذْ أَذْفنْ إِخَارِّيصنْ ذڭْ وُوڒْ نّشْ ؤُ شكْ أَذْ ثْخَارّْصذْ ذِي ثْمعْمُوتْشْ ثَاعفَّانْثْ.
EZE 38:11 أَذْ ثِينِيذْ: أَذْ ڭعّْذغْ غَارْ إِشْثْ ن ثمُّورْثْ س ثْندَّامْ بْڒَا ڒحْيُوضْ، أَذْ د-أَسغْ غَارْ [ينِّي ذِينْ] إِدَّارنْ ذِي ڒهْنَا ؤُ [غَارْ يِينِّي ذِينْ] إِزدّْغنْ ذِي ڒَامَانْ، إِنِّي ذِينْ إِزدّْغنْ مَارَّا بْڒَا ڒْحِيضْ ؤُ بْڒَا زّكْرُونَاثْ نِيغْ ثِيوُّورَا،
EZE 38:12 مَاحنْذْ أَذْ كشّْضغْ ؤُ أَذْ أَشَارغْ أَڭْڒَا! [وَاهْ،] مَاحنْذْ أَذْ ثَارّذْ أَفُوسْ نّشْ خْ ڒْخِيرْبَاثْ نِّي ذِي زدّْغنْ [عَاوذْ إِوْذَانْ]، خْ يِيجّْ نْ ڒْڭنْسْ نِّي إِتّْوَاسّْمُوننْ زِي ڒڭْنُوسْ، ونِّي إِكسْبنْ ڒْمَاڒْ ذ وَاڭْڒَا، ونِّي إِزدّْغنْ خْ ثْعبُّوضْثْ ن ثمُّورْثْ.
EZE 38:13 شَابَا ذ ذَاذَانْ ذ تُّوجَارْ ن ثَارْشِيشْ ذ مَارَّا أَيْرَاذنْ إِمژْيَانِينْ نْسنْ أَذْ أَشْ إِنِينْ: مَا د-ثُوسِيذْ مَاحنْذْ أَذْ ثطّْفذْ ثَاكشَّاضْثْ؟ مَا ثسّْمُونذْ أَڭْرَاوْ نّشْ مَاحنْذْ أَذْ ثْكشّْضذْ، حِيمَا أَذْ ثكْسِيذْ نُّوقَارْثْ ذ وُورغْ، حِيمَا أَذْ ثطّْفذْ ڒْمَاڒْ ذ وَاڭْڒَا، حِيمَا أَذْ ثَاشَارذْ ثَاكشَّاضْثْ ثَامقّْرَانْثْ؟‘ “
EZE 38:14 ”س ؤُيَا، نَابّْ، [أَ] مِّيسْ ن بْنَاذمْ، ؤُشَا إِنِي إِ [هَا]جُوجْ ’أَمُّو إِ إِقَّارْ سِيذِي إِنُو، سِيذِي: ذڭْ وَاسّْ نِّي، خْمِي غَا إِزْذغْ ڒْڭنْسْ إِنُو إِسْرَائِيل ذِي ڒَامَانْ، مَا شكْ وَارْ ثسِّينذْ [مِينْ إِتّْخصَّا أَذْ ث ثڭّذْ]؟
EZE 38:15 أَذْ د-ثَاسذْ زڭْ ومْشَانْ نّشْ، زِي طّْرُوفَا ن شَّامَالْ قَاعْ، شكْ ذ وَاطَّاسْ نْ ڒڭْنُوسْ أَكِيذكْ. مَارَّا نِيثْنِي ذ إِمْنَاينْ س إِيْسَانْ، إِجّْ ن وڭْرَاوْ ذ أَمقّْرَانْ ذ يِيجّْ ن ڒْعسْكَارْ إِجهْذنْ.
EZE 38:16 أَذْ ثْڭعّْذذْ ضِيدّْ إِ ڒْڭنْسْ إِنُو إِسْرَائِيل، أَمْ يِيجّْ ن ؤُسيْنُو، مَاحنْذْ أَذْ ثذْڒذْ ثَامُّورْثْ. أَذْ يِيڒِي ذڭْ ؤُنڭَّارْ ن وُوسَّانْ. نشّْ أَذْ شكْ سِّيوْضغْ خْ ثمُّورْثْ إِنُو، حِيمَا ڒڭْنُوسْ أَذْ أَيِي سّْننْ، خْمِي زَّايكْ إِ غَا تّْوَاقدّْسغْ زَّاثْ إِ ثِيطَّاوِينْ نْسنْ، [أَ] [هَا]جُوجْ!‘
EZE 38:17 أَمُّو إِ إِقَّارْ سِيذِي إِنُو، سِيذِي: ’مَا أَقَا شكْ ذ ونِّي خْ سِّيوْڒغْ ذڭْ وُوسَّانْ ن زِيشْ، س ؤُفُوسْ ن إِمْسخَّارنْ إِنُو، إِنَابِييّنْ ن إِسْرَائِيل نِّي ثُوغَا إِتّْنَابّنْ ذڭْ وُوسَّانْ نِّي، [ڒْْمِيجَاڒْ ن] وَاطَّاسْ ن إِسڭّْوُوسَا، بلِّي نشّْ أَذْ شكْ سِّيوْضغْ ضِيدّْ نْسنْ؟
EZE 38:18 ذڭْ وَاسّْ نِّي، ذڭْ وَاسّْ إِ ذِي د غَا يَاسْ [هَا]جُوجْ ضِيدّْ إِ ثمُّورْثْ ن إِسْرَائِيل، [أَمُّو إِ] إِقَّارْ سِيذِي إِنُو، سِيذِي، أَقَا أَذْ يَاڒِي وسْعَارْ إِنُو ذڭْ ونْزَارنْ إِنُو.
EZE 38:19 ذِي ثُوسْمِي إِنُو [إِقدّْسنْ]، ذِي ثْمسِّي ن ؤُذُوقّزْ إِنُو [ن ؤُفُوڭمْ] نِّيغْ: [س ثِيذتّْ، أَمْ دَّارغْ نشّْ]، مَاڒَا ذڭْ وَاسّْ نِّي وَارْ إِتِّيڒِي إِجّْ ن ونْهزِّي ن ثمُّورْثْ أَمقّْرَانْ ذِي ثمُّورْثْ ن إِسْرَائِيل،
EZE 38:20 [أَڒَامِي] إِسڒْمَانْ ن ڒبْحَارْ ذ إِجْضَاضْ ن ؤُجنَّا ذ ڒْمَاڒْ ن ييَّارْ ذ مَارَّا ڒْمَاڒْ نِّي إِتّْبُوعنْ خْ ثمُّورْثْ ذ مَارَّا إِوْذَانْ نِّي [إِدْجَانْ] خْ وُوذمْ ن ثمُّورْثْ أَذْ أَرْجِيجنْ، ؤُ إِذُورَارْ أَذْ تّْوَامنْضَارنْ ؤُ ڒجْرُوفْ إِعُودْجنْ أَذْ هْرُورَانْ ذ مَارَّا ڒحْيُوضْ أَذْ وْضَانْ.
EZE 38:21 نشّْ أَذْ د-ڒَْاغِيغْ خْ سِّيفْ ضِيدّْ نّسْ خْ مَارَّا إِذُورَارْ إِنُو، [أَمُّو إِ] إِقَّارْ سِيذِي إِنُو، سِيذِي. سِّيفْ ن كُوڒْ إِجّْ أَذْ يِيڒِي خْ ؤُمَاسْ.
EZE 38:22 نشّْ أَذْ خَاسْ حكْمغْ س طَّاعُونْ ؤُ س إِذَامّنْ ؤُشَا أَذْ خَاسْ ڭّغْ ؤُ خْ ڒْعسْكَارْ نّسْ ؤُ خْ وَاطَّاسْ ن ڒڭْنُوسْ نِّي كِيذسْ إِ غَا يِيڒِينْ، أَنْژَارْ إِجهْذنْ ذ إِبْقُوقنْ إِمقّْرَاننْ ن ثبْرُورِي ذ ثْمسِّي ذ ڒشْبَارِييّثْ.
EZE 38:23 نشّْ أَذْ سّشْنغْ إِخفْ إِنُو ذ أَمقّْرَانْ ذ أَمْقدَّاسْ ؤُ أَذْ تّْوَاسّْنغْ زَّاثْ إِ ثِيطَّاوِينْ ن ڒڭْنُوسْ. نِيثْنِي أَذْ سّْننْ بلِّي نشّْ ذ سِيذِي.‘ “
EZE 39:1 ”[خنِّي] ڒخُّو، [أَ] مِّيسْ ن بْنَاذمْ، نَابّْ ضِيدّْ إِ [هَا]جُوجْ ؤُشَا إِنِي: ’أَمُّو إِ إِقَّارْ سِيذِي إِنُو، سِيذِي: خْزَارْ، أَقَا أَيِي خَاكْ، [أَ، شكْ] [هَا]جُوجْ، ڒْحَاكمْ ن رُوشْ، مَاشِيكْ ذ ثُوبَالْ.
EZE 39:2 نشّْ أَذْ شكْ سّْعقْبغْ ؤُ أَذْ ذَايكْ ڭّغْ ثِيسنَّارِينْ ؤُ أَذْ شكْ سّْڭعّْذغْ زِي طّْرُوفَا ن شَّامَالْ ؤُشَا أَذْ شكْ ڭوّْذغْ خْ إِذُورَارْ ن إِسْرَائِيل.
EZE 39:3 أَذْ وْثغْ ڒْقوْسْ زڭْ ؤُفُوسْ نّشْ أَزڒْمَاضْ ؤُشَا أَذْغضْڒغْ فْڒِيثْشَاثْ نّشْ زڭْ ؤُفُوسْ نّشْ أَفُوسِي.
EZE 39:4 أَذْ ثوْضِيذْ خْ إِذُورَارْ ن إِسْرَائِيل، شكْ ذ مَارَّا ڒْعسْكَارْ نّشْ ذ ڒڭْنُوسْ نِّي [إِدْجَانْ] أَكِيذكْ. نشّْ وْشِيغْ شكْ ذ مَاشَّا إِ عْڒَامْ كُوڒْ إِجْضَاضْ إِتّْكشَّاضنْ ؤُ إِ ڒْمَاڒْ نْ ڒخْڒَا.
EZE 39:5 خْ وُوذمْ ن ييَّارْ أَذْ ثوْضِيذْ، مِينْزِي نشّْ نِّيغْ ث، [أَمُّو إِ] إِقَّارْ سِيذِي إِنُو، سِيذِي.
EZE 39:6 نشّْ أَذْ سّكّغْ ثِيمسِّي خْ مَاجُوجْ ؤُ خْ إِنِّي إِزدّْغنْ س ڒحْنَا ذِي ثڭْزِيرِينْ ؤُ نِيثْنِي أَذْ سّْننْ بلِّي نشّْ ذ سِيذِي.
EZE 39:7 نشّْ أَذْ سّْبَانغْ إِسمْ إِنُو إِقدّْسنْ ذِي ڒْوسْثْ ن ڒْڭنْسْ إِسْرَائِيل ؤُ نشّْ وَارْ تّجِّيغْ عَاذْ أَذْ سّْخمْجنْ إِسمْ إِنُو إِقدّْسنْ. ڒڭْنُوسْ أَذْ سّْننْ بلِّي نشّْ ذ سِيذِي، أَمْقدَّاسْ ذِي إِسْرَائِيل.
EZE 39:8 خْزَارْ، أَذْ د-يَاسْ ؤُ أَذْ إِمْسَارْ!، [أَمُّو إِ] إِقَّارْ سِيذِي إِنُو، سِيذِي. وَا ذ أَسّْ نِّي خْ سِّيوْڒغْ.‘ “
EZE 39:9 ”إِمزْذَاغْ ن ثْندَّامْ ن إِسْرَائِيل أَذْ فّْغنْ ؤُشَا أَذْ سَّارْغنْ ثِيمسِّي أَذْ سّْشمْضنْ [مَارَّا] ڒسْنَاحْ: أَمْ ثْسدَّارِييِينْ ثِيمژْيَانِينْ أَمْ ثْسدَّارِييِينْ ثِيمقّْرَانِينْ ؤُڒَا ذ ڒْقوْسْ ذ فْڒِيثْشَاثْ ذ إِعُومَاذْ إِ يِيفَاسّنْ ذ إِحْرِيشنْ. سبْعَا ن إِسڭّْوُوسَا أَذْ زَّايْسنْ سَّارْغنْ ثِيمسِّي.
EZE 39:10 وَارْ د-تِّيوْينْ أَكشُّوضْ زڭْ إِيَّارْ ؤُ وَارْ تّْقسِّينْ ثَافْڒَاوْثْ زڭْ إِزغْرَانْ، [مِينْزِي] سَّارْغنْ ثِيمسِّي س ڒسْنَاهْ ؤُشَا أَذْ كشّْضنْ إِنِّي ثنْ إِكشّْضنْ ؤُشَا أَذْ أَشَارنْ إِ يِينِّي ذ أَسنْ يُوشَارنْ!‘، [أَمُّو إِ] إِقَّارْ سِيذِي إِنُو، سِيذِي.“
EZE 39:11 ”ذڭْ وَاسّْ نِّي أَذْ إِمْسَارْ، أَقَا نشّْ أَذْ سّْوجْذغْ ذِينْ أَمْشَانْ إِ [هَا]جُوجْ إِجّْ ن ونْضڒْ ذِي إِسْرَائِيل، ڒوْضَا ن يِينِّي إِژكّْوَانْ، غَارْ شَّارْقْ ن ڒبْحَارْ، ؤُ ثَانِيثَا أَذْ ثْبلّعْ [أَبْرِيذْ] إِ يِينِّي [إِخْسنْ] أَذْ ژكّْوَانْ. ذِينْ إِ غَا نضْڒنْ [هَا]جُوجْ ذ مَارَّا ڒْغَاشِي نّسْ إِنْهوْڒنْ ؤُ أَذْ خَاسْ ڒَاغَانْ: ڒوْضَا ن ڒْغَاشِي إِنْهوْڒنْ ن [هَا]جُوجْ.
EZE 39:12 ثَادَّارْثْ ن إِسْرَائِيل أَذْ ثنْ ثنْضڒْ، مَاحنْذْ أَذْ سِّيزْذڭنْ ثمُّورْثْ، [ڒْْمِيجَاڒْ ن] سبْعَا ن إِيُورنْ.
EZE 39:13 مَارَّا ڒْڭنْسْ ن ثمُّورْثْ أَذْ [ثنْ] نضْڒنْ ؤُشَا أَيَا أَذْ أَسنْ يِيڒِي إِ شَّانْ، ذڭْ وَاسّْ إِ ذِي غَا تّْوَاسّْعُودْجغْ!‘، [أَمُّو إِ] إِقَّارْ سِيذِي إِنُو، سِيذِي.
EZE 39:14 ’أَذْ فَارْزنْ عَاوذْ إِرْيَازنْ مَاحنْذْ أَذْ ژْوَانْ نِيثْنِي ثَامُّورْثْ بْڒَا قطُّو مَاحنْذْ أَذْ نضْڒنْ إِنِّي خَاسْ إِكِّينْ، إِنِّي ثُوغَا إِقِّيمنْ بُوزّْڒنْ خْ وُوذمْ ن ثمُّورْثْ، حِيمَا أَذْ سِّيزذْڭنْ [ثَامُّورْثْ]. أَوَارْنِي سبْعَا ن إِيُورنْ أَذْ قدْجْبنْ نِيثْنِي.
EZE 39:15 إِنِّي إِ ذ أَسنْ إِتّْخصَّا أَذْ ژْوَانْ ثَامُّورْثْ أَذْ ت ژْوَانْ ؤُ خْمِي إِتّْوَاڒَا حذْ إِجّْ ن يِيغسْ ن بْنَاذمْ، أَذْ يڭّْ غَارسْ إِشْثْ ن ڒْمَارْكَا أَڒْ ث غَا نضْڒنْ إِنِّي إِنطَّاڒنْ ذِي ڒوْضَا ن ڒْغَاشِي إِنْهوْڒنْ ن [هَا]جُوجْ.
EZE 39:16 عَاوذْ [أَذْ يِيڒِي] إِسمْ ن إِشْثْ ن ثنْذِينْثْ ’ڒْْغَاشِي إِنْهوْڒنْ‘. نِيثْنِي أَذْ سِيزذْڭنْ ثَامُّورْثْ.‘ “
EZE 39:17 ”شكْ، [أَ] مِّيسْ ن بْنَاذمْ، أَمُّو إِ إِقَّارْ سِيذِي إِنُو، سِيذِي: ’إِنِي إِ مَارَّا ڒْمَارْكَاثْ ن إِجْضَاضْ ؤُ إِ مَارَّا ڒْمَاڒْ ن ييَّارْ: مُونمْ-د [ذَا]، أَسمْ-د، سدّمْ إِخفْ نْومْ زڭْ ونّضْ غَارْ ثْغَارْصْثْ إِنُو نِّي غَارْصغْ إِ كنِّيوْ، ثَاغَارْصْثْ ثَامقّْرَانْثْ خْ إِذُورَارْ ن إِسْرَائِيل، ؤُشَا أَذْ ثشّمْ أَيْسُومْ، أَذْ ثسْومْ إِذَامّنْ.
EZE 39:18 أَذْ ثشّمْ أَيْسُومْ ن أَيْثْ ن بُو-ڒخْشُونثْ ؤُ أَذْ ثسْومْ إِذَامّنْ ن ڒْحُوكَّامْ ن دُّونشْثْ، ن إِشَارِّييّنْ ذ إِزْمَارنْ ذ إِغَايْضنْ ذ إِفُونَاسنْ إِمژْيَاننْ، أَقَا أَثنْ مَارَّا ذوْسنْ ذِي بَاسَانْ.
EZE 39:19 أَذْ ثشّمْ ثَاذُونْثْ أَڒْ غَا ثجِّيوْنمْ ؤُشَا أَذْ ثسْومْ إِذَامّنْ أَڒْ غَا ثسْشَارمْ زِي ثْغَارْصْثْ إِنُو إِ غَارْصغْ إِ كنِّيوْ.
EZE 39:20 كنِّيوْ أَذْ ثجِّيوْنمْ غَارْ طَّابْڒَا إِنُو س إِيْسَانْ ذ إِمْنَاينْ، س أَيْثْ ن بُو-ثغْرُوضْثْ ؤُ س مَارَّا إِعسْكَارِييّنْ، [أَمُّو إِ] إِقَّارْ سِيذِي إِنُو، سِيذِي.
EZE 39:21 أَذْ ڭّغْ أَعُودْجِي إِنُو جَارْ ڒڭْنُوسْ ؤُشَا مَارَّا ڒڭْنُوسْ أَذْ ژَترنْ ڒْحُوكْمْ إِنُو نِّي ڭِّيغْ، ؤُڒَا ذ أَفُوسْ نِّي جَارْ أَسنْ سَّارْسغْ.
EZE 39:22 ثَادَّارْثْ ن إِسْرَائِيل أَذْ ثسّنْ، أَقَا نشّْ، سِيذِي، ذ أَربِّي نْسنْ، زڭْ وَاسّْ نِّي ؤُ زِي سَّا ثْسَاونْثْ.
EZE 39:23 أَذْ سّْننْ ڒڭْنُوسْ أَقَا إِنِّي ن ثَادَّارْثْ ن إِسْرَائِيل تّْوَانذْهنْ ذِي لْمنْفَا زِي سِّيبّثْ ن ڒْمُوعْصِييّثْ نْسنْ، مِينْزِيغدَّارنْ أَيِي ؤُشَا نشّْ فَّارغْ خَاسنْ ؤُذمْ إِنُو ؤُشَا وْشِيغْ ثنْ ذڭْ ؤُفُوسْ ن إِغْرِيمنْ نْسنْ ؤُ [خنِّي] وْضَانْ مَارَّا س سِّيفْ.
EZE 39:24 نشّْ ڭِّيغْ أَسنْ أَمْ مَامّشْ ثَاخْمُوجِي نْسنْ ؤُ أَمْ مَامّشْ ڒْمُوعْصِييّثْ نْسنْ ؤُ نشّْ فَّارغْ زَّايْسنْ ؤُذمْ إِنُو.‘ “
EZE 39:25 ”س ؤُيَا، أَمُّو إِ إِقَّارْ سِيذِي إِنُو، سِيذِي: ’ڒخُّو أَذْ سّْعقْبغْ إِمحْبَاسْ ن يَاعْقُوبْ، أَذْ حِينّغْ خْ مَارَّا ثَادَّارْثْ ن إِسْرَائِيل. أَذْ ؤُسْمغْ ذِي طّْوعْ ن يِيسمْ إِنُو إِقدّْسنْ.
EZE 39:26 نِيثْنِي أَذْ أَرْبُونْ ڒفْضِيحثْ نْسنْ ذ مَارَّا ڒْمُوعْصِييّثْ نْسنْ إِ زِي ذ أَيِي غْضَارنْ خْمِي نِيثْنِي عَاذْ زذْغنْ ذِي ڒَامَانْ ذِي ثمُّورْثْ نْسنْ ؤُ وَارْ إِدْجِي وِي ثنْ إِ غَا إِسِّيڭّْوذنْ.
EZE 39:27 خْمِي ثنْ إِ غَا سّْعقْبغْ زِي ڒڭْنُوسْ ؤُ أَذْ ثنْ سّْمُونغْ زِي ثمُّورَا ن ڒْعذْيَانْ نْسنْ ؤُ نشّْ أَذْ تّْوَاقدّْسغْ زَّايْسنْ زَّاثْ إِ ثِيطَّاوِينْ ن وَاطَّاسْ نْ ڒڭْنُوسْ،
EZE 39:28 [خنِّي] أَذْ سّْننْ بلِّي نشّْ ذ سِيذِي، أَربِّي نْسنْ، مِينْزِي نشّْ نذْهغْ ثنْ ذ إِمحْبَاسْ جَارْ ڒڭْنُوسْ ؤُ نشّْ سّْمُونغْ ثنْ [عَاوذْ] ذِي ثمُّورْثْ نْسنْ، وَارْ [ذِينْ] جِّيغْ ؤُڒَا ذ إِجّنْ زَّايْسنْ.
EZE 39:29 نشّْ وَارْ خَاسنْ تّفَّارغْ عَاذْ ؤُذمْ إِنُو، خْمِي أَقَا سّْفَارّْغغْ أَرُّوحْ إِنُو خْ ثَادَّارْثْ ن إِسْرَائِيل!‘، [أَمُّو إِ] إِقَّارْ سِيذِي إِنُو، سِيذِي.“
EZE 40:1 ذڭْ ؤُسڭّْوَاسْ وِيسّْ خمْسَا ؤُ-عِيشْرِينْ ن لْمنْفَا نّغْ، غَارْ ؤُمزْوَارْ ن ؤُسڭّْوَاسْ، ذڭْ وَاسّْ وِيسّْعشْرَا ن ؤُيُورْ، ذڭْ ؤُسڭّْوَاسْ وِيسّْ أَرْبعْطَاشْ أَوَارْنِي مَا وْثِينْ ثَانْذِينْثْ، ذڭْ وَاسّْ نِّي نِّيثْ، ثُوغَا أَفُوسْ ن سِيذِي خَافِي ؤُشَا إِنْذهْ أَيِي ذِينْ.
EZE 40:2 ذِي إِوحَّانْ ن أَربِّي إِنْذهْ أَيِي غَارْ ثمُّورْثْ ن إِسْرَائِيل ؤُشَا إِسَّارْسْ أَيِي خْ إِجّْ ن وذْرَارْ يُوعْڒَانْ مِيخفْ ثُوغَا شَا ن ڒبْنِي أَمْ يِيشْثْ ن ثنْذِينْثْ غَارْ ؤُغزْذِيسْ ن لْجَانُوبْ نّسْ.
EZE 40:3 يِيوْيِي أَيِي ذِينْ، ؤُ خْزَارْ، إِجّْ ن ورْيَازْ. صِّيفثْ نّسْ أَمْ صِّيفثْ ن نّْحَاسْ ؤُ ذڭْ ؤُفُوسْ نّسْ إِجّْ ن ؤُفِيڒُو ن ڒقْطنْ ذ إِجّْ ن ؤُغَانِيمْ ن ڒعْبَارْ. نتَّا ثُوغَا إِبدّْ غَارْ ثوَّارْثْ.
EZE 40:4 إِسِّيوڒْ أَكِيذِي ورْيَازْ [نِّي]: ”[أَ] مِّيسْ ن بْنَاذمْ، خْزَارْ س ثِيطَّاوِينْ نّشْ، سڒْ س إِمزُّوغنْ نّشْ ؤُشَا سَارْسْ ؤُڒْ نّشْ إِ مَارَّا نِّي إِ ذ أَشْ غَا سّشْنغْ، مَاغَارْ ثتّْوَاسّْقبْذذْ غَارْ ذَا حِيمَا أَذْ أَشْ ث سّشْنغْ. مَارَّا مِينْ ثْوَاڒِيذْ، إِنِي ث إِ ثَادَّارْثْ ن إِسْرَائِيل!“
EZE 40:5 خْزَارْ، غَارْ بَارَّا ن ثَادَّارْثْ ثُوغَا ذِينْ إِجّْ ن وغْبَارْ نِّي ثُوغَا إِ ذ أَسْ د-إِنّْضنْ كُوڒْشِي. ذڭْ ؤُفُوسْ ن ورْيَازْ ثُوغَا ذ إِجّْ ن ؤُغَانِيمْ ن ڒعْبَارْ ن ستَّا ن إِغَادْجنْ، [كُوڒْ إِجّنْ زَّايْسنْ ذ] إِجّْ ن ؤُغِيڒْ ذ إِجّْ شْبَارْ ن ؤُفُوسْ. نتَّا إِعْبَارْ ثِيرُو ن ڒْحِيضْ نِّي، أَقَا-ث ذ إِجّْ ن ؤُغَانِيمْ، ؤُ ڒُوعْڒَا [نّسْ] ؤُڒَا ذ إِجّْ ن ؤُغَانِيمْ.
EZE 40:6 [خنِّي] يُوسَا-د أَڒْ ڒبْنِي ن ثوَّارْثْ نِّي إِخزَّارنْ غَارْ شَّارْقْ ؤُشَا إِڭعّذْ خْ دّْرُوجْ نّسْ، ؤُشَا إِعْبَارْ ثَانبْذَاثْ ن ثوَّارْثْ، ثِيرُو نّسْ أَنشْثْ ن إِجّْ ن ؤُغَانِيمْ ؤُ ثِيرُو ن ثْنبْذَاثْ نّغْنِي ؤُڒَا ذ إِجّْ ن ؤُغَامِينْ.
EZE 40:7 ثُوزڭَّارْثْ ن إِشْثْ ن ثخَّامْثْ [ن ثوَّارْثْ] ذ إِجّْ ن ؤُغَانِيمْ ؤُ ثِيرُو نّسْ ؤُڒَا ذ إِجّْ ن ؤُغَانِيمْ. جَارْ ثخَّامِينْ [ن ثوَّارْثْ] [ثُوغَا ذِينْ] خمْسَا ن إِغَادْجنْ ؤُ ثَانبْذَاثْ [ن ڒبْنِي] ن ثوَّارْثْ غَارْ ؤُغزْذِيسْ ن وسْقِيفْ ن [ڒبْنِي ن] ثوَّارْثْ غَارْ ؤُغزْذِيسْ ن ثَادَّارْثْ، [أَقَا-ت] ذ إِجّْ ن ؤُغَانِيمْ.
EZE 40:8 نتَّا إِعْبَارْ أَسْقِيفْ [ن ڒبْنِي] ن ثوَّارْثْ غَارْ ذَاخڒْ، أَقَا-ث ذ إِجّْ ن ؤُغَانِيمْ.
EZE 40:9 إِعْبَارْ أَسْقِيفْ ن ڒبْنِي ن ثوَّارْثْ، أَقَا-ث ذِي ثْمنْيَا ن إِغَادْجنْ، ؤُشَا ڒضْرُوفْ ن ڒْحِيضْ نّسْ [ثُوغَا أَثنْ] ذِي ثْنَاينْ ن إِغَادْجنْ. أَسْقِيفْ ن [ن ڒبْنِي] ن ثوَّارْثْ ثُوغَا غَارْ ؤُغزْذِيسْ ن ثَادَّارْثْ.
EZE 40:10 زِي جِّيهثْ ن ثخَّامِينْ ن ثوَّارْثْ غَارْ ؤُغزْذِيسْ ن شَّارْقْ [ن ڒبْنِي ن ثوَّارْثْ]، أَقَا ذِينْ ثْڒَاثَا [زَّايْسنْثْ] غَارْ ؤُغزْذِيسْ-أَ ؤُ ثْڒَاثَا [زَّايْسنْثْ] غَارْ ؤُغزْذِيسْ نّغْنِي. أَقَا أَثنْثْ غَارْسنْثْ ذ إِجّْ ن ڒعْبَارْ. ڒضْرُوفْ نْ ڒْحِيذْ [غَارْسنْ] ذ ڒعْبَارْ ذ إِجّنْ غَارْ ؤُغزْذِيسْ-أَ ؤُ غَارْ ؤُغزْذِيسْ نّغْنِي.
EZE 40:11 إِعْبَارْ ثِيرُو ن وَاذَافْ [ن ڒبْنِي] ن ثوَّارْثْ، أَقَا-ث ذِيعشْرَا ن إِغَادْجنْ، ؤُڒَا ذ ثُوزّڭَّارْثْ [ن ڒبْنِي] ن ثوَّارْثْ، أَقَا-ت ذِي ثْڒطَّاشْ ن إِغَادْجنْ.
EZE 40:12 تَّاسِيعْ زَّاثْ إِ ثخَّامِينْ ن ثوَّارْثْ [ثُوغَا] إِجّْ ن ؤُغِيڒْ [غَارْ ؤُغزْذِيسْ-أَ] ؤُشَا غَارْ ؤُغزْذِيسْ نّغْنِي [ثُوغَا] تَّاسِيعْ ؤُڒَا ذ إِجّْ ن ؤُغِيڒْ. إِشْثْ ن ثخَّامْثْ غَارسْ ستَّا ن إِغَادْجنْ غَارْ إِجّْ ن ؤُغزْذِيسْ ذ ستَّا إِغَادْجنْ غَارْ إِجّْ ن ؤُغزْذِيسْ نّغْنِي.
EZE 40:13 إِعْبَارْ [عَاوذْ] [ڒبْنِي ن] ثوَّارْثْ زِي ثْزقَّا ن إِشْثْ ن ثخَّامْثْ أَڒْ ثَازقَّا ن ونّغْنِي. ثِيرُو [نّسْ ثُوغَا-ث] ذِي خمْسَا ؤُ-عِيشْرِينْ ن إِغَادْجنْ، أَذَافْ أَرنْذَاذْ ن وَاذَافْ [نّغْنِي].
EZE 40:14 إِڭَّا [ؤُڒَا ذ ڒعْبَارْ] غَارْ ڒضْرُوفْ ن ڒْحِيضْ: ستِّينْ ن إِغَادْجنْ، ؤُشَا ڒمْرَاحْ إِكَّا خْ طَّارْفْ ن ڒْحِيضْ، إِنّضْ أَسْ-د [ڒمْرَاحْ] إِ [ڒبْنِي ن] ثوَّارْثْ مَارَّا.
EZE 40:15 زِي زَّاثْ ن ثوَّارْثْ ن وَاذَافْ أَڒْ زَّاثْ ن وسْقِيفْ ن ثوَّارْثْ ن ذَاخڒْ، [أَقَا ذِينْ] خمْسِينْ ن إِغَادْجنْ.
EZE 40:16 [ثُوغَا] ڒكْوَازِي حْصَارنْ غَارْ ثخَّامِينْ ن ثوَّارْثْ ؤُ غَارْ ڒضْرُوفْ نْ ڒْحِيضْ غَارْ ؤُغزْذِيسْ ن ذَاخڒْ [ن ڒبْنِي] ن ثوَّارْثْ ذڭْ ونّضْ، ؤُڒَا ذِي ڒحْيُوضْ نْ بَارَّا ؤُ ثُوغَا ڒكْوَازِي ذڭْ ونّضْ خزَّارنْ غَارْ ذَاخڒْ ؤُ خْ [كُوڒْ إِجّْ زِي] ڒضْرُوفْ ن ڒْحِيضْ ثتَّافذْ ذِينْ ثِيشجُّورَا ن ثِينِي.
EZE 40:17 إِنْذهْ أَيِي-د غَارْ ڒمْرَاحْ ن بَارَّا، ؤُشَا خْزَارْ، [أَقَا ذِينْ] إِخَّامنْ ذ إِشْثْ ن ثِيسِي ن زّلِّيجْ إِتّْوَاڭّنْ ذڭْ ونّضْ ن ڒمْرَاحْ. [ثُوغَا ذِينْ] ثْڒَاثِينْ ن إِخَّامنْ غَارْ ثِيسِي ن زّلِّيجْ [نِّي].
EZE 40:18 ثِيسِي ن زّلِّيجْ [ثُوغَا-ت] غَارْ ؤُغزْذِيسْ ن [ڒبْنِييَّاثْ ن] ثوَّارْثْ، ثقّنْ نِيشَانْ إِ ثُوزّڭَّارْثْ ن [ڒبْنِييَّاثْ ن] ثوَّارْثْ. ثَانِيثَا ثُوغَا-ت ذ ثِيسِي ن زّلِّيجْ إِ إِدْجَانْ وَادَّايْ.
EZE 40:19 نتَّا إِعْبَارْ ثِيرُو زِي زَّاثْ [ن ڒبْنِي] ن ثوَّارْثْ إِ إِدْجَانْ غَارْ وَادَّايْ [ن ڒمْرَاحْ] أَڒْ ڒمْرَاحْ ن ذَاخڒْ غَارْ ؤُغزْذِيسْ نّسْ ن بَارَّا، مْيَا ن إِغَادْجنْ. [أَمُّو إِ إِعْبَارْ] شَّارْقْ ذ شَّامَالْ [نْ ڒمْرَاحْ].
EZE 40:20 زِي [ڒبْنِي ن] ثوَّارْثْ نِّي إِخزَّارنْ غَارْ شَّامَالْ، غَارْ ڒمْرَاحْ ن بَارَّا، إِعْبَارْ ثُوزّڭَّارْثْ نّسْ ذ ثِيرُو نّسْ.
EZE 40:21 ثُوغَا ثْڒَاثَا ن ثخَّامِينْ نّسْ غَارْ ؤُغزْذِيسْ-أَ ذ ثْڒَاثَا غَارْ ؤُغزْذِيسْ نّغْنِي، ذ ڒضْرُوفْ نّسْ ن ڒْحِيضْ ؤُڒَا ذ ڒحْيُوضْ نّسْ ن بَارَّا غَارْسنْ ذ ڒعْبَارْ ذ إِجّنْ أَمْ [ڒبْنِي ن] ثوَّارْثْ ثَامزْوَارُوثْ. ثُوزُّوڭَّارْثْ ثُوغَا-ت خمْسِينْ ن إِغَادْجنْ ذ ثِيرُو نّسْ ثُوغَا-ت خمْسَا ؤُ-عِيشْرِينْ ن إِغَادْجنْ.
EZE 40:22 ڒكْوَازِي نّسْ ذ ڒحْيُوضْ نّسْ ن بَارَّا ؤُڒَا ذ ثِيشجُّورَا نّسْ ن ثِينِي ثُوغَا غَارْسنْ ڒعْبَارْ ذ إِجّنْ أَمْ [ڒبْنِي ن] ثوَّارْثْ نِّي إِخزَّارنْ غَارْ شَّارْقْ. تّْڭعَّاذنْ غَارسْ خْ [إِجّْ ن دّْرُوجْ أَكْ-ذ] سبْعَا ن ثْرفِّيذِينْ ؤُشَا ڒحْيُوضْ نّسْ ن بَارَّا ثُوغَا أَثنْ غَارْ ؤُغزْذِيسْ ن زَّاثْ.
EZE 40:23 [ڒبْنِي ن] ثوَّارْثْ ن ڒمْرَاحْ ن ذَاخڒْ ثُوغَا-ت زَّاثْ [ن ڒبْنِي] ن ثوَّارْثْ ن شَّامَالْ ذ ثنِّي ن شَّارْقْ. زڭْ ڒبْنِي ن ثوَّارْثْ [ن بَارَّا] أَڒْ ڒبْنِي ن ثوَّارْثْ [ن ذَاخڒْ] إِعْبَارْ مْيَا ن إِغَادْجنْ.
EZE 40:24 [خنِّي] إِنْذهْ أَيِي غَارْ ؤُغزْذِيسْ ن لْجَانُوبْ، ؤُ خْزَارْ، ثُوغَا ذِينْ إِجّْ ن [ڒبْنِي ن] ثوَّارْثْ نِّي إِخزَّارنْ غَارْ لْجَانُوبْ. إِعْبَارْ ڒضْرُوفْ ن ڒْحِيضْ ذ ڒحْيُوضْ نّسْ ن بَارَّا [ؤُشَا] ڒعْبُورَاثْ نْسنْ ثُوغَا أَثنْ ذ إِجّْ.
EZE 40:25 [ڒبْنِي ن] ثوَّارْثْ غَارسْ ڒكْوَازِي ؤُشَا ؤُڒَا ذ ڒحْيُوضْ نْ بَارَّا ذَايْسنْ ڒكْوَازِي أَمْ ونّغْنِي. ثُوزُّوڭَّارْثْ [نّسْ] ثُوغَا-ت ذِي خمْسِينْ ن إِغَادْجنْ ؤُ ثِيرُو [نّسْ] ذِي خمْسَا ؤُ-عِيشْرِينْ ن إِغَادْجنْ.
EZE 40:26 ذْرُوجّْ ذَايسْ سبْعَا ن ثْرفِّيذِينْ ؤُ ڒحْيُوضْ نّسْ ن بَارَّا [ثُوغَا أَثنْ] غَارْ زَّاثْ. ثُوغَا غَارسْ ثِيشجُّورَا ن ثِينِّي خْ ڒضْرُوفْ ن ڒْحِيضْ، إِشْثنْ غَارْ إِجّْ ن ؤُغزْذِيسْ ؤُ إِشْثنْ غَارْ ؤُغزْذِيسْ [نّغْنِي].
EZE 40:27 [ثُوغَا ذِينْ عَاوذْ] إِشْثْ ن [ڒبْنِي ن] ثوَّارْثْ غَارْ ڒمْرَاحْ ن ذَاخڒْ نِّي إِخزَّارنْ غَارْ لْجَانُوبْ. إِعْبَارْ زڭْ إِشْثْ ن [ڒبْنِي ن] ثوَّارْثْ أَڒْ [ڒبْنِي ن] ثوَّارْثْ [نّغْنِي] غَارْ ؤُغزْذِيسْ ن لْجَانُوبْ: مْيَا ن إِغَادْجنْ.
EZE 40:28 [خنِّي] يِيوِي أَيِي غَارْ [ڒبْنِي ن] ثوَّارْثْ ن لْجَانُوبْ غَارْ ڒمْرَاحْ ن ذَاخڒْ. إِعْبَارْ [ڒبْنِي ن] ثوَّارْثْ ن لْجَانُوبْ، [ثُوغَا] ڒعْبُورَاثْ نّسْ ذ إِجّنْ.
EZE 40:29 إِخَّامنْ نّسْ ذ ڒضْرُوفْ نّسْ ن ڒْحِيضْ ؤُڒَا ذ ڒحْيُوضْ نّسْ ن بَارَّا [غَارْسنْ] ذ ڒعْبُورَاثْ ذ إِجّنْ. [ڒبْنِي ن ثوَّارْثْ] ثُوغَا غَارسْ ڒكْوَازِي ؤُشَا ؤُڒَا ذ ڒحْيُوضْ نّسْ ن بَارَّا غَارْسنْ [ڒكْوَازِي ذ إِجّنْ أَمْ ثِينِّي]. ثُوزُّوڭَّارْثْ [نّسْ] [ثُوغَا-ت] ذِي خمْسِينْ ن إِغَادْجنْ ؤُ ثِيرُو [نّسْ] ذِي خمْسَا ؤُ-عِيشْرِينْ ن إِغَادْجنْ.
EZE 40:30 نّْضنْ أَسْ-د ڒحْيُوضْ ن بَارَّا. ثُوزُّوڭَّارْثْ [نّسْ] ثُوغَا-ث ذِي خمْسَا ؤُ-عِيشْرِينْ ن إِغَادْجنْ ؤُ ثِيرُو [نّسْ] ذِي خمْسَا ن إِغَادْجنْ.
EZE 40:31 ثُوغَا ڒحْيُوضْ نّسْ ن بَارَّا غَارْ ڒمْرَاحْ ن بَارَّا. [ثُوغَا ذِينْ] ثِيشجُّورَا ن ثِينِي خْ ڒضْرُوفْ ن ڒْحِيضْ ؤُ دّْرُوجْ نّسْ ذَايسْ ثْمنْيَا ن ثْرفِّيذِينْ.
EZE 40:32 [خنِّي] يِيوِي أَيِي غَارْ ڒمْرَاحْ ن ذَاخڒْ، غَارْ ؤُغزْذِيسْ ن شَّارْقْ. إِعْبَارْ [ڒبْنِي ن] ثوَّارْثْ ن لْجَانُوبْ، [ثُوغَا] ڒعْبُورَاثْ نّسْ ذ إِجّنْ.
EZE 40:33 ثِيخَّامِينْ نّسْ ذ ڒضْرُوفْ نّسْ نْ ڒْحِيضْ ؤُڒَا ذ ڒحْيُوضْ نّسْ ن بَارَّا [غَارْسنْ] ذ ڒعْبُورَاثْ ذ إِجّنْ. [ڒبْنِي ن ثوَّارْثْ] ثُوغَا غَارسْ ڒكْوَازِي ؤُشَا ؤُڒَا غَارْ ڒحْيُوضْ نّسْ ن بَارَّا إِ د أَسنْ إِنّْضنْ مَارَّا. ثُوزُّوڭَّارْثْ [نّسْ] [ثُوغَا-ت] ذِي خمْسِينْ ن إِغَادْجنْ ؤُ ثِيرُو [نّسْ] ذِي خمْسَا ؤُ-عِيشْرِينْ ن إِغَادْجنْ.
EZE 40:34 ڒحْيُوضْ نّسْ ن بَارَّا [ثُوغَا أَثنْ] غَارْ ڒمْرَاحْ ن بَارَّا. [ثُوغَا ذِينْ] ثِيشجُّورَا ن ثِينِي خْ ڒضْرُوفْ ن ڒْحِيضْ نّسْ، [أَمْ] غَارْ ؤُغزْذِيسْ[-أَ] [ؤُڒَا] غَارْ ؤُغزْذِيسْ [نّغْنِي]، ؤُ دّْرُوجْ نّسْ ذَايسْ ثْمنْيَا ن ثْرفِّيذِينْ.
EZE 40:35 [خنِّي] يِيوِي أَيِي غَارْ [ڒبْنِي ن] ثوَّارْثْ ن شَّامَالْ ؤُشَا إِعْبَارْ [خنِّي] ڒعْبُورَاثْ ذ إِجّنْ.
EZE 40:36 ثِيخَّامِينْ نّسْ ن ثوَّارْثْ ذ ڒضْرُوفْ نّسْ نْ ڒْحِيذْ ذ ڒحْيُوضْ نّسْ ن بَارَّا غَارْسنْ ڒكْوَازِي ذڭْ ونّضْ نْسنْ. ثُوزُّوڭَّارْثْ [نّسْ] [ثُوغَا] ذِي خمْسِينْ ن إِغَادْجنْ ؤُشَا ثِيرُو [نّسْ] ذِي خمْسَا ؤُ-عِيشْرِينْ ن إِغَادْجنْ.
EZE 40:37 ڒضْرُوفْ نّسْ ن ڒْحِيضْ [ثُوغَا أَثنْ] غَارْ ڒمْرَاحْ ن بَارَّا. [ثُوغَا ذِينْ] ثِيشجُّورَا ن ثِينِي غَارْ ؤُغزْذِيسْ[-أَ] ؤُ غَارْ ؤُغزْذِيسْ [نّغْنِي] خْ ڒضْرُوفْ نّسْ. دّْرُوجْ نّسْ [ذَايسْ] ثْمنْيَا ن ثْرفِّيذِينْ.
EZE 40:38 [ثُوغَا ذِينْ] إِجّْ ن وخَّامْ س إِشْثْ ن ثوَّارْثْ غَارْ ڒضْرُوفْ نْ ڒحْيُوضْ ن [ڒبْنِييَّاثْ] ن ثوَّارْثْ، أَذْ ذِينْ سِّيرْذنْ ثَاغَارْصْثْ ن وشْمَاضْ.
EZE 40:39 ذِي ذَاخڒْ ن وسْقِيفْ [ن ڒبْنِي] ن ثوَّارْثْ ثُوغَا ذِينْ ثْنَاينْ ن طَّابْڒَاثْ غَارْ ؤُغزْذِيسْ[-أَ] ؤُ ثْنَاينْ ن طَّابْڒَاثْ غَارْ ؤُغزْذِيسْ [نّغْنِي] حِيمَا أَذْ خَاسنْثْ غَارْصنْ ثَاغَارْصْثْ ن وشْمَاضْ ذ ثْغَارْصْثْ ن دّنْبْ ذ ثْغَارْصْثْ ن ؤُمَارْوَاسْ.
EZE 40:40 بَارَّا غَارْ إِجّْ ن ؤُغزْذِيسْ ن زَّاثْ غَارْ مَانِي ڭعّْذنْ غَارْ وَاذَافْ [ن ڒبْنِي] ن ثوَّارْثْ ن شَّامَالْ [ثُوغَا ذِينْ] ثْنَاينْ ن طَّابْڒَاثْ، ؤُ غَارْ ؤُغزْذِيسْ ن زَّاثْ نّغْنِي غَارْ وسْقِيفْ [ن ڒبْنِي] ن ثوَّارْثْ [ثُوغَا ذِينْ] عَاوذْ ثْنَاينْ ن طَّابْڒَاثْ.
EZE 40:41 [أَمُّو ثُوغَا ذِينْ] أَربْعَا ن طَّابْڒَاثْ غَارْ [إِجّْ ن] ؤُغزْذِيسْ ؤُ أَربْعَا ن طَّابْڒَاثْ غَارْ ؤُغزْذِيسْ [نّغْنِي] غَارْ إِغزْذِيسْ[أنْ] [ن ڒبْنِي] ن ثوَّارْثْ، أَقَا ذِينْ ثْمنْيَا ن طَّابْڒَاثْ إِ مِينْ خفْ زمَّارنْ أَذْ غَارْصنْ.
EZE 40:42 [ثُوغَا ذِينْ] أَربْعَا ن طَّابْڒَاثْ زِي ثْصُوضَارْ إِتّْوَانقْشنْ غَارْ دّْرُوجْ [ن ڒبْنِي ن ثوَّارْثْ]. ثُوزُّوڭَّارْثْ [ن طَّابْڒَا] [ثُوغَا-ت] ذ إِجّْ ن ؤُغِيڒْ ذ وزْينْ ؤُ ثِيرُو [نّسْ] ذ إِجّْ ن ؤُغِيڒْ ذ وزْينْ ؤُ ڒُوعْڒَا [نّسْ] ذ إِجّْ ن ؤُغِيڒْ. مَّارْسنْ خَاسْ ڒقْشُوعْ إِ زِي غَارّْصنْ ثَاغَارْصْثْ ن وشْمَاضْ ذ ثوْهِيبْثْ ن ثْغَارْصْثْ.
EZE 40:43 ثَارْيِيوِينْ ن إِجّْ ن شْبَارْ ن ؤُفُوسْ تّْوَاڭّنْثْ ذڭْ ونّضْ غَارْ ذَاخڒْ [ن وسْقِيفْ نْ ڒبْنِي ن ثوَّارْثْ]، ؤُ [ثُوغَا إِتّْخصَّا أَذْ مَّارْسنْ] أَيْسُومْ إِ ثوْهِيبْثْ ن ثْغَارْصْثْ خْ طَّابْڒَاثْ [إِ ذِينْ إِدْجَانْ].
EZE 40:44 غَارْ بَارَّا [ن ڒبْنِي] ن ثوَّارْثْ ن ذَاخڒْ [ثُوغَا ذِينْ] ثِيخَّامِينْ ن إِمغْنَاجنْ ذِي ڒمْرَاحْ ن ذَاخڒْ نِّي [إِدْجَانْ] غَارْ ؤُغزْذِيسْ ن زَّاثْ [ن ڒبْنِي] ن ثوَّارْثْ ن شَّامَالْ. ؤُذمْ نّسْ غَارْ زَّاثْ ثُوغَا إِخزَّارْ غَارْ لْجَانُوبْ. ثَاوَّارْثْ نِّي غَارْ ؤُغزْذِيسْ [ن ڒبْنِي] ن ثوَّارْثْ ن شَّارْقْ [ثُوغَا] ثْخزَّارْ غَارْ شَّامَالْ.
EZE 40:45 نتَّا إِسِّيوڒْ أَكِيذِي: ”ثَاخَّامْثْ-أَ نِّي زِي إِخزَّارْ وُوذمْ نّسْ غَارْ لْجَانُوبْ، أَقَا-ت إِ إِكهَّاننْ نِّي إِحطَّانْ خْ ثْسخَّارْثْ ن ثَادَّارْثْ.
EZE 40:46 ثَاخَّامْثْ نِّي ثْخزَّارْ وُوذمْ نّسْ غَارْ شَّامَالْ، أَقَا-ت إِ إِكهَّاننْ نِّي إِحطَّانْ خْ ثْسخَّارْثْ ن ؤُعَالْطَارْ. نِيثْنِي ذ أَيْثْ نْ صَاذُوقْ نِّي غَا د-إِقَارّْبنْ غَارْ سِيذِي زڭْ أَيْثْ ن لَاوِي، مَاحنْذْ أَذْ أَسْ سخَّارنْ.“
EZE 40:47 إِعْبَارْ ڒمْرَاحْ: ثُوزّڭَّارْثْ [نّسْ] مْيَا ن إِغَادْجنْ ؤُ ثِيرُو نّسْ مْيَا ن إِغَادْجنْ، إِجّْ ن ؤُكْوَاذْرُونْ. أَعَالْثَارْ ثُوغَا-ث زَّاثْ ن ثَادَّارْثْ.
EZE 40:48 [خنِّي] يِيوِي أَيِي غَارْ وسْقِيفْ ن ثَادَّارْثْ ؤُشَا إِعْبَارْ ڒضْرُوفْ ن ڒْحِيضْ ن وسْقِيفْ، خمْسَا ن إِغَادْجنْ غَارْ [إِجّْ ن] ؤُغزْذِيسْ ؤُ خمْسَا ن إِغَادْجنْ غَارْ ؤُغزْذِيسْ [نّغْنِي]، ؤُڒَا ذ ثِيرُو ن ثوَّارْثْ، ثْڒَاثَا ن إِغَادْجنْ غَارْ [إِجّْ ن] ؤُغزْذِيسْ ؤُ ثْڒَاثَا ن إِغَادْجنْ غَارْ ؤُغزْذِيسْ [نّغْنِي].
EZE 40:49 ثُوزُّوڭَّارْثْ ن وسْقِيفْ ثُوغَا-ت عِيشْرِينْ ن إِغَادْجنْ ؤُ ثِيرُو نّسْ حِيطَاشْ ن إِغَادْجنْ، ذ مَانْ أَيَا غَارْ [ؤُغزْذِيسْ ن] ثْرفِّيذِينْ [ن دّْرُوجْ] إِ زِي زمَّارنْ أَذْ ڭعّْذنْ. [ثُوغَا ذِينْ] عَاوذْ إِپِيلَارنْ غَارْ ڒضْرُوفْ ن ڒْحِيضْ، إِجّْ غَارْ ؤُغزْذِيسْ[-أَ] ؤُ إِجّْ غَارْ ؤُغزْذِيسْ [نّغْنِي]. *
EZE 41:1 نتَّا يِيوِي أَيِي غَارْ [وخَّامْ] ن زَّاوشْثْ ثَامقّْرَانْثْ ؤُشَا إِعْبَارْ ڒضْرُوفْ ن ڒْحِيضْ. ثُوغَا-ثنْ ستَّا ن إِغَادْجنْ غَارْ ؤُغزْذِيسْ[-أَ] ؤُ ستَّا ن إِغَادْجنْ غَارْ ؤُغزْذِيسْ [نّغْنِي]، خْ ثِيرُو ن ؤُقِيضُونْ. *
EZE 41:2 ثِيرُو ن وَاذَافْ ثُوغَا-تعشْرَا ن إِغَادْجنْ ؤُشَا ؤُذْمَاونْ ن ڒحْيُوضْ غَارْ ؤُغزْذِيسْ ن وَاذَافْ [ثُوغَا أَثنْ] خمْسَا ن إِغَادْجنْ غَارْ ؤُغزْذِيسْ[-أَ] ؤُ خمْسَا ن إِغَادْجنْ غَارْ ؤُغزْذِيسْ [نّغْنِي]. إِعْبَارْ ثُوزّڭَّارْثْ نّسْ: أَربْعِينْ ن إِغَادْجنْ، ؤُشَا ثِيرُو نّسْ: عِيشْرِينْ ن إِغَادْجنْ.
EZE 41:3 يُوذفْ-د غَارْ ذَاخڒْ ؤُشَا إِعْبَارْ ڒْحِيضْ نِّي غَارْ طَّارْفْ ن وَاذَافْ [ن وخَّامْ ن ذَاخڒْ]: ثْنَاينْ ن إِغَادْجنْ ؤُشَا ثوَّارْثْ [ثُوغَا-ت] ستَّا ن إِغَادْجنْ ؤُشَا ثِيرُو ن وَاذَافْ سبْعَا ن إِغَادْجنْ.
EZE 41:4 إِعْبَارْ ثُوزّڭَّارْثْ [ن وخَّامْ ن ذَاخڒْ]: عِيشْرِينْ ن إِغَادْجنْ، ؤُشَا ثِيرُو [نّسْ]: عِيشْرِينْ ن إِغَادْجنْ غَارْ زَّاثْ [ن وخَّامْ] ن زَّاوشْثْ ثَامقّْرَانْثْ. [خنِّي] إِنَّا أَيِي: ”وَا ذ أَقْذَاسْ خْ ؤُقدَّاسْ!“
EZE 41:5 إِعْبَارْ ڒْحِيضْ ن ثَادَّارْثْ: ستَّا ن إِغَادْجنْ، ؤُشَا ثِيرُو ن كُوڒْ أَخَّامْ ن ؤُغزْذِيسْ [ثُوغَا-ث] ذِي أَربْعَا ن إِغَادْجنْ ذڭْ ونّضْ ن ثَادَّارْثْ مَارَّا.
EZE 41:6 ثِيخَّامِينْ ن ؤُغزْذِيسْ [ثُوغَا أَثنْثْ] ثَاخَّامْثْ زَّاثْ إِ ثخَّامْثْ [نّغْنِي]، ثْڒَاثَا [ذِي ڒُوعْڒَا]، ؤُشَا [أَمنِّي] ثْڒَاثِينْ ن ثْوَاڒَاوِينْ إِشْثْ ن ثخَّامْثْ. ؤُشَا [ثِيخَّامِينْ نِّي] إِوْضنْثْ أَڒْ ڒْحِيضْ ن ثَادَّارْثْ نِّي [ذِينْ إِدْجَانْ] إِ ثخَّامِينْ إِ ذ أَسْ د-إِنّْضنْ، مَاحنْذْ أَذْ إِقدّمْ أَسنّذْ [إِ ثْحنْيَا ن ثخَّامِينْ]. وَارْ إِعدّڒْ أَذْ أَوْضنْثْ [ثْحنْيَا] أَڒْ ذَاخڒْ ذِي ڒْحِيضْ ن ثَادَّارْثْ.
EZE 41:7 غَارْ سنّجْ ذڭْ ونّضْ إِمَّارْنِي ذِي تَّاسِيعْ نِّي [إِدْجَانْ] غَارْ إِخَّامنْ ن ؤُغزْذِيسْ خْ كُوڒْ طّبْقثْ مَاغَارْ خْ كُوڒْ طّبْقثْ ن ثَادَّارْثْ إِنّضْ-د إِجّْ ن ؤُكُولْوَارْ إِ ثَادَّارْثْ مَارَّا. خْ ؤُيَا ثذْوڒْ ثَادَّارْثْ ذَايسْ تَّاسِيعْ كْثَارْ سنّجْ ؤُ أَمُّو إِ إِزمَّارْ [بْنَاذمْ] أَذْ د-إِڭعّذْ زڭْ وَادَّايْ غَارْ طّبْقثْ سنّجْ س طّبْقثْ ن ڒْوسْطْ.
EZE 41:8 ژْرِيغْ إِشْثْ ن ڒْڭعّْذثْ إِ ذ أَسْ د-إِنّْضنْ إِ ثَادَّارْثْ مَارَّا، أَقَا-ت ذ ذْسُوسَا ن إِخَّامنْ ن ؤُغزْذِيسْ: إِجّْ ن ؤُغَانِيمْ [ن ڒعْبَارْ] إِكمّْڒنْ، ستَّا ن إِغَادْجنْ أَڒْ مَانِي إِوْضنْ [غَارْ ثِيسِي].
EZE 41:9 ثِيرُو ن ڒْحِيضْ نِّي [إِڭَّا] أَغزْذِيسْ ن بَارَّا ن ڒبْنِي أَكْ-ذ إِخَّامنْ ن ؤُغزْذِيسْ، [ثُوغَا-ت] خمْسَا ن إِغَادْجنْ، ؤُشَا [أَمُّو ؤُڒَا ذ] تَّاسِيعْ يَارزْمنْ إِ إِقِّيمنْ غَارْ ثَادَّارْثْ [أَكْ-ذ] إِخَّامنْ ن ؤُغزْذِيسْ، [تَّاسِيعْ] إِ د-يُوسِينْ-د أَكْ-ذ ثَادَّارْثْ.
EZE 41:10 ؤُشَا [مِينْ إِقِّيمنْ عَاذْ] أَقَا ذ إِجّْ ن تَّاسِيعْ جَارْ إِخَّامنْ [ذِي ڒمْڒَاحْ غَارْ شَّامَالْ ذ يِينِّي غَارْ لْجَانُوبْ] ن عِيشْرِينْ ن إِغَادْجنْ، ذڭْ ونّضْ ن ثَادَّارْثْ، ذڭْ ونّضْ نّسْ مَارَّا.
EZE 41:11 [ثفّغْ] ثوَّارْثْ ن ڒبْنِي ن إِخَّامنْ ن ؤُغزْذِيسْ غَارْ تَّاسِيعْ يَارزْمنْ إِ إِقِّيمنْ، إِشْثْ ن ثوَّارْثْ [ثفّغْ] غَارْ شَّامَالْ ؤُشَا ثَاوَّارْثْ نّغْنِي [ثفّغْ] غَارْ لْجَانُوبْ. ثِيرُو ن تَّاسِيعْ إِقِّيمنْ [ثُوغَا-ت] ذِي خمْسَا ن إِغَادْجنْ ذڭْ ونّضْ نّسْ مَارَّا.
EZE 41:12 ڒبْنِي غَارْ وُوذمْ ن ڒمْرَاحْ إِتّْوَاعزْڒنْ غَارْ ڒْغَارْبْ ثُوغَا غَارسْ إِشْثْ ن ثِيرُو ن سبْعِينْ ن إِغَادْجنْ ؤُشَا ڒْحِيضْ ن ڒبْنِي ثُوغَا-ث ذِي خمْسَا ن إِغَادْجنْ ذڭْ ونّضْ نّسْ مَارَّا، ؤُشَا ثُوزّڭَّارْثْ نّسْ [ثُوغَا-ت] ذِي ثسْعِينْ ن إِغَادْجنْ.
EZE 41:13 نتَّا إِعْبَارْ ثُوزّڭَّارْثْ ن ثَادَّارْثْ: مْيَا ن إِغَادْجنْ. ڒمْرَاحْ إِتّْوَاعزْڒنْ ذ ڒبْنِي [إِ ذَايسْ إِدْجَانْ] أَكْ-ذ ڒحْيُوضْ نّسْ، أَقَا [غَارْسنْ] ثُوزّڭَّارْثْ ذ إِشْثْ: مْيَا ن إِغَادْجنْ.
EZE 41:14 [أَمْ] ثِيرُو ن وُوذمْ ن ثَادَّارْثْ غَارْ ؤُغزْذِيسْ [نّسْ ن ضفَّارْ] [أَمْ] ڒمْرَاحْ إِتّْوَاعزْڒنْ غَارْ ؤُغزْذِيسْ نّسْ ن شَّارْقْ [ثُوغَا] مْيَا ن إِغَادْجنْ.
EZE 41:15 إِعْبَارْ [ؤُڒَا ذ] ثُوزّڭَّارْثْ ن ڒبْنِي نِّي ثُوغَا غَارْ زَّاثْ ن ڒمْرَاحْ إِتّْوَاعزْڒنْ أَڒْ ضفَّارْ نّسْ. إِكُولْوَارنْ نّسْ غَارْ ؤُغزْذِيسْ[-أَ] ؤُ غَارْ ؤُغزْذِيسْ [نّغْنِي] ثُوغَا أَثنْ ذِي مْيَا ن ؤُغِيڒْ. ذَاخڒْ ن زَّاوشْثْ ثَامقّْرَانْثْ، إِسْقِيفنْ غَارْ ڒمْرَاحْ ن زَّاثْ،
EZE 41:16 ثِينبْذَاثِينْ ذ ڒكْوَازِي إِحْصَارنْ ذ ڒبْنِييَّاثْ س إِكُولْوَارنْ إِ ذ أَسْ د-إِنّْضنْ إِ ثْڒَاثَا [ن ڒفْوَاقِي نْسنْثْ] زَّاثْ إِ ثْنبْذَاثِينْ [ن ثوُّورَا]، [مَارَّا] أَيَا ثُوغَا إِتّْوَاسّْذُورِي [س ثڒْوِيحِينْ ن] ؤُكشُّوذْ، [زِي] ثمُّورْثْ أَڒْ ڒكْوَازِي ؤُشَا ڒكْوَازِي [سِيمَانْثْ نْسنْ] ثُوغَا تّْوَاسّْذُورْينْ.
EZE 41:17 خْ [وُوذمْ إِ إِدْجَانْ] سنّجْ إِ وَاذَافْ، [أَمْ] خْ وُوذمْ ن ذَاخڒْ [أَمْ] خْ وُوذمْ ن بَارَّا ن ثَادَّارْثْ ؤُ خْ مَارَّا ڒْحِيضْ غَارْ ذَاخڒْ ؤُ غَارْ بَارَّا [ثُوغَا ذِينْ] ثِيڒْوِيحِينْ [ن ؤُكشُّوضْ].
EZE 41:18 ثُوغَا تّْوَاڭّنْ خَاسنْ إِكِيرُوبنْ ذ ثْشجُّورَا ن ثِينِي. أَقَا ذِينْ إِشْثْ ن ثْشجَّارْثْ ن ثِينِي جَارْ إِجّْ ن ؤُكِيرُوبْ ذ إِجّْ ن ؤُكِيرُوبْ [نّغْنِي] ؤُشَا كُوڒْ أَكِيرُوبْ غَارسْ ثْنَاينْ ن وُوذْمَاونْ:
EZE 41:19 ؤُذمْ ن بْنَاذمْ نِّي إِخزَّارنْ غَارْ ثْشجَّارْثْ ن ثِينِي غَارْ إِجّْ ن ؤُغزْذِيسْ ذ وُوذمْ ن وَايْرَاذْ أَمژْيَانْ إِخزَّارنْ غَارْ ثْشجَّارْثْ ن ثِينِي غَارْ ؤُغزْذِيسْ [نّغْنِي]. [أَمُّو إِ] ثنْ ڭِّينْ ذڭْ ونّضْ ن مَارَّا ثَادَّارْثْ.
EZE 41:20 زِي ثمُّورْثْ أَڒْ سنّجْ ن ثوَّارْثْ تّْوَاڭّنْ إِكِيرُوبنْ ذ ثْشجُّورَا ن ثِينِي ؤُشَا عَاوذْ خْ ڒْحِيضْ ن زَّاوشْثْ ثَامقّْرَانْثْ.
EZE 41:21 ڒضْرُوفْ غَارْ ؤُغزْذِيسْ ن ثوَّارْثْ ن زَّاوشْثْ ثَامقّْرَانْثْ ڭِّينْ إِجّْ ن ؤُكْوَاذْرُونْ ؤُشَا شُّوفْ ن ؤُقدَّاسْ إِضْهَارْ-د أَمْ شُّوفْ [ن زَّاوشْثْ].
EZE 41:22 أَعَالْطَارْ ثُوغَا-ث ن ؤُكشُّوضْ ؤُ ڒُوعْڒَا نّسْ ثُوغَا-ث ثْڒَاثَا ن إِغَادْجنْ ؤُ ڒبْنِي سَاذُو نّسْ ثْنَاينْ ن إِغَادْجنْ ذِي ڒُوعْڒَا نّسْ. غَارسْ ثِيغمُّورَا ؤُشَا ڒبْنِي سَاذُو نّسْ ذ إِغزْذِيسنْ نّسْ [ثُوغَا أَثنْ] زڭْ ؤُكشُّوضْ. نتَّا إِسِّيوڒْ أَكِيذِي: ”ثَا ذ ثَازوْضَا نِّي [إِدْجَانْ] زَّاثْ إِ وُوذمْ ن سِيذِي.“
EZE 41:23 زَّاوشْثْ ثَامقّْرَانْثْ ذ وقْذَاسْ غَارْسنْ ثْنَاينْ ن ثوُّورَا.
EZE 41:24 ثُوغَا غَارْ ثِيوُّورَا، [غَارْ كُوڒْ إِشْثنْ زَّايْسنْثْ،] ثْنَاينْ ن ثڒْوِيحِينْ أَمْ وَافْرِيونْ، ثْنَاينْ ن ثڒْوِيحِينْ نِّي زمَّارنْ أَذْ نُوقَّارنْ، ثْنَاينْ إِ يِيشْثْ ن ثوَّارْثْ ؤُ ثْنَاينْ إِ [ثوَّارْثْ] نّغْنِي.
EZE 41:25 ذِي ثوُّورَا ن زَّاوشْثْ ثَامقّْرَانْثْ تّْوَاڭّنْ إِكِيرُوبنْ ذ ثْشجُّورَا ن ثِينِي نِّي إِتّْوَاڭّنْ أَمْ يِينِّي خْ ڒحْيُوضْ. ثُوغَا ذِينْ ثَاسْقِيفْثْ ن ؤُكشُّوضْ غَارْ وُوذمْ ن وسْقِيفْ غَارْ بَارَّا.
EZE 41:26 [ثُوغَا ذِينْ] ڒكْوَازِي حْسَارنْ ذ ثْشجُّورَا ن ثِينِي غَارْ ؤُغزْذِيسْ[-أَ] ؤُ غَارْ ؤُغزْذِيسْ [نّغْنِي]، غَارْ ثْنَاينْ ن إِغزْذِيسنْ ن وسْقِيفْ، [غَارْ] إِخَّامنْ إِ إِدْجَانْ غَارْ ؤُغزْذِيسْ ن ثَادَّارْثْ ؤُ غَارْ ثسْقِيفِينْ. *
EZE 42:1 نتَّا إِسُّوفّغْ أَيِي-د بَارَّا غَارْ ڒمْرَاحْ ن بَارَّا نِّي [إِدْجَانْ] غَارْ شَّامَالْ. نتَّا إِنْذهْ أَيِي غَارْ [ڒبْنِي ن] إِخَّامْ[أنْ] نِّي إِدْجَانْ غَارْ ؤُغزْذِيسْ ن ڒمْرَاحْ إِتّْوَاعزْڒنْ ؤُ غَارْ ؤُغزْذِيسْ ن ڒبْنِي [ن زَّاوشْثْ ثَامقّْرَانْثْ]، غَارْ ؤُغزْذِيسْ ن شَّامَالْ،
EZE 42:2 غَارْ ؤُغزْذِيسْ [نّسْ] ذ أَزِيرَارْ ن مْيَا ن إِغَادْجنْ، [غَارْ] وَاذَافْ ن شَّامَالْ، [مَاشَا] ثِيرُو [نّسْ ثُوغَا] ذِي خمْسِينْ ن إِغَادْجنْ.
EZE 42:3 ثُوغَا ڒبْنِي زَّاثْ إِ [تَّاسِيعْ يَارزْمنْ ن] عِيشْرِينْ [ن إِغَادْجنْ] ن ڒمْرَاحْ ن ذَاخڒْ ؤُ زَّاثْ إِ زّلِّيجْ ن ڒمْرَاحْ ن بَارَّا. إِجّْ ن ؤُكُولْوَارْ [أَكْ-ذ إِخَّامنْ نّسْ] ثُوغَا [إِسنّذْ] خْ ؤُكُولْوَارْ نّغْنِي، ؤُشَا أَقَا ذِينْ ثْڒَاثَا ن طّبْقَاثْ.
EZE 42:4 زَّاثْ ن إِخَّامنْ [ثُوغَا ذِينْ] إِجّْ ن ؤُكُولْوَارْ غَارْ ذَاخڒْ س إِشْثْ ن ثِيرُو نعشْرَا ن إِغَادْجنْ، إِشْثْ ن ثبْرِيذْثْ [ن مْيَا] ن إِغَادْجنْ، ؤُشَا ثِيوُّورَا ن وَاذَافْ نْسنْ [ثُوغَا أَثنْثْ] غَارْ شَّامَالْ.
EZE 42:5 إِخَّامنْ ن سنّجْ [ثُوغَا أَثنْ] حْصَارنْ، مَاغَارْ إِكُولْوَارنْ كّْسنْ [كْثَارْ تَّاسِيعْ] زَّايْسنْ خْ [يخَّامنْ ن] وَادَّايْ ؤُ [خْ يخَّامنْ] غَارْ ڒْوسْثْ ن ڒبْنِي.
EZE 42:6 مِينْزِي [ثُوغَا أَثنْ] ذِي ثْڒَاثَا [ن ڒفْوَاقِي]، مَاشَا وَارْ غَارْسنْ إِپِيلَارنْ أَمْ يِيپِيلَارنْ نْ ڒمْرَاحَاثْ. خْ ؤُيَا ثُوغَا أَثنْ إِخَامّنْ نِّي حْسَارنْ كْثَارْ خْ يِينِّي ن وَادَّايْ ذ يِينِّي ذِي ڒْوسْطْ [أَمْ غَارْسنْ ثْخزَّارذْ] زِي ثمُّورْثْ.
EZE 42:7 ڒْحِيضْ نِّي ثُوغَا غَارْ بَارَّا قِيبَاتْشْ إِ يخَّامنْ، [ڒْحِيضْ] نِّي إِدْجَانْ غَارْ ؤُغزْذِيسْ ن ڒمْرَاحْ ن بَارَّا، إِ د-إِتّكّنْ زَّاثْ إِ يخَّامنْ، [ثُوغَا غَارسْ] ثُوزّڭَّارْثْ ن خمْسِينْ ن إِغَادْجنْ.
EZE 42:8 مِينْزِي ثُوزّڭَّارْثْ ن [مَارَّا] إِخَّامنْ نِّي [إِدْجَانْ] غَارْ ڒمْرَاحْ ن بَارَّا، ثُوغَا-ت ذِي خمْسِينْ ن إِغَادْجنْ. [مَاشَا] خْزَارْ، غَارْ ؤُغزْذِيسْ ن زَّاوشْثْ ثَامقّْرَانْثْ ثُوغَا-ت ذِي مْيَا ن إِغَادْجنْ.
EZE 42:9 سْوَادَّايْ ن إِخَّامنْ-أَ [ثڭُّورْ] ثبْرِيذْثْ زِي شَّارْقْ خْمِي د غَارْسنْ ثِيوْضذْ زِي ڒمْرَاحْ ن بَارَّا.
EZE 42:10 غَارْ ثِيرُو ن ڒْحِيضْ نْ ڒمْرَاحْ غَارْ شَّارْقْ، [ڒْحِيضْ] زَّاثْ إِ ڒمْرَاحْ إِتّْوَاعزْڒنْ ؤُ غَارْ ؤُغزْذِيسْ ن ڒبْنِي، [ثُوغَا ذِينْ عَاوذْ ڒبْنِييَّاثْ ن] إِخَّامنْ،
EZE 42:11 ؤُشَا أَكُولْوَارْ إِ د-إِتّكّنْ زَّاثْسنْ [ثُوغَا] أَمْ ثنِّي ن إِخَّامنْ نِّي [إِدْجَانْ] غَارْ ؤُغزْذِيسْ ن شَّامَالْ، أَنشْثْ ثُوزّڭَّارْثْ أَنشْثْ ثِيرُو ؤُ مَارَّا ؤُفُّوغنْ نّسْ ثُوغَا أَثنْ أَمْ صّنْعَاثْ ذ وَاذَافنْ نّسْ [غَارْ ؤُغزْذِيسْ ن إِخَامّنْ غَارْ شَّامَالْ].
EZE 42:12 أَمْ مَامّشْ [ذِينْ] أَذَافنْ غَارْ ثخَّامِينْ ثِينِّي إِوجّْهنْ غَارْ لْجَانُوبْ، [أَمنِّي إِ ذِينْ] إِدْجَا ؤُڒَا ذ إِجّْ ن وَاذَافْ غَارْ بدُّو ن ثبْرِيذْثْ، ثَابْرِيذْثْ نِّي إِتّفّْغنْ زِي زَّاثْ إِ ڒْحِيذْ ن ڒمْرَاحْ إِتّْوَاعزْڒنْ ؤُشَا ثتَّاكّْوَاضْ غَارْ وبْرِيذْ إِ خْ د غَا يَاسْ بْنَاذمْ زِي شَّارْقْ غَارْ ڒمْرَاحْ إِتّْوَاعزْڒنْ.
EZE 42:13 [خنِّي] إِنَّا أَيِي: ”إِخَّامنْ نِّي إِدْجَانْ غَارْ شَّامَالْ ؤُ إِخَّامنْ نِّي إِدْجَانْ غَارْ لْجَانُوبْ، إِنِّي إِدْجَانْ غَارْ زَّاثْ ن ڒمْرَاحْ إِتّْوَاعزْڒنْ، أَقَا أَثنْ ذ إِخَّامنْ إِقدّْسنْ مَانِي إِكهَّاننْ، إِنِّي إِ غَا د-إِقَارّْبنْ غَارْ سِيذِي، أَذْ شّنْ ثِيوْهِيبِينْ إِقدّْسنْ أَطَّاسْ. ذِينْ إِتّْخصَّا أَذْ سَارْسنْ نِيثْنِي ثِيوْهِيبِينْ إِقدّْسنْ أَطَّاسْ: ثَاوْهِيبْثْ [ن ڒْغِيدْجثْ] ذ ثوْهِيبْثْ ن دّنْبْ ذ ثوْهِيبْثْ ن ؤُمَارْوَاسْ، مِينْزِي أَمْشَانْ إِقدّسْ قَاعْ.
EZE 42:14 خْمِي غَا ؤُذْفنْ إِكهَّاننْ، وَارْ إِعدّڒْ أَذْ ؤُيُورنْ زِي زَّاوشْثْ إِقدّْسنْ غَارْ ڒمْرَاحْ ن بَارَّا. أَذْ سَّارْسنْ أَرُّوضْ نْسنْ ن ثْسخَّارْثْ، مَاغَارْ وَانِيثَا ذ أَمْقدّسْ. أَذْ أَرْضنْ أَرُّوضْ نّغْنِي ؤُشَا [خنِّي] أَذْ د-قَارّْبنْ غَارْ [ڒمْرَاحْ] نِّي إِدْجَانْ إِ ڒْڭنْسْ.“ *
EZE 42:15 ؤُمِي إِكمّڒْ نتَّا ڒعْبَارْ ن مِينْ إِدْجَانْ ذَاخڒْ ن ثَادَّارْثْ، إِسُّوفُّوغْ أَيِي-د زڭْ وبْرِيذْ ن ثوَّارْثْ نِّي إِخزَّارنْ غَارْ شَّارْقْ ؤُشَا إِكْسِي ڒعْبَارْ ن جِّيهثْ إِقدّْسنْ ذڭْ ونّضْ مَارَّا.
EZE 42:16 إِعْبَارْ أَغزْذِيسْ ن شَّارْقْ س ؤُغَانِيمْ ن ڒعْبَارْ: خمْسَا-مْيَا ن إِغُونَامْ س ؤُغَانِيمْ ن ڒعْبَارْ ذڭْ ونّضْ.
EZE 42:17 إِعْبَارْ أَغزْذِيسْ ن شَّامَالْ، خمْسَا-مْيَا ن إِغُونَامْ س ؤُغَانِيمْ ن ڒعْبَارْ ذڭْ ونّضْ.
EZE 42:18 إِعْبَارْ أَغزْذِيسْ ن لْجَانُوبْ، خمْسَا-مْيَا ن إِغُونَامْ س ؤُغَانِيمْ ن ڒعْبَارْ.
EZE 42:19 إِنُوقَّارْ غَارْ ؤُغزْذِيسْ ن لْغَارْبْ ؤُشَا إِعْبَارْ خمْسَا-مْيَا ن إِغُونَامْ س ؤُغَانِيمْ ن ڒعْبَارْ.
EZE 42:20 نتَّا إِعْبَارْ [ڒبْنِي ن زَّاوشْثْ ثَامقّْرَانْثْ] غَارْ أَربْعَا ن ثْغمُّورَا [نّسْ]. [ثُوغَا] غَارسْ ذڭْ ونّضْ نّسْ إِجّْ ن ڒْحِيضْ س إِشْثْ ن ثُوزّڭَّارْثْ ن خمْسَا-مْيَا [ن إِغُونَامْ ن ڒعْبَارْ] ذ إِشْثْ ن ثِيرُو ن خمْسَا-مْيَا [ن إِغُونَامْ ن ڒعْبَارْ] مَاحنْذْ أَذْ إِفَارْزْ جَارْ مِينْ [إِدْجَانْ] إِقدّْسنْ ذ مِينْ وَارْ [إِدْجِينْ] إِقدّْسنْ.
EZE 43:1 [خنِّي] إِنْذهْ أَيِي غَارْ ثوَّارْثْ، [غَارْ] ثوَّارْثْ نِّي إِخزَّارنْ غَارْ شَّارْقْ.
EZE 43:2 خْزَارْ، يُوسَا-د ؤُعُودْجِي ن أَربِّي ن إِسْرَائِيل زِي جِّيهثْ ن شَّارْقْ ؤُشَا ثْمِيجَّا نّسْ ثُوغَا-ت أَمْ ڒْهسّْ ن وَامَانْ أَطَّاسْ ؤُشَا ثَامُّورْثْ ثْشعْشعْ س ؤُعُودْجِي نّسْ.
EZE 43:3 ؤُذمْ ن ڒوْحِييْ إِ ژْرِيغْ ثُوغَا أَمْ ڒوْحِييْ إِ ژْرِيغْ ؤُمِي د-ؤُسِيغْ حِيمَا أَذْ أَردّْدْجغْ ثَانْذِينْثْ. أَقَا ذ إِوحَّانْ أَمْ ڒوْحِييْ إِ ژْرِيغْ غَارْ يغْزَارْ ن خابُورْ، ؤُشَا وْضِيغْ س وُوذمْ إِنُو [غَارْ ثمُّورْثْ].
EZE 43:4 أَعُودْجِي ن سِيذِي يُوذفْ غَارْ ثَادَّارْثْ س ثوَّارْثْ نِّي إِخزَّارنْ غَارْ شَّارْقْ.
EZE 43:5 [خنِّي] إِسّْڭعّذْ أَيِي-د أَرُّوحْ ؤُشَا إِسِّيذفْ أَيِي غَارْ ڒمْرَاحْ ن ذَاخڒْ، ؤُشَا خْزَارْ، أَعُودْجِي ن سِيذِي إِشُّورْ ثَادَّارْثْ.
EZE 43:6 ؤُشَا سْڒِيغْ [إِشْثْ ن ثْمِيجَّا] ثسَّاوَاڒْ أَكِيذِي زِي ذَاخڒْ ن ثَادَّارْثْ ؤُشَا أَرْيَازْ إِبدّْ غَارْ ؤُغزْذِيسْ إِنُو.
EZE 43:7 نتَّا إِنَّا أَيِي: ”[أَ] مِّيسْ ن بْنَاذمْ، وَا ذ أَمْشَانْ ن ڒْعَارْشْ إِنُو ؤُ أَمْشَانْ ن ثْڒقَّا ن إِضَارنْ إِنُو، مَانِي غَا زذْغغْ ذِي ڒْوسْطْ ن أَيْثْ ن إِسْرَائِيل إِ ڒبْذَا. ؤُشَا نِيثْنِي، ثَادَّارْثْ ن إِسْرَائِيل، نِيثْنِي ؤُڒَا ذ إِجدْجِيذنْ نْسنْ، وَارْ سّْخمَّاجنْ عَاذْ إِسمْ إِنُو إِقدّْسنْ س فَارْقْ-شّْغڒْ نْسنْ ؤُ س ڒْخشْبَاثْ ن [لْ-أَصْنَامْ ن] إِجدْجِيذنْ نْسنْ خْ ڒڭْعُوذِي نْسنْ [مَانِي تّْقدَّامنْ ثِيوْهِيبِينْ نْسنْ]
EZE 43:8 أَمْ ڭِّينْ ثَانبْذَاثْ نْسنْ زَّاثْ إِ ثْنبْذَاثْ إِنُو، ذ طَّارْفْ ن ثوَّارْثْ نْسنْ غَارْ طَّارْفْ [ن ثوَّارْثْ] إِنُو، [إِقِّيمْ] مْغِيرْ إِجّْ ن وغْبَارْ جَارْ أَيِي-د ذ نِيثْنِي. [أَمُّو إِ] سّخْمجنْ إِسمْ إِنُو إِقدّْسنْ س جّْعَايفْ نْسنْ نِّي ڭِّينْ، أَڒَامِي شِّيغْ ثنْ ذڭْ وغْضَابْ إِنُو.
EZE 43:9 نِيثْنِي أَذْ خَافِي سِّيڭّْوجنْ فَارْقْ-شّْغڒْ نْسنْ ذ ڒْخشْبَاثْ ن [لْ-أَصْنَامْ ن] إِجدْجِيذنْ نْسنْ، مَاحنْذْ أَذْ زمَّارغْ أَذْ زذْغغْ ذِي ڒْوسْثْ نْسنْ إِ ڒبْذَا.
EZE 43:10 شكْ، [أَ] مِّيسْ ن بْنَاذمْ، بَارّحْ س ثَادَّارْثْ-أَ إِ ثَادَّارْثْ ن إِسْرَائِيل حِيمَا أَذْ سضْحَانْ زِي سِّيبّثْ ن ڒْمُوعْصِييَّاثْ نْسنْ ؤُشَا أجّْ إِ-ثنْ أَذْ عْبَارنْ شّكْلْ نّسْ.
EZE 43:11 مَاڒَا سضْحَانْ زِي مَارَّا مِينْ ڭِّينْ، سْشنْ أَسنْ [خنِّي] شّكْلْ ن ثَادَّارْثْ ذ ثِيسَارْسْ نّسْ، ؤُفُّوغنْ نّسْ ذ أَذَافنْ نّسْ ذ مَارَّا شّكْلْ نّسْ ذ مَارَّا لْفَارَايِيضْ نّسْ، [وَاهْ،] مَارَّا إِشْكَالنْ نّسْ ذ مَارَّا ثِيوصَّا نّسْ ؤُشَا أَرِي [مَارَّا] مَانْ أَيَا زَّاثْ إِ ثِيطَّاوِينْ نْسنْ، حِيمَا خنِّي أَذْ حْضَانْ مَارَّا شّكْلْ نّسْ ذ مَارَّا لْفَارَايِيضْ نّسْ، ؤُشَا أَذْ زَّايْسنْ ڭّنْ.“
EZE 43:12 ”ثَا ذ شَّارِيعَا ن ثَادَّارْثْ: خْ ثْقِيشَّاثْ ن وذْرَارْ أَذْ يِيڒِي ومْشَانْ نّسْ ذڭْ ونّضْ نّسْ إِقدّْسنْ قَاعْ. ثَا ذ شَّارِيعَا ن ثَادَّارْثْ.“
EZE 43:13 ”إِنَا ذ ڒعْبُورَاثْ ن ؤُعَالْطَارْ س إِغَادْجنْ: إِجّْ ن ؤُغِيڒْ أَقَا-ث ذ إِجّْ ن ؤُغِيڒْ ذ إِجّْ شْبَارْ ن ؤُفُوسْ. ثَارْيَا نّسْ ذ إِجّْ ن ؤُغِيڒْ  ؤُ ثِيرُو نّسْ ذ إِجّْ ن ؤُغِيڒْ. ثْمَا نّسْ غَارْ طَّارْفْ نّسْ إِ ذ أَسْ د-إِنّْضنْ أَقَا ذ إِجّْ ن وزْينْ ن ؤُغِيڒْ. وَا ذ ذْسَاسْ ن ؤُعَالْطَارْ.
EZE 43:14 زِي ثَارْيَا ذِي ثمُّورْثْ أَڒْ ثَارفِّيذثْ ن وَادَّايْ [ن ؤُعَالْطَارْ]: ثْنَاينْ ن إِغَادْجنْ، ؤُ ثِيرُو [نّسْ]: إِجّْ ن ؤُغِيڒْ، ؤُ زِي ثْرفِّيذثْ ن وَادَّايْ [ن ؤُعَالْطَارْ] أَڒْ ثَارفِّيذثْ ن سنّجْ [ن ؤُعَالْطَارْ]: أَربْعَا ن إِغَادْجنْ ؤُ ثِيرُو [نّسْ] إِجّْ ن ؤُغِيڒْ.
EZE 43:15 ڒبْنِي غَارْ سنّجْ، [أَذْرَارْ ن أَربِّي‘،] [إِڭَّا] أَربْعَا ن إِغَادْجنْ [ذِي ڒُوعْڒَا] ؤُ زڭْ ؤُفُورْنُو ن ؤُعَالْطَارْ [ڭعّْذنْ-د زَّايسْ] أَربْعَا ن وَاشَّاونْ سنّجْ نّسْ.
EZE 43:16 أَفُورْنُو ن ؤُعَالْطَارْ غَارسْ إِشْثْ ن ثُوزّڭَّارْثْ ن ثنْعَاشْ [ن إِغَادْجنْ] ذ إِشْثْ ن ثِيرُو ن ثنْعَاشْ [ن إِغَادْجنْ]، إِجّْ ن ؤُكْوَاذْرُونْ س أَربْعَا ن إِغزْذِيسنْ [نّسْ].
EZE 43:17 ثَارفِّيذثْ نّسْ [سنّجْ] غَارسْ إِشْثْ ن ثُوزّڭَّارْثْ ن أَرْبعْطَاشْ [ن إِغَادْجنْ] ذ إِشْثْ ن ثِيرُو ن أَرْبعْطَاشْ [ن إِغَادْجنْ] غَارْ أَربْعَا ن إِغزْذِيسنْ نّسْ، ؤُ ثْمَا نّسْ إِ ذ أَسْ د-إِنّْضنْ أَقَا ذ أَزْينْ ن ؤُغِيڒْ، ؤُشَا ثَارْيَا نّسْ ذ إِجّْ ن ؤُغِيڒْ ذڭْ ونّضْ نّسْ ؤُشَا ثَارفِّيذِينْ ن دّْرُوجْ نّسْ خزَّارنْ غَارْ شَّارْقْ.“ *
EZE 43:18 نتَّا إِنَّا أَيِي: ”[أَ] مِّيسْ ن بْنَاذمْ، أَمُّو إِ إِقَّارْ سِيذِي إِنُو، سِيذِي: ’ثِينَا ذ لْفَارَايِيضْ  إِنُو إِ ؤُعَالْطَارْ ذڭْ وَاسّْ إِ ذِي ث غَا ڭّنْ، مَاحنْذْ أَذْ خَاسْ سّْڭعّْذنْ ثَاغَارْصْثْ ن ثْمسِّي ؤُ مَاحنْذْ أَذْ خَاسْ زدْجْعنْ إِذَامّنْ.‘
EZE 43:19 [أَمُّو] إِ إِقَّارْ سِيذِي إِنُو، سِيذِي: ’أَذْ ثوْشذْ إِجّْ ن ؤُفُونَاسْ، أَمژْيَانْ ن إِشْثْ ن ثْفُونَاسْثْ، ذ ثَاوْهِيبْثْ ن ثْغَارْصْثْ ن دّنْبْ إِ إِكهَّاننْ زڭْ إِلَاوِييّنْ، إِ يِينِّي د-إِقَّارْصنْ زِي صَاذُوقْ، إِنِّي غَارِي د-إِقَارّْبنْ مَاحنْذْ أَذْ أَيِي سخَّارنْ.
EZE 43:20 أَذْ ثكْسِيذْ زڭْ إِذَامّنْ نّسْ ؤُشَا أَذْ ثنْ ثڭّذْ غَارْ أَربْعَا ن وَاشَّاونْ [ن ؤُعَالْطَارْ] ؤُ غَارْ أَربْعَا ن ثْغمُّورَا ن ثْرفِّيذثْ ؤُ خْ ثْمَا نّسْ إِ ذ أَسْ د-إِنّْضنْ غَارْ طَّارْفْ نّسْ. إِتّْخصَّا أَذْ زَّايسْ ثكّْسذْ دّنْبْ نّسْ ؤُ أَذْ ث ثْصڒْحذْ.
EZE 43:21 [أَوَارْنِي أَسْ] أَذْ ثكْسِيذْ أَفُونَاسْ نِّي أَمژْيَانْ ن ثْغَارْصْثْ ن دّنْبْ. إِتّْخصَّا أَسنْ أَذْ ث سّْشمْضنْ ذڭْ ومْشَانْ إِتّْوَاڭّنْ ن ثَادَّارْثْ بَارَّا إِ زَّاوشْثْ إِقدّْسنْ.
EZE 43:22 ذڭْ وَاسّْ وِيسّْ ثْنَاينْ أَذْ د-ثسّْقَارّْبذْ إِجّْ ن ؤُمْيَانْ زڭْ إِغَايْضنْ إِشْنَانْ أَطَّاسْ ذ ثَاغَارْصْثْ ن دّنْبْ. أَذْ زَّايسْ كّْسنْ دّنْبْ زڭْ ؤُعَالْطَارْ أَمْ مَامّشْ زَّايسْ كّْسنْ دّنْبْ س ؤُفُونَاسْ أَمژْيَانْ.
EZE 43:23 خْمِي غَا ثْكمّْڒذْ ثَاكسِّيثْ ن دّنْبْ، أَذْ د-ثسّْقَارّْبذْ إِجّْ ن ؤُفُونَاسْ، أَمژْيَانْ ن ثْفُونَاسْثْ إِشْنَانْ قَاعْ، ؤُڒَا ذ إِجّْ ن إِشَارِّي إِشْنَانْ أَطَّاسْ زڭْ وُودْجِي.
EZE 43:24 أَذْ ثنْ د-ثسّْقَارّْبذْ زَّاثْ إِ وُوذمْ ن سِيذِي ؤُشَا إِكهَّاننْ أَذْ خَاسْ سُّويُوسنْ ثَامدْجَاحْثْ ؤُ أَذْ ثنْ سّْڭعّْذنْ أَمْ ثْغَارْصْثْ ن وشْمَاضْ إِ سِيذِي.
EZE 43:25 سبْعَا ن وُوسَّانْ أَذْ ثسّْوجْذذْ ذِي كُوڒْ أَسّْ إِجّْ ن ؤُمْيَانْ ذ ثَاغَارْصْثْ ن دّنْبْ. أَذْ سّْوجْذنْ [عَاوذْ] إِجّْ ن ؤُفُونَاسْ، أَمژْيَانْ ن ثْفُونَاسْثْ، ؤُڒَا ذ إِجّْ ن إِشَارِّي ن وُودْجِي، إِتّْخصَّا أَذْ إِڒِينْ شْنَانْ أَطَّاسْ.
EZE 43:26 سبْعَا ن وُوسَّانْ أَذْ ثڭّذْ أَصْڒَاحْ إِ ؤُعَالْطَارْ ؤُشَا أَذْ ث سِّيزذْڭنْ ؤُ أَذْ ث سّْقدّْسنْ.
EZE 43:27 مَاڒَا كمّْڒنْ نِيثْنِي ؤُسَّانْ-أَ، [خنِّي] أَذْ يِيڒِي ذڭْ وَاسّْ وِيسّْ ثْمنْيَا، بلِّي إِكهَّاننْ أَذْ سّْوجْذنْ ثْغَارْصَا نْومْ ن وشْمَاضْ ذ ثوْهِيبِينْ نْومْ ن ؤُقَاذِي خْ ؤُعَالْطَارْ ؤُ نشّْ أَذْ خَاومْ أَرْضِيغْ!‘، [أَمُّو إِ] إِقَّارْ سِيذِي إِنُو، سِيذِي.“
EZE 44:1 [خنِّي] يَارَّا أَيِي عَاوذْ غَارْ ثوَّارْثْ ن بَارَّا ن زَّاوشْثْ إِقدّْسنْ نِّي إِخزَّارنْ غَارْ شَّارْقْ. ثُوغَا ثْبلّعْ.
EZE 44:2 إِنَّا أَيِي سِيذِي: ”ثَاوَّارْثْ-أَ أَذْ ثقِّيمْ ثْبلّعْ، وَارْ ثَارْزمْ شَا ؤُشَا ؤُڒَا ذ إِجّْ أَذْ زَّايسْ يَاذفْ. مِينْزِي سِيذِي، أَربِّي ن إِسْرَائِيل، يُوذفْ زَّايسْ، خْ ؤُيَا أَذْ ثقِّيمْ ثْبلّعْ.
EZE 44:3 ڒْحَاكمْ [وَاهَا] إِ يدْجَانْ ذ ڒْحَاكمْ، أَذْ ذِينْ إِقِّيمْ حِيمَا أَذْ يشّْ أَغْرُومْ زَّاثْ إِ وُوذمْ ن سِيذِي. أَذْ يَاذفْ س ؤُكُولْوَارْ ن وسْقِيفْ [ن ڒبْنِي] ن ثوَّارْثْ ؤُشَا أَذْ إِفّغْ س ؤُكُولْوَارْ نّسْ.“
EZE 44:4 [أَوَارْنِي أَسْ] إِنْذهْ أَيِي [س] ثوَّارْثْ ن شَّامَالْ غَارْ زَّاثْ ن ثَادَّارْثْ. خزَّارغْ، ؤُشَا خْزَارْ، أَعُودْجِي ن سِيذِي إِشُّورْ ثَادَّارْثْ ن سِيذِي. [خنِّي] وْضِيغْ س ؤُغمْبُوبْ إِنُو [غَارْ ثمُّورْثْ].
EZE 44:5 إِنَّا أَيِي سِيذِي: ”[أَ] مِّيسْ ن بْنَاذمْ، أڭّْ ؤُڒْ نّشْ، خْزَارْ س ثِيطَّاوِينْ نّشْ ؤُشَا سڒْ س إِمزُّوغنْ نّشْ مَارَّا مِينْ ذ أَشْ غَا سِّيوْڒغْ خْ مَارَّا ثِيوصَّا ن ثَادَّارْثْ ن سِيذِي ؤُ خْ مَارَّا إِزرْفَانْ نّسْ. أڭّْ ؤُڒْ نّشْ خْ [كُوڒْ إِجّنْ] إِ إِتَّاذْفنْ ثَادَّارْثْ س مَارَّا ؤُفُّوغنْ ن زَّاوشْثْ إِقدّْسنْ
EZE 44:6 ؤُشَا إِنِي إِ يِينِّي إِتّْغوّْغنْ، إِ ثَادَّارْثْ ن إِسْرَائِيل: ’أَمُّو إِ إِقَّارْ سِيذِي إِنُو، سِيذِي: شْفَا مَارَّا جّْعَايفْ نْومْ، [أَ] ثَادَّارْثْ ن إِسْرَائِيل،
EZE 44:7 مَاغَارْ كنِّيوْ ثسِّيذْفمْ إِبَارَّانِييّنْ، إِنِّي وَارْ إِتّْوَاخثْننْ ن وُوڒْ ؤُ إِنِّي وَارْ إِتّْوَاخثْننْ ن أَرِّيمثْ، مَاحنْذْ أَذْ إِڒِينْ ذِي زَّاوشْثْ إِنُو إِقدّْسنْ ؤُ أَذْ سّْعِيدْجْثنْ [أَمُّو] ثَادَّارْثْ إِنُو، ڒَامِي كنِّيوْ ثِيوْيمْ أَغْرُومْ إِنُو، [إِخْسْ أَذْ يِينِي] ثَاذُونْثْ ذ إِذَامّنْ، ؤُ أَرْژِينْ نِيثْنِي ڒْعَاهْذْ إِنُو سنّجْ إِ مَارَّا جّْعَايفْ [إِ ثڭِّيمْ س يِيخفْ] نْومْ.
EZE 44:8 كنِّيوْ وَارْ ثحْضِيمْ أَحطُّو خْ مِينْ [إِدْجَانْ] إِقدّْسنْ إِ نشّْ ؤُشَا ثڭِّيمْ إِمحْضَاينْ إِ يِيخفْ نْومْ مَاحنْذْ أَذْ حْضَانْ خْ زَّاوشْثْ إِنُو إِقدّْسنْ.“
EZE 44:9 ”أَمُّو إِ إِقَّارْ سِيذِي إِنُو، سِيذِي: ’ؤُڒَا ذ إِجّْ ن ڒْبَارَّانِي نِّي وَارْ إِتّْوَاخثْننْ ؤُڒْ نّسْ ؤُ وَارْ إِتّْوَاخثْننْ أَيْسُومْ نّسْ أَذْ يَاذفْ غَارْ زَّاوشْثْ إِنُو إِقدّْسنْ. أَمُّو إِ غَا يِيڒِي إِ كُوڒْ ڒْبَارَّانِي نِّي إِدْجَانْ ذِي ڒْوسْطْ ن أَيْثْ ن إِسْرَائِيل.
EZE 44:10 إِلَاوِييّنْ نِّي يَاڭّْوجنْ خَافِي أَطَّاسْ ؤُمِي زَّايِي إِودَّارْ إِسْرَائِيل، فّْغنْ زڭْ وبْرِيذْ، [ؤُيُورنْ] أَوَارْنِي إِميْضَا نْسنْ ن لْ-أَصْنَامْ. أَقَا نِيثْنِي أَذْ أَرْبُونْ ڒْمُوعْصِييّثْ نْسنْ.
EZE 44:11 أَذْ حْضَانْ ذِي زَّاوشْثْ إِنُو إِقدّْسنْ غَارْ [ڒبْنِييَّاثْ ن] ثوَّارْثْ ن ثَادَّارْثْ ؤُشَا أَذْ سخَّارنْ [عَاوذْ] ذِي ثَادَّارْثْ. نِيثْنِي أَذْ غَارْصنْ ثَاغَارْصْثْ ن وشْمَاضْ ذ ثْغَارْصْثْ إِ ڒْڭنْسْ ؤُشَا أَذْ بدّنْ زَّاثْ إِ وُوذمْ ن ڒْڭنْسْ مَاحنْذْ أَذْ أَسنْ سخَّارنْ.
EZE 44:12 ؤُمِي ثُوغَا تّْسخَّارنْ زَّاثْ إِ وُوذمْ ن إِميْضَا نْسنْ ن لْ-أَصْنَامْ ؤُ ؤُمِي ثنْ ثُوغَا ذ إِشْثْ ن سِّيبّثْ إِ د-يِيوْينْ ڒْمُوعْصِييّثْ إِ ثَادَّارْثْ ن إِسْرَائِيل، خْ ؤُيَا أَقَا سّْڭعّْذغْ نشّْ أَفُوسْ إِنُو خَاسنْ ؤُ نِيثْنِي أَذْ أَرْبُونْ ڒْمُوعْصِييّثْ نْسنْ، [أَمُّو إِ] إِقَّارْ سِيذِي إِنُو، سِيذِي.
EZE 44:13 وَارْ إِعدّڒْ أَذْ غَارِي د-قَارّْبنْ مَاحنْذْ أَذْ أَيِي إِڒِينْ ذ إِكهَّاننْ ؤُ مَاحنْذْ أَذْ د-قَارّْبنْ غَارْ مَارَّا ثِيمسْڒَايِينْ إِقدّْسنْ إِنُو، غَارْ ثْمسْڒَايِينْ إِقدّْسنْ قَاعْ. نِيثْنِي أَذْ أَرْبُونْ ڒفْذِيحثْ نْسنْ ذ جّْعَايفْ إِ ڭِّينْ.
EZE 44:14 أَذْ ثنْ ڭّغْ مَاحنْذْ أَذْ حْضَانْ خْ ثْسخَّارْثْ ذِي ثَادَّارْثْ، خْ مَارَّا ڒْخذْمثْ نّسْ ؤُ خْ مَارَّا مِينْ إِتّْخصَّا أَذْ ذَايسْ إِتّْوَاڭّْ.‘ “
EZE 44:15 ”[مَاشَا] إِكهَّاننْ إِلَاوِييّنْ، أَيْثْ ن صَاذُوقْ، إِنِّي إِحْضَانْ أَحطُّو ن زَّاوشْثْ إِنُو إِقدّْسنْ خْمِي خَافِي إِڭّْوجنْ أَيْثْ ن إِسْرَائِيل، أَذْ غَارِي د-قَارّْبنْ مَاحنْذْ أَذْ أَيِي سخَّارنْ. نِيثْنِي أَذْ بدّنْ زَّاثْ إِ وُوذمْ إِنُو مَاحنْذْ أَذْ غَارِي د-أَوْينْ ثَاذُونْثْ ذ إِذَامّنْ، [أَمُّو إِ] إِقَّارْ سِيذِي إِنُو، سِيذِي.
EZE 44:16 نِيثْنِي أَذْ أَذْفنْ غَارْ زَّاوشْثْ إِنُو إِقدّْسنْ ؤُشَا أَذْ د-قَارّْبنْ غَارْ طَّابْڒَا إِنُو مَاحنْذْ أَذْ أَيِي سخَّارنْ ؤُ أَذْ حْضَانْ ثَاسخَّارْثْ إِنُو.
EZE 44:17 أَذْ يِيڒِي خْمِي غَا يَاذْفنْ غَارْ [ڒبْنِييَّاثْ ن] ثوَّارْثْ ن ڒمْرَاحْ ن ذَاخڒْ، أَذْ أَرْضنْ أَرُّوضْ ن ڒقْطنْ. وَارْ إِعدّڒْ أَذْ أَرْضنْ شَا ن ثَاضُوفْثْ خْمِي غَا سخَّارنْ ذِي [ڒبْنِييَّاثْ ن] ثوَّارْثْ ن ڒمْرَاحْ ن ذَاخڒْ ؤُ غَارْ ذَاخڒْ نّسْ.
EZE 44:18 أَرژَّاثْ ن ڒقْطنْ أَذْ إِڒِينْ خْ إِزدْجِيفنْ نْسنْ ؤُ سّْرَاوڒْ نْ ڒقْطنْ أَذْ إِڒِينْ خْ ثجْعِينَّاثِينْ نْسنْ، وَارْ بيْسنْ شَا مِينْ زِي غَا سُّوفّْغنْ ثِيذِي.
EZE 44:19 خْمِي غَا فّْغنْ غَارْ ڒمْرَاحْ ن بَارَّا، غَارْ ڒمْرَاحْ ن بَارَّا غَارْ ڒْڭنْسْ، [خنِّي] أَذْ كّْسنْ أَرُّوضْ نْسنْ إِ ذِي سخَّارنْ ؤُشَا أَذْ ث سَّارْسنْ ذڭْ إِخَّامنْ إِقدّْسنْ. [أَوَارْنِي أَسْ] أَذْ أَرْضنْ أَرُّوضْ نّغْنِي، حِيمَا وَارْ سّْقدَّاسنْ ڒْڭنْسْ س وَارُّوذْ نْسنْ.
EZE 44:20 وَارْ سّْقُوشَّارنْ أَزدْجِيفْ نْسنْ ؤُ وَارْ تّجِّينْ ثِيجطَّايِينْ [نْسنْ] أَذْ أَيْڒنْثْ أَمنِّي [وَاهَا]. نِيثْنِي أَذْ قسّنْ [أَشُوَّافْ ن] ؤُزدْجِيفْ نْسنْ مْلِيحْ.
EZE 44:21 وَارْ إِعدّڒْ ؤُڒَا إِ يِيجّْ ن ؤُكهَّانْ أَذْ إِسُو بِينُو، خْمِي غَا يَاذفْ غَارْ ڒمْرَاحْ ن ذَاخڒْ.
EZE 44:22 وَارْ ذ أَسنْ إِعدّڒْ [إِ إِكهَّاننْ] مَاحنْذْ أَذْ أَوْينْ إِشْثْ ن ثَاجَّاتْشْ نِيغْ إِشْثْ ن ثْنُوڒُوفْثْ ذ ثَامْغَارْثْ إِ يِيخفْ نْسنْ. إِعدّڒْ مَاحنْذْ أَذْ أَوْينْ مْغِيرْ ثِيعْزُورَايْ زِي زَّارِيعثْ ن ثَادَّارْثْ ن إِسْرَائِيل إِشْثْ ن ثَاجَّاتْشْ ثنِّي ذ ثَاجَّاتْشْ ن إِجّْ ن ؤُكهَّانْ.
EZE 44:23 أَذْ سّْڒمْذنْ ڒْڭنْسْ إِنُو ڒْفَارْقْ جَارْ مِينْ [إِدْجَانْ] إِقدّْسنْ ذ مِينْ وَارْ [إِدْجِينْ] إِقدّْسنْ ؤُشَا أَذْ ثنْ سَّارڭْبنْ ڒْفَارْزْ جَارْ مِينْ إِخمْجنْ ذ مِينْ إِزْذِيڭنْ.
EZE 44:24 ذڭْ ؤُمْشُوبّشْ أَذْ كَّارنْ حِيمَا أَذْ شَارّْعنْ. أَذْ ثنْ حَاكْمنْ عْلَاحْسَابْ لْفَارَايِيضْ إِنُو. نِيثْنِي أَذْ حْضَانْ ثِيوصَّا إِنُو ذ لْفَارَايِيضْ إِنُو ذِي مَارَّا ڒعْيُوذَاثْ إِنُو إِتّْوَاڭّنْ ؤُشَا أَذْ سّْقدّْسنْ ؤُسَّانْ إِنُو ن سّبْثْ.
EZE 44:25 وَارْ إِعدّڒْ أَذْ إِرحّڭْ [ؤُكهَّانْ] غَارْ إِجّْ ن بْنَاذمْ إِمُّوثنْ أَڒَامِي غَا إِسّخْمجْ إِخفْ نّسْ. إِعدّڒْ [وَاهَا] أَذْ سّْخمْجنْ إِخفْ نْسنْ مْغِيرْ إِ بَابَاثْسنْ نِيغْ إِ يمَّاثْسنْ نِيغْ إِ مِّيثْسنْ نِيغْ إِ يدْجِيثْسنْ نِيغْ إِ ؤُمَاثْسنْ نِيغْ إِ ؤُتْشْمَاثْسنْ نِّي وَارْ إِمْڒِيشنْعمَّارْصْ.
EZE 44:26 أَوَارْنِي ؤُسِيزْذڭْ نّسْ إِتّْخصَّا أَسنْ أَذْ حسّْبنْ سبْعَا ن وُوسَّانْ إِ نتَّا.
EZE 44:27 ذڭْ وَاسّْ نِّي إِ غَا يَاذفْ غَارْ ؤُقدَّاسْ، غَارْ ڒمْرَاحْ ن ذَاخڒْ، مَاحنْذْ أَذْ إِسخَّارْ ذڭْ ؤُقدَّاسْ، إِتّْخصَّا أَسْ أَذْ د-إِسّْقَارّبْ ثَاغَارْصْثْ ن دّنْبْ، [أَمُّو إِ] إِقَّارْ سِيذِي إِنُو، سِيذِي.“
EZE 44:28 ”وَا أَذْ يِيڒِي ذ ڒْوَارْثْ نْسنْ: نشّْ ذ ڒْوَارْثْ نْسنْ. وَارْ ذ أَسنْ ثتِّيشِيمْ ؤُڒَا ذ إِجّْ ن وَاڭْڒَا [ن ثمُّورْثْ] ذِي إِسْرَائِيل: نشّْ ذ أَڭْڒَا نْسنْ.
EZE 44:29 إِعدّڒْ أَذْ شّنْ ثَاوْهِيبْثْ [ن ڒْغِيدْجثْ] ذ ثْغَارْصْثْ ن دّنْبْ ذ ثْغَارْصْثْ ن ؤُمَارْوَاسْ. مَارَّا مِينْ إِتّْوَاحَارّْمنْ ذِي إِسْرَائِيل أَذْ أَسنْ يِيڒِي.
EZE 44:30 مُومُّو ن ثْمنْزُوثْ ن مَارَّا ؤُ مَارَّا ثَاوْهِيبْثْ ن ؤُسْڭعّذْ، زِي مَارَّا ثِيوْهِيبِينْ نْومْ ن ؤُسْڭعّذْ، أَذْ يِيڒِي إِ إِكهَّاننْ. ثَامزْوَارُوثْ ن وَارشْثِي نْومْ أَذْ ت ثوْشذْ إِ ؤُكهَّانْ، حِيمَا أَذْ ثَارْسَا لْبَارَاكَا خْ ثَادَّارْثْ نّشْ.
EZE 44:31 ؤُڒَا ذ إِشْثْ ن ڒْخشْبثْ نِيغْ مِينْ إِتّْوَاشَارّْڭنْ ن إِجْضَاضْ نِيغْ نْ ڒبْحَايمْ، وَارْ إِعدّڒْ أَذْ ث شّنْ إِكهَّاننْ.“
EZE 45:1 ”خْمِي غَا ثبْضَامْ ثَامُّورْثْ ذ ڒْوَارْثْ [س ثْقدُّوحْثْ]، أَذْ ثْوهّْبمْ إِشْثْ ن ثوْهِيبْثْ ن ؤُسْڭعّذْ إِ سِيذِي، إِشْثْ ن ثسْغَارْثْ إِقدّْسنْ زِي ثمُّورْثْ: ثُوزّڭَّارْثْ نّسْ [أَذْ ثِيڒِي] خمْسَا ؤُ-عِيشْرِينْ-أَڒفْ [ن إِغُونَامْ ن ڒعْبَارْ] ذ ثِيرُو نّسْعشْرَا-أَڒَافْ [ن إِغُونَامْ ن ڒعْبَارْ]. مَارَّا ثَامُّورْثْ إِ ذ أَسْ د-إِنّْضنْ أَذْ ثِيڒِي ثْقدّسْ.
EZE 45:2 خمْسَا-مْيَا ذِي خمْسَا-مْيَا [ن إِغُونَامْ ن ڒعْبَارْ] غَارْ أَربْعَا إِغزْذِيسنْ نّسْ أَذْ زَّايسْ إِڒِينْ إِ زَّاوشْثْ إِقدّْسنْ. ؤُشَا ذڭْ ونّضْ نّسْ خمْسِينْ ن إِغَادْجنْ أَذْ إِڒِينْ ذ دّْمَانِي ن ثَاروْسَا.
EZE 45:3 س ڒعْبَارْ-أَ أَذْ ثعْبَارذْ ذِي ثُوزّڭَّارْثْ خمْسَا ؤُ-عِيشْرِينْ-أَڒفْ ؤُ ذِي ثِيرُوعشْرَا-أَڒَافْ [ن إِغُونَامْ ن ڒعْبَارْ] ؤُ زَّاوشْثْ إِقدّْسنْ أَذْ ذَايسْ ثِيڒِي، [إِخْسْ أَذْ يِينِي] أَقْذَاسْ خْ ؤُقدَّاسْ.
EZE 45:4 أَذْ ثِيڒِي ذ إِشْثْ ن ثمُّورْثْ إِقدّْسنْ. أَذْ ثِيڒِي إِ إِكهَّاننْ نِّي إِتّْسخَّارنْ ذِي زَّاوشْثْ إِقدّْسنْ، إِنِّي د-إِقَارّْبنْ مَاحنْذْ أَذْ سخَّارنْ إِ سِيذِي. أَذْ ثِيڒِي إِ نِيثْنِي ذ أَمْشَانْ ن ثْزذِّيغِينْ [نْسنْ] ذ إِجّْ ن ومْشَانْ إِقدّْسنْ إِ زَّاوشْثْ إِقدّْسنْ.
EZE 45:5 [إِشْثْ ن ثمُّورْثْ] س إِشْثْ ن ثُوزّڭَّارْثْ ن خمْسَا ؤُ-عِيشْرِينْ-أَڒفْ ؤُ س إِشْثْ ن ثِيرُو نعشْرَا-أَڒَافْ [ن إِغُونَامْ ن ڒعْبَارْ] أَذْ ثِيڒِي إِ إِلَاوِييّنْ نِّي إِتّْسخَّارنْ ذِي ثَادَّارْثْ، [أَذْ ثِيڒِي] ذ ڒْمُولْكْ إِ نِيثْنِي، [س] عِيشْرِينْ ن ڒبْنِييَّاثْ ن إِخَّامنْ.
EZE 45:6 أَذْ ثوْشمْ [إِشْثْ ن ثمُّورْثْ] س إِشْثْ ن ثِيرُو ن خمْسَا-أَڒَافْ ؤُ س إِشْثْ ن ثُوزّڭَّارْثْ ن خمْسَا ؤُ-عِيشْرِينْ-أَڒفْ [ن إِغُونَامْ ن ڒعْبَارْ] ذ ثَامُّورْثْ إِ ثنْذِينْثْ، زَّاثْ إِ [ثمُّورْثْ ن] ثوْهِيبْثْ إِقدّْسنْ ن ؤُسْڭعّذْ. أَذْ ثِيڒِي إِ مَارَّا ثَادَّارْثْ ن إِسْرَائِيل.
EZE 45:7 ثَاسْغَارْثْ [ن ثمُّورْثْ] ن ڒْحَاكمْ أَذْ ثِيڒِي غَارْ إِجّْ ن ؤُغزْذِيسْ ؤُڒَا غَارْ ؤُغزْذِيسْ نّغْنِي ن [ثمُّورْثْ ن] ثوْهِيبْثْ إِقدّْسنْ ن ؤُسْڭعّذْ ؤُ ن ثسْغَارْثْ [ن ثمُّورْثْ] ن ثنْذِينْثْ، زَّاثْ إِ ثوْهِيبْثْ إِقدّْسنْ ن ؤُسْڭعّذْ ؤُ زَّاثْ إِ ثسْغَارْثْ [ن ثمُّورْثْ] ن ثنْذِينْثْ، زڭْ ؤُغزْذِيسْ ن ڒْغَارْبْ غَارْ ڒْغَارْبْ ؤُ زڭْ ؤُغزْذِيسْ ن شَّارْقْ غَارْ شَّارْقْ. ثُوزُّوڭَّارْثْ أَذْ ثِيڒِي نِيشَانْ زَّاثْ إِ ؤُغزْذِيسْ ن إِشْثنْ زِي ثْسقَّاڒْ ن ڒْوَارْثْ، زڭْ ويْمِيرْ إِ إِدْجَانْ غَارْ ڒْغَارْبْ أَڒْ ويْمِيرْ إِ إِدْجَانْ غَارْ شَّارْقْ.
EZE 45:8 ثَامُّورْثْ أَذْ ثِيڒِي نّسْ، ثَاسْغَارْثْ نّسْ ذِي إِسْرَائِيل. ؤُ ڒْحُوكَّامْ إِنُو وَارْ حسَّارنْ عَاذْ ڒْڭنْسْ إِنُو، [مَاشَا] أَذْ وْشنْ ثَامُّورْثْ إِ ثَادَّارْثْ ن إِسْرَائِيل، إِ ثْقبَّاڒْ نْسنْ.“
EZE 45:9 ”أَمُّو إِ إِقَّارْ سِيذِي إِنُو، سِيذِي: ’شْفَا أَومْ، [أَ كنِّيوْ،] ڒْحُوكَّامْ ن إِسْرَايِيلْ! سْبعّذْ خَاومْ لْعُونْفْ ؤُ ڭّمْ ڒْحقّْ ذ ثْسڭْذَا ؤُشَا كّْسمْ إِبعَّاجْ نْومْ خْ ڒْڭنْسْ إِنُو، [أَمُّو إِ] إِقَّارْ سِيذِي إِنُو، سِيذِي.
EZE 45:10 إِتّْخصَّا أَذْ غَارْومْ يِيڒِي إِجّْ ن ڒْمِيزَانْ نِيشَانْ ذ إِجّْ ن إِفَا نِيشَانْ ذ إِجّْ ن ؤُبَاثُو نِيشَانْ.
EZE 45:11 إِتّْخصَّا أَذْ يِيڒِي [ڒعْبَارْ ن] إِفَا ذ [ڒعْبَارْ ن] ؤُبَاثُو ذ ڒعْبَارْ ذ إِجّْ، حِيمَا أَذْ يِيڒِي ؤُبَاثُو ذ إِشْثْ زِي ثْعشَّارْثْ ن ؤُحُومِيرْ، ؤُشَا إِشْثْ ن ثْعشَّارْثْ ن ؤُحُومِيرْ [أَذْ ثسْوَا] إِفَا. ڒقْيَاسْ ن ڒعْبَارْ نْسنْ أَذْ يِيڒِي زڭْ ؤُحُومِيرْ.
EZE 45:12 أَشِيقْلْ أَقَا-ث عِيشْرِينْ جِيرَا. عِيشْرِينْ شِيقْلُو، خمْسَا ؤُ -عشْرِينْ شِيقْلُو، خمّسْطَاشْ شِيقْلُو، أَذْ أَومْ يِيڒِي إِجّنْ مِينَا.‘ “
EZE 45:13 ”ثَا ذ ثوْهِيبْثْ ن ؤُسْڭعّذْ نِّي إِ غَا ثسّْڭعّْذمْ: إِشْثْ ن ثْسِيتُّوثْ ن إِجّْ ن إِفَا زڭْ إِجّْ ن ؤُحُومِيرْ ن يِيرْذنْ ؤُشَا أَذْ ثوْشمْ ؤُڒَا ذ إِشْثْ ن ثْسِيتُّوثْ ن إِجّْ ن ؤُحُومِيرْ ن إِمنْذِي.
EZE 45:14 خْ ثوْصيّثْ ن زّشْثْ، [ثَاوْصِييّثْ ن] [ڒْْقدّْ ن] ؤُبَاثُو ن زّشْثْ: أَقَا إِشْثْ ن ثعْشَارْثْ ن ؤُبَاثُو ن إِجّْ ن ؤُكُورُو، [أَكُورُو نِّي إِسكّْوِينْ] إِجّْ ن ؤُحُومِيرْ نعشْرَا إِبَاثُوثنْ، مِينْزِيعشْرَا إِبَاثُوثنْ ذ إِجّْ ن ؤُحُومِيرْ.
EZE 45:15 [خنِّي] إِجّْ [زڭْ وُودْجِي] خْ مِيثَاينْ ن وُودْجِي زِي [دّْمَانِي ن ثَاروْسَا ن] ثمُّورْثْ ن إِسْرَائِيل إِ إِفيّْضنْ س وَامَانْ، أَمْ ثوْهِيبْثْ [ن ڒْغِيدْجثْ] ؤُ أَمْ ثْغَارْصْثْ ن وشْمَاضْ ؤُ أَمْ ثوْهِيبْثْ ن ڒهْنَا، مَاحنْذْ أَذْ ثڭّذْ أَصْڒَاحْ إِ نِيثْنِي، [أَمُّو إِ] إِقَّارْ سِيذِي إِنُو، سِيذِي.
EZE 45:16 مَارَّا ڒْڭنْسْ ن ثمُّورْثْ، [مَارَّا] نِيثْنِي أَذْ شَارْشنْ ذِي ثوْهِيبْثْ ن ؤُسْڭعّذْ إِ ڒْحَاكمْ ذِي إِسْرَائِيل.
EZE 45:17 أَذْ يِيڒِي خْ ڒْحَاكمْ مَاحنْذْ [أَذْ يڭّْ] ثِيغَارْصَا ن وشْمَاضْ ذ ثوْهِيبْثْ [ن ڒْغِيدْجثْ] ذ ثْغَارْصْثْ [ن ؤُسيّبْ] ذِي ڒعْيُوذَاثْ ؤُ ذڭْ وُوسَّانْ ن ؤُيُورْ ن جْذِيذْ ؤُ خْ وُوسَّانْ ن سّبْثْ، [وَاهْ،] خْ مَارَّا ؤُسَّانْ ن ڒعْيُوذَاثْ ن ثَادَّارْثْ ن إِسْرَائِيل. نتَّا أَذْ إِسّوْجذْ ثَاغَارْصْثْ ن دّنْبْ ذ ثوْهِيبْثْ [ن ڒْغِيدْجثْ] ذ ثوْهِيبْثْ ن وشْمَاضْ ذ ثوْهِيبِينْ ن ڒهْنَا، مَاحنْذْ أَذْ إِڭّْ أَصْڒَاحْ إِ ثَادَّارْثْ ن إِسْرَائِيل.“
EZE 45:18 ”أَمُّو إِ إِقَّارْ سِيذِي إِنُو، سِيذِي: ’ذڭْ ؤُيُورْ أَمزْوَارُو، ذڭْ وَاسّْ أَمزْوَارْ ن ؤُيُورْ، أَذْ ثكْسِيذْ إِجّْ ن ؤُفُونَاسْ إِشْنَانْ أَطَّاسْ، أَمژْيَانْ ن ثْفُونَاسْثْ، ؤُشَا أَذْ زَّايسْ ثكّْسذْ دّنْبْ زِي زَّاوشْثْ إِقدّْسنْ.
EZE 45:19 أَكهَّانْ أَذْ إِكْسِي زڭْ إِذَامّنْ ن ثْغَارْصَا ن دّنْبْ ؤُشَا أَذْ ثنْ يڭّْ خْ ڒضْرُوفْ إِ إِدْجَانْ غَارْ ؤُغزْذِيسْ ن ثوُّورَا ن ثَادَّارْثْ، غَارْ أَربْعَا ن ثْغمُّورَا ن ثْرفِّيذثْ ن ؤُعَالْطَارْ ؤُ خْ ڒضْرُوفْ ن ثوَّارْثْ ن ڒمْرَاحْ ن ذَاخڒْ.
EZE 45:20 أَمُّو إِ غَا ثڭّذْ ذڭْ وَاسّْ وِيسّْ سبْعَا ن ؤُيُورْ، ذِي طّْوعْ ن ونِّي إِودَّارنْ [ذڭْ وبْرِيذْ] ؤُ ذِي طّْوعْ ن ؤُقُوبَّانِي، أَمُّو إِ غَا ثڭّمْ أَصْڒَاحْ إِ ثَادَّارْثْ.‘ “
EZE 45:21 ”ذڭْ [ؤُيُورْ] أَمزْوَارُو، ذڭْ وَاسّْ وِيسّْ أَرْبعْطَاشْ ن ؤُيُورْ أَذْ ثِيڒِي [ثْغَارْصْثْ ن] ؤُسعْذُو إِ كنِّيوْ، أَذْ يِيڒِي ڒْعِيذْ إِ يِيجّْ ن ڒْمِيجَاڒْ ن سبْعَا ن وُوسَّانْ، أَذْ شّنْ أَغْرُومْ بْڒَا أَنْثُونْ.
EZE 45:22 ذڭْ وَاسّْ نِّي أَذْ إِسّوْجذْ ڒْحَاكمْ إِجّْ ن ؤُفُونَاسْ أَمژْيَانْ [أَمْ] ثْغَارْصْطْ ن دّنْبْ إِ يِيخفْ نّسْ ؤُ إِ مَارَّا ڒْڭنْسْ ن ثمُّورْثْ.
EZE 45:23 [ذِي] سبْعَا ن وُوسَّانْ ن ڒْعِيذْ أَذْ إِسّوْجذْ إِشْثْ ن ثْغَارْصْثْ ن وشْمَاضْ إِ سِيذِي: سبْعَا ن إِفُونَاسنْ إِمژْيَاننْ ذ سبْعَا ن إِشَارِّييّنْ إِشْنَانْ، [مَارَّا] سبْعَا ن وُوسَّانْ نِّي، ؤُڒَا ذ إِشْثْ ن ثْغَارْصْثْ ن دّنْبْ ن إِجّْ ن ؤُمْيَانْ زڭْ إِغَايْضنْ كُوڒْ أَسّْ.
EZE 45:24 أَذْ إِسّوْجذْ [عَاوذْ] ثَاوْهِيبْثْ [ن ڒْغِيدْجثْ]: إِجّْ ن إِفَا إِ يِيجّْ ن ؤُفُونَاسْ أَمژْيَانْ ؤُ إِجّْ ن إِفَا إِ يِيجّْ ن إِشَارِّي ؤُ إِجّْ ن ؤُهِينُو ن زّشْثْ إِ يِيجّْ ن إِفَا.
EZE 45:25 ذڭْ [يُويُورْ] وِيسّْ سبْعَا، ذڭْ وَاسّْ وِيسّْ خمّسْطَاشْ ن ؤُيُورْ إِتّْخصَّا أَسْ أَذْ يڭّْ [أَمُّو] [مَارَّا] مَانْ أَيَا ذِي ڒْعِيذْ، سبْعَا ن وُوسَّانْ: أَمْ ثْغَارْصْثْ ن دّنْبْ أَمْ ثْغَارْصْثْ ن وشْمَاضْ، أَمْ ثوْهِيبْثْ [ن ڒْغِيدْجثْ] أَمْ زّشْثْ.“
EZE 46:1 ”أَمُّو إِ إِقَّارْ سِيذِي إِنُو، سِيذِي: ’ثَاوَّارْثْ ن ڒمْرَاحْ ن ذَاخڒْ نِّي إِخزَّارنْ غَارْ شَّارْقْ أَذْ ثِيڒِي ثْبلّعْ ذِي ستَّا ن وُوسَّانْ ن ڒْخذْمثْ. ذڭْ وَاسّْ ن سّبْثْ أَذْ ثنُّورْزمْ ؤُڒَا خْ وَاسّْ ن ؤُيُورْ ن جْذِيذْ أَذْ ثنُّورْزمْ.
EZE 46:2 أَذْ د-يَاذفْ ڒْحَاكمْ زِي بَارَّا س ؤُكُولْوَارْ ن وسْقِيفْ [ن ڒبْنِي] ن ثوَّارْثْ ؤُشَا أَذْ إِبدّْ غَارْ طَّارْفْ [ن ڒبْنِي] ن ثوَّارْثْ. إِكهَّاننْ أَذْ سّْوجْذنْ ثِيغَارْصَا نّسْ ن وشْمَاضْ ذ ثْغَارْصَا نّسْ ن ثْمسِّي ؤُ نتَّا أَذْ إِسْجذْ خْ ثْنبْذَاثْ ن ثوَّارْثْ ؤُشَا أَذْ [زَّايسْ] إِفّغْ [عَاوذْ]. وَارْ تّْبلِّيعنْ ثَاوَّارْثْ أَڒْ ثَامذِّيثْ.
EZE 46:3 ڒْڭنْسْ ن ثمُّورْثْ أَذْ إِسْجذْ زَّاثْ إِ وَاذَافْ [ن ڒبْنِي] ن ثوَّارْثْ خْ وُوسَّانْ ن سّبْثْ ؤُ خْ وُوسَّانْ ن ؤُيُورْ ن جْذِيذْ زَّاثْ إِ وُوذمْ ن سِيذِي.
EZE 46:4 ثَاغَارْصْثْ ن وشْمَاضْ نِّي إِ غَا د-إِسّْقَارّبْ ڒْحَاكمْ إِ سِيذِي ذڭْ وَاسّْ ن سّبْثْ، أَذْ ثِيڒِي ستَّا ن إِزْمَارنْ إِشْنَانْ ذ إِجّْ ن إِشَارِّي إِشْنَا.
EZE 46:5 ثَاوْهِيبْثْ [ن ڒْغِيدْجثْ] [أَذْ ثِيڒِي] إِجّْ ن إِفَا إِ يِيجّْ ن إِشَارِّي، ؤُ إِ إِزْمَارنْ [أَذْ ثِيڒِي] ثوْهِيبْثْ [ن رْغِيدْجثْ] مِينْ إِزمَّارْ ؤُفُوسْ نّسْ أَذْ ث يَاوِي ؤُشَا [خنِّي أَرْنِي] إِجّْ ن ؤُهِينُو ن زّشْثْ إِ كُوڒْ إِفَا.
EZE 46:6 ذڭْ وَاسّْ ن ؤُيُورْ ن جْذِيذْ: إِجّْ ن ؤُفُونَاسْ إِشْنَانْ أَطَّاسْ، أَمژْيَانْ ن ثْفُونَاسْثْ، ؤُ ستَّا ن إِزْمَارنْ ذ إِجّْ ن إِشَارِّي. إِتّْخصَّا أَذْ إِڒِينْ شْنَانْ أَطَّاسْ.
EZE 46:7 أَذْ إِسّوْجذْ إِجّْ ن إِفَا إِ كُوڒْ أَفُونَاسْ أَمژْيَانْ ؤُ إِجّْ ن إِفَا إِ كُوڒْ إِشَارِّي ذ ثَاوْهِيبْثْ [ن ڒْغِيدْجثْ] ؤُ إِ إِزْمَارنْ أَنشْثْ إِزمَّارْ ؤُفُوسْ نّسْ أَذْ ث يَاوِي، ؤُ [زِي] زّشْثْ إِتّْخصَّا أَذْ إِسّوْجذْ إِجّْ ن ؤُهِينُو إِ كُوڒْ إِفَا.‘ “
EZE 46:8 ”خْمِي غَا يَاذفْ ڒْحَاكمْ، أَذْ يَاذفْ زڭْ ؤُكُولْوَارْ ن وسْقِيفْ [ن ڒبْنِي] ن ثوَّارْثْ ؤُشَا أَذْ إِفّغْ زڭْ ؤُكُولْوَارْ نّسْ [عَاوذْ].
EZE 46:9 خْمِي د غَا يَاسْ ڒْڭنْسْ ن ثمُّورْثْ زَّاثْ إِ وُوذمْ ن سِيذِي ذڭْ وُوسَّانْ إِتّْوَاڭّنْ ن ڒعْيُوذَاثْ، إِتّْخصَّا وِي غَا يَاذْفنْ زڭْ ؤُكُولْوَارْ [ن ڒبْنِي] ن ثوَّارْثْ ن شَّامَالْ مَاحنْذْ أَذْ [أَسْ] إِبنْذقْ، أَذْ إِفّغْ س ؤُكُولْوَارْ [ن ڒبْنِي] ن ثوَّارْثْ ن لْجَانُوبْ، ؤُ وِي غَا يَاذْفنْ س ؤُكُولْوَارْ [ن ڒبْنِي] ن ثوَّارْثْ ن لْجَانُوبْ، أَذْ إِفّغْ س ؤُكُولْوَارْ [ن ڒبْنِي] ن ثوَّارْثْ ن شَّامَالْ. وَارْ إِذِّيكّْوِيڒْ زِي ڒبْنِي ن ثوَّارْثْ مَانِي د-يُوذفْ، مَاشَا أَذْ د-إِفّغْ زِي ثنِّي يدْجَانْ أَرنْذَاذْ نّسْ.
EZE 46:10 ڒْحَاكمْ أَذْ يَاذفْ ذِي ڒْوسْثْ نْسنْ. خْمِي غَا يَاذْفنْ ؤُ خْمِي د غَا فّْغنْ، أَذْ د-فّْغنْ [جْمِيعْ].“
EZE 46:11 ”ذِي ڒعْيُوذَاثْ ؤُ ذڭْ وُوسَّانْ إِتّْوَاڭّنْ ن ڒْعِيذْ أَذْ ثِيڒِي ثوْهِيبْثْ [ن ڒْغِيدْجثْ] ذ إِجّْ ن إِفَا إِ كُوڒْ أَفُونَاسْ أَمژْيَانْ ؤُ إِجّْ ن إِفَا إِ كُوڒْ إِشَارِّي ؤُ إِ إِزْمَارنْ أَنشْثْ إِزمَّارْ ؤُفُوسْ نّسْ أَذْ ث يَاوِي، ؤُشَا [خنِّي أَرْنِي] إِجّْ ن ؤُهِينُو ن زّشْثْ إِ كُوڒْ إِفَا.“
EZE 46:12 ”خْمِي غَا إِسّوْجذْ ڒْحَاكمْ إِشْثْ ن ثوْهِيبْثْ ن ڒْخَاضَارْ، إِشْثْ ن ثْغَارْصْثْ ن وشْمَاضْ نِيغْ ثِيوْهِيبِينْ ن ڒهْنَا أَمْ ثوْهِيبْثْ نْ ڒْخَاضَارْ إِ سِيذِي، [خنِّي] أَذْ أَسْ أَرْزْمنْ ثَاوَّارْثْ نِّي إِخزَّارنْ غَارْ شَّارْقْ. نتَّا أَذْ إِسّوْجذْ ثَاغَارْصْثْ نّسْ ن وشْمَاضْ ذ ثوْهِيبِينْ نّسْ ن ڒهْنَا، أَمْ مَامّشْ ثنْثْ إِسّوْجذْ ذڭْ وَاسّْ ن سّبْثْ، ؤُ خْمِي غَا إِفّغْ أَذْ بلّْعنْ ثَاوَّارْثْ أَوَارْنِي ڒَامِي إِفّغْ نتَّا.“
EZE 46:13 ”كُوڒْ صّْبحْ أَذْ ثسّْوجْذذْ إِجّْ ن إِزْمَارْ ن إِجّْ ن ؤُسڭّْوَاسْ إِشْنَانْ قَاعْ أَمْ ثوْهِيبْثْ ن وشْمَاضْ إِ سِيذِي.
EZE 46:14 إِتّْخصَّا أَذْ كِيذسْ ثسّْوجْذذْ ذِي كُوڒْ صّْبحْ إِشْثْ ن ثْسِيتُّوثْ ن إِجّْ ن إِفَا ذ إِشْثْ ن تُّوڒُوثْ ن إِجّْ ن ؤُهِينُو ن زّشْثْ مَاحنْذْ أَذْ زَّايسْ ثسُّوفّذْ أَرنْ أَزْذَاذْ أَمْ ثوْهِيبْثْ [ن ڒْغِيدْجثْ] إِ سِيذِي. [أَقَا] ذ ثِيوصَّا إِتّْذُومَانْ، إِ ڒبْذَا.
EZE 46:15 نِيثْنِي أَذْ سّْوجْذنْ إِزْمَارْ ذ ثوْهِيبْثْ [ن ڒْغِيدْجثْ] ذ زّشْثْ ذِي كُوڒْ ثِيوشَّا أَمْ ثْغَارْصْثْ ن ثْمسِّي ن ڒبْذَا.“
EZE 46:16 ”أَمُّو إِ إِقَّارْ سِيذِي إِنُو، سِيذِي: ’خْمِي غَا إِوْشْ ڒْحَاكمْ إِشْثْ ن ثَارْزفْثْ إِ يِيجّْ زڭْ إِحنْجِيرنْ نّسْ، [خنِّي] مَانْ أَيَا أَذْ ثِيڒِي ذ ڒْوَارْثْ نّسْ. أَذْ ثِيڒِي إِ إِحنْجِيرنْ نّسْ، أَقَا-ث ذ أَڭْڒَا نّسْ ذِي ڒْوَارْثْ.
EZE 46:17 [مَاشَا] مَاڒَا إِوْشَا زِي ڒْوَارْثْ نّسْ إِشْثْ ن ثَارْزفْثْ إِ يِيجّنْ زڭْ إِمْسخَّارنْ نّسْ، [خنِّي] أَذْ ثِيڒِي نّسْ أَڒْ أَسڭّْوَاسْ ن ثْڒلِّي. [خنِّي] أَذْ د-ثذْوڒْ [ثسْغَارْثْ] غَارْ ڒْحَاكمْ، مِينْزِي أَقَا-ت ذ ڒْوَارْثْ نّسْ، أَذْ ثِيڒِي إِ إِحنْجِيرنْ نّسْ.
EZE 46:18 وَارْ إِعدّڒْ إِ ڒْحَاكمْ أَذْ إِكّسْ شَا زِي ثسْغَارْثْ ن ڒْڭنْسْ أَڒَامِي غَا إِكشّضْ أَڭْڒَا نْسنْ. نتَّا أَذْ إِسّْوَارْثْ ثَاسْغَارْثْ إِ إِحنْجِيرنْ نّسْ زڭْ وَاڭْڒَا نّسْ، حِيمَا وَارْ إِتّْوَازُوزَّارْ ڒْڭنْسْ إِنُو، [ؤُمِي] إِ غَا إِتّْوَاقْڒعْ كُوڒْ  إِجّْ زڭْ وَاڭْڒَا نّسْ.‘ “
EZE 46:19 [خنِّي] إِنْذهْ أَيِي أَمْ د-إِكَّا خْ ثبْرِيذْثْ نِّي غَارْ ؤُغزْذِيسْ [ن ڒبْنِي] ن ثوَّارْثْ أَڒْ إِخَّامنْ إِقدّْسنْ ن إِكهَّاننْ نِّي ثُوغَا إِوَاڒَانْ شَّامَالْ. ؤُ خْزَارْ، أَقَا ذِينْ إِجّْ ن ومْشَانْ غَارْ ضفَّارْ ن ثْنَاينْ ن إِغزْذِيسنْ [نّسْ]، غَارْ ڒْغَارْبْ.
EZE 46:20 نتَّا إِنَّا أَيِي: ”وَا ذ أَمْشَانْ مَانِي غَا سّنْونْ إِكهَّاننْ ثَاغَارْصْثْ ن [ثِيكّسْثْ ن] ؤُمَارْوَاسْ ذ ثْغَارْصْثْ ن دّنْبْ ؤُ مَانِي غَا سّنْڭّْونْ ثَاوْهِيبْثْ [ن ڒْغِيدْجثْ]، حِيمَا وَارْ ت سُّوفّْغنْ شَا بَارَّا غَارْ ڒمْرَاحْ ن بَارَّا، أَڒَامِي إِ غَا سّْقدّْسنْ ڒْڭنْسْ [أَمُّو].“
EZE 46:21 [خنِّي] إِسُّوفّغْ أَيِي بَارَّا غَارْ ڒمْرَاحْ ن بَارَّا ؤُشَا إِنْذهْ أَيِي غَارْ أَربْعَا ن ثْغمُّورَا ن ڒمْرَاحْ. ؤُ خْزَارْ، ذِي كُوڒْ ثَاغْمَارْثْ ن ڒمْرَاحْ أَقَا ذِينْ إِجّْ ن ڒمْرَاحْ [نّغْنِي]، إِجّْ ن [ومْشَانْ إِفَارْزنْ ذِي] ڒمْرَاحْ ذِي [كُوڒْ] ثَاغْمَارْثْ نْ ڒمْرَاحْ.
EZE 46:22 ذِي أَربْعَا ن ثْغمُّورَا ن ڒمْرَاحْ ن زَّاثْ [ثُوغَا ذِينْ إِخَّامنْ أَمْ] ڒمْرَاحَاثْ إِسقّْفنْ س إِشْثْ ن ثُوزّڭَّارْثْ ن أَربْعِينْ [ن إِغَادْجنْ] ذ إِشْثْ ن ثِيرُو ن ثْڒَاثِينْ [ن إِغَادْجنْ]. [إِخَّامنْ ذڭْ] أَربْعَا ن ثْغمُّورَا غَارْسنْ ڒعْبَارْ ذ إِجّْ.
EZE 46:23 ذڭْ ونّضْ ن أَربْعَا [ن إِخَامّنْ] نِّي ثُوغَا ذِينْ إِشْثْ ن ثْسذِّييْثْ إِ ذ أَسنْ-د إِنّْضنْ. أَقَا ڭِّينْ ڒْمجْمَارَاثْ سَاذُو إِ ثْسدّْيِينْ إِ ذ أَسْ د-إِنّْضنْ.
EZE 46:24 نتَّا إِنَّا أَيِي: ”ثِينَا ذ كُوزِينَاثْ مَانِي غَا سّنْڭّْونْ إِمْسخَّارنْ ن ثَادَّارْثْ ثَاغَارْصْثْ نْ ڒْڭنْسْ.“ *
EZE 47:1 [أَوَارْنِي أَيَا] يِيوِي أَيِي عَاوذْ غَارْ وَاذَافْ ن ثَادَّارْثْ، ؤُ خْزَارْ، زِي سَاذُو ثَانبْذَاثْ ن ثَادَّارْثْ تّفّْغنْ وَامَانْ غَارْ شَّارْقْ، مِينْزِي أَغزْذِيسْ ن زَّاثْ ن ثَادَّارْثْ ثُوغَا-ث غَارْ شَّارْقْ ؤُ ثُوغَا تَّازّْڒنْ هكّْوَانْ أَمَانْ زِي سْوَادَّايْ ن ؤُغزْذِيسْ أَزڒْمَاضْ ن ثَادَّارْثْ، غَارْ [ؤُغزْذِيسْ ن] لْجَانُوبْ ن ؤُعَالْطَارْ.
EZE 47:2 إِسُّوفّغْ أَيِي-د زڭْ ؤُكُولْوَارْ [ن ڒبْنِي] ن ثوَّارْثْ ن شَّامَالْ ؤُشَا إِنْذهْ أَيِي غَارْ ثبْرِيذْثْ نِّي غَارْ بَارَّا، جِّيهثْ ن ثوَّارْثْ ن بَارَّا، [غَارْ] ؤُكُولْوَارْ نِّي إِخزَّارنْ غَارْ شَّارْقْ، ؤُ خْزَارْ، أَمَانْ تَّازّْڒنْ زِي ثغْمَارْثْ ن زَّاثْ أَفُوسِي.
EZE 47:3 [ؤُمِي] د-إِفّغْ ورْيَازْ غَارْ شَّارْقْ، ثُوغَا غَارسْ أَفِيڒُو ن ڒعْبَارْ ذڭْ ؤُفُوسْ نّسْ ؤُشَا إِعْبَارْ أَڒفْ ن إِغَادْجنْ. إِسّژْوَا أَيِي خْ وَامَانْ ؤُشَا أَمَانْ [إِوْضنْ] أَڒْ ثِيشعْبِينْ.
EZE 47:4 إِعْبَارْ [عَاوذْ] أَڒفْ [ن إِغَادْجنْ] ؤُشَا إِسّژْوَا أَيِي خْ وَامَانْ ؤُشَا أَمَانْ إِوْضنْ أَڒْ  إِفَادّنْ. [عَاوذْ] إِعْبَارْ أَڒفْ [ن إِغَادْجنْ] ؤُشَا إِسّژْوَا أَيِي عَاذْ كْثَارْ ؤُشَا أَمَانْ إِوْضنْ أَڒْ ثِيجْعِينَّاثِينْ.
EZE 47:5 إِعْبَارْ [ثْوَاڒَاثْ نّغْنِي] أَڒفْ [ن إِغَادْجنْ] ؤُشَا [أَمَانْ] ذوْڒنْ ذ إِجّْ ن إِغْزَارْ وَارْ زْمِيرغْ أَذْ ث ژْوِيغْ [خْ إِضَارنْ]، مَاغَارْ أَمَانْ ڭعّْذنْ أَڒَامِي ثُوغَا إِتّْخصَّا أَذْ إِعُومّْ بْنَاذمْ، أَقَا-ث ذ إِجّْ ن إِغْزَارْ إِ وَارْ إِزمَّارْ حذْ أَذْ ث إِژْوَا [خْ إِضَارنْ].
EZE 47:6 نتَّا إِنَّا أَيِي: ”مَا ثژْرِيذْ ت، [أَ] مِّيسْ ن بْنَاذمْ؟“ [خنِّي] إِنْذهْ أَيِي أَمْ ڭُّورغْ نّشْ ؤُشَا يَارَّا أَيِي غَارْ ثْمَا ن إِغْزَارْ.
EZE 47:7 [ؤُمِي] د-ذوْڒغْ نشّْ، خْزَارْ، [بدّنْثْ ذِينْ] أَطَّاسْ ن ثْشجُّورَا خْ ثْمَا ن إِغْزَارْ، أَمْ غَارْ ثْمَا-يَا أَمْ غَارْ ثْمَا نِّي.
EZE 47:8 [خنِّي] إِنَّا أَيِي: ”أَمَانْ-أَ تَّازّْڒنْ غَارْ جِّيهثْ ن شَّارْقْ ؤُشَا هكّْوَانْ غَارْ ڒوْضَا ؤُشَا تَّاكّْوَاضنْ غَارْ ڒبْحَارْ [إِمُّوثنْ]. [خنِّي] تَّازّْڒنْ ذِي ڒبْحَارْ ؤُشَا أَذْ تّْوَاسّْڭّنْفَانْ أَمَانْ [عَاوذْ].
EZE 47:9 أَذْ إِمْسَارْ، بلِّي كُوڒْ ڒعْمَارْ إِ ذِينْ إِتّنْهزَّانْ أَذْ إِدَّارْ، مَانِي مَا إِ د غَا [يْ]أَوْضنْ ثْنَاينْ ن إِغزْرَانْ. أَذْ [ذِينْ] إِڒِينْ إِسڒْمَانْ أَطَّاسْ، مِينْزِي أَمَانْ-أَ تَّازّْڒنْ ذِينِّي ؤُشَا أَذْ تّْوَاسّْڭنْفَانْ [وَامَانْ ن ڒبْحَارْ]. مَانِي مَا إِ د غَا يَاسْ يغْزَارْ-أَ، أَذْ ذِينْ ثِيڒِي ثُوذَارْثْ.
EZE 47:10 أَذْ إِمْسَارْ بلِّي أَذْ إِڒِينْ إِيمَّارنْ ن إِسڒْمَانْ زِي عَايْنْ-جَاذْيِي أَڒْ عَايْنْ-عِيڭْلَايِيمْ. أَذْ ذِينْ إِڒِينْ إِمُوشَانْ إِ ؤُجفَّافْ ن ثْرَاشَّاوِينْ. أَسْڒمْ نْسنْ أَذْ يِيڒِي عْلَاحْسَابْ مَارْكَا نّسْ، أَمْ وسْڒمْ ن ڒبْحَارْ أَمقّْرَانْ، أَطَّاسْ س وَاطَّاسْ،
EZE 47:11 [مَاشَا] ثِينْذَاثْ نّسْ ذ إِيڒْمَامنْ نّسْ وَارْ تّْوَاڭّنْفَانْ، أَذْ قِّيمنْ مدْجْحنْ.
EZE 47:12 غَارْ يغْزَارْ، خْ ثْمَا نّسْ، خْ ثْمَا-يَا ؤُ خْ ثْمَا نِّي، أَذْ إِڒِينْ عْڒَامْ كُوڒْ ثِيشجُّورَا، مَاحنْذْ أَذْ زَّايْسنْثْ شّنْ، ثِينِّي ؤُمِي ثَافَارْثْ نْسنْثْ وَارْ ثتِّيسْڒَاوْ ؤُ ڒْغِيدْجثْ نْسنْثْ وَارْ ث قطِّي شَا. كُوڒْ أَيُورْ أَذْ وْشنْثْ ڒْغِيدْجثْ ذ طّْرِي، مَاغَارْ أَمَانْ ن [يغْزَارْ] فّْغنْ-د زِي زَّاوشْثْ إِقدّْسنْ. ڒْغِيدْجثْ نْسنْثْ أَذْ ثِيڒِي إِ مَاشَّا ذ ثَافَارْثْ نْسنْثْ إِ ؤُڭنْفُو.“
EZE 47:13 ”أَمُّو إِ إِقَّارْ سِيذِي إِنُو، سِيذِي: ’وَا [أَذْ يِيڒِي] ذ أَيْمِيرْ إِ خْ إِ غَا ثوْشِيمْ ثَامُّورْثْ ذ ڒْوَارْثْ إِ ثنْعَاشْ ن ثْقبَّاڒْ ن إِسْرَائِيل. يُوسُوفْ أَذْ إِكْسِي ثْنَاينْ ن ثْسقَّارْ.
EZE 47:14 كنِّيوْ أَذْ ت ثْوَارْثمْ، إِجّْ أَمْ ونّغْنِي، إِ ؤُيَا سّْڭعّْذغْ أَفُوسْ إِنُو [ؤُشَا جُّودْجغْ] أَذْ ت وْشغْ إِ ڒجْذُوذْ نْومْ. ثَامُّورْثْ-أَ أَذْ ثِيڒِي ذ ثَاسْغَارْثْ نْومْ.
EZE 47:15 وَا [أَذْ يِيڒِي] ذ أَيْمِيرْ ن ثمُّورْثْ: غَارْ ؤُغزْذِيسْ ن شَّامَالْ، زِي ڒبْحَارْ أَمقّْرَانْ خْ وبْرِيذْ غَارْ حِيثْلُونْ أَڒْ د-ثُوسِيذْ غَارْ صَاذَاذْ،
EZE 47:16 [خنِّي غَارْ] حَامَاثْ، بَايْرُوثَا، سِيبْرَايِيمْ نِّي يدْجَا جَارْ ويْمِيرْ [ن ثمُّورْثْ ن] ذِيمَاشْقْ ذ ويْمِيرْ [ن ثمُّورْثْ ن] حَامَاثْ، [خنِّي غَارْ] حَاصْرْ-هَاثِيخُونْ نِّي يدْجَا غَارْ ويْمِيرْ ن حَاوْرَانْ.
EZE 47:17 زِي ڒبْحَارْ أَذْ د-إِفّغْ ويْمِيرْ غَارْ حَاسْرْ-عَايْنُونْ، [خْ ؤُغزْذِيسْ ن] ويْمِيرْ ن ذِيمَاشْقْ ؤُشَا [خنِّي] غَارْ شَّامَالْ، غَارْ شَّامَالْ ؤُ [خْ ؤُغزْذِيسْ ن] ويْمِيرْ ن حَامَاثْ. وَا أَذْ يِيڒِي ذ أَغزْذِيسْ ن شَّامَالْ.
EZE 47:18 أَغزْذِيسْ ن شَّارْقْ [إِتّكّْ] زِي جَارْ حَاوْرَانْ ذ ذِيمَاشْقْ ؤُ زِي جَارْ جِيلْعَاذْ ذ ثمُّورْثْ ن إِسْرَائِيل [خْ] لْ-ؤُرْذُونْ. كنِّيوْ أَذْ ث ثْعبَّارمْ زڭْ ويْمِيرْ أَڒْ ڒبْحَارْ ن شَّارْقْ. وَا [أَذْ يِيڒِي] ذ أَغزْذِيسْ ن شَّارْقْ.
EZE 47:19 أَغزْذِيسْ ن لْجَانُوبْ، أَقَا-ث غَارْ لْجَانُوبْ زِي ثَامَارْ أَڒْ أَمَانْ ن مَارِيبُوثْ-قَاذَاشْ [ؤُشَا إِتّكّْ خْ] ثغْزُورْثْ ن ثغْزَارْثْ [ن مِيصْرَا] أَڒْ ڒبْحَارْ أَمقّْرَانْ. وَا أَذْ يِيڒِي ذ أَغزْذِيسْ ن لْجَانُوبْ غَارْ لْجَانُوبْ.
EZE 47:20 أَغزْذِيسْ ن ڒْغَارْبْ ذ ڒبْحَارْ أَمقّْرَانْ، زڭْ ويْمِيرْ [نِّي إِدْجَانْ غَارْ لْجَانُوبْ] أَڒْ أَرنْذَاذْ ن وبْرِيذْ غَارْ حَامَاثْ، وَا أَذْ يِيڒِي ذ أَغزْذِيسْ ن لْغَارْبْ.‘ “
EZE 47:21 ”أَذْ ثبْضَامْ ثَامُّورْثْ-أَ جَارْ أَومْ عْلَاحْسَابْ ثِيقبَّاڒْ ن إِسْرَائِيل.
EZE 47:22 كنِّيوْ أَذْ ت جّنْ ذ ڒْوَارْثْ إِ كنِّيوْ ؤُ إِ إِبَارَّانِييّنْ ذِي ڒْوسْطْ نْومْ، إِنِّي ؤُرْونْ إِحنْجِيرنْ ذِي ڒْوسْطْ نْومْ. نِيثْنِي أَذْ أَومْ إِڒِينْ أَمْ يِينِّي د-إِتّْوَاخڒْقنْ ذِي ثمُّورْثْ جَارْ أَيْثْ ن إِسْرَائِيل. أَذْ أَسنْ ثِيڒِي ثَاسْغَارْثْ أَكِيذْومْ ذِي ڒْوسْطْ ن ثْقبَّاڒْ ن إِسْرَائِيل.
EZE 47:23 غَارْ ثقْبِيتْشْ إِ غَارْ غَا إِزْذغْ أَمْ ؤُبَارَّانِي، ذِينْ أَذْ أَسْ ثوْشمْ ثَاسْغَارْثْ نّسْ! [أَمُّو إِ] غَا ثِيڒِي، إِقَّارْ سِيذِي إِنُو، سِيذِي.‘ “
EZE 48:1 ”إِنَا ذ إِسْمَاونْ ن ثْقبَّاڒْ. زِي طَّارْفْ ن شَّامَالْ قَاعْ، خْ وبْرِيذْ ن حِيثْلُونْ أَڒَامِي غَا ثَاوْضذْ غَارْ حَامَاثْ، حَاصَارْ-عِينَانْ، ثَامُّورْثْ ن ويْمِيرْ ن ذِيمَاشْقْ، خْ ؤُغزْذِيسْ ن شَّامَالْ نْ حَامَاثْ ؤُمِي خَاسْ ثتّكّذْ: أَذْ أَسْ يِيڒِي أَمْ ؤُغزْذِيسْ ن شَّارْقْ أَمْ ؤُغزْذِيسْ ن ڒبْحَارْ، إِشْثْ [ن ثسْغَارْثْ إِ] دَان.
EZE 48:2 خْ ويْمِيرْ ن ذَانْ، زڭْ ؤُغزْذِيسْ ن شَّارْقْ أَڒْ ڒبْحَارْ: إِشْثْ [ن ثسْغَارْثْ إِ] أَشِيرْ.
EZE 48:3 خْ ويْمِيرْ ن أَشِيرْ، زڭْ ؤُغزْذِيسْ ن شَّارْقْ أَڒْ ڒبْحَارْ: إِشْثْ [ن ثسْغَارْثْ إِ] نَافْثَالِي.
EZE 48:4 خْ ويْمِيرْ ن نَافْثَالِي، زڭْ ؤُغزْذِيسْ ن شَّارْقْ أَڒْ ڒبْحَارْ: إِشْثْ [ن ثسْغَارْثْ إِ] مَانَاسَّا.
EZE 48:5 خْ ويْمِيرْ ن مَانَاسَّا، زڭْ ؤُغزْذِيسْ ن شَّارْقْ أَڒْ ڒبْحَارْ: إِشْثْ [ن ثسْغَارْثْ إِ] إِفْرَايِيمْ.
EZE 48:6 خْ ويْمِيرْ ن إِفْرَايِيمْ، زڭْ ؤُغزْذِيسْ ن شَّارْقْ أَڒْ ڒبْحَارْ: إِشْثْ [ن ثسْغَارْثْ إِ] رُوبِينْ.
EZE 48:7 خْ ويْمِيرْ ن رُوبِينْ، زڭْ ؤُغزْذِيسْ ن شَّارْقْ أَڒْ ڒبْحَارْ: إِشْثْ [ن ثسْغَارْثْ إِ] يَاهُوذَا.
EZE 48:8 خْ ويْمِيرْ ن يَاهُوذَا، زڭْ ؤُغزْذِيسْ ن شَّارْقْ أَڒْ ثْمَا ن ڒبْحَارْ، [أَذْ ثِيڒِي] ثوْهِيبْثْ ن ؤُسْڭعّذْ، ثنِّي إِ غَا ثْوهّْبمْ، س إِشْثْ ن ثِيرُو ن خمْسَا ؤُ-عِيشْرِينْ-أَڒفْ [ن إِغُونَامْ ن ڒعْبَارْ] ؤُ س إِشْثْ ن ثُوزّڭَّارْثْ أَمْ [ثُوزّڭَّارْثْ ن] إِشْثنْ زِي ثْسقَّارْ [إِنّغْنِي] زڭْ ؤُغزْذِيسْ ن شَّارْقْ أَڒْ ثْمَا ن ڒبْحَارْ. زَّاوشْثْ إِقدّْسنْ أَذْ ثِيڒِي ذِي ڒْوسْثْ نّسْ.
EZE 48:9 ثَاوْهِيبْثْ ن ؤُسْڭعّذْ إِ سِيذِي نِّي إِ غَا ثسّْڭعّْذمْ، [أَذْ ثِيڒِي] س إِشْثْ ن ثُوزّڭَّارْثْ ن خمْسَا ؤُ-عِيشْرِينْ-أَڒفْ [ن إِغُونَامْ ن ڒعْبَارْ] ؤُ س إِشْثْ ن ثِيرُو نعشْرَا-أَڒَافْ [ن إِغُونَامْ ن ڒعْبَارْ].
EZE 48:10 ثَاوْهِيبْثْ إِقدّْسنْ ن ؤُسْڭعّذْ أَذْ ثِيڒِي إِ إِنَا: إِ إِكهَّاننْ: غَارْ شَّامَالْ خمْسَا ؤُ-عِيشْرِينْ-أَڒفْ [ن إِغُونَامْ ن ڒعْبَارْ]، ؤُ غَارْ ڒْغَارْبْ ثِيرُو [نّسْ]عشْرَا-أَڒَافْ [ن إِغُونَامْ ن ڒعْبَارْ]، ؤُ غَارْ شَّارْقْ ثِيرُو [نّسْ]عشْرَا-أَڒَافْ [ن إِغُونَامْ ن ڒعْبَارْ]، ؤُ غَارْ لْجَانُوبْ ثُوزّڭَّارْثْ [نّسْ] خمْسَا ؤُ-عِيشْرِينْ-أَڒفْ [ن إِغُونَامْ ن ڒعْبَارْ]. زَّاوشْثْ إِقدّْسنْ ن سِيذِي أَذْ ثِيڒِي ذِي ڒْوسْثْ نّسْ.
EZE 48:11 [أَذْ ثِيڒِي] ثمُّورْثْ-أَ إِقدّْسنْ إِ إِكهَّاننْ زڭْ أَيْثْ ن صَاذُوقْ، إِنِّي إِحْضَانْ أَحطُّو إِنُو، إِنِّي وَارْ د-إِفّْغنْ شَا زڭْ وبْرِيذْ زِي سِّيبّثْ ن ؤُودَّارْ ن أَيْثْ ن إِسْرَائِيل، أَمْ فّْغنْ ؤُڒَا ذ أَيْثْ ن لَاوِي.
EZE 48:12 أَذْ ثِيڒِي ذ إِشْثْ ن ثوْهِيبْثْ ن ؤُسْڭعّذْ إِ نِيثْنِي زِي ثوْهِيبْثْ ن ثمُّورْثْ، أَذْ ثِيڒِي ثْقدّسْ قَاعْ، [أَذْ ثِيڒِي] خْ ويْمِيرْ ن إِلَاوِييّنْ.
EZE 48:13 غَارْ ويْمِيرْ أَكْ-ذ إِكهَّاننْ [أَذْ غَارْسنْ ثِيڒِي] إِ إِلَاوِييّنْ [إِشْثْ ن ثمُّورْثْ] س إِشْثْ ن ثُوزّڭَّارْثْ ن خمْسَا ؤُ-عِيشْرِينْ أَڒفْ [ن إِغُونَامْ ن ڒعْبَارْ]، س إِشْثْ ن ثِيرُو نعشْرَا-أَڒَافْ [ن إِغُونَامْ ن ڒعْبَارْ]. مَارَّا ثُوزّڭَّارْثْ [أَذْ ثِيڒِي] خمْسَا ؤُ-عِيشْرِينْ-أَڒفْ [ن إِغُونَامْ ن ڒعْبَارْ]، ؤُ ثِيرُو نّسْ [أَذْ ثِيڒِي عَاوذْ]عشْرَا-أَڒَافْ [ن إِغُونَامْ ن ڒعْبَارْ].
EZE 48:14 وَارْ إِعدّڒْ أَذْ زّنْزنْ ؤُڒَا ذ شَا زَّايسْ، وَارْ إِعدّڒْ أَذْ [ت] بدّْڒنْ نِيغْ أَذْ [ت] سّعْذُونْ، [أَقَا-ت] ذ ڒمْخيّرْ ن ثمُّورْثْ، مِينْزِي أَقَا-ت ذ ثَامْقدَّاسْثْ قَاعْ.
EZE 48:15 خمْسَا-أَڒَافْ [ن إِغُونَامْ ن ڒعْبَارْ] نِّي إِ غَا إِقِّيمنْ غَارْ ثِيرُو، غَارْ زَّاثْ ن خمْسَا ؤُ-عِيشْرِينْ-أَڒفْ [ن إِغُونَامْ ن ڒعْبَارْ]، أَذْ إِڒِينْ إِ ثُوذَارْثْ ن كُوڒْ أَسّْ ذِي ثنْذِينْثْ، إِ ثْزذِّيغْثْ ؤُ إِ دّْمَانِي ن ثَاروْسَا. أَذْ ثِيڒِي ثنْذِينْثْ ذِي ڒْوسْطْ نّسْ.
EZE 48:16 إِنَا أَذْ إِڒِينْ ذ ڒعْبُورَاثْ نّسْ: غَارْ ؤُغزْذِيسْ ن شَّامَالْ خمْسَا ؤُ-ربْعِينْ-مْيَا [ن إِغُونَامْ ن ڒعْبَارْ]، غَارْ ؤُغزْذِيسْ ن لْجَانُوبْ خمْسَا ؤُ-ربْعِينْ-مْيَا [ن إِغُونَامْ ن ڒعْبَارْ]، غَارْ ؤُغزْذِيسْ ن شَّارْقْ خمْسَا ؤُ-ربْعِينْ-مْيَا [ن إِغُونَامْ ن ڒعْبَارْ]، غَارْ ؤُغزْذِيسْ ن ڒبْحَارْ خمْسَا ؤُ-ربْعِينْ-مْيَا [ن إِغُونَامْ ن ڒعْبَارْ].
EZE 48:17 دّْمَانِي ن ثَاروْسَا ن ثنْذِينْثْ: غَارْ شَّامَالْ أَذْ إِڒِينْثْ مِيثَاينْ ؤُ-خمْسِينْ [نْ  إِغُونَامْ ن ڒعْبَارْ]، غَارْ لْجَانُوبْ مِيثَاينْ ؤُ-خمْسِينْ [نْ  إِغُونَامْ ن ڒعْبَارْ]، غَارْ شَّارْقْ مِيثَاينْ ؤُ-خمْسِينْ [نْ  إِغُونَامْ ن ڒعْبَارْ]، غَارْ ڒْغَارْبْ مِيثَاينْ ؤُ-خمْسِينْ [نْ  إِغُونَامْ ن ڒعْبَارْ].
EZE 48:18 مِينْ إِقِّيمنْ زِي ثُوزّڭَّارْثْ غَارْ زَّاثْ ن ثوْهِيبْثْ إِقدّْسنْ ن ؤُسْڭعّذْ،عشْرَا-أَڒَافْ [ن إِغُونَامْ ن ڒعْبَارْ] غَارْ شَّارْقْ ذعشْرَا-أَڒَافْ [نْ  إِغُونَامْ ن ڒعْبَارْ] غَارْ ؤُغزْذِيسْ نْ ڒْغَارْبْ، أَذْ يِيڒِي زَّاثْ [ن ثمُّورْثْ] ن ثوْهِيبْثْ إِقدّْسنْ ن ؤُسْڭعّذْ. صَّابثْ نّسْ أَذْ ثِيڒِي ذ مَاشَّا إِ إِمْسخَّارنْ ن ثنْذِينْثْ.
EZE 48:19 إِمْسخَّارنْ ن ثنْذِينْثْ، أَقَا أَذْ ت سخَّارنْ زِي مَارَّا ثِيقبَّاڒْ ن إِسْرَائِيل.
EZE 48:20 مَارَّا ثَاوْهِيبْثْ ن ؤُسْڭعّذْ [أَذْ ثِيڒِي] خمْسَا ؤُ-عِيشْرِينْ-أَڒفْ خْ خمْسَا ؤُ-عِيشْرِينْ-أَڒفْ [ن إِغُونَامْ ن ڒعْبَارْ]. أَذْ سّْڭعّْذنْ ثَاوْهِيبْثْ ن ؤُسْڭعّذْ ذ إِجّْ ن ؤُكْوَاذْرُونْ أَكْ-ذ ثسْغَارْثْ ن ثنْذِينْثْ [إِ ذَايسْ].
EZE 48:21 مِينْ إِقِّيمنْ أَذْ يِيڒِي إِ ڒْحَاكمْ، غَارْ إِجّْ ن ؤُغزْذِيسْ ؤُ غَارْ ؤُغزْذِيسْ نّغْنِي ن ثوْهِيبْثْ إِقدّْسنْ ن ؤُسْڭعّذْ ؤُ ن ثسْغَارْثْ ن ثنْذِينْثْ. [مِينْ إِدْجَانْ] غَارْ ؤُغزْذِيسْ ن زَّاثْ ن خمْسَا ؤُ-عِيشْرِينْ-أَڒفْ [ن إِغُونَامْ ن ڒعْبَارْ] ن ثوْهِيبْثْ ن ؤُسْڭعّذْ أَڒْ أَيْمِيرْ ن شَّارْقْ، ؤُ غَارْ ؤُغزْذِيسْ ن ڒْغَارْبْ غَارْ زَّاثْ ن خمْسَا ؤُ-عِيشْرِينْ-أَڒفْ [ن إِغُونَامْ ن ڒعْبَارْ] أَڒْ أَيْمِيرْ ن ڒْغَارْبْ غَارْ ڒبْحَارْ، زَّاثْ إِ ثْسقَّارْ نّغْنِي [ن ثمُّورْثْ]، [ذ مَانْ أَيَا أَذْ يِيڒِي] إِ ڒْحَاكمْ. أَذْ ثِيڒِي ذ إِشْثْ ن ثوْهِيبْثْ إِقدّْسنْ [ن ثمُّورْثْ] نِّي إِ غَا سّْڭعّْذنْ، ؤُ زَّاوشْثْ إِقدّْسنْ ن ثَادَّارْثْ أَذْ ثِيڒِي ذِي ڒْوسْثْ نّسْ.
EZE 48:22 زِي [مِينْ إِدْجَانْ ذ] ثَاسْغَارْثْ ن إِلَاوِييّنْ ؤُ [زِي مِينْ إِدْجَانْ ذ] ثَاسْغَارْثْ ن ثنْذِينْثْ نِّي [إِدْجَانْ] ذِي ڒْوسْطْ ن مِينْ غَا يِيڒِي إِ ڒْحَاكمْ، أَذْ يِيڒِي [مَارَّا] مِينْ إِدْجَانْ جَارْ ثمُّورْثْ ن يَاهُوذَا ذ ثمُّورْثْ ن بِينْيَامِينْ، إِ ڒْحَاكمْ.
EZE 48:23 مِينْ إِقِّيمنْ ن ثْقبَّاڒْ زڭْ ؤُغزْذِيسْ ن شَّارْقْ أَڒْ ڒبْحَارْ: إِشْثْ [ن ثسْغَارْثْ] إِ بِينْيَامِينْ.
EZE 48:24 خْ ويْمِيرْ ن بِينْيَامِينْ، زڭْ ؤُغزْذِيسْ ن شَّارْقْ أَڒْ ڒبْحَارْ: إِشْثْ [ن ثسْغَارْثْ إِ] شِيمْعُونْ.
EZE 48:25 خْ ويْمِيرْ ن شِيمْعُونْ، زڭْ ؤُغزْذِيسْ ن شَّارْقْ أَڒْ ڒبْحَارْ: إِشْثْ [ن ثسْغَارْثْ إِ] إِسَّاكَارْ.
EZE 48:26 خْ ويْمِيرْ ن إِسَّاكَارْ، زڭْ ؤُغزْذِيسْ ن شَّارْقْ أَڒْ ڒبْحَارْ: إِشْثْ [ن ثسْغَارْثْ إِ] زابُولُونْ.
EZE 48:27 خْ ويْمِيرْ ن زابُولُونْ، زڭْ ؤُغزْذِيسْ ن شَّارْقْ أَڒْ ڒبْحَارْ: إِشْثْ [ن ثسْغَارْثْ إِ] جَاذْ.
EZE 48:28 خْ ويْمِيرْ ن جَاذْ، غَارْ ؤُغزْذِيسْ ن لْجَانُوبْ ذِي جِّيهثْ ن لْجَانُوبْ، أَذْ يِيڒِي ويْمِيرْ زِي ثَامَارْ أَڒْ أَمَانْ ن مَارِيبَا-قَاذَاشْ، [خنِّي أَذْ يكّْ] خْ ثغْزَارْثْ [ن مِيصْرَا] أَڒْ ڒبْحَارْ أَمقّْرَانْ.
EZE 48:29 ثَا ذ ثمُّورْثْ نِّي إِتّْخصَّا كنِّيوْ أَذْ ت ثبْضَامْ ذ ثَاسْغَارْثْ ن ڒْوَارْثْ إِ ثْقبَّاڒْ ن إِسْرَائِيل ؤُ ثِينَا ذ ثِيسقَّارْ نْسنْ، [أَمُّو إِ] إِقَّارْ سِيذِي إِنُو، سِيذِي.“ *
EZE 48:30 ”ذ يِينَا إِ غَا يِيڒِينْ ذ ؤُفُّوغنْ ن ثنْذِينْثْ: غَارْ شَّامَالْ [أَقَا ذِينْ] خمْسَا ؤُ-ربْعِينْ-مْيَا ن ڒعْبُورَاثْ.
EZE 48:31 ثِيوُّورَا ن ثنْذِينْثْ [أَذْ تّْوَاڒَاغَانْثْ] عْلَاحْسَابْ إِسْمَاونْ ن ثْقبَّاڒْ ن إِسْرَائِيل: ثْڒَاثَا ن ثوُّورَا [أَذْ إِڒِينْثْ] غَارْ شَّامَالْ: إِشْثنْ ن رُوبِينْ، إِشْثنْ ن يَاهُوذَا، إِشْثنْ ن لَاوِي.
EZE 48:32 غَارْ ؤُغزْذِيسْ ن شَّارْقْ [أَقَا ذِينْ] خمْسَا ؤُ-ربْعِينْ-مْيَا ن ڒعْبُورَاثْ، [أَكْ-ذ] ثْڒَاثَا ن ثوُّورَا: إِشْثنْ ن يُوسُوفْ، إِشْثنْ ن بِينْيَامِينْ، إِشْثنْ ن دَان.
EZE 48:33 غَارْ ؤُغزْذِيسْ ن لْجَانُوبْ [أَقَا ذِينْ] خمْسَا ؤُ-ربْعِينْ-مْيَا ن ڒعْبُورَاثْ، [أَكْ-ذ] ثْڒَاثَا ن ثوُّورَا: إِشْثنْ ن شِيمْعُونْ، إِشْثنْ ن إِسَّاكَارْ، إِشْثنْ ن زابُولُونْ.
EZE 48:34 غَارْ ؤُغزْذِيسْ ن ڒْغَارْبْ [أَقَا ذِينْ] خمْسَا ؤُ-ربْعِينْ-مْيَا [ن ڒعْبُورَاثْ]، [أَكْ-ذ] ثْڒَاثَا ن ثوُّورَا نْسنْ: إِشْثنْ ن جَاذْ، إِشْثنْ ن أَشِيرْ، إِشْثنْ ن نَافْثَالِي.
EZE 48:35 [ڒعْبَارْ] ذڭْ ونّضْ [ن ثنْذِينْثْ] [أَقَا-ث] ذِي ثْمنْطَاشْ-أَڒفْ [ن ڒعْبُورَاثْ] ؤُ زڭْ وَاسّْ [نِّي] أَذْ يِيڒِي يِيسمْ ن ثنْذِينْثْ ذ وَا: ’سِيذِي أَقَا-ث ذِينْ!‘ “
DAN 1:1 ذڭْ ؤُسڭّْوَاسْ وِيسّْ ثْڒَاثَا ن ثْڭلْذَا ن ؤُجدْجِيذْ يَاهُويَاقِيمْ، أَجدْجِيذْ ن يَاهُوذَا، يُوسَا-د نابُوخَاذْنَاصَّارْ، أَجدْجِيذْ ن بَابِيلْ، غَارْ ؤُرْشَالِيمْ ؤُشَا إِنّضْ أَسْ-د.
DAN 1:2 سِيذِي إِڭَّا يَاهُويَاقِيمْ، أَجدْجِيذْ ن يَاهُوذَا، ذڭْ ؤُفُوسْ نّسْ، ؤُڒَا ذ إِشْثْ ن ثسْغَارْثْ ن ڒقْشُوعْ ن ثَادَّارْثْ ن أَربِّي. نتَّا يِيوْيِي ثنْ غَارْ ثمُّورْثْ ن شِينْعَارْ، ذِي ثَادَّارْثْ ن أَربِّي نّسْ ؤُشَا يِيوْيِي ثنْ غَارْ وخَّامْ ن ثْخُوبَايْ ن أَربِّي نّسْ.
DAN 1:3 إِنَّا ؤُجدْجِيذْ إِ أَشْفَانَازْ، أَزدْجِيفْ ن إِمْسخَّارنْ نّسْ إِشنّْعنْ، أَقَا وَانِيثَا أَذْ يَاوِي إِحُوذْرِييّنْ زڭْ أَيْثْ ن إِسْرَائِيل، زِي زَّارِيعثْ ن ؤُجدْجِيذْ ؤُ زِي ثَارْوَا ن ثَاصِيڒثْ،
DAN 1:4 [إِحُوذْرِييّنْ] إِنِّي وَارْ ذِي إِدْجِي ؤُڒَا ذ إِجّْ ن ڒْعِيبْ، [إِنِّي] ذ إِصبْحَاننْ، إِتّْوَاسّْڒمْذنْ ذِي مَارَّا ثِيغِيثْ، سّْننْ ثُوسّْنَا، غَارْسنْ ڒعْقڒْ س ڒفْهَامثْ ؤُ غَارْسنْ ثِيزمَّارْ إِ ثْسخَّارْثْ ذِي ڒقْصَارْ ن ؤُجدْجِيذْ، حِيمَا أَذْ أَسنْ سّْڒمْذنْ إِذْلِيسنْ ذ يِيڒسْ ن إِكَالْذَانِييّنْ.
DAN 1:5 أَجدْجِيذْ إِڭَّا أَسنْ إِجّْ ن لْمَاعِيشَا ذِي كُوڒْ أَسّْ زِي مَاشَّا ن ؤُجدْجِيذْ ؤُ زِي بِينُو ن طَّابْڒَا ن ثْسسِّيثْ نّسْ، ؤُ حِيمَا أَذْ ثنْ سّْڒمْذنْ ثْڒَاثَا ن إِسڭّْوُوسَا. غَارْ ؤُنڭَّارْ ن إِسڭّْوُوسَا نِّي أَذْ سخَّارنْ زَّاثْ إِ وُوذمْ ن ؤُجدْجِيذْ.
DAN 1:6 زڭْ أَيْثْ ن يَاهُوذَا ثُوغَا ذِينْ جَارْ أَسنْ ذَانِييَالْ، حَانَانْيَا، مِيشَايِيلْ ذ عَازَارْيَا.
DAN 1:7 أَمقّْرَانْ ن إِمْسخَّارنْ إِشنّْعنْ إِوْشَا أَسنْ إِسْمَاونْ نّغْنِي. ذَانِييَالْ إِڭَّا أَسْ بَالْطَاشَاصَّارْ، حَانَانْيَا شَاذْرَاخْ، مِيشَايِيلْ مِيشَاخْ ؤُ عَازَارْيَا [إِڭَّا أَسْ] عَابْذْ-نَاغُو.
DAN 1:8 ذَانِييَالْ ثُوغَا إِڭَّا ؤُڒْ نّسْ مَاحنْذْ وَارْ إِسّْخمِّيجْ إِخفْ نّسْ س مَاشَّا ذ بِينُو ن طَّابْڒَا ن ؤُجدْجِيذْ ؤُ إِتَّارْ إِ ؤُمقّْرَانْ ن إِمْسخَّارنْ إِشنّْعنْ، حِيمَا وَارْ إِسّْخمِّيجْ إِخفْ نّسْ [زَّايْسنْ].
DAN 1:9 أَربِّي إِسّْشنْ إِ ذَانِييَالْ ثَامخْسِيوْثْ [نّسْ] إِشوَّارنْ ذ أَرّحْمثْ [نّسْ] زَّاثْ إِ وُوذمْ ن أَمقّْرَانْ ن إِمْسخَّارنْ إِشنّْعنْ.
DAN 1:10 أَمقّْرَانْ ن إِمْسخَّارنْ إِشنّْعنْ إِنَّا إِ ذَانِييَالْ: ”نشّْ تّڭّْوذغْ زِي بَابْ إِنُو، أَجدْجِيذْ، ونِّي إِ كنِّيوْ إِوصَّانْ خْ مَاشَّا ذ ثْسسِّيثْ، مَاغَارْ مَايمِّي أَذْ إِژَارْ إِغمْبَابْ نْومْ زرّْينْ خْ إِحُوذْرِييّنْ [نّغْنِي]، إِقْرِيننْ نْومْ؟ كنِّيوْ أَذْ ثوْشمْ أَزدْجِيفْ إِنُو إِ ؤُجدْجِيذْ!“
DAN 1:11 [خنِّي] إِنَّا ذَانِييَالْ إِ ؤُوقَّافْ نِّي ثُوغَا إِڭَّا ؤُمقّْرَانْ ن إِمْسخَّارنْ إِشنّْعنْ خْ ذَانِييَالْ، حَانَانْيَا، مِيشَايِيلْ ذ عَازَارْيَا:
DAN 1:12 ”قدْجبْ إِمْسخَّارنْ نّشْعشْرَا ن وُوسَّانْ. أجّْ أَذْ أَنغْ وْشنْ زِي مِينْ إِتّْوَازَارْعنْ إِ مَاشَّا ؤُڒَا ذ وَامَانْ حِيمَا أَذْ نْسُو.
DAN 1:13 [خنِّي] أجّْ أَذْ أَنغْ قدّْمنْ زَّاثْ إِ وُوذمْ نّشْ مَامّشْ إِدْجَا وَادُّوذْ نّغْ ؤُڒَا ذ إِحُوذْرِييّنْ نِّي إِتّتّنْ زِي مَاشَّا ن ؤُجدْجِيذْ مَامّشْ إِدْجَا وَادُّوذْ نْسنْ ؤُ أڭّْ أَمْ مَامّشْ ثتّْوَاڒِيذْ شكْ!“
DAN 1:14 نتَّا إِسْڒَا أَسنْ ؤُشَا إِقدْجبْ إِ-ثنْعشْرَا ن وُوسَّانْ.
DAN 1:15 غَارْ ؤُنڭَّارْ نعشْرَا ن وُوسَّانْ ذوْڒنْ نِيثْنِي تّْبَاننْ شْنَانْ ؤُ صبْحنْ خْ مَارَّا إِحُوذْرِييّنْ إِ إِشّنْ زِي مَاشَّا ن ؤُجدْجِيذْ.
DAN 1:16 [خنِّي] إِمْسَارْ أَقَا أَوقَّافْ إِكّسْ أَسنْ مَاشَّا نْسنْ [إِڭلّْذنْ] ذ بِينُو إِ إِتّْخصَّا أَسنْ أَذْ سْونْ ؤُشَا إِوْشَا أَسنْ زِي مِينْ إِتّْوَازَارْعنْ.
DAN 1:17 إِ أَربْعَا ن إِحُوذْرِييّنْ-أَ إِوْشَا أَسنْ أَربِّي ثُوسّْنَا ذ ڒعْقڒْ زِي مَارَّا إِذْلِيسنْ ذ ثِيغِيثْ. ؤُشَا إِ ذَانِييَالْ إِوْشَا أَسْ ؤُڒَا ذ أَحكَّارْ ذِي مَارَّا ڒوْحِييْ ذ ثِيرْجَا.
DAN 1:18 غَارْ ؤُنڭَّارْ ن وُوسَّانْ إِ خْ ثُوغَا إِنَّا ؤُجدْجِيذْ أَقَا أَوَارْنِي أَسنْ إِتّْخصَّا أَذْ ثنْ قدّْمنْ [زَّاثسْ]، يِيوْيِي إِ-ثنْ ؤُمقّْرَانْ ن إِمْسخَّارنْ إِشنّْعنْ، إِنِّي ؤُمِي تّْوَادّْزنْ إِمدْجَاڒنْ، زَّاثْ إِ وُوذمْ ن نابُوخَاذْنَاصَّارْ.
DAN 1:19 إِسِّيوڒْ ؤُجدْجِيذْ أَكِيذْسنْ ؤُ وَارْ إِتّْوِيفْ ؤُڒَا ذ إِجّنْ جَارْ أَسنْ أَمْ ذَانِييَالْ، حَانَانْيَا، مِيشَايِيلْ ذ عَازَارْيَا ؤُ نِيثْنِي ذوْڒنْ تّْسخَّارنْ إِ ؤُجدْجِيذْ.
DAN 1:20 ذِي كُوڒْ ثَامسْڒَاشْثْ إِ ذِي ثُوغَا إِتّْخصَّا ثِيغِيثْ ذ ڒفْهَامثْ إِ خْ ثُوغَا ثنْ إِتّْسقْسَا ؤُجدْجِيذْ، يُوفَا أَقَا عْذُونْ مَارَّا ثَارْوَا ن ثْسحَّارْثْ ذ إِمسْنَاونْ ن إِثْرَانْ ذِي ثْڭلْذِيثْ نّسْ سعشْرَا ن ثْسقَّارْ.
DAN 1:21 ذَانِييَالْ إِقِّيمْ ذِينِّي أَڒْ أَسڭّْوَاسْ أَمزْوَارُو ن ؤُجدْجِيذْ كُورَاشْ.
DAN 2:1 ذڭْ ؤُسڭّْوَاسْ وِيسّْ ثْنَاينْ ن ثْڭلْذَا ن نابُوخَاذْنَاصَّارْ يُورْجَا نابُوخَاذْنَاصَّارْ ثِيرْجَا. بُوحْبڒْ نّسْ إِنّحْوڒْ ؤُشَا إِرُوحْ أَسْ يِيضصْ.
DAN 2:2 [خنِّي] إِنَّا ؤُجدْجِيذْ أَذْ ڒَاغَانْ إِ ثَارْوَا ن ثْسحَّارْثْ ذ إِمسْنَاونْ ن إِثْرَانْ ذ إِسحَّارنْ ذ إِكَالْذَانِييّنْ حِيمَا نِيثْنِي أَذْ أَسْ فسَّارنْ ثِيرْجَا نّسْ. نِيثْنِي ؤُسِينْ-د ؤُشَا بدّنْ زَّاثْ إِ وُوذمْ ن ؤُجدْجِيذْ.
DAN 2:3 إِنَّا أَسنْ ؤُجدْجِيذْ: ”نشّْ غَارِي إِشْثْ ن ثَارْجِيثْ ؤُ بُوحْبڒْ إِنُو إِنّحْوڒْ، مَاحنْذْ أَذْ سّْنغْ مِينْ ثخْسْ أَذْ ثِينِي ثَارْجِيثْ.“
DAN 2:4 [خنِّي] نَّانْ إِكَالْذَانِييّنْ إِ ؤُجدْجِيذْ: مِينْ يُورَانْ سْوَادَّايْ أَقَا-ث س يِيڒسْ ن ثْرَامِيثْ. [أَ] أَجدْجِيذْ، دَّارْ إِ ڒبْذَا! إِنِي أَسنْ إِ إِمْسخَّارنْ نّشْ ثَارْجِيثْ، [خنِّي] أَذْ أَكْ ت نْفسَّارْ!“
DAN 2:5 يَارَّا-د ؤُجدْجِيذْ، إِنَّا إِ إِكَالْذَانِييّنْ: ”أَقَا إِفّغْ-د ڒُومُورْ. مَاڒَا كنِّيوْ وَارْ ذ أَيِي ثسَّارْڭْبمْ خْ ثَارْجِيثْ، أَذْ ثتّْوَاقسّمْ ذ إِوثْوِيثنْ ؤُ ثُوذْرِينْ نْومْ أَذْ ثنْثْ أَرّنْ ذ ثِيزُوبَايِّينْ.
DAN 2:6 مَاشَا مَاڒَا ثْفسَّارمْ أَيِي كنِّيوْ ثَارْجِيثْ ذ مِينْ ثخْسْ أَذْ ثِينِي، أَذْ ثطّْفمْ زَّايِي ثَارْزفِينْ ذ أَرِّيغَالُوثنْ ذ شَّانْ أَمقّْرَانْ. س ؤُينِّي، سشّْنمْ أَيِي ثَارْجِيثْ إِنُو ذ ڒْمعْنَا نّسْ.“
DAN 2:7 أَرِّينْ-د نِيثْنِي خَاسْ ثْوَاڒَا وِيسّْ ثْنَاينْ، نَّانْ: ”أجّْ أَجدْجِيذْ أَذْ إِحَاجَا ثَارْجِيثْ إِ إِمْسخَّارنْ نّسْ، [خنِّي] أَذْ أَسْ نوْشْ أَفسَّارْ.“
DAN 2:8 يَارَّا-د ؤُجدْجِيذْ، إِنَّا: ”ڒخُّو سّْنغْ نِيشَانْ، أَقَا كنِّيوْ ثخْسمْ أَذْ ثَاربْحمْ ڒْوقْثْ، ؤُمِي ثتّْوَاڒَامْ أَقَا إِفّغْ-د ڒُومُورْ زَّايِي.
DAN 2:9 مَاڒَا وَارْ ذ أَيِي ثسَّارْڭْبمْ خْ ثَارْجِيثْ، أَذْ كنِّيوْ إِڒْقفْ ڒْحُوكْمْ ذ إِجّْ. كنِّيوْ ثكّْسمْ أَوَاڒْ مَاحنْذْ أَذْ خَافِي ثسّْخَارّْقمْ ؤُ أَذْ أَيِي ثْغشّمْ أَڒْ غَا ثْبدّڒْ ڒْوقْثْ. س ؤُينِّي، إِنِي أَيِي ثَارْجِيثْ، خنِّي أَذْ سّْنغْ أَقَا ثْزمَّارمْ أَذْ أَيِي ثوْشمْ ؤُڒَا ذ ڒْمعْنَا نّسْ.“
DAN 2:10 أَرِّينْ-د إِكَالْذَانِييّنْ قِيبَاتْشْ إِ ؤُجدْجِيذْ، نَّانْ: ”وَارْ ذِينْ ؤُڒَا ذ إِجّْ ن بْنَاذمْ ذِي ثمُّورْثْ ونِّي إِزمَّارنْ أَذْ إِفسَّارْ ثَامسْڒَاشْثْ-أَ إِ ؤُجدْجِيذْ. س ؤُينِّي وَارْ ذِينْ ؤُڒَا ذ إِجّْ ن ؤُجدْجِيذْ، مَامّشْ إِدْجَا ذ أَمقّْرَانْ نِيغْ مشْحَاڒْ مَا غَارسْ ذ ثِيزمَّارْ، ونِّي إِتَّارنْ ثَامسْڒَاشْثْ أَمْ ثَانِيثَا زِي شَا ن ؤُسحَّارْ نِيغْ أَمسْنَاوْ ن إِثْرَانْ نِيغْ أَكَالْذَانِييْ.
DAN 2:11 مِينْزِي ثَامسْڒَاشْثْ إِ إِتَّارْ ؤُجدْجِيذْ ثوْعَارْ أَطَّاسْ ؤُ وَارْ ذِينْ ؤُڒَا ذ إِجّْ إِزمَّارْ أَذْ ث إِسَّارْڭبْ، مْغِيرْ إِربِّيثنْ نِّي وَارْ إِزدّْغنْ جَارْ إِوْذَانْ.“
DAN 2:12 س ؤُينِّي إِذْوڒْ ؤُجدْجِيذْ إِتّْحَاجَا ؤُ إِتّْخيَّاقْ كْثَارْ، يُومُورْ أَذْ نْغنْ مَارَّا إِمِيغِيسنْ ذِي بَابِيلْ.
DAN 2:13 إِفّغْ-د ڒُومُورْ مَاحنْذْ أَذْ نْغنْ إِمِيغِيسنْ. أَرْزُونْ ؤُڒَا خْ ذَانِييَالْ ذ إِمدُّوكَّاڒْ نّسْ حِيمَا أَذْ [ثنْ] نْغنْ.
DAN 2:14 [خنِّي] يَارَّا-د ذَانِييَالْ س ثِيغِيثْ ذ ڒعْقڒْ غَارْ أَرِييُوخْ، ڒْقبْطَانْ ن إِعسَّاسنْ ن أَرِّيمثْ ن ؤُجدْجِيذْ، ونِّي ثُوغَا إِفّْغنْ حِيمَا أَذْ إِنغْ إِمِيغِيسنْ ن بَابِيلْ.
DAN 2:15 ذَانِي ألْ إِطّفْ ذڭْ وَاوَاڒْ، إِنَّا إِ أَرِييُوخْ، أَكُومَانْذَارْ ن ؤُجدْجِيذْ: ”مَايمِّي إِڭَّا ؤُجدْجِيذْ ڒُومُوڒْ أَمُّو س ثَازْڒَا؟“ ڒخْذنِّي إِسَّارْڭبْ أَرِييُوخْ خْ ثَامسْڒَاشْثْ إِ ذَانِييَالْ.
DAN 2:16 [خَاسْ ؤُشَا] يُوذفْ ذَانِييَالْ ؤُشَا إِتَّارْ زڭْ ؤُجدْجِيذْ، مَاحنْذْ نتَّا أَذْ أَسْ إِوْشْ إِجّْ ن ڒْمِيجَاڒْ ن ڒْوقْثْ، مَاحنْذْ أَذْ أَسْ إِوْشْ أَفسَّارْ.
DAN 2:17 خنِّي يُويُورْ ذَانِييَالْ غَارْ ثَادَّارْثْ نّسْ، إِحَاجَا ثَامسْڒَاشْثْ إِ إِعْشِيرنْ نّسْ حَانَانْيَا، مِيشَايِيلْ ذ عَازَارْيَا،
DAN 2:18 حِيمَا أَذْ تَّارنْ أَرّحْمثْ زِي أَربِّي ن إِجنْوَانْ خْ سِّيرّْ-أَ حِيمَا ذَانِييَالْ ذ إِعْشِيرنْ نّسْ وَارْ ثتّْوَاهلِّيكنْ شَا أَكْ-ذ إِمِيغِيسنْ نّغْنِي ن بَابِيلْ.
DAN 2:19 خَاسْ ؤُشَا إِتّْوَاسَّارْڭبْ-د إِ ذَانِييَالْ مِينْ ثُوغَا إِنُّوفَّارنْ ذڭْ إِجّْ ن ڒوْحِييْ سْ دْجِيڒثْ. خنِّي إِبَاركْ ذَانِييَالْ أَربِّي ن إِجنْوَانْ.
DAN 2:20 يَارَّا-د ذَانِييَالْ، إِنَّا: ”أَذْ إِتّْوَابَاركْ إِسمْ ن أَربِّي زِي ڒبْذَا أَڒْ ڒبْذَا قَاعْ، مَاغَارْ ثِيغِيثْ ذ جّهْذْ أَقَا أَثنْ نّسْ.
DAN 2:21 مَاغَارْ نتَّا إِتّْبدَّاڒْ زَّامَانَاثْ ذ ثْسَاعّثِينْ. نتَّا إِكّسْ إِجدْجِيذنْ ؤُ يَاڒقّمْ إِجدْجِيذنْ، نتَّا إِوْشَا ثِيغِيثْ إِ إِمِيغِيسنْ ؤُ ثُوسّْنَا إِ يِينِّي غَارْ إِدْجَا ڒعْقڒْ.
DAN 2:22 نتَّا إِسَّارْڭبْ ثِيمسْڒَايِينْ يُودْجْغنْ إِنُّوفَارنْ، نتَّا إِسّنْ مِينْ إِدْجَانْ ذِي ثَادْجسْثْ، مَاغَارْ ثَافَاوْثْ ثْزدّغْ غَارسْ.
DAN 2:23 شكْ، [أَ] أَربِّي ن ڒجْذُوذْ إِنُو، أَقَا تّْقَاذِيغْ ؤُ تّْصبّْحغْ، مِينْزِي ثوْشِيذْ أَيِي ثِيغِيثْ ذ جّهْذْ، ؤُ ؤُمِي ثسَّارْڭْبذْ أَيِي ڒخُّو مِينْ زَّايكْ نتَّارْ، مَاغَارْ شكْ ثسَّارْڭْبذْ أَنغْ خْ ثَامسْڒَاشْثْ ن ؤُجدْجِيذْ.“
DAN 2:24 س ؤُينِّي يُويُورْ ذَانِييَالْ غَارْ أَرِييُوخْ، ونِّي إِڭَّا ؤُجدْجِيذْ مَاحنْذْ أَذْ إِسّْهلّكْ إِمِيغِيسنْ ن بَابِيلْ. يُويُورْ غَارسْ، إِسِّيوڒْ أَكِيذسْ أَمُّو: ”وَارْ نقّْ إِمِيغِيسنْ ن بَابِيلْ، مَاشَا نْذهْ أَيِي غَارْ وُوذمْ ن ؤُجدْجِيذْ. نشّْ أَذْ أَسْ سّشْنغْ أَفسَّارْ إِ ؤُجدْجِيذْ.“
DAN 2:25 ڒخْذنِّي إِنْذهْ أَرِييُوخْ ذَانِييَالْ س ثَازْڒَا غَارْ ؤُجدْجِيذْ ؤُشَا إِسِّيوڒْ أَكِيذسْ أَمُّو: ”نشّْ ؤُفِيغْ إِجّْ ن ورْيَازْ جَارْ إِمنْفِييّنْ ن يَاهُوذَا ونِّي ذ إِ غَا إِسّشْننْ أَفسَّارْ إِ شكْ، [أَ] أَجدْجِيذْ!“
DAN 2:26 [خنِّي] إِطّفْ ؤُجدْجِيذْ ذڭْ وَاوَاڒْ، إِنَّا إِ ذَانِييَالْ، ونِّي ؤُمِي قَّارنْ بَالْطَاشَاصَّارْ: ”مَا ثْزمَّارذْ أَذْ أَيِي ثسَّارْڭْبذْ خْ ثَارْجِيثْ نِّي ژْرِيغْ ذ ڒْمعْنَا نّسْ؟“
DAN 2:27 يَارَّا-د ذَانِييَالْ زَّاثْ إِ ؤُجدْجِيذْ، إِنَّا: ”مِينْ إِنُّوفَّارنْ إِ إِتَّارْ ؤُجدْجِيذْ وَارْ زمَّارمْ إِمِيغِيسنْ ذ إِمسْنَاونْ ن إِثْرَانْ ذ ثَارْوَا ن ثْسحَّارْثْ ذ إِڭزَّاننْ أَذْ ث سَّارڭْبنْ إِ ؤُجدْجِيذْ.
DAN 2:28 مَاشَا أَقَا ذِينْ إِجّْ ن أَربِّي ذڭْ ؤُجنَّا ونِّي إِسَّارْڭَابنْ مِينْ إِنُّوفَارنْ. نتَّا إِسَّارْڭبْ إِ ؤُجدْجِيذْ نابُوخَاذْنَاصَّارْ مِينْ غَا إِمْسَارنْ ذڭْ ؤُنڭَّارْ ن وُوسَّانْ. أَقَا ثَا ذ ثَارْجِيثْ نّشْ ذ إِوحَّانْ نِّي د-يُوسِينْ ذڭْ ؤُزدْجِيفْ نّشْ ذِي ثَاسُّوثْ.
DAN 2:29 شكْ، [أَ] أَجدْجِيذْ، ؤُمِي شكْ ثُوغَا ذِي ثَاسُّوثْ ؤُسِينْ أَشْ-د إِخَارِّيصنْ [خْ مِينْ] إِ غَا إِمْسَارنْ أَوَارْنِي أَيَا ؤُ ونِّي إِسَّارْڭْبنْ مِينْ إِنُوفَّارنْ، أَقَا إِسّْشنْ أَشْ مِينْ غَا إِمْسَارنْ.
DAN 2:30 أَقَا إِتّْوَاسّْشنْ أَيِي-د مِينْ ثُوغَا إِنُّوفَّارنْ، وَارْ إِدْجِي زِي ثِيغِيثْ نِّي ذَايِي سنّجْ إِ مَارَّا مِينْ إِدَّارنْ، مَاشَا حِيمَا أَذْ إِتّْوَاسَّارْڭبْ ؤُفسَّارْ إِ ؤُجدْجِيذْ ؤُ حِيمَا أَذْ ثسّْنذْ إِخَارِّيصنْ ن وُوڒْ نّشْ.“
DAN 2:31 ”شكْ، [أَ] أَجدْجِيذْ، ثُوغَا ثْخزَّارذْ ؤُ ثژْرِيذْ إِجّْ ن ڒخْيَاڒْ ذ أَمقّْرَانْ. ڒخْيَاڒْ-أَ ثُوغَا إِسِّيڭّْوذْ ؤُ ثِيسِّيقْثْ نّسْ ثدْجَا أَڒْ طَّارْفْ. أَقَا إِبدّْ زَّاثكْ ؤُ إِسِّيڭّْوذْ أَمْ ث ثژْرِيذْ.
DAN 2:32 أَزدْجِيفْ ن ڒخْيَاڒْ-أَ ثُوغَا ذ ؤُرغْ إِصْفَانْ، إِذْمَارنْ نّسْ ذ إِغَادْجنْ نّسْ ذ نُّوقَارْثْ، أَعذِّيسْ نّسْ ذ ثِيجْعِينَّا نّسْ ذ نّْحَاسْ،
DAN 2:33 ثِيمسَّاضِينْ نّسْ ذ ؤُزَّاڒْ، إِضَارنْ نّسْ شْوَايْثْ ذ ؤُزَّاڒْ ؤُ شْوَايْثْ [زَّايْسنْ] ذ ثَارِّيسْثْ.
DAN 2:34 أَيَا إِ ثژْرِيذْ، أَڒَامِي إِتّْوَاشدْجقْ إِجّْ ن وژْرُو بْڒَا إِفَاسّنْ. وَانِيثَا إِڒْقفْ ڒخْيَاڒْ نِّي غَارْ إِضَارنْ نّسْ ن وُوزَّاڒْ أَكْ-ذ ثَارِّيسْثْ، ؤُشَا إِڒْبزْ إِ-ثنْ.
DAN 2:35 خنِّي إِتّْوَاڒْبزْ وُوزَّاڒْ ذ ثَارِّيسْثْ ذ نّْحَاسْ ذ نُّوقَارْثْ ذ وُورغْ ذڭْ إِشْثْ ن ثشْثِي ؤُشَا ذوْڒنْ أَمْ ؤُڒُومْ ن إِنذْرَارنْ ذڭْ ؤُنبْذُو، ؤُشَا إِسُوضْ ذَايْسنْ ؤُسمِّيضْ، وَارْ زَّايْسنْ ثقِّيمْ ؤُڒَا ذ إِشْثْ ن جُّورثْ. مَاشَا أَژْرُو نِّي إِڒقْفنْ ڒخْيَاڒْ، إِذْوڒْ ذ إِجّْ ن وذْرَارْ أَمقّْرَانْ، إِعمَّارْ مَارَّا ثَامُّورْثْ.
DAN 2:36 ذ ثَا ذ ثَارْجِيثْ. أَذْ نْعَاوذْ مِينْ ثخْسْ أَذْ ثِينِي [ڒخُّو] زَّاثْ إِ ؤُجدْجِيذْ. *
DAN 2:37 شكْ، [أَ] أَجدْجِيذْ، [ثدْجِيذْ] ذ أَجدْجِيذْ ن إِجدْجِيذنْ، مَاغَارْ أَربِّي ن إِجنْوَانْ إِوْشَا أَشْ ثَاڭلْذَا ذ ثْزمَّارْ ذ جّهْذْ ذ شَّانْ.
DAN 2:38 مَانِي مَا زدّْغنْ ثَارْوَا ن بْنَاذمْ، إِڭَّا إِمُودَّارنْ ن ڒخْڒَا ذ إِجْضَاضْ ن ؤُجنَّا ذڭْ ؤُفُوسْ نّشْ ؤُ نتَّا إِڭَّا شكْ ذ ڒْحَاكمْ خْ مَارَّا مَانْ أَيَا. أَقَا شكْ ذ أَزدْجِيفْ نِّي ن وُورغْ. *
DAN 2:39 أَوَارْنِي أَشْ أَذْ د-ثَاسْ إِشْثْ ن ثْڭلْذِيثْ نّغْنِيثْ، ثُوذْرُوسْ خْ ثنِّي نّشْ. أَوَارْنِي أَسْ أَذْ ثِيڒِي إِشْثْ ن نّغْنِيثْ، ثَاڭلْذِيثْ وِيسّْ ثْڒَاثَا ن نّْحَاسْ، ثنِّي أَذْ ثحْكمْ خْ مَارَّا ثَامُّورْثْ. *
DAN 2:40 ؤُشَا ثَاڭلْذِيثْ وِيسّْ أَربْعَا أَذْ ثِيڒِي ثجْهذْ أَمْ وُوزَّاڒْ، مَاغَارْ ؤُزَّاڒْ إِڒبّزْ ؤُ إِبَارِّي مَارَّا، ؤُ أَمْ مَامّشْ إِتَّارژَّا وُوزَّاڒْ مَارَّا، أَمُّو إِ غَا ثڒْبزْ ؤُ ثْبَارِّي مَارَّا. *
DAN 2:41 ؤُمِي ثژْرِيذْ بلِّي إِضَارنْ ذ ثْفذْنِينْ أَقَا شْوَايْثْ زَّايْسنْ س ثَارِّيسْثْ ن بُو-ثْڒَاخْثْ ؤُ شْوَايْثْ زَّايْسنْ س وُوزَّاڒْ، [إِخْسْ أَذْ يِينِي] أَقَا أَذْ ثِيڒِي ذ إِشْثْ ن ثْڭلْذِيثْ ثمْسبْضَا. شْوَايْثْ زَّايسْ [وَاهَا] أَذْ ذَايسْ ثِيڒِي ڒقْسَاحثْ أَمْ وُوزَّاڒْ، مَاغَارْ ثژْرِيذْ ؤُزَّاڒْ إِصُّورْ س ثَارِّيسْثْ ن ثْڒَاخْثْ.
DAN 2:42 ؤُ [ؤُمِي ثژْرِيذْ] ثِيفذْنِينْ ن إِضَارنْ، أَقَا شْوَايْثْ زَّايْسنْثْ س وُوزَّاڒْ ؤُ شْوَايْثْ زَّايْسنْثْ س ثَارِّيسْثْ، [إِخْسْ أَذْ يِينِي] أَقَا ثَاڭلْذِيثْ نِّي شْوَايْثْ زَّايسْ أَذْ ذَايسْ ثِيڒِي ڒقْسَاحثْ ؤُ شْوَايْثْ أَذْ ثِيڒِي ثَارْخفْ.
DAN 2:43 ؤُ ؤُمِي ثژْرِيضْ أَقَا ؤُزَّاڒْ إِصُّورْ س ثَارِّيسْثْ ن ثْڒَاخْثْ، [إِخْسْ أَذْ يِينِي] نِيثْنِي أَذْ صُّورنْ س زَّارِيعثْ ن ورْيَازْ، مَاشَا وَارْ ڒسّْقنْ شَا إِجّْ غَارْ ونّغْنِي، وَا وَارْ إِڒسّقْ أَكْ-ذ وَا، أَمْ وُوزَّاڒْ وَارْ إِڒسّْقنْ أَكْ-ذ ثْڒَاخْثْ.
DAN 2:44 مَاشَا ذڭْ وُوسَّانْ ن إِجدْجِيذنْ نِّي أَذْ إِسّْبدّْ أَربِّي ن إِجنْوَانْ إِشْثْ ن ثْڭلْذِيثْ نِّي وَارْ ثتّْوَاضيِّيعْ إِ ڒبْذَا ؤُ ثَاڭلْذَا نّسْ وَارْ ثتّْرِيحْعمَّارْصْ غَارْ إِجّْ ن ڒْڭنْسْ نّغْنِي. أَذْ ثڒْبزْ ؤُ أَذْ ثبْضڒْ مَارَّا ثِيڭلْذِيوِينْ نِّي، مَاشَا نتَّاثْ س يِيخفْ نّسْ أَثْ ثِيڒِي إِ ڒبْذَا قَاعْ.
DAN 2:45 س ؤُينِّي ثژْرِيذْ، إِتّْوَاشدْجقْ-د إِجّْ ن وژْرُو زڭْ وذْرَارْ بْڒَا إِفَاسّنْ، ونِّي إِڒبْزنْ ؤُزَّاڒْ ذ ثَارِّيسْثْ ذ نُّوقَارْثْ ذ نّْحَاسْ. أَربِّي أَمقّْرَانْ أَقَا إِسّْشنْ إِ ؤُجدْجِيذْ مِينْ غَا إِمْسَارنْ أَوَارْنِي أَيَا. ثَارْجِيثْ أَقَا ثْبدّْ ؤُ ڒْمعْنَا نّسْ ذ ثِيذتّْ.“
DAN 2:46 خنِّي إِوْضَا ؤُجدْجِيذْ نابُوخَاذْنَاصَّارْ خْ ؤُغمْبُوبْ نّسْ [غَارْ ثمُّورْثْ] ؤُشَا إِسْجذْ إِ ذَانِييَالْ، إِوصَّا أَذْ أَوْينْ إِشْثْ ن ثوْهِيبْثْ ذ ڒبْخُورْ إِتّْفُوحنْ أَمْ يِيشْثْ ن ثوْهِيبْثْ ن ؤُسيّبْ.
DAN 2:47 يَارَّا-د ؤُجدْجِيذْ خْ ذَانِييَالْ، إِنَّا: ”ذ ثِيذتّْ، أَقَا أَربِّي نْومْ ذ أَربِّي خْ [مَارَّا] إِربِّيثنْ ؤُ نتَّا ذ سِيذِي خْ [مَارَّا] إِجدْجِيذنْ ؤُڒَا ذ ونِّي إِسَّارْڭَابنْ مِينْ إِنُّوفَارنْ، مَاغَارْ ثِيوْضذْ أَذْ ثْكشْفذْ أَيَا إِ ثُوغَا إِنُّوفَّارنْ.“
DAN 2:48 خَاسْ ؤُشَا إِوْشَا ؤُجدْجِيذْ إِ ذَانِييَالْ أَسمْغَارْ أَمقّْرَانْ ؤُ إِوْشَا أَسْ ثِيرْزِيفِينْ ثِيمقّْرَانِينْ. إِڭَّا إِ-ث خْ مَارَّا لْعَامَالَا ن بَابِيلْ ؤُ إِڭَّا إِ-ث ذ أَرَّايْسْ خْ إِمحْضَاينْ نِّي ثُوغَا خْ مَارَّا إِمِيغِيسنْ ن بَابِيلْ.
DAN 2:49 ؤُ ذَانِييَالْ إِقدّمْ إِشْثْ ن ثُوثْرَا إِ ؤُجدْجِيذْ ؤُ وَانِيثَا إِڭَّا سَاذْرَاخْ، مِيشَاخْ ذ عَابْذْ-نَاغُو ذ إِمْضبَّارنْ خْ لْعَامَالَا ن بَابِيلْ، [مَاشَا] ذَانِييَالْ [إِقِّيمْ] غَارْ ڒقْصَارْ ن ؤُجدْجِيذْ.
DAN 3:1 أَجدْجِيذْ نابُوخَاذْنَاصَّارْ إِڭَّا إِجّْ ن ڒخْيَاڒْ ن وُورغْ س يِيجّْ ن ڒُوعْڒَا ن ستِّينْ إِغَادْجنْ ذ يِيجّْ ن ثِيرُو ن ستَّا ن إِغَادْجنْ. إِسّْبدّْ إِ-ث ذِي ڒْوَاطَا ن ذُورَا ذِي لْعَامَالَا ن بَابِيلْ.
DAN 3:2 [خنِّي] إِسّكّْ ؤُجدْجِيذْ نابُوخَاذْنَاصَّارْ [إِرقَّاسنْ] حِيمَا أَذْ سّْمُوننْ إِجدْجِيذنْ إِ إِدْجَانْ سَاذُو ؤُجدْجِيذْ ذ إِمْضبَّارنْ إِمقّْرَاننْ ذ لْوُولَاثْ، ڒْقُوضَاثْ إِمزْوُورَا [ن ثْڭلْذِيثْ] ذ يِينِّي خْ ثْخُوبَايْ ذ إِمسْنَاونْ ن إِزرْفَانْ ذ إِمْوضْضْفنْ ن ثُوذْرِينْ ن شّْرعْ ذ مَارَّا إِنِّي غَارْ ثدْجَا صُّولْطَا ذِي لْعَامَالَاثْ مَاحنْذْ أَذْ د-أَسنْ غَارْ ؤُذشّنْ ن ڒخْيَاڒْ نِّي إِسّْبدّْ ؤُجدْجِيذْ.
DAN 3:3 خنِّي مُوننْ إِجدْجِيذنْ نِّي إِدْجَانْ سَاذُو إِ ؤُجدْجِيذْ ذ إِمْضبَّارنْ إِمقّْرَاننْ ذ لْوُولَاثْ ذ ڒْقُوضَاثْ إِمزْوُورَا [ن ثْڭلْذِيثْ] ذ يِينِّي خْ ثْخُوبَايْ ذ إِمسْنَاونْ ن إِزرْفَانْ ذ إِمْوضْضْفنْ ن ثُوذْرِينْ ن شّْرعْ ذ مَارَّا إِنِّي غَارْ ثدْجَا صُّولْطَا ذِي لْعَامَالَاثْ إِ ؤُذشّنْ ن ڒخْيَاڒْ نِّي إِسّْبدّْ ؤُجدْجِيذْ نابُوخَاذْنَاصَّارْ، ؤُ نِيثْنِي بدّنْ زَّاثْ إِ ڒخْيَاڒْ نِّي إِسّْبدّْ نابُوخَاذْنَاصَّارْ.
DAN 3:4 إِڒَاغَا إِجّْ ن ؤُمْبَارّحْ س جّهْذْ ... ”[أَ] ڒڭْنُوسْ ذ شُّوعُوبْ ذ إِڒْسَاونْ، إِ كنِّيوْ إِ غَا إِڒِينْ أَوَاڒنْ-أَ إِ غَا إِنِيغْ.
DAN 3:5 ذِي ثْسَاعّثْ إِ ذِي إِ غَا ثسْڒمْ ڒْحسّْ ن ڒْبُوقْ ذ ثْزَامَّارْثْ ذ لْعُوذْ ذ لْڭَامْبْرِي ذ لهَارْپَا ذ ثمْجَا ذ مَارَّا مَارْكَاثْ ن دْجْغَا، إِتّْخصَّا أَذْ ثوْضَامْ أَذْ ثْسجْذمْ إِ ڒخْيَاڒْ ن وُورغْ إِ إِسّْبدّْ ؤُجدْجِيذْ نابُوخَاذْنَاصَّارْ.
DAN 3:6 ونِّي وَارْ إِوْضِينْ ؤُ وَارْ إِسْجذْ أَذْ إِتّْوَامّنْضَارْ ذِي ڒْوسْطْ ن ثفْقُونْثْ ن ثْمسِّي إِتّحْذُوذُوقنْ ذِي ثْسَاعّثْ نِّي.“
DAN 3:7 س ؤُينِّي، ذِي ثْسَاعّثْ إِ ذِي سْڒنْ مَارَّا ڒڭْنُوسْ إِ ڒْحسّْ ن ڒْبُوقْ ذ ثْزَامَارْثْ ذ لْعُوذْ ذ لْڭَامْبْرِي ذ لهَارْپَا ذ مَارَّا مَارْكَاثْ ن دُّوزَانْ ن دْجْغَا، وْضَانْ مَارَّا ڒڭْنُوسْ ذ شُّوعُوبْ ذ إِڒْسَاونْ [غَارْ ثمُّورْثْ] ؤُ سجْذنْ إِ ڒخْيَاڒْ ن وُورغْ نِّي إِسّْبدّْ ؤُجدْجِيذْ نابُوخَاذْنَاصَّارْ.
DAN 3:8 ذِي ڒْوقْثْ نِّي ذ إِشْثنْ قَارّْبنْ-د [شَا ن] إِكَالْذَانِييّنْ ذِي سِّيبّثْ-أَ، شثْشَانْ زڭْ وُوذَاينْ س بْطَايْطَايْ.
DAN 3:9 نِيثْنِي طّْفنْ ذڭْ وَاوَاڒْ، نَّانْ إِ ؤُجدْجِيذْ نابُوخَاذْنَاصَّارْ: ”[أَ] أَجدْجِيذْ، دَّارْ إِ ڒبْذَا!
DAN 3:10 شكْ، [أَ] أَجدْجِيذْ، ثُومُورذْ بلِّي مَارَّا إِوْذَانْ نِّي إِسْڒِينْ إِ ڒْحسّْ ن ڒْبُوقْ ذ ثْزَامَارْثْ ذ لْعُوذْ ذ لْڭَامْبْرِي ذ لهَارْپَا ذ ثمْجَا ذ مَارَّا مَارْكَاثْ ن دُّوزَانْ ن دْجْغَا، أَذْ وْضَانْ أَذْ سجْذنْ إِ ڒخْيَاڒْ ن وُورغْ.
DAN 3:11 ونِّي وَارْ إِوْضِينْ ؤُ إِسْجذْ، أَذْ إِمّنْضَارْ ذِي ڒْوسْطْ ن ثفْقُونْثْ ن ثْمسِّي إِتّحْذُوذُوقنْ.
DAN 3:12 أَقَا ذِينْ إِرْيَازنْ ؤُذَاينْ، إِنِّي ثڭِّيذْ خْ ؤُضبَّارْ ن لْعَامَالَا ن بَابِيلْ، أَقَا أَثنْ ذ شَاذْرَاخْ، مِيشَاخْ ذ عَابْذْ-نَاغُو. إِرْيَازنْ-أَ وَارْ وْشِينْ ثَايْنِيثْ إِ [ڒُْومُورْ] نّشْ، [أَ] أَجدْجِيذْ. أَربِّيثنْ نّشْ وَارْ ثنْ تّْوقَّارنْ ؤُ ڒخْيَاڒْ نّشْ وَارْ ذ أَسْ سجْذنْ.“
DAN 3:13 خنِّي إِنَّا نابُوخَاذْنَاصَّارْ ذڭْ ؤُخيّقْ ذ ثفْقحْثْ [نّسْ] أَقَا أَذْ نذْهنْ شَاذْرَاخْ، مِيشَاخْ ذ عَابْذْ-نَاغُو زَّاثسْ. خنِّي نذْهنْ إِرْيَازنْ نِّي زَّاثْ إِ ؤُجدْجِيذْ.
DAN 3:14 نابُوخَاذْنَاصَّارْ إِطّفْ ذڭْ وَاوَاڒْ، إِنَّا أَسنْ: ”شَاذْرَاخْ، مِيشَاخْ ذ عَابْذْ-نَاغُو مَا س نعْمَاذَا زعْمَا وَارْ ثتّْوقَّارمْ إِربِّيثنْ إِنُو ؤُ وَارْ ثْسجَّاذمْ إِ ڒخْيَاڒْ إِ سّْبدّغْ؟
DAN 3:15 خنِّي ڒخُّو، مَاڒَا كنِّيوْ، ذِي ثْسَاعّثْ إِ ذِي إِ غَا ثسْڒمْ إِ ڒْحسّْ ن ڒْبُوقْ ذ ثْزَامَارْثْ ذ لْعُوذْ ذ لْڭَامْبْرِي ذ لهَارْپَا ذ ثمْجَا ذ مَارَّا مَارْكَاثْ ن دُّوزَانْ ن دْجْغَا، ثْوجْذمْ مَاحنْذْ أَذْ ثوْضَامْ ؤُ أَذْ ثْسجْذمْ إِ ڒخْيَاڒْ إِ سّْبدّغْ نشّْ، أَقَا مْلِيحْ. مَاشَا مَاڒَا وَارْ ثْسجْذمْ، أَذْ ثتّْوَامّنْضَارمْ ذِي ثفْقُونْثْ ن ثْمسِّي إِتّحْذُوذُوقنْ ذِي ثْسَاعّثْ نِّي. ؤُ مَانْ أَربِّي إِ كنِّيوْ إِ غَا إِفكّنْ زڭْ إِفَاسّنْ إِنُو؟
DAN 3:16 أَرِّينْ-د شَاذْرَاخْ ذ مِيشَاخْ ذ عَابْذْ-نَاغُو، نَّانْ إِ ؤُجدْجِيذْ نابُوخَاذْنَاصَّارْ: ”وَارْ نحْذَاجْ أَذْ خَاكْ د-نَارّْ ذِي ثْمسْڒَاشْثْ-أَ.
DAN 3:17 مَاڒَا خنِّي أَربِّي نّغْ نِّي نْسخَّارْ، غَارسْ ثِيزمَّارْ حِيمَا أَذْ أَنغْ إِفكّْ زِي ثفْقُونْثْ ن ثْمسِّي إِتّحْذُوذُوقنْ، [خنِّي] أَذْ أَنغْ إِفكّْ زڭْ ؤُفُوسْ نّشْ، [أَ] أَجدْجِيذْ!
DAN 3:18 مَاڒَا لَّا، أَذْ ثسّْنذْ، [أَ] أَجدْجِيذْ، أَقَا نشِّينْ وَارْ نتّْوقَّارْ إِربِّيثنْ نّشْ ذ ڒخْيَاڒْ إِ ثسّْبدّذْ شكْ، وَارْ ذ أَسْ نْسجّذْ شَا.“
DAN 3:19 خنِّي إِسْعَارْ ؤُجدْجِيضْ ؤُ ثْبدّڒْ صِّيفثْ ن وُوذمْ نّسْ زَّاثْ إِ شَاذْرَاخْ، مِيشَاخْ ذ عَابْذْ-نَاغُو. نتَّا إِطّفْ ذڭْ وَاوَاڒْ، إِنَّا أَذْ أَرْنِينْ ذِي ثفْقُونْثْ سبْعَا ن ثْسقَّارْ أَمْ مَامّشْ نُومنْ ت سَّارقّنْ،
DAN 3:20 ؤُ نتَّا يُومُورْ إِرْيَازنْ إِنِّي ذ إِرْيَازنْ إِجهْذنْ قَاعْ زِي ڒْعسْكَارْ نّسْ، أَذْ شَارْفنْ شَاذْرَاخْ ذ مِيشَاخْ ذ عَابْذْ-نَاغُو حِيمَا أَذْ [ثنْ] نْضَارنْ [أَمُّو] ذِي ثفْقُونْثْ ن ثْمسِّي إِتّحْذُوذُوقنْ.
DAN 3:21 خنِّي تّْوَاشَارْفنْ إِرْيَازنْ نِّي أَكْ-ذ إِسڒْهَامنْ نْسنْ ذ سّْرَاوڒْ نْسنْ ذ ثْشُوشَّايْ نْسنْ ذ وَارُّوضْ نْسنْ نّغْنِي ؤُشَا نْضَارنْ ثنْ ذِي ڒْوسْطْ ن ثفْقُونْثْ ن ثْمسِّي إِتّحْذُوذُوقنْ.
DAN 3:22 مِينْزِي ڒُومُورْ ن ؤُجدْجِيذْ ثُوغَا إِقْسحْ أَطَّاسْ ؤُ ثَافْقُونْثْ ثحْمَا أَڒْ طَّارْفْ، نْغِينْ إِحُوذَاقْ ن ثْمسِّي إِرْيَازنْ نِّي سّْڭعّْذنْ شَاذْرَاخْ ذ مِيشَاخْ ذ عَابْذْ-نَاغُو،
DAN 3:23 ؤُشَا ثْڒَاثَا ن يرْيَازنْ نِّي، شَاذْرَاخْ، مِيشَاخْ ذ عَابْذْ-نَاغُو، وْضَانْ تّْوَاشَارْفنْ ذِي ڒْوسْطْ ن ثفْقُونْثْ ن ثْمسِّي إِتّحْذُوذُوقنْ.
DAN 3:24 خنِّي إِنّخْڒعْ ؤُجدْجِيذْ نابُوخَاذْنَاصَّارْ، إِكَّارْ ذغْيَا، إِطّفْ ذڭْ وَاوَاڒْ، إِنَّا إِ إِمْشَاوَارنْ نّسْ: ”مَا وَارْ ننْضَارْ ثْڒَاثَا ن يرْيَازنْ إِتّْوَاشَارْفنْ ذِي ڒْوسْطْ ن ثْمسِّي؟“ نِيثْنِي أَرِّينْ-د، نَّانْ إِ ؤُجدْجِيذْ: ”نِيشَانْ، [أَ] أَجدْجِيذْ“
DAN 3:25 نتَّا يَارَّا-د، إِنَّا: ”خْزَارْ، تّْوَاڒِيغْ أَربْعَا ن يرْيَازنْ ڭُّورنْ ذِي ڒْوسْثْ ن ثْمسِّي ؤُ ثِيمسِّي وَارْ ذ أَسنْ ثڭِّي شَا ؤُ ونِّي ذ وِيسّْ أَربْعَا يَارْوسْ ذڭْ إِجّْ ن مِّيسْ ن إِربِّيثنْ!“
DAN 3:26 خنِّي إِقَارّبْ-د نابُوخَاذْنَاصَّارْ غَارْ ثوَّارْثْ ن ثفْقُونْثْ ن ثْمسِّي إِتّحْذُوذُوقنْ، إِطّفْ ذڭْ وَاوَاڒْ، إِنَّا: ”كنِّيوْ، شَاذْرَاخْ، مِيشَاخْ، عَابْذْ-نَاغُو، كنِّيوْ إِمْسخَّارنْ ن أَربِّي أَمْعُودْجِي خْ كُوڒْشِي، فّْغمْ-د ؤُ أَسمْ-د ذَا!“ خنِّي فّْغنْ-د، شَاذْرَاخْ ذ مِيشَاخْ ذ عَابْذْ-نَاغُو زِي ڒْوسْطْ ن ثْمسِّي إِتّحْذُوذُوقنْ.
DAN 3:27 خنِّي سّْمُوننْ إِجدْجِيذنْ نِّي إِدْجَانْ سَاذُو إِ ؤُجدْجِيذْ ذ إِمْضبَّارنْ ذ إِمْشَاوَارنْ ن ؤُجدْجِيذْ ؤُشَا ژْرِينْ أَقَا إِرْيَازنْ نِّي وَارْ ذ أَسنْ إِمْسَارْ شَا س ثْمسِّي ؤُ أَشُوَّافْ ن ؤُزدْجِيفْ نْسنْ وَارْ إِشْمِيضْ شَا ؤُ إِسڒْهَامنْ نْسنْ وَارْ تّْوَاڒقْفنْ ؤُ وَارْ ذَايْسنْ ؤُڒَا ذ إِشْثْ [جُّورّثْ ن] أَرِّيحثْ ن ثْمسِّي.
DAN 3:28 خنِّي إِطّفْ نَابُوخَاذْنَاصَّارْ ذڭْ وَاوَاڒْ، إِنَّا: ”أَذْ إِتّْوَابَاركْ أَربِّي ن شَاذْرَاخْ، مِيشَاخْ ذ عَابْذْ-نَاغُو، ونِّي د-إِسّكّنْ لْمَالَاكْ نّسْ ؤُ إِفكّْ إِنِّي ثُوغَا خَاسْ إِتّشْڒنْ. نِيثْنِي بضْڒنْ ڒُومُورْ ن ؤُجدْجِيذْ ؤُ سلّْمنْ أَرِّيمَاثْ نْسنْ، مَاغَارْ وَارْ خْسنْ أَذْ وقَّارنْ نِيغْ أَذْ سجْذنْ ؤُڒَا إِ يِيجّْ ن أَربِّي مْغِيرْ إِ أَربِّي نْسنْ.
DAN 3:29 [خْ ؤُينِّي] إِفّغْ-د زَّايِي ڒُومُورْ مَاحنْذْ كُوڒْ ڒْڭنْسْ ذ شّعْبْ ذ يِيڒسْ نِّي إِ غَا إِشقّْفنْ ذڭْ أَربِّي ن شَاذْرَاخْ، مِيشَاخْ ذ عَابْذْ-نَاغُو، أَذْ إِتّْوَاقسّْ ذ إِوثْوِيثنْ ؤُ ثَادَّارْثْ نّسْ أَذْ ثذْوڒْ ذ إِجّْ ن ؤُزُوبَايْ، مَاغَارْ وَارْ ذِينْ ؤُڒَا ذ إِجّْ ن أَربِّي ونِّي إِزمَّارنْ أَذْ إِفكّْ أَمُّو.“
DAN 3:30 خنِّي يَارْنِي أَسنْ ؤُجدْجِيذْ ذِي شَّانْ إِ شَاذْرَاخْ، مِيشَاخْ ذ عَابْذْ-نَاغُو ذِي لْعَامَالَا ن بَابِيلْ.
DAN 3:31 ”أَجدْجِيذْ نَابُوخَاذْنَاصّرْ، إِ مَارَّا ڒڭْنُوسْ ذ شُّوعُوبْ ذ إِڒْسَاونْ نِّي إِزدّْغنْ ذِي مَارَّا ثَامُّورْثْ: أَذْ يِيڒِي ڒهْنَا نْومْ ذ أَمقّْرَانْ!
DAN 3:32 إِعْجبْ أَيِي ڒْحَاڒْ حِيمَا أَذْ أَومْ سّشْنغْ ڒعْڒَامَاثْ ذ لْمُوعْجِيزَاثْ نِّي ذ أَيِي إِڭَّا أَربِّي أَمْعُودْجِي خْ كُوڒْشِي.
DAN 3:33 مَامّشْ مْغَارنْثْ ڒعْڒَامَاثْ نّسْ ذ مَامّشْ جهْذنْثْ لْمُوعْجِيزَاثْ نّسْ! ثَاڭلْذِيثْ نّسْ ذ إِشْثْ ن ثْڭلْذِيثْ إِ ڒبْذَا ذ لْمُولْكْ نّسْ زِي جِّيڒْ أَڒْ جِّيڒْ.“
DAN 4:1 ”نشّْ، نَابُوخَاذْنَاصَّارْ، ثُوغَا أَيِي ذِي ڒَامَانْ ذِي ثَادَّارْثْ إِنُو ؤُ س تِّيسِيرْ ذِي ڒقْصَارْ إِنُو.
DAN 4:2 [خنِّي] ژْرِيغْ إِشْثْ ن ثرْجِيثْ، ثسِّيڭّْوذْ أَيِي. سّْحيَّارنْ أَيِي إِخَارِّيصنْ نِّي غَارِي ذِي ثَاسُّوثْ، ؤُڒَا ذ إِوحَّانْ ذڭْ ؤُزدْجِيفْ إِنُو.
DAN 4:3 س ؤُينِّي د-إِفّغْ زَّايِي ڒُومُورْ حِيمَا أَذْ أَوْينْ زَّاثِي مَارَّا إِمِيغِيسنْ ن بَابِيلْ، مَاحنْذْ نِيثْنِي أَذْ أَيِي سَّارْڭْبنْ أَفسَّارْ ن ثرْجِيثْ.
DAN 4:4 ڒخْذنِّي ؤُسِينْ-د ثَارْوَا ن ثْسحَّارْثْ ذ إِمسْنَاونْ ن إِثْرَانْ ذ إِكَالْذَانِييّنْ ذ إِڭزَّاننْ ؤُ نشّْ عَاوْذغْ أَسنْ ثَارْجِيثْ، مَاشَا نِيثْنِي وَارْ زمَّارنْ أَذْ أَيِي سَّارْڭْبنْ خْ ؤُفسَّارْ نّسْ.
DAN 4:5 غَارْ ؤُنڭَّارْ يُوسَا-د غَارِي ذَانِييَالْ ونِّي ؤُمِي قَّارنْ بَالْطَاشَاصَّارْ غَارْ يِيسمْ ن أَربِّي إِنُو، ذِي مِينْ ذِي إِزدّغْ بُوحْبڒْ ن إِربِّيثنْ إِمْقدَّاسنْ ؤُ إِ نتَّا ؤُمِي حَاجِيغْ ثَارْجِيثْ ؤُشَا نِّيغْ:
DAN 4:6 ’بَالْطَاشَاصَّارْ، [شكْ، أَ] أَرَّايْسْ ن ثَارْوَا ن ثْسحَّارْثْ، أَقَا سّْنغْ بلِّي بُوحْبڒْ ن إِربِّيثنْ إِمْقدَّاسنْ إِ ذَايكْ إِزدّْغنْ، ؤُ وَارْ خَاكْ إِوْعَارْ ؤُڒَا ذ إِجّْ ن سِّيرْ. إِنِي أَيِي إِوحَّانْ نِّي ژْرِيغْ ذ ؤُفسَّارْ نّسْ.
DAN 4:7 إِوحَّانْ نِّي غَارِي ذڭْ ؤُزدْجِيفْ إِنُو ڒَامِي ذ أَيِي ثُوغَا ذِي ثَاسُّوثْ، أَقَا ذ ثِينَا: نشّْ ژْرِيغْ، ؤُ خْزَارْ، أَقَا ذِينْ إِشْثْ ن ثْشجَّارْثْ ذِي ڒْوسْثْ ن ثمُّورْثْ، ثُوغَا ثُوعْڒَا أَطَّاسْ.
DAN 4:8 ثَاشجَّارْثْ ثمْغَارْ ثذْوڒْ ثجْهذْ ؤُ ثَاقِيشَّاثْ نّسْ ثِيوضْ غَارْ ؤُجنَّا ؤُ ثتّْوَاژَارّْ [ثْشجَّارْثْ] ذڭْ ؤُنڭَّارُو ن ثمُّورْثْ مَارَّا.
DAN 4:9 ثِيفْرَايْ نّسْ صبْحنْثْ ؤُ ڒْغِيدْجثْ نّسْ ثُوغَا-ت ذ أَطَّاسْ ؤُ ثُوغَا ذَايسْ مَاشَّا إِ مَارَّا. إِمُودَّارنْ ن ڒخْڒَا ؤُفِينْ ثِيڒِي سَاذُو نّسْ ؤُ إِجْضَاضْ ن ؤُجنَّا زذْغنْ جَارْ ڒفْرُوعْ نّسْ ؤُ إِتّْوَاسّشّْ زَّايسْ مَارَّا إِنِّي غَارْسنْ [إِشْثْ ن أَرِّيمثْ ن] ويْسُومْ.“ “
DAN 4:10 ”نشّْ ژْرِيغْ إِوحَّانْ ذڭْ ؤُزدْجِيفْ إِنُو ڒَامِي ذ أَيِي ثُوغَا ذِي ثَاسُّوثْ، ؤُ خْزَارْ، إِجّْ ن ؤُعسَّاسْ، إِجّْ ن ؤُمْقدَّاسْ إِهْوَا-د زڭْ ؤُجنَّا.
DAN 4:11 إِڒَاغَا-د س جّهْذْ، إِنَّا أَمُّو: ’زْذمْ ثَاشجَّارْثْ ؤُشَا قسّمْ ڒفْرُوعْ نّسْ. كّْسمْ زَّايسْ ثِيفْرَايْ نّسْ ؤُ زدْجْعمْ ڒْغِيدْجثْ نّسْ [مَاحنْذْ] إِمُودَّارنْ أَذْ أَروْڒنْ زِي سَاذُو نّسْ ؤُڒَا ذ إِجْضَاضْ زِي جَارْ ڒفْرُوعْ نّسْ،
DAN 4:12 مَاشَا أجّْ جّْذعْ [ن ثْشجَّارْثْ] س إِژوْرَانْ نّسْ أَذْ إِقِّيمْ ذِي ثمُّورْثْ ؤُ [أجّْ إِ-ث أَذْ إِقِّيمْ] س إِشْثْ ن ثْسَارِّيفْثْ ن وُوزَّاڒْ ذ نّْحَاسْ جَارْ أَرْبِيعْ أَزِيزَا ذِي ڒخْڒَا، ؤُ أجّْ إِ-ث أَذْ إِسُّوفّْ س نّْذَا ن ؤُجنَّا ؤُ أَذْ ثِيڒِي ثسْغَارْثْ نّسْ أَكْ-ذ ڒوْحُوشْ جَارْ شْبَارْقْ ن ثمُّورْثْ.
DAN 4:13 أجّْ ؤُڒْ نّسْ أَذْ إِبدّڒْ مَاحنْذْ وَارْ إِتِّيڒِي عَاذْ ذ ؤُڒْ نْ بْنَاذمْ ؤُ أوْشْ أَسْ ؤُڒْ ن إِجّْ ن لْحَايَاوَانْ. [أَمُّو] خَاسْ إِ غَا عْذُونْثْ سبْعَا ن ڒْمِيجَاڒَاثْ ن ڒْوقْثْ.
DAN 4:14 ثَامسْڒَاشْثْ-أَ [ثْبدّْ] خْ ڒْخَاضَارْ ن إِعسَّاسنْ ؤُ ثُوثْرَا-يَا أَقَا ثُوسَا-د زڭْ إِمْقدَّاسنْ، حِيمَا إِنِّي إِدَّارنْ أَذْ نعْمنْ أَقَا أَمْعُودْجِي خْ كُوڒْشِي غَارسْ ثِيزمَّارْ خْ ثْڭلْذَا ن يوْذَانْ ؤُ أَذْ ت إِوْشْ إِ وِي إِخْسْ نتَّا، أَقَا إِڭَّا خَاسْ ؤُڒَا ذ ونِّي ذ أَمُوقْڒِيڒْ قَاعْ جَارْ إِوْذَانْ.‘
DAN 4:15 ثَارْجِيثْ-أَ ژْرِيغْ ت نشّْ، أَجدْجِيذْ نَابُوخَاذْنَاصَّارْ. شكْ، بَالْطَاشَاصَّارْ، إِنِي أَيِي أَفسَّارْ نّسْ، مَاغَارْ مَارَّا إِمِيغِيسنْ ذِي ثْڭلْذِيثْ إِنُو وَارْ زمَّارنْ أَذْ أَيِي وْشنْ أَفسَّارْ نّسْ، مَاشَا شكْ وَاهْ [ثْزمَّارذْ]، مِينْزِي بُوحْبڒْ ن إِربِّيثنْ إِمْقدَّاسنْ إِزدّغْ ذَايكْ.“
DAN 4:16 خنِّي ثُوغَا ذَانِييَالْ، ونِّي ؤُمِي قَّارنْ بَالْطَاشَاصَّارْ، يَارْجفْ إِشْثْ ن ڒْوقْثْ ؤُشَا إِخَارِيصّنْ نّسْ سّْحيَّارنْ ث. إِطّفْ ؤُجدْجِيذْ ذڭْ وَاوَاڒْ ؤُشَا إِنَّا: ”بَالْطَاشَاصَّارْ، أجّْ ثَارْجِيثْ ذ ؤُفسَّارْ نّسْ وَارْ شكْ سّْحيَّارنْ!“ يَارَّا-د بَالْطَاشَاصَّارْ، إِنَّا: ”سِيذِي إِنُو، أجّْ ثَارْجِيثْ أَذْ ثِيڒِي خْ يِينِّي شكْ إِشَارّْهنْ ؤُ أَفسَّارْ نّسْ خْ يِينِّي إِدْجَانْ ضِيدّْ نّشْ!
DAN 4:17 ثَاشجَّارْثْ نِّي ثژْرِيذْ، ثنِّي إِذوْڒنْ ثمْغَارْ ؤُ ثجْهذْ، ثنِّي ؤُمِي ثِيوضْ ثَاقِيشَّاثْ نّسْ أَڒْ أَجنَّا ؤُ ثنِّي د-إِتّْبَاننْ زِي مَارَّا دُّونشْثْ،
DAN 4:18 - س ثفْرَايْ نّسْ إِصبْحنْ ذ ڒْغِيدْجثْ نّسْ إِ ثُوغَا ذڭْ وَاطَّاسْ، إِ ذَايسْ إِتّْوَافنْ مَاشَّا إِ مَارَّا، ؤُ سْوَادَّايْ نّسْ زدّْغنْ مَارَّا إِمُودَّارنْ نْ ڒخْڒَا، ؤُڒَا ذ إِجْضَاضْ ن ؤُجنَّا زدّْغنْ جَارْ ڒفْرُوعْ نّسْ -
DAN 4:19 أَقَا ذ شكْ، [أَ] أَجدْجِيذْ، شكْ ونِّي إِذوْڒنْ ذ أَمقّْرَانْ ؤُ ثْجهْذذْ، مَاغَارْ ڒمْغَارثْ نّشْ ثمَّارْنِي أَڒَامِي ثِيوضْ أَڒْ أَجنَّا ؤُ لْمُولْكْ نّشْ أَڒْ طَّارْفْ ن دُّونشْثْ.
DAN 4:20 ؤُ ڒَامِي إِژْرَا ؤُجدْجِيذْ، أَقَا إِجّْ ن ؤُعسَّاسْ، إِجّْ ن ؤُمْقدَّاسْ، إِهْوَا-د زڭْ ؤُجنَّا، إِ إِنَّانْ: ’زْذمْ ثَاشجَّارْثْ ؤُغضْڒمْ إِ-ت، مَاشَا أجّْ جّْذعْ س إِژوْرَانْ نّسْ ذڭْ ؤُشَاڒْ أَكْ-ذ إِشْثْ ن ثْسَارِّيفْثْ ن وُوزَّاڒْ ذ نّْحَاسْ جَارْ أَرْبِيعْ ن ڒخْڒَا ؤُ أجّْ إِ-ث أَذْ إِسُّوفّْ س نّْذَا ن ؤُجنَّا ؤُ أَذْ ثِيڒِي ثسْغَارْثْ نّسْ جَارْ ڒوْحُوشْ نْ ڒخْڒَا أَڒَامِي خَاسْ عْذُونْثْ سبْعَا ن ڒْمِيجَاڒَاثْ ن ڒْوقْثْ!‘،
DAN 4:21 أَقَا أَمُّو إِ يدْجَا ڒْمعْنَا ن [مَارَّا] مَانْ أَيَا، [أَ] أَجدْجِيذْ، ؤُ مَانْ أَيَا ذ لْقَارَارْ [إِ د-إِفّْغنْ] زڭْ ؤُمْعُودْجِي خْ كُوڒْشِي، [إِجّْ ن لْقَارَارْ] نِّي د غَا يَاسْ خْ سِيذِي إِنُو، أَجدْجِيذْ.
DAN 4:22 أَذْ خَاكْ أَژّْڒنْ زِي ڒْوسْثْ ن إِوْذَانْ ؤُ ثَازذِّيغْثْ نّشْ أَذْ ثِيڒِي أَكْ-ذ ڒْمَاڒْ نْ ڒخْڒَا. أَمْ ڒبْهَايمْ أَذْ أَكْ سّشّنْ أَرْبِيعْ ؤُ نّْذَا ن ؤُجنَّا أَذْ شكْ إِسُّوفّْ. [أَمُّو] إِ خَاكْ غَا عْذُونْثْ سبْعَا ن ڒْمِيجَاڒَاثْ ن ڒْوقْثْ أَڒْ غَا ثْنعْمذْ أَقَا أَمْعُودْجِي خْ كُوڒْشِي إِحكّمْ خْ ثْڭلْذَا ن إِوْذَانْ ؤُ إِتِّيشْ إِ-ت إِ وِي إِخْسْ نتَّا.
DAN 4:23 أَقَا نَّانْ أَقَا إِتّْخصَّا أَذْ إِتّْوَاجّْ جّْذعْ [ن ثْشجَّارْثْ] أَكْ-ذ إِژوْرَانْ نّسْ، [إِخْسْ أَذْ يِينِي]، أَقَا ثَاڭلْذَا نّشْ أَذْ ثقِّيمْ خْمِي غَا ثْنعْمذْ أَقَا صُّولْثَا غَارْ ؤُجنَّا إِ ثدْجَا.
DAN 4:24 س ؤُينِّي، [أَ] أَجدْجِيذْ، إِڒِي أَذْ يِيڒِي شّْوَارْ إِنُو إِ ڒْخَاضَارْ نّشْ. أَرْژْ دّْنُوبْ نّشْ س ثْسڭْذَا ؤُ ڒْمُوعْصِييّثْ نّشْ ؤُمِي ثڭِّيذْ سْ  ؤُحِينِّي إِ ڒْمُوسَاكِينْ. أَذْ ثَاغْ أَذْ ثتّْوَازُّوڭَّارْ تِّيسِيرْ نّشْ.“
DAN 4:25 قَاعْ مَانْ أَيَا إِوْضَا-د خنِّي خْ ؤُجدْجِيذْ نَابُوخَاذْنَاصَّارْ.
DAN 4:26 أَوَارْنِي ڒَامِي عْذُونْ ثنْعَاشْ ن إِيُورنْ، ڒَامِي ثُوغَا إِڭُّورْ خْ [ثْزقَّا] ن ڒقْصَارْ ن بَابِيلْ،
DAN 4:27 إِسِّيوڒْ ؤُجدْجِيذْ، إِنَّا: ”مَا مَانْ أَيَا وَارْ إِدْجِي ذ بَابِيلْ أَمقّْرَانْ نِّي بْنِيغْ س جّهْذْ ن ثْزمَّارْ إِنُو ذ ثَادَّارْثْ إِ ثْڭلْذَا ؤُ إِ ؤُعُودْجِي ن لْعَاضَامَا إِنُو!“
DAN 4:28 عَاذْ ثُوغَا وَاوَاڒْ-أَ ذڭْ ؤُقمُّومْ ن ؤُجدْجِيذْ ؤُشَا ثفّغْ-د إِشْثْ ن ثْمِيجَّا زڭْ ؤُجنَّا ثنَّا: ”[أَمُّو] إِ ذ أَشْ قَّارنْ، [أَ] أَجدْجِيذْ نَابُوخَاذْنَاصَّارْ: ثَاڭلْذَا ثتّْوَاكّسْ زَّايكْ!
DAN 4:29 أَذْ خَاكْ أَژّْڒنْ زِي ڒْوسْطْ ن إِوْذَانْ ؤُ ثَازذِّيغْثْ نّشْ أَذْ ثِيڒِي أَكْ-ذ ڒْمَاڒْ ن ڒخْڒَا. أَمْ ڒبْهَايمْ أَذْ شكْ سّشّنْ أَرْبِيعْ ؤُ أَذْ خَاكْ عْذُونْثْ سبْعَا ن ڒْمِيجَاڒَاثْ ن ڒْوقْثْ أَڒْ غَا ثْنعْمذْ أَقَا صُّولْطَا خْ ثْڭلْذَا ن إِوْذَانْ غَارْ ؤُمْعُودْجِي خْ كُوڒْشِي ؤُ نتَّا إِوْشَا إِ-ت إِ وِي إِخْسْ نتَّا.“
DAN 4:30 ذِي ثْسَاعّثْ نِّي إِقْفڒْ وَاوَاڒْ-أَ خْ نَابُوخَاذْنَاصَّارْ، مِينْزِي ؤُژّْڒنْ خَاسْ زِي ڒْوسْثْ ن إِوْذَانْ. ثُوغَا إِتّتّْ أَرْبِيعْ أَمْ ڒبْهَايمْ ؤُ أَرِّيمثْ نّسْ إِسُّوفّْ إِ-ت نّْذَا ن ؤُجنَّا، أَڒَامِي إِذْوڒْ ؤُشُوَّافْ نّسْ ذ أَزِيرَارْ أَمْ وَافْرِيونْ ن إِڭِيذَارنْ ؤُ أَشَّارنْ نّسْ أَمْ يِينِّي ن إِجْضَاضْ.
DAN 4:31 أَوَارْنِي عْذُونْ وُوسَّانْ-أَ، سّْڭعّْذغْ نّشْ، نَابُوخَاذْنَاصَّارْ ثِيطَّاوِينْ إِنُو غَارْ ؤُجنَّا ؤُشَا إِذْوڒْ-د غَارِي ڒعْقڒْ إِنُو. نشّْ صبْحغْ أَمْعُودْجِي خْ كُوڒْشِي ؤُ سّمْغَارغْ ؤُ سّْعُودْجغْ ونِّي إِدَّارنْ إِ ڒبْذَا، مَاغَارْ صُّولْطَا نّسْ ذ إِشْثْ ن صُّولْطَا ن ڒبْذَا ؤُ ثَاڭلْذِيثْ نّسْ [ثقِّيمْ] زِي جِّيڒْ أَڒْ جِّيڒْ.
DAN 4:32 مَارَّا إِمزْذَاغْ ن ثمُّورْثْ تّْوَاحسْبنْ ذ وَالُو ؤُ نتَّا إِڭَّا أَمْ مَامّشْ إِخْسْ س ڒْعسْكَارْ ن ؤُجنَّا ؤُ س إِمزْذَاغْ ن دُّونشْثْ. وَارْ ذِينْ إِدْجِي ؤُڒَا ذ إِجّْ نِّي إِزمَّارنْ أَذْ إِمْنعْ أَفُوسْ نّسْ نِيغْ أَذْ أَسْ يِينِي: مِينْ ثتّڭّذْ؟!
DAN 4:33 ذِي ثْسَاعّثْ نِّي إِذْوڒْ أَيِي-د ڒعْقڒْ. ؤُڒَا ذ أَعُودْجِي ن ثْڭلْذَا إِنُو ذ لْعَاضَامَا إِنُو ذ ؤُشوَّارْ إِنُو ذوْڒنْ-د خَافِي. إِمْشَاوَارنْ إِنُو ذ أَيْثْ ن جّهْذْ إِنُو أَرْزُونْ عَاوذْ خَافِي ؤُ تّْوَاسّْمثْنغْ ذِي ثْڭلْذَا إِنُو ؤُ عَاذْ إِمَّارْنِي أَيِي ذڭْ ؤُعُودْجِي إِنُو.
DAN 4:34 ڒخُّو نشّْ، نَابُوخَاذْنَاصَّارْ، سّْعُودْجغْ ؤُ سّمْغَارغْ أَجدْجِيذْ ن ؤُجنَّا، مِينْزِي مَارَّا ڒفْعَايڒْ نّسْ ذ ثِيذتّْ ؤُ إِمسْرَاقْ نّسْ ذ ثَاسڭْذَا. نتَّا غَارسْ صُّولْطَا مَاحنْذْ أَذْ إِسّْوَاضعْ إِنِّي إِدَّارنْ ذِي نّْفَاخثْ.“
DAN 5:1 أَجدْجِيذْ بَالْشَاصَّارْ إِڭَّا إِجّْ ن ؤُمنْسِي ذ أَمقّْرَانْ إِ وَاڒفْ ن أَيْثْ ن جّهْذْ نّسْ ؤُ نتَّا إِسْوَا بِينُو زَّاثْ إِ وَاڒفْ نِّي.
DAN 5:2 [ڒَْامِي] إِقَّاسْ بَالْشَاصَّارْ بِينُو، يُومَارْ أَذْ د-أَوْينْ ڒقْشُوعْ ن وُورغْ ذ نُّوقَارْثْ نِّي إِكْسِي بَابَاسْ نَابُوخَاذْنَاصَّارْ زِي زَّاوشْثْ ثَامقّْرَانْثْ ذِي ؤُرْشَالِيمْ حِيمَا أَذْ زَّايْسنْ إِسُو ؤُجدْجِيذْ ذ أَيْثْ ن جّهْذْ نّسْ ذ ثمْغَارِينْ نّسْ ذ ثِييَّا نّسْ.
DAN 5:3 خنِّي إِوْينْ-د ڒقْشُوعْ ن وُورغْ نِّي د-كّْسنْ زِي زَّاوشْثْ ثَامقّْرَانْثْ ذِي ؤُرْشَالِيمْ، [زِي] ثَادَّارْثْ ن أَربِّي إِ ثُوغَا [قْبڒْ] ذِي ؤُرْشَالِيمْ، ؤُشَا إِسْوَا زَّايْسنْ ؤُجدْجِيذْ ذ أَيْثْ ن جّهْذْ نّسْ ذ ثمْغَارِينْ نّسْ ذ ثِييَّا نّسْ.
DAN 5:4 نِيثْنِي سْوِينْ بِينُو ؤُ صبّْحنْ إِ إِربِّيثنْ ن وُورغْ ذ نُّوقَارْثْ ذ نّْحَاسْ ذ وُوزَّاڒْ ذ وژْرُو.
DAN 5:5 ذِي ڒْوقْثْ ذ إِشْثْ ضْهَارنْ-د إِضوْضَانْ ن إِجّْ ن ؤُفُوسْ ن بْنَاذمْ نِّي ثُوغَا إِتَّارِينْ أَرنْذَاذْ إِ ڒْقنْذِيڒْ خْ جَّارْ ن ڒْحِيضْ ن ڒقْصَارْ إِڭلّْذنْ، ؤُشَا إِژْرَا ؤُجدْجِيذْ ثَاسْغَارْثْ ن ؤُفُوسْ نِّي ثُوغَا إِتَّارِينْ.
DAN 5:6 خنِّي ثْبدّڒْ ثِينْثَا [ن وُوذمْ] ن ؤُجدْجِيذْ ؤُشَا إِخَارِّيصنْ نّسْ سِّيڭّْوْذنْ ث ؤُ ثِيسْغُونِينْ ن ثْمصَّاضِينْ نّسْ ذوْڒنْثْ فسْينْثْ ؤُ إِفَادّنْ نّسْ دُّوقْزنْ إِجّْ [أَرنْذَاذْ] إِ ونّغْنِي.
DAN 5:7 أَجدْجِيذْ إِڒَاغَا س جّهْذْ مَاحنْذْ أَذْ أَوْينْ زَّاثسْ إِمسْنَاونْ ن إِثْرَانْ ذ إِكَالْذَانِييّنْ ذ إِڭزَّاننْ ؤُ أَجدْجِيذْ إِطّفْ ذڭْ وَاوَاڒْ، إِنَّا إِ إِمِيغِيسنْ ن بَابِيلْ: ”كُوڒْ أَرْيَازْ إِ إِزمَّارنْ أَذْ إِغَارْ ثِيرَا-يَا ؤُ أَذْ أَيِي إِوْشْ ڒْمعْنَا نّسْ، أَذْ أَسْ سّْيَارْضنْ [إِجّْ ن وَارُّوضْ] ذ أَذهْمَانِي، أَكْ-ذ إِشْثْ ن ثْسدّشْثْ ن وُورغْ خْ يِيرِي نّسْ، ؤُ نتَّا أَذْ يِيڒِي ذ ڒْحَاكمْ وِيسّْ ثْڒَاثَا ذِي ثْڭلْذِيثْ.“
DAN 5:8 خنِّي ؤُذْفنْ مَارَّا إِمِيغِيسنْ ن ؤُجدْجِيذْ، مَاشَا نِيثْنِي وَارْ زمَّارنْ أَذْ غَارنْ ثِيرَا نِّي ؤُ ڒْمعْنَا نّسْ وَارْ زمَّارنْ أَذْ ث سَّارْڭْبنْ.
DAN 5:9 ڒخْذنِّي إِنّخْڒعْ ؤُجدْجِيذْ بَالْشَاصَّارْ ؤُ ثِيسِّيقْثْ ن وُوذمْ نّسْ ثْبدّڒْ ؤُ أَيْثْ ن جّهْذْ نّسْ قِّيمنْ حيَّارنْ.
DAN 5:10 ذِي سِّيبّثْ ن ڒْهَارْذْ ن ؤُجدْجِيذْ ذ أَيْثْ ن جّهْذْ نّسْ، ثُوذفْ ثْجدْجِيذْثْ غَارْ ثَادَّارْثْ ن ؤُمنْسِي. ثسِّيوڒْ ثْجدْجِيذْثْ، ثنَّا: ”[أَ] أَجدْجِيذْ، دَّارْ إِ ڒبْذَا! أجّْ إِخَارِّيصنْ نّشْ وَارْ شكْ سّْنخْڒِيعنْ ؤُ أجّْ ثِيسِّيقْثْ [ن وُوذمْ نّشْ] وَارْ ثْبذِّيڒْ.
DAN 5:11 أَقَا ذِينْ إِجّْ ن ورْيَازْ ذِي ثْڭلْذِيثْ نّشْ إِ ذِي إِدْجَا بُوحْبڒْ ن إِربِّيثنْ إِمْقدَّاسنْ. مِينْزِي ذڭْ وُوسَّانْ ن بَابَاشْ ؤُفِينْ ذَايسْ ثَافَاوْثْ، ڒفْهَامثْ ذ ثِيغِيثْ أَمْ ثِيغِيثْ ن إِربِّيثنْ. س ؤُينِّي إِڭَّا إِ-ث ؤُجدْجِيذْ نابُوخَاذْنَاصَّارْ، بَابَاشْ، ذ أَرَّايْسْ خْ ثَارْوَا ن ثْسحَّارْثْ ذ إِمسْنَاونْ ن إِثْرَانْ ذ إِكَالْذَانِييّنْ ذ إِڭزَّاننْ، [وَاهْ،] بَابَاشْ، [أَ] أَجدْجِيذْ،
DAN 5:12 مِينْزِي ذِي ذَانِييَالْ، إِ ؤُمِي إِڭَّا ؤُجدْجِيذْ إِسمْ ن بَالْطَاشَاصَّارْ، أَقَا إِتّْوَافْ ذَايسْ إِجّْ ن بُوحْبڒْ إِشْنَا أَطَّاسْ ذ ثُوسّْنَا ذ ڒفْهَامثْ [مَاحنْذْ] أَذْ إِفسَّارْ ثِيرْجَا ؤُ أَذْ إِسّنْ مِينْ إِنُّوفَّارنْ ؤُ أَذْ إِفكّْ إِفقُّوسنْ إِوْعَارنْ. أجّْ أَذْ ڒَاغَانْ خْ ذَانِييَالْ ؤُ نتَّا أَذْ إِسَّارْڭبْ ڒْمعْنَا نّسْ.“
DAN 5:13 خنِّي إِوْينْ-د ذَانِييَالْ زَّاثْ إِ ؤُجدْجِيذْ. أَجدْجِيذْ إِطّفْ ذڭْ وَاوَاڒْ، إِنَّا إِ ذَانِييَالْ: ”مَا شكْ ذ ذَانِييَالْ، إِجّْ زڭْ أَيْثْ ن إِمنْفِييّنْ زِي يَاهُوذَا نِّي يِيوِي ؤُجدْجِيذْ، بَابَا، [أَكِيذسْ] زِي يَاهُوذَا؟
DAN 5:14 نشّْ سْڒِيغْ خَاكْ، أَقَا بُوحْبڒْ ن إِربِّيثنْ إِزدّغْ ذَايكْ، ؤُ ثتّْوَافْ ذَايكْ ثَافَاوْثْ ذ ڒفْهَامثْ ذ ثِيغِيثْ أَڒْ طَّارْفْ.
DAN 5:15 أَقَا نذْهنْ زَّاثِي إِمِيغِيسنْ ذ إِمسْنَاونْ ن إِثْرَانْ حِيمَا أَذْ غَارنْ ثِيرَا-يَا ؤُ أَذْ سَّارْڭْبنْ ڒْمعْنَا نّسْ، مَاشَا نِيثْنِي وَارْ زمَّارنْ أَذْ أَيِي سَّارْڭْبنْ خْ ڒْمعْنَا ن وَاوَاڒْ-أَ.
DAN 5:16 نشّْ [مَاشَا] سْڒِيغْ خَاكْ أَقَا شكْ ثْزمَّارذْ أَذْ ثْفسَّارذْ [أَطَّاسْ ن ثْمسْڒَايِينْ] ؤُ أَذْ ثْفكّذْ ڒمْعَانِي إِوْعَارنْ. خنِّي ڒخُّو، مَاڒَا ثْزمَّارذْ أَذْ ثْغَارذْ ثِيرَا-يَا ؤُ أَذْ أَيِي ثسَّارڭْبذْ خْ ڒْمعْنَا نّسْ، أَذْ شكْ سّْيَارْضنْ أَرُّوضْ أَذهْمَانِي، أَكْ-ذ إِشْثْ ن ثْسدّشْثْ ن وُورغْ خْ يِيرِي نّشْ، ؤُ أَذْ ثِيڒِيذْ ذ ڒْحَاكمْ وِيسّْ ثْڒَاثَا ذِي ثْڭلْذِيثْ إِنُو.“
DAN 5:17 ڒخْذنِّي يَارَّا-د ذَانِييَالْ، إِنَّا زَّاثْ إِ ؤُجدْجِيذْ: ”ثِيرْزِيفِينْ نّشْ أَذْ غَاركْ قِّيمنْثْ ؤُ شَّانْ نّشْ أوْشْ إِ-ث إِ ونّغْنِي. مَاشَا ثِيرَا إِ ؤُجدْجِيذْ أَذْ ثنْثْ غَارغْ ؤُ أَذْ ث سَّارْڭْبغْ خْ ڒْمعْنَا.
DAN 5:18 خَاكْ، [أَ] أَجدْجِيذْ، أَقَا أَربِّي، أَمْعُودْجِي خْ كُوڒْشِي، إِوْشَا إِ بَابَاشْ نابُوخَاذْنَاصَّارْ ثَاڭلْذَا ؤُڒَا ذ ڒمْغَارثْ ذ شَّانْ ذ لْعَاضَامَا.
DAN 5:19 زِي سِّيبّثْ ن ڒمْغَارثْ إِ ذ أَسْ إِوْشَا، ذوْڒنْ مَارَّا ڒڭْنُوسْ ذ شُّوعُوبْ ذ إِڒْسَاونْ تَّارْجِيجنْ تّْقفْقِيفنْ زَّاثسْ. نتَّا ثُوغَا إِنقّْ ونِّي يخْسْ، إِتّجَّا إِدَّارْ ونِّي يخْسْ، إِسّْڭعّذْ ونِّي يخْسْ ؤُ إِسّْفطَّاحْ ونِّي يخْسْ نتَّا.
DAN 5:20 مَاشَا ؤُمِي إِبْذَا ؤُڒْ نّسْ إِتّْنُورْفُوعْ ؤُ بُوحْبڒْ نّسْ إِتّقْسَاحْ أَڒَامِي ثذْوڒْ [ذَايسْ] نّْفَاخثْ، إِتّْوَاغْضڒْ زِي ڒْعَارْشْ نّسْ ؤُ إِتّْوَاكّسْ زَّايسْ شَّانْ نّسْ.
DAN 5:21 سُّوفّْغنْ ث-إِ-د زِي ثَارْوَا ن بْنَاذمْ ؤُ ؤُڒْ نّسْ إِذْوڒْ أَمْ [وُوڒْ] ن إِمُودَّارنْ ؤُ نتَّا ثُوغَا إِزدّغْ أَكْ-ذ يغْيَاڒْ ن ڒخْڒَا. وْشِينْ أَسْ أَرْبِيعْ ذ مَاشَّا أَمْ ڒبْهَايمْ ؤُ نّْذَا ن ؤُجنَّا إِسُّوفَّا زَّايسْ أَرِّيمثْ نّسْ أَڒَامِي إِنْعمْ أَقَا أَربِّي، أَمْعُودْجِي خْ كُوڒْشِي، ذ ڒْحَاكمْ خْ ثْڭلْذَا ن إِوْذَانْ ؤُ إِوْشَا إِ-ت إِ ونِّي يخْسْ نتَّا.
DAN 5:22 ؤُ شكْ، مِّيسْ، بَالْشَاصَّارْ، وَاخَّا ثسّْنذْ مَارَّا مَانْ أَيَا، شكْ وَارْ ثسّْوَاضْعذْ ؤُڒْ نّشْ.
DAN 5:23 شكْ ثسّْڭعّْذذْ إِخفْ نّشْ ضِيدّْ إِ سِيذِي ن ؤُجنَّا ؤُ ڒقْشُوعْ زِي ثَادَّارْثْ نّسْ إِوْينْ ثنْ زَّاثكْ. ؤُ شكْ ذ أَيْثْ ن صُّولْثَا نّشْ ذ ثمْغَارِينْ نّشْ ذ ثِييَّا نّشْ سْوِينْ زَّايْسنْ، شكْ ثُوغَا ثتّْصبَّاحذْ إِ إِربِّيثنْ ن نُّوقَارْثْ ذ وُورغْ ذ وُوزَّاڒْ ذ ؤُكشُّوضْ ذ وژْرُو، إِنِّي وَارْ إِتّْوِيڒِينْ، وَارْ إِتّسْڒِينْ، وَارْ سِّيننْ وَالُو، [مَاشَا] أَربِّي إِ غَارْ إِدْجَا ثْوَارِّيثْ ن نّفْسْ نّشْ ذڭْ ؤُفُوسْ نّسْ ؤُ ونِّي غَارْ إِدْجَا مَارَّا إِبْرِيذنْ نّشْ، وَارْ ث ثسّْعُودْجِيذْ شَا.
DAN 5:24 خنِّي إِسّكّْ نتَّا إِضوْضَانْ ن ؤُفُوسْ نِّي يُورِينْ ثِيرَا-يَا [خْ ڒْحِيضْ].
DAN 5:25 مَانْ أَيَا ذ ثِيرَا إِ يُورِينْ: ’مِينِي، مِينِي، ثِيكِيلْ، ؤُفَارْسِينْ‘.
DAN 5:26 وَا ذ ڒْمعْنَا ن وَاوَاڒْ-أَ. ’مِينِي‘، [إِخْسْ أَذْ يِينِي]، أَربِّي أَقَا إِحْسبْ ثَاڭلْذَا نّشْ ؤُ إِقْضَا إِ-ت.
DAN 5:27 ’ثِيكِيلْ‘، أَقَا شكْ ثتّْوَاوزْنذْ خْ ڒْمِيزَانْ ؤُ ؤُفِينْ شكْ ثفْسُوسذْ.
DAN 5:28 ’فَارِيسْ‘، ثَاڭلْذِيثْ نّشْ ثمّْسبْضَا ؤُ ثمّوْشْ إِ أَيْثْ ن مَاذَايْ ذ أَيْثْ ن لْفُورْسْ.“
DAN 5:29 ڒخْذنِّي يُومَارْ بَالْشَاصَّارْ حِيمَا أَذْ سّْيَارْضنْ ذَانِييَالْ أَرُّوضْ أَذهْمَانِي، أَكْ-ذ إِشْثْ ن ثْسنْذشْثْ ن وُورغْ خْ يِيرِي نّسْ، ؤُ أَذْ خَاسْ بَارّْحنْ بلِّي نتَّا أَذْ يِيڒِي ذ ڒْحَاكمْ وِيسّْ ثْڒَاثَا ذِي ثْڭلْذِيثْ.
DAN 5:30 ذِي دْجِيڒثْ نِّي إِتّْوَانغْ بَالْشَاصَّارْ، أَجدْجِيذْ ن إِكَالْذَانِييّنْ.
DAN 6:1 ذَارِييُوسْ، أَمَاذَايْ، إِكْسِي ثَاڭلْذَا ؤُمِي ثُوغَا غَارسْ عْڒَاحَاڒْ ثْنَاينْ ؤُ-ستِّينْ ن إِسڭّْوُوسَا.
DAN 6:2 يَارْضَا ذَارِييُوسْ حِيمَا أَذْ يَاڒقّمْ مْيَا ؤُ-عِيشْرِينْ ن إِجدْجِيذنْ سَاذُو [ؤُفُوسْ] نّسْ إِنِّي إِ غَا إِحكّْمنْ مَانِي مَا ذِي كُوڒْ ثْڭلْذِيثْ.
DAN 6:3 [نتَّا إِڭَّا] خَاسنْ ثْڒَاثَا ن ڒْحُوكَّامْ إِمقّْرَاننْ. ثُوغَا ذَانِييَالْ إِجّنْ زَّايْسنْ. ثُوغَا إِتّْخصَّا إِ إِجدْجِيذنْ نِّي إِدْجَانْ سَاذُو [ؤُفُوسْ] ن ؤُجدْجِيذْ، أَذْ أَسنْ ڭّنْ ڒحْسَابْ، حِيمَا أَجدْجِيذْ وَارْ ث ثْڒقّفْ ثْخسَّارْثْ.
DAN 6:4 خنِّي ثُوغَا ذَانِييَالْ إِعدُّو ڒْحُوكَّامْ إِمقّْرَاننْ نِّي ذ إِجدْجِيذنْ نِّي إِدْجَانْ سَاذُو [ؤُفُوسْ] ن ؤُجدْجِيذْ، مِينْزِي ثُوغَا ذَايسْ إِجّْ ن بُوحْبڒْ إِشْنَا أَطَّاسْ، ؤُ أَجدْجِيذْ ثُوغَا إِتّْخَارّصْ، حِيمَا أَذْ ث يڭّْ خْ مَارَّا ثَاڭلْذِيثْ.
DAN 6:5 خنِّي أَرْزُونْ ڒْحُوكَّامْ إِمقّْرَاننْ ذ إِجدْجِيذنْ نِّي إِشْثْ ن سِّيبّثْ مَاحنْذْ أَذْ تَّاهْمنْ ذَانِييَالْ ذِي ثْمسْڒَاشْثْ ن ثْڭلْذِيثْ، مَاشَا نِيثْنِي وَارْ ؤُفِينْ ؤُڒَا ذ إِشْثْ ن سِّيبّثْ نِيغْ ڒْغشّْ، مَاغَارْ نتَّا ثُوغَا ذ أَمْثِيقِّي ؤُ وَارْ ذَايسْ إِتّْوِيفْ ڒعْڭزْ نِيغْ [ؤُڒَا ذ إِشْثْ ن جُّورثْ] ن ثْمسْڒَايِينْ ثِيعفَّانِينْ.
DAN 6:6 خنِّي نَّانْ إِرْيَازنْ نِّي: ”وَارْ نتِّيفْ ؤُڒَا ذ إِشْثْ ن سِّيبّثْ إِ تُّوهْمثْ خْ ذَانِييَالْ-أَ، مْغِيرْ مَاڒَا نُوفَا إِ-ت ذِي ثْمسْڒَاشْثْ ن شَّارِيعَا ن أَربِّي نّسْ.“
DAN 6:7 ڒخْذنِّي مُوننْ ڒْحُوكَّامْ إِمقّْرَاننْ ذ إِجدْجِيذنْ نِّي إِدْجَانْ سَاذُو [ؤُفُوسْ] ن ؤُجدْجِيذْ، ؤُسِينْ-د هَاجَانْ إِ ؤُجدْجِيذْ، نَّانْ أَسْ: ”[أَ] أَجدْجِيذْ ذَارِييُوسْ، دَّارْ إِ ڒبْذَا!
DAN 6:8 مْشَاوَارنْ مَارَّا ڒْحُوكَّامْ إِمقّْرَاننْ ن ثْڭلْذِيثْ: إِمْضبَّارنْ ذ إِجدْجِيذنْ [نِّي إِدْجَانْ] سَاذُو إِ ؤُجدْجِيذْ ذ إِمْشَاوَارنْ ذ لْوُولَاثْ، حِيمَا أَجدْجِيذْ أَذْ د-إِسُّوفّغْ إِجّْ ن ڒُومُورْ ذ إِجّْ ن ڒحْكَامْ إِنهَّانْ مَارَّا ونِّي إِ غَا إِقدّْمنْ إِشْثْ ن ثُوثْرَا إِ يِيجّْ ن أَربِّي نِيغْ إِ يِيجّْ ن بْنَاذمْ مْغِيرْ إِ شكْ، [أَ] أَجدْجِيذْ، ذِي ڒْمِيجَاڒْ ن ثْڒَاثِينْ ن وُوسَّانْ، أَذْ إِتّْوَامّنْضَارْ ذِي ثسْرَافْثْ ن وَايْرَاذنْ.
DAN 6:9 خنِّي ڒخُّو، [أَ] أَجدْجِيذْ، سكَّارْ ڒُومُورْ ؤُ وقّعْ ثِيرَا، حِيمَا وَارْ إِتّْوَابطّڒْ [ڒُومُورْ] ؤُ وَارْ إِفنِّي أَمْ مَامّشْ كُوڒْ ڒْقَانُونْ ن أَيْثْ ن مَاذَايْ ذ أَيْثْ ن لْفُورْسْ.“
DAN 6:10 س ؤُينِّي يُورَا ؤُجدْجِيذْ ذَارِييُوسْ ثِيرَا ذ ڒُومُورْ نِّي [س يِيسمْ نّسْ].
DAN 6:11 ؤُمِي إِسّنْ ذَانِييَالْ أَقَا ثِيرَا-يَا ثتّْوَاوقّعْ، يُوذفْ نتَّا غَارْ ثَادَّارْثْ نّسْ. ثُوغَا ثِيبُورْجَاثِينْ ن ثْغُورْفثْ نّسْ أَرزْمنْثْ غَارْ ؤُرْشَالِيمْ. نتَّا إِسْجذْ [ذِينْ] خْ إِفَادّنْ ثْڒَاثَا ن ثْوَاڒَاوِينْ ذڭْ وَاسّْ، إِژُّودْجْ ؤُ إِقَاذَا أَربِّي نّسْ أَمْ مَامّشْ ثُوغَا إِتّڭّْ قْبڒْ.
DAN 6:12 ڒخْذنِّي مُوننْ يرْيَازنْ نِّي س ؤُهَاجِي ؤُشَا ؤُفِينْ ذَانِييَالْ إِتّْژَادْجْ ؤُ إِتّْزَاوَاڭْ إِ أَربِّي نّسْ.
DAN 6:13 خنِّي ؤُذْفنْ-د [غَارسْ] ؤُ سِّيوْڒنْ زَّاثْ [إِ وُوذمْ] ن ؤُجدْجِيذْ خْ ڒُومُورْ ن ؤُجدْجِيذْ: ”مَا وَارْ ثْوقّْعذْ شَا إِجّْ ن ڒُومُورْ بلِّي كُوڒْ إِجّنْ ونِّي، ذِي ڒْمِيجَاڒْ ن ثْڒَاثِينْ ن وُوسَّانْ، غَا إِقدّْمنْ إِشْثْ ن ثُوثْرَا إِ يِيجّْ ن أَربِّي نِيغْ إِ يِيجّْ ن بْنَاذمْ مْغِيرْ إِ شكْ، [أَ] أَجدْجِيذْ، أَذْ إِتّْوَامّنْضَارْ ذِي ثسْرَافْثْ ن وَايْرَاذنْ؟“ يَارَّا-د ؤُجدْجِيذْ، إِنَّا: ”ثَامسْڒَاشْثْ ثْبدّْ أَمْ يِيجّْ ن ڒْقَانُونْ ن أَيْثْ ن مَاذَايْ ذ أَيْثْ ن لْفُورْسْ نِّي وَارْ إِفنِّينْ.“
DAN 6:14 خنِّي أَرِّينْ-د، نَّانْ زَّاثْ [إِ وُوذمْ ن] ؤُجدْجِيذْ: ”ذَانِييَالْ، إِجّنْ زڭْ إِمنْفِييّنْ زِي يَاهُوذَا، أَقَا وَارْ شكْ إِتّْوقَّارْ، [أَ] أَجدْجِيذْ، ؤُڒَا ذ ڒُومُورْ نِّي ثْوقّْعذْ. نتَّا إِتّْژَادْجْ ثْڒَاثَا ن ثْوَاڒَاوِينْ ذڭْ وَاسّْ.“
DAN 6:15 ؤُمِي إِسْڒَا ؤُجدْجِيذْ أَوَاڒْ-أَ، إِخيّقْ أَطَّاسْ خْ يِيخفْ نّسْ ؤُشَا إِڭَّا خْ وُوڒْ نّسْ مَاحنْذْ أَذْ إِفكّْ ذَانِييَالْ. أَڒْ أَغدْجَايْ ن ثْفُوشْثْ إِڭَّا ثِيزمَّارْ نّسْ مَاحنْذْ أَذْ ث إِسّنْجمْ.
DAN 6:16 خنِّي مُوننْ-د يرْيَازنْ نِّي س ؤُهَاجِي غَارْ ؤُجدْجِيذْ، نَّانْ إِ ؤُجدْجِيذْ: ”[أَ] أَجدْجِيذْ، ثسّْنذْ أَقَا-ث ذ إِجّْ ن ڒْقَانُونْ ن أَيْثْ ن مَاذَايْ ذ أَيْثْ ن لْفُورْسْ [ؤُ] وَارْ إِزمَّارْ أَذْ إِتّْوَابدّڒْ ؤُڒَا ذ إِجّْ ڒُومُورْ نِيغْ ذ ڒحْكَامْ نِّي د-إِفّْغنْ زڭْ ؤُجدْجِيذْ.“
DAN 6:17 خنِّي يُومُورْ ؤُجدْجِيذْ أَذْ نذْهنْ ذَانِييَالْ زَّاثسْ ؤُ نْضَارنْ ث ذِي ثسْرَافْثْ ن وَايْرَاذنْ. أَجدْجِيذْ إِطّفْ ذڭْ وَاوَاڒْ، إِنَّا إِ ذَانِييَالْ: ”أَربِّي نّشْ، ونِّي إِ ثْوقَّارذْ ڒبْذَا، أَذْ شكْ إِفكّْ!“
DAN 6:18 إِوْينْ-د إِجّْ ن وژْرُو ؤُشَا سَّارْسنْ ث خْ ؤُقمُّومْ ن ثسْرَافْثْ ؤُشَا إِشمّعْ إِ-ث ؤُجدْجِيذْ س ثْخَاذنْثْ نّسْ ؤُڒَا س ثْخَاذنْثْ ن أَيْثْ ن جّهْذْ نّسْ، حِيمَا وَارْ إِتّْبذِّيڒْ أَرَّايْ خْ ذَانِييَالْ.
DAN 6:19 خنِّي يُويُورْ ؤُجدْجِيذْ غَارْ ڒقْصَارْ نّسْ. إِسّعْذُو دْجِيڒثْ نِّي ذڭْ ؤُژُومِّي ؤُ وَارْ يجِّي أَذْ أَسْ د-أَوْينْ أَفَارّجْ ؤُشَا إِضْوَا زَّايسْ يِيضصْ.
DAN 6:20 زِيشْ غَارْ صّْبحْ غَارْ [ونْقَارْ] ن ثْفَاوْثْ، إِكَّارْ-د ؤُجدْجِيذْ، إِتَّاژّڒْ غَارْ ثسْرَافْثْ ن وَايْرَاذنْ.
DAN 6:21 ؤُمِي د-إِقَارّبْ غَارْ ثسْرَافْثْ، إِڒَاغَا س ثْمِيجَّا ثشْضنْ خْ ذَانِييَالْ. أَجدْجِيذْ إِسِّيوڒْ، إِنَّا إِ ذَانِييَالْ: ”[أَ] ذَانِييَالْ، شكْ ذ أَمْسخَّارْ ن أَربِّي إِدَّارنْ! مَا أَربِّي نّشْ، ونِّي إِ ثْوقَّارذْ ڒبْذَا، مَا ثُوغَا إِزمَّارْ أَذْ شكْ إِفكّْ زڭْ إِيْرَاذنْ؟“
DAN 6:22 خنِّي إِسِّيوڒْ ذَانِييَالْ أَكْ-ذ ؤُجدْجِيذْ ”[أَ] أَجدْجِيذْ، دَّارْ إِ ڒبْذَا!
DAN 6:23 أَربِّي إِنُو إِسّكّْ لْمَالَاكْ نّسْ ؤُ إِبلّعْ أَقمُّومْ ن وَايْرَاذنْ. ثُوغَا وَارْ زمَّارنْ أَذْ أَيِي إِيْزْمنْ مَاغَارْ يُوفَا أَيِي ذ أَمزْذَاڭْ زَّاثسْ. ؤُڒَا أَكِيذكْ، [أَ] أَجدْجِيذْ، وَارْ ڭِّيغْ ؤُڒَا ذ إِشْثْ ن لْجَارِيمَا!“
DAN 6:24 خنِّي إِفَارْحْ ؤُجدْجِيذْ أَطَّاسْ، يُومُورْ أَذْ د-أَوْينْ ذَانِييَالْ زِي ثسْرَافْثْ. أَوَارْنِي ڒَامِي ث إِوْينْ زِي ثسْرَافْثْ وَارْ ذَايسْ ؤُفِينْ ؤُڒَا ذ إِشْثْ ن جّْرِيحشْثْ، مَاغَارْ نتَّا ثُوغَا إِتّْشڒْ خْ أَربِّي نّسْ.
DAN 6:25 ڒخْذنِّي يُومُورْ ؤُجدْجِيذْ أَذْ أَوْينْ إِرْيَازنْ نِّي ثُوغَا إِتَّاهْمنْ ذَانِييَالْ. نْضَارنْ ثنْ ذِي ثسْرَافْثْ ن وَايْرَاذنْ، نِيثْنِي ذ إِحنْجِيرنْ نْسنْ ذ ثمْغَارِينْ نْسنْ. نِيثْنِي ثُوغَا عَاذْ وَارْ إِوِيضنْ شَا غَارْ ثِيسِي ن ثسْرَافْثْ ؤُمِي ثنْ طّْفنْ وَايْرَاذنْ ؤُشَا مزّْقنْ مَارَّا إِغْسَانْ نْسنْ.
DAN 6:26 خنِّي يُورَا ؤُجدْجِيذْ ذَارِييُوسْ إِ مَارَّا ڒڭْنُوسْ ذ شُّوعُوبْ ذ إِڒْسَاونْ: ”أَذْ يِيڒِي ڒهْنَا نْومْ ذ أَمقّْرَانْ أَطَّاسْ.
DAN 6:27 أَقَا سُّوفّْغغْ-د إِجّْ ن ڒُومُورْ حِيمَا [إِمزْذَاغْ] ذِي مَارَّا ثَاڭلْذِيثْ إِنُو، ثنِّي خْ صلّْطغْ، أَذْ أَرْجِيجنْ ؤُ أَذْ قفْقْفنْ زَّاثْ إِ وُوذمْ ن أَربِّي ن ذَانِييَالْ مَاغَارْ نتَّا ذ أَربِّي إِدَّارنْ ؤُ نتَّا أَذْ إِقِّيمْ إِ ڒبْذَا قَاعْ ؤُ ثَاڭلْذَا نّسْ وَارْ زمَّارنْ أَذْ ت ضَارّنْ ؤُ صُّولْطَا نّسْ أَذْ ثقِّيمْ أَڒْ أَنڭَّارُو.
DAN 6:28 نتَّا إِفكّْ ؤُ إِسّنْجمْ ؤُ إِتّڭّْ ڒعْڒَامَاثْ ذ لْمُوعْجِيزَاثْ ذڭْ ؤُجنَّا ؤُ خْ ثمُّورْثْ. ذ نتَّا إِ إِفكّنْ ؤُ إِسّنْجْمنْ ذَانِييَالْ زڭْ وَاشَّارنْ ن وَايْرَاذنْ.“
DAN 6:29 ذَانِييَالْ وَانِيثَا ثُوغَا إِفْڒحْ ؤُمِي ثُوغَا ثَاڭلْذَا ذڭْ ؤُفُوسْ ن ذَارِييُوسْ ؤُ ذڭْ ؤُفُوسْ ن كُورَاشْ، أَفَارْسِي.
DAN 7:1 ذڭْ ؤُسڭّْوَاسْ أَمزْوَارُو ن بَالْشَاصَّارْ، أَجدْجِيذْ ن بَابِيلْ، إِژْرَا ذَانِييَالْ إِشْثْ ن ثَارْجِيثْ ذ إِوحَّانْ ذڭْ ؤُزدْجِيفْ نّسْ ؤُمِي ث ثُوغَا ذِي ثَاسُّوثْ. خنِّي يُورَا ثَارْجِيثْ نِّي ؤُشَا إِحَاجَا زَّايسْ ثِيمسْڒَايِينْ ثِيمزْوُورَا.
DAN 7:2 إِسِّيوڒْ ذَانِييَالْ، إِنَّا: ”ثْوَاڒِيغْ س دْجِيڒثْ إِجّْ ن ڒوْحِييْ، ؤُ خْزَارْ، أَقَا ذِينْ أَربْعَا ن إِسمِّيضنْ ن ؤُجنَّا سّْهوْڒنْ ڒبْحَارْ أَمقّْرَانْ،
DAN 7:3 ؤُشَا أَربْعَا ن إِمُودَّارنْ إِمقّْرَاننْ، إِنِّي وَارْ يَاروْسنْ شَا ذڭْ وَايَاوْيَا، ڭعّْذنْ-د زِي ڒبْحَارْ.
DAN 7:4 [ثُوغَا] أَمزْوَارُو أَمْ ويْرَاذْ، غَارسْ أَفْرِيونْ أَمْ ؤُڭِيذرْ. نشّْ قِّيمغْ خزَّارغْ أَڒَامِي تّْوَاقڒْعنْ وَافْرِيونْ نّسْ. إِتّْوَاسّْڭعّذْ-د زِي ثمُّورْثْ ؤُشَا إِتّْوَاسَّارْسْ خْ إِضَارنْ نّسْ أَمْ يِيجّْ ن بْنَاذمْ ؤُشَا إِمّوْشْ أَسْ إِجّْ ن وُوڒْ ن بْنَاذمْ.
DAN 7:5 ؤُ خْزَارْ، إِجّنْ نّغْنِي، وِيسّْ ثْنَاينْ، يَارْوسْ ذِي دُّوبْ ؤُ إِسّْڭعّذْ إِخفْ نّسْ غَارْ إِجّْ ن ؤُغزْذِيسْ ؤُ ذڭْ ؤُقمُّومْ نّسْ جَارْ ثغْمَاسْ نّسْ أَقَا ذِينْ ثْڒَاثَا ن يغْسَانْ ن ثْغزْذِيسْثْ [زڭْ إِذْمَارنْ]، ؤُشَا نَّانْ أَسْ: ’كَّارْ، أشّْ أَطَّاسْ ن ويْسُومْ!‘
DAN 7:6 أَوَارْنِي أَسْ ثْوَاڒِيغْ [عَاوذْ]، ؤُ خْزَارْ، إِجّْ نّغْنِي أَمْ ؤُغِيڒَاسْ. غَارسْ خْ وعْرُورْ نّسْ أَربْعَا ن وَافْرِيونْ ن إِجّْ ن وجْضِيضْ. أَمُودَّارْ [نِّي] ثُوغَا غَارسْ أَربْعَا ن إِزدْجِيفنْ ؤُشَا ثمّوْشْ أَسْ صُّولْطَا.
DAN 7:7 أَوَارْنِي أَسْ ثْوَاڒِيغْ [عَاوذْ] ذڭْ إِوحَّانْ ذِي دْجِيڒثْ، ؤُ خْزَارْ، أَمُودَّارْ وِيسّْ أَربْعَا إِسَّاڭّْوَاذْ ؤُ إِسّْنخْڒَاعْ ؤُ غَارسْ أَطَّاسْ ن جّهْذْ. غَارسْ ثِيغْمَاسْ ن وُوزَّاڒْ، إِشَّا، إِڒْبزْ ؤُ مِينْ إِقِّيمنْ إِعْفسْ خَاسْ س إِضَارنْ نّسْ. ثُوغَا إِمّْسبْضَا خْ إِمُودَّارنْ نّغْنِي نِّي ثُوغَا قْبڒْ نّسْ ؤُ غَارسْعشْرَا ن وَاشَّاونْ.
DAN 7:8 نشّْ حْضِيغْ خْ وَاشَّاونْ، ؤُ خْزَارْ، إِجّْ ن وَاشَّاوْ ذ أَمژْيَانْ إِڭعّذْ جَارْ أَسنْ ؤُ تّْوَاقڒْعنْ-د ثْڒَاثَا ن وَاشَّاونْ إِمزْوُورَا ؤُشَا تّْوَاكّْسنْ-د زڭْ ومْشَانْ نْسنْ. ؤُ خْزَارْ، ذڭْ وَاشَّاوْ نِّي ثُوغَا أَخْمِي ذَايسْ ثِيطَّاوِينْ ن بْنَاذمْ ذ يِيجّْ ن ؤُقمُّومْ إِشُّورْ س ڒفْضَايحْ ثِيمقّْرَانِينْ.
DAN 7:9 نشّْ قِّيمغْ تّْوَاڒِيغْ أَڒَامِي مَّارْسنْ ڒكْرَاسِي إِڭلّْذنْ ؤُشَا إِقِّيمْ ؤُوسَّارْ ن وُوسَّانْ. أَرُّوضْ نّسْ ذ أَشمْڒَاڒْ أَمْ وذْفڒْ ؤُ أَشُوَّافْ نّسْ أَمْ ثَاضُوفْثْ ثصْفَا. ڒْكُورْسِي إِڭلّْذنْ نّسْ ذ إِحُوذَاقْ ن ثْمسِّي ذ ثْجَارَّارِينْ نّسْ أَمْ ثْمسِّي إِتّحْذُوذُوقنْ.
DAN 7:10 إِفّغْ-د زَّايسْ إِجّْ ن إِغْزَارْ ن ثْمسِّي. أَڒفْ [خْ] ڒُوڒُوفْ ثُوغَا تّْسخَّارَانْ أَسْ ؤُعشْرَا ن ڒُوڒُوفْ [خْ]عشْرَا ن ڒُوڒُوفْ بدّنْ زَّاثسْ. أَڭْرَاوْ ن شّْرعْ إِطّفْ ذڭْ ؤُغِيمِي ؤُشَا نُّورْزْمنْ إِذْلِيسنْ.
DAN 7:11 نشّْ قِّيمغْ خزَّارغْ زِي سِّيبّثْ ن ڒْحسّْ ن وَاوَاڒنْ إِمقّْرَاننْ نِّي إِسِّيوڒْ يِيشّْ [نِّي]. نشّْ قِّيمغْ خزَّارغْ أَڒَامِي إِتّْوَانغْ ؤُمُودَّارْ ؤُ ثتّْوَاهلّكْ أَرِّيمثْ نّسْ ؤُ إِتّْوَاسلّمْ إِ ثْمسِّي إِتّحْذُوذُوقنْ.
DAN 7:12 ؤُڒَا ذ إِمُودَّارنْ إِنّغْنِي ثتّْوَاكّسْ أَسنْ صُّولْطَا نْسنْ ؤُ إِمّوْشْ أَسنْ ثَازُّوڭَّارْثْ ن ثُوذَارْثْ [نْسنْ] أَڒْ إِشْثْ ن ثْسَاعّثْ ؤُ أَڒْ إِجّْ ن ڒْمِيجَاڒْ [إِتّْوَاڭّنْ].
DAN 7:13 نشّْ قِّيمغْ تّْوَاڒِيغْ ذِي إِوحَّانْ ن دْجِيڒثْ، ؤُ خْزَارْ، يُوسَا-د أَكْ-ذ إِسيْنُوثنْ ونِّي إِڭِّينْ أَمْ يِيجّْ ن مِّيسْ ن بْنَاذمْ، ؤُ نتَّا يُويُورْ غَارْ ؤُوسَّارْ ن وُوسَّانْ ؤُشَا سّْقَارّْبنْ ث زَّاثسْ.
DAN 7:14 ثمّوْشْ أَسْ صُّولْطَا ذ شَّانْ ذ ثْڭلْذَا، ؤُ مَارَّا ڒڭْنُوسْ ذ شُّوعُوبْ ذ إِڒْسَاونْ ثُوغَا تّْسخَّارنْ أَسْ. صُّولْطَا نّسْ ذ إِشْثْ ن صُّولْطَا إِ ڒبْذَا إِ وَارْ إِفنِّينْ ؤُ ثَاڭلْذَا نّسْ وَارْ إِزمَّارْ أَذْ ت ضَارّنْ.
DAN 7:15 نشّْ، ذَانِييَالْ، أَقَا إِتّْوَاسّْحِيسّفْ بُوحْبڒْ إِنُو ذَاخڒْ ذِي أَرِّيمثْ إِنُو ؤُ إِوحَّانْ ذڭْ ؤُزدْجِيفْ إِنُو سّنْخڒْعنْثْ أَيِي.
DAN 7:16 نشّْ ؤُيُورغْ غَارْ يِيجّنْ زڭْ يِينِّي ذِينْ إِبدّنْ ؤُ سّقْسِيغْ ث خْ مِينْ إِخْسْ أَذْ يِينِي مَانْ أَيَا مَارَّا ؤُ نتَّا إِسِّيوڒْ-د أَكِيذِي، إِشَارّحْ أَيِي ثِيمسْڒَايِينْ-أَ.
DAN 7:17 ”إِمُودَّارنْ-أَ إِمقّْرَاننْ، أَربْعَا نِّي، [أَقَا أَثنْ] أَربْعَا ن إِجدْجِيذنْ نِّي د غَا إِڭعّْذنْ زِي ثمُّورْثْ.
DAN 7:18 [أَوَارْنِي أَيَا] إِمْقدَّاسنْ ن ؤُمْعُودْجِي خْ كُوڒْشِي أَذْ طّْفنْ ثَاڭلْذَا ؤُ ثَاڭلْذَا أَذْ غَارْسنْ ثِيڒِي إِ ڒبْذَا، [وَاهْ،] إِ ڒبْذَا ن ڒبْذَايَاثْ.“
DAN 7:19 خنِّي خْسغْ أَذْ سّْنغْ ڒْمعْنَا ن ؤُمُودَّارْ وِيسّْ أَربْعَا، ونِّي ثُوغَا إِمّْسبْضَا أَطَّاسْ خْ مَارَّا إِنّغْنِي، إِسَّاڭّْوَاذْ بْڒَا ڒْحذْ. أَقَا غَارسْ ثِيغْمَاسْ ن وُوزَّاڒْ ذ وَاشَّارنْ ن نّْحَاسْ، إِشَّا، إِڒْبزْ ؤُ مِينْ إِقِّيمنْ إِعْفسْ خَاسْ س إِضَارنْ نّسْ.
DAN 7:20 [ثُوغَا خْسغْ أَذْ سّْنغْ عَاوذْ ڒْمعْنَا ن] وَاشَّاونْ خْ ؤُزدْجِيفْ نّسْ ؤُ خْ ونّغْنِي إِ د-إِڭعّْذنْ إِ ؤُمِي د-وْضَانْ ثْڒَاثَا زَّاثسْ، [إِخْسْ أَذْ يِينْ] خْ يِيشّْ نِّي غَارسْ ثِيطَّاوِينْ ذ إِجّْ ن ؤُقمُّومْ [إِشُّورْ س] وَاوَاڒنْ إِمْغَارنْ، ذ ونِّي إِبَانْ-د ذ أَمقّْرَانْ خْ [وَاشَّاونْ] نّغْنِي،
DAN 7:21 نشّْ ژْرِيغْ أَقَا إِشّْ نِّي إِتّْمنْغَا أَكْ-ذ إِمْقدَّاسنْ ؤُ إِغلّبْ خَاسنْ،
DAN 7:22 أَڒَامِي د-يُوسَا ؤُمْغَارْ ن وُوسَّانْ ؤُ يُوغَا ثَاسْغَارْثْ إِ إِمْقدَّاسنْ ن ؤُمْعُودْجِي خْ كُوڒْشِي ؤُشَا ثُوسَا-د ثْسَاعّثْ إِتّْوَاڭّنْ ؤُشَا طّْفنْ إِمْقدَّاسنْ ثَاڭلْذَا.
DAN 7:23 نتَّا إِنَّا أَمُّو: ”أَمُودَّارْ وِيسّْ أَربْعَا أَذْ يِيڒِي ذ ثَاڭلْذِيثْ وِيسّْ أَربْعَا خْ ثمُّورْثْ نِّي إِ غَا ثِيڒِي ثمْسبْضَا خْ مَارَّا ثِيڭلْذِيوِينْ [نّغْنِي]. أَذْ يشّْ ثَامُّورْثْ مَارَّا، أَذْ خَاسْ إِعْفسْ ؤُ أَذْ ت إِڒْبزْ.
DAN 7:24 ؤُ خْعشْرَا ن وَاشَّاونْ، أَقَا زِي ثْڭلْذِيثْ نِّي أَذْ كَّارنْعشْرَا ن إِجدْجِيذنْ ؤُ أَوَارْنِي أَسنْ أَذْ إِكَّارْ ونّغْنِي ؤُ وَانِيثَا أَذْ يِيڒِي إِمّْسبْضَا خْ إِمزْوُورَا ؤُ نتَّا أَذْ إِذدْجْ ثْڒَاثَا ن إِجدْجِيذنْ.
DAN 7:25 نتَّا أَذْ إِتّْعفَّارْ س وَاوَاڒنْ نّسْ خْ ؤُمْعُودْجِي ن كُوڒْشِي ؤُ أَذْ يَاردّدْجْ إِمْقدَّاسنْ ن ؤُمْعُودْجِي خْ كُوڒْشِي ؤُ أَذْ يَارْزُو مَاحنْذْ أَذْ إِبدّڒْ زّْمَانَاثْ ذ شَّارِيعَا، ؤُ نِيثْنِي أَذْ مّوْشنْ ذڭْ ؤُفُوسْ نّسْ إِ يِيجّْ ن ڒْمِيجَاڒْ ن ڒْوقْثْ ذ ڒوْقَاثْ ذ إِجّْ وزْينْ ن ڒْمِيجَاڒْ ن ڒْوقْثْ.
DAN 7:26 خنِّي أَذْ إِطّفْ وڭْرَاوْ ن شّْرعْ ذڭْ ؤُغِيمِي، ؤُشَا أَذْ زَّايسْ تّْوَاكّْسنْ صُّولْطَا نّسْ مَاحنْذْ أَذْ إِتّْوَاردّدْجْ ؤُ أَذْ إِتّْوَاثحَّا أَمْ إِكْمڒْ.
DAN 7:27 مَاشَا ثَاڭلْذَا ذ صُّولْطَا ذ ڒمْغَارثْ ن مَارَّا ثِيڭلْذِيوِينْ سَاذُو ؤُجنَّا أَذْ مّوْشنْثْ إِ ڒْڭنْسْ ن إِمْقدَّاسنْ ن ؤُمْعُودْجِي خْ كُوڒْشِي. ثَاڭلْذِيثْ نّسْ ذ إِشْثْ ن ثْڭلْذِيثْ إِ ڒبْذَا ؤُ مَارَّا ثِيڭلْذِيوِينْ أَذْ ث وقَّارنْ ؤُ أَذْ أَسْ طَاعنْ إِ نتَّا.“
DAN 7:28 وَانِيثَا ذ أَوَاڒْ أَنڭَّارُو. [خَافِي] نشّْ، نشّْ ذَانِييَالْ، أَقَا إِخَارِّيصنْ إِنُو سّنْخڒْعنْ أَيِي ؤُ ثِيسِّيقْثْ ثْرُوحْ زڭْ وُوذمْ إِنُو، مَاشَا نشّْ حْضِيغْ أَوَاڒْ نِّي ذڭْ وُوڒْ إِنُو. أَڒْ ذَانِيثَا إِ ثِيوضْ ثِيرَا س يِيڒسْ ن ثْرَامِيثْ.
DAN 8:1 ذڭْ ؤُسڭّْوَاسْ وِيسّْ ثْڒَاثَا ن ثْڭلْذَا ن ؤُجدْجِيذْ بَالْشَاصَّارْ، إِبَانْ-أَيِي-د إِجّْ ن ڒوْحِييْ، إِ نشّْ ذَانِييَالْ، أَوَارْنِي إِ [ڒوْحِييْ] أَمزْوَارُو نِّي ثُوغَا إِ ذ أَيِي د-إِبَاننْ.
DAN 8:2 نشّْ ثُوغَا تّْوَاڒِيغْ ذڭْ إِجّْ ن ڒوْحِييْ ؤُ ژْرِيغْ ثُوغَا أَيِي ذِي لْبُورْجْ ن شُوشَانْ [نِّي إِدْجَانْ] ذِي لْعَامَالَا ن عِيلَامْ. نشّْ تّْوَاڒِيغْ ذِي ڒوْحِييْ ثُوغَا أَيِي غَارْ يغْزَارْ ن ؤُلَايْ.
DAN 8:3 نشّْ سّْڭعّْذغْ ثِيطَّاوِينْ إِنُو، ؤُ خْزَارْ، إِجّْ ن إِشَارِّي إِبدّْ زَّاثْ إِ إِغْزَارْ. ثُوغَا غَارسْ ثْنَاينْ ن وَاشَّاونْ ؤُ ثْنَاينْ نِّي ن وَاشَّاونْ ثُوغَا أَثنْ ذ إِزِيرَارنْ. ثُوغَا إِجّْ ن يِيشّْ [زَّايْسنْ] يُوعْڒَا خْ ونّغْنِي ؤُ ونِّي يُوعْڒَانْ إِڭعّذْ ذ أَنڭَّارْ.
DAN 8:4 نشّْ ژْرِيغْ أَقَا إِشَارِّي إِشَّاثْ س وَاشَّاونْ نّسْ غَارْ ڒْغَارْبْ ؤُ غَارْ شَّامَالْ ذ لْجَانُوبْ. ؤُڒَا ذ إِجّْ ن ؤُمُودَّارْ إِزمَّارْ أَذْ إِبدّْ زَّاثسْ ؤُ وَارْ إِدْجِي وِي غَا إِنجْمنْ زڭْ ؤُفُوسْ نّسْ. نتَّا إِڭَّا مِينْ إِخْسْ ؤُ إِسّمْغَارْ إِخفْ نّسْ.
DAN 8:5 نشّْ قِّيمغْ حكَّارغْ، ؤُ خْزَارْ، يُوسَا-د إِجّْ ن ومْيَانْ زِي لْغَارْبْ خْ مَارَّا ؤُذمْ ن ثمُّورْثْ، وَارْ إِحِيذِي ثَامُّورْثْ. أَمْيَانْ-أَ غَارسْ إِجّْ ن دّڭْ ن يِيشّْ جَارْ ثِيطَّاوِينْ نّسْ غَارسْ ڒْقِيمثْ.
DAN 8:6 نتَّا يِيوضْ-د غَارْ إِشَارِّي نِّي إِ غَارْ إِدْجَا ثْنَاينْ ن وَاشَّاونْ، ونِّي ژْرِيغْ إِبدّْ زَّاثْ إِ إِغْزَارْ. إِقَارّبْ-د غَارسْ س ثزْڒَا أَكْ-ذ ڒقْسَاحثْ ن جّهْذْ نّسْ،
DAN 8:7 ؤُ ژْرِيغْ أَقَا يِيوضْ غَارْ ؤُغزْذِيسْ ن إِشَارِّي ؤُ إِشَّاثْ ذَايسْ س ثيِّيثَا قسْحنْثْ. نتَّا إِمْقَارْقبْ أَكْ-ذ إِشَارِّي ؤُ يَارْژَا أَسْ ثْنَاينْ ن وَاشَّاونْ نّسْ ؤُشَا إِشَارِّي ثُوغَا وَارْ غَارسْ جّحْذْ عَاذْ مَاحنْذْ أَذْ إِقِّيمْ إِبدّْ. إِنْضَارْ إِ-ث غَارْ ثمُّورْثْ ؤُ يَارْفسْ إِ-ث ؤُ ثُوغَا وَارْ ذِينْ وِي ث غَا إِفكّنْ زڭْ ؤُفُوسْ نّسْ.
DAN 8:8 أَمْيَانْ إِسّمْغَارْ إِخفْ نّسْ أَڒْ طَّارْفْ، [مَاشَا] أَڒَامِي إِذْوڒْ إِجْهذْ، يَارْژَا يِيشّْ نِّي أَمقّْرَانْ ؤُشَا خڒْفنْ-د ذڭْ ومْشَانْ نّسْ أَربْعَا ن وَاشَّاونْ إِتّْبَاننْ غَارْ جّْوَايهْ ن أَربْعَا ن إِغزْذِيسنْ ن ؤُسمِّيضْ ن ؤُجنَّا.
DAN 8:9 زڭْ يِيجّْ زَّايْسنْ إِفّغْ-د إِجّْ ن يِيشّْ ذ أَمعْنَانْ ؤُشَا إِذْوڒْ ذ أَمقّْرَانْ أَڒْ طَّارْفْ، غَارْ لْجَانُوبْ ؤُ غَارْ شَّارْقْ ؤُ غَارْ [ثمُّورْثْ ن] ثلْوِيزْثْ.
DAN 8:10 إِذْوڒْ إِمْغَارْ [إِڭعّذْ] أَڒْ ڒْعسْكَارْ ن ؤُجنَّا ؤُشَا إِنْضَارْ-د [شَا] زِي ڒْعسْكَارْ ؤُ زِي يثْرَانْ غَارْ ثمُّورْثْ ؤُشَا يَارْفسْ إِ-ثنْ.
DAN 8:11 [وَاهْ]، إِسّمْغَارْ إِخفْ نّسْ أَڒَامِي د-يِيوضْ غَارْ ڒْحَاكمْ ن ڒْعسْكَارْ. وَانِيثَا ثتّْوَاكّسْ زَّايسْ [ثوْهِيبْثْ] ن ڒبْذَا ؤُ إِمّنْضَارْ ومْشَانْ ن زَّاوشْثْ نّسْ إِقدّْسنْ.
DAN 8:12 أَذْ إِتّْوَاڭّْ إِجّْ ن ڒْعسْكَارْ خْ ثوْهِيبْثْ ن ڒبْذَا زِي سِّيبّثْ ن إِجّْ ن ؤُعذِّي ؤُشَا ثمّنْضَارْ-د ثِيذتّْ خْ ثمُّورْثْ ؤُ [مَارَّا مِينْ] إِڭَّا، إِفّغْ [أَسْ-د].
DAN 8:13 [أَوَارْنِي ؤُيَا] سْڒِيغْ إِ يِيجّْ ن ؤُمْقدَّاسْ إِسَّاوَاڒْ ؤُ إِنَّا إِجّْ ن ؤُمْقدَّاسْ [نّغْنِي] إِ ونِّي ثُوغَا إِسَّاوَاڒنْ: ”أَڒْ مڒْمِي غَا يِيڒِي ڒوْحِييْ ن ثوْهِيبْثْ ن ڒبْذَا ذ نّْعِي ن ڒْمُوعْصِييّثْ، أَقَا أَذْ ثتّْوَاسلّمْ زَّاوشْثْ إِقدّْسنْ ذ ڒْعسْكَارْ مَاحنْذْ أَذْ تّْوَارفْسنْ؟“
DAN 8:14 ؤُ نتَّا إِنَّا أَيِي: ”أَڒْ أَڒْفَاينْ ذ ثڒْثْ-مْيَا ن ثْمذِّيثِينْ ذ ثُوفُّوثِينْ، [خنِّي] زَّاوشْثْ إِقدّْسنْ أَذْ ثتّْوَاسّڭّذْ.“
DAN 8:15 ؤُشَا إِمْسَارْ، ڒَامِي نشّْ، ذَانِييَالْ، ژْرِيغْ ڒوْحِييْ نِّي ؤُ أَرْزُوغْ أَذْ سّْنغْ ڒْمعْنَا نّسْ، خْزَارْ، أَقَا ذَا إِبدّْ زَّاثِي أَمْ وَادُّوذْ ن إِجّْ ن ورْيَازْ.
DAN 8:16 ؤُشَا سْڒِيغْ ثْمِيجَّا ن إِجّْ ن بْنَاذمْ جَارْ [ثمَّاوِينْ ن إِغْزَارْ ن] ؤُلَايْ، إِڒَاغَا، إِنَّا: ”جِيبْرِيلْ، فسَّارْ أَسْ ڒوْحِييْ!“
DAN 8:17 ؤُشَا يُوسَا-د غَارْ ؤُغزْذِيسْ إِنُو مَانِي ثُوغَا تّْبذِّيغْ ؤُ ڒَامِي د-يُوسَا، نّْخڒْعغْ ؤُ وْضِيغْ خْ ؤُغمْبُوبْ إِنُو. [خنِّي] إِنَّا أَيِي: ”[أَ] مِّيسْ ن بْنَاذمْ، سّنْ أَقَا ڒوْحِييْ [إِڒقّفْ] ڒْوقْثْ ن ؤُنڭَّارْ.“
DAN 8:18 ڒَامِي ثُوغَا أَكِيذِي إِسَّاوَاڒْ، هْوِيغْ س ؤُغمْبُوبْ إِنُو غَارْ ثمُّورْثْ ذڭْ يِيجّْ ن يِيضصْ يُودْجغْ. [خنِّي] إِحَاذَا أَيِي، إِسّْبدّْ أَيِي [خْ إِضَارنْ]،
DAN 8:19 إِنَّا: ”خْزَارْ، أَذْ أَشْ سّشْنغْ مِينْ غَا إِمْسَارنْ غَارْ ؤُنڭَّارْ ن [ڒْوقْثْ-أَ] ن وسْخضْ، مَاغَارْ أَنڭَّارْ أَذْ يِيڒِي ذِي ڒْوقْثْ إِتّْوَاڭّنْ.
DAN 8:20 إِشَارِّي نِّي ثژْرِيذْ، أَقَا غَارسْ ثْنَاينْ ن وَاشَّاونْ. إِنَا ذ إِجدْجِيذنْ ن أَيْثْ ن مَاذَايْ ذ أَيْثْ ن لْفُورْسْ.
DAN 8:21 أَمْيَانْ نِّي س ؤُشُوَّافْ، نتَّا ذ أَجدْجِيذْ ن يَاوَانْ، [إِخْسْ أَذْ يِينِي ن لْيُونَانْ] ؤُ إِشّْ أَمقّْرَانْ [إِ إِدْجَانْ] جَارْ ثِيطَّاوِينْ نّسْ ذ أَجدْجِيذْ أَمزْوَارُو.
DAN 8:22 إِشّْ نِّي إِتّْوَارْژْ، خڒْفنْ ث أَربْعَا [نّغْنِي] ذڭْ ومْشَانْ نّسْ، [مَانْ أَيَا إِخْسْ أَذْ يِينِي] زِي ڒْڭنْسْ نّسْ أَذْ كَّارنْثْ أَربْعَا ن ثْڭلْذِيوِينْ، [مَاشَا] وَارْ إِدْجِي س جّْهذْ نّسْ.
DAN 8:23 ذڭْ ؤُنڭَّارْ ن ثْڭلْذَا نْسنْ، ؤُمِي كمّْڒنْ إِنِّي إِتّْعدَّانْ أَڒْ [ڒْْقدّْ] نْسنْ، أَذْ د-إِكَّارْ إِجّْ ن ؤُجدْجِيذْ س وُوذمْ إِقْسحْ ؤُ س ڒعْقڒْ ن ثحْرَايْمشْثْ.
DAN 8:24 جّهْذْ نّسْ أَذْ إِمْغَارْ، مَاشَا وَارْ إِدْجِي زِي جّهْذْ [ن يِيخفْ] نّسْ. نتَّا أَذْ يَاردّدْجْ س ؤُثبْهثْ ؤُ مَارَّا مِينْ غَا يڭّْ أَذْ ذَايسْ إِفْڒحْ. نتَّا أَذْ يَاردّدْجْ إِنِّي غَارْ ثدْجَا صُّولْطَا، ؤُڒَا ذ ڒْڭنْسْ ن إِمْقدَّاسنْ.
DAN 8:25 س ثحْرَايْمشْثْ نّسْ أَذْ أَسْ إِنْجحْ ڒْغشّْ نِّي ذڭْ ؤُفُوسْ نّسْ ؤُ نتَّا أَذْ إِسّمْغَارْ إِخفْ نّسْ ذڭْ وُوڒْ نّسْ ؤُ ذڭْ إِشْثْ ن ثشْثِي أَذْ يَاردّدْجْ أَطَّاسْ ؤُ أَذْ إِغوّغْ خْ ڒْحَاكمْ ن ڒْحُوكَّامْ، [مَاشَا] بْڒَا مَا إِكَّا خَاسْ ؤُفُوسْ ڭُّورْ أَذْ إِتّْوَارْژْ.
DAN 8:26 ڒوْحِييْ ن ثْمذِّيثِينْ ذ ثفُّوثِينْ إِ خفْ سَّاوَاڒنْ، أَقَا-ت ذ ثِيذتّْ. ؤُ شكْ، شمّعْ ڒوْحِييْ-أَ، مَاغَارْ أَقَا نتَّا أَذْ د-يَاسْ [أَوَارْنِي إِ] وَاطَّاسْ ن وُوسَّانْ.“
DAN 8:27 نشّْ، ذَانِييَالْ، ثُوغَا ضعْفغْ أَطَّاسْ ؤُ هڒْشغْ شَا ن وُوسَّانْ. [خنِّي] كَّارغْ-د ؤُ ڭِّيغْ [عَاوذْ] ڒْخذْمثْ ن ؤُجدْجِيذْ. نّْخڒْعغْ زِي ڒوْحِييْ-أَ، مَاشَا ؤُڒَا ذ إِجّْ وَارْ يُوشِي.
DAN 9:1 ذڭْ ؤُسڭّْوَاسْ أَمزْوَارُو ن ذَارِييُوسْ، مِّيسْ ن أَحَاشْوِيرُوسْ، ونِّي زڭْ أَيْثْ ن مَاذَايْ، ونِّي إِذوْڒنْ ذ أَجدْجِيذْ خْ ثْڭلْذِيثْ ن إِكَالْذَانِييّنْ،
DAN 9:2 ذڭْ ؤُسڭّْوَاسْ أَمزْوَارُو ن ثْڭلْذَا نّسْ إِبَانْ-أَيِي-د، إِ نشّْ ذَانِييَالْ، زڭْ إِذْلِيسنْ، بلِّي ڒْقدّْ ن إِسڭّْوُوسَا إِ خْ ثُوغَا إِسِّيوڒْ وَاوَاڒْ ن سِيذِي إِ ؤُنَابِي إِرْمِييَا إِ ؤُكمّڒْ ن [ڒْوقْثْ ن] ڒْخِيرْبَاثْ ن ؤُرْشَالِيمْ، ثُوغَا-ث سبْعِينْ ن إِسڭّْوُوسَا.
DAN 9:3 نشّْ أَرِّيغْ أَغمْبُوبْ إِنُو غَارْ سِيذِي أَربِّي، حِيمَا أَذْ خَاسْ أَرْزُوغْ س ثْژَادْجِيثْ ذ ؤُزَاوڭْ، س ؤُژُومِّي ذڭْ ثْخَانْشثْ ن وشْضَانْ ذ يِيغّضْ.
DAN 9:4 نشّْ ژُّودْجغْ إِ سِيذِي، أَربِّي إِنُو، ؤُ نعْمغْ [خْ دّْنُوبْ نّغْ]، نِّيغْ ”أَ سِيذِي إِنُو، شكْ ذ أَربِّي أَمقّْرَانْ ذ إِسِّيڭّْوِيذنْ، ونِّي إِحطَّانْ ڒْعَاهْذْ نّسْ ذ ثْمخْسِيوْثْ نّسْ إِشوَّارنْ إِ يِينِّي ث إِتّخْسنْ ؤُ إِ يِينِّي إِحطَّانْ ثِيوصَّا نّسْ.
DAN 9:5 نشِّينْ نخْضَا ؤُ نڭَّا ڒْمُوعْصِييّثْ ذ ڒْغَارْ ؤُ نْغوّغْ أَمْ نفّغْ زِي ثِيوصَّا ذ لْفَارَايِيضْ نّشْ.
DAN 9:6 وَارْ نسْڒِي إِ إِمْسخَّارنْ نّشْ، إِنَابِييّنْ، إِنِّي ثُوغَا إِسَّاوَاڒنْ ذڭْ يِيسمْ نّشْ إِ إِجدْجِيذنْ نّغْ ذ ڒْحُوكَّامْ نّغْ ذ ڒجْذُوذْ نّغْ ؤُڒَا إِ مَارَّا  ڒْڭنْسْ ن ثمُّورْثْ.
DAN 9:7 شكْ، [أَ] سِيذِي إِنُو، غَاركْ ثَاسڭْذَا، مَاشَا نشِّينْ غَارْنغْ ڒحْيَا ذڭْ ؤُغمْبُوبْ، أَمْ [مَامّشْ ثدْجَا] أَسّْ-أَ، غَارْ إِرْيَازنْ ن يَاهُوذَا ذ إِمزْذَاغْ ن ؤُرْشَالِيمْ ذ مَارَّا إِسْرَائِيل، [غَارْ] يِينِّي يُوذْسنْ ذ يِينِّي إِڭّْوجنْ ذِي مَارَّا ثِيمُّورَا مَانِي خَاسنْ ثُوژّْڒذْ شكْ ذِي سِّيبّثْ ن ڒغْذَارْ نْسنْ إِ زِي شكْ غْضَارنْ.
DAN 9:8 [أَ] سِيذِي، ذَايْنغْ ڒحْيَا [ذڭْ] ؤُغمْبُوبْ [نّغْ]، أَقَا-ث ذڭْ إِجدْجِيذنْ نّغْ ذِي ڒْحُوكَّامْ نّغْ ذڭْ إِبَابَاثنْ نّغْ مَاغَارْ نشِّينْ نخْضَا أَكِيذكْ.
DAN 9:9 غَارْ سِيذِي إِنُو، أَربِّي نّغْ، أَرّحْمثْ ذ وغْفَارْ، وَاخَّا نشِّينْ نْغوّغْ خَاسْ.
DAN 9:10 وَارْ نسْڒِي إِ ثْمِيجَّا ن سِيذِي، أَربِّي نّغْ، مَاحنْذْ أَذْ نُويُورْ ذِي لْقَاوَانِينْ نّسْ نِّي إِ ذ أَنغْ إِوْشَا س ؤُفُوسْ ن إِمْسخَّارنْ نّسْ، إِنَابِييّنْ.
DAN 9:11 مَارَّا إِسْرَائِيل ثُوغَا إِتّْعدَّا خْ شَّارِيعَا نّشْ ؤُ إِتّفّغْ [زڭْ وبْرِيذْ] مَاحنْذْ وَارْ إِتّسْڒِي إِ ثْمِيجَّا نّشْ. ؤُ [أَمُّو إِ] خَانغْ ثتّْوَازدْجعْ نّعْڒثْ إِ إِتّْوَاضمْننْ س ثْجَادْجِيثْ إِ إِتّْوَارِينْ ذِي شَّارِيعَا ن مُوسَا، أَمْسخَّارْ ن أَربِّي، مِينْزِي نشِّينْ نخْضَا أَكِيذسْ.
DAN 9:12 نتَّا إِڭَّا أَوَاڒنْ نّسْ تّْبدَّانْ، [أَوَاڒنْ] نِّي إِسِّيوڒْ أَكِيذْنغْ ؤُ أَكْ-ذ ڒْقُوضَاثْ نّغْ نِّي ثُوغَا إِ خَانغْ إِحكّْمنْ، أَمْ ذَايْنغْ إِڭَّا إِجّْ ن ڒْغَارْ ذ أَمقّْرَانْ إِ وَارْ إِمْسَارنْعمَّارْصْ سَاذُو ؤُجنَّا، أَمْ مَامّشْ إِ إِتّْوَاڭّْ إِ ؤُرْشَالِيمْ.
DAN 9:13 أَمْ مَامّشْ ثُورَا ذِي شَّارِيعَا ن مُوسَا، أَمُّو يُوسَا-د خَانغْ مَارَّا ڒْغَارْ نِّي. ؤُ نشِّينْ [خنِّي] وَارْ نْزَاوڭْ شَا زَّاثْ إِ وُوذمْ ن سِيذِي، أَربِّي نّغْ، مَاحنْذْ أَذْ نْحيّذْ خْ ڒْمُوعْصِييّثْ نّغْ ؤُ مَاحنْذْ أَذْ نَارْزُو أَذْ نفْهمْ ثِيذتّْ نّشْ.
DAN 9:14 سِيذِي إِحْضَا ڒْغَارْ ؤُشَا إِسَّارْسْ إِ-ث-إِ-د خَانغْ، مَاغَارْ سِيذِي، أَربِّي نّغْ ذ أَمْسڭّذْ ذِي مَارَّا ڒفْعَايڒْ نّسْ نِّي إِڭَّا ؤُمِي وَارْ نسْڒِي غَارْ ثْمِيجَّا نّسْ.
DAN 9:15 ؤُ ڒخُّو، [أَ] سِيذِي، أَربِّي نّغْ، ونِّي إِسُّوفّْغنْ ڒْڭنْسْ نّشْ زِي ثمُّورْثْ ن مِيصْرَا س يِيجّْ ن ؤُفُوسْ إِجهْذنْ ؤُ ونِّي إِڭِّينْ إِ يِيخفْ نّسْ إِجّْ ن يِيسمْ، أَمْ مَامّشْ إِدْجَا أَڒْ أَسّْ-أَ. نشِّينْ نخْضَا ؤُ نڭَّا ڒْغَارْ.
DAN 9:16 [أَ] سِيذِي إِنُو، زِي سِّيبّثْ ن ثْسڭْذَا نّشْ، سْحيّذْ أَغْضَابْ نّشْ ذ وسْعَارْ نّشْ خْ ثنْذِينْثْ نّشْ ؤُرْشَالِيمْ، [خْ] وذْرَارْ نّشْ إِقدّْسنْ. مَاغَارْ زِي سِّيبّثْ ن دّْنُوبْ نّغْ ذ ڒْمُوعْصِييّثْ ن ڒجْذُوذْ نّغْ ثذْوڒْ  ؤُرْشَالِيمْ ذ ڒْڭنْسْ نّشْ ذ ڒْعَارْ إِ مَارَّا إِنِّي ذ أَنغْ د-إِنّْضنْ.
DAN 9:17 ؤُ ڒخُّو، [أَ] أَربِّي نّغْ، سڒْ غَارْ ثْژَادْجِيثْ ن ؤُمْسخَّارْ نّشْ ؤُ غَارْ ؤُزَاوڭْ نّسْ، أجّْ ؤُذمْ نّشْ أَذْ يڭّْ ثَافَاوْثْ ذِي طّْوعْ نّشْ، [أَ] سِيذِي إِنُو، خْ زَّاوشْثْ نّشْ إِقدّْسنْ، ثنِّي إِذوْڒنْ ذ ڒْخَارْبثْ.
DAN 9:18 أوْشْ أَمزُّوغْ نّشْ، [أَ] أَربِّي، سڒْ. أَرْزمْ ثِيطَّاوِينْ نّشْ ؤُ خْزَارْ ڒْخِيرْبَاثْ ذ ثنْذِينْثْ نِّي إِتّْوَاڒَاغَانْ س يِيسمْ نّشْ، مِينْزِي نشِّينْ وَارْ نوْضِي زَّاثْ إِ وُوذمْ نّشْ مَاحنْذْ أَذْ نْزَاوڭْ خْ ؤُسْذَاهدْجِي ن ثْسڭْذَا نّغْ، مَاشَا خْ ؤُسْذَاهدْجِي ن أَرَّاحْمثْ نّشْ ثَامقّْرَانْثْ.
DAN 9:19 [أَ] سِيذِي إِنُو، سڒْ! [أَ] سِيذِي إِنُو، غْفَارْ! [أَ] سِيذِي إِنُو، حْضَا ؤُشَا أڭّْ، وَارْ ثْعطَّاڒْ شَا، ذِي طّْوعْ ن يِيخفْ نّشْ، [أَ] أَربِّي إِنُو، مَاغَارْ ثَانْذِينْثْ نّشْ ذ ڒْڭنْسْ نّشْ تّْوَاڒَاغَانْ س يِيسمْ نّشْ.“
DAN 9:20 أَمْ ثُوغَا سَّاوَاڒغْ عَاذْ ؤُ تّْژَادْجِيغْ ؤُ نعّْمغْ س دّْنُوبْ إِنُو ذ دّْنُوبْ ن ڒْڭنْسْ إِنُو إِسْرَائِيل ؤُ تّْزدْجْعغْ أَزَاوڭْ إِنُو زَّاثْ إِ وُوذمْ ن سِيذِي، أَربِّي إِنُو، ذِي طّْوعْ ن وذْرَارْ إِقدّْسنْ ن أَربِّي إِنُو،
DAN 9:21 أَمْ ثُوغَا سَّاوَاڒغْ عَاذْ [أَمُّو]، تّْژَادْجِيغْ، يُوسَا-د ورْيَازْ جِيبْرِيلْ نِّي ژْرِيغْ ذڭْ ؤُمزْوَارُو ذِي ڒوْحِييْ، إِضْوَا-د زڭْ ؤُجنَّا غَارِي. إِحَاذَا أَيِي غَارْ ڒْوقْثْ ن ثوْهِيبْثْ ن ثْمذِّيثْ.
DAN 9:22 نتَّا إِسّفْهمْ ؤُ إِسِّيوڒْ أَكِيذِي، إِنَّا: ”ذَانِييَالْ، نشّْ فّْغغْ-د غَارْ ڒْوقْثْ-أَ مَاحنْذْ أَذْ شكْ سَّارْڭْبغْ خْ ڒْمعْنَا.
DAN 9:23 غَارْ ؤُمزْوَارُو ن ؤُزَاوڭْ نّشْ إِفّغْ-د يِيجّْ ن وَاوَاڒْ ؤُ نشّْ ؤُسِيغْ-د حِيمَا أَذْ أَشْ ث نِّيغْ، مَاغَارْ شكْ ذ إِجّْ [ن ورْيَازْ] إِعِيزّنْ أَطَّاسْ. فْهمْ أَوَاڒْ-أَ ؤُ أَرْزُو ڒفْهَامثْ ذِي ڒوْحِييْ-أَ.
DAN 9:24 تّْوَاڭّنْثْ سبْعِينْ ن سِّيمَانَاثْ خْ ڒْڭنْسْ نّشْ ؤُ خْ ثنْذِينْثْ نّشْ إِقدّْسنْ، حِيمَا أَذْ إِتّْوَاسّْبدّْ ؤُعدُّو ؤُ أَذْ إِتّْوَاشمّعْ دّنْبْ ؤُ أَذْ ثتّْوَاصْڒحْ إِ ڒْمُوعْصِييّثْ ؤُ حِيمَا أَذْ ثتّْوَاوِي ثْسڭْذَا ؤُ حِيمَا أَذْ إِتّْوَاكمّڒْ ڒوْحِييْ ذ ؤُنَابِيمْ ؤُ حِيمَا أَذْ إِتّْوَاذْهنْ مِينْ إِدْجَانْ إِقدّْسنْ قَاعْ.
DAN 9:25 سّنْ ؤُ فْهمْ، أَقَا زڭْ وَامِي د-إِفّغْ وَاوَاڒْ حِيمَا أَذْعذْڒنْ ؤُ أَذْ بْنَانْ ؤُرْشَالِيمْ أَڒْ أَمذْهُونْ، [مِينْ إِخْسْ أَذْ يِينِي لْمَاسِيحْ]، ڒْحَاكمْ، أَقَا سبْعَا ن سِّيمَانَاثْ، ؤُ ثْنَاينْ ؤُ-ستِّينْ ن سِيمَانَاثْ أَذْ ثقِّيمْ [ثنْذِينْثْ] ثثْوَاعذڒْ ؤُ أَذْ ثتّْوَابْنَا [ؤُرْشَالِيمْ] عَاوذْ أَكْ-ذ وَازَّايْ ذ وُورغْ إِقُّورنْ، [عَاذْ ذِي] ڒحْصَارثْ ن ڒوْقَاثْ [يوْعَارنْ].
DAN 9:26 أَوَارْنِي ثْنَاينْ ؤُ-ستِّينْ ن سِّيمَانَاثْ نِّي أَذْ إِتّْوَاكّسْ ؤُمذْهُونْ ؤُ وَارْ غَارسْ إِتِّيڒِي وَالُو. ؤُ ثَانْذِينْثْ ذ زَّاوشْثْ إِقدّْسنْ أَذْ تّْوَاردّْدْجنْثْ س يِيجّْ نْ ڒْڭنْسْ ن إِجّْ نْ ڒْحَاكمْ ونِّي إِ د غَا يَاسنْ ؤُ ثَانڭَّارُوثْ نّسْ أَذْ ثِيڒِي ذِي سّحْڒثْ ؤُشَا أَذْ ذِينْ يِيڒِي ؤُمنْغِي أَڒْ أَنڭَّارْ، أَردّدْجْ نِّي أَقَا يُورَا أَذْ يِيڒِي.
DAN 9:27 نتَّا أَذْ إِسّذْقڒْ ڒْعَاهْذْ إِ وَاطَّاسْ إِ يِيجّْ ن ڒْمِيجَاڒْ نْ إِشْثْ ن سِّيمَانَا ؤُ ذڭْ وزْينْ ن سِّيمَانَا أَذْ إِسّْبدّْ ثَاغَارْصْثْ ذ ثوْهِيبْثْ ن ڒْغِيدْجثْ ؤُ خْ وَافْرِيوْ ن نّْعَاوَاثْ أَذْ د-يَاسْ إِجّْ ن ؤُمْثحَّايْ أَڒْ غَا إِتّْوَافَارّغْ ڒحْكَامْ إِ يُورِينْ خْ ونِّي إِتّْوَاثحَّانْ.
DAN 10:1 ذڭْ ؤُسڭّْوَاسْ وِيسّْ ثْڒَاثَا ن كُورَاشْ، أَجدْجِيذْ ن لْفُورْسْ، إِتّْوَاسَّارْڭبْ إِجّْ ن وَاوَاڒْ إِ ذَانِييَالْ، ونِّي ؤُمِي قَّارنْ بَالْطَاشَاصَّارْ، ؤُ أَوَاڒْ نِّي ثُوغَا ذ ثِيذتّْ، [إِسِّيوڒْ] خْ يِيجّْ ن ؤُمنْغِي أَمقّْرَانْ. نتَّا إِفْهمْ أَوَاڒْ نِّي ؤُ ثُوغَا ذَايسْ ڒفْهَامثْ ن ڒوْحِييْ.
DAN 10:2 ذڭْ وُوسَّانْ نِّي ثُوغَا أَيِي، ذَانِييَالْ، شضْنغْ ثْڒَاثَا ن سِّيمَانَاثْ أَسّْ أَوَارْنِي ؤُمَاسْ.
DAN 10:3 مَاشَّا إِ ذ أَيِي إِتّْڒِيقَانْ، وَارْ ث شِّيغْ، أَيْسُومْ ذ بِينُو وَارْ د-ؤُسِينْ ذڭْ ؤُقمُّومْ إِنُو. وَارْ ذْهِينغْ إِخفْ إِنُو أَڒَامِي عْذُونْثْ ثْڒَاثَا ن سِّيمَانَاثْ كمّْڒنْثْ.
DAN 10:4 ذڭْ وَاسّْ وِيسّْ أَربْعَا ؤُ-عِيشْرِينْ ن ؤُيُورْ أَمزْوَارُو، ثُوغَا بدّغْ غَارْ ثْمَا ن إِغْزَارْ أَمقّْرَانْ ونِّي [ؤُمِي قَّارنْ] ذَاجْلَا.
DAN 10:5 نشّْ سّْڭَّاعْذغْ ثَامُوغْڒِي إِنُو ؤُشَا ژْرِيغْ، ؤُ خْزَارْ، ثُوغَا ذِينْ إِجّْ ن ورْيَازْ يَارْضْ ڒقْطنْ أَزْذَاذْ ؤُ غَارْ ثجْعِينَّا نّسْ إِبْيسْ نتَّا س وُورغْ إِغْڒَانْ قَاعْ زِي ؤُفَازْ.
DAN 10:6 أَرِّيمثْ نّسْ [ثُوغَا] أَمْ [وژْرُو ن] ثخْرِيسُولِيثْ ؤُ ؤُذمْ نّسْ [يَارقّْ] أَمْ وَاسَّامنْ ؤُ ثِيطَّاوِينْ نّسْ [ثُوغَا] أَمْ يِيصفْضَاونْ يَارقّنْ ؤُ إِغَادْجنْ ذ إِضَارنْ نّسْ تّْوسّْڭنْ أَمْ نّْحَاسْ إِتّْوَاسُّويْذَانْ ؤُ ثْمِيجَّا ن وَاوَاڒنْ نّسْ ثُوغَا-ت أَمْ زّْهِيرْ ن إِجّْ ن ؤُهِيمُورْ [أَمقّْرَانْ].
DAN 10:7 مْغِيرْ نشّْ، ذَانِييَالْ، ژْرِيغْ ڒوْحِييْ، مَاشَا إِرْيَازنْ نِّي غَارِي إِدْجَانْ، وَارْ ژْرِينْ شَا ڒوْحِييْ، مَاشَا ثوْضَا-د خَاسنْ إِشْثْ ن أَرّهْبثْ ذ ثَامقّْرَانْثْ ؤُشَا أَروْڒنْ نِيثْنِي مَاحنْذْ أَذْ نُّوفَّارنْ.
DAN 10:8 نشّْ قِّيمغْ وحّْذِي ؤُ ژْرِيغْ ڒوْحِييْ-أَ أَمقّْرَانْ وَانِيثَا، ؤُ وَارْ ذَايِي إِقِّيمْ جّهْذْ [عَاذْ]. ثِيسِّيقْثْ ن وُوذمْ إِنُو ثذْوڒْ ذ ڒْغشّْ ؤُ وَارْ مْنِيعْغْ جّهْذْ [عَاذْ].
DAN 10:9 نشّْ سْڒِيغْ زّْهِيرْ ن وَاوَاڒنْ نّسْ ؤُ ڒَامِي سْڒِيغْ زّْهِيرْ ن وَاوَاڒنْ نّسْ، وْضِيغْ خْ ؤُغمْبُوبْ إِنُو س يِيجّْ ن يِيضصْ يُودْجغْ ؤُ أَغمْبُوبْ إِنُو ثُوغَا يَارَّا غَارْ ثمُّورْثْ.
DAN 10:10 ؤُ خْزَارْ، إِجّْ ن ؤُفُوسْ إِحَاذَا أَيِي ؤُ يَارَّا أَيِي تّنْهزّغْ خْ إِفَادّنْ ذ ثْڒقَّا ن إِفَاسّنْ إِنُو.
DAN 10:11 نتَّا إِنَّا أَيِي: ”ذَانِييَالْ، شكْ ذ أَرْيَازْ إِعِيزّنْ أَطَّاسْ، حْضَا أَوَاڒنْ نِّي إِ ذ أَشْ غَا إِنِيغْ ؤُ كَّارْ، بدّْ ذِينْ، مِينْزِي ڒخُّو تّْوَاسّكّغْ-د نشّْ غَاركْ.“ ڒَامِي أَكِيذِي إِسِّيوڒْ س وَاوَاڒنْ-أَ، كَّارغْ-د نشّْ أَمْ تَّارْجِيجغْ.
DAN 10:12 [خنِّي] إِنَّا أَيِي: ”وَارْ تّڭّْوذْ شَا، [أَ] ذَانِييَالْ، مِينْزِي زڭْ وَاسّْ أَمزْوَارُو إِ ذِي ثَارِّيذْ ؤُڒْ نّشْ غَارْ ثِيغِيثْ ؤُ مَاحنْذْ أَذْ ثسّْوَاضْعذْ إِخفْ نّشْ زَّاثْ إِ وُوذمْ ن أَربِّي، أَقَا تّْوَاسْڒنْ وَاوَاڒنْ نّشْ ؤُشَا ؤُسِيغْ-د ذِي طّْوعْ ن وَاوَاڒنْ نّشْ.
DAN 10:13 مَاشَا ڒْحَاكمْ ن ثْڭلْذِيثْ ن لْفُورْسْ ثُوغَا إِكَّارْ ضِيدّْ إِنُو وَاحْذْ ؤُ-عِيشْرِينْ ن وُوسَّانْ. ؤُ خْزَارْ، مِيخَايِيلْ، إِجّنْ زڭْ إِمزْوُورَا نْ ڒْحُوكَّامْ، يُوسَا-د حِيمَا أَذْ أَيِي إِوْشْ أَفُوسْ ؤُ نشّْ قِّيمغْ تّطّْفغْ صُّولْطَا ذِينِّي خْ إِجدْجِيذنْ ن لْفُورْسْ.
DAN 10:14 ڒخُّو ؤُسِيغْ-د نشّْ، حِيمَا أَذْ شكْ سّْفهْمغْ مِينْ غَا إِمْسَارنْ إِ ڒْڭنْسْ نّشْ ذڭْ ؤُنڭَّارْ ن وُوسَّانْ، مِينْزِي ڒوْحِييْ [أَقَا-ث] إِ وُوسَّانْ [نِّي].“
DAN 10:15 ڒَامِي ثُوغَا أَكِيذِي إِسَّاوَاڒْ س وَاوَاڒنْ-أَ، ؤُضَارغْ س ؤُغمْبُوبْ إِنُو غَارْ ثمُّورْثْ، سّغْذغْ.
DAN 10:16 ؤُ خْزَارْ، إِجّنْ ذِي صِّيفثْ ن ثَارْوَا ن بْنَاذمْ إِحَاذَا إِينْشِيشنْ إِنُو. [خنِّي] أَرْزْمغْ أَقمُّومْ ؤُشَا سِّيوْڒغْ، نِّيغْ إِ ونِّي إِبدّنْ زَّاثِي: ”[أَ] سِيذِي إِنُو، ؤُمِي ژْرِيغْ ڒوْحِييْ، إِطّفْ أَيِي أَمْ ڒوْجعْ ن ثَارُوثْ، أَمْ وَارْ مْنِيعغْ جّهْذْ [عَاذْ].
DAN 10:17 مَامّشْ إِ غَا إِزمَّارْ ؤُمْسخَّارْ ن سِيذِي إِنُو أَذْ أَكِيذكْ إِسِّيوڒْ، [أَ] سِيذِي؟ أَقَا نشّْ، وَارْ ذَايِي إِقِّيمْ جّهْذْ نِيغْ ثْوَارِّيثْ ن نّفْسْ [عَاذْ].
DAN 10:18 [خنِّي] إِحَاذَا أَيِي عَاوذْ. نتَّا يَارْوسْ ذڭْ يِيجّْ ن بْنَاذمْ ؤُ إِڭَّا ذَايِي جّهْذْ.
DAN 10:19 نتَّا إِنَّا: ”وَارْ تّڭّْوذْ شَا، شكْ، [أَ] أَرْيَازْ إِعِيزّنْ! أَذْ غَاركْ يِيڒِي ڒهْنَا، أڭّْ ثَارْيَاسْثْ، [وَاهْ،] أڭّْ ثَارْيَاسْثْ!“ ؤُمِي نتَّا أَكِيذِي إِسِّيوڒْ [أَمُّو]، إِذْوڒْ-د غَارِي جّهْذْ عَاوذْ ؤُ نِّيغْ: ”سِيوڒْ، [أَ] سِيذِي إِنُو، شكْ ثڭِّيذْ ذَايِي جّهْذْ.“
DAN 10:20 [خنِّي] إِنَّا: ”ثسّْنذْ شكْ، مَايمِّي إِ غَاركْ د-ؤُسِيغْ؟ ڒخُّو أَذْعقْبغْ حِيمَا أَذْ منْغغْ أَكْ-ذ ڒْحَاكمْ ن لْفُورْسْ ؤُ خْمِي غَا فّْغغْ [إِ ؤُمنْغِي]، خنِّي أَذْ د-يَاسْ ڒْحَاكمْ ن لْيُونَانْ.
DAN 10:21 مَاشَا أَذْ شكْ سّشْنغْ مِينْ يُورِينْ ذڭْ وذْلِيسْ ن ثِيذتّْ، وَاخَّا وَارْ ذِينْ ؤُڒَا ذ إِجّنْ إِ خَاسنْ ذ إِبدّنْ أَكِيذِي، مْغِيرْ ڒْحَاكمْ نْومْ، مِيخَايِيلْ.“
DAN 11:1 ”ذڭْ ؤُسڭّْوَاسْ أَمزْوَارُو ن ذَارِييُوسْ، أَمَاذَايْ، بدّغْ نشّْ أَكِيذسْ مَاحنْذْ أَذْ ث سّجهْذغْ ؤُ أَذْ أَسْ سّنْذغْ.
DAN 11:2 ڒخُّو أَذْ أَشْ إِنِيغْ إِجّْ ن وَاوَاڒْ ذ ثِيذتّْ! خْزَارْ، أَذْ كَّارنْ عَاذْ ثْڒَاثَا ن إِجدْجِيذنْ ذِي لْفُورْسْ ؤُشَا ونِّي وِيسّْ أَربْعَا أَذْ إِڭّْ أَڭْڒَا أَمقّْرَانْ إِ يِيخفْ نّسْ، كْثَارْ خْ مَارَّا [إِنّغْنِي]. ؤُ أَوَارْنِي خْمِي غَا إِطّفْ ثِيزمَّارْ س وَاڭْڒَا نّسْ، أَذْ إِسّْنكَّارْ مَارَّا [مِيدّنْ نّسْ] ضِيدّْ إِ ثْڭلْذِيثْ ن يَاوَانْ.
DAN 11:3 [خنِّي] أَذْ إِكَّارْ إِجّْ ن ؤُجدْجِيذْ إِجْهذْ ونِّي إِ غَا إِصلّْطنْ س صُّولْطَا ثَامقّْرَانْثْ ؤُ نتَّا أَذْ إِڭّْ مِينْ إِخْسْ نتَّا.
DAN 11:4 خْمِي غَا إِكَّارْ، ڒخْذنِّي أَذْ ثَارژْ ثْڭلْذِيثْ نّسْ، أَذْ ثتّْوَامْصبْضَا خْ أَربْعَا ن ثْغمُّورَا ن ؤُسمِّيضْ ن ؤُجنَّا، مَاشَا وَارْ ثتِّيڒِي [ثْڭلْذِيثْ] إِ ثَارْوَا نّسْ ؤُ وَارْ [غَارسْ] ثتِّيڒِي صُّولْطَا أَمْ ثنِّي إِ زِي ثُوغَا إِتّْصلّضْ نتَّا، مَاغَارْ ثَاڭلْذِيثْ أَذْ ثتّْوَاقْڒعْ ؤُ [أَذْ ثِيڒِي] إِ إِنّغْنِي وَارْ إِدْجِي إِ يِينَا.
DAN 11:5 [خنِّي] أَجدْجِيذْ ن لْجَانُوبْ أَذْ إِذْوڒْ إِجْهذْ، [مَاشَا] إِجّْ زِي ڒْحُوكَّامْ نّسْ أَذْ إِذْوڒْ إِجْهذْ خَاسْ ؤُ وَانِيثَا أَذْ إِصلّطْ س صُّولْطَا ثَامقّْرَانْثْ خْ صُّولْطَا نّسْ.
DAN 11:6 أَوَارْنِي ڒَامِي عْذُونْ شَا ن إِسڭّْوُوسَا، نِيثْنِي أَذْ ڭّنْ إِجّْ ن ڒْعَاهْذْ ؤُ يدْجِيسْ ن ؤُجدْجِيذْ ن لْجَانُوبْ أَذْ د-ثَاسْ غَارْ ؤُجدْجِيذْ ن شَّامَالْ مَاحنْذْ أَذْ ت ثْسڭّمْ، [مَاشَا] نتَّاثْ وَارْ ثْزمَّارْ أَذْ ثحْضَا جّهْذْ ن ؤُغِيڒْ نّسْ ؤُ نتَّا وَارْ إِزمَّارْ أَذْ إِقِّيمْ إِبدّْ، ؤُ أَغِيڒْ نّسْ أَمْ نّغْنِي. نتَّاثْ أَذْ ثتّْوَاسلّمْ ؤُڒَا ذ يِينِّي ت إِوْينْ ذ ونِّي إِ-ت-إِ-د يُورْونْ ذ ونِّي ت إِسّْجهْذنْ ذڭْ وُوسَّانْ نِّي.
DAN 11:7 مَاشَا زڭْ إِشْثْ ن ثْغدُّوثْ ن إِژوْرَانْ نّسْ أَذْ إِكَّارْ [إِجّنْ] ذڭْ ومْشَانْ نّسْ. نتَّا أَذْ إِفّغْ ضِيدّْ إِ ڒْعسْكَارْ ؤُشَا أَذْ يَاذفْ لْبُورْجْ إِجهْذنْ ن ؤُجدْجِيذْ ن شَّامَالْ ؤُ أَذْ ذَايْسنْ إِڭّْ [مِينْ إِخْسْ] ؤُ أَذْ د-إِبَانْ إِجْهذْ قَاعْ.
DAN 11:8 أَربِّيثنْ نْسنْ أَكْ-ذ ڒخْيَاڒَاثْ نْسنْ إِفسْينْ ذ ڒقْشُوعْ نْسنْ إِغْڒَانْ إِ إِتّْوَاڭّنْ س نُّوقَارْثْ ذ وُورغْ أَذْ ثنْ يَاوِي ذ ثْكشَّاضْثْ غَارْ مِيصْرَا ؤُ [خنِّي] أَذْ إِبعّذْ شَا ن إِسڭّْوُوسَا خْ ؤُجدْجِيذْ ن شَّامَالْ.
DAN 11:9 ؤُ نتَّا أَذْ يَاذفْ ثَاڭلْذِيثْ ن لْجَانُوبْ ؤُ أَذْ إِعْقبْ غَارْ ثمُّورْثْ نّسْ.
DAN 11:10 إِحنْجِيرنْ نّسْ أَذْ حزّْمنْ إِ ؤُمنْغِي ؤُ أَذْ سّْمُوننْ إِجّْ ن ؤُبَارُّو ن ڒْعسْكَارْ أَمقّْرَانْ ؤُ نتَّا أَذْ د-يَاسْ ؤُ أَذْ إِعمَّارْ [ثَامُّورْثْ] ؤُ أَذْ خَاسْ إِعْذُو. ؤُ [أَوَارْنِي ڒَامِي] د-إِعْقبْ، أَذْ حزّْمنْ عَاوذْ إِ ؤُمنْغِي [أَذْ يَاذفْ] أَڒْ لْبُورْجْ نّسْ إِجهْذنْ.
DAN 11:11 ؤُشَا أَذْ إِمُّوزَّارْ ؤُجدْجِيذْ ن لْجَانُوبْ ؤُشَا إِڭُّورْ أَذْ إِفّغْ أَكِيذسْ إِمّْنغْ أَكْ-ذ ؤُجدْجِيذْ ن شَّامَالْ، ونِّي إِ غَا إِسّْمُوننْ إِجّْ ن ؤُبَارُّو أَمقّْرَانْ [ن ڒْعسْكَارْ]، [مَاشَا] أَبَارُّو نِّي أَذْ إِتّْوَاسلّمْ ذڭْ ؤُفُوسْ نّسْ.
DAN 11:12 مَاڒَا إِمّكْسِي ؤُبَارُّو نِّي، [خنِّي] ؤُڒْ نّسْ أَذْ إِسّْڭعّذْ إِخفْ نّسْ ؤُ نتَّا أَذْ إِسّغْذڒْعشْرَا ن ڒُوڒُوفْ، [مَاشَا] نتَّا وَارْ إِتّْمَارْنِي ذِي جّهْذْ.
DAN 11:13 أَجدْجِيذْ ن شَّامَالْ أَذْ د-إِذْوڒْ ؤُ أَذْ إِسّْمُونْ إِجّْ ن ؤُبَارُّو أَمقّْرَانْ كْثَارْ زڭْ ؤُمزْوَارُو. أَوَارْنِي ڒْمِيجَاڒَاثْ ن ڒْوقْثْ ذ إِسڭّْوُوسَا أَذْ د-يَاسْ س يِيجّْ ن ڒْعسْكَارْ أَمقّْرَانْ ؤُ س وَاطَّاسْ ن ڒسْنَاحْ.
DAN 11:14 ذڭْ وُوسَّانْ نِّي أَذْغوّْغنْ أَطَّاسْ خْ ؤُجدْجِيذْ ن لْجَانُوبْ ؤُ أَيْثْ ن بُو-ڒخْشُونثْ ن ڒْڭنْسْ نّشْ أَذْ سّْڭعّْذنْ إِخفْ نْسنْ حِيمَا أَذْ سّْقفْڒنْ إِجّْ ن ڒوْحِييْ، مَاشَا نِيثْنِي أَذْ وْضَانْ.
DAN 11:15 [خنِّي] أَذْ د-يَاسْ ؤُجدْجِيذْ ن شَّامَالْ، أَذْ إِسّْبدّْ إِجّْ نْ ڒْحِيضْ إِ ڒحْصَارثْ ؤُ أَذْ إِطّفْ إِشْثْ ن ثنْذِينْثْ إِفَارْينْ. إِغَادْجنْ ن لْجَانُوبْ [إِجهْذنْ] وَارْ زمَّارنْ أَذْ قِّيمنْ تّْقَاوَامنْ ؤُڒَا ذ ڒْڭنْسْ ن يِينِّي زَّايسْ إِتّْوَافَارْزنْ لَّا. وَارْ ذِينْ إِتِّيڒِي جّهْذْ حِيمَا أَذْ قِّيمنْ تّْبدَّانْ.
DAN 11:16 ونِّي د-يُوسِينْ ضِيدّْ نّسْ، أَذْ إِڭّْ مِينْ إِخْسْ. ؤُڒَا ذ إِجّْ وَارْ إِزمَّارْ أَذْ إِبدّْ زَّاثْ إِ وُوذمْ نّسْ ؤُ نتَّا أَذْ إِبدّْ ذِي ثمُّورْثْ ن ثلْوِيزْثْ ؤُ أَردّدْجْ أَذْ يِيڒِي س ؤُفُوسْ نّسْ.
DAN 11:17 نتَّا أَذْ يَارْزُو أَذْ إِسّمْثنْ ثِيزمَّارْ نّسْ ذِي مَارَّا ثَاڭلْذِيثْ نّسْ ؤُ غَارسْ إِمْثَاوِييّنْ إِسڭّْذنْ ؤُ أَذْ [زَّايْسنْ] إِڭّْ. نتَّا أَذْ أَسْ إِوْشْ يدْجِيسْ ن ثمْغَارِينْ حِيمَا أَذْ يَاردّدْجْ [ثَاڭلْذِيثْ نِّي]، مَاشَا نتَّاثْ وَارْ ثتّْبدَّا ؤُ وَارْ ذ أَسْ ثفِّيغْ.
DAN 11:18 [خنِّي] أَذْ يَارّْ أَغمْبُوبْ نّسْ غَارْ ثڭْزِيرِينْ ؤُشَا أَذْ إِطّفْ أَطَّاسْ [زَّايْسنْثْ]. [مَاشَا] إِجّْ ن ؤُكُومَانْذَارْ ن ڒْعسْكَارْ أَذْ إِسّْبدّْ ڒْحڭْرَا نّسْ خَاسْ، بْڒَا مَا إِزمَّارْ نتَّا أَذْ أَسْ إِخدْجصْ ڒْحڭْرَا نّسْ.
DAN 11:19 نتَّا أَذْ يَارّْ أَغمْبُوبْ نّسْ غَارْ لْبُورْجَاثْ ن ثمُّورْثْ نّسْ ؤُ [خنِّي] أَذْ إِنْقَارْضْ، أَذْ إِوْضَا ؤُ وَارْ إِتّْوِيفِّي [عَاذْ].
DAN 11:20 أَذْ إِكَّارْ [إِجّنْ] ذڭْ ومْشَانْ نّسْ ونِّي إِ غَا إِسّعْذُونْ إِجّنْ خْ ثمُّورْثْ نِّي إِ غَا إِسّهْوَانْ أَعُودْجِي ن ثْڭلْذِيثْ، [مَاشَا] وَانِيثَا أَذْ إِتّْوَارْژْ ذِي شَا ن وُوسَّانْ، وَارْ إِدْجِي س إِمْشُوبّشنْ ؤُڒَا س ؤُمنْغِي.
DAN 11:21 [خنِّي] أَذْ د-إِكَّارْ إِجّْ ن [بْنَاذمْ] أَحڭَّارْ ذڭْ ومْشَانْ نّسْ ونِّي وَارْ ذ أَسْ تِّيشنْ لْعَاضَامَا إِڭلّْذنْ. نتَّا أَذْ د-يَاسْ س ڒْغفْڒثْ ؤُ أَذْ إِطّفْ ثَاڭلْذِيثْ س ثحْرَايْمشْثْ [نّسْ].
DAN 11:22 إِغَادْجنْ [إِجهْذنْ] نِّي إِفيّْضنْ [ثَامُّورْثْ]، أَذْ تّْوَامْحَانْ زَّاثْ إِ وُوذمْ إِنُو ؤُ أَذْ تّْوَارّْژنْ ؤُڒَا ذ ڒْحَاكمْ ن ڒْعَاهْذْ.
DAN 11:23 ؤُ زڭْ وَامِي إِ غَا ڭّنْ إِجّْ ن ڒْعقْذْ أَكِيذسْ، أَذْ إِڭّْ س ڒْغشّْ. أَذْ إِسّْڭعّذْ ؤُ أَذْ إِذْوڒْ إِزمَّارْ [خَاسنْ] س ذْرُوسْ ن ڒْڭنْسْ [وَاهَا].
DAN 11:24 أَذْ يَاذفْ س ڒْغفْڒثْ ذِي جّْوَايهْ إِسّْغمَّاينْ ن لْعَامَالَا ؤُشَا أَذْ إِڭّْ مِينْ وَارْ ڭِّينْ ڒجْذُوذْ نّسْ نِيغْ ڒجْذُوذْ ن ڒجْذُوذْ نّسْ: أَذْ يَاشَارْ ؤُ أَذْ إِكشّضْ ؤُ [مَارَّا] أَڭْڒَاونْ أَذْ ثنْ إِزدْجعْ جَارْ أَسنْ. نتَّا ڭُّورْ أَذْ إِخَارّصْ ذڭْ إِنْوَاينْ ضِيدّْ إِ لْقلْعَاثْ، أَڒْ إِشْثْ نْ ڒْوقْثْ [إِتّْوَاڭّنْ].
DAN 11:25 س يِيجّْ ن ڒْعسْكَارْ أَمقّْرَانْ أَذْ يَارّْ جّهْذْ نّسْ ذ وُوڒْ نّسْ ضِيدّْ إِ يِيجّْ ن ؤُجدْجِيذْ ن لْجَانُوبْ ؤُشَا أَجدْجِيذْ ن لْجَانُوبْ أَذْ إِفّغْ غَارْ ؤُمنْغِي س يِيجّْ ن ڒْعسْكَارْ أَمقّْرَانْ إِجْهذْ، مَاشَا وَارْ إِزمَّارْ أَذْ إِبدّْ، مِينْزِي أَذْ خَاسْ ڭّنْ ثِيمعْمَاتْشْ،
DAN 11:26 ذ يِينِّي إِتّتّنْ زِي مَاشَّا ن ؤُجدْجِيذْ، أَذْ ث أَرْژنْ ؤُ ڒْعسْكَارْ نّسْ أَذْ إِتّْوَامْحَا ؤُ أَطَّاسْ أَذْ تّْوَانْغنْ.
DAN 11:27 ؤُڒْ ن ثْنَاينْ ن إِجدْجِيذنْ-أَ أَذْ يِيڒِي إِسّڭُّورْ غَارْ ڒْغَارْ ؤُ خْ طَّابْڒَا ذ إِشْثْ أَذْ إِنِينْ إِخَارِّيقنْ، [مَاشَا] مَانْ أَيَا وَارْ إِنفّعْ، مَاغَارْ أَنڭَّارْ [إِتّْرَاجَا] عَاذْ أَڒْ ڒْوقْثْ إِتّْوَاڭّنْ.
DAN 11:28 س ؤُبَارُّو ن وَاڭْڒَا أَذْ يَارڭّْوحْ غَارْ ثمُّورْثْ نّسْ ؤُ ؤُڒْ نّسْ أَذْ يِيڒِي ضِيدّْ إِ ڒْعَاهْذْ إِقدّْسنْ ؤُ نتَّا أَذْ إِڭّْ [أَمنِّي] ؤُ [خنِّي] أَذْ إِعْقبْ غَارْ ثمُّورْثْ نّسْ.
DAN 11:29 ذڭْ إِشْثْ ن ڒْوقْثْ إِتّْوَاڭّنْ أَذْ د-إِعْقبْ، أَذْ إِرَاحْ غَارْ لْجَانُوبْ، مَاشَا ثْوَاڒَا-يَا ثَانڭَّارُوثْ وَارْ ثتِّيڒِي أَمْ ثْوَاڒَا ثَامزْوَارُوثْ.
DAN 11:30 مَاغَارْ إِغَارُّوبَا ن كِيتِّيمْ أَذْ غَارسْ د-أَسنْ ؤُ نتَّا أَذْ إِتّْوَاسِّيڭّْوذْ، أَذْ إِعْقبْ ؤُ [خنِّي] أَذْ إِسْخضْ خْ ڒْعَاهْذْ إِقدّْسنْ ؤُ أَذْ إِڭّْ [أَمنِّي]. خْمِي د غَا إِعْقبْ أَذْ إِمّْسفْهمْ أَكْ-ذ يِينِّي د-إِفّْغنْ زِي ڒْعَاهْذْ إِقدّْسنْ.
DAN 11:31 أَذْ [قِّيمنْ] بدّنْ إِغَادْجنْ [ن ڒْعسْكَارْ] إِ زَّايسْ، إِنِّي إِ غَا إِغصْبنْ زَّاوشْثْ إِقدّْسنْ، لْبُورْجْ، ؤُشَا أَذْ كّْسنْ ثَاغَارْصْثْ ن ڒبْذَا ؤُ أَذْ [ذِينْ] سّْبدّنْ نّْعِي ن ؤُخَارّبْ.
DAN 11:32 إِنِّي ذَايْسنْ نّيّثْ ثَاعفَّانْثْ خْ ڒْعَاهْذْ، أَذْ ثنْ إِسُّوفّغْ [زڭْ وبْرِيذْ] س ثحْرَايْمشْثْ، [مَاشَا] ڒْڭنْسْ، أَقَا إِنِّي إِسّْننْ أَربِّي نْسنْ، ڭُّورْ أَذْ إِڒِينْ جهْذنْ ؤُ أَذْ ڭّنْ.
DAN 11:33 إِفهَّامنْ ن ڒْڭنْسْ أَذْ سّْفثْننْ أَطَّاسْ، ؤُشَا أَطَّاسْ أَذْ نّْقَارْضنْ س سِّيفْ ذ إِحُوذَاقْ [ن ثْمسِّي] ذ ثْمحْبَاسْثْ ذ ؤُكشّضْ، [أَطَّاسْ ن] وُوسَّانْ.
DAN 11:34 خْمِي غَا نْقَارْضنْ، أَذْ أَفنْ إِشْثْ ن ثْوِيزَا ثَامژْيَانْثْ ؤُ أَطَّاسْ أَذْ غَارْسنْ د-مُوننْ س ثحْرَايْمشْثْ.
DAN 11:35 شَا زڭْ إِفهَّامنْ أَذْ نْقَارْضنْ مَاحنْذْ أَذْ تّْوَاصفَّانْ ؤُ أَذْ تّْوَاسِّيزذْڭنْ ؤُ أَذْ تّْوَاصفَّانْ أَڒْ ڒْوقْثْ ن ؤُنڭَّارْ، مَاغَارْ [أَذْ يِيڒِي] أَڒْ ڒْوقْثْ إِتّْوَاڭّنْ.
DAN 11:36 أَجدْجِيذْ أَذْ إِڭّْ مِينْ إِخْسْ نتَّا ؤُ أَذْ إِسّْڭعّذْ إِخفْ نّسْ ؤُ أَذْ إِسّمْغَارْ إِخفْ نّسْ سنّجْ خْ كُوڒْ أَربِّي ؤُ نتَّا أَذْ يِينِي ڒعْجبْ ن ثْمسْڒَايِينْ ضِيدّْ إِ أَربِّي خْ [مَارَّا] إِربِّيثنْ. نتَّا أَذْ إِفْڒحْ أَڒْ غَا إِتّْوَاكمّڒْ وسْخضْ مَارَّا، مَاغَارْ أَقَا يُورَا ؤُشَا أَذْ يِيڒِي.
DAN 11:37 نتَّا وَارْ ڭُّورْ أَذْ ث شْقَانْ إِربِّيثنْ ن ڒجْذُوذْ نّسْ ؤُڒَا ذ ڒغْرِيزثْ ن ثمْغَارِينْ. نتَّا وَارْ ذ أَسْ إِشْقِي ؤُڒَا ذ إِجّْ ن أَربِّي، مَاشَا أَذْ إِسّمْغَارْ إِخفْ نّسْ سنّجْ خْ مَارَّا.
DAN 11:38 ذڭْ ومْشَانْ نّسْ أَذْ إِوقَّارْ أَربِّي ن لْبُورْجَاثْ. أَذْ إِوقَّارْ أَربِّي نِّي وَارْ سِّيننْ شَا ڒجْذُوذْ نّسْ، س وُورغْ ذ نُّوقَارْثْ ذ يژْرَا إِغْڒَانْ ذ ڒقْشُوعْ إِغْڒَانْ.
DAN 11:39 نتَّا أَذْ إِڭّْ ضِيدّْ إِ لْقلْعَاثْ س أَربِّي أَغْرِيبْ. ونِّي [ث] غَا إِقبْڒنْ، أَذْ إِكْسِي أَطَّاسْ ن شَّانْ ؤُ أَذْ إِصلّطْ خْ وَاطَّاسْ ؤُ نتَّا أَذْ خَاسنْ إِبْضَا ثَامُّورْثْ ذ ڒْمُونثْ.
DAN 11:40 ذِي ڒْوقْثْ ن ؤُنڭَّارُو أَذْ أَسْ إِزْذمْ ؤُجدْجِيذْ ن لْجَانُوبْ [س وَاشَّاونْ نّسْ] ؤُ أَجدْجِيذْ ن شَّامَالْ أَذْ خَاسْ إِدُّوقّزْ س إِكَارُّوثنْ ذ إِمْنَاينْ ذ وَاطَّاسْ ن إِغَارُّوبَا ؤُ نتَّا أَذْ يَاذفْ ثِيمُّورَا أَمْ ڒْحمْڒثْ ؤُشَا [خنِّي] أَذْ [خَاسنْ] إِعْذُو.
DAN 11:41 نتَّا أَذْ يَاذفْ ثَامُّورْثْ ن ثلْوِيزْثْ ؤُ أَطَّاسْ أَذْ نّْقَارْضنْ، مَاشَا إِنَا أَذْ أَروْڒنْ زڭْ ؤُفُوسْ نّسْ: إِذُومْ ذ مُوآبَ ذ ؤُمزْوَارْ ن أَيْثْ ن عَامُّونْ.
DAN 11:42 نتَّا أَذْ إِسّْوِيژّضْ س ؤُفُوسْ نّسْ غَارْ ثمُّورَا. ؤُڒَا ذ ثَامُّورْثْ ن مِيصْرَا وَارْ ثْنجّمْ.
DAN 11:43 نتَّا أَذْ إِصلّطْ خْ ثْخُوبَايْ ن وُورغْ ذ نُّوقَارْثْ ذ مَارَّا ڒقْشُوعْ إِغْڒَانْ ن مِيصْرَا. أَيْثْ ن لِيبْيَا ذ أَيْثْ ن كُوشْ أَذْ ثْ ضْفَارنْ ذڭْ إِصُورَافْ نّسْ.
DAN 11:44 [مَاشَا] ڒخْبُورَاثْ زِي شَّارْقْ ؤُ زِي شَّامَالْ أَذْ ث سّْنخْڒعنْ. [خنِّي] أَذْ إِفّغْ س وسْعَارْ أَمقّْرَانْ حِيمَا أَذْ يَاردّدْجْ أَطَّاسْ ؤُ حِيمَا أَذْ [ثنْ] إِثحَّا.
DAN 11:45 أَذْ إِوّثْ ثِيخُوزَانْ نّسْ إِڭلّْذنْ جَارْ ڒبْحُورْ ذ وذْرَارْ ن ثلْوِيزْثْ إِقدّْسنْ ؤُ نتَّا أَذْ يَاوضْ غَارْ ؤُنڭَّارْ نّسْ ؤُ وَارْ ذِينْ إِتِّيفْ حذْ أَذْ ث إِعَاونْ.“
DAN 12:1 ”ذِي ڒْوقْثْ نِّي أَذْ إِكَّارْ مِيخَايِيلْ، ڒْحَاكمْ أَمقّْرَانْ. ونِّي إِبدّنْ أَكْ-ذ ڒْڭنْسْ نّشْ. أَذْ ثِيڒِي ذ إِشْثْ نْ ڒْوقْثْ ن ڒحْصَارثْ أَمْ وَارْ ثدْجِي زڭْ وَامِي إِدْجَا إِجّْ ن ڒْڭنْسْ أَڒْ ڒْوقْثْ نِّي. ؤُ ذِي ڒْوقْثْ نِّي أَذْ إِتّْوَاسّنْجمْ ڒْڭنْسْ نّشْ، كُوڒْ إِجّنْ إِ غَا إِتّْوَافنْ أَقَا ؤُرِينْ ث ذڭْ وذْلِيسْ.
DAN 12:2 أَطَّاسْ زڭْ يِينِّي إِطّْصنْ ذِي ثْعجَّاجْثْ ن ثمُّورْثْ أَذْ فَاقنْ، إِنَا إِ ثُوذَارْثْ إِتّْذُومَانْ ؤُ إِنّغْنِي [أَذْ فَاقنْ] إِ ؤُبهْذڒْ ؤُ إِ يِيجّْ ن ؤُعِيفِّي إِ ڒبْذَا.
DAN 12:3 إِنِّي غَارْ ثدْجَا ڒفْهَامثْ أَذْ أَرْغنْ أَمْ مَامّشْ يَارقّْ ؤُجنَّا ؤُ إِنِّي ثُوغَا إِندّْهنْ أَطَّاسْ غَارْ ثْسڭْذَا، أَمْ يِيثْرَانْ، إِ ڒبْذَا قَاعْ.
DAN 12:4 ؤُ شكْ، ذَانِييَالْ، سْنُوفَّارْ أَوَاڒنْ-أَ ؤُ ثْشمّْعذْ أَذْلِيسْ أَڒْ ڒْوقْثْ ن ؤُنڭَّارْ. أَطَّاسْ أَذْ أَرْزُونْ ؤُ ثُوسّْنَا أَذْ ثمْغَارْ.“
DAN 12:5 ؤُ نشّْ، ذَانِييَالْ، ژْرِيغْ، ؤُ خْزَارْ، أَقَا ذِينْ بدّنْ ثْنَاينْ نّغْنِي، إِجّْ غَارْ ثْمَا-يَا ن إِغْزَارْ ؤُ ونّغْنِي غَارْ ثْمَا نّغْنِي ن إِغْزَارْ.
DAN 12:6 ؤُ نتَّا إِنَّا إِ ورْيَازْ إِ ثُوغَا يَارْضنْ ڒقْطنْ أَزْذَاذْ، ونِّي [إِبدّنْ] سنّجْ إِ وَامَانْ ن إِغْزَارْ: ”مشْحَاڒْ عَاذْ إِقِّيمنْ أَڒْ أَنڭَّارُو ن ڒعْجَايبْ-أَ؟“
DAN 12:7 ؤُ سْڒِيغْ أَرْيَازْ نِّي ثُوغَا يَارْضنْ ڒقْطنْ أَزْذَاذْ، ونِّي [إِبدّنْ] سنّجْ إِ وَامَانْ ن إِغْزَارْ، ؤُ نتَّا إِسّْڭعّذْ أَفُوسْ نّسْ أَفُوسِي ذ ؤُفُوسْ نّسْ أَزڒْمَاضْ ؤُ إِجُّودْجْ غَارْ ونِّي إِدَّارنْ إِ ڒبْذَا، بلِّي خْمِي إِ غَا إِتّْوَاقْضَا ؤُفَارْثكْ ن ؤُفُوسْ ن ڒْڭنْسْ إِقدّْسنْ أَوَارْنِي يِيجّْ ن ڒْمِيجَاڒْ ن ڒْوقْثْ ذ ڒوْقَاثْ ذ وزْينْ ن يِيجّْ ن ڒْمِيجَاڒْ ن ڒْوقْثْ، أَذْ يِيڒِي ؤُقطُّو ن مَارَّا ثِيمسْڒَايِينْ-أَ.
DAN 12:8 نشّْ سْڒِيغْ [ث]، مَاشَا وَارْ [ذ أَسْ] فْهِيمغْ ؤُ نِّيغْ: ”[أَ] سِيذِي إِنُو، مِينْ غَا يِيڒِينْ ذ أَنڭَّارُو ن أَيَا؟“
DAN 12:9 نتَّا إِنَّا: ”ؤُيُورْ، ذَانِييَالْ، مَاغَارْ أَوَاڒنْ-أَ أَذْ قِّيمنْ بلّْعنْ، شمّْعنْ أَڒْ ڒْوقْثْ ن ؤُنڭَّارْ.
DAN 12:10 أَطَّاسْ إِ غَا إِتّْوَاسِّيزذْڭنْ، أَذْ ذوْڒنْ ذ إِشمْڒَاڒنْ ؤُ أَذْ تّْوَاصفَّانْ، مَاشَا إِعفَّاننْ أَذْ ڭّنْ ثُوعفّْنَا ؤُ مَارَّا إِعفَّاننْ وَارْ [ذ أَسْ] فهّْمنْ، مَاشَا إِمِيغِيسنْ أَذْ فهْمنْ.
DAN 12:11 زِي ڒْوقْثْ إِ ذِي ثتّْوَاكّسْ ثْغَارْصْثْ ن ڒبْذَا ؤُ إِمَّارْسْ نّْعِي ن ؤُخَارّبْ [ذڭْ ومْشَانْ نّسْ]، [أَقَا-ث] أَڒفْ ؤُ-مِيثَايْنْ ؤُ-ثسْعِينْ ن وُوسَّانْ.
DAN 12:12 سّعْذْ ن ونِّي إِتّْرَاجَانْ ؤُ أَذْ يَاوضْ أَڒفْ ؤُ-ثڒْثْ-مْيَا ؤُ-خمْسَا ؤُ-ثْڒَاثِينْ ن وُوسَّانْ.
DAN 12:13 ؤُ شكْ، ؤُيُورْ أَڒْ أَنڭَّارْ. أَذْ ثَاريّْحذْ ؤُ أَذْ ثكَّارذْ مَاحنْذْ [أَذْ ثكْسِيذْ] ثَاقدُّوحْثْ إِ ذ أَشْ [د-إِكَّارنْ] ذڭْ ؤُنڭَّارْ ن وُوسَّانْ.“
HOS 1:1 أَوَاڒْ ن سِيذِي إِ د-يُوسِينْ غَارْ حُوشِيعَا، مِّيسْ ن بِيرِي، ذڭْ وُوسَّانْ ن عُوزِّييَا، يُوثَامْ، أَحَازْ ذ حِيزْقِييَا، إِجدْجِيذنْ ن يَاهُوذَا، ؤُ ذڭْ وُوسَّانْ ن يَارُوبْعَامْ، مِّيسْ ن يُووَاشْ، أَجدْجِيذْ ن إِسْرَائِيل.
HOS 1:2 أَبدُّو ن وَاوَاڒْ ن سِيذِي س هُوشِيعَا. سِيذِي إِنَّا إِ هُوشِيعَا: ”رُوحْ، أَوِي إِشْثْ ن ثمْغَارْثْ ن فَارْقْ-شّْغڒْ ؤُڒَا ذ ثَارْوَا ن فَارْقْ-شّْغڒْ، مَاغَارْ س فَارْقْ-شّْغڒْ [نّسْ] ثزْنَا ثمُّورْثْ [ثفّغْ] زڭْ أَوَارْنِي إِ سِيذِي.“
HOS 1:3 ؤُشَا يُويُورْ نتَّا، يِيوِي جُومَارْ، يدْجِيسْ ن ذِيبْلَايِيمْ، ؤُ نتَّاثْ ثكْسِي س دّيْسثْ، ثُورُووْ أَسْ-د إِجّْ ن مِّيسْ.
HOS 1:4 [خنِّي] إِنَّا أَسْ سِيذِي: ”ڒَْاغَا أَسْ س يِيسمْ ن ’يَازْرَاعِيلْ‘، مَاغَارْ شْوَايْثْ نْ ڒْوقْثْ [وَاهَا] ؤُ [خنِّي] نشّْ أَذْ خدْجْصغْ إِذَامّنْ ن يَازْرَاعِيلْ خْ ثَادَّارْثْ ن يَاهُو ؤُ نشّْ أَذْ قْضِيغْ خْ ثْڭلْذَا ن ثَادَّارْثْ ن إِسْرَائِيل.
HOS 1:5 ذڭْ وَاسّْ نِّي أَذْ يِيڒِي، أَقَا نشّْ أَذْ أَرْژغْ ڒْقوْسْ ن إِسْرَائِيل ذِي ڒوْضَا ن ثغْزُورْثْ ن يَازْرَاعِيلْ.“
HOS 1:6 ؤُشَا ثكْسِي نتَّاثْ عَاوذْ س دّيْسثْ، ثُورُووْ-د يدْجِيسْ ؤُشَا إِنَّا أَسْ [سِيذِي]: ”ڒَْاغَا أَسْ س يِيسمْ ن لُو-رُوحَامَا، مَاغَارْ وَارْ أَرّحّْمغْ عَاذْ خْ ثَادَّارْثْ ن إِسْرَائِيل، وَارْ تّْغِيمِيغْ سمّْحغْ أَسنْ.
HOS 1:7 [مَاشَا] أَذْ أَرّحْمغْ خْ ثَادَّارْثْ ن يَاهُوذَا ؤُ نشّْ أَذْ ثنْ سّْنجْمغْ س [ؤُفُوسْ ن] سِيذِي، أَربِّي نْسنْ! نشّْ وَارْ ثنْ سّنْجْمغْ س ڒْقوْسْ نِيغْ س سِّيفْ نِيغْ س إِيْسَانْ ؤُڒَا س إِمْنَاينْ.“
HOS 1:8 [أَڒَامِي] ثكّسْ ؤُطُّوضْ إِ لُو-رُوحَامَا، ثكْسِي [عَاوذْ] س دّيْسثْ ؤُشَا ثُورُووْ-د إِجّْ ن مِّيسْ.
HOS 1:9 ؤُشَا إِنَّا [سِيذِي]: ”ڒَْاغَا أَسْ س يِيسمْ ن لُو-عَامِّي، مَاغَارْ كنِّيوْ وَارْ ثدْجِيمْ عَاذْ ذ ڒْڭنْسْ إِنُو ؤُ نشّْ وَارْ دْجِيغْ [عَاذْ ذَا] إِ كنِّيوْ.“
HOS 2:1 ”أَذْ يِيڒِي ڒْقدّْ ن أَيْثْ ن إِسْرَائِيل أَمْ يجْذِي ن ڒبْحَارْ إِ وَارْ إِزمَّارْ أَذْ إِتّْوَاعْبَارْ ؤُ وَارْ إِزمَّارْ أَذْ إِتّْوَاحْسبْ، ؤُشَا أَذْ ثَافذْ مَانِي ذ أَسنْ نَّانْ: ’كنِّيوْ وَارْ ثدْجِيمْ ذ ڒْڭنْسْ إِنُو!‘، أَذْ أَسنْ إِتّْوَانَّا: ’كنِّيوْ ذ إِحنْجِيرنْ ن أَربِّي إِدَّارنْ!‘
HOS 2:2 أَيْثْ ن يَاهُوذَا ذ أَيْثْ ن إِسْرَائِيل أَذْ تّْوَاسّْمُوننْ، أَذْ ڭّنْ إِجّْ ن ؤُمْغَارْ إِ يِيخفْ نْسنْ ؤُ أَذْ ڭعّْذنْ زِي [مَارَّا] ثمُّورْثْ، مَاغَارْ أَسّْ ن يَازْرَاعِيلْ أَذْ يِيڒِي ذ إِجّْ ن وَاسّْ ذ أَمقّْرَانْ.
HOS 2:3 إِنِيمْ إِ وَاوْمَاثنْ نْومْ: ’عمِّي!‘ ؤُ إِ سُويثْمَاثْومْ ’رُوحَامَا!‘ “
HOS 2:4 ”ذْعَامْ أَكْ-ذ يمَّاثْومْ، ذْعَامْ، مَاغَارْ نتَّاثْ وَارْ ثدْجِي ذ ثَامْغَارْثْ إِنُو ؤُ نشّْ وَارْ دْجِيغْ ذ أَرْيَازْ نّسْ. أجّْ إِ-ت أَذْ ثكّسْ فَارْقْ-شّْغڒْ نّسْ زڭْ ؤُغمْبُوبْ نّسْ ؤُڒَا ذ زِّينَا زِي جَارْ إِبَّاشْ نّسْ.
HOS 2:5 نِيغْ أَقَا أَذْ أَسْ كّْسغْ أَرُّوضْ أَذْ ت جّغْ ذ ثَاعَارْيَانْثْ¸ أَذْ ت سَّارْسغْ [ذِيهَا] أَمْ ذڭْ وَاسّْ أَمزْوَارُو إِ ذِي د-ثخْڒقْ، [وَاهْ،] أَذْ ت أَرّغْ ذ إِشْثْ ن ڒخْڒَا، أَذْ ت أَرّغْ أَمْ يِيشْثْ ن ثمُّورْثْ يُوژْغنْ ؤُشَا أَذْ ت جّغْ أَذْ ثمّثْ س ؤُفَاذِي.
HOS 2:6 نشّْ وَارْ أَرّحْمغْ خْ إِحنْجِيرنْ نّسْ، مَاغَارْ نِيثْنِي ذ إِحنْجِيرنْ [إِ د-إِخڒْقنْ] زِي فَارْقْ-شّْغڒْ.
HOS 2:7 مَاغَارْ يمَّاثْسنْ أَقَا ثفْسذْ إِخفْ نّسْ، [وَاهْ،] ثنِّي ثُوغَا س دّيْسثْ زَّايْسنْ، ثڭَّا ڒفْضِيحثْ، مَاغَارْ ثقَّارْ: ’أَذْ ضْفَارغْ إِنِّي ذ أَيِي إِعشّْقنْ، إِنِّي ذ أَيِي إِتِّيشنْ أَغْرُومْ إِنُو ذ وَامَانْ إِنُو ذ ثَاضُوفْثْ إِنُو ذ ثِيفّسْثْ إِنُو ذ زّشْثْ إِنُو ذ ثْسسِّيثْ إِنُو.‘
HOS 2:8 س ؤُيَا، أَقَا أَذْ بلّْعغْ أَبْرِيذْ نّمْ س شْبَارْقْ أَكْ-ذ إِسنَّاننْ ؤُ أَذْ سّْبدّغْ أَغْبَارْ نّسْ، حِيمَا وَارْ ثتِّيفْ [عَاذْ] إِمسْرَاقْ نّسْ.
HOS 2:9 نتَّاثْ أَذْ ثضْفَارْ إِنِّي ت إِعشْقنْ، مَاشَا وَارْ خَاسنْ ثْحَارّثْ. نتَّاثْ أَذْ خَاسنْ ثَارْزُو، [مَاشَا] وَارْ ثنْ ثتِّيفْ. خنِّي أَذْ ثِينِي: ’نشّْ أَذْعقْبغْ، أَذْ ذوْڒغْ غَارْ ورْيَازْ إِنُو أَمزْوَارُو، مَاغَارْ ذڭْ وُوسَّانْ نِّي ثُوغَا أَيِي مْلِيحْ خْ ڒخُّو.‘
HOS 2:10 نتَّاثْ وَارْ ثعْقِيڒْ، أَقَا ذ نشّْ إِ ثُوغَا ذ أَسْ إِوْشِينْ إِمنْذِي ذ بِينُو ن جْذِيذْ ذ زّشْثْ، ؤُ أَقَا ذ نشّْ إِ ثُوغَا ذ أَسْ إِوْشِينْ نُّوقَارْثْ س وَاطَّاسْ، ؤُشَا ؤُرغْ [إِ ذ أَسنْ وْشِيغْ] أَقَا ڭِّينْ ث غَارْ بَاعْلْ.
HOS 2:11 س ؤُيَا إِ غَاعقْبغْ، أَذْ كّْسغْ إِمنْذِي إِنُو ذِي ڒْوقْثْ ن صَّابثْ ؤُڒَا ذ بِينُو إِنُو ن جْذِيذْ ذِي ڒْوقْثْ نّسْ إِتّْوَاڭّنْ ؤُ ثَاضُوفْثْ إِنُو ذ ثِيفّسْثْ إِنُو إِ زِي ثدَّاڒْ ثُوعَّارْينْثْ نّسْ أَذْ [ثنْثْ] قڒْعغْ [زَّايسْ].
HOS 2:12 [خنِّي] ڒخُّو أَذْ عَارِّيغْ خْ ڒحْيَا نّسْ زَّاثْ إِ ثِيطَّاوِينْ ن يِينِّي ت إِتّخْسنْ ؤُشَا ؤُڒَا ذ إِجّنْ وَارْ إِزمَّارْ أَذْ ت إِفكّْ زڭْ إِفَاسّنْ إِنُو.
HOS 2:13 نشّْ أَذْ سّْبدّغْ مَارَّا ڒفْرَاحثْ نّسْ، ؤُرَارنْ نّسْ، ؤُسَّانْ نّسْ ن ؤُبذِّي ن ؤُيُورْ ؤُڒَا ذ ؤُسَّانْ نّسْ ن سّبْثْ، [وَاهْ،] مَارَّا ؤُسَّانْ نّسْ إِتّْوَاڭّنْ.
HOS 2:14 أَذْ أَردّْدْجغْ ثَازَايَارْثْ نّسْ ذ [ثْشجَّارْثْ ن] وَارْثُو نّسْ إِ زِي ثنَّا: ’ثِينَا ذ ڒْمُونثْ إِ ذ أَيِي وْشِينْ يِينِّي ذ أَيِي إِتّخْسنْ.‘ أَذْ ثنْثْ أَرّغْ ذ إِجّْ ن وزْغَارْ ؤُ ڒْمَاڒْ ن ييَّارْ أَذْ زَّايْسنْثْ شّنْ.
HOS 2:15 نشّْ أَذْ ت وْثغْ خْ ؤُسَّانْ ن ’إِبَاعْلنْ‘، [ؤُسَّانْ] إِ ذِي ثِيوِي-د أَسنْ ثِيوْهِيبِينْ ن ڒبْخُورْ ؤُ ثڭَّا ثَاخْرَازْثْ نّسْ ذ ثْسدّشْثْ نّسْ، ؤُ ثضْفَارْ إِنِّي ت إِتّخْسنْ، [مَاشَا] نتَّاثْ ثتُّو أَيِي!“، [أَمُّو إِ] إِقَّارْ سِيذِي.
HOS 2:16 ”س ؤُيَا، خْزَارْ، نشّْ أَذْ ت غَارّغْ، أَذْ ت نذْهغْ غَارْ ڒخْڒَا، ؤُ [ذِينْ] أَذْ سِّيوْڒغْ أَكْ-ذ وُوڒْ نّسْ.
HOS 2:17 سّنِّي أَذْ أَسْ وْشغْ إِمَارْجَاعنْ نّسْ ن ؤُضِيڒْ ؤُ أَذْ أَرّغْ ثَاغْزُورْثْ ن أَخُورْ ذ ثَاوَّارْثْ ن ڒَايَاسْ. نتَّاثْ أَذْ ذِينِّي ثْغنّجْ أَمْ [ثْغنّجْ] ذڭْ وُوسَّانْ ن ثمْژِي نّسْ، أَمْ خْ وَاسّْ ؤُمِي د-ثفّغْ زِي ثمُّورْثْ ن مِيصْرَا.
HOS 2:18 ذڭْ وَاسّْ نِّي إِقَّارْ سِيذِي، أَذْ أَيِي ثْڒَاغِيذْ: ’أَرْيَازْ إِنُو!‘، ؤُ وَارْ ذ أَيِي ثقَّارذْ عَاذْ: ’بَاعْلْ إِنُو!‘
HOS 2:19 أَذْ أَسْ كّْسغْ إِسْمَاونْ ن ’إِبَاعْلنْ‘ زڭْ ؤُقمُّومْ نّسْ. وَارْ تّْفكَّارنْ عَاذْ ذڭْ إِسْمَاونْ نْسنْ.
HOS 2:20 ذڭْ وَاسّْ نِّي أَذْ ڭّغْ إِجّْ ن ڒْعَاهْذْ ذِي طّْوعْ نْسنْ أَكْ-ذ ڒوْحُوشْ ن ڒخْڒَا، أَكْ-ذ إِجْضَاضْ ن ؤُجنَّا ؤُ أَكْ-ذ إِمُودَّارنْ نِّي إِتّْبُوعنْ خْ وُوذمْ ن ثمُّورْثْ. أَذْ كّْسغْ ڒْقوْسْ ذ سِّيفْ ذ ؤُمنْغِي زِي ثمُّورْثْ ؤُ أَذْ ثنْ سَّارّيْحغْ ذِي ڒْهُوذْنثْ.
HOS 2:21 نشّْ أَذْ شمْ خضْبغْ إِ ڒبْذَا، [وَاهْ،] أَذْ شمْ خضْبغْ س ثْسڭْذَا ذ ڒْهقّْ، س ثْمخْسِيوْثْ إِشوَّارنْ ذ أَرّحْمثْ.
HOS 2:22 نشّْ أَذْ شمْ خضْبغْ س ڒَامَانْ، ؤُ شمْ أَذْ ثسّْنذْ سِيذِي.
HOS 2:23 ذڭْ وَاسّْ نِّي، إِقَّارْ سِيذِي، أَذْ إِمْسَارْ أَقَا نشّْ أَذْ سْڒغْ غَارْ ؤُجنَّا ؤُ أَجنَّا أَذْ إِسڒْ غَارْ ثمُّورْثْ
HOS 2:24 ؤُ ثَامُّورْثْ أَذْ ثْسڒْ غَارْ إِمنْذِي ؤُڒَا غَارْ بِينُو ن جْذِيذْ ذ زّشْثْ، ؤُ إِنَا أَذْ سْڒنْ غَارْ يَازْرَاعِيلْ.
HOS 2:25 نشّْ أَذْ ت زَارْعغْ إِ نشّْ ذِي ثمُّورْثْ ؤُ نشّْ أَذْ أَرّحْمغْ خْ لُو-رُوحَامَا، ؤُ أَذْ إِنِيغْ إِ لُو-عَامِّي: ’شمْ ذ ڒْڭنْسْ إِنُو إِ ثدْجِيذْ!‘، ؤُ [ڒْڭنْسْ] أَذْ يِينِي: ’أَربِّي إِنُو!‘ “
HOS 3:1 سِيذِي إِنَّا أَيِي: ”رُوحْ إِشْثْ ن ثْوَاڒَا نّغْنِي، أخْسْ ثَامْغَارْثْ نِّي إِتّْوَاسّْعِيزّنْ زڭْ ؤُمدُّوكّڒْ [نّسْ]، [مَاشَا] ثزْنَا، أَمْ مَامّشْ سِيذِي إِتّخْسْ أَيْثْ ن إِسْرَائِيل، [مَاشَا] نِيثْنِي خزَّارنْ غَارْ إِربِّيثنْ نّغْنِي ؤُ تّخْسنْ [صّذْقثْ] ن وغْرُومْ س زّْبِيبْ.“
HOS 3:2 [س ؤُينِّي] سْغِيغْ ت إِ نشّْ س خمّسْطَاشْ ن [ؤُقِييَّاثْ ن] نُّوقَارْثْ ؤُ س إِجّْ ن ؤُحُومِيرْ إِفيّْضنْ ن إِمنْذِي.
HOS 3:3 نشّْ نِّيغْ أَسْ: ”شمْ أَذْ غَارِي ثقِّيمذْ أَطَّاسْ ن وُوسَّانْ. وَارْ تّڭّْ شَا فَارْقْ-شّْغڒْ ؤُ وَارْ تِّيڒِي ن إِجّْ ن ورْيَازْ نّغْنِي، ؤُشَا ؤُڒَا ذ نشّْ أَذْ ڭّغْ أَمنِّي أَكِيذْسمْ.“
HOS 3:4 مَاغَارْ أَيْثْ ن إِسْرَائِيل أَذْ قِّيمنْ أَطَّاسْ ن وُوسَّانْ بْڒَا أَجدْجِيذْ، بْڒَا ڒْحَاكمْ، بْڒَا ثَاغَارْصْثْ، بْڒَا أَمَايْضُو [إِقدّْسنْ]، بْڒَا أَپَالْطُو [ن ؤُكهَّانْ] ذ ڒخْيَاڒَاثْ ن لْ-أَصْنَامْ.
HOS 3:5 أَوَارْنِي أَسْ أَذْ د-ذوْڒنْ أَيْثْ ن إِسْرَائِيل¸ أَذْ أَرْزُونْ خْ سِيذِي، أَربِّي نْسنْ ؤُ خْ ذَاوُوذْ، أَجدْجِيذْ نْسنْ. ذڭْ ؤُنڭَّارْ ن وُوسَّانْ أَذْ د-أَسنْ تَّارْجِيجِينْ غَارْ سِيذِي ذ ثْشُونِي نّسْ.
HOS 4:1 ”سْڒمْ إِ وَاوَاڒْ ن سِيذِي، أَيْثْ ن إِسْرَائِيل، مَاغَارْ سِيذِي إِكْسِي ثَانْفُوتْشْ ضِيدّْ إِ إِمزْذَاغْ ن ثمُّورْثْ، مِينْزِي وَارْ ذِينْ يدْجِي ڒَامَانْ نِيغْ ثَامخْسِيوْثْ إِشوَّارنْ ؤُڒَا ذ ثُوسّْنَا ن أَربِّي ذِي ثمُّورْثْ.
HOS 4:2 ثِيكّْوُورَا ذ إِخَارِّيقنْ ذ ؤُمنْغِي ذ ثُوشّفّْرَا ذ زِّينَا! أَقَا أَثنْ دُّوقّْزنْ، أَسِيزّڒْ ن إِذَامّنْ أَوَارْنِي إِ ؤُسِيزّڒْ ن إِذَامّنْ.
HOS 4:3 خْ ؤُيَا ثْشطّنْ ثَامُّورْثْ ؤُ كُوڒْ إِجّنْ إِ ذَايسْ إِزدّْغنْ إِتَّاژغْ: ڒوْحُوشْ ن ييَّارْ ذ يِيجْضَاضْ ن ؤُجنَّا، [وَاهْ،] ؤُڒَا ذ إِسڒْمَانْ ذِي ڒبْحَارْ تّْوَاكّْسنْ.
HOS 4:4 مَاشَا ؤُشْثْ خْ ورْيَازْ نِّي إِ ذ غَا إِكْسِينْ ثَانْفُوتْشْ ؤُ ؤُشْثْ خْ ورْيَازْ نِّي إِ غَا إِشثْشَانْ. ڒْڭنْسْ نّشْ أَخْمِي يِينِّي إِتّمْشُوبّْشنْ أَكْ-ذ ؤُكهَّانْ.
HOS 4:5 س ؤُزِيڒْ أَذْ ثنْقَارْضذْ ؤُ س دْجِيڒثْ أَذْ إِنْقَارْضْ عَاذْ أَنَابِي أَكِيذكْ، ؤُ يمَّاشْ أَذْ ت سّْهلّْكغْ.
HOS 4:6 ڒْڭنْسْ إِنُو إِذْوڒْ ذ أَيْنَاوْ، مِينْزِي أَقَا-ث بْڒَا ثُوسّْنَا. ؤُمِي شكْ ثنْضَارذْ ثُوسّْنَا، نْضَارغْ شكْ مَاحنْذْ وَارْ ذ أَيِي ثْسخَّارذْ [عَاذْ] أَمْ ؤُكهَّانْ. [ؤُمِي] شكْ ثتُّوذْ شَّارِيعَا ن أَربِّي، ؤُڒَا ذ نشّْ أَذْ تُّوغْ إِحنْجِيرنْ نّشْ.
HOS 4:7 مَامّشْ مَا وسْعنْ¸ أَرْنِينْ ذِي دّْنُوبْ أَكِيذِي. أَذْ أَرّغْ شَّانْ نْسنْ ذْ ڒفْضِيحثْ.
HOS 4:8 نِيثْنِي تّتّنْ زِي دّْنُوبْ ن ڒْڭنْسْ إِنُو ؤُ س وُوڒْ نْسنْ تَّارَّانْ مژْرِي إِ ڒْمُوعْصِييّثْ نْسنْ.
HOS 4:9 أَمْ مَامّشْ [إِ إِدْجَا] ؤُكهَّانْ، أَمُّو إِ غَا يِيڒِي ؤُڒَا ذ ڒْڭنْسْ. نشّْ أَذْ ذَايسْ خڒْفغْ إِبْرِيذنْ نّسْ ؤُ ثِيمڭَّا نّسْ أَذْ أَسْ ثنْثْ خدْجْصغْ.
HOS 4:10 نِيثْنِي أَذْ شّنْ، مَاشَا وَارْ ثتّْجِّيوِيننْ شَا، نِيثْنِي أَذْ سّْفسْذنْ إِخفْ نْسنْ، مَاشَا وَارْ تّْمَارنْينْ، مِينْزِي نِيثْنِي سمْحنْ ذڭْ ؤُحتُّو ن [ثْسخَّارْثْ إِ] سِيذِي.
HOS 4:11 فَارْقْ-شّْغڒْ ذ بِينُو ؤُ بِينُو ن جْذِيذْ أَقَا كّْسنْ ؤُڒْ [إِ بْنَاذمْ].
HOS 4:12 ڒْڭنْسْ إِنُو إِتّْسقْسَا [صَّانَامْ نّسْ] ن ؤُكشُّوضْ ؤُ ثَاغَّارْشْثْ نّسْ أَذْ أَسْ ثوْشْ ڒخْبَارْ، مِينْزِي بُوحْبڒْ ن فَارْقْ-شّْغڒْ إِغَارَّا إِ-ثنْ أَڒَامِي فّْغنْ س فَارْقْ-شّْغڒْ نْسنْ زِي سَاذُو [أَحطُّو ن] أَربِّي نْسنْ.
HOS 4:13 خْ ثْقِيشَّاثْ ن إِذُورَارْ تّْقدَّامنْ ثِيغَارْصَا ؤُ خْ ثوْرِيرِيرِينْ تَّاوْينْ ثِيوْهِيبِينْ ن ڒبْخُورْ، سَاذُو ڒْبدْجُوضْ ذ صّفْصَافْ ذ ثْشجَّارْثْ ن يِيڭّْ، مِينْزِي ثِيڒِي نْسنْ ثصْبحْ. خْ ؤُيَا سّفْسَاذنْثْ يسِّيثْومْ إِخفْ نْسنْثْ ؤُ ثِيسْڒَاثِينْ نْومْ تَّارژَّانْثْ ڒمْڒَاشْ س زِّينَا.
HOS 4:14 مَاشَا نشّْ وَارْ سِّيوِيضغْ ڒْحُوكْمْ خْ يسِّيثْومْ ؤُمِي سّْفسْذنْثْ إِخفْ نْسنْثْ ؤُڒَا خْ ثسْڒَاثِينْ نْومْ ؤُمِي تَّارژَّانْثْ ڒمْڒَاشْ س زِّينَا. أَقَا نِيثنْثِي حُوزنْثْ إِخفْ نْسنْثْ أَكْ-ذ ثمْغَارِينْ ن فَارْقْ-شّْغڒْ ؤُ تّْقدَّامنْثْ ثِيغَارْصَا [جْمِيعْ] أَكْ-ذ ثمْغَارِينْ ن فَارْقْ-شّْغڒْ ن زَّاوشْثْ. أَذْ إِوْضَا ڒْڭنْسْ إِ وَارْ غَارْ إِدْجِي ڒعْقڒْ.“
HOS 4:15 ”وَاخَّا شكْ، إِسْرَائِيل، ثسّفْسذذْ إِخفْ نّشْ، وَارْ تَّارِّي ؤُڒَا ذ يَاهُوذَا ذ بُو-ؤُمَارْوَاسْ. وَارْ د-تِّيسِيمْ غَارْ جِيلْجَالْ، وَارْ تّْڭعَّاذمْ غَارْ بَايْثْ-أَوَانْ ؤُ وَارْ تّْجَادْجَامْ: ’[س ثِيذتّْ أَمْ] إِدَّارْ سِيذِي!‘
HOS 4:16 مِينْزِي إِسْرَائِيل ذَايسْ ثَاغنَّانْثْ أَمْ يِيشْثْ ن ثْفُونَاسْثْ ثْعَارّنْ. [خنِّي] ڒخُّو، أَذْ ثنْ يَارْوسْ سِيذِي أَمْ يِيجّْ ن يزْمَارْ أَمژْيَانْ ذڭْ إِيَّارْ إِوسْعنْ أَطَّاسْ.
HOS 4:17 إِفْرَايِيمْ إِقّنْ إِخفْ نّسْ أَكْ-ذ ڒخْيَاڒَاثْ ن لْ-أَصْنَامْ، أجّْ إِ-ث، إِسْمحْ ذَايسْ.
HOS 4:18 ثَاسسِّيثْ نْسنْ ذَايسْ سّمْ، تّڭّنْ فَارْقْ-شّْغڒْ أَوَارْنِي إِ فَارْقْ-شّْغڒْ، ؤُ إِمحْضَاينْ نْسنْ تّخْسنْ مْغِيرْ ڒفْضِيحثْ وَاهَا.
HOS 4:19 إِشْثْ ن ثْحَارْيَاضْثْ ثسّْجبْذْ إِ-ت س وَافْرِيونْ نّسْ: أَقَا نِيثْنِي أَذْ ذوْڒنْ تّْسضْحَانْ زِي ثْغَارْصِي نْسنْ.“
HOS 5:1 ”سْڒمْ أَيَا، [كنِّيوْ] إِكهَّاننْ، حْضَامْ [كنِّيوْ أَيْثْ ن] ثَادَّارْثْ ن إِسْرَائِيل ؤُ وْشمْ أَمزُّوغْ، كنِّيوْ، [أَيْثْبَابْ ن] ثَادَّارْثْ ن ؤُجدْجِيذْ، مَاغَارْ ثْذوْڒمْ ذ إِجّْ ن ڒْفخْ ذِي مِيصْفَاثْ ذ إِشْثْ ن ثْرَاشَّا يَارزْمنْ خْ [وذْرَارْ ن] ثابُورْ.
HOS 5:2 إِنِّي إِ د-إِتّفّْغنْ زڭْ وبْرِيذْ سِّيدْجْغنْ ثَاسْرَافْثْ ن ونْغَايْ، مَاشَا نشّْ أَذْ ثنْ عَاقْبغْ مَارَّا.
HOS 5:3 نشّْ سّْنغْ إِفْرَايِيمْ ؤُ إِسْرَائِيل وَارْ إِزمَّارْ أَذْ زَّايِي إِنُّوفَّارْ. مَاغَارْ ڒخُّو إِسّفْسذْ إِفْرَايِيمْ إِخفْ نّسْ، إِسْرَائِيل إِسّخْمجْ إِخفْ نّسْ.
HOS 5:4 ثِيمڭَّا نْسنْ ثْمنّْعنْثْ إِ-ثنْ أَذْ د-ذوْڒنْ غَارْ أَربِّي، مَاغَارْ إِجّْ ن بُوحْبڒْ ن فَارْقْ-شّْغڒْ أَقَا-ث ذِي ڒْوسْطْ نْسنْ ؤُشَا وَارْ سِّيننْ سِيذِي.
HOS 5:5 أَعفَّارْ ن إِسْرَائِيل أَذْ خَاسْ إِذْعَا س بْطَايْطَايْ. إِسْرَائِيل ذ إِفْرَايِيمْ أَذْ نْقَارْضنْ زِي ڒْمُوعْصِييّثْ نْسنْ ؤُڒَا ذ يَاهُوذَا أَذْ كِيذْسنْ إِنْقَارْضْ.
HOS 5:6 نِيثْنِي أَذْ أَڭّْوجنْ أَكْ-ذ وُودْجِي نْسنْ ذ إِفُونَاسنْ ذ ثْفُونَاسِينْ نْسنْ، حِيمَا أَذْ أَرْزُونْ خْ سِيذِي، مَاشَا نِيثْنِي وَارْ ث تِّيفنْ. نتَّا أَقَا إِسّْنُوفَّارْ إِخفْ نّسْ خَاسنْ.
HOS 5:7 نِيثْنِي غْذَارنْ سِيذِي مَاغَارْ نِيثْنِي جِّينْ-د ثَارْوَا ن فَارْقْ-شّْغڒْ. ڒخُّو أَذْ ثنْ يشّْ ؤُيُورْ أَمَايْنُو أَكْ-ذ ثْسقَّاڒْ نْسنْ ن ڒْوَارْثْ.“
HOS 5:8 ”سُوضمْ ذڭْ ؤُيِيشّْ ن إِشَارِّي ذِي جِيبْعَا، ذِي ڒْبُوقْ ذِي رَامَا، أَذْ سْغُوينْ [إِمزْذَاغْ ن] بَايْثْ-أَوَانْ: ’أَوَارْنِي أَشْ، أَ بِينْيَامِينْ!‘
HOS 5:9 إِفْرَايِيمْ أَذْ إِذْوڒْ ذ [إِشْثْ ن ڒْقشْعثْ ن] ؤُنخْڒِيعْ ذڭْ وَاسّْ ن لْعِيقَابْ. نشّْ بَارّْحغْ جَارْ ثْقبَّاڒْ ن إِسْرَائِيل مِينْ إِتّْوَاڭّْ أَذْ إِمْسَارْ.
HOS 5:10 ڒْحُوكَّامْ ن يَاهُوذَا تّڭّنْ أَمْ يِينِّي إِسّْمُوطُّوينْ إِژْرَا ن ويْمِيرْ. نشّْ أَذْ خَاسنْ زدْجْعغْ أَذُوقّزْ إِنُو [ن ؤُفُوڭمْ] أَمْ وَامَانْ.“
HOS 5:11 ”إِفْرَايِيمْ إِتّْوَاحْصَارْ، ڒْحقّْ إِتّْوَاڒْبزْ، مَاغَارْ إِعْجبْ أَسْ مَاحنْذْ أَذْ إِضْفَارْ إِشْثْ ن ثوْصيّثْ [ن ڒْبَاطڒْ].
HOS 5:12 نشّْ أَمْ ثْشِينْذَا إِ إِفْرَايِيمْ ؤُ أَمْ ؤُرصُّوضْ إِ ثَادَّارْثْ ن يَاهُوذَا.
HOS 5:13 [ؤُمِي] إِژْرَا إِفْرَايِيمْ ڒهْڒَاشْ نّسْ ؤُ يَاهُوذَا ثَارحْسِيثْ نّسْ، يُويُورْ إِفْرَايِيمْ غَارْ أَشُّورْ، إِسّكّْ [إِجّْ ن ؤُرقَّاسْ] غَارْ ؤُجدْجِيذْ يَارِيبْ. [مَاشَا] وَانِيثَا وَارْ إِزمَّارْ أَذْ كنِّيوْ إِسّْڭنْفَا ؤُ وَارْ خَاومْ إِكسِّي ثَارحْسِيثْ نْومْ.
HOS 5:14 مَاغَارْ نشّْ أَذْ إِڒِيغْ إِ إِفْرَايِيمْ أَمْ ويْرَاذْ إِزهَّارنْ ؤُ أَمْ ويْرَاذْ أَمژْيَانْ إِ ثَادَّارْثْ ن يَاهُوذَا. نشّْ، [وَاهْ] نشّْ، أَذْ مزّْقغْ ؤُ [خنِّي] أَذْ ؤُيُورغْ، أَذْ ث أَوْيغْ ؤُشَا وَارْ ذِينْ وِي غَا إِفكّنْ.
HOS 5:15 نشّْ أَذْ فّْغغْ ؤُ [خنِّي] أَذْعقْبغْ غَارْ ومْشَانْ إِنُو، أَڒْ غَا نعْمنْ ؤُ أَذْ أَرْزُونْ ؤُذمْ إِنُو. ذِي ڒحْصَارثْ نْسنْ أَذْ خَافِي أَرْزُونْ زِيشْ غَارْ صّْبحْ.“
HOS 6:1 ”أَسمْ-د، أَذْ د-نذْوڒْ غَارْ سِيذِي، مَاغَارْ نتَّا إِقزَّارْ، [مَاشَا] أَذْ أَنغْ إِسّْڭنْفَا، نتَّا إِوْثَا، [مَاشَا] أَذْ أَنغْ إِشْفنْ.
HOS 6:2 أَوَارْنِي ثْنَاينْ ن وُوسَّانْ أَذْ أَنغْ يَارّْ غَارْ ثُوذَارْثْ، ذڭْ وَاسّْ وِيسّْ ثْڒَاثَا أَذْ أَنغْ إِسّْنكَّارْ ؤُ نشِّينْ أَذْ ندَّارْ زَّاثْ إِ وُوذمْ نّسْ.
HOS 6:3 [خنِّي] أَذْ نسّنْ، أَذْ نضْفَارْ مَاحنْذْ أَذْ نسّنْ سِيذِي. أَضْهَارْ نّسْ إِمْثنْ أَمْ ثُوفُّوثْ ن ڒفْجَارْ. أَذْ غَارْنغْ د-يَاسْ أَمْ ونْژَارْ، أَمْ ونْژَارْ ن أَرْبِيعْ نِّي إِسَّارْضَابنْ ثَامُّورْثْ.“
HOS 6:4 ”مِينْ أَكِيذكْ غَا ڭّغْ، [أَ] إِفْرَايِيمْ، مِينْ أَكِيذكْ غَا ڭّغْ، [أَ] يَاهُوذَا. ثَامخْسِيوْثْ نْومْ إِشوَّارنْ ثتّڭّْ أَمْ ؤُسيْنُو غَارْ ثفُّوثْ ؤُ أَمْ نّْذَا إِڭعّْذنْ ؤُشَا [خنِّي] إِقطَّا.
HOS 6:5 خْ ؤُيَا نشّْ قسّغْ [ثنْ] س [ثْمِيجَّا ن] إِنَابِييّنْ [أَمْ] س إِجّْ ن ؤُيڒْزِيمْ. نشّْ نْغِيغْ ثنْ س وَاوَاڒنْ ن ؤُقمُّومْ إِنُو. ڒحْكَامَاثْ خَاكْ [أَمشْنَاوْ] ثْفَاوْثْ إِنُّوفْسْڒنْ.
HOS 6:6 مِينْزِي تّخْسغْ ثَامخْسِيوْثْ إِشوَّارنْ، وَارْ إِدْجِي ثَاغَارْصْثْ، ؤُ ثُوسّْنَا ن سِيذِي [تّخْسغْ ت] خْ ثْغَارْصَا ن وشْمَاضْ.“
HOS 6:7 ”نِيثْنِيعدَّانْ خْ ڒْعَاهْذْ أَمْ أَذَامْ. ذِينِّي إِ ذ أَيِي غْذَارنْ.
HOS 6:8 جِيلْعَاذْ ذ إِشْثْ ن ثنْذِينْثْ ن يِينِّي إِتّڭّنْ ڒْمُوعْصِييّثْ، ثشُّورْ س إِذَامّنْ.
HOS 6:9 أَمْ يِيجّْ ن بَانْذِييَّا ن إِخوَّاننْ إِ إِتّْرَاجَانْ شَا ن يِيجّنْ، أَمُّو [إِ ثدْجَا] ثرْفِيقْثْ ن إِكهَّاننْ. نِيثْنِي نقّنْ ذڭْ وبْرِيذْ إِ د إِتَّاوْينْ غَارْ شَاكِيمْ، مَاغَارْ نِيثْنِي تّڭّنْ ڒفْضَايحْ [وَاهَا].
HOS 6:10 نشّْ تّْوَاڒِيغْ ثَامسْڒَاشْثْ ثسّْنخْڒَاعْ ذِي ثَادَّارْثْ ن إِسْرَائِيل، خْزَارْ، فَارْقْ-شّْغڒْ ن إِفْرَايِيمْ، إِسْرَائِيل ثسّخْمجْ إِخفْ نّسْ.“
HOS 6:11 ”[وَاخَّا أَمنِّي]، [أَ] يَاهُوذَا، أَقَا ثمَّارْسْ إِشْثْ ن صَّابثْ إِ شكْ، خْمِي د غَا سّْعقْبغْ إِمحْبَاسْ ن ڒْڭنْسْ إِنُو.“
HOS 7:1 ”أَمْ سّْڭنْفِيغْ إِسْرَائِيل، ثتّْوَاعَارّْ ڒْمُوعْصِييّثْ ن إِفْرَايِيمْ ذ ثُوعفّْنَا ن سَامَارْيَا، مَاغَارْ نِيثْنِي تّڭّنْ س ڒْغشّْ. أَشفَّارْ إِتَّاذفْ ؤُ إِشْثْ ن بَانْذِييَّا ثتّْكشَّاضْ ذِي بَارَّا.
HOS 7:2 [مَاشَا] وَارْ قَّارنْ [عمَّارْصْ] ذڭْ وُوڒْ نْسنْ، أَقَا نشّْ أَذْ خَارّْصغْ ذِي مَارَّا ڒْغَارْ نْسنْ. خنِّي ڒخُّو، نّْضنْثْ أَسنْ ثْمڭَّا نْسنْ، أَقَا أَثنْثْ زَّاثْ إِ وُوذمْ إِنُو.
HOS 7:3 نِيثْنِي سّْفْرَاحنْ أَجدْجِيذْ س ڒْغَارْ نْسنْ ؤُ ڒْحُوكَّامْ [سّْفْرَاحنْ ثنْ] س إِخَارِّيقنْ نْسنْ.
HOS 7:4 نِيثْنِي مَارَّا ذ إِمْزنَّاينْ، أَقَا أَثنْ أَمْ يِيجّْ ن ؤُفَارَّانْ نِّي إِتّْوَاسّحْمَانْ زڭْ ؤُخبَّازْ. وَانِيثَا أَذْ إِسّْبدّْ زڭْ ؤُشمُّوضْ أَوَارْنِي ڒَامِي ڭّْوِينْ أَرشْثِي أَڒْ إِسْممْ [قَاعْ].
HOS 7:5 ذڭْ وَاسّْ ن ؤُجدْجِيذْ نّغْ سّْهڒْشنْ ڒْحُوكَّامْ إِخفْ نْسنْ س ڒْحَاذُوقْ ن بِينُو. نتَّا إِسّْوِيژّضْ أَفُوسْ نّسْ إِ يِيمسْثهْزَاينْ.
HOS 7:6 خْمِي د-تّْقَارَّابنْ، [يَارقّْ] ؤُڒْ نْسنْ أَمْ يِيجّْ ن ؤُفَارَّانْ زِي ثْحْرَايْمشْثْ نْسنْ. إِتّطّصْ ؤُخبَّازْ نْسنْ دْجِيڒثْ ثكْمڒْ. غَارْ صّْبحْ يَارقّْ [ؤُفَارَّانْ] أَمْ ثْمسِّي إِتّحْذُوذُوقنْ.
HOS 7:7 نِيثْنِي مَارَّا حمَّانْ أَمْ يِيجّْ ن ؤُفَارَّانْ ؤُ نِيثْنِي تّتّنْ ڒْقُوضَاثْ نْسنْ. مَارَّا إِجدْجِيذنْ نْسنْ أَذْ وْضَانْ، وَارْ ذِينْ ؤُڒَا ذ إِجّْ جَارْ أَسنْ إِ د خَافِي غَا إِڒَاغَانْ.“
HOS 7:8 ”إِفْرَايِيمْ إِجَّا إِخفْ نّسْ إِسُّورْ جَارْ ڒڭْنُوسْ، إِفْرَايِيمْ ذ إِشْثْ ن ثفْضِيڒْثْ وَارْ ثتّْوَاسّْنقْڒبْ شَا.
HOS 7:9 إِبَارَّانِييّنْ سَارْضنْ جّهْذْ نّسْ، وَارْ أَكِيذسْ إِتِّيشِي. ؤُڒَا ذ أَشُوَّافْ نّسْ إِتّْشَابْ، وَارْ أَكِيذسْ إِتِّيشِي.
HOS 7:10 أَعفَّارْ ن إِسْرَائِيل أَذْ خَاسْ إِذْعَا، [مَاغَارْ] نِيثْنِي وَارْ دِّيكّْوِيڒنْ شَا غَارْ سِيذِي، أَربِّي نْسنْ، ؤُ وَارْ ث أَرْزُونْ شَا ذِي مَارَّا مَانْ أَيَا.
HOS 7:11 إِفْرَايِيمْ إِڭَّا أَمْ يِيشْثْ ن ثذْبِيرْثْ أَحَافِي، وَارْ ذَايسْ ڒفْهَامثْ. نِيثْنِي تّْڒَاغَانْ خْ مِيصْرَا، ڭُّورنْ غَارْ أَشُّورْ.
HOS 7:12 خْمِي ڭُّورنْ نِيثْنِي، تّْبزَّاعغْ نشّْ ثْرَاشَّا إِنُو خَاسنْ، أَذْ ثنْ د-سّهْوِيغْ أَمْ يِيجْضَاضْ ن ؤُجنَّا، أَذْ ثنْ وبّْخغْ خْ ڒحْسَابْ ن ڒخْبَارْ زِي جّْهثْ ن ثْمسْمُونْثْ نْسنْ.
HOS 7:13 ؤُشْثْ خَاسنْ مَاغَارْ نِيثْنِي أَروْڒنْ زَّايِي. أَكحّضْ خَاسنْ، مَاغَارْ نِيثْنِيعدَّانْ خَافِي. نشّْ ڭِّيغْ أَذْ ثنْ فْذِيغْ، مَاشَا نِيثْنِي نَّانْ خَافِي إِخَارِّيقنْ.
HOS 7:14 نِيثْنِي وَارْ د-سْغُوينْ شَا غَارِي س وُوڒْ نْسنْ، خْمِي طّْصنْ نِيثْنِي خْ ڒشْثُو نْسنْ تّْشثْشَانْ. نِيثْنِي تّْمُونَانْ ذِي طّْوعْ ن إِمنْذِي ذ بِينُو ن جْذِيذْ، أَقَا تّْغنَّانْ خَافِي.
HOS 7:15 نشّْ ذَارّْبغْ ؤُ سّْجهْذغْ إِغَادْجنْ نْسنْ، [مَاشَا] نِيثْنِي تّْخَارَّاصنْ ذَايِي ذِي ڒْغَارْ.
HOS 7:16 نِيثْنِي تّْعَاقَّابنْ، مَاشَا وَارْ إِدْجِي غَارْ ؤُمْعُودْجِي خْ كُوڒْشِي. أَقَا أَثنْ أَمْ يِيجّْ ن ڒْقوْسْ إِخطَّانْ، ڒْحُوكَّامْ نْسنْ وطَّانْ زِي سِّيفْ، زِي سمّْ إِنقّنْ ن يِيڒسْ نْسنْ. س ؤُينِّي أَذْ خَاسنْ ڭّنْ ثِيضحَّاشْ ذِي ثمُّورْثْ ن مِيصْرَا.“
HOS 8:1 ”ڭّمْ إِشّْ ن إِشَارِّي [إِ ؤُسُوضِي] غَارْ ؤُقمُّومْ نّشْ. أَمْ يِيجّْ ن ؤُڭِيذرْ [إِطَّاوْ نتَّا] سنّجْ إِ ثَادَّارْثْ ن سِيذِي، مَاغَارْ نِيثْنِيعدَّانْ خْ ڒْعَاهْذْ إِنُو ؤُغوّْغنْ خْ شَّارِيعَا إِنُو.
HOS 8:2 نِيثْنِي أَذْ خَافِي د-ڒَْاغَانْ: ’أَربِّي إِنُو، نشِّينْ، إِسْرَائِيل، أَقَا نسّنْ شكْ!‘
HOS 8:3 إِسْرَائِيل إِنْضَارْ مِينْ إِصبْحنْ، ڒعْذُو أَذْ ث إِضْفَارْ.
HOS 8:4 نِيثْنِي ڭِّينْ [خَاسنْ] إِجدْجِيذنْ، [مَاشَا] نِيثْنِي وَارْ دْجِينْ شَا زَّايِي، نِيثْنِي أَرشّْحنْ ڒْحُوكَّامْ، مَاشَا نشّْ وَارْ [ت] سِّينغْ. نِيثْنِي ڭِّينْ ڒخْيَاڒَاثْ ن لْ-أَصْنَامْ إِ يِيخفْ نْسنْ، س ؤُينِّي أَذْ إِتّْوَاقسّْ [ڒخْيَاڒْ نِّي].
HOS 8:5 أَعجْمِي نّشْ ذ إِجّْ ن نّْعِي، [أَ] سَامَارْيَا! أَغْضَابْ إِنُو يَارقّْ قِيبَاتْشْ نْسنْ. أَڒْ مڒْمِي غَا قِّيمنْ نِيثْنِي وَارْ زمَّارنْ أَذْ كْسِينْ ثَازْذُوڭِي؟
HOS 8:6 مَاغَارْ [إِفّغْ-د ڒخْيَاڒْ ن صَّانَامْ] زِي إِسْرَائِيل، أَقَا إِجّْ ن بُو-صّنْعثْ إِڭَّا إِ-ث ؤُ وَانِيثَا وَارْ إِدْجِي ذ أَربِّي. وَاهْ، [أَذْ إِذْوڒْ ڒخْيَاڒْ] ذ إِوثْوِيثنْ، أَعجْمِي ن سَامَارْيَا.
HOS 8:7 مَاغَارْ نِيثْنِي زَارّْعنْ أَسمِّيضْ ؤُ مجَّارنْ ثَاحَارْيَاضْثْ. وَارْ تِّيفنْ [ثِيذْرِينْ] غَارْ إِغدُّوينْ، ؤُ زڭْ إِمنْذِي إِبدّنْ وَارْ زَّايْسنْ تّڭّنْ سّْمِيذْ، نِيغْ أَذْ إِتّْوَاڭّْ، [مَاشَا] أَذْ ث صَارْضنْ إِبَارَّانِييّنْ.“
HOS 8:8 ”أَقَا إِسْرَائِيل إِتّْوَاصَارْضْ. ڒخُّو ذوْڒنْ أَمْ يِيشْثْ ن ڒْقشْعثْ جَارْ ڒڭْنُوسْ، وَارْ د-ثُوسِي خْ ڒْخَاضَارْ إِ حذْ.
HOS 8:9 مَاغَارْ نِيثْنِي ڭعّْذنْ غَارْ أَشُّورْ. إِجّْ ن وغْيُوڒْ ن ڒخْڒَا إِتّْغِيمَا إِ يِيخفْ نّسْ وَاهَا، [مَاشَا إِنِّي ن] إِفْرَايِيمْ تّْخدْجَاصنْ إِ إِمْحِيبَّانْ [نْسنْ].
HOS 8:10 وَاخَّا نِيثْنِي زّنْزنْ إِخفْ نْسنْ إِ ڒڭْنُوسْ، مَاشَا ڭُّورْ ڒخُّو أَذْ ثنْ يَارْوغْ. نِيثْنِي وَارْ زمَّارنْ أَذْ ڭّنْ مْغِيرْ ذْرُوسْ وَاهَا زِي سِّيبّثْ ن زّيَّارْ ن ؤُجدْجِيذْ ن ڒْحُوكَّامْ.
HOS 8:11 مَاغَارْ إِفْرَايِيمْ إِڭَّا إِعَالْطَارنْ نّسْ ذ أَطَّاسْ، حِيمَا أَذْ [زَّايْسنْ] إِدّنْبْ. أَقَا ذوْڒنْ ذ إِعَالْطَارنْ ن دّنْبْ إِ نتَّا.
HOS 8:12 نشّْ ؤُرِيغْ أَسْ أَطَّاسْ ن ثْمسْڒَايِينْ زِي شَّارِيعَا إِنُو، [مَاشَا] نِيثْنِي حسْبنْ خَاسنْثْ أَمْ شَا ن ڒْحَاجّثْ ذ ثَاغْرِيبْثْ.
HOS 8:13 زِي ثْغَارْصَا ن صّْذَاقِي إِنُو، أَقَا نِيثْنِي وهّْبنْ زَّايْسنْثْ أَيْسُومْ ؤُشَا تّتّنْ زَّايسْ، [مَاشَا] سِيذِي وَارْ زَّايْسنْ يَارطِّي. ڒخُّو أَذْ إِخَارّصْ ذِي ڒْمُوعْصِييّثْ نْسنْ ؤُ نتَّا أَذْ إِخدْجصْ دّْنُوبْ نْسنْ. أَذْ د-ذوْڒنْ غَارْ مِيصْرَا.
HOS 8:14 مَاغَارْ إِسْرَائِيل إِتُّو ونِّي ث إِڭِّينْ، إِبْنَا ثِيزَاوِييِّينْ، ؤُشَا يَاهُوذَا إِكتَّارْ ثِيندَّامْ إِفَارْينْ، [مَاشَا] نشّْ أَذْ سّكّغْ إِشْثْ ن ثْمسِّي ذِي ثْندَّامْ نّسْ، أَذْ ثشّْ ڒقْصُورْ نّسْ.“
HOS 9:1 ”وَارْ فَارّحْ شَا أَمُّو، إِسْرَائِيل، أَڒَامِي إِ غَا ثسْڒِيوْڒِيوذْ أَمْ ڒڭْنُوسْ. مَاغَارْ ثِيڭّْوجذْ خْ أَربِّي نّشْ أَمْ ثسّفْسذذْ إِخفْ نّشْ. ثتّخْسذْ ڒْمُونثْ ن إِشْثْ ن ثمْغَارْثْ ن فَارْقْ-شّْغڒْ ذِي مَارَّا إِنذْرَارْ ن ؤُسَارْوثْ ن إِمنْذِي.
HOS 9:2 أَنْذْرَارْ ذ ثْسِيرْثْ ن ؤُضِيڒْ وَارْ ذ أَسنْ سّشّنْ شَا ؤُ بِينُو ن جْذِيذْ أَذْ ت إِخيّبْ.
HOS 9:3 نِيثْنِي وَارْ تّْغِيمَانْ شَا ذِي ثمُّورْثْ ن سِيذِي. إِفْرَايِيمْ أَذْ د-إِذْوڒْ غَارْ مِيصْرَا ؤُ نِيثْنِي أَذْ شّنْ مِينْ إِخمْجنْ ذِي أَشُّورْ.
HOS 9:4 نِيثْنِي وَارْ سيّْبنْ شَا [ثِيوْهِيبِينْ ن] بِينُو إِ سِيذِي ؤُ ثِيغَارْصَا نْسنْ وَارْ خَاسْ أَرطَّانْثْ. أَذْ أَسنْ إِڒِينْثْ أَمْ وغْرُومْ ن يِينِّي إِشطّْننْ. مَارَّا إِنِّي ث إِشّنْ، أَذْ ذوْڒنْ خمْجنْ، مَاغَارْ أَغْرُومْ نْسنْ [أَذْ يِيڒِي] إِ ڒعْمَارْ نْسنْ، وَارْ د-إِتِّيسْ ذِي ثَادَّارْثْ ن سِيذِي.
HOS 9:5 مِينْ غَا ثڭّمْ [خنِّي] ذڭْ إِجّْ ن وَاسّْ [ن ڒْعِيذْ] إِتّْوَاڭّنْ، ذڭْ وَاسّْ ن ڒْعِيذْ ن سِيذِي؟
HOS 9:6 مَاغَارْ، خْزَارْ، أَقَا نِيثْنِي تَّاڭّْوجنْ زِي سِّيبّثْ ن ؤُردّدْجْ. مِيصْرَا أَذْ ثنْ إِسّْمُونْ، مُوفْ أَذْ ثنْ ثنْضڒْ. إِرزَّازنْ أَذْ مژّْرنْ ذِي نُّوقَارْثْ نْسنْ، شْبَارْقْ أَكْ-ذ إِسنَّاننْ أَذْ إِطّفْ أَمْشَانْ ن إِقِيضَانْ نْسنْ.
HOS 9:7 أَقَا ؤُسَّانْ ن ؤُجَارّبْ ؤُسِينْ-د، أَقَا ؤُسَّانْ ن لْعِيقَابْ ؤُسِينْ-د. نِيثْنِي أَذْ [ت] سّْننْ، [إِنِّي ن] إِسْرَائِيل. أَنَابِي [أَمْ يِيجّْ ن] أَبُوهَاڒِي [إِ نِيثْنِي]، أَرْيَازْ أَرُّوحَانِي [أَمْ يِيجّْ ن] بُو-جْنُونْ زڭْ وَاطَّاسْ ن ڒْمُوعْصِييّثْ نّشْ ذ وَاطَّاسْ ن ڒعْذَاوثْ نّشْ.
HOS 9:8 أَعسَّاسْ ن إِفْرَايِيمْ [إِتّْعسَّاسْ] أَكْ-ذ [ؤُعَاونْ ن] أَربِّي إِنُو، [وَاهْ، نتَّا،] أَنَابِي [إِتَّافْ] إِجّْ ن ڒْفخْ ن ؤُنڭْمَارْ ذِي مَارَّا إِبْرِيذنْ نّسْ، ڒعْذَاوثْ ذِي ثَادَّارْثْ ن أَربِّي نّسْ.
HOS 9:9 [مَاغَارْ] أَقَا أَثنْ غَارْقنْ أَڒْ إِڒِي، أَمْ ذڭْ وُوسَّانْ نِّي ن جِيبْعَا. نتَّا أَذْ إِعْقڒْ خْ ڒْمُوعْصِييّثْ نْسنْ ؤُ أَذْ إِخْڒفْ دّْنُوبْ نْسنْ.“
HOS 9:10 ”نشّْ ؤُفِيغْ إِسْرَائِيل أَمْ ؤُضِيڒْ ذِي ڒخْڒَا، ژْرِيغْ ڒجْذُوذْ نْومْ أَمْ يِيمنْزَا ن وَارْثُو ذِي ثمْژِي نْسنْ. نِيثْنِي [مَاشَا] ؤُذْفنْ غَارْ بَاعْلْ-فَاغُورْ ؤُشَا وْشِينْ إِخفْ نْسنْ س ڒفْضِيحثْ [إِ نتَّا] ؤُشَا نِيثْنِي ذوْڒنْ ذ نّْعَاوَاثْ أَمْ ونِّي ثُوغَا تّخْسنْ.
HOS 9:11 [خْ يِينِّي ن] إِفْرَايِيمْ، أَقَا أَعُودْجِي نْسنْ أَذْ إِضُو أَمْ وجْضِيضْ، [أَذْ يَاڭّْوجْ] خْ وخْڒَاقْ ؤُ خْ ؤُعذِّيسْ [ن يمَّاسْ] ؤُ خْ ثْكسِّيثْ ن ثَارْوَا.
HOS 9:12 وَاخَّا نِيثْنِي سّْيَامنْ إِحنْجِيرنْ نْسنْ أَڒْ غَا مْغَارنْ، نشّْ أَذْ ثنْ أَرّغْ نْهْڒَا إِحنْجِيرنْ أَڒَامِي وَارْ ذِينْ إِقِّيمْ بْنَاذمْ. مَاغَارْ ؤُڒَا إِ نِيثْنِي [س ثِيذتّْ]، ؤُشْثْ، خْمِي خَاسنْ غَا حيّْذغْ.
HOS 9:13 أَخْمِي ژْرِيغْ صُورْ، أَمُّو إِ إِتّْوَاژُّو إِفْرَايِيمْ ذڭْ إِشْثْ ن جِّيهثْ أَرْضَانْ. ؤُ ڒخُّو [إِتّْخصَّا إِ] إِفْرَايِيمْ أَذْ إِسلّمْ ثَارْوَا نّسْ إِ ؤُقتَّاڒْ.
HOS 9:14 أوْشْ أَسنْ، [أَ] سِيذِي! مِينْ إِ غَا ثوْشذْ؟ أوْشْ أَسنْ إِجّْ ن ؤُعذِّيسْ س وطُّووْ ن إِسيْمَانْ ذ يبَّاشْ يُوژْغنْ.
HOS 9:15 مَارَّا ثَاعفَّانْثْ نْسنْ [ثْعَارَّا] ذِي جِيلْجَالْ، مَاغَارْ ذِينِّي شَارْهغْ ثنْ خْ ثْعفَّانْثْ ن ثْمڭَّا نْسنْ. نشّْ أَذْ خَاسنْ أَژّْڒغْ زِي ثَادَّارْثْ إِنُو.عمَّارْصْ عَاذْ أَذْ ثنْ خْسغْ [عَاذْ]، مَارَّا ڒْحُوكَّامْ نْسنْ ذ إِمْغوّْغنْ.
HOS 9:16 إِفْرَايِيمْ إِتّْوَاوّثْ، إِژوْرَانْ نْسنْ ؤُژْغنْ، وَارْ تِّيرْونْ عَاذْ. وَاخَّا نِيثْنِي تَّارْونْ، نشّْ أَذْ نْغغْ إِمْعِيزَّانْ ن ؤُعذِّيسْ نْسنْ.
HOS 9:17 أَربِّي إِنُو أَذْ ثنْ إِنْضَارْ، مَاغَارْ نِيثْنِي وَارْ غَارسْ تّسْڒِينْ، ؤُ نِيثْنِي أَذْ ذوْڒنْ تّثْلِيعنْ جَارْ ڒڭْنُوسْ.“
HOS 10:1 ”إِسْرَائِيل ذ إِشْثْ ن ثْزَايَارْثْ ثوْسعْ، ثنِّي إِ د إِتَّاوْينْ ڒْغِيدْجثْ إِ يِيخفْ نّسْ. مَامّشْ ثُوغَا ڒْغِيدْجثْ نّسْ ثمَّارْنِي، أَمُّو إِ د-مَّارنْينْ ؤُڒَا ذ إِعَالْطَارنْ نّسْ، مشْحَاڒْ ثشْنَا ثمُّورْثْ نّسْ، أَمُّو إِ ڭِّينْ نِيثْنِي ؤُڒَا ذ إِمَايْضُوثنْ [إِقدّْسنْ] شْنَانْ.
HOS 10:2 ؤُڒْ نْسنْ أَقَا إِتّْوَابْضَا، ڒخُّو أَقَا ذَايْسنْ ڒْعِيبْ. نتَّا أَذْ يَارْژْ إِعَالْطَارنْ نْسنْ، نتَّا أَذْ إِهْذمْ إِمَايْضُوثنْ نْسنْ [إِقدّْسنْ]
HOS 10:3 مَاغَارْ ڒخُّو قَّارنْ: ’نشِّينْ وَارْ غَارْنغْ بُو ؤُجدْجِيذْ، مَاغَارْ نشِّينْ وَارْ نڭّْوِيذْ شَا سِيذِي، ؤُ [عَاذْ مَاڒَا ثُوغَا ذِينْ] أَجدْجِيذْ: ’مِينْ إِزمَّارْ أَذْ أَنغْ إِڭّْ؟‘
HOS 10:4 سَّاوَاڒنْ أَوَاڒنْ [إِخْوَانْ]، تّْجَادْجَانْ ژُورْ أَمْ تّڭّنْ إِجّْ ن ڒْعَاهْذْ، ؤُشَا ڒْحُوكْمْ [إِذْوڒْ] إِتّْڭعّذْ أَمْ يِيجّْ ن ڒعْشبْ أَمسْمُومْ ذِي ڒخْضُوضْ ن إِيَّارنْ.
HOS 10:5 إِمزْذَاغْ ن سَامَارْيَا أَذْ نّْخڒْعنْ زِي سِّيبّثْ ن ؤُعجْمِي ن بَايْثْ-أَوَانْ، مَاغَارْ ڒْڭنْسْ نّسْ أَذْ خَاسْ إِشْضنْ، ؤُشَا ؤُڒَا ذ إِكهَّاننْ نّسْ أَذْ خَاسْ شضْننْ، خْ ؤُعُودْجِي نّسْ، مَاغَارْ وَانِيثَا إِتّْوَاكّسْ زَّايسْ.
HOS 10:6 أَذْ ث أَوْينْ غَارْ أَشُّورْ ذ ثَارْزفْثْ إِ ؤُجدْجِيذْ يَارِيبْ. إِفْرَايِيمْ أَذْ إِڭّْ ڒفْضِيحثْ إِ ؤُزدْجِيفْ نّسْ ؤُ إِسْرَائِيل أَذْ إِسضْحَا زِي لْقَارَارْ نّسْ.
HOS 10:7 إِتّْوَاسّسْقَارْ ؤُجدْجِيذْ ن سَامَارْيَا أَمْ ؤُكُوفُّو خْ وُوذمْ ن وَامَانْ.
HOS 10:8 أَذْ تّْوَاهذْمنْثْ ڒڭْعُوذِي ن أَوَانْ، أَقَا-ثنْثْ ذ دّنْبْ ن إِسْرَائِيل. إِسنَّاننْ ذ ثْزڭّْوَارْثْ أَذْ ؤُعْڒَانْ خْ إِعَالْطَارنْ نْسنْ ؤُ نِيثْنِي أَذْ إِنِينْ إِ إِذُورَارْ: ’ذْڒمْ أَنغْ!‘ ؤُ إِ ثوْرِيرِينْ: ’وْضَانْثْ-إِ-د خَانغْ!‘
HOS 10:9 زڭْ وُوسَّانْ ن جِيبْعَا ثڭِّيذْ دّْنُوبْ، [أَ] إِسْرَائِيل. ذِينِّي قِّيمنْ نِيثْنِي بدّنْ، [إِوَا،] وَارْ ثنْ إِڒقِّيفْ ڒَاثَارْ ن ؤُمنْغِي أَكْ-ذ أَيْثْ ن ڒْمُوعْصِييّثْ ذِي جِيبْعَا.
HOS 10:10 أَقَا ذَايِي مژْرِي حِيمَا أَذْ ثنْ شَارْفغْ ؤُ أَذْ خَاسنْ سّْمُونغْ ڒڭْنُوسْ خْمِي ثنْ غَا شَارْفغْ س ثْنَاينْ ن إِخطَّانْ نْسنْ.“
HOS 10:11 ”إِفْرَايِيمْ ذ إِشْثْ ن ثْعجْمِيثْ إِتّْوَاذَارّْبنْ، ثتّخْسْ أَذْ ثسَّارْوثْ. نشّْ عْذُوغْ خْ ثْشُونِي ن يِيرِي نّسْ. نشّْ أَذْ نذْهغْ إِفْرَايِيمْ، يَاهُوذَا أَذْ إِشَارْزْ، يَاعْقُوبْ أَذْ إِنْقشْ [ثمُّورْثْ] إِ يِيخفْ نّسْ.
HOS 10:12 زَارْعمْ ثَاسڭْذَا إِ يِيخفْ نْومْ، مْجَارمْ ثَامخْسِيوْثْ إِشوَّارنْ مَاحنْذْ أَذْ [زَّايسْ] ثْعمَّارمْ أَقمُّومْ نْومْ، شَارْزمْ إِجّْ ن ييَّارْ إِخْوَا إِ يِيخفْ نْومْ، مِينْزِي أَقَا-ث ذ ڒْحَاڒْ مَاحنْذْ أَذْ ثَارْزُومْ خْ سِيذِي، أَڒْ د غَا يَاسْ نتَّا ؤُ أَذْ يَارَّا ثَاسڭْذَا أَذْ خَاومْ ثشَّاثْ أَمْ ونْژَارْ.“
HOS 10:13 ”أَقَا كنِّيوْ ثْشَارْزمْ مِينْ وَارْ إِحْڒِينْ، ثْصيّْفمْ ڒْمُوعْصِييّثْ، ثشِّيمْ ڒْغِيدْجثْ ن ؤُخَارِّيقْ، مَاغَارْ شكْ ثثشْڒذْ خْ وبْرِيذْ [إِ ثِيخْضَارذْ سِيمَانْثْ] نّشْ، خْ ؤُبَارُّو ن أَيْثْ ن بُو-ثغْرُوضْثْ نّشْ.
HOS 10:14 أَذْ إِكَّارْ إِجّْ ن دّْرِيزْ ن ؤُمنْغِي ضِيدّْ إِ ڒْڭنْسْ نّشْ ؤُ مَارَّا لْقلْعَاثْ نّشْ أَذْ تّْوَاهذْمنْثْ أَمْ مَامّشْ إِهْذمْ شَالْمَانْ بَايْثْ-أَرْبِيلْ ذڭْ وَاسّْ ن ؤُمنْغِي، ؤُمِي ثتّْوَاڒْبزْ إِشْثْ ن يمَّاسْ أَكْ-ذ إِحنْجِيرنْ [نّسْ].
HOS 10:15 أَمُّو إِ إِڭَّا بَايْثْ-إِلْ أَكِيذْومْ زِي سِّيبّثْ ن ثُوعفّْنَا نْومْ يُودْجْغنْ. غَارْ ڒفْجَارْ أَذْ إِتّْوَاسغْضْ ؤُجدْجِيذْ ن إِسْرَائِيل س إِجّْ ن ؤُسغْذْ قَاعْ.“
HOS 11:1 ”أَڒَامِي ثُوغَا إِسْرَائِيل [عَاذْ] ذ أَحنْجِيرْ، ثُوغَا تّخْسغْ ث ؤُ نشّْ ڒَاغِيغْ-د إِ مِّي زِي مِيصْرَا.
HOS 11:2 [ؤُڒَا ذ إِنَابِييّنْ إِنُو] ڒَاغَانْ خَاسنْ، [مَاشَا خنِّي] أَڭّْوجنْ نِيثْنِي [ذغْيَا] خْ إِغمْبَابْ نْسنْ مَاحنْذْ أَذْ أَوْينْ ثِيغَارْصَا إِ ’إِبَاعْلنْ‘ ذ ثوْهِيبِينْ ن ڒبْخُورْ إِ ڒخْيَاڒَاثْ نْسنْ إِنقْشنْ.
HOS 11:3 ذ نشّْ إِ ثُوغَا إِسّڒْمَاذنْ ثِيشْڒِي إِ إِفْرَايِيمْ، [وَاهْ،] نتَّا إِكْسِي ثنْ خْ إِغَادْجنْ نّسْ، [مَاشَا] نِيثْنِي وَارْ سِّيننْ شَا أَقَا نشّْ ذ ونِّي إِ ثنْ إِسّْڭنْفَانْ.
HOS 11:4 س ثسْغُونِينْ ن بْنَاذمْ جبْذغْ ثنْ-د [غَارِي]، س ثْمُورَارْ ن ثْمخْسِيوْثْ، ؤُ نشّْ ثُوغَا إِ نِيثْنِي أَمْ ونِّي د-إِسّْڭعَّاذنْ زَّايْڒثْ زڭْ إِغسْمِيرنْ نْسنْ، ؤُ نشّْ سّْوِيژّْضغْ أَسْ [إِفَاسّنْ إِنُو] مَاحنْذْ أَذْ أَسْ وْشغْ أَذْ إِشّْ.“
HOS 11:5 ”نتَّا وَارْ د-إِتَّارِّي س ؤُزدْجِيفْ غَارْ مِيصْرَا. أَشُّورْ، نتَّا [أَذْ يِيڒِي] ذ أَجدْجِيذْ نّسْ، مَاغَارْ نِيثْنِي ؤُڭِينْ أَذْ د-ذوْڒنْ.
HOS 11:6 سِّيفْ أَذْ إِنّضْ ذِي ثْندَّامْ نْسنْ ؤُشَا أَذْ يَاردّدْجْ إِعُومَاذْ نّسْ [ن ؤُبلّعْ ن ثوُّورَا] ؤُ أَذْ ثنْ يشّْ زِي سِّيبّثْ ن إِخَارِّيصنْ [ن يِيخفْ] نْسنْ.
HOS 11:7 [مَاغَارْ] ڒْڭنْسْ إِنُو إِقِّيمْ إِتّْنقْڒَابْ خَافِي. نِيثْنِي تّْڒَاغَانْ جْمِيعْ غَارْ سنّجْ، [مَاشَا] نتَّا وَارْ ثنْ إِسّْعُودْجِي شَا.“
HOS 11:8 ”مَامّشْ زمَّارغْ نشّْ أَذْ شكْ سلّْمغْ، إِفْرَايِيمْ؟ [مَامّشْ زمَّارغْ نشّْ] أَذْ شكْ سلّْمغْ، إِسْرَائِيل؟ [مَامّشْ زمَّارغْ نشّْ] أَذْ شكْ سلّْمغْ أَمْ أَذَامَا، أَذْ شكْ ڭّغْ [ذ أَمذْيَا] أَمْ صابُويِيمْ؟ ؤُڒْ إِنُو إِنّحْوڒْ زَّايِي، أَزِيدْجزْ إِنُو إِتّخْثُوخْ جْمِيعْ.
HOS 11:9 نشّْ وَارْ ثجِّيغْ أَذْ أَرْخُوغْ ڒْحَاذُوقْ ن وغْضَابْ إِنُو، نشّْ وَارْ د-دِّيكّْوِيڒغْ شَا مَاحنْذْ أَذْ أَردّْدْجغْ إِفْرَايِيمْ، مَاغَارْ نشّْ ذ أَربِّي ؤُ نشّْ وَارْ دْجِيغْ ذ بْنَاذمْ، نشّْ ذ أَمْقدَّاسْ ذِي ڒْوسْطْ نّشْ، وَارْ د-تِّيسغْ شَا س ثْمسِّي [ن لْغَاضَابْ إِنُو].
HOS 11:10 نِيثْنِي أَذْ ڭُّورنْ أَوَارْنِي إِ سِيذِي. نتَّا أَذْ إِسّْمُوهْرُوثْ أَمْ يِيجّْ ن ويْرَاذْ، مَاغَارْ أَذْ إِسّْمُوهْرُوثْ نتَّا ؤُشَا إِحنْجِيرنْ أَذْ د-أَسنْ تَّارْجِيجِينْ زِي ثْمَا ن ڒبْحَارْ.
HOS 11:11 أَمْ إِجْضَاضْ أَذْ د-أَسنْ تَّارْجِيجِينْ زِي ثمُّورْثْ ن مِيصْرَا ؤُ أَمْ ثذْبِيرْثْ زِي ثمُّورْثْ ن أَشُّورْ ؤُ نشّْ أَذْ ثنْ سّْزذغْ ذِي ثُوذْرِينْ نْسنْ، إِقَّارْ سِيذِي.“
HOS 12:1 ”إِفْرَايِيمْ إِتّنّضْ أَيِي س ؤُخَارِّيقْ ؤُ ثَادَّارْثْ ن إِسْرَائِيل س ڒْغشّْ، [مَاشَا] يَاهُوذَا إِتّثْلِيعْ عَاذْ أَكْ-ذ أَربِّي ؤُ أَكْ-ذ ؤُمْقدَّاسْ أَمقّْرَانْ ذ أَمْثِيقِّي.
HOS 12:2 إِفْرَايِيمْ ذ إِجّْ ن ؤُمكْسَاوْ يُويُورْ أَوَارْنِي إِ ؤُسمِّيضْ. أَسّْ مَارَّا يَارنِّي إِخَارِّيقنْ ذ ؤُردّدْجْ. نِيثْنِي ڭِّينْ إِجّْ ن ڒْعَاهْذْ أَكْ-ذ أَشُّورْ ؤُشَا تَّاوْينْ زّشْثْ غَارْ مِيصْرَا.“
HOS 12:3 ”سِيذِي غَارسْ إِجّْ ن ؤُمْشُوبّشْ أَكْ-ذ يَاهُوذَا ؤُ نتَّا أَذْ إِڭّْ س يَاعْقُوبْ عْلَاحْسَابْ إِبْرِيذنْ نّسْ، أَذْ ث إِخدْجصْ أَمْ مَامّشْ ثِيمڭَّا نّسْ.
HOS 12:4 ذڭْ ؤُعذِّيسْ ن يمَّاسْ إِطّفْ ؤُمَاسْ غَارْ ؤُنِيرْزْ ؤُ ڒَامِي ثُوغَا [ذ أَرْيَازْ] إِجْهذْ إِمّْعَاڒَا أَكْ-ذ أَربِّي.
HOS 12:5 نتَّا ثُوغَا إِمّْنغْ أَكْ-ذ لْمَالَاكْ ؤُشَا إِغْڒبْ. إِرُو، إِحشّمْ إِ-ث. يُوفَا إِ-ث ذِي بَايْثْ-إِلْ ؤُ ذِينِّي إِسِّيوڒْ نتَّا أَكِيذْنغْ،
HOS 12:6 [وَاهْ،] سِيذِي، أَربِّي ن ڒْعسْكَارَاثْ، سِيذِي ذ إِسمْ نّسْ إِ ڒِيذَارثْ.
HOS 12:7 ذْوڒْ غَارْ أَربِّي نّشْ، حْضَا ثَامخْسِيوْثْ إِشوَّارنْ ذ ڒْحقّْ، ؤُ سِيثِيمْ ڒبْذَا إِ أَربِّي نّشْ.“
HOS 12:8 ”كنْعَانْ غَارسْ إِجّْ ن ڒْمِيزَانْ إِغشّْ ذڭْ ؤُفُوسْ نّسْ، إِتّعْجِيبْ أَسْ أَذْ إِبعّجْ.
HOS 12:9 [مَاشَا] إِفْرَايِيمْ إِقَّارْ: ’نشّْ ذوْڒغْ ذ بُو-وَاڭْڒَا، يَارْوغْ إِشْثْ ن ڒكْسِيبثْ ذ ثَامقّْرَانْثْ إِ يِيخفْ إِنُو. [ذِي] مَارَّا ڒْخذْمثْ إِنُو وَارْ ذَايِي تِّيفنْ شَا ڒْمُوعْصِييّثْ نِّي [إِدْجَانْ] ذ دّنْبْ.‘ “
HOS 12:10 ”نشّْ ذ سِيذِي، أَربِّي نّشْ، زڭْ [وَامِي ثفّْغمْ كنِّيوْ زِي] ثمُّورْثْ ن مِيصْرَا. نشّْ أَذْ شكْ جّغْ أَذْ ثْزذْغذْ ذڭْ إِقِيضَانْ أَمْ ذڭْ وُوسَّانْ ن ثْمسْمُونْثْ [ذِي ڒخْڒَا].
HOS 12:11 نشّْ أَذْ سِّيوْڒغْ غَارْ إِنَابِييّنْ ؤُ نشّْ أَذْ أَرْنِيغْ ڒوْحِييْ أَطَّاسْ ؤُ س ؤُفُوسْ ن إِنَابِييّنْ أَذْ سِّيوْڒغْ س ڒمْثُوڒْ.“
HOS 12:12 ”مَاڒَا [ثُوغَا] جِيلْعَاذْ ذ ڒْمُوعْصِييّثْ، [خنِّي] ذوْڒنْ نِيثْنِي خْوَانْ قَاعْ ذِي جِيلْعَاذْ. أَقَا قدّْمنْ [ذِينْ] إِفُونَاسنْ. ؤُڒَا ذ إِعَالْطَارنْ نْسنْ ذوْڒنْ ذ إِعُورِّيشنْ ن إِژْرَا ذِي ڒخْضُوضْ ن إِيَّارنْ.
HOS 12:13 يَاعْقُوبْ يَارْوڒْ غَارْ جّْوَايهْ ن أَرَامْ ؤُ إِسْرَائِيل ثُوغَا إِتّْسخَّارْ خْ يِيشْثْ ن ثمْغَارْثْ، ؤُ نتَّا يَارْوسْ [ثَاحِيمَارْثْ] ذِي طّْوعْ ن يِيشْثْ ن ثمْغَارْثْ،
HOS 12:14 [مَاشَا] س يِيجّْ ن ؤُنَابِي إِسّْڭعّذْ سِيذِي إِسْرَائِيل زِي مِيصْرَا ؤُ س يِيجّْ ن ؤُنَابِي يَارْوسْ إِ-ث.
HOS 12:15 إِفْرَايِيمْ ثُوغَا إِسْعَارْ إِ-ث أَطَّاسْ. س ؤُيَا أَذْ يجّْ [سِيذِي] إِذَامّنْ نّسْ أَذْ خَاسْ د-أَسنْ ؤُ سِيذِي نّسْ أَذْ أَسْ إِخدْجصْ ڒْحڭْرَا نّسْ.“
HOS 13:1 ”ؤُمِي إِسِّيوڒْ إِفْرَايِيمْ، [أَقَا ذِينْ] ثَارْجِيجثْ [س ؤُوقَّارْ]. نتَّا إِسّْڭعّذْ إِخفْ نّسْ ذِي إِسْرَائِيل ؤُشَا إِذْوڒْ ذ أَمذْنُوبْ زِي سِّيبّثْ [ن وعْبذْ نّسْ إِ] بَاعْلْ، ؤُشَا [خنِّي] إِمُّوثْ.
HOS 13:2 ؤُشَا ڒخُّو [عَاوذْ] أَرْنِينْ تّڭّنْ دّْنُوبْ ؤُ ڭِّينْ س نُّوقَارْثْ نْسنْ إِجّْ ن ڒخْيَاڒْ إِفسْينْ عْلَاحْسَابْ ڒعْقڒْ نْسنْ، أَقَا-ثنْثْ ذ ڒخْيَاڒَاثْ ن لْ-أَصْنَامْ مَارَّا، ڒْخذْمثْ ن ؤُمْزِيڒْ. نِيثْنِي قَّارنْ خَاسنْ: ’أجّْ إِوْذَانْ إِنِّي إِ غَا إِوهّْبنْ ثِيغَارْصَا أَذْ سُّوذُومنْ إِعجْمِييّنْ-أَ!‘
HOS 13:3 س ؤُيَا أَذْ ذوْڒنْ أَمْ يِيجّْ ن ؤُسيْنُو ن صّْبحْ ؤُ أَمْ نّْذَا غَارْ ثُوفُّوثْ نِّي ذغْيَا إِعدُّونْ، أَمْ ؤُڒُومْ إِطَّاونْ زڭْ ؤُنذْرَارْ ؤُ أَمْ دّخَّانْ [إِتّفّْغنْ] زِي ثْبُورْجثْ.“
HOS 13:4 ”نشّْ ذ سِيذِي، أَربِّي نّشْ، زڭْ [وَامِي د-ثفّْغمْ كنِّيوْ زِي] ثمُّورْثْ ن مِيصْرَا. شكْ وَارْ ثتّسّْنذْ بُو أَربِّي نّغْنِي مْغِيرْ نشّْ ؤُ وَارْ ذِينْ أَمْسنْجمْ مْغِيرْ نشّْ.
HOS 13:5 نشّْ سّْنغْ شكْ ذِي ڒخْڒَا، ذڭْ إِشْثْ ن ثمُّورْثْ ن ڒحْمُو يَارقّنْ.
HOS 13:6 أَڒَامِي [إِوْضنْ] غَارْ دّمْنثْ نْسنْ ن ثَاروْسَا، ذوْڒنْ جِّيوْننْ. أَڒَامِي جِّيوْننْ، إِنُّورْفعْ وُوڒْ نْسنْ. خْ ؤُيَا تُّونْ أَيِي.
HOS 13:7 س ؤُينِّي نشّْ ذوْڒغْ إِ نِيثْنِي أَمْ ويْرَاذْ إِزهَّارنْ، أَمْ ؤُغِيڒَاسْ ڒبْثغْ ذڭْ وبْرِيذْ.
HOS 13:8 نشّْ ؤُسِيغْ-د غَارْسنْ أَمْ يِيجّْ ن دُّوبْ ونِّي ؤُمِي ؤُشَارنْ ثَارْوَا نّسْ ؤُ نشّْ أَڒْژغْ إِذْمَارنْ نْسنْ ؤُ صَارْضغْ ثنْ ذِينْ أَمْ ثِيزمْثْ. ڒوْحُوشْ ن ڒخْڒَا مزّْقنْ ثنْ.“
HOS 13:9 ”مَانْ أَيَا إِذْوڒْ ذ أَكحّضْ نّشْ، [أَ] إِسْرَائِيل، أَقَا [ثْعكّْسذْ] أَيِي، ضِيدّْ إِ ونِّي إِدْجَانْ ذ أَمْعَاونْ نّشْ.
HOS 13:10 مَانِي [إِدْجَا خنِّي] ؤُجدْجِيذْ نّشْ، ذ ونِّي إِزمَّارنْ أَذْ شكْ إِسّنْجمْ ذِي مَارَّا ثِيندَّامْ نّشْ! ؤُ [مَانِي دْجَانْ] ڒْقُوضَاثْ نّشْ ؤُمِي ثنِّيذْ: ’أوْشْ أَيِي إِجّْ ن ؤُجدْجِيذْ ؤُڒَا ذ ڒْحُوكَّامْ‘؟
HOS 13:11 س وغْضَابْ إِنُو وْشِيغْ أَشْ إِجّْ ن ؤُجدْجِيذْ ؤُ س ؤُذُوقّزْ إِنُو [ن ؤُفُوڭمْ] كّْسغْ أَشْ ث.
HOS 13:12 ڒْمُوعْصِييّثْ ن إِفْرَايِيمْ ثتّْوَاقبّضْ [أَمْ ذڭْ إِشْثْ ن ثْقبِّيضْطْ]، دّْنُوبْ نّسْ تّْوَاحْضَانْ.
HOS 13:13 ڒحْرِيقْ ن ثَارْوَا أَذْ غَارسْ د-يَاسْ. نتَّا ذ إِجّْ ن ؤُحنْجِيرْ [إِقِّيمْ] بْڒَا ثِيغِيثْ، مَاغَارْ نتَّا وَارْ ذِينْ إِبدّْ ذِي ڒْوقْثْ نّسْ [مَاحنْذْ أَذْ إِفّغْ] خْمِي إِ غَا ثَارْزمْ [ڒمْڒَاوْڒثْ] حِيمَا [أَذْ فّْغنْ] إِحنْجِيرنْ.
HOS 13:14 ”زڭْ ؤُفُوسْ ن ڒَاخَارْثْ أَذْ ثنْ فْذِيغْ، أَذْ ثنْ فكّغْ زِي ڒْموْثْ. [أَ] ڒْموْثْ، مَانِي دْجَانْ [ڒحْڒَاشَاثْ ن] طَّاعُونْ نّمْ، [أَ] ڒَاخَارْثْ، مَانِي [ثدْجَا] ثُورْصُوضِي نّمْ؟ [مَا] أَذْ نذْمغْ [عَاذْ]؟ [لَّ،] أَيَا إِنُوفَّارْ زَّاثْ إِ ثِيطَّاوِينْ إِنُو.
HOS 13:15 وَاخَّا ڭُّورْ إِفْرَايِيمْ أَذْ إِوْشْ ڒْغِيدْجثْ جَارْ أَيْثْمَاسْ، [عَاذْ] أَذْ د-يَاسْ إِجّْ ن ؤُسمِّيضْ زِي شَّارْقْ، إِجّْ ن ؤُسمِّيضْ ن سِيذِي نِّي إِ-د إِ غَا إِكَّارنْ، - ثَاڒَا نّسْ ڭُّورْ أَذْ ثَاژغْ، أَنُو نّسْ ڭُّورْ أَذْ إِوْضَا - ڭُّورْ أَذْ إِكشّضْ ؤُسمِّيضْ إِشْثْ ن ثْخَابشْثْ زِي مْكُوڒْ ڒقْشُوعْ إِغْڒَانْ.“
HOS 14:1 ”سَامَارْيَا أَذْ ثطّفْ أَخدْجصْ، مِينْزِي ثْغوّغْ خْ أَربِّي نّسْ. أَذْ وْضَانْ س سِّيفْ. إِحنْجِيرنْ إِمژْيَاننْ نْسنْ أَذْ تّْوَاڒبْزنْ ؤُ ثِيمْغَارِينْ نْسنْ س دّيْسثْ أَذْ تّْوَاشَارّْڭنْثْ.
HOS 14:2 [أَ] إِسْرَائِيل، ذْوڒْ-د غَارْ سِيذِي، أَربِّي نّشْ، مَاغَارْ ثنْذرْفذْ س ڒْمُوعْصِييّثْ نّشْ.
HOS 14:3 كْسِيمْ أَوَاڒنْ[-أَ] [ن تُّوبثْ] أَكِيذْومْ ؤُ ذوْڒمْ-د غَارْ سِيذِي. إِنِيمْ أَسْ: كْسِي [خَانغْ] ڒْمُوعْصِييّثْ مَارَّا ؤُ قْبڒْ [زَّايْنغْ] مِينْ إِشْنَانْ، [خنِّي] أَذْ نَاوِي [س ثِيذتّْ] إِفُونَاسنْ ذ ثَاضْحِييثْ [عْلَاحْسَابْ ڒْوُوعُوذْ] ن إِينْشِيشنْ نّغْ.
HOS 14:4 أَشُّورْ وَارْ ذ أَنغْ إِسّنْجَامْ، وَارْ نڭُّورْ خْ ييْسَانْ ؤُ وَارْ نقَّارْ إِ ثْمڭَّا ن إِفَاسّنْ نّغْ: ’أَربِّي نّغْ‘، مَاغَارْ زَّايكْ إِ غَا إِتّْوَارْحمْ ؤُيُوجِيڒْ.‘ “
HOS 14:5 ”نشّْ أَذْ ثنْ سّْڭنْفِيغْ زِي ثْغنَّانْثْ نْسنْ، أَذْ ثنْ تّخْسغْ س ڒْخَاضَارْ، مَاغَارْ أَغْضَابْ إِنُو إِحيّذْ خَاسْ.
HOS 14:6 نشّْ أَذْ إِڒِيغْ إِ إِسْرَائِيل أَمْ نّْذَا. نتَّا أَذْ إِنُووَّارْ أَمْ ثْنوَّاشْثْ ن ثلِّيلِيشْثْ، أَذْ إِوّثْ [إِسْرَائِيل] إِژوْرَانْ نّسْ أَمْ [إِذُورَارْ ن] لُوبْنَانْ.
HOS 14:7 ڒفْرُوعْ نّسْ أَذْ زُّوڭَّارْثنْ ؤُ أَوقَّارْ نّسْ أَذْ يِيڒِي أَمْ ؤُزمُّورْ ؤُ ڒفْوَاحْ نّسْ أَمْ [ڒفْوَاحْ ن ثْشجُّورَا خْ إِذُورَارْ] ن لُوبْنَانْ.
HOS 14:8 نِيثْنِي أَذْ د-ذوْڒنْ، أَذْ قِّيمنْ ذِي ثِيڒِي نّسْ، أَذْ سّدَّارنْ إِمنْذِي، أَذْ نوَّارنْ أَمْ ثْزَايَارْثْ. ڒِيذَارثْ نّسْ أَذْ ثِيڒِي أَخْمِي بِينُو ن لُوبْنَانْ.
HOS 14:9 [أَ] إِفْرَايِيمْ أَذْ يِينِي: ’مِينْ غَارِي عَاذْ أَكْ-ذ ڒخْيَاڒَاثْ ن لْ-أَصْنَامْ؟‘ نشّْ سْڒِيغْ [أَسْ] ؤُ أَذْ خَاسْ سِّيجّغْ. أَذْ إِڒِيغْ أَمْ يِيشْثْ ن ثْشجَّارْثْ ن ؤُمرْزِي أَزِيزَا، زَّايِي إِ ثتّْوَافْ ڒْغِيدْجثْ نّشْ.“
HOS 14:10 ”مَانْ ونْ إِدْجَانْ ذ أَمِيغِيسْ ذ أَفهَّامْ ذِي ثْمسْڒَايِينْ-أَ، مَانْ ونْ إِ غَارْ ثدْجَا ڒفْهَامثْ ؤُ مَانْ ونْ إِ ثنْثْ إِسّْننْ؟ وَاهْ، إِبْرِيذنْ ن سِيذِي نِيشَانْ إِ يدْجَانْ ؤُ إِمْسڭَّاذنْ أَذْ ذَايْسنْ ؤُيُورنْ، مَاشَا إِنِّي إِعدَّانْ أَذْ ذَايْسنْ نّْذرْفنْ.“
JOE 1:1 أَوَاڒْ ن سِيذِي إِ د-يُوسِينْ غَارْ يُووِيلْ، مِّيسْ ن فَاثُو‘إِلْ.
JOE 1:2 ”سْڒمْ أَيَا، [أَ] إِوسُّورَا، سْحسّمْ، مَارَّا [كنِّيوْ] إِمزْذَاغْ ن ثمُّورْثْ! مَا إِمْسَارْ ؤُيَا [عمَّارْصْ] ذڭْ وُوسَّانْ نْومْ نِيغْ ذڭْ وُوسَّانْ ن ڒجْذُوذْ نْومْ؟
JOE 1:3 حَاجَامْ إِحنْجِيرنْ نْومْ خْ ؤُيَا ؤُ [جّمْ] إِحنْجِيرنْ نْومْ [أَذْ ث حَاجَانْ] إِ إِحنْجِيرنْ نْسنْ ؤُ إِحنْجِيرنْ نْسنْ إِ جِّيڒْ إِ د غَا يَاسنْ.
JOE 1:4 مِينْ إِجَّا بُو-وقْضعْ، ثشَّا إِ-ث ثْمُورْغِي، مِينْ ثجَّا ثْمُورْغِي، إِشَّا إِ-ث بُو-وڒْسَاحْ، مِينْ إِجَّا بُو-وڒْسَاحْ، إِشَّا إِ-ث بُو-ؤُصَارْذْ.“
JOE 1:5 ”فَاقمْ، [كنِّيوْ] إِسْكَارْجِييّنْ، ثْرُومْ، سْغُويّمْ، مَارَّا إِنِّي إِسسّنْ بِينُو، زِي سِّيبّثْ ن بِينُو ژمّنْ ث جْذِيذْ، مَاغَارْ إِتّْوَاقْضعْ زڭْ ؤُقمُّومْ نْومْ.
JOE 1:6 مَاغَارْ إِجّْ ن ڒْڭنْسْ إِڭعّذْ ضِيدّْ إِ ثمُّورْثْ إِنُو. غَارسْ ثِيزمَّارْ ؤُ [ڒْقدّْ نّسْ] بْڒَا ڒحْسَابْ. ثِيغْمَاسْ نّسْ [أَمْ] ثغْمَاسْ ن وَايْرَاذنْ ؤُ ثِيغْمَاسْ ن ثغْمَارْثْ نّسْ [أَمْ] ثِينِّي ن ثيْرَاذْثْ.
JOE 1:7 أَقَا يَارَّا ثْزَايَارْثْ إِنُو ذ [إِشْثْ ن ڒْقشْعثْ ن] ؤُنخْڒِيعْ ؤُ يَارْزَا وَارْثُو إِنُو، يَارَّا إِ-ث قَاعْ ذ أَقشَّارْ ؤُشَا إِنْضَارْ إِ-ث، ثِيسضْوِينْ نّسْ ذوْڒنْثْ ذ ثِيشمْڒَاڒِينْ.
JOE 1:8 شثْشَاثْ أَمْ يِيشْثْ ن ثعْزَارشْثْ ثنِّي إِبيْسنْ س إِشْثْ ن ثْخَانْشثْ [ن وشْضَانْ] خْ ورْيَازْ ن ثمْژِي نّسْ.
JOE 1:9 ثتّْوَاقْضعْ ثوْهِيبْثْ [ن ڒْغِيدْجثْ] ذ ثوْهِيبْثْ ن ؤُسيّبْ زِي ثَادَّارْثْ ن سِيذِي. إِكهَّاننْ، إِمْسخَّارنْ ن سِيذِي، شطّنْ.
JOE 1:10 أَقَا إِتّْوَاردّدْجْ يِييَّارْ، ثشْضنْ ثمُّورْثْ، مِينْزِي إِمنْذِي إِضيّعْ، يُوژغْ بِينُو ن جْذِيذْ، ثجْمذْ زّشْثْ.
JOE 1:11 سضْحَامْ، كنِّيوْ إِفدْجَاحنْ، سْغُويمْ، كنِّيوْ أَيْثْ ن ثْزَايَارْثْ، خْ يِيرْذنْ ذ إِمنْذِي، مَاغَارْ صَّابثْ ن يِييَّارْ ثْودَّارْ.
JOE 1:12 ثَازَايَارْثْ ثُوژغْ، أَرْثُو ن ثَازَارْثْ إِسْڒَاوْ، ثَاشجَّارْثْ ن أَرمَّانْ، ؤُڒَا ذ ثِينِي ذ ثْشجَّارْثْ ن تّفَّاحْثْ، [وَاهْ،] مَارَّا ثِيشجُّورَا ن يِييَّارْ سْڒَاونْثْ، عَاذْ ڒفْرَاحثْ ن ثَارْوَا ن بْنَاذمْ ثْرُوحْ.“
JOE 1:13 ”بيْسمْ إِخفْ نْومْ ؤُ وْثمْ أَڭجْذُورْ، [كنِّيوْ] إِكهَّاننْ! سْيُويّمْ [كنِّيوْ] إِمْسخَّارنْ ن ؤُعَالْطَارْ، أَسمْ-د ؤُ ثسّنْسمْ ذِي ثْخُونْشَايْ [ن وشْضَانْ]، [كنِّيوْ] إِمْسخَّارنْ ن أَربِّي، مَاغَارْ ثَاوْهِيبْثْ [ن ڒْغِيدْجثْ] ذ ثوْهِيبْثْ ن ؤُسيّبْ تّْوَاكّْسنْثْ إِ ثَادَّارْثْ ن أَربِّي نْومْ.
JOE 1:14 عڒْممْ إِ يِيجّْ ن ؤُژُومِّي إِقدّسْ، بَارّْحمْ س يِيجّْ ن ؤُمُونِي إِفَارْزنْ، سْمُونمْ إِمْغَارنْ ذ مَارَّا إِمزْذَاغْ ن ثمُّورْثْ ذِي ثَادَّارْثْ ن سِيذِي، أَربِّي نْومْ، ؤُ ڒَاغَامْ غَارْ سِيذِي.“
JOE 1:15 ”وِيهْ، أَسّْ نِّي! مِينْزِي يُوذسْ-د وَاسّْ ن سِيذِي ؤُ أَذْ د-يَاسْ [أَسّْ نِّي] أَمْ يِيجّْ ن ؤُردّدْجْ ن ؤُزمَّارْ خْ كُوڒْشِي.
JOE 1:16 مَا وَارْ ذ أَنغْ ثتّْوَاكّسْ مَاشَّا جَارْ ثِيطَّاوِينْ نّغْ؟ ؤُڒَا ذ ڒفْرَاحثْ ذ أَرْشُوقْ زِي ثَادَّارْثْ ن أَربِّي نّغْ.
JOE 1:17 إِعقَّاينْ ن زَّارِيعثْ ؤُژْغنْ سَاذُو إِپُورْسَا، إِخَّامنْ ن ڒخْزنْ تّْوَاردّْدْجنْ، ڒهْرِيثْ هذْمنْ، مِينْزِي إِمنْذِي إِنْژغْ.
JOE 1:18 مَامّشْ إِسّْمُوهْرُوثْ ڒْمَارْ! ثِيحِيمْرِيوِينْ ن إِفُونَاسنْ ذ ثْفُونَاسِينْ قِّيمنْثْ حَايَارْ، مَاغَارْ وَارْ غَارْسنْثْ بُو دّمْنثْ ن ثَاروْسَا! ؤُڒَا ذ ثِيحِيمْرِيوِينْ ن وُودْجِي فْنَانْثْ.“
JOE 1:19 ”غَاركْ إِ تّْڒَاغِيغْ نشّْ، [أَ] سِيذِي، مِينْزِي ثِيمسِّي ثشَّا دّْمَانِي ن ڒخْڒَا ؤُ يِيجّْ ن ؤُشعَّاڒْ أَقَا إِسّشْمضْ مَارَّا ثِيشجُّورَا ن يِييَّارْ.“
JOE 1:20 ؤُرَا ذ ڒْمَاڒْ ذڭْ إِيَّارْ سكّْوْضنْ-د غَاركْ، مِينْزِي ثْغزْرَاثِينْ ؤُژْغنْثْ ؤُ ثِيمسِّي ثشَّا دّْمَانِي ن ڒخْڒَا.“
JOE 2:1 ”سُوضمْ ذڭْ ؤُيِيشّْ ن إِشَارِّي ذِي صِيهْيُونْ، صُوذمْ ذَايسْ س جّهْذْ خْ وذْرَارْ إِنُو إِقدّْسنْ، جّمْ مَارَّا إِمزْذَاغْ ن ثمُّورْثْ أَذْ أَرْجِيجنْ، مَاغَارْ يُوذسْ وَاسّْ ن سِيذِي، [وَاهْ،] أَقَا-ث يُوذسْ.
JOE 2:2 إِجّْ ن وَاسّْ ن ثَادْجسْثْ ذ ثُوبَّارْشنْثْ، إِجّْ ن وَاسّْ ن إِسيْنُوثنْ ؤُ ن يِيجّْ ن ؤُسيْنُو إِبُّومْبسْ. أَمْ ثُوفُّوثْ ن ڒْحَاڒْ إِڭُّورنْ خْ إِذُورَارْ أَذْ د-يَاسْ إِجّْ ن ڒْڭنْسْ ذ أَمقّْرَانْ ؤُ إِجْهذْ! أَمْ وَانِيثَاعمَّارْصْ وَارْ إِدْجِي زِي مشْحَاڒْ ؤُيَا ؤُ أَوَارْنِي أَسْ وَارْ إِتِّيڒِي عَاوذْ، ذڭْ إِسڭّْوُوسَا [أَوَارْنِي أَسْ] زِي جِّيڒْ أَڒْ جِّيڒْ نّغْنِي.
JOE 2:3 زَّاثْ إِ وُوذمْ نّسْ ثتّتّْ ثْمسِّي ؤُ أَوَارْنِي أَسْ إِشمّضْ ؤُشعَّاڒْ. زَّاثسْ ثَامُّورْثْ ثڭَّا أَمْ وحْوِيشْ ن عَاذْنْ، [مَاشَا] أَوَارْنِي أَسْ أَقَا [ذِينْ] إِشْثْ ن ثمُّورْثْ إِتّْوَاردّْدْجنْ. وَارْ إِزمَّارْ أَذْ زَّايسْ إِنْجمْ.
JOE 2:4 شُّوفْ نْسنْ أَمْ شُّوفْ ن يِييْسَانْ ؤُ نِيثْنِي تَّازّْڒنْ أَمْ يِييْسَانْ ن ثَازْڒَا.
JOE 2:5 أَمْ ؤُقَارْقبْ ن إِكَارُّوثنْ ن ؤُمنْغِي خْ ثْقِيشِّيثِينْ ن إِذُورَارْ، [أَمُّو] نڭّْزنْ نِيثْنِي، أَمْ ڒْحسّْ ن ؤُشعَّاڒْ ن ثْمسِّي إِتّتّنْ إِغدْجْ، أَمْ يِيجّْ ن ڒْڭنْسْ إِجهْذنْ إِسدّنْ إِ ؤُمنْغِي.
JOE 2:6 زَّاثْ إِ وُوذمْ نْسنْ تَّارْجِيجنْ ڒڭْنُوسْ، مَارَّا إِغمْبَابْ ذوْڒنْ ذ إِشمْڒَاڒنْ.“
JOE 2:7 ”نِيثْنِي تَّازّْڒنْ أَمْ أَيْثْ ن بُو-ثغْرُوضْثْ، أَمْ يِيعسْكَارِييّنْ تّْڭعَّاذنْ نِيثْنِي ڒْحِيضْ، كُوڒْ إِجّْ إِڭُّورْ أَبْرِيذْ نّسْ ؤُ نِيثْنِي وَارْ د-تّفّْغنْ شَا زڭْ ؤُمسْرُوقْ نْسنْ.
JOE 2:8 ؤُڒَا ذ إِجّنْ وَارْ إِعَارّنْ ونّغْنِي، كُوڒْ بُو-طغْڒُوضْثْ [إِڭُّورْ] ذڭْ وبْرِيذْ نّسْ، ؤُ وَاخَّا نِيثْنِي وْضَانْ س لَانْسَا، وَارْ تّمْسْبعِّيذنْ
JOE 2:9 نِيثْنِي وطَّانْ خْ ثنْذِينْثْ، تَّازّْڒنْ خْ ڒْحِيضْ، تّْڭعَّاذنْ غَارْ ثُوذْرِينْ، تَّاذْفنْ زِي ڒكْوَازَا أَمْ ؤُخوَّانْ.
JOE 2:10 ثتَّارْجِيجِي ثمُّورْثْ زَّاثْ إِ وُوذمْ نْسنْ، إِجنْوَانْ تّنْهزَّانْ، ثَافُوشْثْ ذ ثْزِيرِي بَّارْشْننْثْ ؤُ إِثْرَانْ أَرِّينْ ثَافَاوْثْ نْسنْ.
JOE 2:11 سِيذِي يَارَّا ثْمِيجَّا نّسْ أَذْ ثفّغْ زَّاثْ إِ ڒْعسْكَارْ نّسْ، مَاغَارْ ڒْعسْكَارْ نّسْ ذ أَمقّْرَانْ أَطَّاسْ، مَاغَارْ س صُّولْطَا إِتّْكمَّاڒْ نتَّا أَوَاڒْ نّسْ، مَاغَارْ أَسّْ ن سِيذِي ذ أَمقّْرَانْ، إِسَّاڭّْوَاذْ أَطَّاسْ. وِي إِزمَّارنْ أَذْ ث إِكْسِي؟“
JOE 2:12 ”ؤُڒَا ڒخُّو [عَاذْ] إِقَّارْ سِيذِي،عقْبمْ-د غَارِي س مَارَّا ؤُڒْ نْومْ، س ؤُژُومِّي ؤُ س إِمطَّاونْ ؤُ س ثْغُويِّيثْ ن وشْضَانْ.
JOE 2:13 شَارّْڭمْ ؤُڒْ نْومْ، وَارْ إِدْجِي أَرُّوضْ نْومْ، ؤُ ذوْڒمْ-د غَارْ سِيذِي، أَربِّي نْومْ، مَاغَارْ نتَّا ذ أَحْنِينْ ذ أَرْحِيمْ ؤُ غَارسْ تَّاسِيعْ ن ڒْخَاضَارْ ذ ثْمخْسِيوْثْ ثَامقّْرَانْثْ إِشوَّارنْ ؤُ نتَّا إِندّمْ خْ ڒْغَارْ.
JOE 2:14 وِي إِسّْننْ أَقَا نتَّا أَذْ د-إِذْوڒْ أَذْ إِنْذمْ ؤُ أَذْ يجّْ إِشْثْ ن لْبَارَاكَا. أَوَارْنِي أَسْ: إِشْثْ ن ثوْهِيبْثْ [ن ڒْغِيدْجثْ] ؤُ إِشْثْ ن ثوْبِيبْثْ ن ؤُسيّبْ إِ سِيذِي، أَربِّي نْومْ.“
JOE 2:15 ”سُوضمْ ذڭْ ؤُيِيشّْ ن إِشَارِّي ذِي صِيهْيُونْ، قدّْسمْ إِجّْ ن ؤُژُومِّي، بَارّْحمْ س يِيجّْ ن ؤُمُونِي إِفَارْزْ.
JOE 2:16 سْمُونمْ ڒْڭنْسْ، قدّْسمْ أَڭْرَاوْ [ن ڒْڭنْسْ]، جَارْومْ إِمْغَارنْ، سْمُونمْ إِحنْجِيرنْ إِمژْيَاننْ ؤُڒَا ذ إِسيْمَانْ نِّي عَاذْ إِتّطّْضنْ. أجّْ مُوڒَايْ أَذْ إِفّغْ زڭْ وخَّامْ نّسْ ن ذَاخڒْ ذ ثسْڒِيثْ زڭْ ؤُقِيضُونْ نّسْ.
JOE 2:17 جّمْ إِكهَّاننْ، إِمْسخَّارنْ ن سِيذِي، أَذْ رُونْ جَارْ وسْقِيفْ ذ ؤُعَالْطَارْ ؤُ جّمْ إِ-ثنْ أَذْ إِنِينْ: ’سْعِيزّْ خْ ڒْڭنْسْ نّشْ، [أَ] سِيذِي، ؤُ وَارْ تّجِّي ثَاسْغَارْثْ نّشْ أَذْ زَّايسْ سْثهزَّانْ ؤُ أَذْ ت ڭّنْ ذ إِجّْ ن ڒْمَاثَالْ جَارْ أَسنْ، [جَارْ] ڒڭْنُوسْ. مَايمِّي غَا قَّارنْ جَارْ ڒڭْنُوسْ: مَانِي إِدْجَا أَربِّي نْسنْ؟‘ “
JOE 2:18 [خنِّي] يُوسمْ سِيذِي خْ ثمُّورْثْ نّسْ ؤُ إِحِينّْ خْ ڒْڭنْسْ نّسْ.
JOE 2:19 سِيذِي يَارَّا-د، إِنَّا إِ ڒْڭنْسْ نّسْ: ”خْزَارْ، نشّْ سّكّغْ أَومْ-د إِمنْذِي ذ بِينُو ن جْذِيذْ ذ زّشْثْ، حِيمَا كنِّيوْ أَذْ زَّايْسنْ ثجَّاوْنمْ، ؤُ نشّْ وَارْ كنِّيوْ تِّيشغْ عَاذْ إِ ؤُسحْقَارْ جَارْ ڒڭْنُوسْ.
JOE 2:20 ونِّي [د-يُوسِينْ] زِي شَّامَالْ أَذْ ث سِّيڭّْوجغْ خَاومْ ؤُ أَذْ ث سُّوفّْغغْ غَارْ إِشْثْ ن ثمُّورْثْ يُوژْغنْ ثتّْوَاكحّضْ. أَغمْبُوبْ نّسْ [أَذْ ث سُّوفّْغغْ] غَارْ ڒبْحَارْ ن شَّارْقْ ؤُ ضفَّارْ نّسْ غَارْ ڒبْحَارْ ذِي شَّارْقْ. أَذْ ثْڭعّذْ أَرِّيحثْ نّسْ، [وَاهْ،] أَذْ ثْڭعّذْ أَرِّيحثْ ن ثرْصُوضِي نّسْ، وَاخَّا نتَّا أَقَا إِڭَّا ثِيمسْڒَايِينْ ثِيمقّْرَانِينْ.“
JOE 2:21 ”وَارْ تّڭّْوذْ، [أَ] ثَامُّورْثْ، سْڒِيوْڒوْ ذ ثْفَارْحذْ، مَاغَارْ سِيذِي إِڭَّا ثِيمسْڒَايِينْ ثِيمقّْرَانِينْ.
JOE 2:22 وَارْ تّڭّْوذمْ شَا، [أَ] ڒْمَاڒْ ن يِييَّارْ، مَاغَارْ دّْمَانِي ن ڒخْڒَا أَذْ زّيْزُونْ، ثِيشجُّورَا أَذْ وْشنْثْ ڒْغِيدْجثْ نْسنْثْ، ثَازَايَارْثْ ذ وَارْثُو ن ثَازَارْثْ أَذْ وْشنْ ڒْغِيدْجثْ نْسنْ.
JOE 2:23 إِحنْجِيرنْ ن صِيهْيُونْ، سْڒِيوْڒومْ ؤُ فَارْحمْ ذِي سِيذِي، أَربِّي نْومْ، مَاغَارْ نتَّا أَذْ أَومْ إِوْشْ أَمْسغَّارْ ن ثْسڭْذَا ؤُ نتَّا أَذْ د-إِسّهْوَا أَنْژَارْ إِ كنِّيوْ، أَنْژَارْ ن ڒخْرِيفْ ذ ونْژَارْ ن أَرْبِيعْ غَارْ ؤُمزْوَارُو [ن يِيمِيرْ].
JOE 2:24 إِنذْرَارْ أَذْ شُّورنْ س إِمنْذِي ؤُ ثِيسَارْفِينْ [ن ؤُضِيڒْ] أَذْ سّفْينْثْ س بِينُو ن جْذِيذْ ذ زّشْثْ.
JOE 2:25 نشّْ أَذْ أَومْ خڒْفغْ إِسڭّْوُوسَا إِ شِّينْثْ ثْمُورْغِي - بُو-وڒْسَاحْ ذ بُو-ؤُصَارْضْ ذ بُو-وقْضعْ - ڒْعسْكَارْ إِنُو أَمقّْرَانْ نِّي سّكّغْ جَارْ أَومْ.
JOE 2:26 كنِّيوْ أَذْ ثشّمْ أَڒْ غَا ثْفيّْضمْ، أَڒْ غَا ثجَّاوْنمْ ؤُ كنِّيوْ أَذْ ثْصبّْحمْ إِسمْ ن سِيذِي، أَربِّي نْومْ، ونِّي أَكِيذْومْ إِڭِّينْ ڒعْجبْ، ؤُشَا ڒْڭنْسْ إِنُوعمَّارْصْ أَذْ إِسضْحَا عَاذْ.
JOE 2:27 كنِّيوْ أَذْ ثسّْنمْ أَقَا نشّْ ذِي ڒْوسْثْ ن إِسْرَائِيل إِ دْجِيغْ ؤُ ذ نشّْ ذ سِيذِي، أَربِّي نْومْ، وَارْ [ذِينْ] إِدْجِي حذْ نّغْنِي ؤُ ڒْڭنْسْ إِنُو وَارْ إِتّْسضْحَاعمَّارْصْ إِ ڒبْذَا.“
JOE 3:1 ”أَوَارْنِي ؤُيَا أَذْ إِمْسَارْ، أَقَا نشّْ أَذْ زدْجْعغْ أَرُّوحْ إِنُو خْ مَارَّا بْنَاذمْ ؤُ إِحنْجِيرنْ نْومْ ذ يسِّيثْومْ أَذْ نبَّانْ، إِوسُّورَا نْومْ أَذْ ؤُرْجَانْ ثِيرْجَا ؤُ إِحُوذْرِييّنْ نْومْ أَذْ ژَترنْ إِوحَّانْ.
JOE 3:2 ذڭْ وُوسَّانْ نِّي نشّْ أَذْ فَارّْغغْ أَرُّوحْ إِنُو ؤُڒَا خْ إِسمْغَانْ ؤُ خْ ثِييَّا.
JOE 3:3 نشّْ أَذْ ڭّغْ لْمُوعْجِيزَاثْ ذڭْ إِجنْوَانْ ؤُ خْ ثمُّورْثْ: إِذَامّنْ ذ ثْمسِّي ذ إِقلِّيجنْ ن دّخَّانْ.
JOE 3:4 ثَافُوشْثْ أَذْ ثذْوڒْ ذ ثَادْجسْثْ، ؤُ ثَازِيرِي [أَذْ ثذْوڒْ] ذ إِذَامّنْ قْبڒْ مَا إِ د غَا يَاسْ وَاسّْ أَمقّْرَانْ ذ إِسِّيڭّْوِيذنْ ن سِيذِي.
JOE 3:5 أَذْ إِمْسَارْ أَقَا كُوڒْ  إِجّْ ونِّي إِ غَا إِڒَاغَانْ إِسمْ ن سِيذِي أَذْ إِنْجمْ، مَاغَارْ خْ وذْرَارْ ن صِيهْيُونْ ؤُ ذِي ؤُرْشَالِيمْ أَذْ يِيڒِي ؤُسنْجمْ أَمْ مَامّشْ إِنَّا سِيذِي، ؤُ غَارْ إِنِّي يَاروْڒنْ إِ خفْ غَا إِڒَاغَا سِيذِي.“
JOE 4:1 ”مَاغَارْ، خْزَارْ، ذڭْ وُوسَّانْ نِّي ؤُ ذِي ڒْوقْثْ نِّي، خْمِي غَا سّنْقڒْبغْ ثَامحْبَاسْثْ ن يَاهُوذَا ذ ؤُرْشَالِيمْ،
JOE 4:2 أَذْ سّْمُونغْ مَارَّا ڒڭْنُوسْ، أَذْ ثنْ نذْهغْ غَارْ ثغْزُورْثْ ن يَاهُوشَافَاطْ. ذِينِّي أَذْ أَكِيذْسنْ مْشَارَّاعغْ مِينْزِي نِيثْنِي زُوزَّارنْ ڒْڭنْسْ إِنُو ذ ثسْغَارْثْ إِنُو جَارْ ڒڭْنُوسْ ؤُ [مِينْزِي] نِيثْنِي بْضَانْ ثَامُّورْثْ إِنُو.
JOE 4:3 نِيثْنِي ڭِّينْ ثَاقدُّوحْثْ خْ ڒْڭنْسْ إِنُو ؤُ وْشِينْ إِجّْ ن وحْرَامْ [ذ تّخْڒِيصثْ] إِ ثمْغَارْثْ ن فَارْقْ-شّْغڒْ ؤُ إِشْثْ ن ثحْرَامْثْ ثمّنْزْ إِ بِينُو، حِيمَا نِيثْنِي زمَّارنْ أَذْ سْونْ.
JOE 4:4 ؤُ عَاوذْ، مِينْ غَارْومْ أَكِيذِي، صُورْ ذ صِيذُونْ ذ مَارَّا جّْوَايهْ ن فِيلِيشِيثْ. مَا ثخْسمْ أَذْ أَيِي ثْخدْجْصمْ مِينْ ڭِّيغْ؟ مَاڒَا ثخْسمْ أَذْ أَيِي ثْخدْجْصمْ، نشّْ أَذْ سّْعقْبغْ ذغْيَا ؤُ س ثَازْڒَا مِينْ ثڭِّيمْ خْ إِزدْجِيفنْ نْومْ،
JOE 4:5 مِينْزِي كنِّيوْ ثكّْسِيمْ نُّوقَارْثْ ذ وُورغْ إِنُو ؤُ [مِينْزِي] كنِّيوْ ثِيوْيمْ ڒقْشُوعْ إِنُو يِيغْڒَانْ غَارْ ثْزَاوِييِّينْ نْومْ.
JOE 4:6 كنِّيوْ ثزّنْزمْ إِحنْجِيرنْ ن يَاهُوذَا ذ إِحنْجِيرنْ ن ؤُرْشَالِيمْ إِ إِحنْجِيرنْ ن يَاوَانْ، حِيمَا أَذْ ثنْ ثسِّيڭّْوجمْ خْ ثمُّورْثْ نْسنْ.
JOE 4:7 خْزَارْ، نشّْ أَذْ ثنْ سّكَّارغْ زڭْ ومْشَانْ مَانِي ثنْ ثزّنْزمْ ؤُ أَذْ سّْعقْبغْ مِينْ ثڭِّيمْ خْ إِزدْجِيفنْ نْومْ.
JOE 4:8 أَذْ زّنْزغْ إِحنْجِيرنْ نْومْ ذ يسِّيثْومْ ذڭْ ؤُفُوسْ ن إِحنْجِيرنْ ن يَاهُوذَا ؤُ يِينَا أَذْ ثنْ زّنْزنْ إِ إِسَابَائِيّنْ، إِجّْ ن ڒْڭنْسْ إِڭّْوجْ أَطَّاسْ، مَاغَارْ سِيذِي أَقَا إِسِّيوڒْ.“
JOE 4:9 ”ڒَْاغَامْ أَيَا جَارْ ڒڭْنُوسْ، قدّْسمْ أَمنْغِي، سكَّارمْ أَيْثْ ن بُو-ثغْرُوضْثْ، جّمْ مَارَّا إِعسْكَارِييّنْ أَذْ د-قَارّْبنْ، أَذْ ڭعّْذنْ [إِ ؤُمنْغِي].
JOE 4:10 حدّمْ دُّوزَانْ نْومْ ذ ڒسْيُوفْ ؤُڒَا ذ ڒمْوَاسْ نْومْ ن وزْبَارْ [أَڒْ غَا ذوْڒنْ] ذ فْڒِيثْشَاثْ، أجّْ ونِّي إِضعْفنْ أَذْ يِينِي: ’نشّْ ذ بُو-ثغْرُوضْثْ!‘
JOE 4:11 أَزّْڒمْ ؤُ ثَاسمْ-د، [أَ] مَارَّا ڒڭْنُوسْ إِ د-إِنّْضنْ. سْندّهْ غَارْ ذِينِّي، [أَ] سِيذِي، أَيْثْ نّشْ ن بُو-ثغْرُوضْثْ!
JOE 4:12 جّمْ ڒڭْنُوسْ أَذْ كَّارنْ أَذْ ڭعّْذنْ غَارْ ثغْزُورْثْ ن يَاهُوشَافَاطْ. مَاغَارْ ذِينِّي أَذْ قِّيمغْ نشّْ حِيمَا أَذْ شَارّْعغْ مَارَّا ڒڭْنُوسْ إِ-د-إِنّْضنْ.
JOE 4:13 ڭّمْ أَمْجَارْ ذَايسْ، مَاغَارْ صَّابثْ ثنّْڭْوَا، أَسمْ-د، هْوَامْ، مِينْزِي ثَاسِيرْثْ ن ؤُضِيڒْ ثشُّورْ ؤُ صّْوَارجْ ن ثْسِيرْثْ فيّْضنْ، مَاغَارْ ثَاعفَّانْثْ نْسنْ ذ ثَامقّْرَانْثْ.“
JOE 4:14 ”إِبَارُّوثنْ، إِبَارُّوثنْ ذِي ثغْزُورْثْ ن ثڒْوِيحْثْ إِتّحْرُودْجُوضنْ ن ؤُسَارْوثْ، مَاغَارْ أَسّْ ن سِيذِي يُوذسْ، ذِي ثغْزُورْثْ ن ثڒْوِيحْثْ إِتّحْرُودْجُوضنْ إِ ؤُسَارْوثْ.
JOE 4:15 ثَافُوشْثْ ذ ثْزِيرِي بَّارْشْننْثْ، إِثْرَانْ أَرِّينْ ثَافَاوْثْ نْسنْ.
JOE 4:16 سِيذِي أَذْ إِزهَّارْ زِي صِيهْيُونْ ؤُ أَذْ يَارّْ ثْمِيجَّا نّسْ أَذْ إِتّْوَاسڒْ زِي ؤُرْشَالِيمْ [أَڒَامِي] إِجنْوَانْ ذ ثمُّورْثْ أَذْ أَرْجِيجنْ، [مَاشَا] سِيذِي ذ أَذُورِّي إِ ڒْڭنْسْ نّسْ ذ لْبُورْجْ إِ أَيْثْ ن إِسْرَائِيل.“
JOE 4:17 ”أَذْ ثسّْنمْ، أَقَا نشّْ ذ سِيذِي، أَربِّي نْومْ، ونِّي إِزدّْغنْ خْ صِيهْيُونْ، أَذْرَارْ إِنُو إِقدّْسنْ ؤُ [ثَانْذِينْثْ ن] ؤُرْشَالِيمْ أَذْ ثِيڒِي ثْقدّسْ.عمَّارْصْ أَذْ ت شُوقنْ [عَاذْ] إِبَارَّانِييّنْ.“
JOE 4:18 ”ذڭْ وَاسّْ نِّي أَذْ إِمْسَارْ أَقَا إِذُورَارْ أَذْ ؤُذْمنْ س بِينُو ژمّنْ ث جْذِيذْ ؤُ ثِيوْرِيرِينْ أَذْ سّفْينْثْ س ؤُغِي ذ مَارَّا ثِيغزْرَاثِينْ ن يَاهُوذَا أَذْ ذَايْسنْ تَّازّْڒنْ وَامَانْ ؤُ يِيشْثْ ن ثَاڒَا أَذْ ثدُّوقّزْ ذِي ثَادَّارْثْ ن سِيذِي، أَذْ ثْفيّضْ ثغْزُورْثْ ن شِيطِّيمْ.
JOE 4:19 مِيصْرَا أَذْ ثذْوڒْ ذ إِشْثْ ن ثمُّورْثْ إِتّْوَاردّْدْجنْ ؤُ إِذُومْ ذ إِشْثْ ن ثمُّورْثْ إِخْڒَانْ زِي سِّيبّثْ ن لْعُونْفْ [إِ ڭِّينْ ضِيدّْ إِ] أَيْثْ ن يَاهُوذَا نِّي زِي سِّيزّْڒنْ نِيثْنِي إِذَامّنْ إِمزْذَاڭنْ ذِي ثمُّورْثْ نْسنْ.
JOE 4:20 [ثَامُّورْثْ ن] يَاهُوذَا [مَاشَا] أَذْ ثقِّيمْ إِ ڒبْذَا ؤُ ؤُرْشَالِيمْ زِي جِّيڒْ أَڒْ جِّيڒْ.
JOE 4:21 نشّْ أَذْ حسْبغْ إِذَامّنْ نْسنْ، إِنِّي ثْيْغَا حسَّابغْ وَارْ إِزْذِيڭنْ، ذ إِمزْذَاڭنْ. ؤُشَا سِيذِي أَذْ إِزْذغْ ذِي صِيهْيُونْ.“
AMO 1:1 أَوَاڒنْ ن عَامُوسْ، ونِّي ثُوغَا إِدْجَانْ جَارْ إِمكْسَاونْ ن ثَاقُوعَا، [أَوَاڒنْ] إِ إِژْرَا خْ إِسْرَائِيل، ذڭْ وُوسَّانْ ن عُوزِّييَا، أَجدْجِيذْ ن يَاهُوذَا، ذ يَارُوبْعَامْ، مِّيسْ ن يُووَاشْ، أَجدْجِيذْ ن إِسْرَائِيل، ثْنَاينْ ن إِسڭّْوُوسَا قْبڒْ إِ ونْهزِّي ن ثمُّورْثْ.
AMO 1:2 نتَّا إِنَّا: ”سِيذِي أَذْ إِزهَّارْ زِي صِيهْيُونْ، أَذْ إِسّْڭعّذْ ثْمِيجَّا نّسْ زِي ؤُرْشَالِيمْ. دّْمَانِي ن ثَاروْسَا أَذْ شضْننْثْ ؤُ ثَاقِيشّثْ ن كَارْمِيلْ أَذْ ثِيسْڒَاوْ.“
AMO 1:3 ”أَمُّو إِ إِقَّارْ سِيذِي: خْ ثْڒَاثَا ن إِخطَّانْ [إِ إِڭَّا] ذِيمَاشْقْ، [عَاذْ مَاهُو] خْ أَربْعَا، وَارْ ث سّْبطَّاڒغْ، مِينْزِي نِيثْنِي سَّارْوَاثنْ جِيلْعَاذْ س ثڒْوِيحِينْ إِتّحْڒُودْجُوضنْ ن وُوزَّاڒْ إِ ؤُسَارْوثْ.
AMO 1:4 أَذْ سّكّغْ ثِيمسِّي ذِي ثَادَّارْثْ ن حَازَايِيلْ، أَذْ ثشّْ ڒقْصُورْ ن بِينْهَاذَاذْ.
AMO 1:5 أَذْ أَرْژغْ زّكْرُونْ ن ذِيمَاشْقْ ؤُ أَذْ مْحِيغْ ونِّي إِزدّْغنْ زِي بُوقْعَا-أَوَانْ، [زِي ڒوْضَا ن وَاردّدْجْ]، ذ ونِّي زِي ثَادَّارْثْ ن مژْرِي إِ يَاربُّونْ أَزدْجَاضْ، ؤُ ڒْڭنْسْ ن أَرَامْ أَذْ إِتّْوَانْذهْ ذِي ثْمحْبَاسْثْ غَارْ قِيرْ!، إِنَّا سِيذِي.“
AMO 1:6 ”أَمُّو إِ إِنَّا سِيذِي: خْ ثْڒَاثَا ن إِخطَّانْ [إِ إِڭَّا] غَازَّا، [عَاذْ مَاهُو] خْ أَربْعَا، وَارْ ث سّْبطَّاڒغْ، مِينْزِي نِيثْنِي إِوْينْ [ڒْْڭنْسْ إِنُو] قَاعْ ذِي لْمنْفَا، حِيمَا أَذْ [ث] سلّْمنْ إِ إِذُومْ.
AMO 1:7 أَذْ سّكّغْ ثِيمسِّي ذَاخڒْ ذِي ڒحْيُوضْ ن غَازَّا، أَذْ ثشّْ ڒقْصُورْ نّسْ.
AMO 1:8 نشّْ أَذْ ثحِّيغْ أَمزْذُوغْ زِي أَشْذُوذْ ؤُ زِي أَشْقَالُونْ ونِّي يَاربُّونْ أَزدْجَاضْ ؤُ نشّْ أَذْ كْسِيغْ أَفُوسْ إِنُو ضِيدّْ إِ عَاقْرُونْ ؤُ مِينْ إِقِّيمنْ ن أَيْثْ ن إِفِيلِيسْطِينِييّنْ أَذْ إِتّْوَاهلّكْ، إِقَّارْ سِيذِي إِنُو، سِيذِي.“
AMO 1:9 ”أَمُّو إِ إِنَّا سِيذِي: خْ ثْڒَاثَا ن إِخطَّانْ [إِ إِڭَّا] صُورْ، [عَاذْ مَاهُو] خْ أَربْعَا، وَارْ ث سّْبطَّاڒغْ، مِينْزِي نِيثْنِي سلّْمنْ [ڒْڭنْسْ إِنُو] قَاعْ ذِي لْمنْفَا إِ إِذُومْ، وَارْ إِذَارنْ ڒْعَاهْذْ أَكْ-ذ وَاوْمَاثنْ نْسنْ.
AMO 1:10 س ؤُينِّي أَذْ سّكّغْ ثِيمسِّي ذَاخڒْ ذِي ڒحْيُوضْ ن صُورْ، أَذْ ثشّْ ڒقْصُورْ نّسْ.“
AMO 1:11 ”أَمُّو إِ إِنَّا سِيذِي: خْ ثْڒَاثَا ن إِخطَّانْ [إِ إِڭَّا] إِذُومْ، [عَاذْ مَاهُو] خْ أَربْعَا، وَارْ ث سّْبطَّاڒغْ، مِينْزِي نتَّا إِضْفَارْ أَوْمَاثنْ نّسْ س سِّيفْ ؤُ إِسّْعِيدْجِي أَرّحْمثْ نّسْ، ؤُ [مِينْزِي] أَغْضَابْ نّسْ إِقِّيمْ إِشَارّڭْ بْڒَا قطُّو، ؤُ [مِينْزِي] أَهذِّي ن ؤُذُوقّزْ نّسْ [ن ؤُفُوڭمْ] إِقِّيمْ [إِسَّاڭّْوَاذْ] ڒبْذَا.
AMO 1:12 نشّْ أَذْ سّكّغْ ثِيمسِّي ذِي ثَايْمَانْ، أَذْ ثشّْ ڒقْصُورْ ن بُوصْرَا.“
AMO 1:13 ”أَمُّو إِ إِنَّا سِيذِي: خْ ثْڒَاثَا ن إِخطَّانْ [إِ إِڭِّينْ] أَيْثْ ن عَامُّونْ، [عَاذْ مَاهُو] خْ أَربْعَا، وَارْ ث سّْبطَّاڒغْ، مِينْزِي نِيثْنِي شَارّْڭنْ ثِيمْغَارِينْ س دّيْسثْ زِي جِيلْعَاذْ، حِيمَا أَذْ سّْوسّْعنْ ثَامُّورْثْ نْسنْ.
AMO 1:14 نشّْ أَذْ سَّارْغغْ إِشْثْ ن ثْمسِّي ذَاخڒْ إِ ڒحْيُوضْ نْ رَابَّا، أَذْ ثشّْ ڒقْصُورْ نّسْ، غَارْ إِغُويَّانْ ذڭْ وَاسّْ ن ؤُمنْغِي، أَمْ إِسُوضْ ؤُسمِّيضْ ذڭْ وَاسّْ ن ثْحَارْيَاضْثْ.
AMO 1:15 أَجدْجِيذْ نْسنْ أَذْ يُويُورْ ذِي لْمنْفَا، نتَّا أَكْ-ذ ڒْحُوكَّامْ نّسْ، إِنَّا سِيذِي.“
AMO 2:1 ”أَمُّو إِ إِنَّا سِيذِي: خْ ثْڒَاثَا ن إِخطَّانْ [إِ إِڭَّا] مُوآبَ، [عَاذْ مَاهُو] خْ أَربْعَا، وَارْ ث سّْبطَّاڒغْ، مِينْزِي نِيثْنِي سّْشمْضنْ إِيْسَانْ ن ؤُجدْجِيذْ ن إِذُومْ أَڒَامِي ذوْڒنْ ذ جِّيرْ.
AMO 2:2 نشّْ أَذْ سّكّغْ ثِيمسِّي ذِي مُوآبَ، أَذْ ثشّْ ڒقْصُورْ ن قَارْيُوثْ. مُوآبَ أَذْ إِمّثْ غَارْ دّْرِيزْ أَمقّْرَانْ، غَارْ إِغُويَّانْ [ن ؤُمنْغِي] [ؤُ] غَارْ ڒْحسّْ نْ  ؤُسُوضِي ذڭْ ؤُيِيشّْ ن إِشَارِّي.
AMO 2:3 نشّْ أَذْ ثحِّيغْ ڒْقَاضِي زِي ڒْوسْثْ نّسْ ؤُ أَذْ نْغغْ مَارَّا ڒْحُوكَّامْ نّسْ أَكِيذسْ، إِقَّارْ سِيذِي.“
AMO 2:4 ”أَمُّو إِ إِنَّا سِيذِي: خْ ثْڒَاثَا ن إِخطَّانْ [إِ إِڭَّا] يَاهُوذَا، [عَاذْ مَاهُو] خْ أَربْعَا، وَارْ ث سّْبطَّاڒغْ، مِينْزِي نِيثْنِي وَارْ قْبِيڒنْ شَّارِيعَا ن سِيذِي ؤُ وَارْ طِّيفنْ ذِي ثْوصَّا إِنُو ؤُ [مِينْزِي] [إِربِّيثنْ نْسنْ] ن إِخَارِّيقنْ، إِنِّي ضْفَارنْ ڒجْذُوذْ نْسنْ، أَرِّينْ ثنْ ودَّارنْ،
AMO 2:5 نشّْ أَذْ سّكّغْ ثِيمسِّي ذِي يَاهُوذَا، أَذْ ثشّْ ڒقْصُورْ ن ؤُرْشَالِيمْ.“
AMO 2:6 ”أَمُّو إِ إِنَّا سِيذِي: خْ ثْڒَاثَا ن إِخطَّانْ [إِ إِڭَّا] إِسْرَا‘إِلْ، [عَاذْ مَاهُو] خْ أَربْعَا، وَارْ ث سّْبطَّاڒغْ، مِينْزِي نِيثْنِي زّنْزنْ أَمْسڭّذْ س [ثْمنْيَاثْ ن] نُّوقَارْثْ ؤُ أَمزْڒُوضْ إِ ثْيُويَا ن سَانْذَالِييَاثْ.
AMO 2:7 نِيثْنِي ثشْضِيضِيحنْ غَارْ ثْعجَّاجْثْ خْ ؤُزدْجِيفْ ن إِمُوقْڒِيڒنْ ؤُ نِيثْنِي تّْبلَّاعنْ أَبْرِيذْ ن إِمْوَاضْعنْ [بْڒَا سِّيبّثْ]. أَرْيَازْ ذ بَابَاسْ رُوحنْ غَارْ ثحْرَامْثْ ذ إِشْثْ، حِيمَا أَذْ فضْحنْ إِسمْ إِنُو إِقدّْسنْ.
AMO 2:8 نِيثْنِي سّْوَاژَّاضنْ إِخفْ نْسنْ زَّاثْ مْكُوڒْ أَعَالْطَارْ خْ وَارُّوضْ إِ د-إِتّْوَارهْننْ ؤُ ذِي ثَادَّارْثْ ن أَربِّي نْسنْ سسّنْ بِينُو [سَّاغنْ ث س ثْمنْيَاثْ] ن يِينِّي خْ إِتّْوَاڭّْ مُولْثَا.
AMO 2:9 ذ نشّْ إِ ثُوغَا [ذِينْ] ثحِّيغْ إِمُورِييّنْ زَّاثْ إِ ؤُغمْبُوبْ نْسنْ، إِنِّي ثُوغَا يُوعْڒَانْ أَمْ ثْنڭْلِينْ يُوعْڒَانْ ؤُ جهّْذنْ أَمْ ثْشجُّورَا ن ڒْبدْجُوضْ. نشّْ ثحِّيغْ ڒْغِيدْجثْ نّسْ سنّجْ ؤُ إِژوْرَانْ نّسْ سْوَادَّايْ.
AMO 2:10 ذ نشّْ إِ ثُوغَا كنِّيوْ إِ د-إِسّْڭعّْذنْ زِي مِيصْرَا ؤُ أَرِّيغْ كنِّيوْ ثُويُورمْ أَربْعِينْ ن إِسڭّْوُوسَا ذِي ڒخْڒَا، مَاحنْذْ أَذْ ثطّْفمْ ثَامُّورْثْ ن إِمُورِييّنْ ذ ڒْوَارْثْ.
AMO 2:11 زڭْ إِحنْجِيرنْ نْومْ أَرِّيغْ زَّايْسنْ إِنَابِييّنْ ؤُ زڭْ إِحُوذْرِييّنْ نْومْ [أَرِّيغْ زَّايْسنْ] إِنِّي ثُوغَا يَاربُّونْ تَّاجْ [ن ؤُشُوَّافْ ن لْوَاعْذْ]. مَا وَارْ إِدْجِي أَمنِّي، [أَ] أَيْثْ ن إِسْرَائِيل؟!، [أَمُّو إِ] إِقَّارْ سِيذِي.
AMO 2:12 كنِّيوْ [مَاشَا] ثَارِّيمْ إِنِّي ثُوغَا يَاربُّونْ تَّاجْ [ن وعْزَاڒْ] أَذْ سْونْ بِينُو ؤُ كنِّيوْ ثْوصَّامْ إِنَابِييّنْ، ثنَّامْ: ’كنِّيوْ وَارْ غَارْومْ بُو تّسْرِيحْ، حِيمَا أَذْ ثْنبَّامْ!‘
AMO 2:13 خْزَارْ، نشّْ أَذْ أَومْعبّْزغْ سْوَادَّايْ أَمْ يِيشْثْ ن ثْكَارُّوثْ ثشُّورْ س ثْقبِّيضِينْ [ن إِمنْذِي] ثْعبّزْ [ثِيجَارَّارِينْ نّسْ ذِي ثمُّورْثْ سْوَادَّايْ].
AMO 2:14 أَقَا صَافِي ثَاروْڒَا إِ ونِّي إِفْسُوسنْ، ؤُ ونِّي إِجهْذنْ وَارْ إِزمَّارْ أَذْ إِحْضَا جّهْذْ نّسْ ؤُ بُو-ثغْڒُوضْثْ وَارْ إِزمَّارْ أَذْ إِسّنْجمْ ثُوذَارْثْ نّسْ.
AMO 2:15 ونِّي إِطّْفنْ ذِي ڒْقوْسْ، وَارْ [إِتّْغِيمِي] إِبدّْ، ؤُ ونِّي إِزمَّارنْ خْ ثَازْڒَا، وَارْ إِنجّمْ، ؤُ ونِّي إِندّْهنْ أَيِيسْ، وَارْ إِزمَّارْ أَذْ إِسّنْجمْ ڒعْمَارْ نّسْ.
AMO 2:16 ونِّي إِزعّْمنْ قَاعْ جَارْ أَيْثْ ن بُو-ثغْرُوضْثْ أَذْ يَارْوڒْ ذ أَعَارْيَانْ ذڭْ وَاسّْ نِّي، [أَمُّو إِ] إِقَّارْ سِيذِي.“
AMO 3:1 ”سْڒمْ أَوَاڒْ-أَ إِ كِيذْومْ إِسَّاوَاڒْ سِيذِي، [أَ] أَيْثْ ن إِسْرَائِيل، أَكْ-ذ كُوڒْ ڒَادْجْ نِّي سّْڭعّْذغْ نشّْ زِي ثمُّورْثْ ن مِيصْرَا، أَمْ قَّارغْ:
AMO 3:2 ’زِي مَارَّا ڒَادْجَاثْ ن دُّونشْثْ سّْنغْ مْغِيرْ كنِّيوْ. خْ ؤُيَا أَذْ كنِّيوْ عَاقْبغْ خْ مَارَّا ڒْمُوعْصِييَّاثْ نْومْ!
AMO 3:3 مَا أَذْ ؤُيُورنْ ثْنَاينْ أَكْ-ذ وَايَاوْيَا، بْڒَا مَا تَّافْقنْ؟
AMO 3:4 مَا أَذْ إِزهَّارْ وَايْرَاذْ ذڭْ وزْغَارْ ڒَامِي وَارْ غَارسْ بُو زَّارْذثْ؟ مَا أَيْرَاذْ ذ أَمژْيَانْ أَذْ يجّْ ثْمِيجَّا نّسْ أَذْ ثتّْوَاسڒْ زڭْ يفْرِي، أَمْ وَارْ إِمْنِيعْ وَالُو؟
AMO 3:5 مَا أَذْ إِنْضَارْ وجْضِيضْ ذِي ڒْفخْ خْ [وُوذمْ ن] ثمُّورْثْ، مَاڒَا وَارْ ذِينْ [ذَايسْ] مَاشَّا إِ نتَّا؟ مَا أَذْ إِنُّورْفعْ ڒْفخْ زِي ثمُّورْثْ مَاڒَا ثخْوَا؟
AMO 3:6 مَاڒَا [حذْ] إِسُوضْ ذڭْ ؤُيِيشّْ ن إِشَارِّي ذِي ثنْذِينْثْ، مَا وَارْ إِتَّارْجِيجِي ڒْڭنْسْ؟ مَاڒَا إِمْسَارْ إِجّْ ن ؤُشڒْوَاوْ ذِي ثنْذِينْثْ، مَا وَارْ ت إِڭِّي سِيذِي؟
AMO 3:7 مَاغَارْ سِيذِي إِنُو، سِيذِي، وَارْ إِتّڭّْ ؤُڒَا ذ إِشْثْ نْ ڒْحَاجثْ بْڒَا مَا أَذْ إِسَّارْڭبْ شّْوَارْ نّسْ [إِنُّوفَّارنْ] إِ إِمْسخَّارنْ نّسْ، إِنَابِييّنْ.
AMO 3:8 أَيْرَاذْ إِزهَّارْ، مَانْ ونْ وَارْ إِتّڭّْوْذنْ؟ سِيذِي إِنُو، سِيذِي، أَقَا إِسِّيوڒْ، مَانْ ونْ وَارْ إِتّْنبَّا؟‘ “
AMO 3:9 ”جّمْ أَذْ إِتّْوَاسڒْ أَيَا ذِي ڒقْصُورْ ذِي أَشْذُوذْ ؤُ ذِي ڒقْصُورْ ن ثمُّورْثْ ن مِيصْرَا، إِنِي: ’مُونمْ خْ إِذُورَارْ ن سَامَارْيَا ؤُ خْزَارمْ أَنهْوڒْ أَمقّْرَانْ ذِي ڒْوسْطْ نّسْ ؤُ إِنِّي ذَايسْ إِتّْوَاحْصَارنْ!‘
AMO 3:10 نِيثْنِي وَارْ سِّيننْ مَامّشْ غَا ڭّنْ مِينْ إِسڭّْذنْ، إِقَّارْ سِيذِي، نِيثْنِي إِنِّي إِيَارّْونْ لْعُونْفْ ذ ثْكشَّاضْثْ ذِي ڒقْصُورْ نْسنْ.‘
AMO 3:11 س ؤُيَا، أَمُّو إِ إِقَّارْ سِيذِي إِنُو، سِيذِي: ’إِجّْ ن ڒعْذُو! نتَّا إِتّنّضْ إِ ثمُّورْثْ [مَارَّا]! أَذْ إِسّهْوَا جّهْذْ نّمْ زَّايمْ ؤُ ڒقْصُورْ نّمْ أَذْ تّْوَاكشّْضنْ.‘
AMO 3:12 أَمُّو إِ إِقَّارْ سِيذِي: ’أَمْ إِفكّْ إِجّْ ن ؤُمكْسَاوْ ثْنَاينْ ن إِضَارنْ نِيغْ إِجّْ ن يِيخفْ ن ؤُمزُّوغْ زڭْ ؤُقمُّومْ ن وَايْرَاذْ، أَمُّو إِ غَا تّْوَاسّْنجْمنْ أَيْثْ ن إِسْرَائِيل، إِنِّي [إِ ذِينْ] إِتّْغِيمَانْ ذِي سَامَارْيَا خْ ثْمَا ن قَامَا ؤُ خْ يِيشْثْ ن ثْزرْبِييّثْ زِي ذِيمَاشْقْ ڭِّينْ ت خْ يِيشْثْ ن ڒمْطَارْبثْ.‘ “
AMO 3:13 ”سْڒمْ ؤُ شهْذمْ ذِي ثَادَّارْثْ ن يَاعْقُوبْ، [أَمُّو إِ] إِقَّارْ سِيذِي إِنُو سِيذِي، أَربِّي ن ڒْعسْكَارَاثْ.
AMO 3:14 مِينْزِي ذڭْ وَاسّْ نِّي ذِي غَا خڒْفغْ إِخطَّانْ ن إِسْرَائِيل، أَذْ سِّيوْضغْ [عَاوذْ] أَخدْجصْ خْ إِعَالْطَارنْ ن بَايْثْ-إِلْ، [مَاغَارْ] أَذْ تّْوَاقضْعنْ وَاشَّاونْ ن ؤُعَالْطَارْ، أَذْ وْضَانْ غَارْ ثمُّورْثْ.
AMO 3:15 نشّْ أَذْ هذْمغْ ثَازذِّيغْثْ ن ثْڭَارْسْثْ ذ ثْزذِّيغْثْ ن ؤُنبْذُو ؤُ ثُوذْرِينْ ن ڒْعَاجْ أَذْ تّْوَاقْضَانْثْ، ؤُ أَطَّاسْ ن ثُوذْرِينْ أَذْ تّْوَارذْدْجنْثْ!‘، [أَمُّو إِ] إِقَّارْ سِيذِي.“
AMO 4:1 ”سْڒنْثْ، أَوَاڒْ-أَ، [أَ] ثِيفُونَاسِينْ ن بَاشَانْ نِّي [إِدْجَانْ] خْ وذْرَارْ ن سَامَارْيَا، ثِينِّي إِحصَّارنْ إِمُوقْڒِيڒنْ، ثِينِّي إِعفّْسنْ خْ إِمزْڒَاضْ، ثِينِّي إِقَّارنْ إِ أَيْثْبَابْ نْسنْ: ’أَوْيمْ-د [شَا] [أَڒَامِي] إِ غَا نسُّو!‘
AMO 4:2 سِيذِي إِنُو، سِيذِي، إِجُّودْجْ س ثْقدَّاسْثْ نّسْ، أَقَا أَذْ خَاكنْثْ د-كّنْ وُوسَّانْ، أَذْ كنِّينْثْ كّْسنْ س إِغَانْثْشُوثنْ ؤُ مِينْ زَّايْكنْثْ إِقِّيمنْ س ثْصنَّارِينْ ن إِسڒْمَانْ.
AMO 4:3 كنِّينْثْ أَذْ ثفّْغنْثْ زِي ثِيزّيِّينْ ن ڒحْيُوضْ، كُوڒْ إِشْثْ ن ثمْغَارْثْ نِيشَانْ غَارْ زَّاثْ. كنِّينْثْ أَذْ تّْوَاسّكّنْثْ غَارْ هَارْمُونْ، [أَمُّو إِ] إِقَّارْ سِيذِي.
AMO 4:4 [إِوَا،] أَسمْ-د غَارْ بَايْثْ-إِلْ ؤُعدَّامْ، [أَسمْ-د غَارْ] جِيلْجَالْ ؤُ أَرْنِيمْ ذڭْ إِعذِّيينْ نْومْ. [إِوَا،] أَوْيمْ-د ثِيغَارْصَا نْومْ كُوڒْ ضّْبحْ ذ ڒعْشُورْ نْومْ إِشْثْ ن ثْوَاڒَا ذِي ثْڒَاثَا ن وُوسَّانْ!
AMO 4:5 [إِوَا،] سْبخَّارْ إِشْثْ ن ثوْهِيبْثْ ن ؤُقَاذِي س [وغْرُومْ أَكْ-ذ] ونْثُونْ ؤُ ڒَاغَامْ، [مَاحنْذْ أَذْ قدّْمنْ] ثِيوْهِيبِينْ س ڒْخَاضَارْ، بَارّْحمْ زَّايسْ، مَاغَارْ أَمُّو إِ ذ أَومْ إِتّعْجِيبْ، [أَ] أَيْثْ ن إِسْرَائِيل، [أَمُّو إِ] إِقَّارْ سِيذِي إِنُو، سِيذِي.“
AMO 4:6 ”عَاوذْ نشّْ جِّيغْ أَومْ ثَازْذُوڭِي ن ثغْمَاسْ ذِي مَارَّا ثِيندَّامْ نْومْ ؤُ ثُوقْڒِيتْشْ ن وغْرُومْ ذِي مَارَّا إِمُوشَانْ نْومْ [مَانِي ثْزدّْغمْ]. قَاعْ أَمنِّي مَاشَا كنِّيوْ وَارْ د-ثذْوِيڒمْ غَارِي، إِقَّارْ سِيذِي.
AMO 4:7 نشّْ سّْبدّغْ خَاومْ أَنْژَارْ ؤُمِي ذِينْ [عَاذْ] ثْڒَاثَا ن إِيُورنْ أَڒْ ثْميْرَا ؤُ نشّْ ڭِّيغْ أَذْ إِوّثْ ونْژَارْ خْ إِشْثْ ن ثنْذِينْثْ، [مَاشَا] ذِي ثنْذِينْثْ نّغْنِي وَارْ ڭِّيغْ أَذْ إِوّثْ ونْژَارْ. إِجّْ ن ييَّارْ إِمّوْشْ أَسْ ونْژَارْ ؤُ إِيَّارْ نّغْنِي إِ خْ وَارْ إِوْثِي ونْژَارْ، إِنْژغْ.
AMO 4:8 ثْنَاينْ، ثْڒَاثَا ن ثْندَّامْ ؤُيُورنْثْ تّنْهزَّانْثْ غَارْ إِشْثْ ن ثنْذِينْثْ نّغْنِي، مَاحنْذْ أَذْ سْونْثْ أَمَانْ، [مَاشَا] نِيثنْثِي وَارْ جِّيوْننْثْ شَا. قَاعْ أَمنِّي مَاشَا كنِّيوْ وَارْ د-ثذْوِيڒمْ غَارِي، إِقَّارْ سِيذِي.
AMO 4:9 نشّْ وْثِيغْ كنِّيوْ س [إِمنْذِي] إِتّْوَاسّْشمْضنْ [زڭْ ؤُسمِّيضْ]، س جّْرِيحشْثْ ن وفْسُو. أَطَّاسْ ن إِحْوِيشنْ نْومْ ذ إِمَارْجَاعنْ نْومْ ن ؤُضِيڒْ ذ وُورْثَانْ نْومْ ذ ثْزِيثُونِينْ نْومْ أَقَا إِشَّا إِ-ثنْ بُو-وقْضعْ. قَاعْ أَمنِّي مَاشَا كنِّيوْ وَارْ د-ثذْوِيڒمْ غَارِي، إِقَّارْ سِيذِي.
AMO 4:10 نشّْ سّكّغْ-د جَارْ أَومْ طَّاعُونْ، أَمْ مَامّشْ ڭِّيغْ ذِي مِيصْرَا. نشّْ نْغِيغْ إِحُوذْرِيينْ نْومْ س سِّيفْ، إِيْسَانْ نْومْ نذْهغْ ثنْ ذ ثَاكشَّاضْطْ ؤُ أَرِّيغْ أَرِّيحثْ ن ڒْعسْكَارَاثْ نْومْ أَذْ ثْڭعّذْ أَڒْ ونْزَارنْ نْومْ. قَاعْ أَمنِّي مَاشَا كنِّيوْ وَارْ د-ثذْوِيڒمْ غَارِي، إِقَّارْ سِيذِي.
AMO 4:11 نشّْ سّنْقڒْبغْ كنِّيوْ أَمْ مَامّشْ ثُوغَا إِسّْنقْڒَابْ أَربِّي سَاذُومْ ذ عَامُورَّا. ثُوغَا كنِّيوْ أَمْ يِيجّْ ن ؤُكشُّوضْ ذِي ثْمسِّي نِّي د-إِتّْوَاقڒْعنْ زڭْ [ؤُحَاذُوقْ ن] ثْمسِّي. قَاعْ أَمنِّي مَاشَا كنِّيوْ وَارْ د-ثذْوِيڒمْ غَارِي، إِقَّارْ سِيذِي.
AMO 4:12 س ؤُيَا نشّْ أَذْ أَشْ ڭّغْ أَيَا، [أَ] إِسْرَائِيل! مِينْزِي نشّْ أَذْ أَشْ ڭّغْ مَانْ أَيَا، حزّمْ [إِخفْ نّشْ]، [أَ] إِسْرَائِيل، مَاحنْذْ أَذْ ثمّڒْقِيذْ أَكْ-ذ أَربِّي نّشْ.
AMO 4:13 مَاغَارْ خْزَارْ، ذ نتَّا إِ إِكوّْننْ إِذُورَارْ ؤُ إِتّجَّا-د أَسمِّيضْ ؤُ إِسّْشَانْ مِينْ ذِي إِتّْخَارّصْ، ذ ونِّي إِتَّارَّانْ ثُوفُّوثْ ن ڒْحَاڒْ ذ ثَادْجسْثْ ؤُ إِڭُّورْ ثِيوَا إِ ڒڭْعُوذِي ن ثمُّورْثْ، أَقَا: سِيذِي، أَربِّي ن ڒْعسْكَارَاثْ ذ إِسمْ نّسْ.“
AMO 5:1 ”سْڒمْ أَوَاڒْ-أَ إِ خَاومْ سّكَّارغْ، إِجّْ ن يزْڒِي ن ؤُڭجْذُورْ، [أَ] ثَادَّارْثْ ن إِسْرَائِيل.
AMO 5:2 ”أَقَا ثوْضَا ثعْزَارشْثْ إِسْرَائِيل، وَارْ ثتّكَّارْ عَاذْ. نتَّاثْ ثمّنْضَارْ غَارْ ثمُّورْثْ نّسْ، وَارْ ذِينْ ؤُڒَا ذ إِجّْ إِ ت غَا إِسّْبدّنْ.“
AMO 5:3 ”مَاغَارْ أَمُّو إِ إِقَّارْ سِيذِي إِنُو، سِيذِي: ثَانْذِينْثْ نِّي إِ غَا إِفّْغنْ س وَاڒفْ [ن يرْيَازنْ]، أَذْ أَسْ ثْشطّْ مْيَا، ؤُ ثنِّي إِ غَا إِفّْغنْ س مْيَا، أَذْ أَسْ ثْشطّْعشْرَا إِ ثَادَّارْثْ ن إِسْرَائِيل.
AMO 5:4 مَاغَارْ أَمُّو إِ إِقَّارْ سِيذِي غَارْ ثَادَّارْثْ ن إِسْرَائِيل: أَرْزُومْ خَافِي، خنِّي أَذْ ثدَّارمْ!“
AMO 5:5 وَارْ ثَارزّْفمْ بَايْثْ-إِلْ، وَارْ د-ثتِّيسمْ غَارْ جِيلْجَالْ ؤُ وَارْعدُّومْ خْ بِئرْ-سبْعَا، مِينْزِي س ثِيذتّْ جِيلْجَالْ أَذْ إِتّْوَانْذهْ غَارْ لْمنْفَا ؤُ بَايْثْ-إِلْ أَذْ ثتّْوَابطّڒْ.
AMO 5:6 أَرْزُومْ خْ سِيذِي، خنِّي أَذْ ثدَّارمْ، حِيمَا نتَّا وَارْ إِتِّيذِيفْ غَارْ ثَادَّارْثْ ن يُوسُوفْ أَمْ يِيشْثْ ن ثْمسِّي إِتّتّنْ ؤُ وَارْ ذِينْ إِتِّيڒِي ؤُڒَا ذ إِجّْ مَاحنْذْ أَذْ [ت] إِسّخْسِي ذِي طّْوعْ ن بَايْثْ-إِلْ.“
AMO 5:7 ”[أَخيّبْ إِ] يِينِّي إِتَّارَّانْ ڒْحقّْ غَارْ شِّيحْ ؤُ إِنِّي إِسّْهكّْوَانْ ثَاسڭْذَا غَارْ ثمُّورْثْ.
AMO 5:8 نتَّا ذ ونِّي إِڭِّينْ إِبْلِييَاذنْ ذ ؤُرِييُونْ ذ ونِّي إِتَّارَّانْ ثِيڒِي ن ڒْموْثْ ذ ثُوفُّوثْ ن ڒْحَاڒْ، ذ ونِّي [إِتَّارَّانْ] أَسّْ ذ دْجِيڒثْ، ونِّي إِتّْڒَاغَانْ إِ وَامَانْ ن ڒبْحَارْ ؤُ إِفَارّغْ إِ-ثنْ ثِيوَا إِ وُوذمْ ن ثمُّورْثْ، أَقَا سِيذِي ذ إِسمْ نّسْ!،
AMO 5:9 أَقَا نتَّا إِڭَّا أَذْ د-يَاسْ وَاردّدْجْ [أَمْ] وَاسَّامْ خْ ونِّي إِجهْذنْ ؤُ [أَقَا يَارَّا] أَردّدْجْ أَذْ د-يَاسْ خْ لْقلْعَا.
AMO 5:10 [مَاشَا] نِيثْنِي شَارّْهنْ ونِّي إِدَّافَاعنْ خْ ڒْحقّْ ذِي ثوَّارْثْ [ن ثنْذِينْثْ] ؤُ نِيثْنِي تّْعِيفَّانْ ونِّي إِسَّاوَاڒنْ نِيشَانْ.
AMO 5:11 س ؤُيَا، مِينْزِي كنِّيوْ ثْعفّْسمْ خْ ؤُمُوقْڒِيڒْ ؤُ ثتّْكسّمْ زَّايسْ ڒعْشُورْ ن إِمنْذِي: [وَاخَّا] ثبْنَامْ ثُوذْرِينْ نْومْ س وژْرُو يُويْذَانْ، وَارْ ذَايْسنْثْ ثْزدّْغمْ، [وَاخَّا] ثژُّومْ ثِيزَايَارِينْ شْنَانْثْ ذڭْ إِمَارْجَاعنْ، وَارْ زَّايْسنْثْ ثْسسّمْ بِينُو.
AMO 5:12 مَاغَارْ نشّْ سّْنغْ أَطَّاسْ ن إِعذِّيينْ نْومْ ؤُ أَقَا دّْنُوبْ نْومْ سّڭّْوَاذنْ: نِيثْنِي حصَّارنْ أَمْسڭّذْ، تّطّْفنْ ثْمنْيَاثْ ن ڒْغشّْ ؤُ عَارّْننْ إِمزْڒَاضْ غَارْ بَارَّا ذِي ثوَّارْثْ [ن ثنْذِينْثْ].
AMO 5:13 س ؤُيَا أَذْ إِسّغْذْ ؤُمِيغِيسْ ذِي ڒْوقْثْ نِّي، مَاغَارْ أَذْ ثِيڒِي ذ إِشْثْ ن ڒْوقْثْ ذ ثَاعفَّانْثْ.“
AMO 5:14 ”أَرْزُومْ مِينْ إِصبْحنْ، وَارْ إِدْجِي مِينْ إِعفّْننْ، خنِّي أَذْ كِيذْومْ يِيڒِي سِيذِي، أَربِّي ن ڒْعسْكَارَاثْ، أَمْ مَامّشْ [ث] ثقَّارمْ كنِّيوْ.
AMO 5:15 شَارْهمْ مِينْ إِعفّْننْ، ثخْسمْ مِينْ إِصبْحنْ ؤُ سْمثْنمْ ڒْحقّْ ذِي ثوَّارْثْ [ن ثنْذِينْثْ]. أَذْ ثَاغْ أَذْ إِحِينّْ سِيذِي، أَربِّي ن ڒْعسْكَارَاثْ خْ مِينْ إِقِّيمنْ ن يُوسُوفْ.“
AMO 5:16 س ؤُيَا، أَمُّو إِ إِقَّارْ سِيذِي، أَربِّي ن ڒْعسْكَارَاثْ، سِيذِي إِنُو: ذِي مَارَّا أَزَّاينْ أَذْ ثِيڒِي ثْغُويِّيثْ ن وشْضَانْ ؤُ ذِي مَارَّا زّْنَاقِي أَذْ إِنِينْ: ’أَيَّاوْ! أَيَّاوْ!‘، ؤُ نِيثْنِي أَذْ ڒَاغَانْ خْ ؤُفدْجَاحْ، مَاحنْذْ أَذْ إِشْضنْ، ؤُ خْ يِينِّي إِسّْننْ إِزْڒَانْ ن وشْضَانْ مَاحنْذْ أَذْ سْغُوينْ س وشْضَانْ.
AMO 5:17 ذِي مَارَّا إِمَارْجَاعنْ ن ؤُضِيڒْ [أَذْ ذِينْ ثِيڒِي] ثْغُويِّيثْ ن وشْضَانْ، مَاغَارْ نشّْ أَذْ شُوقغْ ذِي ڒْوسْثْ نّشْ، إِقَّارْ سِيذِي.“
AMO 5:18 ”أَيَّاوْ إِ يِينِّي إِتّْمژْرنْ ذڭْ وَاسّْ ن سِيذِي! مِينْ غَارْومْ إِ غَا يِيڒِي وَاسّْ ن سِيذِي؟ [أَذْ يِيڒِي] ذ ثَادْجسْثْ، وَارْ إِتِّيڒِي ذ ثَافَاوْثْ.
AMO 5:19 [أَذْ يِيڒِي] أَمْ شَا ن إِجّْ إِ يَاروْڒنْ زڭْ وَايْرَاذْ، خنِّي يُوسَا-د غَارسْ دُّوبْ، نِيغْ أَمْ شَا ن إِجّْ إِ يُوذْفنْ غَارْ ثَادَّارْثْ، إِعمّذْ س ؤُفُوسْ نّسْ خْ ڒْحِيضْ، خنِّي إِزْعفْ إِ-ث إِجّْ ن ؤُفِيغَارْ.
AMO 5:20 [مَا] وَارْ إِتِّيڒِي أَسّْ ن سِيذِي ذ ثَادْجسْثْ ؤُ وَارْ إِتِّيڒِي ذ ثْفَاوْثْ؟ ذ طّْڒَامْ ؤُ وَارْ [ثدْجِي] ؤُڒَا ذ إِشْثْ ن جُّورّثْ ن ثْفَاوْثْ!“
AMO 5:21 ”نشّْ شَارّْهغْ، عِيفّغْ ؤُرَارنْ نْومْ ؤُ وَارْ تّخْسغْ أَذْ شمّغْ إِمُونِيثنْ نْومْ إِفَارْزنْ.
AMO 5:22 مَاغَارْ وَاخَّا كنِّيوْ ثِيوْيمْ أَيِي-ذ ثِيغَارْصَا نْومْ ن وشْمَاضْ ذ ثوْهِيبِينْ نْومْ [ن ڒْغِيدْجثْ]، نشّْ وَارْ خَاسنْثْ أَرطِّيغْ شَا ؤُ نشّْ وَارْ خزَّارغْ [وَالُو] غَارْ ثوْهِيبْثْ ن ڒهْنَا ن ڒْمَاڒْ إِصحّنْ.
AMO 5:23 سِيڭّْوجْ خَافِي دّْرِيزْ ن إِزْڒَانْ نّشْ، وَارْ خْسغْ أَذْ سْڒغْ ڒْحسّْ ن لهَارْپَاثْ نّشْ.
AMO 5:24 أجّْ ڒْحُوكْمْ أَذْ يَازّڒْ أَمْ وَامَانْ [إِتَّازّْڒنْ] ؤُ ثَاسڭْذَا أَمْ يِيجّْ ن إِغْزَارْ إِتَّازّْڒنْ ڒبْذَا.“
AMO 5:25 ”مَا ثِيوْيمْ أَيِي-د ثِيغَارْصَا ذ ثوْهِيبْثْ [ن ڒْغِيدْجثْ] ذِي ڒخْڒَا أَربْعِينْ ن إِسڭّْوُوسَا، [أَ] ثَادَّارْثْ ن إِسْرَائِيل؟
AMO 5:26 كنِّيوْ ثَارْبُومْ إِقِيضَانْ ن ؤُجدْجِيذْ نْومْ ذ ؤُضَارْ [إِ خفْ ثُوغَا] تّْبدَّانْ ڒخْيَاڒَاثْ نْومْ [إِ] يثْرِي ن إِربِّيثنْ نْومْ، إِنِّي ثڭِّيمْ إِ يِيخفْ نْومْ.
AMO 5:27 نشّْ أَذْ كنِّيوْ نذْهغْ غَارْ لْمنْفَا، أَغِيرِينْ إِ ذِيمَاشْقْ، [أَمُّو إِ] إِقَّارْ سِيذِي، أَربِّي ن ڒْعسْكَارَاثْ، أَقَا ذ وَا ذ إِسمْ نّسْ.“
AMO 6:1 ”ؤُشْثْ خْ يِينِّي وَارْ ذِي يدْجِي بُو ومْنُوسْ ذِي صِيهْيُونْ ؤُ خْ يِينِّي ؤُمِي إِتّْغِيڒْ أَقَا أَثنْ ذِي ڒَامَانْ خْ وذْرَارْ ن سَامَارْيَا، إِمْشنّْعنْ ن ونِّي ذ أَمزْوَارُو جَارْ ڒڭْنُوسْ، إِ غَارسْ د-ثتَّاسْ [مَارَّا] ثَادَّارْثْ ن إِسْرَائِيل.
AMO 6:2 عْذُومْ غَارْ كَالْنَا ؤُ ثْخزَّارمْ [مَامّشْ ثدْجَا]! ؤُيُورمْ سّنِّي غَارْ حَامَاثْ ؤُ هْوَامْ-د غَارْ جَاثْ ن إِفِيلِيسْطِينِييّنْ. مَا نِيثْنِي حْسنْ زِي ثْڭلْذَاوِينْ-أَ نِيغْ ثَامُّورْثْ نْسنْ ذ ثَامقّْرَانْثْ خْ ثمُّورْثْ نْومْ؟
AMO 6:3 [كنِّيوْ]، إِنِّي إِسّْبعّْذنْ أَسّْ أَعفَّانْ غَارْ زَّاثْ نْومْ، [مَاشَا] ثسّْقَارَّابمْ ڒْكُوڒْسِي ن لْعُونْفْ،
AMO 6:4 [كنِّيوْ]، إِنِّي إِ [ذِينْ] إِتّزّْڒنْ خْ قَامَاثْ ن ڒْعَاجْ ؤُشَا تّسْطِيڒنْ خْ ڒمْطَارْبَاثْ نْومْ ؤُ تّتّنْ إِزْمَارنْ ن وُودْجِي ؤُڒَا ذ إِعجْمِييّنْ زِي ڒْوسْطْ ن ڒْكُورِي،
AMO 6:5 إِنِّي إِ [ذِينْ] إِغنّْجنْ أَمنِّي وَاهَا غَارْ دْجْغَا ن لهَارْپَا، أَمْ د-سُّوفّْغنْ [عْڒَامْ كُوڒْ ن] إِزْڒَانْ س دُّوزَانْ ن لْمُوسِيقَا، أَمْ مَامّشْ [ث إِڭَّا] ذَاوُوذْ،
AMO 6:6 إِنِّي إِسسّنْ بِينُو زِي طَّاوْيَاثْ ن ؤُرُوشِّي، إِنِّي إِذهّْننْ إِخفْ نْسنْ س ڒمْخيَّارْ ن زّشْثْ ؤُ وَارْ تَّارَّانْ ثَايْنِيثْ إِ ثْرژِّيثْ ن يُوسُوفْ.
AMO 6:7 س ؤُيَا أَذْ ؤُيُورنْ نِيثْنِي ڒخُّو غَارْ لْمنْفَا غَارْ ؤُزدْجِيفْ ن إِمنْفِييّنْ. أَقَا إِتّْوَاقْضَا دّْرِيزْ ن ؤُغُويِّي ن يِينِّي إِ [ذِينْ] إِتّْغِيمَانْ [غَارْ طَّابْڒَا]
AMO 6:8 سِيذِي إِنُو، سِيذِي إِجُّودْجْ س يِيخفْ نّسْ، [أَمُّو إِ] إِقَّارْ سِيذِي، أَربِّي ن ڒْعسْكَارَاثْ: نشّْ عِيفّغْ نّْفَاخثْ ن يَاعْقُوبْ ؤُ شَارّْهغْ ڒقْصُورْ نّسْ. س ؤُينِّي أَذْ سلّْمغْ ثَانْذِينْثْ ذ مَارَّا مِينْ ذَايسْ.“
AMO 6:9 ”أَذْ إِمْسَارْ ڒَامِي قِّيمنْعشْرَا ن إِرْيَازنْ ذِي ثَادَّارْثْ ذ إِشْثْ، [أَقَا] أَذْ مّْثنْ نِيثْنِي.
AMO 6:10 [مَاڒَا]عمِّيسْ، ونِّي خَاسْ مَاحنْذْ أَذْ ث إِسّْشمْضْ، أَذْ ث إِكْسِي حِيمَا أَذْ إِسُّوفّغْ ڒْخشْبثْ زِي ثَادَّارْثْ، ؤُشَا [خنِّي] أَذْ يِينِي إِ ونِّي [عَاذْ] غَارْ ذَاخڒْ ذِي ثَادَّارْثْ: ’مَا أَقَا ذِينْ غَاركْ عَاذْ كْثَارْ؟‘، ؤُشَا أَذْ يِينِي ونّغْنِي: ’ؤُڒَا ذ إِجّْ!‘، [خنِّي] أَذْ يِينِي نتَّا: ’سْقَارْ، مِينْزِي إِتّْخصَّا وَارْ نتِّيذَارْ إِسمْ ن سِيذِي.‘ “
AMO 6:11 ”مَاغَارْ خْزَارْ، سِيذِي إِتَّامَارْ، ؤُشَا نتَّا أَذْ إِوّثْ ثَادَّارْثْ ثَامقّْرَانْثْ أَڒْ غَا ثذْوڒْ ذ ڒْخَارْبثْ ؤُ ثَادَّارْثْ ثَامژْيَانْثْ [أَذْ ثذْوڒْ] ذ إِشدْجِيقنْ.
AMO 6:12 مَا أَذْ ثَازّْڒنْ إِيْسَانْ خْ ڒجْرُوفْ؟ مَا أَذْ ث شَارْزنْ س إِفُونَاسنْ؟ كنِّيوْ مَاشَا ثَارِّيمْ ڒْحقّْ ذ أَرّْهَاجْ ؤُ ڒْغِيدْجثْ ن ثْسڭْذَا ثَارِّيمْ ت ذ شِّيحْ.
AMO 6:13 [كنِّيوْ] إِنِّي إِفَارّْحنْ زِي مِينْ وَارْ إِدْجِينْ، إِنِّي إِقَّارنْ: ’مَا وَارْ نطِّيفْ أَشَّاونْ س جّهْذْ نّغْ؟‘
AMO 6:14 مَاغَارْ خْزَارْ، [أَ] ثَادَّارْثْ ن إِسْرَائِيل، نشّْ أَذْ د-سّكَّارغْ إِجّْ ن ڒْڭنْسْ ضِيدّْ نْومْ، [أَمُّو إِ] إِقَّارْ سِيذِي، أَربِّي ن ڒْعسْكَارَاثْ. نِيثْنِي أَذْ كنِّيوْ حْصَارنْ زِي مَانِيسْ د-إِوْضنْ [إِوْذَانْ] غَارْ حَامَاثْ أَڒْ ثَاغْزَارْثْ ن ڒوْضَا.“
AMO 7:1 ”مَانْ أَيَا إِسّْشنْ أَيِي [ت] سِيذِي إِنُو، سِيذِي! خْزَارْ، نتَّا إِڭَّا إِبُورخْسنْ ؤُمِي ثُوغَا أَرْبِيعْ أَنڭَّارْ إِبدَّا أَذْ إِسُّوفّغْ. خْزَارْ، ثُوغَا-ث ذ أَرْبِيعْ أَنڭَّارْ أَوَارْنِي مَا حثْشنْ [أَرْبِيعْ] إِ ؤُجدْجِيذْ.
AMO 7:2 إِمْسَارْ، ؤُمِي كمّْڒنْ نِيثْنِي زِي مَاشَّا ن ؤُغمُّويْ أَزِيزَا ن ثمُّورْثْ، نشّْ نِّيغْ: ’[أَ] سِيذِي إِنُو، سِيذِي، سَامحْ مَاشَا! مَامّشْ إِ غَا يڭّْ يَاعْقُوبْ أَذْ إِقِّيمْ أَذْ إِبدّْ، أَقَا نتَّا ذ أَمژْيَانْ!‘
AMO 7:3 [خنِّي] إِنْذمْ سِيذِي خْ مَانْ أَيَا. ’وَارْ إِتِّيڒِي!‘، إِنَّا سِيذِي.“
AMO 7:4 ”مَانْ أَيَا إِسّْشنْ أَيِي [ت] سِيذِي إِنُو، سِيذِي. خْزَارْ، سِيذِي إِنُو، سِيذِي، إِڒَاغَا-د مَاحنْذْ أَذْ ذِينْ يِيڒِي لْعِيقَابْ س ثْمسِّي ؤُشَا [ثِيمسِّي] ثشَّا [أَمَانْ] إِمقّْرَاننْ إِهوْڒنْ أَڒَامِي أَذْ ثشّْ [ؤُڒَا ذ] ثَاسْغَارْثْ [ن ڒْوَارْثْ].
AMO 7:5 نشّْ نِّيغْ: ’[أَ] سِيذِي إِنُو، سِيذِي، سْبدّْ مَاشَا! مَامّشْ إِ غَا يڭّْ يَاعْقُوبْ أَذْ إِقِّيمْ أَذْ إِبدّْ، أَقَا نتَّا ذ أَمژْيَانْ!‘
AMO 7:6 [خنِّي] إِنْذمْ سِيذِي خْ مَانْ أَيَا. ’وَارْ إِتِّيڒِي!‘، إِنَّا سِيذِي إِنُو، سِيذِي!“
AMO 7:7 ”مَانْ أَيَا إِسّْشنْ أَيِي [ت] نتَّا: خْزَارْ، سِيذِي إِنُو إِبدّْ خْ يِيجّْ ن ڒْحِيضْ إِ إِتّْوَاڭّْ س بْلُومُو ؤُ يِيجّْ ن بْلُومُو ثُوغَا ذڭْ ؤُفُوسْ نّسْ.
AMO 7:8 إِنَّا أَيِي سِيذِي: ’مِينْ ثتّْوَارِيذْ شكْ، عَامُوسْ؟‘ نشّْ نِّيغْ: ’إِجّْ ن بْلُومُو!‘ [ڒخْذنِّي] إِنَّا سِيذِي: ’خْزَارْ، نشّْ أَذْ أَرّغْ بْلُومُو إِنُو ذِي ڒْوسْطْ نْ ڒْڭنْسْ ن إِسْرَائِيل. نشّْ وَارْ خَاسْعدُّوغْ عَاذْ!
AMO 7:9 ڒڭْعُوذِي ن إِسْحَاقْ أَذْ تّْوَاردّْدْجنْثْ ؤُ ثِيزَاوِييِّينْ إِقدّْسنْ ن إِسْرَائِيل أَذْ ذوْڒنْثْ ذ ڒْخَارْبثْ ؤُ نشّْ أَذْ كَّارغْ خْ ثَادَّارْثْ ن يَارُوبْعَامْ س سِّيفْ.‘ “
AMO 7:10 [ڒخْذنِّي] إِسّكّْ أَمَاصْيَا، أَكهَّانْ ذِي بَايْثْ-إِلْ، [إِجّنْ] غَارْ يَارُوبْعَامْ، أَجدْجِيذْ ن إِسْرَائِيل، إِنَّا: ”عَامُوسْ إِڭَّا إِجّْ ن ڒْعَاهْذْ ضِيدّْ إِ شكْ ذِي ڒْوسْطْ ن ثَادَّارْثْ ن إِسْرَائِيل. ثَامُّورْثْ وَارْ ثْزمَّارْ أَذْ ثكْسِي أَوَاڒنْ نّسْ.
AMO 7:11 مَاغَارْ أَمُّو إِ إِقَّارْ عَامُوسْ: ’يَارُوبْعَامْ أَذْ إِتّْوَانغْ س سِّيفْ ؤُ إِسْرَائِيل أَذْ إِتّْوَانْذهْ غَارْ لْمنْفَا، أَذْ ث سِّيڭّْوجنْ خْ وُوذمْ ن ثمُّورْثْ نّسْ.‘ “
AMO 7:12 [خنِّي] إِنَّا أَمَاصْيَا إِ عَامُوسْ: ”[أَ] شكْ، أَمْوَاڒَاوْ، رُوحْ، أَرْوڒْ غَارْ ثمُّورْثْ ن يَاهُوذَا! أشّْ ذِينِّي أَغْرُومْ ؤُ نَابّْ ذِينِّي!
AMO 7:13 ذِي بَايْثْ-إِلْ [مَاشَا] وَارْ ثْزمَّارذْ أَذْ ثْنبِّيذْ عَاذْ، مِينْزِي نتَّاثْ ذ زَّاوشْثْ إِقدّْسنْ ن ؤُجدْجِيذْ ؤُ نتَّاثْ ذ ثَادَّارْثْ ن ثَاڭلْذِيثْ.“
AMO 7:14 يَارَّا-د عَامُوسْ، إِنَّا إِ أَمَاصْيَا: ”نشّْ وَارْ دْجِيغْ ذ أَنَابِي ؤُ نشّْ وَارْ دْجِيغْ ذ مِّيسْ ن ؤُنَابِي، مَاشَا نشّْ ثُوغَا أَيِي ذ بُو-ڒبْهَايمْ ؤُڒَا ذ إِجّْ ن ورْيَازْ نِّي إِڒقّْضنْ ثَازَارْثْ ثابُورشْثْ.
AMO 7:15 سِيذِي إِكّسْ أَيِي زِي ضفَّارْ ن وُودْجِي ؤُ سِيذِي إِنَّا أَيِي: ’ؤُيُورْ، نَابّْ إِ ڒْڭنْسْ إِنُو إِسْرَائِيل!‘
AMO 7:16 [خنِّي] ڒخُّو، سڒْ إِ وَاوَاڒْ ن سِيذِي، شكْ ذ ونِّي إِقَّارنْ: ’وَارْ إِعدّڒْ أَذْ ثْنبِّيذْ ضِيدّْ إِ إِسْرَائِيل ؤُ أَذْ ثسُّوذْمذْ [أَوَاڒْ ن سِيذِي] خْ ثَادَّارْثْ ن إِسْحَاقْ!‘
AMO 7:17 س ؤُيَا، أَمُّو إِ إِقَّارْ سِيذِي: ثَامْغَارْثْ نّشْ أَذْ ثسّفْسذْ إِخفْ نّسْ س ؤُغِيڒْ ذِي ثنْذِينْثْ ؤُ إِحنْجِيرنْ نّشْ ذ يسِّيشْ نّشْ أَذْ وْضَانْ س سِّيفْ ؤُ ثَامُّورْثْ نّشْ أَذْ ت بْضَانْ س ؤُفِيڒُو ن ڒعْبَارْ ؤُ شكْ أَذْ ثمّْثذْ ذڭْ إِشْثْ ن ثمُّورْثْ ثخْمجْ ؤُ س ثِيذتّْ إِسْرَائِيل أَذْ ثتّْوَاطّفْ ذِي لْمنْفَا بَارَّا إِ ثمُّورْثْ نّسْ.“
AMO 8:1 ”مَانْ أَيَا إِسّْشنْ أَيِي [ت] سِيذِي إِنُو، سِيذِي: خْزَارْ، إِشْثْ ن ثْسُودْجثْ ذَايسْ ثِينِي ن ؤُنبْذُو!
AMO 8:2 نتَّا إِنَّا: ’مِينْ ثتّْوَاڒِيذْ شكْ أَ عَامُوسْ؟‘ نشّْ نِّيغْ: ’إِشْثْ ن ثْسُودْجثْ ذَايسْ ثِينِي ن ؤُنبْذُو!‘ [خنِّي] إِنَّا أَيِي سِيذِي: ’أَقَا يُوسَا-د قطُّو خْ ڒْڭنْسْ إِنُو إِسْرَائِيل. نشّْ وَارْ خَاسْعدُّوغْ عَاذْ!
AMO 8:3 ذڭْ وَاسّْ نِّي أَذْ ذوْڒنْ إِزْڒَانْ ن ڒقْصَارْ ذ إِمطَّاونْ، إِقَّارْ سِيذِي إِنُو، سِيذِي. أَذْ إِڒِينْثْ أَطَّاسْ ن ڒْخشْبَاثْ ذِي كُوڒْ أَمْشَانْ، ثِينِّي إِنْضَارْ نتَّا. سغْذْ!‘ “
AMO 8:4 ”سْڒمْ أَيَا، كنِّيوْ إِنِّي إِصَارّْضنْ أَمزْڒُوضْ ؤُ ثقْضَامْ خْ ڒْمُوسَاكِينْ ن ثمُّورْثْ،
AMO 8:5 أَمْ ثقَّارمْ: ’مڒْمِي غَا إِعْذُو ؤُيُورْ ن جْذِيذْ أَڒَامِي [نْزمَّارْ] أَذْ نزّنْزْ ڒْحبّْ [ن يِيرْذنْ]. ؤُ [مڒْمِي غَا إِعْذُو وَاسّْ ن] سّبْثْ أَڒَامِي [نْزمَّارْ] أَذْ نَارْزمْ ثِيسْرَافِينْ [ن يِيرْذنْ]، حِيمَا أَذْ نسّمْژِي [ڒعْبَارْ ن] إِفَا ؤُ أَذْ نسّمْغَارْ شِيقْلُو ؤُ أَذْ نشْمثْ س ڒْمِيزَانَاثْ ن ڒْغشّْ،
AMO 8:6 أَڒَامِي نْزمَّارْ أَذْ نْسغْ إِمُوقْڒِيڒنْ س [ثنْعَاشِينْ ن] نُّوقَارْثْ ؤُڒَا ذ أَمزْڒُوضْ إِ ثْيُويَا ن سَانْذَالِييَاثْ!‘، ؤُ [أَمْ ثقَّارمْ]: ’أَذْ نزّنْزْ إِشَارْفَا ذڭْ ومْشَانْ ن إِمنْذِي!‘ “
AMO 8:7 ”سِيذِي إِجُّودْجْ غَارْ نّْفَاخثْ ن يَاعْقُوبْ: ’عمَّارْصْ أَذْ تُّوغْ ثِيمڭَّا نْسنْ!
AMO 8:8 مَا وَارْ تّنْهزِّي ثمُّورْثْ س مَانْ أَيَا ؤُ مَا وَارْ تِّيڒِينْ مَارَّا إِمزْذَاغْ نّسْ شضْننْ؟ مَا وَارْ ثتّْڭعِّيذْ [ثمُّورْثْ] ثْمُونْ أَمْ يغْزَارْ، أَذْ ثَاڒِي ؤُ أَذْ د-ثهْوَا أَمْ يغْزَارْ ن مِيصْرَا؟“
AMO 8:9 ”ذڭْ وَاسّْ نِّي أَذْ إِمْسَارْ، إِقَّارْ سِيذِي إِنُو، سِيذِي، أَذْ أَرّغْ ثْفُوشْثْ أَذْ ثغْڒِي ذڭْ وزْينْ ن وَاسّْ ؤُ أَذْ سّْبَارشْنغْ ثَامُّورْثْ غَارْ طْحَا ن وَاسّْ.
AMO 8:10 نشّْ أَذْ أَرّغْ فِيشْثَاثْ نْومْ ذ أَشْضَانْ ذ مَارَّا إِزْڒَانْ نْومْ ذ إِزْڒَانْ ن وشْضَانْ ؤُ نشّْ أَذْ ڭّغْ إِشْثْ ن ثْخَانْشثْ [ن وشْضَانْ] خْ مَارَّا ثْبيْسَا ؤُ خْ كُوڒْ أَزدْجِيفْ أَذْ ڭّغْ ثُوقشَّارْثْ. أَذْ أَوْيغْ أَشْضَانْ [خْ ثمُّورْثْ] أَمْ [وشْضَانْ] خْ ؤُينِّي ن مِّيسْ، ؤُ [أَ]قطُّو نّسْ أَذْ ث ڭّغْ أَمْ يِيجّْ ن وَاسّْ ذ أَمَارْزَاڭْ.“
AMO 8:11 ”خْزَارْ، أَذْ د-أَسنْ وُوسَّانْ، إِقَّارْ سِيذِي إِنُو، سِيذِي، أَقَا نشّْ أَذْ سّكّغْ ڒَاژْ خْ ثمُّورْثْ، وَارْ إِدْجِي ڒَاژْ ن وغْرُومْ، وَارْ إِدْجِي فَاذْ ن وَامَانْ، مَاشَا [إِجّْ ن ؤُفَاذِي] مَاحنْذْ أَذْ سْڒنْ إِ وَاوَاڒنْ ن سِيذِي.
AMO 8:12 [خنِّي] أَذْ تّلْعنْ زِي ڒبْحَارْ غَارْ ڒبْحَارْ ؤُ زِي شَّامَالْ غَارْ شَّارْقْ، أَذْ ؤُيُورنْ زِي سَّا غَارْ ذَا مَاحنْذْ أَذْ أَرْزُونْ خْ وَاوَاڒْ ن سِيذِي، [مَاشَا] وَارْ ث تِّيفنْ.
AMO 8:13 ذڭْ وَاسّْ نِّي أَذْ غَاشَانْثْ ثعْزَارِييِّينْ نِّي إِشْنَانْ قَاعْ ؤُڒَا ذ إِحُوذْرِييّنْ س ؤُفَاذِي،
AMO 8:14 إِنِّي إِتّْجَّادْجَانْ غَارْ ؤُمَارْوَاسْ ن سَامَارْيَا، قَّارنْ: ’س ثِيذتّْ أَمْ إِدَّارْ أَربِّي نّشْ، [أَ] ذَانْ، ؤُ أَمْ إِدَّارْ وبْرِيذْ غَارْ بِئرْ-سبْعَا!‘، أَذْ وْضَانْ، وَارْ تّكَّارنْ عَاذْ!“
AMO 9:1 ”نشّْ ژْرِيغْ سِيذِي إِنُو إِبدّْ غَارْ ؤُعَالْطَارْ، إِنَّا: ’وّثْ خْ ؤُزدْجِيفْ [ن ؤُپِيلَارْ]، [أَڒَامِي] إِ غَا أَرْجِيجنْثْ ثْنبْذَاثِينْ ؤُ أَرْژْ إِ-ثنْثْ ذ إِوثْوِيثنْ خْ ؤُزدْجِيفْ نْسنْ مَارَّا. مِينْ زَّايْسنْ إِقِّيمنْ، أَذْ ث نْغغْ س سِّيفْ. وَارْ زَّايْسنْ إِتّْرِيكّْوِيڒْ ؤُڒَا ذ إِجّْ ن ؤُمَارْوَاڒْ ؤُ ؤُڒَا ذ إِجّْ ونِّي إِنجّْمنْ، أَذْ إِتّْوَافكّْ.
AMO 9:2 وَاخَّا نِيثْنِي غْزِينْ أَڒَامِي [إِوْضنْ غَارْ] ثْمسِّي ن ڒَاخَارْثْ، أَفُوسْ إِنُو أَذْ ثنْ سّنِّي يَاوِي، ؤُ وَاخَّا نِيثْنِي ڭعَّاذنْ غَارْ ؤُجنَّا، نشّْ أَذْ ثنْ د سّنِّي سّهْوِيغْ،
AMO 9:3 وَاخَّا نِيثْنِي سّْنُوفَّارنْ إِخفْ نْسنْ خْ ثْقِيشَّاثْ ن [وذْرَارْ ن] كَارْمِيلْ، نشّْ أَذْ أَرْزُوغْ ؤُ أَذْ ثنْ د-أَوْيغْ سّنِّي. وَاخَّا نِيثْنِي سّْنُوفَّارنْ إِخفْ نْسنْ زَّاثْ إِ ثِيطَّاوِينْ إِنُو خْ ثِيسِي ن ڒبْحَارْ، خنِّي نشّْ أَذْ وصِّيغْ أَفِيغَارْ مَاحنْذْ أَذْ ثنْ إِزْعفْ،
AMO 9:4 ؤُ وَاخَّا نِيثْنِي ؤُيُورنْ ذِي ثْمحْبَاسْثْ زَّاثْ إِ وُوذمْ ن ڒْعذْيَانْ نْسنْ، نشّْ أَذْ وصِّيغْ ذِينِّي سِّيفْ مَاحنْذْ أَذْ ثنْ إِنغْ. نشّْ أَذْ خَاسنْ نْضَارغْ ثِيطّْ إِنُو إِ ڒْغَارْ، وَارْ إِدْجِي إِ ڒْخَارْ.
AMO 9:5 سِيذِي إِنُو، سِيذِي ن ڒْعسْكَارَاثْ، نتَّا ذ ونِّي إِتّْحَاذَانْ ثَامُّورْثْ، [أَڒَامِي] ثنْهزّْ ؤُ مَارَّا إِمزْذَاغْ نّسْ شضْننْ. ثتّْڭعّذْ ثْمُونْ أَمْ يغْزَارْ ن نِيلْ ؤُشَا ثتَّاڒِي ثْهكّْوِي أَمْ يغْزَارْ ن مِيصْرَا.
AMO 9:6 نتَّا ذ ونِّي إِبنَّانْ إِخَّامنْ نّسْ سنّجْ ذڭْ ؤُجنَّا ؤُ إِتّڭّْ ڒْقُوبّثْ نّسْ خْ ثمُّورْثْ، نتَّا ذ ونِّي إِتّْڒَاغَانْ إِ وَامَانْ ن ڒبْحَارْ ؤُشَا إِتّْفَارّغْ إِ-ثنْ خْ وُوذمْ ن ثمُّورْثْ، سِيذِي ذ إِسمْ نّسْ.
AMO 9:7 مَا كنِّيوْ وَارْ ثدْجِيمْ إِنُو أَمْ أَيْثْ ن كُوشْ، [أَ] أَيْثْ ن إِسْرَائِيل؟، إِقَّارْ سِيذِي. مَا نشّْ وَارْ د-سُّوفّْغغْ إِسْرَائِيل زِي مِيصْرَا ؤُ إِفِيلِيسْطِينِييّنْ زِي كَافْثُورْ ؤُ أَرَامْ زِي قِيرْ؟
AMO 9:8 خْزَارمْ، ثِيطَّاوِينْ ن سِيذِي إِنُو، سِيذِي، أَقَا أَثنْثْ ضِيدّْ إِ ثْڭلْذِيثْ ثَامذْنُوبْثْ. نشّْ أَذْ ت ثحِّيغْ زڭْ وُوذمْ ن ثمُّورْثْ. نشّْ مَاشَا وَارْ تّحِّيغْ مَارَّا ثَادَّارْثْ ن يَاعْقُوبْ، إِقَّارْ سِيذِي.
AMO 9:9 مَاغَارْ خْزَارمْ، نشّْ أَذْ ؤُمُورغْ ؤُ أَذْ زّڒْزغْ ثَادَّارْثْ ن إِسْرَائِيل جَارْ مَارَّا ڒڭْنُوسْ، أَمْ مَامّشْ زّڒْزنْ زَّارِيعثْ ذڭْ إِجّْ ن بُو-سِييَّارْ ؤُ وَارْ ثْوطِّي ؤُڒَا ذ إِشْثْ ن ثْحبُّوشْثْ غَارْ ثمُّورْثْ.
AMO 9:10 مَارَّا إِمذْنَابْ ن ڒْڭنْسْ إِنُو أَذْ تّْوَانْغنْ س سِّيفْ، إِنِّي إِقَّارنْ: ’ڒْغَارْ وَارْ ذ أَنغْ إِڒقّفْ شَا ؤُ وَارْ غَارْنغْ د-إِتّْقَارِّيبْ شَا زِي مَارَّا إِغزْذِيسنْ!‘ “
AMO 9:11 ”ذڭْ وَاسّْ نِّي أَذْ سّْڭعّْذغْ عَاوذْ ثَاخْزَانْثْ إِوطَّانْ ن ذَاوُوذْ إِ إِوْضَانْ ؤُ نشّْ أَذْ قّْنغْ ثِيزَّا نّسْ ؤُ مِينْ زَّايسْ إِتّْوَاهذْمنْ، أَذْ ث أَرّغْ غَارْ ومْشَانْ نّسْ ؤُ نشّْ أَذْ ث بْنِيغْ [عَاوذْ] أَمْ ذڭْ وُوسَّانْ ن وشْحَاڒْ ؤُيَا،
AMO 9:12 مَاحنْذْ نِيثْنِي أَذْ وَارْثنْ مِينْ إِقِّيمنْ زِي إِذُومْ ذ مَارَّا ڒڭْنُوسْ إِ خْ إِتّْوَابَارّحْ س يِيسمْ إِنُو، إِقَّارْ سِيذِي ونِّي إِتّڭّنْ مَارَّا أَيَا.
AMO 9:13 خْزَارمْ، أَذْ د-أَسنْ وُوسَّانْ، إِقَّارْ سِيذِي، أَقَا ونِّي إِشَارّْزنْ أَذْ خَاسْ د-إِحَارْثْ ونِّي إِمجَّارنْ، ؤُ ونِّي إِڒبّْزنْ أَضِيڒْ س إِضَارنْ [أَذْ خَاسْ د-إِحَارْثْ] ونِّي إِسّْوِيژّْضنْ [أَفُوسْ أَكْ-ذ] زَّارِيعثْ، ؤُ إِذُورَارْ أَذْ تُّوشْرُورنْ س بِينُو ژمّنْ ث جْذِيذْ، ؤُ مَارَّا ثِيوْرِيرِينْ أَذْ سّفْينْثْ.
AMO 9:14 نشّْ أَذْ سّنْقڒْبغْ ثَامحْبَاسْثْ خْ ڒْڭنْسْ إِنُو إِسْرَائِيل ؤُ نِيثْنِي أَذْ بْنَانْ عَاوذْ ثِيندَّامْ إِ ثُوغَا إِتّْوَاهذْمنْ ؤُ أَذْ ذَايْسنْثْ زدّْغنْ ؤُ نِيثْنِي أَذْ ڭّنْ إِمَارْجَاعنْ ن ؤُضِيڒْ أَذْ ذَايْسنْ ژُّونْ ثِيزَايَارِينْ ؤُ أَذْ زَّايْسنْثْ سْونْ بِينُو، أَذْ ڭّنْ إِحْوِيشنْ أَذْ شّنْ ڒْغِيدْجثْ نّسْ.
AMO 9:15 نشّْ أَذْ ثنْ ژُّوغْ ذِي ثمُّورْثْ نْسنْ ؤُعمَّارْصْ عَاذْ أَذْ تّْوَاقڒْعنْ زِي ثمُّورْثْ نْسنْ نِّي إِ ذ أَسنْ وْشِيغْ، إِقَّارْ سِيذِي، أَربِّي نّشْ.“
OBA 1:1 ڒوْحِييْ ن عُوبَاذْيَا. ”أَمُّو إِ إِقَّارْ سِيذِي إِنُو، سِيذِي، خْ إِذُومْ: ‘نشِّينْ نسْڒَا إِجّْ ن ڒخْبَارْ زِي سِيذِي، ؤُ إِجّْ ن ؤُمْسكِّي إِتّْوَاسّكّْ غَارْ ڒڭْنُوسْ: كَّارْ، جّمْ أَنغْ أَذْ خَاسْ نْغوّغْ، أَذْ نمّْنغْ أَكْ-ذ [إِذُومْ]!‘
OBA 1:2 خْزَارْ، نشّْ ڭِّيغْ شكْ ذ أَمژْيَانْ جَارْ ڒڭْنُوسْ، شكْ ثتّْوَاسّحْقَارَاذْ أَطَّاسْ.
OBA 1:3 نّْفَاخثْ ن وُوڒْ نّشْ ثشْمثْ إِ شكْ، [شكْ] ذ ونِّي ذِينْ إِزدّْغنْ ذڭْ إِمُوشَانْ ن ؤُذُورِّي جَارْ ڒجْرُوفْ، ذِي ثْزذِّيغْثْ نّشْ يُوعْڒَانْ، [شكْ] ذ ونِّي إِقَّارنْ ذڭْ وُوڒْ نّشْ: ’مَانْ ونْ ذ أَيِي غَا إِغضْڒنْ غَارْ ثمُّورْثْ؟‘
OBA 1:4 مَاڒَا ثسّْڭعّْذذْ إِخفْ نّشْ أَمْ ؤُڭِيذرْ، نِيغْ ثڭِّيذْ ڒْعُوشّْ نّشْ جَارْ إِثْرَانْ، نشّْ أَذْ شكْ د سّنِّي سّهْوِيغْ، [أَمُّو إِ] إِقَّارْ سِيذِي.“
OBA 1:5 ”مَاڒَا ؤُذْفنْ-د غَاركْ إِشفَّارنْ، [نِيغْ] إِخوَّاننْ س دْجِيڒثْ، - [أَ]، مَامّشْ إِ غَا ثتّْوَاڒدّْدْجذْ [أَڒْ طَّارْفْ] - مَا وَارْ تَّاشَارنْ أَڒْ غَارْسنْ إِ غَا يِيڒِي مِينْ إِكْفَانْ؟ مَاڒَا ؤُسِينْ-د غَاركْ إِنِّي إِ غَا إِڒقْضنْ أَضِيڒْ، مَا أَذْ جّنْ شَا مِينْ إِتّْوَاڒقْضنْ [أَوَارْنِي أَسنْ]؟
OBA 1:6 [أَ] مَامّشْ إِ غَا أَرْزُونْ ذِي عِيسُو، [مَامّشْ] إِ غَا بقّْشنْ [ڒكْنُوزْ] نّسْ نُّوفَارنْ!
OBA 1:7 مَارَّا إِرْيَازنْ نِّي [إِڭِّينْ] إِجّْ ن ڒْعَاهْذْ أَكِيذكْ، عَارْننْ شكْ غَارْ ويْمِيرْ، [إِرْيَازنْ] نِّي ثُوغَا أَكِيذكْ إِدَّارنْ ذِي ڒهْنَا، شمْثنْ شكْ، نِيثْنِي زمَّارنْ خَاكْ. أَغْرُومْ زَّايكْ ڭِّينْ ث ذ ثَارحْسِيثْ سْوَادَّايْ نّشْ. ’أَقَا نتَّا وَارْ ذَايسْ بُو ڒفْهَامثْ.‘
OBA 1:8 مَا وَارْ إِتِّيڒِي ذڭْ وَاسّْ نِّي، إِقَّارْ سِيذِي، أَقَا نشّْ أَذْ أَردّْدْجغْ إِمِيغِيسنْ زِي إِذُومْ، ؤُ ڒفْهَامثْ زڭْ إِذُورَارْ ن عِيسُو؟
OBA 1:9 أَيْثْ ن بُو-ثغْرُوضْثْ نّشْ أَذْ تّْوَاحْصَارنْ زِي ثِيڭّْوُوذِي، [أَ] ثَايْمَانْ، حِيمَا كُوڒْ إِجّنْ زڭْ إِذُورَارْ ن عِيسُو أَذْ إِتّْوَاقْضعْ س ونْغَايْ.“
OBA 1:10 ”زِي سِّيبّثْ ن لْعُونْفْ [خْ] ؤُمَاشْ يَاعْقُوبْ، أَذْ شكْ ثْذڒْ ڒفْضِيحثْ، ؤُ أَذْ ثتّْوَاكّْسذْ إِ ڒبْذَا.
OBA 1:11 ذڭْ وَاسّْ إِ ذِي ثُوغَا [خَاسْ] ثْبدّذْ، ذڭْ وَاسّْ إِ ذِي إِبَارَّانِييّنْ إِوْينْ-د أَڭْڒَا نّسْ ؤُ ؤُذْفنْ ڒْبَارَّانِي غَارْ ثوُّورَا نّسْ، ؤُ نْضَارنْ ثَاقدُّوحْثْ خْ ؤُرْشَالِيمْ، ثُوغَا شكْ أَمْ يِيجّنْ زَّايْسنْ.
OBA 1:12 [مَاشَا] وَارْ ذ أَشْ إِعدّڒْ أَذْ ثقِّيمذْ ثْخزَّارذْ ذڭْ وَاسّْ ن ؤُمَاشْ، ذڭْ وَاسّْ ن وشْثَابْ نّسْ أَبَارْشَانْ، وَارْ ذ أَشْ إِعدّڒْ أَذْ ثْفَارْحذْ خْ إِحنْجِيرنْ ن يَاهُوذَا، ذڭْ وَاسّْ ن وَاردّدْجْ نْسنْ ؤُ وَارْ ذ أَشْ إِعدّڒْ أَذْ ثَارزْمذْ أَقمُّومْ نّشْ أَطَّاسْ ذڭْ وَاسّْ ن ڒحْصَارثْ [نْسنْ].
OBA 1:13 وَارْ إِعدّڒْ أَذْ ثَاذْفذْ غَارْ ثوَّارْثْ نْ ڒْڭنْسْ إِنُو ذڭْ وَاسّْ ن ؤُهلّكْ نْسنْ وَارْ ذ أَشْ إِعدّڒْ أَذْ ثقِّيمذْ ثْخزَّارذْ عَاوذْ ذڭْ وَاسّْ ن ؤُضيّعْ نْسنْ ؤُ وَارْ ذ أَشْ إِعدّڒْ أَذْ ثقِّيمذْ ثسّْوِيژّْضذْ [إِفَاسّنْ نّشْ] غَارْ وَاڭْڒَا نّسْ ذڭْ وَاسّْ ن ؤُضيّعْ نّسْ،
OBA 1:14 وَارْ ذ أَشْ إِعدّڒْ أَذْ ثْبدّذْ غَارْ مَانِي تّْمڒْقَانْ إِبْرِيذنْ، مَاحنْذْ أَذْ ثتّحِّيذْ إِنِّي إِنجْمنْ ؤُ وَارْ ذ أَشْ إِعدّڒْ أَذْ ثْسلّْمذْ إِنِّي ثُوغَا يَاروْڒنْ ذڭْ وَاسّْ ن ڒحْصَارثْ.“
OBA 1:15 ”مَاغَارْ يُوذسْ-د أَسّْ ن سِيذِي خْ مَارَّا ڒڭْنُوسْ! أَمْ ثڭِّيذْ شكْ، أَذْ زَّايكْ إِتّْوَاڭّْ، أَخدْجصْ نّشْ أَذْ د-إِذْوڒْ خْ ؤُزدْجِيفْ نّشْ.
OBA 1:16 مَاغَارْ أَمْ مَامّشْ ثسْوِيمْ كنِّيوْ خْ وذْرَارْ إِنُو إِقدّْسنْ، أَمُّو أَذْ سْونْ مَارَّا ڒڭْنُوسْ ڒبْذَا، [وَاهْ،] أَذْ سْونْ أَذْ سكّْفنْ، أَذْ ذوْڒنْ أَخْمِيعمَّارْصْ وَارْ ثُوغَا دْجَانْ.
OBA 1:17 [مَاشَا] خْ وذْرَارْ ن صِيهْيُونْ أَذْ يِيڒِي مِينْ إِنّجْمنْ، ؤُ وَانِيثَا أَذْ يِيڒِي ذ أَمْقدّسْ، ؤُ [إِنِّي ن] ثَادَّارْثْ ن يَاعْقُوبْ أَذْ طّْفنْ ثِيسقَّاڒْ [نْ ڒْوَارْثْ] نْسنْ.
OBA 1:18 ثَادَّارْثْ ن يَاعْقُوبْ أَذْ ثِيڒِي ذ ثِيمسِّي، ؤُ ثَادَّارْثْ ن يُوسُوفْ ذ أَشعَّاڒْ، ؤُشَا ثَادَّارْثْ ن عِيسُو أَذْ ثِيڒِي أَمْ يِيغدْجْ ؤُ نِيثْنِي أَذْ أَسنْ سّْشمْضنْ ؤُ أَذْ ثنْ شّنْ، أَڒَامِي وَارْ إِقِّيمْ ؤُڒَا ذ إِجّْ إِدَّارْ ذِي ثَادَّارْثْ ن عِيسُو، مَاغَارْ سِيذِي أَقَا إِسِّيوڒْ.“
OBA 1:19 ”إِنِّي ن [ثمُّورْثْ ن] لْجَانُوبْ أَذْ طّْفنْ إِذُورَارْ نْ عِيسُو ذ ثَاسْغَارْثْ، ؤُ يِينِّي ن ثمُّورْثْ إِوَاطَانْ أَذْ طّْفنْ [ثَامُّورْثْ ن] إِفِيلِيسْطِينِييّنْ ذ ڒْوَارْثْ [وَاهْ،] نِيثْنِي أَذْ طّْفنْ إِيَّارْ ن إِفْرَايِيمْ ذ ييَّارْ ن سَامَارْيَا ذ ڒْوَارْثْ، ؤُ بِينْيَامِينْ [أَذْ إِطّفْ] جِيلْعَاذْ [ذ ڒْوَارْثْ]،
OBA 1:20 ؤُ إِمنْفِييّنْ زِي ڒْعسْكَارْ-أَ إِنِّي إِدْجَانْ غَارْ أَيْثْ ن إِسْرَائِيل [أَذْ طّْفنْ ثَامُّورْثْ ن] أَيْثْ ن كنْعَانْ [ذ ڒْوَارْثْ] أَڒْ صَارْفَاثْ، ؤُ إِمنْفِييّنْ زِي ؤُرْشَالِيمْ نِّي [إِدْجَانْ] ذِي صَافَارَاذْ، أَذْ طّْفنْ ثِيندَّامْ ن [ثمُّورْثْ ن] لْجَانُوبْ ذ ڒْوَارْثْ.
OBA 1:21 إِمْسلّْكنْ أَذْ ڭعّْذنْ أَذْرَارْ ن صِيهْيُونْ، حِيمَا أَذْ حَاكْمنْ أَذْرَارْ ن عِيسُو، ؤُشَا ثَاڭلْذَا أَذْ ثِيڒِي ن سِيذِي.“
JON 1:1 أَوَاڒْ ن سِيذِي يُوسَا-د غَارْ يُونُوسْ، مِّيسْ ن أَمِيتَّايْ، إِنَّا:
JON 1:2 ”كَّارْ، رُوحْ غَارْ ثنْذِينْثْ ن نِينْوَا ثَامقّْرَانْثْ ؤُشَا بَارّحْ ضِيدّْ نّسْ مِينْزِي ثُوعفّْنَا نْسنْ ثْڭعّذْ [أَمْ إِشْثْ ن أَرِّيحثْ يَارْصُوذنْ] أَڒْ ؤُذمْ إِنُو.“
JON 1:3 [مَاشَا] يُونُوسْ إِكَّارْ حِيمَا أَذْ يَارْوڒْ زڭْ وُوذمْ ن سِيذِي. نتَّا إِهْوَا غَارْ [ثنْذِينْثْ ن] يَافَا ؤُشَا يُوفَا [ذِينْ] إِشْثْ ن ثْغَارَّابُوثْ أَذْ ثْرَاحْ غَارْ [ثنْذِينْثْ ن] ثَارْشِيشْ. نتَّا إِخدْجصْ تَّامَانْ [ن ؤُسَافَارْ] ؤُشَا إِنْيَا ذَايسْ مَاحنْذْ أَذْ إِرَاحْ غَارْ ثَارْشِيشْ، إِخْسْ أَذْ إِڭّْوجْ خْ وُوذمْ ن سِيذِي.
JON 1:4 [مَاشَا] سِيذِي إِسّكّْ-د أَسمِّيضْ إِجْهذْ خْ ڒبْحَارْ ؤُشَا يَارْنِي إِذْوڒْ ذ ثَاحَارْيَاضْثْ ثَامقّْرَانْثْ خْ ڒبْحَارْ أَڒَامِي عْڒَاحَاڒْ ثِيوضْ أَذْ ثَارْژْ ثْغَارَّابُوثْ.
JON 1:5 ڭّْوذنْ إِبحْرِييّنْ ؤُشَا كُوڒْ أَرْيَازْ إِسْغُويْ، إِتَّارْ غَارْ أَربِّي نّسْ ؤُشَا نْضَارنْ ڒقْشُوعْ نِّي ذِي ثْغَارَّابُوثْ غَارْ ڒبْحَارْ حِيمَا أَذْ خَاسْ سّْنقْصنْ دّْقڒْ. ثُوغَا إِهْوَا-د يُونُوسْ مَاشَا غَارْ ؤُغزْذِيسْ أَضفَّارْ ن ثْغَارَّابُوثْ، إِزّڒْ ذِينْ ؤُشَا إِطّصْ إِجّْ ن يِيضصْ يُودْجغْ.
JON 1:6 يُوسَا-د غَارسْ بَابْ ن ثْغَارَّابُوثْ، إِنَّا أَسْ: ”مِينْ ثتّڭّذْ، مَايمِّي ذِينِّي ثطّْصذْ؟ كَّارْ، ڒَاغَا خْ أَربِّي نّشْ، أَذْ ثَاغْ أَربِّي نّشْ أَذْ أَنغْ إِفكَّارْ حِيمَا وَارْ نْغَارّقْ شَا.“
JON 1:7 نَّانْ يرْيَازنْ إِ وَايَاوْيَا: ”أَسْ-د، أجّْ أَنغْ أَذْ نْضَارْ ثَاقدُّوحْثْ، حِيمَا أَذْ نسّنْ وِي ذ أَنغْ إِڭِّينْ ذِي نّْعِي-يَا.“ نِيثْنِي نْضَارنْ ثَاقدُّوحْثْ ؤُشَا ثُوسَا-د ثْقدُّوحْثْ ذڭْ يُونُوسْ.
JON 1:8 [خنِّي] نَّانْ أَسْ: ”إِنِي أَنغْ، مَايمِّي ذ أَنغْ ثحْكمْ نّْعِي-يَا. مِينْ ثعْنَا ڒْخذْمثْ نّشْ؟ مَانِيسْ د-ثُوسِيذْ؟ مِينْ ثعْنَا ثَامُّورْثْ نّشْ ؤُ زِي مَانْ ڒْڭنْسْ إِ غَارْ ثقّْنذْ؟“
JON 1:9 إِنَّا أَسنْ: ”نشّْ ذ أَعِيبْرَانِي ؤُشَا ڭّْوذغْ زِي سِيذِي، أَربِّي ن إِجنْوَانْ، ونِّي د-إِخڒْقنْ ڒبْحَارْ ذ ڒْبَارْ.“
JON 1:10 إِرْيَازنْ [نِّي] ڭّْوذنْ أَطَّاسْ، نَّانْ أَسْ: ”مِينْ ثڭِّيذْ؟“ مِينْزِي ثُوغَا سّْننْ، نتَّا يَارْوڒْ-د زڭْ وُوذمْ ن سِيذِي، أَقَا ثُوغَا زعْمَا إِسّْخبَّارْ إِ-ثنْ.
JON 1:11 ؤُشَا نَّانْ أَسْ: ”مِينْ زَّايكْ إِ غَا نڭّْ، حِيمَا أَذْ خَانغْ إِهدّنْ ڒبْحَارْ؟“ مِينْزِي ڒبْحَارْ ثُوغَا عَاذْ يَارنِّي ذڭْ ؤُهَاجِي.
JON 1:12 إِنَّا أَسنْ: ”كْسِيمْ أَيِي ؤُ نْضَارمْ أَيِي ذِي ڒبْحَارْ حِيمَا أَذْ خَاومْ إِهدّنْ ڒبْحَارْ، مِينْزِي سّْنغْ أَقَا ثَاحَارْيَاضْثْ-أَ ثَامقّْرَانْثْ إِ خَاومْ د-إِوْضَانْ ذِي سِّيبّثْ إِنُو.“
JON 1:13 [مَاشَا] إِرْيَازنْ ثُوغَا قدّْفنْ غَارْ ڒْبَارْ، مَاشَا وَارْ ذ أَسْ زمَّارنْ شَا، مِينْزِي ڒبْحَارْ ثُوغَا عَاذْ يَارنِّي خَاسنْ أَطَّاسْ س وَاطَّاسْ ذڭْ ؤُهَاجِي.
JON 1:14 [خنِّي] ڒَاغَانْ إِ سِيذِي، نَّانْ: ”أَ سِيذِي، وَارْ ذ أَنغْ تّجِّي شَا أَذْ نتّْوَاهلّكْ ذِي سِّيبّثْ ن ڒعْمَارْ ن ورْيَازْ-أَ ؤُشَا وَارْ ذ أَنغْ ثْحسِّيبذْ خْ إِذَامّنْ إِمزْذَاڭنْ، مِينْزِي شكْ، أَ سِيذِي، ثڭِّيذْ مِينْ ذ أَشْ يَارْضَانْ.“
JON 1:15 [خَاسْ ؤُشَا] طّْفنْ يُونُوسْ، نْضَارنْ ث ذِي ڒبْحَارْ. [ڒخْذنِّي] إِبدّْ ؤُهَاجِي ن ڒبْحَارْ.
JON 1:16 ڭّْوْذنْ إِرْيَازنْ [نِّي] أَطَّاسْ زِي سِيذِي ؤُشَا غَارْصنْ إِشْثْ ن ثْغَارْصْثْ إِ سِيذِي ؤُشَا وَاعْذنْ لْوُوعُوذْ.
JON 2:1 إِسّوْجذْ سِيذِي إِجّْ ن وسْڒمْ أَمقّْرَانْ حِيمَا أَذْ إِسّغْرِي يُونُوسْ ؤُشَا يُونُوسْ إِكَّا ثْڒَاثَا ن وُوسَّانْ ذ ثْڒَاثَا نْ دْجِييَاڒِي ذڭْ ؤُعذِّيسْ ن وسْڒمْ.
JON 2:2 ؤُشَا إِژُّودْجْ يُونُوسْ إِ سِيذِي، أَربِّي نّسْ، زڭْ ؤُعذِّيسْ ن وسْڒمْ.
JON 2:3 إِنَّا: “زِي ڒحْصَارثْ إِنُو ڒَاغِيغْ إِ سِيذِي ؤُ نتَّا يَارَّا-د خَافِي. زڭْ وحْوِيشْ ن ڒَاخَارْثْ ڒَاغِيغْ ؤُشَا شكْ ثسْڒِيذْ إِ ثْمِيجَّا إِنُو.
JON 2:4 ثُوغَا ثنْضَارذْ أَيِي ذِي ڒَادْجَاغْ، ذڭْ وُوڒْ ن ڒبْحُورْ، ثنّْضنْ أَيِي-د ڒمْوَاجْ. مَارَّا زّْهِيرْ نّشْ ذ ڒمْوَاجْ نّشْ كِّينْ-د خَافِي سنّجْ.
JON 2:5 نِّيغْ: ’نشّْ تّْوَاسُّوفّْغغْ زِي زَّاثْ إِ وُوذمْ نّشْ. عَاذْ أَذْ ثْوَاڒِيغْ عَاوذْ زَّاوشْثْ نّشْ ثَامقّْرَانْثْ إِقدّْسنْ.‘
JON 2:6 طّْفنْ أَيِي وَامَانْ أَڒْ مَانِي إِوْضنْ غَارْ ڒعْمَارْ إِنُو، أَمَانْ إِهوْڒنْ نّْضنْ أَيِي-د، إِڒْصقْ-د أَرْبِيعْ ن ڒبْحَارْ ذڭْ ؤُزدْجِيفْ إِنُو.
JON 2:7 هْوِيغْ غَارْ طّْرُوفَا يُودْجْغنْ قَاعْ ن إِذُورَارْ، تّْوَابلّْعنْ زّكْرُونَاثْ ن ثمُّورْثْ خَافِي سنّجْ إِ ڒبْذَا، مَاشَا شكْ ثسّْڭعّْذذْ ثُوذَارْثْ إِنُو زِي ثُورْصُوضِي ذڭْ وَامَانْ، أَ سِيذِي، أَربِّي إِنُو!
JON 2:8 ؤُمِي إِذوّخْ ڒعْمَارْ إِنُو ذَايِي، فكَّارغْ ذِي سِيذِي، ؤُ ثَاژَادْجِيثْ إِنُو ثْڭعّذْ غَاركْ، ذِي زَّاوشْثْ نّشْ ثَامقّْرَانْثْ إِقدّْسنْ.
JON 2:9 نِيثْنِي طّْفنْ ذِي لْ-أَصْنَامْ إِبطّْڒنْ ذ إِغشّنْ، سمْحنْ ذِي ثْمخْسِيوْثْ نْسنْ إِشوَّارنْ.
JON 2:10 مَاشَا نشّْ أَذْ شكْ حمْذغْ س يِيشْثْ ن ثْمِيجَّا ثشُّورْ س ؤُقَاذِي. مِينْ وَاعْذغْ، أَذْ ث قفْڒغْ. أَسنْجمْ زِي سِيذِي.“
JON 2:11 إِسِّيوڒْ سِيذِي أَكْ-ذ وسْڒمْ ؤُشَا إِعُوقّْ-د يُونُوسْ ذِي ڒْبَارْ.
JON 3:1 يُوسَا-د وَاوَاڒْ ن سِيذِي غَارْ يُونُوسْ إِ ثْوَاڒَا وِيسّْ ثْنَاينْ، إِنَّا:
JON 3:2 ”كَّارْ، رُوحْ غَارْ ثنْذِينْثْ ن نِينْوَا ثَامقّْرَانْثْ ؤُشَا بَارّحْ أَسنْ ثَابَارّحْثْ نِّي إِ ذ أَشْ غَا إِنِيغْ.“
JON 3:3 ؤُشَا إِكَّارْ يُونُوسْ، إِرُوحْ غَارْ نِينْوَا عْلَاحْسَابْ أَوَاڒْ ن سِيذِي. ثُوغَا نِينْوَا ذ إِشْثْ ن ثنْذِينْثْ ثَامقّْرَانْثْ س وَاطَّاسْ، أَقَا [إِتّْخصَّا] ثِيشْڒِي ن ثْڒَاثَا ن وُوسَّانْ [إِ ؤُشُوقِي].
JON 3:4 يُوذفْ يُونُوسْ ثَانْذِينْثْ ثِيشْڒِي ن إِجّْ ن وَاسّْ ؤُشَا إِبَارّحْ، إِنَّا: ”أَوَارْنِي أَربْعِينْ ن وُوسَّانْ أَذْ ثتّْوَانقْڒبْ [ثنْذِينْثْ ن] نِينْوَا.“
JON 3:5 إِرْيَازنْ ن نِينْوَا ؤُمْننْ ذِي أَربِّي ؤُشَا بَارّْحنْ س يِيجّْ ن ؤُژُومِّي ؤُشَا أَرْضنْ ثْخُونْشَايْ [ن وشْضَانْ]، زڭْ ؤُمقّْرَانْ أَڒْ أَمژْيَانْ جَارْ أَسنْ.
JON 3:6 يِيوضْ وَاوَاڒْ ؤُڒَا غَارْ ؤُجدْجِيذْ ن نِينْوَا ؤُشَا إِكَّارْ زِي ڒْكُورْسِي ن ڒْعَارْشْ نّسْ، إِكّسْ خَاسْ أَرُّوضْ نّسْ إِڭلّْذنْ، إِسّْذُورِييْ إِخفْ نّسْ س يِيشْثْ ن ثْخَانْشثْ [ن وشْضَانْ] ؤُشَا إِقِّيمْ خْ يِيغّذْ.
JON 3:7 خْ ڒُومُورْ ن ؤُجدْجِيذْ [جْمِيعْ أَكْ-ذ] أَيْثْ ن شُّورْفَا ڭِّينْ أَذْ بَارّْحنْ ذِي نِينْوَا، نَّانْ: ”وَارْ تّجِّيمْ بْنَاذمْ ذ ڒْمَاڒْ ذ إِفُونَاسنْ ذ ثْفُونَاسِينْ ذ وُودْجِي أَذْ شّنْ شَا، وَارْ ثنْ تّجِّيمْ أَذْ هْذَانْ ؤُڒَا أَذْ سْونْ.
JON 3:8 جّمْ أَذْ يَارْضْ بْنَاذمْ ذ ڒْمَاڒْ ثِيخُونْشَايْ [ن وشْضَانْ] ؤُشَا جّمْ ثنْ أَذْ سْغُوينْ س جّهْذْ غَارْ أَربِّي ؤُشَا أَذْ إِثُوبْ كُوڒْ  إِجّْ زڭْ وبْرِيذْ نّسْ أَعفَّانْ ؤُ زِي لْعُونْفْ [إِ يُومْسنْ] غَارْ إِفَاسّنْ نّسْ.
JON 3:9 أَذْ ثَاغْ أَذْ إِنْذمْ أَربِّي ؤُشَا أَذْ إِثُوبْ ؤُشَا أَذْ إِبعّذْ خْ ڒْحَاذُوقْ ن وغْضَابْ نّسْ حِيمَا وَارْ نتّْوَاثْهلِّيكْ شَا.“
JON 3:10 ؤُشَا إِژْرَا أَربِّي مِينْ ڭِّينْ، أَقَا ثُوبنْ خْ وبْرِيذْ نْسنْ أَعفَّانْ ؤُشَا إِنْذمْ أَربِّي خْ ڒْغَارْ نِّي ثُوغَا إِنَّا أَذْ كِيسنْ إِڭّْ ؤُشَا وَارْ ث إِڭِّي شَا.
JON 4:1 مَانْ أَيَا ثُوغَا ذ [إِشْثْ ن ثْمسْڒَاشْثْ] ثَاعفَّانْثْ أَڒْ طَّارْفْ إِ يُونُوسْ ؤُشَا ثْهَاجْ ثفْقحْثْ نّسْ.
JON 4:2 إِژُّودْجْ إِ سِيذِي، إِنَّا: ”[أَ] سِيذِي، مَا وَارْ نِّيغْ أَمُّو ؤُمِي ذ أَيِي ثُوغَا ذِي ثمُّورْثْ إِنُو؟ خْ ؤُيَا نْوِيغْ أَذْ ت جّغْ ؤُمِي ڭِّيغْ أَذْ أَروْڒغْ غَارْ ثَارْشِيشْ مِينْزِي نشّْ سّْنغْ بلِّي شكْ ذ إِجّْ ن أَربِّي ذ أَحْنِينْ ذ أَرْحِيمْ، غَاركْ تَّاسِيعْ ن ڒْخَاضَارْ ذ ثْمخْسِيوْثْ إِشوَّارنْ ثَامقّْرَانْثْ ؤُشَا ثْنذْمذْ أَذْ ثڭّذْ ڒْغَارْ.
JON 4:3 [خنِّي] ڒخُّو، [أَ] سِيذِي، كّسْ زَّايِي ڒعْمَارْ إِنُو، مِينْزِي إِتّْبَانْ أَيِي بلِّي ڒْموْثْ إِنُو حْسنْ زِي ثُوذَارْثْ إِنُو.“
JON 4:4 إِنَّا سِيذِي: ”مَا ثشْنَا ؤُمِي ثْخيّْقذْ أَمُّو؟“
JON 4:5 إِفّغْ يُونُوسْ زِي ثنْذِينْثْ ؤُشَا إِرُوحْ إِقِّيمْ ذِي جِّيهثْ ن شَّارْقْ ن ثنْذِينْثْ مَانِي إِڭَّا إِ يِيخفْ نّسْ ثَاسقَّافْثْ ن إِفثْوَانْ ؤُشَا إِقِّيمْ سْوَادَّايْ نّسْ ذِي ثِيڒِي مَاحنْذْ أَذْ إِژَارْ مِينْ غَا إِمْسَارنْ إِ ثنْذِينْثْ.
JON 4:6 ثُوغَا سِيذِي أَربِّي إِسّوْجذْ إِشْثْ ن ثْشجَّارْثْ ن ؤُثبْهثْ ؤُشَا إِجَّا-إِ-ت أَذْ ثيْمَا ثُوعْڒَا خْ يُونُوسْ حِيمَا أَذْ ثِيڒِي ذ ثِيڒِي خْ ؤُزدْجِيفْ نّسْ ؤُ حِيمَا أَذْ إِكّسْ ؤُخيّقْ نّسْ. إِفَارْحْ يُونُوسْ أَطَّاسْ خْ ثْشجَّارْثْ-أَ ن ڒعْجبْ.
JON 4:7 مَاشَا غَارْ ڒفْجَارْ ن ثْوشَّا ن وَاسّْ إِ د-إِضْفَارنْ إِسّوْجذْ أَربِّي إِشْثْ ن ثْكشَّا نِّي ثسّحْڒشْ ثَاشجَّارْثْ ن ؤُثبْهثْ نِّي أَڒَامِي ثُوژغْ.
JON 4:8 أَڒَامِي د-ثنْقَارْ ثْفُوشْثْ، إِمْسَارْ بلِّي أَربِّي إِسّكّْ إِجّْ ن ؤُسمِّيضْ ن شَّارْقْ إِحَارّنْ ؤُشَا ثوْثَا ثْفُوشْثْ أَزدْجِيفْ ن يُونُوسْ أَڒَامِي إِذوّخْ ؤُشَا نتَّا يَارْزُو أَذْ إِمّثْ، إِنَّا: ”إِتّْبَانْ أَيِي بلِّي ڒْموْثْ إِنُو حْسنْ زِي ثُوذَارْثْ إِنُو.“
JON 4:9 [خنِّي] إِنَّا أَسْ أَربِّي إِ يُونُوسْ: ”مَا ثشْنَا ؤُمِي ثْخيّْقذْ أَمُّو خْ ثْشجَّارْثْ-أَ ن ؤُثبْهثْ؟“ إِنَّا: ”أَقَا ذ صّحْ أَقَا خيّْقغْ، أَڒَامِي زمَّارغْ أَذْ مّْثغْ!“
JON 4:10 إِنَّا [أَسْ] سِيذِي: ”شكْ ثزِّيدْجزْ أَشْ ثْشجَّارْثْ ن ؤُثبْهثْ إِ ؤُمِي وَارْ ثْخذْمذْ ؤُ إِ ؤُمِي وَارْ ثسّيْمذْ، ذ ثنِّي د-يُوسِينْ ذڭْ إِشْثْ ن دْجِيڒثْ ؤُشَا ثتّْوَاهلّكْ ذڭْ إِشْثْ ن دْجِيڒثْ.
JON 4:11 مَا نشّْ وَارْ ذ أَيِي ثزِّيدْجزْ ثنْذِينْثْ ن نِينْوَا ثَامقّْرَانْثْ ثنِّي إِ ذِي إِدْجَا كْثَارْ زِي مْيَا ؤُ-عِيشْرِينْ-أَڒفْ ن إِوْذَانْ إِنِّي وَارْ إِسِّيننْ [ڒْْفَارْقْ] جَارْ ؤُفُوسْ نْسنْ أَفُوسِي ذ ؤُفُوسْ نْسنْ أَزڒْمَاضْ ؤُ سنّجْ إِ ؤُيَا [أَقَا ذِينْ] أَطَّاسْ ن ڒبْهَايمْ؟“
MIC 1:1 أَوَاڒْ ن سِيذِي إِ د-يُوسِينْ غَارْ مِيخَا، أَمُورَاشْثِي، ذڭْ وُوسَّانْ ن يُوثَامْ ذ أَحَازْ ذ حِيزْقِييَا، إِجدْجِيذنْ ن يَاهُوذَا، [أَوَاڒْ] إِ إِژْرَا خْ سَامَارْيَا ذ ؤُرْشَالِيمْ.
MIC 1:2 ”سْڒمْ-د، مَارَّا كنِّيوْ، [أَ] ڒڭْنُوسْ، إِڒِيمْ ثْفثْنمْ، [أَ شمْ]، ثَامُّورْثْ ذ ؤُعمَّارْ نّسْ! سِيذِي إِنُو، سِيذِي، أَذْ يِيڒِي ذ أَشهَّاذْ خَاومْ، سِيذِي إِنُو زِي زَّاوشْثْ نّسْ إِقدّْسنْ.
MIC 1:3 مَاغَارْ خْزَارمْ، سِيذِي إِفّغْ-د زڭْ ومْشَانْ نّسْ [ن ثْزذِّيغْثْ]، ؤُ نتَّا أَذْ د-إِهْوَا ؤُ أَذْ إِصُورْفْ خْ ڒڭْعُوذِي ن ثمُّورْثْ.
MIC 1:4 إِذُورَارْ أَذْ فسْينْ سَاذُو نّسْ، ؤُ ثِيغْزُورِينْ أَذْ تّْوَابْضَانْثْ، أَمْ شّْمعْ زَّاثْ إِ وُوذمْ ن ثْمسِّي، أَمْ وَامَانْ نِّي د-إِتّْوَافَارّْغنْ زِي ثيْسَارْثْ.
MIC 1:5 أَيَا مَارَّا [إِتّمْسَارْ] زِي سِّيبّثْ ن ؤُخطُّو ن يَاعْقُوبْ، ؤُ زِي سِّيبّثْ ن دّْنُوبْ ن ثَادَّارْثْ ن إِسْرَائِيل. مِينْ إِدْجَانْ ذ خطُّو ن يَاعْقُوبْ؟ مَا وَارْ [إِدْجِي] ذ سَامَارْيَا؟ ؤُ مِينْ دْجَانْ ذ ڒڭْعُوذِي ن يَاهُوذَا؟ مَا وَارْ [ثدْجِي] ذ ؤُرْشَالِيمْ؟
MIC 1:6 نشّْ أَذْ أَرّغْ سَامَارْيَا ذ ڒْخَارْبثْ ذڭْ إِيَّارْ، ذ أَمَارْجعْ مَانِي غَا ژُّونْ ثَازَايَارْثْ، ؤُ نشّْ أَذْ نْضَارغْ إِژْرَا نّسْ ذِي ثغْزُورْثْ، ؤُ أَذْ عَارِّيغْ خْ ذْسُوسَا نّسْ.
MIC 1:7 مَارَّا ڒخْيَاڒَاثْ نّسْ إِنقْشنْ أَذْ تّْوَاڒذْدْجنْثْ ؤُ مَارَّا ڒْمُونثْ نّسْ ن فَارْقْ-شّْغڒْ أَذْ ت سّْشمْضنْ س ثْمسِّي، ؤُ مَارَّا ڒخْيَاڒَاثْ نّسْ إِنقْشنْ أَذْ ثنْثْ أَردّْدْجغْ نشّْ، مَاغَارْ نتَّاثْ ثْيَاروْ إِ-ثنْثْ زِي ڒْمُونثْ ن فَارْقْ-شّْغڒْ، ؤُ نِيثنْثِي أَذْ د-ذوْڒنْثْ عَاوذْ ذْ ڒْمُونثْ ن فَارْقْ-شّْغڒْ.“
MIC 1:8 ”خْ ؤُيَا أَذْ شضْنغْ ؤُ أَذْ وْثغْ أَڭجْذُورْ، أَذْ ؤُيُورغْ س ڒحْفَا ذ أَعَارْيَانْ، أَذْ سّْمِيعْوغْ أَمْ وُوشَّاننْ ن ڒخْڒَا، ؤُ أَذْ سْغُويغْ أَمْ يسِّيسْ ن نّْعَامثْ.
MIC 1:9 مَاغَارْ إِيزِّيمنْ نّسْ نقّنْ، مَاغَارْ [أَيَا] يُوسَا-د أَڒْ يَاهُوذَا، إِوسّعْ [ڒْحُوكْمْ] أَڒْ ثِيوُّورَا ن ڒْڭنْسْ إِنُو، أَڒْ ؤُرْشَالِيمْ.
MIC 1:10 وَارْ تّْبَارّْحمْ شَا مَانْ أَيَا ذِي جَاثْ، وَارْ ثتّْرُومْ، وَارْ خَاسْ نسِّيوِيڒْ. ذِي بَايْثْ-لِيئَافْرَا زُوزَّارغْ [أَ]شَاڒْ خْ يِيخفْ إِنُو.
MIC 1:11 عْذُو، شمْ ثنِّي إِزدّْغنْ ذِي شَافِيرْ، ذ أَعَارْيَانْ ؤُ س ڒحْيَا. ثنِّي إِزدّْغنْ ذِي صَانَانْ وَارْ ثفِّيغْ شَا. ثَاغُويِّيثْ ن وشْضَانْ ن بَايْثْ-هَا-إِطْصِيلْ ثكّسْ زَّايْومْ أَبذِّي نّسْ أَكِيذْومْ.
MIC 1:12 مَاغَارْ ثنِّي إِزدّْغنْ ذِي مَارُوثْ، ثتّقْنُونُّويْ غَارْ مَارَّا ثِيغمُّورَا ذِي طّْوعْ ن ڒْخَارْ، [مِينْزِي] أَقَا إِهْوَا-د ڒْغَارْ ن سِيذِي، أَڒْ ثَاوَّارْثْ ن ؤُرْشَالِيمْ.
MIC 1:13 حزّْممْ إِيْسَانْ ن ثَازْڒَا زَّاثْ إِ ؤُكَارُّو، [أَ شمْ]، ثنِّي إِزدّْغنْ ذِي لَاخِيشْ! نتَّاثْ ذ بطُّو ن دّنْبْ ن يدْجِيسْ ن صِيهْيُونْ، مَاغَارْ ذَايكْ تّْوَافنْ إِخطَّانْ ن إِسْرَائِيل.
MIC 1:14 س ؤُيَا أوْشْ أَرِّيغَالُوثنْ ن ؤُمْسبْضِي إِ مُورَاشَاثْ-جَاثْ! ثُوذْرِينْ ن أَكْزِيبْ أَذْ ذوْڒنْثْ ذ ڒْغشّْ إِ إِجدْجِيذنْ ن إِسْرَائِيل.
MIC 1:15 عَاوذْ نشّْ أَذْ أَمْ د-أَوْيغْ أَوْرِيثْ، [أَ شمْ] ثنِّي إِزدّْغنْ ذِي مَارِيشَا! أَعُودْجِي ن إِسْرَائِيل أَذْ د-يَاسْ أَڒْ غَارْ عَاذُولَّامْ.
MIC 1:16 أڭّْ إِخفْ نّمْ ذ ثَاقشَّارْثْ ؤُ حفّْ إِ إِخفْ نّمْ ذِي سِّيبّثْ ن إِحنْجِيرنْ نّمْ إِعِيزّنْ. أَرّْ ثَاقشَّارْثْ نّمْ ذ ثَامقّْرَانْثْ أَمشْنَاوْ أَڭِيذرْ، مِينْزِي تّْوَاوْينْ زَّايمْ غَارْ ثْمحْبَاسْثْ.“
MIC 2:1 ”ؤُشْثْ خْ يِينِّي إِتّْخمَّامنْ ذِي ڒْمُوعْصِييّثْ ؤُ [خْ يِينِّي] إِتّْخمَّامنْ ذِي ڒْغَارْ ذِي قَامَاثْ نْسنْ. غَارْ ثُوفُّوثْ أَذْ ث ڭّنْ، مَاغَارْ أَفُوسْ نْسنْ [ذَايسْ] أَطَّاسْ ن ثْزمَّارْ.
MIC 2:2 نِيثْنِي مّژْڒنْ ذڭْ إِيَّارنْ ؤُشَا تّْكشّْضنْ ثنْ عَاوذْ، ؤُڒَا ذ ثُوذْرِينْ، ؤُشَا تّطّْفنْ ثنْثْ. أَمُّو إِ ڭِّينْ نِيثْنِي س ڒخْشُونثْ إِ ورْيَازْ ؤُ إِ ثَادَّارْثْ نّسْ، [وَاهْ، إِ كُوڒْ] أَرْيَازْ ؤُ إِ ثسْغَارْثْ نّسْ.“
MIC 2:3 ”س ؤُيَا، أَمُّو إِ إِقَّارْ سِيذِي: خْزَارْ، نشّْ ثْونِّيغْ إِجّْ ن ڒْغَارْ خْ ڒَادْجْ-أَ، إِ زِي وَارْ ثْزمَّارمْ أَذْ ثْجبْذمْ إِرَاونْ نْومْ، ؤُ [إِ زِي] وَارْ ثْزمَّارنْ أَذْ ثُويُورمْ [عَاذْ] س ؤُعفَّارْ، مَاغَارْ [أَذْ ثِيڒِي] ذ إِشْثْ ن ڒْوقْثْ ثَاعفَّانْثْ.
MIC 2:4 ذڭْ وَاسّْ نِّي أَذْ خَاومْ سّْڭعّْذنْ إِجّْ ن لْمَاثَالْ ؤُ أَذْغنّْجنْ إِجّْ ن يژْرِي ن وشْضَانْ أَمْ تّْشثْشَانْ، ؤُ أَذْ إِنِينْ: نشِّينْ نتّْوَاردّدْجْ قَاعْ! نتَّا يَارَّا ثَاسْغَارْثْ ن ڒْڭنْسْ إِنُو [غَارْ ونّغْنِي.] مَامّشْ ت إِكْسِي زَّايِي؟ نتَّا إِوْشَا إِيَّارنْ نّغْ إِ ونِّي د-إِفّْغنْ زڭْ وبْرِيذْ!
MIC 2:5 س ؤُيَا وَارْ غَاركْ إِتِّيڒِي ؤُڒَا ذ إِجّنْ ونِّي إِ غَا إِنْضَارنْ أَفِيڒُو [ن ڒقْيَاسْ] عْلَاحْسَابْ ثَاقدُّوحْثْ ذڭْ وڭْرَاوْ [ن ڒْڭنْسْ] ن سِيذِي.“
MIC 2:6 ” ’وَارْ سُّوفُّوغمْ أَوَاڒْ [أَمُّو] س ؤُكُوفُّو!‘، [أَمُّو] إِ سَّاوَاڒنْ نِيثْنِي أَمْ سُّوفُّوغنْ كُوفُّو. ’خْ مَانْ أَيَا وَارْ زمَّارنْ نِيثْنِي أَذْ سُّوفّْغنْ أَوَاڒْ س ؤُكُوفُّو!‘ [أَمُّو] إِ غَا ثِيڒِي ڒفْضِيحثْ وَارْ ثتّْوَاكّسّْ!
MIC 2:7 [أَ كنِّيوْ،] ثَادَّارْثْ ن يَاعْقُوبْ، مَا إِزمَّارْ أَذْ إِتّْوَانَّا أَيَا؟ ’مَا إِجَّا شَا أَرُّوحْ ن سِيذِي وَارْ ث إِڭِّي؟‘ نِيغْ: ’مَا ثِينَا ذ ثِيمڭَّا نّسْ؟‘ مَا وَارْ تّڭّنْ وَاوَاڒنْ إِنُو ڒْخَارْ إِ يِينِّي إِڭُّورنْ س ثْسڭْذَا؟
MIC 2:8 [مَاشَا عَاذْ] إِذنَّاضْ إِكَّارْ ڒْڭنْسْ إِنُو أَمْ يِيجّْ ن ڒعْذُو. ثْقڒْعمْ أَرُّوضْ ذ ؤُپَارْثسُّو زڭْ إِمْسبْرِيذنْ إِقفْڒنْ إِ وَارْ ت إِتّْرِيجِينْ، إِنِّي إِتّْعِيفّنْ ؤُمنْغِي.
MIC 2:9 كنِّيوْ ثسُّوفُّوغمْ ثِيمْغَارِينْ ن ڒْڭنْسْ إِنُو زِي ثَادَّارْثْ نْسنْثْ إِعِيزّنْ. إِحنْجِيرنْ نّسْ ثكّْسمْ أَسنْ ثَالْوِيزْثْ إِنُو إِ ڒبْذَا.
MIC 2:10 كَّارمْ ؤُ أَڭّْوجمْ، مِينْزِي وَا وَارْ إِدْجِي ذ أَمْشَانْ ن أَرَّاحثْ! مَاغَارْ أَقَا [ثَامُّورْثْ] ثتّْوَاسّخْمجْ، أَذْ ثَاوِي أَردّدْجْ، [وَاهْ] إِجّْ ن نّْعِي ن ؤُردّدْجْ.
MIC 2:11 مَاڒَا شَا ن إِجّْ إِضفَّارْ أَسمِّيضْ، إِقَّارْ إِخَارِّيقنْ، [ؤُشَا إِقَّارْ:] ’نشّْ أَذْ أَشْ سُّوفّْغغْ أَوَاڒنْ س ؤُكُوفُّو ذِي طّْوعْ ن بِينُو ذ شّْرَابْ!‘ أَقَا نتَّا إِڭَّا [أَخْمِي نتَّا ذ أَنَابِي] ن ڒْڭنْسْ نِّي إِسُّوفُّوغنْ أَوَاڒنْ س ؤُكُوفُّو.“
MIC 2:12 ”س ثِيذتّْ، [أَ] يَاعْقُوبْ، نشّْ أَذْ شكْ كْسِيغْ [غَارِي] قَاعْ، نِيشَانْ نشّْ أَذْ سّْمُونغْ مِينْ إِقِّيمنْ زِي إِسْرَائِيل. أَذْ ثنْ سّْمُونغْ أَمْ وُودْجِي ن بُوصْرَا، أَمْ إِشْثْ ن ثْحِيمَارْثْ ذِي ڒْوسْطْ ن ثْركّْوَاسْثْ أَذْ ذِينْ يِيڒِي إِجّْ نْ  ؤُعُورِّيشْ ن إِوْذَانْ.
MIC 2:13 أَمْفدْجقْ أَذْ إِزْوَارْ زَّاثْ إِ وُوذمْ نْسنْ، نِيثْنِي أَذْ فدْجْقنْ ؤُ أَذْ عْذُونْ خْ ثوَّارْثْ، ؤُ أَذْ زَّايسْ د-فّْغنْ. أَجدْجِيذْ نْسنْ أَذْ إِزْوَارْ زَّاثْ إِ ؤُغمْبُوبْ نْسنْ، ؤُ سِيذِي غَارْ ؤُزدْجِيفْ نْسنْ.“
MIC 3:1 ”[خنِّي] نِّيغْ نشّْ: ’سْڒمْ، [أَ كنِّيوْ،] إِزدْجِيفنْ ن يَاعْقُوبْ، ؤُ [كنِّيوْ]، ڒْحُوكَّامْ ن ثَادَّارْثْ ن إِسْرَائِيل! مَا وَارْ إِتّْخصِّي إِ كنِّيوْ أَذْ ثسّْنمْ ثَاسْغَارْثْ؟
MIC 3:2 نِيثْنِي شَارّْهنْ مِينْ إِشْنَانْ ؤُ تّخْسنْ مِينْ إِدْجَانْ ذ أَعفَّانْ! نِيثْنِي كّْسنْ أَسنْ ثِيڒْمشْثْ ؤُڒَا ذ أَيْسُومْ خْ إِغْسَانْ نْسنْ.
MIC 3:3 [وَاهْ،] أَقَا أَثنْ ذ يِينِّي إِتّتّنْ أَيْسُومْ ن ڒْڭنْسْ إِنُو ؤُشَا كّْسنْ أَسنْ ثِيڒْمشْثْ ؤُشَا تَّارژَّانْ إِغْسَانْ نْسنْ. نِيثْنِي تّْبزَّاعنْ ثنْ أَمْ ذِي مَارْمِيثَا، أَمْ ويْسُومْ ذڭْ ؤُطنْجِيرْ.“
MIC 3:4 ”ڒخْذنِّي أَذْ سْغُوينْ غَارْ سِيذِي، [مَاشَا] وَارْ خَاسنْ د-إِتَّارِّي. أَذْ خَاسنْ إِفَّارْ ؤُذمْ نّسْ ذِي ڒْوقْثْ نِّي، زِي سِّيبّثْ ن ڒْغَارْ إِ إِڭِّينْ.“
MIC 3:5 ”أَمُّو إِ إِقَّارْ سِيذِي إِ إِنَابِييّنْ إِنِّي إِتّْغَارَّانْ ڒْڭنْسْ إِنُو، إِنِّي ؤُمِي غَارْسنْ عَاذْ مِينْ ذِي إِ غَا إِزعْفنْ س ثغْمَاسْ نْسنْ، أَذْ ڒَاغَانْ ’ڒهْنَا!‘، [مَاشَا] ضِيدّْ ن ونِّي وَارْ ذ أَسنْ إِتّڭّْ وَالُو ذڭْ ؤُقمُّومْ نْسنْ، أَذْ خَاسْ قدّْسنْ إِجّْ ن ؤُمنْغِي.
MIC 3:6 س ؤُيَا أَذْ خَاومْ د-ثوْضَا دْجِيڒثْ، بْڒَا ڒوْحِييْ، ؤُ [أَذْ] خَاومْ [د-إِوْضَا] ثَادْجسْثْ بْڒَا ثَاڭزَّانْثْ. أَذْ ثغْڒِي ثْفُوشْثْ خْ إِنَابِييّنْ ؤُ أَذْ إِبَّارْشنْ وَاسّْ ثِيوَا نْسنْ.
MIC 3:7 إِمْوَاڒَاونْ أَذْ سضْحَانْ، ؤُ إِڭزَّاننْ أَذْ ذوْڒنْ زوْغْونْ س ڒحْيَا، ؤُ نِيثْنِي مَارَّا أَذْ ڒحّْفنْ أَشْڒَاغمْ غَارْ ؤُينْشِيشْ، مِينْزِي ثْوَارِّيثْ ن أَربِّي وَارْ د-ثتِّيسْ شَا.
MIC 3:8 مَاشَا نشّْ شُّورغْ س جّهْذْ ن أَرُّوحْ ن سِيذِي، ؤُ س ڒْحقّْ ذ ثرْيَاسْثْ، حِيمَا أَذْ بَارّْحغْ إِ يَاعْقُوبْ خْ ؤُخطُّو نّسْ ؤُ إِ إِسْرَائِيل خْ دّنْبْ نّسْ.“
MIC 3:9 ”سْڒمْ خنِّي غَارْ مَانْ أَيَا، [أَ] إِزدْجِيفنْ ن ثَادَّارْثْ ن يَاعْقُوبْ ؤُ كنِّيوْ إِمقّْرَاننْ ن ثَادَّارْثْ ن إِسْرَائِيل، إِنِّي إِشَارّْهنْ ڒْحقّْ، ؤُ سّْفَارَّاغنْ مَارَّا مِينْ إِدْجَانْ إِسڭّمْ،
MIC 3:10 إِنِّي إِبنَّانْ صِيهْيُونْ س إِذَامّنْ، ؤُ ؤُرْشَالِيمْ س ڒْغشّْ.
MIC 3:11 إِزدْجِيفنْ نّسْ تّْضبَّارَانْ دّْعَاوِي إِ أَرّشْوثْ، إِكهَّاننْ نّسْ سّڒْمَاذنْ س ڒْمُونثْ، ؤُ إِكهَّاننْ نّسْ تّْڭزَّاننْ س ثْمنْيَاثْ. أَقَا نِيثْنِي تّْشَاڒنْ خْ سِيذِي خْمِي قَّارنْ: ’مَا وَارْ إِدْجِي سِيذِي ذِي ڒْوسْثْ نّغْ؟ وَارْ ذ أَنغْ إِڒقّفْ ڒْغَارْ.‘
MIC 3:12 س ؤُيَا، أَقَا-ت زَّايْومْ، أَقَا أَذْ شَارْزنْ صِيهْيُونْ أَمْ يِيجّْ ن ييَّارْ، أَذْ ثذْوڒْ [ثنْذِينْثْ ن] ؤُرْشَالِيمْ ذ إِشْثْ نْ ڒْخَارْبثْ، ؤُ أَذْرَارْ ن ثَادَّارْثْ ذ ڒڭْعُوذِي ن وزْغَارْ.“
MIC 4:1 ”ذڭْ ؤُنڭَّارْ ن وُوسَّانْ أَذْ إِمْسَارْ، أَقَا أَذْرَارْ ن ثَادَّارْثْ ن سِيذِي أَذْ إِبدّْ إِمْثنْ خْ ثْقِيشّثْ ن إِذُورَارْ. أَذْ يِيڒِي يُوعْڒَا خْ ثوْرِيرِينْ، ؤُشَا ڒڭْنُوسْ أَذْ غَارسْ د-أَزّْڒنْ.
MIC 4:2 أَطَّاسْ ن ڒڭْنُوسْ أَذْ ڭعّْذنْ، أَذْ إِنِينْ: ”جّمْ أَنغْ أَذْ نْڭعّذْ غَارْ وذْرَارْ ن سِيذِي ؤُ غَارْ ثَادَّارْثْ ن أَربِّي ن يَاعْقُوبْ، حِيمَا أَذْ أَنغْ إِسّڒْمذْ زڭْ إِبْرِيذنْ نّسْ، أَذْ نُويُورْ نشِّينْ ذڭْ إِمسْرَاقْ نّسْ، مِينْزِي زِي صِيهْيُونْ أَذْ د-ثفّغْ شَّارِيعَا ؤُ أَوَاڒْ ن سِيذِي زِي ؤُرْشَالِيمْ.
MIC 4:3 نتَّا أَذْ إِشَارّعْ جَارْ ڒڭْنُوسْ إِمْغَارنْ ؤُ أَذْ إِسڭّمْ ڒڭْنُوسْ نِّي غَارْ إِدْجَا ثِيزمَّارْ ثِيمقّْرَانِينْ، عَاذْ ؤُڒَا ذ [ڒڭْنُوسْ] إِڭّْوجنْ. نِيثْنِي أَذْ ڭّنْ ڒسْيُوفْ نْسنْ ذ دُّوزَانْ ؤُ فْڒِيثْشَاثْ نْسنْ ذ ڒمْوَاسْ ن وزْبَارْ. وَارْ إِسّْڭِيعِّيذْ ؤُڒَا ذ إِجّْ ن ڒْڭنْسْ عَاذْ سِّيفْ خْ ونّغْنِي، ؤُ نِيثْنِي وَارْ ڒمّْذنْ [عَاذْ] أَمنْغِي.
MIC 4:4 نِيثْنِي أَذْ قِّيمنْ، كُوڒْ إِجّْ سَاذُو ثْزَايَارْثْ نّسْ ؤُ سَاذُو وَارْثُو ن ثَازَارْثْ نّسْ، ؤُشَا ؤُڒَا ذ إِجّنْ أَذْ [ثنْ] إِسّْنخْڒعْ، مَاغَارْ أَقمُّومْ ن سِيذِي ن ڒْعسْكَارَاثْ أَقَا إِنَّا ث.“
MIC 4:5 ”مِينْزِي مَارَّا ڒڭْنُوسْ أَذْ ؤُيُورنْ، كُوڒْ إِجّْ [زَّايْسنْ] ذڭْ يِيسمْ ن أَربِّي نّسْ، مَاشَا نشِّينْ أَذْ نُويُورْ ذڭْ يِيسمْ ن سِيذِي، أَربِّي نّغْ، إِ ڒبْذَا قَاعْ.“
MIC 4:6 ”ذڭْ وَاسّْ نِّي، إِقَّارْ سِيذِي، نشّْ أَذْ يَارْوغْ مِينْ إِقجْذْحنْ، ؤُ أَذْ [غَارِي] سّْمُونغْ مِينْ خْ ؤُزّْڒنْ، ؤُ وِي ذِي ڭِّيغْ نشّْ ڒْغَارْ.
MIC 4:7 مِينْ إِقجْذْحنْ أَذْ ث ڭّغْ ذ ڒْبَاقِي، ؤُڒَا مِينْ إِتّْوَاعَارّْننْ غَارْ ڒَاڭّْوَاجْ، [أَذْ ث ڭّغْ] ذ إِجّْ ن ڒْڭنْسْ س ثْزمَّارْ ذ ثَامقّْرَانْثْ، ؤُشَا سِيذِي أَذْ خَاسنْ يِيڒِي ذ أَجدْجِيذْ خْ وذْرَارْ ن صِيهْيُونْ، زِي ڒخُّو أَڒْ ڒبْذَا.
MIC 4:8 إِ شمْ، مِيڭْذَالْ-عِيذْرْ، [أَ شمْ،] ثَاوْرِيرْثْ ن يدْجِيسْ ن صِيهْيُونْ! أَذْ غَارمْ د-ثَاسْ، [وَاهْ،] أَذْ [غَارمْ] د-ثَاسْ ڒحْكَامثْ ثنِّي [إِ ثُوغَا إِدْجَانْ] ذڭْ ؤُمزْوَارُو، ثَاڭلْذِيثْ ن يدْجِيسْ ن ؤُرْشَالِيمْ.“
MIC 4:9 ”ڒخُّو [مَاشَا]، مَايمِّي ثسْغُويُّوذْ [أَمُّو] س جّهْذْ؟ مَا وَارْ غَارمْ إِدْجِي ؤُجدْجِيذْ؟ مَا إِتّْوَاهلّكْ ؤُمْشَاوَارْ نّمْ، أَقَا إِطّفْ إِ شمْ ڒحْرِيقْ أَمْ ن يِيشْثْ ن ثمْغَارْثْ إِتَّارْونْ؟
MIC 4:10 غْنسْ ؤُ ثْعبّْزذْ، [أَ شمْ،] يدْجِيسْ ن صِيهْيُونْ، أَمْ إِشْثْ ن ثمْغَارْثْ إِتَّارْونْ. مَاغَارْ [وَاخَّا] ڒخُّو أَذْ ثفّْغذْ زِي ثنْذِينْثْ، أَذْ ثْزذْغذْ ذڭْ إِيَّارْ، ؤُشَا أَذْ د-ثَاسذْ أَڒْ بَابِيلْ. [مَاشَا] ذِينْ أَذْ ثْنجْمذْ، ذِينِّي أَذْ شمْ إِفكّْ سِيذِي زڭْ ؤُفُوسْ ن ڒْعذْيَانْ نّمْ.“
MIC 4:11 ڒخُّو [مَاشَا] مُوننْ خَاكْ أَطَّاسْ نْ ڒڭْنُوسْ. نِيثْنِي قَّارنْ: ’نتَّاثْ أَذْ ثتّْوَاعَارَّا!‘ ثِيطَّاوِينْ نّغْ أَذْ ژَترنْثْ صِيهْيُونْ.
MIC 4:12 نِيثْنِي وَارْ سِّيننْ إِنْوَاينْ ن سِيذِي، ؤُ وَارْ فهّْمنْ شَا شّْوَارْ نّسْ! مَاغَارْ نتَّا إِكْسِي ثنْ [غَارسْ] أَمْ ثْقبِّيضِينْ ن إِمنْذِي ذڭْ ؤُنذْرَارْ.“
MIC 4:13 ”كَّارْ، ثسَّاروْثذْ، [أَ شمْ،] يدْجِيسْ ن صِيهْيُونْ، مَاغَارْ نشّْ أَذْ أَرّغْ يِيشّْ نّمْ ذ ؤُزَّاڒْ، ؤُ أَذْ أَمْ ڭّغْ ثِيشضْيِينْ نّمْ زِي نّْحَاسْ، ؤُ شمْ أَذْ ثْڒبْزذْ أَطَّاسْ ن ڒڭْنُوسْ ؤُ نشّْ أَذْ حَارّْمغْ ثَاكشَّاضْثْ نْسنْ مَارَّا إِ سِيذِي، ؤُڒَا ذ أَڭْڒَا نْسنْ إِ سِيذِي ن مَارَّا ثَامُّورْثْ.
MIC 4:14 [خنِّي] ڒخُّو، ڒحْممْ إِجّنْ غَارْ ونّغْنِي، [أَ شمْ] يدْجِيسْ ن إِشْثْ ن بَانْذِييَّا [ن إِخوَّاننْ]! نتَّا إِحصَّارْ أَنغْ. نِيثْنِي أَذْ شَّاثنْ ڒْقَاضِي ن إِسْرَائِيل خْ ؤُقَابْسِي س إِجّْ ن وعْمُوذْ.“
MIC 5:1 ”ؤُ شكْ، بَايْثْ-لَاحْمْ إِفْرَاثَا، [وَاخَّا] شكْ ذ أَمژْيَانْ أَڒَامِي [وَارْ ثْزمَّارذْ] أَذْ ثِيڒِيذْ جَارْ ڒُوڒُوفْ ن يَاهُوذَا، أَقَا زَّايكْ إِ د غَا إِفّغْ نتَّا إِ نشّْ، مَاحنْذْ أَذْ يِيڒِي ذ ڒْحَاكمْ خْ إِسْرَائِيل. أَبَانِي نّسْ أَقَا-ث زِي مشْحَاڒْ ؤُيَا، زڭْ وُوسَّانْ ن ڒبْذَا.
MIC 5:2 س ؤُيَا نتَّا أَذْ ثنْ إِسلّمْ أَڒْ ڒْوقْثْ نِّي، أَقَا ثنِّي إِ غَا يَارْونْ، أَقَا ثُورُووْ-د. خنِّي أَذْ د-إِذْوڒْ ڒْبَاقِي ن يَايْثْمَاسْ، [جْمِيعْ] أَكْ-ذ أَيْثْ ن إِسْرَائِيل.
MIC 5:3 نتَّا أَذْ إِبدّْ [ذِينِّي] ؤُشَا أَذْ يَارْوسْ ذِي جّهْذْ ن سِيذِي، ذِي ڒُوعْڒَا ن يِيسمْ ن سِيذِي، أَربِّي نّسْ. نِيثْنِي أَذْ زذْغنْ [ذِينِّي]، مَاغَارْ نتَّا أَذْ يِيڒِي ذ أَمقّْرَانْ أَڒْ إِنڭُّورَا ن ثمُّورْثْ.
MIC 5:4 وَانِيثَا أَذْ يِيڒِي ذ ڒهْنَا.“ ”خْمِي د غَا يَاسْ أَشُّورْ غَارْ ثمُّورْثْ نّغْ، ؤُ خْمِي د غَا يَاذفْ غَارْ ڒقْصُورْ نّغْ، خنِّي أَذْ أَسْ نسّڒْقَا سبْعَا ن إِمكْسَاونْ ذ ثْمنْيَا ن أَيْثْ ن جّهْذْ زِي مِيدّنْ.
MIC 5:5 نِيثْنِي أَذْ حْضَانْ خْ ثمُّورْثْ ن أَشُّورْ س سِّيفْ ؤُ ثَامُّورْثْ ن نِيمْرُوذْ ذِي ثوُّورَا نّسْ. [أَمُّو] نتَّا أَذْ أَنغْ إِسّنْجمْ زڭْ [ؤُفُوسْ] ن أَشُّورْ، خْمِي د غَا يَاسْ وَانِيثَا غَارْ ثمُّورْثْ نّغْ ؤُ خْمِي د غَا يَاذفْ غَارْ وُوذمْ ن ثمُّورْثْ نّغْ.“
MIC 5:6 ”ڒْبَاقِي ن يَاعْقُوبْ أَذْ يِيڒِي ذِي ڒْوسْطْ ن ڒڭْنُوسْ أَمشْنَاوْ نّْذَا ن سِيذِي، أَمشْنَاوْ ثِيدُّومِينْ خْ وفْسُو [أَزِيزَا،] ونِّي وَارْ إِخزَّارنْ غَارْ ؤُڒَا ذ إِجّْ ن ورْيَازْ ؤُ وَارْ إِتّْرِيجِينْ ثَارْوَا ن بْنَاذمْ.
MIC 5:7 ڒْبَاقِي ن يَاعْقُوبْ أَذْ يِيڒِي جَارْ ڒڭْنُوسْ، ذِي ڒْوسْطْ نْ ڒڭْنُوسْ، أَمشْنَاوْ أَيْرَاذْ جَارْ ڒْمَاڒْ ن يزْغَارْ، أَمشْنَاوْ أَيْرَاذْ ذ أَمژْيَانْ جَارْ ثْحِيمْرِيوِينْ ن وُودْجِي، ونِّي، خْمِي غَا إِعْذُو، إِعفّسْ ؤُ إِتّْشَارَّاڭْ ؤُشَا وَارْ ذِينْ ؤُڒَا ذ إِجّْ إِ غَا إِفكّنْ.
MIC 5:8 أَفُوسْ نّشْ أَذْ يِيڒِي إِتّْوَاسّْڭعّذْ سنّجْ إِ يِينِّي إِ شكْ إِحصَّارنْ، ؤُشَا مَارَّا ڒْعذْيَانْ نّشْ أَذْ تّْوَامْحَانْ.“
MIC 5:9 ”أَذْ إِمْسَارْ ذڭْ وَاسّْ نِّي، [أَمُّو إِ] إِقَّارْ سِيذِي، أَقَا نشّْ أَذْ ثحِّيغْ إِيْسَانْ نّشْ زِي ڒْوسْطْ نّشْ ؤُ أَذْ سّْهلّْكغْ إِكَارُّوثنْ نّشْ.
MIC 5:10 أَذْ مْحِيغْ ثِيندَّامْ زِي ثمُّورْثْ نّشْ، أَذْ هذْمغْ مَارَّا لْقلْعَاثْ نّشْ.
MIC 5:11 نشّْ أَذْ قضْعغْ ثَاسحَّارْثْ نّشْ زڭْ ؤُفُوسْ نّمْ ؤُ وَارْ غَاركْ تِّيڒِينْ عَاذْ إِبزْڭَاونْ.
MIC 5:12 ڒخْيَاڒَاثْ نّمْ إِنقْشنْ ذ إِمَايْضُوثنْ نّشْ [إِقدّْسنْ] أَذْ [ثنْ] مْحِيغْ زِي ڒْوسْثْ نّشْ، حِيمَا وَارْ ثتّْبنْذَاقذْ عَاذْ إِ ڒْخذْمثْ ن إِفَاسّنْ نّشْ.
MIC 5:13 ؤُ ثِيربِّينْ نّشْ ن شْوَارْثِي أَذْ ثنْثْ ثحِّيغْ زِي ڒْوسْطْ نّشْ. [مَاشَا] أَذْ هذْمغْ ڒْعذْيَانْ نّشْ
MIC 5:14 ؤُشَا أَذْ نْثَاقْمغْ س وغْضَابْ ؤُ س وسْعَارْ خْ ڒڭْنُوسْ نِّي وَارْ [إِتّخْسنْ] أَذْ سْڒنْ.“
MIC 6:1 ”سْڒمْ خنِّي مِينْ إِقَّارْ سِيذِي: كَّارْ، شَارّعْ زَّاثْ إِ وُوذمْ ن إِذُورَارْ، ؤُ أجّْ ثِيوْرِيرِينْ أَذْ سْڒنْثْ إِ ثْمِيجَّا نّشْ!
MIC 6:2 سْڒمْ، [أَ] إِذُورَارْ، إِ دّعْوثْ ن سِيذِي، [ؤُڒَا ذ كنِّيوْ]، ذْسُوسَا إِمثْننْ ن ثمُّورْثْ، مِينْزِي سِيذِي غَارسْ إِشْثْ ن دّعْوثْ أَكْ-ذ ڒْڭنْسْ نّسْ نتَّا إِڭُّورْ غَارْ ثَادَّارْثْ ن شّْرعْ أَكْ-ذ إِسْرَائِيل.“
MIC 6:3 ”[أَ] ڒْڭنْسْ إِنُو، مِينْ ذ أَشْ ڭِّيغْ، ؤُ س مَانْثنْ إِ زِي شكْ سِّيحْڒغْ؟ شهّذْ ضِيدّْ إِنُو!
MIC 6:4 نشّْ نذْهغْ شكْ زِي ثمُّورْثْ ن مِيصْرَا، زِي ثَادَّارْثْ ن ثسْمُوغِي. نشّْ سّكّغْ-د مُوسَا ذ هَارُونْ ذ مَارْيَامْ زَّاثْ إِ ؤُغمْبُوبْ نّشْ.
MIC 6:5 [أَ] ڒْڭنْسْ إِنُو، فكَّارْ مْلِيحْ ذِي [ڒْغَارْ] إِ [ثُوغَا] إِنكّْوَا أَذْ يڭّْ بَالَاكْ، أَجدْجِيذْ ن مُوآبَ، ؤُ ذِي مِينْ خَاسْ د-يَارَّا بِيلْعَامْ، مِّيسْ ن بَاعُورْ [ؤُ ذِي مِينْ إِمْسَارنْ] زِي شِيطِّيمْ أَڒْ جِيلْجَالْ، حِيمَا أَذْ ثسّْنذْ ثِيمڭَّا إِسڭّْذنْ ن سِيذِي.“
MIC 6:6 ”س مِينْ زِي غَا رَاحغْ أَذْ مّڒْقِيغْ أَكْ-ذ سِيذِي، أَذْ أَضَارغْ زَّاثْ إِ أَربِّي يُوعْڒَانْ؟ مَا أَذْ رَاحغْ أَذْ ث مّڒْقِيغْ س ثْغَارْصَا ن وشْمَاضْ، نِيغْ س إِعجْمِييّنْ ن إِجّْ ن ؤُسڭّْوَاسْ؟
MIC 6:7 مَا أَذْ يَارْضَا سِيذِي س ڒُوڒُوفْ ن إِشَارِّييّنْ، سعشْرَا ن ڒُوڒُوفْ ن ثْغزْرَاثِينْ ن زّشْثْ؟ مَا أَذْ وْشغْ أَمنْزُو إِنُو إِ ؤُخطُّو إِنُو، ڒْْغِيدْجثْ ن ؤُعذِّيسْ إِنُو إِ دّْنُوبْ ن ڒعْمَارْ إِنُو؟
MIC 6:8 نتَّا إِسَّارْڭبْ إِ شكْ، [أَ] بْنَاذمْ، مِينْ إِشْنَانْ، ؤُ مِينْ زَّايكْ إِتّتَّارْ سِيذِي، أَقَا أَذْ ثڭّذْ ڒْخَارْ، أَذْ ثخْسذْ ثَامخْسِيوْثْ إِشوَّارنْ، ؤُ أَذْ ثُويُورذْ أَكْ-ذ أَربِّي نّشْ س ؤُوَاضعْ!“
MIC 6:9 ”ثْمِيجَّا ن سِيذِي ثتّْڒَاغَا إِ ثنْذِينْثْ. إِسمْ نّشْ إِتَّاوِي-د ؤُفكِّي. سْڒمْ إِ وعْمُوذْ ؤُ غَارْ ونِّي ث-إِ-د إِسّكّنْ!
MIC 6:10 مَا ذِينْ عَاذْ ڒخْزِينْ شُّورنْ س ڒْغَارْ ذِي ثَادَّارْثْ ن ؤُعفَّانْ ؤُڒَا ذ إِجّْ ن نّْعِي ن [ڒْمُوذْ ن] إِفَا إِنْقصْ؟
MIC 6:11 مَا إِزمَّارْ أَذْ إِڒِيغْ ذ أَمزْذَاڭْ س ڒْمِيزَانَاثْ ن ڒْغَارْ، ؤُ س يِيشْثْ ن ثشْيَارْثْ [ثشُّورْ] س ڒوْزْنَاثْ إِغشّنْ؟
MIC 6:12 أَيْثْ بُو-وَاڭْڒَا نّسْ أَقَا شُّورنْ س لْعُونْفْ، ؤُڒَا ذ إِمزْذَاغْ نّسْ قَّارنْ إِخَارِّيقنْ ؤُ إِڒسْ نْسنْ أَقَا إِتّْغشَّا ذڭْ ؤُقمُّومْ نْسنْ.“
MIC 6:13 ”خنِّي نشّْ أَقَا جَارْحغْ شمْ س ثيِّيثَا، أَقَا ثتّْوَاردّْدْجذْ زِي سِّيبّثْ ن دّْنُوبْ نّمْ.
MIC 6:14 أَذْ ثشّذْ، [مَاشَا] وَارْ ثتّْجِيوِينذْ، ؤُ أَذْ ذَايمْ يِيڒِي ڒَاژْ ذِي ذَاخڒْ نّمْ. أَذْ ثفّْغذْ، [مَاشَا] وَارْ ثْنجّْمذْ، ؤُ مِينْ إِنجْمنْ، أَذْ ث سّعْذُوغْ إِ سِّيفْ.
MIC 6:15 ڭُّورْ أَذْ ثْزَارْعذْ، [مَاشَا] وَارْ ثْمجَّارذْ، أَذْ ثدّْزذْ أَژمُّورْ، [مَاشَا] وَارْ ثْذهّْنذْ إِخفْ نّمْ س زّشْثْ [أَذْ ثْژمّذْ] ؤُڒَا ذ بِينُو ن جْذِيذْ [زڭْ ؤُضِيڒْ]، [مَاشَا] وَارْ ثسّسّذْ بِينُو.
MIC 6:16 [مَاغَارْ] ڒْڭنْسْ إِحطَّانْ ثِيوصَّا ن عُومْرِي ؤُ مَارَّا ثِيمڭَّا [ثِيعفَّانِينْ] ن ثَادَّارْثْ ن أَخَابْ، ؤُ كنِّيوْ ثْضفَّارمْ ڒشْوَارْ نْسنْ، أَڒَامِي شمْ إِ غَا يَارّغْ ذ [إِشْثْ ن ڒْقشْعثْ ن] ؤُنخْڒِيعْ ؤُڒَا ذ إِمزْذَاغْ نّسْ إِ ؤُسمْژِي. [أَمُّو] إِ غَا ثَارْبُومْ ڒْحڭْرَا ن ڒْڭنْسْ إِنُو.“
MIC 7:1 ”ؤُشْثْ إِنُو، مَاغَارْ أَقَا أَيِي غَارِي أَمشْنَاوْ غَارْ ثْميْرَا ن ثِينِي ن ؤُنبْذُو، أَمشْنَاوْ غَارْ ثْوَاڒَا وِيسّْ ثْنَاينْ ن وڒْقَاضْ ن ؤُضِيڒْ: وَارْ ذِينْ ؤُڒَا ذ إِجّْ ن ؤُزكُّونْ ن ؤُضِيڒْ إِ مَاشَّا، وَارْ ذِينْ إِدْجِي ؤُڒَا ذ إِجّْ ن ڒْبَاشُورْ قْبڒْ ڒْوقْثْ إِ ذَايسْ مژْرِي ڒعْمَارْ إِنُو.
MIC 7:2 أَمدُّوكَّاڒْ إِ ذَايسْ ثَامخْسِيوْثْ إِشوَّارنْ وَارْ إِقِّيمْ ذِي ثمُّورْثْ، ؤُشَا وَارْ ذِينْ ؤُڒَا ذ إِجّْ ن ؤُصبْحَانْ جَارْ إِوْذَانْ. نِيثْنِي مَارَّا تّْحَامَانْ خْ إِذَامّنْ، إِجّنْ إِيمَّارْ ونّغْنِي س ثْرَاشَّا.
MIC 7:3 إِفَاسّنْ نْسنْ وجْذنْ س ثْنَاينْ مَاحنْذْ أَذْ ڭّنْ ڒْغَارْ. ڒْحَاكمْ إِتَّارْ ؤُ ڒْقَاضِي [إِتّڭّْ إِ-ت] ذِي طّْوعْ ن ؤُخدْجصْ، ؤُ ونِّي أَمقّْرَانْ إِسَّاوَاڒْ [عْلَاحْسَابْ] مژْرِي [أَعفَّانْ] ن ڒعْمَارْ نّسْ ؤُ [أَمُّو] إِ سّْفَارْغنْ نِيثْنِي ثَامسْڒَاشْثْ.
MIC 7:4 ونِّي زَّايْسنْ ذ أَصبْحَانْ أَطَّاسْ [أَقَا-ث] أَمْ يِيجّْ ن شْبَارْقْ ن إِسنَّاننْ، ونِّي ذ أَصْذِيقْ ن وُوڒْ قَاعْ [زَّايْسنْ] [أَقَا-ث] مَاهُو خْ إِجّْ ن وفْرَايْ ن شْبَارْقْ أَكْ-ذ إِسنَّاننْ. أَسّْ ن إِعسَّاسنْ نّشْ، [أَسّْ ن] ؤُخدْجصْ، يُوسَا-د. ڒخُّو أَذْ نْخڒْعنْ.“
MIC 7:5 ”وَارْ ثُومِينذْ ذڭْ إِجّْ ن ؤُمدُّوكّڒْ، وَارْ ثتّشْڒذْ خْ ؤُمدُّوكّڒْ [نّشْ] إِعِيزّنْ. حْضَا ثِيوُّورَا ن ؤُقمُّومْ نّشْ زِي ثنِّي إِدْجَانْ غَارْ وحْسِينْ نّشْ.
MIC 7:6 مَاغَارْ مِّيسْ إِسّحْقَارَا بَابَاسْ، يدْجِيسْ ثتّْضَادَّا يمَّاسْ، ثَاسْڒِيثْ خْ لَالَّاسْ، ڒْْعذْيَانْ ن إِجّْ ن ورْيَازْ أَقَا ذ أَيْثْبَابْ ن ثَادَّارْثْ نّسْ.“
MIC 7:7 ”[مَاشَا] نشّْ أَذْ خْزَارغْ غَارْ سِيذِي، أَذْ رَاجِيغْ أَربِّي ن ؤُسنْجمْ إِنُو. أَربِّي إِنُو أَذْ غَارِي د-إِسڒْ.“
MIC 7:8 ”وَارْ ذ أَيِي سْفَارّحْ، [أَ شمْ] ثَامْغَارْثْ نِّي ذ ڒعْذُو إِنُو! مَاغَارْ مَاڒَا وْضِيغْ، أَذْ كَّارغْ عَاوذْ، مَاڒَا قِّيمغْ ذِي ثَادْجسْثْ، أَذْ يِيڒِي سِيذِي ذ ثَافَاوْثْ إِ نشّْ.
MIC 7:9 نشّْ أَذْ كْسِيغْ أَسْخضْ ن سِيذِي، مِينْزِي نشّْ خْضِيغْ أَكِيذسْ، أَڒْ خَافِي إِ غَا إِوّثْ نتَّا خْ دّعْوثْ إِنُو ؤُ أَذْ أَيِي يَاغْ ثَاسْغَارْثْ إِنُو. نتَّا أَذْ أَيِي إِسُّوفّغْ غَارْ ثْفَاوْثْ، نشّْ أَذْ ژَترغْ ثَاسڭْذَا نّسْ.
MIC 7:10 ثَامْغَارْثْ ثنِّي ذ ڒعْذُو إِنُو أَذْ ثْژَارْ أَيَا. مْڒِي ذ أَسْ إِ غَا ثْذڒْ ڒحْيَا إِ ثنِّي ذ أَيِي إِقَّارنْ: ’مَانِي إِدْجَا سِيذِي، أَربِّي نّشْ؟‘ ثِيطَّاوِينْ إِنُو أَذْ غَارسْ خْزَارنْثْ! ڒخُّو أَذْ ثتّْوَادّزْ نتَّاثْ، أَمْ ؤُبدْجَاعْ ذِي زّْنَاقِي.“
MIC 7:11 ”ذڭْ وَاسّْ إِ ذِي إِ غَا إِبْنَا نتَّا ڒحْيُوضْ نّشْ عَاوذْ، ذڭْ وَاسّْ نِّي أَذْ إِرَاحْ ڒْحقّْ غَارْ ڒَاڭّْوَاجْ أَطَّاسْ.
MIC 7:12 ذڭْ وَاسّْ نِّي أَذْ د-أَسنْ، زِي أَشُّورْ ذ ثْندَّامْ ن مِيصْرَا، ؤُ زِي مِيصْرَا أَڒْ إِغْزَارْ [ن لْفُورَاطْ]، ؤُ زِي ڒبْحَارْ أَڒْ ڒبْحَارْ ؤُ زڭْ وذْرَارْ أَڒْ وذْرَارْ [نّغْنِي.]
MIC 7:13 [مَاشَا] دُّونشْثْ أَذْ ثذْوڒْ إِشْثْ ن ثمُّورْثْ إِتّْوَاردّْدْجنْ، زِي سِّيبّثْ ن إِمزْذَاغْ نّسْ، زِي سِّيبّثْ ن ڒْغِيدْجثْ ن ثْمڭَّا نْسنْ.“
MIC 7:14 ”أَرْوسْ ڒْڭنْسْ نّشْ س ثغَّارْشْثْ نّشْ، ؤُدْجِي ن ثسْغَارْثْ نّشْ، ثنِّي إِدْجَانْ وحّْذسْ ذڭْ وزْغَارْ، ذِي ڒْوسْطْ ن كَارْمِيلْ. أجّْ إِ-ثنْثْ أَذْ أَروْسنْ ذِي بَاشَانْ ذ جِيلْعَاذْ، أَمْ ذڭْ وُوسَّانْ ن وشْحَاڒْ ؤُيَا.
MIC 7:15 نشّْ أَذْ أَسْ سّشّْنغْ لْمُوعْجِيزَاثْ، أَمْ ذڭْ وُوسَّانْ ڒَْامِي د-ثفّْغذْ زِي ثمُّورْثْ ن مِيصْرَا.
MIC 7:16 ڒڭْنُوسْ أَذْ ث ثْوَاڒِينْ، أَذْ سضْحَانْ زِي سِّيبّثْ ن مَارَّا ثِيزمَّارْ نْسنْ، نِيثْنِي أَذْ سَّارْسنْ أَفُوسْ خْ ؤُقمُّومْ، إِمزُّوغنْ نْسنْ أَذْ دُّوهْشَارنْ.
MIC 7:17 نِيثْنِي أَذْ ڒسْحنْ ثَاعجَّاجْثْ أَمْ ؤُفِيغَارْ، أَذْ د-فّْغنْ زِي لْبُورْجَاثْ نْسنْ أَمْ إِمُودَّارْ ن ثمُّورْثْ إِتّْبُوعنْ. أَذْ د-أَسنْ تَّارْجِيجنْ غَارْ سِيذِي، أَربِّي نّغْ، ؤُ أَذْ زَّايكْ ڭّْوذنْ.“
MIC 7:18 ”مَانْ ونْ إِدْجَانْ ذ أَربِّي أَمْ شكْ، ونِّي إِغفَّارنْ ڒْمُوعْصِييّثْ، ونِّي إِعدُّونْ خْ ؤُخطُّو ن مِينْ إِقِّيمنْ زِي ثسْغَارْثْ نّسْ؟ نتَّا وَارْ إِمنّعْ إِ ڒبْذَا ذڭْ وغْضَابْ نّسْ، مَاغَارْ يَارْضَا أَسْ ثَامخْسِيوْثْ إِشوَّارنْ.
MIC 7:19 نتَّا أَذْ خَانغْ يَارْحمْ عَاوذْ، نتَّا أَذْ إِعْفسْ خْ ڒْمُوعْصِييّثْ نّغْ، [وَاهْ]، شكْ أَذْ ثنْضَارذْ مَارَّا دّْنُوبْ نْسنْ ذِي ڒَادْجَاغْ ن ڒبْحَارْ.
MIC 7:20 إِڒِي شكْ أَذْ ثسّشْنذْ ڒَامَانْ إِ يَاعْقُوبْ [ؤُ] ثَامخْسِيوْثْ إِشوَّارنْ إِ إِبْرَاهِيمْ، أَمْ مَامّشْ ثجُّودْجذْ إِ ڒجْذُوذْ نّغْ زڭْ وُوسَّانْ ن مشْحَاڒْ ؤُيَا.“
NAH 1:1 ڒْحُوكْمْ إِسَّاڭّْوَاذنْ خْ نِينْوَا. أَذْلِيسْ ن ڒوْحِييْ ن نَاحُومْ، أَلْقُوشِي.
NAH 1:2 أَلِيفْ. - أَربِّي إِتَّاسْمنْ ؤُ سِيذِي إِنْثَاقَامْ، سِيذِي ذ أَنقَّامْ ؤُ نتَّا ذ بَابْ ن وسْعَارْ. سِيذِي ذ أَنقَّامْ إِ ڒْعذْيَانْ نّسْ، نتَّا إِڭَّا ڒْعذْيَانْ جَارْ ثِيطَّاوِينْ نّسْ.
NAH 1:3 سِيذِي غَارسْ تَّاسِيعْ ن ڒْخَاضَارْ ؤُ جّهْذْ نّسْ إِمْغَارْ ؤُ نتَّا وَارْ إِتّْبَارِّيعمَّارْصْ [ونِّي إِتّڭّنْ دّنْبْ]. بِيثْ. أَبْرِيذْ ن سِيذِي ذِي ثْحَارْيَاضْثْ ؤُ ذڭْ ؤُسمِّيضْ، إِسيْنُوثنْ أَقَا أَثنْ ذ ثَاعجَّاجْثْ ن إِضَارنْ نّسْ.
NAH 1:4 ڭِيملْ. - نتَّا إِوبّخْ ڒبْحَارْ، إِتَّارَّا إِ-ث يُوژغْ، مَارَّا إِغزْرَانْ إِتّجَّا إِ-ثنْ تَّاژْغنْ. ذَالِيثْ. بَاشَانْ ذ كَارْمَالْ سْڒَاونْ، ؤُڒَا ذ نُّووَارْ ن لُوبْنَانْ إِسْڒَاوْ.
NAH 1:5 هِي. - إِذُورَارْ تَّارْجِيجِينْ زَّايسْ، ؤُ ثِيوْرِيرِينْ فسّْينْثْ، وَاوْ. ؤُ ثَامُّورْثْ ثتّْوَاسّْڭعّذْ-د زَّاثْ إِ وُوذمْ نّسْ، ؤُڒَا ذ مَارَّا وِي خَاسْ إِزدّْغنْ!
NAH 1:6 زَايِينْ. - وِي إِزمَّارنْ أَذْ إِقِّيمْ إِبدّْ زَّاثْ إِ وسْخضْ نّسْ، ؤُ وِي إِزمَّارنْ أَذْ إِكَّارْ زَّاثْ إِ ڒْحَاذُوقْ ن وغْضَابْ نّسْ؟ خِيثْ. أَسْعَارْ نّسْ إِتّْوَاكبّْ-د أَمْ ثْمسِّي ؤُ ثِيصُوضَارْ تّْوَاقدْجْعنْثْ-إِ-د زَّايسْ.
NAH 1:7 ثِيث. - إِشْنَا سِيذِي إِ دُّورِّي ذڭْ وَاسّْ ن ڒحْصَارثْ. يُوذْ. نتَّا إِسّنْ مَارَّا إِنِّي غَارسْ يَاركّْوَاڒنْ.
NAH 1:8 كَافْ. - [س] يِيشْثْ ن ڒْحمْڒثْ إِفيّْضنْ أَذْ يُوقَا أَمْشَانْ نّسْ ؤُ ڒْعذْيَانْ نّسْ أَذْ ثنْ إِضْفَارْ، [أَڒْ غَا يَاذْفنْ غَارْ] ثَادْجسْثْ.
NAH 1:9 مِيمْ. - مِينْ ثْخَارّْصمْ [خنِّي] خْ سِيذِي؟ نتَّا أَذْ [ث] إِقْضَا قَاعْ. أَغُوفِي وَارْ د-إِتِّيسْ مَارْثَاينْ.
NAH 1:10 أَقَا نِيثْنِي تّْوَامُوذنْ عَاذْ أَمْ شْبَارْقْ أَكْ-ذ إِسنَّاننْ، ؤُغلَّانْ أَمْ يِيمسْشَارنْ، [أَمُّو] إِ غَا تّْوَاشّنْ نِيثْنِي قَاعْ أَمْ ؤُڒُومْ يُوژْغنْ.
NAH 1:11 زَّايكْ إِ د-إِفّغْ ونِّي إِتّْخَارّْصنْ ذِي مِينْ وَارْ إِحْڒِينْ خْ سِيذِي، أَمْشَاوَارْ إِ وَارْ إِسكّْوِينْ وَالُو.
NAH 1:12 أَمُّو إِسَّاوَاڒْ سِيذِي: وَاخَّا نِيثْنِي تّْفڒْحنْ ؤُ [دْجَانْ] ذڭْ وَاطَّاسْ، وَاخَّا أَمنِّي نِيثْنِي أَذْ تّْوَاقسّنْ ؤُ نتَّا أَذْ إِعْذُو. وَاخَّا نشّْ ڭِّيغْ خَاكْ أَغِيڒْ، [مَاشَا] نشّْ وَارْ خَاكْ تّڭّغْ أَغِيڒْ عَاذْ.
NAH 1:13 ڒخُّو أَذْ أَرْژغْ أَزَايْڒُو نّسْ [إِ] خَاكْ [إِمَّارْسنْ]، ؤُ نشّْ أَذْ شَارّْڭغْ ثِيسْغُونِينْ نّشْ.
NAH 1:14 سِيذِي إِوصَّا خَاكْ، أَقَا وَارْ زَّايكْ إِتِّيڒِي عَاذْ حذْ س يِيسمْ نّشْ. نشّْ أَذْ قضْعغْ ڒخْيَاڒَاثْ إِنقْشنْ ذ [ڒخْيَاڒَاثْ] إِفسْينْ زِي ثَادَّارْثْ نّشْ. نشّْ أَذْ ڭّغْ أَنْضڒْ نّشْ، مَاغَارْ ؤُفِيغْ شكْ ثفْسُوسذْ.
NAH 2:1 خْزَارْ، خْ إِذُورَارْ [تَّازّْڒنْ] إِضَارنْ ن ونِّي د-يِيوْينْ ڒخْبَارْ أَصبْحَانْ، ونِّي إِخبَّارنْ س ڒهْنَا. عيّذْ ڒعْيُوذَاثْ نّشْ، [أَ] يَاهُوذَا، سقْفڒْ لْوُوعُوذْ نّشْ، مَاغَارْ ونِّي يَاردّْدْجنْ وَارْ إِتّْغِيمِي إِژكّْوِي خَاكْ عَاذْ، نتَّا إِنّقْضعْ مَارَّا.
NAH 2:2 إِجّنْ ونِّي يُوژّْڒنْ [خْ إِوْذَانْ] س لْعُونْفْ إِ د-إِڭعّذْ خَاكْ! عسّْ خْ لْبُورْجْ، حْضَا أَبْرِيذْ، سمْحضْ ثِيجْعِينَّا نّشْ، أَرْنِي ذِي جّْهذْ نّشْ!
NAH 2:3 س مِينْزِي سِيذِي أَذْ د-يَارّْ ڒْعزّْ ن يَاعْقُوبْ، [أَقَا-ث ذ] ڒْعزّْ ن إِسْرَائِيل. مَاغَارْ إِكشَّاضنْ كشّْضنْ ثنْ، ؤُ نِيثْنِيغضْڒنْ ثِيزرْمِينْ نْسنْ.
NAH 2:4 ثْشَابَّاثْ [ن ؤُسڒْقِي] ن أَيْثْ ن بُو-ثغْرُوضْثْ زوْغنْثْ، إِرْيَازنْ إِمحْضنْ [بدّنْ] سّْوجْذنْ إِ ؤُمنْغِي [س وَارُّوضْ] أَزڭّْوَاغْ إِحذْقنْ، غَارْ [ثسِّيقْثْ ن] ثْمسِّي ن وُوزَّاڒْ ن إِكَارُّوثنْ [ن ؤُمنْغِي]، ذڭْ وَاسّْ إِ ذِي إِ غَا إِسّوْجذْ إِخفْ نّسْ ؤُ [ثِيشجُّورَا ن] ؤُمرْزِي أَذْ نّْهزّنْ.
NAH 2:5 إِكَارُّوثنْ ن ؤُمنْغِي هَاجنْ ذڭْ إِبْرِيذنْ، أَقَا ژّعْوَاضنْ زِي سَّا غَارْ ذَا ذڭْ وَازَّاينْ، تّْوَاضْهَارنْ أَمْ يِيصفْضَاونْ، نِيثْنِي ڭمَّارنْ ذَا ذ ذِيهَا أَمْ وَاسَّامنْ.
NAH 2:6 نتَّا إِتّْخَارّصْ ذڭْ أَيْثْ ن جّهْذْ، نِيثْنِي [مَاشَا] تّْنقْرَاضنْ أَمْ ڭُّورنْ نِيثْنِي تَّازّْڒنْ غَارْ ڒْحِيضْ نْسنْ، [مَانِي] إِبدّْ سّْقفْ [ن ؤُهْجَامْ] إِوْجذْ.
NAH 2:7 ثِيوُّورَا ن إِغزْرَانْ نُّورزْمنْثْ، ؤُ ڒقْصَارْ أَذْ إِفْسِي.
NAH 2:8 أَقَا ثَامسْڒَاشْثْ ثْبدّْ نِيشَانْ! نتَّاثْ أَذْ ثتّْوَاعَارَّا، أَذْ ثتّْوَاسّْڭعّذْ، ؤُ ثِييَّا نّسْ سْغُويُّونْثْ أَمشْنَاوْ أَبَارِّي ن ثذْبِيرِينْ، [أَمْ] شَّاثنْثْ ذڭْ إِذْمَارنْ نْسنْثْ.
NAH 2:9 نِينْوَا أَمْ يِيجّْ ن ؤُيڒْمَامْ ن وَامَانْ زڭْ وَاسّْ إِ ذِي إِدْجَا. [ڒخُّو مَاشَا] أَركّْوڒنْ نِيثْنِي. بدّمْ! بدّمْ!، [تّْڒَاغَانْ نِيثْنِي]، [مَاشَا] ؤُڒَا ذ إِجّْ وَارْ د-إِتّْنقْڒِيبْ.
NAH 2:10 كشّْضمْ نُّوقَارْثْ، كشّْضمْ ؤُرغْ! وَارْ ذِينْ قطُّو إِ ڒكْنُوزْ، غَارْ ؤُشوَّارْ ن عْڒَامْ كُوڒْ ڒقْشُوعْ.
NAH 2:11 ثخْوَا، ثتّْوَاكشّضْ ؤُ ثتّْوَاردّدْجْ نتَّاثْ، ؤُڒْ إِفْسِي ؤُشَا إِفَادّنْ فشْڒنْ، تّكّْسنْثْ أَسْ ثِيجْعِينَّا مَارَّا ؤُ إِغمْبَابْ نْسنْ وَارْغنْ مَارَّا.
NAH 2:12 مَانِي إِدْجَا ڒخُّو ڒْمَارْڭحْ ن وَايْرَاذنْ، ذ ڒْمذْوڒْ ن وَايْرَاذنْ إِمژْيَاننْ، مَانِي يُويُورْ ويْرَاذْ، أَقَا-ت ذ ثَايْرَاذْثْ أَكْ-ذ ويْرَاذْ أَمژْيَانْ [أَمْ] ؤُڒَا ذ إِجّْ إِسّْنخْڒعْ إِ-ثنْ؟
NAH 2:13 [مَانِي إِدْجَا ڒخُّو] وَايْرَاذْ نِّي إِمزّْقنْ مِينْ حْذَاجنْ ثَارْوَا نّسْ ؤُ إِجيّفْ إِ ثَايْرَاذِينْ نّسْ، ذ ونِّي إِشُّورنْ إِفْرَانْ نّسْ س ؤُكشّضْ، ذ إِمُوشَانْ نّسْ ن ؤُذُورِّي زِي مِينْ إِتّْوَاشَارّْڭنْ؟
NAH 2:14 خْزَارْ، [نشّْ أَذْ إِڒِيغْ] خَاكْ، [أَمُّو إِ] إِقَّارْ سِيذِي ن ڒْعسْكَارَاثْ، نشّْ أَذْ أَرّغْ إِكَارُّوثنْ نّشْ ذ دّخَّانْ. أَذْ شّغْ سِّيفْ إِيْرَاذنْ نّشْ إِمژْيَاننْ، ؤُ نشّْ أَذْ قضْعغْ ثَاكشَّاضْثْ نّشْ زِي ثمُّورْثْ ؤُعمَّارْصْ عَاذْ أَذْ ثتّْوَاسڒْ ثْمِيجَّا ن إِرقَّاسنْ نّشْ.
NAH 3:1 ؤُشْثْ خْ ثنْذِينْثْ ن إِذَامّنْ! أَقَا-ت ذ أَخَارِّيقْ ذ لْعُونْفْ مَارَّا، ثُوكَّارْضَا وَارْ ثتّْبذِّي شَا.
NAH 3:2 ڒْحسّْ ن ؤُركُّوضْ، ڒْحسّْ ن ؤُقَارْقبْ ن ثْجَارَّارِينْ، إِيْسَانْ إِتَّازّْڒنْ ذڭْ ونّضْ ذ إِكَارُّوثنْ إِنطّْونْ.
NAH 3:3 أَمنَّايْ إِنْيَا، سِّيفْ إِتّْوسّڭْ، فْڒِيثْشَا [أَقَا-ت] أَمْ وَاسَّامْ. أَطَّاسْ ذ إِنِّي إِتّْوَانْغنْ ؤُ [أَقَا ذِينْ] أَعُورِّيشْ ن إِمتَّانْ، ڒْخشْبَاثْ وَارْ غَارْسنْثْ ڒْحذْ، [وَاهْ]، تّنْقْرَاضنْ ذِي ڒْخشْبَاثْ نْسنْ.
NAH 3:4 زِي سِّيبّثْ ن وَاطَّاسْ ن فَارْقْ-شّْغڒْ ن ثمْغَارْثْ ڒْمُوحسْنَا، ن لَالَّا ن ثْسحَّارْثْ، ثنِّي إِزّْنُوزَانْ ڒڭْنُوسْ س فَارْقْ-شّْغڒْ نّسْ ؤُڒَا ذ [مَارَّا] ڒَادْجَاثْ س ؤُسحَّارْ نّسْ،
NAH 3:5 خْزَارْ، [س ؤُيَا أَذْ خَامْ إِڒِيغْ]، [أَمُّو] إِقَّارْ سِيذِي ن ڒْعسْكَارَاثْ، ؤُ نشّْ أَذْ سّْڭعّْذغْ ثِيمُووَّا [ن وَارُّوضْ نّمْ] ثِيوَّا إِ ؤُغمْبُوبْ نّمْ، ؤُ نشّْ أَذْ سّشْنغْ إِ ڒڭْنُوسْ ثُوعَّارْينْثْ نّمْ، ؤُ ڒفْضِيحثْ نّمْ إِ ثْڭلْذِيوِينْ.
NAH 3:6 نشّْ أَذْ شمْ ڒقْفغْ س نّْعَاوَاثْ، ؤُ أَذْ شمْ سّْفضْحغْ ؤُ أَذْ شمْ أَرّغْ إِ ؤُسْفُورّجْ.
NAH 3:7 خنِّي أَذْ إِمْسَارْ أَقَا مَانْ ونْ شمْ إِ غَا إِژَارنْ، أَذْ زَّايمْ يَارْوڒْ، أَذْ يِينِي ”[ثَانْذِينْثْ ن] نِينْوَا ثْخَارّبْ! وِي زَّايسْ إِ غَا إِشضْننْ؟“ مَانِي ذ أَمْ إِ غَا يَارْزُوغْ إِنِّي شمْ إِ غَا إِسّْفوّْجنْ؟
NAH 3:8 مَا شمْ حْسنْ زِي نُو-أَمُونْ نِّي إِتّْغِيمَانْ غَارْ إِغزْرَانْ، أَمْ ذ أَسْ قوَّارنْ وَامَانْ، [أَڒَامِي] ڒبْحَارْ ذ أَشْبَارْ نّسْ ن زَّاثْ، [أَقَا] ڒْحِيضْ نّسْ إِڭعّذْ زِي ڒبْحَارْ.
NAH 3:9 كُوشْ ثُوغَا ذ صُّولْطَا نّسْ، ؤُڒَا ذ مِيسْڒَا، وَارْ ثُوغِي غَارسْ أَنڭَّارْ. فُوطْ ذ أَيْثْ ن لِيبِييَا ثُوغَا أَثنْ زڭْ إِمْعَاوْننْ نّشْ.
NAH 3:10 ؤُڒَا ذ نتَّاثْ ثُويُورْ ذِي لْمنْفَا، ذِي ثْمحْبَاسْثْ. ؤُڒَا ذ إِحنْجِيرنْ نّسْ تّْوَاڒبْزنْ ذِي ثْغمُّورَا ن مَارَّا ن ثبْرِيذِينْ، ؤُ خْ إِمْشنّْعنْ نّسْ نْضَارنْ خَاسنْ ثَاقدُّوحْثْ ؤُ مَارَّا إِمْغَارنْ نّسْ تّْوَاشَارْفنْ س سّْنَاسڒْ.
NAH 3:11 ؤُڒَا ذ شمْ أَذْ ثسْشَارذْ أَذْ ثسّْنُوفَّارذْ إِخفْ نّمْ. عَاوذْ شمْ أَذْ ثَارْزُوذْ إِجّْ ن لْبُورْجْ [إِ ؤُذُورِّي] زِي ڒعْذُو نّمْ.
NAH 3:12 مَارَّا لْقلْعَاثْ نّمْ أَمْ وُورْثَانْ أَكْ-ذ ڒْبَاشُورْ. مَاڒَا تّْوَانْهزّنْ، أَذْ وْضَانْ ذڭْ ؤُقمُّومْ ن ونِّي إِخْسنْ أَذْ ثنْ يشّْ.
NAH 3:13 خْزَارْ، أَقَا ذ وَا ذ ڒْڭنْسْ نّمْ، [أَقَا-ث ذ] ثِيمْغَارِينْ. تّْنُورْزْمنْثْ ثوُّورَا ن ثمُّورْثْ نّمْ قَاعْ إِ ڒعْذُو، ثِيمسِّي أَذْ ثشّْ إِعُومَاذْ نّمْ ن وفْرَايْ.
NAH 3:14 أَيمْ أَمَانْ إِ يِيخفْ نّمْ إِ ڒحْصَارثْ، سمْثنْ لْقلْعَاثْ نّمْ، بدّْ ذِي ثْڒَاخْثْ، عفْسْ ذِي ثَارِّيسْثْ، سقْسحْ إِژْرَا إِتّْوَاسُّويْذَانْ!
NAH 3:15 ثِيمسِّي أَذْ شمْ ثشّْ ذِينْ، سِّيفْ أَذْ شمْ إِنغْ، أَذْ شمْ ثشّْ أَمْ بُو-وڒْسَاحْ! أَرْنِي ذڭْ إِخفْ نّمْ أَمْ بُو-وڒْسَاحْ، أَرْنِي ذڭْ يِيخفْ نّمْ أَمْ ثْمُورْغِي.
NAH 3:16 شكْ ثسّْمَارْنِيذْ ذڭْ إِسبَّابنْ نّمْ كْثَارْ زڭْ إِثْرَانْ ن ؤُجنَّا. بُو-وڒْسَاحْ أَذْ إِسَّارْسْ ثِيڒْمشْثْ نّسْ ؤُشَا أَذْ إِضْوَا.
NAH 3:17 ثَارْوَا ن ثَاصِيڒثْ نّمْ أَمْ يِيجّْ ن ويْڒَافْ ن ثْمُورْغِي ؤُ ڒْعسْكَارَاثْ نّمْ أَمْ يِيخنْفُوسنْ إِمقّْرَاننْ، إِنِّي يَارْسَانْ ذِي ڒحْيُوضْ ذڭْ يِيجّْ ن وَاسّْ ذ أَصمَّاضْ. ڒَْامِي د-ثنْقَارْ ثْفُوشْثْ، طَّاونْ سّنِّي ذغْيَا. وَارْ إِسِّينْ حذْ أَمْشَانْ نْسنْ. مَانِي رُوحنْ نِيثْنِي؟
NAH 3:18 إِمكْسَاونْ نّشْ تّْنُوذُومنْ، [أَيَا،] أَجدْجِيذْ ن أَشُّورْ، أَيْثْ ن جّهْذْ نّشْ تّطّْصنْ، ڒْْڭنْسْ نّشْ أَذْ ث زدْجْعنْ خْ إِذُورَارْ، ؤُشَا ؤُڒَا ذ إِجّنْ وَارْ [ثنْ] إِسّْمُونْ شَا.
NAH 3:19 وَارْ ذِينْ أَسْڭنْفِي إِ ثَارژِّيثْ نّشْ، إِتّكّسْ أَشْ ؤُيزِّيمْ! مَارَّا إِنِّي إِ خَاكْ إِسْڒِينْ ڒخْبَارْ، أَذْ شَّاثنْ ذڭْ إِفَاسّنْ زِي سِّيبّثْ نّشْ، مَاغَارْ خْ مَانْ ونْ وَارْ إِعدُّو شَا ڒبْذَا ڒْغَارْ نّشْ؟
HAB 1:1 ڒْحُوكْمْ إِسَّاڭّْوَاذنْ نِّي إِژْرَا ؤُنَابِي حَابَاقُّوقْ.
HAB 1:2 ”[أَ] سِيذِي، أَڒْ مڒْمِي إِ غَا قِّيمغْ تّْڒَاغِيغْ ؤُ شكْ وَارْ ذ أَيِي ثتّسْڒِيذْ، أَڒْ مڒْمِي إِ غَا قِّيمغْ تّْڒَاغِيغْ ’لْعُونْفْ!‘، ؤُ شكْ وَارْ ذ أَيِي ثسّنْجَامذْ!
HAB 1:3 مَايمِّي ذ أَيِي ثسّشْنذْ ڒْمُوعْصِييّثْ، ؤُ ثتّْغِيمِيذْ ثْخزَّارذْ غَارْ ڒغْبنْ؟ مَاغَارْ أَردّدْجْ ذ لْعُونْفْ أَقَا أَثنْ أَرنْذَاذْ إِنُو، ؤُ إِمْسَارْ ؤُمْشُوبّشْ، إِكَّارْ-د ؤُرُودّزْ.
HAB 1:4 خْ ؤُيَا ثذْوڒْ شَّارِيعَا بْڒَا جّهْذْ، ؤُ وَارْ د-إِتّفّغْعمَّارْصْ ڒْحقّْ، مَاغَارْ أَعفَّانْ إِتّنّضْ إِ ؤُمْسڭّذْ. خْ ؤُيَا إِ د-إِتّفّغْ ڒْحقّْ إِفَارْغْ.
HAB 1:5 خْزَارمْ جَارْ ڒڭْنُوسْ، خْزَارمْ، إِنُّورْزمْ ؤُقمُّومْ س ؤُثبْهثْ، مَاغَارْ نشّْ أَذْ ڭّغْ إِشْثْ ن ڒْخذْمثْ ذڭْ وُوسَّانْ نْومْ إِ وَارْ ثتِّيمْنمْ مَاڒَا ت حَاجَانْ.
HAB 1:6 مَاغَارْ خْزَارمْ، نشّْ سّكَّارغْ إِكَالْذَانِييّنْ، ڒْْڭنْسْ إِقسْحنْ ؤُ إِمْقدْجْقنْ، ونِّي إِڭُّورنْ ذِي ڒوْسعْ ن ثمُّورْثْ، حِيمَا أَذْ إِطّفْ ثِيزذِّيغِينْ نِّي وَارْ إِدْجِينْ نّسْ.
HAB 1:7 إِسَّاڭّْوَاذنْ ؤُ إِسّْنخْڒَاعنْ إِدْجَانْ! ڒْْحقّْ نّسْ ذ ؤُعُودْجِي نّسْ تّفّْغنْ-د زَّايسْ.
HAB 1:8 إِيْسَانْ نّسْ فْسُوسنْ خْ ؤُغِيڒَاسْ، نِيثْنِي مُّوزَّارنْ مَاهُو ؤُشَّاننْ ن دْجِيڒثْ، إِمْنَاينْ نّسْ تّْرَابَاعنْ. إِمْنَاينْ نّسْ تَّاسنْ-د زِي ڒَاڭّْوَاجْ، نِيثْنِي طَّاونْ أَمْ ؤُڭِيذرْ نِّي إِتّْقدْجْقنْ مَاحنْذْ أَذْ يشّْ.
HAB 1:9 أَقَا نتَّا إِتَّاسْ-د، أَمنْ إِكْمڒْ، إِ لْعُونْفْ، إِغمْبَابْ نْسنْ [خزَّارنْ] غَارْ زَّاثْ، ؤُ نتَّا إِسّْمُونَا إِمحْبَاسْ أَمْ يجْذِي.
HAB 1:10 نتَّا إِتّْقصَّارْ خْ إِجدْجِيذنْ ؤُ إِنِّي إِ غَارْ ثدْجَا صُّولْطَا إِتّڭّْ إِ-ثنْ ذ ثَاضحَّاشْثْ. [وَاهْ،] نتَّا إِضحّشْ خْ كُوڒْ لْقلْعَا، مِينْزِي نتَّا إِتّْعُورّشْ ؤُشَاڒْ ؤُشَا أَذْ ثنْثْ إِطّفْ.
HAB 1:11 خنِّي أَذْ إِنّعْثَارْ [أَمْ] ؤُسمِّيضْ، أَذْ إِعْذُو، أَذْ إِذْوڒْ ذ أَمذْنُوبْ، [مَاغَارْ] جّهْذْ نّسْ وَانِيثَا ذ أَربِّي نّسْ.
HAB 1:12 زِي مشْحَاڒْ ؤُيَا مَا شكْ وَارْ ثدْجِيذْ ذ سِيذِي، أَربِّي إِنُو، أَمْقدَّاسْ إِنُو؟ نشِّينْ وَارْ نتّْمتِّي شَا! [أَ] سِيذِي، شكْ ثَارِّيذْ إِ-ث إِ ڒْحُوكْمْ، [أَ] ثَاصْضَارْثْ، شكْ ثْفَارْزذْ ث مَاحنْذْ أَذْ يِيڒِي إِ لْعِيقَابْ.
HAB 1:13 شكْ ذ أَمزْذَاڭْ أَطَّاسْ ن ثِيطَّاوِينْ حِيمَا أَذْ ثْوَاڒَانْثْ ڒْغَارْ. شكْ وَارْ ثْزمَّارذْ أَذْ ثْصوْضذْ ذِي ڒْمُوعْصِييّثْ. مَايمِّي ثْصوْضذْ [وَاهَا] ذڭْ يِينِّي إِتّڭّنْ س ڒغْذَارثْ؟ [مَايمِّي] إِ ثسّغْضذْ خْمِي إِصَارّضْ ؤُعفَّانْ إِ ونِّي إِ خَاسْ إِسڭّْذنْ؟
HAB 1:14 شكْ ثڭِّيذْ إِوْذَانْ أَمْ يِيسڒْمَانْ ن ڒبْحَارْ، أَمْ [إِمُّوذَارْ] نِّي إِتّْبُوعنْ [خْ ثمُّورْثْ] إِ وَارْ غَارْ إِدْجِي ڒْحَاكمْ!
HAB 1:15 س ثْسنَّارْثْ إِسّْڭعَّاذْ إِ-ثنْ-د مَارَّا، إِيَارُّو إِ-ثنْ س ثْرَاشَّا نّسْ، ؤُشَا إِسّْمُونْ إِ-ثنْ ذِي ثْرَاشَّا نّسْ ن ؤُذلَّاعْ. خْ ؤُيَا إِفَارّحْ ؤُ إِتّْفَاجَا.
HAB 1:16 خْ ؤُيَا إِوهّبْ ثِيغَارْصَا إِ ثْرَاشَّا نّسْ، ؤُشَا إِبخَّارْ ثِيوْهِيبِينْ ن ڒبْخُورْ إِ ثْرَاشَّا ن ؤُذلَّاعْ نّسْ. مِينْزِي زَّايْسنْثْ إِ ثذْوڒْ ثسْغَارْثْ نّسْ ثمْغَارْ، ؤُڒَا ذ مَاشَّا نّسْ أَقَا ثْڒدّْ.
HAB 1:17 مَا إِعدّڒْ أَذْ إِقِّيمْ إِسّخْوَا ثْرَاشَّا نّسْ خْ مَانْ أَيَا، ؤُشَا أَذْ إِقِّيمْ ڒبْذَا إِنقّْ ڒڭْنُوسْ بْڒَا مَا أَذْ يجّْ [حذْ]؟
HAB 2:1 نشّْ أَذْ بدّغْ ذڭْ ومْشَانْ ن ثْعسَّاسْثْ إِنُو ؤُ أَذْ سّْبدّغْ إِخفْ إِنُو خْ صُّومْعثْ ن ثْعسَّاسْثْ، أَذْ صوْضغْ مَاحنْذْ أَذْ ژَترغْ مِينْ إِ ذ أَيِي غَا يِينِي نتَّا، ؤُ مِينْ إِ د غَا يَارّغْ خْ ؤُشثْشِي إِنُو.
HAB 2:2 يَارَّا-د خَافِي سِيذِي، إِنَّا: أَرِي ڒوْحِييْ أَرِي ث إِفَارْزْ خْ ثڒْوِيحِينْ، مَاحنْذْ ونِّي إِعدُّونْ أَمْ د-إِتَّازّڒْ، إِزمَّارْ أَذْ ث إِغَارْ.
HAB 2:3 مَاغَارْ ڒوْحِييْ [إِتّْرَاجَا] عَاذْ أَڒْ ڒْوقْثْ نِّي يُورَانْ. إِتّمْحِيزْوَارْ غَارْ ؤُقطُّو ؤُ وَارْ إِسّْخَارِّيقْ شَا. مَاڒَا إِقِّيمْ وَارْ د-إِتِّيسْ، قِّيمْ رَاجَا ث، مَاغَارْ أَذْ د-يَاسْ س ثِيذتّْ، وَارْ إِعطَّاڒْ.
HAB 2:4 خْزَارْ، أَقَا إِتُّوفّْ، [وَاهْ،] ڒعْمَارْ نّسْ وَارْ إِسڭّمْ ذَايسْ، مَاشَا أَمْسڭّذْ س لْ-إِيمَانْ نّسْ أَذْ إِدَّارْ.
HAB 2:5 س ثِيذتّْ، بِينُو أَقَا إِشمّثْ! [بِينُو أَقَا-ث أَمْ] يِيجّْ ن بُو-نّْفَاخثْ ونِّي وَارْ إِتَّاريّْحنْ، ونِّي إِسّمْغَارَانْ ڒعْمَارْ نّسْ [أَمڒْهَافْ] أَمْ ڒَاخَارْثْ. نتَّا وَارْ إِتّْجِّيوِينْ أَمْ ڒْموْثْ ؤُ إِيْرُو غَارسْ مَارَّا ڒڭْنُوسْ ؤُ إِسّْمُونْ غَارسْ مَارَّا إِيْذُوذنْ.
HAB 2:6 مَا وَارْ د خَاسْ تِّيوْينْ إِجّْ ن وَاوَاڒْ إِوزْننْ ؤُڒَا ذ إِجّْ ن يژْرِي إِشُّورْ س ڒمْعَانِي إِنُّوفَارنْ، أَذْ إِنِينْ: ؤُشْثْ خْ ونِّي إِجَارّْونْ مِينْ وَارْ إِدْجِينْ نّسْ! أَڒْ مڒْمِي [عَاذْ]؟ ؤُشْثْ خْ ونِّي إِسّْذقَّاڒنْ إِخفْ نّسْ س ورْهَانْ!
HAB 2:7 مَا وَارْ د-تّكَّارنْ س ڒْغفْڒثْ إِنِّي إِ شكْ غَا إِزعْفنْ، ؤُ مَا وَارْ د-تّْفَاقَانْ شَا إِنِّي شكْ غَا يَارّنْ ثتَّارْجِيجذْ، ؤُ مَا وَارْ ذ أَسنْ ثتِّيڒِيذْ ذ ثَاكشَّاضْثْ نْسنْ؟
HAB 2:8 مَاغَارْ شكْ ثْكشّْضذْ أَطَّاسْ ن ڒڭْنُوسْ، أَذْ شكْ كشّْضنْ مَارَّا ڒڭْنُوسْ إِقِّيمنْ ذِي سِّيبّثْ ن إِذَامّنْ ن إِوْذَانْ ذ لْعُونْفْ [خْ] ثمُّورْثْ، ؤُ [خْ] ثنْذِينْثْ ؤُ [خْ] مَارَّا إِنِّي ذَايسْ إِزدّْغنْ.
HAB 2:9 ؤُشْثْ خْ ونِّي إِكسّْبنْ س ڒْغشّْ ثَاكشَّاضْثْ إِ ثَادَّارْثْ نّسْ، مَاحنْذْ أَذْ إِبْنَا ڒْعُوشّْ نّسْ ذِي ڒُوعْڒَا، حِيمَا أَذْ إِنْجمْ [أَمُّو] زڭْ ؤُفُوسْ ن ڒْغَارْ.
HAB 2:10 شكْ ثْشَاوَارذْ ڒفْضِيحثْ إِ ثَادَّارْثْ نّشْ، حِيمَا أَذْ ثقْضِيذْ خْ ڒڭْنُوسْ، ؤُشَا [أَمُّو] إِ ثڭِّيذْ دّنْبْ ذِي ڒعْمَارْ نّشْ.
HAB 2:11 مِينْزِي أَژْرُو إِسْغُويُّو-د زِي ڒْحِيضْ، ؤُ ثَاحْنَاشْثْ ثتَّارَّا-د [خَاسْ] زِي جَارْ ثفْڒَاوْثْ.
HAB 2:12 ؤُشْثْ خْ ونِّي إِبنَّانْ [إِشْثْ ن] ثنْذِينْثْ س إِذَامّنْ ؤُڒَا خْ ونِّي إِسّْرُوسَانْ ذْسَاسْ [ن يِيشْثْ ن] ثنْذِينْثْ س ڒْغشّْ!
HAB 2:13 خْزَارْ، مَا وَارْ إِدْجِي زِي سِيذِي ن ڒْعسْكَارَاثْ، أَقَا ڒڭْنُوسْ أَربّْرنْ إِخفْ نْسنْ إِ ثْمسِّي، ؤُ شُّوعُوبْ تَّاحْڒنْ إِ وَالُو؟
HAB 2:14 مَاغَارْ ثَامُّورْثْ أَذْ ثتّْوَاشُّورْ س ثُوسّْنَا ن ؤُعُودْجِي ن سِيذِي، أَمْ مَامّشْ تّْذَاڒنْ وَامَانْ ڒبْحَارْ.
HAB 2:15 ؤُشْثْ خْ ونِّي إِ غَا إِسّسْونْ جَّارْ نّسْ، ونِّي إِخدْجْضنْ [بِينُو] س سّمْ نّشْ ؤُ [خنِّي] إِسّسْشَارْ إِ-ث، مَاحنْذْ أَذْ إِژَارْ ثُوعَّارْيَانْثْ نْسنْ.
HAB 2:16 أَذْ ثسّجِّوْنذْ إِخفْ نّشْ س ڒفْضِيحثْ ذڭْ ومْشَانْ ن شَّانْ. سُو شكْ [ڒخُّو] عَاوذْ، ؤُشَا أجّْ أَخْثَانْ نّشْ وَارْ إِدْجِينْ إِتّْبَانْ. ڒْْكَاسْ زڭْ ؤُفُوسْ أَفُوسِي ن سِيذِي أَذْ غَاركْ د-يَاسْ، ؤُڒَا ذ ڒفْذِيحثْ خْ ؤُعُودْجِي نّشْ.
HAB 2:17 مَاغَارْ ڒْعُونْفْ إِ ثڭِّيذْ ضِيدّْ إِ لُوبْنَانْ أَذْ شكْ إِذڒْ ؤُڒَا ذ أَردّدْجْ ن ڒْمَاڒْ إِ زِي [ثنْ] ثسِّيڭّْوْذذْ، ذِي سِّيبّثْ ن إِذَامّنْ ن إِوْذَانْ ذ لْعُونْفْ [خْ] ثمُّورْثْ، ؤُ [خْ] ثنْذِينْثْ ؤُ [خْ] مَارَّا إِنِّي ذَايسْ إِزدّْغنْ.
HAB 2:18 مَا ثِيزِي ن إِجّْ ن ڒخْيَاڒْ إِنقْشنْ، ؤُمِي ث إِنْقشْ ؤُنقَّاشْ [س يِيخفْ نّسْ]، [مَانْ ثِيزِي ن] يِيجّْ ن ڒخْيَاڒْ إِفسْينْ [ؤُمِي أَنقَّاشْ نّسْ] ذ إِجّْ ن ؤُمْسڒْمذْ ن إِخَارِّيقنْ، ڒَْامِي ونِّي ث إِڭِّينْ إِتّْشڒْ خْ مِينْ إِڭَّا، ؤُمِي إِتّڭّْ لْ-أَصْنَامْ إِڭْنَاونْ؟
HAB 2:19 ؤُشْثْ خْ ونِّي إِقَّارنْ إِ ؤُكشُّوضْ ’فَاقْ!‘ ؤُ إِ وژْرُو إِڭْنَاونْ: ’كَّارْ!‘. مَا [إِزمَّارْ] أَذْ إِسّڒْمذْ؟ خْزَارْ، أَقَا ڒحّْفنْ ث س وُورغْ ذ نُّوقَارْثْ ؤُ وَارْ ذَايسْ قَاعْ بُوحْبڒْ.
HAB 2:20 سِيذِي أَقَا-ث ذِي زَّاوشْثْ نّسْ إِقدّْسنْ. سُوسمْ زَّاثْ إِ وُوذمْ نّسْ، مَارَّا ثَامُّورْثْ!
HAB 3:1 ثَاژَادْجِيثْ ن حَابَاقُّوقْ، أَنَابِي، ذڭْ وَاطَّاسْ ن ثْمِيجِّيوِينْ.
HAB 3:2 [أَ] سِيذِي، [ؤُمِي] سْڒِيغْ ڒخْبَارْ نّشْ، ثُوغَا تّڭّْوذغْ. [أَ] سِيذِي، سْندَّارْ ڒْخذْمثْ نّشْ عَاوذْ ذِي ڒْوسْطْ ن إِسڭّْوُوسَا، سشّنْ إِ-ت ذِي ڒْوسْطْ ن إِسڭّْوُوسَا، ذڭْ وغْضَابْ عْقڒْ خْ ڒحْنُونشْثْ نّشْ.
HAB 3:3 أَربِّي يُوسَا-د زِي ثَايْمَانْ ؤُ أَمْقدَّاسْ زڭْ وذْرَارْ ن فَارَانْ. سِيلَاهْ. لْعَاضَامَا نّسْ ثذْڒَا إِجنْوَانْ ؤُ أَصبّحْ نّسْ إِشُّورْ ثَامُّورْثْ.
HAB 3:4 ثُوغَا ذِينْ إِشْثْ ن ثسِّيقْثْ أَمْ ثْفَاوْثْ، [فّْغنْثْ-إِ-د] فْڒِيثْشَاثْ ن وَاسَّامْ زڭْ ؤُفُوسْ نّسْ، أَقَا-ثنْثْ غَارسْ، ؤُ ذَايْسنْثْ ثْنُوفَّارْ ثْزمَّارْ نّسْ.
HAB 3:5 طَّاعُونْ إِتِّيزْوَارْ إِ وُوذمْ نّسْ، ڒْْحَاذُوقْ ن ثْمسِّي إِفّغْ-د زڭْ إِضَارنْ نّسْ.
HAB 3:6 نتَّا إِكَّارْ ؤُشَا يَارَّا ثَامُّورْثْ ثتّنْهزَّا، نتَّا إِژْرَا ؤُ إِڭَّا أَذْ أَرْجِيجنْ ڒڭْنُوسْ! إِذُورَارْ ن زِيشْ تّْوَاڒبْزنْ أَڒَامِي ذوْڒنْ ذ ثَاعجَّاجْثْ، ثِيوْرِيرِينْ زِي مشْحَاڒْ ؤُيَاغنْسنْثْ! إِبْرِيذنْ إِتّْذُومَانْ إِ ڒبْذَا أَقَا أَثنْ نّسْ.
HAB 3:7 نشّْ ژْرِيغْ إِقِيضَانْ ن كُوشَانْ تّْوَاحْصَارنْ، ثِيجَارْثِيڒِينْ ن إِقِيضَانْ ن ثمُّورْثْ ن مِيذْيَانْ إِتَّاوِي ثنْثْ ؤُسمِّيضْ س جّهْذْ.
HAB 3:8 مَا يَارْغَا [وغْضَابْ] ن سِيذِي خْ إِغزْرَانْ؟ مَا ثُوغَا أَغْضَابْ نّشْ ضِيدّْ إِ إِغزْرَانْ؟ مَا ثُوغَا أَذُوقّزْ نّشْ [ن ؤُفُوڭمْ] ضِيدّْ إِ ڒبْحَارْ، ڒَْامِي ثْنذْهذْ خْ ييْسَانْ نّشْ، خْ إِكَارُّوثنْ نّشْ ن ؤُسنْجمْ؟
HAB 3:9 ڒْقوْسْ نّشْ إِتّْوَاعَارَّا مَارَّا، ثِيجَادْجِيثِينْ إِ ثسِّيوْڒذْ [ثُوغَا أَثنْثْ] ذ إِعُومَاذْ نشّْ [إِ ؤُسقْسَاحْ]. سِيلَاهْ. ثْفدْجْقذْ ثَامُّورْثْ س إِغزْرَانْ.
HAB 3:10 ڒَامِي شكْ ژْرِينْ إِذُورَارْ، إِڒْقفْ إِ-ثنْ ڒوْجعْ، ڒْْحمْڒثْ ن وَامَانْ ثُوغَا ثْعدُّو، [أَمَانْ] إِهوْڒنْ أَرِّينْ ثْمِيجَّا نْسنْ ثتّْوَاسڒْ، ڭعّْذنْ إِفَاسّنْ نْسنْ [غَارْ ؤُجنَّا].
HAB 3:11 ثَافُوشْثْ، [ؤُڒَا] ذ ؤُيُورْ، قِّيمنْ بدّنْ ذِي ثْزذِّيغْثْ نْسنْ. أَقَا رُوحنْ زِي سِّيبّثْ ن ثْفَاوْثْ ن فْڒِيثْشَاثْ ن ڒْقوْسْ نّشْ، زِي سِّيبّثْ ن ثِيسِّيقْثْ ن لَانْسَا نّشْ إِتّحْذُوذُوقنْ.
HAB 3:12 س وسْخضْ ثصُّورُوفذْ ثِيوَا إِ ثمُّورْثْ، س وغْضَابْ نّشْ ثْعفْسذْ خْ ڒڭْنُوسْ.
HAB 3:13 شكْ ثفّْغذْ إِ ؤُسنْجمْ ن ڒْڭنْسْ نّشْ، إِ ؤُسنْجمْ ن ؤُمذْهُونْ نّشْ. أَقَا شكْ ثْقدْجْعذْ ثَازقَّا ن ثَادَّارْثْ ن ؤُعفَّانْ، ثْعَارِّيذْ ذْسَاسْ أَڒْ إِرِي. سِيلَاهْ.
HAB 3:14 أَزدْجِيفْ ن إِعسْكَارِييّنْ نّسْ إِمزْوُورَا، أَقَا ثسّْنُوقّْبذْ إِ-ث س لَانْسَاثْ نْسنْ. نِيثْنِي ؤُسِينْ-دعڒْفنْ-د مَاحنْذْ أَذْ أَيِي زدْجْعنْ. أَقَا ذ مژْرِي نْسنْ مَاڒَا [زمَّارنْ] أَذْ شّنْ ڒْمسْكِينْ س ثْنُوفّْرَا.
HAB 3:15 أَكْ-ذ إِيْسَانْ نّشْ ثطّْفذْ أَبْرِيذْ ذِي ڒبْحَارْ، أَكُوفُّو ن وَامَانْ إِمقّْرَاننْ.
HAB 3:16 [ڒَْامِي] سْڒِيغْ، يَارْجِيجْ ؤُعذِّيسْ إِنُو. ؤُمِي [سْڒِيغْ] ڒْحسّْ [نِّي]، أَرْجِيجنْ إِينْشِيشنْ إِنُو، أَخسَّارْ يُوذفْ غَارْ إِغْسَانْ إِنُو، ؤُ نشّْ أَرْجِيجغْ ذڭْ ومْشَانْ إِنُو. [وَاخَّا أَمنِّي] أَذْ رَاجِيغْ ذِي ڒْخَاضَارْ خْ وَاسّْ ن ڒحْصَارثْ، خْمِي غَا إِسّْڭعّذْ خْ ڒْڭنْسْ، [ؤُ] أَذْ أَنغْ إِحْصَارْ أَكْ-ذ بَانْذِييَّاثْ [نّسْ].
HAB 3:17 وَاخَّا وَارْ إِتّْنُووَّارْ وَارْثُو، ؤُ وَارْ ذِينْ ثتِّيڒِي [عَاذْ] ڒْغِيدْجثْ غَارْ ثْزَايَارْثْ، [وَاخَّا] ڒْغِيدْجثْ ن زِّيثُونْ أَذْ ثفْشڒْ ؤُڒَا ذ إِيَّارنْ وَارْ تّْغِيمِينْ تِّيشنْ ڒْمَاشُوڒْ، ؤُ أَذْ تّْوَاقضْعنْ وُودْجِي زِي ڒْكُوڒِي ؤُ وَارْ تِّيڒِينْ [عَاذْ] إِفُونَاسنْ ذ ثْفُونَاسِينْ ذِي ڒْكُورِيثْ،
HAB 3:18 [عَاذْ أَمنِّي] نشّْ أَذْ سْڒِيوڒْوغْ إِ سِيذِي، أَذْ فَارْحغْ زِي أَربِّي ن ؤُسنْجمْ إِنُو.
HAB 3:19 سِيذِي، سِيذِي إِنُو، [نتَّا] ذ جّْهذْ إِنُو. نتَّا إِتّڭّْ إِضَارنْ إِنُو [فْسُوسنْ] أَمْ يِيضَارنْ ن ثُوذَاذِينْ، نتَّا إِتّجَّا أَيِي صُّورُوفغْ خْ ڒڭْعُوذِي. إِ ؤُمقّْرَانْ ن إِمغْنَاجنْ. أَكْ-ذ ؤُزنْزُونْ إِنُو خْ إِفِيڒَانْ.
ZEP 1:1 أَوَاڒْ نْ سِيذِي إِ د-يُوسِينْ إِ صَافَانْيَا، مِّيسْ ن كُوشِي، مِّيسْ ن جَاذَالْيَا، مِّيسْ ن أَمَارْيَا، مِّيسْ ن حِيزْقِييَا، ذڭْ وُوسَّانْ ن يُوشِييَا، مِّيسْ ن أَمُونْ، أَجدْجِيذْ ن يَاهُوذَا.
ZEP 1:2 نشّْ أَذْ كّْسغْ قَاعْ مَارَّا [مِينْ إِدْجَانْ] زڭْ وُوذمْ ن ثمُّورْثْ، [أَمُّو إِ] إِقَّارْ سِيذِي.
ZEP 1:3 أَذْ كّْسغْ بْنَاذمْ ذ ڒْمَاڒْ، أَذْ كّْسغْ إِجْضَاضْ ن ؤُجنَّا ذ إِسڒْمَانْ ن ڒبْحَارْ ذ ثْعنْكْرِيفِينْ أَكْ-ذ إِعفَّاننْ، [وَاهْ] نشّْ أَذْ قْضِيغْ بْنَاذمْ خْ وُوذمْ ن ثمُّورْثْ، [أَمُّو] إِ إِقَّارْ سِيذِي.
ZEP 1:4 نشّْ أَذْ سّْوِيژّْضغْ س ؤُفُوسْ إِنُو ضِيدّْ إِ يَاهُوذَا ؤُ ضِيدّْ إِ مَارَّا إِمزْذَاغْ ن ؤُرْشَالِيمْ. نشّْ أَذْ ثحِّيغْ مِينْ إِقِّيمنْ زِي بَاعْلْ زڭْ ومْشَانْ-أَ أَكْ-ذ يِيسمْ ن إِكهَّاننْ ن لْ-أَصْنَامْ،
ZEP 1:5 ذ يِينِّي إِسجْذنْ خْ ثْزغْوِينْ زَّاثْ إِ ڒْعسْكَارْ ن إِجنْوَانْ، ؤُ إِنِّي، أَمْ بنْذْقنْ، جُّودْجنْ غَارْ سِيذِي، ؤُ [أَقَا] جُّودْجنْ إِ مَالْكَامْ،
ZEP 1:6 ؤُڒَا ذ يِينِّي د-إِتّْعَاقَّابنْ زِي ضفَّارْ ن سِيذِي، ؤُ يِينِّي وَارْ أَرزُّونْ خْ سِيذِي ؤُ وَارْ خَاسْ تّْسّقْسِينْ.
ZEP 1:7 سغْذْ زَّاثْ إِ وُوذمْ ن سِيذِي إِنُو، سِيذِي، مَاغَارْ أَسّْ ن سِيذِي يُوذسْ. سِيذِي أَقَا إِسّوْجذْ إِشْثْ ن ثْغَارْصْثْ، نتَّا إِسّْقدّسْ إِمعْرَاضنْ نّسْ.
ZEP 1:8 أَذْ إِمْسَارْ ذڭْ وَاسّْ ن ثْغَارْصْثْ ن سِيذِي، أَقَا نشّْ أَذْ عَاقْبغْ ڒْحُوكَّامْ ذ إِحنْجِيرنْ ن ؤُجدْجِيذْ ذ مَارَّا إِنِّي يَارّْضنْ أَرُّوضْ أَغْرِيبْ.
ZEP 1:9 ذڭْ وَاسّْ نِّي أَذْ عَاقْبغْ مَارَّا إِنِّي إِنڭّْزنْ ثَانبْذَاثْ، إِنِّي إِتّْعمَّارنْ ثَادَّارْثْ ن سِيذِيثْسنْ س لْعُونْفْ ذ ڒْغشّْ.
ZEP 1:10 ذڭْ وَاسّْ نِّي، إِقَّارْ سِيذِي، أَذْ [ذِينْ] يِيڒِي إِجّْ ن ڒْحسّْ ن إِغُويَّانْ زِي ثوَّارْثْ ن إِسڒْمَانْ، ؤُڒَا ذ [ڒْحسّْ ن] يِينِّي إِتّْرُونْ زِي ثنْذِينْثْ ن جْذِيذْ ذ إِشْثْ ن ثَارژِّيثْ ثمْغَارْ زِي ثوْرِيرِينْ.
ZEP 1:11 رُومْ، إِمزْذَاغْ [ن جِّيهثْ] ن ؤُمهْرَازْ، مِينْزِي مَارَّا إِسبَّابّنْ تّْوَاسغْضنْ، مَارَّا إِنِّي إِوزّْننْ ثْمنْيَاثْ تّْوَاقضْعنْ.
ZEP 1:12 ذِي ڒْوقْثْ نِّي أَذْ بقّْشغْ ذِي ؤُرْشَالِيمْ س ڒقْنَاذڒْ، ؤُ نشّْ أَذْ عَاقْبغْ إِرْيَازنْ إِنِّي إِتّْوَاڭْذَارنْ زِي ڒَاثَارْ نِّي إِقِّيمنْ ن بِينُو، إِنِّي إِقَّارنْ ذڭْ وُوڒْ نْسنْ: ’سِيذِي وَارْ إِتّڭّْ ڒْخَارْ ؤُ وَارْ إِتّڭّْ ڒْغَارْ!‘
ZEP 1:13 أَڭْڒَا نْسنْ أَذْ يِيڒِي إِ ثْكشَّاضْثْ ذ ثُوذْرِينْ نْسنْ أَذْ ذوْڒنْثْ ذ ڒْخَارْبثْ. نِيثْنِي أَذْ بْنَانْ ثُوذْرِينْ إِ يِيخفْ نْسنْ، [مَاشَا] وَارْ ذَايْسنْثْ زدّْغنْ شَا، نِيثْنِي أَذْ ژُّونْ ثِيزَايَارِينْ، [مَاشَا] وَارْ سسّنْ زِي بِينُو نّسْ.
ZEP 1:14 أَسّْ أَمقّْرَانْ ن سِيذِي يُوذسْ، أَقَا-ث يُوذسْ، ذغْيَا يُوسَا-د. ڒْْحسّْ ن وَاسّْ ن سِيذِي! أَذْ إِسْغُويْ بُو-ثغْرُوضْثْ ذِينْ س يِيشْثْ ن ثْغُويِّيثْ ثَارْزڭْ.
ZEP 1:15 أَسّْ نِّي [أَذْ يِيڒِي] ذ أَسّْ ن ؤُذُوقّزْ [ن ؤُفُوڭمْ]، ذ أَسّْ ن ڒحْصَارثْ ذ ضِّيقَا، ذ أَسّْ ن ؤُخَارّبْ ذ وَاردّدْجْ، ذ أَسّْ ن طّْڒَامْ ذ ثَادْجسْثْ، ذ أَسّْ ن إِسيْنُوثنْ ذ ؤُسيْنُو إِبُّومْبسْ،
ZEP 1:16 إِجّْ ن وَاسّْ ن ؤُسُوضِي ذڭْ ؤُيِيشّْ ن إِشَارِّي ؤُ ن إِغُويَّانْ [ن ؤُمنْغِي] ضِيدّْ إِ ثْندَّامْ إِفَارْينْ ؤُ ضِيدّْ إِ صُّومْعَاثْ نِّي [إِدْجَانْ] غَارْ ثْغمُّورَا.
ZEP 1:17 نشّْ أَذْ حْصَارغْ إِوْذَانْ ؤُ نِيثْنِي أَذْ ؤُيُورنْ أَمْ يِيذَارْغَاڒنْ، مِينْزِي نِيثْنِي ڭِّينْ دّنْبْ خْ سِيذِي. إِذَامّنْ نْسنْ أَذْ تّْوَازدْجْعنْ أَمشْنَاوْ ثْعجَّاجْثْ، ذ ويْسُومْ نْسنْ أَمشْنَاوْ إِخَّانْ.
ZEP 1:18 ؤُڒَا ذ نُّوقَارْثْ نْسنْ ذ وُورغْ نْسنْ وَارْ زمَّارنْ أَذْ ثنْ سّْنجْمنْ ذڭْ وَاسّْ ن ؤُذُوقّزْ [ن ؤُفُوڭمْ] ن سِيذِي. ثِيمسِّي ن ثُوسْمِي نّسْ [إِقدّْسنْ] أَذْ ثشّْ مَارَّا ثَامُّورْثْ، مَاغَارْ ذغْيَا نتَّا أَذْ إِقْضَا مَارَّا إِمزْذَاغْ ن ثمُّورْثْ.
ZEP 2:1 سْذوْڒمْ-د إِخفْ نْومْ غَارْ ڒعْقڒْ، ذوْڒمْ-د غَارْ ڒعْقڒْ، [أَ] ڒْڭنْسْ بْڒَا أَسضْحِي،
ZEP 2:2 قْبڒْ إِ غَا إِفّغْ ڒْحُوكْمْ - أَسّْ أَمْ ؤُڒُومْ إِعدُّو - قْبڒْ إِ خَاومْ د غَا يَاسْ ڒْحَاذُوقْ ن وغْضَابْ ن سِيذِي، قْبڒْ إِ خَاومْ د غَا يَاسْ وَاسّْ ن وغْضَابْ ن سِيذِي.
ZEP 2:3 أَرْزُومْ خْ سِيذِي، مَارَّا إِمْوَاضْعنْ ن ثمُّورْثْ، إِنِّي إِتّڭّنْ ڒْحقّْ نّسْ! أَرْزُومْ ثَاسڭْذَا، أَرْزُومْ أَوَاضعْ، أَذْ ثَاغْ أَذْ ثنُّوفَّارمْ كنِّيوْ ذڭْ وَاسّْ ن وغْضَابْ ن سِيذِي.
ZEP 2:4 مَاغَارْ غَازَّا أَذْ ثتّْوَاجّْ، أَشْقَالُونْ [أَذْ ثذْوڒْ] ذ إِشْثْ ن ثمُّورْثْ إِتّْوَاردّْدْجنْ، أَشْذُوذْ أَذْ خَاسْ أَزّْڒنْ غَارْ وزْينْ ن وَاسّْ، ؤُشَا عَاقْرُونْ أَذْ ثتّْوَاقْڒعْ.
ZEP 2:5 ؤُشْثْ خْ إِمزْذَاغْ ن ثْمَا ن ڒبْحَارْ، ڒْْڭنْسْ ن إِكَارِيثِييّنْ. أَوَاڒْ ن سِيذِي أَذْ خَاومْ يِيڒِي، [أَ] كنْعَانْ، ثَامُّورْثْ ن إِفِيلِيسْطِينِييّنْ! نشّْ أَذْ كنِّيوْ هلّْكغْ، وَارْ إِتِّيڒِي ؤُمزْذُوغْ عَاذْ.
ZEP 2:6 [ثَامُّورْثْ نِّي خْ] ثْمَا ن ڒبْحَارْ أَذْ ثِيڒِي ذ دّْمَانِي ن ثَاروْسَا، ؤُڒَا ذ وَانُوثنْ إِ إِمكْسَاونْ ذ ڒْكُورِيثْ [إِ وُودْجِي].
ZEP 2:7 أَذْ ثِيڒِي ثمُّورْثْ إِ مِينْ إِقِّيمنْ ن ثَادَّارْثْ ن يَاهُوذَا، حِيمَا أَذْ ذَايسْ أَروْسنْ [ثِيحِيمْرِيوِينْ نْسنْ]. ذِي ثُوذْرِينْ ن أَشْقَالُونْ أَذْ ذِينْ أَرْسنْ غَارْ ثْمذِّيثْ، مَاغَارْ سِيذِي، أَربِّي نْسنْ، أَذْ غَارْسنْ يَارْزفْ، ؤُ نتَّا إِسّْنقْڒبْ ثَامحْبَاسْثْ نْسنْ.
ZEP 2:8 نشّْ سْڒِيغْ إِ ؤُسحْقَارْ ن مُوآبَ ذ ؤُشقّفْ ن أَيْثْ ن عَامُّونْ، إِ زِي سّْحقَارنْ نِيثْنِي ڒْڭنْسْ إِنُو، ؤُ سّْڭعّْذنْ إِخفْ نْسنْ أَطَّاسْ ضِيدّْ إِ ثمُّورْثْ نْسنْ.
ZEP 2:9 س ؤُيَا، س ثِيذتّْ أَمْ دَّارغْ نشّْ، إِقَّارْ سِيذِي ن ڒْعسْكَارَاثْ، أَربِّي ن إِسْرَائِيل: مُوآبَ أَذْ ثذْوڒْ أَمْ سَاذُومْ، ؤُ أَيْثْ ن مُوآبَ أَمْ عَامُورَّا، زِي سِّيبّثْ ن ؤُغمُّويْ ن ثْزڭّْوَارْثْ ؤُ زِي سِّيبّثْ ن وَانُو[ثنْ] ن ثْمدْجَاحْثْ، إِشْثْ ن ثمُّورْثْ إِتّْوَاردّْدْجنْ إِ ڒبْذَا. مِينْ إِقِّيمنْ ن ڒْڭنْسْ إِنُو أَذْ ثنْ إِكشّضْ ؤُ إِنِّي إِقِّيمنْ ن ڒْڭنْسْ إِنُو أَذْ طّْفنْ ثَاسْغَارْثْ نْسنْ ذ ڒْوَارْثْ.
ZEP 2:10 أَيَا [أَذْ] ثنْ [إِڒْقفْ] زِي سِّيبّثْ ن نّْفَاخثْ نْسنْ، مَاغَارْ نِيثْنِي ثُوغَا سّحْقَارنْ ؤُ أَرْزْمنْ أَقمُّومْ نْسنْ خْ ڒْڭنْسْ ن سِيذِي ن ڒْعسْكَارَاثْ.
ZEP 2:11 إِسَّاڭّْوَاذْ أَذْ غَارْسنْ إِفّغْ سِيذِي، مَاغَارْ نتَّا أَذْ إِقْضَا خْ مَارَّا إِربِّيثنْ زِي ثمُّورْثْ، ؤُ نِيثْنِي أَذْ أَسْ بنْذْقنْ، كُوڒْ إِجّْ زڭْ ومْشَانْ نّسْ، مَارَّا ثِيڭْزِيرِينْ ن ڒڭْنُوسْ.
ZEP 2:12 كنِّيوْ عَاوذْ، [أَ] أَيْثْ ن كُوشْ، تّْوَاسّْنُوقّْبنْ نِيثْنِي زِي سِّيفْ إِنُو.
ZEP 2:13 نتَّا أَذْ إِسّْوِيژّضْ س ؤُفُوسْ نّسْ غَارْ شَّامَالْ، نتَّا أَذْ يَاردّدْجْ أَشُّورْ، ؤُ أَذْ يَارّْ نِينْوَا ذ إِشْثْ ن ثمُّورْثْ إِتّْوَاردّْدْجنْ، ثُوژغْ أَمْ ڒخْڒَا.
ZEP 2:14 ذِي ڒْوسْطْ نّسْ أَذْ ڭيّْرنْثْ ثْحِيمْرِيوِينْ، مَارَّا ڒْمَاڒْ نّسْ، أَقَا تّڭّنْ أَمْ يِيجّْ [ؤُبَارُّو ن] ن ڒْڭنْسْ. ؤُڒَا ذ بُو-إِعُوقَّانْ، [وَاهْ] ؤُڒَا ذ ثْوُوشْثْ ن دْجِيڒثْ أَذْ سّنْسنْ خْ إِزدْجِيفنْ ن إِپِيلَارنْ نّسْ. ثْمِيجَّا [نْسنْ] أَذْ ثْغنّجْ زِي ڒْكَازِي، أَردّدْجْ أَذْ يِيڒِي خْ ثْنبْذَاثْ نّسْ، مَاغَارْ ثَافْروْثْ ن ثنْڭلْثْ ثتّْوَاعَارَّا.
ZEP 2:15 ذ ثَا ذ ثَانْذِينْثْ إِسْڒِيوْڒِيونْ، ثنِّي إِقِّيمنْ ذِي ڒَامَانْ، ثنِّي إِنَّانْ ذڭْ وُوڒْ نّسْ: ’نشّْ [ذ ثنِّي]، وَارْ ثدْجِي ذ ثنّغْنِي!‘ مَامّشْ ثذْوڒْ ذ [إِشْثْ ن ڒْقشْعثْ ن] ؤُنخْڒِيعْ، إِشْثْ ن ومْشَانْ ن أَرَّاحثْ إِ ڒْمَاڒْ ن ڒخْڒَا! مَارَّا إِنِّي خَاسْ غَا إِكّنْ، أَذْ [خَاسنْ] إِصفَّارْ [ؤُ] س ؤُسحْقَارْ أَذْ إِسّنْهزّْ أَفُوسْ نّسْ.
ZEP 3:1 ؤُشْثْ خَامْ، ثنِّي إِغوّْغنْ ذ يَارْصُوضنْ، ثَانْذِينْثْ ن دّدْجْ!
ZEP 3:2 نتَّاثْ وَارْ ثتّسْڒِي غَارْ [ؤُڒَا ذ إِشْثْ ن] ثْمِيجَّا، وَارْ ثْقبّڒْ أَودّبْ، نتَّاثْ وَارْ ثتّْشِيڒْ خْ سِيذِي، نتَّاثْ وَارْ ثتّْقَارَّابْ شَا غَارْ أَربِّي نّسْ.
ZEP 3:3 ڒْحُوكَّامْ نّسْ ذِي ڒْوسْطْ نّسْ ذ أَيْرَاذنْ إِتَّارُّوجْذُوذنْ، ڒْقُوضَاثْ نّسْ ذ ؤُشَّاننْ ن دْجِيڒثْ، إِنِّي وَارْ إِتّجِّينْ وَالُو أَڒْ ثُوفُّوثْ.
ZEP 3:4 إِنَابِييّنْ نّسْ ذَايْسنْ ڒفْشُوشْ، نِيثْنِي ذ إِرْيَازنْ إِخدَّاعنْ! إِكهَّاننْ نّسْ سّْفسْذنْ زَّاوشْثْ إِقدّْسنْ، نِيثْنِي خَالْفنْ شَّارِيعَا.
ZEP 3:5 سِيذِي أَمْسڭّذْ [أَقَا-ث] ذِي ڒْوسْثْ نّسْ. نتَّا وَارْ إِتّڭّْ شَا مِينْ وَارْ إِسڭّْذنْ. كُوڒْ ثُوفُّوثْ إِتَّارَّا ڒْحقّْ نّسْ غَارْ ثْفَاوْثْ، عمَّارْصْ وَارْ ثْنقّصْ! [مَاشَا] ونِّي إِتّڭّنْ مِينْ وَارْ إِسڭّْذنْ، وَارْ إِسِّينْ شَا أَسضْحِي.
ZEP 3:6 نشّْ قْضِيغْ ڒڭْنُوسْ، أَردّْدْجغْ صُّومْعَاثْ نْسنْ ن ثْغمُّورَا. نشّْ خْڒِيغْ إِ ثْبْرِيذِينْ نّسْ، أَڒَامِي ؤُڒَا ذ إِجّنْ وَارْ إِقِّيمْ عَاذْ إِتّْسَارَا ذِينِّي. ثِيندَّامْ نْسنْ تّْوَاردّْدْجنْثْ، وَارْ إِقِّيمْ حذْ، ؤُڒَا ذ إِجّْ ن ؤُمزْذُوغْ.
ZEP 3:7 نشّْ نِّيغْ: إِتّْخصَّا شمْ أَذْ أَيِي ثڭّْوذذْ، أَذْ ثكْسِيذْ أَودّبْ!، حِيمَا وَارْ ثتّْوَاكّسْ ثْزذِّيغْثْ نّسْ، [س] مَارَّا مِينْ ذ أَسْ غَا ڭّغْ. س ثِيذتّْ، نِيثْنِيغوّْغنْ زِيشْ، مَاحنْذْ أَذْ سّْفضْحنْ ثِيمڭَّا نْسنْ أَڒْ طَّارْفْ.
ZEP 3:8 س ؤُيَا رَاجَامْ أَيِي، إِقَّارْ سِيذِي، أَسّْ إِ ذِي د غَا كَّارغْ إِ ثْكشَّاضْثْ. مِينْزِي أَيَا ذ ڒْحُوكْمْ إِنُو [إِسڭّْذنْ] أَقَا أَذْ جَارْوغْ ڒڭْنُوسْ، أَذْ سّْمُونغْ ثِيڭلْذِينْ، حِيمَا أَذْ خَاسنْ سّْفسْيغْ أَسْخضْ إِنُو، مَارَّا ڒْحَاذُوقْ ن وغْضَابْ إِنُو، مَاغَارْ س ثْمسِّي ن ثُوسْمِي إِنُو [إِقدّْسنْ] أَذْ ثتّْوَاشّْ مَارَّا ثَامُّورْثْ.
ZEP 3:9 مِينْزِي خنِّي نشّْ أَذْ بدّْڒغْ [ڒْْحَارْذْ] ن ڒڭْنُوسْ إِينْشِيشنْ إِمزْذَاڭنْ [أَذْ ثنْ وْشغْ]، أَڒَامِي إِ غَا ڒَاغَانْ خْ يِيسمْ ن سِيذِي، حِيمَا أَذْ ثعبّْذنْ [أَمْ س] يِيشْثْ ن ثغْرُوضْثْ.
ZEP 3:10 زڭْ ؤُجمَّاضْ ن إِغزْرَانْ ن كُوشْ، إِنِّي خَافِي إِتّْژَادْجَانْ، يدْجِيسْ ن إِمّْطَارّْشنْ إِنُو، أَذْ [ت] أَوْينْ نِيثْنِي [أَمشْنَاوْ] ثوْهِيبْثْ إِنُو.
ZEP 3:11 ذڭْ وَاسّْ نِّي وَارْ ثْسضْحِيذْ شَا [عَاذْ]، خْ مَارَّا ثِيمڭَّا إِ زِي خَافِي ثْغوّْغذْ، مِينْزِي أَذْ كّْسغْ زِي ڒْوسْطْ نّمْ إِنِّي إِتّْفيّْشنْ ذِي نّْفَاخثْ، ؤُ كنِّيوْ وَارْ ثسّْڭعَّاذمْ عَاذْ إِخفْ نْومْ خْ وذْرَارْ إِنُو إِقدّْسنْ.
ZEP 3:12 نشّْ أَذْ جّغْ ذِي ڒْوسْطْ نّمْ إِجّْ ن ڒْڭنْسْ إِتّْوَاحْصَارْ، إِژڒْضْ. نِيثْنِي أَذْ أَروْڒنْ غَارْ يِيسمْ ن سِيذِي.
ZEP 3:13 مِينْ إِقِّيمنْ ن إِسْرَائِيل وَارْ إِتّڭّْ مِينْ وَارْ إِسڭّْذنْ، نِيثْنِي وَارْ سّْخَارِّيقنْ شَا، ؤُ ذڭْ ؤُقمُّومْ نْسنْ وَارْ إِتّتّْوِيفِي يِيڒسْ إِسّْخَارِّيقنْ، مَاشَا نِيثْنِي أَذْ هدَّانْ أَذْ زّْڒنْ، ؤُ ؤُڒَا ذ إِجّنْ أَذْ ثنْ إِسّْنخْڒِيعْ.
ZEP 3:14 غنّجْ، [أَ] يدْجِيسْ ن صِيهْيُونْ، سْڒِيوْڒوْ، [أَ] إِسْرَائِيل. فَارْحْ ؤُ ثْفَادْجِيذْ س مَارَّا ؤُڒْ نّمْ، [أَ،] يدْجِيسْ ن ؤُرْشَالِيمْ!
ZEP 3:15 سِيذِي إِكّسْ ڒحْكَامَاثْ نّمْ، نتَّا أَقَا إِمْحَا ڒعْذُو نّمْ. أَجدْجِيذْ ن إِسْرَائِيل، سِيذِي، أَقَا-ث ذِي ڒْوسْطْ نّمْ! وَارْ ثْژَارّذْ عَاذْ ڒْغَارْ.
ZEP 3:16 ذڭْ وَاسّْ نِّي أَذْ إِنِينْ إِ ؤُرْشَالِيمْ: وَارْ تّڭّْوذْ شَا، صِيهْيُونْ! وَارْ تّجِّي إِفَاسّنْ نّمْ أَذْ أَرْخُونْعمَّارْصْ [عَاذْ]!
ZEP 3:17 سِيذِي، أَربِّي نّمْ، أَقَا-ث ذِي ڒْوسْثْ نّمْ، بُو-ثغْرُوضْثْ نِّي إِ د غَا يَاوْينْ أَسنْجمْ نتَّا أَذْ زَّايمْ إِفَارْحْ س وَاطَّاسْ، نتَّا أَذْ إِسغْضْ ذِي ثَايْرِي نّسْ، نتَّا أَذْ خَامْ إِسْڒِيوْڒوْ س ؤُغنّجْ.‘
ZEP 3:18 نشّْ أَذْ سّْمُونغْ إِنِّي إِشطّْننْ [ؤُمِي وَارْ زمَّارنْ أَذْ شَارْشنْ] [ذِي] ثْمسْمُونْثْ إِتّْوَاڭّنْ [إِ ڒْعِيذْ]. أَقَا نِيثْنِي زَّايمْ! دّْقڒْ ن ڒْحڭْرَا أَقَا-ث خَاسْ.
ZEP 3:19 خْزَارْ، نشّْ أَذْ شغْڒغْ إِخفْ إِنُو أَكْ-ذ يِينِّي شمْ إِحْصَارنْ. نشّْ أَذْ سّْنجْمغْ إِقجْذَاحنْ ؤُ يِينِّي إِتّْوَاسُّوفّْغنْ أَذْ ثنْ سّْمُونغْ. نشّْ أَذْ أَسنْ وْشغْ ڒْعزّْ ذ يِيجّْ ن إِسمْ إِشنّْعنْ، ذِي مَارَّا دُّونشْثْ نِّي ثنْ ثُوغَا إِسّْفطّْحنْ.
ZEP 3:20 ذِي ڒْوقْثْ نِّي أَذْ كنِّيوْ د-أَرّغْ، ؤُ ذِي ڒْوقْثْ نِّي أَذْ كنِّيوْ سّْمُونغْ، نشّْ أَذْ أَومْ وْشغْ إِجّْ ن يِيسمْ [إِشنّْعنْ] ذ ڒْعزّْ جَارْ مَارَّا ڒڭْنُوسْ ن دُّونشْثْ، خْمِي إِ زَّايْومْ غَا سّنْقڒْبغْ ثَامحْبَاسْثْ نْومْ زَّاثْ إِ ثِيطَّاوِينْ نْومْ، إِنَّا سِيذِي.
HAG 1:1 ذڭْ ؤُسڭّْوَاسْ وِيسّْ ثْنَاينْ ن ؤُجدْجِيذْ ذَارِييُوسْ، ذڭْ ؤُيُورْ وِيسّْ ستَّا، ذڭْ وَاسّْ أَمزْوَارُو ن ؤُيُورْ، يُوسَا-د وَاوَاڒْ ن سِيذِي، س ؤُفُوسْ ن حَاڭَّايْ، أَنَابِي، غَارْ زَارُوبَّابِيلْ، مِّيسْ ن شَأَلْتِيئِيلْ، لْوَالِي ن يَاهُوذَا، ؤُ غَارْ يَاهُوشَاعْ مِّيسْ ن يَاهُوصَاذَاقْ، أَرَّايْسْ ن إِكهَّاننْ، إِنَّا:
HAG 1:2 ”أَمُّو إِ إِسَّاوَاڒْ سِيذِي ن ڒْعسْكَارْ، إِقَّارْ: ڒْڭنْسْ-أَ إِقَّارْ: ’عَاذْ وَارْ د-يِيوِيضْ ڒْحَاڒْ، ڒْحَاڒْ مَاحنْذْ أَذْ ثتّْوَابْنَا ثَادَّارْثْ ن سِيذِي عَاوذْ.‘ “
HAG 1:3 [خنِّي] يُوسَا-د وَاوَاڒْ ن سِيذِي س ؤُفُوسْ ن ؤُنَابِي حَاڭَّايْ، إِنَّا:
HAG 1:4 ”مَا يِيوذْ-د ڒْحَاڒْ حِيمَا كنِّيوْ أَذْ ثْزذْغمْ ذِي ثُوذْرِينْ نْومْ إِتّْوَاسقّْفنْ، [أَمْ] ثَادَّارْثْ-أَ ذ ڒْخَارْبثْ؟
HAG 1:5 ڒخُّو [مَاشَا] إِنَّا سِيذِي ن ڒْعسْكَارَاثْ: حْضَامْ مْلِيحْ إِبْرِيذنْ نْومْ [ذڭْ] وُوڒَاونْ نْومْ ...
HAG 1:6 كنِّيوْ ثْزَارّْعمْ أَطَّاسْ، ثْمجَّارمْ ذْرُوسْ. كنِّيوْ ثتّتّمْ، وَارْ ثتّْجِّيوِينمْ، كنِّيوْ ثْسسّمْ، [مَاشَا] وَارْ إِدْجِي أَڒَامِي إِ غَا ثسْشَارمْ، كنِّيوْ ثْيَارْضمْ أَرُّوضْ، [مَاشَا] وَارْ إِسّْحمِّي، ؤُ ونِّي ذ غَا إِطّْفنْ ڒْمُونثْ، أَذْ إِطّفْ ڒْمُونثْ ذڭْ إِشْثْ ن ثْكمُّوسْثْ ثنُّوقّبْ.
HAG 1:7 أَمُّو إِ إِقَّارْ سِيذِي ن ڒْعسْكَارْ: حْضَامْ مْلِيحْ إِبْرِيذنْ نْومْ [ذڭْ] وُوڒَاونْ نْومْ.
HAG 1:8 ڭعّْذمْ أَذْرَارْ، أَوْيمْ-د أَكشُّوضْ ؤُ بْنَامْ ثَادَّارْثْ-أَ ؤُ نشّْ أَذْ خَاسْ أَرْضِيغْ ؤُ أَذْ زَّايسْ تّْوَاسّْعُودْجغْ، إِنَّا سِيذِي.
HAG 1:9 كنِّيوْ ثَارِّيمْ ثَايْنِيثْ إِ وَاطَّاسْ [ن ڒْغِيدْجثْ]، [مَاشَا] خْزَارمْ، [أَقَا-ث] مْغِيرْ ذْرُوسْ ؤُ خْمِي ث-إِ-د-ثتَّاوْيمْ غَارْ ثَادَّارْثْ، نشّْ تّْسُوضغْ خَاسْ. مَايمِّي؟ [أَمُّو إِ] إِقَّارْ سِيذِي ن ڒْعسْكَارَاثْ. زِي سِّيبّثْ ن ثَادَّارْثْ إِنُو ثنِّي [إِذوْڒنْ] ذ ڒْخَارْبثْ، [أَمْ] كُوڒْ إِجّنْ [زَّايْومْ] إِتَّازّڒْ خْ ثَادَّارْثْ [ن يِيخفْ] نّسْ.
HAG 1:10 خْ ؤُيَا منّْعنْ خَاومْ إِجنْوَانْ نّْذَا ؤُ ثَامُّورْثْ ثْمنّعْ [خَاومْ] ڒْغِيدْجثْ نّسْ.
HAG 1:11 نشّْ ڒَاغِيغْ-د خْ ڒكْحضْ إِ ثمُّورْثْ، خْ إِذُورَارْ، خْ إِمنْذِي، خْ بِينُو، خْ زّشْثْ، ؤُ خْ مَارَّا مِينْ إِ د-ثتَّاوِي ثمُّورْثْ، ؤُڒَا خْ إِوْذَانْ ؤُ خْ ڒْمَاڒْ ؤُ خْ وَارْبرْ ن إِفَاسّنْ.“
HAG 1:12 [خنِّي] إِسْڒَا زَارُوبَّابِيلْ، مِّيسْ ن شَأَلْتِيئِيلْ، ؤُ [أَكِيذسْ] يَاهُوشَاعْ، مِّيسْ ن يَاهُوصَاذَاقْ، أَرَّايْسْ ن إِكهَّاننْ، ؤُ مَارَّا مِينْ إِقِّيمنْ ن ڒْڭنْسْ، غَارْ ثْمِيجَّا ن سِيذِي، أَربِّي نْسنْ، ؤُ غَارْ وَاوَاڒنْ ن ؤُنَابِي حَاڭَّايْ، أَمْ مَامّشْ إِ ث إِسّكّْ سِيذِي، أَربِّي نْسنْ. ؤُ نِيثْنِي، ڒْڭنْسْ، ڭّْوذنْ زَّاثْ إِ وُوذمْ ن سِيذِي.
HAG 1:13 إِبَارّحْ حَاڭَّايْ، أَمْسخَّارْ ن سِيذِي، إِ ڒْڭنْسْ، إِنَّا: ”نشّْ أَقَا أَيِي أَكِيذْومْ!“ إِقَّارْ سِيذِي.
HAG 1:14 ؤُشَا إِسّكَّارْ سِيذِي بُوحْبڒْ ن زَارُوبَّابِيلْ، مِّيسْ ن شَأَلْتِيئِيلْ، لْوَالِي ن يَاهُوذَا، ؤُڒَا ذ بُوحْبڒْ ن يَاهُوشَاعْ، مِّيسْ ن يَاهُوصَاذَاقْ، أَرَّايْسْ ن إِكهَّاننْ، ؤُڒَا ذ بُوحْبڒْ ن مَارَّا مِينْ إِقِّيمنْ زِي ڒْڭنْسْ ؤُ نِيثْنِي ؤُسِينْ-د ؤُ ڭِّينْ ڒْخذْمثْ ذِي ثَادَّارْثْ ن سِيذِي ن ڒْعسْكَارَاثْ، أَربِّي نْسنْ.
HAG 1:15 ذڭْ وَاسّْ وِيسّْ أَربْعَا ؤُ-عِيشْرِينْ ن ؤُيُورْ، ذڭْ ؤُيُورْ وِيسّْ ستَّا، ذڭْ ؤُسڭّْوَاسْ وِيسّْ ثْنَاينْ ن ؤُجدْجِيذْ ذَارِييُوسْ.
HAG 2:1 ذڭْ ؤُيُورْ وِيسّْ سبْعَا، ذڭْ وَاسّْ وِيسّْ وَاحِيثْ ؤُ-عِيشْرِينْ ن ؤُيُورْ، يُوسَا-د وَاوَاڒْ ن سِيذِي س ؤُفُوسْ ن حَاڭَّايْ، إِنَّا:
HAG 2:2 ”سِيوڒْ خنِّي غَارْ زَارُوبَّابِيلْ، مِّيسْ ن شَاعَالْثِييِيلْ، لْوَالِي ن يَاهُوذَا، ؤُ غَارْ يَاهُوشَاعْ، مِّيسْ ن يَاهُوصَاذَاقْ، أَرَّايْسْ ن إِكهَّاننْ، ؤُ غَارْ مِينْ إِقِّيمنْ زِي ڒْڭنْسْ، إِنِي:
HAG 2:3 وِي زَّايْومْ إِقِّيمنْ زڭْ إِنِّي إِژْرِينْ [عَاذْ] ثَادَّارْثْ-أَ س ؤُعُودْجِي نّسْ أَمزْوَارُو؟ ذ مَامّشْ إِ ت ثتّْوَاڒَامْ ڒخُّو؟ مَا وَارْ ثدْجِي جَارْ ثِيطَّاوِينْ نْومْ أَمْ وَالُو؟
HAG 2:4 مَاشَا ڒخُّو، مْحضْ، [أَ] زَارُوبَّابِيلْ، إِقَّارْ سِيذِي، مْحضْ، [أَ] يَاهُوشَاعْ، مِّيسْ ن يَاهُوصَاذَاقْ، أَرَّايْسْ ن إِكهَّاننْ، محْضمْ [كنِّيوْ] مَارَّا إِمزْذَاغْ ن ثمُّورْثْ، إِقَّارْ سِيذِي. كَّارمْ غَارْ ڒْخذْمثْ، مَاغَارْ نشّْ أَقَا أَيِي أَكِيذْومْ، [أَمُّو إِ] إِقَّارْ سِيذِي ن ڒْعسْكَارَاثْ.
HAG 2:5 أَوَاڒْ إِ زِي ڭِّيغْ إِجّْ ن ڒْعَاهْذْ أَكِيذْومْ، ڒَامِي د-ثفّْغمْ زِي مِيصْرَا، ؤُ أَرُّوحْ إِنُو، أَقَا أَثنْ [س ثْنَاينْ إِذْسنْ] بدّنْ ذِي ڒْوسْطْ نْومْ. وَارْ تّڭّْوذمْ شَا!
HAG 2:6 مَاغَارْ أَمُّو إِ إِقَّارْ سِيذِي ن ڒْعسْكَارَاثْ: عَاذْ إِشْثْ ن ثْوَاڒَا، [مْغِيرْ] ذْرُوسْ ن ڒْحَاڒْ، نشّْ أَذْ سّنْهزّغْ إِجنْوَانْ ذ ثمُّورْثْ، ڒبْحَارْ ذ ڒْبَارّْ.
HAG 2:7 نشّْ أَذْ جّغْ مَارَّا ڒڭْنُوسْ أَذْ أَرْجِيجنْ ؤُ أَذْ د-أَسنْ [س] مِينْ إِغْڒَانْ أَطَّاسْ زِي مَارَّا ڒڭْنُوسْ ؤُ نشّْ أَذْ شُّورغْ ثَادَّارْثْ-أَ [س] ؤُعُودْجِي!، [أَمُّو إِ] إِقَّارْ سِيذِي ن ڒْعسْكَارَاثْ.
HAG 2:8 إِنُو نُّوقَارْثْ ؤُ إِنُو وُورغْ، إِقَّارْ سِيذِي ن ڒْعسْكَارَاثْ.
HAG 2:9 أَعُودْجِي ن ثَادَّارْثْ-أَ ثَانڭَّارُوثْ أَذْ يِيڒِي ذ أَمقّْرَانْ خْ ونِّي ن [ثَادَّارْثْ] ثَامزْوَارُوثْ، إِقَّارْ سِيذِي ن ڒْعسْكَارَاثْ، ؤُ نشّْ أَذْ وْشغْ ڒهْنَا ذڭْ ومْشَانْ-أَ، [أَمُّو إِ] إِقَّارْ سِيذِي ن ڒْعسْكَارَاثْ.“
HAG 2:10 ذڭْ وَاسّْ وِيسّْ أَربْعَا ؤُ-عِيشْرِينْ ن ؤُيُورْ وِيسّْ ثسْعَا، ذڭْ ؤُسڭّْوَاسْ وِيسّْ ثْنَاينْ ن ذَارِييُوسْ، يُوسَا-د وَاوَاڒْ ن سِيذِي س ؤُفُوسْ ن حَاڭَّايْ، إِنَّا:
HAG 2:11 ”أَمُّو إِ إِقَّارْ سِيذِي ن ڒْعسْكَارَاثْ: سقْسَامْ خنِّي إِكهَّاننْ [خْ] شَّارِيعَا، إِنِي:
HAG 2:12 خْزَارْ، إِجّنْ إِكْسِي أَيْسُومْ إِقدّْسنْ ذڭْ ؤُبحْرُورْ ن وَارُّوضْ نّسْ ؤُ س ؤُبحْرُورْ نّسْ إِحَاذَا أَغْرُومْ نِيغْ مِينْ إِونَّانْ نِيغْ بِينُو نِيغْ زّشْثْ نِيغْ مِينْ مَا إِتّمْوَاشَّانْ، مَا مَانْ أَيَا أَذْ إِذْوڒْ إِقدّسْ؟“ ؤُشَا أَرِّينْ-د إِكهَّاننْ، نَّانْ ”لَّ!“
HAG 2:13 ؤُشَا إِنَّا حَاڭَّايْ: ”مَاڒَا إِجّْ إِذْوڒْ إِخْمجْ زڭْ إِشْثْ ن ڒْخشْبثْ، ؤُشَا خنِّي إِحَاذَا شَا زِي مَارَّا مَانْ أَيَا، مَا مَانْ أَيَا أَذْ إِذْوڒْ [خنِّي] إِخْمجْ؟“ أَرِّينْ-د [خَاسْ] إِكهَّاننْ، نَّانْ: ”أَذْ إِذْوڒْ إِخْمجْ!“
HAG 2:14 [ڒخْذنِّي] يَارَّا-د حَاڭَّايْ، إِنَّا: ”أَمُّو إِ يدْجَا ڒْڭنْسْ-أَ ؤُ أَمُّو إِ يدْجَا ڒْڭنْسْ-أَ زَّاثْ إِ وُوذمْ إِنُو، إِقَّارْ سِيذِي، ؤُ أَمُّو إِ ثدْجَا مَارَّا ڒْخذْمثْ ن إِفَاسّنْ نْسنْ ؤُ مِينْ قدّْمنْ ذ دّْبِيحثْ، أَقَا-ت إِخْمجْ.
HAG 2:15 [مَاشَا] ڒخُّو، زڭْ وَاسّْ-أَ ذ ثْسَاونْثْ ڭّمْ ؤُڒَاونْ نْومْ [خْ مَانْ أَيَا]: قْبڒْ مَا إِتّْوَاسَّارْسْ وژْڒُو خْ وژْرُو ذِي زَّاوشْثْ ثَامقّْرَانْثْ ن سِيذِي،
HAG 2:16 قْبڒْ مَا أَذْ إِمْسَارْ ؤُيَا، يُوسَا-د يِيجّنْ غَارْ يِيجّْ ن ؤُعُورِّيشْ ن إِمنْذِي ن عِيشْرِينْ ن ڒقْيَاسْ، أَمُّو إِ ثُوغَا [ذِينْ] مْغِيرْعشْرَا، [ؤُ] يُوسَا-د يِيجّْ غَارْ يِيشْثْ ن ثْسِيرْثْ [ن ؤُضِيڒْ]، حِيمَا أَذْ يَايمْ خمْسِينْ ن إِبَارْمِيڒنْ، أَمُّو ثُوغَا [ذِينْ] مْغِيرْ عِيشْرِينْ.
HAG 2:17 نشّْ وْثِيغْ كنِّيوْ س [إِمنْذِي] إِتّْوَاسّْشمْضنْ [زڭْ ؤُسمِّيضْ]، س جّْرِيحشْثْ ن وفْسُو ؤُ س ثبْرُورِّي، [وْثِيغْ] مَارَّا ڒْخذْمثْ ن إِفَاسّنْ نْومْ، [مَاشَا] كنِّيوْ وَارْ د غَارِي ثذْوِيڒمْ شَا، [أَمُّو إِ] إِقَّارْ سِيذِي.
HAG 2:18 زڭْ وَاسّْ-أَ ذ ثْسَاونْثْ ڭّمْ ؤُڒَاونْ نْومْ خْ مَانْ أَيَا، زڭْ وَاسّْ وِيسّْ أَربْعَا ؤُ-عِيشْرِينْ ن ؤُيُورْ وِيسّْ ثسْعَا، زڭْ وَاسّْ نِّي ذِي إِتّْوَاسَّارْسْ ذْسَاسْ ن زَّاوشْثْ ثَامقّْرَانْثْ ن سِيذِي، ڭّمْ ؤُڒَاونْ نْومْ [خْ مَانْ أَيَا]،
HAG 2:19 مَا أَقَا ذِينْ زَّارِّيعثْ ذِي ثسْرَافْثْ؟ ثَازَايَارْثْ ذ وَارْثُو ن ثَازَارْثْ ذ ثْشجَّارْثْ ن أَرمَّانْ ذ ثْشجَّارْثْ ن زِّيثُونْ وَارْ د-إِوْينْ [عَاذْ] ڒْغِيدْجثْ! زڭْ وَاسّْ-أَ نشّْ أَذْ بَارْكغْ!“
HAG 2:20 ذڭْ وَاسّْ وِيسّْ أَربْعَا ؤُ-عِيشْرِينْ يُوسَا-د وَاوَاڒْ ن سِيذِي إِ حَاڭَّايْ إِ ثْوَاڒَا وِيسّْ ثْنَاينْ، إِنَّا:
HAG 2:21 ”سِيوڒْ غَارْ زَارُوبَّابِيلْ، لْوَالِي ن يَاهُوذَا، إِنِي: نشّْ أَذْ سّنّْهزّغْ إِجنْوَانْ ذ ثمُّورْثْ،
HAG 2:22 ؤُ نشّْ أَذْ سّنْقڒْبغْ ڒْعَارْشْ ن ثْڭلْذِينْ ذ ثْزمَّارْ ن ثْڭلْذِينْ نْ ڒڭْنُوسْ، نشّْ أَذْ سّنْقڒْبغْ إِكَارُّوثنْ [ن ؤُمنْغِي] س يِينِّي إِ ثنْ إِندّْهنْ ؤُڒَا ذ يِييْسَانْ أَكْ-ذ إِمْنَاينْ نْسنْ أَذْ تّْوَاغضْڒنْ، كُوڒْ إِجّْ ذِي سِّيفْ ن ونّغْنِي.
HAG 2:23 ذڭْ وَاسّْ نِّي، إِقَّارْ سِيذِي ن ڒْعسْكَارَاثْ، نشّْ أَذْ شكْ كْسِيغْ، زَارُوبَّابِيلْ، مِّيسْ ن شَأَلْتِيئِيلْ، أَمْسخَّارْ إِنُو، إِقَّارْ سِيذِي، ؤُ نشّْ أَذْ شكْ أَرّغْ ذ ثْخَاذنْثْ ن ؤُشمّعْ، مَاغَارْ نشّْ إِخْضَارغْ شكْ!، [أَمُّو إِ] إِقَّارْ سِيذِي ن ڒْعسْكَارَاثْ.“
ZEC 1:1 ذڭْ ؤُيُورْ وِيسّْ ثْمنْيَا، ذڭْ ؤُسڭّْوَاسْ وِيسّْ ثْمنْيَا ن ذَارِييُوسْ، يُوسَا-د وَاوَاڒْ ن سِيذِي غَارْ زَاكَارِييَّا، مِّيسْ ن بَارَاخْيَا، مِّيسْ ن عِيدُّو، أَنَابِي، إِنَّا:
ZEC 1:2 ”سِيذِي ثُوغَا إِفُّوڭمْ أَطَّاسْ خْ ڒجْذُوذْ نْومْ.
ZEC 1:3 إِنِي أَسنْ: ’أَمُّو إِ إِقَّارْ سِيذِي ن ڒْعسْكَارَاثْ: ذْوڒْ-د غَارِي، [أَمُّو إِ] إِقَّارْ سِيذِي ن ڒْعسْكَارَاثْ، خنِّي نشّْ أَذْ غَارْومْ-د ذوْڒغْ، إِقَّارْ سِيذِي ن ڒْعسْكَارَاثْ.
ZEC 1:4 وَارْ تِّيڒِيمْ أَمْ ڒجْذُوذْ نْومْ إِ يِينِّي ؤُمِي بَارّْحنْ إِنَابِييّنْ ن زِيشْ، نَّانْ: ’أَمُّو إِ إِقَّارْ سِيذِي ن ڒْعسْكَارَاثْ، ذوْڒمْ-د خنِّي زڭْ إِبْرِيذنْ نْومْ إِعفّْننْ ؤُ زِي ثْمڭَّا نْومْ إِعفّْننْ!‘ مَاشَا نِيثْنِي وَارْ سْڒِينْ شَا ؤُ وَارْ ذ أَيِي وْشِينْ أَمزُّوغْ، [أَمُّو إِ] إِقَّارْ سِيذِي.
ZEC 1:5 ڒجْذُوذْ نْومْ، مَانِي دْجَانْ؟ ؤُ إِنَابِييّنْ، مَا أَذْ دَّارنْ إِ ڒبْذَا؟
ZEC 1:6 مَاشَا أَوَاڒنْ إِنُو ذ ثْوصَّا إِنُو نِّي ؤُمُورغْ إِ إِمْسخَّارنْ إِنُو، إِنَابِييّنْ، مَا وَارْ ڒْقِيفنْ ڒجْذُوذْ نْومْ؟ نِيثْنِي ذوْڒنْ-د، نَّانْ: أَمْ مَامّشْ ثُوغَا سِيذِي ن ڒْعسْكَارَاثْ إِنكّْوَا أَذْ يڭّْ أَكِيذْنغْ عْلَاحْسَابْ إِبْرِيذنْ نّغْ ذ ثْمڭَّا نّغْ، أَمُّو إِ إِڭَّا نتَّا أَكِيذْنغْ.‘ “
ZEC 1:7 ذڭْ وَاسّْ وِيسّْ أَربْعَا ؤُ-عِيشْرِينْ، ذڭْ ؤُيُورْ وِيسّْ حِيطَاشْ، وَا ذ أَيُورْ ن شَابَاطْ، ذڭْ ؤُسڭّْوَاسْ وِيسّْ ثْنَاينْ ن ذَارِييُوسْ يُوسَا-د وَاوَاڒْ ن سِيذِي غَارْ زَاكَارِييَّا، مِّيسْ ن بَارَاخْيَا، مِّيسْ ن عِيدُّو، أَنَابِي، حِيمَا أَذْ [كِيسْ] إِسِّيوڒْ.
ZEC 1:8 نشّْ ژْرِيغْ ذِي دْجِيڒثْ، خْزَارْ، أَقَا إِجّْ ن ورْيَازْ خْ إِجّْ ن ؤُيِيسْ ذ أَزڭّْوَاغْ. نتَّا ثُوغَا إِبدّْ جَارْ ثْشجُّورَا ن ثْرِيحَانْثْ ذِي ڒَادْجَاغْ ؤُ أَوَارْنِي أَسْ ذِينْ إِيْسَانْ إِزڭّْوَاغنْ ذ [ييْسَانْ] إِقَارْقَاشنْ ذ [ييْسَانْ] إِشمْڒَاڒنْ.
ZEC 1:9 نشّْ نِّيغْ: ”سِيذِي إِنُو، مِينْ عْنَانْ إِنَا؟“ [ڒخْذنِّي] إِنَّا أَيِي لْمَالَاكْ نِّي كِيذِي إِسَّاوَاڒنْ: ”نشّْ أَذْ أَشْ سّشْنغْ مِينْ عْنَانْ إِنَا!“
ZEC 1:10 أَرْيَازْ نِّي إِبدّنْ جَارْ ثْشجُّورَا ن ثْرِيحَانْثْ، يَارَّا-د، إِنَّا: ”إِنَا ذ إِنِّي د-إِسّكّْ سِيذِي حِيمَا أَذْ سُوحنْ خْ ثمُّورْثْ.“
ZEC 1:11 نِيثْنِي أَرِّينْ-د خْ لْمَالَاكْ ن سِيذِي، ونِّي إِبدّنْ جَارْ ثْشجُّورَا ن ثْرِيحَانْثْ، نَّانْ: ”نشِّينْ نْسُوحْ ذِي ثمُّورْثْ، ؤُ خْزَارْ، مَارَّا ثَامُّورْثْ ثقِّيمْ، ثَارْسَا.“
ZEC 1:12 [خنِّي] يَارَّا-د لْمَالَاكْ ن سِيذِي، إِنَّا: ”[أَ] سِيذِي ن ڒْعسْكَارَاثْ، أَڒْ مڒْمِي [عَاذْ] وَارْ ثتّْحِينِّيذْ خْ ؤُرْشَالِيمْ ؤُ خْ ثْندَّامْ ن يَاهُوذَا نِّي خْ ثُوغَا ثْسخْضذْ سبْعِينْ ن إِسڭّْوُوسَا-يَا؟“
ZEC 1:13 سِيذِي يَارَّا-د خْ لْمَالَاكْ نِّي كِيذِي إِسَّاوَاڒنْ [س] وَاوَاڒنْ شْنَانْ، [س] وَاوَاڒنْ ن ؤُفوّجْ.
ZEC 1:14 لْمَالَاكْ نِّي كِيذِي إِسَّاوَاڒنْ، إِنَّا أَيِي: ”بَارّحْ، إِنِي: ’أَمُّو إِ إِقَّارْ سِيذِي ن ڒْعسْكَارَاثْ: نشّْ ؤُسْمغْ ذِي طّْوعْ ن ؤُرْشَالِيمْ ذ صِيهْيُونْ س وَاسَامْ ذ أَمقّْرَانْ.
ZEC 1:15 س إِجّْ ن ؤُذُوقّزْ أَمقّْرَانْ ن وغْضَابْ إِنُو فُّوڭْمغْ خْ ڒڭْنُوسْ إِنّفْخنْ. نشّْ ثُوغَا فُّوڭْمغْ مْغِيرْ شْوَايْثْ ن ڒْوقْثْ، مَاشَا نِيثْنِي رُوحنْ أَرْنِينْ ذَايسْ.‘
ZEC 1:16 س ؤُيَا، أَمُّو إِ إِقَّارْ سِيذِي: ’نشّْ ذوْڒغْ-د غَارْ ؤُرْشَالِيمْ س ثحْنُونشْثْ، ثَادَّارْثْ إِنُو أَذْ ثتّْوَابْنَا ذَايسْ، أَمُّو إِ إِقَّارْ سِيذِي ن ڒْعسْكَارَاثْ، ؤُشَا أَفِيڒُو نْ ڒعْبَارْ أَذْ إِتّْوَاڭّْ خْ ؤُرْشَالِيمْ.‘
ZEC 1:17 أَرْنِي بَارّحْ، إِنِي: ’أَمُّو إِ إِقَّارْ سِيذِي ن ڒْعسْكَارَاثْ: ثِيندَّامْ إِنُو أَذْ فيّْضنْثْ عَاوذْ سْ ڒْخَارْ، مَاغَارْ سِيذِي أَذْ إِسّْفوّجْ صِيهْيُونْ عَاوذْ ؤُ نتَّا أَذْ إِخْضَارْ ؤُرْشَالِيمْ عَاوذْ.‘ “
ZEC 2:1 نشّْ سّْڭعّْذغْ ثِيطَّاوِينْ إِنُو ؤُشَا ژْرِيغْ، ؤُ خْزَارْ [أَقَا ذِينْ] أَربْعَا ن وَاشَّاونْ.
ZEC 2:2 نشّْ نِّيغْ إِ لْمَالَاكْ نِّي كِيذِي إِسَّاوَاڒنْ: ”مِينْ عْنَانْ إِنَا؟“ نتَّا يَارَّا-د خَافِي: ”إِنَا ذ أَربْعَا ن وَاشَّاونْ نِّي إِزُّوزَارنْ يَاهُوذَا، إِسْرَائِيل ذ ؤُرْشَالِيمْ.“
ZEC 2:3 [خنِّي] إِسّْشنْ أَيِي سِيذِي أَربْعَا ن إِمْزِيڒنْ.
ZEC 2:4 [ڒخْذنِّي] نشّْ نِّيغْ: ”مِينْ ؤُمِي د-ؤُسِينْ نِيثْنِي، مِينْ غَا ڭّنْ؟“ نتَّا إِسِّيوڒْ، إِنَّا: ”إِنَا ذ أَشَّاونْ نِّي إِزُّوزَارنْ يَاهُوذَا، أَڒَامِي وَارْ د-إِسّْڭعّذْ [عَاذْ] ؤُڒَا ذ إِجّْ أَزدْجِيفْ نّسْ، مَاشَا إِنَا ؤُسِينْ-د حِيمَا أَذْ ثنْ سّْنخْڒْعنْ، حِيمَا أَذْ نْضَارنْ أَشَّاونْ ن ڒڭْنُوسْ نِّي د-إِسّْڭعّْذنْ إِشّْ ضِيدّْ إِ ثمُّورْثْ ن يَاهُوذَا حِيمَا أَذْ ت زُوزَّارنْ.“
ZEC 2:5 نشّْ سّْڭعّْذغْ ثِيطَّاوِينْ إِنُو، ژْرِيغْ، ؤُ خْزَارْ، أَقَا [ذِينْ] إِجّْ ن ورْيَازْ س ؤُفِيڒُو ن ڒعْبَارْ ذڭْ ؤُفُوسْ نّسْ.
ZEC 2:6 نشّْ نِّيغْ: ”مَانِي غَا ثْرَاحذْ شكْ؟“ نتَّا يَارَّا-د ”[نشّْ أَذْ رَاحغْ] حِيمَا أَذْ عْبَارغْ ؤُرْشَالِيمْ مَاحنْذْ أَذْ ژَترغْ مشْحَاڒْ [ثدْجَا] ثِيرُو نّسْ ؤُ مشْحَاڒْ [ثدْجَا] ثُوزّڭَّارْثْ نّسْ.“
ZEC 2:7 ؤُ خْزَارْ، إِفّغْ-د لْمَالَاكْ نِّي كِيذِي إِسَّاوَاڒنْ ؤُشَا إِجّْ ن لْمَالَاكْ نّغْنِي إِفّغْ-د حِيمَا أَذْ كِيذسْ إِمّڒْقَا،
ZEC 2:8 إِنَّا أَسْ: ”ذغْيثْ، سِيوڒْ أَكْ-ذ ؤُحُوذْرِي نِّي، إِنِي: ’ؤُرْشَالِيمْ أَذْ ذِينْ ثِيڒِي ثشُّورْ س ثْندَّامْ نُورّْزْمنْثْ بْڒَا ڒحْيُوضْ زِي سِّيبّثْ ن وَاطَّاسْ ن إِوْذَانْ ذ ڒْمَاڒْ إِ إِدْجَانْ ذِي ڒْوسْطْ نّسْ.
ZEC 2:9 نشّْ أَذْ أَسْ إِڒِيغْ ذ إِجّْ ن ڒْحِيضْ ن ثْمسِّي إِ ذ أَسْ-د إِتّنّْضنْ، إِقَّارْ سِيذِي، ؤُ ذِي ڒْوسْطْ نّسْ أَذْ أَسْ إِڒِيغْ إِ ؤُعُودْجِي.
ZEC 2:10 ذغْيَامْ، ذغْيَامْ، أَروْڒمْ زِي ثمُّورْثْ ن شَّامَالْ، أَمُّو إِ إِقَّارْ سِيذِي، مَاغَارْ نشّْ بْضِيغْ كنِّيوْ أَمْ أَربْعَا ن إِسمِّيضنْ ن ؤُجنَّا، أَمُّو إِ إِقَّارْ سِيذِي.
ZEC 2:11 ذغْيَاثْ، صِيهْيُونْ، فكّثْ، شمْ ذ ثنِّي إِزدّْغنْ غَارْ يدْجِيسْ ن بَابِيلْ!‘ “
ZEC 2:12 ”مَاغَارْ أَمُّو إِ إِقَّارْ سِيذِي ن ڒْعسْكَارَاثْ: ’ذِي طّْوعْ ن ؤُعُودْجِي، إِسّكّْ أَيِي-د نتَّا غَارْ ڒڭْنُوسْ نِّي زَّايْسنْ تّْوَاكشّْضمْ، مَاغَارْ ونِّي كنِّيوْ إِ غَا إِحَاذَانْ، إِحَاذَا مُومُّو ن ثِيطّْ إِنُو.
ZEC 2:13 مَاغَارْ خْزَارْ، نشّْ سّنْهزّغْ. أَفُوسْ إِنُو خَاسنْ، ؤُ نِيثْنِي أَذْ ذوْڒنْ ذ ثَاكشَّاضْثْ ن إِمْسخَّارنْ نْسنْ. كنِّيوْ أَذْ ثسّْنمْ أَقَا إِسّكّْ أَيِي-د سِيذِي ن ڒْعسْكَارَاثْ.
ZEC 2:14 سْڒِيوْڒوْ ؤُ فَارْحْ، أَ يدْجِيسْ ن صِيهْيُونْ، مَاغَارْ خْزَارْ، نشّْ أَذْ د-أَسغْ ؤُ أَذْ زذْغغْ ذِي ڒْوسْطْ نّمْ، أَمُّو إِ إِقَّارْ سِيذِي.‘
ZEC 2:15 ’ذڭْ وَاسّْ نِّي، أَذْ قّْننْ وَاطَّاسْ ن ڒڭْنُوسْ غَارْ سِيذِي، ؤُ نِيثْنِي أَذْ إِڒِينْ ذ ڒْڭنْسْ إِنُو. نشّْ أَذْ زذْغغْ ذِي ڒْوسْثْ نّمْ ؤُ أَذْ ثسّْنذْ، أَقَا سِيذِي ن ڒْعسْكَارَاثْ إِسّكّْ أَيِي-د غَارمْ.
ZEC 2:16 سِيذِي أَذْ إِطّفْ يَاهُوذَا ذ ثَاسْغَارْثْ نّسْ خْ ثمُّورْثْ إِقدّْسنْ. نتَّا أَذْ إِفَارْزْ ؤُرْشَالِيمْ عَاذْ.
ZEC 2:17 أجّْ مَارَّا دَّاثْ أَذْ إِسّغْذْ زَّاثْ إِ وُوذمْ ن سِيذِي، مَاغَارْ نتَّا إِفَاقْ-د زِي ثْزذِّيغْثْ نّسْ إِقدّْسنْ.‘ “
ZEC 3:1 [أَوَارْنِي أَسْ] إِسّْشنْ أَيِي يَاهُوشَاعْ، أَرَّايْسْ ن إِكهَّاننْ. نتَّا ثُوغَا إِبدّْ زَّاثْ إِ وُوذمْ ن لْمَالَاكْ ن سِيذِي. شِّيطَانْ إِبدّْ-د غَارْ ؤُفُوسْ أَفُوسِي ن يَاشُوعَا حِيمَا أَذْ زَّايسْ إِسّْشثْشَا.
ZEC 3:2 سِيذِي إِنَّا إِ شِّيطَانْ: ”أَذْ يِيڒِي أَذْ شكْ إِعَاقبْ سِيذِي، [أَ] شِّيطَانْ! أَذْ شكْ إِعَاقبْ سِيذِي، ونِّي إِفَارْزنْ ؤُرْشَالِيمْ! مَا وَارْ إِدْجِي [يَاهُوشَاعْ وَانِيثَا] ذ إِجّْ ن ؤُكشُّوضْ قڒْعنْ ث-د زِي ثْمسِّي؟“
ZEC 3:3 يَاهُوشَاعْ ثُوغَا يَارْضْ أَرُّوضْ إِوسّْخنْ أَمْ إِبدّْ زَّاثْ إِ وُوذمْ ن لْمَالَاكْ.
ZEC 3:4 [خنِّي] إِطّفْ نتَّا ذڭْ وَاوَاڒْ ؤُشَا إِسِّيوڒْ أَكْ-ذ يِينِّي إِبدّنْ زَّاثْ إِ وُوذمْ نّسْ، إِنَّا: ”كّْسمْ أَسْ أَرُّوضْ إِوسّْخنْ إِ وَانِيثَا!“ [خنِّي] إِنَّا أَسْ: ”خْزَارْ، نشّْ كّْسغْ زَّايكْ ڒْمُوعْصِييّثْ نّشْ ؤُ أَذْ شكْ سّْيَارْضغْ س إِجّْ ن وَارُّوضْ إِشُووَّارنْ.“
ZEC 3:5 نشّْ نِّيغْ: ”أَذْ أَسْ قّْننْ إِشْثْ ن أَرژّثْ ثَامزْذَاڭْثْ خْ ؤُزدْجِيفْ نّسْ!“ ؤُ نِيثْنِي قّْننْ أَسْ أَرژّثْ ثَامزْذَاڭْثْ خْ ؤُزدْجِيفْ نّسْ ؤُشَا سّْيَارْضنْ أَسْ أَرُّوضْ [إِشُووَّارنْ]، أَمْ ثُوغَا لْمَالَاكْ ن سِيذِي إِبدّْ ذِينْ
ZEC 3:6 [خَاسْ ؤُشَا] إِشْهذْ لْمَالَاكْ ن سِيذِي إِ يَاهُوشَاعْ، إِنَّا:
ZEC 3:7 ”أَمُّو إِ إِقَّارْ سِيذِي ن ڒْعسْكَارَاثْ: ’مَاڒَا شكْ ثُويُورذْ خْ إِبْرِيذنْ إِنُو، ؤُ مَاڒَا شكْ أَذْ ثحْضِيذْ ثَاسخَّارْثْ إِنُو، خنِّي أَذْ ثسُّويُورذْ ؤُڒَا ذ ثَادَّارْثْ إِنُو س ڒْحقّْ ؤُ أَذْ ثِيڒِيذْ ذ أَمحْضَايْ ن ڒمْرَاحَاثْ إِنُو، ؤُ نشّْ أَذْ أَشْ وْشغْ أَذْ ثْزمَّارذْ أَذْ ثْرَاحذْ أَذْ ثَاذْفذْ جَارْ إِنِّي ذَا إِبدّنْ.
ZEC 3:8 خنِّي سڒْ، يَاهُوشَاعْ، شكْ، أَرَّايْسْ ن إِكهَّاننْ، شكْ ذ إِمدُّوكَّاڒْ نّشْ، إِنِّي إِقِّيمنْ زَّاثكْ، مَاغَارْ نِيثْنِي ذ إِشْثْ ن ڒعْڒَامثْ ن ؤُثبْهثْ، مَاغَارْ خْزَارْ، نشّْ أَذْ د-أَوْيغْ أَمْسخَّارْ إِنُو، ’أَغدُّو‘.
ZEC 3:9 مَاغَارْ خْزَارْ، أَژْرُو، ونِّي ذِينْ سَّارْسغْ زَّاثْ إِ يَاهُوشَاعْ، خْ وژْڒُو نِّي خزَّارنْثْ سبْعَا ن ثِيطَّاوِينْ. خْزَارْ، نشّْ أَذْ ذَايسْ نقْشغْ ثَانقَّاشْثْ نّسْ، أَمُّو إِ إِقَّارْ سِيذِي ن ڒْعسْكَارَاثْ، ؤُ نشّْ أَذْ كّْسغْ ڒْمُوعْصِييّثْ ن ثمُّورْثْ-أَ ذڭْ إِجّْ ن وَاسّْ!
ZEC 3:10 ذڭْ وَاسّْ نِّي، إِقَّارْ سِيذِي ن ڒْعسْكَارَاثْ، أَذْ ثْعَارْضمْ إِجّْ إِ ونّغْنِي سَاذُو ثْزَايَارْثْ ؤُ سَاذُو وَارْثُو.‘ “
ZEC 4:1 لْمَالَاكْ نِّي كِيذِي إِسَّاوَاڒنْ، إِعْقبْ-د ؤُشَا إِسّْفَاقْ أَيِي-د أَمْ مَامّشْ د-سّْفَاقَانْ إِجّْ ن ورْيَازْ زڭْ يِيضصْ نّسْ.
ZEC 4:2 نتَّا إِنَّا أَيِي: ”مِينْ ثژْرِيذْ؟“ نشّْ نِّيغْ: ”نشّْ ژْرِيغْ، ؤُ خْزَارْ، إِجّْ نْ ڒْقنْذِيڒْ ن وُورغْ مَارَّا، ؤُ [أَقَا ذِينْ] إِجّْ ن طّبْصِي ن زّشْثْ خْ ؤُزدْجِيفْ نّسْ ؤُ خَاسْ سبْعَا ن ڒفْنَارَاثْ، سبْعَا [سنّجْ إِ] سبْعَا ن إِبُوضنْ إِ ڒفْنَارَاثْ [إِ إِدْجَانْ] خْ ؤُزدْجِيفْ نّسْ
ZEC 4:3 ؤُ زَّاثسْ [أَقَا ذِينْ] ثْنَاينْ ن إِزمُّورنْ، إِجّْ غَارْ ؤُغزْذِيسْ أَفُوسِي ن طّبْصِي [ن زّشْثْ] ؤُ إِجّْ غَارْ ؤُزڒْمَاضْ نّسْ.“
ZEC 4:4 نشّْ أَرِّيغْ-د ؤُ سِّيوْڒغْ أَكْ-ذ لْمَالَاكْ نِّي كِيذِي إِسَّاوَاڒنْ، نِّيغْ: ”سِيذِي إِنُو، مِينْ عْنَانْثْ ثْمسْڒَايِينْ-أَ؟“
ZEC 4:5 لْمَالَاكْ نِّي كِيذِي إِسَّاوَاڒنْ، يَارَّا-د، إِنَّا أَيِي: ”مَا وَارْ ثسِّينذْ شكْ، مِينْ عْنَانْثْ ثْمسْڒَايِينْ-أَ؟“ نشّْ نِّيغْ: ”لَّ، [أَ] سِيذِي إِنُو!“
ZEC 4:6 [خنِّي] يَارَّا-د ؤُشَا إِسِّيوڒْ-د أَكِيذِي، إِنَّا: ”وَا ذ أَوَاڒْ ن سِيذِي إِ زَارُوبَّابِيلْ، [أَوَاڒْ] نِّي إِقَّارْ: ’وَارْ إِدْجِي س جّهْذْ ؤُڒَا س لْعُونْفْ، مَاشَا أَذْ يِيڒِي س أَرُّوحْ إِنُو!‘، [أَمُّو إِ] إِقَّارْ سِيذِي ن ڒْعسْكَارَاثْ.
ZEC 4:7 مِينْ ثعْنِيذْ شكْ، [أَ] أَذْرَارْ أَمقّْرَانْ؟ أَذْ ثْذوْڒذْ ذ إِشْثْ نْ ڒْوَاطَا زَّاثْ إِ وُوذمْ ن زَارُوبَّابِيلْ، مَاغَارْ نتَّا أَذْ د-إِسُّوفّغْ أَژْرُو ن نّجْ س إِغُويَّانْ إِجهْذنْ: ’أَرْضَا، أَرْضَا أَذْ غَارسْ يِيڒِي!‘ “
ZEC 4:8 يُوسَا-د غَارِي وَاوَاڒْ ن سِيذِي، إِنَّا:
ZEC 4:9 ”إِفَاسّنْ ن زَارُوبَّابِيلْ سَّارْسنْ ذْسَاسْ إِ ثَادَّارْثْ-أَ، إِفَاسّنْ نّسْ أَذْ ت كمّْڒنْ، مَاحنْذْ أَذْ ثسّْنمْ أَقَا سِيذِي ن ڒْعسْكَارَاثْ إِسّكّْ أَيِي-د غَارْومْ.
ZEC 4:10 مَاغَارْ مَانْ ونْ إِسّحْقَارَانْ أَسّْ ن ثْمسْڒَايِينْ ثِيمژْيَانِينْ؟ سبْعَا [ن ثِيطَّاوِينْ] نِّي ڭُّورْ أَذْ فَارْحنْ، خْمِي غَا ژَترنْ أَژْرُو ن ثغْمَارْثْ ذڭْ ؤُفُوسْ ن زَارُوبَّابِيلْ، أَقَا أَثنْثْ ثِيطَّاوِينْ ن سِيذِي نِّي إِتّكّنْ مَارَّا ثَامُّورْثْ.“
ZEC 4:11 نشّْ أَرّغْ-د، نِّيغْ أَسْ: ”مَانَا ثْنَاينْ ن إِزمُّورنْ نِّي [ذِينْ] غَارْ ؤُغزْذِيسْ أَفُوسِي ذ ؤُژرْمَاضْ ن ڒْقنْذِيڒْ؟“
ZEC 4:12 أَرْنِيغْ طّْفغْ ذڭْ وَاوَاڒْ، نِّيغْ أَسْ: ”مِينْ عْنَانْ ثْنَاينْ ن ڒفْرُوعْ ن ؤُزمُّورْ [نِّي إِدْجَانْ] سنّجْ إِ ثْنَاينْ ن إِقُوذَاسْ ن وُورغْ، ذ يِينِّي إِتّْفَارَّاغنْ [زّشْثْ س ثِينْثَا نّسْ ن] وُورغْ [س ثْنَاينْ ن إِقُوذَاسْ نِّي]؟“
ZEC 4:13 نتَّا إِسَّاوَاڒْ-د غَارِي، إِنَّا: ”مَا وَارْ ثسِّينذْ شكْ مِينْ عْنَانْ إِنَا؟“ نشّْ نِّيغْ: ”لَّ، [أَ] سِيذِي إِنُو!“
ZEC 4:14 [خنِّي] إِنَّا: ”إِنَا ذ ثْنَاينْ ن إِحنْجِيرنْ إِ إِتّْوَاذهْننْ س زّشْثْ نِّي إِبدّنْ زَّاثْ إِ سِيذِي ن مَارَّا ثَامُّورْثْ.“
ZEC 5:1 سّْڭعّْذغْ ثِيطَّاوِينْ إِنُو ثْوَاڒَا نّغْنِي ؤُشَا ژْرِيغْ، ؤُ خْزَارْ، أَقَا [ذِينْ] إِجّْ ن وذْلِيسْ إِتّْوَانّْضنْ إِطَّاوْ.
ZEC 5:2 نتَّا إِنَّا أَيِي: ”مِينْ ثتّْوَاڒِيذْ شكْ؟“ نشّْ نِّيغْ: ”نشّْ تّْوَاڒِيغْ إِجّْ ن وذْلِيسْ إِتّْوَانّْضنْ إِطَّاوْ س يِيجّْ ن ثُوزّڭَّارْثْ ن عِيشْرِينْ ن إِغَادْجنْ ذ إِشْثْ ن ثِيرُو نعشْرَا ن إِغَادْجنْ.“
ZEC 5:3 [خنِّي] إِنَّا أَيِي: ”ثَا ذ نّعْڒثْ نِّي إِ غَا إِفّْغنْ خْ مَارَّا ثَامُّورْثْ، مَاغَارْ مَارَّا ونِّي إِ غَا يَاشَارنْ، أَذْ إِتّْوَاقْضعْ زِي سِّيبّثْ ن مِينْ يُورَانْ خْ ؤُغزْذِيسْ-أَ ؤُ كُوڒْ إِجّْ ونِّي إِ غَا إِجَّادْجنْ ژُورْ أَذْ إِتّْوَاقْضعْ زِي سِّيبّثْ ن مِينْ يُورَانْ خْ ؤُغزْذِيسْ نّغْنِي.
ZEC 5:4 نشّْ أَذْ أَرّغْ نّعْڒثْ أَذْ د-ثفّغْ، [أَمُّو إِ] إِقَّارْ سِيذِي ن ڒْعسْكَارَاثْ، حِيمَا أَذْ د-ثَاسْ ذِي ثَادَّارْثْ ن ؤُشفَّارْ ؤُ ذِي ثَادَّارْثْ ن يِينِّي إِتّْجَادْجَانْ ژُورْ س يِيسمْ إِنُو. نتَّاثْ أَذْ ثسّنْسْ ذِي ڒْوسْثْ ن ثَادَّارْثْ نّسْ ؤُ نتَّاثْ أَذْ ت يشّْ س ؤُكشُّوضْ نّسْ ذ إِژْرَا نّسْ.“
ZEC 5:5 إِفّغْ-د لْمَالَاكْ نِّي كِيذِي إِسَّاوَاڒنْ، إِنَّا أَيِي: ”سْڭعّذْ ثِيطَّاوِينْ نّشْ ؤُ خْزَارْ مِينْ [ذِينْ] د-إِتّْبَاننْ!“
ZEC 5:6 نشّْ نِّيغْ: ”مَانَاوْيَا؟“ نتَّا إِنَّا: ”وَا ذ ڒْْمُوذْ ن إِفَا نِّي د-إِتّْبَاننْ.“ [خنِّي] إِنَّا: ”ثَا ذ فُورْمَا نْسنْ خْ مَارَّا ثَامُّورْثْ.“
ZEC 5:7 ؤُ خْزَارْ، أَقَا ثتّْوَاسّْڭعّذْ ثْقبَّارْثْ ن ڒخْفِيفْ [ذ ثَاقُورَارِيرْثْ] ؤُ ثقِّيمْ إِشْثْ ن ثمْغَارْثْ ذِي ڒْوسْطْ ن إِفَا.
ZEC 5:8 نتَّا إِنَّا: ”ثَا ذ ثَاعفَّانْثْ!“ ؤُشَا إِنْضَارْ إِ-ت [عَاوذْ] ذڭْ إِفَا نِّي ؤُشَا إِنْضَارْ أَژْرُو ن ڒخْفِيفْ خْ ؤُقمُّومْ نّسْ.
ZEC 5:9 نشّْ سّْڭعّْذغْ ثِيطَّاوِينْ إِنُو ؤُشَا ژْرِيغْ، ؤُ خْزَارْ ثْنَاينْ ن ثمْغَارِينْ ؤُسِينْثْ-إِ-د غَارْ زَّاثْ ؤُ أَسمِّيضْ إِشُّورْ أَفْرِيونْ نْسنْثْ. نِيثنْثِي ثُوغَا غَارْسنْثْ أَفْرِيونْ أَمْ وَافْرِيونْ ن ؤُبلَّارْجْ ؤُ نِيثنْثِي سّْڭعّْذنْثْ إِفَا [نِّي] جَارْ ثمُّورْثْ ذ ؤُجنَّا.
ZEC 5:10 [خنِّي] نِّيغْ إِ لْمَالَاكْ نِّي كِيذِي إِسَّاوَاڒنْ: ”مَانِي غَا رَاحنْثْ أَكْ-ذ إِفَا-يَا؟“
ZEC 5:11 نتَّا إِنَّا أَيِي: ”مَاحنْذْ أَذْ أَسْ بْنَانْ إِشْثْ ن ثَادَّارْثْ ذِي ثمُّورْثْ ن شِينَارْ. مَاڒَا ثتّْوَاكمّڒْ، أَذْ ثتّْوَاسّْبدّْ ذِينْ ذڭْ ومْشَانْ نّسْ.“
ZEC 6:1 نشّْ سّْڭعّْذغْ ثِيطَّاوِينْ إِنُو ثْوَاڒَا نّغْنِي، ؤُ خْزَارْ، أَقَا أَربْعَا ن إِكَارُّوثنْ فّْغنْ-د زِي جَارْ ثْنَاينْ ن إِذُورَارْ ؤُ إِذُورَارْ [نِّي] ثُوغَا ذ إِذُورَارْ ن نّْحَاسْ.
ZEC 6:2 غَارْ ؤُكَارُّو أَمزْوَارُو [ثُوغَا ذِينْ] إِيْسَانْ ذ إِزڭّْوَاغنْ، غَارْ ؤُكَارُّو وِيسّْ ثْنَاينْ إِيْسَانْ ذ إِبَارْشَاننْ،
ZEC 6:3 غَارْ ؤُكَارُّو وِيسّْ ثْڒَاثَا إِيْسَانْ ذ إِشمْڒَاڒنْ ؤُ غَارْ ؤُكَارُّو وِيسّْ أَربْعَا إِيْسَانْ ذ إِقَارْقَاشنْ، [أَقَا أَثنْ ذ إِيْسَانْ] جهْذنْ.
ZEC 6:4 نشّْ أَرِّيغْ-د، نِّيغْ إِ لْمَالَاكْ نِّي كِيذِي إِسَّاوَاڒنْ: ”مِينْ عْنَانْ إِنَا، [أَ] سِيذِي إِنُو؟“
ZEC 6:5 يَارَّا-د لْمَالَاكْ، إِنَّا أَيِي: ”إِنَا ذ أَربْعَا ن إِسمِّيضنْ ن ؤُجنَّا نِّي د-إِتّفّْغنْ زِي مَانِي بدّنْ زَّاثْ إِ سِيذِي ن مَارَّا ثَامُّورْثْ.
ZEC 6:6 إِنِّي س إِيْسَانْ إِبَارْشَاننْ أَذْ فّْغنْ غَارْ ثمُّورْثْ ن شَّامَالْ ؤُ [إِيْسَانْ] إِشمْڒَاڒنْ أَذْ ثنْ ضفَّارنْ، ؤُشَا [إِيْسَانْ] إِقَارْقَاشنْ أَذْ فّْغنْ غَارْ ثمُّورْثْ ن لْجَانُوبْ.“
ZEC 6:7 [إِيْسَانْ] إِجهْذنْ فّْغنْ، أَرْزُونْ أَذْ ژْوَانْ ثَامُّورْثْ، [مَاغَارْ] نتَّا إِنَّا: ”فّْغمْ، ژْوَامْ ثَامُّورْثْ!“ ؤُ نِيثْنِي ژْوَانْ ثمُّورْثْ.
ZEC 6:8 نتَّا إِڒَاغَا أَيِي-د، إِنَّا: ”خْزَارْ، [إِيْسَانْ] نِّي إِفّْغنْ غَارْ ثمُّورْثْ ن شَّامَالْ، أَقَا سَّاريّْحنْ أَرُّوحْ إِنُو ذِي ثمُّورْثْ ن شَّامَالْ.“
ZEC 6:9 يُوسَا-د غَارِي وَاوَاڒْ ن سِيذِي، إِنَّا:
ZEC 6:10 ”كْسِي ثِيوْهِيبِينْ زڭْ أَيْثْ ن لْمنْفَا، زِي حَالِيمْ، طُوبِييَا ذ يَاذَاعْيَا ؤُ رُوحْ ذِينِّي [ؤُڒَا ذ] شكْ ذڭْ وَاسّْ نِّي ؤُ أَذفْ غَارْ ثَادَّارْثْ ن يُوشِييَا، مِّيسْ ن صَافَانْيَا، [غَارْ ثَادَّارْثْ] إِ غَارسْ د-يُوسِينْ زِي بَابِيلْ.
ZEC 6:11 كْسِي نُّوقَارْثْ ذ وُورغْ، أڭّْ [زَّايْسنْ] تِّيجَانْ ؤُ سَارْسْ [إِ-ثنْ] خْ ؤُزدْجِيفْ ن يَاهُوشَاعْ، مِّيسْ ن يَاهُوصَاذَاقْ، أَرَّايْسْ ن إِكهَّاننْ،
ZEC 6:12 ؤُ سِيوڒْ أَكِيذسْ، إِنِي أَسْ: ’أَمُّو إِ إِقَّارْ سِيذِي ن ڒْعسْكَارَاثْ: خْزَارْ، إِجّْ ن ورْيَازْ، ’أَغدُّو‘ ذ إِسمْ نّسْ. نتَّا أَذْ د-إِفّغْ زڭْ ومْشَانْ نّسْ ؤُ نتَّا أَذْ إِبْنَا زَّاوشْثْ ثَامقّْرَانْثْ ن سِيذِي.
ZEC 6:13 نتَّا أَذْ إِبْنَا زَّاوشْثْ ثَامقّْرَانْثْ ن سِيذِي ؤُ أَذْ يَارْضْ لْعَاضَامَا. نتَّا أَذْ إِقِّيمْ ؤُ أَذْ إِحْكمْ خْ ڒْعَارْشْ نّسْ ؤُ نتَّا أَذْ يِيڒِي ذ أَكهَّانْ خْ ڒْعَارْشْ نّسْ ؤُ أَذْ يِيڒِي جَارْ أَسنْ شّْوَارْ س ڒهْنَا.‘
ZEC 6:14 تِّيجَانْ أَذْ إِڒِينْ إِ حَالِيمْ، طُوبِييَا، يَاذَاعْيَا ذ حَايْنْ، مِّيسْ ن صَافَانْيَا، ذ ڒِيذَارثْ ذِي زَّاوشْثْ ثَامقّْرَانْثْ ن سِيذِي.
ZEC 6:15 زِي ڒَاڭّْوَاجْ أَذْ د-أَسنْ [إِوْذَانْ] ؤُ نِيثْنِي أَذْ بْنَانْ زَّاوشْثْ ثَامقّْرَانْثْ ن سِيذِي ؤُ كنِّيوْ أَذْ ثسّْنمْ أَقَا سِيذِي ن ڒْعسْكَارَاثْ إِسّكّْ أَيِي-د غَارْومْ. [أَيَا] أَذْ إِمْسَارْ، مَاڒَا كنِّيوْ ثتّسْڒَامْ س ثِيذتّْ غَارْ ثْمِيجَّا ن سِيذِي، أَربِّي نْومْ.“
ZEC 7:1 إِمْسَارْ ذڭْ ؤُسڭّْوَاسْ وِيسّْ أَربْعَا ن ؤُجدْجِيذْ ذَارِييُوسْ، [ڒَْامِي] د-يُوسَا وَاوَاڒْ ن سِيذِي غَارْ زَاكَارِييَّا، ذڭْ وَاسّْ وِيسّْ أَربْعَا ن ؤُيُورْ وِيسّْ ثسْعَا، ذڭْ ؤُيُورْ ن كِيسْلُووْ،
ZEC 7:2 [أَقَا] إِسّكّْ [ڒْْڭنْسْ ن] بَايْثْ-إِلْ شَارَاصِيرْ ذ رَاجَامْ-مَالِيكْ ذ يرْيَازنْ نّسْ مَاحنْذْ أَذْ تَّارنْ أَرْضَا زَّاثْ إِ وُوذمْ ن سِيذِي،
ZEC 7:3 ؤُمِي سَّاوَاڒنْ أَكْ-ذ إِكهَّاننْ، إِنِّي [إِدْجَانْ] ذِي ثَادَّارْثْ ن سِيذِي ن ڒْعسْكَارَاثْ، ؤُ أَكْ-ذ إِنَابِييّنْ، قَّارنْ: ”مَا أَذْ أَرْنِيغْ ذڭْ ؤُيُورْ وِيسّْ خمْسَا أَذْ رُوغْ ؤُ أَذْعزْڒغْ إِخفْ إِنُو أَمْ مَامّشْ ث تّڭّغْ ڒخُّو عَاذْ أَطَّاسْ ن إِسڭّْوُوسَا؟“
ZEC 7:4 يُوسَا-د غَارِي وَاوَاڒْ ن سِيذِي ن ڒْعسْكَارَاثْ، إِنَّا:
ZEC 7:5 ”سِيوڒْ أَكْ-ذ مَارَّا ڒْڭنْسْ ؤُ أَكْ-ذ إِكهَّاننْ، إِنِي: ڒَامِي كنِّيوْ ثْژُومّمْ ؤُ ثوْثِيمْ خْ إِذْمَارنْ نْومْ [زڭْ وشْضَانْ]، ذڭْ ؤُيُورْ وِيسّْ خمْسَا ؤُ ذڭْ ؤُيُورْ وِيسّْ سبْعَا، ؤُ مَانْ أَيَا ڒخُّو عَاذْ أَطَّاسْ ن إِسڭّْوُوسَا، مَا ثْژُومّمْ كنِّيوْ [خنِّي] إِ نشّْ، [س ثِيذتّْ] إِ نشّْ؟
ZEC 7:6 ڒَامِي ثشِّيمْ ؤُ ڒَامِي ثسْوِيمْ، مَا وَارْ ثِيشِّيمْ [إِ يِيخفْ نْومْ] ؤُ مَا وَارْ ثِيسْوِيمْ [إِ يِيخفْ نْومْ]؟
ZEC 7:7 مَا وَارْ ثُوغِي إِڒِيقْ أَذْ يِيڒِي زِي سِّيبّثْ ن وَاوَاڒنْ إِ إِجَّا سِيذِي أَذْ تّْوَابَارّْحنْ س ؤُفُوسْ ن إِنَابِييّنْ ن زِيشْ ؤُمِي ثُوغَا ثقِّيمْ ؤُرْشَالِيمْ [عَاذْ] س إِمزْذَاغْ ذِي ڒْهُوذْنثْ أَكْ-ذ ثْندَّامْ إِ ذ أَسْ د-إِنّْضنْ، ؤُ ڒَامِي ثُوغَا [عَاذْ] إِمزْذَاغْ ذِي [ثَامُّورْثْ ن] لْجَانُوبْ ؤُ ذِي ثمُّورْثْ إِوَاطَانْ؟“
ZEC 7:8 يُوسَا-د وَاوَاڒْ ن سِيذِي غَارْ زَاكَارِييَّا، إِنَّا:
ZEC 7:9 ”أَمُّو إِ إِقَّارْ سِيذِي ن ڒْعسْكَارَاثْ، إِ إِقَّارنْ: ’حكْممْ س إِجّْ ن ڒْحُوكْمْ إِسڭّْذنْ ؤُ ڭّمْ س ثْمخْسِيوْثْ إِشوَّارنْ ذ أَرّحْمثْ إِجّْ أَكْ-ذ ونّغْنِي.
ZEC 7:10 وَارْ حصَّارمْ ثَاجَّاتْشْ ؤُڒَا ذ أَيُوجِيڒْ نِيغْ ڒْبَارَّانِي ؤُڒَا ذ أَمژْڒُوضْ، ؤُ وَارْ تّجِّيمْ ؤُڒَا ذ إِجّْ أَذْ إِخَارّصْ ذِي ڒْغَارْ ضِيدّْ إِ ؤُمَاسْ ذڭْ وُوڒْ نّسْ!‘
ZEC 7:11 [مَاشَا] نِيثْنِي ؤُڭِينْ أَذْ وْشنْ ثَايْنِيثْ ؤُ نِيثْنِي ڭِّينْ مَارَّا س ڒْمقْڒُوبْ ؤُ بلّْعنْ إِمزُّوغنْ نْسنْ، حِيمَا وَارْ تّسْڒِينْ.
ZEC 7:12 نِيثْنِي سّْقسْحنْ ؤُڒْ نْسنْ أَمْ يِيجّْ ن ؤُمسْمِيرْ، مَاحنْذْ وَارْ تّسْڒِينْ شَّارِيعَا ذ وَاوَاڒنْ نِّي د-إِسّكّْ سِيذِي ن ڒْعسْكَارَاثْ س أَرُّوحْ نّسْ س ؤُفُوسْ ن إِنَابِييّنْ ن زِيشْ، أَڒَامِي د-يُوسَا إِجّْ ن ؤُذُوقّزْ ذ أَمقّْرَانْ ن وغْضَابْ ن سِيذِي ن ڒْعسْكَارَاثْ.
ZEC 7:13 أَقَا إِمْسَارْ أَمْ مَامّشْ إِڒَاغَا نتَّا [زِيشْ]، [مَاشَا] نِيثْنِي وَارْ سْڒِينْ شَا. س ؤُينِّي ڒَاغَانْ [ڒخُّو] نِيثْنِي ؤُ نشّْ وَارْ تّسْڒِيغْ شَا، إِقَّارْ سِيذِي ن ڒْعسْكَارَاثْ.
ZEC 7:14 نشّْ أَذْ ثنْ زُوزَّارغْ خْ مَارَّا ڒڭْنُوسْ نِّي ثُوغَا وَارْ سِّيننْ ؤُ أَوَارْنِي أَسنْ أَذْ ثتّْوَاخَارّبْ ثمُّورْثْ، ؤُڒَا ذ إِجّْ [عَاذْ] وَارْ [خَاسْ] إِژكّْوِي ؤُ ؤُڒَا ذ إِجّْ [عَاذْ] وَارْ د-إِذِّيكّْوِيڒْ. نِيثْنِي أَرِّينْ ثَامُّورْثْ إِعِيزّنْ ذ [إِشْثْ ن ڒْقشْعثْ ن] ؤُنخْڒِيعْ.‘ “
ZEC 8:1 يُوسَا-د غَارِي وَاوَاڒْ ن سِيذِي ن ڒْعسْكَارَاثْ، إِنَّا:
ZEC 8:2 ”أَمُّو إِ إِقَّارْ سِيذِي ن ڒْعسْكَارَاثْ: ’س وَاسَامْ ذ أَمقّْرَانْ ؤُسْمغْ زِي صِيهْيُونْ، س وسْعَارْ ثَامقّْرَانْثْ ؤُسْمغْ ذِي طّْوعْ نّسْ.‘
ZEC 8:3 أَمُّو إِ إِقَّارْ سِيذِي: ’نشّْعقْبغْ-د غَارْ صِيهْيُونْ ؤُ أَذْ زذْغغْ ذِي ڒْوسْطْ ن ؤُرْشَالِيمْ ؤُشَا ؤُرْشَالِيمْ أَذْ أَسْ ڒَاغَانْ ’ثَانْذِينْثْ ن ثِيذتّْ!‘، ؤُ أَذْرَارْ ن سِيذِي ن ڒْعسْكَارَاثْ أَذْ أَسْ إِنِينْ ’أَذْرَارْ إِقدّْسنْ!‘
ZEC 8:4 أَمُّو إِ إِقَّارْ سِيذِي ن ڒْعسْكَارَاثْ: ’أَذْ إِڒِينْ عَاوذْ إِوسُّورَا ذ ثْوسُّورَا ذڭْ وَازَّاينْ ن ؤُرْشَالِيمْ. [كُوڒْ] أَرْيَازْ أَذْ غَارسْ ثِيڒِي ثغَّارْشْثْ نّسْ ذڭْ ؤُفُوسْ نّسْ زِي سِّيبّثْ ن وَاطَّاسْ ن وُوسَّانْ [إِ غَا إِدَّارْ].
ZEC 8:5 أَزَّاينْ ن ثنْذِينْثْ أَذْ ذوْڒنْ شُّورنْ س إِحنْجِيرنْ ذ ثْحنْجِيرِينْ إِ إِتِّيرَارنْ ذڭْ وَازَّاينْ نّسْ.‘
ZEC 8:6 أَمُّو إِ إِقَّارْ سِيذِي ن ڒْعسْكَارَاثْ: ’مَاغَارْ ذ ڒعْجبْ قَاعْ ذِي ثِيطَّاوِينْ ن مِينْ إِقِّيمنْ ن ڒْڭنْسْ-أَ ذڭْ وُوسَّانْ نِّي، مَا أَذْ يِيڒِي أَيَا ؤُڒَا إِ نشّْ ذ ڒعْجبْ قَاعْ؟‘، إِقَّارْ سِيذِي ن ڒْعسْكَارَاثْ.
ZEC 8:7 أَمُّو إِ إِقَّارْ سِيذِي ن ڒْعسْكَارَاثْ: ’خْزَارمْ، نشّْ أَذْ سّْنجْمغْ ڒْڭنْسْ إِنُو زِي ثمُّورْثْ ن ونْقَارْ [ن ثْفُوشْثْ] ؤُ زِي ثمُّورْثْ ن ؤُغدْجِي ن ثْفُوشْثْ،
ZEC 8:8 ؤُ نشّْ أَذْ ثنْ أَوْيغْ ذِينْ حِيمَا أَذْ زذْغنْ ذِي ؤُرْشَالِيمْ. نِيثْنِي أَذْ إِڒِينْ ذ ڒْڭنْسْ إِ نشّْ ؤُ نشّْ أَذْ إِڒِيغْ ذ أَربِّي إِ نِيثْنِي، ذِي ثِيذتّْ ؤُ ذِي ثْسڭْذَا.‘
ZEC 8:9 أَمُّو إِ إِقَّارْ سِيذِي ن ڒْعسْكَارَاثْ: ’محْضمْ إِفَاسّنْ نْومْ، كنِّيوْ إِنِّي إِسْڒِينْ ذڭْ وُوسَّانْ-أَ أَوَاڒنْ-أَ زڭْ ؤُقمُّومْ ن إِنَابِييّنْ نِّي [ذِينْ إِدْجَانْ] ذڭْ وَاسّْ نِّي ذِي إِتّْوَاسَّارْسْ ذْسَاسْ ن ثَادَّارْثْ ن سِيذِي ن ڒْعسْكَارَاثْ، مَاحنْذْ أَذْ [خَاسْ] ثتّْوَابْنَا زَّاوشْثْ ثَامقّْرَانْثْ زِي جْذِيذْ.
ZEC 8:10 مَاغَارْ قْبڒْ إِ وُوسَّانْ نِّي وَارْ إِقِّيمْ وَالُو زِي ڒْمُونثْ ن بْنَاذمْ ؤُ إِشْثْ نْ ڒبْهِيمثْ وَارْ د-ثتَّاوِي وَالُو ؤُ ونِّي د-إِفّْغنْ ذ ونِّي د-إِذوْڒنْ، وَارْ يِيوِي ڒَامَانْ زِي سِّيبّثْ ن ڒعْذُو، [مَاغَارْ] نشّْ سّكَّارغْ [كُوڒْ] إِجّْ خْ جَّارْ نّسْ.
ZEC 8:11 [ڒخُّو] مَاشَا نشّْ وَارْ تِّيڒِيغْ إِ مِينْ إِقِّيمنْ ن ڒْڭنْسْ-أَ أَمْ وُوسَّانْ إِمزْوُورَا، إِقَّارْ سِيذِي ن ڒْعسْكَارَاثْ.
ZEC 8:12 مَاغَارْ زَّارِيعثْ ن ڒهْنَا، ثَازَايَارْثْ، أَذْ ثوْشْ ڒْغِيدْجثْ نّسْ ؤُ ثَامُّورْثْ أَذْ ثوْشْ صَّابثْ نّسْ ؤُ أَجنَّا أَذْ إِوْشْ نّْذَا نّسْ ؤُ نشّْ أَذْ وْشغْ مَارَّا أَيَا ذ ثَاسْغَارْثْ إِ مِينْ إِقِّيمنْ ن ڒْڭنْسْ-أَ.
ZEC 8:13 أَذْ إِمْسَارْ، أَقَا أَمْ مَامّشْ ثُوغَا كنِّيوْ ذ نّعْڒثْ جَارْ رڭْنُوسْ، [كنِّيوْ، أَ] ثَادَّارْثْ ن يَاهُوذَا ذ ثَادَّارْثْ ن إِسْرَائِيل، أَقَا نشّْ أَذْ كنِّيوْ سّْنجْمغْ ؤُ أَذْ إِڒِيغْ ذ لْبَارَاكَا إِ كنِّيوْ. وَارْ تّڭّْوذمْ، محْضمْ إِفَاسّنْ نْومْ!‘
ZEC 8:14 مَاغَارْ أَمُّو إِ إِقَّارْ سِيذِي ن ڒْعسْكَارَاثْ: ’أَمْ مَامّشْ نشّْ خَارّْصغْ أَذْ أَومْ ڭّغْ ڒْغَارْ، ڒَامِي ذ أَيِي سّْفُوڭْمنْ ڒجْذُوذْ نْومْ، أَمُّو إِ إِقَّارْ سِيذِي ن ڒْعسْكَارَاثْ، ؤُ نشّْ وَارْ نْذِيمغْ [زِي مَانْ أَيَا]،
ZEC 8:15 أَمُّو إِ د-ذوْڒغْ نشّْ [ڒخُّو] أَذْ خَارّْصغْ ذڭْ وُوسَّانْ-أَ مَاحنْذْ أَذْ ڭّغْ ڒْخَارْ ذِي ؤُرْشَالِيمْ ؤُ ذِي ثَادَّارْثْ ن يَاهُوذَا. وَارْ تّڭّْوذمْ شَا!
ZEC 8:16 ثِينَا ذ ثِيمسْڒَايِينْ إِ كنِّيوْ إِتّْخصَّانْ أَذْ ثنْثْ ثڭّمْ: سِيوْڒمْ ثِيذتّْ كُوڒْ إِجّْ أَكْ-ذ جَّارْ نّسْ، شَارّْعمْ ذِي ثوُّورَا نْومْ س ثِيذتّْ ؤُ س يِيجّْ نْ ڒْحُوكْمْ إِڒِيقّنْ.
ZEC 8:17 وَارْ تّجِّيمْ أَذْ إِخَارّصْ إِجّْ ن ورْيَازْ ذِي ڒْغَارْ خْ جَّارْ نّسْ ؤُ وَارْ تّخْسمْ ثَاجَادْجِيثْ ژُورْ، مَاغَارْ نشّْ شَارّْهغْ مَارَّا أَيَا!‘، إِقَّارْ سِيذِي.“
ZEC 8:18 يُوسَا-د غَارِي وَاوَاڒْ ن سِيذِي ن ڒْعسْكَارَاثْ، إِنَّا:
ZEC 8:19 ”أَمُّو إِ إِقَّارْ سِيذِي ن ڒْعسْكَارَاثْ: ’أَژُومِّي ن ؤُيُورْ وِيسّْ أَربْعَا ؤُ أَژُومِّي [ن ؤُيُورْ] وِيسّْ خمْسَا ؤُ أَژُومِّي [ن ؤُيُورْ] وِيسّْ سبْعَا ؤُ أَژُومِّي [ن ؤُيُورْ] وِيسّْعشْرَا أَذْ ذوْڒنْ ذ ڒفْرَاحثْ ؤُ ذ وَارْشقْ إِ ثَادَّارْثْ ن يَاهُوذَا. أَذْ إِڒِينْ ذ ڒعْيُوذَاثْ شْنَانْ. خْسمْ ثِيذتّْ ذ ڒهْنَا!‘
ZEC 8:20 أَمُّو إِ إِقَّارْ سِيذِي ن ڒْعسْكَارَاثْ: ’أَقَا ڒڭْنُوسْ ؤُڒَا ذ إِمزْذَاغْ ن وَاطَّاسْ ن ثْندَّامْ أَذْ د-أَسنْ عَاذْ [ذَانِيثَا]!
ZEC 8:21 إِمزْذَاغْ ن إِشْثْ [ن ثنْذِينْثْ] أَذْ رَاحنْ غَارْ إِمزْذَاغْ ن إِشْثْ [ن ثنْذِينْثْ نّغْنِيثْ]، أَذْ إِنِينْ: جّمْ أَنغْ أَذْ نطّفْ أَبْرِيذْ حِيمَا أَذْ نتَّارْ [زَّاثْ إِ] وُوذمْ ن سِيذِي ؤُ حِيمَا أَذْ نَارْزُو سِيذِي ن ڒْعسْكَارَاثْ. ؤُڒَا ذ نشّْ أَذْ رَاحغْ.
ZEC 8:22 أَطَّاسْ ن إِيْذُوذنْ ذ وَاطَّاسْ ن ڒڭْنُوسْ إِجهْذنْ أَذْ د-أَسنْ حِيمَا أَذْ أَرْزُونْ خْ وُوذمْ ن سِيذِي ن ڒْعسْكَارَاثْ ذِي ؤُرْشَالِيمْ ؤُ حِيمَا أَذْ تَّارنْ أَرْضَا زَّاثْ إِ وُوذمْ ن سِيذِي.‘
ZEC 8:23 أَمُّو إِ إِقَّارْ سِيذِي ن ڒْعسْكَارَاثْ: ’ذڭْ وُوسَّانْ نِّي أَذْ إِمْسَارْ، أَقَاعشْرَا ن يرْيَازنْ، زِي مَارَّا ثُوثْلَايِينْ ن ڒڭْنُوسْ أَذْ طّْفنْ، [وَاهْ،] أَذْ طّْفنْ أَبحْڒُوڒْ ن إِجّْ ن ورْيَازْ ذ ؤُذَايْ، أَذْ إِنِينْ: ’نشِّينْ أَذْ نْرَاحْ أَكِيذْومْ، مَاغَارْ نسْڒَا أَقَا أَربِّي أَكِيذْومْ!‘ “
ZEC 9:1 ڒْْحُوكْمْ إِسَّاڭّْوَاذنْ ن وَاوَاڒْ ن سِيذِي خْ ثمُّورْثْ ن حَاذْرَاخْ، ڒْْحُوكْمْ نِّي يَارْسَانْ خْ ذِيمَاشْقْ. ”مَاغَارْ سِيذِي إِحطَّا خْ بْنَاذمْ ؤُ خْ مَارَّا ثِيقبَّاڒْ ن إِسْرَائِيل،
ZEC 9:2 ؤُڒَا خْ حَامَاثْ إِ-ت-د-إِڒسْقنْ، خْ صُورْ ذ صِيذُونْ، وَاخَّا نِيثنْثِي ذ ثِيمِيغِيسِينْ أَطَّاسْ.
ZEC 9:3 ثبْنَا صُورْ إِجّْ ن لْبَارَاجْ إِ يِيخفْ نّسْ ؤُ ثيْرُو نُّوقَارْثْ أَمْ ثْعجَّاجْثْ ذ وُورغْ إِقُّورنْ أَمْ ؤُبدْجَاعْ ن إِمسْرَاقْ.
ZEC 9:4 خْزَارْ، سِيذِي إِنُو أَذْ ت إِطّفْ، أَذْ إِوّثْ لْبَارَاجْ نّسْ غَارْ ڒبْحَارْ، ؤُشَا أَذْ ت ثشّْ ثْمسِّي.“
ZEC 9:5 ”أَشْكلُونْ أَذْ ت ثْژَارْ، أَذْ ثذْوڒْ ثڭّْوذْ، أَمُّو ؤُڒَا ذ غَازَّا، أَذْ ثَارْجِيجْ أَطَّاسْ، ؤُڒَا ذ عَاقْرُونْ، مَاغَارْ أَذْ إِفْشڒْ ؤُرَاجِي نّسْ. أَذْ إِتّْوَاثحَّا ؤُجدْجِيذْ زِي غَازَّا ؤُ ذِي ثَانْذِينْثْ ن أَشْقَالُونْ وَارْ ذَايسْ ثْزدّغْ عَاذْ ؤُڒَا ذ إِجّنْ.
ZEC 9:6 مِّيسْ ن ڒحْرَامْ أَذْ إِزْذغْ ذِي أَشْذُوذْ ؤُ نشّْ أَذْ ثحِّيغْ نّْفَاخثْ ن إِفِيلِيسْطِينِييّنْ.
ZEC 9:7 نشّْ أَذْ كْسِيغْ إِذَامّنْ زڭْ ؤُقمُّومْ نّسْ ؤُڒَا ذ نّْعَاوَاثْ زِي جَارْ ثِيغْمَاسْ نّسْ ؤُ أَمُّو إِ غَا إِقِّيمْ ؤُڒَا ذ نتَّا إِ أَربِّي نّغْ. نتَّا أَذْ يِيڒِي أَمْ يِيجّْ ن ومْغَارْ ذِي يَاهُوذَا ؤُ عَاقْرُونْ أَمْ يِيجّْ ن ؤُيابُوسِي.
ZEC 9:8 نشّْ أَذْ ڭّغْ ڒْمَارْڭحْ إِنُو ذڭْ ونّضْ ن ثَادَّارْثْ إِنُو، ضِيدّْ ن ونِّي إِ غَا إِژْوَانْ ؤُ ضِيدّْ ن ونِّي د غَا إِذوْڒنْ، حِيمَا ونِّي إِحصَّارنْ وَارْ خَاسْ إِعدُّو شَا عَاذْ، مَاغَارْ ڒخُّو ژْڒِيغْ ث س ثِيطَّاوِينْ إِنُو.“
ZEC 9:9 ”فَارْحْ، أَ يدْجِيسْ ن صِيهْيُونْ، سْڒِيوْڒوْ، أَ يدْجِيسْ ن ؤُرْشَالِيمْ! خْزَارْ، أَجدْجِيذْ نّمْ يُوسَا-د غَارمْ، نتَّا ذ أَمْسڭّذْ ؤُ أَقَا يَارْضْ أَرُّوضْ ن ؤُسنْجمْ، نتَّا ذ أَمْوَاضعْ، إِنْيَا خْ إِجّْ ن وغْيُوڒْ، خْ إِجّْ ن وزْعُوقْ، أَسْنُوسْ ن إِشْثْ ن ثغْيُوتْشْ.
ZEC 9:10 نشّْ أَذْ قْضِيغْ إِكَارُّوثنْ ن ؤُمنْغِي زِي إِفْرَايِيمْ ؤُڒَا ذ إِيْسَانْ زِي ؤُرْشَالِيمْ. أَذْ إِتّْوَاقْڒعْ ؤُڒَا ذ ڒْقوْسْ ن ؤُمنْغِي. نتَّا أَذْ إِبَارّحْ س ڒهْنَا إِ رڭْنُوسْ ؤُ صُّولْطَا نّسْ أَذْ ثِيڒِي زِي ڒبْحَارْ أَڒْ ڒبْحَارْ، زڭْ إِغْزَارْ ن لْفُورَاطْ أَڒْ  إِنڭُّورَا ن ثمُّورْثْ.“
ZEC 9:11 ”وَاهْ ؤُڒَا ذ شمْ، أَ يدْجِيسْ ن صِيهْيُونْ، زِي سِّيبّثْ ن إِذَامّنْ ن ڒْعَاهْذْ نّمْ فكّغْ-د إِمحْبَاسْ نّمْ زڭْ وَانُو يُوژْغنْ إِ وَارْ ذِي دْجِينْ وَامَانْ.
ZEC 9:12 عقْبمْ غَارْ لْبُورْجْ نْومْ، كنِّيوْ إِمحْبَاسْ إِنِّي غَارْ إِدْجَا ڒَايَاسْ. ؤُڒَا ذ أَسّْ-أَ نشّْ تّْبَارّْحغْ: أَقَا نشّْ أَذْ غَارمْ د-أَرّغْ ثْنَاينْ ن ثْسقَّارْ،
ZEC 9:13 مَاغَارْ نشّْ أَذْ محْضغْ يَاهُوذَا أَمْ إِجّْ ن ڒْقوْسْ ؤُ أَذْ ڭّغْ إِفْرَايِيمْ خْ ڒْقوْسْ. نشّْ أَذْ سّكَّارغْ إِحنْجِيرنْ نّمْ، أَ صِيهْيُونْ، ضِيدّْ إِ إِحنْجِيرنْ نّشْ، أَ يَاوَانْ، ؤُ نشّْ أَذْ شكْ أَرّغْ أَمْ سِّيفْ ن إِجّْ ن بُو-ثغْرُوضْثْ.“
ZEC 9:14 ”سِيذِي أَذْ إِبَانْ سنّجْ نْسنْ ؤُ فْڒِيثْشَاثْ نّسْ أَذْ إِڒِينْثْ تّْوسّْڭنْثْ أَمْ وَاسَّامْ ؤُ سِيذِي إِنُو، سِيذِي،ْ أَذْ إِسُوضْ ذڭْ ؤُيِيشّْ ن إِشَارِّي، أَذْ يُويُورْ أَكْ-ذ ثْحَارْيَاضِينْ ن ؤُسمِّيضْ ن لْجَانُوبْ.
ZEC 9:15 سِيذِي ن ڒْعسْكَارَاثْ أَذْ ثنْ إِسّْذُورِييْ. نِيثْنِي أَذْ شّنْ، أَذْ دّْزنْ إِژْرَا ن إِدْجِييْ ؤُشَا أَذْ سْونْ، أَذْ ڭّنْ دّْرِيزْ أَمْ غَارْ بِينُو ؤُ أَذْ ذوْڒنْ شُّورنْ أَمْ طَّاوْيَا ن ؤُرُوشِّي، أَمْ ثْغمَّارْ ن ؤُعَالْطَارْ.
ZEC 9:16 سِيذِي، أَربِّي نْومْ أَذْ ثنْ إِسّنْجمْ ذڭْ وَاسّْ نِّي أَمْ وُودْجِي ن ڒْڭنْسْ نّسْ، مَاغَارْ نِيثْنِي أَمشْنَاوْ إِژْرَا إِغْڒَانْ خْ إِجّْ ن تَّاجْ إِڭلّْذنْ إِتِّيسِّيقنْ خْ ثمُّورْثْ نّسْ.
ZEC 9:17 مَاغَارْ مشْهَاڒْ إِمْغَارْ أَذْ يِيڒِي ڒْخَارْ نّسْ ؤُ مشْهَاڒْ إِمْغَارْ أَذْ يِيڒِي وَاژْڒِي نّسْ! إِمنْذِي أَذْ إِسّغْمِي إِحُوذْرِييّنْ ؤُڒَا بِينُو ن جْذِيذْ ثِيعْزَارِييِّينْ.“
ZEC 10:1 ”تَّارمْ أَنْژَارْ زِي سِيذِي، ذِي ڒْوقْثْ ن ونْژَارْ ن ثفْسُوثْ. سِيذِي إِتّڭّْ أَسَّامنْ، وَاهْ، نتَّا أَذْ أَسنْ إِوْشْ إِبُوذَا ن ونْژَارْ، إِ كُوڒْ إِجّْ ن وفْسُو ذڭْ إِيَّارْ.
ZEC 10:2 مَاغَارْ ڒخْيَاڒَاثْ ن لْ-أَصْنَامْ سَّاوَاڒنْ ڒْغشّْ، ؤُ إِڭزَّاننْ تّْوَاڒَانْ إِخَارِّيقنْ ؤُ نِيثْنِي تّْعَاوَاذنْ ثِيرْجَا إِشمّْثنْ، نِيثْنِي سّْفوَّاجنْ س ڒعْوِينْ. خْ ؤُيَا إِ تّْوَاسِّيڭّْوجنْ أَمْ وُودْجِي، تّْوَاحْصَارنْ، مِينْزِي أَمكْسَاوْ وَارْ ذِينْ إِدْجِي.“
ZEC 10:3 ”خْ إِمكْسَاونْ يَارْغَا وغْضَابْ إِنُو ؤُ نشّْ أَذْ خدْجْصغْ إِغَايْضنْ، مَاغَارْ سِيذِي ن ڒْعسْكَارَاثْ أَذْ إِسِّيجّْ خْ ثْحِيمَارْثْ نّسْ، خْ ثَادَّارْثْ ن يَاهُوذَا، ؤُ نتَّا أَذْ ثنْ إِسدّْ أَمْ ؤُيِيسْ نّسْ إِتِّيسِّيقنْ غَارْ ؤُمنْغِي.
ZEC 10:4 زَّايسْ أَژْرُو ن ثغْمَارْثْ، زَّايسْ ڒوْثذْ، زَّايسْ ڒْقوْسْ ن ؤُمنْغِي، أَذْ زَّايسْ د-فّْغنْ خنِّي مَارَّا إِمْزيَّارنْ جْمِيعْ.
ZEC 10:5 نِيثْنِي مَارَّا أَذْ ذوْڒنْ أَمْ أَيْثْ ن بُو-ثغْرُوضْثْ إِنِّي ذڭْ ؤُمنْغِي أَذْعفْسنْ خْ ؤُبدْجَاعْ ذِي زّْنَاقِي. وَاهْ، نِيثْنِي أَذْ مّنْغنْ، مَاغَارْ سِيذِي أَذْ يِيڒِي أَكِيذْسنْ، ؤُ نِيثْنِي أَذْ سضْحَانْ إِنِّي إِنْيِينْ خْ ييْسَانْ.
ZEC 10:6 نشّْ أَذْ سّْجهْذغْ ثَادَّارْثْ ن يَاهُوذَا ؤُ أَذْ سّْنجْمغْ ثَادَّارْثْ ن يُوسُوفْ ؤُ نشّْ أَذْ أَسنْ وْشغْ ثَازذِّيغْثْ، مَاغَارْ نشّْ أَرّحْمغْ ذَايْسنْ ؤُ نِيثْنِي أَذْ إِڒِينْ أَخْمِي نشّْ وَارْ ثنْ نْضَارغْ، مَاغَارْ نشّْ ذ سِيذِي، أَربِّي نْسنْ، ؤُ نشّْ أَذْ غَارْسنْ سْڒغْ.“
ZEC 10:7 ”إِنِّي ن إِفْرَايِيمْ أَذْ إِڒِينْ أَمْ يِيجّْ ن بُو-ثغْرُوضْثْ ؤُ ؤُڒْ نْسنْ أَذْ إِفَارْحْ أَمْ غَارْ بِينُو، ؤُ إِحنْجِيرنْ نْسنْ أَذْ ث ژَترنْ ؤُ أَذْ فَارْحنْ، ؤُڒْ نْسنْ أَذْ إِفَارْحْ ذِي سِيذِي.
ZEC 10:8 نشّْ أَذْ خَاسنْ صفَّارغْ ؤُ أَذْ ثنْ سّْمُونغْ، مَاغَارْ نشّْ فْذِيغْ ثنْ، ؤُ نِيثْنِي أَذْ د-ذوْڒنْ ذڭْ وَاطَّاسْ، أَمْ مَامّشْ ثنْ ثُوغَا ذڭْ وَاطَّاسْ.
ZEC 10:9 نشّْ أَذْ ثنْ زَارْعغْ جَارْ ڒڭْنُوسْ ؤُ نِيثْنِي أَذْ أَيِي إِذَارنْ ذِي جّْوَايهْ إِڭّْوجّنْ. خنِّي أَذْ دَّارنْ أَكْ-ذ إِحنْجِيرنْ نْسنْ ؤُشَا أَذْ د-ذوْڒنْ.
ZEC 10:10 نشّْ أَذْ ثنْ جّغْ أَذْ د -عقْبنْ زِي مِيسْڒَا، أَذْ ثنْ د-سّْمُونغْ زِي أَشُّورْ ؤُ أَذْ ثنْ د-أَوْيغْ غَارْ ثمُّورْثْ ن جِيلْعَاذْ ؤُ غَارْ لُوبْنَانْ، مَاشَا أَيَا وَارْ ثنْ إِتّْقذِّي.
ZEC 10:11 نتَّا أَذْ إِژْوَا ڒبْحَارْ ن ڒحْصَارثْ نْسنْ ؤُ أَذْ إِوّثْ ڒمْوَاجْ ن ڒبْحَارْ ؤُ مَارَّا إِمُوشَانْ يُودْجْغنْ ن إِغْزَارْ ن نِيلْ أَذْ أَژْغنْ. نّْفَاخثْ ن أَشُّورْ أَذْ ثتّْوَاسّْوَاضعْ، ؤُ أَزدْجَاضْ ن مِيسْڒَا أَذْ إِتّْوَاودَّارْ.
ZEC 10:12 نشّْ أَذْ ثنْ سّْجهْذغْ ذِي سِيذِي ؤُ نِيثْنِي أَذْ ؤُيُورنْ ذڭْ يِيسمْ نّسْ!“، أَمُّو إِ إِقَّارْ سِيذِي.
ZEC 11:1 ”أَرْزمْ ثِيوُّورَا نّشْ، أَ لُوبْنَانْ، مَاحنْذْ ثِيمسِّي أَذْ ثشّْ ثِينڭْلِينْ نّشْ.
ZEC 11:2 رُو، أَ ثَاشجَّارْثْ ن ؤُمرْزِي، مَاغَارْ ثَانْڭلْثْ ثوْضَا، مَاغَارْ ثِيشجُّورَا نِّي إِجهْذنْ تّْوَاردّْدْجنْثْ! رُوثْ، أَ ثِيشجُّورَا ن ڒْبدْجُوضْ ن بَاشَانْ، مَاغَارْ أَزْغَارْ إِمّْشُوبّْشنْ إِوْضَا.“
ZEC 11:3 ”سْڒمْ إِ ڒْحسّْ ن ثْغُويِّيثْ ن إِمكْسَاونْ، مَاغَارْ أَعُودْجِي نْسنْ إِتّْوَاردّدْجْ، سْڒمْ إِ ڒْحسّْ ن ؤُزهَّارْ ن ويْرَاذنْ إِمژْيَاننْ، مَاغَارْ ڒْعزّْ ن لْ-ؤُرْذُونْ إِتّْوَاردّدْجْ.“
ZEC 11:4 ”أَمُّو إِ إِقَّارْ سِيذِي، أَربِّي إِنُو: ’أَرْوسْ ؤُدْجِي نِّي ؤُمِي غَا غَارْصنْ،
ZEC 11:5 إِنِّي ثنْ إِملّْكنْ نقّنْ ثنْ بْڒَا مَا أَذْ تّْوَاعَاقْبنْ، إِنِّي [ثنْ إِملّْكنْ] زّنْزنْ ثنْ، قَّارنْ: أَذْ إِتّْوَابَاركْ سِيذِي، أَقَا نشّْ ذوْڒغْ غَارِي أَڭْڒَا! إِمكْسَاونْ نْسنْ وَارْ ذ أَسنْ زِّيدْجِيزنْ.‘ “
ZEC 11:6 ”خنِّي نشّْ وَارْ ذ أَيِي زِّيدْجِيزنْ عَاذْ إِمزْذَاغْ ن ثمُّورْثْ، إِقَّارْ سِيذِي. خْزَارْ، نشّْ أَذْ وْشغْ إِ إِوْذَانْ كُوڒْ إِجّْ ذڭْ ؤُفُوسْ ن جَّارْ نّسْ ؤُ ذڭْ ؤُفُوسْ ن ؤُجدْجِيذْ نّسْ، ؤُ نِيثْنِي أَذْعفْسنْ خْ ثمُّورْثْ ؤُ نشّْ وَارْ [ثنْ] تّْفكّغْ شَا زڭْ ؤُفُوسْ نْسنْ.“
ZEC 11:7 ”نشّْ أَروْسغْ ؤُدْجِي ثِينِّي ؤُمِي غَا غَارْصنْ، مَاغَارْ نِيثنْثِي ذ ؤُدْجِي إِتّْوَاحْسَارنْ. نشّْ كْسِيغْ إِ يِيخفْ إِنُو ثْنَاينْ ن ثغَّارْينْ. إِشْثْ ڭِّيغْ أَسْ ’ڒْْخَاضَارْ!‘ ؤُ ثنّغْنِي ڭِّيغْ أَسْ ’ثَاغْرُوضْثْ!‘، ؤُ [أَمُّو إِ] أَرْوْسغْ نشّْ ؤُدْجِي.“
ZEC 11:8 ”ذڭْ إِجّْ ن ؤُيُورْ تّحِّيغْ ثْڒَاثَا زڭْ إِمكْسَاونْ. ڒعْمَارْ إِنُو وَارْ إِزمَّارْ أَذْ ثنْ ثَارْبُو [عَاذْ] ؤُشَا ؤُڒَا ذ ڒعْمَارْ نْسنْ إِشَارْهْ أَيِي عَاوذْ.
ZEC 11:9 نشّْ نِّيغْ: نشّْ وَارْ كنِّيوْ أَركّْوْسغْ! مِينْ إِمُّوثنْ، أجّْ [إِ-ث] أَذْ إِمّثْ ؤُ مِينْ إِهلّْكنْ، أجّْ [إِ-ث] أَذْ إِتّْوَاهلّكْ، ؤُ جّمْ إِنِّي إِقِّيمنْ أَذْ شّنْ أَيْسُومْ إِجّْ ن ونّغْنِي.
ZEC 11:10 نشّْ كْسِيغْ ثَاغَّارْشْثْ إِنُو ’رْخَاضَارْ‘، ؤُشَا أَرْژِيغْ ت مَاحنْذْ أَذْ أَرْژغْ أَمُّو ڒْعَاهْذْ إِنُو نِّي ڭِّيغْ أَكْ-ذ مَارَّا ڒڭْنُوسْ.
ZEC 11:11 ذڭْ وَاسّْ نِّي إِذْوڒْ [ڒْْعَاهْذْ] يَارّژْ ؤُ أَمُّو إِ سّْننْ وُودْجِي إِتّْوَاحْصَارنْ نِّي ذ أَيِي إِحطَّانْ، أَقَا أَيَا ثُوغَا ذ إِجّْ ن وَاوَاڒْ ن سِيذِي.“
ZEC 11:12 ”نشّْ نِّيغْ أَسنْ: ’مَاڒَا أَيَا مْلِيحْ ذِي ثِيطَّاوِينْ نْومْ، وْشمْ أَيِي ڒْمُونثْ إِنُو، ؤُ مَاڒَا لَّا، جّمْ ث!‘ [خنِّي] وزْننْ ڒْمُونثْ إِنُو: ثْڒَاثِينْ ن [ڒْوزْنَاثْ ن] نُّوقَارْثْ.
ZEC 11:13 [خنِّي] إِنَّا أَيِي سِيذِي: ’نْضَارْ [ڒْْمُونثْ] نِّي غَارْ بُو-ثْڒَاخْثْ، تَّامَانْ [نِّي] ’إِصبْحنْ‘ إِنِّي ذ أَيِي ڭِّينْ تَّامَانْ!‘ ؤُ نشّْ كْسِيغْ ثْڒَاثِينْ نْ ڒْوزْنَاثْ ن نُّوقَارْثْ ؤُشَا نْضَارغْ ثنْثْ غَارْ بُو-ثْڒَاخْثْ ذِي ثَادَّارْثْ ن سِيذِي.
ZEC 11:14 [ڒخْذنِّي] أَرْژِيغْ نشّْ ثَاغَّارْشْثْ إِنُو نّغْنِي [ثنِّي ڭِّيغْ أَسْ] ’ثَاغْرُوضْثْ‘ مَاحنْذْ أَذْ أَرْژغْ [أَمُّو] ثَاوْمَاثْ جَارْ يَاهُوذَا ذ إِسْرَائِيل.“
ZEC 11:15 ”سِيذِي إِنَّا أَيِي: ’كْسِي ثْوَاڒَا نّغْنِيثْ دُّوزَانْ ن إِجّْ ن ؤُمكْسَاوْ أَبُوهَاڒِي،
ZEC 11:16 مَاغَارْ نشّْ أَذْ جّغْ أَذْ د-إِكَّارْ إِجّْ ن ؤُمكْسَاوْ ذِي ثمُّورْثْ: مِينْ إِرُوحنْ وَارْ يَارزُّو، مِينْ إِمْطَارّْشنْ وَارْ ث يَارزُّو، مِينْ يَارْژنْ وَارْ ث إِسّْڭنْفِي ؤُ مِينْ إِقِّيمنْ إِبدّْ، وَارْ ث إِحطِّي نتَّا. [مَاشَا] نتَّا أَذْ يشّْ أَيْسُومْ ن [ڒبْهَايمْ] إِصحّنْ ؤُ أَذْ أَسنْثْ إِكّسْ ثِيشضْيِينْ.‘ “
ZEC 11:17 ”ؤُشْثْ خْ ؤُمكْسَاوْ إِ وَارْ إِسكّْوِينْ، ونِّي إِسمّْحنْ ذڭْ وُودْجِي! سِّيفْ أَذْ د-إِعْذُو خْ ؤُغِيڒْ نّسْ ؤُ خْ ثِيطّْ نّسْ ثَافُوسشْثْ. أَغِيڒْ نّسْ أَذْ يَاژغْ مَارَّا، ؤُ ثِيطّْ نّسْ ثَافُوسشْثْ أَذْ ثعْمشْ مَارَّا!“
ZEC 12:1 ڒْْحُوكْمْ إِسَّاڭّْوَاذنْ ن وَاوَاڒْ ن سِيذِي خْ إِسْرَائِيل. سِيذِي إِسَّاوَاڒْ، نتَّا ذ ونِّي إِتّْبزَّاعنْ أَجنَّا ؤُ إِسّْرُوسَا ذْسَاسْ ن ثمُّورْثْ ؤُ إِسّْبدَّا أَرُّوحْ ن بْنَاذمْ ذِي ذَاخڒْ نّسْ:
ZEC 12:2 ”خْزَارمْ، نشّْ أَذْ ڭّغْ ؤُرْشَالِيمْ ذ طّبْصِي ن ؤُذوّخْ إِ مَارَّا ڒڭْنُوسْ إِ ذ أَسْ د-إِنّْضنْ ؤُشَا أَذْ د-يَاسْ طّبْصِي نِّي ؤُڒَا خْ يَاهُوذَا غَارْ ڒحْصَارثْ ن ؤُرْشَالِيمْ.
ZEC 12:3 ذڭْ وَاسّْ نِّي أَذْ إِمْسَارْ أَقَا نشّْ أَذْ أَرّغْ ؤُرْشَالِيمْ ذ إِجّْ ن وژْرُو إِذقْڒنْ إِ مَارَّا ڒڭْنُوسْ. مَارَّا إِنِّي يَارزُّونْ أَذْ ث سّْڭعّْذنْ، أَذْ سّْيزْمنْ إِخفْ نْسنْ أَطَّاسْ ؤُ مَارَّا ڒڭْنُوسْ ن دُّونشْثْ أَذْ تّْوَاسّْمُوننْ ضِيدّْ نّسْ.
ZEC 12:4 ذڭْ وَاسّْ نِّي، إِقَّارْ سِيذِي، أَذْ وْثغْ مَارَّا إِيْسَانْ س أَرْجفْ ذ إِمْنَاينْ نّسْ س ثُوبُّوهڒْيَا، [مَاشَا] أَذْ قِّيمغْ أَرزّْمغْ ثِيطَّاوِينْ إِنُو خْ ثَادَّارْثْ ن يَاهُوذَا، [خْمِي] إِ غَا وْثغْ مَارَّا إِيْسَانْ ن ڒڭْنُوسْ س ثُودَّارْغتْشْ.
ZEC 12:5 إِمْڭوَّاذنْ ن يَاهُوذَا أَذْ إِنِينْ ذڭْ وُوڒْ نْسنْ: ’إِمزْذَاغْ ن ؤُرْشَالِيمْ أَذْ إِڒِينْ ذ جّهْذْ إِنُو س [ؤُفُوسْ ن] سِيذِي ن ڒْعسْكَارَاثْ، أَربِّي نْسنْ!‘
ZEC 12:6 ذڭْ وَاسّْ نِّي أَذْ ڭّغْ إِمْڭوَّاذنْ ن يَاهُوذَا أَمْ يِيجّْ ن ڒْمجْمَارْ ن ثْمسِّي ذِي ثَافَّا ن ؤُكشُّوضْ ؤُ أَمْ يِيجّْ ن وصْفضْ جَارْ ثِيقبِّيضِينْ ن إِمنْذِي ؤُ نِيثْنِي أَذْ فّْزنْ مَارَّا ڒڭْنُوسْ إِ ذ أَسنْ د-إِنّْضنْ، غَارْ يفُوسْ ؤُ غَارْ ؤُزڒْمَاضْ، ؤُشَا ؤُرْشَالِيمْ أَذْ ثقِّيمْ عَاذْ ذڭْ ومْشَانْ نّسْ، ذِي ؤُرْشَالِيمْ.
ZEC 12:7 سِيذِي أَذْ إِسّنْجمْ أَمزْوَارْ إِقِيضَانْ ن يَاهُوذَا حِيمَا شَّانْ ن ثَادَّارْثْ ن ذَاوُوذْ ذ شَّانْ ن إِمزْذَاغْ ن ؤُرْشَالِيمْ وَارْ إِذِّيكّْوِيڒْ ذ أَمقّْرَانْ أَطَّاسْ قِيبَاتْشْ إِ يَاهُوذَا.
ZEC 12:8 ذڭْ وَاسّْ نِّي أَذْ إِسّْذُورِييْ سِيذِي إِمزْذَاغْ ن ؤُرْشَالِيمْ. ذڭْ وَاسّْ نِّي أَذْ يِيڒِي ونِّي إِ غَا إِنّْقَارْضنْ جَارْ أَسنْ أَمْ ذَاوُوذْ ؤُشَا ثَادَّارْثْ ن ذَاوُوذْ أَذْ ثِيڒِي أَمْ أَربِّي، أَمْ لْمَالَاكْ ن سِيذِي زَّاثْ إِ وُوذمْ نْسنْ.
ZEC 12:9 ذڭْ وَاسّْ نِّي أَذْ إِمْسَارْ، أَقَا نشّْ أَذْ ركّْزغْ أَذْ مْحِيغْ مَارَّا ڒڭْنُوسْ إِ د غَا يَاسنْ [إِ ڒحْصَارثْ] غَارْ ؤُرْشَالِيمْ.
ZEC 12:10 [مَاشَا] أَذْ فَارّْغغْ أَرُّوحْ ن أَرْضَا ذ ثْژَادْجِيثِينْ خْ ثَادَّارْثْ ن ذَاوُوذْ ؤُ خْ إِمزْذَاغْ ن ؤُرْشَالِيمْ ؤُ نِيثْنِي أَذْ غَارِي د-خْزَارنْ ونِّي ذِي سّْنُوقّْبنْ. نِيثْنِي أَذْ خَاسْ وْثنْ أَيجْذُورْ أَمْ وْثِينْ أَڭجْذُورْ خْ ؤُينِّي ن مِّيسْ ؤُ أَذْ خَاسْ شضْننْ س ثرْزُوڭِي أَمْ ونِّي إِتّشْضِيننْ خْ [ڒْْموْثْ ن] مِّيسْ أَمنْزُو.
ZEC 12:11 ذڭْ وَاسّْ نِّي أَذْ ثِيڒِي ثْغُويِّيثْ ن وشْضَانْ ثمْغَارْ ذِي ؤُرْشَالِيمْ، أَمْ ثْغُويِّيثْ ن وشْضَانْ ن هَاذَاذْ-رِيمُّونْ ذِي ثغْزُورْثْ ن مَاجِيدُّونْ.
ZEC 12:12 ثَامُّورْثْ أَذْ ثسْغُويْ زڭْ وشْضَانْ، كُوڒْ ڒَادْجْ وحّْذسْ. ڒَادْجْ ن ثَادَّارْثْ ن ذَاوُوذْ وحّْذسْ ذ ثمْغَارِينْ نْسنْ وحّذْسنْثْ، ڒَادْجْ ن ثَادَّارْثْ ن نَاثَانْ وحّْذسْ ذ ثمْغَارِينْ نْسنْ وحّذْسنْثْ.
ZEC 12:13 ڒَادْجْ ن ثَادَّارْثْ ن لَاوِي وحّْذسْ ذ ثمْغَارِينْ نْسنْ وحّذْسنْثْ، ڒَادْجْ ن شِيمْعِي وحّْذسْ ذ ثمْغَارِينْ نْسنْ وحّذْسنْثْ.
ZEC 12:14 مَارَّا ڒَادْجَاثْ نّغْنِي، كُوڒْ ڒَادْجْ وحّْذسْ ؤُڒَا ذ ثِيمْغَارِينْ وحّذْسنْثْ.“
ZEC 13:1 ”ذڭْ وَاسّْ نِّي ڭُّورْ أَذْ ثدُّوقّزْ إِشْثْ ن ثَاڒَا إِ ثَادَّارْثْ ن ذَاوُوذْ ؤُڒَا إِ إِمزْذَاغْ ن ؤُرْشَالِيمْ، ضِيدّْ إِ دّنْبْ ؤُ ضِيدّْ إِ ڒخْمجْ.
ZEC 13:2 ذڭْ وَاسّْ نِّي أَذْ إِمْسَارْ، [أَمُّو إِ] إِقَّارْ سِيذِي ن ڒْعسْكَارَاثْ، نشّْ أَذْ ثحِّيغْ إِسْمَاونْ ن ڒخْيَاڒَاثْ ن لْ-أَصْنَامْ زِي ثمُّورْثْ، [حِيمَا] وَارْ خَاسنْعقّْڒنْ عَاذْ. ؤُڒَا ذ إِنَابِييّنْ ذ بُوحْبڒْ أَمنْڭُوسْ أَذْ ثنْ سُّوفّْغغْ زِي ثمُّورْثْ.
ZEC 13:3 أَذْ إِمْسَارْ، مَاڒَا شَا ن إِجّنْ أَذْ إِنبَّا، بلِّي بَابَاسْ ذ يمَّاسْ إِنِّي ث-إِ-د إِجِّينْ، أَذْ أَسْ إِنِينْ: ’شكْ وَارْ تّْغِيمِيذْ ثدَّارذْ، مَاغَارْ شكْ ثسِّيوْڒذْ إِخَارِّيقنْ ذڭْ إِسمْ ن سِيذِي!‘ بَابَاسْ ذ يمَّاسْ إِنِّي ث-إِ-د إِجِّينْ، أَذْ ث سّْنُوقّْبنْ خْمِي غَا إِنبَّا.
ZEC 13:4 ذڭْ وَاسّْ نِّي أَذْ إِمْسَارْ أَقَا إِنَابِييّنْ أَذْ سضْحَانْ، كُوڒْ إِجّْ خْ ڒوْحِييْ نّسْ [إِ إِثْوَاڒَا] خْمِي ثُوغَا إِنبَّا. نِيثْنِي وَارْ تِّيرِيضنْ شَا أَپَارْثسُّو ن شّْعَارْ [ن إِنَابِييّنْ] مَاحنْذْ أَذْ سّْخَارّْقنْ.
ZEC 13:5 نتَّا أَذْ يِينِي ’نشّْ وَارْ دْجِيغْ ذ أَنَابِي، نشّْ ذ إِجّْ ن ورْيَازْ ونِّي إِتّْفدْجْحنْ إِيَّارْ، مِينْزِي إِكْسبْ أَيِي إِجّنْ زِي ثمْژِي إِنُو.‘
ZEC 13:6 أَذْ أَسْ إِنِينْ: ’مِينْ عْنَانْ [خنِّي] إِيزِّيمنْ-أَ ذڭْ إِفَاسّنْ نّشْ؟‘، أَذْ يِينِي نتَّا: ’أَمُّو إِ وْثِينْ أَيِي ذِي ثَادَّارْثْ ن إِمْعِيزّنْ إِنُو.‘ “
ZEC 13:7 ”سِّيفْ، كَّارْ خْ ؤُمكْسَاوْ إِنُو ؤُ خْ ورْيَازْ نِّي إِدْجَانْ ذ أَمْعَاشَارْ إِنُو!، [أَمُّو إِ] إِقَّارْ سِيذِي ن ڒْعسْكَارَاثْ. وّثْ أَمكْسَاوْ إِنُو ؤُشَا [خنِّي] أَذْ إِمّْسبْضَا وُودْجِي، [مَاشَا] نشّْ أَذْ أَرّغْ أَفُوسْ إِنُو [عَاوذْ إِ ؤُسڒْقِي] ثِيوَّا إِمُوقْڒِيڒنْ.“
ZEC 13:8 ”أَذْ إِمْسَارْ ذِي ثَامُّورْثْ مَارَّا، إِقَّارْ سِيذِي، أَقَا ثْنَاينْ ن إِزيْنَاثْ أَذْ تّْوَاقضْعنْ ؤُ نِيثْنِي أَذْ سُّوفّْغنْ بُوحْبڒْ، [مَاشَا] أَزْينْ وِيسّْ ثْڒَاثَا أَذْ ذَايسْ إِقِّيمْ.
ZEC 13:9 أَزْينْ وِيسّْ ثْڒَاثَا أَذْ ث نْضَارغْ ذِي ثْمسِّي، ؤُشَا نشّْ أَذْ ثنْ سّصْفِيغْ أَمْ مَامّشْ سّصْفَانْ نُّوقَارْثْ ؤُ نشّْ أَذْ ثنْ جَارّْبغْ أَمْ مَامّشْ تّْجَارَّابنْ ؤُرغْ. نِيثْنِي أَذْ ڒَاغَانْ س يِيسمْ إِنُو ؤُ نشّْ أَذْ [أَسنْ] سْڒغْ. أَذْ إِنِيغْ: ’ڒْْڭنْسْ إِنُو!‘ ؤُ نِيثْنِي أَذْ إِنِينْ: ’سِيذِي ذ أَربِّي إِنُو!‘ “
ZEC 14:1 ”خْزَارثْ، أَذْ د-يَاسْ إِجّْ ن وَاسّْ إِ سِيذِي إِ ذِي إِ غَا ثتّْوَابْضَا ثْكشَّاضْثْ نّمْ ذِي ڒْوسْطْ نّمْ!
ZEC 14:2 نشّْ أَذْ سّْمُونغْ مَارَّا ڒڭْنُوسْ إِ ؤُمنْغِي أَكْ-ذ ؤُرْشَالِيمْ. ثَانْذِينْثْ أَذْ ثتّْوَاطّفْ، ثُوذْرِينْ أَذْ تّْوَاكشّْضنْثْ، ثِيمْغَارِينْ أَذْ تّْوَاسّْنُوقّْبنْثْ ؤُ أَزْينْ ن ثنْذِينْثْ أَذْ إِتّْوَانْذهْ ذِي لْمنْفَا، [مَاشَا] مِينْ إِقِّيمنْ ن ڒْڭنْسْ وَارْ ڭُّورْ شَا أَذْ إِتّْوَاقْضعْ.
ZEC 14:3 سِيذِي أَذْ إِفّغْ ؤُ نتَّا أَذْ إِمّْنغْ أَكْ-ذ ڒڭْنُوسْ أَمْ ذڭْ وَاسّْ ن ؤُمنْغِي، ذڭْ وَاسّْ ن إِتّْمنْغَا [ڒبْذَا] ذڭْ وَاسّْ ن وهْجَامْ.
ZEC 14:4 ذڭْ وَاسّْ نِّي أَذْ بدّنْ إِضَارنْ نّسْ خْ وذْرَارْ ن زِّيثُونْ ونِّي قِيبَاتْشْ إِ ؤُرْشَالِيمْ، غَارْ شَّارْقْ. أَذْرَارْ ن زِّيثُونْ أَذْ إِتّْوَافدْجقْ ذِي ثْنَاينْ ن إِزِييْنَاثْ، جِّيهثْ ن شَّارْقْ ؤُ جِّيهثْ ن ڒبْحَارْ، [مَاحنْذْ أَذْ ذِينْ ثِيڒِي] إِشْثْ ن ثغْزُورْثْ ذ ثَامقّْرَانْثْ. أَزْينْ ن وذْرَارْ أَذْ إِميّڒْ غَارْ شَّامَالْ ؤُ أَزْينْ نّغْنِي ن وذْرَارْ أَذْ إِميّڒْ غَارْ لْجَانُوبْ.
ZEC 14:5 ؤُشَا كنِّيوْ أَذْ ثَاروْڒمْ زِي هكّْوُو ن إِذُورَارْ إِنُو، مَاغَارْ ثَاغْزُورْثْ ن إِذُورَارْ أَذْ د-ثَاوضْ أَڒْ أَصَالْ ؤُ كنِّيوْ أَذْ ثَاروْڒمْ أَمْ مَامّشْ ثَاروْڒمْ كنِّيوْ زڭْ ونْهزِّي ن ثمُّورْثْ ذڭْ وُوسَّانْ ن عُوزِّييَا، أَجدْجِيذْ ن يَاهُوذَا، ؤُشَا سِيذِي، أَربِّي إِنُو، أَذْ د-يَاسْ ؤُ مَارَّا إِمْقدَّاسنْ أَكِيذكْ.
ZEC 14:6 ذڭْ وَاسّْ نِّي ڭُّورْ أَذْ إِمْسَارْ أَقَا وَارْ ثتِّيڒِي ثْفَاوْثْ، إِثْرَانْ إِتِّيسِّيقنْ أَذْ ثتّْوَاكمّْشنْ.
ZEC 14:7 أَذْ يِيڒِي ذ إِجّْ ن وَاسّْ إِتّْوَافَارْزْ، أَذْ يِيڒِي إِتّْوَاسّنْ غَارْ سِيذِي. وَارْ إِدْجِي ذ أَسّْ ؤُڒَا ذ دْجِيڒثْ. أَذْ إِمْسَارْ غَارْ ڒْوقْثْ ن ؤُعشِّي أَذْ ثِيڒِي ثْفَاوْثْ.
ZEC 14:8 ذڭْ وَاسّْ نِّي أَذْ إِمْسَارْ أَقَا أَمَانْ إِدَّارنْ أَذْ د-فّْغنْ زِي ؤُرْشَالِيمْ، أَزْينْ زَّايْسنْ غَارْ ڒبْحَارْ أَشَارْقِي ؤُ أَزْينْ نّغْنِي غَارْ ڒبْحَارْ ن ڒْغَارْبِي. [أَمُّو] إِ غَا يِيڒِي ذڭْ ؤُنبْذُو ؤُ ذِي ثْڭَارْسْثْ.
ZEC 14:9 سِيذِي أَذْ يِيڒِي ذ أَجدْجِيذْ خْ مَارَّا ثَامُّورْثْ. ذڭْ وَاسّْ نِّي أَذْ يِيڒِي نتَّا ذ أَينِّي ن سِيذِي ؤُ إِسمْ نّسْ ذ أَينِّي ن يِيسمْ.
ZEC 14:10 مَارَّا ثَامُّورْثْ أَذْ ثذْوڒْ أَمْ ڒوْضَا، زِي جَابْعَا أَڒْ رِيمُّونْ، غَارْ [جِّيهثْ ن] لْجَانُوبْ ن ؤُرْشَالِيمْ. [ثَانْذِينْثْ] أَذْ ثتّْوَاسّْڭعّذْ ؤُ أَذْ ذَايسْ زذْغنْ [إِوْذَانْ] ذڭْ ومْشَانْ نّسْ، زِي ثوَّارْثْ ن بِينْيَامِينْ أَڒْ أَمْشَانْ ن ثوَّارْثْ إِ ذِينْ ثُوغَا زِيشْ، أَڒْ ثَاوَّارْثْ ن ثغْمَارْثْ، ؤُ زِي لْبُورْجْ ن حَانَانِييِيلْ أَڒْ ثِيسَارِينْ ن وحْرَايْ ن دِّيڒشْثْ ن ؤُجدْجِيذْ.
ZEC 14:11 نِيثْنِي أَذْ ذَايسْ زذْغنْ ؤُ وَارْ إِتِّيڒِي عَاذْ ؤُڒَا ذ إِجّْ ن ؤُحَارّمْ إِ ؤُثحِّي، مِينْزِي ؤُرْشَالِيمْ أَذْ إِزْذغْ ذِي ڒَامَانْ.
ZEC 14:12 ثَا أَذْ ثِيڒِي ذ ثِيشْثِي إِ زِي غَا إِوّثْ سِيذِي مَارَّا ڒڭْنُوسْ نِّي إِمّنْغنْ أَكْ-ذ ؤُرْشَالِيمْ: نتَّا أَذْ يَارّْ أَرِّيمثْ ن كُوڒْ [بْنَاذمْ] أَذْ إِكِّيشُّو أَمْ نتَّا عَاذْ إِبدّْ خْ إِضَارنْ نّسْ ؤُ ثِيطَّاوِينْ نّسْ أَذْ كِّيشّْونْثْ ذڭْ إِخُوبَاشْ نْسنْ ؤُ إِڒسْ نّسْ أَذْ إِكِّيشُّو ذڭْ ؤُقمُّومْ نّسْ.
ZEC 14:13 ذڭْ وَاسّْ نِّي ڭُّورْ أَذْ إِمْسَارْ أَقَا إِجّْ ن ؤُمْخَارْوضْ ذ أَمقّْرَانْ زِي سِيذِي أَذْ إِذْوڒْ جَارْ أَسنْ، أَڒَامِي غَا إِطّفْ كُوڒْ إِجّْ أَفُوسْ ن جَّارْ نّسْ ؤُ [خنِّي] أَفُوسْ ن كُوڒْ إِجّنْ أَذْ إِنّقْڒبْ ضِيدّْ إِ ؤُفُوسْ ن جَّارْ نّسْ.
ZEC 14:14 عَاذْ أَذْ إِمّْنغْ يَاهُوذَا ذِي ؤُرْشَالِيمْ ؤُشَا أَذْ تّْوَاسّْمُوننْ وَاڭْڒَا ن مَارَّا ڒڭْنُوسْ إِ ذ أَسْ د-إِنّْضنْ: ؤُرغْ ذ نُّوقَارْثْ ذ وَارُّوضْ أَطَّاسْ س وَاطَّاسْ.
ZEC 14:15 أَمُّو إِ غَا ثِيڒِي [عَاوذْ] ثشْثِي ن ؤُيِيسْ ذ ؤُسَارْذُونْ ذ وڒْغمْ ذ يغْيَاڒْ ذ مَارَّا ڒْمَاڒْ نِّي [إِدْجَانْ] ذِي ڒْعسْكَارَاثْ، أَقَا ثِيشْثِي-يَا [أَذْ ثنْ ثڒْقفْ].
ZEC 14:16 [خنِّي] أَذْ إِمْسَارْ أَقَا مَارَّا إِنِّي إِقِّيمنْ زِي مَارَّا ڒڭْنُوسْ نِّي د-يُوسِينْ غَارْ ؤُرْشَالِيمْ [إِ ڒحْصَارثْ]، أَذْ ڭعّْذنْ زڭْ ؤُسڭّْوَاسْ أَڒْ أَسڭّْوَاسْ، حِيمَا أَذْ بنْذْقنْ زَّاثْ إِ ؤُجدْجِيذْ، إِ سِيذِي ن ڒْعسْكَارَاثْ ؤُ حِيمَا أَذْعيّْذنْ ڒْعِيذْ ن إِعُوشُّوثنْ.
ZEC 14:17 أَذْ إِمْسَارْ بلِّي مَانْ ونْ زِي ڒَادْجَاثْ ن ثمُّورْثْ وَارْ د-إِتّْڭِيعِّيذْ شَا غَارْ ؤُرْشَالِيمْ حِيمَا أَذْ إِبنْذقْ إِ ؤُجدْجِيذْ، إِ سِيذِي ن ڒْعسْكَارَاثْ، أَقَا وَارْ خَاسْ إِوطِّي شَا ونْژَارْ.
ZEC 14:18 مَاڒَا ڒَادْجْ ن مِيصْرَا وَارْ د-إِڭعّذْ ؤُ وَارْ د-ثُوسِي شَا، [خنِّي] وَارْ خَاسنْ [إِشِّيثْ] ونْژَارْ. ثَا أَذْ ثِيڒِي ذ ثِيشْثِي إِ زِي غَا إِڒْقفْ سِيذِي ڒڭْنُوسْ نِّي وَارْ ذِينْ إِتّْڭِيعِّيذنْ شَا حِيمَا أَذْعيّْذنْ فِيشْثَا ن ڒْعِيذْ ن إِعُوشُّوثنْ.
ZEC 14:19 ثَا ڭُّورْ أَذْ ثِيڒِي ذ ثِيشْثِي إِ دّْنُوبْ ن مِيصْرَا ؤُڒَا ذ ثِيشْثِي إِ مَارَّا ڒڭْنُوسْ، إِنِّي وَارْ ذِينْ إِتّْڭعّذنْ، حِيمَا أَذْعيّْذنْ ڒْعِيذْ ن إِعُوشُّوثنْ.
ZEC 14:20 ذڭْ وَاسّْ نِّي ڭُّورْ أَذْ يِيڒِي خْ ثْنَاقُوسِينْ ن ييْسَانْ ’ذ أَمْقدَّاسْ إِ سِيذِي!‘ تّْنَاجَارْ ذِي ثَادَّارْثْ ن سِيذِي أَذْ إِڒِينْ أَمْ طَّاوْيَاثْ إِ ؤُرُوشِّي زَّاثْ إِ ؤُعَالْطَارْ.
ZEC 14:21 مَارَّا تّْنَاجَارْ ذِي ؤُرْشَالِيمْ ؤُ ذِي يَاهُوذَا أَذْ إِڒِينْ قدّْسنْ إِ سِيذِي ن ڒْعسْكَارَاثْ ؤُ مَارَّا إِنِّي إِ د غَا يَاسنْ حِيمَا أَذْ قدّْمنْ ثِيوْهِيبِينْ، أَذْ زَّايْسنْثْ كْسِينْ ؤُ أَذْ ذَايْسنْثْ سّْننَّانْ. ذڭْ وَاسّْ نِّي وَارْ [ذِينْ] إِتِّيڒِي ؤُڒَا ذ إِجّْ ن ؤُكنْعَانِي ذِي ثَادَّارْثْ ن سِيذِي ن ڒْعسْكَارَاثْ.“
MAL 1:1 ڒْحُوكْمْ إِسَّاڭّْوَاذنْ. أَوَاڒْ ن سِيذِي إِ إِسْرَائِيل س ؤُفُوسْ ن مَالَاخِي.
MAL 1:2 ”نشّْ ثُوغَا تّخْسغْ شكْ، إِقَّارْ سِيذِي، مَاشَا كنِّيوْ ثقَّارمْ: ’مَانِي ذ أَنغْ ثخْسذْ؟‘ مَا وَارْ إِدْجِي عِيسُو ذ ؤُمَاسْ ن يَاعْقُوبْ، إِقَّارْ سِيذِي، ؤُ نشّْ تّخْسغْ يَاعْقُوبْ،
MAL 1:3 [مَاشَا] شَارْهغْ عِيسُو. نشّْ أَرِّيغْ إِذُورَارْ نّسْ ذ إِشْثْ ن ثمُّورْثْ إِتّْوَاردّْدْجنْ ؤُڒَا ذ ثَاسْغَارْثْ نّسْ إِ وُوشَّاننْ ن ڒخْڒَا.
MAL 1:4 وَاخَّا إِذُومْ إِقَّارْ: ’نشِّينْ نتّْوَاردّدْجْ، [مَاشَا] أَذْ نبْنَا ڒْخِيرْبَاثْ عَاوذْ!‘، أَمُّو إِ إِقَّارْ سِيذِي ن ڒْعسْكَارَاثْ: نِيثْنِي أَذْ بْنَانْ [عَاوذْ]، [مَاشَا] نشّْ أَذْ هذْمغْ ؤُ أَذْ أَسنْ ڒَاغَانْ ’ثَامُّورْثْ ن ؤُعفَّانْ‘، ؤُ [عَاوذْ]: ’ڒْڭنْسْ ونِّي خْ إِسخّضْ سِيذِي إِ ڒبْذَا!‘
MAL 1:5 ثِيطَّاوِينْ نْومْ أَذْ ث ژَترنْ ؤُ كنِّيوْ أَذْ ثِينِيمْ: ’ذ أَمقّْرَانْ سِيذِي ثِيوَا إِ ثمُّورْثْ ن إِسْرَائِيل!‘ “
MAL 1:6 ”مِّيسْ إِتّْوقَّارْ بَابَاسْ ذ ؤُمْسخَّارْ بَابْ نّسْ. مَاڒَا نشّْ أَقَا ذ بَابَا، مَانِي إِقِّيمْ [خنِّي] ڒوْقَارْ إِ نشّْ؟ مَاڒَا نشّْ أَقَا ذ سِيذِي، مَانِي ثقِّيمْ ثِيڭّْوُوذِي نِّي زَّايِي؟، إِقَّارْ سِيذِي ن ڒْعسْكَارَاثْ، إِ كنِّيوْ، [أَ] إِكهَّاننْ، إِنِّي إِسّحْقَارنْ إِسمْ إِنُو. [مَاشَا] كنِّيوْ ثقَّارمْ: ’مِينْ زِي نسّحْقَارْ نشِّينْ إِسمْ نّشْ؟‘
MAL 1:7 كنِّيوْ ثتَّاوْيمْ-د أَغْرُومْ إِخمْجنْ خْ ؤُعَالْطَارْ إِنُو، ثقَّارمْ: ’مِينْ زِي إِ شكْ نسّْخمّجْ؟‘ مِينْ زِي أَقَا كنِّيوْ ثقَّارمْ: ’ثَازوْضَا ن سِيذِي ذ ثَامحْقُورْثْ.‘
MAL 1:8 مَاغَارْ ؤُمِي كنِّيوْ ثتَّاوْيمْ مِينْ إِدْجَانْ ذ أَضَارْغَاڒْ إِ ثَاغَارْصْثْ، مَا وَارْ إِدْجِي أَيَا ذ ڒْغَارْ؟ ؤُ خْمِي غَا ثَاوْيمْ كنِّيوْ مِينْ إِدْجَانْ ذ أَقجْذَاحْ نِيغْ مِينْ إِهڒْشنْ، مَا وَارْ إِدْجِي أَيَا ذ ڒْغَارْ! سِيوضْ أَيَا إِشْثْ ن ثْوَاڒَا غَارْ لْوَالِي. مَا شكْ أَذْ أَسْ د-ثَاسذْ خْ ڒْخَاضَارْ نِيغْ نتَّا أَذْ يِيڒِي مْلِيحْ أَكِيذكْ؟، إِقَّارْ سِيذِي ن ڒْعسْكَارَاثْ.“
MAL 1:9 ”[خنِّي] ڒخُّو، أَرْزُومْ ؤُذمْ ن أَربِّي، [حِيمَا] نتَّا أَذْ خَانغْ إِحِينّْ. [مَاشَا] مَانْ أَيَا إِتّْوَاڭّْ زَّايْومْ! مَا أَذْ يِيڒِي س نّيّثْ ثشْنَا إِ يِيجّْ زَّايْومْ؟، إِقَّارْ سِيذِي ن ڒْعسْكَارَاثْ.
MAL 1:10 مَانْ ونْ زَّايْومْ إِ غَا إِبلّْعنْ [خنِّي] ثِيوُّورَا، [أَڒَامِي] نِيثْنِي وَارْ تّسْرِيقِّينْ [عَاذْ] أَعَالْطَارْ إِنُو بَاطڒْ. نشّْ وَارْ ذَايْومْ تِّيفغْ أَرْضَا، إِقَّارْ سِيذِي ن ڒْعسْكَارَاثْ، ؤُ [ؤُڒَا ذ] ثَاوْهِيبْثْ [ن ڒْغِيدْجثْ] زڭْ ؤُفُوسْ نْومْ وَارْ د-ثتِّيسْ خْ ڒْخَاضَارْ إِنُو.
MAL 1:11 مَاغَارْ زِي مَانِي د ثْنقَّارْ ثْفُوشْثْ أَڒْ مَانِي ثْغدْجِي، أَذْ يِيڒِي يِيسمْ إِنُو ذ أَمقّْرَانْ جَارْ ڒڭْنُوسْ ؤُ ذِي كُوڒْ أَمْشَانْ أَذْ أَوْينْ ثَاوْهِيبْثْ ن ڒبْخُورْ إِ يِيسمْ إِنُو ؤُڒَا ذ إِشْثْ ن ثوْهِيبْثْ [ن ڒْغِيدْجثْ]، مَاغَارْ إِسمْ إِنُو ذ أَمقّْرَانْ جَارْ ڒڭْنُوسْ، إِقَّارْ سِيذِي ن ڒْعسْكَارَاثْ.
MAL 1:12 مَاشَا كنِّيوْ ثسّْعِيدْجِيثمْ [إِسمْ نِّي] أَمْ ثقَّارمْ: ’ثَازوْضَا ن سِيذِي إِنُو ثخْمجْ ؤُ ڒْغِيدْجثْ نّسْ، [إِخْسْ أَذْ يِينِي] مَاشَّا نّسْ، ذ ثَامحْقُورْثْ!‘
MAL 1:13 كنِّيوْ ثقَّارمْ [عَاوذْ]: ’خْزَارْ، مَانْ[أَ] أَمْنُوسْ- أَ!‘، مَاشَا كنِّيوْ [سِيمَانْثْ نْومْ] ثْسُوضْممْ خَاسْ، إِقَّارْ سِيذِي ن ڒْعسْكَارَاثْ. كنِّيوْ ثتَّاوْيمْ-د مِينْ إِتّْوَاشَارنْ، ؤُ مِينْ إِتّْقجْذْحنْ ذ مِينْ إِهڒْشنْ ثتّْوَايمْ-د أَمْ ثوْهِيبْثْ. مَا أَذْ أَيِي إِعْجبْ مَانْ أَيَا زڭْ ؤُفُوسْ نْومْ؟، إِقَّارْ سِيذِي.
MAL 1:14 إِتّْوَانْعڒْ ؤُغشَّاشْ، ونِّي غَارْ إِدْجَا إِجّْ ن ڒْمَاڒْ ذ أَوْثمْ ذِي ثْحِيمَارْثْ نّسْ ؤُشَا إِوَاعْذْ [إِ-ث] ؤُ [خنِّي] إِغَارْصْ إِ يِيجّْ ن ڒْمَاڒْ ذ أَنعْضُوبْ إِ سِيذِي! مَاغَارْ نشّْ ذ إِجّْ ن ؤُجدْجِيذْ ذ أَمقّْرَانْ، إِقَّارْ سِيذِي ن ڒْعسْكَارَاثْ، ؤُ إِسمْ إِنُو ذ أَمقّْرَانْ جَارْ ڒڭْنُوسْ.“
MAL 2:1 ”ڒخُّو، إِ كنِّيوْ [ثدْجَا] ثوْصِييّثْ-أَ، [أَ] إِكهَّاننْ.
MAL 2:2 مَاڒَا كنِّيوْ وَارْ ثسْڒِيمْ ؤُ وَارْ ت ثْكسِّيمْ غَارْ وُوڒْ، مَاحنْذْ أَذْ ثْشنّْعمْ إِسمْ إِنُو، إِقَّارْ سِيذِي ن ڒْعسْكَارَاثْ، [خنِّي] نشّْ أَذْ سّكّغْ نّعْڒثْ جَارْ أَومْ ؤُ أَذْ نعْڒغْ لْبَارَاكَاثْ نْومْ، [وَاهْ،] أَقَا نعْڒغْ ثنْ ڒخُّو، مِينْزِي كنِّيوْ وَارْ ت ثْكسِّيمْ غَارْ وُوڒْ.
MAL 2:3 خْزَارْ، نشّْ أَذْ كنِّيوْ عَاقْبغْ ذِي زَّارِيعثْ ؤُ أَذْ زُوزَّارغْ أَمسَّاڒْ خْ إِغمْبَابْ نْومْ، أَمسَّاڒْ ن ڒعْيُوذَاثْ نْومْ، ؤُ س مَانْ أَيَا أَذْ كنِّيوْ أَوْينْ سّنِّي.
MAL 2:4 [خنِّي] أَذْ ثسّْنمْ كنِّيوْ، أَقَا ذ نشّْ إِ غَارْومْ د-إِسّكّنْ ثَاوْصيّثْ-أَ، حِيمَا أَذْ ثِيڒِي ذ ڒْعَاهْذْ إِنُو أَكْ-ذ لَاوِي، إِقَّارْ سِيذِي ن ڒْعسْكَارَاثْ.
MAL 2:5 ڒْعَاهْذْ إِنُو أَكِيذسْ ثُوغَا ذ ثُوذَارْثْ [ؤُ] ذ ڒهْنَا. نشّْ وْشِيغْ أَسْ ثنْ أَڒَامِي غَا إِڭّْوذْ نتَّا ؤُ نتَّا ثُوغَا إِتّڭّْوذْ زَّايِي ؤُ إِتّنخْڒَاعْ زڭْ يِيسمْ إِنُو.
MAL 2:6 شَّارِيعَا ن ثِيذتّْ ثُوغَا-ت ذڭْ ؤُقمُّومْ نّسْ ؤُ وَارْ إِتّْوِيفْ مِينْ وَارْ إِسڭّْذنْ خْ إِينْشِيشنْ نّسْ. نتَّا يُويُورْ أَكِيذِي ذِي ڒهْنَا ؤُ ذِي ڒصْفَايثْ ؤُ يَارَّا أَطَّاسْ ثُوبنْ زِي ڒْمُوعْصِييّثْ نْسنْ.
MAL 2:7 مَاغَارْ أَقَا إِتّْخصَّا إِينْشِيشنْ ن ؤُكهَّانْ أَذْ حْضَانْ ثُوسّْنَا ؤُ زڭْ ؤُقمُّومْ نّسْ ثتّْوَارزُّو شَّارِيعَا، مَاغَارْ نتَّا ذ أَمْسكِّي ن سِيذِي ن ڒْعسْكَارَاثْ.“
MAL 2:8 ”[مَاشَا] كنِّيوْ [مَاشَا] ثْحيّْذمْ خْ وبْرِيذْ، ثسّنْقَارْضمْ أَطَّاسْ زِي ثْغُورِي ن شَّارِيعَا، ثَاردّْدْجمْ ڒْعَاهْذْ ن لَاوِي، إِقَّارْ سِيذِي ن ڒْعسْكَارَاثْ.
MAL 2:9 ؤُڒَا ذ نشّْ أَرِّيغْ كنِّيوْ ثتّْوَاعِيفّمْ ؤُ وَارْ ثدْجِيمْ زَّاثْ إِ مَارَّا ڒْڭنْسْ، مِينْزِي كنِّيوْ وَارْ ثحْضِيمْ إِبْرِيذنْ إِنُو ؤُ ثتّڭّمْ س وُوذْمَاونْ ذِي ثْمسْڒَاشْثْ ن ؤُسڒْمذْ ن شَّارِيعَا.“
MAL 2:10 ”مَا نشِّينْ وَارْ غَارْنغْ مَارَّا مْغِيرْ إِجّْ ن بَابَا؟ مَا وَارْ ذ أَنغْ د-إِخْڒقْ مْغِيرْ إِجّْ ن أَربِّي؟ مَايمِّي خنِّي نشِّينْ نْغدَّارْ إِجّْ ونّغْنِي، أَڒَامِي نسّفْسَاذْ ڒْعَاهْذْ ن ڒجْذُوذْ نّغْ؟
MAL 2:11 يَاهُوذَا أَقَا إِغْذَارْ، ثتّْوَاڭّْ إِشْثْ ن جّْعِيفشْثْ ذِي إِسْرَائِيل ؤُ ذِي ؤُرْشَالِيمْ، مَاغَارْ يَاهُوذَا إِسّْعِيدْجثْ مِينْ إِقدّْسنْ ن سِيذِي إِ إِتّخْسْ نتَّا، مَاغَارْ يَاهُوذَا إِمْڒشْ يدْجِيسْ ن إِجّْ ن أَربِّي ذ أَغْرِيبْ.
MAL 2:12 سِيذِي أَذْ إِثحَّا مَارَّا وِي إِتّڭّنْ مَانْ أَيَا زڭْ إِقِيضَانْ ن يَاعْقُوبْ، وِي إِتّْڒَاغَانْ ذ ونِّي د إِتَّارَّانْ، [عَاذْ] ؤُڒَا ذ ونِّي إِتّْوهّْبنْ ثَاوْهِيبْثْ [ن ڒْغِيدْجثْ] إِ سِيذِي نْ ڒْعسْكَارَاثْ.“
MAL 2:13 ”ثَامسْڒَاشْثْ وِيسّْ ثْنَاينْ إِ ثتّڭّمْ، أَقَا كنِّيوْ ثدَّاڒمْ أَعَالْطَارْ ن سِيذِي س إِمطَّاونْ، س ثْغُويِّيثْ ؤُ س سْقِينْفثْ، مِينْزِي وَارْ ذِينْ [ثدْجِي] عَاذْ ثيْنِيثْ [زَّايسْ] إِ ثوْهِيبْثْ [ن ڒْغِيدْجثْ] ؤُ وَارْ ت إِقبّڒْ عَاذْ س أَرْضَا زڭْ ؤُفُوسْ نْومْ.
MAL 2:14 كنِّيوْ ثقَّارمْ: ’مَايمِّي؟‘ مِينْزِي سِيذِي ثُوغَا ذ شَّاهذْ جَارْ شكْ ذ ثمْغَارْثْ ن ثمْژِي نّشْ، ثنِّي ثغْذَارذْ شكْ، [وَاخَّا] نتَّاثْ ذ ثَاعْشِيرْثْ نّشْ ؤُڒَا ذ ثَامْغَارْثْ ن ڒْعَاهْذْ نّشْ.
MAL 2:15 ؤُڒَا ذ إِجّنْ زڭْ ونِّي غَارْ إِدْجَا [عَاذْ] بُوحْبڒْ، وَارْ إِڭِّي مَانْ أَيَا! ؤُ مِينْ ثُوغَا [إِڭَّا] وَانِيثَا؟ وَانِيثَا ثُوغَا يَارزُّو زَّارِيعثْ ن أَربِّي! س ؤُيَا، حْضَامْ [خْ] بُوحْبڒْ نْومْ ؤُ أجّْ إِ-ث وَارْ إِغدَّارْ ثَامْغَارْثْ ن طمْزِي نّشْ.
MAL 2:16 مَاغَارْ: ’[نتَّا إِقَّارْ]، أَقَا إِشَارْهْ إِ-ت، [ؤُشَا خنِّي:] أَدْجَافْ!‘، إِقَّارْ سِيذِي، أَربِّي ن إِسْرَائِيل، ’[أَمُّو إِ] إِدَّاڒْ نتَّا ڒْغشّْ س وَارُّوضْ نّسْ!‘، إِنَّا سِيذِي ن ڒْعسْكَارَاثْ. س ؤُيَا حْضَامْ خْ بُوحْبڒْ نْومْ، وَارْ تّْغدَّارمْ شَا!
MAL 2:17 كنِّيوْ ثسَّاهَاڒمْ سِيذِي س وَاوَاڒنْ نْومْ. كنِّيوْ ثقَّارمْ: ’مِينْ زِي ث نسَّاهَاڒْ نشِّينْ؟‘ مَاغَارْ كنِّيوْ ثقَّارمْ: ’قَاعْ ونِّي إِتّڭّنْ ڒْغَارْ، إِصْبحْ ذِي ثِيطَّاوِينْ ن سِيذِي ؤُ نِيثْنِي ؤُسِينْ أَسْ-د خْ ڒْخَاضَارْ!‘، نِيغْ: ’مَانِي إِدْجَا أَربِّي ن ڒْحُوكْمْ؟‘ “
MAL 3:1 ”خْزَارْ، نشّْ أَذْ سّكّغْ لْمَالَاكْ إِنُو إِنُو، ونِّي إِ غَا إِسّْوجْذنْ أَبْرِيذْ زَّاثْ إِ وُوذمْ إِنُو. ذغْيَا أَذْ د-يَاسْ غَارْ زَّاوشْثْ ثَامقّْرَانْثْ نّسْ، سِيذِي، ونِّي ثَارزُّومْ كنِّيوْ، لْمَالَاكْ ن ڒْعَاهْذْ، ونِّي [ذ أَومْ] د-إِتَّاسنْ خْ ڒْخَاضَارْ نْومْ. خْزَارْ، نتَّا أَذْ د-يَاسْ!، إِنَّا سِيذِي ن ڒْعسْكَارَاثْ.
MAL 3:2 [مَاشَا] مَانْ ونْ إِ غَا يَارْبُونْ أَسّْ ن ثْوَاسِيثْ نّسْ ؤُ مَانْ ونْ إِ غَا إِقِّيمنْ إِبدّْ، خْمِي إِ د غَا إِبَانْ نتَّا؟ مَاغَارْ نتَّا أَمْ ثْمسِّي ن ؤُسفْسَايْ ؤُ أَمْ لِّيخِييَّا ن إِغسَّاڒنْ.
MAL 3:3 نتَّا أَذْ إِقِّيمْ، [أَمْ] ونِّي إِسّفْسِييّنْ ؤُ إِتّْصفَّانْ نُّوقَارْثْ. نتَّا أَذْ إِسِّيزْذِيڭْ إِحنْجِيرنْ ن لَاوِي ؤُ أَذْ ثنْ إِصفَّا أَمْ وُورغْ ؤُ أَمْ نُّوقَارْثْ، ؤُ نِيثْنِي أَذْ وهّْبنْ إِشْثْ ن ثوْهِيبْثْ [ن ڒْغِيدْجثْ] ذِي ثْسڭْذَا.
MAL 3:4 [خنِّي] أَذْ د-ثَاسْ ثوْهِيبْثْ [ن ڒْغِيدْجثْ] ن يَاهُوذَا ذ ؤُرْشَالِيمْ خْ ڒْخَاضَارْ ن سِيذِي أَمْ ذڭْ وُوسَّانْ ن زِيشْ، أَمْ ذڭْ إِسڭّْوُوسَا إِعْذُونْ.
MAL 3:5 نشّْ أَذْ كنِّيوْ أَذْسغْ، حِيمَا أَذْ خَاومْ حكْمغْ ؤُ أَذْ شهْذغْ س ثَازْڒَا خْ إِسحَّارنْ ذ إِمْزنَّاينْ ؤُ خْ يِينِّي إِتّْجَادْجَانْ ژُورْ ؤُ خْ يِينِّي إِحصَّارنْ ڒْمُونثْ ن ؤُشوَّاڒْ، [ؤُ خْ ينِّي] إِحصَّارنْ ثَاجَّاتْشْ ذ ؤُيُوجِيڒْ ؤُ وَارْ زَّايِي تّڭّْوذنْ شَا، إِقَّارْ سِيذِي ن ڒْعسْكَارَاثْ.“
MAL 3:6 ”مَاغَارْ نشّْ، سِيذِي، وَارْ بدّْڒغْ شَا ؤُ كنِّيوْ، أَيْثْ ن يَاعْقُوبْ، وَارْ ثفْنَامْ.
MAL 3:7 زڭْ وُوسَّانْ ن ڒجْذُوذْ نْومْ كنِّيوْ ثْحيّْذمْ خْ ثْوصَّا إِنُو ؤُ كنِّيوْ وَارْ ثنْثْ ثحْضِيمْ شَا. ذوْڒمْ-د غَارِي، خنِّي أَذْ د غَارْومْ ذوْڒغْ نشّْ، إِقَّارْ سِيذِي ن ڒْعسْكَارَاثْ. مَاشَا كنِّيوْ ثقَّارمْ: ’س مِينْ زِي إِ د غَا نذْوڒْ؟‘
MAL 3:8 مَا إِزمَّارْ بْنَاذمْ أَذْ يَاشَارْ أَربِّي؟ أَقَا كنِّيوْ ثتَّاشَارمْ أَيِي ؤُ ثقَّارمْ: ’س مِينْ زِي شكْ نتَّاشَارْ؟‘ [زِي] ڒعْشُورْ ذ ثوْهِيبْثْ ن ؤُسْڭعّذْ!
MAL 3:9 كنِّيوْ ثتّْوَانعْڒمْ س يِيشْثْ ن نّعْڒثْ، مِينْزِي كنِّيوْ ثتَّاشَارمْ أَيِي، [وَاهْ،] ڒْڭنْسْ مَارَّا.
MAL 3:10 أَوْيمْ-د مَارَّا ڒعْشُورْ ذڭْ وخَّامْ ن ڒخْزنْ، مَاحنْذْ أَذْ ثِيڒِي مَاشَّا ذِي ثَادَّارْثْ إِنُو ؤُ قدْجْبمْ أَيِي زَّايسْ، إِقَّارْ سِيذِي ن ڒْعسْكَارَاثْ، مَا نشّْ [خنِّي] وَارْ ذ أَومْ أَرزّْمغْ ثِيبُورْجَاثِينْ ن ؤُجنَّا ؤُ أَذْ خَاومْ زدْجْعغْ لْبَارَاكَا، أَڒْ ذِينْ غَا يِيڒِي كْثَارْ زِي مِينْ إِتّْوَاحْذَاجنْ.
MAL 3:11 أَبُورْخسْ أَذْ ث سِّيڭّْوذغْ ذِي طّْوعْ نْومْ، مَاحنْذْ نتَّا وَارْ إِتّْجيّحْ صَّابثْ ن وُوذمْ ن ثمُّورْثْ نْومْ ؤُ مَاحنْذْ ثَازَايَارْثْ ذڭْ وحْوِيشْ وَارْ ثتَّاوِي ڒْغِيدْجثْ إِ وَارْ يِيوِيضنْ، إِنَّا سِيذِي ن ڒْعسْكَارَاثْ.
MAL 3:12 مَارَّا ڒڭْنُوسْ أَذْ إِنِينْ: ’ذ أَمِيمُونْ إِ كنِّيوْ!‘، مَاغَارْ كنِّيوْ أَذْ ثِيڒِيمْ ذ إِشْثْ ن ثمُّورْثْ يَارْضَانْ، إِقَّارْ سِيذِي ن ڒْعسْكَارَاثْ.“
MAL 3:13 ”أَوَاڒنْ نْومْ ذوْڒنْ قسْحنْ خَافِي أَطَّاسْ، إِقَّارْ سِيذِي ن ڒْعسْكَارَاثْ. كنِّيوْ ثقَّارمْ: ’مِينْ إِ خَاكْ نقَّارْ نشِّينْ؟‘
MAL 3:14 كنِّيوْ ثقَّارمْ: ’أَقَا بَاطڒْ إِ نتّْسخَّارْ إِ أَربِّي، مَاغَارْ مَانْ ڒفْضڒْ إِ زِي نحْضَا ثَاسخَّارْثْ نّسْ ؤُ أَقَا نُويُورْ [ذڭْ ورُّوضْ] أَبَارْشَانْ زَّاثْ إِ وُوذمْ ن سِيذِي ن ڒْعسْكَارَاثْ؟
MAL 3:15 خنِّي ڒخُّو، نْحسّبْ أَيْثْ نّْفَاخثْ ذ أَمِيمُونْ. عَاذْ إِنِّي إِتّڭّنْ ثَاعفَّانْثْ، تّْوَابنَّانْ. نِيثْنِي تّْجَارَّابنْ [عَاذْ] أَربِّي، [وَاخَّا أَمنِّي] نجّْمنْ.‘
MAL 3:16 خنِّي إِنِّي إِتّڭّْوذنْ سِيذِي مّْسَاوَاڒَانْ [أَمُّو]: ’سِيذِي إِتَّارَّا ثَايْنِيثْ ؤُ إِتّسْڒَا. أَذْ إِتّْوَارِي إِجّْ ن وذْلِيسْ ن ڒِيذَارثْ زَّاثْ إِ وُوذمْ نّسْ، ذِي طّْوعْ ن يِينِّي إِتّڭّْوذنْ سِيذِي ؤُ تِّيذَارنْ إِسمْ نّسْ.‘
MAL 3:17 نِيثْنِي أَذْ إِڒِينْ نّشْ، إِقَّارْ سِيذِي ن ڒْعسْكَارَاثْ، ذڭْ وَاسّْ إِ غَا ڭّغْ ؤُ نشّْ أَذْ ثنْ سّْعِيزّغْ أَمْ إِسّْعِيزّْ إِجّْ ن ورْيَازْ مِّيسْ نِّي إِ ذ أَسْ إِتّْسخَّارنْ.
MAL 3:18 خنِّي كنِّيوْ أَذْ ثْژَارمْ عَاوذْ ڒْفَارْقْ جَارْ ؤُمْسڭّذْ ذ ونِّي إِتّڭّنْ ثُوعفّْنَا، جَارْ ونِّي إِتّْسخَّارنْ إِ أَربِّي ذ ونِّي إِ وَارْ ذ أَسْ إِتّْسخَّارنْ.“
MAL 3:19 ”مَاغَارْ خْزَارْ، أَسّْ نِّي أَذْ د-يَاسْ، يَارقّْ أَمْ ثفْقُونْثْ. [خنِّي] مَارَّا أَيْثْ ن نّْفَاخثْ ذ إِعفَّاننْ أَذْ إِڒِينْ أَمْ ؤُڒُومْ ؤُشَا أَسّْ إِ د غَا يَاسنْ أَذْ ثنْ إِسَّارغْ، إِقَّارْ سِيذِي ن ڒْعسْكَارَاثْ. [أَسّْ نِّي] وَارْ إِتّجِّي وژْوَارْ ؤُڒَا ذ ثَاسطَّا.
MAL 3:20 إِ كنِّيوْ [مَاشَا]، إِنِّي إِتّڭّْوذنْ إِسمْ إِنُو، أَذْ د-ثنْقَارْ ثْفُوشْثْ ن ثْسڭْذَا ؤُ أَذْ يِيڒِي ؤُڭنْفُو سَاذُو وَافْرِيونْ نّسْ ؤُ كنِّيوْ أَذْ ثفّْغمْ ؤُ أَذْ ثڭّمْ إِنڭِّيزنْ ن ڒفْرَاحثْ أَمْ يِيعجْمِييّنْ [إِ د-يُوسِينْ] زِي ڒْكُورِي.
MAL 3:21 كنِّيوْ أَذْ ثْعفْسمْ خْ إِعفَّاننْ، مِينْزِي نِيثْنِي أَذْ ذوْڒنْ ذ إِغّضْ سَاذُو ثِيسِي ن إِضَارنْ نْومْ، ذڭْ وَاسّْ نِّي إِ غَا ڭّغْ نشّْ، إِقَّارْ سِيذِي ن ڒْعسْكَارَاثْ.“
MAL 3:22 خمّمْ غَارْ شَّارِيعَا ن مُوسَا، أَمْسخَّارْ إِنُو، ثنِّي إِ ذ أَسْ ؤُمُورغْ ذڭْ [وذْرَارْ ن] هُورِيبْ خْ مَارَّا إِسْرَائِيل، ثِيوصَّا ذ لْفَارَايِيضْ.
MAL 3:23 خْزَارْ، نشّْ أَذْ أَومْ د-سّكّغْ أَنَابِي إِلِييَا، قْبڒْ د غَا يَاسْ وَاسّْ أَمقّْرَانْ ذ إِسِّيڭّْوِيذنْ ن سِيذِي.
MAL 3:24 نتَّا أَذْ يَارّْ ؤُڒْ ن إِبَابَاثنْ غَارْ إِحنْجِيرنْ [نْسنْ] ذ وُوڒْ ن إِحنْجِيرنْ غَارْ إِبَابَاثنْ نْسنْ، مَاحنْذْ نشّْ وَارْ د- تِّيسغْ ؤُ أَذْ حَارّْمغْ ثَامُّورْثْ قَاعْ [إِ ؤُثحِّي].“
MAT 1:1 أَذْلِيسْ ن ؤُمزْرُويْ ن وخْڒَاقْ ن يَاسُوع لْمَاسِيحْ، مِّيسْ ن ذَاوُوذْ، مِّيسْ ن إِبْرَاهِيمْ.
MAT 1:2 إِبْرَاهِيمْ إِجَّا-د إِسْحَاقْ، إِسْحَاقْ إِجَّا-د يَاعْقُوبْ، يَاعْقُوبْ إِجَّا-د يَاهُوذَا ذ أَيْثْمَاسْ.
MAT 1:3 يَاهُوذَا إِجَّا-د فَارِيصْ ذ زَارَاحْ أَكْ-ذ ثَامَارْ، فَارِيصْ إِجَّا-د حَاصْرُونْ، حَاصْرُونْ إِجَّا-د أَرَامْ،
MAT 1:4 أَرَامْ إِجَّا-د عَامِّينَاذَابْ، عَامِّينَاذَابْ إِجَّا-د نَاحْشُونْ، نَاحْشُونْ إِجَّا-د سَالْمُونْ،
MAT 1:5 سَالْمُونْ إِجَّا-د بُوعَازْ زِي رَاحَابْ، بُوعَازْ إِجَّا-د عُوبِيذْ أَكْ-ذ رَاعُوثْ، عُوبِيذْ إِجَّا-د يَاسَّا،
MAT 1:6 يَاسَّا إِجَّا-د ذَاوُوذْ، أَجدْجِيذْ، ؤُشَا ذَاوُوذْ إِجَّا-د سُولِيمَانْ أَكْ-ذ ثمْغَارْثْ ن ؤُرِييَا.
MAT 1:7 سُولِيمَانْ إِجَّا-د رَاحَابْعَامْ، رَاحَابْعَامْ إِجَّا-د أَبِييَا، أَبِييَا إِجَّا-د أَسَا،
MAT 1:8 أَسَا إِجَّا-د يَاهُوشَافَاطْ، يَاهُوشَافَاطْ إِجَّا-د يُورَامْ، يُورَامْ إِجَّا-د عُوزِّييَا،
MAT 1:9 عُوزِّييَا إِجَّا-د يُوثَامْ، يُوثَامْ إِجَّا-د أَحَازْ، أَحَازْ إِجَّا-د حِيزْقِييَا،
MAT 1:10 حِيزْقِييَا إِجَّا-د مَانَاسَّا، مَانَاسَّا إِجَّا-د أَمُونْ، أَمُونْ إِجَّا-د يُوشِييَا،
MAT 1:11 يُوشِييَا إِجَّا-د يَاكُونْيَا ذ أَيْثْمَاسْ ذڭْ [وُوسَّانْ ن] لْمنْفَا ن بَابِيلْ.
MAT 1:12 أَوَارْنِي إِ لْمنْفَا ذِي بَابِيلْ، يَاكُونْيَا إِجَّا-د شَاعَالْثِييِيلْ، شَاعَالْثِييِيلْ إِجَّا-د زَارُوبَّابِيلْ.
MAT 1:13 زَارُوبَّابِيلْ إِجَّا-د أَبِيهُوذْ، أَبِيهُوذْ إِجَّا-د أَلْيَاقِيمْ، أَلْيَاقِيمْ إِجَّا-د عَازُورْ،
MAT 1:14 عَازُورْ إِجَّا-د صَاذُوقْ، صَاذُوقْ إِجَّا-د أَخِيمْ، أَخِيمْ إِجَّا-د أَلِييُوذْ،
MAT 1:15 أَلِييُوذْ إِجَّا-د أَلِيعَازَارْ، أَلِيعَازَارْ إِجَّا-د مَاتَّانْ، مَاتَّانْ إِجَّا-د يَاعْقُوبْ،
MAT 1:16 يَاعْقُوبْ إِجَّا-د يُوسُوفْ، أَرْيَازْ ن مَارْيَامْ، ثنِّي إِ د-إِجِّينْ يَاسُوع ؤُمِي قَّارنْ لْمَاسِيحْ.
MAT 1:17 س ؤُينِّي مَارَّا أَرَّاونْ زِي إِبْرَاهِيمْ أَڒْ ذَاوُوذْ إِوْضنْ أَرْبعْطَاشْ ن وَارَّاونْ. زِي ذَاوُوذْ أَڒْ لْمنْفَا ذِي بَابِيلْ أَرْبعْثَاشْ ن وَارَّاونْ ؤُشَا زِي لْمنْفَا ذِي بَابِيلْ أَڒْ لْمَاسِيحْ أَرْبعْثَاشْ ن وَارَّاونْ.
MAT 1:18 أَمُّو إِ يمْسَارْ وخْڒَاقْ ن يَاسُوع لْمَاسِيحْ. ؤُمِي يمَّاسْ مَارْيَامْ ثُوغَا-ت ذ ثَانخْضبْثْ ن يُوسُوفْ، إِضْهَارْ-د بلِّي نتَّاثْ ثكْسِي أَعذِّيسْ زِي أَرُّوحْ إِقدّْسنْ قْبڒْ إِ غَا مڒْشنْ.
MAT 1:19 ؤُمِي أَرْيَازْ نّسْ يُوسُوفْ ثُوغَا إِڭُّورْ نِيشَانْ، وَارْ إِخْسْ شَا أَذْ ت إِسّْبهْذڒْ، ثُوغَا يَارزُّو أَذْ أَسْ إِدْجفْ س ثْنُوفّْرَا.
MAT 1:20 أَمْ ثُوغَا إِتّْخَارَّاصْ ذِي مَانْ أَيَا، إِضْهَارْ أَسْ-د لْمَالَاكْ ن سِيذِي ذِي ثَارْجِيثْ، إِنَّا: ”أَ يُوسُوفْ، أَ مِّيسْ ن ذَاوُوذْ، وَارْ تّڭّْوذْ أَذْ د-ثَاوْيذْ مَارْيَامْ ذ ثَامْغَارْثْ نّشْ، مِينْزِي ونِّي إِ ذَايسْ د-إِخڒْقنْ، أَقَا نتَّا زِي أَرُّوحْ إِقدّْسنْ.“
MAT 1:21 نتَّاثْ أَذْ د-ثَارُووْ أَحنْجِيرْ، نتَّاثْ أَذْ ث ثْسمَّا يَاسُوع، مِينْزِي نتَّا أَذْ إِسّنْجمْ ڒْڭنْسْ نّسْ زِي دّْنُوبْ نْسنْ.“
MAT 1:22 مَارَّا أَيَا إِمْسَارْ، حِيمَا أَذْ إِتّْوَاكمّڒْ مِينْ إِنَّا سِيذِي س [ؤُقمُّومْ ن] ؤُنَابِي، [ؤُمِي إِنَّا]:
MAT 1:23 ”خْژَارْ، ثَاعْزَارشْثْ أَذْ ثكْسِي دّيْسثْ، ؤُشَا أَذْ د-ثَارُووْ أَحنْجِيرْ، أَذْ أَسْ ڭّنْ ’عِيمَّانُو-إِلْ‘ مِينْ إِخْسْ أَذْ يِينِي: ’أَربِّي نّغْ أَقَا-ث أَكِيذْنغْ.‘ “
MAT 1:24 ڒَامِي د-إِفَاقْ يُوسُوفْ زڭْ إِضصْ، إِڭَّا أَمْ مَامّشْ ت يُومُورْ لْمَالَاكْ ن سِيذِي، ؤُشَا يِيوْيِي-د ثَامْغَارْثْ نّسْ غَارسْ.
MAT 1:25 ؤُشَا نتَّا وَارْ غَارسْ د-إِقَارّبْ شَا أَڒَامِي د-ثُورُووْ مِّيسْ أَمنْزُو، ؤُشَا ثْسمَّا ث ’يشُّو‘.
MAT 2:1 ڒَامِي د-إِخْڒقْ يَاسُوع ذِي بَايْثْ-لَاحْمْ ذِي يَاهُوذِييَّا ذڭْ وُوسَّانْ ن ؤُجدْجِيذْ هِيرُوذُوسْ، ؤُسِينْ-د شَا ن إِمُوسْنَاونْ [ن إِثْرَانْ] زِي مَانِيسْ ذ ثْنقَّارْ ثْفُوشْثْ غَارْ ؤُرْشَالِيمْ.
MAT 2:2 نَّانْ: ”مَانِي إِدْجَا ونِّي د-إِخڒْقنْ ذ أَجدْجِيذْ ن وُوذَاينْ؟ أَقَا نژْرَا إِثْرِي نّسْ ذِي شَّارْقْ، نُوسَا-د أَذْ أَسْ نسْجذْ.“
MAT 2:3 [ڒَْامِي] إِسْڒَا ؤُجدْجِيذْ هِيرُوذُوسْ [مَانْ أَيَا]، إِنّحْوڒْ نتَّا ذ قَاعْ ؤُرْشَالِيمْ أَكِيذسْ.
MAT 2:4 إِسّْمُونْ-د زِي ڒْڭنْسْ مَارَّا إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ ؤُشَا إِسّقْسَا ثنْ خْ مَانِي غَا إِخْڒقْ لْمَاسِيحْ.
MAT 2:5 نَّانْ: ”ذِي بَايْثْ-لَاحْمْ ذِي يَاهُوذِييَّا، مِينْزِي ذ مَانْ أَيَا إِ يُورَانْ س ؤُفُوسْ ن ؤُنَابِي:
MAT 2:6 ’ؤُڒَا ذ شمْ، بَايْثْ-لَاحْمْ ذِي ثمُّورْثْ ن يَاهُوذَا، شمْ وَارْ ثدْجِيذْ شَا ذ ثَامژْيَانْثْ جَارْ إِجدْجِيذنْ ن يَاهُوذَا، مِينْزِي زَّايمْ د غَا إِفّغْ ؤُجدْجِيذْ ونِّي إِ غَا يَاروْسنْ ڒْڭنْسْ إِنُو، إِسْرَائِيل.‘ “
MAT 2:7 ڒخْذنِّي إِڒَاغَا هِيرُوذُوسْ خْ إِمُوسْنَاونْ [ن إِثْرَانْ] س ثْنُوفّْرَا ؤُشَا يِيوضْ أَذْ زَّايْسنْ إِسّنْ ڒْوقْثْ إِ ذِي ثُوغَا ذ أَسنْ د-إِفّغْ إِثْرِي.
MAT 2:8 [خنِّي] إِسّكّْ إِ-ثنْ غَارْ بَايْثْ-لَاحْمْ، إِنَّا: ”رُوحمْ ذِينِّي، ثَارْزُومْ مْلِيحْ خْ ؤُحنْجِيرْ. مَاڒَا ثُوفِيمْ ث، أَسمْ-د، خبَّارمْ أَيِي، حِيمَا ؤُڒَا ذ نشّْ أَذْ د-أَسغْ، أَذْ أَسْ سجْذغْ.“
MAT 2:9 أَوَارْنِي ڒَامِي سْڒِينْ [إِ وَاوَاڒْ] ن ؤُجدْجِيذْ، رُوحنْ ؤُشَا خْزَارْ، إِثْرِي إِ ژْرِينْ ذِي شَّارْقْ إِڭُّورْ زَّاثْسنْ أَڒَامِي د-يِيوضْ ؤُشَا إِبدّْ سنّجْ إِ ومْشَانْ مَانِي إِدْجَا ؤُحنْجِيرْ.
MAT 2:10 ڒَامِي ژْرِينْ إِثْرِي، فَارْحنْ س ڒفْرَاحثْ ثَامقّْرَانْثْ أَطَّاسْ.
MAT 2:11 ؤُذْفنْ غَارْ ثَادَّارْثْ، ژْرِينْ أَحنْجِيرْ أَكْ-ذ مَارْيَامْ، يمَّاسْ، وْضَانْ غَارْ ثمُّورْثْ ؤُشَا سجْذنْ أَسْ. [خنِّي] أَرزْمنْ ڒكْنُوزْ نْسنْ ؤُشَا قدّْمنْ أَسْ ثِيرْزِيفِينْ: ؤُرغْ، مِيرُّو ذ ڒفْوَاحثْ ن ڒبْخُورْ.
MAT 2:12 ؤُمِي ذ أَسنْ د-إِوحَّا ذِي ثَارْجِيثْ حِيمَا وَارْ تّْعِيقِّيبنْ غَارْ هِيرُوذُوسْ،عقْبنْ غَارْ ثمُّورْثْ نْسنْ زڭْ إِجّْ ن وبْرِيذْ نّغْنِي.
MAT 2:13 ؤُمِي رُوحنْ، إِضْهَارْ-د لْمَالَاكْ ن سِيذِي غَارْ يُوسُوفْ ذِي ثَارْجِيثْ، إِنَّا: ”كَّارْ، أَوِي-د أَحنْجِيرْ ذ يمَّاسْ، أَرْوڒْ غَارْ مِيصْرَا ؤُ قِّيمْ ذِينْ أَڒْ شكْ إِ غَا خبَّارغْ، مِينْزِي هِيرُوذُوسْ يَارزُّو خْ ؤُحنْجِيرْ حِيمَا أَذْ ث إِسّْهلّكْ.“
MAT 2:14 ؤُشَا إِكَّارْ-د يُوسُوفْ، يِيوِي أَحنْجِيرْ ذ يمَّاسْ س دْجِيڒثْ ؤُشَا يَارْوڒْ غَارْ مِيصْرَا.
MAT 2:15 إِقِّيمْ ذِينِّي أَڒَامِي إِمُّوثْ هِيرُوذُوسْ، حِيمَا أَذْ إِتّْوَاكمّڒْ مِينْ إِتّْوَانَّانْ زِي سِيذِي زڭْ ؤُنَابِي إِ إِنَّانْ: ”ڒَْاغِيغْ-د خْ مِّي [حِيمَا أَذْ إِفّغْ] زِي مِيصْرَا.“
MAT 2:16 ڒَامِي إِژْرَا هِيرُوذُوسْ بلِّي إِمُوسْنَاونْ شمْثنْ ث، إِخيّقْ أَطَّاسْ، ؤُشَا إِسّكّْ، إِنْغَا مَارَّا إِحنْجِيرنْ ن بَايْثْ-لَاحْمْ ذ قَاعْ جّْوَايهْ إِ ذ أَسْ د-يُوذْسنْ، مَارَّا إِحنْجِيرنْ زِي ثْنَاينْ ن إِسڭّْوُوسَا سْوَادَّايْ عْلَاحْسَابْ ڒْوقْثْ إِ يِيوضْ أَذْ إِسّنْ زڭْ إِمُوسْنَاونْ.
MAT 2:17 ڒخْذنِّي إِتّْوَاكمّڒْ مِينْ إِتّْوَانَّانْ زڭْ ؤُنَابِي إِرْمِييَا، ؤُمِي إِنَّا:
MAT 2:18 ”ثْمِيجَّا ثتّْوَاسڒْ ذِي رَامَا، إِمطَّاونْ ذ ثْغُويِّيثْ ن وشْضَانْ أَطَّاسْ. رَاهِيلْ ثتّْرُو خْ إِحنْجِيرنْ نّسْ، وَارْ ثتّخْسْ أَذْ ثتّْوَاعزَّا، مِينْزِي نِيثْنِي وَارْ قِّيمنْ عَاذْ!“
MAT 2:19 ڒَامِي إِمُّوثْ هِيرُوذُوسْ، إِضْهَارْ-د لْمَالَاكْ ن سِيذِي ذِي ثَارْجِيثْ إِ يُوسُوفْ ذِي مِيصْرَا،
MAT 2:20 إِنَّا: ”كَّارْ، أَوِي-د أَحنْجِيرْ ذ يمَّاسْ ؤُشَا رُوحْ غَارْ ثمُّورْثْ ن إِسْرَائِيل، مِينْزِي إِنِّي ثُوغَا يَارزُّونْ أَذْ نْغنْ أَحنْجِيرْ، أَقَا مُّوثنْ.“
MAT 2:21 [ڒخْذنِّي] إِكَّارْ، يِيوِي-د أَحنْجِيرْ ذ يمَّاسْ ؤُشَا يُوسَا-د غَارْ ثمُّورْثْ ن إِسْرَائِيل.
MAT 2:22 مَاشَا أَڒَامِي إِسْڒَا بلِّي أَرْخِيلَاوُوسْ إِذْوڒْ ذ أَجدْجِيذْ ذِي يَاهُوذِييَّا ذڭْ ومْشَانْ ن بَابَاسْ هِيرُوذُوسْ، إِڭّْوذْ أَذْ إِرَاحْ ذِينِّي. [خنِّي] إِوحَّا أَسْ-د [أَربِّي] ذِي ثَارْجِيثْ مَاحنْذْ أَذْ إِرَاحْ غَارْ جّْوَايهْ ن لْجَالِيلْ.
MAT 2:23 [ڒَْامِي] د-يِيوضْ، إِزْذغْ ذِي ثنْذِينْثْ قَّارنْ أَسْ نَّاصِيرَا، حِيمَا أَذْ إِتّْوَاكمّڒْ مِينْ إِتّْوَانَّانْ زڭْ ؤُنَابِي إِ إِنَّانْ: ”أَذْ ث سمَّانْ نَّاصِيرِي!“
MAT 3:1 ذڭْ وُوسَّانْ نِّي يُوسَا-د يُوحَانَّا أَمْسغْضَاصْ، ثُوغَا إِتّْبَارّحْ ذِي ڒخْڒَا ن يَاهُوذِييَّا،
MAT 3:2 إِنَّا: ”ثُوبمْ، مِينْزِي ثَاڭلْذِيثْ ن إِجنْوَانْ. أَقَا ثُوذسْ-د.“
MAT 3:3 مِينْزِي نتَّا ذ ونِّي خفْ إِتّْوَانَّانْ زڭْ ؤُنَابِي إِشَاعْيَا [أَمْ إِنَّا]: ”ثْمِيجَّا إِ إِتّْڒَاغَانْ ذِي ڒخْڒَا: ’سْوجْذمْ أَبْرِيذْ ن سِيذِي، سڭّمْ إِمسْرَاقْ نّسْ.‘ “
MAT 3:4 يُوحَانَّا وَانِيثَا ثُوغَا يَارّضْ [أَرُّوضْ ن] ثَاضُوفْثْ ن إِڒغْمَانْ، إِبكّسْ إِجّْ ن وبْيَاسْ ن يِيڒمْ. ؤُشَا مَاشَّا نّسْ ثُوغَا ذ إِبُورخْسنْ ذ ثَامّنْثْ ثَاحُورّشْثْ.
MAT 3:5 ڒخْذنِّي ثفّغْ-د غَارسْ ؤُرْشَالِيمْ ذ قَاعْ يَاهُوذِييَّا ذ مَارَّا جّْوَايهْ إِ ذ أَسْ د-إِنّْضنْ إِ لْ-ؤُرْذُونْ،
MAT 3:6 ؤُشَا تّْوَاسّْغضْصنْ زَّايسْ ذڭْ إِغْزَارْ ن لْ-ؤُرْذُونْ، نعْمنْ س دّْنُوبْ نْسنْ.
MAT 3:7 ڒَامِي إِژْرَا أَطَّاسْ ن إِفَارِيسِييّنْ ذ إِصَاذُوقِييّنْ تَّاسنْ-د مَاحنْذْ أَذْ تّْوَاسّْغضْصنْ، إِنَّا أَسنْ: ”أَ ثَارْوَا ن إِفِيغْرَانْ، وِي ذ أَومْ إِمْڒنْ، أَقَا ثْزمَّارمْ أَذْ ثَاروْڒمْ زڭْ وغْضَابْ إِ د غَا يَاسنْ؟
MAT 3:8 ڭّمْ ڒْغِيدْجثْ إِ غَا إِڒِيقّنْ إِ تُّوبثْ.
MAT 3:9 وَارْ تّْغِيڒمْ شَا أَذْ ثِينِيمْ ذڭْ إِخفْ نْومْ: ’إِبْرَاهِيمْ ذ جذِّيثْنغْ!‘، مِينْزِي نشّْ أَذْ أَومْ إِنِيغْ بلِّي أَربِّي إِزمَّارْ أَذْ إِسّْنكَّارْ زڭْ إِژْرَا-يَا ثَارْوَا إِ إِبْرَاهِيمْ.
MAT 3:10 خْزَارْ، ثَاشَاقُورْثْ ثتّْوَاسَّارْسْ غَارْ إِژوْرَانْ ن ثْشجُّورَا. س ؤُيَا كُوڒْ ثَاشجَّارْثْ إِ وَارْ إِتِّيشنْ ڒْغِيدْجثْ ثشْنَا، أَذْ ثتّْوَاقسّْ ؤُشَا أَذْ ثوْضَا ذِي ثْمسِّي.
MAT 3:11 نشّْ أَذْ كنِّيوْ سّْغضْصغْ ذڭْ وَامَانْ إِ تُّوبثْ، مَاشَا ونِّي إِ د غَا يَاسنْ أَوَارْنِي أَيِي، نتَّا إِجْهذْ خَافِي، نشّْ وَارْ سْذِيهِيدْجغْ أَذْ كْسِيغْ سَانْذَالِييَاثْ نّسْ. أَقَا نتَّا أَذْ كنِّيوْ إِسّغْضصْ ذِي أَرُّوحْ إِقدّْسنْ ذ ثْمسِّي.
MAT 3:12 ثَازَّارْثْ نّسْ ذڭْ ؤُفُوسْ نّسْ، أَذْ إِزُّوزَارْ أَنْذْرَارْ نّسْ قَاعْ، أَذْ إِيْرُو إِرْذنْ غَارْ ڒمْرَاسِي نّسْ، [مَاشَا] إِشَارْفَا أَذْ ثنْ إِسّشْمضْ س ثْمسِّي إِ وَارْ إِخسّْينْ.“
MAT 3:13 ڒخْذنِّي يُوسَا-د يَاسُوع زِي لْجَالِيلْ غَارْ لْ-ؤُرْذُونْ، غَارْ يُوحَانَّا، حِيمَا أَذْ إِتّْوَاسغْضصْ زَّايسْ.
MAT 3:14 مَاشَا يُوحَانَّا يُوڭِي أَسْ، إِنَّا: ”نشّْ حْذَاجغْ أَذْ تّْوَاسّْغضْصغْ زَّايكْ. مَا أَقَا ذ شكْ إِ غَارِي إِ د غَا يَاسنْ؟“
MAT 3:15 مَاشَا يَاسُوع يَارَّا-د، إِنَّا أَسْ: ”أوْشْ ڒخُّو تّسْرِيحْ، مِينْزِي أَمُّو إِ ذ أَنغْ إِتّْڒِيقْ حِيمَا أَذْ نْكمّڒْ مَارَّا ثَاسڭْذَا.“ ڒخْذنِّي إِسَامْحْ أَسْ.
MAT 3:16 [أَوَارْنِي ڒَامِي] إِتّْوَاسّغْضصْ يَاسُوع، يُوڒِي-د زڭْ وَامَانْ ذغْيَا، ؤُ تّْوَارْزْمنْ أَسْ إِجنْوَانْ، ؤُشَا إِژْرَا أَرُّوحْ ن أَربِّي إِهْوَا-د أَمْ ثَاذْبِيرْثْ، ثَارْسَا خَاسْ.
MAT 3:17 خْزَارْ، ثُوسَا-د إِشْثْ ن ثْمِيجَّا زڭْ إِجنْوَانْ، ثنَّا: ”ذ وَا ذ مِّي إِعِيزّنْ، ذَايسْ ؤُفِيغْ أَرْضَا إِنُو.“   *
MAT 4:1 ڒخْذنِّي إِتّْوَانْذهْ يَاسُوع غَارْ ڒخْڒَا زِي أَرُّوحْ إِقدّْسنْ، حِيمَا أَذْ إِتّْوَاجَارّبْ زڭْ إِبْڒِيسْ.
MAT 4:2 أَوَارْنِي ڒَامِي ثُوغَا إِژُومّْ أَربْعِينْ ن وُوسَّانْ ذ أَربْعِينْ ن دْجْيَاڒِي، يُوسَا أَسْ-د جُّوعْ غَارْ ؤُنڭَّارْ.
MAT 4:3 يُوسَا-د غَارسْ ؤُمْجَارَّابْ، إِنَّا أَسْ: ”مَاڒَا شكْ ذ مِّيسْ ن أَربِّي، إِنِي إِ إِژْرَا-يَا أَذْ ذوْڒنْ ذ أَغْرُومْ!“
MAT 4:4 يَارَّا-د خَاسْ إِنَّا: ”أَقَا ثُورَا: ’بْنَاذمْ وَارْ إِدَّارْ س وغْرُومْ وَاهَا، مَاشَا زِي كُوڒْ أَوَاڒْ إِ د-إِتّكّنْ زڭْ ؤُقمُّومْ ن أَربِّي.‘ “
MAT 4:5 ڒخْذنِّي يِيوْيِي ث إِبْڒِيسْ غَارْ ثنْذِينْثْ إِقدّْسنْ ؤُشَا إِسّْبدّْ إِ-ث غَارْ طَّارْفْ ن ثْزقَّا ن زَّاوشْثْ ثَامقّْرَانْثْ،
MAT 4:6 إِنَّا أَسْ: ”مَاڒَا شكْ ذ مِّيسْ ن أَربِّي، إِوَا، نْضَارْ إِخفْ نّشْ غَارْ وَادَّايْ، مِينْزِي أَقَا ثُورَا: ’أَذْ يُومُورْ لْمَالَاكَاثْ نّسْ خَاكْ، أَذْ شكْ كْسِينْثْ خْ إِفَاسّنْ نْسنْثْ، حِيمَا أَضَارْ نّشْ وَارْ إِنڭّحْ شَا أَژْرُو.‘ “
MAT 4:7 يَاسُوع إِنَّا أَسْ: ”ثُورَا عَاوذْ: ’وَارْ تّْجَارَّابْ سِيذِي، أَربِّي نّشْ!‘ “
MAT 4:8 يِيوْيِي ث عَاوذْ إِبْڒِيسْ غَارْ وذْرَارْ يُوعْڒَانْ أَطَّاسْ، إِسّْشنْ أَسْ مَارَّا ثِيڭلْذِيوِينْ ن دُّونشْثْ ذ ؤُعُودْجِي نْسنْثْ،
MAT 4:9 إِنَّا أَسْ: ”أَذْ أَشْ وْشغْ مَارَّا مَانْ أَيَا، مَاڒَا ثوْضِيذْ أَيِي غَارْ إِضَارنْ، أَذْ أَيِي ثْسجْذذْ!“
MAT 4:10 إِنَّا أَسْ يَاسُوع: ”رُوحْ، [أَ] شِّيطَانْ، مِينْزِي ثُورَا: ’سِيذِي، أَربِّي نّشْ، ؤُمِي غَا ثْسجْذذْ ؤُ إِ نتَّا وحّْذسْ ؤُمِي غَا ثْسخَّارذْ.‘ “
MAT 4:11 ڒخْذنِّي إِجَّا إِ-ث إِبْڒِيسْ، ؤُ خْزَارْ، لْمَالَاكَاثْ ؤُسِينْثْ-إِ-د، ثُوغَا سخَّارنْثْ أَسْ.
MAT 4:12 ڒَامِي إِسْڒَا يَاسُوع بلِّي يُوحَانَّا ثُوغَا إِتّْوَاسلّمْ، إِرُوحْ غَارْ لْجَالِيلْ.
MAT 4:13 إِجَّا نَّاصِيرَا ؤُشَا يُوسَا-د غَارْ كَافَارْنَاحُومْ، ثنِّي غَارْ طَّارْفْ ن ڒبْحَارْ، ذِي ثمُّورْثْ ن زِيبُولُونْ ذ نَافْثَالِي ؤُشَا إِزْذغْ ذِينْ
MAT 4:14 حِيمَا أَذْ إِتّْوَاكمّڒْ مِينْ إِتّْوَانَّانْ زڭْ ؤُنَابِي إِشَاعْيَا ؤُمِي إِنَّا:
MAT 4:15 ”ثَامُّورْثْ ن زِيبُولُونْ ذ ثمُّورْثْ ن نَافْثَالِي ذڭْ وبْرِيذْ ن ڒبْحَارْ، غَارْ ؤُجمَّاضْ ن لْ-ؤُرْذُونْ، لْجَالِيلْ ن ڒڭْنُوسْ.
MAT 4:16 ڒْڭنْسْ إِ إِقِّيمنْ ذِي ثَادْجسْثْ إِژْرَا ثَافَاوْثْ ثَامقّْرَانْثْ، ؤُ خْ يِينِّي إِزذْغنْ ذِي ثمُّورْثْ ذ ثِيڒِي ن ڒْموْثْ، أَقَا ثنْقَارْ-د خَاسنْ ثْفَاوْثْ.“
MAT 4:17 زِي سِّينْ إِبْذَا يَاسُوع إِتّْبَارّحْ، إِنَّا: ”ثُوبمْ مِينْزِي ثَاڭلْذِيثْ ن إِجنْوَانْ أَقَا ثُوذسْ-د.“
MAT 4:18 ڒَامِي ثُوغَا نتَّا إِڭُّورْ خْ ثْمَا ن ڒبْحَارْ ن لْجَالِيلْ، إِژْرَا ثْنَاينْ ن وَاوْمَاثنْ، شِيمْعُونْ ؤُمِي قَّارنْ بُوطْرُوسْ، [إِسمْ وَانِيثَا إِخْسْ أَذْ يِينِي ’ذ أَژْرُو‘]، ذ أَنْذْرَاوُوسْ ؤُمَاسْ، ثُوغَا نطَّارنْ ثْرَاشَّاوِينْ ذِي ڒبْحَارْ مِينْزِي نِيثْنِي ذ إِنيْمَارنْ ن إِسڒْمَانْ.
MAT 4:19 إِنَّا أَسنْ يَاسُوع: ”ضْفَارمْ أَيِي-د، أَذْ كنِّيوْ أَرّغْ ذ إِنيْمَارنْ ن إِوْذَانْ.“
MAT 4:20 سَّارْسنْ ذغْيَا ثِيرَاشِّيوِينْ نْسنْ، ضْفَارنْ ث.
MAT 4:21 ڒَامِي يعْذُو سّنِّي، إِژْرَا ثْنَاينْ ن وَاوْمَاثنْ نّغْنِي، يَاعْقُوبْ مِّيسْ ن زَابْذِي ذ ؤُمَاسْ يُوحَانَّا، ثُوغَا أَثنْ أَكْ-ذ بَابَاثْسنْ زَابْذِي ذڭْ ؤُغَارَّابُو،عدّْڒنْ ثِيرَاشِّيوِينْ نْسنْ ؤُشَا نتَّا إِڒَاغَا خَاسنْ.
MAT 4:22 ذغْيَا سمْحنْ ذڭْ ؤُغَارَّابُو ؤُ ذِي بَابَاثْسنْ، ضْفَارنْ ث.
MAT 4:23 ثُوغَا يَاسُوع إِتّنّضْ ذِي ثمُّورْثْ ن لْجَالِيلْ مَارَّا، إِسّڒْمَاذْ ذِي ثمْزِيذَاوِينْ نْسنْ، إِتّْبَارّحْ س ڒخْبَارْ أَصبْحَانْ ن ثْڭلْذِيثْ ؤُشَا إِسّْڭنْفَا كُوڒْ ڒهْڒَاشْ ذ كُوڒْ ڒعْيُوبَاثْ إِ إِدْجَانْ ذِي ڒْڭنْسْ.
MAT 4:24 إِفّغْ ڒخْبَارْ خَاسْ ذِي سُورِييَا مَارَّا، ؤُشَا إِوْينْ-د غَارسْ مَارَّا إِمهْڒَاشْ إِنِّي غَارْ إِدْجَا عْڒَامْ كُوڒْ ڒهْڒَاشْ ڒَا ذ يِينِّي ذَايْسنْ ڒحْرِيقْ ڒَا ذ إِنِّي ذَايْسنْ شّْوَاطنْ ڒَا ذ يِينِّي إِتّْبَارْكِيكِّيضنْ ؤُڒَا ذ إِنعْضَابنْ، ؤُشَا إِسّْڭنْفَا إِ-ثنْ.
MAT 4:25 ضْفَارنْ ث-إِ-د أَطَّاسْ ن ڒْغَاشِي زِي لْجَالِيلْ، زِي ذِيكاپُولِيسْ، زِي ؤُرْشَالِيمْ، زِي يَاهُوذِييَّا ؤُ زڭْ ؤُجمَّاضْ ن لْ-ؤُرْذُونْ.
MAT 5:1 ڒَامِي إِژْرَا يَاسُوع ڒْغَاشِي، يُوڒِي غَارْ وذْرَارْ، ؤُشَا أَوَارْنِي ڒَامِي ذِينْ إِقِّيمْ، ؤُسِينْ-د غَارسْ إِمحْضَارنْ نّسْ.
MAT 5:2 ؤُشَا يَارْزمْ أَقمُّومْ نّسْ، إِسّڒْمذْ إِ-ثنْ، إِنَّا:
MAT 5:3 سّعْذْ ن يِينِّي أَرُّوحْ نْسنْ إِزْڒضْ، مِينْزِي ثَاڭلْذِيثْ ن إِجنْوَانْ أَقَا-ت إِ نِيثْنِي.
MAT 5:4 سّعْذْ ن يِينِّي إِتّشْضِيننْ، مِينْزِي نِيثْنِي أَذْ تّْوَاعزَّانْ.
MAT 5:5 سّعْذْ ن إِمْوَاضْعنْ، مِينْزِي نِيثْنِي أَذْ وَارْثنْ ثَامُّورْثْ.
MAT 5:6 سّعْذْ ن يِينِّي إِتّْڒَاژَانْ ذ يِينِّي إِتّْفَاذنْ غَارْ ثْسڭْذَا، مِينْزِي نِيثْنِي أَذْ جِّيوْننْ.
MAT 5:7 سّعْذْ ن يِينِّي يَارحّْمنْ، مِينْزِي أَذْ غَارْسنْ ثِيڒِي أَرّحْمثْ.
MAT 5:8 سّعْذْ ن يِينِّي إِ غَارْ إِدْجَا ؤُڒْ إِزْذِيڭْ، مِينْزِي نِيثْنِي أَذْ ژَترنْ أَربِّي.
MAT 5:9 سّعْذْ ن يِينِّي إِتّڭّنْ ڒهْنَا، مِينْزِي نِيثْنِي أَذْ تّْوَاسمَّانْ أَرَّاونْ ن أَربِّي.
MAT 5:10 سّعْذْ ن يِينِّي إِنّحْصَارنْ خْ سِّيبّثْ ن ثْسڭْذَا، مِينْزِي ثَاڭلْذِيثْ ن إِجنْوَانْ أَذْ غَارْسنْ ثِيڒِي.
MAT 5:11 سّعْذْ إِ كنِّيوْ مَاڒَا تّْعَايَارنْ ؤُ تّْذَارَّاشنْ خَاومْ ؤُشَا أَذْ خَاومْ إِنِينْ عْڒَامْ كُوڒْ أَوَاڒنْ إِعفَّاننْ خْ سِّيبّثْ إِنُو، وَاخَّا سّْخَارِّيقنْ.
MAT 5:12 فَارْحمْ، سْڒِيوڒْومْ، مِينْزِي ڒْمُونثْ نْومْ ذ ثَامقّْرَانْثْ ذڭْ إِجنْوَانْ، مِينْزِي أَمُّو إِ ثُوغَا تّْذَارَّاشنْ إِنَابِييّنْ، إِنِّي قْبڒْ نْومْ.“
MAT 5:13 ”كنِّيوْ ذ ثَامدْجَاحْثْ ن ثمُّورْثْ. مَاشَا مَاڒَا ثَامدْجَاحْثْ إِخْسَارْ ؤُڒذِّي نّسْ، مَامّشْ غَا نڭّْ أَذْ ت نَارّْ ذ ثَامدْجَاحْثْ؟ وَارْ ثْنفّعْ عَاذْ إِ وَالُو، حَاشَا أَذْ ثمّنْضَارْ غَارْ بَارَّا، أَذْ خَاسْعفْسنْ إِوْذَانْ.“
MAT 5:14 ”كنِّيوْ ذ ثَافَاوْثْ ن دُّونشْثْ. ثَانْذِينْثْ إِ إِتّْوَابْنَانْ خْ وذْرَارْ، وَارْ ثْزمَّارْ أَذْ ثنُّوفَّارْ.
MAT 5:15 وَارْ سّْرقِّينْ ڒفْنَارْ ؤُشَا أَذْ ث سَّارْسنْ سَاذُو ڒْمُوذْ، مَاشَا أَذْ ث سَّارْسنْ خْ ڒْمرْفعْ، [مَاحنْذْ] أَذْ يَارْغْ إِ مَارَّا إِنِّي إِدْجَانْ ذِي ثَادَّارْثْ.
MAT 5:16 جّمْ ثَافَاوْثْ نْومْ أَذْ ثَارْغْ إِ إِوْذَانْ، حِيمَا أَذْ ژَترنْ ڒخْذَايمْ نْومْ إِشْنَانْ، أَذْ سُّوعْڒَانْ بَابَاثْومْ إِ إِدْجَانْ ذڭْ إِجنْوَانْ.“
MAT 5:17 ”أَقَا أَذْ أَومْ إِتّْغِيڒْ أَقَا ؤُسِيغْ-د حِيمَا أَذْ سّْبطّْڒغْ شَّارِيعَا نِيغْ إِنَابِييّنْ. نشّْ وَارْ د-ؤُسِيغْ شَا حِيمَا أَذْ سّْبطّْڒغْ، مَاشَا حِيمَا أَذْ كمّْڒغْ.
MAT 5:18 س ثِيذتّْ، نشّْ أَذْ أَومْ إِنِيغْ: أَڒْ إِ غَا إِعْذُو ؤُجنَّا ذ ثمُّورْثْ، وَارْ إِبطّڒْ ؤُڒَا ذ إِجّنْ ڒْحَارْفْ نِيغْ ذ إِشْثنْ ثَانقِّيطْ زِي شَّارِيعَا أَڒْ غَا يِيڒِي كُوڒْشِي.
MAT 5:19 س ؤُيَا ونِّي إِ غَا إِسّْبطّْڒنْ زِي ثْوصَّا-يَا إِشْثنْ، وَاخَّا ذ ثَامژْيَانْثْ، ؤُشَا إِسّڒْمَاذْ إِوْذَانْ أَمُّو، أَذْ إِتّْوَاسمَّا ذ أَمژْيَانْ ذِي ثْڭلْذِيثْ ن إِجنْوَانْ، مَاشَا ونِّي زَّايْسنْثْ إِڭِّينْ ؤُ إِسّڒْمَاذْ إِ-ثنْثْ، نتَّا أَذْ إِتّْوَاسمَّا ذ أَمقّْرَانْ ذِي ثْڭلْذِيثْ ن إِجنْوَانْ.
MAT 5:20 مِينْزِي نشّْ أَذْ أَومْ إِنِيغْ: مَاڒَا ثَاسڭْذَا نْومْ وَارْ ثْمقَّارْ شَا خْ ثنِّي ن إِمْسڒْمَاذنْ ن إِذْلِيسنْ ذ ثنِّي ن إِفَارِيسِييّنْ، س ثِيذتّْ وَارْ ثتِّيذْفمْ شَا غَارْ ثْڭلْذِيثْ ن إِجنْوَانْ!“
MAT 5:21 ”أَقَا ثسْڒِيمْ بلِّي إِتّْوَانَّا إِ ڒجْذُوذْ: ’وَارْ نقّْ!‘، ؤُ: ’ونِّي إِنقّنْ، أَذْ إِتّْوَاحَاسبْ!‘
MAT 5:22 مَاشَا نشّْ أَذْ أَومْ إِنِيغْ: مَارَّا ونِّي إِتّْخيَّاقنْ خْ ؤُمَاسْ بْڒَا سِّيبّثْ، نْهْڒَا مَا أَذْ خَاسْ إِتّْوَاحَاكمْ، ؤُ مَارَّا ونِّي إِقَّارنْ إِ ؤُمَاسْ: ’أَذْ خَاكْ سُّوسْفغْ!‘، أَذْ إِتّْوَاحْكمْ خَاسْ زَّاثْ إِ جْمَاعثْ [ثَامقّْرَانْثْ]، ؤُ ونِّي إِقَّارنْ: ’[أَ] أَبُوهَاڒِي!‘ أَذْ إِتّْوَاحَاكمْ، أَذْ يَاذفْ غَارْ ثْمسِّي ن جهنَّامَا.
MAT 5:23 مَاڒَا ثْقدّْمذْ ثَاوْهِيبْثْ نّشْ خْ ؤُعَالْطَارْ [مِينْ خفْ سَّارْسنْ ثِيغَارْصَا ذ ثوْهِيبِينْ]، ؤُشَا ذِينِّي ثْعقْڒذْ بلِّي ؤُمَاشْ أَقَا-ث شَا خَاكْ،
MAT 5:24 أجّْ ثَاوْهِيبْثْ نّشْ [ذِينْ] زَّاثْ إِ ؤُعَالْطَارْ، رُوحْ أَمزْوَارُو، ثْصڒْحذْ أَكْ-ذ ؤُمَاشْ، خنِّي ذْوڒْ-د، ؤُشَا أوْشْ ثَاوْهِيبْثْ نّشْ.
MAT 5:25 إِڒِي ثْوجْذذْ إِ وصْڒَاحْ أَكْ-ذ وغْرِيمْ نّشْ ؤُمِي شكْ عَاذْ أَكِيذسْ ذڭْ وبْرِيذْ، حِيمَا أَغْرِيمْ نّشْ وَارْ شكْ إِتِّيوِي غَارْ ڒْقَاضِي، [خنِّي] ڒْقَاضِي أَذْ شكْ يَاوِي غَارْ ؤُمْخَازْنِي ؤُشَا أَذْ ثمّنْضَارذْ ذِي ڒحْبسْ.
MAT 5:26 س ثِيذتّْ، نشّْ أَذْ أَشْ إِنِيغْ: وَارْ د-ثفّْغذْ سّنِّي، أَڒْ غَا ثْخدْجْصذْ أَصُولْذِي أَنڭَّارُو.“
MAT 5:27 أَقَا ثسْڒِيمْ بلِّي إِتّْوَانَّا: ’وَارْ زنِّي شَا!‘،
MAT 5:28 [مَاشَا] نشّْ أَذْ أَومْ إِنِيغْ، مَارَّا ونِّي إِ غَا إِخْزَارنْ غَارْ ثمْغَارْثْ س نّشْوثْ، أَقَا إِزْنَا ذغْيَا أَكِيذسْ ذڭْ وُوڒْ نّسْ.
MAT 5:29 مَاڒَا ثسّنْقَارْضْ شكْ ثِيطّْ نّشْ ثَافُوسشْثْ، قسّْ إِ-ت، نْضَارْ إِ-ت خَاكْ. إِحْڒَا أَشْ مَاڒَا إِودَّارْ إِجّْ ن طَّارْفْ [ن أَرِّيمثْ نّشْ] خْ ؤُوطُّو ن أَرِّيمثْ نّشْ مَارَّا ذِي جهنَّامَا.
MAT 5:30 مَاڒَا ثسّنْقَارْضْ شكْ أَفُوسْ نّشْ أَفُوسِي، قسّْ إِ-ث، نْضَارْ إِ-ث خَاكْ، مِينْزِي إِحْڒَا أَشْ مَاڒَا إِودَّارْ إِجّْ ن طَّارْفْ [ن أَرِّيمثْ نّشْ وَاهَا] خْ ؤُوطُّو ن أَرِّيمثْ نّشْ مَارَّا ذِي جهنَّامَا.“
MAT 5:31 ”أَقَا إِتّْوَانَّا عَاوذْ: ’ونِّي إِ غَا إِدْجْفنْ إِ ثمْغَارْثْ نّسْ، أَذْ أَسْ إِوْشْ ثَابْرَاثْ ن وَادْجَافْ!‘
MAT 5:32 مَاشَا نشّْ أَذْ أَومْ إِنِيغْ: مَارَّا ونِّي إِ غَا إِدْجْفنْ إِ ثمْغَارْثْ نّسْ، وَارْ إِدْجِي زِي سِّيبّثْ ن فَارْقْ-شّْغڒْ، إِتَّارَّا إِ-ت أَذْ ثزْنَا، ؤُشَا ونِّي إِ غَا إِمڒْشنْ ثنِّي ؤُمِي إِدْجْفنْ، أَقَا نتَّا إِزْنَا.“
MAT 5:33 ”أَقَا ثسْڒِيمْ عَاوذْ بلِّي إِتّْوَانَّا إِ ڒجْذُوذْ: ’وَارْ ثجَّادْجِيذْ ژُورْ، مَاشَا أڭّْ مِينْ ثجُّودْجذْ إِ سِيذِي!‘
MAT 5:34 [مَاشَا] نشّْ أَذْ أَومْ إِنِيغْ: وَارْ ثجَّادْجَامْعمَّارْصْ، ؤُڒَا غَارْ ؤُجنَّا مِينْزِي نتَّا ذ ڒْعَارْشْ ن أَربِّي،
MAT 5:35 ؤُڒَا غَارْ ثمُّورْثْ، مِينْزِي نتَّاثْ ذ ثَانبْذَاثْ سَاذُو إِضَارنْ نّسْ، ؤُڒَا غَارْ [ثنْذِينْثْ ن] ؤُرْشَالِيمْ، مِينْزِي نتَّاثْ ذ ثَانْذِينْثْ ن ؤُجدْجِيذْ ذ أَمقّْرَانْ،
MAT 5:36 ؤُشَا وَارْ ثجَّادْجَامْ ؤُڒَا غَارْ ؤُزدْجِيفْ نّشْ، مِينْزِي وَارْ ثْزمَّارذْ أَذْ ثَارّذْ ؤُڒَا ذ إِجّْ ن ؤُژطُّو [ن ؤُشُووَّافْ] ذ أَشمْڒَاڒْ نِيغْ ذ أَبَارْشَانْ.
MAT 5:37 أَذْ إِقِّيمْ وَاوَاڒْ نْومْ ’وَاهْ!‘ ذ ’وَاهْ!‘، ’لَّ!‘ ذ ’لَّ!‘. مَانَا كْثَارْ زِي مَانْ أَيَا، أَقَا نتَّا زڭْ ؤُمْعفَّانْ.“
MAT 5:38 ”أَقَا ثسْڒِيمْ بلِّي إِتّْوَانَّا: ’ثِيطّْ س ثِيطّْ ذ ثِيغْمسْثْ س ثغْمسْثْ!‘،
MAT 5:39 [مَاشَا] نشّْ أَذْ أَومْ إِنِيغْ، وَارْ ثتّمْعَاڒَامْ شَا أَكْ-ذ إِجّْ ن ؤُعفَّانْ، مَاشَا ونِّي إِ غَا إِسّقّْڒنْ أَمڭِّيزْ نّشْ أَفُوسِي، سڒْقَا يَاسْ ؤُڒَا ذ [أَمڭِّيزْ] نّغْنِي.
MAT 5:40 مَاڒَا ذِينْ حذْ إِخْسْ أَذْ كِيكْ إِڭّْ شّْرعْ ؤُشَا نتَّا أَذْ خَاكْ إِكّسْ ثْشَامِيرْ نّشْ، أجّْ إِ-ث أَذْ إِكْسِي ؤُڒَا ذ أَجدْجَابْ.
MAT 5:41 ونِّي خَاكْ إِڭِّينْ بزّزْ حِيمَا أَذْ كِيذسْ ثُويُورذْ إِجّْ ن كِيلُومِيثْرْ، ؤُيُورْ أَكِيذسْ ثْنَاينْ.
MAT 5:42 مَانْ ونْ ذ أَشْ إِ غَا إِتَّارنْ شَا ن ڒْحَاجّثْ، أوْشْ أَسْ ت، ؤُ ونِّي يَارزُّونْ أَذْ خَاكْ يَارْضڒْ، وَارْ ذ ث تَّارَّا أَمنِّي.“
MAT 5:43 ”أَقَا ثسْڒِيمْ بلِّي إِتّْوَانَّا: ’أَذْ ثخْسذْ جَّارْ نّشْ، أَذْ ثْشَارْهذْ ڒعْذُو نّشْ!‘
MAT 5:44 مَاشَا نشّْ أَذْ أَومْ إِنِيغْ: خْسمْ ڒْعذْيَانْ نْومْ ؤُ بَارْكمْ إِنِّي كنِّيوْ إِنعّْڒنْ، ڭّمْ ثْشُونِي إِ يِينِّي كنِّيوْ إِشَارّْهنْ، ژَتدْجمْ إِ يِينِّي كنِّيوْ إِتَّاوْينْ ذ إِمحْبَاسْ ذ يِينِّي خَاومْ إِتّْذَارَّاشنْ،
MAT 5:45 حِيمَا أَذْ ثِيڒِيمْ ذ ثَارْوَا ن بَابَاثْومْ إِ إِدْجَانْ ذڭْ إِجنْوَانْ، مِينْزِي نتَّا إِسّْنقَّارْ ثَافُوشْثْ نّسْ خْ إِصبْحَاننْ ذ إِعفَّاننْ، ؤُشَا نتَّا يَارخُّو-د إِ ونْژَارْ، حِيمَا أَذْ إِوّثْ خْ إِمْسڭَّاذنْ ؤُ خْ يِينِّي وَارْ إِسڭّْذنْ.
MAT 5:46 مِينْزِي مَاڒَا ثخْسمْ إِنِّي كنِّيوْ إِتّخْسنْ، مَانْ أَرْبحْ إِ غَارْومْ؟ مَا وَارْ تّڭّنْ أَيْثْ ن ضَّارِيبَا ؤُڒَا أَمُّو؟
MAT 5:47 مَاڒَا ثْسدْجْممْ خْ وَاوْمَاثنْ نْومْ وَاهَا، مِينْ إِ ثتّڭّمْ كْثَارْ [خْ ونّغْنِي]؟ مَا وَارْ تّڭّنْ أَيْثْ ن ضَّارِيبَا ؤُڒَا أَمُّو؟
MAT 5:48 س ؤُيَا إِڒِيمْ نِيشَانْ قَاعْ أَمْ مَامّشْ ؤُڒَا ذ بَابَاثْومْ إِ إِدْجَانْ ذڭْ إِجنْوَانْ إِدْجَا نِيشَانْ قَاعْ.“
MAT 6:1 ”حْضَامْ، وَارْ ثْصدَّاقمْ زَّاثْ إِ إِوْذَانْ، حِيمَا أَذْ كنِّيوْ ژَترنْ. مَاڒَا أَمْيَا، وَارْ غَارْومْ إِتِّيڒِي بُو ڒَاجَارْ زِي بَابَاثْومْ إِ إِدْجَانْ ذڭْ إِجنْوَانْ.
MAT 6:2 مَاڒَا ثْصدّْقذْ، وَارْ ت تّڭّْ ذِي ڒْبُوقْ أَمْ مَامّشْ ث تّڭّنْ إِمْنَافْقنْ ذِي ثمْزِيذَاوِينْ ؤُ ذِي زّْنَاقِي، حِيمَا أَذْ ثنْ شنّْعنْ إِوْذَانْ. س ثِيذتّْ نشّْ أَذْ أَومْ إِنِيغْ، نِيثْنِي أَقَا ؤُفِينْ ڒَاجَارْ نْسنْ زِي بعْذَا.
MAT 6:3 [مَاشَا] شكْ، خْمِي غَا ثْصدّْقذْ، إِتّْخصَّا أَفُوسْ نّشْ أَزڒْمَاضْ وَارْ إِسِّينْ مِينْ إِتّڭّْ ؤُفُوسِي نّشْ،
MAT 6:4 حِيمَا صّذْقثْ نّشْ أَذْ ثِيڒِي س ثْنُوفّْرَا ؤُشَا بَابَاشْ، ونِّي إِتّْوَاڒَانْ ذِي ثْنُوفّْرَا، أَذْ شكْ إِخدْجصْ س بْطَايْطَايْ.“
MAT 6:5 ”مَاڒَا ثژُّودْجذْ، وَارْ تِّيڒِي شَا أَمْ يِيمْنَافْقنْ إِنِّي ؤُمِي إِعْجبْ أَسنْ ڒْحَاڒْ أَذْ ژَّادْجنْ أَمْ بدّنْ ذِي ثمْزِيذَاوِينْ ذ ثْغمُّورَا ن زّْنَاقِي حِيمَا أَذْ ثنْ ژَترنْ إِوْذَانْ. س ثِيذتّْ نشّْ أَذْ أَومْ إِنِيغْ، أَقَا نِيثْنِي ؤُفِينْ ڒَاجَارْ نْسنْ زِي بعْذَا.
MAT 6:6 مَاشَا شكْ، مَاڒَا ثژُّودْجذْ، أَذفْ غَارْ وخَّامْ نّشْ، بلّعْ ثَاوَّارْثْ، ژَّادْجْ إِ بَابَاشْ ونِّي إِدْجَانْ ذِي ثْنُوفّْرَا، ؤُشَا بَابَاشْ إِ إِتّْوَاڒَانْ ذِي ثْنُوفّْرَا ذ نتَّا إِ شكْ إِ غَا إِخدْجْصنْ س بْطَايْطَايْ.
MAT 6:7 مَاڒَا ثژُّودْجمْ وَارْ تّْعَاوَاذمْ إِ وَاوَاڒْ أَمْ مَامّشْ تّْژَادْجَانْ لْكُوفَّارْ، مِينْزِي إِتّْغِيڒْ أَسنْ س وَاوَاڒنْ [نْسنْ] أَطَّاسْ أَذْ أَسنْ إِتّْوَاسڒْ.
MAT 6:8 وَارْ تِّيڒِيمْ خنِّي أَمْ نِيثْنِي، مِينْزِي بَابَاثْومْ إِسّنْ مِينْ ثحْذَاجمْ قْبڒْ ذ أَسْ إِ غَا ثتَّارمْ شَا.
MAT 6:9 أَمُّو إِ غَا ثژَّادْجمْ كنِّيوْ: ’أَ بَابَاثْنغْ إِ إِدْجَانْ ذڭْ إِجنْوَانْ، أَذْ يِيڒِي إِسمْ نّشْ إِتّْوَاقدّسْ،
MAT 6:10 أجّْ أَذْ د-ثَاسْ ثْڭلْذِيثْ نّشْ، أَذْ يِيڒِي ڒْخَاضَارْ نّشْ أَمْ ذڭْ ؤُجنَّا أَمُّو عَاوذْ ذِي ثمُّورْثْ.
MAT 6:11 أوْشْ أَنغْ أَسّْ-أَ أَغْرُومْ إِ نهْذَاجْ.
MAT 6:12 غْفَارْ أَنغْ إِمَارْوُوسَا نّغْ، أَمْ مَامّشْ نْسَامحْ عَاوذْ إِ يِينِّي د أَنغْ إِتُّورْسنْ،
MAT 6:13 ؤُ وَارْ ذ أَنغْ سِيذِيفْ شَا ذڭْ ؤُجَارّبْ، مَاشَا فكّْ أَنغْ زڭْ ؤُمْعفَّانْ. مِينْزِي ثَاڭلْذِيثْ ذ جّهْذْ ذ ؤُعُودْجِي أَذْ إِڒِينْ إِ شكْ إِ ڒبْذَا قَاعْ!‘
MAT 6:14 مَاغَارْ مَاڒَا كنِّيوْ ثْسَامْحمْ إِ إِوْذَانْ إِ إِعذِّيينْ نْسنْ، ؤُڒَا ذ بَابَاثْومْ إِ إِدْجَانْ ذڭْ إِجنْوَانْ أَذْ أَومْ إِغْفَارْ.
MAT 6:15 مَاشَا مَاڒَا كنِّيوْ وَارْ ثتّْسِيمِيحمْ إِ إِوْذَانْ، أَقَا ؤُڒَا ذ بَابَاثْومْ وَارْ إِغفَّارْ شَا إِعذِّيينْ نْومْ.“
MAT 6:16 ”ڒَامِي ثْژُومّمْ، وَارْ تّڭّمْ أَغمْبُوبْ أَبَارْشَانْ أَمْ يِيمْنَافْقنْ، إِنِّي إِسّْنقْڒَابنْ أَغمْبُوبْ نْسنْ حِيمَا أَذْ ثنْ ژَترنْ إِوْذَانْ بلِّي أَقَا ژُومّنْ. س ثِيذتّْ نشّْ أَذْ أَومْ إِنِيغْ، أَقَا نِيثْنِي ؤُفِينْ ڒَاجَارْ نْسنْ زِي بعْذَا.
MAT 6:17 [مَاشَا] شكْ، مَاڒَا ثْژُومّذْ، ذْهنْ أَزدْجِيفْ نّشْ ؤُشَا سِيرذْ أَغمْبُوبْ نّشْ،
MAT 6:18 حِيمَا وَارْ ثْبِينِيذْ شَا إِ إِوْذَانْ بلِّي ثتّْژُومّذْ، مَاشَا إِ بَابَاشْ ونِّي إِدْجَانْ ذِي ثْنُوفّْرَا، ؤُشَا بَابَاشْ إِ إِتّْوَاڒَانْ ذِي ثْنُوفّْرَا، أَقَا نتَّا إِ شكْ إِ غَا إِخدْجْصنْ.“
MAT 6:19 ”وَارْ سْمُونَامْ شَا ڒكْنُوزْ إِ يِيخفْ نْومْ ذَا ذِي دُّونشْثْ مَانِي إِ ثنْ غَا ثشّْ ثْشِينْذَا ذ دّْرَا، ؤُ مَانِي غَا سّْنُوقّْبنْ إِخوَّاننْ، أَذْ [ثنْ] أَشَارنْ،
MAT 6:20 [مَاشَا] سْمُونمْ إِ يِيخفْ نْومْ ڒكْنُوزْ ذڭْ ؤُجنَّا مَانِي وَارْ ثنْ ثتّتّْ شَا ثْشِينْذَا ذ دّْرَا، ؤُ مَانِي وَارْ سّْنُوقُّوبنْ إِخوَّاننْ، وَارْ [ثنْ] تَّاشَارنْ.
MAT 6:21 مِينْزِي مَانِي غَا يِيڒِي ڒْكنْزْ نّشْ، أَقَا أَذْ ذِينْ يِيڒِي ؤُڒَا ذ ؤُڒْ نّشْ.“
MAT 6:22 ”ڒفْنَارْ ن أَرِّيمثْ نتَّا ذ ثِيطّْ. مَاڒَا خنِّي ثِيطّْ نّشْ أَقَا ثصْفَا، أَذْ ثِيڒِي أَرِّيمثْ نّشْ مَارَّا ذ ثَافَاوْثْ.
MAT 6:23 مَارَا ثِيطّْ نّشْ ذ ثَاعفَّانْثْ، خنِّي أَذْ ثِيڒِي أَرِّيمثْ نّشْ مَارَّا ذ ثَادْجسْثْ. مَاڒَا ثَافَاوْثْ ثنِّي ذَايكْ ذ ثَادْجسْثْ، مشْحَاڒْ ثمْغَارْ ثَادْجسْثْ!
MAT 6:24 ؤُڒَا ذ إِجّْ وَارْ إِزمَّارْ أَذْ إِخْذمْ إِ ثْنَاينْ ن إِسِيذِيثنْ، مِينْزِي [خنِّي] نتَّا أَذْ إِشَارْهْ إِجّنْ، أَذْ إِخْسْ ونّغْنِي، نِيغْ أَذْ إِوقَّارْ إِجّنْ، أَذْ إِسّحْقَارْ ونّغْنِي. كنِّيوْ وَارْ ثْزمَّارمْ أَذْ ثْسخَّارمْ إِ أَربِّي ذ ثنْعَاشِينْ.“
MAT 6:25 ”س ؤُيَا نشّْ أَذْ أَومْ إِنِيغْ: ’وَارْ كسِّيمْ أَمْنُوسْ ذِي ثُوذَارْثْ نْومْ، مِينْ غَا ثشّمْ نِيغْ مِينْ غَا ثسْومْ، ؤُڒَا إِ أَرِّيمثْ نْومْ مَامّشْ ت إِ غَا ثسّْيَارْضمْ. خْزَارمْ، مَا وَارْ ثحْڒِي ثُوذَارْثْ خْ مَاشَّا نِيغْ أَرِّيمثْ خْ وَارُّوضْ؟
MAT 6:26 خْزَارمْ غَارْ إِجْضَاضْ ن ؤُجنَّا، أَقَا نِيثْنِي وَارْ زَارّْعنْ، وَارْ مجَّارنْ ؤُشَا وَارْ تّْخمِّيڒنْ ذِي ڒمْرَاسِي. وَاخَّا أَمنِّي بَابَاثْومْ إِ إِدْجَانْ ذڭْ إِجنْوَانْ إِ ثنْ إِسّشَّانْ. خْزَارمْ، مَا كنِّيوْ وَارْ ثسّكّْوِيمْ شَا كْثَارْ أَطَّاسْ خَاسنْ؟
MAT 6:27 مَانْ ونْ زَّايْومْ إِزمَّارْ س ومْنُوسْ نّسْ أَذْ يَارْنِي [مْغِيرْ] إِجّْ ن ؤُغِيڒْ ذِي ثُوزّڭَّارْثْ نّسْ؟
MAT 6:28 ؤُ مَايمِّي ثْكسِّيمْ أَمْنُوسْ إِ وَارُّوضْ؟ خْزَارمْ مَامّشْغمّْينْثْ ثْلِيلِّيشِينْ ذڭْ إِيَّارْ. نِيثنْثِي وَارْ خدّْمنْثْ، وَارْ تّْقَارْضْشنْثْ،
MAT 6:29 [مَاشَا] نشّْ أَذْ أَومْ إِنِيغْ، ؤُڒَا ذ سُولِيمَانْ ذِي مَارَّا أَعُودْجِي نّسْ وَارْ يَارْضْ شَا أَمْ يِيجّنْ زَّايْسنْ.
MAT 6:30 مَاڒَا أَربِّي إِسّْيَارْضْ أَمُّو أَرْبِيعْ ن إِيَّارْ إِ إِدْجَانْ أَسّْ-أَ ؤُشَا ثِيوشَّا أَذْ إِمّنْضَارْ ذِي ثفْقُونْثْ، مَا خنِّي وَارْ كنِّيوْ [إِسّْيِيرّضْ] أَطَّاسْ حْسنْ زَّايسْ، [أَ] كنِّيوْ إِ ذِي إِدْجَا ذْرُوسْ ن لْ-إِيمَانْ؟
MAT 6:31 س ؤُيَا وَارْ كسِّيمْ شَا أَمْنُوسْ، وَارْ قَّارمْ: ’مِينْ غَا نشّْ؟‘، ؤُ: ’مِينْ غَا نْسُو؟‘، نِيغْ: ’مِينْ غَا نْيَارْضْ؟‘
MAT 6:32 مَاغَارْ ڒڭْنُوسْ ن دُّونشْثْ أَرزُّونْ مَانْ أَيَا مَارَّا، [مَاشَا] بَابَاثْومْ إِ إِدْجَانْ ذڭْ إِجنْوَانْ إِسّنْ أَقَا ثحْذَاجمْ مَانْ أَيَا مَارَّا.
MAT 6:33 أَرْزُومْ أَمزْوَارُو خْ ثْڭلْذِيثْ ن أَربِّي ذ ثْسڭْذَا نّسْ، ؤُشَا مَانْ أَيَا مَارَّا أَذْ غَارْومْ إِمَّارْنِي عَاوذْ.
MAT 6:34 س ؤُيَا وَارْ كسِّيمْ أَمْنُوسْ إِ [مِينْ إِ غَا يِيڒِي] ثِيوشَّا، مِينْزِي ثِيوشَّا أَذْ ثكْسِي أَمْنُوسْ إِ يِيخفْ نّسْ. إِشْفَا إِ [كُوڒْ] أَسّْ ثُوعفّْنَا نّسْ.“
MAT 7:1 ”وَارْ حكّْممْ، حِيمَا وَارْ ثتّْوَاحَاكَاممْ،
MAT 7:2 مِينْزِي عْلَاحْسَابْ ڒْحُوكْمْ إِ زِي غَا ثْحكْممْ، أَذْ ثتّْوَاحَاكْممْ، ؤُ عْلَاحْسَابْ ڒعْبَارْ إِ زِي غَا ثعْبَارمْ، أَذْ ثتّْوَاعْبَارمْ عَاوذْ.
MAT 7:3 مَايمِّي ثْخزَّارذْ غَارْ ؤُخشِّيوْ ذِي ثِيطّْ ن ؤُمَاشْ، [مَاشَا] وَارْ ثْحكَّارذْ شَا إِ ثحْنَاشْثْ ثنِّي ذِي ثِيطّْ نّشْ؟
MAT 7:4 خنِّي مَامّشْ غَا ثڭّذْ أَذْ ثِينِيذْ إِ ؤُمَاشْ: ’أجّْ أَيِي أَذْ أَشْ د-سُّوفّْغغْ أَخشِّيوْ زِي ثِيطّْ نّشْ‘، [ؤُشَا] خْزَارْ، أَقَا شكْ غَاركْ ثَاحْنَاشْثْ ذِي ثِيطّْ نّشْ؟
MAT 7:5 شكْ، [أَ] أَمْنَافقْ، سُوفّغْ-د أَمزْوَارُو ثَاحْنَاشْثْ زِي ثِيطّْ نّشْ، خنِّي ثْزمَّارذْ أَذْ ثخْزَارذْ مْلِيحْ حِيمَا أَذْ ثسُّوفّْغذْ أَخشِّيوْ زِي ثِيطّْ ن ؤُمَاشْ.
MAT 7:6 وَارْ تِّيشمْ مِينْ إِقدّْسنْ إِ يِيطَانْ، وَارْ نطَّارمْ شَا ثِييَاقُوثِينْ نْومْ إِ إِڒْفَانْ، حِيمَا وَارْ خَاسنْثْعفّْسنْ س إِضَارنْ نْسنْ ؤُشَا أَذْ [غَارْومْ] د-نْقڒْبنْ، أَذْ كنِّيوْ مزّْقنْ.“
MAT 7:7 ”تَّارمْ، أَذْ أَومْ إِمّوْشْ، أَرْزُومْ، أَذْ ثَافمْ، سْقَارْقْبمْ، أَذْ أَومْ إِتّْوَارْزمْ.
MAT 7:8 مَاغَارْ مَارَّا ونِّي إِ غَا إِتَّارنْ، أَذْ إِطّفْ ؤُ ونِّي إِ غَا يَارْزُونْ أَذْ يَافْ، ؤُ ونِّي إِ غَا إِسّْقَارْقْبنْ أَذْ [أَسْ] إِتّْوَارْزمْ.
MAT 7:9 نِيغْ مَانْ بْنَاذمْ جَارْ أَومْ، مَاڒَا مِّيسْ إِتَّارْ أَسْ أَغْرُومْ، أَذْ أَسْ إِوْشْ أَژْرُو؟
MAT 7:10 نِيغْ مَاڒَا إِتَّارْ أَسْ ثَاسْڒمْثْ، أَذْ أَسْ إِوْشْ أَفِيغَارْ؟
MAT 7:11 مَاڒَا كنِّيوْ، وَاخَّا كنِّيوْ ذ إِعفَّاننْ، أَقَا ثسّْنمْ مَامّشْ غَا ثوْشمْ مِينْ إِصبْحنْ إِ ثَارْوَا نْومْ، مشْحَاڒْ عَاذْ بَابَاثْومْ إِ إِدْجَانْ ذڭْ إِجنْوَانْ أَذْ يوْشْ مِينْ إِصبْحنْ إِ يِينِّي ذ أَسْ إِ غَا إِتَّارنْ!
MAT 7:12 قَاعْ أَمْ مَامّشْ ثخْسمْ أَذْ أَومْ ڭّنْ إِوْذَانْ، ڭّمْ أَمْيَا كنِّيوْ إِ نِيثْنِي، مِينْزِي مَانْ أَيَا ذ شَّارِيعَا ذ إِنَابِييّنْ.“
MAT 7:13 ”أَذْفمْ زِي ثوَّارْثْ إِحْصَارنْ، مِينْزِي ثَاوَّارْثْ ثمْغَارْ ؤُڒَا ذ أَبْرِيذْ إِ إِتَّاوْينْ غَارْ ؤُهلّكْ ذ مِيرِيوْ، ؤُشَا أَطَّاسْ إِ زَّايسْ إِتَّاذْفنْ.
MAT 7:14 مَامّشْ ثحْصَارْ ثوَّارْثْ ؤُ مَامّشْ إِمْژِي وبْرِيذْ إِ إِتَّاوْينْ غَارْ ثُوذَارْثْ! مْغِيرْ ذْرُوسْ ن يِينِّي ث إِتَّافنْ.“
MAT 7:15 ”حْضَامْ إِخفْ نْومْ زڭْ إِنَابِييّنْ إِسّْخَارِّيقنْ إِ د-إِتَّاسنْ غَارْومْ س ثْهِيضُورْثْ ن إِزْمَارنْ، مَاشَا ذڭْ إِعذِّيسنْ نْسنْ أَقَا نِيثْنِي ذ ؤُشَّاننْ إِتّطّْفنْ.
MAT 7:16 زِي ڒْغِيدْجثْ نْسنْ أَذْ ثنْ ثسّْنمْ. مَا أَذْ ڒقْضنْ أَضِيڒْ زڭْ إِسنَّاننْ نِيغْ ثَازَارْثْ زِي ثْزڭّْوَارْثْ؟
MAT 7:17 أَمُّو كُوڒْ ثَاشجَّارْثْ ثَاصبْحَانْثْ ثتَّاوِي-د ڒْغِيدْجثْ ثصْبحْ، ؤُشَا ثَاشجَّارْثْ ثَاعفَّانْثْ ثتَّاوِي-د ڒْغِيدْجثْ ثَاعفَّانْثْ.
MAT 7:18 ثَاشجَّارْثْ ثَاصبْحَانْثْ وَارْ ثْزمَّارْ أَذْ ثوْشْ ڒْغِيدْجثْ ثَاعفَّانْثْ، ؤُشَا ثَاشجَّارْثْ ثَاعفَّانْثْ وَارْ ثْزمَّارْ أَذْ ثوْشْ ڒْغِيدْجثْ ثَاصبْحَانْثْ.
MAT 7:19 كُوڒْ ثَاشجَّارْثْ ثنِّي وَارْ إِتِّيشنْ ڒْغِيدْجثْ ثصْبحْ، أَذْ ثتّْوَاقسّْ ؤُشَا أَذْ ثمّنْضَارْ ذِي ثْمسِّي.
MAT 7:20 س ؤُينِّي أَذْ ثنْ ثسّْنمْ زِي ڒْغِيدْجثْ نْسنْ.“
MAT 7:21 ”وَارْ إِدْجِي شَا كُوڒْ إِجّنْ ونِّي ذ أَيِي غَا إِنِينْ: ’أَ سِيذِي، أَ سِيذِي!‘، أَذْ يَاذفْ غَارْ ثْڭلْذِيثْ ن إِجنْوَانْ، مَاشَا ذ ونِّي إِتّڭّنْ مِينْ إِخْسْ بَابَا إِ إِدْجَانْ ذڭْ إِجنْوَانْ.
MAT 7:22 أَطَّاسْ إِ ذ أَيِي غَا إِنِينْ ذڭْ وَاسّْ نِّي: ’أَ سِيذِي، أَ سِيذِي، مَا وَارْ نتّْنَابّْ شَا س يِيسمْ نّشْ، مَا وَارْ نُوژِّيڒْ خْ شّْوَاطنْ س يِيسمْ نّشْ ؤُ س يِيسمْ نّشْ مَا وَارْ نڭِّي أَطَّاسْ ن ڒعْجَايبْ؟‘
MAT 7:23 خنِّي نشّْ أَذْ أَسنْ إِنِيغْ نِيشَانْ: ’عمَّارْصْ وَارْ كنِّيوْ سِّينغْ، بعّْذمْ خَافِي، [أَ] كنِّيوْ إِنِّي إِتّڭّنْ ڒْمُوعْصِييّثْ!‘ “
MAT 7:24 ”س ؤُيَا مَارَّا ونِّي إِتّسْڒَانْ إِ وَاوَاڒنْ إِنُو، إِتّڭّْ زَّايْسنْ، أَذْ إِتّْوَامْقُودَّا أَكْ-ذ إِجّْ ن بْنَاذمْ ذ أَمِيغِيسْ ونِّي إِبْنَانْ ثَادَّارْثْ نّسْ خْ سّدْجَاحْ.
MAT 7:25 خنِّي إِوْثَا ونْژَارْ، حمْڒنْ-د إِغزْرَانْ، سُوضنْ-د إِسمِّيضنْ ؤُشَا ڒقْفنْ ثَادَّارْثْ نِّي، [مَاشَا] وَاخَّا أَمنِّي وَارْ د-ثوْضِي شَا، مِينْزِي ذْسَاسْ نّسْ إِمَّارْسْ خْ سّدْجَاحْ.
MAT 7:26 [مَاشَا] مَارَّا ونِّي إِتّسْڒَانْ إِ وَاوَاڒنْ إِنُو، وَارْ زَّايْسنْ إِتّڭّْ، أَذْ يِيڒِي أَمْ يِيجّْ ن بْنَاذمْ ذ أَفْغُوڒْ إِ إِبْنَانْ ثَادَّارْثْ نّسْ خْ إِجْذِي.
MAT 7:27 خنِّي إِوْثَا ونْژَارْ، حمْڒنْ-د إِغزْرَانْ، سُوضنْ-د إِسمِّيضنْ، ڒقْفنْ ثَادَّارْثْ نِّي ؤُشَا ثوْضَا، ثُوغَا أَوطُّو نّسْ ذ أَمقّْرَانْ.“
MAT 7:28 أَوَارْنِي ڒَامِي إِكمّڒْ يَاسُوع أَوَاڒنْ-أَ، أَقَا إِمْسَارْ بلِّي ڒْغَاشِي إِقِّيمْ إِتّبْهثْ س ثْغُورِي نّسْ،
MAT 7:29 مِينْزِي ثُوغَا إِسّڒْمَاذْ إِ-ثنْ أَمشْنَاوْ ونِّي غَارْ ثدْجَا صُّولْطَا، وَارْ إِدْجِي شَا أَمْ يِيمْسڒْمَاذنْ ن إِذْلِيسنْ ذ إِفَارِيسِييّنْ.
MAT 8:1 ڒَامِي د-إِهْوَا زڭْ وذْرَارْ، ضْفَارنْ ث-إِ-د أَطَّاسْ ن ڒْغَاشِي.
MAT 8:2 خْزَارْ، يُوسَا-د غَارسْ إِجّنْ إِ ذِي إِدْجَا ڒْبَارْصْ، إِسْجذْ أَسْ، إِنَّا: ”أَ سِيذِي، مَاڒَا ثخْسذْ، ثْزمَّارذْ أَذْ أَيِي ثسِّيزْذڭذْ!“
MAT 8:3 يَاسُوع إِسّْوِيژّضْ أَفُوسْ نّسْ ؤُشَا إِحَاذَا ث، إِنَّا: ”نشّْ خْسغْ، زْذڭْ!“ ؤُشَا إِتّْوَاسِّيزْذڭْ زِي ڒْبَارْصْ نّسْ ڒخْذنِّي.
MAT 8:4 [خنِّي] إِنَّا أَسْ يَاسُوع: ”خْزَارْ، وَارْ تّقَّارْ إِ حذْ، مَاشَا رُوحْ، سْشنْ إِخفْ نّشْ إِ ؤُكهَّانْ ؤُشَا أوْشْ ثَاغَارْصْثْ إِ أَربِّي عْلَاحْسَابْ مِينْ زَّايسْ إِوصَّا مُوسَا، أَقَا-ت ذ شّْهَاذثْ إِ نِيثْنِي.“
MAT 8:5 ڒَامِي يُوذفْ يَاسُوع غَارْ كَافَارْنَاحُومْ، يُوسَا-د غَارسْ إِجّْ ن ڒْقبْطَانْ خْ مْيَا، إِتَّارْ زَّايسْ [أَمُّو]،
MAT 8:6 إِنَّا: ”أَ سِيذِي، أَمْسخَّارْ أَمژْيَانْ إِنُو إِزّڒْ ذِي ثَادَّارْثْ ذ أَنعْضَابْ، أَقَا ذَايسْ ڒحْرِيقْ أَطَّاسْ!“
MAT 8:7 إِنَّا أَسْ يَاسُوع: ”نشّْ أَذْ د-أَسغْ، أَذْ ث سّْڭنْفِيغْ!“
MAT 8:8 ؤُشَا ڒْقبْطَانْ خْ مْيَا يَارَّا-د، إِنَّا: ”أَ سِيذِي، نشّْ وَارْ سْذِيهدْجغْ أَذْ ثَاذْفذْ سْوَادَّايْ إِ ثْزقَّا إِنُو، مَاشَا إِنِي إِجّْ ن وَاوَاڒْ وَاهَا، خنِّي أَذْ إِڭّنْفَا ؤُمْسخَّارْ أَمژْيَانْ إِنُو.
MAT 8:9 مِينْزِي ؤُڒَا ذ نشّْ عَاوذْ ذ بْنَاذمْ سَاذُو إِفَاسّنْ ؤُشَا غَارِي إِعسْكَارِييّنْ سَاذُو ؤُفُوسْ إِنُو، قَّارغْ إِ وَا: ’رُوحْ!‘، خنِّي أَذْ إِرَاحْ، ؤُ إِ ونّغْنِي: ’أَسْ-د!‘، خنِّي أَذْ د-يَاسْ، ؤُ إِ ؤُمْسخَّارْ إِنُو [قَّارغْ أَسْ]: ’أڭّْ مَانْ أَيَا!‘، ؤُشَا أَذْ ث إِڭّْ.“
MAT 8:10 ڒَامِي إِسْڒَا يَاسُوع مَانْ أَيَا، إِتّبْهثْ، إِنَّا إِ يِينِّي أَكِيذسْ إِدْجَانْ: ”س ثِيذتّْ نشّْ أَذْ أَومْ إِنِيغْ، وَارْ ؤُفِيغْ ؤُڒَا ذِي إِسْرَائِيل لْ-إِيمَانْ أَمْ وَانِيثَا.
MAT 8:11 نشّْ أَذْ أَومْ إِنِيغْ، بلِّي أَطَّاسْ إِ د غَا يَاسنْ زِي شَّارْقْ ؤُ زِي ڒْغَارْبْ، أَذْ قِّيمنْ [غَارْ طَّابْڒَا] أَكْ-ذ إِبْرَاهِيمْ ذ إِسْحَاقْ ذ يَاعْقُوبْ ذِي ثْڭلْذِيثْ ن إِجنْوَانْ،
MAT 8:12 [مَاشَا] ثَارْوَا ن ثْڭلْذِيثْ أَذْ مّنْضَارنْ بَارَّا غَارْ طَّارْفْ أَنڭَّارُو ن ثَادْجسْثْ. ذِينِّي أَذْ إِڒِينْ إِمطَّاونْ ذ ؤُغزِّي ن ثغْمَاسْ.“
MAT 8:13 يَاسُوع إِنَّا إِ ڒْقبْطَانْ خْ مْيَا: ”رُوحْ، أَذْ إِمْسَارْ أَمْ مَامّشْ ثُومْنذْ.“ ؤُشَا إِڭّنْفَا ؤُحنْجِيرْ نّسْ ذِي ثْسَاعّثْ نِّي.
MAT 8:14 [ڒخْذنِّي] يُوسَا-د يَاسُوع غَارْ ثَادَّارْثْ ن شِيمْعُونْ، إِژْرَا ثَاضكّْوَاتْشْ نّسْ ثزّڒْ، ذَايسْ ثِيمسِّي.
MAT 8:15 إِحَاذَا أَفُوسْ نّسْ ؤُشَا ثْرُوحْ أَسْ ثْمسِّي، ڒخْذنِّي ثكَّارْ، ثْسخَّارْ خَاسْ.
MAT 8:16 غَارْ ؤُعشِّي إِوْينْ-د غَارسْ أَطَّاسْ ن إِمَارْيَاحنْ إِ ذَايْسنْ شّْوَاطنْ. إِسُّوفّغْ شّْوَاطنْ نْسنْ س يِيجّْ ن وَاوَاڒْ [وَاهَا]، ؤُشَا إِسّْڭنْفَا مَارَّا إِمهْڒَاشْ،
MAT 8:17 حِيمَا أَذْ إِتّْوَاكمّڒْ مِينْ إِتّْوَانَّانْ زڭْ ؤُنَابِي إِشَاعْيَا: ”أَذْ إِكْسِي ڒحْرِيقْ نّغْ ؤُ أَذْ يَارْبُو ڒهْڒَاشْ نّغْ.“
MAT 8:18 ڒَامِي إِژْرَا يَاسُوع ڒْغَاشِي أَمقّْرَانْ إِ ذ أَسْ د-إِنّْضنْ، يُومُورْ [إِ-ثنْ] أَذْ ژْوَانْ غَارْ ؤُجمَّاضْ.
MAT 8:19 ؤُشَا يُوسَا-د غَارسْ إِجّْ ن ؤُمْسڒْمَاذْ ن إِذْلِيسنْ، إِنَّا أَسْ: ”[أَ] أَمْسڒْمَاذْ إِنُو، أَذْ شكْ ضْفَارغْ مَانِي مَا إِ غَا ثْرَاحذْ!“
MAT 8:20 إِنَّا أَسْ يَاسُوع: ”إِشعْبَانْ غَارْسنْ إِفْرَانْ ؤُ إِجْضَاضْ ن ؤُجنَّا غَارْسنْ ڒعْوَاشّْ، مَاشَا مِّيسْ ن بْنَاذمْ وَارْ يُوفِي شَا مَانِي غَا إِسنّذْ أَزدْجِيفْ نّسْ.“
MAT 8:21 إِنَّا أَسْ إِجّنْ نّغْنِي زڭْ إِمحْضَارنْ نّسْ: ”[أَ] سِيذِي، أجّْ أَيِي ذ أَمزْوَارْ أَذْ ؤُيُورغْ أَذْ نضْڒغْ بَابَا!“
MAT 8:22 إِنَّا أَسْ يَاسُوع: ”ضْفَارْ أَيِي-د، أجّْ إِمتِّيننْ أَذْ نضْڒنْ إِمتِّيننْ نْسنْ!“
MAT 8:23 ڒَامِي إِنْيَا ذِي ثْغَارَّابُوثْ، نْيِينْ إِمحْضَارنْ نّسْ أَكِيذسْ.
MAT 8:24 ؤُشَا خْزَارْ، ثكَّارْ-د إِشْثْ ن ثْحَارْيَاضْثْ ذِي ڒبْحَارْ أَڒْ مَانِي ذْڒِينْثْ ڒمْوَاجْ أَغَارَّابُو، مَاشَا يَاسُوع ثُوغَا إِطّصْ.
MAT 8:25 ؤُسِينْ-د غَارسْ إِمحْضَارنْ نّسْ ؤُشَا سّْفَاقنْ ث-إِ-ذ، نَّانْ أَسْ: ”[أَ] سِيذِيثْنغْ، سنْجمْ أَنغْ، أَقَا أَذْ نتّْوَاهلّكْ!“
MAT 8:26 إِنَّا أَسنْ: ”مَايمِّي ثتّڭّْوذمْ، [أَ] كنِّيوْ إِ ذِي إِدْجَا ذْرُوسْ ن لْ-إِيمَانْ؟“ خنِّي إِكَّارْ، إِوبّخْ أَسمِّيضْ ذ ڒبْحَارْ، ؤُشَا ثُوسَا-د ڒْهُوذْنثْ ثَامقّْرَانْثْ.
MAT 8:27 ثْبهْثنْ إِوْذَانْ، نَّانْ: ”مِينْ إِعْنَا وَا ؤُمِي إِسمِّيضنْ ذ ڒبْحَارْ تّطَّاعنْ أَسْ؟“
MAT 8:28 ڒَامِي يِيوضْ غَارْ ؤُجمَّاضْ غَارْ ثمُّورْثْ ن ڭَاذَارِينِيسْ، ڒْقَانْ ث-إِ-د ثْنَاينْ ن إِمَارْيَاحنْ، فّْغنْ-د زڭْ إِمضْڒَانْ، ثُوغَا مُّوزَّارنْ أَطَّاسْ أَڒْ مَانِي ؤُڒَا ذ إِجّْ وَارْ إِزمَّارْ أَذْ يكّْ أَبْرِيذْ نِّي.
MAT 8:29 سْغُويّنْ، نَّانْ: ”مِينْ ذِينْ جَارْ أَنغْ ذ شكْ، أَ يَاسُوع، مِّيسْ ن أَربِّي؟ مَا ثُوسِيذْ-د ذَانِيثَا حِيمَا أَذْ أَنغْ ثْعدّْبذْ قْبڒْ ڒْوقْثْ؟“
MAT 8:30 ثُوغَا ذِينْ إِشْثْ ن ثْحِيمَارْثْ ن إِڒْفَانْ ثَامقّْرَانْثْ ثِيڭّْوجْ خَاسنْ، ثْهدَّا ذِينْ.
MAT 8:31 ؤُشَا شّْوَاطنْ تَّارنْ زَّايسْ، نَّانْ: ”مَاڒَا ثسُّوفّْغذْ أَنغْ، أجّْ أَنغْ أَذْ نَاذفْ غَارْ ثْحِيمَارْثْ ن يڒْفَانْ!“
MAT 8:32 إِنَّا أَسنْ: ”رُوحمْ!“ ڒخْذنِّي فّْغنْ-د، ؤُذْفنْ ذڭْ إِڒْفَانْ. ؤُشَا خْزَارْ، ثَاحِيمَارْثْ ن إِڒْفَانْ أَمنْ ثْمُونْ ثحْذُودَّارْ زِي ثيْسَارْثْ، ؤُشَا إِڒْفَانْ وْضَانْ ذِي ڒبْحَارْ، مُّوثنْ ذڭْ وَامَانْ.
MAT 8:33 أَروْڒنْ إِمكْسَاونْ ؤُشَا ڒَامِي إِوْضنْ غَارْ ثنْذِينْثْ، خبَّارنْ خْ كُوڒْشِي مِينْ إِمْسَارنْ، ؤُڒَا خْ إِمَارْيَاحنْ.
MAT 8:34 ؤُشَا خْزَارْ، فّْغنْ-د أَيْثْبَابْ ن ثنْذِينْثْ مَارَّا إِ ؤُمْسَاڭَارْ أَكْ-ذ يَاسُوع. ؤُمِي ث ژْرِينْ، تَّارنْ زَّايسْ مَاحنْذْ أَذْ إِفّغْ زِي ثمُّورْثْ نْسنْ.
MAT 9:1 [أَوَارْنِي ڒَامِي] إِنْيَا ذڭْ ؤُغَارَّابُو، إِژْوَا ڒبْحَارْ، يِيوضْ غَارْ ثنْذِينْثْ نّسْ.
MAT 9:2 ؤُشَا إِوْينْ أَسْ-د إِجّْ ن ؤُنعْضَابْ إِ ثُوغَا إِزّْڒنْ ذِي ثَاسُّوثْ. [ڒَْامِي] إِژْرَا يَاسُوع لْ-إِيمَانْ نْسنْ، إِنَّا إِ ؤُنعْضَابْ: ”أڭّْ ؤُڒْ، [أَ] مِّي، دّْنُوبْ نّشْ تّْوَاغْفَارنْ!“
MAT 9:3 ؤُشَا خْزَارْ، شَا ن إِمْسڒْمَاذنْ ن إِذْلِيسنْ نَّانْ ذڭْ يِيخفْ نْسنْ: ”وَانِيثَا إِتّْشقَّافْ [ذِي أَربِّي].“
MAT 9:4 يَاسُوع، ؤُمِي إِسّنْ مِينْ ذِي ثُوغَا تّْفكَّارنْ، إِنَّا أَسنْ: ”مَايمِّي ثتّْخمَّاممْ ذِي مِينْ وَارْ إِحْڒِينْ ذڭْ وُوڒَاونْ نْومْ؟
MAT 9:5 مَاغَارْ مِينْ إِهوْننْ أَذْ إِنِيغْ إِ وَانِيثَا: ’دّْنُوبْ نّشْ تّْوَاغْفَارنْ!‘، نِيغْ أَذْ إِنِيغْ: ’كَّارْ، ؤُيُورْ‘؟
MAT 9:6 مَاشَا حِيمَا أَذْ ثسّْنمْ بلِّي مِّيسْ ن بْنَاذمْ غَارسْ صُّولْطَا ذِي ثمُّورْثْ حِيمَا أَذْ إِغْفَارْ دّْنُوبْ، أَذْ إِنِيغْ إِ ؤُنعْضَابْ-أَ: ”كَّارْ، كْسِي ثَاسُّوثْ نّشْ، ثَاركّْوحذْ غَارْ ثَادَّارْثْ نّشْ!“
MAT 9:7 خنِّي إِكَّارْ، إِرُوحْ غَارْ ثَادَّارْثْ نّسْ.
MAT 9:8 ڒَامِي إِژْرَا ڒْغَاشِي مَانْ أَيَا، ثْبهْثنْ، سّْعُودْجنْ أَربِّي ونِّي إِوْشِينْ صُّولْطَا أَمْ ثَانِيثَا إِ إِوْذَانْ.
MAT 9:9 ڒَامِي سّنِّي إِكَّا يَاسُوع، إِژْرَا أَرْيَازْ ونِّي ؤُمِي قَّارنْ مَاتَّا، إِقِّيمْ غَارْ ثَادَّارْثْ ن ضَّارِيبَا. إِنَّا أَسْ: ”ضْفَارْ أَيِي-د!“ ؤُشَا إِكَّارْ، إِضْفَارْ إِ-ث.
MAT 9:10 ڒَامِي قِّيمنْ نِيثْنِي [غَارْ طَّابْڒَا] ذِي ثَادَّارْثْ، ؤُسِينْ-د وَاطَّاسْ ن أَيْثْ ن ضَّارِيبَا ذ إِمذْنَابْ، قِّيمنْ [غَارْ طَّابْڒَا] أَكْ-ذ يَاسُوع ذ إِمحْضَارنْ نّسْ.
MAT 9:11 [ڒَْامِي] ژْرِينْ إِفَارِيسِييّنْ مَانْ أَيَا، نَّانْ إِ إِمحْضَارنْ نّسْ: ”مَايمِّي إِتّتّْ ؤُمْسڒْمَاذْ نْومْ أَكْ-ذ أَيْثْ ن ضَّارِيبَا ذ إِمذْنَابْ؟“
MAT 9:12 ؤُمِي إِسْڒَا يَاسُوع [مَانْ أَيَا]، إِنَّا أَسنْ: ”إِنِّي إِصحّنْ، وَارْ حْذِيجنْ شَا أَضْبِيبْ، مَاشَا إِمهْڒَاشْ.
MAT 9:13 رُوحمْ، أَذْ ثْڒمْذمْ مِينْ إِخْسْ أَذْ يِينِي [وَاوَاڒْ-أَ]: ’خْسغْ أَرّحْمثْ، وَارْ خْسغْ شَا ثَاغَارْصْثْ!‘، مِينْزِي نشّْ وَارْ د-ؤُسِيغْ، حِيمَا أَذْ ڒَاغِيغْ خْ إِمْسڭَّاذنْ، مَاشَا خْ إِمذْنَابْ.“
MAT 9:14 خنِّي ؤُسِينْ-د غَارسْ إِمحْضَارنْ ن يُوحَانَّا، نَّانْ أَسْ: ”مَايمِّي نتّْژُومَّا نشِّينْ ذ إِفَارِيسِييّنْ أَطَّاسْ، مَاشَا إِمحْضَارنْ نّشْ وَارْ تّْژُومِّينْ شَا؟“
MAT 9:15 يَاسُوع إِنَّا أَسنْ: ”مَا إِزمَّارْ أَذْ شضْننْ ڒحْبَابْ ن ؤُمُوڒَايْ ؤُمِي أَمُوڒَايْ عَاذْ أَكِيذْسنْ؟ أَذْ د-أَسنْ وُوسَّانْ أَذْ خَاسنْ إِمّكْسِي ؤُمُوڒَايْ، خنِّي أَذْ ژُومّنْ.
MAT 9:16 ؤُڒَا ذ إِجّْ وَارْ إِتّڭّْ ثَانقِّيتْشْ ن ثْشُوقّثْ ن جْذِيذْ خْ وَارُّوضْ أَقْذِيمْ، حِيمَا وَارْ ثْقدْجِيعْ ثْنقِّيتْشْ زڭْ وَارُّوضْ ؤُشَا أَذْ إِقَّارْصْ [وَارُّوضْ] كْثَارْ.
MAT 9:17 ؤُڒَا ذ بِينُو ن جْذِيذْ وَارْ إِتّْوَاڭّْ شَا ذِي ثْخُونْشَايْ ثِيبُوڒَايْ، حِيمَا وَارْ دُّوقُّوزنْثْ ثْخُونْشَايْ، أَذْ إِزدْجعْ بِينُو ؤُشَا ثِيخُونْشَايْ أَذْ ضيّْعنْثْ. إِتّْخصَّا أَذْ تّڭّنْ بِينُو ن جْذِيذْ ذِي ثْخُونْشَايْ ن جْذِيذْ، حِيمَا أَذْ تّْوَاخمّْڒنْ نِيثْنِي س ثْنَاينْ.“
MAT 9:18 أَمْ ثُوغَا إِسَّاوَاڒْ أَكِيذْسنْ خْ ثْمسْڒَايِينْ-أَ، يُوسَا-د إِجّْ ن ؤُمقّْرَانْ، إِسْجذْ أَسْ، إِنَّا: ”ڒخُّو يدْجِي بْحْڒَا ثمُّوثْ، مَاشَا أَسْ-د، سَارْسْ خَاسْ أَفُوسْ نّشْ ؤُشَا أَذْ ثدَّارْ عَاوذْ.“
MAT 9:19 يَاسُوع إِكَّارْ، إِضْفَارْ إِ-ث أَكْ-ذ إِمحْضَارنْ نّسْ.
MAT 9:20 ؤُشَا خْزَارْ، إِشْثْ ن ثمْغَارْثْ، ثُوغَا تَّازّْڒنْ زَّايسْ إِذَامّنْ ڒْمِيجَاڒْ ن ثنْعَاشْ ن إِسڭّْوُوسَا، ثكَّا أَسْ-د غَارْ ضفَّارْ ؤُشَا ثْحَاذَا أَبحْڒُوڒْ ن ؤُجدْجَابْ نّسْ،
MAT 9:21 مِينْزِي نتَّاثْ ثُوغَا ثنَّا ذڭْ إِخفْ نّسْ: ”إِشْفَا مْغِيرْ أَذْ حَاذِيغْ أَجدْجَابْ نّسْ، أَذْ ڭّنْفِيغْ!“
MAT 9:22 مَاشَا إِنّقْڒبْ-د يَاسُوع، إِژْرَا إِ-ت، إِنَّا: ”أڭّْ ؤُڒْ، أَ يدْجِي، أَقَا لْ-إِيمَانْ نّمْ إِ شمْ إِسّْنجْمنْ!“ ؤُشَا ثتّْوَاسّْڭّنْفَا ثمْغَارْثْ نِّي ذِي ثْسَاعّثْ نِّي.
MAT 9:23 [خنِّي] يُوسَا-د يَاسُوع غَارْ ثَادَّارْثْ ن ؤُمقّْرَانْ، إِژْرَا إِغيَّاضنْ ذ ڒْغَاشِي سْغُويُّونْ.
MAT 9:24 إِنَّا أَسنْ: ”فّْغمْ سَّا! ثَاحنْجِيرْثْ وَارْ ثمُّوثْ شَا، أَقَا ثطّصْ!“ نِيثْنِي ضحْشنْ ذَايسْ.
MAT 9:25 أَڒَامِي إِسُّوفّغْ ڒْغَاشِي، يُوذفْ غَارْ ذَاخڒْ ؤُشَا إِطّفْ إِ-ت زڭْ ؤُفُوسْ نّسْ، خنِّي ثكَّارْ ثْحنْجِيرْثْ.
MAT 9:26 ؤُشَا إِفّغْ ڒخْبَارْ غَارْ ثمُّورْثْ نِّي مَارَّا.
MAT 9:27 ڒَامِي سّنِّي إِكَّا يَاسُوع، ضْفَارنْ ث ثْنَاينْ ن إِذَارْغَاڒنْ، تّْڒَاغَانْ، قَّارنْ: ”أَرْحمْ أَنغْ، أَ مِّيسْ ن ذَاوُوذْ!“
MAT 9:28 أَڒَامِي يُوذفْ غَارْ ثَادَّارْثْ، ؤُسِينْ-د غَارسْ إِذَارْغَاڒنْ نِّي. يَاسُوع إِنَّا أَسنْ: ”مَا ثُومْنمْ بلِّي زمَّارغْ أَذْ ڭّغْ مَانْ أَيَا؟“ نَّانْ أَسْ: ”وَاهْ، [أَ] سِيذِيثْنغْ!“
MAT 9:29 ڒخْذنِّي إِحَاذَا ثِيطَّاوِينْ نْسنْ، إِنَّا: ”أَذْ غَارْومْ يِيڒِي عْلَاحْسَابْ لْ-إِيمَانْ نْومْ!“
MAT 9:30 ڒخْذنِّي تّْوَارزْمنْثْ ثِيطَّاوِينْ نْسنْ. [خنِّي] إِحَارّمْ إِ-ثنْ يَاسُوع، إِنَّا: ”غَارْومْ، وَارْ سَّارْڭَابمْ حذْ!“
MAT 9:31 مَاشَا نِيثْنِي، أَڒَامِي رُوحنْ، سُّوفّْغنْ خَاسْ ڒخْبَارْ ذِي مَارَّا ثَامُّورْثْ!
MAT 9:32 ڒَامِي د-فّْغنْ نِيثْنِي، إِوْينْ أَسْ-د إِجّْ ن ورْيَازْ أَيْنَاوْ، ذَايسْ إِجّْ ن شِّيطَانْ.
MAT 9:33 ڒَامِي [زَّايسْ] إِفّغْ شِّيطَانْ نِّي، إِسِّيوڒْ ويْنَاوْ. ثُوغَا إِتّبْهثْ ڒْغَاشِي، نَّانْ: ”عمَّارْصْ وَارْ نژْرِي أَمْ وَانِيثَا ذِي إِسْرَائِيل!“
MAT 9:34 مَاشَا إِفَارِيسِييّنْ نَّانْ: ”س ؤُمقّْرَانْ ن شّْوَاطنْ إِسُّوفُّوغْ شّْوَاطنْ!“
MAT 9:35 يشُّو ثُوغَا إِتّنّضْ خْ مَارَّا ثِيندَّامْ ذ ذْشُورَاثْ، إِسّڒْمَاذْ إِ-ثنْ ذِي ثمْزِيذَاوِينْ نْسنْ. ثُوغَا إِتّْبَارّحْ س ڒخْبَارْ أَصبْحَانْ ن ثْڭلْذِيثْ ؤُشَا إِسّْڭنْفَا مَارَّا ڒهْڒَاشَاثْ ذ ڒعْيُوبْ ن ڒْڭنْسْ.
MAT 9:36 ڒَامِي إِژْرَا يَاسُوع ڒْغَاشِي، إِحِينّْ خَاسنْ، مِينْزِي ؤُحْڒنْ نّْهوْڒنْ أَمْ وُودْجِي إِ وَارْ غَارْ إِدْجِي ؤُمكْسَاوْ.
MAT 9:37 خنِّي إِنَّا إِ إِمحْضَارنْ نّسْ: ”ثَاميْرَا ثمْغَارْ أَطَّاسْ، مَاشَا أَقَا ذِينْ ذْرُوسْ ن إِشوَّاڒنْ.
MAT 9:38 س ؤُينِّي تَّارمْ إِ بَابْ ن ثْميْرَا، أَذْ د-إِسّكّْ إِشوَّاڒنْ إِ ثْميْرَا نّسْ.“
MAT 10:1 إِڒَاغَا يَاسُوع خْ ثنْعَاشْ ن إِمحْضَارنْ نّسْ، إِوْشَا أَسنْ صُّولْطَا حِيمَا أَذْ سُّوفّْغنْ ڒَارْيَاحْ إِمنْڭَاسْ ؤُ حِيمَا أَذْ سّْڭنْفَانْ مَارَّا ڒعْيُوبَاثْ ذ ڒهْڒَاشَاثْ.
MAT 10:2 إِسْمَاونْ ن ثنْعَاشْ ن رُّوسُولْ ذ يِينَا: أَمزْوَارُو نْسنْ شِيمْعُونْ ؤُمِي قَّارنْ بُوطْرُوسْ، [إِسمْ وَانِيثَا إِخْسْ أَذْ يِينِي ’أَژْرُو‘،] ذ ؤُمَاسْ أَنْذْرَاوُوسْ، ذ يَاعْقُوبْ، مِّيسْ ن زَابْذِي، ذ ؤُمَاسْ يُوحَانَّا،
MAT 10:3 ذ فِيلِيبُّوسْ ذ بَارْ-ثُولُومَاوُوسْ، ثُومَا ذ مَاتَّا، ونِّي ذ بُو-ضَّارِيبَا، ذ يَاعْقُوبْ، مِّيسْ ن حَالْفَا، ذ لَابَّاوُوسْ، ؤُمِي قَّارنْ ثَادَّايْ،
MAT 10:4 ذ شِيمْعُونْ، ونِّي ذ أَمْعسَّابْ، ذ يَاهُوذَا إِسْخَارِييُوطِي ونِّي ث إِسلّْمنْ.
MAT 10:5 يَاسُوع إِسّكّْ ثنْعَاشْ-أَ، يُومُورْ إِ-ثنْ، إِنَّا: ”وَارْ تّْرُوحمْ شَا خْ وبْرِيذْ ن لْكُوفَّارْ، وَارْ تَّاذْفمْ شَا غَارْ ثنْذِينْثْ ن إِسَامَارِييّنْ،
MAT 10:6 مَاشَا حْسنْ أَذْ ثْرَاحمْ غَارْ وُودْجِي إِودَّارنْ ن ثَادَّارْثْ ن إِسْرَائِيل.
MAT 10:7 خْمِي غَا ثْرَاحمْ، بَارّْحمْ أَمْ ثقَّارمْ: ’ثَاڭلْذِيثْ ن إِجنْوَانْ أَقَا ثِيوضْ-د!‘
MAT 10:8 سْڭنْفَامْ إِمهْڒَاشْ، سِيزْذْڭمْ إِنِّي ذِي إِدْجَا ڒْبَارْصْ، سُوفّْغمْ شّْوَاطنْ. كنِّيوْ ثكْسِيمْ بْڒَا شَا، خنِّي وْشمْ ت بْڒَا شَا.
MAT 10:9 وَارْ كسِّيمْ شَا وُورغْ ؤُڒَا ذ نُّوقَارْثْ ؤُڒَا ذ نّْحَاسْ ذڭْ إِبُويَاسْ نْومْ،
MAT 10:10 وَارْ كسِّيمْ شَا تّسْطِيمْ إِ وبْرِيذْ ڒَا ذ ثْنَاينْ ن ثْشَامِيرَاثْ ڒَا ذ سَانْذَالِييَاثْ ؤُڒَا ذ ثَاغَّارْشْثْ [نّغْنِي]، مِينْزِي أَخدَّامْ إِسْذَاهدْجْ مَاشَّا نّسْ.
MAT 10:11 مَانْ ثَانْذِينْثْ نِيغْ ذْشَارْ إِ غَا ثَاذْفمْ، أَرْزُومْ وِي ذَايسْ إِسْذَاهدْجْ، ؤُشَا قِّيممْ ذِينْ أَڒْ ذ ثْرَاحمْ.
MAT 10:12 مَاڒَا ثُوذْفمْ غَارْ ثَادَّارْثْ، سدْجْممْ خْ أَيْثْبَابْ ن ثَادَّارْثْ س ڒهْنَا.
MAT 10:13 مَاڒَا ثَادَّارْثْ ثسْذَاهدْجْ، جّمْ خَاسْ ڒهْنَا نْومْ، مَاڒَا وَارْ ث ثسْذِيهدْجْ، خنِّي ڒهْنَا نْومْ أَذْ غَارْومْ د-إِعْقبْ.
MAT 10:14 مَاڒَا ثُوفِيمْ شَا ن يِيجّنْ وَارْ كنِّيوْ إِقبّڒْ ؤُ وَارْ إِتّسْڒِي إِ وَاوَاڒنْ نْومْ، فّْغمْ زِي ثَادَّارْثْ نِّي نِيغْ زِي ذْشَارْ نِّي، زّرْزمْ ثَاعجَّاجْثْ زڭْ إِضَارنْ نْومْ.
MAT 10:15 س ثِيذتّْ، نشّْ أَذْ أَومْ إِنِيغْ: أَذْ يِيڒِي ڒْحَاڒْ إِ ثمُّورْثْ ن سَاذُومْ ذ عَامُورَّا إِهْونْ زِي ثنْذِينْثْ نِّي ذڭْ وَاسّْ ن لْحِيسَابْ.“
MAT 10:16 ”خْزَارمْ، ڒخُّو أَذْ كنِّيوْ سّكّغْ أَمْ ؤُدْجِي ذِي ڒْوسْطْ ن وُوشَّاننْ. إِڒِيمْ ثْفتّْنمْ أَمشْنَاوْ إِفِيغْرَانْ ؤُ غفّْڒمْ أَمشْنَاوْ إِذْبِيرنْ.
MAT 10:17 مَاشَا حْضَامْ إِخفْ نْومْ زڭْ إِوْذَانْ، مِينْزِي نِيثْنِي أَذْ كنِّيوْ سلّْمنْ إِ ثَادَّارْثْ ن شّْرعْ، أَذْ كنِّيوْ هتّْكنْ س ؤُركُّوضْ ذِي ثمْزِيذَاوِينْ نْسنْ.
MAT 10:18 أَذْ كنِّيوْ نذْهنْ زَّاثْ إِ ڒْحُوكَّامْ ذ زَّاثْ إِ إِجدْجِيذنْ ذِي سِّيبّثْ إِنُو، حِيمَا أَذْ ثِيڒِيمْ ذ شّْهَاذثْ إِ نِيثْنِي ؤُڒَا إِ ڒڭْنُوسْ.
MAT 10:19 مَاڒَا سلّْمنْ كنِّيوْ، وَارْ كسِّيمْ شَا س ومْنُوسْ مَامّشْ ذ مِينْ غَا ثسِّيوْڒمْ، مِينْزِي أَذْ أَومْ إِمّوْشْ ذِي ثْسَاعّثْ نِّي مِينْ إِتّْخصَّا أَذْ ثِينِيمْ.
MAT 10:20 مَاغَارْ وَارْ إِدْجِي ذ كنِّيوْ إِنِّي إِسَّاوَاڒنْ، مَاشَا ذ أَرُّوحْ ن بَابَاثْومْ ذ نتَّا إِ ذَايْومْ إِسَّاوَاڒنْ.
MAT 10:21 ؤُمَاسْ أَذْ إِسلّمْ ؤُمَاسْ حِيمَا أَذْ إِثْوَانغْ ؤُ بَابَاسْ مِّيسْ، ؤُشَا أَذْ كَّارنْ ثَارْوَا ذ أَغزْذِيسْ إِ لْوَالِيذِينْ نْسنْ، أَذْ ثنْ نْغنْ.
MAT 10:22 أَذْ كنِّيوْ شَارْهنْ مَارَّا إِذْسنْ خْ سِّيبّثْ ن يِيسمْ إِنُو، مَاشَا ونِّي إِ غَا إِصْبَارنْ أَڒْ أَنڭَّارُو أَذْ إِتّْوَاسّنْجمْ.
MAT 10:23 مَاڒَا ذَارّْشنْ خَاومْ ذِي ثنْذِينْثْ-أَ، أَروْڒمْ غَارْ ثنّغْنِيثْ. س ثِيذتّْ، نشّْ أَذْ أَومْ إِنِيغْ: كنِّيوْ وَارْ ثتّكّمْ شَا خْ مَارَّا ثِيندَّامْ ن إِسْرَائِيل أَڒْ د غَا يَاسْ مِّيسْ ن بْنَاذمْ.“
MAT 10:24 ”وَارْ إِدْجِي ؤُمحْضَارْ يُوعْڒَا خْ ؤُمْسڒْمَاذْ نّسْ، ؤُڒَا ذ أَمْسخَّارْ خْ بَابْ نّسْ.
MAT 10:25 إِكْفَا إِ ؤُمحْضَارْ أَذْ يِيڒِي أَمْ ؤُمْسڒْمَاذْ نّسْ ؤُ أَمْسخَّارْ أَمْ بَابْ نّسْ. مَاڒَا ڒَاغَانْ أَسْ إِ بَابْ ن ثَادَّارْثْ ’بعَالْزابُولْ‘، [إِخْسْ أَذْ يِينِي ’إِبْڒِيسْ‘]، مشْحَاڒْ [عَاذْ] إِ أَيْثْبَابْ ن ثَادَّارْثْ نّسْ!
MAT 10:26 وَارْ تّڭّْوذمْ شَا زَّايْسنْ. مِينْزِي وَارْ ذِينْ مِينْ إِذْڒِينْ أَذْ إِقِّيمْ وَارْ إِتّْوَاعَارِّي، ؤُڒَا [وَارْ ذِينْ] مِينْ إِنُوفَّارنْ أَذْ إِقِّيمْ وَارْ إِتّْوِيسّنْ.“
MAT 10:27 ”مِينْ ذ أَومْ قَّارغْ ذِي ثَادْجسْثْ، إِنِيمْ ث ذِي ثْفَاوْثْ، مِينْ ثسْڒِيمْ، [قَّارنْ ث] ذڭْ إِمزُّوغنْ نْومْ، بَارّْحمْ زَّايسْ خْ ثْزغْوِينْ.
MAT 10:28 وَارْ تّڭّْوذمْ شَا زڭْ إِنِّي إِنقّنْ أَرِّيمثْ، [مَاشَا] وَارْ زمَّارنْ أَذْ نْغنْ ڒعْمَارْ. ڭّْوذمْ ذ أَمزْوَارُو زڭْ ونِّي إِزمَّارنْ أَذْ إِسّْهلّكْ ڒعْمَارْ ذ أَرِّيمثْ ذِي جهنَّامَا.
MAT 10:29 مَا وَارْ تّْمنْزِينْ ثْنَاينْ ن ژَّاوشْ س يِيجّْ ن ؤُصُولْذِي ن نّْحَاسْ؟ ؤُڒَا ذ إِجّْ زَّايْسنْ وَارْ د-إِوطِّي شَا خْ ثمُّورْثْ بْڒَا بَابَاثْومْ،
MAT 10:30 مَاشَا ؤُڒَا ذ إِژُوطَّانْ [ن ؤُشُوَّافْ] ن ؤُزدْجِيفْ نْومْ تّْوَاحسّْبنْ مَارَّا.
MAT 10:31 س ؤُينِّي وَارْ تّڭّْوذمْ شَا، أَقَا كنِّيوْ ثعْذُومْ ژَّاوشْ أَطَّاسْ.
MAT 10:32 س ؤُيَا كُوڒْ إِجّنْ ونِّي زَّايِي إِ غَا إِشهْذنْ زَّاثْ إِ إِوْذَانْ، ؤُڒَا ذ نشّْ أَذْ زَّايسْ شهْذغْ زَّاثْ إِ بَابَا إِ إِدْجَانْ ذڭْ إِجنْوَانْ.
MAT 10:33 مَاشَا ونِّي ذ أَيِي غَا إِنْكَارنْ زَّاثْ إِ إِوْذَانْ، ؤُڒَا ذ نشّْ أَذْ ث نْكَارغْ زَّاثْ إِ بَابَا إِ إِدْجَانْ ذڭْ إِجنْوَانْ.“
MAT 10:34 ”وَارْ تّْغِيڒمْ شَا بلِّي ؤُسِيغْ-د حِيمَا أَذْ أَوْيغْ ڒهْنَا إِ دُّونشْثْ. نشّْ وَارْ د-ؤُسِيغْ شَا حِيمَا أَذْ أَوْيغْ ڒهْنَا، مَاشَا سِّيفْ.
MAT 10:35 ؤُسِيغْ-د حِيمَا أَذْ بْضِيغْ أَرْيَازْ خْ بَابَاسْ، ذ يدْجِيسْ خْ يمَّاسْ، ذ ثسْڒِيثْ خْ ڒَالَّاسْ.
MAT 10:36 أَيْثْبَابْ ن ثَادَّارْثْ ن بْنَاذمْ أَذْ إِڒِينْ ذ ڒْعذْيَانْ [نّسْ].
MAT 10:37 ونِّي إِتّخْسنْ بَابَاسْ نِيغْ ذ يمَّاسْ خَافِي، وَارْ ذ أَيِي إِسْذِيهدْجْ شَا، ؤُشَا ونِّي إِتّخْسنْ مِّيسْ نِيغْ ذ يدْجِيسْ خَافِي، وَارْ ذ أَيِي إِسْذِيهدْجْ شَا.
MAT 10:38 ونِّي وَارْ إِكسِّينْ صَّالِيبْ نّسْ ؤُشَا أَذْ أَيِي د-إِضْفَارْ، أَقَا نتَّا وَارْ ذ أَيِي إِسْذِيهدْجْ شَا.
MAT 10:39 ونِّي إِ غَا يَافنْ ثُوذَارْثْ نّسْ أَذْ ت إِخْسَارْ، ذ ونِّي إِ غَا إِخْسَارنْ ثُوذَارْثْ نّسْ ذِي طّْوعْ إِنُو أَذْ ت يَافْ.
MAT 10:40 ونِّي كنِّيوْ إِ غَا إِقبْڒنْ، إِقبّڒْ أَيِي، ؤُ ونِّي ذ أَيِي غَا إِقبْڒنْ، إِقبّڒْ ونِّي ذ أَيِي د-إِسّكّنْ.
MAT 10:41 ونِّي إِ غَا إِقبْڒنْ أَنَابِي مِينْزِي نتَّا ذ أَنَابِي، أَذْ إِطّفْ ڒْمُونثْ ن ؤُنَابِي، ذ ونِّي إِ غَا إِقبْڒنْ أَمْسڭَّاذْ س مِينْزِي نتَّا ذ أَمْسڭَّاذْ، أَذْ إِطّفْ ڒْمُونثْ ن ؤُمْسڭَّاذْ.
MAT 10:42 ونِّي إِ غَا إِوْشنْ إِ يِيجّنْ زڭْ إِنَا إِمژْيَاننْ إِجّْ ن ڒْكَاسْ ن وَامَانْ ذ أَسمَّاضْ، مْغِيرْ مِينْزِي نتَّا ذ أَمحْضَارْ [إِنُو]، س ثِيذتّْ، نشّْ أَذْ أَومْ إِنِيغْ، وَارْ ذ أَسْ ثتّْرِيحْ ڒْمُونثْ نّسْ [عمَّارْصْ].“
MAT 11:1 أَوَارْنِي ڒَامِي إِكمّڒْ يَاسُوع ڒُومُورْ نّسْ إِ ثنْعَاشْ ن إِمحْضَارنْ نّسْ، يُويُورْ سّنِّي حِيمَا أَذْ إِسّڒْمذْ ؤُ أَذْ إِبَارّحْ ذِي ثْندَّامْ نْسنْ.
MAT 11:2 ڒَامِي ثُوغَا يُوحَانَّا إِتّسْڒَا ذِي ڒحْبسْ خْ ڒخْذَايمْ ن لْمَاسِيحْ، إِسّكّْ شَا زڭْ إِمحْضَارنْ نّسْ.
MAT 11:3 إِنَّا أَسْ: ”مَا ذ شكْ ذ ونِّي د غَا يَاسنْ نِيغْ [إِتّْخصَّا] أَذْ نْرَاجَا إِجّنْ نّغْنِي؟“
MAT 11:4 يَارَّا-د يَاسُوع، إِنَّا أَسنْ: ”رُوحمْ، ثْعَاوْذمْ إِ يُوحَانَّا مِينْ ثسْڒَامْ ذ مِينْ ثژْرِيمْ!
MAT 11:5 أَقَا إِذَارْغَاڒنْ تّْوَاڒَانْ، إِنعْضَابنْ ڭُّورنْ ذ يِينِّي ذِي إِدْجَا ڒْبَارْصْ تّْوَاسِّيزْذِيڭنْ، إِذهْشَارْ ذوْڒنْ تّسْڒَانْ، إِمتِّيننْ تّْوَاسّْنكَّارنْ-د ؤُ ڒخْبَارْ أَصبْحَانْ إِتّْوَابَارَّاحْ إِ إِمزْڒَاضْ.
MAT 11:6 سّعْذْ ن ونِّي وَارْ ذَايِي إِتّنْذْرِيفنْ.“
MAT 11:7 ڒَامِي ؤُيُورنْ إِنَا، إِبْذَا يَاسُوع إِسَّاوَاڒْ أَكْ-ذ ڒْغَاشِي خْ يُوحَانَّا، إِنَّا: ”مِينْ غَارْ د-ثفّْغمْ غَارْ ڒخْڒَا مَاحنْذْ أَذْ ث ثْژَارمْ؟ مَا غَارْ إِجّْ ن ؤُغَانِيمْ إِسّنْهزَّا ث ؤُسمِّيضْ؟
MAT 11:8 مَاڒَا لَّا، مِينْ غَارْ د-ثفّْغمْ أَذْ ث ثْژَارمْ؟ مَا غَارْ إِجّْ ن بْنَاذمْ س وَارُّوضْ يَارْضبْ؟ خْزَارْ، إِنِّي يَارّْضنْ أَرُّوضْ إِغْڒَانْ يَارْضبْ، أَقَا أَثنْ ذِي ثُوذْرِينْ ن ؤُجدْجِيذْ.
MAT 11:9 مِينْ غَارْ د-ثفّْغمْ [خنِّي] مَاحنْذْ أَذْ ث ثْژَارمْ؟ إِجّْ ن ؤُنَابِي؟ وَاهْ، نشّْ أَذْ أَومْ إِنِيغْ، أَقَا ذ أَمقّْرَانْ [عَاذْ] خْ ؤُنَابِي.
MAT 11:10 مَاغَارْ أَقَا ذ وَا ذ ونِّي إِ خفْ إِتّْوَارِي [وَاوَاڒْ-أَ]: ’خْژَارْ، أَذْ د-سّكّغْ لْمَالَاكْ إِنُو زَّاثْ إِ وُوذمْ نّشْ، ونِّي إِ غَا إِسّْوجْذنْ أَبْرِيذْ نّشْ زَّاثكْ.‘
MAT 11:11 س ثِيذتّْ، نشّْ أَذْ أَومْ إِنِيغْ، جَارْ إِنِّي د-إِتّْوَاخڒْقنْ زِي ثمْغَارِينْ، وَارْ د-إِفِّيغْ ؤُڒَا ذ إِجّْ ذ أَمقّْرَانْ خْ يُوحَانَّا أَمْسغْضَاصْ. وَاخَّا أَمنِّي أَمژْيَانْ ذِي ثْڭلْذِيثْ ن إِجنْوَانْ ذ أَمقّْرَانْ خَاسْ.
MAT 11:12 زڭْ وُوسَّانْ ن يُوحَانَّا أَمْسغْضَاصْ أَڒْ إِضَا ثمَّارْسْ ثْڭلْذِيثْ ن إِجنْوَانْ إِ لْعُونْفْ، ؤُشَا أَيْثْ ن بُو-ڒخْشُونثْ [أَرزُّونْ] تّطّْفنْ ت.
MAT 11:13 مِينْزِي مَارَّا إِنَابِييّنْ ذ شَّارِيعَا ثُوغَا تّْنَابَّانْ أَڒْ د-يَاسْ يُوحَانَّا.
MAT 11:14 مَاڒَا ثخْسمْ، قبْڒمْ أَقَا وَانِيثَا ذ إِلِييَا ونِّي ثُوغَا إِڭَّا أَذْ د-يَاسْ.
MAT 11:15 ونِّي غَارْ إِدْجَا إِمزُّوغنْ إِ ؤُسدْجِي أَذْ إِسڒْ.“
MAT 11:16 ”وِي أَكْ-ذ إِ غَا سّمْقُودّغْ جِّيڒْ-أَ؟ أَقَا-ث أَمشْنَاوْ إِحنْجِيرنْ إِقِّيمنْ ذِي ڒسْوَاقْ تّْڒَاغَانْ خْ إِمدُّوكَّاڒْ نْسنْ،
MAT 11:17 قَّارنْ: ’أَقَا نْغنّجْ إِ كنِّيوْ، كنِّيوْ وَارْ ثشْضِيحمْ. أَقَا نوْثَا أَومْ أَڭجْذُورْ، وَارْ ثشْضِينمْ.‘
MAT 11:18 مَاغَارْ يُوسَا-د يُوحَانَّا، وَارْ إِتّتّْ، وَارْ إِسسّْ، ؤُشَا قَّارنْ نِيثْنِي: ’ذَايسْ إِجّْ ن شِّيطَانْ!‘
MAT 11:19 أَقَا مِّيسْ ن بْنَاذمْ يُوسَا-د، إِتّتّْ، إِسسّْ، ؤُشَا نِيثْنِي قَّارنْ: ’أَقَا ذِينْ بْنَاذمْ إِڒْهفْ خْ مَاشَّا ذ بِينُو، نتَّا ذ أَمدُّوكّڒْ ن أَيْثْ ن ضَّارِيبَا ذ إِمذْنَابْ!‘ [مَاشَا] ثِيغِيثْ ثتّْوَاسڭّذْ س ڒخْذَايمْ نّسْ.“
MAT 11:20 ڒخْذنِّي إِبْذَا إِتّْوبّخْ ثِيندَّامْ إِ ذِي إِڭَّا أَطَّاسْ ن ڒعْجَايبْ نّسْ، مِينْزِي نِيثنْثِي وَارْ ثُوبنْثْ شَا.
MAT 11:21 ”ؤُشْثْ خَامْ، أَ خُورَازِينْ، ؤُشْثْ خَامْ، أَ بَايْثْ-صَايْذَا! مْڒِي ثُوغَا تّْوَاڭّنْثْ ذِي صُورْ ذ صَايْذُونْ ڒعْجَايبْ إِجهْذنْ ثِينِّي إِتّْوَاڭّنْ ذَايْكنْثْ، إِڒِي أَقَا ثُوبنْثْ أَطَّاسْ زڭْ وَامِي س ثْخَانْشثْ ن وشْضَانْ ذ يِيغّضْ [خْ إِزدْجِيفنْ نْسنْثْ].
MAT 11:22 مَاشَا نشّْ أَذْ أَومْ إِنِيغْ: أَذْ يِيڒِي ڒْحَاڒْ [إِ ثنْذِينْثْ] ن صُورْ ذ صَايْذُونْ إِهْونْ زِي ڒْحَاڒْ نْومْ ذڭْ وَاسّْ ن لْحِيسَابْ.
MAT 11:23 إِ شمْ، أَ [ثَانْذِينْثْ ن] كَافَارْنَاحُومْ، ثنِّي إِتّْوَاسّْڭعّْذنْ أَڒْ أَجنَّا؟ غَارْ ڒَاخَارْثْ إِ غَارْ د غَا ثهْوِيذْ. مِينْزِي مَاڒَا تّْوَاڭّنْثْ ذِي سَاذُومْ ڒعْجَايبْ إِجهْذنْ إِ ذَايمْ إِتّْوَاڭّنْ، إِڒِي أَقَا ثقِّيمْ أَڒْ أَسّْ ن يِيضَا.
MAT 11:24 مَاشَا نشّْ أَذْ أَمْ إِنِيغْ، أَذْ يِيڒِي ڒْحَاڒْ إِ ثمُّورْثْ ن سَاذُومْ إِهْونْ زِي [ڒْحَاڒْ] نّمْ ذڭْ وَاسّْ ن لْحِيسَابْ.“
MAT 11:25 ذِي ڒْوقْثْ نِّي إِبْذَا يَاسُوع أَذْ يِينِي: ”حمْذغْ شكْ أَ بَابَا، سِيذِي ن ؤُجنَّا ذ ثمُّورْثْ، مِينْزِي ثسّْنُوفَّارذْ أَيَا خْ إِمِيغِيسنْ ذ إِمُوسْنَاونْ، [مَاشَا] ثسَّارڭْبذْ أَيَا إِ إِحنْجِيرنْ.
MAT 11:26 وَاهْ، [أَ] بَابَا، مِينْزِي ذ وَا ذ أَرْضَا إِ شكْ.
MAT 11:27 مَارَّا مِينْ إِدْجَانْ إِمّوْشْ أَيِي-د زِي بَابَا، ؤُشَا ؤُڒَا ذ إِجّْ وَارْ إِسِّينْ مِّيسْ مْغِيرْ بَابَاسْ، ؤُشَا ؤُڒَا ذ إِجّْ وَارْ إِسِّينْ بَابَاسْ مْغِيرْ مِّيسْ ؤُ وِي ؤُمِي إِخْسْ مِّيسْ أَذْ ث إِسَّارْڭبْ.“
MAT 11:28 ”أَسمْ-د غَارِي مَارَّا كنِّيوْ، إِنِّي يُوحْڒنْ ذ يِينِّي يَارْبُونْ دّْقڒْ، ؤُشَا نشّْ أَذْ أَومْ وْشغْ أَرَّاحثْ،
MAT 11:29 كْسِيمْ-د أَزَايْڒُو إِنُو خَاومْ، ڒمْذمْ زَّايِي، [مِينْزِي] نشّْ ذ أَمْهِينْ ذ أَمْوَاضعْ ن وُوڒْ ؤُشَا أَذْ ثَافمْ أَرَّاحثْ إِ ڒعْمُورْ نْومْ.
MAT 11:30 مِينْزِي أَزَايْڒُو ذ ڒحْمڒْ إِنُو فْسُوسنْ.“
MAT 12:1 ذِي ڒْوقْثْ نِّي إِشُوقْ يَاسُوع ذڭْ إِيَّارنْ ن زَّارِيعثْ ن إِمنْذِي ذِي سّبْثْ. ثُوغَا إِمحْضَارنْ نّسْ دْجُوژنْ ؤُشَا بْذَانْ ڒقّْضنْ ثِيذْرِينْ، شِّينْ [زَّايْسنْثْ].
MAT 12:2 [أَڒَامِي] ثنْ ژْرِينْ إِفَارِيسِييّنْ، نَّانْ أَسْ: ”خْزَارْ إِمحْضَارنْ نّشْ تّڭّنْ مِينْ وَارْ إِعدّْڒنْ ذِي سّبْثْ!“
MAT 12:3 يَارَّا-د خَاسنْ: ”مَا وَارْ ثغْڒِيمْ شَا مِينْ إِڭَّا ذَاوُوذْ ؤُمِي إِدْجُوژْ نتَّا ذ يِينِّي أَكِيذسْ؟
MAT 12:4 مَامّشْ يُوذفْ غَارْ ثَادَّارْثْ ن أَربِّي، إِشَّا أَغْرُومْ [ن وسْشَانْ] زِي ثْزوْضَا ن سِيذِي إِ وَارْ إِحدْجْڒنْ مَاشَّا نّسْ إِ نتَّا ؤُڒَا إِ يِينِّي أَكِيذسْ، مَاشَا مْغِيرْ إِ إِكهَّاننْ وَاهَا.
MAT 12:5 نِيغْ وَارْ ثغْرِيمْ شَا ذِي شَّارِيعَا بلِّي إِكهَّاننْ إِنِّي إِدْجَانْ ذِي زَّاوشْثْ ثَامقّْرَانْثْ ذِي سّبْثْ، خطَّانْ ذِي [ثوْصِييّثْ ن] سّبْثْ، وَاخَّا أَمنِّي وَارْ خَاسنْ إِبِينْ ڒْعِيبْ؟
MAT 12:6 نشّْ أَذْ أَومْ إِنِيغْ، ونِّي إِدْجَانْ ذ أَمقّْرَانْ خْ زَّاوشْثْ ثَامقّْرَانْثْ، أَقَا-ث ذَانِيثَا!
MAT 12:7 مَاشَا مَاڒَا ثُوغَا ثْفهْمنْ مِينْ إِخْسْ أَذْ يِينِي: ’نشّْ خْسغْ أَرّحْمثْ، وَارْ إِدْجِي ذ ثَاغَارْصْثْ!‘، خنِّي أَذْ ثِيڒِي وَارْ ثتّْحَاسَابمْ شَا خْ إِمزْذَاڭنْ،
MAT 12:8 مِينْزِي مِّيسْ ن بْنَاذمْ ذ بَابْ ن سّبْثْ.“
MAT 12:9 يَاسُوع يُويُورْ سّنِّي، يُوذفْ غَارْ ثمْزِيذَا نْسنْ.
MAT 12:10 ثُوغَا ذِينْ إِجّْ ن ورْيَازْ، أَفُوسْ نّسْ إِقُوشّحْ. سّقْسَانْ ث مَاحنْذْ زمَّارنْ أَذْ زَّايسْ شتّْشَانْ، نَّانْ: ”مَا إِعدّڒْ ؤُسْڭنْفِي ذِي سّبْثْ؟“
MAT 12:11 إِنَّا أَسنْ: ”مَانْ بْنَاذمْ إِ ذِينِّي جَارْ أَومْ ونِّي غَارْ إِدْجَا إِزْمَارْ إِ إِوْضَانْ ذِي ثسْرَافْثْ ذِي سّبْثْ، وَارْ ث إِتّطّفْ، حِيمَا أَذْ ث-إِ-د إِسُّوفّغْ؟
MAT 12:12 مشْحَاڒْ إِعْذُو بْنَاذمْ خْ إِزْمَارْ! س ؤُينِّي إِعدّڒْ أَذْ إِتّْوَاڭّْ مِينْ إِصبْحنْ ذِي سّبْثْ.“
MAT 12:13 ڒخْذنِّي إِنَّا أَسْ إِ بْنَاذمْ نِّي: ”سْوِيژّضْ أَفُوسْ نّشْ!“ إِسّْوِيژّضْ أَفُوسْ نّسْ ؤُشَا إِذْوڒْ إِڭّنْفَا أَمْ ونّغْنِي.
MAT 12:14 إِفَارِيسِييّنْ فّْغنْ-د غَارْ بَارَّا، مْشَاوَارنْ خَاسْ، مَامّشْ غَا ڭّنْ أَذْ ث نْغنْ.
MAT 12:15 مَاشَا يَاسُوع إِسّنْ [أَيَا] ؤُشَا يُويُورْ سّنِّي. إِضْفَارْ إِ-ث-إِ-د إِجّْ ن ڒْغَاشِي ذ أَمقّْرَانْ، إِسّْڭنْفَا إِ-ثنْ مَارَّا.
MAT 12:16 يُومُورْ إِ-ثنْ س جّهْذْ مَاحنْذْ وَارْ خَاسْ سُّوفُّوغنْ ڒخْبَارْ،
MAT 12:17 حِيمَا أَذْ إِتّْوَاكمّڒْ وَاوَاڒْ إِ إِنَّانْ ؤُنَابِي إِشَاعْيَا:
MAT 12:18 ”خْزَارْ، أَمْسخَّارْ إِنُو، ونِّي فَارّْزغْ، أَمْعِيزّْ إِنُو، ونِّي ذِي ؤُفِيغْ أَرْضَا إِنُو. أَذْ خَاسْ سَّارْسغْ أَرُّوحْ إِنُو ؤُ نتَّا أَذْ إِبَارّحْ س ڒْحُوكْمْ إِ ڒڭْنُوسْ.
MAT 12:19 وَارْ إِتّمْشُوبُّوشْ، وَارْ إِسْغُويُّو، ؤُڒَا ذ إِجّْ وَارْ إِتّسْڒِي ثْمِيجَّا نّسْ ذڭْ إِبْرِيذنْ.
MAT 12:20 أَغَانِيمْ يَارْژنْ وَارْ ث يَارژِّي، ؤُڒَا ذ ثَافْثِيتْشْ إِدُّوخُّوننْ، وَارْ ت إِسّْخسِّي أَڒْ د غَا إِسُّوفّغْ ڒحْكَامْ إِ غَا إِنذْهنْ إِ ؤُغلّبْ،
MAT 12:21 ؤُشَا أَذْ سِّيثْمنْ ڒڭْنُوسْ ذڭْ يِيسمْ نّسْ.“
MAT 12:22 ڒخْذنِّي إِوْينْ أَسْ-د إِجّْ ن ؤُمرْيَاحْ، ثُوغَا-ث ذ أَذَارْغَاڒْ ذ أَيْنَاوْ، ؤُشَا نتَّا إِسّْڭنْفَا إِ-ث، أَڒَامِي ونِّي ثُوغَا إِدْجَانْ ذ أَيْنَاوْ ذ أَذَارْغَاڒْ إِذْوڒْ إِسَّاوَاڒْ ؤُ إِتّْوَاڒَا.
MAT 12:23 إِثبْهثْ ڒْغَاشِي مَارَّا، نَّانْ: ”مَا وَانِيثَا [خنِّي] وَارْ إِدْجِي ذ مِّيسْ ن ذَاوُوذْ؟“
MAT 12:24 مَاشَا سْڒِينْ إِفَارِيسِييّنْ مَانْ أَيَا، نَّانْ: ”وَانِيثَا إِسُّوفُّوغْ شّْوَاطنْ مْغِيرْ س وبْرِيذْ ن بعَالْزابُوبْ، أَمقّْرَانْ ن شّْوَاطنْ.“
MAT 12:25 مَاشَا يَاسُوع إِسّنْ إِخَارِّيصنْ نْسنْ، إِنَّا أَسنْ: ”كُوڒْ ثَاڭلْذِيثْ إِتّمْسبْضَانْ خْ يِيخفْ نّسْ أَذْ ثتّْوَاهلّكْ، ؤُ كُوڒْ ثَادَّارْثْ نِيغْ ثَانْذِينْثْ إِتّمْسبْضَانْ خْ يِيخفْ نّسْ وَارْ ثتّْغِيمِي شَا.
MAT 12:26 مَاڒَا أَقَا-ث ذ شِّيطَانْ إِسُّوفُّوغْ شِّيطَانْ، أَقَا نتَّا إِتّمْسبْضَا خْ يِيخفْ نّسْ، [خنِّي] مَامّشْ غَا ثقِّيمْ ثْڭلْذِيثْ نّسْ؟
MAT 12:27 مَاڒَا نشّْ سُّوفُّوغغْ شّْوَاطنْ س وبْرِيذْ ن بعَالْزابُوبْ، س مِينْ زِي ثنْ إِ غَا سُّوفّْغنْ ثَارْوَا نْومْ؟ س ؤُينِّي نِيثْنِي أَذْ إِڒِينْ ذ ڒْقُوضَاثْ خَاومْ.
MAT 12:28 مَاشَا مَاڒَا نشّْ سُّوفُّوغغْ شّْوَاطنْ س أَرُّوحْ ن أَربِّي، أَقَا ثُوذسْ أَومْ-د ثْڭلْذِيثْ ن أَربِّي.
MAT 12:29 نِيغْ مَامّشْ إِزمَّارْ حذْ أَذْ يَاذفْ غَارْ ثَادَّارْثْ ن ونِّي إِجهْذنْ مَاحنْذْ أَذْ إِكشّضْ ڒقْشُوعْ نّسْ، مَاڒَا وَارْ إِشَارْفْ ونِّي إِجهْذنْ أَمزْوَارْ؟ خنِّي إِزمَّارْ أَذْ إِكشّضْ ثَادَّارْثْ نّسْ.
MAT 12:30 ونِّي وَارْ إِدْجِينْ أَكِيذِي، أَقَا-ث ضِيدّْ إِنُو، ونِّي وَارْ كِيذِي إِسّْمُونَانْ، أَقَا إِتّْزدْجَاعْ وَاهَا.
MAT 12:31 س ؤُينِّي أَذْ أَومْ إِنِيغْ: مَارَّا دّْنُوبْ ذ ؤُشقّفْ أَذْ إِتّْوَاغْفَارْ إِ إِوْذَانْ، مَاشَا أَشقّفْ ذِي أَرُّوحْ وَارْ إِتّْوَاغْفَارْ شَا إِ إِوْذَانْ.
MAT 12:32 ونِّي إِ غَا إِنِينْ أَوَاڒْ ذ أَعفَّانْ خْ مِّيسْ ن بْنَاذمْ أَذْ أَسْ إِتّْوَاغْفَارْ، مَاشَا ونِّي إِ غَا إِنِينْ أَوَاڒْ ذ أَعفَّانْ خْ أَرُّوحْ إِقدّْسنْ وَارْ ذ أَسْ إِتّْوَاغْفَارْ شَا، ؤُڒَا ذِي ڒْوقْثْ-أَ ؤُڒَا ذِي ڒْوقْثْ إِ د غَا يَاسنْ.
MAT 12:33 حسْبمْ ثَاشجَّارْثْ ذ ثَاصبْحَانْثْ ؤُڒَا ذ ڒْغِيدْجثْ نّسْ ذ ثَاصبْحَانْثْ، نِيغْ حسْبمْ ثَاشجَّارْثْ ثخْسَارْ ؤُڒَا ذ ڒْغِيدْجثْ نّسْ ثخْسَارْ، مِينْزِي ثَاشجَّارْثْ ثتّْوَاسّنْ زِي ڒْغِيدْجثْ [نّسْ].“
MAT 12:34 ”أَ ثَارْوَا ن إِفِيغْرَانْ، مَامّشْ غَا ثڭّمْ أَذْ ثسِّيوْڒمْ خْ مِينْ إِصبْحنْ، وَاخَّا كنِّيوْ ذ إِعفَّاننْ، مِينْزِي زڭْ ؤُعمَّارْ ن وُوڒْ أَذْ إِسِّيوڒْ ؤُقمُّومْ.
MAT 12:35 بْنَاذمْ أَصبْحَانْ إِسُّوفُّوغْ-د مِينْ إِصبْحنْ زِي ڒْكنْزْ أَصبْحَانْ [ن وُوڒْ نّسْ] ؤُشَا بْنَاذمْ أَعفَّانْ [إِسُّوفُّوغْ-د] زِي ڒْكنْزْ أَعفَّانْ نّسْ مِينْ إِعفّْننْ.
MAT 12:36 مَاشَا نشّْ أَذْ أَومْ إِنِيغْ، بلِّي كُوڒْ أَوَاڒْ إِخْوَانْ أَذْ زَّايسْ سِّيوْڒنْ إِوْذَانْ، أَذْ زَّايسْ تّْوَاحَاسْبنْ ذڭْ وَاسّْ ن لْحِيسَابْ.
MAT 12:37 مِينْزِي س وَاوَاڒنْ نّشْ أَذْ ثتّْوَاسڭّْذذْ ؤُشَا س وَاوَاڒنْ نّشْ أَذْ ثتّْوَاحَاسْبذْ.“
MAT 12:38 شَا ن إِمْسڒْمَاذنْ ن إِذْلِيسنْ ذ إِفَارِيسِييّنْ، أَرِّينْ-د خَاسْ: ”[أَ] أَمْسغَّارْ، نشِّينْ نخْسْ أَذْ نْژَارْ إِشْثْ ن ڒعْڒَامثْ زَّايكْ.“
MAT 12:39 مَاشَا نتَّا يَارَّا-د خَاسنْ: ”جِّيڒْ أَعفَّانْ إِزنَّانْ إِتّتَّارْ إِشْثْ ن ڒعْڒَامثْ، وَارْ ذ أَسْ إِتّْموْشِي ؤُڒَا ذ إِشْثْ ن ڒعْڒَامثْ [مْغِيرْ] ڒعْڒَامثْ ن يُونُوسْ.
MAT 12:40 مِينْزِي أَمْ مَامّشْ ثُوغَا يُونُوسْ ثْڒَاثَا ن وُوسَّانْ جَارْ دْجْيَاڒِي ذ وُوسَّانْ ذڭْ ؤُعذِّيسْ ن وسْڒمْ، أَمُّو إِ غَا يِيڒِي ؤُڒَا ذ مِّيسْ ن بْنَاذمْ ذڭْ وُوڒْ ن ثمُّورْثْ ثْڒَاثَا ن وُوسَّانْ جَارْ دْجْيَاڒِي ذ وُوسَّانْ.
MAT 12:41 إِرْيَازنْ ن نِينْوَا أَذْ د-كَّارنْ ذڭْ [وَاسّْ ن] لْحِيسَابْ أَكْ-ذ جِّيڒْ-أَ، أَذْ ث حَاسْبنْ، مِينْزِي نِيثْنِي ثُوبنْ س ثْبَارّحْثْ ن يُونُوسْ، ؤُشَا خْزَارمْ، أَقَا ذَا ونِّي إِدْجَانْ ذ أَمقّْرَانْ خْ يُونُوسْ!
MAT 12:42 ثَاجدْجِيذْثْ ن لْجَانُوبْ أَذْ ثكَّارْ ذڭْ [وَاسّْ ن] لْحِيسَابْ أَكْ-ذ جِّيڒْ-أَ، أَذْ خَاسْ ثحْكمْ مِينْزِي نتَّاثْ ثُوسَا-د زڭْ ؤُنڭَّارُو ن دُّونشْثْ، حِيمَا أَذْ ثْسڒْ إِ ثِيغِيثْ ن سُولِيمَانْ، ؤُشَا خْزَارمْ، أَقَا ذَا ونِّي إِدْجَانْ ذ أَمقّْرَانْ خْ سُولِيمَانْ!“
MAT 12:43 ”أَڒَامِي إِفّغْ ڒَارْيَاحْ أَمنْڭُوسْ زِي بْنَاذمْ، إِبْذَا إِتّْسَارَا ذڭْ إِمُوشَانْ وَارْ ذَايْسنْ بُو وَامَانْ، يَارزُّو أَرَّاحثْ، وَارْ ت إِتِّيفْ.
MAT 12:44 ڒخْذنِّي أَذْ يِينِي: ’أَذْ ذوْڒغْ غَارْ ثَادَّارْثْ إِنُو مَانِيسْ د-فّْغغْ!‘ ؤُشَا إِرُوحْ، يُوفَا إِ-ت ثخْوَا، ثْفَارْضْ، ثْستّفْ.
MAT 12:45 ڒخْذنِّي يُويُورْ ؤُشَا يِيوِي أَكِيذسْ سبْعَا ن ڒَارْيَاحْ نّغْنِي، ذ إِعفَّاننْ كْثَارْ زَّايسْ، أَذْ د-أَذْفنْ، أَذْ رَاحنْ أَذْ زذْغنْ ذَايسْ، ؤُشَا أَنڭَّارُو ن بْنَاذمْ نِّي أَذْ إِذْوڒْ مَاهُو خْ ؤُمزْوَارُو. أَمُّو إِ غَا يِيڒِي [عَاوذْ] أَكْ-ذ جِّيڒْ-أَ أَعفَّانْ.“
MAT 12:46 ڒَامِي ثُوغَا عَاذْ إِسَّاوَاڒْ أَكْ-ذ ڒْغَاشِي، خْزَارْ، يمَّاسْ ذ أَيْثْمَاسْ بدّنْ بَارَّا، أَرزُّونْ أَذْ كِيذسْ سِّيوْڒنْ.
MAT 12:47 إِنَّا أَسْ إِجّنْ: ”خْزَارْ، يمَّاشْ ذ أَيْثْمَاشْ بدّنْ ذِي بَارَّا، أَرزُّونْ أَذْ كِيذكْ سِّيوْڒنْ.“
MAT 12:48 [مَاشَا] نتَّا يَارَّا-د خْ ونِّي ثُوغَا ذ أَسْ ث إِنَّانْ، إِنَّا: ”مِينْ ثعْنَا يمَّا ذ مِينْ عْنَانْ أَيْثْمَا؟“
MAT 12:49 [خَاسْ ؤُشَا] إِسّْوِيژّضْ س ؤُفُوسْ نّسْ غَارْ إِمحْضَارنْ نّسْ، إِنَّا: ”خْزَارْ، يمَّا، خْزَارْ، أَيْثْمَا!
MAT 12:50 مِينْزِي مَانْ ونْ إِتّڭّنْ مِينْ إِخْسْ بَابَا إِ إِدْجَانْ ذڭْ إِجنْوَانْ، أَقَا نتَّا ذ ؤُمَا ذ ؤُتْشْمَا ذ يمَّا.“
MAT 13:1 ذڭْ وَاسّْ نِّي إِفّغْ يَاسُوع زِي ثَادَّارْثْ، إِرُوحْ إِقِّيمْ خْ ثْمَا ن ڒبْحَارْ.
MAT 13:2 إِمُونْ-د خَاسْ إِجّْ ن ؤُهِيمُورْ ن ڒْغَاشِي، أَڒَامِي ينْيَا ذِي ؤُغَارَّابُو، إِقِّيمْ ذَايسْ ؤُشَا ڒْغَاشِي مَارَّا بدّنْ خْ ثْمَا ن ڒبْحَارْ.
MAT 13:3 إِسِّيوڒْ أَكِيذْسنْ خْ وَاطَّاسْ ن ثْمسْڒَايِينْ س إِمذْيَا، إِنَّا: ”خْزَارْ، أَفدْجَاحْ إِفّغْ، حِيمَا أَذْ إِزَارْعْ.
MAT 13:4 أَمْ ثُوغَا إِزَارّعْ، ثوْضَا شَا ن زَّارِيعثْ خْ ثْمَا ن وبْرِيذْ، خشّنْ-د إِجْضَاضْ، نقْبنْ ت.
MAT 13:5 ثوْضَا شَا نّغْنِي خْ وژْرُو مَانِي ثُوغَا وَارْ إِدْجِي ؤُشَاڒْ أَطَّاسْ. ذغْيَا ثغْمِي-د س مِينْزِي ثَامُّورْثْ وَارْ ثُودْجِيغْ.
MAT 13:6 ؤُمِي د-ثنْقَارْ ثْفُوشْثْ، إِشْمضْ [ؤُغمُّويْ]، ؤُشَا إِسْڒَاوْ مِينْزِي وَارْ غَارسْ ثُوغِي بُو وژْوَارْ.
MAT 13:7 شَا نّغْنِي ثوْضَا خْ إِسنَّاننْ. مْغَارنْ إِسنَّاننْ، جِييّْفنْ ت.
MAT 13:8 شَا نّغْنِي ثوْضَا خْ ثمُّورْثْ ثَاصبْحَانْثْ، ثِيوِي-د ڒْغِيدْجثْ، شَا مْيَا، شَا نّغْنِي ستِّينْ، شَا نّغْنِي ثْڒَاثِينْ ن ثْسقَّارْ.
MAT 13:9 ونِّي غَارْ إِدْجَا إِمزُّوغنْ إِ ؤُسدْجِي، أجّْ إِ-ث أَذْ إِسڒْ.“
MAT 13:10 [خَاسْ ؤُشَا] ؤُسِينْ-د غَارسْ إِمحْضَارنْ نّسْ، نَّانْ أَسْ: ”مَايمِّي أَكِيذْسنْ ثسَّاوَاڒذْ س إِمذْيَا؟“
MAT 13:11 نتَّا يَارَّا-د، إِنَّا أَسنْ: ”مِينْزِي إِمّوْشْ أَومْ أَذْ ثسّْنمْ سِّيرّْ ن ثْڭلْذِيثْ ن إِجنْوَانْ، نِيثْنِي مَاشَا وَارْ ذ أَسنْ ث إِمّوْشْ شَا.
MAT 13:12 مِينْزِي ونِّي غَارْ إِدْجَا أَذْ أَسْ إِمّوْشْ ؤُشَا أَذْ غَارسْ يِيڒِي س وَاطَّاسْ، مَاشَا ونِّي وَارْ غَارْ إِدْجِي شَا أَذْ زَّايسْ إِتّْوَاكّسْ ؤُڒَا ذ مِينْ غَارسْ.
MAT 13:13 س ؤُينِّي سَّاوَاڒغْ أَكِيذْسنْ س إِمذْيَا، أَڒَامِي نِيثْنِي تّْوَاڒَانْ أَمْ وَارْ تّْوِيڒِينْ ؤُ تّسْڒَانْ أَمْ وَارْ تّسْڒِينْ، وَارْ فهّْمنْ.
MAT 13:14 ذَايْسنْ إِ غَا إِكمّڒْ وَاوَاڒْ إِ إِنبَّا إِشَاعْيَا، إِنَّا: ’س ؤُسدْجِي أَذْ ثسْڒمْ، [مَاشَا] وَارْ ثْفهّْمنْ، س ثْمُوغْڒِي أَذْ ثْژَارمْ، [مَاشَا] وَارْ ثْفتّْنمْ،
MAT 13:15 مَاغَارْ ؤُڒْ ن ڒْڭنْسْ-أَ أَقَا إِقْبُوبّزْ، إِمزُّوغنْ نْسنْ ضقْڒنْ ذڭْ ؤُسدْجِي ؤُ نِيثْنِي أَقَا قّْننْ ثِيطَّاوِينْ نْسنْ، [مَاحنْذْ] وَارْ تّْوِيڒِينْ س ثِيطَّاوِينْ نْسنْ، أَذْ سْڒنْ س إِمزُّوغنْ نْسنْ، أَذْ فهْمنْ س وُوڒْ نْسنْ، حِيمَا أَذْ ثُوبنْ ؤُشَا نشّْ أَذْ ثنْ سّْڭنْفِيغْ.‘
MAT 13:16 مَاشَا سّعْذْ ن ثِيطَّاوِينْ نْومْ ؤُمِي تّْوَاڒَانْثْ، سّعْذْ ن إِمزُّوغنْ نْومْ ؤُمِي تّسْڒَانْ!
MAT 13:17 س ثِيذتّْ نشّْ أَذْ أَومْ إِنِيغْ، أَطَّاسْ ن إِنَابِييّنْ ذ إِمْسڭَّاذنْ ثُوغَا خْسنْ أَذْ ژَترنْ مِينْ ثژْرِيمْ، [مَاشَا] وَارْ ث ژْرِينْ، خْسنْ أَذْ سْڒنْ مِينْ ثسْڒِيمْ، وَارْ ث سْڒِينْ.“
MAT 13:18 ”[خنِّي] كنِّيوْ، سْڒمْ إِ ؤُمذْيَا ن ونِّي إِزَارّْعنْ.
MAT 13:19 كُوڒْ إِجّنْ ونِّي إِتّسْڒَانْ إِ وَاوَاڒْ ن ثْڭلْذِيثْ ؤُشَا وَارْ ث إِفْهِيمْ، أَذْ غَارسْ د-يَاسْ ؤُمْعفَّانْ، أَذْ إِخْضفْ مِينْ إِتّْوَازَارْعنْ ذڭْ وُوڒْ نّسْ. أَقَا ذ مَانْ أَيَا مِينْ إِتّْوَازَارْعنْ خْ ثْمَا ن وبْرِيذْ.
MAT 13:20 مِينْ إِتّْوَازَارْعنْ خْ وژْرُو، أَقَا وَا ذ ونِّي إِ غَا إِسدْجنْ أَوَاڒْ، أَذْ ث إِقْبڒْ ذغْيَا س ڒفْرَاحثْ،
MAT 13:21 مَاشَا وَارْ ذ أَسْ إِوْثِي شَا وژْوَارْ ذڭْ إِخفْ نّسْ، أَذْ إِقِّيمْ ذْرُوسْ وَاهَا. خْمِي د غَا ثَاسْ ڒْمحْنثْ نِيغْ أَمَارّثْ ذِي طّْوعْ ن وَاوَاڒْ أَذْ إِنّذْرفْ ذغْيَا.
MAT 13:22 مِينْ إِتّْوَازَارْعنْ جَارْ إِسنَّاننْ أَقَا وَا ذ ونِّي إِتّسْڒَانْ أَوَاڒْ، [مَاشَا] أَمْنُوسْ ن ڒْوقْثْ-أَ ذ ؤُغكّْوِي ن وَاڭْڒَا أَذْ جِييّْفنْ أَوَاڒْ ؤُشَا نتَّا وَارْ د-إِتِّيوِي شَا ڒْغِيدْجثْ.
MAT 13:23 مِينْ إِتّْوَازَارْعنْ ذِي ثمُّورْثْ ثَاصبْحَانْثْ أَقَا وَا ذ ونِّي إِتّسْڒَانْ أَوَاڒْ ؤُشَا أَذْ ث إِفْهمْ، أَذْ يَارْبُو ؤُ أَذْ د-يَاوِي خنِّي ڒْغِيدْجثْ: إِجّنْ أَذْ يَاڒُو مْيَا ن ثْسقَّارْ، ونّغْنِي ستِّينْ ؤُشَا ونّغْنِي ثْڒَاثِينْ.“
MAT 13:24 إِوْشَا أَسنْ إِجّْ ن ؤُمذْيَا نّغْنِي، إِنَّا: ”ثَاڭلْذِيثْ ن إِجنْوَانْ أَمْ يِيجّْ ن بْنَاذمْ ثُوغَا إِزَارّعْ زَّارِيعثْ ثَاصبْحَانْثْ ذڭْ إِيَّارْ نّسْ.
MAT 13:25 أَڒَامِي ثُوغَا إِوْذَانْ طّْصنْ، يُوسَا-د ڒعْذُو نّسْ، إِزَارْعْ ڒْحَايَّارْ ذِي ڒْوسْطْ ن يِيرْذنْ ؤُشَا يُويُورْ.
MAT 13:26 أَڒَامِي د-إِمْغَارْ ؤُغمُّويْ ؤُشَا يِيوِي-د ڒْغِيدْجثْ، ڒخْذنِّي إِضْهَارْ-د ڒْحَايَّارْ عَاوذْ.
MAT 13:27 خنِّي ؤُسِينْ-د إِمْسخَّارنْ ن بَابْ ن ثَادَّارْثْ، نَّانْ أَسْ: ’أَ سِيذِيثْنغْ، مَا وَارْ ثْزَارْعذْ شَا زَّارِيعثْ ثَاصبْحَانْثْ ذڭْ إِيَّارْ نّشْ؟ مَانِيسْ إِ د-يُوسَا [خنِّي] ڒْحَايَّارْ-أَ إِ ذَايسْ إِدْجَانْ؟‘
MAT 13:28 إِنَّا أَسنْ: ’أَقَا ڒعْذُو إِڭَّا مَانْ أَيَا‘. نَّانْ أَسْ إِمْسخَّارنْ: ’مَا ثخْسذْ أَذْ نْرَاحْ، أَذْ ث نيْرُو؟‘
MAT 13:29 مَاشَا نتَّا إِنَّا: ’لَّ، حِيمَا خْمِي غَا ثْيَارّْومْ ڒْحَايَّارْ وَارْ كِيسْ ثْقدْجْعمْ ؤُڒَا ذ إِرْذنْ.
MAT 13:30 أجّْ إِ-ثنْ أَذْ مْغَارنْ س ثْنَاينْ أَڒْ ثَاميْرَا. ذِي ڒْوقْثْ ن ثْميْرَا أَذْ إِنِيغْ إِ يِينِّي إِمجَّارنْ: ’يَارْومْ أَمزْوَارْ ڒْحَايَّارْ، شدّمْ ث ذِي ثْقبِّيطِينْ حِيمَا أَذْ إِتّْوَاسّشْمضْ، مَاشَا إِرْذنْ، يَارْومْ ث ذِي ڒْمَارْسِي إِنُو.‘ “
MAT 13:31 إِوْشَا أَسنْ [عَاوذْ] إِجّْ ن ؤُمذْيَا نّغْنِي، إِنَّا: ”ثَاڭلْذِيثْ ن إِجنْوَانْ أَمْ يِيشْثْ ن ثْحبُّوشْثْ ن زَّارِيعثْ ن ؤُخرْذلْ، يِيوْيِي ت-إِ-د إِجّْ ن ورْيَازْ، إِزَارْعْ إِ-ت ذڭْ إِيَّارْ نّسْ.
MAT 13:32 وَاخَّا نتَّاثْ ذ ثَامژْيَانْثْ قَاعْ زِي مَارَّا زَّارِيعثْ نّغْنِي، خْمِي ثْمقَّارْ، ثدّكّْوَاڒْ ذ ثَامقّْرَانْثْ زِي [مَارَّا] ثِيبِّي ؤُشَا ثْذكّْوَاڒْ ذ ثَاشجَّارْثْ مَاحنْذْ أَذْ غَارسْ د-أَسنْ يِيجْضَاضْ ن ؤُجنَّا ؤُشَا أَذْ ڭّنْ ڒعْوَاشّْ نْسنْ خْ ڒفْرُوعْ نّسْ.“
MAT 13:33 إِوْشَا أَسنْ [عَاوذْ] إِجّْ ن ؤُمذْيَا نّغْنِي، إِنَّا: ”ثَاڭلْذِيثْ ن إِجنْوَانْ أَمْ ونْثُونْ، ثِيوْيِي ث-إِ-د إِشْثْ ن ثمْغَارْثْ ؤُشَا ثسّْنُوفَّارْ إِ-ث ذِي ثْڒَاثَا ن ڒمْذُوذْ ن وَارنْ، أَڒَامِي إِسّْممّْ [وَارشْثِي] قَاعْ.“
MAT 13:34 مَارَّا مَانْ أَيَا إِسِّيوڒْ زَّايسْ يَاسُوع إِ ڒْغَاشِي س إِمتِّيڒنْ ؤُشَا بْڒَا أَمذْيَا وَارْ كِيسنْ إِسِّيوڒْ شَا،
MAT 13:35 حِيمَا أَذْ إِتّْوَاكمّڒْ مِينْ خفْ إِسِّيوڒْ ؤُنَابِي إِ إِنَّانْ: ”أَذْ أَرزْمغْ أَقمُّومْ إِنُو س إِمذْيَا، أَذْ بَارّْحغْ س مِينْ إِنُّوفَارنْ زڭْ وَامِي إِتّْوَاڭّْ ذْسَاسْ ن دُّونشْثْ.“
MAT 13:36 ڒَامِي إِسْمحْ يَاسُوع ذِي ڒْغَاشِي أَذْ ؤُيُورنْ، إِرُوحْ غَارْ ثَادَّارْثْ. ؤُسِينْ-د غَارسْ إِمحْضَارنْ نّسْ، قَّارنْ: ”إِنِي أَنغْ مِينْ إِخْسْ أَذْ يِينِي ؤُمذْيَا ن ڒْحَايَّارْ ذ إِيَّارْ!“
MAT 13:37 يَارَّا-د، إِنَّا أَسنْ: ”ونِّي إِزَارّْعنْ زَّارِيعثْ ثَاصبْحَانْثْ نتَّا ذ مِّيسْ ن بْنَاذمْ.
MAT 13:38 إِيَّارْ ذ دُّونشْثْ ؤُشَا زَّارِيعثْ ثَاصبْحَانْثْ نتَّاثْ ذ ثَارْوَا ن ثْڭلْذِيثْ ؤُشَا ڒْحَايَّارْ نتَّا ذ ثَارْوَا ن ؤُمْعفَّانْ.
MAT 13:39 ڒعْذُو ونِّي ث إِزَارْعنْ، أَقَا نتَّا ذ شِّيطَانْ، ؤُشَا صَّابثْ، أَقَا نتَّاثْ ذ قطُّو ن دُّونشْثْ ؤُ إِنِّي إِمجَّارنْ، نِيثْنِي ذ لْمَالَاكَاثْ.
MAT 13:40 أَمْ مَامّشْ سّْمُوننْ ڒْحَايَّارْ ؤُشَا سّْشمْضنْ ث س ثْمسِّي، أَمُّو إِ غَا يِيڒِي غَارْ قطُّو ن دُّونشْثْ-أَ.
MAT 13:41 مِّيسْ ن بْنَاذمْ أَذْ د-إِسّكّْ لْمَالَاكَاثْ نّسْ، أَذْ سّْحيّْذنْثْ زِي ثْڭلْذِيثْ نّسْ قَاعْ ثِيعنْكْڒِيفِينْ ذ مَارَّا إِعفَّاننْ.
MAT 13:42 أَذْ ثنْ نْضَارنْ ذِي ڒْكُوشّثْ ن ثْمسِّي مَانِي غَا يِيڒِينْ إِمطَّاونْ ذ ؤُغزِّي ن ثغْمَاسْ.
MAT 13:43 خنِّي إِمْسڭَّاذنْ أَذْ أَرْغنْ أَمْ ثْفُوشْثْ ذِي ثْڭلْذِيثْ ن بَابَاثْسنْ. ونِّي غَارْ إِدْجَا إِمزُّوغنْ إِ ؤُسدْجِي أَذْ إِسڒْ.“
MAT 13:44 ”ثَاڭلْذِيثْ ن إِجنْوَانْ عَاوذْ أَمْ يِيجّْ ن ڒْكنْزْ إِتّْوَاسّْنُوفَّارنْ ذڭْ إِيَّارْ، يُوفَا إِ-ث [إِجّْ ن] ورْيَازْ، إِسّْنُوفَّارْ إِ-ث ؤُشَا ذِي ڒفْرَاحثْ نّسْ يُويُورْ، إِزّنْزْ قَاعْ مِينْ إِدْجَانْ غَارسْ ؤُشَا إِسْغَا إِيَّارْ نِّي.“
MAT 13:45 ”ثَاڭلْذِيثْ ن إِجنْوَانْ عَاوذْ أَمْ يِيجّْ ن ؤُسبَّابْ إِ يَارزُّونْ ثِييَاقُوثِينْ ثِيصبْحَانِينْ.
MAT 13:46 ڒَامِي يُوفَا إِشْثْ ن ثْيَاقُوثْ ثِيغْڒَا أَطَّاسْ، يُويُورْ، إِزّنْزْ مَارَّا مِينْ ثُوغَا غَارسْ، خنِّي إِسْغَا إِ-ت.“
MAT 13:47 ”ثَاڭلْذِيثْ ن إِجنْوَانْ عَاوذْ أَمْ ثْرَاشَّا مّنْضَارنْ ت ذِي ڒبْحَارْ، ثيْرُو عْڒَامْ كُوڒْ [أَسْڒمْ].
MAT 13:48 خْمِي ثشُّورْ، سُّوفّْغنْ ت-إِ-د إِبحْرِييّنْ غَارْ ثْمَا ن ڒبْحَارْ، قِّيمنْ ؤُشَا فَارْزنْ [زَّايسْ] مِينْ إِصبْحنْ ذِي ڒقْشُوعْ [نْسنْ]، مَاشَا مِينْ وَارْ إِحْڒِينْ نْضَارنْ ث.
MAT 13:49 أَمُّو إِ غَا ثِيڒِي ذِي قطُّو ن دُّونشْثْ. أَذْ د-فّْغنْثْ لْمَالَاكَاثْ، أَذْ فَارْننْثْ إِعفَّاننْ زِي ڒْوسْطْ ن إِمْسڭَّاذنْ.
MAT 13:50 أَذْ ثنْ نْضَارنْثْ ذِي ڒْكُوشّثْ ن ثْمسِّي مَانِي غَا يِيڒِينْ إِمطَّاونْ ذ ؤُغزِّي ن ثغْمَاسْ.“
MAT 13:51 إِنَّا أَسنْ يَاسُوع: ”مَا ثْفهْممْ إِ مَارَّا مَانْ أَيَا؟“ نَّانْ أَسْ: ”وَاهْ، أَ سِيذِيثْنغْ!“
MAT 13:52 [خنِّي] إِنَّا أَسنْ: ”س ؤُيَا كُوڒْ أَمْسڒْمَاذْ ن إِذْلِيسنْ ونِّي إِذْوڒْ ذ أَمحْضَارْ ن ثْڭلْذِيثْ ن إِجنْوَانْ، أَقَا إِڭَّا أَمْ يِيجّْ ن بَابْ ن ثَادَّارْثْ إِسُّوفُّوغْ زِي ڒْكنْزْ نّسْ مِينْ إِدْجَانْ ذ جْذِيذْ ؤُ مِينْ إِدْجَانْ ذ أَقْذِيمْ.“
MAT 13:53 أَوَارْنِي ڒَامِي إِكمّڒْ يَاسُوع إِمذْيَا-يَا، يُويُورْ سّنِّي.
MAT 13:54 ڒَامِي د-يُوسَا غَارْ ثمُّورْثْ نّسْ، إِكَّارْ إِسّڒْمَاذْ إِ-ثنْ ذِي ثمْزِيذَاوِينْ نْسنْ أَڒَامِي قِّيمنْ ثْبهْثنْ، نَّانْ: ”مَانِيسْ ذ أَسْ د-ثكَّا ثِيغِيثْ-أَ ذ ڒعْجَايبْ-أَ؟
MAT 13:55 مَا وَارْ إِدْجِي وَا ذ مِّيسْ ن ؤُنجَّارْ؟ مَا وَارْ قَّارنْ إِ يمَّاسْ مَارْيَامْ، ذ أَيْثْمَاسْ مَا وَارْ ذ أَسنْ قَّارنْ يَاعْقُوبْ ذ يَاسِي ذ شِيمْعُونْ ذ يَاهُوذَا؟
MAT 13:56 مَا وَارْ دْجِينْثْ سُويثْمَاسْ قَاعْ غَارْنغْ؟ مَانِيسْ ذ أَسْ د-إِكَّا مَانْ أَيَا مَارَّا؟“
MAT 13:57 ؤُشَا نْذرْفنْ زَّايسْ. مَاشَا يَاسُوع إِنَّا أَسنْ: ”أَنَابِيعمَّارْصْ وَارْ إِدْجِي بْڒَا شَّانْ، مْغِيرْ ذِي ثنْذِينْثْ نّسْ ؤُ ذِي ثَادَّارْثْ نّسْ.“
MAT 13:58 ؤُشَا وَارْ إِڭِّي ذِيهَا ڒعْجَايبْ أَطَّاسْ زِي سِّيبّثْ ن بْڒَا لْ-إِيمَانْ نْسنْ.
MAT 14:1 ذِي ڒْوقْثْ نِّي إِسْڒَا هِيرُوذُوسْ، ڒْحَاكمْ خْ إِجّْ ن أَرْبَاعْ ن ثمُّورْثْ، ڒخْبَارْ خْ يَاسُوع.
MAT 14:2 إِنَّا إِ يِيمْسخَّارنْ نّسْ: ”وَانِيثَا ذ يُوحَانَّا أَمْسغْضَاصْ. أَقَا إِتّْوَاسّْنكَّارْ-د زِي ثَادَّارْثْ ن إِمتِّيننْ، س ؤُينِّي تّْوَاڭّنْثْ زَّايسْ ڒعْجَايبْ نِّي.“
MAT 14:3 مِينْزِي هِيرُوذُوسْ ثُوغَا إِطّفْ يُوحَانَّا، إِشَارْفْ إِ-ث، إِڭَّا إِ-ث ذِي ڒحْبسْ زِي سِّيبّثْ ن هِيرُوذِييَّا، ثنِّي ذ ثَامْغَارْثْ ن فِيلِيبُّوسْ، ونِّي ذ ؤُمَاسْ [ن هِيرُوذُوسْ]،
MAT 14:4 مِينْزِي يُوحَانَّا ثُوغَا إِقَّارْ أَسْ: ”وَارْ غَاركْ بُو تّسْرِيحْ أَقَا ثِيوْيذْ ت ذ ثَامْغَارْثْ نّشْ.“
MAT 14:5 [س ؤُيَا] ثُوغَا إِخْسْ أَذْ ث إِنغْ، [مَاشَا] ثُوغَا إِڭّْوذْ زِي ڒْغَاشِي، مِينْزِي نِيثْنِي حسْبنْ ث ذ أَنَابِي.
MAT 14:6 مَاشَا ڒَامِي د-يِيوضْ وَاسّْ ن وخْڒَاقْ ن هِيرُوذُوسْ، ثشْضحْ يدْجِيسْ ن هِيرُوذِييَّا زَّاثْ إِ [إِنوْجِيونْ إِ ذِينِّي] إِقِّيمنْ، ؤُشَا ثعْجبْ أَسْ إِ هِيرُوذُوسْ.
MAT 14:7 س ؤُينِّي إِنَّا أَسْ س إِشْثْ ن ثْجَادْجِيثْ أَذْ أَسْ إِوْشْ مَارَّا مِينْ إِ غَا ثتَّارْ [زَّايسْ].
MAT 14:8 ؤُشَا نتَّاثْ، أَمْ ت ثُوغَا ثتّْوَاعَارّنْ زڭْ يمَّاسْ، ثنَّا: ”أوْشْ أَيِي ذَا خْ طّبْصِي أَزدْجِيفْ ن يُوحَانَّا أَمْسغْضَاصْ!“
MAT 14:9 إِشْضنْ ؤُجدْجِيذْ، مَاشَا ؤُمِي ثُوغَا إِجُّودْجْ ؤُ خْ سِّيبّثْ ن يِينِّي أَكِيذسْ إِقِّيمنْ، يُومُورْ أَذْ أَسْ إِمّوْشْ [ؤُزدْجِيفْ].
MAT 14:10 إِسّكّْ حذْ [غَارسْ]، حِيمَا أَذْ إِقسّْ أَزدْجِيفْ إِ يُوحَانَّا ذِي ڒحْبسْ.
MAT 14:11 إِوْينْ-د أَزدْجِيفْ نّسْ ذِي طّبْصِي، إِمّوْشْ أَسْ إِ ثْحنْجِيرْثْ ؤُشَا نتَّاثْ ثِيوْيِي-ث إِ يمَّاسْ.
MAT 14:12 ؤُسِينْ-د إِمحْضَارنْ نّسْ، كْسِينْ ڒْخشْبثْ، نضْڒنْ ت. ڒخْذنِّي رُوحنْ، خبَّارنْ يَاسُوع.
MAT 14:13 ڒَامِي إِسْڒَا يَاسُوع مَانْ أَيَا، إِفّغْ سّنِّي ذڭْ ؤُغَارَّابُو غَارْ إِجّْ ن ومْشَانْ إِخْڒَانْ، [ثُوغَا-ث ذِينْ] وحّْذسْ. إِسْڒَا ڒْغَاشِي خْ مَانْ أَيَا، ؤُشَا ضْفَارنْ ث خْ ثمُّورْثْ زِي ثْندَّامْ.
MAT 14:14 ؤُمِي د-إِفّغْ يَاسُوع زِي ثْغَارَّابُوثْ، إِژْرَا أَطَّاسْ ن ڒْغَاشِي ؤُشَا إِحِينّْ خَاسنْ، إِسّْڭنْفَا إِمهْڒَاشْ نْسنْ.
MAT 14:15 ڒَامِي د-ثِيوضْ ثْمذِّيثْ، ؤُسِينْ-د غَارسْ إِمحْضَارنْ نّسْ، نَّانْ: ”أَقَا أَمْشَانْ-أَ إِخْڒَا ؤُ ڒْوقْثْ ثعْذُو. زعْمَا سْقبّضْ ڒْغَاشِي، حِيمَا أَذْ ؤُيُورنْ غَارْ ڒذْشُورْ، أَذْ سْغنْ مِينْ غَا شّنْ إِ يِيخفْ نْسنْ.“
MAT 14:16 مَاشَا يَاسُوع إِنَّا أَسنْ: ”نْهْڒَا مَا رُوحنْ، وْشمْ أَسنْ كنِّيوْ مِينْ غَا شّنْ.“
MAT 14:17 نَّانْ أَسْ: ”وَارْ ذَا وَالُو مْغِيرْ خمْسَا ن ثشْنِيفِينْ ذ ثْنَاينْ ن إِسڒْمَانْ.“
MAT 14:18 إِنَّا: ”أَوْيمْ ثنْ-د ذَا غَارِي.“
MAT 14:19 خنِّي يُومُورْ ڒْغَاشِي أَذْ قِّيمنْ خْ أَرْبِيعْ. [خنِّي] إِطّفْ خمْسَا ن ثشْنِيفِينْ ذ ثْنَاينْ نِّي ن إِسڒْمَانْ، إِخْزَارْ غَارْ ؤُجنَّا، إِبَاركْ، يَارْژَا [إِ-ثنْثْ] ؤُشَا إِوْشَا ثِيشْنِيفِينْ نِّي إِ إِمحْضَارنْ ؤُ إِمحْضَارنْ وْشِينْ [ثنْثْ] إِ ڒْغَاشِي.
MAT 14:20 مَارَّا شِّينْ، جِّيوْننْ. ڒخْذنِّي كْسِينْ إِڒقّْوَازْ إِشطّنْ: ثُوغَا ذِينْ ثنْعَاشْ ن ثْسُودْجَاثِينْعمَّارنْثْ.
MAT 14:21 إِنِّي شِّينْ ثُوغَا أَثنْ ذِي خمْسَا أَڒفْ ن يرْيَازنْ، بْڒَا ثِيمْغَارِينْ ذ إِحنْجِيرنْ.
MAT 14:22 ذغْيَا إِزِييَّارْ يَاسُوع إِمحْضَارنْ نّسْ أَذْ نْينْ ذِي ثْغَارَّابُوثْ ؤُشَا أَذْ أَسْ إِزْوَارنْ غَارْ ؤُجمَّاضْ، أَمْ إِسّْقبّضْ نتَّا ڒْغَاشِي.
MAT 14:23 [أَوَارْنِي] ڒَامِي إِسّْقبّضْ ڒْغَاشِي، إِڭعّذْ غَارْ وذْرَارْ وحّْذسْ، حِيمَا أَذْ إِژَّادْجْ. ڒَامِي د-ثِيوضْ ثْمذِّيثْ، ثُوغَا إِقِّيمْ ذِينْ وحّْذسْ.
MAT 14:24 أَغَارَّابُو ثُوغَا ثِيڭّْوجْ خْ ثمُّورْثْ ’إِسْثَاذِييّنْ‘ أَطَّاسْ، ؤُشَا ثتّْوَاعَارْنْ زِي سَّا غَارْ ذِيهَا س ڒمْوَاجْ، مِينْزِي أَسمِّيضْ يُوسَا أَسنْ-د ذڭْ وُوذمْ.
MAT 14:25 مَاشَا ذڭْ حطُّو وِيسّْ أَربْعَا ن دْجِيڒثْ، يُوسَا-د غَارْسنْ يَاسُوع أَمْ إِڭُّورْ خْ وَامَانْ [ن ڒبْحَارْ].
MAT 14:26 ؤُمِي ث ژْرِينْ إِمحْضَارنْ إِڭُّورْ خْ وَامَانْ [ن ڒبْحَارْ]، نّْخڒْعنْ، نَّانْ: ”وَا ذ ڒوْحِييْ أَغدَّارْ!“، ؤُشَا سْغُوينْ زِي ثِيڭّْوُوذِي.
MAT 14:27 ذغْيَا إِسِّيوڒْ-د غَارْسنْ يَاسُوع، إِنَّا: ”ڭّمْ ؤُڒْ، أَقَا ذ نشّْ، وَارْ تّڭّْوذمْ شَا!“
MAT 14:28 بُوطْرُوسْ يَارَّا-د خَاسْ، إِنَّا: ”[أَ] سِيذِي، مَاڒَا ذ شكْ، وصَّا أَيِي أَذْ غَاركْ د-أَسغْ خْ وَامَانْ.“
MAT 14:29 إِنَّا أَسْ: ”أَسْ-د!“ ؤُشَا إِهْوَا-د بُوطْرُوسْ زڭْ ؤُغَارَّابُو، يُويُورْ خْ وَامَانْ، حِيمَا أَذْ د-يَاوضْ غَارْ يَاسُوع.
MAT 14:30 مَاشَا ؤُمِي إِژْرَا أَسمِّيضْ إِجْهذْ، ثڒْقفْ إِ-ث ثِيڭّْوُوذِي ؤُشَا، أَمْ إِبْذَا إِغَارّقْ، إِڒَاغَا، إِنَّا: ”[أَ] سِيذِي، سنْجمْ أَيِي!“
MAT 14:31 ذغْيَا إِسّْوِيژّضْ سِيذِيثْنغْ أَفُوسْ نّسْ، إِطّفْ ذَايسْ، إِنَّا أَسْ: ”[أَ شكْ] ونِّي ذِي إِدْجَا ذْرُوسْ ن لْ-إِيمَانْ، مَايمِّي ذَايكْ يُوذفْ شّكْ؟“
MAT 14:32 أَوَارْنِي ڒَامِي نْيِينْ ذڭْ ؤُغَارَّابُو، يَارْسَا ؤُسمِّيضْ.
MAT 14:33 إِنِّي إِدْجَانْ ذڭْ ؤُغَارَّابُو، ؤُسِينْ-د غَارسْ، سجْذنْ أَسْ، نَّانْ: ”س ثِيذتّْ، شكْ ذ مِّيسْ ن أَربِّي!“
MAT 14:34 أَوَارْنِي ڒَامِي ژْوَانْ [ڒبْحَارْ]، إِوْضنْ غَارْ ثمُّورْثْ ن جِينِّيسَارثْ.
MAT 14:35 [ڒَْامِي] ثعقْڒنْ يرْيَازنْ ن ثمُّورْثْ نِّي، سُّوفّْغنْ ڒخْبَارْ ذِي مَارَّا ذْشُورَاثْ إِ ذ أَسْ د-إِنّْضنْ، إِوْينْ-د غَارسْ مَارَّا إِنِّي ثُوغَا إِهڒْشنْ أَطَّاسْ،
MAT 14:36 تَّارنْ زَّايسْ أَذْ ثنْ يجّْ أَذْ حَاذَانْ مْغِيرْ أَبحْڒُوڒْ ن ؤُجدْجَابْ نّسْ، ؤُ [مَارَّا] إِنِّي ث إِحَاذَانْ، ذوْڒنْ ڭّنْفَانْ.
MAT 15:1 ڒخْذنِّي ؤُسِينْ-د إِمْسڒْمَاذنْ ن إِذْلِيسنْ ذ إِفَارِيسِييّنْ زِي ؤُرْشَالِيمْ غَارْ يَاسُوع، نَّانْ:
MAT 15:2 ”مَايمِّي تّْعدَّانْ إِمحْضَارنْ نّشْ خْ ثُوبَّارْثْ ن إِمْغَارنْ [نّغْ]. نِيثْنِي وَارْ سِّيرِيذنْ شَا إِفَاسّنْ نْسنْ قْبڒْ إِ غَا شّنْ أَغْرُومْ!“
MAT 15:3 يَارَّا-د يَاسُوع، إِنَّا أَسنْ: ”مَايمِّي كنِّيوْ عَاوذْ ثتّْعدَّامْ خْ ثوْصيّثْ ن أَربِّي زِي سِّيبّثْ ن ثُوبَّارْثْ نْومْ؟
MAT 15:4 مِينْزِي أَربِّي ثُوغَا إِنَّا: ’وقَّارْ بَابَاشْ ذ يمَّاشْ!‘ ؤُ: ’ونِّي إِ غَا إِخْزَانْ بَابَاسْ نِيغْ يمَّاسْ، إِتّْخصَّا أَسْ أَذْ إِمّثْ!‘
MAT 15:5 مَاشَا كنِّيوْ ثقَّارمْ: ’مَارَّا وِي غَا يِينِينْ إِ بَابَاسْ نِيغْ إِ يمَّاسْ: مَارَّا مِينْ ثْزمَّارمْ أَذْ زَّايِي ثْنفْعمْ، أَقَا ڭِّيغْ ث ذ ثَاوْهِيبْثْ [إِ أَربِّي]! أَمُّو نتَّا وَارْ إِحْذِيجْ [عَاذْ] أَذْ إِوقَّارْ بَابَاسْ نِيغْ يمَّاسْ [س مَارَّا مَانْ أَيَا]!‘
MAT 15:6 أَمُّو ثْبطّْڒمْ أَوَاڒْ ن أَربِّي ذِي طّْوعْ ن ثُوبَّارْثْ نْومْ.
MAT 15:7 [كنِّيوْ، أَ] إِمْنَافْقنْ! إِشَاعْيَا ثُوغَا إِتّْنَابَّا خَاومْ س صّحْ، إِنَّا:
MAT 15:8 ’ڒْْڭنْسْ-أَ إِتّْشنّعْ أَيِي س إِينْشِيشنْ نْسنْ، مَاشَا ؤُڒْ نْسنْ إِڭّْوجْ خَافِي.
MAT 15:9 أَقَا نِيثْنِي شنّْعنْ أَيِي بَاطڒْ، [مِينْزِي] نِيثْنِي سّڒْمَاذنْ ثِيغُورِيوِينْ نِّي إِدْجَانْ ذ ثِيوصَّا ن إِوْذَانْ.‘ “
MAT 15:10 ڒَامِي ذ إِڒَاغَا-د خْ ڒْغَاشِي غَارسْ، إِنَّا أَسنْ: ”سْڒمْ [مْلِيحْ]، فهْممْ!
MAT 15:11 وَارْ إِدْجِي مِينْ إِتَّاذْفنْ ذڭْ ؤُقمُّومْ إِسّخْمجْ بْنَاذمْ، مَاشَا مِينْ إِ د-إِتّفّْغنْ زڭْ ؤُقمُّومْ ذ مَانْ أَيَا إِ إِسّخْمَاجنْ بْنَاذمْ.“
MAT 15:12 ڒخْذنِّي ؤُسِينْ-د غَارسْ إِمحْضَارنْ نّسْ، نَّانْ أَسْ: ”مَا ثسّْنذْ بلِّي إِفَارِيسِييّنْ نْذرْفنْ ذِي مَانْ أَيَا، ڒَامِي ث سْڒِينْ؟“
MAT 15:13 مَاشَا نتَّا يَارَّا-د، إِنَّا أَسنْ: ”كُوڒْ أَغدُّو، وَارْ ث إِژُّو بَابَا، ونِّي إِدْجَانْ ذڭْ إِجنْوَانْ، أَذْ إِتّْوَاقْڒعْ.
MAT 15:14 أجّْ إِ-ثنْ! نِيثْنِي ذ إِذَارْغَاڒنْ ندّْهنْ إِذَارْغَاڒنْ. مَاڒَا أَذَارْغَاڒْ إِندّهْ أَذَارْغَاڒْ، أَذْ وْضَانْ س ثْنَاينْ إِذْسنْ ذڭْ وحْفُورْ.“
MAT 15:15 يَارَّا-د شِيمْعُونْ بُوطْرُوسْ، إِنَّا أَسْ: ”[أَ] سِيذِي، فسَّارْ أَنغْ أَمذْيَا-يَا!“
MAT 15:16 مَاشَا يَاسُوع إِنَّا أَسنْ: ”مَا كنِّيوْ عَاذْ بْڒَا ڒفْهَامثْ أَڒْ ڒخُّو؟
MAT 15:17 مَا وَارْ ثفْهِيممْ شَا بلِّي مَارَّا مِينْ غَا يَاذْفنْ ذڭْ ؤُقمُّومْ، أَذْ إِرَاحْ غَارْ ؤُعذِّيسْ ؤُشَا سّنِّي أَذْ إِتّْوَاسُّوفّغْ بَارَّا إِ ؤُسِيزْذڭْ؟
MAT 15:18 مَاشَا مِينْ إِ د-إِتّفّْغنْ زڭْ ؤُقمُّومْ إِتَّاسْ-د زڭْ وُوڒْ، أَقَا ذ مَانْ أَيَا إِ إِسّْخمَّاجنْ بْنَاذمْ.
MAT 15:19 مِينْزِي زڭْ وُوڒْ ن إِوْذَانْ إِ د-تّفّْغنْ إِخَارِّيصنْ إِعفَّاننْ، زِّينَا، أَنْغَايْ، فَارْقْ-شّْغڒْ، ثُوشفّْرَا، شّْهَاذَاثْ س ژُورْ ذ ؤُشقّفْ.
MAT 15:20 أَقَا ذ مَانْ أَيَا مِينْ إِسّْخمَّاجنْ بْنَاذمْ، مَاشَا مَاشَّا س إِفَاسّنْ وَارْ إِسِّيرْذنْ وَارْ ثسّْخمِّيجْ شَا بْنَاذمْ.“
MAT 15:21 ڒخْذنِّي إِفّغْ-د يَاسُوع سّنِّي، إِرُوحْ غَارْ جّْوَايهْ ن صُورْ ذ صَايْذُونْ.
MAT 15:22 ؤُ خْزَارْ، إِشْثْ ن ثمْغَارْثْ زڭْ أَيْثْ ن كنْعَانْ زِي جّْوَايهْ نِّي ثسْغُويْ، ثنَّا: ”[أَ] سِيذِي، [أَ] مِّيسْ ن ذَاوُوذْ، أَرْحمْ أَيِي! يدْجِي أَقَا ذَايسْ شِّيطَانْ إِسّْنخْڒَاعنْ.“
MAT 15:23 مَاشَا نتَّا وَارْ خَاسْ د-يَارِّي شَا، ؤُڒَا س يِيجّْ ن وَاوَاڒْ. ؤُسِينْ-د غَارسْ إِمحْضَارنْ نّسْ، تَّارنْ زَّايسْ، نَّانْ: ”أَژّڒْ خَاسْ، مِينْزِي نتَّاثْ ثضْفَارْ أَنغْ-د س إِغُويَّانْ.“
MAT 15:24 نتَّا يَارَّا-د، إِنَّا أَسنْ: ”نشّْ تّْوَاسّكّغْ-د غَارْ وُودْجِي إِودَّارنْ ن ثَادَّارْثْ ن إِسْرَائِيل وَاهَا.“
MAT 15:25 مَاشَا نتَّاثْ ثُوسَا-د، ثسْجذْ أَسْ، ثنَّا: ”أَ سِيذِي، عَاونْ أَيِي!“
MAT 15:26 مَاشَا نتَّا يَارَّا-د، إِنَّا: ”وَارْ إِعدّڒْ أَذْ إِمّكْسِي وغْرُومْ ن إِحنْجِيرنْ، مَاحنْذْ أَذْ إِمّنْضَارْ إِ يِيطَانْ.“
MAT 15:27 مَاشَا نتَّاثْ ثنَّا: ”وَاهْ، أَ سِيذِي، مَاغَارْ ؤُڒَا ذ إِطَانْ تّتّنْ إِڒقّْوَازْ إِ د-إِوطَّانْ زِي طَّابْڒَا ن سِيذِيثْسنْ ؤُشَا [تّْغِيمَانْ] دَّارنْ.“
MAT 15:28 ڒخْذنِّي إِنَّا أَسْ يَاسُوع: ”أَ ثَامْغَارْثْ، لْ-إِيمَانْ نّمْ إِمْغَارْ! أَذْ يِيڒِي أَمْ مَامّشْ ڒْخَاضَارْ نّمْ.“ ؤُشَا يدْجِيسْ ثڭّنْفَا ذِي ثْسَاعّثْ نِّي.
MAT 15:29 ؤُشَا يُويُورْ يَاسُوع سّنِّي، يِيوضْ-د غَارْ ثْمَا ن ڒبْحَارْ ن لْجَالِيلْ، إِڭعّذْ غَارْ وذْرَارْ، إِقِّيمْ ذِينِّي.
MAT 15:30 يُوسَا-د غَارسْ إِجّْ ن ؤُبَارُّو أَمقّْرَانْ ن ڒْغَاشِي، إِوْينْ-د أَكِيذْسنْ إِنعْضَابنْ ذ إِذَارْغَاڒنْ ذ إِڭْنَاونْ ذ إِقجْذَاحنْ ذ إِنّغْنِي أَطَّاسْ، سَّارْسنْ ثنْ غَارْ إِضَارنْ ن يَاسُوع ؤُشَا إِسّْڭنْفَا ثنْ،
MAT 15:31 أَڒَامِي إِثبْهثْ ڒْغَاشِي، أَقَا ژْرِينْ إِڭْنَاونْ سَّاوَاڒنْ، إِقجْذَاحنْ ڭّنْفَانْ، إِنعْضَابنْ ڭُّورنْ، إِذَارْغَاڒنْ تّْوَاڒَانْ، ؤُشَا سّْعُودْجنْ أَربِّي ن إِسْرَائِيل.
MAT 15:32 يَاسُوع إِڒَاغَا-د خْ إِمحْضَارنْ نّسْ، إِنَّا أَسنْ: ”حِينّغْ خْ ڒْغَاشِي مِينْزِي قِّيمنْ أَكِيذِي ثْڒَاثَا ن وُوسَّانْ، وَارْ غَارْسنْ مِينْ غَا شّنْ. وَارْ خْسغْ شَا أَذْ ثنْ سّْقبّْضغْ تّْژُومَانْ، حِيمَا وَارْ تّضْعِيفنْ شَا ذڭْ وبْرِيذْ.“
MAT 15:33 نَّانْ أَسْ إِمحْضَارنْ نّسْ: ”مَانِيسْ ذ غَا نَاوِي أَغْرُومْ ذِي ڒخْڒَا[-يَا] إِ زِي غَا نسّشّْ إِجّْ ن ڒْغَاشِي ذ أَمقّْرَانْ أَمْ وَانِيثَا؟“
MAT 15:34 إِنَّا أَسنْ يَاسُوع: ”مشْحَاڒْ غَارْومْ ذ أَغْرُومْ؟“ نَّانْ أَسْ: ”سبْعَا [ن ثشْنِيفِينْ] ذ شَا ن إِسڒْمَانْ إِمژْيَاننْ.“
MAT 15:35 [خنِّي] يُومُورْ ڒْغَاشِي، حِيمَا أَذْ قِّيمنْ ذِي ثمُّورْثْ.
MAT 15:36 إِكْسِي سبْعَا ن ثشْنِيفِينْ ذ إِسڒْمَانْ [نِّي]، إِقَاذَا، يَارْژَا إِ-ثنْثْ ؤُشَا إِوْشَا إِ-ثنْثْ إِ إِمحْضَارنْ نّسْ ؤُشَا إِمحْضَارنْ وْشِينْ ثنْثْ إِ إِوْذَانْ.
MAT 15:37 مَارَّا شِّينْ، جِّيوْننْ. خنِّي يَارْونْ-د إِڒقّْوَازْ إِشطّنْ: ثُوغَا ذِينْ سبْعَا ن ثْسُودْجَاثِينْعمَّارنْثْ.
MAT 15:38 إِنِّي ثُوغَا إِشّنْ أَقَا أَثنْ ذِي أَربْعَا أَڒَافْ ن يرْيَازنْ بْڒَا ثِيمْغَارِينْ ذ إِحنْجِيرنْ.
MAT 15:39 أَوَارْنِي ڒَامِي إِسّْقبّضْ ڒْغَاشِي، إِنْيَا ذڭْ ؤُغَارَّابُو ؤُشَا يِيوضْ غَارْ ويْمِيرْ [ن جّْوَايهْ] ن مَاڭْذُو.
MAT 16:1 ؤُسِينْ-د غَارسْ إِفَارِيسِييّنْ ذ إِصَاذُوقِييّنْ، سّقْسَانْ ث حِيمَا أَذْ ث جَارّْبنْ، مَاحنْذْ أَذْ أَسنْ إِسّْشنْ شَا ن ڒعْڒَامثْ زڭْ ؤُجنَّا.
MAT 16:2 مَاشَا نتَّا يَارَّا-د، إِنَّا أَسنْ: ”غَارْ ثْمذِّيثْ أَذْ ثِينِيمْ: ’أَقَا ڒْحَاڒْ إِفّغْ!‘، مِينْزِي أَجنَّا ذ أَزڭّْوَاغْ.
MAT 16:3 ؤُ غَارْ ڒفْجَارْ [أَذْ ثِينِيمْ]: ’أَقَا أَسّْ-أَ أَذْ إِسُوضْ ؤُسمِّيضْ!‘، مِينْزِي أَجنَّا ذ أَزڭّْوَاغْ أَڒْ أَبَارْشَانْ. [أَ] إِمْنَافْقنْ، كنِّيوْ ثسّْنمْ أَذْ ثْفَارْزمْ ؤُذمْ ن ؤُجنَّا، مَاشَا ڒعْڒَامَاثْ ن زّْمَانْ-أَ وَارْ ثْزمَّارمْ أَذْ ثنْثْ ثْفَارْزمْ.
MAT 16:4 جِّيڒْ أَعفَّانْ إِزنَّانْ يَارزُّو إِشْثْ ن ڒعْڒَامثْ، [مَاشَا] وَارْ ذ أَسْ إِتّْموْشِي ؤُڒَا ذ إِشْثْ ن ڒعْڒَامثْ مْغِيرْ ڒعْڒَامثْ ن يُونُوسْ، أَنَابِي!“ [خنِّي] إِجَّا إِ-ثنْ، إِرُوحْ.
MAT 16:5 ڒَامِي د-إِوْضنْ إِمحْضَارنْ نّسْ غَارْ ؤُجمَّاضْ [ن ڒبْحَارْ]، تُّونْ أَذْ كِيسنْ د-أَوْينْ أَغْرُومْ.
MAT 16:6 إِنَّا أَسنْ يَاسُوع: ”حْضَامْ إِخفْ نْومْ زڭْ ونْثُونْ ن إِفَارِيسِييّنْ ذ إِصَاذُوقِييّنْ.“
MAT 16:7 نِيثْنِي مْشَاوَارنْ جَارْ أَسنْ [خْ مَانْ أَيَا]، نَّانْ: ”أَقَا [إِنَّا] مَانْ أَيَا مِينْزِي وَارْ ذ نِيوِي شَا أَغْرُومْ!“
MAT 16:8 يَاسُوع، أَمْ ثُوغَا إِسّنْ مَانْ أَيَا، إِنَّا أَسنْ: ”[أَ] كنِّيوْ إِ ذِي إِدْجَا ذْرُوسْ ن لْ-إِيمَانْ، مَايمِّي ثمْشَاوَارمْ جَارْ أَومْ أَقَا مَانْ أَيَا إِدْجَا ؤُمِي وَارْ د-ثِيوْيمْ أَغْرُومْ؟
MAT 16:9 مَا عَاذْ وَارْ ثفْهِيممْ شَا؟ مَا وَارْ ثعْقِيڒمْ شَا خْ خمْسَا ن إِڒقّْوَازْ ن وغْرُومْ إِ خمْسَا-أَڒَافْ، ؤُ مشْحَاڒْ ن ثْسُودْجَاثِينْ إِ ثْيَارْومْ؟
MAT 16:10 نِيغْ خْ سبْعَا ن إِڒقّْوَازْ ن وغْرُومْ إِ أَربْعَا أَڒَافْ، ؤُ مشْحَاڒْ ن ثْسُودْجَاثِينْ إِ ثْيَارْومْ؟
MAT 16:11 مَا عَاذْ وَارْ ثفْهِيمنْ شَا بلِّي نشّْ وَارْ كِيومْ سِّيوْڒغْ شَا خْ وغْرُومْ ؤُمِي ذ أَومْ نِّيغْ: ’حْضَامْ إِخفْ نْومْ زڭْ ونْثُونْ ن إِفَارِيسِييّنْ ذ إِصَاذُوقِييّنْ‘؟“
MAT 16:12 سّنِّي فهْمنْ أَقَا نتَّا وَارْ ذ أَسنْ إِنِّي، مَاحنْذْ أَذْ حْضَانْ إِخفْ نْسنْ زڭْ ونْثُونْ ن وغْرُومْ، مَاشَا زِي ثْغُورِي ن إِفَارِيسِييّنْ ذ إِصَاذُوقِييّنْ.
MAT 16:13 ڒَامِي د-يِيوضْ يَاسُوع غَارْ ثمُّورْثْ ن قَايْصَارِييَا-فِيلِيبُّوسْ، إِسّقْسَا إِمحْضَارنْ نّسْ: ”مِينْ عْنِيغْ نشّْ، مِّيسْ ن بْنَاذمْ، عْلَاحْسَابْ مِينْ قَّارنْ إِوْذَانْ؟“
MAT 16:14 نَّانْ أَسْ: ”شَا قَّارنْ ’ذ يُوحَانَّا أَمْسغْضَاصْ‘، ؤُ ونّغْنِي: ’ذ إِلِييَا‘، ؤُ ونّغْنِي عَاوذْ: ’ذ إِرْمِييَا‘ نِيغْ ’ذ إِجّنْ زڭْ إِنَابِييّنْ‘.“
MAT 16:15 إِنَّا أَسنْ: ”مَاشَا كنِّيوْ، مِينْ خَافِي ثقَّارمْ؟“
MAT 16:16 يَارَّا-د خَاسْ شِيمْعُونْ بُوطْرُوسْ، إِنَّا: ”شكْ ذ لْمَاسِيحْ، مِّيسْ ن أَربِّي إِدَّارنْ.“
MAT 16:17 يَارَّا-د خَاسْ يَاسُوع، إِنَّا أَسْ: ”سّعْذْ نّشْ، أَ شِيمْعُونْ، مِّيسْ ن يُونَا، مِينْزِي وَارْ إِدْجِي ذ أَيْسُومْ نِيغْ ذ إِذَامّنْ إِ ذ أَشْ إِمْڒنْ مَانْ أَيَا، مَاشَا ذ بَابَا إِ إِدْجَانْ ذڭْ إِجنْوَانْ.
MAT 16:18 عَاوذْ نشّْ أَذْ أَشْ إِنِيغْ، أَقَا شكْ ذ ’بُوطْرُوسْ‘، [ذ أَژْرُو]، ؤُ خْ وژْرُو-يَا أَذْ بْنِيغْ ثَامسْمُونْثْ إِنُو ؤُشَا ثِيوُّورَا ن ڒَاخَارْثْ وَارْ ذ أَسْ زمَّارنْثْ.
MAT 16:19 ذ نشّْ أَذْ أَشْ وْشغْ ثِيسَارُوثِينْ ن ثْڭلْذِيثْ ن إِجنْوَانْ، ؤُ مَارَّا مِينْ غَا ثْشدّذْ ذِي ثمُّورْثْ، أَذْ يِيڒِي إِشدّْ ذڭْ إِجنْوَانْ، ؤُ مَارَّا مِينْ غَا ثْفسْيذْ ذِي ثمُّورْثْ، أَذْ يِيڒِي إِفْسِي ذڭْ إِجنْوَانْ.“
MAT 16:20 ڒخْذنِّي يُومُورْ إِمحْضَارنْ نّسْ، حِيمَا وَارْ خبَّارنْ حذْ بلِّي نتَّا ذ لْمَاسِيحْ.
MAT 16:21 سّنِّي إِبْذَا يَاسُوع أَذْ إِسّْشنْ إِ إِمحْضَارنْ نّسْ بلِّي إِتّْخصَّا أَسْ أَذْ إِرَاحْ غَارْ ؤُرْشَالِيمْ، أَذْ إِودّبْ أَطَّاسْ زڭْ إِمْغَارنْ [ن ڒْڭنْسْ] ؤُ زڭْ إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ، أَذْ إِتّْوَانغْ ؤُشَا أَذْ د-إِتّْوَاسّْنكَّارْ ذڭْ وَاسّْ وِيسّْ ثْڒَاثَا.
MAT 16:22 [مَاشَا] بُوطْرُوسْ يِيوْيِي ث وحّْذسْ، إِبْذَا إِتّْوبّخْ إِ-ث، إِنَّا: ”وَارْ إِتِّيڒِي، [أَ] سِيذِي! مَانْ أَيَا وَارْ ذ أَشْ إِتّمْسَارْعمَّارْصْ.“
MAT 16:23 مَاشَا نتَّا إِنّقْڒبْ، إِنَّا إِ بُوطْرُوسْ: ”فّغْ خَافِي، [أَ] شِّيطَانْ، شكْ ذ إِشْثْ ن ثْعنْكْرِيفْثْ إِ نشّْ، مِينْزِي وَارْ شكْ إِشْقِي مِينْ إِدْجَانْ ن أَربِّي، مَاشَا مِينْ إِدْجَانْ ن إِوْذَانْ.“
MAT 16:24 ڒخْذنِّي إِنَّا يَاسُوع إِ إِمحْضَارنْ نّسْ: ”مَاڒَا شَا ن إِجّنْ إِخْسْ أَذْ أَيِي إِضْفَارْ، أَذْ إِنْكَارْ إِخفْ نّسْ، أَذْ إِكْسِي صَّالِيبْ نّسْ ؤُشَا أَذْ أَيِي إِضْفَارْ.
MAT 16:25 مِينْزِي ونِّي إِخْسنْ أَذْ إِسّنْجمْ ثُوذَارْثْ نّسْ، أَذْ ت إِودَّارْ، [مَاشَا] ونِّي إِ غَا إِودَّارنْ ثُوذَارْثْ نّسْ ذِي طّْوعْ إِنُو أَذْ ت يَافْ.
MAT 16:26 مِينْزِي مَانْ ڒفْضڒْ إِ غَارسْ غَارْ بْنَاذمْ مَاڒَا يَارْبحْ دُّونشْثْ مَارَّا، [مَاشَا] إِڒْقفْ إِ-ث ذْرُوشْثْ ذِي ڒعْمَارْ نّسْ؟ نِيغْ مِينْ غَا إِوْشْ بْنَاذمْ إِ وصْڒَاحْ ن ڒعْمَارْ نّسْ؟
MAT 16:27 مِينْزِي مِّيسْ ن بْنَاذمْ أَذْ د-يَاسْ س ؤُعُودْجِي ن بَابَاسْ أَكْ-ذ لْمَالَاكَاثْ نّسْ، ؤُشَا خنِّي أَذْ إِخدْجصْ كُوڒْ إِجّنْ عْلَاحْسَابْ مِينْ إِڭَّا.
MAT 16:28 س ثِيذتّْ نشّْ أَذْ أَومْ إِنِيغْ، أَقَا شَا زڭْ إِنَا إِ ذَا إِبدّنْ، وَارْ تّْقِيسِينْ شَا ڒْموْثْ أَڒْ غَا ژَترنْ مِّيسْ ن بْنَاذمْ إِتَّاسْ-د ذِي ثْڭلْذِيثْ نّسْ.“
MAT 17:1 أَوَارْنِي ستَّا ن وُوسَّانْ يَاسُوع يِيوِي-د بُوطْرُوسْ ذ يَاعْقُوبْ ذ ؤُمَاسْ يُوحَانَّا أَكِيذسْ، يِيوْيِي إِ-ثنْ وحّذْسنْ غَارْ إِجّْ ن وذْرَارْ يُوعْڒَا.
MAT 17:2 ؤُشَا إِتّْوَابدّڒْ وَادُّوذْ ن يَاسُوع قِيبَاتْشْ نْسنْ: ثُوغَا أَغمْبُوبْ نّسْ إِتّْشعْشِيعْ أَمْ ثْفُوشْثْ، إِذْوڒْ وَارُّوضْ نّسْ ذ أَشمْڒَاڒْ أَمْ ثْفَاوْثْ.
MAT 17:3 ؤُڒَا ذ مُوسَا ذ إِلِييَا ضْهَارنْ أَسنْ-د، سَّاوَاڒنْ أَكِيذسْ.
MAT 17:4 بُوطْرُوسْ إِطّفْ ذڭْ وَاوَاڒْ، إِنَّا إِ يَاسُوع: ”[أَ] سِيذِي، أَقَا مْلِيحْ ؤُمِي إِ ذَا ندْجْ! مَاڒَا ثخْسذْ، أَذْ نوّثْ ذَانِيثَا ثْڒَاثَا ن إِعُوشُّوثنْ ن ثْسطَّا، إِجّنْ إِ شكْ، إِجّنْ إِ مُوسَا ؤُ إِجّنْ إِ إِلِييَا.“
MAT 17:5 أَمْ ثُوغَا إِسَّاوَاڒْ عَاذْ، إِكَّا-د خَاسنْ إِجّْ ن ؤُسيْنُو إِتّْسقْسِيقْ، إِسّْذُورِييْ ثنْ س ثِيڒِي نّسْ ؤُشَا إِشْثْ ن ثْمِيجَّا زڭْ ؤُجنَّا ثنَّا: ”ذ وَا ذ مِّي إِعِيزّنْ، ذَايسْ ؤُفِيغْ أَرْضَا إِنُو، سْڒمْ غَارسْ!“
MAT 17:6 ڒَامِي سْڒِينْ إِمحْضَارنْ مَانْ أَيَا، وْضَانْ خْ ؤُغمْبُوبْ نْسنْ ؤُشَا ڭّْوذنْ أَطَّاسْ.
MAT 17:7 يُوسَا-د غَارْسنْ يَاسُوع، إِحَاذَا ثنْ، إِنَّا: ”كَّارمْ، وَارْ تّڭّْوذمْ شَا!“
MAT 17:8 ڒَامِي سّْڭعّْذنْ ثِيطَّاوِينْ نْسنْ، وَارْ ژْرِينْ حذْ مْغِيرْ يَاسُوع.
MAT 17:9 أَمْ د-هْوَانْ زڭْ وذْرَارْ، يُومُورْ إِ-ثنْ يَاسُوع، إِنَّا أَسنْ: ”وَارْ سِّيوِيڒمْ خْ ڒوْحِييْ-أَ أَمْ غَارْومْ إِدْجَا إِجّْ نّغْنِي أَڒْ د غَا إِكَّارْ مِّيسْ ن بْنَاذمْ جَارْ إِمتِّيننْ.“
MAT 17:10 إِمحْضَارنْ سّقْسَانْ ث، نَّانْ أَسْ: ”مَايمِّي قَّارنْ إِمْسڒْمَاذنْ ن إِذْلِيسنْ أَقَا إِلِييَا أَذْ د-يَاسْ ذ أَمزْوَارُو؟“
MAT 17:11 يَارَّا-د يَاسُوع، إِنَّا: ”إِلِييَا أَذْ د-يَاسْ ذ أَمزْوَارُو، حِيمَا أَذْ إِتّْوَاكمّڒْ مَارَّا.
MAT 17:12 مَاشَا نشّْ أَذْ أَومْ إِنِيغْ، خْزَارْ، إِلِييَا أَقَا يُوسَا-د، وَارْ زَّايسْ سْثعْثَارِيفنْ، مَاشَا ڭِّينْ زَّايسْ مِينْ خْسنْ. أَمُّو ؤُڒَا ذ مِّيسْ ن بْنَاذمْ أَذْ زَّايْسنْ إِودّبْ.“
MAT 17:13 ڒخْذنِّي فهْمنْ إِمحْضَارنْ، بلِّي ثُوغَا إِسَّاوَاڒْ أَكِيذْسنْ خْ يُوحَانَّا أَمْسغْضَاصْ.
MAT 17:14 ڒَامِي د-ؤُسِينْ غَارْ ڒْغَاشِي، يُوسَا-د غَارسْ إِجّْ ن بْنَاذمْ، إِوْضَا [أَسْ] غَارْ إِضَارنْ، إِنَّا أَسْ:
MAT 17:15 ”[أَ] سِيذِي، زِّيدْجزْ إِ مِّي، مِينْزِي أَقَا نتَّا إِتّْبَارْكِيكِّيضْ، إِمَّارْنِي خَاسْ ڒْحَارْ، مَاغَارْ أَطَّاسْ ن ثْوَاڒَاوِينْ إِوْضَا ذِي ثْمسِّي ؤُ ذڭْ وَامَانْ.
MAT 17:16 إِوْيغْ ث غَارْ إِمحْضَارنْ نّشْ، [مَاشَا] نِيثْنِي وَارْ زمَّارنْ أَذْ ث سّْڭنْفَانْ.“
MAT 17:17 يَاسُوع يَارَّا-د، إِنَّا: ”أَ جِّيڒْ إِ وَارْ يُومِيننْ ذ إِمُوفْرِيغنْ، مشْحَاڒْ إِ غَا قِّيمغْ عَاذْ أَكِيذْومْ، مشْحَاڒْ عَاذْ إِ غَا قِّيمغْ صْبَارغْ أَومْ؟ أَوْيمْ ث-إِ-د غَارِي!“
MAT 17:18 خنِّي إِوبّخْ إِ-ث يَاسُوع ؤُشَا إِفّغْ زَّايسْ شِّيطَانْ ؤُشَا إِذْوڒْ ؤُحنْجِيرْ إِڭّنْفَا زِي ثْسَاعّثْ نِّي.
MAT 17:19 ڒخْذنِّي ؤُسِينْ-د إِمحْضَارنْ وحّذْسنْ غَارْ يَاسُوع، نَّانْ أَسْ: ”مَايمِّي نشِّينْ وَارْ نْزمَّارْ أَذْ ث نسّْڭنْفَا؟“
MAT 17:20 إِنَّا أَسنْ يَاسُوع: ”زِي سِّيبّثْ ن بْڒَا لْ-إِيمَانْ نْومْ. س ثِيذتّْ أَذْ أَومْ إِنِيغْ، مَاڒَا ذَايْومْ لْ-إِيمَانْ أَنشْثْ ن إِشْثْ ن ثْحبُّوشْثْ ن زَّارِيعثْ ن ؤُخرْذلْ، أَذْ أَسْ ثِينِيمْ إِ وذْرَارْ-أَ: ’مُوطِّي سَّا!‘، خنِّي أَذْ إِمُّوطِّي، ؤُشَا وَارْ ذِينْ إِتِّيڒِي [عَاذْ] ؤُڒَا ذ إِشْثْ ن ڒْحَاجّثْ وَارْ ذ أَسْ ثْزمَّارمْ [عَاذْ].
MAT 17:21 مَاشَا دَّارْبْ-أَ وَارْ د-إِتّفّغْ مْغِيرْ س ثْژَادْجِيثْ ذ ؤُژُومِّي.“
MAT 17:22 ڒَامِي ثُوغَا تّْسَارَانْ ذِي لْجَالِيلْ، إِنَّا أَسنْ يَاسُوع [إِ إِمحْضَارنْ نّسْ]: ”مِّيسْ ن بْنَاذمْ أَذْ إِمّوْشْ ذڭْ إِفَاسّنْ ن إِوْذَانْ.
MAT 17:23 أَذْ ث نْغنْ ؤُشَا أَذْ د-إِتّْوَاسّْنكَّارْ ذڭْ وَاسّْ وِيسّْ ثْڒَاثَا.“ [خنِّي] شضْننْ أَطَّاسْ.
MAT 17:24 ڒَامِي د-ؤُسِينْ غَارْ كَافَارْنَاحُومْ، قَارّْبنْ-د أَيْثْ ن ضَّارِيبَا، إِنِّي إِطّْفنْ ثْنَاينْ ن ثبْيَاسِينْ نْ ’جُّوزِينْ‘ ن نُّوقَارْثْ إِ كُوڒْ  ؤُزدْجِيفْ [إِ ضَّارِيبَا ن زَّاوشْثْ ثَامقّْرَانْثْ]، غَارْ بُوطْرُوسْ، نَّانْ: ”أَمْسڒْمَاذْ نْومْ، مَا وَارْ إِتّْخدْجِيصْ ثْنَاينْ ’جُّوزِينْ‘ [إِ زَّاوشْثْ ثَامقّْرَانْثْ]؟“ إِنَّا: ”وَاهْ، [أَذْ ثنْ إِخدْجسْ]!“
MAT 17:25 أَڒَامِي د-يُوذفْ بُوطْرُوسْ غَارْ ثَادَّارْثْ، إِزْوَارْ أَسْ-د يَاسُوع، إِنَّا: ”شِيمْعُونْ، مَامّشْ ثْوَاڒِيذْ شكْ، وِي زِي طّْفنْ إِجدْجِيذنْ ن دُّونشْثْ ڒعْشُورْ ذ ثنْعَاشِينْ إِ إِزمّنْ إِ كُوڒْ أَزدْجِيفْ؟ مَا زِي ثَارْوَا نْسنْ نِيغْ زڭْ إِبَارَّانِييّنْ؟“
MAT 17:26 إِنَّا أَسْ شِيمْعُونْ: ”زڭْ إِبَارَّانِييّنْ!“ إِنَّا أَسْ يَاسُوع: ”س ؤُيَا دْجَانْ ثَارْوَا ذ إِحُورِّييّنْ!
MAT 17:27 مَاشَا حِيمَا وَارْ ثنْ نسّنْذْرِيفْ [أَذْ أَشْ ؤُمُورغْ]: رُوحْ غَارْ ڒبْحَارْ، نْضَارْ ثَاصنَّارْثْ ؤُشَا أَرْزمْ أَقمُّومْ إِ ثسْڒمْثْ ثَامزْوَارُوثْ إِ د غَا إِفّْغنْ ؤُشَا أَذْ ثَافذْ إِشْثْ ن ثبْيِيسْثْ ن ؤُصُولْضِي ن ’ؤُسْثَاثِيرْ‘. كْسِي ت ؤُشَا أوْشْ إِ-ت خَافِي ؤُ خْ يِيخفْ نّشْ.“
MAT 18:1 ذِي ثْسَاعّثْ نِّي ؤُسِينْ-د إِمحْضَارنْ غَارْ يَاسُوع، نَّانْ: ”مَانْ ونْ إِدْجَانْ ذ أَمقّْرَانْ ذِي ثْڭلْذِيثْ ن إِجنْوَانْ؟“
MAT 18:2 يَاسُوع إِڒَاغَا-د خْ إِجّْ ن ؤُحنْجِيرْ غَارسْ، إِسّْبدّْ إِ-ث ذِي ڒْوسْطْ نْسنْ،
MAT 18:3 إِنَّا: ”س ثِيذتّْ نشّْ أَذْ أَومْ إِنِيغْ: مَاڒَا وَارْ تُّوبمْ ؤُ ثْذوْڒمْ أَمْ إِحنْجِيرنْ،عمَّارْصْ أَذْ ثَاذْفمْ غَارْ ثْڭلْذِيثْ ن إِجنْوَانْ.
MAT 18:4 س ؤُيَا ونِّي إِ غَا إِسّْمژْينْ إِخفْ نّسْ أَمْ ؤُحنْجِيرْ-أَ، أَقَا ذ ونِّي ذ أَمقّْرَانْ ذِي ثْڭلْذِيثْ ن إِجنْوَانْ،
MAT 18:5 ؤُ ونِّي إِ غَا إِقبْڒنْ إِجّْ [ن ؤُحنْجِيرْ] إِ إِدْجَانْ أَمْ ؤُحنْجِيرْ-أَ س يِيسمْ إِنُو، إِقبّڒْ أَيِي.
MAT 18:6 [مَاشَا] كُوڒْ إِجّنْ ونِّي إِ غَا إِسّنْقَارْضنْ إِجّنْ زڭْ إِمژْيَاننْ-أَ إِ زَّايِي إِتَّامْننْ، إِحْڒَا أَسْ أَذْ أَسْ ثتّْوَاڭّْ إِشْثْ ن ثصْضَارْثْ ن ثْسِيرْثْ ثذْقڒْ غَارْ يِيرِي نّسْ، أَذْ إِتّْوَاسّْغَارقْ ذِي ڒَادْجَاغْ ن ڒبْحَارْ.
MAT 18:7 ؤُشْثْ خْ دُّونشْثْ خْ سِّيبّثْ ن ثْعنْكْرِيفِينْ. إِوَا، إِتّْخصَّا أَذْ د-أَسنْثْ ثْعنْكْرِيفِينْ، مَاشَا أَمْشُومْ ن بْنَاذمْ نِّي إِتّڭّنْ ثَاعنْكْرِيفْثْ.
MAT 18:8 مَاڒَا إِسّنْقَارْضْ شكْ ؤُفُوسْ نّشْ نِيغْ أَضَارْ نّشْ، خنِّي قسّْ إِ-ث، نْضَارْ إِ-ث خَاكْ. إِحْڒَا أَشْ أَذْ ثَاذْفذْ غَارْ ثُوذَارْثْ ذ أَقجْذَاحْ نِيغْ ذ أَمعْضُوڒْ خْ ؤُمنْضَارْ س ثْنَاينْ ن إِفَاسّنْ نِيغْ س ثْنَاينْ ن إِضَارنْ ذِي ثْمسِّي إِ ڒبْذَا.
MAT 18:9 مَاڒَا ثسّنْقَارْضْ شكْ ثِيطّْ نّشْ، خنِّي قڒْعْ إِ-ت، نْضَارْ إِ-ت خَاكْ، إِحْڒَا أَشْ أَذْ ثَاذْفذْ غَارْ ثُوذَارْثْ س إِشْثْ ن ثِيطّْ خْ ؤُوطُّو ذِي جهنَّامَا إِشُّورنْ س ثْمسِّي س ثْنَاينْ ن ثِيطَّاوِينْ.
MAT 18:10 غَارْومْ أَذْ ثسّحْقَارمْ إِجّنْ زڭْ إِمژْيَاننْ-أَ. مِينْزِي نشّْ أَذْ أَومْ إِنِيغْ، أَقَا لْمَالَاكَاثْ نْسنْ ذڭْ إِجنْوَانْ أَقَا ڒبْذَا تّْوَاڒَانْثْ ثِيفْرَاسْ ن بَابَا إِ إِدْجَانْ ذڭْ إِجنْوَانْ.
MAT 18:11 مِينْزِي مِّيسْ ن بْنَاذمْ يُوسَا-د، حِيمَا أَذْ إِسّنْجمْ مِينْ ثُوغَا إِودَّارنْ.
MAT 18:12 مَامّشْ إِ ذ أَومْ إِتّْغِيڒْ؟ مَاڒَا ذِينْ شَا ن بْنَاذمْ غَارسْ مْيَا ن وُودْجِي ؤُشَا إِجّنْ زَّايْسنْ إِودَّارْ، مَا خنِّي وَارْ إِتّجِّي ثسْعَا ؤُ-ثسْعِينْ ذڭْ إِذُورَارْ، أَذْ إِرَاحْ أَذْ يَارْزُو خْ ونِّي إِودَّارنْ؟
MAT 18:13 ؤُ مَاڒَا يُوفَا إِ-ث، س ثِيذتّْ نشّْ أَذْ أَومْ إِنِيغْ، أَذْ زَّايسْ إِفَارْحْ كْثَارْ زِي مِينْ غَا إِفَارْحْ زِي ثسْعَا ؤُ-ثسْعِينْ إِنِّي وَارْ إِودَّارنْ.
MAT 18:14 أَمُّو ؤُڒَا ذ بَابَاثْومْ إِ إِدْجَانْ ذڭْ إِجنْوَانْ وَارْ إِخْسْ أَذْ إِودَّارْ ؤُڒَا ذ إِجّْ زڭْ إِمژْيَاننْ-أَ.“
MAT 18:15 ”مَاڒَا إِخْضَا ؤُمَاشْ أَكِيذكْ، رُوحْ غَارسْ، وبّخْ إِ-ث [مْغِيرْ] جَارْ أَشْ ذ جَارْ أَسْ [وَاهَا]. مَاڒَا إِسْڒَا غَاركْ، أَقَا ثَارْبحذْ ؤُمَاشْ.
MAT 18:16 مَاڒَا وَارْ غَاركْ إِسْڒِي شَا، أَوِي أَكِيذكْ شَا ن إِجّنْ نّغْنِي نِيغْ ثْنَاينْ، حِيمَا خْ ؤُقمُّومْ ن ثْنَاينْ نِيغْ ن ثْڒَاثَا ن ڒشْهُوذْ أَذْ إِتّْوَاضْمنْ وَاوَاڒْ مَارَّا.
MAT 18:17 مَاڒَا نتَّا وَارْ غَارْسنْ إِسْڒِي، خنِّي إِنِي ت إِ ثْمسْمُونْثْ [ن ڒْمُومِينِينْ]، ؤُشَا مَاڒَا وَارْ إِسْڒِي ؤُڒَا غَارْ ثْمسْمُونْثْ، خنِّي أجّْ إِ-ث أَذْ غَارْومْ يِيڒِي أَمْ يِيجّْ ن بُو-ضَّارِيبَا نِيغْ أَمْ يِيجّْ ن ؤُكَافْرِيوْ.
MAT 18:18 س ثِيذتّْ نشّْ أَذْ أَومْ إِنِيغْ: مَارَّا مِينْ غَا ثْشدّمْ ذِي ثمُّورْثْ، أَذْ يِيڒِي إِشدّْ ذڭْ ؤُجنَّا، ؤُشَا مَارَّا مِينْ غَا ثْفسْيمْ ذِي ثمُّورْثْ، أَذْ يِيڒِي إِفْسِي ذڭْ ؤُجنَّا.
MAT 18:19 أَذْ أَومْ إِنِيغْ عَاوذْ، مَاڒَا ثْنَاينْ ن إِوْذَانْ أَذْ مّْسثْفَاقنْ خْ ثمُّورْثْ خْ شَا ن ڒْحَاجّثْ إِ غَا تَّارنْ، أَقَا ذ مَانْ أَيَا ذ أَسنْ إِ غَا إِتّْوَاڭّْ زِي بَابَا إِ إِدْجَانْ ذڭْ إِجنْوَانْ.
MAT 18:20 مِينْزِي مَانِي غَا مُوننْ ثْنَاينْ نِيغْ ثْڒَاثَا س يِيسمْ إِنُو، نشّْ أَذْ ذِينْ إِڒِيغْ ذِي ڒْوسْطْ نْسنْ.“
MAT 18:21 ڒخْذنِّي يُوسَا-د غَارسْ بُوطْرُوسْ، إِنَّا: ”أَ سِيذِي، مشْحَاڒْ ن ثْوَاڒَاوِينْ إِ غَا إِخْضَا أَكِيذِي ؤُمَا، نشّْ أَذْ أَسْ سَامْحغْ؟ مَا أَڒْ سبْعَا ن ثْوَاڒَاوِينْ؟“
MAT 18:22 إِنَّا أَسْ يَاسُوع: ”وَارْ ذ أَشْ قَّارغْ شَا أَڒْ سبْعَا، مَاشَا أَڒْ سبْعِينْ ذِي سبْعَا ن إِمُورنْ ذ سبْعَا [ن إِمُورنْ]!
MAT 18:23 س ؤُيَا ثتَّاوِي-د ثْڭلْذِيثْ ن إِجنْوَانْ ذڭْ إِجّْ ن ورْيَازْ ذ أَجدْجِيذْ إِ إِخْسنْ أَذْ يڭّْ ڒحْسَابْ أَكْ-ذ إِمْسخَّارنْ نّسْ.
MAT 18:24 ؤُمِي إِبْذَا أَذْ إِمْسحْسبْ، إِوْينْ-د غَارسْ إِجّْ ن [بْنَاذمْ] إِتُّورْسْ أَسْعشْرَا-أَڒَافْ ثَالِينْثْ.
MAT 18:25 أَمْ وَارْ ثُوغِي غَارسْ مِينْ زِي غَا يَارّْ [أَمَارْوَاسْ]، يُومُورْ بَابْ نّسْ، حِيمَا أَذْ إِتّْوَامّنْزْ، نتَّا ذ ثمْغَارْثْ نّسْ ذ ثَارْوَا نّسْ ذ مَارَّا مِينْ غَارسْ، حِيمَا أَذْ إِتّْوَاخدْجصْ [ؤُمَارْوَاسْ].
MAT 18:26 إِوْضَا أَسْ ؤُمْسخَّارْ [نِّي غَارْ إِضَارنْ]، إِسْجذْ أَسْ، إِنَّا: ’[أَ] سِيذِي، صْبَارْ خَافِي، أَذْ أَشْ أَرّغْ مَارَّا.‘
MAT 18:27 أَقَا إِزِّيدْجزْ أَسْ بَابْ ن ؤُمْسخَّارْ نِّي، إِضْڒقْ أَسْ ؤُشَا إِسَامْحْ أَسْ ذڭْ ؤُمَارْوَاسْ.
MAT 18:28 ڒَامِي د-إِفّغْ ؤُمْسخَّارْ نِّي، يُوفَا إِجّنْ زڭْ إِنِّي ثُوغَا ذ إِمْسخَّارنْ إِمْعَاشَارنْ نّسْ ؤُ وَانِيثَا إِتُّورْسْ أَسْ مْيَا ذِينَارْ. إِطّفْ إِ-ث، إِشبَّارْ أَسْ ذڭْ يِيرِي، إِنَّا أَسْ: ’خدْجصْ أَيِي مِينْ ذ أَشْ تُّورْسغْ!‘
MAT 18:29 إِوْضَا يَاسْ ؤُمْسخَّارْ أَمْعَاشَارْ نّسْ غَارْ إِضَارنْ نّسْ، إِحشّمْ إِ-ث، إِنَّا: ’صْبَارْ خَافِي، أَذْ أَشْ أَرّغْ [مَارَّا]!‘
MAT 18:30 مَاشَا نتَّا وَارْ إِخْسْ، إِرُوحْ إِنْضَارْ إِ-ث ذِي ڒحْبسْ أَڒْ د غَا يَارّْ أَمَارْوَاسْ.
MAT 18:31 ڒَامِي ژْڒِينْ إِمْسخَّارنْ إِمْعَاشَارنْ نّسْ مِينْ إِمْسَارنْ، شضْننْ أَطَّاسْ ؤُشَا رُوحنْ، نَّانْ ت إِ بَابْ نْسنْ.
MAT 18:32 ؤُشَا إِڒَاغَا-د خَاسْ سِيذِيسْ، إِنَّا أَسْ: ’[أَ شكْ] أَمْسخَّارْ أَعفَّانْ، مَارَّا مِينْ ذ أَشْ تُّورْسغْ، سَامْحغْ أَشْ، مِينْزِي ثتَّارذْ أَيِي.
MAT 18:33 مَا وَارْ إِدْجِي زعْمَا ؤُڒَا ذ شكْ خَاكْ أَذْ أَشْ إِزِّيدْجزْ ونِّي ذ أَمْسخَّارْ أَمْعَاشَارْ نّشْ أَمْ مَامّشْ إِ ذ أَيِي ثزِّيدْجذْ شكْ؟‘
MAT 18:34 خنِّي إِخيّقْ سِيذِيسْ، إِسّعْذُو ث ذڭْ إِفَاسّنْ ن إِمْعَادّبنْ أَڒْ غَا إِخدْجصْ مَارَّا مِينْ ذَايسْ ذ أَمَارْوَاسْ.
MAT 18:35 أَمُّو إِ غَا يڭّْ بَابَا ونِّي إِدْجَانْ ذڭْ ؤُجنَّا إِ كنِّيوْ، مَاڒَا كنِّيوْ وَارْ ثْسِيمِيحمْ س وُوڒْ كُوڒْ إِجّنْ زَّايْومْ إِ ؤُمَاسْ إِخطَّانْ نّسْ.“
MAT 19:1 أَڒَامِي إِكمّڒْ يَاسُوع أَوَاڒنْ-أَ، إِفّغْ زِي لْجَالِيلْ، يِيوضْ غَارْ جّْوَايهْ ن [ثمُّورْثْ ن] يَاهُوذِييَّا، غَارْ ؤُجمَّاضْ ن [يغْزَارْ ن] لْ-ؤُرْذُونْ.
MAT 19:2 أَقَا إِضْفَارْ إِ-ث إِجّْ ن ڒْغَاشِي ذ أَمقّْرَانْ، إِسّْڭنْفَا إِ-ثنْ ذِينِّي.
MAT 19:3 ؤُسِينْ-د غَارسْ ؤُڒَا ذ إِفَارِيسِييّنْ، ثُوغَا أَرزُّونْ أَذْ ث جَارّْبنْ، نَّانْ [أَسْ]: ”مَا إِحدْجڒْ إِ ورْيَازْ أَذْ إِدْجفْ إِ ثمْغَارْثْ نّسْ زِي مْكُوڒْ سِيبّثْ؟“
MAT 19:4 يَارَّا-د، إِنَّا أَسنْ: ”مَا وَارْ ثغْرِيمْ شَا بلِّي ونِّي [ثنْ] د-إِخڒْقنْ زڭْ ؤُمزْوَارُو، إِخْڒقْ إِ-ثنْ-د ذ أَوْثمْ ذ ثوْثمْثْ،
MAT 19:5 ؤُشَا أَقَا إِنَّا: ’س ؤُينِّي أَذْ إِسْمحْ ورْيَازْ ذِي بَابَاسْ ذ يمَّاسْ، أَذْ إِقّنْ غَارْ ثمْغَارْثْ نّسْ، ؤُشَا ثْنَاينْ إِذْسنْ نِّي أَذْ إِڒِينْ ذ إِشْثْ ن دَّاثْ‘؟
MAT 19:6 س ؤُيَا وَارْ تِّيڒِينْ [عَاذْ] ذ ثْنَاينْ، مَاشَا ذ إِشْثْ ن أَرِّيمثْ. س ؤُينِّي مِينْ إِسّْمُونْ أَربِّي، وَارْ ث إِبطِّي بْنَاذمْ.“
MAT 19:7 نَّانْ أَسْ: ”مَايمِّي يُومُورْ مُوسَا خنِّي، مَاحنْذْ أَذْ إِوْشْ ثَابْرَاثْ ن وَادْجَافْ، حِيمَا أَذْ أَسْ إِدْجفْ؟“
MAT 19:8 إِنَّا أَسنْ: ”مُوسَا إِجَّا كنِّيوْ أَذْ ثدْجْفمْ إِ ثمْغَارِينْ نْومْ زِي سِّيبّثْ ن ڒقْسَاحثْ ن وُوڒَاونْ نْومْ، مَاشَا وَارْ إِدْجِي أَمُّو زڭْ ؤُمزْوَارُو.
MAT 19:9 مَاشَا نشّْ أَذْ أَومْ إِنِيغْ: ونِّي إِ غَا إِدْجْفنْ إِ ثمْغَارْثْ نّسْ، بْڒَا مَا ثزْنَا نتَّاثْ، ؤُشَا أَذْ يِيوِي إِشْثنْ نّغْنِي، أَقَا نتَّا إِزنَّا، ؤُ ونِّي إِ غَا إِوْينْ ثَامْغَارْثْ ثنِّي إِ إِدْجْفنْ، أَقَا ؤُڒَا ذ نتَّا إِزنَّا.“
MAT 19:10 إِمحْضَارنْ نّسْ نَّانْ أَسْ: ”مَاڒَا أَمُّو إِ ثدْجَا ثْمسْڒَاشْثْ جَارْ بْنَاذمْ ذ ثمْغَارْثْ نّسْ، خنِّي نْهْڒَا مَا أَذْ إِمْڒشْ.“
MAT 19:11 مَاشَا نتَّا إِنَّا أَسنْ: ”وَارْ إِدْجِي مَارَّا زمَّارنْ أَذْ قبْڒنْ أَوَاڒْ-أَ مْغِيرْ إِنِّي ؤُمِي ثمّوْشْ [أَذْ ث إِقْبڒْ].
MAT 19:12 مِينْزِي أَقَا ذِينْ إِنِّي إِتّْوَاقسّنْ، مِينْزِي نِيثْنِي ذ إِنِّي د-إِتّْوَاخڒْقنْ أَمُّو زڭْ ؤُعذِّيسْ ن يمَّاثْسنْ، ؤُشَا أَقَا ذِينْ إِنِّي إِتّْوَاقسّنْ، مِينْزِي نِيثْنِي تّْوَاقسّنْ زڭْ [إِفَاسّنْ ن] إِوْذَانْ، ؤُشَا أَقَا ذِينْ إِنِّي إِتّْوَاقسّنْ، مِينْزِي نِيثْنِي قسّنْ إِخفْ نْسنْ ذِي طّْوعْ ن ثْڭلْذِيثْ ن إِجنْوَانْ. ونِّي إِزمَّارنْ أَذْ ث إِقْبڒْ، أجّْ إِ-ث أَذْ ث إِقْبڒْ.“
MAT 19:13 ڒخْذنِّي إِوْينْ أَسْ-د إِحنْجِيرنْ إِمژْيَاننْ مَاحنْذْ أَذْ خَاسنْ إِسَّارْسْ أَفُوسْ نّسْ ؤُشَا أَذْ [أَسنْ] إِكْسِي س ڒْمعْرُوفْ، مَاشَا إِمحْضَارنْ نّسْ وبّْخنْ ثنْ.
MAT 19:14 مَاشَا يَاسُوع إِنَّا أَسنْ: ”جّمْ إِحنْجِيرنْ أَذْ غَارِي د-أَسنْ، وَارْ ثنْ منّْعمْ شَا، مِينْزِي ثَاڭلْذِيثْ ن إِجنْوَانْ إِ يِينِّي أَمْ نِيثْنِي.“
MAT 19:15 إِسَّارْسْ خَاسنْ أَفُوسْ نّسْ ؤُشَا إِرُوحْ سّنِّي.
MAT 19:16 ؤُشَا خْزَارْ، إِقَارّبْ-د إِجّنْ، إِنَّا أَسْ: ”[أَ] أَمْسغَّارْ أَصبْحَانْ، مِينْ غَا ڭّغْ ذ أَصبْحَانْ حِيمَا أَذْ غَارِي ثِيڒِي ثُوذَارْثْ إِتّْذُومَانْ؟“
MAT 19:17 إِنَّا أَسْ يَاسُوع: ”مَايمِّي ذ أَيِي ثْڒَاغِيذْ ’أَصبْحَانْ‘؟ وَارْ إِدْجِي حذْ ذ أَصبْحَانْ مْغِيرْ إِجّنْ، أَقَا-ث ذ أَربِّي. مَاشَا مَاڒَا ثخْسذْ أَذْ ثَاذْفذْ غَارْ ثُوذَارْثْ، طّفْ ذِي ثْوصَّا.“
MAT 19:18 إِنَّا أَسْ: ”مَانْ ثِينَا؟“ إِنَّا أَسْ يَاسُوع: ”وَارْ نقّْ، وَارْ زنِّي، وَارْ تِّيشَارْ، وَارْ شهّذْ س ژُورْ،
MAT 19:19 وقَّارْ بَابَاشْ ذ يمَّاشْ ؤُشَا أَذْ ثخْسذْ جَّارْ نّشْ أَمْ يِيخفْ نّشْ.“
MAT 19:20 أَبْڒِيغْ إِنَّا أَسْ: ”أَقَا ضْفَارغْ ثِيمسْڒَايِينْ-أَ مَارَّا زِي ثمْژِي إِنُو. مِينْ ذ أَيِي إِتّْخِيصّنْ عَاذْ؟“
MAT 19:21 يَاسُوع إِنَّا أَسْ: ”مَاڒَا ثخْسذْ أَذْ ثِيڒِيذْ ثْكمّْڒذْ، رُوحْ، زنْزْ مَارَّا مِينْ غَاركْ، أوْشْ إِ-ث إِ إِمزْڒَاضْ ؤُشَا أَذْ غَاركْ يِيڒِي إِجّْ ن ڒْكنْزْ ذڭْ إِجنْوَانْ. [خنِّي] أَسْ-د، ضْفَارْ أَيِي-د.“
MAT 19:22 ڒَامِي إِسْڒَا وبْڒِيغْ أَوَاڒْ-أَ، إِرُوحْ إِشْضنْ، مِينْزِي ثُوغَا غَارسْ أَطَّاسْ ن وَاڭْڒَا.
MAT 19:23 [خَاسْ ؤُشَا] إِنَّا يَاسُوع إِ إِمحْضَارنْ نّسْ: ”س ثِيذتّْ، نشّْ أَذْ أَومْ إِنِيغْ، أَقَا يوْعَارْ خْ بَابْ ن وَاڭْڒَا أَذْ يَاذفْ غَارْ ثْڭلْذِيثْ ن إِجنْوَانْ.
MAT 19:24 ؤُشَا نشّْ أَذْ أَومْ إِنِيغْ عَاوذْ، أَقَا إِهْونْ إِ وڒْغمْ أَذْ يكّْ زِي ثِيطّْ ن ثْسِينفْثْ خْ بُو وَاڭْڒَا أَذْ يَاذفْ غَارْ ثْڭلْذِيثْ ن أَربِّي.“
MAT 19:25 ؤُمِي ت سْڒِينْ إِمحْضَارنْ نّسْ، نّْخڒْعنْ، نَّانْ: ”وِي إِزمَّارنْ خنِّي أَذْ إِطّفْ ثُوذَارْثْ عَاذْ؟“
MAT 19:26 أَمْ ثُوغَا ذَايْسنْ إِخزَّارْ يَاسُوع، إِنَّا أَسنْ: ”غَارْ إِوْذَانْ مَانْ أَيَا وَارْ إِزمَّارْ، مَاشَا غَارْ أَربِّي كُوڒْشِي ذِي ثْزمَّارْ نّسْ!“
MAT 19:27 [خنِّي] يَارَّا-د بُوطْرُوسْ، إِنَّا أَسْ: ”خْزَارْ، أَقَا نشِّينْ نجَّا كُوڒْشِي، نضْفَارْ إِ شكْ. مِينْ غَارْنغْ إِ غَا يِيڒِينْ؟“
MAT 19:28 يَاسُوع إِنَّا أَسنْ: ”س ثِيذتّْ، نشّْ أَذْ أَومْ إِنِيغْ، إِ كنِّيوْ إِنِّي ذ أَيِي د-إِضْفَارنْ، أَقَا خْمِي غَا ثِيڒِي مَارَّا دُّونشْثْ ذ جْذِيذْ، خْمِي غَا إِقِّيمْ مِّيسْ ن بْنَاذمْ خْ ڒْعَارْشْ ن ؤُعُودْجِي نّسْ، أَقَا ؤُڒَا ذ كنِّيوْ أَذْ ثقِّيممْ خْ ثنْعَاشْ ن ڒكْرَاسِي إِڭلّْذنْ، حِيمَا أَذْ ثْحكْممْ خْ ثنْعَاشْ ن ثْقبَّاڒْ ن [أَيْثْ ن] إِسْرَائِيل.
MAT 19:29 كُوڒْ إِجّنْ ونِّي إِسمْحنْ ذِي ثُوذْرِينْ نِيغْ ذڭْ أَيْثْمَاسْ نِيغْ ذِي سُويثْمَاسْ نِيغْ ذِي بَابَاسْ نِيغْ ذڭْ يمَّاسْ نِيغْ ذِي ثمْغَارْثْ نّسْ ذ ثَارْوَا نّسْ ؤُڒَا ذڭْ ييَّارنْ ذِي طّْوعْ ن يِيسمْ إِنُو، أَذْ إِكْسِي مْيَا ن ثْسقَّارْ ؤُشَا أَذْ إِوَارْثْ ثُوذَارْثْ إِتّْذُومَانْ.
MAT 19:30 مَاشَا أَطَّاسْ ن يِينِّي إِدْجَانْ ذ إِمزْوُورَا أَذْ إِڒِينْ ذ إِنڭُّورَا، ؤُشَا إِنڭُّورَا أَذْ إِڒِينْ ذ إِمزْوُورَا.“
MAT 20:1 ”مِينْزِي ثَاڭلْذِيثْ ن إِجنْوَانْ أَمْ يِيجّْ ن بَابْ ن ثَادَّارْثْ، إِفّغْ غَارْ صّْبحْ زِيشْ، حِيمَا أَذْ إِشْرَا إِخمَّاسنْ إِ ؤُمَارْجعْ نّسْ ن ؤُضِيڒْ.
MAT 20:2 ڒَامِي إِكّسْ أَوَاڒْ أَكْ-ذ إِشوَّاڒنْ س يِيجّنْ ذِينَارْ إِ يِيجّنْ وَاسّْ، إِسّكّْ إِ-ثنْ غَارْ ؤُمَارْجعْ نّسْ ن ؤُضِيڒْ.
MAT 20:3 ڒَامِي د-إِفّغْ نتَّا [عَاوذْ] ذِي جّْوَايهْ ن ثْسَاعّثْ وِيسّْ ثْڒَاثَا، [إِخْسْ أَذْ يِينِي غَارْ ثسْعَا ذِي صّْبحْ]، إِژْرَا إِنّغْنِي بدّنْ ذِي ڒْموْقفْ بْڒَا ڒْخذْمثْ.
MAT 20:4 نتَّا إِنَّا أَسنْ: ’رُوحمْ ؤُڒَا ذ كنِّيوْ غَارْ ؤُمَارْجعْ [إِنُو] ن ؤُضِيڒْ، أَذْ أَومْ وْشغْ مِينْ ذ أَومْ د-إِكَّارنْ!‘، ؤُشَا رُوحنْ.
MAT 20:5 إِفّغْ-د عَاوذْ ذِي جّْوَايهْ ن ثْسَاعّثْ وِيسّْ ستَّا ذ وِيسّْ ثسْعَا، ؤُشَا إِڭَّا أَمنِّي عَاوذْ.
MAT 20:6 ڒَامِي د-إِفّغْ ذِي جّْوَايهْ ن ثْسَاعّثْ وِيسّْ هِيطْعَاشْ، [إِخْسْ أَذْ يِينِي غَارْ خمْسَا ن ثْمذِّيثْ]، يُوفَا ذِينْ [عَاوذْ] إِنّغْنِي بدّنْ ذِينْ بْڒَا ڒْخذْمثْ، إِنَّا أَسنْ: ’مَايمِّي ثْبدّمْ ذَا أَسّْ إِكْمڒْ بْڒَا ڒْخذْمثْ؟‘
MAT 20:7 نَّانْ أَسْ: ’مِينْزِي وَارْ ذ أَنغْ إِشْرِي حذْ.‘ إِنَّا أَسنْ: ’رُوحمْ ؤُڒَا ذ كنِّيوْ غَارْ ؤُمَارْجعْ [إِنُو] ن ؤُضِيڒْ، أَذْ ثطّْفمْ مِينْ ذ أَومْ د-إِكَّارنْ.‘
MAT 20:8 ڒَامِي د-ثِيوضْ ثْمذِّيثْ، إِنَّا بَابْ ن ؤُمَارْجعْ ن ؤُضِيڒْ إِ ؤُوقَّافْ نّسْ: ’ڒَاغَا-د خْ إِخمَّاسنْ، خدْجصْ أَسنْ ڒْمُونثْ، سِيزْوَارْ زڭْ [إِنِّي د-يُوسِينْ ذ] إِنڭُّورَا ؤُشَا أَمُّو أَڒْ إِمزْوُورَا.‘
MAT 20:9 ؤُشَا ؤُسِينْ-د إِنِّي [ذ إِشْرَا] ذِي جّْوَايهْ ن ثْسَاعّثْ وِيسّْ حِيطَاشْ، ؤُشَا كُوڒْ إِجّنْ زَّايْسنْ إِطّفْ إِجّنْ ذِينَارْ.
MAT 20:10 ڒَامِي د-ؤُسِينْ إِنِّي ثُوغَا ذ إِمزْوُورَا، إِتّْغِيڒْ أَسنْ أَذْ طّْفنْ كْثَارْ، [مَاشَا] ؤُڒَا ذ نِيثْنِي طّْفنْ إِ كُوڒْ إِجّنْ زَّايْسنْ إِجّْ ن ذِينَارْ.
MAT 20:11 ڒَامِي ث طّْفنْ، أَقَا خيّْقنْ خْ بَابْ ن ثَادَّارْثْ،
MAT 20:12 نَّانْ: ’أَقَا إِنَا ذ إِنِّي ذ إِنڭُّورَا خذْمنْ إِشْثْ ن ثْسَاعّثْ ؤُ شكْ ثسّمْقُوذذْ إِ-ثنْ أَكِيذْنغْ، نشِّينْ إِنِّي يَاربُّونْ دّْقڒْ ن وَاسّْ ذ ڒحْمُو.‘
MAT 20:13 مَاشَا نتَّا يَارَّا-د خْ إِجّنْ زَّايْسنْ، إِنَّا: ’[أَ] أَمدُّوكّڒْ إِنُو، نشّْ وَارْ شكْ ضْڒِيمغْ، مَا وَارْ كِيذِي ثكِّيسذْ أَوَاڒْ خْ إِجّْ ن ذِينَارْ؟
MAT 20:14 طّفْ مِينْ إِدْجَانْ نّشْ ؤُشَا ؤُيُورْ. نشّْ خْسغْ أَذْ وْشغْ إِ إِنَا ذ إِنِّي ذ إِنڭُّورَا أَنشْثْ مِينْ ذ أَشْ وْشِيغْ.
MAT 20:15 نِيغْ مَا وَارْ غَارِي بُو ڒْحقّْ مَاحنْذْ أَذْ ڭّغْ مِينْ خْسغْ أَكْ-ذ مِينْ إِدْجَانْ إِنُو؟ نِيغْ ثِيطّْ نّشْ ذ ثَاعفَّانْثْ، مِينْزِي نشّْ ذ أَصبْحَانْ؟‘
MAT 20:16 أَمُّو إِ غَا ذوْڒنْ إِنڭُّورَا ذ إِمزْوُورَا، ؤُشَا إِمزْوُورَا أَذْ ذوْڒنْ ذ إِنڭُّورَا، مِينْزِي أَطَّاسْ إِنِّي إِتّْوَاڒَاغَانْ، مَاشَا ذْرُوسْ إِنِّي إِتّْوَافَارْزنْ.“
MAT 20:17 ڒَامِي إِكَّارْ-د يَاسُوع مَاحنْذْ أَذْ إِڭعّذْ غَارْ ؤُرْشَالِيمْ، يِيوِي ثنْعَاشْ ن إِمحْضَارنْ نّسْ غَارْ ؤُغزْذِيسْ ذڭْ وبْرِيذْ، إِنَّا أَسنْ:
MAT 20:18 ”خْزَارْ، أَذْ نْڭعّذْ غَارْ ؤُرْشَالِيمْ، ؤُشَا أَذْ إِمّوْشْ مِّيسْ ن بْنَاذمْ ذڭْ إِفَاسّنْ ن إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ، ؤُ نِيثْنِي أَذْ خَاسْ حكْمنْ س ڒْموْثْ.
MAT 20:19 أَذْ ث سلّْمنْ إِ ڒڭْنُوسْ مَاحنْذْ أَذْ زَّايسْ سْثهْزَانْ، أَذْ ث هتّْكنْ س ؤُركُّوضْ ؤُشَا أَذْ ث صلّْبنْ، [مَاشَا] ذڭْ وَاسّْ وِيسّْ ثْڒَاثَا أَذْ د-إِكَّارْ.“
MAT 20:20 ڒخْذنِّي ثُوسَا-د غَارسْ يمَّاسْ ن ثَارْوَا ن زَابْذِي أَكْ-ذ إِحنْجِيرنْ نّسْ، ثسْجذْ أَسْ، حِيمَا أَذْ زَّايسْ ثتَّارْ شَا ن ڒْحَاجّثْ.
MAT 20:21 إِنَّا أَسْ نتَّا: ”مِينْ ثخْسذْ؟“ ثنَّا أَسْ نتَّاثْ: ”إِنِي مَاحنْذْ أَذْ قِّيمنْ ثْنَاينْ ن إِحنْجِيرنْ-أَ إِنُو، إِجّنْ غَارْ ؤُفُوسِي نّشْ ؤُ ونّغْنِي غَارْ ؤُزڒْمَاضْ نّشْ، ذِي ثْڭلْذِيثْ نّشْ.“
MAT 20:22 يَاسُوع يَارَّا-د خَاسنْ، إِنَّا: ”كنِّيوْ وَارْ ثسِّينمْ شَا مِينْ ثتَّارمْ. مَا ثْزمَّارمْ أَذْ ثسْومْ ڒْكَاسْ إِ غَا سْوغْ نشّْ، نِيغْ أَذْ ثتّْوَاسّْغضْصمْ س ؤُسغْضصْ إِ زِي غَا تّْوَاسّْغضْصغْ نشّْ؟“ نَّانْ أَسْ: ”نْزمَّارْ!“
MAT 20:23 نتَّا إِنَّا أَسنْ: ”ڒْْكَاسْ إِنُو أَذْ ث ثسْومْ ؤُ أَسغْضصْ إِ زِي غَا تّْوَاسّْغضْصغْ، أَذْ زَّايسْ ثتّْوَاسّْغضْصمْ، مَاشَا أَغِيمِي غَارْ ؤُفُوسِي إِنُو ذ ؤُزڒْمَاضْ إِنُو وَارْ إِدْجِي إِ نشّْ، مَاحنْذْ أَذْ ث وْشغْ، مَاشَا [أَذْ يِيڒِي] إِ يِينِّي ؤُمِي ث إِسّوْجذْ بَابَا.“
MAT 20:24 ڒَامِي سْڒِينْعشْرَا [ن إِمحْضَارنْ] نّغْنِي مَانْ أَيَا، خيّْقنْ أَطَّاسْ خْ ثْنَاينْ ن وَاوْمَاثنْ.
MAT 20:25 مَاشَا يَاسُوع إِڒَاغَا-د خَاسنْ غَارسْ، إِنَّا: ”كنِّيوْ أَقَا ثسّْنمْ بلِّي ڒْحُوكَّامْ ن ڒڭْنُوسْ حكّْمنْ خَاسنْ ؤُشَا ؤُڒَا ذ إِمقّْرَاننْ نْسنْ تّْصلَّاطنْ خَاسنْ.
MAT 20:26 وَارْ إِتِّيڒِي أَمُّو جَارْ أَومْ، مَاشَا س ڒْمقْڒُوبْ: ونِّي إِخْسنْ أَذْ يِيڒِي ذ أَمقّْرَانْ جَارْ أَومْ، أَذْ يِيڒِي ذ أَمْسخَّارْ نْومْ،
MAT 20:27 ؤُ ونِّي إِخْسنْ أَذْ يِيڒِي ذ أَمزْوَارُو جَارْ أَومْ، أَذْ يِيڒِي ذ أَمْسخَّارْ نْومْ،
MAT 20:28 أَمْ مَامّشْ مِّيسْ ن بْنَاذمْ وَارْ د-يُوسِي حِيمَا أَذْ خَاسْ سخَّارنْ، مَاشَا حِيمَا أَذْ خَاسنْ إِسخَّارْ ؤُشَا أَذْ إِوْشْ ثُوذَارْثْ نّسْ ذ أَصْڒَاحْ إِ وَاطَّاسْ [ن يوْذَانْ].“
MAT 20:29 ڒَامِي د-إِفّغْ يَاسُوع زِي أَرِيحَا، إِضْفَارْ إِ-ث-إِ-د أَطَّاسْ ن ڒْغَاشِي.
MAT 20:30 خْزَارْ، أَقَا ذِينْ ثْنَاينْ ن إِذَارْغَاڒنْ قِّيمنْ خْ طَّارْفْ ن وبْرِيذْ، ڒَامِي سْڒِينْ بلِّي يَاسُوع أَذْ إِعْذُو، ڒَاغَانْ، نَّانْ: ”أَ سِيذِي، مِّيسْ ن ذَاوُوذْ، أَرْحمْ أَنغْ!“
MAT 20:31 مَاشَا ڒْغَاشِي إِزِييَّارْ خَاسنْ، حِيمَا أَذْ سْقَارنْ. مَاشَا نِيثْنِي سْغُوينْ س جّهْذْ كْثَارْ، نَّانْ: ”أَرْحمْ أَنغْ، [أَ] سِيذِيثْنغْ، مِّيسْ ن ذَاوُوذْ!“
MAT 20:32 خنِّي إِبدّْ يَاسُوع، إِڒَاغَا-د خَاسنْ، إِنَّا: ”مِينْ ثخْسمْ أَذْ أَومْ ڭّغْ؟“
MAT 20:33 نَّانْ أَسْ نِيثْنِي: ”[أَ] سِيذِيثْنغْ، مَاڒَا ثخْسذْ أَذْ تّْوَارزْمنْثْ ثِيطَّاوِينْ نّغْ.“
MAT 20:34 يَاسُوع إِحِينّْ خَاسنْ، خنِّي إِحَاذَا ثِيطَّاوِينْ نْسنْ. ڒخْذنِّي ذوْڒنْثْ ثِيطَّاوِينْ نْسنْ تّْوَاڒَانْثْ، ؤُشَا نِيثْنِي ضْفَارنْ ث-إِ-د.
MAT 21:1 ڒَامِي د-قَارّْبنْ غَارْ ؤُرْشَالِيمْ، إِوْضنْ غَارْ بَايْثْ-فَاجِي، غَارْ ؤُغزْذِيسْ ن وذْرَارْ ن زِّيثُونْ، إِسّكّْ يَاسُوع ثْنَاينْ ن إِمحْضَارنْ نّسْ، إِنَّا أَسنْ:
MAT 21:2 ”رُوحمْ غَارْ ذْشَارْ نِّي قِيبَاتْشْ نْومْ. ذغْيَا أَذْ ثَافمْ إِشْثْ ن ثغْيُوتْشْ ثقّنْ ذ إِجّْ ن وسْنُوسْ أَكِيذسْ. فسْيمْ أَسنْ، ثَاوْيمْ ثنْ-د غَارِي.
MAT 21:3 مَاڒَا إِنَّا أَومْ حذْ شَا، أَرّمْ خَاسْ أَمُّو: ’أَقَا سِيذِيثْنغْ إِحْذَاجْ إِ-ثنْ. نتَّا أَذْ ثنْ د-يَارّْ ذغْيَا.‘ “
MAT 21:4 مَانْ أَيَا قَاعْ إِمْسَارْ، حِيمَا أَذْ إِتّْوَاكمّڒْ مَارَّا مِينْ إِتّْوَانَّانْ زڭْ ؤُنَابِي أَمْ إِنَّا:
MAT 21:5 ”إِنِيمْ إِ يدْجِيسْ ن صِيهْيُونْ: ’خْزَارْ، أَجدْجِيذْ نّمْ أَذْ غَارمْ د-يَاسْ س ؤُوَاضعْ، ينْيَا خْ وغْيُوڒْ ذ وسْنُوسْ، أَقَا ذ مِّيسْ ن ثغْيُوتْشْ.“
MAT 21:6 رُوحنْ إِمحْضَارنْ ؤُشَا ڭِّينْ أَمْ مَامّشْ ثنْ يُومُورْ يَاسُوع.
MAT 21:7 إِوْينْ-د أَغْيُوڒْ ذ وسْنُوسْ، سَارْسنْ أَرُّوضْ نْسنْ خْ وسْنُوسْ ؤُشَا إِنْيَا خَاسْ يَاسُوع.
MAT 21:8 أَطَّاسْ زِي ڒْغَاشِي سُّونْ أَرُّوضْ نْسنْ ذڭْ وبْرِيذْ ؤُ إِنّغْنِي قسّنْ ڒفْرُوعْ زِي ثْشجُّورَا، نْضَارنْ ثنْ ذڭْ وبْرِيذْ.
MAT 21:9 ؤُشَا أَبَارُّو ن ڒْغَاشِي نِّي ذ أَسْ إِزْوَارنْ ذ يِينِّي إِ-ث-إِ-د إِضْفَارنْ، ثُوغَا سْغُويُّونْ، نَّانْ: ”ؤُصَانَّا إِ مِّيسْ ن ذَاوُوذْ! لْبَارَاكَا إِ ونِّي د-يُوسِينْ س يِيسمْ ن سِيذِي. ؤُصَانَّا، ذِي ڒُوعْڒَا خْ ڒُوعْڒَا ن إِجنْوَانْ.“
MAT 21:10 ڒَامِي يُوذفْ غَارْ ؤُرْشَالِيمْ، ثْهَاجْ ثنْذِينْثْ قَاعْ، [إِوْذَانْ] نَّانْ: ”مِينْ إِعْنَا وَا؟“
MAT 21:11 ڒْغَاشِي إِنَّا: ”ذ وَا ذ أَنَابِي يَاسُوع زِي نَّاصِيرَا ذِي لْجَالِيلْ.“
MAT 21:12 يُوذفْ يَاسُوع غَارْ زَّاوشْثْ ثَامقّْرَانْثْ ن أَربِّي، إِسُّوفّغْ مَارَّا إِنِّي إِزّْنُوزَانْ ذ يِينِّي إِسَّاغنْ ذِي زَّاوشْثْ ثَامقّْرَانْثْ ؤُشَا إِقْڒبْ طّْوَابڒْ ن إِصَارَّافنْ [ن ثنْعَاشِينْ] ذ ڒكْرَاسِي ن يِينِّي إِزّْنُوزَانْ إِذْبِيرنْ.
MAT 21:13 إِنَّا أَسنْ: ”أَقَا ثُورَا: ’ثَادَّارْثْ إِنُو أَذْ ثتّْوَاسمَّا ’ثَادَّارْثْ ن ثْژَادْجِيثْ‘، مَاشَا كنِّيوْ ثَارِّيمْ ت ذ إِفْرِي ن إِشفَّارنْ.‘ “
MAT 21:14 إِوْينْ-د غَارسْ ذِي زَّاوشْثْ ثَامقّْرَانْثْ إِذَارْغَاڒنْ ذ إِنعْضَابنْ ؤُشَا إِسّْڭنْفَا ثنْ.
MAT 21:15 ؤُمِي ژْرِينْ إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ لْمُوعْجِيزَاثْ إِ يڭَّا ؤُ أَقَا إِحنْجِيرنْ تّْڒَاغَانْ ذِي زَّاوشْثْ ثَامقّْرَانْثْ، قَّارنْ: ”ؤُصَانَّا إِ مِّيسْ ن ذَاوُوذْ!“، خيّْقنْ أَطَّاسْ،
MAT 21:16 نَّانْ أَسْ: ”مَا ثسْڒِيذْ مِينْ قَّارنْ يِينَا؟“ إِنَّا أَسنْ يَاسُوع: ”وَاهْ، مَا وَارْ ثغْرِيمْعمَّارْصْ: ’زڭْ إِقمُّومنْ ن إِحنْجِيرنْ ذ إِسيْمَانْ ثسّْوجْذذْ شكْ تّسْبِيحْ‘؟“
MAT 21:17 ڒخْذنِّي إِسْمحْ ذَايْسنْ، إِفّغْ بَارَّا إِ ثنْذِينْثْ غَارْ بَايْثْ-عَانْيَا، إِنْسَا ذِينْ.
MAT 21:18 غَارْ صّْبحْ زِيشْ ڒَامِي د-إِذْوڒْ غَارْ ثنْذِينْثْ، ثُوغَا ذَايسْ ڒَاژْ.
MAT 21:19 إِژْرَا إِجّْ ن وَارْثُو خْ وبْرِيذْ، إِرُوحْ غَارسْ، وَارْ ذَايسْ يُوفِي مْغِيرْ ثِيفْرَايْ وَاهَا. [خنِّي] إِنَّا [إِ وَارْثُو]: ”وَارْ زَّايكْ تّفّغْ ڒْغِيدْجثْعمَّارْصْ.“ ڒخْذنِّي يُوژغْ وَارْثُو ذغْيَا.
MAT 21:20 ؤُمِي ژْرِينْ إِمحْضَارنْ مَانْ أَيَا، ثْبهْثنْ، نَّانْ: ”مَامّشْ إِڭَّا وَارْثُو يُوژغْ ذغْيَا؟“
MAT 21:21 يَاسُوع يَارَّا-د، إِنَّا أَسنْ: ”س ثِيذتّْ نشّْ أَذْ أَومْ إِنِيغْ: مَاڒَا ذَايْومْ لْ-إِيمَانْ ؤُ وَارْ ثْشكِّيمْ شَا، أَقَا وَارْ ثتّڭّمْ مِينْ إِمْسَارنْ إِ وَارْثُو وَاهَا، مَاشَا عَاوذْ مَاڒَا ثنَّامْ إِ وذْرَارْ-أَ: ’مكْسِي، وْضَا ذِي ڒبْحَارْ!‘، أَذْ يِيڒِي.
MAT 21:22 ذ قَاعْ مِينْ غَا ثتَّارمْ ذِي ثْژَادْجِيثْ س لْ-إِيمَانْ، أَذْ [ث] ثطّْفمْ.“
MAT 21:23 ڒَامِي يُوذفْ غَارْ زَّاوشْثْ ثَامقّْرَانْثْ، ؤُسِينْ-د غَارسْ إِمقّْرَاننْ ن إِكهَّاننْ ذ إِمْغَارنْ ن ڒْڭنْسْ أَمْ ثُوغَا إِسّڒْمَاذْ، نَّانْ: ”س مَانْ صُّولْطَا إِ ثڭِّيذْ ثِيمسْڒَايِينْ-أَ؟ وِي ذ أَشْ إِوْشِينْ صُّولْطَا-يَا؟“
MAT 21:24 يَاسُوع يَارَّا-د، إِنَّا أَسنْ ”ؤُڒَا ذ نشّْ أَذْ كنِّيوْ سّقْسِيغْ إِجّْ ن ؤُسقْسِي ؤُ مَاڒَا ثَارِّيمْ-د خَافِي ؤُڒَا ذ نشّْ أَذْ أَومْ إِنِيغْ س مَانْ صُّولْطَا إِ تّڭّغْ ثِيمسْڒَايِينْ-أَ.
MAT 21:25 أَسغْضَاصْ ن يُوحَانَّا، مَانِيسْ نتَّا؟ زڭْ ؤُجنَّا نِيغْ زڭْ إِوْذَانْ؟“ مْشَاوَارنْ نِيثْنِي جَارْ أَسنْ، نَّانْ: ”مَاڒَا ننَّا: ’زڭْ ؤُجنَّا!‘، أَذْ أَنغْ إِنِي: ’مَايمِّي وَارْ زَّايسْ ثُومِينمْ؟‘،
MAT 21:26 ؤُ مَاڒَا ننَّا: ’زڭْ إِوْذَانْ!‘، خنِّي ذَايْنغْ ثِيڭّْوُوذِي زِي ڒْغَاشِي، مِينْزِي مَارَّا حسّْبنْ يُوحَانَّا ذ أَنَابِي.“
MAT 21:27 أَرِّينْ-د، نَّانْ: ”وَارْ نسِّينْ.“ إِنَّا أَسنْ نتَّا: ”خنِّي ؤُڒَا ذ نشّْ وَارْ ذ أَومْ قَّارغْ س مَانْ صُّولْطَا إِ تّڭّغْ مَانْ أَيَا.“
MAT 21:28 ”مِينْ ذ أَومْ إِتّْغِيڒْ كنِّيوْ؟ إِجّْ ن ورْيَازْ ثُوغَا غَارسْ ثْنَاينْ ن إِحنْجِيرنْ. إِڒَاغَا خْ ؤُمزْوَارُو، إِنَّا: ’[أَ] مِّي، ؤُيُورْ، أَسّْ-أَ أَذْ ثْخذْمذْ ذڭْ ؤُمَارْجعْ ن ؤُضِيڒْ!‘
MAT 21:29 نتَّا يَارَّا-د، إِنَّا: ’نشّْ وَارْ خْسغْ شَا!‘، مَاشَا أَوَارْنِي مَانْ أَيَا إِنْذمْ ؤُشَا إِرُوحْ ذِينْ.
MAT 21:30 ؤُشَا يُوسَا-د نتَّا غَارْ ونِّي وِيسّْ ثْنَاينْ، إِنَّا أَسْ أَمنِّي بعْذَا. وَانِيثَا يَارَّا-د خَاسْ: ’وَاهْ، أَ سِيذِي!‘، [مَاشَا] وَارْ إِرُوحْ شَا!
MAT 21:31 مَانْ ونْ زَّايْسنْ إِ إِڭِّينْ ڒْخَاضَارْ إِ بَابَاسْ؟“ نِيثْنِي أَرِّينْ-د خَاسْ: ”ونِّي ذ أَمزْوَارُو.“ يَاسُوع إِنَّا أَسنْ: ”س ثِيذتّْ، نشّْ أَذْ أَومْ إِنِيغْ، أَقَا أَيْثْ ن ضَّارِيبَا ذ ثمْغَارِينْ ن فَارْقْ-شّْغڒْ أَذْ أَومْ إِزْوَارنْ غَارْ ثْڭلْذِيثْ ن أَربِّي.
MAT 21:32 مِينْزِي يُوحَانَّا يُوسَا-د غَارْومْ ذڭْ وبْرِيذْ ن ثْسڭْذَا، كنِّيوْ وَارْ زَّايسْ ثُومِينمْ، مَاشَا أَيْثْ ن ضَّارِيبَا ذ ثمْغَارِينْ ن فَارْقْ-شّْغڒْ أَقَا نِيثْنِي ؤُمْننْ زَّايسْ. ڒَامِي ثژْرِيمْ مَانْ أَيَا، وَارْ ثثُوبمْ شَا غَارْ ؤُنڭَّارُو، مَاحنْذْ أَذْ زَّايسْ ثَامْنمْ.“
MAT 21:33 ”سْڒمْ [عَاوذْ] إِ يِيجّْ ن ؤُمذْيَا نّغْنِي. ثُوغَا ذِينْ إِجّْ ن ورْيَازْ، بَابْ ن ثَادَّارْثْ، إِڭَّا إِجّْ ن ؤُمَارْجعْ ن ؤُضِيڒْ،  إِژُّو ذَايسْ ثِيزَايَارِينْ. نتَّا إِقُووَّارْ أَسْ-د س يِيجّْ ن وفْرَايْ، إِغْزَا ذَايسْ ثَاسِيرْثْ ن ؤُضِيڒْ ؤُشَا إِبْنَا ذَايسْ إِشْثْ ن صُّومْعثْ. خنِّي يَارْهنْ [أَمَارْجعْ نِّي ن ؤُضِيڒْ] إِ شَا ن إِخمَّاسنْ ؤُشَا إِسَافَارْ.
MAT 21:34 ؤُمِي د-ثِيوضْ ڒْوقْثْ [ن صَّابثْ] ن ڒْغِيدْجثْ، إِسّكّْ إِمْسخَّارنْ نّسْ غَارْ إِخمَّاسنْ [نِّي] حِيمَا أَذْ د-أَوْينْ ڒْغِيدْجثْ نّسْ.
MAT 21:35 إِخمَّاسنْ طّْفنْ إِمْسخَّارنْ نّسْ، وْثِينْ إِجّنْ، نْغِينْ نّغْنِي ؤُشَا أَرجْمنْ [عَاوذْ] إِجّنْ نّغْنِي.
MAT 21:36 عَاوذْ إِسّكّْ إِمْسخَّارنْ نّغْنِي، كْثَارْ زڭْ ؤُمزْوَارُو، ؤُشَا ڭِّينْ ذَايْسنْ عَاوذْ أَمنِّي.
MAT 21:37 غَارْ ؤُنڭَّارْ إِسّكّْ أَسنْ-د مِّيسْ، إِنَّا: ’نِيشَانْ أَذْ وقَّارنْ مِّي‘.
MAT 21:38 مَاشَا ڒَامِي ژْرِينْ إِخمَّاسنْ مِّيسْ، نَّانْ جَارْ أَسنْ: ’أَقَا ذ أَوْرِيثْ، زِيذمْ، أَذْ ث ننغْ، أَذْ أَسْ نكّسْ ڒْوَارْثْ إِ نشِّينْ.‘
MAT 21:39 طّْفنْ ث، نْضَارنْ ث بَارَّا إِ ؤُمَارْجعْ ن ؤُضِيڒْ ؤُشَا نْغِينْ ث.
MAT 21:40 مَاڒَا يُوسَا-د بَابْ ن ؤُمَارْجعْ نِّي، مِينْ غَا يڭّْ ذڭْ إِخمَّاسنْ نِّي؟“
MAT 21:41 نَّانْ أَسْ: ”أَذْ يَاردّدْجْ إِعفَّاننْ نِّي قَاعْ، ؤُشَا أَذْ إِوْشْ أَمَارْجعْ ن ؤُضِيڒْ إِ إِخمَّاسنْ نّغْنِي إِنِّي ذ أَسْ إِ غَا إِوْشنْ ڒْغِيدْجثْ ذِي ڒْوقْثْ نّسْ.“
MAT 21:42 يَاسُوع إِنَّا أَسنْ: ”مَا وَارْ ثغْرِيمْعمَّارْصْ ذڭْ إِذْلِيسنْ: ’أَژْرُو إِ إِعِيفّنْ إِبنَّاينْ، أَقَا إِذْوڒْ ذ أَژْرُو أَزدْجِيفْ ن ثغْمَارْثْ. وَا يُوسَا-د زِي سِيذِي ؤُ مَانْ أَيَا ذ ڒعْجبْ ذِي ثِيطَّاوِينْ نّغْ.‘
MAT 21:43 س ؤُينِّي أَذْ أَومْ إِنِيغْ، بلِّي ثَاڭلْذِيثْ ن أَربِّي أَذْ أَومْ ثتّْوَاكّسْ ؤُشَا أَذْ ثمّوْشْ إِ يِيجّْ ن ڒْڭنْسْ إِ غَا إِوْشنْ ڒْغِيدْجثْ نّسْ.
MAT 21:44 وِي غَا إِوْضَانْ خْ وژْرُو-يَا، أَذْ إِتّْوَاڒْبزْ، ؤُ وِي خفْ إِ غَا إِوْضَا، أَذْ ث إِڒْبزْ.“
MAT 21:45 ڒَامِي سْڒِينْ إِمقّْرَاننْ ن إِكهَّاننْ ذ إِفَارِيسِييّنْ إِمذْيَا نّسْ، فهْمنْ بلِّي إِسَّاوَاڒْ خَاسنْ.
MAT 21:46 أَرزُّونْ أَذْ ث طّْفنْ، [مَاشَا] ڭّْوذنْ زِي ڒْغَاشِي، مِينْزِي [ڒْغَاشِي] ثُوغَا إِحسّبْ إِ-ث ذ إِجّْ ن ؤُنَابِي.
MAT 22:1 إِطّفْ يَاسُوع عَاوذْ ذڭْ وَاوَاڒْ ؤُشَا إِسِّيوڒْ أَكِيذْسنْ عَاوذْ س إِمذْيَا، إِنَّا:
MAT 22:2 ”ثَاڭلْذِيثْ ن إِجنْوَانْ أَمْ يِيجّْ ن ورْيَازْ، إِجّْ ن ؤُجدْجِيذْ، إِڭَّا ؤُرَارْ إِ مِّيسْ.
MAT 22:3 إِسّكّْ-د إِمْسخَّارنْ نّسْ حِيمَا أَذْ ڒَاغَانْ خْ يِينِّي إِتّْوَاعَارْضنْ غَارْ وُورَارْ، [مَاشَا] ؤُڭِينْ أَذْ د-أَسنْ.
MAT 22:4 عَاوذْ إِسّكّْ-د إِمْسخَّارنْ نّغْنِي، إِنَّا: ’إِنِيمْ إِ يِينِّي إِتّْوَاعَارْضنْ: أَقَا سّْوجْذغْ أَومْ أَمشْڒِي، غَارْصغْ إِ إِينْذُوزنْ إِنُو ذ ڒْمَاڒْ إِنُو إِصحّنْ، أَقَا مَارَّا إِوْجذْ، أَسمْ-د غَارْ وُورَارْ!‘ “
MAT 22:5 نِيثْنِي مَاشَا وَارْ وْشِينْ شَا ثَايْنِيثْ إِ مَانْ أَيَا، رُوحنْ، إِجّنْ غَارْ ڒعْرَاصِي نّسْ ؤُ ونّغْنِي غَارْ تِّيجَارَا نّسْ.
MAT 22:6 إِنِّي إِقِّيمنْ طّْفنْ إِمْسخَّارنْ نّسْ،غزَّانْ ذَايْسنْ ؤُشَا نْغِينْ [ثنْ].
MAT 22:7 [ڒَْامِي] إِسْڒَا ؤُجدْجِيذْ مَانْ أَيَا، إِخيّقْ أَطَّاسْ، إِسّكّْ-د ڒْعسْكَارْ نّسْ ؤُشَا يَاريّبْ إِقتَّاڒنْ نِّي ؤُشَا إِسّشْمضْ ثَانْذِينْثْ نْسنْ.
MAT 22:8 خنِّي إِنَّا إِ إِمْسخَّارنْ نّسْ: ’أَقَا ؤُرَارْ إِوْجذْ مَاشَا إِنِّي ثُوغَا إِتّْوَاعَارْضنْ وَارْ ث سْذِيهِيدْجنْ شَا.
MAT 22:9 س ؤُيَا ؤُيُورمْ غَارْ مَانِي تّمْسبْضَانْ إِبْرِيذنْ، ڒَاغَامْ-د خْ مَارَّا إِنِّي إِ غَا ثَافمْ ذِينْ غَارْ وُورَارْ.‘
MAT 22:10 [خنِّي] فّْغنْ-د إِمْسخَّارنْ نِّي غَارْ إِبْرِيذنْ ؤُشَا سّْمُوننْ مَارَّا إِنِّي ؤُفِينْ، أَمْ يِيصبْحَاننْ أَمْ يِيعفَّاننْ، ؤُشَا ثَادَّارْثْ ن وُورَارْ ثذْوڒْ ثشُّورْ س [إِنوْجِيونْ] إِ إِقِّيمنْ ذِينِّي.
MAT 22:11 ڒَامِي د-يُوذفْ ؤُجدْجِيذْ، مَاحنْذْ أَذْ إِژَارْ [إِنوْجِيونْ] نِّي إِقِّيمنْ ذِينِّي، إِحكَّارْ إِ يِيجّْ ن بْنَاذمْ وَارْ يَارْضْ شَا أَرُّوضْ ن وُورَارْ.
MAT 22:12 إِنَّا أَسْ: ’[أَ] أَمدُّوكّڒْ إِنُو، مَامّشْ د-ثُوذْفذْ ذَانِيثَا بْڒَا أَرُّوضْ ن وُورَارْ؟‘ مَاشَا نتَّا إِذْوڒْ إِڭْنُو.
MAT 22:13 خنِّي إِنَّا ؤُجدْجِيذْ إِ إِمْسخَّارنْ: ’شَارْفمْ ث س إِفَاسّنْ ذ إِضَارنْ ؤُشَا نْضَارمْ ث بَارَّا غَارْ ؤُنڭَّارْ ن ثَادْجسْثْ مَانِي غَا إِڒِينْ إِمطَّاونْ ذ ؤُغزِّي ن ثغْمَاسْ.‘
MAT 22:14 مِينْزِي أَقَا ذِينْ أَطَّاسْ إِنِّي إِتّْوَاڒَاغَانْ مَاشَا ذْرُوسْ إِنِّي إِتّْوَافَارْزنْ.“
MAT 22:15 خنِّي رُوحنْ إِفَارِيسِييّنْ، مْشَاوَارنْ مَامّشْ أَذْ أَسْ ڭّنْ إِجّْ ن ڒْفخْ ذِي سِّيبّثْ ن وَاوَاڒْ[أنْ] نّسْ.
MAT 22:16 سّكّنْ غَارسْ إِمحْضَارنْ نْسنْ أَكْ-ذ إِنِّي زِي ثَادَّارْثْ ن هِيرُوذُوسْ، نَّانْ: ”[أَ] أَمْسغَّارْ، أَقَا نسّنْ بلِّي شكْ ذ ثِيذتّْ، ثسّڒْمَاذذْ أَبْرِيذْ ن أَربِّي س ثِيذتّْ، نْهْڒَا مَا ثسّڒْقِيذْ ؤُڒَا خْ يِيجّْ، مِينْزِي شكْ وَارْ ثتّڭّذْ س وُوذْمَاونْ.
MAT 22:17 إِوَا إِنِي أَنغْ مَامّشْ إِ ثْوَاڒِيذْ شكْ: مَا إِحقّْ [عْلَاحْسَابْ شَّارِيعَا] أَذْ ثتّْوَاخدْجصْ ضَّارِيبَا إِ قَايْصَارْ نِيغْ لَّا؟“
MAT 22:18 مَاشَا يَاسُوع إِسّنْ ثَاحْرَايْمشْثْ نْسنْ ؤُشَا إِنَّا: ”مَايمِّي ذ أَيِي ثتّْجَارَّابمْ، [كنِّيوْ، أَ] إِمْنَافْقنْ؟
MAT 22:19 سشّْنمْ أَيِي [إِجّْ ن ؤُقِييَّا ن] ذِينَارْ ن ضَّارِيبَا خْ كُوڒْ أَزدْجِيفْ!“ إِوْينْ أَسْ-د إِجّْ ن ذِينَارْ.
MAT 22:20 خنِّي إِنَّا أَسنْ: ”وِي يِيڒَانْ ثَاصْوِيرْثْ-أَ ذ ثِيرَا-يَا؟“
MAT 22:21 نَّانْ أَسْ: ”ن قَايْصَارْ!“ خنِّي إِنَّا أَسنْ: ”وْشمْ إِ قَايْصَارْ مِينْ إِدْجَانْ إِ قَايْصَارْ ؤُ إِ أَربِّي مِينْ إِدْجَانْ إِ أَربِّي.“
MAT 22:22 ڒَامِي سْڒِينْ مَانْ أَيَا، ثْبهْثنْ، سمْحنْ ذَايسْ ؤُشَا رُوحنْ.
MAT 22:23 ذڭْ وَاسّْ نِّي ؤُسِينْ-د غَارسْ إِصَاذُوقِييّنْ، قَّارنْ أَسْ: ’أَقَا وَارْ ذِينْ بُو ثُوذَارْثْ [إِ] إِمتِّيننْ!‘، ؤُشَا سّقْسَانْ ث،
MAT 22:24 نَّانْ أَسْ: ”[أَ] أَمْسغَّارْ، مُوسَا أَقَا إِنَّا: ’مَاڒَا إِمُّوثْ حذْ وَارْ د-يجِّي بُو ثَارْوَا، إِتّْخصَّا إِ ؤُمَاسْ أَذْ إِمْڒشْ أَكْ-ذ ثمْغَارْثْ نّسْ أَذْ كِيذسْ د-يجّْ أَحنْجِيرْ إِ ؤُمَاسْ.‘
MAT 22:25 ثُوغَا غَارْنغْ سبْعَا ن وَاوْمَاثنْ. أَمزْوَارُو إِمْڒشْ، إِمُّوثْ. ؤُمِي وَارْ د-يجِّي شَا ثَارْوَا، أَقَا إِجَّا ثَامْغَارْثْ نّسْ إِ ؤُمَاسْ.
MAT 22:26 أَمُّو [إِ إِمُّوثْ] ؤُڒَا ذ ونِّي وِيسّْ ثْنَاينْ ذ وِيسّْ ثْڒَاثَا أَڒْ ونِّي وِيسّْ سبْعَا.
MAT 22:27 غَارْ ؤُنڭَّارُو نْسنْ مَارَّا ثمُّوثْ ثمْغَارْثْ.
MAT 22:28 إِ مَانْ ونْ زَّايْسنْ إِ غَا ثِيڒِي ثمْغَارْثْ ذِي ثْنُوكْرَا، مِينْزِي نِيثْنِي مَارَّا إِوْينْ ت ذ ثَامْغَارْثْ؟“
MAT 22:29 يَاسُوع يَارَّا-د، إِنَّا أَسنْ: ”أَقَا كنِّيوْ ثْودَّارمْ، مِينْزِي وَارْ ثسِّينمْ شَا ثِيرَا [إِقدّْسنْ] ؤُڒَا ذ جّهْذْ ن أَربِّي.
MAT 22:30 مِينْزِي ذِي ثْنُوكْرَا وَارْ تِّيوْينْ نِيثْنِي ثِيمْغَارِينْ، ؤُ ثِيمْغَارِينْ وَارْ تِّيڒِينْثْ إِ يرْيَازنْ، مَاشَا أَذْ إِڒِينْ أَمْ لْمَالَاكَاثْ ن أَربِّي ذڭْ ؤُجنَّا.
MAT 22:31 [مَاشَا] زِي جِّيهثْ ن ثْنُوكْرَا جَارْ إِمتِّيننْ، مَا وَارْ ثغْرِيمْ شَا مِينْ ذ أَومْ إِنَّا أَربِّي إِ إِقَّارنْ:
MAT 22:32 ’أَقَا نشّْ ذ أَربِّي ن إِبْرَاهِيمْ، أَربِّي ن إِسْحَاقْ، أَربِّي ن يَاعْقُوبْ!‘ أَربِّي وَارْ إِدْجِي ذ أَربِّي ن إِمتِّيننْ مَاشَا ن يِينِّي إِدَّارنْ.“
MAT 22:33 ڒَامِي سْڒِينْ ڒْغَاشِي مَانْ أَيَا، ثْبهْثنْ ذڭْ ؤُسڒْمذْ نّسْ.
MAT 22:34 ڒَامِي سْڒِينْ إِفَارِيسِييّنْ بلِّي نتَّا إِبلّعْ أَقمُّومْ ن إِصَاذُوقِييّنْ، مُوننْ جَارْ أَسنْ.
MAT 22:35 إِجّنْ زَّايْسنْ، إِجّنْ ونِّي إِسّْننْ شَّارِيعَا [مْلِيحْ]، إِسّقْسَا ث حِيمَا أَذْ ث إِجَارّبْ:
MAT 22:36 ”[أَ] أَمْسغَّارْ، مَانْ ثَاوْصيّثْ إِ إِدْجَانْ ذ ثَامقّْرَانْثْ ذِي شَّارِيعَا؟“
MAT 22:37 إِنَّا أَسْ يَاسُوع: ”أَذْ ثخْسذْ سِيذِي، أَربِّي نّشْ، س مَارَّا وُوڒْ نّشْ، س مَارَّا ڒعْمَارْ نّشْ، س مَارَّا جّهْذْ نّشْ ؤُ س مَارَّا ڒعْقڒْ نّشْ.
MAT 22:38 ذ ثَا ذ ثَاوْصيّثْ ثَامقّْرَانْثْ ذ ثَامزْوَارُوثْ.
MAT 22:39 ثنِّي وِيسّْ ثْنَاينْ ثَارْوسْ ذَايسْ، أَقَا نتَّاثْ: ’أَذْ ثخْسذْ جَّارْ نّشْ أَمشْنَاوْ إِخفْ نّشْ‘.
MAT 22:40 خْ ثْنَاينْ ن ثْوصَّا-يَا ثتّْوَابْنَا مَارَّا شَّارِيعَا ذ إِنَابِييّنْ.“
MAT 22:41 أَمْ ثُوغَا مُوننْ إِفَارِيسِييّنْ، إِسّقْسَا ثنْ يَاسُوع،
MAT 22:42 إِنَّا: ”مِينْ ثقَّارمْ خْ لْمَاسِيحْ؟ ؤُمِي إِڭَّا مِّيسْ؟“ نَّانْ أَسْ: ”مِّيسْ ن ذَاوُوذْ!“
MAT 22:43 إِنَّا أَسنْ: ”مَامّشْ إِ غَا يڭّْ ذَاوُوذْ أَذْ أَسْ إِسمَّا زِي أَرُّوحْ ’سِيذِي‘، أَمْ إِقَّارْ:
MAT 22:44 ’سِيذِي إِنَّا إِ سِيذِي إِنُو: قِّيمْ-د خْ ؤُفُوسِي إِنُو أَڒْ غَا ڭّغْ ڒْعذْيَانْ نّشْ سَاذُو إِضَارنْ نّشْ.‘
MAT 22:45 مَاڒَا ذَاوُوذْ إِڒَاغَا أَسْ ’سِيذِي‘، مَامّشْ غَا يِيڒِي ذ مِّيسْ؟“
MAT 22:46 ؤُڒَا ذ إِجّنْ وَارْ إِزمَّارْ أَذْ خَاسْ د-يَارّْ ؤُ ؤُڒَا ذ إِجّْ وَارْ إِقِّيمْ إِزعّمْ إِتّْسقْسَا ث [شَا] عَاذْ زڭْ وَاسّْ نِّي.
MAT 23:1 ڒخْذنِّي إِسِّيوڒْ يَاسُوع أَكْ-ذ ڒْغَاشِي ؤُ أَكْ-ذ إِمحْضَارنْ نّسْ،
MAT 23:2 إِنَّا: ”إِمْسڒْمَاذنْ ن إِذْلِيسنْ ذ إِفَارِيسِييّنْ سّْغِيمنْ سِيمَانْثْ نْسنْ خْ ڒْكُورْسِي ن مُوسَا.
MAT 23:3 س ؤُيَا مَارَّا مِينْ ذ أَومْ قَّارنْ مَاحنْذْ أَذْ ذَايسْ ثْشبَّارمْ، ڭّمْ ث، مَاشَا وَارْ تّڭّمْ عْلَاحْسَابْ ڒخْذَايمْ نْسنْ، مِينْزِي نِيثْنِي وَاخَّا قَّارنْ [ث]، وَارْ [ث] تّڭّنْ.
MAT 23:4 تّْشدَّانْ ڒحْمڒْ إِضقْڒنْ، سّْرُوسَانْ ثنْ خْ ثْغَارْذِينْ ن إِوْذَانْ، مَاشَا نِيثْنِي س يِيخفْ نْسنْ وَارْ خْسنْ أَذْ ثنْ سّنْهزّنْ ؤُڒَا س يِيجّْ ن ؤُضَاضْ.
MAT 23:5 مَارَّا ڒخْذَايمْ نْسنْ إِ إِتّڭّنْ، تّڭّنْ ثنْثْ حِيمَا أَذْ ثنْ ژَترنْ إِوْذَانْ مِينْزِي نِيثْنِي تّڭّنْ ثِيحزَّانِينْ نْسنْ ن ثْژَادْجِيثْ ذ إِمِيرِيونْ ؤُشَا ثِيشْرُورِينْ [إِ إِدْجَانْ غَارْ ؤُبحْڒُوڒْ] ن ڒْكَاشْنِي ن ثْژَادْجِيثْ نْسنْ، ڭِّينْ ثنْثْ ذ ثِيمقّْرَانِينْ.
MAT 23:6 نِيثْنِي تّخْسنْ إِمُوشَانْ إِصبْحنْ غَارْ ڒفْرُوحْ ؤُ ڒكْرَاسِي إِصبْحنْ ذِي ثمْزِيذَاوِينْ،
MAT 23:7 ؤُڒَا ذ سّْڒَامْ ذِي ڒسْوَاقْ، ؤُشَا إِعْجبْ أَسنْ أَذْ أَسنْ ڒَاغَانْ إِوْذَانْ ’[أَ] أَمْسڒْمَاذْ إِنُو!‘
MAT 23:8 مَاشَا كنِّيوْ وَارْ تّجِّيمْ أَذْ أَومْ ڒَاغَانْ ’[أَ] أَمْسڒْمَاذْ إِنُو!‘، مِينْزِي أَمْسڒْمَاذْ نْومْ ذ إِجّنْ، مَاشَا كنِّيوْ مَارَّا ذ أَوْمَاثنْ.
MAT 23:9 وَارْ تّجِّيمْ أَذْ أَومْ ڒَاغَانْ ذِي ثمُّورْثْ ’[أَ] بَابَا!‘، مِينْزِي بَابَاثْومْ إِ إِدْجَانْ ذڭْ إِجنْوَانْ ذ إِجّنْ.
MAT 23:10 وَارْ تّجِّيمْ أَذْ أَومْ ڒَاغَانْ ’إِمْڭوَّاذنْ‘، مِينْزِي إِجّنْ ذ ونِّي ذ أَمْڭوَّاذْ نْومْ، أَقَا-ث ذ لْمَاسِيحْ.
MAT 23:11 مَاشَا أَمقّْرَانْ نْومْ أَذْ يِيڒِي ذ أَمْسخَّارْ نْومْ.
MAT 23:12 ونِّي إِ غَا إِسُّوعْڒَانْ إِخفْ نّسْ، أَذْ إِتّْوَاسّمْژِي، ؤُ ونِّي إِ غَا إِسّْمژْينْ إِخفْ نّسْ، أَذْ إِتّْوَاسُّوعْڒَا.“
MAT 23:13 ”ؤُشْثْ خَاومْ، [أَ كنِّيوْ] إِمْسڒْمَاذنْ ن إِذْلِيسنْ ذ إِفَارِيسِييّنْ، [كنِّيوْ، أَ] إِمْنَافْقنْ، كنِّيوْ ثتّتّمْ ثُوذْرِينْ ن ثِيجَّاڒْ أَمْ ثتَّارمْ ثِيوْهِيبِينْ ذِي طّْوعْ ن ثْژَادْجَاثِينْ نْومْ ثِيزِيرَارِينْ. س ؤُينِّي أَذْ ثكْسِيمْ ڒْحُوكْمْ ذ أَمقّْرَانْ.
MAT 23:14 ؤُشْثْ خَاومْ، [أَ كنِّيوْ] إِمْسڒْمَاذنْ ن إِذْلِيسنْ ذ إِفَارِيسِييّنْ، [كنِّيوْ، أَ] إِمْنَافْقنْ، كنِّيوْ ثتّْبلّْعمْ ثَاڭلْذِيثْ ن إِجنْوَانْ إِ إِوْذَانْ، مِينْزِي كنِّيوْ سِيمَانْثْ نْومْ وَارْ ت ثتِّيذْفمْ، ؤُشَا إِنِّي يَارزُّونْ أَذْ د-أَذْفنْ، وَارْ ثنْ ثتّجِّيمْ أَذْ د-أَذْفنْ.
MAT 23:15 ؤُشْثْ خَاومْ، [أَ كنِّيوْ] إِمْسڒْمَاذنْ ن إِذْلِيسنْ ذ إِفَارِيسِييّنْ، [كنِّيوْ، أَ] إِمْنَافْقنْ، كنِّيوْ ثكّمْ خْ ڒْبَارّْ ؤُ خْ ڒبْحَارْ، حِيمَا أَذْ د-ثَارّمْ إِجّنْ ذ أَمْعَاشَارْ ن دِّينْ ن وُوذَاينْ، ؤُ خْمِي إِ كِيذْومْ غَا يِيڒِي، ثتَّارَّامْ ث ذ مِّيسْ ن جهنَّامَا ذ أَعفَّانْ مَاهُو خْ كنِّيوْ ثْنَاينْ ن ثْسقَّارْ.
MAT 23:16 ؤُشْثْ خَاومْ، [أَ كنِّيوْ] إِمْڭوَّاذنْ إِذَارْغَاڒنْ، إِنِّي إِقَّارنْ: ’ونِّي إِجِّيدْجنْ غَارْ زَّاوشْثْ ثَامقّْرَانْثْ، أَقَا ثَاجَادْجِيثْ نّسْ وَارْ ثسّكّْوِي وَالُو، مَاشَا ونِّي إِ غَا إِجِّيدْجنْ س وُورغْ إِ إِدْجَانْ ذِي زَّاوشْثْ ثَامقّْرَانْثْ، أَقَا نتَّا إِقّنْ غَارْ إِڒسْ نّسْ.‘
MAT 23:17 [أَ] إِفْغَاڒْ، [أَ] إِذَارْغَاڒنْ، مِينْ إِسكّْوَانْ كْثَارْ، ؤُرغْ نِيغْ زَّاوشْثْ ثَامقّْرَانْثْ ثنِّي ثسّْقدّسْ ؤُرغْ؟
MAT 23:18 ؤُشَا [أَمُّو إِ ثقَّارمْ عَاوذْ]: ’ونِّي إِجِّيدْجنْ غَارْ ؤُعَالْطَارْ، أَقَا ثَاجَادْجِيثْ نّسْ وَارْ ثْسكّْوِي وَالُو، مَاشَا ونِّي إِ غَا إِجِّيدْجنْ س ثْموْشِي إِ خَاسْ إِمَّارْسنْ، أَقَا نتَّا إِقّنْ غَارْ إِڒسْ نّسْ.‘
MAT 23:19 [أَ] إِفْغَاڒْ، [أَ] إِذَارْغَاڒنْ، مِينْ إِسكّْوَانْ كْثَارْ، ثَاموْشِي نِيغْ أَعَالْطَارْ ونِّي إِسّْقدّسْ ثَاموْشِي؟
MAT 23:20 س ؤُيَا وِي غَا إِجَّادْجنْ [خنِّي] غَارْ ؤُعَالْطَارْ، أَقَا إِجُّودْجْ غَارْ ؤُعَالْطَارْ ؤُ غَارْ مَارَّا مِينْ خَاسْ إِدْجَانْ.
MAT 23:21 ؤُ وِي غَا إِجَّادْجنْ غَارْ زَّاوشْثْ ثَامقّْرَانْثْ، إِجُّودْجْ غَارسْ ؤُ غَارْ ونِّي ذَايسْ إِزدّْغنْ.
MAT 23:22 ؤُ وِي غَا إِجَّادْجنْ غَارْ ؤُجنَّا، أَقَا إِجُّودْجْ غَارْ ڒْعَارْشْ ن أَربِّي ذ ونِّي خَاسْ إِقِّيمنْ.
MAT 23:23 ؤُشْثْ خَاومْ، [أَ كنِّيوْ] إِمْسڒْمَاذنْ ن إِذْلِيسنْ ذ إِفَارِيسِييّنْ، [كنِّيوْ، أَ] إِمْنَافْقنْ، مِينْزِي كنِّيوْ ثتِّيشمْ ثَاعْشَارْثْ ن نّعْنَاعْ ذ سَّانُودْجْ ذ ڒْشمُّومْ، مَاشَا وَارْ ذ أَومْ إِشْقِي مِينْ إِدْجَانْ ذ أَمقّْرَانْ ذِي شَّارِيعَا، أَقَا ڒْحُوكْمْ ذ أَرّحْمثْ ذ لْ-إِيمَانْ. إِنَا إِ إِتّْخصَّا أَذْ ثڭّمْ، وَارْ ذَايْسنْ ثْسمّْحمْ.
MAT 23:24 أَ إِمْڭوَّاذنْ إِذَارْغَاڒنْ إِنِّي إِفَارّْننْ ثِيزِيثْ، [مَاشَا] ثسّْغدْجَايمْ أَڒْغمْ.
MAT 23:25 ؤُشْثْ خَاومْ، [أَ كنِّيوْ] إِمْسڒْمَاذنْ ن إِذْلِيسنْ ذ إِفَارِيسِييّنْ، [كنِّيوْ، أَ] إِمْنَافْقنْ، مِينْزِي ثسِّيزْذَاڭمْ بَارَّا ن ڒْكَاسْ ذ طّبْصِي، مَاشَا غَارْ ذَاخڒْ أَقَا شُّورنْ س ثْكشَّاضْثْ ذ مِينْ وَارْ إِسڭّْذنْ.
MAT 23:26 [أَ] إِفَارِيسِييّنْ إِذَارْغَاڒنْ، سِيزْذڭمْ أَمزْوَارْ ذَاخڒْ ن ڒْكَاسْ ذ طّبْصِي، مَاحنْذْ أَذْ يِيڒِي إِزْذِيڭْ ؤُڒَا مِينْ إِدْجَانْ غَارْ بَارَّا نْسنْ.
MAT 23:27 ؤُشْثْ خَاومْ، [أَ كنِّيوْ] إِمْسڒْمَاذنْ ن إِذْلِيسنْ ذ إِفَارِيسِييّنْ، [كنِّيوْ، أَ] إِمْنَافْقنْ، مِينْزِي ثڭِّيمْ أَمْ يِيمضْڒَانْ إِنِّي إِتّْوَاجِييَّارنْ، تّْبَاننْ ذ إِصبْحَاننْ غَارْ بَارَّا، مَاشَا غَارْ ذَاخڒْ أَقَا شُّورنْ س إِغْسَانْ ن ڒْخشْبَاثْ ؤُ س مَارَّا ڒخْمجْ.
MAT 23:28 أَمنِّي كنِّيوْ عَاوذْ، أَقَا ثضْهَارمْ ذ إِمْسڭَّاذنْ قِيبَاتْشْ إِ إِوْذَانْ، مَاشَا غَارْ ذَاخڒْ أَقَا ثشُّورمْ س ڒْمُوعْصِييّثْ ؤُ س نِّيفَاقْ.
MAT 23:29 ؤُشْثْ خَاومْ، [أَ كنِّيوْ] إِمْسڒْمَاذنْ ن إِذْلِيسنْ ذ إِفَارِيسِييّنْ، [كنِّيوْ، أَ] إِمْنَافْقنْ، مِينْزِي ثْبنَّامْ إِمضْڒَانْ ن إِنَابِييّنْ ؤُ ثْزوّْقمْ ڒْقُوبَّاثْ ن إِمضْڒَانْ ن إِمْسڭَّاذنْ،
MAT 23:30 ثقَّارمْ: ’مْڒِي ثُوغَا ندْجْ ذڭْ وُوسَّانْ ن ڒجْذُوذْ نّغْ، أَذْ يِيڒِي وَارْ نْشَارّشْ ذڭْ [ؤُسِيزّڒْ ن] إِذَامّنْ ن إِنَابِييّنْ.‘
MAT 23:31 س ؤُيَا ثْشهّْذمْ خْ يِيخفْ نْومْ بلِّي كنِّيوْ ذ ثَارْوَا ن يِينِّي إِنْغِينْ إِنَابِييّنْ.
MAT 23:32 [إِوَا] كمّْڒمْ كنِّيوْ [خنِّي] ؤُڒَا ڒقْيَاسْ ن [مِينْ ڭِّينْ] ڒجْذُوذْ نْومْ!
MAT 23:33 أَ إِڒفْسَاونْ، ثَارْوَا ن إِفِيغْرَانْ، مَامّشْ غَا ثڭّمْ أَذْ ثتّْوَاسّْنجْممْ زِي ڒْحُوكْمْ [ن ثْمسِّي] ن جهنَّامَا؟
MAT 23:34 س ؤُينِّي خْزَارمْ، نشّْ أَذْ غَارْومْ د-سّكّغْ إِنَابِييّنْ ذ إِمِيغِيسنْ ذ إِمْسڒْمَاذنْ ن إِذْلِيسنْ. شَا زَّايْسنْ أَذْ ثنْ ثنْغمْ، شَا زَّايْسنْ أَذْ ثنْ ثْصلّْبمْ ؤُ شَا زَّايْسنْ أَذْ ثنْ ثْهتّْكمْ س ؤُركُّوضْ ذِي ثمْزِيذَاوِينْ نْومْ ؤُشَا أَذْ خَاسنْ ثَاژّْڒمْ زِي ثنْذِينْثْ غَارْ ثنْذِينْثْ [نّغْنِي]،
MAT 23:35 أَڒَامِي أَذْ خَاومْ إِڒِينْ مَارَّا إِذَامّنْ إِسڭّْذنْ إِ إِسِّيزّْڒنْ خْ ثمُّورْثْ، زڭْ إِذَامّنْ ن هَابِيلْ أَمْسڭَّاذْ أَڒْ إِذَامّنْ ن زَاكَارِييَّا، مِّيسْ ن بِيرِيخْيَا، إِ ثنْغِيمْ جَارْ زَّاوشْثْ ثَامقّْرَانْثْ ذ ؤُعَالْطَارْ.
MAT 23:36 س ثِيذتّْ، نشّْ أَذْ أَومْ إِنِيغْ: مَارَّا ثِيمسْڒَايِينْ-أَ أَذْ د-أَسنْثْ خْ جِّيڒْ-أَ.“
MAT 23:37 ”[أَ] ؤُرْشَالِيمْ، [أَ] ؤُرْشَالِيمْ، شمْ إِ إِنقّنْ إِنَابِييّنْ ؤُ يَارجّْمنْ إِنِّي ذ أَمْ د-إِتّْوَاسّكّنْ، مشْحَاڒْ ثُوغَا خْسغْ أَذْ سّْمُونغْ ثَارْوَا نّمْ أَمْ يِيشْثْ ن ثْيَاژِيضْثْ ثڭَّا إِفِيدْجُوسنْ نّسْ سَاذُو أَفْرِيونْ نّسْ، [مَاشَا] كنِّيوْ ثُوغَا وَارْ ثتّخْسمْ.
MAT 23:38 خْزَارْ، ثَادَّارْثْ نْومْ أَذْ ثتّْوَاجّْ إِ شمْ ذ ڒْخَارْبثْ،
MAT 23:39 مِينْزِي نشّْ أَذْ أَومْ إِنِيغْ: كنِّيوْ وَارْ ذ أَيِي ثْژَارّمْ أَڒْ غَا ثِينِيمْ: ’لْبَارَاكَا إِ ونِّي د-يُوسِينْ س يِيسمْ ن سِيذِي.‘ “   *
MAT 24:1 [خنِّي] إِفّغْ يَاسُوع زِي زَّاوشْثْ ثَامقّْرَانْثْ مَاحنْذْ أَذْ يُويُورْ، [مَاشَا] ؤُسِينْ-د غَارسْ إِمحْضَارنْ نّسْ، سّشْننْ أَسْ ڒبْنِييَّاثْ ن زَّاوشْثْ ثَامقّْرَانْثْ.   *
MAT 24:2 نتَّا إِنَّا أَسنْ: ”مَا وَارْ ثژْرِيمْ مَارَّا مَانْ أَيَا؟ س ثِيذتّْ، نشّْ أَذْ أَومْ إِنِيغْ: وَارْ ذَا إِتّْغِيمِي ؤُڒَا ذ إِجّْ ن وژْرُو خْ وژْرُو نّغْنِي إِ وَارْ إِتّْنهْذِيمْ.“
MAT 24:3 ؤُمِي ثُوغَا يَاسُوع إِقِّيمْ خْ وذْرَارْ ن زِّيثُونْ، ؤُسِينْ-د إِمحْضَارنْ نّسْ، ثُوغَا تّمْسَاوَاڒَانْ، نَّانْ أَسْ: ”إِنِي أَنغْ، مڒْمِي إِ غَا إِمْسَارْ أَيَا ؤُ مَانْ ڒعْڒَامثْ ن ثْوَاسِيثْ نّشْ ؤُ ن قطُّو ن دُّونشْثْ؟“
MAT 24:4 يَاسُوع يَارَّا-د، إِنَّا أَسنْ: ”حْضَامْ إِخفْ نْومْ، وَارْ كنِّيوْ إِخدّعْ حذْ.
MAT 24:5 مِينْزِي أَطَّاسْ أَذْ د-أَسنْ س يِيسمْ إِنُو، أَذْ إِنِينْ: ’أَقَا نشّْ ذ لْمَاسِيحْ!‘، ؤُشَا أَذْ خذْعنْ أَطَّاسْ.
MAT 24:6 ؤُشَا أَذْ ثسْڒمْ خْ ڭَارَّاثْ ؤُ خْ ڒخْبُورَاثْ ن إِمنْغَانْ. غَارْومْ أَقَا أَذْ ثڭّْوذمْ، مِينْزِي س ؤُغِيڒْ أَذْ يِيڒِي مَانْ أَيَا، مَاشَا وَارْ إِتِّيڒِي عَاذْ ذ أَنڭَّارْ.
MAT 24:7 مِينْزِي ڒْڭنْسْ أَذْ إِغوّغْ خْ إِجّْ ن ڒْڭنْسْ [نّغْنِي] ؤُ ثَاڭلْذِيثْ خْ ثْڭلْذِيثْ [نّغْنِي]، أَذْ يِيڒِي ڒَاژْ ذ ڒهْڒَاشَاثْ يوْعَارنْ ذ إِنْهزَّانْ ن ثمُّورْثْ ذَا ذ ذِيهَا.
MAT 24:8 مَارَّا مَانْ أَيَا ذ بدُّو ن ڒوْجعْ [ن ثَارُوثْ].
MAT 24:9 خنِّي أَذْ كنِّيوْ د-أَوْينْ غَارْ ڒْمحْنثْ ؤُشَا أَذْ كنِّيوْ نْغنْ، ؤُ مَارَّا ڒڭْنُوسْ أَذْ كنِّيوْ شَارْهنْ زِي سِّيبّثْ ن يِيسمْ إِنُو.
MAT 24:10 ڒخْذنِّي أَذْ نْقَارْضنْ وَاطَّاسْ، أَذْ شَارْهنْ إِجّنْ ونّغْنِي ؤُشَا أَذْ سلّْمنْ إِجّنْ ونّغْنِي.
MAT 24:11 أَذْ كَّارنْ وَاطَّاسْ ن إِنَابِييّنْ إِسّْخَارِّيقنْ ؤُشَا أَذْ غْوَانْ أَطَّاسْ.
MAT 24:12 س وَاطَّاسْ ن ڒْمُوعْصِييّثْ أَذْ ثُوذْرُوسْ ثَايْرِي ن وَاطَّاسْ [ن إِوْذَانْ]،
MAT 24:13 مَاشَا وِي غَا إِصْبَارنْ غَارْ ؤُنڭَّارْ، أَقَا نتَّا أَذْ إِدَّارْ.
MAT 24:14 ڒخْبَارْ-أَ أَصبْحَانْ ن ثْڭلْذِيثْ أَذْ زَّايسْ بَارّْحنْ ذِي دُّونشْثْ مَارَّا ذ شّْهَاذثْ إِ مَارَّا ڒڭْنُوسْ ؤُشَا ڒخْذنِّي أَذْ د-يَاسْ ؤُنڭَّارْ.“
MAT 24:15 ”خْمِي غَا ثْژَارمْ ڒعْڒَامثْ ن نّْعِي ن وَاريّبْ، مِينْ خفْ إِسِّيوڒْ ؤُنَابِي ذَانِييَالْ، ذڭْ ومْشَانْ إِقدّْسنْ - أجّْ ونِّي ث إِ غَا إِغَارنْ أَذْ إِفْثنْ -
MAT 24:16 ڒخْذنِّي جّمْ إِنِّي إِدْجَانْ ذِي يَاهُوذِييَّا أَذْ أَروْڒنْ غَارْ إِذُورَارْ.
MAT 24:17 ونِّي إِدْجَانْ خْ ثْزقَّا وَارْ د-إِهكّْوِي شَا حِيمَا أَذْ إِكْسِي شَا زِي ثَادَّارْثْ نّسْ،
MAT 24:18 ؤُ ونِّي إِدْجَانْ ذڭْ إِيَّارْ، وَارْ د-إِذِّيكّْوِيڒْ شَا حِيمَا أَذْ د-يَاوِي أَرُّوضْ نّسْ.
MAT 24:19 ؤُشْثْ خْ ثِينِّي إِدْجَانْ س دّيْسثْ ذ ثِينِّي إِسُّوطُّوضنْ ذڭْ وُوسَّانْ نِّي!
MAT 24:20 ژَتدْجمْ، حِيمَا وَارْ ثتِّيڒِي ثَاروْڒَا نْومْ ذِي ڒْمشْثَا نِيغْ ذِي سّبْثْ،
MAT 24:21 مِينْزِي ڒخْذنِّي أَذْ ثِيڒِي ڒْمحْنثْ ثَامقّْرَانْثْ إِ وَارْ إِمْسَارنْعمَّارْصْ زڭْ وَامِي ثدْجَا دُّونشْثْ أَڒْ إِ ڒخُّو ؤُعمَّارْصْ وَارْ ثتِّيڒِي عَاذْ.
MAT 24:22 مْڒِي ؤُسَّانْ نِّي وَارْ تّْوَاسّْمژْينْ، خنِّي وَارْ إِتّْوَاسّنْجمْ ؤُڒَا ذ إِجّْ ن بْنَاذمْ، مَاشَا [ؤُسَّانْ نِّي] أَذْ تّْوَاسّْمژْينْ ذِي طّْوعْ ن يِينِّي إِتّْوَافَارْزنْ.
MAT 24:23 مَاڒَا إِنَّا أَومْ حذْ: ’خْزَارمْ، أَقَا ذَا لْمَاسِيحْ!‘ نِيغْ: ’أَقَا-ث ذِيهَا!‘ وَارْ [ث] تِّيمْنمْ.
MAT 24:24 مِينْزِي أَذْ إِڒِينْ إِمَاسِيحنْ إِفَالْسُوثنْ ذ إِنَابِييّنْ إِسّْخَارِّيقنْ، أَذْ ڭّنْ ڒعْڒَامَاثْ مْغَارنْثْ، حِيمَا، مْڒِي زمَّارنْ، أَذْ خذْعنْ عَاوذْ إِنِّي إِتّْوَافَارْزنْ.
MAT 24:25 خْزَارمْ، أَقَا نِّيغْ أَومْ ث قْبڒْ.
MAT 24:26 مَاڒَا نَّانْ أَومْ: ’خْزَارمْ، نتَّا أَقَا-ث ذِي ڒخْڒَا!‘، وَارْ تّْرِيحمْ شَا ذِينْ، [نِيغْ]: ’خْزَارمْ، نتَّا أَقَا-ث ذَاخڒْ إِ وخَّامْ!‘، وَارْ [ت] تِّيمْنمْ.
MAT 24:27 مِينْزِي أَمْ وَاجَّاجْ إِ د-إِتّفّْغنْ زِي شَّارْقْ ؤُشَا إِتّڭّْ ثَافَاوْثْ أَڒْ ڒْغَارْبْ، أَمُّو إِ غَا ثِيڒِي ثْوَاسِيثْ ن مِّيسْ ن بْنَاذمْ.
MAT 24:28 مَانِي غَا ثِيڒِي أَرِّيمثْ ذِيهَا أَذْ مُوننْ إِڭِيذَارنْ.“
MAT 24:29 ”ڒخْذنِّي أَوَارْنِي ڒْمحْنثْ ن وُوسَّانْ نِّي، أَذْ ثْبَارْشنْ ثْفُوشْثْ ؤُ ثَازِيرِي وَارْ ثتِّيشْ عَاذْ طّْيَا نّسْ ؤُ إِثْرَانْ أَذْ د-وْضَانْ زڭْ ؤُجنَّا ؤُ صُّولَاطَاثْ ن إِجنْوَانْ أَذْ تّْوَانْهزّنْثْ.
MAT 24:30 خنِّي أَذْ د-ثضْهَارْ ڒعْڒَامثْ ن مِّيسْ ن بْنَاذمْ ذڭْ ؤُجنَّا ؤُ مَارَّا ثِيقبَّاڒْ ن ثمُّورْثْ أَذْ وْثنْثْ أَڭجْذُورْ ؤُشَا أَذْ ژَترنْثْ مِّيسْ ن بْنَاذمْ يُوسَا-د خْ إِسيْنُوثنْ ن ؤُجنَّا س جّهْذْ ؤُ س ؤُعُودْجِي أَطَّاسْ.
MAT 24:31 نتَّا أَذْ إِسّكّْ لْمَالَاكَاثْ نّسْ س ڒْحسّْ إِجهْذنْ ن ؤُسُوضِي ذڭْ ؤُيِيشّْ ن إِشَارِّي، ؤُشَا أَذْ د-سّْمُوننْثْ إِنِّي إِتّْوَافَارْزنْ زِي أَربْعَا ن إِغزْذِيسنْ ن ؤُسمِّيضْ، زِي طَّارْفْ أَنڭَّارُو ن إِجنْوَانْ أَڒْ ونّغْنِي.“
MAT 24:32 ”ڒمْذمْ زڭْ ؤُمذْيَا ن وَارْثُو: خْمِي غَا ذوْڒنْ ڒفْرُوعْ نّسْ ذ إِڒقَّاغنْ، أَذْ د-سُّوفّْغنْ ثِيفْرَايْ، أَذْ ثسّْنمْ أَقَا أَنبْذُو يُوذسْ-د.
MAT 24:33 أَمُّو عَاوذْ كنِّيوْ، خْمِي غَا ثْژَارمْ مَارَّا مَانْ أَيَا، أَذْ ثسّْنمْ أَقَا يُوذسْ-د، غَارْ ثوَّارْثْ.“
MAT 24:34 ”س ثِيذتّْ، نشّْ أَذْ أَومْ إِنِيغْ: جِّيڒْ-أَ وَارْ إِعدُّو أَڒْ غَا إِمْسَارْ مَانْ أَيَا مَارَّا.
MAT 24:35 أَجنَّا ذ ثمُّورْثْ أَذْ عْذُونْ، [مَاشَا] أَوَاڒنْ إِنُو وَارْعدُّونْعمَّارْصْ.
MAT 24:36 مَاشَا خْ وَاسّْ نِّي نِيغْ خْ ثَاسَاعّثْ نِّي وَارْ خَاسْ إِسِّينْ ؤُڒَا ذ إِجّْ، ؤُڒَا ذ لْمَالَاكَاثْ ن إِجنْوَانْ، مْغِيرْ بَابَا وحّْذسْ.
MAT 24:37 أَمْ مَامّشْ ثُوغَا إِدْجَا ذڭْ وُوسَّانْ ن نُوحْ أَمُّو إِ غَا ثِيڒِي غَارْ ثْوَاسِيثْ ن مِّيسْ ن بْنَاذمْ.
MAT 24:38 مِينْزِي أَمْ مَامّشْ ثنْ ثُوغَا [ذڭْ وُوسَّانْ] قْبڒْ طُّوفَانْ، تّتّنْ، سسّنْ، مدْجْشنْ ؤُ سّْمدْجَاشنْ أَڒْ أَسّْ إِ ذِي يُوذفْ نُوحْ غَارْ ؤُغَارَّابُو،
MAT 24:39 ؤُشَا وَارْ ؤُشِينْ وَالُو أَڒَامِي د-يُوسَا طُّوفَانْ، إِمْحَا إِ-ثنْ مَارَّا، أَمُّو إِ غَا ثِيڒِي غَارْ ثْوَاسِيثْ ن مِّيسْ ن بْنَاذمْ.
MAT 24:40 ذِي ڒْوقْثْ نِّي أَذْ إِڒِينْ ثْنَاينْ ذڭْ إِيَّارْ، إِجّنْ أَذْ ث كْسِينْ ؤُ ونّغْنِي أَذْ ث جّنْ.
MAT 24:41 ثْنَاينْ ن ثمْغَارِينْ أَذْ حَارْينْثْ س ثْسِيرْثْ، إِشْثنْ أَذْ ت كْسِينْ ؤُ ثنّغْنِي أَذْ ت جّنْ.
MAT 24:42 س ؤُيَا حْضَامْ، مِينْزِي وَارْ ثسِّينمْ شَا ذِي مَانْ ثَاسَاعّثْ إِ د غَا يَاسْ سِيذِيثْومْ.
MAT 24:43 مَاشَا سّْنمْ أَيَا: مَاڒَا بَابْ ن ثَادَّارْثْ إِسّنْ ذِي مَانْ حطُّو [ن دْجِيڒثْ] إِ د غَا يَاسْ ؤُشفَّارْ، إِڒِي إِقِّيمْ إِحطَّا، وَارْ ث إِتّجِّي أَذْ يَاذفْ غَارْ ثَادَّارْثْ نّسْ.
MAT 24:44 س ؤُيَا، إِڒِيمْ ثْوجْذمْ، مِينْزِي مِّيسْ ن بْنَاذمْ أَذْ د-يَاسْ ذڭْ إِشْثْ ن ثْسَاعّثْ وَارْ ت ثتّْرِيجِيمْ.“
MAT 24:45 ”وِي إِدْجَانْ خنِّي ذ أَمْسخَّارْ أَمْثِيقِّي ذ أَمِيغِيسْ إِ إِڭَّا بَابْ نّسْ، حِيمَا أَذْ إِبْضَا خْ أَيْثْبَابْ ن ثَادَّارْثْ نّسْ مِينْ غَا شّنْ ذِي ڒْوقْثْ نّسْ؟
MAT 24:46 سّعْذْ ن ؤُمْسخَّارْ ونِّي إِ غَا يَافنْ سِيذِيسْ إِڒْهَا أَمُّو خْمِي د غَا يَاسْ.
MAT 24:47 س ثِيذتّْ، نشّْ أَذْ أَومْ إِنِيغْ، أَذْ ث إِڭّْ خْ مَارَّا أَڭْڒَا نّسْ.
MAT 24:48 مَاشَا مَاڒَا أَمْسخَّارْ أَعفَّانْ نِّي أَذْ يِينِي ذڭْ وُوڒْ نّسْ: ’سِيذِي إِنُو إِعطَّاڒْ مَاحنْذْ أَذْ د-يَاسْ!‘،
MAT 24:49 ؤُشَا إِبْذَا إِشَّاثْ إِمْسخَّارنْ إِمْعَاشَارنْ نّسْ، أَذْ إِشّْ أَذْ إِسُو أَكْ-ذ إِمسْكَارنْ،
MAT 24:50 خنِّي أَذْ د-يَاسْ سِيذِيسْ ن ؤُمْسخَّارْ نِّي ذڭْ إِجّْ ن وَاسّْ إِ ذِي وَارْ ث إِتّْرِيجِي ؤُ ذڭْ إِشْثْ ن ثْسَاعّثْ وَارْ ت إِسِّينْ،
MAT 24:51 أَذْ ث إِقسّْ ذ إِوثْوِيثنْ ؤُشَا أَذْ ثِيڒِي ثسْغَارْثْ نّسْ أَكْ-ذ إِمْنَافْقنْ. ذِينْ إِ غَا يِيڒِينْ إِمطَّاونْ ذ ؤُغزِّي ن ثغْمَاسْ.“
MAT 25:1 ”خنِّي أَذْ ثِيڒِي ثْڭلْذِيثْ ن إِجنْوَانْ أَمشْنَاوْعشْرَا ن ثعْزَارِييِّينْ إِوْينْثْ ڒفْنَارَاثْ نْسنْثْ، فّْغنْثْ، حِيمَا أَذْ مّڒْقنْثْ أَكْ-ذ وسْڒِي ذ ثسْڒِيثْ.
MAT 25:2 خمْسَا زَّايْسنْثْ ذ ثِيمِيغِيسِينْ ؤُ خمْسَا ذ ثِيفْغَاڒْ.
MAT 25:3 ثِينِّي إِدْجَانْ ذ ثِيفْغَاڒْ كْسِينْثْ ڒفْنَارَاثْ نْسنْثْ، مَاشَا وَارْ إِوْيِينْثْ شَا زّشْثْ.
MAT 25:4 ثِيمِيغِيسِينْ إِوْينْثْ-إِ-د زّشْثْ ذِي ثْزِييَّاثِينْ نْسنْثْ أَكْ-ذ ڒفْنَارَاثْ نْسنْثْ.
MAT 25:5 ڒَامِي إِعْضڒْ ؤُمُوڒَايْ، بْذَانْثْ تّْنُوذُومنْثْ مَارَّا ؤُشَا طّْصنْثْ.
MAT 25:6 ذِي ڒْوسْطْ ن دْجِيڒثْ ثُوغَا ذِينْ ثْغُويِّيثْ: ’خْزَارمْ، أَقَا أَمُوڒَايْ يُوسَا-د، فّْغمْ-د، أَذْ ث ثڒْقَامْ!‘
MAT 25:7 خنِّي كَّارنْثْ ثعْزَارِييِّينْ نِّي، سّوْجْذنْثْ-إِ-د ڒفْنَارَاثْ نْسنْثْ.
MAT 25:8 ثِيفْغَاڒْ نَّانْثْ إِ ثْمِيغِيسِينْ: ’وْشنْثْ أَنغْ زِي زّشْثْ نْكنْثْ مِينْزِي ڒفْنَارَاثْ نّغْ خسْينْثْ.‘
MAT 25:9 أَرِّينْثْ-إِ-د خَاسنْثْ ثْمِيغِيسِينْ، نَّانْثْ: ’عمَّارْصْ، وَارْ ذ أَنغْ إِتّْقذِّي إِ نشِّينْ ذ كنِّينْثْ. رُوحنْثْ غَارْ إِسبَّابنْ، مَاحنْذْ أَذْ ثسْغنْثْ إِ يِيخفْ نْكنْثْ.‘
MAT 25:10 ڒَامِي رُوحنْثْ نِيثنْثِي حِيمَا أَذْ سْغنْثْ، يُوسَا-د ؤُمُوڒَايْ، ؤُ ثِينِّي ثُوغَا إِوجْذنْ ؤُذْفنْثْ أَكِيذسْ غَارْ ثَادَّارْثْ ن ڒفْرَاحثْ ن وُورَارْ ؤُشَا ثْبلّعْ ثوَّارْثْ.
MAT 25:11 أَوَارْنِي مَانْ أَيَا ؤُسِينْثْ ثعْزَارِييِّينْ نّغْنِي، قَّارنْثْ: ’[أَ] سِيذِيثْنغْ، [أَ] سِيذِيثْنغْ، أَرْزمْ أَنغْ!‘
MAT 25:12 نتَّا يَارَّا-د، إِنَّا: ’س ثِيذتّْ، نشّْ أَذْ أَكنْثْ إِنِيغْ، وَارْ كنِّينْثْ سِّينغْ.‘
MAT 25:13 س ؤُينِّي حْضَامْ، مِينْزِي كنِّيوْ وَارْ ثسِّينمْ شَا أَسّْ ؤُڒَا ذ ثَاسَاعّثْ.“
MAT 25:14 ”مِينْزِي ثَامسْڒَاشْثْ أَمْ يِيجّْ ن بْنَاذمْ إِسَافَارْ بَارَّا إِ ثمُّورْثْ نّسْ، إِڒَاغَا-د خْ إِمْسخَّارنْ نّسْ ؤُشَا إِكلّفْ إِ-ثنْ خْ وَاڭْڒَا نّسْ.
MAT 25:15 إِوْشَا إِ يِيجّنْ خمْسَا ثَالِينْثْ، إِ ونّغْنِي ثْنَاينْ، إِ ونِّي وِيسّْ ثْڒَاثَا إِشْثنْ [ن ثَالِينْثْ]، كُوڒْ إِجّنْ عْلَاحْسَابْ ثِيزمَّارْ نّسْ، ڒخْذنِّي إِكَّارْ، إِسَافَارْ ذغْيَا.
MAT 25:16 إِرُوحْ ونِّي إِطّْفنْ خمْسَا ثَالِينْثْ، إِسبّبْ ذَايْسنْ ؤُشَا يَارْبحْ خمْسَا.
MAT 25:17 أَمنِّي عَاوذْ ونِّي إِطّْفنْ ثْنَاينْ [ثَالِينْثْ]، يَارْبحْ ثْنَاينْ نّغْنِي.
MAT 25:18 مَاشَا ونِّي إِطّْفنْ إِشْثْ [ن ثَالِينْثْ]، إِرُوحْ، إِغْزَا ذِي ثمُّورْثْ ؤُشَا إِسّْنُوفَّار [ثْمنْيَاثْ ن نُّوقَارْثْ] ن بَابْ نّسْ.
MAT 25:19 ڒَامِي ثعْذُو أَطَّاسْ ن ڒْوقْثْ يُوسَا-د بَابْ ن إِمْسخَّارنْ نِّي ؤُشَا إِڭَّا أَكِيذْسنْ ڒحْسَابْ.
MAT 25:20 [خنِّي] يُوسَا-د ونِّي إِطّْفنْ خمْسَا ثَالِينْثْ، يِيوِي-د خمْسَا ثَالِينْثْ نّغْنِي، إِنَّا: ’أَ سِيذِي، ثوْشِيذْ أَيِي خمْسَا ثَالِينْثْ، أَقَا ذَا، أَربْحغْ خمْسَا نّغْنِي كْثَارْ.‘
MAT 25:21 يَارَّا-د خَاسْ بَابْ نّسْ، إِنَّا: ’مْلِيحْ إِ ثڭِّيذْ، [أَ] أَمْسخَّارْ أَصبْحَانْ ذ أَمْثِيقِّي. ثُوغَا شكْ ذ أَمْثِيقِّي خْ ذْرُوسْ، أَذْ أَشْ ڭّغْ خْ وَاطَّاسْ، أَذفْ-د غَارْ ڒفْرَاحثْ ن سِيذِي نّشْ.‘
MAT 25:22 خنِّي يُوسَا-د عَاوذْ ونِّي إِطّْفنْ ثْنَاينْ ثَالِينْثْ، إِنَّا: ’[أَ] سِيذِي، ثوْشِيذْ أَيِي ثْنَاينْ ثَالِينْثْ، أَقَا أَربْحغْ ثْنَاينْ نّغْنِي كْثَارْ.‘
MAT 25:23 إِنَّا أَسْ سِيذِي نّسْ: ’مْلِيحْ إِ ثڭِّيذْ، [أَ] أَمْسخَّارْ أَصبْحَانْ ذ أَمْثِيقِّي. ثُوغَا شكْ ذ أَمْثِيقِّي خْ ذْرُوسْ، أَذْ أَشْ ڭّغْ خْ وَاطَّاسْ، أَذفْ-د غَارْ ڒفْرَاحثْ ن سِيذِي نكّْ.‘
MAT 25:24 مَاشَا ونِّي إِطّْفنْ إِشْثْ ن ثَالِينْثْ، يُوسَا-د عَاوذْ، إِنَّا: ’[أَ] سِيذِي، سّْنغْ أَقَا شكْ ذ بْنَاذمْ ثْقسْحذْ، ثْمجَّارذْ مَانِي وَارْ ثْزَارّْعذْ، ثْيَارّْوذْ مَانِي وَارْ ثسَّارْوَاثذْ.
MAT 25:25 [س ؤُينِّي] ڭّْوذغْ ؤُشَا رُوحغْ، سّْنُوفَّارغْ ثَالِينْثْ نّشْ ذِي ثمُّورْثْ. أَغَاشْ ثنِّي نّشْ.‘
MAT 25:26 يَارَّا-د سِيذِي نّسْ، إِنَّا أَسْ: ’[أَ] أَمْسخَّارْ أَعفَّانْ أَمعْڭُوزْ، أَقَا ثسّْنذْ بلِّي أَقَا مْجَارغْ مَانِي وَارْ زَارْعغْ ؤُ يَارْوغْ مَانِي وَارْ سَّارْوثغْ.
MAT 25:27 خنِّي مْڒِي ثِيوْيذْ نُّوقَارْثْ إِنُو غَارْ ڒْبَانْكُو، خنِّي نشّْ، خْمِي د غَا يَاسغْ، أَذْ تَّارغْ مِينْ إِدْجَانْ إِنُو س أَرِّيبَا.
MAT 25:28 س ؤُيَا كّْسمْ أَسْ ثَالِينْثْ نِّي، أوْشْ إِ-ت إِ ونِّي غَارْ إِدْجَاعشْرَا ثَالِينْثْ!‘
MAT 25:29 مِينْزِي إِ كُوڒْ إِجّنْ ونِّي غَارْ إِدْجَا أَذْ أَسْ إِمّوْشْ ؤُشَا أَذْ غَارسْ يِيڒِي س وَاطَّاسْ، مَاشَا ونِّي وَارْ غَارْ إِدْجِي، ؤُڒَا ذ مِينْ غَارسْ أَذْ أَسْ إِتّْوَاكّسْ.
MAT 25:30 نْضَارمْ أَمْسخَّارْ إِبطّْڒنْ غَارْ بَارَّا ذڭْ ؤُنڭَّارْ ن ثَادْجسْثْ مَانِي غَا إِڒِينْ إِمطَّاونْ ذ ؤُغزِّي ن ثغْمَاسْ.“
MAT 25:31 ”خْمِي د غَا يَاسْ مِّيسْ ن بْنَاذمْ ذڭْ ؤُعُودْجِي نّسْ ؤُ مَارَّا لْمَالَاكَاثْ نّسْ إِقدّْسنْ أَكِيذسْ، خنِّي أَذْ إِقِّيمْ خْ ڒْعَارْشْ ن ؤُعُودْجِي نّسْ.
MAT 25:32 أَذْ سّْمُوننْ مَارَّا ڒڭْنُوسْ قِيبَاتْشْ نّسْ ؤُشَا نتَّا أَذْ ثنْ إِمْسّبْضَا أَمْ مَامّشْ أَمكْسَاوْ إِسّْبطَّا إِحُوڒِييّنْ خْ إِغَايْضنْ.
MAT 25:33 نتَّا أَذْ إِڭّْ إِحُوڒِييّنْ خْ ؤُفُوسِي نّسْ، مَاشَا إِغَايْضنْ خْ ؤُزڒْمَاضْ نّسْ.
MAT 25:34 ڒخْذنِّي أَذْ إِنِي ؤُجدْجِيذْ إِ يِينِّي خْ ؤُفُوسِي نّسْ: ’أَسمْ-د، [أَ] كنِّيوْ إِنِّي إِتّْوَابَارْكنْ زِي بَابَا، وَارْثمْ ثَاڭلْذِيثْ إِ ذ أَومْ د-إِوجْذنْ زڭْ وَامِي ثتّْوَاڭّْ دُّونشْثْ.
MAT 25:35 مِينْزِي ثُوغَا ذَايِي ڒَاژْ ؤُشَا كنِّيوْ ثسّشّمْ أَيِي. ثُوغَا فُّوذغْ، ثوْشِيمْ أَيِي أَذْ سْوغْ. ثُوغَا أَيِي ذ أَبَارَّانِي، كنِّيوْ ثسّْزذْغمْ أَيِي،
MAT 25:36 ثُوغَا أَيِي ذ أَعَارْيَانْ، كنِّيوْ ثسّْيَارْضمْ أَيِي، ثُوغَا هڒْشغْ، كنِّيوْ ثسِّيجمْ-د خَافِي، ثُوغَا أَيِي ذِي ڒحْبسْ، كنِّيوْ ثُوسِيمْ-د غَارِي.‘
MAT 25:37 خنِّي أَذْ خَاسْ د-أَرّنْ إِمْسڭَّاذنْ، قَّارنْ: ’أَ سِيذِيثْنغْ، مڒْمِي شكْ نژْرَا ثْدْجُوژذْ ؤُشَا نسّشّْ إِ شكْ، نِيغْ [مڒْمِي شكْ نژْرَا] ثفُّوذذْ ؤُشَا نوْشْ أَشْ أَذْ ثسْوذْ؟
MAT 25:38 مڒْمِي شكْ نژْرَا ذ أَبَارَّانِي ؤُشَا نسّزْذغْ إِ شكْ، نِيغْ ذ أَعَارْيَانْ ؤُشَا نسّْيَارْضْ إِ شكْ؟
MAT 25:39 مڒْمِي شكْ نژْرَا ثْهڒْشذْ نِيغْ ذِي ڒحْبسْ ؤُشَا نُوسَا-د غَاركْ؟‘
MAT 25:40 أَذْ د-يَارّْ ؤُجدْجِيذْ، أَذْ أَسنْ يِينِي: ’س ثِيذتّْ، نشّْ أَذْ أَومْ إِنِيغْ، مِينْ إِ ثڭِّيمْ إِ يِيجّنْ زڭْ وَاوْمَاثنْ إِمژْيَاننْ إِنُو، إِ نشّْ ؤُمِي ث ثڭِّيمْ.‘
MAT 25:41 ڒخْذنِّي أَذْ يِينِي إِ يِينِّي إِدْجَانْ خْ ؤُزڒْمَاضْ نّسْ: ’بعّْذمْ خَافِي، أَ كنِّيوْ إِنِّي إِتّْوَانعْڒنْ، غَارْ ثْمسِّي ن ڒبْذَا إِ إِوجْذنْ إِ إِبْڒِيسْ ذ لْمَالَاكَاثْ نّسْ.
MAT 25:42 مِينْزِي ثُوغَا ذَايِي ڒَاژْ وَارْ ذ أَيِي ثسّشّمْ، فُّوذغْ وَارْ ذ أَيِي ثوْشِيمْ أَذْ سْوغْ.
MAT 25:43 ثُوغَا أَيِي ذ أَبَارَّانِي، كنِّيوْ وَارْ ذ أَيِي ثسّْزذْغمْ، ثُوغَا أَيِي ذ أَعَارْيَانْ، وَارْ ذ أَيِي ثسّْيَارْضمْ، هڒْشغْ ؤُ تّْوَاحبْسغْ وَارْ خَافِي د-ثسِّيجمْ شَا.‘
MAT 25:44 ڒخْذنِّي ؤُڒَا ذ نِيثْنِي أَذْ [خَاسْ] د-أَرّنْ، أَذْ إِنِينْ: ’أَ سِيذِيثْنغْ، مڒْمِي شكْ نژْرَا ثدْجُوژذْ نِيغْ ثفُّوذذْ نِيغْ ذ أَبَارَّانِي نِيغْ ذ أَعَارْيَانْ نِيغْ ثْهڒْشذْ نِيغْ ذِي ڒحْبسْ، خنِّي نشِّينْ وَارْ خَاكْ نْسخَّارْ شَا؟‘
MAT 25:45 خنِّي أَذْ خَاسنْ د-يَارّْ، أَذْ يِينِي: ’س ثِيذتّْ، نشّْ أَذْ أَومْ إِنِيغْ: مِينْ وَارْ ثڭِّيمْ إِ يِيجّنْ زڭْ إِمژْيَاننْ إِنُو، إِ نشّْ ؤُمِي وَارْ ث ثڭِّيمْ عَاوذْ.‘
MAT 25:46 أَذْ رَاحنْ نِيثْنِي غَارْ ڒعْذَابْ إِتّْذُومَانْ، مَاشَا إِمْسڭَّاذنْ غَارْ ثُوذَارْثْ إِتّْذُومَانْ.“
MAT 26:1 أَوَارْنِي ڒَامِي إِكمّڒْ يَاسُوع أَوَاڒنْ-أَ، إِنَّا إِ إِمحْضَارنْ نّسْ:
MAT 26:2 ”ثسّْنمْ بلِّي أَوَارْنِي ثْنَاينْ ن وُوسَّانْ أَذْ ثِيڒِي [ڒْْعِيذْ ن ثْغَارْصْثْ ن] ؤُسعْذُو ؤُ ڒخْذنِّي أَذْ إِمّوْشْ مِّيسْ ن بْنَاذمْ، حِيمَا أَذْ إِتّْوَاصلّبْ.“
MAT 26:3 ڒخْذنِّي مُوننْ إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ ذ إِمْغَارنْ ن ڒْڭنْسْ ذِي ڒمْرَاحْ ن أَرَّايْسْ ن إِكهَّاننْ، ونِّي ؤُمِي قَّارنْ قَايَافَا،
MAT 26:4 ؤُشَا مْشَاوَارنْ مَامّشْ غَا طّْفنْ يَاسُوع س ثحْرَايْمشْثْ ؤُشَا أَذْ ث نْغنْ،
MAT 26:5 نَّانْ: ”وَارْ إِتِّيڒِي ذِي ڒْعِيذْ حِيمَا وَارْ إِتّكَّارْ ؤُغوّغْ ذِي ڒْڭنْسْ.“
MAT 26:6 ڒَامِي ثُوغَا يَاسُوع ذِي بَايْثْ-عَانْيَا، ذِي ثَادَّارْثْ ن شِيمْعُونْ، ونِّي ذِي إِدْجَا ڒْبَارْصْ،
MAT 26:7 ثُوسَا-د غَارسْ إِشْثْ ن ثمْغَارْثْ س إِجّْ ن ؤُغَارَّافْ ن أَلَابَاسْثرْ إِشُّورْ س إِشْثْ ن زّشْثْ إِ وذْهَانْ إِغْڒَانْ، ؤُشَا ثْفَارّغْ إِ-ت خْ ؤُزدْجِيفْ نّسْ أَمْ إِقِّيمْ يَاسُوع [غَارْ طَّابْڒَا].
MAT 26:8 ؤُمِي ژْرِينْ إِمحْضَارنْ مَانْ أَيَا، إِقّسْ أَسنْ ڒْحَاڒْ أَطَّاسْ، نَّانْ: ”مِينْ ؤُمِي ثدْجَا ثْخسَّارْثْ-أَ؟
MAT 26:9 ثُوغَا إِزمَّارْ أَذْ ثمّنْزْ [زّشْثْ-أَ ن وذْهَانْ] س تَّامَانْ ذ أَمقّْرَانْ، ؤُشَا [خنِّي] أَذْ ثمّوْشْ إِ إِمزْڒَاضْ.“
MAT 26:10 مَاشَا يَاسُوع ثُوغَا إِسّنْ مَانْ أَيَا، إِنَّا: ”مَايمِّي ثْزِييَّارمْ خْ ثمْغَارْثْ-أَ، مِينْزِي نتَّاثْ ثڭَّا أَيِي إِشْثْ ن ڒْخذْمثْ ثصْبحْ.
MAT 26:11 مِينْزِي إِمزْڒَاضْ أَقَا أَثنْ ڒبْذَا أَكِيذْومْ، مَاشَا نشّْ وَارْ كِيومْ تِّيڒِيغْ إِ ڒبْذَا.
MAT 26:12 مِينْزِي نتَّاثْ، مَاڒَا ثْفَارّغْ-د [زّشْثْ-أَ إِ] وذْهَانْ خْ أَرِّيمثْ إِنُو، أَقَا ثڭَّا مَانْ أَيَا إِ ؤُسوْجذْ ن ونْضڒْ إِنُو.
MAT 26:13 س ثِيذتّْ، نشّْ أَذْ أَومْ إِنِيغْ: مَانِي مَا إِ غَا إِتّْوَابَارّحْ زِي ڒخْبَارْ-أَ أَصبْحَانْ خَافِي ذِي مَارَّا دُّونشْثْ، أَذْ سِّيوْڒنْ عَاوذْ خْ مِينْ [ذَايِي] ثڭَّا، ذ ڒِيضَارثْ إِ نتَّاثْ.“
MAT 26:14 ڒخْذنِّي إِڒُوحْ إِجّنْ زِي ثنْعَاشْ، قَّارنْ أَسْ يَاهُوذَا إِسْخَارِييُوطِي، غَارْ إِمقّْرَاننْ ن إِكهَّاننْ،
MAT 26:15 إِنَّا: ”مِينْ ذ أَيِي غَا ثوْشمْ مَاحنْذْ أَذْ أَومْ سلّْمغْ يَاسُوع؟“ ؤُشَا وَاعْذنْ [ث] س ثْڒَاثِينْ [ن ڒْوزْنَاثْ] ن نُّوقَارْثْ.
MAT 26:16 سّنِّي ثُوغَا يَارزُّو إِشْثْ ن ثوَّارْثْ حِيمَا أَذْ ث إِسلّمْ.
MAT 26:17 ذڭْ وَاسّْ أَمزْوَارُو ن [وغْرُومْ] بْڒَا أَنْثُونْ، ؤُسِينْ-د إِمحْضَارنْ غَارْ يَاسُوع، نَّانْ: ”مَانِي ثخْسذْ أَذْ نسّوْجذْ إِ شكْ مَاحنْذْ أَذْ ثشّذْ [أَمنْسِي ن] ؤُسعْذُو؟“
MAT 26:18 إِنَّا أَسنْ: ”ؤُيُورمْ غَارْ ثنْذِينْثْ غَارْ إِجّْ ن فْڒَانْ، إِنِيمْ أَسْ: ’أَمْسڒْمَاذْ نّغْ إِقَّارْ: أَقَا ڒْوقْثْ إِنُو ثِيوضْ-د، أَذْ غَاركْ ڭّغْ [أَمنْسِي ن] ؤُسعْذُو أَكْ-ذ إِمحْضَارنْ إِنُو.‘ “
MAT 26:19 إِمحْضَارنْ ڭِّينْ أَمْ مَامّشْ ثنْ إِوصَّا يَاسُوع ؤُشَا سّوْجْذنْ إِ [ؤُمنْسِي ن] ؤُسعْذُو.
MAT 26:20 ڒَامِي د-ثِيوضْ ثْمذِّيثْ، إِقِّيمْ [غَارْ ؤُمنْسِي] أَكْ-ذ ثنْعَاشْ [ن إِمحْضَارنْ نّسْ].
MAT 26:21 أَمْ تّتّنْ نِيثْنِي، إِنَّا: ”س ثِيذتّْ، نشّْ أَذْ أَومْ إِنِيغْ، إِجّنْ زَّايْومْ أَذْ أَيِي إِغْذَارْ.“
MAT 26:22 نِيثْنِي ذوْڒنْ شضْننْ أَطَّاسْ ؤُشَا كُوڒْ إِجّنْ زَّايْسنْ إِبْذَا أَذْ أَسْ يِينِي: ”مَا وَارْ إِدْجِي ذ نشّْ، أَ سِيذِي؟“
MAT 26:23 يَارَّا-د خَاسنْ، إِنَّا: ”ونِّي إِسِّيسْننْ أَفُوسْ أَكِيذِي ذِي طّبْصِي ذ نتَّا إِ ذ أَيِي غَا إِغْذَارنْ.
MAT 26:24 مِّيسْ ن بْنَاذمْ أَذْ إِرَاحْ أَمْ مَامّشْ خَاسْ ثُورَا، مَاشَا ؤُشْثْ خْ بْنَاذمْ نِّي إِ غَا إِغْذَارنْ مِّيسْ ن بْنَاذمْ. إِحْڒَا أَسْ إِ بْنَاذمْ نِّي وَارْ د-إِخْڒِيقْعمَّارْصْ.“
MAT 26:25 يَاهُوذَا، أَغدَّارْ، يَارَّا-د، إِنَّا: ”مَا وَارْ إِدْجِي ذ نشّْ، [أَ] أَمْسڒْمَاذْ إِنُو؟“ نتَّا إِنَّا أَسْ: ”أَقَا شكْ ثنِّيذْ [ث].“
MAT 26:26 أَمْ ثُوغَا تّتّنْ، إِكْسِي يَاسُوع أَغْرُومْ ؤُ أَوَارْنِي ڒَامِي إِبَاركْ، يَارْژَا [إِ-ث]، إِوْشَا [إِ-ث] إِ إِمحْضَارنْ، إِنَّا: ”كْسِيمْ، شّمْ، ثَا ذ أَرِّيمثْ إِنُو.“
MAT 26:27 إِكْسِي ڒْكَاسْ، إِقَاذَا ؤُشَا إِوْشَا أَسنْ ث، إِنَّا: ”سْومْ زَّايسْ مَارَّا إِذْومْ،
MAT 26:28 مِينْزِي وَا ذ إِذَامّنْ إِنُو ن ڒْعَاهْذْ ن جْذِيذْ إِنِّي إِ غَا إِتّْوَاسِّيزْڒنْ إِ وغْفَارْ ن دّْنُوبْ.
MAT 26:29 نشّْ أَذْ أَومْ إِنِيغْ، زِي ڒخُّو ثْسَاونْثْ وَارْ سسّغْ عَاذْ زِي ڒْغِيدْجثْ ن ثْزَايَارْثْ أَڒْ أَسّْ إِ ذِي ت غَا سْوغْ زِي جْذِيذْ أَكِيذْومْ ذِي ثْڭلْذِيثْ ن بَابَا.“
MAT 26:30 ؤُ [أَوَارْنِي ڒَامِي]غنّْجنْ إِزْڒِي ن تّسْبِيحْ، فّْغنْ غَارْ وذْرَارْ ن زِّيثُونْ.
MAT 26:31 خنِّي إِنَّا أَسنْ يَاسُوع: ”مَارَّا كنِّيوْ أَذْ ذَايِي ثنْذرْفمْ ذِي دْجِيڒثْ-أَ، مِينْزِي أَقَا ثُورَا: ’أَذْ وْثغْ أَمكْسَاوْ، ؤُشَا إِحُوڒِييّنْ ن ثْحِيمَارْثْ أَذْ تّْوَازُوزَّارنْ.‘
MAT 26:32 مَاشَا أَوَارْنِي ڒَامِي إِ د غَا تّْوَاسّْنكَّارغْ، أَذْ أَومْ إِزْوَارغْ غَارْ لْجَالِيلْ.“
MAT 26:33 [مَاشَا] بُوطْرُوسْ يَارَّا-د، إِنَّا أَسْ: ”مَاڒَا ذَايكْ إِ غَا نْذرْفنْ مَارَّا، نشّْ وَارْ ذَايكْ تّنْذْرِيفغْ شَاعمَّارْصْ!“
MAT 26:34 إِنَّا أَسْ يَاسُوع: ”س ثِيذتّْ، نشّْ أَذْ أَشْ إِنِيغْ، ذِي دْجِيڒثْ-أَ، قْبڒْ إِ غَا إِسّْقُوقعْ ؤُيَاژِيضْ، أَذْ أَيِي ثنْكَارذْ ثْڒَاثَا ن ثْوَاڒَاوِينْ.“
MAT 26:35 بُوطْرُوسْ إِنَّا أَسْ: ”وَاخَّا ثُوغَا إِتّْخصَّا أَيِي أَذْ مّْثغْ أَكِيذكْ، نشّْ وَارْ شكْ نكَّارغْعمَّارْصْ.“ أَمُّو إِ نَّانْ مَارَّا إِمحْضَارنْ عَاوذْ.
MAT 26:36 ڒخْذنِّي إِرُوحْ يَاسُوع أَكِيذْسنْ غَارْ إِجّْ ن ومْشَانْ قَّارنْ أَسْ خِيثْسِيمَانِييْ، إِنَّا إِ إِمحْضَارنْ نّسْ: ”قِّيممْ ذَانِيثَا، أَمْ إِ غَا ژَّادْجغْ [ذِينْ].“
MAT 26:37 أَمْ كِيسْ يِيوِي بُوطْرُوسْ ذ ثْنَاينْ ن إِحنْجِيرنْ ن زَابْذِي، إِبْذَا إِتّْنخْڒَاعْ، إِڭّْوذْ أَطَّاسْ.
MAT 26:38 خنِّي إِنَّا أَسنْ: ”ڒعْمَارْ إِنُو إِسّْحِيسِّيفْ أَطَّاسْ أَڒْ ڒْموْثْ. قِّيممْ ذَا، حْضَامْ أَكِيذِي.“
MAT 26:39 [خنِّي] إِعْزڒْ شْوَايْثْ كْثَارْ، إِوْضَا خْ ؤُغمْبُوبْ نّسْ، إِتّْژَادْجْ، إِنَّا: ”أَ بَابَا، مَاڒَا إِعدّڒْ، أجّْ أَذْ خَافِي إِعْذُو ڒْكَاسْ-أَ! مَاشَا وَارْ إِتِّيڒِي أَمْ مَامّشْ خْسغْ نشّْ، مَاشَا أَمْ مَامّشْ [ثخْسذْ] شكْ.“
MAT 26:40 [ڒخْذنِّي] إِذْوڒْ-د غَارْ إِمحْضَارنْ نّسْ ؤُشَا يُوفَا إِ-ثنْ طّْصنْ. إِنَّا إِ بُوطْرُوسْ: ”مَا وَارْ ثْزمَّارمْ أَذْ كِيذِي ثحْضَامْ ؤُڒَا ذ إِشْثْ ن ثْسَاعّثْ؟
MAT 26:41 حْضَامْ، ژَّادْجمْ، حِيمَا وَارْ د-ثتِّيذْفمْ ذڭْ ؤُجَارّبْ. أَرُّوحْ أَقَا إِوْجذْ، مَاشَا دَّاثْ ثضْعفْ.“
MAT 26:42 يُويُورْ عَاوذْ إِ ؤُمُورْ وِيسّْ ثْنَاينْ ؤُشَا إِژُّودْجْ، إِنَّا: ”أَ بَابَا، مَاڒَا ڒْكَاسْ-أَ وَارْ إِزمَّارْ أَذْ خَافِي يكّْ مْغِيرْ مَاڒَا نشّْ سْوِيغْ ث، أَقَا أَذْ يِيڒِي مِينْ ثخْسذْ شكْ!“
MAT 26:43 ڒَامِي د-إِذْوڒْ، يُوفَا إِ-ثنْ عَاوذْ طّْصنْ، مِينْزِي ثِيطَّاوِينْ نْسنْ ثُوغَا ضقّْڒنْثْ.
MAT 26:44 إِجَّا إِ-ثنْ، يُويُورْ عَاوذْ ؤُشَا إِژُّودْجْ إِ ثْوَاڒَا وِيسّْ ثْڒَاثَا، إِقَّارْ أَوَاڒنْ-أَ عَاوذْ.
MAT 26:45 ڒخْذنِّي إِذْوڒْ-د غَارْ إِمحْضَارنْ نّسْ، إِنَّا أَسنْ: ”كمّْڒمْ خْ يِيضصْ نْومْ ڒخُّو، أَريّْحمْ. خْزَارمْ، أَقَا ثْسَاعّثْ ثِيوضْ-د أَقَا مِّيسْ ن بْنَاذمْ أَذْ إِمّوْشْ ذڭْ إِفَاسّنْ ن إِمذْنَابْ.
MAT 26:46 كَّارمْ، أَذْ نْرَاحْ. خْزَارمْ، ونِّي ذ أَيِي غَا إِغْذَارنْ، يُوذسْ-د.“
MAT 26:47 أَمْ ثُوغَا إِسَّاوَاڒْ عَاذْ، يُوسَا-د يَاهُوذَا، أَغدَّارْ، إِجّنْ زِي ثنْعَاشْ، أَكْ-ذ إِجّْ ن ڒْغَاشِي أَمقّْرَانْ س ڒسْيُوفْ ذ إِعُومَاذْ، ؤُسِينْ-د زڭْ إِمقّْرَاننْ ن إِكهَّاننْ ذ إِمْغَارنْ ن ڒْڭنْسْ.
MAT 26:48 يَاهُوذَا، أَغدَّارْ، أَقَا إِوْشَا أَسنْ إِشْثْ ن ڒعْڒَامثْ، إِنَّا: ”ونِّي إِ غَا سُّوذْمغْ ذ ونِّي نتَّا، طّْفمْ ث.“
MAT 26:49 ڒخْذنِّي د-إِقَارّبْ غَارْ يَاسُوع، إِنَّا: ”سْڒَامْ خَاكْ، [أَ] أَمْسڒْمَاذْ إِنُو!“، ؤُشَا إِسُّوذمْ إِ-ث.
MAT 26:50 [خَاسْ ؤُشَا] يَاسُوع إِنَّا أَسْ: ”[أَ] أَمدُّوكّڒْ إِنُو، مِينْ خفْ د-ثُوسِيذْ ذَا؟“ ڒخْذنِّي قَارّْبنْ-د [غَارسْ]، حَارْثنْ خْ يَاسُوع ؤُشَا طّْفنْ ث.
MAT 26:51 ؤُ خْزَارْ، إِجّنْ زڭْ إِنِّي إِدْجَانْ أَكْ-ذ يَاسُوع، إِسّْوِيژّضْ أَفُوسْ نّسْ، إِجْبذْ سِّيفْ ؤُشَا إِوْثَا أَمْسخَّارْ ن أَرَّايْسْ ن إِكهَّاننْ، إِقسّْ أَسْ أَمزُّوغْ.
MAT 26:52 خنِّي إِنَّا أَسْ يَاسُوع: ”أَرّْ سِّيفْ غَارْ ومْشَانْ نّسْ، مِينْزِي مَارَّا إِنِّي إِكسِّينْ سِّيفْ أَذْ مّْثنْ س سِّيفْ.
MAT 26:53 نِيغْ إِتّْغِيڒْ أَشْ بلِّي نشّْ وَارْ زمَّارغْ أَذْ ژَّادْجغْ إِ بَابَا، أَقَا نتَّا أَذْ ذ أَيِي د-إِسّكّْ ڒخُّو كْثَارْ زِي ثنْعَاشْ ن إِلِيخِييُوننْ ن لْمَالَاكَاثْ؟
MAT 26:54 مَامّشْ خنِّي إِ غَا تّْوَاكمّْڒنْثْ ثِيرَا [إِقدّْسنْ] [إِ إِقَّارنْ] بلِّي إِتّْخصَّا أَذْ إِمْسَارْ أَمُّو؟“
MAT 26:55 ذِي ثْسَاعّثْ نِّي عَاوذْ إِسِّيوڒْ يَاسُوع أَكْ-ذ ڒْغَاشِي: ”أَخْمِي خْ إِجّْ ن ؤُقْطَاطْعِييْ إِ د-ثفّْغمْ س ڒسْيُوفْ ذ إِعُومَاذْ مَاحنْذْ أَذْ أَيِي ثطّْفمْ. كُوڒْ أَسّْ ثُوغَا قِّيمغْ غَارْومْ، سّڒْمَاذغْ ذِي زَّاوشْثْ ثَامقّْرَانْثْ، وَارْ ذَايِي ثطِّيفمْ.
MAT 26:56 مَاشَا مَانْ أَيَا مَارَّا إِمْسَارْ، حِيمَا أَذْ تّْوَاكمّْڒنْثْ ثِيرَا ن إِنَابِييّنْ.“ ڒخْذنِّي سمْحنْ ذَايسْ مَارَّا إِمحْضَارنْ ؤُشَا أَروْڒنْ.
MAT 26:57 إِنِّي إِطّْفنْ يَاسُوع، إِوْينْ ث غَارْ قَايَافَا، أَرَّايْسْ ن إِكهَّاننْ، ونِّي غَارْ ثُوغَا مُوننْ إِمْسڒْمَاذنْ ن إِذْلِيسنْ ذ إِمْغَارنْ [ن ڒْڭنْسْ].
MAT 26:58 شِيمْعُونْ بُوطْرُوسْ إِضْفَارْ إِ-ث-إِ-د زِي ڒَاڭّْوَاجْ أَڒَامِي ذ يِيوضْ غَارْ ڒمْرَاحْ ن أَرَّايْسْ ن إِكهَّاننْ ؤُ ڒَامِي يُوذفْ، إِقِّيمْ جَارْ إِعسَّاسنْ حِيمَا أَذْ إِژَارْ مَامّشْ إِ غَا ثفّغْ.
MAT 26:59 إِمقّْرَاننْ ن إِكهَّاننْ ذ إِمْغَارنْ [ن ڒْڭنْسْ] ؤُ مَارَّا جْمَاعثْ [ثَامقّْرَانْثْ]، ثُوغَا أَرزُّونْ إِشهَّاذنْ إِسّْخَارِّيقنْ خْ يَاسُوع، مَاحنْذْ أَذْ ث نْغنْ.
MAT 26:60 مَاشَا وَارْ زمَّارنْ أَذْ ت أَفنْ، وَاخَّا ؤُسِينْ-د أَطَّاسْ ن ڒشْهُوذْ إِسّْخَارِّيقنْ. غَارْ ؤُنڭَّارْ ؤُسِينْ-د ثْنَاينْ
MAT 26:61 إِ إِنَّانْ: ”وَا أَقَا إِنَّا: ’نشّْ زمَّارغْ أَذْ هذْمغْ زَّاوشْثْ ثَامقّْرَانْثْ ن أَربِّي ؤُ ذِي ثْڒَاثَا ن وُوسَّانْ أَذْ ت بْنِيغْ [عَاوذْ].‘ “
MAT 26:62 أَرَّايْسْ ن إِكهَّاننْ إِكَّارْ-د، إِنَّا أَسْ: ”مَا وَارْ د-ثَارِّيذْ س وَالُو؟ مِينْ خَاكْ شهّْذنْ إِنَا؟“
MAT 26:63 مَاشَا يَاسُوع إِسْقَارْ. إِنَّا أَسْ أَرَّايْسْ ن إِكهَّاننْ: ”نشّْ أَذْ شكْ جّغْ أَذْ ثجَّادْجذْ س أَربِّي إِدَّارنْ، بلِّي شكْ أَذْ أَنغْ ثِينِيذْ، مَا خنِّي شكْ ذ لْمَاسِيحْ، مِّيسْ ن أَربِّي؟“
MAT 26:64 إِنَّا أَسْ يَاسُوع: ”شكْ ثنِّيذْ [ث]. مَاشَا نشّْ أَذْ أَومْ إِنِيغْ: ’زِي سَّا ثْسَاونْثْ أَذْ ثْژَارمْ مِّيسْ ن بْنَاذمْ إِقِّيمْ خْ ؤُفُوسِي ن جّهْذْ خْمِي د غَا يَاسْ خْ إِسيْنُوثنْ ن ؤُجنَّا.“
MAT 26:65 ڒخْذنِّي إِشَارّڭْ أَرَّايْسْ ن إِكهَّاننْ أَرُّوضْ نّسْ، إِنَّا: ”نتَّا أَقَا إِشقّفْ [ذِي أَربِّي]، مَايمِّي نحْذَاجْ عَاذْ ڒشْهُوذْ؟ خْزَارمْ، ڒخُّو أَقَا ثسْڒِيمْ إِ ؤُشقّفْ نّسْ.
MAT 26:66 مِينْ ذ أَومْ إِتّْغِيڒْ كنِّيوْ؟“ نِيثْنِي أَرِّينْ-د خَاسْ، نَّانْ: ”نتَّا إِسْذَاهدْجْ ڒْموْثْ.“
MAT 26:67 خنِّي بْذَانْ سُّوسُوفنْ [أَسْ] خْ ؤُغمْبُوبْ، شَّاثنْ ث س ڒْپُونِييَّاثْ [خْ ؤُزدْجِيفْ] ؤُ إِنّغْنِي وْثِينْ ث [عَاوذْ]،
MAT 26:68 نَّانْ: ”نَابّْ أَنغْ، [أَ شكْ]، لْمَاسِيحْ، وِي شكْ إِوْثِينْ؟“
MAT 26:69 بُوطْرُوسْ إِقِّيمْ غَارْ بَارَّا ذِي ڒمْرَاحْ. ثْقَارّبْ-د غَارسْ إِشْثْ ن ثَايَّا، ثنَّا: ”ؤُڒَا ذ شكْ ثُوغَا شكْ أَكْ-ذ يَاسُوع، زِي نَّاصِيرَا.“
MAT 26:70 مَاشَا نتَّا إِنْكَارْ زَّاثْ إِ مَارَّا، إِنَّا: ”وَارْ سِّينغْ مِينْ خفْ ثسَّاوَاڒذْ.“
MAT 26:71 أَمْ إِڭُّورْ غَارْ ؤُسْقِيفْ ن ثوَّارْثْ، ثژْرَا إِ-ث إِشْثْ ن ثَايَّا نّغْنِي، ثنَّا أَسنْ إِ يِينِّي ذِينْ إِقِّيمنْ: ”ؤُڒَا ذ وَا ثُوغَا أَكْ-ذ يَاسُوع زِي نَّاصِيرَا.“
MAT 26:72 نتَّا إِنْكَارْ عَاوذْ س إِشْثْ ن ثْجَادْجِيثْ، إِنَّا: ”وَارْ سِّينغْ بْنَاذمْ نِّي.“
MAT 26:73 شْوَايْثْ غَارْ زَّاثْ قَارّْبنْ-د إِنِّي ذِينْ إِبدّنْ غَارْ بُوطْرُوسْ، نَّانْ: ”نِيشَانْ، ؤُڒَا ذ شكْ ذ إِجّنْ زَّايْسنْ، مِينْزِي ڒْهَارْذْ نّشْ إِسّْبيّنْ إِ شكْ.“
MAT 26:74 خنِّي إِبْذَا إِنعّڒْ، إِتّْجَّادْجْ: ”نشّْ وَارْ سِّينغْ بْنَاذمْ نِّي.“ ڒخْذنِّي إِسّْقُوقعْ ؤُيَاژِيضْ
MAT 26:75 ؤُشَا إِعْقڒْ بُوطْرُوسْ أَوَاڒْ إِ ذ أَسْ إِنَّا يَاسُوع: ”قْبڒْ إِ غَا إِسّْقُوقعْ ؤُيَاژِيضْ، أَذْ أَيِي ثنْكَارذْ ثْڒَاثَا ن ثْوَاڒَاوِينْ.“ ؤُشَا إِفّغْ، إِرُو س إِمطَّاونْ إِمرْزَاڭنْ.
MAT 27:1 غَارْ صّْبحْ زِيشْ، أَقَا مَارَّا إِمقّْرَاننْ ن إِكهَّاننْ ذ إِمْغَارنْ ن ڒْڭنْسْ مْشَاوَارنْ خْ يَاسُوع، مَامّشْ إِ ث غَا نْغنْ.
MAT 27:2 ؤُشَا نِيثْنِي شَارْفنْ ث، إِوْينْ ث ؤُشَا سلّْمنْ ث إِ لْعَامِيلْ [أَرُومَانِي]، قَّارنْ أَسْ بِيلَاطُوسْ.
MAT 27:3 ؤُمِي إِژْرَا يَاهُوذَا، أَغدَّارْ، بلِّي يَاسُوع إِتّْوَاحْكمْ، إِنْذمْ، ؤُشَا يَارَّا-د ثْڒَاثِينْ [ن ڒْوزْنَاثْ] ن نُّوقَارْثْ غَارْ إِمقّْرَاننْ ن إِكهَّاننْ ذ إِمْغَارنْ [ن ڒْڭنْسْ].
MAT 27:4 إِنَّا: ”نشّْ خْضِيغْ، أَقَا غْذَارغْ إِذَامّنْ إِمزْذَاڭنْ.“ مَاشَا نِيثْنِي نَّانْ: ”مِينْ ذ أَنغْ إِرُوحنْ؟ خْزَارْ-د شكْ.“
MAT 27:5 أَوَارْنِي ڒَامِي إِنْضَارْ ڒْوزْنَاثْ ن نُّوقَارْثْ ذِي زَّاوشْثْ ثَامقّْرَانْثْ، إِفّغْ ؤُشَا إِرُوحْ، يُويڒْ إِخفْ نّسْ.
MAT 27:6 إِمقّْرَاننْ ن إِكهَّاننْ كْسِينْ ڒْوزْنَاثْ ن نُّوقَارْثْ، نَّانْ: ”وَارْ إِشُووَّارْ أَذْ ثنْ نسَّارْسْ ذڭْ وخَّامْ ن صّْذَاقِي، مِينْزِي [ڒْوزْنَاثْ نِّي] ذ تَّامَانْ ن ؤُسِيزّڒْ ن إِذَامّنْ.“
MAT 27:7 كّْسنْ أَوَاڒْ جَارْ أَسنْ مَاحنْذْ أَذْ زَّايسْ سْغنْ إِيَّارْ ن بُو-ثْڒَاخْثْ، مَاحنْذْ أَذْ يِيڒِي إِ إِمضْڒَانْ ن إِبَارَّانِييّنْ.
MAT 27:8 س ؤُينِّي إِتّْوَاسمَّا إِيَّارْ نِّي ’إِيَّارْ ن إِذَامّنْ‘ أَڒْ أَسّْ ن ڒخُّو.
MAT 27:9 ڒخْذنِّي إِتّْوَاكمّڒْ مِينْ إِتّْوَانَّانْ زڭْ ؤُنَابِي إِ إِنَّانْ: ”كْسِيغْ ثْڒَاثِينْ [ن ڒْوزْنَاثْ ن] نُّوقَارْثْ، ڒْقدّْ ن ونِّي إِغْڒَانْ، مِيخفْ إِنِّي زِي ثَارْوَا ن إِسْرَائِيل كّْسنْ أَوَاڒْ،
MAT 27:10 ؤُشَا نشّْ وْشِيغْ ثنْثْ إِ إِيَّارْ ن بُو-ثْڒَاخْثْ، أَمْ مَامّشْ إِ ذ أَيِي يُومُورْ سِيذِي.“
MAT 27:11 يَاسُوع ثُوغَا إِبدّْ قِيبَاتْشْ إِ لْعَامِيلْ. لْعَامِيلْ إِسّقْسَا أَسْ، إِنَّا: ”مَا شكْ ذ أَجدْجِيذْ ن وُوذَاينْ؟“ يَاسُوع إِنَّا أَسْ: ”شكْ أَقَا ثنِّيذْ [ث]!“
MAT 27:12 ؤُشَا ڒَامِي ث ثهْمنْ إِمقّْرَاننْ ن إِكهَّاننْ ذ إِمْغَارنْ [ن ڒْڭنْسْ]، يَارَّا-د س وَالُو.
MAT 27:13 خنِّي إِنَّا أَسْ بِيلَاطُوسْ: ”مَا وَارْ ثسْڒِيذْ مشْحَاڒْ خَاكْ شهّْذنْ؟“
MAT 27:14 نتَّا وَارْ خَاسْ د-يَارِّي ؤُڒَا س إِجّْ ن وَاوَاڒْ، أَڒَامِي إِقِّيمْ [لْعَامِيلْ] إِتّبْهثْ أَطَّاسْ.
MAT 27:15 ثُوغَا لْعَامِيلْ إِنُّومْ يَارخُّو ذِي كُوڒْ ڒْعِيذْ إِ يِيجّْ ن ؤُمحْبُوسْ إِ ڒْغَاشِي، ونِّي إِخْسنْ نِيثْنِي.
MAT 27:16 ثُوغَا غَارْسنْ ذڭْ وُوسَّانْ نِّي إِجّْ ن ؤُمحْبُوسْ إِتّْوَاسّنْ، قَّارنْ أَسْ بَارْ-أَبَّاسْ.
MAT 27:17 ڒَامِي مُوننْ، إِنَّا أَسنْ بِيلَاطُوسْ: ”وِي ثخْسمْ أَذْ أَومْ د-أَرْخُوغْ، بَارْ-أَبَّاسْ نِيغْ يَاسُوع ونِّي ؤُمِي قَّارنْ لْمَاسِيحْ؟“
MAT 27:18 مِينْزِي بِيلَاطُوسْ إِسّنْ أَقَا نِيثْنِي سلّْمنْ ث زِي ڒحْسذْ.
MAT 27:19 أَمْ ثُوغَا لْعَامِيلْ إِقِّيمْ خْ ڒْكُورْسِي ن ڒْحُوكْمْ، ثسّكّْ-د غَارسْ ثمْغَارْثْ نّسْ، ثنَّا: ”بَارَّا إِخفْ نّشْ زڭْ ؤُمْسڭَّاذْ نِّي، مِينْزِي أَقَا أَسّْ-أَ تّْوَاعدّْبغْ أَطَّاسْ ذِي ثَارْجِيثْ إِنُو ذِي سِّيبّثْ نّسْ.“
MAT 27:20 مَاشَا إِمقّْرَاننْ ن إِكهَّاننْ ذ إِمْغَارنْ [ن ڒْڭنْسْ] سّْقنْعنْ ڒْغَاشِي، حِيمَا أَذْ تَّارنْ بَارْ-أَبَّاسْ ؤُ حِيمَا أَذْ أَردّْدْجنْ يَاسُوع.
MAT 27:21 لْعَامِيلْ يَارَّا-د، إِنَّا أَسنْ: ”مَانْ ونْ زِي ثْنَاينْ-أَ إِ ثخْسمْ أَذْ أَرْخُوغْ إِ كنِّيوْ؟“ نَّانْ: ”بَارْ-أَبَّاسْ!“
MAT 27:22 بِيلَاطُوسْ إِنَّا أَسنْ: ”مِينْ غَا ڭّغْ [خنِّي] أَكْ-ذ يَاسُوع ؤُمِي قَّارنْ لْمَاسِيحْ؟“ نَّانْ أَسْ مَارَّا: ”صلّْبْ إِ-ث!“
MAT 27:23 إِنَّا أَسنْ لْعَامِيلْ: ”مَانْ ثُوعفّْنَا إِ إِڭَّا؟“ سْغُويّنْ س جّهْذْ كْثَارْ، نَّانْ: ”صلّْبْ إِ-ث.“
MAT 27:24 ڒَامِي إِژْرَا بِيلَاطُوسْ بلِّي وَارْ يِيوضْ غَارْ وَالُو، مَاهُو أَذْ إِكَّارْ ؤُغُووّغْ، إِكْسِي أَمَانْ، إِسِّيرْذْ إِفَاسّنْ نّسْ قِيبَاتْشْ إِ ڒْغَاشِي، إِنَّا: ”نشّْ وَارْ تُّورْسغْ شَا ذڭْ إِذَامّنْ ن ؤُمْسڭَّاذْ-أَ، خْزَارمْ كنِّيوْ!“
MAT 27:25 ڒْڭنْسْ مَارَّا يَارَّا-د، إِنَّا: ”[أجّْ] إِذَامّنْ نّسْ [أَذْ] خَانغْ [إِڒِينْ] ؤُ خْ ثَارْوَا نّغْ.“
MAT 27:26 خنِّي يَارْخُو أَسنْ-د إِ بَارْ-أَبَّاسْ، مَاشَا أَوَارْنِي ڒَامِي إِهتّكْ يَاسُوع س ؤُركُّوضْ، إِسلّمْ إِ-ث حِيمَا أَذْ إِتّْوَاصلّبْ.
MAT 27:27 ڒخْذنِّي إِوْينْ إِعسْكَارِييّنْ ن لْعَامِيلْ يَاسُوع غَارْ ثَادَّارْثْ ن شّْرَاعْ، [ؤُمِي قَّارنْ ’بْرِيثُورِييُومْ‘]، ؤُشَا سّْمُوننْ خَاسْ مَارَّا ڒْكُومْبَانِييّثْ ن ڒْعسْكَارْ.
MAT 27:28 كّْسنْ أَسْ-د أَرُّوضْ، ؤُشَا أَرْضنْ أَسْ إِجّْ ن ؤُجدْجَابْ ذ أَزڭّْوَاغْ.
MAT 27:29 نِيثْنِي مُوذنْ أَسْ إِجّْ ن تَّاجْ س إِسنَّاننْ، سَّارْسنْ ث خْ ؤُزدْجِيفْ نّسْ ؤُشَا ڭِّينْ أَسْ إِجّْ ن ؤُغَانِيمْ ذڭْ ؤُفُوسْ نّسْ أَفُوسِي، خنِّي وْضَانْ غَارْ إِضَارنْ نّسْ زَّاثسْ، قِّيمنْ تّْبُوصَارنْ خَاسْ، نَّانْ: ”أَزُولْ خَاكْ، أَ شكْ، [أَ] أَجدْجِيذْ ن وُوذَاينْ!“
MAT 27:30 سُّوسْفنْ أَسْ خْ ؤُغمْبُوبْ نّسْ، كْسِينْ أَغَانِيمْ ؤُشَا وْثِينْ ث [زَّايسْ] غَارْ ؤُزدْجِيفْ.
MAT 27:31 [أَوَارْنِي ڒَامِي] ث ذدْجنْ، كْسِينْ خَاسْ أَسڒْهَامْ، أَرْضنْ أَسْ أَرُّوضْ نّسْ ؤُشَا نذْهنْ ث، مَاحنْذْ أَذْ ث صلّْبنْ.
MAT 27:32 أَمْ فّْغنْ غَارْ بَارَّا [ن ثنْذِينْثْ]، ؤُفِينْ إِجّْ ن ورْيَازْ زِي قَايْرَاوَانْ، قَّارنْ أَسْ شِيمْعُونْ، ؤُشَا زِييَّارنْ خَاسْ حِيمَا أَذْ يَارْبُو صَّالِيبْ نّسْ.
MAT 27:33 أَڒَامِي إِوْضنْ غَارْ ومْشَانْ ؤُمِي قَّارنْ ’جُولْجُوثَا‘، مِينْ إِخْسْ أَذْ يِينِي ’ثَاشقُّوفْثْ‘،
MAT 27:34 وْشِينْ أَسْ ڒْخدْجْ إِخدْجْضنْ س ثَارْزُوڭِي ؤُشَا ؤُمِي ث إِقَّاسْ، يُوڭِي أَذْ إِسُو.
MAT 27:35 أَوَارْنِي ڒَامِي ث صلّْبنْ، بْضَانْ أَرُّوضْ نّسْ جَارْ أَسنْ ؤُمِي خَاسْ ڭِّينْ أَكشُّوضْ،
MAT 27:36 أَمْ قِّيمنْ ذِينِّي، تّْعسَّانْ خَاسْ.
MAT 27:37 ڭِّينْ أَسْ سنّجْ إِ ؤُزدْجِيفْ نّسْ إِشْثْ ن ثِيرَا مَايمِّي خَاسْ حكْمنْ س ڒْموْثْ: ’وَا ذ يَاسُوع، أَجدْجِيذْ ن وُوذَاينْ.‘
MAT 27:38 خنِّي صلّْبنْ أَكِيذسْ ثْنَاينْ ن إِخوَّاننْ، إِجّنْ غَارْ ؤُفُوسِي نّسْ ؤُ إِجّنْ غَارْ ؤُزڒْمَاضْ نّسْ.
MAT 27:39 إِنِّي ثُوغَا إِتّكَّانْ، تّْشقَّافنْ ذَايسْ، تّْهزَّانْ أَزدْجِيفْ نْسنْ،
MAT 27:40 نَّانْ: ”أَ شكْ، ونِّي إِهذْمنْ زَّاوشْثْ ثَامقّْرَانْثْ ؤُ ذِي ثْڒَاثَا ن وُوسَّانْ أَذْ ت ثبْنِيذْ [عَاوذْ]، سنْجمْ إِخفْ نّشْ. مَاڒَا شكْ ذ مِّيسْ ن أَربِّي، هْوَا-د خنِّي زِي صَّالِيبْ.“
MAT 27:41 ؤُڒَا ذ إِمقّْرَاننْ ن إِكهَّاننْ أَكْ-ذ إِمْسڒْمَاذنْ ن إِذْلِيسنْ ذ إِمْغَارنْ [ن ڒْڭنْسْ] ذ إِفَارِيسِييّنْ سْثهْزَانْ زَّايسْ أَمنِّي، نَّانْ:
MAT 27:42 ”إِسّنْجمْ إِنّغْنِي مَاشَا وَارْ إِزمَّارْ أَذْ إِسّنْجمْ خفْ نّسْ. مَاڒَا نتَّا ذ أَجدْجِيذْ ن إِسْرَائِيل، أجّْ إِ-ث أَذْ د-إِهْوَا زِي صَّالِيبْ، أَذْ زَّايسْ نَامنْ.
MAT 27:43 إِتّْشڒْ خْ أَربِّي. أجّْ إِ-ث نتَّا أَذْ ث إِسّنْجمْ مَاڒَا يَارْضَا خَاسْ، مِينْزِي إِنَّا: ’نشّْ ذ مِّيسْ ن أَربِّي‘.“
MAT 27:44 ؤُڒَا ذ إِخوَّاننْ، إِنِّي ثُوغَا إِتّْوَاصلّْبنْ أَكِيذسْ، ثُوغَا سّْفطَّاحنْ زَّايسْ أَمنِّي.
MAT 27:45 زِي ثْسَاعّثْ وِيسّْ ستَّا، [أَقَا-ت ذ ضّْهُورْ]، ثوْضَا-د ثَادْجسْثْ خْ مَارَّا ثَامُّورْثْ أَڒْ ثَاسَاعّثْ وِيسّْ ثسْعَا، [أَقَا-ت ذ ثْڒَاثَا ن ؤُعشِّي].
MAT 27:46 جّْوَايهْ ن ثْسَاعّثْ وِيسّْ ثسْعَا إِسْغُويْ يَاسُوع س ثْمِيجَّا إِجهْذنْ، إِنَّا: ”[أَ] أَربِّي إِنُو، [أَ] أَربِّي إِنُو، مَايمِّي ذَايِي ثْسمْحذْ؟“
MAT 27:47 ڒَامِي ذ أَسْ سْڒَانْ إِنِّي ذِينْ إِبدّنْ، نَّانْ شَا زَّايْسنْ: ”إِتّْڒَاغَا خْ إِلِييَا.“
MAT 27:48 ذغْيَا يُوزّڒْ-د غَارسْ إِجّنْ زَّايْسنْ، إِكْسِي سْپُونْخَا، إِسُّوفّْ إِ-ت س ڒْخدْجْ، إِڭَّا إِ-ت خْ إِجّْ ن ؤُغَانِيمْ ؤُشَا إِوْشَا أَسْ أَذْ إِسُو.
MAT 27:49 إِنّغْنِي نَّانْ: ”أجّْ إِ-ث، أَذْ نْژَارْ، مَا أَذْ د-يَاسْ إِلِييَا حِيمَا أَذْ ث إِسّنْجمْ.“
MAT 27:50 إِسْغُويّْ يَاسُوع عَاوذْ س ثْمِيجَّا إِجهْذنْ ؤُشَا إِسَّارْخُو أَرُّوحْ نّسْ.
MAT 27:51 خْزَارْ، أَڒحَّافْ ن وَاذَافْ غَارْ زَّاوشْثْ ثَامقّْرَانْثْ إِتّْوَاشَارّڭْ خْ ثْنَاينْ زِي سنّجْ أَڒْ سْوَادَّايْ، ثَامُّورْثْ ثنْهزّْ، ثِيصُوضَارْ فدْجْقنْثْ،
MAT 27:52 إِمضْڒَانْ تّْوَارزْمنْ ؤُشَا أَطَّاسْ ن أَرِّيمَاثْ ن إِمْقدَّاسنْ إِنِّي ثُوغَا إِطّْصنْ [ذِينْ]، تّْوَاسّْنكَّارنْثْ-د.
MAT 27:53 نِيثْنِي فّْغنْ [زڭْ إِمضْڒَانْ]، ؤُشَا أَوَارْنِي إِ ثْنُوكْرَا نّسْ ؤُذْفنْ غَارْ ثنْذِينْثْ إِقدّْسنْ ؤُشَا بَاننْ-د إِ وَاطَّاسْ.
MAT 27:54 ڒَامِي ڒْقبْطَانْ خْ مْيَا ذ يِينِّي ثُوغَا أَكِيذسْ إِحطَّانْ يَاسُوع، ژْرِينْ أَنْهزِّي ن ثمُّورْثْ ذ مِينْ إِمْسَارنْ، ڭّْوذنْ أَطَّاسْ، نَّانْ: ”س ثِيذتّْ ثُوغَا وَا ذ مِّيسْ ن أَربِّي.“
MAT 27:55 ثُوغَا ذِينْ أَطَّاسْ ن ثمْغَارِينْ ثِينِّي ثُوغَا إِخزَّارنْ زِي ڒَاڭّْوَاجْ، ضْفَارنْثْ يَاسُوع زِي لْجَالِيلْ حِيمَا أَذْ خَاسْ سخَّارنْثْ.
MAT 27:56 جَارَاسنْثْ مَارْيَامْ ن مَاجْذَالَا ذ مَارْيَامْ، يمَّاسْ ن يَاعْقُوبْ ذ يَاسِي، ذ يمَّاسْ ن أَيْثْ ن زَابْذِي.
MAT 27:57 ڒَامِي د-ثِيوضْ ثْمذِّيثْ، يُوسَا-د إِجّْ ن ورْيَازْ زِي رَامْثَا، قَّارنْ أَسْ يُوسُوفْ. نتَّا ثُوغَا عَاوذْ ذ أَمحْضَارْ ن يَاسُوع.
MAT 27:58 إِرُوحْ غَارْ بِيلَاطُوسْ، إِتَّارْ [أَسْ] أَرِّيمثْ ن يَاسُوع. [ڒخْذنِّي] إِوصَّا بِيلَاطُوسْ، مَاحنْذْ أَذْ أَسْ وْشنْ أَرِّيمثْ
MAT 27:59 يُوسُوفْ إِكْسِي أَرِّيمثْ إِنّضْ إِ-ت ذڭْ إِشْثْ ن ثْخيَّاضْثْ ن ڒقْطنْ [أَزْذَاذْ] إِصْفَانْ،
MAT 27:60 إِسَّارْسْ إِ-ت ذڭْ إِجّْ ن ونْضڒْ ن جْذِيذْ إِ ثُوغَا إِغْزَا، ؤُشَا أَوَارْنِي ڒَامِي إِسّقْنُونِّي إِشْثْ ن ثصْضَارْثْ حِيمَا أَذْ إِقْفڒْ ثَاوَّارْثْ ن ونْضڒْ، إِرُوحْ.
MAT 27:61 ثُوغَا ذِينْ مَارْيَامْ ن مَاجْذَالَا ذ مَارْيَامْ نّغْنِيثْ قِّيمنْثْ قِيبَاتْشْ إِ ونْضڒْ.
MAT 27:62 ثِيوشَّا نّسْ أَوَارْنِي [أَسّْ ن] ؤُسوْجذْ، مُوننْ إِمقّْرَاننْ ن إِكهَّاننْ ذ إِفَارِيسِييّنْ غَارْ بِيلَاطُوسْ،
MAT 27:63 نَّانْ: ”أَ سِيذِيثْنغْ، نعْقڒْ بلِّي أَغشَّاشْ-أَ، أَمْ ثُوغَا [عَاذْ] إِدَّارْ، إِنَّا: ’أَوَارْنِي ثْڒَاثَا ن وُوسَّانْ أَذْ كَّارغْ!‘
MAT 27:64 س ؤُيَا ؤُمُورْ، حِيمَا أَذْ ضمْننْ أَنْضڒْ أَڒْ أَسّْ وِيسّْ ثْڒَاثَا، حِيمَا أَذْ ثَاغْ إِمحْضَارنْ نّسْ وَارْ د-تِّيسنْ س دْجِيڒثْ أَذْ ث أَشَارنْ، [خنِّي] أَذْ إِنِينْ إِ ڒْڭنْسْ، أَقَا إِكَّارْ-د زِي ثَادَّارْثْ ن إِمتِّيننْ، ؤُشَا [أَمُّو إِ] غَا يِيڒِي ؤُودَّارْ أَنڭَّارُو كْثَارْ خْ ؤُمزْوَارْ.“
MAT 27:65 إِنَّا أَسنْ بِيلَاطُوسْ: ”أَقَا غَارْومْ إِعسَّاسنْ، رُوحمْ، ضمْننْ ث أَمْ مَامّشْ ثتّْوَاڒَامْ.“
MAT 27:66 رُوحنْ حِيمَا أَذْعسّنْ خْ ونْضڒْ ؤُشَا ضمْننْ أَژْرُو، نِيثْنِي جْمِيعْ أَكْ-ذ إِعسَّاسنْ.
MAT 28:1 أَوَارْنِي ڒَامِي ثعْذُو سّبْثْ، غَارْ ڒفْجَارْ ن [وَاسّْ] أَمزْوَارُو ن سِّيمَانَا، ثُوسَا-د مَارْيَامْ ن مَاجْذَالَا ذ مَارْيَامْ نّغْنِيثْ حِيمَا أَذْ سِّيجّنْثْ خْ ونْضڒْ.
MAT 28:2 خْزَارْ، إِمْسَارْ إِجّْ ن ونْهزِّي ن ثمُّورْثْ إِمْغَارْ، مِينْزِي لْمَالَاكْ ن سِيذِي إِهْوَا-د زڭْ ؤُجنَّا، إِقَارّبْ-د، إِسّقْنُونِّي ثَاصْضَارْثْ زڭْ وَاذَافْ ؤُشَا إِقِّيمْ خَاسْ.
MAT 28:3 ثُوغَا صِّيفثْ نّسْ أَمْ وَاجَّاجْ ؤُ وَارُّوضْ نّسْ ذ أَشمْڒَاڒْ أَمْ وذْفڒْ.
MAT 28:4 إِعسَّاسنْ فشْڒنْ زِي ثڭّْوُوذِي زَّايسْ ؤُشَا ذوْڒنْ أَمْ يِيمتِّيننْ.
MAT 28:5 لْمَالَاكْ إِطّفْ ذڭْ وَاوَاڒْ، إِنَّا إِ ثمْغَارِينْ: ”وَارْ تّڭّْوذنْثْ شَا، مِينْزِي سّْنغْ أَقَا كنِّينْثْ ثَارزُّونْثْ خْ يَاسُوع ونِّي إِتّْوَاصلّْبنْ.
MAT 28:6 وَارْ ذَا إِدْجِي، مِينْزِي نتَّا إِكَّارْ-د، أَمْ مَامّشْ إِنَّا. أَسنْثْ-إِ-د ذَا، خْزَارنْثْ أَمْشَانْ مَانِي ثُوغَا إِمَّارْسْ سِيذِيثْنغْ.
MAT 28:7 رُوحنْثْ ذغْيَا، إِنِينْثْ إِ إِمحْضَارنْ نّسْ، أَقَا إِتّْوَاسّْنكَّارْ-د زِي ثَادَّارْثْ ن إِمتِّيننْ، ؤُ خْزَارْ نتَّا ذ أَومْ إِ غَا إِزْوَارنْ غَارْ لْجَالِيلْ. ذِينْ أَذْ ث ثْژَارمْ. خْزَارْ، أَقَا نِّيغْ أَومْ ت.“
MAT 28:8 فّْغنْثْ نِيثنْثِي ذغْيَا زڭْ ونْضڒْ س ثِيڭّْوُوذِي ذ ڒفْرَاحثْ إِمْغَارنْ، تَّازّْڒنْثْ حِيمَا أَذْ ت خبَّارنْثْ إِمحْضَارنْ.
MAT 28:9 ؤُشَا خْزَارْ، يَاسُوع إِڒْقَا ثنْثْ [ذڭْ وبْرِيذْ]، إِنَّا أَسنْ: ”سْڒَامْ خَاكنْثْ!“ نِيثنْثِي ؤُسِينْثْ-إِ-د غَارسْ، طّْفنْثْ ذڭْ إِضَارنْ نّسْ ؤُشَا سجْذنْثْ أَسْ.
MAT 28:10 ڒخْذنِّي إِنَّا أَسنْثْ يَاسُوع: ”وَارْ تّڭّْوذنْثْ شَا، سِّيوْضنْثْ ڒخْبَارْ[-أَ] إِ أَيْثْمَا، حِيمَا أَذْ رَاحنْ غَارْ لْجَالِيلْ، ذِيهَا أَذْ أَيِي ژَترنْ.“
MAT 28:11 أَمْ رُوحنْثْ، خْزَارْ، أَقَا شَا زڭْ إِعسَّاسنْ ؤُسِينْ-د غَارْ ثنْذِينْثْ، حِيمَا أَذْ خبَّارنْ إِمقّْرَاننْ ن إِكهَّاننْ خْ مَارَّا مِينْ إِمْسَارنْ.
MAT 28:12 ڒخْذنِّي مُوننْ نِيثْنِي أَكْ-ذ إِمْغَارنْ [ن ڒْڭنْسْ] ؤُشَا مْشَاوَارنْ أَكِيذْسنْ، [ؤُشَا] وْشِينْ أَسنْ إِ إِعسَّاسنْ [تّْمنْيَاثْ ن] نُّوقَارْثْ، وَارْ إِدْجِي ذْرُوسْ،
MAT 28:13 نَّانْ: ”إِنِيمْ: ’إِمحْضَارنْ نّسْ ؤُسِينْ-د س دْجِيڒثْ ؤُشَا ؤُشَارنْ ث أَمْ ثُوغَا نطّصْ!‘
MAT 28:14 مَاڒَا إِسْڒَا إِ-ث لْعَامِيلْ، أَذْ ث نسّقْنعْ ؤُشَا أَذْ نڭّْ وَارْ ثتِّيڒِيمْ ذڭْ إِمُونَاسْ.“
MAT 28:15 طّْفنْ [ثْمنْيَاثْ ن] نُّوقَارْثْ ؤُشَا ڭِّينْ أَمْ مَامّشْ ذ أَسنْعڒْمنْ. [أَمُّو] إِ د-إِتّفّغْ ڒخْبَارْ-أَ جَارْ وُوذَاينْ أَڒْ أَسّْ ن يِيضَا.
MAT 28:16 حِيطَاشْ ن إِمحْضَارنْ نِّي رُوحنْ غَارْ لْجَالِيلْ، غَارْ وذْرَارْ مَانِي ثنْ يُومُورْ يَاسُوع.
MAT 28:17 أَڒَامِي ث ژْرِينْ، سجْذنْ أَسْ، مَاشَا شَا شكّنْ.
MAT 28:18 إِقَارّبْ-د غَارْسنْ يَاسُوع، إِسِّيوڒْ أَكِيذْسنْ، إِنَّا: ”ثمّوْشْ أَيِي مَارَّا صُّولْطَا ذڭْ ؤُجنَّا ؤُ خْ ثمُّورْثْ. أَمْ مَامّشْ إِ ذ أَيِي د-إِسّكّْ بَابَا، أَمُّو كنِّيوْ إِ غَا سّكّغْ نشّْ.
MAT 28:19 رُوحمْ، أَرّمْ مَارَّا ڒڭْنُوسْ ذ إِمحْضَارنْ إِنُو ؤُ سّْغضْصمْ ثنْ س يِيسمْ ن بَابَا ذ مِّيسْ ذ أَرُّوحْ إِقدّْسنْ،
MAT 28:20 ؤُ سْڒمْذمْ أَسنْ أَذْ طّْفنْ ذِي مَارَّا مِينْ خفْ كنِّيوْ ؤُمُورغْ زَّايسْ، ؤُ خْزَارْ، نشّْ أَقَا أَيِي أَكِيذْومْ مَارَّا ؤُسَّانْ أَڒْ قطُّو ن دُّونشْثْ.“ أَنڭَّارْ ن لْ-إِنْجِيلْ إِقدّْسنْ أَمْ مَامّشْ ث إِبَارّحْ مَاتَّا.
MAR 1:1 بدُّو ن لْ-إِنْجِيلْ ن يَاسُوع لْمَاسِيحْ، مِّيسْ ن أَربِّي.
MAR 1:2 أَمْ مَامّشْ ثُورَا ذڭْ [وذْلِيسْ ن] ؤُنَابِي إِشَاعْيَا ... ”أَقَا نشّْ أَذْ سّكّغْ زَّاثْ إِ وُوذمْ نّشْ لْمَالَاكْ إِنُو، ونِّي إِ غَا إِسّْوجْذنْ أَبْرِيذْ نّشْ.“
MAR 1:3 ”ثْمِيجَّا ن ونِّي إِسْغُويُّونْ ذِي ڒخْڒَا: ’سْوجْذمْ أَبْرِيذْ ن سِيذِي، سڭّْممْ إِمسْرَاقْ نّسْ!‘ “
MAR 1:4 ... [أَمُّو إِ] ثُوغَا يُوحَانَّا إِسّغْضَاصْ ذِي ڒخْڒَا، إِتّْبَارّحْ س ؤُسغْضصْ ن تُّوبثْ إِ وغْفَارْ ن دّْنُوبْ.
MAR 1:5 فّْغنْ-د غَارسْ مَارَّا جّْوَايهْ ن يَاهُوذِييَّا ذ أَيْثْ ن ؤُرْشَالِيمْ، تّْوَاسّْغضْصنْ زَّايسْ ذڭْ إِغْزَارْ ن لْ-ؤُرْذُونْ أَمْ نعّْمنْ س دّْنُوبْ نْسنْ.
MAR 1:6 ثُوغَا يُوحَانَّا وَانِيثَا يَارْضْ ثَاضُوفْثْ ن إِڒغْمَانْ، إِبكّسْ س يِيجّْ ن وبْيَاسْ ن يِيڒمْ خْ ثجْعِينَّا نّسْ، ؤُ ثُوغَا إِتّتّْ إِبُورخْسنْ ذ ثَامّنْثْ ثَاحُورّشْثْ.
MAR 1:7 ثُوغَا إِتّْبَارّحْ، إِقَّارْ: ”خْزَارْ، أَذْ د-يَاسْ أَوَارْنِي أَيِي ونِّي إِجهْذنْ خَافِي، ونِّي ؤُمِي وَارْ سْذِيهِيدْجغْ أَذْ أَضَارغْ مَاحنْذْ أَذْ فسْيغْ إِفِيڒَانْ ن سَانْذَالِييَاثْ نّسْ.
MAR 1:8 نشّْ سّْغضْصغْ كنِّيوْ ذڭْ وَامَانْ، مَاشَا نتَّا أَذْ كنِّيوْ إِسّغْضصْ ذِي أَرُّوحْ إِقدّْسنْ.“
MAR 1:9 ذڭْ وُوسَّانْ نِّي يُوسَا-د يَاسُوع زِي نَّاصِيرَا، ذِي لْجَالِيلْ، إِتّْوَاسّغْضصْ زِي يُوحَانَّا ذڭْ يغْزَارْ ن لْ-ؤُرْذُونْ.
MAR 1:10 ذغْيَا، أَمْ د-إِڭعّذْ زڭْ وَامَانْ، إِژْرَا إِجنْوَانْ أَرْزْمنْ ؤُشَا أَرُّوحْ أَمْ ثذْبِيرْثْ ثهْوَا-د خَاسْ.
MAR 1:11 ثُوسَا-د إِشْثْ ن ثْمِيجَّا زڭْ إِجنْوَانْ: ”شكْ ذ مِّي إِعِيزّنْ، ذَايكْ ؤُفِيغْ أَرْضَا إِنُو.“
MAR 1:12 ذغْيَا إِڭوّذْ إِ-ث أَرُّوحْ غَارْ ڒخْڒَا.
MAR 1:13 ؤُشَا إِقِّيمْ ذِينْ ذِي ڒخْڒَا أَربْعِينْ ن وُوسَّانْ، إِجَارّبْ إِ-ث شِّيطَانْ، ثُوغَا-ث أَكْ-ذ ڒوْحُوشْ ؤُشَا سخَّارنْثْ خَاسْ لْمَالَاكَاثْ.
MAR 1:14 أَوَارْنِي ڒَامِي طّْفنْ يُوحَانَّا، يُوذفْ-د يَاسُوع غَارْ لْجَالِيلْ، إِتّْبَارّحْ س ڒخْبَارْ أَصبْحَانْ ن ثْڭلْذِيثْ،
MAR 1:15 إِنَّا: ”أَقَا ڒْوقْثْ ثِيوضْ-د، ثْقَارّبْ-د ثْڭلْذِيثْ ن أَربِّي. ثُوبمْ، أَمْنمْ ذِي ڒخْبَارْ أَصبْحَانْ.“
MAR 1:16 أَمْ ثُوغَا إِڭُّورْ غَارْ ڒبْحَارْ ن لْجَالِيلْ، إِژْرَا شِيمْعُونْ ذ أَنْذْرَاوُوسْ ؤُمَاسْ، نطَّارنْ ثْرَاشَّا ذِي ڒبْحَارْ، مَاغَارْ نِيثْنِي ذ إِنيْمَارنْ ن إِسڒْمَانْ.
MAR 1:17 إِنَّا أَسنْ يَاسُوع: ”أَسمْ-د أَوَارْنِي أَيِي ؤُشَا أَذْ كنِّيوْ أَرّغْ ذ إِنيْمَارنْ ن يوْذَانْ.“
MAR 1:18 ڒخْذنِّي جِّينْ ثِيرَاشِّيوِينْ نْسنْ ؤُشَا ضْفَارنْ ث.
MAR 1:19 خنِّي أَوَارْنِي ڒَامِي إِعْذُو شْوَايْثْ سّنِّي، إِژْرَا يَاعْقُوبْ مِّيسْ ن زَابْذِي ذ ؤُمَاسْ يُوحَانَّا ذِي ثْغَارَّابُوثْ،عذْڒنْ ثِيرَاشِّيوِينْ نْسنْ.
MAR 1:20 إِڒَاغَا خَاسنْ ؤُشَا ڒخْذنِّي جِّينْ بَابَاثْسنْ زَابْذِي أَكْ-ذ إِخمَّاسنْ ذِي ثْغَارَّابُوثْ، ؤُشَا ضْفَارنْ ث.
MAR 1:21 خشّنْ غَارْ كَافَارْنَاحُومْ ؤُشَا ذغْيَا [إِبْذَا] إِسّڒْمَاذْ ذِي سّبْثْ ذِي ثمْزِيذَا.
MAR 1:22 ثْبهْثنْ زڭْ ؤُسڒْمذْ نّسْ، مِينْزِي إِسّڒْمذْ إِ-ثنْ أَمْ ونِّي غَارْ ثدْجَا صُّولْطَا، وَارْ إِدْجِي أَمْ يِيمْسڒْمَاذنْ ن إِذْلِيسنْ.
MAR 1:23 ثُوغَا ذِي ثمْزِيذَا نْسنْ إِجّْ ن بْنَاذمْ ذَايسْ إِجّْ ن ڒَارْيَاحْ ذ أَمنْڭُوسْ، إِسْغُويُّو،
MAR 1:24 إِقَّارْ: ”مِينْ ذِينْ جَارْ أَنغْ نشِّينْ ذ شكْ أَ يَاسُوع نَّاصِيرِي. مَا ثُوسِيذْ-د حِيمَا أَذْ أَنغْ ثسّْهلّْكذْ؟ أَقَا نشّْ سّْنغْ شكْ مِينْ ثعْنِيذْ: [أَقَا شكْ] ذ أَمْقدَّاسْ ن أَربِّي.“
MAR 1:25 ؤُشَا إِعْڒمْ أَسْ يَاسُوع، إِنَّا أَسْ: ”سْقَارْ! فّغْ زَّايسْ!“
MAR 1:26 إِمّنْضَارْ إِ-ث ڒَارْيَاحْ أَمنْڭُوسْ، إِسْغُويْ س إِشْثْ ن ثْغُويِّيثْ ثجْهذْ ؤُشَا خنِّي إِفّغْ-د زَّايسْ.
MAR 1:27 ثْبهْثنْ مَارَّا، مّْسقْسَانْ أَكْ-ذ وَايَاوْيَا، نَّانْ: ”مَانْ أَيَا؟ مَانَا ثَاغُورِي-يَا ن جْذِيذْ؟ مِينْزِي س صُّولْطَا يُومُورْ ؤُڒَا ذ ڒَارْيَاحْ إِمنْڭَاسْ ؤُشَا تّڭّنْ أَسْ أَرَّايْ.“
MAR 1:28 ڒخْذنِّي إِفّغْ ڒخْبَارْ نّسْ غَارْ مَارَّا جّْوَايهْ إِ ذ أَسْ د-إِنّْضنْ إِ لْجَالِيلْ.
MAR 1:29 [أَوَارْنِي ڒَامِي] د-فّْغنْ زِي ثمْزِيذَا، رُوحنْ غَارْ ثَادَّارْثْ ن شِيمْعُونْ ذ أَنْذْرَاوُوسْ أَكْ-ذ يَاعْقُوبْ ذ يُوحَانَّا.
MAR 1:30 ثُوغَا ثَاضكّْوَاتْشْ ن شِيمْعُونْ ثزّڒْ س ثْمسِّي، ؤُشَا نِيثْنِي سِّيوْڒنْ خَاسْ أَكِيذسْ.
MAR 1:31 إِقَارّبْ-د غَارسْ، إِشبَّارْ ذڭْ ؤُفُوسْ نّسْ، إِسّْڭعّذْ إِ-ت-إِ-د. ذغْيَا ثجَّا خَاسْ ثْمسِّي ؤُشَا نتَّاثْ [ثبْذَا] ثتّْسخَّارْ خَاسنْ.
MAR 1:32 ڒَامِي د-ثِيوضْ ثْمذِّيثْ، ثَافُوشْثْ ثْرُوحْ أَذْ ثغْڒِي، إِوْينْ غَارسْ مَارَّا إِمهْڒَاشْ ذ إِنِّي ذَايْسنْ شّْوَاطنْ.
MAR 1:33 ثُوغَا ثَانْذِينْثْ مَارَّا ثْمُونْ غَارْ ثوَّارْثْ.
MAR 1:34 إِسّْڭنْفَا أَطَّاسْ ن إِمحْڒَاشْ س عْڒَامْ كُوڒْ ڒهْڒَاشَاثْ ؤُشَا إِسُّوفّغْ أَطَّاسْ ن شّْوَاطنْ، وَارْ إِجِّي شّْوَاطنْ أَذْ سِّيوْڒنْ، مِينْزِي سّْننْ ث.
MAR 1:35 ثِيوشَّا زِيشْ، [ثُوغَا عَاذْ ذ دْجِيڒثْ،] إِكَّارْ ؤُشَا إِفّغْ غَارْ إِجّْ ن ومْشَانْ إِخْڒَانْ، ثُوغَا إِتّْژَادْجْ ذِينْ.
MAR 1:36 شِيمْعُونْ ذ يِينِّي ثُوغَا أَكِيذسْ، أَرْزُونْ خَاسْ.
MAR 1:37 ڒَامِي ث ؤُفِينْ، نَّانْ أَسْ: ”مَارَّا إِوْذَانْ أَرزُّونْ خَاكْ!“
MAR 1:38 إِنَّا أَسنْ: ”إِتّْخصَّا أَذْ نْرَاحْ غَارْ ذْشُورَاثْ ذ ثْندَّامْ يُوذْسنْ، حِيمَا أَذْ ذِينْ بَارّْحغْ عَاوذْ مِينْزِي أَقَا إِ ؤُيَا ؤُمِي د-ؤُسِيغْ.“
MAR 1:39 ثُوغَا إِسّڒْمَاذْ ذِي ثمْزِيذَاوِينْ نْسنْ ذِي مَارَّا لْجَالِيلْ، ؤُ إِسُّوفُّوغْ شّْوَاطنْ.
MAR 1:40 يُوسَا-د غَارسْ إِجّنْ ذَايسْ ڒْبَارْصْ، إِوْضَا غَارْ إِضَارنْ نّسْ، إِتَّارْ أَسْ، إِنَّا: ”مَاڒَا ثخْسذْ، ثْزمَّارذْ أَذْ أَيِي ثسِّيزْذڭذْ.“
MAR 1:41 إِزِّيدْجزْ إِ يَاسُوع، إِسّْوِيژّضْ أَفُوسْ نّسْ، إِحَاذَا إِ-ث، إِنَّا أَسْ: ”خْسغْ! إِوَا، ذْوڒْ ذ أَمزْذَاڭْ!“
MAR 1:42 ذِي ثْسَاعّثْ نِّي، ڒخْذنِّي إِرُوحْ خَاسْ ڒْبَارْصْ ؤُشَا إِذْوڒْ إِزْذِيڭْ.
MAR 1:43 ؤُشَا [أَوَارْنِي ڒَامِي] ذ أَسْ إِعْڒمْ، إِسّكّْ إِ-ث ڒخْذنِّي،
MAR 1:44 إِنَّا أَسْ: ”خْزَارْ، وَارْ ث تّْعِيوِيذْ ؤُڒَا إِ يِيجّنْ، مَاشَا رُوحْ، سْشنْ إِخفْ نّشْ إِ ؤُكهَّانْ ؤُشَا أوْشْ خْ ؤُسِيزْذڭْ نّشْ مِينْ يُومُورْ مُوسَا مَاحنْذْ أَذْ ثْشهْذذْ إِ نِيثْنِي.“
MAR 1:45 مَاشَا ڒَامِي إِرُوحْ، إِبْذَا إِتّْبَارّحْ أَطَّاسْ، إِسُّوفّغْ ڒخْبَارْ أَڒَامِي وَارْ إِزمَّارْ يَاسُوع أَذْ يَاذفْ غَارْ ثَانْذِينْثْ س بْطَايْطَايْ، مَاشَا ثُوغَا-ث بَارَّا ذڭْ إِمُوشَانْ إِخْڒَانْ، ثُوغَا تَّاسنْ-د غَارسْ زِي كُوڒْ جّْوَايهْ.
MAR 2:1 أَوَارْنِي إِ شَا ن وُوسَّانْ يُوذفْ يَاسُوع عَاوذْ غَارْ كَافَارْنَاحُومْ. ڒَامِي سْڒِينْ بلِّي أَقَا-ث ذِي ثَادَّارْثْ،
MAR 2:2 مُوننْ خَاسْ وَاطَّاسْ [ن إِوْذَانْ]، أَڒَامِي وَارْ زمَّارنْ أَذْ د-أَوْضنْ ؤُڒَا غَارْ ثوَّارْثْ، ؤُ نتَّا ثُوغَا إِسَّاوَاڒْ أَكِيذْسنْ س وَاوَاڒْ.
MAR 2:3 ؤُسِينْ-د شَا غَارسْ، إِوْينْ-د إِجّْ ن ؤُنعْضَابْ غَارسْ، أَرْبُونْ ث-إِ-د جَارْ أَسنْ أَربْعَا ن يرْيَازنْ.
MAR 2:4 مِينْزِي وَارْ زمَّارنْ أَذْ غَارسْ د-قَارّْبنْ زِي سِّيبّثْ ن ڒْغَاشِي، ڭَاعّْذنْ خْ ثْزقَّا، كْسِينْ شْوَايْثْ زِي ثْزقَّا سنّجْ أَمْشَانْ مَانِي ثُوغَا يَاسُوع، ؤُشَا سّهْوَانْ-د ثَاسُّوثْ مِينْ خفْ إِزّڒْ ؤُنعْضَابْ.
MAR 2:5 ؤُمِي إِژْرَا يَاسُوع لْ-إِيمَانْ نْسنْ، إِنَّا إِ ؤُنعْضَابْ: ”[أَ] مِّي، أَقَا دّْنُوبْ نّشْ تّْوَاغْفَارنْ.“
MAR 2:6 ثُوغَا قِّيمنْ ذِينْ شَا ن إِمْسڒْمَاذنْ ن إِذْلِيسنْ ذ إِفَارِيسِييّنْ، تّْخَارَّاصنْ ذڭْ وُوڒْ نْسنْ:
MAR 2:7 ”مِينْ إِعْنَا وَا إِ إِتّْشقَّافنْ [أَمُّو]؟ وِي إِزمَّارنْ أَذْ إِغْفَارْ دّْنُوبْ مْغِيرْ أَربِّي وحّْذسْ؟“
MAR 2:8 يُوشَا يَاسُوع س أَرُّوحْ نّسْ بلِّي أَقَا تّْخَارَّاصنْ أَمُّو ذڭْ إِخفْ نْسنْ. إِنَّا أَسنْ: ”مَايمِّي ثتّْخمَّاممْ ذِي مَانْ أَيَا ذڭْ وُوڒَاونْ نْومْ؟
MAR 2:9 مِينْ إِهوْننْ أَذْ إِنِيغْ إِ ؤُنعْضَابْ: ’تّْوَاغْفَارنْ دّْنُوبْ نّشْ‘ نِيغْ أَذْ إِنِيغْ: ’كَّارْ، كْسِي ثَاسُّوثْ نّشْ ؤُشَا ؤُيُورْ‘؟
MAR 2:10 مَاشَا حِيمَا أَذْ ثسّْنمْ بلِّي مِّيسْ ن بْنَاذمْ غَارسْ صُّولْطَا خْ ثمُّورْثْ، مَاحنْذْ أَذْ إِغْفَارْ دّْنُوبْ، إِنَّا خنِّي إِ ؤُنعْضَابْ:
MAR 2:11 ’نشّْ أَذْ أَشْ إِنِيغْ: كَّارْ، كْسِي ثَاسُّوثْ نّشْ، ثْرُوحذْ غَارْ ثَادَّارْثْ نّشْ!‘ “
MAR 2:12 ذغْيَا إِكَّارْ، ڒخْذنِّي إِكْسِي ثَاسُّوثْ نّسْ ؤُشَا إِفّغْ قِيبَاتْشْ إِ مَارَّا [إِوْذَانْ]، أَڒَامِي ثْبهْثنْ مَارَّا، سّمْغَارنْ ذِي أَربِّي، نَّانْ: ”عمَّارْصْ وَارْ نژْرِي مَانْ أَيَا!“
MAR 2:13 خنِّي إِفّغْ عَاوذْ غَارْ ڒبْحَارْ، ؤُشَا يُوسَا-د غَارسْ ڒْغَاشِي مَارَّا ؤُشَا إِسّڒْمذْ إِ-ثنْ.
MAR 2:14 أَمْ يعْذُو، إِبَارْقْ لَاوِي مِّيسْ ن حَالْفَا إِقِّيمْ غَارْ ثَادَّارْثْ ن ضَّارِيبَا، ؤُشَا إِنَّا أَسْ: ”ضْفَارْ أَيِي-د!“. إِكَّارْ ؤُشَا إِضْفَارْ إِ-ث.
MAR 2:15 أَمْ إِقِّيمْ نتَّا [غَارْ طَّابْڒَا] ذِي ثَادَّارْثْ نّسْ، ثُوغَا أَطَّاسْ ن أَيْثْ ن ضَّارِيبَا ذ إِمذْنَابْ قِّيمنْ أَكْ-ذ يَاسُوع ذ إِمحْضَارنْ نّسْ، مِينْزِي ثُوغَا أَثنْ ذڭْ وَاطَّاسْ ؤُشَا ضْفَارنْ ث.
MAR 2:16 ؤُمِي ژْرِينْ إِمْسڒْمَاذنْ ن إِذْلِيسنْ ذ إِفَارِيسِييّنْ أَقَا إِتّتّْ أَكْ-ذ أَيْثْ ن ضَّارِيبَا ذ إِمذْنَابْ، نَّانْ إِ إِمحْضَارنْ نّسْ: ”مَايمِّي إِتّتّْ، إِسسّْ أَكْ-ذ أَيْثْ ن ضَّارِيبَا ذ إِمذْنَابْ؟“
MAR 2:17 ڒَامِي إِسْڒَا يَاسُوع مَانْ أَيَا، إِنَّا أَسنْ: ”إِنِّي إِصحّنْ وَارْ حْذِيجنْ شَا أَضْبِيبْ، مَاشَا إِمهْڒَاشْ وَاهْ. أَقَا وَارْ د-ؤُسِيغْ حِيمَا أَذْ ڒَاغِيغْ إِ يِينِّي إِسڭّْذنْ مَاشَا إِ إِمذْنَابْ.“
MAR 2:18 ثُوغَا إِمحْضَارنْ ن يُوحَانَّا [أَمْسغْضَاصْ] ذ إِفَارِيسِييّنْ تّْژُومَّانْ ؤُشَا [خنِّي] ؤُسِينْ-د غَارسْ، نَّانْ أَسْ: ”مَايمِّي تّْژُومَّانْ إِمحْضَارنْ ن يُوحَانَّا ذ إِفَارِيسِييّنْ، [مَاشَا] إِمحْضَارنْ نّشْ وَارْ تّْژُومِّينْ شَا؟“
MAR 2:19 إِنَّا أَسنْ يَاسُوع: ”مَا زمَّارنْ ثَارْوَا ن ؤُمُوڒَايْ أَذْ ژُومّنْ ذ ؤُمُوڒَايْ [عَاذْ] أَكِيذْسنْ؟ لَّ!
MAR 2:20 مَاشَا أَذْ د-أَسنْ وُوسَّانْ خْمِي ذ غَا إِمّكْسِي ؤُمُوڒَايْ خَاسنْ، خنِّي أَذْ ژُومّنْ، ذڭْ وُوسَّانْ نِّي.
MAR 2:21 وَارْ إِدْجِي حذْ إِتّْخيّضْ ثَانقِّيتْشْ زِي ثْشُوقّثْ ن جْذِيذْ خْ وَارُّوضْ أَقْذِيمْ، نِيغْ خنِّي ثَانقِّيتْشْ نِّي ن جْذِيذْ أَذْ ثقْڒعْ زڭْ [وَارُّوضْ] أَبُوڒَايْ، ؤُشَا أَذْ إِذْوڒْ ؤُشَارّڭْ إِمْغَارْ.
MAR 2:22 ؤُڒَا ذ إِجّْ وَارْ إِتّْفَارّغْ بِينُو ن جْذِيذْ ذِي ثْخُونْشَايْ ثِيقْذِيمِينْ، حِيمَا بِينُو ن جْذِيذْ وَارْ إِتّْشَارِّيڭْ ثِيخُونْشَايْ ؤُ ثِيخُونْشَايْ أَذْ ضيّْعنْثْ ؤُشَا بِينُو أَذْ إِزدْجعْ. مَاشَا إِتّْخصَّا أَذْ إِتّْوَافَّارغْ بِينُو ن جْذِيذْ ذِي ثْخُونْشَايْ ن جْذِيذْ.“
MAR 2:23 خنِّي إِمْسَارْ أَقَا إِشُوقْ يَاسُوع ذڭْ إِيَّارنْ ن إِمنْذِي ذِي سّبْثْ، ؤُشَا إِمحْضَارنْ نّسْ بْذَانْ ڒقّْضنْ ثِيذْرِينْ أَمْ ڭُّورنْ.
MAR 2:24 نَّانْ أَسْ إِفَارِيسِييّنْ: ”خْزَارْ، مَايمِّي تّڭّنْ ذِي سّبْثْ مِينْ وَارْ إِحدْجْڒنْ؟“
MAR 2:25 إِنَّا أَسنْ يَاسُوع: ”مَا وَارْ ثغْرِيمْ قَاعْ مِينْ إِڭَّا ذَاوُوذْ، ڒَامِي ثُوغَا إِتّْوَاحْصَارْ، إِطّفْ إِ-ث ڒَاژْ، نتَّا ذ يِينِّي أَكِيذسْ؟
MAR 2:26 مَامّشْ د-يُوذفْ غَارْ ثَادَّارْثْ ن أَربِّي ذڭْ وُوسَّانْ ن أَبْيَاثَارْ، أَرَّايْسْ ن إِكهَّاننْ، ؤُشَا إِشَّا أَغْرُومْ ن وسْشَانْ ن سِيذِي إِ وَارْ إِحدْجْڒنْ أَذْ ث شّنْ مْغِيرْ إِكهَّاننْ وَاهَا، ؤُشَا إِوْشَا عَاوذْ إِ يِينِّي ثُوغَا أَكِيذسْ؟“
MAR 2:27 [خنِّي] إِنَّا أَسنْ: ”أَقَا أَسّْ ن سّبْثْ إِتّْوَاڭّْ إِ بْنَاذمْ، وَارْ إِدْجِي بْنَاذمْ إِ سّبْثْ.
MAR 2:28 أَمُّو إِ إِدْجَا مِّيسْ ن بْنَاذمْ ؤُڒَا ذ بَابْ ن سّبْثْ.“
MAR 3:1 ؤُشَا يُوذفْ-د يَاسُوع عَاوذْ غَارْ ثمْزِيذَا. ثُوغَا ذِينْ إِجّْ ن ورْيَازْ، أَفُوسْ نّسْ إِقُوشّحْ.
MAR 3:2 بْذَانْ حطَّانْ ث، مَا أَذْ ثَاغْ أَذْ ث إِسّْڭنْفَا ذِي سّبْثْ، حِيمَا زمَّارنْ أَذْ زَّايسْ شثْشَانْ.
MAR 3:3 إِنَّا أَسْ إِ ورْيَازْ ونِّي غَارْ إِدْجَا أَفُوسْ إِقُوشّحْ: ”بدّْ ذِي ڒْوسْطْ.“
MAR 3:4 خنِّي إِنَّا أَسنْ عَاوذْ: ”مَا إِحدْجڒْ [إِ بْنَاذمْ] ذِي سّبْثْ، مَاحنْذْ أَذْ إِڭّْ ڒْخَارْ نِيغْ ڒْغَارْ، أَذْ إِسّنْجمْ إِجّْ ن ڒعْمَارْ نِيغْ أَذْ ث يَاردّدْجْ؟“ [مَاشَا] نِيثْنِي سْقَارنْ.
MAR 3:5 إِخْزَارْ غَارْ يِينِّي ذ أَسْ د-إِنّْضنْ س ثفْقحْثْ زِي سِّيبّثْ ن ڒقْسَاحثْ ن وُوڒَاونْ نْسنْ، ؤُشَا إِنَّا إِ ورْيَازْ: ”سْوِيژّضْ أَفُوسْ نّشْ!“ إِسّْوِيژّضْ إِ-ث-إِ-د، إِذْوڒْ ؤُفُوسْ نّسْ إِصحّْ عَاوذْ.
MAR 3:6 ڒخْذنِّي فّْغنْ إِفَارِيسِييّنْ أَكْ-ذ شَا زِي ثَادَّارْثْ ن هِيرُوذُوسْ، ؤُشَا مْشَاوَارنْ خَاسْ، مَامّشْ غَا ڭّنْ أَذْ ث أَردّْدْجنْ.
MAR 3:7 إِفّغْ يَاسُوع أَكْ-ذ إِمحْضَارنْ نّسْ غَارْ ڒبْحَارْ، ؤُشَا يَارْنِي إِضفَّارْ إِ-ث-د ڒْغَاشِي أَطَّاسْ زِي لْجَالِيلْ، زِي يَاهُوذِييَّا،
MAR 3:8 زِي ؤُرْشَالِيمْ، زِي إِذُومِييَا، زڭْ ؤُجمَّاضْ ن لْ-ؤُرْذُونْ، زِي صُورْ ؤُ زِي صَايْذُونْ. أَقَا إِجّْ ن ڒْغَاشِي ذ أَمقّْرَانْ يُوسَا-د غَارسْ، مِينْزِي نِيثْنِي سْڒِينْ مَارَّا مِينْ إِڭَّا.
MAR 3:9 إِنَّا إِ إِمحْضَارنْ نّسْ مَاحنْذْ أَذْ أَوْينْ إِشْثْ ن ثْغَارَّابُوثْ غَارسْ س سِّيبّثْ ن ڒْغَاشِي، حِيمَا وَارْ ث دّحّْسنْ.
MAR 3:10 مِينْزِي ثُوغَا إِسّْڭنْفَا [ذِينْ] أَطَّاسْ، أَڒَامِي خَاسْ وْضَانْ حِيمَا أَذْ ث أَوْضنْ أَذْ ث حَاذَانْ.
MAR 3:11 إِنِّي إِتّْوَاجيّْحنْ زِي ڒَارْيَاحْ إِمنْڭَاسْ، وْضَانْ زَّاثسْ غَارْ إِضَارنْ نّسْ، ڒَامِي ث ژْرِينْ، سْغُوينْ، نَّانْ: ”أَقَا شكْ ذ مِّيسْ ن أَربِّي.“
MAR 3:12 [مَاشَا] إِوصَّا ثنْ أَطَّاسْ حِيمَا وَارْ خَاسْ سُّوفُّوغنْ ڒخْبَارْ.
MAR 3:13 [خَاسْ ؤُشَا] يُوڒِي غَارْ وذْرَارْ، إِڒَاغَا-د غَارسْ إِنِّي إِخْسْ، ؤُشَا ؤُسِينْ-د غَارسْ.
MAR 3:14 إِفَارْزْ زَّايْسنْ ثنْعَاشْ حِيمَا أَذْ كِيذسْ إِڒِينْ ؤُ حِيمَا أَذْ ثنْ إِسّكّْ مَاحنْذْ أَذْ بَارّْحنْ
MAR 3:15 ؤُ مَاحنْذْ أَذْ غَارْسنْ ثِيڒِي صُّولْطَا خْ ؤُسْڭنْفِي ن ڒهْڒَاشْ ؤُ خْ ؤُسُوفّغْ ن شّْوَاطنْ.
MAR 3:16 شِيمْعُونْ إِڭَّا أَسْ بُوطْرُوسْ، [إِسمْ وَانِيثَا إِخْسْ أَذْ يِينِي ’أَژْرُو‘]،
MAR 3:17 ذ يَاعْقُوبْ، مِّيسْ ن زَابْذِي، ذ يُوحَانَّا، ؤُمَاسْ ن يَاعْقُوبْ، إِسمَّا أَثنْ ’بُووَانِيرْجِيسْ‘، مِينْ إِخْسْ أَذْ يِينِي ’أَيْثْ ن وَاجَّاجْ‘،
MAR 3:18 ؤُشَا [إِفَارْزْ عَاوذْ] أَنْذْرَاوُوسْ ذ فِيلِيبُّوسْ ذ بَارْ-ثُولُومَاوُوسْ ذ مَاتَّا ذ ثُومَا ذ يَاعْقُوبْ، مِّيسْ ن حَالْفَا، ذ ثَادَّايْ ذ شِيمْعُونْ، [ونِّي ؤُمِي تّْكنَّانْ] أَمْعسَّابْ،
MAR 3:19 ذ يَاهُوذَا إِسْخَارِييُوطِي ونِّي ث إِ غَا إِغْذَارنْ.
MAR 3:20 ؤُسِينْ-د غَارْ ثَادَّارْثْ ؤُشَا إِنّيْرُو ذِينْ عَاوذْ ڒْغَاشِي، أَڒَامِي وَارْ ؤُفِينْ ثَاوَّارْثْ خْ مَاشَّا ن وغْرُومْ.
MAR 3:21 ؤُمِي سْڒِينْ ڒَادْجْ نّسْ [مَانْ أَيَا]، فّْغنْ-د، حِيمَا أَذْ ث طّْفنْ، مِينْزِي نَّانْ: ”أَقَا إِبُّوهْڒِي.“
MAR 3:22 مَاشَا إِمْسڒْمَاذنْ ن إِذْلِيسنْ إِنِّي د-إِهْوَانْ زِي ؤُرْشَالِيمْ نَّانْ: ”أَقَا ذَايسْ ’بعَالْزابُوبْ‘!“ ؤُشَا [نَّانْ:] ”س ؤُمقّْرَانْ ن شّْوَاطنْ إِسُّوفُّوغْ شّْوَاطنْ.“
MAR 3:23 إِڒَاغَا أَسنْ-د ؤُشَا إِسِّيوڒْ أَكِيذْسنْ س إِمذْيَا: ”مَامّشْ إِزمَّارْ شِّيطَانْ أَذْ إِسُّوفّغْ شِّيطَانْ؟
MAR 3:24 مَاغَارْ مَاڒَا ثمْسبْضَا إِشْثْ ن ثْڭلْذِيثْ خْ يِيخفْ نّسْ، وَارْ ثْزمَّارْ ثْڭلْذِيثْ نِّي أَذْ ثْبدّْ.
MAR 3:25 مَاڒَا ثمْسبْضَا إِشْثْ ن ثَادَّارْثْ خْ يِيخفْ نّسْ، وَارْ ثْزمَّارْ ثَادَّارْثْ نِّي أَذْ ثْبدّْ.
MAR 3:26 مَاڒَا إِكَّارْ شِّيطَانْ ضِيدّْ إِ يِيخفْ نّسْ، خنِّي وَارْ إِتِّيڒِي ذ إِجّنْ، ؤُشَا وَارْ إِزمَّارْ أَذْ إِبدّْ، مَاشَا أَذْ يِيڒِي مَانْ أَيَا ذ أَنڭَّارْ نّسْ.
MAR 3:27 وَارْ إِزمَّارْ حذْ أَذْ يَاذفْ غَارْ ثَادَّارْثْ ن ونِّي إِجهْذنْ مَاحنْذْ أَذْ إِكشّضْ ڒقْشُوعْ نّسْ، مَاڒَا وَارْ إِشَارْفْ ونِّي إِجهْذنْ أَمزْوَارْ. خنِّي إِزمَّارْ أَذْ إِكشّضْ ثَادَّارْثْ نّسْ.
MAR 3:28 س ثِيذتّْ، نشّْ أَذْ أَومْ إِنِيغْ بلِّي أَذْ أَسنْ تّْوَاغْفَارنْ إِ ثَارْوَا ن بْنَاذمْ مَارَّا دّْنُوبْ نْسنْ ؤُڒَا ذ أَشقّفْ إِ زِي غَا شقّْفنْ،
MAR 3:29 مَاشَا ونِّي إِ غَا إِشقّْفنْ ذِي أَرُّوحْ إِقدّْسنْ وَارْ غَارسْ بُو وغْفَارْ قَاعْ، مَاشَا أَقَا إِتّْوَاحْكمْ خَاسْ س ڒْحُوكْمْ إِتّْذُومَانْ.“
MAR 3:30 مِينْزِي نِيثْنِي نَّانْ: ”أَقَا ذَايسْ ڒَارْيَاحْ أَمنْڭُوسْ.“
MAR 3:31 ڒخْذنِّي ثُوسَا-د يمَّاسْ ذ أَيْثْمَاسْ، بدّنْ بَارَّا إِ ثَادَّارْثْ، سّكّنْ-د غَارسْ، ڒَاغَانْ أَسْ-د مَاحنْذْ أَذْ غَارْسنْ د-يَاسْ.
MAR 3:32 ؤُشَا ڒْغَاشِي قِّيمنْ نّْضنْ أَسْ-د، نَّانْ أَسْ: ”خْزَارْ، يمَّاشْ ذ أَيْثْمَاشْ أَقَا أَثنْ ذِي بَارَّا، أَرزُّونْ خَاكْ.“
MAR 3:33 يَارَّا-د خَاسنْ، إِنَّا: ”مَانْ ثنْ إِ إِدْجَانْ ذ يمَّا ؤُ مَانْ ينْ إِ إِدْجَانْ ذ أَيْثْمَا؟“
MAR 3:34 ؤُشَا ؤُمِي إِخْزَارْ غَارْ يِينِّي غَارسْ إِقِّيمنْ، إِنَّا: ”خْزَارْ، أَقَا يمَّا ذ أَيْثْمَا،
MAR 3:35 مِينْزِي ونِّي إِتّڭّنْ مِينْ إِخْسْ أَربِّي ذ نتَّا ذ ؤُمَا ذ ؤُتْشْمَا ذ يمَّا.“
MAR 4:1 إِبْذَا إِسّڒْمَاذْ عَاوذْ غَارْ ڒبْحَارْ ؤُ إِمُونْ-د خَاسْ ڒْغَاشِي أَطَّاسْ أَڒَامِي ينْيَا ذِي ثْغَارَّابُوثْ ؤُشَا إِقِّيمْ [ذَايسْ] خْ ڒبْحَارْ، أَمْ ڒْغَاشِي مَارَّا ثُوغَا-ث خْ ثْمَا ن ڒبْحَارْ خْ ڒْبَارّْ.
MAR 4:2 ثُوغَا إِسّڒْمَاذْ إِ-ثنْ س إِمذْيَا أَطَّاسْ. إِنَّا ذِي ثْغُورِي نّسْ:
MAR 4:3 ”سْڒمْ! خْزَارْ، إِجّْ ن ؤُفدْجَاحْ إِفّغْ حِيمَا أَذْ إِزَارْعْ.
MAR 4:4 أَمْ ثُوغَا إِزَارّعْ، ثوْضَا شَا [ن زَّارِيعثْ] خْ ثْمَا ن وبْرِيذْ، إِخشّْ-د إِجّْ ن ؤُجْضِيضْ، إِنقْبْ إِ-ت.
MAR 4:5 ثوْضَا شَا [ن زَّارِيعثْ] نّغْنِي خْ وژْرُو مَانِي وَارْ ذَايسْ ثُوغِي بُو ؤُشَاڒْ أَطَّاسْ. ذغْيَا ثغْمِي س مِينْزِي ثَامُّورْثْ وَارْ ثُودْجِيغْ.
MAR 4:6 مَاشَا ؤُمِي د-ثنْقَارْ ثْفُوشْثْ، ثشْمضْ، مِينْزِي وَارْ غَارسْ ثُوغِي بُو وژْوَارْ، خنِّي ثِيسْڒَاوْ.
MAR 4:7 ثوْضَا شَا [ن زَّارِيعثْ] نّغْنِي جَارْ إِسنَّاننْ ؤُشَا مْغَارنْ خَاسْ إِسنَّاننْ ؤُشَا جيّْحنْ ت، وَارْ ثوْشِي شَا ڒْغِيدْجثْ.
MAR 4:8 ثوْضَا شَا [ن زَّارِيعثْ] نّغْنِي خْ ثمُّورْثْ ثصْبحْ ؤُشَا ثغْمِي، ثڭْمَا، ثوْشَا ڒْغِيدْجثْ. شَا [ن زَّارِيعثْ] ثُوسَا-د س ثْڒَاثِينْ، شَا س ستِّينْ ؤُ شَا س مْيَا ن ثْسقَّارْ.“
MAR 4:9 [خنِّي] إِنَّا: ”ونِّي غَارْ إِدْجَا إِمزُّوغنْ إِ ؤُسدْجِي، أجّْ إِ-ث أَذْ إِسڒْ.“
MAR 4:10 ؤُمِي ثُوغَا أَثنْ وحّذْسنْ، سّقْسَانْ ث إِنِّي ذ أَسْ د-إِنّْضنْ [جْمِيعْ] أَكْ-ذ ثنْعَاشْ خْ ؤُمذْيَا [نِّي].
MAR 4:11 إِنَّا أَسنْ: ”أَقَا إِمّوْشْ أَومْ مَاحنْذْ أَذْ ثسّْنمْ سِّيرّْ ن ثْڭلْذِيثْ ن أَربِّي، مَاشَا إِنِّي ذِي بَارَّا أَذْ أَسنْ يِيڒِي كُوڒْشِي س إِمذْيَا،
MAR 4:12 حِيمَا أَمْ تّْوَاڒَانْ، تّْوَاڒَانْ، [مَاشَا] وَارْ تّْوِيڒِينْ، أَمْ تّسْڒَانْ، تّسْڒَانْ، [مَاشَا] وَارْ فهّْمنْ، حِيمَا وَارْ تّثُوبنْ ؤُشَا أَذْ أَسنْ إِتّْوَاغْفَارْ دّْنُوبْ نْسنْ.‘ “
MAR 4:13 إِنَّا أَسنْ: ”مَا وَارْ ثفْهِيممْ شَا إِ ؤُمذْيَا-يَا؟ مَامّشْ إِ غَا ثسّْنمْ مَارَّا إِمتِّيڒنْ-أَ؟
MAR 4:14 أَفدْجَاحْ نِّي إِزَارْعنْ، إِزَارّعْ أَوَاڒْ.
MAR 4:15 إِنَا أَقَا ذ إِنِّي خْ وبْرِيذْ، أَقَا يِينَا ذ يِينِّي ذَايْسنْ إِتّْوَازَارْعْ وَاوَاڒْ، [مَاشَا] أَوَارْنِي ڒَامِي ذ أَسْ سْڒِينْ، ڒخْذنِّي يُوسَا-د شِّيطَانْ ؤُشَا إِكّسْ أَوَاڒْ إِ إِتّْوَازَارْعنْ ذڭْ وُوڒَاونْ نْسنْ.
MAR 4:16 ؤُشَا يِينَا ذ إِنِّي إِتّْوَازَارْعنْ خْ ثمُّورْثْ ؤُحجْرِي، أَقَا يِينَا ذ إِنِّي خْمِي غَا سْڒنْ أَوَاڒْ، أَذْ ث قبْڒنْ ذغْيَا س ڒفْرَاحثْ،
MAR 4:17 [مَاشَا] وَارْ غَارْسنْ بُو جَّاذِيرَا ذڭْ إِخفْ نْسنْ، أَذْ قِّيمنْ غَارْ إِجّْ ن ڒْمِيجَاڒْ [وَاهَا]. مَاڒَا ثمْسَارْ ڒْمحْنثْ نِيغْ ؤُمَارّثْ ذِي سِّيبّثْ ن وَاوَاڒْ، أَذْ نْقَارْضنْ ذغْيَا.
MAR 4:18 ؤُشَا يِينَا ذ إِنِّي إِتّْوَازَارْعنْ جَارْ إِسنَّاننْ، أَقَا يِينَا ذ إِنِّي خْمِي غَا سْڒنْ أَوَاڒْ،
MAR 4:19 أَذْ غَارْسنْ د-أَذْفنْثْ ثْحِيسَّافْ ن دُّونشْثْ-أَ ذ ؤُغكّْوِي ن وَاڭْڒَا ذ [مَارَّا] نّشْوَاثْ إِنّغْنِي، أَذْ جيّْفنْثْ أَوَاڒْ، خنِّي إِذَاكّْوَاڒْ [وَاوَاڒْ] بْڒَا ڒْغِيدْجثْ.
MAR 4:20 ؤُشَا يِينَا ذ إِنِّي إِتّْوَازَارْعنْ خْ ثمُّورْثْ إِصبْحنْ، أَقَا يِينَا ذ إِنِّي، خْمِي غَا سْڒنْ أَوَاڒْ، أَذْ ث قبْڒنْ، أَذْ وْشنْ ڒْغِيدْجثْ، شَا [زَّايْسنْ] ثْڒَاثِينْ، إِنّغْنِي ستِّينْ ؤُ إِنّغْنِي مْيَا ن ثْسقَّارْ.“
MAR 4:21 إِنَّا أَسنْ: ”مَا أَذْ د-أَسنْ س ڒْقنْذِيڒْ، حِيمَا أَذْ إِمَّارْسْ سَاذُو ڒْمُوذْ ن إِمنْذِي نِيغْ سَاذُو قَامَا؟ مَا وَارْ إِتّْمَارْسِي شَا خْ ڒْمرْفعْ؟
MAR 4:22 مِينْزِي وَارْ ذِينْ مِينْ إِنُوفَّارنْ وَارْ د-إِتّْوَاسَّارْڭبْ، ؤُشَا [وَارْ ذِينْ] ؤُڒَا ذ إِشْثْ ن ڒْحَاجّثْ ذِي ثْنُوفّْرَا وَارْ ثثْوَاسّضْهَارِي.
MAR 4:23 مَاڒَا [ذِينْ] حذْ إِ غَارْ إِدْجَا إِمزُّوغنْ إِ ؤُسدْجِي، أجّْ إِ-ث أَذْ إِسڒْ.“
MAR 4:24 إِنَّا أَسنْ: ”حْضَامْ مِينْ غَا ثسْڒمْ. س ڒقْيَاسْ نِّي زَّايسْ إِ غَا ثعْبَارمْ، زَّايسْ إِ ذ أَومْ غَا عْبَارنْ [عَاوذْ]، ؤُشَا إِ كنِّيوْ إِنِّي إِتّسْڒَانْ أَذْ أَسنْ إِمَّارْنِي عَاذْ.
MAR 4:25 مِينْزِي ونِّي غَارْ إِدْجَا أَذْ أَسْ إِمَّارْنِي، ؤُ ونِّي وَارْ غَارْ إِدْجِي، ؤُڒَا ذ مِينْ غَارسْ أَذْ أَسْ إِتّْوَاكّسْ.“
MAR 4:26 إِنَّا: ”س ؤُينِّي أَذْ ثِيڒِي ثَاڭلْذِيثْ ن أَربِّي أَمْ يِيجّْ ن ورْيَازْ إِنطَّارْ زَّارِيعثْ ذِي ثمُّورْثْ،
MAR 4:27 خنِّي أَذْ إِطّصْ، أَذْ د-إِكَّارْ، دْجِيڒثْ ذ وَاسّْ. ؤُشَا زَّارِيعثْ أَذْ ثْڭعّذْ، أَذْ ثڭْمَا، مَاشَا نتَّا وَارْ إِسِّينْ مَامّشْ.
MAR 4:28 مِينْزِي ثَامُّورْثْ ثتَّاوِي-د ڒْغِيدْجثْ [س يِيخفْ نّسْ]: أَمزْوَارْ أَغمُّويْ، خنِّي ثِيذَارْثْ، أَوَارْنِي أَسْ إِرْذنْ إِكمّْڒنْ ذِي ثِيذَارْثْ.
MAR 4:29 ڒَامِي د-ثِيوضْ ڒْغِيدْجثْ، ڒخْذنِّي إِسّكّْ أَمْجَارْ، مِينْزِي ثَاميْرَا ثِيوضْ-د.“
MAR 4:30 إِنَّا: ”مِينْ ذِي إِ غَا نَارْوسْ ثَاڭلْذِيثْ ن أَربِّي نِيغْ س مَانْ أَمذْيَا إِ زِي ت إِ غَا نَارْشمْ؟
MAR 4:31 أَقَا-ت أَمْ ثْحبُّوشْثْ ن زَّارِيعثْ ن ؤُخرْذلْ، ثنِّي، ڒَامِي ثتّْوَازَارْعْ ذِي ثمُّورْثْ، أَقَا نتَّاثْ ذ ثَامژْيَانْثْ خْ مَارَّا ثِيحبَّا ن زَّارِيعثْ إِ إِدْجَانْ ذِي ثمُّورْثْ.
MAR 4:32 أَوَارْنِي ڒَامِي ثتّْوَازَارْعْ، ثغْمِي-د، ثمْغَارْ خْ مَارَّا ثِيبِّي، أَذْ ثڭّْ ڒفْرُوعْ إِمْغَارنْ أَڒَامِي إِجْضَاضْ ن ؤُجنَّا زمَّارنْ أَذْ ڭّنْ ڒعْوَاشّْ ذِي ثِيڒِي نّسْ.“
MAR 4:33 ثُوغَا يَاسُوع إِسَّاوَاڒْ أَوَاڒْ أَكِيذْسنْ س إِمذْيَا أَطَّاسْ أَمْ يِينَا، س إِمذْيَا إِتّْڒِيقنْ مَاحنْذْ أَذْ ثنْ سْڒنْ [إِوْذَانْ].
MAR 4:34 بْڒَا إِمذْيَا وَارْ كِيسنْ إِسِّيوڒْ شَا، مَاشَا ثُوغَا إِسّفْهَامْ كُوڒْشِي إِ إِمحْضَارنْ نّسْ وحّذْسنْ.
MAR 4:35 ذڭْ وَاسّْ نِّي، ڒَامِي ذ ثوْضَا ثْمذِّيثْ، إِنَّا أَسنْ: ”أجّْ أَنغْ أَذْ نژْوَا غَارْ ؤُجمَّاضِينْ.“
MAR 4:36 سمْحنْ ذِي ڒْغَاشِي، إِوْينْ ث ؤُمِي ث ثُوغَا عَاذْ ذِي ثْغَارَّابُوثْ، ؤُشَا ثُوغَا ذِينْ أَكِيذْسنْ عَاوذْ ثِيغَارُّوبَا نّغْنِي.
MAR 4:37 ؤُشَا ثكَّارْ-د إِشْثْ ن ثْحَارْيَاضْثْ ثمْغَارْ، ڒمْوَاجْ شَّاثنْ ذِي ثْغَارَّابُوثْ أَڒَامِي ثبْذَا ثتّْشُورَا.
MAR 4:38 [مَاشَا] يَاسُوع ثُوغَا إِطّصْ خْ إِشْثْ ن ثْسُونْثَا غَارْ ضفَّارْ ن ثْغَارَّابُوثْ. نِيثْنِي سّْفَاقنْ ث، نَّانْ أَسْ: ”[أَ] أَمْسڒْمَاذْ نّغْ، مَا وَارْ ذ أَشْ نشْقِي شَا نشِّينْ مَاڒَا نتّْوَاهلّكْ؟“
MAR 4:39 [خنِّي] إِكَّارْ، إِوبّخْ أَسمِّيضْ، إِنَّا إِ ڒبْحَارْ: ”أَرْسْ! سْقَارْ!“ يَارْسَا ؤُسمِّيضْ ؤُشَا إِذْوڒْ كُوڒْشِي يَارْسَا.
MAR 4:40 [خنِّي] إِنَّا أَسنْ: ”مَايمِّي ثڭّْوذمْ أَمُّو؟ مِينْ كنِّيوْ يُوغِينْ وَارْ ذَايْومْ بُو لْ-إِيمَانْ؟“
MAR 4:41 ثُوذفْ إِ-ثنْ ثِيڭّْوُوذِي ثمْغَارْ، نَّانْ إِ وَايَاوْيَا: ”مِينْ إِعْنَا وَا، أَقَا ؤُڒَا ذ أَسمِّيضْ ذ ڒبْحَارْ تّطَّاعنْ أَسْ؟“
MAR 5:1 ؤُشَا يِيوضْ نتَّا غَارْ ؤُجمَّاضِينْ ن ڒبْحَارْ ذِي ثمُّورْثْ ن ڭَاذَارِينِيسْ.
MAR 5:2 ؤُمِي د-إِفّغْ زِي ثْغَارَّابُوثْ، إِڒْقَا إِ-ث إِجّْ ن بْنَاذمْ زڭْ إِمضْڒَانْ ذَايسْ إِجّْ ن ڒَارْيَاحْ ذ أَمنْڭُوسْ.
MAR 5:3 ثُوغَا إِزدّغْ ذڭْ إِمضْڒَانْ ؤُشَا وَارْ إِزمَّارْ حذْ أَذْ ث إِشَارْفْ ؤُڒَا س سّْنَاسڒْ،
MAR 5:4 مِينْزِي وَاخَّا ثُوغَا شَارْفنْ ث أَطَّاسْ ن ثْوَاڒَاوِينْ س إِشذِّييّنْ غَارْ إِضَارنْ ؤُ س سّْنَاسڒْ، أَقَا نتَّا إِقْضُو سّْنَاسڒْ [نِّي]، يَارْژَا إِشذِّييّنْ ؤُ وَارْ إِزمَّارْ حذْ أَذْ ث إِقمّعْ.
MAR 5:5 ثُوغَا-ث ڒبْذَا، أَسّْ ذ دْجِيڒثْ، ذڭْ إِذُورَارْ ؤُ ذڭْ إِمضْڒَانْ، إِسْغُويُّو، إِيزّمْ إِخفْ نّسْ س إِژْرَا.
MAR 5:6 ؤُمِي إِژْرَا نتَّا يَاسُوع زِي ڒَاڭّْوَاجْ، يُوزّڒْ ؤُشَا إِسْجذْ أَسْ.
MAR 5:7 إِسْغُويْ س جّهْذْ ؤُشَا إِنَّا أَسْ: ”مِينْ ذِينْ جَارْ أَيِي أَكِيذكْ، أَ يَاسُوع، مِّيسْ ن أَربِّي، أَمْعُودْجِي خْ كُوڒْشِي. تّْزَاوْڭغْ شكْ س أَربِّي، وَارْ ذ أَيِي تّْمَارَّاثْ!“
MAR 5:8 مِينْزِي أَقَا إِنَّا أَسْ: ”فّغْ زِي بْنَاذمْ-أَ، [أَ] ڒَارْيَاحْ أَمنْڭُوسْ!“
MAR 5:9 إِسّقْسَا ث: ”مَامّشْ ذ أَشْ قَّارنْ؟“ يَارَّا-د، إِنَّا: ”إِسمْ إِنُو ’لِيخْيُونْ‘، [مَانْ أَيَا إِخْسْ أَذْ يِينِي ’أَبَارُّو‘]، مِينْزِي نشِّينْ ذڭْ وَاطَّاسْ.“
MAR 5:10 إِزَاوْڭْ إِ-ث أَطَّاسْ حِيمَا وَارْ ث إِسِّيڭّْوجْ بَارَّا إِ ثمُّورْثْ [نِّي].
MAR 5:11 ثُوغَا ذِينْ غَارْ وذْرَارْ إِشْثْ ن ثْحِيمَارْثْ ثمْغَارْ ن إِڒْفَانْ ثتّْهدَّا.
MAR 5:12 زَاوْڭنْ ث شّْوَاطنْ نِّي، نَّانْ: ”سكّْ أَنغْ غَارْ إِڒْفَانْ، حِيمَا نْزمَّارْ أَذْ ذَايْسنْ نَاذفْ.“
MAR 5:13 إِسَامْحْ أَسنْ يَاسُوع. ڒخْذنِّي فّْغنْ ڒَارْيَاحْ إِمنْڭَاسْ [زڭْ ورْيَازْ نِّي]، ؤُذْفنْ ذڭْ إِڒْفَانْ، ؤُشَا ثُوزّڒْ ثْحِيمَارْثْ نِّي غَارْ إِجّْ ن جَّارْفْ يُوعْڒَانْ ؤُشَا ثوْضَا ذِي ڒبْحَارْ. ثُوغَا-ثنْ عْڒَاحَاڒْ ذڭْ وَاڒْفَاينْ زَّايْسنْ ؤُشَا غَارْقنْ ذِي ڒبْحَارْ.
MAR 5:14 مَاشَا إِمكْسَاونْ ن إِڒْفَانْ أَروْڒنْ، خبَّارنْ مَانْ أَيَا ذِي ثنْذِينْثْ ؤُ خْ إِيَّارنْ. [إِوْذَانْ] فّْغنْ-د حِيمَا أَذْ ژَترنْ مِينْ إِمْسَارنْ.
MAR 5:15 ؤُسِينْ-د غَارْ يَاسُوع، تّْوَاڒَانْ أَمَارْيَاحْ إِ ذَايسْ ثُوغَا شّْوَاطنْ، ونِّي ذِي ثُوغَا إِزدّغْ ’لِيخْيُونْ‘، إِقِّيمْ، يَارْضْ، س ڒْبَاڒْ نّسْ، ؤُشَا ڭّْوذنْ.
MAR 5:16 إِنِّي إِژْرِينْ مَانْ أَيَا، خبَّارنْ ثنْ مِينْ إِمْسَارنْ إِ ؤُمَارْيَاحْ إِ ذِي ثُوغَا شّْوَاطنْ، ؤُ عَاوذْ خْ يِيڒْفَانْ نِّي.
MAR 5:17 ؤُشَا بْذَانْ تّْزَاوْڭنْ ث مَاحنْذْ أَذْ إِڭّْوجْ خْ ثمُّورْثْ نْسنْ.
MAR 5:18 ڒَامِي إِنْيَا نتَّا ذِي ثْغَارَّابُوثْ، إِزَاوْڭْ إِ-ث ؤُمَارْيَاحْ إِ ذَايسْ ثُوغَا شّْوَاطنْ حِيمَا أَذْ إِقِّيمْ أَكِيذسْ.
MAR 5:19 وَارْ ث إِجِّي، مَاشَا إِنَّا أَسْ: ”رُوحْ غَارْ ثَادَّارْثْ نّشْ ذ ڒَادْجْ نّشْ، خبَّارْ إِ-ثنْ مَارَّا مِينْ زَّايكْ إِڭَّا سِيذِي، مَامّشْ خَاكْ يَارْحمْ.“
MAR 5:20 ؤُشَا إِرُوحْ، إِبْذَا إِتّْبَارّحْ ذِي ذِيكاپُولِيسْ مَارَّا مِينْ ذ أَسْ إِڭَّا يَاسُوع، ؤُشَا مَارَّا ثْبهْثنْ.
MAR 5:21 أَوَارْنِي ڒَامِي إِژْوَا يَاسُوع س ثْغَارَّابُوثْ غَارْ ؤُجمَّاضْ، إِمُونْ-د خَاسْ عَاوذْ أَطَّاسْ ن ڒْغَاشِي أَمْ ثُوغَا-ث خْ ثْمَا ن ڒبْحَارْ.
MAR 5:22 يُوسَا-د [عَاوذْ] إِجّنْ زڭْ إِمقّْرَاننْ ن ثمْزِيذَا، قَّارنْ أَسْ يَايْرُوسْ. ؤُمِي ث إِژْرَا، إِوْضَا أَسْ غَارْ إِضَارنْ.
MAR 5:23 إِزَاوْڭْ إِ-ث أَطَّاسْ، إِنَّا أَسْ: ”إِدْجِي ثْمَاژُوژْثْ ثْحڒْشْ أَطَّاسْ. تّْزَاوْڭغْ شكْ أَذْ د-ثَاسذْ، أَذْ خَاسْ ثسَّارْسذْ إِفَاسّنْ نّشْ، حِيمَا أَذْ ثڭّنْفَا، أَذْ ثدَّارْ.“
MAR 5:24 إِرُوحْ أَكِيذسْ ؤُشَا إِضْفَارْ إِ-ث-إِ-د وَاطَّاسْ ن ڒْغَاشِي، ؤُشَا نِيثْنِي ذحّْسنْ ث.
MAR 5:25 مَاشَا ثُوغَا [ذِينْ] إِشْثْ ن ثمْغَارْثْ تَّازّْڒنْ زَّايسْ إِذَامّنْ ثنْعَاشْ ن إِسڭّْوُوسَا،
MAR 5:26 ؤُشَا ثكَّا خَاسْ ثَامَارَا أَطَّاسْ زڭْ إِضْبِيبنْ ؤُمِي ثسُّوفّغْ مَارَّا مِينْ غَارسْ، [مَاشَا] وَارْ ثسْثنْفِيعْ س وَالُو، ؤُشَا يَارْنِي عَاذْ خَاسْ ڒْحَاڒْ.
MAR 5:27 أَقَا ثسْڒَا خْ يَاسُوع ؤُشَا ثُوسَا-د [غَارسْ] أَمْ ثكَّا خْ دّْحَاسْ ن ڒْغَاشِي زِي ضفَّارْ نّسْ ؤُشَا ثْحَاذَا أَرُّوضْ نّسْ،
MAR 5:28 مِينْزِي ثنَّا: ”مَاڒَا حَاذِيغْ مْغِيرْ أَرُّوضْ نّسْ، أَذْ [قِّيمغْ] دَّارغْ.“
MAR 5:29 ڒخْذنِّي يُوژغْ ؤُسِيزّڒْ ن إِذَامّنْ، ثُوشَا أَكْ-ذ أَرِّيمثْ نّسْ بلِّي ثڭّنْفَا زِي ڒهْڒَاشْ نّسْ.
MAR 5:30 ڒخْذنِّي يُوشَا يَاسُوع أَكْ-ذ يِيخفْ نّسْ بلِّي إِفّغْ زَّايسْ جّهْذْ ؤُشَا إِنّقْڒبْ غَارْ ڒْغَاشِي، إِنَّا: ”وِي إِحَاذَانْ أَرُّوضْ إِنُو؟“
MAR 5:31 نَّانْ أَسْ إِمحْضَارنْ نّسْ: ”شكْ ثْوَاڒِيذْ ڒْغَاشِي إِذحّسْ إِ شكْ ؤُ شكْ ثسّقْسِيذْ: ’وِي ذ أَيِي إِحَاذَانْ؟‘ “
MAR 5:32 [مَاشَا] إِقِّيمْ إِخزَّارْ حِيمَا أَذْ إِژَارْ وِي يڭِّينْ مَانْ أَيَا.
MAR 5:33 ثُوغَا ثَامطُّوثْ ثڭّْوذْ، ثتَّارْجِيجِي، أَمْ ثسّنْ مِينْ ذ أَسْ إِمْسَارنْ، ؤُشَا ثُوسَا-د، ثوْضَا أَسْ غَارْ إِضَارنْ ؤُشَا ثْعَاوذْ أَسْ ثِيذتّْ مَارَّا.
MAR 5:34 [خنِّي] إِنَّا أَسْ: ”[أَ] يدْجِي، لْ-إِيمَانْ نّمْ أَقَا إِوْشَا أَمْ ثُوذَارْثْ، رُوحْ س ڒهْنَا أَذْ ثِيڒِيذْ ثڭّنْفِيذْ زِي ڒهْڒَاشْ نّمْ!“
MAR 5:35 أَمْ ثُوغَا عَاذْ إِسَّاوَاڒْ، ؤُسِينْ-د شَا زِي ثَادَّارْثْ ن ؤُمقّْرَانْ ن ثمْزِيذَا، نَّانْ أَسْ: ”إِدْجِيشْ ثمُّوثْ، مَايمِّي ثْصدَّاعذْ عَاذْ أَمْسغَّارْ؟“
MAR 5:36 [مَاشَا] يَاسُوع إِسْڒَا أَوَاڒنْ إِ إِنَّانْ ؤُشَا إِنَّا إِ ؤُمقّْرَانْ ن ثمْزِيذَا: ”وَارْ تّڭّْوذْ شَا! أَمنْ وَاهَا!“
MAR 5:37 وَارْ إِسْمِيحْ ؤُڒَا إِ يِيجّنْ أَذْ ث يُويُورْ أَكِيذسْ، مْغِيرْ شِيمْعُونْ بُوطْرُوسْ ذ يَاعْقُوبْ ذ يُوحَانَّا، ؤُمَاسْ ن يَاعْقُوبْ.
MAR 5:38 ؤُسِينْ-د غَارْ ثَادَّارْثْ ن ؤُمقّْرَانْ ن ثمْزِيذَا ؤُشَا إِژْرَا إِ-ثنْ شَّاثنْ أَڭجْذُورْ، تّْرُونْ ؤُشَا سْغُويُّونْ.
MAR 5:39 ؤُمِي د-يُوذفْ، إِنَّا أَسنْ: ”مَايمِّي ثشَّاثمْ أَڭجْذُورْ، ثتّْرُومْ؟ ثَاحنْجِيرْثْ وَارْ ثمُّوثْ شَا، مَاشَا أَقَا ثطّصْ.“
MAR 5:40 نِيثْنِي ضحْشنْ زَّايسْ. [مَاشَا] نتَّا إِسُّوفّغْ إِ-ثنْ كُوڒْشِي بَارَّا ؤُشَا يِيوِي أَكِيذسْ بَابَاسْ ذ يمَّاسْ ن ثْحنْجِيرْثْ ذ يِينِّي ثُوغَا أَكِيذسْ، خنِّي يُوذفْ-د مَانِي ثُوغَا ثتّْوَاسَّارْسْ ثْحنْجِيرْثْ.
MAR 5:41 إِطّفْ ذڭْ ؤُفُوسْ ن ثْحنْجِيرْثْ، إِنَّا أَسْ: ”كَّارْ، [أَ] ثَاحنْجِيرْثْ!“
MAR 5:42 ڒخْذنِّي ثكَّارْ ثْحنْجِيرْثْ ؤُشَا ثُويُورْ، مِينْزِي ثُوغَا ثَاحنْجِيرْثْ غَارسْ ثنْعَاشْ ن إِسڭّْوُوسَا. ثْبهْثنْ نِيثْنِي س يِيجّْ ن ؤُثبْهثْ إِمْغَارْ.
MAR 5:43 ؤُشَا نتَّا يُومُورْ إِ-ثنْ س جّهْذْ، حِيمَا ؤُڒَا ذ إِجّنْ أَذْ إِبَارّحْ س مَانْ أَيَا. [خنِّي] إِوصَّا أَذْ أَسْ وْشنْ حِيمَا أَذْ ثشّْ.
MAR 6:1 إِفّغْ سّنِّي، يُوسَا-د غَارْ ثنْذِينْثْ نّسْ، ؤُشَا ضْفَارنْ ث-إِ-د إِمحْضَارنْ نّسْ.
MAR 6:2 ڒَامِي د-ثِيوضْ سّبْثْ، إِبْذَا إِسّڒْمَاذْ ذِي ثمْزِيذَا. أَطَّاسْ ن يِينِّي ذ أَسْ إِسْڒِينْ، ثْبهْثنْ، نَّانْ: ”زِي مَانِيسْ د-ؤُسِينْثْ ثْمسْڒَايِينْ-أَ غَارْ وَانِيثَا؟ مَانَا ثِيغِيثْ-أَ إِ ذ أَسْ إِمّوْشنْ أَڒَامِي مْسَارنْثْ خْ إِفَاسّنْ نّسْ ڒعْجَايبْ أَمْ ثِينَا؟
MAR 6:3 مَا وَارْ إِدْجِي وَا ذ أَنجَّارْ، مِّيسْ ن مَارْيَامْ، ذ ؤُمَاسْ ن يَاعْقُوبْ ذ يُوسِيسْ ذ يَاهُوذَا ذ شِيمْعُونْ؟ مَا وَارْ دْجِينْثْ سُويثْمَاسْ ذَا أَكِيذْنغْ؟“ ؤُ نِيثْنِي نْذرْفنْ ذَايسْ.
MAR 6:4 [مَاشَا] يَاسُوع إِنَّا أَسنْ: ”أَنَابِيعمَّارْصْ وَارْ إِدْجِي بْڒَا شَّانْ مْغِيرْ ذِي ثنْذِينْثْ نّسْ، جَارْ ڒَادْجْ نّسْ ؤُ ذِي ثَادَّارْثْ نّسْ.“
MAR 6:5 ؤُشَا نتَّا وَارْ إِزمَّارْ أَذْ ذِينْ إِڭّْ ؤُڒَا ذ إِجّْ ن ڒعْجبْ، إِلَّا إِسَّارْسْ أَفُوسْ نّسْ خْ ذْرُوسْ ن إِمهْڒَاشْ وَاهَا ؤُشَا إِسّْڭنْفَا إِ-ثنْ.
MAR 6:6 ثُوغَا إِتّبْهثْ زِي ثِيكّسْثْ ن لْ-إِيمَانْ نْسنْ. [خنِّي] إِرُوحْ، إِتّْسَارَا ذْشُورَاثْ يُوذْسنْ، إِسّڒْمَاذْ.
MAR 6:7 إِڒَاغَا-د إِ ثنْعَاشْ [ن رُّوسُولْ]، إِبْذَا إِسّكّْ إِ-ثنْ ثْيُويَا ثْيُويَا ؤُشَا إِوْشَا أَسنْ صُّولْطَا خْ ڒَارْيَاحْ إِمنْڭَاسْ، مَاحنْذْ أَذْ ثنْ سُّوفّْغنْ.
MAR 6:8 يُومُورْ إِ-ثنْ حِيمَا وَارْ كسِّينْ وَالُو ذڭْ وبْرِيذْ مْغِيرْ ثَاغَّارْشْثْ وَاهَا، لَّا تّسْطِيمْ، لَّا أَغْرُومْ، لَّا [ثِيبْيِيسِينْ ن] نّْحَاسْ ذِي ثشْيَارِينْ نْسنْ،
MAR 6:9 [مَاشَا] إِوْشْ أَسنْ تّسْرِيحْ مَاحنْذْ أَذْ قّْننْ سَانْذَالِييَاثْ، [مَاشَا] وَارْ يَارّْضنْ ثْيُويَا ن ثْشَامِيرَاثْ.
MAR 6:10 إِنَّا أَسنْ: ”مَانِي مَا ثُوذْفمْ غَارْ شَا ن ثَادَّارْثْ، قِّيممْ ذَايسْ، أَڒْ سّنِّي إِ غَا ثفّْغمْ.
MAR 6:11 غَارْ مَارَّا إِنِّي وَارْ كنِّيوْ إِقْبِيڒنْ ؤُ وَارْ غَارْومْ تّسْڒِينْ، زّرْزمْ ثَاعجَّاجْثْ زڭْ إِضَارنْ نْومْ ذ شّْهَاذثْ إِ نِيثْنِي. س ثِيذتّْ، نشّْ أَذْ أَومْ إِنِيغْ، أَذْ يِيڒِي [ڒْْحَاڒْ] إِهْونْ إِ ثمُّورْثْ ن سَاذُومْ ذ عَامُورَّا ذڭْ وَاسّْ ن لْحِيسَابْ زِي ثنْذِينْثْ نِّي.“
MAR 6:12 ؤُشَا رُوحنْ، بَارّْحنْ حِيمَا أَذْ ثُوبنْ.
MAR 6:13 سُّوفّْغنْ أَطَّاسْ ن شّْوَاطنْ، ذهْننْ إِمهْڒَاشْ أَطَّاسْ س زّشْثْ ؤُشَا سّْڭنْفَانْ ثنْ.
MAR 6:14 إِسْڒَا خَاسْ ؤُجدْجِيذْ هِيرُوذُوسْ، مِينْزِي إِسمْ نّسْ إِذْوڒْ إِشْنعْ، إِنَّا: ”أَقَا يُوحَانَّا أَمْسغْضَاصْ إِتّْوَاسّْنكَّارْ-د زِي ثَادَّارْثْ ن إِمتِّيننْ، س ؤُينِّي تّْوَاڭّنْثْ زَّايسْ ڒعْجَايبْ نِّي.“
MAR 6:15 إِنّغْنِي نَّانْ: ”أَقَا-ث ذ إِلِييَا!“، ؤُ إِنّغْنِي نَّانْ عَاوذْ: ”أَقَا-ث ذ نَّابِي أَمْ يِيجّنْ زڭْ إِنَابِييّنْ!“
MAR 6:16 ڒَامِي إِسْڒَا هِيرُوذُوسْ مَانْ أَيَا، إِنَّا: ”وَا ذ يُوحَانَّا ونِّي ؤُمِي قسّغْ أَزدْجِيفْ، أَقَا نتَّا إِتّْوَاسّْنكَّارْ-د زِي ثَادَّارْثْ ن إِمتِّيننْ.“
MAR 6:17 مِينْزِي هِيرُوذُوسْ سِيمَانْثْ نّسْ، ثُوغَا إِسّكّْ-د [غَارسْ] ؤُشَا إِحبّسْ يُوحَانَّا، إِشَارْفْ إِ-ث ذِي ڒحْبسْ خْ سِّيبّثْ ن هِيرُوذِييَّا، ثَامْغَارْثْ ن ؤُمَاسْ فِيلِيبُّوسْ، ثنِّي إِ-كْ-ذ إِمْڒشْ [هِيرُوذُوسْ].
MAR 6:18 مِينْزِي يُوحَانَّا ثُوغَا إِقَّارْ إِ هِيرُوذُوسْ: ”وَارْ ذ أَشْ إِحدْجڒْ أَذْ غَاركْ ثِيڒِي ثمْغَارْثْ ن ؤُمَاشْ.“
MAR 6:19 [س ؤُينِّي] ثُوغَا هِيرُوذِييَّا ثنْضَارْ ذَايسْ ثِيطَّاوِينْ ؤُشَا ثَارزُّو أَذْ ث ثْنغْ، مَاشَا وَارْ ثْزمَّارْ،
MAR 6:20 مِينْزِي هِيرُوذُوسْ ثُوغَا إِتّڭّْوذْ زِي يُوحَانَّا، إِسّنْ بلِّي نتَّا ذ أَرْيَازْ ذ أَمْسڭَّاذْ ذ أَمْقدَّاسْ ؤُ إِحطَّا خَاسْ. إِسْڒَا زَّايسْ أَطَّاسْ ن ثْمسْڒَايِينْ، [خْ مِينْ] ثُوغَا إِتّڭّْ، ؤُشَا إِفَارْحْ أَذْ أَسْ إِسڒْ.
MAR 6:21 ذڭْ إِجّْ ن وَاسّْ إِتّْوَاسّْننْ إِڭَّا هِيرُوذُوسْ إِشْثْ ن زَّارْذثْ ذڭْ وَاسّْ ن ثْڒَاڒِيثْ نّسْ إِ ڒْحُوكَّامْ نّسْ إِ غَارْسنْ ڒمْغَارثْ أَطَّاسْ، إِ أَرُّويَاسْ خْ وَاڒفْ ن ڒْعسْكَارْ ؤُ إِ إِمقّْرَاننْ ن لْجَالِيلْ.
MAR 6:22 ؤُشَا ثُوذفْ-د يدْجِيسْ [ن هِيرُوذِييَّا]، ثشْضحْ، ثعْجبْ أَسْ إِ هِيرُوذُوسْ ذ يِينِّي إِقِّيمنْ أَكِيذسْ. خنِّي إِنَّا أَسْ ؤُجدْجِيذْ إِ ثْحنْجِيرْثْ: ”تَّارْ زَّايِي مَارَّا مِينْ ثخْسذْ، أَذْ أَمْ ث وْشغْ!“
MAR 6:23 إِجُّودْجْ أَسْ: ”مشْحَاڒْ مَا زَّايِي إِ غَا ثتَّارذْ، أَذْ أَمْ ث وْشغْ، وَاخَّا أَڒْ أَزْينْ ن ثْڭلْذِيثْ إِنُو!“
MAR 6:24 ثفّغْ-د نتَّاثْ، ثنَّا إِ يمَّاسْ: ”مِينْ ذ أَسْ إِ غَا تَّارغْ؟“ ثنَّا أَسْ ثَانِيثَا: ”أَزدْجِيفْ ن يُوحَانَّا أَمْسغْضَاصْ.“
MAR 6:25 ثُوذفْ ذغْيَا س ثَازْڒَا غَارْ ؤُجدْجِيذْ، ثنَّا أَسْ: ”خْسغْ أَذْ أَيِي د-ثسَّارْسذْ ذِي ثْسَاعّثْ-أَ أَزدْجِيفْ ن يُوحَانَّا خْ إِجّْ ن طّبْصِي.“
MAR 6:26 إِشْضنْ ؤُجدْجِيذْ أَطَّاسْ، مَاشَا خْ سِّيبّثْ ن ثْجَادْجِيثْ ؤُ خْ سِّيبّثْ ن [إِنوْجِيونْ] إِ إِقِّيمنْ [غَارْ طَّابْڒَا]، وَارْ إِخْسْ أَذْ ت إِقمّعْ،
MAR 6:27 ؤُ ڒخْذنِّي إِسّكّْ ؤُجدْجِيذْ إِجّْ ن ؤُعسَّاسْ غَارْ ڒحْبسْ س سِّيفْ، يُومُورْ حِيمَا أَذْ د-يَاوِي أَزدْجِيفْ ن يُوحَانَّا. وَانِيثَا إِرُوحْ، إِقسّْ أَسْ أَزدْجِيفْ إِ يُوحَانَّا ذِي ڒحْبسْ.
MAR 6:28 [خَاسْ ؤُشَا] يِيوِي-د [أَزدْجِيفْ نّسْ] خْ طّبْصِي، إِوْشَا أَسْ ث إِ ثْحنْجِيرْثْ ؤُ ثَاحنْجِيرْثْ ثوْشْ أَسْ ث إِ يمَّاسْ.
MAR 6:29 ڒَامِي سْڒِينْ إِمحْضَارنْ نّسْ مَانْ أَيَا، ؤُسِينْ-د، كْسِينْ ڒْخشْبثْ نّسْ، سَّارْسنْ ت ذڭْ ونْضڒْ.
MAR 6:30 مُوننْ رُّوسُولْ عَاوذْ غَارْ يَاسُوع، خبَّارنْ ث خْ كُوڒْشِي، خْ مِينْ ڭِّينْ ذ خْ مِينْ ثُوغَا سّڒْمَاذنْ.
MAR 6:31 إِنَّا أَسنْ: ”أَسمْ-د، أجّْ أَنغْ أَذْ نْرَاحْ وحّذْنغْ غَارْ إِجّْ ن ومْشَانْ إِخْڒَانْ، [حِيمَا] أَذْ ثَاريّْحمْ شْوَايْثْ!“ مِينْزِي ثُوغَا ذِينْ أَطَّاسْ ن يِينِّي د-يُوسِينْ ذ ن يِينِّي إِرُوحنْ، أَڒَامِي وَارْ إِوِيضنْ أَذْ شّنْ.
MAR 6:32 [خنِّي] رُوحنْ وحّذْسنْ ذِي ثْغَارَّابُوثْ غَارْ إِجّْ ن ومْشَانْ إِخْڒَانْ.
MAR 6:33 [مَاشَا] ڒْغَاشِي إِژْرَا إِ-ثنْ فّْغنْ-د [ذِي ثْغَارَّابُوثْ] ؤُشَا أَطَّاسْ إِ-ثعقْڒنْ. ؤُشَا إِزْوَارنْ أَسْ أَمْ تَّازّْڒنْ خْ إِضَارنْ غَارْ ذِينِّي زِي مَارَّا ثِيندَّامْ.
MAR 6:34 ؤُمِي د-إِضْرَا يَاسُوع، إِژْرَا أَطَّاسْ ن ڒْغَاشِي، زِّيدْجْزنْ أَسْ، مِينْزِي ثُوغَا أَثنْ أَمْ وُودْجِي بْڒَا أَمكْسَاوْ. [خنِّي] إِبْذَا أَذْ ثنْ إِسّڒْمذْ أَطَّاسْ.
MAR 6:35 رَامِي إِرُوحْ وَاسّْ أَذْ إِقْضَا، قَارّْبنْ-د غَارسْ إِمحْضَارنْ نّسْ، نَّانْ أَسْ: ”أَمْشَانْ-أَ إِخْڒَا ؤُ ڒْوقْثْ ثعْذُو.
MAR 6:36 سكّْ إِ-ثنْ حِيمَا أَذْ رَاحنْ غَارْ ڒعْرَاصِييَّاثْ ؤُ غَارْ ذْشُورَاثْ يُوذْسنْ، حِيمَا أَذْ سْغنْ أَغْرُومْ إِ يِيخفْ نْسنْ، مِينْزِي وَارْ غَارْسنْ مِينْ غَا شّنْ.“
MAR 6:37 مَاشَا نتَّا إِنَّا أَسنْ: ”وْشمْ أَسنْ كنِّيوْ مِينْ غَا شّنْ!“ نَّانْ أَسْ: ”مَا أَذْ نْرَاحْ مَاحنْذْ أَذْ أَسنْ نْسغْ أَغْرُومْ س مِيثَاينْ ذِينَارْ ؤُشَا أَذْ أَسنْ نوْشْ مِينْ غَا شّنْ؟“
MAR 6:38 إِنَّا أَسنْ: ”رُوحمْ، خْزَارمْ مشْحَاڒْ ن ثشْنِيفِينْ إِ غَارْومْ ذَانِيثَا!“ ؤُمِي أَرْڭْبنْ، نَّانْ أَسْ: ”خمْسَا ن ثشْنِيفِينْ ن وغْرُومْ ذ ثْنَاينْ ن إِسڒْمَانْ.“
MAR 6:39 يُومُورْ إِ-ثنْ أَذْ [ثنْ] سّْغِيمنْ مَارَّا ذِي ثْعُورِّيشِينْ خْ أَرْبِيعْ [أَزِيزَا].
MAR 6:40 ؤُشَا قِّيمنْ ذِي ثْعُورِّيشِينْ ن مْيَا ؤُ ذِي ثْعُورِّيشِينْ ن خمْسِينْ.
MAR 6:41 ؤُمِي إِكْسِي [يشُّو] خمْسَا ن ثشْنِيفِينْ ذ ثْنَاينْ ن إِسڒْمَانْ [نِّي]، إِسّْڭعّذْ ثَامُوغْڒِي نّسْ غَارْ ؤُجنَّا، إِبَاركْ ؤُشَا يَارْژَا ثِيشْنِيفِينْ، إِوْشَا إِ-ثنْثْ إِ إِمحْضَارنْ نّسْ، حِيمَا أَذْ ثنْثْ سَّارْسنْ زَّاثْسنْ. [أَمُّو إِ] فَارْقنْ نِيثْنِي [عَاوذْ] ثْنَاينْ ن إِسڒْمَانْ إِ مَارَّا.
MAR 6:42 شِّينْ مَارَّا، جِّيوْننْ.
MAR 6:43 [خنِّي] ڒقْضنْ إِڒقّْوَازْ إِشطّنْ، شُّورنْ ثنْعَاشْ ن ثْسُودْجَاثِينْ، ؤُڒَا ذ إِسڒْمَانْ [إِشطّنْ].
MAR 6:44 إِنِّي إِشِّينْ زِي ثشْنِيفِينْ ثُوغَا أَثنْ ذِي خمْسَا-أَڒَافْ ن يرْيَازنْ.
MAR 6:45 ڒخْذنِّي إِزِييَّارْ خْ إِمحْضَارنْ نّسْ مَاحنْذْ أَذْ أَذْفنْ غَارْ ثْغَارَّابُوثْ، أَذْ أَسْ إِزْوَارنْ غَارْ ؤُجمَّاضْ، غَارْ بَايْثْ-صَايْذَا أَمْ إِسْقَاذْ نتَّا ڒْغَاشِي.
MAR 6:46 ؤُشَا [أَوَارْنِي ڒَامِي] ثنْ إِسْقَاذْ، إِرُوحْ غَارْ وذْرَارْ حِيمَا أَذْ إِژَّادْجْ.
MAR 6:47 ڒَامِي د-ثوْضَا ثْمذِّيثْ ثُوغَا ثَاغَارَّابُوثْ ذِي ڒْبُوغَازْ ؤُشَا نتَّا ثُوغَا وحّْذسْ خْ ڒْبَارّْ.
MAR 6:48 إِژْرَا بلِّي نِيثْنِي تّمْقثْمَارنْ س ؤُقدّفْ [ن ثْغَارَّابُوثْ]، مِينْزِي أَسمِّيضْ يُوسَا أَسنْ-د ذڭْ ؤُغمْبُوبْ. غَارْ حطُّو وِيسّْ أَربْعَا ن دْجِيڒثْ يُوسَا-د غَارْسنْ يَاسُوع، إِڭُّورْ خْ وَاوَانْ ن ڒبْحَارْ، ؤُشَا ثُوغَا إِخْسْ أَذْ ثنْ إِعْذُو.
MAR 6:49 ؤُمِي ث ژْرِينْ إِڭُّورْ ذِي ڒبْحَارْ، إِتّْغِيڒْ أَسنْ ذ ڒخْيَاڒْ أَغدَّارْ ؤُشَا سْغُوينْ،
MAR 6:50 مِينْزِي مَارَّا ژْرِينْ ث ؤُشَا نّْخڒْعنْ. ڒخْذنِّي إِسِّيوڒْ أَكِيذْسنْ، إِنَّا أَسنْ: ”ڭّمْ ؤُڒْ! أَقَا ذ نشّْ، وَارْ ثڭّْوذمْ شَا!“
MAR 6:51 إِنْيِي-د غَارْسنْ ذِي ثْغَارَّابُوثْ ؤُشَا يَارْسَا ؤُسمِّيضْ. ثُوغَا نِيثْنِي تّْبهْثنْ، أَروّْعنْ أَطَّاسْ ذڭْ يِيخفْ نْسنْ،
MAR 6:52 مِينْزِي وَارْ فْهِيمنْ وَالُو إِ [لْمُوعْجِيزَا ن] ثشْنِيفِينْ، مِينْزِي ؤُڒْ نْسنْ ثُوغَا إِقْسحْ.
MAR 6:53 أَوَارْنِي ڒَامِي ژْوَانْ غَارْ ؤُجمَّاضْ، ؤُسِينْ-د غَارْ ثمُّورْثْ ن جِينِّيسَارثْ.
MAR 6:54 ؤُمِي د-فّْغنْ زِي ثْغَارَّابُوثْ،عقْڒنْ ث إِوْذَانْ ذغْيَا.
MAR 6:55 ؤُزّْڒنْ غَارْ مَارَّا جّْوَايهْ نِّي ؤُشَا بْذَانْ أَذْ د-أَوْينْ إِنِّي ثُوغَا إِهڒْشنْ أَطَّاسْ ذِي ثَاسُّوثْ غَارْ ومْشَانْ مَانِي سْڒِينْ أَقَا-ث نتَّا.
MAR 6:56 مَانِي مَا د-يُوسَا، ذِي ثنْذِينْثْ نِيغْ ذِي ڒذْشُورْ نِيغْ ذِي ڒعْرَاصِييَّاثْ، سّْرُوسَانْ [أَسْ-د] إِمهْڒَاشْ ذڭْ إِبْرِيذنْ ؤُشَا تّْزَاوَاڭنْ ث أَذْ أَسنْ إِسْمحْ أَذْ حَاذَانْ مْغِيرْ أَبحْڒُوڒْ ن ؤُجدْجَابْ نّسْ، ؤُ مَارَّا إِنِّي ث إِحَاذَانْ، ڭّنْفَانْ.
MAR 7:1 مُوننْ غَارسْ إِفَارِيسِييّنْ ذ إِمْسڒْمَاذنْ ن إِذْلِيسنْ إِ د-يُوسِينْ زِي ؤُرْشَالِيمْ.
MAR 7:2 [ؤُمِي] ژْرِينْ بلِّي شَا ن إِمحْضَارنْ نّسْ شِّينْ أَغْرُومْ بْڒَا ڭِّينْ أَذْ سِّيرْذنْ إِفَاسّنْ نْسنْ [ذ أَمزْوَارُو]،عيّْبنْ خَاسنْ.
MAR 7:3 مِينْزِي مَارَّا إِفَارِيسِييّنْ ذ وُوذَاينْ وَارْ تّتّنْ مْغِيرْ أَوَارْنِي ڒَامِي سِّيرْذنْ إِفَاسّنْ س يِيجّْ ن ڒُوضُو مْلِيحْ، مِينْزِي تّطّْفنْ ذِي ثُوبَّارْثْ ن إِمْغَارنْ.
MAR 7:4 ؤُ ڒَامِي د-ؤُسِينْ زِي سُّوقْ، وَارْ تّتّنْ مَاڒَا وَارْ سّْغضْصنْ [إِفَاسّنْ نْسنْ ذِي ثْبَانْيُوثْ] ذ أَمزْوَارُو، ؤُ أَقَا ذِينْ أَطَّاسْ ن ثْمسْڒَايِينْ نّغْنِي قبْڒنْ ثنْثْ، مَاحنْذْ أَذْ زَّايْسنْثْ طّْفنْ [عْلَاحْسَابْ ثُوبَّارْثْ نْسنْ]، أَمْ ؤُسغْضَاسْ ن ڒْكِيسَانْ ذ ثيْذُورِينْ ذ ثبْرِيقِينْ ن نّْحَاسْ ذ [دُّورِي] ن ڒشْثَاوَاثْ [ذڭْ إِشْثْ ن ثْبَانْيُوثْ].
MAR 7:5 [خنِّي] سّقْسَانْ ث إِفَارِيسِييّنْ ذ إِمْسڒْمَاذنْ ن إِذْلِيسنْ: ”مَايمِّي وَارْ ضْفَارنْ إِمحْضَارنْ نّشْ ثُوبَّارْثْ ن إِمْغَارنْ، مَاشَا تّتّنْ أَغْرُومْ أَمْ وَارْ سِّيرِيذنْ إِفَاسّنْ؟“
MAR 7:6 يَارَّا-د، إِنَّا أَسنْ: ”نِيشَانْ إِنبَّا إِشَاعْيَا خَاومْ، [أَ] إِمْنَافْقنْ، أَمْ مَامّشْ ثُورَا: ’ڒْْڭنْسْ-أَ إِوقَّارْ أَيِي س إِينْشِيشنْ نّسْ، مَاشَا ؤُڒْ نْسنْ إِڭّْوجْ خَافِي!
MAR 7:7 مَاشَا نِيثْنِي شنّْعنْ أَيِي بَاطڒْ، مِينْزِي سّڒْمَاذنْ ثِيغُورِيوِينْ ثِينِّي ذ ثِيوصَّا ن إِوْذَانْ.‘
MAR 7:8 مِينْزِي ثجِّيمْ ثَاوْصيّثْ ن أَربِّي، ثطّْفمْ ذِي ثُوبَّارْثْ ن إِوْذَانْ، أَمْ ؤُسغْضَاسْ ن ڒْكِيسَانْ ذ ثيْذُورِينْ [ذڭْ إِشْثْ ن ثْبَانْيُوثْ] ؤُ أَطَّاسْ ن ثْمسْڒَايِينْ نّغْنِي أَمْ ثِينَا.“
MAR 7:9 إِنَّا أَسنْ: ”نِيشَانْ أَقَا ثْنطَّاڒمْ ثَاوْصيّثْ ن أَربِّي، حِيمَا أَذْ ثقِّيممْ ثتّطّْفمْ ذِي ثُوبَّارْثْ نْومْ.
MAR 7:10 مِينْزِي مُوسَا إِنَّا: ’وقَّارْ بَابَاشْ ذ يمَّاشْ!‘، ؤُ: ’ونِّي إِ غَا إِخْزَانْ بَابَاسْ نِيغْ يمَّاسْ، إِتّْخصَّا أَسْ أَذْ إِمّثْ.‘
MAR 7:11 مَاشَا كنِّيوْ ثقَّارمْ: ’مَاڒَا إِجّْ ن ورْيَازْ إِنَّا إِ بَابَاسْ نِيغْ إِ يمَّاسْ: مِينْ مَا ثْزمَّارمْ أَذْ زَّايِي ثسْثنْفْعمْ، أَقَا ڭِّيغْ ث ذ صّذْقثْ!‘،
MAR 7:12 أَمُّو وَارْ ث ثتّجِّيمْ قَاعْ أَذْ إِڭّْ شَا إِ بَابَاسْ ذ يمَّاسْ.
MAR 7:13 [أَمُّو إِ] ثسّحْقَارَامْ أَوَاڒْ ن أَربِّي س ثُوبَّارْثْ نْومْ إِ ثتّْسلَّاممْ، ؤُ ثتّڭّمْ أَطَّاسْ ن ثْمسْڒَايِينْ أَمْ ثِينَا.“
MAR 7:14 إِڒَاغَا-د يَاسُوع غَارسْ مَارَّا ڒْغَاشِي، إِنَّا أَسنْ: ”سْڒمْ-د غَارِي مَارَّا ؤُشَا فهْممْ [مَانْ أَيَا مْلِيحْ]:
MAR 7:15 وَارْ ذِينْ ؤُڒَا ذ إِشْثْ ن ڒْحَاجّثْ إِ د-إِتَّاذْفنْ غَارْ بْنَاذمْ زِي بَارَّا ثْزمَّارْ أَذْ ث ثسّخْمجْ. مَاشَا مِينْ إِ د-إِتّفّْغنْ زِي بْنَاذمْ، أَقَا مَانْ أَيَا إِسّخْمَاجْ بْنَاذمْ.
MAR 7:16 ونِّي غَارْ دْجَانْ إِمزُّوغنْ إِ ؤُسدْجِي، أجّْ إِ-ث أَذْ إِسڒْ.“
MAR 7:17 ؤُمِي د-يُوذفْ غَارْ ثَادَّارْثْ، إِڭّْوجْ خْ ڒْغَاشِي، سّقْسَانْ ث إِمحْضَارنْ نّسْ خْ ؤُمذْيَا [نِّي].
MAR 7:18 إِنَّا أَسنْ: ”مَا كنِّيوْ عَاذْ بْڒَا ڒفْهَامثْ؟ مَا وَارْ ثفْهِيممْ شَا بلِّي مَارَّا مِينْ غَا يَاذْفنْ بْنَاذمْ زِي بَارَّا، وَارْ إِزمَّارْ أَذْ ث إِسّخْمجْ،
MAR 7:19 مِينْزِي مَانْ أَيَا وَارْ د-إِتِّيذفْ شَا غَارْ وُوڒْ نّسْ، مَاشَا غَارْ ؤُعذِّيسْ، خنِّي أَذْ إِفّغْ غَارْ ومْشَانْ نّسْ، أَڒْ إِتّْوَاسِّيزْذڭْ مَارَّا مَاشَّا.“
MAR 7:20 [خنِّي] إِنَّا: ”مِينْ إِ د-إِتّفّْغنْ زِي بْنَاذمْ ذ مَانْ أَيَا إِسّْخمَّاجْ بْنَاذمْ.
MAR 7:21 مِينْزِي زِي ذَاخڒْ، زڭْ وُوڒَاونْ ن إِوْذَانْ إِ د-إِتّفّْغنْ إِنْوَاينْ إِعفَّاننْ: زِّينَا، فَارْقْ-شّْغڒْ، ثُوكَّارْضَا، أَنْغَايْ،
MAR 7:22 طّْمعْ، ڒْغَارْ، ثَاحْرَايْمشْثْ، أَفُوشّحْ، ثِيطّْ ثَاعفَّانْثْ، أَشقّفْ، ثُوفّثْ ذ ثُوبُّوهڒْيَا.
MAR 7:23 مَارَّا ثِيمسْڒَايِينْ-أَ ثِيعفَّانِينْ تّفّْغنْثْ-إِ-د زِي ذَاخڒْ ؤُشَا سّْخمَّاجنْثْ بْنَاذمْ.“
MAR 7:24 إِكَّارْ سّنِّي ؤُشَا إِرُوحْ غَارْ ثمُّورْثْ ن ويْمِيرْ ن صُورْ ذ صَايْذُونْ. ڒَامِي د-يُوذفْ غَارْ إِشْثْ ن ثَادَّارْثْ، وَارْ إِخْسْ أَذْ ث إِسّنْ حذْ، وَاخَّا أَمنِّي وَارْ إِزمَّارْ أَذْ إِنُّوفَّارْ.
MAR 7:25 مِينْزِي إِشْثْ ن ثْمطُّوثْ، غَارسْ يدْجِيسْ ذَايسْ إِجّْ ن ڒَارْيَاحْ ذ أَمنْڭُوسْ، ثسْڒَا خَاسْ ذغْيَا. نتَّاثْ ثُوسَا-د غَارسْ، ثوْضَا أَسْ غَارْ إِضَارنْ نّسْ.
MAR 7:26 ثُوغَا ثَامْغَارْثْ-أَ ذ إِشْثْ ن ثمْغَارْثْ ثَاكَافْرِيوْثْ زِي [ثمُّورْثْ ن] فِينِيقِييَا نِّي ثُوغَا ذ ثَاسْغَارْثْ ن سُورِييَا. نتَّاثْ ثْزَاوْڭْ إِ-ث مَاحنْذْ أَذْ إِسُّوفّغْ شِّيطَانْ زڭْ يدْجِيسْ.
MAR 7:27 [مَاشَا] يَاسُوع إِنَّا أَسْ: ”أجّْ إِحنْجِيرنْ أَمزْوَارْ أَذْ جِّيوْننْ، مِينْزِي وَارْ إِتّْڒِيقْ أَذْ إِتّْوَاكّسْ وغْرُومْ ن إِحنْجِيرنْ حِيمَا أَذْ إِمّنْضَارْ إِ يِيطَانْ.“
MAR 7:28 مَاشَا نتَّاثْ ثَارَّا-د، ثنَّا أَسْ: ”وَاهْ، [أَ] سِيذِي، ؤُڒَا ذ إِطَانْ تّتّنْ إِڒقّْوَازْ ن إِحنْجِيرنْ سَاذُو طَّابْڒَا.“
MAR 7:29 إِنَّا أَسْ يَاسُوع: ”ؤُيُورْ، مِينْزِي خْ سِّيبّثْ ن وَاوَاڒْ-أَ [إِ ثنِّيذْ]، أَقَا إِفّغْ شِّيطَانْ زڭْ يدْجِيمْ.“
MAR 7:30 ڒَامِي د-ثُوسَا غَارْ ثَادَّارْثْ نّسْ، ثُوفَا يدْجِيسْ ثزّڒْ ذِي قَامَا ؤُ شِّيطَانْ إِتّْوَاسُّوفّغْ زَّايسْ.
MAR 7:31 إِفّغْ-د يَاسُوع عَاوذْ زِي ثمُّورْثْ ن صُورْ ذ صَايْذُونْ، يِيوضْ غَارْ ڒبْحَارْ ن لْجَالِيلْ غَارْ طَّارْفْ ن ثمُّورْثْ ن ذِيكاپُولِيسْ.
MAR 7:32 إِوْينْ-د غَارسْ إِجّْ ن ؤُذهْشُورْ، إِثوْثَاوْ، ؤُشَا تَّارنْ زَّايسْ أَذْ خَاسْ إِسَّارْسْ أَفُوسْ نّسْ.
MAR 7:33 إِسِّيڭّْوجْ إِ-ث زِي ڒْغَاشِي غَارْ ؤُغزْذِيسْ ؤُشَا إِڭَّا أَسْ إِضوْضَانْ ذڭْ إِمزُّوغنْ نّسْ، إِسُّوسفْ ؤُشَا إِحَاذَا إِڒسْ نّسْ.
MAR 7:34 [خنِّي] إِخْزَارْ غَارْ ؤُجنَّا، إِزهَّارْ، إِنَّا أَسْ: ”نُورْزمْ!“
MAR 7:35 ڒخْذنِّي نُّورْزْمنْ إِمزُّوغنْ نّسْ ؤُشَا ثفْسِي ثسْغُونْثْ ن يِيڒسْ نّسْ، [إِبْذَا] إِسَّاوَاڒْ نِيشَانْ.
MAR 7:36 إِعْڒمْ أَسنْ وَارْ [ث] قَّارنْ إِ حذْ، مَاشَا مشْحَاڒْ مَا ثنْ يُومُورْ، وَاخَّا أَمنِّي ثُوغَا سُّوفُّوغنْ خَاسْ ڒخْبَارْ مَاهُو.
MAR 7:37 ؤُشَا ثْبهْثنْ س ؤُنخْڒِيعْ أَڒَامِي نَّانْ: ”مَارَّا إِڭَّا إِ-ث مْلِيحْ! يَارَّا إِذهْشَارْ تّسْڒَانْ ذ إِڭْنَاونْ سَّاوَاڒنْ.“
MAR 8:1 ذڭْ وُوسَّانْ نِّي، أَمْ ثُوغَا ذِينْ [عَاوذْ] أَطَّاسْ ن ڒْغَاشِي ؤُشَا وَارْ ثُوغِي غَارْسنْ مِينْ غَا شّنْ، إِڒَاغَا يَاسُوع خْ إِمحْضَارنْ نّسْ، إِنَّا أَسنْ:
MAR 8:2 ”أَقَا زِّيدْجْزنْ أَيِي ڒْغَاشِي، مِينْزِي قِّيمنْ أَكِيذِي [عَاذْ] ثْڒَاثَا ن وُوسَّانْ، وَارْ غَارْسنْ مِينْ غَا شّنْ.
MAR 8:3 مَاڒَا سّكّغْ ثنْ غَارْ ثُوذْرِينْ نْسنْ أَمْ [عَاذْ] دْجُوژنْ، أَذْ تّْوَاهيّْفنْ ذڭْ وبْرِيذْ، مِينْزِي شَا زَّايْسنْ ؤُسِينْ-د زِي ڒَاڭّْوَاجْ.“
MAR 8:4 نَّانْ أَسْ إِمحْضَارنْ نّسْ: ”زِي مَانِيسْ إِزمَّارْ حذْ أَذْ يَافْ أَغْرُومْ ذِي ڒخْڒَا-يَا مَاحنْذْ أَذْ إِسّْجِّيونْ مَارَّا إِنَا؟“
MAR 8:5 إِسّقْسَا ثنْ: ”مشْحَاڒْ ن ثشْنِيفِينْ إِ غَارْومْ؟“ نَّانْ: ”سبْعَا.“
MAR 8:6 [خنِّي] يُومُورْ ڒْغَاشِي أَذْ إِقِّيمْ ذِي ثمُّورْثْ، ؤُشَا إِكْسِي سبْعَا نِّي ن ثشْنِيفِينْ، ؤُ أَوَارْنِي ڒَامِي إِبَاركْ، يَارْژَا إِ-ثنْثْ، إِوْشَا إِ-ثنْثْ إِ إِمحْضَارنْ نّسْ حِيمَا أَذْ ثنْثْ قدّْمنْ، ؤُشَا خنِّي قدّْمنْ ثنْثْ إِ ڒْغَاشِي.
MAR 8:7 ثُوغَا غَارْسنْ شْوَايْثْ ن إِسڒْمَانْ ذ إِمژْيَاننْ. إِبَارْكْ إِ-ثنْ عَاوذْ، إِنَّا أَذْ قدّْمنْ إِنَا.
MAR 8:8 شِّينْ، جِّيوْننْ، ؤُشَا يَارْونْ مِينْ إِشطّنْ، أَقَا سبْعَا ن ثْسُودْجَاثِينْ.
MAR 8:9 إِنِّي إِشّنْ ثُوغَا أَثنْ عْڒَاحَاڒْ ذِي أَربْعَا-أَڒَافْ.
MAR 8:10 [خنِّي] إِسّكّْ إِ-ثنْ، ؤُشَا ڒخْذنِّي إِنْيَا ذِي ثْغَارَّابُوثْ أَكْ-ذ إِمحْضَارنْ نّسْ، يِيوضْ غَارْ جّْوَايهْ ن ذَالْمَانُوثَا.
MAR 8:11 فّْغنْ إِفَارِيسِييّنْ، بْذَانْ تّْقَاشَاحنْ ذَايسْ، تَّارنْ زَّايسْ إِشْثْ ن ڒعْڒَامثْ زڭْ ؤُجنَّا حِيمَا أَذْ ث جَارّْبنْ.
MAR 8:12 إِزهَّارْ ذِي أَرُّوحْ نّسْ، إِنَّا: ”مَايمِّي إِتّتَّارْ جِّيڒْ-أَ إِشْثْ ن ڒعْڒَامثْ؟ س ثِيذتّْ، نشّْ أَذْ أَومْ إِنِيغْ،عمَّارْصْ وَارْ ذ أَسْ ثمّوْشْ إِ جِّيڒْ-أَ إِشْثْ ن ڒعْڒَامثْ!“
MAR 8:13 [خنِّي] إِسْمحْ ذَايْسنْ ؤُشَا إِنْيَا ذِي ثْغَارَّابُوثْ، ؤُشَا رُوحنْ نِيثْنِي غَارْ ؤُجمَّاضْ.
MAR 8:14 إِمحْضَارنْ نّسْ تُّونْ أَذْ كِيسنْ كْسِينْ أَغْرُومْ، ؤُشَا وَارْ ثُوغِي غَارْسنْ وَالُو ذِي ثْغَارَّابُوثْ مْغِيرْ إِشْثْ ن ثشْنِيفْثْ ن وغْرُومْ وَاهَا.
MAR 8:15 ؤُشَا يُومُورْ إِ-ثنْ، إِنَّا: ”خْزَارمْ، حْضَامْ زڭْ ونْثُونْ ن إِفَارِيسِييّنْ ذ ونْثُونْ ن هِيرُوذُوسْ.“
MAR 8:16 مْشَاوَارنْ جَارْ أَسنْ، نَّانْ: ”ذ مَانْ أَيَا مِينْزِي وَارْ [غَارْنغْ] بُو [ثشْنِيفِينْ ن] وغْرُومْ.“
MAR 8:17 [مَاشَا] يَارْڭبْ يَاسُوع، إِنَّا أَسنْ: ”مَايمِّي ثمْشَاوَارمْ بلِّي وَارْ غَارْومْ بُو [ثشْنِيفِينْ ن] وغْرُومْ؟ مَا وَارْ ثُوشِيمْ، مَا وَارْ ثفْهِيممْ؟ مَا عَاذْ ؤُڒَاونْ نْومْ قسْحنْ؟
MAR 8:18 مَا غَارْومْ ثِيطَّاوِينْ، مَاشَا وَارْ ثتّْوِيڒِيمْ؟ مَا غَارْومْ إِمزُّوغنْ، مَاشَا وَارْ ثتّسْڒِيمْ؟ مَا وَارْ ثْعقِّيڒمْ عَاذْ؟
MAR 8:19 ؤُمِي أَرْژِيغْ خمْسَا ن ثشْنِيفِينْ ن وغْرُومْ إِ خمْسَا-أَڒَافْ، مشْحَاڒْ ن ثْسُودْجَاثِينْ إِ إِشُّورنْ س إِڒقّْوَازْ إِ ثْيَارْومْ؟“ نَّانْ أَسْ: ”ثنْعَاشْ.“
MAR 8:20 ”ؤُ غَارْ سبْعَا [ن ثشْنِيفِينْ ن وغْرُومْ] إِ أَربْعَا-أَڒَافْ، مشْحَاڒْ ن ثْسُودْجَاثِينْ إِشُّورنْ س إِڒقّْوَازْ إِ ثْيَارْومْ؟“ نَّانْ: ”سبْعَا!“
MAR 8:21 [خنِّي] إِنَّا أَسنْ: ”مَامّشْ عَاذْ وَارْ ثفْهِيممْ أَڒْ ڒخُّو؟“
MAR 8:22 يُوسَا-د غَارْ بَايْثْ-صَايْذَا ؤُشَا نِيثْنِي إِوْينْ أَسْ-د إِجّْ ن ؤُذَارْغَاڒْ، زَاوْڭنْ ث أَذْ إِحَاذَا وَانِيثَا.
MAR 8:23 نتَّا إِمْنعْ أَذَارْغَاڒْ زڭْ ؤُفُوسْ، إِنْذهْ إِ-ث بَارَّا إِ ذْشَارْ ؤُشَا إِسُّوسفْ ذِي ثِيطَّاوِينْ نّسْ، إِسَّارْسْ [خَاسْ] أَفُوسْ نّسْ، إِسّقْسَا مِينْ إِتّْوَاڒَا.
MAR 8:24 إِسوْضْ، إِنَّا: ”تّْوَاڒِيغْ إِوْذَانْ ڭُّورنْ أَمْ ثِيشجُّورَا.“
MAR 8:25 خنِّي إِسَّارْسْ عَاوذْ أَفُوسْ نّسْ خْ ثِيطَّاوِينْ نّسْ. [خنِّي] إِڭّنْفَا، إِذْوڒْ إِتّْوَاڒَا مَارَّا مْلِيحْ.
MAR 8:26 إِسّكّْ إِ-ث غَارْ ثَادَّارْثْ نّسْ، إِنَّا: ”وَارْ ذ تِّيذفْ ذْشَارْ، وَارْ ث قَّارْ إِ حذْ ذِي ذْشَارْ!“
MAR 8:27 [خنِّي] يُويُورْ يَاسُوع أَكْ-ذ إِمحْضَارنْ نّسْ غَارْ ڒذْشُورْ ن قَايْصَارِييَا-فِيلِيبُّوسْ. ذڭْ وبْرِيذْ إِسّقْسَا إِمحْضَارنْ نّسْ، إِنَّا أَسنْ: ”مِينْ قَّارنْ إِوْذَانْ مِينْ عْنِيغْ نشّْ؟“
MAR 8:28 أَرِّينْ-د: ”يُوحَانَّا أَمْسغْضَاصْ!“، شَا نّغْنِي [نَّانْ]: ”إِلِييَا!“، إِنّغْنِي [عَاوذْ]: ”إِجّنْ زڭْ إِنَابِييّنْ!“
MAR 8:29 إِنَّا أَسنْ: ”إِ كنِّيوْ مِينْ ثقَّارمْ خَافِي؟“ يَارَّا-د شِيمْعُونْ، إِنَّا أَسْ: ”شكْ ذ لْمَاسِيحْ، مِّيسْ ن أَربِّي إِدَّارنْ!“
MAR 8:30 يُومُورْ إِ-ثنْ مْلِيحْ، مَاحنْذْ وَارْ [ت] خَاسْ قَّارنْ ؤُڒَا إِ يِيجّْ.
MAR 8:31 إِبْذَا إِسّڒْمَاذْ أَقَا مِّيسْ ن بْنَاذمْ إِتّْخصَّا أَذْ إِودّبْ أَطَّاسْ ؤُشَا أَذْ إِتّْوَاسّحْقَارْ زڭْ إِمْغَارنْ [ن ڒْڭنْسْ] ذ إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ، أَذْ ث نْغنْ ؤُشَا ذڭْ وَاسّْ وِيسّْ ثْڒَاثَا أَذْ د-إِكَّارْ.
MAR 8:32 إِنَّا أَوَاڒْ-أَ س بْطَايْطَايْ. [مَاشَا] إِكْسِي ث بُوطْرُوسْ غَارسْ غَارْ ؤُغزْذِيسْ ؤُشَا إِبْذَا إِتّْوبّخْ إِ-ث.
MAR 8:33 [خَاسْ ؤُشَا] إِنّقْڒبْ، إِخْزَارْ ذڭْ إِمحْضَارنْ نّسْ ؤُشَا إِوبّخْ إِ شِيمْعُونْ، إِقَّارْ: ”أَڭّْوجْ خَافِي أَوَارْنِي أَيِي، [أَ] شِّيطَانْ مِينْزِي شكْ وَارْ ذ أَشْ إِشْقِي مِينْ إِدْجَانْ ن أَربِّي، مَاشَا مِينْ إِدْجَانْ ن إِوْذَانْ.“
MAR 8:34 إِڒَاغَا-د يَاسُوع إِ ڒْغَاشِي أَكْ-ذ إِمحْضَارنْ نّسْ غَارسْ، إِنَّا أَسنْ: ”ونِّي إِخْسنْ أَذْ أَيِي إِضْفَارْ، أَذْ إِنْكَارْ إِخفْ نّسْ، أَذْ إِكْسِي صَّالِيبْ نّسْ ؤُشَا أَذْ أَيِي إِضْفَارْ.
MAR 8:35 مِينْزِي ونِّي إِخْسنْ أَذْ إِسّنْجمْ ثُوذَارْثْ نّسْ، أَذْ ت إِخْسَارْ، [مَاشَا] ونِّي إِ غَا إِخْسَارنْ ثُوذَارْثْ نّسْ ذِي طّْوعْ إِنُو ؤُ ذِي طّْوعْ ن ڒخْبَارْ أَصبْحَانْ، أَذْ ت إِسّنْجمْ.
MAR 8:36 مِينْزِي مَانْ ڒفْضڒْ ن بْنَاذمْ مَاڒَا يَارْبحْ دُّونشْثْ مَارَّا، [مَاشَا] أَذْ إِخْسَارْ ڒعْمَارْ نّسْ؟
MAR 8:37 مِينْزِي مِينْ غَا إِوْشْ بْنَاذمْ ذڭْ ومْشَانْ ن ڒعْمَارْ نّسْ؟
MAR 8:38 مِينْزِي ونِّي زَّايِي إِ غَا إِسضْحَانْ ؤُ زڭْ وَاوَاڒنْ إِنُو ذِي جِّيڒْ-أَ إِزنَّانْ إِخْضَانْ، أَقَا ؤُڒَا ذ مِّيسْ ن بْنَاذمْ أَذْ زَّايسْ إِسضْحَا، خْمِي د غَا يَاسْ س ؤُعُودْجِي ن بَابَاسْ أَكْ-ذ لْمَالَاكَاثْ إِقدّْسنْ.“
MAR 9:1 إِنَّا أَسنْ: ”س ثِيذتّْ، نشّْ أَذْ أَومْ إِنِيغْ، أَقَا شَا زڭْ إِنِّي ذَا إِبدّنْ وَارْ تّْقَاسِينْ شَا ڒْموْثْ أَڒْ غَا ژَترنْ ثَاڭلْذِيثْ ن أَربِّي أَذْ د-ثَاسْ س جّهْذْ.“
MAR 9:2 أَوَارْنِي ستَّا ن وُوسَّانْ يَاسُوع يِيوِي-د [أَكِيذسْ] بُوطْرُوسْ ذ يَاعْقُوبْ ذ يُوحَانَّا وحّذْسنْ غَارْ إِجّْ ن وذْرَارْ يُوعْڒَانْ، ؤُشَا إِبدّڒْ قِيبَاتْشْ إِ ثِيطَّاوِينْ نْسنْ.
MAR 9:3 أَرُّوضْ نّسْ إِذْوڒْ يَاڒقّْ ذ أَشمْڒَاڒْ أَطَّاسْ أَمْ وذْفڒْ، وَارْ إِزمَّارْ ؤُڒَا ذ إِجّْ ن بْنَاذمْ خْ ثمُّورْثْ أَذْ إِسّمْڒڒْ أَمنِّي.
MAR 9:4 إِضْهَارْ أَسنْ-د إِلِييَا أَكْ-ذ مُوسَا أَمْ ثُوغَا سَّاوَاڒنْ أَكْ-ذ يَاسُوع.
MAR 9:5 إِنَّا أَسْ بُوطْرُوسْ: ”[أَ] أَمْسڒْمَاذْ إِنُو، أَقَا مْلِيحْ ؤُمِي ذَا ندْجْ، أجّْ أَنغْ أَذْ نوّثْ ثْڒَاثَا ن إِعُوشُّوثنْ ن ثْسطَّا، إِجّنْ إِ شكْ، إِجّنْ إِ مُوسَا ؤُ إِجّنْ إِ إِلِييَا.“
MAR 9:6 مَاشَا ثُوغَا إِودَّارْ أَسْ مِينْ غَا يِينِي، مِينْزِي نِيثْنِي ڭّْوذنْ أَطَّاسْ.
MAR 9:7 إِكَّا-د ؤُسيْنُو إِسّْذُورِييْ إِ-ثنْ س ثِيڒِي نّسْ، ؤُشَا ثْڒَاغَا-د إِشْثْ ن ثْمِيجَّا زڭْ ؤُسيْنُو، ثقَّارْ: ”وَا ذ مِّي إِعِيزّنْ، سْڒمْ غَارسْ!“
MAR 9:8 ؤُمِي سّْڭعّْذنْ نِيثْنِي ثِيطَّاوِينْ نْسنْ، ذڭْ إِشْثْ ن ثشْثِي وَارْ قِّيمنْ تّْوَاڒَانْ عَاذْ حذْ أَكِيذْسنْ، مْغِيرْ يَاسُوع وحّْذسْ.
MAR 9:9 أَڒَامِي د-هْوَانْ زڭْ وذْرَارْ، يُومُورْ إِ-ثنْ حِيمَا وَارْ تّْعِيوِيذنْ إِ حذْ وَالُو زِي مِينْ ژْرِينْ أَڒْ د غَا إِكَّارْ مِّيسْ ن بْنَاذمْ جَارْ إِمتِّيننْ.
MAR 9:10 خمّْڒنْ أَوَاڒْ-أَ ذڭْ يِيخفْ نْسنْ أَمْ ثُوغَا تّْسقْسَانْ إِخفْ نْسنْ مِينْ إِخْسْ أَذْ يِينِي [وَاوَاڒْ-أَ]: ’أَڒْ د غَا إِكَّارْ زِي ثَادَّارْثْ ن إِمتِّيننْ‘؟
MAR 9:11 سّقْسَانْ ث، نَّانْ أَسْ: ”مَايمِّي قَّارنْ إِمْسڒْمَاذنْ ن إِذْلِيسنْ بلِّي إِتّْخصَّا أَذْ د-يَاسْ إِلِييَا ذ أَمزْوَارُو؟“
MAR 9:12 يَارَّا-د، إِنَّا أَسنْ: ”أَقَا إِلِييَا أَذْ د-يَاسْ ذ أَمزْوَارُو ؤُشَا أَذْ يَارّْ كُوڒْشِي، ؤُشَا [أَذْ ثِيڒِي] أَمْ مَامّشْ ثُورَا خْ مِّيسْ ن بْنَاذمْ، أَقَا أَذْ إِودّبْ أَطَّاسْ ؤُشَا أَذْ ث سّحْقَارنْ.
MAR 9:13 مَاشَا نشّْ أَذْ أَومْ إِنِيغْ، إِلِييَا أَقَا يُوسَا-د ؤُشَا ڭِّينْ زَّايسْ مِينْ خْسنْ أَمْ مَامّشْ خَاسْ ثُورَا.“
MAR 9:14 ڒَامِي د-يُوسَا غَارْ إِمحْضَارنْ، إِژْرَا إِجّْ ن ڒْغَاشِي ذ أَمقّْرَانْ إِتّنّضْ أَسنْ-د ؤُ إِمْسڒْمَاذنْ ن إِذْلِيسنْ تّْقَاشَاحنْ ثنْ.
MAR 9:15 ذغْيَا إِژْرَا إِ-ث مَارَّا ڒْغَاشِي، ثْبهْثنْ أَطَّاسْ، ؤُشَا ؤُزّْڒنْ-د [غَارسْ]، سدْجْمنْ خَاسْ.
MAR 9:16 خنِّي إِسّقْسَا إِمْسڒْمَاذنْ ن إِذْلِيسنْ: ”مِينْ خفْ كِيذْسنْ ثتّْقَاشَاحمْ؟“
MAR 9:17 يَارَّا-د إِجّنْ زِي ڒْغَاشِي، إِنَّا: ”[أَ] أَمْسغَّارْ، إِوْيغْ-د مِّي غَاركْ. أَقَا ذَايسْ ڒَارْيَاحْ نِّي ث يَارِّينْ ذ أَڭْنَاوْ.
MAR 9:18 ڒبْذَا خْمِي ث إِتّطّفْ، إِنطَّارْ إِ-ث غَارْ ثمُّورْثْ، إِتّفّغْ أَسْ-د ؤُكُوفُّو زڭْ ؤُقمُّومْ، إِتّْغزَّا ثِيغْمَاسْ نّسْ ؤُشَا إِتَّاژغْ. نِّيغْ إِ إِمحْضَارنْ نّشْ أَذْ ث سُّوفّْغنْ، [مَاشَا] وَارْ ذ أَسْ زمَّارنْ.“
MAR 9:19 يَاسُوع يَارَّا-د، إِنَّا أَسنْ: ”[أَ] جِّيڒْ وَارْ يُومِيننْ، مشْحَاڒْ كِيذْومْ إِ غَا قِّيمغْ، مشْحَاڒْ إِ كنِّيوْ إِ غَا يَارْبُوغْ عَاذْ؟ أَوْيمْ ث-إِ-د غَارِي!“
MAR 9:20 ؤُشَا إِوْينْ ث-إِ-د غَارسْ. ؤُمِي ث إِژْرَا، ڒخْذنِّي إِمّنْضَارْ إِ-ث ڒَارْيَاحْ، أَڒَامِي إِوْضَا غَارْ ثمُّورْثْ، إِبْذَا إِتّْبَارْكِيكِّيضْ، إِتّكّْ أَسْ-د ؤُكُوفُّو [زڭْ ؤُقمُّومْ].
MAR 9:21 يَاسُوع إِسّقْسَا بَابَاسْ: ”مشْحَاڒْ زڭْ وَامِي ث-إِ-د-إِحْكمْ ؤُيَا؟“ إِنَّا أَسْ: ”زِي ثمْژِي نّسْ.
MAR 9:22 أَطَّاسْ ن إِمُورنْ إِنطَّارْ إِ-ث ذِي ثْمسِّي ؤُ ذڭْ وَامَانْ حِيمَا أَذْ ث إِسّْهلّكْ. مَاشَا مَاڒَا ثْزمَّارذْ خْ شَا، عَاونْ أَيِي ؤُ حِينّْ خَافِي!“
MAR 9:23 إِنَّا أَسْ يَاسُوع: ”مَاڒَا ثْزمَّارذْ أَذْ ثَامْنذْ، أَقَا كُوڒْشِي إِزمَّارْ إِ ونِّي يُومْننْ.“
MAR 9:24 ڒخْذنِّي إِسْغُويْ بَابَاسْ ن ؤُحنْجِيرْ س إِمطَّاونْ، إِنَّا: ”ؤُمْنغْ، [أَ] سِيذِي! عَاونْ لْ-إِيمَانْ إِنقْصنْ إِنُو.“
MAR 9:25 ؤُمِي إِژْرَا يَاسُوع ڒْغَاشِي إِتَّازّڒْ ؤُشَا سّْمُوننْ-د غَارسْ نِيثْنِي، إِوبّخْ ڒَارْيَاحْ أَمنْڭُوسْ، إِنَّا أَسْ: ”[أَ] ڒَارْيَاحْ أَڭْنَاوْ، نشّْ ؤُمُورغْ شكْ: فّغْ زَّايسْ! وَارْ تّْذكّْوِيڒْ ذَايسْعمَّارْصْ!“
MAR 9:26 إِسْغُويْ شِّيطَانْ نِّي أَطَّاسْ، إِجبّذْ إِ-ث أَطَّاسْ أَمُّو ذ وَامُّو ؤُشَا إِفّغْ [زَّايسْ]. [خنِّي] إِذْوڒْ ؤُحنْجِيرْ أَمْ يِيجّْ ن ؤُمتِّينْ، أَڒَامِي ثُوغَا نَّانْ أَطَّاسْ، أَقَا إِمُّوثْ.
MAR 9:27 مَاشَا يَاسُوع إِطّفْ إِ-ث زڭْ ؤُفُوسْ نّسْ، إِسّْبدّْ إِ-ث.
MAR 9:28 ؤُمِي د-يُوذفْ غَارْ ثَادَّارْثْ، سّقْسَانْ ث إِمحْضَارنْ نّسْ وحّذْسنْ: ”مَايمِّي وَارْ نْزمَّارْ نشِّينْ أَذْ ث نسُّوفّغْ؟“
MAR 9:29 إِنَّا أَسنْ: ”دّڭّْ-أَ وَارْ إِزمَّارْ أَذْ إِتّْوَاسُّوفّغْ ؤُڒَا س إِشْثْ ن ڒْحَاجّثْ مْغِيرْ س ؤُژُومِّي ذ ثْژَادْجِيثْ وَاهَا.“
MAR 9:30 فّْغنْ-د سّنِّي ؤُشَا شُوقنْ ذِي لْجَالِيلْ. نتَّا ثُوغَا وَارْ إِخْسْ أَذْ ث إِعْقڒْ ؤُڒَا ذ إِجّنْ.
MAR 9:31 مَاغَارْ ثُوغَا إِسّڒْمَاذْ إِمحْضَارنْ نّسْ، إِقَّارْ أَسنْ: ”أَقَا مِّيسْ ن بْنَاذمْ أَذْ إِمّوْشْ ذڭْ إِفَاسّنْ ن إِوْذَانْ، أَذْ ث نْغنْ ؤُشَا أَوَارْنِي ڒَامِي ث غَا نْغنْ، أَذْ د-إِكَّارْ ذڭْ وَاسّْ وِيسّْ ثْڒَاثَا.“
MAR 9:32 مَاشَا نِيثْنِي وَارْ فْهِيمنْ إِ وَاوَاڒْ-أَ ؤُشَا ڭّْوذنْ أَذْ ث سّقْسَانْ [خْ ؤُيَا].
MAR 9:33 ؤُسِينْ-د غَارْ كَافَارْنَاحُومْ ؤُ أَوَارْنِي ڒَامِي ؤُذْفنْ غَارْ ثَادَّارْثْ، إِسّقْسَا ثنْ: ”ذِي مِينْ ذِي ثُوغَا ثْحَارّْضمْ أَكْ-ذ وَايَاوْيَا ذڭْ وبْرِيذْ؟“
MAR 9:34 مَاشَا سْقَارنْ، مِينْزِي ثُوغَا تّمْقَاشَاحنْ ذڭْ وبْرِيذْ ذِي وِينْ إِدْجَانْ ذ أَمقّْرَانْ زَّايْسنْ.
MAR 9:35 إِقِّيمْ، إِڒَاغَا-د إِ ثنْعَاشْ، إِنَّا أَسنْ: ”مَاڒَا إِخْسْ حذْ أَذْ يِيڒِي ذ أَمزْوَارْ، أَذْ يِيڒِي ذ أَنڭَّارْ ؤُڒَا ذ أَمْسخَّارْ إِ مَارَّا.“
MAR 9:36 إِكْسِي أَحنْجِيرْ، إِسّْبدّْ إِ-ث ذِي ڒْوسْطْ نْسنْ، إِذَارّعْ أَسْ، ؤُشَا إِنَّا أَسنْ:
MAR 9:37 ”وِي غَا إِقبْڒنْ [مْغِيرْ] إِجّْ [ن ؤُحنْجِيرْ] أَمْ ؤُحنْجِيرْ-أَ س يِيسمْ إِنُو، أَقَا إِقْبڒْ أَيِي ؤُ وِي ذ أَيِي غَا إِقبْڒنْ، وَارْ ذ أَيِي إِقبّڒْ، مَاشَا إِقبّڒْ وِي ذ أَيِي-د-إِسّكّنْ.“
MAR 9:38 يَارَّا-د خَاسْ يُوحَانَّا، إِنَّا أَسْ: ”[أَ] أَمْسڒْمَاذْ إِنُو، نژْرَا إِجّنْ إِسُّوفُّوغْ شّْوَاطنْ س يِيسمْ نّشْ ؤُ نمْنعْ إِ-ث مِينْزِي نتَّا وَارْ د أَنغْ إِضفَّارْ.“
MAR 9:39 إِنَّا أَسنْ يَاسُوع: ”وَارْ [ث] منّْعمْ شَا، مِينْزِي وَارْ ذِينْ ؤُڒَا ذ إِجّْ إِ غَا يڭّنْ ثِيمڭَّا إِجهْذنْ س يِيسمْ إِنُو، ؤُشَا ڒخْذنِّي ذغْيَا أَذْ خَافِي إِسِّيوڒْ س ڒْغَارْ.
MAR 9:40 مِينْزِي وِي وَارْ إِدْجِينْ ضِيدّْ نْومْ، أَقَا-ث أَكِيذْومْ.
MAR 9:41 وِي كنِّيوْ إِ غَا إِسّسْونْ س يِيجّْ ن ڒْكَاسْ ن وَامَانْ وَاهَا، مِينْزِي أَقَا كنِّيوْ ن لْمَاسِيحْ [إِ ثدْجَامْ]، أَقَا س ثِيذتّْ، نشّْ أَذْ أَومْ إِنِيغْ، نتَّا وَارْ إِخسَّارْ شَا ڒْمُونثْ نّسْ.
MAR 9:42 وِي غَا إِسّنْقْرَاضنْ إِجّنْ زڭْ إِمژْيَاننْ-أَ إِ ذَايِي يُومْننْ، إِحْڒَا أَسْ أَذْ أَسْ ثتّْوَاڭّْ إِشْثْ ن ثصْضَارْثْ ن ثْسِيرْثْ ثذْقڒْ ذڭْ إِرِي نّسْ، أَذْ إِمّنْضَارْ ذِي ڒبْحَارْ.
MAR 9:43 مَاڒَا إِسّنْقَارْضْ شكْ ؤُفُوسْ نّشْ، قسّْ إِ-ث. إِحْڒَا أَشْ أَذْ ثَاذْفذْ غَارْ ثُوذَارْثْ ذ أَمعْضُوڒْ خْ وَاذَافْ س ثْنَاينْ ن إِفَاسّنْ ذِي جهنَّامَا،
MAR 9:44 مَانِي ثِيكشَّا نْسنْ وَارْ ثتّْمتِّي ؤُ ثِيمسِّي نْسنْ وَارْ ثْخسِّي.
MAR 9:45 مَاڒَا إِسّنْقَارْضْ شكْ ؤُضَارْ نّشْ، قسّْ إِ-ث. إِحْڒَا أَشْ أَذْ ثَاذْفذْ غَارْ ثُوذَارْثْ ذ أَقجْذَاحْ خْ ؤُوطُّو س ثْنَاينْ ن إِضَارنْ ذِي جهنَّامَا،
MAR 9:46 مَانِي ثِيكشَّا نْسنْ وَارْ ثتّْمتِّي ؤُ ثِيمسِّي نْسنْ وَارْ ثْخسِّي.
MAR 9:47 مَاڒَا ثسّنْقَارْضْ شكْ ثِيطّْ نّشْ، قڒْعْ إِ-ت. إِحْڒَا أَشْ أَذْ ثَاذْفذْ غَارْ ثْڭلْذِيثْ ن أَربِّي س إِشْثْ ن ثِيطّْ خْ ؤُوطُّو س ثْنَاينْ ن ثِيطَّاوِينْ ذِي ثْمسِّي ن جهنَّامَا،
MAR 9:48 مَانِي ثِيكشَّا نْسنْثْ وَارْ ثتّْمتِّي ؤُ ثِيمسِّي نْسنْثْ وَارْ ثْخسِّي.
MAR 9:49 مِينْزِي كُوڒْ إِجّنْ أَذْ إِتّْوَامدْجحْ س ثْمسِّي ؤُ كُوڒْ ثَاغَارْصْثْ أَذْ ثتّْوَامدْجحْ س ثْمدْجَاحْثْ.
MAR 9:50 ثَامدْجَاحْثْ ثصْبحْ، مَاشَا مَاڒَا ثَامدْجَاحْثْ إِخْسَارْ ؤُڒذِّي نّسْ، س مِينْ زِي ت إِ غَاعذْڒنْ. أَذْ ثِيڒِي ثْمدْجَاحْثْ ذَايْومْ ؤُشَا حْضَامْ ڒهْنَا جَارْ أَومْ.“
MAR 10:1 إِكَّارْ، يُويُورْ سّنِّي ؤُشَا يِيوضْ غَارْ ثمُّورْثْ ن يَاهُوذِييَّا، غَارْ ومْشَانْ ن ؤُژكّْوِي ن لْ-ؤُرْذُونْ. مُوننْ-د خَاسْ ڒْغَاشِي أَطَّاسْ ؤُ عَاوذْ ثُوغَا إِسّڒْمَاذْ إِ-ثنْ أَمْ مَامّشْ ثُوغَا إِنُّومْ.
MAR 10:2 ؤُسِينْ-د غَارسْ إِفَارِيسِييّنْ، سّقْسَانْ ث حِيمَا أَذْ ث جَارّْبنْ: ”مَا إِحدْجڒْ إِ ورْيَازْ أَذْ إِدْجفْ إِ ثمْغَارْثْ نّسْ؟“
MAR 10:3 يَارَّا-د، إِنَّا أَسنْ: ”مِينْ خفْ ثُوغَا كنِّيوْ يُومُورْ مُوسَا؟“
MAR 10:4 نَّانْ: ”مُوسَا إِوْشَا تّسْرِيحْ أَذْ ثتّْوَارِي ثبْرَاثْ ن وَادْجَافْ مَاحنْذْ [أَرْيَازْ] أَذْ أَسْ إِدْجفْ.“
MAR 10:5 يَارَّا-د يَاسُوع، إِنَّا أَسنْ: ”خْ سِّيبّثْ ن ڒقْسَاحثْ ن وُوڒَاونْ نْومْ أَقَا يُورَا أَومْ ثَاوْصيّثْ-أَ،
MAR 10:6 مَاشَا زِي بدُّو [زِي مَانِي ثتّْوَاڭّْ دُّونشْثْ]، إِخْڒقْ إِ-ثنْ-د أَربِّي ذ أَوْثمْ ذ ثوْثمْثْ.
MAR 10:7 س ؤُينِّي أَذْ إِسْمحْ ورْيَازْ ذِي بَابَاسْ ذ يمَّاسْ، أَذْ إِقّنْ غَارْ ثمْغَارْثْ نّسْ،
MAR 10:8 ؤُشَا ثْنَاينْ إِذْسنْ خنِّي أَذْ إِڒِينْ ذ إِشْثْ ن دَّاثْ، ؤُشَا أَمُّو وَارْ تِّيڒِينْ عَاذْ ذ ثْنَاينْ، مَاشَا أَذْ إِڒِينْ ذ إِشْثْ ن أَرِّيمثْ.
MAR 10:9 س ؤُيَا مِينْ إِسّْمُونْ أَربِّي، وَارْ ث إِبطِّي بْنَاذمْ.“
MAR 10:10 ذِي ثَادَّارْثْ سّقْسَانْ ث إِمحْضَارنْ نّسْ عَاوذْ خْ مَانْ أَيَا.
MAR 10:11 إِنَّا أَسنْ: ”وِي غَا إِدْجْفنْ إِ ثمْغَارْثْ نّسْ ؤُشَا أَذْ يَاوِي ثنّغْنِيثْ، أَقَا نتَّا إِزْنَا.
MAR 10:12 ؤُ مَاڒَا ثَامْغَارْثْ ثدْجفْ إِ ورْيَازْ نّسْ، ؤُشَا خنِّي أَذْ ثِيڒِي إِ ورْيَازْ نّغْنِي، أَقَا نتَّاثْ ثزْنَا.“
MAR 10:13 إِوْينْ أَسْ-د إِحنْجِيرنْ حِيمَا أَذْ ثنْ إِحَاذَا، مَاشَا إِمحْضَارنْ وبّْخنْ إِنِّي ثنْ د-يِيوْينْ.
MAR 10:14 ؤُمِي إِژْرَا يَاسُوع مَانْ أَيَا، إِخيّقْ، إِنَّا أَسنْ: ”جّمْ إِحنْجِيرنْ أَذْ غَارِي د-أَسنْ، وَارْ ثنْ منّْعمْ، مِينْزِي ثَاڭلْذِيثْ ن أَربِّي ن يِينِّي إِدْجَانْ أَمْ نِيثْنِي.
MAR 10:15 س ثِيذتّْ، نشّْ أَذْ أَومْ إِنِيغْ: ”وِي وَارْ إِقبّْڒنْ ثَاڭلْذِيثْ ن أَربِّي أَمْ يِيجّْ ن ؤُحنْجِيرْ، أَقَاعمَّارْصْ وَارْ غَارسْ إِتِّيذفْ.“
MAR 10:16 إِذَارّعْ أَسنْ، ؤُشَا أَمْ خَاسنْ إِسَّارْسْ إِفَاسّنْ نّسْ، إِبَارْكْ إِ-ثنْ.
MAR 10:17 ؤُمِي إِفّغْ مَاحنْذْ أَذْ يُويُورْ ذڭْ وبْرِيذْ، يُوزّڒْ-د غَارسْ إِجّنْ، إِوْضَا أَسْ غَارْ إِفَادّنْ ؤُشَا إِسّقْسَا ث، إِنَّا: ”[أَ] أَمْسغَّارْ أَصبْحَانْ، مِينْ غَا ڭّغْ حِيمَا أَذْ وَارْثغْ ثُوذَارْثْ إِتّْذُومَانْ؟“
MAR 10:18 إِنَّا أَسْ يَاسُوع: ”مَايمِّي ذ أَيِي ثتّْڒَاغِيذْ: ’أَصبْحَانْ‘؟ ؤُڒَا ذ إِجّْ وَارْ إِدْجِي ذ أَصبْحَانْ، مْغِيرْ إِجّنْ وَاهَا: أَربِّي!
MAR 10:19 شكْ ثسّْنذْ ثِيوصَّا: ’وَارْ زنِّي، وَارْ نقّْ، وَارْ تِّيشَارْ، وَارْ شهّذْ س ژُورْ، وَارْ تّْغشَّا، وقَّارْ بَابَاشْ ذ يمَّاشْ.‘ “
MAR 10:20 يَارَّا-د، إِنَّا أَسْ: ”[وَاهْ، أَ] أَمْسغَّارْ، أَقَا مَارَّا ثِينَا ثُوغَا ضفَّارغْ ثنْثْ زِي ثمْژِي إِنُو.“
MAR 10:21 إِخْزَارْ ذَايسْ يَاسُوع ؤُشَا إِسّْعِيزّْ إِ-ث، إِنَّا أَسْ: ”ثقِّيمْ إِشْثنْ [عَاذْ]: ؤُيُورْ، زنْزْ مَارَّا مِينْ غَاركْ، أوْشْ إِ-ث إِ إِمزْڒَاضْ ؤُشَا أَذْ غَاركْ يِيڒِي إِجّْ ن ڒْكنْزْ ذڭْ ؤُجنَّا. خنِّي كْسِي صَّالِيبْ نّشْ، ضْفَارْ أَيِي-د!“
MAR 10:22 مَاشَا نتَّا ثُوغَا إِحْزنْ س وَاوَاڒْ نِّي، ؤُشَا إِرُوحْ إِشْضنْ، مِينْزِي ثُوغَا غَارسْ أَطَّاسْ ن وَاڭْڒَا.
MAR 10:23 إِخْزَارْ يَاسُوع غَارْ إِمحْضَارنْ نّسْ، إِنَّا أَسنْ: ”مشْحَاڒْ إِوْعَارْ خْ يِينِّي غَارْ إِدْجَا أَڭْڒَا حِيمَا أَذْ أَذْفنْ غَارْ ثْڭلْذِيثْ ن أَربِّي!“
MAR 10:24 ثْبهْثنْ إِمحْضَارنْ زڭْ وَاوَاڒنْ نّسْ. مَاشَا يَاسُوع إِعَاوذْ إِطّفْ ذڭْ وَاوَاڒْ، إِنَّا أَسنْ: ”[أَ] ثَارْوَا إِنُو، مشْحَاڒْ إِوْعَارْ خْ يِينِّي إِتّْشَاڒَانْ خْ وَاڭْڒَا نْسنْ مَاحنْذْ أَذْ د-أَذْفنْ غَارْ ثْڭلْذِيثْ ن أَربِّي!
MAR 10:25 إِهْونْ أَذْ يَاذفْ وڒْغمْ زِي ثِيطّْ ن ثْسِينفْثْ زڭْ وَاذَافْ ن بُو-وَاڭْڒَا غَارْ ثْڭلْذِيثْ ن أَربِّي.“
MAR 10:26 إِمَّارْنِي ذَايْسنْ عَاذْ ؤُنخْڒِيعْ، نَّانْ إِ وَايَاوْيَا: ”وِي إِزمَّارنْ [خنِّي] أَذْ إِتّْوَاسّنْجمْ؟“
MAR 10:27 إِخْزَارْ ذَايْسنْ يَاسُوع، إِنَّا: ”غَارْ إِوْذَانْ وَارْ إِزمَّارْ، مَاشَا غَارْ أَربِّي وَارْ إِدْجِي أَمنِّي، مِينْزِي أَقَا غَارْ أَربِّي كُوڒْشِي ذِي ثْزمَّارْ نّسْ.“
MAR 10:28 إِبْذَا بُوطْرُوسْ أَذْ يِينِي: ”خْزَارْ، أَقَا نشِّينْ نجَّا كُوڒْشِي، نضْفَارْ إِ شكْ-د.“
MAR 10:29 يَارَّا-د خَاسْ يَاسُوع، إِنَّا: ”س ثِيذتّْ، نشّْ أَذْ أَومْ إِنِيغْ: وَارْ ذِينْ إِدْجِي ؤُڒَا ذ إِجّنْ ونِّي إِسمْحنْ ذِي ثَادَّارْثْ نِيغْ ذڭْ أَيْثْمَاسْ نِيغْ ذِي يسّْمَاسْ نِيغْ ذِي بَابَاسْ نِيغْ ذِي يمَّاسْ نِيغْ ذِي ثمْغَارْثْ نِيغْ ذِي ثَارَّاوْثْ ؤُڒَا ذڭْ إِيَّارنْ ذِي طّْوعْ إِنُو ؤُ ذِي طّْوعْ ن ڒخْبَارْ أَصبْحَانْ،
MAR 10:30 إِ وَارْ إِكسِّينْ مْيَا ن ثْسقَّارْ. ڒخُّو ذِي ڒْوقْثْ-أَ [أَذْ إِكْسِي] ثُوذْرِينْ ذ أَيْثْمَاسْ ذ يسّْمَاسْ ذ ثْيمَّاثِينْ ذ ثَارَّاوْثْ ذ ييَّارنْ أَكْ-ذ ؤُمَارّثْ، ؤُشَا ذِي زّْمَانْ إِ د غَا يَاسنْ [أَذْ إِكْسِي] ثُوذَارْثْ إِتّْذُومَانْ.
MAR 10:31 مَاشَا أَطَّاسْ ن يِينِّي إِدْجَانْ ذ إِمزْوُورَا أَذْ إِڒِينْ ذ إِنڭُّورَا، ؤُشَا إِنِّي إِدْجَانْ ذ إِنڭُّورَا أَذْ إِڒِينْ ذ إِمزْوُورَا.“
MAR 10:32 ثُوغَا-ثنْ ذڭْ وبْرِيذْ مَاحنْذْ أَذْ ڭعّْذنْ غَارْ ؤُرْشَالِيمْ ؤُ يَاسُوع ثُوغَا إِزْوَارْ أَسنْ. نِيثْنِي ثُوغَا تّْبهْثنْ ؤُشَا ڭّْوذنْ ؤُمِي ث-إِ-د-ضفَّارنْ. إِكْسِي ثنْعَاشْ [غَارْ ؤُغزْذِيسْ] ؤُشَا إِبْذَا إِقَّارْ أَسنْ خْ مِينْ ذ أَسْ غَا إِمْسَارنْ، [إِنَّا]:
MAR 10:33 ”خْزَارْ، نشِّينْ أَذْ نْڭعّذْ غَارْ ؤُرْشَالِيمْ ؤُ مِّيسْ ن بْنَاذمْ أَذْ إِمّوْشْ [ذڭْ إِفَاسّنْ ن] إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ، ؤُ نِيثْنِي أَذْ خَاسْ حكْمنْ س ڒْموْثْ، أَذْ ث سلّْمنْ إِ ڒڭْنُوسْ.
MAR 10:34 أَذْ ث سّحْقَارنْ، أَذْ ث هتّْكنْ س ؤُركُّوضْ، أَذْ خَاسْ سُّوسْفنْ، أَذْ ث نْغنْ، ؤُشَا ذڭْ وَاسّْ وِيسّْ ثْڒَاثَا أَذْ إِكَّارْ.“
MAR 10:35 يُوسَا-د غَارسْ يَاعْقُوبْ ذ يُوحَانَّا، ثَارْوَا ن زَابْذِي، نَّانْ أَسْ: ”[أَ] أَمْسغَّارْ، نخْسْ أَذْ أَنغْ ثڭّذْ مَارَّا مِينْ زَّايكْ غَا نتَّارْ.“
MAR 10:36 إِنَّا أَسنْ: ”مِينْ ثخْسمْ أَذْ أَومْ ڭّغْ؟“
MAR 10:37 نَّانْ أَسْ: ”أوْشْ أَنغْ أَذْ نقِّيمْ، إِجّنْ غَارْ ؤُفُوسِي نّشْ ؤُ ونّغْنِي غَارْ ؤُزڒْمَاضْ نّشْ، ذڭْ ؤُعُودْجِي نّشْ.“
MAR 10:38 مَاشَا نتَّا إِنَّا أَسنْ: ”أَقَا وَارْ ثسِّينمْ شَا مِينْ ثتَّارمْ. مَا ثْزمَّارمْ أَذْ ثسْومْ ڒْكَاسْ إِ زِي غَا سْوغْ نشّْ نِيغْ أَذْ ثتّْوَاسّْغضْصمْ س ؤُسغْضصْ إِ زِي غَا تّْوَاسّْغضْصغْ نشّْ؟“
MAR 10:39 نَّانْ أَسْ: ”نْزمَّارْ!“ إِنَّا أَسنْ يَاسُوع: ”ڒْْكَاسْ إِ غَا سْوغْ نشّْ، أَذْ ث ثسْومْ، ؤُ أَسغْضصْ إِ زِي تّْوَاسّْغضْصغْ نشّْ، أَذْ زَّايسْ تّْوَاسّْغضْصمْ،
MAR 10:40 مَاشَا أَغِيمِي خْ يفُوسْ إِنُو نِيغْ خْ ؤُزڒْمَاضْ إِنُو، وَارْ غَارِي إِدْجِي ذڭْ ؤُفُوسْ إِنُو مَاحنْذْ أَذْ ث وْشغْ، مَاشَا أَذْ إِمّوْشْ إِ يِينِّي ؤُمِي إِتّْوَاسّوْجذْ.“
MAR 10:41 ڒَامِي سْڒِينْعشْرَا [ن إِمحْضَارنْ] مَانْ أَيَا، خيّْقنْ خْ يَاعْقُوبْ ذ يُوحَانَّا.
MAR 10:42 [خنِّي] إِڒَاغَا أَسنْ-د يَاسُوع غَارسْ، إِنَّا أَسنْ: ”كنِّيوْ ثسّْنمْ بلِّي إِنِّي إِتّْوَاحسْبنْ ذ ڒْحُوكَّامْ ن ڒڭْنُوسْ، أَقَا حكّْمنْ خَاسنْ، ؤُ إِمقّْرَاننْ نْسنْ، أَقَا تّْصدْجَاضنْ خَاسنْ.
MAR 10:43 وَارْ إِتِّيڒِي أَمُّو جَارْ أَومْ، مَاشَا ونِّي إِخْسنْ أَذْ إِذْوڒْ ذ أَمقّْرَانْ جَارْ أَومْ، أَقَا نتَّا أَذْ يِيڒِي ذ أَمْسخَّارْ نْومْ،
MAR 10:44 ؤُ ونِّي إِخْسنْ أَذْ يِيڒِي ذ أَمزْوَارُو جَارْ أَومْ، أَقَا نتَّا أَذْ يِيڒِي ذ أَمْسخَّارْ إِ مَارَّا.
MAR 10:45 مِينْزِي عَاوذْ مِّيسْ ن بْنَاذمْ وَارْ د-يُوسِي، حِيمَا أَذْ خَاسْ سخَّارنْ، مَاشَا حِيمَا أَذْ إِخْذمْ، أَذْ إِوْشْ ثُوذَارْثْ نّسْ ذ أَصْڒَاحْ إِ وَاطَّاسْ [ن إِوْذَانْ].“
MAR 10:46 إِوْضنْ-د غَارْ أَرِيحَا. ڒَامِي د-إِفّغْ يَاسُوع زِي أَرِيحَا أَكْ-ذ إِمحْضَارنْ نّسْ ذ وَاطَّاسْ ن ڒْغَاشِي، ثُوغَا ثِيمَاوُوسْ، مِّيسْ ن ثِيمَاوُوسْ، إِجّْ ن ورْيَازْ ذ أَذَارْغَاڒْ، إِقِّيمْ ذڭْ وبْرِيذْ، إِتّتَّارْ.
MAR 10:47 ؤُمِي إِسْڒَا بلِّي يَاسُوع نَّاصِيرِي أَقَا-ث ذِينْ، إِبْذَا إِسْغُويُّو، إِقَّارْ: ”[أَ]، مِّيسْ ن ذَاوُوذْ، أَرْحمْ أَيِي!“
MAR 10:48 وبّْخنْ ث أَطَّاسْ حِيمَا أَذْ إِسْقَارْ، مَاشَا نتَّا إِقِّيمْ إِسْغُويُّو كْثَارْ: ”أَ مِّيسْ ن ذَاوُوذْ، أَرْحمْ أَيِي!“
MAR 10:49 إِبدّْ يَاسُوع ؤُشَا يُومُورْ أَذْ خَاسْ د-ڒَاغَانْ. ڒَاغَانْ-د إِ ؤُذَارْغَاڒْ، نَّانْ أَسْ: ”أڭّْ ؤُڒْ! كَّارْ، أَقَا إِتّْڒَاغَا-د خَاكْ!“
MAR 10:50 إِنْضَارْ ؤُذَارْغَاڒْ أَجدْجَابْ نّسْ، إِكَّارْ ؤُشَا يُوسَا-د غَارْ يَاسُوع.
MAR 10:51 يَارَّا-د يَاسُوع، إِنَّا أَسْ: ”مِينْ ثخْسذْ أَذْ أَشْ ث ڭّغْ؟“ إِنَّا أَسْ ؤُذَارْغَاڒْ: ”[أَ] أَمْسڒْمَاذْ إِنُو، حِيمَا أَذْ ثْوَاڒِيغْ.“
MAR 10:52 إِنَّا أَسْ يَاسُوع: ”خْزَارْ، لْ-إِيمَانْ نّشْ إِوْشَا أَشْ ثُوذَارْثْ!“ ڒخْذنِّي إِذْوڒْ إِتّْوَاڒَا، ؤُشَا إِضْفَارْ [إِ-ث] ذڭْ وبْرِيذْ.
MAR 11:1 ؤُمِي د-قَارّْبنْ غَارْ ؤُرْشَالِيمْ زڭْ ؤُغزْذِيسْ ن بَايْثْ-فَاجِي ذ بَايْثْ-عَانْيَا، زَّاثْ إِ وذْرَارْ ن زِّيثُونْ، إِسّكّْ ثْنَاينْ ن إِمحْضَارنْ نّسْ،
MAR 11:2 إِنَّا أَسنْ: ”رُوحمْ غَارْ ذْشَارْ [نِّي] قِيبَاتْشْ نْومْ. خْمِي غَارسْ إِ غَا ثَاذْفمْ، ڒخْذنِّي أَذْ ثَافمْ إِجّْ ن وسْنُوسْ إِقّنْ، وَارْ خَاسْ إِنْيِي ؤُڒَا ذ إِجّْ ن بْنَاذمْ. فسْيمْ أَسْ-د ؤُشَا أَوْيمْ ث-إِ-د غَارِي.
MAR 11:3 مَاڒَا إِنَّا أَومْ حذْ: ’مَايمِّي إِ ثتّڭّمْ أَيَا؟‘، خنِّي إِنِيمْ: ’أَقَا سِيذِيثْنغْ إِحْذَاجْ إِ-ث، ؤُشَا ڒخْذنِّي أَذْ ث-إِ-د-إِسّكّْ ذَا [عَاوذْ].‘ “
MAR 11:4 نِيثْنِي رُوحنْ، ؤُفِينْ أَسْنُوسْ نِّي إِقّنْ غَارْ ثوَّارْثْ بَارَّا خْ وبْرِيذْ. ڒَامِي ذ أَسْ د-أَرْخُونْ،
MAR 11:5 نَّانْ أَسنْ شَا ن يِينِّي ثُوغَا ذِينْ إِبدّنْ: ”مِينْ ثتّڭّمْ، ثْفسّْيمْ إِ وسْنُوسْ؟“
MAR 11:6 نَّانْ أَسنْ أَمْ مَامّشْ ثنْ إِوصَّا يَاسُوع، ؤُشَا جِّينْ ثنْ.
MAR 11:7 إِوْينْ-د أَسْنُوسْ غَارْ يَاسُوع، سَّارْسنْ خَاسْ أَرُّوضْ نْسنْ ؤُشَا إِنْيَا خَاسْ يَاسُوع
MAR 11:8 أَطَّاسْ سُّونْ أَرُّوضْ نْسنْ خْ وبْرِيذْ، شَا نّغْنِي قسّنْ-د ڒفْرُوعْ أَكْ-ذ وَافْرِيونْ زِي ثْشجُّورَا ؤُشَا سُّونْ ثنْ [عَاوذْ] خْ وبْرِيذْ.
MAR 11:9 إِنِّي ث إِزْوَارنْ ذ يِينِّي ث-إِ-د-إِضْفَارنْ، ثُوغَا سْغُويُّونْ س جّهْذْ، قَّارنْ: ”ؤُصَانَّا! لْبَارَاكَا إِ ونِّي د-يُوسِينْ س يِيسمْ ن سِيذِي!
MAR 11:10 أَذْ ثتّْوَابَاركْ ثْڭلْذِيثْ ثنِّي إِ د غَا يَاسنْ س ؤُفُوسْ ن بَابَاثْنغْ ذَاوُوذْ. ؤُصَانَّا ذِي ڒُوعْڒَا خْ ڒُوعْڒَا [ن إِجنْوَانْ]!“
MAR 11:11 يُوسَا-د يَاسُوع غَارْ ؤُرْشَالِيمْ، يُوذفْ غَارْ زَّاوشْثْ ثَامقّْرَانْثْ ؤُشَا إِژْرَا مَارَّا [مِينْ ذِينْ إِمْسَارنْ]. ڒَامِي ثُوغَا إِسُّوثمْ ڒْحَاڒْ، إِفّغْ غَارْ بَايْثْ-عَانْيَا أَكْ-ذ ثنْعَاشْ.
MAR 11:12 ثِيوشَّا نّسْ، ڒَامِي د-إِفّغْ زِي بَايْثْ-عَانْيَا، إِطّفْ إِ-ث-إِ-د ڒَاژْ.
MAR 11:13 ؤُمِي إِژْرَا زِي ڒَاڭّْوَاجْ إِجّْ ن وَارْثُو ن ثَازَارْثْ غَارسْ ثِيفْرَايْ، يُويُورْ ذِينْ حِيمَا أَذْ يَارْزُو مَا أَذْ ثَاغْ أَذْ ذَايسْ يَافْ شَا. ؤُمِي غَارسْ د-يِيوضْ، وَارْ يُوفِي وَالُو مْغِيرْ ثِيفْرَايْ، مِينْزِي وَارْ ثُوغِي بُو ڒْوقْثْ ن ثَازَارْثْ.
MAR 11:14 إِطّفْ ذڭْ وَاوَاڒْ، إِنَّا أَسْ [إِ وَارْثُو]: ”زِي ڒخُّو ذ ثْسَاونْثْ وَارْ زَّايمْ إِتّتّْ ؤُڒَا ذ إِجّْ عَاذْ ڒْغِيدْجثْ.“ ثُوغَا إِمحْضَارنْ نّسْ تّسْڒَانْ [مِينْ إِقَّارْ].
MAR 11:15 ؤُشَا يُوذفْ يَاسُوع غَارْ زَّاوشْثْ ثَامقّْرَانْثْ ن أَربِّي، إِبْذَا إِسُّوفُّوغْ إِمْسوَّاقنْ ذ إِسبَّابنْ [نِّي إِدْجَانْ] ذِي زَّاوشْثْ ثَامقّْرَانْثْ، ؤُشَا إِبْذَا إِسّْنقْڒَابْ طّْوَابڒْ ن إِصَارَّافنْ [ن ثْمنْيَاثْ] ذ ڒكْرَاسِي ن يِينِّي ثُوغَا إِزْنُوزَانْ إِذْبِيرنْ،
MAR 11:16 ؤُشَا وَارْ إِجِّي حذْ أَذْ إِعْذُو زَّاوشْثْ ثَامقّْرَانْثْ ؤُڒَا س إِشْثْ ن ڒْقشْعثْ.
MAR 11:17 ثُوغَا إِسّڒْمَاذْ، إِنَّا أَسنْ: ”مَا وَارْ ثُورِي: ثَادَّارْثْ إِنُو أَذْ أَسْ ڒَاغَانْ ’ثَادَّارْثْ ن ثْژَادْجِيثْ إِ مَارَّا ڒڭْنُوسْ؟‘ مَاشَا كنِّيوْ ثَارِّيمْ ت ذ إِفْرِي ن إِشفَّارنْ.“
MAR 11:18 إِمْسڒْمَاذنْ ن إِذْلِيسنْ ذ إِمقّْرَاننْ ن إِكهَّاننْ سْڒِينْ مَانْ أَيَا، كَّارنْ ؤُشَا أَرزُّونْ مَامّشْ غَا ڭّنْ أَذْ ث نْغنْ، مِينْزِي ڭّْوذنْ زَّايسْ، مِينْزِي ڒْغَاشِي مَارَّا ثُوغَا إِتّبْهثْ س ؤُسڒْمذْ نّسْ.
MAR 11:19 ڒَامِي د-ثوْضَا ثْمذِّيثْ، فّْغنْ غَارْ بَارَّا ن ثنْذِينْثْ.
MAR 11:20 ذِي صّْبحْ زِيشْ، ڒَامِي ذِينِّي عْذُونْ، ژْرِينْ بلِّي وَارْثُو [نِّي] إِسْڒَاوْ زڭْ إِژوْرَانْ.
MAR 11:21 شِيمْعُونْ إِفْثنْ، خنِّي إِنَّا أَسْ: ”[أَ] أَمْسڒْمَاذْ إِنُو، خْزَارْ، أَرْثُو إِ ثْنعْڒذْ، أَقَا إِسْڒَاوْ.“
MAR 11:22 يَارَّا-د يَاسُوع، إِنَّا أَسنْ: ”مَاعْلِيكْ أَذْ ذَايْومْ يِيڒِي لْ-إِيمَانْ ن أَربِّي،
MAR 11:23 مَاغَارْ س ثِيذتّْ، نشّْ أَذْ أَومْ إِنِيغْ، مَاڒَا حذْ أَذْ يِينِي إِ وذْرَارْ-أَ: ’مكْسِي، وْضَا ذِي ڒبْحَارْ!‘، وَارْ إِتّْشكِّي ذڭْ وُوڒْ نّسْ مَاشَا أَذْ يَامنْ بلِّي مِينْ إِنَّا أَذْ إِفّغْ، إِوَا أَقَا أَذْ إِفّغْ إِ نتَّا أَمْ مَامّشْ إِنَّا نتَّا.
MAR 11:24 س ؤُينِّي نشّْ أَذْ أَومْ إِنِيغْ، مَارَّا مِينْ غَا ثتَّارمْ أَمْ ثتّْژَادْجَامْ، أَمْننْ بلِّي أَذْ ث ثْكسْبمْ، ؤُشَا أَذْ غَارْومْ يِيڒِي.
MAR 11:25 ؤُ خْمِي غَا ثْبدّمْ ثتّْژَّادْجَامْ، غْفَارمْ مِينْ غَارْومْ خْ شَا ن إِجّنْ، حِيمَا أَذْ أَومْ إِغْفَارْ عَاوذْ بَابَاثْومْ إِ إِدْجَانْ ذڭْ إِجنْوَانْ دّْنُوبْ نْومْ.
MAR 11:26 مَاڒَا وَارْ ثْغفَّارمْ كنِّيوْ، وَارْ ذ أَومْ إِغفَّارْ ؤُڒَا ذ بَابَاثْومْ إِ إِدْجَانْ ذڭْ إِجنْوَانْ إِ دّْنُوبْ نْومْ.“
MAR 11:27 ؤُسِينْ-د عَاوذْ غَارْ ؤُرْشَالِيمْ. أَمْ ثُوغَا إِڭُّورْ ذِي زَّاوشْثْ ثَامقّْرَانْثْ، قَارّْبنْ-د غَارسْ إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ ذ إِمْغَارنْ [ن ڒْڭنْسْ].
MAR 11:28 نَّانْ أَسْ: ”س مَانْ تّسْرِيحْ إِ [زِي] ثتّڭّذْ ثِيمسْڒَايِينْ-أَ؟ وِي ذ أَشْ إِوْشِينْ صُّولْطَا-يَا حِيمَا أَذْ ثڭّذْ ثِيمسْڒَايِينْ-أَ؟“
MAR 11:29 يَارَّا-د يَاسُوع، إِنَّا أَسنْ: ”ؤُڒَا ذ نشّْ أَذْ كنِّيوْ سّقْسِيغْ إِجّْ ن ؤُسقْسِي، حِيمَا كنِّيوْ أَذْ خَافِي ثَارِّيمْ، ؤُشَا [خنِّي] ؤُڒَا ذ نشّْ أَذْ أَومْ إِنِيغْ س مَانْ تّسْرِيحْ إِ زِي تّڭّغْ أَيَا.
MAR 11:30 أَسغْضَاصْ ن يُوحَانَّا، مَا إِكَّا-د زڭْ ؤُجنَّا نِيغْ زڭْ إِوْذَانْ؟ أَرّمْ-د خَافِي!“
MAR 11:31 مْشَاوَارنْ جَارْ أَسنْ، نَّانْ: ”مَاڒَا ننَّا: ’زڭْ ؤُجنَّا!‘، أَذْ يِينِي: ’مَايمِّي وَارْ زَّايسْ ثُومِينمْ؟‘
MAR 11:32 مَاشَا مَاڒَا ننَّا: ’زڭْ إِوْذَانْ!‘، [خنِّي] إِتّْخصَّا أَذْ نڭّْوذْ زِي ڒْڭنْسْ!“، مِينْزِي مَارَّا حسْبنْ يُوحَانَّا ذ أَنَابِي س ثِيذتّْ.
MAR 11:33 أَرِّينْ-د، نَّانْ إِ يَاسُوع: ”وَارْ نسِّينْ!“ نتَّا إِنَّا أَسنْ: ”خنِّي ؤُڒَا ذ نشّْ وَارْ ذ أَومْ قَّارغْ زِي مَانْ تّسْرِيحْ إِ زِي تّڭّغْ ثِيمسْڒَايِينْ-أَ.“
MAR 12:1 إِبْذَا إِسَّاوَاڒْ أَكِيذْسنْ س إِمذْيَا: ”إِجّْ ن بْنَاذمْ إِڭَّا إِجّْ ن ؤُمَارْجعْ ن ؤُضِيڒْ، إِژُّو ذَايسْ ثِيزَايَارِينْ، إِقوَّارْ أَسْ-د س إِجّْ ن وفْرَايْ، إِغْزَا ثَاسِيرْثْ ن ؤُضِيڒْ، إِبْنَا ذَايسْ صُّومْعثْ ؤُشَا إِوكّڒْ [أَمَارْجُوعْ نِّي] إِ إِخمَّاسنْ ؤُشَا إِسَافَارْ.
MAR 12:2 ڒَامِي د-يِيوضْ ڒْحَاڒْ، إِسّكّْ أَمْسخَّارْ نّسْ غَارْ إِخمَّاسنْ، حِيمَا أَذْ إِكْسِي [ثَاسْغَارْثْ نّسْ] زڭْ وڒْقَاضْ ن ؤُمَارْجعْ ن ؤُضِيڒْ.
MAR 12:3 مَاشَا نِيثْنِي وْثِينْ ث ؤُشَا سّكّنْ ث إِخْوَا.
MAR 12:4 عَاوذْ إِسّكّْ غَارْسنْ إِجّْ ن ؤُمْسخَّارْ نّغْنِي، أَرجْمنْ ث، مَارْژنْ أَسْ، ؤُشَا ڒَامِي ث سّْبحْثْڒنْ، ؤُژّْڒنْ [خَاسْ].
MAR 12:5 عَاوذْ إِسّكّْ-د غَارْسنْ ونّغْنِي ؤُشَا نْغِينْ ث [ؤُڒَا ذ نتَّا]. أَمُّو [إِ إِسّكّْ عَاذْ] أَطَّاسْ ن إِنّغْنِي، هتّْكنْ شَا زَّايْسنْ س ؤُركُّوضْ ذ شَا نّغْنِي زَّايْسنْ نْغِينْ ثنْ.
MAR 12:6 غَارْ ؤُنڭَّارْ إِسّكّْ غَارْسنْ أَينِّي ن مِّيسْ إِ غَارسْ إِ خَاسْ إِعِيزّنْ، مَاغَارْ إِنَّا: ’نِيشَانْ أَذْ وقَّارنْ مِّي!‘
MAR 12:7 مَاشَا إِخمَّاسنْ، نِّي نَّانْ جَارْ أَسنْ: ’أَقَا ذ وَا ذ أَوْرِيثْ. زِيذمْ، أَذْ ث ننغْ ؤُشَا أَذْ غَارْنغْ يِيڒِي ڒْوَارْثْ.‘
MAR 12:8 طّْفنْ ث، نْغِينْ ث ؤُشَا نْضَارنْ ث بَارَّا إِ ؤُمَارْجعْ ن ؤُضِيڒْ.
MAR 12:9 مِينْ غَا يڭّْ بَابْ ن ؤُمَارْجعْ ن ؤُضِيڒْ؟ أَذْ د-يَاسْ، أَذْ إِنغْ إِخمَّاسنْ ؤُشَا أَذْ إِوْشْ أَمَارْجعْ ن ؤُضِيڒْ إِ إِنّغْنِي.
MAR 12:10 مَا وَارْ ثغْرِيمْ [أَوَاڒْ-أَ ن] ثِيرَا [إِقدّْسنْ]؟ ... ’أَژْرُو إِ ثُوغَا إِمّنْضَارنْ إِبنَّاينْ، أَقَا إِذْوڒْ ذ أَژْرُو ذ أَزدْجِيفْ ن ثغْمَارْثْ.
MAR 12:11 وَا يُوسَا-د زِي سِيذِي ؤُ مَانْ أَيَا ذ ڒعْجبْ ذِي ثِيطَّاوِينْ نّغْ.‘ “
MAR 12:12 خْسنْ أَذْ ث طّْفنْ مَاشَا نِيثْنِي ڭّْوذنْ زِي ڒْغَاشِي، مِينْزِي فهْمنْ بلِّي ثُوغَا إِسَّاوَاڒْ خَاسنْ س ؤُمذْيَا نِّي. نِيثْنِي جِّينْ ث ؤُشَا ؤُيُورنْ.
MAR 12:13 خنِّي سّكّنْ غَارسْ شَا ن يرْيَازنْ زڭْ إِفَارِيسِييّنْ ؤُ شَا زِي ثَادَّارْثْ ن هِيرُوذُوسْ، حِيمَا أَذْ أَسْ طّْفنْ س وَاوَاڒنْ نّسْ.
MAR 12:14 ؤُمِي د-ؤُسِينْ، نَّانْ أَسْ: ”[أَ] أَمْسغَّارْ، نشِّينْ نسّنْ أَقَا شكْ ذ ثِيذتّْ، وَارْ ثڭّْوِيذذْ زڭْ إِوْذَانْ ؤُ وَارْ ثْخزَّارذْ شَا غَارْ وُوذمْ ن إِوْذَانْ، مَاشَا ثسّڒْمَاذذْ أَبْرِيذْ ن أَربِّي س ثِيذتّْ. مَا إِحدْجڒْ أَذْ نوْشْ دَّارِيبَا إِ كُوڒْ  إِجّنْ [زَّايْنغْ] إِ قَايْصَارْ نِيغْ لَّا؟ مَا إِتّْخصَّا أَنغْ أَذْ نْخدْجصْ ضَّارِيبَا نِيغْ لَّا؟“
MAR 12:15 ڒَامِي نتَّا يَارْڭبْ خْ نِّيفَاقْ نْسنْ، إِنَّا أَسنْ: ”مَايمِّي ذ أَيِي ثتّْجَارَّابمْ؟ أَوْيمْ أَيِي-د إِجّْ ن ذِينَارْ حِيمَا أَذْ ث ژَترغْ!“
MAR 12:16 إِوْينْ أَسْ-د إِجّْ [ن ذِينَارْ]. خنِّي إِنَّا أَسنْ: ”وِي يِيڒَانْ ثَاصْوِيرْثْ-أَ ذ ثِيرَا-يَا؟“ نَّانْ أَسْ: ”ن قَايْصَارْ!“
MAR 12:17 يَارَّا-د يَاسُوع، إِنَّا أَسنْ: ”وْشمْ [خنِّي] إِ قَايْصَارْ مِينْ إِدْجَانْ إِ قَايْصَارْ، ؤُ مِينْ إِدْجَانْ إِ أَربِّي إِ أَربِّي.“ ؤُشَا تّْعجْبنْ ذَايسْ.
MAR 12:18 ؤُسِينْ-د غَارسْ [عَاوذْ] إِصَاذُوقِييّنْ نِّي إِقَّارنْ بلِّي وَارْ ذِينْ بُو ثْنُوكْرَا. سّقْسَانْ ث، نَّانْ:
MAR 12:19 ”[أَ] أَمْسغَّارْ، أَقَا يُورَا أَنغْ مُوسَا، مَاڒَا إِمُّوثْ إِ حذْ ؤُمَاسْ ؤُشَا إِجَّا ثَامْغَارْثْ، [مَاشَا] وَارْ د-إِجِّي بُو ثَارَّاوْثْ، أَذْ يَاوِي ؤُمَاسْ ثَامْغَارْثْ نِّي ؤُشَا أَذْ د-يجّْ أَحنْجِيرْ إِ ؤُمَاسْ.
MAR 12:20 ثُوغَا ذِينْ سبْعَا ن وَاوْمَاثنْ. أَمزْوَارُو يِيوِي إِشْثْ ن ثمْغَارْثْ ؤُشَا أَوَارْنِي ڒَامِي إِمُّوثْ، وَارْ د-إِجِّي بُو دُّورِييثْ.
MAR 12:21 خنِّي يِيوْيِي إِ-ت ونِّي وِيسّْ ثْنَاينْ ؤُشَا إِمُّوثْ، وَارْ د-إِجِّي بُو دُّورِييثْ ؤُڒَا ذ نتَّا، ؤُشَا أَمُّو ؤُڒَا ذ ونِّي وِيسّْ ثْڒَاثَا.
MAR 12:22 مَارَّا سبْعَا [نِّي] إِوْينْ ت، وَارْ د-جِّينْ بُو دُّورِييثْ. أَنڭَّارْ نْسنْ مَارَّا ثمُّوثْ ثمْغَارْثْ [نِّي] عَاوذْ.
MAR 12:23 إِوَا ذِي ثْنُوكْرَا، خْمِي د غَا كَّارنْ، ؤُمِي غَا ثِيڒِي ثمْغَارْثْ نِّي؟ مِينْزِي سبْعَا [نِّي مَارَّا] إِوْينْ ت ذ ثَامْغَارْثْ.“
MAR 12:24 يَارَّا-د يَاسُوع، إِنَّا أَسنْ: ”مَا وَارْ ثْخطِّيمْ شَا مِينْزِي وَارْ ثسِّينمْ شَا ثِيرَا [إِقدّْسنْ] ذ جّهْذْ ن أَربِّي؟
MAR 12:25 مَاغَارْ خْمِي د غَا كَّارنْ جَارْ إِمتِّيننْ، وَارْ ثنْثْ تِّيوْينْ ذ ثَامْغَارْثْ ؤُ وَارْ سّْمِيدْجِيشنْ ثِيمْغَارِينْ إِ يرْيَازنْ، مَاشَا أَذْ إِڒِينْ أَمْ لْمَالَاكَاثْ [إِ إِدْجَانْ] ذڭْ ؤُجنَّا.
MAR 12:26 مَاشَا زِي جِّيهثْ ن إِمتِّيننْ أَقَا تّْوَاسّْنكَّارنْ: مَا وَارْ ثغْرِيمْ ذڭْ وذْلِيسْ ن مُوسَا، مَامّشْ أَكِيذسْ إِسِّيوڒْ أَربِّي زِي شْبَارْقْ أَكْ-ذ إِسنَّاننْ، إِنَّا: ’ذ نشّْ ذ أَربِّي ن إِبْرَاهِيمْ ذ أَربِّي ن إِسْحَاقْ ذ أَربِّي ن يَاعْقُوبْ‘؟
MAR 12:27 نتَّا وَارْ إِدْجِي ذ أَربِّي ن إِمتِّيننْ، مَاشَا [ذ أَربِّي] ن يِينِّي إِدَّارنْ. س ؤُينِّي أَقَا كنِّيوْ ثْخطَّامْ أَطَّاسْ.“
MAR 12:28 إِجّنْ زڭْ إِمْسڒْمَاذنْ ن إِذْلِيسنْ إِقَارّبْ-د غَارسْ، إِسْڒَا أَسنْ تّمْهَارْوَاضنْ جَارْ أَسنْ ؤُشَا إِسّنْ بلِّي نتَّا أَقَا يَارَّا-د خَاسنْ مْلِيحْ. [خنِّي] إِسّقْسَا ث: ”مَانْ ثنْثْ إِدْجَانْ ذ ثَاوْصيّثْ ثَامزْوَارُوثْ خْ كُوڒْشِي؟“
MAR 12:29 يَارَّا-د خَاسْ يَاسُوع: ”أَقَا ثَامزْوَارُوثْ خْ مَارَّا ثِيوصَّا: سڒْ أَ إِسْرَائِيل! سِيذِي، أَربِّي نّغْ، سِيذِي ذ إِجّْ.
MAR 12:30 أَذْ ثخْسذْ سِيذِي، أَربِّي نّشْ س مَارَّا وُوڒْ نّشْ س مَارَّا ڒعْمَارْ نّشْ س مَارَّا ڒعْقڒْ نّشْ س مَارَّا جّهْذْ نّشْ. ثَا ذ ثَاوْصيّثْ ثَامزْوَارُوثْ.
MAR 12:31 ؤُ ثَاوْصيّثْ وِيسّْ ثْنَاينْ، أَمشْنَاوْ ثَانِيثَا، أَقَا ذ ثَا: أَذْ ثخْسذْ جَّارْ نّشْ أَمشْنَاوْ إِخفْ نّشْ. وَارْ ذِينْ بُو ثوْصيّثْ نّغْنِيثْ ذ ثَامقّْرَانْثْ خْ ثِينَا [س ثْنَاينْ].“
MAR 12:32 إِنَّا أَسْ ؤُمْسڒْمَاذْ ن إِذْلِيسنْ: ”نِيشَانْ، [أَ] أَمْسڒْمَاذْ إِنُو، س ثِيذتّْ ثنِّيذْ بلِّي نتَّا ذ إِجّنْ، وَارْ ذِينْ ؤُڒَا ذ إِجّْ نّغْنِي مْغِيرْ نتَّا،
MAR 12:33 ؤُ بلِّي مَاڒَا إِجّْ ن بْنَاذمْ أَذْ ث إِخْسْ س وُوڒْ مَارَّا، س ڒعْقڒْ مَارَّا، س ڒعْمَارْ مَارَّا ؤُ س جّهْذْ مَارَّا، ؤُشَا أَذْ إِخْسْ جَّارْ نّسْ أَمشْنَاوْ إِخفْ نّسْ، أَقَا ذ مَانْ أَيَا حْسنْ زِي مَارَّا ثِيغَارْصِينْ ن وشْمَاضْ ذ مَارَّا ثِيغَارْصِينْ نّغْنِيثْ.“
MAR 12:34 ؤُمِي إِژْرَا يَاسُوع بلِّي يَارَّا-د س ڒعْقڒْ، إِنَّا أَسْ: ”أَقَا شكْ وَارْ ثِيڭّْوِيجذْ شَا خْ ثْڭلْذِيثْ ن أَربِّي.“ خنِّي وَارْ إِعوّڒْ حذْ أَذْ ث إِسّقْسَا ؤُڒَا ذڭْ إِشْثْ ن ثْمسْڒَاشْثْ.
MAR 12:35 ڒَامِي ثُوغَا إِسّڒْمَاذْ ذِي زَّاوشْثْ ثَامقّْرَانْثْ إِطّفْ يَاسُوع ذڭْ وَاوَاڒْ، إِنَّا: ”مَامّشْ قَّارنْ إِمْسڒْمَاذنْ ن إِذْلِيسنْ بلِّي لْمَاسِيحْ ذ مِّيسْ ن ذَاوُوذْ؟
MAR 12:36 مِينْزِي ذَاوُوذْ س يِيخفْ نّسْ إِنَّا س أَرُّوحْ إِقدّْسنْ: ’إِنَّا سِيذِي إِ سِيذِي إِنُو: قِّيمْ-د خْ ؤُفُوسِي إِنُو أَڒْ د غَا ڭّغْ ڒْعذْيَانْ نّشْ ذ ثَانبْذَاثْ سَاذُو إِضَارنْ نّشْ.‘
MAR 12:37 س ؤُيَا إِتّْڒَاغَا أَسْ-د ذَاوُوذْ: ’سِيذِي إِنُو!‘ مَانِيسْ د-إِكَّا ذ مِّيسْ؟“ مَارَّا ڒْغَاشِي ثُوغَا إِسْڒَا أَسْ س ڒفْرَاحثْ.
MAR 12:38 إِنَّا أَسنْ ذڭْ ؤُسڒْمَاذْ نّسْ: ”حْضَامْ إِخفْ نْومْ زڭْ إِمْسڒْمَاذنْ ن إِذْلِيسنْ إِنِّي ؤُمِي إِتّعْجِيبْ أَسنْ ڒْحَاڒْ خْمِي غَا ؤُيُورنْ س ڒعْبَايَاثْ ثِيزِيرَارِينْ ؤُ خْمِي خَاسنْ إِ غَا سدْجْمنْ [إِوْذَانْ] ذِي ڒسْوَاقْ،
MAR 12:39 إِنِّي [ؤُمِي إِتّعْجِيبْ أَسنْ] ڒكْرَاسِي ن زَّاثْ ذِي ثمْزِيذَاوِينْ، ؤُڒَا ذ إِمُوشَانْ إِمزْوُورَا غَارْ إِمنْسِيونْ [ن وُورَارنْ].
MAR 12:40 نِيثْنِي تّتّنْ ثُوذْرِينْ ن ثِيجَّاڒْ [أَمْ تّتَّارنْ] ثِيوْهِيبِينْ ذِي طّْوعْ ن ثْژَادْجَاثِينْ نْسنْ ثِيزِيرَارِينْ. أَقَا إِنَا أَذْ كْسِينْ ڒْحُوكْمْ ذ أَمقّْرَانْ.“
MAR 12:41 أَمْ إِقِّيمْ يَاسُوع قِيبَاتْشْ إِ سّنْذُوقْ ن صّذْقثْ، إِژْرَا مَامّشْ إِنطَّارْ ڒْغَاشِي ثِينْعَاشِينْ ذِي سّنْذُوقْ. أَطَّاسْ ن أَيْثْبَابْ ن وَاڭْڒَا ثُوغَا نطَّارنْ ذَايسْ أَطَّاسْ.
MAR 12:42 ثُوسَا-د إِشْثْ ن ثَاجَّاتْشْ ذ ڒْمسْكِينَا ثنْضَارْ ذَايسْ ثْنَاينْ ن ؤُقِييَّاثْ، سمَّانْ ثنْثْ ’شَامُونَاثْ‘.
MAR 12:43 [خنِّي] إِڒَاغَا يَاسُوع إِ إِمحْضَارنْ نّسْ، إِنَّا أَسنْ: ”س ثِيذتّْ، نشّْ أَذْ أَومْ إِنِيغْ، ثَاجَّاتْشْ-أَ ڒْمسْكِينَا أَقَا ثنْضَارْ ذَايسْ كْثَارْ خْ مَارَّا إِوْذَانْ نِّي إِنْضَارنْ ذِي سّنْذُوقْ ن صّذْقثْ.
MAR 12:44 مِينْزِي مَارَّا نْضَارنْ ذَايسْ زِي مِينْ غَارْسنْ أَطَّاسْ، مَاشَا ثَا زِي ذْرُوسْ نّسْ ثنْضَارْ ذَايسْ كُوڒْشِي مِينْ غَارسْ، أَقَا ثنْضَارْ مَارَّا مِينْ غَارسْ ذ أَڭْڒَا.“
MAR 13:1 أَڒَامِي د-إِفّغْ زِي زَّاوشْثْ ثَامقّْرَانْثْ، إِنَّا أَسْ إِجّنْ زڭْ إِمحْضَارنْ نّسْ: ”[أَ] أَمْسغَّارْ، خْزَارْ، مَامّشْ دْجَانْ إِژْرَا-يَا ذ ڒبْنِي-يَا!“
MAR 13:2 يَارَّا-د يَاسُوع، إِنَّا أَسْ: ”مَا ثژْرِيذْ ڒبْنِي-يَا إِمْغَارنْ؟ وَارْ ذَا إِتّْغِيمِي ؤُڒَا ذ إِجّْ ن وژْرُو خْ وژْرُو نّغْنِي إِ وَارْ إِتّْنهْذِيمْ.“
MAR 13:3 ڒَامِي ثُوغَا إِقِّيمْ خْ وذْرَارْ ن زِّيثُونْ قِيبَاتْشْ إِ زَّاوشْثْ ثَامقّْرَانْثْ، سّقْسَانْ ث بُوطْرُوسْ ذ يَاعْقُوبْ ذ يُوحَانَّا ذ أَنْذْرَاوُوسْ ڒَْامِي ثنْ ثُوغَا وحّذْسنْ:
MAR 13:4 ”إِنِي أَنغْ مڒْمِي إِ غَا يِيڒِي مَانْ أَيَا، ؤُ مَانْ أَذْ ثِيڒِي ڒعْڒَامثْ أَقَا مَارَّا ثِيمسْڒَايْنْ-أَ أَذْ أَوْضنْثْ؟“
MAR 13:5 إِبْذَا يَاسُوع إِقَّارْ أَسنْ: ”خْزَارمْ، حِيمَا وَارْ كنِّيوْ إِغكّْوِي حذْ.
MAR 13:6 أَقَا أَطَّاسْ أَذْ د-أَسنْ س يِيسمْ إِنُو قَّارنْ: ’أَقَا ذ نشّْ!‘، ؤُشَا أَذْ غْوَانْ أَطَّاسْ.
MAR 13:7 مَاڒَا ثسْڒِيمْ خْ إِمنْغَانْ ذ ڒخْبَارْ ن ڭَارَّاثْ، وَارْ تّْنخْڒِيعمْ شَا، مِينْزِي س ؤُغِيڒْ أَذْ يِيڒِي مَانْ أَيَا، مَاشَا وَارْ إِتِّيڒِي عَاذْ ذ أَنڭَّارْ.
MAR 13:8 مِينْزِي ڒْڭنْسْ أَذْ إِكَّارْ ضِيدّْ إِ ڒْڭنْسْ نّغْنِي ؤُ ثَاڭلْذِيثْ ضِيدّْ إِ ثْڭلْذِيثْ نّغْنِي. أَذْ إِڒِينْ إِنْهزَّانْ ن ثمُّورْثْ زڭْ ومْشَانْ غَارْ ومْشَانْ نّغْنِي ؤُشَا أَذْ يِيڒِي ڒَاژْ ذ ؤُغوُّوغْ. ثِيمسْڒَايِينْ-أَ ذ بدُّو ن ڒوْجعْ [ن ثَارْوَا].
MAR 13:9 حْضَامْ إِخفْ نْومْ، مِينْزِي أَذْ كنِّيوْ سلّْمنْ إِ ثُوذْرِينْ ن شّْرعْ، أَذْ كنِّيوْ هتّْكنْ س ؤُركُّوضْ ذِي ثمْزِيذَاوِينْ نْسنْ ؤُشَا أَذْ كنِّيوْ سِّيوْضنْ غَارْ إِجدْجِيذنْ ذ ڒْحُوكَّامْ ذِي سِّيبّثْ إِنُو، ذ شّْهَاذثْ إِ نِيثْنِي.
MAR 13:10 مَاشَا غَارْ ؤُمزْوَارْ إِتّْخصَّا أَذْ إِتّْوَابَارّحْ س ڒخْبَارْ أَصبْحَانْ ذِي مَارَّا ڒڭْنُوسْ.
MAR 13:11 خْمِي كنِّيوْ إِ غَا ڭوّْذنْ حِيمَا أَذْ كنِّيوْ سلّْمنْ، وَارْ كسِّيمْ س ومْنُوسْ قْبڒْ زِي مِينْ غَا ثِينِيمْ، وَارْ ذَايسْ ثْخَارِّيصمْ شَا، [مَاشَا] مِينْ مَا ذ أَومْ إِ غَا إِمّوْشنْ ذِي ثْسَاعّثْ نِّي، سِيوْڒمْ زَّايسْ، مِينْزِي وَارْ ثدْجِيمْ ذ كنِّيوْ إِ إِسَّاوَاڒنْ، مَاشَا ذ أَرُّوحْ إِقدّْسنْ.
MAR 13:12 ؤُمَاسْ أَذْ إِسلّمْ ؤُمَاسْ مَاحنْذْ أَذْ [ث] نْغنْ، ؤُ بَابَاسْ أَذْ إِسلّمْ مِّيسْ، ؤُشَا أَذْ ثكَّارْ ثَارْوَا خْ لْوَالِيذِينْ نّسْ ؤُشَا أَذْ ثنْ نْغنْ.
MAR 13:13 أَذْ كنِّيوْ شَارْهنْ مَارَّا ذِي سِّيبّثْ ن يِيسمْ إِنُو، مَاشَا ونِّي إِ غَا إِصْبَارنْ أَڒْ أَنڭَّارْ، أَذْ إِتّْوَاسّنْجمْ.
MAR 13:14 خْمِي غَا ثْژَارمْ نّْعِي ن وَاريّبْ، مِينْ خفْ ثُوغَا إِسَّاوَاڒْ ؤُنَابِي ذَانِييَالْ، إِتّْبدَّا مَانِي وَارْ إِتّْخصَّا أَذْ إِبدّْ - ونِّي إِغْرِينْ أَذْ إِفْهمْ! - ڒخْذنِّي إِتّْخصَّا إِ يِينِّي إِدْجَانْ ذِي يَاهُوذِييَّا، أَذْ أَروْڒنْ غَارْ إِذُورَارْ،
MAR 13:15 ؤُ ونِّي إِدْجَانْ خْ ثْزقَّا وَارْ د-إِهكّْوِي شَا غَارْ ثَادَّارْثْ ؤُ وَارْ إِتِّيذفْ شَا حِيمَا أَذْ إِكْسِي شَا زِي ثَادَّارْثْ نّسْ،
MAR 13:16 ؤُ ونِّي إِدْجَانْ ذڭْ إِيَّارْ وَارْ د-إِتّْعِيقِّيبْ شَا حِيمَا أَذْ إِكْسِي أَسڒْهَامْ نّسْ.
MAR 13:17 ؤُشْثْ خْ ثِينِّي إِدْجَانْ س دّيْسثْ ذ ثِينِّي إِسُّوطُوضنْ ذڭْ وُوسَّانْ نِّي!
MAR 13:18 ژَتدْجمْ حِيمَا وَارْ ثتِّيڒِي ثَاروْڒَا نْومْ ذِي ڒْمشْثَا،
MAR 13:19 مِينْزِي ذڭْ وُوسَّانْ نِّي أَذْ ذِينْ ثِيڒِي إِشْثْ ن ڒْمحْنثْ إِ وَارْ ثُوغِي أَمْ نتَّاثْ زڭْ وَامِي د-إِخْڒقْ أَربِّي دُّونشْثْ أَڒْ ڒخُّو، ؤُشَا وَارْ ثتِّيڒِيعمَّارْصْ عَاوذْ.
MAR 13:20 مَاڒَا سِيذِي وَارْ إِسّمْژِي ؤُسَّانْ نِّي، وَارْ ثْنجّمْ ؤُڒَا ذ إِشْثْ ن دَّاثْ، مَاشَا ذِي طّْوعْ ن يِينِّي إِتّْوَافَارْزنْ، إِنِّي إِ إِخْضَارْ نتَّا، أَقَا إِسّمْژِي ؤُسَّانْ نِّي.
MAR 13:21 خنِّي مَاڒَا إِنَّا أَومْ إِجّنْ: ’أَقَا لْمَاسِيحْ ذَا!‘، نِيغْ: ’أَقَا-ث ذِيهَا!‘، وَارْ ث تَّامْنمْ.
MAR 13:22 مِينْزِي أَذْ كَّارنْ إِمَاسِيحنْ إِفَالْسُوثنْ ذ إِنَابِييّنْ إِسّْخَارِّيقنْ، أَذْ ڭّنْ ڒعْڒَامَاثْ ذ ڒعْجَايبْ حِيمَا، مَاڒَا إِزمَّارْ، أَذْ خذْعنْ عَاذْ إِنِّي إِتّْوَافَارْزنْ.
MAR 13:23 كنِّيوْ مَاشَا، حْضَامْ، أَقَا مَارَّا نِّيغْ أَومْ ث قْبڒْ.
MAR 13:24 مَاشَا ذڭْ وُوسَّانْ نِّي، أَوَارْنِي ڒْمحْنثْ نِّي، أَذْ ثبَّارْشنْ ثْفُوشْثْ ؤُشَا ثَازِيرِي وَارْ ثتِّيشْ عَاذْ ثَافَاوْثْ نّسْ،
MAR 13:25 إِثْرَانْ أَذْ د-وْضَانْ زڭْ ؤُجنَّا ؤُشَا صُّولَاطَاثْ إِ إِدْجَانْ ذڭْ إِجنْوَانْ أَذْ تّْوَانْهزّنْثْ.
MAR 13:26 خنِّي أَذْ ژَترنْ مِّيسْ ن بْنَاذمْ خْمِي د غَا يَاسْ ذڭْ إِسيْنُوثنْ، س جّهْذْ ذ ؤُعُودْجِي أَمقّْرَانْ.
MAR 13:27 ڒخْذنِّي أَذْ إِسّكّْ لْمَالَاكَاثْ نّسْ ؤُشَا أَذْ إِيْرُو إِنِّي زَّايسْ إِتّْوَافَارْزنْ زِي أَربْعَا ن ثْغمُّورَا ن ؤُسمِّيضْ، زِي طَّارْفْ أَنڭَّارُو ن ثمُّورْثْ أَڒْ طَّارْفْ أَنڭَّارُو ن ؤُجنَّا.
MAR 13:28 ڒمْذمْ زڭْ وَارْثُو ن ثَازَارْثْ أَمتِّيڒْ-أَ: خْمِي غَا ذوْڒنْ ڒفْرُوعْ نّسْ أَذْ د-أَرضْبنْ ؤُشَا ثِيفْرَايْ أَذْ د-فّْغنْثْ، خنِّي أَذْ ثسّْنمْ أَقَا أَنبْذُو يِيوضْ-د.
MAR 13:29 أَمُّو إِتّْخصَّا ؤُڒَا ذ كنِّيوْ، خْمِي غَا ثْژَارمْ ثِيمسْڒَايِينْ-أَ تّمْسَارَانْثْ، أَذْ ثسّْنمْ، أَقَا مَانْ أَيَا يُوذسْ-د، خْ ثوَّارْثْ.
MAR 13:30 س ثِيذتّْ أَذْ أَومْ إِنِيغْ، جِّيڒْ-أَ وَارْ إِعدُّو شَا أَڒْ ذ غَا يِيڒِي مَانْ أَيَا مَارَّا.
MAR 13:31 أَجنَّا ذ ثمُّورْثْ أَذْ عْذُونْ، [مَاشَا] أَوَاڒنْ إِنُو وَارْعدُّونْعمَّارْصْ.
MAR 13:32 مَاشَا أَسّْ نِّي ذ ثْسَاعّثْ نِّي ؤُڒَا ذ إِجّْ وَارْ ث إِسِّينْ، ؤُڒَا ذ لْمَالَاكَاثْ نِّي إِدْجَانْ ذڭْ ؤُجنَّا، ؤُڒَا ذ مِّيسْ، مْغِيرْ بَابَاسْ.
MAR 13:33 خْژَارمْ، حْضَامْ، ژَتدْجمْ، مِينْزِي وَارْ ثسِّينمْ شَا مڒْمِي د غَا ثَاوضْ ڒْوقْثْ نِّي.
MAR 13:34 أَقَا-ث أَمْ يِيجّْ ن بْنَاذمْ إِتّْخصَّا أَسْ أَذْ إِسَافَارْ، إِجَّا ثَادَّارْثْ نّسْ، إِوكّڒْ إِمْسخَّارنْ نّسْ س صُّولْطَا، إِوْشَا إِ كُوڒْ إِجّْ [زَّايْسنْ] ڒْخذْمثْ نّسْ، ؤُشَا إِعْڒمْ أَسْ إِ ؤُعسَّاسْ ن ثوَّارْثْ مَاحنْذْ أَذْ إِقِّيمْ أَذْ إِحْضَا.
MAR 13:35 إِوَا حْضَامْ خنِّي، مِينْزِي وَارْ ثسِّينمْ شَا مڒْمِي إِ د غَا يَاسْ بَابْ ن ثَادَّارْثْ، غَارْ ؤُعشِّي نِيغْ غَارْ وزْينْ ن دْجِيڒثْ نِيغْ غَارْ ؤُسْقُوقعْ ن ؤُيَاژِيضْ نِيغْ غَارْ صّْبحْ [زِيشْ]،
MAR 13:36 حِيمَا، مَاڒَا د-إِتِّيسْ ذغْيَا، وَارْ كنِّيوْ إِتِّيفْ ثتّطّْصمْ.
MAR 13:37 مِينْ ذ أَومْ قَّارغْ ڒخُّو، قَّارغْ ث إِ مَارَّا: فَاقمْ!“
MAR 14:1 أَوَارْنِي إِ ثْنَاينْ ن وُوسَّانْ ثُوغَا ثدْجَا [ثْغَارْصْثْ ن] ؤُسعْذُو ن [ڒْْعِيذْ ن وغْرُومْ] بْڒَا أَنْثُونْ، ؤُ ثُوغَا إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ أَرزُّونْ إِشْثْ ن ثوَّارْثْ مَاحنْذْ أَذْ ث طّْفنْ س ثحْرَايْمشْثْ ؤُشَا أَذْ ث نْغنْ.
MAR 14:2 مَاشَا نِيثْنِي نَّانْ: ”وَارْ إِتِّيڒِي ذِي ڒْعِيذْ، حِيمَا وَارْ إِتِّيڒِي ؤُغوُّوغْ ذِي ڒْڭنْسْ.“
MAR 14:3 ڒَامِي ثُوغَا إِقِّيمْ [غَارْ طَّابْڒَا] ذِي بَايْثْ-عَانْيَا ذِي ثَادَّارْثْ ن شِيمْعُونْ، ونِّي ذِي إِدْجَا ڒْبَارْصْ، ثُوسَا-د إِشْثْ ن ثمْغَارْثْ، أَقَا-ت غَارسْ إِجّْ ن ؤُغَارَّافْ ن أَلَابَاسْثرْ ذَايسْ زّشْثْ إِ وذْهَانْ زِي ڒعْطُورْ ن صّنْبلْ ثصْبحْ، ثِيغْڒَا. ثَارْزمْ ثَازِييَّاثْ نِّي، ثْفَارّغْ إِ-ت خْ ؤُزدْجِيفْ ن يَاسُوع.
MAR 14:4 ثُوغَا ذِينْ شَا ن إِمحْضَارنْ، خيّْقنْ أَطَّاسْ ذڭْ إِخفْ نْسنْ خْ مَانْ أَيَا، نَّانْ: ”مَايمِّي أَضيّعْ ن زّشْثْ-أَ إِ وذْهَانْ؟
MAR 14:5 مِينْزِي إِڒِي أَذْ ثتّْوَامّنْزْ [زّشْثْْ-أَ] س كْثَارْ زِي ثڒْثْ-مْيَا ذِينَارْ ؤُشَا خنِّي أَذْ إِمّوْشْ إِ إِمزْڒَاضْ.“ ؤُشَا خيّْقنْ خَاسْ أَطَّاسْ.
MAR 14:6 مَاشَا يَاسُوع إِنَّا: ”جّمْ ت! مَايمِّي خَاسْ ثتّْعدَّامْ؟ أَقَا ثڭَّا ذَايِي إِجّْ ن شْغڒْ إِشْنَا.
MAR 14:7 مِينْزِي إِمزْڒَاضْ أَقَا أَثنْ ڒبْذَا أَكِيذْومْ، ثْزمَّارمْ أَذْ كِيسنْ ثڭّمْ ڒْخَارْ مڒْمِي مَا ثخْسمْ، مَاشَا نشّْ وَارْ كِيذْومْ تّْغِيمِيغْ ڒبْذَا.
MAR 14:8 نتَّاثْ ثڭَّا مِينْ ؤُمِي ثْزمَّارْ. أَقَا ثِيزَّارْ ثمْسحْ أَرِّيمثْ إِنُو س ڒعْطُورْ إِ ونْضڒْ.
MAR 14:9 س ثِيذتّْ، نشّْ أَذْ أَومْ إِنِيغْ: مَانِي مَا إِ غَا إِتّْوَابَارّحْ س ڒخْبَارْ-أَ أَصبْحَانْ زَّايِي ذِي مَارَّا دُّونشْثْ، أَذْ خبَّارنْ عَاوذْ خْ مِينْ ثڭَّا، ذ ڒِيذَارثْ إِ نتَّاثْ.“
MAR 14:10 [خنِّي] إِرُوحْ يَاهُوذَا إِسْخَارِييُوطِي، إِجّنْ زِي ثنْعَاشْ، غَارْ إِمقّْرَاننْ ن إِكهَّاننْ حِيمَا أَذْ أَسنْ إِسلّمْ يَاسُوع.
MAR 14:11 ؤُمِي سْڒِينْ مَانْ أَيَا، فَارْحنْ ؤُشَا وَاعْذنْ أَذْ أَسْ وْشنْ [ثْمنْيَاثْ ن] نُّوقَارْثْ. ؤُ نتَّا ثُوغَا يَارزُّو إِشْثْ ن ثوَّارْثْ، حِيمَا أَذْ [أَسنْ] ث إِسلّمْ.
MAR 14:12 ذڭْ وَاسّْ أَمزْوَارْ ن [وغْرُومْ] بْڒَا أَنْثُونْ، ؤُمِي تّْنُومَانْ وُوذَاينْ أَذْ غَارْصنْ إِ [ثْغَارْصْثْ ن] ؤُسعْذُو، نَّانْ أَسْ إِمحْضَارنْ نّسْ: ”مَانِي ثخْسذْ أَذْ نْرَاحْ حِيمَا أَذْ نسّوْجذْ مَاحنْذْ أَذْ ثشّذْ [أَمنْسِي ن] ؤُسعْذُو؟“
MAR 14:13 إِسّكّْ ثْنَاينْ زڭْ إِمحْضَارنْ نّسْ، إِنَّا أَسنْ: ”رُوحمْ غَارْ ثنْذِينْثْ، ؤُ خْزَارْ، أَذْ ثمْسَاڭَارمْ أَكْ-ذ إِجّْ ن ورْيَازْ، يَارْبُو إِشْثْ ن ثقْبُوشْثْ ن وَامَانْ. ضْفَارمْ ث!
MAR 14:14 ؤُ مَانِي غَا يَاذفْ، إِنِيمْ إِ بَابْ ن ثَادَّارْثْ: ’أَمْسڒْمَاذْ نّغْ إِقَّارْ: مَانِي ثدْجَا ثْغُورْفثْ حِيمَا أَذْ شّغْ [أَمنْسِي ن] ؤُسعْذُو أَكْ-ذ إِمحْضَارنْ إِنُو؟‘
MAR 14:15 [خنِّي] نتَّا أَذْ أَومْ إِمّڒْ إِجّْ ن أَرْوَا إِمْغَارْ سنّجْ، إِسُّو، إِعْذڒْ. ذِينِّي إِ ذ أَنغْ غَا ثسّْوجْذمْ.“
MAR 14:16 فّْغنْ إِمحْضَارنْ، ؤُسِينْ-د غَارْ ثنْذِينْثْ ؤُشَا ؤُفِينْ [مَارَّا] أَمْ مَامّشْ ثُوغَا ذ أَسنْ إِنَّا، خنِّي سّْوجْذنْ إِ [ؤُمنْسِي ن] ؤُسعْذُو.
MAR 14:17 غَارْ ؤُعشِّي يُوسَا-د أَكْ-ذ ثنْعَاشْ [ن رُّوسُولْ] نّسْ.
MAR 14:18 ڒَامِي ثُوغَا قِّيمنْ [غَارْ طَّابْڒَا]، تّتّنْ، إِنَّا يَاسُوع: ”س ثِيذتّْ، نشّْ أَذْ أَومْ إِنِيغْ، أَقَا إِجّنْ زَّايْومْ ونِّي كِيذِي إِتّتّنْ، أَذْ أَيِي إِغْذَارْ!“
MAR 14:19 بْذَانْ تّشْضِيننْ، نَّانْ أَسْ إِجّنْ أَوَارْنِي ونّغْنِي: ”مَا ذ نشّْ؟“
MAR 14:20 إِنَّا أَسنْ: ”[أَقَا-ث] ذ إِجّنْ زِي ثنْعَاشْ إِ إِسِّيسْننْ أَكِيذِي أَغْرُومْ ذِي طّبْصِي.
MAR 14:21 أَقَا مِّيسْ ن بْنَاذمْ أَذْ إِرَاحْ مَامّشْ ذ أَسْ ثُورَا. مَاشَا ؤُشْثْ خْ ورْيَازْ نِّي زِي غَا إِتّْوَاغْذَارْ مِّيسْ ن بْنَاذمْ. إِحْڒَا أَسْ إِ ورْيَازْ نِّي مْڒِي وَارْ د-إِخْڒِيقْ.“
MAR 14:22 ڒَامِي ثُوغَا تّتّنْ، إِكْسِي يَاسُوع أَغْرُومْ، إِبَاركْ إِ-ث، يَارْژَا إِ-ث ؤُشَا إِوْشَا أَسنْ ث، إِنَّا: ”كْسِيمْ، شّمْ، أَقَا ثَا ذ أَرِّيمثْ إِنُو.“
MAR 14:23 خنِّي إِكْسِي ڒْكَاسْ، إِقَاذَا، إِبَاركْ، ؤُشَا إِوْشَا أَسنْ ث، ؤُ مَارَّا إِذْسنْ سْوِينْ زَّايسْ.
MAR 14:24 إِنَّا أَسنْ: ”أَقَا إِنَا ذ إِذَامّنْ إِنُو ن ڒْعَاهْذْ ن جْذِيذْ إِ غَا إِتّْوَاسِّيزْڒنْ إِ وَاطَّاسْ [ن إِوْذَانْ].
MAR 14:25 س ثِيذتّْ، نشّْ أَذْ أَومْ إِنِيغْ، نشّْ وَارْ سسّغْعمَّارْصْ عَاذْ زِي ڒْغِيدْجثْ ن ثْزَايَارْثْ أَڒْ أَسّْ إِ ذِي إِ ت غَا سْوغْ جْذِيذْ ذِي ثْڭلْذِيثْ ن أَربِّي.“
MAR 14:26 أَوَارْنِي ڒَامِيغنّْجنْ نِيثْنِي إِژْڒِي ن تّسْبِيحْ، فّْغنْ غَارْ وذْرَارْ ن زِّيثُونْ.
MAR 14:27 إِنَّا أَسنْ يَاسُوع: ”أَقَا مَارَّا كنِّيوْ أَذْ ذَايِي ثنْذرْفمْ ذِي دْجِيڒثْ-أَ، مِينْزِي ثُورَا: ’أَقَا أَذْ وْثغْ أَمكْسَاوْ ؤُشَا أَذْ تّْوَازُوزَّارنْ إِحُوڒِييّنْ.‘
MAR 14:28 مَاشَا أَوَارْنِي ڒَامِي تّْوَاسّْنكَّارغْ، أَذْ أَومْ إِزْوَارغْ غَارْ لْجَالِيلْ.“
MAR 14:29 إِنَّا أَسْ بُوطْرُوسْ: ”وَاخَّا أَذْ [ذَايكْ] نْذرْفنْ مَارَّا، نشّْ وَارْ ذَايكْ تّْنذْرِيفغْ شَا.“
MAR 14:30 إِنَّا أَسْ يَاسُوع: ”س ثِيذتّْ، نشّْ أَذْ أَشْ إِنِيغْ، أَقَا أَسّْ-أَ ذِي دْجِيڒثْ-أَ، قْبڒْ إِ غَا إِسّْقُوقعْ ؤُيَاژِيضْ ثْنَاينْ ن ثْوَاڒَاوِينْ، أَذْ أَيِي ثنْكَارذْ ثْڒَاثَا ن ثْوَاڒَاوِينْ.“
MAR 14:31 مَاشَا نتَّا ثُوغَا إِقَّارْ س ثْمِيجَّا إِجهْذنْ عَاذْ أَطَّاسْ: ”مَاڒَا إِتّْخصَّا أَذْ مّْثغْ أَكِيذكْ، وَارْ شكْ نكَّارغْ، [أَ] سِيذِي إِنُو!“ ؤُشَا أَمْ نتَّا، أَمُّو إِ نَّانْ ؤُڒَا ذ نِيثْنِي مَارَّا.
MAR 14:32 ؤُسِينْ-د غَارْ ومْشَانْ ؤُمِي قَّارنْ ’خِيثْسِيمَانِييْ‘. إِنَّا إِ إِمحْضَارنْ نّسْ: ”قِّيممْ ذَا، أَڒَامِي ژُودْجغْ نشّْ“
MAR 14:33 [خنِّي] إِكْسِي أَكِيذسْ بُوطْرُوسْ ذ يَاعْقُوبْ ذ يُوحَانَّا ؤُشَا إِبْذَا إِتّْنخْڒَاعْ، إِڭّْوذْ أَطَّاسْ.
MAR 14:34 إِنَّا أَسنْ: ”أَقَا ڒعْمَارْ إِنُو إِشْضنْ أَڒْ ڒْموْثْ. قِّيممْ ذَا، ثحْضَامْ!“
MAR 14:35 يُويُورْ شْوَايْثْ غَارْ زَّاثْ ؤُشَا إِوْضَا غَارْ ثمُّورْثْ، إِژُّودْجْ حِيمَا، مَاڒَا إِعدّڒْ، أَذْ خَاسْ ثعْذُو ثْسَاعّثْ نِّي.
MAR 14:36 إِنَّا: ”بَابَا، بَابَا إِنُو، كُوڒْشِي ثْزمَّارذْ خَاسْ! كْسِي خَافِي ڒْكَاسْ-أَ، مَاشَا وَارْ إِتِّيڒِي مِينْ خْسغْ نشّْ، مَاشَا مِينْ ثخْسذْ شكْ.“
MAR 14:37 ؤُشَا إِذْوڒْ-د، يُوفَا إِ-ثنْ طّْصنْ. إِنَّا أَسْ إِ بُوطْرُوسْ: ”أَ شِيمْعُونْ، مَا أَقَا شكْ ثتّطّْصذْ؟ مَا وَارْ ثْزمَّارذْ أَذْ ثحْضِيذْ ؤُڒَا ذ إِشْثْ ن ثْسَاعّثْ؟
MAR 14:38 حْضَامْ، ژَتدْجمْ، حِيمَا وَارْ ثتِّيذْفمْ ذڭْ ؤُجَارّبْ. أَرُّوحْ أَقَا إِوْجذْ، مَاشَا دَّاثْ أَقَا ثضْعفْ.“
MAR 14:39 ؤُشَا يُويُورْ عَاوذْ، إِژُّودْجْ، إِعَاوذْ إِ وَاوَاڒنْ نِّي ذ إِجّنْ.
MAR 14:40 إِذْوڒْ-د عَاوذْ، يُوسَا-د [غَارْسنْ] ثْوَاڒَا نّغْنِي يُوفَا إِ-ثنْ طّْصنْ، مَاغَارْ ثُوغَا ثِيطَّاوِينْ نْسنْ ذقْڒنْثْ ؤُ نِيثْنِي وَارْ سِّيننْ مَامّشْ خَاسْ د غَا يَارّنْ.
MAR 14:41 ؤُشَا إِذْوڒْ-د نتَّا غَارْسنْ ثْوَاڒَا وِيسّْ ثْڒَاثَا، إِنَّا أَسنْ: ”طّْصمْ ڒخُّو، ثَاريّْحمْ! أَقَا يُوذسْ-د ؤُنڭَّارْ، ثِيوضْ-د ثْسَاعّثْ. خْزَارمْ، مِّيسْ ن بْنَاذمْ أَذْ إِمّوْشْ ذڭْ إِفَاسّنْ ن إِمذْنَابْ.
MAR 14:42 كَّارمْ، أَذْ نْرَاحْ. خْزَارمْ، أَقَا ذَا ونِّي ذ أَيِي غَا إِسلّْمنْ، أَقَا يُوذسْ-د.“
MAR 14:43 أَمْ ثُوغَا [عَاذْ] إِسَّاوَاڒْ، يُوسَا-د يَاهُوذَا، إِجّنْ زِي ثنْعَاشْ. ثُوغَا أَكِيذسْ إِرْيَازنْ أَطَّاسْ س ڒسْيُوفْ ذ إِعُومَاذْ. ؤُسِينْ-د نِيثْنِي زڭْ إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ ذ إِمْغَارنْ [ن ڒْڭنْسْ].
MAR 14:44 ؤُشَا ونِّي ث إِ غَا إِغْذَارنْ ثُوغَا إِتّڭّْ أَسنْ إِشْثْ ن ڒعْڒَامثْ، إِقَّارْ: ”ونِّي إِ غَا سُّوذْمغْ ذ ونِّي نتَّا. طّْفمْ ث ؤُشَا أَوْيمْ ث-إِ-د.“
MAR 14:45 ذغْيَا يُويُورْ غَارسْ، إِنَّا: ”[أَ] أَمْسڒْمَاذْ إِنُو، [أَ] أَمْسڒْمَاذْ إِنُو!“، ؤُشَا إِسُّوذمْ إِ-ث.
MAR 14:46 سَّارْسنْ خَاسْ إِفَاسّنْ ؤُشَا طّْفنْ ث.
MAR 14:47 إِجّنْ زڭْ إِنِّي ذِينْ إِبدّنْ إِجْبذْ سِّيفْ [نّسْ]، إِوْثَا أَمْسخَّارْ ن أَرَّايْسْ ن إِكهَّاننْ، إِقسّْ أَسْ أَمزُّوغْ.
MAR 14:48 يَارَّا-د يَاسُوع، إِنَّا أَسنْ: ”مَا أَخْمِي خْ يِيجّْ ن ؤُقْطَاطْعِييْ إِ ثفّْغمْ خَافِي س ڒسْيُوفْ ذ إِعُومَاذْ، حِيمَا أَذْ أَيِي ثطّْفمْ؟
MAR 14:49 كُوڒْ أَسّْ ثُوغَا أَيِي أَكِيذْومْ ذِي زَّاوشْثْ ثَامقّْرَانْثْ سّڒْمَاذغْ، وَارْ ذ أَيِي ثطِّيفمْ. مَاشَا مَانْ أَيَا إِمْسَارْ، حِيمَا أَذْ تّْوَاكمّْڒنْثْ ثِيرَا [إِقدّْسنْ].“
MAR 14:50 [خنِّي] جِّينْ ث إِمحْضَارنْ نّسْ ؤُشَا أَروْڒنْ.
MAR 14:51 إِضْفَارْ إِ-ث إِجّْ ن ؤُعزْرِي، ثُوغَا يَارْضْ إِشْثْ ن ثشْضَاضْثْ [نْ ڒقْطنْ وَاهَا] خْ ثْقذِّيثْ نّسْ، ؤُشَا طّْفنْ ث-إِ-د.
MAR 14:52 مَاشَا نتَّا إِجَّا ثَاشْضَاضْثْ ؤُشَا يَارْوڒْ زَّايْسنْ ذ أَعَارْيَانْ.
MAR 14:53 إِوْينْ يَاسُوع غَارْ قَايَافَا، أَرَّايْسْ ن إِكهَّاننْ، ؤُشَا مُوننْ-د غَارسْ مَارَّا إِمقّْرَاننْ ن إِكهَّاننْ ذ إِمْغَارنْ [ن ڒْڭنْسْ] ذ إِمْسڒْمَاذنْ ن إِذْلِيسنْ.
MAR 14:54 ثُوغَا شِيمْعُونْ إِضْفَارْ إِ-ث-إِ-د زِي ڒَاڭّْوَاجْ، غَارْ ذَاخڒْ ن ڒمْرَاحْ ن أَرَّايْسْ ن إِكهَّاننْ، ؤُشَا ثُوغَا إِقِّيمْ جَارْ إِعسَّاسنْ، إِتّْوقَّاحْ إِخفْ نّسْ غَارْ ثْمسِّي.
MAR 14:55 ثُوغَا إِمقّْرَاننْ ن إِكهَّاننْ ذ مَارَّا جْمَاعثْ [ثَامقّْرَانْثْ] أَرزُّونْ شّْهَاذثْ ضِيدّْ إِ يَاسُوع حِيمَا أَذْ ث نْغنْ، مَاشَا وَارْ ت ؤُفِينْ،
MAR 14:56 مِينْزِي أَطَّاسْ ثُوغَا خَاسْ شهّْذنْ س ژُورْ، [مَاشَا] شّْهَاذَاثْ نْسنْ وَارْ تّْمڒْقِينْثْ.
MAR 14:57 [خنِّي] كَّارنْ شَا ؤُشَا شهْذنْ خَاسْ س ژُورْ، نَّانْ:
MAR 14:58 ”نشِّينْ نسْڒَا أَسْ ؤُمِي إِنَّا: ’أَذْ هذْمغْ زَّاوشْثْ ثَامقّْرَانْثْ إِ إِتّْوَاڭّنْ س إِفَاسّنْ ؤُشَا ذِي ثْڒَاثَا ن وُوسَّانْ أَذْ بْنِيغْ إِشْثنْ نّغْنِيثْ إِ وَارْ إِتّْوَاڭّنْ س إِفَاسّنْ.‘ “
MAR 14:59 [مَاشَا] ؤُڒَا أَمُّو وَارْ تّْمڒْقِينْثْ شَا شّْهَاذَاثْ نْسنْ.
MAR 14:60 خنِّي إِكَّارْ أَرَّايْسْ ن إِكهَّاننْ ذِي ڒْوسْطْ [نْسنْ] ؤُشَا إِسّقْسَا يَاسُوع، إِنَّا [أَسْ]: ”مَا وَارْ د-ثَارِّيذْ س شَا؟ مِينْ خَاكْ شهّْذنْ يِينَا؟“
MAR 14:61 مَاشَا نتَّا إِسْقَارْ، وَارْ د-يَارِّي س شَا. إِسّقْسَا ث أَرَّايْسْ ن إِكهَّاننْ عَاوذْ، إِنَّا أَسْ: ”مَا شكْ ذ لْمَاسِيحْ، مِّيسْ ن لْمُوبَاركْ؟“
MAR 14:62 إِنَّا أَسْ يَاسُوع: ”أَقَا ذ نشّْ! ؤُ كنِّيوْ أَذْ ثْژَارمْ مِّيسْ ن بْنَاذمْ إِتّْغِيمَا خْ ؤُفُوسِي ن جّهْذْ، أَذْ د-يَاسْ س إِسيْنُوثنْ ن ؤُجنَّا.“
MAR 14:63 إِشَارّڭْ أَرَّايْسْ ن إِكهَّاننْ ثْشَامِيرْ نّسْ، إِنَّا: ”مَايمِّي نحْذَاجْ عَاذْ ڒشْهُوذْ!
MAR 14:64 أَقَا ثسْڒِيمْ أَشقّفْ [نِّي]! مِينْ د أَومْ إِضْهَارنْ؟“ ؤُشَا مَارَّا حكْمنْ خَاسْ بلِّي إِسْذَاهدْجْ ڒْموْثْ.
MAR 14:65 شَا [زَّايْسنْ] بْذَانْ سُّوسُوفنْ خَاسْ، تّْڒحَّافنْ إِ ؤُغمْبُوبْ نّسْ، شَّاثنْ ث س ڒْپُونِييَّاثْ، قَّارنْ أَسْ: ”نَابّْ!“ ؤُشَا وْثِينْ ث إِعسَّاسنْ خْ ؤُقَابْسِي نّسْ.
MAR 14:66 ڒَامِي ثُوغَا شِيمْعُونْ ذِي ڒمْرَاحْ سْوَادَّايْ، ثُوسَا-د [ذِينْ] إِشْثنْ زِي ثِييَّا ن أَرَّايْسْ ن إِكهَّاننْ.
MAR 14:67 ؤُمِي ث ثژْرَا إِتّْوقَّاحْ، ثخْزَارْ ذَايسْ، ثنَّا: ”أَقَا ثُوغَا شكْ أَكْ-ذ يَاسُوع نَّاصِيرِي.“
MAR 14:68 مَاشَا نتَّا إِنْكَارْ، إِنَّا: ”وَارْ [ث] سِّينغْ، وَارْ فْهِيمغْ مِينْ ثقَّارذْ.“ إِفّغْ بَارَّا غَارْ ثسْقِيفْثْ ن ثوَّارْثْ، ؤُشَا ڒخْذنِّي إِسّْقُوقعْ ؤُيَاژِيضْ.
MAR 14:69 ؤُمِي ث ثژْرَا ثَايَّا إِجّْ ن ؤُمُورْ نّغْنِي، ثبْذَا ثقَّارْ إِ يِينِّي ذِينْ إِبدّنْ: ”أَقَا وَا ذ إِجّنْ زَّايْسنْ!“
MAR 14:70 مَاشَا نتَّا إِنْكَارْ إِ ؤُمُورْ نّغْنِي. شْوَايْثْ خنِّي نَّانْ إِنِّي ثُوغَا ذِينْ إِبدّنْ إِ بُوطْرُوسْ: ”س ثِيذتّْ، شكْ زَّايْسنْ نِيشَانْ، مِينْزِي شكْ عَاوذْ ذ أَجَالِيلِي. ڒْحَارْضْ نّشْ أَمْ ونِّي نْسنْ.“
MAR 14:71 إِبْذَا إِنعّڒْ إِخفْ نّسْ، إِتّْجَّادْجْ: ”وَارْ سِّينغْ بْنَاذمْ-أَ مِيخفْ ثسَّاوَاڒمْ.“
MAR 14:72 ڒخْذنِّي إِسّْقُوقعْ ؤُيَاژِيضْ وِيسّْ مَارْثَاينْ. إِفكَّارْ شِيمْعُونْ ذڭْ وَاوَاڒْ إِ إِنَّا يَاسُوع: ”قْبڒْ إِ غَا إِسّْقُوقعْ ؤُيَاژِيضْ وِيسّْ مَارْثَاينْ، أَذْ أَيِي ثنْكَارذْ ثْڒَاثَا ن ثْوَاڒَاوِينْ.“ خنِّي إِبْذَا إِتّْرُو [أَطَّاسْ].
MAR 15:1 ذغْيَا غَارْ صّْبحْ زِيشْ مْشَاوَارنْ إِمقّْرَاننْ ن إِكهَّاننْ أَكْ-ذ إِمْغَارنْ [ن ڒْڭنْسْ] ذ إِمْسڒْمَاذنْ ن إِذْلِيسنْ ذ مَارَّا جْمَاعثْ [ثَامقّْرَانْثْ]. نِيثْنِي شَارْفنْ يَاسُوع، إِوْينْ ث ؤُشَا سلّْمنْ ث إِ بِيلَاطُوسْ.
MAR 15:2 إِسّقْسَا إِ-ث بِيلَاطُوسْ: ”مَا شكْ ذ أَجدْجِيذْ ن وُوذَاينْ؟“ يَارَّا-د خَاسْ، إِنَّا أَسْ: ”شكْ ثنِّيذْ [ث].“
MAR 15:3 ثُوغَا إِمقّْرَاننْ ن إِكهَّاننْ تّْشثْشَانْ زَّايسْ زڭْ وَاطَّاسْ ن ثْمسْڒَايِينْ.
MAR 15:4 إِسّقْسَا ث بِيلَاطُوسْ عَاوذْ، إِنَّا أَسْ: ”مَا وَارْ د-ثتَّارِيذْ س شَا؟ خْزَارْ، أَطَّاسْ ن يِينِّي خَاكْ إِتّْشثْشَانْ!“
MAR 15:5 وَارْ د-يَارِّي يَاسُوع س وَالُو، أَڒَامِي إِثبْهثْ بِيلَاطُوسْ.
MAR 15:6 إِنُّومْ إِضدْجقْ إِ إِجّْ ن ؤُمحْبُوسْ ذِي كُوڒْ ڒْعِيذْ، ونِّي إِخْسنْ نِيثْنِي.
MAR 15:7 ثُوغَا ذِينْ إِجّنْ ؤُمِي قَّارنْ بَارْ-أَبَّاسْ، حبّْسنْ ث أَكْ-ذ إِمْغوّْغنْ، إِنِّي إِنْغِينْ إِجّنْ ذڭْ ؤُغوّغْ.
MAR 15:8 إِسْغُويّْ ڒْغَاشِي ؤُشَا نِيثْنِي بْذَانْ تّتَّارّنْ زَّايسْ حِيمَا أَذْ إِڭّْ أَمْ مَامّشْ ثُوغَا إِنُّومْ إِتّڭّْ إِ نِيثْنِي.
MAR 15:9 يَارَّا-د بِيلَاطُوسْ، إِنَّا: ”مَا ثخْسمْ أَذْ أَومْ د-أَرْخُوغْ إِ ؤُجدْجِيذْ ن وُوذَاينْ؟“
MAR 15:10 مِينْزِي ثُوغَا إِسّنْ بلِّي إِمقّْرَاننْ ن إِكهَّاننْ أَقَا سلّْمنْ ث زِي ڒحْسذْ.
MAR 15:11 مَاشَا إِمقّْرَاننْ ن إِكهَّاننْ عَارْننْ ڒْغَاشِي، مَاحنْذْ [أَذْ تَّارنْ] أَذْ أَسنْ د-إِضْڒقْ إِ بَارْ-أَبَّاسْ.
MAR 15:12 بِيلَاطُوسْ إِنَّا أَسنْ: ”مِينْ ثخْسمْ أَذْ ڭّغْ س ونِّي ؤُمِي ثتّْڒَاغَامْ أَجدْجِيذْ ن وُوذَاينْ؟“
MAR 15:13 سْغُويّنْ عَاوذْ: ”صلّْبْ إِ-ث!“
MAR 15:14 إِنَّا أَسنْ بِيلَاطُوسْ: ”مَانْ ثُوعفّْنَا إِ إِڭَّا؟“ خنِّي أَرْنِينْ ذِي ثْغُويِّيثْ عَاذْ كْثَارْ: ”صلّْبْ إِ-ث!“
MAR 15:15 أَمْ ثُوغَا إِخْسْ بِيلَاطُوسْ أَذْ إِسَّارْضَا ڒْغَاشِي، إِضْڒقْ إِ بَارْ-أَبَّاسْ، [مَاشَا] إِسلّمْ أَسنْ يَاسُوع، أَوَارْنِي ڒَامِي ث هتّْكنْ س ؤُركُّوضْ، حِيمَا أَذْ ث صلّْبنْ.
MAR 15:16 ڭوّْذنْ ث إِعسْكَارِييّنْ غَارْ ذَاخڒْ ن ڒمْرَاحْ ن ثَادَّارْثْ ن شّْرَاعْ، [ؤُمِي قَّارنْ ’بْرِيثُورِييُومْ‘،] ؤُشَا سّْمُوننْ مَارَّا ڒْكُومْبَانِييّثْ ن ڒْعسْكَارْ.
MAR 15:17 سّْيَارْضنْ أَسْ [إِجّْ ن ورُّوضْ] ذ أَزڭّْوَاغْ، مُوذنْ أَسْ إِجّْ ن تَّاجْ س إِسنَّاننْ ؤُشَا قّْننْ أَسْ-ث،
MAR 15:18 بْذَانْ تّْسدْجَامنْ خَاسْ، قَّارنْ أَسْ: ”أَزُولْ خَاكْ، أَ أَجدْجِيذْ ن وُوذَاينْ!“
MAR 15:19 ثُوغَا شَّاثنْ ث غَارْ ؤُزدْجِيفْ س يِيجّْ ن وعْمُوذْ ن ؤُغَانِيمْ، سُّوسُوفنْ خَاسْ ؤُشَا ؤُضَارنْ خْ إِفَادّنْ نْسنْ،عبْذنْ ث.
MAR 15:20 أَوَارْنِي ڒَامِي ث سّحْقَارنْ، كّْسنْ أَسْ أَسڒْهَامْ أَزڭّْوَاغْ ؤُشَا سّْيَارْضنْ أَسْ أَرُّوضْ نّسْ، خنِّي سُّوفّْغنْ ث حِيمَا أَذْ ث صلّْبنْ.
MAR 15:21 حْصَارنْ إِجّنْ ونِّي د-إِكِّينْ سّنِّي أَمْ د-يُوسَا زڭْ إِيَّارْ، شِيمْعُونْ زِي قَايْرَاوَانْ، بَابَاسْ ن أَلِيكْسَانْذِيرْ ذ رُوفُوسْ، حِيمَا أَذْ أَسْ يَارْبُو صَّالِيبْ.
MAR 15:22 إِوْينْ [يشُّو] غَارْ ومْشَانْ [ؤُمِي قَّارنْ] ’جُولْجُوثَا‘، مِينْ إِخْسْ أَذْ يِينِي ’ثَاشقُّوفْثْ‘.
MAR 15:23 وْشِينْ أَسْ بِينُو إِخدْجْضنْ س مِيرُّو [ذ أَمَارْزَاڭْ]، حِيمَا أَذْ ث إِسُووْ، مَاشَا نتَّا وَارْ إِخْسْ أَذْ ث إِسُووْ.
MAR 15:24 ؤُمِي ث صلّْبنْ، بْضَانْ أَرُّوضْ نّسْ، ڭِّينْ خَاسْ أَكشُّوضْ خْ مِينْ غَا إِكْسِي كُوڒْ إِجّْ [زَّايْسنْ].
MAR 15:25 ثُوغَا ثَاسَاعّثْ ذ ثْڒَاثَا، [أَقَا-ت ذ ثسْعَا ن صّْبحْ]، ؤُمِي ث صلّْبنْ.
MAR 15:26 سِّيبّثْ نْ ڒْموْثْ نّسْ أَقَا-ت ذِي ثِيرَا-يَا [سنّجْ نّسْ]: ’وَا ذ أَجدْجِيذْ ن وُوذَاينْ‘.
MAR 15:27 صلّْبنْ أَكِيذسْ ثْنَاينْ ن إِخوَّاننْ، إِجّنْ خْ ؤُفُوسِي نّسْ، ونّغْنِي خْ ؤُزڒْمَاضْ نّسْ.
MAR 15:28 أَمُّو إِ تّْوَاكمّْڒنْثْ ثِيرَا [إِقدّْسنْ] إِ إِقَّارنْ: ”إِتّْوَاحْسبْ أَكْ-ذ إِنِّي وَارْ إِسڭّْذنْ.“
MAR 15:29 إِنِّي سّنِّي د-إِتّكّنْ، ثُوغَا تّْشقَّافنْ ذَايسْ، تّْهزَّانْ إِزدْجِيفنْ نْسنْ، نَّانْ: ”أَ شكْ ونِّي إِ غَا إِهذْمنْ زَّاوشْثْ ثَامقّْرَانْثْ ؤُشَا أَذْ ت ثبْنِيذْ [عَاوذْ] ذِي ثْڒَاثَا ن وُوسَّانْ،
MAR 15:30 سنْجمْ إِخفْ نّشْ، هْوَا-د زِي صَّالِيبْ!“
MAR 15:31 أَمُّو إِ ث سّحْقَارنْ عَاوذْ إِمقّْرَاننْ ن إِكهَّاننْ أَكْ-ذ إِمْسڒْمَاذنْ ن إِذْلِيسنْ، نَّانْ: ”ثُوغَا إِسّنْجمْ إِنّغْنِي، مَاشَا وَارْ إِزمَّارْ أَذْ إِسّنْجمْ إِخفْ نّسْ.
MAR 15:32 أجّْ لْمَاسِيحْ، أَجدْجِيذْ ن إِسْرَائِيل، أَذْ د-إِهْوَا ڒخُّو زِي صَّالِيبْ، حِيمَا أَذْ نْژَارْ ؤُشَا أَذْ ذَايسْ نَامنْ.“ ؤُڒَا ذ يِينِّي إِتّْوَاصلّْبنْ أَكِيذسْ، كّْوَارنْ ث.
MAR 15:33 ؤُمِي د-ثِيوضْ ثْسَاعّثْ ستَّا، [أَقَا-ت ذ ضّْهُورْ]، ثوْضَا-د ثَادْجسْثْ خْ ثمُّورْثْ مَارَّا أَڒْ ثسْعَا، [أَقَا-ت ذ ثْڒَاثَا ن ؤُعشِّي].
MAR 15:34 ذِي ثْسَاعّثْ ثسْعَا إِسْغُويْ يَاسُوع س ثْمِيجَّا ثجْهذْ، إِنَّا: ”إِلْ، إِلْ، لْمَانَا شَابَاقْثَانِي؟“، مِينْ إِخْسْ أَذْ يِينِي: ”[أَ] أَربِّي إِنُو، [أَ] أَربِّي إِنُو، مَايمِّي ذَايِي ثْسمْحذْ؟“
MAR 15:35 شَا زڭْ إِنِّي [ذِينْ] إِبدّنْ، ؤُمِي سْڒِينْ أَيَا، نَّانْ: ”أَقَا نتَّا إِڒَاغَا إِ إِلِييَا!“
MAR 15:36 يُوزّڒْ-د غَارسْ إِجّنْ، إِسُّوفّْ إِشْثْ ن سْپُونْخَا س ڒْخدْجْ، إِڭَّا إِ-ت خْ ؤُغَانِيمْ، إِوْشَا أَسْ حِيمَا أَذْ إِسُووْ. مَاشَا نِيثْنِي نَّانْ: ”رَاجَا! أجّْ أَنغْ أَذْ نْژَارْ مَا أَذْ د-يَاسْ إِلِييَا حِيمَا أَذْ ث-إِ-د-إِسّهْوَا.“
MAR 15:37 [خنِّي] إِسْغُويْ يَاسُوع س إِشْثْ ن ثْمِيجَّا ثجْهذْ ؤُشَا إِسلّمْ [أَرُّوحْ نّسْ].
MAR 15:38 أَڒحَّافْ ن وَاذَافْ غَارْ زَّاوشْثْ ثَامقّْرَانْثْ إِتّْوَاشَارّڭْ خْ ثْنَاينْ زِي سنّجْ غَارْ سْوَادَّايْ.
MAR 15:39 ؤُمِي إِژْرَا ڒْقبْطَانْ ن مْيَا إِ [ذِينْ] إِبدّنْ زَّاثسْ، إِسْغُويُّو أَمُّو س جّهْذْ ؤُشَا [خنِّي] إِبدّْ ؤُسُوفّغْ ن نّفْسْ، إِنَّا: ”س ثِيذتّْ ثُوغَا بْنَاذمْ-أَ ذ مِّيسْ ن أَربِّي!“
MAR 15:40 ثُوغَا ذِينْ عَاوذْ ثِيمْغَارِينْ خزَّارنْثْ إِ-د زِي ڒَاڭّْوَاجْ، جَارْ أَسنْثْ عَاوذْ مَارْيَامْ ن مَاجْذَالَا ذ مَارْيَامْ، يمَّاسْ ن يَاعْقُوبْ، أَمَاژُوژْ، ؤُ ن يُوسِيسْ، ذ سَالُومِي.
MAR 15:41 ثِينِّي ث-إِ-د-إِضْفَارنْ، سخَّارنْثْ خَاسْ ؤُمِي ث ثُوغَا ذِي لْجَالِيلْ. ثُوغَا ذِينْ ؤُڒَا ذ أَطَّاسْ ن ثِيمْغَارِينْ نّغْنِيثْ ثِينِّي ثُوغَا أَكِيذسْ إِ د-إِڭعّْذنْ غَارْ ؤُرْشَالِيمْ.
MAR 15:42 ڒَامِي د-ثِيوضْ ثْمذِّيثْ ن ؤُسوْجذْ، [ثَامذِّيثْ] نِّي إِدْجَانْ قْبڒْ إِ سّبْثْ،
MAR 15:43 يُوسَا-د يُوسُوفْ زِي رَامْثَا، إِجّْ ن ؤُمْشَاوَارْ إِشنّْعنْ ن جْمَاعثْ [ثَامقّْرَانْثْ]، ونِّي ثُوغَا إِتّْرَاجَانْ ثَاڭلْذِيثْ ن أَربِّي. ؤُشَا نتَّا إِزْعمْ أَذْ يَاذفْ غَارْ بِيلَاطُوسْ مَاحنْذْ أَذْ أَسْ إِتَّارْ أَرِّيمثْ ن يَاسُوع.
MAR 15:44 إِثبْهثْ بِيلَاطُوسْ ؤُمِي إِمُّوثْ أَمُّو ذغْيَا. إِڒَاغَا-د إِ ڒْقبْطَانْ ن مْيَا، إِسّقْسَا ث، مَا إِمُّوثْ قْبڒْ ڒْوقْثْ.
MAR 15:45 ؤُمِي إِفْهمْ مَانْ أَيَا [زِي ڒْقبْطَانْ ن مْيَا]، إِوْشَا أَرِّيمثْ إِ يُوسُوفْ.
MAR 15:46 إِسْغَا يُوسُوفْ ڒشْفنْ ن ڒقْطنْ [أَزْذَاذْ]، إِكْسِي ث [زِي صَّالِيبْ]، إِشْفنْ إِ-ث [ذِي ڒشْفنْ نِّي]، إِسَّارْسْ إِ-ث ذڭْ ونْضڒْ إِ خبْشنْ ذِي سّدْجَاحْ ؤُشَا إِسّقْنُونِّي إِشْثْ ن ثصْضَارْثْ خْ ثوَّارْثْ ن ونْضڒْ.
MAR 15:47 ثُوغَا مَارْيَامْ ن مَاجْذَالَا ذ مَارْيَامْ، يمَّاسْ ن يُوسِي، ژْرِينْثْ مَانِي ث سَّارْسنْ.
MAR 16:1 ؤُمِي إِعْذُو سّبْثْ، ثسْغَا مَارْيَامْ ن مَاجْذَالَا ذ مَارْيَامْ، [يمَّاسْ] ن يَاعْقُوبْ، ذ سَالُومِي ڒعْطُورْ حِيمَا أَذْ ث ذهْننْثْ.
MAR 16:2 غَارْ صّْبحْ زِيشْ ذڭْ [وَاسّْ] أَمزْوَارْ ن سِّيمَانَا إِوْضنْثْ-إِ-د غَارْ ونْضڒْ، أَڒَامِي د-ثنْقَارْ ثْفُوشْثْ.
MAR 16:3 نَّانْثْ جَارْ أَسنْثْ: ”وِي ذ أَنغْ إِ غَا إِسّقْنُونّْينْ ثَاصْضَارْثْ نِّي إِدْجَانْ خْ وَاذَافْ ن ونْضڒْ؟“
MAR 16:4 ڒَامِي خْزَارنْثْ، ژْرِينْثْ أَقَا ثَاصْضَارْثْ ثتّْوَاسّقْنُونِّي [زڭْ ونْضڒْ]، وَاخَّا ثُوغَا ثمْغَارْ أَطَّاسْ.
MAR 16:5 ڒَامِي ؤُذْفنْثْ غَارْ [يِيفْڒِي ن] ونْضڒْ، ژْرِينْثْ إِجّْ ن ؤُبْڒِيغْ إِقِّيمْ غَارْ ؤُغزْذِيسْ أَفُوسِي، يَارْضْ أَرُّوضْ ذ أَشمْڒَاڒْ، ؤُشَا نِيثنْثِي نّْخڒْعنْثْ.
MAR 16:6 [مَاشَا] نتَّا إِنَّا أَسنْثْ: ”وَارْ تّْنخْڒِيعنْثْ شَا! كنِّينْثْ ثَارزُّونْثْ خْ يَاسُوع نَّاصِيرِي ونِّي إِتّْوَاصلّْبنْ. أَقَا نتَّا إِكَّارْ، وَارْ ذَا إِدْجِي، خْزَارنْثْ، أَقَا أَمْشَانْ مَانِي ث سَّارْسنْ.
MAR 16:7 مَاشَا رُوحنْثْ، إِنِينْثْ إِ إِمحْضَارنْ نّسْ ؤُڒَا إِ بُوطْرُوسْ، أَقَا أَذْ أَومْ إِزْوَارْ غَارْ لْجَالِيلْ. ذِينِّي أَذْ ث ثْژَارمْ أَمْ مَامّشْ ثُوغَا إِ ذ أَومْ إِنَّا.“
MAR 16:8 فّْغنْثْ [ذغْيَا] ؤُشَا أَروْڒنْثْ زڭْ ونْضڒْ، مِينْزِي ثْقبْسْ إِ-ثنْثْ ثَارْجِيجِيثْ ذ دّهْشَانْ، ؤُشَا وَارْ ث نِّينْثْ إِ حذْ، مِينْزِي ثُوغَا ڭّْوذنْثْ.
MAR 16:9 غَارْ صّْبحْ زِيشْ ذڭْ [وَاسّْ] أَمزْوَارْ ن سِّيمَانَا إِكَّارْ-د ؤُشَا إِضْهَارْ-د ذ أَمزْوَارُو إِ مَارْيَامْ ن مَاجْذَالَا، ثنِّي زِي ثُوغَا إِسُّوفّغْ سبْعَا ن شّْوَاطنْ.
MAR 16:10 ثَانِيثَا ثْرُوحْ ؤُشَا ثْخبَّارْ أَيَا إِ يِينِّي ثُوغَا أَكِيذسْ إِدْجَانْ، إِنِّي ثُوغَا إِشضْننْ ؤُ تّْرُونْ.
MAR 16:11 ڒَامِي إِنَا سْڒِينْ بلِّي نتَّا أَقَا إِدَّارْ ؤُشَا إِبَانْ أَسنْثْ، وَارْ زَّايْسنْثْ ؤُمِيننْ.
MAR 16:12 أَوَارْنِي أَيَا إِبَانْ-د س يِيجّْ ن وَادُّوذْ نّغْنِي إِ ثْنَاينْ زَّايْسنْ، ؤُمِي ثُوغَا ڭُّورنْ نِيثْنِي غَارْ إِجّْ ن ذْشَارْ.
MAR 16:13 ؤُڒَا ذ إِنَا رُوحنْ عَاوذْ ؤُشَا خبَّارنْ إِنّغْنِي، مَاشَا وَارْ ؤُمِيننْ ؤُڒَا ذ إِنَا.
MAR 16:14 غَارْ ؤُنڭَّارْ إِبَانْ-د إِ حِيطَاشْ أَڒَامِي ثُوغَا قِّيمنْ [غَارْ طَّابْڒَا] ؤُشَا إِعَايَارْ إِ-ثنْ زِي سِّيبّثْ ن ثِيكّسْثْ ن لْ-إِيمَانْ نْسنْ ؤُ زِي سِّيبّثْ ن ڒقْسَاحثْ ن وُوڒَاونْ نْسنْ، مِينْزِي وَارْ ؤُمِيننْ زڭْ إِنِّي ث إِژْرِينْ أَوَارْنِي ڒَامِي د-إِتّْوَاسّْنكَّارْ نتَّا.
MAR 16:15 إِنَّا أَسنْ: ”رُوحمْ غَارْ دُّونشْثْ مَارَّا، بَارّْحمْ س ڒخْبَارْ أَصبْحَانْ ذِي مَارَّا مِينْ د-إِتّْوَاخڒْقنْ.
MAR 16:16 ونِّي يُومِيننْ ؤُ إِتّْوَاسّغْضصْ، أَقَا إِدَّارْ، مَاشَا ونِّي وَارْ يُومِيننْ، أَقَا إِتّْوَاحَاسبْ.
MAR 16:17 ثِينَا ذ ڒعْڒَامَاثْ إِ غَا إِضْفَارنْ إِنِّي يُومِيننْ: أَقَا نِيثْنِي أَذْ سُّوفّْغنْ شّْوَاطنْ س يِيسمْ إِنُو، أَذْ سِّيوْڒنْ س إِڒْسَاونْ ن جْذِيذْ،
MAR 16:18 أَذْ كْسِينْ إِفِيغْرَانْ س إِفَاسّنْ نْسنْ ؤُ مَاڒَا سْوِينْ مِينْ إِنقّنْ، وَارْ ثنْ إِضَّارِّي شَا مَانْ أَيَا، ؤُشَا أَذْ سَّارْسنْ إِفَاسّنْ نْسنْ خْ إِمهْڒَاشْ، أَذْ ڭّنْفَانْ.“
MAR 16:19 أَوَارْنِي ڒَامِي كِيذْسنْ إِسِّيوڒْ، إِمّكْسِي سِيذِيثْنغْ يَاسُوع غَارْ ؤُجنَّا ؤُشَا إِسّْغِيمْ إِخفْ نّسْ خْ ؤُفُوسِي ن أَربِّي.
MAR 16:20 مَاشَا نِيثْنِي فّْغنْ ؤُشَا بَارّْحنْ ذِي كُوڒْ أَمْشَانْ، ؤُ سِيذِيثْنغْ ثُوغَا إِعَاونْ إِ-ثنْ ؤُشَا إِسَّارْسْ ڒْخطْ نّسْ خْ وَاوَاڒنْ نْسنْ س ڒعْڒَامَاثْ إِ يڭِّينْ. أَمِينْ. أَنڭَّارْ ن لْ-إِنْجِيلْ إِقدّْسنْ أَمْ مَامّشْ ث إِبَارّحْ مَارْكُوسْ.
LUK 1:1 ؤُمِي أَطَّاسْ إِذْسنْ ثُوغَا نْوَانْ أَذْ أَرِينْ إِمزْرُوينْ خْ ثْمسْڒَايِينْ إِ زِي نتّْوَاسّقْنعْ
LUK 1:2 - أَمْ مَامّشْ ثنْثْ إِ ذ أَنغْ خبَّارنْ نِيثْنِي، إِنِّي إِژْرِينْ أَوَاڒْ زڭْ ؤُمزْوَارُو ؤُ ثُوغَا أَثنْ ذ إِمْسخَّارنْ نّسْ -
LUK 1:3 إِبَانْ أَيِي-د ؤُڒَا إِ نشّْ، مِينْزِي ضْفَارغْ مَارَّا ثِيمسْڒَايِينْ مْلِيحْ زڭْ ؤُمزْوَارُو، حِيمَا أَذْ أَشْ د-أَرِيغْ كُوڒْشِي س ؤُستّفْ، [أَ] ثِييُوفِيلِيسْ إِعِيزّنْ،
LUK 1:4 حِيمَا أَذْ ثسّْنذْ [مْلِيحْ] ثِيذتّْ ن وَاوَاڒنْ نِّي زِي ثتّْوَاسّْڒمْذذْ.
LUK 1:5 ثُوغَا ذِينْ ذڭْ وُوسَّانْ ن هِيرُوذُوسْ، أَجدْجِيذْ ن يَاهُوذِييَّا، إِجّْ ن ؤُكهَّانْ، قَّارنْ أَسْ زَاكَارِييَّا. نتَّا زِي ثرْبِيعْثْ [ن إِكهَّاننْ] ن ثَادَّارْثْ ن أَبِييَا ؤُشَا ثَامْغَارْثْ نّسْ ثُوغَا-ت زِي ثَارَّاوْثْ ن هَارُونْ، قَّارنْ أَسْ إِلِيصَابِيثْ.
LUK 1:6 ثُوغَا س ثْنَاينْ إِذْسنْ ذ إِمْسڭَّاذنْ غَارْ أَربِّي، ضْفَارنْ مَارَّا ثِيوصَّا ؤُ ؤُيُورنْ [ذِي ڒَاثَارَاثْ ن] ثْسڭْذَا ن سِيذِي بْڒَا ڒْعِيبْ.
LUK 1:7 وَارْ ثُوغِي غَارْسنْ بُو ؤُحنْجِيرْ مِينْزِي إِلِيصَابِيثْ ثُوغَا وَارْ د-ثتِّيرُووْ شَا ؤُ ثُوغَا س ثْنَاينْ إِذْسنْ مْغَارنْ ذڭْ وُوسَّانْ.
LUK 1:8 أَقَا إِمْسَارْ، ڒَامِي ثُوغَا [زَاكَارِييَّا] إِتّڭّْ ڒْخذْمثْ ن ؤُكهَّانْ قِيبَاتْشْ إِ أَربِّي خْ نُّوبثْ ن ثرْبِيعْثْ نّسْ [ن إِكهَّاننْ]،
LUK 1:9 أَقَا يُوسَا-د ذَايسْ ؤُكشُّوضْ عْلَاحْسَابْ لْقَاعِيذَا ن ثُوكهَّانْثْ، حِيمَا أَذْ إِقدّمْ ثَاوْهِيبْثْ ن ڒبْخُورْ، ؤُشَا يُوذفْ نتَّا غَارْ زَّاوشْثْ ثَامقّْرَانْثْ ن سِيذِي.
LUK 1:10 ثُوغَا قَاعْ أَبَارُّو ن ڒْڭنْسْ إِتّْژَادْجْ بَارَّا ذِي ثْسَاعّثْ ن ثوْهِيبْثْ ن ڒبْخُورْ.
LUK 1:11 [ڒخْذنِّي] إِضْحَارْ أَسْ-د لْمَالَاكْ ن سِيذِي إِ زَاكَارِييَّا نِّي ثُوغَا إِبدّنْ خْ ؤُفُوسِي ن ؤُعَالْطَارْ ن ڒبْخُورْ.
LUK 1:12 ؤُمِي ث إِژْرَا زَاكَارِييَّا، إِنّخْڒعْ ؤُشَا إِڭّْوذْ.
LUK 1:13 إِنَّا أَسْ لْمَالَاكْ: ”وَارْ تّڭّْوذْ شَا، [أَ] زَاكَارِييَّا، مِينْزِي ثتّْوَاقْبڒْ ثْژَادْجِيثْ نّشْ. أَقَا إِلِيصَابِيثْ، ثَامطُّوثْ نّشْ، أَذْ أَشْ د-ثَارُووْ أَحنْجِيرْ، أَذْ ث ثْسمِّيذْ يُوحَانَّا.
LUK 1:14 أَذْ ثْفَارْحذْ ؤُ أَذْ ثسْڒِيوْڒوذْ ؤُشَا أَطَّاسْ ن إِوْذَانْ أَذْ فَارْحنْ إِ وخْڒَاقْ نّسْ،
LUK 1:15 مِينْزِي أَذْ يِيڒِي ذ أَمقّْرَانْ غَارْ سِيذِي، وَارْ إِسسّْ بِينُو ؤُڒَا ذ شّْرَابْ. أَذْ إِتّْوَاشُّورْ س أَرُّوحْ إِقدّْسنْ ذڭْ ؤُعذِّيسْ ن يمَّاسْ،
LUK 1:16 ؤُشَا أَذْ د-يَارّْ أَطَّاسْ ن إِحنْجِيرنْ ن إِسْرَائِيل غَارْ سِيذِي، أَربِّي نْسنْ.
LUK 1:17 نتَّا أَذْ يُويُورْ زَّاثسْ س أَرُّوحْ ذ جّهْذْ ن ؤُنَابِي إِلِييَا، حِيمَا أَذْ د-يَارّْ ؤُڒَاونْ ن إِبَابَاثنْ غَارْ ثَارَّاوْثْ نْسنْ ؤُ إِنِّي وَارْ يُومِيننْ غَارْ ثُوسّْنَا ن ؤُمْسڭّذْ، حِيمَا أَذْ إِسّوْجذْ إِجّْ ن ڒْڭنْسْ إِكْمڒْ إِ سِيذِي.“
LUK 1:18 يَارَّا-د زَاكَارِييَّا خْ لْمَالَاكْ: ”مَامّشْ إِ غَا ڭّغْ أَذْ فهْمغْ أَيَا، مِينْزِي نشّْ ذ أَوسَّارْ ؤُڒَا ذ ثَامْغَارْثْ إِنُو ثمْغَارْ أَطَّاسْ!“
LUK 1:19 يَارَّا-د لْمَالَاكْ، إِنَّا أَسْ: ”نشّْ ذ جِيبْرِيلْ، ونِّي إِبدّنْ زَّاثْ إِ أَربِّي، تّْوَاسّكّغْ-د حِيمَا أَذْ كِيكْ سِّيوْڒغْ، أَذْ شكْ خبَّارغْ ڒخْبَارْ-أَ وَانِيثَا أَصبْحَانْ.
LUK 1:20 زِي ڒخُّو أَذْ ثڭْنُوذْ ؤُ وَارْ ثْزمَّارذْ أَذْ ثسِّيوْڒذْ أَڒْ أَسّْ مِينْ ذِي إِ غَا إِمْسَارْ ؤُيَا، مِينْزِي وَارْ ثُومِينذْ شَا س وَاوَاڒنْ إِنُو نِّي إِ غَا إِتّْوَاكمّْڒنْ ذِي ڒْوقْثْ نْسنْ.“
LUK 1:21 ثُوغَا ڒْڭنْسْ [ذِي بَارَّا] إِتّْرَاجَا زَاكَارِييَّا ؤُشَا [إِوْذَانْ] تّْبهْثنْ ؤُمِي إِعطَّاڒْ ذَاخڒْ ذِي زَّاوشْثْ ثَامقّْرَانْثْ.
LUK 1:22 ؤُمِي د-إِفّغْ زَاكَارِييَّا، ثُوغَا وَارْ إِزمَّارْ أَذْ كِيسنْ إِسِّيوڒْ. خنِّي فهْمنْ بلِّي إِبَانْ أَسْ-د شَا ن ڒوْحِييْ ذِي زَّاوشْثْ ثَامقّْرَانْثْ. ثُوغَا إِتّْشيَّارْ أَسنْ، [مَاشَا] إِقِّيمْ إِڭْنُو.
LUK 1:23 ؤُمِي كمّْڒنْ وُوسَّانْ ن ڒْخذْمثْ [ن ثُوكهَّانْثْ] نّسْ، إِعْقبْ-د غَارْ ثَادَّارْثْ نّسْ.
LUK 1:24 أَوَارْنِي ؤُسَّانْ نِّي ثكْسِي ثَامْغَارْثْ نّسْ إِلِيصَابِيثْ س دّيْسثْ. ثفَّارْ إِخفْ نّسْ خمْسَا ن إِيُورنْ، ؤُشَا ثبْذَا ثقَّارْ:
LUK 1:25 ”أَمُّو إِ زَّايِي إِڭَّا سِيذِي ذڭْ وُوسَّانْ نِّي ؤُمِي غَارِي د-إِخْزَارْ، حِيمَا أَذْ خَافِي إِكّسْ أَسحْقَارْ ن إِوْذَانْ.“
LUK 1:26 ذڭْ ؤُيُورْ وِيسّْ ستَّا إِسّكّْ-د أَربِّي لْمَالَاكْ جِيبْرِيلْ غَارْ إِشْثْ ن ثنْذِينْثْ ذِي لْجَالِيلْ، قَّارنْ أَسْ نَّاصِيرَا،
LUK 1:27 غَارْ إِشْثْ ن ثعْزَارشْثْ ذ ثَانخْضَابْثْ غَارْ ورْيَازْ زِي ثَادَّارْثْ ن [ؤُجدْجِيذْ] ذَاوُوذْ، قَّارنْ أَسْ يُوسُوفْ. ثُوغَا إِسمْ ن ثعْزَارشْثْ نِّي مَارْيَامْ.
LUK 1:28 يُوذفْ-د غَارسْ لْمَالَاكْ، إِنَّا أَسْ: ”سْڒَامْ خَامْ، [أَ] ثَامِيمُونْثْ! سِيذِيثْنغْ أَكِيذمْ! شمْ أَقَا ثتّْوَابَارْكذْ جَارْ ثمْغَارِينْ!“
LUK 1:29 ؤُمِي ث ثژْرَا، ثنّخْڒعْ زڭْ وَاوَاڒْ نّسْ ؤُشَا ثْخَارّصْ مِينْ إِخْسْ أَذْ يِينِي سْڒَامْ-أَ.
LUK 1:30 إِنَّا أَسْ لْمَالَاكْ: ”وَارْ تّڭّْوذْ شَا، [أَ] مَارْيَامْ، مِينْزِي ثُوفِيذْ أَرْضَا غَارْ أَربِّي.
LUK 1:31 أَذْ ثكْسِيذْ دّيْسثْ ؤُشَا أَذْ ثَارْوذْ أَحنْجِيرْ، أَذْ ث ثْسمِّيذْ ’يشُّو‘.
LUK 1:32 وَانِيثَا أَذْ يِيڒِي ذ أَمقّْرَانْ، أَذْ خَاسْ تّْڒَاغَانْ مِّيسْ ن ؤُمْعُودْجِي خْ كُوڒْشِي، ؤُ أَذْ أَسْ إِوْشْ سِيذِي أَربِّي ڒْعَارْشْ ن جذِّيسْ ذَاوُوذْ.
LUK 1:33 نتَّا أَذْ إِحْكمْ خْ ثَادَّارْثْ ن يَاعْقُوبْ إِ ڒبْذَا، وَارْ إِتِّيڒِي ؤُنڭَّارْ إِ ثْڭلْذِيثْ نّسْ.“
LUK 1:34 ثنَّا مَارْيَامْ إِ لْمَالَاكْ: ”مَامّشْ إِ غَا يِيڒِي ؤُيَا أَمْ وَارْ مْڒِيشغْ شَا أَكْ-ذ ورْيَازْ؟“
LUK 1:35 يَارَّا-د لْمَالَاكْ، إِنَّا أَسْ: ”أَرُّوحْ إِقدّْسنْ أَذْ د-يَاسْ ؤُشَا جّهْذْ ن ؤُمْعُودْجِي خْ كُوڒْشِي أَذْ خَامْ يَارْسَا. س ؤُينِّي أَذْ يِيڒِي ونِّي إِ د غَا إِخڒْقنْ زَّايمْ ذ أَمْقدَّاسْ ؤُ أَذْ ث سمَّانْ مِّيسْ ن أَربِّي.
LUK 1:36 خْزَارْ، إِلِيصَابِيثْ، ڒَادْجْ نّمْ، نتَّاثْ عَاوذْ أَقَا-ت س دّيْسثْ ذِي ثوْسَارْ نّسْ. أَقَا ذ أَيُورْ وِيسّْ ستَّا إِ نتَّاثْ ؤُمِي قَّارنْ ’وَارْ ثتِّيرُووْ!‘
LUK 1:37 مِينْزِي وَارْ ذِينْ مِينْ يوْعَارنْ إِ أَربِّي.“
LUK 1:38 ثنَّا مَارْيَامْ: ”خْزَارْ، نشّْ ذ ثَايَّا ن سِيذِي، أَذْ أَيِي إِمْسَارْ عْلَاحْسَابْ أَوَاڒْ نّشْ.“ [خَاسْ ؤُشَا] يُويُورْ خَاسْ لْمَالَاكْ.
LUK 1:39 ذڭْ وُوسَّانْ نِّي ثكَّارْ مَارْيَامْ، ثْرُوحْ ذغْيَا غَارْ إِذُورَارْ، غَارْ إِشْثْ ن ثنْذِينْثْ ن يَاهُوذِييَّا.
LUK 1:40 ثُوذفْ غَارْ ثَادَّارْثْ ن زَاكَارِييَّا، ثْسدْجمْ خْ إِلِيصَابِيثْ.
LUK 1:41 ؤُمِي ثسْڒَا إِلِيصَابِيثْ إِ سْڒَامْ ن مَارْيَامْ، إِمْسَارْ أَقَا إِنْهزّْ ؤُسيْمِي ذڭْ ؤُعذِّيسْ نّسْ، ؤُشَا ثذْوڒْ إِلِيصَابِيثْ ثشُّورْ س أَرُّوحْ إِقدّْسنْ.
LUK 1:42 نتَّاثْ ثسْغُويْ س جّهْذْ، ثنَّا إِ مَارْيَامْ: ”شمْ أَقَا ثتّْوَابَارْكذْ جَارْ ثمْغَارِينْ، ثتّْوَابَاركْ ڒْغِيدْجثْ ن ؤُعذِّيسْ نّمْ!
LUK 1:43 زِي مَانِيسْ غَارِي أَيَا، حِيمَا أَذْ غَارِي د-ثَاسْ يمَّاسْ ن سِيذِي إِنُو؟
LUK 1:44 مَاغَارْ ڒَامِي د-ثِيوضْ ثْمِيجَّا ن سْڒَامْ نّمْ غَارْ ؤُمزُّوغْ إِنُو، إِنْهزّْ ؤُسيْمِي ذڭْ ؤُعذِّيسْ إِنُو س ڒفْرَاحثْ ثَامقّْرَانْثْ.
LUK 1:45 سّعْذْ ن ثنِّي يُومْننْ أَقَا أَذْ إِتّْوَاكمّڒْ مِينْ ذ أَسْ إِتّْوَانَّا زِي سِيذِي.“
LUK 1:46 ثنَّا مَارْيَامْ: ”ڒعْمَارْ إِنُو إِسّمْغَارَا ذِي سِيذِي،
LUK 1:47 إِفَارْحْ بُوحْبڒْ إِنُو س أَربِّي، ونِّي ذ أَيِي إِتِّيشنْ ثُوذَارْثْ،
LUK 1:48 س مِينْزِي إِخْزَارْ غَارْ ؤُمدُّورْ أَوَاضعْ ن ثَايَّا نّسْ. خْزَارْ، زِي ڒخُّو مَارَّا أَرَّاونْ أَذْ أَيِي سمَّانْ ’ذ ثَامِيمُونْثْ!‘
LUK 1:49 مِينْزِي ونِّي ذ أَمْزمَّارْ إِڭَّا ذَايِي ثِيمسْڒَايِينْ مْغَارنْثْ، أَقَا إِسمْ نّسْ إِقدّسْ.
LUK 1:50 أَرّحْمثْ نّسْ خْ ثَارْوَا ذ جِّيڒَاثْ، خْ يِينِّي ث إِتّْوقَّارنْ.
LUK 1:51 س ؤُغِيڒْ نّسْ أَقَا يِيوِي-د ڒغْڒبْ. إِفَارْثكْ إِنِّي إِعفَّارنْ ذڭْ إِخَارِّيصنْ ن وُوڒَاونْ نْسنْ.
LUK 1:52 إِنِّي غَارْ ثدْجَا صُّولْطَا إِغْضڒْ إِ-ثنْ زِي ڒكْرَاسِي نْسنْ، إِمْوَاضْعنْ إِسّْڭعّذْ إِ-ثنْ.
LUK 1:53 إِسّْجِيونْ س ڒْخَارْ إِنِّي إِدْجُوژنْ، إِسْقَاذْ أَيْثْبَابْ ن وَاڭْڒَا س إِفَاسّنْ خْوَانْ.
LUK 1:54 أَمْسخَّارْ نّسْ إِسْرَائِيل، إِعَاونْ إِ-ث، أَقَا إِعْقڒْ خْ أَرّحْمثْ نّسْ،
LUK 1:55 أَمْ مَامّشْ إِسِّيوڒْ أَكْ-ذ ڒجْذُوذْ نّغْ، أَكْ-ذ إِبْرَاهِيمْ ذ زَّارِيعثْ نّسْ، إِ ڒبْذَا.“
LUK 1:56 ثكَّا مَارْيَامْ عْڒَاحَاڒْ ثْڒَاثَا ن إِيُورنْ غَارْ إِلِيصَابِيثْ، [خنِّي] ثعْقبْ غَارْ ثَادَّارْثْ نّسْ.
LUK 1:57 ڒَامِي د-ثِيوضْ ڒْوقْثْ ن إِلِيصَابِيثْ، حِيمَا أَذْ د-ثَارُووْ، ثجّْ-د أَحنْجِيرْ.
LUK 1:58 سْڒِينْ جِّيرَانْ ذ ڒَادْجْ نّسْ بلِّي أَربِّي إِسّْشنْ أَسْ أَرّحْمثْ نّسْ أَطَّاسْ، فَارْحنْ نِيثْنِي أَكِيذسْ.
LUK 1:59 ذڭْ وَاسّْ وِيسّْ ثْمنْيَا ؤُسِينْ-د، حِيمَا أَذْ خثْننْ إِ ؤُحنْجِيرْ ؤُشَا سمَّانْ ث س يِيسمْ ن بَابَاسْ زَاكَارِييَّا.
LUK 1:60 [مَاشَا] ثطّفْ يمَّاسْ ذڭْ وَاوَاڒْ، ثنَّا: ”لَّ. وَارْ إِتّْوَاسمَّا أَمُّو، مَاشَا أَذْ إِتّْوَاسمَّا يُوحَانَّا.“
LUK 1:61 نَّانْ أَسْ: ”وَارْ إِدْجِي حذْ زِي ڒَادْجْ نّمْ تّْڒَاغَانْ أَسْ-د س يِيسمْ-أَ.“
LUK 1:62 [خنِّي] شِييَّارنْ غَارْ بَابَاسْ، مَامّشْ إِخْسْ أَذْ ث إِسمَّا.
LUK 1:63 إِتَّارْ ثَاڒْوِيحْثْ ؤُشَا يُورَا خَاسْ، إِنَّا: ”إِسمْ نّسْ يُوحَانَّا.“ ؤُشَا ثْبهْثنْ إِوْذَانْ مَارَّا.
LUK 1:64 ڒخْذنِّي يَارْزمْ أَقمُّومْ نّسْ ؤُشَا [إِتّْوَاضْڒقْ] يِيڒسْ نّسْ ؤُشَا إِسِّيوڒْ [عَاوذْ]، إِبَاركْ أَربِّي.
LUK 1:65 ثهْوَا-د ثِيڭّْوُوذِي خْ مَارَّا جِّيرَانْ نْسنْ، سِّيوْڒنْ أَطَّاسْ خْ مَارَّا مَانْ أَيَا ذِي كُوڒْ إِذُورَارْ ن يَاهُوذِييَّا.
LUK 1:66 مَارَّا إِنِّي إِسْڒِينْ إِ مَانْ أَيَا، خمّْڒنْ ث ذڭْ وُوڒَاونْ نْسنْ، نَّانْ: ”أَقَا مِينْ غَا يِيڒِي ؤُحنْجِيرْ-أَ؟“ ثُوغَا أَفُوسْ ن سِيذِي أَكِيذسْ.
LUK 1:67 إِتّْوَاشُّورْ بَابَاسْ زَاكَارِييَّا س أَرُّوحْ إِقدّْسنْ، إِنبَّا، إِنَّا:
LUK 1:68 ”أَذْ إِتّْوَابَاركْ سِيذِي، أَربِّي ن إِسْرَائِيل، مِينْزِي إِفكَّارْ ذِي ڒْڭنْسْ نّسْ ؤُشَا يِيوِي أَسنْ-د أَسنْجمْ.
LUK 1:69 إِسّْڭعّذْ أَنغْ-د إِجّْ ن يِيشّْ ن ؤُسنْجمْ ذِي ثَادَّارْثْ ن ذَاوُوذْ، أَمْسخَّارْ نّسْ،
LUK 1:70 - أَمْ مَامّشْ ثُوغَا ذ أَنغْ إِنَّا س ؤُقمُّومْ ن إِنَابِييّنْ إِقدّْسنْ نّسْ، إِنِّي ذِينْ ثُوغَا زڭْ وشْحَاڒْ ؤُيَا -
LUK 1:71 حِيمَا أَذْ أَنغْ إِفكّْ زِي ڒْعذْيَانْ نّغْ، زڭْ إِفَاسّنْ ن يِينِّي إِ ذ أَنغْ إِشَارّْهنْ.
LUK 1:72 نتَّا إِڭَّا أَرّحْمثْ نّسْ إِ ڒجْذُوذْ نّغْ، أَقَا إِعْقڒْ خْ ڒْعُوهُوذْ نّسْ إِقدّْسنْ،
LUK 1:73 خْ ثَاجَادْجِيثْ ثنِّي إِجُّودْجْ إِ إِبْرَاهِيمْ، جذِّيثْنغْ، حِيمَا أَذْ ذ أَنغْ إِوْشْ،
LUK 1:74 مَاحنْذْ أَذْ نتّْوَافكّْ زڭْ إِفَاسّنْ ن ڒْعذْيَانْ نّغْ، أَذْ أَسْ نْسخَّارْ بْڒَا ثِيڭّْوُوذِي،
LUK 1:75 س ثْقدَّاسْثْ ذ ثْسڭْذَا، مَارَّا ؤُسَّانْ ن ثُوذَارْثْ نّغْ.
LUK 1:76 إِ شكْ، أَ أَحنْجِيرْ، أَذْ أَشْ تّْڒَاغَانْ أَنَابِي ن ؤُمْعُودْجِي خْ كُوڒْشِي، مِينْزِي أَذْ ثْرَاحذْ زَّاثْ إِ ؤُغمْبُوبْ ن سِيذِي، حِيمَا أَذْ ثسّْوجْذذْ أَبْرِيذْ نّسْ،
LUK 1:77 حِيمَا أَذْ إِوْشْ إِ ڒْڭنْسْ نّسْ ثُوسّْنَا ن ثُوذَارْثْ، إِ إِدْجَانْ س وغْفَارْ ن دّْنُوبْ نْسنْ،
LUK 1:78 س ڒَادْجَاغْ ن أَرّحْمثْ ن أَربِّي نّغْ، إِ زِي خَانغْ إِ غَا إِحِينّْ ڒفْجَارْ زِي ڒُوعْڒَا،
LUK 1:79 حِيمَا أَذْ إِسِّيرْغْ ثْفَاوْثْ إِ يِينِّي إِقِّيمنْ ذِي ثَادْجسْثْ ذ ثِيڒِي ن ڒْموْثْ، حِيمَا أَذْ إِڭوّذْ إِضَارنْ نّغْ ذڭْ وبْرِيذْ ن ڒهْنَا.“
LUK 1:80 أَمْ إِڭَّامْ ؤُحنْجِيرْ، يَارنِّي ذَايسْ أَرُّوحْ ؤُ ثُوغَا-ث ذِي ڒخْڒَا أَڒْ أَسّْ إِ ذِي د-إِضْهَارْ إِ إِسْرَائِيل.
LUK 2:1 ذڭْ وُوسَّانْ نِّي إِفّغْ-د إِجّْ ن ڒُومُورْ زِي قَايْصَارْ ؤُغُوسْثُوسْ حِيمَا أَذْ تّْوَازمّمنْ مَارَّا إِمزْذَاغْ ن ڒحْكَامثْ نّسْ.
LUK 2:2 أَزمّمْ-أَ ثُوغَا-ث ذ أَمزْوَارُو ؤُمِي ثُوغَا قِيرِينِييُوسْ إِحكّمْ ذِي سُورِييَا.
LUK 2:3 كُوڒْ إِجّنْ إِڒُوحْ غَارْ ثنْذِينْثْ نّسْ، حِيمَا أَذْ إِتّْوَازمّمْ ذِينِّي.
LUK 2:4 إِڭعّذْ عَاوذْ يُوسُوفْ زِي نَّاصِيرَا، إِشْثْ ن ثنْذِينْثْ ذِي لْجَالِيلْ، غَارْ يَاهُوذِييَّا، غَارْ ثنْذِينْثْ ن ذَاوُوذْ ثنِّي ؤُمِي قَّارنْ بَايْثْ-لَاحْمْ ؤُمِي ث ثُوغَا زِي ثَادَّارْثْ ؤُ زِي جِّيڒْ ن ذَاوُوذْ،
LUK 2:5 أَكْ-ذ مَارْيَامْ، ثَانخْضَابْثْ نّسْ، ثنِّي ثُوغَا س دّيْسثْ، حِيمَا أَذْ إِتّْوَازمّمْ ذِينِّي.
LUK 2:6 ؤُشَا إِمْسَارْ، أَڒَامِي ثنْ ثُوغَا ذِينِّي، قفْڒنْ وُوسَّانْ نّسْ حِيمَا أَذْ ثَارُو.
LUK 2:7 ثُورُووْ-د مِّيسْ أَمنْزُو، ثسّنّضْ إِ-ث ذِي ثحْڒُوشِينْ ؤُشَا ثسَّارْسْ إِ-ث ذِي ڒْكُورِي، مِينْزِي وَارْ غَارْسنْ بُو ومْشَانْ مَانِي [زمَّارنْ] أَذْ قِّيمنْ.
LUK 2:8 ذِي جّْوَايهْ نِّي ثُوغَا ذِينْ شَا ن إِمكْسَاونْ، حطَّانْ ثِيحِيمْرِيوِينْ نْسنْ ذِي دْجِيڒثْ.
LUK 2:9 ؤُ خْزَارْ، لْمَالَاكْ ن أَربِّي إِبدّْ-د غَارْسنْ ؤُشَا أَعُودْجِي ن سِيذِي إِسَّارْغْ خَاسنْ، إِنّضْ أَسنْ، ؤُشَا ثْڒحّفْ أَسنْ إِشْثْ ن ثِيڭّْوُوذِي ثمْغَارْ.
LUK 2:10 إِنَّا أَسنْ لْمَالَاكْ نِّي: ”وَارْ تّڭّْوذمْ شَا، أَذْ أَومْ بَارّْحغْ ڒخْبَارْ أَصبْحَانْ، أَذْ ثِيڒِي ڒفْرَاحثْ ثمْغَارْ إِ دُّونشْثْ مَارَّا.
LUK 2:11 أَقَا إِتّْوَاخْڒقْ أَومْ-د أَسّْ-أَ ؤُمْسنْجمْ، سِيذِي، لْمَاسِيحْ، ذِي ثنْذِينْثْ ن ذَاوُوذْ.
LUK 2:12 ذ وَا ذ أَومْ إِ غَا يِيڒِينْ ذ ڒعْڒَامثْ: أَذْ ثَافمْ أَسيْمِي إِتّْوَانّضْ ذِي ثحْڒُوشِينْ، إِمَّارْسْ ذِي ڒْكُورِي.“
LUK 2:13 ڒخْذنِّي إِبَانْ-د أَكْ-ذ لْمَالَاكْ إِجّْ ن ڒْغَاشِي أَمقّْرَانْ ن ڒْعسْكَارَاثْ ن ؤُجنَّا تّْصبَّاحنْ أَربِّي، قَّارنْ:
LUK 2:14 ”أَعُودْجِي إِ أَربِّي ذِي ڒُوعْڒَا، ڒهْنَا خْ ثمُّورْثْ، ؤُ أَسِيثمْ ذ أَصبْحَانْ إِ يوْذَانْ.“
LUK 2:15 ؤُمِي خَاسنْ ؤُيُورنْثْ لْمَالَاكَاثْ غَارْ ؤُجنَّا، سِّيوْڒنْ إِمكْسَاونْ أَكْ-ذ وَايَاوْيَا، نَّانْ: ”أجّْ أَنغْ أَذْ نْرَاحْ غَارْ بَايْثْ-لَاحْمْ، حِيمَا أَذْ نْژَارْ مِينْ إِمْسَارنْ مِينْ خفْ ذ أَنغْ إِسَّارْڭبْ سِيذِي.“
LUK 2:16 ؤُسِينْ-د س ثَازْڒَا، ؤُفِينْ مَارْيَامْ ذ يُوسُوفْ ذ ؤُسيْمِي إِمَّارْسْ ذِي ڒْمذْوذْ.
LUK 2:17 ؤُمِي ث ژْرِينْ، عَاوْذنْ أَوَاڒْ إِ ذ أَسنْ إِتّْوَانَّانْ خْ ؤُحنْجِيرْ.
LUK 2:18 مَارَّا إِنِّي إِسْڒِينْ، ثْبهْثنْ س مِينْ ذ أَسنْ نَّانْ إِمكْسَاونْ.
LUK 2:19 مَاشَا مَارْيَامْ ثُوغَا ثْخمّڒْ مَارَّا أَوَاڒنْ-أَ، ثتّْخَارَّاصْ ذَايْسنْ ذڭْ وُوڒْ نّسْ.
LUK 2:20 خنِّيعقْبنْ-د إِمكْسَاونْ، تّْصبَّاحنْ ؤُ سّمْغَارَانْ ذِي أَربِّي خْ مَارَّا مِينْ سْڒِينْ ذ مَارَّا مِينْ ژْرِينْ، [نِيشَانْ] أَمْ مَامّشْ ذ أَسنْ ثُوغَا إِتّْوَانَّا.
LUK 2:21 ؤُمِي كمّْڒنْ ثْمنْيَا ن وُوسَّانْ، حِيمَا أَذْ إِتّْوَاخْثنْ ؤُسيْمِي، سمَّانْ ث ’يشُّو‘، أَمْ مَامّشْ ثُوغَا ث إِسمَّا لْمَالَاكْ قْبڒْ إِ غَا إِتّْوَاكْسِي ذڭْ ؤُعذِّيسْ.
LUK 2:22 ؤُمِي كمّْڒنْ وُوسَّانْ ن ؤُسِيزْذڭْ نْسنْ عْلَاحْسَابْ شَّارِيعَا ن مُوسَا، إِوْينْ ث غَارْ ؤُرْشَالِيمْ، حِيمَا أَذْ ث قدّْمنْ زَّاثْ إِ سِيذِي
LUK 2:23 - أَمْ مَامّشْ ثُورَا ذِي شَّارِيعَا ن سِيذِي: ’أَقَا كُوڒْ [مِّيسْ] أَمنْزُو إِ د-إِتّْوَاخڒْقنْ زڭْ ؤُعذِّيسْ ن يمَّاسْ أَذْ إِتّْوَاسمَّا ذ أَمْقدَّاسْ إِ سِيذِي!‘ -
LUK 2:24 ؤُ حِيمَا أَذْ حْضَارنْ ثَاغَارْصْثْ أَمْ مَامّشْ ثتّْوَانَّا ذِي شَّارِيعَا ن سِيذِي: ثْنَاينْ ن إِذْبِيرنْ نِيغْ ثْيُويَا ن إِوَارُّوضنْ ن إِذْبِيرنْ.
LUK 2:25 ثُوغَا ذِي ؤُرْشَالِيمْ إِجّْ ن ورْيَازْ قَّارنْ أَسْ شِيمْعُونْ. ثُوغَا أَرْيَازْ-أَ نِيشَانْ ذ أَمْسڭّذْ، إِتّْرَاجَا أَفوّجْ ن إِسْرَائِيل ؤُشَا ثُوغَا أَرُّوحْ إِقدّْسنْ خَاسْ.
LUK 2:26 ثُوغَا أَرُّوحْ إِقدّْسنْ إِوحَّا أَسْ-د أَقَا وَارْ إِتّْمتِّي شَا قْبڒْ إِ غَا إِژَارْ لْمَاسِيحْ ن سِيذِي.
LUK 2:27 يُوسَا-د غَارْ زَّاوشْثْ ثَامقّْرَانْثْ [أَمْ ث إِعَارّنْ] أَرُّوحْ إِقدّْسنْ، ؤُمِي د-ؤُذْفنْ لْوَالِيذِينْ س ؤُحنْجِيرْ يَاسُوع، حِيمَا أَذْ أَسْ ڭّنْ عْلَاحْسَابْ لْقَاعِيذَا ن شَّارِيعَا.
LUK 2:28 إِكْسِي ث ذڭْ إِغَادْجنْ نّسْ ؤُشَا إِبَاركْ أَربِّي، إِنَّا:
LUK 2:29 ”أَ سِيذِي إِنُو، أجّْ أَمْسخَّارْ نّشْ أَذْ إِرَاحْ ذِي ڒهْنَا ڒخُّو، عْلَاحْسَابْ أَوَاڒْ نّشْ،
LUK 2:30 مِينْزِي ثِيطَّاوِينْ إِنُو ژْرِينْثْ أَرّحْمثْ نّشْ،
LUK 2:31 إِ ثسّْوجْذذْ زَّاثْ إِ وُوذمْ ن مَارَّا ڒڭْنُوسْ:
LUK 2:32 ثَافَاوْثْ إِ غَا ثتّْوَاسَارْڭبْ إِ ڒڭْنُوسْ ذ ؤُعُودْجِي إِ ڒْڭنْسْ نّشْ إِسْرَائِيل!“
LUK 2:33 إِثبْهثْ يُوسُوفْ ذ يمَّاسْ س مِينْ خَاسْ إِتّْوَانَّانْ.
LUK 2:34 [خنِّي] إِبَارْكْ إِ-ثنْ شِيمْعُونْ، إِنَّا إِ مَارْيَامْ يمَّاسْ: ”أَقَا وَا إِمَّارْسْ إِ ؤُوطُّو ذ ثْنُوكْرَا ن وَاطَّاسْ ذِي إِسْرَائِيل ؤُ إِ ڒعْڒَامثْ إِ غَا إِتّْوَاعكّْسنْ.
LUK 2:35 أَذْ إِشُوقْ سِّيفْ ذِي ڒعْمَارْ نّمْ، حِيمَا أَذْ د-تّْوَاسّضْهَارنْ إِخَارِّيصنْ زڭْ وَاطَّاسْ ن وُوڒَاونْ.“
LUK 2:36 إِشْثْ ن ثْنَابِيثْ، [قَّارنْ أَسْ] حَانَّا، يدْجِيسْ ن فَانْوِيلْ، زِي ثقْبِيتْشْ ن أَشِيرْ، ثُوغَا-ت ؤُڒَا ذ نتَّاثْ ثوْسَارْ أَطَّاسْ. ثدَّارْ أَكْ-ذ ورْيَازْ نّسْ سبْعَا ن إِسڭّْوُوسَا زڭْ وَامِي ت ثُوغَا [عَاذْ] ذ ثَاعْزَارشْثْ.
LUK 2:37 ثُوغَا-ت ذ ثَاجَّاتْشْ إِ يِيجّْ ن ڒْمِيجَاڒْ ن أَربْعَا ؤُ-ثْمَانْيِينْ ن إِسڭّْوُوسَا، وَارْ ثتّْبعِّيذْ شَا خْ زَّاوشْثْ ثَامقّْرَانْثْ. ثُوغَا ثْعبّذْ [أَربِّي] س ؤُژُومِّي ذ ثْژَادْجِيثْ دْجِيڒثْ ذ وَاسّْ.
LUK 2:38 غَارْ ثْسَاعّثْ نِّي ثْبدّْ نتَّاثْ عَاوذْ، ثتّْصبَّاحْ إِ سِيذِي، ثسَّاوَاڒْ خَاسْ أَكْ-ذ مَارَّا إِنِّي إِتّْرَاجَانْ أَسنْجمْ ن ؤُرْشَالِيمْ.
LUK 2:39 ؤُمِي كمّْڒنْ نِيثْنِي كُوڒْشِي عْلَاحْسَابْ شَّارِيعَا ن سِيذِي،عقْبنْ غَارْ ثنْذِينْثْ نْسنْ نَّاصِيرَا ذِي لْجَالِيلْ.
LUK 2:40 ثُوغَا أَحنْجِيرْ إِڭَّامْ، يَارنِّي ذَايسْ أَرُّوحْ، إِذْوڒْ إِشُّورْ س ثِيغِيثْ، ؤُ أَرْضَا ن أَربِّي أَقَا-ث خَاسْ.
LUK 2:41 ثُوغَا ڒَادْجْ نّسْ تّْرَاحنْ كُوڒْ أَسڭّْوَاسْ غَارْ ؤُرْشَالِيمْ ذِي ڒْعِيذْ ن [ثْغَارْصْثْ ن] ؤُسعْذُو.
LUK 2:42 ؤُمِي غَارسْ يِيوضْ ثنْعَاشْ ن إِسڭّْوُوسَا، ڭعّْذنْ غَارْ ڒْعِيذْ أَمْ مَامّشْ نُّومنْ نِيثْنِي.
LUK 2:43 أَوَارْنِي ڒَامِي عْذُونْ وُوسَّانْ [ن ڒْعِيذْ]،عقْبنْ-د، مَاشَا أَحنْجِيرْ، يَاسُوع، إِقِّيمْ أَوَارْنِي أَسنْ ذِي ؤُرْشَالِيمْ، ؤُمِي يُوسُوفْ ذ يمَّاسْ وَارْ أَرْڭِيبنْ شَا خْ مَانْ أَيَا.
LUK 2:44 إِتّْغِيڒْ أَسنْ أَقَا-ث جَارْ إِمْسبْرِيذنْ. أَوَارْنِي ڒَامِي ؤُيُورنْ إِشْثْ ن ثِيشْڒِي ن وَاسّْ، أَرزُّونْ خَاسْ جَارْ ڒَادْجْ نْسنْ ذ يِينِّي ثنْ إِسّْننْ.
LUK 2:45 ؤُمِي وَارْ ث ؤُفِينْ،عقْبنْ غَارْ ؤُرْشَالِيمْ، أَرزُّونْ خَاسْ.
LUK 2:46 أَوَارْنِي ثْڒَاثَا ن وُوسَّانْ ؤُفِينْ ث ذِي زَّاوشْثْ ثَامقّْرَانْثْ، ثُوغَا إِقِّيمْ ذِي ڒْوسْطْ ن إِمسْغَارنْ [ن شَّارِيعَا]، إِتّسْڒَا غَارْسنْ، إِتّْسقْسَا ثنْ.
LUK 2:47 مَارَّا إِنِّي ذ أَسْ إِسْڒِينْ ثْبهْثنْ ذِي ڒفْهَامثْ ذ وَاوَاڒْ إِ د-إِتَّارَّا.
LUK 2:48 ڒَامِي ث ژْرِينْ، ثْبهْثنْ. ثنَّا أَسْ يمَّاسْ: ”[أَ] مِّي، مَايمِّي ذ أَنغْ ثڭِّيذْ أَمُّو؟ أَقَا، بَابَاشْ ذ نشّْ نذْعقْ س ثَارزُّوثْ خَاكْ.“
LUK 2:49 إِنَّا أَسنْ: ”مَايمِّي خَافِي ثَارْزُومْ؟ مَا وَارْ ثَارْڭِيبمْ شَا بلِّي [إِتّْخصَّا أَيِي] أَذْ إِڒِيغْ ذِي ثَادَّارْثْ ن بَابَا؟“
LUK 2:50 مَاشَا وَارْ فْهِيمنْ أَوَاڒْ إِ ذ أَسنْ إِنَّا.
LUK 2:51 ؤُشَا إِهْوَا-د أَكِيذْسنْ غَارْ نَّاصِيرَا، ثُوغَا إِتّڭّْ أَسنْ أَرَّايْ. مَاشَا يمَّاسْ ثْخمّڒْ مَارَّا أَوَاڒنْ-أَ ذڭْ وُوڒْ نّسْ.
LUK 2:52 ؤُشَا ثُوغَا يَاسُوع يَارنِّي ذِي ثِيذِّي نّسْ ذ ثِيغِيثْ نّسْ ؤُ ذِي أَرْضَا غَارْ أَربِّي ذ يوْذَانْ.
LUK 3:1 ذڭْ ؤُسڭّْوَاسْ وِيسّْ خمّسْطَاشْ زِي ڒحْكَامثْ ن قَايْصَارْ ثِيبَارْيُوسْ، ڒَامِي ثُوغَا بُونْطِييُوسْ بِيلَاطُوسْ ذ ڒْحَاكمْ خْ يَاهُوذِييَّا، ؤُ هِيرُوذُوسْ ذ ڒْحَاكمْ خْ لْجَالِيلْ، إِجّْ ن أَرْبعْ ن ثمُّورْثْ، ؤُ فِيلِيبُّوسْ، ؤُمَاسْ، ذ ڒْحَاكمْ خْ إِثُورِييَا ذ جِّيهثْ ن ثْرَاخُونِيثِيسْ، إِجّْ ن أَرْبعْ نّغْنِي ن ثمُّورْثْ، ؤُ لِيسَانْيُوسْ ذ ڒْحَاكمْ خْ جِّيهثْ ن أَبِيلِينِي، [ثنِّي عَاوذْ] ذ إِجّْ ن أَرْبعْ نّغْنِي ن ثمُّورْثْ،   *
LUK 3:2 ؤُمِي ثُوغَا حَانَّانْ ذ قَايَافَا ذ أَرُّويَاسْ ن إِكهَّاننْ، أَقَا يُوسَا-د وَاوَاڒْ ن أَربِّي خْ يُوحَانَّا، مِّيسْ ن زَاكَارِييَّا، ذِي ڒخْڒَا.
LUK 3:3 يِيوضْ-د غَارْ مَارَّا جّْوَايهْ إِ ذ أَسْ د-إِنّْضنْ إِ لْ-ؤُرْذُونْ، إِتّْبَارّحْ س ؤُسغْضصْ ن تُّوبثْ إِ وغْفَارْ ن دّْنُوبْ،
LUK 3:4 أَمْ مَامّشْ ثُورَا ذڭْ وذْلِيسْ ن وَاوَاڒنْ ن ؤُنَابِي إِشَاعْيَا إِ إِنَّانْ: ”ثْمِيجَّا ن ونِّي إِسْغُويُّونْ ذِي ڒخْڒَا: سْوجْذمْ أَبْرِيذْ ن سِيذِي، سڭّْممْ أَمسْرَاقْ إِ أَربِّي نّغْ ذِي ڒوْضَا.
LUK 3:5 مَارَّا ثِيدَّاغِينْ أَذْ تّْوَاشُّورنْثْ، مَارَّا إِذُورَارْ ذ ثوْرِيرِينْ أَذْ د-تّْوَاسّهْوَانْ، دّْمَانِي أَذْ تّْوَاسڭّْمنْثْ، ؤُ إِمُوشَانْ إِوْعَارنْ أَذْ ذوْڒنْ ذ ڒوْضَا.
LUK 3:6 كُوڒْ دَّاثْ س إِذَامّنْ ذ ويْسُومْ أَذْ ثْژَارْ ثُوذَارْثْ ن أَربِّي.“
LUK 3:7 ثُوغَا إِقَّارْ إِ ڒْغَاشِي إِ د-إِتّفّْغنْ حِيمَا أَذْ تّْوَاسّْغضْصنْ: ”[أَ] ثَارْوَا ن إِڒفْسَاونْ، وِي ذ أَومْ إِمْڒنْ مَاحنْذْ [أَذْ ثَارْزُومْ] أَذْ ثَاروْڒمْ زڭْ وغْضَابْ إِ د غَا يَاسنْ؟
LUK 3:8 س ؤُيَا ڭّمْ ڒْغِيدْجثْ إِ غَا إِڒِيقّنْ إِ تُّوبثْ. وَارْ تّْبدَّامْ أَذْ ثِينِيمْ ذڭْ إِخفْ نْومْ: ’أَقَا غَارْنغْ إِبْرَاهِيمْ ذ جذِّيثْنغْ!‘، مِينْزِي نشّْ أَذْ أَومْ إِنِيغْ، بلِّي أَربِّي إِزمَّارْ أَذْ إِسّْنكَّارْ زڭْ إِژْرَا-يَا ثَارْوَا إِ إِبْرَاهِيمْ.
LUK 3:9 خْزَارْ، أَقَا ثتّْوَاسَّارْسْ ثْشَاقُورْثْ غَارْ إِژوْرَانْ ن ثْشجُّورَا. س ؤُيَا كُوڒْ ثَاشجَّارْثْ إِ وَارْ إِتِّيشنْ ڒْغِيدْجثْ ثشْنَا أَذْ ثتّْوَاقسّْ ؤُشَا أَذْ ثوْضَا ذِي ثْمسِّي.“
LUK 3:10 إِسّقْسَا ث ڒْغَاشِي، إِنَّا: ”مِينْ غَا نڭّْ؟“
LUK 3:11 يَارَّا-د، إِنَّا أَسنْ: ”أجّْ ونِّي غَارْ إِدْجَا ثْيُويَا ن ثْشَامِيرَاثْ، أَذْ إِوْشْ إِ ونِّي وَارْ غَارْ إِدْجِي شَا، ؤُ أجّْ ونِّي غَارْ إِدْجَا مَاشَّا، أَذْ إِڭّْ أَمنِّي.“
LUK 3:12 ؤُسِينْ-د عَاوذْ أَيْثْ ن ضَّارِيبَا، حِيمَا أَذْ تّْوَاسّْغضْصنْ، نَّانْ أَسْ: ”[أَ] أَمْسغَّارْ، مِينْ غَا نڭّْ؟“
LUK 3:13 إِنَّا أَسنْ: ”وَارْ تّطّْفمْ ضَّارِيبَا كْثَارْ زِي مِينْ ذ أَومْ وصَّانْ مَاحنْذْ أَذْ ت ثطّْفمْ.“
LUK 3:14 سّقْسَانْ ث عَاوذْ إِعسْكَارِييّنْ، نَّانْ أَسْ: ”مِينْ غَا نڭّْ نشِّينْ؟“ إِنَّا أَسنْ: ”وَارْ تّڭّمْ ڒْغَارْ ؤُڒَا ذڭْ إِجّْ، وَارْ ذدْجْممْ حذْ، قنّْعمْ س ڒْمُونثْ نْومْ.“
LUK 3:15 أَمْ إِبْذَا ڒْڭنْسْ أَذْ إِتّْشڒْ خْ يُوحَانَّا، ؤُ خَارّْصنْ ذڭْ وُوڒَاونْ نْسنْ مَا يُوحَانَّا نتَّا ذ لْمَاسِيحْ،
LUK 3:16 خنِّي إِطّفْ يُوحَانَّا ذڭْ وَاوَاڒْ، إِنَّا أَسنْ: ”نشّْ سّغْضَاصغْ كنِّيوْ ذڭْ وَامَانْ، مَاشَا أَوَارْنِي أَيِي أَذْ د-يَاسْ وِي إِجهْذنْ خَافِي، ونِّي ؤُمِي نشّْ وَارْ سْذِيهِيدْجغْ ؤُڒَا أَذْ أَسْ فسْيغْ إِفِيڒَانْ ن سَانْذَالِييَاثْ نّسْ. أَقَا نتَّا أَذْ كنِّيوْ إِسّغْضصْ ذِي أَرُّوحْ إِقدّْسنْ ؤُ ذِي ثْمسِّي.
LUK 3:17 نتَّا غَارسْ ثَازَّارْثْ ذڭْ ؤُفُوسْ نّسْ ؤُشَا أَذْ إِسِّيزْذڭْ أَنْذْرَارْ نّسْ. أَذْ إِسّْمُونْ إِرْذنْ غَارْ ڒْمَارْسِي نّسْ، مَاشَا إِشَارْفَا أَذْ ثنْ إِسّشْمضْ س ثْمسِّي وَارْ إِخْسِينْعمَّارْصْ.“
LUK 3:18 س ثْمسْڒَايِينْ نّغْنِي عَاذْ أَطَّاسْ ثُوغَا إِسّڒْمَاذْ [إِوْذَانْ] ؤُشَا إِتّْبَارّحْ س ڒخْبَارْ أَصبْحَانْ إِ ڒْڭنْسْ.
LUK 3:19 مَاشَا ؤُمِي إِعَايَارْ يُوحَانَّا هِيرُوذُوسْ، ڒْحَاكمْ خْ إِجّْ ن أَرْبعْ ن ثمُّورْثْ، زِي سِّيبّثْ ن هِيرُوذِييَّا ثَامْغَارْثْ ن فِيلِيبُّوسْ ؤُمَاسْ، ؤُ زِي سِّيبّثْ ن مَارَّا ثُوعفّْنَا إِ إِڭَّا،
LUK 3:20 أَقَا يَارْنِي [هِيرُوذُوسْ] عَاوذْ ذِي مَانْ أَيَا مَارَّا، ڒَامِي ثُوغَا إِحبّسْ يُوحَانَّا [أَمْسغْضَاصْ].
LUK 3:21 أَوَارْنِي ڒَامِي إِسّغْضصْ [يُوحَانَّا] مَارَّا ڒْڭنْسْ، إِسّغْضصْ عَاوذْ يَاسُوع، ؤُشَا أَمْ ثُوغَا وَانِيثَا إِتّْژَادْجْ، إِنُّورْزمْ ؤُجنَّا،
LUK 3:22 ؤُشَا إِهْوَا-د خَاسْ أَرُّوحْ إِقدّْسنْ س صِّيفثْ ن دَّاثْ ن ثذْبِيرْثْ. ؤُشَا إِشْثْ ن ثْمِيجَّا زڭْ ؤُجنَّا ثُوغَا ثقَّارْ: ”شكْ ذ مِّي إِعِيزّنْ، ذَايكْ ؤُفِيغْ أَرْضَا إِنُو.“
LUK 3:23 ثُوغَا يَاسُوع غَارسْ عْڒَاحَاڒْ ثْڒَاثِينْ ن إِسڭّْوُوسَا ؤُ إِتّْغِيڒْ أَسنْ أَقَا نتَّا ذ مِّيسْ ن يُوسُوفْ، مِّيسْ ن هَايْلِي،
LUK 3:24 مِّيسْ ن مَاتَّاثْ، مِّيسْ ن لَاوِي، مِّيسْ ن مَالْكِي، مِّيسْ ن يَانَّا، مِّيسْ ن يُوسُوفْ،
LUK 3:25 مِّيسْ ن مَاتَّاثَا، مِّيسْ ن عَامُوسْ، مِّيسْ ن نَاحُومْ، مِّيسْ ن حَاسْلِي، مِّيسْ ن نَاجَّايْ،
LUK 3:26 مِّيسْ ن مَاعَاثْ، مِّيسْ ن مَاتَّاثْ، مِّيسْ ن شِيمْعِي، مِّيسْ ن يُوسُوفْ، مِّيسْ ن يَاهُوذَا،
LUK 3:27 مِّيسْ ن يُوحَانَّا، مِّيسْ ن رِيسَا، مِّيسْ ن زَارُوبَّابِيلْ، مِّيسْ ن شَاعَالْثِييِيلْ، مِّيسْ ن نِيرِي،
LUK 3:28 مِّيسْ ن مَالْكِي، مِّيسْ ن أَذِّي، مِّيسْ ن قُوصَامْ، مِّيسْ ن أَلْمُوذَامْ، مِّيسْ ن عِيرْ،
LUK 3:29 مِّيسْ ن يُوسِي، مِّيسْ ن أَلِيعَازَارْ، مِّيسْ ن يُورَامْ، مِّيسْ ن مَاثِيثَا، مِّيسْ ن لَاوِي،
LUK 3:30 مِّيسْ ن شِيمْعُونْ، مِّيسْ ن يَاهُوذَا، مِّيسْ ن يُوسُوفْ، مِّيسْ ن يُونَامْ، مِّيسْ ن أَلْيَاقِيمْ،
LUK 3:31 مِّيسْ ن مَالِييَا، مِّيسْ ن مِييْنَانْ، مِّيسْ ن مَاتَّاثَا، مِّيسْ ن نَاثَانْ، مِّيسْ ن ذَاوُوذْ،
LUK 3:32 مِّيسْ ن يَاسَّا، مِّيسْ ن عُوبِيذْ، مِّيسْ ن بُوعَازْ، مِّيسْ ن سَالْمُونْ، مِّيسْ ن نَاحْشُونْ،
LUK 3:33 مِّيسْ ن عَامِّينَاذَابْ، مِّيسْ ن أَرَامْ، مِّيسْ ن حَاصْرُونْ، مِّيسْ ن فَارِيصْ، مِّيسْ ن يَاهُوذَا،
LUK 3:34 مِّيسْ ن يَاعْقُوبْ، مِّيسْ ن إِسْحَاقْ، مِّيسْ ن إِبْرَاهِيمْ، مِّيسْ ن ثَارَاحْ، مِّيسْ ن نَاحُورْ،
LUK 3:35 مِّيسْ ن سَارُوجْ، مِّيسْ ن رَاعُووْ، مِّيسْ ن فَالَاجْ، مِّيسْ ن عَابِيرْ، مِّيسْ ن شَالَاحْ،
LUK 3:36 مِّيسْ ن قِينَانْ، مِّيسْ ن أَرْفَاكْشَاذْ، مِّيسْ ن شَامْ، مِّيسْ ن نُوحْ، مِّيسْ ن لَامَاكْ،
LUK 3:37 مِّيسْ ن مَاثُوشَالَاحْ، مِّيسْ ن حَانُوخْ، مِّيسْ ن يَارَاذْ، مِّيسْ ن مَاهَالَالْ-إِلْ، مِّيسْ ن قِينَانْ،
LUK 3:38 مِّيسْ ن أَنُوشْ، مِّيسْ ن شِيثْ، مِّيسْ ن أَذَامْ، مِّيسْ ن أَربِّي.
LUK 4:1 يَاسُوع إِعْقبْ-د زِي لْ-ؤُرْذُونْ أَمْ ثُوغَا إِشُّورْ س أَرُّوحْ إِقدّْسنْ ؤُشَا أَرُّوحْ إِنْذهْ إِ-ث غَارْ ڒخْڒَا،
LUK 4:2 حِيمَا أَذْ إِتّْوَاجَارّبْ زڭْ إِبْڒِيسْ أَربْعِينْ ن وُوسَّانْ. وَارْ إِشِّي وَالُو ذڭْ وُوسَّانْ نِّي ؤُشَا أَوَارْنِي ڒَامِي عْذُونْ [وُوسَّانْ نِّي]، إِطّفْ إِ-ث ڒَاژْ غَارْ ؤُنڭَّارْ.
LUK 4:3 إِنَّا أَسْ إِبْڒِيسْ: ”مَاڒَا شكْ ذ مِّيسْ ن أَربِّي، إِنِي إِ وژْرُو-يَا أَذْ إِذْوڒْ ذ أَغْرُومْ.“
LUK 4:4 يَارَّا-د خَاسْ يَاسُوع، إِنَّا: ”أَقَا ثُورَا: ’بْنَاذمْ وَارْ إِدَّارْ س وغْرُومْ وَاهَا، مَاشَا س كُوڒْ أَوَاڒْ ن أَربِّي.‘ “
LUK 4:5 [خنِّي] إِسّْڭعّذْ إِ-ث شِّيطَانْ غَارْ إِجّْ ن وذْرَارْ يُوعْڒَانْ، إِسّْشنْ أَسْ مَارَّا ثِيڭلْذِيوِينْ ن دُّونشْثْ ذڭْ إِجّنْ ورْمَاشْ.
LUK 4:6 إِنَّا أَسْ إِبْڒِيسْ: ”أَذْ أَشْ وْشغْ صُّولْطَا-يَا مَارَّا ذ ؤُعُودْجِي نّسْ، مِينْزِي إِ نشّْ ؤُمِي ثمّوْشْ ؤُ تِّيشغْ [ت] إِ ؤُمِي خْسغْ.
LUK 4:7 مَاڒَا ثْعبْذذْ أَيِي، أَذْ غَاركْ يِيڒِي مَارَّا أَيَا.“
LUK 4:8 يَارَّا-د خَاسْ يَاسُوع، إِنَّا أَسْ: ”أَقَا ثُورَا: ’سِيذِي، أَربِّي نّشْ، ؤُمِي غَا ثْسجْذذْ ؤُ إِ نتَّا وحّْذسْ ؤُمِي غَا ثْسخَّارذْ.‘ “
LUK 4:9 يِيوْيِي ث غَارْ ؤُرْشَالِيمْ ؤُشَا إِسّْبدّْ إِ-ث غَارْ طَّارْفْ ن ثْزقَّا ن زَّاوشْثْ ثَامقّْرَانْثْ، إِنَّا أَسْ: ”مَاڒَا شكْ ذ مِّيسْ ن أَربِّي، نْضَارْ إِخفْ نّشْ سَّا غَارْ وَادَّايْ،
LUK 4:10 مِينْزِي ثُورَا: ’أَذْ يُومُورْ لْمَالَاكَاثْ نّسْ خَاكْ مَاحنْذْ أَذْ شكْ حْضَانْثْ،
LUK 4:11 أَقَا خْ إِفَاسّنْ نْسنْثْ أَذْ شكْ كْسِينْثْ، حِيمَا أَضَارْ نّشْ وَارْ إِنڭّحْ شَا أَژْرُو.‘ “
LUK 4:12 يَارَّا-د خَاسْ يَاسُوع إِنَّا أَسْ: ”أَقَا إِتّْوَانَّا: ’وَارْ تّْجَارَّابْ سِيذِي، أَربِّي نّشْ.‘ “
LUK 4:13 ؤُمِي إِكمّڒْ إِبْڒِيسْ مَارَّا أَجَارّبْ نّسْ، يُويُورْ خَاسْ شَا ن ڒْوقْثْ.
LUK 4:14 إِعْقبْ-د يَاسُوع س جّهْذْ ن أَرُّوحْ غَارْ لْجَالِيلْ، ؤُشَا إِفّغْ ڒخْبَارْ خَاسْ ذِي مَارَّا جّْوَايهْ إِ ذ أَسنْ د-إِنّْضنْ.
LUK 4:15 ثُوغَا إِسّڒْمَاذْ ذِي ثمْزِيذَاوِينْ نْسنْ، سّْعُودْجَانْ ث [إِوْذَانْ] مَارَّا.
LUK 4:16 يُوسَا-د غَارْ نَّاصِيرَا مَانِي ثُوغَا إِتّْوَاربَّا، ؤُشَا يُوذفْ غَارْ ثمْزِيذَا [ن وُوذَاينْ] ذڭْ وَاسّْ ن سّبْثْ عْلَاحْسَابْ ثَانَامِيثْ نّسْ، ؤُشَا إِكَّارْ، حِيمَا أَذْ إِسّْغَارْ.
LUK 4:17 إِمّوْشْ أَسْ أَذْلِيسْ إِتّْوَانّْضنْ ن ؤُنَابِي إِشَاعْيَا، ؤُشَا يَارْزمْ يَاسُوع أَذْلِيسْ إِتّْوَانْضنْ، يُوفَا أَمْشَانْ مَانِي ثُورَا:
LUK 4:18 ”أَرُّوحْ ن سِيذِي خَافِي، مِينْزِي نتَّا إِذْهنْ أَيِي حِيمَا أَذْ بَارّْحغْ س ڒخْبَارْ أَصبْحَانْ إِ إِمزْڒَاضْ، إِسّكّْ أَيِي-د حِيمَا أَذْ سّْڭنْفِيغْ إِنِّي ؤُمِي يَارْژْ وُوڒْ، حِيمَا أَذْ بَارّْحغْ إِ إِمحْبَاسْ س ؤُسَارّحْ، إِ إِذَارْغَاڒنْ س ڒْخژْرَاثْ، ؤُ حِيمَا أَذْ سّْفوّْجغْ إِنِّي إِتّْوَارْژنْ س وغْفَارْ ن دّْنُوبْ نْسنْ،
LUK 4:19 حِيمَا أَذْ بَارّْحغْ س ؤُسڭّْوَاسْ ن أَرْضَا ن سِيذِي.“
LUK 4:20 خنِّي ينّضْ أَذْلِيسْ، إِوْشَا إِ-ث إِ ؤُمْسخَّارْ، إِقِّيمْ، أَمْ ذَايسْ نْضَارنْ ثِيطَّاوِينْ نْسنْ مَارَّا إِنِّي ثُوغَا ذِي ثمْزِيذَا.
LUK 4:21 [خنِّي] إِبْذَا إِقَّارْ أَسنْ: ”أَقَا أَسّْ-أَ تّْوَاكمّْڒنْثْ ثِيرَا-يَا [إِقدّْسنْ] ذڭْ إِمزُّوغنْ نْومْ.“
LUK 4:22 ثُوغَا مَارَّا شهّْذنْ خَاسْ، ثْبهْثنْ س وَاوَاڒنْ ن أَرْضَا إِ د-إِفّْغنْ زڭْ ؤُقمُّومْ نّسْ، ؤُشَا نَّانْ: ”مَا وَارْ إِدْجِي وَا ذ مِّيسْ ن يُوسُوفْ؟“
LUK 4:23 إِنَّا أَسنْ يَاسُوع: ”نِيشَانْ أَذْ أَيِي ثِينِيمْ لْمَاثَالْ-أَ: ’[أَ] أَضْبِيبْ، سْڭنْفَا يِيخفْ نّشْ! مشْحَاڒْ نسْڒَا بلِّي إِجْرَا ذِي كَافَارْنَاحُومْ، أڭّْ مَانْ أَيَا عَاوذْ ذِي ثنْذِينْثْ نّشْ.‘ “
LUK 4:24 [خنِّي] إِنَّا: ”س ثِيذتّْ، أَذْ أَومْ إِنِيغْ، وَارْ إِدْجِي ؤُنَابِي ذ أَمقْبُوڒْ ذِي ثمُّورْثْ نّسْ.
LUK 4:25 س ثِيذتّْ أَذْ أَومْ إِنِيغْ: ثُوغَا ذِينْ ثِيجَّاڒْ أَطَّاسْ ذِي ثَادَّارْثْ ن إِسْرَائِيل ذڭْ وُوسَّانْ ن إِلِييَا ؤُمِي إِتّْوَابلّعْ ؤُجنَّا ثْڒَاثَا ن إِسڭّْوُوسَا ذ ستَّا ن إِيُورنْ، أَڒَامِي ثُوغَا ڒَاژْ إِمْغَارْ ذِي ثمُّورْثْ مَارَّا.
LUK 4:26 وَارْ د-إِتّْوَاسّكّْ إِلِييَا ؤُڒَا غَارْ إِشْثنْ زَّايْسنْثْ، مْغِيرْ غَارْ صَارْفَاثْ [إِ إِدْجَانْ ذِي جّْوَايهْ] ن صَايْذُونْ، غَارْ إِشْثْ ن ثَاجَّاتْشْ.
LUK 4:27 ثُوغَا ذِينْ ذِي إِسْرَائِيل ذِي ڒْوقْثْ ن ؤُنَابِي إِلِيشَاعْ أَطَّاسْ ن إِوْذَانْ إِ ذِي إِدْجَا ڒْبَارْصْ، ؤُشَا ؤُڒَا ذ إِجّْ زَّايْسنْ وَارْ إِتّْوَاسِّيزْذِيڭْ مْغِيرْ نَاعْمَانْ زِي أَرَامْ وَاهَا.“
LUK 4:28 ؤُمِي سْڒِينْ أَيَا، تّْوَاشُّورنْ مَارَّا [إِنِّي إِدْجَانْ] ذِي ثمْزِيذَا، س ثفْقحْثْ.
LUK 4:29 كَّارنْ، سُّوفّْغنْ ث بَارَّا إِ ثنْذِينْثْ، إِوْينْ ث غَارْ ثْقِيشّثْ ن وذْرَارْ إِ خفْ ثُوغَا ثبْنَا ثنْذِينْثْ نْسنْ، حِيمَا أَذْ ث نْضَارنْ زِي جَّارْفْ يُوعْڒَانْ.
LUK 4:30 مَاشَا نتَّا إِشُوقْ ذِي ڒْوسْطْ نْسنْ، إِرُوحْ.
LUK 4:31 إِهْوَا غَارْ كَافَارْنَاحُومْ، إِشْثْ ن ثنْذِينْثْ ذِي لْجَالِيلْ، ثُوغَا إِسّڒْمَاذْ إِ-ثنْ ذڭْ وُوسَّانْ ن سّبْثْ.
LUK 4:32 ثْبهْثنْ س ؤُسڒْمذْ نّسْ، مِينْزِي أَوَاڒْ نّسْ ثُوغَا ث س صُّولْطَا.
LUK 4:33 ثُوغَا ذِي ثمْزِيذَا إِجّْ ن ورْيَازْ ذَايسْ بُوحْبڒْ ن إِجّْ ن شِّيطَانْ أَمنْڭُوسْ. نتَّا إِسْغُويُّو س جّهْذْ أَطَّاسْ،
LUK 4:34 إِنَّا: ”ثوّجْ [خَافِي]! مِينْ ذِينْ جَارْ أَنغْ أَكِيذكْ، [أَ] يَاسُوع نَّاصِيرِي؟ مَا ثُوسِيذْ-د [ذَا] حِيمَا أَذْ أَنغْ ثثحِّيذْ؟ نشّْ سّْنغْ مِينْ ثعْنِيذْ، أَقَا شكْ ذ أَمْقدَّاسْ ن أَربِّي.“
LUK 4:35 إِوبّخْ إِ-ث يَاسُوع، إِنَّا أَسْ: ”سْقَارْ، فّغْ-د زَّايسْ!“ إِنْضَارْ إِ-ث شِّيطَانْ ذِي ڒْوسْطْ، إِفّغْ زَّايسْ، بْڒَا مَا أَذْ أَسْ إِسّخْسَارْ شَا.
LUK 4:36 يَارْسَا ؤُثبْهثْ خْ مَارَّا، ؤُشَا بْذَانْ سَّاوَاڒنْ جَارْ أَسنْ، نَّانْ: ”مَانَا أَوَاڒْ-أَ؟ أَقَا س صُّولْطَا ذ جّهْذْ إِتَّامَارْ ڒَارْيَاحْ إِمنْڭَاسْ، ؤُشَا فّْغنْ!“
LUK 4:37 إِفّغْ-د خَاسْ ڒخْبَارْ غَارْ مَارَّا جّْوَايهْ إِ ذ أَسْ د-إِنّْضنْ.
LUK 4:38 ڒَامِي د-إِفّغْ يَاسُوع زِي ثمْزِيذَا، يُوذفْ غَارْ ثَادَّارْثْ ن شِيمْعُونْ. ثُوغَا ثَاضكّْوَاتْشْ ن شِيمْعُونْ ذَايسْ ثِيمسِّي أَطَّاسْ ؤُ تَّارنْ زَّايسْ ذِي طّْوعْ نّسْ.
LUK 4:39 إِغْنسْ خَاسْ ؤُشَا إِوبّخْ ثِيمسِّي ؤُشَا ثجَّا خَاسْ [ثْمسِّي]. ڒخْذنِّي ثكَّارْ، ثذْوڒْ ثتّْسخَّارْ خَاسنْ.
LUK 4:40 ڒَامِي ثغْڒِي ثْفُوشْثْ، إِوْينْ-د غَارسْ مَارَّا إِنِّي ثُوغَا غَارْ إِدْجَا إِمهْڒَاشْ إِ ذِي إِدْجَا عْڒَامْ كُوڒْ ڒهْڒَاشَاثْ. ؤُشَا نتَّا إِسَّارْسْ أَفُوسْ نّسْ خْ كُوڒْ إِجّنْ زَّايْسنْ، إِسّْڭنْفَا إِ-ثنْ.
LUK 4:41 ثُوغَا شّْوَاطنْ تّفّْغنْ-د عَاوذْ زڭْ وَاطَّاسْ إِذْسنْ، ثُوغَا سْغُويُّونْ، قَّارنْ: ”شكْ ذ لْمَاسِيحْ مِّيسْ ن أَربِّي!“ [مَاشَا] إِوبّخْ إِ-ثنْ، وَارْ ثنْ إِجِّي أَذْ سِّيوْڒنْ، مِينْزِي سّْننْ بلِّي نتَّا ذ لْمَاسِيحْ.
LUK 4:42 ڒَامِي ثُوغَا ذ أَزِيڒْ، إِفّغْ-د، إِرُوحْ غَارْ إِجّْ ن ومْشَانْ إِخْڒَانْ، ثُوغَا ڒْغَاشِي يَارزُّو خَاسْ، ؤُسِينْ-د غَارسْ ؤُشَا أَرزُّونْ أَذْ ث منّْعنْ، حِيمَا وَارْ خَاسنْ إِتّْرِيحْ.
LUK 4:43 إِنَّا أَسنْ يَاسُوع: ”أَقَا إِتّْخصَّا أَيِي أَذْ بَارّْحغْ عَاوذْ إِ ثْندَّامْ نّغْنِي س ثْڭلْذِيثْ ن أَربِّي، مِينْزِي إِ مَانْ أَيَا ؤُمِي د-تّْوَاسّكّغْ.“
LUK 4:44 ؤُشَا إِتّْبَارّحْ ذِي ثمْزِيذَاوِينْ ن لْجَالِيلْ.
LUK 5:1 أَڒَامِي خَاسْ إِمُونْ ڒْغَاشِي حِيمَا أَذْ سْڒنْ إِ وَاوَاڒْ ن أَربِّي، [أَمْ] ثُوغَا نتَّا إِبدّْ خْ ثْمَا ن ڒبْحَارْ ن جِينِّيسَارثْ،
LUK 5:2 إِژْرَا ثْنَاينْ ن ثْغَارُّوبَا بدّنْثْ خْ ثْمَا ن ڒبْحَارْ. إِنيْمَارنْ ن إِسڒْمَانْ فّْغنْ-د زَّايسْ، ثُوغَا سِّيرْذنْ ثِيرَاشِّيوِينْ.
LUK 5:3 إِشْثنْ زِي ثْغَارُّوبَا نِّي ثُوغَا ن شِيمْعُونْ بُوطْرُوسْ. إِنْيَا يَاسُوع ذِي ثْغَارَّابُوثْ، إِسّقْسَا ثنْ أَذْ أَڭّْوجنْ شْوَايْثْ خْ ثْمَا ن ڒْبَاڒْ غَارْ ڒبْحَارْ. خنِّي إِقِّيمْ، إِسّڒْمَاذْ ڒْغَاشِي زِي ثْغَارَّابُوثْ.
LUK 5:4 ؤُمِي إِكمّڒْ أَوَاڒْ، إِنَّا إِ شِيمْعُونْ: ”رُوحمْ غَارْ ڒَادْجَاغْ، نْضَارمْ ثِيرَاشِّيوِينْ نْومْ إِ ثْنيْمَارْثْ.“
LUK 5:5 يَارَّا-د شِيمْعُونْ، إِنَّا أَسْ: ”[أَ] أَمْسڒْمَاذْ إِنُو، أَقَا نُوحڒْ دْجِيڒثْ ثكْمڒْ، وَارْ نيْمَارْ وَالُو، مَاشَا خْ وَاوَاڒْ نّشْ أَذْ نْضَارغْ ثْرَاشَّا.“
LUK 5:6 ؤُمِي ڭِّينْ مَانْ أَيَا، طّْفنْ أَطَّاسْ ن إِسڒْمَانْ أَڒَامِي ذوْڒنْثْ ثْرَاشِّيوِينْ نْسنْ تّْشَارَّاڭنْثْ.
LUK 5:7 أَقَا شِييَّارنْ غَارْ إِمدُّوكَّاڒْ نْسنْ إِنِّي ثُوغَا ذِي ثْغَارَّابُوثْ نّغْنِي، حِيمَا أَذْ د-أَسنْ أَذْ ثنْ عَاوْننْ. نِيثْنِي ؤُسِينْ-د، ؤُشَا شُّورنْ ثْنَاينْ ن ثْغَارُّوبَا أَڒَامِي عْڒَاينْ أَذْ غَارْقنْثْ.
LUK 5:8 أَڒَامِي إِژْرَا شِيمْعُونْ بُوطْرُوسْ مَانْ أَيَا، إِوْضَا غَارْ إِضَارنْ ن يَاسُوع، إِنَّا أَسْ: ”تّْزَاوْڭغْ شكْ، أَ سِيذِي، أَڭّْوجْ خَافِي، أَقَا نشّْ ذ بْنَاذمْ ذ أَمذْنُوبْ.“
LUK 5:9 إِثبْهثْ نتَّا ذ مَارَّا إِنِّي إِدْجَانْ أَكِيذسْ خْ ثْنيْمَارْثْ ن إِسڒْمَانْ إِ طّْفنْ،
LUK 5:10 ؤُڒَا ذ يَاعْقُوبْ ذ يُوحَانَّا، ثَارْوَا ن زَابْذِي، إِنِّي ثُوغَا ذ إِشْرِيشنْ ن شِيمْعُونْ. [مَاشَا] يَاسُوع إِنَّا إِ شِيمْعُونْ: ”وَارْ تّڭّْوذْ شَا، زِي سَّا ذ ثْسَاونْثْ أَذْ ثَافذْ ثْيمَّارذْ إِوْذَانْ إِ ؤُسنْجمْ.“
LUK 5:11 نِيثْنِي إِوْينْ-د ثِيغَارُّوبَا غَارْ ڒْبَارّْ، جِّينْ كُوڒْشِي ؤُشَا ضْفَارنْ ث.
LUK 5:12 ؤُمِي ثُوغَا يَاسُوع ذڭْ إِشْثنْ زِي ثْندَّامْ [نِّي]، يُوسَا-د [غَارسْ] إِجّْ ن ورْيَازْ إِڒْقفْ إِ-ث مَارَّا ڒْبَارْصْ. ؤُمِي إِژْرَا نتَّا يَاسُوع، إِوْضَا خْ ؤُغمْبُوبْ نّسْ ؤُشَا إِزَاوڭْ إِ-ث، إِنَّا: ”أَ سِيذِي إِنُو، مَاڒَا ثخْسذْ، ثْزمَّارذْ أَذْ أَيِي ثسِّيزْذڭذْ!“
LUK 5:13 إِسّْوِيژّضْ يَاسُوع س ؤُفُوسْ نّسْ غَارسْ، إِحَاذَا ث، إِنَّا: ”نشّْ خْسغْ، إِڒِي ثِيزْذِيڭذْ!“ ڒخْذنِّي إِرُوحْ خَاسْ ڒْبَارْصْ.
LUK 5:14 يُومُورْ إِ-ث: ”وَارْ ثقَّارْ إِ حذْ، مَاشَا رُوحْ، سْشنْ إِخفْ نّشْ إِ ؤُكهَّانْ، أوْشْ ثَاوْهِيبْثْ خْ ؤُسِيزْذڭْ نّشْ، أَمْ مَامّشْ [ث] يُومُورْ مُوسَا، ذ شّْهَاذثْ إِ نِيثْنِي.“
LUK 5:15 شّنْعثْ نّسْ ثُويُورْ مَانِي مَا كْثَارْ عَاذْ ؤُشَا إِنّيْرُو ڒْغَاشِي أَطَّاسْ، حِيمَا أَذْ أَسْ سْڒنْ ؤُ حِيمَا أَذْ زَّايسْ تّْوَاسّْڭنْفَانْ زِي ڒهْڒَاشَاثْ نْسنْ.
LUK 5:16 مَاشَا نتَّا إِفّغْ-د غَارْ ڒخْڒَا، إِتّْژَادْجْ ذِينْ.
LUK 5:17 ذڭْ إِجّْ ن وَاسّْ زڭْ وُوسَّانْ نِّي أَمْ ثُوغَا يَاسُوع إِسّڒْمَاذْ، قِّيمنْ [ذِينْ] إِفَارِيسِييّنْ ذ إِمْسڒْمَاذنْ ن شَّارِيعَا إِنِّي د-يُوسِينْ زِي مَارَّا ذْشُورَاثْ ن لْجَالِيلْ ذ يَاهُوذِييَّا ؤُ زِي ؤُرْشَالِيمْ. ثُوغَا ذِينْ جّهْذْ ن سِيذِي مَاحنْذْ أَذْ ثنْ إِڭّنْفَا.
LUK 5:18 خنِّي إِوْينْ-د إِجّْ ن ؤُنعْضَابْ خْ ثَاسُّوثْ ثُوغَا أَرزُّونْ أَذْ ث سِّيذْفنْ غَارْ ذَاخڒْ، مَاحنْذْ أَذْ ث سَّارْسنْ زَّاثسْ.
LUK 5:19 ؤُمِي وَارْ ؤُفِينْ مَانِيسْ ث إِ غَا سِّيذْفنْ زِي سِّيبّثْ ن ڒْغَاشِي، ڭعّْذنْ خْ ثْزقَّا ؤُشَا سيّْبنْ ث زڭْ ؤُقَارْمُوذْ غَارْ وَادَّايْ أَكْ-ذ ثَاسُّوثْ [نِيشَانْ] غَارْ ڒْوسْطْ، زَّاثْ إِ يَاسُوع.
LUK 5:20 ؤُمِي إِژْرَا يَاسُوع لْ-إِيمَانْ نْسنْ، إِنَّا إِ ؤُنعْضَابْ نِّي: ”[أَ] بْنَاذمْ، دّْنُوبْ نّشْ تّْوَاغْفَارنْ أَشْ.“
LUK 5:21 بْذَانْ إِمْسڒْمَاذنْ ن إِذْلِيسنْ ذ إِفَارِيسِييّنْ تّْخَارَّاصنْ، نَّانْ: ”مِينْ إِعْنَا وَا، ڒَامِي نتَّا إِتّْشقَّافْ [أَمُّو]. وِي إِزمَّارنْ أَذْ إِغْفَارْ دّْنُوبْ مْغِيرْ أَربِّي وحّْذسْ؟“
LUK 5:22 [مَاشَا] يَارْڭبْ يَاسُوع خْ إِخَارِّيصنْ نْسنْ، ؤُشَا نتَّا إِطّفْ ذڭْ وَاوَاڒْ، إِنَّا أَسنْ: ”مِينْ ثتّْخَارَّاصمْ ذڭْ وُوڒَاونْ نْومْ؟
LUK 5:23 مِينْ إِهوْننْ أَذْ إِنِيغْ: ’تّْوَاغْفَارنْ دّْنُوبْ نّشْ!‘ نِيغْ أَذْ إِنِيغْ: ’كَّارْ، ؤُيُورْ‘؟
LUK 5:24 مَاشَا حِيمَا أَذْ ثسّْنمْ بلِّي مِّيسْ ن بْنَاذمْ غَارسْ صُّولْطَا خْ ثمُّورْثْ، حِيمَا أَذْ إِغْفَارْ دّْنُوبْ - إِنَّا إِ ؤُنعْضَابْ - إِ شكْ ؤُمِي غَا إِنِيغْ، كَّارْ، كْسِي ثَاسُّوثْ نّشْ ؤُشَا رُوحْ غَارْ ثَادَّارْثْ نّشْ!“
LUK 5:25 ڒخْذنِّي إِكَّارْ زَّاثْ إِ ثِيطَّاوِينْ نْسنْ، إِكْسِي ثَاسُّوثْ نّسْ ؤُشَا إِرُوحْ غَارْ ثَادَّارْثْ نّسْ، إِسّمْغَارَا ذِي أَربِّي.
LUK 5:26 أَثبْهثْ إِهْوَا-د خْ مَارَّا إِوْذَانْ، سّمْغَارَانْ ذِي أَربِّي ؤُشَا ثُوذفْ إِ-ثنْ ثِيڭّْوُوذِي، نَّانْ: ”أَقَا أَسّْ-أَ نژْرَا ڒعْجَايبْ!“
LUK 5:27 أَوَارْنِي مَانْ أَيَا إِفّغْ يَاسُوع، إِژْرَا إِجّْ ن بُو-ضَّارِيبَا، قَّارنْ أَسْ لَاوِي، إِقِّيمْ ذڭْ ومْشَانْ ن ضَّارِيبَا، إِنَّا أَسْ: ”ضْفَارْ أَيِي-د!“
LUK 5:28 إِجَّا كُوڒْشِي، إِكَّارْ ؤُشَا إِضْفَارْ إِ-ث-إِ-د.
LUK 5:29 إِسّْنوْجِي أَسْ لَاوِي إِجّْ ن ؤُسْنوْجِي ذ أَمقّْرَانْ ذِي ثَادَّارْثْ نّسْ، ؤُشَا إِنِّي أَكِيذسْ إِقِّيمنْ [غَارْ طَّابْڒَا] ثُوغَا أَثنْ ذڭْ وَاطَّاسْ ن ڒْغَاشِي زڭْ أَيْثْ ن ضَّارِيبَا ذ إِنّغْنِي.
LUK 5:30 [مَاشَا] إِمْسڒْمَاذنْ ن إِذْلِيسنْ ذ إِفَارِيسِييّنْ شثْشَانْ، نَّانْ إِ إِمحْضَارنْ نّسْ: ”مَايمِّي ثتّتّمْ، ثسّسّمْ أَكْ-ذ أَيْثْ ن ضَّارِيبَا ذ إِمذْنَابْ؟“
LUK 5:31 يَارَّا-د يَاسُوع، إِنَّا أَسنْ: ”إِنِّي إِصحّنْ وَارْ حْذِيجنْ شَا أَضْبِيبْ، مَاشَا إِمهْڒَاشْ وَاهْ.
LUK 5:32 وَارْ د-ؤُسِيغْ أَذْ ڒَاغِيغْ خْ إِمْسڭَّاذنْ، مَاشَا خْ إِمذْنَابْ غَارْ تُّوبثْ.“
LUK 5:33 نَّانْ أَسْ: ”مَايمِّي ثْژُومَّانْ ؤُ تّْژَادْجَانْ إِمحْضَارنْ ن يُوحَانَّا أَطَّاسْ، ؤُڒَا ذ يِينِّي ن إِفَارِيسِييّنْ، مَاشَا إِنِّي نّشْ تّتّنْ، سسّنْ؟“
LUK 5:34 إِنَّا أَسنْ: ”مَا ثخْسمْ أَذْ ثجّمْ أَيْثْ ن ؤُمُوڒَايْ أَذْ ژُومّنْ مَاڒَا أَمُوڒَايْ أَقَا-ث [عَاذْ] أَكِيذْسنْ!
LUK 5:35 مَاشَا أَذْ د-أَوْضنْ وُوسَّانْ خْمِي خَاسنْ غَا إِتّْوَامّكْسِي ؤُمُوڒَايْ، ڒخْذنِّي أَذْ ژُومّنْ ذڭْ وُوسَّانْ نِّي.“
LUK 5:36 إِنَّا أَسنْ عَاوذْ إِجّْ ن ؤُمذْيَا: ”وَارْ ذِينْ حذْ إِشَارّڭْ ثَانقِّيتْشْ زڭْ وَارُّوضْ ن جْذِيذْ، ؤُشَا إِتّڭّْ إِ-ت خْ وَارُّوضْ أَبُوڒَايْ، حِيمَا وَارْ ثتَّارِّي ثْنقِّيتْشْ ن جْذِيذْ أَذْ ثْشَارّڭْ أَبُوڒَايْ، مِينْزِي ثَانقِّيتْشْ ن جْذِيذْ وَارْ ثتّْڒِيقِي أَبُوڒَايْ.
LUK 5:37 ؤُشَا وَارْ إِدْجِي حذْ إِتّڭّْ بِينُو ن جْذِيذْ ذِي ثْخُونْشَايْ ثِيقْذِيمِينْ ن يِيڒمْ، حِيمَا بِينُو ن جْذِيذْ وَارْ إِتّْشَارِّيڭْ شَا ثِيخُونْشَايْ ؤُشَا أَذْ إِزدْجعْ بِينُو، أَذْ ضيّْعنْثْ ثْخُونْشَايْ.
LUK 5:38 مَاشَا تّڭّنْ بِينُو ن جْذِيذْ ذِي ثْخُونْشَايْ ن جْذِيذْ ؤُشَا أَذْ خمّْڒنْ س ثْيُويَا.
LUK 5:39 ؤُڒَا ذ إِجّْ، مَاڒَا إِسْوَا أَقْذِيمْ، وَارْ إِتّخْسْ عَاذْ ڒخْذنِّي جْذِيذْ، مِينْزِي نتَّا أَذْ يِينِي: ’أَقْذِيمْ إِتّْفُوحْ!‘ “
LUK 6:1 إِمْسَارْ ذِي سّبْثْ أَقَا يَاسُوع يُويُورْ ذڭْ إِيَّارنْ ن زَّارِيعثْ ن إِمنْذِي. ثُوغَا إِمحْضَارنْ نّسْ ڒقّْضنْ ثِيذْرِينْ، تّْحكَّانْ ثنْثْ س إِفَاسّنْ نْسنْ، تّتّنْ [ثنْثْ].
LUK 6:2 شَا ن إِفَارِيسِييّنْ نَّانْ أَسنْ: ”مَايمِّي ثتّڭّمْ مِينْ وَارْ إِحدْجْڒنْ أَذْ إِتّْوَاڭّْ ذِي سّبْثْ؟“
LUK 6:3 يَارَّا-د يَاسُوع، إِنَّا أَسنْ: ”مَا وَارْ ثغْرِيمْ مِينْ إِڭَّا ذَاوُوذْ ؤُمِي إِدْجُوژْ نتَّا ذ يِينِّي أَكِيذسْ؟
LUK 6:4 مَامّشْ يُوذفْ غَارْ ثَادَّارْثْ ن أَربِّي، إِكْسِي أَغْرُومْ ن وسْشَانْ إِ إِدْجَانْ خْ ثْزوْضَا ن سِيذِي إِ وَارْ إِحدْجْڒنْ مَاشَّا نّسْ مْغِيرْ إِ إِكهَّاننْ وَاهَا، ؤُشَا إِشَّا [زَّايسْ] ؤُ إِوْشَا عَاوذْ إِ يِينِّي ثُوغَا إِدْجَانْ أَكِيذسْ؟“
LUK 6:5 [خنِّي] إِنَّا أَسنْ: ”أَقَا مِّيسْ ن بْنَاذمْ ذ بَابْ ن سّبْثْ.“
LUK 6:6 ذڭْ إِجّْ ن [وَاسّْ ن] سّبْثْ نّغْنِي يُوذفْ [يشُّو] غَارْ ثمْزِيذَا، إِبْذَا إِسّْغَارَا. ثُوغَا ذِينْ إِجّْ ن بْنَاذمْ ونِّي ؤُمِي أَفُوسْ نّسْ إِقُوشّحْ.
LUK 6:7 حْضَانْ ث إِمْسڒْمَاذنْ ن إِذْلِيسنْ ذ إِفَارِيسِييّنْ، مَا أَذْ إِسّْڭنْفَا ذِي سّبْثْ، حِيمَا أَذْ خَاسْ أَفنْ شَا ن تُّوهْمثْ.
LUK 6:8 مَاشَا نتَّا يَارْڭبْ خْ إِخَارِّيصنْ نْسنْ ؤُشَا إِنَّا إِ بْنَاذمْ ونِّي ؤُمِي إِقُوشّحْ ؤُفُوسْ نّسْ: ”كَّارْ، بدّْ ذِي ڒْوسْطْ ن ثمْزِيذَا.“ ؤُمِي إِكَّارْ ؤُ ثُوغَا إِبدّْ [ذِينْ]،
LUK 6:9 إِنَّا أَسنْ يَاسُوع: ”أَذْ كنِّيوْ سّقْسِيغْ خْ مِينْ إِحدْجْڒنْ أَذْ إِتّْوَاڭّْ ذِي سّبْثْ. [مَا إِحدْجڒْ إِ بْنَاذمْ مَاحنْذْ] أَذْ إِڭّْ ڒْخَارْ نِيغْ ڒْغَارْ، أَذْ إِسّنْجمْ إِجّْ ن ڒعْمَارْ نِيغْ أَذْ [ث] يَاردّدْجْ؟“
LUK 6:10 ثُوغَا إِخزَّارْ غَارْ مَارَّا إِنِّي ذ أَسْ د-إِنّْضنْ، إِنَّا أَسْ [إِ بْنَاذمْ نِّي]: ”سْوِيژّضْ أَفُوسْ نّشْ!“ إِسّْوِيژّضْ نتَّا أَفُوسْ نّسْ ؤُشَا إِذْوڒْ ؤُفُوسْ نّسْ إِصحّْ أَمْ ونّغْنِي.
LUK 6:11 [مَاشَا] نِيثْنِي ذوْڒنْ شُّورنْ س زّْعَافْ ؤُشَا سِّيوْڒنْ جَارْ أَسنْ خْ مِينْ غَا ڭّنْ إِ يَاسُوع.
LUK 6:12 إِمْسَارْ ذڭْ وُوسَّانْ نِّي، أَقَا إِفّغْ يَاسُوع غَارْ إِجّْ ن وذْرَارْ، حِيمَا أَذْ إِژَّادْجْ ؤُشَا إِسّعْذُو ذِينْ دْجِيڒثْ ثكْمڒْ، إِتّْژَادْجْ إِ أَربِّي.
LUK 6:13 ؤُمِي ثُوغَا ذ أَزِيڒْ، إِڒَاغَا-د إِ إِمحْضَارنْ نّسْ، ؤُشَا إِخْضَارْ زَّايْسنْ ثنْعَاشْ، إِسمَّا ثنْ رُّوسُولْ.
LUK 6:14 شِيمْعُونْ، ونِّي إِتّْكنَّانْ بُوطْرُوسْ، [’أَژْرُو‘]، ذ أَنْذْرَاوُوسْ ؤُمَاسْ، ذ يَاعْقُوبْ ذ يُوحَانَّا، ذ فِيلِيبُّوسْ ذ بَارْ-ثُولُومَاوُوسْ
LUK 6:15 ذ مَاتَّا ذ ثُومَا ذ يَاعْقُوبْ، مِّيسْ ن حَالْفَا، ذ شِيمْعُونْ ونِّي ؤُمِي تّْكنَّانْ ’أَمْعسَّابْ‘،
LUK 6:16 يَاهُوذَا، مِّيسْ ن يَاعْقُوبْ، ذ يَاهُوذَا إِسْخَارِييُوطِي ونِّي إِدْجَانْ ذ أَغدَّارْ.
LUK 6:17 إِهْوَا-د يَاسُوع أَكِيذْسنْ ؤُشَا إِبدّْ ذِي ڒوْضَا. ثُوغَا أَكِيذسْ إِجّْ ن ؤُبَارُّو ن إِمحْضَارنْ نّسْ ذ إِجّْ ن ؤُبَارُّو ن إِوْذَانْ زِي مَارَّا يَاهُوذِييَّا ذ ؤُرْشَالِيمْ ؤُ زِي ثْمَا ن ڒبْحَارْ غَارْ صُورْ ذ صَايْذُونْ.
LUK 6:18 نِيثْنِي ؤُسِينْ-د حِيمَا أَذْ أَسْ سْڒنْ ؤُ أَذْ تّْوَاسّْڭنْفَانْ زِي ڒهْڒَاشْ نْسنْ، [ثُوغَا أَكِيذْسنْ] ؤُڒَا ذ إِنِّي إِتّْوَاغزَّانْ زِي ڒَارْيَاحْ إِمنْڭَاسْ، ؤُشَا تّْوَاسّْڭنْفَانْ.
LUK 6:19 مَارَّا ڒْغَاشِي ثُوغَا إِتّخْسْ أَذْ ث إِحَاذَا، مِينْزِي ثُوغَا إِتّفّغْ-د زَّايسْ جّهْذْ نِّي إِسّْڭنْفَانْ كُوڒْشِي.
LUK 6:20 إِسّْڭعّذْ ثِيطَّاوِينْ نّسْ غَارْ إِمحْضَارنْ نّسْ، إِنَّا: ”سّعْذْ نْومْ، كنِّيوْ، أَ إِمزْڒَاضْ، مِينْزِي ثَاڭلْذِيثْ ن أَربِّي إِ كنِّيوْ.
LUK 6:21 سّعْذْ نْومْ، كنِّيوْ، إِنِّي إِدْجُوژنْ ڒخُّو، مِينْزِي كنِّيوْ أَذْ ثتّْوَاسّْجِيوْنمْ. سّعْذْ نْومْ، كنِّيوْ، إِنِّي إِتّْرُونْ ڒخُّو، مِينْزِي كنِّيوْ أَذْ ثْضحْشمْ.
LUK 6:22 سّعْذْ نْومْ، ؤُمِي كنِّيوْ شَارّْهنْ إِوْذَانْ، تَّاژّْڒنْ خَاومْ، تّكّْوَارنْ كنِّيوْ، ؤُشَا سّْفطَّاحنْ زڭْ يِيسمْ نْومْ خْ سِّيبّثْ ن مِّيسْ ن بْنَاذمْ.
LUK 6:23 فَارْحمْ ذڭْ وَاسّْ نِّي، نڭْزمْ س ڒفْرَاحثْ، مِينْزِي، أَقَا ڒَاجَارْ نْومْ إِمْغَارْ ذڭْ ؤُجنَّا، مِينْزِي أَمُّو ثُوغَا تّڭّنْ ڒجْذُوذْ نْسنْ ذڭْ إِنَابِييّنْ.
LUK 6:24 مَاشَا ؤُشْثْ خَاومْ، كنِّيوْ، أَيْثْبَابْ ن وَاڭْڒَا، مِينْزِي أَقَا ثطّْفمْ أَفوّجْ نْومْ.
LUK 6:25 ؤُشْثْ خَاومْ، كنِّيوْ، إِنِّي إِجِّيوْننْ، مِينْزِي أَذْ ثْدْجَاژمْ. ؤُشْثْ خَاومْ، كنِّيوْ إِنِّي إِضحّْشنْ ڒخُّو، مِينْزِي أَذْ ثْشضْنمْ، أَذْ ثْرُومْ.
LUK 6:26 ؤُشْثْ خَاومْ ؤُمِي إِوْذَانْ أَذْ خَاومْ سِّيوْڒنْ مْلِيحْ، مِينْزِي أَمُّو ثُوغَا تّڭّنْ ڒجْذُوذْ نْسنْ أَكْ-ذ إِنَابِييّنْ إِسّْخَارِّيقنْ.“
LUK 6:27 ”مَاشَا نشّْ أَذْ أَومْ إِنِيغْ، إِ يِينِّي إِتّسْڒَانْ: خْسمْ ڒْعذْيَانْ نْومْ، ثْهِيلَّامْ ذڭْ إِنِّي كنِّيوْ إِشَارّْهنْ،
LUK 6:28 بَارْكمْ إِ يِينِّي كنِّيوْ إِنعّْڒنْ ؤُ ژَتدْجمْ خْ يِينِّي خَاومْ إِتّْعدَّانْ.
LUK 6:29 إِ ونِّي شكْ إِوْثِينْ غَارْ ؤُمڭِّيزْ، أَرّْ أَسْ-د س ونّغْنِي، ؤُ ونِّي ذ أَشْ غَا إِكّْسنْ أَجدْجَابْ، وَارْ ث تّطّفْ أَذْ إِكْسِي ؤُڒَا ذ ثْشَامِيرْ نّشْ.
LUK 6:30 مَارَّا ونِّي ذ أَشْ غَا إِتَّارنْ، أوْشْ أَسْ ث، ؤُ ونِّي إِ غَا إِكْسِينْ مِينْ إِدْجَانْ نّشْ، وَارْ ذ أَسْ [ث] تّتَّارْ.
LUK 6:31 أَمْ مَامّشْ ثخْسذْ أَذْ أَومْ ڭّنْ إِوْذَانْ، ڭّمْ ؤُڒَا ذ كنِّيوْ ذَايْسنْ أَمنِّي.
LUK 6:32 مَاڒَا ثخْسمْ غَارْ يِينِّي كنِّيوْ إِتّخْسنْ، مَانْ ثْشُونِي إِ غَارْومْ. أَقَا ؤُڒَا ذ إِمذْنَابْ تّخْسنْ إِنِّي إِ ثنْ إِتّخْسنْ.
LUK 6:33 مَاڒَا ثڭّمْ ڒْخَارْ إِ يِينِّي ذ أَومْ إِتّڭّنْ ڒْخَارْ، مَانْ ثْشُونِي إِ غَارْومْ. أَقَا ؤُڒَا ذ إِمذْنَابْ تّڭّنْ أَمنِّي.
LUK 6:34 ؤُ مَاڒَا ثَارْضْڒمْ إِ إِوْذَانْ إِ زِي ثتّْرَاجَامْ أَذْ أَومْ د-أَرّنْ، مَانْ ثْشُونِي إِ غَارْومْ؟ أَقَا ؤُڒَا ذ إِمذْنَابْ أَرْضْڒنْ إِ إِمذْنَابْ، حِيمَا أَذْ أَسنْ د-إِذْوڒْ أَمنِّي عَاوذْ.
LUK 6:35 مَاشَا خْسمْ ڒْعذْيَانْ نْومْ، ڭّمْ ذ أَسنْ ثْشُونِي، أَرْضْڒمْ، وَارْ ثْقطّْعمْ ڒَايَاسْ إِ شَا ن يِيجّنْ. خنِّي أَذْ يِيڒِي ڒَاجَارْ نْومْ إِمْغَارْ، أَذْ ثِيڒِيمْ ذ ثَارْوَا ن ؤُمْعُودْجِي خْ كُوڒْشِي، مِينْزِي أَقَا إِتّڭّْ س تَّاسِيعْ نْ ڒْخَاضَارْ أَكْ-ذ إِعفَّاننْ ذ يِينِّي وَارْ ث إِشكَّارنْ.
LUK 6:36 أَرحْممْ أَمْ مَامّشْ إِدْجَا بَابَاثْومْ ذ أَرْحِيمْ.
LUK 6:37 وَارْ حكّمْ، وَارْ ثتّْوَاحَاكَاممْ. وَارْ تّْحَاسَابمْ، وَارْ ثتّْوَاحَاسْبمْ. غْفَارمْ، أَذْ أَومْ إِتّْوَاغْفَارْ.
LUK 6:38 وْشمْ، أَذْ أَومْ إِمّوْشْ، أَذْ نْضَارنْ إِجّْ ن ڒْمُوذْ إِشْنَا، إِذقّسْ، إِتّْوَاسّنْهزّْ، إِفيّضْ ذڭْ وحْسِينْ نْومْ. مِينْزِي س ڒْمُوذْ إِ زِي غَا ثْوزْنمْ كنِّيوْ، أَذْ زَّايسْ ثتّْوَاوزْنمْ ؤُڒَا ذ كنِّيوْ.“
LUK 6:39 نتَّا إِنَّا أَسنْ إِجّْ ن ؤُمذْيَا: ”مَا إِزمَّارْ ؤُذَارْغَاڒْ أَذْ إِنْذهْ أَذَارْغَاڒْ؟ مَا وَارْ وطِّينْ س ثْنَاينْ إِذْسنْ ذڭْ وحْفُورْ؟
LUK 6:40 أَمحْضَارْ وَارْ إِدْجِي شَا حْسنْ زڭْ ؤُمْسڒْمَاذْ نّسْ، مَاشَا كُوڒْ أَمحْضَارْ نِيشَانْ أَذْ يِيڒِي أَمْ ؤُمْسڒْمَاذْ نّسْ.
LUK 6:41 مَايمِّي ثْخزَّارذْ غَارْ ؤُخشِّيوْ، ثنِّي ذِي ثِيطّْ ن ؤُمَاشْ، مَاشَا ثَاحْنَاشْثْ، ثنِّي ذِي ثِيطّْ نّشْ، وَارْ كِيسْ ثڒْهِيذْ؟
LUK 6:42 مَامّشْ ثتّڭّذْ ثقَّارذْ إِ ؤُمَاشْ: ’ؤُمَا، أجّْ أَيِي أَذْ أَشْ د-سُّوفّْغغْ أَخشِّيوْ إِ ذَايكْ ذِي ثِيطّْ نّشْ!‘، ؤُ خْزَارْ، شكْ سِيمَانْثْ نّشْ وَارْ ثتّْوِيڒِيذْ شَا ثَاحْنَاشْثْ إِ غَاركْ ذِي ثِيطّْ نّشْ. [شكْ، أَ] أَمْنَافقْ، سُوفّغْ-د أَمزْوَارُو ثَاحْنَاشْثْ نِّي غَاركْ ذِي ثِيطّْ نّشْ، خنِّي أَذْ ثتّْوَاڒِيذْ [مْلِيحْ] مَاحنْذْ أَذْ ثسُّوفّْغذْ أَخشِّيوْ زِي ثِيطّْ ن ؤُمَاشْ.“
LUK 6:43 ”وَارْ ذِينْ بُو ثْشجَّارْثْ ثَاصبْحَانْثْ إِ د-إِسّْغمَّاينْ ڒْغِيدْجثْ ثخْسَارْ، نِيغْ ثَاشجَّارْثْ إِخْسَارنْ إِ د-إِسّْغمَّاينْ ڒْغِيدْجثْ ثَاصبْحَانْثْ.
LUK 6:44 مِينْزِي كُوڒْ ثَاشجَّارْثْ ثتّْوَاسّنْ س ڒْغِيدْجثْ نّسْ، مِينْزِي وَارْ يْرُونْ زڭْ إِسنَّاننْ ڒْبَاشُورْ، ؤُ وَارْ ڒقّْضنْ أَضِيڒْ زِي شْبَارْقْ أَكْ-ذ إِسنَّاننْ.
LUK 6:45 بْنَاذمْ أَصبْحَانْ زِي ڒْكنْزْ ن وُوڒْ نّسْ ذ أَصبْحَانْ أَذْ إِسُّوفّغْ مِينْ إِصبْحنْ ؤُشَا بْنَاذمْ أَعفَّانْ زِي ڒْكنْزْ ن وُوڒْ نّسْ ذ أَعفَّانْ أَذْ د-إِسُّوفّغْ ثُوعفّْنَا. س مِينْ زِي إِشُّورْ وُوڒْ، زَّايسْ سَّاوَاڒنْ إِينْشِيشنْ.“
LUK 6:46 ”مَايمِّي ذ أَيِي ثتّْڒَاغَامْ: ’[أَ] سِيذِي، [أَ] سِيذِي!‘ ؤُشَا وَارْ ثتّڭّمْ شَا مِينْ قَّارغْ؟
LUK 6:47 مَارَّا ونِّي غَارِي إِ د غَا يَاسنْ، أَذْ إِسڒْ إِ وَاوَاڒنْ إِنُو ؤُشَا أَذْ زَّايْسنْ إِڭّْ، نشّْ أَذْ أَومْ سّشْنغْ مِينْ ذِي يَارْوسْ نتَّا.
LUK 6:48 نتَّا يَارْوسْ ذڭْ إِجّْ ن بْنَاذمْ إِ إِبْنَانْ إِشْثْ ن ثَادَّارْثْ. نتَّا إِغْزَا، إِحْفَارْ ؤُشَا إِسَّارْسْ ذْسَاسْ خْ سّدْجَاحْ. ؤُمِي د-ثُوسَا سّحْڒثْ، ثْقبّضْ ڒْحمْڒثْ ثَادَّارْثْ نِّي ؤُشَا وَارْ ثْزمَّارْ أَذْ ت ثسّنْهزّْ، مِينْزِي ثُوغَا ذْسَاسْ نّسْ خْ سّدْجَاحْ.
LUK 6:49 مَاشَا ونِّي إِتّسْڒَانْ وَارْ إِتّڭّْ، يَارْوسْ ذِي بْنَاذمْ إِ إِبْنَانْ ثَادَّارْثْ نّسْ خْ ثمُّورْثْ بْڒَا ذْسَاسْ. ؤُمِي ت-إِ-د-ثْقبّضْ ڒْحمْڒثْ، ڒخْذنِّي ثوْضَا. ثُوغَا أَفَارْثكْ ن ثَادَّارْثْ نِّي ذ أَمقّْرَانْ.“
LUK 7:1 أَوَارْنِي ڒَامِي إِكمّڒْ مَارَّا أَوَاڒنْ نّسْ أَمْ ذ أَسْ سْڒَانْ إِوْذَانْ، يُوذفْ يَاسُوع غَارْ كَافَارْنَاحُومْ.
LUK 7:2 أَمْسخَّارْ ن إِجّْ ن ڒْقبْطَانْ خْ مْيَا، ونِّي ثُوغَا إِسّْعِيزّْ أَطَّاسْ، ثُوغَا إِهْڒشْ، وَارْ ذ أَسْ إِقِّيمْ شَا أَذْ إِمّثْ.
LUK 7:3 ؤُمِي إِسْڒَا خْ يَاسُوع، إِسّكّْ غَارسْ شَا ن إِمْغَارنْ ن وُوذَاينْ، إِتَّارْ [أَسْ] مَاحنْذْ أَذْ د-يَاسْ ؤُشَا أَذْ إِسّنْجمْ أَمْسخَّارْ نّسْ.
LUK 7:4 ڒَامِي د-إِوْضنْ غَارْ يَاسُوع، حشّْمنْ ث أَطَّاسْ، نَّانْ: ”أَقَا إِسْذَاهدْجْ أَذْ أَسْ ثڭّذْ أَيَا،
LUK 7:5 مِينْزِي نتَّا إِتّخْسْ ڒْڭنْسْ نّغْ ؤُ إِبْنَا أَنغْ ثَامْزِيذَا.“
LUK 7:6 [خَاسْ ؤُشَا] إِرُوحْ يَاسُوع أَكِيذْسنْ. أَڒَامِي ثُوغَا وَارْ إِڭّْوِيجْ عَاذْ خْ ثَادَّارْثْ، إِسّكّْ ڒْقبْطَانْ خْ مْيَا شَا ن إِمدُّوكَّاڒْ [غَارسْ]، ؤُشَا نتَّا إِنَّا أَسْ: ”[أَ] سِيذِي، وَارْ سِّيحِيڒْ إِخفْ نّشْ، مِينْزِي نشّْ وَارْ سْذِيهدْجغْ أَذْ ثَاذْفذْ سَاذُو ثَازقَّا إِنُو.
LUK 7:7 س ؤُينِّي نشّْ وَارْ حسْبغْ إِخفْ إِنُو سْذَاهدْجغْ حِيمَا أَذْ غَاركْ د-أَسغْ، مَاشَا إِنِي أَوَاڒْ [وَاهَا] ؤُشَا أَذْ إِڭّنْفَا ؤُمْسخَّارْ أَمژْيَانْ إِنُو.
LUK 7:8 مِينْزِي ؤُڒَا ذ نشّْ عَاوذْ ذ إِجّْ ن بْنَاذمْ سَاذُو إِفَاسّنْ إِ دْجِيغْ ؤُ غَارِي [عَاوذْ] إِعسْكَارِييّنْ سْوَادَّايْ إِ ؤُفُوسْ إِنُو. قَّارغْ إِ وَا: ’رُوحْ!‘، خنِّي إِتّْرَاحْ، إِ ونّغْنِي: ’أَسْ-د!‘، خنِّي إِتَّاسْ-د ؤُشَا إِ ؤُمْسخَّارْ إِنُو: ’أڭّْ أَيَا!‘، خنِّي إِتّڭّْ إِ-ث.“
LUK 7:9 ؤُمِي إِسْڒَا يَاسُوع أَيَا، إِتّبْهثْ ذَايسْ. إِنّقْڒبْ ؤُشَا إِنَّا إِ ڒْغَاشِي ونِّي ثُوغَا إِ-ث-إِ-د-إِضفَّارنْ: ”نشّْ أَذْ أَومْ إِنِيغْ، وَارْ ؤُفِيغْ ؤُڒَا ذِي مَارَّا إِسْرَائِيل لْ-إِيمَانْ أَمقّْرَانْ أَمْ ڒْقدّْ ن وَا.“
LUK 7:10 أَڒَامِيعقْبنْ إِنِّي إِتّْوَاسّكّنْ غَارْ ثَادَّارْثْ، ؤُفِينْ أَمْسخَّارْ أَمهْڒُوشْ إِڭّنْفَا.
LUK 7:11 ثِيوشَّا نّسْ إِرُوحْ غَارْ إِشْثْ ن ثنْذِينْثْ قَّارنْ أَسْ نَايِينْ. ثُوغَا ذِينْ أَكِيذسْ إِمحْضَارنْ نّسْ ذ إِجّْ ن ڒْغَاشِي ذ أَمقّْرَانْ.
LUK 7:12 أَڒَامِي د-إِقَارّبْ غَارْ ثوَّارْثْ ن ثنْذِينْثْ، خْزَارْ، كْسِينْ-د إِجّْ ن ؤُمتِّينْ [خْ ڒْمحْمڒْ] غَارْ بَارَّا. نتَّا ذ أَينِّي ن مِّيسْ نِّي ثُوغَا غَارْ يمَّاسْ. يمَّاسْ ثُوغَا-ت ذ ثَاجَّاتْشْ ؤُ ثُوغَا أَكِيذسْ أَطَّاسْ ن ڒْغَاشِي زِي ثنْذِينْثْ.
LUK 7:13 ؤُمِي ت إِژْرَا يَاسُوع، ثزِّيدْجزْ أَسْ، إِنَّا أَسْ: ”وَارْ تّْرُو!“
LUK 7:14 خنِّي إِقَارّبْ-د، إِحَاذَا ڒْمحْمڒْ، ؤُشَا بدّنْ يِينِّي ث يَارْبُونْ، إِنَّا: ”[أَ] أَبْڒِيغْ، إِ شكْ ؤُمِي غَا إِنِيغْ، كَّارْ-د!“
LUK 7:15 إِقِّيمْ ؤُمتِّينْ، إِبْذَا إِسَّاوَاڒْ، خنِّي يَارَّا أَسْ ث-إِ-د إِ يمَّاسْ.
LUK 7:16 ثُوذفْ ثِيڭّْوُوذِي ذِي مَارَّا ؤُشَا سّمْغَارنْ أَربِّي، نَّانْ: ”أَقَا إِكَّارْ-د ذَايْنغْ ؤُنَابِي إِمْغَارْ!“، ؤُشَا: ”أَقَا إِسِّيجّْ-د أَربِّي خْ ڒْڭنْسْ نّسْ.“
LUK 7:17 إِفّغْ ڒخْبَارْ-أَ خَاسْ غَارْ مَارَّا يَاهُوذِييَّا ؤُ غَارْ مَارَّا جّْوَايهْ إِ ذ أَسنْ د-إِنّْضنْ.
LUK 7:18 إِمحْضَارنْ ن يُوحَانَّا عَاوْذنْ أَسْ مَانْ أَيَا مَارَّا.
LUK 7:19 إِڒَاغَا يُوحَانَّا إِ ثْنَاينْ زڭْ إِمحْضَارنْ نّسْ ؤُشَا إِسّكّْ إِ-ثنْ غَارْ يَاسُوع، إِقَّارْ [س ؤُقمُّومْ نْسنْ]: ”مَا ذ شكْ ذ ونِّي د غَا يَاسنْ، نِيغْ أَذْ نْرَاجَا ونّغْنِي؟“
LUK 7:20 ؤُمِي رُوحنْ يرْيَازنْ غَارْ يَاسُوع، نَّانْ أَسْ: ”يُوحَانَّا أَمْسغْضَاصْ أَقَا إِسّكّْ أَنغْ-د غَاركْ، إِنَّا: ’مَا ذ شكْ ذ ونِّي إِ د غَا يَاسنْ نِيغْ أَذْ نْرَاجَا ونّغْنِي؟‘ “
LUK 7:21 ذِي ثْسَاعّثْ نِّي ثُوغَا إِسّْڭنْفَا أَطَّاسْ [ن إِوْذَانْ] زِي ڒهْڒَاشَاثْ ذ ؤُودّبْ [نْسنْ] ؤُ زِي ڒَارْيَاحْ إِعفَّاننْ، ؤُشَا يَارَّا أَطَّاسْ ن إِذَارْغَاڒنْ تّْوَاڒَانْ.
LUK 7:22 يَارَّا-د يَاسُوع، إِنَّا أَسنْ: ”رُوحمْ، عَاوْذمْ إِ يُوحَانَّا مِينْ ثژْرِيمْ ذ مِينْ ثسْڒِيمْ. أَقَا إِذَارْغَاڒنْ تّْوَاڒَانْ ؤُ إِنعْضَابنْ ڭُّورنْ ؤُ يِينِّي ذِي إِدْجَا ڒْبَارْصْ تّْوَاسِّيزْذڭنْ ؤُ إِذهْشَارْ تّسْڒَانْ ؤُ إِمتِّيننْ تّكَّارنْ ؤُشَا إِتّتّْوَابَارّحْ س ڒخْبَارْ أَصبْحَانْ إِ إِمزْڒَاضْ.
LUK 7:23 سّعْذْ ن ونِّي وَارْ ذ أَيِي إِتّنْذْرِيفنْ.“
LUK 7:24 ؤُمِي فّْغنْ إِمحْضَارنْ ن يُوحَانَّا، إِبْذَا يَاسُوع إِقَّارْ إِ ڒْغَاشِي خْ يُوحَانَّا: ”مِينْ غَارْ إِ غَا د-ثفّْغمْ غَارْ ڒخْڒَا أَذْ ثْژَارمْ؟ مَا إِجّْ ن ؤُغَانِيمْ إِسّنْهزَّا ث ؤُسمِّيضْ؟
LUK 7:25 مَاڒَا لَّا، مِينْ غَارْ ثُوغَا د-ثفّْغمْ أَذْ ثْژَارمْ؟ مَا إِجّْ ن بْنَاذمْ يَارْضْ أَرُّوضْ يَارْضبْ؟ خْزَارْ إِنِّي يَارْضنْ أَرُّوضْ إِغْڒَانْ يَارْضبْ ؤُ دَّارنْ ذڭْ ؤُفُوهَارْثْ، أَقَا أَثنْ ذِي ڒقْصُورْ ن إِجدْجِيذنْ.
LUK 7:26 مَاشَا مِينْ غَارْ ثُوغَا د-ثفّْغمْ أَذْ ثْژَارمْ؟ مَا إِجّْ ن ؤُنَابِي؟ وَاهْ، أَذْ أَومْ إِنِيغْ ذ أَمقّْرَانْ كْثَارْ زڭْ ؤُنَابِي.
LUK 7:27 أَقَا ذ وَا إِ خفْ إِتّْوَارِي: ’أَقَا نشّْ أَذْ سّكّغْ لْمَالَاكْ إِنُو زَّاثْ إِ ؤُغمْبُوبْ نّشْ، ونِّي إِ غَا إِسّْوجْذنْ أَبْرِيذْ نّشْ غَارْ زَّاثْ نّشْ.‘
LUK 7:28 نشّْ أَذْ أَومْ إِنِيغْ، جَارْ إِنِّي د-إِتّْوَاخڒْقنْ زِي ثمْغَارِينْ ؤُڒَا ذ إِجّْ وَارْ إِدْجِي ذ أَنَابِي أَمقّْرَانْ خْ يُوحَانَّا [أَمْسغْضَاصْ]، مَاشَا [وَاخَّا أَمنِّي] ذ أَمژْيَانْ قَاعْ ذِي ثْڭلْذِيثْ ن أَربِّي إِمْغَارْ خَاسْ.“
LUK 7:29 مَارَّا إِوْذَانْ نِّي ذ أَسْ إِسْڒِينْ، ؤُڒَا ذ أَيْثْ ن ضَّارِيبَا شهْذنْ إِ ثْسڭْذَا ن أَربِّي، مِينْزِي نِيثْنِي تّْوَاسّْغضْصنْ س ؤُسغْضصْ ن يُوحَانَّا.
LUK 7:30 مَاشَا إِفَارِيسِييّنْ ذ إِمْسڒْمَاذنْ ن إِذْلِيسنْ ؤُڭِينْ خْ شّْوَارْ ن أَربِّي إِ يِيخفْ نْسنْ، مِينْزِي ؤُڭِينْ أَذْ زَّايسْ تّْوَاسّْغضْصنْ.
LUK 7:31 [إِنَّا نتَّا]: ”مِينْ زِي غَا شبّْهغْ إِوْذَانْ ن جِّيڒْ-أَ؟ وِي ذِي يَارْوسنْ؟
LUK 7:32 نِيثْنِي أَمشْنَاوْ إِحنْجِيرنْ إِ إِقِّيمنْ ذِي سُّوقْ، تّْڒَاغَانْ إِجّنْ ونّغْنِي، قَّارنْ: ’نشِّينْ نوْثَا أَومْ ذِي ثمْجَا، كنِّيوْ وَارْ ثشْضِيحمْ، ؤُ نشِّينْ نْغنّجْ إِجّْ ن وژْرِي ن وشْضَانْ إِ كنِّيوْ، [مَاشَا] كنِّيوْ وَارْ ثْرُومْ شَا.‘
LUK 7:33 مِينْزِي يُوسَا-د يُوحَانَّا أَمْسغْضَاصْ، وَارْ إِتّتّْ أَغْرُومْ، وَارْ إِسسّْ بِينُو ؤُشَا ثنَّامْ: ’أَقَا ذَايسْ شِّيطَانْ!‘
LUK 7:34 يُوسَا-د مِّيسْ ن بْنَاذمْ إِتّتّْ، إِسسّْ، ثنَّامْ: ’خْزَارْ، بْنَاذمْ-أَ إِڒْهفْ خْ مَاشَّا ذ بِينُو، أَقَا-ث ذ أَمدُّوكّڒْ ن أَيْثْ ن ضَّارِيبَا ذ إِمذْنَابْ.‘
LUK 7:35 مَاشَا ثِيغِيثْ ثتّْوَاسڭّذْ زِي مَارَّا ثَارْوَا نّسْ.“
LUK 7:36 إِعَارْضْ إِ-ث إِجّْ ن ؤُفَارِيسِي حِيمَا أَذْ كِيسْ إِشّْ. يُوذفْ نتَّا غَارْ ثَادَّارْثْ ن ؤُفَارِيسِي ؤُشَا إِقِّيمْ [غَارْ طَّابْڒَا].
LUK 7:37 ثُوغَا ثْزدّغْ إِشْثْ ن ثمْغَارْثْ ثَامذْنُوبْثْ ذِي ثنْذِينْثْ نِّي. ؤُمِي ثسّنْ أَقَا إِقِّيمْ [غَارْ طَّابْڒَا] ذِي ثَادَّارْثْ ن ؤُفَارِيسِي، ثُوسَا-د س إِشْثْ ن ؤُغَارَّافْ ن أَلَابَاسْثرْ ذَايسْ [زّشْثْ] إِ وذْهَانْ،
LUK 7:38 ؤُشَا ؤُمِي ثْبدّْ غَارْ إِضَارنْ نّسْ غَارْ ضفَّارْ نّسْ، ثْرُو ؤُشَا ثبْذَا ثسُّوفَّا إِضَارنْ نّسْ س إِمطَّاونْ نّسْ ؤُشَا ثبْذَا ثسَّاژَاغْ إِ-ثنْ س ؤُشُووَّافْ [ن ؤُزدْجِيفْ] نّسْ، ثسُّوذمْ أَسْ إِضَارنْ ؤُشَا ثمْسحْ إِ-ثنْ س إِشْثْ ن زّشْثْ ن وذْهَانْ.
LUK 7:39 ؤُمِي إِژْرَا ؤُفَارِيسِي ونِّي إِ-ث-إِ-د-إِعَارْضنْ مَانْ أَيَا، إِخَارّصْ ذڭْ يِيخفْ نّشْ، إِنَّا: ”مَاڒَا وَا ذ أَنَابِي [س ثِيذتّْ]، إِڒِي أَقَا إِسّنْ مِينْ ثعْنَا ثَانِيثَا ؤُ مَامّشْ ثتّْوَاسّنْ نتَّاثْ، مِينْزِي ثنِّي ث إِحَاذَانْ، أَقَا-ت ذ ثَامذْنُوبْثْ.“
LUK 7:40 يَارَّا-د يَاسُوع، إِنَّا أَسْ: ”[أَ] شِيمْعُونْ، غَارِي إِشْثْ ن ڒْحَاجّثْ أَذْ أَشْ ت إِنِيغْ.“ إِنَّا أَسْ: ”إِنِي ت، [أَ] أَمْسڒْمَاذْ إِنُو!“
LUK 7:41 إِنَّا أَسْ يَاسُوع: ”إِجّْ ن بَابْ ن ؤُمَارْوَاسْ ثُوغَا غَارسْ ثْنَاينْ تُّورْسنْ أَسْ. إِجّنْ ثُوغَا إِتُّورْسْ أَسْ خمْسَا-مْيَا ذِينَارْ ؤُ ونّغْنِي خمْسِينْ.
LUK 7:42 أَمْ وَارْ ثُوغِي غَارْسنْ مِينْ زِي غَا أَرّنْ أَمَارْوَاسْ، إِسَامْحْ أَسنْ [أَمَارْوَاسْ] س ثْنَاينْ إِذْسنْ. [إِنِي أَيِي،] وِي زَّايْسنْ ث غَا إِخْسنْ كْثَارْ؟“
LUK 7:43 يَارَّا-د شِيمْعُونْ، إِنَّا: ”إِتّْغِيڒْ أَيِي ونِّي ؤُمِي إِسَامْحْ كْثَارْ.“ إِنَّا أَسْ: ”شكْ ثْحكْمذْ س صَّاحْ.“
LUK 7:44 [خَاسْ ؤُشَا] إِنّقْڒبْ يَاسُوع غَارْ ثمْغَارْثْ نِّي، إِنَّا إِ شِيمْعُونْ: ”مَا ثتّْوَاڒِيذْ ثَامْغَارْثْ-أَ؟ أَقَا ؤُذْفغْ غَارْ ثَادَّارْثْ نّشْ. أَمَانْ إِ إِضَارنْ إِنُو وَارْ ذ أَيِي ثنْ ثوْشِيذْ. مَاشَا نتَّاثْ ثسُّوفّْ إِضَارنْ إِنُو س إِمطَّاونْ [نّسْ] ؤُشَا ثسِّيژغْ إِ-ثنْ س ؤُشُووَّافْ [ن ؤُزدْجِيفْ] نّسْ.
LUK 7:45 شكْ وَارْ ذ أَيِي ثسُّوذْمذْ، مَاشَا نتَّاثْ، زڭْ وَامِي د-ؤُذْفغْ، وَارْ ثْبدّْ زڭْ ؤُسُوذمْ ن إِضَارنْ إِنُو.
LUK 7:46 س زّشْثْ وَارْ ثْمسْحذْ شَا أَزدْجِيفْ إِنُو، مَاشَا نتَّاثْ ثمْسحْ إِضَارنْ إِنُو س زّشْثْ ن وذْهَانْ.
LUK 7:47 س ؤُينِّي أَذْ أَشْ إِنِيغْ: أَقَا إِتّْوَاغْفَارْ أَسْ أَطَّاسْ ن دّْنُوبْ نّسْ، مِينْزِي ثخْسْ أَطَّاسْ. ونِّي ؤُمِي إِتّْوَاغْفَارْ ذْرُوسْ، أَذْ غَارسْ يِيڒِي ذْرُوسْ ن ثَايْرِي.“
LUK 7:48 [خنِّي] إِنَّا أَسْ: ”[أَ] ثَامطُّوثْ، أَقَا تّْوَاغْفَارنْ دّْنُوبْ نّمْ.“
LUK 7:49 إِنِّي أَكِيذسْ إِقِّيمنْ [غَارْ طَّابْڒَا] بْذَانْ قَّارنْ ذڭْ إِخفْ نْسنْ: ”مِينْ إِعْنَا وَانِيثَا مَاحنْذْ أَذْ إِغْفَارْ ؤُڒَا إِ دّْنُوبْ.“
LUK 7:50 إِنَّا أَسْ يَاسُوع إِ ثْمطُّوثْ نِّي: ”لْ‘إِمَانْ نّمْ أَقَا إِوْشَا أَمْ ثُوذَارْثْ. رُوحْ ذِي ڒهْنَا.“
LUK 8:1 أَوَارْنِي ؤُيَا إِشُوقْ يَاسُوع ذِي ثْندَّامْ ذ ذْشُورَاثْ، إِتّْبَارّحْ س ثْڭلْذِيثْ ن أَربِّي. ثُوغَا أَكِيذسْ ثنْعَاشْ [ن رُّوسُولْ] نّسْ،
LUK 8:2 ؤُڒَا ذ ثمْغَارِينْ أَيَا نِّي ثُوغَا إِتّْوَاسّْڭنْفَانْ زِي ڒحْڒَاشَاثْ ؤُ زِي ڒَارْيَاحْ إِعفَّاننْ: [أَقَا-ت] مَارْيَامْ، قَّارنْ أَسْ ’ثنِّي ن مَاجْذَالَا‘، إِ زِي تّْوَاسُّوفّْغنْ سبْعَا ن شّْوَاطنْ،
LUK 8:3 ذ يُوحَانَّا، ثَامْغَارْثْ ن خُوزَا، أَوْكِيڒْ ن هِيرُوذُوسْ، ذ سُوسَانَّا، ذ ثِينّغْنِي أَطَّاسْ إِ ثُوغَا تّْسخَّارنْثْ خَاسنْ س وَاڭْڒَا نْسنْثْ.
LUK 8:4 ڒَامِي ذِينْ إِسّْمُونْ إِجّْ ن ڒْغَاشِي ذ أَمقّْرَانْ، ؤُسِينْ-د غَارسْ زِي مَارَّا ثِيندَّامْ، إِنَّا س يِيجّْ ن ؤُمذْيَا:
LUK 8:5 ”إِفّغْ-د إِجّْ ن ؤُمْزَارَّاعْ، حِيمَا أَذْ إِزَارْعْ زَّارِيعثْ نّسْ. أَمْ إِزَارّعْ، ثوْضَا [شْوَايْثْ ن زَّارِيعثْ] ذڭْ وبْرِيذْ، إِعْفسْ خَاسْ ؤُشَا نقْبنْ إِ-ت إِجْضَاضْ.
LUK 8:6 ثوْضَا [شْوَايْثْ ن زَّارِيعثْ] نّغْنِي خْ وژْرُو، ؤُمِي د-ثغْمِي ذغْيَا، ثُوژغْ، مِينْزِي وَارْ غَارسْ ثُوغِي ثُوفّثْ.
LUK 8:7 ثوْضَا [شْوَايْثْ ن زَّارِيعثْ] نّغْنِي ذِي ڒْوسْطْ ن إِسنَّاننْ ؤُشَا إِسنَّاننْغمْينْ-د أَكِيذسْ ؤُشَا جيّْفنْ ت.
LUK 8:8 ثوْضَا [شْوَايْثْ ن زَّارِيعثْ] نّغْنِي ذِي ثمُّورْثْ يَارضْبنْ ذ لمْلِيحْ، ؤُشَا ؤُمِي د-ثغْمِي، ثڭَّا ڒْغِيدْجثْ ن مْيَا إِمُورنْ.“ أَوَارْنِي ڒَامِي ثُوغَا إِقَّارْ مَانْ أَيَا، إِڒَاغَا: ”ونِّي غَارْ إِدْجَا إِمزُّوغنْ إِ ؤُسدْجِي، أجّْ إِ-ث أَذْ إِسڒْ.“
LUK 8:9 سّقْسَانْ ث إِمحْضَارنْ نّسْ: ”مِينْ إِخْسْ أَذْ يِينِي ؤُمذْيَا-أَ؟“
LUK 8:10 إِنَّا أَسنْ: ”إِ كنِّيوْ ؤُمِي إِمّوْشْ أَذْ ثسّْنمْ سِّيرّْ ن ثْڭلْذِيثْ ن أَربِّي، مَاشَا إِ إِنّغْنِي أَذْ د-يَاسْ وَاوَاڒْ س إِمذْيَا، أَڒَامِي نِيثْنِي تّْوَاڒَانْ مَاشَا وَارْ تّْوِيڒِينْ ؤُشَا تّسْڒَانْ وَارْ فهّْمنْ.
LUK 8:11 ذ وَا ذ [ڒْْمعْنَا ن] ؤُمذْيَا: زَّارِيعثْ نتَّاثْ ذ أَوَاڒْ ن أَربِّي.
LUK 8:12 إِنَا خْ طَّارْفْ ن وبْرِيذْ، نِيثْنِي ذ إِنِّي إِتّسْڒَانْ أَوَاڒْ، مَاشَا [خنِّي] إِتَّاسْ-د إِبْڒِيسْ، إِتّكّسْ أَوَاڒْ زڭْ وُوڒْ نْسنْ أَڒَامِي وَارْ تِّيمْننْ ؤُشَا أَذْ دَّارنْ.
LUK 8:13 إِنَا خْ وژْرُو، نِيثْنِي ذ إِنِّي خْمِي غَا سْڒنْ، أَذْ قبْڒنْ أَوَاڒْ س ڒفْرَاحثْ، [مَاشَا] وَارْ غَارْسنْ بُو وژْوَارْ، تَّامْننْ غَارْ خنِّيثْ، ذِي ڒْوقْثْ ن ؤُجَارّبْ أَذْ نْقَارْضنْ.
LUK 8:14 إِنَا إِ إِوْضَانْ ذڭْ إِسنَّاننْ، نِيثْنِي ذ إِنِّي إِتّسْڒَانْ أَوَاڒْ، خنِّي تّْرَاحنْ، تّْبُوخْسُوينْ ذڭْ إِمْنُوسنْ ذ وَاڭْڒَا ذ طَّامُوعْ ن دُّونشْثْ، وَارْ سّنْذَاينْ شَا ڒْغِيدْجثْ.
LUK 8:15 إِنَا ذِي ثمُّورْثْ يَارضْبنْ، نِيثْنِي ذ إِنِّي إِتّسْڒَانْ إِ وَاوَاڒْ، خمّْڒنْ ث ذڭْ وُوڒْ نِيشَانْ، إِصْبحْ، ؤُشَا سّنْذَاينْ ڒْغِيدْجثْ س صّْبَارْ.“
LUK 8:16 ”ؤُڒَا ذ إِجّْ وَارْ إِسّْرُوغِي ڒفْنَارْ ؤُشَا إِقبَّارْ خَاسْ س يِيجّْ ن ؤُقدُّوحْ نِيغْ إِسّْرُوسَا ث سَاذُو قَامَا، مَاشَا [س ڒمْقْڒُوبْ] إِسّْرُوسَا ث خْ ڒْمرْفعْ، حِيمَا إِنِّي د-إِتَّاذْفنْ أَذْ ژَترنْ ثَافَاوْثْ نّسْ.
LUK 8:17 مِينْزِي وَارْ ذِينْ مِينْ إِذْڒِينْ، وَارْ د-إِتّفِّيغْ غَارْ بَارَّا، ؤُ [وَارْ ذِينْ] مِينْ إِنُّوفَّارنْ، وَارْ إِتّْوِيسِّينْ، وَارْ د-إِتّفِّيغْ غَارْ بَارَّا.
LUK 8:18 حْضَامْ مَامّشْ ثتّسْڒَامْ، مِينْزِي ونِّي غَارْ إِدْجَا أَذْ أَسْ إِمَّارْنِي، ؤُ ونِّي وَارْ غَارْ إِدْجِي، مِينْ ذ أَسْ إِتّْغِيڒْ غَارسْ، أَذْ زَّايسْ إِتّْوَاكّسْ.“
LUK 8:19 يمَّاسْ ذ أَيْثْمَاسْ ؤُسِينْ-د غَارسْ، وَارْ زمَّارنْ أَذْ أَكِيذسْ سِّيوْڒنْ س سِّيبّثْ ن ڒْغَاشِي.
LUK 8:20 نَّانْ أَسْ: ”يمَّاشْ ذ أَيْثْمَاشْ بدّنْ بَارَّا، خْسنْ أَذْ شكْ ژَترنْ.“
LUK 8:21 يَارَّا-د، إِنَّا أَسنْ: ”يمَّا ذ أَيْثْمَا، أَقَا ذ إِنِّي إِتّسْڒَانْ أَوَاڒْ ن أَربِّي ؤُ تّڭّنْ زَّايسْ.“
LUK 8:22 ذڭْ إِجّنْ زڭْ وُوسَّانْ نِّي إِنْيَا ذڭْ إِشْثْ ن ثْغَارَّابُوثْ، نتَّا ذ إِمحْضَارنْ نّسْ. إِنَّا أَسنْ: ”أجّْ أَنغْ أَذْ نژْوَا غَارْ ؤُجمَّاضِينْ ن ڒبْحَارْ!“
LUK 8:23 أَمْ ثنْ ثُوغَا رُوحنْ ذِي ڒبْحَارْ، إِكَّا يِيضصْ خْ يَاسُوع. خنِّي ثهْوَا-د إِشْثْ ن ثْحَارْيَاضْثْ ن ؤُسمِّيضْ ذِي ڒبْحَارْ، ثبْذَا ثْغَارَّابُوثْ عْڒَاينْ أَذْ ثهْوَا.
LUK 8:24 قَارّْبنْ غَارسْ ؤُشَا سّْفَاقنْ ث، نَّانْ أَسْ: ”[أَ] أَمْسڒْمَاذْ نّغْ، [أَ] أَمْسڒْمَاذْ نّغْ، أَقَا نْغَارّقْ.“ نتَّا إِكَّارْ-د، إِوبّخْ أَسمِّيضْ ذ ڒمْوَاجْ ن وَامَانْ ؤُشَا سّْقَارنْ، يَارْسَا ڒْحَاڒْ.
LUK 8:25 خنِّي إِنَّا أَسنْ: ”مَانِي إِدْجَا لْ-إِيمَانْ نْومْ؟“ ڭّْوذنْ، ثْبهْثنْ، نَّانْ جَارْ أَسنْ: ”مِينْ إِعْنَا وَا، أَقَا إِتَّامَارْ ؤُڒَا ذ أَسمِّيضْ ذ وَامَانْ ؤُشَا تّطَّاعنْ أَسْ.“
LUK 8:26 ؤُيُورنْ س ثْغَارَّابُوثْ، ؤُسِينْ-د غَارْ ثمُّورْثْ ن ڭَاذَارِينُوسْ ثنِّي قِيبَاتْشْ إِ لْجَالِيلْ.
LUK 8:27 ؤُمِي د-إِفّغْ غَارْ ثمُّورْثْ، إِڒْقَا ث-إِ-د إِجّْ ن ورْيَازْ زِي ثنْذِينْثْ. أَطَّاسْ زڭْ وَامِي ثُوغَا ذَايسْ إِجّْ ن شِّيطَانْ ؤُ ثُوغَا وَارْ إِتِّيرْضْ أَرُّوضْ، وَارْ إِزدّغْ ذِي ثَادَّارْثْ مَاشَا ذڭْ إِمضْڒَانْ.
LUK 8:28 ؤُمِي إِژْرَا يَاسُوع، إِسْغُويْ، إِوْضَا غَارْ إِضَارنْ نّسْ، إِنَّا س جّهْذْ ”مِينْ ذِينْ جَارْ أَنغْ نشّْ ذ شكْ أَ يَاسُوع، مِّيسْ ن أَربِّي، أَمْعُودْجِي خْ كُوڒْشِي؟ تّْزَاوَاڭغْ شكْ، وَارْ ذ أَيِي ثْعذِّيبذْ؟“
LUK 8:29 مَاغَارْ نتَّا يُومُورْ إِ ڒَارْيَاحْ أَمنْڭُوسْ، حِيمَا أَذْ د-إِفّغْ زِي بْنَاذمْ نِّي، مِينْزِي ثُوغَا-ث ذَايسْ [عَاذْ] إِجّْ ن ڒْمِيجَارْ ن ڒْوقْثْ ذ أَمقّْرَانْ. [ثُوغَا أَرزُّونْ] أَذْ ث شَارْفنْ س سّْنَاسڒْ ذ إِشذِّييّنْ، مَاشَا نتَّا ثُوغَا إِتَّارژَّا إِشذِّييّنْ نّسْ ؤُشَا [خنِّي] يُوژّڒْ خَاسْ إِجّْ ن شِّيطَانْ غَارْ ڒخْڒَا.
LUK 8:30 إِسّقْسَا ث يَاسُوع: ”مَامّشْ ذ أَشْ قَّارنْ؟“ إِنَّا أَسْ: ”لِيخْيُونْ “، مِينْزِي شّْوَاطنْ أَطَّاسْ ثُوغَا ؤُذْفنْ ذَايسْ.
LUK 8:31 نِيثْنِي تَّارنْ زَّايسْ، حِيمَا وَارْ ثنْ إِتَّامَارْ أَذْ رَاحنْ غَارْ وحْفُورْ.
LUK 8:32 ثُوغَا ذِينْ إِشْثْ ن ثْحِيمَارْثْ ذ ثَامقّْرَانْثْ ن إِڒْفَانْ، ثُوغَا ثْهدَّا ذڭْ وذْرَارْ. تَّارنْ زَّايسْ حِيمَا أَذْ ثنْ إِجّْ أَذْ أَذْفنْ ذڭْ إِڒْفَانْ. ؤُشَا نتَّا إِسَامْحْ أَسنْ.
LUK 8:33 فّْغنْ شّْوَاطنْ زِي بْنَاذمْ [نِّي]، ؤُذْفنْ ذڭْ إِڒْفَانْ. [خنِّي] ثقْنُونِّي ثْحِيمَارْثْ زِي جَّارْفْ ذِي ڒبْحَارْ ؤُشَا ثْغَارْقْ.
LUK 8:34 ؤُمِي ژْرِينْ إِمكْسَاونْ مِينْ إِمْسَارنْ، أَروْڒنْ ؤُشَا عَاوْذنْ ث ذِي ثنْذِينْثْ ؤُ ذِي ذْشُورَاثْ.
LUK 8:35 فّْغنْ-د إِوْذَانْ حِيمَا أَذْ ژَترنْ مِينْ إِمْسَارنْ. نِيثْنِي ؤُسِينْ-د غَارْ يَاسُوع، ؤُفِينْ بْنَاذمْ نِّي زِي فّْغنْ شّْوَاطنْ، يَارْضْ، س ڒعْقڒْ، إِقِّيمْ غَارْ إِضَارنْ ن يَاسُوع، ؤُشَا ڭّْوذنْ.
LUK 8:36 إِنِّي إِژْرِينْ مَانْ أَيَا، عَاوْذنْ أَسنْ مَامّشْ إِتّْوَاسّْڭنْفَا ؤُمَارْيَاحْ.
LUK 8:37 ڒْغَاشِي ن إِجَاذَارِييّنْ زَاوْڭنْ ث، حِيمَا أَذْ خَاسنْ إِڭّْوجْ، مِينْزِي ثُوذفْ إِ-ثنْ ثِيڭّْوُوذِي ثمْغَارْ. [خَاسْ ؤُشَا] ينْيَا يَاسُوع ذِي ثْغَارَّابُوثْ، إِڭّْوجْ خَاسنْ.
LUK 8:38 أَرْيَازْ إِ زِي فّْغنْ شّْوَاطنْ، إِتَّارْ زَّايسْ، مَا أَذْ ثَاغْ إِزمَّارْ أَذْ غَارسْ إِقِّيمْ، مَاشَا يَاسُوع إِسّكّْ إِ-ث، إِنَّا أَسْ:
LUK 8:39 ”عْقبْ غَارْ ثَادَّارْثْ نّشْ، عَاوذْ [إِ أَيْثْ بَابْ ن ثَادَّارْثْ] مِينْ ذَايكْ إِڭَّا أَربِّي.“ [خَاسْ ؤُشَا] إِرُوحْ، إِبَارّحْ ذِي قَاعْ ثَانْذِينْثْ س مَارَّا مِينْ ذَايسْ إِڭَّا يَاسُوع.
LUK 8:40 أَڒَامِي د-إِعْقبْ يَاسُوع، يَارحّبْ زَّايسْ إِجّْ ن ڒْغَاشِي ذ أَمقّْرَانْ، مِينْزِي مَارَّا تّْرَاجَانْ ث.
LUK 8:41 ؤُ خْزَارْ، يُوسَا-د إِجّْ ن ورْيَازْ قَّارنْ أَسْ يَايْرُوسْ، ثُوغَا-ث ذ أَمقّْرَانْ ن ثمْزِيذَا، إِوْضَا غَارْ إِضَارنْ ن يَاسُوع ؤُشَا إِزَاوْڭْ إِ-ث أَذْ يَاذفْ غَارْ ثَادَّارْثْ نّسْ،
LUK 8:42 مِينْزِي أَينِّي ن يدْجِيسْ إِ غَارسْ ثنِّي غَارْ إِدْجَا ثنْعَاشْ ن إِسڭّْوُوسَا، ثُوغَا عْڒَاينْ أَذْ ثمّثْ. أَمْ كِيذسْ إِڭُّورْ يَاسُوع، إِسّْذحّسْ إِ-ث ڒْغَاشِي.
LUK 8:43 إِشْثْ ن ثمْغَارْثْ، ثُوغَا تَّازّْڒنْ زَّايسْ إِذَامّنْ ڒْقدّْ ن ثنْعَاشْ ن إِسڭّْوُوسَا، ثْسيَّارْ مَارَّا ڒعْوتْشْ نّسْ خْ إِضْبِيبنْ، وَارْ إِزمَّارْ حذْ أَذْ ت إِسّْڭنْفَا،
LUK 8:44 ثُوسَا-د غَارسْ زِي ضفَّارْ، ثْحَاذَا أَبحْڒُوڒْ ن وَارُّوضْ نّسْ، ؤُشَا ڒخْذنِّي إِبدّْ ؤُسِيزّڒْ ن إِذَامّنْ نّسْ.
LUK 8:45 [خَاسْ ؤُشَا] إِنَّا يَاسُوع: ”وِي ذ أَيِي إِحَاذَانْ؟“ ؤُمِي نْكَارنْ مَارَّا، إِنَّا شِيمْعُونْ بُوطْرُوسْ ذ يِينِّي أَكِيذسْ: ”[أَ] أَمْسڒْمَاذْ نّغْ، ڒْغَاشِي إِسّْذحّسْ إِ-شْ ؤُ شكْ ثقَّارذْ: ’وِي ذ أَيِي إِحَاذَانْ؟‘ “
LUK 8:46 [مَاشَا] يَاسُوع إِنَّا: ”أَقَا إِجّنْ إِحَاذَا أَيِي، مِينْزِي نشّْ ؤُشِيغْ جّهْذْ إِفّغْ زَّايِي.“
LUK 8:47 ؤُمِي ثسّنْ ثمْغَارْثْ، بلِّي وَارْ ثقِّيمْ وَارْ ثمْژَارْ، ثُوسَا-د س ؤُقفْقفْ ؤُشَا ثوْضَا غَارْ إِضَارنْ ن يَاسُوع، إِسْجذْ أَسْ. قِيبَاتْشْ إِ مَارَّا إِوْذَانْ ثْخبَّارْ خْ مَانْ سِّيبّثْ إِ زِي ث ثْحَاذَا ذ مَامّشْ ثتّْوَاسّْڭنْفَا ذغْيَا.
LUK 8:48 إِنَّا أَسْ يَاسُوع: ”أڭّْ ؤُڒْ، أَ يدْجِي، أَقَا لْ-إِيمَانْ نّمْ إِوْشَا أَمْ ثُوذَارْثْ. رُوحْ ذِي ڒهْنَا.“
LUK 8:49 أَمْ إِسَّاوَاڒْ [عَاذْ]، يُوسَا-د إِجّْ ن ورْيَازْ زِي ثَادَّارْثْ ن ؤُمقّْرَانْ ن ثمْزِيذَا، إِنَّا أَسْ: ”أَقَا يدْجِيشْ ثمُّوثْ، وَارْ سَّاحَاڒْ عَاذْ أَمْسغَّارْ.“
LUK 8:50 مَاشَا يَاسُوع إِسْڒَا مَانْ أَيَا، إِنَّا إِ بَابَاسْ ن ثْحنْجِيرْثْ: ”وَارْ ثڭّْوذْ شَا! أَمنْ وَاهَا، نتَّاثْ أَذْ ثدَّارْ!“
LUK 8:51 ؤُمِي د-يُوسَا يَاسُوع غَارْ ثَادَّارْثْ، وَارْ إِجِّي ؤُڒَا ذ إِجّنْ أَذْ يَاذفْ مْغِيرْ شِيمْعُونْ ذ يَاعْقُوبْ ذ يُوحَانَّا ذ بَابَاسْ ن ثْحنْجِيرْثْ ذ يمَّاسْ.
LUK 8:52 ثُوغَا مَارَّا إِتّْرُو، وْثِينْ خَاسْ أَڭجْذُورْ. نتَّا إِنَّا: ”وَارْ تّْرُومْ، نتَّاثْ وَارْ ثمُّوثْ شَا، مَاشَا نتَّاثْ ثطّصْ.“
LUK 8:53 نِيثْنِي ضحْشنْ ذَايسْ، سّْننْ بلِّي نتَّاثْ ثُوغَا ثمُّوثْ.
LUK 8:54 مَاشَا أَوَارْنِي ڒَامِي إِسُّوفّغْ مَارَّا، إِطّفْ إِ-ت زڭْ ؤُفُوسْ نّسْ، إِڒَاغَا، إِنَّا أَسْ: ”[أَ] ثَاحنْجِيرْثْ، كَّارْ!“
LUK 8:55 إِذْوڒْ-د ذَايسْ بُوحْبڒْ ؤُشَا ثكَّارْ ڒخْذنِّي. خنِّي يُومُورْ أَذْ أَسْ وْشنْ مِينْ غَا ثشّْ.
LUK 8:56 ثْبهْثنْ لْوَالِيذِينْ نّسْ، مَاشَا نتَّا إِوصَّا إِ-ثنْ، وَارْ قَّارنْ إِ حذْ مِينْ إِمْسَارنْ.
LUK 9:1 يَاسُوع إِڒَاغَا-د [غَارسْ] ثنْعَاشْ [ن رُّوسُولْ] نّسْ، إِوْشَا أَسنْ جّهْذْ ذ صُّولْطَا خْ مَارَّا شّْوَاطنْ ؤُ [خْ مَارَّا] ڒهْڒَاشَاثْ، حِيمَا أَذْ سّْڭنْفَانْ [إِوْذَانْ].
LUK 9:2 إِسّكّْ إِ-ثنْ حِيمَا أَذْ بَارّْحنْ س ثْڭلْذِيثْ ن أَربِّي ؤُ حِيمَا أَذْ سّْڭنْفَانْ إِمهْڒَاشْ.
LUK 9:3 إِنَّا أَسنْ: ”وَارْ كسِّيمْ وَالُو ذڭْ وبْرِيذْ نِيغْ ثَاغَّارْشْثْ نِيغْ تّسْطِيمْ نِيغْ أَغْرُومْ ؤُڒَا ذ نُّوقَارْثْ، ؤُشَا وَارْ كسِّيمْ ؤُڒَا ذ ثْنَاينْ ن ثْشَامِيرَاثْ.
LUK 9:4 مَانْ ثَادَّارْثْ إِ غَا ثَاذْفمْ، قِّيممْ ذِينِّي ؤُشَا فّْغمْ سّنِّي.
LUK 9:5 مَاڒَا ثفّْغمْ زِي ثنْذِينْثْ، زرْزمْ [خنِّي] ثَاعجَّاجْثْ زڭْ إِضَارنْ نْومْ قِيبَاتْشْ إِ يِينِّي وَارْ كنِّيوْ إِقبّْڒنْ، ذ شّْهَاذثْ خَاسنْ.“
LUK 9:6 [خَاسْ ؤُشَا] فّْغنْ رُّوسُولْ، ثُوغَا تّْشُوقَانْ ذِي ذْشُورَاثْ ذ ثْندَّامْ. نِيثْنِي تّْبَارّْحنْ س ڒخْبَارْ أَصبْحَانْ، سّْڭنْفَانْ [إِمهْڒَاشْ] ذِي كُوڒْ أَمْشَانْ.
LUK 9:7 هِيرُوذُوسْ، ڒْحَاكمْ خْ إِجّْ ن أَرْبعْ ن ثمُّورْثْ إِسْڒَا خْ مَارَّا مِينْ إِتّْوَاڭّنْ زَّايسْ ؤُشَا يَارْجفْ، مِينْزِي شَا [ن إِوْذَانْ] نَّانْ، أَقَا يُوحَانَّا إِكَّارْ-د زِي ثَادَّارْثْ ن إِمتِّيننْ.
LUK 9:8 شَا نّغْنِي نَّانْ أَقَا إِلِييَا إِضْهَارْ-د ؤُ شَا نّغْنِي [عَاوذْ] أَقَا إِجّنْ زڭْ إِنَابِييّنْ ن وشْحَاڒْ ؤُيَا إِكَّارْ-د.
LUK 9:9 إِنَّا هِيرُوذُوسْ: ”أَقَا ذ نشّْ إِ إِقسّنْ أَزدْجِيفْ ن يُوحَانَّا، مَاشَا مَانِيسْ وَا إِ خفْ سْڒِيغْ [مَارَّا] مَانْ أَيَا؟“ ؤُشَا ثُوغَا يَارزُّو أَذْ ث إِژَارْ.
LUK 9:10 ؤُمِي د -عقْبنْ رُّوسُولْ، عَاوْذنْ إِ يَاسُوع مَارَّا مِينْ ڭِّينْ. خنِّي يِيوْيِي ثنْ أَكِيذسْ غَارْ إِجّْ ن ومْشَانْ إِخْڒَا غَارْ بَايْثْ-صَايْذَا، [حِيمَا أَذْ إِڒِينْ] وحّذْسنْ أَكِيذسْ.
LUK 9:11 ؤُمِي يَارْڭبْ ڒْغَاشِي خْ مَانْ أَيَا، إِضْفَارْ إِ-ث. نتَّا ثُوغَا يَارحّبْ زَّايْسنْ، إِسِّيوڒْ أَكِيذْسنْ خْ ثْڭلْذِيثْ ن أَربِّي ؤُ إِنِّي حْذَاجنْ أَذْ تّْوَاسّْڭنْفَانْ، إِسّْڭنْفَا إِ-ثنْ.
LUK 9:12 ڒَامِي إِبْذَا ڒْحَاڒْ إِسُّوثُومْ، قَارّْبنْ-د غَارسْ إِمحْضَارنْ نّسْ، نَّانْ أَسْ: ”سكّْ ڒْغَاشِي، حِيمَا أَذْ رَاحنْ غَارْ ڒذْشُورْ ذ إِيَّارنْ إِ ذ أَسنْ د-إِنّْضنْ، أَذْ ذِينِّي أَفنْ مَانِي غَا سّنْسنْ ذ مِينْ غَا شّنْ، مِينْزِي أَقَا أَنغْ ذَا ذڭْ إِجّْ ن ومْشَانْ إِخْڒَانْ.“
LUK 9:13 مَاشَا يَاسُوع إِنَّا أَسنْ: ”وْشمْ أَسنْ كنِّيوْ حِيمَا أَذْ شّنْ.“ نَّانْ أَسْ: ”وَارْ غَارْنغْ مْغِيرْ خمْسَا ن ثشْنِيفِينْ ذ ثْنَاينْ ن إِسڒْمَانْ، نِيغْ إِتّْخصَّا أَذْ نْرَاحْ أَذْ نْسغْ مَاشَّا إِ مَارَّا إِوْذَانْ-أَ!“
LUK 9:14 مِينْزِي ثُوغَا أَثنْ ذِي شَا ن خمْسَاڒَافْ ن يرْيَازنْ. [مَاشَا] يَاسُوع إِنَّا أَسنْ: ”سْغِيممْ ثنْ ذِي ثْعُورِّيشِينْ ن خمْسِينْ.“
LUK 9:15 ؤُشَا ڭِّينْ إِمحْضَارنْ أَمنِّي ؤُشَا سّْغِيمنْ ثنْ مَارَّا.
LUK 9:16 إِكْسِي يَاسُوع ثِيشْنِيفِينْ س خمْسَا ؤُڒَا ذ ثْنَاينْ ن إِسڒْمَانْ [نِّي]، إِسّْڭعّذْ ثَامُوغْڒِي نّسْ غَارْ ؤُجنَّا، ؤُشَا إِبَارْكْ [إِ-ثنْثْ]، يَارْژَا ؤُشَا إِوْشَا [زِي ثشْنِيفِينْ نِّي] إِ إِمحْضَارنْ نّسْ، حِيمَا أَذْ وْشنْ إِ ڒْغَاشِي.
LUK 9:17 شِّينْ، جِّيوْننْ مَارَّا. أَڒَامِي ذ جَارْونْ مِينْ إِقِّيمنْ زڭْ إِڒقّْوَازْ، ثُوغَا ذِينِّي ثنْعَاشْ ن ثْسُودْجَاثِينْ.
LUK 9:18 أَمْ ثُوغَا يَاسُوع إِتّْژَادْجْ وحّْذسْ، أَمْ ثُوغَا إِمحْضَارنْ أَكِيذسْ، إِسّقْسَا ثنْ، إِنَّا: ”مِينْ إِقَّارْ ڒْغَاشِي مِينْ عْنِيغْ؟“
LUK 9:19 أَرِّينْ-د، نَّانْ أَسْ: ” ’يُوحَانَّا أَمْسغْضَاصْ!‘، ؤُ إِنّغْنِي: ’إِلِييَا!‘، ؤُ شَا إِنّغْنِي: ’أَقَا إِكَّارْ-د إِجّْ ن ؤُنَابِي، إِجّنْ زڭْ إِنَابِييّنْ ن وشْحَاڒْ ؤُيَا‘.“
LUK 9:20 إِنَّا أَسنْ: ”إِ كنِّيوْ، مِينْ ثقَّارمْ مِينْ عْنِيغْ؟“ يَارَّا-د شِيمْعُونْ، إِنَّا: ”لْمَاسِيحْ ن أَربِّي.“
LUK 9:21 [خنِّي] إِعْڒمْ أَسنْ س جّهْذْ ؤُشَا إِوصَّا ثنْ، وَارْ ث قَّارنْ إِ حذْ.
LUK 9:22 إِنَّا أَسنْ: ”إِتّْخصَّا إِ مِّيسْ ن بْنَاذمْ أَذْ إِودّبْ أَطَّاسْ ؤُشَا أَذْ إِمّنْضَارْ زڭْ إِمْغَارنْ [ن ڒْڭنْسْ] ذ إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ، أَذْ إِتّْوَانغْ ؤُشَا ذڭْ وَاسّْ وِيسّْ ثْڒَاثَا أَذْ د-إِكَّارْ.“
LUK 9:23 [خَاسْ ؤُشَا] إِنَّا إِ مَارَّا: ”مَاڒَا إِخْسْ حذْ أَذْ د-يَاسْ أَوَارْنِي أَيِي، إِتّْخصَّا أَسْ أَذْ إِنْكَارْ إِخفْ نّسْ، أَذْ إِكْسِي صَّالِيبْ نّسْ كُوڒْ أَسّْ ؤُشَا أَذْ أَيِي د-إِضْفَارْ.
LUK 9:24 مِينْزِي وِي إِخْسنْ أَذْ إِسّنْجمْ ثُوذَارْثْ نّسْ، أَذْ ت إِودَّارْ. مَاشَا وِي إِخْسنْ أَذْ إِودَّارْ ثُوذَارْثْ نّسْ ذِي طّْوعْ إِنُو، أَذْ ت إِسّنْجمْ.
LUK 9:25 مِينْزِي مَانْ ڒفْضڒْ إِ بْنَاذمْ مَاڒَا يَارْبحْ دُّونشْثْ مَارَّا، مَاشَا أَذْ يَاردّدْجْ ڒعْمَارْ نّسْ نِيغْ أَذْ ث إِودَّارْ؟
LUK 9:26 مِينْزِي ونِّي إِ غَا إِسضْحَانْ زَّايِي ؤُ زڭْ وَاوَاڒنْ إِنُو، أَذْ زَّايسْ إِسضْحَا [عَاوذْ] مِّيسْ ن بْنَاذمْ خْمِي د غَا يَاسْ ذڭْ ؤُعُودْجِي نّسْ ؤُ ذڭْ ؤُعُودْجِي ن بَابَاسْ أَكْ-ذ لْمَالَاكَاثْ نّسْ إِقدّْسنْ.
LUK 9:27 س ثِيذتّْ، نشّْ أَذْ أَومْ إِنِيغْ، أَقَا شَا زڭْ إِنِّي ذَا إِحْضَارنْ، وَارْ تّْقِيسِينْ شَا ڒْموْثْ أَڒْ غَا ژَترنْ ثَاڭلْذِيثْ ن أَربِّي.“
LUK 9:28 عْڒَاحَاڒْ ثْمنْيَا ن وُوسَّانْ أَوَارْنِي ڒَامِي [إِنَّا] أَوَاڒنْ-أَ، إِوْيِي-د يَاسُوع أَكِيذسْ شِيمْعُونْ ذ يَاعْقُوبْ ذ يُوحَانَّا ؤُشَا إِڭعّذْ غَارْ وذْرَارْ، حِيمَا أَذْ إِژَّادْجْ.
LUK 9:29 أَمْ ثُوغَا إِتّْژَادْجْ، إِبدّڒْ وُوذمْ ن ؤُغمْبُوبْ نّسْ ؤُ أَرُّوضْ نّسْ إِذْوڒْ ذ أَشمْڒَاڒْ إِتِّيسِّيقنْ.
LUK 9:30 خْزَارْ، ثْنَاينْ ن يرْيَازنْ سِّيوْڒنْ أَكِيذسْ، ثُوغَا أَثنْ ذ مُوسَا ذ إِلِييَا،
LUK 9:31 إِنِّي د-إِضْهَارنْ س ؤُعُودْجِي، ثُوغَا سَّاوَاڒنْ خْ وُوفُّوغْ نّسْ إِ ثُوغَا إِ غَا إِتّْوَاكمّڒْ ذِي ؤُرْشَالِيمْ.
LUK 9:32 شِيمْعُونْ ذ يِينِّي أَكِيذسْ، ثُوغَا إِكَّا خَاسنْ يِيضصْ، أَڒَامِي عْڒَاينْ وَارْ زمَّارنْ أَذْ قِّيمنْ فَاقنْ. نِيثْنِي ژْرِينْ أَعُودْجِي نّسْ ذ ثْنَاينْ ن يرْيَازنْ بدّنْ أَكِيذسْ.
LUK 9:33 أَڒَامِي خَاسْ فَارْقنْ إِنَا، إِنَّا شِيمْعُونْ إِ يَاسُوع: ”[أَ] أَمْسڒْمَاذْ إِنُو، أَقَا مْلِيحْ ؤُمِي إِ ذَا ندْجْ. أجّْ أَنغْ أَذْ نوّثْ ثْڒَاثَا ن إِعُوشُّوثنْ ن ثْسطَّا، إِجّنْ إِ شكْ، إِجّنْ إِ مُوسَا ؤُ إِجّنْ إِ إِلِييَا.“ نتَّا [مَاشَا] وَارْ إِسِّينْ مِينْ إِنَّا.
LUK 9:34 أَوَارْنِي ڒَامِي إِنَّا مَانْ أَيَا، إِكَّا-د خَاسنْ إِجّْ ن ؤُسيْنُو، إِسّْذُورِييْ إِ-ثنْ ؤُشَا نِيثْنِي ذوْڒنْ ڭّْوذنْ ؤُمِي ژْرِينْ مُوسَا ذ إِلِييَا ؤُذْفنْ غَارْ ؤُسيْنُو.
LUK 9:35 ثُوسَا-د إِشْثْ ن ثْمِيجَّا زڭْ ؤُجنَّا، ثقَّارْ: ”ذ وَا ذ مِّي إِعِيزّنْ، سْڒمْ غَارسْ!“
LUK 9:36 أَڒَامِي د-ثُوسَا ثْمِيجَّا، ؤُفِينْ يَاسُوع وحّْذسْ. نِيثْنِي سّْقَارنْ ؤُشَا وَارْ خبَّارنْ حذْ ذڭْ وُوسَّانْ نِّي س مِينْ ژْرِينْ.
LUK 9:37 ثِيوشَّا نّسْ، أَڒَامِي ثُوغَا د-هكّْوَانْ زڭْ وذْرَارْ، إِڒْقَا ثنْ-إِ-د إِجّْ ن ڒْغَاشِي ذ أَمقّْرَانْ.
LUK 9:38 ؤُ خْزَارْ، إِجّْ ن ورْيَازْ زِي ڒْغَاشِي إِسْغُويْ، إِنَّا: ”[أَ] أَمْسغَّارْ، تّْزَاوْڭغْ شكْ، حِينّْ خَافِي، أَقَا-ث ذ أَينِّي ن مِّيسْ إِ غَارِي.
LUK 9:39 خْزَارْ، إِتّطّفْ إِ-ث إِجّْ ن ڒَارْيَاحْ، خنِّي إِسْغُويُّو ذغْيَا، إِتّْغژَّا ثِيغْمَاسْ ؤُ إِتّكّْ أَسْ-د كُوفُّو زڭْ ؤُقمُّومْ، عْڒَاحَارْ وَارْ ذ أَسْ يَارخُّو أَمْ ث إِيزّمْ [أَمُّو].
LUK 9:40 تَّارغْ زڭْ إِمحْضَارنْ نّشْ أَذْ ث سُّوفّْغنْ، مَاشَا وَارْ زمَّارنْ.“
LUK 9:41 يَارَّا-د يَاسُوع، إِنَّا: ”أَ جِّيڒْ إِ وَارْ يُومِيننْ إِمْعوّْجنْ، مشْحَاڒْ غَارْومْ إِ غَا كّغْ أَذْ كنِّيوْ كْسِيغْ؟ أَوِي-د مِّيشْ ذَا!“
LUK 9:42 أَڒَامِي غَارسْ ث-إِ-د-إِسّْقَارّبْ، إِنْضَارْ إِ-ث شِّيطَانْ [ذِي ثمُّورْثْ]، إِمزّقْ إِ-ث. مَاشَا يَاسُوع إِوبّخْ ڒَارْيَاحْ أَمنْڭُوسْ، إِسّْڭنْفَا أَحنْجِيرْ ؤُشَا يَارَّا إِ-ث إِ بَابَاسْ.
LUK 9:43 مَارَّا ثُوغَا تّْعجّْبنْ ذِي ڒمْغَارثْ ن أَربِّي. ؤُشَا ؤُمِي ثْبهْثنْ مَارَّا نِيثْنِي ذِي مَارَّا مِينْ إِڭَّا يَاسُوع، إِنَّا إِ إِمحْضَارنْ نّسْ:
LUK 9:44 ”ڭّمْ أَوَاڒنْ-أَ ذڭْ إِمزُّوغنْ نْومْ، مِينْزِي مِّيسْ ن بْنَاذمْ أَذْ إِمّوْشْ ذڭْ إِفَاسّنْ ن إِوْذَانْ.“
LUK 9:45 مَاشَا نِيثْنِي وَارْ فْهِيمنْ إِ وَاوَاڒْ-أَ، ثُوغَا إِتّْوَاسّْنُوفَّارْ خَاسنْ مَاحنْذْ وَارْ ث فهّْمنْ. ؤُشَا نِيثْنِي ڭّْوذنْ أَذْ ث سّقْسَانْ خْ وَاوَاڒْ-أَ.
LUK 9:46 يُوذفْ إِ-ثنْ إِجّْ ن ؤُمْشُوبّشْ خْ مَانْ ونْ زَّايْسنْ إِ غَا يِيڒِينْ ذ أَمقّْرَانْ قَاعْ.
LUK 9:47 مَاشَا إِسّنْ يَاسُوع أَخَارّصْ ن وُوڒَاونْ نْسنْ ؤُشَا إِكْسِي إِجّْ ن ؤُحنْجِيرْ إِسّْبدّْ إِ-ث غَارسْ.
LUK 9:48 إِنَّا أَسنْ: ”وِي غَا إِقبْڒنْ أَحنْجِيرْ-أَ س يِيسمْ إِنُو، إِقْبڒْ أَيِي نشّْ، ؤُ وِي ذ أَيِي غَا إِقبْڒنْ، إِقْبڒْ ونِّي ذ أَيِي د-إِسّكّنْ. مِينْزِي ونِّي ذ أَمژْيَانْ قَاعْ جَارْ أَومْ، نتَّا أَذْ يِيڒِي ذ أَمقّْرَانْ.“
LUK 9:49 إِطّفْ يُوحَانَّا ذڭْ وَاوَاڒْ، إِنَّا: ”[أَ] أَمْسڒْمَاذْ نّغْ، نژْرَا إِجّنْ إِسُّوفُّوغْ شّْوَاطنْ س يِيسمْ نّشْ ؤُشَا نسّْبدّْ إِ-ث، مِينْزِي نتَّا وَارْ شكْ إِضفَّارْ [جْمِيعْ] أَكِيذْنغْ.“
LUK 9:50 إِنَّا أَسْ يَاسُوع: ”وَارْ ث سْبدَّامْ، مِينْزِي وِي وَارْ إِدْجِينْ ضِيدّْ نْومْ، أَقَا-ث أَكِيذْومْ.“
LUK 9:51 ؤُمِي د-إِوْضنْ أَذْ كمّْڒنْ وُوسَّانْ ن ثْمكْسِيثْ نّسْ نّسْ [غَارْ ؤُجنَّا]، يَارَّا أَغمْبُوبْ نّسْ غَارْ ؤُرْشَالِيمْ.
LUK 9:52 إِسّكّْ زَّاثسْ إِرقَّاسنْ، ؤُشَا إِنَا ؤُذْفنْ غَارْ إِجّْ ن ذْشَارْ ن إِسَامَارِييّنْ، حِيمَا أَذْ أَسْ وجْذنْ [ذِينْ].
LUK 9:53 نِيثْنِي [مَاشَا] وَارْ ث قْبِيڒنْ، مِينْزِي يَارَّا أَغمْبُوبْ نّسْ، حِيمَا أَذْ إِرَاحْ غَارْ ؤُرْشَالِيمْ.
LUK 9:54 ؤُمِي ژْرِينْ يَاعْقُوبْ ذ يُوحَانَّا، إِمحْضَارنْ نّسْ، مَانْ أَيَا، نَّانْ: ”أَ سِيذِيثْنغْ، مَا ثخْسذْ أَذْ نُومُورْ، حِيمَا أَذْ د-ثهْوَا ثْمسِّي زڭْ ؤُجنَّا، مَاحنْذْ أَذْ ثنْ ثشّْ أَمْ مَامّشْ إِڭَّا عَاوذْ إِلِييَا؟“
LUK 9:55 [مَاشَا] أَمْ د-إِنّقْڒبْ، إِوبّخْ إِ-ثنْ، إِنَّا: ”وَارْ ثسِّينمْ شَا مَانْ أَرُّوحْ إِ زِي ثدْجَامْ كنِّيوْ!
LUK 9:56 مِينْزِي مِّيسْ ن بْنَاذمْ وَارْ د-يُوسِي شَا حِيمَا أَذْ إِسّْهلّكْ ڒعْمُورْ ن إِوْذَانْ، مَاشَا حِيمَا أَذْ إِوْشْ ثُوذَارْثْ!“ خنِّي رُوحنْ غَارْ ذْشُورَاثْ نّغْنِي.
LUK 9:57 أَمْ ڭُّورنْ نِيثْنِي ذڭْ وبْرِيذْ، إِنَّا أَسْ إِجّْ ن ورْيَازْ: ”أَ سِيذِي إِنُو، أَذْ شكْ ضْفَارغْ مَانِي مَا إِ غَا ثْرَاحذْ.“
LUK 9:58 إِنَّا أَسْ يَاسُوع: ”إِشعْبَاونْ غَارْسنْ إِفْرَانْ ذ إِجْضَاضْ ن ؤُجنَّا غَارْسنْ ڒعْوَاشّْ، مَاشَا مِّيسْ ن بْنَاذمْ وَارْ غَارسْ ؤُڒَا مَانِي غَا إِسنّذْ أَزدْجِيفْ نّسْ.“
LUK 9:59 إِنَّا إِ ونّغْنِي: ”ضْفَارْ أَيِي-د!“ مَاشَا وَانِيثَا إِنَّا: ”[أَ] سِيذِي إِنُو، أجّْ أَيِي أَمزْوَارْ أَذْ أَرڭّْوحغْ أَذْ نضْڒغْ بَابَا!“
LUK 9:60 [مَاشَا] إِنَّا أَسْ يَاسُوع: ”أجّْ إِمتِّيننْ أَذْ نضْڒنْ إِمتِّيننْ نْسنْ، مَاشَا شكْ رُوحْ، ثْبَارّْحذْ س ثْڭلْذِيثْ ن أَربِّي.“
LUK 9:61 إِنَّا أَسْ ونّغْنِي: ”أَذْ شكْ ضْفَارغْ، [أَ] سِيذِي، مَاشَا أجّْ أَيِي أَمزْوَارْ أَذْ ڭّغْ أَلَّاهْ إِهنِّيكْ خْ يِينِّي غَارِي ذِي ثَادَّارْثْ إِنُو، [خنِّي] أَذْ د-أَسغْ.“
LUK 9:62 إِنَّا أَسْ يَاسُوع: ”ؤُڒَا ذ إِجّْ، مَاڒَا إِسّْرُوسَا أَفُوسْ نّسْ خْ ؤُسْغَارْ، خنِّي أَذْ إِخْزَارْ غَارْ ضفَّارْ، أَذْ إِصْڒحْ إِ ثْڭلْذِيثْ ن أَربِّي.“
LUK 10:1 أَوَارْنِي مَانْ أَيَا إِڒقّمْ يَاسُوع عَاوذْ سبْعِينْ نّغْنِي زڭْ إِمحْضَارنْ نّسْ ؤُشَا إِسّكّْ إِ-ثنْ ثْيُويَا ثْيُويَا قِيبَاتْشْ إِ ؤُغمْبُوبْ نّسْ غَارْ مَارَّا ثِيندَّامْ ذ جّْوَايهْ مَانِي ثُوغَا نتَّا إِڭَّا أَذْ إِرَاحْ.
LUK 10:2 إِنَّا أَسنْ: ”ثَاميْرَا أَطَّاسْ، مَاشَا إِخدَّامنْ ذْرُوسْ، س ؤُينِّي تَّارمْ إِ بَابْ ن ثْميْرَا، حِيمَا أَذْ إِسّكّْ إِخدَّامنْ غَارْ ثْميْرَا نّسْ.
LUK 10:3 رُوحمْ! أَقَا أَذْ كنِّيوْ سّكّغْ أَمْ وُودْجِي جَارْ وُوشَّاننْ.
LUK 10:4 وَارْ كِيومْ كسِّيمْ ثِيشْيَارِينْ ڒَا ذ تّسْطَايمْ ؤُڒَا ذ سَانْذَالِييَاثْ، وَارْ تّْسدْجَاممْ خْ حذْ ذڭْ وبْرِيذْ.
LUK 10:5 مَانْ مَا ثَادَّارْثْ إِ غَا ثَاذْفمْ، إِنِيمْ ذ أَمزْوَارُو: ’ڒهْنَا خْ ثَادَّارْثْ-أَ.‘
LUK 10:6 مَاڒَا ذِينْ مِّيسْ ن ڒهْنَا، ڒهْنَا نْومْ أَذْ خَاسْ يَارْسَا، مَاڒَا وَارْ إِدْجِي أَمنِّي، ڒهْنَا نْومْ أَذْ غَارْومْ د-إِعْقبْ.
LUK 10:7 قِّيممْ ذِي ثَادَّارْثْ نِّي، شّمْ، سْومْ زِي مِينْ غَارْسنْ، مِينْزِي أَخدَّامْ إِسْذَاهدْجْ ڒْمُونثْ نّسْ. [س ؤُيَا] وَارْ ڭُّورمْ شَا زِي ثَادَّارْثْ غَارْ ثَادَّارْثْ نّغْنِي.
LUK 10:8 مَانْ ثَانْذِينْثْ إِ غَا ثَاذْفمْ ؤُشَا أَذْ كنِّيوْ قبْڒنْ، شّمْ [ذِينْ] مِينْ ذ أَومْ غَا وْشنْ.
LUK 10:9 سْڭنْفَامْ إِمهْڒَاشْ إِ ذِينْ إِدْجَانْ، إِنِيمْ أَسنْ: ”أَقَا ثْقَارّبْ-د غَارْومْ ثْڭلْذِيثْ ن أَربِّي.“
LUK 10:10 مَانْ مَا ثَانْذِينْثْ إِ غَا ثَاذْفمْ، وَارْ كنِّيوْ قْبِيڒنْ، فّْغمْ غَارْ زّْنَاقِي نّسْ، إِنِيمْ:
LUK 10:11 ”عَاذْ ؤُڒَا ذ ثَاعجَّاجْثْ إِ ذَايْنغْ إِڒصْقنْ خْ [إِضَارنْ] نّغْ ن ثنْذِينْثْ نْومْ، أَذْ ت نزّرْزْ خَاومْ. مَاشَا سْنمْ أَيَا، أَقَا ثْقَارّبْ-د غَارْومْ ثْڭلْذِيثْ ن أَربِّي!
LUK 10:12 أَذْ أَومْ إِنِيغْ بلِّي ذڭْ وَاسّْ نِّي أَذْ يِيڒِي ڒْحَاڒْ ن سَاذُومْ إِهْونْ زِي ثنْذِينْثْ نِّي.“
LUK 10:13 ؤُشْثْ خَامْ، [أَ] خُورَازِينْ، ؤُشْثْ خَامْ، [أَ] بَايْثْ-صَايْذَا! مْڒِي مْسَارنْثْ ذِي صُورْ ذ صَايْذُونْ ڒعْجَايبْ إِ إِتّْوَاڭّنْ ذَايْكنْثْ، أَذْ ثِيڒِي ثُوبنْثْ زِي زّْمَانْ أَمْ قِّيمنْثْ ذِي ثْخَانْشثْ ن وشْضَانْ ذ يِيغّضْ [خْ إِزدْجِيفنْ نْسنْثْ].
LUK 10:14 مَاشَا أَذْ يِيڒِي ڒْحَاڒْ ن صُورْ ذ صَايْذُونْ إِهْونْ زِي ڒْحَاڒْ نْكنْثْ ذِي لْحِيسَابْ.
LUK 10:15 ؤُ شمْ، [أَ] كَافَارْنَاحُومْ، ثنِّي ثُوغَا إِتّْوَاسّْڭعّْذنْ غَارْ ؤُجنَّا، أَقَا أَذْ ثتّْوَاسّهْوِيذْ غَارْ ڒَاخَارْثْ!
LUK 10:16 وِي زَّايْومْ إِ غَا إِسْڒنْ، أَذْ زَّايِي إِسڒْ، وِي كنِّيوْ غَا يَاڭِينْ، أَذْ أَيِي يَاڭِي، ؤُ وِي ذ أَيِي غَا يَاڭِينْ، أَذْ يَاڭِي ونِّي ذ أَيِي د-إِسّكّنْ.“
LUK 10:17 [خنِّي]عقْبنْ سبْعِينْ نِّي س ڒفْرَاحثْ أَطَّاسْ، نَّانْ أَسْ: ”[أَ] سِيذِيثْنغْ، ؤُڒَا ذ شّْوَاطنْ طَّاعنْ أَنغْ س يِيسمْ نّشْ.“
LUK 10:18 [خَاسْ ؤُشَا] إِنَّا أَسنْ: ”ژْرِيغْ شِّيطَانْ إِوْضَا-د أَمشْنَاوْ أَسَّامْ زڭْ ؤُجنَّا.
LUK 10:19 خْزَارْ، نشّْ أَذْ أَومْ وْشغْ صُّولْطَا حِيمَا أَذْ ثْعفْسمْ خْ إِفِيغْرَانْ ذ إِغَارْضْمِيونْ ؤُڒَا [ذ صُّولْطَا] خْ مَارَّا جّهْذْ ن ڒعْذُو. ؤُڒَا ذ إِشْثْ ن ڒْحَاجّثْ وَارْ كنِّيوْ ثْضَارِّي.
LUK 10:20 مَاشَا وَارْ فَارّْحمْ شَا س ؤُيَا، بلِّي أَقَا شّْوَاطنْ أَذْ أَومْ طَّاعنْ، مَاشَا فَارْحمْ بلِّي أَقَا إِسْمَاونْ نْومْ تّْوَازمّمنْ ذڭْ إِجنْوَانْ.“
LUK 10:21 ذِي ثْسَاعّثْ نِّي إِفَارْحْ يَاسُوع ذِي أَرُّوحْ إِقدّْسنْ، إِنَّا: ”نشّْ تّْقَاذِيغْ شكْ، أَ بَابَا، بَابْ ن ؤُجنَّا ذ ثمُّورْثْ، مِينْزِي ثسّْنُوفَّارذْ ثِيمسْڒَايِينْ-أَ خْ إِمِيغِيسنْ ؤُ خْ أَيْثْبَابْ ن ڒعْقڒْ ؤُشَا ثسَّارڭْبذْ ثنْثْ إِ إِحنْجِيرنْ. وَاهْ، أَ بَابَا، أَمُّو إِ ثُوغَا إِخْسْ ڒْخَاضَارْ نّشْ!“
LUK 10:22 [خَاسْ ؤُشَا] إِنّقْڒبْ غَارْ إِمحْضَارنْ نّسْ، إِنَّا: ”كُوڒْشِي إِمّوْشْ أَيِي زِي بَابَا ؤُشَا ؤُڒَا ذ إِجّْ وَارْ إِسِّينْ مَانْ ونْ ذ مِّيسْ مْغِيرْ بَابَاسْ ؤُشَا [ؤُڒَا ذ إِجّْ وَارْ إِسِّينْ] مَانْ ونْ ذ بَابَاسْ مْغِيرْ مِّيسْ، ذ ونِّي ؤُمِي إِخْسْ مِّيسْ أَذْ [ث] إِسَّارْڭبْ.“
LUK 10:23 [خنِّي] إِنّقْڒبْ-د غَارْ إِمحْضَارنْ وحّذْسنْ، إِنَّا: ”سّعْذْ ن ثِيطَّاوِينْ إِ إِتّْوَاڒَانْ مِينْ ثتّْوَاڒَامْ كنِّيوْ.
LUK 10:24 مِينْزِي نشّْ أَذْ أَومْ إِنِيغْ، أَقَا أَطَّاسْ ن إِنَابِييّنْ ذ إِجدْجِيذنْ ثُوغَا خْسنْ أَذْ ژَترنْ مِينْ ثتّْوَاڒَامْ كنِّيوْ، [مَاشَا] وَارْ ت تّْوِيڒِينْ، ؤُڒَا أَذْ سْڒنْ مِينْ ثتّسْڒَامْ، [مَاشَا] وَارْ ت سْڒِينْ.“
LUK 10:25 خْزَارْ، إِجّْ ن ؤُمْسڒْمَاذْ ن إِذْلِيسنْ إِكَّارْ حِيمَا أَذْ ث إِجَارّبْ، إِنَّا: ”[أَ] أَمْسغَّارْ، مِينْ غَا ڭّغْ حِيمَا أَذْ وَارْثغْ ثُوذَارْثْ إِتّْذُومَانْ؟“
LUK 10:26 يَاسُوع إِنَّا أَسْ: ”مَامّشْ ث يُورِينْ ذِي شَّارِيعَا؟ مَامّشْ ثقَّارذْ؟“
LUK 10:27 يَارَّا-د، إِنَّا أَسْ: ”أَذْ ثخْسذْ سِيذِي، أَربِّي نّشْ س مَارَّا وُوڒْ نّشْ، س مَارَّا ڒعْمَارْ نّشْ، س مَارَّا جّهْذْ نّشْ، س مَارَّا ڒعْقڒْ نّشْ، ؤُشَا [أَذْ ثخْسذْ] جَّارْ نّشْ أَمشْنَاوْ إِخفْ نّشْ.“
LUK 10:28 إِنَّا أَسْ يَاسُوع: ”أَقَا ثَارِّيذْ نِيشَانْ. أڭّْ مَانْ أَيَا ؤُشَا أَذْ ثدَّارذْ.“
LUK 10:29 مَاشَا نتَّا إِخْسْ أَذْ إِسّڭّذْ إِخفْ نّسْ، إِنَّا أَسْ: ”مَانْ ونْ إِدْجَانْ ذ جَّارْ إِنُو؟“
LUK 10:30 يَارَّا-د خَاسْ يَاسُوع، إِنَّا أَسْ: ”إِجّْ ن ورْيَازْ إِهْوَا-د زِي ؤُرْشَالِيمْ غَارْ أَرِيحَا ؤُشَا إِوْضَا ذڭْ إِفَاسّنْ ن إِشفَّارنْ، كّْسنْ أَسْ أَرُّوضْ، وْثِينْ ث س وعْمُوذْ، خنِّي رُوحنْ، جِّينْ ث جَارْ ڒْموْثْ ذ ثُوذَارْثْ.
LUK 10:31 خنِّي إِهْوَا-د إِجّْ ن ؤُكهَّانْ غَارْ وبْرِيذْ نِّي. نتَّا إِژْرَا إِ-ث، مَاشَا إِكَّا [خَاسْ].
LUK 10:32 أَمُّو عَاوذْ ؤُڒَا ذ إِجّْ ن ؤُلَاوِي إِعْذُو-د خْ ومْشَانْ نِّي، إِژْرَا إِ-ث، مَاشَا إِكَّا [خَاسْ].
LUK 10:33 مَاشَا إِجّْ ن ورْيَازْ أَسَامِيرِي، ثُوغَا-ث ذڭْ ؤُسَافَارْ، يِيوضْ-د غَارسْ، إِژْرَا إِ-ث ؤُشَا إِحِينّْ خَاسْ.
LUK 10:34 إِقَارّبْ-د غَارسْ، إِشدّْ أَسْ إِيزِّيمنْ نّسْ، إِسيّحْ خَاسنْ بِينُو ذ زّشْثْ. [خنِّي] إِسّنْيَا إِ-ث خْ زَّايْڒثْ نّسْ، يِيوْيِي إِ-ث غَارْ ونْوَاڒْ، إِثْهلَّا ذَايسْ.
LUK 10:35 ثِيوشَّا نّسْ ڒَامِي إِرُوحْ، إِوْشَا ثْنَاينْ ذِينَارْ إِ بَابْ ن ونْوَاڒْ، إِنَّا أَسْ: ’ثْهِيلَّا ذَايسْ ؤُ مَاڒَا ثْخدْجْصذْ كْثَارْ زِي مَانْ أَيَا، أَذْ شكْ خدْجْصغْ خْمِي د غَاعقْبغْ.‘
LUK 10:36 مَانْ ونْ زِي ثْڒَاثَا نِّي ثتّْوَاڒِيذْ ذ جَّارْ ن ونِّي إِوْضَانْ ذڭْ [إِفَاسّنْ ن] إِشفَّارنْ؟“
LUK 10:37 إِنَّا أَسْ: ”ونِّي خَاسْ إِحِينّنْ!“ إِنَّا أَسْ يَاسُوع: ”إِوَا ؤُيُورْ، ؤُڒَا ذ شكْ ثڭّذْ أَمنِّي!“
LUK 10:38 أَمْ ثُوغَا ڭُّورنْ نِيثْنِي، يُوذفْ غَارْ إِجّْ ن ذْشَارْ، ؤُشَا إِشْثْ ن ثمْغَارْثْ، قَّارنْ أَسْ مَارْثَا، ثَارحّبْ زَّايسْ ذِي ثَادَّارْثْ نّسْ.
LUK 10:39 ثُوغَا غَارْ ثَا إِشْثْ ن ؤُتْشْمَاسْ، قَّارنْ أَسْ مَارْيَامْ، ثنِّي ثُوغَا ثقِّيمْ غَارْ إِضَارنْ ن سِيذِيثْنغْ ؤُشَا ثُوغَا ثسّْحسَّا إِ وَاوَاڒْ نّسْ.
LUK 10:40 مَاشَا مَارْثَا ثُوغَا ثشْغڒْ أَطَّاسْ س ثْسخَّارْثْ. نتَّاثْ ثُوسَا-د [غَارسْ]، ثنَّا أَسْ: ”[أَ] سِيذِي، مَا وَارْ ذ أَشْ إِشْقِي بلِّي ؤُتْشْمَا ثجَّا أَيِي تّْسخَّارغْ وحّْذِي؟ إِنِي أَسْ حِيمَا أَذْ أَيِي ثْعَاونْ.“
LUK 10:41 مَاشَا يَاسُوع يَارَّا-د، إِنَّا أَسْ: ”مَارْثَا، مَارْثَا، شمْ ثْشغْڒذْ ؤُ ثْقدْجِيقذْ خْ وَاطَّاسْ ن ثْمسْڒَايِينْ،
LUK 10:42 مَاشَا إِتّْخصَّا إِشْثْ ن ڒْحَاجّثْ [وَاهَا]! أَقَا مَارْيَامْ ثِيخْضَارْ ثَاسْغَارْثْ ثَاصبْحَانْثْ ثنِّي وَارْ زَّايسْ إِتّْوَاتّكّْسنْ.“
LUK 11:1 أَمْ ثُوغَا إِتّْژَادْجْ ذڭْ إِجّْ ن ومْشَانْ، إِمْسَارْ، ؤُمِي إِكمّڒْ نتَّا ثَاژَادْجِيثْ نّسْ، أَقَا إِجّنْ زڭْ إِمحْضَارنْ نّسْ إِنَّا أَسْ: ”[أَ] سِيذِيثْنغْ، سڒْمذْ أَنغْ أَذْ نژَّادْجْ أَمْ مَامّشْ ثُوغَا يُوحَانَّا إِسّڒْمَاذْ عَاوذْ إِمحْضَارنْ نّسْ.“
LUK 11:2 يَاسُوع إِنَّا أَسنْ: ”مڒْمِي مَا ثژُّودْجمْ، إِنِيمْ: ’بَابَاثْنغْ إِ إِدْجَانْ ذڭْ إِجنْوَانْ، أَذْ إِتّْوَاقدّسْ إِسمْ نّشْ، أَذْ د-ثَاسْ ثْڭلْذِيثْ نّشْ، أَذْ ثتّْوَاڭّْ أَمْ مَامّشْ ثخْسذْ شكْ، أَمْ ذڭْ ؤُجنَّا، أَمُّو عَاوذْ ذِي ثمُّورْثْ.
LUK 11:3 أوْشْ أَنغْ كُوڒْ أَسّْ أَغْرُومْ نّغْ إِ كُوڒْ أَسّْ،
LUK 11:4 ؤُشَا غْفَارْ أَنغْ دّْنُوبْ نّغْ، مِينْزِي ؤُڒَا ذ نشِّينْ نْسَامحْ إِ مَارَّا إِنِّي ذَايْنغْ إِتُّورْسنْ. وَارْ ذ أَنغْ سِّيذِيفْ شَا ذڭْ ؤُجَارّبْ، مَاشَا سنْجمْ أَنغْ زڭْ ؤُمْعفَّانْ.‘ “
LUK 11:5 خنِّي إِنَّا أَسنْ: ”مَانْ ونْ زَّايْومْ إِ غَارْ إِدْجَا إِجّْ ن ؤُمدُّوكّڒْ، أَذْ غَارسْ إِرَاحْ ذڭْ وزْينْ ن دْجِيڒثْ ؤُشَا أَذْ أَسْ إِنِي: ’أَ أَمدُّوكّڒْ، أَرْضڒْ أَيِي ثْڒَاثَا ن ثشْنِيفِينْ،
LUK 11:6 مِينْزِي إِجّْ ن ؤُمدُّوكّڒْ إِنُو، إِخشّْ-د غَارِي زڭْ ؤُسَافَارْ، وَارْ غَارِي مِينْ ذ أَسْ غَا قدّْمغْ!‘،
LUK 11:7 ؤُشَا [خنِّي] أَذْ خَاسْ د-يَارّْ ؤُمدُّوكّڒْ نّسْ زِي ذَاخڒْ، أَذْ أَسْ يِينِي: ’وَارْ د أَيِي تّْصدَّاعْ، ثَاوَّارْثْ ثْبلّعْ ؤُ ثَارْوَا أَقَا-ت أَكِيذِي ذِي ثَاسُّوثْ، وَارْ زمَّارغْ أَذْ د-كَّارغْ مَاحنْذْ أَذْ أَشْ وْشغْ [أَغْرُومْ].‘
LUK 11:8 أَذْ أَومْ إِنِيغْ، مَاڒَا وَارْ د-إِكَّارْ حِيمَا أَذْ أَسْ إِوْشْ ؤُمِي نتَّا ذ أَمدُّوكّڒْ نّسْ، إِوَا أَذْ د-إِكَّارْ أَذْ أَسْ إِوْشْ مشْحَاڒْ مَا إِحْذَاجْ خْ سِّيبّثْ ن ڒوْعَارثْ [ن ؤُمدُّوكّڒْ] نّسْ.
LUK 11:9 أَذْ أَومْ إِنِيغْ: تَّارمْ، خنِّي أَذْ أَومْ إِمّوْشْ، أَرْزُومْ، خنِّي أَذْ ثَافمْ، سّْقَارْقْبمْ، خنِّي أَذْ أَومْ أَرزْمنْ.
LUK 11:10 مِينْزِي مَارَّا وِي غَا إِتَّارنْ أَذْ إِكْسِي، ؤُ وِي غَا يَارْزُونْ أَذْ يَافْ، ؤُ وِي غَا إِسّْقَارْقْبنْ أَذْ أَسْ إِتّْوَارْزمْ.
LUK 11:11 نِيغْ ذِينْ جَارْ أَومْ بَابَاسْ، ونِّي ؤُمِي ذ أَسْ إِ غَا إِتَّارْ مِّيسْ أَغْرُومْ، أَذْ أَسْ إِوْشْ أَژْرُو؟ نِيغْ ؤُمِي غَا إِتَّارْ أَسْڒمْ، أَذْ أَسْ إِوْشْ أَفِيغَارْ ذڭْ ومْشَانْ ن وسْڒمْ؟
LUK 11:12 نِيغْ مَاڒَا إِتَّارْ زَّايسْ ثَامدْجَاتْشْ، أَذْ أَسْ إِوْشْ ثَاغَارْضنْثْ؟
LUK 11:13 مَاڒَا كنِّيوْ، إِنِّي إِدْجَانْ ذ إِعفَّاننْ، ثسّْنمْ أَذْ ثوْشمْ ثِيموْشَا ثِيصبْحَانِينْ إِ ثَارْوَا نْومْ، مشْحَاڒْ س وَاطَّاسْ أَذْ إِوْشْ بَابَاثْومْ إِ إِدْجَانْ ذڭْ إِجنْوَانْ أَرُّوحْ إِقدّْسنْ إِ يِينِّي ذ أَسْ ث إِتَّارنْ!“
LUK 11:14 ؤُمِي إِسُّوفّغْ نتَّا إِجّْ ن شِّيطَانْ أَڭْنَاوْ، إِمْسَارْ، أَوَارْنِي ڒَامِي إِسُّوفّغْ شِّيطَانْ نِّي، أَقَا أَڭْنَاوْ إِبْذَا إِسَّاوَاڒْ. [ؤُشَا خنِّي] إِثبْهثْ ڒْغَاشِي [مَارَّا].
LUK 11:15 مَاشَا شَا زَّايْسنْ نَّانْ: ”إِسُّوفُّوغْ شّْوَاطنْ س بعَالْزابُوبْ، أَمقّْرَانْ ن شّْوَاطنْ.“
LUK 11:16 إِنّغْنِي جَارّْبنْ ث، تَّارنْ زَّايسْ إِشْثْ ن ڒعْڒَامثْ زڭْ ؤُجنَّا.
LUK 11:17 مَاشَا نتَّا يَارْڭبْ خْ إِخَارِّيصنْ نْسنْ، إِنَّا أَسنْ: ”كُوڒْ ثَاڭلْذِيثْ إِ إِبْضَانْ خْ يِيخفْ نّسْ أَذْ ثتّْوَاردّدْجْ ؤُ ثَادَّارْثْ إِ إِبْضَانْ خْ يِيخفْ نّسْ، أَذْ ثوْضَا.
LUK 11:18 مَاڒَا إِبْضَا شِّيطَانْ خْ يِيخفْ نّسْ، مَامّشْ غَا ثقِّيمْ ثْڭلْذِيثْ نّسْ؟ مِينْزِي كنِّيوْ ثقَّارمْ بلِّي نشّْ سُّوفُّوغغْ شّْوَاطنْ س بعَالْزابُوبْ.
LUK 11:19 مَاڒَا نشّْ سُّوفُّوغغْ شّْوَاطنْ س بعَالْزابُوبْ، س مِينْزِي إِ ثنْ سُّوفُّوغنْ ثَارْوَا نْومْ؟ س ؤُينِّي أَذْ إِڒِينْ نِيثْنِي ذ لْقُوضَاثْ خَاومْ.
LUK 11:20 مَاشَا مَاڒَا ثُوغَا س ؤُضَاضْ ن أَربِّي إِ زِي سُّوفُّوغغْ شّْوَاطنْ، خنِّي أَقَا ثْقَارّبْ-د غَارْومْ ثْڭلْذِيثْ ن أَربِّي.
LUK 11:21 مِينْ غَا يكّْ ورْيَازْ إِجهْذنْ إِحزّْمنْ س ڒسْنَاحْ إِتّْعسَّا خْ ڒمْرَاحْ نّسْ، أَذْ يِيڒِي وَاڭْڒَا نّسْ ذِي ڒَامَانْ.
LUK 11:22 مَاشَا مڒْمِي إِ د غَا يَاسْ ونِّي إِدْجَانْ ذ جِّيهڒْ خَاسْ، ؤُشَا أَذْ ث إِغْڒبْ، أَقَا نتَّا أَذْ أَسْ إِكّسْ ڒسْنَاحْ مِينْ خفْ ثُوغَا إِتّْشَاڒْ، ؤُشَا أَذْ إِبْضَا مِينْ ثُوغَا زَّايسْ إِكْسِي.
LUK 11:23 ونِّي وَارْ إِدْجِينْ أَكِيذِي، أَقَا-ث ضِيدّْ إِنُو ؤُ ونِّي وَارْ كِيذِي إِسّْمُونِينْ، أَقَا نتَّا إِتّْزدْجَاعْ.“
LUK 11:24 ”خْمِي غَا إِفّغْ ڒَارْيَاحْ أَمنْڭُوسْ زِي بْنَاذمْ، أَذْ إِشُوقْ ذڭْ إِمُوشَانْ وَارْ ذَايْسنْ بُو وَامَانْ، أَذْ يَارْزُو أَرَّاحثْ ؤُشَا خْمِي وَارْ ت إِتِّيفْ، أَذْ يِينِي: ’أَذْعقْبغْ غَارْ ثَادَّارْثْ إِنُو ثنِّي زِي د-فّْغغْ.‘
LUK 11:25 خْمِي د غَا يَاسْ، أَذْ ت يَافْ، ثْفَارْضْ، ثعْذڒْ.
LUK 11:26 خنِّي أَذْ إِرَاحْ، أَذْ إِكْسِي سبْعَا ن ڒَارْيَاحْ نّغْنِي إِعفَّاننْ خَاسْ، أَذْ د-أَذْفنْ ؤُشَا أَذْ زذْغنْ ذِينِّي. خنِّي أَذْ إِذْوڒْ ؤُنڭَّارْ ن بْنَاذمْ نِّي ذ أَعفَّانْ مَاهُو خْ مَامّشْ ث ثُوغَا غَارْ ؤُمزْوَارْ.“
LUK 11:27 أَمْ إِسَّاوَاڒْ س ؤُيَا، ثسّْڭعّذْ إِشْثْ ن ثمْغَارْثْ زِي ڒْغَاشِي ثْمِيجَّا نّسْ، ثنَّا أَسْ: ”سّعْذْ ن ؤُعذِّيسْ إِ شكْ إِكْسِينْ ؤُ ثَابُّوشْثْ إِ زِي ثطّْضذْ!“
LUK 11:28 نتَّا إِنَّا: ”سّعْذْ ن يِينِّي إِتّسْڒَانْ أَوَاڒْ ن أَربِّي ؤُشَا حفّْضنْ ث.“
LUK 11:29 أَمْ ثُوغَا إِمُونْ ڒْغَاشِي، إِبْذَا إِقَّارْ: ”تَّاصِيڒثْ-أَ ذ ثَاعفَّانْثْ ثتّتَّارْ ڒعْڒَامثْ، وَارْ ذ أَسْ ثتّْموْشِي ڒعْڒَامثْ مْغِيرْ ڒعْڒَامثْ ن يُونُوسْ أَنَابِي.
LUK 11:30 مِينْزِي أَمْ مَامّشْ ثُوغَا يُونُوسْ ذ ڒعْڒَامثْ إِ أَيْثْبَابْ ن نِينْوَا، أَمُّو إِ غَا يِيڒِي مِّيسْ ن بْنَاذمْ عَاوذْ [ذ ڒعْڒَامثْ] إِ جِّيڒْ-أَ.
LUK 11:31 ثَاجدْجِيذْثْ ن لْجَانُوبْ أَذْ ثكَّارْ ذڭْ [وَاسّْ ن] لْحِيسَابْ أَكْ-ذ يرْيَازنْ ن جِّيڒْ-أَ، أَذْ ثنْ ثْحَاسبْ. مِينْزِي ثُوسَا-د زِي ثْنڭَّارُوثْ ن ثمُّورْثْ، حِيمَا أَذْ ثْسڒْ إِ ثِيغِيثْ ن سُولِيمَانْ. خْزَارْ، أَقَا ذَا ونِّي إِمْغَارنْ خْ سُولِيمَانْ.
LUK 11:32 إِرْيَازنْ ن نِينْوَا أَذْ د-كَّارنْ ذڭْ [وَاسّْ ن] لْحِيسَابْ أَكْ-ذ جِّيڒْ-أَ ؤُشَا أَذْ ث حَاسْبنْ، مِينْزِي نِيثْنِي ثُوبنْ أَوَارْنِي إِ ؤُبَارّحْ ن يُونُوسْ. خْزَارْ، أَقَا ذَا ونِّي إِمْغَارنْ خْ يُونُوسْ!“
LUK 11:33 ؤُڒَا ذ إِجّْ وَارْ إِسّْرقِّي ڒْقنْذِيڒْ ؤُشَا إِسّْرُوسَا ث ذڭْ ومْشَانْ إِنُوفَّارنْ نِيغْ سَاذُو ڒْمُوذْ ن إِمنْذِي، مَاشَا [إِسّْرُوسَا إِ-ث] خْ ڒْمرْفعْ، حِيمَا إِنِّي د غَا يَاذْفنْ أَذْ ژَترنْ ثْفَاوْثْ.
LUK 11:34 ڒْقنْذِيڒْ ن أَرِّيمثْ نّشْ ذ ثِيطّْ نّشْ. مَاڒَا ثِيطّْ نّشْ ثصْفَا، أَذْ ثِيڒِي ثْفَاوْثْ ؤُڒَا ذِي مَارَّا أَرِّيمثْ نّشْ. مَاڒَا [ثِيطّْ نّشْ] ذ ثَاعفَّانْثْ، ؤُڒَا ذ أَرِّيمثْ نّشْ أَذْ ثِيڒِي ذ ثَادْجسْثْ.
LUK 11:35 حْضَا خنِّي، حِيمَا ثَافَاوْثْ إِ ذَايكْ [إِدْجَانْ]، وَارْ ثتِّيڒِي ذ ثَادْجسْثْ.
LUK 11:36 مَاڒَا مَارَّا أَرِّيمثْ نّشْ ثشُّورْ س ثْفَاوْثْ، وَارْ ذَايسْ ؤُڒَا ذ إِجّْ ن ؤُغزْذِيسْ إِبَارّْشنْ، خنِّي أَذْ ذَايسْ ثِيڒِي ثْفَاوْثْ كُوڒْشِي أَمْ مَامّشْ خْمِي يَارقّْ ڒْقنْذِيڒْ س ؤُشعَّاڒْ نّسْ.“
LUK 11:37 أَمْ ثُوغَا إِسَّاوَاڒْ س مَانْ أَيَا، إِعَارْضْ إِ-ث إِجّْ ن ؤُفَارِيسِي غَارْ ؤُمشْڒِي أَكِيذسْ. خنِّي يُوذفْ، إِقِّيمْ غَارْ طَّابْڒَا.
LUK 11:38 ؤُمِي ث إِژْرَا ؤُفَارِيسِي، إِثبْهثْ مِينْزِي نتَّا وَارْ إِسِّيرْذْ شَا ذ أَمزْوَارْ قْبڒْ إِ ؤُمشْڒِي.
LUK 11:39 مَاشَا يَاسُوع إِنَّا أَسْ: ”كنِّيوْ، [أَ] إِفَارِيسِييّنْ، ثسِّيزْذَاڭمْ بَارَّا ن ڒْكَاسْ ذ طّبْصِي، مَاشَا ذِي ذَاخڒْ نْومْ ثْشُورّمْ س [طّْمعْ ن] ثْكشَّاضْثْ ذ ڒْغَارْ.
LUK 11:40 كنِّيوْ، [أَ] إِفْغَاڒْ، مَا وَارْ إِدْجِي ونِّي إِڭِّينْ مِينْ إِدْجَانْ غَارْ بَارَّا، إِڭَّا ؤُڒَا ذ مِينْ إِدْجَانْ ذَاخڒْ؟
LUK 11:41 مَاشَا مَاڒَا أَذْ ثوْشمْ [مَارَّا] مِينْ إِدْجَانْ ذَاخڒْ ذ صّذْقثْ، خْزَارْ، مَارَّا مِينْ ذَايْومْ أَذْ يِيڒِي ذ أَمزْذَاڭْ.“
LUK 11:42 مَاشَا ؤُشْثْ خَاومْ، [أَ] إِفَارِيسِييّنْ مِينْزِي ثتّْعشَّارَامْ نّعْنَاعْ ذ وَازَارْ ذ مَارَّا ثِيبِّي، [مَاشَا] ثجِّيمْ ڒْحُوكْمْ ذ ثَايْرِي ن أَربِّي غَارْ ؤُغزْذِيسْ. إِوَا إِتّْخصَّا أَومْ أَذْ ثڭّمْ ثِيمسْڒَايِينْ-أَ، نْهْڒَا مَا أَذْ ثتُّومْ إِنّغْنِي.
LUK 11:43 ؤُشْثْ خَاومْ، [أَ] إِفَارِيسِييّنْ، مِينْزِي إِعْجبْ أَومْ أَذْ ثقِّيممْ خْ ڒكْرَاسِي ن زَّاثْ ذِي ثمْزِيذَاوِينْ ؤُ إِعْجبْ أَومْ أَذْ خَاومْ سدْجْمنْ [إِوْذَانْ] ذِي ڒسْوَاقْ.
LUK 11:44 ؤُشْثْ خَاومْ، أَ إِمْسڒْمَاذنْ ن إِذْلِيسنْ ذ إِفَارِيسِييّنْ، [كنِّيوْ، أَ] إِمْنَافْقنْ، مِينْزِي كنِّيوْ ثتّڭّمْ أَمْ يِيمضْڒَانْ إِدُّورْينْ مِينْ خفْ ڭُّورنْ إِوْذَانْ أَمْ وَارْ سِّيننْ.“
LUK 11:45 إِجّنْ زڭْ إِمْسڒْمَاذنْ ن إِذْلِيسنْ إِطّفْ ذڭْ وَاوَاڒْ، إِنَّا أَسْ: ”[أَ] أَمْسغَّارْ، أَقَا خْمِي ثقَّارذْ أَيَا، ثسّْفطَّاحذْ أَنغْ ؤُڒَا ذ نشِّينْ.“
LUK 11:46 مَاشَا نتَّا إِنَّا: ”ؤُشْثْ خَاومْ، [أَ] إِمْسڒْمَاذنْ ن إِذْلِيسنْ، مِينْزِي ثسَّاربُّومْ ڒحْمُوڒْ إِضقْڒنْ إِ ثْكسِّيثْ خْ إِوْذَانْ، مَاشَا كنِّيوْ س يِيخفْ نْومْ وَارْ ثتّْحِيذِيمْ ڒحْمُوڒْ نِّي ؤُڒَا س إِجّنْ زڭْ إِضوْضَانْ نْومْ!
LUK 11:47 ؤُشْثْ خَاومْ، مِينْزِي ثْبنَّامْ إِمضْڒَانْ ن إِنَابِييّنْ، أَمْ ڒجْذُوذْ نْومْ نْغِينْ ثنْ.
LUK 11:48 س مَانْ أَيَا ثْنعّْممْ، أَقَا كنِّيوْ ثَارطَّامْ س مِينْ ڭِّينْ ڒجْذُوذْ نْومْ، مِينْزِي نِيثْنِي نْغِينْ ثنْ ؤُشَا كنِّيوْ ثْبنَّامْ إِمضْڒَانْ نْسنْ.
LUK 11:49 س ؤُينِّي ثِيغِيثْ ن أَربِّي ثنَّا: ”أَقَا أَذْ أَسنْ د-سّكّغْ إِنَابِييّنْ ذ رُّوسُولْ. أَذْ أَژّْڒنْ نِيثْنِي خْ [شَا] زَّايْسنْ ؤُشَا أَذْ ثنْ نْغنْ،
LUK 11:50 حِيمَا أَذْ تّْوَاتَّارنْ زِي جِّيڒْ-أَ إِذَامّنْ ن مَارَّا إِنَابِييّنْ إِ إِتّْوَاسِّيزّْڒنْ زڭْ وَامِي ثتّْوَاڭّْ دُّونشْثْ:
LUK 11:51 زڭْ إِذَامّنْ ن هَابِيلْ أَڒْ إِذَامّنْ ن زَاكَارِييَّا، ونِّي نْغِينْ جَارْ زَّاوشْثْ ثَامقّْرَانْثْ ذ ؤُعَالْطَارْ! وَاهْ، أَذْ أَومْ إِنِيغْ بلِّي ڭُّورْ أَذْ تّْوَاتَّارنْ [إِذَامّنْ نْسنْ] زِي جِّيڒْ-أَ.
LUK 11:52 ؤُشْثْ خَاومْ، [أَ] إِمْسڒْمَاذنْ ن إِذْلِيسنْ، مِينْزِي ثْكسِّيمْ ثِيسَارُوثِينْ ن ثُوسّْنَا. كنِّيوْ س يِيخفْ نْومْ وَارْ ثتِّيذْفمْ ؤُ إِنِّي إِتَّاذْفنْ، ثطّْفمْ ثنْ.“
LUK 11:53 أَمْ ثُوغَا أَكِيذْسنْ إِسَّاوَاڒْ س ؤُيَا، بْذَانْ إِمْسڒْمَاذنْ ن إِذْلِيسنْ ذ إِفَارِيسِييّنْ تّْضَادَّانْ ث أَطَّاسْ. فُّوڭْمنْ، حشّنْ خْ وَاوَاڒنْ نّسْ،
LUK 11:54 ؤُشَا ڭِّينْ زَّايسْ س ثْحْرَايْمشْثْ أَطَّاسْ، أَرزُّونْ أَذْ ث طّْفنْ س شَا زڭْ ؤُقمُّومْ نّسْ، حِيمَا أَذْ ث ضڒْمنْ.
LUK 12:1 ؤُمِي مُوننْ إِبَارُّوثنْ ن ڒْغَاشِي س وَاطَّاسْ، أَڒَامِي بْذَانْ [عْڒَاينْ]عفّْسنْ إِجّْ خْ ونّغْنِي، إِبْذَا إِقَّارْ إِ إِمحْضَارنْ نّسْ: ”غَارْ ؤُمزْوَارْ حْضَامْ إِخفْ نْومْ زڭْ ونْثُونْ ن إِفَارِيسِييّنْ، أَقَا-ث ذ نِّيفَاقْ!
LUK 12:2 مِينْزِي وَارْ ذِينْ مِينْ إِذْڒِينْ، وَارْ إِتّتّْوَاسّضْهَارْ، ؤُ [وَارْ ذِينْ] مِينْ إِنُوفَّارنْ، وَارْ إِتّتّْوِيسِّينْ.
LUK 12:3 مِينْزِي مَارَّا مِينْ ثنَّامْ ذِي ثَادْجسْثْ، أَذْ إِتّْوَاسڒْ ذِي ثْفَاوْثْ، ؤُ مِينْ خفْ ثسِّيوْڒمْ ذڭْ ؤُمزُّوغْ ذڭْ وخَّامْ ن ذَاخڒْ، أَذْ إِتّْوَابَارّحْ زَّايسْ خْ ثْزغْوِينْ.“
LUK 12:4 ”نشّْ أَذْ أَومْ إِنِيغْ، [أَ] إِمدُّوكَّاڒْ إِنُو: وَارْ ثڭّْوْذمْ شَا زڭْ إِنِّي إِنقّنْ أَرِّيمثْ، [مَاشَا] أَوَارْنِي مَانْ أَيَا وَارْ زمَّارنْ أَذْ ڭّنْ كْثَارْ عَاذْ.
LUK 12:5 مَاشَا نشّْ أَذْ أَومْ سّشْنغْ ونِّي زِي غَا ثڭّْوذمْ: ڭّْوذمْ زڭْ ونِّي غَارْ إِدْجَا صُّولْطَا، مَاحنْذْ أَذْ إِنْضَارْ ذِي جهنَّامَا أَوَارْنِي ڒَامِي إِنْغَا. وَاهْ، أَذْ أَومْ إِنِيغْ، زڭْ وَانِيثَا إِ غَا ثڭّْوذمْ!
LUK 12:6 مَا وَارْ تّْمنْزِينْ خمْسَا ن ژَّاوشْ س ثْنَاينْ ن إِصُولْذِييّنْ ن نّْحَاسْ؟ ؤُشَا ؤُڒَا ذ إِجّْ زَّايْسنْ وَارْ إِتّتّْوَاتُّو زَّاثْ إِ أَربِّي.
LUK 12:7 مَاشَا زَّايْومْ، عَاذْ إِژُوطَّانْ ن ؤُشُوَّافْ ن ؤُزدْجِيفْ نْومْ تّْوَاحسْبنْ. س ؤُينِّي وَارْ ثڭّْوْذمْ شَا، كنِّيوْ حْسنْ زِي ژَّاوشْ أَطَّاسْ!“
LUK 12:8 ”نشّْ أَذْ أَومْ إِنِيغْ، مَارَّا وِي زَّايِي إِ غَا إِشهْذنْ قِيبَاتْشْ إِ إِوْذَانْ، أَذْ زَّايسْ إِشْهذْ عَاوذْ مِّيسْ ن بْنَاذمْ زَّاثْ إِ لْمَالَاكَاثْ ن أَربِّي.
LUK 12:9 مَاشَا وِي ذ أَيِي غَا إِنْكَارنْ قِيبَاتْشْ إِ إِوْذَانْ، ؤُڒَا ذ نتَّا س يِيخفْ نّسْ أَذْ إِتّْوَانْكَارْ قِيبَاتْشْ إِ لْمَالَاكَاثْ ن أَربِّي.
LUK 12:10 كُوڒْ إِجّْ ونِّي إِ غَا إِنِينْ أَوَاڒْ ضِيدّْ ن مِّيسْ ن بْنَاذمْ، أَقَا أَذْ أَسْ إِتّْوَاغْفَارْ مَانْ أَيَا. مَاشَا ونِّي إِ غَا إِشقّْفنْ ذِي أَرُّوحْ إِقدّْسنْ وَارْ ذ أَسْ إِتّتّْوَاغْفَارْ شَا مَانْ أَيَا!“
LUK 12:11 ”خْمِي كنِّيوْ إِ غَا نذْهنْ غَارْ ثمْزِيذَاوِينْ، زَّاثْ إِ ڒْحُوكَّامْ ذ أَيْثْ ن بُو-صُّولْطَا، وَارْ كسِّيمْ شَا س ومْنُوسْ مِينْ زِي إِ د غَا ثَارّمْ نِيغْ مِينْ غَا ثِينِيمْ،
LUK 12:12 مِينْزِي أَرُّوحْ إِقدّْسنْ أَذْ أَومْ إِسّڒْمذْ ذِي ثْسَاعّثْ نِّي مِينْ إِتّْخصَّا أَذْ ثِينِيمْ.“
LUK 12:13 إِنَّا أَسْ إِجّنْ زِي ڒْغَاشِي: ”[أَ] أَمْسغَّارْ، إِنِي أَسْ إِ ؤُمَا، حِيمَا أَذْ كِيذِي إِبْضَا ڒْوَارْثْ.“
LUK 12:14 [مَاشَا] يَاسُوع إِنَّا أَسْ: ”[أَ] بْنَاذمْ، وِي ذ أَيِي يَارِّينْ خَاومْ ذ ڒْقَاضِي نِيغْ ذ ڒْعَاذڒْ؟“
LUK 12:15 إِنَّا إِ إِمحْضَارنْ نّسْ: ”غَارْومْ، حْضَامْ إِخفْ نْومْ زِي طّْمعْ، مَاغَارْ ثُوذَارْثْ وَارْ ثدْجِي ذڭْ ؤُفيّضْ ن وَاڭْڒَا.“
LUK 12:16 [خَاسْ ؤُشَا] إِحَاجَا أَسنْ إِجّْ ن ؤُمذْيَا: ”ثَامُّورْثْ ن إِجّْ ن ورْيَازْ ذ بَابْ ن وَاڭْڒَا ثِيوْيِي أَسْ-د صَّابثْ أَطَّاسْ.
LUK 12:17 إِخَارّصْ ذڭْ إِخفْ نّسْ: ’مِينْ غَا ڭّغْ؟، مِينْزِي وَارْ غَارِي بُو ڒْمَارْسِي إِ ذِي إِ غَا يَارْوغْ [مَارَّا] ڒْغِيدْجثْ إِنُو.‘
LUK 12:18 إِنَّا: ’أَمُّو إِ غَا ڭّغْ: أَذْ هذْمغْ ڒمْرَاسِي إِنُو، خنِّي أَذْ بْنِيغْ [ڒمْرَاسِي] ذ إِمقّْرَاننْ خَاسنْ ؤُشَا أَذْ ذَايْسنْ خزْنغْ مَارَّا ڒْغِيدْجثْ ذ وَاڭْڒَا إِنُو.
LUK 12:19 أَذْ إِنِيغْ إِ يِيخفْ إِنُو: ’[أَ] ڒعْمَارْ [إِنُو]، غَاركْ أَطَّاسْ ن وَاڭْڒَا إِ إِتّْوَاخْزنْ ذِينْ إِ وَاطَّاسْ ن إِسڭّْوُوسَا. أَريّحْ، ثشّذْ، ثسْوذْ ؤُ ثْفَارْحذْ!‘
LUK 12:20 مَاشَا إِنَّا أَسْ أَربِّي: ’[أَ] أَفْغُوڒْ، أَقَا دْجِيڒثْ-أَ أَذْ زَّايكْ إِتّْوَاتَّارْ ڒعْمَارْ نّشْ. خنِّي إِ ؤُمِي غَا يِيڒِي مِينْ ثسّْوجْذذْ؟‘
LUK 12:21 أَمُّو إِ غَا إِمْسَارْ إِ ونِّي إِيَارّْونْ ڒكْنُوزْ إِ يِيخفْ نّسْ، [مَاشَا] وَارْ إِدْجِي ذ بَابْ ن وَاڭْڒَا ذِي أَربِّي.“
LUK 12:22 إِنَّا إِ إِمحْضَارنْ نّسْ: ”س ؤُينِّي نشّْ أَذْ أَومْ إِنِيغْ: وَارْ كسِّيمْ س ومْنُوسْ إِ ڒعْمَارْ نْومْ مِينْ غَا ثشّمْ، ؤُڒَا إِ أَرِّيمثْ نْومْ مِينْ غَا ثْيَارْضمْ.
LUK 12:23 ڒعْمَارْ كْثَارْ زِي مَاشَّا ؤُ أَرِّيمثْ كْثَارْ زڭْ ورُّوضْ.
LUK 12:24 خْزَارمْ غَارْ إِبَاغْڒِيونْ! أَقَا وَارْ زَارّْعنْ، وَارْ مجَّارنْ، وَارْ غَارْسنْ ثِيسْرَافِينْ نِيغْ ذ ڒمْرَاسِي، [مَاشَا] أَربِّي إِسّشَّا إِ-ثنْ. مشْحَاڒْ أَطَّاسْ ثْسكّْوِيمْ كنِّيوْ كْثَارْ خْ إِجْضَاضْ!
LUK 12:25 مَانْ ونْ زَّايْومْ إِزمَّارْ س ومْنُوسْ نّسْ أَذْ يَارْنِي ذِي ثُوزّڭَّارْثْ نّسْ إِجّْ ن ؤُغِيڒْ [وَاهَا]؟
LUK 12:26 مَاڒَا كنِّيوْ وَارْ ثْزمَّارمْ ؤُڒَا خْ مِينْ إِدْجَانْ ذ أَمژْيَانْ قَاعْ، مَايمِّي غَا ثكْسِيمْ س ومْنُوسْ خْ مِينْ إِقِّيمنْ؟“
LUK 12:27 ”خْزَارمْ مَامّشْغمّْينْثْ ثْلِيلِّيشِينْ! وَارْ خدّْمنْثْ، وَارْ تّْقَارضْشنْثْ، [مَاشَا] نشّْ أَذْ أَومْ إِنِيغْ، أَقَا ؤُڒَا ذ سُولِيمَانْ ذِي قَاعْ أَعُودْجِي نّسْ وَارْ يَارْضْ شَا أَمْ ؤُڒَا ذ إِشْثْ زَّايْسنْثْ.
LUK 12:28 مَاڒَا أَربِّي إِسّْيَارْضْ أَمُّو أَرْبِيعْ إِ إِدْجَانْ أَسّْ-أَ ذڭْ إِيَّارْ ؤُشَا ثِيوشَّا أَذْ إِمّنْضَارْ ذِي ثفْقُونْثْ، مشْحَاڒْ إِحْڒَا أَطَّاسْ أَذْ إِسّْيَارْضْ نتَّا كنِّيوْ إِ ذِي إِدْجَا ذْرُوسْ ن لْ-إِيمَانْ!“
LUK 12:29 ”س ؤُينِّي وَارْ أَرزُّومْ شَا خْ مِينْ غَا ثشّمْ ؤُڒَا خْ مِينْ غَا ثسْومْ، وَارْ تّجِّيمْ إِخَارِّيصنْ نْومْ أَذْغفْڒمْ خْ مَانْ أَيَا.
LUK 12:30 مِينْزِي مَارَّا ثِيمسْڒَايِينْ-أَ أَرزُّونْ ذَايْسنْثْ ڒڭْنُوسْ ن دُّونشْثْ، مَاشَا بَابَاثْومْ إِسّنْ بلِّي ثحْذَاجمْ ثنْثْ.
LUK 12:31 مَاشَا أَرْزُومْ ثَاڭلْذِيثْ ن أَربِّي ؤُشَا ثِيمسْڒَايِينْ-أَ مَارَّا أَذْ أَومْ تّْوَامَّارْنِينْثْ.“
LUK 12:32 ”وَارْ تّڭّْوذْ، [شمْ،] [أَ] ثَاحِيمَارْثْ ثَامژْيَانْثْ، مِينْزِي يَارْضَا بَابَاثْومْ أَذْ أَومْ إِوْشْ ثَاڭلْذِيثْ.
LUK 12:33 زنْزمْ مِينْ غَارْومْ، وْشمْ صّذْقثْ! ڭّمْ إِ يِيخفْ نْومْ ثِيشْيَارِينْ ن ثْمنْيَاثْ إِ وَارْ يَارشِّينْ، ؤُشَا [خمّْڒمْ] إِجّْ ن ڒْكنْزْ إِ وَارْ إِقطِّينْ ذڭْ إِجنْوَانْ، مَانِي وَارْ إِتِّيذفْ ؤُشفَّارْ ؤُڒَا ذ ثْشِينْذَا وَارْ ثتّڭّْ سُّوسّْ.
LUK 12:34 مِينْزِي مَانِي غَا يِيڒِي ڒْكنْزْ نْومْ، ذِينِّي إِ غَا يِيڒِي عَاوذْ وُوڒْ نْومْ.“
LUK 12:35 ”أَذْ إِڒِينْثْ ثجْعِينَّاثِينْ نْومْ حزّْممْثْ س إِبُويَاسْ ؤُ ڒفْنَارَاثْ نْومْ أَرقّنْثْ.
LUK 12:36 إِڒِيمْ أَمْ إِوْذَانْ إِ إِتّْرَاجَانْ سِيذِي نْسنْ خْمِي د غَا يعْقبْ زڭْ وخَّامْ ن وُورَارْ، حِيمَا، خْمِي د غَا يَاسْ، أَذْ إِسّْقَارْقبْ، زمَّارنْ أَذْ أَسْ أَرْزْمنْ ذغْيَا.
LUK 12:37 سّعْذْ ن إِمْسخَّارنْ نِّي، خْمِي د غَا يَاسْ سِيذِيثْسنْ، أَذْ ثنْ يَافْ فَاقنْ. س ثِيذتّْ، نشّْ أَذْ أَومْ إِنِيغْ، أَقَا أَذْ إِحزّمْ إِخفْ نّسْ ؤُشَا أَذْ ثنْ إِسّْغِيمْ، خنِّي أَذْ د-يَاسْ أَذْ خَاسنْ إِسخَّارْ.
LUK 12:38 مَاڒَا يُوسَا-د غَارْ حطُّو وِيسّْ ثْنَاينْ ن دْجِيڒثْ نِيغْ غَارْ حطُّو وِيسّْ ثْڒَاثَا ؤُشَا يُوفَا إِ-ثنْ أَمُّو، سّعْذْ ن إِمْسخَّارنْ نِّي.
LUK 12:39 مَاشَا سّْنمْ أَيَا: مَاڒَا بَابْ ن ثَادَّارْثْ إِسّنْ ذِي مَانْ ثْسَاعّثْ إِ ذِي غَا إِخشّْ ؤُشفَّارْ، خنِّي أَذْ يِيڒِي إِفَاقْ، وَارْ إِتّجِّي ثَادَّارْثْ نّسْ أَذْ ت أَشَارنْ.
LUK 12:40 إِڒِيمْ كنِّيوْ عَاوذْ ثْوجْذمْ، مِينْزِي مِّيسْ ن بْنَاذمْ أَذْ د-يَاسْ ذڭْ إِشْثْ ن ثْسَاعّثْ إِ وَارْ ثتّْرِيجِيمْ.“
LUK 12:41 إِنَّا أَسْ شِيمْعُونْ بُوطْرُوسْ: ”[أَ] سِيذِيثْنغْ، مَا إِ نشِّينْ إِ ثْعَاوْذذْ أَمذْيَا-يَا نِيغْ إِ مَارَّا؟“
LUK 12:42 إِنَّا أَسْ يَاسُوع: ”مَانْ ونْ إِدْجَانْ خنِّي ذ أَوْكِيڒْ أَمِيغِيسْ إِ ذِي إِدْجَا ڒَامَانْ، ذ ونِّي إِ غَا يڭّْ سِيذِيسْ خْ إِمْسخَّارنْ نّسْ حِيمَا أَذْ [أَسنْ] إِوْشْ ڒعْوتْشْ [نْسنْ] ذِي ڒْوقْثْ نّسْ؟
LUK 12:43 سّعْذْ ن ؤُمْسخَّارْ نِّي إِ غَا يَافْ سِيذِي نّسْ، خْمِي د غَا يَاسْ، إِتّڭّْ أَمُّو.
LUK 12:44 س ثِيذتّْ، نشّْ أَذْ أَومْ إِنِيغْ، بلِّي أَذْ ث يڭّْ خْ مَارَّا أَڭْڒَا نّسْ.
LUK 12:45 مَاشَا مَاڒَا أَمْسخَّارْ نِّي أَذْ يِينِي ذڭْ وُوڒْ نّسْ: ’أَقَا سِيذِي إِنُو إِعطَّاڒْ خْ وعْقَابْ!‘، ؤُشَا إِبْذَا إِشَّاثْ إِمْسخَّارنْ ذ ثِييَّا، إِتّتّْ، إِسسّْ، إِسْشَارْ،
LUK 12:46 خنِّي أَذْ د-يَاسْ سِيذِي ن ؤُمْسخَّارْ نِّي ذڭْ إِجّْ ن وَاسّْ وَارْ إِتّْرِيجِي ؤُ ذڭْ إِشْثْ ن ثْسَاعّثْ إِ وَارْ إِسِّينْ. وَانِيثَا أَذْ ث إِقطّسْ ذ إِشدْجِيقنْ، أَذْ إِڭّْ ثَاسْغَارْثْ نّسْ أَكْ-ذ إِغدَّارنْ.
LUK 12:47 أَمْسخَّارْ نِّي إِسّْننْ ڒْخَاضَارْ ن سِيذِي نّسْ ؤُشَا وَارْ إِسّوْجذْ إِخفْ نّسْ ؤُڒَا وَارْ إِڭِّي عْلَاحْسَابْ ڒْخَاضَارْ ن سِيذسْ، أَذْ إِكْسِي ثِييِّيثَا أَطَّاسْ.
LUK 12:48 مَاشَا ونِّي وَارْ إِسِّيننْ [ڒْْخَاضَارْ ن سِيذسْ] [أَمْ] إِڭَّا شَا مِينْ إِسْذَاهدْجنْ ثِييِّيثَا، أَذْ إِتّْوَاوّثْ س ذْرُوسْ ن ثِييِّيثَا. زِي كُوڒْ إِجّنْ ؤُمِي إِمّوْشْ أَطَّاسْ، أَذْ زَّايسْ إِتّْوَاتَّارْ أَطَّاسْ، ؤُ وِي ؤُمِي إِتّْوَاكلّفْ أَطَّاسْ، أَذْ زَّايسْ إِتّْوَاتَّارْ كْثَارْ.“
LUK 12:49 ”ؤُسِيغْ-د حِيمَا أَذْ نْضَارغْ ثِيمسِّي خْ ثمُّورْثْ ؤُ معْلِيكْ ؤُفِيغْ أَذْ ثِيڒِي ثَارْغَا.
LUK 12:50 [مَاشَا] غَارِي إِجّْ ن ؤُسغْضصْ إِ زِي غَا تّْوَاسّْغضْصغْ، ؤُ تّْوَاحْصَارغْ أَطَّاسْ أَڒْ ذ غَا إِتّْوَاكمّڒْ.
LUK 12:51 مَا إِتّْغِيڒْ أَومْ بلِّي ؤُسِيغْ-د حِيمَا أَذْ سِّيوْضغْ ڒهْنَا خْ ثمُّورْثْ؟ لَّ، أَذْ أَومْ إِنِيغْ، ذ أَمزْوَارْ أَبطُّو.
LUK 12:52 مِينْزِي زِي ڒخُّو ذ ثْسَاونْثْ أَذْ مّْسبْضَانْ خمْسَا ذڭْ إِشْثْ ن ثَادَّارْثْ، ثْڒَاثَا ضِيدّْ ثْنَاينْ ؤُ ثْنَاينْ ضِيدّْ ثْڒَاثَا.
LUK 12:53 بَابَاسْ أَذْ إِمّْسبْضَا خْ مِّيسْ، ؤُ مِّيسْ خْ بَابَاسْ، ؤُ يمَّاسْ خْ يدْجِيسْ، ؤُ يدْجِيسْ خْ يمَّاسْ، ؤُ ڒَالَّاسْ خْ ثسْڒِيثْ، ؤُ ثَاسْڒِيثْ خْ ڒَالَّاسْ.“
LUK 12:54 إِنَّا إِ ڒْغَاشِي: ”خْمِي غَا ثْژَارمْ إِجّْ ن ؤُسيْنُو إِڭعّذْ-د زِي ڒْغَارْبْ، ذغْيَا أَذْ ثِينِيمْ: ’أَذْ يِيڒِي ونْژَارْ!‘ ؤُشَا أَمُّو إِ غَا إِمْسَارْ!
LUK 12:55 خْمِي غَا ثْژَارمْ أَسمِّيضْ ن لْجَانُوبْ إِتّْسُوضْ، خنِّي أَذْ ثِينِيمْ: ’أَذْ يِيڒِي ڒحْمُو!‘، ؤُشَا [أَمُّو] إِ غَا إِمْسَارْ.
LUK 12:56 [أَ] إِمْنَافْقنْ، أَقَا ثسّْنمْ أَذْ ثْميّْزمْ ؤُذمْ ن ثمُّورْثْ ذ ؤُجنَّا. مَا زّْمَانْ-أَ مَامّشْ وَارْ ثْزمَّارنْ أَذْ ث ثْميّْزمْ؟“
LUK 12:57 ”مَايمِّي وَارْ ثْحكّْممْ س يِيخفْ نْومْ مِينْ إِدْجَانْ ذ صَّاحْ؟
LUK 12:58 مِينْزِي، خْمِي غَا ثْرَاحذْ غَارْ ڒْحَاكمْ أَكْ-ذ وغْرِيمْ نّشْ، أڭّْ ثِيزمَّارْ أَمْ ثدْجِيذْ عَاذْ [أَكِيسْ] ذڭْ وبْرِيذْ مَاحنْذْ أَذْ زَّايسْ ثتّْوَافكّذْ، حِيمَا وَارْ شكْ إِتّْجَارِّي غَارْ ڒْقَاضِي ؤُشَا ڒْقَاضِي أَذْ شكْ إِسلّمْ إِ ومْخَازْنِي، خنِّي أَذْ شكْ إِنْضَارْ ؤُمْخَازْنِي ذِي ڒحْبسْ.
LUK 12:59 أَذْ أَشْ إِنِيغْ، شكْ وَارْ د سّنِّي ثتّفّْغذْ أَڒْ غَا ثْخدْجْصذْ أَصُولْذِي أَنڭَّارُو!“
LUK 13:1 ذِي ڒْوقْثْ نِّي ؤُسِينْ-د [غَارسْ] شَا ن إِوْذَانْ، خبَّارنْ ث خْ إِجَالِيلِييّنْ إِنِّي إِخدْجضْ بِيلَاطُوسْ إِذَامّنْ نْسنْ أَكْ-ذ ثْغَارْصِينْ نْسنْ.
LUK 13:2 يَارَّا-د يَاسُوع، إِنَّا أَسنْ: ”مَا إِتّْغِيڒْ أَومْ بلِّي إِجَالِيلِييّنْ-أَ ذ إِمذْنَابْ كْثَارْ زڭْ إِجَالِيلِييّنْ نّغْنِي ؤُمِي ذ أَسنْ إِمْسَارْ ؤُودّبْ-أَ؟
LUK 13:3 أَذْ أَومْ إِنِيغْ، لَّا! مَاشَا كنِّيوْ أَذْ ثتّْوَاهلّْكمْ مَارَّا أَمْ نِيثْنِي، مَاڒَا وَارْ ثتُّوبمْ.
LUK 13:4 ؤُ زِي جِّيهثْ ن ثْمنْطَاشْ [ن إِوْذَانْ] إِ خفْ د-ثوْضَا صُّومْعثْ ذِي سِيلُووَامْ ؤُشَا مُّوثنْ زَّايسْ، مَا إِتّْغِيڒْ أَومْ أَقَا أَثنْ ذ إِمذْنَابْ كْثَارْ زڭْ إِوْذَانْ [نّغْنِي] إِ إِزدّْغنْ ذِي ؤُرْشَالِيمْ؟
LUK 13:5 أَذْ أَومْ إِنِيغْ، لَّا! مَاشَا كنِّيوْ أَذْ ثتّْوَاهلّْكمْ مَارَّا أَمْ نِيثْنِي، مَاڒَا وَارْ ثتُّوبمْ!“
LUK 13:6 إِنَّا أَسنْ أَمذْيَا-يَا: ”ثُوغَا غَارْ إِجّْ ن ورْيَازْ إِجّْ ن وَارْثُو إِ إِتّْوَاژُّونْ ذڭْ ؤُمَارْجعْ نّسْ ن ؤُضِيڒْ، ؤُشَا نتَّا يُوسَا-د، يَارزُّو ذَايسْ ثَازَارْثْ، [مَاشَا] وَارْ ت يُوفِي.
LUK 13:7 إِنَّا إِ بَابْ ن ؤُمَارْجعْ ن ؤُضِيڒْ: ’أَقَا ثْڒَاثَا ن إِسڭّْوُوسَا تَّاسغْ-د، أَرزُّوغْ ثَازَارْثْ ذڭْ وَارْثُو-يَا، وَارْ ت ؤُفِيغْ. قسّْ إِ-ت [خنِّي]، مَايمِّي ثسَّاحَاڒْ عَاذْ ثَامُّورْثْ؟‘
LUK 13:8 يَارَّا-د خَاسْ ؤُفدْجَاحْ: ’أَ سِيذِي، أجّْ إِ-ت [أَذْ ثْبدّْ] عَاذْ أَسڭّْوَاسْ-أَ. أَذْ ت غْزِيغْ، ؤُ أَذْ أَسْ ڭّغْ ڒغْبَارْ.
LUK 13:9 أَذْ ثَاغْ أَذْ ثَارّْ ڒْغِيدْجثْ، مَاڒَا لَّا، خنِّي قسّْ إِ-ت ذڭْ ؤُسڭّْوَاسْ إِ د غَا يَاسنْ.‘ “
LUK 13:10 ڒَامِي ثُوغَا إِسّڒْمَاذْ يَاسُوع ذڭْ إِشْثنْ زِي ثمْزِيذَاوِينْ ذِي سّبْثْ،
LUK 13:11 ثُوغَا ذِينْ إِشْثْ ن ثمْغَارْثْ إِ إِضْعفْ بُوحْبڒْ نّسْ ڒْمِيجَاڒْ ن ثْمنْطَاشْ ن إِسڭّْوُوسَا. ثُوغَا ثقْوسْ، وَارْ ثْزمَّارْ أَذْ ثْسڭّمْ أَعْرُورْ.
LUK 13:12 ؤُمِي ت إِژْرَا يَاسُوع، إِڒَاغَا-د خَاسْ غَارسْ، إِنَّا أَسْ: ”[أَ] ثَامْغَارْثْ، أَقَا شمْ ثنْفكّذْ زِي ثُوضْعفْثْ نّمْ!“
LUK 13:13 إِسَّارْسْ خَاسْ أَفُوسْ نّسْ ؤُشَا نتَّاثْ ثذْوڒْ ثْسڭّمْ ڒخْذنِّي، ثبْذَا ثسّمْغَارَا ذِي أَربِّي!
LUK 13:14 مَاشَا أَمقّْرَانْ ن ثمْزِيذَا، ؤُمِي إِخيّقْ، مِينْزِي يَاسُوع إِسّْڭنْفَا [إِجّنْ] ذِي سّبْثْ، إِطّفْ ذڭْ وَاوَاڒْ، إِنَّا إِ ڒْغَاشِي: ”أَقَا ذِي ستَّا ن وُوسَّانْ إِتّْخصَّا ڒْخذْمثْ، أَسمْ-د ذڭْ وُوسَّانْ نِّي مَاحنْذْ أَذْ ثتّْوَاسّْڭنْفَامْ، وَارْ إِدْجِي ذڭْ وَاسّْ ن سّبْثْ!“
LUK 13:15 [مَاشَا] يَارَّا-د يَاسُوع، إِنَّا أَسْ: ”[أَ شكْ،] أَمْنَافقْ! مَا وَارْ إِفسِّي كُوڒْ إِجّنْ زَّايْومْ ذِي سّبْثْ إِ ؤُفُونَاسْ نّسْ نِيغْ إِ وغْيُوڒْ نّسْ زِي ڒْمذْوذْ، خنِّي أَذْ ث إِنْذهْ مَاحنْذْ أَذْ ث إِوَارْذْ؟
LUK 13:16 مَاشَا ثَامْغَارْثْ-أَ أَقَا-ت ذ يدْجِيسْ ن إِبْرَاهِيمْ، ثنِّي إِشدّْ إِبْڒِيسْ، خْزَارْ، [عَاذْ] ڒْمِيجَاڒْ ن ثْمنْطَاشْ ن إِسڭّْوُوسَا، مَا وَارْ ذ أَسْ د-يُوسِي أَذْ ثتّْوَافكّْ زڭْ ؤُشذِّي-يَا ذڭْ وَاسّْ ن سّبْثْ؟“
LUK 13:17 أَمْ إِنَّا مَانْ أَيَا، سضْحَانْ مَارَّا إِنِّي ثُوغَا أَكِيذسْ إِتّمْعَاڒَانْ، [مَاشَا] مَارَّا ڒْغَاشِي إِفَارْحْ زِي لْمُوعْجِيزَاثْ نِّي ثُوغَا إِتّْوَاڭّنْ س ؤُفُوسْ نّسْ.
LUK 13:18 يَاسُوع إِنَّا: ”مِينْ ذِي ثَارْوسْ ثْڭلْذِيثْ ن أَربِّي ؤُشَا مِينْ زِي ت غَا سّمْقُودّغْ؟
LUK 13:19 أَقَا-ت أَمْ يِيشْثْ ن ثْحبُّوشْثْ ن زَّارِيعثْ ن ؤُخرْذلْ إِكْسِي ت إِجّْ ن ورْيَازْ، إِنْضَارْ إِ-ت ذِي ثحْوِيشْثْ نّسْ، ؤُشَا ثغْمِي-د، ثذْوڒْ ذ ثَاشجَّارْثْ ثمْغَارْ ؤُشَا ڭِّينْ إِجْضَاضْ ن ؤُجنَّا ڒعْوَاشّْ نْسنْ ذِي ڒفْرُوعْ نّسْ.“
LUK 13:20 يَاسُوع إِنَّا عَاوذْ: ”س مِينْ زِي غَا سّمْقُودّغْ ثَاڭلْذِيثْ ن أَربِّي؟
LUK 13:21 أَقَا-ت أَمْ ونْثُونْ، ثيْسِي ث ثمْغَارْثْ، ثفَّارْ إِ-ث ذِي ثْڒَاثَا ن ڒمْذُوذْ ن وَارنْ، أَڒَامِي إِسّْممّْ مَارَّا!“
LUK 13:22 إِژْوَا ثِيندَّامْ ذ ذْشُورَاثْ، أَمْ ثُوغَا إِسّڒْمَاذْ، إِڭُّورْ غَارْ ؤُرْشَالِيمْ.
LUK 13:23 إِجّنْ إِسّقْسَا إِ-ث، مَا أَقَا ذِينْ ذْرُوسْ ن يِينِّي إِ غَا طّْفنْ ثُوذَارْثْ.
LUK 13:24 يَارَّا-د يَاسُوع، إِنَّا أَسنْ: ”ڭّمْ جّهْذْ نْومْ، حِيمَا أَذْ ثَاذْفمْ زِي ثوَّارْثْ إِحْصَارنْ، أَقَا نشّْ أَذْ أَومْ إِنِيغْ، أَطَّاسْ أَذْ أَرْزُونْ أَذْ د-أَذْفنْ، [مَاشَا] وَارْ زمَّارنْ.
LUK 13:25 زڭْ وَامِي إِ غَا إِكَّارْ بَابْ ن ثَادَّارْثْ مَاحنْذْ أَذْ إِبلّعْ ثَاوَّارْثْ، خنِّي أَذْ ثْبدّمْ ذِي بَارَّا، أَذْ ثسّْقَارقْبمْ، أَذْ ثبْذَامْ أَذْ ثِينِيمْ: ’[أَ] سِيذِيثْنغْ، [أَ] سِيذِيثْنغْ، أَرْزمْ أَنغْ!‘ مَاشَا نتَّا أَذْ د-يَارّْ، أَذْ يِينِي: ’نشّْ وَارْ كنِّيوْ سِّينغْ، مَانِيسْ كنِّيوْ؟‘
LUK 13:26 أَذْ ثبْذَامْ أَذْ ثِينِيمْ: ’نشِّينْ أَحقَّا ثُوغَا نشَّا نسْوَا قِيبَاتْشْ نّشْ، ؤُشَا شكْ ثُوغَا ثسّڒْمَاذذْ ذڭْ إِمسْرَاقْ نّغْ!‘
LUK 13:27 [مَاشَا] نتَّا أَذْ يِينِي: ’وَارْ كنِّيوْ سِّينغْ، [وَارْ سِّينغْ] مَانِيسْ كنِّيوْ! أَڭّْوجمْ خَافِي، كنِّيوْ إِنِّي إِتّڭّنْ ڒْمُوعْصِييّثْ!‘
LUK 13:28 أَذْ ذِينْ ثِيڒِي ثْغُويِّيثْ ذ ؤُغزِّي ن ثغْمَاسْ، خْمِي غَا ثْژَارمْ إِبْرَاهِيمْ ذ إِسْحَاقْ ذ يَاعْقُوبْ ذ مَارَّا إِنَابِييّنْ ذِي ثْڭلْذِيثْ ن أَربِّي، مَاشَا كنِّيوْ أَذْ ثمّنْضَارمْ بَارَّا.
LUK 13:29 أَذْ د-أَسنْ زِي مَانِيسْ ذ ثْنقَّارْ ثْفُوشْثْ ؤُ زِي مَانِي ثْغدْجِي ثْفُوشْثْ ؤُڒَا زِي شَّامَالْ ؤُڒَا زِي لْجَانُوبْ، أَذْ قِّيمنْ [غَارْ طَّابْڒَا] ذِي ثْڭلْذِيثْ ن أَربِّي.
LUK 13:30 خْزَارْ، أَقَا ذِينْ إِنڭُّورَا إِنِّي إِ غَا يِيڒِينْ ذ إِمزْوُورَا، ؤُ أَقَا ذِينْ إِمزْوُورَا إِنِّي إِ غَا يِيڒِينْ ذ إِنڭُّورَا.“
LUK 13:31 ذڭْ وَاسّْ نِّي قَارّْبنْ-د شَا ن إِفَارِيسِييّنْ، نَّانْ أَسْ: ”فّغْ، رُوحْ سَّا، مِينْزِي هِيرُوذُوسْ إِخْسْ أَذْ شكْ إِنغْ!“
LUK 13:32 يَاسُوع إِنَّا أَسنْ: ”رُوحمْ، إِنِيمْ أَسْ إِ وشْعبْ-أَ: ’خْژَارْ، أَقَا نشّْ سُّوفُّوغغْ شّْوَاطنْ، سّْڭنْفِيغْ أَسّْ-أَ ذ ثِيوشَّا، ؤُشَا ذڭْ وَاسّْ وِيسّْ ثْڒَاثَا أَذْ إِوْضغْ غَارْ ڒكْمَارثْ.“
LUK 13:33 مَاشَا إِتّْخصَّا أَيِي أَذْ خذْمغْ أَسّْ-أَ ذ ثِيوشَّا، ؤُشَا ذڭْ وَاسّْ أَوَارْنِي أَسْ أَذْ رَاحغْ، مِينْزِي وَارْ إِزمَّارْ أَذْ إِتّْوَانغْ إِجّْ ن ؤُنَابِي بَارَّا إِ ؤُرْشَالِيمْ.
LUK 13:34 [أَ] ؤُرْشَالِيمْ، [أَ] ؤُرْشَالِيمْ، ثنِّي إِنقّنْ إِنَابِييّنْ ذ ثنِّي يَارجّْمنْ إِنِّي إِ غَارمْ د-إِتّْوَاسّكّنْ، مشْحَاڒْ ن ثْوَاڒَاوِينْ ثُوغَا خْسغْ أَذْ سّْمُونغْ ثَارْوَا نّمْ أَمْ مَامّشْ ثسّْمُونَا ثْيَاژِيضْثْ إِفِيدْجُوسنْ نّسْ سَاذُو وَافْرِيونْ نّسْ، [مَاشَا] كنِّيوْ وَارْ ثخْسمْ.
LUK 13:35 خْزَارْ، ثَادَّارْثْ نْومْ أَذْ أَومْ ثقِّيمْ ذ ڒْخَارْبثْ. مَاغَارْ نشّْ أَذْ أَومْ إِنِيغْ، أَقَا وَارْ ذ أَيِي ثْژَارّمْ أَڒْ د غَا ثَاسْ ڒْوقْثْ إِ ذِي إِ غَا ثِينِيمْ: ’لْبَارَاكَا إِ ونِّي د غَا يَاسنْ س يِيسمْ ن سِيذِي‘.“
LUK 14:1 ڒَامِي يُوذفْ غَارْ ثَادَّارْثْ ن إِجّْ زڭْ إِمقّْرَاننْ ن إِفَارِيسِييّنْ حِيمَا أَذْ إِشّْ أَغْرُومْ ذڭْ وَاسّْ ن سّبْثْ، ثُوغَا حطَّانْ ث.
LUK 14:2 ؤُ خْزَارْ، إِبدّْ ذِينْ قِيبَاتْشْ نّسْ إِجّْ ن بْنَاذمْ إِهْڒشْ س ثُوفّثْ ن وَامَانْ [ن أَرِّيمثْ نّسْ].
LUK 14:3 إِطّفْ يَاسُوع ذڭْ وَاوَاڒْ، إِنَّا إِ إِمْسڒْمَاذنْ ن إِذْلِيسنْ ذ إِفَارِيسِييّنْ، إِنَّا: ”مَا إِحدْجڒْ ؤُسْڭنْفِي ذِي سّبْثْ؟“
LUK 14:4 نِيثْنِي سْقَارنْ وَاهَا. [خنِّي] إِطّفْ إِ-ث، إِسّْڭنْفَا إِ-ث ؤُشَا إِجَّا إِ-ث أَذْ إِرَاحْ.
LUK 14:5 خنِّي يَارَّا-د خَاسنْ إِنَّا: ”مَانْ ونْ زَّايْومْ، مَاڒَا مِّيسْ نِيغْ أَفُونَاسْ نّسْ إِوْضَا أَسْ ذڭْ وَانُو، وَارْ ث-إِ-د-إِسُّوفُّوغْ زَّايسْ ذغْيَا ذڭْ وَاسّْ ن سّبْثْ؟“
LUK 14:6 وَارْ ؤُفِينْ س مِينْ زِي خَاسْ د غَا يَارّنْ.
LUK 14:7 إِعَاوذْ إِجّْ ن ؤُمذْيَا إِ إِنوْجِيونْ أَمْ ذ أَسنْ إِحكَّارْ إِخْضَارنْ إِمُوشَانْ إِمزْوُورَا. [إِنَّا أَسنْ]:
LUK 14:8 ”مَاڒَا إِعَارْضْ حذْ إِ شكْ غَارْ إِجّْ ن وُورَارْ خنِّي وَارْ تّْغِيمِي ذڭْ ومْشَانْ أَمزْوَارُو، حِيمَا وَارْ إِتّْوَاعَارْضْ ونّغْنِي يُوعْڒَانْ [خَاكْ]، مَاحنْذْ أَذْ إِقِّيمْ ذِينْ،
LUK 14:9 ؤُشَا [خنِّي] أَذْ د-يَاسْ ونِّي خَاكْ إِعَارْضنْ، أَذْ أَشْ يِينِي: ’أڭّْ أَمْشَانْ إِ ورْيَازْ-أَ!‘، [ؤُشَا خنِّي] أَذْ ثْسضْحِيذْ، أَذْ ثكَّارذْ حِيمَا أَذْ ثكْسِيذْ أَمْشَانْ أَنڭَّارُو.
LUK 14:10 مَاڒَا شكْ ثتّْوَاعَارْضذْ، رُوحْ، قِّيمْ ذڭْ ومْشَانْ أَنڭَّارُو، حِيمَا، خْمِي د غَا يَاذفْ ونِّي خَاكْ إِعَارْضنْ، أَذْ ثَاغْ أَذْ أَشْ يِينِي: ’[أَ] أَمدُّوكّڒْ، ڭعّذْ، قِّيمْ!‘ خنِّي أَذْ أَشْ يِيڒِي شَّانْ زَّاثْ إِ يِينِّي أَكِيذكْ إِقِّيمنْ.
LUK 14:11 مِينْزِي مَارَّا وِي غَا إِسُّوعْڒَانْ إِخفْ نّسْ أَذْ إِتّْوَاسّْوَاضعْ ؤُ وِي غَا إِسّْوَاضْعنْ إِخفْ نّسْ أَذْ إِتّْوَاسُّوعْڒَا.“
LUK 14:12 إِنَّا عَاوذْ إِ ونِّي ث إِعَارْضنْ: ”مَاڒَا شكْ ثڭِّيذْ إِجّْ ن ؤُمشْڒِي نِيغْ أَمنْسِي، وَارْ عَارّضْ إِمدُّوكَّاڒْ نّشْ نِيغْ أَيْثْمَاشْ، ؤُڒَا ذ ڒَادْجْ نّشْ نِيغْ جِّيرَانْ نّشْ إِ غَارْ إِدْجَا وَاڭْڒَا، نِيغْ أَقَا أَذْ شكْ عَارْضنْ ؤُڒَا ذ نِيثْنِي ؤُشَا أَذْ غَاركْ يِيڒِي ڒخْڒَاصْ.
LUK 14:13 مَاڒَا ثْعَارْضذْ [خْ إِوْذَانْ]، خنِّي عَارْضْ خْ إِمزْڒَاضْ ذ إِقِييْذَارنْ ذ إِنعْضَابنْ ذ إِذَارْغَاڒنْ.
LUK 14:14 [خنِّي] أَذْ ثِيڒِيذْ ذ أَمسْعُوذْ ؤُمِي وَارْ غَارْسنْ س مِينْزِي شكْ إِ غَا خدْجْصنْ، مِينْزِي أَذْ ثطّْفذْ ڒخْرَاصْ نّشْ ذِي ثْنُوكْرَا ن إِمْسڭَّاذنْ.“
LUK 14:15 ؤُمِي إِسْڒَا أَيَا إِجّنْ زڭْ إِنِّي ذِينْ إِقِّيمنْ [غَارْ طَّابْڒَا]، إِنَّا أَسْ وَانِيثَا: ”سّعْذْ ن ونِّي إِ غَا إِشّنْ أَغْرُومْ ذِي ثْڭلْذِيثْ ن أَربِّي!“
LUK 14:16 يَاسُوع إِنَّا أَسْ: ”إِجّْ ن ورْيَازْ إِڭَّا إِشْثْ ن زَّارْذثْ ثمْغَارْ ؤُشَا إِعَارْضْ أَطَّاسْ [ن إِوْذَانْ].
LUK 14:17 إِسّكّْ أَمْسخَّارْ نّسْ ذِي ثْسَاعّثْ ن زَّارْذثْ، حِيمَا أَذْ إِنِي إِ إِنوْجِيونْ: ’خْزَارْ، كُوڒْشِي أَقَا إِوْجذْ إِ كنِّيوْ. أَرَاحمْ-د!‘
LUK 14:18 [خنِّي] إِبْذَا كُوڒْ إِجّنْ زَّايْسنْ أَذْ إِڭّْ سِّيبّثْ. إِنَّا أَسْ ؤُمزْوَارْ: ’سْغِيغْ إِجّْ ن إِيَّارْ، أَقَا إِتّْخصَّا أَيِي أَذْ رَاحغْ أَذْ ث ژَترغْ. تَّارغْ أَشْ أَذْ أَيِي ثْسَامْحذْ!‘
LUK 14:19 ونّغْنِي إِنَّا: ’سْغِيغْ خمْسَا ن ثْيُويَا ن إِينْذُوزنْ، أَقَا أَذْ رَاحغْ أَذْ ثنْ جَارّْبغْ، تَّارغْ أَشْ أَذْ أَيِي ثْسَامْحذْ!‘
LUK 14:20 ؤُ ونّغْنِي إِنَّا: ’أَقَا مَامّشْ مڒْشغْ ثَامْغَارْثْ، خْ ؤُينِّي وَارْ زمَّارغْ أَذْ د-أَسغْ!‘
LUK 14:21 إِذْوڒْ-د ؤُمْسخَّارْ نِّي ؤُشَا إِخبَّارْ سِيذِي نّسْ س مَانْ أَيَا. خنِّي إِخيّقْ بَابْ ن ثَادَّارْثْ، إِنَّا إِ ؤُمْسخَّارْ نّسْ: ’رُوحْ ذغْيَا غَارْ وَازَّاينْ ذ زّْنَاقِي ن ثنْذِينْثْ، ؤُشَا نْذهْ-د إِمزْڒَاضْ ذ إِقِييْذَارنْ ذ إِنعْضَابنْ ذ إِذَارْغَاڒنْ!‘
LUK 14:22 إِنَّا ؤُمْسخَّارْ: ’[أَ] سِيذِي، أَقَا إِمْسَارْ أَمْ مَامّشْ إِ ثُومُورذْ، ؤُشَا أَقَا ذِينْ عَاذْ أَمْشَانْ.‘
LUK 14:23 إِنَّا بَابْ إِ ؤُمْسخَّارْ نّسْ: ’فّغْ غَارْ إِبْرِيذنْ ذ زّْنَاقِي ؤُشَا حْصَارْ إِ-ثنْ أَذْ أَذْفنْ أَڒْ غَا ثشُّورْ ثَادَّارْثْ إِنُو،
LUK 14:24 مِينْزِي نشّْ أَذْ أَومْ إِنِيغْ، بلِّي ؤُڒَا ذ إِجّْ زڭْ يرْيَازنْ إِنِّي ثُوغَا إِتّْوَاعَارْضنْ، أَذْ يِيڒِي غَارْ زَّارْذثْ إِنُو‘ “
LUK 14:25 أَمْ ثُوغَا إِجّْ ن ؤُبَارُّو ذ أَمقّْرَانْ ن ڒْغَاشِي إِڭُّورْ أَكِيذسْ، إِنّقْڒبْ-د، إِنَّا أَسنْ:
LUK 14:26 ”مَاڒَا يُوسَا-د حذْ غَارِي ؤُشَا وَارْ إِشَارّهْ بَابَاسْ نِيغْ يمَّاسْ، أَيْثْمَاسْ نِيغْ سُويثْمَاسْ، ثَامْغَارْثْ نّسْ نِيغْ ثَارْوَا نّسْ، ؤُ عَاذْ ؤُڒَا ذ إِخفْ نّسْ، وَارْ إِزمَّارْ أَذْ يِيڒِي ذ أَمحْضَارْ إِنُو.
LUK 14:27 ونِّي وَارْ إِكْسِينْ صَّالِيبْ نّسْ، أَذْ أَيِي د-إِضْفَارْ، وَارْ إِزمَّارْ أَذْ يِيڒِي ذ أَمحْضَارْ إِنُو.
LUK 14:28 ؤُ مَانْ ونْ زَّايْومْ إِ إِخْسنْ أَذْ إِبْنَا إِشْثْ ن صُّومْعثْ، وَارْ إِتّْغِيمِي أَمزْوَارْ حِيمَا أَذْ إِڭّْ ڒحْسَابْ، مَا غَارسْ مِينْ إِخصّنْ إِ ؤُكمّڒْ،
LUK 14:29 حِيمَا، مَاڒَا إِسَّارْسْ ذْسَاسْ، [خنِّي] وَارْ إِزمَّارْ أَذْ أَسْ إِكمّڒْ، وَارْ خَاسْ ضحّْشنْ مَارَّا إِنِّي ث إِژْرِينْ،
LUK 14:30 أَذْ إِنِينْ: ’أَرْيَازْ-أَ إِبْذَا ڒبْنِي ؤُشَا وَارْ إِزمَّارْ أَذْ ث إِكمّڒْ.‘
LUK 14:31 نِيغْ مَانْ أَجدْجِيذْ، مَاڒَا إِفّغْ غَارْ ؤُمنْغِي ضِيدّْ ن إِجّْ ن ؤُجدْجِيذْ نّغْنِي، وَارْ إِتّمْشَاوَارْ أَمزْوَارْ مَا إِزمَّارْ أَذْ إِمْقُودَّا سعشْرَا-أَڒَافْ أَكْ-ذ ونِّي غَارسْ إِ د غَا يَاسنْ س عِيشْرِينْ-أَڒفْ؟
LUK 14:32 مَاڒَا وَارْ إِدْجِي أَمنِّي، خنِّي أَذْ د-إِسّكّْ إِرقَّاسنْ أَمْ إِدْجَا [ؤُجدْجِيذْ] نِّي عَاذْ غَارْ ڒَاڭّْوَاجْ، حِيمَا أَذْ [زَّايسْ] إِتَّارْ أَصْڒَاحْ.
LUK 14:33 س ؤُينِّي ؤُڒَا ذ إِجّْ زَّايْومْ ونِّي وَارْ إِتّجِّي مَارَّا أَڭْڒَا نّسْ، وَارْ إِزمَّارْ أَذْ يِيڒِي ذ أَمحْضَارْ إِنُو.“
LUK 14:34 ”ثَامدْجَاحْثْ ثحْڒَا، مَاشَا مَاڒَا ثخْسَارْ ثْمدْجَاحْثْ أَڒذِّي نّسْ، س مِينْ زِي ت إِ غَا إِعذْڒنْ؟
LUK 14:35 وَارْ ثْصدْجحْ شَا إِ ثمُّورْثْ ؤُڒَا إِ ثْزُوبَاتْشْ، خنِّي أَذْ ت نْضَارنْ. ونِّي غَارْ إِدْجَا إِمزُّوغنْ إِ ؤُسدْجِي، أجّْ إِ-ث أَذْ إِسڒْ.“
LUK 15:1 خنِّي ثُوغَا أَيْثْ ن ضَّارِيبَا ذ إِمذْنَابْ تّْقَارَّابنْ غَارسْ حِيمَا أَذْ أَسْ سْڒنْ.
LUK 15:2 تّْمعْمِيعنْ إِمْسڒْمَاذنْ ن إِذْلِيسنْ ذ إِفَارِيسِييّنْ، قَّارنْ: ”أَقَا وَا يَارحّبْ س إِمذْنَابْ ؤُشَا إِتّتّْ أَكِيذْسنْ.“
LUK 15:3 [خنِّي] إِحَاجَا أَسنْ يَاسُوع أَمذْيَا-يَا:
LUK 15:4 ”مَانْ بْنَاذمْ زَّايْومْ إِ غَارْ إِدْجَا مْيَا ن إِحُوڒِييّنْ ؤُشَا إِودَّارْ أَسْ إِجّنْ زَّايْسنْ، مَا وَارْ إِتّجِّي ثسْعَا ؤُ ثسْعِينْ ذِي ڒخْڒَا ؤُشَا أَذْ يَارْزُو خْ ونِّي إِودَّارنْ أَڒْ ث غَا يَافْ؟
LUK 15:5 ؤُ خْمِي ث غَا يَافْ، أَذْ إِفْرَاحْ، أَذْ ث إِسَّارْسْ خْ ثْغَارْذِينْ نّسْ.
LUK 15:6 خْمِي د غَا يَاوضْ غَارْ ثَادَّارْثْ، أَذْ إِڒَاغَا خْ إِمدُّوكَّاڒْ نّسْ ذ جِّيرَانْ نّسْ، أَذْ أَسنْ يِينِي: ’فَارْحمْ أَكِيذِي، مِينْزِي ؤُفِيغْ أَهُوڒِي إِنُو إِودَّارنْ!‘
LUK 15:7 نشّْ أَذْ أَومْ إِنِيغْ، أَمُّو إِ غَا ثِيڒِي ڒفْرَاحثْ ذڭْ ؤُجنَّا خْ إِجّْ ن ؤُمذْنُوبْ إِ غَا إِثُوبنْ كْثَارْ خْ ثسْعَا ؤُ-ثسْعِينْ ن إِمْسڭَّاذنْ إِ وَارْ إِخْسنْ أَذْ ثُوبنْ!“
LUK 15:8 ”نِيغْ مَانْ ثَامْغَارْثْ إِ غَارْ إِدْجَا عشْرَا ن ثبْيِيسِينْ ن إِجّْ ن جُّوزْ، مَاڒَا إِودَّارْ إِشْثنْ زَّايْسنْثْ، مَا وَارْ ثسّْرُوغِي ڒْقنْذِيڒْ، أَذْ ثْفَارْضْ ثَادَّارْثْ ؤُشَا أَذْ ثَارْزُو مْلِيحْ أَڒْ ت غَا ثَافْ؟
LUK 15:9 مَاڒَا ثُوفِي ت، أَذْ ثْڒَاغَا خْ ثْمدُّوكَاڒْ ذ ثِيجَّارِينْ، أَذْ أَسنْثْ ثِينِي: ’فَارْحنْثْ أَكِيذِي، مِينْزِي ؤُفِيغْ [ثَابْيِيسْثْ ن] ’جُّوزْ‘ نِّي ثُوغَا ذ أَيِي إِودَّارنْ.‘
LUK 15:10 نشّْ أَذْ أَومْ إِنِيغْ، أَمُّو إِ غَا ثِيڒِي ڒفْرَاحثْ قِيبَاتْشْ إِ لْمَالَاكَاثْ ن أَربِّي س يِيجّْ ن ؤُمذْنُوبْ إِ غَا إِثُوبنْ.“
LUK 15:11 يَاسُوع إِنَّا أَسنْ عَاوذْ: ”إِجّْ ن بْنَاذمْ ثُوغَا غَارسْ ثْنَاينْ ن إِحنْجِيرنْ.
LUK 15:12 إِنَّا ؤُمَاژُوژْ نْسنْ إِ بَابَاسْ: ’أَ بَابَا، أوْشْ أَيِي ثَاسْغَارْثْ ثنِّي ذ أَيِي د-يُوسِينْ زڭْ وَاڭْڒَا نّشْ!‘ [خَاسْ ؤُشَا] إِبْضَا أَسنْ [بَابَاسْ] أَڭْڒَا نّسْ.
LUK 15:13 أَوَارْنِي شَا ن وُوسَّانْ إِسّْمُونْ مِّيسْ أَمَاژُوژْ كُوڒْشِي مِينْ ذ أَسْ إِمّوْشنْ، خنِّي إِسَافَارْ غَارْ إِشْثْ ن ثمُّورْثْ ثِيڭّْوجْ. إِقَارْضْ مَارَّا أَڭْڒَا نّسْ أَمْ إِسّعْذُو ذِينِّي إِشْثْ ن ثُوذَارْثْ ن ؤُفشّحْ.
LUK 15:14 أَوَارْنِي ڒَامِي إِقَارْضْ كُوڒْشِي، إِوْضَا-د إِجّْ ن ڒَاژْ إِوْعَارْ ذِي ثمُّورْثْ نِّي ؤُشَا إِبْذَا أَذْ إِحْوَاجْ.
LUK 15:15 إِرُوحْ ؤُشَا إِڒْصقْ ذڭْ إِجّنْ زڭْ إِمزْذَاغْ ن ثمُّورْثْ نِّي ؤُشَا وَانِيثَا إِسّكّْ إِ-ث غَارْ إِيَّارْ نّسْ حِيمَا أَذْ يَارْوسْ إِڒْفَانْ.
LUK 15:16 ثُوغَا إِمّژْرِي أَذْ إِشُّورْ أَعذِّيسْ نّسْ س ثسْرِيغْوَا، ثنِّي إِتّتّنْ إِڒْفَانْ، [مَاشَا] ؤُڒَا ذ إِجّْ وَارْ ذ أَسْ إِوْشِي شَا.
LUK 15:17 إِذْوڒْ غَارْ ڒعْقڒْ نّسْ، إِنَّا: ’مشْحَاڒْ ن إِخمَّاسنْ ن بَابَا إِ غَارْ إِدْجَا أَغْرُومْ أَطَّاسْ ؤُ نشّْ ذَا تّْمتِّيغْ س ڒَاژْ!
LUK 15:18 أَذْ كَّارغْ، أَذْ رَاحغْ غَارْ بَابَا ؤُشَا أَذْ أَسْ إِنِيغْ: ’[أَ] بَابَا، أَقَا خْضِيغْ أَكْ-ذ ؤُجنَّا ؤُ أَكِيذكْ!
LUK 15:19 وَارْ سْذِيهدْجغْ أَذْ أَيِي ثْڒَاغِيذْ ذ مِّيشْ. أڭّْ أَيِي أَمْ يِيجّنْ زڭْ إِشُووَّارنْ نّشْ.‘
LUK 15:20 إِكَّارْ ؤُشَا إِعْقبْ غَارْ بَابَاسْ. أَمْ ث ثُوغَا عَاذْ غَارْ ڒَاڭّْوَاجْ، إِبَارْقْ إِ-ث بَابَاسْ، إِحِينّْ خَاسْ، ؤُشَا يُوزّڒْ غَارسْ، إِنْڭزْ أَسْ خْ يِيرِي، إِسُّوذمْ إِ-ث.
LUK 15:21 إِنَّا أَسْ مِّيسْ: ’[أَ] بَابَا، خْضِيغْ أَكْ-ذ ؤُجنَّا ؤُ أَكِيذكْ. وَارْ سْذِيهدْجغْ أَذْ أَيِي ڒَاغَانْ مِّيشْ.‘
LUK 15:22 مَاشَا بَابَاسْ إِنَّا إِ إِمْسخَّارنْ نّسْ: ’سُوفّْغمْ-د أَرُّوضْ إِحْڒَانْ أَطَّاسْ، سْيَارْضمْ أَسْ ث، ڭّمْ ثْخَاذنْثْ ذڭْ ؤُفُوسْ نّسْ ؤُشَا قّْنمْ أَسْ سَانْذَالِييَاثْ [إِ إِضَارنْ نّسْ].
LUK 15:23 أَوْيمْ-د أَينْذُوزْ إِصحّنْ، ثْغَارْصمْ أَسْ، خنِّي أَذْ نشّْ، أَذْ نْفَارْحْ،
LUK 15:24 مِينْزِي مِّي وَانِيثَا ثُوغَا إِمُّوثْ، إِدَّارْ. ثُوغَا إِودَّارْ، [مَاشَا] إِتّْوَافْ.‘ خنِّي بْذَانْ أَذْ فَارْحنْ!
LUK 15:25 مَاشَا مِّيسْ أَمقّْرَانْ ثُوغَا ذڭْ إِيَّارْ. أَڒَامِي د-يَارڭّْوحْ، إِذْوڒْ إِقَارّبْ-د غَارْ ثَادَّارْثْ، خنِّي إِسْڒَا إِ دْجْغَا ذ ؤُغنّجْ ن وَاطَّاسْ ن إِوْذَانْ.
LUK 15:26 إِڒَاغَا إِ يِيجّنْ زڭْ إِمْسخَّارنْ إِمژْيَاننْ نّسْ، إِسّقْسَا ث: ’مَانْ أَيَا؟‘
LUK 15:27 وَانِيثَا إِنَّا أَسْ: ’ؤُمَاشْ يُوسَا-د، بَابَاشْ إِغَارْصْ إِ ؤُينْذُوزْ إِصحّنْ، مِينْزِي إِعْقبْ-د غَارسْ مْلِيحْ!‘
LUK 15:28 مَاشَا [مِّيسْ أَمقّْرَانْ] إِخيّقْ، وَارْ إِخْسْ أَذْ يَاذفْ. خنِّي إِفّغْ بَابَاسْ غَارْ بَارَّا، إِحشّمْ إِ-ث.
LUK 15:29 مَاشَا نتَّا يَارَّا-د، إِنَّا أَسْ إِ بَابَاسْ: ’أَقَا نشّْ خذْمغْ غَاركْ ڒخُّو أَطَّاسْ ن إِسڭّْوُوسَا،عمَّارْصْ وَارْ جِّيغْ زِي ثوْصيّثْ نّشْ. [مَاشَا] شكْ وَارْ ذ أَيِي ثوْشِيذْعمَّارْصْ ؤُڒَا ذ إِجّْ ن إِغَايْضْ، حِيمَا أَذْ فَارْحغْ أَكْ-ذ إِمدُّوكَّاڒْ إِنُو.
LUK 15:30 مَاشَا ؤُمِي د-يُوسَا مِّيشْ وَانِيثَا ونِّي إِشّنْ أَڭْڒَا نّشْ أَكْ-ذ ثمْغَارِينْ ن فَارْقْ-شّْغڒْ، ثْغَارْصذْ أَسْ إِ ؤُينْذُوزْ إِصحّنْ!‘
LUK 15:31 إِنَّا أَسْ بَابَاسْ: ’أَ مِّي، ثُوغَا شكْ أَكِيذِي ڒبْذَا، أَقَا مَارَّا مِينْ إِدْجَانْ إِنُو، أَقَا نّشْ.
LUK 15:32 أَقَا إِعدّڒْ إِ نشِّينْ أَذْ نْفَارْحْ أَذْ نزْهُو، مِينْزِي ؤُمَاشْ وَانِيثَا ثُوغَا إِمُّوثْ، [مَاشَا] إِدَّارْ [عَاوذْ]، ثُوغَا إِودَّارْ ؤُشَا إِتّْوَافْ!‘ “
LUK 16:1 إِنَّا عَاوذْ إِ إِمحْضَارنْ نّسْ: ”ثُوغَا ذِينْ إِجّْ ن بْنَاذمْ، أَقَا-ث ذ بَابْ ن وَاڭْڒَا، غَارسْ إِجّْ ن ووْكِيڒْ نِّي زِي شثْشَانْ [إِوْذَانْ]، أَقَا زعْمَا ثُوغَا إِتّْزُوزَّارْ أَڭْڒَا ن سِيذسْ.
LUK 16:2 إِڒَاغَا أَسْ، إِنَّا أَسْ: ’مَانْ أَيَا إِ خَاكْ تّسْڒِيغْ؟ أوْشْ ڒحْسَابْ إِ ؤُوكّڒْ نّشْ، مِينْزِي وَارْ إِزمَّارْ أَذْ ثِيڒِيذْ عَاذْ ذ أَوْكِيڒْ!‘
LUK 16:3 إِنَّا ووْكِيڒْ أَكْ-ذ إِخفْ نّسْ: ’مِينْ غَا ڭّغْ ؤُمِي سِيذِي إِنُو أَذْ خَافِي إِكّسْ أَوكّڒْ-أَ؟ وَارْ زمَّارغْ إِ ؤُقَّازْ ن ثمُّورْثْ ؤُ تّْسضْحِيغْ ثُوثْرَا!
LUK 16:4 أَقَا سّْنغْ مِينْ غَا ڭّغْ حِيمَا، خْمِي غَا تّْوَاحُوزغْ خْ ؤُوكّڒْ، أَذْ أَيِي قبْڒنْ ذِي ثُوذْرِينْ نْسنْ.‘
LUK 16:5 ؤُشَا إِڒَاغَا-د إِ كُوڒْ إِجّنْ زڭْ أَيْثْبَابْ ن ؤُمَارْوَاسْ ن سِيذسْ. إِنَّا أَسْ إِ ؤُمزْوَارْ: ’مشْحَاڒْ ذ أَشْ إِتُّورْسْ سِيذِي؟‘
LUK 16:6 يَارَّا-د خَاسْ نتَّا: ’مْيَا ن إِبِيذَاونْ ن زّشْثْ!‘ إِنَّا أَسْ: ’كْسِي ڒْشِيغذْ ن ؤُمَارْوَاسْ نّشْ، قِّيمْ ذغْيَا، ثَارِيذْ: خمْسِينْ ن إِبِيذَاونْ.‘
LUK 16:7 [خنِّي] إِنَّا إِ ونّغْنِي: ’إِ شكْ، مشْحَاڒْ ذ أَشْ إِتُّورْسْ سِيذِي؟‘ يَارَّا-د خَاسْ: ’مْيَا ن ثْخُونْشَايْ ثِيمقّْرَانِينْ ن يِيرْذنْ.‘ إِنَّا أَسْ: ’كْسِي ڒْشِيغذْ ن ؤُمَارْوَاسْ نّشْ، ثَارِيذْ: ثْمَانْيِينْ.‘
LUK 16:8 سِيذِيثْنغْ إِڭَّا ڒْفَادْجْ ذڭْ ووْكِيڒْ إِغشّْ، أَقَا ثُوغَا إِتّڭّْ س ثِيغِيثْ، مِينْزِي ثَارْوَا ن دُّونشْثْ-أَ ذ إِمِيغِيسنْ ذِي جِّيڒْ نْسنْ وَانِيثَا خْ ثَارْوَا ن ثْفَاوْثْ.
LUK 16:9 عَاوذْ نشّْ أَذْ أَومْ إِنِيغْ: ’ڭّمْ إِمدُّوكَّاڒْ إِ يِيخفْ نْومْ س وَاڭْڒَا-يَا ن ڒْغشّْ، حِيمَا، خْمِي غَا إِقْضَا، أَذْ كنِّيوْ قبْڒنْ ذڭْ إِقِيضَانْ نْسنْ ن ڒبْذَا.‘ “
LUK 16:10 ”ونِّي إِدْجَانْ ذ أَمْثِيقِّي ذِي ذْرُوسْ، أَقَا-ث ذ أَمْثِيقِّي ؤُڒَا ذڭْ وَاطَّاسْ، ؤُ ونِّي إِغشّنْ ذِي ذْرُوسْ، أَقَا إِغشّْ ؤُڒَا ذڭْ وَاطَّاسْ.
LUK 16:11 مَاڒَا وَارْ ثدْجِيمْ ذ إِمْثِيقَّانْ زِي جِّيهثْ ن وَاڭْڒَا ن ڒْغشّْ، وِي كنِّيوْ إِ غَا إِوكّْڒنْ خْ مِينْ إِدْجَانْ نِيشَانْ؟
LUK 16:12 مَاڒَا وَارْ ثدْجِيمْ ذ إِمْثِيقَّانْ ذِي مِينْ إِدْجَانْ ن ونّغْنِي، وِي ذ أَومْ إِ غَا إِوْشِينْ مِينْ إِدْجَانْ نْومْ؟
LUK 16:13 ؤُڒَا ذ إِجّْ ن ؤُمْسخَّارْ وَارْ إِزمَّارْ أَذْ إِخْذمْ ثْنَاينْ ن إِسِيذِيثنْ، مِينْزِي نِيغْ أَذْ إِشَارْهْ إِجّنْ ؤُشَا أَذْ إِسّْعِيزّْ ونّغْنِي، نِيغْ أَذْ إِشبَّارْ ذڭْ إِجّنْ ؤُشَا أَذْ إِسّحْقَارْ ونّغْنِي. وَارْ ثْزمَّارمْ أَذْ ثْسخَّارمْ إِ أَربِّي ذ وَاڭْڒَا.
LUK 16:14 ڒَامِي سْڒِينْ إِفَارِيسِييّنْ مَارَّا مَانْ أَيَا، سّحْقَارنْ ث، مِينْزِي نِيثْنِي ثُوغَا تّخْسنْ ثْمنْيَاثْ.
LUK 16:15 يَاسُوع إِنَّا أَسنْ: ”كنِّيوْ ذ إِنِّي إِسّڭّْذنْ إِخفْ نْومْ زَّاثْ إِ إِوْذَانْ، مَاشَا أَربِّي يَارْڭبْ خْ وُوڒَاونْ نْومْ، مِينْزِي مِينْ يُوعْڒَانْ غَارْ إِوْذَانْ، أَقَا-ث ذ نّْعِي زَّاثْ إِ أَربِّي.
LUK 16:16 شَّارِيعَا ذ إِنَابِييّنْ أَقَا أَثنْ أَڒْ يُوحَانَّا. زِي ڒْوقْثْ نِّي إِتّْوَابَارّحْ س ثْڭلْذِيثْ ن أَربِّي ؤُشَا مَارَّا إِذْسنْ تّمْسذْحَاسنْ غَارسْ حِيمَا أَذْ ذِينْ أَذْفنْ.
LUK 16:17 مَاشَا ثِيكّسْثْ ن ؤُجنَّا ذ ثمُّورْثْ ثهْونْ خْ ؤُوطُّو ن إِشْثْ ن ثْنقِّيطْ زِي شَّارِيعَا.“
LUK 16:18 ”مَارَّا وِي غَا إِدْجْفنْ إِ ثمْغَارْثْ نّسْ ؤُشَا أَذْ إِمْڒشْ أَكْ-ذ ثنّغْنِيثْ، أَقَا إِزْنَا، ؤُ مَارَّا وِي غَا إِمڒْشنْ ثَامْغَارْثْ ثنِّي ؤُمِي إِدْجْفنْ، أَقَا نتَّا إِزْنَا.“
LUK 16:19 ”ثُوغَا ذِينْ إِجّْ ن بْنَاذمْ، أَقَا-ث ذ بَابْ ن وَاڭْڒَا، يَارْضْ ڒقْطنْ أَشمْڒَاڒْ أَزْذَاذْ ذ [ڒحْرِيرْ ذ] أَزڭّْوَاغْ. إِتّْغبَّا زّْهُو كُوڒْ أَسّْ.
LUK 16:20 ثُوغَا ذِينْ عَاوذْ إِجّْ ن ؤُمزْڒُوضْ قَّارنْ أَسْ أَلِيعَازَارْ. ثُوغَا سّْبُوژّْڒنْ ث غَارْ ثوَّارْثْ ن بَابْ ن وَاڭْڒَا، إِشُّورْ س ڒْحبّْ.
LUK 16:21 ثُوغَا ذَايسْ مژْرِي أَذْ إِجِّيونْ س إِڒقّْوَازْ إِ د-إِوطَّانْ زِي طَّابْڒَا ن بَابْ ن وَاڭْڒَا. تَّاسنْ-د يِيطَانْ عَاوذْ، ڒسّْحنْ إِبُوعْرُوسنْ نّسْ.
LUK 16:22 إِمُّوثْ ؤُمزْڒُوضْ، كْسِينْثْ ث لْمَالَاكَاثْ غَارْ وحْسِينْ ن إِبْرَاهِيمْ. ؤُڒَا ذ بَابْ ن وَاڭْڒَا إِمُّوثْ، نضْڒنْ ث.
LUK 16:23 أَمْ ثُوغَا إِتّْعدَّابْ ذِي ڒَاخَارْثْ، إِسّْڭعّذْ ثَامُوغْڒِي نّسْ، إِژْرَا إِبْرَاهِيمْ زِي ڒَاڭّْوَاجْ ؤُ أَلِيعَازَارْ ثُوغَا-ث ذڭْ وحْسِينْ نّسْ.
LUK 16:24 إِڒَاغَا س جّهْذْ: ’[أَ] بَابَا إِبْرَاهِيمْ، أَرْحمْ أَيِي. سكّْ-د أَلِيعَازَارْ حِيمَا أَذْ إِسُّوفّْ إِخفْ ن ؤُضَاضْ نّسْ س وَامَانْ ؤُشَا أَذْ إِسّسْمضْ إِڒسْ إِنُو، مِينْزِي أَقَا تّْعدَّابغْ ذِي ثْمسِّي-يَا.‘
LUK 16:25 إِنَّا أَسْ إِبْرَاهِيمْ: ’أَ مِّي، عْقڒْ أَقَا ثْكمّْڒذْ مَارَّا ڒْخَارْ نّشْ ذِي ثُوذَارْثْ نّشْ، ؤُشَا أَمُّو إِ إِكمّڒْ أَلِيعَازَارْ ڒْغَارْ. ڒخُّو نتَّا إِتّتّْوَافوّجْ ؤُ شكْ ثتّْوَاعدَّابذْ.
LUK 16:26 سنّجْ إِ مَانْ أَيَا مَارَّا، أَقَا جَارْ أَنغْ نشِّينْ ذ كنِّيوْ إِجّْ ن تَّاسِيعْ إِمْغَارْ، أَڒَامِي إِنِّي إِخْسنْ أَذْ غَارْومْ د-ژْوَانْ سَّا، وَارْ زمَّارنْ ؤُشَا ؤُڒَا ذ إِنِّي ذِينْ إِدْجَانْ وَارْ زمَّارنْ أَذْ غَارْنغْ د-ژْوَانْ سّنِّي.‘
LUK 16:27 إِنَّا أَسْ: ’تّْزَاوْڭغْ شكْ خنِّي، أَ بَابَا، أَذْ ث ثسّكّذْ غَارْ ثَادَّارْثْ ن بَابَا،
LUK 16:28 مِينْزِي غَارِي خمْسَا ن أَيْثْمَا. أجّْ إِ-ث أَذْ أَسنْ إِعْڒمْ، حِيمَا وَارْ د-تِّيسنْ ؤُڒَا ذ نِيثْنِي غَارْ ومْشَانْ-أَ ن ؤُعدّبْ.‘
LUK 16:29 إِنَّا أَسْ إِبْرَاهِيمْ: ’أَقَا غَارْسنْ مُوسَا ذ إِنَابِييّنْ. أجّْ إِ-ثنْ أَذْ غَارْسنْ سْڒنْ!‘
LUK 16:30 مَاشَا نتَّا إِنَّا أَسْ: ’لَّ، [أَ] بَابَا إِبْرَاهِيمْ، مَاڒَا إِرُوحْ غَارْسنْ إِجّنْ زڭْ إِمتِّيننْ، خنِّي أَذْ ثُوبنْ!‘
LUK 16:31 إِنَّا أَسْ إِبْرَاهِيمْ: ’مَاڒَا نِيثْنِي وَارْ سْڒِينْ غَارْ مُوسَا ذ إِنَابِييّنْ، خنِّي وَارْ زَّايسْ تّْوَاسّْقنْعنْ عَاوذْ، [عَاذْ] خْمِي د غَا إِكَّارْ إِجّنْ جَارْ إِمتِّيننْ!‘ “
LUK 17:1 إِنَّا يَاسُوع إِ إِمحْضَارنْ نّسْ: ”وَارْ ثْعدّڒْ إِلَا أَذْ إِڒِينْثْ ثْعنْكْرِيفِينْ، مَاشَا ؤُشْثْ خْ ونِّي زِي إِ د غَا يَاسنْثْ!
LUK 17:2 إِحْڒَا أَسْ أَذْ خَاسْ ثتّْوَاڭّْ إِشْثْ ن ثصْضَارْثْ ن ثْسِيرْثْ ثذْقڒْ غَارْ يِيرِي نّسْ ؤُشَا أَذْ إِمّنْضَارْ ذِي ڒبْحَارْ خْ مِينِّي غَا إِسّنْقَارْضْ إِجّنْ زڭْ إِمژْيَاننْ-أَ.
LUK 17:3 حْضَامْ إِخفْ نْومْ. مَاڒَا إِخْضَا ؤُمَاشْ، وبّخْ إِ-ث، ؤُ مَاڒَا إِثُوبْ، سَامْحْ أَسْ.
LUK 17:4 مَاڒَا إِخْضَا أَكِيذكْ سبْعَا ن ثْوَاڒَاوِينْ ذڭْ إِجّْ ن وَاسّْ ؤُشَا إِذْوڒْ-د غَاركْ سبْعَا ن ثْوَاڒَاوِينْ، إِقَّارْ: ’أَقَا ثُوبغْ!‘، إِتّْخصَّا أَذْ أَسْ ثْسَامْحذْ.“
LUK 17:5 نَّانْ رُّوسُولْ: ”[أَ] سِيذِيثْنغْ، أَرْنِي أَنغْ لْ-إِيمَانْ نّغْ!“
LUK 17:6 نتَّا إِنَّا أَسنْ: ”مْڒِي ثُوغَا ذَايْومْ لْ-إِيمَانْ أَمْ يِيشْثْ ن ثْحبُّوشْثْ ن زَّارِيعثْ ن ؤُخرْذلْ ؤُشَا أَذْ ثِينِيمْ إِ ثْشجَّارْثْ-أَ ن ثُوثْ: ’ثْوَاقْڒعْ زڭْ إِژوْرَانْ نّمْ، ثْوَاژُّو ذِي ڒبْحَارْ!‘، خنِّي أَذْ أَومْ ثطَّاعْ.“
LUK 17:7 مَانْ ونْ زَّايْومْ إِ غَارْ إِدْجَا ؤُمْسخَّارْ إِشَارّزْ نِيغْ يَاركّْوسْ ؤُدْجِي، أَذْ أَسْ يِينِي ذغْيَا مَاڒَا إِعْقبْ-د زڭْ إِيَّارْ ؤُشَا يُوذفْ [غَارْ ثَادَّارْثْ]: ’قَارّبْ-د، ثقِّيمذْ [غَارْ طَّابْڒَا]‘؟
LUK 17:8 مَا وَارْ ذ أَسْ إِقَّارْ: ’سوْجذْ مِينْ غَا مُّونسْوغْ، ثْبيْسذْ، ثْسخَّارذْ خَافِي أَڒْ غَا شّغْ، سْوغْ. أَوَارْنِي مَانْ أَيَا أَذْ ثشّذْ، أَذْ ثسْوذْ ؤُڒَا ذ شكْ‘؟
LUK 17:9 مَا أَذْ إِكْسِي ؤُمْسخَّارْ نِّي أَقَاذِي، مِينْزِي نتَّا إِڭَّا مِينْ ذ أَسْ إِتّْوَانَّانْ أَذْ ث يڭّْ؟ إِتّْغِيڒْ أَيِي، لَّا!
LUK 17:10 أَمُّو ؤُڒَا ذ كنِّيوْ، خْمِي ثڭِّيمْ مَارَّا مِينْ ذ أَومْ يُومُورنْ، [إِتّْخصَّا] أَذْ ثِينِيمْ: ’أَقَا نشِّينْ ذ إِمْسخَّارنْ وَارْ إِنفّْعنْ، مِينْزِي نڭَّا مِينْ ثُوغَا خَانغْ‘.“
LUK 17:11 رَامِي إِرُوحْ يَاسُوع غَارْ ؤُرْشَالِيمْ إِشُوقْ ذِي ڒْوسْطْ [ن ثمُّورْثْ] ن إِسَامَارِييّنْ، ثنِّي إِدْجَانْ زَّاثْ ن لْجَالِيلْ.
LUK 17:12 أَڒَامِي ثُوغَا إِتَّاذفْ غَارْ إِجّْ ن ذْشَارْ، ڒْقَانْ ثعشْرَا ن يرْيَازنْ ذَايْسنْ ڒْبَارْصْ، قِّيمنْ بدّنْ غَارْ ڒَاڭّْوَاجْ.
LUK 17:13 سّْڭعّْذنْ ثْمِيجَّا نْسنْ، نَّانْ: ”[أَ] أَمْسڒْمَاذْ نّغْ، يَاسُوع، أَرْحمْ أَنغْ!‘“
LUK 17:14 ؤُمِي ذَايْسنْ إِخْزَارْ، إِنَّا أَسنْ: ”رُوحمْ، سشْنمْ إِخفْ نْومْ إِ إِكهَّاننْ!“ خنِّي إِمْسَارْ، أَمْ ڭُّورنْ نِيثْنِي، أَقَا تّْوَاسِّيزذْڭنْ.
LUK 17:15 إِجّنْ زَّايْسنْ إِعْقبْ، ؤُمِي إِژْرَا بلِّي إِڭّنْفَا، ؤُشَا إِسّمْغَارَا ذِي أَربِّي س ثْمِيجَّا ثجْهذْ.
LUK 17:16 إِوْضَا خْ ؤُغمْبُوبْ نّسْ غَارْ إِضَارنْ ن يَاسُوع، إِقَاذَا ث. وَا ثُوغَا ذ إِجّْ ن [ورْيَازْ] أَسَامِيرِي.
LUK 17:17 إِطّفْ يَاسُوع ذڭْ وَاوَاڒْ، إِنَّا: ”مَا وَارْ تّْوَاسِّيزذْڭنْ مَارَّا سعشْرَا؟ مَانِي قِّيمنْ ثسْعَا؟
LUK 17:18 مَايمِّي جِّينْ نِيثْنِي أَذْ د-أَسنْ حِيمَا أَذْ سّْعُودْجنْ أَربِّي، مْغِيرْ وَانِيثَا وَاهَا، ونِّي إِدْجَانْ زڭْ إِجّْ نْ ڒْڭنْسْ ذ أَبَارَّانِي؟“
LUK 17:19 خنِّي إِنَّا أَسْ: ”كَّارْ، ثْرُوحذْ، أَقَا لْ-إِيمَانْ نّشْ إِسّنْجمْ إِ شكْ!“
LUK 17:20 ؤُمِي إِفَارِيسِييّنْ سّقْسَانْ يَاسُوع: ”مڒْمِي إِ د غَا ثَاسْ ثْڭلْذِيثْ ن أَربِّي؟“، يَارَّا-د خَاسنْ، إِنَّا: ”وَارْ د-ثتِّيسْ ثْڭلْذِيثْ ن أَربِّي س يِيجّْ ن وُوذمْ إِتّْوَاسّْشَاننْ.
LUK 17:21 وَارْ قَّارنْ: ’أَقَا-ت ذَا!‘، نِيغْ: ’أَقَا-ت ذِيهَا!‘، مِينْزِي ثَاڭلْذِيثْ ن أَربِّي أَقَا-ت ذِي [شَا] زَّايْومْ.“
LUK 17:22 إِنَّا إِ إِمحْضَارنْ نّسْ: ”أَذْ د-أَوْضنْ وُوسَّانْ إِ ذِي إِ غَا ثخْسمْ أَذْ ثْژَارمْ إِجّْ ن وَاسّْ وَاهَا زڭْ وُوسَّانْ ن مِّيسْ ن بْنَاذمْ، [مَاشَا] كنِّيوْ وَارْ [ث] ثْژَارّمْ.
LUK 17:23 مَاڒَا نَّانْ أَومْ: ’أَقَا-ث ذَا!‘ نِيغْ: ’أَقَا-ث ذِيهَا!‘، وَارْ ذِينْ تّْرِيحمْ.
LUK 17:24 مِينْزِي أَمْ مَامّشْ إِشَّاثْ وَاسَّامْ زِي طَّارْفْ سَاذُو ؤُجنَّا غَارْ طَّارْفْ نّغْنِي سَاذُو ؤُجنَّا، أَمُّو عَاوذْ أَذْ يِيڒِي مِّيسْ ن بْنَاذمْ ذڭْ وَاسّْ نّسْ.
LUK 17:25 مَاشَا إِتّْخصَّا أَسْ أَمزْوَارُو أَذْ إِودّبْ أَطَّاسْ ؤُشَا أَذْ إِتّْوَامّنْضَارْ زِي جِّيڒْ-أَ!
LUK 17:26 أَمْ مَامّشْ ثُوغَا ذڭْ وُوسَّانْ ن نُوحْ، أَمُّو إِ غَا يِيڒِي [عَاوذْ] ذڭْ وُوسَّانْ ن مِّيسْ ن بْنَاذمْ.
LUK 17:27 ثُوغَا تّتّنْ، سسّنْ، تَّاوْينْ ثِيمْغَارِينْ، سْمدْجَاشنْ [ثِيمْغَارِينْ] إِ يرْيَازنْ أَڒْ أَسّْ إِ ذِي يُوذفْ نُوحْ غَارْ ؤُغَارَّابُو ؤُشَا يُوسَا-د طُّوفَانْ، إِسّْهلّكْ إِ-ثنْ مَارَّا.
LUK 17:28 أَمُّو ثُوغَا إِمْسَارْ عَاوذْ ذڭْ وُوسَّانْ ن لُوثْ. ثُوغَا تّتّنْ، سسّنْ، سَّاغنْ، زّْنُوزَانْ، تّژُّونْ، بنَّانْ.
LUK 17:29 مَاشَا ذڭْ وَاسّْ إِ ذِي د-إِفّغْ لُوثْ زِي سَاذُومْ، إِجَّا سِيذِي أَذْ د-ثوْضَا ثْمسِّي ذ ڒشْبَاريّثْ زڭْ ؤُجنَّا، إِثحَّا ثنْ مَارَّا.
LUK 17:30 أَمُّو إِ غَا يِيڒِي ذڭْ وَاسّْ إِ ذِي إِ غَا إِتّْوَاسَّارْڭبْ مِّيسْ ن بْنَاذمْ.
LUK 17:31 ونِّي إِدْجَانْ خْ ثْزقَّا ذڭْ وَاسّْ نِّي ؤُ ڒْقشّْ نّسْ أَقَا-ث ذِي ثَادَّارْثْ، وَارْ د-إِهكّْوِي شَا مَاحنْذْ أَذْ ث إِكْسِي. أَمُّو ؤُڒَا ذ ونِّي إِدْجَانْ ذڭْ إِيَّارْ، وَارْ د-إِتّْعِيقِيبْ شَا.
LUK 17:32 عقْڒمْ خْ ثمْغَارْثْ ن لُوثْ!
LUK 17:33 ونِّي يَارزُّونْ أَذْ إِسّنْجمْ ثُوذَارْثْ نّسْ، أَذْ ت إِخْسَارْ، ؤُ ونِّي ت إِ غَا إِخْسَارنْ، أَذْ ت إِسّنْجمْ.
LUK 17:34 أَذْ أَومْ إِنِيغْ، أَقَا ذِي دْجِيڒثْ نِّي أَذْ ذِينْ إِڒِينْ ثْنَاينْ خْ إِشْثْ ن ثَاسُّوثْ: إِجّنْ أَذْ إِتّْوَاكْسِي، ونّغْنِي أَذْ إِتّْوَاجّْ.
LUK 17:35 أَذْ ذِينْ إِڒِينْثْ ثْنَاينْ ن ثمْغَارِينْ حَارّْينْثْ جْمِيعْ، إِشْثْ أَذْ ثتّْوَاكْسِي، ثنّغْنِي أَذْ ثتّْوَاجّْ.
LUK 17:36 أَذْ ذِينْ إِڒِينْ ثْنَاينْ ذڭْ إِيَّارْ: إِجّنْ أَذْ إِتّْوَاكْسِي، ونّغْنِي أَذْ إِتّْوَاجّْ.“
LUK 17:37 أَرِّينْ-ذ، نَّانْ أَسْ: ”مَانِي، أَ سِيذِيثْنغْ؟“ نتَّا إِنَّا أَسنْ: ”مَانِي ثدْجَا أَرِّيمثْ ذِينْ إِتّْمُونَانْ عَاوذْ إِڭِيذَارنْ.“
LUK 18:1 إِنَّا أَسنْ عَاوذْ إِجّْ ن ؤُمذْيَا بلِّي أَقَا إِتّْخصَّا أَسنْ أَذْ ژَّادْجنْ ذِي كُوڒْ ڒْوقْثْ بْڒَا أَملِّي.
LUK 18:2 ”ثُوغَا ذڭْ إِشْثْ ن ثنْذِينْثْ إِجّْ ن ڒْقَاضِي وَارْ إِتّڭّْوذْ شَا أَربِّي، وَارْ إِتّْوقَّارْ بْنَاذمْ.
LUK 18:3 إِشْثْ ن ثَاجَّاتْشْ ذِي ثنْذِينْثْ نِّي ثُوسَا-د غَارسْ، ثنَّا أَسْ: ’أوْشْ أَيِي ثَاسْغَارْثْ إِنُو خْ وغْرِيمْ إِنُو!‘
LUK 18:4 أَطَّاسْ إِ إِكَّا ثُوغَا يُوڭِي. خنِّي إِنَّا ذڭْ إِخفْ نّسْ: ’نشّْ زعْمَا وَارْ تّڭّْوذغْ شَا أَربِّي ؤُ وَارْ تّْوقِّيرغْ بْنَاذمْ،
LUK 18:5 قَاعْ أَمُّو، مِينْزِي ثَاجَّاتْشْ-أَ ثْهكّْوڒْ أَيِي [بْڒَا قطُّو]، أَذْ أَسْ وْشغْ ثَاسْغَارْثْ نّسْ، حِيمَا وَارْ د-ثتّْعِيقِّيبْ ڒبْذَا ؤُشَا أَذْ أَيِي ثَارْژْ أَزدْجِيفْ.‘ “
LUK 18:6 سِيذِيثْنغْ إِنَّا: ”سْڒمْ مِينْ إِقَّارْ ڒْقَاضِي أَغشَّاشْ!
LUK 18:7 مَا وَارْ إِتِّيشْ أَربِّي ثَاسْغَارْثْ كْثَارْ أَطَّاسْ إِ يِينِّي زَّايسْ إِتّْوَافَارْزنْ، إِنِّي غَارسْ د-إِسْغُويُّونْ أَسّْ ذ دْجِيڒثْ؟ مَا وَارْ إِتّڭّْ نتَّا [كْثَارْ أَطَّاسْ] س تَّاسِيعْ ن ڒْخَاضَارْ خَاسنْ؟
LUK 18:8 أَذْ أَومْ إِنِيغْ، أَقَا أَذْ أَسنْ إِوْشْ ثَاسْغَارْثْ ذغْيَا. مَاشَا خْمِي د غَا إِعْقبْ مِّيسْ ن بْنَاذمْ، مَا أَذْ يَافْ لْ-إِيمَانْ ذِي ثمُّورْثْ؟“
LUK 18:9 إِنَّا أَمذْيَا-يَا إِ إِوْذَانْ نِّي غَارْ ثدْجَا تِّيقّثْ ذڭْ يِيخفْ نْسنْ أَقَا أَثنْ ذ إِمْسڭَّاذنْ ؤُ سّحْقَارَانْ إِنّغْنِي مَارَّا.
LUK 18:10 ”ڭَاعّْذنْ ثْنَاينْ ن إِوْذَانْ غَارْ زَّاوشْثْ ثَامقّْرَانْثْ، حِيمَا أَذْ ژَّادْجنْ، إِجّنْ ذ أَفَارِيسِي ؤُ ونّغْنِي ذ إِجّْ ن بُو-ضَّارِيبَا.
LUK 18:11 إِبدّْ ؤُفَارِيسِي، إِتّْژَادْجْ أَكْ-ذ يِيخفْ نّسْ: ’[أَ] أَربِّي، تّْقَاذِيغْ شكْ ؤُمِي وَارْ دْجِيغْ شَا أَمْ إِوْذَانْ نّغْنِي: إِغشَّاشنْ ذ يِينِّي إِحصَّارنْ ذ يِينِّي إِزنَّانْ، ؤُڒَا أَمْ بُو-ضَّارِيبَا وَانِيثَا.
LUK 18:12 نشّْ تّْژُومِّيغْ ثْنَاينْ ن إِمُورنْ ذِي سِّيمَانَا، تِّيشغْ ڒعْشُورْ زِي مَارَّا مِينْ غَارِي إِدْجَانْ ذ أَڭْڒَا.‘
LUK 18:13 مَاشَا بُو-ضَّارِيبَا ونِّي إِبدّنْ غَارْ ڒَاڭّْوَاجْ، وَارْ إِزْعِيمْ ؤُڒَا أَذْ إِسِّيڒِي ثِيطَّاوِينْ نّسْ غَارْ ؤُجنَّا، مَاشَا إِوْثَا إِخفْ نّسْ غَارْ إِذْمَارنْ، إِنَّا: ’[أَ] أَربِّي، أَرْحمْ أَيِي، أَقَا نشّْ ذ أَمذْنُوبْ!‘
LUK 18:14 نشّْ أَذْ أَومْ إِنِيغْ، أَقَا وَانِيثَا أَذْ يِيڒِي إِتّْوَاسڭّذْ س وَاطَّاسْ خْ ؤُفَارِيسِي نِّي ؤُمِي د-إِهْوَا غَارْ ثَادَّارْثْ نّسْ. مِينْزِي مَارَّا ونِّي إِ غَا إِسُّوعْڒَانْ إِخفْ نّسْ أَذْ إِتّْوَاسّْوَاضعْ، ؤُ ونِّي إِ غَا إِسّْوَاضْعنْ إِخفْ نّسْ أَذْ إِتّْوَاسُّوعْڒَا.“
LUK 18:15 إِوْينْ أَسْ-د إِحنْجِيرنْ إِمژْيَاننْ حِيمَا أَذْ ثنْ إِسْڒُوفْ. ؤُمِي ثنْ ژْرِينْ إِمحْضَارنْ، وبّْخنْ ثنْ.
LUK 18:16 مَاشَا يَاسُوع إِڒَاغَا خَاسنْ، إِنَّا أَسنْ: ”جّمْ إِحنْجِيرنْ أَذْ غَارِي د-أَسنْ، وَارْ ثنْ تّطّْفمْ، مِينْزِي ثَاڭلْذِيثْ ن إِجنْوَانْ إِ يِينِّي أَمْ يِينَا.
LUK 18:17 س ثِيذتّْ، نشّْ أَذْ أَومْ إِنِيغْ: ونِّي وَارْ إِقْبِيڒنْ ثَاڭلْذِيثْ ن أَربِّي أَمْ ؤُحنْجِيرْ وَارْ ت إِتِّيذفْعمَّارْصْ!“
LUK 18:18 إِسّقْسَا ث إِجّْ ن ؤُمقّْرَانْ، إِنَّا أَسْ: ”[أَ] أَمْسغَّارْ أَصبْحَانْ، مِينْ غَا ڭّغْ، حِيمَا أَذْ وَارْثغْ ثُوذَارْثْ إِتّْذُومَانْ؟“
LUK 18:19 إِنَّا أَسْ يَاسُوع: ”مَايمِّي ذ أَيِي ثْڒَاغِيذْ س ’أَصبْحَانْ‘؟ ؤُڒَا ذ إِجّْ وَارْ إِدْجِي ذ أَصبْحَانْ مْغِيرْ إِجّنْ، أَقَا-ث ذ أَربِّي.
LUK 18:20 شكْ ثسّْنذْ ثِيوصَّا: وَارْ زنِّي، وَارْ نقّْ، وَارْ تِّيشَارْ، وَارْ شهّذْ س ژُورْ، وقَّارْ بَابَاشْ ذ يمَّاشْ!“
LUK 18:21 إِنَّا أَسْ: ”أَقَا مَارَّا ثِينَا حْضِيغْ ثنْثْ زِي ثمْژِي إِنُو.“
LUK 18:22 ؤُمِي إِسْڒَا يَاسُوع أَيَا، إِنَّا أَسْ: ”إِشْثْ ثقِّيمْ أَشْ. ؤُيُورْ، زنْزْ مَارَّا مِينْ غَاركْ، فَارْقْ إِ-ث خْ إِمزْڒَاضْ ؤُشَا أَذْ غَاركْ يِيڒِي ڒْكنْزْ ذڭْ إِجنْوَانْ، [خنِّي] ضْفَارْ أَيِي-د.“
LUK 18:23 ؤُمِي إِسْڒَا مَانْ أَيَا، إِشْضنْ مِينْزِي ثُوغَا-ث ذ بَابْ ن وَاڭْڒَا أَمقّْرَانْ.
LUK 18:24 ؤُمِي إِژْرَا يَاسُوع بلِّي نتَّا إِشْضنْ، إِنَّا: ”مَامّشْ يوْعَارْ خْ أَيْثْبَابْ ن وَاڭْڒَا مَاحنْذْ أَذْ د-أَذْفنْ غَارْ ثْڭلْذِيثْ ن أَربِّي.
LUK 18:25 مِينْزِي أَذَافْ ن وڒْغمْ زِي ثِيطّْ ن ثْسِينفْثْ إِهْونْ خْ وَاذَافْ ن بَابْ ن وَاڭْڒَا غَارْ ثْڭلْذِيثْ ن أَربِّي.“
LUK 18:26 إِنِّي ثُوغَا إِتّسْڒَانْ أَيَا، نَّانْ: ”وِي إِزمَّارنْ [خنِّي] أَذْ إِتّْوَاسّنْجمْ؟“
LUK 18:27 يَاسُوع إِنَّا: ”مِينْ وَارْ إِزمَّارنْ أَذْ يِيڒِي غَارْ إِوْذَانْ، غَارْ أَربِّي إِزمَّارْ أَذْ يِيڒِي.“
LUK 18:28 إِنَّا أَسنْ بُوطْرُوسْ: ”أَقَا نشِّينْ نجَّا كُوڒْشِي ؤُشَا نضْفَارْ إِ شكْ.“
LUK 18:29 يَاسُوع إِنَّا أَسْ: ”س ثِيذتّْ، نشّْ أَذْ أَومْ إِنِيغْ، وَارْ ذِينْ ؤُڒَا ذ إِجّْ إِ إِتّجِّينْ ثَادَّارْثْ نِيغْ لْوَالِيذِينْ نِيغْ ثَاوْمَاثْ، نِيغْ ثَامْغَارْثْ نِيغْ ثَارَّاوْثْ ذِي طّْوعْ ن ثْڭلْذِيثْ ن أَربِّي،
LUK 18:30 إِ وَارْ إِكْسِينْ أَضفُّوسْ خْ ؤُضفُّوسْ ن ثْسقَّارْ ذِي ڒْوقْثْ-أَ، ؤُشَا ذِي زّْمَانْ إِ د غَا يَاسنْ [أَذْ إِكْسِي] ثُوذَارْثْ إِتّْذُومَانْ.“
LUK 18:31 يَاسُوع إِكْسِي ثنْعَاشْ [ن رُّوسُولْ] نّسْ غَارسْ، إِنَّا أَسنْ: ”أَذْ نْڭعّذْ غَارْ ؤُرْشَالِيمْ ؤُشَا مَارَّا مِينْ يُورَانْ س ؤُفُوسْ ن إِنَابِييّنْ خْ مِّيسْ ن بْنَاذمْ أَذْ إِتّْوَاقْفڒْ.
LUK 18:32 مِينْزِي نتَّا أَذْ إِتّْوَاسلّمْ إِ ڒڭْنُوسْ، ؤُشَا أَذْ زَّايسْ سْثهْزَانْ، أَذْ خَاسْ سُّوسْفنْ خْ ؤُغمْبُوبْ نّسْ،
LUK 18:33 أَذْ ث هتّْكنْ س ؤُركُّوضْ، أَذْ ث سّحْقَارنْ، أَذْ ث نْغنْ ؤُشَا ذڭْ وَاسّْ وِيسّْ ثْڒَاثَا أَذْ د-إِكَّارْ.“
LUK 18:34 نِيثْنِي وَارْ فْهِيمنْ وَالُو زِي مَانْ أَيَا. ثُوغَا أَوَاڒْ-أَ إِوْعَارْ خَاسنْ، ؤُ نِيثْنِي وَارْ فْهِيمنْ مِينْ ذ أَسنْ إِتّْوَانَّانْ.
LUK 18:35 أَڒَامِي د-قَارّْبنْ غَارْ أَرِيحَا ثُوغَا إِجّْ ن ؤُذَارْغَاڒْ إِقِّيمْ ذڭْ وبْرِيذْ، إِتّتَّارْ.
LUK 18:36 ڒَامِي إِسْڒَا إِ ڒْحسّْ ن ڒْغَاشِي إِعْذُو، إِسّقْسَا: ”مَانْ أَيَا؟“
LUK 18:37 نَّانْ أَسْ: ”يشُّو نَّاصِيرِي إِعدُّو.“
LUK 18:38 إِڒَاغَا، إِنَّا: ”[أَ] يَاسُوع، [أَ] مِّيسْ ن ذَاوُوذْ، أَرْحمْ أَيِي!“
LUK 18:39 إِنِّي ثُوغَا إِڭُّورنْ غَارْ زَّاثْ ن يَاسُوع، وبّْخنْ ث مَاحنْذْ أَذْ إِسْقَارْ، مَاشَا نتَّا إِبْذَا إِتّْڒَاغَا س جّهْذْ كْثَارْ: ”[أَ] مِّيسْ ن ذَاوُوذْ، أَرْحمْ أَيِي!“
LUK 18:40 إِبدّْ يَاسُوع ؤُشَا يُومُورْ أَذْ ث-إِ-د-أَوْينْ غَارسْ. ؤُمِي د غَارسْ إِقَارّبْ، إِسّقْسَا ث،
LUK 18:41 إِنَّا أَسْ: ”مِينْ ثخْسذْ أَذْ أَشْ ث ڭّغْ؟“ إِنَّا: ”[أَ] سِيذِي، خْسغْ أَذْ ذوْڒغْ تّْوَاڒِيغْ!“
LUK 18:42 إِنَّا أَسْ يَاسُوع: ”ثْوَاڒَا، أَقَا لْ-إِيمَانْ نّشْ إِسّْڭنْفَا شكْ.“
LUK 18:43 ڒخْذنِّي إِتّْوَاڒَا ؤُشَا إِضْفَارْ إِ-ث، إِسّمْغَارَا ذِي أَربِّي. مَارَّا إِوْذَانْ إِ إِژْرِينْ مَانْ أَيَا، سّْعُودْجنْ أَربِّي.
LUK 19:1 ؤُمِي يُوذفْ يَاسُوع غَارْ أَرِيحَا، إِشُوقْ [ثنْذِينْثْ نِّي]،
LUK 19:2 ثُوغَا ذِينْ إِجّْ ن ورْيَازْ قَّارنْ أَسْ زَاكَّايُو. وَانِيثَا ثُوغَا ذ بَابْ ن وَاڭْڒَا ؤُڒَا ذ أَمقّْرَانْ ن أَيْثْ ن ضَّارِيبَا.
LUK 19:3 نتَّا ثُوغَا يَارزُّو أَذْ إِژَارْ يَاسُوع ذ مِينْ إِعْنَا، [مَاشَا] وَارْ إِزمَّارْ س سِّيبّثْ ن ڒْغَاشِي، مِينْزِي ثُوغَا زَاكَّايُو ذ أَقُوضَاضْ ن ثِيذِّي.
LUK 19:4 [س ؤُينِّي] إِزْوَارْ إِ يَاسُوع ؤُشَا إِڭعّذْ خْ إِجّْ ن وَارْثُو نْ ڒخْڒَا، حِيمَا أَذْ ث إِژَارْ، مِينْزِي ثُوغَا نتَّا إِڭَّا أَذْ د-يكّْ سّنِّي.
LUK 19:5 ؤُمِي د-يُوسَا يَاسُوع غَارْ ومْشَانْ نِّي، إِخْزَارْ غَارْ ؤُجنَّا، إِبَارْقْ إِ-ث. إِنَّا أَسْ: ”[أَ] زَاكَّايُو، قدْجقْ-د، هْوَا-د ذغْيَا، مِينْزِي أَسّْ-أَ إِتّْخصَّا أَيِي أَذْ قِّيمغْ ذِي ثَادَّارْثْ نّشْ!“
LUK 19:6 إِقدْجقْ-د، إِهْوَا-د ذغْيَا ؤُشَا يَارحّبْ زَّايسْ س ڒفْرَاحثْ.
LUK 19:7 مَارَّا إِنِّي إِژْرِينْ مَانْ أَيَا، بْذَانْ تّْمعْمِيعنْ خَاسْ، نَّانْ: ”أَقَا يُوذفْ غَارْ إِجّْ ن ورْيَازْ ذ أَمذْنُوبْ، حِيمَا أَذْ غَارسْ إِقِّيمْ!“
LUK 19:8 إِكَّارْ زَاكَّايُو، إِنَّا إِ يَاسُوع: ”خْزَارْ، سِيذِي، أَذْ وْشغْ أَزْينْ ن وَاڭْڒَا إِنُو إِ إِمزْڒَاضْ ؤُ مَارَّا ونِّي زِي كّْسغْ شَا ن ڒْحَاجّثْ س ڒْغشّْ، أَذْ [أَسْ ث] أَرّغْ أَربْعَا ن ثْسقَّارْ!“
LUK 19:9 إِنَّا أَسْ يَاسُوع: ”أَسّْ-أَ ثِيوضْ-د ثُوذَارْثْ إِ ثَادَّارْثْ-أَ، مِينْزِي ؤُڒَا ذ وَا ذ إِجّْ ن مِّيسْ ن إِبْرَاهِيمْ.
LUK 19:10 مِينْزِي مِّيسْ ن بْنَاذمْ يُوسَا-د حِيمَا أَذْ يَارْزُو ؤُ أَذْ إِسّنْجمْ مِينْ إِودَّارنْ.“
LUK 19:11 ؤُمِي ثُوغَا تّسْڒَانْ أَيَا، يَارْنِي-د عَاوذْ إِجّْ ن ؤُمذْيَا، مِينْزِي إِتّْغِيڒْ أَسنْ، ؤُمِي ثُوغَا د-إِقَارّبْ غَارْ ؤُرْشَالِيمْ، أَقَا ثَاڭلْذِيثْ ن أَربِّي أَذْ د-ثضْهَارْ ذغْيَا.
LUK 19:12 إِنَّا: ”إِجّْ ن بْنَاذمْ زِي ڒجْوَاذْ إِرُوحْ غَارْ إِشْثْ ن ثمُّورْثْ ثِيڭّْوجْ، حِيمَا أَذْ إِطّفْ ثَاڭلْذَا إِ يِيخفْ نّسْ، ؤُشَا [خنِّي] أَذْ د-إِذْوڒْ [أَوَارْنِي مَانْ أَيَا].
LUK 19:13 إِڒَاغَا-د إِعشْرَا ن إِمْسخَّارنْ نّسْ ؤُشَا إِوْشَا أَسنْعشْرَا ن ڒْمِينَاثْ ؤُشَا إِنَّا أَسنْ: ’ڭّمْ تِّيجَارَا أَڒْ د غَاعقْبغْ‘.
LUK 19:14 مَاشَا إِمزْذَاغْ ن ثنْذِينْثْ ثُوغَا شَارّْهنْ ث ؤُشَا سّكّنْ أَوَارْنِي أَسْ إِرقَّاسنْ، نَّانْ: ’وَارْ نخْسْ وَانِيثَا أَذْ يِيڒِي ذ أَجدْجِيذْ خَانغْ!‘
LUK 19:15 ؤُمِي د-إِعْقبْ أَوَارْنِي ڒَامِي ذ إِكْسِي ثَاڭلْذَا، يُومُورْ مَاحنْذْ أَذْ ڒَاغَانْ إِ إِمْسخَّارنْ نِّي ؤُمِي إِوْشَا نُّوقَارْثْ، حِيمَا أَذْ إِسّنْ أَرْبحْ إِ د-يِيوِي كُوڒْ إِجّنْ ذِي ثْسبَّابْثْ نّسْ.
LUK 19:16 يُوسَا-د ؤُمزْوَارْ، إِنَّا: ’[أَ] سِيذِي، ڒْمِينَا نّشْ ثِيوِي-دعشْرَا ڒْمِينَاثْ‘.
LUK 19:17 إِنَّا أَسْ: ’مْلِيحْ شكْ، [أَ] أَمْسخَّارْ أَصبْحَانْ، مِينْزِي ثُوغَا شكْ ذ أَمْثِيقِّي خْ ذْرُوسْ، أَذْ ثِيڒِيذْ ذ أَزدْجِيفْ خْعشْرَا ن ثْندَّامْ.‘
LUK 19:18 يُوسَا-د ونِّي وِيسّْ ثْنَاينْ، إِنَّا: ’[أَ] سِيذِي، ڒْمِينَا نّشْ ثِيوِي-د خمْسَا ڒْمِينَاثْ.‘
LUK 19:19 إِنَّا إِ وَانِيثَا عَاوذْ: ’ؤُڒَا ذ شكْ أَذْ ثِيڒِيذْ ذ أَزدْجِيفْ خْ خمْسَا ن ثْندَّامْ!‘
LUK 19:20 خنِّي يُوسَا-د ونّغْنِي، إِنَّا: ’أَ سِيذِي، خْزَارْ ڒْمِينَا نّشْ إِ ثُوغَا خمّْڒغْ ذڭْ [إِجّْ ن زِّيفْ ن] ڒقْطنْ.
LUK 19:21 مِينْزِي ڭّْوذغْ زَّايكْ، مِينْزِي شكْ ذ إِجّْ ن بْنَاذمْ ثْقسْحذْ. شكْ ثْكسِّيذْ مِينْ وَارْ ثسّْرُوسِيذْ ؤُ ثْمجَّارذْ مِينْ وَارْ ثْزَارْعذْ!‘
LUK 19:22 إِنَّا أَسْ: ’س ؤُقمُّومْ نّشْ أَذْ خَاكْ شَارّْعغْ، [أَ] أَمْسخَّارْ أَعفَّانْ! ثسّْنذْ بلِّي نشّْ ذ بْنَاذمْ إِقْسحْ، كسِّيغْ مِينْ وَارْ سّْرُوسِيغْ، مجَّارغْ مِينْ وَارْ زَارْعغْ.
LUK 19:23 مَايمِّي وَارْ ثسَّارْسذْ [تّْمنْيَاثْ ن] نُّوقَارْثْ إِنُو ذِي ڒْبَانْكُو؟ خنِّي خْمِي د غَا يَاسغْ، أَذْ ثنْثْ كْسِيغْ س لْفَايْذَا.‘
LUK 19:24 إِنَّا إِ يِينِّي ذِينْ إِبدّنْ أَكِيذسْ: ’كْسِيمْ خَاسْ ڒْمِينَا نّسْ، وْشمْ ت إِ ونِّي غَارْ إِدْجَاعشْرَا ن ڒْمِينَاثْ.‘ “
LUK 19:25 نَّانْ أَسْ: ’[أَ] سِيذِيثْنغْ، أَقَا غَارسْعشْرَا ن ڒْمِينَاثْ [عَاذْ]؟“
LUK 19:26 ”نتَّا إِنَّا أَسنْ: ’أَذْ أَومْ إِنِيغْ، بلِّي مَارَّا ونِّي غَارْ إِدْجَا، أَذْ أَسْ إِمّوْشْ، مَاشَا ونِّي وَارْ غَارْ إِدْجِي، أَذْ أَسْ إِتّْوَاكّسْ عَاذْ ؤُڒَا ذ مِينْ غَارسْ.
LUK 19:27 مَاشَا ڒْعذْيَانْ إِنُو إِنِّي وَارْ إِخْسنْ أَذْ خَاسنْ ذوْڒغْ ذ أَجدْجِيذْ، أَوْيمْ ثنْ-د ذَانِيثَا ؤُشَا غَارْصمْ أَسنْ زَّاثِي.‘ “
LUK 19:28 أَوَارْنِي ڒَامِي إِنَّا يَاسُوع مَانْ أَيَا، إِزْوَارْ أَسنْ ؤُشَا إِڭعّذْ غَارْ ؤُرْشَالِيمْ.
LUK 19:29 أَڒَامِي د-إِقَارّبْ غَارْ بَايْثْ-فَاجِي ذ بَايْثْ-عَانْيَا غَارْ ؤُغزْذِيسْ ن وذْرَارْ ؤُمِي قَّارنْ ’ثَادَّارْثْ ن زِّيثُونْ‘، إِسّكّْ ثْنَاينْ ن إِمحْضَارنْ نّسْ،
LUK 19:30 إِنَّا أَسنْ: ”رُوحمْ غَارْ ذْشَارْ إِ إِدْجَانْ غَارْ زَّاثْ نْومْ. خْزَارْ، خْمِي ذِينْ إِ غَا ثَاذْفمْ، أَذْ ثَافمْ إِجّْ ن وسْنُوسْ إِقّنْ، وَارْ خَاسْ إِنْيِي ؤُڒَا ذ إِجّْ ن بْنَاذمْ عَاذْ. فسْيمْ أَسْ ؤُشَا أَوْيمْ ث-إِ-د [ذَا].
LUK 19:31 مَاڒَا إِسّقْسَا كنِّيوْ شَا ن إِجّنْ: ’مَايمِّي ذ أَسْ ثْفسْيمْ؟‘، أَذْ أَسْ ثِينِيمْ أَمُّو: ’أَقَا سِيذِيثْنغْ إِحْوَاجْ إِ-ث!‘ “
LUK 19:32 إِنِّي د-إِتّْوَاسّكّنْ رُوحنْ ؤُشَا ؤُفِينْ [ث] أَمْ مَامّشْ ذ أَسنْ إِنَّا.
LUK 19:33 أَڒَامِي ذ فسْينْ إِ وسْنُوسْ، سّقْسَانْ ثنْ أَيْثْبَابْ نّسْ: ”مَايمِّي ثْفسّْيمْ إِ وسْنُوسْ؟“
LUK 19:34 نَّانْ أَسنْ: ”أَقَا سِيذِيثْنغْ إِحْوَاجْ إِ-ث!“
LUK 19:35 ؤُسِينْ-د زَّايسْ غَارْ يَاسُوع، نْضَارنْ أَرُّوضْ نْسنْ خْ وسْنُوسْ، سّنْينْ يَاسُوع خَاسْ.
LUK 19:36 أَمْ ثُوغَا إِڭُّورْ، سُّونْ نِيثْنِي أَبْرِيذْ س وَارُّوضْ نْسنْ.
LUK 19:37 ؤُمِي د-إِقَارّبْ غَارْ ثيْسَارْثْ [ن وذْرَارْ] ن ’ثَادَّارْثْ ن زِّيثُونْ‘، إِبْذَا ڒْغَاشِي ن إِمحْضَارنْ مَارَّا أَذْ فَارْحنْ، تّْسبَّاحنْ أَربِّي س إِشْثْ ن ثْمِيجَّا ثجْهذْ أَطَّاسْ خْ سِّيبّثْ ن لْمُوعْجِيزَاثْ ثِيمقّْرَانِينْ نِّي ثُوغَا ژْرِينْ.
LUK 19:38 نِيثْنِي نَّانْ: ”لْبَارَاكَا إِ ؤُجدْجِيذْ إِ د-يُوسِينْ س يِيسمْ ن سِيذِي! ڒهْنَا ذڭْ ؤُجنَّا ذ ؤُعُودْجِي ذِي ڒُوعْڒَا خْ ڒُوعْڒَا قَاعْ!“
LUK 19:39 مَاشَا شَا ن إِفَارِيسِييّنْ جَارْ ڒْغَاشِي نَّانْ أَسْ: ”[أَ] أَمْسڒْمَاذْ إِنُو، وبّخْ إِمحْضَارنْ نّشْ!“
LUK 19:40 إِنَّا أَسنْ: ”أَذْ أَومْ إِنِيغْ، مَاڒَا سْقَارنْ إِنَا، خنِّي أَذْ ڒَاغَانْ يژْرَا.“
LUK 19:41 أَڒَامِي د-إِقَارّبْ ؤُشَا إِژْرَا ثَانْذِينْثْ، إِرُو خَاسْ،
LUK 19:42 إِنَّا: ”مْڒِي ثْفهْمذْ مِينْ ذ أَمْ د غَا يَاوْينْ ڒهْنَا نّمْ، عَاذْ ذڭْ وَاسّْ-أَ نّمْ! مَاشَا ڒخُّو أَقَا مَانْ أَيَا إِنُوفَّارْ خْ ثِيطَّاوِينْ نّمْ.
LUK 19:43 أَقَا أَذْ غَارمْ د-أَسنْ وُوسَّانْ إِ ذ أَمْ د غَا قُووَّارنْ ڒْعذْيَانْ نّمْ ؤُ أَذْ شمْ حْصَارنْ زِي مَارَّا إِغزْذِيسنْ.
LUK 19:44 أَذْ شمْ أَردّْدْجنْ، شمْ ذ ثَارْوَا نّمْ أَكِيذمْ، وَارْ ذَايمْ تّجِّينْ أَژْرُو إِبدّْ خْ وژْرُو نّغْنِي، مِينْزِي وَارْ ثفْثِينذْ إِ ڒْوقْثْ ن وَارْزفْ [ن أَربِّي] غَارمْ.“
LUK 19:45 ؤُمِي يُوذفْ غَارْ زَّاوشْثْ ثَامقّْرَانْثْ، إِبْذَا إِسُّوفُّوغْ إِنِّي إِ ثُوغَا إِسَّاغنْ ؤُ إِزّْنُوزَانْ ذَايسْ.
LUK 19:46 إِنَّا أَسنْ: ”أَقَا ثُورَا: ’ثَادَّارْثْ إِنُو ذ ثَادَّارْثْ ن ثْژَادْجِيثْ!‘، مَاشَا كنِّيوْ ثَارِّيمْ ت ذ إِجّْ ن إِفْرِي ن إِشفَّارنْ!“
LUK 19:47 ثُوغَا إِسّڒْمَاذْ مَارَّا ؤُسَّانْ ذِي زَّاوشْثْ ثَامقّْرَانْثْ، مَاشَا إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ ذ إِمْغَارنْ ن ڒْڭنْسْ ثُوغَا أَرزُّونْ حِيمَا أَذْ ث نْغنْ.
LUK 19:48 [مَاشَا] وَارْ ؤُفِينْ مِينْ خَاسْ غَا ڭّنْ، مِينْزِي مَارَّا إِوْذَانْ ثُوغَا ڒصْقنْ ذَايسْ، تّسْڒَانْ غَارسْ.
LUK 20:1 ذڭْ إِجّْ زڭْ وُوسَّانْ نِّي، أَمْ ثُوغَا نتَّا إِسّڒْمَاذْ ڒْڭنْسْ ذِي زَّاوشْثْ ثَامقّْرَانْثْ، إِتّْبَارّحْ س ڒخْبَارْ أَصبْحَانْ، [خنِّي]غوّْغنْ خَاسْ إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ أَكْ-ذ إِمْغَارنْ [ن ڒْڭنْسْ].
LUK 20:2 سِّيوْڒنْ أَكِيذسْ، نَّانْ: ”إِنِي أَنغْ، س مَانْ تّسْرِيحْ إِ ثتّڭّذْ أَيَا، نِيغْ مَانْ ونْ إِ ذ أَشْ إِوْشِينْ تّسْرِيحْ-أَ؟“
LUK 20:3 يَارَّا-د يَاسُوع، إِنَّا أَسنْ: ”ؤُڒَا ذ نشّْ أَذْ كنِّيوْ سّقْسِيغْ إِجّْ ن ؤُسقْسِي. إِنِيمْ أَيِي:
LUK 20:4 مَا أَسغْضصْ ن يُوحَانَّا زڭْ ؤُجنَّا نِيغْ زڭْ إِوْذَانْ؟“
LUK 20:5 مْشَاوَارنْ جَارْ أَسنْ، نَّانْ: ”مَاڒَا ننَّا: ’زڭْ ؤُجنَّا!‘، أَذْ يِينِي: ’مَايمِّي خنِّي وَارْ زَّايسْ ثُومِينمْ؟‘
LUK 20:6 مَاڒَا ننَّا: ’زڭْ إِوْذَانْ!‘، أَذْ أَنغْ يَارْجمْ مَارَّا ڒْڭنْسْ، مِينْزِي نِيثْنِي تّْوَاسّْقنْعنْ بلِّي يُوحَانَّا ذ أَنَابِي.“
LUK 20:7 نَّانْ أَسْ: ”نشِّينْ وَارْ نسِّينْ زِي مَانِيسْ!“
LUK 20:8 [خنِّي] إِنَّا أَسنْ يَاسُوع: ”خنِّي ؤُڒَا ذ نشّْ وَارْ ذ أَومْ قَّارغْ س مَانْ تّسْرِيحْ إِ تّڭّغْ أَيَا!“
LUK 20:9 إِبْذَا إِتّْعَاوَاذْ إِ ڒْڭنْسْ أَمذْيَا-يَا: ”إِجّْ ن بْنَاذمْ إِڭَّا إِجّْ ن ؤُمَارْجعْ ن ؤُضِيڒْ، إِژُّو ذَايسْ ثِيزَايَارِينْ، إِشْرَا أَمَارْجعْ إِ إِخمَّاسنْ، ؤُشَا إِسَافَارْ إِجّْ ن ڒْمِيجَاڒْ ن ڒْوقْثْ ذ أَزِيرَارْ.
LUK 20:10 أَڒَامِي د-يِيوضْ ڒْحَاڒْ، إِسّكّْ إِجّْ ن ؤُمْسخَّارْ غَارْ إِخمَّاسنْ حِيمَا أَذْ أَسْ وْشنْ زڭْ ؤُضِيڒْ ن ؤُمَارْجعْ. وْثِينْ ث إِخمَّاسنْ [نِّي] ؤُشَا سّكّنْ ث-إِ-د إِخْوَا.
LUK 20:11 خنِّي إِسّكّْ عَاوذْ إِجّْ ن ؤُمْسخَّارْ نّغْنِي، وْثِينْ ث عَاوذْ، ذدْجنْ ث، خنِّي سكّنْ ث-إِ-د إِخْوَا.
LUK 20:12 إِسّكّْ عَاوذْ [أَمْسخَّارْ] وِيسّْ ثْڒَاثَا، مَاشَا نِيثْنِي سّْيزْمنْ ث عَاوذْ ؤُشَا نْضَارنْ ث غَارْ بَارَّا.
LUK 20:13 إِنَّا بَابْ ن ؤُمَارْجعْ ن ؤُضِيڒْ: ’مِينْ غَا ڭّغْ؟ أَذْ سّكّغْ مِّي إِعِيزّنْ. خْمِي ث غَا ژَترنْ، أَذْ ث وقَّارنْ نِيشَانْ.‘
LUK 20:14 ؤُمِي ث ژْرِينْ إِخمَّاسنْ، مْشَاوَارنْ جَارْ أَسنْ، نَّانْ: ’أَقَا ذ وَا ذ أَوْرِيثْ. زِيذْ أَذْ ث نّغْ، حِيمَا أَذْ غَارْنغْ د-إِذْوڒْ ڒْوَارْثْ.‘
LUK 20:15 مّنْضَارنْ ث بَارَّا إِ ؤُمَارْجعْ ن ؤُضِيڒْ ؤُشَا نْغِينْ ث. مِينْ زَّايْسنْ إِ غَا يڭّْ خنِّي بَابْ ن ؤُمَارْجعْ ن ؤُضِيڒْ؟
LUK 20:16 أَذْ د-يَاسْ، أَذْ إِنغْ إِخمَّاسنْ نِّي، ؤُشَا أَذْ إِوْشْ أَمَارْجعْ ن ؤُضِيڒْ إِ إِنّغْنِي.“ ؤُمِي سْڒِينْ أَيَا، نَّانْ أَسْ: ”عمَّارْصْ!“
LUK 20:17 مَاشَا نتَّا إِخْزَارْ غَارْسنْ، إِنَّا: ”مِينْ إِخْسْ أَذْ يِينِي خنِّي [وَاوَاڒْ-أَ] إِ يُورَانْ: ’أَژْرُو إِ ثُوغَا إِعِيفّنْ إِبنَّاينْ، أَقَا إِذْوڒْ ذ أَژْرُو ن ؤُزدْجِيفْ ن ثغْمَارْثْ!
LUK 20:18 مَارَّا وِي غَا إِوْضَانْ خْ وژْرُو-يَا، أَذْ إِفَارْثكْ، ؤُ ونِّي خفْ إِ غَا إِوْضَا، أَذْ ث إِڒْبزْ‘؟“
LUK 20:19 أَرزُّونْ إِمْسڒْمَاذنْ ن إِذْلِيسنْ ذ إِمقّْرَاننْ ن إِكهَّاننْ أَذْ خَاسْ سَّارْسنْ إِفَاسّنْ ذِي ثْسَاعّثْ نِّي، مَاشَا نِيثْنِي ڭّْوذنْ زڭْ إِوْذَانْ، مِينْزِي سّْننْ بلِّي نتَّا إِنَّا أَمذْيَا-يَا خَاسنْ.
LUK 20:20 حْضَانْ ث ؤُشَا سّكّنْ إِبرْڭَاڭنْ إِنِّي إِڭِّينْ إِخفْ نْسنْ أَمشْنَاوْ إِمْسڭَّاذنْ، حِيمَا أَذْ أَسْ ڭّنْ إِجّْ ن ڒْفخْ ذِي سِّيبّثْ ن إِجّْ ن وَاوَاڒْ، مَاحنْذْ أَذْ ث سلّْمنْ إِ ڒْقَاضِي ذ جّهْذْ ن لْعَامِيلْ.
LUK 20:21 سّقْسَانْ ث، نَّانْ: ”[أَ] أَمْسغَّارْ، نسّنْ بلِّي شكْ ثسَّاوَاڒذْ ؤُ ثسّڒْمَاذذْ نِيشَانْ، وَارْ ثتّڭّذْ شَا س وُوذْمَاونْ ؤُ ثسّڒْمَاذذْ أَبْرِيذْ ن أَربِّي س ثِيذتّْ.
LUK 20:22 مَا إِحدْجڒْ أَنغْ أَذْ نوْشْ ڒعْشُورْ إِ كُوڒْ  إِجّنْ ؤُزدْجِيفْ إِ قَايْصَارْ نِيغْ لَّا؟“
LUK 20:23 يُوشَا س ثحْرَايْمشْثْ نْسنْ ؤُشَا إِنَّا أَسنْ: ”مَايمِّي ذ أَيِي ثتّْجَارَّابمْ؟
LUK 20:24 سشْنمْ أَيِي-د ذِينَارْ. وِي يِيڒَانْ ثَاصْوِيرْثْ-أَ ذ ثِيرَا-يَا؟“ نَّانْ أَسْ: ”ن قَايْصَارْ!“
LUK 20:25 [خَاسْ ؤُشَا] إِنَّا أَسنْ يَاسُوع: ”وْشمْ خنِّي إِ قَايْصَارْ مِينْ إِدْجَانْ إِ قَايْصَارْ ؤُ إِ أَربِّي مِينْ إِدْجَانْ إِ أَربِّي!“
LUK 20:26 وَارْ زمَّارنْ أَذْ ث طّْفنْ س وَاوَاڒْ نّسْ قِيبَاتْشْ إِ إِوْذَانْ، [مَاشَا] قِّيمنْ تّْبهْثنْ س ثمْوَارِّيثْ نّسْ ؤُشَا سّغْذنْ.
LUK 20:27 ؤُسِينْ-د شَا زڭْ إِصَاذُوقِييّنْ إِنِّي إِقَّارنْ، وَارْ ذِينْ بُو ثْنُوكْرَا [زِي ڒْموْثْ]. سّقْسَانْ ث،
LUK 20:28 نَّانْ أَسْ: ”[أَ] أَمْسغَّارْ، يُورَا أَنغْ مُوسَا، مَاڒَا إِمُّوثْ إِ ورْيَازْ ؤُمَاسْ إِ غَارْ إِدْجَا ثَامْغَارْثْ ؤُشَا إِمُّوثْ بْڒَا إِحنْجِيرنْ، خنِّي أَذْ يَاوِي ؤُمَاسْ ثَامْغَارْثْ نِّي، مَاحنْذْ أَذْ د-يجّْ أَحنْجِيرْ إِ ؤُمَاسْ.
LUK 20:29 ثُوغَا ذِينْ سبْعَا ن وَاوْمَاثنْ. أَمزْوَارْ يِيوِي إِشْثْ ن ثمْغَارْثْ، [مَاشَا] إِمُّوثْ بْڒَا إِحنْجِيرنْ.
LUK 20:30 يِيوِي ونِّي ذ وِيسّْ ثْنَاينْ ثَامْغَارْثْ نِّي ؤُشَا ؤُڒَا ذ نتَّا إِمُّوثْ بْڒَا إِحنْجِيرنْ.
LUK 20:31 خنِّي ونِّي ذ وِيسّْ ثْڒَاثَا يِيوِي ثَامْغَارْثْ نِّي ؤُشَا أَمُّو إِنّغْنِي أَڒْ وِيسّْ سبْعَا. مُّوثنْ نِيثْنِي [مَارَّا إِذْسنْ]، وَارْ د-جِّينْ شَا إِحنْجِيرنْ.
LUK 20:32 غَارْ ؤُنڭَّارْ ثمُّوثْ ثمْغَارْثْ عَاوذْ.
LUK 20:33 ذِي ثْنُوكْرَا إِ مَانْ ونْ زَّايْسنْ إِ غَا ثِيڒِي ذ ثَامْغَارْثْ؟ مِينْزِي مَارَّا سبْعَا نِّي إِوْينْ ت [ذ ثَامْغَارْثْ]!“
LUK 20:34 إِنَّا أَسنْ يَاسُوع: ”أَيْثْ ن دُّونشْثْ-أَ إِوْينْ ثِيمْغَارِينْ، ؤُ ثِيمْغَارِينْ تّْوَاسّْمدْجَاشنْثْ إِ يرْيَازنْ.
LUK 20:35 مَاشَا إِنِّي إِتّْوَاحسْبنْ سْذَاهدْجنْ أَذْ أَوْضنْ غَارْ دُّونشْثْ نِّي ؤُ غَارْ ثْنُوكْرَا زِي ثَادَّارْثْ ن إِمتِّيننْ، وَارْ تِّيوْينْ ثِيمْغَارِينْ، ؤُ ثِيمْغَارِينْ وَارْ تِّيڒِينْثْ إِ يرْيَازنْ.
LUK 20:36 مَاغَارْ وَارْ زمَّارنْ عَاذْ أَذْ مّْثنْ، مِينْزِي نِيثْنِي أَمْ لْمَالَاكَاثْ ؤُ نِيثْنِي ذ ثَارْوَا ن أَربِّي، مِينْزِي نِيثْنِي ذوْڒنْ ذ ثَارْوَا ن ثْنُوكْرَا.
LUK 20:37 مَاشَا زِي جِّيهثْ ن إِمتِّيننْ أَذْ تّْوَاسّْنكَّارنْ، ثُوغَا إِسّْبيَّانْ مُوسَا عَاوذْ ؤُمِي إِحَاجَا خْ شْبَارْقْ أَكْ-ذ إِسنَّاننْ، أَقَا سِيذِي إِنَّا: ’[نشّْ] ذ أَربِّي ن إِبْرَاهِيمْ ذ أَربِّي ن إِسْحَاقْ ذ أَربِّي ن يَاعْقُوبْ.‘
LUK 20:38 نتَّا وَارْ إِدْجِي شَا ذ أَربِّي ن إِمتِّيننْ، مَاشَا ن يِينِّي إِدَّارنْ، مِينْزِي غَارسْ نتَّا نِيثْنِي مَارَّا دَّارنْ.“
LUK 20:39 أَرِّينْ-د شَا زڭْ إِمْسڒْمَاذنْ ن إِذْلِيسنْ، نَّانْ: ”[أَ] أَمْسغَّارْ، ثسِّيوْڒذْ مْلِيحْ أَطَّاسْ!“
LUK 20:40 ؤُشَا وَارْ زْعِيمنْ عَاذْ أَذْ ث سّقْسَانْ خْ شَا.
LUK 20:41 إِنَّا أَسنْ: ”مَامّشْ زمَّارنْ إِمْسڒْمَاذنْ ن إِذْلِيسنْ أَذْ إِنِينْ بلِّي لْمَاسِيحْ ذ مِّيسْ ن ذَاوُوذْ؟
LUK 20:42 ذَاوُوذْ [سِيمَانْثْ نّسْ] إِقَّارْ ذڭْ وذْلِيسْ ن إِزهِّيذنْ: ’سِيذِي إِنَّا إِ سِيذِي إِنُو: قِّيمْ خْ ؤُفُوسِي إِنُو،
LUK 20:43 أَڒْ ذ غَا سَّارْسغْ ڒْعذْيَانْ نّشْ سَاذُو إِضَارنْ نّشْ.‘
LUK 20:44 مَاڒَا ذَاوُوذْ إِسمَّا ث ’سِيذِي‘، مَامّشْ غَا يِيڒِي نتَّا ذ مِّيسْ؟“
LUK 20:45 أَمْ ثُوغَا مَارَّا إِوْذَانْ [زمَّارنْ] أَذْ سْڒنْ، إِنَّا إِ إِمحْضَارنْ نّسْ:
LUK 20:46 ”حْضَامْ إِخفْ نْومْ زڭْ إِمْسڒْمَاذنْ ن إِذْلِيسنْ إِنِّي إِتّخْسنْ أَذْ ؤُيُورنْ س إِجدْجَابنْ إِزِيرَارنْ، إِنِّي ؤُمِي إِتّعْجِيبْ أَسنْ أَذْ خَاسنْ سدْجْمنْ إِوْذَانْ ذِي ڒسْوَاقْ ؤُ أَذْ قِّيمنْ خْ ڒكْرَاسِي إِصبْحنْ ذِي ثمْزِيذَاوِينْ ؤُ خْ إِمُوشَانْ إِمزْوُورَا غَارْ إِمنْسِيونْ.
LUK 20:47 نِيثْنِي تّتّنْ ثُوذْرِينْ ن ثِيجَّاڒْ أَمْ تّتَّارنْ ثِيوْهِيبِينْ ذِي طّْوعْ ن ثْژَادْجَاثِينْ نْسنْ ثِيزِيرَارِينْ. أَقَا إِنَا أَذْ كْسِينْ إِجّْ ن ڒْحُوكْمْ إِقْسحْ.“
LUK 21:1 خنِّي إِسْوضْ يَاسُوع غَارْ أَيْثْبَابْ ن وَاڭْڒَا سّْرُوسَانْ صّْذَاقِي نْسنْ ذِي سّنْذُوقْ.
LUK 21:2 إِژْرَا عَاوذْ إِشْثْ ن ثَاجَّاتْشْ ثَامزْڒُوضْثْ ثسَّارْسْ ذَايسْ ثْنَاينْ ن [ؤُقِييَّاثْ، سمَّانْ ثنْثْ] ’شَامُونَاثْ‘.
LUK 21:3 إِنَّا أَسنْ: ”س ثِيذتّْ، نشّْ أَذْ أَومْ إِنِيغْ، أَقَا ثَاجَّاتْشْ-أَ ڒْمسْكِينَا ثنْضَارْ [ذَايسْ] كْثَارْ زَّايْسنْ مَارَّا.
LUK 21:4 مِينْزِي مَارَّا نِيثْنِي نْضَارنْ زِي زِّييَاذَا ن وَاڭْڒَا نْسنْ [إِشْثْ ن صّذْقثْ] ذڭْ وخَّامْ ن صّْذَاقِي ن أَربِّي، مَاشَا نتَّاثْ زِي ڒخْصصْ نّسْ أَقَا ثنْضَارْ ذَايسْ مَارَّا مِينْ غَارسْ.“
LUK 21:5 أَڒَامِي ثُوغَا شَا [ن إِوْذَانْ] سَّاوَاڒنْ خْ زَّاوشْثْ ثَامقّْرَانْثْ، ثنِّي ثْزوّقْ س إِژْرَا إِصبْحنْ ذ صّْذَاقِي، إِنَّا أَسنْ يَاسُوع:
LUK 21:6 ”مَا ثتّْوَاڒَامْ ثِيمسْڒَايِينْ-أَ؟ أَذْ د-أَسنْ وُوسَّانْ وَارْ إِتّْغِيمِي ؤُڒَا ذ إِجّْ ن وژْرُو خْ وژْرُو نّغْنِي إِ وَارْ إِتَّاردّْدْجنْ.“
LUK 21:7 سّقْسَانْ ث، نَّانْ: ”[أَ] أَمْسغَّارْ، مڒْمِي إِ غَا يِيڒِي ؤُيَا ذ مَانْ ڒعْڒَامثْ أَقَا ثِيمسْڒَايِينْ-أَ ؤُذْسنْثْ-إِ-د؟“
LUK 21:8 إِنَّا أَسنْ: ”عسّمْ، وَارْ ثتّْوَاغَارّمْ، مِينْزِي أَطَّاسْ أَذْ د-أَسنْ س يِيسمْ إِنُو، أَذْ إِنِينْ: ’أَقَا نشّْ ذ لْمَاسِيحْ!‘ ؤُ: ’ڒْْوقْثْ أَقَا ثِيوضْ-د!‘، مَاشَا وَارْ ڭُّورمْ أَوَارْنِي أَسنْ.
LUK 21:9 مَاڒَا ثسْڒِيمْ خْ ڒْبَارُوضْ ذ إِغوّْغنْ، وَارْ تّْنخْڒِيعمْ شَا، مِينْزِي س ؤُغِيڒْ أَذْ يِيڒِي ؤُيَا ذ أَمزْوَارْ، مَاشَا وَارْ إِتِّيڒِي عَاذْ ذغْيَا ؤُنڭَّارْ.
LUK 21:10 مَاغَارْ إِجّْ ن ڒْڭنْسْ أَذْ د-إِڭعّذْ ضِيدّْ ن إِجّْ ن ڒْڭنْسْ [نّغْنِي] ؤُ إِشْثْ ن ثْڭلْذِيثْ ضِيدّْ ن إِشْثْ ن ثْڭلْذِيثْ [نّغْنِيثْ].
LUK 21:11 أَذْ إِڒِينْ إِنْهزِّييّنْ ن ثمُّورْثْ مْغَارنْ ذِي عْڒَامْ كُوڒْ إِمُوشَانْ ذ ڒَاژْ ذ جّْرَايحْ ذ ثِيڭّْوُوذِي ذ ؤُسْنخْڒِيعْ. ؤُشَا أَذْ د-بَاننْثْ ڒعْڒَامَاثْ مْغَارنْثْ زڭْ ؤُجنَّا ؤُ أَذْ ذِينْ إِڒِينْثْ ثْحَارْيَاضِينْ إِجهْذنْ.
LUK 21:12 مَاشَا قْبڒْ مَانْ أَيَا مَارَّا أَذْ خَاومْ سَّارْسنْ إِفَاسّنْ، أَذْ كنِّيوْ سلّْمنْ غَارْ ثمْزِيذَاوِينْ ذ ڒحْبُوسَاثْ، ؤُشَا أَذْ كنِّيوْ نذْهنْ زَّاثْ إِ إِجدْجِيذنْ ذ ڒْحُوكَّامْ خْ سِّيبّثْ ن يِيسمْ إِنُو.
LUK 21:13 مَاشَا مَانْ أَيَا أَذْ يَارَّا كنِّيوْ أَذْ ثْشهْذمْ.
LUK 21:14 ڭّمْ ذڭْ وُوڒَاونْ نْومْ مَاحنْذْ وَارْ [ثَارزُّومْ] أَذْ ثْڒمْذمْ مَامّشْ إِ د غَا ثَارّمْ.
LUK 21:15 مِينْزِي نشّْ أَذْ أَومْ وْشغْ أَقمُّومْ ذ ثِيغِيثْ إِ وَارْ زمَّارنْ أَذْ ثنْ سّْبدّنْ مَارَّا ڒْعذْيَانْ نْومْ.
LUK 21:16 أَذْ كنِّيوْ سلّْممْ لْوَالِيذِينْ نْومْ ذ ثَاوْمَاثْ نْومْ ذ ڒَادْجْ نْومْ ذ إِمدُّوكَّاڒْ نْومْ ؤُشَا أَذْ نْغنْ شَا زَّايْومْ،
LUK 21:17 ؤُ كنِّيوْ أَذْ ثتّْوَاشَارْهمْ زِي مَارَّا س سِّيبّثْ ن يِيسمْ إِنُو.
LUK 21:18 [وَاخَّا أَمنِّي] ؤُڒَا ذ إِجّْ ن ؤُژطُّو [ن ؤُشُووَّافْ] ن ؤُزدْجِيفْ نْومْ وَارْ إِتّْودَّارِي شَا،
LUK 21:19 مَاشَا س صّْبَارْ نْومْ أَذْ ثَاربْحمْ ڒعْمُورْ نْومْ.“
LUK 21:20 ”خْمِي غَا ثْژَارمْ ؤُرْشَالِيمْ أَقَا إِنّضْ أَسْ-د ڒْعسْكَارْ، خنِّي سْنمْ بلِّي أَقَا إِقَارّبْ-د وَاردّدْجْ نّسْ.
LUK 21:21 خنِّي إِتّْخصَّا أَذْ أَروْڒنْ إِنِّي إِدْجَانْ ذِي يَاهُوذِييَّا غَارْ إِذُورَارْ، أجّْ إِنِّي إِدْجَانْ ذِي ڒْوسْطْ نّسْ أَذْ زَّايسْ فّْغنْ، أَذْ أَروْڒنْ، ذ يِينِّي إِدْجَانْ ذِي ذْشُورَاثْ، وَارْ ت تِّيذْفنْ،
LUK 21:22 مِينْزِي إِنَا ذ ؤُسَّانْ ن نّقْمثْ حِيمَا أَذْ إِتّْوَاكمّڒْ مَارَّا مِينْ يُورِينْ.
LUK 21:23 ؤُشْثْ خْ ثمْغَارِينْ نِّي س دّيْسثْ ذ ثِينِّي إِسُّوطُّوضنْ ذڭْ وُوسَّانْ نِّي، مِينْزِي أَذْ ذِينْ ثِيڒِي ڒْمحْنثْ ذ ثَامقّْرَانْثْ خْ ثمُّورْثْ ذ وغْضَابْ خْ ڒْڭنْسْ-أَ.
LUK 21:24 نِيثْنِي أَذْ وْضَانْ س ڒقْضعْ ن سِّيفْ، أَذْ تّْوَاحبّْسنْ أَمْ تّْوَانذْهنْ جَارْ مَارَّا ڒڭْنُوسْ، ؤُشَا ؤُرْشَالِيمْ أَذْ خَاسْعفْسنْ ڒڭْنُوسْ أَڒْ غَا كمّْڒنْثْ زّْمَانَاثْ ن ڒڭْنُوسْ.“
LUK 21:25 ”أَذْ ذِينْ إِڒِينْثْ ڒعْڒَامَاثْ ذِي ثْفُوشْثْ، ذِي ثْزِيرِي ؤُ ذڭْ إِثْرَانْ، ؤُشَا خْ ثمُّورْثْ [أَذْ ذِينْ ثِيڒِي] ڒْمحْنثْ ذِي ڒڭْنُوسْ، أَڒْ ذ أَسنْ إِودَّارْ مِينْ غَا ڭّنْ زڭْ ؤُنخْڒِيعْ ن زّْهِيرْ أَمقّْرَانْ ن ڒبْحَارْ،
LUK 21:26 ؤُ [زڭْ] ونْهزِّي ن ثمُّورْثْ ذ أَمقّْرَانْ أَذْ إِسّْنخْڒِيعْ ڒعْمَارْ ن إِوْذَانْ زِي ثِيڭّْوُوذِي زِي مِينْ إِ د غَا يَاسنْ خْ ثمُّورْثْ، ؤُ صُّولَاطَاثْ ن إِجنْوَانْ أَذْ تّْوَانْهزّنْثْ.
LUK 21:27 ڒخْذنِّي أَذْ ژَترنْ مِّيسْ ن بْنَاذمْ، خْمِي د غَا يَاسْ ذڭْ إِسيْنُوثنْ، س جّهْذْ ذ ؤُعُودْجِي أَطَّاسْ.
LUK 21:28 خْمِي غَا بْذَانْثْ ثْمسْڒَايِينْ-أَ، ڭّمْ ثَارْيَاسْثْ، سْڭعّْذمْ إِزدْجِيفنْ نْومْ مِينْزِي أَسنْجمْ نْومْ أَقَا يِيوضْ-د.“
LUK 21:29 إِعَاوذْ أَسنْ إِجّْ ن ؤُمذْيَا: ”خْزَارمْ غَارْ وَارْثُو ن ثَازَارْثْ ؤُ غَارْ مَارَّا ثِيشجُّورَا.
LUK 21:30 خْمِي غَا سّْنضْينْثْ، أَذْ ثسّْنمْ س مَانْ أَيَا أَقَا أَنبْذُو يِيوضْ-د.
LUK 21:31 أَمُّو [إِتّْخصَّا] عَاوذْ كنِّيوْ، خْمِي غَا ثتّْوَاڒَامْ ثِيمسْڒَايِينْ-أَ تّمْسَارَانْثْ، سْنمْ [خنِّي] بلِّي ثَاڭلْذِيثْ ن أَربِّي ثُوذسْ-د.
LUK 21:32 س ثِيذتّْ أَذْ أَومْ إِنِيغْ، أَقَا وَارْ إِعدُّو جِّيڒْ-أَ أَڒْ غَا يِيڒِي ؤُيَا كُوڒْشِي.
LUK 21:33 أَجنَّا ذ ثمُّورْثْ أَذْعدُّونْ، [مَاشَا] أَوَاڒنْ إِنُو وَارْعدُّونْعمَّارْصْ.
LUK 21:34 حْضَامْ إِخفْ نْومْ حِيمَا وَارْ تّضْقِيڒنْ وُوڒَاونْ نْومْ زڭْ ؤُفُوشّحْ ذ وسْشَارْ ذ إِمُونَاسْ ن دُّونشْثْ-أَ، ؤُ وَارْ خَاومْ د-إِوْضِي وَاسّْ نِّي ذغْيَا.
LUK 21:35 مِينْزِي أَذْ د-يَاسْ [أَسّْ نِّي] أَمْ ڒْفخْ خْ مَارَّا إِنِّي إِقِّيمنْ خْ ؤُغمْبُوبْ ن ثمُّورْثْ.
LUK 21:36 حْضَامْ خنِّي ڒبْذَا، ژَتدْجمْ حِيمَا أَذْ ثِيڒِيمْ ثسْذَاهدْجمْ مَاحنْذْ أَذْ ثْنجْممْ زِي مَارَّا مِينْ غَا إِمْسَارنْ، ؤُشَا أَذْ ثْبدّمْ زَّاثْ إِ مِّيسْ ن بْنَاذمْ.“
LUK 21:37 س ؤُزِيڒْ ثُوغَا إِسّڒْمَاذْ ذِي زَّاوشْثْ ثَامقّْرَانْثْ، [مَاشَا] س دْجِيڒثْ ثُوغَا إِتّفّغْ، إِتّْغِيمَا إِتّْنُوسَا خْ وذْرَارْ ؤُمِي قَّارنْ: ’ثَادَّارْثْ ن زِّيثُونْ‘.
LUK 21:38 ذِي صّْبحْ زِيشْ ثُوغَا مَارَّا إِوْذَانْ تَّاسنْ-د غَارسْ ذِي زَّاوشْثْ ثَامقّْرَانْثْ حِيمَا أَذْ سْڒنْ أَوَاڒْ نّسْ.
LUK 22:1 إِقَارّبْ-د ڒْعِيذْ ن [وغْرُومْ] بْڒَا أَنْثُونْ ؤُمِي قَّارنْ [ڒْعِيذْ ن] [ثَاغَارْصْثْ ن] ؤُسعْذُو.
LUK 22:2 ثُوغَا إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ أَرزُّونْ إِشْثْ ن ثوَّارْثْ، حِيمَا أَذْ ث نْغنْ، مَاشَا نِيثْنِي ڭّْوذنْ زڭْ إِوْذَانْ.
LUK 22:3 [خنِّي] يُوذفْ شِّيطَانْ ذِي يَاهُوذَا ونِّي ؤُمِي قَّارنْ إِسْخَارِييُوطِي. نتَّا ثُوغَا ذ إِجّنْ زِي ثنْعَاشْ [ن إِمحْضَارنْ].
LUK 22:4 إِرُوحْ، إِسِّيوڒْ أَكْ-ذ إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ ذ إِمْڭوَّاذنْ ن إِعسَّاسنْ ن زَّاوشْثْ ثَامقّْرَانْثْ مَامّشْ ث إِ غَا إِسلّمْ إِ نِيثْنِي.
LUK 22:5 فَارْحنْ ؤُشَا تَّافْقنْ أَذْ أَسْ وْشنْ [ثِينْعَاشِينْ ن] نُّوقَارْثْ.
LUK 22:6 نتَّا إِوْشَا أَسنْ أَوَاڒْ ؤُشَا يَارْزُو إِشْثْ ن ثوَّارْثْ، حِيمَا أَذْ أَسنْ ث إِسلّمْ بَارَّا إِ ڒْغَاشِي.
LUK 22:7 يِيوضْ-د وَاسّْ ن [وغْرُومْ] بْڒَا أَنْثُونْ إِ ذِي ثُوغَا إِتّْخصَّا أَذْ ثتّْوَاغَارْصْ إِ [ثْغَارْصْثْ ن] ؤُسعْذُو.
LUK 22:8 يَاسُوع إِسّكّْ-د بُوطْرُوسْ ذ يُوحَانَّا، إِنَّا [أَسنْ]: ”رُوحمْ، ثسّْوجْذمْ أَنغْ إِ [ؤُمنْسِي ن] ؤُسعْذُو حِيمَا أَذْ نشّْ.“
LUK 22:9 نَّانْ أَسْ: ”مَانِي ثخْسذْ أَذْ نسّوْجذْ؟“
LUK 22:10 إِنَّا أَسنْ: ”خْزَارْ، خْمِي غَا ثَاذْفمْ غَارْ ثنْذِينْثْ أَذْ كنِّيوْ إِڒْقَا إِجّْ ن ورْيَازْ، يَارْبُو إِشْثْ ن ثقْبُوشْثْ ن وَامَانْ. ضْفَارمْ ث!
LUK 22:11 إِنِيمْ إِ بَابْ ن ثَادَّارْثْ: ’أَمْسڒْمَاذْ نّغْ إِسّقْسَا: مَانِي إِدْجَا وخَّامْ ن إِنوْجِيونْ إِ ذِي إِ غَا شّغْ [ؤُمنْسِي ن] ؤُسعْذُو أَكْ-ذ إِمحْضَارنْ إِنُو؟‘
LUK 22:12 نتَّا أَذْ أَومْ إِسّْشنْ إِشْثْ ن ثْغُورْفثْ ثْمِيرِيوْثْ سنّجْ، يسُّو [س إِبَايَاسنْ]. سْوجْذمْ ذِينْ [كُوڒْشِي]!“
LUK 22:13 نِيثْنِي رُوحنْ، ؤُفِينْ [مَارَّا] أَمْ مَامّشْ ثُوغَا ذ أَسنْ إِنَّا ؤُشَا سّْوجْذنْ إِ [ؤُمنْسِي ن] ؤُسعْذُو.
LUK 22:14 ؤُمِي د-ثِيوضْ ثْسَاعّثْ، يُوسَا-د يَاسُوع، إِقِّيمْ [غَارْ طَّابْڒَا] ذ ثنْعَاشْ ن رُّوسُولْ أَكِيذسْ.
LUK 22:15 إِنَّا أَسنْ: ”نشّْ ثُوغَا وحّْشغْ أَطَّاسْ أَذْ شّغْ [أَمنْسِي-يَا ن] ؤُسعْذُو أَكِيذْومْ قْبڒْ إِ غَا ودّْبغْ.
LUK 22:16 مِينْزِي أَذْ أَومْ إِنِيغْ، أَقَا وَارْ زَّايسْ تّتّغْ [عَاذْ] أَڒْ غَا ثتّْوَاكمّڒْ ذِي ثْڭلْذِيثْ ن أَربِّي.“
LUK 22:17 [خنِّي] إِطّفْ إِجّْ ن ڒْكَاسْ ؤُشَا إِقَاذَا، إِنَّا: ”كْسِيمْ وَا، بْضَامْ ث جَارْ أَومْ!
LUK 22:18 مِينْزِي نشّْ أَذْ أَومْ إِنِيغْ، وَارْ سسّغْ شَا زِي ڒْغِيدْجثْ ن ثْزَايَارْثْ أَڒْ د ثُوسَا ثْڭلْذِيثْ ن أَربِّي.“
LUK 22:19 إِكْسِي أَغْرُومْ، إِقَاذَا، يَارْژَا [إِ-ث] ؤُشَا إِوْشَا أَسنْ ث، إِنَّا: ”ثَا ذ أَرِّيمثْ إِنُو ثنِّي خَاومْ إِمّوْشنْ. ڭّمْ أَيَا إِ ڒِيذَارثْ إِنُو.“
LUK 22:20 أَمُّو [إِ إِنَّا] عَاوذْ خْ ڒْكَاسْ أَوَارْنِي إِ ؤُمنْسِي: ”ڒْكَاسْ-أَ ذ ڒْعَاهْذْ ن جْذِيذْ س إِذَامّنْ إِنُو إِنِّي إِ خَاومْ إِ غَا إِتّْوَاسِّيزّْڒنْ.
LUK 22:21 مَاشَا أَقَا ذَا، أَفُوسْ ن ونِّي ذ أَيِي غَا إِغْذَارنْ أَقَا-ث أَكِيذِي غَارْ طَّابْڒَا.
LUK 22:22 مِّيسْ ن بْنَاذمْ أَذْ إِرَاحْ أَمْ مَامّشْ خَاسْ إِتّْوَاكّسْ، مَاشَا ؤُشْثْ خْ بْنَاذمْ نِّي إِ ث غَا إِغْذَارنْ!“
LUK 22:23 بْذَانْ تّمْسّقْسَانْ جَارْ أَسنْ، مَانْ ونْ زَّايْسنْ إِ غَا يڭّ مَانْ أَيَا.
LUK 22:24 ثُوغَا جَارْ أَسنْ عَاوذْ أَمْشُوبّشْ خْ مَانْ ونْ زَّايْسنْ إِدْجَانْ ذ أَمقّْرَانْ قَاعْ.
LUK 22:25 خنِّي إِنَّا أَسنْ يَاسُوع: ”إِجدْجِيذنْ ن ڒڭْنُوسْ صلّْطنْ خَاسنْ، ؤُ إِنِّي خَاسنْ إِصلّْطنْ تّْوَاڒَاغَانْ ’ثَارْوَا ن رجْوَاذْ!‘
LUK 22:26 كنِّيوْ مَاشَا وَارْ تّڭّمْ أَمُّو، مَاشَا أَمقّْرَانْ ذَايْومْ أَذْ يِيڒِي أَمْ ؤُمَاژُوژْ، ؤُ أَمزْوَارْ [أَذْ يِيڒِي] أَمْ ؤُمْسخَّارْ.
LUK 22:27 مِينْزِي مَانْ ونْ إِدْجَانْ ذ أَمقّْرَانْ؟ مَا ذ ونِّي إِقِّيمنْ [غَارْ طَّابْڒَا] نِيغْ ذ ونِّي إِتّْسخَّارنْ؟ مَاشَا نشّْ ذِي ڒْوسْطْ نْومْ أَمْ ونِّي إِتّْسخَّارنْ.
LUK 22:28 أَقَا كنِّيوْ ذ إِنِّي أَكِيذِي إِقِّيمنْ ذڭْ إِجَارِّيبنْ إِنُو.
LUK 22:29 نشّْ أَذْ أَومْ وعْذغْ إِشْثْ ن ثَاڭلْذِيثْ أَمْ مَامّشْ إِ ذ أَيِي ت إِوَاعْذْ بَابَا،
LUK 22:30 حِيمَا أَذْ ثشّمْ أَذْ ثسْومْ خْ طَّابْڒَا إِنُو ذِي ثْڭلْذِيثْ إِنُو ؤُشَا أَذْ ثقِّيممْ خْ ڒكْرَاسِي ن ثْڭلْذِيثْ، أَذْ ثْحكْممْ خْ ثنْعَاشْ ن ثْقبَّاڒْ ن أَيْثْ ن إِسْرَائِيل.“
LUK 22:31 إِنَّا يَاسُوع إِ شِيمْعُونْ: ”شِيمْعُونْ، شِيمْعُونْ، أَقَا شِّيطَانْ ثُوغَا يَارزُّو أَذْ كنِّيوْ إِزُّوزَارْ أَمْ يِيرْذنْ.
LUK 22:32 [مَاشَا] نشّْ ژُودْجغْ خَاكْ حِيمَا وَارْ إِفنِّي لْ-إِيمَانْ نّشْ. ؤُڒَا ذ شكْ، ثُوبْ ذِي ڒْوقْثْ إِتّْوَاڭّنْ، سْثبّثْ أَيْثْمَاشْ.“
LUK 22:33 إِنَّا أَسْ شِيمْعُونْ: ”[أَ] سِيذِي، نشّْ أَقَا وجْذغْ حِيمَا أَذْ كِيكْ رَاحغْ ؤُڒَا غَارْ ڒحْبسْ ذ ڒْموْثْ.“
LUK 22:34 [مَاشَا] يَاسُوع إِنَّا أَسْ: ”نشّْ أَذْ أَشْ إِنِيغْ، [أَ] شِيمْعُونْ، وَارْ إِسّْقُوقُوعْ ؤُيَاژِيضْ أَسّْ-أَ قْبڒْ مَا أَذْ أَيِي ثنْكَارذْ ثْڒَاثَا ن ثْوَاڒَاوِينْ بلِّي أَقَا ثسّْنذْ أَيِي.“
LUK 22:35 إِنَّا أَسنْ: ”ڒَْامِي كنِّيوْ سّكّغْ بْڒَا ثَاشْيَارْثْ، بْڒَا تّسْطِيمْ نِيغْ سَانْذَالِييَاثْ، مَا ثُوغَا إِتّْخصَّا أَومْ شَا؟“ نَّانْ أَسْ: ”وَالُو!“
LUK 22:36 [خَاسْ ؤُشَا] إِنَّا أَسنْ: ”مَاشَا ڒخُّو ونِّي غَارْ إِدْجَا ثشْيَارْثْ، أَذْ ت إِكْسِي، أَمُّو ؤُڒَا ذ تّسْطِيمْ، ؤُشَا ونِّي وَارْ غَارْ إِدْجِي سِّيفْ، أَذْ إِزّنْزْ أَرُّوضْ نّسْ ؤُشَا أَذْ [زَّايسْ] إِسغْ سِّيفْ إِ يِيخفْ نّسْ.
LUK 22:37 مِينْزِي نشّْ أَذْ أَومْ إِنِيغْ، أَقَا إِتّْخصَّا أَذْ تّْوَاكمّْڒنْثْ ثِيرَا-يَا ذَايِي: ’أَقَا إِتّْوَاحْسبْ أَكْ-ذ إِنِّي وَارْ إِسڭّْذنْ!‘، مِينْزِي مَارَّا مِينْ خَافِي يُورَانْ، أَذْ إِتّْوَاكمّڒْ.“
LUK 22:38 نَّانْ أَسنْ: ”[أَ] سِيذِيثْنغْ، أَقَا ذَا ثْنَاينْ ن ڒسْيُوفْ!“ إِنَّا أَسنْ: ”إِكْفَا!“
LUK 22:39 إِفّغْ، إِرُوحْ غَارْ وذْرَارْ ’ثَادَّارْثْ ن زِّيثُونْ‘ أَمْ مَامّشْ ثُوغَا إِنُّومْ، ؤُشَا ضْفَارنْ ث عَاوذْ إِمحْضَارنْ نّسْ.
LUK 22:40 ؤُمِي إِخشّْ غَارْ ومْشَانْ نِّي، إِنَّا أَسنْ: ”ژَتدْجمْ حِيمَا وَارْ د-ثتِّيذْفمْ ذڭْ ؤُجَارّبْ.“
LUK 22:41 إِفكّْ إِخفْ نّسْ زَّايْسنْ عْڒَاحَاڒْ ثِيشْثِي ن إِجّْ ن ؤُحجَّارْ ن وژْرُو، يُوضَارْ خْ إِفَادّنْ نّسْ، إِژُّودْجْ،
LUK 22:42 إِنَّا: ”[أَ] بَابَا، مَاڒَا ثخْسذْ، أجّْ ڒْكَاسْ-أَ أَذْ خَافِي إِعْذُو. مَاشَا وَارْ إِتِّيڒِي مِينْ خْسغْ نشّْ مَاشَا مِينْ ثخْسذْ شكْ.“
LUK 22:43 [خنِّي] إِضْهَارْ أَسْ-د إِجّْ ن لْمَالَاكْ زڭْ ؤُجنَّا، إِوْشَا أَسْ جّهْذْ.
LUK 22:44 ثُوغَا نتَّا إِڭّْوذْ أَطَّاسْ، إِتّْژَادْجْ أَطَّاسْ ؤُشَا ثِيذِي نّسْ ثُوغَا ثتّڭّْ أَمْ ثْنقِّيضِينْ ن إِذَامّنْ وطَّانْثْ غَارْ ثمُّورْثْ.
LUK 22:45 [خنِّي] إِكَّارْ زِي ثْژَادْجِيثْ، يُوسَا-د غَارْ إِمحْضَارنْ نّسْ ؤُشَا يُوفَا إِ-ثنْ طّْصنْ س وشْضَانْ.
LUK 22:46 إِنَّا أَسنْ: ”مَايمِّي ثطّْصمْ؟ كَّارمْ، ثژَّادْجمْ حِيمَا وَارْ ثتِّيذْفمْ ذڭْ ؤُجَارّبْ.“
LUK 22:47 أَمْ ثُوغَا عَاذْ إِسَّاوَاڒْ، خْزَارْ، أَقَا يُوسَا-د إِجّْ ن ڒْغَاشِي أَكْ-ذ ونِّي إِ ذ أَسْ قَّارنْ يَاهُوذَا، ونِّي ذ إِجّنْ زِي ثنْعَاشْ، ؤُشَا نتَّا ثُوغَا إِزْوَارْ أَسنْ، إِقَارّبْ-د غَارْ يَاسُوع، إِسُّوذمْ إِ-ث، مَاغَارْ أَقَا إِوْشَا أَسنْ إِجّْ ن وسْشَانْ: ”ونِّي إِ غَا سُّوذْمغْ، ذ ونِّي نتَّا!“
LUK 22:48 إِنَّا أَسْ يَاسُوع: ”[أَ] يَاهُوذَا، مَا س ؤُسُوذمْ أَذْ ثغْذَارذْ مِّيسْ ن بْنَاذمْ؟“
LUK 22:49 ؤُمِي ژْرِينْ إِنِّي ذ أَسْ د-إِنّْضنْ مِينْ إِمْسَارنْ، نَّانْ أَسْ: ”أَ سِيذِيثْنغْ، مَا أَذْ ث نوّثْ س ڒسْيُوفْ؟“
LUK 22:50 إِجّنْ زَّايْسنْ ثُوغَا إِوْثَا أَمْسخَّارْ ن أَرَّايْسْ ن إِكهَّاننْ، إِقسّْ أَسْ أَمزُّوغْ أَفُوسِي.
LUK 22:51 إِطّفْ يَاسُوع ذڭْ وَاوَاڒْ، إِنَّا: ”صَافِي، بَارَاكَا!“ خنِّي إِحَاذَا أَسْ أَمزُّوغْ ؤُشَا إِسّْڭنْفَا إِ-ث.
LUK 22:52 إِنَّا يَاسُوع إِ إِمقّْرَاننْ ن إِكهَّاننْ ذ إِمْغَارنْ [ن ڒْڭنْسْ] ذ إِمْڭوَّاذنْ ن إِعسَّاسنْ ن زَّاوشْثْ ثَامقّْرَانْثْ، إِنِّي ثُوغَا غَارسْ د-يُوسِينْ: ”مَا ثفّْغمْ-د غَارِي أَخْمِي د-ثفّْغمْ غَارْ إِجّْ ن ؤُخوَّانْ، س ڒسْيُوفْ ذ إِعُومَاذْ، مَاحنْذْ أَذْ أَيِي ثتّْفمْ؟
LUK 22:53 أَسّْ خْ وَاسّْ ثُوغَا أَيِي أَكِيذْومْ ذِي زَّاوشْثْ ثَامقّْرَانْثْ، كنِّيوْ وَارْ غَارِي ثسّْوِيژّْضمْ س إِفَاسّنْ، مَاشَا ثَا ذ ثَاسَاعّثْ نْومْ ذ صُّولْطَا ن ثَادْجسْثْ.“
LUK 22:54 طّْفنْ ث، نذْهنْ ث ؤُشَا سِّيذْفنْ ث ذِي ثَادَّارْثْ ن أَرَّايْسْ ن إِكهَّاننْ. ؤُشَا إِضْفَارْ إِ-ث شِيمْعُونْ زِي ڒَاڭّْوَاجْ.
LUK 22:55 نِيثْنِي سَّارْغنْ ثِيمسِّي ذِي ڒْوسْطْ ن ڒمْرَاحْ، خنِّي قِّيمنْ ذڭْ ونّضْ نّسْ. ؤُشَا شِيمْعُونْ إِقِّيمْ جَارْ أَسنْ.
LUK 22:56 ثژْرَا إِ-ث إِشْثْ ن ثَايَّا أَمْ إِقِّيمْ غَارْ ثْمسِّي ؤُشَا ثخْزَارْ ذَايسْ مْلِيحْ، ثنَّا: ”ؤُڒَا ذ وَا ثُوغَا-ث أَكِيذسْ.“
LUK 22:57 مَاشَا نتَّا إِنْكَارْ ث، إِنَّا: ”[أَ] ثَامْغَارْثْ، نشّْ وَارْ ث سِّينغْ!“
LUK 22:58 وَارْ ذِينْ مِينْ إِعْذُونْ إِژْرَا إِ-ث ونّغْنِي، إِنَّا: ”ؤُڒَا ذ شكْ ذ إِجّنْ زَّايْسنْ.“ مَاشَا بُوطْرُوسْ إِنَّا: ”وَارْ إِدْجِي بُو ذ نشّْ!“
LUK 22:59 ؤُمِي ثعْذُو عْڒَاحَاڒْ إِشْثْ ن ثْسَاعّثْ، إِبْذَا ونّغْنِي أَذْ إِقَاشحْ، إِنَّا: ”س ثِيذتّْ، ؤُڒَا ذ وَا ثُوغَا-ث أَكِيذسْ، مِينْزِي ؤُڒَا ذ نتَّا ذ أَجَالِيلِي.“
LUK 22:60 إِنَّا بُوطْرُوسْ: ”[أَ] بْنَاذمْ، نشّْ وَارْ سِّينغْ مِينْ خفْ ثسَّاوَاڒذْ!“ ڒخْذنِّي، أَمْ ثُوغَا عَاذْ إِسَّاوَاڒْ، إِسّْقُوقعْ ؤُيَاژِيضْ.
LUK 22:61 إِنّقْڒبْ يَاسُوع ؤُشَا إِخْزَارْ غَارْ بُوطْرُوسْ. ؤُشَا إِعْقڒْ شِيمْعُونْ خْ وَاوَاڒْ إِ ذ أَسْ إِنَّا سِيذِيثْنغْ: ”قْبڒْ إِ غَا إِسّْقُوقعْ ؤُيَاژِيضْ، أَذْ أَيِي ثنْكَارذْ ثْڒَاثَا ن ثْوَاڒَاوِينْ!“
LUK 22:62 ؤُشَا إِفّغْ-د شِيمْعُونْ بَارَّا، إِرُو إِمطَّاونْ إِمرْزَاڭنْ.
LUK 22:63 إِرْيَازنْ نِّي إِطّْفنْ يَاسُوع، ثُوغَا سْثْهزَّانْ زَّايسْ،
LUK 22:64 ذْڒِينْ [ثِيطَّاوِينْ نّسْ]، [خنِّي] وْثِينْ ث غَارْ ؤُغمْبُوبْ، نَّانْ: ”نَابّْ، مَانْ ونْ إِ شكْ إِوْثِينْ؟“
LUK 22:65 س وَاطَّاسْ ن ثْمسْڒَايِينْ نّغْنِي ثُوغَا تّْشقَّافنْ ذَايسْ، سَّاوَاڒنْ ضِيدّْ نّسْ.
LUK 22:66 ؤُمِي د-يِيوضْ ؤُزِيڒْ، مُوننْ إِمْغَارنْ [ن ڒْڭنْسْ] ذ إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ ؤُشَا نذْهنْ ث غَارْ وخَّامْ ن جْمَاعثْ نْسنْ.
LUK 22:67 نَّانْ أَسْ: ”مَاڒَا شكْ ذ لْمَاسِيحْ، [خنِّي] إِنِي أَنغْ ث.“ إِنَّا أَسنْ: ”مَاڒَا نِّيغْ أَومْ ث، وَارْ ذَايِي ثتِّيمْنمْ،
LUK 22:68 ؤُ مَاڒَا سّقْسِيغْ كنِّيوْ، وَارْ خَافِي د-ثَارِّيمْ نِيغْ وَارْ ذ أَيِي ثَارخُّومْ.
LUK 22:69 زِي ڒخُّو ذ ثْسَاونْثْ أَذْ إِقِّيمْ مِّيسْ ن بْنَاذمْ خْ ؤُفُوسْ أَفُوسِي ن جّهْذْ ن أَربِّي.“
LUK 22:70 نَّانْ مَارَّا: ”مَا شكْ ذ مِّيسْ ن أَربِّي؟“ إِنَّا أَسنْ: ”كنِّيوْ [س يِيخفْ نْومْ] ثقَّارمْ، أَقَا ذ نشّْ!“
LUK 22:71 نَّانْ: ”ؤُمِي نحْذَاجْ عَاذْ ڒشْهُوذْ؟ مِينْزِي أَقَا نشِّينْ [س يِيخفْ نّغْ] نسْڒَا ث زڭْ ؤُقمُّومْ نّسْ.“
LUK 23:1 مَارَّا ثْمسْمُونْثْ نْسنْ ثكَّارْ ؤُشَا نِيثْنِي نذْهنْ ث غَارْ بِيلَاطُوسْ.
LUK 23:2 بْذَانْ أَذْ ث ضڒْمنْ، نَّانْ: ”نشِّينْ نُوفَا أَقَا وَا إِسّفْسذْ ڒْڭنْسْ نّغْ أَمْ إِمنّعْ أَذْ وْشنْ ضَّارِيبَا إِ كُوڒْ أَزدْجِيفْ إِ قَايْصَارْ، إِقَّارْ بلِّي نتَّا ذ أَجدْجِيذْ، لْمَاسِيحْ!“
LUK 23:3 إِسّقْسَا ث بِيلَاطُوسْ، إِنَّا: ”مَا شكْ ذ أَجدْجِيذْ ن وُوذَاينْ؟“ يَارَّا-د، إِنَّا: ”شكْ إِ ث إِقَّارنْ!“
LUK 23:4 إِنَّا بِيلَاطُوسْ إِ ڒْغَاشِي ؤُ إِ إِمقّْرَاننْ ن إِكهَّاننْ: ”أَقَا وَارْ ؤُفِيغْ بُو ؤُڒَا ذ إِجّْ ن ڒْعِيبْ ذِي بْنَاذمْ-أَ!“
LUK 23:5 [مَاشَا] سْغُوينْ نِيثْنِي، نَّانْ: ”نتَّا إِسّْغوَّاغْ ڒْڭنْسْ، إِسّڒْمَاذْ ذِي مَارَّا يَاهُوذِييَّا، إِبْذَا زِي لْجَالِيلْ أَڒْ ذَا.“
LUK 23:6 ؤُمِي إِسْڒَا بِيلَاطُوسْ ’لْجَالِيلْ‘، إِسّقْسَا: ”مَا أَرْيَازْ-أَ ذ أَجَالِيلِي؟“
LUK 23:7 ؤُمِي إِفْهمْ بلِّي نتَّا ثُوغَا سَاذُو ؤُفُوسْ ن هِيرُوذُوسْ، إِسّكّْ إِ-ث غَارْ هِيرُوذُوسْ، مِينْزِي وَانِيثَا ثُوغَا-ث ذِي ؤُرْشَالِيمْ ذڭْ وُوسَّانْ نِّي.
LUK 23:8 أَڒَامِي إِژْرَا هِيرُوذُوسْ يَاسُوع، إِفَارْحْ أَطَّاسْ، مِينْزِي أَطَّاسْ زڭْ وَامِي ثُوغَا إِخْسْ أَذْ ث إِژَارْ، مِينْزِي إِسْڒَا خَاسْ أَطَّاسْ ن ثْمسْڒَايِينْ، ؤُ ثُوغَا إِسِّيثِيمْ أَذْ زَّايسْ إِژَارْ شَا ن ڒعْڒَامثْ.
LUK 23:9 إِسّقْسَا ث خْ وَاطَّاسْ ن ثْمسْڒَايِينْ، مَاشَا يَاسُوع وَارْ خَاسْ د-يَارِّي س شَا.
LUK 23:10 إِمقّْرَاننْ ن إِكهَّاننْ ذ إِمْسڒْمَاذنْ ن إِذْلِيسنْ كَّارنْ، ضڒْمنْ ث س ڒْحَارّثْ.
LUK 23:11 هِيرُوذُوسْ أَكْ-ذ ڒْعسْكَارْ نّسْ سّحْقَارنْ ث، ؤُ أَوَارْنِي ڒَامِي إِسْثهْزَا زَّايسْ، يَارْضْ أَسْ إِجّْ ن ؤُسڒْهَامْ أَذهْمَانِي، ؤُشَا إِسّكّْ إِ-ث غَارْ بِيلَاطُوسْ.
LUK 23:12 ذوْڒنْ بِيلَاطُوسْ ذ هِيرُوذُوسْ ذ إِمدُّوكَّاڒْ ذڭْ وَاسّْ نِّي، مِينْزِي قْبڒْ ثُوغَا ذِينْ ڒعْذَاوثْ جَارْ أَسنْ.
LUK 23:13 [خَاسْ ؤُشَا] إِڒَاغَا بِيلَاطُوسْ خْ إِمقّْرَاننْ ن إِكهَّاننْ ذ إِمقّْرَاننْ ن ڒْڭنْسْ، إِنَّا أَسنْ:
LUK 23:14 ”كنِّيوْ ثِيوْيمْ أَيِي-د بْنَاذمْ-أَ أَمْ يِيجّنْ ونِّي إِسّْعِيدْجنْ ڒْڭنْسْ نْومْ. خْزَارْ، نشّْ سّقْسِيغْ ث زَّاثْومْ، وَارْ ؤُفِيغْ ؤُڒَا ذ إِجّْ ن ڒْعِيبْ ذڭْ ورْيَازْ-أَ زِي جِّيهثْ مَارَّا إِ زَّايسْ ثتّْشثْشَامْ خَاسْ كنِّيوْ.
LUK 23:15 ؤُڒَا ذ هِيرُوذُوسْ [وَارْ ذَايسْ يُوفِي شَا]، مِينْزِي نشّْ سّكّغْ ث غَارسْ. ؤُ خْزَارْ، وَارْ ذِينْ ؤُڒَا ذ إِشْثْ ن ڒْحَاجّثْ إِ إِڭَّا ثسْذَاهدْجْ ڒْموْثْ.
LUK 23:16 نشّْ أَذْ ث هتّْكغْ س ؤُركُّوضْ ؤُشَا أَذْ أَسْ أَرْخُوغْ.“
LUK 23:17 مَاغَارْ ثُوغَا ذِينْ إِشْثْ ن ثْنَامِيثْ مَاحنْذْ أَذْ أَسنْ يَارْخُو إِ يِيجّنْ ذِي ڒْعِيذْ.
LUK 23:18 مَاشَا مَارَّا ڒْغَاشِي إِسْغُويْ ذڭْ إِجّْ ن ؤُمُورْ، إِنَّا: ”كّْسمْ وَا، أَرْخُو أَنغْ-د إِ بَارْ-أَبَّاسْ!“
LUK 23:19 وَا ثُوغَا إِتّْوَامّنْضَارْ ذِي ڒحْبسْ خْ سِّيبّثْ ن إِجّْ ن ؤُغُووّغْ إِ إِمْسَارنْ ذِي ثنْذِينْثْ ؤُ [خْ سِّيبّثْ ن] ونْغَايْ.
LUK 23:20 إِسِّيوڒْ بِيلَاطُوسْ عَاوذْ أَكِيذْسنْ، مِينْزِي ثُوغَا إِخْسْ أَذْ يَارْخُو إِ يَاسُوع.
LUK 23:21 مَاشَا سْغُوينْ نِيثْنِي، نَّانْ: ”صلّْبْ إِ-ث! صلّْبْ إِ-ث!“
LUK 23:22 إِنَّا أَسنْ إِ ثْوَاڒَا وِيسّْ ثْڒَاثَا: ”مَانْ ثُوعفّْنَا إِڭَّا وَا [خنِّي]؟ نشّْ وَارْ ذَايسْ ؤُفِيغْ بُو ؤُخطُّو إِ [إِسْذَاهدْجنْ] ڒْموْثْ؟ س ؤُينِّي أَوَارْنِي ڒَامِي ث هتّْكغْ س ؤُركُّوضْ، أَذْ أَسْ أَرْخُوغْ!“
LUK 23:23 مَاشَا نِيثْنِي زِييَّارنْ خَاسْ س ثْمِيجَّاوِينْ جّهْذنْثْ، تَّارنْ [مَاحنْذْ] أَذْ ث صلّْبنْ. ثِيمِيجَّاوِينْ نْسنْ ذ ثنِّي ن إِمقّْرَاننْ ن إِكهَّاننْ ثُوغَا أَرنّْينْثْ ذِي جّهْذْ.
LUK 23:24 [خنِّي] إِحْكمْ بِيلَاطُوسْ أَذْ أَسنْ إِقْضَا شْغڒْ نْسنْ.
LUK 23:25 إِضْڒقْ أَسنْ إِ ونِّي إِمّنْضَارنْ ذِي ڒحْبسْ زِي سِّيبّثْ ن ؤُغُووّغْ ذ ونْغَايْ، ذ ونِّي تَّارنْ نِيثْنِي، مَاشَا إِسلّمْ يَاسُوع [إِ نِيثْنِي] خْ ڒحْسَابْ ڒْخَاضَارْ نْسنْ.
LUK 23:26 ؤُمِي ث ڭوّْذنْ سّنِّي، طّْفنْ شِيمْعُونْ زِي قَايْرَاوَانْ، ثُوغَا يُوسَا-د زِي ڒْكَامْپُو، ؤُشَا سَّارْسنْ خَاسْ صَّالِيبْ حِيمَا أَذْ [ث] يَارْبُو أَوَارْنِي يَاسُوع.
LUK 23:27 إِضْفَارْ إِ-ث-إِ-د إِجّْ ن ڒْغَاشِي ن إِوْذَانْ ذ ثمْغَارِينْ نِّي ثُوغَا إِوْثِينْ أَڭجْذُورْ، تّْرُونْثْ خَاسْ.
LUK 23:28 إِنّقْڒبْ-د غَارْسنْثْ يَاسُوع، إِنَّا: ”[أَ] يسِّيسْ ن ؤُرْشَالِيمْ، وَارْ تّْرُونْثْ شَا خَافِي، مَاشَا رُونْثْ خْ إِخفْ نْكنْثْ ذ ثَارْوَا نْكنْثْ.
LUK 23:29 مِينْزِي أَذْ د-أَسنْ وُوسَّانْ إِ ذِي إِ غَا إِنِينْ: ’سّعْذْ ن ثمْغَارِينْ إِ وَارْ إِزمَّارنْ أَذْ ؤُرْونْثْ ؤُ [سّعْذْ ن] إِعذِّيسنْ نِّي وَارْ يُورْونْ، ذ ثِيبَّاشْ ثِينِّي وَارْ إِسُّوطُّوضنْ!‘
LUK 23:30 خنِّي أَذْ إِنِينْ إِ إِذُورَارْ: ’وْضَامْ-د خَانغْ!‘، ؤُ إِ ثِيوْرِيرِينْ: ’ذْڒنْثْ أَنغْ!‘
LUK 23:31 مِينْزِي مَاڒَا ڭِّينْ أَيَا س ؤُكشُّوضْ أَزِيزَا، مِينْ غَا إِمْسَارنْ خنِّي إِ [ؤُكشُّوضْ] يُوژْغنْ؟“
LUK 23:32 نذْهنْ أَكِيذسْ عَاوذْ ثْنَاينْ نّغْنِي إِنِّي ثُوغَا إِقطّْعنْ أَبْرِيذْ، حِيمَا أَذْ ثنْ نْغنْ [أَكِيذسْ].
LUK 23:33 ڒَامِي إِوْضنْ غَارْ ومْشَانْ ؤُمِي قَّارنْ ’ثَاشقُّوفْثْ‘، صلّْبنْ ث ذِينْ أَكْ-ذ يِينِّي ثُوغَا إِقطّْعنْ أَبْرِيذْ، إِجّنْ خْ يفُوسْ نّسْ ؤُ ونّغْنِي خْ ؤُزڒْمَاضْ نّسْ.
LUK 23:34 مَاشَا يَاسُوع إِنَّا: ”[أَ] بَابَا، غْفَارْ أَسنْ، مِينْزِي نِيثْنِي وَارْ سِّيننْ مِينْ تّڭّنْ!“ ؤُشَا بْضَانْ أَرُّوضْ نّسْ، نْضَارنْ خَاسْ أَكشُّوضْ.
LUK 23:35 ثُوغَا إِوْذَانْ بدّنْ ذِينْ، خزَّارنْ. ؤُڒَا ذ إِمقّْرَاننْ [ن ڒْڭنْسْ] سْثْهزَّانْ زَّايسْ، نَّانْ: ”ثُوغَا إِسّنْجمْ إِنّغْنِي، ڒخُّو أجّْ إِ-ث أَذْ إِسّنْجمْ إِخفْ نّسْ مَاڒَا نتَّا ذ لْمَاسِيحْ، ذ ونِّي إِتّْوَافَارْزنْ زِي أَربِّي؟“
LUK 23:36 ؤُڒَا ذ إِعسْكَارِييّنْ سْثهْزَانْ زَّايسْ أَمْ غَارسْ د-قَارّْبنْ ؤُشَا وْشِينْ أَسْ ڒْخدْجْ.
LUK 23:37 نَّانْ أَسْ: ”مَاڒَا شكْ ذ أَجدْجِيذْ ن وُوذَاينْ، [خنِّي] سنْجمْ إِخفْ نّشْ!“
LUK 23:38 ثُوغَا ذِينْ عَاوذْ إِشْثْ ن ثِيرَا سنّجْ نّسْ، ؤُرِينْ ت [س لْحُورُوفْ] ن ثْيُونَانِيثْ ذ ثْلَاثِينِيثْ ذ ثْعِيبْرَانِيثْ: ’وَا ذ أَجدْجِيذْ ن وُوذَاينْ.‘
LUK 23:39 إِجّنْ زڭْ إِقْطَاطْعِييّنْ إِ يُويْڒنْ أَكِيذسْ، ثُوغَا إِتّْشقَّافْ ذَايسْ، إِقَّارْ: ”مَاڒَا شكْ ذ لْمَاسِيحْ، سنْجمْ إِخفْ نّشْ ؤُڒَا ذ نشِّينْ!“
LUK 23:40 مَاشَا ونّغْنِي إِوبّخْ إِ-ث، إِنَّا: ”مَا شكْ وَارْ ثڭّْوِيذذْ شَا عَاذْ زِي أَربِّي ؤُمِي شكْ إِڒْقفْ شّْرعْ ذ إِجّنْ؟
LUK 23:41 نشِّينْ س ڒْحقّْ مِينْزِي نطّفْ أَخدْجصْ ن مِينْ نڭَّا. مَاشَا وَا وَارْ إِڭِّي مِينْ وَارْ إِحْڒِينْ!“
LUK 23:42 [خَاسْ ؤُشَا] إِنَّا إِ يَاسُوع: ”عْقڒْ خَافِي، [أَ] سِيذِي إِنُو، خْمِي د غَا ثَاسذْ ذِي ثْڭلْذِيثْ نّشْ.“
LUK 23:43 إِنَّا أَسْ يَاسُوع: ”س ثِيذتّْ، نشّْ أَذْ أَشْ إِنِيغْ، أَقَا أَسّْ-أَ أَذْ ثِيڒِيذْ أَكِيذِي ذِي جّنّثْ.“
LUK 23:44 ثُوغَا ثَاسَاعّثْ عْڒَاحَاڒْ ذ ستَّا، [أَقَا-ت ذ ضّْهُورْ]، خنِّي ثوْضَا-د ثَادْجسْثْ خْ ثمُّورْثْ مَارَّا أَڒَامِي ذ ثسْعَا، [أَقَا-ت ذ ثْڒَاثَا ن ؤُعشِّي].
LUK 23:45 [خنِّي] ثبَّارْشنْ ثْفُوشْثْ ؤُشَا أَڒحَّافْ ن وَاذَافْ غَارْ زَّاوشْثْ ثَامقّْرَانْثْ إِتّْوَاشَارّڭْ ذڭْ وزْينْ.
LUK 23:46 يَاسُوع إِڒَاغَا س جّهْذْ، إِنَّا: ”[أَ] بَابَا، ذڭْ إِفَاسّنْ نّشْ أَذْ سَّارْسغْ أَرُّوحْ إِنُو.“ ؤُمِي إِنَّا أَيَا، إِسلّمْ إِخفْ نّسْ [غَارسْ].
LUK 23:47 ؤُمِي إِژْرَا ڒْقبْطَانْ خْ مْيَا مِينْ ثُوغَا إِمْسَارنْ، إِبْذَا إِسّمْغَارَا ذِي أَربِّي، إِنَّا: ”س ثِيذتّْ ثُوغَا بْنَاذمْ-أَ ذ أَمْسڭَّاذْ!“
LUK 23:48 ؤُمِي مَارَّا ڒْغَاشِي إِ ذ إِمُوننْ حِيمَا أَذْ ژَترنْ أَفُورّجْ-أَ، ژْرِينْ مِينْ إِمْسَارنْ،عقْبنْ أَمْ وْثِينْ ذڭْ إِذْمَارنْ نْسنْ.
LUK 23:49 مَارَّا إِنِّي إِسّْننْ يَاسُوع ذ ثمْغَارِينْ إِ كِيذسْ د-يُوسِينْ زِي لْجَالِيلْ، بدّنْ غَارْ ڒَاڭّْوَاجْ، ژْرِينْ [مَارَّا] أَيَا.
LUK 23:50 إِجّْ ن ورْيَازْ، قَّارنْ أَسْ يُوسُوفْ، ثُوغَا-ث ذ أَمْشَاوَارْ ذِي جْمَاعثْ [ثَامقّْرَانْثْ]. نتَّا زِي رَامْثَا، إِشْثْ ن ثنْذِينْثْ ذِي يَاهُوذَا، أَقَا-ث ذ إِجّْ ن ورْيَازْ ذ أَصبْحَانْ ذ أَمْسڭَّاذْ.
LUK 23:51 نتَّا وَارْ يَارْضِي شَا خْ شّْوَارْ نْسنْ ؤُ خْ مِينْ ڭِّينْ، ؤُ نتَّا ثُوغَا إِتّْرَاجَا ثَاڭلْذِيثْ ن أَربِّي.
LUK 23:52 وَانِيثَا يُويُورْ غَارْ بِيلَاطُوسْ ؤُشَا إِتَّارْ [أَسْ] أَرِّيمثْ ن يَاسُوع.
LUK 23:53 إِسّهْوَا ت-إِ-د [زِي صَّالِيبْ]، إِنّضْ إِ-ت ذڭْ إِشْثْ ن ثْخيَّاضْثْ ن ڒقْطنْ [أَزْذَاذْ] ؤُشَا إِسَّارْسْ إِ-ت ذڭْ ونْضڒْ إِ إِغْزَا ذِي سّدْجَاحْ مَانِي وَارْ إِنْضِيڒْ حذْ عَاذْ.
LUK 23:54 ثُوغَا ذ أَسّْ ن ؤُسوْجذْ، أَقَا سّبْثْ ثْقَارّبْ-د.
LUK 23:55 ثِيمْغَارِينْ إِ كِيذسْ د-يُوسِينْ زِي لْجَالِيلْ، قَارّْبنْثْ-إِ-د، ژْرِينْثْ أَنْضڒْ ذ مَامّشْ سَّارْسنْ أَرِّيمثْ نّسْ.
LUK 23:56 [خَاسْ ؤُشَا]عقْبنْثْ، سّوْجْذنْثْ ڒعْطُورْ ذ زّشْثْ إِتّْفُوحنْ، [مَاشَا] ذِي سّبْثْ أَريّْحنْثْ أَمْ مَامّشْ ثدْجَا ذِي ثوْصيّثْ.
LUK 24:1 ذڭْ [وَاسّْ] أَمزْوَارْ [ن سِّيمَانَا] غَارْ صّْبحْ، ڒَامِي ثُوغَا عَاذْ ذ ثَادْجسْثْ، رُوحنْثْ غَارْ ونْضڒْ، كْسِينْثْ ڒعْطُورْ إِ ثُوغَا سّوْجْذنْثْ، ؤُ ثُوغَا ذِينْ [عَاذْ] ثِيمْغَارِينْ نّغْنِي أَكِيذْسنْثْ.
LUK 24:2 أَقَا ؤُفِينْثْ، ثَاصْضَارْثْ إِ ثُوغَا خْ ونْضڒْ، ثتّْوَاسّقْنُونِي زَّايسْ.
LUK 24:3 ؤُذْفنْثْ، [مَاشَا] وَارْ ؤُفِينْثْ شَا أَرِّيمثْ ن يَاسُوع.
LUK 24:4 أَمْ ثْبهْثنْثْ ذِي مَانْ أَيَا، خْزَارْ، أَقَا ذِينْ ثْنَاينْ ن يرْيَازنْ ذڭْ وَارُّوضْ إِتِّيسِّيقنْ، بدّنْ سنّجْ نْسنْثْ.
LUK 24:5 نِيثنْثِي ڭّْوذنْثْ أَطَّاسْ ؤُشَا قْبَاڒنْثْ أَزدْجِيفْ نْسنْثْ غَارْ ثمُّورْثْ. نِيثْنِي [مَاشَا] نَّانْ أَسنْثْ: ”مَايمِّي ثَارزُّونْثْ خْ ونِّي إِدَّارنْ جَارْ إِمتِّيننْ؟
LUK 24:6 أَقَا وَارْ ذَا إِدْجِي، مِينْزِي أَقَا إِكَّارْ!عقْڒنْثْ خْ مِينْ ذ أَكنْثْ إِنَّا ؤُمِي ث ثُوغَا عَاذْ ذِي لْجَالِيلْ،
LUK 24:7 إِنَّا: ’أَقَا ثُورَا بلِّي مِّيسْ ن بْنَاذمْ أَذْ إِمّوْشْ ذڭْ إِفَاسّنْ ن إِمذْنَابْ، أَذْ إِتّْوَاصلّبْ ؤُشَا ذڭْ وَاسّْ وِيسّْ ثْڒَاثَا أَذْ د-إِكَّارْ.‘ “
LUK 24:8 [خنِّي]عقْڒنْثْ خْ وَاوَاڒنْ نّسْ.
LUK 24:9 عقْبنْثْ-إِ-د زڭْ ونْضڒْ ؤُشَا خبَّارنْثْ مَارَّا مَانْ أَيَا إِ حِيطَاشْ ؤُ إِ إِنّغْنِي.
LUK 24:10 إِنَا ثُوغَا ذ مَارْيَامْ ن مَاجْذَالَا ذ يُوحَانَّا ذ مَارْيَامْ، يمَّاسْ ن يَاعْقُوبْ، ذ مِينْ ثُوغَا إِقِّيمنْ [ن ثمْغَارِينْ] إِ إِدْجَانْ أَكِيذْسنْثْ، حَاجَانْثْ نِيثنْثِي مَانْ أَيَا إِ رُّوسُولْ.
LUK 24:11 نِيثْنِي حسْبنْ أَوَاڒنْ-أَ ذ أَطمّسْ ؤُشَا وَارْ ثنْثْ تِّيقّنْ.
LUK 24:12 مَاشَا شِيمْعُونْ إِكَّارْ-د، يُوزّڒْ ذغْيَا غَارْ ونْضڒْ، إِخزَّارْ ذَاخڒْ، إِژْرَا ثَاخيَّاضْثْ ن ڒقْطنْ [أَزْذَاذْ] ثتّْوَامَارْسْ غَارْ ؤُغزْذِيسْ. [خنِّي] إِرُوحْ، إِتّبْهثْ ذڭْ يِيخفْ نّسْ س مِينْ إِمْسَارنْ.
LUK 24:13 ؤُ خْزَارْ، ذڭْ وَاسّْ نِّي ثُوغَا ثْنَاينْ زَّايْسنْ ذڭْ وبْرِيذْ غَارْ إِجّْ ن ذْشَارْ قَّارنْ أَسْ عِيمْوَاسْ، إِڭّْوجْ ستِّينْ ’إِسْثَاذِييّنْ‘ خْ ؤُرْشَالِيمْ، [عْڒَاحَاڒْ حِيطَاشْ كِيلُومِيثْرْ].
LUK 24:14 ثُوغَا سَّاوَاڒنْ أَكْ-ذ وَايَاوْيَا خْ مَارَّا مِينْ ثُوغَا إِمْسَارنْ.
LUK 24:15 أَمْ سَّاوَاڒنْ نِيثْنِي، تّمْسَاوَاضنْ، إِقَارّبْ-د غَارْسنْ يَاسُوع، يُويُورْ أَكِيذْسنْ.
LUK 24:16 تّْوَاشبَّارنْثْ ثِيطَّاوِينْ نْسنْ أَڒَامِي وَارْ ث عْقِيڒنْ.
LUK 24:17 إِنَّا أَسنْ: ”مَانْ أَوَاڒنْ-أَ إِ خفْ ثسَّاوَاڒمْ أَكْ-ذ وَايَاوْيَا ذڭْ وبْرِيذْ، أَمْ ثڭُّورمْ ؤُ تّْبَاننْثْ ڒْخژْرَاثْ نْومْ شضْننْثْ؟“
LUK 24:18 إِجّنْ زَّايْسنْ ؤُمِي قَّارنْ كْلِييُوبَاسْ، إِنَّا أَسْ: ”مَا شكْ ذ أَينِّي ن ؤُبَارَّانِي ذِي ؤُرْشَالِيمْ إِ وَارْ إِسِّيننْ مِينْ ذِينْ إِمْسَارنْ ذڭْ وُوسَّانْ-أَ؟“
LUK 24:19 إِنَّا أَسنْ: ”مِينْ إِمْسَارنْ؟“ نَّانْ أَسْ: ”مِينْ إِمْسَارنْ إِ يَاسُوع زِي نَّاصِيرَا، ثُوغَا-ث ذ أَنَابِي، ثُوغَا غَارسْ جّهْذْ ذِي مِينْ إِتّڭّْ ؤُ ذِي مِينْ إِسَّاوَاڒْ قِيبَاتْشْ إِ أَربِّي ذ مَارَّا ڒْڭنْسْ.
LUK 24:20 سلّْمنْ ث إِمقّْرَاننْ ن إِكهَّاننْ ذ إِمْغَارنْ [ن ڒْڭنْسْ] إِ ڒْحُوكْمْ س ڒْموْثْ ؤُشَا صلّْبنْ ث.
LUK 24:21 نشِّينْ ثُوغَا نسِّيثِيمْ، أَقَا ذ نتَّا إِ غَا إِسلّْكنْ إِسْرَائِيل، مَاشَا خْزَارْ، أَسّْ-أَ [عْذُونْ عَاذْ] ثْڒَاثَا ن وُوسَّانْ زڭْ وَامِي إِمْسَارْ مَانْ أَيَا مَارَّا.
LUK 24:22 مَاشَا شَا ن ثمْغَارِينْ زَّايْنغْ سّْحيَّارنْثْ أَنغْ عَاوذْ، مَاغَارْ نِيثنْثِي رُوحنْثْ زِيشْ غَارْ ونْضڒْ.
LUK 24:23 ڒَامِي وَارْ ذِينْ ؤُفِينْثْ أَرِّيمثْ نّسْ، ؤُسِينْثْ-إِ-د، نَّانْثْ: ”أَقَا نژْرَا ذِينْ لْمَالَاكَاثْ، ؤُ [لْمَالَاكَاثْ] نَّانْثْ خَاسْ: ’أَقَا إِدَّارْ!‘ “
LUK 24:24 شَا زڭْ إِنِّي أَكِيذْنغْ إِدْجَانْ، رُوحنْ غَارْ ونْضڒْ، ؤُفِينْ ثِيمسْڒَايِينْ أَمْ مَامّشْ خَاسْ نَّانْثْ عَاوذْ ثمْغَارِينْ، مَاشَا نتَّا وَارْ ث ژْرِينْ شَا.“
LUK 24:25 إِنَّا أَسنْ: ”مشْحَاڒْ ذ إِفْغَاڒْ ذ إِنضْقَاڒْ ن وُوڒْ إِ ثدْجَامْ مَاحنْذْ أَذْ ثَامْنمْ ذِي مَارَّا مِينْ سِّيوْڒنْ إِنَابِييّنْ!
LUK 24:26 مَا وَارْ إِتّْخصِّي أَذْ إِودّبْ لْمَاسِيحْ حِيمَا أَذْ يَاذفْ غَارْ ؤُعُودْجِي نّسْ؟“
LUK 24:27 خنِّي إِبْذَا زِي مُوسَا ؤُ زِي مَارَّا إِنَابِييّنْ، إِتّْفسَّارْ أَسنْ خْ يِيخفْ نّسْ زِي مَارَّا ثِيرَا [إِقدّْسنْ].
LUK 24:28 [ؤُمِي] د-قَارّْبنْ غَارْ ذْشَارْ إِ غَارْ ثُوغَا ڭُّورنْ، إِڭَّا نتَّا أَخْمِي ثُوغَا إِخْسْ أَذْ يَارْنِي ذڭْ وبْرِيذْ غَارْ إِجّْ ن ومْشَانْ إِڭّْوجنْ.
LUK 24:29 [مَاشَا] نِيثْنِي ڭِّينْ خَاسْ بزّزْ، نَّانْ: ”قِّيمْ أَكِيذْنغْ، مِينْزِي ثَامذِّيثْ أَذْ ثوْضَا، أَقَا إِميّڒْ ؤُزِيڒْ.“ ؤُشَا يُوذفْ، إِقِّيمْ أَكِيذْسنْ.
LUK 24:30 إِمْسَارْ أَڒَامِي ثُوغَا أَكِيذْسنْ إِقِّيمْ [غَارْ ؤُمنْسِي] إِكْسِي أَغْرُومْ، إِبَاركْ [إِ-ث]، يَارْژَا [إِ-ث]، خنِّي إِوْشَا أَسنْ [ث].
LUK 24:31 ذغْيَا نُّورْزْمنْثْ ثِيطَّاوِينْ نْسنْ،عقْڒنْ ث. [خَاسْ ؤُشَا] إِتّْوَامّكْسِي زَّايْسنْ.
LUK 24:32 نَّانْ إِجّنْ إِ ونّغْنِي: ”مَا وَارْ ثُوغِي إِذقّڒْ وُوڒْ نّغْ أَڒَامِي ثُوغَا أَكِيذْنغْ إِسَّاوَاڒْ ذڭْ وبْرِيذْ، إِسّفْهَامْ أَنغْ ثِيرَا [إِقدّْسنْ]؟“
LUK 24:33 ذِي ثْسَاعّثْ نِّي كَّارنْ نِيثْنِي،عقْبنْ غَارْ ؤُرْشَالِيمْ، ؤُشَا ؤُفِينْ حِيطَاشْ [ن رُّوسُولْ] مُوننْ، نِيثْنِي ذ يِينِّي أَكِيذْسنْ.
LUK 24:34 ؤُشَا نِيثْنِي نَّانْ: ”ذ ثِيذتّْ، أَقَا إِكَّارْ-د سِيذِيثْنغْ، إِبَانْ-د إِ شِيمْعُونْ.“
LUK 24:35 ؤُڒَا ذ نِيثْنِي خبَّارنْ عَاوذْ س مِينْ إِمْسَارنْ ذڭْ وبْرِيذْ ؤُ مَامّشْ ثعقْڒنْ أَڒَامِي يَارْژَا أَغْرُومْ.
LUK 24:36 أَمْ ثُوغَا سَّاوَاڒنْ نِيثْنِي خْ مَانْ أَيَا، إِبدّْ يَاسُوع سِيمَانْثْ نّسْ ذِي ڒْوسْطْ نْسنْ، إِنَّا أَسنْ: ”سْڒَامْ خَاومْ، أَقَا ذ نشّْ، وَارْ تّڭّْوذمْ شَا!“
LUK 24:37 [مَاشَا] نِيثْنِي نّْخڒْعنْ ؤُشَا ڭّْوذنْ أَطَّاسْ، إِتّْغِيڒْ أَسنْ بلِّي تّْوَاڒَانْ إِجّْ ن ڒخْيَاڒْ.
LUK 24:38 إِنَّا أَسنْ يَاسُوع: ”مَايمِّي ثتّْنخْڒِيعمْ، مَايمِّي ثتّڭّمْ إِخَارِّيصنْ ذڭْ وُوڒَاونْ نْومْ؟
LUK 24:39 خْزَارمْ إِفَاسّنْ ذ إِضَارنْ إِنُو، أَقَا ذ نشّْ نشّْ. حَاذَامْ أَيِي، ؤُ سْنمْ بلِّي إِجّْ ن ڒخْيَاڒْ وَارْ غَارسْ بُو ويْسُومْ ؤُڒَا ذ إِغْسَانْ أَمْ مَامّشْ ذ أَيِي ثتّْوَاڒَامْ.“
LUK 24:40 ؤُمِي إِنَّا أَيَا، إِسّْشنْ أَسنْ إِفَاسّنْ نّسْ ذ إِضَارنْ نّسْ.
LUK 24:41 وَارْ ؤُمِيننْ عَاذْ زِي سِّيبّثْ ن ڒفْرَاحثْ، قِّيمنْ تّْبهْثنْ. إِنَّا أَسنْ: ”مَا غَارْومْ ذَا شَا ن مَاشَّا؟“
LUK 24:42 وْشِينْ أَسْ إِشْثْ ن ثشْوِيحْثْ ن وسْڒمْ إِشنّْفنْ ذ شَا ن ثزْڒفْثْ ن ثَامّنْثْ.
LUK 24:43 إِكْسِي ت ؤُشَا إِشَّا إِ-ت قِيبَاتْشْ نْسنْ.
LUK 24:44 إِنَّا أَسنْ: ”إِنَا ذ أَوَاڒنْ إِ زِي كِيذْومْ سِّيوْڒغْ ؤُمِي ذ أَيِي ثُوغَا عَاذْ أَكِيذْومْ، أَقَا إِتّْخصَّا أَذْ إِتّْوَاكمّڒْ مَارَّا مِينْ خَافِي يُورَانْ ذِي شَّارِيعَا ن مُوسَا، ذڭْ إِنَابِييّنْ ؤُ ذڭْ إِزهِّيذنْ.“
LUK 24:45 خنِّي يَارْزمْ أَسنْ ڒعْقڒْ نْسنْ، حِيمَا أَذْ فهْمنْ إِ ثِيرَا [إِقدّْسنْ].
LUK 24:46 إِنَّا أَسنْ: ”أَمُّو إِ ثُورَا ؤُ أَمُّو إِ ثُوغَا إِتّْخصَّا أَذْ إِمَارّثْ لْمَاسِيحْ ؤُ أَذْ د-إِكَّارْ زِي ثَادَّارْثْ ن إِمتِّيننْ ذڭْ وَاسّْ وِيسّْ ثْڒَاثَا،
LUK 24:47 [حِيمَا] أَذْ إِتّْوَابَارّحْ س تُّوبثْ إِ وغْفَارْ ن دّْنُوبْ إِ مَارَّا ڒڭْنُوسْ س يِيسمْ نّسْ، ذ أَمزْوَارُو ذِي ؤُرْشَالِيمْ.
LUK 24:48 كنِّيوْ ذ ڒشْهُوذْ خْ مَانْ أَيَا.
LUK 24:49 أَقَا نشّْ أَذْ أَومْ د-سّكّغْ لْوَاعْذْ ن بَابَا. قِّيممْ [مَاشَا] ذِي ثنْذِينْثْ ن ؤُرْشَالِيمْ أَڒْ غَا ثتّْوَاسّْيَارْضمْ س جّهْذْ زِي ڒُوعْڒَا!“
LUK 24:50 خنِّي إِنْذهْ إِ-ثنْ غَارْ [ثنْذِينْثْ ن] بَايْثْ-عَانْيَا، إِسّْڭعّذْ إِفَاسّنْ نّسْ ؤُشَا إِبَارْكْ إِ-ثنْ.
LUK 24:51 أَوَارْنِي ڒَامِي ثنْ ثُوغَا إِتّْبَارَاكْ، إِمْسَارْ، أَقَا إِمّْسبْضَا خَاسنْ ؤُشَا إِڭّعّذْ غَارْ ؤُجنَّا.
LUK 24:52 سجْذنْ أَسْ ؤُشَاعقْبنْ غَارْ ؤُرْشَالِيمْ س ڒفْرَاحثْ ثمْغَارْ.
LUK 24:53 ثُوغَا-ثنْ ڒبْذَا ذِي زَّاوشْثْ ثَامقّْرَانْثْ، سّمْغَارَانْ ؤُ تّْبَارَاكنْ أَربِّي. أَمِينْ. أَنڭَّارْ ن لْ-إِنْجِيلْ إِقدّْسنْ أَمْ مَامّشْ ث إِبَارّحْ لُوكَا.
JOH 1:1 ذڭْ ؤُمزْوَارُو ثُوغَا إِدْجَا وَاوَاڒْ، أَوَاڒْ ثُوغَا-ث غَارْ أَربِّي ؤُ أَربِّي ثُوغَا-ث ذ أَوَاڒْ.
JOH 1:2 وَانِيثَا ذ ونِّي إِدْجَانْ غَارْ أَربِّي ذڭْ ؤُمزْوَارُو.
JOH 1:3 زَّايسْ نتَّا إِدْجَا كُوڒْشِي ؤُ بْڒَا نتَّا وَارْ ثدْجِي ؤُڒَا ذ إِشْثْ ن ثْمسْڒَاشْثْ زِي [مَارَّا] مِينْ إِدْجَانْ.
JOH 1:4 ذَايسْ إِ ثدْجَا ثُوذَارْثْ ؤُ ثُوذَارْثْ ثدْجَا ثَافَاوْثْ ن إِوْذَانْ.
JOH 1:5 ثَافَاوْثْ ثَارقّْ ذِي ثَادْجسْثْ، ثَادْجسْثْ وَارْ ت ثطِّيفْ.
JOH 1:6 ثُوغَا [ذِينْ] إِجّْ ن بْنَاذمْ إِسّكّْ إِ-ث-إِ-د أَربِّي، قَّارنْ أَسْ يُوحَانَّا.
JOH 1:7 نتَّا يُوسَا-د أَمْ شَّاهذْ حِيمَا أَذْ إِشْهذْ إِ ثْفَاوْثْ، حِيمَا أَذْ زَّايسْ أَمْننْ مَارَّا.
JOH 1:8 نتَّا وَارْ إِدْجِي شَا ذ ثَافَاوْثْ، مَاشَا [ثُوغَا-ث] حِيمَا أَذْ إِشْهذْ إِ ثْفَاوْثْ.
JOH 1:9 مَاغَارْ [ثَافَاوْثْ] نِّي، ثُوغَا ذ ثَافَاوْثْ ن ثِيذتّْ إِ إِتِّيشنْ ثَافَاوْثْ إِ كُوڒْ بْنَاذمْ إِ د-إِتَّاسنْ غَارْ دُّونشْثْ.
JOH 1:10 نتَّا ثُوغَا-ث ذِي دُّونشْثْ ؤُ زَّايسْ ثتّْوَاڭّْ دُّونشْثْ، [مَاشَا] دُّونشْثْ وَارْ ث ثسِّينْ شَا.
JOH 1:11 يُوسَا-د غَارْ وِي إِدْجَانْ نّسْ، [مَاشَا] وِي إِدْجَانْ نّسْ وَارْ ث قْبِيڒنْ.
JOH 1:12 مَاشَا مَارَّا إِنِّي ث إِقبْڒنْ، إِوْشَا أَسنْ صُّولْطَا، حِيمَا أَذْ ذوْڒنْ ذ ثَارْوَا ن أَربِّي، إِ يِينِّي إِتَّامْننْ ذڭْ يِيسمْ نّسْ،
JOH 1:13 إِنِّي وَارْ د-إِخْڒِيقنْ ؤُڒَا زڭْ إِذَامّنْ، ؤُڒَا زِي مِينْ إِخْسْ دَّاثْ [ن بْنَاذمْ]، ؤُڒَا زِي مِينْ إِخْسْ ورْيَازْ، مَاشَا زِي أَربِّي د-إِتّْوَاخڒْقنْ.
JOH 1:14 أَوَاڒْ إِذْوڒْ ذ دَّاثْ، إِزْذغْ جَارْ أَنغْ، نشِّينْ نژْرَا أَعُودْجِي نّسْ، أَعُودْجِي ن ؤُينِّي [ن مِّيسْ] زِي غَارْ بَابَاسْ إِ إِشُّورنْ س أَرْضَا ذ ثِيذتّْ.
JOH 1:15 إِشْهذْ خَاسْ يُوحَانَّا، إِڒَاغَا، إِنَّا: ”ذ وَا مِينْ خفْ نِّيغْ، أَقَا نتَّا أَذْ د-يَاسْ أَوَارْنِي أَيِي، وَاخَّا نتَّا إِذْوڒْ زَّاثِي، مِينْزِي نتَّا ثُوغَا-ث قْبڒْ إِنُو.“
JOH 1:16 زِي ڒكْمَاڒثْ نّسْ نِيوِي-د مَارَّا، أَرْضَا خْ أَرْضَا.
JOH 1:17 شَّارِيعَا ثمّوْشْ خْ ؤُفُوسْ ن مُوسَا، مَاشَا أَرْضَا ذ ثِيذتّْ ؤُسِينْ-د زِي يَاسُوع لْمَاسِيحْ.
JOH 1:18 ؤُڒَا ذ إِجّْ وَارْ إِژْرِي أَربِّي. أَينِّي ن أَربِّي إِ إِدْجَانْ ذڭْ وحْسِينْ ن بَابَاسْ، ذ نتَّا إِ [زَّايسْ] إِسّْخبَّارنْ.
JOH 1:19 ثَا ذ شّْهَاذثْ ن يُوحَانَّا ڒَامِي د-سّكّنْ وُوذَاينْ إِكهَّاننْ ذ إِلَاوِييّنْ زِي ؤُرْشَالِيمْ حِيمَا أَذْ ث سّقْسَانْ: ”مِينْ ثعْنِيذْ شكْ؟“
JOH 1:20 ثُوغَا إِشْهذْ، وَارْ إِسّْنُوفَّارْ شَا، إِشْهذْ: ”نشّْ وَارْ دْجِيغْ شَا ذ لْمَاسِيحْ.“
JOH 1:21 سّقْسَانْ ث: ”إِ مِينْ ثعْنِيذْ شكْ خنِّي؟ مَا ذ شكْ ذ [أَنَابِي] إِلِييَا؟“ إِنَّا: ”لَّ، وَارْ دْجِيغْ ذ نشّْ!“ ”مَا ذ شكْ ذ أَنَابِي؟“ يَارَّا-د: ”لَّ!“
JOH 1:22 [خَاسْ ؤُشَا] نَّانْ أَسْ: ”مِينْ ثعْنِيذْ شكْ؟ إِتّْخصَّا أَنغْ أَذْ نَارّْ إِ يِينِّي ذ أَنغْ د-إِسّكّنْ. مِينْ ثقَّارذْ خْ يِيخفْ نّشْ؟“
JOH 1:23 إِنَّا: ”نشّْ ذ ثْمِيجَّا إِ إِتّْڒَاغَانْ ذِي ڒخْڒَا: ’سڭّْممْ أَبْرِيذْ ن سِيذِي نِيشَانْ!‘، أَمْ مَامّشْ إِنَّا ؤُنَابِي إِشَاعْيَا.“
JOH 1:24 إِنِّي د-إِتّْوَاسّكّنْ، ثُوغَا أَثنْ زڭْ إِفَارِيسِييّنْ.
JOH 1:25 نِيثْنِي سّقْسَانْ ث، نَّانْ أَسْ: ”مَاڒَا وَارْ ثدْجِيذْ شَا ذ لْمَاسِيحْ ؤُڒَا ذ إِلِييَا ؤُڒَا ذ أَنَابِي، إِ خنِّي مَايمِّي ثسّغْضَاصذْ؟“
JOH 1:26 يُوحَانَّا يَارَّا-د، إِنَّا أَسنْ: ”نشّْ سّغْضَاصغْ ذڭْ وَامَانْ، مَاشَا أَقَا ذِينْ ذِي ڒْوسْطْ نْومْ ونِّي وَارْ ثسِّينمْ شَا.
JOH 1:27 نتَّا ذ ونِّي إِ د غَا يَاسنْ أَوَارْنِي أَيِي، نتَّا إِدْجَا قْبڒْ إِنُو، نشّْ وَارْ سْذِيهدْجغْ أَذْ أَسْ فسْيغْ إِفِيڒَانْ ن سَانْذَالِييَاثْ نّسْ.“
JOH 1:28 مَانْ أَيَا إِمْسَارْ ذِي بَايْثْعَانْيَا خْ ؤُجمَّاضْ ن لْ-ؤُرْذُونْ، مَانِي ثُوغَا يُوحَانَّا إِسّغْضَاصْ.
JOH 1:29 ثِيوشَّا نّسْ إِژْرَا يُوحَانَّا يَاسُوع إِڭُّورْ-د غَارسْ، إِنَّا: ”خْزَارمْ، أَقَا-ث ذ إِزْمَارْ ن أَربِّي إِ إِتّكّْسنْ دّْنُوبْ خْ دُّونشْثْ!
JOH 1:30 ذ وَا مِينْ خفْ نِّيغْ: ’أَذْ د-يَاسْ أَوَارْنِي أَيِي إِجّْ ن ورْيَازْ نِّي إِدْجَانْ زَّاثِي، مِينْزِي نتَّا ثُوغَا-ث قْبڒْ إِنُو.‘
JOH 1:31 نشّْ وَارْ ث سِّينغْ شَا، مَاشَا حِيمَا أَذْ إِتّْوَاسَّارْڭبْ غَارْ إِسْرَائِيل، خْ ؤُينِّي ؤُسِيغْ-د حِيمَا أَذْ سّْغضْصغْ ذڭْ وَامَانْ.“
JOH 1:32 يُوحَانَّا إِشْهذْ، إِنَّا: ”ژْرِيغْ أَرُّوحْ إِهْوَا-د أَمْ يِيشْثْ ن ثذْبِيرْثْ زڭْ ؤُجنَّا، ثَارْسَا خَاسْ.
JOH 1:33 نشّْ وَارْ ث سِّينغْ شَا، مَاشَا ونِّي ذ أَيِي د-إِسّكّنْ حِيمَا أَذْ سّْغضْصغْ ذڭْ وَامَانْ، نتَّا إِنَّا أَيِي: ’ونِّي ثژْرِيذْ إِهْوَا-د خَاسْ أَرُّوحْ ؤُشَا يَارْسَا خَاسْ، ذ وَا ذ ونِّي إِسّغْضَاصنْ ذِي أَرُّوحْ إِقدّْسنْ.‘
JOH 1:34 ؤُ نشّْ ژْرِيغْ، شهْذغْ بلِّي وَانِيثَا ذ مِّيسْ ن أَربِّي.“
JOH 1:35 ثِيوشَّا نّسْ ثُوغَا يُوحَانَّا إِبدّْ أَكْ-ذ ثْنَاينْ ن إِمحْضَارنْ نّسْ.
JOH 1:36 أَمْ ثُوغَا إِخزَّارْ غَارْ يَاسُوع إِ [ذِينْ] إِڭُّورنْ، إِنَّا: ”خْزَارمْ، [ذ وَا ذ] إِزْمَارْ ن أَربِّي!“
JOH 1:37 ثْنَاينْ ن إِمحْضَارنْ نّسْ سْڒِينْ أَسْ أَمْ ت إِقَّارْ ؤُشَا ضْفَارنْ يَاسُوع.
JOH 1:38 إِنّقْڒبْ-د يَاسُوع، إِژْرَا إِ-ثنْ ضفَّارنْ ث-إِ-د، إِسّقْسَا ثنْ: ”مِينْ خفْ ثَارزُّومْ؟“ نِيثْنِي نَّانْ أَسْ: ”[أَ] أَمْسڒْمَاذْ نّغْ، مَانِي ثْزدّْغذْ؟“
JOH 1:39 إِنَّا أَسنْ: ”أَرَاحمْ-د، أَذْ ثْژَارمْ!“ رُوحنْ أَكِيذسْ، ژْرِينْ مَانِي إِزْذغْ، قِّيمنْ أَكِيذسْ أَسّْ نِّي. ثَاسَاعّثْ ثُوغَا-ت عْڒَاحَاڒْ ذعشْرَا، [إِخْسْ أَذْ يِينِي عْڒَاحَاڒْ ثَاسَاعّثْ وِيسّْ أَربْعَا ن ثْمذِّيثْ].
JOH 1:40 أَنْذْرَاوُوسْ، ؤُمَاسْ ن شِيمْعُونْ، ثُوغَا-ث ذ إِجّنْ زڭْ يِينِّي إِسْڒِينْ أَيَا زِي يُوحَانَّا ؤُشَا ضفَّارنْ يَاسُوع.
JOH 1:41 ذ وَا إِ إِژْرِينْ أَمزْوَارُو ؤُمَاسْ شِيمْعُونْ، إِنَّا أَسْ: ”أَقَا نُوفَا لْمَاسِيحْ!“
JOH 1:42 إِسِّيوضْ إِ-ث-إِ-د غَارْ يَاسُوع. إِخْزَارْ ذَايسْ يَاسُوع، إِنَّا: ”شكْ ذ شِيمْعُونْ، مِّيسْ ن يُونَا، أَذْ أَشْ ڒَاغَانْ: ’كِيفَا‘، [إِخْسْ أَذْ يِينِي ’أَژْرُو‘] “
JOH 1:43 ثِيوشَّا نّسْ ثُوغَا إِخْسْ يَاسُوع أَذْ إِرَاحْ غَارْ لْجَالِيلْ. إِمّڒْقَا أَكْ-ذ فِيلِيبُّوسْ، إِنَّا أَسْ: ”ضْفَارْ أَيِي-د!“
JOH 1:44 فِيلِيبُّوسْ س يِيخفْ نّسْ ثُوغَا زِي بَايْثْ-صَايْذَا زِي ثَانْذِينْثْ ن أَنْذْرَاوُوسْ ذ شِيمْعُونْ.
JOH 1:45 فِيلِيبُّوسْ يُوفَا نَاثَانَايِيلْ، إِنَّا أَسْ: ”نُوفَا ونِّي خفْ يُورَا مُوسَا ذِي شَّارِيعَا ؤُڒَا ذ إِنَابِييّنْ، أَقَا-ث ذ يَاسُوع، مِّيسْ ن يُوسُوفْ زِي نَّاصِيرَا.“
JOH 1:46 نَاثَانَايِيلْ إِنَّا أَسْ: ”مَا أَذْ ثَاغْ إِزمَّارْ أَذْ د-ثفّغْ زِي نَّاصِيرَا شَا ن ثْشُونِي؟“ فِيلِيبُّوسْ إِنَّا أَسْ: ”أَرَاحْ-د، ثخْزَارذْ!“
JOH 1:47 يَاسُوع إِژْرَا نَاثَانَايِيلْ إِڭُّورْ-د غَارسْ، إِنَّا خَاسْ: ”خْزَارْ، وَا ذ إِجّْ ن مِّيسْ ذ ثِيذتّْ ن إِسْرَائِيل نِّي وَارْ ذَايسْ بُو ڒْغشّْ!“
JOH 1:48 نَاثَانَايِيلْ إِنَّا أَسْ: ”مَانِيسْ ذ أَيِي ثسّْنذْ؟“ يَاسُوع إِنَّا أَسْ: ”ژْرِيغْ شكْ سْوَادَّايْ إِ وَارْثُو قْبڒْ مَا أَذْ أَشْ د-إِڒَاغَا فِيلِيبُّوسْ.“
JOH 1:49 نَاثَانَايِيلْ يَارَّا-د خَاسْ: ”[أَ] أَمْسڒْمَاذْ إِنُو، شكْ ذ مِّيسْ ن أَربِّي، شكْ ذ أَجدْجِيذْ ن إِسْرَائِيل.“
JOH 1:50 يَاسُوع إِنَّا أَسْ: ”مَا ثُومْنذْ س مِينْزِي ذ أَشْ نِّيغْ: ’أَقَا ژْرِيغْ شكْ سْوَادَّايْ إِ وَارْثُو‘؟ أَذْ ثْژَارذْ مِينْ إِدْجَانْ كْثَارْ زِي مَانْ أَيَا.“
JOH 1:51 إِنَّا أَسْ: ”س ثِيذتّْ، س ثِيذتّْ، نشّْ أَذْ أَومْ إِنِيغْ، زِي سَّا ذ ثْسَاونْثْ أَذْ ثْژَارمْ أَجنَّا إِنُّورْزمْ ؤُ لْمَالَاكَاثْ ن أَربِّي تَّاڒْينْثْ هكّْوَانْثْ غَارْ مِّيسْ ن بْنَاذمْ!“
JOH 2:1 ذڭْ وَاسّْ وِيسّْ ثْڒَاثَا ثمْسَارْ إِشْثْ ن ثْمغْرَا ذِي قَانَا، إِشْثْ ن ثنْذِينْثْ ذِي لْجَالِيلْ. ثُوغَا ذِينْ يمَّاسْ ن يَاسُوع.
JOH 2:2 ؤُڒَا ذ يَاسُوع ذ إِمحْضَارنْ نّسْ تّْوَاعَارْضنْ-د غَارْ ثْمغْرَا.
JOH 2:3 ڒَامِي إِقْضَا بِينُو، ثنَّا أَسْ يمَّاسْ إِ يَاسُوع: ”وَارْ غَارْسنْ بُو بِينُو!“
JOH 2:4 يَاسُوع إِنَّا أَسْ: ”مِينْ ذِينْ جَارْ أَيِي أَكِيذمْ، [أَ] ثَامْغَارْثْ؟ ثَاسَاعّثْ إِنُو وَارْ د-ثِيوِيضْ عَاذْ!“
JOH 2:5 يمَّاسْ ثنَّا إِ إِمْسخَّارنْ: ”مِينْ ذ أَومْ إِ غَا يِينِي، ڭّمْ ث.“
JOH 2:6 ثُوغَا ذِينْ ستَّا ن إِقدّْوَاحْ ن وژْرُو ذَايْسنْ أَمَانْ، مَّارْسنْ ذِينِّي أَمْ مَامّشْ نُّومنْ تّڭّنْ وُوذَاينْ ڒُوضُو، كُوڒْ إِجّنْ [زَّايْسنْ] غَارسْ ڒْقدّْ ن ثْنَاينْ أَڒْ ثْڒَاثَا ن ’إِرِيبَاعنْ‘.
JOH 2:7 يَاسُوع إِنَّا أَسنْ: ”شُّورمْ إِقدّْوَاحْ س وَامَانْ!“ ؤُشَا شُّورنْ ثنْ س وَامَانْ أَڒْ أَقمُّومْ.
JOH 2:8 [خَاسْ ؤُشَا] إِنَّا أَسنْ: ”ڒخُّو سّْفَارّْغمْ [شْوَايْثْ] زَّايْسنْ، وْشمْ ث إِ بَابْ ن وُورَارْ.“ ؤُشَا سِّيوْضنْ ث.
JOH 2:9 ؤُمِي بَابْ ن وُورَارْ إِقدْجبْ أَمَانْ إِ إِذوْڒنْ ذ بِينُو - [مَاشَا] نتَّا وَارْ إِسِّينْ مَانِيسْ د-إِكَّا، مَاشَا إِمْسخَّارنْ نِّي ذ أَسْ د-يُويْمنْ أَمَانْ، سّْننْ - إِڒَاغَا-د بَابْ ن ثْمغْرَا خْ وسْڒِي.
JOH 2:10 إِنَّا أَسْ: ”كُوڒْ بْنَاذمْ إِتّْقدَّامْ بِينُو أَصبْحَانْ ذ أَمزْوَارُو. مَاڒَا إِنوْجِيونْ سْوِينْ أَطَّاسْ، أَذْ أَسنْ إِوْشْ بِينُو وَارْ إِحْڒِينْ، مَاشَا شكْ ثْخمّْڒذْ بِينُو إِصبْحنْ أَڒْ إِ ڒخُّو.“
JOH 2:11 ذ ثَا ذ ڒعْڒَامثْ ثَامزْوَارُوثْ إِ إِڭَّا يَاسُوع، ذِي قَانَا ذِي لْجَالِيلْ. إِسّضْهَارْ-د أَعُودْجِي نّسْ ؤُشَا ؤُمْننْ زَّايسْ إِمحْضَارنْ نّسْ.
JOH 2:12 أَوَارْنِي مَانْ أَيَا إِهْوَا-د غَارْ كَافَارْنَاحُومْ، نتَّا ذ يمَّاسْ، ذ أَيْثْمَاسْ، ذ إِمحْضَارنْ نّسْ، ؤُشَا قِّيمنْ ذِينْ شَا ن وُوسَّانْ.
JOH 2:13 ڒَامِي د-يِيوضْ [ڒْعِيذْ ن ثْغَارْصْثْ ن] ؤُسعْذُو، ڒْعِيذْ ن وُوذَاينْ، إِڭعّذْ يَاسُوع غَارْ ؤُرْشَالِيمْ.
JOH 2:14 يُوفَا ذِي زَّاوشْثْ ثَامقّْرَانْثْ إِنِّي ذِينْ إِزّْنُوزَانْ إِينْذُوزنْ ذ وُودْجِي ذ إِذْبِيرنْ، ؤُڒَا ذ إِصَارَّافنْ ن ثنْعَاشِينْ إِ ذِينْ إِقِّيمنْ.
JOH 2:15 إِڭَّا إِجّْ ن ؤُركُّوضْ زڭْ إِسغْوَانْ إِ يِيخفْ نّسْ، ؤُشَا يُوژّڒْ خَاسنْ مَارَّا زِي زَّاوشْثْ ثَامقّْرَانْثْ، ؤُڒَا ذ ؤُدْجِي ذ إِينْذُوزنْ ذ إِصَارَّافنْ، ؤُشَا إِزدْجعْ إِصُولْذِييّنْ نْسنْ ذِي ثمُّورْثْ، إِنّقْڒبْ طّْوَابڒْ نْسنْ.
JOH 2:16 إِنَّا إِ يِينِّي إِزّْنُوزَانْ إِذْبِيرنْ: ”كّْسمْ مَانْ أَيَا سَّا! وَارْ تَّارِّيمْ شَا ثَادَّارْثْ ن بَابَا ذ ثَادَّارْثْ ن سُّوقْ!“
JOH 2:17 [خنِّي]عقْڒنْ إِمحْضَارنْ نّسْ بلِّي ثُورَا: ”شْضَارثْ إِ ثَادَّارْثْ نّشْ إِشَّا أَيِي.“
JOH 2:18 [مَاشَا] ؤُذَاينْ أَرِّينْ-د، نَّانْ أَسْ: ”مَانْ ڒعْڒَامثْ إِ ذ أَنغْ غَا ثمْڒذْ، بلِّي [أَقَا غَاركْ ڒْحقّْ حِيمَا] أَذْ ثڭّذْ مَانْ أَيَا؟“
JOH 2:19 يَاسُوع يَارَّا-د، إِنَّا أَسنْ: ”هذْممْ زَّاوشْثْ ثَامقّْرَانْثْ ثَانِيثَا ؤُشَا ذِي ثْڒَاثَا ن وُوسَّانْ أَذْ ت سّْبدّغْ.“
JOH 2:20 نَّانْ أَسْ وُوذَاينْ: ”زَّاوشْثْ ثَامقّْرَانْثْ ثَانِيثَا ثبْنَا ذِي ستَّا ؤُ-ربْعِينْ ن إِسڭّْوُوسَا، مَا شكْ ثخْسذْ أَذْ ت-إِ-د-ثسّْبدّذْ ذِي ثْڒَاثَا ن وُوسَّانْ؟“
JOH 2:21 مَاشَا نتَّا ثُوغَا إِسَّاوَاڒْ خْ زَّاوشْثْ ثَامقّْرَانْثْ ن أَرِّيمثْ نّسْ.
JOH 2:22 أَوَارْنِي ڒَامِي د-إِكَّارْ يَاسُوع زِي ثَادَّارْثْ ن إِمتِّيننْ،عقْڒنْ إِمحْضَارنْ نّسْ مِينْ ذ أَسنْ إِنَّا، ؤُشَا ؤُمْننْ ذِي ثِيرَا [إِقدّْسنْ] ؤُ ذڭْ وَاوَاڒْ إِ إِنَّا يَاسُوع.
JOH 2:23 ؤُمِي يَاسُوع ثُوغَا ذِي ؤُرْشَالِيمْ، ذِي ڒْعِيذْ ن [ثْغَارْصْثْ ن] ؤُسعْذُو، ؤُمْننْ وَاطَّاسْ ذَايسْ ڒَامِي ژْرِينْ ڒعْڒَامَاثْ إِ إِڭَّا.
JOH 2:24 مَاشَا يَاسُوع وَارْ إِسّْشنْ شَا إِخفْ نّسْ غَارْسنْ، مِينْزِي نتَّا إِسّنْ مَارَّا إِوْذَانْ،
JOH 2:25 وَارْ إِحْذِيجْ شَا أَذْ أَسْ إِشْهذْ حذْ خْ بْنَاذمْ، مِينْزِي نتَّا س يِيخفْ نّسْ إِسّنْ مِينْ إِدْجَانْ ذِي بْنَاذمْ.
JOH 3:1 ثُوغَا ذِينْ إِجّْ ن بْنَاذمْ زڭْ إِفَارِيسِييّنْ قَّارنْ أَسْ نِيكُوذِيمُوسْ، نتَّا ذ إِجّْ ن ؤُمقّْرَانْ ن وُوذَاينْ.
JOH 3:2 يُوسَا-د غَارْ يَاسُوع س دْجِيڒثْ، إِنَّا أَسْ: ”[أَ] أَمْسڒْمَاذْ إِنُو، نشِّينْ نسّنْ بلِّي شكْ ذ أَمْسغَّارْ إِ د-يُوسِينْ زِي غَارْ أَربِّي، مِينْزِي وَارْ إِزمَّارْ ؤُڒَا ذ إِجّْ أَذْ إِڭّْ ڒعْڒَامَاثْ-أَ إِ ثڭِّيذْ شكْ، مْغِيرْ مَاڒَا أَكِيذسْ أَربِّي.“
JOH 3:3 يَارَّا-د يَاسُوع، إِنَّا أَسْ: ”س ثِيذتّْ، س ثِيذتّْ، نشّْ أَذْ أَشْ إِنِيغْ، ؤُڒَا ذ إِجّْ وَارْ إِزمَّارْ أَذْ إِژَارْ ثَاڭلْذِيثْ ن أَربِّي مْغِيرْ مَاڒَا إِتّْوَاخْڒقْ-د زِي جْذِيذْ.“
JOH 3:4 نِيكُوذِيمُوسْ إِنَّا أَسْ: ”مَامّشْ إِزمَّارْ إِجّْ ن ؤُوسَّارْ أَذْ د-إِتّْوَاخْڒقْ [عَاذْ]؟ وَارْ إِزمَّارْ أَذْ يَاذفْ عَاوذْ ذڭْ ؤُعذِّيسْ ن يمَّاسْ، مَاحنْذْ أَذْ د-إِتّْوَاخْڒقْ إِ ثْوَاڒَا وِيسّْ ثْنَاينْ؟“
JOH 3:5 يَاسُوع يَارَّا-د، إِنَّا أَسْ: ”س ثِيذتّْ، س ثِيذتّْ، نشّْ أَذْ أَشْ إِنِيغْ: مَاڒَا شَا ن يِيجّنْ وَارْ د-إِخْڒِيقْ شَا زڭْ وَامَانْ ؤُ زڭْ أَرُّوحْ، وَارْ إِزمَّارْ أَذْ يَاذفْ غَارْ ثْڭلْذِيثْ ن أَربِّي.
JOH 3:6 مِينْ د-إِتّْوَاخڒْقنْ زِي دَّاثْ، نتَّا ذ دَّاثْ، ؤُ مِينْ د-إِتّْوَاخڒْقنْ زِي أَرُّوحْ، نتَّا ذ أَرُّوحْ.
JOH 3:7 وَارْ ثْبهْثمْ شَا مَاڒَا نِّيغْ أَشْ، إِتّْخصَّا كنِّيوْ أَذْ د-ثتّْوَاخڒْقمْ زِي جْذِيذْ.
JOH 3:8 أَسمِّيضْ إِتّْسُوضْ مَانِيسْ إِخْسْ، ثتّسْڒِيذْ إِ ؤُسُوضِي نّسْ، وَارْ ثسِّينذْ شَا مَانِيسْ د-إِتَّاسْ ؤُڒَا مَانِي إِتّْرَاحْ. أَمُّو إِ إِدْجَا عَاوذْ مَارَّا ونِّي د-إِتّْوَاخڒْقنْ زِي أَرُّوحْ.“
JOH 3:9 نِيكُوذِيمُوسْ يَارَّا-د، إِنَّا أَسْ: ”مَامّشْ إِ غَا يڭّْ أَذْ يِيڒِي مَانْ أَيَا؟“
JOH 3:10 يَاسُوع يَارَّا-د، إِنَّا أَسْ: ”مَا شكْ ذ أَمْسغَّارْ ن إِسْرَائِيل ؤُ وَارْ ثسِّينذْ شَا مَانْ أَيَا؟
JOH 3:11 س ثِيذتّْ، س ثِيذتّْ، نشّْ أَذْ أَشْ إِنِيغْ: نشِّينْ نسَّاوَاڒْ خْ مِينْ نسّنْ، نشْهذْ خْ مِينْ نژْرَا، وَاخَّا أَمنِّي كنِّيوْ وَارْ ثقْبِيڒمْ شَا شّْهَاذثْ نّغْ.
JOH 3:12 مَاڒَا سِّيوْڒغْ أَومْ خْ مِينْ إِدْجَانْ خْ ثمُّورْثْ، كنِّيوْ وَارْ ثِيمْنمْ، مَامّشْ غَا ثڭّمْ أَذْ ثَامْنمْ مَاڒَا سِّيوْڒغْ أَومْ خْ مِينْ إِدْجَانْ ذڭْ ؤُجنَّا؟
JOH 3:13 ؤُڒَا ذ إِجّْ وَارْ يُوڒِي غَارْ ؤُجنَّا مْغِيرْ ونِّي د-إِهْوَانْ زڭْ ؤُجنَّا، أَقَا-ث ذ مِّيسْ ن بْنَاذمْ، ذ ونِّي إِدْجَانْ ذڭْ ؤُجنَّا.
JOH 3:14 أَمْ مَامّشْ إِسّْڭعّذْ مُوسَا أَفِيغَارْ ذِي ڒفْيَافِي، أَمُّو إِتّْخصَّا أَذْ إِتّْوَاسّْڭعّذْ مِّيسْ ن بْنَاذمْ [عَاوذْ]،
JOH 3:15 حِيمَا مَارَّا ونِّي زَّايسْ إِ غَا يَامْننْ، وَارْ إِتّْهلِّيكْ شَا، مَاشَا أَذْ غَارسْ ثِيڒِي ثُوذَارْثْ إِتّْذُومَانْ.
JOH 3:16 أَمُّو إِ يخْسْ أَربِّي دُّونشْثْ أَڒْ مَانِي إِوْشَا أَينِّي ن مِّيسْ، حِيمَا كُوڒْ إِجّنْ ونِّي زَّايسْ إِ غَا يَامْننْ، وَارْ إِهلِّيكْ شَا، مَاشَا أَذْ غَارسْ ثِيڒِي ثُوذَارْثْ إِتّْذُومَانْ.
JOH 3:17 مِينْزِي أَربِّي وَارْ د-إِسّكّْ شَا مِّيسْ غَارْ دُّونشْثْ، حِيمَا أَذْ إِحَاسبْ دُّونشْثْ، مَاشَا إِسّكّْ إِ-ث-إِ-د حِيمَا أَذْ زَّايسْ ثدَّارْ دُّونشْثْ.
JOH 3:18 ونِّي زَّايسْ إِ غَا يَامْننْ، وَارْ إِتّْوَاحَاسَابْ شَا. ونِّي وَارْ إِتِّيمْننْ شَا، أَقَا إِتّْوَاحَاسبْ زِي ڒخُّو، مِينْزِي نتَّا وَارْ يُومِينْ شَا ذڭْ يِيسمْ ن ؤُينِّي ن مِّيسْ ن أَربِّي.
JOH 3:19 ذ وَا ذ ڒحْكَامْ، أَقَا ثَافَاوْثْ ثُوسَا-د غَارْ دُّونشْثْ، [مَاشَا] إِوْذَانْ خْسنْ ثَادْجسْثْ خْ ثْفَاوْثْ، مِينْزِي ثِيمڭَّا نْسنْ ثُوغَا أَثنْثْ ذ ثِيعفَّانِينْ.
JOH 3:20 مَارَّا ونِّي إِتّڭّنْ ثُوعفّْنَا، إِشَارّهْ ثَافَاوْثْ، وَارْ د-إِتِّيسْ شَا غَارْ ثْفَاوْثْ، حِيمَا وَارْ تّْوَاوبّْخنْثْ شَا ثِيمڭَّا نّسْ.
JOH 3:21 مَاشَا ونِّي إِتّڭّنْ ثِيذتّْ أَذْ د-يَاسْ غَارْ ثْفَاوْثْ، حِيمَا أَذْ بَاننْثْ ثِيمڭَّا نّسْ، أَقَا تّْوَاڭّنْثْ ذِي أَربِّي.“
JOH 3:22 أَوَارْنِي مَانْ أَيَا يُوسَا-د يَاسُوع ذ إِمحْضَارنْ نّسْ غَارْ ثمُّورْثْ ن يَاهُوذِييَّا، إِسّعْذُو ذِينْ شَا ن ڒْوقْثْ أَكِيذْسنْ ؤُشَا ثُوغَا إِسّغْضَاصْ.
JOH 3:23 ؤُڒَا ذ يُوحَانَّا ثُوغَا إِسّغْضَاصْ ذِي عَايْنُونْ إِ د-يُوسِينْ طَّارْفْ إِ سَالِيمْ، مِينْزِي ذِينِّي أَمَانْ أَطَّاسْ. ؤُسِينْ-د [إِوْذَانْ] ذِينِّي ؤُشَا تّْوَاسّْغضْصنْ،
JOH 3:24 مِينْزِي يُوحَانَّا ثُوغَا عَاذْ وَارْ إِمّنْضَارْ شَا ذِي ڒحْبسْ.
JOH 3:25 إِمْسَارْ إِجّْ ن ؤُمْحَارْوضْ جَارْ إِجّنْ زڭْ إِمحْضَارنْ ن يُوحَانَّا ذ إِجّْ ن وُوذَايْ خْ مَامّشْ غَا يِيڒِي ڒُوضُو.
JOH 3:26 نِيثْنِي ؤُسِينْ-د غَارْ يُوحَانَّا، نَّانْ أَسْ: ”[أَ] أَمْسڒْمَاذْ نّغْ، خْزَارْ، ونِّي أَكِيذكْ إِدْجَانْ خْ ؤُجمَّاضْ ن لْ-ؤُرْذُونْ، ونِّي مِينْ خفْ ثْشهْذذْ، أَقَا ؤُڒَا ذ نتَّا إِسّغْضَاصْ ؤُ مَارَّا تَّاسنْ-د غَارسْ.“
JOH 3:27 يَارَّا-د يُوحَانَّا، إِنَّا أَسنْ: ”بْنَاذمْ وَارْ إِزمَّارْ أَذْ إِقْبڒْ ؤُڒَا ذ إِشْثْ ن ثْمسْڒَاشْثْ مَاڒَا وَارْ ذ أَسْ ثمّوْشْ زڭْ ؤُجنَّا.
JOH 3:28 كنِّيوْ سِيمَانْثْ نْومْ ثْشهّْذمْ بلِّي نشّْ نِّيغْ: ’نشّْ وَارْ دْجِيغْ شَا ذ لْمَاسِيحْ!‘، مَاشَا أَقَا نشّْ تّْوَاسّكّغْ-د زَّاثسْ.
JOH 3:29 ونِّي غَارْ ثدْجَا ثسْڒِيثْ، نتَّا ذ أَسْڒِي. أَمدُّوكّڒْ ن وسْڒِي ونِّي إِتّْبدَّانْ [زَّاثسْ]، إِتّسْڒَا غَارسْ، إِفَارّحْ س ڒفْرَاحثْ ثَامقّْرَانْثْ س ثْمِيجَّا ن وسْڒِي. س ؤُينِّي، خْزَارْ، أَقَا ثتّْوَاكمّڒْ ڒفْرَاحثْ إِنُو ثَانِيثَا.
JOH 3:30 إِتّْخصَّا أَذْ إِڭْمَا نتَّا ؤُ نشّْ أَذْ نقْصغْ.
JOH 3:31 مَاغَارْ ونِّي د-يُوسِينْ زِي سنّجْ، نتَّا سنّجْ إِ مَارَّا. ونِّي إِدْجَانْ زِي ثمُّورْثْ، زِي ثمُّورْثْ إِسَّاوَاڒْ. ونِّي د-يُوسِينْ زڭْ ؤُجنَّا، نتَّا سنّجْ إِ مَارَّا،
JOH 3:32 ؤُ نتَّا إِشهّذْ زِي مِينْ إِژْرَا ذ زِي مِينْ إِسْڒَا، [مَاشَا] شّْهَاذثْ نّسْ وَارْ ت إِقبِّيڒْ ؤُڒَا ذ إِجّنْ.
JOH 3:33 ونِّي إِقبّْڒنْ شّْهَاذثْ نّسْ ذ ونِّي إِسَّارْسنْ طَّابعْ نّسْ ن ؤُشمِّيعْ بلِّي أَقَا أَربِّي ذ ثِيذتّْ.
JOH 3:34 مِينْزِي ونِّي د-إِسّكّْ أَربِّي، إِسَّاوَاڒْ س وَاوَاڒنْ ن أَربِّي، مِينْزِي أَربِّي وَارْ إِتِّيشْ شَا أَرُّوحْ س ڒْمِيزَانْ.
JOH 3:35 بَابَاسْ إِتّخْسْ مِّيسْ ؤُشَا إِڭَّا أَسْ كُوڒْشِي ذڭْ إِفَاسّنْ نّسْ.
JOH 3:36 ونِّي إِتَّامْننْ ذِي مِّيسْ غَارسْ ثُوذَارْثْ إِتّْذُومَانْ، مَاشَا ونِّي وَارْ إِطِّيعْ شَا مِّيسْ، وَارْ إِژَارّْ ثُوذَارْثْ، [مَاغَارْ] أَغْضَابْ ن أَربِّي أَذْ خَاسْ إِقِّيمْ.“
JOH 4:1 [ؤُمِي] إِسّنْ يَاسُوع، أَقَا إِفَارِيسِييّنْ سْڒِينْ بلِّي نتَّا إِتّڭّْ ؤُ إِسّْغطَّاصْ إِمحْضَارنْ كْثَارْ زِي يُوحَانَّا
JOH 4:2 - وَاخَّا يَاسُوع سِيمَانْثْ نّسْ وَارْ إِسّغْضِيصْ شَا، مَاشَا إِمحْضَارنْ نّسْ -
JOH 4:3 إِفّغْ-د زِي يَاهُوذِييَّا، إِرُوحْ عَاوذْ غَارْ لْجَالِيلْ.
JOH 4:4 مَاشَا ثُوغَا إِتّْخصَّا أَذْ إِشُوقْ ذِي سَامَارْيَا.
JOH 4:5 نتَّا يُوسَا-د غَارْ إِشْثْ ن ثنْذِينْثْ ن إِسَامَارِييّنْ، قَّارنْ أَسْ سُوخَارْ، ثنِّي غَارْ طَّارْفْ ن إِيَّارْ إِ إِوْشَا يَاعْقُوبْ إِ مِّيسْ يُوسُوفْ.
JOH 4:6 ثُوغَا ذِينْ أَنُو ن يَاعْقُوبْ. يُوحڒْ يَاسُوع زڭْ إِبْرِيذنْ ؤُشَا إِرُوحْ إِقِّيمْ أَمنِّي غَارْ وَانُو، ثُوغَا ثَاسَاعّثْ ذ ستَّا، [إِخْسْ أَذْ يِينِي أَزْينْ ن وَاسّْ].
JOH 4:7 ثُوسَا-د إِشْثْ ن ثمْغَارْثْ زِي سَامَارْيَا حِيمَا أَذْ ثَاڭمْ أَمَانْ. يَاسُوع إِنَّا أَسْ: ”أوْشْ أَيِي أَمَانْ، أَذْ سْوغْ!“،
JOH 4:8 مِينْزِي إِمحْضَارنْ نّسْ ثُوغَا رُوحنْ غَارْ ثنْذِينْثْ مَاحنْذْ أَذْ سْغنْ مَاشَّا إِ يِيخفْ نْسنْ.
JOH 4:9 ثَامْغَارْثْ ن سَامَارْيَا ثنَّا أَسْ: ”مَامّشْ ثڭِّيذْ ثتَّارذْ زَّايِي أَذْ ثسْوذْ، أَقَا شكْ ذ ؤُذَايْ ؤُ نشّْ ذ ثَامْغَارْثْ زِي سَامَارْيَا؟“ مِينْزِي ؤُذَاينْ وَارْ نُّومنْ تّمْصُورُوفنْ أَكْ-ذ إِمزْذَاغْ ن سَامَارْيَا.
JOH 4:10 يَاسُوع يَارَّا-د، إِنَّا أَسْ: ”مَاعْلِيكْ ثسّْنذْ ثِيموْشَا ن أَربِّي ذ ونِّي ذ أَمْ إِقَّارنْ: ’أوْشْ أَيِي أَذْ سْوغْ!‘، إِڒِي شمْ ثتَّارْ ت زَّايسْ، ؤُشَا نتَّا أَذْ يِيڒِي إِوْشْ أَمْ أَمَانْ إِدَّارنْ.“
JOH 4:11 ثنَّا أَسْ ثمْغَارْثْ: ”[أَ] سِيذِي، وَارْ غَاركْ إِ زِي غَا ثَاڭْمذْ ؤُشَا أَنُو يُودْجغْ، مَانِيسْ إِ ذ غَا ثَاوْيذْ أَمَانْ إِدَّارنْ؟
JOH 4:12 مَا شكْ ذ أَمقّْرَانْ زِي جذِّيثْنغْ يَاعْقُوبْ ونِّي ذ أَنغْ إِوْشِينْ أَنُو وَانِيثَا، إِسْوَا زَّايسْ، نتَّا ذ ثَارْوَا نّسْ ذ ڒبْهَايمْ نّسْ؟“
JOH 4:13 يَاسُوع يَارَّا-د، إِنَّا أَسْ: ”مَارَّا ونِّي إِ غَا إِسْونْ زڭْ وَامَانْ-أَ، أَذْ إِفُوذْ عَاوذْ،
JOH 4:14 مَاشَا ونِّي إِ غَا إِسْونْ زڭْ وَامَانْ إِ ذ أَسْ غَا وْشغْ نشّْ، نتَّا وَارْ إِتّْفَاذِيعمَّارْصْ. مِينْزِي أَمَانْ إِ ذ أَسْ غَا وْشغْ نشّْ، أَذْ ذَايسْ ذوْڒنْ ذ ڒْعُونْصَارْ ن وَامَانْ إِ د إِتّفّْغنْ غَارْ ثُوذَارْثْ إِتّْذُومَانْ.“
JOH 4:15 ثَامْغَارْثْ ثنَّا أَسْ: ”[أَ] سِيذِي، أوْشْ أَيِي أَمَانْ-أَ حِيمَا وَارْ تّْفِيذغْ، وَارْ د-تِّيسغْ عَاذْ ذَا، حِيمَا أَذْ أَڭْمغْ.“
JOH 4:16 إِنَّا أَسْ يَاسُوع: ”رُوحْ، ڒَاغَا-د إِ ورْيَازْ نّمْ ؤُشَا ذْوڒْ-د ذَانِيثَا.“
JOH 4:17 نتَّاثْ ثنَّا أَسْ: ”وَارْ غَارِي بُو ورْيَازْ!“ يَاسُوع إِنَّا أَسْ: ”ثسِّيوْڒذْ نِيشَانْ ؤُمِي ثنِّيذْ: ’وَارْ غَارِي بُو ورْيَازْ!‘،
JOH 4:18 مِينْزِي ثُوغَا غَارمْ خمْسَا ن يرْيَازنْ ذ ونِّي غَارمْ ڒخُّو، وَارْ إِدْجِي بُو ذ أَرْيَازْ نّمْ. مَانْ أَيَا إِ ثنِّيذْ ذ ثِيذتّْ.“
JOH 4:19 ثَامْغَارْثْ ثنَّا أَسْ: ”[أَ] سِيذِي، تّْوَاڒِيغْ بلِّي شكْ ذ أَنَابِي.
JOH 4:20 ڒجْذُوذْ نّغْ سجْذنْ ذڭْ وذْرَارْ-أَ، مَاشَا كنِّيوْ ثقَّارمْ بلِّي ذِي ؤُرْشَالِيمْ مَانِي إِدْجَا ومْشَانْ إِ ذِي إِشُووَّارْ أَذْ نسْجذْ.“
JOH 4:21 يَاسُوع إِنَّا أَسْ: ”تِّيقّْ أَيِي، [أَ] ثَامطُّوثْ، أَقَا ثَاسَاعّثْ أَذْ د-ثَاسْ إِ ذِي وَارْ ثْعبّْذمْ بَابَا ؤُڒَا ذڭْ وذْرَارْ-أَ ؤُڒَا ذِي ؤُرْشَالِيمْ.
JOH 4:22 كنِّيوْ ثْعبّْذمْ مِينْ وَارْ ثسِّينمْ، [مَاشَا] نشِّينْ نْعبّذْ مِينْ نسّنْ، مِينْزِي ثُوذَارْثْ زڭْ وُوذَاينْ.
JOH 4:23 مَاشَا أَذْ د-ثَاوضْ ثْسَاعّثْ، نتَّاثْ أَقَا-ت ڒخُّو، بلِّي إِنِّي إِعبّْذنْ نِيشَانْ، أَذْعبْذنْ بَابَا ذِي أَرُّوحْ ؤُ ذِي ثِيذتّْ، مِينْزِي بَابَا يَارزُّو إِنِّي ث إِ غَا إِعبْذنْ أَمُّو.
JOH 4:24 أَربِّي ذ أَرُّوحْ ؤُ إِنِّي ث إِعبّْذنْ، إِتّْخصَّا أَسنْ أَذْعبْذنْ س أَرُّوحْ ذ ثِيذتّْ.“
JOH 4:25 ثَامْغَارْثْ ثنَّا أَسْ: ”نشّْ سّْنغْ بلِّي أَذْ د-يَاسْ لْمَاسِيحْ. خْمِي د غَا يَاسْ نتَّا، أَذْ أَنغْ إِسّڒْمذْ كُوڒْشِي.“
JOH 4:26 يَاسُوع إِنَّا أَسْ: ”أَقَا ذ نشّْ، ونِّي كِيمْ إِسَّاوَاڒنْ.“
JOH 4:27 أَمْ ثُوغَا إِسَّاوَاڒْ، ؤُسِينْ-د إِمحْضَارنْ نّسْ، تّْعجْبنْ ڒَامِي ث ؤُفِينْ إِسَّاوَاڒْ أَكْ-ذ إِشْثْ ن ثمْغَارْثْ. وَاخَّا أَمنِّي ؤُڒَا ذ إِجّْ وَارْ إِنِي: ”مِينْ ثَارزُّوذْ؟“ نِيغْ: ”مَايمِّي أَكِيذسْ ثسَّاوَاڒذْ؟“
JOH 4:28 [خَاسْ ؤُشَا] ثجَّا ثمْغَارْثْ أَقدُّوحْ نّسْ س وَامَانْ، ثُويُورْ غَارْ ثنْذِينْثْ، ثنَّا إِ إِوْذَانْ:
JOH 4:29 ”أَرَاحمْ-د، أَذْ ثْژَارمْ أَرْيَازْ إِ ذ أَيِي إِنَّا مَارَّا مِينْ ڭِّيغْ. مَا [أَذْ ثَاغْ] نتَّا ذ لْمَاسِيحْ؟“
JOH 4:30 إِوْذَانْ فّْغنْ-د زِي ثنْذِينْثْ، ؤُسِينْ-د غَارسْ.
JOH 4:31 جَارْ ؤُ جَارْ تَّارنْ [زَّايسْ] إِمحْضَارنْ نّسْ، نَّانْ: ”[أَ] أَمْسڒْمَاذْ نّغْ، أشّْ!“
JOH 4:32 مَاشَا نتَّا إِنَّا أَسنْ: ”نشّْ أَقَا غَارِي إِجّْ ن مَاشَّا حِيمَا أَذْ زَّايسْ إِتّْوَاشّْ، وَارْ ت ثسِّينمْ شَا كنِّيوْ.“
JOH 4:33 إِمحْضَارنْ مّْسقْسَانْ جَارْ أَسنْ: ”مَا يِيوْيِي أَسْ-د حذْ شَا ن مَاشَّا؟“
JOH 4:34 يَاسُوع إِنَّا أَسنْ: ”مَاشَّا إِنُو أَقَا أَذْ ڭّغْ مِينْ إِخْسْ ونِّي ذ أَيِي د-إِسّكّنْ ؤُ أَذْ كمّْڒغْ ڒْخذْمثْ نّسْ.
JOH 4:35 مَا وَارْ ثقَّارمْ: ’إِقِّيمْ عَاذْ أَربْعَا ن إِيُورنْ ؤُشَا أَذْ د-ثَاسْ صَّابثْ‘؟‘ خْزَارمْ، نشّْ أَذْ أَومْ إِنِيغْ، سْڭعّْذمْ ثِيطَّاوِينْ نْومْ، خْزَارمْ ذڭْ إِيَّارنْ، أَقَا وَارْغنْ، وجْذنْ إِ صَّابثْ.
JOH 4:36 ونِّي إِمجَّارنْ أَذْ إِكْسِي ڒْمُونثْ نّسْ، إِيْرُو ڒْغِيدْجثْ إِ ثُوذَارْثْ إِتّْذُومَانْ، حِيمَا أَذْ فَارْحنْ جْمِيعْ ونِّي إِزَارّْعنْ ذ ونِّي إِمجَّارنْ.
JOH 4:37 مِينْزِي ذِي مَانْ أَيَا أَقَا أَوَاڒْ-أَ ذ ثِيذتّْ: ’إِجّنْ أَذْ إِزَارْعْ ؤُ ونّغْنِي أَذْ إِمْجَارْ.‘
JOH 4:38 نشّْ سّكّغْ-د كنِّيوْ حِيمَا أَذْ ثمْجَارمْ مِينْ ؤُمِي وَارْ ثخْذِيممْ كنِّيوْ. إِنّغْنِي ثُوغَا خدّْمنْ، كنِّيوْ ثُوذْفمْ غَارْ ڒْخذْمثْ نْسنْ.“
JOH 4:39 أَطَّاسْ ن إِسَامَارِييّنْ زِي ثنْذِينْثْ نِّي ؤُمْننْ زَّايسْ خْ وَاوَاڒْ ن ثمْغَارْثْ إِ ثُوغَا إِشهّْذنْ: ”نتَّا إِنَّا أَيِي مَارَّا مِينْ ڭِّيغْ.“
JOH 4:40 ڒَامِي غَارسْ د-ؤُسِينْ إِسَامَارِييّنْ نِّي، سّقْسَانْ ث حِيمَا أَكِيذْسنْ إِقِّيمْ، ؤُشَا إِقِّيمْ أَكِيذْسنْ ثْنَاينْ ن وُوسَّانْ ذِينِّي.
JOH 4:41 ؤُشَا أَطَّاسْ ؤُمْننْ زَّايسْ زِي سِّيبّثْ ن وَاوَاڒْ نّسْ،
JOH 4:42 نَّانْ إِ ثمْغَارْثْ نِّي: ”نشِّينْ وَارْ نتِّيمنْ شَا عَاذْ زِي مِينْ ذ أَنغْ ثنِّيذْ، مِينْزِي نشِّينْ نسْڒَا إِ-ث س يِيخفْ نّغْ، نسّنْ بلِّي وَا س ثِيذتّْ ذ لْمَاسِيحْ، ونِّي إِتِّيشنْ ثُوذَارْثْ إِ دُّونشْثْ.“
JOH 4:43 أَوَارْنِي ثْنَاينْ ن وُوسَّانْ إِفّغْ-د يَاسُوع سّنِّي، إِرُوحْ غَارْ لْجَالِيلْ.
JOH 4:44 مِينْزِي يَاسُوع سِيمَانْثْ نّسْ أَقَا إِشْهذْ بلِّي أَنَابِي وَارْ غَارسْ بُو شَّانْ ذِي ثمُّورْثْ نّسْ.
JOH 4:45 ؤُمِي د-يُوسَا غَارْ لْجَالِيلْ، أَرحّْبنْ ث-إِ-د إِجَالِيلِييّنْ، مِينْزِي نِيثْنِي ژْرِينْ مَارَّا مِينْ إِڭَّا ذِي ڒْعِيذْ ذِي ؤُرْشَالِيمْ، مِينْزِي ؤُڒَا ذ نِيثْنِي ؤُسِينْ-د غَارْ ڒْعِيذْ.
JOH 4:46 يُوسَا-د يَاسُوع عَاوذْ غَارْ [ثنْذِينْثْ ن] قَانَا ذِي لْجَالِيلْ مَانِي يَارَّا أَمَانْ ذ بِينُو. ثُوغَا ذِينْ إِجّْ ن ؤُمْسخَّارْ ن ؤُجدْجِيذْ ذِي كَافَارْنَاحُومْ غَارسْ مِّيسْ إِهْڒشْ.
JOH 4:47 ڒَامِي إِسْڒَا بلِّي يَاسُوع يُوسَا-د زِي يَاهُوذِييَّا غَارْ لْجَالِيلْ، إِرُوحْ غَارسْ، إِسّقْسَا ث حِيمَا أَذْ د-إِهْوَا مَاحنْذْ أَذْ إِسّْڭنْفَا مِّيسْ، ونِّي ثُوغَا إِڭُّورنْ أَذْ إِمّثْ.
JOH 4:48 يَاسُوع إِنَّا أَسْ: ”كنِّيوْ وَارْ تِّيمْنمْ شَا مَاڒَا وَارْ ثژْرِيمْ ڒعْڒَامَاثْ ذ لْمُوعْجِيزَاثْ.“
JOH 4:49 إِنَّا أَسْ ؤُخدَّامْ ن ؤُجدْجِيذْ: ”[أَ] سِيذِي، هْوَا-د قْبڒْ إِ غَا إِمّثْ ؤُحنْجِيرْ إِنُو.“
JOH 4:50 يَاسُوع إِنَّا أَسْ: ”رُوحْ أَقَا مِّيشْ إِدَّارْ!“ أَرْيَازْ نِّي إِتِّيقّْ ذڭْ وَاوَاڒْ إِ ذ أَسْ إِنَّا يَاسُوع ؤُشَا إِرُوحْ.
JOH 4:51 ڒَامِي د-إِهْوَا، مّڒْقَانْ أَكِيذسْ إِمْسخَّارنْ نّسْ، خبَّارنْ ث، نَّانْ أَسْ: ”أَقَا مِّيشْ إِدَّارْ“.
JOH 4:52 إِسّقْسَا ثنْ خْ ثْسَاعّثْ مِينْ ذِي إِڭّنْفَا. نَّانْ أَسْ: ”إِضنَّاضْ غَارْ ثْسَاعّثْ وِيسّْ سبْعَا، [إِخْسْ أَذْ يِينِي غَارْ ثْسَاعّثْ ثَامزْوَارُوثْ ن ؤُزِيڒْ،] ثجَّا خَاسْ ثْمسِّي.“
JOH 4:53 خنِّي إِسّنْ بَابَاسْ بلِّي أَقَا إِمْسَارْ غَارْ ثْسَاعّثْ إِ ذ أَسْ إِنَّا يَاسُوع: ”أَقَا مِّيشْ إِدَّارْ!“ يُومنْ نتَّا ذ مَارَّا أَيْثْبَابْ ن ثَادَّارْثْ نّسْ.
JOH 4:54 ثَا ثُوغَا عَاوذْ ذ ڒعْڒَامثْ وِيسّْ ثْنَاينْ إِ إِڭَّا يَاسُوع زڭْ وَامِي د-إِفّغْ زِي يَاهُوذِييَّا غَارْ لْجَالِيلْ.
JOH 5:1 أَوَارْنِي مَانْ أَيَا يِيوضْ-د ڒْعِيذْ ن وُوذَاينْ ؤُشَا إِڭعّذْ يَاسُوع غَارْ ؤُرْشَالِيمْ.
JOH 5:2 [غَارْ ثوَّارْثْ ن وُودْجِي] ذِي ؤُرْشَالِيمْ ثُوغَا ذِينْ إِشْثْ ن ثْيڒْمَامْثْ ن ؤُسغْضصْ ؤُمِي قَّارنْ س ثْعِيبْرَانِيثْ ’بَايْثْ-خِيسْذَا‘، ثُوغَا غَارسْ خمْسَا ن إِسقِّيفنْ أَكْ-ذ إِكُولْوَارنْ ذ إِپِيلَارنْ.
JOH 5:3 ذَايْسنْ ثُوغَا إِقِّيمْ إِجّْ ن ڒْغَاشِي ذ أَمقّْرَانْ ن إِمهْڒَاشْ ذ إِذَارْغَاڒنْ ذ إِقجْذَاحنْ ذ إِنعْضَابنْ، تّْرَاجَانْ أَنْهزِّي ن وَامَانْ.
JOH 5:4 مِينْزِي زِي ڒْوقْثْ غَارْ ڒْوقْثْ إِهكّْوَا-د إِجّْ ن لْمَالَاكْ غَارْ ثْيڒْمَامْثْ-أَ ن ؤُسغْضصْ، إِسّنْهزَّا أَمَانْ، ؤُ ونِّي إِ د غَا إِهْوَانْ ذ أَمزْوَارُو أَوَارْنِي أَنْهزِّي ن وَامَانْ، أَذْ إِتّْوَاسّْڭنْفَا، مَامّشْ مَا إِدْجَا ڒهْڒَاشْ نّسْ.
JOH 5:5 ثُوغَا ذِينْ إِجّْ ن بْنَاذمْ ذَايسْ ڒهْڒَاشْ إِ يِيجّْ ن ڒْمِيجَاڒْ ن ثْمنْيَا ؤُ-ثْڒَاثِينْ ن إِسڭّْوُوسَا.
JOH 5:6 إِژْرَا يَاسُوع أَرْيَازْ-أَ إِسنّذْ ذِينِّي، إِسّنْ بلِّي ثُوغَا [إِحْڒشْ أَمُّو] أَطَّاسْ زڭْ وَامِي. إِنَّا أَسْ: ”مَا ثخْسذْ أَذْ ثڭّنْفِيذْ؟“
JOH 5:7 يَارَّا-د خَاسْ ؤُمهْڒُوشْ، إِنَّا: ”وَاهْ، [أَ] سِيذِي، مَاشَا وَارْ غَارِي إِجّنْ ونِّي ذ أَيِي غَا يِيوْينْ غَارْ ثُويڒْمَامْثْ ن ؤُسغْضصْ خْمِي غَا تّْوَاسّنْهزّنْ وَامَانْ. خْمِي تّْرَاحغْ نشّْ، إِهكّْوَا-د ونّغْنِي زَّاثِي.“
JOH 5:8 يَاسُوع إِنَّا أَسْ: ”كَّارْ، ثكْسِيذْ ثَاسُّوثْ نّشْ، ثُويُورذْ!“
JOH 5:9 ذغْيَا إِڭّنْفَا بْنَاذمْ نِّي ؤُشَا إِكْسِي ثَاسُّوثْ نّسْ، يُويُورْ. مَانْ أَيَا ثُوغَا ذڭْ وَاسّْ ن سّبْثْ.
JOH 5:10 نَّانْ وُوذَاينْ إِ ونِّي ثُوغَا إِتّْوَاسّْڭنْفَانْ: ”وَا ذ سّبْثْ، وَارْ غَاركْ بُو تّسْرِيحْ مَاحنْذْ أَذْ ثكْسِيذْ ثَاسُّوثْ نّشْ!“
JOH 5:11 يَارَّا-د، إِنَّا أَسنْ: ”ونِّي ذ أَيِي إِسّْڭنْفَانْ، إِنَّا: ’كْسِي ثَاسُّوثْ نّشْ، ثْرَاحذْ!‘ “
JOH 5:12 [خنِّي] سّقْسَانْ ث: ”مِينْ إِعْنَا بْنَاذمْ-أَ إِ ذ أَشْ إِنَّانْ: ’كْسِي ثَاسُّوثْ نّشْ، ثْرَاحذْ‘؟“
JOH 5:13 ونِّي إِتّْوَاسّْڭنْفَانْ وَارْ إِسِّينْ مِينْ إِعْنَا يَاسُوع، مِينْزِي إِنّجْرَا مِينْزِي أَقَا ذِينْ أَطَّاسْ ن ڒْغَاشِي ذڭْ ومْشَانْ نِّي.
JOH 5:14 أَوَارْنِي مَانْ أَيَا يُوفَا إِ-ث يَاسُوع ذِي زَّاوشْثْ ثَامقّْرَانْثْ، إِنَّا أَسْ: ”خْزَارْ، أَقَا ثڭّنْفِيذْ، وَارْ تّڭّْ بُو دّْنُوبْ عَاذْ، حِيمَا وَارْ ذ أَشْ إِتّمْسَارْ مِينْ إِدْجَانْ ذ أَعفَّانْ زِي مِينْ إِدْجَانْ قْبڒْ.“
JOH 5:15 أَرْيَازْ إِرُوحْ، إِخبَّارْ ؤُذَاينْ بلِّي ذ يَاسُوع إِ-ث إِسّْڭنْفَانْ.
JOH 5:16 س ؤُينِّي ذَارّْشنْ وُوذَاينْ خْ يَاسُوع، أَرزُّونْ أَذْ ث نْغنْ، مِينْزِي إِڭَّا مَانْ أَيَا ذِي سّبْثْ.
JOH 5:17 مَاشَا يَاسُوع يَارَّا-د، إِنَّا أَسنْ: ”أَقَا بَابَا إِخدّمْ أَڒْ يِيضَا ؤُ [خنِّي] نشّْ عَاوذْ أَقَا خدّْمغْ.“
JOH 5:18 ذِي سِّيبّثْ-أَ أَرزُّونْ وُوذَاينْ عَاذْ كْثَارْ حِيمَا أَذْ ث نْغنْ، وَارْ إِدْجِي وَاهَا مِينْزِي إِخَاڒفْ سّبْثْ، مَاشَا ؤُڒَا مِينْزِي نتَّا إِنَّا أَقَا أَربِّي ذ بَابَاسْ، إِسّْقُودَّا إِخفْ نّسْ أَكْ-ذ أَربِّي.
JOH 5:19 يَارَّا-د يَاسُوع، إِنَّا أَسنْ: ”س ثِيذتّْ، س ثِيذتّْ، نشّْ أَذْ أَومْ إِنِيغْ، مِّيسْ وَارْ إِزمَّارْ أَذْ إِڭّْ ؤُڒَا ذ إِشْثْ ن ثْمسْڒَاشْثْ س يِيخفْ نّسْ، مْغِيرْ مَاڒَا إِژْرَا بَابَاسْ إِتّڭّْ إِ-ت. مِينْ مَا إِتّڭّْ بَابَاسْ ؤُڒَا ذ مِّيسْ إِتّڭّْ أَمنِّي.
JOH 5:20 بَابَاسْ إِتّخْسْ مِّيسْ، إِسّْشنْ أَسْ مَارَّا مِينْ إِتّڭّْ، ؤُشَا أَذْ أَسْ إِسّْشنْ ڒخْذَايمْ ثِيمقّْرَانِينْ خْ ثِينَا، حِيمَا أَذْ ثْذهْشمْ.
JOH 5:21 أَمْ مَامّشْ ذ إِسّْنكَّارْ بَابَاسْ إِمتِّيننْ ؤُشَا إِتِّيشْ ثُوذَارْثْ، أَمنِّي ؤُڒَا ذ مِّيسْ إِتِّيشْ ثُوذَارْثْ إِ ونِّي إِخْسْ.
JOH 5:22 بَابَاسْ وَارْ إِتّْحَاسَابْ ؤُڒَا ذ إِجّْ، مَاشَا إِوْشَا لْحِيسَابْ مَارَّا إِ مِّيسْ
JOH 5:23 حِيمَا أَذْ وقَّارنْ مَارَّا مِّيسْ أَمْ تّْوقَّارنْ بَابَاسْ. ونِّي وَارْ إِتّْوقَّارنْ مِّيسْ وَارْ إِتّْوقَّارْ شَا ؤُڒَا ذ بَابَا ونِّي إِ-ث-إِ-د-إِسّكّنْ.
JOH 5:24 س ثِيذتّْ، س ثِيذتّْ، نشّْ أَذْ أَومْ إِنِيغْ: ونِّي إِتّسْڒَانْ إِ وَاوَاڒْ إِنُو ؤُشَا يُومنْ ذڭْ ونِّي ذ أَيِي د-إِسّكّنْ، غَارسْ ثُوذَارْثْ إِتّْذُومَانْ، وَارْ د-إِتِّيسْ شَا غَارْ لْحِيسَابْ، مَاشَا نتَّا أَقَا إِمُّوطِّي زِي ڒْموْثْ غَارْ ثُوذَارْثْ.
JOH 5:25 س ثِيذتّْ، س ثِيذتّْ، نشّْ أَذْ أَومْ إِنِيغْ: أَذْ د-ثَاسْ ثْسَاعّثْ، أَقَا-ت ڒخُّو، إِ ذِي إِمتِّيننْ أَذْ سْڒنْ ثْمِيجَّا ن مِّيسْ ن أَربِّي ؤُ إِنِّي إِ [ت] غَا إِسْڒنْ، أَذْ دَّارنْ.
JOH 5:26 مَاغَارْ أَمْ مَامّشْ بَابَاسْ غَارسْ ثُوذَارْثْ ذِي طّْبِيعثْ ن يِيخفْ نّسْ، أَمُّو إِ إِوْشَا ؤُڒَا إِ مِّيسْ حِيمَا أَذْ غَارسْ ثِيڒِي ثُوذَارْثْ ذِي طّْبِيعثْ ن يِيخفْ نّسْ،
JOH 5:27 ؤُشَا إِوْشَا أَسْ صُّولْطَا حِيمَا أَذْ إِحَاسبْ، مِينْزِي نتَّا ذ مِّيسْ ن بْنَاذمْ.
JOH 5:28 وَارْ تّْعجِيبمْ شَا س مَانْ أَيَا، أَقَا أَذْ د-ثَاسْ ثْسَاعّثْ إِ ذِي مَارَّا إِنِّي إِدْجَانْ ذڭْ إِمضْڒَانْ أَذْ سْڒنْ ثْمِيجَّا نّسْ،
JOH 5:29 ؤُشَا أَذْ د-فّْغنْ [زڭْ إِمضْڒَانْ]: إِنِّي إِڭِّينْ ثَاصبْحَانْثْ أَذْ كَّارنْ أَذْ رَاحنْ غَارْ ثْنُوكْرَا إِ ثُوذَارْثْ، ؤُ إِنِّي إِڭِّينْ ثُوعفّْنَا أَذْ كَّارنْ، أَذْ رَاحنْ غَارْ ثْنُوكْرَا إِ لْحِيسَابْ.
JOH 5:30 نشّْ وَارْ زمَّارغْ أَذْ ڭّغْ شَا زڭْ إِخفْ إِنُو، مَاشَا أَمْ مَامّشْ تّسْڒِيغْ، أَذْ حَاسْبغْ ؤُ لْحِيسَابْ إِنُو ذ ڒْحقّْ، مِينْزِي نشّْ وَارْ أَرزُّوغْ مِينْ خْسغْ، مَاشَا مِينْ إِخْسْ ونِّي ذ أَيِي د-إِسّكّنْ.
JOH 5:31 معْلِيكْ شهّْذغْ إِ إِخفْ إِنُو، إِڒِي أَقَا شّْهَاذثْ إِنُو وَارْ ثدْجِي شَا نِيشَانْ.
JOH 5:32 أَقَا ذِينْ إِجّنْ نّغْنِي وِي خَافِي إِشهّْذنْ، ؤُ نشّْ سّْنغْ بلِّي شّْهَاذثْ إِ خَافِي إِشهّذْ، أَقَا ذ ثِيذتّْ إِ ثدْجَا.
JOH 5:33 كنِّيوْ ثسّكّمْ-د [شَا ن إِرقَّاسنْ] غَارْ يُوحَانَّا ؤُشَا نتَّا إِشْهذْ إِ ثِيذتّْ.
JOH 5:34 مَاشَا نشّْ وَارْ قبّْڒغْ شَا شّْهَاذثْ ن بْنَاذمْ، مَاشَا نشّْ قَّارغْ [مَارَّا] مَانْ أَيَا حِيمَا أَذْ ثدَّارمْ.
JOH 5:35 ثُوغَا نتَّا ذ ڒفْنَارْ يَارقّنْ، إِتّْلِيلِّيشنْ، ؤُ كنِّيوْ ثخْسمْ أَذْ ثْفَارْحمْ س ثْفَاوْثْ نّسْ غَارْ إِشْثْ ن ثْسَاعّثْ.
JOH 5:36 مَاشَا نشّْ غَارِي إِشْثْ ن شّْهَاذثْ ذ ثَامقّْرَانْثْ خْ ثنِّي ن يُوحَانَّا، مِينْزِي ڒخْذَايمْ إِ ذ أَيِي إِوْشَا بَابَا، حِيمَا أَذْ ثنْثْ كمّْڒغْ، ڒخْذَايمْ نِّي إِ تّڭّغْ شهّْذنْثْ سِيمَانْثْ نْسنْثْ أَقَا ذ بَابَا ذ نتَّا إِ ذ أَيِي د-إِسّكّنْ.
JOH 5:37 بَابَا، ونِّي ذ أَيِي-د إِسّكّنْ، ذ نتَّا إِ خَافِي إِشهّْذنْ. كنِّيوْعمَّارْصْ وَارْ ثسْڒِيمْ ثْمِيجَّا نّسْ ؤُشَا وَارْ ثژْرِيمْ شَا ؤُذمْ نّسْ،
JOH 5:38 ؤُشَا أَوَاڒْ نّسْ وَارْ ذَايْومْ إِتّْغِيمِي شَا ڒبْذَا، مِينْزِي كنِّيوْ وَارْ ثتِّيمْننْ شَا ذڭْ ونِّي إِ-ث-إِ-د-إِسّكّنْ.
JOH 5:39 أَرْزُومْ ذِي ثِيرَا [إِقدّْسنْ]، مِينْزِي إِتّْغِيڒْ أَومْ أَقَا ذَايْسنْثْ ثُوذَارْثْ إِتّْذُومَانْ، ؤُ أَقَا أَثنْثْ ذ إِنِّي إِ خَافِي إِشهّْذنْ.
JOH 5:40 [وَاخَّا أَمنِّي] كنِّيوْ وَارْ ثتّخْسمْ أَذْ غَارِي د-ثَاسمْ حِيمَا أَذْ غَارْومْ ثِيڒِي ثُوذَارْثْ إِتّْذُومَانْ.
JOH 5:41 وَارْ قبّْڒغْ شَا أَعُودْجِي ن إِوْذَانْ،
JOH 5:42 مَاشَا سّْنغْ كنِّيوْ، أَقَا كنِّيوْ وَارْ غَارْومْ بُو ثَايْرِي ن أَربِّي ذڭْ إِخفْ نْومْ.
JOH 5:43 نشّْ ؤُسِيغْ-د س يِيسمْ ن بَابَا، كنِّيوْ وَارْ ذ أَيِي ثْقبّْڒمْ شَا. مَاڒَا يُوسَا-د شَا ن يِيجّنْ س يِيسمْ نّسْ، أَذْ ث ثْقبْڒمْ.
JOH 5:44 مَامّشْ ثْزمَّارمْ أَذْ ثَامْنمْ، مَاڒَا كنِّيوْ ثتّخْسمْ أَعُودْجِي ن وَايَاوْيَا، مَاشَا وَارْ ثَارزُّومْ شَا خْ ؤُعُودْجِي ن ؤُينِّي ن أَربِّي ذ إِجّنْ؟
JOH 5:45 مَا إِتّْغِيڒْ أَومْ أَذْ زَّايْومْ شثْشِيغْ غَارْ بَابَا؟ ونِّي زَّايْومْ إِ غَا إِشثْشَانْ ذ مُوسَا خْ ونِّي ثسّْرُوسَامْ أَسِيثمْ نْومْ.
JOH 5:46 مِينْزِي معْلِيكْ ثُومْنمْ زِي مُوسَا، إِڒِي ثُومْنمْ ذَايِي عَاوذْ، مِينْزِي نتَّا يُورَا خَافِي.
JOH 5:47 مَاڒَا كنِّيوْ وَارْ ثُومِينمْ شَا ذڭْ إِذْلِيسنْ نّسْ، مَامّشْ غَا ثڭّمْ أَذْ ثَامْنمْ ذڭْ وَاوَاڒنْ إِنُو؟“
JOH 6:1 أَوَارْنِي مَانْ أَيَا إِرُوحْ يَاسُوع غَارْ ؤُجمَّاضْ ن ڒبْحَارْ ن لْجَالِيلْ، ونِّي ؤُمِي قَّارنْ عَاوذْ [ڒبْحَارْ ن] ثِيبِيرِييَاسْ.
JOH 6:2 إِضْفَارْ إِ-ث-إِ-د إِجّْ ن ڒْغَاشِي ذ أَمقّْرَانْ، مِينْزِي ژْرِينْ ڒعْڒَامَاثْ إِ إِڭَّا إِ إِمهْڒَاشْ.
JOH 6:3 ڒخْذنِّي إِڭعّذْ يَاسُوع غَارْ وذْرَارْ ؤُشَا إِقِّيمْ ذِينِّي أَكْ-ذ إِمحْضَارنْ نّسْ.
JOH 6:4 إِقَارّبْ-د ڒْعِيذْ ن ثْغَارْصْثْ ن ؤُسعْذُو ن وُوذَاينْ.
JOH 6:5 ڒخْذنِّي إِسّْڭعّذْ يَاسُوع ثِيطَّاوِينْ نّسْ ؤُشَا، ؤُمِي إِژْرَا إِجّْ ن ڒْغَاشِي ذ أَمقّْرَانْ يُوسَا-د غَارسْ، إِنَّا إِ فِيلِيبُّوسْ: ”مَانِيسْ إِ غَا نْسغْ أَغْرُومْ، حِيمَا أَذْ شّنْ إِنَا؟“
JOH 6:6 إِنَّا أَمُّو حِيمَا أَذْ ث إِجَارّبْ، مِينْزِي نتَّا إِسّنْ مِينْ غَا يڭّْ.
JOH 6:7 يَارَّا-د خَاسْ فِيلِيبُّوسْ: ”أَغْرُومْ س مِيثَاينْ ذِينَارْ وَارْ ثنْ إِتّْقذِّي، [عَاذْ] مَاڒَا كُوڒْ إِجّنْ زَّايْسنْ أَذْ إِكْسِي [مْغِيرْ] ذْرُوسْ [وَاهَا].“
JOH 6:8 إِجّنْ زڭْ إِمحْضَارنْ نّسْ، نتَّا ذ أَنْذْرَاوُوسْ، ؤُمَاسْ ن شِيمْعُونْ بُوطْرُوسْ، إِنَّا أَسْ:
JOH 6:9 ”أَقَا ذَا إِجّْ ن ؤُحنْجِيرْ غَارسْ خمْسَا ن ثشْنِيفِينْ ن إِمنْذِي ذ ثْنَاينْ ن إِسڒْمَانْ، مَاشَا مَانْ أَيَا وَارْ إِتّْقذِّي إِ مَارَّا إِنَا!“
JOH 6:10 يَاسُوع إِنَّا أَسنْ: ”سْغِيممْ إِوْذَانْ.“ ثُوغَا ذِينْ أَطَّاسْ ن أَرْبِيعْ ذڭْ ومْشَانْ نِّي. س ؤُينِّي قِّيمنْ يرْيَازنْ، أَقَا أَثنْ ذِي خمْسَا-أَڒَافْ إِذْسنْ.
JOH 6:11 يَاسُوع إِكْسِي ثِيشْنِيفِينْ، ؤُ أَوَارْنِي ڒَامِي إِبَاركْ إِ ثنْثْ، إِبْضَا إِ-ثنْثْ خْ يِينِّي [ذِينْ] إِقِّيمنْ. [إِبْضَا نتَّا] أَمنِّي عَاوذْ إِسڒْمَانْ، عْلَاحْسَابْ أَنشْثْ إِخْسنْ [أَذْ شّنْ].
JOH 6:12 ڒَامِي جِّيوْننْ، إِنَّا إِ إِمحْضَارنْ نّسْ: ”يْرُوممْ إِڒقّْوَازْ إِشطّنْ، حِيمَا ؤُڒَا ذ إِشْثْ ن ڒْحَاجّثْ وَارْ ثتّْضيِّيعْ!“
JOH 6:13 يْرُونْ ثنْ ؤُشَاعمَّارنْ ثنْعَاشْ ن ثْسُودْجَاثِينْ س إِڒقّْوَازْ نِّي إِشطّنْ غَارْ يِينِّي إِشِّينْ زِي خمْسَا ن ثشْنِيفِينْ ن إِمنْذِي.
JOH 6:14 ڒَامِي ژْرِينْ إِوْذَانْ ڒعْڒَامثْ إِ إِڭَّا يَاسُوع، نَّانْ: ”وَا ذ ثِيذتّْ ذ أَنَابِي إِ إِڭُّورنْ أَذْ د-يَاسْ غَارْ دُّونشْثْ.“
JOH 6:15 ؤُمِي إِسّنْ يَاسُوع، بلِّي أَذْ د-أَسنْ نِيثْنِي، أَذْ ث طّْفنْ حِيمَا أَذْ ث ڭّنْ ذ أَجدْجِيذْ، خنِّي إِنّجْرَا غَارْ وذْرَارْ، حَاشَا نتَّا وحّْذسْ.
JOH 6:16 ڒَامِي د-ثوْضَا ثْمذِّيثْ، هْوَانْ-د إِمحْضَارنْ نّسْ غَارْ ڒبْحَارْ،
JOH 6:17 ؤُ [أَوَارْنِي ڒَامِي] نْيِينْ ذِي ثْغَارَّابُوثْ، قضْعنْ [ڒبْحَارْ] غَارْ كَافَارْنَاحُومْ. ثْقَارّبْ-د ثَادْجسْثْ ؤُ يَاسُوع ثُوغَا عَاذْ وَارْ غَارْسنْ د-يُوسِي.
JOH 6:18 ڒبْحَارْ إِنّهْوڒْ خَاسنْ، مِينْزِي أَسمِّيضْ ثُوغَا إِتّْسُوضْ أَطَّاسْ.
JOH 6:19 أَڒَامِي ثُوغَا قدّْفنْ ڒْقدّْ ن عْڒَاحَاڒْ خمْسَا ؤُ-عِيشْرِينْ أَڒْ ثْڒَاثِينْ ’إِسْثَاذِييّنْ‘، [عْڒَاحَاڒْ خمْسَا كِيلُومِيثْرْ]، ژْرِينْ يَاسُوع إِڭُّورْ خْ ڒبْحَارْ، إِتّْقَارَّابْ-د غَارْ ثْغَارَّابُوثْ نْسنْ، ؤُشَا ڭّْوذنْ.
JOH 6:20 [مَاشَا] نتَّا إِنَّا أَسنْ: ”أَقَا ذ نشّْ، وَارْ تّڭّْوذمْ شَا.“
JOH 6:21 نِيثْنِي خْسنْ أَذْ ث سّْقبْڒنْ ذِي ثْغَارَّابُوثْ، ؤُشَا خنِّي ثِيوضْ-د ثْغَارَّابُوثْ ذغْيَا غَارْ ڒْبَارّْ إِ غَارْ إِدْجَا تّْرَاحنْ.
JOH 6:22 ثِيوشَّا نّسْ إِژْرَا ڒْغَاشِي نِّي إِبدّْ خْ ؤُجمَّاضْ ن ڒبْحَارْ، بلِّي وَارْ ذِينْ ثُوغِي ؤُڒَا ذ إِشْثْ ن ثْغَارَّابُوثْ نّغْنِيثْ مْغِيرْ إِشْثنْ، ثنِّي مَانِي ذَايسْ ؤُذْفنْ إِمحْضَارنْ نّسْ، ؤُ يَاسُوع وَارْ يُوذِيفْ شَا ذِي ثْغَارَّابُوثْ أَكْ-ذ إِمحْضَارنْ نّسْ.
JOH 6:23 [مَاشَا] ؤُسِينْثْ-إِ-د إِغَارُّوبَا نّغْنِي زِي ثِيبِيرِييَاسْ زَّاثْ إِ ومْشَانْ مَانِي شِّينْ أَغْرُومْ نِّي إِبَاركْ يَاسُوع.
JOH 6:24 ڒَامِي إِژْرَا ڒْغَاشِي بلِّي يَاسُوع وَارْ ذِينْ إِدْجِي [عَاذْ] ؤُڒَا ذ إِمحْضَارنْ نّسْ، نْيِينْ ؤُڒَا ذ نِيثْنِي ذڭْ إِغَارُّوبَا-يَا ؤُشَا ؤُسِينْ-د غَارْ كَافَارْنَاحُومْ، أَرزُّونْ خْ يَاسُوع.
JOH 6:25 ڒَامِي ث ؤُفِينْ خْ ؤُجمَّاضْ ن ڒبْحَارْ، نَّانْ أَسْ: ”[أَ] أَمْسڒْمَاذْ نّغْ، مڒْمِي د-ثُوسِيذْ ذَا؟“
JOH 6:26 يَاسُوع يَارَّا-د خَاسنْ، إِنَّا: ”س ثِيذتّْ، س ثِيذتّْ، نشّْ أَذْ أَومْ إِنِيغْ: كنِّيوْ ثَارزُّومْ خَافِي، وَارْ إِدْجِي ؤُمِي ثژْرِيمْ ڒعْڒَامَاثْ، مَاشَا ؤُمِي ثشِّيمْ أَغْرُومْ ؤُشَا ثجِّيوْنمْ.
JOH 6:27 وَارْ تّْخذْممْ إِ مَاشَّا إِخسَّارنْ، مَاشَا إِ مَاشَّا إِتّْغِيمَانْ إِ ثُوذَارْثْ إِتّْذُومَانْ، ثنِّي ذ أَومْ إِ غَا إِوْشْ مِّيسْ ن بْنَاذمْ، مِينْزِي أَربِّي، بَابَاسْ، إِسَّارْسْ طَّابعْ نّسْ خَاسْ.“
JOH 6:28 نَّانْ أَسْ: ”مِينْ غَا نڭّْ، حِيمَا أَذْ نڭّْ ڒخْذَايمْ ن أَربِّي؟“
JOH 6:29 يَارَّا-د يَاسُوع، إِنَّا أَسنْ: ”ثَا ذ ڒْخذْمثْ ن أَربِّي، أَقَا أَذْ ثَامْنمْ ذڭْ ونِّي د-إِسّكّْ نتَّا.“
JOH 6:30 [خَاسْ ؤُشَا] نَّانْ أَسْ: ”مَانْ ڒعْڒَامثْ إِ غَا ثڭّذْ خنِّي حِيمَا أَذْ [ث] نْژَارْ ؤُشَا أَذْ زَّايكْ نَامنْ؟ مَانْ [ڒْْخذْمثْ] إِ غَا ثڭّذْ؟
JOH 6:31 ڒجْذُوذْ نّغْ شِّينْ ’مَانَّا‘ ذِي ڒخْڒَا أَمْ مَامّشْ ثُورَا: ’نتَّا إِوْشَا أَسنْ-د أَغْرُومْ زڭْ ؤُجنَّا، حِيمَا أَذْ ث شّنْ‘.“
JOH 6:32 إِنَّا أَسنْ يَاسُوع: ”س ثِيذتّْ، س ثِيذتّْ، نشّْ أَذْ أَومْ إِنِيغْ: وَارْ إِدْجِي ذ مُوسَا إِ ذ أَومْ إِوْشِينْ أَغْرُومْ زڭْ ؤُجنَّا، مَاشَا بَابَا إِتِّيشْ أَومْ أَغْرُومْ ن ثِيذتّْ زڭْ ؤُجنَّا.
JOH 6:33 مِينْزِي أَغْرُومْ ن أَربِّي ذ نتَّا ونِّي د-إِهْوَانْ زڭْ ؤُجنَّا ؤُشَا إِتِّيشْ ثُوذَارْثْ إِ دُّونشْثْ.“
JOH 6:34 نَّانْ أَسْ: ”[أَ] سِيذِيثْنغْ، أوْشْ أَنغْ-د ڒبْذَا أَغْرُومْ-أَ.“
JOH 6:35 يَاسُوع إِنَّا أَسنْ: ”نشّْ ذ أَغْرُومْ إِدَّارنْ. ونِّي غَارِي د غَا يَاسنْ، وَارْ إِتّْڒِيژْعمَّارْصْ، ؤُ ونِّي ذَايِي إِ غَا يَامْننْ، وَارْ إِتّْفِيذِي [عَاذْ]عمَّارْصْ.
JOH 6:36 مَاشَا نشّْ نِّيغْ أَومْ، [وَاخَّا] كنِّيوْ ثژْرِيمْ أَيِي، وَارْ ثُومِينمْ شَا.
JOH 6:37 كُوڒْ إِجّْ إِ ذ أَيِي غَا إِوْشْ بَابَا، أَذْ غَارِي د-يَاسْ ؤُ ونِّي غَارِي د غَا يَاسنْ، وَارْ ث سُّوفُّوغغْ شَا غَارْ بَارَّا.
JOH 6:38 مِينْزِي نشّْ هْوِيغْ-د زڭْ ؤُجنَّا، وَارْ إِدْجِي شَا حِيمَا أَذْ ڭّغْ مِينْ خْسغْ نشّْ، مَاشَا [حِيمَا أَذْ ڭّغْ] مِينْ إِخْسْ ونِّي ذ أَيِي د-إِسّكّنْ.
JOH 6:39 ذ مَانْ أَيَا مِينْ إِخْسْ ونِّي ذ أَيِي د-إِسّكّنْ، أَقَا نشّْ وَارْ سّْودَّارغْ ؤُڒَا ذ إِجّنْ زڭْ يِينِّي ذ أَيِي إِوْشَا، مَاشَا أَذْ ث-إِ-د-سّْنكَّارغْ ذڭْ وَاسّْ أَنڭَّارُو.
JOH 6:40 ذ مَانْ أَيَا مِينْ إِخْسْ بَابَا ونِّي ذ أَيِي د-إِسّكّنْ، أَقَا كُوڒْ إِجّْ ونِّي إِ غَا إِژَارنْ مِّيسْ ؤُشَا أَذْ ذَايسْ يَامنْ، أَذْ غَارسْ ثِيڒِي ثُوذَارْثْ إِتّْذُومَانْ، ؤُشَا نشّْ أَذْ ث-إِ-د-سّْنكَّارغْ ذڭْ وَاسّْ أَنڭَّارُو.“
JOH 6:41 ؤُذَاينْ شثْشَانْ زَّايسْ، مِينْزِي إِنَّا: ”نشّْ ذ أَغْرُومْ إِ د-إِهْوَانْ زڭْ ؤُجنَّا.“
JOH 6:42 نَّانْ: ”مَا ذ وَانِيثَا وَارْ إِدْجِي بُو ذ يَاسُوع، مِّيسْ ن يُوسُوفْ؟ نشِّينْ نسّنْ بَابَاسْ ذ يمَّاسْ! مَامّشْ إِ غَا يِينِي ورْيَازْ-أَ: ’نشّْ هْوِيغْ-د زڭْ ؤُجنَّا؟‘ “
JOH 6:43 يَاسُوع يَارَّا-د خَاسنْ، إِنَّا: ”وَارْ تّْشثْشَامْ شَا جَارْ أَومْ.
JOH 6:44 وَارْ إِزمَّارْ ؤُڒَا ذ إِجّْ أَذْ غَارِي د-يَاسْ، مْغِيرْ مَاڒَا إِجبْذْ إِ-ث-إِ-د بَابَا ونِّي ذ أَيِي د-إِسّكّنْ ؤُشَا نشّْ أَذْ ث-إِ-د-سّْنكَّارغْ ذڭْ وَاسّْ أَنڭَّارُو.
JOH 6:45 أَقَا ثُورَا ذڭْ [إِذْلِيسنْ ن] إِنَابِييّنْ: ’نِيثْنِي مَارَّا أَذْ تّْوَاسّْڒمْذنْ زِي أَربِّي!‘ س ؤُينِّي كُوڒْ إِجّْ ونِّي ذ أَسْ إِسْڒِينْ زِي بَابَا ؤُ إِڒْمذْ إِ-ث زَّايسْ، أَذْ غَارِي د-يَاسْ.
JOH 6:46 ؤُڒَا ذ إِجّْ وَارْ إِزمَّارْ أَذْ إِژَارْ بَابَا، مْغِيرْ ونِّي إِدْجَانْ زِي أَربِّي، ذ نتَّا إِ إِتّْوَاڒِينْ بَابَا.
JOH 6:47 س ثِيذتّْ، س ثِيذتّْ، نشّْ أَذْ أَومْ إِنِيغْ: ونِّي ذَايِي إِتَّامْننْ، أَذْ غَارسْ ثِيڒِي ثُوذَارْثْ إِتّْذُومَانْ.
JOH 6:48 نشّْ ذ أَغْرُومْ إِدَّارنْ.
JOH 6:49 ڒجْذُوذْ نْومْ شِّينْ ’مَانَّا‘ ذِي ڒخْڒَا ؤُشَا مُّوثنْ،
JOH 6:50 [مَاشَا] مَانْ أَيَا ذ أَغْرُومْ إِ د-إِهْوَانْ زڭْ ؤُجنَّا، حِيمَا بْنَاذمْ أَذْ زَّايسْ يشّْ، وَارْ إِتّْمتِّي شَا:
JOH 6:51 نشّْ ذ أَغْرُومْ إِدَّارنْ إِ د-إِهْوَانْ زڭْ ؤُجنَّا. مَاڒَا إِجّنْ إِشَّا زڭْ وغْرُومْ-أَ، أَذْ إِدَّارْ إِ ڒبْذَا. أَغْرُومْ نِّي إِ غَا وْشغْ نشّْ، نتَّا ذ أَرِّيمثْ إِنُو إِ غَا وْشغْ إِ ثُوذَارْثْ ن دُّونشْثْ.“
JOH 6:52 ؤُذَاينْ مّنْغنْ جَارْ أَسنْ، نَّانْ: ”مَامّشْ إِ غَا يڭّْ وَانِيثَا أَذْ أَنغْ إِوْشْ أَرِّيمثْ نّسْ حِيمَا أَذْ [ت] نشّْ؟“
JOH 6:53 إِنَّا أَسنْ يَاسُوع: ”س ثِيذتّْ، س ثِيذتّْ، نشّْ أَذْ أَومْ إِنِيغْ: مَاڒَا وَارْ ثتّتّمْ أَرِّيمثْ ن مِّيسْ ن بْنَاذمْ ؤُ وَارْ ثسّسمْ إِذَامّنْ نّسْ، وَارْ غَارْومْ بُو ثُوذَارْثْ ذڭْ إِخفْ نْومْ.
JOH 6:54 ونِّي إِ غَا إِشّنْ أَرِّيمثْ إِنُو ؤُشَا أَذْ إِسُووْ إِذَامّنْ إِنُو، أَذْ غَارسْ ثِيڒِي ثُوذَارْثْ إِتّْذُومَانْ ؤُ نشّْ أَذْ ث-إِ-د-سّْنكَّارغْ ذڭْ وَاسّْ أَنڭَّارُو.
JOH 6:55 مِينْزِي أَرِّيمثْ إِنُو ذ مَاشَّا ذ ثِيذتّْ ؤُشَا إِذَامّنْ إِنُو ذ ثِيسِّيثْ ذ ثِيذتّْ.
JOH 6:56 ونِّي إِ غَا إِشّنْ أَرِّيمثْ إِنُو ؤُشَا أَذْ إِسُو إِذَامّنْ إِنُو، أَذْ ذَايِي إِقِّيمْ ؤُ نشّْ ذَايسْ.
JOH 6:57 أَمْ مَامّشْ ذ أَيِي د-إِسّكّْ بَابَا إِدَّارنْ ؤُشَا نشّْ دَّارغْ زِي بَابَا، أَمُّو عَاوذْ ونِّي زَّايِي إِ غَا إِشّنْ، أَذْ زَّايِي إِدَّارْ.
JOH 6:58 وَا ذ أَغْرُومْ إِ د-إِهْوَانْ زڭْ ؤُجنَّا. وَارْ إِدْجِي شَا أَمْ مَامّشْ شِّينْ ڒجْذُوذْ نْومْ ’مَانَّا‘ ؤُشَا مُّوثنْ، ونِّي إِ غَا إِشّنْ أَغْرُومْ-أَ، أَذْ إِدَّارْ إِ ڒبْذَا.“
JOH 6:59 إِنَّا مَانْ أَيَا ذِي ثمْزِيذَا، أَمْ ثُوغَا إِسّڒْمَاذْ ذِي كَافَارْنَاحُومْ.
JOH 6:60 أَطَّاسْ ن إِمحْضَارنْ نّسْ، ؤُمِي سْڒِينْ مَانْ أَيَا، نَّانْ: ”أَوَاڒْ-أَ إِقْسحْ. وِي إِزمَّارنْ أَذْ أَسْ إِسڒْ؟“
JOH 6:61 مَاشَا يَاسُوع إِسّنْ ذڭْ إِخفْ نّسْ، أَقَا إِمحْضَارنْ نّسْ شثْشَانْ خْ مَانْ أَيَا، ؤُشَا إِنَّا أَسنْ: ”مَا أَذْ ثنْقَارْضمْ ذِي مَانْ أَيَا؟
JOH 6:62 إِ مَامّشْ مَاڒَا ثژْرِيمْ مِّيسْ ن بْنَاذمْ إِتّْڭعَّاذْ غَارْ مَانِي إِڒَا إِدْجَا قْبڒْ؟
JOH 6:63 أَرُّوحْ ذ نتَّا إِسّدَّارنْ، أَرِّيمثْ وَارْ ثْنفّعْ إِ وَالُو. أَوَاڒنْ إِ ذ أَومْ نِّيغْ، أَقَا أَثنْ ذ أَرُّوحْ ذ ثُوذَارْثْ.
JOH 6:64 مَاشَا أَقَا ذِينْ شَا جَارْ أَومْ إِنِّي وَارْ يُومِيننْ.“ مِينْزِي يَاسُوع إِسّنْ زڭْ ؤُمزْوَارُو مَانْ ينْ إِدْجَانْ إِنِّي وَارْ يُومِيننْ ؤُ مَانْ ونْ ث إِ غَا إِغْذَارنْ.
JOH 6:65 إِنَّا أَسنْ: ”س ؤُينِّي نِّيغْ أَومْ: وَارْ إِزمَّارْ ؤُڒَا ذ إِجّْ أَذْ غَارِي د-يَاسْ، مْغِيرْ مَاڒَا ثمّوْشْ أَسْ زِي بَابَا.“
JOH 6:66 زِي ڒْوقْثْ نِّي ذوْڒنْ أَطَّاسْ زڭْ إِمحْضَارنْ نّسْ غَارْ ضفَّارْ، وَارْ قِّيمنْ شَا ڭُّورنْ أَكِيذسْ.
JOH 6:67 إِنَّا يَاسُوع إِ ثنْعَاشْ: ”مَا ؤُڒَا ذ كنِّيوْ ثخْسمْ أَذْ ثُويُورمْ؟“
JOH 6:68 شِيمْعُونْ بُوطْرُوسْ يَارَّا-د خَاسْ، إِنَّا: ”[أَ] سِيذِي، وِي غَارْ إِ غَا نْرَاحْ؟ شكْ غَاركْ أَوَاڒنْ ن ثُوذَارْثْ إِتّْذُومَانْ،
JOH 6:69 ؤُ نشِّينْ نُومنْ ؤُ نسّنْ أَقَا شكْ ذ لْمَاسِيحْ، مِّيسْ ن أَربِّي إِدَّارنْ.“
JOH 6:70 يَاسُوع إِنَّا أَسنْ: ”مَا وَارْ إِدْجِي ذ نشّْ إِ كنِّيوْ د-إِخْضَارنْ ذ ثنْعَاشْ؟ ؤُشَا إِجّنْ زَّايْومْ ذ شِّيطَانْ.“
JOH 6:71 إِنَّا مَانْ أَيَا خْ يَاهُوذَا، مِّيسْ ن شِيمْعُونْ إِسْخَارِييُوطِي، مِينْزِي وَانِيثَا ثُوغَا إِخْسْ أَذْ ث إِسلّمْ. نتَّا ذ إِجّنْ زِي ثنْعَاشْ.
JOH 7:1 أَوَارْنِي مَانْ أَيَا ثُوغَا يَاسُوع إِڭُّورْ ذِي لْجَالِيلْ، وَارْ إِخْسْ أَذْ يُويُورْ ذِي يَاهُوذِييَّا، مِينْزِي ؤُذَاينْ ثُوغَا أَرزُّونْ أَذْ ث نْغنْ.
JOH 7:2 إِقَارّبْ-د ڒْعِيذْ ن إِعُوشُّوثنْ ن وُوذَاينْ.
JOH 7:3 نَّانْ أَسْ أَيْثْمَاسْ: ”فّغْ سَّانِيثَا، رُوحْ غَارْ [ثمُّورْثْ ن] يَاهُوذِييَّا حِيمَا ؤُڒَا ذ إِمحْضَارنْ نّشْ أَذْ ژَترنْ ڒخْذَايمْ نِّي ثتّڭّذْ.
JOH 7:4 ؤُڒَا ذ إِجّْ وَارْ إِتّڭّْ شَا ن ثْمسْڒَاشْثْ س ثْنُوفّْرَا، مَاڒَا يَارزُّو أَذْ إِسّضْهَارْ إِخفْ نّسْ س بْطَايْطَايْ. مَاڒَا ثڭِّيذْ ثِيمسْڒَايِينْ-أَ، سْشنْ إِخفْ نّشْ إِ دُّونشْثْ.“
JOH 7:5 مِينْزِي ؤُڒَا ذ أَيْثْمَاسْ وَارْ ذَايسْ ؤُمِيننْ شَا.
JOH 7:6 إِنَّا أَسنْ يَاسُوع: ”ڒْوقْثْ إِنُو عَاذْ وَارْ د-ثِيوِيضْ، مَاشَا ڒْوقْثْ نْومْ أَقَا-ت ڒبْذَا أَكِيذْومْ.
JOH 7:7 دُّونِّيثْ وَارْ ثْزمَّارْ أَذْ كنِّيوْ ثْشَارْهْ، مَاشَا نتَّاثْ ثْشَارْهْ أَيِي، مِينْزِي نشّْ شهّْذغْ خَاسْ بلِّي ڒخْذَايمْ نّسْ ذ ثِيعفَّانِينْ.
JOH 7:8 رُوحمْ كنِّيوْ غَارْ ڒْعِيذْ-أَ. نشّْ وَارْ تّْرِيحغْ شَا غَارْ ڒْعِيذْ-أَ، مِينْزِي ڒْوقْثْ إِنُو عَاذْ وَارْ ثْكمّڒْ.“
JOH 7:9 أَوَارْنِي ڒَامِي إِنَّا أَمُّو، إِقِّيمْ ذِي لْجَالِيلْ.
JOH 7:10 مَاشَا ؤُمِي ڭعّْذنْ أَيْثْمَاسْ غَارْ ڒْعِيذْ، إِرُوحْ ؤُڒَا ذ نتَّا غَارْ ڒْعِيذْ، وَارْ إِدْجِي س بْطَايْطَايْ، مَاشَا إِڭَّا أَخْمِي إِنُّوفَارْ.
JOH 7:11 ؤُذَاينْ أَرزُّونْ خَاسْ ذِي ڒْعِيذْ، نَّانْ: ”مَانِي إِدْجَا وَانِيثَا؟“
JOH 7:12 أَطَّاسْ زِي ڒْغَاشِي ثمْثُومنْ خَاسْ. شَا [زَّايْسنْ] نَّانْ: ”نتَّا ذ أَصبْحَانْ“ مَاشَا إِنّغْنِي نَّانْ: ”لَّ، مَاغَارْ إِسّْخَارِّيقْ خْ ڒْغَاشِي!“
JOH 7:13 مَاشَا ؤُڒَا ذ إِجّْ وَارْ خَاسْ إِسِّيوڒْ س بْطَايْطَايْ زِي سِّيبّثْ ن ثِيڭّْوُوذِي زڭْ وُوذَاينْ.
JOH 7:14 مَاشَا أَڒَامِي إِعْذُو وزْينْ ن ڒْعِيذْ، إِڭعّذْ يَاسُوع غَارْ زَّاوشْثْ ثَامقّْرَانْثْ، إِسّڒْمَاذْ [ذِينْ].
JOH 7:15 ؤُذَاينْ ذهْشنْ، نَّانْ: ”مَامّشْ إِڭَّا ورْيَازْ-أَ إِسّنْ إِذْلِيسنْ أَمْ وَارْ إِغْرِي شَا؟“
JOH 7:16 يَاسُوع يَارَّا-د، إِنَّا: ”ثَاغُورِي إِنُو وَارْ ثدْجِي شَا إِنُو، مَاشَا ن ونِّي ذ أَيِي د-إِسّكّنْ.
JOH 7:17 مَاڒَا إِجّنْ إِخْسْ أَذْ إِڭّْ مِينْ إِخْسْ نتَّا، أَذْ إِسّنْ مَا أَقَا ثَاغُورِي-يَا زِي أَربِّي نِيغْ أَقَا سَّاوَاڒغْ عْلَاحْسَابْ ڒْخَاضَارْ إِنُو.
JOH 7:18 ونِّي إِسَّاوَاڒنْ زڭْ ؤُخَارّصْ ن ڒْخَاضَارْ ن يِيخفْ نّسْ، يَارزُّو أَعُودْجِي نّسْ، مَاشَا ونِّي يَارزُّونْ أَعُودْجِي ن ونِّي ث-إِ-د إِسّكّنْ، أَقَا نتَّا ذ ثِيذتّْ، وَارْ ذَايسْ بُو ڒْغشّْ.
JOH 7:19 مَا وَارْ إِدْجِي ذ مُوسَا إِ ذ أَومْ إِوْشِينْ شَّارِيعَا؟ مَاشَا ؤُڒَا ذ إِجّْ زَّايْومْ وَارْ إِتّڭّْ شَّارِيعَا؟ إِ مَايمِّي [خنِّي] ثَارزُّومْ أَذْ أَيِي ثنْغمْ؟“
JOH 7:20 ڒْغَاشِي يَارَّا-د، نِيثْنِي نَّانْ: ”ذَايكْ إِجّْ ن شِّيطَانْ، وِي يَارزُّونْ أَذْ شكْ نْغنْ؟“
JOH 7:21 يَاسُوع يَارَّا-د، إِنَّا أَسنْ: ”ڭِّيغْ إِشْثْ ن ڒْخذْمثْ ؤُشَا كنِّيوْ ثتّْبهْثمْ مَارَّا.
JOH 7:22 إِ ؤُيَا مُوسَا إِوْشَا أَومْ-د أَخْثَانْ، وَارْ إِدْجِي مِينْزِي أَخْثَانْ زِي مُوسَا إِ يدْجَا، مَاشَا [مِينْزِي أَخْثَانْ إِدْجَا] زِي ڒجْذُوذْ نْومْ، ؤُ [خنِّي] ثْختّْنمْ إِ بْنَاذمْ ذِي سّبْثْ.
JOH 7:23 مَاڒَا إِقْبڒْ بْنَاذمْ أَذْ إِتّْوَاخْثنْ ذڭْ وَاسّْ ن سّبْثْ، حِيمَا وَارْ ثتّْوَارژِّي شَّارِيعَا ن مُوسَا، مَامّشْ إِ خَافِي إِ غَا ثْشثْشَامْ ڒَامِي سّْڭنْفِيغْ بْنَاذمْ إِكْمڒْ ذڭْ وَاسّْ ن سّبْثْ؟
JOH 7:24 وَارْ حكّْممْ خْ ثقْشُورْثْ [ن بْنَاذمْ]، مَاشَا حكْممْ س يِيجّْ ن ڒْحُوكْمْ إِسڭّْذنْ.“
JOH 7:25 نَّانْ إِرْيَازنْ زِي ؤُرْشَالِيمْ: ”مَا وَارْ إِدْجِي ذ وَا إِ يَارزُّونْ أَذْ ث نْغنْ؟
JOH 7:26 مَاشَا خْزَارْ، إِسَّاوَاڒْ س بْطَايْطَايْ، وَارْ ذ أَسْ قَّارنْ وَالُو. أَذْ ثَاغْ أَقَا سّْننْ إِمْغَارنْ [ن ڒْڭنْسْ] نِيشَانْ بلِّي س ثِيذتّْ وَانِيثَا ذ لْمَاسِيحْ؟
JOH 7:27 مَاشَا نسّنْ وَا، مَانِيسْ نتَّا، مَاشَا خْمِي د غَا يَاسْ لْمَاسِيحْ، ؤُڒَا ذ إِجّْ وَارْ إِسِّينْ مَانِيسْ نتَّا.“
JOH 7:28 ڒَامِي ثُوغَا إِسّڒْمَاذْ ذِي زَّاوشْثْ ثَامقّْرَانْثْ، إِسّْڭعّذْ يَاسُوع ثْمِيجَّا نّسْ س جّهْذْ، إِنَّا: ”كنِّيوْ ثسّْنمْ أَيِي ؤُ ثسّْنمْ مَانِيسْ نشّْ. نشّْ وَارْ د-ؤُسِيغْ س ڒْخَاضَارْ ن يِيخفْ إِنُو، مَاشَا ونِّي ذ أَيِي د-إِسّكّنْ أَقَا-ث ذ ثِيذتّْ، كنِّيوْ وَارْ ث ثسِّينمْ شَا.
JOH 7:29 مَاشَا نشّْ سّْنغْ ث، مِينْزِي نشّْ زَّايسْ ؤُ نتَّا ذ ونِّي ذ أَيِي-د إِسّكّنْ.“
JOH 7:30 خنِّي أَرزُّونْ أَذْ ث طّْفنْ، مَاشَا ؤُڒَا ذ إِجّْ وَارْ خَاسْ إِسَّارْسْ أَفُوسْ، مِينْزِي ثَاسَاعّثْ نّسْ وَارْ د-ثِيوضْ عَاذْ.
JOH 7:31 أَطَّاسْ زِي ڒْغَاشِي ؤُمْننْ زَّايسْ، نَّانْ: ”خْمِي د غَا يَاسْ لْمَاسِيحْ، مَا أَذْ إِڭّْ ڒعْڒَامَاثْ كْثَارْ زِي ثِينَا إِ إِڭَّا وَا؟“
JOH 7:32 سْڒِينْ إِفَارِيسِييّنْ مَارَّا مِينْ خَاسْ إِثمْثنْ ڒْغَاشِي. ؤُشَا نِيثْنِي ذ إِمقّْرَاننْ ن إِكهَّاننْ سّكّنْ-د إِعسَّاسنْ حِيمَا أَذْ ث طّْفنْ.
JOH 7:33 يَاسُوع إِنَّا: ”نشّْ أَذْ كِيذْومْ قِّيمغْ ذْرُوسْ ن ڒْوقْثْ عَاذْ، [خنِّي] أَذْ رَاحغْ غَارْ ونِّي ذ أَيِي د-إِسّكّنْ.
JOH 7:34 أَذْ خَافِي ثَارْزُومْ، وَارْ ذَايِي ثتِّيفمْ، ؤُ مَانِي غَا إِڒِيغْ نشّْ، وَارْ ثْزمَّارمْ أَذْ د-ثَاذْفمْ.“
JOH 7:35 نَّانْ وُوذَاينْ جَارْ أَسنْ: ”مَانِي غَا إِرَاحْ نتَّا أَڒَامِي وَارْ نْزمَّارْ أَذْ ث نَافْ. مَا خنِّي إِخْسْ أَذْ إِرَاحْ غَارْ ثمُّورَا ن ڒڭْنُوسْ؟ مَا إِخْسْ أَذْ إِسّڒْمذْ إِ لْكُوفَّارْ؟
JOH 7:36 مِينْ إِعْنَا وَاوَاڒْ-أَ إِ إِنَّا: ’أَذْ خَافِي ثَارْزُومْ، وَارْ ذَايِي ثتّطِّيفمْ!‘، ؤُ ’مَانِي غَا إِڒِيغْ نشّْ، وَارْ ثْزمَّارمْ أَذْ د-ثَاذْفمْ‘؟“
JOH 7:37 ذڭْ وَاسّْ أَمقّْرَانْ، أَسّْ أَنڭَّارُو ن ڒْعِيذْ، [إِكَّارْ] إِبدّْ-د يَاسُوع، إِڒَاغَا، إِنَّا: ”مَاڒَا إِفُوذْ حذْ، أجّْ إِ-ث أَذْ غَارِي د-يَاسْ، أَذْ إِسُو.
JOH 7:38 ونِّي ذَايِي إِ غَا يَامْننْ، أَمْ مَامّشْ نَّانْثْ ثِيرَا [إِقدّْسنْ]: أَذْ زَّايسْ أَزّْڒنْ إِغزْرَانْ ن وَامَانْ إِدَّارنْ!“
JOH 7:39 إِنَّا مَانْ أَيَا خْ أَرُّوحْ إِ غَا قبْڒنْ إِنِّي ذَايسْ إِتَّامْننْ. مِينْزِي أَرُّوحْ [إِقدّْسنْ] وَارْ ذ أَسنْ إِمّوْشْ [عَاذْ]، مِينْزِي يَاسُوع وَارْ إِتّْوَاسّْعُودْجِي عَاذْ.
JOH 7:40 أَطَّاسْ زِي ڒْغَاشِي، ؤُمِي سْڒِينْ أَوَاڒْ-أَ، نَّانْ: ”ذ وَا ذ أَنَابِي س ثِيذتّْ!“
JOH 7:41 إِنّغْنِي نَّانْ: ”وَا ذ لْمَاسِيحْ!“، مَاشَا شَا نّغْنِي [زَّايْسنْ] نَّانْ: ”مَا أَذْ د-يَاسْ لْمَاسِيحْ زِي لْجَالِيلْ؟
JOH 7:42 مَا وَارْ قَّارنْثْ ثِيرَا [إِقدّْسنْ]، أَقَا لْمَاسِيحْ أَذْ د-يَاسْ زِي زَّارِيعثْ ن ذَاوُوذْ، زِي بَايْثْ-لَاحْمْ، زِي ذْشَارْ ن ذَاوُوذْ؟“
JOH 7:43 ؤُشَا إِمْسَارْ ؤُمْسبْضِي ن ڒْغَاشِي ذِي سِّيبّثْ نّسْ.
JOH 7:44 شَا زَّايْسنْ خْسنْ أَذْ ث طّْفنْ، مَاشَا ؤُڒَا ذ إِجّْ وَارْ خَاسْ إِسَّارْسْ إِفَاسّنْ.
JOH 7:45 خنِّي ذوْڒنْ-د إِعسَّاسنْ نِّي غَارْ إِمقّْرَاننْ ن إِكهَّاننْ ذ إِفَارِيسِييّنْ. إِكهَّاننْ نَّانْ أَسنْ: ”مَايمِّي وَارْ ث-إِ-د-ثِيوْيمْ؟“
JOH 7:46 أَرِّينْ-د خَاسنْ إِعسَّاسنْ: ”عمَّارْصْ وَارْ إِسِّيوڒْ ؤُڒَا ذ إِجّْ ن بْنَاذمْ أَمْ مَامّشْ [إِسَّاوَاڒْ] ورْيَازْ-أَ!“
JOH 7:47 نَّانْ أَسنْ إِفَارِيسِييّنْ: ”مَا ؤُڒَا ذ كنِّيوْ تّْوَاخذْعمْ [زَّايسْ]؟
JOH 7:48 مَا خنِّي ذِينْ شَا ن إِجّنْ زڭْ إِمقّْرَاننْ [ن ڒْڭنْسْ] نِيغْ زڭْ إِفَارِيسِييّنْ يُومنْ زَّايسْ؟
JOH 7:49 مَاشَا ڒْغَاشِي-يَا إِ وَارْ إِسِّيننْ شَا شَّارِيعَا، أَقَا إِتّْوَانْعڒْ.“
JOH 7:50 نِيكُوذِيمُوسْ، ونِّي ثُوغَا ذ إِجّنْ زَّايْسنْ ؤُ ونِّي د-يُوسِينْ غَارْ يَاسُوع س دْجِيڒثْ، إِنَّا أَسنْ:
JOH 7:51 ”مَا أَذْ ثحْكمْ شَّارِيعَا نّغْ خْ إِجّْ ن بْنَاذمْ، بْڒَا مَا أَذْ زَّايسْ سْڒنْ، أَذْ سّْننْ مِينْ إِڭَّا؟“
JOH 7:52 أَرِّينْ-د، نَّانْ أَسْ: ”مَا ؤُڒَا ذ شكْ [أَذْ ثَاغْ] زِي لْجَالِيلْ؟ أَرْزُو، خْزَارْ، ؤُڒَا ذ إِجّْ ن ؤُنَابِي وَارْ د-إِتّكّْ شَا زِي لْجَالِيلْ.“
JOH 7:53 [خَاسْ ؤُشَا] إِرُوحْ كُوڒْ إِجّنْ غَارْ ثَادَّارْثْ نّسْ. مَاشَا يَاسُوع إِرُوحْ غَارْ وذْرَارْ ن زِّيثُونْ.
JOH 8:1 ...
JOH 8:2 ذِي صّْبحْ يُوسَا-د عَاوذْ غَارْ زَّاوشْثْ ثَامقّْرَانْثْ، ؤُسِينْ-د غَارسْ إِوْذَانْ مَارَّا. [خنِّي] أَمْ إِقِّيمْ، إِبْذَا إِسّڒْمَاذْ إِ-ثنْ.
JOH 8:3 إِمْسڒْمَاذنْ ن إِذْلِيسنْ ذ إِفَارِيسِييّنْ إِوْينْ أَسْ-د إِشْثْ ن ثمْغَارْثْ، ثتّْوَاطّفْ ثتّڭّْ زِّينَا. سّْبدّنْ ت ذِي ڒْوسْطْ،
JOH 8:4 نَّانْ أَسْ: ”[أَ] أَمْسغَّارْ، ثَامْغَارْثْ-أَ ثتّْوَاطّفْ س بْطَايْطَايْ، ثتّڭّْ زِّينَا.
JOH 8:5 إِوصَّا مُوسَا ذِي شَّارِيعَا أَذْ نَارْجمْ [ثِيمْغَارِينْ] أَمْ ثَانِيثَا. مِينْ غَا ثِينِيذْ شكْ؟“
JOH 8:6 نَّانْ أَسْ أَيَا حِيمَا أَذْ ث جَارّْبنْ، حِيمَا أَذْ غَارْسنْ ثِيڒِي مِينْزِي خَاسْ إِ غَا شثْشَانْ. مَاشَا يَاسُوع يُوضَارْ سْوَادَّايْ، يُورَا [س ؤُضَاضْ نّسْ] ذِي ثمُّورْثْ.
JOH 8:7 ڒَامِي قِّيمنْ أَمُّو ث تّسّقْسَانْ، إِبدّْ، إِنَّا أَسنْ: ”وِي زَّايْومْ إِدْجَانْ بْڒَا دّْنُوبْ، أَذْ خَاسْ إِنْضَارْ أَژْرُو أَمزْوَارُو.“
JOH 8:8 خنِّي يُوضَارْ عَاوذْ سْوَادَّايْ ؤُشَا يُورَا ذِي ثمُّورْثْ.
JOH 8:9 ڒَامِي سْڒِينْ مَانْ أَيَا، فّْغنْ إِجّنْ أَوَارْنِي ونّغْنِي، إِمقّْرَاننْ ذ أَمزْوَارُو. ثَامْغَارْثْ نِّي إِبدّنْ ذِي ڒْوسْطْ جِّينْ ت وحّْذسْ.
JOH 8:10 ڒخْذنِّي يَاسُوع إِكَّارْ، إِنَّا إِ ثمْغَارْثْ: ”مَانِي دْجَانْ نِيثْنِي؟ مَا وَارْ شمْ إِحَاكمْ ؤُڒَا ذ إِجّنْ؟“
JOH 8:11 نتَّاثْ ثنَّا: ”ؤُڒَا ذ إِجّْ، [أَ] سِيذِي!“ يَاسُوع إِنَّا أَسْ: ”ؤُڒَا ذ نشّْ وَارْ شمْ تّْحَاكَامغْ شَا. رُوحْ، وَارْ تّْعَاوَاذْ أَذْ ثڭّذْ دّْنُوبْ زِي سَّا ثْسَاونْثْ!“
JOH 8:12 إِسِّيوڒْ يَاسُوع عَاوذْ أَكِيذْسنْ، إِنَّا: ”نشّْ ذ ثَافَاوْثْ ن دُّونشْثْ. ونِّي ذ أَيِي غَا إِضْفَارنْ، وَارْ إِڭُّورْعمَّارْصْ ذِي ثَادْجسْثْ، مَاشَا أَذْ يَافْ ثْفَاوْثْ ن ثُوذَارْثْ.“
JOH 8:13 نَّانْ أَسْ إِفَارِيسِييّنْ: ”شكْ ثْشهّْذذْ خْ يِيخفْ نّشْ، شّْهَاذثْ نّشْ وَارْ ثدْجِي شَا ذ ثِيذتّْ.“
JOH 8:14 يَاسُوع يَارَّا-د، إِنَّا أَسنْ: ”عَاذْ مَاڒَا نشّْ شهّْذغْ خْ يِيخفْ إِنُو، شّْهَاذثْ إِنُو أَقَا ذ ثِيذتّْ، مِينْزِي نشّْ سّْنغْ مَانِيسْ د-ؤُسِيغْ ؤُ مَانِي غَا رَاحغْ، مَاشَا كنِّيوْ وَارْ ثسِّينمْ شَا مَانِيسْ د-ؤُسِيغْ ؤُڒَا مَانِي غَا رَاحغْ.
JOH 8:15 كنِّيوْ ثتّْحَاكَاممْ عْلَاحْسَابْ دَّاثْ، نشّْ وَارْ تّْحَاكَامغْ ؤُڒَا خْ إِجّنْ.
JOH 8:16 ؤُ نشّْ، مَاڒَا حَاكْمغْ، أَذْ يِيڒِي ڒحْكَامْ إِنُو ذ ثِيذتّْ، مِينْزِي نشّْ وَارْ دْجِيغْ بُو وحّْذِي، مَاشَا نشّْ ذ بَابَا ونِّي ذ أَيِي د-إِسّكّنْ.
JOH 8:17 ثُورَا عَاوذْ ذِي شَّارِيعَا نْومْ، بلِّي شّْهَاذثْ ن ثْنَاينْ ن إِوْذَانْ ذ ثِيذتّْ.
JOH 8:18 نشّْ ذ ونِّي إِشهّْذنْ خْ يِيخفْ إِنُو، ؤُشَا ؤُڒَا ذ بَابَا ونِّي ذ أَيِي-د إِسّكّنْ، إِشْهذْ خَافِي.“
JOH 8:19 نِيثْنِي نَّانْ أَسْ: ”مَانِي إِدْجَا بَابَاشْ؟“ يَاسُوع يَارَّا-د، إِنَّا أَسنْ: ”كنِّيوْ وَارْ ذ أَيِي ثسِّينمْ شَا ؤُ وَارْ ثسِّينمْ بَابَا. معْلِيكْ كنِّيوْ ذ أَيِي ثسّْنمْ، أَذْ ثِيڒِي ثسّْنمْ ؤُڒَا ذ بَابَا.“
JOH 8:20 إِنَّا أَوَاڒنْ-أَ ذِي مَانِي ثُوغَا ڒخْزنْ ن صّذْقثْ، أَمْ ثُوغَا إِسّڒْمَاذْ ذِي زَّاوشْثْ ثَامقّْرَانْثْ. وَارْ ث إِطِّيفْ ؤُڒَا ذ إِجّْ، مِينْزِي ثَاسَاعّثْ نّسْ ثُوغَا عَاذْ وَارْ د-ثِيوِيضْ.
JOH 8:21 يَاسُوع إِنَّا أَسنْ عَاوذْ: ”نشّْ أَذْ رَاحغْ، كنِّيوْ أَذْ خَافِي ثَارْزُومْ، أَذْ ثمّْثمْ ذِي دّْنُوبْ نْومْ. مَانِي غَا رَاحغْ نشّْ، وَارْ ثْزمَّارمْ كنِّيوْ أَذْ د-ثَاسمْ.“
JOH 8:22 ؤُذَاينْ نَّانْ: ”مَا أَذْ إِنغْ إِخفْ نّسْ [ڒخُّو]، مِينْزِي نتَّا إِنَّا: ’مَانِي غَا رَاحغْ نشّْ، وَارْ ثْزمَّارمْ كنِّيوْ أَذْ د-ثَاسمْ‘؟“
JOH 8:23 نتَّا إِنَّا أَسنْ: ”كنِّيوْ زِي سْوَادَّايْ، نشّْ زِي سنّجْ، كنِّيوْ زِي دُّونشْثْ-أَ، مَاشَا نشّْ وَارْ دْجِيغْ شَا زِي دُّونشْثْ-أَ.
JOH 8:24 نشّْ نِّيغْ أَومْ، أَذْ ثمّْثمْ ذِي دّْنُوبْ نْومْ، مَاغَارْ مَاڒَا وَارْ ثُومِينمْ شَا أَقَا ذ نشّْ، أَذْ ثمّْثمْ ذِي دّْنُوبْ نْومْ.“
JOH 8:25 ؤُذَاينْ نَّانْ: ”مِينْ ثعْنِيذْ شكْ؟“ يَاسُوع إِنَّا أَسنْ: ”وَاخَّا نشّْ بْذِيغْ أَذْ كِيذْومْ سِّيوْڒغْ -
JOH 8:26 [ؤُشَا] نشّْ غَارِي أَطَّاسْ ن ثْمسْڒَايِينْ إِ خفْ زمَّارغْ أَذْ خَاومْ سِّيوْڒغْ ؤُشَا أَذْ خَاومْ حكْمغْ - [إِتّْخصَّا عَاذْ أَذْ ثسّْنمْ،] أَقَا ونِّي ذ أَيِي د-إِسّكّنْ أَقَا-ث ذ ثِيذتّْ، ؤُشَا مِينْ زَّايسْ سْڒِيغْ، أَذْ ث إِنِيغْ إِ دُّونشْثْ.“
JOH 8:27 نِيثْنِي وَارْ فْهِيمنْ شَا، بلِّي ثُوغَا إِسَّاوَاڒْ أَكِيذْسنْ خْ بَابَاسْ.
JOH 8:28 يَاسُوع إِنَّا أَسنْ عَاوذْ: ”خْمِي غَا ثسّْڭعّْذمْ مِّيسْ ن بْنَاذمْ، أَذْ ثْفهْممْ بلِّي أَقَا ذ نشّْ، ؤُ بلِّي وَارْ تّڭّغْ ؤُڒَا ذ إِشْثْ ن ڒْحَاجّثْ زڭْ إِخفْ إِنُو، مَاشَا سَّاوَاڒغْ أَمْ مَامّشْ ذ أَيِي إِسّڒْمذْ بَابَا.
JOH 8:29 ونِّي ذ أَيِي د-إِسّكّنْ أَقَا-ث أَكِيذِي. بَابَا وَارْ ذ أَيِي إِجِّي شَا وحّْذِي، مِينْزِي تّڭّغْ ڒبْذَا مِينْ ث يَارْضَانْ.“
JOH 8:30 ؤُمِي ثُوغَا إِسَّاوَاڒْ خْ ثْمسْڒَايِينْ-أَ، ؤُمْننْ ذَايسْ أَطَّاسْ.
JOH 8:31 خنِّي إِنَّا يَاسُوع إِ وُوذَاينْ نِّي ذَايسْ يُومْننْ: ”مَاڒَا ثقِّيممْ ثطّْفمْ ذڭْ وَاوَاڒْ إِنُو، أَذْ ثِيڒِيمْ س ثِيذتّْ ذ إِمحْضَارنْ إِنُو،
JOH 8:32 ؤُشَا أَذْ ثسّْنمْ ثِيذتّْ ؤُشَا ثِيذتّْ أَذْ كنِّيوْ ثْحَارّْ.“
JOH 8:33 نَّانْ أَسْ: ”نشِّينْ ذ زَّارِيعثْ ن إِبْرَاهِيمْ،عمَّارْصْ وَارْ نعْبِيذْ حذْ س ثسْمُوغِي. مَامّشْ ثْزمَّارذْ أَذْ ثِينِيذْ: ’كنِّيوْ أَذْ ثتّْوَاحَارّمْ‘؟“
JOH 8:34 يَاسُوع يَارَّا-د خَاسنْ: ”س ثِيذتّْ، س ثِيذتّْ، نشّْ أَذْ أَومْ إِنِيغْ، مَارَّا ونِّي إِتّڭّنْ دّْنُوبْ نتَّا ذ أَمْسخَّارْ ن دّْنُوبْ.
JOH 8:35 أَمْسخَّارْ وَارْ إِتّْغِيمِي شَا ذِي ثَادَّارْثْ ڒبْذَا، مَاشَا مِّيسْ أَذْ ذِينْ إِقِّيمْ إِ ڒبْذَا.
JOH 8:36 خْمِي كنِّيوْ إِ غَا إِحَارّْ مِّيسْ، أَذْ ثِيڒِيمْ س ثِيذتّْ ذ إِحُورِّييّنْ.
JOH 8:37 نشّْ سّْنغْ، أَقَا كنِّيوْ ذ ثَارْوَا ن إِبْرَاهِيمْ، مَاشَا كنِّيوْ ثَارزُّومْ أَذْ أَيِي ثنْغمْ، مِينْزِي أَوَاڒْ إِنُو وَارْ ثْزمَّارمْ أَذْ ث ثْفهْممْ.
JOH 8:38 نشّْ سَّاوَاڒغْ س مِينْ ژْرِيغْ زِي بَابَا. ؤُڒَا ذ كنِّيوْ ثتّڭّمْ زِي مِينْ ثژْرِيمْ زِي بَابَاثْومْ.“
JOH 8:39 أَرِّينْ-د، نَّانْ أَسْ: ”بَابَاثْنغْ ذ إِبْرَاهِيمْ.“ إِنَّا أَسنْ يَاسُوع: ”مَاعْلِيكْ كنِّيوْ ثدْجِيمْ ذ ثَارْوَا ن إِبْرَاهِيمْ، أَذْ يِيڒِي أَقَا ثتّڭّمْ ڒخْذَايمْ ن إِبْرَاهِيمْ.
JOH 8:40 مَاشَا ڒخُّو ثَارزُّومْ أَذْ أَيِي ثنْغمْ، نشّْ ذ إِجّْ ن بْنَاذمْ إِ ثُوغَا أَكِيذْومْ إِسَّاوَاڒنْ س ثِيذتّْ إِ سْڒِيغْ زِي أَربِّي. مَانْ أَيَا وَارْ ث إِڭِّي شَا إِبْرَاهِيمْ.
JOH 8:41 كنِّيوْ ثتّڭّمْ ڒخْذَايمْ ن بَابَاثْومْ.“ نِيثْنِي نَّانْ أَسْ: ”نشِّينْ وَارْ د-نخْڒِيقْ شَا زِي فَارْقْ-شّْغڒْ، أَقَا غَارْنغْ إِجّنْ ونِّي ذ بَابَاثْنغْ، أَقَا-ث ذ أَربِّي.“
JOH 8:42 إِنَّا أَسنْ يَاسُوع: ”مَاعْلِيكْ أَربِّي ذ بَابَاثْومْ، إِڒِي أَقَا ثخْسمْ أَيِي، مِينْزِي نشّْ فّْغغْ-د زِي أَربِّي. نشّْ وَارْ د-ؤُسِيغْ شَا زڭْ إِخفْ إِنُو، مَاشَا نتَّا إِسّكّْ أَيِي-د.
JOH 8:43 مَايمِّي وَارْ ثفْهِيممْ إِ وَاوَاڒنْ إِنُو؟ مِينْزِي كنِّيوْ وَارْ ثْزمَّارمْ أَذْ ثسْڒمْ إِ وَاوَاڒْ[أنْ] إِنُو!
JOH 8:44 أَقَا كنِّيوْ [ثفّْغمْ] زِي بَابَاثْومْ، إِبْڒِيسْ، ؤُشَا ثخْسمْ أَذْ ثڭّمْ إِمژْرَانْ ن بَابَاثْومْ. نتَّا ثُوغَا إِنقّْ إِوْذَانْ زڭْ ؤُمزْوَارُو ؤُ وَارْ إِبدّْ ذِي ثِيذتّْ، مِينْزِي وَارْ ذَايسْ بُو ثِيذتّْ. مڒْمِي مَا إِسَّاوَاڒْ س ؤُخَارِّيقْ، إِسَّاوَاڒْ س مِينْ ذَايسْ، مِينْزِي نتَّا ذ بُو-إِخَارِّيقنْ ؤُڒَا ذ بَابَاسْ ن ؤُخَارِّيقْ.
JOH 8:45 مَاشَا ؤُمِي نشّْ قَّارغْ أَومْ ثِيذتّْ، كنِّيوْ وَارْ ذَايِي ثتِّيمْنمْ شَا.
JOH 8:46 وِي زَّايْومْ أَذْ أَيِي إِسّقْنعْ خْ دّْنُوبْ؟ ؤُمِي قَّارغْ ثِيذتّْ، مَايمِّي وَارْ ذَايِي ثتِّيمْنمْ شَا؟
JOH 8:47 ونِّي إِدْجَانْ زِي أَربِّي، إِتّسْڒَا إِ وَاوَاڒنْ ن أَربِّي. مِينْزِي كنِّيوْ وَارْ ثدْجِيمْ شَا زِي أَربِّي، س ؤُينِّي كنِّيوْ وَارْ ثتّسْڒِيمْ شَا.“
JOH 8:48 ؤُذَاينْ أَرِّينْ-د، نَّانْ أَسْ: ”مَا وَارْ إِدْجِي نِيشَانْ ؤُمِي ننَّا، أَقَا شكْ زِي سَامَارْيَا ؤُ ذَايكْ إِجّْ ن شِّيطَانْ؟“
JOH 8:49 يَاسُوع يَارَّا-د، إِنَّا: ”نشّْ وَارْ ذَايِي ؤُڒَا ذ إِجّْ ن شِّيطَانْ، مَاشَا نشّْ تّْوقَّارغْ بَابَا، ؤُشَا كنِّيوْ ثسّحْقَارَامْ أَيِي.
JOH 8:50 نشّْ وَارْ أَرزُّوغْ شَا أَعُودْجِي إِنُو. أَقَا ذِينْ إِجّنْ إِ خَاسْ يَارزُّونْ ذ ونِّي إِ غَا إِحكْمنْ.
JOH 8:51 س ثِيذتّْ، س ثِيذتّْ، نشّْ أَذْ أَومْ إِنِيغْ: مَاڒَا شَا ن يِيجّنْ إِطّفْ ذڭْ وَاوَاڒْ إِنُو،عمَّارْصْ وَارْ إِتّْوِيڒِي ڒْموْثْ إِ ڒبْذَا.“
JOH 8:52 نَّانْ أَسْ وُوذَاينْ: ”ڒخُّو نسّنْ بلِّي ذَايكْ إِجّْ ن شِّيطَانْ. أَقَا إِبْرَاهِيمْ ذ إِنَابِييّنْ مُّوثنْ. شكْ ثقَّارذْ: ’مَاڒَا شَا ن يِيجّنْ إِطّفْ ذڭْ وَاوَاڒْ إِنُو،عمَّارْصْ أَذْ إِقَّاسْ ڒْموْثْ إِ ڒبْذَا!‘
JOH 8:53 مَا شكْ ثمْغَارذْ خْ جذِّيثْنغْ إِبْرَاهِيمْ ونِّي إِمُّوثنْ، ؤُڒَا خْ إِنَابِييّنْ نِّي إِمُّوثنْ؟ مِينْ ثْحسْبذْ إِخفْ نّشْ؟“
JOH 8:54 إِنَّا أَسنْ يَاسُوع: ”مَاڒَا نشّْ سّْعُودْجِيغْ إِخفْ إِنُو، أَعُودْجِي إِنُو وَارْ إِدْجِي ذ وَالُو. بَابَا، أَقَا إِسّْعُودْجْ أَيِي، ونِّي خفْ ثقَّارمْ: ’نتَّا ذ أَربِّي نّغْ!‘
JOH 8:55 كنِّيوْ وَارْ ث ثسِّينمْ، مَاشَا نشّْ أَقَا سّْنغْ ث. مَاڒَا نِّيغْ: ’وَارْ ث سِّينغْ!‘، أَذْ إِڒِيغْ نشّْ ذ بُو-إِخَارِّيقنْ أَمْ كنِّيوْ. مَاشَا نشّْ سّْنغْ ث ؤُ تّطّْفغْ ذڭْ وَاوَاڒْ نّسْ.
JOH 8:56 جذِّيثْومْ إِبْرَاهِيمْ ثُوغَا إِتّْرَاجَا س ڒفْرَاحثْ حِيمَا أَذْ إِژَارْ أَسّْ إِنُو، ؤُشَا إِژْرَا إِ-ث، إِفَارْحْ.“
JOH 8:57 نَّانْ أَسْ وُوذَاينْ: ”عَاذْ وَارْ غَاركْ بُو خمْسِينْ ن إِسڭّْوُوسَا، مَامّشْ ثڭِّيذْ ثژْرِيذْ إِبْرَاهِيمْ؟“
JOH 8:58 إِنَّا أَسنْ يَاسُوع: ”س ثِيذتّْ، س ثِيذتّْ، نشّْ أَذْ أَومْ إِنِيغْ، قْبڒْ مَا ثُوغَا إِبْرَاهِيمْ، ثُوغَا نشّْ دْجِيغْ.“
JOH 8:59 [خنِّي] كْسِينْ إِژْرَا حِيمَا أَذْ ث أَرجْمنْ. مَاشَا يَاسُوع إِسّْنُوفَّارْ إِخفْ نّسْ ؤُشَا إِفّغْ زِي زَّاوشْثْ ثَامقّْرَانْثْ [أَمْ] إِشُوقْ ذِي ڒْوسْطْ نْسنْ، ؤُشَا [أَمُّو إِ] إِرُوحْ.
JOH 9:1 ؤُمِي خَاسنْ د-إِكَّا، إِژْرَا إِجّْ ن ورْيَازْ ثُوغَا ذ أَذَارْغَاڒْ زڭْ وَامِي د-إِخْڒقْ.
JOH 9:2 إِمحْضَارنْ نّسْ سّقْسَانْ ث، نَّانْ: ”[أَ] أَمْسڒْمَاذْ نّغْ، وِي إِخْضَانْ، مَا ذ وَا نِيغْ لْوَالِيذِينْ نّسْ، أَڒَامِي د-إِخْڒقْ ذ أَذَارْغَاڒْ؟“
JOH 9:3 يَاسُوع إِنَّا أَسنْ: ”ؤُڒَا ذ نتَّا وَارْ إِخْضِي ؤُڒَا ذ لْوَالِيذِينْ نّسْ، مَاشَا [مَانْ أَيَا أَقَا إِمْسَارْ]، حِيمَا أَذْ ذَايسْ ضْهَارنْثْ ڒخْذَايمْ ن أَربِّي.
JOH 9:4 إِشُووَّارْ أَذْ خذْمغْ ڒخْذَايمْ ن ونِّي ذ أَيِي د-إِسّكّنْ مَاحنْذْ عَاذْ ذ أَزِيڒْ. أَذْ د-ثَاسْ ثَادْجسْثْ مَانِي وَارْ إِزمَّارْ ؤُڒَا ذ إِجّْ أَذْ إِخْذمْ.
JOH 9:5 مِينْثْرَا نشّْ أَقَا أَيِي ذِي دُّونشْثْ، نشّْ ذ ثَافَاوْثْ ن دُّونشْثْ.“
JOH 9:6 أَوَارْنِي ڒَامِي إِنَّا أَمُّو، إِسُّوسفْ ذِي ثمُّورْثْ، إِڭَّا أَبدْجَاعْ زڭْ إِكُوفَّانْ نِّي ؤُشَا إِحنّشْ زَّايسْ ثِيطَّاوِينْ ن ؤُذَارْغَاڒْ س ؤُبدْجَاعْ.
JOH 9:7 [خَاسْ ؤُشَا] إِنَّا أَسْ: ”رُوحْ، ثسِّيرْذذْ ذِي ثُويڒْمَامْثْ ن ؤُسغْضصْ ن سِيلُووَامْ!“ إِرُوحْ، إِسِّيرْذْ، إِذْوڒْ إِتّْوَاڒَا.
JOH 9:8 جِّيرَانْ ذ يِينِّي ثُوغَا ث إِژْرِينْ قْبڒْ إِتّتَّارْ، نَّانْ: ”مَا وَارْ إِدْجِي ذ وَا ذ ونِّي ثُوغَا إِتّْغِيمَانْ إِتّتَّارْ؟“
JOH 9:9 شَا زَّايْسنْ نَّانْ: ”أَقَا ذ نتَّا!“ نَّانْ إِنّغْنِي: ”لَّ، مَاشَا إِتَّاوِي-د ذَايسْ!“ مَاشَا نتَّا [س يِيخفْ نّسْ] إِنَّا: ”أَقَا ذ نشّْ!“
JOH 9:10 نَّانْ أَسْ: ”مَامّشْ [ثمْسَارْ] تّْوَارزْمنْثْ ثِيطَّاوِينْ نّشْ؟“
JOH 9:11 يَارَّا-د، إِنَّا أَسنْ: ”بْنَاذمْ ؤُمِي قَّارنْ يَاسُوع، إِڭَّا أَبدْجَاعْ، إِحنّشْ ثِيطَّاوِينْ إِنُو ؤُشَا إِنَّا أَيِي: ’رُوحْ غَارْ ثُويڒْمَامْثْ ن سِيلُووَامْ، ثسِّيرْذذْ!‘ خنِّي رُوحغْ، سِّيرْذغْ ؤُشَا ذوْڒغْ تّْوَاڒِيغْ.“
JOH 9:12 نَّانْ أَسْ: ”مَانِي إِدْجَا نتَّا؟“ إِنَّا: ”وَارْ سِّينغْ.“
JOH 9:13 أَوْينْ-د ونِّي ثُوغَا إِدْجَا قْبڒْ ذ أَذَارْغَاڒْ، غَارْ إِفَارِيسِييّنْ.
JOH 9:14 ثُوغَا ذ سّبْثْ ڒَامِي إِڭَّا يَاسُوع أَبدْجَاعْ ؤُ يَارْزمْ أَسْ ثِيطَّاوِينْ نّسْ.
JOH 9:15 سّقْسَانْ ث إِفَارِيسِييّنْ عَاوذْ: ”مَامّشْ ثْذوْڒذْ ثتّْوَاڒِيذْ؟“ يَارَّا-د خَاسنْ: ”إِڭَّا أَبدْجَاعْ خْ ثِيطَّاوِينْ إِنُو، خنِّي سِّيرْذغْ ؤُشَا ذوْڒغْ تّْوَاڒِيغْ.“
JOH 9:16 شَا زڭْ إِفَارِيسِييّنْ نَّانْ: ”بْنَاذمْ-أَ وَارْ إِدْجِي شَا زِي أَربِّي، مِينْزِي نتَّا وَارْ إِتّْوقَّارْ شَا سّبْثْ.“ شَا نّغْنِي نَّانْ: ”مَامّشْ إِزمَّارْ إِجّْ ن بْنَاذمْ ذ أَعفَّانْ أَذْ إِڭّْ ڒعْڒَامَاثْ أَمْ ثِينَا؟“ ؤُشَا إِمْسَارْ ؤُبطُّو جَارْ أَسنْ.
JOH 9:17 نَّانْ عَاوذْ إِ ؤُذَارْغَاڒْ: ”مِينْ خَاسْ ثقَّارذْ شكْ، أَڒَامِي يَارْزمْ ثِيطَّاوِينْ نّشْ؟“ نتَّا إِنَّا أَسنْ: ”أَقَا-ث ذ أَنَابِي!“
JOH 9:18 مَاشَا ؤُذَاينْ وَارْ زَّايسْ ؤُمِيننْ شَا بلِّي نتَّا ثُوغَا ذ أَذَارْغَاڒْ ؤُشَا إِذْوڒْ إِتّْوَاڒَا، أَڒَامِي ذ ڒَاغَانْ خْ لْوَالِيذِينْ ن ونِّي إِذوْڒنْ إِتّْوَاڒَا.
JOH 9:19 سّقْسَانْ ثنْ: ”مَا وَا ذ مِّيثْومْ مِينْ خفْ ثقَّارمْ أَقَا إِتّْوَاخْڒقْ-د ذ أَذَارْغَاڒْ؟ إِ مَامّشْ إِڭَّا إِتّْوَاڒَا ڒخُّو؟“
JOH 9:20 أَرِّينْ-د لْوَالِيذِينْ نّسْ، نَّانْ: ”نشِّينْ نسّنْ بلِّي وَا ذ مِّيثْنغْ، أَقَا إِتّْوَاخْڒقْ-د ذ أَذَارْغَاڒْ،
JOH 9:21 مَاشَا مَامّشْ إِڭَّا إِتّْوَاڒَا ڒخُّو، وَارْ نسِّينْ، ؤُ وِي ذ أَسْ يَارزْمنْ ثِيطَّاوِينْ نّسْ وَارْ ث نسِّينْ شَا [عَاوذْ]. سقْسَامْ ث سِيمَانْثْ نّسْ، نتَّا أَقَا ذ أَبْڒِيغْ، أَذْ إِسِّيوڒْ خْ يِيخفْ نّسْ.“
JOH 9:22 نَّانْ لْوَالِيذِينْ نّسْ أَمُّو مِينْزِي ڭّْوذنْ زڭْ وُوذَاينْ، مِينْزِي ؤُذَاينْ مْعَاهَاذنْ بلِّي ونِّي إِ غَا إِشهْذنْ أَقَا نتَّا ذ لْمَاسِيحْ، أَذْ ث مّنْضَارنْ زِي ثمْزِيذَا.
JOH 9:23 س ؤُينِّي نَّانْ لْوَالِيذِينْ نّسْ: ”نتَّا أَقَا-ث ذ أَبْڒِيغْ، سقْسَامْ ث سِيمَانْثْ نّسْ.“
JOH 9:24 [خَاسْ ؤُشَا] ڒَاغَانْ-د وِيسّْ مَارْثَاينْ خْ ورْيَازْ ونِّي ثُوغَا ذ أَذَارْغَاڒْ، نَّانْ أَسْ: ”سْعُودْجْ أَربِّي! أَقَا نسّنْ بلِّي أَرْيَازْ-أَ ذ إِجّْ ن ؤُمذْنُوبْ.“
JOH 9:25 نتَّا يَارَّا-د، إِنَّا أَسنْ: ”مَا نتَّا ذ أَمذْنُوبْ وَارْ سِّينغْ. نشّْ سّْنغْ إِشْثْ ن ثْمسْڒَاشْثْ، أَقَا ثُوغَا أَيِي ذ أَذَارْغَاڒْ، ڒخُّو تّْوَاڒِيغْ!“
JOH 9:26 نَّانْ أَسْ عَاوذْ: ”مِينْ زَّايكْ إِڭَّا؟ مَامّشْ ذ أَشْ إِڭَّا يَارْزمْ ثِيطَّاوِينْ نّشْ؟“
JOH 9:27 إِنَّا أَسنْ: ”أَقَا نِّيغْ أَومْ ث، [مَاشَا] كنِّيوْ وَارْ ثسْڒِيمْ. مَايمِّي ثخْسمْ أَذْ ث ثسْڒمْ إِ ثْوَاڒَا نّغْنِي؟ مَا ثخْسمْ ؤُڒَا ذ كنِّيوْ أَذْ ثْذوْڒمْ ذ إِمحْضَارنْ نّسْ؟“
JOH 9:28 كّْوَارنْ ث، نَّانْ: ”شكْ ذ أَمحْضَارْ نّسْ! مَاشَا نشِّينْ أَقَا ذ إِمحْضَارنْ ن مُوسَا.
JOH 9:29 نشِّينْ نسّنْ أَقَا أَربِّي إِسِّيوڒْ أَكْ-ذ مُوسَا، مَاشَا أَرْيَازْ-أَ وَانِيثَا وَارْ نسِّينْ شَا مَانِيسْ نتَّا.“
JOH 9:30 يَارَّا-د ورْيَازْ، إِنَّا أَسنْ: ”أَقَا ذِي مَانْ أَيَا ڒعْجبْ، كنِّيوْ وَارْ ثسِّينمْ شَا مَانِيسْ نتَّا، وَاخَّا نتَّا يَارْزمْ أَيِي ثِيطَّاوِينْ إِنُو.
JOH 9:31 نشِّينْ نسّنْ، أَقَا أَربِّي وَارْ إِتّسْڒِي شَا غَارْ إِمذْنَابْ، مَاشَا مَاڒَا شَا ن إِجّنْ إِتّْوقَّارْ إِ-ث ؤُشَا إِتّڭّْ مِينْ إِخْسْ نتَّا، أَقَا نتَّا أَذْ غَارسْ إِسڒْ.
JOH 9:32 عمَّارْصْ وَارْ إِتّْوَاسْڒِي قَاعْ، أَقَا شَا ن إِجّنْ يَارْزمْ ثِيطَّاوِينْ ن إِجّنْ إِخْڒقْ-د ذ أَذَارْغَاڒْ.
JOH 9:33 معْلِيكْ وَا وَارْ إِدْجِي شَا زِي أَربِّي، وَارْ إِزمَّارْ أَذْ إِڭّْ مَانْ أَيَا!“
JOH 9:34 أَرِّينْ-د، نَّانْ أَسْ: ”شكْ ثْخڒْقذْ-د ثْكمّْڒذْ ذِي دّْنُوبْ، مَا خنِّي ثخْسذْ أَذْ أَنغْ ثسّڒْمَاذذْ؟“ [خنِّي] نْضَارنْ ث غَارْ بَارَّا.
JOH 9:35 إِسْڒَا يَاسُوع بلِّي نْضَارنْ ث غَارْ بَارَّا، ؤُشَا ؤُمِي ث يُوفَا، إِنَّا أَسْ: ”مَا ثُومْنذْ ذِي مِّيسْ ن أَربِّي؟“
JOH 9:36 يَارَّا-د، إِنَّا: ”مِينْ إِعْنَا نتَّا، [أَ] سِيذِي، حِيمَا أَذْ ذَايسْ أَمْنغْ؟“
JOH 9:37 إِنَّا أَسْ يَاسُوع: ”أَقَا شكْ ثژْرِيذْ ث ؤُڒَا ذ ونِّي أَكِيكْ إِسَّاوَاڒنْ أَقَا-ث ذ نتَّا.“
JOH 9:38 نتَّا إِنَّا: ”ؤُمْنغْ، أَ سِيذِي!“. ؤُشَا إِعبْذْ أَسْ.
JOH 9:39 يَاسُوع إِنَّا: ”إِ ڒْحُوكْمْ إِ د-ؤُسِيغْ غَارْ دُّونشْثْ-أَ، حِيمَا أَذْ ژَترنْ إِنِّي وَارْ إِتّْوِيڒِينْ، ؤُ [حِيمَا] إِنِّي إِتّْوَاڒَانْ أَذْ ذَارْغْڒنْ.“
JOH 9:40 سْڒِينْ شَا ن إِفَارِيسِييّنْ إِ كِيذسْ إِدْجَانْ مَانْ أَيَا، نَّانْ أَسْ: ”مَا أَقَا ذ نشِّينْ عَاوذْ ذ إِذَارْغَاڒنْ؟“
JOH 9:41 إِنَّا أَسنْ يَاسُوع: ”مَاعْلِيكْ ثدْجَامْ ذ إِذَارْغَاڒنْ وَارْ غَارْومْ إِتِّيڒِي بُو دّْنُوبْ، مَاشَا ڒخُّو ثقَّارمْ: ’أَقَا نتّْوَاڒَا!‘ س ؤُينِّي أَذْ إِقِّيمْ دّْنُوبْ نْومْ إِبدّْ.“
JOH 10:1 ”س ثِيذتّْ، س ثِيذتّْ، نشّْ أَذْ أَومْ إِنِيغْ: ونِّي وَارْ إِتِّيذْفنْ زِي ثوَّارْثْ غَارْ ڒْكُورِي ن وُودْجِي، مَاشَا أَذْ إِڭعّذْ مَانِيسْ نّغْنِي، أَقَا-ث ذ أَشفَّارْ ذ أَخوَّانْ.
JOH 10:2 مَاشَا ونِّي إِ غَا يَاذْفنْ زِي ثوَّارْثْ، نتَّا ذ أَمكْسَاوْ ن ثْحِيمَارْثْ.
JOH 10:3 أَعسَّاسْ ن ثوَّارْثْ أَذْ أَسْ يَارْزمْ إِ وَانِيثَا ؤُشَا أَذْ ثْسڒْ ثْحِيمَارْثْ إِ ثْمِيجَّا نّسْ. نتَّا أَذْ إِڒَاغَا إِ وُودْجِي نّسْ س إِسْمَاونْ نْسنْ ؤُشَا أَذْ ثنْ إِسُّوفّغْ غَارْ بَارَّا.
JOH 10:4 أَوَارْنِي ڒَامِي إِسُّوفّغْ مَارَّا ثَاحِيمَارْثْ نّسْ، أَذْ يُويُورْ زَّاثسْ، ؤُشَا أَذْ ث-إِ-د-ضْفَارنْ وُودْجِي نّسْ، مِينْزِي سّْننْ ثْمِيجَّا نّسْ.
JOH 10:5 مَاشَا أَبَارَّانِي وَارْ ث ثْضفَّارْ ثْحِيمَارْثْعمَّارْصْ، مَاشَا أَذْ زَّايسْ ثَارْوڒْ، مِينْزِي وَارْ ثسِّينْ ثْمِيجَّا ن ؤُبَارَّانِي.“
JOH 10:6 إِنَّا أَسنْ يَاسُوع أَمتِّيڒْ-أَ، مَاشَا نِيثْنِي وَارْ فْهِيمنْ شَا إِ ثْمسْڒَايِينْ مِينْ خفْ ثُوغَا أَكِيذْسنْ إِسَّاوَاڒْ.
JOH 10:7 يَاسُوع إِنَّا أَسنْ عَاوذْ: ”س ثِيذتّْ، س ثِيذتّْ، نشّْ أَذْ أَومْ إِنِيغْ: نشّْ ذ ثَاوَّارْثْ ن ثْحِيمَارْثْ.
JOH 10:8 مَارَّا إِنِّي د-يُوسِينْ [قْبڒْ إِنُو] أَقَا أَثنْ ذ إِشفَّارنْ ذ إِخوَّاننْ. مَاشَا ثَاحِيمَارْثْ وَارْ ذ أَسنْ ثسْڒِي شَا.
JOH 10:9 نشّْ ذ ثَاوَّارْثْ. ونِّي زَّايِي إِ غَا يَاذْفنْ، أَذْ إِدَّارْ. نتَّا أَذْ يَاذفْ، أَذْ إِفّغْ ؤُشَا أَذْ يَافْ مَانِي غَا يَارْوسْ.
JOH 10:10 أَشفَّارْ وَارْ د-إِتِّيسْ مْغِيرْ حِيمَا أَذْ يَاشَارْ، أَذْ إِنغْ ؤُ أَذْ إِسّْهلّكْ. نشّْ [مَاشَا] ؤُسِيغْ-د حِيمَا أَذْ غَارْسنْ ثِيڒِي ثُوذَارْثْ ذ ؤُفيّضْ.
JOH 10:11 نشّْ ذ أَمكْسَاوْ أَصبْحَانْ. أَمكْسَاوْ أَصبْحَانْ إِسّْرُوسَا ثُوذَارْثْ نّسْ إِ ثْحِيمَارْثْ نّسْ.
JOH 10:12 مَاشَا أَمْشَارَايْ، ونِّي وَارْ إِدْجِي شَا ذ أَمكْسَاوْ، وَارْ إِدْجِي شَا ذ بَابْ ن وُودْجِي، خْ مِينِّي إِ غَا إِژَارْ ؤُشّنْ يُوسَا-د، أَذْ يجّْ ثَاحِيمَارْثْ ؤُشَا أَذْ يَارْوڒْ. خنِّي أَذْ د-يَاسْ وُوشّنْ، أَذْ إِخْضفْ ثَاحِيمَارْثْ ؤُشَا أَذْ ت إِزُّوزَارْ.
JOH 10:13 أَمْشَارَايْ يَارْوڒْ، مِينْزِي نتَّا ذ أَمْشَارَايْ، وَارْ ث إِشْقِي ثَاحِيمَارْثْ.
JOH 10:14 نشّْ ذ أَمكْسَاوْ أَصبْحَانْ. سّْنغْ ؤُدْجِي إِنُو ؤُشَا ؤُدْجِي إِنُو سّْننْ أَيِي،
JOH 10:15 أَمْ مَامّشْ إِ ذ أَيِي إِسّنْ بَابَا، أَمُّو إِ سّْنغْ نشّْ بَابَا. نشّْ أَذْ وْشغْ ثُوذَارْثْ إِنُو إِ ثْحِيمَارْثْ.
JOH 10:16 غَارِي عَاذْ ؤُدْجِي نّغْنِي، إِنِّي وَارْ إِدْجِينْ شَا زِي ڒْكُوڒِي-يَا. إِشُووَّارْ أَيِي أَذْ ثنْ د-سّْمُونغْ عَاوذْ ؤُشَا أَذْ سْڒنْ إِ ثْمِيجَّا إِنُو، ؤُشَا أَذْ ذوْڒنْ مَارَّا ذ إِشْثْ ن ثْحِيمَارْثْ [سَاذُو ؤُفُوسْ ن] إِجّْ ن ؤُمكْسَاوْ.
JOH 10:17 س مَانْ أَيَا إِتّخْسْ أَيِي بَابَا، مِينْزِي نشّْ وْشِيغْ ثُوذَارْثْ إِنُو حِيمَا أَذْ ت-إِ-د-كْسِيغْ عَاوذْ.
JOH 10:18 ؤُڒَا ذ إِجّْ وَارْ زَّايِي ت إِكْسِي، مَاشَا نشّْ وْشِيغْ ت س ڒْخَاضَارْ إِنُو. غَارِي صُّولْطَا حِيمَا أَذْ ت وْشغْ ؤُ غَارِي صُّولْطَا حِيمَا أَذْ ت-إِ-د-كْسِيغْ عَاوذْ. ثَاوْصيّثْ-أَ طّْفغْ ت زِي بَابَا.“
JOH 10:19 خنِّي إِمْسَارْ عَاوذْ ؤُبطُّو جَارْ وُوذَاينْ س سِّيبّثْ ن وَاوَاڒنْ-أَ.
JOH 10:20 أَطَّاسْ زَّايْسنْ نَّانْ: ”أَقَا ذَايسْ إِجّْ ن شِّيطَانْ، نتَّا ذ أَطمّسْ أَمقّْرَانْ. مَايمِّي غَارسْ ثتّسْڒَامْ؟“
JOH 10:21 إِنّغْنِي نَّانْ: ”أَوَاڒنْ-أَ وَارْ دْجِينْ شَا ن إِجّْ ن ؤُمَارْيَاحْ. مَا إِزمَّارْ إِجّْ ن شِّيطَانْ أَذْ يَارْزمْ ثِيطَّاوِينْ ن إِذَارْغَاڒنْ؟“
JOH 10:22 يِيوضْ-د ڒْعِيذْ ن ؤُذشّنْ [ن زَّاوشْثْ ثَامقّْرَانْثْ] ذِي ؤُرْشَالِيمْ. ثُوغَا ذ ڒْمشْثَا.
JOH 10:23 يَاسُوع إِڭُّورْ ذِي زَّاوشْثْ ثَامقّْرَانْثْ ذڭْ ؤُسقِّيفْ أَكْ-ذ ؤُكُولْوَارْ ذ إِپِيلَارنْ ن سُولِيمَانْ.
JOH 10:24 نّْضنْ أَسْ-د وُوذَاينْ، نَّانْ أَسْ: ”أَڒْ مڒْمِي ذ أَنغْ إِ غَا ثجّذْ نُويڒْ [عَاذْ]؟ مَاڒَا شكْ ذ لْمَاسِيحْ، إِنِي أَنغْ ث س بْطَايْطَايْ.“
JOH 10:25 يَارَّا-د يَاسُوع، إِنَّا أَسنْ: ”نِّيغْ أَومْ ث ؤُشَا كنِّيوْ وَارْ ثُومِينمْ. ڒخْذَايمْ إِ ڭِّيغْ س يِيسمْ ن بَابَا، شهّْذنْثْ خَافِي.
JOH 10:26 مَاشَا كنِّيوْ وَارْ ثُومِينمْ، مِينْزِي كنِّيوْ وَارْ ثدْجِيمْ شَا ذ ؤُدْجِي إِنُو، أَمْ مَامّشْ ثُوغَا ذ أَومْ نِّيغْ.
JOH 10:27 ؤُدْجِي إِنُو إِسْڒَا غَارْ ثْمِيجَّا إِنُو ؤُ نشّْ سّْنغْ أَسنْ ؤُشَا نِيثْنِي أَذْ أَيِي-د ضْفَارنْ.
JOH 10:28 أَذْ أَسنْ وْشغْ ثُوذَارْثْ إِتّْذُومَانْ ؤُشَا وَارْ تّْوَاهلّْكنْعمَّارْصْ قَاعْ ؤُشَا ؤُڒَا ذ إِجّْ وَارْ ثنْ إِخطّفْ زڭْ ؤُفُوسْ إِنُو.
JOH 10:29 بَابَا ونِّي ذ أَيِي ثنْ إِوْشِينْ، أَقَا-ث ذ أَمقّْرَانْ خْ كُوڒْشِي. ؤُڒَا ذ إِجّْ وَارْ إِزمَّارْ أَذْ [ثنْ] إِخْضفْ زڭْ ؤُفُوسْ ن بَابَا.
JOH 10:30 نشّْ ذ بَابَا ذ إِجّنْ.“
JOH 10:31 خنِّي كْسِينْ وُوذَاينْ عَاوذْ إِژْرَا حِيمَا أَذْ ث أَرجْمنْ.
JOH 10:32 يَاسُوع إِنَّا أَسنْ: ”أَقَا سّشْنغْ أَومْ أَطَّاسْ ن ڒخْذَايمْ ثِيصبْحَانِينْ زِي بَابَا. إِ مَانْ ڒْخذْمثْ زَّايْسنْثْ [إِ ثخْسمْ] أَذْ أَيِي ثَارجْممْ؟“
JOH 10:33 نَّانْ أَسْ وُوذَاينْ: ”وَارْ شكْ نَارجّمْ خْ إِشْثْ ن ڒْخذْمثْ ثَاصبْحَانْثْ، مَاشَا ؤُمِي ثكْفَارذْ ؤُ ثَارِّيذْ إِخفْ نّشْ ذ أَربِّي، وَاخَّا شكْ ذ بْنَاذمْ إِ ثدْجِيذْ.“
JOH 10:34 إِنَّا أَسنْ يَاسُوع: ”مَا وَارْ ثُورِي ذِي شَّارِيعَا نْومْ: ’نشّْ نِّيغْ، أَقَا كنِّيوْ ذ إِربِّيثنْ‘؟
JOH 10:35 مَاڒَا نتَّا إِسمَّا ثنْ ’إِربِّيثنْ‘، يِينِّي ؤُمِي د-يُوسَا وَاوَاڒْ ن أَربِّي، ؤُشَا وَارْ إِزمَّارْ أَذْ تّْوَارْژنْثْ ثِيرَا [إِقدّْسنْ]،
JOH 10:36 مَامّشْ ثقَّارمْ كنِّيوْ خْ ونِّي إِتّْوَاقدّْسنْ زِي بَابَا ؤُ [خْ ونِّي] إِسّكّْ إِ-ث-إِ-د غَارْ دُّونشْثْ: ’أَقَا شكْ ثكْفَارذْ!‘، مِينْزِي نشّْ نِّيغْ: ’أَقَا نشّْ ذ مِّيسْ ن أَربِّي‘؟
JOH 10:37 مَاڒَا نشّْ وَارْ خدّْمغْ شَا ڒخْذَايمْ ن بَابَا، [خنِّي] وَارْ ذَايِي تِّيمْنمْ شَا.
JOH 10:38 مَاشَا مَاڒَا خذْمغْ ثنْثْ، أَمْنمْ خنِّي ذِي ڒخْذَايمْ، وَاخَّا كنِّيوْ عَاذْ وَارْ ذَايِي ثُومِينمْ، حِيمَا أَذْ ثسّْنمْ أَقَا بَابَا ذَايِي ؤُ نشّْ أَقَا أَيِي ذِي بَابَا.“
JOH 10:39 أَرزُّونْ أَذْ ث طّْفنْ عَاوذْ، [مَاشَا] إِخْثُوتّڒْ أَسنْ جَارْ إِفَاسّنْ نْسنْ.
JOH 10:40 إِرُوحْ غَارْ ؤُجمَّاضْ [ن إِغْزَارْ] ن لْ-ؤُرْذُونْ، غَارْ ومْشَانْ مَانِي ثُوغَا إِسّْغطَّاصْ يُوحَانَّا ذڭْ ؤُمزْوَارُو، ؤُشَا إِقِّيمْ ذِينِّي.
JOH 10:41 ؤُسِينْ-د غَارسْ وَاطَّاسْ [ن إِوْذَانْ]، نَّانْ: ”يُوحَانَّا وَارْ إِڭِّي ؤُڒَا ذ إِشْثْ ن ڒعْڒَامثْ، مَاشَا مَارَّا مِينْ إِنَّا خْ ورْيَازْ-أَ ذ ثِيذتّْ!“
JOH 10:42 ؤُشَا ؤُمْننْ ذَايسْ أَطَّاسْ [ذِيهَا].
JOH 11:1 ثُوغَا ذِينْ إِجّْ ن بْنَاذمْ إِهْڒشْ، [قَّارنْ أَسْ] أَلِيعَازَارْ، زِي ذْشَارْ ن بَايْثْ-عَانْيَا. نتَّا ثُوغَا ذ ؤُمَاسْ ن مَارْيَامْ ذ مَارْثَا.
JOH 11:2 مَارْيَامْ ثَانِيثَا نتَّاثْ ذ ثنِّي إِ ثُوغَا إِذهْننْ يَاسُوع س ڒفْوَاحثْ ن مِيرُّو ؤُ ثمْسحْ إِضَارنْ نّسْ س ؤُشُووَّافْ نّسْ، ؤُ ؤُمَاسْ أَلِيعَازَارْ ثُوغَا إِهْڒشْ.
JOH 11:3 سّكّنْثْ-إِ-د ثْنَاينْ ن سُويثْمَاسْ [إِجّنْ] غَارْ يَاسُوع، نَّانْثْ: ”[أَ] سِيذِيثْنغْ، خْزَارْ، ونِّي ثخْسذْ، أَقَا إِهْڒشْ.“
JOH 11:4 مَاشَا يَاسُوع إِنَّا: ”ڒهْڒَاشْ-أَ وَارْ إِدْجِي شَا إِ ڒْموْثْ، مَاشَا إِ ؤُعُودْجِي ن أَربِّي، حِيمَا أَذْ زَّايسْ إِتّْوَاسّْعُودْجْ مِّيسْ ن أَربِّي.“
JOH 11:5 ثُوغَا يَاسُوع إِتّخْسْ مَارْثَا ذ مَارْيَامْ ذ أَلِيعَازَارْ.
JOH 11:6 أَڒَامِي إِسْڒَا أَقَا [أَلِيعَازَارْ] إِهْڒشْ، ڒخْذنِّي إِقِّيمْ عَاذْ ثْنَاينْ ن وُوسَّانْ ذڭْ ومْشَانْ مَانِي ث ثُوغَا.
JOH 11:7 أَوَارْنِي مَانْ أَيَا إِنَّا إِ إِمحْضَارنْ نّسْ: ”أجّْ أَنغْ أَذْ نْرَاحْ عَاوذْ غَارْ [ثمُّورْثْ ن] يَاهُوذِييَّا!“
JOH 11:8 إِمحْضَارنْ نَّانْ أَسْ: ”[أَ] أَمْسڒْمَاذْ نّغْ، ذْرُوسْ زڭْ وَامِي ثُوغَا ؤُذَاينْ أَرزُّونْ أَذْ شكْ أَرجْمنْ، مَامّشْ شكْ أَذْ ثْرَاحذْ ذِينِّي عَاوذْ؟“
JOH 11:9 يَارَّا-د يَاسُوع: ”مَا وَارْ ذِينْ ثنْعَاشْ ن ثْسَاعّثِينْ ذڭْ ؤُزِيڒْ؟ مَاڒَا شَا ن يِيجّنْ يُويُورْ س ؤُزِيڒْ، وَارْ إِتّْنقْرِيضْ شَا، مِينْزِي إِتّْوَاڒَا ثَافَاوْثْ ن دُّونشْثْ-أَ.
JOH 11:10 مَاشَا مَاڒَا شَا ن يِيجّنْ أَذْ يُويُورْ س دْجِيڒثْ، أَذْ إِنْقَارضْ، مِينْزِي وَارْ ذَايسْ بُو ثْفَاوْثْ.“
JOH 11:11 أَوَارْنِي ڒَامِي إِنَّا مَانْ أَيَا، إِنَّا أَسنْ: ”أَلِيعَازَارْ، أَمدُّوكّڒْ نّغْ أَقَا إِطّصْ، مَاشَا أَذْ رَاحغْ حِيمَا أَذْ ث-إِ-د-سّْنكَّارغْ.“
JOH 11:12 نَّانْ أَسْ إِمحْضَارنْ: ”[أَ] سِيذِيثْنغْ، مَاڒَا نتَّا إِطّصْ، [خنِّي] أَذْ إِڭّنْفَا!“
JOH 11:13 [مَاشَا] يَاسُوع ؤُغَا إِسَّاوَاڒْ خْ ڒْموْثْ نّسْ، مَاشَا إِتّْغِيڒْ أَسنْ بلِّي نتَّا إِسَّاوَاڒْ خْ أَرَّاحثْ ن يِيضصْ.
JOH 11:14 خنِّي إِنَّا أَسنْ يَاسُوع س بْطَايْطَايْ: ”أَقَا أَلِيعَازَارْ إِمُّوثْ.
JOH 11:15 ؤُ نشّْ فَارْحغْ أَومْ ؤُمِي نشّْ وَارْ ذِينْ دْجِيغْ، حِيمَا أَذْ ثَامْنمْ. مَاشَا إِتّْخصَّا كنِّيوْ أَذْ ثْرَاحمْ ذِينِّي.“
JOH 11:16 إِنَّا ثُومَا، ونِّي ؤُمِي قَّارنْ ’أَشْنِيوْ‘، إِ إِمحْضَارنْ إِمْعَاشَارنْ نّسْ: ”أجّْ أَنغْ أَذْ نْرَاحْ ؤُڒَا ذ نشِّينْ، حِيمَا أَذْ نمّثْ أَكِيذسْ.“
JOH 11:17 ڒَامِي د-يِيوضْ يَاسُوع غَارْ بَايْثْ-عَانْيَا، يُوفَا أَقَا عْذُونْ أَربْعَا ن وُوسَّانْ زڭْ وَامِي ثُوغَا-ث ذڭْ ونْضڒْ.
JOH 11:18 بَايْثْ-عَانْيَا ثُوغَا ثُوذسْ ؤُرْشَالِيمْ، عْڒَاحَاڒْ خمّسْطَاشْ ’إِسْثَاذِييّنْ‘، [عْڒَاحَاڒْ ثْڒَاثَا كِيلُومِيثْرْ].
JOH 11:19 أَطَّاسْ ن وُوذَاينْ ؤُسِينْ-د غَارْ مَارْثَا ذ مَارْيَامْ حِيمَا أَذْ ثنْثْعزَّانْ خْ ؤُمَاثْسنْثْ.
JOH 11:20 ڒَامِي ثسْڒَا مَارْثَا، أَقَا يَاسُوع يِيوضْ-د، ثفّغْ حِيمَا أَذْ ث ثڒْقَا، مَاشَا مَارْيَامْ ثقِّيمْ ذِي ثَادَّارْثْ.
JOH 11:21 ثنَّا مَارْثَا إِ يَاسُوع: ”[أَ] سِيذِي، معْلِيكْ شكْ ثُوغَا ذَا، إِڒِي وَارْ إِتّْمتِّي شَا ؤُمَا.
JOH 11:22 مَاشَا ڒخُّو عَاذْ سّْنغْ عَاوذْ بلِّي مَارَّا مِينْ غَا ثتَّارذْ زِي أَربِّي، نتَّا أَذْ أَشْ ث إِوْشْ.“
JOH 11:23 يَاسُوع إِنَّا أَسْ: ”أَذْ د-إِكَّارْ ؤُمَامْ.“
JOH 11:24 ثنَّا أَسْ مَارْثَا: ”سّْنغْ بلِّي أَذْ د-إِكَّارْ ذِي ثْنُوكْرَا ذڭْ وَاسّْ أَنڭَّارُو.“
JOH 11:25 يَاسُوع إِنَّا أَسْ: ”نشّْ ذ ثَانُوكْرَا ذ ثُوذَارْثْ. ونِّي زَّايِي إِ غَا يَامْننْ، أَذْ إِدَّارْ، وَاخَّا إِمُّوثْ.
JOH 11:26 مَارَّا ونِّي إِدَّارنْ ؤُشَا يُومنْ زَّايِي، وَارْ إِتّْمتِّي إِ ڒبْذَا. مَا ثُومْنذْ ذِي مَانْ أَيَا؟“
JOH 11:27 ثنَّا أَسْ: ”وَاهْ، [أَ] سِيذِي إِنُو، ؤُمْنغْ أَقَا شكْ ذ لْمَاسِيحْ، مِّيسْ ن أَربِّي ونِّي ثُوغَا إِ ذ تَّاسنْ غَارْ دُّونشْثْ.“
JOH 11:28 أَوَارْنِي ڒَامِي ثنَّا أَيَا، ثْرُوحْ ثْڒَاغَا إِ ؤُتْشْمَاسْ مَارْيَامْ س ڒْحسّْ، ثنَّا أَسْ: ”أَمْسڒْمَاذْ نّغْ يُوسَا-د، إِتّْڒَاغَا-د خَامْ.“
JOH 11:29 ڒَامِي ثسْڒَا مَارْيَامْ أَيَا، ثكَّارْ س ثَازْڒَا، ثْرُوحْ غَارسْ.
JOH 11:30 ثُوغَا يَاسُوع وَارْ د-يُوسِي شَا عَاذْ غَارْ ذْشَارْ، مَاشَا ثُوغَا-ث [عَاذْ] ذڭْ ومْشَانْ مَانِي ث ثڒْقَا مَارْثَا.
JOH 11:31 ؤُڒَا ذ ؤُذَاينْ، إِنِّي إِدْجَانْ أَكِيذسْ ذِي ثَادَّارْثْ، ثُوغَا تّْعزَّانْ ت، ضفَّارنْ ت ڒَامِي ژْرِينْ أَقَا مَارْيَامْ ثكَّارْ س ثَازْڒَا، ثفّغْ، مِينْزِي إِتّْغِيڒْ أَسنْ أَقَا ثْرُوحْ غَارْ ونْضڒْ حِيمَا أَذْ ثْرُو ذِينِّي.
JOH 11:32 ڒَامِي د-ثُوسَا مَارْيَامْ غَارْ مَانِي ثُوغَا يَاسُوع، ؤُشَا ثژْرَا إِ-ث، ثوْضَا غَارْ إِضَارنْ نّسْ، ثنَّا أَسْ: ”أَ سِيذِي، معْلِيكْ ثُوغَا شكْ ذَانِيثَا، إِڒِي ؤُمَا وَارْ إِتّْمتِّي شَا!“
JOH 11:33 ڒَامِي ت إِژْرَا يَاسُوع ثتّْرُو، ؤُڒَا ذ وُوذَاينْ إِنِّي د-يُوسِينْ أَكِيذسْ تّْرُونْ، إِنّهْوڒْ أَرُّوحْ نّسْ، إِنْهزّْ ذِي ڒعْمَارْ نّسْ.
JOH 11:34 إِنَّا: ”مَانِي ث ثسَّارْسمْ؟“ نَّانْ أَسْ: ”أَرَاحْ-د، [أَ] سِيذِيثْنغْ، أَذْ ثخْزَارذْ!“
JOH 11:35 [خنِّي] فّْغنْثْ أَسْ-د إِ يَاسُوع إِمطَّاونْ.
JOH 11:36 ؤُذَاينْ نَّانْ: ”خْزَارمْ، مشْحَاڒْ ث إِتّخْسْ.“
JOH 11:37 [مَاشَا] شَا زَّايْسنْ نَّانْ: ”مَا وَارْ إِزمَّارْ وَا، ونِّي يَارزْمنْ ثِيطَّاوِينْ إِ ؤُذَارْغَاڒْ، أَذْ إِڭّْ شَا مَاحنْذْ ؤُڒَا ذ وَانِيثَا وَارْ إِتّْمتِّي شَا؟“
JOH 11:38 ؤُمِي د-يُوسَا غَارْ وَاخَّامْ ن ونْضڒْ، إِنّهْوڒْ يَاسُوع أَطَّاسْ ذڭْ إِخفْ نّسْ. أَخَّامْ ن ونْضڒْ أَقَا-ث ذ إِجّْ ن إِفْرِي ؤُشَا إِشْثْ ن ثصْضَارْثْ ثُوغَا ثمَّارْسْ خْ وَاذَافْ نّسْ.
JOH 11:39 يَاسُوع إِنَّا: ”كْسِيمْ ثَاصْضَارْثْ-أَ.“ ثنَّا أَسْ مَارْثَا، ؤُتْشْمَاسْ ن ونِّي إِمُّوثنْ: ”[أَ] سِيذِي، أَقَا يَارْصُوضْ، مِينْزِي ثعْذُو خَاسْ أَربْعَا ن وُوسَّانْ.“
JOH 11:40 إِنَّا أَسْ يَاسُوع: ”مَا وَارْ ذ أَمْ نِّيغْ، مَاڒَا ثُومْنذْ، أَذْ ثْژَارذْ أَعُودْجِي ن أَربِّي؟“
JOH 11:41 كّْسِينْ ثَاصْضَارْثْ. خنِّي إِسّْڭعّذْ يَاسُوع ثِيطَّاوِينْ نّسْ غَارْ سنّجْ، إِنَّا: ”[أَ] بَابَا، عَافَاكْ ڒَامِي ذ أَيِي ثسْڒِيذْ.
JOH 11:42 نشّْ سّْنغْ أَقَا ڒبْذَا ثتّسْڒِيذْ غَارِي، مَاشَا ذِي طّْوعْ ن ڒْغَاشِي إِ ذ أَيِي د-إِنّْضنْ، نِّيغْ ث، حِيمَا أَذْ أَمْننْ بلِّي شكْ ثسّكّذْ أَيِي-د.“
JOH 11:43 ڒَامِي إِنَّا أَيَا، إِڒَاغَا س جّهْذْ: ”أَلِيعَازَارْ، فّغْ-د!“
JOH 11:44 ڒخْذنِّي إِفّغْ-د ؤُمتِّينْ، ثُوغَا إِفَاسّنْ ذ إِضَارنْ نّسْ شَارْفنْ س ڒشْفنْ [نْ ڒقْطنْ] ؤُ ثُوغَا إِجّْ ؤُمنْذِيڒْ [نْ ڒقْطنْ] إِتّْوَاشَارْفْ خْ ؤُغمْبُوبْ نّسْ. إِنَّا أَسنْ يَاسُوع: ”فسْيمْ أَسْ-د. جّمْ ث أَذْ إِرَاحْ.“
JOH 11:45 أَطَّاسْ ن وُوذَاينْ إِنِّي د-يُوسِينْ غَارْ مَارْيَامْ، ؤُشَا ژْرِينْ مِينْ إِڭَّا يَاسُوع، ؤُمْننْ زَّايسْ.
JOH 11:46 مَاشَا شَا زَّايْسنْ رُوحنْ غَارْ إِفَارِيسِييّنْ، نَّانْ أَسنْ مِينْ إِڭَّا يَاسُوع.
JOH 11:47 ؤُشَا ڭِّينْ إِمقّْرَاننْ ن إِكهَّاننْ ذ إِفَارِيسِييّنْ إِجّْ ن ؤُمُونِي، نَّانْ: ”مِينْ غَا نڭّْ، مِينْزِي أَرْيَازْ-أَ إِتّڭّْ أَطَّاسْ ن ڒعْڒَامَاثْ.
JOH 11:48 مَاڒَا نجَّا إِ-ث أَمْيَا، مَارَّا أَذْ زَّايسْ أَمْننْ. [خنِّي] أَذْ د-أَسنْ إِرُومَانِييّنْ، أَذْ زَّايْنغْ كّْسنْ أَمْشَانْ نّغْ [إِقدّْسنْ] ؤُڒَا ذ [إِوْذَانْ ن] ڒْڭنْسْ نّغْ.“
JOH 11:49 إِنَّا أَسنْ إِجّنْ زَّايْسنْ، أَقَا-ث ذ قَايَافَا، نتَّا ذ أَرَّايْسْ ن إِكهَّاننْ ذڭْ ؤُسڭّْوَاسْ نِّي: ”كنِّيوْ وَارْ ثسِّينمْ وَالُو،
JOH 11:50 ؤُشَا وَارْ ثفْهِيممْ شَا بلِّي إِنفّعْ إِ نشِّينْ خْ مِينِّي إِ غَا إِمّثْ إِجّْ ن بْنَاذمْ ذِي طّْوعْ ن ڒْڭنْسْ، ؤُشَا وَارْ إِتّْمتِّي شَا ڒْڭنْسْ نّغْ مَارَّا.“
JOH 11:51 وَارْ إِنِي شَا مَانْ أَيَا زڭْ إِخفْ نّسْ، مَاشَا، ؤُمِي ثُوغَا ذ أَرَّايْسْ ن إِكهَّاننْ ذڭْ ؤُسڭّْوَاسْ نِّي، ثُوغَا إِتّْنبَّا بلِّي يَاسُوع أَذْ إِمّثْ ذِي طّْوعْ ن ڒْڭنْسْ.
JOH 11:52 وَارْ إِدْجِي حَاشَا ذِي طّْوعْ ن ڒْڭنْسْ، مَاشَا ؤُڒَا حِيمَا أَذْ إِسّْمُونْ إِحنْجِيرنْ إِتّْوَازُوزَّارنْ ن أَربِّي غَارْ إِجّنْ.
JOH 11:53 زڭْ وَاسّْ نِّي نْوَانْ أَذْ ث نْغنْ.
JOH 11:54 مَاشَا يَاسُوع وَارْ إِقِّيمْ إِڭُّورْ جَارْ وُوذَاينْ س بْطَايْطَايْ، مَاشَا إِرُوحْ سّنِّي غَارْ إِشْثْ ن ثمُّورْثْ ثُوذسْ ڒخْڒَا، غَارْ إِشْثْ ن ثنْذِينْثْ قَّارنْ أَسْ إِفْرَايِيمْ، ؤُشَا إِقِّيمْ ذِينِّي أَكْ-ذ إِمحْضَارنْ نّسْ.
JOH 11:55 ثُوغَا [ڒْعِيذْ ن ثْغَارْصْثْ ن] ؤُسعْذُو ن وُوذَاينْ عْڒَاينْ يِيوضْ-د. أَطَّاسْ زِي ذْشُورَاثْ ؤُسِينْ-د غَارْ ؤُرْشَالِيمْ حِيمَا أَذْ طهَّارنْ إِخفْ نْسنْ قْبڒْ ڒْعِيذْ.
JOH 11:56 نِيثْنِي ثُوغَا أَرزُّونْ خْ يَاسُوع، نَّانْ جَارْ أَسنْ ؤُمِي نِيثْنِي بدّنْ ذِي زَّاوشْثْ ثَامقّْرَانْثْ: ”مِينْ ثتّْوَاڒَامْ؟ مَا زعْمَا وَارْ د-إِتِّيسْ غَارْ ڒْعِيذْ؟“
JOH 11:57 [مَاشَا] إِمقّْرَاننْ ن إِكهَّاننْ ذ إِفَارِيسِييّنْ وصَّانْ بلِّي، مَاڒَا شَا ن يِيجّنْ إِسّنْ مَانِي إِدْجَا، أَذْ ث إِنِي، حِيمَا أَذْ ث طّْفنْ.
JOH 12:1 ستَّا ن وُوسَّانْ قْبڒْ [ڒْْعِيذْ ن ثْغَارْصْثْ ن] ؤُسعْذُو، يُوسَا-د يَاسُوع غَارْ بَايْثْ-عَانْيَا، مَانِي ثُوغَا إِدْجَا أَلِيعَازَارْ، ونِّي د-إِسّْنكَّارْ يَاسُوع زِي ثَادَّارْثْ ن إِمتِّيننْ.
JOH 12:2 ڭِّينْ أَسْ ذِينْ إِجّْ ن ؤُمنْسِي. مَارْثَا ثُوغَا ثْسخَّارْ، ؤُ أَلِيعَازَارْ ثُوغَا ذ إِجّنْ زڭْ إِنِّي أَكِيذسْ إِقِّيمنْ [غَارْ طَّابْڒَا].
JOH 12:3 ثكْسِي-د مَارْيَامْ إِجّْ ن ؤُغَارَّافْ نْ زّشْثْ إِ وذْهَانْ زِي ڒعْطُورْ نْ صّنْبلْ ثصْفَا ثِيغْڒَا، ثذْهنْ إِضَارنْ ن يَاسُوع، خنِّي ثمْسحْ إِضَارنْ نّسْ س ؤُشُووَّافْ نّسْ. ثَادَّارْثْ ثشُّورْ س ڒفْوَاحثْ ن [زّشْثْ ن] وذْهَانْ.
JOH 12:4 إِجّنْ زڭْ إِمحْضَارنْ نّسْ ونِّي ؤُمِي قَّارنْ يَاهُوذَا إِسْخَارِييُوطِي ونِّي ث إِ غَا إِغْذَارنْ، إِنَّا:
JOH 12:5 ”مَايمِّي وَارْ ثمّنْزْ شَا ڒفْوَاحثْ-أَ ن صّنْبلْ س ثڒْثْ مْيَا ن ذِينَارْ، حِيمَا أَذْ ثمّوْشْ إِ إِمزْڒَاضْ؟“
JOH 12:6 نتَّا إِنَّا أَيَا، وَارْ إِدْجِي مِينْزِي شْقَانْ ث إِمزْڒَاضْ، مَاشَا مِينْزِي نتَّا ذ أَشفَّارْ، ثُوغَا غَارسْ سّنْذُوقْ، ؤُشَا يَارْبُو مِينْ ذَايسْ إِمَّارْسنْ.
JOH 12:7 يَاسُوع إِنَّا: ”جّمْ ت، أَقَا ثْخمّڒْ إِ-ت إِ وَاسّْ ن ونْضڒْ إِنُو.
JOH 12:8 مِينْزِي إِمزْڒَاضْ أَقَا أَثنْ ڒبْذَا أَكِيذْومْ، مَاشَا نشّْ وَارْ كِيذْومْ دْجِيغْ إِ ڒبْذَا.“
JOH 12:9 أَطَّاسْ ن ڒْغَاشِي زڭْ وُوذَاينْ سْڒِينْ بلِّي يَاسُوع أَقَا-ث ذِينِّي. ؤُسِينْ-د نِيثْنِي، وَارْ إِدْجِي حَاشَا زِي سِّيبّثْ ن يَاسُوع، مَاشَا عَاوذْ حِيمَا أَذْ ژَترنْ أَلِيعَازَارْ، ونِّي د-إِسّْنكَّارْ زِي ثَادَّارْثْ ن إِمتِّيننْ.
JOH 12:10 مْشَاوَارنْ إِمقّْرَاننْ ن إِكهَّاننْ، حِيمَا أَذْ نْغنْ ؤُڒَا ذ أَلِيعَازَارْ،
JOH 12:11 مِينْزِي أَطَّاسْ ن وُوذَاينْ فّْغنْ-د زِي سِّيبّثْ نّسْ ؤُشَا ؤُمْننْ ذِي يَاسُوع.
JOH 12:12 ثِيوشَّا نّسْ، ؤُمِي سْڒِينْ أَطَّاسْ ن ڒْغَاشِي إِنِّي د يُوسِينْ غَارْ ڒْعِيذْ بلِّي يَاسُوع يُوسَا-د غَارْ ؤُرْشَالِيمْ،
JOH 12:13 كْسِينْ إِفثْوَانْ ن ثِينِي ؤُشَا فّْغنْ، حِيمَا أَذْ ث ڒْقَانْ، ڒَاغَانْ: ”ؤُصَانَّا! سّعْذْ ن ونِّي د-يُوسِينْ س يِيسمْ ن سِيذِي، أَجدْجِيذْ ن إِسْرَائِيل!“
JOH 12:14 يُوفَا يَاسُوع إِجّْ ن وسْنُوسْ ؤُشَا إِنْيَا خَاسْ، أَمْ مَامّشْ ثُورَا:
JOH 12:15 ”وَارْ تّڭّْوذْ شَا، [أَ] يدْجِيسْ ن صِيهْيُونْ، خْزَارْ، أَجدْجِيذْ نّمْ أَذْ د-يَاسْ، إِقِّيمْ خْ وسْنُوسْ، أَحنْجِيرْ ن ثغْيُوتْشْ.“
JOH 12:16 إِمحْضَارنْ نّسْ وَارْ فْهِيمنْ شَا ثِيمسْڒَايِينْ-أَ ذِي ڒْوقْثْ نِّي. مَاشَا أَوَارْنِي ڒَامِي إِتّْوَاسُّوعْڒَا يَاسُوع، ڒخْذنِّيعقْڒنْ بلِّي مَانْ أَيَا ثُورَا خَاسْ ؤُشَا بلِّي نِيثْنِي ڭِّينْ زَّايسْ مَانْ أَيَا.
JOH 12:17 ڒْغَاشِي إِ ثُوغَا إِدْجَانْ أَكِيذسْ، ثُوغَا إِشْهذْ أَقَا نتَّا إِڒَاغَا-د خْ أَلِيعَازَارْ زڭْ ونْضڒْ ؤُشَا إِسّْنكَّارْ إِ-ث-إِ-د زِي ثَادَّارْثْ ن إِمتِّيننْ.
JOH 12:18 س مَانْ أَيَا إِفّغْ ڒْغَاشِي أَمقّْرَانْ مَاحنْذْ أَذْ ث مّڒْقَانْ، مِينْزِي نِيثْنِي سْڒِينْ بلِّي إِڭَّا ڒعْڒَامثْ-أَ.
JOH 12:19 إِفَارِيسِييّنْ نَّانْ جَارْ أَسنْ: ”ثتّْوَاڒَامْ مْلِيحْ بلِّي كنِّيوْ ثتَّاكّْوَاضمْ غَارْ وَالُو، خْزَارمْ، أَقَا قَاعْ دُّونشْثْ ثضْفَارْ إِ-ث-إِ-د.“
JOH 12:20 ثُوغَا ذِينْ شَا ن إِوْذَانْ زِي ڒڭْنُوسْ جَارْ أَسنْ إِنِّي د-إِڭعّْذنْ [غَارْ ؤُرْشَالِيمْ] حِيمَا أَذْعبْذنْ ذِي ڒْعِيذْ.
JOH 12:21 إِنَا رُوحنْ غَارْ فِيلِيبُّوسْ، ونِّي زِي [ثنْذِينْثْ ن] بَايْثْ-صَايْذَا ذِي لْجَالِيلْ. سّقْسَانْ ث، نَّانْ: ”أَ سِيذِي، نخْسْ أَذْ نْژَارْ يَاسُوع.“
JOH 12:22 يُوسَا-د فِيلِيبُّوسْ، إِنَّا [ت] إِ أَنْذْرَاوُوسْ، ؤُشَا أَنْذْرَاوُوسْ ذ فِيلِيبُّوسْ نَّانْ [ت] إِ يَاسُوع.
JOH 12:23 يَاسُوع يَارَّا-د، إِنَّا أَسنْ: ”أَقَا ثِيوضْ-د ثْسَاعّثْ إِ ذِي إِ غَا إِتّْوَاسّْعُودْجْ مِّيسْ ن بْنَاذمْ.
JOH 12:24 س ثِيذتّْ، س ثِيذتّْ، نشّْ أَذْ أَومْ إِنِيغْ: مَاڒَا وَارْ د-إِوْضِي ڒْحبّْ ن يِيرْذنْ ذِي ثمُّورْثْ، أَذْ إِمّثْ، خنِّي أَذْ إِقِّيمْ وحّْذسْ، مَاشَا مَاڒَا إِمُّوثْ، خنِّي أَذْ د-يَاوِي ڒْغِيدْجثْ أَطَّاسْ.
JOH 12:25 ونِّي إِتّخْسنْ ثُوذَارْثْ نّسْ، أَذْ ت إِخْسَارْ، [مَاشَا] ونِّي إِ غَا إِشَارْهنْ ثُوذَارْثْ نّسْ ذِي دُّونشْثْ-أَ، أَذْ ت إِخمّڒْ إِ ثُوذَارْثْ إِتّْذُومَانْ.
JOH 12:26 مَاڒَا شَا ن يِيجّنْ إِسخَّارْ أَيِي، أجّْ إِ-ث أَذْ أَيِي إِضْفَارْ. مَانِي غَا إِڒِيغْ نشّْ، ذِينِّي إِ غَا يِيڒِي عَاوذْ ؤُمْسخَّارْ إِنُو. مَاڒَا شَا ن إِجّنْ إِخْذمْ أَيِي، أَذْ ث إِشنّعْ بَابَا.
JOH 12:27 ڒخُّو ؤُڒْ إِنُو إِنّهْوڒْ، مِينْ غَا إِنِيغْ؟ [أَ] بَابَا، سنْجمْ أَيِي زِي ثْسَاعّثْ-أَ؟ مَاشَا خْ ؤُينِّي إِ د-ؤُسِيغْ غَارْ ثْسَاعّثْ-أَ.
JOH 12:28 [أَ] بَابَا، سْعُودْجِي إِسمْ نّشْ.“ خنِّي ثُوسَا-د إِشْثْ ن ثْمِيجَّا زڭْ ؤُجنَّا، [ثنَّا]: ”سْعُودْجغْ ث ؤُشَا أَذْ ث سْعُودْجغْ عَاوذْ!“
JOH 12:29 ڒْغَاشِي إِ ثُوغَا إِبدّنْ ذِينْ إِسْڒَا إِ-ت، نِيثْنِي نَّانْ: ”أَقَا إِمْسَارْ وَاجَّاجْ.“ إِنّغْنِي نَّانْ: ”أَقَا إِسِّيوڒْ-د إِجّْ ن لْمَالَاكْ أَكِيذسْ.“
JOH 12:30 يَارَّا-د يَاسُوع، إِنَّا أَسنْ: ”ثْمِيجَّا-يَا وَارْ ثدْجِي شَا ذِي طّْوعْ إِنُو مَاشَا ذِي طّْوعْ نْومْ.
JOH 12:31 ڒخُّو أَذْ يِيڒِي ڒْحُوكْمْ خْ دُّونشْثْ-أَ، ڒخُّو أَذْ إِمّنْضَارْ ؤُمقّْرَانْ ن دُّونشْثْ-أَ غَارْ بَارَّا.
JOH 12:32 ؤُ نشّْ، خْ مِينِّي إِ غَا تّْوَاسّْڭعّْذغْ زِي ثمُّورْثْ، أَذْ غَارِي د-جبْذغْ مَارَّا.“
JOH 12:33 إِنَّا مَانْ أَيَا حِيمَا أَذْ إِسّْشنْ غَارْ مَانْ ڒْموْثْ إِ غَا إِمّثْ.
JOH 12:34 ڒْغَاشِي يَارَّا-د خَاسْ: ”نشِّينْ نسْڒَا زِي شَّارِيعَا أَقَا لْمَاسِيحْ أَذْ إِقِّيمْ إِ ڒبْذَا. إِ مَامّشْ ثقَّارذْ شكْ بلِّي إِتّْخصَّا إِ مِّيسْ ن بْنَاذمْ أَذْ إِتّْوَاسّْڭعّذْ؟ مِينْ إِعْنَا مِّيسْ-أَ ن بْنَاذمْ؟“
JOH 12:35 يَاسُوع إِنَّا أَسنْ: ”ثَافَاوْثْ أَذْ ثِيڒِي أَكِيذْومْ ذْرُوسْ ن ڒْوقْثْ عَاذْ. ؤُيُورمْ، ڒَامِي غَارْومْ ثَافَاوْثْ، حِيمَا وَارْ كنِّيوْ ثتّطّفْ ثَادْجسْثْ. ونِّي إِڭُّورنْ ذِي ثَادْجسْثْ، وَارْ إِسِّينْ مَانِي إِڭُّورْ.
JOH 12:36 أَمْنمْ ذِي ثْفَاوْثْ مَاحنْذْ ثَافَاوْثْ عَاذْ أَقَا-ت غَارْومْ، حِيمَا كنِّيوْ أَذْ ثِيڒِيمْ ثَارْوَا ن ثْفَاوْثْ.“ أَمُّو إِ ثُوغَا إِسَّاوَاڒْ يَاسُوع. [ڒخْذنِّي] يُويُورْ ؤُشَا إِنُّوفَارْ زَّايْسنْ.
JOH 12:37 وَاخَّا ثُوغَا نتَّا إِتّڭّْ مَارَّا ڒعْڒَامَاثْ-أَ زَّاثْسنْ، نِيثْنِي وَارْ زَّايسْ ؤُمِيننْ شَا،
JOH 12:38 حِيمَا أَذْ إِتّْوَاكمّڒْ وَاوَاڒْ ن ؤُنَابِي إِشَاعْيَا إِ إِنَّانْ: ”أَ سِيذِي، وِي يُومْننْ س ڒخْبَارْ نّغْ ؤُ إِ ؤُمِي إِتّْوَاسَّارْڭبْ ؤُفُوسْ ن سِيذِي؟“
JOH 12:39 س ؤُينِّي وَارْ زمَّارنْ أَذْ أَمْننْ، مِينْزِي إِشَاعْيَا إِنَّا عَاوذْ:
JOH 12:40 ”نِيثْنِي سّْذَارْغْڒنْ ثِيطَّاوِينْ ن يِيخفْ نْسنْ، سّقْسحنْ ؤُڒَاونْ نْسنْ، حِيمَا وَارْ تّثْوِيڒِينْ س ثِيطَّاوِينْ نْسنْ، وَارْ فهّْمنْ س وُوڒْ نْسنْ، أَذْ ثُوبنْ ؤُشَا نشّْ أَذْ ثنْ سّْڭنْفِيغْ.“
JOH 12:41 إِنَّا إِشَاعْيَا أَمُّو، ؤُمِي إِژْرَا أَعُودْجِي نّسْ ؤُشَا ثُوغَا إِسَّاوَاڒْ خَاسْ.
JOH 12:42 ؤُمْننْ زَّايسْ عَاوذْ أَطَّاسْ ن إِمقّْرَاننْ [ن ڒْڭنْسْ]، مَاشَا س سِّيبّثْ ن إِفَارِيسِييّنْ وَارْ زَّايسْ شهْذنْ شَا [س بْطَايْطَايْ]، حِيمَا وَارْ ثنْ سُّوفُّوغنْ زِي ثمْزِيذَا.
JOH 12:43 مِينْزِي نِيثْنِي ثُوغَا خْسنْ أَعُودْجِي زڭْ إِوْذَانْ خْ ؤُعُودْجِي زِي أَربِّي.
JOH 12:44 مَاشَا يَاسُوع إِڒَاغَا، إِنَّا: ”ونِّي ذَايِي إِتَّامْننْ، وَارْ ذَايِي إِتِّيمنْ شَا، مَاشَا ذڭْ ونِّي ذ أَيِي د-إِسّكّنْ.
JOH 12:45 ونِّي ذ أَيِي إِژْرِينْ، إِژْرَا ونِّي ذ أَيِي د-إِسّكّنْ.
JOH 12:46 نشّْ ذ ثَافَاوْثْ إِ د-يُوسِينْ غَارْ دُّونشْثْ، حِيمَا كُوڒْ إِجّنْ ونِّي ذَايِي إِتَّامْننْ، وَارْ إِتّْغِيمِي شَا ذِي ثَادْجسْثْ.
JOH 12:47 مَاڒَا شَا ن يِيجّنْ إِسْڒَا إِ وَاوَاڒنْ إِنُو، [مَاشَا] وَارْ ذَايْسنْ إِتّطّفْ، نشّْ وَارْ خَاسْ حكّْمغْ شَا. نشّْ وَارْ د-ؤُسِيغْ شَا، حِيمَا أَذْ حكْمغْ خْ دُّونشْثْ، مَاشَا حِيمَا أَذْ وْشغْ ثُوذَارْثْ إِ دُّونشْثْ.
JOH 12:48 ونِّي ذ أَيِي إِسّحْقَارنْ ؤُشَا وَارْ إِقْبِيڒْ أَوَاڒنْ إِنُو، غَارسْ ونِّي خَاسْ إِ غَا إِحكْمنْ: أَوَاڒْ إِ نِّيغْ، أَذْ خَاسْ إِحْكمْ ذڭْ وَاسّْ أَنڭَّارُو.
JOH 12:49 مِينْزِي نشّْ وَارْ سِّيوْڒغْ شَا زِي غَارِي، مَاشَا بَابَا ونِّي ذ أَيِي-د-إِسّكّنْ إِوْشَا أَيِي إِشْثْ ن ثوْصيّثْ خْ مِينْ غَا إِنِيغْ ذ مِينْ خفْ غَا سِّيوْڒغْ،
JOH 12:50 ؤُ نشّْ سّْنغْ ثِيوصَّا نّسْ، أَقَا أَثنْثْ ذ ثُوذَارْثْ إِتّْذُومَانْ. س ؤُيَا، مِينْ سَّاوَاڒغْ، سَّاوَاڒغْ ث أَمْ مَامّشْ ذ أَيِي إِنَّا بَابَا.“
JOH 13:1 قْبڒْ إِ ڒْعِيذْ ن [ثْغَارْصْثْ ن] ؤُسعْذُو، ؤُمِي إِسّنْ يَاسُوع أَقَا ثَاسَاعّثْ نّسْ ثِيوضْ-د بلِّي أَذْ إِفّغْ زِي دُّونشْثْ-أَ غَارْ بَابَاسْ، ثُوغَا إِتّخْسْ إِنِّي إِدْجَانْ نّسْ، إِنِّي إِدْجَانْ ذِي دُّونشْثْ، ؤُشَا نتَّا إِتّخْسْ إِ-ثنْ أَڒْ أَنڭَّارُو.
JOH 13:2 غَارْ ؤُمنْسِي، ؤُمِي إِعَارْنْ شِّيطَانْ ؤُڒْ ن يَاهُوذَا، مِّيسْ ن شِيمْعُونْ إِسْخَارِييُوطِي، مَاحنْذْ أَذْ ث إِسلّمْ،
JOH 13:3 إِكَّارْ-د يَاسُوع خْ ؤُمنْسِي، مِينْزِي ثُوغَا إِسّنْ بلِّي بَابَاسْ إِوْشَا أَسْ كُوڒْشِي ذڭْ إِفَاسّنْ نّسْ ؤُ بلِّي إِفّغْ-د زِي غَارْ أَربِّي ؤُ غَارْ أَربِّي إِ غَا إِرَاحْ،
JOH 13:4 ؤُشَا إِكّسْ أَرُّوضْ نّسْ، إِكْسِي إِجّْ ن ؤُمنْذِيڒْ ؤُشَا إِبْيسْ إِ-ث إِ يِيخفْ نّسْ.
JOH 13:5 إِفَارّغْ أَمَانْ ذِي ثْبَانْيُوثْ ؤُشَا إِبْذَا إِسِّيرِيذْ إِضَارنْ ن إِمحْضَارنْ، إِمسّحْ أَسنْ س ؤُمنْذِيڒْ إِ زِي ثُوغَا إِبْيسْ.
JOH 13:6 ڒَامِي د-يُوسَا غَارْ شِيمْعُونْ بُوطْرُوسْ، إِنَّا أَسْ شِيمْعُونْ: ”[أَ] سِيذِي، مَا أَذْ ثسِّيرْذذْ إِضَارنْ إِنُو؟“
JOH 13:7 يَارَّا-د يَاسُوع، إِنَّا أَسْ: ”شكْ وَارْ ثفْهِيمذْ شَا ڒخُّو مِينْ تّڭّغْ، مَاشَا أَذْ ثْفهْمذْ مَانْ أَيَا أَوَارْنِي مَانَاونِّي.“
JOH 13:8 إِنَّا أَسْ شِيمْعُونْ بُوطْرُوسْ: ”قَاعْعمَّارْصْ أَذْ ثسِّيرْذذْ إِضَارنْ إِنُو.“ يَارَّا-د خَاسْ يَاسُوع: ”مَاڒَا وَارْ ذ أَشْ سِّيرْذغْ، وَارْ غَاركْ ثتِّيڒِي بُو ثَاسْغَارْثْ أَكِيذِي.“
JOH 13:9 إِنَّا أَسْ شِيمْعُونْ بُوطْرُوسْ: ”[أَ] سِيذِي، [خنِّي] وَارْ ثسِّيرِيذْ إِضَارنْ إِنُو وَاهَا، مَاشَا ؤُڒَا ذ إِفَاسّنْ إِنُو ذ ؤُزدْجِيفْ إِنُو.“
JOH 13:10 يَاسُوع إِنَّا أَسْ: ”ونِّي إِتّْوَاسِيرْذنْ قَاعْ [ذِي ثْبَانْيُوثْ]، وَارْ إِحْذِيجْ مْغِيرْ أَذْ تّْوَاسِيرْذنْ إِضَارنْ نّسْ وَاهَا، مِينْزِي عَاذْ نتَّا ذ أَمزْذَاڭْ. ؤُڒَا ذ كنِّيوْ ثِيزْذِيڭمْ، مَاشَا وَارْ إِدْجِي مَارَّا.“
JOH 13:11 يَاسُوع ثُوغَا إِسّنْ وِي ث غَا إِغْذَارنْ، س ؤُينِّي إِنَّا: ”كنِّيوْ وَارْ ثدْجِيمْ شَا مَارَّا ذ إِمزْذَاڭْ.“
JOH 13:12 أَوَارْنِي ڒَامِي إِسِّيرْذْ إِضَارنْ نْسنْ، يَارْضْ أَرُّوضْ نّسْ [عَاوذْ]، خنِّي إِقِّيمْ، إِنَّا أَسنْ: ”مَا ثْفهْممْ مِينْ ذَايْومْ ڭِّيغْ؟
JOH 13:13 كنِّيوْ ثتّْڒَاغَامْ أَيِي ’أَمْسڒْمَاذْ نّغْ!‘ ذ ’سِيذِيثْنغْ!‘، ؤُشَا ثِيذتّْ إِ ثنَّامْ، مِينْزِي وَا ذ نشّْ.
JOH 13:14 مَاڒَا نشّْ ذ سِيذِي نْومْ ذ أَمْسڒْمَاذْ نْومْ، ؤُشَا سِّيرْذغْ إِضَارنْ نْومْ، مَاهُو إِتّْخصَّا ؤُڒَا إِ كنِّيوْ أَذْ ثسِّيرْذمْ إِضَارنْ إِجّنْ إِ ونّغْنِي!
JOH 13:15 مِينْزِي نشّْ زعْمَا وْشِيغْ أَومْ أَمذْيَا-يَا، حِيمَا، أَمْ مَامّشْ ڭِّيغْ نشّْ أَكِيذْومْ، أَذْ ثڭّمْ كنِّيوْ عَاوذْ [أَكْ-ذ وَايَاوْيَا].
JOH 13:16 س ثِيذتّْ، س ثِيذتّْ، نشّْ أَذْ أَومْ إِنِيغْ: وَارْ ذِينْ إِدْجِي ؤُمْسخَّارْ ونِّي يُوعْڒَانْ خْ سِيذسْ، ؤُڒَا ذ أَرقَّاسْ يُوعْڒَانْ خْ ونِّي إِ-ث-إِ-د-إِسّكّنْ.
JOH 13:17 مَاڒَا ثسّْنمْ ثِيمسْڒَايِينْ-أَ، أَذْ ثِيڒِيمْ ثتّْوَابَارْكمْ مَاڒَا ثڭِّيمْ زَّايْسنْثْ.
JOH 13:18 وَارْ ث قَّارغْ شَا خَاومْ مَارَّا، مَاغَارْ سّْنغْ إِنِّي إِ خْضَارغْ، مَاشَا حِيمَا أَذْ إِتّْوَاكمّڒْ مِينْ يُورَانْ ذڭْ وذْلِيسْ [إِ إِقَّارنْ]: ’ونِّي إِ غَا إِشّنْ زڭْ وغْرُومْ أَكِيذِي، أَقَا إِسّْڭعّذْ خَافِي أَنِيرْزْ نّسْ.‘
JOH 13:19 ڒخُّو أَذْ أَومْ ث إِنِيغْ قْبڒْ مَا أَذْ إِمْسَارْ، حِيمَا، خْ مِينِّي إِ غَا إِمْسَارْ، أَذْ ثَامْنمْ بلِّي أَقَا ذ نشّْ.
JOH 13:20 س ثِيذتّْ، س ثِيذتّْ، نشّْ أَذْ أَومْ إِنِيغْ: ونِّي إِ غَا إِقبْڒنْ ونِّي د غَا سّكّغْ، أَذْ أَيِي إِقْبڒْ، ؤُ ونِّي ذ أَيِي غَا إِقبْڒنْ، أَذْ إِقْبڒْ ؤُڒَا ذ ونِّي ذ أَيِي د-إِسّكّنْ.“
JOH 13:21 ڒَامِي إِنَّا يَاسُوع مَانْ أَيَا، إِنّهْوڒْ أَرُّوحْ نّسْ أَطَّاسْ، ؤُشَا إِشْهذْ، إِنَّا: ”س ثِيذتّْ، س ثِيذتّْ، نشّْ أَذْ أَومْ إِنِيغْ: إِجّنْ زَّايْومْ أَذْ ذَايِي إِغْذرْ!“
JOH 13:22 إِمحْضَارنْ خْزَارنْ غَارْ وَايَاوْيَا، مِينْزِي وَارْ سِّيننْ ذِي مِينْ خفْ ثُوغَا إِسَّاوَاڒْ.
JOH 13:23 ثُوغَا ذِينْ إِجّنْ زڭْ إِمحْضَارنْ نّسْ إِ ثُوغَا إِتّخْسْ يَاسُوع، ثُوغَا إِسنّذْ غَارْ وحْسِينْ ن يَاسُوع.
JOH 13:24 إِسّْشنْ شِيمْعُونْ بُوطْرُوسْ غَارسْ، حِيمَا نتَّا أَذْ ث إِسّقْسَا مِينْ إِعْنَا ونِّي مِينْ خفْ ثُوغَا إِسَّاوَاڒْ [أَمُّو].
JOH 13:25 أَمحْضَارْ نِّي يَارَّا إِخفْ نّسْ إِتّْميّڒْ غَارْ إِذْمَارنْ ن يَاسُوع، إِنَّا أَسْ: ”[أَ] سِيذِي، مِينْ إِعْنَا؟“
JOH 13:26 يَارَّا-د يَاسُوع، إِنَّا: ”ذ ونِّي ؤُمِي غَا سِّيسْنغْ [أَڒقِّيمْ ن] وغْرُومْ، أَذْ أَسْ [ث] وْشغْ.“ ڒخْذنِّي إِسِّيسنْ [أَڒقِّيمْ ن] وغْرُومْ، إِوْشَا أَسْ [ث-إِ]-د إِ يَاهُوذَا، مِّيسْ ن شِيمْعُونْ إِسْخَارِييُوطِي.
JOH 13:27 أَوَارْنِي [إِطّفْ ؤُڒقِّيمْ ن] وغْرُومْ، يُوذفْ إِ-ث شِّيطَانْ. إِنَّا أَسْ يَاسُوع: ”مِينْ [ثخْسذْ] أَذْ ث ثڭّذْ، أڭّْ إِ-ث ذغْيَا.“
JOH 13:28 ؤُڒَا ذ إِجّْ زڭْ إِنِّي ثُوغَا إِقِّيمنْ [غَارْ ؤُمنْسِي] وَارْ إِسِّينْ مَايمِّي نتَّا إِ ذ أَسْ إِنَّا مَانْ أَيَا.
JOH 13:29 مَاغَارْ إِتّْغِيڒْ أَسنْ إِ شَا [زَّايْسنْ]، ؤُمِي يَاهُوذَا أَقَا-ث خْ سّنْذُوقْ، أَقَا يَاسُوع يُومُورْ إِ-ث حِيمَا أَذْ إِسغْ شَا مِينْ حْذَاجنْ نِيثْنِي إِ ڒْعِيذْ، نِيغْ حِيمَا أَذْ إِوْشْ شَا إِ إِمزْڒَاضْ.
JOH 13:30 وَانِيثَا، أَوَارْنِي ڒَامِي إِطّفْ [أَڒقِّيمْ ن] وغْرُومْ، إِفّغْ ذغْيَا. ثُوغَا ذ دْجِيڒثْ ؤُمِي إِفّغْ.
JOH 13:31 إِنَّا يَاسُوع: ”أَقَا ڒخُّو إِتّْوَاسّْعُودْجْ مِّيسْ ن بْنَاذمْ ؤُشَا إِتّْوَاسّْعُودْجْ أَربِّي ذَايسْ.
JOH 13:32 مَاڒَا أَربِّي أَقَا إِتّْوَاسّْعُودْجْ ذَايسْ، ڒخْذنِّي أَربِّي أَذْ إِسّْعُودْجْ إِخفْ نّسْ ذَايسْ، [وَاهْ،] أَذْ ث إِسّْعُودْجْ ذغْيَا.
JOH 13:33 [أَ] إِحنْجِيرنْ إِنُو إِمژْيَاننْ، نشّْ أَقَا أَيِي أَكِيذْومْ ذْرُوسْ ن ڒْوقْثْ عَاذْ. كنِّيوْ أَذْ خَافِي ثَارْزُومْ، ؤُشَا أَمْ مَامّشْ نِّيغْ إِ وُوذَاينْ: ’مَانِي غَا رَاحغْ نشّْ، وَارْ ثْزمَّارمْ أَذْ د-ثَاسمْ!‘، أَمُّو إِ ذ أَومْ غَا إِنِيغْ عَاوذْ ڒخُّو.
JOH 13:34 ثَاوْصيّثْ ن جْذِيذْ إِ ذ أَومْ غَا وْشغْ حِيمَا أَذْ ثخْسمْ إِجّنْ ونّغْنِي. أَمْ مَامّشْ نشّْ تّخْسغْ كنِّيوْ، إِتّْخصَّا ؤُڒَا ذ كنِّيوْ أَذْ ثخْسمْ أَيَاوْيَا.
JOH 13:35 س مَانْ أَيَا أَذْ سّْننْ مَارَّا، أَقَا كنِّيوْ ذ إِمحْضَارنْ إِنُو، مَاڒَا ذِينْ غَارْومْ ثَايْرِي جَارْ أَومْ.“
JOH 13:36 شِيمْعُونْ بُوطْرُوسْ إِنَّا أَسْ: ”[أَ] سِيذِيثْنغْ، مَانِي غَا ثْرَاحذْ؟“ يَارَّا-د يَاسُوع، إِنَّا أَسْ: ”مَانِي غَا رَاحغْ نشّْ، وَارْ ثْزمَّارذْ ڒخُّو أَذْ أَيِي ثضْفَارذْ، مَاشَا غَارْ ؤُنڭَّارُو أَذْ ثَاسذْ.“
JOH 13:37 شِيمْعُونْ بُوطْرُوسْ إِنَّا أَسْ: ”[أَ] سِيذِي، مَايمِّي وَارْ زمَّارغْ أَذْ أَسغْ أَوَارْنِي أَشْ ڒخُّو؟ نشّْ أَذْ وْشغْ ثُوذَارْثْ إِنُو إِ شكْ.“
JOH 13:38 إِنَّا أَسْ يَاسُوع: ”مَا ثخْسذْ أَذْ ثسَّارْسذْ ثُوذَارْثْ نّشْ ذِي طّْوعْ إِنُو؟ س ثِيذتّْ، س ثِيذتّْ، نشّْ أَذْ أَشْ إِنِيغْ: وَارْ إِسْقُوقُوعْ ؤُيَاژِيضْ، قْبڒْ مَا أَذْ أَيِي ثنْكَارذْ ثْڒَاثَا ن ثْوَاڒَاوِينْ.“
JOH 14:1 ”وَارْ تّجِّيمْ أَذْ إِنّهْوڒْ ؤُڒْ نْومْ. كنِّيوْ ثُومْنمْ ذِي أَربِّي، أَمْنمْ عَاوذْ ذَايِي.
JOH 14:2 ذِي ثَادَّارْثْ ن بَابَا ذَايسْ أَطَّاسْ ن ثْزذِّيغِينْ. معْلِيكْ وَارْ إِدْجِي أَمنِّي، إِڒِي نِّيغْ أَومْ ث، مِينْزِي نشّْ أَذْ رَاحغْ، حِيمَا أَذْ أَومْ سّْوجْذغْ أَمْشَانْ.
JOH 14:3 أَوَارْنِي ڒَامِي رُوحغْ ؤُشَا سّْوجْذغْ أَومْ أَمْشَانْ، خنِّي أَذْعقْبغْ، أَذْ كنِّيوْ د-أَوْيغْ غَارِي، حِيمَا، مَانِي دْجِيغْ نشّْ، أَذْ ذِينْ ثِيڒِيمْ ؤُڒَا ذ كنِّيوْ.
JOH 14:4 أَقَا ثسّْنمْ مَانِي غَا رَاحغْ ؤُشَا ثسّْنمْ أَبْرِيذْ.“
JOH 14:5 إِنَّا أَسْ ثُومَا: ”[أَ] سِيذِيثْنغْ، وَارْ نسِّينْ مَانِي غَا ثْرَاحذْ إِ مَامّشْ نْزمَّارْ أَذْ نسّنْ أَبْرِيذْ؟“
JOH 14:6 يَاسُوع إِنَّا أَسْ: ”نشّْ ذ أَبْرِيذْ ذ ثِيذتّْ ذ ثُوذَارْثْ، وَارْ د-إِتِّيسْ ؤُڒَا ذ إِجّْ غَارْ بَابَا مْغِيرْ زَّايِي.
JOH 14:7 مَاڒَا ثُوغَا ثسّْنمْ أَيِي، أَذْ ثِيڒِي أَقَا ثسّْنمْ ؤُڒَا ذ بَابَا. زِي ڒخُّو أَقَا ثسّْنمْ ث، ثژْرِيمْ ث.“
JOH 14:8 فِيلِيبُّوسْ إِنَّا أَسْ: ”[أَ] سِيذِيثْنغْ، سْشنْ أَنغْ بَابَاشْ، ؤُشَا إِكْفَا.“
JOH 14:9 يَاسُوع إِنَّا أَسْ: ”أَنشْثْ ؤُيَا ن ڒْوقْثْ قَاعْ نشّْ أَكِيذْومْ، مَا وَارْ ذ أَيِي ثسِّينذْ [عَاذْ]، [أَ] فِيلِيبُّوسْ؟ ونِّي ذ أَيِي إِژْرِينْ، إِژْرَا بَابَا. مَامّشْ ثقَّارذْ: ’سْشنْ أَنغْ بَابَاشْ‘؟
JOH 14:10 مَا وَارْ ثُومِينذْ شَا أَقَا نشّْ أَقَا أَيِي ذِي بَابَا ذ بَابَا أَقَا-ث ذَايِي؟ أَوَاڒنْ إِ قَّارغْ، وَارْ ثنْ قَّارغْ شَا زِي غَارِي، مَاشَا بَابَا ونِّي ذَايِي إِزدّْغنْ، نتَّا إِتّڭّْ ڒخْذَايمْ-أَ.
JOH 14:11 أَمْنمْ أَيِي، أَقَا نشّْ أَقَا أَيِي ذِي بَابَا ؤُ بَابَا أَقَا-ث ذَايِي، ؤُ مَاڒَا لَّا، أَمْنمْ أَيِي خْ سِّيبّثْ ن ڒخْذَايمْ سِيمَانْثْ نْسنْثْ.
JOH 14:12 س ثِيذتّْ، س ثِيذتّْ، نشّْ أَذْ أَومْ إِنِيغْ: ونِّي ذَايِي يُومْننْ، أَقَا ڒخْذَايمْ إِ تّڭّغْ، أَذْ زَّايْسنْثْ إِڭّْ ؤُڒَا ذ نتَّا، ؤُشَا أَذْ إِڭّْ ثِينِّي إِدْجَانْ ذ ثِيمقّْرَانِينْ خْ مَانْ أَيَا، مِينْزِي نشّْ أَذْ رَاحغْ غَارْ بَابَا.
JOH 14:13 ؤُشَا مَارَّا مِينْ غَا ثتَّارمْ س يِيسمْ إِنُو، أَذْ ث ڭّغْ إِ كنِّيوْ، حِيمَا أَذْ إِتّْوَاسّْعُودْجْ بَابَا ذِي مِّيسْ.
JOH 14:14 مَاڒَا ذ أَيِي غَا ثتَّارمْ س يِيسمْ إِنُو، أَذْ ث ڭّغْ.
JOH 14:15 مَاڒَا ثخْسمْ أَيِي، طّْفمْ ذِي ثْوصَّا إِنُو،
JOH 14:16 ؤُشَا نشّْ أَذْ ژَّادْجغْ إِ بَابَا ؤُ نتَّا أَذْ أَومْ إِوْشْ إِجّْ ن ؤُمْسصْڒَاحْ نّغْنِي، حِيمَا أَذْ كِيومْ إِقِّيمْ إِ ڒبْذَا:
JOH 14:17 أَرُّوحْ ن ثِيذتّْ ثنِّي وَارْ ثْزمَّارْ دُّونشْثْ أَذْ ث ثقْبڒْ، مِينْزِي وَارْ ث ثتّْوِيڒِي، وَارْ ث ثسِّينْ. مَاشَا كنِّيوْ ثسّْنمْ ث، مِينْزِي نتَّا إِتّْغِيمَا أَكِيذْومْ ؤُ نتَّا أَقَا-ث ذَايْومْ.“
JOH 14:18 ”وَارْ كنِّيوْ تّجِّيغْ شَا ذ إِيُوجِيڒنْ، مَاغَارْ أَوَارْنِي ذْرُوسْ نْ ڒْوقْثْ نشّْ أَذْ غَارْومْ د-أَسغْ [عَاوذْ].
JOH 14:19 دُّونشْثْ وَارْ ذ أَيِي ثْژَارّْ، مَاشَا كنِّيوْ أَذْ أَيِي ثْوَاڒَامْ. مِينْزِي نشّْ دَّارغْ، أَذْ ثدَّارمْ ؤُڒَا ذ كنِّيوْ.
JOH 14:20 ذڭْ وَاسّْ نِّي أَذْ ثسّْنمْ، أَقَا نشّْ أَقَا أَيِي ذِي بَابَا، كنِّيوْ ذَايِي ؤُ نشّْ ذَايْومْ.
JOH 14:21 ونِّي غَارْ إِدْجَا ثِيوصَّا إِنُو ؤُشَا أَذْ ذَايْسنْثْ إِطّفْ، ذ ونِّي ذ أَيِي إِتّخْسنْ، ؤُ ونِّي ذ أَيِي إِتّخْسنْ، ؤُڒَا ذ بَابَا أَذْ ث إِخْسْ ؤُ نشّْ أَذْ ث خْسغْ [عَاوذْ] ؤُشَا أَذْ أَسْ سّشْنغْ إِخفْ إِنُو.“
JOH 14:22 إِنَّا أَسْ يَاهُوذَا، وَارْ إِدْجِي ذ إِسْخَارِييُوطِي: ”[أَ] سِيذِي، مَامّشْ ذ أَنغْ إِ غَا ثسّشْنذْ إِخفْ نّشْ، وَارْ إِدْجِي شَا إِ دُّونشْثْ؟“
JOH 14:23 يَاسُوع يَارَّا-د، إِنَّا أَسْ: ”مَاڒَا شَا ن يِيجّنْ إِخْسْ أَيِي، خنِّي أَذْ إِطّفْ ذڭْ وَاوَاڒْ إِنُو ؤُشَا بَابَا أَذْ ث إِخْسْ، ؤُشَا غَارسْ إِ د غَا نَاسْ ؤُ غَارسْ إِ غَا نڭّْ ثَازذِّيغْثْ نّغْ.
JOH 14:24 ونِّي وَارْ ذ أَيِي إِتّخْسنْ، وَارْ إِتّطِّيفْ شَا ذڭْ وَاوَاڒْ إِنُو، ؤُشَا أَوَاڒْ-أَ إِ ثسْڒِيمْ، وَارْ إِدْجِي شَا زِي غَارِي، مَاشَا زِي بَابَا، ونِّي ذ أَيِي د-إِسّكّنْ.
JOH 14:25 سِّيوْڒغْ أَكِيذْومْ مَانْ أَيَا ؤُمِي نشّْ [عَاذْ] أَكِيذْومْ.
JOH 14:26 مَاشَا ؤُمْسصْڒَاحْ، أَرُّوحْ إِقدّْسنْ، ونِّي إِ د غَا إِسّكّْ بَابَا س يِيسمْ إِنُو، أَذْ أَومْ إِسّڒْمذْ كُوڒْشِي، أَذْ أَومْ إِسّْفكَّارْ مَارَّا مِينْ ذ أَومْ نِّيغْ.
JOH 14:27 ڒهْنَا أَذْ أَومْ ث جّغْ، نشّْ أَذْ أَومْ وْشغْ ڒهْنَا إِنُو. نشّْ أَذْ أَومْ [ث] وْشغْ، وَارْ إِدْجِي شَا أَمْ مَامّشْ [ث] ثتِّيشْ دُّونشْثْ. وَارْ ثجِّيمْ أَذْ إِنّهْوڒْ ؤُڒْ نْومْ، وَارْ تّڭّْوذمْ شَا.
JOH 14:28 أَقَا ثسْڒِيمْ نشّْ نِّيغْ أَومْ: ’نشّْ أَذْ ؤُيُورغْ ؤُشَا أَذْ غَارْومْ د-أَسغْ عَاوذْ‘. مَاڒَا ثخْسمْ أَيِي، أَذْ ثْفَارْحمْ، مِينْزِي أَقَا أَذْ رَاحغْ غَارْ بَابَا، مِينْزِي بَابَا إِمْغَارْ خَافِي!
JOH 14:29 ؤُشَا ڒخُّو، خْزَارْ، نشّْ نِّيغْ أَومْ ت قْبڒْ مَا أَذْ يِيڒِي، حِيمَا كنِّيوْ، خْ مِينِّي إِ غَا يِيڒِي ؤُيَا، أَذْ ثَامْنمْ.
JOH 14:30 أَوَارْنِي مَانْ أَيَا وَارْ كِيومْ سِّيوِيڒغْ [عَاذْ] أَطَّاسْ كْثَارْ، مَاغَارْ أَذْ د-يَاسْ ؤُمقّْرَانْ ن دُّونشْثْ-أَ، وَارْ غَارسْ إِتِّيڒِي وَالُو ذَايِي،
JOH 14:31 مَاشَا إِتّْخصَّا أَذْ ثسّنْ دُّونشْثْ أَقَا نشّْ تّخْسغْ بَابَا ؤُشَا تّڭّغْ مِينْ ذ أَيِي إِوصَّا بَابَا. كَّارمْ، أَذْ نُويُورْ سَّانِيثَا.“
JOH 15:1 ”نشّْ ذ ثَازَايَارْثْ ن ثِيذتّْ، بَابَا ذ بَابْ ن وحْوِيشْ ن ثْزَايَارْثْ.
JOH 15:2 كُوڒْ ثَاسطَّا ذَايِي إِ وَارْ إِتِّيشنْ ڒْغِيدْجثْ، أَذْ ت إِكّسْ، ؤُشَا كُوڒْ [ثَاسطَّا] إِ د-إِتَّاوْينْ ڒْغِيدْجثْ، أَذْ ت إِسِّيزْذڭْ، حِيمَا أَذْ ثَارْنِي ذِي ڒْغِيدْجثْ.
JOH 15:3 كنِّيوْ أَقَا ثتّْوَاسِّيزذْڭمْ زِي سِّيبّثْ ن وَاوَاڒْ إِ ذ أَومْ نِّيغْ.
JOH 15:4 قِّيممْ ذَايِي، [أَمْ مَامّشْ] نشّْ أَقَا أَيِي ذَايْومْ. أَمْ ثْسطَّا إِ وَارْ إِزمَّارنْ أَذْ د-ثَاوْيِي ڒْغِيدْجثْ زڭْ إِخفْ نّسْ مَاڒَا وَارْ ثقِّيمْ ذِي ثْزَايَارْثْ، أَمْيَا ؤُڒَا ذ كنِّيوْ، مْغِيرْ مَاڒَا ثقِّيممْ ذَايِي.
JOH 15:5 نشّْ ذ ثَازَايَارْثْ، كنِّيوْ ذ ثِيسضْوِينْ. ونِّي ذَايِي إِ غَا إِقِّيمنْ ؤُ نشّْ ذَايسْ، نتَّا أَذْ د-يَاوِي ڒْغِيدْجثْ أَطَّاسْ، مِينْزِي بْڒَا زَّايِي وَارْ ثْزمَّارمْ أَذْ ثڭّمْ وَالُو.
JOH 15:6 مَاڒَا شَا ن يِيجّنْ وَارْ ذَايِي إِقِّيمْ، أَذْ إِمّنْضَارْ غَارْ بَارَّا أَمْ ثْسطَّا ثُوژغْ، خنِّي أَذْ ت يَارْونْ، أَذْ ت نْضَارنْ ذِي ثْمسِّي، أَذْ يَارغْ.
JOH 15:7 مَاشَا مَاڒَا ثقِّيممْ ذَايِي ؤُشَا أَوَاڒنْ إِنُو أَذْ ذَايْومْ قِّيمنْ، تَّارمْ مِينْ ثخْسمْ ؤُشَا أَذْ غَارْومْ يِيڒِي.
JOH 15:8 زِي مَانْ أَيَا أَذْ إِتّْوَاسّْعُودْجْ بَابَا، خْمِي إِ د غَا ثَاوْيمْ أَطَّاسْ ن ڒْغِيدْجثْ ؤُشَا أَذْ ثِيڒِيمْ ذ إِمحْضَارنْ إِنُو.
JOH 15:9 أَمْ مَامّشْ بَابَا ثُوغَا إِتّخْسْ أَيِي، أَمُّو ؤُڒَا ذ نشّْ ثُوغَا تّخْسغْ كنِّيوْ. قِّيممْ ذِي ثَايْرِي إِنُو.
JOH 15:10 مَاڒَا ثطّْفمْ ذِي ثْوصَّا إِنُو، أَذْ ثقِّيممْ ذِي ثَايْرِي إِنُو، أَمْ مَامّشْ نشّْ ثُوغَا تّطّْفغْ ذِي ثْوصَّا ن بَابَا ؤُشَا تّْغِيمغْ ذِي ثَايْرِي نّسْ.
JOH 15:11 نِّيغْ أَومْ مَانْ أَيَا، حِيمَا أَذْ ذَايْومْ ثِيڒِي ڒفْرَاحثْ إِنُو ؤُشَا حِيمَا أَذْ ثتّْوَاكمّڒْ ڒفْرَاحثْ نْومْ.
JOH 15:12 ثَاوْصيّثْ إِنُو ذ ثَانِيثَا: أَقَا أَذْ ثخْسمْ إِجّنْ ونّغْنِي أَمْ مَامّشْ نشّْ ثُوغَا خْسغْ كنِّيوْ.
JOH 15:13 ؤُڒَا ذ إِجّْ وَارْ غَارسْ بُو ثَايْرِي ثَامقّْرَانْثْ خْ ثَانِيثَا: بلِّي شَا ن يِيجّنْ أَذْ إِوْشْ ثُوذَارْثْ نّسْ إِ إِمدُّوكَّاڒْ نّسْ.
JOH 15:14 كنِّيوْ ذ إِمدُّوكَّاڒْ إِنُو، مَاڒَا ثڭِّيمْ مَارَّا مِينْ كنِّيوْ وصِّيغْ.
JOH 15:15 وَارْ تّْعِيوِيذغْ أَذْ أَومْ سمِّيغْ ’إِمْسخَّارنْ‘، مِينْزِي أَمْسخَّارْ وَارْ إِسِّينْ مِينْ إِتّڭّْ سِيذِيسْ. مَاشَا نشّْ ثُوغَا تّْڒَاغِيغْ أَومْ ذ ’إِمدُّوكَّاڒْ إِنُو!‘، مِينْزِي نشّْ سّشْنغْ كنِّيوْ مَارَّا مِينْ سْڒِيغْ زِي بَابَا.
JOH 15:16 وَارْ إِدْجِي ذ كنِّيوْ إِ ذ أَيِي إِخْضَارنْ، مَاشَا ذ نشّْ إِ كنِّيوْ إِخْضَارنْ ؤُشَا نشّْ ڭِّيغْ كنِّيوْ حِيمَا أَذْ ثْرَاحمْ، أَذْ د-ثَاوْيمْ ڒْغِيدْجثْ ؤُ حِيمَا أَذْ ثقِّيمْ ڒْغِيدْجثْ نْومْ، حِيمَا مَارَّا مِينْ غَا ثتَّارمْ زِي بَابَا س يِيسمْ إِنُو، أَذْ أَومْ [ث] إِوْشْ نتَّا.
JOH 15:17 ذ مَانْ أَيَا إِ زِي كنِّيوْ ؤُمُورغْ، حِيمَا أَذْ ثخْسمْ إِجّنْ ونّغْنِي.“
JOH 15:18 ”مَاڒَا دُّونشْثْ أَذْ كنِّيوْ ثْشَارْهْ، سْنمْ أَقَا ثْشَارْهْ أَيِي قْبڒْ كنِّيوْ.
JOH 15:19 مَاڒَا أَقَا كنِّيوْ زِي دُّونشْثْ، إِڒِي أَقَا دُّونشْثْ ثُوغَا ثتّخْسْ إِنِّي زَّايسْ. مَاشَا مِينْزِي كنِّيوْ وَارْ ثدْجِيمْ شَا زِي دُّونشْثْ، مَاشَا نشّْ إِخْضَارغْ كنِّيوْ زِي دُّونشْثْ، س ؤُينِّي ثْشَارّهْ دُّونشْثْ كنِّيوْ.
JOH 15:20 عقْڒمْ أَوَاڒْ إِ ذ أَومْ نِّيغْ: ’أَمْسخَّارْ وَارْ يُوعْڒِي خْ سِيذِيسْ!‘ مَاڒَا ذَارَّاشنْ أَيِي، أَذْ كنِّيوْ ذَارّْشنْ عَاوذْ. مَاڒَا طّْفنْ ذڭْ وَاوَاڒْ إِنُو، أَذْ طّْفنْ عَاوذْ ذڭْ وَاوَاڒْ نْومْ.
JOH 15:21 مَاشَا أَذْ زَّايْومْ ڭّنْ مَانْ أَيَا مَارَّا ذِي سِّيبّثْ ن يِيسمْ إِنُو، مِينْزِي نِيثْنِي وَارْ سِّيننْ شَا ونِّي ذ أَيِي د-إِسّكّنْ.
JOH 15:22 مَاڒَا وَارْ د-ؤُسِيغْ ؤُ وَارْ كِيسنْ سِّيوْڒغْ، أَذْ يِيڒِي وَارْ غَارْسنْ بُو دّْنُوبْ. مَاشَا ڒخُّو وَارْ غَارْسنْ بُو سْمَاحثْ خْ دّْنُوبْ نْسنْ.
JOH 15:23 ونِّي ذ أَيِي إِشَارّْهنْ، أَذْ إِشَارْهْ ؤُڒَا ذ بَابَا.
JOH 15:24 مَاڒَا وَارْ ڭِّيغْ زَّاثْ إِ ثِيطَّاوِينْ نْسنْ ڒخْذَايمْ إِ وَارْ ثنْثْ يڭِّي ؤُڒَا ذ إِجّْ بْنَاذمْ نّغْنِي، أَذْ يِيڒِي وَارْ غَارْسنْ بُو دّْنُوبْ. مَاشَا ڒخُّو ژْرِينْ [ثنْثْ]، شَارْهنْ أَيِي نشّْ ؤُڒَا ذ بَابَا.
JOH 15:25 س ؤُيَا أَذْ إِتّْوَاكمّڒْ وَاوَاڒْ إِ يُورَانْ ذِي شَّارِيعَا نْسنْ: ’شَارْهنْ أَيِي خْ وَالُو‘.
JOH 15:26 خْمِي د غَا يَاسْ ؤُمْسصْڒَاحْ، ونِّي غَارْومْ د غَا سّكّغْ زِي بَابَا، أَرُّوحْ ن ثِيذتّْ إِ د-يُوسِينْ زِي غَارْ بَابَا، خنِّي وَانِيثَا أَذْ أَيِي إِشْهذْ.
JOH 15:27 ؤُشَا أَذْ ثْشهْذمْ ؤُڒَا ذ كنِّيوْ، مِينْزِي ثُوغَا كنِّيوْ أَكِيذِي زڭْ ؤُمزْوَارُو.“
JOH 16:1 ”أَقَا سِّيوْڒغْ أَكِيذْومْ أَيَا، حِيمَا وَارْ تّنْقَارْضمْ.
JOH 16:2 أَذْ كنِّيوْ سُّوفّْغنْ زِي ثمْزِيذَاوِينْ نْسنْ. إِوَا، ثَاسَاعّثْ أَذْ د-ثَاسْ ؤُمِي كُوڒْ إِجّنْ ونِّي كنِّيوْ إِ غَا إِنْغنْ، أَذْ أَسْ إِتّْغِيڒْ أَقَا إِوْشَا إِشْثْ ن ثوْهِيبْثْ إِ أَربِّي.
JOH 16:3 أَذْ زَّايْومْ ڭّنْ مَانْ أَيَا، مِينْزِي نِيثْنِي وَارْ سِّيننْ بَابَا ؤُڒَا ذ نشّْ.
JOH 16:4 مَاشَا أَقَا نِّيغْ أَومْ مَانْ أَيَا، حِيمَا، خْمِي إِ د غَا ثَاسْ ثْسَاعّثْ، خنِّي أَذْ ثْعقْڒمْ خْ مَانْ أَيَا. نشّْ وَارْ ذَايْومْ نِّيغْ شَا مَانْ أَيَا قْبڒْ، مِينْزِي نشّْ ثُوغَا أَيِي [عَاذْ] أَكِيذْومْ.
JOH 16:5 مَاشَا ڒخُّو أَذْ رَاحغْ غَارْ ونِّي ذ أَيِي د-إِسّكّنْ، [مَاشَا] ؤُڒَا ذ إِجّْ زَّايْومْ وَارْ ذ أَيِي إِسّقْسِي: ’مَانِي غَا ثْرَاحذْ؟‘
JOH 16:6 مَاغَارْ مِينْزِي نِّيغْ أَومْ مَانْ أَيَا، أَقَا أَشْضَانْ إِشُّورْ ؤُڒَاونْ نْومْ.
JOH 16:7 مَاشَا نشّْ أَذْ أَومْ إِنِيغْ ثِيذتّْ: حْسنْ أَومْ أَذْ رَاحغْ، مَاغَارْ مَاڒَا وَارْ رُوحغْ شَا، وَارْ غَارْومْ د-إِتِّيسْ ؤُمْسصْڒَاحْ. مَاڒَا رُوحغْ، أَذْ أَومْ ث-إِ-د-سّكّغْ.
JOH 16:8 ڒَامِي د-يُوسَا وَانِيثَا، أَذْ إِسّقْنعْ دُّونشْثْ خْ دّْنُوبْ، خْ ثْسڭْذَا ؤُ خْ ڒْحُوكْمْ.
JOH 16:9 خْ دّْنُوبْ مِينْزِي نِيثْنِي وَارْ زَّايِي ؤُمِيننْ،
JOH 16:10 خْ ثْسڭْذَا، مِينْزِي نشّْ أَذْ رَاحغْ غَارْ بَابَا ؤُشَا وَارْ ذ أَيِي ثْژَارّمْ عَاذْ،
JOH 16:11 ؤُشَا خْ ڒْحُوكْمْ، مِينْزِي أَمقّْرَانْ ن دُّونشْثْ-أَ أَقَا إِتّْوَاحَاسبْ.
JOH 16:12 غَارِي أَطَّاسْ مِينْ ذَايْومْ إِ غَا إِنِيغْ، مَاشَا ڒخُّو وَارْ ثْزمَّارمْ أَذْ ث ثكْسِيمْ.
JOH 16:13 مَاشَا ڒَامِي د-يُوسَا أَرُّوحْ ن ثِيذتّْ، أَذْ كنِّيوْ إِنْذهْ ذِي مَارَّا ثِيذتّْ، مِينْزِي نتَّا وَارْ إِسِّيوِيڒْ شَا زڭْ إِخفْ نّسْ، مَاشَا مَارَّا مِينْ غَا إِسْڒَا، أَذْ زَّايسْ إِسِّيوڒْ، ؤُشَا أَذْ أَومْ إِسّْشنْ ثِيمسْڒَايِينْ إِ د غَا يَاسنْ.
JOH 16:14 نتَّا أَذْ أَيِي إِسّْعُودْجْ، مِينْزِي أَذْ إِكْسِي زِي مِينْ غَارِي ؤُشَا أَذْ كنِّيوْ إِسَّارْڭبْ زَّايسْ.
JOH 16:15 مَارَّا مِينْ إِدْجَانْ غَارْ بَابَا، أَقَا-ث إِنُو. س ؤُينِّي نِّيغْ، بلِّي نتَّا أَذْ إِكْسِي زِي مِينْ غَارِي ؤُشَا أَذْ كنِّيوْ ت إِسَّارْڭبْ.“
JOH 16:16 ”وَارْ إِتّْغِيمِي شَا ؤُشَا وَارْ ذ أَيِي ثْژَارّمْ [عَاذْ]، ؤُ خنِّي [عَاوذْ] وَارْ إِتّْغِيمِي شَا ؤُشَا أَذْ أَيِي ثْژَارمْ، مِينْزِي نشّْ أَذْ رَاحغْ غَارْ بَابَا.“
JOH 16:17 إِمحْضَارنْ نّسْ نَّانْ جَارْ أَسنْ: ”مَانَاوْيَا مِينْ ذ أَنغْ إِنَّا: ’وَارْ إِتّْغِيمِي شَا ؤُشَا وَارْ ذ أَيِي ثْژَارّمْ [عَاذْ] ؤُ خنِّي عَاوذْ وَارْ إِتّْغِيمِي شَا ؤُشَا أَذْ أَيِي ثْژَارمْ!‘ ؤُ: ’نشّْ أَذْ رَاحغْ غَارْ بَابَا‘؟“
JOH 16:18 ؤُشَا نِيثْنِي نَّانْ: ”مَانَاوْيَا مِينْ إِقَّارْ: ’وَارْ إِتّْغِيمِي شَا‘؟ وَارْ نسِّينْ شَا مِينْ خفْ إِسَّاوَاڒْ.“
JOH 16:19 إِسّنْ يَاسُوع مِينْ خْسنْ أَذْ ث سّقْسَانْ، إِنَّا أَسنْ: ”مَا ثمّْسقْسَامْ مِينْزِي نِّيغْ: ’وَارْ إِتّْغِيمِي شَا ؤُشَا وَارْ ذ أَيِي ثْژَارّمْ [عَاذْ] ؤُ خنِّي عَاوذْ وَارْ إِتّْغِيمِي شَا ؤُشَا أَذْ أَيِي ثْژَارمْ‘؟“
JOH 16:20 ”س ثِيذتّْ، س ثِيذتّْ، نشّْ أَذْ أَومْ إِنِيغْ: كنِّيوْ أَذْ ثْرُومْ، أَذْ ثْعبّْسمْ، مَاشَا دُّونشْثْ أَذْ ثْفَارْحْ. كنِّيوْ أَذْ ثْشضْنمْ، مَاشَا أَشْضَانْ نْومْ أَذْ إِذْوڒْ ذ ڒفْرَاحثْ.
JOH 16:21 ثَامْغَارْثْ، خْمِي غَا ثَارُووْ، أَذْ ذَايسْ يِيڒِي ڒحْرِيقْ، مِينْزِي ثَاسَاعّثْ نّسْ أَقَا ثِيوضْ-د. مَاشَا خْمِي د غَا ثَارُووْ مِّيسْ، وَارْ ثْفكَّارْ شَا عَاذْ ذِي ڒْمحْنثْ نّسْ س ڒفْرَاحثْ، مِينْزِي ثَارْنِي-د إِجّْ ن بْنَاذمْ غَارْ دُّونشْثْ.
JOH 16:22 ؤُڒَا ذ كنِّيوْ أَقَا ذَايْومْ أَشْضَانْ ڒخُّو، مَاشَا أَذْ كنِّيوْ ژَترغْ عَاوذْ، ؤُشَا أَذْ فَارْحنْ وُوڒَاونْ نْومْ ؤُشَا ؤُڒَا ذ إِجّْ وَارْ زَّايْومْ إِتّكّسْ ڒفْرَاحثْ نْومْ.
JOH 16:23 ذڭْ وَاسّْ نِّي وَارْ ذ أَيِي ثتَّارمْ شَا. س ثِيذتّْ، س ثِيذتّْ، نشّْ أَذْ أَومْ إِنِيغْ: مَارَّا مِينْ غَا ثتَّارمْ زِي بَابَا س يِيسمْ إِنُو، أَذْ أَومْ ث إِوْشْ.
JOH 16:24 أَڒْ إِ ڒخُّو وَارْ ثتَّارمْ شَا س يِيسمْ إِنُو. تَّارمْ، أَذْ ثكْسِيمْ، حِيمَا أَذْ ثِيڒِي ڒفْرَاحثْ نْومْ ثكْمڒْ.
JOH 16:25 سِّيوْڒغْ أَومْ خْ مَانْ أَيَا س إِمذْيَا، مَاشَا أَذْ د-ثَاوضْ ثْسَاعّثْ إِ ذِي وَارْ غَارْومْ إِ غَا سِّيوِيڒغْ عَاذْ س إِمتِّيڒنْ، مَاشَا أَذْ أَومْ بَارّْحغْ خْ بَابَا س بْطَايْطَايْ.
JOH 16:26 ذڭْ وَاسّْ نِّي أَذْ ثتَّارمْ س يِيسمْ إِنُو. نشّْ وَارْ ذ أَومْ قَّارغْ شَا بلِّي أَذْ تَّارغْ [شَا] زِي بَابَا ذِي طّْوعْ نْومْ،
JOH 16:27 مِينْزِي بَابَا سِيمَانْثْ نّسْ إِتّخْسْ كنِّيوْ، مِينْزِي كنِّيوْ ثُوغَا ثتّخْسمْ أَيِي ؤُشَا أَقَا ثُومْنمْ أَقَا نشّْ زِي غَارْ أَربِّي إِ د-فّْغغْ.
JOH 16:28 فّْغغْ-د زِي بَابَا، ؤُسِيغْ-د غَارْ دُّونشْثْ. أَذْ جّغْ عَاوذْ دُّونشْثْ ؤُشَا أَذْ رَاحغْ غَارْ بَابَا.“
JOH 16:29 نَّانْ أَسْ إِمحْضَارنْ نّسْ: ”أَقَا ڒخُّو ثسَّاوَاڒذْ س بْطَايْطَايْ، وَارْ ثسِّيوِيڒذْ شَا س ؤُڒَا ذ إِجّْ ن ؤُمذْيَا.
JOH 16:30 ڒخُّو نسّنْ أَقَا ثسّْنذْ كُوڒْشِي، وَارْ ثحْذِيجذْ أَذْ شكْ إِسّقْسَا حذْ. زِي مَانَاونِّي نُومنْ أَقَا شكْ ثفّْغذْ-د زِي أَربِّي.“
JOH 16:31 يَاسُوع يَارَّا-د خَاسنْ: ”مَا ڒخُّو ثُومْنمْ؟
JOH 16:32 أَذْ د-ثَاوضْ ثْسَاعّثْ، أَقَا ثِيوضْ-د، إِ ذِي إِ غَا ثتّْوَازُوزَّارمْ، كُوڒْ إِجّْ أَذْ إِطّفْ غَارْ ومْشَانْ نّسْ، أَذْ أَيِي ثجّمْ وحّْذِي، [مَاشَا] نشّْ وَارْ دْجِيغْ بُو وحّْذِي، مِينْزِي بَابَا أَقَا-ث أَكِيذِي.
JOH 16:33 أَقَا سِّيوْڒغْ أَكِيذْومْ س مَانْ أَيَا، حِيمَا أَذْ غَارْومْ يِيڒِي ڒهْنَا ذَايِي. ذِي دُّونشْثْ أَذْ غَارْومْ ثِيڒِي ڒْمحْنثْ، مَاشَا ڭّمْ ؤُڒْ، نشّْ أَقَاغلّْبغْ خْ دُّونشْثْ.“
JOH 17:1 ثُوغَا يَاسُوع إِسَّاوَاڒْ س مَانْ أَيَا ؤُشَا إِسّْڭعّذْ ثِيطَّاوِينْ نّسْ غَارْ ؤُجنَّا، إِنَّا: ”[أَ] بَابَا، أَقَا ثَاسَاعّثْ ثِيوضْ-د. سُوعْڒَا مِّيشْ، حِيمَا ؤُڒَا ذ مِّيشْ أَذْ شكْ إِسُّوعْڒَا،
JOH 17:2 أَڒَامِي ذ أَسْ ثوْشِيذْ صُّولْطَا خْ مَارَّا دَّاثْ، حِيمَا خنِّي نتَّا أَذْ إِوْشْ ثُوذَارْثْ إِتّْذُومَانْ إِ كُوڒْ إِجّنْ إِ ذ أَسْ ثوْشِيذْ.
JOH 17:3 ذ ثَانِيثَا ذ ثُوذَارْثْ إِتّْذُومَانْ، أَقَا نِيثْنِي أَذْ شكْ سّْننْ، مَاغَارْ شكْ وحّْذكْ ذ أَربِّي ذ ثِيذتّْ، ذ يَاسُوع لْمَاسِيحْ ونِّي د-ثسّكّذْ.
JOH 17:4 نشّْ سُّوعْڒِيغْ شكْ خْ ثمُّورْثْ. نشّْ كمّْڒغْ ڒْخذْمثْ إِ ذ أَيِي ثوْشِيذْ حِيمَا أَذْ ت ڭّغْ.
JOH 17:5 ڒخُّو، سْعُودْجِي أَيِي، [أَ] بَابَا، غَارْ إِخفْ نّشْ س ؤُعُودْجِي إِ ثُوغَا غَارِي قْبڒْ مَا أَذْ ثِيڒِي دُّونشْثْ.
JOH 17:6 سشْنغْ إِسمْ نّشْ إِ إِوْذَانْ إِنِّي ذ أَيِي ثوْشِيذْ زِي دُّونشْثْ. نِيثْنِي ثُوغَا أَثنْ نّشْ، ثوْشِيذْ ثنْ إِ نشّْ، أَقَا طّْفنْ ذڭْ وَاوَاڒْ نّشْ.
JOH 17:7 ڒخُّو سّْنغْ بلِّي مَارَّا مِينْ ذ أَيِي ثوْشِيذْ، أَقَا-ث زَّايكْ د-يُوسَا.
JOH 17:8 مِينْزِي نشّْ وْشِيغْ أَسنْ أَوَاڒنْ إِ ذ أَيِي ثوْشِيذْ ؤُشَا نِيثْنِي قبْڒنْ زَّايْسنْ، سّْننْ س ثِيذتّْ بلِّي نشّْ فّْغغْ-د زَّايكْ، ؤُمْننْ أَقَا شكْ ثسّكّذْ أَيِي-د.
JOH 17:9 نشّْ تَّارغْ ذِي طّْوعْ نْسنْ، وَارْ تّتَّارغْ ذِي طّْوعْ ن دُّونشْثْ، مَاشَا ذِي طّْوعْ ن يِينِّي ذ أَيِي ثوْشِيذْ، مِينْزِي أَقَا أَثنْ نّشْ.
JOH 17:10 مَارَّا مِينْ إِدْجَانْ إِنُو أَقَا-ث نّشْ ؤُ مِينْ إِدْجَانْ نّشْ أَقَا-ث إِنُو، ؤُ نشّْ تّْوَاسّْعُودْجغْ ذَايْسنْ.
JOH 17:11 زِي ڒخُّو نشّْ وَارْ دْجِيغْ عَاذْ ذِي دُّونشْثْ، مَاشَا نِيثْنِي أَقَا أَثنْ ذِي دُّونشْثْ، ؤُشَا نشّْ أَذْ غَاركْ د-أَسغْ. [أَ] بَابَا إِقدّْسنْ، حْضَا ثنْ ذڭْ يِيسمْ نّشْ، [إِسمْ] نِّي ذ أَيِي ثوْشِيذْ، حِيمَا نِيثْنِي أَذْ إِڒِينْ ذ إِجّنْ أَمْ نشِّينْ.
JOH 17:12 ڒَامِي ذ أَيِي ثُوغَا أَكِيذْسنْ، حْضِيغْ ثنْ ذڭْ يِيسمْ نّشْ. نشّْعسّغْ خْ يِينِّي ذ أَيِي ثوْشِيذْ. ؤُڒَا ذ إِجّْ زَّايْسنْ وَارْ إِتّْوَاهلّكْ، مْغِيرْ مِّيسْ ن ثهْلِيكثْ، حِيمَا أَذْ إِتّْوَاكمّڒْ [مِينْ يُورَانْ] ذِي ثِيرَا [إِقدّْسنْ].
JOH 17:13 مَاشَا ڒخُّو أَذْ غَاركْ د-أَسغْ ؤُ سَّاوَاڒغْ خْ مَانْ أَيَا ذِي دُّونشْثْ، حِيمَا أَذْ ثِيڒِي ڒفْرَاحثْ إِنُو ثكْمڒْ ذَايْسنْ.
JOH 17:14 وْشِيغْ أَسنْ أَوَاڒْ نّشْ ؤُشَا دُّونشْثْ ثُوغَا ثْشَارّهْ إِ-ثنْ، مِينْزِي وَارْ دْجِينْ شَا زِي دُّونشْثْ، أَمْ نشّْ وَارْ دْجِيغْ شَا زِي دُّونشْثْ.
JOH 17:15 نشّْ وَارْ تَّارغْ حِيمَا أَذْ ثنْ ثكْسِيذْ زِي دُّونشْثْ، مَاشَا حِيمَا أَذْ ثنْ ثحْضِيذْ زڭْ ؤُمْعفَّانْ.
JOH 17:16 نِيثْنِي وَارْ دْجِينْ شَا زِي دُّونشْثْ أَمْ نشّْ وَارْ دْجِيغْ شَا زِي دُّونشْثْ.
JOH 17:17 [أَ] بَابَا، سْقدّسْ إِ-ثنْ ذِي ثِيذتّْ، أَوَاڒْ نّشْ ذ ثِيذتّْ.
JOH 17:18 أَمْ مَامّشْ إِ ذ أَيِي د-ثسّكّذْ غَارْ دُّونشْثْ، [أَمُّو إِ] ثنْ سّكّغْ عَاوذْ غَارْ دُّونشْثْ.
JOH 17:19 سّْقدَّاسغْ إِخفْ إِنُو ذِي طّْوعْ نْسنْ، حِيمَا أَذْ تّْوَاقدّْسنْ ؤُڒَا ذ نِيثْنِي ذِي ثِيذتّْ.
JOH 17:20 وَارْ تَّارغْ ذِي طّْوعْ ن يِينَا وَاهَا، مَاشَا عَاوذْ ذِي طّْوعْ ن يِينِّي ذَايِي يُومْننْ س وَاوَاڒْ نْسنْ.
JOH 17:21 حِيمَا أَذْ إِڒِينْ مَارَّا ذ إِجّنْ، [أَ] بَابَا، أَمْ شكْ ذَايِي ؤُ نشّْ ذَايكْ، حِيمَا ؤُڒَا ذ نِيثْنِي أَذْ إِڒِينْ ذ إِجّنْ ذَايْنغْ، حِيمَا أَذْ ثَامنْ دُّونشْثْ بلِّي أَقَا ذ شكْ إِ ذ أَيِي د-إِسّكّنْ.
JOH 17:22 نشّْ وْشِيغْ أَسنْ أَعُودْجِي إِ ذ أَيِي ثوْشِيذْ، حِيمَا أَذْ إِڒِينْ ذ إِجّنْ أَمْ مَامّشْ نشِّينْ ندْجْ ذ إِجّنْ.
JOH 17:23 نشّْ ذَايْسنْ، شكْ ذَايِي، حِيمَا أَذْ إِڒِينْ تّْوَاكمّْڒنْ غَارْ إِجّنْ، حِيمَا أَذْ ثسّنْ دُّونشْثْ أَقَا شكْ ثسّكّذْ أَيِي-د ؤُ ثخْسذْ ثنْ أَمْ مَامّشْ إِ ذ أَيِي ثخْسذْ.
JOH 17:24 [أَ] بَابَا، خْسغْ إِ يِينِّي ذ أَيِي ثوْشِيذْ أَذْ إِڒِينْ أَكِيذِي مَانِي مَا دْجِيغْ نشّْ، ؤُشَا أَذْ ژَترنْ أَعُودْجِي إِنُو إِ ذ أَيِي ثوْشِيذْ، مِينْزِي شكْ ثخْسذْ أَيِي قْبڒْ مَا أَذْ ثتّْوَاڭّْ دُّونشْثْ.
JOH 17:25 [أَ] بَابَا إِنُو إِسڭّْذنْ، أَقَا دُّونشْثْ وَارْ شكْ ثسِّينْ، مَاشَا نشّْ أَقَا سّْنغْ شكْ ؤُ إِنَا سّْننْ أَقَا شكْ ثسّكّذْ أَيِي-د.
JOH 17:26 نشّْ سّشْنغْ أَسنْ إِسمْ نّشْ ؤُ أَذْ ث سّشْنغْ، حِيمَا ثَايْرِي إِ زِي ثُوغَا ذ أَيِي ثتّخْسذْ أَذْ ثِيڒِي ذَايْسنْ ؤُ نشّْ ذَايْسنْ.“
JOH 18:1 أَوَارْنِي ڒَامِي إِنَّا يَاسُوع أَيَا، إِفّغْ أَكْ-ذ إِمحْضَارنْ نّسْ، ژْوَانْ خْ يغْزَارْ ن قِيذْرُونْ. ثُوغَا ذِينْ إِجّْ ن وحْوِيشْ، يُوذفْ غَارسْ أَكْ-ذ إِمحْضَارنْ نّسْ.
JOH 18:2 مَاشَا ؤُڒَا ذ يَاهُوذَا، أَغدَّارْ، إِسّنْ أَمْشَانْ نِّي عَاوذْ، مِينْزِي يَاسُوع ثُوغَا إِسّْمُونَا ذَايسْ أَطَّاسْ أَكْ-ذ إِمحْضَارنْ نّسْ.
JOH 18:3 يِيوِي-د يَاهُوذَا أَكِيذسْ إِشْثْ ن ثرْبِيعْثْ ن ڒْعسْكَارْ ؤُڒَا ذ إِعسَّاسنْ زڭْ وُوذمْ ن إِمقّْرَاننْ ن إِكهَّاننْ ذ إِفَارِيسِييّنْ، ؤُشَا يُوسَا-د ذِيهَا س إِصفْضَاونْ ذ ڒقْنَاذڒْ ذ ڒسْنَاحْ.
JOH 18:4 يَاسُوع، ونِّي إِسّنْ مَارَّا مِينْ ذ أَسْ غَا إِمْسَارنْ، إِفّغْ-د [غَارْسنْ]، إِنَّا أَسنْ: ”مِينْ خفْ ثَارزُّومْ؟“
JOH 18:5 أَرِّينْ-د خَاسْ: ”يَاسُوع نَّاصِيرِي!“ يَاسُوع إِنَّا أَسنْ: ”ذ نشّْ!“ ثُوغَا يَاهُوذَا، أَغدَّارْ، إِبدّْ عَاوذْ أَكِيذْسنْ.
JOH 18:6 ڒَامِي ذ أَسنْ إِنَّا يَاسُوع: ”ذ نشّْ!“، ذوْڒنْ نِيثْنِي غَارْ ضفَّارْ ؤُشَا وْضَانْ غَارْ ثمُّورْثْ.
JOH 18:7 إِسّقْسَا ثنْ يَاسُوع عَاوذْ: ”مِينْ خفْ ثَارزُّومْ؟“ نَّانْ: ”يَاسُوع نَّاصِيرِي!“
JOH 18:8 يَاسُوع يَارَّا-د: ”أَقَا نِّيغْ أَومْ، أَقَا ذ نشّْ. مَاڒَا ثَارزُّومْ خَافِي، جّمْ إِنَا أَذْ رَاحنْ!“،
JOH 18:9 حِيمَا أَذْ إِتّْوَاكمّڒْ وَاوَاڒْ إِ ثُوغَا إِنَّا: ”إِنِّي ذ أَيِي ثوْشِيذْ، وَارْ زَّايْسنْ ودَّارغْ ؤُڒَا ذ إِجّْ.“
JOH 18:10 شِيمْعُونْ بُوطْرُوسْ ونِّي ثُوغَا غَارسْ سِّيفْ، إِجْبذْ إِ-ث-إِ-د، إِوْثَا زَّايسْ أَمْسخَّارْ ن أَرَّايْسْ ن إِكهَّاننْ، إِقسّْ أَسْ أَمزُّوغْ نّسْ أَفُوسِي. ثُوغَا أَمْسخَّارْ [نِّي] قَّارنْ أَسْ مَالْخِيسْ.
JOH 18:11 [خَاسْ ؤُشَا] إِنَّا يَاسُوع إِ بُوطْرُوسْ: ”أَرّْ سِّيفْ غَارْ وغْڒَافْ نّسْ، ڒْكَاسْ نِّي ذ أَيِي إِوْشَا بَابَا، مَا وَارْ ث سسّغْ؟“
JOH 18:12 ثَارْبِيعْثْ ن ڒْعسْكَارْ ذ إِمقّْرَاننْ خْ وَاڒفْ [ن إِعسْكَارِييّنْ] ؤُڒَا ذ إِعسَّاسنْ ن وُوذَاينْ طّْفنْ يَاسُوع، شَارْفنْ ث.
JOH 18:13 نذْهنْ ث أَمزْوَارُو غَارْ حَانَّانْ، مِينْزِي نتَّا ذ أَضڭّْوَاڒْ ن قَايَافَا، ونِّي ثُوغَا ذ أَرَّايْسْ ن إِكهَّاننْ ذڭْ ؤُسڭّْوَاسْ نِّي.
JOH 18:14 قَايَافَا ذ نتَّا ثُوغَا إِوصَّا إِ وُوذَاينْ، أَقَا حْسنْ أَذْ إِمّثْ إِجّْ ن بْنَاذمْ ذِي طّْوعْ ن ڒْڭنْسْ.
JOH 18:15 شِيمْعُونْ بُوطْرُوسْ إِضْفَارْ يَاسُوع أَكْ-ذ إِجّنْ زڭْ إِمحْضَارنْ إِنّغْنِي. أَمحْضَارْ نِّي ثُوغَا إِتّْوَاسّْننْ غَارْ أَرَّايْسْ ن إِكهَّاننْ ؤُشَا يُوذفْ أَكْ-ذ يَاسُوع غَارْ ڒمْرَاحْ ن ثَادَّارْثْ [ن أَرَّايْسْ ن إِكهَّاننْ].
JOH 18:16 شِيمْعُونْ إِبدّْ-د بَارَّا غَارْ ثوَّارْثْ. إِفّغْ-د ؤُمحْضَارْ إِ ثُوغَا إِتّْوَاسّْننْ غَارْ أَرَّايْسْ ن إِكهَّاننْ، إِسِّيوڒْ أَكْ-ذ ثْعسَّاسْثْ ثنِّي إِحطَّانْ ثَاوَّارْثْ ؤُشَا إِسِّيذفْ-د شِيمْعُونْ غَارْ ذَاخڒْ.
JOH 18:17 ثَابْڒِيغْثْ ثنِّي إِحطَّانْ ثَاوَّارْثْ، ثنَّا إِ شِيمْعُونْ: ”مَا وَارْ ثدْجِيذْ ؤُڒَا ذ شكْ زڭْ إِمحْضَارنْ ن بْنَاذمْ-أَ؟“ إِنَّا: ”لَّ!“
JOH 18:18 ثُوغَا إِمْسخَّارنْ ذ إِعسَّاسنْ بدّنْ [ذِينْ]، سَّارْغنْ ثِيمسِّي س ڒفْحمْ، مِينْزِي ثُوغَا ثسْمضْ، ؤُشَا ثُوغَا تّْوقَّاحنْ. ؤُڒَا ذ شِيمْعُونْ إِبدّْ أَكِيذْسنْ، إِتّْوقَّاحْ.
JOH 18:19 إِسّقْسَا أَرَّايْسْ ن إِكهَّاننْ يَاسُوع خْ إِمحْضَارنْ نّسْ ؤُ خْ ثْغُورِي نّسْ.
JOH 18:20 يَارَّا-د خَاسْ يَاسُوع: ”نشّْ ثُوغَا سَّاوَاڒغْ إِ ڒْڭنْسْ س بْطَايْطَايْ، سّْغَارغْ ڒبْذَا ذِي ثمْزِيذَا ؤُ ذِي زَّاوشْثْ ثَامقّْرَانْثْ مَانِي تّْمُونَانْ وُوذَاينْ ڒبْذَا. ذِي ثْنُوفّْرَا وَارْ سِّيوْڒغْ ؤُڒَا ذ إِشْثْ ن ڒْحَاجّثْ.
JOH 18:21 مَايمِّي ذ أَيِي ثسّقْسِيذْ؟ سقْسَا إِنِّي إِسْڒَانْ مِينْ ذ أَسنْ نِّيغْ. خْزَارْ، نِيثْنِي سّْننْ مِينْ نِّيغْ!“
JOH 18:22 ڒَامِي إِنَّا أَمُّو، خنِّي إِجّنْ زڭْ إِعسَّاسنْ إِ ثُوغَا ذِينْ إِبدّنْ، إِوْثَا يَاسُوع خْ ؤُمڭِّيزْ نّسْ، إِنَّا أَسْ: ”مَا أَمُّو إِ د غَا ثَارّذْ خْ أَرَّايْسْ ن إِكهَّاننْ؟“
JOH 18:23 يَارَّا-د خَاسْ يَاسُوع، إِنَّا: ”مَاڒَا سِّيوْڒغْ مِينْ وَارْ إِحْڒِينْ، شْهذْ خْ مِينْ وَارْ إِحْڒِينْ، مَاشَا مَاڒَا سِّيوْڒغْ مْلِيحْ، مَايمِّي ذ أَيِي ثشَّاثذْ [خنِّي]؟“
JOH 18:24 [خَاسْ ؤُشَا] حَانَّانْ إِسّكّْ إِ-ث إِتّْوَاشَارْفْ غَارْ قَايَافَا، أَرَّايْسْ ن إِكهَّاننْ.
JOH 18:25 ثُوغَا شِيمْعُونْ بُوطْرُوسْ إِبدّْ ذِينِّي إِتّْوقَّاحْ. نَّانْ أَسْ: ”مَا وَارْ ثدْجِيذْ ؤُڒَا ذ شكْ زڭْ إِمحْضَارنْ نّسْ؟“ نتَّا إِنْكَارْ، إِنَّا: ”وَارْ دْجِيغْ شَا ذ نشّْ!“
JOH 18:26 إِجّنْ زڭْ إِمْسخَّارنْ ن أَرَّايْسْ ن إِكهَّاننْ إِ ثُوغَا إِتّعْنَانْ إِ ونِّي ؤُمِي إِقسّْ شِيمْعُونْ أَمزُّوغْ، إِنَّا: ”مَا وَارْ شكْ ژْرِيغْ أَكِيذسْ ذڭْ وحْوِيشْ؟“
JOH 18:27 ڒخْذنِّي إِنْكَارْ شِيمْعُونْ عَاوذْ ؤُشَا ذغْيَا إِسّْقُوقعْ ؤُيَاژِيضْ.
JOH 18:28 خنِّي إِوْينْ-د يَاسُوع زِي قَايَافَا غَارْ ثَادَّارْثْ ن شّْرعْ، [ؤُمِي قَّارنْ ’بْرِيثُورِييُومْ‘]. ثُوغَا ذ زِيشْ ذِي صّْبحْ. نِيثْنِي وَارْ ؤُذِيفنْ شَا غَارْ ثَادَّارْثْ ن شّْرعْ، حِيمَا وَارْ تّْوسِّيخنْ قْبڒْ مَا إِ غَا شّنْ [ثْغَارْصْثْ ن] ؤُسعْذُو.
JOH 18:29 [س ؤُينِّي] إِفّغْ-د غَارْسنْ بِيلَاطُوسْ، إِنَّا أَسنْ: ”مَانْ أَشثْشِي إِ غَارْومْ خْ ورْيَازْ-أَ؟“
JOH 18:30 أَرِّينْ-د، نَّانْ أَسْ: ”مَاڒَا وَانِيثَا وَارْ ثُوغِي ذ مِّيسْ ن ڒْمُوعْصِييّثْ، أَذْ ثِيڒِي وَارْ ذ أَشْ ث-إِ-د-نتِّيوِي.“
JOH 18:31 إِنَّا أَسنْ بِيلَاطُوسْ: ”[خنِّي] أَوْيمْ ث-إِ-د كنِّيوْ، ثْحكْممْ خَاسْ عْلَاحْسَابْ شَّارِيعَا نْومْ.“ خنِّي نَّانْ أَسْ وُوذَاينْ: ”وَارْ غَارْنغْ بُو تّسْرِيحْ مَاحنْذْ أَذْ ننغْ ؤُڒَا ذ إِجّْ!“،
JOH 18:32 حِيمَا أَذْ إِتّْوَاكمّڒْ وَاوَاڒْ ن يَاسُوع إِ ثُوغَا إِقَّارْ، أَمْ ثُوغَا إِسّْشَاننْ إِ مَانْ ڒْموْثْ إِ غَا إِمّثْ.
JOH 18:33 خنِّي يُوذفْ-د بِيلَاطُوسْ عَاوذْ غَارْ ثَادَّارْثْ ن شّْرَاعْ، [ؤُمِي قَّارنْ بْرِيثُورِييُومْ]، إِڒَاغَا-د خْ يَاسُوع، إِنَّا أَسْ: ”مَا شكْ ذ أَجدْجِيذْ ن وُوذَاينْ؟“
JOH 18:34 يَارَّا-د خَاسْ يَاسُوع: ”مَا ثقَّارذْ أَيَا زِي غَاركْ نِيغْ ثُوغَا إِنّغْنِي قَّارنْ أَشْ ث خَافِي؟“
JOH 18:35 إِنَّا أَسْ بِيلَاطُوسْ: ”مَا نشّْ ذ ؤُذَايْ؟ أَقَا ڒْڭنْسْ نّشْ ذ إِمقّْرَاننْ ن إِكهَّاننْ إِوْينْ-د شكْ غَارِي. مِينْ ثُوغَا ثڭِّيذْ؟“
JOH 18:36 يَارَّا-د خَاسْ يَاسُوع: ”ثَاڭلْذِيثْ إِنُو وَارْ ثدْجِي شَا زِي دُّونشْثْ-أَ. مَاڒَا ثدْجَا ثْڭلْذِيثْ إِنُو زِي دُّونشْثْ-أَ، أَذْ يِيڒِي أَقَا إِمْسخَّارنْ إِنُو أَذْ مّنْغنْ، حِيمَا وَارْ تّْوَاسلَّامغْ إِ وُوذَاينْ، مَاشَا ڒخُّو ثَاڭلْذِيثْ إِنُو وَارْ ثدْجِي شَا سَّانِيثَا.“
JOH 18:37 إِنَّا أَسْ بِيلَاطُوسْ: ”خنِّي أَقَا شكْ ذ أَجدْجِيذْ نِيشَانْ!“ يَارَّا-د يَاسُوع: ”شكْ ثقَّارذْ، أَقَا نشّْ ذ أَجدْجِيذْ. إِ مَانْ أَيَا إِ د-خڒْقغْ ؤُ إِ ؤُيَا إِ د-ؤُسِيغْ غَارْ دُّونشْثْ، حِيمَا أَذْ شهْذغْ إِ ثِيذتّْ. مَارَّا ونِّي إِدْجَانْ زِي ثِيذتّْ، أَذْ إِسڒْ إِ ثْمِيجَّا إِنُو.“
JOH 18:38 إِنَّا أَسْ بِيلَاطُوسْ: ”ؤُمِي قَّارنْ ذ ثِيذتّْ؟“ ڒَامِي إِنَّا أَمُّو، إِفّغْ-د عَاوذْ غَارْ وُوذَاينْ، إِنَّا أَسنْ: ”وَارْ ذَايسْ ؤُفِيغْ ؤُڒَا ذ إِجّْ ن ؤُخطُّو.
JOH 18:39 مَاشَا أَقَا ثنُّوممْ أَذْ أَومْ سَارّْحغْ إِجّْ ن بْنَاذمْ ذِي [ڒْْعِيذْ ن ثْغَارْصْثْ ن] ؤُسعْذُو. مَا ثخْسمْ خنِّي أَذْ أَومْ سَارّْحغْ بْنَاذمْ-أَ، أَجدْجِيذْ ن وُوذَاينْ؟“
JOH 18:40 سْغُويّنْ عَاوذْ مَارَّا، نَّانْ: ”وَارْ إِدْجِي شَا وَانِيثَا، حَاشَا بَارْ-أَبَّاسْ!“ ثُوغَا بَارْ-أَبَّاسْ ذ أَقْطَاطْعِييْ.
JOH 19:1 خنِّي [إِجَّا] بِيلَاطُوسْ أَذْ هتّْكنْ يَاسُوع س ؤُركُّوضْ.
JOH 19:2 أَوَارْنِي ڒَامِي مُوذنْ إِعسْكَارِييّنْ إِجّْ ن تَّاجْ س إِسنَّاننْ، سَّارْسنْ أَسْ ت خْ ؤُزدْجِيفْ نّسْ ؤُشَا يَارْضنْ أَسْ إِجّْ ن ؤُسڒْهَامْ ذ أَرْجُووَانِي،
JOH 19:3 نَّانْ: ”سْڒَامْ خَاكْ، [أَ] أَجدْجِيذْ ن وُوذَاينْ!“، ؤُشَا وْثِينْ ث خْ إِڭمِّيزنْ نّسْ.
JOH 19:4 إِفّغْ-د عَاوذْ بِيلَاطُوسْ، إِنَّا أَسنْ: ”أَذْ أَومْ ث-إِ-د-سُّوفّْغغْ، حِيمَا أَذْ ثسّْنمْ بلِّي نشّْ وَارْ ذَايسْ ؤُفِيغْ سِّيبّثْ إِ ؤُشثْشِي، ؤُڒَا ذ إِشْثْ.“
JOH 19:5 [خنِّي] إِفّغْ-د يَاسُوع س تَّاجْ ن إِسنَّاننْ ذ ؤُجدْجَابْ أَجُورْوَانِي. إِنَّا أَسنْ بِيلَاطُوسْ: ”خْزَارمْ، بْنَاذمْ!“
JOH 19:6 ڒَامِي ث ژْرِينْ إِمقّْرَاننْ ن إِكهَّاننْ ذ إِعسَّاسنْ، سْغُوينْ، نَّانْ: ”صلّْبْ إِ-ث، صلّْبْ إِ-ث“ إِنَّا أَسنْ بِيلَاطُوسْ: ”أَوْيمْ ث-إِ-د كنِّيوْ، صلّْبمْ ث، مِينْزِي نشّْ وَارْ ذَايسْ ؤُفِيغْ ؤُڒَا ذ إِجّْ ن ڒْعِيبْ.“
JOH 19:7 أَرِّينْ-د خَاسْ وُوذَاينْ: ”غَارْنغْ شَّارِيعَا، ؤُ عْلَاحْسَابْ شَّارِيعَا نّغْ إِتّْخصَّا أَذْ إِمّثْ، مِينْزِي نتَّا إِتَّارَّا إِخفْ نّسْ ذ مِّيسْ ن أَربِّي.“
JOH 19:8 ڒَامِي إِسْڒَا بِيلَاطُوسْ أَوَاڒْ-أَ، يَارْنِي ذِي ثِيڭّْوُوذِي.
JOH 19:9 يُوذفْ عَاوذْ غَارْ ثَادَّارْثْ ن شّْرعْ، إِنَّا إِ يَاسُوع: ”مَانِيسْ شكْ؟“ مَاشَا يَاسُوع وَارْ خَاسْ د-يَارِّي شَا.
JOH 19:10 إِنَّا أَسْ بِيلَاطُوسْ: ”مَا وَارْ [ثخْسذْ أَذْ] كِيذِي ثسِّيوِيڒذْ؟ مَا وَارْ ثسِّينذْ شَا أَقَا غَارِي صُّولْطَا حِيمَا أَذْ أَشْ سَّارّْحغْ ؤُ غَارِي صُّولْطَا حِيمَا أَذْ شكْ صلّْبغْ؟“
JOH 19:11 يَارَّا-د خَاسْ يَاسُوع: ”وَارْ غَاركْ ثتِّيڒِي بُو صُّولْطَا خَافِي، مَاڒَا وَارْ ذ أَشْ د-ثمّوْشْ زِي سنّجْ. س ؤُيَا، ونِّي ذ أَيِي إِسلّْمنْ إِ شكْ، أَقَا خَاسْ دّنْبْ إِمْغَارْ زڭْ ونِّي [إِ إِدْجَانْ] خَاكْ.“
JOH 19:12 زِي ڒخْذنِّي ثُوغَا بِيلَاطُوسْ يَارزُّو أَذْ أَسْ إِسَارّحْ، مَاشَا ؤُذَاينْ سْغُوينْ، نَّانْ: ”مَاڒَا ثْسَارّْحذْ إِ ورْيَازْ-أَ، وَارْ ثدْجِيذْ شَا ذ أَمدُّوكّڒْ ن قَايْصَارْ. كُوڒْ إِجّنْ ونِّي إِتَّارَّانْ إِخفْ نّسْ ذ أَجدْجِيذْ، إِتّْعكَّاسْ قَايْصَارْ.“
JOH 19:13 ڒَامِي إِسْڒَا بِيلَاطُوسْ إِ وَاوَاڒْ-أَ، إِسُّوفّغْ يَاسُوع، إِقِّيمْ خْ ڒْكُورْسِي ن شّْرعْ ذڭْ ومْشَانْ ؤُمِي قَّارنْ ’أَزَّايْ ن لُوصَا‘، مَاشَا قَّارنْ أَسْ س ثْعِيبْرَانِيثْ ’ڭْبِيبْثَا‘.
JOH 19:14 ثُوغَا ذ [أَسّْ ن] ؤُسوْجذْ إِ [ثْغَارْصْثْ ن] ؤُسعْذُو. ثُوغَا عْڒَاحَاڒْ ذ ثْسَاعّثْ وِيسّْ ستَّا [غَارْ ثُوفُّوثْ]، ڒَامِي إِنَّا إِ وُوذَاينْ: ”خْزَارمْ، أَجدْجِيذْ نْومْ!“
JOH 19:15 مَاشَا نِيثْنِي سْغُوينْ: ”كْسِي ث، كْسِي ث، صلّْبْ إِ-ث!“ إِنَّا أَسنْ بِيلَاطُوسْ: ”مَا أَذْ صلّْبغْ [خنِّي] أَجدْجِيذْ نْومْ؟“ أَرِّينْ-د خَاسْ إِمقّْرَاننْ ن إِكهَّاننْ: ”وَارْ غَارْنغْ بُو ؤُجدْجِيذْ مْغِيرْ قَايْصَارْ!“
JOH 19:16 خنِّي إِسلّمْ أَسنْ ث حِيمَا أَذْ ث صلّْبنْ. ؤُشَا نِيثْنِي كْسِينْ يَاسُوع، إِوْينْ ث سّنِّي.
JOH 19:17 يَارْبُو صَّالِيبْ نّسْ غَارْ ومْشَانْ ؤُمِي قَّارنْ ’ثَاشقُّوفْثْ‘، مَاشَا س ثْعِيبْرَانِيثْ قَّارنْ أَسْ ’جُولْجُوثَا‘.
JOH 19:18 صلّْبنْ ث ذِينِّي، ؤُشَا صلّْبنْ أَكِيذسْ ثْنَاينْ نّغْنِي، إِجّنْ غَارْ إِجّْ ن ؤُغزْذِيسْ ؤُ ونّغْنِي غَارْ ؤُغزْذِيسْ نّغْنِي، ؤُ يَاسُوع ذِي ڒْوسْطْ.
JOH 19:19 يُورَا بِيلَاطُوسْ عَاوذْ ذڭْ إِشْثْ ثڒْوِيحْثْ، إِسَّارْسْ إِ-ت خْ صَّالِيبْ. أَمُّو إِ إِتّْوَارِي [ذَايسْ]: ’وَانِيثَا ذ يَاسُوع نَّاصِيرِي، أَجدْجِيذْ ن وُوذَاينْ‘.
JOH 19:20 ثِيرَا-يَا غْرِينْ ثنْثْ أَطَّاسْ ن وُوذَاينْ، مِينْزِي أَمْشَانْ مَانِي ثُوغَا صلّْبنْ يَاسُوع يُوذسْ-د إِ ثنْذِينْثْ. [ثِيرَا-يَا] تّْوَارِينْثْ س ثْعِيبْرَانِيثْ ذ ثْلَاثِينِيثْ ذ ثْيُونَانِيثْ.
JOH 19:21 نَّانْ إِمقّْرَاننْ ن إِكهَّاننْ إِ بِيلَاطُوسْ: ”وَارْ تَّارِي شَا: ’أَجدْجِيذْ ن وُوذَاينْ‘، مَاشَا أَقَا إِنَّا: ’نشّْ ذ أَجدْجِيذْ ن وُوذَاينْ!‘ “
JOH 19:22 يَارَّا-د بِيلَاطُوسْ: ”مِينْ ؤُرِيغْ، أَقَا ؤُرِيغْ ث.“
JOH 19:23 ڒَامِي صلّْبنْ إِعسْكَارِييّنْ يَاسُوع، كْسِينْ أَرُّوضْ نّسْ، بْضَانْ ث خْ أَربْعَا ن ثْسقَّارْ، إِ كُوڒْ أَعسْكَارِي إِشْثْ ن ثسْغَارْثْ. مَاشَا ثْشَامِيرْ نّسْ ثُوغَا بْڒَا ثَاخيَّاضْثْ، ثتّْوَاخيّضْ قَاعْ زِي سنّجْ.
JOH 19:24 نَّانْ إِ وَايَاوْيَا: ”وَارْ ث نتّْشَارِّيڭْ شَا، أَذْ خَاسْ نڭّْ أَكشُّوضْ، أَذْ نْژَارْ وِي ث غَا يَاوْينْ!“ أَمُّو إِ إِتّْوَاكمّڒْ أَوَاڒْ ن ثِيرَا [إِقدّْسنْ] إِ إِقَّارنْ: ”بْضَانْ أَرُّوضْ إِنُو جَارْ أَسنْ ؤُ خْ ثْشَامِيرْ إِنُو ڭِّينْ أَكشُّوضْ.“ مَانْ أَيَا إِ إِڭِّينْ إِعسْكَارِييّنْ.
JOH 19:25 غَارْ صَّالِيبْ ن يَاسُوع ثْبدّْ يمَّاسْ، ذ ؤُتْشْمَاسْ ن يمَّاسْ، ذ مَارْيَامْ [ثَامْغَارْثْ] ن كْلِييُوبَاسْ، ذ مَارْيَامْ ن مَاجْذَالَا.
JOH 19:26 ڒَامِي إِژْرَا يَاسُوع يمَّاسْ ذ ؤُمحْضَارْ ونِّي ثُوغَا إِتّخْسْ، إِبدّْ ذِينْ، إِنَّا إِ يمَّاسْ: ”[أَ] ثَامْغَارْثْ، خْزَارْ، مِّيمْ!“
JOH 19:27 ڒخْذنِّي إِنَّا إِ ؤُمحْضَارْ نِّي: ”أَقَا-شْ يمَّاشْ!“ زِي ثْسَاعّثْ نِّي إِكْسِي ت ؤُمحْضَارْ [غَارْ ثَادَّارْثْ نّسْ].
JOH 19:28 أَوَارْنِي مَانْ أَيَا إِسّنْ يَاسُوع أَقَا كُوڒْشِي إِتّْوَاكمّڒْ، ڒخْذنِّي إِنَّا، حِيمَا أَذْ يِيڒِي [مِينْ يُورَانْ] ذِي ثِيرَا [إِقدّْسنْ]: ”نشّْ فُّوذغْ!“
JOH 19:29 إِتّْوَامَارْسْ ذِينْ إِجّْ ن ؤُغَارَّافْ إِشُّورْ س ڒْخدْجْ. سّْغضْصنْ إِشْثْ ن سْپُونْخَا [ن هِيسُوبْ] س ڒْخدْجْ ؤُشَا ڭِّينْ ت خْ [إِجّْ ن ؤُغَانِيمْ ن] ثْعلْدْجثْ، سِّيوْضنْ أَسْ ت غَارْ ؤُقمُّومْ نّسْ.
JOH 19:30 ڒَامِي إِقَّاسْ يَاسُوع ڒْخدْجْ، إِنَّا: ”أَقَا إِتّْوَاكمّڒْ!“ ؤُشَا إِسَّاضَارْ أَزدْجِيفْ نّسْ، إِسلّمْ أَرُّوحْ نّسْ.
JOH 19:31 ؤُمِي ثُوغَا [أَسّْ ن] ؤُسوْجذْ [ن ثْغَارْصْثْ ن ؤُسعْذُو]، نَّانْ وُوذَاينْ: ”وَارْ إِعدّڒْ أَذْ قِّيمنْثْ أَرِّيمَاثْ [نْسنْ] خْ صَّالِيبْ ذِي سّبْثْ، مِينْزِي سّبْثْ يُوذسْ-د!“، مِينْزِي أَسّْ نِّي ن سّبْثْ ثُوغَا ذ أَسّْ أَمقّْرَانْ. س ؤُيَا تَّارنْ وُوذَاينْ زِي بِيلَاطُوسْ، حِيمَا أَذْ أَرْژنْ إِضَارنْ ن يِينِّي إِتّْوَاصلّْبنْ، أَذْ ثنْ سِّيڭّْوجنْ سّنِّي.
JOH 19:32 [خنِّي] ؤُسِينْ-د إِعسْكَارِييّنْ، أَرْژِينْ إِضَارنْ ن ؤُمزْوَارُو ؤُ ن ونّغْنِي إِ ثُوغَا إِتّْوَاصلّبْ أَكِيذسْ.
JOH 19:33 مَاشَا ڒَامِي د-ؤُسِينْ غَارْ يَاسُوع، وَارْ أَرْژِينْ شَا إِضَارنْ نّسْ ؤُمِي ژْرِينْ أَقَا إِمُّوثْ.
JOH 19:34 مَاشَا إِجّنْ زڭْ إِعسْكَارِييّنْ إِسّْنُوقّبْ إِ-ث س إِشْثْ ن لَانْسَا ذڭْ ؤُغزْذِيسْ نّسْ ؤُشَا فّْغنْ-د إِذَامّنْ ذ وَامَانْ ذغْيَا.
JOH 19:35 ونِّي إِژْرِينْ مَانْ أَيَا، ثُوغَا إِشْهذْ ؤُ شّْهَاذثْ نّسْ ذ ثِيذتّْ ؤُشَا نتَّا إِسّنْ، أَقَا إِنَّا ثِيذتّْ، حِيمَا أَذْ ثَامْنمْ ؤُڒَا ذ كنِّيوْ.
JOH 19:36 ثِيمسْڒَايِينْ-أَ مْسَارنْثْ، حِيمَا أَذْ تّْوَاكمّْڒنْثْ ثِيرَا [إِقدّْسنْ] إِ إِقَّارنْ: ”وَارْ زَّايسْ إِتَّارژِّي يِيغسْ.“
JOH 19:37 ؤُشَا إِجّْ ن وَاوَاڒْ نّغْنِي زِي ثِيرَا [إِقدّْسنْ] إِقَّارْ: ”نِيثْنِي أَذْ ژَترنْ ونِّي ث إِسّْنُوقّْبنْ.“
JOH 19:38 أَوَارْنِي مَانْ أَيَا إِمْسَارْ أَقَا يُوسُوفْ زِي رَامْثَا، ونِّي ثُوغَا ذ إِجّْ ن ؤُمحْضَارْ ن يَاسُوع مَاشَا س ثْنُوفّْرَا زِي ثِيڭّْوُوذِي زڭْ وُوذَاينْ، إِتَّارْ أَسْ إِ بِيلَاطُوسْ تّسْرِيحْ حِيمَا أَذْ إِكْسِي أَرِّيمثْ ن يَاسُوع، ؤُشَا بِيلَاطُوسْ إِسَارّحْ أَسْ. خنِّي يُوسَا-د، إِكْسِي أَرِّيمثْ ن يَاسُوع.
JOH 19:39 يُوسَا-د عَاوذْ نِيكُوذِيمُوسْ ونِّي ثُوغَا د-يُوسِينْ قْبڒْ غَارْ يَاسُوع س دْجِيڒثْ، يِيوِي-د أَكِيذسْ أَخدْجضْ ن ڒفْوَاحثْ ن مِيرُّو ذ وشْفِيرْ عْڒَاحَاڒْ مْيَا لِيثْرُو.
JOH 19:40 كْسِينْ نِيثْنِي أَرِّيمثْ ن يَاسُوع، ڒحّْفنْ ت ذِي ڒشْفُونْ ن ڒقْطنْ [أَزْذَاذْ] أَكْ-ذ ڒعْطُورْ، أَمْ مَامّشْ نُّومنْ تّڭّنْ ت وُوذَاينْ إِ ونْضڒْ.
JOH 19:41 ثُوغَا ذِينْ إِجّْ ن وحْوِيشْ ذڭْ ومْشَانْ مَانِي صلّْبنْ يَاسُوع، ؤُشَا ذڭْ وحْوِيشْ إِجّْ ن ونْضڒْ ن جْذِيذْ،عمَّارْصْ وَارْ ذَايسْ سَّارْسنْ ؤُڒَا ذ إِجّْ.
JOH 19:42 سَّارْسنْ يَاسُوع ذِينْ، مِينْزِي ثُوغَا يِيوضْ-د سّبْثْ ؤُ مِينْزِي أَنْضڒْ [نِّي] ثُوغَا يُوذسْ.
JOH 20:1 ذڭْ [وَاسّْ] أَمزْوَارُو ن سِّيمَانَا ثُوسَا-د مَارْيَامْ ن مَاجْذَالَا ذِي صّْبحْ زِيشْ غَارْ ونْضڒْ، ثُوغَا عَاذْ ذ ثَادْجسْثْ. ثژْرَا ثَاصْضَارْثْ أَقَا ثمّكْسِي خْ ونْضڒْ.
JOH 20:2 ثُوزّڒْ-د، ثُوسَا-د غَارْ شِيمْعُونْ بُوطْرُوسْ ؤُ غَارْ ؤُمحْضَارْ نّغْنِي ونِّي ؤُمِي ثُوغَا إِتّخْسْ يَاسُوع، ثنَّا أَسنْ: ”كْسِينْ سِيذِيثْنغْ زڭْ ونْضڒْ، وَارْ سِّينغْ مَانِي ث ڭِّينْ.“
JOH 20:3 إِفّغْ-د شِيمْعُونْ ذ ؤُمحْضَارْ نّغْنِي ؤُشَا ؤُسِينْ-د غَارْ ونْضڒْ.
JOH 20:4 نِيثْنِي ؤُزّْڒنْ س ثْنَاينْ إِذْسنْ، [مَاشَا] أَمحْضَارْ [نّغْنِي] إِزْوَارْ إِ شِيمْعُونْ ؤُشَا يِيوضْ ذ أَمزْوَارُو غَارْ ونْضڒْ.
JOH 20:5 إِخْزَارْ، إِژْرَا ڒشْفُونْ نْ ڒقْطنْ [أَزْذَاذْ] مَّارْسنْ [ذِينْ]، مَاشَا وَارْ يُوذِيفْ شَا.
JOH 20:6 إِضْفَارْ إِ-ث شِيمْعُونْ، يُوذفْ غَارْ ونْضڒْ، إِژْرَا [عَاوذْ] ڒشْفُونْ ن ڒقْطنْ [أَزْذَاذْ] مَّارْسنْ [ذِينْ].
JOH 20:7 أَمنْذِيڒْ نِّي ثُوغَا خْ ؤُزدْجِيفْ نّسْ، وَارْ إِمَّارْسْ شَا أَكْ-ذ ڒشْفُونْ ن ڒقْطنْ [أَزْذَاذْ]، مَاشَا ثُوغَا إِضْفصْ، إِتّْوَاڭّْ ذڭْ ومْشَانْ وحّْذسْ.
JOH 20:8 ڒخْذنِّي يُوذفْ-د ؤُڒَا ذ أَمحْضَارْ نّغْنِي نِّي د-يُوسِينْ ذ أَمزْوَارُو غَارْ ونْضڒْ، إِژْرَا ؤُشَا يُومنْ.
JOH 20:9 مِينْزِي نِيثْنِي ثُوغَا عَاذْ وَارْ سِّيننْ ثِيرَا [إِقدّْسنْ]، بلِّي إِتّْخصَّا أَسْ أَذْ إِكَّارْ جَارْ إِمتِّيننْ.
JOH 20:10 خنِّي ذوْڒنْ إِمحْضَارنْ نِّي غَارْ ثَادَّارْثْ نْسنْ.
JOH 20:11 مَارْيَامْ ثقِّيمْ ثْبدّْ غَارْ ونْضڒْ بَارَّا، ثتّْرُو. ڒَامِي ثُوغَا ثتّْرُو، ثسْوضْ ذڭْ ونْضڒْ،
JOH 20:12 ثژْرَا ثْنَاينْ ن لْمَالَاكَاثْ س وَارُّوضْ ذ أَشمْڒَاڒْ، قِّيمنْثْ مَانِي ثُوغَا ثمَّارْسْ أَرِّيمثْ ن يَاسُوع، إِجّنْ غَارْ ثْسُومّْثِينْ نّسْ ن ؤُزدْجِيفْ، إِجّنْ غَارْ إِضَارنْ نّسْ.
JOH 20:13 نَّانْ أَسْ: ”[أَ] ثَامْغَارْثْ، مَايمِّي ثتّْرُوذْ؟“ ثنَّا أَسنْ: ”مَاغَارْ كّْسنْ سِيذِي إِنُو، وَارْ سِّينغْ مَانِي ث سَّارْسنْ.“
JOH 20:14 ؤُمِي ثنَّا أَيَا، ثنّقْڒبْ غَارْ ضفَّارْ، ثژْرَا يَاسُوع إِبدّْ، مَاشَا وَارْ ثسِّينْ شَا أَقَا-ث ذ يَاسُوع.
JOH 20:15 يَاسُوع إِنَّا أَسْ: ”[أَ] ثَامْغَارْثْ، مَايمِّي ثتّْرُوذْ؟ مِينْ خفْ ثَارزُّوذْ؟“ ثتّْغِيڒْ أَسْ نتَّا ذ بَابْ ن ثحْوِيشْثْ، ثنَّا أَسْ: ”[أَ] سِيذِي مَاڒَا شكْ إِ-ث إِكْسِينْ، إِنِي أَيِي مَانِي ث ثسَّارْسذْ، [خنِّي] أَذْ ث كْسِيغْ.“
JOH 20:16 يَاسُوع إِنَّا أَسْ: ”[أَ] مَارْيَامْ!“ نتَّاثْ ثنّقْڒبْ، ثنَّا أَسْ س ثْعِيبْرَانِيثْ: ”[أَ] رَابُّولِي!“، إِخْسْ أَذْ يِينِي: ’[أَ] أَمْسغَّارْ إِنُو‘.
JOH 20:17 يَاسُوع إِنَّا أَسْ: ”وَارْ ذ أَيِي ثتّْحِيذِي شَا، أَقَا نشّْ عَاذْ وَارْ ڭعّْذغْ شَا غَارْ بَابَا، مَاشَا رُوحْ غَارْ أَيْثْمَا، إِنِي أَسنْ: ’نشّْ أَقَا أَذْ ڭعّْذغْ غَارْ بَابَا ذ بَابَاثْومْ، غَارْ أَربِّي إِنُو ذ أَربِّي نْومْ.‘ “
JOH 20:18 ثعْقبْ-د مَارْيَامْ ن مَاجْذَالَا ثْخبَّارْ إِمحْضَارنْ بلِّي نتَّاثْ ثژْرَا سِيذِيثْنغْ ؤُ بلِّي نتَّا إِنَّا أَسْ مَانْ أَيَا.
JOH 20:19 غَارْ ثْمذِّيثْ ن وَاسّْ نِّي، نتَّا ذ [أَسّْ] أَمزْوَارُو ن سِّيمَانَا، ؤُمِي ثُوغَا ثِيوُّورَا مَانِي ثُوغَا [قِّيمنْ] إِمحْضَارنْ قّْننْثْ س ثِيڭّْوُوذِي زڭْ وُوذَاينْ، يُوذفْ-د يَاسُوع، إِبدّْ ذِي ڒْوسْطْ نْسنْ، إِنَّا أَسنْ: ”سْڒَامْ خَاومْ.“
JOH 20:20 أَوَارْنِي ڒَامِي إِنَّا أَيَا، إِمّڒْ أَسنْ إِفَاسّنْ نّسْ ذ ؤُغزْذِيسْ نّسْ. فَارْحنْ إِمحْضَارنْ ڒَامِي ژْرِينْ سِيذِيثْنغْ.
JOH 20:21 إِنَّا أَسنْ عَاوذْ يَاسُوع: ”سْڒَامْ خَاومْ، أَمْ مَامّشْ ذ أَيِي د-إِسّكّْ بَابَا، أَذْ كنِّيوْ د-سّكّغْ ؤُڒَا ذ نشّْ.“
JOH 20:22 أَوَارْنِي ڒَامِي إِنَّا مَانْ أَيَا، إِسُوضْ ذَايْسنْ، إِنَّا أَسنْ: ”قبْڒمْ أَرُّوحْ إِقدّْسنْ.“
JOH 20:23 ونِّي ؤُمِي غَا ثغْفَارمْ دّْنُوبْ نّسْ، أَذْ أَسْ تّْوَاغْفَارنْ [دّْنُوبْ نّسْ]. ونِّي ؤُمِي ذ أَسْ إِ غَا ثطّْفمْ ذِي دّْنُوبْ نّسْ، أَذْ أَسْ تّْوَاطّْفنْ [دّْنُوبْ نّسْ].“
JOH 20:24 مَاشَا ثُومَا، إِجّنْ زِي ثنْعَاشْ، ونِّي ؤُمِي قَّارنْ ’أَشْنِيوْ‘، وَارْ ثُوغِي شَا أَكِيذْسنْ ڒَامِي د-يُوسَا يَاسُوع.
JOH 20:25 نَّانْ أَسْ إِمحْضَارنْ: ”أَقَا نژْرَا سِيذِيثْنغْ!“ مَاشَا نتَّا إِنَّا أَسنْ: ”مَاڒَا وَارْ ژْرِيغْ ڒِيمَاڒْثْ ن إِمسْمِيرنْ ذڭْ إِفَاسّنْ نّسْ، أَذْ سَّارْسغْ أَضَاضْ إِنُو ذڭْ ومْشَانْ ن إِمسْمِيرنْ ؤُشَا أَذْ سَّارْسغْ أَفُوسْ إِنُو ذڭْ ؤُغزْذِيسْ نّسْ، وَارْ تِّيمْنغْ.“
JOH 20:26 أَوَارْنِي ثْمنْيَا ن وُوسَّانْ ثُوغَا إِمحْضَارنْ [نّسْ] عَاوذْ غَارْ ذَاخڒْ ؤُ ثُومَا ثُوغَا أَكِيذْسنْ. يُوذفْ-د يَاسُوع، وَاخَّا ثِيوُّورَا ثُوغَا قّْننْثْ، ؤُشَا إِبدّْ-د ذِي ڒْوسْطْ نْسنْ، إِنَّا: ”سْڒَامْ خَاومْ!“
JOH 20:27 إِنَّا إِ ثُومَا: ”أَوِي-د أَضَاضْ نّشْ ؤُشَا خْزَارْ ذڭْ إِفَاسّنْ إِنُو، سَارْسْ أَفُوسْ نّشْ [ذَانِيثَا] ؤُ سِيذفْ إِ-ث ذڭْ ؤُغزْذِيسْ إِنُو. وَارْ تِّيڒِي ذ أَكَافْرِيوْ، مَاشَا ذ ڒْمُومنْ.“
JOH 20:28 يَارَّا-د ثُومَا، إِنَّا أَسْ: ”أَ سِيذِي إِنُو ذ أَربِّي إِنُو!“
JOH 20:29 إِنَّا أَسْ يَاسُوع: ”ؤُمِي ثژْرِيذْ أَيِي ڒخُّو، أَقَا ثُومْنذْ، [أَ] ثُومَا! سّعْذْ ن يِينِّي يُومْننْ، وَاخَّا نِيثْنِي وَارْ [ذ أَيِي] ژْرِينْ.“
JOH 20:30 يَاسُوع إِڭَّا أَطَّاسْ ن ڒعْڒَامَاثْ نّغْنِي قِيبَاتْشْ إِ إِمحْضَارنْ نّسْ، ثِينِّي وَارْ يُورِينْثْ شَا ذڭْ وذْلِيسْ-أَ،
JOH 20:31 مَاشَا ثِينَا ؤُرَانْثْ حِيمَا أَذْ ثَامْنمْ بلِّي يَاسُوع نتَّا ذ لْمَاسِيحْ، مِّيسْ ن أَربِّي، ؤُشَا خْمِي غَا ثَامْنمْ، أَذْ غَارْومْ ثِيڒِي ثُوذَارْثْ س يِيسمْ نّسْ.
JOH 21:1 أَوَارْنِي ؤُيَا ثُوغَا يَاسُوع إِمّڒْ إِخفْ نّسْ عَاوذْ إِ إِمحْضَارنْ نّسْ غَارْ ڒبْحَارْ ن ثِيبِيرِييَاسْ، إِضْهَارْ-د أَمُّو.
JOH 21:2 ثُوغَا [ذِينْ] جْمِيعْ شِيمْعُونْ بُوطْرُوسْ ذ ثُومَا، ونِّي ؤُمِي قَّارنْ ’أَشْنِيوْ‘، ذ نَاثَانَايِيلْ، ونِّي ثُوغَا زِي قَانَا ذِي ثمُّورْثْ ن لْجَالِيلْ، ذ ثَارْوَا ن زَابْذِي ؤُڒَا ذ ثْنَاينْ نّغْنِي زڭْ إِمحْضَارنْ [نّسْ].
JOH 21:3 إِنَّا أَسنْ شِيمْعُونْ بُوطْرُوسْ: ”نشّْ أَذْ رَاحغْ أَذْ ڭْمَارغْ [إِسڒْمَانْ].“ نَّانْ أَسْ: ”أَذْ كِيكْ نْرَاحْ ؤُڒَا ذ نشِّينْ.“ فّْغنْ-د ؤُشَا نْيِينْ ذغْيَا ذِي ثْغَارَّابُوثْ. ذِي دْجِيڒثْ نِّي وَارْ طِّيفنْ وَالُو.
JOH 21:4 غَارْ ثُوفُّوثْ، إِبدّْ-د يَاسُوع خْ ثْمَا ن ڒبْحَارْ، مَاشَا إِمحْضَارنْ وَارْ سِّيننْ شَا أَقَا ذ يَاسُوع.
JOH 21:5 إِنَّا أَسنْ يَاسُوع: ”[أَ] إِحنْجِيرنْ، مَا أَذْ ثَاغْ غَارْومْ شَا ن مَاشَّا؟“ أَرِّينْ-د خَاسْ ”لَّ!“
JOH 21:6 إِنَّا أَسنْ: ”نْضَارمْ ثْرَاشَّا نْومْ أَكْ-ذ ؤُغزْذِيسْ أَفُوسِي ن ثْغَارَّابُوثْ، أَذْ ثَافمْ.“ خنِّي نْضَارنْ [ثْرَاشَّا] ؤُشَا وَارْ زمَّارنْ أَذْ ت-إِ-د-جبْذنْ زِي سِّيبّثْ ن ؤُبَارُّو ن إِسڒْمَانْ إِ ذَايسْ إِتّْوَاطّْفنْ.
JOH 21:7 إِنَّا ؤُمحْضَارْ ونِّي ثُوغَا إِتّخْسْ يَاسُوع إِ بُوطْرُوسْ: ”أَقَا نتَّا ذ سِيذِيثْنغْ.“ ڒَامِي إِسْڒَا شِيمْعُونْ أَقَا نتَّا ذ سِيذِي، إِطّفْ ثْشَامِيرْ نّسْ مِينْزِي ثُوغَا ذ أَعَارْيَانْ، إِنْضَارْ إِخفْ نّسْ ذِي ڒبْحَارْ أَڒَامِي غَا د-إِقَارّبْ غَارْ يَاسُوع.
JOH 21:8 مَاشَا إِمحْضَارنْ إِنّغْنِي ؤُسِينْ-د س ثْغَارَّابُوثْ مِينْزِي وَارْ إِڭّْوِيجنْ شَا خْ ڒْبَارّْ مْغِيرْ مِيثَاينْ ن إِغَادْجنْ، ؤُشَا جبْذنْ-د ثْرَاشَّا أَكْ-ذ إِسڒْمَانْ.
JOH 21:9 ڒَامِي د-فّْغنْ غَارْ ڒْبَارّْ، ژْرِينْ ذِيهَا أَقَا إِتّْوَاسّوْجذْ إِجّْ ن ؤُفنِّيشْ ن ڒفْحمْ مِيخفْ مَّارْسنْ إِسڒْمَانْ ذ وغْرُومْ.
JOH 21:10 إِنَّا أَسنْ يَاسُوع: ”أَوْيمْ-د زڭْ إِسڒْمَانْ إِ ثڭْمَارمْ ڒخُّو.“
JOH 21:11 شِيمْعُونْ بُوطْرُوسْ يُويُورْ، إِجْبذْ ثْرَاشَّا ثشُّورْ س إِسڒْمَانْ إِمقّْرَاننْ غَارْ ڒْبَارّْ، أَقَا-ت ذَايسْ مْيَا ؤُ-ثْڒَاثَا ؤُ-خمْسِينْ. وَاخَّا ذَايسْ س وَانشْثْ ؤُيَا [أَطَّاسْ]، وَارْ ثْشَارّڭْ شَا ثْرَاشَّا.
JOH 21:12 إِنَّا أَسنْ يَاسُوع: ”أَرَاحمْ-د ذَا، أَذْ ثَارِييّْقمْ!“ ؤُڒَا ذ إِجّْ زڭْ إِمحْضَارنْ وَارْ إِزْعِيمْ أَذْ ث إِسّقْسَا ’مِينْ ثعْنِيذْ شكْ؟‘، مِينْزِي سّْننْ أَقَا-ث ذ سِيذِيثْنغْ.
JOH 21:13 ڒخْذنِّي يُوسَا-د يَاسُوع، إِكْسِي أَغْرُومْ ذ إِسڒْمَانْ، إِوْشَا أَسنْ.
JOH 21:14 وَانِيثَا ذ ثْوَاڒَا وِيسّْ ثْڒَاثَا إِ د-إِضْهَارْ يَاسُوع إِ إِمحْضَارنْ نّسْ أَوَارْنِي ڒَامِي د-إِتّْوَاسّْنكَّارْ زِي ثَادَّارْثْ ن إِمتِّيننْ.
JOH 21:15 أَوَارْنِي ڒَامِي أَرِييّْقنْ، إِنَّا يَاسُوع إِ شِيمْعُونْ بُوطْرُوسْ: ”[أَ] شِيمْعُونْ، مِّيسْ ن يُونَا، مَا ثتّخْسذْ أَيِي كْثَارْ زڭْ يِينَا؟“ إِنَّا أَسْ: ”وَاهْ، أَ سِيذِي، شكْ ثسّْنذْ أَقَا نشّْ تّخْسغْ شكْ.“ إِنَّا أَسْ: ”أَرْوسْ إِزْمَارنْ إِنُو!“
JOH 21:16 إِنَّا أَسْ عَاوذْ إِ ثْوَاڒَا وِيسّْ ثْنَاينْ: ”[أَ] شِيمْعُونْ، مِّيسْ ن يُونَا، مَا ثتّخْسذْ أَيِي؟“ إِنَّا أَسْ: ”وَاهْ [أَ] سِيذِي، شكْ ثسّْنذْ أَقَا نشّْ تّخْسغْ شكْ.“ إِنَّا أَسْ: ”أَرْوسْ إِشَارِّييّنْ إِنُو!“
JOH 21:17 إِنَّا أَسْ إِ ثْوَاڒَا وِيسّْ ثْڒَاثَا: ”[أَ] شِيمْعُونْ، مِّيسْ ن يُونَا، مَا ثتّخْسذْ أَيِي؟“ إِشْضنْ بُوطْرُوسْ مِينْزِي إِنَّا أَسْ ث ثْوَاڒَا وِيسّْ ثْڒَاثَا: ’مَا ثتّخْسذْ أَيِي؟‘، ؤُشَا إِنَّا أَسْ: ”[أَ] سِيذِي، شكْ ثسّْنذْ كُوڒْشِي، ثسّْنذْ أَقَا نشّْ تّخْسغْ شكْ.“ إِنَّا أَسْ يَاسُوع: ”أَرْوسْ ثِيخْسِيوِينْ إِنُو!
JOH 21:18 س ثِيذتّْ، س ثِيذتّْ، نشّْ أَذْ أَشْ إِنِيغْ: ڒَامِي شكْ ثُوغَا ذ أَمژْيَانْ، ثْبيْسذْ إِ يِيخفْ نّشْ، ثْرُوحذْ مَانِي ثخْسذْ، مَاشَا خْ مِينِّي إِ غَا ثوْسَارذْ، أَذْ ثسّْوِيژّْضذْ إِفَاسّنْ نّشْ ؤُشَا ونّغْنِي أَذْ شكْ إِبْيسْ ؤُشَا أَذْ شكْ يَاوِي غَارْ مَانِي وَارْ ثتّخْسذْ.“
JOH 21:19 إِنَّا أَمُّو حِيمَا أَذْ إِسّْشنْ إِ مَانْ ڒْموْثْ إِ زِي غَا إِسّْعُودْجْ أَربِّي. أَوَارْنِي ڒَامِي [ذ أَسْ] إِنَّا أَمُّو، إِنَّا أَسْ: ”ضْفَارْ أَيِي-د!“
JOH 21:20 إِنّقْڒبْ شِيمْعُونْ بُوطْرُوسْ، إِژْرَا أَمحْضَارْ نِّي ثُوغَا إِتّخْسْ يَاسُوع، إِضْفَارْ إِ-ث، نتَّا ذ ونِّي ثُوغَا يَارَّا إِخفْ نّسْ أَذْ إِميّڒْ غَارْ إِذْمَارنْ ن يَاسُوع غَارْ ؤُمنْسِي إِ إِنَّانْ: ”[أَ] سِيذِي إِنُو، وِي شكْ إِ غَا إِغْذَارنْ؟“
JOH 21:21 ڒَامِي إِژْرَا بُوطْرُوسْ وَا، إِنَّا إِ يَاسُوع: ”[أَ] سِيذِي، إِ وَا، مِينْ ذ أَسْ غَا إِمْسَارنْ؟“
JOH 21:22 إِنَّا أَسْ يَاسُوع: ”مَاڒَا خْسغْ أَذْ إِقِّيمْ أَڒْ د غَاعقْبغْ، مِينْ ذ أَشْ إِرُوحنْ؟ شكْ ضْفَارْ أَيِي-د!“
JOH 21:23 ؤُشَا إِفّغْ-د وَاوَاڒْ-أَ جَارْ وَاوْمَاثنْ بلِّي أَمحْضَارْ نِّي وَارْ إِتّْمتِّي شَا، مَاشَا يَاسُوع وَارْ ذ أَسْ إِنِّي شَا بلِّي نتَّا وَارْ إِتّْمتِّي شَا، مَاشَا: ”مَاڒَا خْسغْ أَذْ إِقِّيمْ أَڒْ د غَاعقْبغْ، مِينْ ذ أَشْ إِرُوحنْ؟“
JOH 21:24 ذ وَا ذ أَمحْضَارْ إِ إِشهّْذنْ س مَانْ أَيَا ؤُشَا نتَّا يُورَا مَانْ أَيَا، ؤُ نشِّينْ نسّنْ أَقَا شّْهَاذثْ نّسْ ذ ثِيذتّْ.
JOH 21:25 أَقَا ذِينْ عَاذْ أَطَّاسْ ن ثْمسْڒَايِينْ نّغْنِي إِ إِڭَّا يَاسُوع. مَاڒَا تّْوَارِينْثْ إِشْثْ أَوَارْنِي ثنّغْنِيثْ، إِتّْغِيڒْ أَيِي، أَذْ ثِيڒِي دُّونشْثْ سِيمَانْثْ نّسْ وَارْ ذَايسْ شَا تَّاسِيعْ حِيمَا أَذْ ثكْسِي إِذْلِيسنْ إِ غَا إِتّْوَارِينْ. أَمِينْ! أَنڭَّارْ ن لْ-إِنْجِيلْ إِقدّْسنْ أَمْ مَامّشْ ث إِبَارّحْ يُوحَانَّا. أَنڭَّارْ ن ثِيرَا ن إِذْلِيسنْ ن أَربْعَا ن [إِذْلِيسنْ] ن لْ-إِنْجِيلْ. أَعُودْجِي إِ بَابَاسْ، إِ مِّيسْ ؤُ إِ أَرُّوحْ إِقدّْسنْ، ڒخُّو، ڒبْذَا ؤُ إِ ڒبْذَا ن ڒبْذَاثْ.
ACT 1:1 أَذْلِيسْ أَمزْوَارُو إِ ؤُرِيغْ، [أَ] ثِييُوفِيلِيسْ، [ؤُرِيغْ ث] خْ مَارَّا مِينْ إِبْذَا سِيذِيثْنغْ يَاسُوع لْمَاسِيحْ أَذْ إِڭّْ ؤُ أَذْ إِسّڒْمذْ،
ACT 1:2 أَڒْ أَسّْ إِ ذِي إِمّكْسِي [غَارْ ؤُجنَّا]، أَوَارْنِي ڒَامِي إِوصَّا إِ رُّوسُولْ إِ ثُوغَا يِيخْضَارْ نتَّا س أَرُّوحْ إِقدّْسنْ،
ACT 1:3 إِنِّي ؤُمِي، أَوَارْنِي ڒَامِي ثُوغَا إِودّبْ، إِسّْشنْ أَسنْ إِخفْ نّسْ س وَاطَّاسْ ن ڒعْڒَامَاثْ بلِّي أَقَا إِدَّارْ، أَمْ ذ أَسنْ د-إِضْهَارْ أَربْعِينْ ن وُوسَّانْ، إِسَّاوَاڒْ خْ ثْڭلْذِيثْ ن أَربِّي.
ACT 1:4 ڒَامِي أَكِيذْسنْ إِشَّا أَغْرُومْ، إِوصَّا ثنْ حِيمَا وَارْ د-تّفّْغنْ شَا زِي ؤُرْشَالِيمْ، مَاشَا أَذْ قِّيمنْ أَذْ رَاجَانْ لْوَاعْذْ ن بَابَا إِ ثُوغَا كنِّيوْ، [أَمُّو إِ إِنَّا،] ”ثسْڒِيمْ زَّايِي،
ACT 1:5 مِينْزِي يُوحَانَّا ثُوغَا إِسّغْضَاصْ ذڭْ وَامَانْ، [مَاشَا] كنِّيوْ أَذْ تّْوَاسّْغضْصمْ ذِي أَرُّوحْ إِقدّْسنْ أَوَارْنِي ذْرُوسْ ن وُوسَّانْ.“
ACT 1:6 خنِّي سّقْسَانْ ث إِنِّي ثُوغَا ذِينْ إِمُوننْ، نَّانْ: ”[أَ] سِيذِيثْنغْ، مَا ذِي ڒْوقْثْ-أَ أَذْ د-ثَارّذْ ثَاڭلْذِيثْ إِ إِسْرَائِيل عَاوذْ؟“
ACT 1:7 إِنَّا أَسنْ: ”وَارْ ذ أَومْ د-يُوسِي أَذْ ثَارڭْبمْ خْ زّْمَانْ ذ زّْمَانَاثْ إِ إِڭَّا بَابَا ذِي صُّولْطَا ن يِيخفْ نّسْ.
ACT 1:8 مَاشَا كنِّيوْ أَذْ ثكْسِيمْ جّهْذْ خْمِي خَاومْ د غَا إِهْوَا أَرُّوحْ إِقدّْسنْ ؤُشَا كنِّيوْ أَذْ ثِيڒِيمْ ذ ڒشْهُوذْ ذِي ؤُرْشَالِيمْ، ذِي مَارَّا يَاهُوذِييَّا، ذِي سَامَارْيَا، [وَاهْ،] أَڒْ إِنڭُّورَا ن دُّونشْثْ.“
ACT 1:9 [أَوَارْنِي ڒَامِي] إِنَّا أَيَا، إِمّكْسِي ؤُشَا، أَمْ ث ژْرِينْ نِيثْنِي، إِكْسِي ث إِجّْ ن ؤُسيْنُو، إِذْوڒْ إِنُوفَّارْ خْ ثِيطَّاوِينْ نْسنْ.
ACT 1:10 أَمْ ذ أَسْ سّضْفَارنْ س ثِيطَّاوِينْ نْسنْ أَمْ إِرُوحْ غَارْ ؤُجنَّا، [خْزَارْ]، أَقَا بدّنْ غَارْسنْ ثْنَاينْ ن يرْيَازنْ أَرْضنْ أَرُّوضْ ذ أَشمْڒَاڒْ،
ACT 1:11 ؤُشَا نَّانْ أَسنْ: ”[أَ،] إِرْيَازنْ زِي لْجَالِيلْ، مِينْ كنِّيوْ إِذعْونْ ثتّْبدَّامْ ثْخزَّارمْ غَارْ ؤُجنَّا؟ أَقَا يَاسُوع وَانِيثَا، ونِّي إِمّكْسِينْ خَاومْ غَارْ ؤُجنَّا، أَذْ د-إِعْقبْ أَمْ مَامّشْ ث ثژْرِيمْ إِڭعّذْ غَارْ ؤُجنَّا!“
ACT 1:12 خنِّيعقْبنْ غَارْ ؤُرْشَالِيمْ زڭْ وذْرَارْ ؤُمِي قَّارنْ ’ثَادَّارْثْ ن زِّيثُونْ‘ إِ إِدْجَانْ زَّاثْ إِ ؤُرْشَالِيمْ، إِڭّْوجْ خَاسْ عْڒَاحَاڒْ سبْعَا ’إِسْثَاذِييّنْ‘، [إِخْسْ أَذْ يِينِي عْڒَاحَاڒْ إِجّْ ن كِيلُومِيثْرْ ؤُ ثْڒَاثَا ميَّا مِيثْرْ].
ACT 1:13 أَوَارْنِي ڒَامِي د-ؤُذْفنْ [غَارْ ثنْذِينْثْ]، ڭعّْذنْ غَارْ ثْغُورْفثْ سنّجْ مَانِي ثُوغَا تّْغِيمَانْ نِيثْنِي: بُوطْرُوسْ، يُوحَانَّا، يَاعْقُوبْ، أَنْذْرَاوُوسْ، فِيلِيبُّوسْ، ثُومَا، مَاتَّا، بَارْ-ثُولُومَاوُوسْ، يَاعْقُوبْ مِّيسْ ن حَالْفَا، شِيمْعُونْ ؤُمِي قَّارنْ ’أَمْعسَّابْ‘، ذ يَاهُوذَا، مِّيسْ ن يَاعْقُوبْ.
ACT 1:14 إِنَا مَارَّا إِذْسنْ ثُوغَا صْبَارنْ س يِيجّْ ن ذْمَامْ خْ ثْژَادْجِيثْ، أَكْ-ذ ثمْغَارِينْ ؤُ أَكْ-ذ مَارْيَامْ، يمَّاسْ ن يَاسُوع، ؤُ أَكْ-ذ أَيْثْمَاسْ.
ACT 1:15 ذڭْ وُوسَّانْ نِّي إِكَّارْ شِيمْعُونْ بُوطْرُوسْ جَارْ أَسنْ، ذِي ڒْوسْطْ ن إِمحْضَارنْ. ثُوغَا ذِينْ مُوننْ عْڒَاحَاڒْ مْيَا ؤُ-عِيشْرِينْ ن إِوْذَانْ، ؤُ نتَّا إِنَّا:
ACT 1:16 ”[أَ] إِرْيَازنْ ثَاوْمَاثْ، ثُوغَا إِتّْخصَّا نِيشَانْ أَذْ إِتّْوَاكمّڒْ [أَوَاڒْ] ن ثِيرَا [إِقدّْسنْ] إِ إِتّْوَانَّانْ قْبڒْ س أَرُّوحْ إِقدّْسنْ س ؤُقمُّومْ ن ذَاوُوذْ خْ يَاهُوذَا، ونِّي إِذوْڒنْ ذ أَمْڭوّذْ ن يِينِّي إِحبّْسنْ يَاسُوع،
ACT 1:17 مِينْزِي نتَّا ثُوغَا إِتّْوَاحْسبْ زَّايْنغْ، [زِي ثنْعَاشْ]، ؤُ ثُوغَا إِطّفْ ثَاسْغَارْثْ ذِي ثْسخَّارْثْ-أَ.
ACT 1:18 أَقَا وَا ثُوغَا إِكسّبْ إِجّْ ن إِيَّارْ إِ يِيخفْ نّسْ س ڒْمُونثْ ن دّنْبْ [نّسْ] ؤُشَا ؤُمِي إِوْضَا خْ ؤُغمْبُوبْ نّسْ غَارْ ثمُّورْثْ، أَقَا إِفدْجقْ غَارْ ثجْعِينَّاثِينْ نّسْ ؤُشَا فّْغنْ-د مَارَّا أَذَانْ نّسْ غَارْ بَارَّا.
ACT 1:19 أَقَا مَانْ أَيَا إِذْوڒْ إِتّْوَاسّنْ غَارْ مَارَّا إِمزْذَاغْ ن ؤُرْشَالِيمْ أَڒَامِي سمَّانْ إِيَّارْ نِّي ذڭْ إِڒسْ ن ثمُّورْثْ نْسنْ ’حَاقْلْ-ذَامَا‘، مِينْ إِخْسْ أَذْ يِينِي ’إِيَّارْ ن إِذَامّنْ‘.
ACT 1:20 مِينْزِي ثُورَا ذڭْ وذْلِيسْ ن إِزهِّيذنْ [ن ذَاوُوذْ]: ’أَذْ ثذْوڒْ ثَادَّارْثْ نّسْ ذ ڒْخَارْبثْ، ؤُڒَا ذ إِجّْ وَارْ ذَايسْ إِزدّغْ!‘ ؤُشَا: ’أَذْ إِكْسِي ونّغْنِي ثَاسخَّارْثْ نّسْ.‘
ACT 1:21 س ؤُينِّي إِتّْڒِيقْ، أَقَا إِجّنْ زڭْ يرْيَازنْ إِنِّي ثُوغَا ذ إِمْعَاشَارنْ أَكِيذْنغْ كُوڒْ ڒْوقْثْ إِ ذِي ثُوغَا سِيذِيثْنغْ يَاسُوع إِتَّاذفْ ؤُ إِتّفّغْ جَارْ أَنغْ -
ACT 1:22 زڭْ ؤُسغْضصْ ن يُوحَانَّا أَڒْ أَسّْ إِ ذِي إِمّكْسِي خَانغْ - أَذْ إِذْوڒْ ذ أَشهَّاذْ أَكِيذْنغْ خْ ثْنُوكْرَا نّسْ.“
ACT 1:23 أَرشّْحنْ ثْنَاينْ: يُوسُوفْ، ؤُمِي قَّارنْ بَارْ-سَابَا ونِّي ؤُمِي تّْكنَّانْ يُوسْثُوسْ، ذ مَاتِّييَا.
ACT 1:24 أَمْ ثُوغَا تّْژَادْجَانْ، نَّانْ: ”[أَ] سِيذِي، شكْ ثسّْنذْ ؤُڒَاونْ ن مَارَّا، سْشنْ [أَنغْ] مَانْ ونْ زِي ثْنَاينْ-أَ إِ ثِيخْضَارذْ،
ACT 1:25 حِيمَا أَذْ إِشَارْشْ ذِي ثْسخَّارْثْ-أَ ؤُ ذِي ڒْخذْمثْ ن رُّوسُولْ إِ ذِي إِسْمحْ يَاهُوذَا حِيمَا أَذْ إِرَاحْ غَارْ ومْشَانْ نّسْ.“
ACT 1:26 خنِّي ڭِّينْ أَكشُّوضْ ؤُشَا يُوسَا-د [ؤُكشُّوضْ] خْ مَاتِّييَا ؤُشَا أَرْنِينْ ث غَارْ حِيطَاشْ ن رُّوسُولْ.
ACT 2:1 ؤُمِي كمّْڒنْ وُوسَّانْ أَڒْ ڒْعِيذْ ن خمْسِينْ ن وُوسَّانْ، ثُوغَا أَثنْ مَارَّا جْمِيعْ مُوننْ.
ACT 2:2 خْ إِشْثْ ن ڒْغفْڒثْ يُوسَا-د إِجّْ ن زّْهِيرْ زڭْ ؤُجنَّا، إِڭَّا أَخْمِي ذ أَسمِّيضْ إِجهْذنْ أَطَّاسْ، إِشُّورْ مَارَّا ثَادَّارْثْ مَانِي ثُوغَا قِّيمنْ.
ACT 2:3 ؤُشَا ضْهَارنْ أَسنْ-د إِڒْسَاونْ أَمْ ن ثْمسِّي نِّي إِتّمْسبْضَانْ، أَرْسِينْ خْ كُوڒْ إِجّنْ زَّايْسنْ،
ACT 2:4 ؤُ مَارَّا نِيثْنِي ذوْڒنْ شُّورنْ س أَرُّوحْ إِقدّْسنْ، بْذَانْ أَذْ سِّيوْڒنْ س إِجّْ ن يِيڒسْ نّغْنِي أَمْ مَامّشْ ذ أَسنْ إِوْشَا أَرُّوحْ أَذْ زَّايْسنْ نطْقنْ.
ACT 2:5 ثُوغَا تّْغِيمَانْ ذِي ؤُرْشَالِيمْ إِرْيَازنْ نِّي إِتّڭْوذنْ أَربِّي، ؤُذَاينْ زِي مَارَّا ڒڭْنُوسْ سَاذُو ؤُجنَّا.
ACT 2:6 ؤُمِي إِكَّارْ زّْهِيرْ-أَ، إِمُونْ مَارَّا ڒْڭنْسْ [ذِينِّي] ؤُشَا ثْبهْثنْ، مِينْزِي كُوڒْ إِجّْ ثُوغَا إِتّسْڒَا أَسنْ سَّاوَاڒنْ س يِيڒْسَاونْ نْسنْ [إِفَارْزنْ].
ACT 2:7 ذهْشنْ، ثْبهْثنْ مَارَّا، نَّانْ جَارْ أَسنْ: ”مَا وَارْ دْجِينْ مَارَّا إِنَا إِنِّي [ذِينْ] إِسَّاوَاڒنْ ذ إِجَالِيلِييّنْ؟
ACT 2:8 مَامّشْ ذ أَسنْ نسْڒَا نشِّينْ، كُوڒْ إِجّْ زَّايْسنْ، [سَّاوَاڒنْ] س يِيڒسْ إِ زِي د-نثْوَاخْڒقْ؟
ACT 2:9 إِبَارْثِييّنْ ذ إِمِيذِييّنْ ذ إِعِيلَامِييّنْ ذ إِمزْذَاغْ ن مِيسُوپُوثَامْيَا، [ثنِّي ذ ثَامُّورْثْ جَارْ ثْنَاينْ ن إِغزْرَانْ]، ذ وُوذَاينْ ذ إِنِّي زِي كَابَّاذُوكِييَا، إِنِّي د-يُوسِينْ زِي جّْوَايهْ ن بُونْطُوسْ ذ أَسِييَا،
ACT 2:10 زِي جّْوَايهْ ن فْرِيخِييَا، بَامْفِيلِييَا ذ مِيصْرَا ؤُ زِي جّْوَايهْ ن لِيبِييَا غَارْ قَايْرَاوَانْ، ؤُڒَا ذ إِنِّي د-يُوسِينْ زِي رُومَا، أَمْ ؤُذَاينْ أَمْ يِينِّي إِذوْڒنْ ذ إِمْعَاشَارنْ ن دِّينْ ن وُوذَاينْ،
ACT 2:11 إِنِّي[د-يُوسِينْ] زِي كْرِيثَا ؤُ [زِي] عَارَابِييَّا، أَقَا نشِّينْ نسْڒَا أَسنْ سَّاوَاڒنْ س يِيڒسْ نّغْ خْ ڒعْجَايبْ إِمقّْرَاننْ ن أَربِّي!“
ACT 2:12 مَارَّا ثْبهْثنْ ؤُشَا نَّانْ إِجّْ إِ ونّغْنِي: ”مِينْ إِخْسْ أَذْ يِينِي مَانْ أَيَا؟“
ACT 2:13 مَاشَا إِنّغْنِي سْثْهزَّانْ زَّايْسنْ، نَّانْ: ”نِيثْنِي سْوِينْ بِينُو ن جْذِيذْ.“
ACT 2:14 أَوَارْنِي أَسْ إِكَّارْ شِيمْعُونْ بُوطْرُوسْ، أَكْ-ذ حِيطَاشْ ن رُّوسُولْ. نتَّا إِسّْڭعّذْ ثْمِيجَّا نّسْ، إِنَّا أَسنْ: ”[كنِّيوْ]، [أَ] إِرْيَازنْ ذ ؤُذَاينْ ؤُ مَارَّا إِمزْذَاغْ ن ؤُرْشَالِيمْ، إِتّْخصَّا أَذْ سْنمْ أَيَا، سْڒمْ غَارْ وَاوَاڒنْ إِنُو!
ACT 2:15 [إِوْذَانْ-أَ] وَارْ سْشَارنْ شَا أَمْ مَامّشْ ذ أَومْ إِتّْغِيڒْ، مِينْزِي أَقَا-ت ذ ثَاسَاعّثْ ذ ثْڒَاثَا [ن وَاسّْ].
ACT 2:16 مَاشَا أَيَا مِينْ إِتّْوَانَّانْ زڭْ ؤُنَابِي يُووِيلْ:
ACT 2:17 ’أَذْ يِيڒِي ذڭْ وُوسَّانْ إِنڭُّورَا، إِقَّارْ أَربِّي، أَقَا أَذْ فَارّْغغْ أَرُّوحْ إِنُو خْ مَارَّا دَّاثْ. أَذْ نبَّانْ إِحنْجِيرنْ نْومْ ذ ثْحنْجِيرِينْ نْومْ، إِبْڒِيغنْ نْومْ أَذْ ثْوَاڒَانْ إِوحَّانْ، ؤُشَا إِمقّْرَاننْ نْومْ أَذْ أَرْجَانْ ثِيرْجَا.
ACT 2:18 ؤُڒَا خْ إِمْسخَّارنْ إِنُو ؤُ خْ ثِييَّا إِنُو أَذْ فَارّْغغْ أَرُّوحْ إِنُو ذڭْ وُوسَّانْ نِّي، ؤُشَا أَذْ نبَّانْ.
ACT 2:19 أَذْ وْشغْ لْمُوعْجِيزَاثْ ذڭْ ؤُجنَّا ؤُڒَا ذ ڒعْڒَامَاثْ خْ ثمُّورْثْ: إِذَامّنْ ذ ثْمسِّي ذ ڒفْوَارْ ن دّخَّانْ.
ACT 2:20 أَذْ ثذْوڒْ ثْفُوشْثْ غَارْ ثَادْجسْثْ، ذ ثْزِيرِي غَارْ إِذَامّنْ، قْبڒْ د غَا يَاسْ وَاسّْ إِمْغَارنْ إِعُودْجنْ ن سِيذِي.
ACT 2:21 ؤُشَا أَذْ يِيڒِي، أَقَا مَارَّا وِي غَا إِڒَاغَانْ خْ يِيسمْ ن سِيذِي، أَذْ إِتّْوَاسّنْجمْ!‘
ACT 2:22 [أَ] إِرْيَازنْ، أَيْثْ ن إِسْرَائِيل، سْڒمْ أَوَاڒنْ-أَ: يَاسُوع نَّاصِيرِي، أَقَا-ث ذ بْنَاذمْ إِ ذ أَومْ د-إِتّْوَاسّْشَاننْ زِي أَربِّي س ثْمڭَّا ثِيمقّْرَانِينْ ذ ڒعْڒَامَاثْ ذ لْمُوعْجِيزَاثْ إِ يڭَّا أَربِّي س ؤُفُوسْ نّسْ ذِي ڒْوسْطْ نْومْ، أَمْ مَامّشْ ثسّْنمْ كنِّيوْ،
ACT 2:23 أَقَا وَانِيثَا، ونِّي إِتّْوَاحُوزنْ إِ مَانْ أَيَا إِ نتَّا عْلَاحْسَابْ ثُوسّْنَا ن أَربِّي قْبڒْ ؤُ عْلَاحْسَابْ ڒْخَاضَارْ نّسْ، أَقَا كنِّيوْ ثْسلّْممْ ث ذڭْ إِفَاسّنْ ن إِعفَّاننْ ؤُ ثْصلّْبمْ ث ؤُ ثنْغِيمْ ث.
ACT 2:24 مَاشَا إِسّْنكَّارْ إِ-ث-إِ-د أَربِّي ؤُشَا إِسَّارْخُو إِسغْوَانْ ن ڒَاخَارْثْ، مَاغَارْ وَارْ إِزمَّارْ أَذْ إِتّْوَاطّفْ ذِي ڒَاخَارْثْ.
ACT 2:25 مِينْزِي ذَاوُوذْ إِنَّا خَاسْ: ’ثُوغَا تّْوَاڒِيغْ سِيذِي زَّاثِي ذِي كُوڒْ أَمُورْ، أَقَا-ث خْ يفُوسْ إِنُو، حِيمَا وَارْ تّْميِّيڒغْ.
ACT 2:26 س ؤُيَا إِفَارّهْ ؤُڒْ إِنُو ؤُڒَا ذ أَسمْغَارْ إِنُو إِفيّضْ س ڒفْرَاحثْ، ؤُڒَا ذ أَرِّيمثْ إِنُو أَذْ يَاريّحْ خْ ؤُسِيثمْ وَانِيثَا،
ACT 2:27 مِينْزِي وَارْ ثتّجِّيذْ ڒعْمَارْ إِنُو ذِي ڒَاخَارْثْ، ؤُڒَا وَارْ ثتّجِّيذْ أَمْسِيزْذڭْ نّشْ أَذْ إِكِيشُّو.
ACT 2:28 شكْ ثسّشْنذْ أَيِي أَبْرِيذْ ن ثُوذَارْثْ، شكْ أَذْ أَيِي ثشُّورذْ س ڒفْرَاحثْ ذِي لْحَاضَارْ نّشْ.‘
ACT 2:29 [أَ] إِرْيَازنْ ثَاوْمَاثْ، أَقَا ثعْذڒْ أَيِي أَذْ أَومْ سِّيوْڒغْ س بْطَايْطَايْ خْ أَرَّايْسْ ن ڒجْذُوذْ [نّغْ] ذَاوُوذْ، ونِّي أَقَا إِمُّوثْ، إِتّْوَانْضڒْ، ؤُشَا أَنْضڒْ نّسْ أَقَا-ث غَارْنغْ أَڒْ أَسّْ-أَ.
ACT 2:30 مَاغَارْ نتَّا ثُوغَا ذ أَنَابِي، إِسّنْ بلِّي أَربِّي إِجُّودْجْ أَسْ س إِشْثْ ن ثْجَادْجِيثْ: ’أَذْ سّْغِيمغْ إِجّنْ زِي ڒْغِيدْجثْ ن ثْعذِّيسْثْ نّشْ خْ ڒْكُورْسِي ن ڒْعَارْشْ نّسْ.‘
ACT 2:31 أَمُّو ثُوغَا نتَّا إِزْوَارْ إِژْرَا ؤُشَا إِسِّيوڒْ خْ ثْنُوكْرَا ن لْمَاسِيحْ، بلِّي وَارْ إِتّْوَاجِّي شَا ذِي ڒَاخَارْثْ ؤُشَا أَرِّيمثْ نّسْ وَارْ ثتَّاشِي أَكِيشُّو.
ACT 2:32 يَاسُوع وَانِيثَا أَقَا إِسّْنكَّارْ إِ-ث-إِ-د أَربِّي ؤُ نشِّينْ مَارَّا ذ ڒشْهُوذْ نّسْ.
ACT 2:33 نتَّا إِتّْوَاسّْڭعّذْ أَڒْ [أَ]فُوسْ أَفُوسِي ن أَربِّي ؤُشَا إِطّفْ لْوَاعْذْ ن أَرُّوحْ إِقدّْسنْ زِي بَابَاسْ. أَقَا إِفَارّغْ ثَاوْهِيبْثْ-أَ [ڒخُّو] أَمْ مَامّشْ ثتّْوَاڒَامْ ؤُ ثتّسْڒَامْ.
ACT 2:34 ذَاوُوذْ مَاشَا وَارْ إِڭعّذْ شَا غَارْ إِجنْوَانْ، مَاغَارْ إِنَّا: ’سِيذِي إِنَّا إِ سِيذِي إِنُو: قِّيمْ خْ يفُوسْ إِنُو،
ACT 2:35 أَڒْ ذ غَا ڭّغْ ڒْعذْيَانْ نّشْ ذ ثَانبْذَاثْ سَاذُو إِضَارنْ نّشْ.‘
ACT 2:36 أَذْ ثسّنْ مَارَّا ثَادَّارْثْ ن إِسْرَائِيل نِيشَانْ، بلِّي أَربِّي إِڭَّا يَاسُوع وَانِيثَا، ونِّي ثْصلّْبمْ كنِّيوْ، ذ سِيذِي ذ لْمَاسِيحْ.“
ACT 2:37 ڒَامِي سْڒِينْ مَانْ أَيَا، ثُوذفْ أَسنْ ذڭْ وُوڒْ نْسنْ ذَاخڒْ، نَّانْ إِ شِيمْعُونْ ؤُ إِ رُّوسُولْ نّغْنِي: ”مِينْ غَا نڭّْ، أَ ثَاوْمَاثْ نّغْ؟“
ACT 2:38 إِنَّا أَسنْ شِيمْعُونْ: ”ثُوبمْ، أجّْ كُوڒْ إِجّنْ زَّايْومْ أَذْ إِتّْوَاسّغْضصْ س يِيسمْ ن سِيذِي يَاسُوع إِ وغْفَارْ ن دّْنُوبْ، ؤُشَا أَذْ ثْقبْڒمْ ثَاوْهِيبْثْ ن أَرُّوحْ إِقدّْسنْ.
ACT 2:39 مِينْزِي لْوَاعْذْ إِ كنِّيوْ ؤُ إِ ثَارْوَا نْومْ ؤُ إِ مَارَّا إِنِّي إِدْجَانْ غَارْ ڒَاڭّْوَاجْ، إِنِّي خْ إِ ذ غَا إِڒَاغَا أَربِّي نّغْ.“
ACT 2:40 ؤُشَا س وَاوَاڒنْ نّغْنِي أَطَّاسْ ثُوغَا إِسّقْنعْ ؤُ إِعْڒمْ أَسنْ، إِنَّا: ”نجْممْ زِي ثَاصِيڒثْ-أَ إِفَارْغنْ.“
ACT 2:41 ثُوغَا جَارْ أَسنْ إِنِّي إِوجْذنْ أَذْ قبْڒنْ أَوَاڒْ نّسْ ؤُشَا تّْوَاسّْغضْصنْ نِيثْنِي. مَّارْنِينْ-د ذڭْ وَاسّْ نِّي عْڒَاحَاڒْ ثڒْثْ-أَڒَافْ ن ڒعْمُورْ.
ACT 2:42 نِيثْنِي قِّيمنْ صْبَارنْ ذِي ثْغُورِي ن رُّوسُولْ ؤُ شَارّْشنْ ذِي ثْژَادْجِيثْ ؤُ ذِي ثَارژِّيثْ ن وغْرُومْ ن نِّيعْمثْ.
ACT 2:43 كُوڒْ إِجّنْ ثُوذفْ إِ-ث ثِيڭّْوُوذِي ؤُشَا مْسَارنْثْ لْمُوعْجِيزَاثْ ذ ڒعْڒَامَاثْ أَطَّاسْ س إِفَاسّنْ ن رُّوسُولْ ذِي ؤُرْشَالِيمْ.
ACT 2:44 مَارَّا إِنِّي يُومْننْ ثُوغَا أَثنْ مُوننْ جْمِيعْ، ؤُ مَارَّا مِينْ غَارْسنْ ثُوغَا إِشَارْشْ.
ACT 2:45 إِنِّي غَارْ إِدْجَا وَاڭْڒَا ثُوغَا زّْنُوزَانْ مَانْ أَيَا ؤُشَا بطَّانْ [أَرْبحْ] عْلَاحْسَابْ مِينْ إِحْذَاجْ كُوڒْ إِجّْ.
ACT 2:46 ثُوغَا تّْمُوننْ كُوڒْ أَسّْ ذِي زَّاوشْثْ ثَامقّْرَانْثْ س ذْمَامْ ذ إِجّنْ، تَّارژَّانْ أَغْرُومْ ذِي ثُوذْرِينْ، كْسِينْ مَاشَّا نْسنْ س ڒفْرَاحثْ ؤُ س وُوڒْ إِصْفَا،
ACT 2:47 أَمْ سّمْغَارَانْ ذِي أَربِّي ؤُ ثُوغَا تّْوَاسّْعِيزّنْ غَارْ مَارَّا إِوْذَانْ. كُوڒْ أَسّْ ثُوغَا سِيذِيثْنغْ يَارنِّي غَارْ ثْمسْمُونْثْ إِنِّي إِوْضنْ غَارْ ثُوذَارْثْ.
ACT 3:1 ذ مَانْ أَيَا إِمْسَارْ ؤُمِي ڭعّْذنْ شِيمْعُونْ بُوطْرُوسْ ذ يُوحَانَّا جْمِيعْ غَارْ زَّاوشْثْ ثَامقّْرَانْثْ ذِي ثْسَاعّثْ ن ثْژَادْجِيثْ ثنِّي ذ وِيسّْ ثسْعَا، [إِخْسْ أَذْ يِينِي ذ ثْڒَاثَا أَوَارْنِي ضّْهُورْ].
ACT 3:2 خْزَارْ، ثُوغَا ذِينْ إِجّْ ن ورْيَازْ ذ أَنعْضَابْ زڭْ ؤُعذِّيسْ ن يمَّاسْ، أَرْبُونْ ث إِنِّي إِنُّومنْ أَذْ ث-إِ-د-أَوْينْ، سّْغِيمَانْ ث غَارْ ثوَّارْثْ ن زَّاوشْثْ ثَامقّْرَانْثْ ؤُمِي قَّارنْ ’ثَاوَّارْثْ ثَاصبْحَانْثْ‘، حِيمَا أَذْ إِتَّارْ صّذْقثْ زڭْ إِنِّي إِتَّاذْفنْ غَارْ زَّاوشْثْ ثَامقّْرَانْثْ.
ACT 3:3 أَقَا وَا، ؤُمِي إِژْرَا بلِّي شِيمْعُونْ ذ يُوحَانَّا تَّاذْفنْ غَارْ زَّاوشْثْ ثَامقّْرَانْثْ، إِتَّارْ زَّايْسنْ حِيمَا أَذْ أَسْ وْشنْ إِشْثْ ن صّذْقثْ.
ACT 3:4 شِيمْعُونْ أَكْ-ذ يُوحَانَّا نْضَارنْ ذَايسْ ثِيطَّاوِينْ، نَّانْ أَسْ: ”خْزَارْ ذَايْنغْ!“
ACT 3:5 نتَّا إِقْشعْ ذَايْسنْ، إِتّْرَاجَا أَذْ زَّايْسنْ إِطّفْ شَا.
ACT 3:6 إِنَّا أَسْ شِيمْعُونْ: ”نُّوقَارْثْ ذ وُورغْ وَارْ غَارِي دْجِينْ، مَاشَا مِينْ غَارِي ذ مَانْ أَيَا إِ ذ أَشْ غَا وْشغْ س يِيسمْ ن يَاسُوع لْمَاسِيحْ نَّاصِيرِي! كَّارْ، ثُويُورذْ!“
ACT 3:7 إِطّفْ إِ-ث زڭْ ؤُفُوسْ نّسْ أَفُوسِي ؤُشَا إِسّْنكَّارْ إِ-ث. ڒخْذنِّي منْعنْ إِضَارنْ نّسْ ذ ثِيشعْبِينْ نّسْ،
ACT 3:8 ؤُشَا إِنْڭزْ ؤُشَا إِبدّْ [خْ إِضَارنْ]، إِڭُّورْ ؤُشَا يُوذفْ أَكِيذْسنْ غَارْ زَّاوشْثْ ثَامقّْرَانْثْ، إِڭُّورْ، إِنڭّزْ، إِسّمْغَارَا ذِي أَربِّي.
ACT 3:9 مَارَّا ڒْڭنْسْ إِژْرَا إِ-ث إِڭُّورْ، إِسّمْغَارَا ذِي أَربِّي.
ACT 3:10 سّْننْ [إِوْذَانْ] أَقَا نتَّا ذ ونِّي ثُوغَا إِتّْغِيمَانْ إِتّتَّارْ كُوڒْ أَسّْ غَارْ ثوَّارْثْ ن زَّاوشْثْ ثَامقّْرَانْثْ ؤُمِي قَّارنْ ’ثَاصبْحَانْثْ‘ ؤُشَا نِيثْنِي ذوْڒنْ شُّورنْ س وذْهَاشْ ذ ؤُثبْهثْ خْ مِينْ ذ أَسْ إِمْسَارنْ.
ACT 3:11 أَمْ ثُوغَا [أَرْيَازْ أَنعْضَابْ] إِتّْشبَّارْ ذِي شِيمْعُونْ ذ يُوحَانَّا، دُّوقّْزنْ خَاسنْ مَارَّا إِوْذَانْ غَارْ ؤُسقِّيفْ أَكْ-ذ ؤُكُولْوَارْ ذ إِپِيلَارنْ، ؤُمِي قَّارنْ ’أَسقِّيفْ ن سُولِيمَانْ‘، ثْبهْثنْ.
ACT 3:12 ؤُمِي إِژْرَا شِيمْعُونْ أَيَا، إِطّفْ ذڭْ وَاوَاڒْ، إِنَّا أَسنْ: ”[أَ] إِرْيَازنْ، إِحنْجِيرنْ ن إِسْرَائِيل، مِينْ كنِّيوْ إِذعْونْ ثتّْبهْثمْ س ؤُيَا؟ مَايمِّي ذَايْنغْ ثجْعَارمْ أَخْمِي س جّهْذْ ن يِيخفْ نّغْ نِيغْ س صُّولْطَا ن يِيخفْ نّغْ نَارَّا إِ-ث إِڭُّورْ؟
ACT 3:13 أَربِّي ن إِبْرَاهِيمْ ذ إِسْحَاقْ ذ يَاعْقُوبْ، أَربِّي ن ڒجْذُوذْ نّغْ، أَقَا إِسّْعُودْجْ مِّيسْ يَاسُوع ونِّي ثْسلّْممْ ؤُ ثْمنْضَارمْ زَّاثْ ن وُوذمْ ن بِيلَاطُوسْ ونِّي ثُوغَا خَاسْ إِحْكمْ س إِجّْ ن ڒْحُوكْمْ إِسڭّْذنْ ؤُ ثُوغَا إِخْسْ أَذْ أَسْ يَارْخُو.
ACT 3:14 مَاشَا كنِّيوْ أَقَا ثمّنْضَارمْ أَمْقدَّاسْ ذ أَمْسڭَّاذْ، ثْزَاوْڭمْ أَذْ أَومْ إِمّوْشْ أَرْيَازْ أَقتَّاڒْ.
ACT 3:15 أَقَا ثنْغِيمْ أَزدْجِيفْ ن ثُوذَارْثْ، ونِّي د-إِسّْنكَّارْ أَربِّي زِي ثَادَّارْثْ ن إِمتِّيننْ، أَقَا نشِّينْ مَارَّا ذ ڒشْهُوذْ خْ مَانْ أَيَا.
ACT 3:16 س لْ-إِيمَانْ ذڭْ يِيسمْ نّسْ، أَقَا إِسّجْهذْ ؤُ إِسّْڭنْفَا نتَّا وَا، ونِّي ثتّْوَاڒَامْ، ثسّْنمْ ث. لْ-إِمَانْ ذَايسْ أَقَا إِوْشَا أَسْ أَڭنْفِي-يَا زَّاثْومْ مَارَّا.
ACT 3:17 ڒخُّو، [أَ] أَيْثْمَا، سّْنغْ، أَقَا ثڭِّيمْ أَيَا س ثْقُوبَّانشْثْ، أَمْ مَامّشْ إِ ڭِّينْ ؤُڒَا ذ إِمقّْرَاننْ نْومْ.
ACT 3:18 أَمُّو أَقَا إِكمّڒْ أَربِّي مِينْ ثُوغَا إِسِّيزْوَارْ إِخبَّارْ خَاسْ س ؤُقمُّومْ ن مَارَّا إِنَابِييّنْ بلِّي لْمَاسِيحْ إِڭُّورْ أَذْ إِودّبْ.
ACT 3:19 س ؤُينِّي ثُوبمْ، ثْذوْڒمْ [غَارْ وبْرِيذْ] حِيمَا أَذْ أَومْ تّْوَامسْحنْ دّْنُوبْ نْومْ ؤُشَا خنِّي أَذْ د-أَسنْ زّْمَانَاثْ ن أَرَّاحثْ زَّاثْ إِ وُوذمْ ن سِيذِي،
ACT 3:20 ؤُشَا نتَّا أَذْ أَومْ د-إِسّكّْ ونِّي إِوجْذنْ إِ كنِّيوْ [إِ مَانْ أَيَا]: يَاسُوع لْمَاسِيحْ،
ACT 3:21 ونِّي إِتّْخصَّا ؤُجنَّا أَذْ ث إِقْبڒْ أَڒْ ؤُكمّڒْ ن زّْمَانَاثْ، ن مَارَّا مِينْ خفْ ثُوغَا إِسَّاوَاڒْ أَربِّي س ؤُقمُّومْ ن مَارَّا إِنَابِييّنْ نّسْ إِقدّْسنْ زِي زّْمَانْ.
ACT 3:22 مَاغَارْ مُوسَا إِنَّا: ’سِيذِي أَذْ أَومْ د-إِسّْڭعّذْ إِجّْ ن ؤُنَابِي أَمْ نشّْ زڭْ وَاوْمَاثْومْ. إِ نتَّا ؤُمِي غَا ثسْڒمْ ذِي مَارَّا مِيخفْ ذ أَومْ إِ غَا إِسِّيوڒْ.‘
ACT 3:23 أَذْ يِيڒِي بلِّي كُوڒْ ڒعْمَارْ إِ وَارْ إِسْڒِينْ غَارْ ؤُنَابِي نِّي، أَذْ إِتّْوَاسّْهلّكْ زڭْ ڒْڭنْسْ.
ACT 3:24 مَارَّا إِنَابِييّنْ زِي شَامْوِيلْ ذ [مَارَّا إِنَابِييّنْ] نِّي إِ-ث-إِ-د-إِخڒْفنْ، أَقَا إِزْوَارنْ خبَّارنْ خْ وُوسَّانْ-أَ.
ACT 3:25 كنِّيوْ ذ أَيْثْ ن إِنَابِييّنْ ؤُ ن ڒْعَاهْذْ إِ إِڭَّا أَربِّي أَكْ-ذ ڒجْذُوذْ نْومْ ڒَامِي ثُوغَا إِقَّارْ إِ إِبْرَاهِيمْ: ’س زَّارِيعثْ نّشْ أَذْ تّْوَابَارْكنْثْ مَارَّا ثِيقبَّاڒْ ن ثمُّورْثْ!‘
ACT 3:26 زِيشْ إِڭَّا نتَّا [ڒْْعَاهْذْ نّسْ] أَكِيذْومْ ؤُشَا إِسّكّْ-د أَربِّي ڒخُّو مِّيسْ مَاحنْذْ أَذْ أَومْ إِبَاركْ، مَاڒَا أَذْ ثْذوْڒمْ، أَذْ ثثُوبمْ زِي ڒْغَارْ نْومْ.“
ACT 4:1 أَمْ ثُوغَا سَّاوَاڒنْ أَوَاڒنْ-أَ أَكْ-ذ ڒْڭنْسْ، خشّنْ-د خَاسنْ إِكهَّاننْ أَكْ-ذ إِصَاذُوقِييّنْ ذ إِمقّْرَاننْ خْ زَّاوشْثْ ثَامقّْرَانْثْ،
ACT 4:2 مِينْزِي ثُوغَا خيّْقنْ خَاسنْ أَطَّاسْ، مَاغَارْ نِيثْنِي ثُوغَا سّڒْمَاذنْ ڒْڭنْسْ ؤُ تّْبَارّْحنْ ثَانُوكْرَا زِي ثَادَّارْثْ ن إِمتِّيننْ س لْمَاسِيحْ.
ACT 4:3 سَّارْسنْ خَاسنْ إِفَاسّنْ ؤُشَا حبّْسنْ ثنْ أَڒْ ثِيوشَّا نّسْ، مِينْزِي ثُوغَا ثوْضَا-د ثْمذِّيثْ.
ACT 4:4 أَطَّاسْ زڭْ إِنِّي إِسْڒِينْ أَوَاڒْ-أَ ؤُمْننْ ؤُ ڒْقدّْ ن يرْيَازنْ يِيوضْ-د عْڒَاحَاڒْ خمْسَا-أَڒَافْ.
ACT 4:5 ثِيوشَّا نّسْ مُوننْ إِمقّْرَاننْ ذ إِمْغَارنْ [ن ڒْڭنْسْ] ذ إِمْسڒْمَاذنْ ن إِذْلِيسنْ ذِي ؤُرْشَالِيمْ،
ACT 4:6 ؤُڒَا ذ حَانَّانْ، أَرَّايْسْ ن إِكهَّاننْ، ذ قَايَافَا ذ يُوحَانَّا ذ أَلِيكْسَانْذِيرْ ذ [مَارَّا] إِنِّي ثُوغَا د-إِقَّارْصنْ زِي ڒَادْجْ ن إِمقّْرَاننْ ن إِكهَّاننْ.
ACT 4:7 ؤُمِي ثنْ سّْبدّنْ ذِي ڒْوسْطْ، سّقْسَانْ ثنْ: ”س مَانْ جّهْذْ نِيغْ س مَانْ إِسمْ إِ ثڭِّيمْ أَيَا؟“
ACT 4:8 ڒخْذنِّي إِنَّا أَسنْ شِيمْعُونْ بُوطْرُوسْ إِشُّورنْ س أَرُّوحْ إِقدّْسنْ: ”سْڒمْ، [أَ] إِمقّْرَاننْ ن ڒْڭنْسْ ذ إِمْغَارنْ ن ثَادَّارْثْ ن إِسْرَائِيل!
ACT 4:9 مَاڒَا أَسّْ-أَ نتّْوَاحْكمْ زَّايْومْ خْ ڒْخَارْ إِ إِتّْوَاڭّنْ إِ ؤُمهْڒُوشْ، س مِينْ زِي إِذْوڒْ ورْيَازْ-أَ إِڭّنْفَا،
ACT 4:10 إِتّْخصَّا أَذْ ثسّْنمْ كنِّيوْ ذ مَارَّا ڒْڭنْسْ ن إِسْرَائِيل بلِّي أَرْيَازْ وَانِيثَا إِبدّْ زَّاثْومْ إِصحّْ س يِيسمْ ن يَاسُوع لْمَاسِيحْ نَّاصِيرِي، ونِّي ثْصلّْبمْ، [مَاشَا] ونِّي د-إِسّْنكَّارْ أَربِّي زِي ثَادَّارْثْ ن إِمتِّيننْ، [وَاهْ،] أَقَا زَّايسْ إِبدّْ [أَرْيَازْ-أَ] زَّاثْومْ إِصحّْ.
ACT 4:11 ذ وَا ذ أَژْرُو نِّي ثمّنْضَارمْ [كنِّيوْ]، [أَ] إِبنَّاينْ، [مَاشَا] نتَّا أَقَا إِذْوڒْ ذ [أَژْرُو] أَزدْجِيفْ ن ثغْمَارْثْ.
ACT 4:12 أَسنْجمْ وَارْ إِدْجِي س إِجّنْ بْنَاذمْ نّغْنِي، مِينْزِي وَارْ ذِينْ إِسمْ نّغْنِي سَاذُو ؤُجنَّا إِ زِي غَا نتّْوَاسّنْجمْ.“
ACT 4:13 ڒَامِي سْڒِينْ أَوَاڒنْ إِ سِّيوْڒنْ شِيمْعُونْ ذ يُوحَانَّا س بْطَايْطَايْ، ؤُشَا ؤُفِينْ بلِّي نِيثْنِي وَارْ دْجِينْ ذ إِمُوسْنَاونْ ن وذْلِيسْ نِيغْ ذ إِوْذَانْ إِنِّي إِڒمْذنْ أَطَّاسْ، أَقَا ثْبهْثنْ ؤُشَاعقْڒنْ بلِّي نِيثْنِي ثُوغَا أَثنْ أَكْ-ذ يَاسُوع.
ACT 4:14 نِيثْنِي ژْرِينْ بْنَاذمْ إِ ثُوغَا ذ أَنعْضَابْ ؤُشَا إِذْوڒْ إِڭّنْفَا، إِبدّْ أَكِيذْسنْ، ؤُشَا وَارْ ؤُفِينْ مِينْ غَا إِنِينْ خْ مَانْ أَيَا.
ACT 4:15 ؤُ أَوَارْنِي ڒَامِي ؤُمُورنْ مَاحنْذْ أَذْ ثنْ سُّوفّْغنْ بَارَّا إِ جْمَاعثْ نْسنْ [ثَامقّْرَانْثْ]، مْشَاوَارنْ أَكْ-ذ وَايَاوْيَا، [نَّانْ]:
ACT 4:16 ”مِينْ غَا نڭّْ س إِرْيَازنْ-أَ؟ مِينْزِي أَقَا إِبَانْ-د مْلِيحْ إِ مَارَّا إِمزْذَاغْ ن ؤُرْشَالِيمْ بلِّي ڒعْڒَامثْ ثمْسَارْ س ؤُفُوسْ نْسنْ، وَارْ نْزمَّارْ أَذْ ت ننْكَارْ.
ACT 4:17 مَاشَا حِيمَا وَارْ إِتّْوَابَارّحْ ڒخْبَارْ-أَ كْثَارْ جَارْ ويْذُوذْ، أجّْ أَنغْ أَذْ ثنْ نسِّيڭّْوذْ حِيمَا وَارْ سِّيوِيڒنْعمَّارْصْ عَاوذْ ذڭْ يِيسمْ-أَ، ؤُڒَا أَكْ-ذ إِجّْ ن بْنَاذمْ.“
ACT 4:18 [خَاسْ ؤُشَا] ڒَاغَانْ-د خَاسنْ، ؤُمُورنْ ثنْ مَاحنْذْ وَارْ سِّيوِيڒنْ وَارْ سّڒْمِيذنْعمَّارْصْ عَاذْ ذڭْ يِيسمْ ن يَاسُوع.
ACT 4:19 مَاشَا شِيمْعُونْ بُوطْرُوسْ ذ يُوحَانَّا أَرِّينْ-د خَاسنْ، نَّانْ أَسنْ: ”حكْممْ كنِّيوْ، مَا إِحِيقّْ زَّاثْ إِ أَربِّي مَاحنْذْ أَذْ نْسڒْ كْثَارْ إِ كنِّيوْ خْ أَربِّي،
ACT 4:20 مِينْزِي وَارْ نْزمَّارْ أَذْ نقِّيمْ وَارْ نسِّيوِيڒْ خْ مِينْ نژْرَا ؤُ خْ مِينْ نسْڒَا.“
ACT 4:21 مَاشَا نِيثْنِي سِّيڭّْوذنْ ثنْ [عَاذْ كْثَارْ]، خنِّي جِّينْ ثنْ أَذْ رَاحنْ، أَڒَامِي وَارْ ؤُفِينْ مِينْ زِي ثنْ إِ غَا عَاقْبنْ زِي سِّيبّثْ ن إِوْذَانْ، مِينْزِي مَارَّا [إِوْذَانْ] ثُوغَا سّمْغَارَانْ ذِي أَربِّي خْ مِينْ إِمْسَارنْ،
ACT 4:22 مِينْزِي أَرْيَازْ إِ ذَايسْ إِتّْوَاڭّْ ڒعْڒَامثْ-أَ ن ؤُڭنْفِي، ثُوغَا غَارسْ كْثَارْ زِي أَربْعِينْ ن إِسڭّْوُوسَا.
ACT 4:23 أَوَارْنِي ڒَامِي ذ أَسنْ أَرْخُونْ، رُوحنْ نِيثْنِي غَارْ أَيْثْمَاثْسنْ ؤُشَا خبَّارنْ ثنْ س مَارَّا مِينْ ذ أَسنْ نَّانْ إِمقّْرَاننْ ن إِكهَّاننْ ذ إِمْغَارنْ [ن ڒْڭنْسْ].
ACT 4:24 ؤُمِي سْڒِينْ أَيَا، سّْڭعّْذنْ ثْمِيجَّا نْسنْ غَارْ أَربِّي س ذْمَامْ ذ إِجّنْ، نَّانْ: ”[أَ] سِيذِي، شكْ ذ أَربِّي ونِّي إِڭِّينْ أَجنَّا ذ ثمُّورْثْ ذ ڒبْحُورْ ذ مَارَّا مِينْ ذَايسْ،
ACT 4:25 شكْ ذ ونِّي إِنَّانْ س أَرُّوحْ إِقدّْسنْ س ؤُقمُّومْ ن ؤُمْسخَّارْ نّشْ ذَاوُوذْ: ’مَايمِّيغوّْغنْ ڒڭْنُوسْ ؤُ مَايمِّي خَارّْصنْ ڒڭْنُوسْ ذِي مِينْ إِخْوَانْ؟
ACT 4:26 أَقَا كَّارنْ إِجدْجِيذنْ ن دُّونشْثْ، ؤُشَا إِنِّي غَارْسنْ ثدْجَا صُّولْطَا مْشَاوَارنْ ضِيدّْ ن سِيذِي ؤُ ضِيدّْ ن لْمَاسِيحْ نّسْ.‘
ACT 4:27 مِينْزِي س ثِيذتّْ أَقَا هِيرُوذُوسْ ذ بُونْطِييُوسْ بِيلَاطُوسْ ذ ڒڭْنُوسْ ذ إِبَارُّوثنْ ن إِسْرَائِيل مُوننْ خْ مِّيشْ نّشْ أَمْقدَّاسْ يَاسُوع، ونِّي ؤُمِي ثْمسْحذْ،
ACT 4:28 حِيمَا أَذْ ڭّنْ مَارَّا مِينْ ثُوغَا إِزْوَارْ إِنيّشْ ؤُفُوسْ نّشْ ذ شّْوَارْ نّشْ أَذْ يِيڒِي.
ACT 4:29 عَاذْ ڒخُّو، أَ سِيذِي، خْزَارْ غَارْ ؤُسِيڭّْوذْ نْسنْ ؤُشَا أوْشْ إِ إِمْسخَّارنْ نّشْ حِيمَا أَذْ سِّيوْڒنْ س وَاوَاڒْ نّشْ س ثَارْيَاسْثْ،
ACT 4:30 أَمْ ثسّْوِيژّْضذْ أَفُوسْ نّشْ إِ ؤُسْڭنْفِي ؤُ حِيمَا أَذْ [ذِينْ] إِڒِينْثْ ثِيمڭَّا جهْذنْثْ ذ ڒعْڒَامَاثْ ذ ڒعْجَايبْ ذڭْ يِيسمْ ن مِّيشْ نّشْ أَمْقدَّاسْ: يَاسُوع.“
ACT 4:31 أَوَارْنِي ڒَامِي كمّْڒنْ ثَاژَادْجِيثْ ذ ثْكسِّيثْ س ڒْمعْرُوفْ، إِنْهزّْ ومْشَانْ إِ ذِي ثُوغَا مُوننْ، ؤُ مَارَّا ذوْڒنْ شُّورنْ س أَرُّوحْ إِقدّْسنْ، سَّاوَاڒنْ س وَاوَاڒْ ن أَربِّي س ثرْيَاسْثْ.
ACT 4:32 ؤُشَا ڒْغَاشِي ن يِينِّي يُومْننْ ثُوغَا س ڒعْمَارْ ذ ؤُخَارّصْ ذ إِجّنْ ؤُشَا ؤُڒَا ذ إِجّْ وَارْ إِقَّارْ بلِّي مِينْ ثُوغَا غَارسْ أَقَا إِ نتَّا وحّْذسْ، مَاشَا نِيثْنِي شَارْشنْ ذِي كُوڒْشِي جَارْ أَسنْ.
ACT 4:33 ثُوغَا رُّوسُولْ نِّي شهّْذنْ س يِيجّْ ن جّهْذْ إِمْغَارْ خْ ثْنُوكْرَا ن يَاسُوع لْمَاسِيحْ ؤُشَا يِيوضْ-د أَرْضَا إِمْغَارْ خْ مَارَّا نِيثْنِي.
ACT 4:34 وَارْ ثُوغِي جَارْ أَسنْ ؤُڒَا ذ إِجّْ ذَايسْ ڒخْصصْ، مِينْزِي مَارَّا إِنِّي غَارْ إِدْجَا إِيَّارنْ نِيغْ ثُوذْرِينْ زّْنُوزَانْ ثنْ، ؤُشَا تَّاوْينْ-د تَّامَانْ ن مِينْ زّْنُوزَانْ،
ACT 4:35 سّْرُوسَانْ ث غَارْ إِضَارنْ ن رُّوسُولْ. نِيثْنِي بْضَانْ [زَّايسْ] إِ كُوڒْ إِجّْ عْلَاحْسَابْ مِينْ ثُوغَا إِحْوَاجْ.
ACT 4:36 يُوسُوفْ ونِّي ؤُمِي ڒَاغَانْ رُّوسُولْ بَارْ-نَابَا[س]، مِينْ إِخْسْ أَذْ يِينِي ’مِّيسْ ن ؤُفوّجْ‘، نتَّا [زِي ثقْبِيتْشْ] ن لَاوِي، يُوسَا-د زِي ثڭْزِيرْثْ ن قُوبْرُوسْ،
ACT 4:37 ثُوغَا غَارسْ إِجّْ ن إِيَّارْ، إِزّنْزْ إِ-ث ؤُشَا يِيوِي-د ثْمنْيَاثْ، إِسَّارْسْ إِ-ثنْثْ غَارْ إِضَارنْ ن رُّوسُولْ.
ACT 5:1 إِجّْ ن ورْيَازْ قَّارنْ أَسْ أَنَانِييَاسْ، أَكْ-ذ ثمْغَارْثْ نّسْ، قَّارنْ أَسْ سَافِّيرَا، إِزّنْزْ إِيَّارْ نّسْ.
ACT 5:2 نتَّا إِكْسِي إِجّْ ن وزْينْ ن ثْمنْيَاثْ ن تَّامَانْ [ن ييَّارْ]، أَمْ ثسّنْ ثمْغَارْثْ نّسْ [مَانْ أَيَا]، ؤُشَا إِسّْنُوفَارْ إِ-ث. [خَاسْ ؤُشَا] يِيوِي-د شَا ن ثْمنْيَاثْ ن نُّوقَارْثْ زَّايسْ، إِسَّارْسْ إِ-ت غَارْ إِضَارنْ ن رُّوسُولْ.
ACT 5:3 إِنَّا أَسْ شِيمْعُونْ: ”[أَ] أَنَانِييَاسْ، مَايمِّي إِشُّورْ شِّيطَانْ ؤُڒْ نّشْ حِيمَا أَذْ ثسّْخَارْقذْ خْ أَرُّوحْ إِقدّْسنْ ؤُ حِيمَا أَذْ ثْنُوفَّارذْ شَا ن ثْمنْيَاثْ ذڭْ إِيَّارْ؟
ACT 5:4 مَا وَارْ إِدْجِي [يِييَّارْ] نّشْ قْبڒْ إِتّْوَامّنْزْ؟ ؤُ ڒَامِي إِتّْوَامّنْزْ، ثُوغَا صُّولْطَا خْ تَّامَانْ نّسْ [عَاذْ] ذڭْ ؤُفُوسْ نّشْ! مِينْ شكْ إِذعْونْ ثتّڭّذْ مَانْ أَيَا ذڭْ وُوڒْ نّشْ؟ أَقَا شكْ وَارْ ثسّْخَارْقذْ شَا خْ إِوْذَانْ مَاشَا خْ أَربِّي.“
ACT 5:5 ؤُمِي إِسْڒَا أَنَانِييَاسْ أَوَاڒنْ-أَ، إِوْضَا غَارْ ثمُّورْثْ، إِمُّوثْ، ؤُشَا ثذْوڒْ ثِيڭّْوُوذِي ثمْغَارْ خْ مَارَّا إِنِّي إِسْڒِينْ أَيَا.
ACT 5:6 كَّارنْ إِبْڒِيغنْ، شفْننْ ث، أَرْبُونْ [ث] غَارْ بَارَّا، نضْڒنْ ث.
ACT 5:7 أَوَارْنِي ڒَامِي عْذُونْثْ عْڒَاحَاڒْ ثْڒَاثَا ن ثْسَاعّثِينْ، ثُوذفْ-د ثمْغَارْثْ نّسْ، وَارْ ثسِّينْ مِينْ إِمْسَارنْ.
ACT 5:8 إِنَّا أَسْ شِيمْعُونْ: ”إِنِي أَيِي، مَا أَقَا ثزّنْزمْ إِيَّارْ س وَانشْثْ ؤُيَا؟“ ثنَّا أَسْ: ”وَاهْ، س وَانشْثْ ؤُيَا!“
ACT 5:9 إِنَّا أَسْ شِيمْعُونْ: ”مِينْ كنِّيوْ إِذعْونْ ثتَّافْقمْ جَارْ أَومْ مَاحنْذْ أَذْ ثْجَارّْبمْ أَرُّوحْ ن سِيذِي؟ خْزَارْ، إِضَارنْ ن يِينِّي إِنضْڒنْ أَرْيَازْ نّمْ، أَقَا أَثنْ غَارْ ثوَّارْثْ، أَذْ شمْ كْسِينْ بَارَّا عَاوذْ.“
ACT 5:10 ڒخْذنِّي ثوْضَا غَارْ إِضَارنْ نّسْ ؤُشَا ثمُّوثْ. ؤُذْفنْ-د إِبْڒِيغنْ نِّي، ؤُفِينْ ت ثمُّوثْ، كْسِينْ ت، أَرْبُونْ ت غَارْ بَارَّا ؤُشَا نضْڒنْ ت زَّاثْ إِ ورْيَازْ نّسْ،
ACT 5:11 ؤُشَا ثذْوڒْ ثِيڭّْوُوذِي ثمْغَارْ غَارْ مَارَّا ثَامسْمُونْثْ ؤُ غَارْ مَارَّا إِنِّي إِسْڒِينْ مَانْ أَيَا.
ACT 5:12 مْسَارنْثْ وَاطَّاسْ ن ڒعْڒَامَاثْ ذ ڒعْجَايبْ جَارْ إِوْذَانْ س إِفَاسّنْ ن رُّوسُولْ ؤُشَا مَارَّا نِيثْنِي ثُوغَا مُوننْ س وُوڒْ ذ إِجّنْ ذڭْ ؤُسقِّيفْ أَكْ-ذ ؤُكُولْوَارْ ذ إِپِيلَارنْ ن سُولِيمَانْ.
ACT 5:13 مَاشَا زڭْ إِوْذَانْ إِنّغْنِي وَارْ إِزْعِيمْ حذْ أَذْ كِيسنْ إِڭّْ أَزدْجِيفْ، مَاشَا ڒْڭنْسْ إِوقَّارْ ثنْ أَطَّاسْ.
ACT 5:14 مَّارنْينْ-د كْثَارْ عَاذْ غَارْ يِينِّي يُومْننْ ذِي سِيذِي، إِبَارُّوثنْ ن يرْيَازنْ ذ ثمْغَارِينْ،
ACT 5:15 أَڒَامِي ثُوغَا كسِّينْ إِمهْڒَاشْ بَارَّا غَارْ زّْنَاقِي، سّْرُوسَانْ ثنْ خْ ثَاسُّوثْ حِيمَا، خْمِي د غَا يَاسْ شِيمْعُونْ، بَالَاكْ أَذْ ثكّْ مْغِيرْ ثِيڒِي نّسْ خَاسنْ.
ACT 5:16 ؤُسِينْ-د ؤُڒَا ذ أَطَّاسْ زِي ثْندَّامْ نّغْنِي إِ ذ أَسْ د-إِنّْضنْ إِ ؤُرْشَالِيمْ، إِوْينْ-د إِمهْڒَاشْ نْسنْ ذ يِينِّي ذَايْسنْ ڒَارْيَاحْ إِمنْڭَاسْ، ؤُشَا مَارَّا ڭّنْفَانْ.
ACT 5:17 أَرَّايْسْ ن إِكهَّاننْ ذ مَارَّا إِنِّي إِدْجَانْ أَكِيذسْ، إِنِّي إِدْجَانْ زِي ثبْرِيذْثْ ن إِصَاذُوقِييّنْ، ذوْڒنْ شُّورنْ س ڒحْسذْ.
ACT 5:18 نِيثْنِي سَّارْسنْ إِفَاسّنْ خْ رُّوسُولْ، طّْفنْ ثنْ ؤُشَا أَرِّينْ ثنْ ذِي ڒقْيُوذْ ذِي ڒحْبسْ.
ACT 5:19 مَاشَا لْمَالَاكْ ن سِيذِي يَارْزمْ ثِيوُّورَا ن ڒحْبسْ س دْجِيڒثْ، إِسُّوفّغْ إِ-ثنْ غَارْ بَارَّا، إِنَّا أَسنْ:
ACT 5:20 ”رُوحمْ، خنِّي ثْبدّمْ ذِي زَّاوشْثْ ثَامقّْرَانْثْ، سِيوْڒمْ إِ ڒْڭنْسْ س مَارَّا أَوَاڒنْ-أَ ن ثُوذَارْثْ!“
ACT 5:21 فّْغنْ-د نِيثْنِي غَارْ ونْقَارْ ن ثْفُوشْثْ، ؤُذْفنْ غَارْ زَّاوشْثْ ثَامقّْرَانْثْ، بْذَانْ سّڒْمَاذنْ. مَاشَا إِكَّارْ-د أَرَّايْسْ ن إِكهَّاننْ ذ يِينِّي أَكِيذسْ إِدْجَانْ، ؤُشَا ڒَاغَانْ خْ يِينِّي إِبدّنْ أَكِيذْسنْ ؤُ خْ إِمْغَارنْ ن أَيْثْ ن إِسْرَائِيل، ؤُشَا سّكّنْ [إِمْسخَّارنْ نْسنْ] غَارْ ڒحْبسْ حِيمَا أَذْ ثنْ د-أَوْينْ.
ACT 5:22 ؤُمِي د-فّْغنْ إِنِّي [زَّايْسنْ] د-إِتّْوَاسّكّنْ [ذِينِّي]، وَارْ ثنْ ؤُفِينْ شَا ذِي ڒحْبسْ، ؤُشَاعقْبنْ، نَّانْ:
ACT 5:23 ”أَقَا نُوفَا ڒحْبسْ إِبلّعْ مْلِيحْ ؤُ إِعسَّاسنْ بدّنْ بَارَّا غَارْ ثوُّورَا، [مَاشَا] ؤُمِي نَارْزمْ ثَاوَّارْثْ، وَارْ ذِينْ نُوفِي حذْ ذَاخڒْ.“
ACT 5:24 ڒَامِي سْڒِينْ إِمقّْرَاننْ ن إِكهَّاننْ ذ إِمقّْرَاننْ ن زَّاوشْثْ ثَامقّْرَانْثْ أَوَاڒنْ-أَ، ثْبهْثنْ أَطَّاسْ، إِودَّارْ أَسنْ مِينْ غَا ڭّنْ.
ACT 5:25 ؤُشَا يُوسَا-د إِجّْ ن ورْيَازْ إِخبَّارْ إِ-ثنْ، [إِقَّارْ]: ”خْزَارْ، إِرْيَازنْ نِّي ثڭِّيمْ ذِي ڒحْبسْ، أَقَا بدّنْ ذِي زَّاوشْثْ ثَامقّْرَانْثْ، سّڒْمَاذنْ إِوْذَانْ!“
ACT 5:26 ڒخْذنِّي رُوحنْ [ذِينْ] ڒْقُويَاذْ أَكْ-ذ إِعسَّاسنْ، إِوْينْ ثنْ-د، وَارْ ث ڭِّينْ س ؤُغِيڒْ مِينْزِي ثُوغَا ڭّْوذنْ أَقَا ڒْڭنْسْ أَذْ ثنْ إِحجَّارْ.
ACT 5:27 ؤُمِي ثنْ د-إِوْينْ، سّْبدّنْ ثنْ زَّاثْ إِ مَارَّا جْمَاعثْ [ثَامقّْرَانْثْ]. إِسّقْسَا ثنْ أَرَّايْسْ ن إِكهَّاننْ، إِقَّارْ:
ACT 5:28 ”مَا وَارْ كنِّيوْ نُومُورْ س جّهْذْ مَاحنْذْ وَارْ ثسّْغَارَامْ ؤُڒَا ذ إِجّنْ س يِيسمْ-أَ؟ ؤُ خْزَارْ، أَقَا كنِّيوْ ثشُّورمْ ؤُرْشَالِيمْ س ثْغُورِي نْومْ، كنِّيوْ ثخْسمْ أَذْ خَانغْ ثَارّمْ إِذَامّنْ ن بْنَاذمْ-أَ!“
ACT 5:29 شِيمْعُونْ ذ رُّوسُولْ أَرِّينْ-د، نَّانْ: ”إِتّْخصَّا أَنغْ أَذْ نتَّاعْ أَربِّي كْثَارْ زڭْ إِوْذَانْ.
ACT 5:30 أَربِّي ن ڒجْذُوذْ نّغْ إِسّْنكَّارْ-د يَاسُوع ونِّي ثنْغِيمْ كنِّيوْ، ثُويْڒمْ ث خْ ثفْڒَاوْثْ.
ACT 5:31 أَربِّي إِڭَّا إِ-ث ذ أَزدْجِيفْ ذ ونِّي إِتِّيشنْ ثُوذَارْثْ، ؤُشَا إِسّْڭعّذْ إِ-ث غَارْ ؤُفُوسْ نّسْ ؤُفُوسِي مَاحنْذْ أَذْ إِوْشْ تُّوبثْ ذ وغْفَارْ ن دّْنُوبْ إِ إِسْرَائِيل.
ACT 5:32 نشِّينْ ذ ڒشْهُوذْ خْ مَانْ أَيَا ؤُشَا ؤُڒَا ذ أَرُّوحْ إِقدّْسنْ، إِ يوْشَا أَربِّي إِ يِينِّي ذَايسْ يُومْننْ.“
ACT 5:33 ڒَامِي سْڒِينْ أَيَا، هَاجنْ أَطَّاسْ ؤُشَا تّمْشَاوَارنْ حِيمَا أَذْ ثنْ نْغنْ.
ACT 5:34 مَاشَا إِكَّارْ إِجّنْ زڭْ إِفَارِيسِييّنْ، قَّارنْ أَسْ ڭَامَالِييَالْ. نتَّا ذ أَمْسڒْمَاذْ ن شَّارِيعَا ؤُ مَارَّا ڒْڭنْسْ إِتّْوقَّارْ إِ-ث. يُومُورْ نتَّا حِيمَا أَذْ نذْهنْ رُّوسُولْ غَارْ بَارَّا إِ شْوَايْثْ ن ڒْوقْثْ.
ACT 5:35 إِنَّا أَسنْ: ”[أَ] إِرْيَازنْ، أَيْثْ ن إِسْرَائِيل، حْضَامْ إِخفْ نْومْ، خْزَارمْ مْلِيحْ أَقَا [مَارَّا] مِينْ غَا ثڭّمْ س إِوْذَانْ-أَ أَذْ يِيڒِي س ڒْحقّْ.
ACT 5:36 مِينْزِي قْبڒْ ڒْوقْثْ-أَ ثُوغَا إِكَّارْ ثُودَّاسْ، إِنَّا أَقَا نتَّا ذ شَا، ڒصْقنْ ذَايسْ عْڒَاحَاڒْ شَا ن أَربْعَا-مْيَا ن يرْيَازنْ. أَقَا نْغِينْ ث ؤُ مَارَّا إِنِّي ثُوغَا ث إِضفَّارنْ، ذوْڒنْ تّْوَازُوزَّارنْ، إِكمّڒْ أَرَّايْ نْسنْ.
ACT 5:37 أَوَارْنِي مَانْ أَيَا إِكَّارْ يَاهُوذَا أَجَالِيلِي ذڭْ وُوسَّانْ ن ؤُزمّمْ إِ ؤُخدْجصْ ن ضَّارِيبَا إِ كُوڒْ ؤُزدْجِيفْ [إِ زَّاوشْثْ ثَامقّْرَانْثْ]، ؤُشَا إِسّغْوَا أَطَّاسْ [ن إِوْذَانْ] ذِي ڒْڭنْسْ أَوَارْنِي أَسْ. ؤُشَا نتَّا إِمُّوثْ ؤُشَا مَارَّا إِنِّي إِ-ث-إِ-د-إِضْفَارنْ، ذوْڒنْ تّْوَازدْجْعنْ.
ACT 5:38 ڒخُّو أَذْ أَومْ إِنِيغْ: ”سْبعّْذمْ إِخفْ نْومْ خْ إِوْذَانْ-أَ، جّمْ ثنْ أَذْ رَاحنْ، مِينْزِي مَاڒَا أَخَارّصْ-أَ نِيغْ ڒْخذْمثْ-أَ زڭْ إِوْذَانْ إِ يدْجَا، خنِّي أَذْ إِقْضَا.
ACT 5:39 مَاشَا مَاڒَا ثُوغَا-ث زِي أَربِّي، وَارْ ثْزمَّارمْ أَذْ ث ثْبطّْڒمْ، حِيمَا أَذْ ثَاغْ كنِّيوْ وَارْ ثتّْوِيفِيمْ ذ إِنِّي إِتّْمنْغَانْ أَكْ-ذ أَربِّي.“
ACT 5:40 ڭِّينْ أَذْ تّْوَاسّْقنْعنْ زَّايسْ ؤُشَا أَوَارْنِي ڒَامِي ذ ڒَاغَانْ خْ رُّوسُولْ، جِّينْ أَذْ ثنْ هتّْكنْ س ؤُركُّوضْ،عڒْمنْ أَسنْ حِيمَا وَارْ سِّيوِيڒنْ عَاذْ س يِيسمْ ن يَاسُوع، خنِّي أَرْخُونْ أَسنْ.
ACT 5:41 نِيثْنِي رُوحنْ زَّايْسنْ، فَارْحنْ ڒَامِي [ؤُفِينْ بلِّي نِيثْنِي] تّْوَاحسْبنْ أَذْ سْذَاهدْجنْ أَبهْذڒْ ذِي طّْوعْ ن يِيسمْ [نّسْ].
ACT 5:42 وَارْ سّْبدّنْ شَا زڭْ ؤُسڒْمَاذْ ذِي مْكُوڒْ أَسّْ ذِي زَّاوشْثْ ثَامقّْرَانْثْ ؤُ ذِي ثُوذْرِينْ ؤُ زڭْ ؤُبَارّحْ س سِيذِيثْنغْ يَاسُوع لْمَاسِيحْ.
ACT 6:1 ذڭْ وُوسَّانْ نِّي، ڒَامِي ثُوغَا كْثَارنْ إِمحْضَارنْ أَطَّاسْ، أَقَا إِمحْضَارنْ إِنِّي غَارْسنْ إِڒسْ ن إِيُونَانِييّنْعكْسنْ إِنِّي غَارْسنْ إِڒسْ ن ثْعِيبْرَانِيثْ مِينْزِي ثِيجَّاڒْ نْسنْ فَارّْضنْ ذَايْسنْثْ ذِي ثْسخَّارْثْ [ن زَّاذْ] ن كُوڒْ أَسّْ.
ACT 6:2 [س ؤُيَا] ڒَاغَانْ ثنْعَاشْ ن رُّوسُولْ خْ مَارَّا أَڭْرَاوْ ن إِمحْضَارنْ مَاحنْذْ أَذْ مُوننْ، نَّانْ أَسنْ: ”وَارْ إِعدّڒْ أَذْ نْسخَّارْ طّْوَابڒْ [إِ مَاشَّا] أَمْ نتّجَّا ذڭْ وَاوَاڒْ ن أَربِّي.
ACT 6:3 أَرْزُومْ خنِّي، [أَ] أَيْثْمَا، ؤُ خْضَارمْ سبْعَا ن يرْيَازنْ زَّايْومْ إِنِّي غَارْ ثدْجَا شّْهَاذثْ [ثشْنَا]، شُّورنْ س أَرُّوحْ ن سِيذِي ذ ثِيغِيثْ، ؤُشَا نشِّينْ أَذْ ثنْ نْكلّفْ [خنِّي] س ثْمسْڒَاشْثْ-أَ.
ACT 6:4 مَاشَا نشِّينْ أَذْ نصْبَارْ ذِي ثْژَادْجِيثْ ؤُ ذِي ثْسخَّارْثْ ن وَاوَاڒْ.“
ACT 6:5 إِعْجبْ وَاوَاڒْ-أَ إِ مَارَّا ڒْغَاشِي ؤُشَا نِيثْنِي إِخْضَارنْ سْثِيفَانُوسْ، إِجّْ ن ورْيَازْ إِشُّورنْ س لْ-إِيمَانْ ذ أَرُّوحْ إِقدّْسنْ، [خنِّي] فِيلِيبُّوسْ ذ بْرُوخُورُوسْ ذ نِيكَانُورْ ذ ثِيمُونْ ذ بَارْمِينَاسْ ذ نِيكُولَاسْ، إِجّْ ن ؤُمْعَاشَارْ ن دِّينْ ن وُوذَاينْ زِي أَنْثِييُوخِييَا.
ACT 6:6 سّْبدّنْ ثنْ قِيبَاتْشْ إِ رُّوسُولْ ؤُشَا، أَوَارْنِي ڒَامِي ژُّودْجنْ، سَّارْسنْ خَاسنْ إِفَاسّنْ نْسنْ.
ACT 6:7 ثُوغَا أَوَاڒْ ن أَربِّي إِڭَّامْ ؤُ ڒْقدّْ ن إِمحْضَارنْ ذِي ؤُرْشَالِيمْ ثُوغَا إِمقَّارْ أَطَّاسْ. إِجّْ ن ؤُبَارُّو ذ أَمقّْرَانْ ن وُوذَاينْ إِطَاعْ إِ لْ-إِيمَانْ.
ACT 6:8 سْثِيفَانُوسْ، إِشُّورْ س أَرْضَا ذ جّهْذْ، ثُوغَا إِتّڭّْ ڒعْڒَامَاثْ ذ ڒعْجَايبْ مْغَارنْثْ جَارْ ڒْڭنْسْ.
ACT 6:9 كَّارنْ يرْيَازنْ زِي ثمْزِيذَا ؤُمِي قَّارنْ ’أَلِيبرْثِينُو‘، [إِرْيَازنْ زِي] قَايْرَاوَانْ ذ إِسْكَانْذَارِييَّا، ؤُڒَا زِي كِيلِيكِييَا ذ أَسِييَا، ؤُشَا نِيثْنِي ثُوغَا تّْقَاشَاحنْ سْثِيفَانُوسْ.
ACT 6:10 [مَاشَا] وَارْ زمَّارنْ أَذْعكْسنْ ثِيغِيثْ ذ أَرُّوحْ إِ زَّايسْ ثُوغَا إِسَّاوَاڒْ.
ACT 6:11 ڒخْذنِّي سّكّنْ إِرْيَازنْ، عَارّْننْ ثنْ مَاحنْذْ أَذْ إِنِينْ: ”أَقَا نسْڒَا أَسنْ سَّاوَاڒنْ س وَاوَاڒنْ إِشقّْفنْ ذِي مُوسَا ؤُ ذِي أَربِّي!“
ACT 6:12 أَقَا سّْغوّْغنْ ڒْڭنْسْ ذ إِمْغَارنْ [ن ڒْڭنْسْ] ذ إِمْسڒْمَاذنْ ن إِذْلِيسنْ ؤُشَا ؤُمِي خَاسْ د-دُّوقّْزنْ، طّْفنْ ث، نذْهنْ ث غَارْ جْمَاعثْ [ثَامقّْرَانْثْ].
ACT 6:13 ڭِّينْ ڒشْهُوذْ إِسّْخَارِّيقنْ، إِنِّي إِنَّانْ: ”بْنَاذمْ-أَ وَارْ إِسّْبذِّي أَذْ إِشقّفْ ذِي شَّارِيعَا ؤُ ذڭْ ومْشَانْ-أَ إِقدّْسنْ،
ACT 6:14 مِينْزِي نسْڒَا أَسْ إِقَّارْ بلِّي يَاسُوع نَّاصِيرِي وَانِيثَا أَذْ يَاردّدْجْ أَمْشَانْ-أَ، أَذْ إِبدّڒْ طّْبَايعْ إِ ذ أَنغْ إِوْشَا مُوسَا.“
ACT 6:15 مَارَّا إِنِّي ثُوغَا غَارْ إِدْجَا ڒْكُورْسِي ذِي جْمَاعثْ [ثَامقّْرَانْثْ]، حكَّارنْ ذَايسْ ؤُ ژْرِينْ أَغمْبُوبْ نّسْ أَمْ ؤُغمْبُوبْ ن إِجّْ ن لْمَالَاكْ.
ACT 7:1 أَرَّايْسْ ن إِكهَّاننْ إِنَّا: ”مَا مَانْ أَيَا ذ ثِيذتّْ؟“
ACT 7:2 [خنِّي] إِنَّا [سْثِيفَانُوسْ]: ”أَ كنِّيوْ، [أَ] إِرْيَازنْ، أَيْثْمَاثْنغْ ذ إِبَابَاثنْ نّغْ، سْڒمْ! أَربِّي ن ؤُعُودْجِي إِضْهَارْ إِ جذِّيثْنغْ إِبْرَاهِيمْ أَمْ ثُوغَا عَاذْ ذِي مِيسُوپُوثَامْيَا، [ثنِّي ذ ثَامُّورْثْ جَارْ ثْنَاينْ ن إِغزْرَانْ]، قْبڒْ مَا أَذْ إِزْذغْ ذِي حَارَانْ.
ACT 7:3 نتَّا إِنَّا أَسْ: ’فّغْ زِي ثمُّورْثْ نّشْ ؤُ زِي ڒَادْجْ نّشْ، رُوحْ غَارْ ثمُّورْثْ ثنِّي إِ ذ أَشْ غَا سّشْنغْ.‘
ACT 7:4 ڒخْذنِّي إِفّغْ إِبْرَاهِيمْ زِي ثمُّورْثْ ن إِكَالْذَانِييّنْ ؤُشَا إِزْذغْ ذِي هَارَانْ. أَوَارْنِي ڒَامِي إِمُّوثْ بَابَاسْ، إِسّْمُوطِّييْ إِ-ث-إِ-د أَربِّي غَارْ ثمُّورْثْ-أَ إِ ذِي ثْزدّْغمْ أَسّْ-أَ.
ACT 7:5 نتَّا وَارْ ذ أَسْ إِوْشِي شَا ذَايسْ ڒْوَارْثْ ؤُڒَا ذ إِجّْ ن ؤُصُورِيفْ ن ؤُضَارْ، [مَاشَا] إِوَاعْذْ أَذْ أَسْ ت إِوْشْ ذ ڒْوَارْثْ، إِ نتَّا ؤُ إِ زَّارِيعثْ نّسْ أَوَارْنِي أَسْ، أَمْ وَارْ ثُوغِي غَارسْ عَاذْ مِّيسْ.
ACT 7:6 إِسِّيوڒْ أَربِّي أَكِيذسْ، إِنَّا أَسْ: ’أَذْ ثِيڒِي زَّارِيعثْ نّشْ ذ أَمْعزّبْ ذڭْ إِشْثْ ن ثمُّورْثْ ثغْرِيبْثْ، ؤُشَا نِيثْنِي أَذْ ثنْ أَرّنْ ذ إِسمْغَانْ، أَذْ ذَايْسنْغزَّانْ أَربْعَا-مْيَا ن إِسڭّْوُوسَا.
ACT 7:7 ؤُشَا ڒْڭنْسْ إِ ذ أَسْ غَاعبْذنْ أَمْ يِيسمْغَانْ، أَذْ ث حَاسْبغْ.‘ ؤُشَا يَارْنِي أَربِّي ذڭْ وَاوَاڒْ نّسْ، إِنَّا: ’أَوَارْنِي مَانْ أَيَا أَذْ فّْغنْ، أَذْ أَيِيعبْذنْ ذڭْ ومْشَانْ-أَ‘.
ACT 7:8 نتَّا إِوْشَا أَسْ ڒْعَاهْذْ ن وخْثَانْ. خَاسْ ؤُشَا إِجَّا-د إِسْحَاقْ ؤُشَا إِخْثنْ إِ-ث ذڭْ وَاسّْ وِيسّْ ثْمنْيَا ؤُشَا إِسْحَاقْ إِجَّا-د يَاعْقُوبْ، يَاعْقُوبْ إِجَّا-د ثنْعَاشْ ن ڒجْذُوذْ [إِمزْوُورَا].
ACT 7:9 ڒجْذُوذْ [إِمزْوُورَا] غَارّنْ زِي يُوسُوفْ ؤُشَا زّنْزنْ ث غَارْ مِيصْرَا. [مَاشَا] أَربِّي ثُوغَا-ث أَكِيذسْ،
ACT 7:10 إِسّنْجمْ إِ-ث زِي مَارَّا ڒمْحَايمْ نّسْ. نتَّا إِوْشَا أَسْ أَرْضَا ذ ثِيغِيثْ قِيبَاتْشْ إِ فِيرْعُونْ، أَجدْجِيذْ ن مِيصْرَا، ؤُشَا وَانِيثَا إِڭَّا إِ-ث ذ أَزدْجِيفْ خْ مِيصْرَا ؤُ خْ مَارَّا ثَادَّارْثْ نّسْ.
ACT 7:11 [مَاشَا] يُوسَا-د ڒَاژْ ذ إِشْثْ ن ڒْمحْنثْ ثمْغَارْ ذِي مَارَّا ثَامُّورْثْ ن مِيصْرَا ؤُ ذِي ثمُّورْثْ ن كنْعَانْ، وَارْ ثُوغِي إِ ڒجْذُوذْ نّغْ حِيمَا أَذْ جِيوْننْ.
ACT 7:12 مَاشَا ؤُمِي إِسْڒَا يَاعْقُوبْ بلِّي أَقَا ذِينْ [عَاذْ] مِينْ إِقِّيمنْ [ن ڒْحبّْ] ذِي مِيصْرَا، إِسّكّْ ڒجْذُوذْ نّغْ [ذِينِّي] إِ ؤُمُورْ أَمزْوَارُو.
ACT 7:13 ڒَامِي ذِينْ رُوحنْ إِ ؤُمُورْ وِيسّْ ثْنَاينْ إِسّضْهَارْ يُوسُوفْ إِخفْ نّسْ إِ يَايْثْمَاسْ ؤُشَا يَارْڭبْ فِيرْعُونْ خْ ڒَادْجْ ن يُوسُوفْ.
ACT 7:14 إِسّكّْ يُوسُوفْ، يُومُورْ مَاحنْذْ أَذْ د-يَاسْ بَابَاسْ يَاعْقُوبْ ذ مَارَّا ڒَادْجْ نّسْ: خمْسَا ؤُ-سبْعِينْ ن ڒعْمُورْ.
ACT 7:15 إِهْوَا-د يَاعْقُوبْ غَارْ مِيصْرَا، إِمُّوثْ نتَّا ذ ڒجْذُوذْ نّغْ.
ACT 7:16 إِوْينْ ث غَارْ شَاكِيمْ، سَّارْسنْ ث ذڭْ ونْضڒْ نِّي إِسْغَا إِبْرَاهِيمْ س يِيجّْ ن تَّامَانْ ن نُّوقَارْثْ زڭْ أَيْثْ ن حَامُورْ، بَابَاسْ ن شَاكِيمْ.
ACT 7:17 مَاشَا أَڒَامِي د-ثِيوضْ ڒْوقْثْ إِ ثُوغَا إِوَاعْذْ زَّايسْ أَربِّي إِ إِبْرَاهِيمْ س إِشْثْ ن ثْجَادْجِيثْ، ثُوغَا إِڭَامْ ڒْڭنْسْ، إِذْوڒْ إِجْهذْ ذِي مِيصْرَا،
ACT 7:18 أَڒَامِي د-إِكَّارْ إِجّْ ن ؤُجدْجِيذْ نّغْنِي خْ مِيصْرَا إِ ثُوغَا وَارْ إِسِّيننْ يُوسُوفْ.
ACT 7:19 وَانِيثَا ثُوغَا إِتّڭّْ س ڒغْذَارْ أَكْ-ذ جَّاذِيرَا نّغْ ؤُشَا إِغزَّا خْ ڒجْذُوذْ نّغْ. يُومُورْ إِ-ثنْ مَاحنْذْ أَذْ نْضَارنْ إِسيْمَانْ نْسنْ حِيمَا وَارْ تّْغِيمِينْ أَذْ دَّارنْ.
ACT 7:20 ذِي ڒْوقْثْ نِّي إِخْڒقْ-د مُوسَا، يُوسَا أَسْ-د خْ ڒْخَاضَارْ إِ أَربِّي. سّيْمنْ ث ذِي ثَادَّارْثْ ن بَابَاسْ ثْڒَاثَا ن إِيُورنْ.
ACT 7:21 ڒَامِي إِتّْوَامّنْضَارْ زڭْ يمَّاسْ [ذڭْ إِغْزَارْ]، ثُوفَا إِ-ث يدْجِيسْ ن فِيرْعُونْ، ثسّيمْ إِ-ث أَمْ مَامّشْ [إِدْجَا] ذ مِّيسْ ن يِيخفْ نّسْ.
ACT 7:22 إِتّْوَاسّْغَارْ مُوسَا ذِي مَارَّا ثِيغِيثْ ن إِمِيصْرِييّنْ ؤُشَا ثُوغَا إِتّْقدَّا خْ وَاوَاڒْ ؤُ خْ مِينْ ثُوغَا إِتّڭّْ.
ACT 7:23 أَڒَامِي غَارسْ أَربْعِينْ ن إِسڭّْوُوسَا، إِضَارْ-د خَاسْ ذڭْ وُوڒْ نّسْ مَاحنْذْ أَذْ يَارْزفْ أَيْثْمَاسْ، أَيْثْ ن إِسْرَائِيل.
ACT 7:24 ؤُمِي إِژْرَا أَقَا ضدْجنْ إِجّنْ زڭْ أَيْثْمَاسْ زِي ثقْبِيتْشْ نّسْ، إِخْڒفْ زَّايسْ ذِي طّْوعْ نّسْ، إِڭَّا إِخفْ نّسْ ذ ڒْقَاضِي ذِي سِّيبّثْ نّسْ ؤُشَا إِنْغَا أَمِيصْرِي نِّي ث إِضدْجنْ.
ACT 7:25 ثُوغَا إِتّْرَاجَا بلِّي ثَاوْمَاثْ نّسْ، أَيْثْ ن إِسْرَائِيل، أَذْ فهْمنْ أَقَا أَربِّي أَذْ أَسنْ إِسِّيوِيضْ أَسنْجمْ س ؤُفُوسْ نّسْ، مَاشَا نِيثْنِي وَارْ فْهِيمنْ.
ACT 7:26 ذڭْ وَاسّْ أَوَارْنِي أَسْ إِضْهَارْ أَسنْ-د عَاوذْ، ڒَامِي ثُوغَا تّْمنْغَانْ. إِعْڒمْ أَسنْ مَاحنْذْ أَذْ مسّصْڒَاحنْ، إِقَّارْ: ’[أَ] إِرْيَازنْ، كنِّيوْ ذ أَوْمَاثنْ، مَايمِّي ثْعدَّامْ إِجّنْ خْ ونّغْنِي؟‘
ACT 7:27 ونِّي ثُوغَا إِتّْعدَّانْ خْ ؤُمدُّوكّڒْ نّسْ، إِعَارّنْ إِ-ث، إِقَّارْ: ’وِي شكْ إِڭِّينْ خَانغْ ذ أَزدْجِيفْ ذ ڒْقَاضِي؟
ACT 7:28 مَا أَذْ ثَاغْ أَذْ ثخْسذْ أَذْ أَيِي ثنْغذْ أَمْ مَامّشْ ثنْغِيذْ إِضنَّاضْ أَمِيصْرِي؟‘
ACT 7:29 ڒخْذنِّي يَارْوڒْ مُوسَا ذِي سِّيبّثْ ن وَاوَاڒْ-أَ ؤُشَا إِذْوڒْ ذ أَمْعزّبْ ذِي ثمُّورْثْ ن مِيذْيَانْ مَانِي د-يجَّا ثْنَاينْ إِحنْجِيرنْ.
ACT 7:30 أَوَارْنِي ڒَامِي عْذُونْ إِ نتَّا أَربْعِينْ ن إِسڭّْوُوسَا، إِبَانْ أَسْ-د لْمَالَاكْ ن سِيذِي ذِي ڒخْڒَا ن وذْرَارْ ن سِينَا ذِي ثْمسِّي إِتّحْذُوذُوقنْ ذِي شْبَارْقْ أَكْ-ذ إِسنَّاننْ.
ACT 7:31 ؤُمِي إِژْرَا مُوسَا مَانْ أَيَا، إِثبْهثْ س ڒوْحِييْ إِ إِژْرَا، ؤُشَا ؤُمِي د-إِقَارّبْ حِيمَا أَذْ إِژَارْ، إِنَّا أَسْ سِيذِي س إِشْثْ ن ثْمِيجَّا:
ACT 7:32 ’أَقَا ذ نشّْ، أَربِّي ن ڒجْذُوذْ نْومْ، أَربِّي ن إِبْرَاهِيمْ، ن إِسْحَاقْ ؤُ ن يَاعْقُوبْ!‘ إِبْذَا مُوسَا إِتَّارْجِيجِي أَطَّاسْ، وَارْ إِزْعِيمْ أَذْ إِخْزَارْ غَارْ ڒوْحِييْ.
ACT 7:33 إِنَّا أَسْ سِيذِي: ’كّسْ سَانْذَالِييَاثْ نّشْ زڭْ إِضَارنْ نّشْ، مِينْزِي ثَامُّورْثْ مِيخفْ ثْبدّذْ ثْقدّسْ [إِ ثدْجَا].‘
ACT 7:34 أَقَا ژْرِيغْ ڒْمحْنثْ ن ڒْڭنْسْ إِنُو ذِي مِيصْرَا ؤُشَا سْڒِيغْ إِ ؤُزهَّارْ نْسنْ، هْوِيغْ-د حِيمَا أَذْ ثنْ سّْنجْمغْ. ؤُشَا ڒخُّو، أَسْ-د ذَا، أَذْ د شكْ سّكّغْ غَارْ مِيصْرَا.‘
ACT 7:35 مُوسَا وَانِيثَا، ونِّي إِنْضَارنْ نِيثْنِي ؤُمِي نَّانْ: ’وِي شكْ إِڭِّينْ خَانغْ ذ أَزدْجِيفْ ذ ڒْقَاضِي؟‘، وَانِيثَا إِسّكّْ إِ-ث إِ-د أَربِّي غَارْسنْ ذ أَزدْجِيفْ ذ ؤُمْسنْجمْ س ؤُفُوسْ ن لْمَالَاكْ نِّي ذ أَسْ د-إِضْهَارنْ ذِي شْبَارْقْ أَكْ-ذ إِسنَّاننْ.
ACT 7:36 وَانِيثَا إِسُّوفّغْ إِ-ثنْ [زِي مِيصْرَا] أَمْ إِڭَّا ڒعْڒَامَاثْ ذ ڒعْجَايبْ ذ ثْمڭَّا ثِيمقّْرَانِينْ ذِي ثمُّورْثْ ن مِيصْرَا، غَارْ ڒبْحَارْ ن ؤُغَانِيمْ ؤُ ذِي ڒخْڒَا ڒْمِيجَاڒْ ن أَربْعِينْ ن إِسڭّْوُوسَا.
ACT 7:37 وَا ذ مُوسَا ونِّي إِنَّانْ إِ أَيْثْ ن إِسْرَائِيل: ’سِيذِي، أَربِّي نْومْ، أَذْ أَومْ د-إِسّْڭعّذْ إِجّْ ن ؤُنَابِي أَمْ نشّْ زِي ثَاوْمَاثْ نْومْ. إِ نتَّا ؤُمِي إِتّْخصَّا أَذْ ثسْڒَامْ!‘
ACT 7:38 وَانِيثَا ثُوغَا-ث ذِي ثْمسْمُونْثْ ن ڒْڭنْسْ ذِي ڒخْڒَا أَكْ-ذ لْمَالَاكْ ونِّي ثُوغَا أَكِيذسْ إِسَّاوَاڒنْ خْ وذْرَارْ ن سِينَا ؤُڒَا أَكْ-ذ ڒجْذُوذْ نّغْ. أَقَا نتَّا ثُوغَا إِتّطّفْ أَوَاڒنْ ن ثُوذَارْثْ حِيمَا أَذْ أَنغْ ثنْ يوْشْ.
ACT 7:39 [مَاشَا] ڒجْذُوذْ نّغْ وَارْ خْسنْ أَذْ أَسْ مَّارْسنْ إِخفْ نْسنْ، مَاشَا سّْثوّْجنْ ث خَاسنْ ؤُشَاعقْبنْ غَارْ مِيصْرَا ذڭْ وُوڒَاونْ نْسنْ.
ACT 7:40 مَاغَارْ نَّانْ إِ هَارُونْ: ’أڭّْ أَنغْ إِربِّيثنْ إِنِّي ذ أَنغْ إِ غَا إِزْوَارنْ، مِينْزِي مُوسَا وَانِيثَا ونِّي ذ أَنغْ إِڭوّْذنْ زِي ثمُّورْثْ ن مِيصْرَا، وَارْ نسِّينْ مِينْ ذ أَسْ إِمْسَارنْ.‘
ACT 7:41 ڭِّينْ إِجّْ ن ؤُفُونَاسْ ن صَّانَامْ إِ يِيخفْ نْسنْ ذڭْ وُوسَّانْ نِّي، سّْڭعّْذنْ ثِيغَارْصَا إِ لْ-أَصْنَامْ ؤُشَا فَارْحنْ س مِينْ ڭِّينْ إِفَاسّنْ نْسنْ.
ACT 7:42 أَربِّي إِوْشَا [أَسنْ] س وعْرُورْ ؤُشَا يَارَّا إِ-ثنْ أَذْعبْذنْ ڒْعسْكَارَاثْ ن ؤُجنَّا أَمْ مَامّشْ ثُوغَا ثُورَا ذڭْ وذْلِيسْ ن إِنَابِييّنْ: ’مَايمِّي ثِيوْيمْ أَيِي-د زعْمَا إِمُّوذَارنْ ذ ثِيغَارْصَا أَربْعِينْ ن إِسڭّْوُوسَا ذِي ڒخْڒَا، أَ أَيْثْ ن إِسْرَائِيل؟
ACT 7:43 أَقَا ثِيوْيمْ-د ثَازذِّيغْثْ ن مَالْكُومْ، ذ إِثْرِي ن أَربِّي رِيمْفَانْ، ڒخْيَاڒَاثْ إِ ثڭِّيمْ حِيمَا أَذْ ثنْثْ ثْعبْذمْ. نشّْ أَذْ كنِّيوْ سّْبعّْذغْ أَغِيرِينْ قَاعْ إِ بَابِيلْ.‘
ACT 7:44 ثَازذِّيغْثْ ن شّْهَاذثْ ن ڒجْذُوذْ نّغْ ثُوغَا-ت ذِي ڒخْڒَا أَمْ مَامّشْ ثُوغَا يُومُورْ نتَّا ونِّي ثُوغَا إِسَّاوَاڒْ أَكْ-ذ مُوسَا مَاحنْذْ أَذْ ت إِڭّْ خْ ؤُمذْيَا إِ ذ أَسْ إِسّْشنْ.
ACT 7:45 ڒجْذُوذْ نّغْ أَكْ-ذ يَاشُووَا سِّيذْفنْ ثَازذِّيغْثْ-أَ غَارْ ثمُّورْثْ نِّي ذ أَسنْ إِوْشَا أَربِّي ذ ڒْوَارْثْ زِي ڒڭْنُوسْ، [ڒڭْنُوسْ] نِّي إِسُّوفّغْ إِ-ثنْ أَربِّي قِيبَاتْشْ إِ ؤُغمْبُوبْ نْسنْ، ؤُ نِيثْنِي أَرْبُونْ ت أَڒْ وُوسَّانْ ن ذَاوُوذْ.
ACT 7:46 وَانِيثَا يُوفَا أَرْضَا غَارْ أَربِّي ؤُشَا إِتَّارْ [أَسْ] أَذْ يَافْ إِشْثْ ن ثْزذِّيغْثْ إِ أَربِّي ن يَاعْقُوبْ.
ACT 7:47 مَاشَا سُولِيمَانْ إِبْنَا أَسْ ثَادَّارْثْ.
ACT 7:48 مَاشَا أَمْعُودْجِي خْ كُوڒْشِي وَارْ إِزدّغْ ذڭْ [إِشْثْ ن ثْزذِّيغْثْ] إِ إِتّْوَاڭّنْ س إِفَاسّنْ [ن إِوْذَانْ] أَمْ مَامّشْ إِقَّارْ ؤُنَابِي:
ACT 7:49 ’أَجنَّا ذ ڒْعَارْشْ إِنُو ؤُ ثمُّورْثْ ذ ثَانبْذَاثْ سَاذُو إِضَارنْ إِنُو. مَانِي ثَادَّارْثْ إِ ذ أَيِي غَا ثبْنَامْ، إِقَّارْ سِيذِي، نِيغْ مَانِي أَمْشَانْ ن أَرَّاحثْ إِنُو؟
ACT 7:50 مَا وَارْ إِڭِّي ؤُفُوسْ إِنُو مَانْ أَيَا مَارَّا؟‘
ACT 7:51 [أَ كنِّيوْ] إِنِّي إِتّْغنَّانْ ذ يِينِّي وَارْ إِتّْوَاخثْننْ ن وُوڒْ ذ ؤُثسْڒِي، ڒبْذَا ثتّمْعَاڒَامْ خْ أَرُّوحْ إِقدّْسنْ. أَمْ مَامّشْ ڭِّينْ ڒجْذُوذْ نْومْ، أَمُّو إِ ثتّڭّمْ ؤُڒَا ذ كنِّيوْ.
ACT 7:52 مَانْ ونْ زڭْ إِنَابِييّنْ وَارْ ثنْ مَارّْثنْ ؤُ وَارْ ثنْ نْغِينْ ڒجْذُوذْ نْومْ، أَقَا إِنِّي إِزْوَارنْ بَارّْحنْ خْ ثْوَاسِيثْ ن ؤُمْسڭَّاذْ، ونِّي ثْسلّْممْ، ثنْغِيمْ ث كنِّيوْ،
ACT 7:53 كنِّيوْ إِنِّي إِكْسِينْ شَّارِيعَا س ڒُومُورْ ن لْمَالَاكَاثْ مَاشَا وَارْ ذَايسْ ثطِّيفمْ.“
ACT 7:54 ؤُمِي سْڒِينْ أَيَا، دُّوقّْزنْ نِيثْنِي س ؤُخيّقْ،غژّنْ ثِيغْمَاسْ نْسنْ غَارسْ.
ACT 7:55 مَاشَا أَمْ ثُوغَا إِشُّورْ س لْ-إِيمَانْ ذ أَرُّوحْ إِقدّْسنْ، إِكسِّي نتَّا ثِيطَّاوِينْ نّسْ ذڭْ ؤُجنَّا، إِژْرَا أَعُودْجِي ن أَربِّي، ذ يَاسُوع إِبدّْ غَارْ يفُوسْ ن أَربِّي،
ACT 7:56 إِنَّا: ”خْزَارْ، تّْوَاڒِيغْ إِجنْوَانْ أَرْزْمنْ ؤُ مِّيسْ ن بْنَاذمْ إِبدّْ غَارْ يفُوسْ ن أَربِّي.“
ACT 7:57 مَاشَا نِيثْنِي، أَمْ سْغُويُّونْ س إِشْثْ ن ثْمِيجَّا ذ ثَامقّْرَانْثْ، قّْننْ إِمجَّانْ نْسنْ ؤُشَا هجْمنْ خَاسْ مَارَّا.
ACT 7:58 ثْطْفنْ ث، سُّوفّْغنْ ث بَارَّا إِ ثنْذِينْثْ، بْذَانْ تّْحجَّارنْ ث ؤُ ڒشْهُوذْ سَّارْسنْ أَرُّوضْ نْسنْ غَارْ إِضَارنْ ن إِجّْ ن ؤُبْڒِيغْ قَّارنْ أَسْ شَاوُولْ.
ACT 7:59 ثُوغَا تّْحجَّارنْ سْثِيفَانُوسْ أَمْ إِتّْڒَاغَا، إِقَّارْ: ”أَ سِيذِيثْنغْ يَاسُوع، طّفْ أَرُّوحْ إِنُو.“
ACT 7:60 خنِّي إِوْضَا [خْ إِفَادّنْ نّسْ]، إِسْغُويْ س إِشْثْ ن ثْمِيجَّا ثجْهذْ، إِنَّا: ”أَ سِيذِيثْنغْ، وَارْ ذ أَسنْ تّْحَاسَابْ دّْنُوبْ-أَ!“ أَوَارْنِي ڒَامِي إِنَّا أَيَا، إِطّصْ [س يِيضسْ ن ڒْموْثْ].
ACT 8:1 شَاوُولْ يَارْضَا خْ ڒْموْثْ نّسْ ؤُشَا إِشَارْشْ ذڭْ ؤُنقِّي نّسْ. ذڭْ وُوسَّانْ نِّي إِمْسَارْ إِجّْ ن ؤُمَارّثْ إِمْغَارْ خْ ثْمسْمُونْثْ ذِي ؤُرْشَالِيمْ ؤُ مَارَّا تّْوَازُوزَّارنْ غَارْ ذْشُورَاثْ ن يَاهُوذِييَّا ذ سَامَارْيَا، مْغِيرْ رُّوسُولْ لَّا.
ACT 8:2 شَا ن يرْيَازنْ يُومْننْ كْسِينْ ث، أَرْبُونْ سْثِيفَانُوسْ غَارْ ونْضڒْ ؤُشَا ڭِّينْ خَاسْ إِجّْ ن وشْضَانْ أَمقّْرَانْ.
ACT 8:3 مَاشَا شَاوُولْ ثُوغَا إِتّْذَارّشْ ثَامسْمُونْثْ خْمِي إِتَّاذفْ غَارْ ثُوذْرِينْ، إِتّْجَارَّا إِرْيَازنْ ذ ثمْغَارِينْ، إِندّهْ إِ-ثنْ غَارْ ڒحْبسْ.
ACT 8:4 إِنِّي إِتّْوَازُوزَّارنْ ثُوغَا ڭُّورنْ، تّنّْضنْ، تّْبَارّْحنْ س وَاوَاڒْ ن أَربِّي.
ACT 8:5 أَمُو إِهْوَا-د فِيلِيبُّوسْ [عَاوذْ] غَارْ إِشْثْ ن ثنْذِينْثْ ن إِسَامَارِييّنْ، إِبَارّحْ إِ-ثنْ س لْمَاسِيحْ.
ACT 8:6 ؤُمِي سْڒِينْ إِ وَاوَاڒْ نّسْ، تّْوَاسّْقنْعنْ إِوْذَانْ إِ ثُوغَا إِتّسْڒَانْ س مَارَّا مِينْ إِتّْوَانَّانْ زِي فِيلِيبُّوسْ، مَاغَارْ ژْرِينْ ڒعْڒَامَاثْ إِ إِڭَّا.
ACT 8:7 مِينْزِي أَطَّاسْ ن يِينِّي إِتّْوَاطّْفنْ زِي ڒَارْيَاحْ إِمنْڭَاسْ، سْغُويُّونْ س ثْمِيجَّا إِجهْذنْ ؤُشَا فّْغنْ زَّايْسنْ. إِنّغْنِي إِ ثُوغَا ذ إِنعْضَابنْ ذ إِقجْذَاحنْ تّْوَاسّْڭنْفَانْ.
ACT 8:8 ثُوغَا ذِينْ إِشْثْ ن ڒفْرَاحثْ ثمْغَارْ ذِي ثنْذِينْثْ نِّي.
ACT 8:9 ثُوغَا ذِينْ إِجّْ ن ورْيَازْ، قَّارنْ أَسْ شِيمُونْ، ثُوغَا إِزدّغْ ذِي ثنْذِينْثْ نِّي أَطَّاسْ زڭْ وَامِي. نتَّا ثُوغَا إِسّْغكّْوَا ڒْڭنْسْ ن إِسَامَارِييّنْ س ثْسحَّارْثْ نّسْ، إِتّْبَارّنْ خْ يِيخفْ نّسْ، إِنَّا: ”نشّْ، [أَقَا] نشّْ ذ ونِّي إِمْغَارنْ!“
ACT 8:10 مَارَّا سْڒِينْ غَارسْ، أَمْ ؤُمژْيَانْ، أَمْ ؤُمقّْرَانْ، نَّانْ: ”وَانِيثَا ذ جّهْذْ إِمْغَارنْ ن أَربِّي.“
ACT 8:11 إِسّقْنعْ إِ-ثنْ مَارَّا س مِينْزِي ثُوغَا إِسَّارْجفْ إِ-ثنْ س سّْحُورْ نّسْ أَطَّاسْ زڭْ وَامِي.
ACT 8:12 مَاشَا ؤُمِي يُومْننْ ذِي فِيلِيبُّوسْ ونِّي ثُوغَا إِتّْبَارّحْ س ڒخْبَارْ أَصبْحَانْ ن ثْڭلْذِيثْ ن أَربِّي ؤُ س يِيسمْ ن سِيذِيثْنغْ يَاسُوع لْمَاسِيحْ، تّْوَاسّْغضْصنْ نِيثْنِي، أَمْ يرْيَازنْ أَمْ ثمْغَارِينْ.
ACT 8:13 شِيمُونْ س يِيخفْ نّسْ عَاوذْ يُومنْ، إِتّْوَاسّغْضصْ ؤُشَا إِقِّيمْ إِضفَّارْ فِيلِيبُّوسْ. ڒَامِي إِژْرَا لْمُوعْجِيزَاثْ ذ ڒعْڒَامَاثْ إِمْغَارنْ إِ إِمْسَارنْ س ؤُفُوسْ نّسْ، إِثبْهثْ، يَارْجفْ.
ACT 8:14 ؤُمِي سْڒِينْ رُّوسُولْ إِنِّي إِدْجَانْ ذِي ؤُرْشَالِيمْ بلِّي ڒْڭنْسْ ن سَامَارْيَا إِقْبڒْ أَوَاڒْ ن أَربِّي، سّكّنْ غَارْسنْ شِيمْعُونْ بُوطْرُوسْ ذ يُوحَانَّا.
ACT 8:15 نِيثْنِي هْوَانْ-د غَارْسنْ، ژُّودْجنْ أَسنْ حِيمَا أَذْ طّْفنْ أَرُّوحْ إِقدّْسنْ،
ACT 8:16 مِينْزِي وَانِيثَا ثُوغَا عَاذْ وَارْ د-يُوسِي خْ ؤُڒَا ذ إِجّْ زَّايْسنْ، ثُوغَا تّْوَاسّْغضْصنْ وَاهَا س يِيسمْ ن سِيذِي يَاسُوع.
ACT 8:17 خنِّي سَّارْسنْ خَاسنْ إِفَاسّنْ ؤُشَا نِيثْنِي طّْفنْ أَرُّوحْ إِقدّْسنْ.
ACT 8:18 ؤُمِي إِژْرَا شِيمُونْ بلِّي س ؤُسَارْسِي ن إِفَاسّنْ ن رُّوسُولْ إِمّوْشْ أَسنْ أَرُّوحْ إِقدّْسنْ، خنِّي إِخْسْ أَذْ أَسنْ إِوْشْ [ثْمنْيَاثْ ن] نُّوقَارْثْ،
ACT 8:19 إِنَّا: ”أوْشْ أَيِي عَاوذْ صُّولْطَا-يَا، حِيمَا مَانْ ونْ إِ خْ غَا سَّارْسغْ أَفُوسْ إِنُو، أَذْ إِقْبڒْ أَرُّوحْ إِقدّْسنْ.“
ACT 8:20 [مَاشَا] إِنَّا أَسْ شِيمْعُونْ بُوطْرُوسْ: ”أَذْ ثتّحَّا نُّوقَارْثْ نّشْ أَكِيذكْ، مِينْزِي إِتّْغِيڒْ أَشْ أَذْ ثْكسْبذْ ثَاوْهِيبْثْ ن أَربِّي س وَاڭْڒَا ن دُّونشْثْ!
ACT 8:21 وَارْ غَاركْ بُو ثسْغَارْثْ ؤُڒَا ذ شَا ذِي لْ-إِيمَانْ وَانِيثَا، مِينْزِي ؤُڒْ نّشْ وَارْ إِدْجِي إِسڭّذْ زَّاثْ إِ أَربِّي.
ACT 8:22 ثُوبْ زِي ثُوعفّْنَا نّشْ ؤُشَا تَّارْ زِي أَربِّي مَاحنْذْ أَذْ خَاكْ ثتّْوَاغْفَارْ ثحْرَايْمشْثْ-أَ ن وُوڒْ نّشْ،
ACT 8:23 مِينْزِي تّْوَاڒِيغْ أَقَا شكْ ثوْضِيذْ-د ذڭْ إِجّْ ن ؤُحْرِيرْ ذ أَمرْزَاڭْ ؤُ ذڭْ إِجّْ ن ؤُشذِّي ن ثُوعفّْنَا.“
ACT 8:24 يَارَّا-د شِيمُونْ، إِنَّا: ”تَّارمْ إِ أَربِّي خَافِي حِيمَا وَارْ د-إِتِّيسْ خَافِي شَا زِي مِينْ ثنَّامْ.“
ACT 8:25 أَوَارْنِي ڒَامِي شهْذنْ شِيمْعُونْ ذ يُوحَانَّا ؤُ سّْڒمْذنْ أَوَاڒْ ن أَربِّي،عقْبنْ غَارْ ؤُرْشَالِيمْ، بَارّْحنْ س ڒخْبَارْ أَصبْحَانْ ذڭْ وَاطَّاسْ ن ڒذْشُورْ ن إِسَامَارِييّنْ.
ACT 8:26 ؤُشَا لْمَالَاكْ ن سِيذِي إِسِّيوڒْ أَكْ-ذ فِيلِيبُّوسْ، إِنَّا: ”كَّارْ، ثْرُوحذْ غَارْ لْجَانُوبْ ذڭْ وبْرِيذْ نْ ڒخْڒَا إِ د-إِهْوَانْ زِي ؤُرْشَالِيمْ غَارْ غَازَّا.“
ACT 8:27 إِكَّارْ إِرُوحْ، ؤُشَا إِمّڒْقَا أَكْ-ذ إِجّْ ن ڒوْزِيرْ زِي [ثمُّورْثْ ن] كُوشْ، إِجّْ ن ڒوْزِيرْ ن كَانْذَاكِي، ثَاجدْجِيذْثْ ن أَيْثْ ن كُوشْ. ثُوغَا-ث غَارسْ صُّولْطَا خْ مَارَّا ڒكْنُوزْ نّسْ، يُوسَا-د غَارْ ؤُرْشَالِيمْ حِيمَا أَذْ [ذِينْ] إِعْبذْ.
ACT 8:28 ؤُمِي د-إِعْقبْ، إِقِّيمْ خْ إِجّْ ن ؤُكَارُّو، إِقَّارْ [ذڭْ وذْلِيسْ] ن ؤُنَابِي إِشَاعْيَا.
ACT 8:29 [خنِّي] إِنَّا أَرُّوحْ إِ فِيلِيبُّوسْ: ”زِيذْ، ثْمُونذْ أَكْ-ذ ؤُكَارُّو-يَا.“
ACT 8:30 إِقَارّبْ-د [غَارسْ] فِيلِيبُّوسْ، إِسْڒَا أَسْ مِينْ إِقَّارْ [زڭْ وذْلِيسْ] ن ؤُنَابِي إِشَاعْيَا، إِنَّا أَسْ: ”مَا ثْفهْمذْ مِينْ ثقَّارذْ؟“
ACT 8:31 إِنَّا أَسْ: ”مَامّشْ زمَّارغْ أَذْ فهْمغْ مَاڒَا وَارْ ذِينْ حذْ إِ ذ أَيِي غَا إِسّفْهمنْ؟“ ؤُشَا إِتَّارْ زِي فِيلِيبُّوسْ مَاحنْذْ أَذْ ينْيَا ؤُشَا أَذْ كِيسْ إِقِّيمْ.
ACT 8:32 ؤُذمْ إِ ثُوغَا إِقَّارْ زڭْ وذْلِيسْ ذ وَا: ”أَمشْنَاوْ إِزْمَارْ إِتّْوَانْذهْ غَارْ ڒْڭُورْنثْ إِ ثْغَارْصْثْ، أَمشْنَاوْ ثخْسِي ثڭْنُو قِيبَاتْشْ إِ ونِّي ت إِدْجَاسنْ، وَارْ يَارْزِيمْ نتَّا أَقمُّومْ نّسْ.
ACT 8:33 ذڭْ ؤُسحْقَارْ نّسْ إِتّْوَاكّسْ زِي ثْمحْبَاسْثْ ؤُ زِي ڒْحُوكْمْ. وِي غَا إِعَاوْذنْ خْ دُّورِييثْ نّسْ؟ مِينْزِي ثُوذَارْثْ نّسْ ثتّْوَاسّْڭعّذْ زِي ثمُّورْثْ.“
ACT 8:34 يَارَّا-د ڒوْزِيرْ خْ فِيلِيبُّوسْ، إِنَّا: ”أَذْ شكْ سّقْسِيغْ، خْ وِي خفْ إِسَّاوَاڒْ ؤُنَابِي مَانْ أَيَا، مَا خْ يِيخفْ نّسْ نِيغْ خْ إِجّنْ نّغْنِي؟“
ACT 8:35 يَارْزمْ فِيلِيبُّوسْ أَقمُّومْ نّسْ، ؤُشَا إِبْذَا إِتّْبَارّحْ أَسْ س ڒخْبَارْ أَصبْحَانْ ن سِيذِيثْنغْ يَاسُوع س وَاوَاڒْ-أَ زِي ثِيرَا [إِقدّْسنْ].
ACT 8:36 أَمْ ثُوغَا ڭُّورنْ نِيثْنِي ذڭْ وبْرِيذْ، إِوْضنْ غَارْ إِجّْ ن ومْشَانْ مَانِي ثُوغَا دْجَانْ وَامَانْ. إِنَّا ڒوْزِيرْ: ”خْزَارْ، أَقَا ذِينْ أَمَانْ. مِينْ ذَايِي إِطّْفنْ وَارْ تّْوَاسّغْضَاصغْ؟“
ACT 8:37 إِنَّا فِيلِيبُّوسْ: ”مَاڒَا ثُومْنذْ س وُوڒْ نّشْ مَارَّا، ثْحدْجڒْ!“ ؤُشَا نتَّا يَارَّا-د، إِنَّا: ”ؤُمْنغْ أَقَا يَاسُوع لْمَاسِيحْ ذ مِّيسْ ن أَربِّي.“
ACT 8:38 يُومُورْ أَذْ إِبدّْ ؤُكَارُّو، هْوَانْ ثْنَاينْ إِذْسنْ ذڭْ وَامَانْ ؤُشَا فِيلِيبُّوسْ إِسّغْضصْ ڒوْزِيڒْ.
ACT 8:39 أَڒَامِي د-ڭعّْذنْ زڭْ وَامَانْ، إِخْضفْ أَرُّوحْ ن سِيذِي فِيلِيبُّوسْ. ؤُشَا ڒوْزِيرْ وَارْ ث إِژْرِي عَاذْ، مَاشَا إِرُوحْ ذڭْ وبْرِيذْ نّسْ س ڒفْرَاحثْ.
ACT 8:40 مَاشَا فِيلِيبُّوسْ إِتّْوَافْ ذِي أَشْذُوذْ ؤُ سّنِّي إِتّْشُوقَا [ذِي ثمُّورْثْ]، إِتّْبَارّحْ س ڒخْبَارْ أَصبْحَانْ ذِي مَارَّا ثِيندَّامْ أَڒَامِي د-يِيوضْ غَارْ قَايْصَارِييَا.
ACT 9:1 مَاشَا شَاوُولْ ثُوغَا [عَاذْ] إِتّْسُوضْ س ؤُعذِّي ذ ڒْموْثْ ضِيدّْ ن إِمحْضَارنْ ن سِيذِيثْنغْ.
ACT 9:2 إِتَّارْ زڭْ أَرَّايْسْ ن إِكهَّاننْ ثِيبْرَاثِينْ إِ ثمْزِيذَاوِينْ ن ذِيمَاشْقْ، مَاحنْذْ، مَاڒَا يُوفَا شَا ن يِينِّي إِضفَّارنْ ’أَبْرِيذْ-أَ‘، إِرْيَازنْ نِيغْ ثِيمْغَارِينْ، إِزمَّارْ أَذْ ثنْ إِشدّْ ؤُ أَذْ ثنْ د-إِنْذهْ غَارْ ؤُرْشَالِيمْ.
ACT 9:3 ڒَامِي [ذِينْ] إِرُوحْ، إِمْسَارْ، أَمْ ثُوغَا إِتّْقَارَّابْ غَارْ ذِيمَاشْقْ، ثَاڒْغَا-د خَاسْ ذغْيَا إِشْثْ ن ثْفَاوْثْ زڭْ ؤُجنَّا.
ACT 9:4 إِوْضَا غَارْ ثمُّورْثْ، خنِّي إِسْڒَا إِ يِيشْثْ ن ثْمِيجَّا ثقَّارْ أَسْ: ”شَاوُولْ، شَاوُولْ مَايمِّي خَافِي ثْذَارَّاشذْ؟ ثْزيَّارذْ خْ يِيخفْ نّشْ ؤُمِي ثشَّاثذْ ذِي سْڒكْ ن بُويْكُوشْضَانْ.“
ACT 9:5 يَارَّا-د، إِنَّا: ”مِينْ ثعْنِيذْ شكْ، أَ سِيذِي؟“ إِنَّا أَسْ سِيذِيثْنغْ: ”أَقَا ذ نشّْ، يَاسُوع ونِّي خْ ثْذَارّْشذْ.
ACT 9:6 كَّارْ، ثُوذْفذْ غَارْ ثنْذِينْثْ، أَذْ أَشْ إِتّْوَانَّا ذِينِّي مِينْ إِتّْخصَّا أَذْ ثڭّذْ!“
ACT 9:7 ؤُشَا إِرْيَازنْ إِنِّي كِيسْ إِسَافَارنْ، بدّنْ تّْبهْثنْ، مِينْزِي نِيثْنِي سْڒِينْ ثْمِيجَّا، مَاشَا وَارْ ژْرِينْ حذْ.
ACT 9:8 إِكَّارْ-د شَاوُولْ زِي ثمُّورْثْ، وَاخَّا أَرْزْمنْثْ ثِيطَّاوِينْ نّسْ وَارْ إِزمَّارْ أَذْ إِتّْوَاڒَا، ؤُ نِيثْنِي ڭوّْذنْ ث زڭْ ؤُفُوسْ، نذْهنْ ث غَارْ ذِيمَاشْقْ.
ACT 9:9 ثْڒَاثَا ن وُوسَّانْ ثُوغَا وَارْ إِتّْوِيڒِي، وَارْ إِشِّي، وَارْ إِسْوِي.
ACT 9:10 ثُوغَا [ذِينْ] ذِي ذِيمَاشْقْ إِجّْ ن ؤُمحْضَارْ قَّارنْ أَسْ أَنَانِييَاسْ. سِيذِي إِنَّا أَسْ ذڭْ إِجّْ ن ڒوْحِييْ: ”[أَ] أَنَانِييَاسْ!“ إِنَّا أَسْ: ”أَقَا أَيِي ذَا، [أَ] سِيذِي إِنُو!“
ACT 9:11 إِنَّا أَسْ سِيذِيثْنغْ: ”كَّارْ، ثْرُوحذْ غَارْ وبْرِيذْ ؤُمِي قَّارنْ ’أَبْرِيذْ إِسّڭّْذنْ‘، خنِّي غَارْ ثَادَّارْثْ ن يَاهُوذَا، سقْسَا خْ إِجّْ ن ورْيَازْ زِي ثَارْسُوسْ، قَّارنْ أَسْ شَاوُولْ، خْزَارْ، أَقَا إِتّْژَادْجْ [ذِينْ]،
ACT 9:12 ؤُشَا يُوسَا-د غَارسْ ذڭْ إِجّْ ن ڒوْحِييْ، أَقَا إِجّْ ن ورْيَازْ قَّارنْ أَسْ أَنَانِييَاسْ يُوذفْ-د، إِسَّارْسْ خَاسْ أَفُوسْ نّسْ حِيمَا أَذْ تّْوَارْزْمنْثْ ثِيطَّاوِينْ نّسْ.“
ACT 9:13 يَارَّا-د أَنَانِييَاسْ: ”أَ سِيذِي، أَقَا سْڒِيغْ أَطَّاسْ [ن ثْمسْڒَايِينْ] خْ ورْيَازْ-أَ، مشْحَاڒْ ذ ڒْغَارْ إِ إِڭَّا ذڭْ إِمْقدَّاسنْ نّشْ ذِي ؤُرْشَالِيمْ.
ACT 9:14 أَقَا ذَا، عَاوذْ ذَانِيثَا غَارسْ تّسْرِيحْ زڭْ [ؤُغزْذِيسْ] ن إِمقّْرَاننْ ن إِكهَّاننْ، مَاحنْذْ أَذْ إِحبّسْ مَارَّا إِنِّي إِتّْڒَاغَانْ خْ يِيسمْ نّشْ.“
ACT 9:15 [مَاشَا] سِيذِي إِنَّا أَسْ: ”رُوحْ مِينْزِي وَا أَقَا-ث غَارِي ذ ڒْقشْعثْ إِفَارْزنْ حِيمَا أَذْ يَارْبُو إِسمْ إِنُو غَارْ ڒڭْنُوسْ ؤُ غَارْ إِجدْجِيذنْ ؤُ جَارْ أَيْثْ ن إِسْرَائِيل،
ACT 9:16 مِينْزِي أَذْ أَسْ سّشْنغْ مشْحَاڒْ إِتّْخصَّا أَسْ أَذْ إِودّبْ ذِي طّْوعْ ن يِيسمْ إِنُو.“
ACT 9:17 إِرُوحْ أَنَانِييَاسْ، يُوذفْ غَارْ ثَادَّارْثْ، إِسَّارْسْ خَاسْ أَفُوسْ نّسْ، إِنَّا: ”[أَ] ؤُمَا شَاوُولْ، أَقَا سِيذِيثْنغْ يَاسُوع، ونِّي ذ أَشْ د-إِضْهَارنْ ذڭْ وبْرِيذْ إِ زِي د-ثُوسِيذْ، إِسّكّْ أَيِي-د، حِيمَا أَذْ ثتّْوَاڒِيذْ عَاوذْ ؤُ أَذْ ثتّْوَاشُّورذْ س أَرُّوحْ إِقدّْسنْ.“
ACT 9:18 ڒخْذنِّي ثوْضَا-د شَا أَمْ ثقْشُورْثْ زِي ثِيطَّاوِينْ نّسْ، تّْوَارْزْمنْثْ ثِيطَّاوِينْ نّسْ. إِكَّارْ ؤُشَا إِتّْوَاسّغْضصْ.
ACT 9:19 ؤُمِي إِشَّا، إِمْحضْ ؤُشَا إِقِّيمْ شَا ن وُوسَّانْ أَكْ-ذ إِمحْضَارنْ ذِي ذِيمَاشْقْ.
ACT 9:20 ڒخْذنِّي إِبْذَا إِتّْبَارّحْ ذِي ثمْزِيذَا ن وُوذَاينْ خْ يَاسُوع، بلِّي نتَّا ذ مِّيسْ ن أَربِّي.
ACT 9:21 مَارَّا إِنِّي ثُوغَا إِتّسْڒَانْ، تّْبهْثنْ، قَّارنْ: ”مَا وَارْ إِدْجِي ذ وَانِيثَا إِ ثُوغَا إِمَارّْثنْ مَارَّا إِنِّي ثُوغَا إِتّْڒَاغَانْ س يِيسمْ-أَ ذِي ؤُرْشَالِيمْ، ؤُ [مَا وَارْ إِدْجِي ذ وَانِيثَا] إِ د-إِتّْوَاسّكّنْ عَاذْ ذَانِيثَا زِي سِّيبّثْ ذ إِشْثْ، مَاحنْذْ أَذْ ثنْ إِشَارْفْ ؤُ أَذْ ثنْ إِڭوّذْ غَارْ إِمقّْرَاننْ ن إِكهَّاننْ؟“
ACT 9:22 شَاوُولْ ثُوغَا يَارنِّي ذِي جّهْذْ، إِسّذْهشْ ؤُذَاينْ إِنِّي إِزدّْغنْ ذِي ذِيمَاشْقْ أَمْ ذ أَسنْ إِسّْشنْ بلِّي [يشُّو] وَانِيثَا ذ لْمَاسِيحْ.
ACT 9:23 ؤُمِي عْذُونْ وُوسَّانْ، ڭِّينْ وُوذَاينْ إِجّْ ن ونْوَايْ س ثحْرَايْمشْثْ حِيمَا أَذْ ث نْغنْ.
ACT 9:24 مَاشَا ثَاحِيڒثْ نْسنْ إِ زِي ثُوغَا أَرزُّونْ أَذْ ث نْغنْ، ثتّْوَاسَّارْڭبْ إِ شَاوُولْ. [مَاشَا] نِيثْنِي ثُوغَا حطَّانْ ثِيوُّورَا [ن ثنْذِينْثْ] س ؤُزِيڒْ ذ دْجِيڒثْ، مَاحنْذْ أَذْ أَوْضنْ أَذْ ث نْغنْ.
ACT 9:25 مَاشَا إِمحْضَارنْ نّسْ ڭِّينْ ث ذڭْ إِشْثْ ن ثْسُودْجثْ ؤُشَا سّهْوَانْ ث زِي ڒْحِيضْ س دْجِيڒثْ.
ACT 9:26 يُويُورْ نتَّا غَارْ ؤُرْشَالِيمْ، يَارْزُو أَذْ إِمُونْ أَكْ-ذ إِمحْضَارنْ، مَاشَا نِيثْنِي مَارَّا ڭّْوذنْ زَّايسْ، وَارْ تِّيقّنْ شَا بلِّي نتَّا [إِذْوڒْ] ذ أَمحْضَارْ.
ACT 9:27 مَاشَا بَارْ-نَابَا إِكْسِي ث غَارسْ ؤُشَا إِنْذهْ إِ-ث غَارْ رُّوسُولْ ؤُشَا [شَاوُولْ] إِخبَّارْ إِ-ثنْ مَامّشْ إِژْرَا سِيذِي ذڭْ وبْرِيذْ ؤُ مَامّشْ كِيسْ إِسِّيوڒْ ؤُ مَامّشْ ثُوغَا إِتّْبَارّحْ س ثرْيَاسْثْ س يِيسمْ ن يَاسُوع ذِي ذِيمَاشْقْ.
ACT 9:28 ثُوغَا إِقِّيمْ أَكِيذْسنْ إِتَّاذفْ إِتّفّغْ زِي ؤُرْشَالِيمْ،
ACT 9:29 ؤُشَا إِتّْبَارّحْ س ثرْيَاسْثْ س يِيسمْ ن يَاسُوع، إِتّْقَاشَاحْ أَكْ-ذ وُوذَاينْ إِنِّي إِسّْننْ [إِڒسْ ن] ثْيُونَانِيثْ، مَاشَا نِيثْنِي أَرْزُونْ أَذْ ث نْغنْ.
ACT 9:30 ؤُمِي سّْننْ ثَاوْمَاثْ مَانْ أَيَا، نذْهنْ ث غَارْ قَايْصَارِييَا ذِي دْجِيڒثْ ؤُشَا سكّنْ ث سّنِّي غَارْ ثَارْسُوسْ.
ACT 9:31 ثَامسْمُونْثْ ذِي مَارَّا يَاهُوذِييَّا ذ لْجَالِيلْ ذ سَامَارْيَا ثُوغَا ذَايسْ ڒهْنَا، ثتّْوَابْنَا [ذِي لْ-إِيمَانْ]، ثڭُّورْ ذِي ثِيڭّْوُوذِي ن أَربِّي ؤُشَا ثْرُوحْ ذِي ثْيُومِي س ؤُفوّجْ ن أَرُّوحْ إِقدّْسنْ.
ACT 9:32 ڒَامِي ثُوغَا شِيمْعُونْ إِڭُّورْ ذِي ثْندَّامْ، إِهْوَا-د غَارْ إِمْقدَّاسنْ إِنِّي إِزدّْغنْ ذِي ثنْذِينْثْ ن لِيدَّا.
ACT 9:33 يُوفَا ذِينْ إِجّْ ن بْنَاذمْ، قَّارنْ أَسْ أَنِييَاسْ، إِزّڒْ س ثَاسُّوثْ ؤُ ثعْذُو خَاسْ ثْمنْيَا ن إِسڭّْوُوسَا ذ أَنعْضَابْ.
ACT 9:34 إِنَّا أَسْ شِيمْعُونْ: ”[أَ] أَنِييَاسْ، يَاسُوع لْمَاسِيحْ أَذْ شكْ إِسّْڭنْفَا. كَّارْ، ثسُّوذْ إِ إِخفْ نّشْ!“ ڒخْذنِّي إِكَّارْ ذغْيَا.
ACT 9:35 ؤُشَا ژْرِينْ ث مَارَّا إِمزْذَاغْ ن لِيدَّا ذ سَارُونْ، ؤُشَا ذوْڒنْ-د غَارْ أَربِّي.
ACT 9:36 ثُوغَا ذِي ثنْذِينْثْ ن يَافَّا إِشْثْ ن ثْمحْضَارْثْ، قَّارنْ أَسْ ثَابِيثَا، [مَاشَا س يِيڒسْ ن ثْيُونَانِيثْ قَّارنْ أَسْ ’ذُورْكَا‘، إِخْسْ أَذْ يِينِي ’غَازَالَا‘]. ثَا ثُوغَا ثشُّورْ س ڒخْذَايمْ ثِيصبْحَانِينْ إِ ثُوغَا ثتّڭّْ ؤُ س صّْذَاقِي [إِ ثُوغَا ثسُّوفُّوغْ].
ACT 9:37 ذڭْ وُوسَّانْ نِّي ثهْڒشْ ؤُشَا ثمُّوثْ. سِيرْذنْ ت ؤُشَا سَّارْسنْ ت ذِي ثْغُورْفثْ.
ACT 9:38 مَاشَا إِمحْضَارنْ سْڒِينْ بلِّي شِيمْعُونْ أَقَا-ث ذِي ثنْذِينْثْ ن لِيدَّا، ثنِّي زَّاثْ ن يَافَّا. [خنِّي] سّكّنْ نِيثْنِي ثْنَاينْ ن يرْيَازنْ حِيمَا أَذْ زَّايسْ حشّْمنْ، حِيمَا وَارْ إِتّْعطَّاڒْ مَاحنْذْ أَذْ كِيذْسنْ يُويُورْ!
ACT 9:39 إِكَّارْ شِيمْعُونْ، يُويُورْ أَكِيذْسنْ. ڒَامِي د-يِيوضْ، نذْهنْ ث غَارْ ثْغُورْفثْ سنّجْ. بدّنْثْ-إِ-د غَارسْ مَارَّا ثِيجَّاڒْ، رُونْثْ، سّْشَاننْثْ أَسْ ثْشَامِيرَاثْ ذ إِجدْجَابنْ إِ ذ أَسنْثْ ثوْشَا ثَابِيثَا أَڒَامِي ثُوغَا-ت عَاذْ ثدَّارْ.
ACT 9:40 مَاشَا شِيمْعُونْ إِسُّوفّغْ إِ-ثنْثْ مَارَّا غَارْ بَارَّا، إِسْجذْ، إِژُّودْجْ ؤُشَا إِنّقْڒبْ-د غَارْ ڒْخشْبثْ إِنَّا: ”ثَابِيثَا، كَّارْ!“ نتَّاثْ ثَارْزمْ ثِيطَّاوِينْ نّسْ ؤُشَا ڒَامِي ثژْرَا شِيمْعُونْ، ثقِّيمْ.
ACT 9:41 إِسّْوِيژّضْ غَارسْ أَفُوسْ نّسْ، إِسّْنكَّارْ إِ-ت-إِ-ذ، خنِّي إِڒَاغَا-د خْ إِمْقدَّاسنْ ذ ثِيجَّاڒْ، إِسّْشنْ أَسنْ ت، بلِّي أَقَا ثدَّارْ.
ACT 9:42 إِفّغْ-د ڒخْبَارْ-أَ غَارْ ثنْذِينْثْ مَارَّا ؤُشَا أَطَّاسْ ؤُمْننْ ذِي سِيذِيثْنغْ.
ACT 9:43 ؤُشَا إِقِّيمْ ذِي يَافَّا، وَارْ إِدْجِي ذْرُوسْ ن وُوسَّانْ، غَارْ إِجّْ ن ورْيَازْ نِّي ثُوغَا إِعدّڒْ إِڒْمَاونْ، قَّارنْ أَسْ شِيمْعُونْ.
ACT 10:1 ثُوغَا ذِي قَايْصَارِييَا إِجّْ ن ورْيَازْ، إِسمْ نّسْ كُورْنِيلِييُوسْ، أَقَا-ث ذ ڒْقبْطَانْ [خْ مْيَا]، إِنِّي زِي ڒْكُومْبَانِييّثْ ؤُمِي قَّارنْ ’أَطَالْيَانْ‘.
ACT 10:2 نتَّا ثُوغَا إِتّْوقَّارْ ؤُ إِتّڭّْوذْ أَربِّي أَكْ-ذ أَيْثْبَابْ ن ثَادَّارْثْ نّسْ مَارَّا، إِتِّيشْ أَطَّاسْ ن صّْذَاقِي إِ إِوْذَانْ ؤُشَا إِكسِّي س ڒْمعْرُوفْ إِ أَربِّي ڒبْذَا.
ACT 10:3 وَا إِژْرَا ذڭْ إِجّْ ن ڒوْحِييْ إِصْفَا أَقَا إِجّْ ن لْمَالَاكْ ن أَربِّي يُوذفْ-د غَارسْ غَارْ ثْسَاعّثْ وِيسّْ ثسْعَا ن وَاسّْ، [إِخْسْ أَذْ يِينِي غَارْ ثْسَاعّثْ وِيسّْ ثْڒَاثَا ن ؤُزِيڒْ]، إِنَّا أَسْ: ”[أَ] كُورْنِيلِييُوسْ!“
ACT 10:4 ؤُمِي ذَايسْ إِنْضَارْ ثِيطَّاوِينْ نّسْ، إِڭّْوذْ أَطَّاسْ، إِنَّا: ”مِينْ ذِينْ، أَ سِيذِي؟“ إِنَّا أَسْ لْمَالَاكْ: ”ثِيژَادْجِيثِينْ نّشْ ذ صّْذَاقِي نّشْ إِوْضنْثْ غَارْ ڒِيذَارثْ زَّاثْ إِ [وُوذمْ ن] أَربِّي.
ACT 10:5 سّكّْ ڒخُّو إِرْيَازنْ غَارْ يَافَّا، ثْعَارْضذْ خْ شِيمْعُونْ، ونِّي ؤُمِي قَّارنْ عَاوذْ بُوطْرُوسْ.
ACT 10:6 خْزَارْ، نتَّا يَارْزفْ غَارْ شِيمْعُونْ، ونِّي إِعدّْڒنْ إِڒْمَاونْ، ونِّي غَارْ إِدْجَا ثَادَّارْثْ غَارْ ثْمَا ن ڒبْحَارْ.“
ACT 10:7 ؤُمِي إِرُوحْ لْمَالَاكْ ونِّي ثُوغَا أَكِيذسْ إِسَّاوَاڒنْ، إِڒَاغَا نتَّا خْ ثْنَاينْ ن إِمْسخَّارنْ زِي ثَادَّارْثْ نّسْ ؤُ خْ إِجّْ ن ؤُعسْكَارِي إِتّڭّْوذنْ أَربِّي، ونِّي ثُوغَا إِطَاعْ أَسْ.
ACT 10:8 إِهَاجَا أَسنْ مَارَّا مِينْ إِژْرَا ؤُشَا إِسّكّْ إِ-ثنْ غَارْ يَافَّا.
ACT 10:9 ثِيوشَّا نّسْ، أَمْ ثُوغَا أَثنْ ذڭْ وبْرِيذْ تّْقَارَّابنْ غَارْ ثنْذِينْثْ، إِڭعّذْ شِيمْعُونْ خْ ثْزقَّا غَارْ ثْسَاعّثْ وِيسّْ ستَّا، [أَقَا-ت ذ ضّْهُورْ]، حِيمَا أَذْ إِژَّادْجْ.
ACT 10:10 إِدْجُوژْ أَطَّاسْ ؤُشَا ثُوغَا إِمّژْرِي أَذْ إِشّْ، ؤُشَا، أَمْ ثُوغَا ذ أَسْ سّوْجَاذنْ، إِوْيِي ث ڒوْحِييْ.
ACT 10:11 إِژْرَا أَجنَّا يَارْزمْ ؤُشَا إِشْثْ ن ڒْقشْعثْ أَمْ يِيشْثْ ن ثْشُوقّثْ ثَامقّْرَانْثْ زِي ڒقْطنْ [أَزْذَاذْ] إِتّْوَاطّْفنْ زِي أَربْعَا ن ثْغمُّورَا نّسْ، ثهْوَا-د زڭْ ؤُجنَّا غَارْ ثمُّورْثْ.
ACT 10:12 ثُوغَا ذَايسْ مَارَّا إِمُودَّارنْ ن ثمُّورْثْ س أَربْعَا ن إِضَارنْ ؤُڒَا ذ إِمُودَّارنْ نِّي إِتّْبُوعنْ خْ ثمُّورْثْ ذ إِجْضَاضْ ن ؤُجنَّا.
ACT 10:13 ثُوسَا-د غَارسْ إِشْثْ ن ثْمِيجَّا، ثقَّارْ أَسْ-د: ”[أَ] شِيمْعُونْ، كَّارْ، غَارْصْ، ثشّذْ!“
ACT 10:14 مَاشَا شِيمْعُونْ إِنَّا: ”لَّ، [أَ] سِيذِي، وَارْ شِّيغْعمَّارْصْ مِينْ إِدْجَانْ ذ ڒحْرَامْ ؤُڒَا مِينْ وَارْ إِزْذِيڭنْ.“
ACT 10:15 ثْمِيجَّا [ثسِّيوڒْ] غَارسْ عَاوذْ إِ ثْوَاڒَا وِيسّْ ثْنَاينْ، [ثقَّارْ]: ”مِينْ إِسِّيزْذڭْ أَربِّي، وَارْ د ث ثتَّارِّيذْ شَا شكْ ذ ڒحْرَامْ.“
ACT 10:16 مَانْ أَيَا إِمْسَارْ ثْڒَاثَا ن إِمُوڒنْ، ؤُشَا ذغْيَا ثتّْوَاسّْڭعّذْ ثَاجَارْثِيڒْثْ [عَاوذْ] غَارْ ؤُجنَّا.
ACT 10:17 أَمْ ثُوغَا شِيمْعُونْ [عَاذْ] إِتّْخَارَّاصْ ذڭْ إِخفْ نّسْ مِينْ إِخْسْ أَذْ يِينِي ڒوْحِييْ إِ إِژْرَا، خْزَارْ، ؤُسِينْ-د ثْنَاينْ ن يرْيَازنْ إِنِّي د-إِتّْوَاسّكّنْ زِي كُورْنِيلِييُوسْ، سّقْسَانْ خْ ثَادَّارْثْ مَانِي ثُوغَا إِقِّيمْ شِيمْعُونْ. نِيثْنِي بدّنْ-د غَارْ ثوَّارْثْ ن ڒمْرَاحْ.
ACT 10:18 ڒَاغَانْ، سّقْسَانْ: ”مَا شِيمْعُونْ، ؤُمِي تّْكنَّانْ بُوطْرُوسْ، أَقَا-ث ذَانِيثَا؟“
ACT 10:19 ؤُمِي ثُوغَا شِيمْعُونْ [عَاذْ] إِتّْخَارَّاصْ ذِي ڒوْحِييْ إِ إِژْرَا، إِنَّا أَسْ أَرُّوحْ: ”خْزَارْ، أَقَا ذَا ثْڒَاثَا ن يرْيَازنْ أَرزُّونْ خَاكْ!
ACT 10:20 كَّارْ، ثهْوِيذْ-د، رُوحْ أَكِيذْسنْ بْڒَا مَا أَذْ ثْشكّذْ ذِي شَا، مِينْزِي ذ نشّْ إِ-ثنْ-د-إِسّكّنْ.“
ACT 10:21 [ڒخْذنِّي] إِهْوَا شِيمْعُونْ غَارْ يرْيَازنْ نِّي، إِنَّا أَسنْ: ”خْزَارْ، أَقَا ذ نشّْ ونِّي خفْ ثَارزُّومْ. مِينْ غَارْ د-ثُوسِيمْ ذَا؟“
ACT 10:22 نَّانْ أَسْ: ”كُورْنِيلِييُوسْ، إِجّْ ن ڒْقبْطَانْ خْ مْيَا ذ إِجّْ ن ورْيَازْ إِسڭّذْ إِتّڭّْوذْ أَربِّي، ونِّي خفْ إِشهّذْ مْلِيحْ مَارَّا ڒْڭنْسْ ن وُوذَاينْ، أَقَا إِجّْ ن لْمَالَاكْ إِقدّْسنْ ثُوغَا إِعْڒمْ أَسْ ذڭْ إِجّْ ن ڒوْحِييْ، مَاحنْذْ أَذْ د-إِسّكّْ غَاركْ، حِيمَا أَذْ شكْ د-أَيْوْينْ غَارْ ثَادَّارْثْ نّسْ، [مَاحنْذْ] أَذْ زَّايكْ إِسڒْ إِشْثْ ن ثبْرَاثْ.“
ACT 10:23 شِيمْعُونْ إِسِّيذفْ إِ-ثنْ غَارْ ذَاخڒْ، إِڭَّا ثنْ ذ إِنوْجِيونْ مَانِي إِقِّيمْ. ثِيوشَّا نّسْ إِكَّارْ، إِرُوحْ أَكِيذْسنْ ؤُ شَا ن وَاوْمَاثنْ إِنِّي إِدْجَانْ زِي يَافَّا رُوحنْ أَكِيذسْ.
ACT 10:24 ثِيوشَّا نّسْ أَوَارْنِي أَسْ إِوْضنْ غَارْ قَايْصَارِييَا. كُورْنِيلِييُوسْ ثُوغَا إِتّْرَاجَا ثنْ أَمْ سّْمُونَانْ غَارسْ مَارَّا أَيْثْبَابْ ن ڒَادْجْ نّسْ ؤُڒَا ذ إِمدُّوكَّاڒْ إِ-ث-إِ-د-يُوذْسنْ أَطَّاسْ.
ACT 10:25 ؤُمِي يُوذفْ شِيمْعُونْ، إِڒْقَا ث-إِ-د كُورْنِيلِييُوسْ، إِوْضَا أَسْ غَارْ إِضَارنْ ؤُشَا إِسْجذْ أَسْ.
ACT 10:26 [مَاشَا] إِسّْنكَّارْ إِ-ث-إِ-د شِيمْعُونْ، إِنَّا أَسْ: ”كَّارْ، أَقَا ؤُڒَا ذ نشّْ ذ بْنَاذمْ [أَمْ شكْ]!“
ACT 10:27 أَمْ كِيذسْ إِسَّاوَاڒْ، يُوذفْ ؤُشَا يُوفَا ذِينْ أَطَّاسْ إِنِّي د-يُوسِينْ [تّْمُونَانْ] ذِينِّي.
ACT 10:28 إِنَّا أَسنْ: ”كنِّيوْ ثسّْنمْ أَقَا وَارْ إِحدْجرْ خْ ورْيَازْ ذ ؤُذَايْ أَذْ إِمُونْ أَكْ-ذ إِجّْ ن ؤُبَارَّانِي إِ وَارْ د-إِقَّارْصنْ زِي ثقْبِيتْشْ ن ڒْڭنْسْ نّسْ. مَاشَا أَربِّي إِسّْشنْ أَيِي بلِّي وَارْ إِشُووَّارْ أَذْ ڒَاغِيغْ ؤُڒَا خْ إِجّْ ن بْنَاذمْ إِخْمجْ نِيغْ ذ ڒحْرَامْ.
ACT 10:29 س ؤُينِّي ؤُسِيغْ-د عَاوذْ [ذَا] بْڒَا مَا أَذْ شكّغْ ذِي شَا ؤُمِي خَافِي ثْعَارْضذْ. مَاشَا خْسغْ أَذْ كنِّيوْ سّقْسِيغْ، مَايمِّي ذ أَيِي ثجِّيمْ أَذْ د-أَسغْ؟“
ACT 10:30 إِنَّا أَسْ كُورْنِيلِييُوسْ: ”أَربْعَا ن وُوسَّانْ زڭْ وَامِي ثُوغَا تّْژُومّغْ، ؤُشَا خْزَارْ، غَارْ ثْسَاعّثْ وِيسّْ ثسْعَا ؤُمِي ثُوغَا تّْژَادْجِيغْ ذِي ثَادَّارْثْ إِنُو، أَقَا ذِينْ إِجّْ ن ورْيَازْ إِبدّْ-د قِيبَاتْشْ إِنُو س وَارُّوضْ ذ أَشمْڒَاڒْ!
ACT 10:31 إِنَّا أَيِي: ’[أَ] كُورْنِيلِييُوسْ، ثَاژَادْجِيثْ نّشْ ثتّْوَاسڒْ ؤُ صّْذَاقِي نّشْ إِوْضنْثْ غَارْ ڒِيذَارثْ ن أَربِّي.“
ACT 10:32 سكّْ [إِجّنْ] غَارْ يَافَّا، ثْعَارْضذْ خْ شِيمْعُونْ ونِّي ؤُمِي تّْكنَّانْ بُوطْرُوسْ. خْزَارْ، أَقَا نتَّا ذ أَنوْجِيوْ ذِي ثَادَّارْثْ ن شِيمْعُونْ، ونِّي إِعدّْڒنْ إِڒْمَاونْ، ثنِّي غَارْ ثْمَا ن ڒبْحَارْ. نتَّا أَذْ د-يَاسْ ؤُشَا أَذْ كِيذكْ إِسِّيوڒْ.
ACT 10:33 س ؤُينِّي سّكّغْ-د غَاركْ ڒخْذنِّي ؤُ شكْ أَقَا ثڭِّيذْ مْلِيحْ ؤُمِي د-ثُوسِيذْ ذَا. نشِّينْ مَارَّا إِ ذَا ندْجْ قِيبَاتْشْ إِ شكْ، نتّخْسْ أَذْ نْسڒْ مَارَّا مِينْ زِي شكْ يُومُورْ أَربِّي.“
ACT 10:34 يَارْزمْ شِيمْعُونْ أَقمُّومْ نّسْ، إِنَّا: ”س ثِيذتّْ، ؤُفِيغْ بلِّي أَربِّي وَارْ إِتّڭّْ شَا س وُوذْمَاونْ.
ACT 10:35 مَاشَا ونِّي ث إِتّڭّْوذنْ ذ ونِّي إِتّڭّنْ ثَاسڭْذَا زِي كُوڒْ ڒْڭنْسْ، يُوسَا-د أَسْ خْ ڒْخَاضَارْ نّسْ.
ACT 10:36 مَاغَارْ وَا ذ أَوَاڒْ إِ إِسّكّْ غَارْ أَيْثْ ن إِسْرَائِيل ذ ونِّي زِي إِ ذ أَسنْ إِبَارّحْ: ڒهْنَا ذ ڒْهُوذْنثْ س يَاسُوع لْمَاسِيحْ، ونِّي ذ سِيذِي ن مَارَّا.
ACT 10:37 كنِّيوْ ثسّْنمْ أَقَا أَوَاڒْ يِيوضْ-د غَارْ مَارَّا يَاهُوذِييَّا، [أَوَارْنِي ڒَامِي] إِبْذَا زِي لْجَالِيلْ أَوَارْنِي إِ ؤُسغْضَاصْ إِ زِي ثُوغَا إِتّْبَارّحْ يُوحَانَّا،
ACT 10:38 [ڒخْبَارْ] زِي جِّيهثْ ن يَاسُوع زِي نَّاصِيرَا، مَامّشْ ث إِذْهنْ أَربِّي س أَرُّوحْ إِقدّْسنْ ؤُ س جّهْذْ. نتَّا إِسَّارَا [ثَامُّورْثْ]، إِڭَّا ڒْخَارْ، إِسّْڭنْفَا إِنِّي إِتّْوَاغزَّانْ زڭْ ؤُمْعفَّانْ مِينْزِي أَربِّي ثُوغَا-ث أَكِيذسْ.
ACT 10:39 نشِّينْ ذ ڒشْهُوذْ خَاسْ ؤُ خْ مَارَّا مِينْ إِڭَّا ذِي ثمُّورْثْ ن يَاهُوذِييَّا ؤُ ذِي ؤُرْشَالِيمْ. أَقَا ؤُيْڒنْ ث وُوذَاينْ خْ ثحْنَاشْثْ، نْغِينْ ث.
ACT 10:40 وَا إِسّْنكَّارْ إِ-ث-إِ-د أَربِّي ذڭْ وَاسّْ وِيسّْ ثْڒَاثَا ؤُشَا إِسّضْهَارْ إِ-ث س بْطَايْطَايْ،
ACT 10:41 مَاشَا وَارْ إِدْجِي إِ مَارَّا ڒْڭنْسْ، مَاشَا إِ ڒشْهُوذْ إِنِّي إِزْوَارْ إِخْضَارْ إِ-ثنْ أَربِّي، إِ نشِّينْ إِنِّي أَكِيذسْ إِشِّينْ إِسْوِينْ أَوَارْنِي ثَانُوكْرَا نّسْ زِي ثَادَّارْثْ ن إِمتِّيننْ.
ACT 10:42 يُومُورْ أَنغْ أَذْ نْبَارّحْ ؤُ أَذْ نشْهذْ إِ ڒْڭنْسْ، أَقَا ذ نتَّا ذ ونِّي إِڭَّا أَربِّي ذ ڒْقَاضِي خْ يِينِّي إِدَّارنْ ؤُ خْ يِينِّي إِمُّوثنْ.
ACT 10:43 شهّْذنْ خَاسْ مَارَّا إِنَابِييّنْ، بلِّي كُوڒْ إِجّنْ ونِّي إِ غَا يَامْننْ ذڭْ يِيسمْ نّسْ، أَذْ أَسْ تّْوَاغْفَارنْ دّْنُوبْ نّسْ.“
ACT 10:44 أَمْ ثُوغَا شِيمْعُونْ إِسَّاوَاڒْ [عَاذْ]، إِهْوَا-د أَرُّوحْ إِقدّْسنْ خْ مَارَّا إِنِّي ثُوغَا إِتّسْڒَانْ إِ وَاوَاڒْ.
ACT 10:45 ثَاوْمَاثْ نِّي إِتّْوَاخثْننْ، إِنِّي د-يُوسِينْ أَكِيذسْ، ثْبهْثنْ، ؤُمِي ثَاموْشِي ن أَرُّوحْ إِقدّْسنْ إِتّْوَافَارّغْ عَاوذْ خْ [ينِّي إِدْجَانْ زِي] ڒڭْنُوسْ.
ACT 10:46 مِينْزِي ثُوغَا ثنْ تّسْڒَانْ سَّاوَاڒنْ س إِجّْ ن يِيڒسْ نّغْنِي، سّْمغَّارَانْ ذِي أَربِّي. ڒخْذنِّي إِقَّارْ شِيمْعُونْ:
ACT 10:47 ”مَا إِزمَّارْ حذْ أَذْ إِقْضعْ أَمَانْ مَاحنْذْ وَارْ تّْوَاسّغْضِيصنْ إِنَا؟ مَاغَارْ، خْزَارْ، أَقَا قبْڒنْ أَرُّوحْ إِقدّْسنْ أَمْ نشِّينْ!“
ACT 10:48 خنِّي يُومُورْ أَذْ ثنْ سّْغضْصنْ س يِيسمْ ن سِيذِيثْنغْ يَاسُوع لْمَاسِيحْ، ؤُشَا نِيثْنِي تَّارنْ زَّايسْ أَذْ إِقِّيمْ أَكِيذْسنْ [عَاذْ] شَا ن وُوسَّانْ.
ACT 11:1 رُّوسُولْ ذ ثَاوْمَاثْ إِنِّي إِدْجَانْ ذِي يَاهُوذِييَّا سْڒِينْ بلِّي ؤُڒَا ذ ڒڭْنُوسْ قبْڒنْ وَاوَاڒْ ن أَربِّي.
ACT 11:2 ڒَامِي إِڭعّذْ شِيمْعُونْ غَارْ ؤُرْشَالِيمْ، مْشُوبّْشنْ أَكِيذسْ إِنِّي إِدْجَانْ زڭْ وخْثَانْ.
ACT 11:3 نَّانْ، بلِّي نتَّا يُوذفْ-د غَارْ إِوْذَانْ إِ وَارْ إِتّْوَاخثْننْ، إِشَّا أَكِيذْسنْ.
ACT 11:4 مَاشَا شِيمْعُونْ إِقْضعْ [ذَايْسنْ ڒْهَارْذْ]، ؤُشَا إِبْذَا أَذْ أَسنْ إِعَاوذْ أَوَاڒْ إِضْفَارْ ؤُمَاسْ:
ACT 11:5 ”ڒَْامِي ثُوغَا أَيِي ذِي [ثنْذِينْثْ ن] يَافَّا تّْژَادْجِيغْ، ژْرِيغْ ذڭْ إِجّْ ن ڒوْحِييْ أَقَا إِشْثْ ن ڒْقشْعثْ أَمْ ثْشُوقّثْ ثَامقّْرَانْثْ ن ڒقْطنْ [أَزْذَاذْ] إِتّْوَاطّْفنْ زِي أَربْعَا ن ثْغمُّورَا نّسْ ثهْوَا-د زڭْ ؤُجنَّا، ثِيوضْ-د غَارِي.
ACT 11:6 خْزَارغْ مْلِيحْ ؤُ ژْرِيغْ أَقَا ذَايسْ [إِمُودَّارنْ] ن ثمُّورْثْ س أَربْعَا ن إِضَارنْ ذ [إِمُودَّارنْ] إِنِّي إِتّْبُوعنْ خْ ثمُّورْثْ ؤُڒَا ذ إِجْضَاضْ ن ؤُجنَّا.
ACT 11:7 سْڒِيغْ أَوَارْنِي أَيِي إِشْثْ ن ثْمِيجَّا، ثنَّا أَيِي: ’[أَ] شِيمْعُونْ، كَّارْ، غَارْصْ، ثشّذْ!‘
ACT 11:8 مَاشَا نشّْ نِّيغْ: ’لَّ، [أَ] سِيذِي،عمَّارْصْ وَارْ يُوذِيفْ عَاذْ غَارْ ؤُقمُّومْ إِنُو مِينْ وَارْ إِزْذِيڭنْ نِيغْ مِينْ إِدْجَانْ ذ ڒحْرَامْ.‘
ACT 11:9 ثنَّا خَافِي ثْمِيجَّا زڭْ ؤُجنَّا عَاوذْ: ’مِينْ إِسِّيزْذڭْ أَربِّي، وَارْ د ث ثتَّارِّيذْ شَا شكْ ذ ڒحْرَامْ!‘
ACT 11:10 مَانْ أَيَا إِمْسَارْ ثْڒَاثَا ن إِمُورنْ ؤُشَا [خنِّي] إِتّْوَاسّْجْبذْ مَارَّا عَاوذْ غَارْ ؤُجنَّا.
ACT 11:11 ؤُ خْزَارْ، ڒخْذنِّي أَقَا ذِينْ ثْڒَاثَا ن يرْيَازنْ إِنِّي غَارِي د-إِتّْوَاسّكّنْ زِي كُورْنِيلِييُوسْ زِي قَايْصَارِييَا، بدّنْ غَارْ ثوَّارْثْ ن ڒمْرَاحْ مَانِي ذ أَيِي ثُوغَا.
ACT 11:12 إِنَّا أَيِي أَرُّوحْ أَقَا إِتّْخصَّا أَذْ كِيسنْ رَاحغْ بْڒَا مَا أَذْ شكّغْ. ثُوغَا أَكِيذِي ؤُڒَا ذ ستَّا ن وَاوْمَاثنْ ؤُ نُوذفْ غَارْ ثَادَّارْثْ ن ورْيَازْ [نِّي].
ACT 11:13 نتَّا إِسَّارْڭبْ أَنغْ مَامّشْ إِژْرَا إِجّْ ن لْمَالَاكْ إِ إِبدّنْ ذِي ثَادَّارْثْ نّسْ، ونِّي ذ أَسْ إِنَّانْ: ’سكّْ [إِجّْ ن ورْيَازْ] غَارْ يَافَّا، ثْعَارْضذْ خْ شِيمْعُونْ ونِّي ؤُمِي تّْكنَّانْ بُوطْرُوسْ.
ACT 11:14 نتَّا أَذْ أَشْ إِسِّيوڒْ أَوَاڒنْ إِ زِي غَا ثطّْفذْ ثُوذَارْثْ، شكْ ذ مَارَّا ثَادَّارْثْ نّشْ.‘
ACT 11:15 ؤُمِي قِّيمغْ سِّيوْڒغْ، إِهْوَا-د أَرُّوحْ إِقدّْسنْ خَاسنْ أَمْ مَامّشْ خَانغْ د-إِهْوَا عَاوذْ غَارْ ؤُمزْوَارُو.
ACT 11:16 تّْوَاسّْعقْڒغْ خْ وَاوَاڒْ ن سِيذِيثْنغْ، مَامّشْ إِنَّا: ’يُوحَانَّا ثُوغَا إِسّغْضَاصْ س وَامَانْ مَاشَا كنِّيوْ أَذْ تّْوَاسّْغضْصمْ س أَرُّوحْ إِقدّْسنْ.‘
ACT 11:17 مَاڒَا أَربِّي إِوْشَا ثَاموْشِي-يَا إِ ڒڭْنُوسْ نِّي يُومْننْ ذِي سِيذِيثْنغْ يَاسُوع لْمَاسِيحْ أَمْ مَامّشْ ذ أَنغْ ت إِوْشَا، خنِّي مِينْ عْنِيغْ نشّْ مَاحنْذْ أَذْ سّْبدّغْ أَربِّي؟“
ACT 11:18 ؤُمِي سْڒِينْ أَوَاڒنْ-أَ، هدّْننْ، سّمْغَارنْ أَربِّي، نَّانْ: ”أَذْ ثَاغْ إِوْشَا أَربِّي ؤُڒَا إِ ڒڭْنُوسْ مَاحنْذْ أَذْ د-ذوْڒنْ أَذْ ثُوبنْ إِ ثُوذَارْثْ.“
ACT 11:19 إِنِّي إِتّْوَازُوزَّارنْ زِي سِّيبّثْ ن ڒْمحْنثْ إِ إِمْسَارنْ س سِّيبّثْ ن سْثِيفَانُوسْ، ژْوَانْ غَارْ فِينِيقِييَا ؤُ غَارْ جّْوَايهْ ن قُوبْرُوسْ ؤُ غَارْ أَنْثِييُوخِييَا، أَمْ وَارْ سِّيوِيڒنْ أَكْ-ذ حذْ س وَاوَاڒْ مْغِيرْ أَكْ-ذ وُوذَاينْ وَاهَا.
ACT 11:20 ثُوغَا ذِينْ جَارْ أَسنْ شَا ن يرْيَازنْ زِي قُوبْرُوسْ ؤُ زِي قَايْرَاوَانْ إِنِّي، أَڒَامِي د-ؤُسِينْ غَارْ أَنْثِييُوخِييَا، ثُوغَا إِسَّاوَاڒنْ أَكْ-ذ إِيُونَانِييّنْ، بَارّْحنْ أَسنْ س ڒخْبَارْ أَصبْحَانْ ن سِيذِيثْنغْ يَاسُوع.
ACT 11:21 ثُوغَا أَفُوسْ ن سِيذِي أَكِيذْسنْ ؤُشَا أَطَّاسْ ؤُمْننْ، ذوْڒنْ-د غَارْ سِيذِي.
ACT 11:22 إِكَّا-د ڒخْبَارْ خَاسنْ خْ إِمزُّوغنْ ن أَيْثْ ن ثْمسْمُونْثْ ذِي ؤُرْشَالِيمْ. نِيثْنِي سّكّنْ بَارْ-نَابَا غَارْ أَنْثِييُوخِييَا.
ACT 11:23 أَڒَامِي د-يِيوضْ [ذِينْ]، إِژْرَا أَرْضَا ن أَربِّي، ؤُشَا إِفَارْحْ، إِعْڒمْ أَسنْ حِيمَا أَذْ قِّيمنْ تّْشبَّارنْ ذِي سِيذِيثْنغْ س مَارَّا ؤُڒْ نْسنْ.
ACT 11:24 مِينْزِي ثُوغَا-ث ذ أَرْيَازْ إِسڭّذْ، إِشُّورْ س أَرُّوحْ إِقدّْسنْ ذ لْ-إِيمَانْ، ؤُشَا إِجّْ ن ؤُبَارُّو ذ أَمقّْرَانْ [ن إِوْذَانْ] إِمَّارْنِي-د غَارْ سِيذِيثْنغْ.
ACT 11:25 خنِّي إِرُوحْ غَارْ ثَارْسُوسْ حِيمَا أَذْ يَارْزُو خْ شَاوُولْ،
ACT 11:26 ؤُشَا أَڒَامِي ث يُوفَا، يِيوِي إِ-ث أَكِيذسْ غَارْ أَنْثِييُوخِييَا. ؤُشَا إِمْسَارْ أَقَا نِيثْنِي مُوننْ ذِي ثْمسْمُونْثْ أَسڭّْوَاسْ إِكْمڒْ ؤُشَا سّْڒمْذنْ إِجّْ ن ڒْغَاشِي ذ أَمقّْرَانْ. زِي  ڒْوقْثْ نِّي تّْوَاسمَّانْ إِمحْضَارنْ ذ ’إِمَاسِيحِييّنْ‘ إِ ؤُمُورْ أَمزْوَارُو.
ACT 11:27 ذڭْ وُوسَّانْ نِّي هْوَانْ-د شَا ن إِنَابِييّنْ زِي ؤُرْشَالِيمْ غَارْ ذِينْ.
ACT 11:28 ؤُشَا إِكَّارْ إِجّْ ن زَّايْسنْ قَّارنْ أَسْ أَغابُوسْ، إِعْڒمْ أَسنْ س أَرُّوحْ بلِّي إِجّْ ن ڒَاژْ إِمْغَارْ أَذْ يكّْ خْ مَارَّا ثَامُّورْثْ. ؤُشَا يُوسَا-د ڒَاژْ-أَ ذڭْ وُوسَّانْ ن قَايْصَارْ كْلُوذِييُوسْ.
ACT 11:29 خنِّي ڭِّينْ إِمحْضَارنْ أَقَا كُوڒْ إِجّْ زَّايْسنْ أَذْ إِڭّْ شَا ن ثْوِيزَا غَارْ ؤُغزْذِيسْ عْلَاحْسَابْ ثِيزمَّارْ نّسْ إِ وَاوْمَاثنْ إِ إِزدّْغنْ ذِي يَاهُوذِييَّا.
ACT 11:30 ؤُشَا أَمنِّي إِ ڭِّينْ نِيثْنِي، ؤُشَا سّكّنْ ث ذِينْ غَارْ إِمْغَارنْ [ن ڒْڭنْسْ] إِ ذِينْ إِدْجَانْ س ؤُفُوسْ ن بَارْ-نَابَا ذ شَاوُولْ.
ACT 12:1 ذِي ڒْوقْثْ نِّي عْڒَاحَاڒْ إِسّْوِيژّضْ هِيرُوذُوسْ أَفُوسْ نّسْ حِيمَا أَذْ إِكَارْفسْ خْ شَا ن يِينِّي إِدْجَانْ زِي ثْمسْمُونْثْ.
ACT 12:2 إِنْغَا يَاعْقُوبْ ؤُمَاسْ ن يُوحَانَّا س سِّيفْ.
ACT 12:3 ؤُمِي إِژْرَا أَقَا مَانْ أَيَا إِعْجبْ أَسنْ إِ وُوذَاينْ، إِكمّڒْ ذڭْ وبْرِيذْ نِّي مَاحنْذْ أَذْ إِطّفْ ؤُڒَا ذ شِيمْعُونْ بُوطْرُوسْ. ثُوغَا ذ ؤُسَّانْ ن [وغْرُومْ] بْڒَا أَنْثُونْ.
ACT 12:4 [ڒَْامِي] ث إِطّفْ، إِڭَّا إِ-ث ذِي ڒحْبسْ، ؤُشَا إِڭَّا أَسْ ذڭْ إِفَاسّنْ ن ستَّا -عشْرَا ن إِعسَّاسنْ، حِيمَا أَذْ خَاسْعسّنْ. ثُوغَا إِخْسْ أَذْ ث إِقدّمْ زَّاثْ إِ وُوذَاينْ أَوَارْنِي إِ [ڒْْعِيذْ ن ثْغَارْصْثْ ن] ؤُسعْذُو.
ACT 12:5 ؤُمِي ثُوغَاعسّنْ خْ شِيمْعُونْ ذِي ڒحْبسْ، ثُوغَا ثژَّادْجْ ثْمسْمُونْثْ إِ أَربِّي بْڒَا قطُّو ذِي طّْوعْ نّسْ.
ACT 12:6 ذِي دْجِيڒثْ، غَارْ ثُوفُّوثْ إِ ذِي ثُوغَا إِزْعمْ [هِيرُوذُوسْ] أَذْ ث إِقدّمْ، ؤُمِي إِطّصْ شِيمْعُونْ أَمْ ث شدّنْ س ثْنَاينْ ن سّْنَاسڒْ جَارْ ثْنَاينْ ن إِعسَّاسنْ ن ڒْعسْكَارْ ؤُ إِنّغْنِي حطَّانْ غَارْ ثوَّارْثْ ن ڒحْبسْ،
ACT 12:7 إِبدّْ-د لْمَالَاكْ ن سِيذِي سنّجْ نّسْ ؤُ طّْيَا ن ثْفَاوْثْ ثتّْشعْشِيعْ ذِي مَارَّا أَخَّامْ ؤُشَا نتَّا إِعَارْنْ إِ-ث ذڭْ ؤُغزْذِيسْ نّسْ، إِسّْفَاقْ إِ-ث، إِنَّا: ”كَّارْ ذغْيَا!“ ذغْيَا وْضَانْثْ سّْنَاسڒْ زڭْ إِفَاسّنْ نّسْ.
ACT 12:8 إِنَّا أَسْ لْمَالَاكْ: ”بْيسْ، ثقّْنذْ ثِيسِيڒَا نّشْ!“ إِڭَّا أَمُّو. إِنَّا أَسْ خنِّي: ”أَرْضْ أَجدْجَابْ نّشْ، ضْفَارْ أَيِي-د!“
ACT 12:9 خنِّي إِفّغْ، إِضْفَارْ إِ-ث، وَارْ إِسِّينْ مِينْ ذ أَسْ إِڭَّا لْمَالَاكْ، أَقَا مَانْ أَيَا ذ ثِيذتّْ، مَاغَارْ إِتّْغِيڒْ أَسْ إِژْرَا إِجّْ ن ڒوْحِييْ.
ACT 12:10 أَڒَامِي كِّينْ خْ ؤُعسَّاسْ أَمزْوَارُو ذ خْ ونِّي وِيسّْ ثْنَاينْ، إِوْضنْ غَارْ ثوَّارْثْ ن وُوزَّاڒْ ثنِّي إِتَّاوْينْ غَارْ ثنْذِينْثْ، ثنُّورْزمْ أَسنْ وحّْذسْ. أَوَارْنِي ڒَامِي زَّايسْ فّْغنْ، قضْعنْ إِشْثْ ن زّنْقثْ، ڒخْذنِّي إِجَّا إِ-ث لْمَالَاكْ.
ACT 12:11 خنِّي إِذْوڒْ-د شِيمْعُونْ غَارْ ڒْبَاڒْ نّسْ، إِنَّا: ”ڒخُّو سّْنغْ س ثِيذتّْ بلِّي سِيذِي إِسّكّْ-د لْمَالَاكْ نّسْ، إِسّنْجمْ أَيِي زڭْ إِفَاسّنْ ن هِيرُوذُوسْ ؤُ زِي مَارَّا مِينْ زعْمنْ أَذْ أَيِي ڭّنْ وُوذَاينْ.“
ACT 12:12 ؤُمِي ثُوغَا إِتّْخَارّصْ ذِي مَانْ أَيَا، يُوسَا-د غَارْ ثَادَّارْثْ ن مَارْيَامْ، يمَّاسْ ن يُوحَانَّا، ونِّي إِتّْكنَّانْ مَارْكُوسْ، مَانِي ثُوغَا تّْمُونَانْ أَطَّاسْ، تّْژَادْجَانْ [ذِينْ].
ACT 12:13 أَڒَامِي إِسّْقَارْقبْ ذِي ثوَّارْثْ ن بَارَّا ن ڒمْرَاحْ، ثُوسَا-د إِشْثْ ن ثْحنْجِيرْثْ، قَّارنْ أَسْ رُوذَا حِيمَا أَذْ ثْسڒْ [وِي ذِينِّي].
ACT 12:14 ثعْقڒْ ثْمِيجَّا ن شِيمْعُونْ، ؤُشَا زِي سِّيبّثْ ن ڒفْرَاحثْ وَارْ ثَارْزِيمْ شَا ثوَّارْثْ، [مَاشَا] ثعْقبْ ذغْيَا ؤُشَا ثْخبَّارْ إِ-ثنْ، إِنَّا أَسنْ: ”خْزَارْ، شِيمْعُونْ، أَقَا إِبدّْ غَارْ ثوَّارْثْ ن ڒمْرَاحْ!“
ACT 12:15 نَّانْ أَسْ: ”أَقَا شمْ ثْخڒْفذْ!“ مَاشَا نتَّاثْ ثقِّيمْ ثقَّارْ أَقَا مَانْ أَيَا نِيشَانْ. نَّانْ أَسْ: ”مَا أَذْ ثَاغْ ذ لْمَالَاكْ نّسْ!“
ACT 12:16 مَاشَا شِيمْعُونْ، إِقِّيمْ إِسّْقَارْقُوبْ ؤُشَا فّْغنْ، ژْرِينْ ث ؤُشَا ثْبهْثنْ.
ACT 12:17 إِشيَّارْ أَسنْ س ؤُفُوسْ نّسْ حِيمَا أَذْ سْقَارنْ ؤُشَا إِعَاوذْ أَسنْ مَامّشْ ث-إِ-د-إِسُّوفّغْ سِيذِي زِي ڒحْبسْ، إِنَّا: ”خبَّارمْ يَاعْقُوبْ ذ ثَاوْمَاثْ خْ ؤُيَا!“ خنِّي إِفّغْ غَارْ إِجّْ ن ومْشَانْ نّغْنِي.
ACT 12:18 ڒَامِي د-يِيوضْ ؤُزِيڒْ، إِمْسَارْ إِجّْ ن ؤُخَارْوضْ إِ وَارْ إِدْجِينْ ذْرُوسْثْ جَارْ ڒْعسْكَارْ خْ مِينْ إِمْسَارنْ إِ شِيمْعُونْ.
ACT 12:19 أَوَارْنِي ڒَامِي ثُوغَا خَاسْ يَارزُّو هِيرُوذُوسْ، مَاشَا وَارْ ث يُوفِي، إِحْكمْ خْ إِعسَّاسنْ س ڒْموْثْ، إِفّغْ زِي يَاهُوذِييَّا، إِقِّيمْ إِزدّغْ ذِي قَايْصَارِييَا.
ACT 12:20 ؤُمِي ثُوغَا ڒعْذَاوثْ ذِي هِيرُوذُوسْ ضِيدّْ إِ أَيْثْ ن صُورْ ذ صَايْذُونْ، مُوننْ نِيثْنِي، إِوْضنْ أَذْ سّْقنْعنْ بْلَاسْثُوسْ أَمْسخَّارْ إِشنّْعنْ ن ؤُجدْجِيذْ ؤُشَا تَّارنْ أَسْ مَاحنْذْ أَذْ أَسنْ إِوْشْ إِجّْ ن وصْڒَاحْ، مِينْزِي مَاشَّا ن ثمُّورْثْ نْسنْ ثكَّا-د زِي ثْڭلْذِيثْ ن هِيرُوذُوسْ.
ACT 12:21 ذڭْ إِجّْ ن وَاسّْ [ن ڒْفَارْحْ] إِتّْوَاسّْننْ يَارْضْ هِيرُوذُوسْ أَجدْجَابْ ن ؤُجدْجِيذْ أَمْ إِقِّيمْ خْ ڒْكُورْسِي ن شّْرعْ، ؤُشَا إِسِّيوڒْ إِ ڒْغَاشِي.
ACT 12:22 ؤُشَا مَارَّا ڒْڭنْسْ إِسْغُويْ غَارسْ: ”أَقَا ذ أَوَاڒنْ ن أَربِّي، وَارْ إِدْجِي ن بْنَاذمْ.“
ACT 12:23 ڒخْذنِّي إِوْثَا إِ-ث لْمَالَاكْ ن سِيذِي، مِينْزِي نتَّا وَارْ إِوْشِي أَعُودْجِي إِ أَربِّي. ؤُشَا ذْڒنْ ث إِكشَّاونْ، إِفّغْ زَّايسْ بُوحْبڒْ.
ACT 12:24 أَوَاڒْ ن أَربِّي إِتّْوَابَارّحْ [زَّايسْ]، إِمقَّارْ.
ACT 12:25 بَارْ-نَابَا ذ شَاوُولْعقْبنْ-د زِي ؤُرْشَالِيمْ غَارْ أَنْثِييُوكِييَا أَوَارْنِي ڒَامِي كمّْڒنْ ثَاسخَّارْثْ نْسنْ ؤُشَا إِوْينْ أَكِيذْسنْ يُوحَانَّا، ونِّي ؤُمِي تّْكنَّانْ مَارْكُوسْ.
ACT 13:1 ثُوغَا ذِينْ ذِي أَنْثِييُوخِييَا ذِي ثْمسْمُونْثْ إِنَابِييّنْ ذ إِمْسڒْمَاذنْ: بَارْ-نَابَا، ذ شِيمْعُونْ ونِّي إِتّْكنَّانْ نِيجرْ، ذ لُوكِييُوسْ زِي ثنْذِينْثْ ن قَايْرَاوَانْ، ذ مَانَاعِينْ ونِّي ذ مِّيسْ ن ونِّي يَاربَّانْ هِيرُوذُوسْ، ڒْحَاكمْ خْ إِجّْ ن أَرْبَاعْ ن ثمُّورْثْ، ذ شَاوُولْ.
ACT 13:2 أَمْ ثُوغَا تّْژُومَّانْ، تّْزَاوْڭنْ أَربِّي، إِنَّا أَسنْ أَرُّوحْ إِقدّْسنْ: ”فَارْزمْ أَيِي-د بَارْ-نَابَا ذ شَاوُولْ إِ ڒْخذْمثْ ثنِّي ؤُمِي ذ أَسنْ د-ڒَْاغِيغْ.“
ACT 13:3 أَوَارْنِي ڒَامِي ژُومّنْ، ژُّودْجنْ، سَّارْسنْ خَاسنْ إِفَاسّنْ، سكّنْ ثنْ.
ACT 13:4 ڒَامِي ثُوغَا د-تّْوَاسّكّنْ زِي أَرُّوحْ إِقدّْسنْ، هْوَانْ-د غَارْ سَالُوكِييَا ؤُشَا سّنِّي رُوحنْ ذِي ڒبْحَارْ غَارْ قُوبْرُوسْ.
ACT 13:5 ؤُمِي إِوْضنْ غَارْ سَالَامِيسْ، بَارّْحنْ س وَاوَاڒْ ن سِيذِيثْنغْ ذِي ثمْزِيذَاوِينْ ن وُوذَاينْ. ثُوغَا يُوحَانَّا إِتّْسخَّارْ إِ-ثنْ.
ACT 13:6 أَوَارْنِي ڒَامِي ژْوَانْ مَارَّا ثَاڭْزِيرْثْ، إِوْضنْ-د غَارْ بَافُوسْ. نِيثْنِي ؤُفِينْ ذِينْ إِجّْ ن ورْيَازْ ذ ؤُذَايْ، ثُوغَا وَانِيثَا ذ أَسحَّارْ، ذ أَنَابِي إِسّْخَارِّيقنْ، قَّارنْ أَسْ بَارْ-شُومَا.
ACT 13:7 نتَّا غَارسْ إِشْثْ ن ثسْغُونْثْ إِمْثنْ أَكْ-ذ إِجّْ ن بْنَاذمْ ذ أَمِيغِيسْ، لْعَامِيلْ ؤُمِي قَّارنْ سَارْجِييُوسْ بُولُوسْ. إِڒَاغَا-د لْعَامِيلْ إِ بَارْ-نَابَا ذ شَاوُولْ، ثُوغَا إِمّژْرِي أَذْ إِسڒْ أَوَاڒْ ن أَربِّي.
ACT 13:8 مَاشَا أَسحَّارْ بَارْ-شُومَا، إِسمْ وَانِيثَا إِتّْوَاثَارْجمْ س ’إِلِيمَاسْ‘، ثُوغَا إِتّْعكَّاسْ إِ-ثنْ، يَارْزُو أَذْ إِسّْبعّذْ لْوَالِي خْ لْ-إِيمَانْ.
ACT 13:9 مَاشَا شَاوُولْ ؤُمِي قَّارنْ عَاوذْ بُولُوسْ، إِتّْوَاشُّورْ س أَرُّوحْ إِقدّْسنْ، إِجْعَارْ ذَايسْ مْلِيحْ، إِنَّا:
ACT 13:10 ”أَ [شكْ]، أَقَا ثشُّورذْ س كُوڒْ ڒْغشّْ ذ كُوڒْ ثحْرَايْمشْثْ، [أَ شكْ] مِّيسْ ن إِبْڒِيسْ ذ ڒعْذُو ن مَارَّا ثَاسڭْذَا. مَا أَقَا شكْ وَارْ ثْبدّذْ [عمَّارْصْ] أَذْ ثسّْخَارْوْضذْ إِبْرِيذنْ إِسڭّْذنْ ن سِيذِي؟
ACT 13:11 ڒخُّو، خْزَارْ، أَقَا ذَا أَفُوسْ ن سِيذِي ضِيدّْ نّشْ، أَذْ ثْذوْڒذْ ذ أَذَارْغَاڒْ، وَارْ ثتّْوِيڒِيذْ ثَافُوشْثْ [عَاذْ] إِ يِيجّْ ن ڒْمِيجَاڒْ.“ ڒخْذنِّي ثوْضَا-د خَاسْ ثَايُّوثْ ذ ثَادْجسْثْ ؤُشَا إِبْذَا إِدُّورَا إِتّْفَافَا، يَارزُّو وِي ث غَا إِڭوّْذنْ زڭْ ؤُفُوسْ.
ACT 13:12 ڒَامِي إِژْرَا لْعَامِيلْ مِينْ إِمْسَارنْ، إِثبْهثْ ؤُشَا يُومنْ ذِي ثْغُورِي ن سِيذِي.
ACT 13:13 بُولُوسْ ذ بَارْ-نَابَا كِّينْ خْ ڒبْحَارْ زِي ثنْذِينْثْ ن بَافُوسْ ؤُشَا إِوْضنْ غَارْ ثنْذِينْثْ ن بِيرْخَا ذِي بَامْفِيلِييَا. سّنِّي يُويُورْ خَاسنْ يُوحَانَّا، إِعْقبْ غَارْ ؤُرْشَالِيمْ.
ACT 13:14 مَاشَا نِيثْنِي رُوحنْ زِي بِيرْخَا، [كِّينْ خْ ثمُّورْثْ،] ؤُشَا إِوْضنْ غَارْ أَنْثِييُوخِييَا، إِشْثْ ن ثنْذِينْثْ ذِي [جّْوَايهْ ن] بِيسِيذِييَا. ؤُذْفنْ نِيثْنِي غَارْ ثمْزِيذَا ذڭْ وَاسّْ ن سّبْثْ ؤُشَا قِّيمنْ ذِينِّي.
ACT 13:15 أَوَارْنِي ثِيغْرِي ن شَّارِيعَا ذ إِنَابِييّنْ، سّكّنْ غَارْسنْ إِمْغَارنْ ن ثمْزِيذَا، نَّانْ: ”[أَ] إِرْيَازنْ ثَاوْمَاثْ، مَاڒَا ثُوغَا غَارْومْ إِجّْ ن وَاوَاڒْ ن ؤُشجّعْ إِ إِوْذَانْ، بَارّْحمْ زَّايسْ إِ ڒْڭنْسْ!“
ACT 13:16 [خنِّي] إِكَّارْ بُولُوسْ إِشيَّارْ س ؤُفُوسْ نّسْ، إِنَّا: ”أَ كنِّيوْ، إِرْيَازنْ ن إِسْرَائِيل ؤُ كنِّيوْ إِنِّي إِتّڭّْوذنْ أَربِّي، سْڒمْ!
ACT 13:17 أَربِّي ن ڒْڭنْسْ-أَ ثُوغَا إِفَارْزْ ڒجْذُوذْ نّغْ ؤُشَا إِسّْڭعّذْ إِ-ثنْ ؤُ إِمَّارْنِي ذَايْسنْ أَطَّاسْ ڒَامِي ثنْ ثُوغَا ذ إِمعْزَابْ ذِي ثمُّورْثْ ن مِيصْرَا ؤُشَا إِسُّوفّغْ إِ-ثنْ س ؤُفُوسْ نّسْ يُوعْڒَانْ،
ACT 13:18 إِسّشَّا إِ-ثنْ ڒْمِيجَاڒْ ن أَربْعِينْ ن إِسڭّْوُوسَا ذِي ڒخْڒَا.
ACT 13:19 إِثحَّا سبْعَا ن ڒڭْنُوسْ ذِي ثمُّورْثْ ن كنْعَانْ، ؤُشَا إِوْشَا أَسنْ ثمُّورْثْ نْسنْ ذ ڒْوَارْثْ إِ نِيثْنِي.
ACT 13:20 نتَّا إِوْشَا أَسنْ ڒْقُوضَاثْ إِ يِيجّْ ن ڒْمِيجَاڒْ ن أَربْعَا-مْيَا ؤُ-خمْسِينْ ن إِسڭّْوُوسَا، أَڒْ ڒْوقْثْ ن ؤُنَابِي شَامْوِيلْ.
ACT 13:21 خنِّي تَّارنْ إِجّْ ن ؤُجدْجِيذْ إِ يِيخفْ نْسنْ ؤُشَا أَربِّي إِوْشَا أَسنْ شَاوُولْ، مِّيسْ ن كِيسْ، إِجّْ ن ورْيَازْ زِي ثقْبِيتْشْ ن بِينْيَامِينْ، ڒْمِيجَاڒْ ن أَربْعِينْ ن إِسڭّْوُوسَا.
ACT 13:22 [خنِّي] إِكّسْ إِ-ث، إِسّْڭعّذْ أَسنْ ذَاوُوذْ ذ أَجدْجِيذْ، ونِّي ؤُمِي خْ إِشْهذْ [أَربِّي] عَاوذْ [أَمُّو]: ’ؤُفِيغْ ذَاوُوذْ مِّيسْ ن يَاسَّا، أَقَا-ث ذ إِجّْ ن ورْيَازْ يُوسَا-د خْ ڒْخَاضَارْ إِنُو، ونِّي إِ غَا إِڭِّنْ مَارَّا مِينْ خْسغْ نشّْ.‘
ACT 13:23 زِي زَّارِيعثْ نّسْ إِڭَّا أَربِّي إِ إِسْرَائِيل يَاسُوع أَمْسنْجمْ أَمْ مَامّشْ ثُوغَا زَّايسْ إِوَاعْذْ.
ACT 13:24 إِسّكّْ يُوحَانَّا حِيمَا أَذْ إِبَارّحْ س ؤُصغْضَاصْ ن تُّوبثْ قْبڒْ ثْوَاسِيثْ نّسْ إِ مَارَّا ڒْڭنْسْ ن إِسْرَائِيل.
ACT 13:25 ؤُمِي د-يِيوضْ يُوحَانَّا إِكمّڒْ ثَاسخَّارْثْ نّسْ، إِنَّا: ’مِينْ ذ أَومْ إِتّْغِيڒْ أَقَا ذ نشّْ؟ وَارْ دْجِيغْ ذ [لْمَاسِيحْ]، مَاشَا، خْزَارْ، نتَّا أَذْ د-يَاسْ أَوَارْنِي أَيِي، ونِّي ؤُمِي نشّْ وَارْ سْذِيهدْجغْ أَذْ أَسْ فسْيغْ إِفِيڒَانْ ن سَانْذَالِييَاثْ نّسْ!‘
ACT 13:26 [أَ] إِرْيَازنْ ثَاوْمَاثْ، ثَارْوَا ن جِّيڒْ ن إِبْرَاهِيمْ ذ يِينِّي أَكِيذْومْ إِتّڭّْوذنْ أَربِّي: إِ كنِّيوْ ؤُمِي د-إِتّْوَاسّكّْ نتَّا، ونِّي ذ أَوَاڒْ إِدَّارنْ.
ACT 13:27 مِينْزِي إِمزْذَاغْ ن ؤُرْشَالِيمْ ذ إِمقّْرَاننْ نْسنْ وَارْ ذ أَسْ فْهِيمنْ ؤُڒَا ذ إِذْلِيسنْ ن إِنَابِييّنْ إِ إِقَّارنْ كُوڒْ سّبْثْ، مَاشَا نِيثْنِي حكْمنْ خَاسْ ؤُ [أَمُّو] كمّْڒنْ نِيثْنِي مِينْ يُورَانْ.
ACT 13:28 وَاخَّا وَارْ ؤُفِينْ ؤُڒَا ذ إِجّْ ن ڒسْبَابْ حِيمَا أَذْ خَاسْ حكْمنْ س ڒْموْثْ، تَّارنْ زِي بِيلَاطُوسْ [تّسْڒِيحْ] حِيمَا أَذْ ث نْغنْ.
ACT 13:29 ؤُمِي كمّْڒنْ مَارَّا مِينْ خَاسْ يُورَانْ، سّهْوَانْ ث-إِ-د زِي ثحْنَاشْثْ ؤُشَا سَّارْسنْ ث ذڭْ ونْضڒْ.
ACT 13:30 مَاشَا أَربِّي إِسّْنكَّارْ إِ-ث-إِ-د زِي ثَادَّارْثْ ن إِمتِّيننْ.
ACT 13:31 إِضْهَارْ أَسنْ-د أَطَّاسْ ن وُوسَّانْ إِ يِينِّي أَكِيسْ إِڭعّْذنْ زِي لْجَالِيلْ غَارْ ؤُرْشَالِيمْ ؤُشَا ڒخُّو أَقَا أَثنْ ذ ڒشْهُوذْ نّسْ زَّاثْ إِ ڒْڭنْسْ.
ACT 13:32 خْزَارْ، ؤُڒَا ذ نشِّينْ نتّْبَارّحْ إِ كنِّيوْ س وَاوَاڒْ ن لْوَاعْذْ إِ إِتّْوَانَّانْ إِ ڒجْذُوذْ نّغْ.
ACT 13:33 خْزَارْ، أَربِّي إِكمّڒْ [لْوَاعْذْ] إِ نشِّينْ، إِنِّي إِدْجَانْ ذ ثَارْوَا نْسنْ، ؤُمِي د-إِسّْنكَّارْ يَاسُوع [زِي ڒْموْثْ]. أَمْ مَامّشْ ثُورَا ذڭْ ؤُزهِّيذْ وِيسّْ ثْنَاينْ: ’شكْ ذ مِّي، أَسّْ-أَ جِّيغْ-د شكْ!‘
ACT 13:34 س ؤُيَا إِسّْنكَّارْ إِ-ث-إِ-د أَربِّي زِي ثَادَّارْثْ ن إِمتِّيننْ أَڒَامِي وَارْ د-إِذِّيكّْوِيڒْعمَّارْصْ أَڒَامِي غَا إِكِيشُّو، أَمْ ث إِنَّا: ’نشّْ أَذْ أَومْ وْشغْ ثِيمڭَّا ن أَرْضَا ن ذَاوُوذْ إِ ذَايْسنْثْ ڒَامَانْ.‘
ACT 13:35 س ؤُينِّي إِقَّارْ عَاوذْ ذڭْ إِجّْ ن ومْشَانْ نّغْنِي: ’شكْ وَارْ ثتّجِّيذْ أَمْسِيزْذڭْ نّشْ أَذْ إِكِيشُّو.‘
ACT 13:36 مِينْزِي ذَاوُوذْ إِسخَّارْ جَارْ جِّيڒْ نّسْ عْلَاحْسَابْ مِينْ إِخْسْ أَربِّي، ؤُشَا إِمُّوثْ، إِتّْوَاسّْمُونْ غَارْ ڒجْذُوذْ نّسْ، خنِّي إِكِيشُّو.
ACT 13:37 مَاشَا وَانِيثَا، ونِّي د-إِسّْنكَّارْ أَربِّي، وَارْ إِتّْكِيشِّي.
ACT 13:38 س ؤُيَا، [أَ] ثَاوْمَاثْ، سْنمْ أَقَا س وَا إِتّْوَابَارّحْ س وغْفَارْ ن دّْنُوبْ إِ كنِّيوْ،
ACT 13:39 ؤُ [سْنمْ] أَقَا زِي مَارَّا مِينْ زِي وَارْ ثْزمَّارمْ أَذْ ثتّْوَاسڭّْذمْ س شَّارِيعَا ن مُوسَا، أَقَا أَذْ تّْوَاسڭّْذنْ مَارَّا إِنِّي يُومْننْ زَّايسْ نتَّا.
ACT 13:40 حْضَامْ خنِّي حِيمَا وَارْ خَاومْ د-إِوطِّي شَا ن مِينْ يُورَانْ ذڭْ [إِذْلِيسنْ ن] إِنَابِييّنْ:
ACT 13:41 ’خْزَارمْ، أَ كنِّيوْ إِنِّي إِتّْبُوصَارنْ، ثْعجْبمْ ؤُ ثْودَّارمْ، مِينْزِي نشّْ أَذْ ڭّغْ إِشْثْ ن ڒْخذْمثْ ذڭْ وُوسَّانْ نْومْ إِ وَارْ ثتِّيقِّيمْ وَاخَّا إِعَاوذْ أَومْ ت شَا ن إِجّنْ.‘ “
ACT 13:42 ڒَامِي زَّايْسنْ د-فّْغنْ، تَّارنْ زَّايْسنْ حِيمَا أَذْ كِيسنْ سِّيوْڒنْ س وَاوَاڒنْ ذ إِجّنْ ذڭْ إِجّْ ن سّبْثْ نّغْنِي.
ACT 13:43 ڒَامِي إِمّْسبْضَا [ؤُمُونِي ن] ثمْزِيذَا، أَطَّاسْ ن وُوذَاينْ ذ وَاطَّاسْ ن إِمْعَاشَارنْ ن وُوذَاينْ إِنِّي إِتّڭّْوذنْ أَربِّي ضْفَارنْ بُولُوسْ ذ بَارْ-نَابَا. نِيثْنِي ثُوغَا كِيسنْ سَّاوَاڒنْ،عڒْمنْ أَسنْ حِيمَا أَذْ قِّيمنْ تّطّْفنْ ذڭْ أَرْضَا ن أَربِّي.
ACT 13:44 ذِي سّبْثْ إِ د-يُوسِينْ ثُوسَا-د ثنْذِينْثْ مَارَّا حِيمَا أَذْ ثْسڒْ إِ وَاوَاڒْ ن أَربِّي.
ACT 13:45 أَڒَامِي ژْرِينْ وُوذَاينْ ڒْغَاشِي ذ أَمقّْرَانْ، ذوْڒنْعمَّارنْ س ڒحْسذْ،عكْسنْ مِينْ خفْ إِسِّيوڒْ بُولُوسْ، قَاشْحنْ ؤُ شقّْفنْ [ذَايسْ].
ACT 13:46 مَاشَا بُولُوسْ ذ بَارْ-نَابَا نَّانْ س ثرْيَاسْثْ: ”ثُوغَا إِتّْڒِيقْ أَذْ أَومْ نسِّيوڒْ ذ أَمزْوَارُو أَوَاڒْ ن أَربِّي، مَاشَا ؤُمِي ث ثُوڭِيمْ، ؤُ ثكّْسمْ أَوَاڒْ ضِيدّْ إِ يِيخفْ نْومْ بلِّي وَارْ ثسْذِيهدْجمْ ثُوذَارْثْ إِتّْذُومَانْ، خْزَارْ، أَقَا [ڒخُّو] نشِّينْ أَذْ نْوجّهْ ڒڭْنُوسْ.
ACT 13:47 مِينْزِي أَمُّو ذ أَنغْ إِوصَّا سِيذِيثْنغْ، إِقَّارْ: ’نشّْ أَرِّيغْ شكْ ذ ثَافَاوْثْ إِ ڒڭْنُوسْ، حِيمَا أَذْ ثِيڒِيذْ إِ ثُوذَارْثْ أَڒْ طّْرُوفَا ن دُّونشْثْ.‘ “
ACT 13:48 ؤُمِي سْڒِينْ ڒڭْنُوسْ مَانْ أَيَا، فَارْحنْ سّمْغَارنْ أَوَاڒْ ن سِيذِي ؤُشَا ؤُمْننْ مَارَّا إِنِّي ثُوغَا إِتّْوَافَارْزنْ إِ ثُوذَارْثْ إِتّْذُومَانْ.
ACT 13:49 ؤُشَا إِفّغْ أَوَاڒْ ن سِيذِي غَارْ جِّيهثْ نِّي مَارَّا.
ACT 13:50 مَاشَا ؤُذَاينْ سّْحَارّْشنْ إِمْشنّْعنْ ن ثنْذِينْثْ ذ ثمْغَارِينْ ثِينِّي غَارْسنْثْ شَّانْ ؤُعبّْذنْثْ إِ أَربِّي أَكِيذْسنْ. أَمُّو سّكَّارنْ نِيثْنِي إِشْثْ ن ؤُمَارّثْ خْ بُولُوسْ ذ بَارْ-نَابَا ؤُشَا سُّوفّْغنْ ثنْ بَارَّا إِ ثمُّورْثْ نْسنْ.
ACT 13:51 مَاشَا نِيثْنِي زّرْزنْ ثَاعجَّاجْثْ زڭْ إِضَارنْ نْسنْ خَاسنْ ؤُشَا إِوْضنْ غَارْ ثنْذِينْثْ ن إِكُونِييَا.
ACT 13:52 إِمحْضَارنْ ذوْڒنْ شُّورنْ س ڒفْرَاحثْ ن أَرُّوحْ إِقدّْسنْ.
ACT 14:1 ذڭْ إِكُونِييَا ؤُذْفنْ نِيثْنِي جْمِيعْ غَارْ ثمْزِيذَا ن وُوذَاينْ ؤُشَا سِّيوْڒنْ أَڒَامِي ؤُمْننْ أَطَّاسْ ن ڒْغَاشِي، أَمْ وُوذَاينْ أَمْ إِيُونَانِييّنْ.
ACT 14:2 مَاشَا ؤُذَاينْ إِنِّي وَارْ يُومِيننْ، سّكَّارنْ [إِرْيَازنْ ن ثنْذِينْثْ إِ يدْجَانْ زِي] ڒڭْنُوسْ، مَاحنْذْ أَذْ سّْعِيدْجْثنْ ثَاوْمَاثْ.
ACT 14:3 [وَاخَّا أَمنِّي] كِّينْ ذِينِّي أَطَّاسْ نْ ڒْوقْثْ، تّْبَارّْحنْ س بْطَايْطَايْ س سِيذِي. ؤُ نتَّا ثُوغَا إِتِّيشْ شّْهَاذثْ إِ وَاوَاڒْ ن أَرْضَا نّسْ س ڒعْڒَامَاثْ ذ ڒعْجَايبْ إِ إِڭَّا س إِفَاسّنْ نْسنْ.
ACT 14:4 مَارَّا ڒْغَاشِي [ن إِمزْذَاغْ] ن ثنْذِينْثْ إِمّْسبْضَا. شَا [زَّايْسنْ] رُوحنْ أَكْ-ذ وُوذَاينْ ؤُ شَا نّغْنِي أَكْ-ذ رُّوسُولْ.
ACT 14:5 ثُوغَا ذِينْ إِشْثْ ن ثْمعْمُوتْشْ خَاسنْ زڭْ يِينِّي زِي ڒڭْنُوسْ ؤُ زڭْ وُوذَاينْ أَكْ-ذ إِمقّْرَاننْ نْسنْ، حِيمَا أَذْ خَاسنْ كَارْفْسنْ ؤُ حِيمَا أَذْ ثنْ أَرجْمنْ.
ACT 14:6 ڒَامِي سّْننْ مَانْ أَيَا، فّْغنْ-د ؤُشَا أَروْڒنْ غَارْ ثْندَّامْ ن لِيكَاعُونْيَا، أَقَا أَثنْ ذ لِيسْثْرَا ذ ذِيرْبِي، ؤُ غَارْ ذْشُورَاثْ إِ ذ أَسْ د-إِنّْضنْ،
ACT 14:7 ؤُشَا تّْبَارّْحنْ ذِينِّي س ڒخْبَارْ أَصبْحَانْ.
ACT 14:8 ثُوغَا إِزدّغْ إِجّْ ن ورْيَازْ ذِي لِيسْثْرَا ونِّي ذ أَنعْضَابْ ذڭْ إِضَارنْ نّسْ، أَقَا-ث ذ أَقجْذَاحْ زڭْ ؤُعذِّيسْ ن يمَّاسْ، وَارْ يُويُورْعمَّارْصْ.
ACT 14:9 ثُوغَا إِتّسْڒَا إِ بُولُوسْ أَمْ إِسَّاوَاڒْ نتَّا. ڒَامِي ث إِژْرَا بُولُوسْ، يُوشَا أَقَا ذَايسْ لْ-إِيمَانْ حِيمَا أَذْ إِتّْوَاسّْڭنْفَا.
ACT 14:10 إِنَّا أَسْ س إِشْثْ ن ثْمِيجَّا ثجْهذْ: ”أَذْ أَشْ إِنِيغْ ذڭْ يِيسمْ ن سِيذِيثْنغْ يَاسُوع لْمَاسِيحْ، كَّارْ، ثْبدّذْ نِيشَانْ خْ إِضَارنْ نّشْ!“ إِنْڭزْ، إِكَّارْ، ؤُشَا إِڭُّورْ.
ACT 14:11 ڒَامِي إِژْرَا ڒْغَاشِي مِينْ إِڭَّا بُولُوسْ، سّْڭعّْذنْ ثْمِيجَّا نْسنْ، نَّانْ س ڒْهَارْذْ ن ثمُّورْثْ نِّي: ”أَقَا إِربِّيثنْ ذوْڒنْ أَروْسنْ ذڭْ إِوْذَانْ، هْوَانْ-د غَارْنغْ!“
ACT 14:12 نِيثْنِي سمَّانْ بَارْ-نَابَا س يِيسمْ ’سِيذِي ن إِربِّيثنْ‘، ؤُ بُولُوسْ س يِيسمْ ’هِيرْمِيسْ‘، مِينْزِي نتَّا إِزْوَارْ غَارْ وَاوَاڒْ.
ACT 14:13 أَكهَّانْ ن ’سِيذِي ن إِربِّيثنْ‘ ثُوغَا بَارَّا إِ ثنْذِينْثْ، يِيوِي إِينْذُوزنْ ذ ثْسذِّييِينْ ن نُّووَّاشْ غَارْ ثِيوُّورَا ن ڒمْرَاحْ مَانِي قِّيمنْ، ثُوغَا إِخْسْ أَذْ ثنْ إِقدّمْ ذ ثْغَارْصْثْ إِ نِيثْنِي.
ACT 14:14 ڒَامِي سْڒِينْ بَارْ-نَابَا ذ بُولُوسْ خْ مَانْ أَيَا، شَارّْڭنْ أَرُّوضْ نْسنْ، نڭْزنْ، فّْغنْ غَارْ بَارَّا جَارْ ڒْغَاشِي، سْغُويُّونْ، نَّانْ:
ACT 14:15 ”[أَ] إِرْيَازنْ، مِينْ إِ ثتّڭّمْ؟ ؤُڒَا ذ نشِّينْ ذ لْبَاشَارْ ذ إِجّنْ أَمْ كنِّيوْ، نتّْبَارّحْ كنِّيوْ حِيمَا أَذْ ثْبعّْذمْ خْ ثْمسْڒَايِينْ-أَ إِبطّْڒنْ، حِيمَا أَذْ ثُوبمْ غَارْ أَربِّي إِدَّارنْ إِ د-إِخڒْقنْ أَجنَّا ذ ثمُّورْثْ ذ ڒبْحَارْ ذ مَارَّا مِينْ ذَايْسنْ.
ACT 14:16 ذِي ڒْوقْثْ ن ڒجْيُوڒْ إِعْذُونْ إِجَّا نتَّا مَارَّا ڒڭْنُوسْ أَذْ ؤُيُورنْ ذڭْ إِبْرِيذنْ نْسنْ،
ACT 14:17 وَاخَّا وَارْ إِجِّي إِخفْ نّسْ بْڒَا شّْهَاذثْ أَمْ ذ أَسنْ إِوْشَا ثْشُونِي زڭْ ؤُجنَّا، إِسّهْوَا-د أَنْژَارْ ؤُ إِوْشَا أَطَّاسْ ن ڒْغِيدْجثْ ذِي ڒْوقْثْ نْسنْ [إِتّْوَاڭّنْ] ؤُشَا إِسّْجِيونْ ؤُڒَاونْ نّغْ س مَاشَّا ذ ڒفْرَاحثْ.“
ACT 14:18 وَاخَّا سَّاوَاڒنْ أَمنِّي، ثُوغَا عَاذْ إِقْسحْ خَاسنْ أَذْ سّْبدّنْ ڒْغَاشِي، مَاحنْذْ ؤُڒَا ذ إِجّْ وَارْ إِتّْقذِّيمْ ثِيغَارْصِينْ إِ نِيثْنِي.
ACT 14:19 مَاشَا ؤُسِينْ-د وُوذَاينْ زِي إِكُونِييَا ذ أَنْثِييُوخِييَا، سّْحَارّْشنْ خَاسنْ ڒْغَاشِي ؤُشَا أَرجْمنْ بُولُوسْ، جَارّنْ ث بَارَّا إِ ثنْذِينْثْ، مِينْزِي إِتّْغِيڒْ أَسنْ أَقَا إِمُّوثْ.
ACT 14:20 مَاشَا أَمْ ذ أَسْ د-نّْضنْ إِمحْضَارنْ، إِكَّارْ ؤُشَا يُوذفْ غَارْ ثنْذِينْثْ. خنِّي ثِيوشَّا نّسْ إِفّغْ أَكْ-ذ بَارْ-نَابَا، إِوْضنْ نِيثْنِي غَارْ ثنْذِينْثْ ن ذِيرْبِي.
ACT 14:21 ؤُمِي بَارّْحنْ س ڒخْبَارْ أَصبْحَانْ إِ إِمزْذَاغْ ن ثنْذِينْثْ نِّي، ڭِّينْ أَطَّاسْ ن إِمحْضَارنْ. خنِّيعقْبنْ غَارْ لِيسْثْرَا ذ إِكُونِييَا ذ أَنْثِييُوخِييَا،
ACT 14:22 ڭِّينْ ؤُڒْ ذِي ڒعْمُورْ ن إِمحْضَارنْ،عڒْمنْ أَسنْ أَذْ شبَّارنْ ذِي لْ-إِيمَانْ، نَّانْ أَسنْ بلِّي إِتّْخصَّا أَذْ نَاذفْ غَارْ ثْڭلْذِيثْ ن أَربِّي س وَاطَّاسْ ن ڒمْحَايمْ.
ACT 14:23 أَرشّْحنْ إِمْغَارنْ ذِي كُوڒْ ثَامسْمُونْثْ أَمْ تّْژُومَانْ ؤُ تّْژَادْجَانْ أَكِيذْسنْ، ؤُشَا خنِّي سلّْمنْ ثنْ إِ سِيذِيثْنغْ إِ ذِي ؤُمْننْ نِيثْنِي.
ACT 14:24 خَاسْ ؤُشَا ژْوَانْ بِيسِيذِييَا، ؤُسِينْ-د غَارْ بَامْفِيلِييَا.
ACT 14:25 أَوَارْنِي ڒَامِي سِّيوْڒنْ س وَاوَاڒْ ن سِيذِي ذِي بِيرْخَا، هْوَانْ-د غَارْ أَتَّالْيَا.
ACT 14:26 سّنِّي رُوحنْ ذِي ڒبْحَارْ غَارْ أَنْثِييُوخِييَا مِينْزِي سّنِّي ثُوغَا تّْوَاسّْقبّْضنْ إِ أَرْضَا ن سِيذِي ذِي طّْوعْ ن ڒْخذْمثْ ثنِّي أَقَا كمّْڒنْ.
ACT 14:27 ڒَامِي ذِينْ إِوْضنْ، ڒَاغَانْ خْ ثْمسْمُونْثْ، خبَّارنْ س مَارَّا ڒخْذَايمْ ثِيمقّْرَانِينْ إِ يڭَّا أَربِّي س إِفَاسّنْ نْسنْ ؤُ مَامّشْ يَارْزمْ ثَاوَّارْثْ ن لْ-إِيمَانْ إِ ڒڭْنُوسْ.
ACT 14:28 ؤُشَا قِّيمنْ ذِينْ إِشْثْ ڒْوقْثْ ذ أَزِيرَارْ أَكْ-ذ إِمحْضَارنْ. *
ACT 15:1 هْوَانْ-د يرْيَازنْ زِي يَاهُوذِييَّا [غَارْ أَنْثِييُوخِييَا] ؤُشَا بْذَانْ سّڒْمَاذنْ إِ ثَاوْمَاثْ، نَّانْ: ”مَاڒَا وَارْ ثتّْوَاخثْنمْ عْلَاحْسَابْ ثْنَامِيثْ ن شَّارِيعَا [ن مُوسَا]، وَارْ ثْزمَّارمْ أَذْ ثتّْوَاسّْنجْممْ.“
ACT 15:2 إِكَّارْ إِجّْ ن ؤُخَارْوضْ ذ ؤُنَاقشْ أَكِيذْسنْ زِي طَّارْفْ ن بُولُوسْ ذ بَارْ-نَابَا. إِمْسَارْ أَقَا بُولُوسْ ذ بَارْ-نَابَا، ؤُ أَكِيذْسنْ عَاذْ إِنّغْنِي، رُوحنْ غَارْ رُّوسُولْ ذ إِمْغَارنْ ذِي ؤُرْشَالِيمْ زِي سِّيبّثْ ن ؤُنَاقشْ-أَ.
ACT 15:3 ثسّْقبّضْ ؤُ ثسّكّْ إِ-ثنْ ثْمسْمُونْثْ. نِيثْنِي شُوقنْ ذِي مَارَّا فِينِيقِييَا ذ ثمُّورْثْ ن سَامَارْيَا ؤُشَا خبَّارنْ مَامّشْ ثُوبنْ إِنِّي إِدْجَانْ زِي ڒڭْنُوسْ، سّْفَارْحنْ مَارَّا ثَاوْمَاثْ أَطَّاسْ.
ACT 15:4 ڒَامِي إِوْضنْ غَارْ ؤُرْشَالِيمْ، ثَارحّبْ زَّايْسنْ ثْمسْمُونْثْ ذ رُّوسُولْ ذ إِمْغَارنْ ؤُ نِيثْنِي خبَّارنْ [إِ-ثنْ] س مَارَّا مِينْ زَّايْسنْ إِڭَّا أَربِّي.
ACT 15:5 مَاشَا شَا زِي ثبْرِيذْثْ ن إِفَارِيسِييّنْ إِنِّي إِذوْڒنْ ؤُمْننْ، كَّارنْ، نَّانْ: ”إِتّْخصَّا أَذْ ثنْ ثْخثْنمْ ؤُ أَذْ ثنْ ؤُمُورنْ أَذْ شبَّارنْ ذِي شَّارِيعَا ن مُوسَا.“
ACT 15:6 مُوننْ رُّوسُولْ ذ إِمْغَارنْ حِيمَا أَذْ مْشَاوَارنْ خْ ثْمسْڒَاشْثْ-أَ.
ACT 15:7 أَوَارْنِي ڒَامِي ثُوغَا تّْقَاشَاحنْ أَطَّاسْ، إِبدّْ شِيمْعُونْ، إِنَّا أَسنْ: ”أَ إِرْيَازنْ ثَاوْمَاثْ، كنِّيوْ ثسّْنمْ بلِّي أَطَّاسْ زڭْ وَامِي أَربِّي إِخْضَارْ أَقَا ڒڭْنُوسْ أَذْ سْڒنْ إِ وَاوَاڒْ ن ڒخْبَارْ أَصبْحَانْ س ؤُقمُّومْ إِنُو ؤُشَا أَذْ [زَّايسْ] أَمْننْ.
ACT 15:8 أَربِّي، ونِّي إِسّْننْ مِينْ إِدْجَانْ ذڭْ وُوڒَاونْ، إِشْهذْ خَاسنْ أَمْ ذ أَسنْ إِوْشَا أَرُّوحْ إِقدّْسنْ أَمْ إِ نشِّينْ.
ACT 15:9 نتَّا وَارْ إِتّڭّْ بُو ڒْفَارْزْ جَارْ نشِّينْ ذ نِيثْنِي، أَمْ إِسِّيزْذڭْ ؤُڒَاونْ نْسنْ س لْ-إِيمَانْ.
ACT 15:10 إِوَا ڒخُّو، مَايمِّي ثتّْجَارَّابمْ عَاذْ أَربِّي ؤُ ثتّڭّمْ إِجّْ ن ؤُزَايْڒُو خْ إِرَاونْ ن إِمحْضَارنْ إِ وَارْ زمَّارنْ ڒجْذُوذْ نّغْ ؤُڒَا ذ نشِّينْ أَذْ ث نَارْبُو؟
ACT 15:11 مَاشَا س أَرْضَا ن سِيذِيثْنغْ يَاسُوع لْمَاسِيحْ نُومنْ أَقَا أَذْ نطّفْ ثُوذَارْثْ أَمْ نِيثْنِي.“
ACT 15:12 إِسْقَارْ ڒْغَاشِي، نِيثْنِي سْڒَانْ إِ بَارْ-نَابَا ذ بُولُوسْ تّْعَاوَاذنْ خْ ڒعْڒَامَاثْ ذ ڒعْجَايبْ ثِيمقّْرَانِينْ إِ زَّايْسنْ إِڭَّا أَربِّي جَارْ ڒڭْنُوسْ.
ACT 15:13 ؤُمِي قِّيمنْ سْقَارنْ، إِكَّارْ يَاعْقُوبْ، إِنَّا: ”[أَ] إِرْيَازنْ ثَاوْمَاثْ، سْڒمْ-د غَارِي.
ACT 15:14 شِيمْعُونْ إِخبَّارْ مَامّشْ ثُوغَا إِڭَّا أَربِّي ذڭْ ؤُمزْوَارْ حِيمَا أَذْ إِخْذَارْ إِجّْ ن ڒْڭنْسْ زِي ڒڭْنُوسْ إِ يِيسمْ نّسْ.
ACT 15:15 مَانْ أَيَا إِتَّاسْ-د أَكْ-ذ وَاوَاڒنْ ن إِنَابِييّنْ أَمْ مَامّشْ ثُورَا:
ACT 15:16 ” ’أَوَارْنِي مَانْ أَيَا أَذْ د -عقْبغْ ؤُشَا أَذْ سّْبدّغْ عَاوذْ ثَازذِّيغْثْ إِوْضَانْ ن ذَاوُوذْ، ؤُ مِينْ زَّايسْ يَاردّْدْجنْ أَذْ ت سّْڭعّْذغْ ؤُشَا أَذْ ت أَرقّْعغْ عَاوذْ،
ACT 15:17 حِيمَا مِينْ إِقِّيمنْ ن إِوْذَانْ أَذْ أَرْزُونْ خْ سِيذِي، ؤُڒَا ذ مَارَّا ڒڭْنُوسْ إِ خفْ إِتّْوَاڒَاغَا س يِيسمْ إِنُو!‘، أَمُّو إِ إِقَّارْ سِيذِي ونِّي إِڭِّينْ مَارَّا أَيَا.“
ACT 15:18 ڒخْذَايمْ ن أَربِّي أَقَا تّْوَاسّْننْثْ زِي ڒبْذَا.
ACT 15:19 س ؤُينِّي تّْوَاڒِيغْ إِشُووَّارْ وَارْ نسّضْقِيڒْ شَا خْ يِينِّي د-إِدَّاكّْوَاڒنْ غَارْ أَربِّي زِي ڒڭْنُوسْ،
ACT 15:20 مَاشَا أَذْ أَسنْ نَارِي حِيمَا أَذْ بعّْذنْ خْ ثخْمُوجِي زِي ثْغَارْصَا [إِ لْ-أَصْنَامْ] ؤُ خْ فَارْقْ-شّْغڒْ ؤُ خْ جِّييْفَاثْ ؤُ خْ إِذَامّنْ.
ACT 15:21 مِينْزِي مُوسَا ثُوغَا غَارسْ ذِي كُوڒْ ثَانْذِينْثْ إِمْخطَّابنْ ذِي ثمْزِيذَاوِينْ ذِي ڒجْيُوڒْ إِعْذُونْ، إِنِّي زَّايسْ قَّارنْ ذِي مَارَّا ؤُسَّانْ ن سّبْثْ.“
ACT 15:22 خنِّي إِخْضَارنْ رُّوسُولْ ذ إِمْغَارنْ، [جْمِيعْ] أَكْ-ذ مَارَّا ثَامسْمُونْثْ، إِرْيَازنْ زِي ڒْوسْطْ نْسنْ ؤُشَا سّكّنْ يَاهُوذَا، ؤُمِي قَّارنْ عَاوذْ بَارْ-سَابَا، ذ سِيلَا أَكْ-ذ بُولُوسْ ذ بَارْ-نَابَا غَارْ أَنْثِييُوخِييَا. إِرْيَازنْ-أَ ثُوغَا أَثنْ ذ إِمقّْرَاننْ جَارْ ثَاوْمَاثْ.
ACT 15:23 ؤُرِينْ س ؤُفُوسْ نْسنْ أَمُّو: ”رُّوسُولْ ذ إِمْغَارنْ ذ ثَاوْمَاثْ. إِ ثَاوْمَاثْ إِ يدْجَانْ ذِي أَنْثِييُوخِييَا ذ سُورِييَا ذ كِيلِيكِييَا، إِ ثَاوْمَاثْ إِ يدْجَانْ زِي ڒڭْنُوسْ. سْڒَامْ خَاومْ!
ACT 15:24 نسْڒَا بلِّي شَا ن يِينِّي د-يُوسِينْ زِي ڒْوسْطْ نّغْ، صذْعنْ كنِّيوْ س وَاوَاڒنْ نْسنْ، سّنْهزّنْ ثَانفْسشْثْ نْومْ، قَّارنْ: ’إِتّْخصَّا أَذْ ثتّْوَاخثْنمْ ؤُ أَذْ ثطّْفمْ ذِي شَّارِيعَا!‘، ؤُمِي نشِّينْ وَارْ ذ أَسنْ نُومُورْ س مَانْ أَيَا.
ACT 15:25 س ؤُيَا نمْشَاوَارْ أَوَارْنِي ڒَامِي نْمُونْ مَارَّا، ؤُشَا نْفَارْزْ شَا ن يرْيَازنْ حِيمَا أَذْ ثنْ نسّكّْ غَارْومْ أَكْ-ذ إِمْعِيزّنْ نّغْ بَارْ-نَابَا ذ بُولُوسْ.
ACT 15:26 نِيثْنِي ذ إِرْيَازنْ إِنِّي إِطّوّْعنْ ثُوذَارْثْ نْسنْ إِ يِيسمْ ن سِيذِيثْنغْ يَاسُوع لْمَاسِيحْ.
ACT 15:27 نسّكّْ-د أَكِيذْسنْ يَاهُوذَا ذ سِيلَا، إِنِّي كنِّيوْ إِ غَا إِخبَّارنْ مَانْ أَيَا عَاوذْ س ؤُقمُّومْ نْسنْ.
ACT 15:28 مِينْزِي أَقَا-ث ذِي ڒْخَاضَارْ ن أَرُّوحْ إِقدّْسنْ ؤُ ذِي ڒْخَاضَارْ نّغْ، حِيمَا وَارْ خَاومْ نسّضْقِيڒْ شَا سنّجْ إِ ثِيمسْڒَايِينْ ثِينِّي لابُودَّا زَّايْسنْثْ،
ACT 15:29 أَقَا أَذْ ثَاڭّْوجمْ خْ مِينْ وهّْبنْ ذ ثَاغَارْصْثْ إِ لْ-أَصْنَامْ ڒَا خْ إِذَامّنْ ڒَا خْ جِّييْفَاثْ ؤُڒَا خْ فَارْقْ-شّْغڒْ! مَاڒَا ثحْضَامْ إِخفْ نْومْ زِي مَانْ أَيَا، أَذْ ثڭّمْ مْلِيحْ. إِڒِيمْ ذ إِمْثِيقَّانْ ذِي سِيذِيثْنغْ.“
ACT 15:30 إِنِّي د-إِتّْوَاسّكّنْ إِوْضنْ غَارْ أَنْثِييُوخِييَا ؤُشَا سّْمُوننْ مَارَّا إِوْذَانْ، وْشِينْ أَسنْ ثَابْرَاثْ.
ACT 15:31 ڒَامِي ت غْرِينْ، فَارْحنْ نِيثْنِي، تّْوَاسّْفوّْجنْ.
ACT 15:32 س وَاوَاڒنْ أَطَّاسْ سّْجهْذنْ نِيثْنْ ثَاوْمَاثْ ؤُشَا سّْمثْننْ إِنِّي إِدْجَانْ أَكْ-ذ يَاهُوذَا ذ سِيلَا، مَاغَارْ ؤُڒَا ذ نِيثْنِي ثُوغَا أَثنْ ذ إِنَابِييّنْ.
ACT 15:33 أَوَارْنِي ڒَامِي قِّيمنْ ذِينِّي شَا ن ڒْوقْثْ، سّْقبّْضنْ ثنْ وَاوْمَاثنْ س ڒهْنَا حِيمَا أَذْ د-ذوْڒنْ غَارْ رُّوسُولْ.
ACT 15:34 مَاشَا سِيلَا ثُوغَا إِخْسْ أَذْ إِقِّيمْ ذِينِّي.
ACT 15:35 بُولُوسْ ذ بَارْ-نَابَا قِّيمنْ ذِي أَنْثِييُوخِييَا، سّْغَارَانْ، تّْبَارّْحنْ س وَاوَاڒْ ن أَربِّي أَكْ-ذ وَاطَّاسْ إِنّغْنِي.
ACT 15:36 أَوَارْنِي شَا ن وُوسَّانْ إِنَّا بُولُوسْ إِ بَارْ-نَابَا: ”أجّْ أَنغْ أَذْ نعْقبْ غَارْ ثَاوْمَاثْ ذِي كُوڒْ ثَانْذِينْثْ مَانِي ثُوغَا نتّْبَارّحْ س وَاوَاڒْ ن أَربِّي، أَذْ نَارْڭبْ مَامّشْ غَا إِفّغْ ؤُمدُّورْ نْسنْ.“
ACT 15:37 بَارْ-نَابَا ثُوغَا إِخْسْ أَذْ كِيسنْ إِنْذهْ يُوحَانَّا، ونِّي إِتّْكنَّانْ مَارْكُوسْ،
ACT 15:38 مَاشَا بُولُوسْ ثُوغَا وَارْ إِخْسْ أَذْ ث يِيوِي، مِينْزِي [مَارْكُوسْ] إِسْمحْ ذَايْسنْ ؤُمِي ثُوغَا أَثنْ ذِي بَامْفِيلِييَا، ؤُ مِينْزِي وَارْ كِيسنْ إِرُوحْ.
ACT 15:39 إِكَّارْ إِجّْ ن ؤُمْشُوبّشْ ذ أَمقّْرَانْ جَارْ أَسنْ أَڒَامِي مّْسبْضَانْ إِجّنْ خْ ونّغْنِي. بَارْ-نَابَا يِيوِي مَارْكُوسْ أَكِيذسْ ؤُشَا إِبحَّارْ غَارْ ثڭْزِيرْثْ ن قُوبْرُوسْ.
ACT 15:40 مَاشَا بُولُوسْ إِخْضَارْ سِيلَا ؤُشَا إِفّغْ، أَوَارْنِي ڒَامِي سلّْمنْ ث وَاوْمَاثنْ غَارْ أَرْضَا ن أَربِّي.
ACT 15:41 إِشُوقْ ذِي سُورِييَا ذ كِيلِيكِييَا، إِتّْشجَّاعْ ثِيمسْمُونِينْ.
ACT 16:1 [ڒَْامِي] د-يُوسَا غَارْ ثْندَّامْ ن ذِيرْبِي ذ لِيسْثْرَا، ثُوغَا ذِينْ إِجّْ ن ؤُمحْضَارْ قَّارنْ أَسْ ثِيمُوثِييُو. ثُوغَا نتَّا ذ مِّيسْ ن إِشْثْ ن ثمْغَارْثْ ذ ثُوذَاشْثْ ذ ڒْمُومِينَا، مَاشَا بَابَاسْ ذ أَرَامِييُو.
ACT 16:2 مَارَّا ثَاوْمَاثْ ن لِيسْثْرَا ذ إِكُونِييَا شهْذنْ خَاسْ س ڒْخَارْ.
ACT 16:3 بُولُوسْ ثُوغَا إِخْسْ وَا أَذْ إِسَافَارْ أَكِيذسْ. [خنِّي] إِكْسِي ث ؤُشَا إِخْثنْ أَسْ، مِينْزِي ؤُذَاينْ ذِي ثنْذِينْثْ نِّي سّْننْ بلِّي بَابَاسْ ذ أَرَامِييُو.
ACT 16:4 ؤُمِي كِّينْ خْ ثْندَّامْ، تّْبَارّْحنْ، سّڒْمَاذنْ ثنْ عَاوذْ مَاحنْذْ أَذْ طّْفنْ ذِي ثِيوصَّا إِ يُورَانْ رُّوسُولْ ذ إِمْغَارنْ ذِي ؤُرْشَالِيمْ.
ACT 16:5 أَمُّو ذوْڒنْثْ ثْمسْمُونِينْ بدّنْثْ مْلِيحْ ذِي لْ-إِيمَانْ ؤُشَا ثُوغَا ڒْقدّْ نْسنْثْ إِمقَّارْ كُوڒْ أَسّْ.
ACT 16:6 ؤُمِي شُوقنْ نِيثْنِي ذِي جّْوَايهْ ن فْرِيخِييَا ذ ڭَالَاطِييَا، إِمْنعْ إِ-ثنْ أَرُّوحْ إِقدّْسنْ مَاحنْذْ أَذْ بشَّارنْ س وَاوَاڒْ ن أَربِّي ذِي أَسِييَا.
ACT 16:7 ڒَامِي د-ؤُسِينْ غَارْ جِّيهثْ ن مِيسْيَا، أَرْزُونْ أَذْ رَاحنْ غَارْ بِيثِينِييَا، مَاشَا أَرُّوحْ ن يَاسُوع وَارْ ثنْ إِجِّي.
ACT 16:8 [خنِّي] فّْغنْ-د زِي مِيسْيَا، هْوَانْ غَارْ ثمُّورْثْ ن ثْرُووَاسْ.
ACT 16:9 ذڭْ إِجّْ ن ڒوْحِييْ س دْجِيڒثْ إِبَانْ-د إِجّْ ن ورْيَازْ زِي مَاكِيذُونِييَا غَارْ بُولُوسْ، إِبدّْ [ذِينِّي]، إِتَّارْ زَّايسْ، إِنَّا: ’هْوَا-د غَارْ مَاكِيذُونِييَا حِيمَا أَذْ أَيِي ثوْشذْ أَفُوسْ!‘
ACT 16:10 أَوَارْنِي ڒَامِي إِژْرَا بُولُوسْ ڒوْحِييْ-أَ، نكَّارْ ڒخْذنِّي مَاحنْذْ أَذْ نْرَاحْ غَارْ مَاكِيذُونِييَا، مِينْزِي نفْهمْ بلِّي سِيذِيثْنغْ إِڒَاغَا أَنغْ-د حِيمَا أَذْ أَسنْ نْبَارّحْ س ڒخْبَارْ أَصبْحَانْ.
ACT 16:11 أَقَا نُويُورْ ذِي ڒبْحَارْ زِي ثْرُووَاسْ ؤُشَا نْرُوحْ نِيشَانْ غَارْ سَامُوثْرَاكِي، ؤُ ثِيوشَّا نّسْ [نْرُوحْ] سّنِّي غَارْ نِيياپُولِيسْ.
ACT 16:12 سّنِّي [نْرُوحْ] غَارْ فِيلِيبِّي، ثنِّي ذ لْعَاصِيمَا ن مَاكِيذُونِييَا، ثُوغَا طّْفنْ ت إِرُومَانِييّنْ ذ ثْزذِّيغْثْ إِ نِيثْنِي. نقِّيمْ إِجّْ ن ڒْمِيجَاڒْ ن شَا ن وُوسَّانْ ذِي ثنْذِينْثْ نِّي.
ACT 16:13 ذڭْ وَاسّْ ن سّبْثْ نفّغْ زِي ثوَّارْثْ ن ثنْذِينْثْ غَارْ ثْمَا ن إِغْزَارْ مِينْزِي نژْرَا ذِينْ إِشْثْ ن ثَادَّارْثْ ن ثْژَادْجِيثْ. أَوَارْنِي ڒَامِي نقِّيمْ ذِينْ، نسِّيوڒْ أَكْ-ذ ثمْغَارِينْ ثِينِّي ثُوغَا إِمُوننْ [ذِينِّي].
ACT 16:14 إِشْثْ ن ثمْغَارْثْ نِّي إِزّنْزنْ ڒحْرَارْ، قَّارنْثْ أَسْ لُوذِييَا زِي ثنْذِينْثْ ن ثِييَاثِيرَا، ثُوغَا ثتّڭّْوذْ أَربِّي. سِيذِيثْنغْ يَارْزمْ أَسْ ؤُڒْ نّسْ حِيمَا أَذْ ثْسڒْ مْلِيحْ مِيخفْ إِسَّاوَاڒْ بُولُوسْ.
ACT 16:15 تّْوَاسّغْضصْ نتَّاثْ ذ أَيْثْبَابْ ن ثَادَّارْثْ نّسْ، ؤُشَا خنِّي ثتَّارْ زَّايْنغْ، ثنَّا: ”مَاڒَا س ثِيذتّْ ثتّْوَاڒَامْ بلِّي نشّْ ؤُمْنغْ ذِي سِيذِيثْنغْ، إِوَا أَرَاحمْ-د، قِّيممْ ذِي ثَادَّارْثْ إِنُو!“ ثُوغَا ثْزَاوْڭْ أَنغْ أَطَّاسْ.
ACT 16:16 أَمْ نڭُّورْ غَارْ ثَادَّارْثْ ن ثْژَادْجِيثْ، ثمّْسڒْقَا أَكِيذْنغْ إِشْثْ ن ثَايَّا، ذَايسْ ڒَارْيَاحْ ن ثْڭزَّانْثْ، ثِيوِي-د إِجّْ ن ڒفْضڒْ إِمْغَارْ إِ أَيْثْبَابْ نّسْ س ثْڭزَّانْثْ نِّي.
ACT 16:17 نتَّاثْ ثْضفَّارْ بُولُوسْ ذ نشِّينْ، ثسْغُويُّو، ثقَّارْ: ”إِوْذَانْ-أَ ذ إِمْسخَّارنْ ن أَربِّي، أَمْعُودْجِي خْ كُوڒْشِي، نِيثْنِي تّْبَارّْحنْ إِ كنِّيوْ س وبْرِيذْ ن ثُوذَارْثْ!“
ACT 16:18 أَمُّو إِ ثقِّيمْ أَطَّاسْ ن وُوسَّانْ. مَاشَا بُولُوسْ، ؤُمِي ثُوغَا إِتّْخيَّاقْ خْ مَانْ أَيَا، إِنّقْڒبْ، إِنَّا إِ ڒَارْيَاحْ: ”تُّومُورغْ شكْ س يِيسمْ ن يَاسُوع لْمَاسِيحْ، فّغْ زَّايسْ.“ ؤُشَا إِفّغْ-د [ڒَارْيَاحْ] ذِي ثْسَاعّثْ نِّي.
ACT 16:19 ؤُمِي ژْرِينْ أَيْثْبَابْ نّسْ بلِّي أَسِيثمْ ن ڒفْضڒْ نْسنْ إِفّغْ زَّايسْ، طّْفنْ بُولُوسْ ذ سِيلَا، جَارّنْ ثنْ، إِوْينْ ثنْ غَارْ سُّوقْ.
ACT 16:20 نِيثْنِي إِوْينْ ثنْ زَّاثْ إِ إِمْخَازْنِييّنْ ؤُ زَّاثْ إِ إِمْضبَّارنْ ن ثنْذِينْثْ، نَّانْ: ”إِوْذَانْ-أَ تّْخَارْوَاضنْ ثَانْذِينْثْ نّغْ، مِينْزِي نِيثْنِي ذ ؤُذَاينْ.
ACT 16:21 نِيثْنِي تّْبَارْحنْ أَنغْ س تَّاقَالِيذْ نِّي وَارْ إِحدْجڒْ أَذْ ثنْثْ نقْبڒْ نِيغْ أَذْ ثنْثْ نضْفَارْ، مِينْزِي نشِّينْ ذ إِرُومَانِييّنْ!“
ACT 16:22 إِسّْمُونْ خَاسنْ إِجّْ ن ڒْغَاشِي ذ أَمقّْرَانْ. خنِّي شَارّْڭنْ إِمْخَازْنِييّنْ أَرُّوضْ نْسنْ، ؤُمُورنْ أَذْ ثنْ هتّْكنْ س ؤُركُّوضْ.
ACT 16:23 أَوَارْنِي ڒَامِي ثنْ هتّْكنْ أَطَّاسْ س ؤُركُّوضْ، نْضَارنْ ثنْ ذِي ڒحْبسْ، ؤُمُورنْ إِ ؤُعسَّاسْ ن ڒحْبسْ حِيمَا أَذْ خَاسنْ إِعسّْ مْلِيحْ.
ACT 16:24 ؤُ نتَّا، ؤُمِي إِكْسِي ثَاوْصيّثْ-أَ، إِسِّيذفْ إِ-ثنْ غَارْ ذَاخڒْ قَاعْ ن ڒحْبسْ، إِقّنْ إِ-ثنْ زڭْ إِضَارنْ نْسنْ ذڭْ إِجّْ ن ڒْقَاڒبْ ن دْجُوحْ.
ACT 16:25 ذڭْ وزْينْ ن دْجِيڒثْ ثُوغَا بُولُوسْ ذ سِيلَا تّْژَادْجَانْ ؤُ تّْسبَّاحنْ أَربِّي أَمْ ذ أَسنْ سْڒِينْ إِمحْبَاسْ.
ACT 16:26 ڒخْذنِّي إِمْسَارْ إِجّْ ن ونْهزِّي ن ثمُّورْثْ ذ أَمقّْرَانْ أَڒَامِي إِتّْوَانْهزّْ ذْسَاسْ ن ڒحْبسْ، ؤُشَا ذغْيَا نُّورْزْمنْثْ مَارَّا ثِيوُّورَا ؤُشَا ذوْڒنْ إِشذِّييّنْ ن مَارَّا [إِمحْبَاسْ] فسْينْ.
ACT 16:27 ڒَامِي ذ إِفَاقْ ؤُعسَّاسْ ن ڒحْبسْ، إِژْرَا ثِيوُّورَا أَرْزْمنْثْ، إِجْبذْ سِّيفْ نّسْ، ثُوغَا إِڭُّورْ أَذْ إِنغْ إِخفْ نّسْ، إِتّْغِيڒْ أَسْ بلِّي إِمحْبَاسْ أَروْڒنْ.
ACT 16:28 مَاشَا بُولُوسْ إِڒَاغَا س جّهْذْ: ”وَارْ تّْضَارَّا إِخفْ نّشْ، أَقَا أَنغْ ذَا مَارَّا!“
ACT 16:29 خنِّي إِسَّارغْ إِجّْ ن ڒفْنَارْ، إِنْڭزْ غَارْ ذَاخڒْ، إِتَّارْجِيجِي، إِنْضَارْ إِخفْ نّسْ غَارْ إِضَارنْ ن بُولُوسْ ذ سِيلَا.
ACT 16:30 إِسُّوفّغْ إِ-ثنْ-د غَارْ بَارَّا، إِنَّا: ”[أَ] ڒجْوَاذْ، مِينْ إِتّْخصَّا أَذْ ڭّغْ حِيمَا أَذْ طّْفغْ ثُوذَارْثْ؟“
ACT 16:31 نِيثْنِي نَّانْ أَسْ: ”أَمنْ ذِي سِيذِيثْنغْ يَاسُوع لْمَاسِيحْ، أَذْ ثطّْفذْ ثُوذَارْثْ، شكْ ذ [أَيْثْبَابْ ن] ثَادَّارْثْ نّشْ!“
ACT 16:32 سِّيوْڒنْ أَوَاڒْ ن سِيذِي أَكِيذسْ ؤُ أَكْ-ذ مَارَّا أَيْثْبَابْ ن ثَادَّارْثْ نّسْ.
ACT 16:33 ذِي ثْسَاعّثْ نِّي ن دْجِيڒثْ إِوْيِي ثنْ-د [غَارسْ]، إِسِّيرْذْ أَسنْ إِيزِّيمنْ نْسنْ ؤُشَا ذغْيَا إِتّْوَاسّغْضصْ نتَّا أَكْ-ذ مَارَّا أَيْثْبَابْ ن ثَادَّارْثْ نّسْ.
ACT 16:34 خنِّي إِوْيِي ثنْ غَارْ ثَادَّارْثْ نّسْ، إِسّوْجذْ أَسنْ طَّابْڒَا، إِفَارْحْ نتَّا ذ أَيْثْبَابْ ن ثَادَّارْثْ نّسْ، مِينْزِي طّْفنْ لْ-إِيمَانْ زِي أَربِّي.
ACT 16:35 ؤُمِي د-يِيوضْ ؤُزِيڒْ، سّكّنْ إِمْخَازْنِييّنْ إِوقَّافنْ خْ ڒَامَانْ، حِيمَا أَذْ إِنِينْ إِ ؤُزدْجِيفْ ن ڒحْبسْ: ”ضڒْقْ أَسنْ-د إِ إِوْذَانْ نِّي.“
ACT 16:36 ؤُمِي إِسْڒَا أَيَا ؤُزدْجِيفْ ن ڒحْبسْ، يُوذفْ-د غَارْ ذَاخڒْ ؤُشَا إِسِّيوضْ أَوَاڒنْ-أَ غَارْ بُولُوسْ، إِنَّا: ”إِمْخَازْنِييّنْ سكّنْ-د حِيمَا أَذْ أَومْ ضڒْقنْ. خنِّي ڒخُّو، فّْغمْ، ڒُوحمْ ذِي ڒهْنَا!“
ACT 16:37 مَاشَا بُولُوسْ إِنَّا أَسْ: ”وَاخَّا نشِّينْ ذ إِرُومَانِييّنْ، جِّينْ أَذْ أَنغْ هتّْكنْ س ؤُركُّوضْ س بْطَايْطَايْ أَمْ وَارْ ذَايْنغْ إِدْجِي ڒْعِيبْ، نْضَارنْ أَنغْ ذِي ڒحْبسْ، ؤُشَا ڒخُّو، مَا خْسنْ نِيثْنِي أَذْ أَنغْ ضڒْقنْ س ثْنُوفّْرَا؟ لَّ، أجّْ إِ-ثنْ أَذْ د-أَسنْ س يِيخفْ نْسنْ، حِيمَا أَذْ أَنغْ ضڒْقنْ.“
ACT 16:38 إِوقَّافنْ خْ ڒَامَانْ رُوحنْ، سِّيوْضنْ أَوَاڒنْ-أَ نِّي ذ أَسنْ إِتّْوَانَّانْ عَاوذْ غَارْ إِزدْجِيفنْ ن ثنْذِينْثْ. ؤُشَا نِيثْنِي ڭّْوذنْ ؤُمِي سْڒِينْ أَقَا-ثنْ ذ إِرُومَانِييّنْ.
ACT 16:39 [خنِّي] ؤُسِينْ-د غَارْسنْ، تَّارنْ زَّايْسنْ أَذْ رُوحنْ، أَذْ فّْغنْ زِي ثنْذِينْثْ.
ACT 16:40 أَوَارْنِي ڒَامِي فّْغنْ-د زِي ڒحْبسْ،عقْبنْ غَارْ لُوذِييَا، مَانِي ژْرِينْ ثَاوْمَاثْ. سّْشجّْعنْ ثنْ ؤُشَا ؤُيُورنْ.
ACT 17:1 ژْوَانْ خْ أَمْفِيپُولِيسْ ذ أَپُولُّونِييَا، إِوْضنْ غَارْ ثِيسَّالُونِيكَا مَانِي ثُوغَا إِشْثْ ن ثمْزِيذَا ن وُوذَاينْ.
ACT 17:2 بُولُوسْ يُوذفْ-د ذِينْ غَارْسنْ، أَمْ ثُوغَا ذ لْقَاعِيذَا نّسْ. ذِي ثْڒَاثَا [ن وُوسَّانْ] ن سّبْثْ إِسِّيوڒْ أَكِيذْسنْ زِي ثِيرَا [إِقدّْسنْ].
ACT 17:3 إِفّسَّارْ ؤُ إِسّْبيّنْ [أَسنْ أَمُّو]: ”ثُوغَا إِتّْخصَّا إِ لْمَاسِيحْ أَذْ إِتّْوَاودّبْ ؤُ أَذْ د-إِكَّارْ زِي ثَادَّارْثْ ن إِمتِّيننْ. أَقَا نتَّا ذ يَاسُوع، لْمَاسِيحْ مِينْ خفْ ذ أَومْ بَارّْحغْ.“
ACT 17:4 شَا زَّايْسنْ ؤُمْننْ، مُوننْ أَكْ-ذ بُولُوسْ ذ سِيلَا، ؤُڒَا ذ أَطَّاسْ ن إِيُونَانِييّنْ إِنِّي إِتّڭّْوذنْ أَربِّي، ؤُڒَا ذ ثِيمْغَارِينْ إِشنّْعنْ، وَارْ إِدْجِي ذْرُوسْثْ زَّايْسنْثْ،
ACT 17:5 مَاشَا ؤُذَاينْ ذوْڒنْ تَّاسْمنْ، نذْهنْ شَا ن يرْيَازنْ إِعفَّاننْ زڭْ إِبْرِيذنْ ن ثنْذِينْثْ، سّْڭعّْذنْ إِجّْ ن ڒْغَاشِي ذ أَمقّْرَانْ غَارْسنْ، سّْهَاجَانْ ثَانْذِينْثْ ؤُشَا سّكَّارَانْ ثنْ ضِيدّْ ن ثَادَّارْثْ ن يَاسُونْ، أَرْزُونْ أَذْ ثنْ سلّْمنْ إِ ڒْغَاشِي.
ACT 17:6 ؤُمِي وَارْ ثنْ ؤُفِينْ ذِينْ، جَارّنْ يَاسُونْ ذ وَاوْمَاثنْ إِ ذِينْ إِدْجَانْ غَارْ إِزدْجِيفنْ ن ثنْذِينْثْ، سْغُويُّونْ: ”خْزَارْ، إِنَا، إِنِّي إِسّْغوّْغنْ ثَامُّورْثْ مَارَّا، أَقَا ؤُسِينْ-د عَاوذْ ذَا!
ACT 17:7 يَاسُونْ إِسِّيذفْ إِ-ثنْ غَارسْ ذ إِنوْجِيونْ، [وَاخَّا] نِيثْنِي مَارَّا تّْعكّْسنْ ثِيوْصيَّاثْ ن قَايْصَارْ، قَّارنْ أَقَا ذَا أَجدْجِيذْ نّغْنِي، أَقَا-ث ذ يَاسُوع.“
ACT 17:8 سَّارجْفنْ إِزدْجِيفنْ ن ثنْذِينْثْ ذ ڒْڭنْسْ ؤُمِي سْڒِينْ أَيَا.
ACT 17:9 مَاشَا أَوَارْنِي ڒَامِي طّْفنْ ڒْعَارْبُونَاثْ زِي يَاسُونْ ذ يِينّغْنِي، أَرْخُونْ أَسنْ.
ACT 17:10 ڒخْذنِّي سّكّنْ ثَاوْمَاثْ بُولُوسْ ذ سِيلَا غَارْ بِيرِييَا س دْجِيڒثْ. ؤُمِي ذِينْ إِوْضنْ، رُوحنْ غَارْ ثمْزِيذَا ن وُوذَاينْ،
ACT 17:11 مِينْزِي ؤُذَاينْ ذِينِّي ثُوغَا أَثنْ خَارْ زڭْ إِنِّي إِ يدْجَانْ ذِي ثِيسَّالُونِيكَا، مِينْزِي ثُوغَا خْسنْ أَذْ سْڒنْ إِ وَاوَاڒْ كُوڒْ أَسّْ، أَرزُّونْ أَذْ سّْننْ زِي ثِيرَا إِقدّْسنْ، مَا ثِيمسْڒَايِينْ-أَ أَقَا ثنْثْ أَمنِّي.
ACT 17:12 أَطَّاسْ زَّايْسنْ ؤُمْننْ، ؤُڒَا ذ أَطَّاسْ ن ثمْغَارِينْ ذ يرْيَازنْ زڭْ إِيُونَانِييّنْ.
ACT 17:13 مَاشَا، ؤُمِي ؤُذَاينْ ن ثِيسَّالُونِيكَا سّْننْ بلِّي بُولُوسْ ثُوغَا إِتّْبَارّحْ أَوَاڒْ ن أَربِّي ذِي بِيرِييَا، ؤُسِينْ-د نِيثْنِي عَاوذْ ذِينْ، وَارْ سّْبدّنْ زڭْ ؤُسْغوّغْ ؤُ زڭْ ؤُسْخَارْوضْ جَارْ إِمزْذَاغْ [ن ثنْذِينْثْ].
ACT 17:14 [خَاسْ ؤُشَا] جِّينْ وَاوْمَاثنْ أَذْ إِهْوَا بُولُوسْ ڒخْذنِّي غَارْ ڒبْحَارْ، مَاشَا سِيلَا ذ ثِيمُوثِييُو قِّيمنْ ذِينْ.
ACT 17:15 إِنِّي إِسّْقبْضنْ بُولُوسْ، إِوْينْ ث غَارْ ثنْذِينْثْ ن أَثِينَا. خنِّي، ؤُمِي ث جِّينْ، طّْفنْ زَّايسْ إِشْثْ ن ثبْرَاثْ إِ سِيلَا ذ ثِيمُوثِييُو مَاحنْذْ نِيثْنِي أَذْ غَارسْ د-أَسنْ ذغْيَا.
ACT 17:16 أَمْ ثنْ ثُوغَا إِتّْرَاجَا بُولُوسْ ذِي أَثِينَا، ثُوغَا أَرُّوحْ نّسْ إِخيّقْ ؤُمِي إِژْرَا ثَانْذِينْثْ ثشُّورْ س [ڒخْيَاڒَاثْ ن] لْ-أَصْنَامْ.
ACT 17:17 س ؤُينِّي ثُوغَا إِسَّاوَاڒْ ذِي ثمْزِيذَا أَكْ-ذ وُوذَاينْ ؤُ أَكْ-ذ يِينِّي إِتّڭّْوذنْ أَربِّي، ؤُ ذِي سُّوقْ ؤُڒَا أَكْ-ذ إِنِّي إِ ثُوغَا إِتّْمُوننْ ذِينِّي كُوڒْ أَسّْ.
ACT 17:18 عَاذْ شَا ن إِفَايْلَاسُوفنْ زِي ثمْزِيذَا ن إِبِيكُورُوسْ ؤُ شَا نّغْنِي، قَّارنْ أَسْ إِسْثُووَاكِييّنْ، مْنَاقَاشنْ أَكِيذسْ. شَا [زَّايْسنْ] نَّانْ: ”مِينْ إِخْسْ أَذْ يِينِي وَانِيثَا س ڒْهَارْذْ-أَ قَاعْ؟“ مَاشَا إِنّغْنِي نَّانْ: ”إِضْهَارْ-د أَقَا-ث ذ أَمْبَارّحْ ن إِربِّيثنْ إِغْرِيبنْ، مِينْزِي ثُوغَا إِتّْبَارّحْ أَسنْ س يَاسُوع ذ ثْنُوكْرَا نّسْ [زڭْ إِمتِّيننْ].
ACT 17:19 ؤُشَا إِوْينْ ث، نذْهنْ ث غَارْ ڒبْنِي ن ثَادَّارْثْ ن شّْرعْ ؤُمِي قَّارنْ أَرِييُوبَاڭُوسْ، نَّانْ أَسْ: ”مَا إِعدّڒْ أَذْ نسّنْ مَانْ ثَاغُورِي ن جْذِيذْ إِ ثتّْبَارّْحذْ؟“،
ACT 17:20 مِينْزِي شكْ ثِيوْيذْ شَا ن ثْمسْڒَايِينْ ثِيغْرِيبِينْ إِ إِمزُّوغنْ نّغْ، ؤُ نشِّينْ نخْسْ أَذْ نسّنْ مِينْ إِخْسْ أَذْ يِينِي مَانْ أَيَا.“
ACT 17:21 مَارَّا إِنِّي زِي أَثِينَا ذ مَارَّا إِبَارَّانِييّنْ إِنِّي ذِينْ إِقِّيمنْ، سّعْذُونْ ڒْوقْثْ مْغِيرْ حِيمَا أَذْ خبَّارنْ ؤُ حِيمَا أَذْ سْڒنْ إِشْثْ ن ڒْحَاجّثْ ن جْذِيذْ.
ACT 17:22 إِكَّارْ-د بُولُوسْ، إِبدّْ ذِي [ثَادَّارْثْ ن شّْرعْ قَّارنْ أَسْ] ’أَرِييُوبَاڭُوسْ‘، إِنَّا: ”[أَ] إِرْيَازنْ ن أَثِينَا، ؤُفِيغْ بلِّي كنِّيوْ ثتّْعمَّارمْ سنّجْ إِ طَّارْفْ س ثِيڭّْوُوذِي ن شّْوَاطنْ [زِي كُوڒْ أَغزْذِيسْ].
ACT 17:23 مِينْزِي ؤُمِي نّْضغْ [ذِي ثنْذِينْثْ نْومْ]، ژْرِيغْ ثِيمْزِيذَاوِينْ نْومْ، ؤُفِيغْ عَاوذْ إِجّْ ن ؤُعَالْطَارْ زمّنْ خَاسْ: ’إِ أَربِّي إِ وَارْ إِتّْوَاسّْننْ‘. س ؤُينِّي ونِّي ثْعبّْذمْ كنِّيوْ، أَمْ وَارْ ث ثسِّينمْ، ذ وَا إِ زِي ذ أَومْ تّْبشَّارغْ.
ACT 17:24 مِينْزِي أَربِّي ونِّي د-يجِّينْ دُّونشْثْ ذ مَارَّا مِينْ ذَايسْ، ونِّي إِدْجَانْ ذ سِيذِي ن ؤُجنَّا ذ ثمُّورْثْ، وَارْ إِزدّغْ شَا ذِي ثْزَاوِييِّينْ إِ إِتّْوَاڭّنْ س إِفَاسّنْ [ن إِوْذَانْ]،
ACT 17:25 ؤُڒَا وَارْ خَاسْ إِتّْوَاسخَّارْ س إِفَاسّنْ ن إِوْذَانْ أَخْمِي نتَّا إِحْوَاجْ شَا، مِينْزِي نتَّا سِيمَانْثْ نّسْ إِوْشَا إِ مْكُوڒْ بْنَاذمْ ثُوذَارْثْ ذ ثْوَارِّيثْ ن نّفْسْ.
ACT 17:26 زڭْ إِذَامّنْ ن يِيجّنْ إِڭَّا مَارَّا ڒڭْنُوسْ ن بْنَاذمْ حِيمَا أَذْ زذْغنْ خْ وُوذمْ ن ثمُّورْثْ مَارَّا، ؤُ س ڒُومُورْ نّسْ إِفَارْزْ أَسنْ ڒْمِيجَاڒَاثْ ن ڒْوقْثْ ؤُشَا إِڭَّا إِيْمِيرنْ ن ثْزذِّيغْثْ ن إِوْذَانْ،
ACT 17:27 حِيمَا أَذْ أَرْزُونْ خْ أَربِّي ؤُ أَذْ [زَّايسْ] تَّارنْ، أَذْ ثَاغْ أَذْ ث أَفنْ س مَارَّا مِينْ زَّايسْ إِتّْوَاڭّنْ، مَاغَارْ نتَّا وَارْ إِڭّْوِيجْ شَا أَطَّاسْ خْ كُوڒْ إِجّنْ زَّايْنغْ.
ACT 17:28 مِينْزِي نشِّينْ ذَايسْ إِ ندَّارْ ؤُ [ذَايسْ إِ] نتّنْهزَّا ؤُ [ذَايسْ إِ] ندْجْ، أَمْ مَامّشْ نَّانْ شَا ن إِمِيغِيسنْ نْومْ: ’أَقَا نقَّارْصْ زَّايسْ نتَّا!‘
ACT 17:29 س ؤُينِّي، أَمْ د-إِقَّارْصْ بْنَاذمْ زِي أَربِّي، إِتّْخصَّا وَارْ نْحسّبْ شَا بلِّي ؤُرغْ نِيغْ نُّوقَارْثْ نِيغْ أَژْرُو إِ إِتّْوَاڭّنْ س لْفنّْ ؤُ س ثْزمَّارْ ن بْنَاذمْ، أَقَا أَثنْ أَمْ أَربِّي إِ دْجَانْ.
ACT 17:30 أَربِّي إِجَّا أَذْ عْذُونْثْ زّْمَانَاثْ ن ؤُودَّارْ، [مَاشَا ڒخُّو،] ذِي زّْمَانْ-أَ إِتَّامَارْ إِ مَارَّا إِوْذَانْ، أَقَا إِتّْخصَّا إِ كُوڒْ بْنَاذمْ ذِي كُوڒْ أَمْشَانْ أَذْ د-إِذْوڒْ غَارْ أَربِّي!
ACT 17:31 مِينْزِي نتَّا إِڭَّا إِجّْ ن وَاسّْ إِ ذِي إِ غَا إِحْكمْ خْ مَارَّا ثَامُّورْثْ س ڒْحقّْ س إِجّْ ن بْنَاذمْ إِ إِفَارْزْ. نتَّا إِڭَّا كُوڒْ  إِجّنْ إِتّْخصَّا أَسْ مَاحنْذْ أَذْ زَّايسْ يَامنْ، ڒَامِي ث-إِ-د-إِسّْنكَّارْ زِي ثَادَّارْثْ ن إِمتِّيننْ.“
ACT 17:32 ؤُمِي سْڒِينْ خْ ثْنُوكْرَا زِي ثَادَّارْثْ ن إِمتِّيننْ، بْذَانْ سْثْهزَّانْ س مَانْ أَيَا، مَاشَا إِنّغْنِي نَّانْ: ”إِشْثْ ن ثْوَاڒَا نّغْنِي نخْسْ أَذْ زَّايكْ نْسڒْ كْثَارْ خْ مَانْ أَيَا.“
ACT 17:33 أَمُّو إِفّغْ بُولُوسْ زِي ڒْوسْطْ نْسنْ.
ACT 17:34 شَا زَّايْسنْ ضْفَارنْ ث، ؤُمْننْ. ثُوغَا ذِييُونِيسِييُوسْ ذ إِجّنْ زَّايْسنْ، أَقَا-ث جَارْ ڒْقُوضَاثْ ن أَرِييُوبَاڭُوسْ، ؤُڒَا ذ إِشْثْ ن ثمْغَارْثْ قَّارنْ أَسْ ذَامَارِيسْ ؤُ إِنّغْنِي أَكِيذْسنْ. *
ACT 18:1 أَوَارْنِي مَانْ أَيَا إِجَّا بُولُوسْ ثَانْذِينْثْ ن أَثِينَا، يُوسَا-د غَارْ كُورِينْثُوسْ.
ACT 18:2 يُوفَا [ذِينْ] إِجّْ ن ورْيَازْ ذ ؤُذَايْ قَّارنْ أَسْ أَكْوِيلَا. وَانِيثَا يِيوضْ-د [ذِينْ] زِي بُونْطُوسْ، يُوسَا-د زِي إِطَالْيَا ذِي ڒْوقْثْ نِّي، أَكْ-ذ بْرِيسْكِيلَّا، ثَامْغَارْثْ نّسْ، مِينْزِي [قَايْصَارْ] كْلُوذِييُوسْ ثُوغَا يُومُورْ مَاحنْذْ مَارَّا ؤُذَاينْ أَذْ فّْغنْ زِي رُومَا. ؤُشَا يُوسَا-د [بُولُوسْ] غَارْسنْ.
ACT 18:3 ؤُمِي ثُوغَا غَارسْ صّنْعثْ ذ إِشْثنْ أَكِيذْسنْ، إِقِّيمْ غَارْسنْ، إِخدّمْ أَكِيذْسنْ، مِينْزِي نِيثْنِي ثُوغَا أَثنْ ذِي صّنْعثْ نْسنْ ذ إِمْعِيشْونْ، تّڭّنْ إِقِيضَانْ.
ACT 18:4 ثُوغَا إِتّْحدَّاثْ كُوڒْ سّبْثْ ذِي ثمْزِيذَا، يَارزُّو أَذْ إِسّقْنعْ ؤُذَاينْ ذ إِكَافْرِيونْ، [مَاحنْذْ أَذْ أَمْننْ].
ACT 18:5 ؤُمِي د-إِهْوَا سِيلَا ذ ثِيمُوثِييُو زِي مَاكِيذُونِييَا، سّْبدّنْ نِيثْنِي بُولُوسْ زڭْ ؤُبَارّحْ ن وَاوَاڒْ، مِينْزِي ؤُذَاينْ ثُوغَا تّْضَادَّانْ ث، تّْشقّْفنْ [ذَايسْ] ؤُمِي إِشْهذْ أَقَا يَاسُوع نتَّا ذ لْمَاسِيحْ.
ACT 18:6 إِزّرْزْ [ثَاعجَّاشْثْ] زڭْ وَارُّوضْ نّسْ، إِنَّا أَسنْ: ”زِي ڒخُّو تّْبَارِيغْ إِخفْ إِنُو زَّايْومْ، [ؤُشَا] أَذْ رَاحغْ غَارْ ڒڭْنُوسْ.“
ACT 18:7 إِرُوحْ سّنِّي ؤُشَا يُوسَا-د غَارْ ثَادَّارْثْ ن إِجّْ ن ورْيَازْ قَّارنْ أَسْ ثِيثُوسْ ونِّي ثُوغَا إِعبّْذنْ أَربِّي. ثُوغَا ثَادَّارْثْ نّسْ ثڒْصقْ أَكْ-ذ ثمْزِيذَا.
ACT 18:8 ؤُ كْرِيسْپُوسْ، أَمقّْرَانْ خْ ثمْزِيذَا، يُومنْ ذِي سِيذِيثْنغْ أَكْ-ذ مَارَّا أَيْثْبَابْ ن ثَادَّارْثْ نّسْ، ؤُڒَا ذ أَطَّاسْ ن إِكُورِينْثِييّنْ ؤُمِي ذ أَسْ سْڒِينْ، ؤُمْننْ ذِي أَربِّي، تّْوَاسّْغضْصنْ.
ACT 18:9 [خنِّي] إِنَّا سِيذِي إِ بُولُوسْ ذڭْ إِجّْ ن ڒوْحِييْ: ”وَارْ تّڭّْوذْ، سِيوڒْ، وَارْ تّْسقَّارَا،
ACT 18:10 مِينْزِي نشّْ أَكِيذكْ ؤُشَا ؤُڒَا ذ إِجّْ وَارْ إِزمَّارْ أَذْ شكْ إِضَارّْ، مِينْزِي غَارِي أَطَّاسْ ن إِوْذَانْ ذِي ثنْذِينْثْ-أَ!“
ACT 18:11 ؤُشَا إِقِّيمْ إِجّْ ن ؤُسڭّْوَاسْ ذ ستَّا ن إِيُورنْ ذِي كُورِينْثُوسْ، إِسّڒْمَاذْ أَسنْ أَوَاڒْ ن أَربِّي.
ACT 18:12 مَاشَا ؤُمِي ثُوغَا غَالِييُونْ لْعَامِيلْ خْ أَخَايَا، كَّارنْ وُوذَاينْ أَمْ يِيجّْ ن ورْيَازْ خْ بُولُوسْ ؤُشَا إِوْينْ ث-إِ-د غَارْ ڒْكُورْسِي ن شّْرعْ،
ACT 18:13 نَّانْ: ”وَا إِسّقْنَاعْ إِوْذَانْ مَاحنْذْ أَذْعبْذنْ أَربِّي س ڒْعكْسْ ن شَّارِيعَا.“
ACT 18:14 ؤُمِي إِتَّارْ بُولُوسْ تّسْرِيحْ مَاحنْذْ أَذْ يَارْزمْ أَقمُّومْ نّسْ، إِنَّا غَالِييُونْ إِ وُوذَاينْ: ”مَاڒَا ثُوسِيمْ-د ذَا أَكْ-ذ إِشثْشِيينْ زِي سِّيبّثْ ن إِجّْ ن ؤُفْثُورِي نِيغْ ن إِجّْ ن ڒْغشّْ نِيغْ ن إِجّْ ن نّْعِي ن ثَاعفَّانْثْ، [أَ] ؤُذَاينْ، خنِّي إِڒِي أَذْ إِڒِيقْ أَذْ كنِّيوْ قبْڒغْ س ڒْحقّْ.
ACT 18:15 مَاشَا مَاڒَا ذِينْ إِخَارْوِيضنْ ذِي سِّيبّثْ ن إِجّْ ن وَاوَاڒْ، نِيغْ [ذِي سِّيبّثْ ن] ن شَا ن إِسْمَاونْ، نِيغْ [ذِي سِّيبّثْ ن] شَّارِيعَا نْومْ، حْضَامْ ث كنِّيوْ س يِيخفْ نْومْ، مِينْزِي نشّْ وَارْ خْسغْ أَذْ إِڒِيغْ ذ ڒْقَاضِي خْ ثْمسْڒَايِينْ-أَ!“
ACT 18:16 ؤُشَا يُوژّڒْ خَاسنْ زِي ڒْكُورْسِي ن شّْرعْ.
ACT 18:17 ڒخْذنِّي طّْفنْ مَارَّا لْكُوفَّارْ سُوسْثِينِيسْ، أَمْغَارْ ن ثمْزِيذَا، وْثِينْ ث قِيبَاتْشْ إِ ڒْكُورْسِي ن شّْرعْ، [مَاشَا] غَالِييُونْ وَارْ ذ أَسْ إِشْقِي مَانْ أَيَا قَاعْ.
ACT 18:18 [أَوَارْنِي ڒَامِي] إِقِّيمْ بُولُوسْ ذِينْ عَاذْ أَطَّاسْ ن وُوسَّانْ، إِودّعْ ثَاوْمَاثْ ؤُشَا إِبحَّارْ غَارْ سُورِييَا ؤُ بْرِيسْكِيلَّا ذ أَكْوِيلَا رُوحنْ أَكِيذسْ. نتَّا ثُوغَا إِحفّْ أَزدْجِيفْ نّسْ ذِي كِينْخْرِييُوسْ، مِينْزِي ثُوغَا إِجَّادْجْ إِشْثْ ن ثْجَادْجِيثْ.
ACT 18:19 [ؤُمِي] د-إِوْضنْ غَارْ أَفَاسُوسْ، يُوذفْ بُولُوسْ غَارْ ثمْزِيذَا، ثُوغَا إِتّْحدَّاثْ ؤُذَاينْ.
ACT 18:20 ڒَامِي زَّايسْ تَّارنْ أَذْ كِيسنْ إِقِّيمْ كْثَارْ، وَارْ إِجِّي أَذْ ث سّْقنْعنْ.
ACT 18:21 نتَّا إِنَّا: ”إِتّْخصَّا نِيشَانْ أَذْعيّْذغْ ڒْعِيذْ إِ د غَا يَاسنْ ذِي ؤُرْشَالِيمْ. مَاشَا أَذْ غَارْومْ د -عقْبغْ عَاوذْ مَاڒَا إِخْسْ أَربِّي!“ ؤُشَا إِجَّا أَكْوِيلَا ذ بْرِيسْكِيلَّا ذِي أَفَاسُوسْ.
ACT 18:22 إِشُوقْ ڒبْحَارْ ؤُشَا يِيوضْ-د غَارْ قَايْصَارِييَا، إِڭعّذْ [غَارْ ڒْعِيذْ ذِي ؤُرْشَالِيمْ]، إِسدْجمْ س ڒهْنَا خْ ثْمسْمُونْثْ، خنِّي إِسَافَارْ غَارْ أَنْثِييُوخِييَا.
ACT 18:23 أَڒَامِي ذِينْ إِسّعْذُو إِجّْ ن ڒْمِيجَاڒْ ن شَا ن وُوسَّانْ، إِفّغْ ؤُشَا إِشُوقْ ذِي جّْوَايهْ ن ڭَالَاطِييَا ذ فْرِيخِييَا، إِسّمْحضْ مَارَّا إِمحْضَارنْ.
ACT 18:24 إِجّْ ن ورْيَازْ، قَّارنْ أَسْ أَپُولُّوسْ، إِجّْ ن ورْيَازْ ذ ؤُذَايْ إِ د-إِتّْوَاخڒْقنْ ذِي إِسْكَانْذَارِييَّا، يُوسَا-د غَارْ أَفَاسُوسْ. نتَّا ثُوغَا ذ إِجّْ ن ورْيَازْ إِسّنْ أَذْ إِسِّيوڒْ، إِتّْحَاكَا ذڭْ إِذْلِيسنْ إِقدّْسنْ.
ACT 18:25 وَا ثُوغَا إِتّْوَاسّڒْمذْ ذڭْ وبْرِيذْ ن سِيذِي، ثُوغَا-ث س أَرُّوحْ إِمحْضنْ. إِسَّاوَاڒْ ؤُ إِسّڒْمَاذْ زِي جِّيهثْ ن يَاسُوع س شْضَارثْ، وَاخَّا نتَّا وَارْ إِسِّينْ مْغِيرْ أَسغْضصْ ن يُوحَانَّا.
ACT 18:26 إِبْذَا إِسَّاوَاڒْ س بْطَايْطَايْ ذِي ثمْزِيذَا. ڒَامِي ذ أَسْ سْڒِينْ أَكْوِيلَا ذ بْرِيسْكِيلَّا، إِوْينْ ث-إِ-د غَارْسنْ ؤُشَا سّْفهْمنْ أَسْ أَبْرِيذْ ن سِيذِي مَارَّا.
ACT 18:27 أَڒَامِي ثُوغَا إِخْسْ أَذْ إِسَافَارْ غَارْ أَخَايَا، شجّْعنْ ث وَاوْمَاثنْ، ؤُرِينْ غَارْ إِمحْضَارنْ أَذْ ث قبْڒنْ [مْلِيحْ]. ؤُمِي د-يِيوضْ وَا غَارْ ذِينْ، إِعَاونْ س أَرْضَا [إِ ذ أَسْ إِوْشِينْ] مَارَّا إِنِّي ثُوغَا يُومْننْ.
ACT 18:28 مِينْزِي نتَّا ثُوغَا إِتّْقَاشَاحْ س جّهْذْ ضِيدّْ ن وُوذَاينْ زَّاثْ إِ ؤُبَارُّو [ن إِوْذَانْ]، إِسّْبيّنْ أَسنْ زِي ثِيرَا [إِقدّْسنْ] بلِّي يَاسُوع نتَّا ذ لْمَاسِيحْ.
ACT 19:1 ڒَامِي ثُوغَا أَپُولُّوسْ ذِي كُورِينْثُوسْ، إِشُوقْ بُولُوسْ ذِي جّْوَايهْ يُوعْڒَانْ، يِيوضْ-د غَارْ أَفَاسُوسْ، ؤُشَا إِبْذَا إِتّْسقْسَا إِمحْضَارنْ إِ ذِينْ يُوفَا.
ACT 19:2 [إِسّقْسَا ثنْ:] ”مَا ثْقبْڒمْ أَرُّوحْ إِقدّْسنْ ڒَامِي ثُومْنمْ؟“ نِيثْنِي أَرِّينْ-د خَاسْ، نَّانْ: ”وَارْ نسْڒِي قَاعْ بلِّي ذِينْ أَرُّوحْ إِقدّْسنْ.“
ACT 19:3 إِنَّا أَسنْ: ”خنِّي مِينْ زِي ثتّْوَاسّْغضْصمْ؟“ نَّانْ أَسْ: ”س ؤُسغْضصْ ن يُوحَانَّا!“
ACT 19:4 [خنِّي] إِنَّا بُولُوسْ: ”ثُوغَا يُوحَانَّا إِسّغْضَاصْ ڒْڭنْسْ س ؤُسغْضصْ ن تُّوبثْ. إِقَّارْ أَسنْ إِتّْخصَّا أَذْ أَمْننْ س ونِّي إِ د غَا يَاسنْ أَوَارْنِي أَسْ، أَقَا نتَّا ذ يَاسُوع لْمَاسِيحْ.“
ACT 19:5 أَوَارْنِي ڒَامِي سْڒِينْ ثِيمسْڒَايِينْ أَيَا، تّْوَاسّْغضْصنْ ذڭْ يِيسمْ ن سِيذِيثْنغْ يَاسُوع لْمَاسِيحْ.
ACT 19:6 ؤُمِي خَاسنْ إِسَّارْسْ بُولُوسْ أَفُوسْ، إِهْوَا-د خَاسنْ أَرُّوحْ إِقدّْسنْ، ؤُشَا بْذَانْ سَّاوَاڒنْ س إِجّْ ن يِيڒسْ نّغْنِي ؤُشَا [بْذَانْ] تّْنَابّنْ.
ACT 19:7 ثُوغَا-ثنْ قَاعْ ثنْعَاشْ ن يرْيَازنْ.
ACT 19:8 يُوذفْ [بُولُوسْ] غَارْ ثمْزِيذَا، إِسَّاوَاڒْ أَكِيذْسنْ ثڒْثْ ن إِيُورنْ س ثرْيَاسْثْ، إِتّْحدَّاثْ غَارْسنْ، يَارزُّو أَذْ ثنْ إِسّقْنَاعْ ذِي مِينْ إِتّْهمَّانْ ثَاڭلْذِيثْ ن أَربِّي.
ACT 19:9 مَاشَا ڒَامِي ذوْڒنْ شَا زَّايْسنْ قسْحنْ، تّمْشُوبُّوشنْ، شقّْفنْ ذڭْ وبْرِيذْ ن أَربِّي زَّاثْ إِ يِينِّي [ذِينْ] إِمُوننْ زِي ڒڭْنُوسْ، خنِّي إِڭّْوجْ بُولُوسْ خَاسنْ، ؤُشَا إِسّْبعّذْ خَاسنْ إِمحْضَارنْ، إِبْذَا إِسَّاوَاڒْ أَكِيذْسنْ كُوڒْ أَسّْ ذِي ثمْزِيذَا ن إِجّْ ن ورْيَازْ قَّارنْ أَسْ ثِيرَانُّوسْ.
ACT 19:10 أَمُّو إِ يڭَّا ثْنَاينْ ن إِسڭّْوُوسَا أَڒَامِي مَارَّا إِنِّي ثُوغَا إِزدّْغنْ ذِي أَسِييَا سْڒِينْ أَوَاڒْ ن سِيذِي، أَمْ ؤُذَاينْ أَمْ إِرَامِييّنْ.
ACT 19:11 ثُوغَا أَربِّي إِتّڭّْ ڒعْجَايبْ إِمقّْرَاننْ س إِفَاسّنْ ن بُولُوسْ،
ACT 19:12 أَڒَامِي كْسِينْ ڒمْحَامَاثْ [ن ڒقْطنْ] ذ وسْثَاونْ ن إِبُويَاسْ إِ إِدْجَانْ أَرُّوضْ خْ أَرِّيمثْ نّسْ، سَّارْسنْ ثنْ خْ إِمهْڒَاشْ، ؤُشَا [خنِّي] رُوحنْ خَاسنْ ڒهْڒَاشَاثْ ؤُشَا شّْوَاطنْ فّْغنْ [زَّايْسنْ].
ACT 19:13 ثُوغَا ذِينْ عَاوذْ شَا ن وُوذَاينْ إِنِّي ثُوغَا إِڭُّورنْ ذِي ثمُّورْثْ، ثُوغَا سُّوفُّوغنْ شّْوَاطنْ. نِيثْنِي تّْعزّْمنْ خْ يِينِّي ذِي إِدْجَا ڒَارْيَاحْ أَعفَّانْ س يِيسمْ ن سِيذِيثْنغْ يَاسُوع، قَّارنْ: ”نشِّينْ نتّْعزّمْ خَاكْ س يِيسمْ ن يَاسُوع إِ زِي إِتّْبَارّحْ بُولُوسْ.“
ACT 19:14 إِنِّي ث إِڭِّينْ، أَقَا أَثنْ سبْعَا ن ثَارْوَا ن سْكِيوَا، ونِّي ذ إِجّْ ن ؤُمقّْرَانْ ن إِكهَّاننْ ذ ؤُذَايْ.
ACT 19:15 [مَاشَا] شِّيطَانْ أَعفَّانْ يَارَّا-د، إِنَّا أَسنْ: ”يشُّو سّْنغْ ث ؤُڒَا ذ بُولُوسْ سّْنغْ ث، مَاشَا مِينْ ثعْنَامْ كنِّيوْ؟“
ACT 19:16 ؤُشَا بْنَاذمْ إِ ذِي إِدْجَا ڒَارْيَاحْ ذ أَعفَّانْ إِنْڭزْ خَاسنْ، إِغڒْبْ إِ-ثنْ، إِنْضَارْ إِ-ثنْ [خْ ثمُّورْثْ]، أَڒَامِي أَروْڒنْ زِي ثَادَّارْثْ ذ إِعَارْيَاننْ ذ إِيزْمنْ.
ACT 19:17 ڒخْبَارْ-أَ إِفّغْ-د غَارْ مَارَّا وُوذَاينْ ذ إِرَامِييّنْ إِنِّي إِزدّْغنْ ذِي أَفَاسُوسْ. ثوْضَا-د إِشْثْ ن ثِيڭّْوُوذِي ثمْغَارْ خْ مَارَّا نِيثْنِي ؤُشَا إِتّْوَاسّمْغَارْ إِسمْ ن سِيذِيثْنغْ يَاسُوع لْمَاسِيحْ.
ACT 19:18 أَطَّاسْ ن يِينِّي يُومْننْ ؤُسِينْ-د، سْثعْثَارفنْ خْ إِعذِّييّنْ نْسنْ، نعْمنْ س مِينْ ثُوغَا تّڭّنْ.
ACT 19:19 ؤُڒَا ذ أَطَّاسْ ن إِسحَّارنْ يَارْونْ إِذْلِيسنْ نْسنْ، سّْشمّْضنْ ثنْ زَّاثْ إِ مَارَّا. نِيثْنِي ڭِّينْ أَسنْ ڒحْسَابْ ؤُشَا ؤُفِينْ بلِّي سّكّْوَانْ خمْسِينْ-أَڒَافْ ن [ڒْْوزْنَاثْ ن] نُّوقَارْثْ.
ACT 19:20 أَمُّو ثُوغَا لْ-إِيمَانْ ن أَربِّي إِڭَّامْ، يَارنِّي ذِي جّهْذْ.
ACT 19:21 أَوَارْنِي ڒَامِي كمّْڒنْثْ ثْمسْڒَايِينْ-أَ، إِڭَّا بُولُوسْ مَاحنْذْ أَذْ إِشُوقْ ذِي مَاكِيذُونِييَا ذ أَخَايَا مَارَّا، حِيمَا أَذْ إِسَافَارْ غَارْ ؤُرْشَالِيمْ، إِنَّا: ”خْمِي ذِينْ إِ غَا رحّْڭغْ، إِتّْخصَّا أَيِي أَذْ ژَترغْ رُومَا عَاوذْ.“
ACT 19:22 إِسّكّْ ثْنَاينْ ن يِينِّي ثُوغَا إِخدّْمنْ أَكِيذسْ غَارْ مَاكِيذُونِييَا، إِنَا ذ ثِيمُوثِييُو ذ إِرَاسْثُوسْ، [مَاشَا] نتَّا [سِيمَانْثْ] نّسْ ثُوغَا إِقِّيمْ ذِينْ [عَاذْ] شَا ن ڒْوقْثْ ذِي أَسِييَا.
ACT 19:23 ذِي ڒْوقْثْ نِّي إِكَّارْ ذِينْ إِجّْ ن ؤُخَارْوضْ ذ أَمقّْرَانْ خْ سِّيبّثْ ن وبْرِيذْ ن أَربِّي.
ACT 19:24 مِينْزِي ثُوغَا ذِينْ إِجّْ ن ؤُسِييَاغْ ن نُّوقَارْثْ، قَّارنْ أَسْ ذِيمِيثْرِييُو، ونِّي ثُوغَا إِتّْصنَّاعْ ثِيزَاوِييِّينْ ثِيمژْيَانِينْ ن نُّوقَارْثْ ن ’أَرْثِيمِيسْ‘ [ذِي ڒقْوَاڒبْ]، ؤُشَا أَمُّو إِ يَارْبحْ إِ أَيْثْ ن صّنْعثْ نّسْ إِجّْ ن أَرْبحْ ذ أَمقّْرَانْ.
ACT 19:25 إِسّْمُونْ-د أَيْثْ ن صّنْعثْ نّسْ أَكْ-ذ إِنِّي إِخدّْمنْ أَكِيذْسنْ، إِنَّا أَسنْ: ”أَ إِرْيَازنْ، كنِّيوْ ثسّْنمْ بلِّي مَارَّا أَرْبحْ نّغْ يُوسَا-د أَكْ-ذ صّنْعثْ-أَ.
ACT 19:26 كنِّيوْ ثسْڒِيمْ ؤُ ثسّْنمْ بلِّي بُولُوسْ وَانِيثَا إِسّقْنَاعْ أَطَّاسْ ن إِوْذَانْ، وَارْ إِدْجِي إِمزْذَاغْ ن أَفَاسُوسْ وَاهَا، مَاشَا ؤُڒَا ذ إِبَارُّوثنْ ن مَارَّا أَسِييَا، أَقَا إِسّْبعّذْ إِ-ثنْ [خْ ڒخْيَاڒَاثْ-أَ]، إِقَّارْ: ’[ڒخْيَاڒَاثْ-أَ] إِ إِتّْوَاڭّنْ س إِفَاسّنْ وَارْ دْجِينْ شَا ذ إِربِّيثنْ!‘
ACT 19:27 وَارْ ثدْجِي ثْسبَّابْثْ-أَ وَاهَا ذِي لْخَاطَارْ ؤُشَا ثڭُّورْ أَذْ ثذْوڒْ ذ إِشْثْ ن ثْمسْڒَاشْثْ إِبطّْڒنْ، مَاشَا ؤُڒَا ذ زَّاوشْثْ ن ’أَرْثِيمِيسْ‘، ثَاربِّيثْ ثَامقّْرَانْثْ، أَذْ ت حسْبنْ ذ وَالُو ؤُشَا أَذْ سّحْقَارنْ ثَاربِّيثْ-أَ إِ ثْعبّذْ [ثمُّورْثْ ن] أَسِييَا ؤُڒَا ذ مَارَّا ڒڭْنُوسْ.“
ACT 19:28 ؤُمِي سْڒِينْ مَانْ أَيَا، ذوْڒنْ خيْقّنْ أَطَّاسْ. سْغُويُّونْ، نَّانْ: ”ثَامقّْرَانْثْ ذ [ثَاربِّيثْ] ’أَرْثِيمِيسْ‘ ن إِفَاسُوسِييّنْ!“
ACT 19:29 ثَانْذِينْثْ قَاعْ ثْخَارْوضْ أَمْ ثكْمڒْ ؤُشَا ؤُزّْڒنْ أَمْ يِيجّْ ن بْنَاذمْ غَارْ ثِييَاثِيرْ ن لْمسْرَاحْ، ؤُشَا خَايُوسْ ذ أَرِيسْثَارْخُوسْ، إِرْيَازنْ زِي مَاكِيذُونِييَا، إِنِّي ذ إِمْعَاشَارنْ ن بُولُوسْ ذڭْ ؤُسَافَارْ نّسْ، طّْفنْ ثنْ ؤُشَا إِوْينْ ثنْ-د أَكِيذْسنْ.
ACT 19:30 ؤُڒَا ذ بُولُوسْ ثُوغَا إِخْسْ أَذْ يَاذفْ غَارْ ثِييَاثِيرْ ن لْمسْرَاحْ، مَاشَا إِمحْضَارنْ [نّسْ] سّْبدّنْ ث.
ACT 19:31 إِزدْجِيفنْ [إِمْضبَّارنْ ن جّْوَايهْ] ن أَسِييَا، ؤُمِي ثُوغَا أَثنْ ذ إِمدُّوكَّاڒْ نّسْ، سّكّنْ عَاوذْ [إِرقَّاسنْ]، مَاحنْذْ أَذْ زَايسْ تَّارنْ حِيمَا وَارْ إِتّْسبّڒْ إِخفْ نّسْ أَذْ يَاذفْ غَارْ ثِييَاثِيرْ.
ACT 19:32 ڒْغَاشِي إِ إِتّْوَاسّْمُوننْ ذِي ثِييَاثِيرْ، ثُوغَا سّكَّارنْ ث أَطَّاسْ. نِيثْنِي سْغُويُّونْ إِجّْ إِ ونّغْنِي، مَاغَارْ أَزْينْ أَمقّْرَانْ زَّايسْ وَارْ إِسِّينْ مِيخفْ ثُوغَا مُوننْ.
ACT 19:33 ڒْڭنْسْ ن وُوذَاينْ إِ ذِينْ إِدْجَانْ، نذْهنْ إِجّْ ن ورْيَازْ زَّايْسنْ غَارْ زَّاثْ، إِجّْ ن وُوذَايْ قَّارنْ أَسْ أَلِيكْسَانْذِيرْ. نتَّا إِكَّارْ، إِشيَّارْ س ؤُفُوسْ نّسْ ؤُ ثُوغَا إِخْسْ أَذْ إِسِّيوڒْ خْ ؤُذَافعْ [ن بُولُوسْ] زَّاثْ إِ ڒْڭنْسْ.
ACT 19:34 مَاشَا ؤُمِي فهْمنْ بلِّي أَقَا-ث ذ ؤُذَايْ، سْغُوينْ مَارَّا س ثْمِيجَّا ذ إِشْثنْ عْڒَاحَاڒْ ثْنَاينْ ن ثْسَاعّثِينْ: ”ثَامقّْرَانْثْ ذ ’أَرْثِيمِيسْ‘ ن إِفَاسُوسِييّنْ!“
ACT 19:35 أَزدْجِيفْ ن ثنْذِينْثْ إِسّْهدّنْ ڒْغَاشِي، إِنَّا: ”[أَ] إِرْيَازنْ ن أَفَاسُوسْ، مَانْ ونْ وَارْ إِسِّيننْ بلِّي ثَانْذِينْثْ ن إِفَاسُوسِييّنْ ذ ثَاكهَّانْثْ ثْحطَّا نِيشَانْ خْ زَّاوشْثْ ن ’أَرْثِيمِيسْ‘ ؤُ خْ ڒخْيَاڒْ إِ د-إِوْضَانْ زڭْ ؤُجنَّا!
ACT 19:36 س ؤُينِّي، ؤُمِي وَارْ إِزمَّارْ ؤُڒَا ذ إِجّنْ أَذْ إِعكّسْ ثِيمسْڒَايِينْ-أَ، إِشُووَّارْ أَومْ أَذْ ثَارْسمْ، وَارْ تّڭّمْ شَا س ؤُقدْجقْ،
ACT 19:37 مِينْزِي ثِيوْيمْ-د إِرْيَازنْ-أَ [ذَانِيثَا]، إِنِّي وَارْ إِدْجِينْ ذ إِشفَّارنْ ن ثْزَاوِييِّينْ ؤُڒَا وَارْ تّْشقَّافنْ ذِي ثْربِّيثْ نّغْ.
ACT 19:38 مَاشَا مَاڒَا ثُوغَا غَارْ ذِيمِيثْرِييُو ؤُ غَارْ يِينِّي إِدْجَانْ أَكِيذسْ ذِي صّنْعثْ شَا ن ؤُشثْشِي خْ يِيجّنْ، أَقَا ذِينْ إِجّْ ن لْعَامِيلْ ذِي ثنْذِينْثْ. أجّْ إِ-ثنْ أَذْ [غَارسْ] د-قَارّْبنْ ؤُ أَذْ شَارّْعنْ أَكْ-ذ وَايَاوْيَا [زَّاثسْ].
ACT 19:39 مَاشَا مَاڒَا ثخْسمْ شَا ن ثْمسْڒَاشْثْ نّغْنِي، إِتّْخصَّا أَذْ إِتّْوَافكّْ مَانْ أَيَا ذڭْ إِجّْ ن ومْشَانْ إِ إِتّْوصَّانْ إِ ثْمسْمُونْثْ عْلَاحْسَابْ شَّارِيعَا،
ACT 19:40 مِينْزِي أَقَا أَنغْ ذِي لْخَاطَارْ أَذْ خَانغْ ضڒْمنْ أَسّْ-أَ زِي سِّيبّثْ ن ؤُغُووّغْ، مِينْزِي وَارْ ذِينْ بُو ڒسْبَابْ إِ زِي نْزمَّارْ أَذْ د-نَارّْ س يِيجّْ ن وَاوَاڒْ ذِي ثْمسْڒَاشْثْ ن وڭْرَاوْ-أَ، مِينْزِي نسّْمُونَا ذِي ڒْبَاطڒْ ؤُ نتّْغوّغْ أَمنِّي وَاهَا.“
ACT 19:41 أَوَارْنِي ڒَامِي إِنَّا أَيَا، إِسْمحْ إِ وڭْرَاوْ أَذْ يُويُورْ.
ACT 20:1 أَوَارْنِي ڒَامِي يَارْسَا ؤُغُووّغْ، إِڒَاغَا-د بُولُوسْ خْ إِمحْضَارنْ، إِودّعْ إِ-ثنْ س ؤُسُوذمْ [ن وَاوْمَاثنْ]، ؤُشَا إِفّغْ حِيمَا أَذْ إِرَاحْ غَارْ مَاكِيذُونِييَا.
ACT 20:2 ڒَامِي إِشُوقْ ذِي جّْوَايهْ نِّي، إِشجّعْ إِ-ثنْ س وَاطَّاسْ ن وَاوَاڒنْ، خنِّي يِيوضْ غَارْ هِيلَّاسْ، [إِخْسْ أَذْ يِينِي غَارْ جِّيهثْ أَخَايَا].
ACT 20:3 أَڒَامِي إِسّعْذُو ذِينْ ثْڒَاثَا ن إِيُورنْ، سّوْجْذنْ أَسْ وُوذَاينْ إِجّْ ن ڒْفخْ، ؤُمِي ثُوغَا إِڭُّورْ أَذْ إِبحَّارْ غَارْ سُورِييَا. س ؤُيَا إِڭَّا أَذْ يعْقبْ خْ وبْرِيذْ ن مَاكِيذُونِييَا.
ACT 20:4 سُوبَاثْرُوسْ زِي ثنْذِينْثْ ن بِيرِييَا، أَرِيسْثَارْخُوسْ ذ سِيكُونْذُوسْ زِي ثِيسَّالُونِيكَا، خَايُوسْ زِي ذِيرْبِي، ثِيمُوثِييُو زِي لِيسْثْرَا ؤُ ثِيشِيكُوسْ ذ ثْرُوفِيمُوسْ زِي أَسِييَا ؤُيُورنْ أَكِيذسْ أَڒْ أَسِييَا.
ACT 20:5 إِنَا إِزْوَارنْ أَنغْ، تّْرَاجَانْ أَنغْ ذِي ثْرُووَاسْ.
ACT 20:6 مَاشَا نشِّينْ نفّغْ زِي فِيلِيبِّي، ثَانْذِينْثْ [ثَامزْوَارُوثْ] ن مَاكِيذُونِييَا، أَوَارْنِي ڒَامِي كمّْڒنْ وُوسَّانْ ن [وغْرُومْ] بْڒَا أَنْثُونْ، نكَّا خْ ڒبْحَارْ ؤُ ذِي خمْسَا ن وُوسَّانْ نِيوضْ-د غَارْ ثْرُووَاسْ مَانِي نقِّيمْ سبْعَا ن وُوسَّانْ.
ACT 20:7 ذڭْ وَاسّْ أَمزْوَارُو ن سِّيمَانَا ؤُمِي مُوننْ إِمحْضَارنْ مَاحنْذْ أَذْ أَرْژنْ أَغْرُومْ [ن ثْنمِّيرْثْ]، إِسِّيوڒْ بُولُوسْ أَكِيذْسنْ. إِسّْزُوڭَارْ بُولُوسْ ذِي ڒْهَارْذْ نّسْ أَڒْ ڒْوسْطْ ن دْجِيڒثْ، مَاغَارْ نتَّا ثُوغَا إِنْوَا أَذْ إِسَافَارْ ثِيوشَّا نّسْ.
ACT 20:8 أَقَا أَرقّنْ ذِينْ أَطَّاسْ ن ڒفْنَارَاثْ ذِي ثْغُورْفثْ ن سنّجْ إِ ذِي ثُوغَا نْمُونْ.
ACT 20:9 ثُوغَا ذِينْ إِجّْ ن ؤُبْڒِيغْ قَّارنْ أَسْ ؤُثِيخُوسْ، إِقِّيمْ ذِي ڒْكَازِي، إِتّسْڒَا، ڒخْذنِّي إِكَّا خَاسْ يِيضصْ يُودْجغْ أَمْ ثُوغَا بُولُوسْ إِسّْزُوڭَارْ ذِي ڒْهَارْذْ نّسْ. ؤُمِي ثُوغَا إِطّصْ، إِوْضَا-د زِي طّبْقثْ وِيسّْ ثْڒَاثَا غَارْ وَادَّايْ، كْسِينْ ث إِمُّوثْ.
ACT 20:10 مَاشَا بُولُوسْ إِهْوَا، إِوْضَا خَاسْ، إِذَارّعْ أَسْ، إِنَّا: ”وَارْ ثنّخْڒِيعمْ شَا، أَقَا ذَايسْ ثُوذَارْثْ.“
ACT 20:11 خنِّي يُوڒِي عَاوذْ، يَارْژَا أَغْرُومْ، إِشَّا [شْوَايْثْ زَّايسْ]، خنِّي إِسِّيوڒْ أَكِيذْسنْ [عَاذْ] أَطَّاسْ أَڒَامِي ذ ڒفْجَارْ. خَاسْ ؤُشَا إِرُوحْ إِسَافَارْ خْ ثمُّورْثْ،
ACT 20:12 أَمْ د-إِوْينْ نِيثْنِي أَحنْجِيرْ إِدَّارْ، فَارْحنْ أَسْ أَطَّاسْ.
ACT 20:13 مَاشَا نشِّينْ ننْيَا ذڭْ ؤُغَارَّابُو، نْبحَّارْ غَارْ ڒْمَارْسَا ن ثِيسُّوسْ مَاحنْذْ أَذْ كِيذْنغْ د-نَاوِي بُولُوسْ سّنِّي، أَمْ مَامّشْ ثُوغَا إِتّْضبَّارْ، مَاغَارْ نتَّا س يِيخفْ نّسْ إِكَّا [غَارْ ذِينْ] خْ ثمُّورْثْ.
ACT 20:14 أَڒَامِي زَّايسْ نَارحّبْ ذِي ثِيسُّوسْ، نكْسِي ث ذِي ثْغَارَّابُوثْ ؤُشَا نِيوضْ-ضّْ غَارْ مِيثِيلِينِي.
ACT 20:15 سّنِّي نعْذُو ثِيوشَّا نّسْ غَارْ ثڭْزِيرْثْ ن خِييُوسْ ؤُ فَارْوشَّا نّسْ نِيوذْ غَارْ سَامُوسْ، نقِّيمْ ذِي ثْرُوخِيلِييُونْ. ذڭْ وَاسّْ أَوَارْنِي أَسْ نِيوضْ غَارْ مِيلِيثُوسْ،
ACT 20:16 مِينْزِي بُولُوسْ إِڭَّا أَذْ إِعْذُو أَفَاسُوسْ خْ ڒبْحَارْ حِيمَا وَارْ إِتّْعطَّاڒْ ذِينِّي، مِينْزِي ثُوغَا إِتّْقدْجقْ حِيمَا، معْلِيكْ إِعدّڒْ، أَذْ إِعيّذْ ڒْعِيذْ ن خمْسِينْ ن وُوسَّانْ ذِي ؤُرْشَالِيمْ.
ACT 20:17 زِي مِيلِيثُوسْ إِجَّا أَذْ د-أَسنْ إِمْغَارنْ ن ثْمسْمُونْثْ ذِي أَفَاسُوسْ.
ACT 20:18 ڒَامِي د-ؤُسِينْ غَارسْ، إِنَّا أَسنْ: ”كنِّيوْ ثسّْنمْ زڭْ وَاسّْ أَمزْوَارُو ؤُمِي د-ؤُذْفغْ غَارْ أَسِييَا، مَامّشْ دْجِيغْ أَكِيذْومْ مَارَّا ؤُسَّانْ،
ACT 20:19 أَمْ ثُوغَا تّْسخَّارغْ إِ أَربِّي س مَارَّا أَوَاضعْ ؤُ س إِمطَّاونْ، ؤُڒَا ذڭْ إِغكّْوَانْ إِ خَافِي إِكِّينْ زِي سِّيبّثْ ن ثْمعْمَاتْشْ ن وُوذَاينْ.
ACT 20:20 وَارْ جِّيغْ شَا زِي مِينْ إِنفْعنْ إِ ڒعْمُورْ نْومْ وَارْ ذ أَومْ ث بَارّْحغْ، وَارْ ث سّْڒمْذغْ ذِي ڒسْوَاقْ ؤُ ذِي ثُوذْرِينْ،
ACT 20:21 أَمْ سّْقنْعغْ ؤُذَاينْ ذ إِرَامِييّنْ مَاحنْذْ أَذْ د-ذوْڒنْ غَارْ أَربِّي، أَذْ أَمْننْ ذِي سِيذِيثْنغْ يَاسُوع لْمَاسِيحْ.
ACT 20:22 ؤُ ڒخُّو أَذْ رَاحغْ غَارْ ؤُرْشَالِيمْ أَمْ تّْوَاشَارْفغْ زِي أَرُّوحْ، وَارْ سِّينغْ مِينْ ذ أَيِي إِتّْرَاجَانْ ذِينْ،
ACT 20:23 مْغِيرْ أَقَا أَرُّوحْ إِقدّْسنْ إِشْهذْ أَيِي ذِي كُوڒْ ثَانْذِينْثْ، إِقَّارْ: ’أَقَا إِشذِّييّنْ ذ ڒمْحَايمْ تّْرَاجَانْ شكْ!‘
ACT 20:24 مَاشَا نشّْ وَارْ حسّْبغْ ثُوذَارْثْ إِنُو شَا ثِيغْڒَا إِ يِيخفْ إِنُو، مَاحنْذْ أَذْ كمّْڒغْ ثِيشْڒِي إِنُو ذ ڒْخذْمثْ ن ثْسخَّارْثْ إِ كْسِيغْ زِي سِيذِيثْنغْ يَاسُوع حِيمَا أَذْ شهْذغْ خْ ڒخْبَارْ أَصبْحَانْ ن أَرْضَا ن أَربِّي.
ACT 20:25 ؤُ ڒخُّو سّْنغْ، أَقَا ؤُڒَا ذ إِجّْ زَّايْومْ أَذْ إِژَارْ أَغمْبُوبْ إِنُو عَاذْ، مَارَّا كنِّيوْ إِنِّي جَارْ أَومْ ڭُّورغْ، تّْبَارّْحغْ س ثْڭلْذِيثْ ن أَربِّي.
ACT 20:26 س ؤُينِّي أَذْ خَاومْ شهْذغْ أَسّْ-أَ، بلِّي نشّْ تّْبَارِّيغْ إِخفْ إِنُو زڭْ إِذَامّنْ نْومْ مَارَّا.
ACT 20:27 مِينْزِي وَارْ عْڭِيزغْ أَذْ أَومْ سّشْنغْ مَارَّا مِينْ إِتّخْسْ أَربِّي.
ACT 20:28 س ؤُينِّي حْضَامْ خْ يِيخفْ نْومْ ؤُ خْ ثْحِيمَارْثْ ثْمُونْ مِينْ خفْ إِڭَّا أَرُّوحْ إِقدّْسنْ كنِّيوْ ذ إِمحْضَاينْ، حِيمَا أَذْ ثَارْوسمْ ثَامسْمُونْثْ ن لْمَاسِيحْ ثنِّي ذ إِكسّبْ س إِذَامّنْ نّسْ.
ACT 20:29 مِينْزِي سّْنغْ بلِّي أَوَارْنِي ثْوَاحِيثْ إِنُو أَذْ غَارْومْ د-أَذْفنْ وُوشَّاننْ إِمُوزَّارنْ [إِنِّي] وَارْ إِتّجِّينْ ثَاحِيمَارْثْ.
ACT 20:30 عَاذْ أَذْ زَّايْومْ د-كَّارنْ يرْيَازنْ إِنِّي إِ غَا إِسِّيوْڒنْ ڒْهَارْذْ إِعوّْجنْ حِيمَا أَذْ سُّوفّْغنْ إِمحْضَارنْ زڭْ وبْرِيذْ، أَذْ ثنْ جَارّنْ أَوَارْنِي أَسنْ.
ACT 20:31 س ؤُينِّي فَاقمْ، ثْعقْڒمْ بلِّي ثْڒَاثَا ن إِسڭّْوُوسَا، دْجِيڒثْ ذ وَاسّْ، وَارْ بدّغْ أَذْ سّْمحْذغْ كُوڒْ إِجّنْ زَّايْومْ س إِمطَّاونْ.
ACT 20:32 ؤُ ڒخُّو أَذْ كنِّيوْ سلّْمغْ إِ أَربِّي ؤُ إِ وَاوَاڒْ ن أَرْضَا نّسْ، إِ ونِّي غَارْ إِدْجَا ثِيزمَّارْ حِيمَا أَذْ كنِّيوْ إِبْنَا ؤُ أَذْ أَومْ إِوْشْ ڒْوَارْثْ أَكْ-ذ مَارَّا إِمْقدَّاسنْ.
ACT 20:33 وَارْ ضْمِيعغْ ذِي نُّوقَارْثْ نِيغْ ذڭْ وُورغْ نِيغْ ذڭْ وَارُّوضْ ؤُڒَا زڭْ إِجّنْ.
ACT 20:34 كنِّيوْ ثسّْنمْ سِيمَانْثْ نْومْ بلِّي إِفَاسّنْ إِنُو أَقَا خذْمنْ إِ مِينْ حْوَاجغْ ؤُ إِ مِينْ حْوَاجنْ إِنِّي إِدْجَانْ أَكِيذِي.
ACT 20:35 ذِي كُوڒْشِي سّشْنغْ أَومْ بلِّي إِتّْخصَّا، أَمْ نْخدّمْ أَمُّو، أَذْ نوْشْ أَفُوسْ إِ يِينِّي إِضعْفنْ ؤُشَا أَذْ نْفكَّارْ ذڭْ وَاوَاڒنْ ن سِيذِيثْنغْ يَاسُوع، بلِّي إِنَّا: ’سّعْذْ ن ونِّي إِوْشِينْ خْ ونِّي إِكْسِينْ.‘ “
ACT 20:36 أَوَارْنِي ڒَامِي إِنَّا أَيَا، إِوْضَا خْ إِفَادّنْ نّسْ، إِژُّودْجْ ؤُ مَارَّا إِرْيَازنْ أَكِيذسْ.
ACT 20:37 أَقَا ذِينْ جَارْ أَسنْ أَطَّاسْ ن إِمطَّاونْ ؤُشَا ذَارّْعنْ أَسْ، سُّوذْمنْ ث.
ACT 20:38 شضْننْ أَطَّاسْ، أَمزْوَارْ ن مَارَّا خْ وَاوَاڒْ إِ إِنَّا، بلِّي وَارْ ژَترّنْ شَا أَغمْبُوبْ نّسْ عَاذْ، ؤُشَا سّْقبّْضنْ ث غَارْ ؤُغَارَّابُو. *
ACT 21:1 أَوَارْنِي ڒَامِي خَاسنْ نمّْسبْضَا، نبْذَا نْژكّْوَا ڒبْحَارْ، نْرُوحْ نِيشَانْ ؤُشَا نِيوضْ غَارْ ثڭْزِيرْثْ ن كُوسْ. ثِيوشَّا نّسْ نِيوضْ غَارْ رُوذُوسْ ؤُ سّنِّي غَارْ بَاثَارَا.
ACT 21:2 نُوفَا ذِينْ إِجّْ ن ؤُغَارَّابُو إِ ثُوغَا أَذْ إِژْوَا غَارْ فِينِيقِييَا، ننْيَا ذَايسْ ؤُشَا نْرُوحْ.
ACT 21:3 ڒَامِي د-نِيوضْ غَارْ ثڭْزِيرْثْ ن قُوبْرُوسْ، نجَّا إِ-ت خْ ؤُزڒْمَاضْ ؤُشَا نْرُوحْ خْ ڒبْحَارْ غَارْ سُورِييَا ؤُشَا سّنِّي نِيوضْ غَارْ صُورْ، مِينْزِي أَغَارَّابُو ثُوغَا إِڭَّا أَذْ إِفَارّغْ سّڒْعثْ نّسْ ذِينْ.
ACT 21:4 ؤُمِي نُوفَا ذِينْ إِمحْضَارنْ، نقِّيمْ غَارْسنْ سبْعَا ن وُوسَّانْ. كُوڒْ أَسّْ نَّانْ نِيثْنِي س أَرُّوحْ إِ بُولُوسْ مَاحنْذْ وَارْ إِتّْڭعِّيذْ شَا غَارْ ؤُرْشَالِيمْ.
ACT 21:5 أَوَارْنِي إِ وُوسَّانْ-أَ نفّغْ، نُويُورْ. مَارَّا نِيثْنِي سّْقبْضنْ أَنغْ، نِيثْنِي ذ ثمْغَارِينْ نْسنْ ذ إِحنْجِيرنْ نْسنْ، أَڒْ بَارَّا ن ثنْذِينْثْ. خْ ثْمَا ن ڒبْحَارْ وْضَانْ خْ إِفَادّنْ نْسنْ ؤُشَا ژُّودْجنْ.
ACT 21:6 ؤُمِي نْودّعْ أَيَاوْيَا س ؤُسُوذمْ، ننْيَا ذڭْ ؤُغَارَّابُو، مَاشَا نِيثْنِيعقْبنْ، كُوڒْ  إِجّنْ غَارْ ثَادَّارْثْ نّسْ.
ACT 21:7 ؤُمِي نْكمّڒْ خْ ؤُسَافَارْ زِي صُورْ نِيوضْ غَارْ بْثُولُومَايُو، نْسدْجْمنْ خْ وَاوْمَاثنْ ؤُشَا نقِّيمْ أَكِيذْسنْ إِجّْ ن وَاسّْ.
ACT 21:8 ثِيوشَّا نّسْ نفّغْ سّنِّي، نِيوضْ غَارْ قَايْصَارِييَا. نُوذفْ غَارْ ثَادَّارْثْ ن ؤُمْبشَّارْ فِيلِيبُّوسْ، ونِّي ثُوغَا ذ إِجّنْ زِي سبْعَا [ن إِمْسخَّارنْ]، ؤُشَا نقِّيمْ [غَارسْ].
ACT 21:9 ثُوغَا غَارْ وَا أَربْعَا ن ثْحنْجِيرِينْ، [عَاذْ] ذ ثِيعزْرِييِّينْ، ثِينِّي إِتّْنَابّنْ.
ACT 21:10 ؤُمِي ننِّيوْجوْ ذِينْ أَطَّاسْ ن وُوسَّانْ، إِهْوَا-د إِجّْ ن ؤُنَابِي زِي يَاهُوذِييَّا، قَّارنْ أَسْ أَغابُوسْ.
ACT 21:11 يُوسَا-د غَارْنغْ ؤُشَا إِكْسِي أَبْيَاسْ ن بُولُوسْ، إِشَارْفْ إِخفْ نّسْ إِفَاسّنْ ذ إِضَارنْ، إِنَّا: ”أَمُّو إِ إِقَّارْ أَرُّوحْ إِقدّْسنْ: ’أَرْيَازْ إِ غَارْ إِدْجَا أَبْيَاسْ-أَ، أَمُّو إِ ث غَا شَارْفنْ وُوذَاينْ ذِي ؤُرْشَالِيمْ ؤُشَا أَذْ ث سلّْمنْ ذڭْ إِفَاسّنْ ن ڒڭْنُوسْ.‘ “
ACT 21:12 ؤُمِي نسْڒَا أَوَاڒنْ-أَ، نتَّارْ زَّايسْ، أَمْ نشِّينْ أَمْ يِينِّي زِي جّْوَايهْ نِّي، حِيمَا وَارْ إِتّْڭعِّيذْ غَارْ ؤُرْشَالِيمْ.
ACT 21:13 مَاشَا بُولُوسْ يَارَّا-د، إِنَّا: ”مِينْ كنِّيوْ يُوغِينْ، ثتّْرُومْ ؤُشَا ثسَّارضْبمْ ؤُڒْ إِنُو؟ مِينْزِي أَقَا أَيِي وجْذغْ، وَارْ إِدْجِي حِيمَا أَذْ أَيِي شَارْفنْ وَاهَا، مَاشَا عَاوذْ حِيمَا أَذْ مّْثغْ ذِي ؤُرْشَالِيمْ خْ سِّيبّثْ ن يِيسمْ ن سِيذِيثْنغْ يَاسُوع لْمَاسِيحْ.“
ACT 21:14 ؤُمِي وَارْ ذ أَنغْ إِجِّي أَذْ ث نسّقْنعْ، نسْقَارْ، نقَّارْ: ”أَذْ يِيڒِي مِينْ إِخْسْ سِيذِيثْنغْ.“
ACT 21:15 أَوَارْنِي ؤُسَّانْ نِّي نسّوْجذْ ؤُشَا نْڭعّذْ غَارْ ؤُرْشَالِيمْ.
ACT 21:16 رُوحنْ أَكِيذْنغْ شَا ن إِرْيَازنْ، إِمحْضَارنْ زِي قَايْصَارِييَا، إِوْينْ-د إِجّْ ن ثوْمَاثْ، قَّارنْ أَسْ مْنَاسُونْ زِي قُوبْرُوسْ، أَقَا-ث ذ إِجّنْ زڭْ إِمحْضَارنْ إِمزْوُورَا، حِيمَا أَذْ غَارسْ ننِّيوْجوْ.
ACT 21:17 أَڒَامِي د-نِيوضْ غَارْ ؤُرْشَالِيمْ، ثَارحّبْ زَّايْنغْ ثَاوْمَاثْ س ڒفْرَاحثْ.
ACT 21:18 ثِيوشَّا نّسْ يُوذفْ بُولُوسْ أَكِيذْنغْ غَارْ يَاعْقُوبْ، ؤُمِي حْضَارنْ ذِينْ أَكِيذسْ مَارَّا إِمْغَارنْ.
ACT 21:19 أَوَارْنِي ڒَامِي خَاسنْ نْسدْجمْ، إِبْذَا بُولُوسْ أَذْ إِعَاوذْ س ؤُستّفْ خْ مَارَّا مِينْ إِڭَّا أَربِّي جَارْ ڒڭْنُوسْ س ثْسخَّارْثْ نّسْ.
ACT 21:20 ؤُمِي سْڒِينْ أَيَا، سّمْغَارنْ أَربِّي، نَّانْ أَسْ: ”[أَ] ؤُمَاثْنغْ، ثتّْوَاڒِيذْ مشْحَاڒْ نعشْرَا ن ڒُوڒُوفْ ذِي يَاهُوذِييَّا إِ يُومْننْ، ؤُ نِيثْنِي مَارَّا تَّاسْمنْ خْ شَّارِيعَا.
ACT 21:21 مَاشَا يِيوضْ أَسنْ-د ڒخْبَارْ خَاكْ بلِّي ثسّڒْمَاذذْ إِ مَارَّا ؤُذَاينْ إِنِّي إِدْجَانْ جَارْ ڒڭْنُوسْ مَاحنْذْ أَذْ سمْحنْ ذِي [شَّارِيعَا ن] مُوسَا أَمْ ذ أَسنْ ثقَّارذْ إِتّْخصَّا وَارْ ختّْننْ إِحنْجِيرنْ نْسنْ وَارْ ڭُّورنْ ذڭْ وبْرِيذْ ن شَّارِيعَا.
ACT 21:22 س ؤُينِّي، مِينْزِي سْڒِينْ بلِّي أَقَا ثُوسِيذْ-د ذَا،
ACT 21:23 أڭّْ مِينْ ذ أَشْ غَا نِينِي! غَارْنغْ أَربْعَا ن يرْيَازنْ إِنِّي غَارْ إِدْجَا إِجّْ ن لْوَاعْذْ مَاهنْذْ أَذْ سِّيزْذِيڭنْ إِخفْ نْسنْ.
ACT 21:24 أَوِي إِنَا أَكِيذكْ، ثسِّيزْذڭذْ إِخفْ نّشْ أَكِيذْسنْ، ؤُشَا خدْجصْ خَاسنْ حِيمَا أَذْ حفّنْ إِزدْجِيفنْ نْسنْ. خنِّي أَذْ سّْننْ مَارَّا بلِّي مِينْ خَاكْ إِتّْوَانَّانْ وَارْ إِدْجِي بُو نِيشَانْ، ؤُ بلِّي شكْ ثتّْكمّْڒذْ شَّارِيعَا ؤُ ثتّطّْفذْ ذَايسْ.
ACT 21:25 مَاشَا زِي جِّيهثْ ن يِينِّي يُومْننْ جَارْ ڒڭْنُوسْ، أَقَا نُورَا بلِّي أَذْ بعّْذنْ خْ مِينْ إِغَارْصنْ [إِ لْ-أَصْنَامْ]، خْ فَارْقْ-شّْغڒْ، خْ جِّييْفَاثْ، ؤُڒَا خْ إِذَامّنْ.“
ACT 21:26 خنِّي يِيوْيِي بُولُوسْ إِرْيَازنْ نِّي أَكِيذسْ ؤُشَا ثِيوشَّا نّسْ إِسِّيزْذڭْ إِخفْ نّسْ أَكِيذْسنْ. رُوحنْ غَارْ زَّاوشْثْ ثَامقّْرَانْثْ، إِسّْشنْ أَسنْ مَامّشْ إِتّْخصَّا أَذْ كمّْڒنْ وُوسَّانْ ن ؤُسِيزْذڭْ، أَڒْ ذ إِقدّمْ زِي مْكُوڒْ إِجّنْ زَّايْسنْ ثَاغَارْصْثْ [نّسْ].
ACT 21:27 أَڒَامِي د-يِيوضْ وَاسّْ سبْعَا، ژْرِينْ ث وُوذَاينْ ن أَسِييَا ذِي زَّاوشْثْ ثَامقّْرَانْثْ، سّنْهزّنْ ڒْڭنْسْ مَارَّا ضِيدّْ نّسْ، حَارْثنْ خَاسْ س إِفَاسّنْ،
ACT 21:28 سْغُويُّونْ: ”أَ كنِّيوْ، [أَ] أَيْثْ ن إِسْرَائِيل، غَاوْڒمْ غَارْ ثْوِيزَا! وَا ذ بْنَاذمْ نِّي إِسّڒْمَاذنْ إِوْذَانْ مَارَّا ضِيدّْ إِ ڒْڭنْسْ نّغْ ؤُ ضِيدّْ إِ شَّارِيعَا ؤُ ضِيدّْ إِ ومْشَانْ-أَ. عَاوذْ إِسِّيذفْ-د إِرَامِييّنْ غَارْ زَّاوشْثْ ثَامقّْرَانْثْ ؤُشَا إِسّخْمجْ أَمْشَانْ إِقدّْسنْ وَانِيثَا!“
ACT 21:29 مِينْزِي ثُوغَا إِزْوَارنْ أَكِيذسْ ژْرِينْ ثْرُوفِيمُوسْ زِي أَفَاسُوسْ ذِي ثنْذِينْثْ، إِتّْغِيڒْ أَسنْ بلِّي نتَّا يُوذفْ غَارْ زَّاوشْثْ ثَامقّْرَانْثْ أَكْ-ذ بُولُوسْ.
ACT 21:30 ثَانْذِينْثْ مَارَّا ثْهَاجْ ؤُشَا إِوْذَانْ دُّوقّْزنْ-د، حَارْثنْ خْ بُولُوسْ، جَارّنْ ث بَارَّا إِ زَّاوشْثْ ثَامقّْرَانْثْ، ڒخْذنِّي بلّْعنْثْ ثِيوُّورَا.
ACT 21:31 أَمْ يَارزُّو ڒْغَاشِي أَذْ ث إِنغْ، يِيوضْ ڒخْبَارْ غَارْ ؤُكُومَانْذَارْ ن ڒْكُومْبَانِييّثْ، أَقَا ؤُرْشَالِيمْ أَمنْ ثكْمڒْ ثْخَارْوضْ.
ACT 21:32 ڒخْذنِّي يِيوْيِي-د إِجّْ ن ڒْقبْطَانْ خْ مْيَا ؤُڒَا ذ إِجّْ ؤُبَارُّو ن إِعسْكَارِييّنْ، ؤُشَا ؤُزّْڒنْ غَارْسنْ. أَڒَامِي ژْرِينْ نِيثْنِي أَكُومَانْذَارْ ذ ڒْعسْكَارْ، سّْبدّنْ أَذْ وْثنْ بُولُوسْ.
ACT 21:33 أَڒَامِي غَارسْ د-إِقَارّبْ ؤُكُومَانْذَارْ، إِطّفْ إِ-ث، يُومُورْ أَذْ ث شَارْفنْ س ثْنَاينْ ن سّْنَاسڒْ، خنِّي إِسّقْسَا مِينْ إِعْنَا نتَّا ذ مِينْ إِڭَّا.
ACT 21:34 جَارْ ڒْغَاشِي أَقَا ذِينْ إِجّنْ إِتّْڒَاغَا أَمُّو ؤُ ونّغْنِي أَمُّو. ڒَامِي وَارْ إِزمَّارْ أَذْ إِسّنْ ثِيذتّْ زِي سِّيبّثْ ن لْهَارَاجْ، يُومُورْ أَذْ ث أَوْينْ غَارْ لْقشْلَا.
ACT 21:35 أَڒَامِي د-يِيوضْ بُولُوسْ غَارْ دّْرُوجْ، إِمْسَارْ بلِّي إِعسْكَارِييّنْ أَرْبُونْ ث خْ سّْبَابْ ن لْعُونْفْ ن ڒْڭنْسْ،
ACT 21:36 مِينْزِي أَطَّاسْ ن إِوْذَانْ ثُوغَا ضفَّارنْ ث، سْغُويُّونْ، نَّانْ: ”كّْسمْ ث زڭْ وبْرِيذْ!“
ACT 21:37 أَڒَامِي د-إِقَارّبْ غَارْ لْقشْلَا، حِيمَا أَذْ يَاذفْ غَارْ ذَاخڒْ، إِنَّا بُولُوسْ إِ ؤُكُومَانْذَارْ: ”مَا إِحِيقّْ أَيِي أَذْ أَشْ إِنِيغْ شَا؟“ إِنَّا أَسْ: ”مَا ثسّْنذْ ثَايُونَانِيثْ؟
ACT 21:38 مَا وَارْ ثدْجِيذْ شكْ ذ أَمِيصْرِي ونِّي إِڭِّينْ أَغُووّغْ قْبڒْ ؤُسَّانْ-أَ، إِنْذهْ أَكِيذسْ أَربْعَا أَڒَافْ ن يرْيَازنْ ذ إِقتَّاڒنْ غَارْ ڒخْڒَا؟“
ACT 21:39 إِنَّا أَسْ بُولُوسْ: ”نشّْ ذ أَرْيَازْ ذ ؤُذَايْ زِي ثَارْسُوسْ، إِشْثْ ن ثنْذِينْثْ إِتّْوَاسّْننْ ذِي كِيلِيكِييَا مَانِي د-خڒْقغْ. نشّْ تَّارغْ زَّايكْ تّسْرِيحْ حِيمَا أَذْ سِّيوْڒغْ غَارْ ڒْڭنْسْ.“
ACT 21:40 ؤُمِي ذ أَسْ إِسْمحْ، إِبدّْ بُولُوسْ خْ دّْرُوجْ، إِشيَّارْ س ؤُفُوسْ غَارْسنْ، ؤُشَا ؤُمِي أَرْسِينْ قَاعْ، إِسِّيوڒْ أَكِيذْسنْ س إِڒسْ ن ثْعِيبْرَانِيثْ، إِنَّا أَسنْ ...
ACT 22:1 ... ”[أَ] ثَاوْمَاثْ ذ إِبَابَاثنْ، سْڒمْ إِ مِينْ ذ أَومْ غَا إِنِيغْ خْ ؤُذَافعْ إِنُو.“
ACT 22:2 ؤُمِي سْڒِينْ، أَقَا إِسَّاوَاڒْ أَكِيذْسنْ س [يِيڒسْ ن] ثْعِيبْرَانِيثْ، قِّيمنْ سْقَارنْ عَاذْ كْثَارْ. إِنَّا أَسنْ:
ACT 22:3 ”نشّْ ذ إِجّْ ن بْنَاذمْ ذ ؤُذَايْ، خڒْقغْ-د ذِي ثَارْسُوسْ ذِي كِيلِيكِييَا، مَاشَا أَربِّيغْ ذِي ثنْذِينْثْ-أَ غَارْ إِضَارنْ ن ڭَامَالِييَالْ ؤُ تّْوَاسّْڒمْذغْ عْلَاحْسَابْ ثِيذتّْ نِيشَانْ ن شَّارِيعَا ن ڒجْذُوذْ نّغْ. شطَّارغْ خْ مِينْ إِدْجَانْ ن أَربِّي أَمْ مَامّشْ ؤُڒَا ذ كنِّيوْ مَارَّا.
ACT 22:4 نشّْ ثُوغَا ضفَّارغْ أَبْرِيذْ-أَ س ڒْموْثْ أَمْ شَارّْفغْ إِرْيَازنْ ذ ثمْغَارِينْ، تّْسلَّامغْ ثنْ غَارْ ڒحْبسْ.
ACT 22:5 أَرَّايْسْ ن إِكهَّاننْ ذ مَارَّا إِمْغَارنْ [ن ڒْڭنْسْ] زمَّارنْ أَذْ شهْذنْ بلِّي كْسِيغْ ثِيبْرَاثِينْ إِ ثَاوْمَاثْ، مَاحنْذْ أَذْ رُوحغْ غَارْ ذِيمَاشْقْ حِيمَا أَذْ أَوْيغْ إِنِّي ذِينْ إِدْجَانْ عَاوذْ س ثْشَارْفِينْ غَارْ ؤُرْشَالِيمْ، حِيمَا أَذْ طّْفنْ لْعِيقَابْ.
ACT 22:6 ؤُمِي ذ أَيِي ثُوغَا ذڭْ وبْرِيذْ ؤُشَا إِوْضغْ غَارْ ذِيمَاشْقْ غَارْ وزْينْ ن وَاسّْ، ثَاڒْغَا خَافِي س ڒْغفْڒثْ إِشْثْ ن ثْفَاوْثْ ثمْغَارْ زڭْ ؤُجنَّا.
ACT 22:7 وْضِيغْ خْ ثمُّورْثْ، سْڒِيغْ إِشْثْ ن ثْمِيجَّا، ثقَّارْ أَيِي: ’شَاوُولْ، شَاوُولْ، مَايمِّي ذ أَيِي ثْذَارّْشذْ؟‘
ACT 22:8 أَرِّيغْ-د خَاسْ: ’مِينْ ثعْنِيذْ شكْ، أَ سِيذِي؟‘ إِنَّا أَيِي: ’نشّْ ذ يَاسُوع، نَّاصِيرِي، ونِّي ثتّْذَارَّاشذْ!‘
ACT 22:9 إِرْيَازنْ نِّي ثُوغَا إِدْجَانْ أَكِيذِي، ژْرِينْ ثَافَاوْثْ، مَاشَا وَارْ سْڒِينْ شَا إِ ثْمِيجَّا ن ونِّي أَكِيذِي إِسَّاوَاڒنْ.
ACT 22:10 نِّيغْ: ’مِينْ غَا ڭّغْ، أَ سِيذِي؟‘ إِنَّا أَيِي سِيذِيثْنغْ: ’كَّارْ، ثْرَاحذْ غَارْ ذِيمَاشْقْ، ذِينْ أَذْ أَشْ إِتّْوَانَّا خْ مَارَّا مِينْ ذ أَشْ يُورَانْ أَذْ ثڭّذْ!‘
ACT 22:11 ؤُمِي ذوْڒغْ وَارْ تّْوِيڒِيغْ زِي ثِيسِّيقْثْ ن ثْفَاوْثْ نِّي، ڭوّْذنْ أَيِي إِنِّي إِ ثُوغَا أَكِيذِي إِدْجَانْ زڭْ ؤُفُوسْ، ؤُشَا [أَمُّو] إِ د-إِوْضغْ غَارْ ذِيمَاشْقْ.
ACT 22:12 ثُوغَا ذِينْ إِجّْ ورْيَازْ، قَّارنْ أَسْ أَنَانِييَاسْ. نتَّا ذ أَمْسڭّذْ عْلَاحْسَابْ شَّارِيعَا، أَمْ مَامّشْ ثُوغَا خَاسْ شهّْذنْ مَارَّا ؤُذَاينْ.
ACT 22:13 نتَّا يُوسَا-د غَارِي، إِنَّا أَيِي: ’[أَ] ؤُمَا شَاوُولْ، أَرْزمْ ثِيطَّاوِينْ نّشْ!‘ ڒخْذنِّي ذِي ثْسَاعّثْ نِّي تّْوَارْزْمنْثْ ثِيطَّاوِينْ إِنُو، ؤُشَا ژْرِيغْ ث.
ACT 22:14 نتَّا إِنَّا أَيِي: ’أَقَا أَربِّي ن ڒجْذُوذْ نّغْ إِخْضَارْ إِ شكْ، حِيمَا أَذْ ثسّْنذْ مِينْ إِخْسْ نتَّا، ؤُ حِيمَا أَذْ ثْژَارذْ أَمْسڭَّاذْ، أَذْ ثسْڒذْ ثْمِيجَّا نّسْ زڭْ ؤُقمُّومْ نّسْ.
ACT 22:15 شكْ أَذْ أَسْ ثِيڒِيذْ ذ أَشهَّاذْ غَارْ مَارَّا إِوْذَانْ س مَارَّا مِينْ ثژْرِيذْ ؤُ س مِينْ ثسْڒِيذْ.
ACT 22:16 إِوَا ڒخُّو، مَايمِّي وَارْ ثزْعِيمذْ عَاذْ؟ كَّارْ، أجّْ أَذْ شكْ سّْغضْصنْ، أَذْ ثتّْوَاسِيزذْڭذْ زِي دّْنُوبْ نّشْ أَمْ ثتّْڒَاغِيذْ خْ يِيسمْ نّسْ!‘
ACT 22:17 أَوَارْنِي ڒَامِي د -عقْبغْ، إِوْضغْ ذَا غَارْ ؤُرْشَالِيمْ، ؤُشَا أَمْ ثُوغَا تّْژَادْجِيغْ ذِي زَّاوشْثْ ثَامقّْرَانْثْ،
ACT 22:18 ژْرِيغْ ث ذڭْ إِجّْ ن ڒوْحِييْ، إِنَّا أَيِي: ’أَزّڒْ، ثفّْغذْ ذغْيَا زِي ؤُرْشَالِيمْ مِينْزِي وَارْ قبّْڒنْ شَا شّْهَاذثْ نّشْ خَافِي!‘
ACT 22:19 نِّيغْ نشّْ: ’[أَ] سِيذِي، أَقَا نِيثْنِي سّْننْ بلِّي ثُوغَا تّْحبّْسغْ إِنِّي يُومْننْ زَّايكْ، هتّْكغْ ثنْ س ؤُركُّوضْ ذِي ثمْزِيذَاوِينْ،
ACT 22:20 ؤُ ڒَامِي تّْوَاسِيزّْڒنْ إِذَامّنْ ن ؤُشهَّاذْ نّشْ سْثِيفَانُوسْ، ثُوغَا بدّغْ أَكِيذْسنْ، أَرْضِيغْ خْ يِينِّي ث نْغِينْ ؤُ حْضِيغْ أَرُّوضْ ن يِينِّي ث يَارجْمنْ.‘
ACT 22:21 [خنِّي] إِنَّا أَيِي: ’رُوحْ، مِينْزِي أَذْ شكْ سّكّغْ غَارْ ڒَاڭّْوَاجْ حِيمَا أَذْ ثْبَارّْحذْ [لْ-إِنْجِيلْ] إِ ڒڭْنُوسْ!‘ “
ACT 22:22 ثُوغَا تّسْڒَانْ أَسْ أَڒْ أَوَاڒْ-أَ، خنِّي كَّارنْ سّْڭعّْذنْ ثْمِيجَّا نْسنْ، قَّارنْ: ”كّْسمْ ث زِي ثمُّورْثْ، مِينْزِي أَمْ وَانِيثَا وَارْ إِسْذِيهدْجْ أَذْ إِدَّارْ.“
ACT 22:23 أَمْ ثُوغَا سْغُويُّونْ، نطَّارنْ أَرُّوضْ نْسنْ ؤُشَا زُوزَّارَانْ ؤُشَاڒْ غَارْ ؤُجنَّا.
ACT 22:24 يُومُورْ ؤُكُومَانْذَارْ مَاحنْذْ أَذْ ث سِّيذْفنْ غَارْ لْقشْلَا، أَذْ ث سّقْسَانْ أَمْ ث تّْهتَّاكنْ س ؤُركُّوضْ حِيمَا أَذْ [زَّايسْ] إِفْهمْ مَايمِّي خَاسْ سْغُوينْ [أَمُّو].
ACT 22:25 ؤُمِي ث جبْذنْ س ثْحزَّامِينْ [إِ ؤُهتّكْ س ؤُركُّوضْ]، إِنَّا بُولُوسْ إِ ڒْقبْطَانْ خْ مْيَا إِ ذِينْ إِبدّنْ: ”مَا إِحدْجڒْ أَومْ عْلَاحْسَابْ شَّارِيعَا [نْومْ] أَذْ ثْهتّْكمْ إِجّْ ن بْنَاذمْ ذ أَرُومَانِي س ؤُركُّوضْ أَمْ وَارْ خَاسْ ثحْكِيممْ [عَاذْ]؟“
ACT 22:26 ؤُمِي إِسْڒَا ڒْقبْطَانْ خْ مْيَا مَانْ أَيَا، إِرُوحْ غَارْ ؤُكُومَانْذَارْ، إِنَّا أَسْ: ”مِينْ غَا ثڭّذْ؟ أَقَا أَرْيَازْ-أَ ذ أَرُومَانِي!“
ACT 22:27 إِقَارّبْ-د غَارسْ ؤُكُومَانْذَارْ، إِنَّا أَسْ: ”إِنِي أَيِي، مَا شكْ ذ أَرُومَانِي؟“ يَارَّا-د خَاسْ بُولُوسْ: ”وَاهْ!“
ACT 22:28 يَارَّا-د خَاسْ ؤُكُومَانْذَارْ، إِنَّا: ”نشّْ طّْفغْ ڒْحقّْ-أَ ن ؤُمزْذَاغْ أَرُومَانِي س إِجّْ نْ ڒْقدّْ ذ أَمقّْرَانْ ن ثْمنْيَاثْ!“ بُولُوسْ إِنَّا: ”مَاشَا نشّْ خڒْقغْ-د زَّايسْ!“
ACT 22:29 ڒخْذنِّي، إِنِّي ثُوغَا نْوَانْ أَذْ ث هتّْكنْ س ؤُركُّوذْ، جِّينْ ث. أَكُومَانْذَارْ إِذْوڒْ إِڭّْوذْ، مِينْزِي إِفْهمْ أَقَا-ث ذ أَرُومَانِي ؤُ مِينْزِي إِجَّا إِ-ث أَذْ ث شَارْفنْ.
ACT 22:30 ثِيوشَّا نّسْ أَمْ ثُوغَا إِخْسْ أَذْ إِسّنْ ثِيذتّْ مِينْ خفْ ث ضڒْمنْ وُوذَاينْ، إِڭَّا أَذْ فسْينْ إِشذِّييّنْ [نّسْ] ؤُشَا يُومُورْ أَذْ سّْمُوننْ إِزدْجِيفنْ ن إِكهَّاننْ ذ مَارَّا جْمَاعثْ [ثَامقّْرَانْثْ] ن إِمقّْرَاننْ نْسنْ ؤُشَا إِسّهْوَا-د بُولُوسْ [غَارْ ذِينْ]، إِسّْبدّْ إِ-ث ذِي ڒْوسْطْ نْسنْ.
ACT 23:1 بُولُوسْ إِقْشعْ [ذڭْ إِنِّي إِقِّيمنْ] ذِي جْمَاعثْ [ثَامقّْرَانْثْ]، إِنَّا: ”أَ إِرْيَازنْ ثَاوْمَاثْ! أَقَا نشّْ ؤُيُورغْ س ثْنفْسشْثْ ثصْفَا غَارْ مَارَّا [إِغزْذِيسنْ] زَّاثْ إِ أَربِّي أَڒْ أَسّْ-أَ!“
ACT 23:2 أَنَانِييَاسْ، أَكهَّانْ، يُومُورْ إِنِّي إِ ثُوغَا ذِينْ أَكِيذسْ إِبدّنْ، أَذْ ث وْثنْ غَارْ ؤُقمُّومْ.
ACT 23:3 خنِّي إِنَّا أَسْ بُولُوسْ: ”أَذْ شكْ إِوّثْ أَربِّي، شكْ ذ ڒْحِيضْ إِجِييَّارنْ! أَقَا شكْ ثقِّيمذْ ذَا مَاحنْذْ أَذْ خَافِي ثْحكْمذْ عْلَاحْسَابْ شَّارِيعَا، [مَاشَا] ثْخَاڒَافذْ شَّارِيعَا س يِيخفْ نّشْ أَمْ ثُومُورذْ أَذْ أَيِي وْثنْ!“
ACT 23:4 إِنِّي إِ ثُوغَا كِيسْ إِبدّنْ، نَّانْ: ”مَا ثْذدْجْمذْ أَكهَّانْ ن أَربِّي؟“
ACT 23:5 إِنَّا بُولُوسْ: ”[أَ] ثَاوْمَاثْ، وَارْ سِّينغْ أَقَا-ث ذ أَكهَّانْ، مِينْزِي ثُورَا: ’أَزدْجِيفْ ن ڒْڭنْسْ نّشْ وَارْ ث نعّڒْ!‘ “
ACT 23:6 ؤُمِي إِسّنْ بُولُوسْ، أَقَا [أَزْينْ] ن ڒْڭنْسْ ذ إِصَاذُوقِييّنْ ؤُ [أَزْينْ نّغْنِي] زڭْ إِفَارِيسِييّنْ، إِڒَاغَا ذِي جْمَاعثْ [ثَامقّْرَانْثْ]: ”أَ إِرْيَازنْ ثَاوْمَاثْ، نشّْ ذ أَفَارِيسِي، مِّيسْ ن إِفَارِيسِييّنْ، نشّْ تّتّْوَاحَاكَامغْ ذِي سِّيبّثْ ن ؤُسِيثمْ ذ ثْنُوكْرَا ن إِمتِّيننْ.“
ACT 23:7 أَڒَامِي إِنَّا أَيَا، إِمْسَارْ إِجّْ ن ؤُخَارْوضْ جَارْ إِفَارِيسِييّنْ ذ إِصَاذُوقِييّنْ ؤُشَا إِتّْوَابْضَا ڒْڭنْسْ،
ACT 23:8 مِينْزِي إِصَاذُوقِييّنْ قَّارنْ بلِّي وَارْ ثدْجِي شَا ذ ثَانُوكْرَا نِيغْ ذ لْمَالَاكَاثْ ؤُڒَا ذ بُوحْبڒْ، مَاشَا إِفَارِيسِييّنْ شهّْذنْ خْ مَارَّا مَانْ أَيَا.
ACT 23:9 إِكَّارْ إِجّْ ن ؤُخَارْوضْ ذ أَمقّْرَانْ. شَا ن إِمْسڒْمَاذنْ ن إِذْلِيسنْ زڭْ وزْينْ ن إِفَارِيسِييّنْ كَّارنْ، تّمْنَاقَاشنْ أَكِيذْسنْ س جّهْذْ، نَّانْ: ”وَارْ نُوفِي ؤُڒَا ذ إِجّْ ن ڒْغَارْ ذِي بْنَاذمْ-أَ. مَاڒَا إِسِّيوڒْ أَكِيذسْ إِجّْ ن بُوحْبڒْ نِيغْ إِجّْ ن لْمَالَاكْ، مَانْ ڒْعِيبْ إِ يدْجَا [خنِّي] ذِي مَانْ أَيَا؟“
ACT 23:10 ؤُمِي إِكَّارْ إِجّْ ن ؤُخَارْوضْ ذ أَمقّْرَانْ، إِڭّْوذْ ؤُكُومَانْذَارْ أَذْ مزّْقنْ بُولُوسْ. خنِّي يُومُورْ إِعسْكَارِييّنْ إِرُومَانِييّنْ مَاحنْذْ أَذْ د-أَسنْ، أَذْ ث خضْفنْ زِي ڒْوسْطْ نْسنْ، ؤُشَا أَذْ ث أَوْينْ غَارْ لْقشْلَا.
ACT 23:11 ذِي دْجِيڒثْ إِضْهَارْ-د سِيذِيثْنغْ إِ بُولُوسْ، إِنَّا أَسْ: ”أڭّْ ؤُڒْ، مِينْزِي أَمْ مَامّشْ خَافِي ثْشهْذذْ ذِي ؤُرْشَالِيمْ أَمُّو إِ غَا ثْشهْذذْ ؤُڒَا ذِي رُومَا!“
ACT 23:12 أَڒَامِي ذ إِصْبحْ ڒْحَاڒْ، مُوننْ شَا زڭْ وُوذَاينْ، قّْننْ إِخفْ نْسنْ س إِشْثْ ن نّعْڒثْ مَاحنْذْ وَارْ تّتّنْ وَارْ سسّنْ أَڒْ ذ نْغنْ بُولُوسْ.
ACT 23:13 كْثَارْ زِي أَربْعِينْ ن يرْيَازنْ كّْسنْ وَاوَاڒْ-أَ س إِشْثْ ن ثْجَادْجِيثْ.
ACT 23:14 إِنَا رُوحنْ غَارْ إِمقّْرَاننْ ن إِكهَّاننْ ذ إِمْغَارنْ [ن ڒْڭنْسْ]، نَّانْ: ”أَقَا نقّنْ إِخفْ نّغْ س إِشْثْ ن نّعْڒثْ مَاحنْذْ وَارْ نتّتّْ وَالُو أَڒْ غَا ننّغْ بُولُوسْ.
ACT 23:15 خنِّي ڒخُّو، [مَاڒَا] كنِّيوْ ذ إِمقّْرَاننْ ن جْمَاعثْ [ثَامقّْرَانْثْ] أَذْ ثتَّارمْ زڭْ ؤُكُومَانْذَارْ مَاحنْذْ أَذْ ث-إِ-د-إِنْذهْ غَارْومْ أَخْمِي ثخْسمْ أَذْ ثْخبّْشمْ ذِي ثْمسْڒَاشْثْ-أَ مْلِيحْ، أَقَا نشِّينْ نوْجذْ حِيمَا أَذْ ث ننّغْ قْبڒْ مَا أَذْ غَارْومْ د-يَاوضْ.“
ACT 23:16 إِسْڒَا مِّيسْ ن ؤُتْشْمَاسْ ن بُولُوسْ خْ ثْحِيڒثْ-أَ. [خنِّي] يُوذفْ غَارْ لْقشْلَا ؤُشَا إِخبَّارْ بُولُوسْ خْ مَانْ أَيَا.
ACT 23:17 إِڒَاغَا بُولُوسْ إِ يِيجّنْ زڭْ ڒْقبْطَانَاثْ خْ مْيَا، إِنَّا أَسْ: ”رُوحْ س ؤُبْڒِيغْ-أَ غَارْ ؤُكُومَانْذَارْ مِينْزِي غَارسْ شَا أَذْ أَسْ ث يِينِي.“
ACT 23:18 إِكْسِي ڒْقبْطَانْ خْ مْيَا أَبْڒِيغْ، ؤُشَا إِوْيِي ث غَارْ ؤُكُومَانْذَارْ، إِنَّا: ”بُولُوسْ، أَمحْبُوسْ، إِڒَاغَا أَيِي-د، إِتَّارْ أَيِي أَذْ أَشْ أَوْيغْ أَبْڒِيغْ-أَ إِ غَارْ إِدْجَا شَا أَذْ أَشْ ث إِنِي.“
ACT 23:19 إِطّفْ ؤُكُومَانْذَارْ أَبْڒِيغْ س ؤُفُوسْ، إِدُّورْ زَّايسْ وحّْذسْ ؤُشَا إِسّقْسَا ث: ”مِينْ غَاركْ أَذْ أَيِي ث ثِينِيذْ؟“
ACT 23:20 إِنَّا أَسْ ؤُبْڒِيغْ: ”أَقَا ؤُذَاينْ أَرزُّونْ أَذْ زَّايكْ تَّارنْ مَاحنْذْ أَذْ د-ثسّهْوِيذْ بُولُوسْ ثِيوشَّا غَارْ جْمَاعثْ نْسنْ [ثَامقّْرَانْثْ]، أَخْمِي خْسنْ أَذْ ث سّقْسَانْ عَاذْ.
ACT 23:21 وَارْ تّجِّي أَذْ شكْ سّْقنْعنْ، مِينْزِي كْثَارْ زِي أَربْعِينْ ن يرْيَازنْ زَّايْسنْ ڭِّينْ أَسْ إِجّْ ن ڒْفخْ ذڭْ وبْرِيذْ، قّْننْ إِخفْ نْسنْ س إِشْثْ ن نّعْڒثْ مَاحنْذْ وَارْ تّتّنْ وَارْ سسّنْ أَڒْ ث نْغنْ. أَقَا نِيثْنِي وجْذنْ ڒخُّو، تّْرَاجَانْ أَذْ ثوْشذْ تّسْرِيحْ نّشْ.“
ACT 23:22 أَكُومَانْذَارْ إِجَّا أَبْڒِيغْ أَذْ إِرَاحْ، إِنَّا أَسْ: ”وَارْ تّجِّي حذْ أَذْ إِسّنْ، أَقَا ثسَّارڭْبذْ أَيِي خْ مَانْ أَيَا.“
ACT 23:23 [خنِّي] إِڒَاغَا-د غَارسْ خْ ثْنَاينْ ن إِقبْطَاننْ خْ مْيَا، إِنَّا: ”سْوجْذمْ مِيثَاينْ ن إِعسْكَارِييّنْ إِرُومَانِييّنْ مَاحنْذْ أَذْ رَاحنْ غَارْ قَايْصَارِييَا غَارْ ثْڒَاثَا ن دْجِيڒثْ، أَكِيذْسنْ سبْعِينْ ن يِينِّي إِنْيِينْ خْ يِييْسَانْ ؤُ مِيثَاينْ ن إِمْجبَّاذنْ ن ڒْقوْسْ س ؤُفُوسْ ؤُفُوسِي.
ACT 23:24 أجّْ إِ-ثنْ أَذْ سّْوجْذنْ إِشْثْ ن زَّايْڒثْ مَاحنْذْ أَذْ خَاسْ سّْغِيمنْ بُولُوسْ، أَذْ ث نذْهنْ غَارْ لْعَامِيلْ فِيلِيكْسْ ذِي ڒَامَانْ.“
ACT 23:25 [خنِّي] يُورَا إِشْثْ ن ثبْرَاثْ، إِوْشَا أَسنْ ت. أَمُّو إِ ذَايسْ [يُورَا]:
ACT 23:26 ”كْلُوذِييُوسْ لِيسِييَاسْ، إِ لْعَامِيلْ يُوعْڒَانْ فِيلِيكْسْ: سْڒَامْ [خَاكْ!]
ACT 23:27 ؤُذَاينْ أَقَا طّْفنْ أَرْيَازْ-أَ ؤُ ثُوغَا خْسنْ أَذْ ث نْغنْ. وْشِيغْ [أَسْ] أَفُوسْ أَكْ-ذ إِعسْكَارِييّنْ إِرُومَانِييّنْ ؤُشَا فكّغْ ث ؤُمِي سْڒِيغْ أَقَا-ث ذ أَرُومَانِي.
ACT 23:28 مِينْزِي ثُوغَا خْسغْ أَذْ سّْنغْ مِينْ خفْ ث ضڒْمنْ، إِوْيغْ ث غَارْ جْمَاعثْ نْسنْ [ثَامقّْرَانْثْ].
ACT 23:29 ؤُفِيغْ أَقَا ضڒْمنْ ث ذِي سِّيبّثْ ن شَا ن إِخَارْوِيضنْ ن شَّارِيعَا نْسنْ، مَاشَا وَارْ ذِينْ [ؤُفِيغْ] أَضْڒَامْ إِ إِسْذَاهدْجنْ إِشذِّييّنْ نِيغْ ڒْموْثْ.
ACT 23:30 ؤُمِي ذ أَيِي إِتّْوَانَّا، بلِّي ؤُذَاينْ ڭِّينْ أَسْ إِجّْ ن ڒْفخْ ذڭْ وبْرِيذْ س ثْنُوفّْرَا، سّكّغْ ث-إِ-د ڒخْذنِّي غَاركْ، ؤُمُورغْ إِ يِينِّي ث إِضڒْمنْ أَذْ غَاركْ رُوحنْ مَاحنْذْ أَذْ كِيذسْ سِّيوْڒنْ زَّاثكْ [مِي خفْ ث ضڒْمنْ]. س تِّيسِيرْ!“
ACT 23:31 إِعسْكَارِييّنْ إِرُومَانِييّنْ كْسِينْ بُولُوسْ، أَمْ مَامّشْ ذ أَسنْ يُومُورْ، ؤُشَا إِوْينْ ث س دْجِيڒثْ غَارْ ثنْذِينْثْ ن أَنْثِيبَاثْرِيسْ.
ACT 23:32 ثِيوشَّا نّسْ جِّينْ إِنِّي إِنْيِينْ خْ ييْسَانْ أَذْعقْبنْ إِعسْكَارِييّنْ إِمدُّوكَّاڒْ نْسنْ خْ إِضَارنْ غَارْ لْقشْلَا.
ACT 23:33 [خنِّي] إِوْينْ ث غَارْ قَايْصَارِييَا، وْشِينْ ثَابْرَاثْ إِ لْعَامِيلْ ؤُشَا سّْبدّنْ بُولُوسْ زَّاثسْ.
ACT 23:34 أَوَارْنِي ڒَامِي إِغْرَا ثَابْرَاثْ [نِّي]، إِسّقْسَا خْ مَانْ جِّيهثْ إِ زِي د-يُوسَا نتَّا، ؤُشَا ڒَامِي يُوفَا بلِّي نتَّا يُوسَا-د زِي كِيلِيكِييَا،
ACT 23:35 إِنَّا أَسْ: ”أَذْ أَشْ سْڒغْ مَاڒَا ؤُڒَا ذ يِينِّي إِ شكْ إِضڒْمنْ إِوْضنْ-د ذَا!“ خنِّي يُومُورْ أَذْ ثْ حْضَانْ ذِي ثَادَّارْثْ ن شّْرعْ ن هِيرُوذُوسْ، [ؤُمِي قَّارنْ ’بْرِيثُورِييُومْ‘].
ACT 24:1 أَوَارْنِي خمْسَا ن وُوسَّانْ إِهْوَا أَنَانِييَاسْ، أَرَّايْسْ ن إِكهَّاننْ، أَكْ-ذ إِمْغَارنْ [ن ڒْڭنْسْ] ؤُ أَكْ-ذ إِجّْ ن ورْيَازْ سْ ڒْهَارْذْ إِصبْحنْ، قَّارنْ أَسْ ثَارْثُولُوسْ، ؤُشَا خبَّارنْ لْعَامِيلْ خْ بُولُوسْ.
ACT 24:2 ؤُمِي خَاسْ د-ڒَْاغَانْ، إِقَارّبْ-د ثَارْثُولُوسْ غَارْ زَّاثْ مَاحنْذْ أَذْ ث إِضْڒمْ، إِنَّا: ”أَقَا زَّايكْ غَارْنغْ ڒهْنَا ثَامقّْرَانْثْ ؤُ سِّييَاسَا نّشْ أَقَا ثِيوِي-د أَطَّاسْ ن وعْذڒْ ذِي طّْوعْ ن ڒْڭنْسْ-أَ إِ د-يِيوْينْ سَّاهْڒَا،
ACT 24:3 ؤُ ذِي كُوڒْ أَمْشَانْ مَارَّا نشِّينْ نقْبڒْ ثْشُونِي نّشْ، [أَ سِيذِي] فِيلِيكْسْ يُوعْڒَانْ.
ACT 24:4 مَاشَا حِيمَا وَارْ شكْ هكّْوڒغْ أَطَّاسْ، تَّارغْ زَّايكْ أَذْ ثسْڒِيذْ مْغِيرْ شْوَايْثْ غَارْ ثُوثْرَا نّغْ إِ [زَّايكْ] نتَّارْ س ؤُوَاضعْ.
ACT 24:5 مِينْزِي نُوفَا بلِّي بْنَاذمْ-أَ أَقَا-ث ذ إِجّْ ن ڒحْڒَاشْ، إِتّْسبّبْ أَغُووّغْ جَارْ مَارَّا ؤُذَاينْ ذِي مْكُوڒْ ثَامُّورْثْ، مِينْزِي نتَّا ذ أَزدْجِيفْ ن ثبْرِيذْثْ ن إِنَاصِيرِييّنْ.
ACT 24:6 ڒَامِي نتَّا ثُوغَا يَارزُّو مَاحنْذْ أَذْ إِسّخْمجْ زَّاوشْثْ ثَامقّْرَانْثْ نّغْ، خنِّي نطّفْ إِ-ث ؤُشَا ثُوغَا نخْسْ أَذْ خَاسْ نحْكمْ س شَّارِيعَا نّغْ.
ACT 24:7 مَاشَا أَكُومَانْذَارْ لِيسِييَاسْ يُوسَا-د ذِي ڒْوسْطْ س ؤُهتّكْ أَطَّاسْ، إِكْسِي ث جَارْ إِفَاسّنْ نّغْ، إِسّكّْ إِ-ث غَاركْ،
ACT 24:8 ؤُشَا يُومُورْ مَاحنْذْ إِنِّي إِخْسنْ أَذْ ث ضڒْمنْ، أَذْ غَاركْ د-أَسنْ. مَاڒَا ث ثسّقْسِيذْ، أَذْ ثْفهْمذْ زَّايسْ س يِيخفْ نّشْ مَارَّا ثِيمسْڒَايِينْ-أَ مِينْ خفْ ث نضْڒمْ.“
ACT 24:9 شّثْشَانْ خَاسْ وُوذَاينْ نِّي عَاوذْ، نَّانْ: ”مَانْ أَيَا أَمُّو إِ إِدْجَا!“
ACT 24:10 خَاسْ ؤُشَا إِشيَّارْ لْعَامِيلْ إِ بُولُوسْ مَاحنْذْ أَذْ إِسِّيوڒْ. بُولُوسْ يَارَّا-د، إِنَّا: ”نشّْ سّْنغْ بلِّي شكْ ذ ڒْقَاضِي خْ ڒْڭنْسْ-أَ إِ يِيجّْ ن ڒْمِيجَاڒْ ن وَاطَّاسْ ن إِسڭّْوُوسَا، س ؤُينِّي أَذْ وْثغْ خْ يِيخفْ إِنُو س ثرْيَاسْثْ كْثَارْ.
ACT 24:11 أَمْ مَامّشْ غَا يِيڒِي ثسّْنذْ شكْ، أَقَا عْذُونْ مْغِيرْ ثنْعَاشْ ن وُوسَّانْ وَاهَا زڭْ وَامِي ڭعّْذغْ حِيمَا أَذْعبْذغْ ذِي ؤُرْشَالِيمْ.
ACT 24:12 نِيثْنِي وَارْ ذ أَيِي ؤُفِينْ ذِي زَّاوشْثْ ثَامقّْرَانْثْ سَّاوَاڒغْ أَكْ-ذ شَا ن إِجّنْ نِيغْ سّْمُونغْ إِجّْ ن ؤُبَارُّو ن ڒْڭنْسْ، وَارْ إِدْجِي ذِي ثمْزِيذَاوِينْ نْسنْ، وَارْ إِدْجِي ذِي ثنْذِينْثْ.
ACT 24:13 نِيثْنِي وَارْ زمَّارنْ أَذْ سّْبيّْننْ مِينْ زِي ذ أَيِي ضڒْمنْ ڒخُّو.
ACT 24:14 مَاشَا مَانْ أَيَا أَذْ أَشْ نعْمغْ، بلِّيعبّْذغْ أَربِّي ن ڒجْذُوذْ إِنُو خْ ڒحْسَابْ ثْغُورِي نِّي خْ سَّاوَاڒنْ، مِينْزِي ؤُمْنغْ مَارَّا مِينْ يُورِينْ ذِي شَّارِيعَا ؤُ ذڭْ إِنَابِييّنْ،
ACT 24:15 أَمْ غَارِي سِيمَانْثْ ن ؤُسِيثمْ ذِي أَربِّي أَمْ مَامّشْ ؤُڒَا ذ نِيثْنِي غَارْسنْ، أَقَا أَذْ ذِينْ ثِيڒِي ثْنُوكْرَا زِي ثَادَّارْثْ ن إِمتِّيننْ، [ثَانُوكْرَا] ن إِمْسڭَّاذنْ ؤُڒَا ذ [ثَانُوكْرَا] ن يِينِّي وَارْ إِسڭّْذنْ.
ACT 24:16 أَمُّو ؤُڒَا ذ نشّْ تّڭّغْ ثِيزمَّارْ حِيمَا أَذْ غَارِي ثِيڒِي ڒبْذَا ثْنفْسشْثْ ثصْفَا زَّاثْ إِ أَربِّي ؤُ زَّاثْ إِ إِوْذَانْ.
ACT 24:17 أَوَارْنِي إِ وَاطَّاسْ ن إِسڭّْوُوسَا ؤُسِيغْ-د غَارْ ڒْڭنْسْ إِنُو مَاحنْذْ أَذْ أَوْيغْ صّْذَاقِي ذ ثْغَارْصِينْ.
ACT 24:18 أَقَا إِوْذَانْ-أَ ؤُفِينْ أَيِي ذِي زَّاوشْثْ ثَامقّْرَانْثْ أَوَارْنِي ڒَامِي تّْوَاسِّيزْذڭغْ، أَمْ وَارْ ذِينْ [غَارِي] ڒْغَاشِي نِيغْ ذ أَخَارْوضْ.
ACT 24:19 مَاشَا ؤُذَاينْ نِّي د-يُوسِينْ زِي أَسِييَا، إِنِّي إِسّكَّارنْ إِوْذَانْ، أَقَا إِتّْخصَّا أَذْ حْضَارنْ ذَا أَكِيذِي زَّاثكْ مَاحنْذْ أَذْ أَيِي ضڒْمنْ زِي مِينْ مَا غَارْسنْ [خَافِي].
ACT 24:20 نِيغْ أَذْ إِنِينْ إِنَا إِ ذَا [إِبدّنْ] مَانْ ڒْعِيبْ إِ ذَايِي ؤُفِينْ ؤُمِي بدّغْ زَّاثْ إِ جْمَاعثْ نْسنْ [ثَامقّْرَانْثْ]،
ACT 24:21 مْغِيرْ أَوَاڒْ-أَ إِ ثُوغَا ڒَاغِيغْ ؤُمِي بدّغْ جَارْ أَسنْ: ’أَسّْ-أَ تّْوَاحكْمغْ زَّاثْومْ ذِي سِّيبّثْ ن ثْنُوكْرَا ن إِمتِّيننْ!‘ “
ACT 24:22 مَاشَا ؤُمِي إِسّنْ فِيلِيكْسْ أَبْرِيذْ-أَ مْلِيحْ، إِسّْبدّْ إِ-ثنْ، إِنَّا: ”خْمِي د غَا يَاسْ ؤُكُومَانْذَارْ، أَذْ كمّْڒغْ أَسدْجِي غَارْ مِينْ ذِينْ جَارْ أَومْ.“
ACT 24:23 [خَاسْ ؤُشَا] يُومُورْ إِ ڒْقبْطَانْ خْ مْيَا حِيمَا أَذْ إِحْضَا بُولُوسْ س شْوَايْثْ ن لْحُورِّييَا كْثَارْ ؤُ وَارْ إِمنّعْ ؤُڒَا ذ إِجّْ زڭْ إِنِّي ث إِسّْننْ أَذْ خَاسْ سخَّارنْ.
ACT 24:24 أَوَارْنِي شَا ن وُوسَّانْ إِجَّا فِيلِيكْسْ ذ ذْرُوسِيلَّا، ثَامْغَارْثْ نّسْ ذ ثُوذَاشْثْ، أَذْ د-أَوْينْ بُولُوسْ ؤُشَا سْڒَانْ زَّايسْ خْ لْ-إِيمَانْ ن لْمَاسِيحْ.
ACT 24:25 أَڒَامِي يِيوضْ ڒْهَارْذْ خْ ثْسڭْذَا ذ ضّبْطْ ن نّفْسْ ؤُ خْ لْحِيسَابْ إِ د غَا يَاسنْ، إِڭّْوذْ فِيلِيكْسْ، إِنَّا أَسْ: ”رُوحْ ڒخُّو! خْمِي غَارِي إِ غَا يِيڒِي ڒْوقْثْ، أَذْ أَشْ د-ڒَْاغِيغْ.“
ACT 24:26 نتَّا ثُوغَا إِسِّيثِيمْ عَاوذْ مَاحنْذْ بُولُوسْ أَذْ أَسْ إِوْشْ ثْمنْيَاثْ [حِيمَا أَذْ أَسْ إِضْڒقْ]. س ؤُينِّي ثُوغَا خَاسْ د-إِڒَاغَا أَطَّاسْ ن ثْوَاڒَاوِينْ حِيمَا أَذْ كِيسْ إِسِّيوڒْ.
ACT 24:27 مَاشَا ؤُمِي كمّْڒنْ ثْنَاينْ ن إِسڭّْوُوسَا، يُوسَا-د لْعَامِيلْ ونِّي ث إِ غَا إِخڒْفنْ، قَّارنْ أَسْ بُورْكِييُوسْ فَاسْثُوسْ. ؤُمِي ثُوغَا فِيلِيكْسْ إِخْسْ أَذْ يَارْضَا ؤُذَاينْ، إِجَّا بُولُوسْ ذِي سّْنَاسڒْ [ذِي ڒحْبسْ].
ACT 25:1 أَڒَامِي د-يِيوضْ فَاسْثُوسْ غَارْ قَايْصَارِييَا، إِرُوحْ غَارْ ؤُرْشَالِيمْ أَوَارْنِي ڒَامِي عْذُونْ ثْڒَاثَا ن وُوسَّانْ.
ACT 25:2 إِمقّْرَاننْ ن إِكهَّاننْ ذ إِمْشنّْعنْ ن وُوذَاينْ سَّارڭْبنْ ث [ذِينِّي] خْ مِينْ خفْ ضڒْمنْ بُولُوسْ ؤُشَا قدّْمنْ أَسْ إِشْثْ ن ثُوثْرَا.
ACT 25:3 تَّارنْ زَّايسْ مَاحنْذْ أَذْ [أَسنْ] إِڭّْ س ڒْخَاضَارْ حِيمَا أَذْ إِنْذهْ بُولُوسْ غَارْ ؤُرْشَالِيمْ، أَڒَامِي زمَّارنْ نِيثْنِي أَذْ سّْوجْذنْ إِجّْ ن ڒْفخْ ذڭْ وبْرِيذْ مَاحنْذْ أَذْ ث نْغنْ.
ACT 25:4 مَاشَا فَاسْثُوسْ يَارَّا-د: ”بُولُوسْ إِتّْوَاحْضَا ذِي قَايْصَارِييَا ؤُ نشّْ سِيمَانْثْ إِنُو أَذْ ذِينْ رَاحغْ ذغْيَا.
ACT 25:5 أجّْ إِنِّي زَّايْومْ إِزمَّارنْ أَذْ أَفنْ ثَاوَّارْثْ أَذْ رَاحنْ أَكِيذْنغْ، ؤُشَا أجّْ إِ-ثنْ أَذْ ث ضڒْمنْ مَاڒَا ذِينْ شَا ن ڒْعِيبْ ذڭْ ورْيَازْ-أَ.“
ACT 25:6 أَوَارْنِي ڒَامِي إِقِّيمْ ذِينْ ثْمنْيَا نِيغْعشْرَا ن وُوسَّانْ إِهْوَا غَارْ قَايْصَارِييَا ؤُ ثِيوشَّا نّسْ إِقِّيمْ خْ ڒْكُورْسِي ن شّْرعْ ؤُشَا يُومُورْ أَذْ د-أَوْينْ بُولُوسْ.
ACT 25:7 ؤُمِي د-يِيوضْ، نّْضنْ خَاسْ وُوذَاينْ إِنِّي ثُوغَا د-إِهْوَانْ زِي ؤُرْشَالِيمْ، ؤُشَا ڭِّينْ [خَاسْ] أَطَّاسْ ن إِشثْشِيثنْ إِضقْڒنْ، وَارْ زمَّارنْ أَذْ ثنْ سّْبيّْننْ.
ACT 25:8 ؤُمِي إِوْثَا بُولُوسْ خْ يِيخفْ نّسْ، أَقَا وَارْ إِخْضِي نتَّا ذِي وَالُو، وَارْ ثدْجِي ذِي شَّارِيعَا ن وُوذَاينْ نِيغْ ذِي زَّاوشْثْ ثَامقّْرَانْثْ ؤُڒَا ذِي قَايْصَارْ،
ACT 25:9 إِنَّا فَاسْثُوسْ إِ بُولُوسْ، أَمْ ثُوغَا إِخْسْ أَذْ إِڭّْ ڒْخَاضَارْ إِ وُوذَاينْ: ”مَا ثخْسذْ أَذْ ثْڭعّْذذْ غَارْ ؤُرْشَالِيمْ، حِيمَا أَذْ ذِينْ ثتّْوَاحَاكْمذْ زَّاثِي؟“
ACT 25:10 يَارَّا-د بُولُوسْ، إِنَّا: ”نشّْ أَقَا بدّغْ زَّاثْ إِ ڒْكُورْسِي ن شّْرعْ ن قَايْصَارْ مَانِي إِتّْخصَّا أَذْ خَافِي إِتّْوَاحْكمْ. وَارْ خْضِيغْ ذڭْ وُوذَاينْ س وَالُو أَمْ مَامّشْ شكْ ثسّْنذْ مْلِيحْ.
ACT 25:11 مَاڒَا خْضِيغْ نِيغْ مَاڒَا ڭِّيغْ مِينْ إِسْذَاهدْجنْ ڒْموْثْ، وَارْ تّْرِيكّْوِيڒغْ زِي ڒْموْثْ. مَاشَا مَاڒَا وَارْ ذِينْ بُو ثِيذتّْ نِيشَانْ إِ زِي ذ أَيِي ضڒْمنْ، خنِّي وَارْ إِزمَّارْ ؤُڒَا ذ إِجّنْ أَذْ أَيِي إِسلّمْ غَارْسنْ إِ أَرْضَا نْسنْ. نشّْ ؤُرِيغْ دّعْوثْ إِنُو غَارْ قَايْصَارْ.“
ACT 25:12 أَوَارْنِي ڒَامِي ثُوغَا إِمْشَاوَارْ أَكْ-ذ وڭْرَاوْ، يَارَّا-د فَاسْثُوسْ: ”أَقَا ثسّْڭعّْذذْ دّعْوثْ نّشْ غَارْ قَايْصَارْ، [خنِّي] غَارْ قَايْصَارْ إِ غَا ثْرَاحذْ!“
ACT 25:13 أَوَارْنِي ڒَامِي عْذُونْ شَا ن وُوسَّانْ يُوسَا-د ؤُجدْجِيذْ أَغْرِيبَاسْ ذ بَارْنِيكِي غَارْ قَايْصَارِييَا حِيمَا أَذْ سدْجْمنْ خْ فَاسْثُوسْ.
ACT 25:14 ؤُمِي نِيثْنِي سّعْذُونْ ذِينْ أَطَّاسْ ن وُوسَّانْ إِعَاوذْ فَاسْثُوسْ إِ ؤُجدْجِيذْ دّعْوثْ ن بُولُوسْ، إِنَّا: ”أَقَا ذَا إِجّْ ن ورْيَازْ ونِّي ذَا إِجَّا فِيلِيكْسْ ذ أَمحْبُوسْ.
ACT 25:15 ڒَامِي ذ أَيِي ثُوغَا ذِي ؤُرْشَالِيمْ، سَّارڭْبنْ أَيِي خَاسْ إِمقّْرَاننْ ن إِكهَّاننْ ذ إِمْغَارنْ ن وُوذَاينْ، أَرزُّونْ زَّايِي أَذْ إِتّْوَاحَاكمْ زَّاثْسنْ.
ACT 25:16 نشّْ أَرِّيغْ-د خَاسنْ بلِّي إِرُومَانِييّنْ وَارْ نُّومِينْ أَذْ سلّْمنْ إِجّْ ن بْنَاذمْ حِيمَا أَذْ إِتّْوَانغْ مَاحنْذْ أَذْ ڭّنْ ڒْخَاضَارْ [إِ إِوْذَانْ]. إِتّْخصَّا أَذْ حْضَارنْ زَّاثسْ إِنِّي ث إِضڒْمنْ ؤُشَا أَذْ غَارسْ يِيڒِي تَّاسِيعْ [إِ بْنَاذمْ نِّي] مَاحنْذْ أَذْ إِذَافعْ خْ يِيخفْ نّسْ زِي جِّيهثْ ن تُّوهْمثْ.
ACT 25:17 ؤُمِي ذَا د-إِوْضغْ، وَارْ عْڭِيزغْ، ؤُشَا ثِيوشَّا نّسْ قِّيمغْ خْ ڒْكُورْسِي ن شّْرعْ، ؤُمُورغْ أَذْ د-أَوْينْ أَرْيَازْ نِّي غَارِي.
ACT 25:18 إِنِّي ث إِضڒْمنْ نّْضنْ أَسْ-د، مَاشَا أَمْ مَامّشْ ثُوغَا تّْرَاجِيغْ وَارْ زمَّارنْ أَذْ د-أَوْينْ ؤُڒَا ذ إِشْثْ ن تُّوهْمثْ إِ ثُوغَا زمَّارنْ أَذْ سّْبيّْننْ.
ACT 25:19 مَاشَا ثُوغَا غَارْسنْ خَاسْ شَا ن إِخَارْوِيضنْ ذِي سِّيبّثْ ن دِّينْ نْسنْ ؤُ زِي جِّيهثْ ن إِجّْ ن بْنَاذمْ قَّارنْ أَسْ يَاسُوع ونِّي أَقَا إِمُّوثْ، [مَاشَا] ونِّي خفْ ثُوغَا بُولُوسْ إِقَّارْ بلِّي أَقَا إِدَّارْ.
ACT 25:20 أَمْ ثُوغَا شكّغْ ذِي ثْمسْڒَايِينْ-أَ إِ ذِي ثُوغَا أَرْزُوغْ، نِّيغْ إِ بُولُوسْ: ’مَا زعْمَا ثخْسذْ أَذْ ثْرَاحذْ غَارْ ؤُرْشَالِيمْ حِيمَا أَذْ ثتّْوَاحَاكْمذْ ذِينْ خْ ثْمسْڒَايِينْ-أَ؟‘
ACT 25:21 مَاشَا ؤُمِي ثُوغَا يَارزُّو أَذْ إِتّْوَاحْضَا أَڒْ خَاسْ غَا إِحْكمْ قَايْصَارْ، ؤُمُورغْ أَذْ ث حْضَانْ أَڒْ ث غَا سّكّغْ غَارْ قَايْصَارْ.“
ACT 25:22 إِنَّا أَغْرِيبَاسْ إِ فَاسْثُوسْ: ”ؤُڒَا ذ نشّْ خْسغْ أَذْ سْڒغْ إِ بْنَاذمْ-أَ!“ يَارَّا-د خَاسْ: ”ثِيوشَّا أَذْ أَسْ ثسْڒذْ!“
ACT 25:23 ثِيوشَّا نّسْ يُوسَا-د أَغْرِيبَاسْ ذ بَارْنِيكِي س مَارَّا شَّانْ ؤُشَا ؤُذْفنْ غَارْ ثَادَّارْثْ ن شّْرعْ أَكْ-ذ إِكُومَانْذَارنْ ن ڒْعسْكَارْ ذ إِزدْجِيفنْ ن ثنْذِينْثْ. خنِّي يُومُورْ فَاسْثُوسْ، ؤُشَا يُوذفْ-د بُولُوسْ.
ACT 25:24 إِنَّا فَاسْثُوسْ: ”[أَ] أَجدْجِيذْ أَغْرِيبَاسْ ؤُ كنِّيوْ مَارَّا إِرْيَازنْ إِ ذَا إِحْضَارنْ أَكِيذْنغْ: أَقَا خْ ورْيَازْ-أَ نِّي ثژْرِيمْ ذَانِيثَا، أَقَا شثْشَانْ خَاسْ غَارِي مَارَّا ڒْغَاشِي ن وُوذَاينْ ذِي ؤُرْشَالِيمْ ؤُڒَا ذَانِيثَا، سْغُويُّونْ مَاحنْذْ وَارْ إِتّْغِيمِي أَذْ إِدَّارْ عَاذْ.
ACT 25:25 مَاشَا ؤُفِيغْ نتَّا وَارْ إِڭِّي وَالُو مِينْ إِسْذَاهدْجنْ ڒْموْثْ، مَاشَا ؤُمِي إِسّْڭعّذْ دّعْوثْ نّسْ غَارْ قَايْصَارْ، ؤُمُورغْ أَذْ إِتّْوَاسّكّْ ذِينْ.
ACT 25:26 مَاشَا وَارْ غَارِي بُو ثْمسْڒَاشْثْ نِيشَانْ سّْنغْ ت زِي جِّيهثْ نّسْ حِيمَا أَذْ ت أَرِيغْ إِ قَايْصَارْ. س ؤُينِّي سّحْضَارغْ ث-إِ-د إِ كنِّيوْ، ذ أَمزْوَارُو إِ شكْ، [أَ] أَجدْجِيذْ أَغْرِيبَاسْ، حِيمَا، أَوَارْنِي ڒَامِي إِ غَا نْكمّڒْ ثَارزُّوثْ، أَذْ غَارِي يِيڒِي مِينْ غَا أَرِيغْ [إِ قَايْصَارْ]،
ACT 25:27 مِينْزِي وَارْ إِشُووَّارْ أَذْ سّكّغْ إِجّْ ن ؤُمحْبُوسْ بْڒَا مَا أَذْ أَرِيغْ إِخطَّانْ نّسْ.“
ACT 26:1 [خَاسْ ؤُشَا] إِنَّا أَغْرِيبَاسْ إِ بُولُوسْ: ”شكْ غَاركْ تّسْرِيحْ حِيمَا أَذْ ثسِّيوْڒذْ خْ يِيخفْ نّشْ!“ خنِّي إِسّْوِيژّضْ بُولُوسْ أَفُوسْ نّسْ ؤُشَا إِوْثَا خْ يِيخفْ نّسْ، إِنَّا:
ACT 26:2 ”ذِي مَارَّا مِينْ خفْ ذ أَيِي ضڒْمنْ وُوذَاينْ، [أَ] أَجدْجِيذْ أَغْرِيبَاسْ، حسّْبغْ إِخفْ إِنُو ذ [بْنَاذمْ] ذ أَمِيمُونْ، أَقَا أَسّْ-أَ زمَّارغْ أَذْ وْثغْ خْ يِيخفْ إِنُو قِيبَاتْشْ نّشْ.
ACT 26:3 ذڭْ ؤُمزْوَارُو س مِينْزِي أَقَا شكْ ثسّْنذْ مْلِيحْ مَارَّا إِخَارْوِيضنْ ذ إِزرْفَانْ ن وُوذَاينْ. س ؤُينِّي تَّارغْ زَّايكْ أَذْ أَيِي ثسْڒذْ س تَّاسِيعْ ن ڒْخَاضَارْ.
ACT 26:4 مِينْزِي ؤُذَاينْ، إِوَا، مَاڒَا خْسنْ أَذْ شهْذنْ [وَاهَا خْ مَانْ أَيَا]، سّْننْ أَبْرِيذْ ن ثُوذَارْثْ إِنُو مْلِيحْ زِي ثمْژِي إِنُو، أَمْ مَامّشْ ث ثُوغَا زڭْ ؤُمزْوَارُو جَارْ ڒْڭنْسْ إِنُو ؤُ ذِي ؤُرْشَالِيمْ.
ACT 26:5 نِيثْنِي سّْننْ أَيِي مْلِيحْ أَطَّاسْ زڭْ وَامِي، سّْننْ أَقَا ثُوغَا دَّارغْ عْلَاحْسَابْ ثَاغُورِي نِيشَانْ ن إِفَارِيسِييّنْ.
ACT 26:6 ؤُ ڒخُّو بدّغْ [ذَانِيثَا]، تّْوَاحَاكَامغْ ذِي طّْوعْ ن ؤُسِيثمْ ن لْوَاعْذْ إِ زِي إِوَاعْذْ أَربِّي إِ ڒجْذُوذْ نّغْ.
ACT 26:7 مَاغَارْ وَا ذ أَسِيثمْ نِّي تّْرَاجَانْثْ ثنْعَاشْ ن ثْقبَّاڒْ نّغْ أَذْ غَارسْ د-أَوْضنْثْ، أَمْ سّْڭعّْذنْثْ ثِيژَادْجِيثِينْ يُودْجْغنْ دْجِيڒثْ ذ وَاسّْ. ذِي طّْوعْ ن ؤُسِيثمْ-أَ، [أَ] أَجدْجِيذْ أَغْرِيبَاسْ، ضڒْمنْ أَيِي وُوذَاينْ.
ACT 26:8 مَامّشْ ثْحكّْممْ كنِّيوْ؟ مَا وَارْ إِتّْخصَّا أَذْ نَامنْ بلِّي أَربِّي أَذْ إِسّْنكَّارْ-د إِمتِّيننْ؟
ACT 26:9 زِيشْ ثُوغَا زعْمغْ نِيشَانْ، أَقَا إِتّْخصَّا أَذْ ڭّغْ أَطَّاسْ ن ثْمسْڒَايِينْ ضِيدّْ إِ يِيسمْ ن يَاسُوع نَّاصِيرِي.
ACT 26:10 ؤُشَا أَيَا إِ ڭِّيغْ عَاوذْ ذِي ؤُرْشَالِيمْ. أَمْ طّْفغْ ثِيزمَّارْ زِي جِّيهثْ ن إِمقّْرَاننْ ن إِكهَّاننْ، حبّْسغْ أَطَّاسْ ن إِمْقدَّاسنْ. ؤُشَا ڒَامِي تّْوَانْغنْ زَّايْسنْ، ثُوغَا أَرطِّيغْ س مَانْ أَيَا أَكْ-ذ إِنِّي خَاسْ إِحكْمنْ.
ACT 26:11 عذْبغْ ثنْ ذِي مَارَّا ثِيمْزِيذَاوِينْ، ڭِّيغْ خَاسنْ ؤُغِيڒْ مَاحنْذْ أَذْ شقّْفنْ إِسمْ ن يَاسُوع. ثُوغَا تّْهَاجغْ خَاسنْ أَطَّاسْ ؤُ ثُوغَا ڭُّورغْ غَارْ ثْندَّامْ إِنّغْنِي مَاحنْذْ أَذْ ثنْ مَارّْثغْ.
ACT 26:12 ڒَامِي ثُوغَا ڭُّورغْ غَارْ ذِيمَاشْقْ زِي سِّيبّثْ نِّي س صُّولْطَا ذ تّسْرِيحْ زِي جِّيهثْ ن إِمقّْرَاننْ ن إِكهَّاننْ،
ACT 26:13 خنِّي، [أَ] أَجدْجِيذْ، ؤُمِي ثُوغَا أَيِي ذڭْ وبْرِيذْ، ژْرِيغْ إِشْثْ ن ثْفَاوْثْ زڭْ ؤُجنَّا غَارْ وزْينْ ن وَاسّْ، ثتِّيسِّيقّْ كْثَارْ زِي ثْفُوشْثْ، ثنّضْ أَيِي-د ؤُ إِ يِينِّي أَكِيذِي إِمْسَافَارنْ.
ACT 26:14 نشِّينْ نوْضَا مَارَّا ذِي ثمُّورْثْ، سْڒِيغْ إِ إِشْثْ ن ثْمِيجَّا ثسَّاوَاڒْ-د أَكِيذِي، ثقَّارْ س ثْعِيبْرَانِيثْ: ’شَاوُولْ، شَاوُولْ، مَايمِّي خَافِي ثْذَارّْشذْ؟ أَقَا ثَارنْيذْ ثْزيَّارذْ خْ يِيخفْ نّشْ ؤُمِي شكْ ثشَّاثذْ [أَوَارْنِي أَشْ] ذِي سْڒكْ ن بُويْكُوشْضَانْ.‘
ACT 26:15 نِّيغْ: ’مِينْ ثعْنِيذْ شكْ، أَ سِيذِي؟‘ إِنَّا سِيذِيثْنغْ: ’نشّْ ذ يَاسُوع أَنَّاصِيرِي، ونِّي ثْمَارّْثذْ.‘
ACT 26:16 خنِّي إِنَّا أَيِي: ’كَّارْ، ثْبدّذْ خْ إِضَارنْ نّشْ، مِينْزِي إِ ؤُيَا إِ ذ أَشْ د-ضْهَارغْ حِيمَا أَذْ شكْ أَرشْحّغْ ذ أَمْسخَّارْ ذ أَشهَّاذْ، أَقَا ؤُمِي ذ أَيِي ثژْرِيذْ ؤُ أَقَا أَذْ أَيِي ثْژَارذْ عَاوذْ.
ACT 26:17 أَذْ فكّغْ شكْ زڭْ ويْذُوذْ ن وُوذَاينْ ؤُ زِي ڒڭْنُوسْ نّغْنِي إِ غَارْ شكْ غَا سّكّغْ،
ACT 26:18 حِيمَا أَذْ ثَارزْمذْ ثِيطَّاوِينْ نْسنْ، حِيمَا أَذْ ثُوبنْ زِي ثَادْجسْثْ غَارْ ثْفَاوْثْ ؤُ زِي صُّولْطَا ن شِّيطَانْ غَارْ أَربِّي، ؤُ أَذْ طّْفنْ أَغْفَارْ ن دّْنُوبْ ذ إِشْثْ ن ثسْغَارْثْ ن ڒْوَارْثْ جَارْ إِمْقدَّاسنْ س لْ-إِيمَانْ إِ ذَايِي إِدْجَانْ.‘
ACT 26:19 س ؤُينِّي، [أَ] أَجدْجِيذْ أَغْرِيبَاسْ، وَارْعكّْسغْ شَا ڒوْحِييْ نِّي ژْرِيغْ زڭْ ؤُجنَّا،
ACT 26:20 مَاشَا غَارْ ؤُمزْوَارْ بْذِيغْ أَذْ بَارّْحغْ [س ڒخْبَارْ أَصبْحَانْ] إِ يِينِّي إِدْجَانْ ذِي ذِيمَاشْقْ ذ ؤُرْشَالِيمْ ؤُ إِ مَارَّا إِنِّي [إِزدّْغنْ] ذِي ذْشُورَاثْ ن يَاهُوذِييَّا، ؤُشَا [خنِّي] بَارّْحغْ عَاوذْ إِ ڒڭْنُوسْ حِيمَا أَذْ ثُوبنْ أَذْ ذوْڒنْ غَارْ أَربِّي، أَذْ ڭّنْ ڒخْذَايمْ إِ إِتّْڒِيقنْ إِ تُّوبثْ.
ACT 26:21 س ؤُينِّي طّْفنْ أَيِي وُوذَاينْ ذِي زَّاوشْثْ ثَامقّْرَانْثْ ؤُشَا خْسنْ أَذْ أَيِي نْغنْ.
ACT 26:22 مَاشَا أَربِّي إِوْشَا أَيِي أَفُوسْ أَڒْ أَسّْ-أَ، ؤُ خْزَارْ، أَقَا بدّغْ [ذَا] زَّاثْ إِ ؤُمژْيَانْ ذ ؤُمقّْرَانْ، وَارْ قَّارغْ وَالُو إِ د-إِتّفّْغنْ زِي شَّارِيعَا ن مُوسَا ذ إِنَابِييّنْ، مْغِيرْ ثِيمسْڒَايِينْ وَاهَا نِّي زِي قَّارنْ نِيثْنِي أَقَا أَذْ إِڒِينْثْ،
ACT 26:23 بلِّي ثُوغَا إِتّْخصَّا إِ لْمَاسِيحْ أَذْ إِودّبْ ؤُ بلِّي نتَّا أَذْ يِيڒِي ذ أَمنْزُو ن ثْنُوكْرَا زِي ثَادَّارْثْ ن إِمتِّيننْ، أَذْ إِبَارّحْ س ثْفَاوْثْ إِ ڒْڭنْسْ[-أَ] ؤُ إِ ڒڭْنُوسْ [مَارَّا].“
ACT 26:24 أَوَارْنِي ڒَامِي إِذَافعْ بُولُوسْ س يِيخفْ نّسْ أَمُّو، إِنَّا فَاسْثُوسْ س جّهْذْ: ”أَقَا شكْ ذ أَبُوهَاڒِي، أَ بُولُوسْ. أَطَّاسْ ن ثْغُورِي ثسّْبُوهْڒِي إِ شكْ.“
ACT 26:25 مَاشَا بُولُوسْ إِنَّا أَسْ: ”نشّْ وَارْ تّْوَاخڒْفغْ شَا، [أَ] سِيذِي فَاسْثُوسْ يُوعْڒَانْ، أَقَا قَّارغْ أَوَاڒنْ ن ثِيذتّْ، ذَايْسنْ ڒَامَانْ.
ACT 26:26 ؤُڒَا ذ أَجدْجِيذْ أَغْرِيبَاسْ إِسّنْ مْلِيحْ خْ ثْمسْڒَايِينْ-أَ. س ؤُينِّي سَّاوَاڒغْ س ثرْيَاسْثْ مِينْزِي إِتّْڒِيغْ أَيِي بلِّي ؤُڒَا ذ إِشْثْ ن ڒْحَاجّثْ زِي ثْمسْڒَايِينْ-أَ أَقَا ثنُّوفَّارْ خَاسْ، مِينْزِي مَارَّا مَانْ أَيَا وَارْ إِمْسَارْ ذِي ثْنُوفّْرَا.
ACT 26:27 مَا ثُومْنذْ زڭْ إِنَابِييّنْ، [أَ] أَجدْجِيذْ أَغْرِيبَاسْ؟ نشّْ سّْنغْ بلِّي ثُومْنذْ [زَّايْسنْ].“
ACT 26:28 مَاشَا أَغْرِيبَاسْ إِنَّا أَسْ: ”[مْغِيرْ] س ذْرُوسْ ثسّْقنْعذْ أَيِي حِيمَا أَذْ ذوْڒغْ ذ أَمَاسِيحِي.“
ACT 26:29 إِنَّا [أَسْ] بُولُوسْ: ”تَّارغْ أَربِّي بلِّي ذغْيَا ؤُ إِ وَاطَّاسْ، وَارْ إِدْجِي شكْ وَاهَا، مَاشَا ؤُڒَا ذ مَارَّا إِنِّي ذ أَيِي إِتّسْڒَانْ أَسّْ-أَ، أَذْ ذوْڒنْ أَمْ نشّْ، مَاشَا بْڒَا إِشذِّييّنْ-أَ.“
ACT 26:30 إِكَّارْ ؤُجدْجِيذْ ذ لْعَامِيلْ ذ بَارْنِيكِي ذ [مَارَّا] إِنِّي ثُوغَا أَكِيذْسنْ إِقِّيمنْ،
ACT 26:31 ؤُشَا فّْغنْ سّنِّي أَمْ سَّاوَاڒنْ أَكْ-ذ وَايَاوْيَا، نَّانْ جَارْ أَسنْ: ”أَرْيَازْ-أَ وَارْ إِڭِّي شَا مِينْ إِسْذَاهدْجنْ ڒْموْثْ ؤُڒَا ذ إِشذِّييّنْ.“
ACT 26:32 إِنَّا أَغْرِيبَاسْ إِ فَاسْثُوسْ: ”مَاعْلِيكْ وَارْ ثُوغِي إِسّْڭعّذْ دّعْوثْ نّسْ غَارْ قَايْصَارْ، إِڒِي أَقَا إِتّْوَاضْڒقْ بْنَاذمْ-أَ.“
ACT 27:1 خَاسْ ؤُشَا إِكّسْ فَاسْثُوسْ أَوَاڒْ، أَقَا إِتّْخصَّا أَذْ إِتّْوَاسّكّْ غَارْ إِطَالْيَا. نتَّا إِسلّمْ بُولُوسْ ذ شَا ن إِمحْبَاسْ نّغْنِي إِ يِيجّْ ن ڒْقبْطَانْ خْ مْيَا قَّارنْ أَسْ يُولِييُوسْ، ثُوغَا-ث زِي ڒْكُومْبَانِييّثْ ن قَايْصَارْ.
ACT 27:2 ڒَامِي ننْوَا أَذْ نْبحَّارْ، ننْيَا ذڭْ إِجّْ ن ؤُغَارَّابُو زِي أَذْرَامَانْثُوسْ، ثُوغَا أَذْ إِكّْ خْ جّْوَايهْ إِ إِدْجَانْ خْ ثْمَا ن أَسِييَا، ؤُشَا نْرُوحْ. إِنْيَا أَكِيذْنغْ ذڭْ ؤُغَارَّابُو أَرِيسْثَارْخُوسْ، إِجّْ ن ورْيَازْ زِي ثِيسَّالُونِيكَا ذِي مَاكِيذُونِييَا.
ACT 27:3 ثِيوشَّا نّسْ نِيوضْ غَارْ صَايْذُونْ. ڒْقبْطَانْ خْ مْيَا ثُوغَا إِدْجَا مْلِيحْ أَكْ-ذ بُولُوسْ، إِسَامْحْ أَسْ أَذْ إِرَاحْ غَارْ إِمدُّوكَّاڒْ نّسْ حِيمَا أَذْ خَاسْ سخَّارنْ.
ACT 27:4 سّنِّي نفّغْ، نْبحَّارْ س إِجّْ ن دُّورَا، نعْذُو خْ قُوبْرُوسْ، مِينْزِي أَسمِّيضْ ثُوغَا إِشَّاثْ ذَايْنغْ ذڭْ ؤُغمْبُوبْ.
ACT 27:5 نژْوَا ڒبْحَارْ ن كِيلِيكِييَا ذ بَامْفِيلِييَا، ؤُشَا نِيوضْ غَارْ مِيرَا، إِشْثْ ن ثنْذِينْثْ ذِي لِيكِييَا.
ACT 27:6 ڒْقبْطَانْ خْ مْيَا يُوفَا ذِينْ إِجّْ ن ؤُغَارَّابُو زِي إِسْكَانْذَارِييَّا، إِتّْرَاحْ غَارْ إِطَالْيَا، إِسّنْيَا أَنغْ ذَايسْ.
ACT 27:7 مَاغَارْ [أَغَارَّابُو] وَارْ إِرُوحْ غَارْ زَّاثْ أَطَّاسْ ن وُوسَّانْ، نِيوضْ س ؤُغِيڒْ زَّاثْ إِ ثڭْزِيرْثْ ن كْنِيذُوسْ، ؤُ مِينْزِي وَارْ ذ أَنغْ يجِّي ؤُسمِّيضْ أَذْ نْرَاحْ [غَارْ زَّاثْ]، نْبحَّارْ ذڭْ ؤُدُّورِي ن كْرِيثَا زَّاثْ إِ سَالْمُونِي.
ACT 27:8 [ڒَامِي] ثُوغَا وَارْ نْزمَّارْ عْڒَاينْ أَذْ ننْذهْ غَارْ زَّاثْ، نِيوضْ، ڒَامِي نوْثَا إِشْثْ ن دُّورَا ثمْغَارْ، غَارْ إِجّْ ن ومْشَانْ ؤُمِي قَّارنْ ’ڒْْمُويَّاثْ إِصبْحَاننْ‘، ونِّي إِدْجَانْ طَّارْفْ إِ ثنْذِينْثْ قَّارنْ أَسْ لَاسِييَّا.
ACT 27:9 نقِّيمْ أَطَّاسْ ن ڒْوقْثْ ذِينِّي أَڒْ د-إِعْذُو أَسّْ ن ؤُژُومِّي ن وُوذَاينْ. ؤُمِي إِذْوڒْ ؤُسَافَارْ ذِي ڒبْحَارْ يوْعَارْ، إِعْڒمْ [أَسنْ] بُولُوسْ،
ACT 27:10 إِنَّا: ”[أَ] إِرْيَازنْ، تّْوَاڒِيغْ أَسَافَارْ أَذْ يَاوِي ذْرُوشْثْ ذ ثْخسَّارْثْ [أَطَّاسْ]، وَارْ ثدْجِي إِ سّڒْعثْ ذ ؤُغَارَّابُو نّغْ وَاهَا، مَاشَا ؤُڒَا إِ ثُوذَارْثْ نّغْ.“
ACT 27:11 مَاشَا ڒْقبْطَانْ خْ مْيَا ثُوغَا إِسْڒَا كْثَارْ غَارْ ؤُمنْذَاهْ ذ ڒْقبْطَانْ ن ؤُغَارَّابُو خْ مِينْ ثُوغَا إِتّسْڒَا غَارْ وَاوَاڒنْ ن بُولُوسْ.
ACT 27:12 ؤُمِي ثُوغَا أَمْشَانْ ن ڒْمُويِّي وَارْ إِحْڒِي حِيمَا أَذْ سّعْذُونْ ڒْمشْثَا ذِينْ، إِبدّْ أَرَّايْ ن وزْينْ أَمقّْرَانْ نْسنْ أَذْ فّْغنْ سّنِّي، بَالَاكْ أَذْ أَوْضنْ غَارْ فِينِيكْسْ، إِجّْ ن ڒْمُويِّي ذِي كْرِيثَا، إِوَاڒَانْ لْجَانُوبْ، حِيمَا أَذْ ذِينْ سّعْذُونْ ڒْمشْثَا. *
ACT 27:13 ؤُمِي إِسَاهَا ؤُسمِّيضْ ن لْجَانُوبْ، ثُوغَا نِيثْنِي سِّيتِّيمنْ أَذْ أَوْضنْ أَمْ مَامّشْ ت خْسنْ، ؤُشَا نبْذَا تّْشُوقَانْ خْ طَّارْفْ ن ثْمَا ن كْرِيثَا.
ACT 27:14 مَاشَا شْوَايْثْ أَوَارْنِي مَانْ أَيَا، ثكَّارْ إِشْثْ ن ثْحَارْيَاضْثْ، قَّارنْ أَسْ تِّيفُونْ ’ؤُرُوكْلِيذُونْ‘.
ACT 27:15 إِتّْوَاكْسِي زَّايسْ ؤُغَارَّابُو س جّهْذْ، وَارْ إِزمَّارْ إِ ؤُسمِّيضْ. [خنِّي] نسْثوْطعْ [ؤُشَا نتّْوَانْذهْ].
ACT 27:16 أَمْ نكَّا ذڭْ ؤُدُّورِي ن إِشْثْ ن ثڭْزِيرْثْ ذ ثَامژْيَانْثْ ؤُمِي قَّارنْ ’قَاوْذَا‘، س ؤُغِيڒْ إِ نمْنعْ ضْمَانْ ن ثْغَارَّابُوثْ ن ؤُسلّكْ [إِ إِدْجَانْ غَارْ ضفَّارْ ن ؤُغَارَّابُو].
ACT 27:17 نسّْڭعّذْ إِ-ت، ؤُ نسّجْهذْ أَغَارَّابُو أَمْ ث نبْيسْ سْوَادَّايْ س إِحزَّامنْ. مَاغَارْ ثُوغَا نڭّْوذْ أَقَا أَغَارَّابُو أَذْ إِمّنْضَارْ خْ إِشْثْ ن ڒْڭعّْذثْ ن إِجْذِي ذِي ڒبْحَارْ، نسّهْوَا-د ڒْبَاشّْ ؤُشَا نتّْوَانْذهْ س ؤُسمِّيضْ ؤُ أَمُّو إِ نْڒَاحْ.
ACT 27:18 ؤُشَا ؤُمِي ثَاحَارْيَاضْثْ ثْهَاجْ خَانغْ أَطَّاسْ، خنِّي ثِيوشَّا نّسْ ننْضَارْ سّڒْعثْ نّغْ ذِي ڒبْحَارْ.
ACT 27:19 ذڭْ وَاسّْ وِيسّْ ثْڒَاثَا ننْضَارْ ڒقْشُوعْ ن ؤُغَارَّابُو س إِفَاسّنْ نّغْ.
ACT 27:20 ڒَامِي ثَاحَارْيَاضْثْ ثقِّيمْ ثتّْسُوضْ أَطَّاسْ ن وُوسَّانْ، وَارْ ثْبِينْ ثْفُوشْثْ ڒَا ذ ثَازِيرِي ؤُڒَا ذ إِثْرَانْ، خنِّي إِتّْوَاقْضعْ مَارَّا ڒَايَاسْ أَذْ نقِّيمْ ندَّارْ.
ACT 27:21 ڒَامِي وَارْ إِزمَّارْ ؤُڒَا ذ إِجّْ أَذْ إِصْبَارْ عَاذْ، إِبدّْ بُولُوسْ ذِي ڒْوسْطْ نْسنْ، إِنَّا: ”أَ إِرْيَازنْ، ثُوغَا إِتّْخصَّا أَومْ أَذْ غَارِي ثسْڒمْ، خنِّي وَارْ نفِّيغْ شَا زِي كْرِيثَا ؤُ وَارْ ذ أَنغْ ثْڒقّفْ ذْرُوشْثْ-أَ ذ ڒحْصَارثْ-أَ.
ACT 27:22 ڒخُّو أَذْ كنِّيوْ شجّْعغْ، مِينْزِي ؤُڒَا ذ إِجّْ زَّايْومْ وَارْ إِتّْودَّارِي شَا ثُوذَارْثْ نّسْ، مْغِيرْ أَغَارَّابُو وَاهَا [أَذْ إِغبَّاڒْ].
ACT 27:23 مِينْزِي إِبدّْ-د غَارِي دْجِيڒثْ-أَ لْمَالَاكْ ن أَربِّي ونِّي نشّْ نّسْ ؤُ ونِّي ؤُمِيعبّْذغْ.
ACT 27:24 نتَّا إِنَّا أَيِي: ”وَارْ تّڭّْوذْ شَا، أَ بُولُوسْ، مِينْزِي إِتّْخصَّا أَشْ أَذْ ثْبدّذْ قِيبَاتْشْ إِ قَايْصَارْ. خْزَارْ مَارَّا إِنِّي أَكِيذكْ إِتّْبحَّارنْ، أَقَا إِوْشَا أَشْ ثنْ أَربِّي.“
ACT 27:25 س ؤُيَا ڭّمْ ثَارْيَاسْثْ، أَ إِرْيَازنْ، مِينْزِي تِّيقّغْ ذِي أَربِّي، بلِّي أَذْ ثفّغْ أَمْ مَامّشْ ذ أَيِي إِنَّا.
ACT 27:26 مَاشَا أَذْ نمّنْضَارْ خْ إِشْثْ ن ثڭْزِيرْثْ.“
ACT 27:27 أَوَارْنِي ڒَامِي نتّْوَاعَارنْ زِي سَّا غَارْ ذِيهَا ؤُ نسِّيحڒْ إِخفْ نّغْ ذِي ڒبْحَارْ ن هَاذْرِييُوسْ، إِتّْغِيڒْ أَسنْ إِ إِبحْرِييّنْ ذِي ڒْوسْطْ ن دْجِيڒثْ، أَقَا نْقَارّبْ-د غَارْ ڒْبَارّْ.
ACT 27:28 نِيثْنِي نْضَارنْ أَيْڒِيزِيمْ ذِي رَادْجَاغْ ن ڒبْحَارْ،عبَّارنْ عِيشْرِينْ ن ثِيذِّيوِينْ. ؤُمِي عْذُونْ شْوَايْثْ،عبَّارنْ نِيثْنِي خمّسْطَاشْ ن ثِيذِّيوِينْ.
ACT 27:29 أَمْ نڭّْوذْ أَذْ نڒْقفْ إِمُوشَانْ ن سّدْجَاحْ، ننْضَارْ أَربْعَا ن إِيْڒِيزَامْ زِي ضفَّارْ ن ؤُغَارَّابُو، ؤُشَا نتَّارْ أَذْ د-يَاوضْ ؤُزِيڒْ.
ACT 27:30 ڒَامِي ثُوغَا إِبحْرِييّنْ خْسنْ أَذْ أَروْڒنْ زڭْ ؤُغَارَّابُو، سّْضَارنْ ثَاغَارَّابُوثْ ن ؤُسلّكْ غَارْ ڒبْحَارْ أَخْمِي خْسنْ أَذْ ذَايسْ نْيِينْ مَاحنْذْ أَذْ شدّنْ أَغَارَّابُو غَارْ ثمُّورْثْ.
ACT 27:31 ؤُمِي إِژْرَا بُولُوسْ مَانْ أَيَا، إِنَّا إِ ڒْقبْطَانْ خْ مْيَا ؤُ إِ إِعسْكَارِييّنْ: ”مَاڒَا إِنَا وَارْ قِّيمنْ ذڭْ ؤُغَارَّابُو، وَارْ ثْزمَّارمْ أَذْ تّْوَاسّْنجْممْ.“
ACT 27:32 خنِّي قسّنْ إِعسْكَارِييّنْ إِسغْوَانْ ن ثْغَارَّابُوثْ [ن ؤُسلّكْ] ؤُشَا جِّينْ ت أَذْ ثْرُوحْ.
ACT 27:33 أَڒَامِي د-إِقَارّبْ أَذْ إِصْبحْ ڒْحَاڒْ، إِزِييَّارْ إِ-ثنْ بُولُوسْ مَارَّا حِيمَا أَذْ شّنْ، إِنَّا: ”أَرْبعْطَاشْ ن وُوسَّانْ أَقَا وَارْ ثشِّيمْ وَالُو زِي سِّيبّثْ ن لْخَاطَارْ.
ACT 27:34 س ؤُينِّي شجّْعغْ كنِّيوْ أَذْ ثشّمْ، حِيمَا أَذْ ثقِّيممْ ثدَّارمْ، مِينْزِي وَارْ إِوطِّي ؤُڒَا ذ إِجّْ ن ؤُژطُّو [ن ؤُشُووَّافْ] ن ؤُزدْجِيفْ ن ؤُڒَا ذ إِجّنْ زَّايْومْ.“
ACT 27:35 أَوَارْنِي ڒَامِي إِنَّا أَيَا، إِكْسِي أَغْرُومْ، إِسّمْغَارْ أَربِّي قِيبَاتْشْ إِ مَارَّا، يَارْژَا إِ-ث، إِبْذَا أَذْ إِشّْ.
ACT 27:36 مَارَّا تّْوَاشجّْعنْ ؤُ كْسِينْ مَاشَّا.
ACT 27:37 ثُوغَا أَنغْ ذڭْ ؤُغَارَّابُو ذِي مِيثَاينْ ؤُ-ستَّا ؤُ-سبْعِينْ ن يرْيَازنْ.
ACT 27:38 ڒَامِي جِّيوْننْ س مَاشَّا، بْذَانْ سّفْسَاسنْ أَغَارَّابُو، أَمْ كْسِينْ ڒْحبّْ [ن يِيرْذنْ]، نْضَارنْ ث ذِي ڒبْحَارْ.
ACT 27:39 أَڒَامِي إِصْبحْ ڒْحَاڒْ، ثُوغَا إِبحْرِييّنْ وَارْ سِّيننْ مَانْ ثَامُّورْثْ [إِ ثدْجَا]، مَاشَا ژْرِينْ إِجّْ ن ؤُمسْرُوقْ ن ڒبْحَارْ غَارْ ثْمَا ن ڒْبَارّْ ؤُشَا مْشَاوَارنْ، مَا زمَّارنْ أَذْ ذِينْ عَارْننْ أَغَارَّابُو.
ACT 27:40 ؤُمِي قضْونْ إِيْڒِيزَامْ ن ؤُغَارَّابُو، جِّينْ ثنْ ذِي ڒبْحَارْ، فسْينْ إِشدَّانْ ن ڒمْقَاذفْ، سّْڭعّْذنْ ڒْبَاشّْ ن زَّاثْ إِ ؤُسمِّيضْ إِتّْسُوضنْ، وجّْهنْ غَارْ ثْمَا ن ڒْبَارّْ.
ACT 27:41 مَاشَا أَغَارَّابُو إِوْثَا إِجّْ ن ؤُعَارِّيشْ ن يجْذِي مَانِي إِدْجَا ڒبْحَارْ غَارْ ثْنَاينْ ن إِغزْذِيسنْ ؤُشَا نُّوغنْ س ؤُغَارَّابُو. يَارْسَا زَّاثْ ن ؤُغَارَّابُو [خْ ؤُعَارِّيشْ ن يجْذِي]، وَارْ إِزمَّارْ أَذْ إِنْهزّْ، مَاشَا ضفَّارْ ن ؤُغَارَّابُو إِقڒْعْ إِ-ث جّهْذْ ن ڒمْوَاجْ.
ACT 27:42 ثُوغَا نوَّانْ إِعسْكَارِييّنْ أَذْ نْغنْ إِمحْبَاسْ حِيمَا وَارْ إِمّنْضَارْ حذْ إِخفْ نّسْ [ذِي ڒبْحَارْ] مَاحنْذْ أَذْ إِعُومّْ، ؤُشَا أَذْ يَارْوڒْ.
ACT 27:43 مَاشَا ڒْقبْطَانْ خْ مْيَا ونِّي ثُوغَا إِخْسْ أَذْ إِسّنْجمْ بُولُوسْ، إِسّْبدّْ إِ-ثنْ، يُومُورْ بلِّي إِنِّي إِزمَّارنْ أَذْ مّنْضَارنْ إِخفْ نْسنْ [ذڭْ وَامَانْ]، مَاحنْذْ أَذْ عُومّنْ، أَذْ عُومّنْ ذ أَمزْوَارُو، مَاحنْذْ أَذْ أَوْضنْ غَارْ ڒْبَارّْ.
ACT 27:44 وِي إِقِّيمنْ، إِجَّا إِ-ثنْ أَذْ ژْوَانْ خْ ثْفڒْوِينْ ؤُ خْ إِزيْنَانْ ن إِكشُّوضنْ ن ؤُغَارَّابُو، ؤُشَا أَمُّو إِ إِوْضنْ مَارَّا غَارْ ڒْبَارّْ، تّْوَاسّْنجْمنْ.
ACT 28:1 أَوَارْنِي مَانْ أَيَا نفْهمْ، بلِّي ثَاڭْزِيرْثْ-أَ قَّارنْ أَسْ مَالْثَا.
ACT 28:2 إِبَارَّانِييّنْ إِنِّي ذِينْ إِزذْغنْ ڭِّينْ أَكِيذْنغْ مْلِيحْ أَطَّاسْ، أَمْ سِّيغنْ إِشْثْ ن ثْمسِّي ذ ثَامقّْرَانْثْ ؤُشَا ڒَاغَانْ أَنغْ مَارَّا غَارْسنْ، حِيمَا أَذْ نژْغڒْ مِينْزِي أَنْژَارْ ثُوغَا إِشَّاثْ أَطَّاسْ ؤُ ثُوغَا ثسْمضْ.
ACT 28:3 [ؤُمِي] ثُوغَا إِسّْمُونْ بُولُوسْ أَعُورِّيشْ ن إِكشْوَاضْ، إِسَّارْسْ إِ-ثنْ خْ ثْمسِّي، خنِّي س ڒحْمُو نِّي إِفّغْ-د إِجّْ ن ؤُفِيغَارْ ؤُشَا إِقّسْ أَسْ ذڭْ ؤُفُوسْ.
ACT 28:4 ؤُمِي ژْرِينْ إِبَارَّانِييّنْ أَقَا يُويڒْ [ؤُفِيغَارْ] غَارْ ؤُفُوسْ نّسْ، نَّانْ: ”أَذْ ثَاغْ بْنَاذمْ-أَ ذ أَقتَّاڒْ، وَارْ ث ثجِّي ’[لَالَّا] ڒْحقّْ‘ أَذْ إِدَّارْ، وَاخَّا إِنْجمْ-د زِي ڒبْحَارْ.“
ACT 28:5 مَاشَا بُولُوسْ إِزّرْزْ س ؤُفُوسْ نّسْ، إِمّنْضَارْ أَفِيغَارْ ذِي ثْمسِّي، بْڒَا مَا ذ أَسْ ثمْسَارْ ؤُڒَا ذ إِشْثْ ن ذْرُوشْثْ.
ACT 28:6 مَاشَا نِيثْنِي ثُوغَا تّْرَاجَانْ أَذْ يُوفّْ ڒخْذنِّي ؤُشَا أَذْ إِوْضَا أَذْ إِمّثْ. مَاشَا ؤُمِي ژْرِينْ، أَوَارْنِي ڒَامِي رَاجَانْ أَطَّاسْ، بلِّي وَارْ ذ أَسْ ثمْسَارْ ؤُڒَا ذ إِشْثْ ن ڒْحَاجّثْ ثَاعفَّانْثْ، إِبدّڒْ ڒْهَارْذْ نْسنْ، نَّانْ، أَقَا-ث ذ إِجّْ ن أَربِّي.
ACT 28:7 ثُوغَا ذ جِّيهثْ نِّي إِيَّارنْ إِ يدْجَانْ ذ أَڭْڒَا ن إِجّْ ن ورْيَازْ ؤُمِي قَّارنْ بُوبْلِييُوسْ. نتَّا ثُوغَا ذ أَزدْجِيفْ ن ثڭْزِيرْثْ، إِسّْنوْجُو أَنغْ س ڒْخَارْ ثْڒَاثَا ن وُوسَّانْ ذِي ثَادَّارْثْ نّسْ.
ACT 28:8 بَابَاسْ ن بُوبْلِييُوسْ ثُوغَا ذَايسْ ثِيمسِّي ذ ڒحْرِيقْ. ذَايسْ إِجّْ ن ڒحْڒَاشْ ن ثقّْرِينْثْ. يُوذفْ بُولُوسْ غَارسْ، إِژُّودْجْ، إِسَّارْسْ خَاسْ أَفُوسْ ؤُشَا إِسّْڭنْفَا إِ-ث.
ACT 28:9 ؤُمِي إِمْسَارْ مَانْ أَيَا، ؤُسِينْ-د غَارسْ إِنّغْنِي ن ثڭْزِيرْثْ إِنِّي ثُوغَا غَارْ إِدْجَا إِمهْڒَاشْ ؤُشَا تّْوَاسّْڭنْفَانْ.
ACT 28:10 كَارْمنْ خَانغْ إِنَا س وَاطَّاسْ ن شَّانْ. ؤُمِي نْرُوحْ نْبحَّارْ سّنِّي، وْشِينْ أَنغْ مِينْ ثُوغَا نحْوَاجْ.
ACT 28:11 أَوَارْنِي ثڒْثْ ن إِيُورنْ نْرُوحْ، نْبحَّارْ ذڭْ إِجّْ ن ؤُغَارَّابُو زِي إِسْكَانْذَارِييَّا إِ إِسّعْذُونْ ڒْمشْثَا ذِي ثڭْزِيرْثْ، ثُوغَا خَاسْ أَرْشَامْ ن ’ثشْنِيوِينْ‘.
ACT 28:12 ؤُمِي د-نِيوضْ غَارْ سِيرَاڭُوسَا، نقِّيمْ ذِينْ ثْڒَاثَا ن وُوسَّانْ.
ACT 28:13 سّنِّي نْذُورْ ؤُشَا نِيوضْ-د غَارْ رِيخِييُومْ. أَوَارْنِي إِجّْ ن وَاسّْ إِكَّارْ-د ؤُسمِّيضْ ن ثْشَارْمِينْ ؤُشَا نِيوضْ-د ذڭْ إِجّْ ن ڒْمِيجَاڒْ ن ثْنَاينْ ن وُوسَّانْ غَارْ بُوثِييُولِي، إِشْثْ ن ثنْذِينْثْ ذِي إِطَالْيَا.
ACT 28:14 ذِينِّي إِ نُوفَا ثَاوْمَاثْ نِّي زَّايْنغْ إِتَّارنْ أَذْ [كِيذْسنْ] نقِّيمْ، ؤُشَا نقِّيمْ أَكِيذْسنْ سبْعَا ن وُوسَّانْ. خنِّي نْرُوحْ غَارْ رُومَا.
ACT 28:15 ؤُمِي سْڒِينْ ثَاوْمَاثْ [ذِي رُومَا] خْ ؤُمدُّورْ نّغْ، ؤُسِينْ-د حِيمَا أَذْ كِيذْنغْ مّڒْقَانْ ذڭْ وَازَّايْ ؤُمِي قَّارنْ ’أَبِييُوسْ فُورُوسْ‘ ؤُ غَارْ ’ثْڒَاثَا ن ثْحُونَا‘. ؤُمِي ثنْ إِژْرَا بُولُوسْ، إِشكَّارْ أَربِّي ؤُشَا إِتّْوَاشجّعْ.
ACT 28:16 ؤُمِي د-نِيوضْ غَارْ رُومَا، إِوْشَا ڒْقبْطَانْ خْ مْيَا تّسْرِيحْ إِ بُولُوسْ مَاحنْذْ أَذْ إِزْذغْ مَانِي إِخْسْ نتَّا، أَكْ-ذ إِجّْ ن ؤُعسَّاسْ ونِّي ث إِ غَا إِحْضَانْ.
ACT 28:17 أَوَارْنِي ثْڒَاثَا ن وُوسَّانْ إِڒَاغَا بُولُوسْ إِ إِمْشنّْعنْ ن وُوذَاينْ. أَڒَامِي مُوننْ، إِنَّا أَسنْ: ”[أَ] إِرْيَازنْ ثَاوْمَاثْ، وَاخَّا نشّْ وَارْ ڭِّيغْ ؤُڒَا ذ إِشْثْ ن ڒْحَاجّثْ ضِيدّْ إِ ڒْڭنْسْ نِيغْ ضِيدّْ إِ شَّارِيعَا ن ڒجْذُوذْ إِنُو، أَقَا تّْوَاسلّْمغْ ذ أَمحْبُوسْ زِي ؤُرْشَالِيمْ ذڭْ إِفَاسّنْ ن إِرُومَانِييّنْ.
ACT 28:18 أَوَارْنِي ڒَامِي ذ أَيِي بقّْشنْ، ثُوغَا خْسنْ أَذْ أَيِي أَرْخُونْ مِينْزِي وَارْ ذَايِي ؤُفِينْ ؤُڒَا ذ إِشْثْ ن ڒْحَاجّثْ ثسّْذَاهدْجْ ڒْموْثْ.
ACT 28:19 مَاشَا ؤُمِيعكّْسنْ وُوذَاينْ خْ مَانْ أَيَا، س ؤُغِيڒْ خَافِي أَذْ سّْڭعّْذغْ دّعْوثْ إِنُو غَارْ قَايْصَارْ، مَاشَا بْڒَا مَا أَذْ غَارِي يِيڒِي إِجّْ ن ؤُشثْشِي خْ ڒْڭنْسْ إِنُو.
ACT 28:20 خْ سِّيبّثْ-أَ تَّارغْ حِيمَا أَذْ كنِّيوْ ژَترغْ ؤُشَا أَذْ كِيومْ سِّيوْڒغْ. مِينْزِي ذِي سِّيبّثْ ن ؤُسِيثمْ ن إِسْرَائِيل، أَقَا أَيِي شَارْفغْ س سّْنسْڒثْ-أَ.“
ACT 28:21 مَاشَا نِيثْنِي نَّانْ أَسْ: ”وَارْ خَاكْ نطِّيفْ شَا ثِيبْرَاثِينْ زِي يَاهُوذِييَّا ؤُشَا ؤُڒَا ذ إِجّْ ن ثَاوْمَاثْ وَارْ د-يُوسِي ذَا وِي إِنَّانْ نِيغْ إِسِّيوْڒنْ خَاكْ س شَا ن ڒْعِيبْ.
ACT 28:22 مَاشَا نشِّينْ نخْسْ أَذْ زَّايكْ نْسڒْ مِينْ ثتّْوَاڒِيذْ، مِينْزِي زِي جِّيهثْ ن ثبْرِيذْثْ-أَ، أَقَا نسّنْ بلِّي تّْعكّْسنْ ت مَانِي مَا.“
ACT 28:23 نِيثْنِي مْعَاهَاذنْ أَكِيذسْ خْ إِجّْ ن وَاسّْ، ؤُشَا مُوننْ. أَطَّاسْ إِ-د-يُوسِينْ غَارْ ومْشَانْ مَانِي إِزدّغْ. نتَّا ثُوغَا إِتّْفسَّارْ أَسنْ ثَاڭلْذِيثْ ن أَربِّي، أَمْ إِشهّذْ ؤُ يَارزُّو أَذْ ثنْ إِسّقْنعْ زِي جِّيهثْ ن يَاسُوع، زِي شَّارِيعَا ن مُوسَا ؤُ زڭْ إِنَابِييّنْ، زِي ڒفْجَارْ أَڒَامِي ذ ثَامذِّيثْ.
ACT 28:24 شَا تّْوَاسّْقنْعنْ س وَاوَاڒنْ نّسْ، [مَاشَا] إِنّغْنِي وَارْ تّْوَاسّْقنْعنْ شَا.
ACT 28:25 نِيثْنِي فّْغنْ خَاسْ أَمْ وَارْ د-ؤُسِينْ أَكْ-ذ وَايَاوْيَا. [خنِّي] إِنَّا أَسنْ بُولُوسْ [عَاذْ] أَوَاڒْ-أَ: ”س ڒْحقّْ إِسِّيوڒْ أَرُّوحْ إِقدّْسنْ خْ [ؤُقمُّومْ ن] إِشَاعْيَا إِ ڒجْذُوذْ نْومْ، إِنَّا:
ACT 28:26 ’رُوحْ غَارْ ڒْڭنْسْ-أَ، إِنِي أَسنْ: ’س ؤُسدْجِي أَذْ ثسْڒمْ، وَارْ ثْفهّممْ، س ثْمُوغْڒِي أَذْ ثخْزَارمْ، وَارْ ثتّْوِيڒِيمْ،
ACT 28:27 مِينْزِي ؤُڒْ ن ڒْڭنْسْ-أَ أَقَا إِذْوڒْ إِقْسحْ، إِمزُّوغنْ نْسنْ سّْضقْڒنْ ثنْ إِ ؤُسدْجِي، ؤُ ثِيطَّاوِينْ نْسنْ قّْننْ ثنْثْ، مَاحنْذْ وَارْ تّْوِيڒِينْ س ثِيطَّاوِينْ نْسنْ، وَارْ تّسْڒِينْ س إِمزُّوغنْ نْسنْ، وَارْ فهّمنْ س وُوڒْ نْسنْ، أَڒَامِي وَارْ غَارِي ذكّْوِيڒنْ ؤُشَا أَذْ أَسنْ غْفَارغْ.‘
ACT 28:28 مَانْ أَيَا إِتّْخصَّا أَذْ ثسّْنمْ: [أَرقَّاسْ ن] ؤُسنْجمْ-أَ ن أَربِّي أَقَا إِتّْوَاسّكّْ-د إِ ڒڭْنُوسْ ؤُشَا ؤُڒَا ذ نِيثْنِي أَذْ غَارسْ سْڒنْ.“
ACT 28:29 أَوَارْنِي ڒَامِي إِنَّا مَانْ أَيَا، فّْغنْ وُوذَاينْ، أَمْ ثُوغَا تّمْشُوبُّوشنْ جَارْ أَسنْ أَطَّاسْ.
ACT 28:30 بُولُوسْ إِشْرَا إِشْثْ ن ثَادَّارْثْ، إِخدْجصْ إِ-ت س يِيخفْ نّسْ، إِزدّغْ ذَايسْ ثْنَاينْ ن إِسڭّْوُوسَا. ثُوغَا إِتَّارحَّابْ س مَارَّا إِنِّي ثُوغَا غَارسْ د-إِتَّاسنْ،
ACT 28:31 إِتّْبَارّحْ س ثْڭلْذِيثْ ن أَربِّي، إِسّڒْمَاذْ خْ سِيذِيثْنغْ يَاسُوع لْمَاسِيحْ س بْطَايْطَايْ ؤُ بْڒَا مَا ثتّْوَاسّْبدّْ ؤُڒَا ذ إِشْثْ ن ثْعنْكْرِيفْثْ.
ROM 1:1 بُولُوسْ، أَمْسخَّارْ ن يَاسُوع لْمَاسِيحْ، [رَّاسُولْ] إِتّْوَاڒَاغَانْ ذ إِتّْوَاسكّنْ، إِتّْوَاحُوزنْ إِ لْ-إِنْجِيلْ ن أَربِّي
ROM 1:2 - [لْ-إِنْجِيلْ] نِّي إِزَّارْ إِوَاعْذْ زَّايسْ زڭْ ؤُموَارُو س إِنَابِييّنْ نّسْ ذِي ثِيرَا إِقدّْسنْ -
ROM 1:3 خْ مِّيسْ، ونِّي د-إِتّْوَاخڒْقنْ زِي جِّيهثْ ن ويْسُومْ زِي زَّارِيعثْ ن ثَادَّارْثْ ن ذَاوُوذْ،
ROM 1:4 [مَاشَا] زِي جِّيهثْ ن جّهْذْ ذ أَرُّوحْ إِقدّْسنْ إِ د-إِسّْنكَّارنْ يَاسُوع لْمَاسِيحْ، سِيذِيثْنغْ، زِي ثَادَّارْثْ ن إِمتِّيننْ، أَقَا إِتّْوَاسَّارْڭبْ ذ مِّيسْ ن أَربِّي.
ROM 1:5 مَاغَارْ زَّايسْ إِ نطّفْ أَرْضَا ؤُ زَّايسْ إِ نتّْوَاڒَاغَا ذ رُّوسُولْ جَارْ مَارَّا ڒڭْنُوسْ حِيمَا أَذْ طَّاعنْ [ڒڭْنُوسْ] إِ لْ-إِيمَانْ ذڭْ يِيسمْ نّسْ،
ROM 1:6 مَاغَارْ ؤُڒَا ذ كنِّيوْ ثتّْوَاڒَاغَامْ [زِي ڒڭْنُوسْ] س يَاسُوع لْمَاسِيحْ.
ROM 1:7 غَارْ مَارَّا إِنِّي إِدْجَانْ ذِي رُومَا، [أَ] إِمْعِيزّنْ ن أَربِّي، إِنِّي إِتّْوَاڒَاغَانْ ذ إِنِّي ذ إِمْقدَّاسنْ: أَرْضَا ذ ڒهْنَا أَذْ كِيذْومْ إِڒِينْ زِي أَربِّي بَابَاثْنغْ ؤُ زِي سِيذِيثْنغْ يَاسُوع لْمَاسِيحْ.
ROM 1:8 أَمزْوَارْ تّْشكَّارغْ أَربِّي إِنُو س يَاسُوع لْمَاسِيحْ زِي جِّيهثْ نْومْ مَارَّا، مِينْزِي لْ-إِيمَانْ نْومْ أَقَا سْڒِينْ خَاسْ ذِي دُّونشْثْ مَارَّا.
ROM 1:9 مَاغَارْ أَربِّي، ونِّيعبّْذغْ ذِي أَرُّوحْ ذِي لْ-إِنْجِيلْ ن مِّيسْ، إِشْهذْ خَافِي أَقَا نشّْ تِّيذَارغْ كنِّيوْ ڒبْذَا ذِي ثْژَادْجِيثِينْ إِنُو.
ROM 1:10 تّْژَادْجِيغْ أَذْ أَيِي ثتّْوَارْزمْ زِي ڒخُّو ذ ثْسَاونْثْ إِشْثْ ن ثوَّارْثْ س أَرَّايْ ن أَربِّي، مَاحنْذْ أَذْ غَارْومْ د-أَسغْ.
ROM 1:11 مِينْزِي وحّْشغْ أَذْ كنِّيوْ ژَترغْ ؤُ أَذْ أَومْ وْشغْ شَا ن ثْموْشَا ن أَرُّوحْ، حِيمَا أَذْ ذَايسْ ثتّْوَاسّْمثْنمْ.
ROM 1:12 أَذْ نتّْوَاسّْفوّجْ جْمِيعْ س لْ-إِيمَانْ نْومْ ذ ونِّي إِنُو.
ROM 1:13 مَاشَا خْسغْ، [أَ] أَيْثْمَا، أَذْ ثسّْنمْ بلِّي أَطَّاسْ ن إِمُورنْ ڭِّيغْ أَذْ غَارْومْ د-أَسغْ، [مَاشَا] أَڒْ أَسّْ-أَ تّْوَامنْعغْ، حِيمَا أَذْ غَارِي ثِيڒِي ڒْغِيدْجثْ ذَايْومْ عَاوذْ، أَمْ مَامّشْ ذِي ڒڭْنُوسْ نّغْنِي،
ROM 1:14 [مَاغَارْ] نشّْ ذ بُو-ؤُمَارْوَاسْ مَاحنْذْ أَذْ بَارّْحغْ [س لْ-إِنْجِيلْ] إِ إِيُونَانِييّنْ ؤُ إِ إِبَارْبَارِييّنْ، إِ أَيْثْ ن ثِيغِيثْ ؤُ إِ إِبُوهَاڒِييّنْ، إِ مَارَّا إِوْذَانْ.
ROM 1:15 أَمُّو إِ تّْوَاجبْذغْ مَاحنْذْ أَذْ بَارّْحغْ س ڒخْبَارْ أَصبْحَانْ ؤُڒَا إِ كنِّيوْ إِ يدْجَانْ ذِي رُومَا.
ROM 1:16 مِينْزِي وَارْ تّْسضْحِيغْ شَا س لْ-إِنْجِيلْ، مِينْزِي نتَّا ذ جّهْذْ ن أَربِّي إِ ثُوذَارْثْ إِ مَارَّا وِي يُومْننْ، [إِ يِينِّي يُومْننْ] زڭْ وُوذَاينْ غَارْ ؤُمزْوَارْ، ؤُشَا [خنِّي عَاوذْ إِ يِينِّي] زڭْ إِرَامِييّنْ.
ROM 1:17 مِينْزِي ثَاسڭْذَا ن أَربِّي أَقَا ثْبَانْ ذَايسْ [ذِي لْ-إِنْجِيلْ] زِي لْ-إِيمَانْ غَارْ لْ-إِيمَانْ، أَمْ مَامّشْ ثُورَا: ’أَمْسڭَّاذْ س لْ-إِيمَانْ أَذْ إِدَّارْ.‘
ROM 1:18 مِينْزِي أَغْضَابْ ن أَربِّي إِتّْبَانْ-د زڭْ ؤُجنَّا خْ مَارَّا ڒْمُوعْصِييّثْ ذ ثُوعفّْنَا ن إِوْذَانْ إِنِّي إِسّْذُورُّوينْ ثِيذتّْ س ڒْمُوعْصِييّثْ،
ROM 1:19 مِينْزِي ثُوسّْنَا ن أَربِّي إِتّْبَانْ ذَايْسنْ، مِينْزِي أَربِّي أَقَا إِسّْشنْ أَسنْ ث-إِ-د.
ROM 1:20 مِينْزِي مِينْ إِنُّوفَّارنْ ن أَربِّي، أَقَا إِتّْوَاژَارْ س ڒعْقڒْ س يِينِّي زَّايسْ د-إِتّْوَاخڒْقنْ زڭْ وَامِي ثتّْوَاڭّْ دُّونشْثْ، أَمْ جّهْذْ نّسْ ن ڒبْذَا، أَمْ ثِيفْرَاسْ نّسْ ن أَربِّي، أَڒَامِي نِيثْنِي وَارْ غَارْسنْ بُو سْمَاحثْ.
ROM 1:21 مِينْزِي، ؤُمِي سّْننْ أَربِّي، وَارْ ث سّْعُودْجنْ نِيغْ وَارْ ث شكَّارنْ أَمْ أَربِّي، مَاشَا ذوْڒنْ بطّْڒنْ ذڭْ إِخَارِيصّنْ نْسنْ ؤُشَا ؤُڒْ نْسنْ إِبَارْشنْ، أَڒَامِي إِذْوڒْ بْڒَاعقْڒْ.
ROM 1:22 ؤُمِي حسّْبنْ إِخفْ نْسنْ ذ إِمِيغِيسنْ، ذوْڒنْ ذ إِفْغَاڒْ،
ROM 1:23 بدّْڒنْ أَعُودْجِي ن أَربِّي إِ وَارْ إِفنِّينْ س شَا ذڭْ وَارْوَاسْ ن صِّيفثْ ن بْنَاذمْ إِفنَّانْ، ذڭْ وَارْوَاسْ ن إِجْضَاضْ، ن [إِمُودَّارنْ] س أَربْعَا ن إِضَارنْ ؤُ ن [إِمُودَّارنْ] نِّي إِتّْبُوعنْ خْ ثمُّورْثْ.
ROM 1:24 س ؤُينِّي إِسلّمْ إِ-ثنْ أَربِّي غَارْ نّشْوَاثْ إِخمْجنْ ن وُوڒَاونْ نْسنْ حِيمَا أَذْ سّْفضْحنْ أَرِّيمَاثْ نْسنْ جَارْ أَسنْ.
ROM 1:25 أَقَا نِيثْنِي بدّْڒنْ ثِيذتّْ ن أَربِّي س ؤُخَارِّيقْ،عبْذنْ ؤُ سخَّارنْ إِ مِينْ د-إِتّْوَاخڒْقنْ سنّجْ إِ ونِّي د-إِخڒْقنْ كُوڒْشِي، ونِّي ؤُمِي غَارْ إِدْجَا [مَارَّا] أَسمْغَارْ ذ [مَارَّا] لْبَارَاكَاثْ إِ ڒبْذَا قَاعْ. أَمِينْ.
ROM 1:26 س ؤُينِّي إِسلّمْ إِ-ثنْ أَربِّي غَارْ شّهْوَاثْ إِنْفضْحنْ، مِينْزِي ؤُڒَا ذ ثِيمْغَارِينْ نْسنْ بدّْڒنْثْ أَبْرِيذْ ن طّْبِيعثْ، تّْنُومَانْثْ إِ مِينْ وَارْ إِدْجِينْ ذ طّْبِيعثْ.
ROM 1:27 أَمنِّي إِرْيَازنْ عَاوذْ جِّينْ ثَامُونْثْ عْلَاحْسَابْ طّْبِيعثْ أَكْ-ذ ثمْغَارِينْ، ذعْقنْ س نّشْوَاثْ أَكْ-ذ وَايَاوْيَا: إِرْيَازنْ إِ إِتّڭّنْ ڒفْضِيحثْ أَكْ-ذ يرْيَازنْ ؤُشَا قبّْڒنْ ذڭْ إِخفْ نْسنْ ڒْمُونثْ إِ إِسْذَاهدْجنْ إِ ؤُودَّارْ نْسنْ.
ROM 1:28 مِينْزِي وَارْ خْسنْ أَذْ كّْسنْ أَوَاڒْ مَاحنْذْ أَذْ سّْننْ أَربِّي، إِسلّمْ إِ-ثنْ أَربِّي غَارْ ڒعْقڒْ وَارْ إِسكّْوِينْ حِيمَا أَذْ ڭّنْ مِينْ وَارْ إِعدّْڒنْ.
ROM 1:29 نِيثْنِيعمَّارنْ س عْڒَامْ كُوڒْ ڒْمُوعْصِييّثْ، س فَارْقْ-شّْغڒْ ذ ثَارْزُوڭِي ذ ثُوعفّْنَا ذ طّْمعْ، س ڒحْسذْ ذ ونْغَايْ ذ ؤُمنْغِي ذ ثحْرَايْمشْثْ ذ إِنْوَاينْ إِعفّْننْ.
ROM 1:30 [نِيثْنِي] سَّاوَاڒنْ س ڒْغَارْ، تّْشقَّافنْ، شَارّْهنْ أَربِّي، [نِيثْنِي] ذ إِمغْصَابنْ ذ إِمْعفَّارنْ ذ أَيْثْ ن بُو-ؤُقمُّومْ ذ إِمسُوفّْغنْ ن ثُوعفّْنَا، وَارْ غَارْسنْ بُو ڒْعْقڒْ، [نِيثْنِي] وَارْ طِّيعنْ إِ لْوَالِيذِينْ نْسنْ،
ROM 1:31 وَارْ ذَايْسنْ [ؤُڒْ] إِمْثنْ، وَارْ ذَايْسنْ ثَايْرِي ذ وصْڒَاحْ ؤُڒَا ذ أَرّحْمثْ.
ROM 1:32 وَاخَّا نِيثْنِي سّْننْ ڒْحُوكْمْ ن أَربِّي - أَقَا إِنِّي إِتّڭّنْ أَيَا سْذَاهدْجنْ ڒْموْثْ - نِيثْنِي وَارْ تّڭّنْ [مَارَّا] مَانْ أَيَا وَاهَا، مَاشَا أَرطَّانْ عَاوذْ خْ يِينِّي إِتّڭّنْ ثِيمسْڒَايِينْ-أَ.
ROM 2:1 س ؤُينِّي أَقَا شكْ بْڒَا سْمَاحثْ، أَ بْنَاذمْ، شكْ ذ ونِّي إِحكّْمنْ خْ ونِّي ذ أَشْ يُوذْسنْ، مِينْزِي ذِي مِينْ ثْحكّْمذْ خْ ؤُمدُّوكّڒْ نّشْ، أَقَا ؤُڒَا ذ شكْ ذ بُو-ؤُمَارْوَاسْ ذِي مَانْ أَيَا، مَاغَارْ شكْ، ونِّي إِتّْحَاسَابنْ [إِنّغْنِي]، ڒسْقنْثْ غَاركْ ؤُڒَا ذ سِيمَانْثْ ن ثْمسْڒَايِينْ.
ROM 2:2 نشِّينْ نسّنْ بلِّي ڒْحُوكْمْ ن أَربِّي ذ ثِيذتّْ خْ يِينِّي غَارْ ثدْجَا ثسْغَارْثْ ذِي ثْمسْڒَايِينْ أَمْ ثِينَا.
ROM 2:3 مَاشَا مَايمِّي ذ أَشْ إِتّْغِيڒْ، [أَ] بْنَاذمْ، ونِّي إِحكّْمنْ خْ يِينِّي إِتّڭّنْ ثِيمسْڒَايِينْ-أَ أَمْ ؤُڒَا ذ شكْ ثتّڭّذْ ثنْثْ سِيمَانْثْ نّشْ، أَقَا ثْزمَّارذْ أَذْ ثَاروْڒذْ زِي ڒْحُوكْمْ ن أَربِّي؟
ROM 2:4 نِيغْ ثسّحْقَارَاذْ أَڭْڒَا ن ثْشُونِي نّسْ ذ تَّاسِيعْ ن ؤُرَاجِي نّسْ ذ تَّاسِيعْ إِ ذ أَشْ إِوْشِينْ، ؤُشَا وَارْ ثسِّينذْ شَا بلِّي ثْشُونِي ن أَربِّي أَقَا إِندّهْ إِ شكْ غَارْ تُّوبثْ؟
ROM 2:5 مَاشَا ذِي سِّيبّثْ ن ڒقْسَاحثْ ذ نُّوقْصَانْ ن تُّوبثْ ن وُوڒْ نّشْ، ثْيَارْوذْ إِ يِيخفْ نّشْ إِجّْ ن ڒقْذَارْ ن وغْضَابْ إِ وَاسّْ ن وغْضَابْ ؤُ إِ ؤُسَارْڭبْ ن ڒْحُوكْمْ إِسڭّْذنْ ن أَربِّي،
ROM 2:6 ونِّي إِ غَا إِخدْجْصنْ كُوڒْ إِجّنْ عْلَاحْسَابْ ڒخْذَايمْ نّسْ:
ROM 2:7 ... إِ يِينِّي يَارزُّونْ أَعُودْجِي ذ شَّانْ ذ مِينْ وَارْ إِفنِّينْ أَمْ تّْصبَّارنْ نِيثْنِي ذِي ڒخْذَايمْ إِصبْحنْ، [أَقَا أَذْ أَسنْ إِخدْجصْ س] ثُوذَارْثْ إِتّْذُومَانْ،
ROM 2:8 ... مَاشَا إِ يِينِّي إِتّْغوّْغنْ، إِنِّي وَارْ إِتّْنُومنْ تّطَّاعنْ إِ ثِيذتّْ، مَاشَا تّْنُومنْ تّطَّاعنْ إِ مِينْ وَارْ إِسڭّْذنْ، أَقَا أَذْ أَسنْ إِخدْجصْ س وغْضَابْ ذ ثفْقحْثْ،
ROM 2:9 ... ؤُ س ڒْمحْنثْ ذ ڒحْسَارثْ أَذْ إِخدْجصْ كُوڒْ ڒعْمَارْ ن بْنَاذمْ إِ إِتّڭّنْ ڒْغَارْ، ؤُذَاينْ ذ أَمزْوَارْ، [خنِّي] إِرَامِييّنْ،
ROM 2:10 ... مَاشَا أَعُودْجِي ذ شَّانْ ذ ڒهْنَا [أَذْ إِڒِينْ] إِ مَارَّا وِي إِتّڭّنْ ثْشُونِي، إِ وُوذَاينْ ذ أَمزْوَارْ ؤُشَا [خنِّي] إِ إِرَامِييّنْ،
ROM 2:11 مِينْزِي أَربِّي وَارْ إِتّڭّْ شَا س وُوذْمَاونْ.
ROM 2:12 مِينْزِي مَارَّا إِنِّي غَا إِخْضَانْ بْڒَا شَّارِيعَا، بْڒَا شَّارِيعَا أَذْ تّْوَاهلّْكنْ ؤُشَا مَارَّا إِنِّي غَا إِخْضَانْ سَاذُو شَّارِيعَا، أَقَا س شَّارِيعَا أَذْ تّْوَاحَاسْبنْ
ROM 2:13 مَاغَارْ وَارْ إِدْجِي إِنِّي إِتّسْڒَانْ إِ شَّارِيعَا نِيثْنِي ذ إِمْسڭَّاذنْ غَارْ أَربِّي، مَاشَا إِنِّي إِتّڭّنْ شَّارِيعَا أَقَا نِيثْنِي أَذْ تّْوَاسڭّْذنْ.
ROM 2:14 مِينْزِي مَاڒَا ڒڭْنُوسْ نِّي وَارْ غَارْ إِدْجِي بُو شَّارِيعَا، تّڭّنْ س طّْبِيعثْ مِينْ ذَايسْ ذِي شَّارِيعَا، أَقَا يِينَا ذ شَّارِيعَا إِ يِيخفْ نْسنْ، وَاخَّا نِيثْنِي وَارْ غَارْسنْ بُو شَّارِيعَا،
ROM 2:15 ؤُشَا سّْشَاننْ بلِّي ڒْخذْمثْ ن شَّارِيعَا ثُورَا ذڭْ وُوڒَاونْ نْسنْ، أَمْ ثشْهذْ عَاوذْ ثْنفْسشْثْ نْسنْ، أَمْ إِخَارِّيصنْ نْسنْ ذدْجنْ ؤُڒَا تّْذَافَاعنْ خْ يِيخفْ نْسنْ جَارْ أَسنْ
ROM 2:16 ذڭْ وَاسّْ مِينْ ذِي إِ غَا إِحَاسبْ أَربِّي خْ مِينْ إِنُّوفَارنْ ذڭْ إِوْذَانْ س يَاسُوع لْمَاسِيحْ عْلَاحْسَابْ لْ-إِنْجِيلْ إِنُو.
ROM 2:17 مَاشَا مَاڒَا شكْ، ؤُمِي ڒَاغَانْ ؤُذَايْ، ثْسنَّاذذْ خْ شَّارِيعَا ؤُ ثسّمْغَارذْ ذِي أَربِّي،
ROM 2:18 أَقَا ثسّْنذْ مِينْ إِخْسْ نتَّا، ثْفَارّْزذْ مِينْ إِصبْحنْ، مِينْزِي ثتّْوَاسّْڒمْذذْ زِي شَّارِيعَا،
ROM 2:19 ؤُ ثْحَاسْبذْ إِخفْ نّشْ ذ أَمْڭوّذْ ن إِذَارْغَاڒنْ ذ ثْفَاوْثْ إِ يِينِّي إِدْجَانْ ذِي ثَادْجسْثْ،
ROM 2:20 ذ أَمْسڭّمْ يَاربَّانْ إِبُوهَاڒِييّنْ ذ أَمْسڒْمَاذْ ن إِحنْجِيرنْ، ؤُ أَقَا غَاركْ صِّيفثْ ن ثُوسّْنَا ذ ثِيذتّْ ذِي شَّارِيعَا،
ROM 2:21 [إِوَا] شكْ ونِّي إِسّڒْمَاذنْ إِنّغْنِي، مَا وَارْ ثسّڒْمِيذذْ شَا إِخفْ نّشْ؟ شكْ ونِّي إِتّْبَارّْحنْ ’وَارْ تِّيشَارْ!‘، مَا ثتَّاشَارذْ؟
ROM 2:22 شكْ ونِّي إِقَّارنْ ’وَارْ زنِّي!‘، مَا ثْزنِّيذْ؟ شكْ ذ ونِّي إِشَارّْهنْ لْ-أَصْنَامْ، مَا ثَاشَارذْ زَّاوشْثْ [نْسنْ] إِقدّْسنْ؟
ROM 2:23 شكْ ونِّي إِسّمْغَارَانْ ذِي شَّارِيعَا، مَا ثْفضْحذْ أَربِّي ؤُمِي ثخْضِيذْ ذِي شَّارِيعَا؟
ROM 2:24 مِينْزِي خْ سِّيبّثْ نْومْ تّْشقَّافنْ ذڭْ يِيسمْ ن أَربِّي جَارْ ڒڭْنُوسْ أَمْ مَامّشْ ثُورَا.
ROM 2:25 أَقَا أَخْثَانْ إِنفّعْ مَاڒَا ثْضفَّارذْ شَّارِيعَا نِيشَانْ، مَاشَا مَاڒَا ثتّْعذِّيذْ خْ شَّارِيعَا، أَقَا أَخْثَانْ نّشْ إِتّْوَاحْسبْ بْڒَا أَخْثَانْ.
ROM 2:26 مَاڒَا ونِّي بْڒَا أَخْثَانْ إِتّطّفْ ذِي ڒُومَارْ إِسڭّْذنْ ن شَّارِيعَا، مَا [خنِّي] وَارْ إِحسّبْ بْڒَا أَخْثَانْ نّسْ ذ أَخْثَانْ؟
ROM 2:27 ونِّي إِضفَّارنْ شَّارِيعَا س طّْبِيعثْ أَمْ إِدْجَا بْڒَا أَخْثَانْ، أَذْ شكْ إِحَاسبْ، شكْ ونِّي إِتّْعدَّانْ خْ شَّارِيعَا س ثِيرَا ذ وخْثَانْ!
ROM 2:28 مِينْزِي ؤُذَايْ وَارْ إِدْجِي ذ ؤُذَايْ س وُوذمْ، ؤُ أَخْثَانْ [س ثِيذتّْ] وَارْ إِدْجِي مِينْ إِتّْبَاننْ ذڭْ ويْسُومْ،
ROM 2:29 مَاشَا نتَّا ذ ؤُذَايْ ونِّي إِتِّيڒِينْ ذ ؤُذَايْ ذِي ثْنُوفّْرَا، ؤُ أَخْثَانْ أَقَا نتَّا ذ ونِّي ذڭْ وُوڒْ، س أَرُّوحْ، وَارْ إِدْجِي [ذ ونِّي إِتّْوَاڭّنْ] عْلَاحْسَابْ ثِيرَّا [ن شَّارِيعَا]، أَڒَامِي أَسمْغَارْ نّسْ وَارْ د-إِتِّيسْ شَا زڭْ إِوْذَانْ مَاشَا زِي أَربِّي.
ROM 3:1 إِ خنِّي، مَانْ ڒفْضڒْ غَارْ وُوذَاينْ، نِيغْ مَانْ ثِيزِي ن وخْثَانْ؟
ROM 3:2 أَطَّاسْ خْ كُوڒْ إِغزْذِيسنْ! خنِّي غَارْ ؤُمزْوَارْ مّوْشنْ أَسنْ ‬وَاوَاڒنْ نْ‮ ‬أَربِّي.
ROM 3:3 مَاغَارْ مَاڒَا ثُوغَا شَا زَّايْسنْ وَارْ ؤُمِيننْ شَا، مَا خنِّي بضْڒنْ نِيثْنِي ڒَامَانْ ن أَربِّي زِي سِّيبّثْ ن بْڒَا لْ-إِيمَانْ نْسنْ؟
ROM 3:4 عمَّارْصْ! مَاغَارْ أَربِّي ذ ثِيذتّْ ؤُشَا كُوڒْ بْنَاذمْ ذ بُو-إِخَارِّيقنْ، أَمْ مَامّشْ ثُورَا: ”شكْ أَذْ ثْبَانذْ ذ أَمْسڭّذْ س وَاوَاڒنْ نّشْ، أَذْ ثِيڒِيذْ ثْكمّْڒذْ ذِي ڒصْفَايثْ خْمِي شكْ إِ غَا حَاسْبنْ.“
ROM 3:5 مَاشَا مَاڒَا مِينْ وَارْ إِسّڭّْذنْ ذَايْنغْ أَقَا إِسّْبيّنْ ثَاسڭْذَا ن أَربِّي، مِينْ غَا نِينِي عَاذْ خنِّي؟ مَا أَربِّي وَارْ غَارسْ بُو ڒْحقّْ ؤُمِي خَانغْ إِڭَّا أَغْضَابْ نّسْ؟ نشّْ سَّاوَاڒغْ أَمْ يِيجّْ ن بْنَاذمْ [ذ أَمذْنُوبْ].
ROM 3:6 وَارْ خَاسْ نسِّيوِيڒْ! مَامّشْ إِ غَا إِحَاسبْ أَربِّي دُّونشْثْ ڒخْذنِّي؟
ROM 3:7 مَامّشْ مَاڒَا ثْفيّضْ ثِيذتّْ ن أَربِّي غَارْ ؤُعُودْجِي نّسْ س ؤُخَارِّيقْ إِنُو، مَايمِّي عَاذْ إِ غَا تّْوَاحَاسْبغْ أَمْ ؤُمذْنُوبْ؟
ROM 3:8 وَارْ إِعدّڒْ أَقَا ثَامسْڒَاشْثْ ثدْجَا أَمْ مَامّشْ قَّارنْ إِنِّي ذَايْنغْ إِشقّْفنْ بلِّي نشِّينْ نقَّارْ: ”أجّْ أَنغْ أَذْ نڭّْ ثُوعفّْنَا، حِيمَا أَذْ زَّايسْ د-يكّْ مِينْ إِشْنَانْ!“؟، إِنِّي أَقَا ڒْحُوكْمْ خَاسنْ أَذْ إِتّْوَاخمّڒْ أَڒْ شّْرعْ إِسڭّْذنْ.
ROM 3:9 إِ خنِّي مَامّشْ؟ مَا نشِّينْ حْسنْ؟ قْبڒْ أَقَا نُوفَا أَقَا ؤُذَاينْ ذ إِرَامِييّنْ مَارَّا سَاذُو دّنْبْ،
ROM 3:10 أَمْ مَامّشْ ثُورَا: ”ؤُڒَا ذ إِجّْ وَارْ إِدْجِي ذ أَمْسڭّذْ،
ROM 3:11 ؤُڒَا ذ إِجّْ وَارْ إِفهّمْ، ؤُڒَا ذ إِجّْ وَارْ يَارزُّو خْ أَربِّي.
ROM 3:12 مَارَّا فّْغنْ زڭْ وبْرِيذْ، مّنْضَارنْ، ؤُڒَا ذ إِجّْ وَارْ إِتّڭّْ ثْشُونِي، ؤُڒَا ذ إِجّْ.
ROM 3:13 ثْمِيجَّاوِينْ نْسنْ ذ إِمضْڒَانْ يَارزْمنْ، س إِڒْسَاونْ نْسنْ شمّْثنْ، سّمْ ن إِفِيغْرَانْ سَاذُو إِينْشِيشنْ نْسنْ،
ROM 3:14 أَقمُّومْ نْسنْ إِشُّورْ س نّعْڒثْ ذ ثَارْزُوڭِي،
ROM 3:15 س إِضَارنْ نْسنْ تّْقدْجِيقنْ غَارْ ؤُسِيزّڒْ ن إِذَامّنْ،
ROM 3:16 أَريّبْ ذ ثَامَارَا ذڭْ إِبْرِيذنْ نْسنْ،
ROM 3:17 أَبْرِيذْ ن ڒهْنَا وَارْ ث سِّيننْ شَا،
ROM 3:18 ثِيڭّْوُوذِي ن أَربِّي وَارْ ثدْجِي قِيبَاتْشْ إِ ثِيطَّاوِينْ نْسنْ.“
ROM 3:19 نشِّينْ نسّنْ بلِّي مَارَّا مِينْ ثقَّارْ شَّارِيعَا، أَقَا ثقَّارْ إِ-ث إِ يِينِّي إِدْجَانْ سَاذُو شَّارِيعَا، حِيمَا أَذْ إِتّْوَاقّنْ كُوڒْ أَقمُّومْ ؤُشَا أَذْ ثذْوڒْ مَارَّا دُّونشْثْ ذَايسْ ڒْعِيبْ زَّاثْ إِ أَربِّي،
ROM 3:20 مَاغَارْ زِي ڒخْذَايمْ ن شَّارِيعَا وَارْ إِتّْوَاسڭّذْ ؤُڒَا ذ إِجّْ ن بْنَاذمْ قِيبَاتْشْ نّسْ، مِينْزِي س شَّارِيعَا أَقَا تّْوَاسّْننْ دّْنُوبْ.
ROM 3:21 مَاشَا ڒخُّو أَقَا ثضْهَارْ-د ثْسڭْذَا ن أَربِّي بْڒَا شَّارِيعَا، ثْشهّذْ خَاسْ شَّارِيعَا ذ إِنَابِييّنْ،
ROM 3:22 أَقَا ثَاسڭْذَا ن أَربِّي زِي لْ-إِيمَانْ ن يَاسُوع لْمَاسِيحْ غَارْ مَارَّا ؤُ خْ مَارَّا إِنِّي زَّايسْ يُومْننْ، مِينْزِي وَارْ ذِينْ بُو ڒْفَارْزْ.
ROM 3:23 مِينْزِي مَارَّا خْضَانْ ؤُشَا إِنقْصْ إِ-ثنْ ؤُعُودْجِي ن أَربِّي،
ROM 3:24 ؤُشَا تّْوَاسڭّْذنْ بَاطڒْ س أَرْضَا نّسْ س ؤُفكِّي إِ إِدْجَانْ ذِي يَاسُوع لْمَاسِيحْ.
ROM 3:25 أَربِّي إِڭَّا إِ-ث ذ أَصْڒَاحْ قْبڒْ سْ لْ-إِيمَانْ ذڭْ إِذَامّنْ نّسْ، ذِي سِّيبّثْ ن دّْنُوبْ نّغْ نِّي ثُوغَا نڭَّا زِيشْ ذِي ڒْمِيجَاڒْ ن ڒْوقْثْ إِ ذ أَنغْ إِوْشَا أَربِّي س تَّاسِيعْ ن ڒْخَاضَارْ نّسْ، حِيمَا أَذْ إِسّْشنْ ثَاسڭْذَا نّسْ ذِي ڒْوقْثْ-أَ،
ROM 3:26 مَاحنْذْ ذِي ثْسڭْذَا أَذْ يَارّْ ذ أَمْسڭَّاذْ وِي إِدْجَانْ ذِي لْ-إِيمَانْ ن سِيذِيثْنغْ يَاسُوع لْمَاسِيحْ.
ROM 3:27 مَانِي إِدْجَا خنِّي ؤُسمْغَارْ؟ وَارْ خَاسْ نسِّيوِيڒْ. س مَانْ شَّارِيعَا؟ س مَانْ ڒخْذَايمْ؟عمَّارْصْ، مَاشَا س شَّارِيعَا ن لْ-إِيمَانْ.
ROM 3:28 س ؤُيَا نحْسبْ بلِّي بْنَاذمْ أَذْ إِتّْوَاسڭّذْ س لْ-إِيمَانْ، وَارْ إِدْجِي س ڒخْذَايمْ ن شَّارِيعَا.
ROM 3:29 نِيغْ أَربِّي ن وُوذَاينْ وَاهَا، وَارْ إِدْجِي ن ڒڭْنُوسْ عَاوذْ؟ وَاهْ، ؤُڒَا ن ڒڭْنُوسْ!
ROM 3:30 مِينْزِي أَربِّي ذ إِجّنْ ونِّي إِ غَا إِسڭّْذنْ إِنِّي إِتّْوَاخثْننْ س لْ-إِيمَانْ، ؤُ عَاوذْ إِنِّي وَارْ إِتّْوَاخْثِيننْ س لْ-إِيمَانْ.
ROM 3:31 مَا نْبطّڒْ شَّارِيعَا س لْ-إِيمَانْ؟ وَايَّاوْ، س ڒمْقْڒُوبْ، نشِّينْ أَذْ نضْمنْ شَّارِيعَا.
ROM 4:1 مِينْ إِ غَا نِينِي خنِّي خْ إِبْرَاهِيمْ، أَزدْجِيفْ ن ڒجْذُوذْ نّغْ، أَقَا يُوفَا ذِي [أَرِّيمثْ نّسْ ن] ويْسُومْ؟
ROM 4:2 مِينْزِي مَاڒَا إِبْرَاهِيمْ ثُوغَا إِتّْوَاسڭّذْ س ڒخْذَايمْ، أَقَا غَارسْ شَّانْ، مَاشَا وَارْ إِدْجِي شَا غَارْ أَربِّي.
ROM 4:3 مِينْزِي مِينْ قَّارنْثْ ثِيرَا [إِقدّْسنْ]؟ ”يُومنْ إِبْرَاهِيمْ ذِي أَربِّي ؤُشَا إِتّْوَاحْسبْ أَسْ-د مَانْ أَيَا ذ ثَاسڭْذَا.“
ROM 4:4 ونِّي إِخدّْمنْ وَارْ ذ أَسْ ثتّْوَاحسّبْ شَا ڒْمُونثْ خْ ڒحْسَابْ ن أَرْضَا، مَاشَا خْ ڒحْسَابْ ن ؤُمَارْوَاسْ، [مِينْزِي تُّورْسنْ أَسْ-د].
ROM 4:5 مَاشَا ونِّي وَارْ إِخدّْمنْ، مَاشَا يُومنْ ذڭْ ونِّي إِتّْسڭَّاذنْ إِمذْنَابْ، أَقَا لْ-إِيمَانْ نّسْ أَذْ أَسْ د-إِتّْوَاحْسبْ ذ ثَاسڭْذَا.
ROM 4:6 أَمْ مَامّشْ إِنَّا ذَاوُوذْ عَاوذْ خْ سّعْذْ ن بْنَاذمْ ونِّي ؤُمِي د أَسْ إِحْسبْ أَربِّي ثَاسڭْذَا بْڒَا ڒخْذَايمْ، ؤُمِي إِنَّا:
ROM 4:7 ”سّعْذْ ن يِينِّي ؤُمِي إِتّْوَاغْفَارْ إِخطَّانْ نْسنْ، إِنِّي ؤُمِي إِسّْذُورِييْ نتَّا دّْنُوبْ نْسنْ.
ROM 4:8 سّعْذْ ن بْنَاذمْ ؤُمِي وَارْ د أَسْ إِحسّبْ شَا أَربِّي دّْنُوبْ نّسْ.“
ROM 4:9 مَا سّعْذْ-أَ خْ يِينِّي إِتّْوَاخثْننْ وَاهَا نِيغْ عَاوذْ خْ يِينِّي وَارْ إِتّْوَاخثْننْ؟ س مِينْزِي نقَّارْ: ”لْ‘إِمَانْ ن إِبْرَاهِيمْ إِتّْوَاحْسبْ أَسْ-د ذ ثَاسڭْذَا!“
ROM 4:10 مَامّشْ ذ أَسْ ث-إِ-د إِتّْوَاحْسبْ؟ مَا ڒَامِي ثُوغَا س وخْثَانْ نِيغْ مَاڒَا ثُوغَا بْڒَا أَخْثَانْ؟ وَارْ ثُوغِي س وخْثَانْ، مَاشَا ثُوغَا بْڒَا أَخْثَانْ.
ROM 4:11 مِينْزِي إِكْسِي أَخْثَانْ ذ ڒعْڒَامثْ ذ ؤُشمِّيعْ ن ثْسڭْذَا ن لْ-إِيمَانْ نِّي غَارسْ ؤُمِي ث ثُوغَا بْڒَا أَخْثَانْ، حِيمَا أَذْ يِيڒِي ذ جذِّيثْسنْ ن مَارَّا إِنِّي يُومْننْ وَاخَّا نِيثْنِي بْڒَا أَخْثَانْ، حِيمَا أَذْ أَسنْ د-إِتّْوَاحْسبْ [لْ-إِيمَانْ] ذ ثَاسڭْذَا عَاوذْ.
ROM 4:12 نتَّا ذ جذِّيثْسنْ إِ يِينِّي س وخْثَانْ، [مَاشَا] وَارْ إِدْجِي إِ يِينِّي [إِذوْڒنْ يُومْننْ] زڭْ وخْثَانْ وَاهَا، [مَاشَا] عَاوذْ إِ يِينِّي إِڭُّورنْ ذڭْ إِصُورَافْ ن لْ-إِيمَانْ ن جذِّيثْنغْ إِبْرَاهِيمْ ؤُمِي ثُوغَا بْڒَا أَخْثَانْ.
ROM 4:13 مِينْزِي لْوَاعْذْ إِ إِبْرَاهِيمْ ؤُ إِ زَّارِيعثْ نّسْ بلِّي أَذْ يِيڒِي ذ أَوْرِيثْ ن دُّونشْثْ، وَارْ د-إِتِّيسْ شَا س شَّارِيعَا، مَاشَا س ثْسڭْذَا ن لْ-إِيمَانْ نّسْ.
ROM 4:14 مِينْزِي مَاڒَا إِنِّي زِي شَّارِيعَا ذ إِوْرِيثنْ، أَقَا لْ-إِيمَانْ إِخسَّارنْ ؤُڒَا ذ لْوَاعْذْ إِبضْڒنْ.
ROM 4:15 مَاغَارْ شَّارِيعَا ثتَّارُو أَغْضَابْ. مَانِي وَارْ ثدْجِي شَّارِيعَا، وَارْ ذِينْ إِدْجِي ؤُڒَا ذ أَعذِّي ن شَّارِيعَا.
ROM 4:16 س ؤُينِّي نتّْوَاسڭّذْ س لْ-إِيمَانْ، إِخْسْ أَذْ يِينِي س أَرْضَا، مَاحنْذْ أَذْ يِيڒِي لْوَاعْذْ نِيشَانْ إِ قَاعْ زَّارِيعثْ نّسْ، وَارْ إِدْجِي إِ يِينِّي إِدْجَانْ زِي شَّارِيعَا وَاهَا، مَاشَا عَاوذْ إِ يِينِّي إِدْجَانْ زِي لْ-إِيمَانْ ن إِبْرَاهِيمْ، ونِّي ذ جذِّيثْنغْ ن مَارَّا إِذْنغْ،
ROM 4:17 أَمْ مَامّشْ ثُورَا: ”أَقَا ڭِّيغْ شكْ ذ جذِّيثْسنْ إِ وَاطَّاسْ ن ڒڭْنُوسْ!“، زَّاثْ إِ أَربِّي ونِّي زِي ثُوغَا ثُومْنذْ، ونِّي إِتِّيشنْ ثُوذَارْثْ إِ إِمتِّيننْ ذ ونِّي إِتّْڒَاغَانْ ثِيمسْڒَايِينْ إِ وَارْ إِدْجِينْ أَخْمِي دْجَانْ.
ROM 4:18 وَاخَّا إِقْضعْ أَسْ ڒَايَاسْ، أَقَا يُومنْ س ؤُسِيثمْ أَذْ إِذْوڒْ ذ جذِّيثْسنْ إِ وَاطَّاسْ ن ڒڭْنُوسْ أَمْ مَامّشْ ثُورَا: ”أَمُّو إِ غَا ثِيڒِي زَّارِيعثْ نّشْ!“
ROM 4:19 لْ-إِمَانْ نّسْ وَارْ ثُوغِي إِضْعفْ، ؤُمِي إِحْسبْ أَرِّيمثْ نّسْ ثمُّوثْ أَمْ ثُوغَا غَارسْ مْيَا ن إِسڭّْوُوسَا، ؤُ ؤُمِي إِمُّوثْ ؤُعذِّيسْ ن سَارَا.
ROM 4:20 نتَّا وَارْ إِشكّْ شَا ذِي لْوَاعْذْ ن أَربِّي أَخْمِي س نّقْصْ ن لْ-إِيمَانْ، مَاشَا إِمْحضْ ذِي لْ-إِيمَانْ نّسْ، إِوْشَا أَعُودْجِي إِ أَربِّي.
ROM 4:21 ثُوغَا إِسّنْ نِيشَانْ بلِّي مِينْ زَّايسْ ثُوغَا إِوَاعْذْ أَربِّي، إِزمَّارْ أَذْ ث إِڭّْ عَاوذْ.
ROM 4:22 س ؤُينِّي إِتّْوَاحْسبْ أَسْ-د [لْ-إِيمَانْ] ذ ثَاسڭْذَا.
ROM 4:23 مَاشَا وَارْ ثُورِي ذِي سِّيبّثْ نّسْ وَاهَا، أَقَا إِتّْوَاحْسبْ أَسْ-د لْ-إِيمَانْ نّسْ ذ ثَاسڭْذَا،
ROM 4:24 مَاشَا عَاوذْ ذِي سِّيبّثْ نّغْ، حِيمَا نتَّا أَذْ أَنغْ ث-إِ-د-إِحْسبْ [ذ ثَاسڭْذَا]، إِ نشِّينْ إِنِّي إِتَّامْننْ ذڭْ ونِّي إِ د-إِسّْنكَّارنْ سِيذِيثْنغْ يَاسُوع لْمَاسِيحْ زِي ثَادَّارْثْ ن إِمتِّيننْ،
ROM 4:25 [يشُّو لْمَاسِيحْ] ونِّي إِتّْوَاسلّْمنْ ذِي سِّيبّثْ ن دّْنُوبْ نّغْ ؤُشَا إِكَّارْ-د حِيمَا أَذْ أَنغْ إِسڭّذْ.
ROM 5:1 خنِّي نشِّينْ، أَمْ نتّْوَاسڭّذْ س لْ-إِيمَانْ، أَقَا أَذْ غَارْنغْ يِيڒِي ڒهْنَا أَكْ-ذ أَربِّي س سِيذِيثْنغْ يَاسُوع لْمَاسِيحْ.
ROM 5:2 مَاغَارْ زَّايسْ إِذْوڒْ أَنغْ-د أَذَافْ س لْ-إِيمَانْ غَارْ أَرْضَا-يَا مِينْ ذِي نْبدّْ، ؤُ نسّمْغَارْ ذڭْ ؤُسِيثمْ ن ؤُعُودْجِي ن أَربِّي.
ROM 5:3 [مَاشَا] وَارْ إِدْجِي ذِي مَانْ أَيَا وَاهَا، مَاشَا نسّمْغَارْ عَاوذْ ذِي ڒمْحَايمْ، نسّنْ بلِّي ڒْمحْنثْ ثتَّارُو-د ذَايْنغْ صّْبَارْ،
ROM 5:4 ذ صّْبَارْ [أَذْ يَاوِي] ثَاقدْجبْثْ، ؤُشَا ثَاقدْجبْثْ [أَذْ ثَاوِي] أَسِيثمْ،
ROM 5:5 ؤُشَا أَسِيثمْ وَارْ إِتّْسحْشِيمْ شَا، مِينْزِي ثَايْرِي ن أَربِّي أَقَا ثتّْوَافَارّغْ ذڭْ وُوڒَاونْ نّغْ س أَرُّوحْ إِقدّْسنْ إِ ذ أَنغْ إِمّوْشنْ.
ROM 5:6 ذِي سِّيبّثْ ن ثُوضْعفْثْ نّغْ، أَقَا إِمُّوثْ لْمَاسِيحْ ذِي ڒْوقْثْ-أَ ذِي طّْوعْ ن إِعفَّاننْ.
ROM 5:7 س ڒْوحْڒَانْ أَذْ إِمّثْ حذْ ذِي طّْوعْ ن إِجّْ ن ؤُعفَّانْ، مَاشَا ذِي طّْوعْ ن إِصبْحَاننْ أَذْ ثَاغْ إِزمَّارْ أَذْ إِزْعمْ حذْ أَذْ إِمّثْ.
ROM 5:8 ذِي مَانْ أَيَا إِمْڒَا أَنغْ أَربِّي ثَايْرِي نّسْ، أَقَا لْمَاسِيحْ إِمُّوثْ ذِي طّْوعْ نّغْ ؤُمِي ثُوغَا أَنغْ عَاذْ ذ إِمذْنَابْ.
ROM 5:9 مشْحَاڒْ كْثَارْ أَقَا نتّْوَاسڭّذْ ڒخُّو س إِذَامّنْ نّسْ ؤُشَا نتّْوَافكّْ زَّايسْ زڭْ وغْضَابْ!
ROM 5:10 مِينْزِي ڒَامِي ذ أَنغْ ثُوغَا ذ ڒْعذْيَانْ، إِجَّا أَربِّي أَذْ إِسّصْڒحْ إِخفْ نّسْ أَكِيذْنغْ س ڒْموْثْ ن مِّيسْ، مشْحَاڒْ قَاعْ ڒخُّو أَذْ ندَّارْ س ثُوذَارْثْ نّسْ، أَوَارْنِي ڒَامِي زَّايسْ نُوفَا أَصْڒَاحْ.
ROM 5:11 ؤُ وَارْ إِدْجِي مَانْ أَيَا وَاهَا، مَاشَا أَذْ نسّمْغَارْ ذِي أَربِّي عَاوذْ س سِيذِيثْنغْ يَاسُوع لْمَاسِيحْ، ونِّي زِي نكْسِي ڒخُّو أَصْڒَاحْ.
ROM 5:12 مَاغَارْ أَمْ مَامّشْ س يِيجّْ ن بْنَاذمْ يُوذفْ-د دّنْبْ غَارْ دُّونشْثْ ؤُشَا س دّنْبْ ثُوذفْ-د ڒْموْثْ، أَمُّو د-ثُوذفْ ڒْموْثْ غَارْ إِوْذَانْ مَارَّا، مِينْزِي خْضَانْ مَارَّا.
ROM 5:13 مِينْزِي قْبڒْ مَا ثُوغَا ثدْجَا شَّارِيعَا، ثُوغَا دّنْبْ ذِي دُّونشْثْ، مَاشَا دّنْبْ وَارْ إِتّْوَاحْسِيبْ شَا مِينْزِي وَارْ ذِينْ ثدْجِي شَّارِيعَا.
ROM 5:14 مَاشَا ڒْموْثْ ثُوغَا ثحْكمْ زِي أَذَامْ أَڒْ مُوسَا ؤُڒَا خْ يِينِّي وَارْ إِخْضِينْ ذِي صِّيفثْ ن ؤُخطُّو إِ زِي إِخْضَا أَذَامْ أَكْ-ذ شَّارِيعَا. [أَذَامْ] ونِّي ذ صِّيفثْ ن ونِّي د غَا يَاسنْ.
ROM 5:15 مَاشَا أَمْ مَامّشْ ثدْجِي [ثْمسْڒَاشْثْ] س ؤُوطُّو، أَمُّو وَارْ ثدْجِي س ثوْهِيبْثْ ن أَرْضَا. مِينْزِي مَاڒَا مُّوثنْ أَطَّاسْ خْ سِّيبّثْ ن إِجّْ ن ؤُخطُّو، مشْحَاڒْ قَاعْ إِ غَا إِفيّضْ أَرْضَا ن أَربِّي ذ ثوْهِيبْثْ نّسْ إِ وَاطَّاسْ س ؤُينِّي ن بْنَاذمْ [نِّي]، يَاسُوع لْمَاسِيحْ.
ROM 5:16 ثَاوْهِيبْثْ س أَرْضَا وَارْ ثتِّيڒِي أَمْ ؤُخطُّو ن يِيجّنْ. س مِينْزِي ڒْحُوكْمْ يِيوِي-د لْحِيسَابْ زڭْ إِجّْ ن ؤُخطُّو، مَاشَا ثَاوْهِيبْثْ ن أَرْضَا ثِيوِي-د زڭْ وَاطَّاسْ ن دّْنُوبْ غَارْ ثْسڭْذَا.
ROM 5:17 مِينْزِي مَاڒَا س ؤُخطُّو ن إِجّنْ أَقَا ثحْكمْ ڒْموْثْ، مشْحَاڒْ قَاعْ إِ غَا حكْمنْ ذِي ثُوذَارْثْ إِنِّي إِكْسِينْ أَفيّضْ ن أَرْضَا ذ ثوْهِيبْثْ ن ثْسڭْذَا س ؤُينِّي [ن بْنَاذمْ نِّي]، أَقَا-ث ذ يَاسُوع لْمَاسِيحْ.
ROM 5:18 أَمْ مَامّشْ خنِّي س ؤُخطُّو ن إِجّنْ، أَقَا إِذْوڒْ ڒْحُوكْمْ إِ مَارَّا إِوْذَانْ، أَمُّو إِ غَا ثِيڒِي ڒصْفَايثْ إِكمّْڒنْ إِ ثُوذَارْثْ إِ مَارَّا إِوْذَانْ س ثْسڭْذَا ن يِيجّنْ.
ROM 5:19 مِينْزِي أَمْ س ڒْمُوعْصِييّثْ ن إِجّْ ن بْنَاذمْ ذوْڒنْ أَطَّاسْ ذ إِمذْنَابْ، أَمُّو عَاوذْ س طَّاعثْ ن إِجّنْ أَذْ ذوْڒنْ أَطَّاسْ ذ إِمْسڭَّاذنْ.
ROM 5:20 مَاشَا ؤُمِي د-ثُوسَا شَّارِيعَا، إِمَّارْنِي دّنْبْ، ؤُ مَانِي إِمَّارْنِي دّنْبْ، إِمَّارْنِي أَرْضَا أَطَّاسْ س وَاطَّاسْ،
ROM 5:21 حِيمَا، أَمْ مَامّشْ إِحْكمْ دّنْبْ أَڒْ ڒْموْثْ، أَذْ إِحْكمْ أَرْضَا عَاوذْ س ثْسڭْذَا أَڒْ ثُوذَارْثْ إِتّْذُومَانْ س سِيذِيثْنغْ يَاسُوع لْمَاسِيحْ.
ROM 6:1 مِينْ غَا نِينِي خنِّي؟ مَا أَذْ نقِّيمْ ذِي دّنْبْ حِيمَا أَذْ إِمَّارْنِي أَرْضَا؟
ROM 6:2 عمَّارْصْ! نشِّينْ إِنِّي إِمُّوثنْ إِ دّنْبْ، مَامّشْ عَاذْ ذَايسْ إِ غَا ندَّارْ؟
ROM 6:3 مَا وَارْ ثسِّينمْ شَا بلِّي إِنِّي زَّايْنغْ إِتّْوَاسّْغضْصنْ ذِي يَاسُوع لْمَاسِيحْ، تّْوَاسّْغضْصنْ ذِي ڒْموْثْ نّسْ؟
ROM 6:4 أَقَا نتّْوَانْضڒْ أَكِيذسْ س ؤُسغْضصْ ذِي ڒْموْثْ، حِيمَا، أَمْ مَامّشْ د-إِتّْوَاسّْنكَّارْ لْمَاسِيحْ زِي ثَادَّارْثْ ن إِمتِّيننْ غَارْ ؤُعُودْجِي ن بَابَاسْ، أَمُّو إِ غَا نُويُورْ ؤُڒَا ذ نشِّينْ ذِي ثُوذَارْثْ ن جْذِيذْ.
ROM 6:5 مِينْزِي مَاڒَا نتّْوَاژُّو [ذِي ثمُّورْثْ] ذ إِجّنْ أَكِيذسْ س [ثفْرَاسْ ن] ڒْموْثْ نّسْ، خنِّي أَمُّو إِ غَا نِيڒِي عَاوذْ [ذ إِجّنْ أَكِيذسْ] س ثفْرَاسْ ن ثْنُوكْرَا نّسْ.
ROM 6:6 أَقَا نسّنْ بلِّي بْنَاذمْ نّغْ أَقْذِيمْ إِتّْوَاصلّبْ أَكِيذسْ، حِيمَا أَذْ ثبْضڒْ أَرِّيمثْ ن دّنْبْ، وَارْ نْذِيكّْوِيڒْ عَاوذْ ذ إِمْسخَّارنْ إِ دّنْبْ.
ROM 6:7 مِينْزِي ونِّي إِمُّوثنْ، أَقَا إِتّْوَافكّْ زِي دّْنُوبْ.
ROM 6:8 مَاڒَا خنِّي نمُّوثْ أَكْ-ذ لْمَاسِيحْ، أَقَا نُومنْ بلِّي ندَّارْ [عَاوذْ] أَكِيذسْ، أَكْ-ذ لْمَاسِيحْ.
ROM 6:9 مِينْزِي نسّنْ بلِّي لْمَاسِيحْ إِتّْوَاسّْنكَّارْ-د زِي ثَادَّارْثْ ن إِمتِّيننْ، وَارْ إِتّْمتِّي عَاوذْ. أَقَا ڒْموْثْ وَارْ خَاسْ ثْحكّمْ شَا.
ROM 6:10 مِينْزِي زڭْ ؤُغزْذِيسْ ن ڒْموْثْ إِ إِمُّوثْ، أَقَا إِمُّوثْ إِ دّْنُوبْ إِجّْ ن ؤُمُورْ، مَاشَا زڭْ ؤُغزْذِيسْ ن ثُوذَارْثْ نّسْ، نتَّا إِدَّارْ إِ أَربِّي.
ROM 6:11 أَمُّو كنِّيوْ عَاوذْ: حسْبمْ إِخفْ نْومْ ذ إِمتِّيننْ إِ دّنْبْ، [مَاشَا] ذ إِمُودَّارنْ إِ أَربِّي ذِي سِيذِيثْنغْ يَاسُوع لْمَاسِيحْ.
ROM 6:12 خنِّي وَارْ تّجِّيمْ دّنْبْ أَذْ إِحْكمْ ذِي أَرِّيمثْ نْومْ إِفنَّانْ، أَڒَامِي أَذْ أَسْ ثطَّاعمْ ذِي نّشْوَاثْ نّسْ،
ROM 6:13 ؤُشَا وَارْ تّوْشِيمْ إِغزْذِيسنْ [ن أَرِّيمثْ] نْومْ أَمْ دُّوزَانْ إِ ڒْمُوعْصِييّثْ، مَاشَا وْشمْ إِخفْ نْومْ إِ أَربِّي، أَمْ إِوْذَانْ إِنِّي إِذوْڒنْ غَارْ ثُوذَارْثْ زڭْ إِمتِّيننْ، ؤُشَا [وْشمْ] إِغزْذِيسنْ [ن أَرِّيمثْ] نْومْ أَمْ دُّوزَانْ إِ ثْسڭْذَا ن أَربِّي.
ROM 6:14 دّنْبْ وَارْ خَاومْ إِحكّمْ شَا، مِينْزِي وَارْ ثدْجِيمْ سَاذُو شَّارِيعَا مَاشَا سَاذُو أَرْضَا.
ROM 6:15 مَامّشْ خنِّي؟ مَا أَذْ نخْضَا مِينْزِي وَارْ ندْجِي شَا سَاذُو شَّارِيعَا، مَاشَا سَاذُو أَرْضَا؟عمَّارْصْ!
ROM 6:16 مَا وَارْ ثسِّينمْ شَا أَقَا كنِّيوْ ذ إِمْسخَّارنْ ن ونِّي ؤُمِي ثوْشِيمْ إِخفْ نْومْ مَاحنْذْ أَذْ أَسْ ثْسخَّارمْ س طَّاعثْ، ن ونِّي ؤُمِي ثتّطَّاعمْ، مَا إِ دّنْبْ إِ ثتّطَّاعمْ نِيغْ إِ ثْسڭْذَا؟
ROM 6:17 ثْقَاذْ أَسْ إِ أَربِّي، أَقَا كنِّيوْ إِنِّي ثُوغَا ذ إِمْسخَّارنْ إِ دّنْبْ، أَقَا ثْذوْڒمْ ثتّطَّاعمْ س وُوڒْ إِ دَّابْ [إِصْفَانْ] ن ؤُسڒْمذْ إِ ذ أَومْ إِتّْوَاسلّْمنْ.
ROM 6:18 ڒَامِي ثتّْوَافكّمْ زِي دّنْبْ، ثْذوْڒمْ ذ إِمْسخَّارنْ ن ثْسڭْذَا.
ROM 6:19 سَّاوَاڒغْ خْ ڒحْسَابْ ڒعْقڒْ ن بْنَاذمْ خْ سِّيبّثْ ن ثُوضْعفْثْ ن ويْسُومْ نْومْ، مِينْزِي أَمْ مَامّشْ ثوْشِيمْ إِغزْذِيسنْ نْومْ ذ إِمْسخَّارنْ إِ ڒخْمجْ ذ مِينْ وَارْ إِسڭّْذنْ، أَمنِّي ڒخُّو وْشمْ إِغزْذِيسنْ نْومْ ذ إِمْسخَّارنْ إِ ثْسڭْذَا ذ ثْقدَّاسْثْ.
ROM 6:20 مِينْزِي ڒَامِي ثُوغَا كنِّيوْ ذ إِمْسخَّارنْ ن دّنْبْ، ثُوغَا كنِّيوْ ذ إِحُورِّييّنْ زِي جِّيهثْ ن ثْسڭْذَا.
ROM 6:21 مَانْ ڒْغِيدْجثْ إِ ثُوغَا غَارْومْ ڒخْذنِّي؟ ثِيمسْڒَايِينْ إِ زِي ثتّْسضْحَامْ ڒخُّو؟ س مِينْزِي أَنڭَّارْ نْسنْثْ ذ ڒْموْثْ.
ROM 6:22 [مَاشَا] ڒخُّو، ؤُمِي ثتّْوَافكّمْ زِي دّنْبْ ؤُشَا ثْذوْڒمْ ذ إِمْسخَّارنْ ن أَربِّي، أَقَا ڒْغِيدْجثْ نْومْ ثتّْوَاقدّسْ ؤُشَا ؤُنڭَّارْ نّسْ ذ ثُوذَارْثْ إِتّْذُومَانْ.
ROM 6:23 مِينْزِي ڒخْڒَاصْ ن دّنْبْ ذ ڒْموْثْ، مَاشَا ثَاوْهِيبْثْ ن أَربِّي ذ ثُوذَارْثْ إِتّْذُومَانْ س سِيذِيثْنغْ يَاسُوع لْمَاسِيحْ.
ROM 7:1 مَا وَارْ ثسِّينمْ شَا، [أَ] أَيْثْمَا، سَّاوَاڒغْ أَكْ-ذ يِينِّي إِسّْننْ شَّارِيعَا، أَقَا شَّارِيعَا ثْصدْجضْ خْ بْنَاذمْ مِينْ غَا يكّْ إِدَّارْ؟
ROM 7:2 ثَامْغَارْثْ ثقّنْ غَارْ ورْيَازْ نّسْ س شَّارِيعَا مِينْ غَا يكّْ إِدَّارْ، مَاشَا مَاڒَا إِمُّوثْ ورْيَازْ نّسْ، أَقَا ثتّْوَافكّْ زِي شَّارِيعَا زِي جِّيهثْ ن ورْيَازْ نّسْ.
ROM 7:3 مَاشَا مَاڒَا أَذْ ثقّنْ غَارْ ورْيَازْ نّغْنِي مِينْ غَا يكّْ ورْيَازْ إِدَّارْ، ثتّْوَاحْسبْ زَّايسْ أَقَا نتَّاثْ ثزْنَا. مَاشَا مَاڒَا إِمُّوثْ ورْيَازْ نّسْ، أَذْ ثَافْ أَذْ ثتّْوَافكّْ زِي شَّارِيعَا، أَقَا وَارْ ثزْنِي مَاڒَا ثمْڒشْ أَكْ-ذ ورْيَازْ نّغْنِي.
ROM 7:4 خنِّي، [أَ] أَيْثْمَا، كنِّيوْ عَاوذْ أَقَا ثمُّوثمْ إِ شَّارِيعَا س أَرِّيمثْ ن لْمَاسِيحْ، حِيمَا أَذْ ثْذوْڒمْ إِ ونّغْنِي إِ ونِّي د-إِكَّارنْ زِي ثَادَّارْثْ ن إِمتِّيننْ، حِيمَا أَذْ ثوْشمْ ڒْغِيدْجثْ إِ أَربِّي.
ROM 7:5 مِينْزِي ؤُمِي ذ أَنغْ ثُوغَا ذڭْ ويْسُومْ، ثُوغَا شّهْوَاثْ ن دّْنُوبْ خدّْمنْثْ ذڭْ إِغزْذِيسنْ [ن أَرِّيمثْ] نّغْ أَمْ تّْوَاعَارْننْثْ زِي شَّارِيعَا أَڒَامِي غَا أَوْينْثْ ڒْغِيدْجثْ إِ ڒْموْثْ.
ROM 7:6 مَاشَا ڒخُّو أَقَا نتّْوَافكّْ زِي شَّارِيعَا، أَقَا نمُّوثْ خْ مِينْ ذِي ثُوغَا نتّْوَاحْبسْ، حِيمَا أَذْ نعْبذْ [أَربِّي] س ثجْذِيذثْ ن أَرُّوحْ، وَارْ إِدْجِي ذِي صِّيفثْ ثَاقْذِيمْثْ ن ثِيرَا [إِقدّْسنْ].
ROM 7:7 مِينْ غَا نِينِي خنِّي؟ مَا شَّارِيعَا ذ دّنْبْ؟عمَّارْصْ! مَاشَا وَارْ سِّينغْ دّنْبْ مْغِيرْ س شَّارِيعَا وَاهَا، مَاغَارْ وَارْ سِّينغْ نّشْوثْ مَاڒَا وَارْ ثنِّي شَّارِيعَا: ”وَارْ تَّاسمْ!“
ROM 7:8 مَاشَا دّنْبْ يُوفَا لْفُورْصَا س ثوْصيّثْ ؤُشَا ثڭْمَا ذَايِي كُوڒْ نّشْوثْ، مِينْزِي بْڒَا شَّارِيعَا دّنْبْ إِمُّوثْ.
ROM 7:9 زِيشْ ثُوغَا دَّارغْ بْڒَا شَّارِيعَا، مَاشَا ؤُمِي د-ثُوسَا ثوْصيّثْ، إِبْذَا دّنْبْ أَذْ إِدَّارْ، ؤُشَا مُّوثغْ.
ROM 7:10 ؤُفِيغْ بلِّي ثَاوْصيّثْ إِ إِدْجَانْ إِ ثُوذَارْثْ ثْندّهْ غَارْ ڒْموْثْ.
ROM 7:11 مِينْزِي دّنْبْ أَمْ يُوفَا لْفُورْصَا س ثوْصيّثْ، إِشْمثْ أَيِي ؤُشَا إِنْغَا أَيِي زَّايسْ.
ROM 7:12 خنِّي شَّارِيعَا إِقدّْسنْ إِ ثدْجَا ؤُ ثَاوْصيّثْ إِقدّْسنْ إِ ثدْجَا، ثْسڭّذْ ؤُ ثصْبحْ.
ROM 7:13 مَا إِذْوڒْ أَيِي مِينْ إِدْجَانْ ذ أَصبْحَانْ ذ ڒْموْثْ إِنُو؟عمَّارْصْ! مَاشَا دّنْبْ، حِيمَا أَذْ إِبَانْ ذ دّنْبْ، إِسّڭْمَا ذَايِي ڒْموْثْ س مِينْ إِدْجَانْ ذ أَصبْحَانْ، حِيمَا أَذْ إِذْوڒْ دّنْبْ ذ دّنْبْ كْثَارْ س ثوْصِييّثْ.
ROM 7:14 أَقَا نسّنْ بلِّي شَّارِيعَا ن أَرُّوحْ إِ ثدْجَا، مَاشَا نشّْ ذ أَيْسُومْ، مّنْزغْ إِ دّنْبْ،
ROM 7:15 مِينْزِي وَارْ سِّينغْ مِينْ غَا ڭّغْ، ؤُشَا مِينْ خْسغْ، وَارْ ث تّڭّغْ، مَاشَا مِينْ شَارّْهغْ ذ مَانَاونِّي إِ تّڭّغْ.
ROM 7:16 مَاڒَا تّڭّغْ مِينْ وَارْ تّخْسغْ، أَذْ وَافْقغْ أَكْ-ذ شَّارِيعَا، بلِّي أَقَا نتَّاثْ ثصْبحْ.
ROM 7:17 مَاشَا ڒخُّو نشّْ وَارْ تّڭّغْ مَانْ أَيَا [عَاذْ]، مَاشَا دّنْبْ إِ ذ أَيِي إِزدّْغنْ [إِتّڭّْ إِ-ث].
ROM 7:18 مِينْزِي سّْنغْ وَارْ ذَايِي إِزدّغْ مِينْ إِشْنَانْ، إِخْسْ أَذْ يِينِي ذڭْ ويْسُومْ إِنُو. مِينْزِي إِهْونْ خَافِي مَاحنْذْ أَذْ خْسغْ ثْشُونِي، مَاشَا وَارْ زمَّارغْ أَذْ ت ڭّغْ.
ROM 7:19 مِينْزِي وَارْ تّڭّغْ ثْشُونِي إِ خْسغْ، مَاشَا ڒْغَارْ إِ وَارْ تّخْسغْ شَا، ذ مَانَاونِّي إِ تّڭّغْ.
ROM 7:20 مَاڒَا تّڭّغْ مِينْ وَارْ تّخْسغْ، وَارْ إِدْجِي عَاذْ ذ نشّْ إِ إِتّڭّنْ مَانْ أَيَا، مَاشَا دّنْبْ ونِّي ذ أَيِي إِزدّْغنْ.
ROM 7:21 خنِّي تَّافغْ إِشْثْ ن شَّارِيعَا ثنِّي ثُوسَا-د أَكْ-ذ ثْنفْسشْثْ إِنُو، ثنِّي إِخْسنْ أَذْ إِڭّْ ثْشُونِي، أَمْ يُوذسْ أَيِي-د ڒْغَارْ.
ROM 7:22 مِينْزِي فَارْحغْ س شَّارِيعَا ن أَربِّي زِي جِّيهثْ ن بْنَاذمْ نِّي إِدْجَانْ ذِي ذَاخڒْ إِنُو،
ROM 7:23 مَاشَا تّْوَاڒِيغْ ذِينْ شَّارِيعَا نّغْنِي ذڭْ إِغزْذِيسنْ [ن أَرِّيمثْ] إِنُو، ثتّْمنْغَا أَكْ-ذ شَّارِيعَا ن ڒعْقڒْ إِنُو ؤُشَا ثْحبّسْ أَيِي س شَّارِيعَا ن دّنْبْ ثنِّي إِدْجَانْ ذڭْ إِغزْذِيسنْ [ن أَرِّيمثْ] إِنُو.
ROM 7:24 أَيحَّاثْ مَانَا ومْشُومْ-أَ ن بْنَاذمْ إِ دْجِيغْ! وِي ذ أَيِي غَا إِسّْنجْمنْ زِي أَرِّيمثْ-أَ ن ڒْموْثْ؟
ROM 7:25 تّْقَاذِيغْ أَربِّي، [ونِّي إِ ذ أَيِي إِسّنْجْمنْ] س ؤُفُوسْ ن سِيذِيثْنغْ يَاسُوع لْمَاسِيحْ! أَمُّو أَقَا نشّْ سِيمَانْثْ إِنُو س ڒعْقڒْ إِ خدّْمغْ إِ شَّارِيعَا ن أَربِّي، مَاشَا ذڭْ ويْسُومْ إِنُو إِ شَّارِيعَا ن دّنْبْ.
ROM 8:1 خنِّي وَارْ ذِينِّي بُو ڒْحُوكْمْ خْ يِينِّي إِڭُّورنْ وَارْ إِدْجِي [عَاذْ] ذڭْ ويْسُومْ س يَاسُوع لْمَاسِيحْ.
ROM 8:2 مِينْزِي شَّارِيعَا ن أَرُّوحْ ن ثُوذَارْثْ ذِي يَاسُوع لْمَاسِيحْ، أَقَا ثْفكّْ أَشْ زِي شَّارِيعَا ن دّنْبْ ذ ڒْموْثْ.
ROM 8:3 مِينْزِي مَاغَارْ ثُوغَا شَّارِيعَا ثضْعفْ س ثُوضْعفْثْ ن ويْسُومْ، إِسّكّْ-د أَربِّي مِّيسْ ذِي صِّيفثْ ن ويْسُومْ ن دّنْبْ خْ سِّيبّثْ ن دّنْبْ، مَاحنْذْ أَذْ إِحَاسبْ دّنْبْ ذڭْ ويْسُومْ،
ROM 8:4 حِيمَا أَذْ ذَايْنغْ ثتّْوَاكمّڒْ ثَاسڭْذَا ن شَّارِيعَا، مَاحنْذْ وَارْ نڭُّورْ ذڭْ ويْسُومْ، مَاشَا ذِي أَرُّوحْ.
ROM 8:5 مِينْزِي إِنِّي إِدْجَانْ ذڭْ ويْسُومْ تّڭّنْ نّيّثْ نْسنْ ذڭْ ويْسُومْ، مَاشَا إِنِّي ن أَرُّوحْ تّڭّنْ نّيّثْ نْسنْ ذِي أَرُّوحْ.
ROM 8:6 مِينْزِي نّيّثْ ن ويْسُومْ ذ ڒْموْثْ، مَاشَا نّيّثْ ن أَرُّوحْ ذ ثُوذَارْثْ ذ ڒهْنَا.
ROM 8:7 مِينْزِي نّيّثْ ن ويْسُومْ، أَقَا-ت ذ ڒعْذَاوَاثْ إِ أَربِّي، مِينْزِي وَارْ ثتّڭّْ شَا أَرَّايْ إِ شَّارِيعَا ن أَربِّي، مَاغَارْ وَارْ ذ أَسْ ثْزمَّارْ.
ROM 8:8 إِنِّي إِدْجَانْ ذڭْ ويْسُومْ وَارْ إِزمَّارنْ أَذْ أَرْضَانْ أَربِّي.
ROM 8:9 مَاشَا كنِّيوْ وَارْ ثدْجِيمْ شَا ذڭْ ويْسُومْ، مَاشَا ذِي أَرُّوحْ مَاڒَا إِزْذغْ ذَايْومْ أَرُّوحْ ن أَربِّي. مَاشَا مَاڒَا حذْ وَارْ غَارسْ بُو أَرُّوحْ ن لْمَاسِيحْ، ذ ونِّي وَارْ إِتِّيڒِي نّسْ.
ROM 8:10 مَاڒَا ذَايْومْ لْمَاسِيحْ، أَقَا أَرِّيمثْ ثمُّوثْ زِي سِّيبّثْ ن دّْنُوبْ، مَاشَا أَرُّوحْ إِدَّارْ زِي سِّيبّثْ ن ثْسڭْذَا.
ROM 8:11 مَاڒَا إِزْذغْ ذَايْومْ أَرُّوحْ ن ونِّي د-إِسّْنكَّارنْ سِيذِيثْنغْ يَاسُوع لْمَاسِيحْ زِي ثَادَّارْثْ ن إِمتِّيننْ، أَقَا ونِّي د-إِسّْنكَّارنْ يَاسُوع لْمَاسِيحْ زِي ثَادَّارْثْ ن إِمتِّيننْ أَذْ إِسّدَّارْ عَاوذْ أَرِّيمَاثْ نْومْ إِفنَّانْ س أَرُّوحْ نّسْ إِ إِزدّْغنْ ذَايْومْ.
ROM 8:12 خنِّي، [أَ] أَيْثْمَا، أَقَا أَنغْ س ؤُمَارْوَاسْ، [مَاشَا] وَارْ إِدْجِي إِ ويْسُومْ، حِيمَا أَذْ ندَّارْ خْ ڒحْسَابْ ن ويْسُومْ،
ROM 8:13 مِينْزِي مَاڒَا ثدَّارمْ خْ ڒحْسَابْ ن ويْسُومْ، أَذْ ثمْثمْ. مَاشَا مَاڒَا ثتَّارِّيمْ أَذْ مّْثنْثْ ڒخْذَايمْ ن أَرِّيمثْ س أَرُّوحْ، أَذْ ثدَّارمْ.
ROM 8:14 مِينْزِي مَارَّا إِنِّي إِتّْوَانذْهنْ س أَرُّوحْ ن أَربِّي، نِيثْنِي ذ أَرَّاونْ ن أَربِّي.
ROM 8:15 مِينْزِي كنِّيوْ وَارْ ثكْسِيمْ شَا أَرُّوحْ ن ثسْمُوغِي [ونِّي كنِّيوْ إِ غَا يَارّنْ ذ إِسمْغَانْ]، حِيمَا أَذْ ثڭّْوذمْ عَاوذْ، مَاشَا أَقَا ثكْسِيمْ أَرُّوحْ إِ زِي نتّْوَاقْبڒْ ذ أَرَّاونْ، إِ زِي نتّْڒَاغَا: ’ثَابَابَاثْ، بَابَاثْنغْ!‘
ROM 8:16 أَرُّوحْ نِّي سِيمَانْثْ نّسْ إِشهّذْ أَكْ-ذ أَرُّوحْ نّغْ، بلِّي نشِّينْ ذ أَرَّاونْ ن أَربِّي.
ROM 8:17 مَاڒَا نشِّينْ ذ أَرَّاونْ، أَقَا أَنغْ عَاوذْ ذ إِوْرِيثنْ، إِوْرِيثنْ ن أَربِّي ذ إِوْرِيثنْ أَكْ-ذ يَاسُوع لْمَاسِيحْ، مَاغَارْ مَاڒَا نْودّبْ أَكِيذسْ، أَذْ نتّْوَاعُودْجِي أَكِيذسْ عَاوذْ.
ROM 8:18 نشّْ تّْوَاسّْقنْعغْ بلِّي أَودّبْ إِ خَانغْ إِتّكّنْ إِضَا، وَارْ إِسْذِيهدْجْ شَا أَذْ إِتّْوَاعْبَارْ س ؤُعُودْجِي إِ د غَا إِتّْوَاسّضْهَارنْ ذَايْنغْ.
ROM 8:19 مِينْزِي مَارَّا مِينْ د-إِتّْوَاخڒْقنْ إِخزَّارْ س ؤُسِيثمْ ذ ؤُرَاجِي غَارْ ؤُسَارْڭبْ ن وَارَّاونْ ن أَربِّي.
ROM 8:20 مِينْزِي مَارَّا مِينْ د-إِتّْوَاخڒْقنْ أَقَا إِتّْوَاڭّْ ذِي ڒْبَاطڒْ، وَارْ إِدْجِي س ڒْخَاضَارْ، مَاشَا س ونِّي ث إِڭِّينْ ذِي ڒْبَاطڒْ
ROM 8:21 س ؤُسِيثمْ بلِّي مَارَّا مِينْ د-إِتّْوَاخڒْقنْ أَذْ إِتّْوَافكّْ عَاوذْ زِي ثسْمُوغِي إِ ڒْغشّْ غَارْ ثِيڒلِّي ن ؤُعُودْجِي ن وَارَّاونْ ن أَربِّي.
ROM 8:22 أَقَا نسّنْ بلِّي مَارَّا مِينْ د-إِتّْوَاخڒْقنْ إِزهَّارْ جْمِيعْ س ؤُنزْبَارْ ن ثَارْوَا أَڒْ أَسّْ-أَ.
ROM 8:23 وَارْ إِدْجِي نِيثْنِي وَاهَا، مَاشَا ؤُڒَا ذ نشِّينْ، إِنِّي غَارْ ثدْجَا ذَايْنغْ [ڒْْغِيدْجثْ] ثَامزْوَارُوثْ ن أَرُّوحْ، نْزهَّارْ ذڭْ إِخفْ نّغْ، نتّْرَاجَا أَذْ نتّْوَاقْبڒْ ذ مِّيسْ، ؤُڒَا ذ أَفكِّي ن أَرِّيمَاثْ نّغْ.
ROM 8:24 س ؤُينِّي ندَّارْ ذڭْ ؤُسِيثمْ نِّي. مَاشَا أَسِيثمْ إِتّْبَاننْ وَارْ إِدْجِي ذ أَسِيثمْ، مِينْزِي مِينْ إِتّْبَاننْ إِ حذْ، مَامّشْ غَا يڭّْ أَذْ ذَايسْ إِسِّيثمْ عَاذْ؟
ROM 8:25 مَاشَا مَاڒَا نسِّيتِّيمْ ذِي مِينْ وَارْ نتّْوِيڒِي، أَقَا نتّْرَاجَا ث س صّْبَارْ.
ROM 8:26 ذِي مَانْ أَيَا إِتّْعَاوَانْ أَنغْ أَرُّوحْ عَاوذْ ذِي ثضْعفْثْ نّغْ، مِينْزِي وَارْ نسِّينْ شَا مَامّشْ ذ أَنغْ إِ غَا إِشُووَّارْ أَذْ نژَّادْجْ، مَاشَا أَرُّوحْ سِيمَانْثْ نّسْ إِتّْژَادْجْ ذِي طّْوعْ نّغْ س زّْهِيرْ وَارْ إِنطْقنْ.
ROM 8:27 مَاشَا ونِّي إِتّْبقّْشنْ ذڭْ وُوڒَاونْ إِسّنْ مِينْ إِدْجَانْ ذ نّيّثْ ن أَرُّوحْ، أَقَا إِتّْژَادْجْ ذِي طّْوعْ ن إِمْقدَّاسنْ أَمْ مَامّشْ ث إِخْسْ أَربِّي.
ROM 8:28 نشِّينْ نسّنْ أَقَا نتَّا إِعَاونْ ذِي كُوڒْشِي إِ ڒْخَارْ إِ يِينِّي إِتّخْسنْ أَربِّي، إِنِّي إِعدْجمْ إِ-ثنْ قْبڒْ مَاحنْذْ أَذْ تّْوَاڒَاغَانْ.
ROM 8:29 مِينْزِي إِنِّي إِزْوَارْ إِسّنْ إِ-ثنْ، أَقَا إِزْوَارْ إِعدْجمْ إِ-ثنْ حِيمَا أَذْ أَرْوسنْ ذِي صِّيفثْ ن مِّيسْ، حِيمَا أَذْ يِيڒِي نتَّا ذ أَمنْزُو جَارْ وَاطَّاسْ ن وَاوْمَاثنْ.
ROM 8:30 ؤُشَا إِنِّي نتَّا إِزَّارْ إِعدْجمْ إِ-ثنْ، أَقَا ذ إِنِّي خْ ذ إِڒَاغَا عَاوذْ، ؤُ إِنِّي خْ ذ إِڒَاغَا، أَقَا ذ إِنِّي إِسڭّذْ عَاوذْ، ؤُ إِنِّي إِسڭّذْ أَقَا ذ إِنِّي إِسّْعُودْجْ عَاوذْ.
ROM 8:31 مِينْ غَا نِينِي خنِّي ذِي مَانْ أَيَا؟ مَاڒَا أَربِّي أَكِيذْنغْ وِي ذ أَنغْ إِ غَا إِضَادّنْ؟
ROM 8:32 ونِّي وَارْ إِشطَّارنْ شَا خْ مِّيسْ، مَاشَا إِوْشَا إِ-ث ذِي طّْوعْ نّغْ مَارَّا، مَامّشْ وَارْ ذ أَنغْ إِتِّيشْ كُوڒْشِي أَكْ-ذ مِّيسْ عَاوذْ؟
ROM 8:33 وِي غَا إِكْسِينْ ثَانْفُوتْشْ إِ يِينِّي إِتّْوَافَارْزنْ زِي أَربِّي؟ أَربِّي ذ ونِّي إِتّْسڭَّاذنْ.
ROM 8:34 وِي غَا إِقْضَانْ ڒْحُوكْمْ؟ لْمَاسِيحْ إِمُّوثْ ؤُ إِكَّارْ-د ؤُ نتَّا [إِقِّيمْ] غَارْ ؤُفُوسِي ن أَربِّي، إِتّْژَادْجْ إِ نشِّينْ.
ROM 8:35 مِينْ ذ أَيِي غَا إِبْضَانْ خْ ثَايْرِي ن لْمَاسِيحْ؟ مَا ڒْمحْنثْ، نِيغْ ڒْحبْسْ، نِيغْ أَذَارّشْ، نِيغْ ڒَاژْ، نِيغْ ثُوعَارْينْثْ، نِيغْ لْخَاطَارْ، نِيغْ سِّيفْ؟
ROM 8:36 أَمْ مَامّشْ ثُورَا: ”أَقَا خْ سِّيبّثْ نّشْ نتّْمتَّا كُوڒْ أَسّْ، نتّْوَاحْسبْ أَمْ إِحُوڒِييّنْ إِ ثْغَارْصْثْ.“
ROM 8:37 مَاشَا ذِي مَانْ أَيَا مَارَّا نذْوڒْ زڭْ إِنِّي إِغلَّابنْ س ونِّي ذ أَنغْ إِخْسنْ.
ROM 8:38 أَقَا نشّْ تّْوَاسّْقنْعغْ بلِّي نِيغْ ڒْموْثْ، نِيغْ ثُوذَارْثْ، نِيغْ لْمَالَاكَاثْ، نِيغْ ڒْحُوكَّامْ، نِيغْ صُّولَاطَاثْ، نِيغْ مِينْ ن يِيضَا، نِيغْ مِينْ إِ د غَا يَاسنْ،
ROM 8:39 نِيغْ ڒُوعْڒَا، نِيغْ رَادْجَاغْ، نِيغْ ؤُڒَا ذ إِشْثْ ن ڒْحَاجّثْ نّغْنِي زِي مِينْ د-إِتّْوَاخڒْقنْ، ثْزمَّارْ أَذْ أَنغْ ثبْضَا خْ ثَايْرِي ن أَربِّي، ثنِّي ذِي سِيذِيثْنغْ يَاسُوع لْمَاسِيحْ.
ROM 9:1 قَّارغْ ثِيذتّْ ذِي لْمَاسِيحْ، وَارْ سّْخَارِّيقغْ شَا، ؤُشَا ثَانفْسشْثْ إِنُو ثْشهّذْ ذَايِي س أَرُّوحْ إِقدّْسنْ،
ROM 9:2 بلِّي غَارِي أَشْضَانْ إِمْغَارْ ذ ڒحْرِيقْ وَارْ إِتّْبذِّي ذڭْ وُوڒْ إِنُو.
ROM 9:3 ثُوغَا تّْژَادْجِيغْ معْلِيكْ ؤُفِيغْ تّْوَاحَارّْمغْ [ذِي مُومُّو إِنُو] خْ لْمَاسِيحْ [س إِشْثْ نّعْڒثْ] ذِي طّْوعْ ن وَاوْمَاثنْ إِنُو، ڒَادْجْ إِنُو زِي جِّيهثْ ن ويْسُومْ [ن أَرِّيمثْ].
ROM 9:4 أَرَّاونْ ن إِسْرَائِيل، إِنِّي إِتّْوَاقبْڒنْ ذ مِّيسْ. غَارْسنْ إِ يدْجَا ؤُعُودْجِي، ڒْعُوهُوذْ، شَّارِيعَا، ثَاسخَّارْثْ [إِ إِدْجَانْ ذِي زَّاوشْثْ إِقدّْسنْ] إِ غَارسْ د-إِقّْننْ، لْوُوعُوذْ ذ ڒجْذُوذْ.
ROM 9:5 زَّايْسنْ إِ د-إِبَانْ لْمَاسِيحْ خْ وبْرِيذْ ن ويْسُومْ [ن أَرِّيمثْ] ونِّي ذ أَربِّي خْ مَارَّا. إِ نتَّا إِ غَا يِيڒِي [مَارَّا] أَسمْغَارْ ذ [مَارَّا] لْبَارَاكَا إِ ڒبْذَا قَاعْ. أَمِينْ!
ROM 9:6 مَاشَا وَارْ إِدْجِي أَڒَامِي أَوَاڒْ ن أَربِّي وَارْ يِيوِيضْ، مِينْزِي مَارَّا إِنِّي زِي إِسْرَائِيل وَارْ دْجِينْ شَا ذ إِسْرَائِيل.
ROM 9:7 ؤُشَا ؤُڒَا ذ مَارَّا نِيثْنِي وَارْ دْجِينْ شَا ذ ثَارْوَا ن إِبْرَاهِيمْ، مِينْزِي نِيثْنِي زِي زَّارِيعثْ ن إِبْرَاهِيمْ، مِينْزِي إِتّْوَانَّا: ”ذِي إِسْحَاقْ أَذْ أَشْ ڒَاغَانْ زَّارِيعثْ.“
ROM 9:8 مَانْ أَيَا وَارْ إِخْسْ أَذْ يِينِي أَقَا ثَارْوَا عْلَاحْصَابْ جَّاذِيرَا ن أَرِّيمثْ أَقَا-ثنْ ذ ثَارْوَا ن أَربِّي، مَاشَا ثَارْوَا ن لْوَاعْذْ أَذْ تّْوَاحسْبنْ ذ زَّارِيعثْ.
ROM 9:9 مِينْزِي أَوَاڒْ ن لْوَاعْذْ ذ وَا: ”غَارْ ڒْوقْثْ-أَ أَذْ د-أَسغْ ؤُشَا أَذْ غَارسْ يِيڒِي غَارْ سَارَا مِّيسْ!“
ROM 9:10 مَانْ أَيَا وَارْ إِدْجِي وَاهَا ذِي ثْمسْڒَاشْثْ ن سَارَا، مَاشَا ؤُڒَا [ذِي ثْمسْڒَاشْثْ ن] رِيفْقَا، ؤُمِي ثْمُونْ أَكْ-ذ ؤُينِّي ن بْنَاذمْ نِّي، جذِّيثغْ إِسْحَاقْ،
ROM 9:11 ثُوغَا ثِيزَّارْ ثتّْوَاسّنْ ڒِيخْضَارثْ ن أَربِّي ؤُمِي ثُوغَا عَاذْ وَارْ د-خْڒِيقنْ إِحنْجِيرنْ نّسْ، وَارْ زمَّارنْ أَذْ ڭّنْ [عَاذْ] ڒْخَارْ نِيغْ ڒْغَارْ، حِيمَا وَارْ ثتِّيڒِي ثْمسْڒَاشْثْ ذڭْ وبْرِيذْ ن ڒخْذَايمْ، مَاشَا ذڭْ وبْرِيذْ ن ونِّي إِتّْڒَاغَانْ.
ROM 9:12 مَاغَارْ إِتّْوَانَّا [إِ رِيفْقَا]: ”أَقَا أَمقّْرَانْ أَذْ إِسخَّارْ إِ ؤُمژْيَانْ!“،
ROM 9:13 أَمْ مَامّشْ ثُورَا: ”يَاعْقُوبْ إِ خْسغْ، مَاشَا شَارْهغْ إِسُو.“
ROM 9:14 مِينْ غَا نِينِي خنِّي؟ مَا إِقدّْ أَذْ يِيڒِي غَارْ أَربِّي مِينْ وَارْ إِسڭّْذنْ؟عمَّارْصْ!
ROM 9:15 خْزَارْ، نتَّا إِنَّا عَاوذْ إِ مُوسَا: ”أَذْ أَرحْمغْ وِي خْسغْ أَذْ أَرحْمغْ، ؤُشَا أَذْ حِينّغْ خْ وِي خْسغْ أَذْ حِينّغْ.“
ROM 9:16 خنِّي ثَامسْڒَاشْثْ وَارْ ثقِّيمْ شَا غَارْ وِي إِتّخْسنْ ؤُڒَا غَارْ وِي إِتَّازّْڒنْ، مَاشَا غَارْ أَربِّي ونِّي يَارحّْمنْ.
ROM 9:17 مِينْزِي عْلَاحْسَابْ ثِيرَا [إِقدّْسنْ] إِنَّا نتَّا إِ فِيرْعُونْ: ”أَقَا إِ مَانْ أَيَا سّْنكَّارغْ-د شكْ، حِيمَا أَذْ زَّايكْ سّشْنغْ جّهْذْ إِنُو، ؤُشَا أَذْ إِتّْوَابَارّحْ إِسمْ إِنُو ذِي مَارَّا دُّونشْثْ.“
ROM 9:18 خنِّي نتَّا أَذْ يَارْحمْ وِي إِخْسْ، ؤُشَا أَذْ إِسّقْسحْ وِي إِخْسْ.
ROM 9:19 إِوَا، أَذْ ثَاغْ أَذْ ثِينِيذْ: مَايمِّي إِتّْشثْشَا عَاذْ، مِينْزِي وِي غَا إِمّْعَاڒَانْ أَكْ-ذ مِينْ إِخْسْ نتَّا؟
ROM 9:20 مَاشَا مِينْ ثعْنِيذْ شكْ، أَ بْنَاذمْ، ونِّي إِتّْقَاشَاحنْ أَربِّي؟ مَا مِينْ إِتّْوَاڭّنْ إِزمَّارْ أَذْ إِنِي إِ ونِّي ث إِڭِّينْ: ”مَايمِّي ذ أَيِي ثڭِّيذْ أَمُّو؟“
ROM 9:21 مَا وَارْ إِدْجِي غَارْ بُو-ثْڒَاخْثْ صُّولْطَا خْ ثْڒَاخْثْ حِيمَا أَذْ إِڭّْ [زڭْ إِشْثْ ن ڒْعجْنثْ] إِشْثْ ن ڒْقشْعثْ إِ لْكَارَامَا ؤُ ونّغْنِي إِ ؤُبهْذڒْ؟
ROM 9:22 مَاغَارْ أَربِّي، [ونِّي] ثُوغَا إِخْسْ أَذْ إِسّْشنْ أَغْضَابْ نّسْ ذ جّهْذْ نّسْ، إِسِّيوضْ لْغَاضَابْ نّسْ س وَاطَّاسْ ن تَّاسِيعْ ن ڒْخَاضَارْ خْ ڒقْشُوعْ ن وغْضَابْ إِنِّي إِتّْوَاسّْوجْذنْ مَارَّا إِ ؤُهلّكْ،
ROM 9:23 ؤُشَا إِفَارْغْ ثَايْرِي نّسْ خْ ڒقْشُوعْ ن أَرّحْمثْ إِنِّي إِزْوَارْ إِسّوْجذْ إِ-ثنْ إِ ؤُعُودْجِي إِ أَربِّي!
ROM 9:24 مَاغَارْ نشِّينْ ذ إِنِّي إِتّْوَاڒَاغَانْ، وَارْ إِدْجِي زڭْ وُوذَاينْ وَاهَا، مَاشَا عَاوذْ زِي ڒڭْنُوسْ.
ROM 9:25 أَمْ مَامّشْ إِتّْوَانَّا عَاوذْ ذِي حُوشِيعَا: ”أَذْ سمِّيغْ إِ يِينِّي وَارْ إِدْجِينْ ذ ڒْڭنْسْ إِنُو ’ڒْڭنْسْ إِنُو!‘، ؤُشَا إِ يِينِّي وَارْ إِدْجِينْ ذ أَمْعِيزّْ ذ ’أَمْعِيزّْ!‘ “
ROM 9:26 أَذْ يِيڒِي ذڭْ ومْشَانْ مَانِي ذ أَسنْ إِتّْوَاڒَاغَا: ’وَارْ إِدْجِي ذ ڒْڭنْسْ إِنُو!‘، بلِّي ذِينِّي أَذْ أَسنْ ڒَاغَانْ: ’أَرَّاونْ ن أَربِّي إِدَّارنْ!‘
ROM 9:27 مَاشَا إِشَاعْيَا إِبَارّحْ زِي جِّيهثْ ن أَيْثْ ن إِسْرَائِيل: ”مَاڒَا ثُوغَا ڒْقدّْ ن أَيْثْ ن إِسْرَائِيل أَنشْثْ ن إِجْذِي ن ڒبْحَارْ، مْغِيرْ مِينْ إِ غَا إِقِّيمنْ أَذْ إِنْجمْ.“
ROM 9:28 ”ثَامسْڒَاشْثْ ثْبدّْ نِيشَانْ ؤُ أَذْ ثتّْوَاقْفڒْ، سِيذِي أَذْ ت إِڭّْ خْ ثمُّورْثْ.“
ROM 9:29 أَمْ مَامّشْ إِزْوَارْ إِشَاعْيَا إِنَّا: ”مَاعْلِيكْ سِيذِي ن ڒْعسْكَارَاثْ وَارْ ذ أَنغْ إِجِّي إِنِّي إِقِّيمنْ دَّارنْ، إِڒِي نذْوڒْ أَمْ سَاذُومْ ؤُ نَارْوسْ ذِي عَامُورَّا.“
ROM 9:30 مِينْ غَا نِينِي خنِّي؟ مَا خنِّي ڒڭْنُوسْ إِنِّي وَارْ يَارزُّونْ ثَاسڭْذَا، أَقَا كْسِينْ ثَاسڭْذَا؟ إِوَا، مَاشَا ثَاسڭْذَا ثنِّي س لْ-إِيمَانْ.
ROM 9:31 مَاشَا إِسْرَائِيل نِّي إِضفَّارنْ شَّارِيعَا ن ثْسڭْذَا، وَارْ يِيوِيضْ شَا غَارْ شَّارِيعَا ن ثْسڭْذَا.
ROM 9:32 مَايمِّي؟ مِينْزِي [ثَاسڭْذَا] نِّي وَارْ ثدْجِي شَا زِي لْ-إِيمَانْ مَاشَا زِي ڒخْذَايمْ ن شَّارِيعَا، مِينْزِي نِيثْنِي نْذرْفنْ ذڭْ وژْرُو ن ؤُنذْرفْ،
ROM 9:33 أَمْ مَامّشْ ثُورَا: ”أَقَا أَذْ ڭّغْ ذِي صِيهْيُونْ أَژْرُو إِ ؤُنذْرفْ ذ وژْرُو إِ ؤُنقْرَاذْ. مَارَّا وِي زَّايسْ إِ غَا يَامْننْ، وَارْ إِتّْسضْحَا.“
ROM 10:1 [أَ] أَيْثْمَا، أَمژْرِي ن وُوڒْ إِنُو ؤُ ثَاژَادْجِيثْ ثنِّي ژُودْجغْ غَارْ أَربِّي ذِي طّْوعْ ن [إِسْرَائِيل]، أَقَا-ت حِيمَا أَذْ غَارْسنْ ثِيڒِي ثُوذَارْثْ.
ROM 10:2 أَقَا شهّْذغْ خَاسنْ أَقَا نِيثْنِي غَارْسنْ شْضَارثْ إِ أَربِّي، مَاشَا بْڒَا ثُوسّْنَا.
ROM 10:3 مَاغَارْ وَارْ سِّيننْ ثَاسڭْذَا ن أَربِّي، مَاشَا أَرزُّونْ أَذْ طّْفنْ ذِي ثْسڭْذَا ن إِخفْ نْسنْ. س ؤُيَا وَارْ سّْوَاضْعنْ إِخفْ نْسنْ إِ ثْسڭْذَا ن أَربِّي.
ROM 10:4 مِينْزِي أَكمّڒْ ن شَّارِيعَا نتَّا ذ لْمَاسِيحْ إِ ثْسڭْذَا إِ كُوڒْ إِجّنْ إِ إِتَّامْننْ.
ROM 10:5 مِينْزِي مُوسَا يُورَا زِي جِّيهثْ ن ثْسڭْذَا ذِي شَّارِيعَا: ”ونِّي إِتّڭّنْ مَانْ أَيَا، أَذْ زَّايسْ إِدَّارْ.“
ROM 10:6 مَاشَا ثَاسڭْذَا ثنِّي زِي لْ-إِيمَانْ ثقَّارْ أَمُّو: ”وَارْ ثقَّارْ ذڭْ وُوڒْ نّشْ: ’وِي غَا إِڭَاعّْذنْ غَارْ ؤُجنَّا ؤُشَا أَذْ إِسّهْوَا لْمَاسِيحْ؟“
ROM 10:7 نِيغْ: ”وِي د-إِهْوَانْ ذڭْ وحْفُورْ ن ڒَاخَارْثْ، ؤُشَا إِسّْڭعّذْ لْمَاسِيحْ زِي ثَادَّارْثْ ن إِمتِّيننْ؟“
ROM 10:8 مَاشَا مِينْ إِخْسْ أَذْ يِينِي مَانْ أَيَا [خنِّي]؟ ”ثَامْوَارِّيثْ ثُوذسْ إِ شكْ، أَقَا-ث ذڭْ ؤُقمُّومْ نّشْ ؤُڒَا ذڭْ وُوڒْ نّشْ. وَا ذ أَوَاڒْ ن لْ-إِيمَانْ إِ زِي نتّْبَارّحْ.“
ROM 10:9 مَاڒَا ثْشهْذذْ إِ سِيذِيثْنغْ يَاسُوع س ؤُقمُّومْ نّشْ ؤُشَا أَذْ ثَامْنذْ س وُوڒْ نّشْ بلِّي أَربِّي إِسّْنكَّارْ إِ-ث زِي ثَادَّارْثْ ن إِمتِّيننْ، أَذْ ثدَّارذْ.
ROM 10:10 مِينْزِي ؤُڒْ إِ ذَايسْ إِتَّامنْ أَذْ إِتّْوَاسڭّذْ، ؤُشَا أَقمُّومْ إِ زَّايسْ إِشهّْذنْ، أَذْ إِدَّارْ.
ROM 10:11 مِينْزِي ثِيرَا [إِقدّْسنْ] قَّارنْثْ: ”مَارَّا وِي زَّايسْ إِ غَا يَامْننْ، وَارْ إِتّْسضْحِي شَا.“
ROM 10:12 مِينْزِي نتَّا وَارْ إِتّڭّْ بُو ڒْفَارْزْ جَارْ وُوذَاينْ ذ إِرَامِييّنْ، مِينْزِي نتَّا ذ إِجّنْ، سِيذِي نْسنْ مَارَّا نِّي إِتّنْفيَّاضْ ڒْخَارْ خْ مَارَّا إِنِّي خَاسْ د-إِتّْڒَاغَانْ.
ROM 10:13 ”مِينْزِي كُوڒْ إِجّن ونِّي إِ غَا إِڒَاغَانْ س يِيسمْ ن سِيذِي، أَذْ إِدَّارْ.“
ROM 10:14 مَامّشْ إِ غَا ڒَاغَانْ خْ ونِّي ذِي وَارْ ؤُمِيننْ شَا؟ نِيغْ مَامّشْ غَا يَامْننْ ذڭْ ونِّي مِيخفْ وَارْ سْڒِينْ، نِيغْ مَامّشْ غَا سْڒنْ، مَاڒَا ؤُڒَا ذ إِجّْ وَارْ زَّايسْ إِبَارّحْ شَا؟
ROM 10:15 مَامّشْ إِ غَا بَارّْحنْ مَاڒَا وَارْ د-تّْوَاسّكّنْ؟ أَمْ مَامّشْ ثُورَا: ”مشْحَاڒْ ضَارْفنْ إِضَارنْ ن يِينِّي إِتّْبَارّْحنْ س ڒهْنَا، ن يِينِّي إِتّْبَارّْحنْ س ثبْرَاثِينْ ثِيصبْحَانِينْ.“
ROM 10:16 مَاشَا وَارْ إِدْجِي مَارَّا طَّاعنْ إِ ؤُبَارّحْ ن ڒخْبَارْ أَصبْحَانْ ن لْ-إِنْجِيلْ، مِينْزِي إِشَاعْيَا إِقَّارْ: ”أَ سِيذِي إِنُو، وِي غَا يَامْننْ ذِي ثبْرَاثْ نّغْ؟“
ROM 10:17 أَقَا لْ-إِيمَانْ زڭْ ؤُسْحسِّي ؤُشَا أَسْحسِّي زڭْ وَاوَاڒْ ن أَربِّي.
ROM 10:18 مَاشَا أَذْ إِنِيغْ: ”مَا زعْمَا نِيثْنِي وَارْ سْڒِينْ؟“، ”خْزَارْ، ڒْحسّْ نْسنْ إِفّغْ-د غَارْ مَارَّا ثَامُّورْثْ، ؤُشَا أَوَاڒنْ نْسنْ غَارْ ثْنڭُّورَا ن دُّونشْثْ.“
ROM 10:19 مَاشَا أَذْ إِنِيغْ: ”مَا إِسْرَائِيل وَارْ ثفْهِيمْ شَا مَانْ أَيَا؟“ غَارْ ؤُمزْوَارْ مُوسَا إِنَّا: ”أَذْ ذَايْومْ ڭّغْ ثُوسْمِي زڭْ إِجّْ ن ڒْڭنْسْ إِ وَارْ إِدْجِينْ شَا ذ ڒْڭنْسْ، ؤُشَا س يِيجّْ ن ڒْڭنْسْ إِ وَارْ إِتّطِّيعنْ أَذْ ذَايْومْ ڭّغْ أَخيّقْ.“
ROM 10:20 ؤُشَا إِشَاعْيَا إِزْعمْ أَذْ يِينِي: ”أَقَا بَانغْ-د إِ يِينِّي وَارْ خَافِي يَارزُّونْ، أَقَا ؤُفِينْ أَيِي إِنِّي وَارْ خَافِي إِسّقْسَانْ.“
ROM 10:21 مَاشَا زِي جِّيهثْ ن إِسْرَائِيل إِقَّارْ: ”أَسّْ إِكْمڒْ سّْوِيژّْضغْ إِفَاسّنْ إِنُو إِ إِجّْ ن ڒْڭنْسْ إِتّْعكّْسنْ، إِعصَّانْ.“
ROM 11:1 مَاشَا نشّْ أَذْ إِنِيغْ: مَا يُوڭِي أَربِّي خنِّي ڒْڭنْسْ نّسْ؟عمَّارْصْ! أَقَا نشّْ سِيمَانْثْ إِنُو عَاوذْ ذ إِجّْ ن ورْيَازْ زِي إِسْرَائِيل، زِي زَّارِيعثْ ن إِبْرَاهِيمْ، زِي ثقْبِيتْشْ ن بِينْيَامِينْ.
ROM 11:2 أَربِّي وَارْ إِنطَّارْ شَا ڒْڭنْسْ نّسْ إِ ثُوغَا إِسّنْ زڭْ ؤُمزْوَارُو. نِيغْ وَارْ ثسِّينمْ شَا مِينْ إِقَّارْ وذْلِيسْ [إِقدّْسنْ] خْ إِلِييَا، أَمْ مَامّشْ ثُوغَا إِكْسِي ثَانْفُوتْشْ خْ إِسْرَائِيل غَارْ أَربِّي، إِنَّا:
ROM 11:3 ”أَ سِيذِي، نْغِينْ إِنَابِييّنْ نّشْ، أَردّْدْجنْ إِعَالْطَارنْ نّشْ. قِّيمغْ نشّْ وَاهَا، ؤُشَا نِيثْنِي أَرزُّونْ ڒعْمَارْ إِنُو.“
ROM 11:4 إِتّْوَانَّا أَسْ س إِجّْ ن ڒوْحِييْ: ”أَقَا جِّيغْ إِ يِيخفْ إِنُو سبْعَا-أَڒَافْ ن يرْيَازنْ، إِنِّي وَارْ ضْرِينْ شَا غَارْ إِضَارنْ زَّاثْ إِ بَاعَالْ، وَارْعبْذنْ إِ بَاعَالْ.“
ROM 11:5 أَمُّو ذِي ڒْوقْثْ ن يِيضَا عَاوذْ، أَقَا إِقِّيمْ يِيجّْ ن ڒْبَاقِي أَمْ ث إِخْضَارْ نتَّا خْ ڒحْسَابْ ن أَرْضَا.
ROM 11:6 مَاڒَا ثدْجَا س أَرْضَا، أَقَا وَارْ ثتِّيڒِي عَاذْ س ڒخْذَايمْ، نِيغْ خنِّي أَرْضَا وَارْ إِدْجِي عَاذْ ذ أَرْضَا. مَاشَا مَاڒَا س ڒخْذَايمْ، وَارْ ثدْجِي عَاذْ ذ أَرْضَا. مَاڒَا لَّا، أَقَا ڒْخذْمثْ وَارْ ثدْجِي عَاذْ ذ ڒْخذْمثْ.
ROM 11:7 مِينْ غَا نِينِي خنِّي؟ مِينْ ثُوغَا ثَارزُّو إِسْرَائِيل وَارْ ث ثطِّيفْ، مَاشَا إِنِّي إِتّْوَافَارْزنْ طّْفنْ ث ؤُشَا إِنّغْنِي ذوْڒنْ ذ إِذَارْغَاڒنْ ذڭْ وُوڒَاونْ نْسنْ،
ROM 11:8 أَمْ مَامّشْ ثُورَا: ”أَقَا أَربِّي إِوْشَا أَسنْ أَرُّوحْ إِضْبَارنْ ذ ثِيطَّاوِينْ إِ وَارْ إِتّْوِيڒِينْ، ذ إِمزُّوغنْ إِ وَارْ إِتّسْڒِينْ، أَڒْ أَسّْ ن يِيضَا.“
ROM 11:9 ذَاوُوذْ إِنَّا عَاوذْ: ”أَذْ ثذْوڒْ ثَازوْضَا ن ثِيغَارْصِينْ نْسنْ ذ ڒْفخْ إِ نِيثْنِي، ؤُشَا أَذْ ثذْوڒْ ڒْمُونثْ نْسنْ ذ ثْعنْكْرِيفْثْ.
ROM 11:10 أجّْ أَذْ ذَارْغْڒنْثْ ثِيطَّاوِينْ نْسنْ حِيمَا وَارْ تّْوِيڒِينْ نِيثْنِي، ؤُشَا أجّْ أَذْ قوْسنْ إِعُورَارْ نْسنْ إِ ڒبْذَا.“
ROM 11:11 مَاشَا نشّْ أَذْ إِنِيغْ [خنِّي]: مَا نْذرْفنْ، مَاغَارْ إِتّْخصَّا أَذْ وْضَانْ؟عمَّارْصْ! مَاشَا س ؤُوطُّو نْسنْ ثِيوضْ-د ثُوذَارْثْ إِ ڒڭْنُوسْ، حِيمَا أَذْ ذوْڒنْ تَّاسْمنْ.
ROM 11:12 مَاڒَا إِذْوڒْ ؤُنذْرفْ نْسنْ ذ أَڭْڒَا ذ أَمقّْرَانْ إِ دُّونشْثْ ؤُشَا ڒْحُوكْمْ خَاسنْ ذ أَڭْڒَا إِ ڒڭْنُوسْ، مشْحَاڒْ قَاعْ إِ غَا يِيوضْ ؤُعمَّارْ نْسنْ ذ أَفيّضْ.
ROM 11:13 أَقَا سَّاوَاڒغْ أَكِيذْومْ، [أَ] ڒڭْنُوسْ، نشّْ ذ ونِّي ذ رَّاسُولْ إِ ڒڭْنُوسْ، أَقَا تّْسّمْغَارغْ ذِي ڒْخذْمثْ ن ثْسخَّارْثْ إِنُو:
ROM 11:14 أَذْ ثَاغْ أَذْ زمَّارغْ أَذْ سّكَّارغْ ثُوسْمِي ذڭْ أَيْثْ ن ڒْڭنْسْ إِنُو ؤُشَا أَذْ سّْنجْمغْ شَا زَّايْسنْ.
ROM 11:15 إِوَا، مَاڒَا أَمنْضَارْ نْسنْ أَقَا-ث ذ أَصْڒَاحْ إِ دُّونشْثْ، مَامّشْ غَا يِيڒِي وذْوَاڒْ نْسنْ مْغِيرْ ذ ثُوذَارْثْ زِي ثَادَّارْثْ ن إِمتِّيننْ!
ROM 11:16 مَاڒَا ثُوغَا ثَامزْوَارُوثْ [ن صَّابثْ] ثْقدّسْ، أَمنِّي ؤُڒَا ذ ڒْعجْنثْ [ن أَرشْثِي] ثْقدّسْ! مَاڒَا ثُوغَا أَژْوَارْ إِقدّسْ، أَمنِّي ؤُڒَا ذ ڒفْرُوعْ.
ROM 11:17 ؤُشَا مَاڒَا تّْوَاقسّنْ شَا ن ڒفْرُوعْ ؤُ [خنِّي] شكْ، أَمْ يِيجّْ ن ؤُزمُّورْ ن ڒخْڒَا، ثتّْوَاڒقّْمذْ ذڭْ ومْشَانْ نْسنْ، ثْذوْڒذْ ثْنفْعذْ زڭْ إِژوْرَانْ ذ زّشْثْ ن ثْزِيثُونْثْ،
ROM 11:18 وَارْ ثُوفّْ شَا خْ ڒفْرُوعْ. مَاڒَا ثُوفّذْ، [سّنْ]، أَقَا شكْ وَارْ ثكْسِيذْ شَا أَژْوَارْ، مَاشَا أَژْوَارْ إِكْسِي شكْ.
ROM 11:19 أَذْ ثَاغْ أَذْ ثِينِيذْ: ”أَقَا تّْوَاقسّنْ ڒفْرُوعْ، حِيمَا نشّْ أَذْ تّْوَاڒقّْمغْ.“
ROM 11:20 إِوَا، نِيثْنِي تّْوَاقسّنْ زِي سِّيبّثْ ن بْڒَا لْ-إِيمَانْ نْسنْ، ؤُشَا شكْ س لْ-إِيمَانْ [ثتّْوَاڒقّْمذْ ؤُشَا] ثكْسِيذْ [أَمْشَانْ نْسنْ]. وَارْ ثُوفّْ شَا، مَاشَا ڭّْوذْ.
ROM 11:21 مِينْزِي مَاڒَا ثُوغَا أَربِّي وَارْ إِتّْشطَّارْ شَا خْ ڒفْرُوعْ ن طّْبِيعثْ، وَارْ خَاكْ إِتّْشطَّارْ شَا عَاوذْ.
ROM 11:22 أَقَا ذَا ذ ڒضْرَافثْ ن أَربِّي ذ ڒوْعَارثْ نّسْ: ڒوْعَارثْ خْ يِينِّي إِوْضَانْ، مَاشَا ڒضْرَافثْ خَاكْ مَاڒَا ثطّْفذْ ذِي ڒضْرَافثْ نّسْ، نِيغْ ؤُڒَا ذ شكْ أَذْ ثتّْوَاقسّذْ.
ROM 11:23 ؤُڒَا ذ نِيثْنِي أَذْ تّْوَاڒقّْمنْ، مَاڒَا وَارْ قِّيمنْ ذِي ثِيكّسْثْ ن لْ-إِيمَانْ نْسنْ، مِينْزِي غَارْ أَربِّي ثِيزمَّارْ، حِيمَا أَذْ ثنْ إِڒقّمْ عَاوذْ.
ROM 11:24 مِينْزِي مَاڒَا شكْ، ونِّي إِدْجَانْ س طّْبِيعثْ ذ إِجّْ ن ؤُزمُّورْ ن ڒخْڒَا، ثتّْوَاقسّذْ ؤُشَا ثتّْوَاڒقّْمذْ ذِي ثْزِيثُونْثْ ثَاصبْحَانْثْ، مشْحَاڒْ إِهوْننْ كْثَارْ أَذْ تّْوَاڒقّْمنْ نِيثْنِي ذِي ثْزِيثُونْثْ نِّي د-إِتَّاسنْ أَكْ-ذ طّْبِيعثْ نْسنْ!
ROM 11:25 مِينْزِي تّخْسغْ أَذْ ثسّْنمْ سِّيرّْ-أَ، [أَ] أَيْثْمَا، حِيمَا وَارْ تِّيڒِيمْ ذ إِمِيغِيسنْ أَكْ-ذ يِيخفْ نْومْ، أَقَا ثمْسَارْ إِشْثْ ن ؤُسْذَاغڒْ ن وُوڒْ خْ إِسْرَائِيل إِ ذْرُوسْ ن ڒْوقْثْ أَڒْ د غَا يَاذفْ ؤُعمَّارْ ن ڒڭْنُوسْ،
ROM 11:26 ؤُشَا خنِّي مَارَّا إِسْرَائِيل أَذْ ثذْوڒْ غَارْ ثُوذَارْثْ أَمْ مَامّشْ ثُورَا: ”أَمْسنْجمْ أَذْ د-إِفّغْ زِي صِيهْيُونْ ؤُشَا أَذْ إِسّْبعّذْ ڒْمُوعْصِييّثْ خْ يَاعْقُوبْ.“
ROM 11:27 “خنِّي أَذْ طّْفنْ ذِي ڒْعَاهْذْ إِ د-يُوسِينْ زَّايِي، خْ مِينِّي إِ غَا غْفَارغْ إِ دّْنُوبْ نْسنْ.“
ROM 11:28 زِي جِّيهثْ ن لْ-إِنْجِيلْ نِيثْنِي أَقَا ذ ڒْعذْيَانْ ذِي طّْوعْ نْومْ، مَاشَا زِي جِّيهثْ ن ڒِيخْضَارثْ [إِ زِي تّْوَاخْضَارنْ نِيثْنِي]، أَقَا نِيثْنِي ذ إِمْعِيزّنْ خْ سِّيبّثْ ن ڒجْذُوذْ.
ROM 11:29 مِينْزِي أَربِّي وَارْ إِتّْبدَّاڒْ ثَاوْهِيبْثْ نّسْ [ن أَرْضَا] ؤُڒَا ذ ثْڒَاغِيثْ نّسْ.
ROM 11:30 مِينْزِي أَمْ مَامّشْ ثُوغَا كنِّيوْ زِيشْ وَارْ ثطِّيعمْ شَا أَربِّي، مَاشَا ڒخُّو أَقَا ثكْسِيمْ أَرّحْمثْ س ڒْمُوعْصِييّثْ نْسنْ،
ROM 11:31 أَمُّو نِيثْنِي عَاوذْ وَارْ طِّيعنْ شَا ڒخُّو إِ أَرّحْمثْ ثنِّي خَاومْ [د-يُوسِينْ]، حِيمَا أَذْ خَاسنْ د-ثَاسْ أَرّحْمثْ.
ROM 11:32 مِينْزِي أَربِّي إِحبّسْ إِ-ثنْ مَارَّا سَاذُو ڒْمُوعْصِييّثْ، حِيمَا أَذْ ثنْ يَارْحمْ مَارَّا.
ROM 11:33 أَ، رَادْجَاغْ ن وَاڭْڒَا ذ ثِيغِيثْ ذ ثُوسّْنَا ن أَربِّي، مَامّشْ غَا يڭّْ بْنَاذمْ أَذْ إِقدْجبْ ڒحْكَامَاثْ نّسْ، مَامّشْ غَا يڭّْ أَذْ يَافْ إِبْرِيذنْ نّسْ.
ROM 11:34 ”مِينْزِي وِي غَا إِسّْننْ نّيّثْ ن سِيذِي؟“ نِيغْ: ”وِي ذ أَسْ إِدْجَانْ ذ أَمْشَاوَارْ؟“
ROM 11:35 نِيغْ: ”وِي ذ أَسْ إِزَّارنْ إِوْشَا أَسْ شَا، ؤُمِي ذ أَسْ إِتّْخصَّا أَذْ إِتّْوَاخدْجصْ زَّايسْ؟“
ROM 11:36 مِينْزِي مَارَّا زَّايسْ إِ إِدْجَا، ؤُ مَارَّا ذَايسْ، ؤُ مَارَّا أَقَا-ث س ؤُفُوسْ نّسْ. إِ نتَّا إِ غَا يِيڒِي [مَارَّا] أَسمْغَارْ ذ [مَارَّا] لْبَارَاكَا إِ ڒبْذَا قَاعْ. أَمِينْ!
ROM 12:1 خْ ؤُينِّي تّْڒَاغِيغْ كنِّيوْ، [أَ] أَيْثْمَا، س أَرّحْمثْ ثَامقّْرَانْثْ ن أَربِّي، أَذْ ثْقدّْممْ أَرِّيمَاثْ نْومْ ذ ثَاغَارْصْثْ إِدَّارنْ، إِقدّْسنْ، يَارْضَانْ إِ أَربِّي، وَا ذ أَعْبَاذْ نْومْ إِشُووَّارنْ.
ROM 12:2 وَارْ ثمْقُودَّامْ أَكْ-ذ دُّونشْثْ-أَ، مَاشَا بدّْڒمْ س ؤُڒقّمْ ن ڒعْقڒْ نْومْ زِي جْذِيذْ، حِيمَا أَذْ ثْقدْجْبمْ مِينْ إِخْسْ أَربِّي: مِينْ إِشْنَانْ ذ مِينْ يَارْضَانْ ذ مِينْ إِكمّْڒنْ.
ROM 12:3 أَقَا س أَرْضَا ثنِّي ذ أَيِي إِمّوْشنْ، قَّارغْ أَومْ مَارَّا: وَارْ تّْخَارِّيصمْ سنّجْ إِ مِينْ إِتّْڒِيقْ ؤُخَارَّاصْ نّسْ، مَاشَا خَارّْصمْ نِيشَانْ عْلَاحْسَابْ ڒْقدّْ ن لْ-إِيمَانْ إِ إِوْشَا أَربِّي إِ كُوڒْ إِجّنْ [زَّايْومْ].
ROM 12:4 أَمْ مَامّشْ غَارْنغْ أَطَّاسْ ن إِغزْذِيسنْ ذڭْ إِشْثْ ن أَرِّيمثْ ؤُشَا مَارَّا إِغزْذِيسنْ [ن أَرِّيمثْ] وَارْ غَارْسنْ بُو ڒْخذْمثْ ذ إِشْثنْ،
ROM 12:5 أَمُّو نشِّينْ، وَاخَّا ذ أَطَّاسْ، أَقَا أَنغْ ذ إِشْثْ ن أَرِّيمثْ ذِي لْمَاسِيحْ ذ إِغزْذِيسنْ إِجّنْ إِ ونّغْنِي.
ROM 12:6 مَاشَا غَارْنغْ ثِيوْهِيبِينْ إِمّْسبْضَانْ عْلَاحْسَابْ أَرْضَا إِ ذ أَنغْ إِمّوْشنْ: [إِجّنْ غَارسْ ثَاوْهِيبْثْ] مَاحنْذْ أَذْ إِنبّْ عْلَاحْسَابْ ڒْقدّْ ن لْ-إِيمَانْ،
ROM 12:7 ونّغْنِي غَارسْ نّيّثْ ن ثْسخَّارْثْ مَاحنْذْ أَذْ إِسخَّارْ، نِيغْ [ثَاوْهِيبْثْ] ن ؤُمْسغَّارْ مَاحنْذْ أَذْ إِسّْغَارْ،
ROM 12:8 [نِيغْ ثَاوْهِيبْثْ ن] ؤُسْفوّجْ مَاحنْذْ أَذْ إِسّْفوّجْ، [نِيغْ ثَاوْهِيبْثْ] مَاحنْذْ أَذْ إِوْشْ س ثشْرِيمثْ، [نِيغْ ثَاوْهِيبْثْ ن] ؤُضبَّارْ س ومْحَاضْ، [نِيغْ ثَاوْهِيبْثْ ن] أَرّحْمثْ س ڒفْرَاحثْ.
ROM 12:9 أَذْ ثِيڒِي ثَايْرِي نْومْ بْڒَا نِّيفَاقْ. شَارْهمْ ڒْغَارْ، ثْشبَّارمْ ذِي مِينْ إِشْنَانْ.
ROM 12:10 إِڒِيمْ مْلِيحْ إِجّنْ أَكْ-ذ ثَاوْمَاثْ نْومْ، خْسمْ إِجّْ إِ ونّغْنِي، إِزَّارمْ أَذْ ثْشنّْعمْ إِجّنْ ونّغْنِي.
ROM 12:11 إِڒِيمْ ذ إِمْحَاضنْ، وَارْ تِّيڒِيمْ ذ إِفِينْيَاننْ. إِڒِيمْ ذ ثِيمسِّي ذِي أَرُّوحْ،عبْذمْ سِيذِيثْومْ،
ROM 12:12 فَارْحمْ ذِي مِينْ إِدْجَانْ أَسِيثمْ نْومْ، ذِي ڒْمحْنثْ نْومْ صْبَارمْ ؤُشَا طّْفمْ ڒبْذَا ذِي ثْژَادْجِيثْ.
ROM 12:13 وْشمْ أَفُوسْ ذِي مِينْ إِحْذَاجنْ إِمْقدَّاسنْ. ڭّمْ س ڒضْرَافثْ أَكْ-ذ إِبَارَّانِييّنْ.
ROM 12:14 بَارْكمْ إِنِّي كنِّيوْ إِمَارّْثنْ، بَارْكمْ وَارْ نعّْڒمْ شَا.
ROM 12:15 فَارْحمْ أَكْ-ذ إِنِّي إِفَارْحنْ، رُومْ أَكْ-ذ يِينِّي إِتّْرُونْ.
ROM 12:16 حسْبمْ أَيْثْمَاثْومْ أَمْ مَامّشْ ثْحسّْبمْ إِخفْ نْومْ، وَارْ تِّيڒِيمْ ذ إِمْعفَّارنْ، مَاشَا رُوحمْ أَكْ-ذ إِمْوَاضْعنْ. وَارْ تِّيڒِيمْ شَا ذ إِمِيغِيسنْ أَكْ-ذ يِيخفْ نْومْ.
ROM 12:17 وَارْ تَّارِّيمْ شَا حذْ خْ ڒْغَارْ س ڒْغَارْ، مَاشَا ڭّمْ مِينْ إِشْنَانْ إِ مَارَّا إِوْذَانْ.
ROM 12:18 مَاڒَا ثْزمَّارمْ، مشْحَاڒْ مَا إِ د-إِتَّاسنْ زَّايْومْ، صڒْحمْ أَكْ-ذ مَارَّا إِوْذَانْ.
ROM 12:19 وَارْ تّنْثِيقِيممْ شَا إِ يِيخفْ نْومْ، [أَ] إِمْعِيزّنْ، مَاشَا وْشمْ أَمْشَانْ إِ وغْضَابْ، مِينْزِي ثُورَا: ”مَاڒَا كنِّيوْ وَارْ ثَارِّيمْ ثَاسْغَارْثْ س يِيخفْ نْومْ، نشّْ أَذْ أَرّغْ ثَاسْغَارْثْ نومْ، إِقَّارْ أَربِّي.“
ROM 12:20 مَاڒَا إِدْجُوژْ ڒعْذُو نْومْ، سشّمْ ث، مَاڒَا إِفُوذْ، وْشمْ أَسْ أَذْ إِسُو، مِينْزِي مَاڒَا ثڭِّيذْ أَيَا، أَذْ ثْيَارْوذْ ڒفْحمْ إِتّحْذُوذُوقنْ خْ ؤُزدْجِيفْ نّسْ.
ROM 12:21 وَارْ تّجِّيمْ شَا ڒْغَارْ أَذْ كنِّيوْ إِغْڒبْ، مَاشَاغڒْبمْ خْ ڒْغَارْ س ڒْخَارْ.
ROM 13:1 أجّْ كُوڒْ إِجّْ أَذْ إِوَاضعْ إِ صُّولَاطَاثْ إِنِّي إِدْجَانْ س لْعَاضَامَا، مِينْزِي وَارْ ذِينْ صُّولْطَا مْغِيرْ س أَربِّي، ؤُشَا صُّولَاطَاثْ ثِينِّي إِدْجَانْ، أَقَا إِسّْبدّْ إِ-ثنْثْ أَربِّي.
ROM 13:2 س ؤُيَا ونِّي إِ غَا إِمّْعَاڒَانْ أَكْ-ذ صُّولْطَا، إِتّمْعَاڒَا أَكْ-ذ مِينْ إِسّْبدّْ أَربِّي، ذ يِينِّي إِتّمْعَاڒَانْ أَذْ كْسِينْ ڒْحُوكْمْ نْسنْ.
ROM 13:3 مِينْزِي ڒْقُوضَاثْ وَارْ دْجِينْ إِ ثِيڭّْوُوذِي ن يِينِّي إِتّڭّنْ ڒْخَارْ، مَاشَا ن يِينِّي إِتّڭّنْ ڒْغَارْ. مَا ثخْسذْ أَذْ ثِيڒِيذْ بْڒَا ثِيڭّْوُوذِي زِي صُّولْطَا [ن ڒْقُوضَاثْ]؟ أڭّْ مِينْ إِشْنَانْ، أَذْ أَشْ يِيڒِي شَّانْ زَّايسْ،
ROM 13:4 مِينْزِي [صُّولْطَا] ذ ثَامْسخَّارْثْ ن أَربِّي إِ ڒفْضڒْ نّشْ. مَاشَا مَاڒَا ثڭِّيذْ ڒْغَارْ، ڭّْوذْ، مِينْزِي [صُّولْطَا] وَارْ ثْبكّسْ شَا سِّيفْ بَاطڒْ ؤُمِي نتَّاثْ ذ ثَامْسخَّارْثْ ن أَربِّي، أَقَا ثْنقّمْ س وغْضَابْ إِقسْحنْ خْ يِينِّي إِتّڭّنْ ڒْغَارْ.
ROM 13:5 س ؤُيَا إِتّْخصَّا أَنغْ أَذْ نطَّاعْ، وَارْ إِدْجِي خْ سِّيبّثْ ن وغْضَابْ وَاهَا، مَاشَا عَاوذْ خْ سِّيبّثْ ن ثْنفْسشْثْ.
ROM 13:6 خْ سِّيبّثْ-أَ ثتّْخدْجْصمْ ضَّارِيبَا إِ كُوڒْ أَزدْجِيفْ ؤُمِي نِيثْنِي ذ إِمْسخَّارنْ ن أَربِّي إِ إِتّْوَاڭّنْ إِ مَانْ أَيَا سِيمَانْثْ نّسْ.
ROM 13:7 خْ ؤُيَا، وْشمْ إِ مَارَّا مِينْ ذ أَسنْ إِتّْخصَّانْ: ضَّارِيبَا إِ ونِّي ؤُمِي د-ثُوسَا ضَّارِيبَا إِ كُوڒْ أَزدْجِيفْ، ڒخْڒَاصْ إِ ونِّي ؤُمِي د-يُوسَا ڒخْڒَاصْ، أَوقَّارْ إِ ونِّي ؤُمِي د-يُوسَا ؤُوقَّارْ، شَّانْ إِ ونِّي إِسْذَاهدْجنْ شَّانْ.
ROM 13:8 وَارْ تّڭّمْ أَمَارْوَاسْ غَارْ حذْ مْغِيرْ ونِّي ن ثَايْرِي أَكْ-ذ وَايَاوْيَا، مِينْزِي ونِّي إِتّخْسنْ ونِّي ذ أَسْ يُوذْسنْ، أَقَا إِكمّڒْ شَّارِيعَا.
ROM 13:9 مِينْزِي [شَّارِيعَا] ثقَّارْ عَاوذْ: ”وَارْ زنِّي، وَارْ نقّْ، وَارْ تِّيشَارْ، وَارْ تَّاسمْ!“، ؤُشَا مَاڒَا ذِينْ شَا ن ثوْصيّثْ نّغْنِي، أَقَا أَثنْثْ مُوننْثْ ذڭْ وَاوَاڒْ-أَ: ”أَذْ ثخْسذْ جَّارْ نّشْ أَمْ إِخفْ نّشْ!“
ROM 13:10 ثَايْرِي وَارْ تّْضَارِّي شَا جَّارْ. س ؤُينِّي ثَايْرِي نتَّاثْ ذ ڒكْمَاڒْ ن شَّارِيعَا.
ROM 13:11 أَقَا سّْنغْ أَقَا ثَا ذ ڒْوقْثْ ذ ثْسَاعّثْ حِيمَا أَذْ نْفَاقْ زڭْ إِضصْ، مِينْزِي ڒخُّو ثُوذَارْثْ نّغْ ثُوذسْ-د كْثَارْ زڭْ وَامِي نذْوڒْ نُومنْ.
ROM 13:12 ڒخُّو ثعْذُو دْجِيڒثْ، يِيوضْ-د ؤُزِيڒْ. أجّْ أَنغْ أَذْ نسَّارْسْ ڒخْذَايمْ ن ثَادْجسْثْ، أَذْ نكْسِي ڒسْنَاحْ ن ثْفَاوْثْ.
ROM 13:13 أجّْ أَنغْ أَذْ نُويُورْ س ؤُشُووَّارْ أَخْمِي ذ أَزِيڒْ، وَارْ إِدْجِي ذِي زّْهُو أَبَارْشَانْ، ڒَا ذڭْ ؤُغلِّي، ڒَا ذِي ثخْمُوجِي ن فَارْقْ-شّْغڒْ ذِي قَامَا ؤُڒَا ذڭْ ؤُمنْغِي ذ ڒحْسذْ،
ROM 13:14 مَاشَا أَرْضمْ سِيذِيثْنغْ يَاسُوع لْمَاسِيحْ، وَارْ تِّيشمْ ثَايْنِيثْ إِ نّشْوَاثْ ن ويْسُومْ نْومْ.
ROM 14:1 وِي إِضعْفنْ ذِي لْ-إِيمَانْ، وْشمْ أَسْ أَفُوسْ، وَارْ تّمْسبْضَامْ ذڭْ إِخَارِّيصنْ نْومْ جَارْ أَومْ.
ROM 14:2 أَقَا ذِينْ حذْ يُومنْ إِزمَّارْ أَذْ إِشّْ كُوڒْشِي، مَاشَا ونِّي إِضعْفنْ أَذْ إِشّْ ثِيبِّي وَاهَا.
ROM 14:3 ونِّي إِتّتّنْ، وَارْ إِسّحْقَارِي ونِّي وَارْ إِتّتّنْ، ذ ونِّي وَارْ إِتّتّنْ، وَارْ إِحكّمْ خْ ونِّي إِتّتّنْ، مِينْزِي أَربِّي إِقْبڒْ إِ-ث.
ROM 14:4 مِينْ ثعْنِيذْ شكْ ونِّي إِحكّْمنْ خْ ؤُمْسخَّارْ ن ونّغْنِي؟ مِينْزِي مَاڒَا إِبدّْ، ذ مَانْ أَيَا إِ بَابْ نّسْ، ؤُ مَاڒَا إِوْضَا، ذ مَانْ أَيَا إِ بَابْ نّسْ. سِيذسْ إِزمَّارْ أَذْ ث إِسّْبدّْ ذ أَبذِّي.
ROM 14:5 أَقَا ذِينْ حذْ إِتّْغِيڒْ أَسْ أَقَا ذِينْ أَسّْ سنّجْ إِ وَاسّْ نّغْنِي، ؤُ ونّغْنِي إِتّْغِيڒْ أَسْ أَقَا كُوڒْ أَسّْ كِيفْكِيفْ. أجّْ كُوڒْ إِجّنْ أَذْ إِقْنعْ ذِي ڒْبَاڒْ نّسْ نِيشَانْ.
ROM 14:6 ونِّي إِوقَّارنْ إِجّْ ن وَاسّْ، إِ سِيذسْ إِ ث غَا إِوقَّارْ. ونِّي وَارْ إِوقَّارنْ أَسّْ، إِ سِيذسْ إِ وَارْ ث إِوقَّارْ. ونِّي إِتّتّنْ، إِتّتّْ إِ سِيذسْ، مِينْزِي أَذْ إِشكَّارْ أَربِّي. ونِّي وَارْ إِتّتّنْ شَا، إِ سِيذسْ وَارْ إِتّتّْ شَا ؤُشَا نتَّا أَذْ إِشكَّارْ أَربِّي [عَاوذْ].
ROM 14:7 مِينْزِي ؤُڒَا ذ إِجّْ زَّايْنغْ أَقَا إِدَّارْ إِ يِيخفْ نّسْ، ؤُشَا ؤُڒَا ذ إِجّنْ إِمُّوثْ إِ يِيخفْ نّسْ.
ROM 14:8 مِينْزِي مَاڒَا ندَّارْ، أَذْ ندَّارْ إِ سِيذِيثْنغْ، نِيغْ مَاڒَا نمُّوثْ أَذْ نمّثْ إِ سِيذِيثْنغْ. س ؤُيَا، مَا ندَّارْ نِيغْ نمُّوثْ، أَقَا نشِّينْ إِ سِيذِيثْنغْ.
ROM 14:9 مِينْزِي إِ ؤُيَا إِ إِمُّوثْ لْمَاسِيحْ، ؤُشَا إِذْوڒْ إِدَّارْ [عَاوذْ] ؤُشَا إِكَّارْ-د، حِيمَا أَذْ يِيڒِي ذ سِيذِي إِ يِينِّي إِمُّوثنْ ؤُڒَا إِ يِينِّي إِدَّارنْ.
ROM 14:10 مَاشَا شكْ، مَايمِّي غَا ثْحكْمذْ خْ ؤُمَاشْ؟ نِيغْ مَايمِّي عَاوذْ شكْ ثسّحْقَارَاذْ ؤُمَاشْ؟ مِينْزِي نشِّينْ مَارَّا أَذْ نْبدّْ قِيبَاتْشْ إِ ڒْكُورْسِي ن شّْرعْ ن لْمَاسِيحْ.
ROM 14:11 أَمْ مَامّشْ ثُورَا: ”س ثِيذتّْ، أَمْ دَّارغْ نشّْ، إِقَّارْ سِيذِي، أَذْ أَيِي أَضَارنْ مَارَّا إِفَادّنْ ؤُ كُوڒْ إِڒسْ أَذْ خَافِي إِشْهذْ.“
ROM 14:12 خنِّي أجّْ كُوڒْ إِجّنْ زَّايْنغْ أَذْ إِڭّْ ڒحْسَابْ خْ يِيخفْ نّسْ قِيبَاتْشْ إِ أَربِّي.
ROM 14:13 زِي ڒخُّو ذ ثْسَاونْثْ وَارْ حكّْممْ إِجّنْ خْ ونّغْنِي، مَاشَا حْسنْ أَذْ ثكْسذْ أَوَاڒْ مَاحنْذْ وَارْ ثسَّارْسذْ شَا إِجّْ ن وژْرُو مَاحنْذْ أَذْ ذَايسْ إِنْقَارْضْ ؤُمَاشْ.
ROM 14:14 مِينْزِي نشّْ سّْنغْ، أَقَا تّْوَاسّْقنْعغْ ذِي سِيذِي يَاسُوع، بلِّي ؤُڒَا ذ إِشْثْ ن ڒْحَاجّثْ ثخْمجْ إِ نتَّا، مْغِيرْ إِ ونِّي ت إِحسْبنْ ذ ڒخْمجْ، أَقَا إِ نتَّا وَاهَا ؤُمِي ثخْمجْ.
ROM 14:15 مَاڒَا إِخيّقْ ؤُمَاشْ خْ سِّيبّثْ ن مَاشَّا إِ ثشِّيذْ، أَقَا شكْ وَارْ ثُويُورذْ ذِي ثَايْرِي. وَارْ تّحِّي شَا س مَاشَّا نّشْ ونِّي إِ خفْ إِمُّوثْ لْمَاسِيحْ.
ROM 14:16 مِينْ نْحسّبْ ذ ڒْخَارْ إِ نشِّينْ، وَارْ تّجِّي حذْ أَذْ خَاسْ إِسِّيوڒْ س ڒْغَارْ.
ROM 14:17 مِينْزِي ثَاڭلْذِيثْ ن أَربِّي وَارْ ثدْجِي ذِي مَاشَّا ذ ثِيسِّيثْ، مَاشَا ذِي ثْسڭْذَا ذ ڒهْنَا ذ ڒفْرَاحثْ س أَرُّوحْ إِقدّْسنْ.
ROM 14:18 مِينْزِي ونِّي إِسخَّارنْ إِ لْمَاسِيحْ ذِي مَانْ أَيَا، أَقَا يَارْضَا أَربِّي ؤُشَا نتَّا ذ أَمقْبُوڒْ غَارْ إِوْذَانْ.
ROM 14:19 أَذْ نضْفَارْ خنِّي مِينْ إِدْجَانْ إِ ڒهْنَا ذ ڒبْنِي ن إِجّنْ إِ ونّغْنِي.
ROM 14:20 وَارْ تَّاردّدْجْ شَا ڒْخذْمثْ ن أَربِّي خْ سِّيبّثْ ن مَاشَّا. مَارَّا ثِيمسْڒَايِينْ أَقَا أَثنْثْ ذ ثِيمزْذَاڭْ، مَاشَا ؤُشْثْ خْ بْنَاذمْ ونِّي إِ غَا إِڭّْ أَژْرُو إِ ؤُنذْرفْ س مَاشَّا نّسْ.
ROM 14:21 مْلِيحْ ؤُمِي وَارْ نتّتّْ شَا أَيْسُومْ ؤُ وَارْ نْسسّْ شَا بِينُو نِيغْ وَارْ نتّڭّْ ؤُڒَا ذ إِشْثْ ن ڒْحَاجّثْ إِ ذِي إِ غَا إِنْذرْفْ ؤُمَاشْ.
ROM 14:22 مَا ثتّْوَاسّْقنْعذْ إِ يِيخفْ نّشْ؟ أَذْ أَشْ يِيڒِي مَانْ أَيَا إِ يِيخفْ نّشْ زَّاثْ إِ أَربِّي. سّعْذْ ن ونِّي وَارْ إِتِّيكّْوِيضْ شّْرعْ خْ يِيخفْ نّسْ ذِي مِينْ ذ أَسْ إِتّْغِيڒْ مْلِيحْ.
ROM 14:23 مَاشَا ونِّي إِتّْشكَّانْ خْمِي إِتّتّْ، إِتّْوَاحَاسبْ، مِينْزِي مَانْ أَيَا وَارْ إِدْجِي زِي لْ-إِيمَانْ. قَاعْ مِينْ وَارْ إِدْجِينْ زِي لْ-إِيمَانْ، أَقَا-ث ذ دّنْبْ.
ROM 15:1 مَاشَا نشِّينْ إِنِّي إِجهْذنْ، إِتّْخصَّا أَنغْ أَذْ نَارْبُو ثُوضْعفْثْ ن يِينِّي إِضعْفنْ، وَارْ نتِّيوِي شَا أَرْضَا إِ يِيخفْ نّغْ.
ROM 15:2 كُوڒْ إِجّنْ أَذْ إِسَّارْضَا جَّارْ نّسْ إِ ثْشُونِي ذ ڒبْنِي.
ROM 15:3 مِينْزِي لْمَاسِيحْ عَاوذْ وَارْ إِسَّارْضِي شَا إِخفْ نّسْ، مَاشَا أَمْ مَامّشْ ثُورَا: ”ثِيكّْوُورَا ن يِينِّي إِ شكْ إِكّْوَارنْ، وْضَانْثْ-إِ-د خَافِي.“
ROM 15:4 مِينْزِي مَارَّا مِينْ ثُورَا زِيشْ، ثُورَا إِ ؤُسڒْمذْ نّغْ، حِيمَا س صّْبَارْ ذ ؤُشجّعْ س مِينْ إِدْجَانْ ذِي ثِيرَا [إِقدّْسنْ] أَذْ غَارْنغْ يِيڒِي ؤُسِيثمْ.
ROM 15:5 أَربِّي ن صّْبَارْ ذ ؤُفوّجْ أَذْ أَومْ إِوْشْ مَاحنْذْ أَذْ ثْحسْبمْ إِجّْ ونّغْنِي غَارسْ ڒْقِيمثْ ذ إِشْثْ ذِي يَاسُوع لْمَاسِيحْ،
ROM 15:6 حِيمَا س إِجّْ ن أَرَّايْ ذ إِشْثْ ن ثْمِيجَّا أَذْ ثسّْعُودْجَامْ أَربِّي، بَابَاسْ ن سِيذِيثْنغْ يَاسُوع لْمَاسِيحْ.
ROM 15:7 س ؤُينِّي قبْڒمْ إِجّنْ ونّغْنِي ؤُ صبْرمْ إِجّنْ أَكْ-ذ ونّغْنِي، أَمْ مَامّشْ ذ أَنغْ إِقْبڒْ لْمَاسِيحْ عَاوذْ إِ ؤُعُودْجِي ن أَربِّي.
ROM 15:8 مَاغَارْ أَذْ أَومْ إِنِيغْ، أَقَا يَاسُوع لْمَاسِيحْ إِذْوڒْ ذ أَمْسخَّارْ ن وخْثَانْ ذِي طّْوعْ ن ثِيذتّْ ن أَربِّي، حِيمَا أَذْ إِضْمنْ لْوُوعُوذْ [إِ إِوَاعْذْ أَربِّي] إِ ڒجْذُوذْ،
ROM 15:9 ؤُ حِيمَا ڒڭْنُوسْ أَذْ سّمْغَارنْ ذِي أَربِّي خْ سِّيبّثْ ن أَرّحْمثْ إِ خَاسنْ د-ثُوسَا أَمْ مَامّشْ ثُورَا: ”س ؤُينِّي أَذْ شكْ شكَّارغْ جَارْ ڒڭْنُوسْ، ؤُشَا أَذْ صبّْحغْ إِسمْ نّشْ.“
ROM 15:10 ؤُشَا إِقَّارْ عَاوذْ: ”فَارْحمْ، أَ كنِّيوْ ڒڭْنُوسْ، جْمِيعْ أَكْ-ذ ڒْڭنْسْ نّسْ.“
ROM 15:11 ؤُشَا إِنَّا عَاوذْ: ”حمْذمْ سِيذِي، أَ مَارَّا ڒڭْنُوسْ، صبّْحمْ ث، أَ مَارَّا شُّوعُوبْ!“
ROM 15:12 عَاوذْ إِشَاعْيَا إِقَّارْ: ”أَذْ يِيڒِي وژْوَارْ ن يَاسَّا، ؤُ ونِّي د-إِكَّارنْ أَذْ يِيڒِي ذ أَزدْجِيفْ خْ ڒڭْنُوسْ، أَذْ ذَايسْ يِيڒِي ؤُسِيثمْ ن ڒڭْنُوسْ.“
ROM 15:13 أَربِّي ن ؤُسِيثمْ أَذْ كنِّيوْ إِشُّورْ س ڒفْرَاحثْ ذ ڒهْنَا ذِي لْ-إِيمَانْ، حِيمَا أَذْ ثْفيّْضمْ س ؤُسِيثمْ نّسْ زِي جّهْذْ ن أَرُّوحْ إِقدّْسنْ.
ROM 15:14 نشّْ سِيمَانْثْ إِنُو تّْوَاسْقنْعغْ زِي جِّيهثْ نْومْ، [أَ] أَيْثْمَا، أَقَا كنِّيوْ ثْعمَّارمْ س ثْشُونِي، ثشُّورمْ س مَارَّا ثُوسّْنَا، حِيمَا أَذْ ثسّْڒمْذمْ عَاوذْ إِنّغْنِي.
ROM 15:15 مَاشَا زڭْ ؤُغزْذِيسْ أَقَا ؤُرِيغْ أَومْ س ثرْيَاسْثْ، [أَ] أَيْثْمَا، مَاحنْذْ أَذْ كنِّيوْ سّْعقْڒغْ، س أَرْضَا إِ ذ أَيِي إِمّوْشنْ زِي أَربِّي،
ROM 15:16 حِيمَا أَذْ إِڒِيغْ ذ أَمْسخَّارْ ن يَاسُوع لْمَاسِيحْ إِ ڒڭْنُوسْ، ؤُمِي تّْسخَّارغْ إِ لْ-إِنْجِيلْ ن أَربِّي، حِيمَا أَذْ ثِيڒِي ثْغَارْصْثْ ن ڒڭْنُوسْ ذ ثَامقْبُوتْشْ، ثتّْوَاقدّسْ س أَرُّوحْ إِقدّْسنْ.
ROM 15:17 س ؤُينِّي سّمْغَارغْ ذِي يَاسُوع لْمَاسِيحْ زَّاثْ إِ أَربِّي.
ROM 15:18 مِينْزِي وَارْ زعْمغْ أَذْ سِّيوْڒغْ ذڭْ إِمزُّوغنْ ن ڒڭْنُوسْ خْ شَا وَارْ زَّايِي ث إِڭِّي لْمَاسِيحْ س وَاوَاڒْ ذ ڒْخذْمثْ.
ROM 15:19 س جّهْذْ ن ڒعْڒَامَاثْ ذ ڒعْجَايبْ ؤُشَا س جّهْذْ ن أَرُّوحْ ن أَربِّي، أَقَا ثُوغَا ڭُّورغْ تّنْضغْ زِي ؤُرْشَالِيمْ أَڒْ إِلِّيرِيكُونْ ؤُشَا كمّْڒغْ [أَبَارّحْ ن] ڒخْبَارْ أَصبْحَانْ ن لْمَاسِيحْ.
ROM 15:20 ذِي [مَارَّا] مَانْ أَيَا ثُوغَا أَرزُّوغْ أَذْ بَارّْحغْ س ڒخْبَارْ أَصبْحَانْ، وَارْ إِدْجِي مَانِي إِتّْوَاڒَاغَا خْ يِيسمْ ن لْمَاسِيحْ [قْبڒْ]، حِيمَا وَارْ بنِّيغْ خْ ذْسَاسْ ن ونّغْنِي،
ROM 15:21 مَاشَا أَمْ مَامّشْ ثُورَا: ”إِنِّي وَارْ زَّايسْ إِتّْوَابَارّْحنْ أَذْ ث ژَترنْ، ؤُ يِينِّي وَارْ خَاسْ إِسْڒِينْ، أَذْ أَمْننْ.“
ROM 15:22 س ؤُينِّي ثُوغَا وَارْ إِوِيضغْ أَطَّاسْ ن إِمُورنْ، مَاحنْذْ أَذْ غَارْومْ د-أَسغْ.
ROM 15:23 مَاشَا ڒخُّو وَارْ غَارِي بُو تَّاسِيعْ حِيمَا أَذْ بشَّارغْ عَاذْ ذِي جّْوَايهْ-أَ ؤُ ثُوغَا عَاوذْ خْسغْ أَذْ غَارْومْ د-أَسغْ أَطَّاسْ ن إِسڭّْوُوسَا زڭْ وَامِي.
ROM 15:24 خْمِي غَا رَاحغْ غَارْ سبَّانْيَا، سِّيثِيمغْ أَذْ غَارْومْ د-أَسغْ، أَذْ كنِّيوْ ژَترغْ، ؤُ أَذْ زَّايْومْ تّْوَاسّْقبّْضغْ غَارْ ذِينِّي، أَوَارْنِي ڒَامِي إِ غَا أَرّغْ مژْرِي شْوَايْثْ ؤُمِي إِ غَا ژْرِيغْ كنِّيوْ.
ROM 15:25 مَاشَا ڒخُّو أَقَا رُوحغْ غَارْ ؤُرْشَالِيمْ، حِيمَا أَذْ سخَّارغْ إِ إِمْقدَّاسنْ.
ROM 15:26 مِينْزِي ثُوغَا يَارْضَا إِ يِينِّي إِدْجَانْ ذِي مَاكِيذُونِييَا ذ أَخَايَا أَذْ ڭّنْ شَا ن ثْوِيزَا إِ إِمْقدَّاسنْ إِمزْڒَاضْ نِّي إِدْجَانْ ذِي ؤُرْشَالِيمْ.
ROM 15:27 ثُوغَا أَرْضَانْ خْ مَانْ أَيَا، مَاشَا ثُوغَا ث عَاوذْ ذَايْسنْ ذ أَمَارْوَاسْ. مِينْزِي مَاڒَا ثُوغَا [ڒڭْنُوسْ] شَارْشنْ ذِي مِينْ غَارْسنْ ذ أَڭْڒَا خْ ڒحْسَابْ ن أَرُّوحْ، أَقَا-ث عَاوذْ ذ أَمَارْوَاسْ ذِي ڒڭْنُوسْ مَاحنْذْ أَذْ ثنْ سخَّارنْ س مِينْ غَارْسنْ ذ أَڭْڒَا خْ ڒحْسَابْ دَّاثْ.
ROM 15:28 خْمِي غَا كمّْڒغْ [ثَاسخَّارْثْ-أَ] ؤُشَا أَذْ أَسنْ سِّيوْضغْ ڒْغِيدْجثْ [ن ثْوِيزَا-يَا] س ڒَامَانْ، أَذْ د خَاومْ كّغْ ذ أَبْرِيذْ خْمِي غَا رَاحغْ غَارْ سبَّانْيَا.
ROM 15:29 مَاشَا سّْنغْ بلِّي، مَاڒَا ؤُسِيغْ-د غَارْومْ، أَذْ د-أَسغْ س ڒْمُوذْ إِشُّورنْ س لْبَارَاكَا ن لْ-إِنْجِيلْ ن لْمَاسِيحْ.
ROM 15:30 تَّارغْ زَّايْومْ، [أَ] أَيْثْمَا، س سِيذِيثْنغْ يَاسُوع لْمَاسِيحْ ؤُشَا س ثَايْرِي ن أَرُّوحْ، أَذْ ثْبدّمْ نِيشَانْ أَكِيذِي ذِي ثْژَادْجِيثْ غَارْ أَربِّي خْ سِّيبّثْ إِنُو،
ROM 15:31 حِيمَا أَذْ تّْوَافكّغْ زڭْ إِنِّي وَارْ يُومِيننْ شَا ذِي يَاهُوذِييَّا، حِيمَا أَذْ ثِيڒِي ثْسخَّارْثْ إِنُو إِ إِمْقدَّاسنْ ذِي ؤُرْشَالِيمْ ذ ثَامقْبُوتْشْ،
ROM 15:32 حِيمَا أَذْ غَارْومْ د-أَسغْ [شُّورغْ] س ڒفْرَاحثْ س أَرَّايْ ن أَربِّي ؤُشَا أَذْ غَارْومْ أَريّْحغْ.
ROM 15:33 أَربِّي ن ڒهْنَا أَذْ كِيومْ يِيڒِي مَارَّا إِذْومْ. أَمِينْ.
ROM 16:1 وكّْڒغْ أَومْ ؤُتْشْمَاثْنغْ فُوبِي، ثنِّي ذ ثَامْسخَّارْثْ ن ثْمسْمُونْثْ ذِي كِينْخْرِييُوسْ،
ROM 16:2 حِيمَا أَذْ زَّايسْ ثَارحّْبمْ ذِي سِيذِيثْنغْ، أَمْ مَامّشْ إِتّْڒِيقْ إِ إِمْقدَّاسنْ، ؤُشَا أَذْ ت ثْعَاوْنمْ ذِي مَارَّا مِينْ زَّايْومْ ثتَّارْ نتَّاثْ، مِينْزِي أَقَا ثْعَاونْ أَطَّاسْ، ؤُڒَا ڒَا ذ نشّْ.
ROM 16:3 سدْجْممْ س ڒهْنَا خْ بْرِيسْكِيلَّا ذ أَكْوِيلَا، إِنِّي ذ إِمْسخَّارنْ أَكِيذِي ذِي يَاسُوع لْمَاسِيحْ،
ROM 16:4 نِيثْنِي سبّْڒنْ ثُوذَارْثْ نْسنْ خْ سِّيبّثْ إِنُو. وَارْ دْجِيغْ ذ نشّْ وَاهَا ونِّي ثنْ إِتّْقَاذَانْ، مَاشَا عَاوذْ مَارَّا ثِيمسْمُونِينْ ن ڒڭْنُوسْ.
ROM 16:5 سدْجْممْ عَاوذْ س ڒهْنَا خْ ثْمسْمُونْثْ ثنِّي ذِي ثَادَّارْثْ نْسنْ. سدْجْممْ خْ إِبَانِيثُوسْ، أَمْعِيزّْ إِنُو، س ڒهْنَا. نتَّا ذ [صَّابثْ] ثَامزْوَارُوثْ ن أَخَايَا ذِي لْمَاسِيحْ.
ROM 16:6 سدْجْممْ خْ مَارِييَا س ڒهْنَا. نتَّا ثُوغَا ثتَّامَارْ أَطَّاسْ خَاومْ.
ROM 16:7 سدْجْممْ س ڒهْنَا خْ أَنْذْرُونِيكُوسْ ذ يُونِييَاسْ إِنِّي ذ رَادْجْ إِنُو ذ إِمحْبَاسْ أَكِيذِي، أَقَا أَثنْ ذ إِرْيَازنْ إِتّْوَاسّْننْ غَارْ رُّوسُولْ، ثُوغَا أَثنْ ذِي لْمَاسِيحْ قْبڒْ خَافِي.
ROM 16:8 سدْجْممْ س ڒهْنَا خْ أَمْبْلِييَاسْ، أَمْعِيزّْ إِنُو ذِي سِيذِيثْنغْ.
ROM 16:9 سدْجْممْ س ڒهْنَا خْ ؤُرْبَانُوسْ، ونِّي ذ أَمْسخَّارْ أَكِيذْنغْ ذِي لْمَاسِيحْ، ؤُ خْ أَسْثَاخِيسْ أَمْعِيزّْ إِنُو.
ROM 16:10 سدْجْممْ س ڒهْنَا خْ أَپِيلِّيسْ ونِّي إِتّْوَافَارْزنْ ذِي سِيذِيثْنغْ. سدْجْممْ س ڒهْنَا خْ أَيْثْبَابْ ن ثَادَّارْثْ ن أَرِيسْثُوبُولُوسْ.
ROM 16:11 سدْجْممْ س ڒهْنَا خْ هِيرُوذِييُونْ ونِّي ذ ڒَادْجْ إِنُو. سدْجْممْ س ڒهْنَا خْ أَيْثْبَابْ ن ثَادَّارْثْ ن نَارْكِيسُّوسْ إِنِّي إِدْجَانْ ذِي سِيذِيثْنغْ.
ROM 16:12 سدْجْممْ س ڒهْنَا خْ ثَارِيفِينَا ذ ثَارِيفُوسَا، ثِينِّي إِتَّامَارنْ ذِي سِيذِيثْنغْ. سدْجْممْ س ڒهْنَا خْ بَارْسِيسْ، أَمْعِيزّْ إِنُو، ونِّي إِتَّامَارنْ أَطَّاسْ ذِي سِيذِيثْنغْ.
ROM 16:13 سدْجْممْ س ڒهْنَا خْ رُوفُوسْ ونِّي إِتّْوَافَارْزنْ ذِي سِيذِيثْنغْ، ؤُڒَا خْ يمَّاسْ ثنِّي [عَاوذْ أَمْ يِيشْثْ ن يمَّا] إِ نشّْ.
ROM 16:14 سدْجْممْ س ڒهْنَا خْ أَسِينْكْرِيثُوسْ، فْلِيڭُونْ، هِيرْمَاسْ، بَاثْرُوبَاسْ، هِيرْمِيسْ ؤُشَا خْ وَاوْمَاثنْ إِنِّي أَكِيذْسنْ.
ROM 16:15 سدْجْممْ س ڒهْنَا خْ فِيلُولُوغُوسْ ذ جُولِييَا ذ نِيرِييُوسْ ذ ؤُتْشْمَاسْ، ذ ؤُلِيمْبَاسْ ذ مَارَّا إِمْقدَّاسنْ إِنِّي أَكِيذْسنْ.
ROM 16:16 سدْجْممْ خْ وَايَاوْيَا س ؤُسُوذمْ إِقدّْسنْ. مَارَّا ثِيمسْمُونِينْ ن لْمَاسِيحْ مَارَّا تّْسدْجَامنْثْ خَاومْ.
ROM 16:17 مَاشَا تّْزَاوَاڭغْ [كنِّيوْ، أَ] أَيْثْمَا، مَاحنْذْ أَذْ ثحْضَامْ زِي وِي إِتّڭّنْ أَمْسبْضِي ذ ثْعِينْكْرِيفِينْ، بَارَّا إِ ثْغُورِي إِ ثغْرِيمْ. بعّْذمْ خَاسنْ.
ROM 16:18 مِينْزِي أَمْ يِينَا وَارْ سخَّارنْ شَا إِ سِيذِيثْنغْ يَاسُوع لْمَاسِيحْ، مَاشَا إِ ؤُعذِّيسْ نْسنْ. س ڒهْرُوذْ إِصبْحنْ ذ وَاوَاڒنْ إِزوّْقنْ خدّْعنْ ؤُڒَاونْ ن إِحَافِييّنْ.
ROM 16:19 مِينْزِي طَّاعثْ نْومْ ثتّْوَاسّنْ غَارْ مَارَّا [إِوْذَانْ]. س ؤُينِّي فَارْحغْ زَّايْومْ، مَاشَا خْسغْ أَذْ ثِيڒِيمْ ذ إِمِيغِيسنْ ذِي ثْشُونِي ؤُڒَا ذ إِمزْذَاڭنْ زِي ڒْغَارْ.
ROM 16:20 أَربِّي ن ڒهْنَا أَذْ إِثحَّا شِّيطَانْ سَاذُو إِضَارنْ نْومْ ذغْيَا. أَرْضَا ن سِيذِيثْنغْ يَاسُوع لْمَاسِيحْ أَذْ كِيومْ يِيڒِي. أَمِينْ.
ROM 16:21 ثِيمُوثِييُو، ونِّي ذ أَمْسخَّارْ أَكِيذِي، إِتّْسدْجَامْ-د خَاومْ س ڒهْنَا، ؤُڒَا ذ إِنِّي زِي ڒَادْجْ إِنُو: لُوكِييُوسْ ذ يَاسُونْ ذ سُوسِيبَاثْرُوسْ.
ROM 16:22 نشّْ، ثَارْثِييُوسْ، ونِّي يُورَانْ ثَابْرَاثْ-أَ، تّْسدْجَامغْ خَاومْ ذِي سِيذِيثْنغْ س ڒهْنَا.
ROM 16:23 إِتّْسدْجَامْ-د خَاومْ خَايُوسْ س ڒهْنَا. نتَّا يَارحّبْ زَّايِي ؤُڒَا زِي ثْمسْمُونْثْ مَارَّا. تّْسدْجَامنْ-د خَاومْ إِرَاسْثُوسْ، ونِّي خْ سّنْذُوقْ ن ثنْذِينْثْ، ذ كْوَارْثُوسْ، ثَاوْمَاثْ.
ROM 16:24 إِ ونِّي غَارْ ثدْجَا صُّولْطَا مَاحنْذْ أَذْ كنِّيوْ إِضْمنْ عْلَاحْسَابْ لْ-إِنْجِيلْ إِنُو - [لْ-إِنْجِيلْ] إِ إِتّْوَابَارّْحنْ زِي جِّيهثْ ن يَاسُوع لْمَاسِيحْ عْلَاحْسَابْ أَسَارْڭَابْ ن سِّيرّْ نِّي ثُوغَا إِنُّوفَارنْ ذِي زّْمَانَاثْ [ن زِيشْ]،
ROM 16:25 مَاشَا أَقَا إِتّْوَاسّضْهَارْ-د ڒخُّو س ثِيرَا [إِقدّْسنْ] [س ؤُفُوسْ] ن إِنَابِييّنْ، ؤُشَا إِتّْوَاسّْشنْ إِ مَارَّا ڒڭْنُوسْ عْلَاحْسَابْ ڒُومُورْ ن أَربِّي، ونِّي إِدْجَانْ إِ ڒبْذَا، أَڒَامِي [ذ أَسْ] غَا طَّاعنْ [ڒڭْنُوسْ] س لْ-إِيمَانْ -
ROM 16:26 أَقَا إِ نتَّا ونِّي ذ بَابْ ن ثِيغِيثْ وحّْذسْ، إِ نتَّا ؤُمِي غَا يِيڒِي ؤُعُودْجِي س يَاسُوع لْمَاسِيحْ إِ ڒبْذَا قَاعْ. أَمِينْ.
ROM 16:27 أَرْضَا ن سِيذِيثْنغْ يَاسُوع لْمَاسِيحْ أَذْ كِيومْ يِيڒِي مَارَّا. أَمِينْ.
1CO 1:1 بُولُوسْ، [رَّاسُولْ] إِتّْوَاڒَاغَانْ ذ إِتّْوَاسكّنْ ن يَاسُوع لْمَاسِيحْ عْلَاحْسَابْ مِينْ إِخْسْ أَربِّي، ذ ثَاوْمَاثْ سُوسْثِينِيسْ،
1CO 1:2 إِ ثْمسْمُونْثْ ن أَربِّي إِ إِدْجَانْ ذِي كُورِينْثُوسْ، إِنِّي إِتّْوَاڒَاغَانْ ذ إِنِّي ذ إِمْقدَّاسنْ، إِنِّي إِتّْوَاقدّْسنْ ذِي يَاسُوع لْمَاسِيحْ، ؤُ إِ مَارَّا إِنِّي مَانِي مَا إِتّْڒَاغَانْ خْ يِيسمْ ن سِيذِيثْنغْ يَاسُوع لْمَاسِيحْ، ونِّي ذ سِيذِيثْسنْ ذ سِيذِيثْنغْ.
1CO 1:3 أَذْ خَاومْ يِيڒِي أَرْضَا ذ ڒهْنَا زِي أَربِّي، بَابَاثْنغْ، ؤُ زِي سِيذِيثْنغْ يَاسُوع لْمَاسِيحْ.
1CO 1:4 نشّْ ڒبْذَا تّْقَاذِيغْ أَربِّي إِنُو ذِي طّْوعْ نْومْ خْ أَرْضَا ن أَربِّي إِ ذ أَومْ إِمّوْشنْ ذِي يَاسُوع لْمَاسِيحْ.
1CO 1:5 مِينْزِي ذِي مَارَّا ثْذوْڒمْ زَّايسْ ذ تُّوجَّارْ، ذِي مَارَّا أَوَاڒْ ؤُ ذِي مَارَّا ثُوسّْنَا،
1CO 1:6 مَاغَارْ شّْهَاذثْ ن لْمَاسِيحْ ثتّْوَاضْمنْ ذَايْومْ،
1CO 1:7 مِينْزِي ؤُڒَا ذ إِجّْ ن زّْعَافْ ن ثوْهِيبِينْ نّسْ وَارْ ذَايْومْ إِقِّيمْ، [أَمْ] ثتّْرَاجَامْ أَسَارْڭَابْ ن سِيذِيثْنغْ يَاسُوع لْمَاسِيحْ،
1CO 1:8 مِينْزِي نتَّا أَذْ كنِّيوْ إِضْمنْ عَاوذْ غَارْ ؤُنڭَّارْ، حِيمَا أَذْ ثِيڒِيمْ بْڒَا ڒْعِيبْ ذڭْ وَاسّْ ن سِيذِيثْنغْ يَاسُوع لْمَاسِيحْ.
1CO 1:9 أَربِّي ذ أَمْثِيقِّي، ذ ونِّي زِي ثتّْوَاڒَاغَامْ كنِّيوْ غَارْ ثْمُونْثْ أَكْ-ذ مِّيسْ يَاسُوع لْمَاسِيحْ، سِيذِيثْنغْ.
1CO 1:10 مَاشَا تّْزَاوَاڭغْ كنِّيوْ، [أَ] أَيْثْمَا، س يِيسمْ ن سِيذِيثْنغْ يَاسُوع لْمَاسِيحْ، أَذْ ثسِّيوْڒمْ مَارَّا س إِجّْ ن وَاوَاڒْ، وَارْ ثتّمْسبْضِيمْ جَارْ أَومْ، مَاشَا إِڒِيمْ ثْمُونمْ نِيشَانْ س نّيّثْ ذ إِشْثنْ ذ ؤُخَارّصْ ذ إِجّنْ.
1CO 1:11 مِينْزِي سَّارْڭْبنْ أَيِي إِنِّي زِي ثَادَّارْثْ ن كْلُووِي، [أَ] أَيْثْمَا إِنُو، بلِّي جَارْ أَومْ إِمنْغَانْ.
1CO 1:12 خْسغْ أَذْ إِنِيغْ، أَقَا شَا زَّايْومْ قَّارنْ: ’نشّْ أَقَا أَيِي زِي بُولُوسْ!‘ ؤُ شَا نّغْنِي: ’نشّْ زِي أَپُولُّوسْ!‘، ؤُ شَا نّغْنِي [عَاوذْ]: ’نشّْ زِي كِيفَا!‘، ؤُ شَا نّغْنِي قَّارنْ: ’نشّْ زِي لْمَاسِيحْ!‘
1CO 1:13 مَا أَقَا لْمَاسِيحْ إِتّْوَابْضَا [ذ إِوثْوِيثنْ]؟ مَا ثُوغَا بُولُوسْ إِتّْوَاصلّبْ ذِي سِّيبّثْ نْومْ؟ نِيغْ ثُوغَا كنِّيوْ ثتّْوَاسّْغضْصمْ س يِيسمْ ن بُولُوسْ؟
1CO 1:14 نشّْ تّْقَاذِيغْ أَربِّي إِنُو وَارْ سّْغضْصغْ ؤُڒَا ذ إِجّْ زَّايْومْ مْغِيرْ كْرِيسْپُوسْ ذ خَايُوسْ وَاهَا،
1CO 1:15 أَڒَامِي ؤُڒَا ذ إِجّنْ أَذْ يِينِي بلِّي سّْغضْصغْ ذڭْ يِيسمْ إِنُو.
1CO 1:16 عَاوذْ سّْغضْصغْ ثَاوَاشُونْثْ ن سْثِيفَانُوسْ، خنِّي وَارْ سِّينغْ شَا، مَا سّْغضْصغْ حذْ نّغْنِي.
1CO 1:17 مَاغَارْ لْمَاسِيحْ وَارْ ذ أَيِي د-إِسّكّْ حِيمَا أَذْ سّْغضْصغْ، مَاشَا حِيمَا أَذْ بَارّْحغْ س ڒخْبَارْ أَصبْحَانْ، وَارْ إِدْجِي س ثِيغِيثْ ن وَاوَاڒنْ، حِيمَا وَارْ إِتّتّْوَاسّْبطّڒْ صَّالِيبْ ن لْمَاسِيحْ.
1CO 1:18 مِينْزِي أَوَاڒْ ن صَّالِيبْ ذ ثُوبُّوهڒْيَا ذِي ثِيطَّاوِينْ ن يِينِّي إِ غَا إِودَّارنْ، مَاشَا إِ نشِّينْ، إِنِّي إِدَّارنْ، مَانْ أَيَا ذ جّهْذْ ن أَربِّي.
1CO 1:19 مِينْزِي ثُورَا: ”أَذْ أَردّْدْجغْ ثِيغِيثْ ن إِمِيغِيسنْ ؤُشَا أَذْ كّْسغْ ڒفْهَامثْ ن إِفهَّامنْ.“
1CO 1:20 مَانِي إِدْجَا ؤُمِيغِيسْ؟ مَانِي إِدْجَا ؤُمْسڒْمَاذْ ن إِذْلِيسنْ؟ مَانِي إِدْجَا بُو-ؤُمْحَارْوضْ ن دُّونشْثْ-أَ؟ مَا وَارْ إِسّْشنْ أَربِّي بلِّي ثِيغِيثْ ن دُّونشْثْ-أَ ذ ثُوبُّوهڒْيَا؟
1CO 1:21 مِينْزِي ذِي ثِيغِيثْ ن أَربِّي، دُّونشْثْ وَارْ ثسِّينْ شَا أَربِّي زِي سِّيبّثْ ن ثِيغِيثْ [ن يِيخفْ نّسْ]، أَقَا ثُوغَا يَارْضَا أَربِّي أَذْ إِوْشْ ثُوذَارْثْ إِ يِينِّي يُومْننْ س ثُوبُّوهڒْيَا ن ثْبَارّحْثْ.
1CO 1:22 مِينْزِي ؤُذَاينْ تَّارنْ ڒعْڒَامَاثْ ؤُ إِرَامِييّنْ أَرزُّونْ ثِيغِيثْ،
1CO 1:23 مَاشَا نشِّينْ نتّْبَارّحْ لْمَاسِيحْ، ذ ونِّي إِتّْوَاصلّْبنْ، أَقَا-ث ذ ثَاعنْكْرِيفْثْ إِ وُوذَاينْ، ذ ثُوبُّوهڒْيَا إِ إِرَامِييّنْ،
1CO 1:24 مَاشَا إِ يِينِّي إِتّْوَاڒَاغَانْ، أَمْ وُوذَاينْ أَمْ إِرَامِييّنْ، أَقَا لْمَاسِيحْ ذ جّهْذْ ن أَربِّي ذ ثِيغِيثْ ن أَربِّي.
1CO 1:25 مِينْزِي ثُوبُّوهڒْيَا ن أَربِّي ذ ثْمِيغِيسْثْ خْ إِوْذَانْ، ؤُ ثُوضْعفْثْ ن أَربِّي ثجْهذْ خْ إِوْذَانْ.
1CO 1:26 خنِّي، [أَ] أَيْثْمَا، خْزَارمْ [مَامّشْ ثدْجَامْ] غَارْ [وَاسّْ ن] ثْڒَاغِيثْ نْومْ، أَقَا وَارْ ثدْجِيمْ ذ أَطَّاسْ ن إِمِيغِيسنْ عْلَاحْسَابْ بْنَاذمْ، نِيغْ ذ أَطَّاسْ ن يِينِّي غَارْ ثدْجَا صُّولْطَا، نِيغْ ذ أَطَّاسْ ن ثَارْوَا ن ثَاصِيڒثْ.
1CO 1:27 مَاغَارْ أَربِّي أَقَا إِفَارْزْ إِپُوهَاڒِييّنْ ن دُّونشْثْ، حِيمَا أَذْ زَّايْسنْ إِسّحْشمْ إِمِيغِيسنْ، ؤُشَا إِمُوضْعِيفنْ ن دُّونشْثْ إِفَارْزْ إِ-ثنْ أَربِّي، حِيمَا أَذْ زَّايْسنْ إِسّحْشمْ أَيْثْ ن بُو-صُّولْطَا.
1CO 1:28 ؤُشَا يِينِّي د-إِخڒْقنْ أَمْ وَارْ غَارْسنْ شَا ذِي دُّونشْثْ، ذ يِينِّي إِتّْوَاسّحْقَارنْ، ذ يِينِّي وَارْ إِدْجِينْ ذ شَا، أَقَا إِفَارْزْ إِ-ثنْ أَربِّي، حِيمَا أَذْ إِبْضڒْ إِنِّي إِدْجَانْ ذ شَا،
1CO 1:29 حِيمَا ؤُڒَا ذ إِجّْ ن [بْنَاذمْ ن] ويْسُومْ، وَارْ إِتّْفيّشْ شَا زَّاثسْ.
1CO 1:30 مَاشَا كنِّيوْ ثدْجَامْ زَّايسْ ذِي يَاسُوع لْمَاسِيحْ، ونِّي ذ أَنغْ إِذوْڒنْ ذ ثِيغِيثْ ن أَربِّي ذ ثْسڭْذَا ذ ثُوقدّْسِي ذ ؤُسنْجمْ،
1CO 1:31 أَمْ مَامّشْ ثُورَا: ”أجّْ ونِّي إِسّمْغَارَانْ، أَذْ إِسّمْغَارْ ذِي سِيذِي.“
1CO 2:1 [أَ] أَيْثْمَا، ڒَامِي د-ؤُسِيغْ غَارْومْ، وَارْ د-ؤُسِيغْ شَا حِيمَا أَذْ أَومْ بَارّْحغْ ڒخْبَارْ أَصبْحَانْ ن سِّيرّْ ن أَربِّي س ثْبزَّاحْثْ ن وَاوَاڒْ نِيغْ س ثِيغِيثْ،
1CO 2:2 مِينْزِي أَقَا ثُوغَاعوّْڒغْ حِيمَا وَارْ تّسّْنغْ شَا جَارْ أَومْ مْغِيرْ يَاسُوع لْمَاسِيحْ، ذ ونِّي إِتّْوَاصلّْبنْ عَاوذْ.
1CO 2:3 ثُوغَا أَيِي أَكِيذْومْ س وَاطَّاسْ ن ثِيڭّْوُوذِي ذ ؤُقْذِيذسْ.
1CO 2:4 ثَابْرَاثْ إِنُو ذ ثْبَارّحْثْ إِنُو وَارْ د-ؤُسِينْثْ-إِ-د س وَاوَاڒنْ إِزوّْقنْ ن ثِيغِيثْ [ن بْنَاذمْ]، مَاشَا س وسْشَانْ ن أَرُّوحْ ذ جّهْذْ،
1CO 2:5 حِيمَا لْ-إِيمَانْ نْومْ وَارْ إِتّْبذِّي شَا خْ ثِيغِيثْ ن إِوْذَانْ، مَاشَا خْ جّهْذْ ن أَربِّي.
1CO 2:6 مَاشَا نسَّاوَاڒْ س ثِيغِيثْ إِ يِينِّي ث إِوْضنْ، أَقَا س إِشْثْ ن ثِيغِيثْ ثنِّي وَارْ إِدْجِينْ ن دُّونشْثْ-أَ نِيغْ ن ڒْحُوكَّامْ ن دُّونشْثْ-أَ، إِنِّي إِ غَا إِتّْوَاسّْبطّْڒنْ،
1CO 2:7 مَاشَا نسَّاوَاڒْ ثِيغِيثْ ن أَربِّي س إِجّْ ن سِّيرّْ إِ ثُوغَا إِنُوفَّارنْ، ونِّي ثُوغَا إِزَّارْ إِفَارْزْ إِ-ث أَربِّي إِ ؤُعُودْجِي نّغْ قْبڒْ إِ ثُوغَا ذِينْ زّْمَانَاثْ.
1CO 2:8 [وَا ذ سِّيرّْ] نِّي وَارْ ث إِسِّينْ ؤُڒَا ذ إِجّْ زِي ڒْحُوكَّامْ ن دُّونشْثْ-أَ، مِينْزِي مَاڒَا ثُوغَا سّْننْ ث، إِڒِي وَارْ صلّْبنْعمَّارْصْ سِيذِي ن ؤُعُودْجِي.
1CO 2:9 مَاشَا أَمْ مَامّشْ ثُورَا: ”مِينْ وَارْ ثژْرِي ثِيطّْ ذ مِينْ وَارْ إِسْڒِي ؤُمزُّوغْ ذ مِينْ وَارْ يُوذِيفنْ شَا غَارْ وُوڒْ ن بْنَاذمْ، أَقَا مَانْ أَيَا إِسّوْجذْ إِ-ث أَربِّي إِ يِينِّي ث إِتّخْسنْ.“
1CO 2:10 مَاشَا أَربِّي إِمّڒْ أَنغْ ث س أَرُّوحْ نّسْ، مِينْزِي أَرُّوحْ ثَارزُّو كُوڒْشِي ؤُڒَا ذ ڒَادْجَاغْ ن أَربِّي.
1CO 2:11 مِينْزِي مَانْ ونْ ذ بْنَاذمْ إِ إِسّْننْ مِينْ إِدْجَانْ ذِي بْنَاذمْ مْغِيرْ أَرُّوحْ ن بْنَاذمْ ونِّي ذَايسْ إِدْجَانْ. أَمُّو عَاوذْ ؤُڒَا ذ إِجّْ وَارْ إِسِّينْ شَا مِينْ إِدْجَانْ ذِي أَربِّي مْغِيرْ أَرُّوحْ ن أَربِّي.
1CO 2:12 أَقَا نشِّينْ وَارْ نكْسِي شَا أَرُّوحْ ن دُّونشْثْ، مَاشَا أَرُّوحْ إِ د-يُوسِينْ زِي أَربِّي، حِيمَا أَذْ نسّنْ مِينْ ذ أَنغْ إِوْشَا أَربِّي.
1CO 2:13 س ؤُينِّي أَوَاڒنْ إِ زِي نسَّاوَاڒْ، وَارْ دْجِينْ ذ ثْغُورِي س وَاوَاڒنْ ن ثِيغِيثْ ن بْنَاذمْ، مَاشَا ذ ثْغُورِي زِي أَرُّوحْ، حِيمَا أَذْ نسّمْقُودَّا مِينْ إِدْجَانْ ن أَرُّوحْ أَكْ-ذ مِينْ إِدْجَانْ ن أَرُّوحْ.
1CO 2:14 مَاغَارْ بْنَاذمْ س يِيخفْ نّسْ وَارْ إِقبّڒْ شَا مِينْ إِدْجَانْ ن أَرُّوحْ، مِينْزِي إِحسْبْ إِ-ث ذ ثُوبُّوهڒْيَا، وَارْ إِزمَّارْ أَذْ ث إِفْهمْ، مِينْزِي مَانْ أَيَا إِزمَّارْ أَذْ إِتّْوَافَارْزْ س أَرُّوحْ وَاهَا.
1CO 2:15 مَاشَا بْنَاذمْ أَرُّوحَانِي أَقَا إِزمَّارْ أَذْ إِفَارْزْ كُوڒْشِي، مَاشَا نتَّا سِيمَانْثْ نّسْ وَارْ خَاسْ إِحكّمْ ؤُڒَا ذ إِجّْ.
1CO 2:16 مِينْزِي وِي إِسّْننْ أَخمّمْ ن سِيذِي أَڒَامِي [إِزمَّارْ] أَذْ ث إِسّڒْمذْ؟ مَاشَا نشِّينْ غَارْنغْ أَخمّمْ ن لْمَاسِيحْ.
1CO 3:1 [أَ] أَيْثْمَا، نشّْ وَارْ زمَّارغْ أَذْ كِيومْ سِّيوْڒغْ أَمْ إِوْذَانْ إِنِّي إِدَّارنْ عْلَاحْسَابْ أَرُّوحْ، مَاشَا أَمْ يِينِّي إِدَّارنْ عْلَاحْسَابْ أَيْسُومْ [ن بْنَاذمْ] وَاهَا، أَمشْنَاوْ إِسيْمَانْ ذِي لْمَاسِيحْ.
1CO 3:2 أَقَا وْشِيغْ أَومْ أَذْ ثسْومْ أَغِي، وَارْ إِدْجِي ذ أَڒقِّيمْ إِمْثنْ، مِينْزِي ثُوغَا وَارْ ذ أَسْ ثْزمَّارمْ، أَڒْ إِ ڒخُّو ؤُ وَارْ ذ أَسْ ثْزمَّارمْ عَاذْ،
1CO 3:3 س مِينْزِي كنِّيوْ عَاذْ ذڭْ ويْسُومْ. مَاغَارْ مَاڒَا ذِينْ [عَاذْ] جَارْ أَومْ ڒحْسذْ ذ إِمنْغَانْ ذ ؤُمْسبْضِي، مَا وَارْ ثدْجِيمْ عَاذْ ن دَّاثْ نِيغْ ثڭُّورمْ [عَاذْ] ذڭْ ويْسُومْ؟
1CO 3:4 مِينْزِي مَاڒَا إِجّنْ زَّايْومْ إِقَّارْ: ’نشّْ أَقَا أَيِي زِي بُولُوسْ!‘ ؤُ ونّغْنِي إِقَّارْ: ’نشّْ أَقَا أَيِي زِي أَپُولُّوسْ!‘، مَا خنِّي كنِّيوْ وَارْ ثدْجِيمْ شَا دَّاثْ؟
1CO 3:5 مَاغَارْ مِينْ إِعْنَا أَپُولُّوسْ ؤُ مِينْ إِعْنَا بُولُوسْ؟ أَقَا أَثنْ مْغِيرْ ذ إِمْسخَّارنْ إِ زِي ثْذوْڒمْ ثُومْنمْ، ؤُشَا كُوڒْ إِجّنْ أَمْ مَامّشْ ذ أَسْ إِوْشَا سِيذِي.
1CO 3:6 أَقَا نشّْ ژُّوغْ، أَپُولُّوسْ إِسُّو، مَاشَا أَربِّي إِسّغْمِي.
1CO 3:7 خنِّي ونِّي إِتّژُّونْ وَارْ إِدْجِي ذ شَا ؤُڒَا ذ ونِّي إِتّسُّونْ، مَاشَا أَربِّي ونِّي إِسّْغمَّاينْ.
1CO 3:8 مَاشَا ونِّي إِتّژُّونْ ذ ونِّي إِتّسُّونْ ذ إِجّنْ، وَاخَّا كُوڒْ إِجّْ ثكَّارْ أَسْ-د ڒْمُونثْ نّسْ أَمْ مَامّشْ ڒْخذْمثْ نّسْ.
1CO 3:9 مِينْزِي نشِّينْ ذ إِمْسخَّارنْ أَكْ-ذ أَربِّي ؤُشَا كنِّيوْ ذ ثَافدْجَاحْثْ ذ ڒبْنِي ن أَربِّي إِ ثدْجَامْ.
1CO 3:10 عْلَاحْسَابْ أَرْضَا ن أَربِّي إِ ذ أَيِي إِمّوْشنْ، نشّْ، أَمْ ڒمْعدْجمْ أَبنَّايْ أَمِيغِيسْ، ڭِّيغْ ذْسَاسْ ؤُ ونّغْنِي أَذْ خَاسْ إِبْنَا. أجّْ كُوڒْ إِجّْ أَذْ إِحْضَا مَامّشْ خَاسْ إِ غَا إِبْنَا.
1CO 3:11 مِينْزِي ؤُڒَا ذ إِجّنْ وَارْ إِزمَّارْ أَذْ إِڭّْ ذْسَاسْ نّغْنِي خْ ونِّي إِمَّارْسنْ، أَقَا-ث ذ يَاسُوع لْمَاسِيحْ.
1CO 3:12 ؤُشَا مَاڒَا إِبْنَا حذْ خْ ذْسَاسْ نِّي س وُورغْ، نُّوقَارْثْ، إِژْرَا إِغْڒَانْ، ثفْڒَاوْثْ. ڒُومْ نِيغْ س ؤُخشْخُوشْ،
1CO 3:13 ڒْخذْمثْ ن كُوڒْ إِجّنْ أَذْ ثْبَانْ، مِينْزِي أَسّْ أَذْ ت إِسّْشنْ. مِينْزِي س ثِيمسِّي أَذْ إِتّْوَاسّضْهَارْ مَامّشْ ثدْجَا ڒْخذْمثْ ن كُوڒْ  إِجّْ، ثِيمسِّي أَذْ ت ثْفَارْزْ.
1CO 3:14 مَاڒَا ثقِّيمْ ڒْخذْمثْ [ن ڒبْنِي] إِ [خَاسْ] ثُوغَا إِبْنَا شَا ن إِجّنْ، أَقَا نتَّا أَذْ إِطّفْ ڒْمُونثْ نّسْ،
1CO 3:15 ؤُ مَاڒَا ثشْمضْ ڒْخذْمثْ ن شَا ن إِجّنْ، أَقَا نتَّا أَذْ يَارْبُو ثَاخسَّارْثْ نّسْ، مَاشَا نتَّا سِيمَانْثْ نّسْ أَذْ إِنْجمْ أَخْمِي إِكَّا ثِيمسِّي.
1CO 3:16 مَا وَارْ ثسِّينمْ شَا بلِّي ثدْجَامْ ذ زَّاوشْثْ ن أَربِّي ؤُشَا بلِّي أَرُّوحْ ن أَربِّي إِزدّغْ ذَايْومْ؟
1CO 3:17 مَاڒَا يَاريّبْ حذْ زَّاوشْثْ ن أَربِّي، أَربِّي أَذْ ث يَاريّبْ، مِينْزِي زَّاوشْثْ ن أَربِّي، ثنِّي ثدْجَامْ كنِّيوْ، ثْقدّسْ إِ ثدْجَا.
1CO 3:18 وَارْ تّجِّي حذْ أَذْ إِخدّعْ إِخفْ نّسْ! مَاڒَا ذِينْ حذْ جَارْ أَومْ إِتّْغِيڒْ أَسْ إِخفْ نّسْ ذ أَمِيغِيسْ ذِي دُّونشْثْ-أَ، أجّْ إِ-ث أَذْ إِذْوڒْ ذ أَبُوهَاڒِي مَاحنْذْ أَذْ يِيڒِي ذ أَمِيغِيسْ.
1CO 3:19 مِينْزِي ثِيغِيثْ ن دُّونشْثْ-أَ ثدْجَا ذ ثُوبُّوهڒْيَا غَارْ أَربِّي، مِينْزِي ثُورَا: ”إِطّفْ إِمِيغِيسنْ س ثحْرَايْمشْثْ نْسنْ!“،
1CO 3:20 ؤُشَا عَاوذْ: ”سِيذِي إِسّْننْ أَقَا إِخَارِّيصنْ ن إِمِيغِيسنْ ذ ڒْبَاطڒْ.“
1CO 3:21 س ؤُيَا، ؤُڒَا ذ إِجّنْ وَارْ إِسّمْغَارِي شَا زڭْ إِوْذَانْ، مِينْزِي مَارَّا نْومْ،
1CO 3:22 مَا ذ بُولُوسْ، نِيغْ ذ أَپُولُّوسْ، نِيغْ ذ كِيفَا، نِيغْ ذ دُّونشْثْ، نِيغْ ذ ثُوذَارْثْ، نِيغْ ذ ڒْموْثْ، نِيغْ ذ إِضَا نِيغْ ذ ثِيوشَّا، أَقَا مَارَّا نْومْ،
1CO 3:23 مَاشَا كنِّيوْ ن لْمَاسِيحْ ؤُشَا لْمَاسِيحْ ن أَربِّي.
1CO 4:1 أجّْ أَنغْ خنِّي أَذْ نتّْوَاحْسبْ زَّايْومْ أَمْ إِمْسخَّارنْ ن لْمَاسِيحْ ؤُ أَمْ إِوْكِيڒنْ ن ڒسْرَارْ ن أَربِّي.
1CO 4:2 خنِّي إِتّْخصَّا إِ مْكُوڒْ أَوْكِيڒْ أَذْ إِتّْوَافْ ذ أَمْثِيقِّي.
1CO 4:3 نشّْ وَارْ ذ أَيِي إِشْقِي شَا مَاڒَا تّْوَاحكْمغْ زَّايْومْ نِيغْ زڭْ إِجّْ ن بْنَاذمْ [نّغْنِي]. ؤُڒَا ذ نشّْ وَارْ حكّْمغْ شَا خْ إِخفْ إِنُو.
1CO 4:4 مِينْزِي نشّْ وَارْ ؤُشِيغْ س شَا [وَارْ إِحْڒِينْ] ذَايِي، مَاشَا س مَانْ أَيَا وَارْ تّْوَاسڭّْذغْ، مَاغَارْ أَقَا سِيذِي ذ ڒْقَاضِي إِنُو.
1CO 4:5 س ؤُينِّي وَارْ حكّْممْ شَا خْ وَالُو قْبڒْ ڒْوقْثْ نِّي ذِي د غَا يَاسْ سِيذِي، ونِّي إِ غَا إِسُّوفّْغنْ غَارْ ثْفَاوْثْ مِينْ إِنُّوفَارنْ ذِي ثَادْجسْثْ، ونِّي إِ غَا إِسّضْهَارنْ إِخَارِّيصنْ ن وُوڒَاونْ. ؤُشَا ڒخْذنِّي كُوڒْ إِجّْ أَذْ غَارسْ يِيڒِي ؤُسمْغَارْ زِي أَربِّي.
1CO 4:6 أَقَا مَانْ أَيَا، [أَ] أَيْثْمَا، إِوْيغْ ث-إِ-د خَافِي ؤُ خْ أَپُولُّوسْ أَمْ يِيجّْ ن ؤُمذْيَا ذِي طّْوعْ نْومْ، حِيمَا أَذْ زَّايْنغْ ثْڒمْذمْ، مَاحنْذْ وَارْ ثتّْخَارِّيصمْ شَا بَارَّا إِ مِينْ إِدْجَانْ ذِي ثِيرَا، حِيمَا ؤُڒَا ذ إِجّْ أَذْ إِسّمْغَارْ إِخفْ نّسْ ضِيدّْ إِ ونِّي ذ أَسْ يُوذْسنْ ذِي سِّيبّثْ ن يِيجّنْ نّغْنِي.
1CO 4:7 مَانْ ونْ يَارزُّونْ ذَايكْ؟ نِيغْ مِينْ غَاركْ نِّي وَارْ ثطِّيفذْ؟ ؤُشَا مَاڒَا ثطّْفذْ ث، مَايمِّي ثْشنّْعذْ أَخْمِي وَارْ ث ثطِّيفذْ شَا؟
1CO 4:8 ڒخُّو أَقَا ثجِّيوْنمْ ؤُ ثْذوْڒمْ ثتّجَّارمْ، ؤُشَا بْڒَا نشِّينْ أَقَا ثْحكّْممْ [أَمْ إِجدْجِيذنْ]. معْلِيكْ كنِّيوْ ثْحكّْممْ [أَمْ إِجدْجِيذنْ]، أَذْ يِيڒِي نشِّينْ خنِّي أَذْ نحْكمْ عَاوذْ أَكِيذْومْ!
1CO 4:9 مِينْزِي إِتّْغِيڒْ أَيِي بلِّي أَربِّي إِڭَّا أَنغْ غَارْ ؤُنڭَّارْ، نشِّينْ إِنِّي إِدْجَانْ ذ رُّوسُولْ، أَخْمِي [خَانغْ حكْمنْ س] ڒْموْثْ، مِينْزِي أَقَا نذْوڒْ ذ أَفُورّجْ إِ دُّونشْثْ، إِ لْمَالَاكَاثْ ؤُ إِ إِوْذَانْ.
1CO 4:10 نشِّينْ ندْجْ ذ إِبُوهَاڒِييّنْ خْ سِّيبّثْ ن لْمَاسِيحْ، مَاشَا كنِّيوْ ثدْجَامْ ذ إِمِيغِيسنْ ذِي لْمَاسِيحْ. نشِّينْ نْهيّفْ، كنِّيوْ ثْجهْذمْ، كنِّيوْ ثتّْوَاشنّْعمْ، نشِّينْ نتّْوَاسّحْقَارَا.
1CO 4:11 أَڒْ ڒخُّو نشِّينْ ذَايْنيْ ڒَاژْ ذ ؤُفَاذِي ذ ثُوعَارْينْثْ، شَّاثنْ أَنغْ، وَارْ غَارْنغْ بُو ثْزذِّيغْثْ،
1CO 4:12 نَاربّرْ أَمْ نْخدّمْ س إِفَاسّنْ نّغْ. نِيثْنِي سّحْقَارَانْ أَنغْ، أَقَا أَنغْ أَذْ نْبَاركْ، ذَارّْشنْ خَانغْ، مَاشَا أَقَا نْكسِّي أَرْمحْ،
1CO 4:13 شقّْفنْ ذَايْنغْ، أَقَا نتّْحشّمْ إِ-ثنْ [ذِي ڒْخِيرْ]. أَڒْ ڒخُّو نذْوڒْ أَمْ ثْزُوبَاتْشْ ن دُّونشْثْ، أَمْ إِفُورَاضْ ن مَارَّا، أَڒْ إِ ڒخُّو.
1CO 4:14 وَارْ تَّارِيغْ أَيَا حِيمَا أَذْ كنِّيوْ سّحْشِيمغْ، مَاشَا تّْزِييَّارغْ كنِّيوْ أَمْ ثَارْوَا إِعِيزّنْ.
1CO 4:15 وَاخَّا مَاڒَا ثُوغَا ذِينْ غَارْومْعشْرَا-أَڒَافْ ن يِينِّي إِ كنِّيوْ يَاربَّانْ ذِي لْمَاسِيحْ، أَقَا وَارْ غَارْومْ أَطَّاسْ ن إِبَابَاثنْ، مِينْزِي نشّْ جِّيغْ-د كنِّيوْ ذِي يَاسُوع لْمَاسِيحْ س لْ-إِنْجِيلْ.
1CO 4:16 س ؤُينِّي تَّارّغْ زَّايْومْ: أَروْسمْ أَيِي!
1CO 4:17 س ؤُينِّي سّكّغْ أَومْ-د ثِيمُوثِييُو، ونِّي إِدْجَانْ ذ مِّي إِعِيزّنْ ذ أَمْثِيقِّي ذِي سِيذِي، حِيمَا أَذْ ذ أَومْ إِسّْفكَّارْ إِبْرِيذنْ إِنُو إِ إِدْجَانْ ذِي لْمَاسِيحْ، أَمْ مَامّشْ ثنْ سّڒْمَاذغْ ذِي مَارَّا ثِيمسْمُونِينْ.
1CO 4:18 مَاشَا شَا زَّايْومْ أَقَا تّْنفَّاخنْ، أَخْمِي نشّْ وَارْ غَارْومْ تِّيوِيضِيغْ.
1CO 4:19 مَاشَا مَاڒَا إِخْسْ سِيذِي أَذْ غَارْومْ د-أَسغْ ذغْيَا. خنِّي وَارْ تّخْسغْ [زعْمَا] أَذْ سّْنغْ أَوَاڒنْ ن يِينِّي إِسّْڭعّْذنْ إِخفْ نْسنْ، مَاشَا جّهْذْ نْسنْ.
1CO 4:20 مِينْزِي ثَاڭلْذِيثْ ن أَربِّي وَارْ ثدْجِي شَا ذڭْ وَاوَاڒْ[أنْ]، مَاشَا ذِي جّهْذْ.
1CO 4:21 مِينْ ثخْسمْ؟ مَا أَذْ غَارْومْ د-أَسغْ س وعْمُوذْ نِيغْ س ثَايْرِي ؤُ س أَرُّوحْ ن ثمْهِينْثْ؟
1CO 5:1 ڒْحَاسُوڒْ، إِتّْوَانَّا بلِّي أَقَا ذِينْ جَارْ أَومْ فَارْقْ-شّْغڒْ، ؤُ أَنشْثْ ن فَارْقْ-شّْغڒْ نِّي وَارْ إِدْجِينْ قَاعْ جَارْ لْكُوفَّارْ، أَقَا إِجّْ ن مِّيسْ غَارسْ ثَامْغَارْثْ ن بَابَاسْ.
1CO 5:2 كنِّيوْ ثسُّوفَّامْ إِخفْ نْومْ، وَاخَّا إِتّْخصَّا أَومْ ذِي ثِيذتّْ أَذْ ثْشضْنمْ، حِيمَا أَذْ ثْحيّْضمْ ونِّي إِڭِّينْ مَانْ أَيَا زِي ڒْوسْطْ نْومْ.
1CO 5:3 وَاخَّا نشّْ أَڭّْوجغْ عْلَاحْسَابْ أَرِّيمثْ، أَقَا أَيِي حْضَارغْ ذِي أَرُّوحْ، ؤُشَا أَقَا حكْمغْ أَخْمِي حْضَارغْ خْ ونِّي إِڭِّينْ مَانْ أَيَا.
1CO 5:4 إِتّْخصَّا أَذْ ثْمُونمْ مَارَّا ذڭْ يِيسمْ ن سِيذِيثْنغْ يَاسُوع لْمَاسِيحْ، ؤُ نشّْ أَكِيذْومْ ذِي أَرُّوحْ، س جّهْذْ ن سِيذِيثْنغْ يَاسُوع لْمَاسِيحْ،
1CO 5:5 ؤُشَا كنِّيوْ أَذْ ث ثْسلّْممْ إِ شِّيطَانْ إِ ثْخسَّارْثْ ن أَرِّيمثْ نّسْ، حِيمَا أَذْ إِدَّارْ ذِي أَرُّوحْ ذڭْ وَاسّْ ن سِيذِيثْنغْ يَاسُوع لْمَاسِيحْ.
1CO 5:6 وَارْ د خَاومْ يُوسِي ؤُفيّشْ! مَا وَارْ ثسِّينمْ شَا بلِّي شْوَايْثْ ن ونْثُونْ إِسّْممّْ مَارَّا ثَاعبُّوزْثْ ن وَارشْثِي؟
1CO 5:7 سِيزذْڭمْ إِخفْ نْومْ خنِّي زڭْ ونْثُونْ أَقْذِيمْ، حِيمَا أَذْ ثِيڒِيمْ ذ إِشْثْ ن ڒْعجْنثْ ن وَارشْثِي ن جْذِيذْ. أَقَا كنِّيوْ ذ أَغْرُومْ بْڒَا أَنْثُونْ، مِينْزِي [ثَاغَارْصْثْ نّغْ ن] ؤُسعْذُو أَقَا ثتّْوَاغَارْصْ إِ نشِّينْ، أَقَا [نتَّا] ذ لْمَاسِيحْ.
1CO 5:8 س ؤُينِّي أجّْ أَنغْ أَذْ نْعيّذْ، وَارْ إِدْجِي س ونْثُونْ أَقْذِيمْ نِيغْ س ونْثُونْ ن ثُوعفّْنَا ذ ڒْغَارْ، مَاشَا س ونْثُونْ ن ڒصْفَايثْ ذ ثْقدَّاسْثْ.
1CO 5:9 أَقَا ؤُرِيغْ أَومْ-د ذِي ثبْرَاثْ، إِتّْخصَّا وَارْ تّْعَاشَارمْ أَيْثْ ن فَارْقْ-شّْغڒْ
1CO 5:10 وَارْ سِّيوْڒغْ خْ أَيْثْ ن فَارْقْ-شّْغڒْ نِّي إِدْجَانْ ذِي دُّونشْثْ-أَ، نِيغْ خْ إِضمَّاعنْ نِيغْ خْ إِبعَّاجْ نِيغْ خْ يِينِّي إِعبّْذنْ لْ-أَصْنَامْ، مَاڒَا أَمُّو، إِڒِي أَذْ ثفّْغمْ زِي دُّونشْثْ-أَ.
1CO 5:11 مَاشَا ؤُرِيغْ أَومْ-د ڒخُّو، حِيمَا وَارْ ثتّْعَاشَارمْ شَا حذْ، وَاخَّا قَّارنْ أَسْ ؤُمَا، مَاشَا أَقَا-ث ذ بُو-فَارْقْ-شّْغڒْ، نِيغْ ذ أَضمَّاعْ، نِيغْ ذ ونِّي إِعبّْذنْ لْ-أَصْنَامْ، نِيغْ ذ أَمْشقَّافْ، نِيغْ ذ أَسْكَارْجِي، نِيغْ ذ أَشفَّارْ. أَكْ-ذ حذْ أَمْ وَانِيثَا وَارْ كِيسْ ثتّتّمْ [عَاذْ] أَغْرُومْ!
1CO 5:12 مِينْزِي مَانْ ڒْحقّْ غَارِي، حِيمَا أَذْ حكْمغْ خْ يِينِّي إِدْجَانْ بَارَّا؟ حكّْممْ كنِّيوْ خْ يِينِّي إِدْجَانْ ذَاخڒْ!
1CO 5:13 مَاشَا إِنِّي إِدْجَانْ بَارَّا، أَربِّي أَذْ خَاسنْ إِحْكمْ. سْحيّْذمْ خَاومْ أَعفَّانْ!
1CO 6:1 مَا إِزْعمْ حذْ زَّايْومْ، خْمِي غَارسْ شّْرعْ أَكْ-ذ ونّغْنِي، أَذْ [زَّايسْ] إِحْكمْ زَّاثْ ن يِينِّي وَارْ إِسڭّْذنْ، وَارْ إِدْجِي زَّاثْ إِ إِمْقدَّاسنْ؟
1CO 6:2 نِيغْ وَارْ ثسِّينمْ شَا بلِّي إِمْقدَّاسنْ أَذْ حكْمنْ دُّونشْثْ؟ ؤُشَا مَاڒَا [خنِّي] دُّونشْثْ أَذْ ثتّْوَاحْكمْ زَّايْومْ، مَا وَارْ ثْزمَّارمْ [خنِّي] أَذْ ثْعذْڒمْ دّْعَاوِي ثِيمژْيَانِينْ [جَارْ أَومْ]؟
1CO 6:3 نِيغْ وَارْ ثسِّينمْ شَا بلِّي أَذْ نحْكمْ خْ لْمَالَاكَاثْ؟ مشْحَاڒْ عَاذْ كْثَارْ [إِ غَا نحْكمْ خْ] يِينِّي إِدْجَانْ ن دُّونشْثْ-أَ؟
1CO 6:4 مَاشَا مَاڒَا ذِينْ جَارْ أَومْ إِشْثْ ن دّعْوثْ خْ ثْمسْڒَايِينْ ن ثُوذَارْثْ-أَ، مَا ثتّڭّمْ إِنِّي غَارْ إِدْجَا ذْرُوسْ ن ؤُوقَّارْ وَاهَا ذِي ثْمسْمُونْثْ حِيمَا أَذْ حكْمنْ؟
1CO 6:5 قَّارغْ أَومْ ث حِيمَا أَذْ ثْسضْحَامْ. مَا خنِّي وَارْ ذِينِّي حذْ جَارْ أَومْ ذ أَمِيغِيسْ ونِّي إِزمَّارنْ أَذْ إِحْكمْ جَارْ ثَاوْمَاثْ ذ ؤُمَاسْ؟
1CO 6:6 مَاشَا [ڒخُّو]، إِجّْ ن ثَاوْمَاثْ أَذْ إِشَارّعْ أَكْ-ذ ؤُمَاسْ ؤُ مَانْ أَيَا قِيبَاتْشْ إِ يِينِّي وَارْ يُومِيننْ شَا.
1CO 6:7 س ؤُيَا ثْحكّْممْ خْ يِيخفْ نْومْ، مِينْزِي ثمْشَارَّاعمْ جَارْ أَومْ. مَايمِّي وَارْ ثْقبّْڒمْ أَذْ كنِّيوْ ضدْجنْ؟ مَايمِّي وَارْ ثْقبّْڒمْ شَا أَذْ كنِّيوْغشّنْ؟
1CO 6:8 مَاشَا [ڒخُّو] ثتّڭّمْ مِينْ وَارْ إِسڭّْذنْ ؤُشَا ثتّْغشَّامْ عَاذْ إِ أَيْثْمَاثْومْ.
1CO 6:9 مَا وَارْ ثسِّينمْ شَا بلِّي إِنِّي وَارْ إِسڭّْذنْ وَارْ وَارّْثنْ شَا ثَاڭلْذِيثْ ن أَربِّي؟ وَارْ تّْرَاحمْ شَا ذِي غَالَاطْ! أَيْثْ ن فَارْقْ-شّْغڒْ، نِيغْ إِنِّي إِعبّْذنْ لْ-أَصْنَامْ، نِيغْ إِنِّي إِتّڭّنْ زِّينَا، نِيغْ إِنِّي إِسّخْسَارَانْ، نِيغْ زّْوَامڒْ،
1CO 6:10 نِيغْ إِضمَّاعنْ، نِيغْ إِشفَّارنْ، نِيغْ إِسْكَارْجِييّنْ، نِيغْ إِمْشقَّافنْ ؤُڒَا ذ إِبعَّاجنْ وَارْ وَارّْثنْ ثَاڭلْذِيثْ ن أَربِّي.
1CO 6:11 ثُوغَا ثِيمسْڒَايِينْ-أَ ڒسْقنْثْ غَارْ شَا زَّايْومْ، مَاشَا أَقَا كنِّيوْ ثتّْوَاسِّيرْذمْ، أَقَا ثتّْوَاقدّْسمْ، أَقَا ثتّْوَاسڭّْذمْ س يِيسمْ ن سِيذِيثْنغْ يَاسُوع لْمَاسِيحْ ؤُ س أَرُّوحْ ن أَربِّي نّغْ.
1CO 6:12 مَارَّا ثِيمسْڒَايِينْ حدْجْڒنْثْ أَيِي، مَاشَا مَارَّا وَارْ نفّْعنْثْ. مَارَّا ثِيمسْڒَايِينْ حدْجْڒنْثْ أَيِي، مَاشَا وَارْ ذ أَيِي إِتّْضبَّارْ ؤُڒَا ذ إِجّنْ بْنَاذمْ.
1CO 6:13 مَاشَّا إِ ؤُعذِّيسْ ؤُشَا أَعذِّيسْ إِ مَاشَّا، مَاشَا أَربِّي أَذْ ثنْ إِبطّڒْ س ثْيُويَا. مَاشَا أَرِّيمثْ وَارْ ثدْجِي إِ فَارْقْ-شّْغڒْ، مَاشَا إِ سِيذِيثْنغْ، ؤُشَا سِيذِيثْنغْ إِ أَرِّيمثْ.
1CO 6:14 مَاشَا أَربِّي ونِّي د-إِسّْنكَّارنْ سِيذِيثْنغْ، أَذْ أَنغْ د-إِسّْنكَّارْ س جّهْذْ نّسْ.
1CO 6:15 مَا وَارْ ثسِّينمْ شَا بلِّي أَرِّيمَاثْ نْومْ دْجَانْثْ ذ إِغزْذِيسنْ ن لْمَاسِيحْ؟ مَا أَذْ كْسِيغْ خنِّي إِجّْ ن ؤُغزْذِيسْ ن لْمَاسِيحْ، مَاحنْذْ أَذْ ث ڭّغْ ذ أَغزْذِيسْ ن إِشْثْ ن ثمْغَارْثْ ن فَارْقْ-شّْغڒْ؟عمَّارْصْ!
1CO 6:16 نِيغْ وَارْ ثسِّينمْ شَا بلِّي وِي إِمُوننْ أَكْ-ذ ثمْغَارْثْ ن فَارْقْ-شّْغڒْ، أَقَا-ث ذ إِشْثْ ن أَرِّيمثْ [أَكِيذسْ]؟ مِينْزِي إِقَّارْ: ’نِيثْنِي س ثْنَاينْ أَذْ إِڒِينْ ذ إِشْثْ ن أَرِّيمثْ.‘
1CO 6:17 مَاشَا ونِّي إِمُوننْ أَكْ-ذ سِيذِيثْنغْ، أَقَا-ث ذ إِجّْ ن أَرُّوحْ أَكِيذسْ.
1CO 6:18 أَروْڒمْ زِي فَارْقْ-شّْغڒْ. كُوڒْ شَا ن دّنْبْ إِ إِتّڭّْ بْنَاذمْ، أَقَا-ث بَارَّا إِ أَرِّيمثْ نّسْ، مَاشَا ونِّي إِسّفْسَاذنْ إِخفْ نّسْ س فَارْقْ-شّْغڒْ، أَقَا نتَّا إِخطَّا ضِيدّْ إِ أَرِّيمثْ نّسْ.
1CO 6:19 مَا وَارْ ثسِّينمْ شَا بلِّي أَرِّيمثْ نْومْ ذ زَّاوشْثْ ن أَرُّوحْ إِقدّْسنْ ونِّي ذَايْومْ إِدْجَانْ، ونِّي إِ طّْفمْ زِي أَربِّي، ؤُ أَقَا كنِّيوْ وَارْ ثدْجِيمْ شَا إِ يِيخفْ نْومْ؟
1CO 6:20 أَقَا ثمّسْغمْ-د س تَّامَانْ. سمْغَارمْ خنِّي أَربِّي ذِي أَرِّيمثْ نْومْ ؤُ ذِي أَرُّوحْ نْومْ ثِينِّي إِدْجَانْ ن أَربِّي.
1CO 7:1 زِي جِّيهثْ مِينْ ذ أَيِي ثُورِيمْ، أَقَا مْلِيحْ إِ بْنَاذمْ وَارْ إِتّْحِيذِي شَا ثَامْغَارْثْ.
1CO 7:2 مَاشَا زِي سِّيبّثْ ن فَارْقْ-شّْغڒْ، كُوڒْ أَرْيَازْ أَذْ يَاوِي ثَامْغَارْثْ نّسْ ؤُشَا كُوڒْ إِشْثْ ن ثمْغَارْثْ أَذْ ثطّفْ أَرْيَازْ نّسْ.
1CO 7:3 أجّْ أَرْيَازْ أَذْ إِسّْشنْ إِ ثمْغَارْثْ نّسْ ثَايْرِي إِ ذ أَسْ د-يُوسِينْ، أَمُّو عَاوذْ ثَامْغَارْثْ إِ ورْيَازْ نّسْ.
1CO 7:4 ثَامْغَارْثْ وَارْ ثتّْضبَّارِي شَا ذِي أَرِّيمثْ نّسْ، مَاشَا أَرْيَازْ نّسْ. ؤُشَا أَمُّو عَاوذْ أَرْيَازْ وَارْ إِتّْضبَّارِي شَا ذِي أَرِّيمثْ نّسْ، مَاشَا ثَامْغَارْثْ نّسْ.
1CO 7:5 وَارْ [ت] قطّْعمْ شَا خْ وَايَاوْيَا، مْغِيرْ مَاڒَا ثكّْسمْ ذڭْ وَاوَاڒْ شَا ن ؤُمُورْ حِيمَا أَذْ شغْڒمْ س ؤُژُومِّي ذ ثْژَادْجِيثْ. أَوَارْنِي مَانْ أَيَا مُونمْ عَاوذْ مَاحنْذْ أَذْ ثَاوْيمْ أَرِيقِّي إِ ڒمْرَاشْ، حِيمَا وَارْ كنِّيوْ إِتّْجَارِّيبْ شِّيطَانْ زِي سِّيبّثْ ن مژْرِي ن أَرِّيمثْ.
1CO 7:6 قَّارغْ مَانْ أَيَا ذِي طّْوعْ ن يِينِّي إِضعْفنْ، وَارْ إِدْجِي س ڒُومُورْ.
1CO 7:7 خْسغْ عَاذْ مْلِيحْ مَاڒَا مَارَّا إِوْذَانْ أَذْ إِڒِينْ أَمْ نشّْ ذِي ثَازْذُوڭِي، مَاشَا كُوڒْ إِجّْ غَارسْ ثَاوْهِيبْثْ نّسْ إِ ذ أَسْ إِوْشَا أَربِّي، إِجّنْ أَمُّو، ونّغْنِي أَمُّو.
1CO 7:8 مَاشَا إِ يِينِّي وَارْ غَارْسنْ بُو ثمْغَارْثْ ؤُ إِ ثِيجَّاڒْ قَّارغْ، أَقَا مْلِيحْ إِ نِيثْنِي مَاڒَا قِّيممْ أَمْ نشّْ.
1CO 7:9 مَاشَا مَاڒَا وَارْ زمَّارنْ أَذْ قِّيمنْ طّْفنْ ذِي مَانْ أَيَا، أجّْ إِ-ثنْ أَذْ مڒْشنْ، مِينْزِي إِحْڒَا أَذْ أَوْينْ ثَامْغَارْثْ خْ وشْمَاضْ ن نّشْوثْ.
1CO 7:10 مَاشَا إِ يِينِّي يِيوْينْ إِشْثْ ن ثمْغَارْثْ، ؤُمُورغْ، وَارْ إِدْجِي ذ نشّْ، مَاشَا سِيذِي إِنُو، بلِّي ثَامْغَارْثْ وَارْ ثْبطِّي خْ ورْيَازْ.
1CO 7:11 ؤُشَا مَاڒَا ثبْضَا، أَذْ ثقِّيمْ بْڒَا أَرْيَازْ، نِيغْ أَذْ ثمّسّصْڒحْ أَكْ-ذ ورْيَازْ نّسْ، ؤُشَا أَرْيَازْ وَارْ إِتّجِّي ثَامْغَارْثْ نّسْ.
1CO 7:12 خنِّي إِ إِنّغْنِي قَّارغْ نشّْ، وَارْ إِدْجِي سِيذِي: مَاڒَا إِجّْ ن ثَاوْمَاثْ غَارسْ ثَامْغَارْثْ وَارْ إِتِّيمْننْ، ؤُشَا نتَّاثْ ثقْبڒْ أَذْ ثزْذغْ أَكِيذسْ، وَارْ ت إِنطَّارْ شَا.
1CO 7:13 ؤُشَا مَاڒَا إِشْثْ ن ثمْغَارْثْ ثنِّي غَارْ إِدْجَا ورْيَازْ وَارْ يُومِيننْ، ؤُ نتَّا إِخْسْ أَذْ كِيذسْ إِزْذغْ، وَارْ ثْسمّحْ شَا نتَّاثْ ذڭْ ورْيَازْ نّسْ.
1CO 7:14 س مِينْزِي أَرْيَازْ وَارْ يُومِيننْ إِتّْوَاقدّسْ ذِي ثمْغَارْثْ ثنِّي يُومْننْ، ؤُڒَا ذ ثَامْغَارْثْ وَارْ يُومِيننْ ثتّْوَاقدّسْ ذڭْ ورْيَازْ إِ يُومْننْ، مَاڒَا مَامّشْ نّغْنِي أَذْ إِڒِينْ إِحنْجِيرنْ نْومْ ذ إِمنْڭَاسْ، مَاشَا ڒخُّو أَقَا نِيثْنِي ذ إِمزْذَاڭنْ.
1CO 7:15 مَاشَا مَاڒَا ونِّي وَارْ إِتِّيمْننْ أَذْ إِدْجفْ، أجّْ إِ-ث أَذْ إِدْجفْ. خنِّي ثَاوْمَاثْ نِيغْ ثَاوتْشْمَاثْ وَارْ تّْوَاقّْننْ شَا ذِي ڒْحَاڒْ نِّي. أَقَا أَربِّي إِڒَاغَا أَنغْ-د غَارْ ڒهْنَا.
1CO 7:16 مِينْزِي مَانِيسْ ثسّْنذْ شمْ، [أَ] ثَامْغَارْثْ، أَذْ ثسّْنجْمذْ أَرْيَازْ نّمْ؟ نِيغْ مَانِيسْ ثسّْنذْ شكْ، [أَ] أَرْيَازْ، أَذْ ثسّْنجْمذْ ثَامْغَارْثْ نّشْ؟
1CO 7:17 مَاشَا كُوڒْ إِجّْ أَمْ مَامّشْ ذ أَسْ إِوْشَا سِيذِي، أَمْ مَامّشْ إِ ذ إِڒَاغَا أَربِّي إِ كُوڒْ إِجّْ، أجّْ إِ-ث أَذْ إِدَّارْ أَمُّو. أَمُّو إِ ؤُمُورغْ إِ مَارَّا ثِيمسْمُونِينْ.
1CO 7:18 مَاڒَا إِتّْوَاڒَاغَا إِ ورْيَازْ إِتّْوَاخثْننْ [غَارْ ؤُمُونِي أَكْ-ذ لْمَاسِيحْ]، وَانِيثَا وَارْ يَارزُّو أَذْ د-إِذْوڒْ غَارْ بْڒَا أَخْثَانْ نّسْ، ؤُشَا مَاڒَا إِتّْوَاڒَاغَا إِ حذْ بْڒَا أَخْثَانْ، أجّْ إِ-ث وَارْ يَارزُّو أَذْ ث خثْننْ.
1CO 7:19 أَخْثَانْ ذ وَالُو ؤُ بْڒَا أَخْثَانْ ذ وَالُو، مَاشَا أَحطُّو ن ثْوصَّا ن أَربِّي، وَاهْ!
1CO 7:20 أجّْ كُوڒْ إِجّنْ أَذْ إِقِّيمْ ذِي ثْڒَاغِيثْ إِ زِي د-إِتّْوَاڒَاغَا.
1CO 7:21 مَاڒَا ثُوغَا شكْ ثتّْوَاڒَاغِيذْ-د ذ إِسْمغْ وَارْ ثسّْحِيسِّيفذْ شَا إِ مَانْ أَيَا، مَاشَا مَاڒَا ثْزمَّارذْ أَذْ ثتّْوَاسَّارْحذْ، إِخْضَارْ خنِّي س يِيخفْ نّشْ، مَاحنْذْ أَذْ ثْسخَّارذْ.
1CO 7:22 مِينْزِي ونِّي إِتّْوَاڒَاغَانْ ذِي سِيذِيثْنغْ أَمْ ثُوغَا ذ إِسْمغْ، أَقَا-ث ذ أَحُورِّي ن أَربِّي، أَمْ مَامّشْ ونِّي إِتّْوَاڒَاغَانْ ذ أَحُورِّي، أَقَا-ث ذ إِسْمغْ ن لْمَاسِيحْ.
1CO 7:23 أَقَا ثمّسْغمْ-د س تَّامَانْ، [خنِّي] وَارْ إِعدّڒْ أَذْ ثِيڒِيمْ عَاذْ ذ إِسمْغَانْ ن إِوْذَانْ.
1CO 7:24 [أَ] أَيْثْمَا، أجّْ كُوڒْ إِجّنْ أَذْ إِسِيغِي أَكْ-ذ أَربِّي ذڭْ وبْرِيذْ نِّي ذِي د-إِتّْوَاڒَاغَا.
1CO 7:25 ذڭْ وَازَّايْ ن ثُوعزْرِييَا، أَقَا وَارْ غَارِي بُو ڒُومُورْ ن أَربِّي، مَاشَا أَذْ وْشغْ أَرَّايْ إِنُو، أَمْ وِي يِيوْضنْ س أَرْضَا ن أَربِّي حِيمَا أَذْ يِيڒِي ذ أَمْثِيقِّي.
1CO 7:26 إِتّْغِيڒْ أَيِي مْلِيحْ إِ ڒغْبنْ إِ إِدْجَانْ ذِي ڒْوقْثْ-أَ، بلِّي أَقَا إِشْنَا إِ بْنَاذمْ أَذْ إِقِّيمْ أَمْ إِدْجَا.
1CO 7:27 مَا ثْڒصْقذْ ذِي ثمْغَارْثْ؟ وَارْ أَرزُّو شَا أَذْ [زَّايسْ] ثنّْفكّذْ. مَاڒَا شكْ وَارْ ثْڒصْقذْ ذِي ثمْغَارْثْ؟ وَارْ أَرزُّو خْ ثمْغَارْثْ.
1CO 7:28 مَاشَا مَاڒَا ثِيوْيذْ ثَامْغَارْثْ، وَارْ ثْخطِّيذْ. ؤُشَا مَاڒَا ثَاعْزَارشْثْ ثذْوڒْ غَارْ ورْيَازْ، نتَّاثْ وَارْ ثْخطِّي شَا. مَاشَا إِنِّي [إِقّْننْ إِ وَايَاوَايَا س ڒمْڒَاشْ]، ثتّْرَاجَا إِ-ثنْ ڒْمحْنثْ ذِي أَرِّيمثْ، ؤُشَا خْسغْ أَذْ ت خَاومْ كّْسغْ.
1CO 7:29 ذ مَانْ أَيَا إِ قَّارغْ، [أَ] أَيْثْمَا، أَقَا ڒْحَاڒْ إِمْژِي. س ؤُينِّي إِنِّي غَارْ إِدْجَا ثمْغَارْثْ، أجّْ إِ-ثنْ أَذْ إِڒِينْ أَخْمِي وَارْ غَارْسنْ ثدْجِي،
1CO 7:30 إِنِّي إِتّْرُونْ أَخْمِي وَارْ تّْرُونْ، إِنِّي إِفَارّْحنْ أَخْمِي وَارْ فْرِيحنْ، إِنِّي إِسَّاغنْ أَخْمِي وَارْ ملّْكنْ،
1CO 7:31 ؤُ إِنِّي إِسْثنْفَاعنْ زِي دُّونشْثْ-أَ، إِتّْخصَّا وَارْ تَّاڭّْوِيجنْ خْ ؤُسْثنْفعْ إِ د-إِتّْڒِيقنْ، مِينْزِي ؤُذمْ ن دُّونشْثْ أَيَا أَذْ إِعْذُو.
1CO 7:32 س ؤُينِّي خْسغْ أَذْ ثِيڒِيمْ بْڒَا أَمْنُوسْ، مَاغَارْ ونِّي وَارْ غَارسْ ثدْجِي ثمْغَارْثْ، أَذْ إِخَارّصْ ذِي مِينْ إِدْجَانْ ن سِيذسْ ذ مَامّشْ غَا يَارْضَا سِيذسْ.
1CO 7:33 مَاشَا ونِّي غَارْ ثدْجَا ثمْغَارْثْ، أَذْ إِكْسِي س ومْنُوسْ إِ ثْمسْڒَايِينْ ن دُّونشْثْ-أَ ؤُ مَامّشْ غَا يَارْضَا ثَامْغَارْثْ نّسْ.
1CO 7:34 أَقَا ذِينْ إِجّْ ن ڒْفَارْقْ جَارْ ثمْغَارْثْ ذ ثعْزَارشْثْ. ثنِّي وَارْ غَارْ إِدْجِي ورْيَازْعمَّارْصْ، أَذْ ثْخَارّصْ ذِي سِيذسْ، حِيمَا أَذْ ثِيڒِي ثْقدّسْ أَمْ ذِي أَرِّيمثْ أَمْ ذِي أَرُّوحْ، مَاشَا ثنِّي غَارْ ثدْجَا ورْيَازْ، أَذْ ثْخَارّصْ ذِي ثْمسْڒَايِينْ ن دُّونشْثْ، إِ مَامّشْ غَا ثَارْضَا أَرْيَازْ نّسْ.
1CO 7:35 ذڭَّا قَّارغْ أَومْ-د إِ ثِيزِي نْومْ، وَارْ إِدْجِي حِيمَا أَذْ أَومْ ڭّغْ ڒْفخْ، مَاشَا [نِّيغْ ث] حِيمَا أَذْ ثقِّيمنْ ذ إِمْثِيقَّانْ إِ سِيذِيثْومْ خْ ؤُبْرِيذْ نِيشَانْ، أَمْ وَارْ ثْسڒْهِيمْ أَكْ-ذ دُّونشْثْ.
1CO 7:36 مَاشَا مَاڒَا إِخَارّصْ حذْ بلِّي أَقَا سْثْهزَّانْ زَّايسْ زِي سِّيبّثْ ن يدْجِيسْ ثَاعْزَارشْثْ، ثنِّي خْ عْذُونْ وُوسَّانْ ن ثمْژِي نّسْ أَمْ وَارْ ت إِسّمْڒشْ عَاذْ إِ ورْيَازْ، ؤُشَا إِتّْغِيڒْ أَسْ نِيشَانْ أَذْ ت إِسّمْڒشْ، نتَّا وَارْ إِخطِّي شَا. أجّْ إِ-ت أَذْ ثْمڒْشْ.
1CO 7:37 مَاشَا وِي إِدْجَانْ نِيشَانْ ذڭْ وُوڒْ نّسْ، بْڒَا مَا يُوشَا س ؤُزِييَّارْ، ؤُشَا غَارسْ صُّولْطَا خْ يِيخفْ نّسْ، إِكّسْ ذڭْ وُوڒْ نّسْ أَذْ يجّْ ثَاعْزَارشْثْ نّسْ ثصْفَا، مْلِيحْ إِ يڭَّا.
1CO 7:38 س ؤُينِّي، ونِّي إِسّْمڒْشنْ يدْجِيسْ ثَاعْزَارشْثْ إِڭَّا مْلِيحْ، ؤُ ونِّي وَارْ إِسّْمدْجِيشنْ يدْجِيسْ ثَاعْزَارشْثْ، إِڭَّا مْلِيحْ أَطَّاسْ.
1CO 7:39 ثَامْغَارْثْ ثقّنْ غَارْ ورْيَازْ نّسْ س شَّارِيعَا مِينْ غَا يكّْ ورْيَازْ نّسْ إِدَّارْ، مَاشَا مَاڒَا أَرْيَازْ نّسْ إِمُّوثْ، أَقَا-ت ثْسَارّحْ زَّايسْ، ثْزمَّارْ أَذْ ثمْڒشْ أَكْ-ذ وِي ثخْسْ، مَاشَا ذِي سِيذِيثْنغْ وَاهَا.
1CO 7:40 مَاشَا نشّْ غَارِي، أَقَا نتَّاثْ أَذْ ثتّْوَابَاركْ كْثَارْ مَاڒَا ثقِّيمْ أَمنِّي. ؤُ أَقَا نشّْ تّْوَاڒِيغْ أَرُّوحْ ن أَربِّي [إِخدّمْ] عَاوذْ ذَايِي.
1CO 8:1 زِي جِّيهثْ ن ثْغَارْصِينْ إِ لْ-أَصْنَامْ، أَقَا نسّنْ، بلِّي مَارَّا غَارْنغْ ثُوسّْنَا. ثُوسّْنَا [مَاشَا] ثتّڭّْ ثُوفّثْ، مَاشَا ثَايْرِي ثسّْيمَّا.
1CO 8:2 مَاڒَا ذِينْ حذْ إِتّْغِيڒْ أَسْ بلِّي إِسّنْ شَا، عَاذْ وَارْ إِسِّينْ وَالُو أَنشْثْ مَامّشْ إِتّْخصَّا أَذْ إِسّنْ.
1CO 8:3 مَاشَا مَاڒَا إِتّخْسْ حذْ أَربِّي، أَقَا ذ وَا إِتّْوَاسّنْ زَّايسْ.
1CO 8:4 خْ مَاشَّا ثنِّي إِتّْوَاغَارْصنْ إِ لْ-أَصْنَامْ، أَقَا نسّنْ بلِّي صَّانَامْ وَارْ إِدْجِي ذ وَالُو ذِي دُّونشْثْ، ؤُ بلِّي وَارْ ذِينْ إِدْجِي شَا أَربِّي نّغْنِي مْغِيرْ إِجّنْ.
1CO 8:5 خنِّي، وَاخَّا أَقَا ذِينْ إِنِّي ؤُمِي قَّارنْ إِربِّيثنْ، نِيغْ ذڭْ ؤُجنَّا نِيغْ ذِي ثمُّورْثْ - أَمْ مَامّشْ دْجَانْ ذِينْ أَطَّاسْ ن إِربِّيثنْ ذ وَاطَّاسْ ن إِسِيذِيثنْ -
1CO 8:6 إِ نشِّينْ أَقَا غَارْنغْ إِجّْ ن أَربِّي، بَابَاثْنغْ، مَاغَارْ زَّايسْ إِ د-ؤُسِينْثْ مَارَّا ثِيمسْڒَايِينْ ؤُ ذَايسْ إِ ندْجْ، ؤُ أَقَا غَارْنغْ إِجّْ ن سِيذِي، أَقَا-ث ذ يَاسُوع لْمَاسِيحْ، مَاغَارْ مَارَّا ثِيمسْڒَايِينْ دْجَانْثْ س ؤُفُوسْ نّسْ، ؤُشَا ؤُڒَا ذ نشِّينْ أَقَا س إِفَاسّنْ نّسْ إِ ندْجْ.
1CO 8:7 مَاشَا ثُوسّْنَا-يَا وَارْ ذَايْسنْ ثدْجِي مَارَّا، مِينْزِي ذِينْ شَا ن يِينِّي ذِي ثْنفْسشْثْ نْسنْ تّتّنْ مِينْ إِتّْوَاغَارْصنْ إِ لْ-أَصْنَامْ، ؤُشَا [خنِّي] ثتّْوَاسّخْمجْ [ثْنفْسشْثْ نْسنْ] س مَانَاينِّي، مِينْزِي ثضْعفْ ثْنفْسشْثْ نْسنْ.
1CO 8:8 مَاشَا مَاشَّا وَارْ ذ أَنغْ ثسِّيوِيضْ شَا غَارْ أَربِّي، مِينْزِي مَاڒَا نشَّا، أَقَا وَارْ ذَايْنغْ يَارنِّي شَا، نِيغْ مَاڒَا وَارْ نشِّي، أَقَا وَارْ ذَايْنغْ بُو ڒخْصصْ.
1CO 8:9 مَاشَا غَارْومْ، أَقَا تّسْرِيحْ نْومْ وَارْ د-ثُوسِي أَذْ ثِيڒِي ذ ثَاعنْكْرِيفْثْ إِ يِينِّي إِضعْفنْ.
1CO 8:10 س مِينْزِي مَاڒَا حذْ إِتّْوَاڒَا كنِّيوْ، إِنِّي غَارْ ثدْجَا ثُوسّْنَا، ثتّْغِيمَامْ ذِي زَّاوشْثْ مَانِيعبّْذنْ لْ-أَصْنَامْ، مَا ثَانفْسشْثْ نّسْ، مِينْزِي نتَّا إِضْعفْ، وَارْ ثتّْوَاجْبذْ شَا أَذْ ثكَّارْ مَاحنْذْ أَذْ يشّْ مِينْ غَارْصنْ إِ لْ-أَصْنَامْ؟
1CO 8:11 أَمُّو س ثُوسّْنَا نّشْ أَذْ إِودَّارْ ونِّي إِضعْفنْ، ونِّي إِ خفْ إِمُّوثْ لْمَاسِيحْ.
1CO 8:12 خْمِي ثْخطِّيمْ أَمُّو خْ وَاوْمَاثنْ نْومْ ؤُشَا ثسّْيزّْممْ ثُوضْعفْثْ ن ثْنفْسشْثْ نْسنْ، أَقَا ثْخطِّيمْ خْ لْمَاسِيحْ.
1CO 8:13 س ؤُينِّي، مَاڒَا مَاشَّا أَقَا ثَارَّا ؤُمَا أَذْ إِنّذْرفْ، وَارْ تّتّغْ أَيْسُومْعمَّارْصْ، حِيمَا وَارْ سّنْذْرِيفغْ شَا ؤُمَا.
1CO 9:1 مَا وَارْ دْجِيغْ ذ أَحُورِّي؟ مَا وَارْ دْجِيغْ ذ رَّاسُولْ؟ مَا وَارْ ژْرِيغْ سِيذِيثْنغْ يَاسُوع لْمَاسِيحْ؟ مَا وَارْ ثدْجِيمْ كنِّيوْ ذ ڒْخذْمثْ إِنُو ذِي سِيذِي إِنُو؟
1CO 9:2 مَاڒَا وَارْ دْجِيغْ ذ رَّاسُولْ إِ ونّغْنِي، إِ كنِّيوْ نِيشَانْ عْنِيغْ ث، [وَاهْ،] كنِّيوْ ذ أَشمِّيعْ ن ڒْخذْمثْ إِنُو ن رَّاسُولْ.
1CO 9:3 نشّْ أَرِّيغْ-د خْ يِينِّي خَافِي إِحكّْمنْ أَمُّو:
1CO 9:4 مَا وَارْ غَارْنغْ بُو تّسْرِيحْ حِيمَا أَذْ نشّْ، أَذْ نْسُو؟
1CO 9:5 مَا وَارْ غَارْنغْ بُو تّسْرِيحْ أَذْ نَاوِي أَكِيذْنغْ إِشْثْ ن ثْوتْشْمَاثْ ذ ثَامْغَارْثْ أَمْ عَاوذْ رُّوسُولْ إِنّغْنِي ذ وَاوْمَاثنْ ن سِيذِيثْنغْ ذ كِيفَا؟
1CO 9:6 نِيغْ وَاهَا بَارْ-نَابَا ذ نشّْ وَارْ غَارْنغْ بُو تّسْرِيحْ حِيمَا وَارْ نْخدّمْ؟
1CO 9:7 مَانْ ونْ إِ غَا إِخدّْمنْ ذِي ڒْعسْكَارْ أَذْ إِخدْجصْ ڒْمُونثْ إِ يِيخفْ نّسْ؟ مَانْ ونْ إِ غَا إِژُّونْ إِشْثْ ن ثْزَايَارْثْ ذڭْ إِجّْ ن ؤُمَارْجعْ ن ؤُضِيڒْ، وَارْ إِتّتّْ شَا زِي ڒْغِيدْجثْ نّسْ؟ نِيغْ مَانْ ونْ إِ غَا يَاركّْوسنْ إِشْثْ ن ثْحِيمَارْثْ، وَارْ إِسسّْ شَا أَغِي ن ثْحِيمَارْثْ؟
1CO 9:8 مَا قَّارغْ مَانْ أَيَا أَمْ بْنَاذمْ [وَاهَا]؟ خْزَارْ، ؤُڒَا ذ شَّارِيعَا ثقَّارْ أَيَا!
1CO 9:9 مِينْزِي ثُورَا ذِي شَّارِيعَا ن مُوسَا: ”وَارْ تّڭّْ ثَاشْمَانْثْ إِ ؤُينْذُوزْ إِسَّارْوَاثنْ.“ مَا أَربِّي إِحطَّا خْ إِينْذُوزنْ س ثِيذتّْ؟
1CO 9:10 نسّنْ أَقَا إِنَّا إِ-ث ذِي طّْوعْ نّغْ ؤُ مَانْ أَيَا ثُورَا ذِي طّْوعْ نّغْ، مِينْزِي ونِّي إِشَارّْزنْ، أَذْ إِشَارْزْ س ؤُسِيثمْ ؤُ ونِّي إِسَّارْوَاثنْ، أَذْ إِسَّارْوَاثْ س ؤُسِيثمْ أَذْ غَارسْ يِيڒِي صَّابثْ.
1CO 9:11 مَاڒَا نشِّينْ أَقَا نْزَارّعْ ذَايْومْ مِينْ إِدْجَانْ ن أَرُّوحْ، خنِّي مَا ذ أَطَّاسْ مَاڒَا نمْجَارْ زَّايْومْ [شَا] زِي مِينْ إِدْجَانْ ن ثمُّورْثْ؟
1CO 9:12 مَاڒَا إِنّغْنِي غَارْسنْ تّسْرِيحْ-أَ خَاومْ، [مَاحنْذْ أَذْ شَارْشنْ ذِي مِينْ إِدْجَانْ نْومْ]، مَايمِّي نشِّينْ كْثَارْ لَّا؟ مَاشَا نشِّينْ وَارْ نسّْثنْفِيعْ زِي تّسْرِيحْ-أَ، مَاشَا نكْسِي مَارَّا، حِيمَا وَارْ نتّڭّْ ؤُڒَا ذ إِشْثْ ن ثْعنْكْرِيفْثْ إِ ڒخْبَارْ أَصبْحَانْ ن لْمَاسِيحْ.
1CO 9:13 مَا وَارْ ثسِّينمْ شَا بلِّي إِنِّي إِتّْسخَّارنْ ذڭْ ؤُقدَّاسْ أَذْ تّْوَارزْقنْ زِي [مِينْ إِدْجَانْ ذڭْ] ؤُقدَّاسْ؟ ؤُشَا إِنِّي إِتّْسخَّارنْ غَارْ ؤُعَالْطَارْ أَذْ طّْفنْ ثَاسْغَارْثْ نْسنْ زڭْ ؤُعَالْطَارْ؟
1CO 9:14 أَمُّو عَاوذْ يُومُورْ سِيذِيثْنغْ إِ يِينِّي إِتّْبَارّْحنْ ڒخْبَارْ نّسْ أَصبْحَانْ، أَقَا أَذْ دَّارنْ زِي ڒخْبَارْ أَصبْحَانْ.
1CO 9:15 مَاشَا نشّْ وَارْ سّْثنْفِيعغْ زڭْ ؤُڒَا ذ إِشْثْ زِي ثْمسْڒَايِينْ-أَ. ؤُ نشّْ وَارْ ث ؤُرِيغْ شَا، حِيمَا أَذْ إِتّْوَاڭّْ مَانْ أَيَا إِ نشّْ، معْلِيكْ ؤُفِيغْ أَذْ مّْثغْ خْ ؤُسبْضڒْ ن ؤُسمْغَارْ إِنُو س شَا ن يِيجّنْ.
1CO 9:16 خنِّي مَاڒَا نشّْ تّْبَارّْحغْ س ڒخْبَارْ أَصبْحَانْ، نشّْ وَارْ غَارِي شَا مِينْ ذِي غَا سّمْغَارغْ، مِينْزِي إِتّْخصَّا أَيِي مَانْ أَيَا. أَيحَّاثْ خَافِي، مَاڒَا وَارْ تّْبَارّْحغْ شَا س ڒخْبَارْ أَصبْحَانْ!
1CO 9:17 س ؤُينِّي، مَاڒَا ڭِّيغْ ت س ڒْخَاضَارْ إِنُو، أَذْ غَارِي ثِيڒِي ڒْمُونثْ، مَاشَا مَاڒَا وَارْ ت تّڭِّيغْ س ڒْخَاضَارْ، أَقَا أَذْ إِقِّيمْ ؤُوكّڒْ ذڭْ ؤُفُوسْ إِنُو.
1CO 9:18 مَانْ ثنْ قَاعْ إِدْجَانْ ذ ڒْمُونثْ إِنُو؟ أَقَا-ت ذ ثَا: أَمْ تّْبَارّْحغْ س ڒخْبَارْ أَصبْحَانْ أَذْ سّحْضَارغْ ڒخْبَارْ أَصبْحَانْ ن لْمَاسِيحْ بَاطڒْ، وَارْ كسِّيغْ شَا تّسْرِيحْ إِنُو إِ ذَايِي إِوْشَا [أَربِّي] ذِي لْ-إِنْجِيلْ.
1CO 9:19 نشّْ، ؤُمِي قِّيمغْ تّْوَاحَارّغْ زِي مَارَّا، أَقَا أَرّغْ إِخفْ إِنُو ذ أَمْسخَّارْ ن مَارَّا، حِيمَا أَذْ أَربْحغْ أَطَّاسْ [ن إِوْذَانْ].
1CO 9:20 إِ وُوذَاينْ ذوْڒغْ أَمْ وُوذَايْ حِيمَا أَذْ أَربْحغْ ؤُذَاينْ، إِ يِينِّي إِدْجَانْ سَاذُو شَّارِيعَا ذوْڒغْ أَمْ يِينِّي سَاذُو شَّارِيعَا، حِيمَا أَذْ أَربْحغْ إِنِّي إِدْجَانْ سَاذُو شَّارِيعَا.
1CO 9:21 إِ يِينِّي إِدْجَانْ بْڒَا شَّارِيعَا ذوْڒغْ أَمْ ونِّي بْڒَا شَّارِيعَا - وَارْ دْجِيغْ بْڒَا شَّارِيعَا قِيبَاتْشْ إِ أَربِّي، مَاشَا أَقَا-يِي دَّارغْ ذِي شَّارِيعَا ن لْمَاسِيحْ - حِيمَا أَذْ أَربْحغْ إِنِّي إِدْجَانْ بْڒَا شَّارِيعَا.
1CO 9:22 ثُوغَا أَيِي ضعْفغْ غَارْ يِينِّي إِضعْفنْ، حِيمَا أَذْ أَربْحغْ إِنِّي إِضعْفنْ. أَقَا ذوْڒغْ ذ مَارَّا إِ مَارَّا، حِيمَا بعْذَا أَذْ وْشغْ ثُوذَارْثْ إِ مَارَّا.
1CO 9:23 مَانْ أَيَا تّڭّغْ، حِيمَا أَذْ طّْفغْ ثَاسْغَارْثْ ذِي ڒخْبَارْ أَصبْحَانْ.
1CO 9:24 مَا وَارْ ثسِّينمْ شَا بلِّي إِنِّي إِتّڭّنْ ثْحَامَاثْ ن ثَازْڒَا ذِي ڒْمڒْعبْ، مَارَّا نِيشَانْ أَقَا تَّازّْڒنْ، مَاشَا إِجّنْ زَّايْسنْ إِ غَا يَاربْحنْ وَاهَا؟ خنِّي أَزّْڒمْ كنِّيوْ أَمُّو أَڒْ ذ غَا ثَاربْحمْ.
1CO 9:25 مَاشَا كُوڒْ أَرْيَازْ إِ إِتّڭّنْ إِشْثْ ن ثْحَامثْ، إِحكّمْ خْ يِيخفْ نّسْ ذِي مَارَّا. نِيثْنِي ؤُزّْڒنْ حِيمَا أَذْ أَربْحنْ إِجّْ ن تَّاجْ إِفنَّا، مَاشَا نشِّينْ حِيمَا أَذْ نَارْبحْ إِجّْ ن تَّاجْ وَارْ إِفنِّي.
1CO 9:26 س ؤُينِّي نشّْ وَارْ تِّيزّْڒغْ شَا أَمنِّي وَاهَا، وَارْ تّْمنْغِيغْ أَمْ ونِّي إِشَّاثنْ ذِي ڒعْوِينْ،
1CO 9:27 مَاشَا تّْمَارَّاثغْ أَرِّيمثْ إِنُو، أَذْ أَسْ قثْمَارغْ، حِيمَا نشّْ وَارْ تّْوَاسُّوفُّوغغْ شَا بَارَّا أَوَارْنِي ڒَامِي بَارّْحغْ إِنّغْنِي.
1CO 10:1 [أَ] أَيْثْمَا، خْسغْ أَذْ ثسّْنمْ، بلِّي ڒجْذُوذْ نّغْ ثُوغَا أَثنْ مَارَّا سَاذُو ؤُسيْنُو ؤُشَا مَارَّا شُوقنْ ذِي ڒبْحَارْ،
1CO 10:2 ؤُشَا مَارَّا تّْوَاسّْغضْصنْ ذِي مُوسَا ذڭْ ؤُسيْنُو ؤُ ذِي ڒبْحَارْ،
1CO 10:3 ؤُشَا مَارَّا شِّينْ مَاشَّا ثَارُوحشْثْ ذ إِشْثْ،
1CO 10:4 ؤُشَا مَارَّا سْوِينْ ثِيسسِّيثْ ثَارُوهشْثْ ذ إِشْثْ، مِينْزِي نِيثْنِي سْوِينْ زڭْ وژْرُو ن أَرُّوحْ ونِّي ثُوغَا أَكِيذْسنْ، ؤُ أَژْرُو نِّي ثُوغَا-ث ذ لْمَاسِيحْ.
1CO 10:5 مَاشَا أَربِّي ثُوغَا وَارْ يَارْضِي خْ وزْينْ أَمقّْرَانْ زَّايْسنْ، مِينْزِي أَقَا أَثنْ وْضَانْ ذِي ڒخْڒَا.
1CO 10:6 مَانْ أَيَا إِمْسَارْ ذ لْمِيثَالْ إِ نشِّينْ، حِيمَا وَارْ ذَايْنغْ إِتِّيڒِي مّژْرِي ذِي مِينْ إِعفّْننْ، أَمْ مَامّشْ ثُوغَا نِيثْنِي ذَايْسنْ مژْرِي.
1CO 10:7 أجّْ أَنغْ وَارْ نْذِيكّْوِيڒْ شَا أَذْ نعْبذْ لْ-أَصْنَامْ، أَمْ [شَا] زَّايْسنْ، أَمْ مَامّشْ ثُورَا: ”ڒْْڭنْسْ إِقِّيمْ حِيمَا أَذْ إِشّْ أَذْ إِسُّو ؤُشَا كَّارنْ حِيمَا أَذْ إِرَارنْ.“
1CO 10:8 وَارْ إِعدّڒْ أَذْ نسّفْسَاذْ إِخفْ نّغْ، أَمْ [شَا] زَّايْسنْ. أَقَا مُّوثنْ ذِينْ ثْڒَاثَا ؤُ-عِيشْرِينْ-أَڒفْ ذڭْ إِجّْ ن وَاسّْ.
1CO 10:9 وَارْ إِعدّڒْ أَذْ نْجَارّبْ لْمَاسِيحْ، أَمْ مَامّشْ جَارّْبنْ [ث] [شَا] زَّايْسنْ ؤُشَا تّْوَاهلْكنْ س إِفِيغْرَانْ.
1CO 10:10 وَارْ إِعدّڒْ عَاوذْ أَذْ نسّْفِيخخْ أَمْ مَامّشْ [شَا] زَّايْسنْ سّْفِيخِيخنْ، ؤُشَا [خنِّي] تّْوَاهلّْكنْ س ؤُفُوسْ ن ؤُمْهلّكْ.
1CO 10:11 مَارَّا مِينْ ذ أَسنْ إِمْسَارنْ، أَقَا ث ذ لْمِيثَالْ إِ نشِّينْ، ؤُشَا ثُورَا ذ أَعْڒَامْ إِ نشِّينْ مِيخفْ د-يُوسَا ؤُنڭَّارْ ن زّْمَانَاثْ.
1CO 10:12 س ؤُينِّي ونِّي ؤُمِي إِتّْغِيڒْ أَقَا إِبدّْ، أجّْ إِ-ث أَذْ إِحْضَا وَارْ إِوطِّي.
1CO 10:13 وَارْ خَاومْ إِتّكّْ ؤُجَارّبْ مْغِيرْ ونِّي إِ غَا يَاوْضنْ غَارْ إِوْذَانْ. [مَاشَا] أَربِّي ذَايسْ ڒَامَانْ. نتَّا وَارْ كنِّيوْ إِتّجِّي أَذْ ثتّْوَاجَارّْبمْ سنّجْ إِ مِينْ ثْزمَّارمْ، مَاشَا نتَّا إِتِّيشْ ؤُفُّوغْ أَكْ-ذ ؤُجَارّبْ نْومْ، حِيمَا أَذْ ثْزمَّارمْ أَذْ ثَارْبُومْ [أَغكّْوِي].
1CO 10:14 س ؤُيَا، إِمْعِيزّنْ إِنُو، أَروْڒمْ زڭْ ؤُعْبَاذْ إِ لْ-أَصْنَامْ.
1CO 10:15 سَّاوَاڒغْ [أَكِيذْومْ] أَخْمِي سَّاوَاڒغْ أَكْ-ذ إِمِيغِيسنْ. حكْممْ كنِّيوْ [خنِّي] خْ مِينْ ذ أَومْ قَّارغْ.
1CO 10:16 ڒْكَاسْ ن ؤُقَاذِي نِّي نتّْبَارَاكْ، مَا وَارْ إِدْجِي ذ ثَامُونْثْ أَكْ-ذ إِذَامّنْ ن لْمَاسِيحْ؟ أَغْرُومْ نِّي نْثَارژَّا، مَا وَارْ إِدْجِي ذ ثَامُونْثْ أَكْ-ذ أَرِّيمثْ ن لْمَاسِيحْ؟
1CO 10:17 أَمْ مَامّشْ إِدْجَا أَغْرُومْ ذ إِجّنْ، أَمُّو مَارَّا نشِّينْ ذ إِشْثْ ن أَرِّيمثْ، مِينْزِي مَارَّا نشِّينْ نطّفْ زڭْ إِجّْ ن وغْرُومْ.
1CO 10:18 خْزَارمْ غَارْ إِسْرَائِيل عْلَاحْسَابْ أَرِّيمثْ! مَا إِنِّي إِتّتّنْ زِي ثْغَارْصَا وَارْ غَارْسنْ أَشْرَاشْ أَكْ-ذ ؤُعَالْطَارْ؟
1CO 10:19 مِينْ غَا إِنِيغْ ذِي مَانْ أَيَا؟ مَا بلِّي مِينْ إِمّوْشنْ ذ ثَاغَارْصْثْ إِ لْ-أَصْنَامْ ذ شَا، نِيغْ بلِّي لْ-أَصْنَامْ ذ شَا؟ لَّ.
1CO 10:20 مِينْ وْشِينْ لْكُوفَّارْ ذ ثَاغَارْصْثْ، وهّْبنْ ت إِ شّْوَاطنْ، وَارْ إِدْجِي إِ أَربِّي. ؤُشَا نشّْ وَارْ خْسغْ أَذْ ثْشَارْشمْ أَكْ-ذ شّْوَاطنْ.
1CO 10:21 وَارْ ثْزمَّارمْ أَذْ ثسْومْ ڒْكَاسْ ن سِيذِيثْنغْ ؤُڒَا ذ ڒْكَاسْ ن شّْوَاطنْ، ؤُشَا وَارْ ثْزمَّارمْ أَذْ ثْشَارْشمْ ثَازوْضَا ن سِيذِيثْنغْ ؤُڒَا ذ ثَازوْضَا ن شّْوَاطنْ.
1CO 10:22 نِيغْ أَذْ نسّكَّارْ ثُوسْمِي ن سِيذِيثْنغْ؟ مَا نجْهذْ خَاسْ نشِّينْ؟
1CO 10:23 مَارَّا إِتّْحدْجڒْ أَيِي، مَاشَا مَارَّا وَارْ إِنفّعْ. مَارَّا إِتّْهدْجڒْ، مَاشَا مَارَّا وَارْ إِبنِّي.
1CO 10:24 ؤُڒَا ذ إِجّْ وَارْ يَارزُّو شَا ثِيزِي نّسْ [وَاهَا]، مَاشَا [أجّْ] كُوڒْ إِجّْ [أَذْ يَارْزُو] عَاوذْ ثنِّي ن ونِّي ذ أَسْ يُوذْسنْ.
1CO 10:25 مَارَّا مِينْ إِتّْمنْزَانْ ذِي سُّوقْ ن إِڭزَّارنْ، ثْزمَّارمْ أَذْ ث ثشّمْ بْڒَا أَسقْسِي ذِي طّْوعْ ن ثْنفْسشْثْ،
1CO 10:26 مِينْزِي إِ سِيذِي ؤُمِي غَارْ ثدْجَا ثمُّورْثْ ذ ؤُعمَّارْ نّسْ.
1CO 10:27 مَاڒَا شَا ن يِيجّنْ زڭْ لْكُوفَّارْ، إِعَارْضْ إِ كنِّيوْ ؤُ ثخْسمْ أَذْ ثْرَاحمْ، شّمْ زِي مَارَّا مِينْ ذ أَومْ إِ ذ غَا إِسَّارْسْ، وَارْ ثسّقْسِيمْ شَا خْ سِّيبّثْ ن ثْنفْسشْثْ.
1CO 10:28 مَاشَا مَاڒَا حذْ إِنَّا أَومْ: ”ذڭَّا إِتّْوَاغَارْصْ إِ لْ-أَصْنَامْ!“، وَارْ زَّايسْ ثتّتّمْ ذِي طّْوعْ ن ونِّي ذ أَومْ إِعڒْمنْ ؤُڒَا ذِي طّْوعْ ن ثْنفْسشْثْ.
1CO 10:29 مَاڒَا نشّْ نِّيغْ [ذِي طّْوعْ ن] ’ثْنفْسشْثْ‘، وَارْ عْنِيغْ ثَانفْسشْثْ نْومْ، مَاشَا ثنِّي ن ونّغْنِي. مِينْزِي مَايمِّي غَا ثتّْوَاحَاكمْ ثْڒلِّي إِنُو س ثْنفْسشْثْ ن ونّغْنِي؟
1CO 10:30 مَاڒَا نشّْ شَارْشغْ س ؤُوقَّارْ [غَارْ ؤُمنْسِي]، مَايمِّي غَا تّْوَاشقّْفغْ ذِي سِّيبّثْ مِيخفْ تّْقَاذِيغْ؟
1CO 10:31 خنِّي مَاڒَا ثتّتّمْ نِيغْ ثْسسّمْ نِيغْ ثتّڭّمْ شَا ن ڒْحَاجّثْ نّغْنِي، ڭّمْ ت مَارَّا إِ ؤُعُودْجِي ن أَربِّي.
1CO 10:32 وَارْ تِّيڒِيمْ ذ ثَاعنْكْرِيفْثْ إِ وُوذَاينْ نِيغْ إِ إِرَامِييّنْ ؤُڒَا إِ ثْمسْمُونْثْ ن أَربِّي،
1CO 10:33 أَمْ مَامّشْ ؤُڒَا ذ نشّْ أَرزُّوغْ أَذْ د-أَسغْ أَكْ-ذ مَارَّا ذِي كُوڒْشِي، وَارْ أَرزُّوغْ مِينْ إِدْجَانْ إِ ثِيزِي إِنُو، مَاشَا مِينْ إِدْجَانْ إِ ثِيزِي ن وَاطَّاسْ، حِيمَا أَذْ غَارْسنْ ثِيڒِي ثُوذَارْثْ.
1CO 11:1 ضْفَارمْ أَيِي-د أَمْ مَامّشْ ضْفَارغْ لْمَاسِيحْ.
1CO 11:2 سّمْغَارغْ كنِّيوْ، [أَ] أَيْثْمَا إِنُو، مِينْزِي ثتّْفكَّارمْ ذَايِي ذِي مَارَّا ؤُشَا ثتّطّْفمْ ذِي ثوْصيَّاثْ، أَمْ مَامّشْ ذ أَومْ ثنْثْ وْشِيغْ.
1CO 11:3 مَاشَا خْسغْ أَذْ ثسّْنمْ بلِّي لْمَاسِيحْ ذ أَزدْجِيفْ ن كُوڒْ أَرْيَازْ ؤُشَا أَرْيَازْ ذ أَزدْجِيفْ ن ثمْغَارْثْ، ؤُشَا أَربِّي ذ أَزدْجِيفْ ن لْمَاسِيحْ.
1CO 11:4 كُوڒْ أَرْيَازْ ونِّي إِتّْژَادْجَانْ نِيغْ إِتّْنَابّنْ أَمْ إِڒحّفْ خْ ؤُزدْجِيفْ نّسْ، إِفطّحْ أَزدْجِيفْ نّسْ.
1CO 11:5 مَاشَا كُوڒْ ثَامْغَارْثْ ثنِّي إِتّْژَادْجَانْ نِيغْ إِتّْنَابّنْ أَمْ ثسّْعَارَّا ؤُزدْجِيفْ نّسْ، ثْفطّحْ أَزدْجِيفْ نّسْ، مِينْزِي نتَّاثْ أَمْ ثنِّي إِحفّنْ أَزدْجِيفْ نّسْ.
1CO 11:6 مِينْزِي مَاڒَا ثَامْغَارْثْ وَارْ ثْڒحِّيفْ، أجّْ إِ-ت أَذْ ثْحفّْ عَاوذْ. مَاشَا مَاڒَا ذ ڒفْضِيحثْ إِ ثمْغَارْثْ مَاڒَا ثْقسّْ [أَشُووَّافْ] نِيغْ ثْحفّْ، حْسنْ مَاڒَا ثْڒحّفْ.
1CO 11:7 مِينْزِي أَرْيَازْ وَارْ إِتّحْوِيجِي شَا أَذْ إِڒحّفْ أَزدْجِيفْ نّسْ، مِينْزِي نتَّا ذ صِّيفثْ ذ أَعُودْجِي ن أَربِّي، مَاشَا ثَامْغَارْثْ ثدْجَا ذ أَعُودْجِي ن ورْيَازْ.
1CO 11:8 مِينْزِي أَرْيَازْ وَارْ إِدْجِي شَا زِي ثمْغَارْثْ، مَاشَا ثَامْغَارْثْ زڭْ ورْيَازْ.
1CO 11:9 أَرْيَازْ عَاوذْ وَارْ د-إِخْڒِيقْ شَا إِ ثمْغَارْثْ، مَاشَا ثَامْغَارْثْ إِ ورْيَازْ.
1CO 11:10 س ؤُينِّي إِتّْخصَّا أَسْ إِ ثمْغَارْثْ أَذْ غَارسْ ثِيڒِي صُّولْطَا خْ ؤُزدْجِيفْ نّسْ خْ سِّيبّثْ ن لْمَالَاكَاثْ.
1CO 11:11 مَاشَا ذِي سِيذِيثْنغْ أَرْيَازْ وَارْ [إِدْجِي] بْڒَا ثَامْغَارْثْ، ؤُڒَا ذ ثَامْغَارْثْ وَارْ [ثدْجِي] بْڒَا أَرْيَازْ.
1CO 11:12 مِينْزِي أَمْ مَامّشْ ثَامْغَارْثْ ثُوسَا-د زڭْ ورْيَازْ، أَمنِّي عَاوذْ إِدْجَا ورْيَازْ س ثمْغَارْثْ، مَاشَا مَارَّا مِينْ إِدْجَانْ أَقَا-ث زِي أَربِّي.
1CO 11:13 حكْممْ كنِّيوْ سِيمَانْثْ نْومْ: مَا ثُوسَا-د خْ ثمْغَارْثْ أَذْ ثژَّادْجْ إِ أَربِّي أَمْ ثسّْعَارَّا إِ ؤُزدْجِيفْ نّسْ؟
1CO 11:14 مَا ثُوبَّارْثْ سِيمَانْثْ نّسْ وَارْ ذ أَومْ ثسّْشَانْ بلِّي أَشُووَّافْ ذ أَزِيرَارْ ذ ڒفْضِيحثْ إِ ورْيَازْ؟
1CO 11:15 مَاشَا إِ ثمْغَارْثْ ذ أَعُودْجِي مَاڒَا غَارسْ يِيڒِي ؤُشُوَّافْ ذ أَزِيرَارْ، مِينْزِي إِمّوْشْ أَسْ ؤُشُوَّافْ أَمْ ؤُڒحَّافْ.
1CO 11:16 مَاشَا مَاڒَا إِخْسْ حذْ أَذْ إِخَارْوضْ مَانْ أَيَا، نشِّينْ وَارْ غَارْنغْ بُو ثْنَامِيثْ نِّي ؤُڒَا ذ ثِيمسْمُونِينْ ن أَربِّي.
1CO 11:17 وصِّيغْ كنِّيوْ خْ ثْمسْڒَايِينْ-أَ [ڒخُّو]، أَقَا وَارْ ذ أَومْ تّڭّغْ شَّانْ، مِينْزِي وَارْ ثُويُورمْ غَارْ زَّاثْ، مَاشَا ثُويُورمْ غَارْ ضفَّارْ.
1CO 11:18 [غَارْ ؤُمزْوَارْ]، مَاڒَا ثْمُونمْ أَمْ ثْمسْمُونْثْ، سْڒِيغْ أَقَا ذِينْ جَارْ أَومْ أَمْسبْضِي، ؤُ مَانْ أَيَا زمَّارغْ أَذْ ث أَمْنغْ إِ إِجّْ ن وزْينْ،
1CO 11:19 س مِينْزِي إِتّْخصَّا أَذْ ذِينْ إِڒِينْ جَارْ أَومْ إِمْشُوبّْشنْ، حِيمَا أَذْ إِبَانْ مَانْ ونْ زَّايْومْ إِ إِدْجَانْ ذ أَمْقدْجبْ.
1CO 11:20 خْمِي تّْمُونَامْ، وَارْ ثتّتّمْ ذ ثْسسّمْ أَمْ مَامّشْ إِشُووَّارْ ذڭْ وَاسّْ ن سِيذِيثْنغْ،
1CO 11:21 مَاشَا كُوڒْ إِجّنْ إِتّتّْ أَمنْسِي نّسْ إِ يِيخفْ نّسْ، [ؤُشَا خنِّي] إِجّنْ نّغْنِي ذَايسْ ڒَاژْ ؤُشَا نّغْنِي إِسْشَارَا.
1CO 11:22 مَا وَارْ غَارْومْ ثُوذْرِينْ مَانِي غَا ثشّمْ ؤُ مَانِي غَا ثسْومْ؟ نِيغْ ثسّحْقَارَامْ ثَامسْمُونْثْ ن أَربِّي ؤُشَا ثسّْحشَّاممْ إِنِّي وَارْ غَارْ إِدْجِي شَا؟ مِينْ ذ أَومْ إِ غَا إِنِيغْ؟ مَا أَذْ أَومْ ڭّغْ شَّانْ؟ [لَّ،] وَارْ ذ أَومْ تّڭّغْ شَّانْ!
1CO 11:23 مِينْزِي مِينْ طّْفغْ زِي سِيذِيثْنغْ، سِّيوْضغْ أَومْ ث-إِ-د، أَقَا سِيذِيثْنغْ يَاسُوع ذِي دْجِيڒثْ إِ ذِي إِتّْوَاغْذَارْ، إِكْسِي أَغْرُومْ،
1CO 11:24 إِبَاركْ، يَارْژَا إِ-ث، إِنَّا: ”كْسِيمْ، ثَا ذ أَرِّيمثْ إِنُو إِ خَاومْ إِتّْوَارْژنْ، ڭّمْ أَيَا أَمُّو إِ ڒِيذَارثْ خَافِي!“
1CO 11:25 ؤُشَا أَمُّو أَوَارْنِي أَمنْسِي إِوْشَا ڒْكَاسْ، إِنَّا: ”ڒْكَاسْ-أَ ذ ڒْعَاهْذْ ن جْذِيذْ ذڭْ إِذَامّنْ إِنُو. ڭّمْ أَيَا، مشْحَاڒْ مَا زَّايسْ ثسْوِيمْ، إِ ڒِيضَارثْ خَافِي.“
1CO 11:26 س مِينْزِي مشْحَاڒْ مَا إِ غَا ثشّمْ أَغْرُومْ-أَ ؤُ أَذْ ثسْومْ زِي ڒْكَاسْ-أَ، أَقَا ثتِّيذَارمْ ڒْموْثْ ن سِيذِيثْنغْ أَڒْ د غَا يَاسْ.
1CO 11:27 س ؤُينِّي مَانْ ونْ إِ غَا إِشّنْ أَغْرُومْ ن سِيذِي ؤُشَا أَذْ إِسُو زِي ڒْكَاسْ نّسْ، [أَمْ] وَارْ إِتِّيڒِي س ؤُسْذَاهدْجِي إِ مَانْ أَيَا، أَذْ يِيڒِي س ؤُمَارْوَاسْ إِ إِذَامّنْ ن سِيذِي ؤُ إِ أَرِّيمثْ نّسْ.
1CO 11:28 س ؤُينِّي أجّْ كُوڒْ إِجّْ أَذْ إِقدْجبْ إِخفْ نّسْ، ؤُشَا أجّْ إِ-ث أَذْ إِشّْ خنِّي زڭْ وغْرُومْ ؤُ أَذْ إِسُو زِي ڒْكَاسْ.
1CO 11:29 مِينْزِي وِي غَا إِشّنْ ذ وِي غَا إِسْونْ أَمْ وَارْ إِسْذِيهدْجْ، أَقَا نتَّا أَذْ إِسِّيوضْ ڒْحُوكْمْ غَارْ إِخفْ نّسْ أَمْ إِتّتّْ ؤُ أَمْ إِسسّْ، مِينْزِي نتَّا وَارْ إِفَارّزْ شَا أَرِّيمثْ ن سِيذِي.
1CO 11:30 س ؤُينِّي أَقَا ذِينْ أَطَّاسْ ن يِينِّي إِضعْفنْ ذ يِينِّي إِهڒْشنْ جَارْ أَومْ ؤُشَا أَطَّاسْ ذوْڒنْ تّطّْصنْ [إِضصْ نْ ڒْموْثْ].
1CO 11:31 مَاشَا مَاڒَا نحْكمْ خْ إِخفْ نّغْ، خنِّي وَارْ نتّْوَاحَاكمْ.
1CO 11:32 مَاشَا مَاڒَا نتّْوَاحْكمْ زِي سِيذِيثْنغْ، أَقَا نتّْوَاربَّا، حِيمَا وَارْ نتّْوَاحَاكمْ شَا أَكْ-ذ دُّونشْثْ.
1CO 11:33 زِي ڒخُّو، [أَ] أَيْثْمَا، خْمِي غَا ثْمُونمْ حِيمَا أَذْ ثشّمْ، رَاجَامْ إِجّنْ ونّغْنِي.
1CO 11:34 مَاڒَا حذْ ذَايسْ ڒَاژْ، أجّْ إِ-ث أَذْ إِشّْ ذِي ثَادَّارْثْ نّسْ، حِيمَا وَارْ ثتّْمُونمْ إِ شّْرعْ. مِينْ إِقِّيمنْ، أَذْ ثعذْڒغْ خْمِي د غَا يَاسغْ.
1CO 12:1 خْ ثْمسْڒَايِينْ ن أَرُّوحْ، [أَ] أَيْثْمَا، خْسغْ أَذْ ثسّْنمْ،
1CO 12:2 ثُوغَا كنِّيوْ ذ لْكُوفَّارْ ؤُ ثتّْوَانذْهمْ غَارْ لْ-أَصْنَامْ إِڭْنَاونْ بْڒَا مَا ثُوشِيمْ.
1CO 12:3 س ؤُينِّي سَّارڭْبغْ كنِّيوْ، أَقَا وَارْ ذِينْ ؤُڒَا ذ إِجّنْ ونِّي إِ غَا إِسِّيوْڒنْ س أَرُّوحْ ن أَربِّي، أَذْ يِينِي: ’أَقَا إِتّْوَانْعڒْ يَاسُوع!‘، ؤُ وَارْ ذِينْ ؤُڒَا ذ إِجّنْ ونِّي إِ غَا يِينِينْ: ’يَاسُوع ذ سِيذِي!‘، مْغِيرْ س أَرُّوحْ إِقدّْسنْ وَاهَا.
1CO 12:4 أَقَا ذِينْ ثِيوْهِيبِينْ إِفَارْزنْ، مَاشَا أَرُّوحْ أَقَا-ث ذ إِجّْ.
1CO 12:5 ؤُ أَقَا ذِينْ ڒخْذَايمْ ن ثْسخَّارْثْ إِفَارْزنْ، مَاشَا سِيذِي أَقَا-ث ذ إِجّْ.
1CO 12:6 ؤُشَا أَقَا ذِينْ ڒعْجَايبْ إِفَارْزنْ، مَاشَا أَربِّي أَقَا-ث ذ إِجّْ، ذ ونِّي إِتّڭّنْ مَارَّا ذِي مَارَّا بْنَاذمْ.
1CO 12:7 مَاشَا أَسَارْڭبْ ن أَرُّوحْ أَذْ إِمّوْشْ إِ كُوڒْ إِجّْ حِيمَا أَذْ ث إِعَاونْ.
1CO 12:8 أَقَا س أَرُّوحْ إِمّوْشْ إِ يِيجّنْ أَوَاڒْ ن ثِيغِيثْ، إِ ونّغْنِي أَوَاڒْ ن ثُوسّْنَا س أَرُّوحْ [ذ إِجّنْ]،
1CO 12:9 إِ ونّغْنِي لْ-إِيمَانْ س أَرُّوحْ، إِ ونّغْنِي ثَاوْهِيبْثْ إِ ؤُسْڭنْفِي س أَرُّوحْ [ذ إِجّنْ]،
1CO 12:10 إِ ونّغْنِي مَاحنْذْ أَذْ إِڭّْ ڒعْجَايبْ، إِ ونّغْنِي مَاهنْذْ أَذْ إِنبّْ، إِ ونّغْنِي ڒْفَارْزْ ن أَرُّوحَاثْ، إِ ونّغْنِي عْڒَامْ كُوڒْ  إِڒْسَاونْ ؤُشَا إِ ونّغْنِي أَفسَّارْ ن إِڒْسَاونْ.
1CO 12:11 مَاشَا مَانْ أَيَا مَارَّا إِتّڭّْ إِ-ث أَرُّوحْ ذ إِجّنْ، ونِّي إِبطَّانْ إِ كُوڒْ إِجّْ أَنشْثْ مَامّشْ إِخْسْ نتَّا.
1CO 12:12 مِينْزِي أَمْ أَرِّيمثْ أَقَا-ت ذ إِشْثْ ؤُ غَارسْ أَطَّاسْ ن إِغزْذِيسنْ، عَاذْ أَقَا أَثنْ مَارَّا ذ إِغزْذِيسنْ ن إِشْثْ ن أَرِّيمثْ. وَاخَّا نِيثْنِي ذڭْ وَاطَّاسْ، أَقَا تّڭّنْ إِشْثْ ن أَرِّيمثْ وَاهَا، [ؤُشَا] أَمُّو [إِ ثدْجَا ثْمسْڒَاشْثْ] ؤُڒَا أَكْ-ذ لْمَاسِيحْ.
1CO 12:13 مِينْزِي نتّْوَاسّغْضصْ مَارَّا س يِيجّْ ن أَرُّوحْ ذڭْ إِشْثْ ن أَرِّيمثْ، نِيغْ ؤُذَاينْ نِيغْ إِرَامِييّنْ نِيغْ إِسمْغَانْ نِيغْ إِحُورِّييّنْ، ؤُشَا مَارَّا نشِّينْ نْسُو زڭْ إِجّْ ن أَرُّوحْ.
1CO 12:14 ؤُڒَا ذ أَرِّيمثْ وَارْ ثدْجِي شَا س إِجّْ ن ؤُغزْذِيسْ [وَاهَا]، مَاشَا س وَاطَّاسْ ن إِغزْذِيسنْ.
1CO 12:15 مَاڒَا أَضَارْ أَذْ إِنِي: ”مِينْزِي وَارْ دْجِيغْ ذ أَفُوسْ، وَارْ دْجِيغْ زِي أَرِّيمثْ!“، مَا خنِّي وَارْ إِتِّيڒِي زِي أَرِّيمثْ؟“
1CO 12:16 ؤُشَا مَاڒَا أَمزُّوغْ إِنَّا: ”مِينْزِي وَارْ دْجِيغْ ذ ثِيطّْ، وَارْ دْجِيغْ زِي أَرِّيمثْ!“، مَا خنِّي وَارْ إِتِّيڒِي زِي أَرِّيمثْ؟
1CO 12:17 مَاڒَا مَارَّا أَرِّيمثْ ثُوغَا-ت ذ ثِيطّْ، مَانِيسْ ذ إِكَّا ؤُسدْجِي؟ مَاڒَا مَارَّا [أَرِّيمثْ] ثُوغَا-ت ذ أَسدْجِي، مَانِيسْ ذ إِكَّا ؤُشمِّي؟
1CO 12:18 مَاشَا ڒخُّو أَربِّي إِڭَّا إِغزْذِيسنْ ذِي أَرِّيمثْ، كُوڒْ إِجّْ زَّايْسنْ أَمْ مَامّشْ إِخْسْ نتَّا.
1CO 12:19 مِينْزِي مَاڒَا مَارَّا ثُوغَا ذ إِجّْ ن ؤُغزْذِيسْ، مَانِي ثدْجَا أَرِّيمثْ خنِّي؟
1CO 12:20 مَاشَا ڒخُّو أَقَا ذِينْ أَطَّاسْ ن إِغزْذِيسنْ، مَاشَا ذ إِشْثْ ن أَرِّيمثْ وَاهَا.
1CO 12:21 ثِيطّْ وَارْ ثْزمَّارْ أَذْ ثِينِي إِ ؤُفُوسْ: ”وَارْ شكْ حْوِيجغْ شَا!“، نِيغْ عَاوذْ أَزدْجِيفْ إِ إِضَارنْ: ”وَارْ كنِّيوْ حْوِيجغْ شَا!“
1CO 12:22 مَاشَا س ڒْعكْسْ إِغزْذِيسنْ ن أَرِّيمثْ إِنِّي نْحسّبْ ضعْفنْ، أَقَا نِيثْنِي تّْوَاحْذَاجنْ أَطَّاسْ.
1CO 12:23 [إِغزْذِيسنْ] نِّي ن أَرِّيمثْ إِ ذ أَنغْ إِتّْغِيڒنْ ذ إِمُوقْڒِيڒنْ، نتّڭّْ أَسنْ شَّانْ كْثَارْ، ؤُشَا إِغزْذِيسنْ إِنِّي إِتَّاوْينْ أَسضْحِي، أَذْ أَسنْ نسّْحِينّبْ س وَاطَّاسْ ن ڒهْزُوطْ.
1CO 12:24 مِينْزِي إِغزْذِيسنْ نّغْ نِّي غَارْ إِدْجَا ڒهْزُوطْ، وَارْ حْذَاجنْ مَانْ أَيَا، مَاغَارْ أَربِّي إِڭَّا أَرِّيمثْ، ؤُشَا إِ إِغزْذِيسنْ إِ إِدْجَانْ ذ قلّْ، إِوْشَا أَسنْ شَّانْ كْثَارْ،
1CO 12:25 حِيمَا وَارْ إِتِّيڒِي ؤُبطُّو ذِي أَرِّيمثْ، مَاشَا إِغزْذِيسنْ أَذْ وْشنْ ثَايْنِيثْ إِجّنْ إِ ونّغْنِي ذڭْ ؤُقَارنْ ذ إِجّنْ.
1CO 12:26 مَاڒَا إِجّْ ن ؤُغزْذِيسْ ثتّكّْ خَاسْ ثَامَارَا، مَارَّا [إِغزْذِيسنْ] أَذْ كْسِينْ ثَامَارَا أَكِيذسْ، ؤُ مَاڒَا إِجّْ ن ؤُغزْذِيسْ إِفَارْحْ، أَذْ فَارْحنْ مَارَّا [إِغزْذِيسنْ] أَكِيذسْ.
1CO 12:27 كنِّيوْ ذ أَرِّيمثْ ن لْمَاسِيحْ ذ إِغزْذِيسنْ ذڭْ ومْشَانْ إِ ذ أَومْ [إِتّْوَاڭّنْ].
1CO 12:28 زعْمَا أَربِّي أَقَا إِڭَّا ذِي ثْمسْمُونْثْ ذ أَمزْوَارُو رُّوسُولْ، أَوَارْنِي أَسنْ إِنَابِييّنْ، أَوَارْنِي أَسنْ إِمسْغَارنْ، أَوَارْنِي أَسنْ إِنِّي إِتّڭّنْ ڒعْجَايبْ، أَوَارْنِي أَسنْ ثِيوْهِيبِينْ ن ؤُسْڭنْفِي، إِنِّي إِتِّيشنْ أَفُوسْ، إِنِّي إِضبَّارنْ ؤُشَا ؤُڒَا ذ عْڒَامْ كُوڒْ إِڒْسَاونْ.
1CO 12:29 مَا زعْمَا مَارَّا نِيثْنِي ذ رُّوسُولْ؟ مَا مَارَّا ذ إِنَابِييّنْ؟ مَا مَارَّا ذ إِمسْغَارنْ؟ مَا مَارَّا نِيثْنِي تّڭّنْ ڒعْجَايبْ؟
1CO 12:30 مَا مَارَّا غَارْسنْ ثِيوْهِيبِينْ ن ؤُسْڭنْفِي؟ مَا سَّاوَاڒنْ مَارَّا س إِڒْسَاونْ؟ مَا تّْفسَّارنْ مَارَّا [إِڒْسَاونْ]؟
1CO 12:31 مَاشَا مَاڒَا ثَارْزُومْ خنِّي ذِي ثوْهِيبِينْ ثِيمقّْرَانِينْ [قَاعْ]، أَقَا نشّْ أَذْ أَومْ سّشْنغْ إِجّْ ن وبْرِيذْ يُوعْڒَانْ.
1CO 13:1 ”مَاعْلِيكْ نشّْ سَّاوَاڒغْ س إِڒْسَاونْ ن إِوْذَانْ ذ لْمَالَاكَاثْ، مَاشَا وَارْ غَارِي بُو ثَايْرِي، أَقَا ذوْڒغْ ذ نّْحَاسْ إِتّنْثُوننْ، نِيغْ ذ أَدْجُونْ إِدّنْذُوننْ.
1CO 13:2 مَاعْلِيكْ غَارِي ثَاوْهِيبْثْ مَاحنْذْ أَذْ نبّغْ، فهّْمغْ مَارَّا ڒسْرَارْ ؤُ غَارِي مَارَّا ثُوسّْنَا ذ مَارَّا لْ-إِيمَانْ أَڒْ ذ سّْمُوطِّييغْ إِذُورَارْ، مَاشَا وَارْ ذ أَيِي ثدْجِي ثَايْرِي، خنِّي نشّْ ذ وَالُو إِ دْجِيغْ.
1CO 13:3 معْلِيكْ بْضِيغْ مَارَّا أَڭْڒَا إِنُو ذ مَاشَّا خْ إِمزْڒَاضْ، مَاعْلِيكْ وْشِيغْ أَرِّيمثْ إِنُو حِيمَا أَذْ ت سّْشمْضنْ، مَاشَا وَارْ ذَايِي ثدْجِي ثَايْرِي، وَارْ ذ أَيِي ثْنفّعْ ذِي وَالُو.
1CO 13:4 ثَايْرِي ثدْجَا غَارسْ تَّاسِيعْ ن ڒْخَاضَارْ ذ ڒضْرَافثْ، ثَايْرِي وَارْ ذَايسْ بُو ثُوسْمِي، ثَايْرِي وَارْ ثتّْفيّشْ س يِيخفْ نّسْ، وَارْ ذَايسْ بُو نّْفَاخثْ،
1CO 13:5 ثَايْرِي وَارْ ثتّڭّْ بُو ڒفْضِيحثْ، وَارْ ثَارزُّو ثِيزِي نّسْ، وَارْ ثتّْوَاسَّارْزَاڭْ، ؤُشَا وَارْ ثتّْخمَّامْ ذِي مِينْ إِدْجَانْ ذ أَعفَّانْ.
1CO 13:6 أَقَا وَارْ ثْفَارّحْ شَا زِي ڒْغشّْ، مَاشَا ثْفَارّحْ زِي ثِيذتّْ.
1CO 13:7 أَقَا ثْصبّرْ ذِي مَارَّا، ثتَّامنْ ذِي مَارَّا، ثسَّاثمْ مَارَّا، ؤُشَا ثَاربُّو مَارَّا.
1CO 13:8 ثَايْرِي وَارْ ثْفنِّيعمَّارْصْ، مَاشَا أَوَاڒنْ ن نُّوبُووَاثْ أَذْ غَارْسنْ يِيڒِي ؤُنڭَّارْ، إِڒْسَاونْ أَذْ ڭْنُونْ، ؤُ ثُوسّْنَا أَذْ ثبْضڒْ.
1CO 13:9 مِينْزِي أَقَا نسّنْ غَارْ إِجّْ ن ؤُغزْذِيسْ وَاهَا، ؤُشَا نتّْنَابّْ مْغِيرْ إِجّْ ن وزْينْ،
1CO 13:10 مَاشَا خْمِي د غَا ثَاسْ ڒكْمَارثْ ڒخْذنِّي مِينْ إِدْجَانْ غَارْ إِجّْ ن وزْينْ أَذْ إِبْضڒْ.
1CO 13:11 ڒَامِي ثُوغَا أَيِي ذ أَحنْجِيرْ، سِّيوْڒغْ أَمْ ؤُحنْجِيرْ، فكَّارغْ أَمْ ؤُحنْجِيرْ، خَارْصغْ أَمْ ؤُحنْجِيرْ، مَاشَا ڒَامِي ذوْڒغْ ذ أَرْيَازْ، جِّيغْ أَوَارْنِي أَيِي مِينْ إِدْجَانْ ن ؤُحنْجِيرْ.
1CO 13:12 ڒخُّو نتّْوَاڒَا س إِشْثْ ن ثِيسِيثْ إِبَارْشْننْ غَارْ إِجّْ ن وَارْوَاسْ، مَاشَا خنِّي أَذْ نْژَارْ ثِيفْرَاسْ غَارْ ثِيفْرَاسْ. ڒخُّو سّْنغْ غَارْ إِجّْ ن وزْينْ وَاهَا، مَاشَا خنِّي أَذْ سّْنغْ مَامّشْ ثُوغَا تّْوَاسّْنغْ نشّْ.
1CO 13:13 مَاغَارْ ثْڒَاثَا-يَا أَذْ قِّيمنْ: لْ-إِيمَانْ، أَسِيثمْ ذ ثَايْرِي، مَاشَا أَمقّْرَانْ نْسنْ أَقَا-ت ذ ثَايْرِي.“
1CO 14:1 ضْفَارمْ ثَايْرِي ؤُ نْجبْذمْ غَارْ ثوْهِيبِينْ ن أَرُّوحْ، ذ أَمزْوَارُو حِيمَا أَذْ ثْنبَّامْ.
1CO 14:2 مِينْزِي ونِّي إِسَّاوَاڒنْ س إِڒْسَاونْ [نّغْنِي]، وَارْ إِسِّيوِيڒْ شَا إِ إِوْذَانْ، مَاشَا إِ أَربِّي، مِينْزِي ؤُڒَا ذ إِجّْ وَارْ ذ أَسْ إِفهّمْ، مَاشَا إِسَّاوَاڒْ ڒسْرَارْ س أَرُّوحْ.
1CO 14:3 مَاشَا ونِّي إِتّْنَابّنْ، إِسَّاوَاڒْ غَارْ يوْذَانْ، حِيمَا أَذْ ثنْ إِبْنَا، أَذْ ثنْ إِسجّعْ، أَذْ ثنْ إِسّْفوّجْ.
1CO 14:4 ونِّي إِسَّاوَاڒنْ س يِيجّْ ن إِڒسْ [نّغْنِي]، إِبنَّا إِخفْ نّسْ، مَاشَا ونِّي إِتّْنَابّنْ إِبنَّا ثَامسْمُونْثْ.
1CO 14:5 إِوَا خْسغْ مَارَّا كنِّيوْ أَذْ ثسِّيوْڒمْ س إِڒْسَاونْ [نّغْنِي]، مَاشَا مْلِيحْ عَاذْ أَذْ ثْنبَّامْ، مِينْزِي أَمنْزُو وِي إِتّْنبَّانْ خْ وِي إِسِّيوْڒنْ س إِڒْسَاونْ [نّغْنِي]، مْغِيرْ مَاڒَا وَانِيثَا أَذْ [ث] إِفسَّارْ، مِينْزِي مَاڒَا إِفسَّارْ أَذْ ثتّْوَابْنَا ثْمسْمُونْثْ.
1CO 14:6 خنِّي ڒخُّو، [أَ] أَيْثْمَا، مَاڒَا ؤُسِيغْ-د غَارْومْ ؤُشَا أَذْ كِيومْ سِّيوْڒغْ س إِڒْسَاونْ [نّغْنِي]، مَانْ نّْفعْ إِ غَارْومْ إِ غَا يَاوْيغْ مَاڒَا وَارْ ذ أَومْ سِّيوْڒغْ شَا س ؤُسَارْڭبْ نِيغْ س ثُوسّْنَا نِيغْ س إِجّْ ن وَاوَاڒْ إِ غَا نبّغْ نِيغْ س ؤُسڒْمذْ؟
1CO 14:7 مَاغَارْ ؤُڒَا ذ ڒحْوَايشْ وَارْ إِدَّارنْ أَمْ ثَامْجَا نِيغْ لْڭَامْبْرِي، ڭِّينْ ڒْحسّْ. مَاڒَا وَارْ ڭِّينْ ڒْفَارْزْ جَارْ إِجّْ ن ڒْحسّْ ذ ؤُمَاسْ، مَامّشْ غَا سّْننْ إِنِّي إِتّسْڒَانْ مِينْ تِّيرَارنْ س ثَامْجَا نِيغْ س لهَارْپَا؟
1CO 14:8 إِوَا، مَاڒَا أَسُوضِي ذڭْ ؤُيِيشّْ إِتّڭّْ ڒْحسّْ وَارْ إِصْفِي، وِي غَا إِسّْوجْذنْ [خنِّي] إِ ؤُمنْغِي؟
1CO 14:9 أَمُّو عَاوذْ كنِّيوْ، مَاڒَا ثسِّيوِيڒمْ أَوَاڒنْ س إِجّْ ن يِيڒسْ [نّغْنِي]، مَاشَا وَارْ ثنْ ثْفسَّارمْ، مَامّشْ غَا فهْمنْ مِينْ ثقَّارمْ؟ أَذْ ثسِّيوْڒمْ خنِّي أَمْ ونِّي إِسَّاوَاڒنْ ذِي ڒعْوِينْ.
1CO 14:10 أَقَا ذِينْ وِي إِسّْننْ مشْحَاڒْ ن إِڒْسَاونْ ذِي دُّونشْثْ ؤُشَا ؤُڒَا ذ إِجّنْ زَّايْسنْ وَارْ إِدْجِي بْڒَا ڒْحسّْ [نّسْ].
1CO 14:11 خنِّي مَاڒَا وَارْ سِّينغْ ڒَادْجَاغْ ن ڒْحسّْ، أَذْ إِڒِيغْ نشّْ ذ إِجّْ ن ؤُبَارَّانِي إِ ونِّي إِسَّاوَاڒنْ، ذ ونِّي إِسَّاوَاڒنْ أَذْ يِيڒِي ذ أَبَارَّانِي إِ نشّْ.
1CO 14:12 أَمُّو عَاوذْ كنِّيوْ، ؤُمِي ثنْجبْذمْ غَارْ ثوْهِيبِينْ ن أَرُّوحْ، أَرْزُومْ أَذْ ثْفيّْضمْ ذِي طّْوعْ ن ڒبْنِي ن ثْمسْمُونْثْ.
1CO 14:13 ونِّي إِسَّاوَاڒنْ س شَا ن إِڒسْ [نّغْنِي]، أَذْ إِژَّادْجْ حِيمَا إِزمَّارْ إِ ؤُفسَّارْ نّسْ.
1CO 14:14 مِينْزِي مَاڒَا نشّْ ژُّودْجغْ س شَا ن يِيڒسْ [نّغْنِي]، أَرُّوحْ إِنُو أَقَا إِژُّودْجْ، مَاشَا ڒفْهَامثْ إِنُو أَذْ ثقِّيمْ بْڒَا ڒْغِيدْجثْ.
1CO 14:15 مَامّشْ إِ غَا ڭّغْ؟ أَذْ ژَّادْجغْ س أَرُّوحْ إِنُو، مَاشَا أَذْ ژَّادْجغْ عَاوذْ س ڒعْقڒْ إِنُو، أَذْغنّْجغْ س أَرُّوحْ إِنُو، مَاشَا أَذْغنّْجغْ عَاوذْ س ڒعْقڒْ إِنُو.
1CO 14:16 مَامّشْ نّغْنِي، مَاڒَا ثْبَارْكمْ س أَرُّوحْ، إِزمَّارْ حذْ إِ ذِينْ إِقِّيمنْ أَمْ وَارْ إِفْهِيمْ، أَذْ يِينِي ’أَمِينْ!‘ إِ ثْژَادْجِيثْ ن ؤُقَاذِي نّشْ، مِينْزِي نتَّا وَارْ إِسِّينْ مِينْ ثقَّارذْ.
1CO 14:17 مِينْزِي وَاخَّا شكْ ثْبَارْكذْ مْلِيحْ، مَاشَا ونِّي ذ أَشْ يُوذْسنْ وَارْ إِتّْوَابنِّي شَا [زِي مَانْ أَيَا].
1CO 14:18 نشّْ تّْقَاذِيغْ أَربِّي أَقَا سَّاوَاڒغْ س إِڒْسَاونْ كْثَارْ زَّايْومْ مَارَّا،
1CO 14:19 مَاشَا ذِي ثْمسْمُونْثْ أَقَا معْلِيكْ ؤُفِيغْ أَذْ إِنِيغْ خمْسَا ن وَاوَاڒنْ س ڒعْقڒْ إِنُو، حِيمَا أَذْ سّْڒمْذغْ عَاوذْ إِنّغْنِي، خْعشْرَا-أَڒَافْ ن وَاوَاڒنْ س يِيجّْ ن يِيڒسْ [نّغْنِي].
1CO 14:20 [أَ] أَيْثْمَا إِنُو، وَارْ تِّيڒِيمْ ذ ثَارْوَا ذڭْ إِخَارِّيصنْ نْومْ، مَاشَا إِڒِيمْ ذ إِسيْمَانْ ذِي ثُوعفّْنَا، ؤُ إِڒِيمْ ثِيوْضمْ ذِي ڒفْهَامثْ.
1CO 14:21 أَقَا ثُورَا ذِي شَّارِيعَا: ”أَذْ سِّيوْڒغْ إِ ڒْڭنْسْ-أَ س إِجّْ ن ڒْهَارْذْ ن ڒْبَارَّانِي ؤُ س إِجّْ ن يِيڒسْ نّغْنِي. وَاخَّا أَمُّو وَارْ ذ أَيِي تّسْڒِينْ شَا، إِقَّارْ سِيذِي.“
1CO 14:22 أَمُّو خنِّي إِڒْسَاونْ ذ ڒعْڒَامثْ، وَارْ إِدْجِي إِ يِينِّي يُومْننْ، مَاشَا إِ يِينِّي وَارْ يُومِيننْ شَا، مَاشَا أَوَاڒْ إِ إِتّْوَانَابّنْ زَّايسْ وَارْ إِدْجِي إِ يِينِّي وَارْ يُومِيننْ، مَاشَا إِ يِينِّي يُومْننْ.
1CO 14:23 مَاڒَا مَارَّا ثَامسْمُونْثْ ثسّْمُونْ ؤُ مَارَّا ثُوغَا سَّاوَاڒنْ س إِڒْسَاونْ، ؤُشَا [خنِّي] ؤُذْفنْ إِنِّي إِجهْڒنْ نِيغْ إِنِّي وَارْ يُومِيننْ، مَا نِيثْنِي وَارْ قَّارنْ بلِّي أَقَا [إِوْذَانْ-أَ] تّْخڒْفنْ؟
1CO 14:24 مَاشَا مَاڒَا مَارَّا ثْنبَّامْ ؤُشَا يُوذفْ-د حذْ وَارْ يُومِينْ نِيغْ حذْ إِجْهڒْ، خنِّي وَانِيثَا أَذْ إِتّْوَاسّقْنعْ زِي مَارَّا كنِّيوْ ؤُشَا أَذْ إِتّْوَاوبّخْ زَّايْومْ مَارَّا،
1CO 14:25 ؤُشَا مِينْ إِنُّوفَارنْ ذڭْ وُوڒْ نّسْ أَذْ إِتّْوَاعَارَّا. نتَّا أَذْ يَاضَارْ س وُوذمْ نّسْ، أَذْ إِسْجذْ إِ أَربِّي، أَذْ يِينِي: ”أَقَا س ثِيذتّْ أَربِّي أَقَا-ث جَارْ أَومْ!“
1CO 14:26 س ؤُينِّي أَذْ أَومْ إِنِيغْ، [أَ] أَيْثْمَا إِنُو، مَاڒَا ثْمُونمْ، أجّْ كُوڒْ إِجّنْ زَّايْومْ ونِّي غَارْ إِدْجَا إِجّْ ن ؤُزهِّيذْ [نِيغْ] إِشْثْ ن ثْغُورِي [نِيغْ] إِجّْ ن ؤُسَارْڭبْ [نِيغْ] إِجّْ ن يِيڒسْ [نِيغْ] إِجّْ ن ؤُفسَّارْ أَذْ زَّايسْ د-إِنْطقْ. أجّْ أَذْ يِيڒِي مَارَّا إِ ڒبْنِي.
1CO 14:27 مَاڒَا ذِينْ حذْ إِسِّيوڒْ س يِيجّْ ن إِڒسْ [نّغْنِي]، [أجّْ إِ-ثنْ] أَذْ سِّيوْڒنْ س ثْنَاينْ نِيغْ س وَاطَّاسْ س ثْڒَاثَا يِيذْسنْ، ؤُشَا كُوڒْ إِجّنْ [زَّايْسنْ] س نُّوبثْ نّسْ، ؤُ أجّْ إِجّْ أَذْ ث إِفسَّارْ.
1CO 14:28 مَاشَا مَاڒَا وَارْ ذِينْ إِدْجِي وِي إِزمَّارنْ أَذْ إِفسَّارْ، أَذْ إِسْقَارْ نتَّا ذِي ثْمسْمُونْثْ، أَذْ إِسِّيوڒْ إِ يِيخفْ نّسْ ؤُ إِ أَربِّي.
1CO 14:29 جّمْ أَذْ سِّيوْڒنْ ثْنَاينْ نِيغْ ثْڒَاثَا ن إِنَابِييّنْ، ؤُشَا إِنّغْنِي أَذْ حكْمنْ.
1CO 14:30 مَاشَا مَاڒَا إِتّْوَاسَّارْڭبْ شَا إِ حذْ أَمْ إِقِّيمْ ذِينِّي، أجّْ خنِّي أَذْ إِسُّوسمْ ونِّي إِسَّاوَاڒنْ ذ أَمزْوَارُو،
1CO 14:31 مِينْزِي ثْزمَّارمْ أَذْ ثْنبَّامْ مَارَّا إِجّنْ أَوَارْنِي ونّغْنِي، حِيمَا مَارَّا أَذْ ڒمْذنْ ؤُشَا أَذْ ذَايْسنْ إِتّْوَاڭّْ وُوڒْ مَارَّا.
1CO 14:32 مَاغَارْ أَرُّوحْ ن إِنَابِييّنْ، أَقَا-ث إِمَّارْسْ سَاذُو إِنَابِييّنْ،
1CO 14:33 مِينْزِي أَربِّي وَارْ إِدْجِي ذ أَربِّي ن ؤُخَارْوضْ، مَاشَا ن ڒهْنَا، أَمُّو [إِ يدْجَا] ذِي مَارَّا ثِيمسْمُونِينْ ن إِمْقدَّاسنْ.
1CO 14:34 ثُوسَا-د خْ ثمْغَارِينْ نْومْ أَذْ سُّوسْمنْثْ ذِي ثْمسْمُونِينْ، مِينْزِي وَارْ ذ أَسنْثْ إِسْمِيحْ أَذْ سِّيوْڒنْثْ، مَاشَا إِشُووَّارْ أَسنْثْ أَذْ إِڒِينْثْ تّْوَاضْعنْثْ أَمْ مَامّشْ ثقَّارْ عَاوذْ شَّارِيعَا.
1CO 14:35 ؤُشَا مَاڒَا خْسنْثْ أَذْ ڒمْذنْثْ شَا، أَذْ سّقْسَانْثْ إِرْيَازنْ نْسنْثْ ذِي ثَادَّارْثْ نْسنْ، مِينْزِي أَقَا-ت ذ ڒفْضِيحثْ إِ ثمْغَارِينْ أَذْ سِّيوْڒنْثْ ذِي ثْمسْمُونْثْ.
1CO 14:36 مَا زعْمَا إِفّغْ-د زَّايْومْ أَوَاڒْ ن أَربِّي؟ نِيغْ يِيوضْ-د غَارْومْ وَاهَا؟
1CO 14:37 مَاڒَا حذْ إِتّْغِيڒْ أَسْ ذ أَنَابِي نِيغْ ذ بْنَاذمْ أَرُّوحَانِي، أجّْ إِ-ث أَذْ إِعْقڒْ مْلِيحْ بلِّي مِينْ ذ أَومْ تَّارِيغْ، أَقَا أَثنْثْ ذ ثِيوصَّا ن سِيذِيثْنغْ.
1CO 14:38 مَاشَا مَاڒَا [إِخْسْ] حذْ أَذْ إِقِّيمْ إِجْهڒْ، أجّْ إِ-ث أَذْ إِجْهڒْ.
1CO 14:39 أَمُّو خنِّي، [أَ] أَيْثْمَا إِنُو، نْجبْذمْ حِيمَا أَذْ ثْنبَّامْ، وَارْ منّْعمْ شَا أَوَاڒْ س إِڒْسَاونْ [إِنّغْنِي].
1CO 14:40 أَذْ إِمْسَارْ مَارَّا س لَاذَابْ ؤُ س ؤُستّفْ.
1CO 15:1 [أَ] أَيْثْمَا إِنُو، أَذْ أَومْ سَّارْڭْبغْ خْ لْ-إِنْجِيلْ ونِّي ذ أَومْ بَارّْحغْ، ذ ونِّي ثْقبْڒمْ ؤُ ذ ونِّي ذِي ثْبدّمْ [نِيشَانْ]،
1CO 15:2 إِ زِي ثطّْفمْ ثُوذَارْثْ، س وَاوَاڒْ إِ ذ أَومْ بَارّْحغْ، مَاڒَا [خَاسْ] ثْعقْڒمْ عَاذْ. مَامّشْ نّغْنِي، زعْمَا ثُومْنمْ أَمنِّي وَاهَا.
1CO 15:3 مِينْزِي زڭْ ؤُمزْوَارْ سّعْذُوغْ أَومْ-د مِينْ ثُوغَا طّْفغْ س يِيخفْ إِنُو، أَقَا لْمَاسِيحْ إِمُّوثْ خْ دّْنُوبْ نّغْ عْلَاحْسَابْ مِينْ يُورَانْ،
1CO 15:4 أَقَا إِتّْوَانْضڒْ ؤُشَا إِتّْوَاسّْنكَّارْ-د ذڭْ وَاسّْ وِيسّْ ثْڒَاثَا عْلَاحْسَابْ مِينْ يُورَانْ.
1CO 15:5 نتَّا إِضْهَارْ-د غَارْ كِيفَا، خنِّي غَارْ ثنْعَاشْ [ن إِمحْضَارنْ].
1CO 15:6 أَوَارْنِي أَسْ إِبَانْ-د إِ ثِيوَّا ن خمْسَا-مْيَا ن وَاوْمَاثنْ ذڭْ ؤُمُورْ ذ إِجّنْ، أَطَّاسْ زَّايْسنْ دَّارنْ [عَاذْ] أَڒْ إِ ڒخُّو، مَاشَا إِنّغْنِي أَقَا طّْصنْ [إِضصْ ن ڒْموْثْ].
1CO 15:7 أَوَارْنِي أَسْ إِضْهَارْ-د إِ يَاعْقُوبْ، خنِّي إِ مَارَّا رُّوسُولْ.
1CO 15:8 أَمْ غَارْ ؤُنڭَّارْ ن مَارَّا، إِضْهَارْ أَيِي-د عَاوذْ أَمْ إِ يِيجّْ ن ؤُمخْڒُوقْ د-إِزْوَارنْ إِ ڒْوقْثْ نّسْ.
1CO 15:9 مِينْزِي نشّْ دْجِيغْ ذ أَمَاژُوژْ قَاعْ زِي رُّوسُولْ، وَارْ سْذِيهِيجغْ أَذْ أَيِي ڒَاغَانْ رَّاسُولْ، مِينْزِي نشّْ ثُوغَا ذَارّْشغْ خْ ثْمسْمُونْثْ ن أَربِّي.
1CO 15:10 مَاشَا س أَرْضَا ن أَربِّي إِ دْجِيغْ مِينْ دْجِيغْ ؤُشَا أَرْضَا نّسْ إِ ذَايِي إِدْجَانْ وَارْ إِدْجِي بَاطڒْ، مِينْزِي خذْمغْ مَاهُو قَاعْ خَاسنْ مَارَّا، [مَاشَا] وَارْ إِدْجِي ذ نشّْ، مَاشَا أَرْضَا ن أَربِّي نِّي إِدْجَانْ أَكِيذِي.
1CO 15:11 خنِّي مَا ذ نشّْ نِيغْ ذ نِيثْنِي، أَمُّو إِ نتّْبَارّحْ، أَمُّو إِ ثُومْنمْ.
1CO 15:12 مَاشَا مَاڒَا إِتّْوَابَارّحْ س لْمَاسِيحْ ونِّي د-إِتّْوَاسّْنكَّارنْ زِي ثَادَّارْثْ ن إِمتِّيننْ، مَامّشْ خنِّي زمَّارنْ شَا جَارْ أَومْ أَذْ إِنِينْ بلِّي وَارْ ذِينْ بُو ثُوذَارْثْ إِ إِمتِّيننْ؟
1CO 15:13 مِينْزِي مَاڒَا وَارْ ذِينْ بُو ثُوذَارْثْ إِ إِمتِّيننْ، ؤُڒَا ذ لْمَاسِيحْ وَارْ د-إِتّْوَاسّْنكَّارْ شَا،
1CO 15:14 ؤُشَا مَاڒَا لْمَاسِيحْ وَارْ د-إِتّْوَاسّْنكَّارْ، خنِّي بَاطڒْ إِ ثدْجَا ثْبَارّحْثْ نّغْ، بَاطڒْ إِ يدْجَا [خنِّي] لْ-إِيمَانْ نْومْ.
1CO 15:15 خنِّي نشِّينْ نْبَانْ عَاوذْ ذ ڒشْهُوذْ إِسّْخَارِّيقنْ ن أَربِّي، مِينْزِي نشْهذْ خْ أَربِّي بلِّي أَقَا إِسّْنكَّارْ-د لْمَاسِيحْ، وَاخَّا نتَّا وَارْ إِ-ث-إِ-د-إِسّْنكَّارْ شَا.
1CO 15:16 مِينْزِي مَاڒَا إِمتِّيننْ وَارْ د-تّثْوَاسْنكَّارنْ شَا، أَقَا لْمَاسِيحْ وَارْ د-إِتّْوَاسّْنكَّارْ عَاوذْ.
1CO 15:17 ؤُ مَاڒَا لْمَاسِيحْ وَارْ د-إِتّْوَاسّْنكَّارْ شَا، أَقَا لْ-إِيمَانْ نْومْ إِخْوَا، ؤُ أَقَا كنِّيوْ عَاذْ ذِي دّْنُوبْ نْومْ،
1CO 15:18 ؤُشَا تّْوَاهلّْكنْ ؤُڒَا ذ إِنِّي إِتّطّْصنْ ذِي لْمَاسِيحْ [أَوَارْنِي ڒَامِي مُّوثنْ].
1CO 15:19 مَاڒَا ثُوغَا نسِّيثِيمْ ذِي لْمَاسِيحْ ذِي ثُوذَارْثْ-أَ وَاهَا، أَقَا أَنغْ قَاعْ ذ إِمْشُومنْ ن مَارَّا إِوْذَانْ.
1CO 15:20 مَاشَا ڒخُّو ؤُمِي د-إِتّْوَاسّْنكَّارْ لْمَاسِيحْ زِي ثَادَّارْثْ ن إِمتِّيننْ، أَقَا إِذْوڒْ نتَّا ذ أَمنْزُو ن يِينِّي إِطّْصنْ [ذڭْ ونْضڒْ].
1CO 15:21 ؤُ أَمْ مَامّشْ د-ثُوسَا ڒْموْثْ زڭْ إِجّْ ن بْنَاذمْ، أَمُّو ؤُڒَا ذ ثَانُوكْرَا ن إِمتِّيننْ ثدْجَا زڭْ إِجّْ ن بْنَاذمْ.
1CO 15:22 مِينْزِي أَمْ إِوْذَانْ مَارَّا أَذْ مّْثنْ ذِي أَذَامْ، أَمُّو عَاوذْ إِ غَا دَّارنْ مَارَّا نِيثْنِي عَاوذْ ذِي لْمَاسِيحْ.
1CO 15:23 مَاشَا كُوڒْ إِجّْ ذِي نُّوبثْ نّسْ: لْمَاسِيحْ ثُوغَا ذ أَمنْزُو، خنِّي أَوَارْنِي أَسْ إِنِّي إِدْجَانْ ن لْمَاسِيحْ غَارْ ثْوَاسِيثْ نّسْ.
1CO 15:24 أَوَارْنِي مَانْ أَيَا ذ أَنڭَّارُو، خْمِي غَا إِوْشْ ثَاڭلْذِيثْ إِ أَربِّي، بَابَاثْنغْ، خْمِي غَا إِسّبْضڒْ مَارَّا ڒحْكَامثْ ذ مَارَّا صُّولْطَا ذ مَارَّا جّهْذْ.
1CO 15:25 مَاغَارْ نتَّا أَذْ إِحْكمْ أَمْ ؤُجدْجِيذْ أَڒْ ذ غَا يڭّْ مَارَّا ڒْعذْيَانْ نّسْ سَاذُو إِضَارنْ نّسْ.
1CO 15:26 ڒعْذُو أَنڭَّارُو ونِّي إِ غَا إِتّْوَابضْڒنْ، أَقَا-ت ذ ڒْموْثْ.
1CO 15:27 مِينْزِي أَقَا إِڭَّا مَارَّا سَاذُو إِضَارنْ نّسْ. مَاشَا خْمِي إِتّْوَانَّا: ”أَقَا مَارَّا ثِيمسْڒَايْنْ تّْوَاڭّنْثْ سَاذُو نتَّا!“، أَقَا إِبَانْ [مْلِيحْ] بلِّي ونِّي ذ أَسْ إِڭِّينْ مَارَّا سَاذُو نتَّا، أَقَا نتَّا سِيمَانْثْ نّسْ وَارْ إِدْجِي سَاذُو نتَّا.
1CO 15:28 ؤُشَا ڒَامِي ذ أَسْ إِتّْوَاڭّْ مَارَّا سَاذُو إِ نتَّا، ڒخْذنِّي مِّيسْ [ن أَربِّي] عَاوذْ أَذْ إِتّْوَاڭّْ سَاذُو إِ ونِّي ؤُمِي ذ أَسْ إِڭِّينْ مَارَّا سَاذُو إِ نتَّا، حِيمَا أَذْ يِيڒِي أَربِّي ذ مَارَّا ذِي مِينْ ذِي مَّا.
1CO 15:29 نِيغْ، مِينْ غَا ڭّنْ إِنِّي إِتّْوَاسّْغضْصنْ ذِي طّْوعْ ن إِمتِّيننْ مَاڒَا وَارْ د-ثتّْوَاسّْنكَّارنْ إِمتِّيننْعمَّارْصْ؟ مَاغَارْ مَايمِّي غَا تّْوَاسّْغضْصنْ عَاذْ ذِي طّْوعْ ن إِمتِّيننْ؟
1CO 15:30 ؤُ مَايمِّي نشِّينْ [عَاذْ] ذِي لْخَاطَارْ ذِي كُوڒْ ثْسَاعّثْ؟
1CO 15:31 [أَ] أَيْثْمَا، تّْجَادْجِيغْ غَارْ ؤُسمْغَارْ نْومْ إِ إِدْجَانْ غَارِي ذِي سِيذِيثْنغْ يَاسُوع لْمَاسِيحْ، أَقَا تّْمتِّيغْ كُوڒْ أَسّْ.
1CO 15:32 ؤُ مَامّشْ، مَاڒَا تّْوَامنْضَارغْ زَّاثْ إِ ڒوْحُوشْ ذِي أَفَاسُوسْ خْ ڒحْسَابْ بْنَاذمْ، مَانْ ڒفْضڒْ إِ غَارِي، مَاڒَا إِمتِّيننْ وَارْ د-تّْوَاسّْنكَّارنْ شَا؟ أجّْ أَنغْ أَذْ نشّْ أَذْ نْسُو، مِينْزِي ثِيوشَّا أَذْ نمّثْ.
1CO 15:33 وَارْ تّْغشِّيمْ يِيخفْ نْومْ: ڒْهَارْذْ وَارْ إِحْڒِينْ ثْجيَّاحْ نّيّثْ ثَاصبْحَانْثْ.
1CO 15:34 سْفَاقمْ ؤُڒَاونْ نْومْ [غَارْ] ثْسڭْذَا، وَارْ خطِّيمْ شَا. مِينْزِي شَا [زَّايْومْ] وَارْ غَارْسنْ ثدْجِي ثُوسّْنَا ن أَربِّي. إِ ڒحْيَا نْومْ قَّارغْ ت.
1CO 15:35 أَذْ إِنِينْ شَا زَّايْومْ: ”مَامّشْ إِ د غَا تّْوَاسّْنكَّارنْ إِمتِّيننْ؟ س مَانْ أَرِّيمثْ إِ د غَا يَاسنْ؟“
1CO 15:36 [أَ] أَفْغُوڒْ، مِينْ ثْزَارّْعذْ شكْ، وَارْ إِدَّارْ مَاڒَا وَارْ إِمُّوثْ [قْبڒْ].
1CO 15:37 مِينْ ثْزَارّْعذْ، وَارْ ثدْجِي شَا ذ أَرِّيمثْ نِّي إِ غَا ثِيڒِي، مَاشَا ثْزَارّْعذْ ثَاعقَّاشْثْ إِغرْينْ ن يِيرْذنْ نِيغْ ن إِمنْذِي نِيغْ ن شَا ن زَّارِيعثْ نّغْنِي.
1CO 15:38 مَاشَا أَربِّي إِوْشَا أَسْ أَرِّيمثْ أَمْ مَامّشْ إِخْسْ نتَّا، إِ كُوڒْ دَّابْ ن زَّارِيعثْ إِوْشَا أَسْ أَرِّيمثْ عْلَاحْسَابْ طّْبِيعثْ ن كُوڒْ إِشْثنْ زَّايْسنْثْ.
1CO 15:39 وَارْ إِدْجِي مَارَّا أَرِّيمثْ [ذ أَرِّيمثْ] ذ إِجّْ، مَاشَا ثنِّي ن إِوْذَانْ إِمّْسبْضَا خْ ثنِّي ن ڒْمَاڒْ، ؤُ ثنِّي ن إِجْضَاضْ ونّغْنِي ن ثنِّي ن إِسڒْمَانْ.
1CO 15:40 أَقَا ذِينْ أَرِّيمَاثْ ن ؤُجنَّا ذ أَرِّيمَاثْ ن ثمُّورْثْ، مَاشَا أَعُودْجِي ن يِينِّي ن ؤُجنَّا ونّغْنِي ن يِينِّي ن ثمُّورْثْ.
1CO 15:41 إِجّنْ ذ أَعُودْجِي ن ثْفُوشْثْ، ونّغْنِي ذ أَعُودْجِي ن ؤُيُورْ، ؤُ ونّغْنِي ذ أَعُودْجِي ن إِثْڒَانْ، ؤُشَا أَعُودْجِي ن إِجّْ ن إِثْڒِي إِعدُّونْ خْ ؤُعُودْجِي ن إِجّْ ن إِثْڒِي نّغْنِي.
1CO 15:42 أَمُّو خنِّي إِ غَا ثِيڒِي ثُوذَارْثْ إِ يِينِّي مُّوثنْ. أَقَا تّْوَازَارّْعنْ نِيثْنِي ذِي مِينْ إِغشّنْ ؤُشَا تّْوَاسّْنكَّارنْ-د بْڒَا ڒْغشّْ.
1CO 15:43 أَقَا تّْوَازَارّْعنْ نِيثْنِي ذِي مِينْ وَارْ إِشْنِيعنْ ؤُشَا أَذْ د-تّْوَاسّْنكَّارنْ ذڭْ ؤُعُودْجِي. نِيثْنِي تّْوَازَارّْعنْ ذڭْ وضْعَافْ ؤُشَا أَذْ د-تّْوَاسّْنكَّارنْ ذِي جّهْذْ.
1CO 15:44 أَقَا تّْوَازَارّْعنْ نِيثْنِي س إِشْثْ ن أَرِّيمثْ ن طّْبِيعثْ ؤُشَا [خنِّي] أَذْ د-إِتّْوَاسّْنكَّارْ [بْنَاذمْ] س إِشْثْ ن أَرِّيمثْ ثَارُّوحَانِيثْ. أَقَا ذِينْ أَرِّيمثْ ن طّْبِيعثْ، أَمُّو أَقَا ذِينْ ؤُڒَا ذ أَرِّيمثْ ن أَرُّوحْ.
1CO 15:45 أَمُّو إِ ثُورَا عَاوذْ: ”أَرْيَازْ أَمزْوَارُو أَذَامْ، [إِذْوڒْ] ذ ڒعْمَارْ إِدَّارنْ!“، أَذَامْ أَنڭَّارُو إِذْوڒْ ذ أَرُّوحْ إِ إِتِّيشنْ ثُوذَارْثْ.
1CO 15:46 مَاشَا مِينْ [إِدْجَانْ] زِي أَرُّوحْ وَارْ د-يُوسِي شَا ذ أَمزْوَارُو، مَاشَا مِينْ إِدْجَانْ ن طّْبِيعثْ، خنِّي أَوَارْنِي مَانْ أَيَا مِينْ [إِدْجَانْ] زِي أَرُّوحْ.
1CO 15:47 بْنَاذمْ أَمزْوَارُو إِكَّا-د زڭْ ؤُشَاڒْ ن ثمُّورْثْ، بْنَاذمْ وِيسّْ ثْنَاينْ ذ سِيذِي إِ د-إِكِّينْ زڭْ ؤُجنَّا.
1CO 15:48 أَمْ مَامّشْ إِدْجَا ونِّي زڭْ ؤُشَاڒْ، أَمُّو إِ دْجَانْ ؤُڒَا ذ نِيثْنِي زڭْ ؤُشَاڒْ، ؤُشَا أَمْ مَامّشْ إِدْجَا ونِّي ن ؤُجنَّا، أَمُّو إِ دْجَانْ ؤُڒَا ذ إِنِّي [ن ؤُجنَّا].
1CO 15:49 ؤُشَا أَمْ مَامّشْ نَارْبُو صِّيفثْ ن ونِّي إِتّْوَاڭّنْ زڭْ ؤُشَاڒْ، أَمُّو خنِّي أَذْ نَارْبُو صِّيفثْ ن ونِّي إِدْجَانْ زڭْ ؤُجنَّا.
1CO 15:50 [أَ] أَيْثْمَا إِنُو، دّڭَّا [خْسغْ] أَذْ إِنِيغْ: أَقَا أَيْسُومْ ذ إِذَامّنْ وَارْ زمَّارنْ أَذْ وَارْثنْ ثَاڭلْذِيثْ ن إِجنْوَانْ، ؤُشَا مِينْ إِفنَّانْ وَارْ إِوَارّثْ مِينْ وَارْ إِفنِّينْ.
1CO 15:51 خْزَارمْ، أَذْ كنِّيوْ سَّارڭْبغْ خْ إِجّْ ن سِّيرّْ: أَقَا أَنغْ وَارْ نتّطّصْ شَا مَارَّا [س يِيضصْ نْ ڒْموْثْ]، مَاشَا نشِّينْ مَارَّا أَذْ نتّْوَابدّڒْ،
1CO 15:52 ذغْيَا، ذڭْ ورْمَاشْ ن وَابْڒِيونْ، غَارْ ڒْْحسّْ ن ؤُسُوضِي أَنڭَّارُو ذڭْ ؤُيِيشّْ ن إِشَارِّي: إِمتِّيننْ أَذْ د-تّْوَاسّْنكَّارنْ غَارْ مِينْ وَارْ إِفنِّينْ ؤُشَا نشِّينْ أَذْ نتّْوَابدّڒْ.
1CO 15:53 مِينْزِي مِينْ إِفنَّانْ إِتّْخصَّا أَسْ أَذْ يَارْضْ مِينْ وَارْ إِفنِّينْ ؤُ مِينْ غَا إِمُّوثنْ إِتّْخصَّا أَسْ أَذْ يَارْضْ مِينْ وَارْ إِتّْمتِّينْ.
1CO 15:54 ؤُشَا خْمِي مِينْ إِفنَّانْ أَذْ يَارْضْ مِينْ وَارْ إِفنِّينْ ؤُ مِينْ غَا إِمُّوثنْ [أَذْ يَارْضْ] مِينْ وَارْ إِتّْمتِّينْ، ڒخْذنِّي أَذْ إِكمّڒْ وَاوَاڒْ إِ إِتّْوَارِينْ: ”ڒْْموْثْ أَقَا ثتّْوَاصَارْضْ ذڭْ ڒغْڒبْ.“
1CO 15:55 ”أَ ڒْموْثْ، مَانِي إِدْجَا ؤُسنَّانْ نّمْ؟ أَ ڒَاخَارْثْ، مَانِي إِدْجَا ڒغْڒبْ نّمْ؟“
1CO 15:56 أَقَا أَسنَّانْ ن ڒْموْثْ ذ دّنْبْ، ؤُشَا جّهْذْ ن دّنْبْ أَقَا-ت ذ شَّارِيعَا.
1CO 15:57 مَاشَا أَقَاذِي إِ أَربِّي، ونِّي ذ أَنغْ إِوْشِينْ ڒغْڒبْ س سِيذِيثْنغْ يَاسُوع لْمَاسِيحْ.
1CO 15:58 س ؤُيَا، [أَ] أَيْثْمَا إِعِيزّنْ، بدّمْ نِيشَانْ ؤُ بْڒَا أَنْهزِّي، أَرْنِيمْ ڒبْذَا ذِي ڒْخذْمثْ ن سِيذِي س ؤُفيّضْ، أَمْ ثسّْنمْ بلِّي ڒْخذْمثْ نْومْ وَارْ ثدْجِي بَاطڒْ ذِي سِيذِي.
1CO 16:1 زِي جِّيهثْ ن وسْمُونِي [ن صّْذَاقِي] إِ إِمْقدَّاسنْ، ڭّمْ كنِّيوْ عَاوذْ أَمْ مَامّشْ ضبّْرغْ إِ-ت-إِ-د ذِي ثْمسْمُونِينْ ن ڭَالَاطِييَا.
1CO 16:2 كُوڒْ [أَسّْ] أَمزْوَارْ ن سِّيمَانَا كُوڒْ إِجّنْ زَّايْومْ أَذْ إِحُوزْ شَا ن ثسْغَارْثْ ذِي ثَادَّارْثْ نّسْ ؤُشَا أَذْ ت إِخمّڒْ عْلَاحْسَابْ مَامّشْ إِوسّعْ، حِيمَا، خْمِي د غَا أَوْضغْ، وَارْ إِبذِّي عَاذْ ڒخْذنِّي وسْمُونِي [ن صّْذَاقِي].
1CO 16:3 ؤُشَا خْمِي د غَا أَوْضغْ، أَذْ سّكّغْ إِنِّي إِ غَا ثْفَارْزمْ كنِّيوْ أَكْ-ذ ثبْرَاثْ، حِيمَا أَذْ أَوْينْ ثَاشْرِيمثْ [ن صّْذَاقِي] نْومْ غَارْ ؤُرْشَالِيمْ.
1CO 16:4 ؤُشَا مَاڒَا ثُوغَا إِشُووَّارْ أَذْ رَاحغْ نشّْ عَاوذْ [ذِينِّي]، خنِّي أَذْ كَّارنْ أَذْ رَاحنْ أَكِيذِي.
1CO 16:5 أَذْ غَارْومْ د-أَسغْ خْمِي د غَا كّغْ خْ مَاكِيذُونِييَا. مِينْزِي أَذْ د-كّغْ خْ وبْرِيذْ ن مَاكِيذُونِييَا،
1CO 16:6 ؤُشَا مَاڒَا إِزمَّارْ أَذْ قِّيمغْ أَكِيذْومْ نِيغْ أَذْ سّعْذُوغْ ڒْمشْثَا أَكِيذْومْ، حِيمَا خنِّي كنِّيوْ ثْزمَّارمْ أَذْ أَيِي ثسّْقبّْضمْ مَانِي غَا رَاحغْ.
1CO 16:7 مِينْزِي وَارْ خْسغْ أَذْ كنِّيوْ ژَترغْ ڒخُّو أَمْ د خَاومْ إِ غَا كّغْ أَبْرِيذْ وَاهَا، مِينْزِي سِّيثِيمغْ أَذْ قِّيمغْ أَكِيذْومْ شَا ن ڒْوقْثْ، مَاڒَا إِسْمحْ سِيذِي إِنُو.
1CO 16:8 مَاشَا أَذْ قِّيمغْ عَاذْ ذِي أَفَاسُوسْ أَڒْ أَسّْ ن ڒْعِيذْ ن خمْسِينْ ن وُوسَّانْ.
1CO 16:9 مِينْزِي أَقَا ثنُّورْزمْ أَيِي-د ثوَّارْثْ ثَامقّْرَانْثْ، [مَاشَا] أَقَا ذِينْ إِجّْ ن ؤُبَارُّو ن ڒْعذْيَانْ.
1CO 16:10 مَاڒَا يِيوضْ-د ثِيمُوثِييُو غَارْومْ، حْضَامْ مَاحنْذْ إِزمَّارْ أَذْ ذِينْ يِيڒِي جَارْ أَومْ بْڒَا ثِيڭّْوُوذِي، مِينْزِي نتَّا إِتّڭّْ ڒْخذْمثْ ن سِيذِي أَمْ نشّْ.
1CO 16:11 س ؤُيَا ؤُڒَا ذ إِجّنْ أَذْ ث إِسّحْقَارْ، مَاشَا قبّْضمْ ث ذِي ڒهْنَا، حِيمَا أَذْ غَارِي د-يَاسْ، مِينْزِي نشّْ تّْرَاجِيغْ ث أَكْ-ذ وَاوْمَاثنْ.
1CO 16:12 زِي جِّيهثْ ن ثَاوْمَاثْ أَپُولُّوسْ، [أَ] أَوْمَاثنْ إِنُو، أَقَا زَاوْڭغْ ث أَطَّاسْ، حِيمَا أَذْ غَارْومْ د-يَاسْ أَكْ-ذ وَاوْمَاثنْ، مَاشَا نتَّا ثُوغَا وَارْ إِعوّڒْ أَذْ د-يَاسْ ڒخُّو، مَاشَا أَذْ د-يَاسْ خْمِي ذ أَسْ إِ غَا إِسَارّحْ ڒْوقْثْ.
1CO 16:13 حْضَامْ، بدّمْ نِيشَانْ ذِي لْ-إِيمَانْ، حزْممْ س ثرْيَاسْثْ، إِڒِيمْ ثْمحْضمْ.
1CO 16:14 جّمْ مَارَّا مِينْ ثتّڭّمْ أَذْ يِيڒِي س ثَايْرِي.
1CO 16:15 تّْزَاوْڭغْ كنِّيوْ، [أَ] أَيْثْمَا، زِي جِّيهثْ ن ثْوَاشُونْثْ ن سْثِيفَانُوسْ، مَاغَارْ ثسّْنمْ أَقَا أَثنْ ذ [صَّابثْ] ثَامزْوَارُوثْ ن أَخَايَا، ؤُ نِيثْنِي طوّْعنْ إِخفْ نْسنْ إِ ثْسخَّارْثْ ذِي طّْوعْ ن إِمْقدَّاسنْ،
1CO 16:16 أَقَا ڭّمْ إِخفْ نْومْ سَاذُو ؤُفُوسْ ن يِينِّي أَمْ نِيثْنِي ؤُشَا سَاذُو كُوڒْ إِجّنْ إِ إِخدّْمنْ أَكِيذْنغْ ؤُ إِ ذ [أَنغْ] إِتّْعَاوَاننْ.
1CO 16:17 أَقَا فَارْحغْ س ثْوَاسِيثْ ن سْثِيفَانُوسْ ذ فُورْثُونَاثُوسْ ذ أَخَايِيكُوسْ، مِينْزِي نِيثْنِي كمّْڒنْ مِينْ ذ أَيِي إِتّْخصَّانْ ذَايْومْ،
1CO 16:18 س مِينْزِي نِيثْنِي سَّاريّْحنْ أَرُّوحْ إِنُو ذ ونِّي نْومْ. وقَّارمْ [إِرْيَازنْ] أَمْ يِينَا.
1CO 16:19 مَارَّا ثِيمسْمُونِينْ ن أَسِييَا تّْسدْجَامنْثْ-إِ-د خَاومْ س ڒهْنَا. أَكْوِيلَا ذ بْرِيسْكِيلَّا أَكْ-ذ ثْمسْمُونْثْ إِ إِدْجَانْ ذِي ثَادَّارْثْ نْسنْ تّْسدْجَامنْ-د خَاومْ س ڒهْنَا أَطَّاسْ ذِي سِيذِيثْنغْ.
1CO 16:20 تّْسدْجَامنْ-د خَاومْ مَارَّا أَوْمَاثنْ نّغْ س ڒهْنَا. تّْسدْجَاممْ-د خْ وَايَاوْيَا س ڒهْنَا س ؤُسُوذمْ إِقدّْسنْ.
1CO 16:21 إِجّْ ن سْڒَامْ إِ تَّارِيغْ س ؤُفُوسْ إِنُو، زِي بُولُوسْ.
1CO 16:22 مَاڒَا حذْ وَارْ إِتّخْسْ سِيذِيثْنغْ يَاسُوع لْمَاسِيحْ، أَذْ يِيڒِي ذ أَمنْعُوڒْ. سِيذِيثْنغْ أَقَا يُوسَا-د!
1CO 16:23 أَرْضَا ن سِيذِيثْنغْ يَاسُوع لْمَاسِيحْ أَذْ يِيڒِي أَكِيذْومْ.
1CO 16:24 ثَايْرِي إِنُو أَقَا-ت أَكِيذْومْ مَارَّا ذِي لْمَاسِيحْ يَاسُوع. أَمِينْ.
2CO 1:1 بُولُوسْ، رَّاسُولْ ن يَاسُوع لْمَاسِيحْ عْلَاحْسَابْ ڒْخَاضَارْ ن أَربِّي، ذ ثَاوْمَاثْ ثِيمُوثِييُو، إِ ثْمسْمُونْثْ ن أَربِّي إِ إِدْجَانْ ذِي كُورِينْثُوسْ ؤُ إِ مَارَّا إِمْقدَّاسنْ إِنِّي إِدْجَانْ ذِي مَارَّا أَخَايَا:
2CO 1:2 أَذْ كِيذْومْ يِيڒِي أَرْضَا ذ ڒهْنَا ن أَربِّي، بَابَاثْنغْ، ؤُ ن سِيذِيثْنغْ يَاسُوع لْمَاسِيحْ.
2CO 1:3 لْبَارَاكَا أَقَا-ت إِ أَربِّي، بَابَاسْ ن سِيذِيثْنغْ يَاسُوع لْمَاسِيحْ، بَابَاسْ ن أَرّحْمثْ ذ أَربِّي ن مَارَّا أَفوّجْ.
2CO 1:4 نتَّا إِسّْفوَّاجْ أَنغْ ذِي مَارَّا ڒْمحْنثْ نّغْ، حِيمَا ؤُڒَا ذ نشِّينْ نْقدّْ أَذْ نسّْفوّجْ خْ يِينِّي إِدْجَانْ ذِي مَامّشْ مَا ثدْجَا ڒْمحْنثْ أَمْ نشِّينْ، س ؤُفوّجْ إِ زِي نتّْوَاسّْفوّجْ زِي أَربِّي.
2CO 1:5 مِينْزِي أَمنْ إِفيّضْ ذَايْنغْ أَودّبْ ن لْمَاسِيحْ، أَمُّو إِفيّضْ عَاوذْ ؤُفوّجْ نّغْ س لْمَاسِيحْ.
2CO 1:6 مَاشَا عَاوذْ مَاڒَا حْصَارنْ أَنغْ، أَقَا نتّْوَاحْسَارْ إِ ؤُفوّجْ نْومْ ؤُ إِ ثُوذَارْثْ نْومْ. ؤُ مَاڒَا نتّْوَافوّجْ، أَقَا ذ مَانْ أَيَا حِيمَا أَذْ ثتّْوَاسّْفوّْجمْ ؤُڒَا ذ كنِّيوْ، مَاحنْذْ أَذْ غَارْومْ يِيڒِي صَّابْرْ أَڒَامِي ثْزمَّارمْ عَاوذْ أَذْ ثكْسِيمْ أَودّبْ أَمْ نكْسِي ؤُڒَا ذ نشِّينْ أَودّبْ.
2CO 1:7 أَسِيثمْ نّغْ إِ كنِّيوْ إِمْثنْ، مِينْزِي نسّنْ مَاڒَا ثْشَارّْشمْ ذڭْ ؤُودّبْ، أَذْ ثْشَارْشمْ ؤُڒَا ذڭْ ؤُفوّجْ.
2CO 1:8 [أَ كنِّيوْ،] أَيْثْمَاثْنغْ، نشِّينْ نخْسْ أَذْ ثسّْنمْ خْ ڒْمحْنثْ إِ خَانغْ د-إِكِّينْ ذِي أَسِييَا، أَقَا ثكَّا-د خَانغْ ڒْمحْنثْ سنّجْ خْ ثْزمَّارْ نّغْ، أَڒَامِي عْڒَاحَاڒْ نقْضعْ ڒَايَاسْ زِي ثُوذَارْثْ نّغْ.
2CO 1:9 أَقَا نحْكمْ خْ يِيخفْ نّغْ س ڒْموْثْ، حِيمَا وَارْ نتِّيقِّي شَا ذڭْ إِخفْ نّغْ، مَاشَا ذِي أَربِّي ونِّي د-إِسّْنكَّارَانْ إِمتِّيننْ.
2CO 1:10 نتَّا أَقَا إِفكّْ أَنغْ زِي ڒْموْثْ إِنقّنْ ؤُشَا نتّْرَاجَا أَذْ أَنغْ إِفكّْ ثْوَاڒَا نّغْنِي
2CO 1:11 س ؤُعَاونْ ن ثْژَادْجِيثِينْ نْومْ خَانغْ، مَاحنْذْ أَذْ ثِيڒِي ثَاوْهِيبْثْ نّسْ إِ نشِّينْ ذ لْبَارَاكَا إِ وَاطَّاسْ، حِيمَا أَطَّاسْ أَذْ أَسْ قَاذَانْ زِي سِّيبّثْ نّغْ.
2CO 1:12 مِينْزِي وَا ذ أَسمْغَارْ نّغْ، شّْهَاذثْ ن ثْنفْسشْثْ نّغْ، بلِّي أَقَا أَنغْ نڭُّورْ ذِي دُّونشْثْ س صْفَا ذ ثَازْذُوڭِي، وَارْ إِدْجِي س ثِيغِيثْ ن بْنَاذمْ، [مَاشَا] ذِي أَرْضَا ن أَربِّي، ذ أَمزْوَارُو إِ كنِّيوْ.
2CO 1:13 مِينْزِي وَارْ ذ أَومْ نُورِي ؤُڒَا ذ إِشْثْ ن ثْمسْڒَاشْثْ مْغِيرْ مِينْ ثسّْنمْ ؤُ أَذْ أَسْ ثْفهْممْ، إِوَا سِّيثِيمغْ أَذْ ثْفهْممْ أَڒْ أَنڭَّارُو،
2CO 1:14 أَمْ مَامّشْ عَاوذْ ثْفهْممْ زَّايْنغْ ذْرُوسْ بلِّي أَقَا أَنغْ ذ أَسمْغَارْ نْومْ، أَمْ مَامّشْ ؤُڒَا ذ كنِّيوْ [ذ أَسمْغَارْ] نّغْ ذڭْ وَاسّْ ن سِيذِيثْنغْ يَاسُوع لْمَاسِيحْ.
2CO 1:15 ذِي ڒَامَانْ-أَ ثُوغَا خْسغْ أَذْ غَارْومْ د-أَسغْ قْبڒْ، حِيمَا أَذْ غَارْومْ يِيڒِي أَرْضَا ثْنَاينْ ن ثْسقَّارْ.
2CO 1:16 ثُوغَا خْسغْ أَذْ غَارْومْ د-ؤُسِيغْ [ذڭْ وبْرِيذْ] غَارْ مَاكِيذُونِييَا. أَوَارْنِي مَانْ أَيَا ثُوغَا خْسغْ أَذْ غَارْومْ د -عقْبغْ عَاوذْ زِي مَاكِيذُونِييَا، حِيمَا كنِّيوْ أَذْ أَيِي ثسّْقبّْضمْ غَارْ يَاهُوذِييَّا.
2CO 1:17 ڒَامِي ثُوغَاعوّْڒغْ أَذْ ڭّغْ مَانْ أَيَا، مَا قدْجْقغْ؟ نِيغْ مِينْ خَارْصغْ أَذْ ث ڭّغْ، مَا خَارْصغْ ث عْلَاحْسَابْ أَيْسُومْ [إِنُو]، أَڒَامِي ذَايسْ إِتّْوَافْ ’وَاهْ، وَاهْ!‘ ؤُڒَا ذ ’لَّ، لَّا‘؟
2CO 1:18 مَاشَا أَربِّي ذ أَمْثِيقِّي إِ يدْجَا، أَڒَامِي أَوَاڒْ نّغْ إِ كنِّيوْ وَارْ إِدْجِي ’وَاهْ!‘ ؤُڒَا ذ ’لَّ!‘
2CO 1:19 مِينْزِي مِّيسْ ن أَربِّي، يَاسُوع لْمَاسِيحْ، ونِّي إِ زِي إِتّْوَابَارّحْ جَارْ أَومْ زَّايْنغْ، زَّايِي ؤُ زِي سِيلْوَانُوسْ ؤُ زِي ثِيمُوثِييُو، أَقَا نتَّا وَارْ إِدْجِي ذ ’وَاهْ!‘ ؤُڒَا ذ ’لَّ!‘، مَاشَا ’وَاهْ‘ ذَايسْ إِ يدْجَا.
2CO 1:20 مِينْزِي مَارَّا لْوُوعُوذْ ن أَربِّي، أَقَا أَثنْ ذ ’وَاهْ!‘ ذَايسْ، ذِي لْمَاسِيحْ. س ؤُينِّي نقَّارْ زَّايسْ عَاوذْ ’أَمِينْ!‘ إِ ؤُعُودْجِي ن أَربِّي.
2CO 1:21 مَاشَا أَربِّي ذ ونِّي ذ أَنغْ إِضْمنْ أَكِيذْومْ ذِي لْمَاسِيحْ، [أَقَا-ث ذ أَمذْهُونْ]، نِّي إِ ذ أَنغْ إِذْهنْ.
2CO 1:22 إِڭَّا خَانغْ أَشمِّيعْ نّسْ ؤُشَا إِوْشَا أَنغْ أَرُّوحْ ذ ڒْعَارْبُونْ ذڭْ وُوڒَاونْ نّغْ.
2CO 1:23 مَاشَا نشّْ شهّْذغْ زَّاثْ إِ أَربِّي خْ يِيخفْ إِنُو، أَقَا ثُوغَا أَيِي ذ أَحْنِينْ خَاومْ، ڒَامِي وَارْ د-ؤُسِيغْ غَارْ كُورِينْثُوسْ.
2CO 1:24 وَارْ إِدْجِي مِينْزِي نتّْصلّطْ خْ لْ-إِيمَانْ نْومْ، مَاشَا نشِّينْ ذ إِمْسخَّارنْ إِ ڒفْرَاحثْ نْومْ، مِينْزِي زِي لْ-إِيمَانْ ثْبدّمْ ثْمثْنمْ.
2CO 2:1 ذڭَّا أَقَا ڭِّيغْ ث ذڭْ يِيخفْ إِنُو، أَقَا وَارْ غَارْومْ د-تِّيسغْ ثْوَاڒَا نّغْنِيثْ س وشْضَانْ.
2CO 2:2 مِينْزِي مَاڒَا زعْمَا نشّْ سّْفُّوڭْمغْ كنِّيوْ، وِي خنِّي ذ أَيِي غَا إِسّْفَارْحنْ مْغِيرْ ونِّي ذِي ڭِّيغْ أَفُوڭمْ؟
2CO 2:3 ؤُرِيغْ أَومْ-د مَانْ أَيَا، حِيمَا نشّْ، خْمِي د غَا يَاوْضغْ ذِينْ، وَارْ تّْوَاسّْفُّوڭْمغْ شَا زڭْ إِنِّي إِتّْخصَّا أَذْ زَّايْسنْ فَارْحغْ. أَقَا تِّيقّغْ ذَايْومْ مَارَّا، بلِّي ڒفْرَاحثْ إِنُو، أَقَا-ت ذ ڒفْرَاحثْ نْومْ مَارَّا.
2CO 2:4 مِينْزِي ؤُرِيغْ أَومْ-د ذِي ڒْمحْنثْ ثمْغَارْ س وَاطَّاسْ ن إِمطَّاونْ ؤُڒَا س وُوڒْ يَارجْفنْ، وَارْ إِدْجِي حِيمَا أَذْ ثْفُّوڭْممْ، مَاشَا حِيمَا أَذْ ثسّْنمْ ثَايْرِي إِ غَارِي إِ كنِّيوْ س ؤُفيّضْ.
2CO 2:5 مَاشَا مَاڒَا ذِينْ ونِّي إِسّْفُّوڭْمنْ، نتَّا وَارْ ذ أَيِي إِسّْفُّوڭمْ وَاهَا، مَاشَا زڭْ إِجّْ ن ؤُغزْذِيسْ إِ كنِّيوْ مَارَّا، أَڒَامِي وَارْ كنِّيوْ سّْضقْڒغْ [عَاذْ كْثَارْ] س وَاوَاڒْ-أَ.
2CO 2:6 شْفَا يَاسْ إِ وَانِيثَا، أَقَا أَزْينْ أَمقّْرَانْ [زَّايْومْ] ثُوغَا إِوبّخْ إِ-ث.
2CO 2:7 زِي جِّيهثْ نّغْنِي أَقَا إِتّْخصَّا أَومْ ڒخُّو أَذْ أَسْ ثْسَامْحمْ ؤُشَا أَذْ خَاسْ ثسّْفوّْجمْ، حِيمَا وَارْ خَاسْ يَارنِّي ؤُفُوڭمْ أَڒْ أَنڭَّارُو.
2CO 2:8 س ؤُينِّي تّْزَاوَاڭغْ كنِّيوْ مَاحنْذْ أَذْ أَسْ ثسّْثبّْثمْ ثَايْرِي نْومْ إِ نتَّا.
2CO 2:9 مِينْزِي عَاوذْ إِ مَانْ أَيَا ؤُرِيغْ أَومْ-د، حِيمَا أَذْ سّْنغْ س ثِيذتّْ، مَا ثتّطَّاعمْ ذِي مَارَّا.
2CO 2:10 ونِّي ؤُمِي ثْسَامْحمْ، نشّْ عَاوذْ أَذْ أَسْ سَامْحغْ. مِينْزِي خْ مِيخفْ ؤُمِي ذ أَسْ سَامْحغْ، سَامْحغْ ث ذِي طّْوعْ نْومْ قِيبَاتْشْ إِ وُوذمْ ن لْمَاسِيحْ،
2CO 2:11 حِيمَا خنِّي شِّيطَانْ وَارْ ذ أَنغْ إِزمَّارْ، مِينْزِي نسّنْ إِخَارِّيصنْ نّسْ.
2CO 2:12 ڒَامِي د-إِوْضغْ غَارْ ثْرُووَاسْ س ڒخْبَارْ أَصبْحَانْ ن لْمَاسِيحْ، ثنُّورْزمْ أَيِي-د ثوَّارْثْ س [ؤُفُوسْ ن] سِيذِي،
2CO 2:13 [مَاشَا] وَارْ أَريّْحغْ شَا ذِي أَرُّوحْ إِنُو، مِينْزِي وَارْ ؤُفِيغْ شَا ؤُمَا ثِيثُوسْ. ؤُشَا مّْسبْضِيغْ خَاسنْ، ؤُيُورغْ غَارْ مَاكِيذُونِييَا.
2CO 2:14 مَاشَا أَقَاذِي إِ أَربِّي، ونِّي ذ أَنغْ إِڭَّا أَذْ نِيڒِي نتّْبَانْ ڒبْذَا ذِي لْمَاسِيحْ، ؤُشَا إِسّْشَانْ زَّايْنغْ ڒفْوَاحثْ ن ثُوسّْنَا نّسْ ذِي مَارَّا إِمُوشَانْ.
2CO 2:15 مِينْزِي ندْجْ ذ إِشْثْ ن ڒفْوَاحثْ إِشْنَانْ إِ أَربِّي ذِي لْمَاسِيحْ جَارْ إِنِّي إِدَّارنْ ؤُ جَارْ إِنِّي إِ غَا إِتّْوَاهلّْكنْ.
2CO 2:16 إِ إِنڭُّورَا أَقَا أَنغْ ذ ڒفْوَاحثْ ن ڒْموْثْ إِ ڒْموْثْ ؤُشَا إِ إِمزْوُورَا ذ ڒفْوَاحثْ ن ثُوذَارْثْ إِ ثُوذَارْثْ. ؤُشَا مَانْ ونْ ذ أَسْ إِقدّنْ إِ سُّوقْ-أَ؟
2CO 2:17 أَقَا نشِّينْ وَارْ ندْجِي أَنشْثْ إِنّغْنِي إِنِّي إِسّْفَارَّاغنْ أَوَاڒْ ن أَربِّي، مَاشَا نسِّيوڒْ ذِي لْمَاسِيحْ قِيبَاتْشْ إِ أَربِّي عْلَاحْسَابْ ثِيذتّْ ؤُ عْلَاحْسَابْ مِينْ إِدْجَانْ زِي أَربِّي.
2CO 3:1 مَا إِتّْخصَّا أَنغْ أَذْ أَومْ نْوصَّا إِخفْ نّغْ [مِينْ نعْنَا] ثْوَاڒَا نّغْنِي؟ نِيغْ نحْذَاجْ، أَمْ إِنّغْنِي، ثِيبْرَاثِينْ ن ؤُوصِّي إِ كنِّيوْ؟ نِيغْ إِتّْخصَّا أَنغْ أَذْ أَومْ نَارِي حِيمَا كنِّيوْ أَذْ أَنغْ ثْوصَّامْ؟
2CO 3:2 أَقَا كنِّيوْ ذ ثَابْرَاثْ نّغْ إِ يُورَانْ ذڭْ وُوڒَاونْ نّغْ، إِتّْوَاسّنْ ؤُ إِتّْوَاسّْغَارنْ زڭْ إِوْذَانْ مَارَّا.
2CO 3:3 مِينْزِي ثسّْنمْ، أَقَا كنِّيوْ ذ ثَابْرَاثْ ن لْمَاسِيحْ إِ إِتّْوَاڭّنْ س ثْسخَّارْثْ نّغْ، [ثَابْرَاثْ] يُورَانْ، وَارْ ثدْجِي س سّْمخْ مَاشَا س أَرُّوحْ ن أَربِّي إِدَّارنْ، وَارْ ثدْجِي ذِي ثڒْوِيحِينْ ن وژْرُو، مَاشَا ذِي ثڒْوِيحِينْ ن وُوڒَاونْ ن ويْسُومْ.
2CO 3:4 مَاغَارْ أَمُّو إِ ثدْجَا تِّيقّثْ إِ غَارْنغْ ذِي لْمَاسِيحْ زَّاثْ إِ أَربِّي.
2CO 3:5 وَارْ نْزمَّارْ أَذْ نحْسبْ شَا ن ڒْحَاجّثْ أَخْمِي د-ثُوسَا زَّايْنغْ، مَاشَا ثِيزمَّارْ نّغْ ثُوسَا-د زِي أَربِّي.
2CO 3:6 نتَّا يَارَّا أَنغْ أَقَا نسْذَاهدْجْ أَذْ نِيڒِي ذ إِمْسخَّارنْ إِ ڒْعَاهْذْ ن جْذِيذْ، وَارْ إِدْجِي س ثِيرَا [س لْحُورُوفْ]، مَاشَا س [ثِيرَّا ن] أَرُّوحْ، مِينْزِي ثِيرَا [س لْحُورُوفْ] نقّنْثْ، مَاشَا أَرُّوحْ إِسّدَّارْ.
2CO 3:7 مَاشَا مَاڒَا ثُوغَا ثْسخَّارْثْ ن ڒْموْثْ إِ إِتّْوَاخبْشنْ س ثِيرَا ذڭْ إِژْرَا س وَانشْثْ ؤُعُودْجِي مَاحنْذْ ثَارْوَا ن إِسْرَائِيل وَارْ زمَّارنْ أَذْ سوْضنْ غَارْ وُوذمْ ن مُوسَا خْ سِّيبّثْ ن ؤُعُودْجِي ن ؤُغمْبُوبْ نّسْ، وَاخَّا [أَعُودْجِي نِّي] إِعدُّونْ،
2CO 3:8 مشْحَاڒْ كْثَارْ إِ غَا ثِيڒِي ثْسخَّارْثْ ن أَرُّوحْ ذڭْ ؤُعُودْجِي؟
2CO 3:9 مِينْزِي مَاڒَا ثَاسخَّارْثْ إِ إِندّْهنْ غَارْ لْحِيسَابْ ثُوغَا-ت س ؤُعُودْجِي، مَاهُو عَاذْ ثَاسخَّارْثْ إِ إِندّْهنْ غَارْ ثْسڭْذَا أَذْ د-ثَاوِي أَعُودْجِي أَڒْ أَفيّضْ.
2CO 3:10 مِينْزِي مِينْ إِتّْوَاسّْعُودْجنْ، إِبَانْ-د وَارْ إِتّْوَاسّْعُودْجِي شَا ذڭْ وُوذمْ ن ؤُعُودْجِي-يَا إِ خَاسْ إِعُودْجنْ.
2CO 3:11 مِينْزِي مَاڒَا مِينْ إِعدُّونْ ثُوغَا غَارسْ أَعُودْجِي، مَاهُو مِينْ إِقِّيمنْ أَذْ غَارسْ يِيڒِي ؤُعُودْجِي.
2CO 3:12 أجّْ أَنغْ خنِّي، مَاغَارْ غَارْنغْ أَسِيثمْ أَمْ وَانِيثَا، أَذْ نُويُورْ س ثرْيَاسْثْ،
2CO 3:13 وَارْ نتّڭّْ شَا أَمْ مُوسَا، ونِّي إِڭِّينْ لّْثَامْ خْ وُوذمْ نّسْ، مَاحنْذْ ثَارْوَا ن إِسْرَائِيل وَارْ سكّْوضنْ شَا أَنڭَّارْ ن مِينْ غَا إِعْذُونْ.
2CO 3:14 مَاشَا إِخَارِّيصنْ نْسنْ تّْوَاسّْذَارَاغْڒنْ، مِينْزِي أَڒْ أَسّْ-أَ إِتّْغِيمَا لّْثَامْ ذ إِجّنْ خْ ثغْرِي ن ڒْعَاهْذْ أَقْذِيمْ بْڒَا مَا ذ أَسنْ إِتّْوَاسَّارْڭبْ، أَقَا [لّْثَامْ] إِتّْوَابْضڒْ ذِي لْمَاسِيحْ.
2CO 3:15 أَڒْ أَسّْ-أَ، خْمِي ذ غَا غَارنْ زڭْ [إِذْلِيسنْ ن] مُوسَا، لّْثَامْ أَقَا-ث خْ وُوڒْ نْسنْ.
2CO 3:16 مَاشَا خْمِي د غَا إِذْوڒْ حذْ زَّايْسنْ غَارْ سِيذِي، لّْثَامْ أَذْ زَّايسْ إِتّْوَاكّسْ.
2CO 3:17 أَقَا سِيذِي س يِيخفْ نّسْ ذ أَرُّوحْ ؤُشَا مَانِي إِدْجَا أَرُّوحْ ن سِيذِي، أَقَا ذِينْ ثِيڒلِّي.
2CO 3:18 مَاشَا مَارَّا نشِّينْ نتّْوَاڒَا أَعُودْجِي ن سِيذِي س إِغمْبَابْ وَارْ إِڒحّْفنْ أَمشْنَاوْ ذِي ثِيسِيثْ، ؤُشَا أَذْ نْبدّڒْ زڭْ ؤُعُودْجِي غَارْ ؤُعُودْجِي غَارْ صِّيفثْ ذ إِشْثنْ، أَمْ [س ؤُغمْبُوبْ ن] سِيذِي، أَرُّوحْ.
2CO 4:1 س ؤُينِّي ثَاسخَّارْثْ إِ ذ أَنغْ إِتّْوَاڭّنْ وَارْ [ذ أَنغْ] ثسِّيحڒْ شَا، زِي سِّيبّثْ ن أَرّحْمثْ إِ خَانغْ [إِدْجَانْ].
2CO 4:2 مَاشَا أَقَا ننْضَارْ ثِيمسْڒَايِينْ إِنُّوفَارنْ إِسّحْشِيمنْ، وَارْ نڭُّورْ شَا س ثحْرَايْمشْثْ. [عَاوذْ] وَارْ نتّْژُووَّارْ شَا أَوَاڒْ ن أَربِّي، مَاشَا أَقَا نسَّارْڭبْ إِخفْ نّغْ أَمْ نَارزّمْ ثَاوَّارْثْ ن ثِيذتّْ إِ قَاعْ ثَانفْسشْثْ ن إِوْذَانْ زَّاثْ إِ أَربِّي.
2CO 4:3 مَاشَا مَاڒَا لْ-إِنْجِيلْ نّغْ عَاذْ إِڒحّفْ، أَقَا إِتّْڒحَّافْ إِ يِينِّي إِ غَا إِودَّارنْ،
2CO 4:4 إِ يِينِّي إِسّْذَارْغڒْ أَسنْ أَربِّي ن دُّونشْثْ-أَ ڒعْقڒْ نْسنْ، حِيمَا خنِّي وَارْ خَاسنْ ثَارقّْ طّْيَا ن لْ-إِنْجِيلْ ن ؤُعُودْجِي ن لْمَاسِيحْ ونِّي إِدْجَانْ ذ صِّيفثْ ن أَربِّي.
2CO 4:5 مِينْزِي وَارْ نتّْبَارّحْ شَا إِخفْ نّغْ، مَاشَا لْمَاسِيحْ يَاسُوع، سِيذِيثْنغْ، مَاشَا نشِّينْ س إِخفْ نّغْ ذ إِمْسخَّارنْ نْومْ ذِي طّْوعْ ن يَاسُوع.
2CO 4:6 مِينْزِي أَربِّي ذ ونِّي إِنَّانْ: ”أَذْ ثَارقّْ ثْفَاوْثْ زِي ثَادْجسْثْ!“، أَقَا ذ ونِّي إِسّْرُوغَانْ ؤُڒَاونْ نّغْ، حِيمَا أَذْ أَنغْ إِسَّارْغْ س ثُوسّْنَا ن ؤُعُودْجِي ن أَربِّي ذڭْ وُوذمْ ن يَاسُوع لْمَاسِيحْ.
2CO 4:7 مَاشَا غَارْنغْ ڒْكنْزْ-أَ ذِي ڒقْشُوعْ ن ثْڒَاخْثْ، حِيمَا خنِّي ڒمْغَارثْ ن جّهْذْ أَذْ ثِيڒِي ن أَربِّي، وَارْ ثدْجِي زَّايْنغْ.
2CO 4:8 مَاغَارْ نتّْوَازِييَّارْ ذِي مَارَّا، مَاشَا وَارْ نتّْوَاجيّفْ، أَقَا شَّاثنْ أَنغْ، مَاشَا وَارْ نتّْوَاحْكمْ شَا،
2CO 4:9 تّْذَارَّاشنْ خَانغْ، مَاشَا وَارْ نتّْوَاسْمحْ، أَقَا نمّنْضَارْ، مَاشَا وَارْ نتّْوَاهلّكْ.
2CO 4:10 أَقَا نَاربُّو ڒْموْثْ ن يَاسُوع ڒبْذَا ذِي أَرِّيمثْ نّغْ، حِيمَا ؤُڒَا ذ ثُوذَارْثْ ن يَاسُوع أَذْ ثتّْوَاسّضْهَارْ ذِي أَرِّيمثْ نّغْ.
2CO 4:11 مِينْزِي مَاڒَا نشِّينْ، إِنِّي إِدَّارنْ، أَقَا نتّْوَاسلّمْ إِ ڒْموْثْ ذِي طّْوعْ ن يَاسُوع، أَذْ ثسّضْهَارْ ؤُڒَا ذ ثُوذَارْثْ ن يَاسُوع ذِي أَرِّيمثْ نّغْ إِتّْمتَّانْ.
2CO 4:12 ڒخُّو خنِّي ثْخدّمْ ڒْموْثْ ذَايْنغْ، مَاشَا ثُوذَارْثْ ذَايْومْ.
2CO 4:13 أَمْ غَارْنغْ أَرُّوحْ ذ إِجّْ ن لْ-إِيمَانْ - أَمْ مَامّشْ ثُورَا: ”أَقَا ؤُمْنغْ، س ؤُيَا سِّيوْڒغْ عَاوذْ!“ - أَقَا نتَّامنْ نشِّينْ، ؤُ س ؤُيَا نسَّاوَاڒْ عَاوذْ
2CO 4:14 ؤُشَا نسّنْ بلِّي ونِّي د-إِسّْنكَّارنْ سِيذِيثْنغْ يَاسُوع، أَذْ أَنغْ د-إِسّْنكَّارْ عَاوذْ أَكْ-ذ يَاسُوع ؤُشَا أَذْ أَنغْ إِڭّْ أَكِيذْومْ زَّاثسْ.
2CO 4:15 مِينْزِي مَارَّا ثِيمسْڒَايِينْ-أَ تّْوَاڭّنْثْ ذِي طّْوعْ نْومْ، حِيمَا أَذْ يَارْنِي أَرْضَا إِ وَاطَّاسْ، ؤُشَا أَذْ إِفيّضْ ؤُقَاذِي إِ ؤُعُودْجِي ن أَربِّي.
2CO 4:16 س ؤُينِّي وَارْ نْخسَّارْ شَا ؤُڒَاونْ، وَاخَّا بْنَاذمْ نّغْ ن بَارَّا إِتّْوَاهلَّاكْ، أَقَا بْنَاذمْ ن ذَاخڒْ إِدَّاكّْوَاڒْ ذ جْذِيذْ زڭْ وَاسّْ غَارْ ونّغْنِي.
2CO 4:17 وَاخَّا ڒْمحْنثْ ن ڒْوقْثْ-أَ إِفْسُوسنْ ذ ڒْمِيجَاڒْ نّسْ ذْرُوسْ وَاهَا، عَاذْ ثتَّاوِي أَنغْ-د إِجّْ ن ڒْقدّْ ن ؤُعُودْجِي إِ وَارْ غَارسْ إِدْجِي ؤُنڭَّارْ إِ ڒبْذَا قَاعْ.
2CO 4:18 مَاغَارْ وَارْ نْفَارّحْ شَا زِي مِينْ إِتّْوَاڒَانْ مَاشَا زِي مِينْ وَارْ إِتّْوِيڒِينْ، مِينْزِي مِينْ إِتّْوَاڒَانْ أَقَا إِ يِيشْثْ ن ڒْوقْثْ وَاهَا، مَاشَا مِينْ وَارْ إِتّْوِيڒِينْ أَقَا-ث إِ ڒبْذَا.
2CO 5:1 مِينْزِي نسّنْ، بلِّي، خْمِي غَا ثفْنَا ثَادَّارْثْ نّغْ ن ثمُّورْثْ إِ يدْجَانْ ذ أَرِّيمثْ، أَذْ غَارْنغْ يِيڒِي إِجّْ ن ڒبْنِي ن أَربِّي إِ ڒبْذَا ذڭْ إِجنْوَانْ، إِشْثْ ن ثَادَّارْثْ وَارْ ثتّْوَاڭّْ شَا س إِفَاسّنْ.
2CO 5:2 خْ مَانْ أَيَا إِ نْزهَّارْ ؤُ ذَايْنغْ مژْرِي، حِيمَا أَذْ نَارْضْ ثَادَّارْثْ نّغْ ثنِّي إِدْجَانْ زڭْ ؤُجنَّا،
2CO 5:3 معْلِيكْ قَاعْ إِ غَا نِيڒِي نْيَارْضْ، وَارْ ذ أَنغْ تِّيفنْ ذ إِعرْيَاننْ.
2CO 5:4 مَاشَا مِينْ مَا غَا نكّْ عَاذْ ذِي ثَادَّارْثْ-أَ، أَذْ نقِّيمْ نْزهَّارْ س دّْقڒْ نّسْ، مِينْزِي وَارْ نخْسْ أَذْ ت نجّْ، مَاشَا نخْسْ أَذْ ت نْيَارْضْ، حِيمَا مِينْ إِفنَّانْ أَذْ إِتّْوَاصَارْذْ زِي ثُوذَارْثْ.
2CO 5:5 ونِّي ذ أَنغْ د-إِسّْوجْذنْ إِ مَانْ أَيَا ذ نتَّا ذ أَربِّي ونِّي ذ أَنغْ إِوْشِينْ أَرُّوحْ نّسْ ذ ڒْعَارْبُونْ.
2CO 5:6 س ؤُينِّي نسّنْ ؤُ غَارْنغْ تِّيقّثْ، أَقَا خنِّي مِينْ غَا نكّْ نْزدّغْ ذِي أَرِّيمثْ، أَذْ نِيڒِي نڭّْوجْ خْ سِيذِيثْنغْ،
2CO 5:7 مِينْزِي س لْ-إِيمَانْ إِ نڭُّورْ، وَارْ إِدْجِي س مِينْ إِتّْبَاننْ.
2CO 5:8 س ؤُينِّي نتِّيقَّا ؤُشَا ذَايْنغْ مژْرِي، مَاحنْذْ أَذْ نسْمحْ ذِي أَرِّيمثْ حِيمَا أَذْ نِيڒِي أَكْ-ذ سِيذِيثْنغْ.
2CO 5:9 نتّْشطَّارْ حِيمَا أَذْ أَسْ أَرْضَانْ، مَا ندْجْ نڭّْوجْ خْ ثَادَّارْثْ نِيغْ ذِي ثَادَّارْثْ.
2CO 5:10 مِينْزِي مَارَّا إِذْنغْ أَذْ نضْهَارْ زَّاثْ إِ ڒْكُورْسِي ن شّْرعْ ن لْمَاسِيحْ، حِيمَا كُوڒْ إِجّنْ أَذْ إِطّفْ ذِي أَرِّيمثْ نّسْ عْلَاحْسَابْ مِينْ إِڭَّا [س أَرِّيمثْ]، ثْشُونِي نِيغْ ثُوعفّْنَا.
2CO 5:11 س ؤُينِّي، أَمْ نسّنْ أَقَا إِتّْخصَّا أَذْ نڭّْوذْ زِي سِيذِيثْنغْ، أَقَا نَارزُّو أَذْ نسّقْنعْ إِوْذَانْ، مَاشَا غَارْ أَربِّي أَقَا نشِّينْ نتّْوَاسّنْ غَارسْ، ؤُشَا سِّيثِيمغْ أَقَا نتّْوَاسّنْ غَارْومْ عَاوذْ ذِي ثْنفْسشْثْ نْومْ.
2CO 5:12 وَارْ نتّْوصِّي شَا إِخفْ نّغْ ثْوَاڒَا نّغْنِيثْ، مَاشَا أَذْ أَومْ نوْشْ لْفُورْصَا إِ ؤُسمْغَارْ ذَايْنغْ زَّاثْ إِ يِينِّي إِسّمْغَارَانْ ذِي مِينْ إِتّْبَاننْ، وَارْ إِدْجِي ذِي مِينْ إِدْجَانْ ذڭْ وُوڒْ.
2CO 5:13 مِينْزِي مَاڒَا ثُوغَا نتّخْڒفْ، أَقَا مَانْ أَيَا إِ أَربِّي، مَاڒَا ثُوغَا أَنغْ س ڒعْقڒْ، أَقَا مَانْ أَيَا إِ كنِّيوْ.
2CO 5:14 مَاغَارْ ثَايْرِي ن لْمَاسِيحْ ثْعَارّنْ أَنغْ مَاحنْذْ أَذْ نْخَارّصْ أَمُّو: [مَاڒَا] إِجّنْ إِمُّوثْ ذڭْ ومْشَانْ ن مَارَّا، أَقَا مَارَّا مُّوثنْ أَكِيذسْ.
2CO 5:15 أَقَا نتَّا إِمُّوثْ ذڭْ ومْشَانْ ن مَارَّا، حِيمَا إِنِّي إِدَّارنْ، وَارْ دَّارنْ شَا عَاذْ إِ إِخفْ نْسنْ، مَاشَا إِ ونِّي إِمُّوثنْ ذ ونِّي د-إِتّْوَاسّْنكَّارنْ إِ نِيثْنِي.
2CO 5:16 س ؤُيَا وَارْ نسِّينْ شَا ؤُڒَا ذ إِجّْ عْلَاحْسَابْ أَرِّيمثْ. مَاڒَا ثُوغَا نسّنْ لْمَاسِيحْ ذِي أَرِّيمثْ، ڒخْذنِّي وَارْ إِتِّيڒِي عَاذْ نسّنْ ث أَمُّو ڒخُّو.
2CO 5:17 س ؤُينِّي مَاڒَا حذْ ذِي لْمَاسِيحْ إِ إِدْجَا، أَقَا نتَّا إِتّْوَاخْڒقْ-د جْذِيذْ. خنِّي مِينْ إِدْجَانْ ذ أَقْذِيمْ إِعْذُو
2CO 5:18 ؤُ مَارَّا إِذْوڒْ ذ جْذِيذْ س أَربِّي، ونِّي ذ أَنغْ إِسّصْڒحْ أَكْ-ذ يِيخفْ نّسْ س لْمَاسِيحْ ؤُشَا إِوْشَا أَنغْ ثَاسخَّارْثْ ن وصْڒَاحْ.
2CO 5:19 مِينْزِي أَربِّي ثُوغَا إِسّصْڒحْ دُّونشْثْ أَكْ-ذ ڒمْغَارثْ نّسْ ذِي لْمَاسِيحْ ذِي مَانِي وَارْ ذ أَسنْ إِحْسِيبْ شَا إِخطَّانْ نْسنْ ؤُشَا إِسَّارْسْ ذَايْنغْ أَوَاڒْ ن وصْڒَاحْ.
2CO 5:20 س ؤُيَا إِ ندْجْ ذ إِمْسكَّانْ ن لْمَاسِيحْ، أَخْمِي خَاومْ د-إِڒَاغَا أَربِّي زَّايْنغْ. س ؤُيَا نتّْڒَاغَا نشِّينْ ذڭْ ومْشَانْ ن لْمَاسِيحْ: ”رُوحمْ أَذْ ثتّْوَاصڒْحمْ أَكْ-ذ أَربِّي!“
2CO 5:21 مَاغَارْ ونِّي وَارْ إِسِّيننْ شَا دّنْبْ، إِڭَّا إِ-ث ذ دّنْبْ إِ كنِّيوْ، حِيمَا أَذْ نذْوڒْ ذ ثَاسڭْذَا ن أَربِّي ذَايسْ.
2CO 6:1 أَقَا نشِّينْ، أَمْ إِمْعَاشَارنْ [ن أَربِّي]، نْزَاوڭْ كنِّيوْ أَمُّو، حِيمَا أَرْضَا ن أَربِّي إِ ثطّْفمْ، وَارْ ذَايْومْ إِتّْوَاسّْبطّڒْ شَا،
2CO 6:2 مِينْزِي إِنَّا: ”ذِي ڒْوقْثْ ن أَرْضَا سْڒِيغْ أَشْ، ؤُشَا ذڭْ وَاسّْ ن ؤُسنْجمْ عَاوْنغْ شكْ!“ خْزَارْ، أَقَا ذَا ڒخُّو ذ ڒْوقْثْ ن أَرْضَا، خْزَارْ، أَقَا ذَا ڒخُّو ذ أَسّْ ن ؤُسنْجمْ.
2CO 6:3 مَايمِّي غَا ثوْشذْ سِّيبّثْ إِ شَا ن يِيجّنْ أَڒَامِي إِ غَا إِنْذرْفْ؟ إِتّْخصَّا وَارْ ذِينْ إِتِّيڒِي شَا ن ڒْعِيبْ ذِي ثْسخَّارْثْ نّغْ،
2CO 6:4 مَاشَا ذِي مَارَّا نتّْوصَّا إِخفْ نّغْ أَمْ إِمْسخَّارنْ ن أَربِّي: ذڭْ وَاطَّاسْ ن صّْبَارْ، ذِي ڒمْحَايمْ، ذِي ڒغْبنْ، ذِي ڒحْبُوسَاثْ،
2CO 6:5 سَاذُو ثِييِّيثَا، ذِي سّْنَاسڒْ، ذڭْ ؤُغُووّغْ، ذِي ثَامَارَا، ذِي دْجْيَاڒِي بْڒَا إِضصْ، ذڭْ [وُوسَّانْ ن] ؤُژُومِّي،
2CO 6:6 ذِي ڒصْفَايثْ، ذِي ثُوسّْنَا، ذِي تَّاسِيعْ ن ڒْخَاضَارْ، ذِي ڒضْرَافثْ، ذِي أَرُّوحْ إِقدّْسنْ، ذِي ثَايْرِي بْڒَا نِّيفَاقْ،
2CO 6:7 س وَاوَاڒْ ن ثِيذتّْ، ذِي جّهْذْ ن أَربِّي، س ڒسْنَاحْ ن ثْسڭْذَا غَارْ ؤُفُوسِي ذ ؤُزڒْمَاضْ،
2CO 6:8 س ؤُعُودْجِي ذ دّدْجْ، س شّنْعثْ ثَاعفَّانْثْ ؤُ س شّنْعثْ ثَاصبْحَانْثْ، أَمْ إِغشَّاشنْ، [وَاخَّا أَمنِّي] ذ إِمْثِيقَّانْ،
2CO 6:9 أَخْمِي وَارْ نتّْوِيسّنْ، وَاخَّا نتّْوَاسّنْ، أَخْمِي نتّْمتَّا، ؤُ خْزَارْ، أَقَا ندَّارْ، أَخْمِي نتّْوَاعَاقبْ مَاشَا وَارْ نتّْمتِّي شَا،
2CO 6:10 أَخْمِي نشِّينْ نفُّوڭمْ، مَاشَا نْفَارّحْ ڒبْذَا، أَخْمِي نزْڒضْ، وَاخَّا نتّجَّارْ أَطَّاسْ، أَخْمِي وَارْ غَارْنغْ شَا، وَاخَّا غَارْنغْ كُوڒْشِي.
2CO 6:11 أَقمُّومْ نّغْ إِنُّورْزمْ إِ كنِّيوْ، أَ إِكُورِينْثِييّنْ، ؤُڒْ نّغْ إِمْغَارْ أَطَّاسْ.
2CO 6:12 كنِّيوْ وَارْ ثتّْوَاحْصَارمْ زَّايْنغْ، مَاشَا ثتّْوَاحْصَارمْ س ثْوَاشِيثْ إِ إِدْجَانْ ذِي ذَاخڒْ نْومْ.
2CO 6:13 مَاشَا أَذْ كِيومْ سِّيوْڒغْ أَخْمِي سَّاوَاڒغْ أَكْ-ذ إِحنْجِيرنْ: أَرّمْ أَيِي-د س مِينْ ذَايِي ثتُّورْسمْ ؤُ سْوسّْعمْ ثَايْرِي نْومْ إِ نشّْ!
2CO 6:14 وَارْ تّْمُونمْ شَا ذڭْ ؤُزَايْڒُو أَكْ-ذ لْكُوفَّارْ، مَاغَارْ مَانْ أَشْرَاشْ إِ غَارْ ثدْجَا غَارْ ثْسڭْذَا أَكْ-ذ ثُوعفّْنَا، ؤُ مَانْ ثَامُونْثْ إِ غَارْ ثدْجَا إِ ثْفَاوْثْ أَكْ-ذ ثَادْجسْثْ؟
2CO 6:15 نِيغْ مَانْ أَرْوَاسْ إِ ذِينْ إِدْجَا جَارْ لْمَاسِيحْ ذ شِّيطَانْ؟ نِيغْ مَانْ ثَاسْغَارْثْ ن ڒْمُومنْ أَكْ-ذ ؤُكَافْرِيوْ؟
2CO 6:16 نِيغْ مَانْ ثَاسْغُونْثْ إِ ذِينْ جَارْ زَّاوشْثْ ثَامقّْرَانْثْ ن أَربِّي ذ [ثنِّي ن] شّْوَاطنْ؟ أَقَا كنِّيوْ ذ زَّاوشْثْ ن أَربِّي إِدَّارنْ، أَمْ مَامّشْ إِنَّا أَربِّي: ”نشّْ أَذْ زذْغغْ أَكِيذْسنْ ؤُشَا أَذْ ؤُيُورغْ جَارْ أَسنْ. نشّْ أَذْ إِڒِيغْ ذ أَربِّي نْسنْ، نِيثْنِي أَذْ إِڒِينْ ذ ڒْڭنْسْ إِنُو.
2CO 6:17 س ؤُينِّي، فّْغمْ-د زِي ڒْوسْطْ نْسنْ، بْضَامْ خَاسنْ، إِقَّارْ سِيذِي. وَارْ تّْحَاذَامْ مِينْ إِنڭْسنْ، ؤُ نشّْ أَذْ كنِّيوْ قبْڒغْ.
2CO 6:18 نشّْ أَذْ أَومْ إِڒِيغْ ذ بَابَاثْومْ، كنِّيوْ أَذْ أَيِي ثِيڒِيمْ ذ إِحنْجِيرنْ ذ ثْحنْجِيرِينْ، إِقَّارْ سِيذِي، ونِّي ذ أَمْزمَّارْ خْ كُوڒْشِي.“
2CO 7:1 [أَ] إِمْعِيزّنْ، أَڒَامِي غَارْنغْ لْوُوعُوذْ-أَ، أجّْ أَنغْ أَذْ نسِّيزْذڭْ إِخفْ نّغْ زِي مَارَّا ڒخْمجْ ن أَرِّيمثْ ؤُ ن أَرُّوحْ، أجّْ أَنغْ أَذْ نسّْقدّسْ إِخفْ نّغْ زِي ثِيڭّْوُوذِي ن أَربِّي.
2CO 7:2 قبْڒمْ أَنغْ، [كنِّيوْ أَ] أَيْثْمَاثْنغْ، ؤُڒَا ذ إِجّْ وَارْ ذَايسْ نڭِّي ڒْغَارْ، ؤُڒَا ذ إِجّْ وَارْ ث نْغشّْ، ؤُڒَا ذ إِجّْ وَارْ زَّايسْ نسْثنْفِيعْ.
2CO 7:3 وَارْ سِّيوْڒغْ حِيمَا أَذْ خَاومْ حكْمغْ، مِينْ زِي إِزَّارغْ نِّيغْ، أَقَا كنِّيوْ ذڭْ وُوڒَاونْ نّغْ مَاحنْذْ أَذْ نمّثْ جْمِيعْ ؤُشَا أَذْ ندَّارْ جْمِيعْ.
2CO 7:4 ثَارْيَاسْثْ إِنُو قِيبَاتْشْ إِ كنِّيوْ ثمْغَارْ ؤُشَا أَسمْغَارْ إِنُو خَاومْ إِمْغَارْ. أَقَا أَيِي شُّورغْ س ؤُفوّجْ، أَقَا ڒفْرَاحثْ ثْفيّضْ ذَايِي أَطَّاسْ ذِي كُوڒْشِي ڒمْحَايمْ إِنُو.
2CO 7:5 مِينْزِي زڭْ وَامِي د-نُوسَا غَارْ مَاكِيذُونِييَا، وَارْ نُوفِي أَرَّاحثْ إِ أَرِّيمثْ نّغْ، مَاشَا ثُوغَا نسّْحِيسِّيفْ زِي مَارَّا إِغزْذِيسنْ، زِي بَارَّا أَقَا ذِينْ إِمْشُوبّشنْ، زِي ذَاخڒْ أَقَا ذِينْ ثِيڭّْوُوذِي.
2CO 7:6 مَاشَا أَربِّي، ونِّي إِسّْفوَّاجنْ خْ إِمْوَاضْعنْ، إِسّْفوّجْ-د خَانغْ س ثْوَاسِيثْ ن ثِيثُوسْ،
2CO 7:7 وَارْ إِدْجِي س ثْوَاسِيثْ نّسْ وَاهَا، مَاشَا عَاوذْ س ؤُفوّجْ إِ زِي ثُوغَا إِتّْوَاسّْفوّجْ زَّايْومْ، مَاغَارْ إِسَّارْڭبْ أَنغْ خْ ثَايْرِي نْومْ ذ وشْضَانْ نْومْ ذ شْضَارثْ نْومْ خَانغْ. ؤُمِي سْڒِيغْ أَيَا، فَارْحغْ أَطَّاسْ.
2CO 7:8 مِينْزِي وَاخَّا سّْفُوڭْمغْ كنِّيوْ س إِشْثْ ن ثبْرَاثْ، وَارْ نْذِيمغْ شَا، وَاخَّا نْذِيمغْ، مَاغَارْ تّْوَاڒِيغْ أَقَا ثَابْرَاثْ نِّي ثسّْفُوڭمْ إِ كنِّيوْ إِ إِشْثْ ن ثْسَاعّثْ [وَاهَا].
2CO 7:9 مَاشَا فَارْحغْ أَطَّاسْ، وَارْ إِدْجِي ڒَامِي ثتّْوَاسّْفُوڭْممْ، مَاشَا ؤُمِي أَفُوڭمْ نْومْ يَارَّا كنِّيوْ غَارْ تُّوبثْ، مِينْزِي أَفُوڭمْ نْومْ يُوسَا-د زِي أَربِّي، أَڒَامِي ؤُڒَا ذ إِشْثْ ن ثْخسَّارْثْ وَارْ كنِّيوْ ثْڒقّفْ شَا زَّايْنغْ ذِي شَا ن ثْمسْڒَاشْثْ.
2CO 7:10 مِينْزِي أَفُوڭمْ نِّي إِدْجَانْ ذِي طّْوعْ ن أَربِّي، إِندّهْ غَارْ تُّوبثْ ن بُوحْبڒْ ؤُ غَارْ وذْوَاڒْ إِ ثُوذَارْثْ، مَاشَا أَفُوڭمْ ن دُّونشْثْ إِتَّاوِي غَارْ ڒْموْثْ.
2CO 7:11 مَاشَا خْزَارْ، أَقَا ذ مَانْ أَيَا إِمْسَارْ، مِينْزِي ثتّْوَاسّْفُّوڭْمنْ ذِي طّْوعْ ن أَربِّي. مشْحَاڒْ إِ كنِّيوْ إِتّجَّانْ ن شْضَارثْ ذ ؤُذَافعْ ن يِيخفْ نْومْ ذ وَارْزَامْ ن ؤُقمُّومْ ذ ثِيڭّْوُوذِي ذ ثَايْرِي ذ ثُوسْمِي ذ ؤُوبّخْ! ذِي مِينْ ذِي مَا إِفّغْ-د أَقَا كنِّيوْ س إِخفْ نْومْ ذ إِمزْذَاڭنْ ذِي ثْمسْڒَاشْثْ-أَ.
2CO 7:12 مِينْ ذ أَومْ ؤُرِيغْ، وَارْ إِدْجِي خْ سِّيبّثْ ن ونِّي إِخطَّانْ نِيغْ خْ سِّيبّثْ ن ونِّي ؤُمِي إِ ذِي إِتّْوَاڭّْ ڒْعِيبْ، مَاشَا حِيمَا أَذْ ثْبَانْ جَارْ أَومْ شْضَارثْ نْومْ إِ نشِّينْ زَّاثْ إِ وُوذمْ ن أَربِّي.
2CO 7:13 س ؤُينِّي أَقَا نتّْوَاسّْفوّجْ ؤُ غَارْ ؤُفوّجْ نّغْ أَقَا نْفَارّحْ س ؤُفيّضْ كْثَارْ زِي ڒفْرَاحثْ ن ثِيثُوسْ ؤُمِي أَرُّوحْ نّسْ إِتّْوَاسَّاريّحْ أَكِيذْومْ مَارَّا.
2CO 7:14 مِينْزِي ذِي مِينْ ذِي سّمْغَارغْ ذَايْومْ غَارسْ، أَقَا وَارْ تّْوَاسّْحشْمغْ شَا، مَاغَارْ أَمْ ذ أَومْ ننَّا ثِيذتّْ كُوڒْشِي، أَمُّو عَاوذْ إِبَانْ-د، أَقَا أَسمْغَارْ نّغْ غَارْ ثِيثُوسْ إِبدّْ خْ ثِيذتّْ.
2CO 7:15 أَقَا ڒحْنُونشْثْ نّسْ خَاومْ ثمَّارْنِي أَطَّاسْ ؤُمِي إِتّْفكَّارْ ذِي طَّاعثْ نْومْ مَارَّا، أَقَا ثْقبْڒمْ ث س ثِيڭّْوُوذِي ذ ثَارْجِيجِيثْ.
2CO 7:16 فَارْحغْ ؤُمِي زمَّارغْ أَذْ خَاومْ تّشْڒغْ ذِي مِينْ ذِي مَّا.
2CO 8:1 نسَّارْڭبْ إِ كنِّيوْ، أَيْثْمَاثْنغْ، أَرْضَا ن أَربِّي إِ إِمّوْشنْ إِ ثْمسْمُونِينْ ذِي مَاكِيذُونِييَا،
2CO 8:2 مَاغَارْ ؤُمِي خَاسنْ د-إِكَّا ؤُقدْجبْ إِمْغَارْ ن ڒْمحْنثْ نْسنْ، ثْفيّضْ ڒفْرَاحثْ نْسنْ، ؤُ أَطَّاسْ ن وَاڭْڒَا ن ثشْرِيمثْ نْسنْ إِعْذُو زّڒْضْ نْسنْ إِمْغَارنْ،
2CO 8:3 مِينْزِي شهّْذغْ، أَقَا عْلَاحْسَابْ جّهْذْ نْسنْ ؤُ [عَاذْ] سنّجْ إِ جّهْذْ نْسنْ - ڒَامِي تّخْسنْ س وُوڒْ نْسنْ -
2CO 8:4 أَقَا زَاوْڭنْ أَنغْ س جّهْذْ مَاحنْذْ أَذْ شَارْشنْ ذِي أَرْضَا ن ثْسخَّارْثْ ن إِمْقدَّاسنْ.
2CO 8:5 ؤُشَا نِيثْنِي وَارْ ڭِّينْ مِينْ ثُوغَا نسِّيثِيمْ [وَاهَا]، مَاشَا أَقَا وْشِينْ إِخفْ نْسنْ أَمزْوَارْ إِ سِيذِيثْنغْ، خنِّي ؤُڒَا إِ نشِّينْ عْلَاحْسَابْ مِينْ إِخْسْ أَربِّي،
2CO 8:6 أَڒَامِي نْزَاوڭْ ثِيثُوسْ، أَمْ مَامّشْ ثُوغَا إِبْذَا قْبڒْ، حِيمَا أَذْ إِكمّڒْ غَارْومْ ؤُڒَا ذ ثشْرِيمثْ-أَ [ن صّْذَاقِي].
2CO 8:7 مَاشَا أَمْ مَامّشْ ثْفيّْضمْ ذِي مَارَّا - ذِي لْ-إِيمَانْ، ذڭْ وَاوَاڒْ، ذِي ثُوسّْنَا، ذِي مَارَّا شْضَارثْ، ؤُ ذِي [ثوْهِيبْثْ ن] ثَايْرِي نّغْ إِ غَارْومْ إِدْجَانْ - إِتّْخصَّا أَذْ ثْفيّْضمْ عَاوذْ ذِي ثشْرِيمثْ-أَ [ن صّْذَاقِي].
2CO 8:8 وَارْ تُّومُورغْ كنِّيوْ [وَاهَا]، مَاشَا أَرزُّوغْ أَذْ قدْجْبغْ ثِيذتّْ ن ثَايْرِي نْومْ س شْضَارثْ ن إِمدُّوكَّاڒْ نْومْ [ذِي لْ-إِيمَانْ].
2CO 8:9 مِينْزِي أَقَا ثسّْنمْ أَرْضَا ن سِيذِيثْنغْ يَاسُوع لْمَاسِيحْ، بلِّي إِذْوڒْ ذ أَمزْڒُوضْ ذِي طّْوعْ نْومْ، وَاخَّا ثُوغَا-ث س وَاڭْڒَا، حِيمَا كنِّيوْ أَذْ ثْذوْڒمْ ذ ثْوَاجَّارْ س زّڒْضْ نّسْ.
2CO 8:10 أَذْ كنِّيوْ وصِّيغْ مْلِيحْ - مِينْزِي مَانْ أَيَا إِ نّْفعْ نْومْ - مَاحنْذْ مِينْ ثبْذَامْ أَذْ ثنْوَامْ ذڭْ ؤُسڭّْوَاسْ إِعْذُونْ، أَذْ ث ثڭّمْ عَاوذْ.
2CO 8:11 كمّْڒمْ ڒخُّو س ثْمڭَّا مِينْ ثُوغَا ثنْوَامْ، كمّْڒمْ س ثْمڭَّا مِينْ ثُوغَا كنِّيوْ ثمّژْرمْ أَذْ ث ثڭّمْ عْلَاحْسَابْ مِينْ إِدْجَانْ غَارْومْ.
2CO 8:12 مَاشَا مَاڒَا ذِينْ مژْرِي، أَقَا إِتّْوَاجبْ عْلَاحْسَابْ مِينْ غَارسْ، وَارْ إِدْجِي عْلَاحْسَابْ مِينْ وَارْ غَارسْ إِدْجِي.
2CO 8:13 مِينْزِي وَارْ إِتّْڒِيقْ حِيمَا أَذْ ذِينْ ثِيڒِي ڒفْسَاسثْ إِ إِنّغْنِي ؤُ أَذْ خَاومْ ثِيڒِي ڒْمحْنثْ،
2CO 8:14 مَاشَا حْضَامْ أَذْ ثِيوْضمْ غَارْ ڒْمِيزَانْ ذِي ڒْوقْثْ-أَ، ؤُشَا أجّْ أَفيّضْ نْومْ أَذْ إِعمَّارْ ڒغْبنْ نْسنْ ذِي ڒْوقْثْ-أَ، أَڒَامِي أَفيّضْ نْسنْ ذِي مَانْ أَيَا أَذْ إِعمّرْ ڒغْبنْ نْومْ، حِيمَا خنِّي أَذْ يِيڒِي ڒْمِيزَانْ،
2CO 8:15 أَمْ مَامّشْ ثُورَا: ”ونِّي إِسّْمُوننْ أَطَّاسْ، وَارْ ذ أَسْ إِشطّْ شَا، ذ ونِّي ثُوغَا إِيَارّْونْ ذْرُوسْ، وَارْ ذَايسْ إِقِّيمْ ڒخْصصْ.“
2CO 8:16 مَاشَا أَقَاذِي إِ أَربِّي ونِّي إِڭِّينْ شْضَارثْ-أَ خَاومْ ذڭْ وُوڒْ ن ثِيثُوسْ،
2CO 8:17 مِينْزِي إِقْبڒْ ثُوثْرَا نّغْ ؤُشَا، أَمْ ثُوغَا ذَايسْ أَمْنُوسْ [خَاومْ]، إِطّوّعْ مَاحنْذْ أَذْ غَارْومْ د-يَاسْ.
2CO 8:18 ؤُشَا نسّكّْ-د أَكِيذسْ عَاوذْ ؤُمَاثْنغْ ونِّي غَارْ إِدْجَا ؤُوقَّارْ ذِي لْ-إِنْجِيلْ ذِي مَارَّا ثِيمسْمُونِينْ،
2CO 8:19 ونِّي إِتّْوَافَارْزنْ زِي سِّيبّثْ-أَ س جّهْذْ زِي ثْمسْمُونِينْ مَاحنْذْ أَذْ يُويُورْ أَكِيذْنغْ أَكْ-ذ ثشْرِيمثْ-أَ نْ ضّْذَاقِي إِ إِتّْوَاڭّنْ س ثْسخَّارْثْ نّغْ إِ ؤُعُودْجِي ن أَربِّي ؤُ إِ ؤُشجّعْ إِ نشِّينْ.
2CO 8:20 مَاشَا نْحطَّا مَاحنْذْ وَارْ ذ أَنغْ إِضدْجمْ حذْ مَاڒَا نْسيَّارْ ثَاشْرِيمثْ-أَ ن [صّْذَاقِي] إِفيّْضنْ،
2CO 8:21 حِيمَا مِينْ ذ أَنغْ إِشْقَانْ أَذْ إِعْذُو مْلِيحْ، وَارْ إِدْجِي وَاهَا قِيبَاتْشْ إِ أَربِّي مَاشَا عَاوذْ زَّاثْ إِ إِوْذَانْ.
2CO 8:22 نسّكّْ عَاوذْ أَكِيذْسنْ ؤُمَاثْنغْ، ونِّي ذ أَنغْ إِسّْشَاننْ ڒبْذَا ذڭْ وَاطَّاسْ ن ثْمسْڒَايِينْ، أَقَا نتَّا إِتّْشطَّارْ، مَاشَا ڒخُّو إِتّْشطَّارْ كْثَارْ مِينْزِي نتَّا إِتّْشَاڒْ خَاومْ أَطَّاسْ.
2CO 8:23 مَاڒَا خنِّي ثِيثُوسْ ذ أَمْعَاشَارْ إِنُو ذ ؤُمْعَاونْ إِنُو جَارْ أَومْ، ؤُ مَاڒَا خنِّي أَيْثْمَاثْنغْ نّغْنِي أَقَا أَثنْ ذ رُّوسُولْ ن ثْمسْمُونِينْ ن ؤُعُودْجِي ن لْمَاسِيحْ،
2CO 8:24 أجّْ خنِّي ثَاقدْجبْثْ ن ثَايْرِي نْومْ ؤُ ن ؤُسمْغَارْ نّغْ ذَايْونْ زِي جِّيهثْ ن ثْمسْڒَايِينْ-أَ أَذْ ثفّغْ غَارْ بَارَّا زَّاثْ إِ مَارَّا ثْمسْمُونِينْ.
2CO 9:1 مِينْزِي حسْبغْ بلِّي نْهْڒَا مَا ؤُرِيغْ أَومْ-د خْ ثْوِيزَا إِ إِمْقدَّاسنْ،
2CO 9:2 مِينْزِي سّْنغْ نّيّثْ نْومْ إِصبْحنْ مِيخفْ خَاومْ سّمْغَارغْ جَارْ إِنِّي ن مَاكِيذُونِييَا، بلِّي أَخَايَا ثُوغَا ثوْجذْ زڭْ ؤُسڭّْوَاسْ إِعْذُونْ، ؤُشَا شْضَارثْ نْومْ أَقَا ثسْفَاقْ أَزْينْ أَمقّْرَانْ.
2CO 9:3 مَاشَا سّكّغْ-د أَوْمَاثنْ، مَاحنْذْ أَسمْغَارْ نّغْ ذَايْومْ وَارْ إِتِّيڒِي شَا بَاطڒْ ذِي ثْمسْڒَاشْثْ-أَ، حِيمَا أَذْ ثِيڒِيمْ ثْحزّْممْ أَمْ مَامّشْ نِّيغْ،
2CO 9:4 حِيمَا، خْمِي كِيذِي إِ د غَا يَاسنْ إِمَاكِيذُونِييّنْ ؤُشَا أَذْ كنِّيوْ أَفنْ وَارْ ثْحزّْممْ، نشِّينْ - مَاحنْذْ وَارْ قَّارغْ شَا ’كنِّيوْ‘ - وَارْ نْغطّرْ زڭْ ؤُسمْغَارْ إِ [زَّايْومْ] نسّمْغَارْ.
2CO 9:5 س ؤُينِّي ڭِّيغْ أَذْ تَّارغْ أَوْمَاثنْ نِّي، مَاحنْذْ أَذْ غَارْومْ د-أَسنْ ذ أَمزْوَارُو ؤُشَا أَذْ سّوْجْذنْ قْبڒْ لْبَارَاكَا [ن صّْذَاقِي] ثِينِّي خْ إِتّْوَانَّا قْبڒْ إِ كنِّيوْ، أَقَا إِتّْخصَّا أَذْ ثِيڒِي [صّذْقثْ نِّي] غَارْ ؤُفُوسْ أَمْ يِيشْثْ ن لْبَارَاكَا، وَارْ إِدْجِي أَخْمِي ت-إِ-د-كّْسنْ زِي ثڒْمشْثْ نْومْ س طّْمعْ.
2CO 9:6 مَاشَا [سْنمْ] دّڭَّا: ”ونِّي إِ غَا إِزَارْعنْ س ثْشطَّارْثْ، أَذْ إِمْجَارْ س ثَاشطَّارْثْ، ؤُشَا ونِّي إِ غَا إِزَارْعنْ س ثشْرِيمثْ، أَذْ إِمْجَارْ عَاوذْ س ثشْرِيمثْ.“
2CO 9:7 أَذْ إِڭّْ كُوڒْ إِجّنْ أَمْ مَامّشْ إِنْوَا ذڭْ وُوڒْ نّسْ، وَارْ إِدْجِي س إِمطَّاونْ نِيغْ س ؤُغِيڒْ، مِينْزِي أَربِّي إِتّخْسْ ونِّي إِتِّيشنْ س ڒفْرَاحثْ.
2CO 9:8 مِينْزِي أَربِّي أَقَا إِزمَّارْ أَذْ أَومْ إِوْشْ كُوڒْ أَرْضَا س ؤُفيّضْ، حِيمَا ڒبْذَا ؤُ ذِي مَارَّا أَذْ غَارْومْ يِيڒِي مِينْ ثحْذَاجمْ ؤُشَا أَذْ ثَارْنِيمْ أَطَّاسْ ذِي مَارَّا ڒْخذْمثْ إِصبْحنْ،
2CO 9:9 أَمْ مَامّشْ ثُورَا: ”أَقَا إِبطَّا، إِوْشَا إِ إِمزْڒَاضْ، ثَاسڭْذَا نّسْ ثتّْغِيمَا إِ ڒبْذَا.“
2CO 9:10 مَاغَارْ ونِّي إِتِّيشنْ زَّارِيعثْ إِ ونِّي إِزَارْعنْ ؤُڒَا ذ أَغْرُومْ إِ مَاشَّا، أَذْ أَومْ إِوْشْ زَّارِيعثْ نْومْ، أَذْ يَارْنِي ذَايسْ ؤُشَا أَذْ إِسّڭْمَا ڒْغِيدْجثْ ن ثْسڭْذَا نْومْ،
2CO 9:11 مَاحنْذْ أَذْ ثِيڒِيمْ تّجَّارمْ ذِي مَارَّا إِ مَارَّا ثَاشْرِيمثْ نِّي إِ غَا إِسّڭْمَانْ أَقَاذِي إِ أَربِّي س ؤُفُوسْ نّغْ.
2CO 9:12 مِينْزِي ڒْخذْمثْ ن ثْسخَّارْثْ ثَانِيثَا وَارْ ثدْجِي وَاهَا ذِي طّْوعْ ن مِينْ إِنقْصنْ إِ إِمْقدَّاسنْ، مَاشَا ثتَّاوِي عَاوذْ غَارْ وَاطَّاسْ ن ؤُقَاذِي إِ أَربِّي.
2CO 9:13 مِينْزِي س ثْقدْجبْثْ ن ثْسخَّارْثْ-أَ، أَقَا سّمْغَارَانْ ذِي أَربِّي مِينْزِي ثمَّارْسمْ إِخفْ نْومْ إِ شّْهَاذثْ ن ڒخْبَارْ أَصبْحَانْ ن لْمَاسِيحْ، ؤُ مِينْزِي ثْشَارْشمْ س ثشْرِيمثْ أَكِيذْسنْ ؤُ أَكْ-ذ مَارَّا.
2CO 9:14 نِيثْنِي أَذْ د-قَارّْبنْ [غَارْ أَربِّي] س ثْژَادْجِيثِينْ إِ كنِّيوْ، س ثَايْرِي أَطَّاسْ خْ سِّيبّثْ ن ؤُفيّضْ ن أَرْضَا ن أَربِّي نِّي خَاومْ إِدْجَانْ.
2CO 9:15 ثْقَاذْ أَسْ إِ أَربِّي خْ ثوْهِيبْثْ نّسْ إِ وَارْ نْزمَّارْ أَذْ زَّايسْ ننْطقْ.
2CO 10:1 مَاشَا نشّْ بُولُوسْ سِيمَانْثْ إِنُو تّْزَاوَاڭغْ كنِّيوْ س ثمْهِينْثْ ذ ؤُوَاضعْ ن لْمَاسِيحْ، نشّْ ذ ونِّي إِدْجَانْ ذ أَسخَّايْ خْمِي حْضَارغْ، مَاشَا خْمِي غَا غَابغْ أَقَا أَيِي س ثرْيَاسْثْ،
2CO 10:2 أَقَا تّْزَاوَاڭغْ كنِّيوْ، خْمِي غَارْومْ د غَا يَاسغْ، نْهْڒَا مَا أَذْ تّْوَاحْصَارغْ مَاحنْذْ أَذْ مّْعَارِّيغْ - س ثرْيَاسْثْ نِّي حسّْبغْ أَقَا-ت غَارِي - أَكْ-ذ إِوْذَانْ نِّي إِحسّْبنْ أَقَا نشِّينْ ندَّارْ ذِي [دّْنُوبْ نّغْ ن] أَرِّيمثْ.
2CO 10:3 مِينْزِي وَاخَّا نڭُّورْ ذڭْ ويْسُومْ، وَارْ نتّْمنْغِي شَا عْلَاحْسَابْ أَيْسُومْ،
2CO 10:4 س مِينْزِي ڒسْنَاحْ ن ؤُمنْغِي نّغْ وَارْ دْجِينْ زڭْ ويْسُومْ، مَاشَا شُّورنْ س جّهْذْ ن أَربِّي، ؤُ زَّايسْ إِ نْثَارَّا لْبُورْجَاثْ إِغوّْغنْ سَاذُو أَفُوسْ نّغْ.
2CO 10:5 نتّْرژَّا إِخَارِّيصنْ ذ مَارَّا ڒُوعْڒَا إِڭعّْذنْ خْ ثُوسّْنَا ن أَربِّي، ؤُشَا أَذْ نْحبّسْ مَارَّا أَرَّايْ إِ طَّاعثْ ن لْمَاسِيحْ.
2CO 10:6 ؤُشَا نكَّارْ مَاحنْذْ أَذْ نْوبّخْ إِنِّي وَارْ إِتّطِّيعنْ، خْمِي غَا ثِيڒِي طَّاعثْ نْومْ ثكْمڒْ.
2CO 10:7 مَا ثْخزَّارمْ غَارْ ثْمسْڒَايِينْ س وُوذمْ؟ مَاڒَا إِتِّيقّْ حذْ ذڭْ إِخفْ نّسْ بلِّي نتَّا ن لْمَاسِيحْ، إِتّْخصَّا أَذْ إِخَارّصْ عَاوذْ، بلِّي أَمْ نتَّا ن لْمَاسِيحْ، أَمنِّي عَاوذْ نشِّينْ ن لْمَاسِيحْ إِ ندْجْ.
2CO 10:8 معْلِيكْ نشّْ مَاڒَا سّمْغَارغْ س شْوَايْثْ ن ؤُفيّضْ كْثَارْ ذِي صُّولْطَا نّغْ ثنِّي ذ أَيِي إِوْشَا سِيذِيثْنغْ، أَذْ يِيڒِي نهْڒَا مَا أَذْ سضْحِيغْ، مَاغَارْ نتَّا إِوْشَا أَنغْ ت إِ ڒبْنِي نْومْ، وَارْ إِدْجِي إِ وَاردّدْجْ نْومْ،
2CO 10:9 مَاشَا سّْبعّْذغْ أَيَا، حِيمَا وَارْ إِتّْغِيڒْ إِ شَا ن إِجّْ أَقَا خْسغْ أَذْ كنِّيوْ سِّيڭّْوذغْ س ثبْرَاثْ [إِنُو].
2CO 10:10 مِينْزِي أَقَا ذِينْ إِنِّي إِقَّارنْ: ”ثِيبْرَاثِينْ [نّسْ] قسْحنْثْ جهْذنْثْ، مَاشَا زِي جِّيهثْ ن أَرِّيمثْ إِهيّفْ، ؤُشَا أَوَاڒنْ نّسْ تّْوَاسّحْقَارنْ.“
2CO 10:11 ونِّي إِسَّاوَاڒنْ أَمُّو أجّْ إِ-ث أَذْ إِعْقڒْ، أَقَا، أَمْ مَامّشْ ندْجْ نشِّينْ ذڭْ وَاوَاڒْ س ثبْرَاثِينْ مَاڒَا وَارْ نحْضَارْ، أَمُّو إِ ندْجْ س ثْمڭَّا نّغْ خْمِي غَا نحْضَارْ.
2CO 10:12 مِينْزِي وَارْ نزْعِيمْ شَا أَذْ نحْسبْ نِيغْ أَذْ نسّمْقُودَّا إِخفْ نّغْ أَكْ-ذ شَا ن يِينِّي إِسّمْغَارَانْ إِخفْ نْسنْ، مَاغَارْ ؤُمِي عْبَارنْ نِيثْنِي إِخفْ نْسنْ س يِيخفْ نْسنْ، أَقَا نِيثْنِي وَارْ فْهِيمنْ [وَالُو].
2CO 10:13 مَاشَا نشِّينْ وَارْ نسّمْغَارِي شَا بَارَّا إِ ڒعْبَارْ ن ثسْغَارْثْ نّغْ، مَاشَا عْلَاحْسَابْ ڒعْبَارْ ن ثسْغَارْثْ إِ ذ أَنغْ إِوْشَا أَربِّي، حِيمَا أَذْ غَارْومْ د-نَاوضْ.
2CO 10:14 مِينْزِي وَارْ إِدْجِي أَمْ مَامّشْ وَارْ غَارْومْ د-نِيوضْ، مِينْزِي نسّْوِيژّضْ إِخفْ نّغْ غَارْومْ ؤُشَا نِيوضْ-د غَارْومْ س ڒخْبَارْ أَصبْحَانْ ن لْمَاسِيحْ.
2CO 10:15 أَقَا وَارْ نسّمْغَارْ شَا أَمْ نكَّا سنّجْ إِ ڒعْبَارْ ن ثسْغَارْثْ نّغْ، مَانِي خذْمنْ نّغْنِي، مَاشَا نسِّيثِيمْ، ؤُمِي إِمقَّارْ لْ-إِيمَانْ نْومْ، أَذْ نتّْوَاوسّعْ أَطَّاسْ زَّايْومْ عْلَاحْسَابْ ڒعْبَارْ ن ثسْغَارْثْ نّغْ،
2CO 10:16 حِيمَا أَذْ نْبَارّحْ س ڒخْبَارْ أَصبْحَانْ ؤُڒَا ذڭْ إِمُوشَانْ أَغِيرِينْ خَاومْ، حِيمَا وَارْ نسّمْغَارِي شَا خْ ڒعْبَارْ ن ثسْغَارْثْ ن إِنّغْنِي، خْ ڒعْبَارْ أَڒْ مَانِي إِوْضنْ نِيثْنِي.
2CO 10:17 مَاشَا وِي إِخْسنْ أَذْ إِسّمْغَارْ، أجّْ إِ-ث أَذْ إِسّمْغَارْ ذِي سِيذِي.
2CO 10:18 س مِينْزِي وَارْ إِدْجِي ونِّي إِوصَّانْ خْ يِيخفْ نّسْ، مَاشَا ونِّي خَاسْ إِوصَّا سِيذِي، أَقَا ذ ونِّي إِتّْوَافنْ ذ أَمْقدْجبْ.
2CO 11:1 تّْزَاوْڭغْ أَكِيذِي ثصْبَارمْ شْوَايْثْ، أَمْ يِيجّْ ن ؤُبُوهَاڒِي إِ سَّاوَاڒغْ، إِوَا حمْڒمْ أَيِي.
2CO 11:2 مِينْزِي شطَّارغْ خَاومْ س إِشْثْ ن شْضَارثْ ن أَربِّي، مِينْزِي خضْبغْ كنِّيوْ إِ يِيجّْ ن ورْيَازْ، مَاحنْذْ أَذْ كنِّيوْ سّْقَارّْبغْ أَمْ يِيشْثْ ن ثعْزَارشْثْ ثِيزْذِيڭْ إِ لْمَاسِيحْ.
2CO 11:3 مَاشَا تّڭّْوذغْ، أَمْ مَامّشْ إِغْوَا ؤُفِيغَارْ حَاوَّا س ثحْرَايْمشْثْ نّسْ، أَمنِّي [عَاوذْ] إِ غَا تّْوَاغْوَانْ إِخَارِّيصنْ نْومْ زِي ڒصْفَايثْ ن وشْضَارْ إِ لْمَاسِيحْ.
2CO 11:4 مِينْزِي مَاڒَا يُوسَا-د حذْ إِتّْبَارّحْ أَومْ س يِيجّْ ن يَاسُوع نّغْنِي خْ ونِّي خْ تّْبَارّْحغْ نشّْ، نِيغْ مَاڒَا ثْقبْڒمْ إِجّْ ن أَرُّوحْ نّغْنِي ونِّي وَارْ ثقْبِيڒمْ شَا، نِيغْ إِجّْ ن ڒخْبَارْ أَصبْحَانْ نّغْنِي ونِّي وَارْ ثطِّيفمْ شَا، أَذْ ث ثكْسِيمْ ذغْيَا.
2CO 11:5 وَاخَّا أَمنِّي نشّْ حسّْبغْ إِخفْ إِنُو وَارْ دْجِيغْ قلّْ إِ رُّوسُولْ [نِّي] ’إِمْغَارنْ أَطَّاسْ‘.
2CO 11:6 وَاخَّا وَارْ زمَّارغْ إِ وَاوَاڒْ، مَاشَا إِ ثُوسّْنَا زمَّارغْ، مِينْزِي ثُوغَا أَنغْ جَارْ أَومْ س بْطَايْطَايْ زِي مَارَّا إِغزْذِيسنْ.
2CO 11:7 نِيغْ خْضِيغْ ؤُمِي ثُوغَا سّْوَاضْعغْ إِخفْ إِنُو، حِيمَا كنِّيوْ أَذْ تّْوَاسُّوعْڒَامْ، أَمْ ذ أَومْ بَارّْحغْ س ڒخْبَارْ أَصبْحَانْ س بْڒَا؟
2CO 11:8 أَقَا ’كشْضغْ‘ ثْمسْمُونِينْ نّغْنِي أَمْ خَاسنْثْ طّْفغْ ثَاخْڒِيصثْ، حِيمَا أَذْ سخَّارغْ إِ كنِّيوْ.
2CO 11:9 ؤُشَا ؤُمِي ثُوغَا حْضَارغْ أَكِيذْومْ ؤُشَا ثُوغَا ذَايِي ڒخْصصْ، وَارْ بسّْڒغْ ؤُڒَا خْ حذْ زَّايْومْ، مَاشَا مِينْ ذ أَيِي إِخصّنْ،عمَّارنْ ث وَاوْمَاثنْ إِنِّي د يُوسِينْ زِي مَاكِيذُونِييَا. نشّْ حْضِيغْ إِخفْ إِنُو ذِي مَارَّا، مَاحنْذْ وَارْ خَاومْ تّْبسّْڒغْ، ؤُشَا أَمُّو إِ غَا قِّيمغْ حْضِيغْ إِخفْ إِنُو.
2CO 11:10 ثِيذتّْ ن لْمَاسِيحْ أَقَا-ث ذَايِي، أَقَا أَسمْغَارْ-أَ وَارْ ذ أَيِي إِمنّعْ ذِي جّْوَايحْ ن أَخَايَا.
2CO 11:11 مَايمِّي؟ مَا مِينْزِي وَارْ كنِّيوْ تّخْسغْ؟ أَربِّي إِسّنْ.
2CO 11:12 مَاشَا مِينْ تّڭّغْ، أَذْ قِّيمغْ تّڭّغْ ث خنِّي، حِيمَا أَذْ كّْسغْ ثِيزِي ن يِينِّي يَارزُّونْ لْفُورْصَا، مَاحنْذْ نِيثْنِي، ذِي مِينْ ذِي سّمْغَارَانْ، أَذْ بَاننْ أَمْ نشِّينْ.
2CO 11:13 مِينْزِي نِيثْنِي ذ رُّوسُولْ إِسّْخَارِّيقنْ ذ إِخدَّامنْ إِشمَّاثنْ إِنِّي إِتّڭّنْ إِخفْ نْسنْ أَخْمِي ذ رُّوسُولْ ن لْمَاسِيحْ.
2CO 11:14 مَانْ أَيَا وَارْ كنِّيوْ إِتّجِّي أَذْ ثتّْبهْثمْ، مِينْزِي ؤُڒَا ذ شِّيطَانْ إِتّڭّْ إِخفْ نّسْ أَخْمِي نتَّا ذ لْمَالَاكْ ن ثْفَاوْثْ.
2CO 11:15 وَاخَّا أَمُّو وَارْ ثدْجِي ذ شَا ن ڒْحَاجّثْ، مَاڒَا تَّارَّانْ عَاوذْ إِمْسخَّارنْ نّسْ إِخفْ نْسنْ ذ إِمْسخَّارنْ ن ثْسڭْذَا، إِنِّي ثَانڭَّارُوثْ نْسنْ أَذْ ثِيڒِي عْلَاحْسَابْ ڒخْذَايمْ نْسنْ.
2CO 11:16 قَّارغْ إِ ؤُمُورْ نّغْنِي، ؤُڒَا ذ إِجّنْ أَذْ أَسْ إِتّْغِيڒْ أَقَا أَيِي ذ أَبُوهَاڒِي، مَاشَا مَاڒَا وَارْ إِدْجِي أَمنِّي، حسْبمْ أَيِي ذ أَبُوهَاڒِي مَاحنْذْ خنِّي عَاوذْ نشّْ أَذْ سّمْغَارغْ شْوَايْثْ.
2CO 11:17 مِينْ سَّاوَاڒغْ، وَارْ ث قَّارغْ زِي سِيذِيثْنغْ، مَاشَا ڭِّيغْ ث س ثُوبُّوهڒْيَا مَاحنْذْ أَذْ ؤُفِيغْ زعْمَا لْفُورْصَا إِ ؤُسمْغَارْ.
2CO 11:18 ؤُمِي ذِينْ أَطَّاسْ ن إِنِّي إِسّمْغَارَانْ عْلَاحْسَابْ أَيْسُومْ، ؤُڒَا ذ نشّْ ڭُّورْ أَذْ سّمْغَارغْ.
2CO 11:19 مِينْزِي كنِّيوْ ثَارْضَامْ أَذْ ثسْڒمْ إِ إِبُوهَاڒِييّنْ وَاخَّا كنِّيوْ ذ إِمِيغِيسنْ إِ ثدْجَامْ.
2CO 11:20 أَقَا ثمَّارْسمْ إِخفْ نْومْ إِ حذْ إِ إِتَّارَّانْ كنِّيوْ ذ إِسمْغَانْ، ونِّي كنِّيوْ إِتّفّْزنْ، ونِّي إِتّكّْسنْ أَومْ مِينْ غَارْومْ، ؤُ ونِّي خَاومْ إِسُّوعْڒَانْ [إِخفْ نّسْ] ذ ونِّي كنِّيوْ إِسّْمدَّارْضَارنْ.
2CO 11:21 سَّاوَاڒغْ أَخْمِي تّْسضْحِيغْ، أَخْمِي نضْعفْ زِي سِّيبّثْ ن ثِيغِيثْ وَارْ إِدْجِينْ: مَارَّا مِينْ [خفْ] زعّْمنْ نِيثْنِي [أَذْ سّمْغَارنْ]، نشّْ عَاوذْ زعّْمغْ [أَذْ سّمْغَارغْ].
2CO 11:22 مَا نِيثْنِي ذ إِعِيبْرَانِييّنْ؟ ؤُڒَا ذ نشّْ. مَا نِيثْنِي ذ إِسْرَائِيل إِيّنْ؟ ؤُڒَا ذ نشّْ. مَا نِيثْنِي ذ زَّارِيعثْ ن إِبْرَاهِيمْ؟ ؤُڒَا ذ نشّْ.
2CO 11:23 مَا نِيثْنِي ذ إِمْسخَّارنْ ن لْمَاسِيحْ، نشّْ عَاذْ مَاهُو، وَاخَّا نشّْ سَّاوَاڒغْ أَمْ ونِّي إِتّْخڒْفنْ: نشّْ كْسِيغْ ثَامَارَا مَاهُو، شِّيغْ ثِييِّيثَا كْثَارْ زَّايْسنْ، ثُوغَا أَيِي ذِي ڒحْبسْ أَطَّاسْ ن إِمُورنْ كْثَارْ زَّايْسنْ ؤُشَا ژْرِيغْ ڒْموْثْ أَطَّاسْ ن ثْوَاڒَاوِينْ.
2CO 11:24 وْثِينْ أَيِي وُوذَاينْ خمْسَا ن ثْوَاڒَاوِينْ [س ؤُركُّوضْ] س أَربْعِينْ ن ثِييِّيثَا قلّْ إِشْثْ،
2CO 11:25 ثْڒَاثَا ن إِمُورنْ وْثِينْ أَيِي س وعْمُوذْ، إِشْثْ ن ثْوَاڒَا حجَّارنْ أَيِي، ثْڒَاثَا ن ثْوَاڒَاثِينْ يَارّژْ زَّايِي ؤُغَارَّابُو، دْجِيڒثْ ذ ؤُزِيڒْ ذ أَقتُّوسْ ثُوغَا أَيِي ذِي ڒْبُوغَازْ ن ڒبْحَارْ بْڒَا ثْغَارَّابُوثْ.
2CO 11:26 ؤُمِي ذ أَيِي ثُوغَا ذڭْ وبْرِيذْ أَطَّاسْ ن ثْوَاڒَاوِينْ ثُوغَا أَيِي ذِي لْخَاطَارْ ن إِغزْرَانْ، ذِي لْخَاطَارْ ن إِشفَّارنْ، ذِي لْخَاطَارْ ن يِينِّي ن ڒْڭنْسْ إِنُو، ذِي لْخَاطَارْ ن يِينِّي زِي ڒڭْنُوسْ نّغْنِي، ذِي لْخَاطَارْ ذِي ثنْذِينْثْ، ذِي لْخَاطَارْ ذِي ڒخْڒَا، ذِي لْخَاطَارْ خْ ڒبْحَارْ، ذِي لْخَاطَارْ س وَاوْمَاثنْ إِسّْخَارِّيقنْ،
2CO 11:27 [ذِي لْخَاطَارْ] ذِي ڒْخذْمثْ، ذِي ثَامَارَا، ؤُمِي ذَايِي ثُوغَا ذِي دْجْيَاڒِي بْڒَا إِضصْ أَطَّاسْ ن ثْوَاڒَاوِينْ، ذِي ڒَاژْ ذ ؤُفَاذِي، ذڭْ ؤُژُومِّي أَطَّاسْ، ؤُمِي ذَايِي ثُوغَا ذِي ثسْمضْ ذ ثُوعَارْينْثْ،
2CO 11:28 ؤُشَا عَاذْ وَارْ سِّيوْڒغْ شَا خْ وَاطَّاسْ ن ثْمسْڒَايِينْ نّغْنِي، نِيغْ خْ ڒْهمّْ إِنُو ن كُوڒْ أَسّْ خْ ثْمسْمُونِينْ ؤُڒَا خْ ومْنُوسْ نِّي خَافِي إِ مَارَّا ثِيمسْمُونِينْ.
2CO 11:29 مَاڒَا إِضْعفْ حذْ، مَا وَارْ تِّيڒِيغْ ؤُڒَا ذ نشّْ ضعْفغْ؟ مَاڒَا إِخيّقْ حذْ زِي شَا ن ؤُنذْرفْ، مَا نشّْ وَارْ شمّْضغْ؟
2CO 11:30 مَاڒَا إِتّْخصَّا أَذْ إِتّْوَاسّمْغَارْ، أَذْ سّمْغَارغْ ذِي ثُوضْعفْثْ إِنُو.
2CO 11:31 أَربِّي، بَابَاسْ ن سِيذِيثْنغْ يَاسُوع لْمَاسِيحْ - ونِّي إِتّْوَابَارْكنْ إِ ڒبْذَا قَاعْ - إِسّنْ أَقَا نشّْ وَارْ سّْخَارِّيقغْ شَا.
2CO 11:32 ڒْقبْطَانْ ن ڒْعسْكَارْ ن ؤُجدْجِيذْ أَرِيثَاسْ ذِي ذِيمَاشْقْ ثُوغَا إِحطَّا ثَانْذِينْثْ ن إِذِيمَاشْقِييّنْ، يَارزُّو أَذْ أَيِي إِطّفْ،
2CO 11:33 [مَاشَا] سّكّنْ أَيِي-د زڭْ إِجّْ ن ڒْكَازِي، سّهْوَانْ أَيِي-د زِي ڒْحِيضْ ذڭْ إِجّْ ن ؤُقْبُوبْ، أَروْڒغْ زڭْ إِفَاسّنْ نّسْ.
2CO 12:1 مَاڒَا إِتّْخصَّا أَذْ ذِينْ يِيڒِي ؤُسمْغَارْ، وَاخَّا مَانْ أَيَا وَارْ إِنفّعْ شَا، معْلِيكْ ؤُفِيغْ أَذْ إِوْضغْ نشّْ غَارْ إِوحَّانْ ذ إِسَارْڭَابنْ ن سِيذِيثْنغْ.
2CO 12:2 أَقَا سّْنغْ إِجّْ ن بْنَاذمْ ذِي لْمَاسِيحْ، ثُوغَا كْثَارْ زڭْ أَرْبعْطَاشْ ن إِسڭّْوُوسَا زڭْ وَامِي، مَا ثُوغَا ذِي أَرِّيمثْ نِيغْ بَارَّا إِ أَرِّيمثْ، وَارْ سِّينغْ شَا، أَربِّي إِسّنْ! [بْنَاذمْ] نِّي إِمّكْسِي غَارْ ؤُجنَّا وِيسّْ ثْڒَاثَا.
2CO 12:3 ؤُشَا سّْنغْ بْنَاذمْ-أَ، مَا ثُوغَا ذِي أَرِّيمثْ نِيغْ بْڒَا أَرِّيمثْ، وَارْ سِّينغْ شَا، أَربِّي إِسّنْ.
2CO 12:4 [بْنَاذمْ] نِّي إِمّكْسِي غَارْ جّنّثْ مَانِي إِسْڒَا أَوَاڒنْ نِّي وَارْ إِزمَّارْ أَذْ تّْوَانطْقنْ، إِنِّي وَارْ إِحدْجْڒنْ إِ بْنَاذمْ أَذْ ثنْ إِنْطقْ.
2CO 12:5 زڭْ بْنَاذمْ نِّي أَذْ سّمْغَارغْ، مَاشَا وَارْ سّمْغَارِيغْ شَا ذڭْ إِخفْ إِنُو، مْغِيرْ ذڭْ وضْعَافْ إِنُو.
2CO 12:6 مَاشَا مَاڒَا خْسغْ أَذْ سّمْغَارغْ، وَارْ تِّيڒِيغْ ذ أَبُوهَاڒِي، مِينْزِي أَذْ إِنِيغْ ثِيذتّْ. مَاشَا أَذْ ث جّغْ حِيمَا ؤُڒَا ذ إِجّْ وَارْ خَافِي إِتّْخَارَّاصْ مَامّشْ دْجِيغْ سنّجْ مِينْ زَّايِي إِژْرَا نِيغْ سنّجْ مِينْ زَّايِي إِسْڒَا.
2CO 12:7 حِيمَا وَارْ سّْڭِيعّْذغْ شَا إِخفْ إِنُو زِي سِّيبّثْ ن طّْبِيعثْ يُوعْڒَانْ ن إِسَارْڭَابنْ [نِّي]، إِمّوْشْ أَيِي إِجّْ ن ؤُسنَّانْ ذڭْ ويْسُومْ [ن أَرِّيمثْ]، أَقَا-ث إِجّْ ن لْمَالَاكْ ن شِّيطَانْ إِ ذ أَيِي إِشَّاثنْ س ڒْپُونِييَّاثْ مَاحنْذْ وَارْ تّسْڭعِّيذغْ شَا إِخفْ إِنُو.
2CO 12:8 ثْڒَاثَا ن ثْوَاڒَاوِينْ تَّارغْ سِيذِي إِنُو، مَاحنْذْ أَذْ ث خَافِي إِسّڭّْوجْ،
2CO 12:9 [مَاشَا] نتَّا إِنَّا أَيِي: ”أَقَا أَرْضَا إِنُو إِشْفَا، مِينْزِي جّهْذْ إِنُو إِتّْوَاكمّڒْ ذِي ثُوضْعفْثْ!“ س ؤُينِّي أَقَا مْلِيحْ مَاڒَا سّمْغَارغْ ذِي ثُوضْعفْثْ إِنُو، حِيمَا أَذْ خَافِي يَارْسَا جّهْذْ ن لْمَاسِيحْ.
2CO 12:10 س ؤُينِّي أَرْضِيغْ س ثُوضْعفْثْ، س ڒفْضِيحثْ، ذِي ڒغْبنْ، ذڭْ ؤُذَارّشْ، ذِي ڒحْصَارثْ ذِي طّْوعْ ن لْمَاسِيحْ، مِينْزِي خْمِي تِّيڒِيغْ ضعْفغْ، ڒخْذنِّي تِّيڒِيغْ جهّْذغْ.
2CO 12:11 خْزَارْ، ذوْڒغْ ذ أَبُوهَاڒِي ؤُمِي ڭِّيغْ أَذْ سّمْغَارغْ ذڭْ يِيخفْ إِنُو، [مَاشَا] كنِّيوْ ثحْصَارمْ أَيِي غَارسْ. مِينْزِي ثُوغَا إِتّْخصَّا إِ كنِّيوْ أَذْ أَيِي ثْقدَّارمْ، أَقَا وَارْ دْجِيغْ قلّْ ؤُڒَا ذڭْ إِشْثْ ن ڒْحَاجّثْ زِي رُّوسُولْ نِّي ’إِمْغَارنْ أَطَّاسْ‘، وَاخَّا نشّْ ذ وَالُو.
2CO 12:12 ڭِّيغْ جَارْ أَومْ ڒعْڒَامَاثْ ن رَّاسُولْ س مَارَّا صّْبَارْ، س ثْمڭَّا إِجّهْذنْ، س لْمُوعْجِيزَاثْ ؤُ س ڒعْجَايبْ.
2CO 12:13 مَاغَارْ مِينْ ذِي ثْذوْڒمْ غَارْ ضفَّارْ خْ ثْمسْمُونِينْ إِنّغْنِي، مْغِيرْ ذِي مِينْ ذِي نشّْ وَارْ خَاومْ بسّْڒغْ وَاهَا؟ سَامْحمْ أَيِي خْ ڒْفَارْزْ-أَ!
2CO 12:14 خْزَارْ، ڒخُّو ذ ثْوَاڒَا وِيسّْ ثْڒَاثَا أَقَا أَيِي وجْذغْ حِيمَا أَذْ غَارْومْ د-أَسغْ ؤُشَا وَارْ خَاومْ تّْبسِّيڒغْ، مِينْزِي وَارْ أَرزُّوغْ مِينْ نْومْ، مَاشَا [أَرزُّوغْ] خَاومْ كنِّيوْ. مِينْزِي وَارْ د-ثُوسِي إِ إِحنْجِيرنْ أَذْ خمّْڒنْ ڒكْنُوزْ إِ لْوَالِيذِينْ نْسنْ، مَاشَا لْوَالِيذِينْ إِ إِحنْجِيرنْ نْسنْ.
2CO 12:15 وجْذغْ س ڒفْرَاحثْ أَذْ خدْجْصغْ ڒحْسَابْ مَارَّا، ؤُ أَذْ سبّْڒغْ إِخفْ إِنُو ذِي طّْوعْ ن ڒعْمُورْ نْومْ، عَاذْ مَاڒَا طّْفغْ زَّايْومْ ثَايْرِي قلّْ مَاڒَا وْشِيغْ أَومْ ثَايْرِي س وَاطَّاسْ.
2CO 12:16 مَاشَا أَذْ ثَاغْ، وَاخَّا نشّْ وَارْ خَاومْ تّْبسِّيڒغْ، أَقَا طّْفغْ كنِّيوْ س ثحْرَايْمشْثْ أَمْ يِيجّْ ن ورْيَازْ أَقدَّاشْ؟
2CO 12:17 نِيغْ أَذْ ثَاغْ مژْرغْ ذِي شَا زَّايْومْ س شَا ن إِجّْ نّغْنِي إِ ثُوغَا غَارْومْ د-سّكّغْ؟
2CO 12:18 خْمِي تَّارغْ ثِيثُوسْ ؤُ سّكّغْ-د أَكِيذسْ ثَاوْمَاثْ، مَا يَارْزُو ثِيثُوسْ شَا زَّايْومْ [ذِي ثِيزِي نّسْ]؟ مَا وَارْ نُويُورْ شَا س أَرُّوحْ ذ إِجّنْ ذ إِصُورَافْ ذ إِجّنْ؟
2CO 12:19 مَا إِتّْغِيڒْ أَومْ عَاوذْ بلِّي نشِّينْ نسْڒقَّا خْ يِيخفْ نّغْ زَّايْومْ؟ أَقَا قِيبَاتْشْ إِ أَربِّي ذِي لْمَاسِيحْ إِ نسَّاوَاڒْ ؤُشَا مَانْ أَيَا مَارَّا، [أَ] إِمْعِيزّنْ إِنُو، ذِي طّْوعْ ن ڒبْنِي نْومْ.
2CO 12:20 مِينْزِي أَقَا تّڭّْوذغْ، خْمِي د غَا يَاوْضغْ غَارْومْ، أَذْ ثَاغْ وَارْ كنِّيوْ تِّيفغْ شَا أَمْ مَامّشْ خْسغْ، ؤُڒَا وَارْ ذ أَيِي ثتِّيفمْ شَا أَمْ مَامّشْ ثخْسمْ كنِّيوْ، بَالَاكْ أَذْ إِڒِينْ إِمْشُوبّشنْ، ڒحْسذْ، ثَافْقحْثْ، ثَاغنَّانْثْ، ثَاخْبَارْجشْثْ، أَخوّجْ، نّْفَاخثْ ؤُڒَا ذ إِخَارْوِيضنْ،
2CO 12:21 خْمِي د غَا يَاوْضغْ غَارْومْ ثْوَاڒَا نّغْنِي، أَذْ ثَاغْ أَربِّي أَذْ أَيِي إِسّْوَاضعْ ؤُشَا أَذْ شضْنغْ خْ وَاطَّاسْ ن يِينِّي إِخْضَانْ، وَارْ ثُوبنْ شَا زِي ڒخْمجْ ذ فَارْقْ-شّْغڒْ ذ ؤُفُوشّحْ إِ ڭِّينْ.
2CO 13:1 أَقَا ثَا ذ ثْوَاڒَا وِيسّْ ثْڒَاثَا أَذْ غَارْومْ د-أَسغْ. ”خْ ؤُقمُّومْ ن ثْنَاينْ نِيغْ ثْڒَاثَا ن ڒشْهُوذْ أَذْ إِتّْوَاضْمنْ مَارَّا وَاوَاڒْ!“
2CO 13:2 نِّيغْ ت قْبڒْ ؤُشَا أَذْ أَومْ ت إِنِيغْ قْبڒْ عَاوذْ، أَخْمِي ت نِّيغْ ڒَامِي ذ أَيِي ثُوغَا أَكِيذْومْ وِيسّْ مَارْثَاينْ، ؤُشَا عَاوذْ ڒخُّو، ؤُمِي غَابغْ، تَّارِيغْ ت إِ يِينِّي إِخْضَانْ ؤُ إِ مَارَّا إِنّغْنِي، أَقَا، مَاڒَا ؤُسِيغْ-د ثْوَاڒَا نّغْنِيثْ، وَارْ أَرحّْمغْ شَا.
2CO 13:3 مِينْزِي كنِّيوْ ثَارزُّومْ لْبُورْهَانْ بلِّي أَقَا لْمَاسِيحْ إِ ذ أَيِي إِسَّاوَاڒنْ، ونِّي وَارْ إِضْعِيفنْ ذَايْومْ، مَاشَا أَقَا إِجْهذْ ذَايْومْ.
2CO 13:4 وَاخَّا نتَّا إِتّْوَاصلّبْ ذِي ثُوضْعفْثْ، أَقَا إِدَّارْ س جّهْذْ ن أَربِّي. ؤُڒَا ذ نشِّينْ أَقَا نضْعفْ أَكِيذسْ، مَاشَا أَذْ كِيسْ ندَّارْ زِي جّهْذْ ن أَربِّي إِ ذَايْومْ إِدْجَانْ.
2CO 13:5 قدْجْبمْ إِخفْ نْومْ، مَا أَقَا كنِّيوْ ثتّْبدَّامْ ذِي لْ-إِيمَانْ، أَرْزُومْ ڒعْمُورْ نْومْ. نِيغْ وَارْ ثسِّينمْ شَا بلِّي يَاسُوع لْمَاسِيحْ أَقَا-ث ذَايْومْ، ؤُ مَاڒَا وَارْ إِدْجِي أَمنِّي، أَقَا كنِّيوْ ثمّنْضَارمْ؟
2CO 13:6 مَاشَا سِّيثِيمغْ أَذْ ثسّْنمْ، بلِّي وَارْ نمّنْضَارْ.
2CO 13:7 تّتَّارغْ أَربِّي، مَاحنْذْ وَارْ ذَايْومْ ثتّْوِيفْ ؤُڒَا ذ إِشْثْ ن ڒْحَاجّثْ ذ ثَاعفَّانْثْ، حِيمَا أَذْ د-ثْبَانْ ثْقدْجبْثْ نّغْ ؤُشَا كنِّيوْ ثتّڭّمْ مِينْ إِدْجَانْ ذ أَصبْحَانْ، وَاخَّا نشِّينْ نْبَانْ أَخْمِي نمّنْضَارْ.
2CO 13:8 مِينْزِي نشِّينْ وَارْ نْزمَّارْ وَالُو ضِيدّْ إِ ثِيذتّْ، مَاشَا إِ ثِيذتّْ وَاهْ.
2CO 13:9 مِينْزِي نشِّينْ نْفَارّحْ، ڒَامِي نضْعفْ ؤُ كنِّيوْ ثْجهْذمْ. ؤُشَا نتّْژَادْجْ عَاوذْ أَذْ ثِيڒِيمْ ثْكمّْڒمْ.
2CO 13:10 س ؤُينِّي تَّارِيغْ [أَومْ-د] مَانْ أَيَا أَمْ غَابغْ، مَاحنْذْ، خْمِي د غَا يَاسغْ، إِتّْخصَّا وَارْ تّقْسِيحغْ شَا عْلَاحْسَابْ صُّولْطَا إِ ذ أَيِي إِوْشَا سِيذِي إِنُو إِ ڒبْنِي، وَارْ إِدْجِي إِ وَاردّدْجْ.
2CO 13:11 زِي سَّا ذ ثْسَاونْثْ، [أَ] أَيْثْمَا، إِڒِيمْ ثْفَارّْحمْ ذ ثْكمّْڒمْ، إِڒِيمْ ثتّْفوّْجمْ، خَارّْصمْ س يِيجّْ ن ؤُخَارّصْ، ؤُشَا جّمْ أَذْ ذِينْ ثِيڒِي ڒْهُوذْنثْ جَارْ أَومْ، [خنِّي] أَذْ كِيومْ يِيڒِي أَربِّي ن ثَايْرِي ذ ڒهْنَا.
2CO 13:12 سدْجْممْ إِجّنْ خْ ونّغْنِي س ڒهْنَا س ؤُسُوذمْ إِقدّْسنْ.
2CO 13:13 مَارَّا إِمْقدَّاسنْ تّْسدْجَامنْ خَاومْ س ڒهْنَا.
2CO 13:14 ڒهْنَا ن سِيذِيثْنغْ يَاسُوع لْمَاسِيحْ ذ ثَايْرِي ن أَربِّي ذ ثْمُونْثْ ن أَرُّوحْ إِقدّْسنْ أَذْ إِڒِينْ أَكِيذْومْ مَارَّا. أَمِينْ.
GAL 1:1 بُولُوسْ، رَّاسُولْ - وَارْ إِدْجِي زڭْ إِوْذَانْ ؤُڒَا س [ڒْْخَاضَارْ ن] إِجّْ ن بْنَاذمْ، مَاشَا س يَاسُوع لْمَاسِيحْ، ؤُ س أَربِّي، بَابَاسْ، ونِّي إِ-ث-إِ-د-إِسّْنكَّارنْ زِي ثَادَّارْثْ ن إِمتِّيننْ -
GAL 1:2 ؤُ مَارَّا أَوْمَاثنْ إِنِّي إِدْجَانْ أَكِيذِي، إِ ثْمسْمُونِينْ ن ڭَالَاطِييَا:
GAL 1:3 أَرْضَا ذ ڒهْنَا أَذْ خَاومْ إِڒِينْ زِي أَربِّي، بَابَاثْنغْ، ؤُ زِي سِيذِيثْنغْ يَاسُوع لْمَاسِيحْ،
GAL 1:4 ونِّي إِوْشِينْ إِخفْ نّسْ خْ دّْنُوبْ نّغْ، حِيمَا أَذْ أَنغْ إِفكّْ زِي دُّونشْثْ-أَ ثَاعفَّانْثْ أَمْ مَامّشْ ت إِخْسْ أَربِّي، بَابَاثْنغْ.
GAL 1:5 إِ نتَّا ؤُمِي إِ غَارْ إِدْجَا ؤُعُودْجِي إِ ڒبْذَا قَاعْ. أَمِينْ.
GAL 1:6 تّْبهْثغْ ؤُمِي ثْسمْحمْ أَمُّو ذغْيَا ذِي لْمَاسِيحْ، ونِّي ذ أَومْ د-إِڒَاغَانْ س أَرْضَا نّسْ. [ثتّخْسمْ أَذْ ثْذوْڒنْ] غَارْ إِجّْ ن ڒخْبَارْ أَصبْحَانْ نّغْنِي،
GAL 1:7 نِّي وَارْ ذِينْ إِدْجِي، مَاشَا ذِينْ شَا ن يِينِّي كنِّيوْ إِحيَّارنْ ؤُشَا خْسنْ أَذْ سّْعوّْجنْ ڒخْبَارْ أَصبْحَانْ ن لْمَاسِيحْ.
GAL 1:8 مَاشَا مَاڒَا نشِّينْ نِيغْ إِجّْ ن لْمَالَاكْ زڭْ ؤُجنَّا أَذْ أَومْ إِبَارّحْ س يِيجّْ ن ڒخْبَارْ أَصبْحَانْ نّغْنِي خْ ڒخْبَارْ أَصبْحَانْ إِ زِي نْبَارّحْ إِ كنِّيوْ، أَذْ يِيڒِي ذ أَمنْعُوڒْ.
GAL 1:9 أَمْ إِزَّارغْ نِّيغْ، قَّارغْ ث عَاوذْ ڒخُّو إِجّْ ن ؤُمُورْ نّغْنِي: مَاڒَا إِبشَّارْ حذْ إِ كنِّيوْ س إِجّْ ’ڒخْبَارْ أَصبْحَانْ‘ نّغْنِي خْ ونِّي ثْقبْڒمْ، أَذْ ثَافْ أَذْ إِتّْوَانْعڒْ.
GAL 1:10 مَا أَرزُّوغْ ڒخُّو أَذْ سّْقنّْعغْ إِوْذَانْ نِيغْ أَربِّي؟ نِيغْ أَرزُّوغْ أَذْ أَرْضِيغْ إِوْذَانْ؟ مَاڒَا أَرزُّوغْ أَذْ أَرْضِيغْ إِوْذَانْ، وَارْ تِّيڒِيغْ ذ أَمْسخَّارْ ن لْمَاسِيحْ.
GAL 1:11 مَاشَا أَذْ أَومْ مْڒغْ، [أَ] أَيْثْمَا، بلِّي ڒخْبَارْ أَصبْحَانْ إِ ذ إِتّْوَابَارّْحنْ زَّايِي، وَارْ إِدْجِي زِي بْنَاذمْ،
GAL 1:12 مَاغَارْ نشّْ وَارْ ث تّطّْفغْ نِيغْ وَارْ ث ڒْمِيذغْ زِي بْنَاذمْ، مَاشَا س ؤُسَارْڭبْ ن يَاسُوع لْمَاسِيحْ.
GAL 1:13 أَقَا ثسْڒِيمْ مَامّشْ ثُوغَا ڭُّورغْ قْبڒْ ذِي دِّينْ ن وُوذَاينْ، ثُوغَا ذَارّْشغْ خْ ثْمسْمُونْثْ ن أَربِّي أَطَّاسْ، أَرزُّوغْ أَذْ ت أَردّْدْجغْ.
GAL 1:14 ثُوغَا إِزَّارغْ ذِي دِّينْ ن وُوذَاينْ خْ وَاطَّاسْ ن إِقْرِيننْ زِي ڒْڭنْسْ إِنُو، مِينْزِي ثُوغَا محْضغْ أَطَّاسْ خْ ثْغُورِي ن ڒجْذُوذْ إِنُو.
GAL 1:15 مَاشَا ڒَامِي ثُوغَا يَارْضَا نتَّا، ونِّي ذ أَيِي إِحُوزنْ [ؤُمِي ذ أَيِي ثُوغَا عَاذْ] ذڭْ ؤُعذِّيسْ ن يمَّا، ؤُشَا إِڒَاغَا أَيِي س أَرْضَا نّسْ،
GAL 1:16 مَاحنْذْ أَذْ ذَايِي د-إِسّضْهَارْ مِّيسْ حِيمَا أَذْ زَّايسْ بَارّْحغْ جَارْ ڒڭْنُوسْ، خنِّي وَارْ سَّارْڭِيبغْ مَانْ أَيَا ذغْيَا إِ [ينِّي غَارْسنْ إِدْجَا] دَّاثْ ذ إِذَامّنْ.
GAL 1:17 عَاوذْ وَارْ رُوحغْ شَا غَارْ ؤُرْشَالِيمْ، غَارْ يِينِّي إِ ثُوغَا ذ رُّوسُولْ قْبڒْ إِنُو، مَاشَا رُوحغْ غَارْ عَارَابِييَّا، ؤُشَا ذوْڒغْ-د [خنِّي] عَاوذْ غَارْ ذِيمَاشْقْ.
GAL 1:18 ثْڒَاثَا ن إِسڭّْوُوسَا أَوَارْنِي أَسْ، رُوحغْ غَارْ ؤُرْشَالِيمْ حِيمَا أَذْ مّڒْقِيغْ أَكْ-ذ كِيفَا ؤُشَا زذْغغْ أَكِيذسْ خمّسْطَاشْ ن وُوسَّانْ.
GAL 1:19 وَارْ ژْرِيغْ حذْ نّغْنِي زِي رُّوسُولْ مْغِيرْ يَاعْقُوبْ، ؤُمَاسْ ن سِيذِيثْنغْ.
GAL 1:20 مِينْ ذ أَومْ تَّارِيغْ ڒخُّو، أَقَا ذَا [شهّْذغْ] زَّاثْ إِ أَربِّي: وَارْ سّْخَارِّيقغْ شَا!
GAL 1:21 أَوَارْنِي مَانْ أَيَا رُوحغْ غَارْ جّْوَايهْ ن سُورِييَا ذ كِيلِيكِييَا.
GAL 1:22 ثِيمسْمُونِينْ ن يَاهُوذِييَّا إِ إِدْجَانْ ذِي لْمَاسِيحْ، وَارْ سِّيننْ أَغمْبُوبْ إِنُو.
GAL 1:23 نِيثْنِي ثُوغَا سْڒِينْ خَافِي أَمُّو وَاهَا: ”أَقَا ونِّي ثُوغَا خَانغْ إِذَارّْشنْ قْبڒْ، ڒخُّو إِتّْبَارّحْ س لْ-إِيمَانْ إِ ثُوغَا يَاردّدْجْ زِيشْ!“،
GAL 1:24 ؤُشَا سّمْغَارنْ ذِي أَربِّي زِي سِّيبّثْ إِنُو.
GAL 2:1 أَوَارْنِي ڒَامِي عْذُونْ أَرْبعْطَاشْ ن إِسڭّْوُوسَا، رُوحغْ عَاوذْ غَارْ ؤُرْشَالِيمْ أَكْ-ذ بَارْ-نَابَا ؤُشَا إِوْيغْ أَكِيذِي عَاوذْ ثِيثُوسْ.
GAL 2:2 مَاشَا ثُوغَا رُوحغْ عْلَاحْسَابْ إِجّْ ن ؤُسَارْڭبْ [ن أَربِّي] ؤُ مْڒغْ أَسنْ ڒخْبَارْ أَصبْحَانْ إِ تّْبَارّْحغْ جَارْ ڒڭْنُوسْ، إِ يِينِّي غَارْ إِدْجَا ؤُوقَّارْ وحّذْسنْ، حِيمَا وَارْ تِّيزّْڒغْ نِيغْ أَذْ أَزّْڒغْ بَاطڒْ.
GAL 2:3 عَاوذْ ثِيثُوسْ، ونِّي ثُوغَا أَكِيذِي، وَاخَّا نتَّا ذ أَرَامِييُو، وَارْ خَاسْ ڭّنْ س ؤُغِيڒْ مَاحنْذْ أَذْ إِتّْوَاخْثنْ.
GAL 2:4 مَاشَا مِينْزِي ؤُذْفنْ-د أَوْمَاثنْ إِسّْخَارِّيقنْ غَارْنغْ، حِيمَا أَذْ شكّْمنْ خْ ثِيڒلِّي ثنِّي غَارْنغْ ذِي يَاسُوع لْمَاسِيحْ، حِيمَا أَذْ أَيِي ڭّنْ ذ إِسْمغْ،
GAL 2:5 أَقَا نشِّينْ وَارْ ذ أَسنْ نْوَاضعْ ؤُڒَا ذ إِشْثْ ن ثْزحْزِيحْثْ إِ ڒحْصَارثْ نْسنْ، حِيمَا ثِيذتّْ ن ڒخْبَارْ أَصبْحَانْ أَذْ ثقِّيمْ أَكِيذْومْ.
GAL 2:6 إِنِّي ثُوغَا إِتّْبَاننْ ذ شَا [جَارْ أَسنْ] - مِينْ مَا عْنَانْ وَارْ ذ أَيِي إِشْقِي، مِينْزِي أَربِّي وَارْ إِتّڭّْ شَا س وُوذْمَاونْ - أَقَا وَارْ خَافِي نَّانْ وَالُو.
GAL 2:7 س ڒْعكْسْ، مَاغَارْ ژْرِينْ، بلِّي تّْكلّْفغْ خْ ڒخْبَارْ أَصبْحَانْ إِ يِينِّي بْڒَا أَخْثَانْ أَمْ مَامّشْ [إِتّْكلّفْ] بُوطْرُوسْ خْ ڒخْبَارْ أَصبْحَانْ إِ يِينِّي س وخْثَانْ،
GAL 2:8 - مِينْزِي ونِّي إِعَارّْننْ بُوطْرُوسْ ذِي ڒْخذْمثْ نّسْ أَمْ رَّاسُولْ جَارْ إِنِّي إِخثْننْ، إِعَارّنْ أَيِي عَاوذْ، حِيمَا أَذْ ڭّغْ ڒْخذْمثْ ن رَّاسُولْ جَارْ ڒڭْنُوسْ -
GAL 2:9 ؤُشَا ؤُمِي يَاعْقُوبْ ذ كِيفَا ذ يُوحَانَّا، إِنِّي إِتّْوَاحسْبنْ ذ إِمْغَارنْ، نعْمنْ س أَرْضَا إِ ذ أَيِي إِمّوْشنْ، وْشِينْ أَنغْ أَفُوسْ أَفُوسِي ن ثْمُونْثْ [ن ثَاوْمَاثْ] إِ نشّْ ذ بَارْ-نَابَا، حِيمَا نشِّينْ أَذْ نِيڒِي [نتّْسخَّارْ] جَارْ ڒڭْنُوسْ ؤُشَا نِيثْنِي جَارْ إِنِّي س وخْثَانْ.
GAL 2:10 ثُوغَا إِتّْخصَّا أَنغْ أَذْ نْفكَّارْ ذڭْ إِمزْڒَاضْ وَاهَا، ؤُشَا خنِّي شْضَارغْ عَاوذْ مَاحنْذْ أَذْ ڭّغْ مَانْ أَيَا.
GAL 2:11 مَاشَا ؤُمِي د-يُوسَا كِيفَا غَارْ أَنْثِييُوخِييَا، مّْعَاڒِيغْ أَكِيذسْ س بْطَايْطَايْ، مِينْزِي نِيثْنِي نّْقَارْضنْ زَّايسْ.
GAL 2:12 مِينْزِي قْبڒْ مَا د-ؤُسِينْ شَا زِي يَاعْقُوبْ، ثُوغَا إِتّتّْ أَكْ-ذ يِينِّي [يُومْننْ] زِي ڒڭْنُوسْ، مَاشَا أَوَارْنِي ڒَامِي د-ؤُسِينْ نِيثْنِي، إِعْقبْ ؤُشَا إِسّْبعّذْ إِخفْ نّسْ زَّايْسنْ، مِينْزِي ثُوغَا إِڭّْوذْ زڭْ إِنِّي إِدْجَانْ زڭْ وخْثَانْ.
GAL 2:13 ؤُڒَا ذ ؤُذَاينْ إِنّغْنِي تّْوَاجبّْذنْ أَكِيذسْ غَارْ مَانْ أَيَا، أَمنِّي عَاوذْ بَارْ-نَابَا، أَقَا نذْهنْ ث ذِي نِّيفَاقْ نْسنْ.
GAL 2:14 مَاشَا ؤُمِي ژْرِيغْ بلِّي وَارْ ڭُّورنْ شَا نِيشَانْ خْ وبْرِيذْ ن ثِيذتّْ ن لْ-إِنْجِيلْ، نِّيغْ إِ كِيفَا زَّاثْ إِ مَارَّا: ”مَاڒَا شكْ، أَمْ ثدْجِيذْ ذ ؤُذَايْ، ثدَّارذْ أَمْ يِيجّْ ن أَرَامِييُو، وَارْ إِدْجِي أَمْ وُوذَايْ، مَايمِّي ثڭِّيذْ أَغِيڒْ خْ يِينِّي زِي ڒڭْنُوسْ، حِيمَا أَذْ دَّارنْ أَمْ وُوذَاينْ؟
GAL 2:15 أَقَا نشِّينْ، إِنِّي إِدْجَانْ ذ ؤُذَاينْ عْلَاحْصَابْ طّْبِيعثْ، وَارْ ندْجِي شَا ذ إِمذْنَابْ زِي ڒڭْنُوسْ،
GAL 2:16 نُومنْ ذِي يَاسُوع لْمَاسِيحْ، مِينْزِي نسّنْ بلِّي بْنَاذمْ وَارْ إِتّْوَاسڭّذْ شَا س ڒخْذَايمْ ن شَّارِيعَا، مَاشَا س لْ-إِيمَانْ ن يَاسُوع لْمَاسِيحْ، أَڒَامِي ؤُڒَا ذ نشِّينْ أَذْ نتّْوَاسڭّذْ س لْ-إِيمَانْ ن لْمَاسِيحْ، وَارْ إِدْجِي س ڒخْذَايمْ ن شَّارِيعَا، مِينْزِي س ڒخْذَايمْ ن شَّارِيعَا ؤُڒَا ذ إِجّْ ن بْنَاذمْ وَارْ إِتّْوَاسڭَّاذْ شَا [عمَّارْصْ].
GAL 2:17 مَاشَا مَاڒَا نشِّينْ، أَمْ نَارزُّو أَذْ نتّْوَاسڭّذْ س لْمَاسِيحْ، نُوفَا بلِّي نشِّينْ عَاوذْ ذ إِمذْنَابْ، مَا يَاسُوع لْمَاسِيحْ [خنِّي] ذ أَمْسخَّارْ ن دّْنُوبْ؟ وَايَّاوْ!
GAL 2:18 مِينْزِي مَاڒَا بْنِيغْ عَاوذْ مِينْ هذْمغْ، أَذْ سّشْنغْ بلِّي نشّْ س إِخفْ إِنُو ذ ونِّي إِعدُّونْ خْ ثوْصِييّثْ.
GAL 2:19 مِينْزِي س شَّارِيعَا [أَقَا نشّْ] مُّوثغْ إِ شَّارِيعَا، حِيمَا أَذْ دَّارغْ إِ أَربِّي.
GAL 2:20 تّْوَاصلّْبغْ أَكْ-ذ لْمَاسِيحْ ؤُشَا زِي سَّا ذ ثْسَاونْثْ وَارْ قِّيمغْ دَّارغْ عَاذْ نشّْ، مَاشَا لْمَاسِيحْ إِدَّارْ ذَايِي. ؤُشَا مِينْ دَّارغْ ڒخُّو عَاذْ ذِي أَرِّيمثْ، دَّارغْ س لْ-إِيمَانْ ن مِّيسْ ن أَربِّي ونِّي ذ أَنغْ إِتّخْسنْ ؤُ إِوْشَا إِخفْ نّسْ خَانغْ.
GAL 2:21 وَارْ بضْڒغْ شَا أَرْضَا ن أَربِّي، مِينْزِي مَاڒَا ثُوغَا ثَاسڭْذَا س شَّارِيعَا، أَذْ يِيڒِي إِمُّوثْ لْمَاسِيحْ خْ وَالُو.“
GAL 3:1 [أَ] إِڭَالَاطِييّنْ إِفْغُوڒنْ، وِي كنِّيوْ إِسُّوفّْغنْ زڭْ وبْرِيذْ؟ أَقَا لْمَاسِيحْ ثُوغَا إِتّْوَارْشمْ قِيبَاتْشْ إِ ثِيطَّاوِينْ نْومْ أَمْ ونِّي إِمُّوثنْ خْ صَّالِيبْ.
GAL 3:2 ذڭَّا وَاهَا خْسغْ أَذْ ث سّْنغْ زَّايْومْ: مَا ثطّْفمْ أَرُّوحْ س ڒخْذَايمْ ن شَّارِيعَا نِيغْ ؤُمِي ثتّڭّمْ أَرَّايْ إِ لْ-إِيمَانْ؟
GAL 3:3 مَا أَمنِّي ثدْجَامْ ذ إِفْغُوڒنْ، أَقَا ثبْذَامْ س أَرُّوحْ، مَا ڒخُّو أَذْ ثْكمّْڒمْ س دَّاثْ؟
GAL 3:4 مَا ثكْسِيمْ ثَامَارَا أَطَّاسْ خْ وَالُو؟ مَا ثُوغَا س ثِيذتّْ خْ وَالُو؟
GAL 3:5 ونِّي ذ أَومْ إِوْشِينْ أَرُّوحْ ؤُشَا إِتّڭّْ لْمُوعْجِيزَاثْ جَارْ أَومْ، مَا إِتّڭّْ إِ-ثنْثْ زِي ڒخْذَايمْ ن شَّارِيعَا نِيغْ ؤُمِي ثتّسْڒَامْ [ثَابَارّحْثْ] ن لْ-إِيمَانْ،
GAL 3:6 أَمْ مَامّشْ ثُوغَا إِبْرَاهِيمْ يُومنْ ذِي أَربِّي ؤُشَا [خنِّي] إِتّْوَاحْسبْ أَسْ-د مَانْ أَيَا ذ ثَاسڭْذَا.
GAL 3:7 س ؤُينِّي سّْنمْ، بلِّي إِنِّي إِدْجَانْ ن لْ-إِيمَانْ، نِيثْنِي ذ أَيْثْ ن إِبْرَاهِيمْ.
GAL 3:8 مِينْزِي إِسّنْ أَربِّي قْبڒْ، أَقَا ڒڭْنُوسْ أَذْ تّْوَاسڭّْذنْ س لْ-إِيمَانْ، إِزَّارْ إِبشَّارْ نتَّا إِ إِبْرَاهِيمْ س ڒخْبَارْ أَصبْحَانْ، أَمْ مَامّشْ قَّارنْثْ ثِيرَا إِقدّْسنْ: ”ذَايكْ إِ غَا تّْوَابَارْكنْ ڒڭْنُوسْ مَارَّا.“
GAL 3:9 س ؤُينِّي إِنِّي يُومْننْ أَذْ تّْوَابَارْكنْ أَكْ-ذ ڒْمُومنْ إِبْرَاهِيمْ.
GAL 3:10 مَارَّا إِنِّي إِدَّارنْ س ڒخْذَايمْ ن شَّارِيعَا، أَقَا نِيثْنِي سَاذُو نّعْڒثْ، مِينْزِي ثُورَا: ”ذ أَمنْعُوڒْ كُوڒْ إِجّنْ ونِّي وَارْ إِقِّيمنْ إِتّطّفْ ذِي مَارَّا ثِيمسْڒَايِينْ يُورَانْ ذڭْ وذْلِيسْ ن شَّارِيعَا حِيمَا أَذْ ثنْثْ إِڭّْ!“
GAL 3:11 أَقَا إِتّْبَانْ مْلِيحْ بلِّي وَارْ ذِينْ حذْ إِ غَا إِتّْوَاسڭّْذنْ غَارْ أَربِّي س شَّارِيعَا، مِينْزِي ثُورَا: ”أَمْسڭَّاذْ س لْ-إِيمَانْ أَذْ إِدَّارْ!“
GAL 3:12 [خنِّي] شَّارِيعَا وَارْ ثْكمّڒْ شَا س لْ-إِيمَانْ، مَاشَا بْنَاذمْ ونِّي إِتّڭّنْ مِينْ ذَايسْ يُورِينْ، أَذْ زَّايسْ إِدَّارْ.
GAL 3:13 [مَاشَا] لْمَاسِيحْ أَقَا إِخدْجصْ خَانغْ، حِيمَا أَذْ أَنغْ إِفكّْ زِي نّعْڒثْ نِّي إِدْجَانْ خْ يِينِّي سَاذُو شَّارِيعَا أَمْ ذ إِذْوڒْ خَانغْ ذ أَمنْعُوڒْ، مِينْزِي ثُورَا: ”ذ أَمنْعُوڒْ كُوڒْ إِجّنْ إِ ث غَا يُويْڒنْ خْ ثحْنَاشْثْ!“،
GAL 3:14 حِيمَا أَذْ ثِيوضْ لْبَارَاكَا ن إِبْرَاهِيمْ غَارْ ڒڭْنُوسْ س يَاسُوع لْمَاسِيحْ، مَاحنْذْ س لْ-إِيمَانْ أَذْ نطّفْ لْوَاعْذْ ن أَرُّوحْ.
GAL 3:15 [أَ] أَيْثْمَا، أَذْ سِّيوْڒغْ خْ ڒحْسَابْ ڒعْقڒْ ن بْنَاذمْ: أَقَا إِجّْ ن ڒْعَاهْذْ إِتّْوَاڭّنْ جَارْ إِوْذَانْ، وَارْ إِزمَّارْ ؤُڒَا ذ إِجّْ أَذْ ث إِبْضڒْ نِيغْ أَذْ ذَايسْ إِبدّڒْ شَا.
GAL 3:16 أَقَا لْوُوعُوذْ تّْوَاڭّنْ إِ إِبْرَاهِيمْ ذ زَّارِيعثْ نّسْ. نتَّا وَارْ ذ أَسْ يِينِي شَا: ”إِ إِعقَّاينْ ن زَّارِيعثْ نْومْ!“، أَمْ إِ وَاطَّاسْ، مَاشَا: ”إِ ؤُعقَّا ن زَّارِيعثْ نّشْ!“، أَمْ إِ يِيجّنْ، أَقَا-ث ذ لْمَاسِيحْ.
GAL 3:17 [خنِّي] قَّارغْ [أَمُّو]: ڒْعَاهْذْ نِّي إِڭِّينْ أَربِّي زِيشْ ذِي لْمَاسِيحْ، وَارْ ث ثْبطِّيڒْ شَا شَّارِيعَا، ثنِّي ثُوسَا-د أَربْعَا-مْيَا ؤُ-ثْڒَاثِينْ ن إِسڭّْوُوسَا أَوَارْنِي مَانْ أَيَا، حِيمَا أَذْ ثڭّْ لْوَاعْذْ إِخْوَانْ.
GAL 3:18 مِينْزِي مَاڒَا ڒْوَارْثْ إِدْجَا س شَّارِيعَا، أَقَا وَارْ إِدْجِي عَاذْ س لْوَاعْذْ إِ إِبْرَاهِيمْ. مَاشَا أَربِّي أَقَا إِوْشَا أَسْ ث س لْوَاعْذْ.
GAL 3:19 خنِّي إِ ؤُمِي ثْنفّعْ شَّارِيعَا؟ أَقَا ثتّْوَامَّارْنِي [غَارْ لْوَاعْذْ] خْ سِّيبّثْ ن دّْنُوبْ أَڒَامِي د-ثُوسَا زَّارِيعثْ ثنِّي ؤُمِي إِتّْوَاڭّْ لْوَاعْذْ. ؤُ س لْمَالَاكَاثْ ثمّوْشْ شَّارِيعَا ذڭْ ؤُفُوسْ ن إِجّْ ن لْوَاسِيثْ.
GAL 3:20 لْوَاسِيثْ وَارْ إِدْجِي [ذ لْوَاسِيثْ] ن إِجّنْ، مَاشَا أَربِّي ذ إِجّنْ.
GAL 3:21 مَا خنِّي شَّارِيعَا ضِيدّْ إِ لْوَاعْذْ ن أَربِّي؟عمَّارْصْ! مِينْزِي مَاڒَا ثُوغَا ثمّوْشْ إِشْثْ ن شَّارِيعَا ثْزمَّارْ أَذْ ثسّدَّارْ، ذ ثِيذتّْ ثُوغَا ثَاسڭْذَا س شَّارِيعَا.
GAL 3:22 مَاشَا ثِيرَا [إِقدّْسنْ] بلّْعنْثْ خْ مَارَّا ذِي دّْنُوبْ، حِيمَا لْوَاعْذْ أَذْ إِمّوْشْ س لْ-إِيمَانْ ذِي يَاسُوع لْمَاسِيحْ إِ يِينِّي يُومْننْ.
GAL 3:23 مَاشَا قْبڒْ مَا إِ د غَا يَاسْ لْ-إِيمَانْ، ثُوغَا أَنغْ نمّحْضَا ذِي شَّارِيعَا ؤُشَا إِتّْوَابلّعْ خَانغْ زِي لْ-إِيمَانْ، ونِّي ثُوغَا إِ غَا إِضْهَارنْ [عَاذْ].
GAL 3:24 س ؤُينِّي ثُوغَا شَّارِيعَا أَمْ ونِّي ذ أَنغْ إِتَّاربَّانْ أَڒْ لْمَاسِيحْ، حِيمَا أَذْ نتّْوَاسڭّذْ س لْ-إِيمَانْ.
GAL 3:25 مَاشَا ڒخُّو، ؤُمِي د-يُوسَا لْ-إِيمَانْ، أَقَا وَارْ نقِّيمْ عَاذْ سَاذُو ونِّي إِتَّاربَّانْ.
GAL 3:26 مِينْزِي مَارَّا كنِّيوْ ذ أَرَّاونْ ن أَربِّي س لْ-إِيمَانْ ن يَاسُوع لْمَاسِيحْ.
GAL 3:27 مِينْزِي مَارَّا إِنِّي إِتّْوَاسّْغضْصنْ ذِي لْمَاسِيحْ، أَقَا أَرْضنْ لْمَاسِيحْ.
GAL 3:28 [خنِّي] وَارْ ذِينْ ؤُذَايْ نِيغْ أَرَامِييْ، وَارْ ذِينْ [عَاذْ] إِسْمغْ نِيغْ أَحُورِّي، وَارْ ذِينْ [عَاذْ] أَرْيَازْ نِيغْ ثَامْغَارْثْ، مِينْزِي مَارَّا كنِّيوْ ذ إِجّنْ إِ ثدْجَامْ ذِي يَاسُوع لْمَاسِيحْ.
GAL 3:29 مَاڒَا كنِّيوْ ثدْجَامْ ن لْمَاسِيحْ، أَقَا كنِّيوْ ذ زَّارِيعثْ ن إِبْرَاهِيمْ ؤُشَا عْلَاحْسَابْ لْوَاعْذْ ذ إِوْرِيثنْ.
GAL 4:1 خْسغْ أَذْ إِنِيغْ، مشْحَاڒْ مَا ذ أَوْرِيثْ أَقَا-ث [عَاذْ] ذ أَحنْجِيرْ، وَارْ ذِينْ بُو ڒْفَارْقْ خْ ؤُمْسخَّارْ، وَاخَّا نتَّا ذ بَابْ ن مَارَّا نِيثْنِي.
GAL 4:2 نتَّا إِدْجَا عَاذْ سَاذُو إِمحْذَاينْ ؤُ سَاذُو إِنِّي إِتّْسيَّارنْ ثَادَّارْثْ أَڒْ ڒْوقْثْ إِ يڭَّا بَابَاسْ.
GAL 4:3 أَمُّو عَاوذْ نشِّينْ، ؤُمِي ذ أَنغْ ثُوغَا عَاذْ ذ إِحنْجِيرنْ، ثُوغَا أَنغْ ذ إِسمْغَانْ سَاذُو [صُّولْطَا ن] لْفَارَايِيضْ ن دُّونشْثْ[-أَ].
GAL 4:4 مَاشَا ؤُمِي د-يِيوضْ ؤُعمَّارْ ن ڒْوقْثْ، أَربِّي أَقَا إِسّكّْ-د مِّيسْ إِ يدْجَانْ زِي ثمْغَارْثْ ذ ونِّي إِدْجَانْ سَاذُو شَّارِيعَا،
GAL 4:5 حِيمَا أَذْ إِفْذِي إِنِّي إِدْجَانْ سَاذُو شَّارِيعَا ؤُشَا [خنِّي] نشِّينْ أَذْ نطّفْ ڒفْضڒْ مَاحنْذْ أَذْ نتّْوَاقْبڒْ ذ مِّيسْ.
GAL 4:6 مِينْزِي كنِّيوْ ثدْجَامْ ذ أَرَّاونْ، أَربِّي إِسّكّْ أَرُّوحْ ن مِّيسْ ذڭْ وُوڒَاونْ نْومْ، ونِّي إِتّْڒَاغَانْ: ’بَابَا، بَابَاثْنغْ!‘
GAL 4:7 س ؤُينِّي وَارْ ثدْجِيمْ عَاذْ ذ إِمْسخَّارنْ، مَاشَا ذ أَرَّاونْ ؤُ مَاڒَا أَرَّاونْ إِ ثدْجَامْ، أَقَا كنِّيوْ عَاوذْ ذ إِوْرِيثنْ ن أَربِّي س يَاسُوع لْمَاسِيحْ.
GAL 4:8 مَاشَا ذِي زّْمَانْ إِ وَارْ ثسِّينمْ شَا أَربِّي، ثُوغَا ثْعبّْذمْ إِنِّي وَارْ إِدْجِينْ س ثوَّا ذ إِربِّيثنْ.
GAL 4:9 مَاشَا ڒخُّو، أَوَارْنِي ڒَامِي ثسّْنمْ أَربِّي، عَاذْ حْسنْ أَربِّي يَارْڭبْ خَاومْ، أَقَا ثْعقْبمْ عَاوذْ غَارْ [صُّولْطَا ن] لْفَارَايِيضْ إِضعْفنْ إِزڒْضنْ [ن دُّونشْثْ-أَ]، ثخْسمْ عَاوذْ أَذْ أَسنْثْ ثمَّارْسمْ إِخفْ نْومْ أَمْ زڭْ وشْحَاڒْ ؤُيَا!
GAL 4:10 ثْحطَّامْ ؤُسَّانْ ذ إِيُورنْ ذ زّْمَانَاثْ ذ إِسڭّْوُوسَا.
GAL 4:11 تّڭّْوذغْ خَاومْ أَقَا تَّامَارغْ جَارْ أَومْ خْ وَالُو.
GAL 4:12 [أَ] أَيْثْمَا، تّْزَاوَاڭغْ كنِّيوْ، إِڒِيمْ أَمْ نشّْ، مِينْزِي نشّْ أَمْ كنِّيوْ. كنِّيوْ وَارْ ذ أَيِي ثڭِّيمْ وَالُو مِينْ وَارْ إِحْڒِينْ.
GAL 4:13 أَقَا كنِّيوْ ثسّْنمْ بلِّي بَارّْحغْ أَومْ-د س ڒخْبَارْ أَصبْحَانْ ذڭْ ؤُمزْوَارُو س ثُوضْعفْثْ ن أَرِّيمثْ إِنُو.
GAL 4:14 كنِّيوْ وَارْ ثسّحْقَارمْ نِيغْ ثسّْطيّْحمْ زڭْ ؤُمَارّثْ ن أَرِّيمثْ إِنُو، مَاشَا ثْقبْڒمْ أَيِي أَمْ يِيجّْ ن لْمَالَاكْ ن أَربِّي ؤُ أَمْ يَاسُوع لْمَاسِيحْ.
GAL 4:15 مَانِي ثْرُوحْ خنِّي لْبَارَاكَا نْومْ؟ مِينْزِي شهّْذغْ خَاومْ بلِّي، مَاڒَا ثُوغَا ثْزمَّارمْ، أَذْ ثْقڒْعمْ ثِيطَّاوِينْ نْومْ، حِيمَا أَذْ أَيِي ثنْثْ ثوْشمْ.
GAL 4:16 مَا ذوْڒغْ ذ ڒعْذُو نْومْ، مِينْزِي بَارّْحغْ كنِّيوْ س ثِيذتّْ؟
GAL 4:17 نِيثْنِي شْضَارنْ أَطَّاسْ خَاومْ، مَاشَا وَارْ إِدْجِي أَمنِّي وَاهَا، مَاغَارْ خْسنْ أَذْ كنِّيوْ حبّْسنْ، حِيمَا كنِّيوْ أَذْ ثشْضَارمْ خَاسنْ.
GAL 4:18 [وَاهْ]، مْلِيحْ أَذْ ثِيڒِيمْ ڒبْذَا ثْشطَّارمْ ذِي مِينْ إِدْجَانْ ذ أَصبْحَانْ، [مَاشَا] وَارْ إِدْجِي خْمِي كِيومْ إِ غَا حْضَارغْ وَاهَا.
GAL 4:19 [أَ] إِحنْجِيرنْ إِنُو، ثْوَاڒَا نّغْنِيثْ أَقَا أَيِي إِ كنِّيوْ أَمْ يِيشْثْ ن ثمْغَارْثْ ثنِّي إِكْسِينْ دّيْسثْ زَّايْومْ س ؤُنزْبَارْ ن ثَارْوَا، أَڒْ ذَايْومْ إِ غَا إِڒِينْثْ ثفْرَاسْ ن لْمَاسِيحْ.
GAL 4:20 خْسغْ ڒخُّو أَذْ إِڒِيغْ أَكِيذْومْ ؤُشَا أَذْ بدّْڒغْ ثْمِيجَّا إِنُو، مِينْزِي أَقَا ؤُڭْنُوغْ زَّايْومْ.
GAL 4:21 إِنِيمْ أَيِي، كنِّيوْ إِنِّي إِتّخْسنْ أَذْ ثِيڒِيمْ سَاذُو شَّارِيعَا، مَا وَارْ ثطِّيعمْ شَا شَّارِيعَا؟
GAL 4:22 مِينْزِي أَقَا ثُورَا بلِّي إِبْرَاهِيمْ ثُوغَا غَارسْ ثْنَاينْ ن إِحنْجِيرنْ، إِجّنْ ن ثَايَّا، ونّغْنِي ن ثْحُورّشْثْ.
GAL 4:23 ونِّي ن ثَايَّا أَقَا إِتّْوَاخْڒقْ-د عْلَاحْسَابْ دَّاثْ، مَاشَا ونِّي ن ثْحُورّشْثْ إِتّْوَاخْڒقْ-د عْلَاحْسَابْ لْوَاعْذْ.
GAL 4:24 ثِينَا ذ ثْنَاينْ ن إِمذْيَا ن ثْنَاينْ ن ڒْعُوهُوذْ، إِجّنْ ن وذْرَارْ ن سِينَا، ونِّي إِ د-إِتَّارْونْ ثَاسْمُوغِي، أَقَا-ث هَاجَارْ.
GAL 4:25 مِينْزِي هَاجَارْ ذ أَذْرَارْ ن سِينَا ذِي عَارَابِييَّا، ثنِّي يَاروْسنْ ذِي ؤُرْشَالِيمْ ن ڒخُّو، ثنِّي إِدْجَانْ ذِي ثسْمُوغِي أَكْ-ذ ثَارْوَا نّسْ.
GAL 4:26 مَاشَا ؤُرْشَالِيمْ ن سنّجْ ذ ثَاحُورّشْثْ، أَقَا-ت ذ يمَّاثْنغْ.
GAL 4:27 مِينْزِي ثُورَا: ”فَارْحْ، ثنِّي وَارْ إِتِّيرْونْعمَّارْصْ! ذُوقّزْ س ؤُسْڒِيوْڒوْ، سْغُويّْ س جّهْذْ، أَ شمْ ثنِّي وَارْ إِسِّيننْ ڒوْجعْ ن ثَارْوَا، مَاغَارْ ثَارْوَا ن ثنِّي ذِي سمْحنْ ذ أَطَّاسْ خْ ثَارْوَا ن ثنِّي غَارْ إِدْجَا ورْيَازْ.“
GAL 4:28 مَاشَا نشِّينْ، [أَ] أَيْثْمَا، ذ ثَارْوَا ن لْوَاعْذْ أَمْ إِسْحَاقْ.
GAL 4:29 مَاشَا أَمْ ذِي ڒْوقْثْ نِّي وِي د-إِثْوَاخڒْقنْ عْلَاحْسَابْ دَّاثْ ثُوغَا إِمَارّثْ ونِّي د-إِتّْوَاخڒْقنْ عْلَاحْسَابْ أَرُّوحْ، أَمُّو عَاوذْ ڒخُّو.
GAL 4:30 مَاشَا مِينْ قَّارنْثْ ثِيرَا إِقدّْسنْ؟ ”نْضَارمْ بَارَّا ثَايَّا ذ مِّيسْ، مِينْزِي وَارْ إِتِّيڒِي مِّيسْ ن ثَايَّا ذ أَوْرِيثْ أَكْ-ذ مِّيسْ ن ثْحُورّشْثْ.“
GAL 4:31 س ؤُينِّي، [أَ] أَيْثْمَا، أَقَا وَارْ ندْجِي شَا ذ ثَارْوَا ن ثَايَّا، مَاشَا ثَارْوَا ن ثْحُورّشْثْ.
GAL 5:1 بدّمْ نِيشَانْ ذِي ثِيڒلِّي ثنِّي ؤُمِي ذ أَنغْ إِفكّْ لْمَاسِيحْ، ؤُشَا وَارْ تّْذكّْوِيڒمْ عَاوذْ، مَاحنْذْ أَذْ ثكْسِيمْ أَزَايْڒُو ن ثسْمُوغِي.
GAL 5:2 أَقَا أَيِي نشّْ بُولُوسْ أَذْ أَومْ إِنِيغْ، مَاڒَا ثتّْوَاخثْنمْ، لْمَاسِيحْ وَارْ كنِّيوْ إِنفّعْ ذڭْ وَالُو.
GAL 5:3 عَاوذْ شهّْذغْ إِ مَارَّا بْنَاذمْ إِ غَا إِتّْوَاخثْننْ، أَقَا نتَّا س ؤُمَارْوَاسْ حِيمَا أَذْ إِڭّْ مَارَّا مِينْ إِدْجَانْ ذِي شَّارِيعَا.
GAL 5:4 كنِّيوْ إِنِّي [إِتّخْسنْ] أَذْ تّْوَاسڭّْذمْ س شَّارِيعَا، أَقَا ثْذوْڒنْ ثَارْخُومْ زِي لْمَاسِيحْ، ؤُشَا زِي أَرْضَا إِ زِي د-ثوْضَامْ.
GAL 5:5 مِينْزِي نشِّينْ نتّْرَاجَا أَسِيثمْ ن ثْسڭْذَا س أَرُّوحْ نِّي إِدْجَانْ زِي لْ-إِيمَانْ.
GAL 5:6 مَاغَارْ ذِي يَاسُوع لْمَاسِيحْ، أَخْثَانْ نِيغْ بْڒَا أَخْثَانْ وَارْ إِسكّْوِي وَالُو، مَاشَا مْغِيرْ لْ-إِيمَانْ وَاهَا نِّي إِتّْوَاكمّْڒنْ س ثَايْرِي.
GAL 5:7 كنِّيوْ ثُوزّْڒمْ مْلِيحْ! وِي كنِّيوْ إِمنْعنْ أَڒَامِي وَارْ ثتّطِّيفمْ عَاذْ س ڒَامَانْ ذِي ثِيذتّْ؟
GAL 5:8 طْوَاعْ-أَ نْومْ وَارْ إِدْجِي زڭْ ونِّي ذ أَومْ إِتّْڒَاغَانْ.
GAL 5:9 شْوَايْثْ ن ونْثُونْ إِسّْممّْ مَارَّا ڒْعجْنثْ [ن وَارشْثِي].
GAL 5:10 نشّْ تِّيقّغْ ذَايْومْ ذِي سِيذِيثْنغْ، أَقَا وَارْ غَارْونْ ثِيڒِي نّيّثْ نّغْنِي. ؤُ ونِّي كنِّيوْ إِتّْسدَّاعنْ، أَقَا أَذْ يَارْبُو ڒْحُوكْمْ، مَانْ ونْ مَا إِعْنَا نتَّا.
GAL 5:11 [أَ] أَيْثْمَا، مَاڒَا نشّْ تّْبَارّْحغْ كنِّيوْ عَاذْ س وخْثَانْ، مَايمِّي عَاذْ إِ غَا تّْوَامَارّْثغْ؟ مَا [خنِّي] ثتّْوَابطّڒْ ثَاعنْكْرِيفْثْ ن صَّالِيبْ؟
GAL 5:12 معْلِيكْ قَاعْ تّخْسغْ، أَقَا إِنِّي إِتّخْسنْ أَذْ كنِّيوْ قسّنْ، أَذْ تّْوَاقسّنْ سِيمَانْثْ نْسنْ.
GAL 5:13 إِ ثِيڒلِّي ؤُمِي د-ثتّْوَاڒَاغَامْ كنِّيوْ، [أَ] أَيْثْمَا، مَاشَا وَارْ تّْقدْجْبمْ ثِيڒلِّي أَمْ لْفُورْصَا إِ ويْسُومْ، مَاشَا سخَّارمْ إِجّنْ إِ ونّغْنِي س ثَايْرِي.
GAL 5:14 مِينْزِي مَارَّا شَّارِيعَا ثْكمّڒْ س يِيجّْ ن وَاوَاڒْ، أَقَا س مَانْ أَيَا: ”أَذْ ثخْسذْ جَّارْ نّشْ أَمشْنَاوْ إِخفْ نّشْ.“
GAL 5:15 مَاشَا مَاڒَا ثْزعّْفمْ ؤُ ثتّتّمْ إِجّنْ ونّغْنِي، [خنِّي] حْضَامْ إِخفْ نْومْ وَارْ ثتّتّمْ شَا أَيَاوْيَا [قَاعْ].
GAL 5:16 مَاشَا نشّْ أَذْ أَومْ إِنِيغْ: ؤُيُورمْ ذِي أَرُّوحْ، وَارْ تّْكمّْڒنْعمَّارْصْ نّشْوَاثْ ن ويْسُومْ.
GAL 5:17 مِينْزِي دَّاثْ يَارزُّو مِينْ إِدْجَانْ ضِيدّْ ن أَرُّوحْ، ؤُشَا أَرُّوحْ يَارزُّو مِينْ إِدْجَانْ ضِيدّْ ن ويْسُومْ. نِيثْنِي س ثْنَاينْ تّْبدَّانْ أَكْ-ذ وَايَاوْيَا، خْ ؤُينِّي وَارْ ثْزمَّارمْ أَذْ ثڭّمْ مِينْ ثخْسمْ.
GAL 5:18 مَاشَا مَاڒَا أَرُّوحْ إِنْذهْ إِ كنِّيوْ، وَارْ ثدْجِيمْ عَاذْ سَاذُو شَّارِيعَا.
GAL 5:19 ڒخْذَايمْ ن ويْسُومْ بَاننْثْ، أَقَا أَثنْثْ ذ زِّينَا ذ ڒخْمجْ ذ فَارْقْ-شّْغڒْ
GAL 5:20 ذ ؤُعْبَاذْ إِ لْ-أَصْنَامْ ذ ثْسحَّارْثْ ذ ڒعْذَاوثْ ذ ؤُمْشبّشْ ذ ڒحْسذْ ذ ثفْقحْثْ ذ ؤُغوّغْ ذ ؤُبطُّو ذ ثْغُورِيوِينْ إِ د-إِتّفّْغنْ زڭْ وبْرِيذْ،
GAL 5:21 ذ ثُوسْمِي ذ ونْغَايْ ذ ؤُغلِّي ذ ڒفْسذْ ؤُڒَا ذ ثِيمسْڒَايِينْ نّغْنِيثْ أَمْ ثِينَا. إِنِّي إِتّْشغْڒنْ إِخفْ نْسنْ أَكْ-ذ ثْمسْڒَايِينْ-أَ، أَقَا إِزْوَارغْ نِّيغْ ث، ؤُ أَذْ ث إِنِيغْ عَاوذْ، أَقَا نِيثْنِي وَارْ وَارّْثنْ شَا ثَاڭلْذِيثْ ن أَربِّي.
GAL 5:22 مَاشَا ڒْغِيدْجثْ ن أَرُّوحْ أَقَا-ت ذ ثَايْرِي ذ ڒفْرَاحثْ ذ ڒهْنَا ذ ڒضْرَافثْ ذ تَّاسِيعْ ن ڒْخَاضَارْ ذ ثْشُونِي ذ لْ-إِيمَانْ ذ ثمْهِينْثْ ؤُڒَا ذ صّْبَارْ.
GAL 5:23 شَّارِيعَا وَارْ ثدْجِي ضِيدّْ ن ثْمسْڒَايِينْ-أَ.
GAL 5:24 مَاشَا إِنِّي إِدْجَانْ زِي لْمَاسِيحْ أَقَا صلّْبنْ أَيْسُومْ نْسنْ أَكْ-ذ مَارَّا شّهْوَاثْ ذ نّشْوَاثْ.
GAL 5:25 أجّْ أَنغْ أَذْ ندَّارْ س أَرُّوحْ ؤُ أَذْ نْسلّمْ إِخفْ نّغْ إِ أَرُّوحْ.
GAL 5:26 وَارْ ذ أَنغْ إِتّجِّي أَذْ نْوقَّارْ إِجّْ ونّغْنِي س نِّيفَاقْ، أَمْ نسّحْقَارَا إِجّنْ ونّغْنِي ؤُ نتَّاسمْ ؤُڒَا ذ إِجّنْ زڭْ ونّغْنِي.
GAL 6:1 [أَ] أَيْثْمَا، مَاڒَا حذْ جَارْ أَومْ إِوْضَا-د خَاسْ دّنْبْ، أجّْ [خنِّي] إِنِّي إِڭُّورنْ ذِي أَرُّوحْ أَذْ ث سڭّْذنْ س أَرُّوحْ ن ثمْهِينْثْ. حْضَامْ، حِيمَا وَارْ ثتّْوَاجَارّْبمْ ؤُڒَا ذ كنِّيوْ.
GAL 6:2 كْسِيمْ دّْقڒْ إِجّنْ خْ ونّغْنِي، أَمُّو إِ غَا ثْكمّْڒمْ شَّارِيعَا ن لْمَاسِيحْ.
GAL 6:3 مَاغَارْ مَاڒَا شَا ن يِيجّنْ إِتّْغِيڒْ أَسْ أَقَا نتَّا ذ شَا، أَمْ ث وَارْ إِدْجِي، إِخدّعْ إِخفْ نّسْ.
GAL 6:4 مَاشَا أجّْ كُوڒْ إِجّنْ أَذْ إِقدْجبْ ڒْخذْمثْ ن يِيخفْ نّسْ، خنِّي أَذْ غَارسْ يِيڒِي ؤُسمْغَارْ ذڭْ يِيخفْ نّسْ، وَارْ إِدْجِي ذڭْ إِنّغْنِي،
GAL 6:5 مِينْزِي كُوڒْ إِجّنْ أَذْ إِكْسِي دّْقڒْ ن يِيخفْ نّسْ.
GAL 6:6 أجّْ ونِّي إِسْڒِينْ أَوَاڒْ، أَذْ إِشَارْشْ زِي مَارَّا ثِيصبْحَانِينْ [إِ غَارسْ] أَكْ-ذ ونِّي زَّايسْ ث إِسْڒَانْ.
GAL 6:7 وَارْ تّْخدّْعمْ إِخفْ نْومْ، أَربِّي وَارْ إِتّجِّي حذْ أَذْ خَاسْ إِقصَّارْ. مِينْزِي مِينْ مَا إِزَارْعْ بْنَاذمْ، أَذْ ث إِمْجَارْ عَاوذْ.
GAL 6:8 مِينْزِي ونِّي إِزَارّْعنْ ذڭْ ويْسُومْ، زڭْ ويْسُومْ أَذْ إِمْجَارْ ڒْغشّْ. مَاشَا ونِّي إِزَارّْعنْ ذِي أَرُّوحْ، زِي أَرُّوحْ أَذْ إِمْجَارْ ثُوذَارْثْ إِتّْذُومَانْ.
GAL 6:9 أجّْ أَنغْ وَارْ نتِّيحڒْ شَا ؤُمِي نتّڭّْ مِينْ إِدْجَانْ ذ أَصبْحَانْ، مِينْزِي أَذْ د-ثَاسْ ڒْوقْثْ نِّي ذِي غَا نمْجَارْ، ؤُ مَانْ أَيَا وَارْ ذ أَنغْ إِسِّيهِيڒْ شَا.
GAL 6:10 أجّْ أَنغْ ڒخُّو، أَڒَامِي غَارْنغْ عَاذْ لْفُورْصَا، أَذْ نڭّْ ثْشُونِي إِ مَارَّا، أَمزْوَارُو إِ يِينِّي ذ إِشْرِيشنْ أَكِيذْنغْ ذِي ثَادَّارْثْ ن يِينِّي يُومْننْ.
GAL 6:11 خْزَارمْ، [مَارَّا] ثِيرَا-يَا إِ ذ أَومْ د-ؤُرِيغْ، ؤُرِيغْ ت س ؤُفُوسْ إِنُو.
GAL 6:12 مَارَّا وِي إِخْسنْ أَذْ سّمْغَارنْ ذڭْ ويْسُومْ، أَقَا نِيثْنِي تّڭّنْ خَاومْ أَغِيڒْ حِيمَا أَذْ ثتّْوَاخثْنمْ حِيمَا وَارْ تّْوَامَارّْثنْ نِيثْنِي خْ سِّيبّثْ ن صَّالِيبْ ن لْمَاسِيحْ.
GAL 6:13 مِينْزِي ؤُڒَا ذ إِنِّي إِتّْوَاخثْننْ وَارْ طِّيفنْ شَا ذِي شَّارِيعَا، مَاشَا نِيثْنِي خْسنْ أَذْ ثتّْوَاخثْنمْ حِيمَا أَذْ سّمْغَارنْ [ذِي ڒخْثَانْ] ذڭْ ويْسُومْ نْومْ.
GAL 6:14 مَاشَا إِڭّْوجنْ خَافِي مَاحنْذْ أَذْ سّمْغَارغْ مْغِيرْ ذِي صَّالِيبْ ن سِيذِيثْنغْ يَاسُوع لْمَاسِيحْ س ونِّي ثتّْوَاصلّبْ دُّونشْثْ إِ نشّْ ؤُ نشّْ إِ دُّونشْثْ.
GAL 6:15 أَخْثَانْ نِيغْ بْڒَا أَخْثَانْ وَارْ إِسكّْوِي وَالُو، مَاشَا ونِّي د-إِتّْوَاخڒْقنْ زِي جْذِيذْ وَاهْ.
GAL 6:16 مَارَّا وِي غَا يُويُورنْ عْلَاحْسَابْ أَبْرِيذْ-أَ، أَذْ خَاسنْ يِيڒِي ڒهْنَا ذ أَرّحْمثْ ؤُڒَا خْ إِسْرَائِيل ن أَربِّي.
GAL 6:17 وَارْ ذ أَيِي إِتّْسذِّيعْ حذْ، مِينْزِي إِوْيغْ-د شَّامَاثْ ن سِيذِيثْنغْ يَاسُوع ذِي أَرِّيمثْ إِنُو.
GAL 6:18 [أَ] أَيْثْمَا، أَذْ يِيڒِي أَرْضَا ن سِيذِيثْنغْ يَاسُوع لْمَاسِيحْ أَكْ-ذ أَرُّوحْ نْومْ. أَمِينْ.
EPH 1:1 بُولُوسْ، رَّاسُولْ ن يَاسُوع لْمَاسِيحْ عْلَاحْسَابْ ڒْخَاضَارْ ن أَربِّي، إِ يِينِّي إِدْجَانْ ذِي أَفَاسُوسْ، [إِ] إِمْقدَّاسنْ ذ يِينِّي يُومْننْ ذِي يَاسُوع لْمَاسِيحْ
EPH 1:2 أَرْضَا ذ ڒهْنَا أَذْ كِيذْومْ إِڒِينْ زِي أَربِّي، بَابَاثْنغْ، ؤُ زِي سِيذِيثْنغْ يَاسُوع لْمَاسِيحْ.
EPH 1:3 أَذْ إِتّْوَابَاركْ أَربِّي، بَابَاسْ ن سِيذِيثْنغْ يَاسُوع لْمَاسِيحْ، ونِّي ذ أَنغْ إِبَارْكنْ س مَارَّا لْبَارَاكَاثْ ن أَرُّوحْ إِ إِدْجَانْ ذڭْ إِجنْوَانْ ذِي لْمَاسِيحْ،
EPH 1:4 أَمْ مَامّشْ إِخْضَارْ أَنغْ ذَايسْ، ذڭْ ؤُمزْوَارُو قْبڒْ مَا أَذْ إِتّْوَاڭّْ ذْسَاسْ ن دُّونشْثْ، حِيمَا أَذْ نِيڒِي ذ إِمْقدَّاسنْ بْڒَا ڒْعِيبْ قِيبَاتْشْ نّسْ.
EPH 1:5 ذِي ثَايْرِي إِزْوَارْ أَذْ أَنغْ يَارْشمْ إِ يِيخفْ نّسْ ؤُشَا أَقَا إِڭَّا أَنغْ ذ أَرَّاونْ ذِي يَاسُوع لْمَاسِيحْ أَمْ مَامّشْ ث إِخْسْ ڒْخَاضَارْ نّسْ،
EPH 1:6 إِ ؤُسمْغَارْ ن ؤُعُودْجِي ن أَرْضَا نّسْ إِ خَانغْ إِفَارّغْ ذڭْ ؤُمْعِيزّْ نّسْ.
EPH 1:7 ذَايسْ غَارْنغْ أَسنْجمْ ذ وغْفَارْ ن دّْنُوبْ س إِذَامّنْ نّسْ عْلَاحْسَابْ أَڭْڒَا ن أَرْضَا نّسْ
EPH 1:8 إِ ذَايْنغْ إِدْجَانْ س ؤُفيّضْ، ذِي مَارَّا ثِيغِيثْ ذ مَارَّا ڒفْهَامثْ.
EPH 1:9 أَقَا إِسَّارْڭبْ أَنغْ خْ سِّيرّْ ن ڒْخَاضَارْ نّسْ، إِ ثُوغَا إِزْعمْ قْبڒْ مَاحنْذْ أَذْ ث إِكمّڒْ ذڭْ يِيخفْ نّسْ،
EPH 1:10 حِيمَا، إِ ڒحْكَامثْ ن ؤُعمَّارْ ن زّْمَانَاثْ، أَذْ د-إِخْڒقْ مَارَّا [مِينْ إِدْجَانْ] ذڭْ إِجنْوَانْ ؤُ خْ ثمُّورْثْ ذ جْذِيذْ زڭْ ؤُزدْجِيفْ س لْمَاسِيحْ.
EPH 1:11 أَقَا نتّْوَاخْضَارْ ذَايسْ، أَمْ مَامّشْ إِ إِزْوَارْ أَذْ إِمَّارْسْ إِ نشِّينْ ؤُ ثُوغَا إِخْسْ أَذْ [زَّايْنغْ] إِڭّْ، نتَّا ذ ونِّي إِتّڭّنْ مَارَّا عْلَاحْسَابْ لْقَارَارْ ن أَرَّايْ نّسْ،
EPH 1:12 حِيمَا نشِّينْ أَذْ نِيڒِي ذ إِمزْوُورَا إِ غَا إِسِّيثِيمنْ ذِي لْمَاسِيحْ إِ ؤُسمْغَارْ ن ؤُعُودْجِي نّسْ.
EPH 1:13 ذَايسْ أَقَا ثسْڒِيمْ أَوَاڒْ ن ثِيذتّْ، ڒخْبَارْ أَصبْحَانْ ن ؤُسنْجمْ نْومْ، [خنِّي] ثُومْنمْ ذَايسْ ؤُشَا ثكْسِيمْ أَشمِّيعْ ن أَرُّوحْ إِقدّْسنْ إِ ذ [أَنغْ] إِوَاعْذْ،
EPH 1:14 ونِّي ذ ڒْعَارْبُونْ ن ڒْوَارْثْ نّغْ إِ ؤُسنْجمْ ن يِينِّي إِدَّارنْ ؤُ إِ ؤُسمْغَارْ ن ؤُعُودْجِي نّسْ.
EPH 1:15 خْزَارْ، س ؤُينِّي نشّْ، ڒَامِي سْڒِيغْ خْ لْ-إِيمَانْ نْومْ ذِي سِيذِيثْنغْ يَاسُوع لْمَاسِيحْ ؤُ خْ ثَايْرِي نْومْ إِ مَارَّا إِمْقدَّاسنْ،
EPH 1:16 وَارْ بدّغْ شَا أَذْ قَاذِيغْ إِ كنِّيوْ نِيغْ أَذْ ذَايْومْ فكَّارغْ ذِي ثْژِيدْجَاثِينْ إِنُو،
EPH 1:17 حِيمَا أَربِّي ن سِيذِيثْنغْ يَاسُوع لْمَاسِيحْ، بَابَاسْ ن ؤُعُودْجِي، أَذْ أَومْ إِوْشْ أَرُّوحْ ن ثِيغِيثْ ذ ؤُسَارْڭبْ حِيمَا أَذْ ث ثسّْنمْ،
EPH 1:18 ؤُشَا أَذْ أَومْ إِوْشْ ثِيفَاوْثْ ذِي ثِيطَّاوِينْ ن وُوڒَاونْ نْومْ، حِيمَا أَذْ ثسّْنمْ مَانْ أَسِيثمْ ن ثْڒَاغِيثْ نّسْ ذ مَامّشْ [إِمْغَارْ] أَڭْڒَا ن ؤُعُودْجِي ن ڒْوَارْثْ نّسْ ذِي مَارَّا إِمْقدَّاسنْ،
EPH 1:19 ؤُ مَامّشْ إِمْغَارْ أَطَّاسْ إِ يدْجَا جّهْذْ نّسْ ذَايْنغْ، ذڭْ إِنِّي يُومْننْ عْلَاحْسَابْ أَقَارُّو ن جّهْذْ ن صُّولْطَا نّسْ
EPH 1:20 إِ إِخدّْمنْ ذِي لْمَاسِيحْ ؤُمِي ث-إِ-د-إِسّْنكَّارْ زِي ثَادَّارْثْ ن إِمتِّيننْ ؤُشَا إِڭَّا إِ-ث غَارْ ؤُغزْذِيسْ أَفُوسِي نّسْ ذڭْ إِجنْوَانْ،
EPH 1:21 سنّجْ إِ كُوڒْ أَزدْجِيفْ ذ صُّولْطَا ذ جّهْذْ ذ ڒحْكَامثْ ذ مَارَّا إِسمْ إِتّْوَاسمَّانْ، وَارْ إِدْجِي ذِي دُّونشْثْ-أَ وَاهَا، مَاشَا عَاوذْ ذِي ثنِّي إِ د غَا يَاسنْ.
EPH 1:22 أَقَا نتَّا يَارَّا أَسْ-د مَارَّا سَاذُو إِضَارنْ نّسْ ؤُ ونِّي إِدْجَانْ سنّجْ إِ مَارَّا، أَقَا إِڭَّا إِ-ث ذ أَزدْجِيفْ إِ ثْمسْمُونْثْ،
EPH 1:23 ثنِّي ذ أَرِّيمثْ نّسْ ؤُڒَا ذ أَعمَّارْ ن ونِّي إِتّْعمَّارنْ كُوڒْشِي ذِي مَارَّا.
EPH 2:1 ؤُڒَا ذ كنِّيوْ ثُوغَا ثمُّوثمْ س دّْنُوبْ نْومْ ؤُ س ثُوبُّوهڒْيَا نْومْ
EPH 2:2 مِينْ ذِي ثُوغَا ثُويُورمْ عْلَاحْسَابْ ثُوذَارْثْ ن كُوڒْ أَسّْ ن دُّونشْثْ-أَ، عْلَاحْسَابْ ڒْخَاضَارْ ن ؤُزدْجِيفْ ن صُّولْطَا خْ وَازَّايْ ن ڒعْوِينْ، ؤُ [عْلَاحْسَابْ ڒْخَاضَارْ] ن أَرُّوحْ نِّي إِخدّْمنْ ذِي ثَارْوَا ن ڒْمُوعْصِييّثْ.
EPH 2:3 ؤُڒَا ذ نشِّينْ ثُوغَا نْرُوحْ قْبڒْ ذِي شّْغُوڒَاثْ نِّي، ؤُمِي نضْفَارْ نّشْوَاثْ ن ويْسُومْ نّغْ، نڭَّا مِينْ إِخْسْ ويْسُومْ نّغْ ذ نّيّثْ نّغْ، ؤُ ثُوغَا أَنغْ ذ ثَارْوَا ن وغْضَابْ قَاعْ أَمْ إِنّغْنِي.
EPH 2:4 مَاشَا أَربِّي إِشُّورْ س أَرّحْمثْ س ثَايْرِي نّسْ ثَامقّْرَانْثْ إِ زِي خَانغْ إِعِيزّْ.
EPH 2:5 ڒَامِي ثُوغَا أَنغْ [عَاذْ] ذ إِمتِّيننْ ذِي دّْنُوبْ نّغْ، أَقَا يَارّْ أَنغْ-د غَارْ ثُوذَارْثْ أَكْ-ذ لْمَاسِيحْ، ؤُ س أَرْضَا نّسْ إِسّنْجمْ أَنغْ
EPH 2:6 ؤُ إِسّْنكَّارْ أَنغْ-د أَكِيذسْ ؤُشَا إِسّْغِيمَا أَنغْ أَكِيذسْ ذڭْ إِجنْوَانْ ذِي يَاسُوع لْمَاسِيحْ،
EPH 2:7 حِيمَا أَذْ إِسّْشنْ أَفيّضْ ن وَاڭْڒَا ن أَرْضَا نّسْ ذ ثْشُونِي نّسْ ذِي زّْمَانَاثْ إِ د غَا يَاسنْ، ونِّي خَانغْ د-يُوسِينْ س يَاسُوع لْمَاسِيحْ.
EPH 2:8 مِينْزِي س أَرْضَا نّسْ نتّْوَاسّنْجمْ، س لْ-إِيمَانْ، وَارْ إِدْجِي زَّايْومْ، أَقَا-ت ذ ثَاوْهِيبْثْ ن أَربِّي،
EPH 2:9 وَارْ ثدْجِي س ڒْخذْمثْ، مَاحنْذْ وَارْ إِتُّوفّْ ؤُڒَا ذ إِجّْ.
EPH 2:10 مَاغَارْ نشِّينْ ذ أَخڒْقِي نّسْ، نتّْوَاخْڒقْ-د ذِي يَاسُوع لْمَاسِيحْ حِيمَا أَذْ نڭّْ ڒخْذَايمْ ثِيصبْحَانِينْ نِّي ذ أَنغْ إِسّوْجذْ أَربِّي قْبڒْ، مَاحنْذْ أَذْ نُويُورْ ذَايْسنْثْ.
EPH 2:11 س ؤُينِّيعقْڒمْ، أَقَا زِيشْ ثُوغَا كنِّيوْ ذ ڒڭْنُوسْ عْلَاحْسَابْ [جَّاذِيرَا] ن أَرِّيمثْ، ثتّْوَاسمَّامْ ’نْبْڒَا أَخْثَانْ‘ زڭْ إِنِّي ثُوغَا س وخْثَانْ نِّي إِدْجَانْ ذ ڒْخذْمثْ ن إِفَاسّنْ ذڭْ ويْسُومْ.
EPH 2:12 ذِي ڒْوقْثْ نِّي ثُوغَا كنِّيوْ بْڒَا لْمَاسِيحْ، ذ إِغْرِيبنْ زِي جِّيهثْ ن ڒحْكَامثْ ن إِسْرَائِيل، أَقَا ثِيڭّْوْجمْ أَمْ إِبَارَّانِييّنْ خْ ڒْعَاهْذْ ن لْوَاعْذْ. ثُوغَا كنِّيوْ بْڒَا أَسِيثمْ ؤُ بْڒَا أَربِّي ذِي دُّونشْثْ.
EPH 2:13 مَاشَا ڒخُّو، ذِي يَاسُوع لْمَاسِيحْ، أَقَا كنِّيوْ إِنِّي ثُوغَا إِڭّْوجنْ، أَقَا [ڒخُّو] ثُوذْسمْ-د س إِذَامّنْ ن لْمَاسِيحْ.
EPH 2:14 مَاغَارْ نتَّا ذ ڒهْنَا نّغْ أَمْ ذ يَارَّا ثْنَاينْ نِّي غَارْ يِيجّْ، أَقَا نتَّا إِهْذمْ أَغْبَارْ ن ڒقْوَارْ ونِّي ثُوغَا ثنْ إِبْضَانْ.
EPH 2:15 ذڭْ ويْسُومْ [ن أَرِّيمثْ] نّسْ إِبْضڒْ نتَّا ڒعْذَاوثْ ذ شَّارِيعَا ن ثْوصَّا أَكْ-ذ ثْوصَّا إِ-د-إِضْفَارنْ، حِيمَا أَذْ د-إِخْڒقْ ذِي طّْبِيعثْ ن يِيخفْ نّسْ ثْنَاينْ نِّي غَارْ إِجّْ ن بْنَاذمْ ن جْذِيذْ أَمْ إِتّڭّْ ڒهْنَا.
EPH 2:16 أَقَا نتَّا إِسّصْڒحْ ثْنَاينْ نِّي أَكْ-ذ أَربِّي ذڭْ إِشْثْ ن أَرِّيمثْ ؤُ إِنْغَا ڒعْذَاوثْ س صَّالِيبْ نّسْ.
EPH 2:17 يُوسَا-د حِيمَا أَذْ إِبَارّحْ س ڒخْبَارْ أَصبْحَانْ ن ڒهْنَا [نِّي]، إِ يِينِّي ثُوغَا إِڭّْوجنْ ؤُ إِ يِينِّي ثُوغَا يُوذْسنْ،
EPH 2:18 مِينْزِي زَّايسْ نْزمَّارْ أَذْ نَاذفْ س ثْنَاينْ إِذْنغْ س يِيجّْ ن أَرُّوحْ غَارْ بَابَاثْنغْ.
EPH 2:19 س ؤُيَا كنِّيوْ وَارْ ثدْجِيمْ ذ إِبَارَّانِييّنْ ؤُڒَا ذ إِمعْزَابْ، مَاشَا كنِّيوْ ذ إِمزْذَاغْ ن ثنْذِينْثْ ن إِمْقدَّاسنْ ذ ثَارْوَا ن ثَادَّارْثْ ن أَربِّي.
EPH 2:20 ثتّْوَابْنَامْ خْ ذْسَاسْ ن رُّوسُولْ ذ إِنَابِييّنْ، ؤُشَا نتَّا ذ [أَژْرُو] أَزدْجِيفْ ن ثغْمَارْثْ، أَقَا-ث ذ يَاسُوع لْمَاسِيحْ.
EPH 2:21 زَّايسْ إِ غَا إِتّْوَابْنَا ڒبْنِي مَارَّا، أَذْ إِيْمَا ؤُشَا أَذْ إِذْوڒْ ذ إِشْثْ ن زَّاوشْثْ ثَامقّْرَانْثْ إِقدّْسنْ ذِي سِيذِي،
EPH 2:22 أَمْ زَّايسْ إِ غَا ثتّْوَابْنَامْ ؤُڒَا ذ كنِّيوْ، أَذْ ثِيڒِيمْ ذ ثَازذِّيغْثْ ن أَربِّي ذِي أَرُّوحْ.
EPH 3:1 خْ ؤُينِّي نشّْ، بُولُوسْ، أَقَا أَيِي ذ أَمحْبُوسْ ن يَاسُوع لْمَاسِيحْ، إِ كنِّيوْ [إِنِّي إِدْجَانْ زِي] ڒڭْنُوسْ،
EPH 3:2 مَاڒَا [زعْمَا] أَقَا ثسْڒَامْ خْ ثْسخَّارْثْ ن أَرْضَا ن أَربِّي إِ ذ أَيِي إِمّوْشنْ جَارْ أَومْ،
EPH 3:3 بلِّي إِتّْوَاسَّارْڭبْ أَيِي-د سِّيرّْ، أَمْ إِزَّارغْ ؤُرِيغْ أَومْ-د س ذْرُوسْ.
EPH 3:4 خْمِي غَا ثْغَارمْ مَانْ أَيَا، ثْزمَّارمْ أَذْ ثْفهْممْ ڒفْهَامثْ إِنُو ن سِّيرّْ ن لْمَاسِيحْ،
EPH 3:5 ونِّي وَارْ إِتّْوَاسَّارْڭبْ شَا ذِي ثَارْوَا ن بْنَاذمْ ذِي ڒجْيُوڒْ نّغْنِي، أَمْ مَامّشْ إِتّْوَاعَارَّا خَاسْ ڒخُّو س أَرُّوحْ إِ رُّوسُولْ إِمْقدَّاسنْ نّسْ ؤُ إِ إِنَابِييّنْ نّسْ،
EPH 3:6 [أَحقَّا] إِنِّي زِي ڒڭْنُوسْ أَذْ إِڒِينْ ذ إِوْرِيثنْ أَكِيذْسنْ ذ إِغزْذِيسنْ أَكِيذْسنْ ن أَرِّيمثْ نّسْ ؤُڒَا [ذ إِشْرِيشنْ] ن لْوَاعْذْ نِّي ذَايسْ إِمّوْشنْ س لْ-إِنْجِيلْ،
EPH 3:7 إِ زِي ذوْڒغْ ذ أَمْسخَّارْ عْلَاحْسَابْ ثَاوْهِيبْثْ ن أَرْضَا ن أَربِّي إِ ذ أَيِي إِمّوْشنْ عْلَاحْسَابْ جّهْذْ نّسْ إِ [ذَايِي] إِخدّْمنْ.
EPH 3:8 أَقَا إِمّوْشْ أَيِي أَرْضَا-يَا، إِ نشّْ ذ أَمُوقْڒِيڒْ قَاعْ جَارْ مَارَّا إِمْقدَّاسنْ، حِيمَا أَذْ بَارّْحغْ س ڒخْبَارْ أَصبْحَانْ، [إِوَا] أَڭْڒَا ن لْمَاسِيحْ إِ وَارْ نْزمَّارْ أَذْ نفْهمْ،
EPH 3:9 ؤُ حِيمَا أَذْ سُّوفّْغغْ غَارْ ثْفَاوْثْ إِ مَارَّا، مِينْ إِخْسْ أَذْ يِينِي ؤُوكّڒْ ن سِّيرّْ إِ ثُوغَا إِنُوفَّارنْ ذِي زّْمَانَاثْ ن زِيشْ ذِي أَربِّي، ونِّي إِ د-إِخڒْقنْ كُوڒْشِي،
EPH 3:10 حِيمَا ثِيغِيثْ ن أَربِّي أَكْ-ذ وَاطَّاسْ ن إِغزْذِيسنْ نّسْ أَذْ ثِيڒِي ثتّْوَاسّْننْ س ثْمسْمُونْثْ غَارْ ڒحْكَامَاثْ ذ صُّولَاطَاثْ ذڭْ إِجنْوَانْ،
EPH 3:11 [ثِيغِيثْ] إِ ثُوغَا إِسّوْجذْ نتَّا زِي زّْمَانْ ؤُشَا إِكمّڒْ إِ-ت ذِي سِيذِيثْنغْ يَاسُوع لْمَاسِيحْ،
EPH 3:12 ونِّي ذَايسْ أَقَا غَارْنغْ ثَارْيَاسْثْ ذ وَاذَافْ أَكْ-ذ تِّيقثْ س لْ-إِيمَانْ زَّايسْ.
EPH 3:13 س ؤُينِّي تّْزَاوَاڭغْ كنِّيوْ، مَاحنْذْ وَارْ تِّيحْڒمْ شَا س ڒمْحَايمْ إِنُو ذِي طّْوعْ نْومْ. أَقَا مَانْ أَيَا إِ ؤُعُودْجِي إِ كنِّيوْ.
EPH 3:14 أَذْ أَذَارغْ س إِفَادّنْ إِنُو زَّاثْ إِ بَابَاسْ ن سِيذِيثْنغْ يَاسُوع لْمَاسِيحْ،
EPH 3:15 إِ ونِّي ؤُمِي سمَّانْ [كُوڒْ إِجّْ ن] ثْبَابَاثْ إِ إِدْجَانْ ذڭْ إِجنْوَانْ ذ ثمُّورْثْ،
EPH 3:16 حِيمَا أَذْ أَومْ إِوْشْ عْلَاحْسَابْ أَڭْڒَا ن ؤُعُودْجِي نّسْ ؤُ حِيمَا أَذْ ثتّْوَاسّْجهْذمْ س جّهْذْ س أَرُّوحْ نّسْ ذِي بْنَاذمْ نْومْ ن ذَاخڒْ.
EPH 3:17 حِيمَا لْمَاسِيحْ أَذْ إِزْذغْ ذڭْ وُوڒَاونْ نْومْ س لْ-إِيمَانْ، س ثَايْرِي، خْ مِينِّي ثشَّاثمْ إِژوْرَانْ ؤُ ذْسَاسْ نْومْ أَذْ يِيڒِي إِمْثنْ،
EPH 3:18 حِيمَا أَذْ ثْزمَّارمْ أَذْ ثْفهْممْ أَكْ-ذ مَارَّا إِمْقدَّاسنْ مِينْ ثعْنَا ثِيرُو ذ ثُوزّڭَّارْثْ ذ ڒُوعْڒَا ذ ڒَادْجَاغْ،
EPH 3:19 ؤُ أَذْ ثسّْنمْ [عَاوذْ] ڒمْغَارثْ ن ثُوسّْنَا ن ثَايْرِي ن لْمَاسِيحْ، ؤُشَا أَذْ ثِيڒِيمْ ثْعمَّارمْ س مَارَّا أَعمَّارْ ن أَربِّي.
EPH 3:20 مَاشَا إِ نتَّا ؤُمِي غَارسْ ثِيزمَّارْ إِفيّْضنْ حِيمَا أَذْ إِڭّْ ذِي طّْوعْ نّغْ سنّجْ إِ مِينْ نتّتَّارْ نِيغْ نتّْخَارّصْ، عْلَاحْسَابْ جّهْذْ نّسْ إِ إِخدّْمنْ ذَايْنغْ،
EPH 3:21 إِ نتَّا إِكَّارْ أَسْ-د ؤُعُودْجِي ذِي ثْمسْمُونْثْ نّسْ، ذِي يَاسُوع لْمَاسِيحْ، ذِي مَارَّا ڒجْيُوڒْ إِ ڒبْذَا قَاعْ. أَمِينْ.
EPH 4:1 أَمْ ؤُمحْبُوسْ ذِي سِيذِيثْنغْ، زِييَّارغْ خَاومْ، حِيمَا أَذْ ثُويُورمْ أَمْ مَامّشْ د-ثُوسَا أَكْ-ذ ثْڒَاغِيثْ إِ زِي ثتّْوَاڒَاغَامْ،
EPH 4:2 س مَارَّا أَوَاضعْ ن بُوحْبڒْ، س ثمْهِينْثْ ؤُ س تَّاسِيعْ ن ڒْخَاضَارْ، أَقَا أَذْ ثْقبّْڒمْ إِجّْ ونّغْنِي ذِي ثَايْرِي،
EPH 4:3 أَذْ ثشْضَارمْ مَاحنْذْ أَذْ ثقِّيممْ ثْمُونمْ ذ إِجّْ ذِي أَرُّوحْ س ثْسغْوِينْ ن ڒهْنَا،
EPH 4:4 مَاحنْذْ أَذْ ثِيڒِيمْ ذڭْ إِشْثْ ن أَرِّيمثْ ؤُ ذڭْ إِجّْ ن أَرُّوحْ أَمْ مَامّشْ ؤُمِي ثتّْوَاڒَاغَامْ ذڭْ ؤُسِيثمْ ن ثْڒَاغِيثْ نْومْ ذ إِجّنْ.
EPH 4:5 مَاغَارْ سِيذِي ذ إِجّنْ، ذ لْ-إِيمَانْ ذ إِجّنْ ؤُڒَا ذ أَسغْضصْ ذ إِجّنْ،
EPH 4:6 ؤُ أَربِّي ذ إِجّنْ، بَابَاثْنغْ مَارَّا ؤُ خْ مَارَّا ؤُ س مَارَّا ؤُ ذَايْنغْ مَارَّا.
EPH 4:7 مَاشَا أَرْضَا إِمّوْشْ أَنغْ مَارَّا إِذْنغْ عْلَاحْسَابْ ڒْمِيجَاڒْ ن مِينْ ذ أَنغْ إِوْشَا لْمَاسِيحْ.
EPH 4:8 س ؤُينِّي قَّارنْ: ”إِڭعّذْ غَارْ ڒُوعْڒَا، يِيوْيِي أَكِيذسْ إِمحْبَاسْ ذِي ثْمحْبَاسْثْ، إِوْشَا ثِيرْزِيفِينْ إِ إِوْذَانْ.“
EPH 4:9 مَاشَا مِينْ إِعْنَا عَاوذْ [وَاوَاڒْ-أَ]، أَقَا نتَّا إِڭعّذْ سنّجْ، مْغِيرْ أَقَا نتَّا غَارْ ؤُمزْوَارْ عَاوذْ ثُوغَا إِهْوَا-د غَارْ طّْرُوفَا ن ثمُّورْثْ ن وَادَّايْ قَاعْ؟!
EPH 4:10 ونِّي ثُوغَا د-إِهْوَانْ، نتَّا عَاوذْ ذ ونِّي ثُوغَا إِڭعّْذنْ سنّجْ إِ مَارَّا إِجنْوَانْ، حِيمَا أَذْ إِسِّيوضْ مَارَّا غَارْ ڒكْمَاڒثْ.
EPH 4:11 نتَّا يَارَّا شَا ذ رُّوسُولْ، شَا ذ إِنَابِييّنْ، شَا ذ إِمْبشَّارنْ، شَا ذ إِمكْسَاونْ ؤُ شَا ذ إِمْسڒْمَاذنْ،
EPH 4:12 حِيمَا أَذْ [زَّايْسنْ] تّْوَاكمّْڒنْ إِمْقدَّاسنْ إِ ڒْخذْمثْ ن ثْسخَّارْثْ، إِ ڒبْنِي ن أَرِّيمثْ ن لْمَاسِيحْ،
EPH 4:13 أَڒْ إِ غَا نَاوضْ مَارَّا غَارْ ؤُمُونِي ذ إِجّنْ ذِي لْ-إِيمَانْ ؤُ ذِي ثُوسّْنَا ن مِّيسْ ن أَربِّي، أَذْ نِيڒِي ذ إِجّْ ن بْنَاذمْ إِكْمڒْ س ڒعْبَارْ ن صِّيفثْ ثْمُونْ ن لْمَاسِيحْ.
EPH 4:14 إِتّْخصَّا وَارْ نتِّيڒِي أَمْ إِحنْجِيرنْ إِنِّي إِتّْوَاعَارَّانْ زِي طَّارْفْ غَارْ ونّغْنِي ؤُشَا ذوْڒنْ إِڭّْوْجنْ زِي كُوڒْ أَسمِّيضْ ن ؤُسڒْمذْ ذ أَحْرَايْمِي زڭْ إِوْذَانْ نِّي يَارزُّونْ أَذْ [أَنغْ] غَارّنْ س ثحْرَايْمشْثْ نْسنْ،
EPH 4:15 مَاشَا إِتّْخصَّا أَذْ نْبدّْ نِيشَانْ ذِي ثَايْرِي نّغْ، مَاحنْذْ مَارَّا مِينْ غَارْنغْ إِدْجَانْ أَذْ إِڭْمَا ذِي لْمَاسِيحْ ونِّي ذ أَزدْجِيفْ.
EPH 4:16 زَّايسْ ثنّجْرُو ؤُ ثتّْوَاسّْمُونْ أَرِّيمثْ مَارَّا س مَارَّا ڒمْفَاصڒْ، عْلَاحْسَابْ مِينْ إِمّوْشنْ س ڒعْبَارْ إِ مْكُوڒْ أَغزْذِيسْ إِ ثْيُومِي ن أَرِّيمثْ، أَڒْ غَا إِتّْوَاكمّڒْ ڒبْنِي نّسْ ذِي ثَايْرِي.
EPH 4:17 مَاشَا نشّْ قَّارغْ ؤُ شهّْذغْ مَانْ أَيَا ذِي سِيذِي، حِيمَا وَارْ ثڭُّورمْ عَاذْ أَمْ مَامّشْ ؤُيُورنْ ڒڭْنُوسْ إِنّغْنِي، إِنِّي إِدَّارنْ ذِي ڒْبَاطڒْ ن إِخَارِّيصنْ نْسنْ،
EPH 4:18 بَارْشْننْ ذِي ڒعْقڒْ نْسنْ ؤُ أَڭّْوجنْ خْ ثُوذَارْثْ ن أَربِّي، مِينْزِي وَارْ ذَايْسنْ بُو ثُوسّْنَا، ؤُ خْ سِّيبّثْ ن ثْقُوبَّانشْثْ إِ ذَايْسنْ إِدْجَانْ، ؤُ خْ سِّيبّثْ ن ڒقْسَاحثْ ن وُوڒْ نْسنْ.
EPH 4:19 نِيثْنِي قضْعنْ إِخفْ نْسنْ زڭْ ؤُسِيثمْ، سلّْمنْ إِخفْ نْسنْ إِ ؤُفُوشّحْ ؤُ إِ وضْفَارْ ن مَارَّا مَارْكَاثْ ن ڒخْمجْ عْلَاحْصَابْ مژْرِي نْسنْ.
EPH 4:20 مَاشَا وَارْ إِدْجِي أَمُّو إِ ثسّْنمْ لْمَاسِيحْ،
EPH 4:21 ڒَامِي زعْمَا كنِّيوْ ثُوغَا ثسْڒَامْ غَارسْ نِيشَانْ ؤُشَا ثْڒمْذمْ زَّايسْ عْلَاحْسَابْ ثِيذتّْ إِ إِدْجَانْ ذِي يَاسُوع.
EPH 4:22 مَاشَا س ڒْعكْسْ إِتّْخصَّا كنِّيوْ أَذْ ثنْضَارمْ ثِيشْڒِي نْومْ ن زِيشْ، أَذْ ثجّمْ بْنَاذمْ أَقْذِيمْ إِ إِتّْوَاسّخْسَارنْ س نّشْوَاثْ إِغشّنْ.
EPH 4:23 تّْوَاعذْڒمْ زِي جْذِيذْ س نّيّثْ ن ڒعْقڒْ نْومْ.
EPH 4:24 أَرْضمْ بْنَاذمْ ن جْذِيذْ إِ د-إِتّْوَاخڒْقنْ ذِي أَربِّي ذِي ثْسڭْذَا ؤُ ذِي ثَاقدَّاسْثْ ذ ثِيذتّْ.
EPH 4:25 س ؤُينِّي جّمْ إِخَارِّيقنْ، سِيوْڒمْ ثِيذتّْ كُوڒْ إِجّْ أَكْ-ذ جَّارْ نّسْ، مِينْزِي نشِّينْ ذ إِخْفَاونْ إِجّنْ إِ ونّغْنِي.
EPH 4:26 خيّْقمْ، [مَاشَا] وَارْ تّڭّمْ شَا دّْنُوبْ، وَارْ تّجِّي أَذْ ثغْرِي ثْفُوشْثْ خْ [إِجّْ ن ؤُذُوقّزْ ن] ؤُخيّقْ نْومْ.
EPH 4:27 وَارْ تِّيشمْ شَا أَمْشَانْ إِ إِبْڒِيسْ.
EPH 4:28 وَارْ ثجِّي ونِّي إِتَّاشَارنْ أَذْ يَاشَارْ عَاذْ، مَاشَا حْسنْ أَذْ يَارْبرْ س إِفَاسّنْ نّسْ مَاحنْذْ أَذْ إِسُّوفّغْ إِشْثْ ذ ڒْحَاجّثْ ذ ثَاصبْحَانْثْ، مَاحنْذْ أَذْ ت إِوْشْ إِ يِينِّي إِحْذَاجنْ.
EPH 4:29 وَارْ د-إِتّكّْ شَا وَاوَاڒْ ن وشْرَاهْ زڭْ ؤُقمُّومْ نْومْ، مَاشَا مِينْ إِصبْحنْ ؤُ مِينْ إِنفّْعنْ إِ ڒبْنِي، حِيمَا أَذْ ثسِّيوْضمْ أَرْضَا إِ يِينِّي إِ غَا إِسْڒَانْ.
EPH 4:30 وَارْ تّسّْفُّوڭْممْ شَا أَرُّوحْ إِقدّْسنْ ن أَربِّي إِ زِي ثتّْوَاشمّْعمْ أَڒْ أَسّْ ن ؤُسنْجمْ.
EPH 4:31 جّمْ أَذْ زَّايْومْ ثتّْوَاكّسْ مَارَّا ثَارْزُوڭِي ذ ثفْقحْثْ ذ وغْضَابْ ذ ؤُصدّعْ ذ ؤُشقّفْ أَكْ-ذ مَارَّا ثُوعفّْنَا [إِ د-إِتَّاسنْ أَكْ-ذ مَانْ أَيَا].
EPH 4:32 إِڒِيمْ ثْضَارْفمْ ؤُ ڭّمْ ڒحْنُونشْثْ ذڭْ وَايَاوَا. سَامْحمْ إِ وَايَاوْيَا أَمْ أَربِّي عَاوذْ أَقَا إِغْفَارْ أَنغْ ذِي لْمَاسِيحْ.
EPH 5:1 س ؤُيَا إِڒِيمْ ذ إِمضْفَارنْ ن أَربِّي أَمْ إِحنْجِيرنْ إِعِيزّنْ،
EPH 5:2 ؤُيُورمْ ذِي ثَايْرِي أَمْ مَامّشْ ؤُڒَا ذ لْمَاسِيحْ ثُوغَا إِتّخْسْ أَنغْ، إِوْشَا إِخفْ نّسْ خَانغْ ذ ثَاوْهِيبْثْ ذ ثْغَارْصْثْ إِ أَربِّي، أَقَا-ت ذ إِشْثْ ن ڒفْوَاحثْ ثَاصبْحَانْثْ.
EPH 5:3 مَاشَا خْ فَارْقْ-شّْغڒْ ذ مَارَّا ڒخْمجْ ذ طّْمعْ، وَارْ خَاسْ إِتِّيڒِي بُو وَاوَاڒْ جَارْ أَومْ أَمْ مَامّشْ إِشُووَّارْ إِ إِمْقدَّاسنْ،
EPH 5:4 ؤُڒَا خْ ڒْهَارْذْ إِسّْبهْذْڒنْ نِيغْ خْ وَاوَاڒنْ إِخْوَانْ نِيغْ خْ ثْقصَّارْثْ نِيغْ خْ ڒفْضِيحثْ، ثِيمسْڒَايِينْ إِ وَارْ نفّْعنْثْ [ذِي وَالُو]، مَاشَا مَامّشْ نّغْنِي إِتّْخصَّا أَقَاذِي.
EPH 5:5 مِينْزِي ثسّْنمْ أَقَا كُوڒْ إِجّْ ونِّي إِتّڭّنْ فَارْقْ-شّْغڒْ، نِيغْ ونِّي ذَايسْ ڒخْمجْ نِيغْ طّْمعْ، أَقَا وَانِيثَا إِعبّذْ لْ-أَصْنَامْ، وَارْ غَارسْ بُو ثسْغَارْثْ ذِي ثْڭلْذِيثْ ن لْمَاسِيحْ ؤُ ن أَربِّي.
EPH 5:6 وَارْ تّجِّيمْ ؤُڒَا ذ إِجّنْ أَذْ كنِّيوْ إِغكّْوِي س وَاوَاڒنْ إِخْوَانْ، أَقَا زِي مَانْ أَيَا د-إِهكّْوَا وغْضَابْ ن أَربِّي خْ ثَارْوَا ن ڒْمُوعْصِييّثْ.
EPH 5:7 وَارْ شَارّْشمْ شَا أَكِيذْسنْ!
EPH 5:8 مِينْزِي زِيشْ ثُوغَا كنِّيوْ ذ ثَادْجسْثْ، مَاشَا أَقَا ڒخُّو كنِّيوْ ذ ثَافَاوْثْ ذِي سِيذِيثْنغْ. س ؤُينِّي ؤُيُورمْ أَمْ ثَارْوَا ن ثْفَاوْثْ،
EPH 5:9 مِينْزِي ڒْغِيدْجثْ ن ثْفَاوْثْ ثتِّيڒِي ذِي مَارَّا ثْشُونِي ذ ثْسڭْذَا ذ ثِيذتّْ.
EPH 5:10 فَارْزمْ مِينْ غَا يَارْضَانْ سِيذِيثْنغْ.
EPH 5:11 وَارْ شَارّْشمْ شَا ذِي ڒخْذَايمْ ثِيبَارْشَانِينْ إِ وَارْ د-إِتِّيوْينْ ڒْغِيدْجثْ، مَاشَا وبّْخمْ ثنْثْ.
EPH 5:12 مِينْزِي مِينْ تّڭّنْ ذِي ثْنُوفّْرَا، أَقَا-ث ذ نّْعِي إِ وَارْ ثْزمَّارذْ ؤُڒَا أَذْ ث ثْعَاوْذذْ.
EPH 5:13 مِينْزِي مَارَّا أَذْ إِتّْوَاسڭّذْ س ثْفَاوْثْ ؤُ أَذْ إِتّْوَاسَّارْڭبْ س ثْفَاوْثْ ؤُ مَارَّا مِينْ إِسَّارْڭَابنْ ذ ثِيفَاوْثْ إِ يدْجَا.
EPH 5:14 س ؤُينِّي قَّارنْ: ”فَاقْ شكْ، أَ بُو يِيضصْ. كَّارْ-د زِي ثَادَّارْثْ ن إِمتِّيننْ، ؤُشَا أَذْ خَاكْ إِڭّْ لْمَاسِيحْ ثَافَاوْثْ.“
EPH 5:15 حْضَامْ أَذْ ثُويُورمْ س ؤُوقَّارْ، وَارْ إِدْجِي أَمْ إِبُوهَاڒِييّنْ، مَاشَا أَمْ إِمِيغِيسنْ،
EPH 5:16 إِنِّي إِ غَا يَاوْينْ أَرِيقِّي إِ ڒْوقْثْ نْسنْ، مِينْزِي ؤُسَّانْ-أَ ذ إِعفَّاننْ.
EPH 5:17 خْ ؤُينِّي وَارْ تِّيڒِيمْ ذ إِبُوهَاڒِييّنْ، مَاشَا فهْممْ مِينْ إِخْسْ أَربِّي.
EPH 5:18 وَارْ سشَّارَامْ شَا س بِينُو إِ إِتَّاوْينْ غَارْ ڒقْجَاحثْ، مَاشَا إِڒِيمْ ثْعمَّارمْ س أَرُّوحْ.
EPH 5:19 سِيوْڒمْ ذِي ڒعْمُورْ نْومْ س إِزهِّيذنْ ذ إِزْڒَانْ ن ؤُصبّحْ ذ إِزْڒَانْ ن أَرُّوحْ،غنّْجمْ ذڭْ وُوڒَاونْ نْومْ إِ سِيذِي.
EPH 5:20 قَاذَامْ ڒبْذَا أَربِّي بَابَاثْنغْ خْ كُوڒْ  إِجّنْ ذڭْ يِيسمْ ن سِيذِيثْنغْ يَاسُوع لْمَاسِيحْ.
EPH 5:21 وَاضْضْعمْ إِخفْ نْومْ إِ وَايَاوْيَا ذِي ثَايْرِي ن لْمَاسِيحْ.
EPH 5:22 [أَ] ثِيمْغَارِينْ، وَاضْضْعنْثْ إِ يرْيَازنْ نْكنْثْ أَمْ ثتّْوَاضْضْعنْثْ إِ سِيذِيثْنغْ،
EPH 5:23 مِينْزِي أَرْيَازْ أَقَا ذ أَزدْجِيفْ ن ثمْغَارْثْ أَمْ ؤُڒَا ذ لْمَاسِيحْ إِ يدْجَانْ ذ أَزدْجِيفْ ن ثْمسْمُونْثْ ذ ونِّي إِتِّيشنْ ثُوذَارْثْ إِ أَرِّيمثْ.
EPH 5:24 أَمْ ثْمسْمُونْثْ ثتّْوَاضّعْ إِخفْ نّسْ إِ لْمَاسِيحْ، أَمنِّي عَاوذْ ثِيمْغَارِينْ أَذْ وَاضْضْعنْثْ إِخفْ نْسنْثْ إِ يرْيَازنْ نْسنْثْ ذِي مَارَّا.
EPH 5:25 [أَ] إِرْيَازنْ، خْسمْ ثِيمْغَارِينْ نْومْ أَمْ مَامّشْ ثُوغَا إِخْسْ لْمَاسِيحْ ثَامسْمُونْثْ ؤُشَا إِسلّمْ إِخفْ نّسْ ذِي طّْوعْ نّسْ،
EPH 5:26 حِيمَا أَذْ ت يَارّْ ذ ثَامْقدَّاسْثْ ؤُ أَذْ أَسْ إِسِّيزْذڭْ س ؤُسِيرْذْ [ن وَامَانْ إِدَّارنْ] ؤُ س وَاوَاڒْ.
EPH 5:27 نتَّا أَذْ إِڭّْ ثَامسْمُونْثْ قِيبَاتْشْ إِ يِيخفْ نّسْ س ؤُعُودْجِي، بْڒَا أَبقِّيضْ نِيغْ أَشبْرِيقْ، بْڒَا ؤُڒَا ذ إِشْثْ ن ڒْحَاجّثْ زِي مَارَّا مَانْ أَيَا، مَاشَا أَذْ ثِيڒِي ذ ثَامْقدَّاسْثْ ؤُ بْڒَا ڒْعِيبْ.
EPH 5:28 أَمُّو إِتّْخصَّا أَذْ خْسنْ يرْيَازنْ ثِيمْغَارِينْ نْسنْ أَمْ أَرِّيمثْ نْسنْ. أَقَا ونِّي إِتّخْسنْ ثَامْغَارْثْ نّسْ، أَقَا إِتّخْسْ إِخفْ نّسْ.
EPH 5:29 ؤُڒَا ذ إِجّْ وَارْ إِشَارْهْعمَّارْصْ أَرِّيمثْ نّسْ، مَاشَا إِسّشَّا إِ-ث، إِتّْحَاوَاڒْ خَاسْ أَمْ مَامّشْ [إِتّْحَاوَاڒْ] عَاوذْ لْمَاسِيحْ خْ ثْمسْمُونْثْ،
EPH 5:30 مِينْزِي نشِّينْ ذ إِخْفَاونْ ن أَرِّيمثْ نّسْ، ن ويْسُومْ نّسْ ؤُ ن إِغْسَانْ نّسْ.
EPH 5:31 س ؤُينِّي أَرْيَازْ أَذْ يجّْ بَابَاسْ ذ يمَّاسْ مَاحنْذْ أَذْ إِقّنْ غَارْ ثمْغَارْثْ نّسْ، أَذْ إِڒِينْ س ثْنَاينْ إِذْسنْ ذ إِجّْ ن ويْسُومْ.
EPH 5:32 سِّيرّْ-أَ ذ أَمقّْرَانْ، مَاشَا نشّْ قَّارغْ ث زِي جِّيهثْ ن لْمَاسِيحْ ذ ثْمسْمُونْثْ.
EPH 5:33 مَاشَا إِتّْخصَّا عَاوذْ إِ كُوڒْ إِجّْ زَّايْومْ مَاحنْذْ أَذْ إِخْسْ أَمنِّي ثَامْغَارْثْ نّسْ أَمْ يِيخفْ نّسْ، مَاشَا ثَامْغَارْثْ أَذْ ثْوقَّارْ أَرْيَازْ.
EPH 6:1 [أَ] إِحنْجِيرنْ، طَاعمْ إِ لْوَالِيذِينْ نْومْ ذِي سِيذِيثْنغْ، مِينْزِي مَانْ أَيَا نِيشَانْ إِ يدْجَا.
EPH 6:2 ثَا ذ ثَاوْصيّثْ ثَامزْوَارُوثْ س يِيجّْ ن لْوَاعْذْ: ’وقَّارْ بَابَاشْ ذ يمَّاشْ،
EPH 6:3 حِيمَا أَذْ ثِيڒِيذْ مْلِيحْ ؤُ أَذْ ثدَّارذْ أَطَّاسْ ذِي ثمُّورْثْ.“
EPH 6:4 [أَ] إِبَابَاثنْ، وَارْ سْعَارمْ شَا إِحنْجِيرنْ نْومْ، مَاشَا أَربَّامْ ثنْ س ؤُستّفْ ؤُ ذِي ثْغُورِي ن سِيذِيثْنغْ.
EPH 6:5 [أَ] إِمْسخَّارنْ، طَاعمْ أَيْثْبَابْ نْومْ ذِي دُّونشْثْ-أَ س ثِيڭّْوُوذِي ذ ثَارْجِيجِيثْ، ؤُ س ڒصْفَايثْ ن وُوڒْ أَخْمِي إِ لْمَاسِيحْ.
EPH 6:6 وَارْ إِدْجِي قِيبَاتْشْ إِ ثِيطَّاوِينْ، أَخْمِي ثتّخْسمْ أَذْ ثَارْضَامْ إِوْذَانْ، مَاشَا أَمْ يِيمْسخَّارنْ ن لْمَاسِيحْ إِنِّي إِتّڭّنْ مِينْ يَارطَّانْ أَربِّي.
EPH 6:7 خذْممْ أَسنْ س مَارَّا ؤُڒْ نْومْ ذِي ثَايْرِي، أَمْ إِ سِيذِيثْنغْ، وَارْ إِدْجِي إِ إِوْذَانْ.
EPH 6:8 أَقَا ثسّْنمْ مَاڒَا ذِينْ حذْ، إِسْمغْ نِيغْ ذ أَحُورِّي، ونِّي إِ غَا إِڭِّنْ شَا ذ ثَاصبْحَانْثْ، سِيذِيثْنغْ أَذْ غَارسْ يَارّْ.
EPH 6:9 عَاوذْ كنِّيوْ، [أَ] أَيْثْبَابْ، ڭّمْ أَمنِّي أَكْ-ذ إِمْسخَّارنْ نْومْ. سَامْحمْ أَسنْ إِعذِّيينْ نْسنْ، مَاغَارْ ثسّْنمْ، أَقَا سِيذِيثْومْ ذڭْ إِجنْوَانْ إِ يدْجَا، ؤُ نتَّا وَارْ إِتّڭّْ شَا س وُوذْمَاونْ.
EPH 6:10 س ؤُينِّي، [أَ] وَاوْمَاثنْ إِنُو، محْضمْ ذِي سِيذِيثْنغْ ؤُ ذِي جّهْذْ ن ثْزمَّارْ نّسْ.
EPH 6:11 أَرْضمْ س مَارَّا ڒسْنَاحْ ن أَربِّي، حِيمَا أَذْ ثسّْبدّمْ إِبْرِيذنْ ن ثْحْرَايْمشْثْ ن إِبْڒِيسْ.
EPH 6:12 أَقَا وَارْ نتّْمنْغِي شَا أَكْ-ذ ويْسُومْ ذ إِذَامّنْ، مَاشَا أَكْ-ذ ڒحْكَامَاثْ، أَكْ-ذ ڒْحُوكَّامْ ذ صُّولَاطَاثْ ن دُّونشْثْ-أَ ثَابَارْشَانْثْ ؤُ أَكْ-ذ ڒَارْيَاحْ إِعفَّاننْ إِنِّي إِدْجَانْ سَاذُو إِجنْوَانْ.
EPH 6:13 س ؤُينِّي أَرْضمْ س مَارَّا ڒسْنَاحْ ن أَربِّي مَاحنْذْ أَذْ ثمّْعَاڒَامْ أَكْ-ذ ؤُمْعفَّانْ. خْمِي غَا ثِيڒِيمْ ثْوجْذمْ كُوڒْشِي، أَذْ ثقِّيممْ ثْبدّمْ.
EPH 6:14 س ؤُينِّي بدّمْ، ثْبيْسمْ س ثِيذتّْ ؤُ سْذُورْيمْ إِذْمَارنْ نْومْ س ثْسڭْذَا،
EPH 6:15 أَذْ إِڒِينْ إِضَارنْ نْومْ تّْوَاقّْننْ س ڒْخَاضَارْ ن لْ-إِنْجِيلْ ن ڒهْنَا.
EPH 6:16 أَكْ-ذ مَانْ أَيَا مَارَّا، كْسِيمْ ثَاسدَّارْثْ ن لْ-إِيمَانْ [ذڭْ ؤُفُوسْ نْومْ]، مَاحنْذْ أَذْ ثسّْخسْيمْ مَارَّا فْڒِيثْشَاثْ إِتّحْذُوذُوقنْ س ثْمسِّي ن ؤُمْعفَّانْ.
EPH 6:17 ڭّمْ لْكَاسْكْ ن ؤُسنْجمْ [خْ ؤُزدْجِيفْ نْومْ] ؤُشَا طّْفمْ سِّيفْ ن أَرُّوحْ إِ إِدْجَانْ ذ أَوَاڒْ ن أَربِّي.
EPH 6:18 ژَّادْجَامْ ذِي مَارَّا ثِيژَادْجْ ذ ثُوثْرَا [نْومْ] ڒبْذَا ذِي أَرُّوحْ، ؤُ حْضَامْ بْڒَا قطُّو ذِي ثْژَادْجِيثْ، أَمْ ثتّْژَادْجَامْ ؤُ ثْكسِّيمْ س ڒْمعْرُوفْ ڒبْذَا ذِي طّْوعْ ن مَارَّا إِمْقدَّاسنْ،
EPH 6:19 ؤُڒَا ذِي طّْوعْ إِنُو، حِيمَا أَذْ أَيِي إِمّوْشْ أَوَاڒْ خْمِي غَا أَرْزْمغْ أَقمُّومْ إِنُو، مَاحنْذْ أَذْ بَارّْحغْ سِّيرّْ ن ڒخْبَارْ أَصبْحَانْ س ثرْيَاسْثْ،
EPH 6:20 إِ زِي نشّْ ذ أَمْسكِّي س سّْنَاسڒْ، حِيمَا أَذْ خَاسْ سِّيوْڒغْ س ثرْيَاسْثْ أَمْ مَامّشْ إِشُووَّارْ أَذْ سِّيوْڒغْ.
EPH 6:21 حِيمَا أَذْ ثسّْنمْ مَامّشْ غَا يِيڒِي ؤُمدُّورْ إِنُو ؤُ مِينْ تّڭّغْ، خْزَارْ، ثِيشِيكُوسْ، إِجّْ ن ؤُمَاثْنغْ إِعِيزّنْ ذ أَمْسخَّارْ أَمْثِيقِّي ن سِيذِيثْنغْ، أَذْ كنِّيوْ إِخبَّارْ.
EPH 6:22 أَقَا سّكّغْ ث-إِ-د إِ مَانْ أَيَا سِيمَانْثْ نّسْ، حِيمَا أَذْ ثسّْنمْ أَمدُّورْ إِنُو، ؤُشَا حِيمَا أَذْ ذَايْومْ يڭّْ ؤُڒْ.
EPH 6:23 ڒهْنَا أَذْ يِيڒِي أَكْ-ذ ثَاوْمَاثْ نّغْ ؤُڒَا ذ ثَايْرِي أَكْ-ذ لْ-إِيمَانْ، زِي أَربِّي، بَابَاثْنغْ، ؤُ زِي سِيذِيثْنغْ يَاسُوع لْمَاسِيحْ.
EPH 6:24 أَذْ يِيڒِي أَرْضَا أَكْ-ذ مَارَّا إِنِّي إِتّخْسنْ سِيذِيثْنغْ يَاسُوع لْمَاسِيحْ بْڒَا ڒْغشّْ. أَمِينْ.
PHI 1:1 بُولُوسْ ذ ثِيمُوثِييُو، إِمْسخَّارنْ ن يَاسُوع لْمَاسِيحْ، إِ مَارَّا إِمْقدَّاسنْ ذِي يَاسُوع لْمَاسِيحْ إِنِّي إِدْجَانْ ذِي فِيلِيبِّي، أَكْ-ذ إِمْغَارنْ ذ إِمْسخَّارنْ [ذِي ثْمسْمُونْثْ]:
PHI 1:2 أَرْضَا أَذْ كِيومْ يِيڒِي، ؤُڒَا ذ ڒهْنَا زِي أَربِّي بَابَاثْنغْ، ؤُ زِي سِيذِيثْنغْ يَاسُوع لْمَاسِيحْ.
PHI 1:3 تّْقَاذِيغْ أَربِّي إِنُو ڒَامِي ذَايْومْ تّْفكَّارغْ ڒبْذَا،
PHI 1:4 مَاغَارْ ذِي كُوڒْ ثِيژَادْجِيثِينْ إِنُو خَاومْ، أَقَا كْسِيغْ س ڒْمعْرُوفْ س ڒفْرَاحثْ
PHI 1:5 ذِي سِّيبّثْ ن ثْمُونْثْ نْومْ أَكْ-ذ لْ-إِنْجِيلْ، زڭْ وَاسّْ أَمزْوَارُو أَڒْ إِضَا.
PHI 1:6 أَقَا تِّيقّغْ بلِّي ونِّي ذَايْومْ إِبْذَانْ ڒخْذَايمْ إِصبْحنْ، أَذْ ثنْثْ إِكمّڒْ أَڒْ أَسّْ ن سِيذِيثْنغْ يَاسُوع لْمَاسِيحْ.
PHI 1:7 إِشْنَا أَيِي أَذْ فكَّارغْ ذَايْومْ مَارَّا أَمُّو، مِينْزِي أَقَا كنِّيوْ غَارِي ذڭْ وُوڒْ إِنُو، خْمِي دْجِيغْ ذِي سّْنَاسڒْ ؤُڒَا خْمِي غَا أَوْثغْ خْ ثِيذتّْ ن لْ-إِنْجِيلْ، [مِينْزِي] كنِّيوْ ثْشَارْشمْ أَكِيذِي ذِي أَرْضَا.
PHI 1:8 مِينْزِي أَربِّي ذ أَشهَّاذْ إِنُو مشْحَاڒْ كنِّيوْ تّخْسغْ س ڒحْنُونشْثْ يُودْجْغنْ ن يَاسُوع لْمَاسِيحْ.
PHI 1:9 مَانْ أَيَا إِ تّْژَادْجِيغْ، أَقَا ثَايْرِي نْومْ أَذْ ثْفيّضْ أَطَّاسْ س وَاطَّاسْ ذِي ثُوسّْنَا ذ قَاعْ ڒفْهَامثْ ثَارُوحَانشْثْ،
PHI 1:10 مَاحنْذْ أَذْ ثْفَارْزمْ مِينْ إِتّْڒِيقنْ، ؤُ مَاحنْذْ أَذْ ثِيڒِيمْ ثقُّورمْ ؤُ بْڒَا ڒْعِيبْ ذڭْ وَاسّْ ن لْمَاسِيحْ،
PHI 1:11 ثشُّورمْ س ڒْغِيدْجثْ ن ثْسڭْذَا إِ يدْجَانْ ذِي يَاسُوع لْمَاسِيحْ إِ ؤُعُودْجِي ذ ؤُسمْغَارْ ن أَربِّي.
PHI 1:12 [أَ] أَيْثْمَا، نشّْ خْسغْ أَذْ ثسّْنمْ بلِّي ثِيمسْڒَايِينْ إِ ذ أَيِي إِمْسَارنْ أَرْنِينْثْ عَاذْ ذِي ثُوزّڭَّارْثْ [ن ثْبَارّحْثْ] ن لْ-إِنْجِيلْ،
PHI 1:13 مِينْزِي ثتّْوَاسّنْ ثْمحْبَاسْثْ إِنُو زِي سِّيبّثْ ن لْمَاسِيحْ إِ قَاعْ إِنِّي إِدْجَانْ ذِي ڒقْصَارْ ن قَايْصَارْ ؤُ إِ قَاعْ مِينْ إِقِّيمنْ.
PHI 1:14 أَزْينْ أَمقّْرَانْ ن وَاوْمَاثنْ ذِي سِيذِيثْنغْ، ؤُمِي دْجِيغْ ذِي ثْمحْبَاسْثْ، إِذْوڒْ غَارْسنْ تِّيقّثْ كْثَارْ ؤُشَا ذوْڒنْ زعّْمنْ سَّاوَاڒنْ أَوَاڒْ ن أَربِّي س ثرْيَاسْثْ كْثَارْ، بْڒَا ثِيڭّْوُوذِي.
PHI 1:15 شَا [زَّايْسنْ] تّْبَارّْحنْ لْمَاسِيحْ زِي ڒحْسذْ ذ ؤُمْعَانذْ، مَاشَا شَا نّغْنِي عَاوذْ زِي نّيّثْ ثشْنَا ؤُ س ثَايْرِي،
PHI 1:16 مِينْزِي نِيثْنِي سّْننْ أَقَا تّْوَاڭّغْ مَاحنْذْ أَذْ وْثغْ خْ لْ-إِنْجِيلْ.
PHI 1:17 مَاشَا إِنِّي إِتّْبَارّْحنْ س لْمَاسِيحْ س ؤُمْعَانذْ، وَارْ ث تّڭّنْ س نّيّثْ ثشْنَا، مَاشَا تّخْسنْ أَذْ خَافِي أَرْنِينْ ڒْمحْنثْ إِ سّْنَاسڒْ إِنُو.
PHI 1:18 س مَانْ أَيَا فَارّْهغْ، [وَاهْ،] أَذْ فَارْحغْ: أَقَا إِتّْوَابَارّحْ لْمَاسِيحْ س إِبْرِيذنْ إِفَارْزنْ، مَا س إِجّْ ن لْغَارَاضْ نّغْنِي، نِيغْ س ثِيذتّْ.
PHI 1:19 مِينْزِي سّْنغْ أَقَا ثِيمسْڒَايِينْ-أَ أَذْ إِڒِينْثْ إِ ثُوذَارْثْ إِ نشّْ س ثْژَادْجِيثْ نْومْ ؤُ س ثوْهِيبْثْ ن أَرُّوحْ ن يَاسُوع لْمَاسِيحْ،
PHI 1:20 مَاحنْذْ نشّْ، أَمْ سِيثِيمغْ ؤُ تّْرَاجِيغْ، وَارْ تّْسضْحِيغْ شَا خْ وَالُو، مَاشَا أَمْ ڒبْذَا، ؤُڒَا ذ ڒخُّو أَذْ إِتّْوَاسّمْغَارْ لْمَاسِيحْ س بْطَايْطَايْ ذِي أَرِّيمثْ إِنُو، مَا س ثُوذَارْثْ [إِنُو] نِيغْ س ڒْموْثْ [إِنُو].
PHI 1:21 مِينْزِي ثُوذَارْثْ إِنُو ذ لْمَاسِيحْ ؤُشَا ڒْموْثْ ذ أَرْبحْ إِ نشّْ.
PHI 1:22 مَاشَا مَاڒَا ذِينْ ڒْغِيدْجثْ ذِي ثُوذَارْثْ-أَ ذِي أَرِّيمثْ زِي جِّيهثْ ن ڒْخذْمثْ إِنُو، [خنِّي] وَارْ سِّينغْ مِينْ غَا خْضَارغْ.
PHI 1:23 مَاغَارْ أَقَا أَيِي جَارْ ثْنَاينْ ن إِغزْذِيسنْ: ذَايِي مژْرِي مَاحنْذْ أَذْ رَاحغْ أَذْ إِڒِيغْ أَكْ-ذ لْمَاسِيحْ، مِينْزِي مَانْ أَيَا قَاعْ حْسنْ،
PHI 1:24 مَاشَا أَغِيمِي ذِي أَرِّيمثْ إِتّْخصَّا عَاذْ كْثَارْ ذِي طّْوعْ نْومْ.
PHI 1:25 ذ مَانْ أَيَا سّْنغْ نِيشَانْ، أَقَا أَذْ قِّيمغْ، [وَاهْ،] أَذْ قِّيمغْ ذِي طّْوعْ ن ڒفْرَاحثْ نْومْ ؤُ مَاحنْذْ أَذْ إِڭْمَا لْ-إِيمَانْ نْومْ،
PHI 1:26 حِيمَا، خْمِي د غَا يَاسغْ غَارْومْ عَاوذْ، أَقَا أَسمْغَارْ نْومْ ذِي لْمَاسِيحْ وَاهَا أَذْ إِفيّضْ، ؤُمِي نشّْ [قِّيمغْ].
PHI 1:27 ؤُيُورمْ س ؤُوقَّارْ إِ ڒخْبَارْ أَصبْحَانْ ن لْمَاسِيحْ، حِيمَا، خْمِي د غَا يَاسغْ ؤُشَا أَذْ كنِّيوْ ژَترغْ ؤُڒَا خْمِي غَا غَابغْ، أَذْ زَّايْومْ سْڒغْ، أَقَا ثْبدّمْ نِيشَانْ ذڭْ إِجّْ ن أَرُّوحْ ؤُ س إِجّْ ن ڒعْمَارْ، ؤُشَا ثتّْغلّْبمْ س لْ-إِيمَانْ ذِي لْ-إِنْجِيلْ.
PHI 1:28 وَارْ تّڭّْوْذمْ شَاعمَّارْصْ زڭْ إِنِّي خَاومْ د-إِكَّارنْ. مَانْ أَيَا ذ أَعدْجمْ إِ نِيثْنِي غَارْ ؤُهلّكْ، مَاشَا إِ كنِّيوْ غَارْ ؤُسنْجمْ.
PHI 1:29 مِينْزِي أَقَا إِمّوْشْ أَومْ زِي أَربِّي، وَارْ إِدْجِي أَذْ ثَامْنمْ ذِي لْمَاسِيحْ وَاهَا، مَاشَا عَاوذْ مَاحنْذْ أَذْ ثْمَارّْثمْ ذِي طّْوعْ نّسْ،
PHI 1:30 ؤُ أَذْ ثكْسِيمْ أَمنْغِي، أَمْ مَامّشْ إِ ذ أَيِي ث ثژْرِيمْ ؤُشَا ڒخُّو أَقَا خَافِي ثسْڒِيمْ.
PHI 2:1 مَاڒَا خنِّي غَارْومْ شَا ن ؤُفوّجْ ذِي لْمَاسِيحْ، أَوَاڒنْ س ثَايْرِي إِ وُوڒْ، نِيغْ ثَامُونْثْ ن أَرُّوحْ، نِيغْ ڒحْنُونشْثْ ذِي ذَاخڒْ ذ أَرّحْمثْ،
PHI 2:2 كمّْڒمْ ڒفْرَاحثْ إِنُو ؤُمِي غَا إِمُونْ أَرَّايْ نْومْ، أَذْ غَارْومْ ثِيڒِي ثَايْرِي ذ إِشْثنْ، ذ ڒعْمَارْ ذ إِجّنْ ؤُڒَا ذ ؤُخَارَّاصْ ذ إِجّنْ.
PHI 2:3 وَارْ تّڭّمْ شَا ؤُڒَا ذ إِشْثْ ن ڒْحَاجّثْ س ؤُمْعَانذْ نِيغْ زِي ثُوفّثْ إِخْوَانْ، مَاشَا أجّْ كُوڒْ إِجّْ أَذْ إِوقَّارْ ونّغْنِي كْثَارْ زڭْ إِخفْ نّسْ س ؤُوَاضعْ.
PHI 2:4 وَارْ إِخزَّارْ ؤُڒَا ذ إِجّْ غَارْ إِخفْ نّسْ وَاهَا، مَاشَا أجّْ كُوڒْ إِجّْ أَذْ إِخْزَارْ عَاوذْ غَارْ ونِّي ذ أَسْ يُوذْسنْ.
PHI 2:5 أجّْ أَذْ ذَايْومْ ثِيڒِي نّيّثْ إِ ثُوغَا عَاوذْ ذِي يَاسُوع لْمَاسِيحْ،
PHI 2:6 ونِّي، أَمْ إِدْجَا ذڭْ وَارْوَاسْ ن أَربِّي، وَارْ إِحْسِيبْ شَا ذ ثَاكشَّاضْثْ ؤُمِي إِمْقُودَّا أَكْ-ذ أَربِّي،
PHI 2:7 مَاشَا إِسّخْوَا إِخفْ نّسْ، إِكْسِي صِّيفثْ ن ؤُمْسخَّارْ. نتَّا إِذْوڒْ ذڭْ وَارْوَاسْ ن بْنَاذمْ، ؤُشَا إِتّْوَافْ ذِي فُورْمَا ن بْنَاذمْ.
PHI 2:8 نتَّا إِسّْوَاضعْ إِخفْ نّسْ ؤُشَا إِذْوڒْ إِطَّاعْ أَڒْ ڒْموْثْ، [وَاهْ،] أَڒْ ڒْموْثْ ن صَّالِيبْ.
PHI 2:9 س ؤُيَا إِسُّوعْڒَا إِ-ث أَربِّي قَاعْ سنّجْ ؤُشَا إِوْشَا أَسْ إِسمْ سنّجْ إِ كُوڒْ إِسمْ،
PHI 2:10 حِيمَا ذڭْ يِيسمْ ن يَاسُوع أَذْ أَضَارنْ مَارَّا إِفَادّنْ نِّي إِدْجَانْ ذڭْ ؤُجنَّا ؤُ خْ ثمُّورْثْ ؤُ سَاذُو ثمُّورْثْ،
PHI 2:11 ؤُ [حِيمَا] أَذْ إِشْهذْ كُوڒْ إِڒسْ بلِّي يَاسُوع لْمَاسِيحْ ذ سِيذِي إِ ؤُعُودْجِي ن أَربِّي، بَابَاسْ.
PHI 2:12 س ؤُينِّي، [أَ] إِمْعِيزّنْ إِنُو، أَمْ مَامّشْ ثُوغَا ثطَّاعمْ ڒبْذَا، وَارْ إِدْجِي خْمِي أَكِيذْومْ دْجِيغْ وَاهَا، ڒخُّو عَاذْ كْثَارْ خْمِي خَاومْ إِ غَا أَڭّْوْجغْ، خذْممْ س ؤُفيّضْ إِ ثُوذَارْثْ نْومْ س ثِيڭّْوُوذِي ذ ثَارْجِيجَاثْ،
PHI 2:13 مِينْزِي أَربِّي ذ ونِّي ذَايْومْ إِخدّْمنْ أَڒْ غَا ثخْسمْ ؤُ أَذْ ثڭّمْ مِينْ ذِي ثمّژْڒمْ كنِّيوْ.
PHI 2:14 ڭّمْ مَارَّا بْڒَا ڒعْكَاسثْ ؤُ بْڒَا أَمْشُوبّشْ،
PHI 2:15 حِيمَا أَذْ ثِيڒِيمْ بْڒَا ڒْعِيبْ، أَمْ ثَارْوَا إِمزْذَاڭنْ ن أَربِّي إِنِّي إِزدّْغنْ ذِي ڒْوسْطْ ن جِّيڒْ إِعوّْجنْ ذ إِفَارْغنْ، ؤُ [حِيمَا] أَذْ ثْبَانمْ جَارْ أَسنْ أَمْ ثْفَاوِينْ ذِي دُّونشْثْ،
PHI 2:16 مَاحنْذْ أَذْ ثِيڒِيمْ ذِي طّْوعْ نْسنْ ذڭْ ومْشَانْ ن ثُوذَارْثْ، حِيمَا أَذْ غَارِي يِيڒِي ؤُسمْغَارْ ذڭْ وَاسّْ ن لْمَاسِيحْ، وَارْ ؤُيُورغْ بَاطڒْ نِيغْ خذْمغْ س وَالُو.
PHI 2:17 مَاشَا مَاڒَا تّتّْوَارُوشّغْ أَمْ يِيشْثْ ن ثوْهِيبْثْ [ن ؤُسيّبْ] خْ ثْغَارْصْثْ ؤُ خْ ثْسخَّارْثْ ذِي طّْوعْ ن لْ-إِيمَانْ نْومْ، أَذْ فَارْحغْ عَاوذْ ؤُشَا أَذْ أَرشْقغْ أَكِيذْومْ مَارَّا.
PHI 2:18 [خنِّي ؤُڒَا ذ كنِّيوْ،] فَارْحمْ ؤُشَا فَارْحمْ عَاوذْ أَكِيذِي.
PHI 2:19 مَاشَا نشّْ سِّيثِيمغْ ذِي سِيذِيثْنغْ يَاسُوع أَذْ أَومْ د-سّكّغْ ثِيمُوثِييُو ذغْيَا، حِيمَا أَذْ إِڒِيغْ خْ ڒْخَاضَارْ إِنُو خْمِي غَا سّْنغْ أَمدُّورْ نْومْ.
PHI 2:20 مِينْزِي وَارْ غَارِي ذَانِيثَا ؤُڒَا ذ إِجّنْ أَمْ نشّْ، ونِّي إِكسِّينْ س ومْنُوسْ خْ مَامّشْ إِفّغْ ؤُمدُّورْ نْومْ س شْضَارثْ.
PHI 2:21 مِينْزِي مَارَّا يَارزُّونْ ذِي مِينْ نْسنْ، وَارْ إِدْجِي ذِي مِينْ إِدْجَانْ ن يَاسُوع لْمَاسِيحْ.
PHI 2:22 مَاشَا كنِّيوْ ثسّْنمْ ثَاقدْجبْثْ نّسْ، بلِّي ثُوغَا إِخدّمْ أَكِيذِي ذِي [ثْبَارّحْثْ ن] ڒخْبَارْ أَصبْحَانْ أَمْ يِيجّْ ن مِّيسْ غَارْ بَابَاسْ.
PHI 2:23 نشّْ سِّيثِيمغْ أَذْ غَارْومْ ث-إِ-د-سّكّغْ ذغْيَا، خْمِي غَا ژَترغْ مَامّشْ غَا إِفّغْ ؤُمدُّورْ إِنُو.
PHI 2:24 مَاشَا تِّيقّغْ ذِي سِيذِي إِنُو، بلِّي عَاوذْ نشّْ أَذْ غَارْومْ د-أَسغْ ذغْيَا.
PHI 2:25 مَاشَا إِتّْغِيڒْ أَيِي بلِّي ثُوغَا إِتّْخصَّا أَذْ د-أَومْ سّكّغْ ؤُمَا إِبَافْرُوذِيثُوسْ، ونِّي ذ أَمْعَاونْ إِنُو ذ أَمْسخَّارْ أَكِيذِي، مَاشَا نتَّا [عَاوذْ] ذ رَّاسُولْ نْومْ ذ أَمْسخَّارْ نْومْ ذِي مِينْ حْذَاجغْ.
PHI 2:26 مِينْزِي ثُوغَا إِوحّشْ أَطَّاسْ أَذْ كنِّيوْ إِژَارْ مَارَّا، ؤُشَا ثُوغَا إِكْسِي س ومْنُوسْ مِينْزِي كنِّيوْ ثسْڒِيمْ بلِّي ثُوغَا إِهْڒشْ.
PHI 2:27 س ثِيذتّْ، ثُوغَا إِهْڒشْ أَڒْ ڒْموْثْ، مَاشَا أَربِّي ثُوغَا يَارْحمْ إِ-ث، وَارْ إِدْجِي نتَّا وَاهَا، أَحقَّا ؤُڒَا ذ نشّْ، حِيمَا وَارْ غَارِي إِتِّيڒِي ؤُفقُّوصْ خْ ؤُفقُّوصْ.
PHI 2:28 س ؤُينِّي سّكّغْ ث س ثَازْڒَا أَطَّاسْ، حِيمَا، خْمِي ث غَا ثْژَارمْ عَاوذْ، أَذْ ثْفَارْحمْ ؤُشَا أَذْ ذَايِي يِيڒِي ذْرُوسْ ن ومْنُوسْ.
PHI 2:29 س ؤُينِّي قبْڒمْ ث ذِي سِيذِي، س مَارَّا ڒفْرَاحثْ، وقَّارمْ إِنِّي إِدْجَانْ أَمْ وَانِيثَا،
PHI 2:30 مِينْزِي خْ سِّيبّثْ ن ڒْخذْمثْ ن لْمَاسِيحْ، ثُوغَا إِقَارّبْ غَارْ ڒْموْثْ أَمْ إِسبّڒْ ثُوذَارْثْ ن يِيخفْ نّسْ، مَاحنْذْ أَذْ إِكمّڒْ مِينْ إِنقْصنْ ذِي ثْسخَّارْثْ نْومْ إِ نشّْ.
PHI 3:1 س ؤُينِّي، [أَ] أَيْثْمَا، فَارْحمْ ذِي سِيذِيثْنغْ. وَارْ خَافِي يوْعَارْ أَذْ أَومْ أَرِيغْ ثِيمسْڒَايِينْ-أَ ثْوَاڒَا نّغْنِيثْ، مِينْزِي أَذْ زَّايْسنْثْ ثتّْوَاحْضَامْ.
PHI 3:2 حْضَامْ إِخفْ نْومْ زڭْ يِيطَانْ، حْضَامْ زڭْ إِخدَّامنْ إِعفَّاننْ، حْضَامْ زڭْ إِنِّي إِقطّْعنْ أَيْسُومْ.
PHI 3:3 مِينْزِي نشِّينْ ذ أَخْثَانْ، [نشِّينْ] إِنِّي إِتّْسخَّارنْ إِ أَربِّي س أَرُّوحْ، إِنِّي إِسّمْغَارَانْ ذِي يَاسُوع لْمَاسِيحْ، ؤُشَا وَارْ تِّيقّنْ شَا ذڭْ [وخْثَانْ ن] ويْسُومْ [ن بْنَاذمْ].
PHI 3:4 نشّْ زمَّارغْ أَذْ تِّيقّغْ ذڭْ ويْسُومْ [إِنُو]، مِينْزِي مَاڒَا إِتّْغِيڒْ إِ حذْ أَذْ إِتِّيقّْ ذڭْ ويْسُومْ [نّسْ]، نشّْ كْثَارْ:
PHI 3:5 أَقَا أَيِي ذ أَمخْثَانْ زڭْ وَامِي غَارِي ثْمنْيَا ن وُوسَّانْ، زِي ڒْڭنْسْ ن إِسْرَائِيل، زڭْ أَيْثْ ن بِينْيَامِينْ، نشّْ ذ أَعِيبْرَانِي زڭْ إِعِيبْرَانِييّنْ، زِي جِّيهثْ ن شَّارِيعَا نشّْ ذ أَفَارِيسِي،
PHI 3:6 زڭْ ؤُغزْذِيسْ ن شْضَارثْ ثُوغَا ذَارّْشغْ خْ ثْمسْمُونْثْ [ن لْمَاسِيحْ]، زڭْ ؤُغزْذِيسْ ن ثْسڭْذَا ثنِّي ذِي شَّارِيعَا أَقَا أَيِي بْڒَا ڒْعِيبْ.
PHI 3:7 مَاشَا مِينْ ثُوغَا غَارِي أَرْبحْ، أَقَا ڭِّيغْ ث ذ ثَاخسَّارْثْ خْ سِّيبّثْ ن لْمَاسِيحْ.
PHI 3:8 نشّْ ڭِّيغْ مَارَّا مَانْ أَيَا ذ ثَاخسَّارْثْ زِي سِّيبّثْ ن ثُوسّْنَا ن سِيذِي يَاسُوع لْمَاسِيحْ، ونِّي ذِي طّْوعْ نّسْ خْسَارغْ كُوڒْشِي، ڭِّيغْ ث أَمشْنَاوْ وفْرَاضْ يُورْصُوضنْ حِيمَا أَذْ أَربْحغْ لْمَاسِيحْ،
PHI 3:9 مَاحنْذْ أَذْ تّْوَافغْ ذَايسْ، وَارْ إِدْجِي س ثْسڭْذَا ن إِخفْ إِنُو ثنِّي زِي شَّارِيعَا - مَاشَا أَكْ-ذ ثنِّي د-إِتّفّْغنْ زِي لْ-إِيمَانْ ن لْمَاسِيحْ، أَقَا-ت ذ ثَاسڭْذَا ثنِّي زِي أَربِّي -
PHI 3:10 حِيمَا أَمُّو إِ غَا سّْنغْ يَاسُوع ذ جّهْذْ ن ثْنُوكْرَا نّسْ، ؤُ [مَاحنْذْ] أَذْ شَارْشغْ ذڭْ ؤُودّبْ نّسْ، أَذْ ذوْڒغْ ذڭْ وَارْوَاسْ ن ڒْموْثْ نّسْ،
PHI 3:11 حِيمَا س شَا ن وبْرِيذْ أَذْ أَوْضغْ غَارْ ثْنُوكْرَا زِي ثَادَّارْثْ ن إِمتِّيننْ.
PHI 3:12 نشّْ وَارْ تِّيوِيضغْ نِيغْ تّْوَاكمّْڒغْ عَاذْ، مَاشَا يمَّارغْ إِ مَانْ أَيَا، حِيمَا، مَاڒَا إِعدّڒْ، أَذْ طّْفغْ مِينْ خفْ إِ ذ أَيِي إِطّفْ يَاسُوع لْمَاسِيحْ.
PHI 3:13 [أَ] أَيْثْمَا، وَارْ ذ أَيِي إِتّْغِيڒْ أَقَا طّْفغْ ث، مَاشَا تّڭّغْ إِشْثْ ن ڒْحَاجّثْ: تُّوغْ مِينْ أَوَارْنِي أَيِي ؤُشَا أَذْ سّْوِيژّْضغْ إِخفْ إِنُو غَارْ مِينْ ذِينْ زَّاثِي.
PHI 3:14 تِّيزَّارغْ غَارْ لْغَارَاضْ حِيمَا أَذْ طّْفغْ [تَّاجْ ن] ؤُغلّبْ ن ثْڒَاغِيثْ يُوعْڒَانْ ن أَربِّي ثنِّي إِدْجَانْ ذِي يَاسُوع لْمَاسِيحْ.
PHI 3:15 أجّْ إِنِّي إِوْضنْ غَارْ ڒكْمَارثْ، أَذْ ركّْزنْ خنِّي ذِي ثْمسْڒَايِينْ-أَ. ؤُشَا مَاڒَا غَارْومْ نّيّثْ نّغْنِي ذِي شَا، أَقَا أَربِّي أَذْ أَومْ إِسّْشنْ مَانْ أَيَا عَاوذْ.
PHI 3:16 مَاشَا أجّْ أَنغْ، حِيمَا أَذْ نَاوضْ غَارْ مَانْ أَيَا، أَذْ نُويُورْ ذڭْ وبْرِيذْ ذ إِجّنْ س إِخَارِيصّنْ نّغْ ذ إِجّنْ.
PHI 3:17 ضْفَارمْ أَيِي-د، [أَ] أَيْثْمَا، كْسِيمْ ثِيوصَّافْ إِ إِنِّي يُويُورنْ عْلَاحْسَابْ أَمذْيَا إِ زَّايْنغْ ثژْرِيمْ.
PHI 3:18 مِينْزِي أَقَا ذِينْ أَطَّاسْ إِنِّي يُويُورنْ وَارْ إِدْجِي أَمنِّي، نِّيغْ أَومْ ت أَطَّاسْ ن إِمُورنْ - ؤُشَا ڒخُّو أَذْ ت إِنِيغْ س إِمطَّاونْ - أَقَا أَثنْ ذ ڒْعذْيَانْ ن صَّالِيبْ ن لْمَاسِيحْ.
PHI 3:19 أَنڭَّارُو نْسنْ ذ أَهلّكْ، أَربِّي نْسنْ ذ أَعذِّيسْ نْسنْ ؤُشَا أَعُودْجِي نْسنْ ذ أَبهْذڒْ نْسنْ، ؤُ نّيّثْ نْسنْ ذِي ثْمسْڒَايِينْ ن دُّونشْثْ.
PHI 3:20 مَاشَا نشِّينْ نتّْسخَّارْ ذڭْ إِجنْوَانْ إِ زَّايسْ نتّْرَاجَا عَاوذْ ونِّي ذ أَنغْ إِتِّيشنْ ثُوذَارْثْ، سِيذِيثْنغْ يَاسُوع لْمَاسِيحْ،
PHI 3:21 ونِّي إِ غَا إِبدّْڒنْ أَرِّيمثْ نّغْ إِحبْضنْ، حِيمَا أَذْ ثذْوڒْ ذِي صِّيفثْ ن أَرِّيمثْ نّسْ إِعُودْجنْ، عْلَاحْسَابْ جّهْذْ نّسْ ثَامقّْرَانْثْ إِ زِي إِ غَا إِتّْوَاڭّْ مَارَّا مِينْ إِدْجَانْ سْوَادَّايْ نّسْ.
PHI 4:1 س ؤُيَا، [أَ] أَيْثْمَا إِعِيزّنْ ذ إِغْڒَانْ، أَقَا كنِّيوْ ذ ڒفْرَاحثْ إِنُو ذ تَّاجْ إِنُو، بدّمْ خنِّي أَمُّو نِيشَانْ ذِي سِيذِيثْنغْ، [أَ] إِمْعِيزّنْ إِنُو!
PHI 4:2 نشّْ تّْزَاوَاڭغْ زڭْ ؤُوُوذِييَا ذ سِينْثِيشِي، مَاحنْذْ أَذْ إِمُونْ أَرَّايْ نْسنْثْ ذِي سِيذِيثْنغْ.
PHI 4:3 تّْزَاوَاڭغْ عَاوذْ زَّايكْ، [أَ] أَمْعَاشَارْ أَمْثِيقِّي إِنُو، مَاحنْذْ أَذْ ثوْشذْ أَفُوسْ إِ ثِينِّي إِ إِخدّْمنْ أَكِيذِي خْ سِّيبّثْ ن [ثْبَارّحْثْ ن] لْ-إِنْجِيلْ، ؤُڒَا أَكْ-ذ كْلِيمِينْسْ ذ إِمْسخَّارنْ إِنُو نّغْنِي، إِنِّي إِسْمَاونْ نْسنْ يُورَانْ ذڭْ وذْلِيسْ [إِتّْوَانْضنْ] ن ثُوذَارْثْ.
PHI 4:4 فَارْحمْ ڒبْذَا ذِي سِيذِيثْنغْ، نشّْ قَّارغْ عَاوذْ: فَارْحمْ!
PHI 4:5 أَذْ يِيڒِي ؤُوَاضعْ نْومْ إِتّْوَاسّنْ غَارْ إِوْذَانْ مَارَّا. سِيذِيثْنغْ أَقَا يُوذسْ.
PHI 4:6 وَارْ كسِّيمْ شَا س ومْنُوسْ خْ وَالُو، مَاشَا أَذْ يِيڒِي مَارَّا مِينْ ثتَّارمْ ڒبْذَا إِتّْوَاسّنْ غَارْ أَربِّي س ثْژَادْجِيثْ ذ ثْكسِّيثْ ن ڒْمعْرُوفْ أَكْ-ذ ؤُقَاذِي.
PHI 4:7 ؤُشَا ڒهْنَا ن أَربِّي إِ إِعْذُونْ مَارَّا ڒفْهَامثْ أَذْ إِحْضَا ؤُڒَاونْ ذ إِخَارِّيصنْ نْومْ ذِي يَاسُوع لْمَاسِيحْ.
PHI 4:8 غَارْ ؤُنڭَّارْ، [أَ] أَيْثْمَا، مَارَّا مِينْ إِدْجَانْ ذ ثِيذتّْ، مَارَّا مِينْ إِقُّورنْ، مَارَّا مِينْ إِسڭّْذنْ، مَارَّا مِينْ إِزْذِيڭنْ، مَارَّا مِينْ إِعِيزّنْ، مَارَّا مِينْ غَارْ إِدْجَا ڒْحسّْ أَصبْحَانْ، ؤُ مَارَّا مِينْ غَا إِسْذَاهدْجنْ شَّانْ ذ ؤُسمْغَارْ، خَارْصمْ ذَايسْ.
PHI 4:9 مِينْ ثغْرِيمْ ؤُ ثْقبْڒمْ، مِينْ ثسْڒِيمْ ؤُ ثژْرِيمْ زَّايِي، ڭّمْ ث، ؤُشَا أَربِّي ن ڒهْنَا أَذْ كِيومْ يِيڒِي!
PHI 4:10 أَقَا فَارْحغْ أَطَّاسْ ذِي سِيذِيثْنغْ ؤُمِي ذَايْومْ إِدْجَا ومْنُوسْ مَاحنْذْ أَذْ أَيِي ثثْهِيلَّامْ، أَمْ مَامّشْ ذَايْومْ ث ثُوغَا [قْبڒْ]، مَاشَا وَارْ ذ أَسْ ثُوفِيمْ مَامّشْ [أَذْ ثڭّمْ].
PHI 4:11 وَارْ ت نِّيغْ، مِينْزِي نشّْ حْوَاجغْ شَا، مِينْزِي ڒمْذغْ أَذْ قنْعغْ مَامّشْ مَا د-ثُوسَا.
PHI 4:12 نشّْ أَقَا سّْنغْ ؤُمِي قَّارنْ دّدْجْ، ؤُشَا أَقَا سّْنغْ ؤُمِي قَّارنْ أَفيّضْ. مَانِي مَا ؤُ ذِي مَارَّا أَقَا ڒمْذغْ، أَمْ ذِي ثْيَاوَانْثْ، أَمْ ذِي ڒَاژْ أَمْ ذڭْ ؤُفيّضْ ؤُڒَا ذِي ڒغْبنْ.
PHI 4:13 قدّغْ قَاعْ زِي لْمَاسِيحْ ونِّي ذ أَيِي إِوْشِينْ جّهْذْ.
PHI 4:14 وَاخَّا أَمنِّي مْلِيحْ ڒَامِي ذ أَيِي ثوْشِيمْ أَفُوسْ ذِي ڒمْحَايمْ إِنُو.
PHI 4:15 ثسّْنمْ عَاوذْ سِيمَانْثْ نْومْ، [أَ] إِفِيلِيبِّييّنْ، بلِّي غَارْ ؤُمزْوَارُو ن [ثْبَارّحْثْ ن] ڒخْبَارْ أَصبْحَانْ، ؤُمِي د-فّْغغْ زِي مَاكِيذُونِييَا، ؤُڒَا ذ إِشْثْ ن ثْمسْمُونْثْ وَارْ ثڭِّي أَكِيذِي ڒحْسَابْ خْ مِينْ وْشِينْ ذ مِينْ كْسِينْ، مْغِيرْ ثنِّي نْومْ وَاهَا.
PHI 4:16 مِينْزِي عَاوذْ ذِي ثِيسَّالُونِيكَا ثسّكّمْ أَيِي-د مِينْ ذ أَيِي إِتّْخصَّانْ، إِجّْ ن ؤُمُورْ ؤُ إِجّْ ن ؤُمُورْ نّغْنِي.
PHI 4:17 وَارْ أَرزُّوغْ أَذْ ذَايِي ثوْشمْ شَا، مَاشَا أَرزُّوغْ أَذْ ثْوسّعْ ڒْغِيدْجثْ نْومْ.
PHI 4:18 نشّْ طّْفغْ كُوڒْشِي ؤُ غَارِي كُوڒْشِي س زّْيَاذَا، أَقَا جِّيوْنغْ. نشّْ كْسِيغْ مَارَّا مِينْ ذ أَيِي د-ثسّكّمْ س ؤُفُوسْ ن إِبَافْرُوذِيثُوسْ: إِشْثْ ن ڒفْوَاحثْ إِتّْفُوحنْ ذ إِشْثْ ن ثْغَارْصْثْ يَارْضَانْ قِيبَاتْشْ إِ أَربِّي.
PHI 4:19 مَاشَا أَربِّي إِنُو أَذْ إِسّْيِيونْ مَارَّا مِينْ ثحْذَاجمْ عْلَاحْسَابْ أَڭْڒَا نّسْ ذڭْ ؤُعُودْجِي إِ إِدْجَانْ ن يَاسُوع لْمَاسِيحْ.
PHI 4:20 أَقَا إِ أَربِّي، بَابَاثْنغْ، أَذْ غَارسْ يِيڒِي ؤُعُودْجِي ذ شَّانْ إِ ڒبْذَا قَاعْ. أَمِينْ.
PHI 4:21 سدْجْممْ خْ كُوڒْ إِمْقدَّاسنْ ذِي يَاسُوع لْمَاسِيحْ س ڒهْنَا. أَوْمَاثنْ إِنِّي أَكِيذِي، تّْسدْجَامنْ خَاومْ س ڒهْنَا.
PHI 4:22 أَقَا مَارَّا إِمْقدَّاسنْ تّْسدْجَامنْ خَاومْ س ڒهْنَا، أَمزْوَارُو إِنِّي إِدْجَانْ زِي ثَادَّارْثْ ن قَايْصَارْ.
PHI 4:23 أَرْضَا ن سِيذِيثْنغْ يَاسُوع لْمَاسِيحْ أَذْ يِيڒِي أَكِيذْومْ مَارَّا. أَمِينْ.
COL 1:1 بُولُوسْ، رَّاسُولْ ن يَاسُوع لْمَاسِيحْ س ڒْخَاضَارْ ن أَربِّي، ذ ثَاوْمَاثْ ثِيمُوثِييُو.
COL 1:2 إِ إِنِّي إِدْجَانْ ذِي كُولُوسِّي، أَوْمَاثنْ إِمْقدَّاسنْ ذ يِينِّي يُومْننْ ذِي يَاسُوع لْمَاسِيحْ: ڒهْنَا ذ أَرْضَا أَذْ كِيومْ إِڒِينْ زِي أَربِّي، بَابَاثْنغْ.
COL 1:3 ڒبْذَا نتّْقَاذَا أَربِّي، بَابَاسْ ن سِيذِيثْنغْ يَاسُوع لْمَاسِيحْ، ؤُشَا نتّْژَادْجْ خَاومْ.
COL 1:4 خْزَارْ، نسْڒَا خْ لْ-إِيمَانْ نْومْ ذِي يَاسُوع لْمَاسِيحْ ؤُ خْ ثَايْرِي نْومْ إِ مَارَّا إِمْقدَّاسنْ،
COL 1:5 خْ سِّيبّثْ ن ؤُسِيثمْ إِ ذ أَومْ إِسّْوجْذنْ ذڭْ إِجنْوَانْ، إِ خْ ثِيزَّارمْ ثسْڒَامْ زڭْ ؤُمزْوَارُو س وَاوَاڒْ ن ثِيذتّْ ن ڒخْبَارْ أَصبْحَانْ.
COL 1:6 [أَوَاڒْ]-أَ إِتّْوَابَارّحْ أَومْ ؤُ إِ دُّونشْثْ مَارَّا، ؤُشَا إِڭمَّا ؤُشَا إِتَّاوِي-د ڒْغِيدْجثْ، أَمْ مَامّشْ إِ يڭَّا [وَاوَاڒْ-أَ] عَاوذْ جَارْ أَومْ زڭْ وَاسّْ ؤُمِي ث ثسْڒِيمْ ؤُ ثسّْنمْ أَرْضَا ن أَربِّي ذِي ثِيذتّْ،
COL 1:7 أَمْ مَامّشْ ث ثْڒمْذمْ زِي إِبَافْرَاسْ، أَمْسخَّارْ أَمْعَاشَارْ نّغْ إِعِيزّنْ، ونِّي ذ أَمْسخَّارْ ذ أَمْثِيقِّي ن لْمَاسِيحْ إِ كنِّيوْ.
COL 1:8 نتَّا إِسَّارْڭبْ أَنغْ-د خْ ثَايْرِي نْومْ ذِي أَرُّوحْ.
COL 1:9 س ؤُينِّي، ؤُڒَا ذ نشِّينْ، زڭْ وَاسّْ ؤُمِي نسْڒَا خْ مَانْ أَيَا، وَارْ نسّْبذِّي شَا ثَاژَادْجِيثْ خَاومْ، نتّتَّارْ أَذْ ثْذوْڒمْ ثشُّورمْ س ثُوسّْنَا ن ڒْخَاضَارْ ن أَربِّي، ذِي مَارَّا ثِيغِيثْ ذ ڒفْهَامثْ ن أَرُّوحْ،
COL 1:10 حِيمَا أَذْ ثُويُورمْ أَمْ مَامّشْ إِسْذَاهدْجْ، أَذْ ثَارْضَامْ أَربِّي ذِي مَارَّا ڒخْذَايمْ ثِيصبْحَانِينْ، ؤُ حِيمَا أَذْ د-ثَاوْيمْ ڒْغِيدْجثْ ؤُشَا أَذْ ثيْمَامْ ذِي ثُوسّْنَا ن أَربِّي،
COL 1:11 أَذْ ثتّْوَاسّْجهْذمْ س مَارَّا جّهْذْ عْلَاحْسَابْ ڒمْغَارثْ ن ؤُعُودْجِي نّسْ، س مَارَّا صّْبَارْ ذ تَّاسِيعْ ن ڒْخَاضَارْ ذ ڒفْرَاحثْ.
COL 1:12 قَاذَامْ أَربِّي، بَابَاثْنغْ، ونِّي ذ أَنغْ إِسّْوجْذنْ حِيمَا أَذْ نسّْذَاهدْجْ أَذْ نْشَارْشْ ذِي ڒْوَارْثْ ن إِمْقدَّاسنْ ذِي ثْفَاوْثْ.
COL 1:13 نتَّا إِسّنْجمْ أَنغْ زِي صُّولْطَا ن ثَادْجسْثْ ؤُ إِسّْمُوطِّييْ أَنغْ غَارْ ثْڭلْذِيثْ ن مِّيسْ نّسْ إِعِيزّنْ،
COL 1:14 ونِّي ذَايسْ غَارْنغْ أَسنْجمْ ذ وغْفَارْ ن دّْنُوبْ.
COL 1:15 وَانِيثَا ذ صِّيفثْ ن أَربِّي إِ وَارْ نتّْوِيڒِي شَا، أَمنْزُو خْ مَارَّا مِينْ د-إِتّْوَاخڒْقنْ،
COL 1:16 زَّايسْ د-إِتّْوَاخْڒقْ مَارَّا مِينْ إِدْجَانْ ذڭْ إِجنْوَانْ ذ مِينْ إِدْجَانْ ذِي ثمُّورْثْ، مِينْ نتّْوَاڒَا ذ مِينْ وَارْ نتّْوِيڒِي شَا: ڒكْرَاسِي ن إِجدْجِيذنْ نِيغْ ثِيصدْجَاضِينْ نِيغْ ڒحْكَامَاثْ ؤُڒَا ذ صُّولَاطَاثْ، مَارَّا مِينْ إِدْجَانْ أَقَا إِتّْوَاخْڒقْ-د س ؤُفُوسْ نّسْ ؤُ زَّايسْ نتَّا.
COL 1:17 نتَّا ثُوغَا-ث قْبڒْ مَارَّا مِينْ إِدْجَانْ، ؤُشَا مَارَّا مِينْ إِدْجَانْ أَقَا-ث زَّايسْ.
COL 1:18 نتَّا ذ أَزدْجِيفْ ن أَرِّيمثْ، ثنِّي إِدْجَانْ ذ ثَامسْمُونْثْ. نتَّا ذ أَزدْجِيفْ ذ مِّيسْ أَمنْزُو إِ د-إِتّْوَاخڒْقنْ زِي ثَادَّارْثْ ن إِمتِّيننْ، حِيمَا أَذْ يِيڒِي ذ أَمزْوَارْ ذِي كُوڒْشِي.
COL 1:19 مِينْزِي ثُوسَا أَسْ-د إِ ڒْخَاضَارْ إِ مَارَّا أَعمَّارْ مَاحنْذْ أَذْ إِزْذغْ ذَايسْ،
COL 1:20 [مَاحنْذْ] أَذْ زَّايسْ إِسّصْڒحْ مَارَّا مِينْ إِدْجَانْ أَكْ-ذ يِيخفْ نّسْ، ؤُ [مَاحنْذْ] أَذْ إِڭّْ ڒهْنَا س إِذَامّنْ ن صَّالِيبْ نّسْ، أَمْ إِ يِينِّي إِدْجَانْ ذِي ثمُّورْثْ أَمْ إِ يِينِّي إِدْجَانْ ذڭْ إِجنْوَانْ.
COL 1:21 ؤُڒَا إِ كنِّيوْ - إِنِّي ثُوغَا قْبڒْ ذ إِبَارَّانِييّنْ ذ ڒْعذْيَانْ ذڭْ إِخَارِّيصنْ نْومْ زِي سِّيبّثْ ن ڒخْذَايمْ نْومْ ثِيعفَّانِينْ - إِوْشَا ڒخُّو ڒهْنَا
COL 1:22 س أَرِّيمثْ ن ويْسُومْ نّسْ ؤُ ن ڒْموْثْ نّسْ، حِيمَا أَذْ كنِّيوْ إِسّْبدّْ ذ إِمْقدَّاسنْ قِيبَاتْشْ نّسْ، بْڒَا مَا أَذْ ذَايْومْ إِتّْوَافْ ڒَا ذ إِجّْ نْ ڒخْمجْ ؤُڒَا ذ إِجّْ ن ڒْعِيبْ،
COL 1:23 مَاڒَا ثقِّيممْ ثُويُورمْ ذِي لْ-إِيمَانْ نْومْ، أَمْ ذْسَاسْ نْومْ إِقِّيمْ إِمْثنْ، وَارْ ثْسمّْحمْ شَا ذڭْ ؤُسِيثمْ ن لْ-إِنْجِيلْ إِ ثسْڒِيمْ، ونِّي زِي إِتّْوَابَارَّاحْ غَارْ مَارَّا مِينْ د-إِتّْوَاخڒْقنْ نِّي إِدْجَانْ سَاذُو ؤُجنَّا، ونِّي زِي ذوْڒغْ نشّْ، بُولُوسْ، ذ أَمْسخَّارْ.
COL 1:24 أَقَا أَيِي فَارْحغْ أَمْ كسِّيغْ ثَامَارَا خَاومْ ؤُ تّْكمّْڒغْ ذِي أَرِّيمثْ إِنُو مِينْ إِقِّيمنْ زِي ڒمْحَايمْ ن لْمَاسِيحْ ذِي طّْوعْ ن أَرِّيمثْ نّسْ ثنِّي ذ ثَامسْمُونْثْ،
COL 1:25 إِ زِي ذوْڒغْ ذ أَمْسخَّارْ عْلَاحْسَابْ أَوكّڒْ إِ ذ أَيِي إِمّوْشنْ خَاومْ زِي أَربِّي، حِيمَا أَذْ سِّيوْضغْ [ثَابَارّحْثْ ن] وَاوَاڒْ ن أَربِّي غَارْ ڒكْمَارثْ،
COL 1:26 سِّيرّْ إِ ثُوغَا إِنُّوفَارنْ ذِي زّْمَانَاثْ ذ ڒْجِيڒَاثْ [ن زِيشْ]، مَاشَا إِتّْوَاسَّارْڭبْ ڒخُّو إِ إِمْقدَّاسنْ نّسْ،
COL 1:27 إِنِّي ؤُمِي إِخْسْ أَربِّي أَذْ أَسنْ إِسّْشنْ إِڭڒْوَانْ ن ؤُعُودْجِي ن سِّيرّْ-أَ جَارْ ڒڭْنُوسْ، ونِّي إِدْجَانْ ذ لْمَاسِيحْ ذَايْومْ، أَسِيثمْ ن ؤُعُودْجِي نّغْ.
COL 1:28 أَقَا نتّْبَارّحْ زَّايسْ، ؤُ زَّايسْ نتَّا نسّڒْمَاذْ ؤُ نْعدْجمْ إِ كُوڒْ بْنَاذمْ س مَارَّا ثِيغِيثْ، حِيمَا أَذْ نسّْبدّْ كُوڒْ بْنَاذمْ نِيشَانْ قِيبَاتْشْ إِ يَاسُوع لْمَاسِيحْ.
COL 1:29 إِ مَانْ أَيَا ؤُمِي جهّْذغْ ؤُ تّْمنْغِيغْ س ؤُفُوسْ ن جّهْذْ إِ ذ أَيِي إِمّوْشنْ.
COL 2:1 مِينْزِي خْسغْ أَذْ ثسّْنمْ مشْحَاڒْ ذ أَمقّْرَانْ أَمنْغِي إِ تّڭّغْ خَاومْ ؤُ خْ يِينِّي ذِي لَايُوذِيكِييَا ؤُ خْ مَارَّا إِنِّي وَارْ ذ أَيِي ژْرِينْ شَا س أَرِّيمثْ ذ وُوذمْ إِنُو،
COL 2:2 حِيمَا أَذْ يَاذفْ ؤُفوّجْ غَارْ وُوڒَاونْ نْسنْ ؤُ حِيمَا أَذْ أَوْضنْ نِيثْنِي س ثَايْرِي غَارْ مَارَّا وَاڭْڒَا ن ڒَامَانْ، ؤُ غَارْ ڒفْهَامثْ ن ثُوسّْنَا ن سِّيرّْ ن أَربِّي، بَابَاثْنغْ، ؤُ ن لْمَاسِيحْ
COL 2:3 نِّي ذِي نُّوفَّارنْ مَارَّا ڒكْنُوزْ ن ثِيغِيثْ ذ ثُوسّْنَا.
COL 2:4 مَانْ أَيَا قَّارغْ ث، حِيمَا ؤُڒَا ذ إِجّْ وَارْ كنِّيوْ إِغكّْوِي شَا س وَاوَاڒنْ إِزوّْقنْ.
COL 2:5 مَاغَارْ وَاخَّا أَقَا أَيِي غَابغْ زِي جِّيهثْ ن أَرِّيمثْ، نِيشَانْ أَقَا أَيِي أَكِيذْومْ زِي جِّيهثْ ن أَرُّوحْ ؤُشَا فَارّْحغْ أَمْ تّْوَاڒِيغْ أَستّفْ ذ لْ-إِيمَانْ نْومْ نِيشَانْ ذِي لْمَاسِيحْ.
COL 2:6 أَمْ مَامّشْ ثْقبْڒمْ يَاسُوع لْمَاسِيحْ، سِيذِيثْنغْ، ؤُيُورمْ ذَايسْ،
COL 2:7 أَمْ ثوْثِيمْ إِژوْرَانْ ؤُ ثتّْوَابْنَامْ ذَايسْ ؤُشَا ثتّْوَاضْممْ ذِي لْ-إِيمَانْ إِ ذِي ثتّْوَاسّڒْمَاذمْ، أَمْ ثتّْفيّْضمْ س ؤُقَاذِي.
COL 2:8 حْضَامْ ؤُڒَا ذ إِجّْ وَارْ كنِّيوْ إِغكّْوِي شَا ؤُمِي إِتّخّْسْ ثِيغِيثْ [ن يِيخفْ نّسْ] نِيغْ أَشْمَاثْ إِخْوَانْ عْلَاحْسَابْ ثَاغُورِي ن إِوْذَانْ ؤُ عْلَاحْسَابْ لْفَارَايِيضْ ن دُّونشْثْ، وَارْ إِدْجِي عْلَاحْسَابْ لْمَاسِيحْ.
COL 2:9 مِينْزِي ذَايسْ إِزدّغْ قَاعْ أَعمَّارْ ن أَربِّي ذِي صِّيفثْ ن أَرِّيمثْ.
COL 2:10 أَقَا ذَايسْ ثدْجَامْ ثْكمّْڒمْ عَاوذْ، مَاغَارْ نتَّا ذ أَزدْجِيفْ خْ قَاعْ ڒحْكَامَاثْ ذ صُّولَاطَاثْ.
COL 2:11 أَقَا ثتّْوَاخثْنمْ ذَايسْ عَاوذْ س يِيجّْ ن وخْثَانْ، وَارْ إِدْجِي س إِفَاسّنْ [ن إِوْذَانْ]، مَاشَا ؤُمِي إِتّْوَاكّسْ زَّايْومْ ويْسُومْ [ن أَرِّيمثْ] ن دّْنُوبْ س وخْثَانْ ن لْمَاسِيحْ.
COL 2:12 كنِّيوْ ثتّْوَانضْڒمْ أَكِيذسْ ذڭْ ؤُسغْضصْ، ؤُ زَّايسْ ثتّْوَاسّْنكَّارمْ عَاوذْ أَكِيذسْ، مِينْزِي ثُومْنمْ ذِي جّهْذْ ن أَربِّي، ونِّي ث-إِ-د-إِسّْنكَّارنْ زِي ثَادَّارْثْ ن إِمتِّيننْ.
COL 2:13 أَقَا نتَّا يَارَّا كنِّيوْ، إِنِّي ثُوغَا ذ إِمتِّيننْ س دّْنُوبْ نْومْ ؤُ س بْڒَا أَخْثَانْ ن ويْسُومْ نْومْ، غَارْ ثُوذَارْثْ أَكِيذسْ، ؤُشَا إِغْفَارْ أَنغْ مَارَّا دّْنُوبْ نّغْ.
COL 2:14 أَقَا إِمْسحْ ثَابْرَاثْ نّغْ ن ثنْفُوتْشْ، ثنِّي ذ أَنغْ إِتّهْمنْ أَكْ-ذ مَارَّا ثِيوصَّا نّسْ، أَقَا إِكْسِي ت زِي ڒْوسْطْ أَمْ ت إِسمَّارْ خْ صَّالِيبْ نّسْ.
COL 2:15 أَمْ إِسَّارْسْ أَرِّيمثْ نّسْ، أَقَا إِسّْعَارَّا ڒحْكَامَاثْ ذ صُّولَاطَاثْ بْطَايْطَايْ ؤُشَا يَارَّا إِ-ثنْثْ أَذْ سضْحَانْثْ س طّْبِيعثْ ن مُومُّو ن يِيخفْ نّسْ.
COL 2:16 وَارْ ثجِّيمْ أَذْ كنِّيوْ إِسّهْوڒْ ؤُڒَا ذ إِجّْ، نِيغْ ذِي مَاشَّا ڒَا ذِي ثِيسِّيثْ، نِيغْ ذِي ڒْفَارْزْ ذڭْ [وُوسَّانْ ن] ڒعْيُوذَاثْ ڒَا ذڭْ [وَاسّْ ن] ؤُيُورْ ن جْذِيذْ ؤُڒَا ذڭْ [وُوسَّانْ ن] سّبْثْ،
COL 2:17 مَاغَارْ ثِينَا ذ ثِيڒِيوِينْ ن مِينْ إِ د غَا يَاسنْ، مَاشَا لْمَاسِيحْ أَقَا-ث ذ أَرِّيمثْ [إِ ذ أَسنْثْ د-إِتّْڒِيقنْ].
COL 2:18 وَارْ تّجِّيمْ حذْ أَذْ يَارْزُو مَاحنْذْ أَذْ خَاومْ يڭّْ بزّزْ مَاحنْذْ أَذْ ثسّْوَاضْعمْ إِخفْ نْومْ إِ وعْبَاذْ ن لْمَالَاكَاثْ، ؤُمِي نتَّا إِسّْنِيعْمِيڒْ أَقَا غَارسْ ڒْبَاڒْ إِمَّارْسْ، [مَاشَا س ثِيذتّْ] يَارزُّو س زَّاعْمثْ نّسْ أَذْ د-يَاذفْ ذِي مِينْ وَارْ إِژْرِي. أَقَا نتَّا إِخْوَا ذِي ثُوفّثْ نّسْ س نّيّثْ نّسْ ن ويْسُومْ ن بْنَاذمْ،
COL 2:19 أَمْ وَارْ إِتّْشبَّارْ ذڭْ ؤُزدْجِيفْ إِ زِي ثْيمَّا قَاعْ أَرِّيمثْ س ڒمْغَارثْ إِ ذ أَسْ إِتِّيشْ أَربِّي، أَمْ ثتّْوَابْنَا ؤُ ثتّْوَاسنّذْ س ڒمْفَاصڒْ ذ إِغزْذِيسنْ [نّسْ].
COL 2:20 مَاغَارْ مَاڒَا ثمُّوثمْ أَكْ-ذ لْمَاسِيحْ إِ لْفَارَايِيضْ ن دُّونشْثْ، مَايمِّي ثتّْوَاحَاكَاممْ أَخْمِي ثدَّارمْ [عَاذْ] ذِي دُّونشْثْ؟
COL 2:21 ’وَارْ ثْحَاذَا!‘، ’وَارْ ثْقَاسَا!‘، ؤُ ’وَارْ تّطّفْ!‘،
COL 2:22 أَقَا أَثنْثْ ذ ثِينَامِيثِينْ أَذْ ودَّارنْثْ، أَقَا أَثنْثْ ذ ثِيوصَّا ذ ثْغُورِي ن إِوْذَانْ.
COL 2:23 أَقَا-ثنْثْ تّْبَاننْثْ أَخْمِي غَارْسنْ إِشْثْ ن ثْغُورِي ثَامِيغِيسْثْ، س وُوذمْ ن ؤُوَاضعْ ذ نّيّثْ ثَاذِييَانشْثْ، نْهْڒَا أَشطَّارْ خْ أَرِّيمثْ، مَاشَا وَارْ إِدْجِي إِ مِينْ إِشنّْعنْ، مَاشَا إِ ثْيَاوَانْثْ نّشْوَاثْ ن ويْسُومْ [ن يِيخفْ نْسنْ].
COL 3:1 مَاڒَا ثتّْوَاسّْنكَّارمْ-د أَكْ-ذ لْمَاسِيحْ، خنِّي أَرْزُومْ مِينْ إِدْجَانْ سنّجْ، مَانِي إِقِّيمْ لْمَاسِيحْ خْ ؤُفُوسِي ن أَربِّي.
COL 3:2 عقْڒمْ مِينْ إِدْجَانْ سنّجْ، وَارْ إِدْجِي مِينْ إِدْجَانْ ذِي ثمُّورْثْ،
COL 3:3 مِينْزِي كنِّيوْ أَقَا ثمُّوثمْ ؤُشَا ثُوذَارْثْ نْومْ ثنُّوفَّارْ أَكْ-ذ لْمَاسِيحْ ذِي أَربِّي.
COL 3:4 خْمِي د غَا إِضْهَارْ لْمَاسِيحْ، ونِّي إِدْجَانْ ذ ثُوذَارْثْ نّغْ، ڒخْذنِّي ؤُڒَا ذ كنِّيوْ أَذْ كِيذسْ د-ثضْهَارمْ ذڭْ ؤُعُودْجِي.
COL 3:5 س ؤُينِّي نْغمْ إِغزْذِيسنْ [ن أَرِّيمثْ] نْومْ إِنِّي خْ ثمُّورْثْ: فَارْقْ-شّْغڒْ، ڒخْمجْ، أَشَاهِي، نّشْوَاثْ ثِيعفَّانِينْ ذ طّْمعْ، ونِّي ذ أَعْبَاذْ إِ لْ-أَصْنَامْ،
COL 3:6 س مِينْزِي أَذْ د-يَاسْ وغْضَابْ ن أَربِّي خْ أَيْثْ ن ڒْمُوعْصِييّثْ.
COL 3:7 ؤُڒَا ذ كنِّيوْ ثُوغَا ثڭُّورمْ أَمُّو زِيشْ، ؤُمِي كنِّيوْ ثُوغَا ثدَّارمْ [عَاذْ] ذِي ثْمسْڒَايِينْ نِّي.
COL 3:8 مَاشَا ڒخُّو، سَارْسمْ مَانْ أَيَا [مَارَّا] خْ ؤُغزْذِيسْ: أَغْضَابْ ذ ثفْقحْثْ ذ ثُوعفّْنَا ذ ؤُشقّفْ ذ ڒْهَارْذْ إِخْمجْ.
COL 3:9 وَارْ سْخَارِّيقمْ شَا خْ وَايَاوْيَا، مَاشَا سَارْسمْ غَارْ ؤُغزْذِيسْ بْنَاذمْ أَقْذِيمْ أَكْ-ذ مَارَّا إِبْرِيذنْ نّسْ،
COL 3:10 ؤُ ثْيَارّْضمْ [بْنَاذمْ] ن جْذِيذْ، ونِّي إِدّكّْوَاڒنْ جْذِيذْ س ثُوسّْنَا [زَّايسْ نتَّا]، غَارْ صِّيفثْ ن ونِّي إِ-ث-إِ-د-إِخڒْقنْ.
COL 3:11 ذَايسْ وَارْ إِدْجِي وُوذَايْ ڒَا ذ أَرَامِي، ڒَا ذ أَخْثَانْ، ڒَا بْڒَا أَخْثَانْ، ڒَا ذ أَيُونَانِييْ، ڒَا ڒْبَارَّانِي، ڒَا ذ إِسْمغْ ؤُڒَا ذ حُورّْ، مَاشَا لْمَاسِيحْ ذ كُوڒْشِي ؤُ ذِي كُوڒْ إِجّنْ.
COL 3:12 خْ ؤُينِّي، كنِّيوْ، [أَ] إِمْقدَّاسنْ ذ إِمْعِيزّنْ إِنِّي إِتّْوَافَارْزنْ زِي أَربِّي، أَرْضمْ س أَرّحْمثْ ذ ڒحْنُونشْثْ ذ ڒضْرَافثْ ذ ؤُوَاضعْ ن أَرُّوحْ ذ ثمْهِينْثْ ذ تَّاسِيعْ ن ڒْخَاضَارْ.
COL 3:13 قبْڒمْ ؤُ سَامْحمْ إِ وَايَاوْيَا. مَاڒَا شَا ن يِيجّنْ غَارسْ أَشثْشِي خْ ونِّي ذ أَسْ يُوذْسنْ، غْفَارمْ كنِّيوْ إِجّْ إِ ونّغْنِي، أَمْ مَامّشْ إِ ذ أَومْ إِغْفَارْ لْمَاسِيحْ.
COL 3:14 ؤُشَا أَكْ-ذ مَارَّا أَيَا، أَرْنِيمْ ثَايْرِي ثنِّي ذ ثَاخَاذنْثْ ن ڒكْمَاڒثْ.
COL 3:15 [خنِّي] أَذْ إِحْكمْ ڒهْنَا ن لْمَاسِيحْ ذڭْ وُوڒَاونْ نْومْ، [ڒهْنَا] نِّي غَارْ ثتّْوَاڒَاغَامْ ذڭْ إِشْثْ ن أَرِّيمثْ، ؤُشَا قَاذَامْ إِ لْمَاسِيحْ.
COL 3:16 جّمْ أَوَاڒْ نّسْ أَذْ ذَايْومْ إِزْذغْ س مَارَّا ثِيغِيثْ. سْڒمْذمْ، سجّْعمْ إِجّْ ونّغْنِي س ؤُغنّجْ نْ إِزهِّيذنْ ذ ثسْبِيحْ ذ إِزْڒَانْ ن أَرُّوحْ، ؤُغنّْجمْ إِ أَربِّي س وُوڒَاونْ نْومْ شُّورنْ س أَرْضَا.
COL 3:17 مَارَّا مِينْ ثتّڭّمْ س وَاوَاڒْ نِيغْ س ثْمڭَّا، ڭّمْ ث س يِيسمْ ن سِيذِيثْنغْ يَاسُوع لْمَاسِيحْ ؤُ شكَّارمْ زَّايسْ أَربِّي، بَابَاثْنغْ.
COL 3:18 أَ ثِيمْغَارِينْ، ذوْڒنْثْ سَاذُو إِرْيَازنْ نْكنْثْ أَمْ مَامّشْ د-إِتَّاسْ أَكْ-ذ لْمَاسِيحْ.
COL 3:19 [أَ] إِرْيَازنْ، خْسمْ ثِيمْغَارِينْ نْومْ، وَارْ تّْقسْحمْ ذَايْسنْثْ س ثَارْزُوڭِي.
COL 3:20 [أَ] إِحنْجِيرنْ، طَاعمْ إِ لْوَالِيذِينْ نْومْ ذِي مَارَّا، مِينْزِي مَانْ أَيَا يَارطَّا إِ سِيذِيثْنغْ.
COL 3:21 [أَ] لْوَالِيذِينْ، وَارْ ذَارَّاشمْ شَا إِحنْجِيرنْ نْومْ، حِيمَا وَارْ ذ أَسنْ ثتّْرَاحْ ثرْيَاسْثْ.
COL 3:22 [أَ] إِمْسخَّارنْ، طَاعمْ إِ يِينِّي إِدْجَانْ ذ أَيْثْبَابْ نْومْ ذِي ثمُّورْثْ ذِي مَارَّا، وَارْ تّْسخَّارمْ شَا إِ ثِيطَّاوِينْ ن إِوْذَانْ أَمْ يِينِّي إِخْسنْ أَذْ أَرْضَانْ إِوْذَانْ [وَاهَا]، مَاشَا [سخَّارمْ] س ڒصْفَايثْ ن وُوڒْ ؤُ زِي ثِيڭّْوُوذِي ن سِيذِي.
COL 3:23 قَاعْ مِينْ غَا ثڭّمْ، ڭّمْ ث س مَارَّا ڒعْمَارْ نْومْ، [ڭّمْ ث] أَخْمِي إِ سِيذِيثْنغْ، وَارْ إِدْجِي إِ إِوْذَانْ.
COL 3:24 سْنمْ أَقَا أَذْ ثكْسِيمْ ڒخْڒَاصْ زِي سِيذِيثْنغْ ذِي ڒْوَارْثْ، مَاغَارْ ثتّْسخَّارمْ إِ سِيذِي، لْمَاسِيحْ.
COL 3:25 مِينْزِي ونِّي إِتّڭّنْ ڒْغشّْ، أَذْ إِتّْوَاخْڒفْ عْلَاحْسَابْ ڒْغشّْ إِ يڭَّا، مِينْزِي وَارْ ذِينْ إِدْجِي ڒْفَارْزْ ن بْنَاذمْ.
COL 4:1 كنِّيوْ، [أَ] أَيْثْبَابْ، ڭّمْ س ؤُوقَّارْ ذ ثْسڭْذَا أَكْ-ذ إِمْسخَّارنْ نْومْ. سْنمْ، بلِّي كنِّيوْ غَارْومْ عَاوذْ سِيذِي ذڭْ ؤُجنَّا.
COL 4:2 صْبَارمْ ذِي ثْژَادْجِيثْ، حْضَامْ ذَايسْ ؤُ وْشمْ أَقَاذِي [إِ أَربِّي].
COL 4:3 ژَتدْجمْ عَاوذْ إِ نشِّينْ، حِيمَا أَربِّي أَذْ أَنغْ يَارْزمْ ثَاوَّارْثْ ن وَاوَاڒْ، حِيمَا أَذْ نسِّيوڒْ خْ سِّيرّْ ن لْمَاسِيحْ، ونِّي ؤُمِي دْجِيغْ عَاوذْ [ذ أَمحْبُوسْ] ذِي سّْنَاسڒْ،
COL 4:4 حِيمَا أَذْ ث سَّارڭْبغْ ؤُشَا أَذْ زَّايسْ سِّيوْڒغْ نِيشَانْ أَمْ مَامّشْ إِ خَافِي إِشُووَّارْ.
COL 4:5 ؤُيُورمْ ذِي ثِيغِيثْ أَكْ-ذ يِينِّي ن بَارَّا، أَربْحمْ ڒْوقْثْ إِ يدْجَانْ.
COL 4:6 أَذْ يِيڒِي وَاوَاڒْ نْومْ ڒبْذَا س ڒْخَاضَارْ، مدْجْحمْ ث س ثْمدْجَاحْثْ، ؤُ سّْنمْ مِينْ زِي غَا د-ثَارّمْ نِيشَانْ خْ كُوڒْ إِجّنْ.
COL 4:7 ثِيشِيكُوسْ، ؤُمَا إِعِيزّنْ ذ ؤُمْسخَّارْ أَمْثِيقِّي، ونِّي ذ أَمْسخَّارْ أَمْعَاشَارْ نّغْ ذِي سِيذِي، أَذْ كنِّيوْ إِسَّارْڭبْ خْ ؤُمدُّورْ إِنُو.
COL 4:8 سّكّغْ ث غَارْومْ، حِيمَا أَذْ إِسّنْ مَامّشْ ثدْجَامْ ؤُ حِيمَا أَذْ إِسَّاريّحْ ؤُڒَاونْ نْومْ،
COL 4:9 [جْمِيعْ] أَكْ-ذ ؤُنِيسِيمُوسْ، ؤُمَاثْنغْ أَمْثِيقِّي إِعِيزّنْ، ونِّي إِدْجَانْ ذ إِجّنْ زَّايْومْ. نِيثْنِي أَذْ كنِّيوْ سَّارڭْبنْ مَامّشْ ندْجْ نشِّينْ.
COL 4:10 أَرِيسْثَارْخُوسْ ونِّي ذِي ڒحْبسْ أَكِيذِي، إِتّْسدْجَامْ-د خَاومْ س ڒهْنَا، أَمْ مَامّشْ خَاومْ إِتّْسدْجَامْ ؤُڒَا ذ مَارْكُوسْ، أَيَّاوْ ن بَارْ-نَابَا ونِّي خْ ثكْسِيمْ كنِّيوْ ثِيوصَّا - مَاڒَا يُوسَا-د غَارْومْ، قبْڒمْ ث -
COL 4:11 ذ يَاسُوع، ؤُمِي ذ أَسْ قَّارنْ يُوسْثُوسْ. نِيثْنِي دْجَانْ زڭْ وخْثَانْ. نِيثْنِي وحّذْسنْ عَاوْننْ أَيِي ذِي [ثْمسْڒَاشْثْ ن] ثْڭلْذِيثْ ن أَربِّي ؤُشَا سّْفوّْجنْ أَيِي.
COL 4:12 إِتّْسدْجَامْ-د خَاومْ إِبَافْرَاسْ س ڒهْنَا. نتَّا ذ إِجّنْ زَّايْومْ، أَقَا-ث ذ أَمْسخَّارْ ن لْمَاسِيحْ، إِتّذْعَا أَومْ ڒبْذَا ذِي ثْژَادْجِيثْ نّسْ س جّهْذْ، حِيمَا أَذْ ثْبدّمْ نِيشَانْ، أَذْ ثِيڒِيمْ ثْكمّْڒنْ ذِي مَارَّا مِينْ إِخْسْ أَربِّي.
COL 4:13 مِينْزِي شهّْذغْ خَاسْ، أَقَا نتَّا أَطَّاسْ إِ خَاومْ إِكْسِي ؤُڒَا خْ يِينِّي ذِي لَايُوذِيكِييَا ذ يِينِّي ذِي هِيرَاپُولِيسْ.
COL 4:14 لُوكَا، أَضْبِيبْ نّغْ إِعِيزّنْ، ذ ذِيمَاسْ تّْسدْجَامنْ-د خَاومْ س ڒهْنَا.
COL 4:15 سدْجْممْ خْ وَاوْمَاثنْ إِنِّي إِدْجَانْ ذِي لَايُوذِيكِييَا س ڒهْنَا، خْ نِيمْفَاسْ ؤُ خْ ثْمسْمُونْثْ ذِي ثَادَّارْثْ نّسْ.
COL 4:16 خْمِي غَا ثتّْوَاسّْغَارْ ثبْرَاثْ-أَ جَارْ أَومْ، خنِّي حْضَامْ أَذْ ثتّْوَاسّْغَارْ عَاوذْ ذِي ثْمسْمُونْثْ ن لَايُوذِيكِييَا ؤُشَا أَذْ ثْغَارمْ كنِّيوْ عَاوذْ ثنِّي زِي لَايُوذِيكِييَا.
COL 4:17 إِنِي إِ أَرْخِيبُّوسْ: ”حْضَا أَذْ ثْكمّْڒذْ ڒْخذْمثْ ن ثْسخَّارْثْ إِ ثكْسِيذْ زِي سِيذِيثْنغْ!“
COL 4:18 سْڒَامْ وَانِيثَا [ؤُرِيغْ ث] س ؤُفُوسْ إِنُو، زِي بُولُوسْ.عقْڒمْ خْ سّْنَاسڒْ إِنُو. أَذْ كِيومْ يِيڒِي أَرْضَا. أَمِينْ.
1TH 1:1 بُولُوسْ ذ سِيلْوَانُوسْ ذ ثِيمُوثِييُو، إِ ثْمسْمُونْثْ ن إِثِيسَّالُونِيكِييّنْ، [ثنِّي] ذِي أَربِّي، بَابَاثْنغْ، ؤُ ذِي سِيذِيثْنغْ يَاسُوع لْمَاسِيحْ: أَرْضَا ذ ڒهْنَا أَذْ كِيومْ إِڒِينْ.
1TH 1:2 أَقَا نتّْقَاذَا أَربِّي إِ كنِّيوْ مَارَّا ڒبْذَا، ؤُ نْثِيذَارْ كنِّيوْ بْڒَا قطُّو ذِي ثْژَادْجِيثِينْ نّغْ.
1TH 1:3 قِيبَاتْشْ إِ [وُوذمْ ن] أَربِّي بَابَاثْنغْ، نتّْفكَّارْ ذِي ڒخْذَايمْ ن لْ-إِيمَانْ نْومْ، ذڭْ ؤُثَامَارْ ن ثَايْرِي نْومْ ؤُ ذِي صّْبَارْ ن ؤُسِيثمْ نْومْ ذِي سِيذِيثْنغْ يَاسُوع لْمَاسِيحْ،
1TH 1:4 مَاغَارْ نسّنْ أَقَا كنِّيوْ ثتّْوَافَارْزمْ، [أَ] أَيْثْمَا، إِمْعِيزّنْ ن أَربِّي،
1TH 1:5 مِينْزِي ڒخْبَارْ أَصبْحَانْ نّغْ وَارْ د غَارْومْ يِيوِيضْ س وَاوَاڒنْ وَاهَا، مَاشَا ؤُڒَا س جّهْذْ، س أَرُّوحْ إِقدّْسنْ ؤُ س ڒقْنَاعثْ ذ ثِيذتّْ. أَقَا ثسّْنمْ مَامّشْ ذ أَنغْ ثُوغَا جَارْ أَومْ ذِي طّْوعْ نْومْ.
1TH 1:6 أَقَا كنِّيوْ ثْذوْڒمْ ذ إِمضْفَارنْ زَّايْنغْ ؤُڒَا زِي سِيذِيثْنغْ، مَاغَارْ ؤُمِي خَاومْ ثكَّا ڒْمحْنثْ ثَامقّْرَانْثْ، ثطّْفمْ ذڭْ وَاوَاڒْ س ڒفْرَاحثْ ن أَرُّوحْ إِقدّْسنْ.
1TH 1:7 أَمُّو ثْذوْڒمْ ذ أَمذْيَا إِ قَاعْ يِينِّي يُومْننْ ذِي مَاكِيذُونِييَا ؤُ ذِي أَخَايَا.
1TH 1:8 مِينْزِي ڒخْبَارْ ن وَاوَاڒْ ن سِيذِيثْنغْ أَقَا إِفّغْ-د زَّايْومْ، وَارْ إِدْجِي ذِي مَاكِيذُونِييَا ذ أَخَايَا وَاهَا، مَاشَا لْ-إِيمَانْ نْومْ ذِي أَربِّي إِذْوڒْ إِتّْوَاسّنْ ثَانْيَا ذِي مَارَّا إِمُوشَانْ، أَڒَامِي نهْڒَا مَا نسِّيوڒْ خَاسْ عَاذْ.
1TH 1:9 مِينْزِي نِيثْنِي س يِيخفْ نْسنْ عَاوْذنْ أَنغْ، مَامّشْ ثُوغَا ثَارزْممْ أَنغْ ثَاوَّارْثْ، ؤُشَا مَامّشْ د-ثْذوْڒمْ زِي لْ-أَصْنَامْ غَارْ أَربِّي، حِيمَا أَذْ ثْعبْذمْ أَربِّي إِدَّارنْ ونِّي ذ ثِيذتّْ،
1TH 1:10 أَمْ ثتّْرَاجَامْ مِّيسْ زڭْ إِجنْوَانْ، ونِّي د-إِسّْنكَّارْ زِي ثَادَّارْثْ ن إِمتِّيننْ، يَاسُوع، ونِّي ذ أَنغْ إِ غَا إِسّْنجْمنْ زڭْ وغْضَابْ إِ د غَا يَاسنْ.
1TH 2:1 مَاغَارْ كنِّيوْ سِيمَانْثْ نْومْ، [أَ] أَيْثْمَا، ثسّْنمْ بلِّي أَذَافْ نّغْ نِّي ذ غَارْومْ نڭَّا، وَارْ ثُوغِي إِدْجِي بَاطڒْ.
1TH 2:2 ثُوغَا خَانغْ إِكَّا ؤُودّبْ ذ ڒْحَاڭْرَا ذِي فِيلِيبِّي قْبڒْ، أَمْ مَامّشْ ثسّْنمْ. أَوَارْنِي مَانْ أَيَا، أَقَا نْبَارّحْ أَومْ ڒخْبَارْ أَصبْحَانْ ن لْمَاسِيحْ س ثرْيَاسْثْ ذِي أَربِّي نّغْ ؤُ س ؤُمنْغِي أَمقّْرَانْ.
1TH 2:3 س مِينْزِي أَفوّجْ نّغْ وَارْ إِدْجِي شَا زڭْ ؤُغكّْوِي نِيغْ زِي ڒخْمجْ نِيغْ زِي ڒْغشّْ،
1TH 2:4 مَاشَا نسَّاوَاڒْ أَمْ [إِوْذَانْ] إِ إِتّْوَاحسْبنْ نِيشَانْ زِي أَربِّي أَڒَامِي ذ أَنغْ إِوكّڒْ [ثَابَارّحْثْ ن] ڒخْبَارْ نّسْ ذ أَصبْحَانْ، وَارْ إِدْجِي إِ أَرْضَا ن إِوْذَانْ، مَاشَا [إِ أَرْضَا] ن أَربِّي ونِّي إِقدْجْبنْ ؤُڒَاونْ نّغْ.
1TH 2:5 مِينْزِيعمَّارْصْ وَارْ ثُوغِي نتّڭّْ ثِيقدُّوحِينْ، أَقَا كنِّيوْ ثسّْنمْ ت، ؤُ وَارْ نتّڭّْعمَّارْصْ إِجّْ ن ؤُڒحَّافْ خْ طّْمعْ نّغْ، أَربِّي أَقَا-ث ذِينْ!
1TH 2:6 وَارْ نَارزُّو أَعُودْجِي ن إِوْذَانْ، ؤُڒَا زَّايْومْ ؤُڒَا زڭْ إِنّغْنِي، وَاخَّا ثُوغَا نْزمَّارْ أَذْ نڭّْ إِخفْ نّغْ جَارْ أَونْ أَمْ رُّوسُولْ ن لْمَاسِيحْ.
1TH 2:7 مَاشَا ثُوغَا أَنغْ ذ إِحْنِيننْ أَكِيذْومْ، أَمْ يِيشْثْ ن ثبْڒِيغْثْ ثتّْهِيلَّا ذڭْ إِحنْجِيرنْ نّسْ.
1TH 2:8 أَمُّو عَاوذْ ثُوغَا نتّخْسْ كنِّيوْ ؤُ ثُوغَا ذَايْنغْ مژْرِي مَاحنْذْ أَذْ نْشَارْشْ أَكِيذْومْ، وَارْ إِدْجِي ڒخْبَارْ أَصبْحَانْ ن أَربِّي وَاهَا، أَحقَّا ؤُڒَا ذ ثُوذَارْثْ نّغْ، مِينْزِي ثْذوْڒمْ ذ إِمْعِيزّنْ غَارْنغْ.
1TH 2:9 عقْڒمْ خنِّي، [أَ كنِّيوْ] أَوْمَاثنْ نّغْ، مَامّشْ ثُوغَا نتَّامَارْ ؤُ نْخدّمْ س إِفَاسّنْ نّغْ دْجِيڒثْ ذ وَاسّْ، حِيمَا وَارْ خَاومْ نتّڭّْ دّْقڒْ.
1TH 2:10 كنِّيوْ ذ أَربِّي أَقَا ذ ڒشْهُوذْ خْ مَامّشْ ذ أَومْ ثُوغَا نتّْبَارّحْ س ڒخْبَارْ أَصبْحَانْ ن أَربِّي ذِي ڒصْفَايثْ ذ ثْنِيشَانْثْ [ن وُوڒْ]، ؤُ مَامّشْ ثُوغَا نڭُّورْ بْڒَا ڒْعِيبْ جَارْ مَارَّا إِنِّي يُومْننْ.
1TH 2:11 أَقَا ثسّْنمْ عَاوذْ مَامّشْ ثُوغَا نْعدْجمْ إِجّْ-إِجّْ زَّايْومْ، أَمْ يِيجّْ ن بَابَاسْ إِ إِحنْجِيرنْ نّسْ، ؤُ [مَامّشْ] نڭَّا ذَايْومْ ؤُڒْ ؤُ نشْهذْ إِ كنِّيوْ،
1TH 2:12 مَاحنْذْ أَذْ ثُويُورمْ أَمْ مَامّشْ إِسْذَاهدْجْ قِيبَاتْشْ إِ أَربِّي، ونِّي ذ أَومْ د-إِڒَاغَانْ غَارْ ثْڭلْذِيثْ نّسْ ؤُ غَارْ ؤُعُودْجِي نّسْ.
1TH 2:13 س ؤُينِّي نتّْقَاذَا أَربِّي بْڒَا قطُّو، ؤُمِي كنِّيوْ ثْقبْڒمْ أَوَاڒْ ن أَربِّي إِ ثطّْفمْ زَّايْنغْ، وَارْ إِدْجِي أَمْ يِيجّْ ن وَاوَاڒْ ن إِوْذَانْ، مَاشَا أَمْ وَاوَاڒْ ن أَربِّي، ؤُشَا ذ مَانْ أَيَا إِ يدْجَا ذ ثِيذتّْ، ؤُ [أَوَاڒْ-أَ] إِخدّمْ ذَايْومْ س ڒخْذَايمْ ن يِينِّي يُومْننْ.
1TH 2:14 مِينْزِي كنِّيوْ، [أَ] أَيْثْمَا، ثْذوْڒمْ ذ إِمضْفَارنْ ن ثْمسْمُونِينْ ن أَربِّي إِ إِدْجَانْ ذِي يَاهُوذِييَّا ذِي يَاسُوع لْمَاسِيحْ، مِينْزِي كنِّيوْ ثكْسِيمْ عَاوذْ أَرّْمحْ زڭْ أَيْثْ ن ڒْڭنْسْ نْومْ، أَمْ مَامّشْ كْسِينْ ؤُڒَا ذ نِيثْنِي [أَرّْمحْ] زڭْ وُوذَاينْ،
1TH 2:15 إِنِّي إِنْغِينْ سِيذِيثْنغْ يَاسُوع لْمَاسِيحْ ؤُڒَا ذ إِنَابِييّنْ إِ زَّايْسنْ [د-فّْغنْ]، ؤُشَا [عَاوذْ] ذَارّْشنْ خَانغْ. أَقَا أَثنْ وَارْ أَرطِّينْ شَا إِ أَربِّي، [مَاشَا] ذوْڒنْ ضِيدّْ ن إِوْذَانْ مَارَّا.
1TH 2:16 مَاغَارْ منْعنْ أَنغْ، مَاحنْذْ أَذْ نسِّيوڒْ غَارْ ڒڭْنُوسْ، حِيمَا [ڒڭْنُوسْ] أَذْ طّْفنْ ثُوذَارْثْ. أَمُّو إِ تّْعمَّارنْ نِيثْنِي [ڒْْمِيزَانْ ن] دّْنُوبْ نْسنْ ڒبْذَا، مَاشَا إِوْضَا-د خَاسنْ وغْضَابْ أَڒْ أَنڭَّارْ.
1TH 2:17 [أَ كنِّيوْ] أَيْثْمَاثْنغْ، غَارْ ذْرُوسْ ن ڒْوقْثْ نذْوڒْ نشِّينْ ذ إِيُوجِيڒنْ نْومْ زِي جِّيهثْ ن ؤُغمْبُوبْ، مَاشَا وَارْ إِدْجِي زِي جِّيهثْ ن وُوڒْ. س ؤُيَا ثُوغَا نَارزُّو س مژْرِي ذ أَمقّْرَانْ أَذْ نْژَارْ أَغمْبُوبْ نْومْ.
1TH 2:18 ثُوغَا نخْسْ أَذْ غَارْومْ د-نَاسْ، نشّْ بُولُوسْ إِشْثْ ن ثْوَاڒَا ذ إِشْثْ ن ثْوَاڒَا نّغْنِي [عَاذْ]، مَاشَا شِّيطَانْ إِبدّْ أَيِي ذڭْ وبْرِيذْ.
1TH 2:19 مِينْزِي مَانْ ونْ إِ إِدْجَانْ ذ أَسِيثمْ نّغْ، ذ ڒفْرَاحثْ نّغْ نِيغْ ذ تَّاجْ ن ؤُعُودْجِي نّغْ زَّاثْ إِ سِيذِيثْنغْ يَاسُوع لْمَاسِيحْ خْمِي د غَا يَاسْ، إِلَّا كنِّيوْ وَاهَا؟
1TH 2:20 أَقَا كنِّيوْ ذ أَعُودْجِي نّغْ ذ ڒفْرَاحثْ نّغْ.
1TH 3:1 ؤُمِي وَارْ نْزمَّارْ أَذْ ث نصْبَارْ كْثَارْ، ثُوغَا إِتّْغِيڒْ أَنغْ مْلِيحْ مَاحنْذْ أَذْ نقِّيمْ ذِي أَثِينَا وحّذْنغْ،
1TH 3:2 ؤُشَا نسّكّْ أَومْ-د ؤُمَاثْنغْ ثِيمُوثِييُو. نتَّا ذ أَمْسخَّارْ ن أَربِّي ذ أَمْعَاونْ نّغْ ذِي [ثْبَارّحْثْ ن] ڒخْبَارْ أَصبْحَانْ ن لْمَاسِيحْ، أَڒَامِي إِزمَّارْ أَذْ كنِّيوْ إِسّجْهذْ ؤُ أَذْ إِقدْجبْ لْ-إِيمَانْ نْومْ،
1TH 3:3 حِيمَا ؤُڒَا ذ إِجّْ زَّايْومْ وَارْ إِقطّعْ ڒَايَاسْ زِي سِّيبّثْ ن ڒمْحَايمْ-أَ. أَقَا كنِّيوْ ثسّْنمْ سِيمَانْثْ نْومْ، بلِّي نتّْوَاڭّْ إِ مَانْ أَيَا.
1TH 3:4 مَاغَارْ ڒَامِي ذ أَنغْ ثُوغَا أَكِيذْومْ، نِيزَّارْ ننَّا، بلِّي أَذْ خَانغْ ثكّْ ڒحْصَارثْ، ؤُشَا أَمُّو إِ إِمْسَارْ أَمْ مَامّشْ ثسّْنمْ كنِّيوْ.
1TH 3:5 س ؤُينِّي، ؤُمِي وَارْ زمَّارغْ أَذْ صْبَارغْ كْثَارْ، أَقَا سّكّغْ ث-إِ-د حِيمَا أَذْ سّْنغْ خْ لْ-إِيمَانْ نْومْ، مَا أَذْ ثَاغْ ونِّي إِتّْجَارَّابنْ أَقَا إِجَارّبْ كنِّيوْ ؤُشَا أَذْ إِفّغْ أَرْبرْ نّغْ ذ وَالُو.
1TH 3:6 مَاشَا ڒخُّو إِذْوڒْ-د غَارْنغْ زَّايْومْ ثِيمُوثِييُو ؤُشَا إِسِّيوضْ أَنغْ-د ڒخْبَارْ أَصبْحَانْ ن لْ-إِيمَانْ نْومْ ذ ثَايْرِي نْومْ، أَقَا كنِّيوْ ڒبْذَا ثتِّيذَارمْ أَنغْ س ڒْخَارْ زِي مَارَّا إِغزْذِيسنْ ؤُ ذَايْومْ مژْرِي مَاحنْذْ أَذْ أَنغْ ثْژَارمْ، أَمْ ؤُڒَا ذ نشِّينْ [ذَايْنغْ مژْرِي أَذْ كنِّيوْ نْژَارْ].
1TH 3:7 س ؤُينِّي نتّْوَافوّجْ زَّايْومْ، [أَ كنِّيوْ] أَوْمَاثنْ نّغْ، ذِي مَارَّا ثَامَارَا نّغْ ذ ڒمْحَايمْ نّغْ، زِي سِّيبّثْ ن لْ-إِيمَانْ نْومْ،
1TH 3:8 ؤُشَا ڒخُّو نتّْوَانْعشّْ، مَاڒَا كنِّيوْ ثتّْغِيمَامْ ثتّْبدَّامْ [نِيشَانْ] ذِي سِيذِيثْنغْ.
1TH 3:9 مَامّشْ إِ غَا نڭّْ أَذْ نْقَاذَا أَربِّي زِي سِّيبّثْ نْومْ خْ مَارَّا ڒفْرَاحثْ إِ زِي نْفَارّحْ زَّايْومْ،
1TH 3:10 مْغِيرْ ؤُمِي نتّتَّارْ دْجِيڒثْ ذ وَاسّْ س وَاطَّاسْ زَّاثْ إِ وُوذمْ ن أَربِّي، حِيمَا أَذْ كنِّيوْ نْژَارْ س ؤُغمْبُوبْ ؤُشَا أَذْ نْكمّڒْ مِينْ إِتّْخصَّانْ عَاذْ إِ لْ-إِيمَانْ نْومْ.
1TH 3:11 مَاشَا أَربِّي، بَابَاثْنغْ، ذ سِيذِيثْنغْ يَاسُوع لْمَاسِيحْ، أَذْ إِسڭّمْ أَبْرِيذْ نّغْ غَارْومْ.
1TH 3:12 نتَّا أَذْ يَارْنِي ذِي ثَايْرِي نْومْ ن إِجّنْ إِ ونّغْنِي ؤُ [ثَايْرِي نْومْ] إِ مَارَّا، أَمْ مَامّشْ نتّخْسْ نشِّينْ ؤُڒَا إِ كنِّيوْ،
1TH 3:13 ؤُشَا نتَّا أَذْ إِسّْمحّذْ ؤُڒَاونْ نْومْ، حِيمَا أَذْ ثِيڒِيمْ بْڒَا ڒْعِيبْ ذِي ثْقدَّاسْثْ قِيبَاتْشْ إِ أَربِّي بَابَاثْنغْ، خْ مِينِّي د غَا يَاسْ سِيذِيثْنغْ يَاسُوع لْمَاسِيحْ أَكْ-ذ مَارَّا إِمْقدَّاسنْ نّسْ.
1TH 4:1 س ؤُينِّي، [أَ] أَيْثْمَا، أَقَا نتّْزَاوڭْ كنِّيوْ ؤُ نتّْژَادْجْ إِ كنِّيوْ ذِي سِيذِيثْنغْ يَاسُوع، حِيمَا، أَمْ زَّايْنغْ ثْڒمْذمْ مَامّشْ إِتّْخصَّا أَذْ ثُويُورمْ ؤُ أَذْ ثَارْضَامْ إِ أَربِّي، أَذْ ثيْمَامْ ذِي مَانْ أَيَا كْثَارْ،
1TH 4:2 مِينْزِي كنِّيوْ ثسّْنمْ ثِيوصَّا نِّي ذ أَومْ نوْشَا س سِيذِيثْنغْ يَاسُوع.
1TH 4:3 أَقَا ذ مَانْ أَيَا مِينْ إِخْسْ أَربِّي، أَقَا أَذْ ثيْمَامْ ذِي ثْقدَّاسْثْ، أَذْ ثْحيّْذمْ خْ مَارَّا فَارْقْ-شّْغڒْ،
1TH 4:4 ؤُ مَاحنْذْ كُوڒْ إِجّنْ زَّايْومْ أَذْ إِسّنْ مَامّشْ إِتّْخصَّا أَذْ يَاوِي ثَامْغَارْثْ نّسْ س ثْقدَّاسْثْ ذ شَّانْ،
1TH 4:5 وَارْ إِدْجِي ذِي شّهْوَاثْ ن نّشْوثْ، أَمْ ڒڭْنُوسْ نِّي وَارْ إِسِّيننْ شَا أَربِّي.
1TH 4:6 أجّْ ؤُڒَا ذ إِجّْ زَّايْومْ أَذْ إِزْعمْ أَذْ إِسّهْڒشْ ؤُمَاسْ نِيغْ أَذْ ث إِغشّْ ذِي ثْمسْڒَاشْثْ-أَ، مِينْزِي سِيذِيثْنغْ أَذْ إِنقّمْ ذِي مَانْ أَيَا مَارَّا، أَمْ مَامّشْ نِيزَّارْ ننَّا ؤُ نشْهذْ أَومْ.
1TH 4:7 مِينْزِي أَربِّي وَارْ خَانغْ د-إِڒَاغَا إِ ڒخْمجْ، مَاشَا إِ ثْقدَّاسْثْ.
1TH 4:8 س ؤُينِّي ونِّي إِ غَا إِسّْذدْجنْ، وَارْ إِسّْذدْجِي شَا بْنَاذمْ، مَاشَا أَربِّي، ونِّي إِوْشِينْ أَرُّوحْ نّسْ إِقدّْسنْ ذَايْومْ.
1TH 4:9 نْهْڒَا مَا نُورَا أَومْ-د خْ ثَايْرِي ثنِّي جَارْ وَاوْمَاثنْ، أَقَا كنِّيوْ س يِيخفْ نْومْ تّْوَاسّْڒمْذمْ زِي أَربِّي حِيمَا أَذْ ثخْسمْ أَيَاوْيَا.
1TH 4:10 مَاغَارْ أَمُّو إِ ثتّڭّمْ أَكْ-ذ مَارَّا أَوْمَاثنْ ذِي مَاكِيذُونِييَا ثْمُونْ. مَاشَا تَّارغْ زَّايْومْ، [أَ] أَيْثْمَا، حِيمَا أَذْ ثْفيّْضمْ [ذِي مَانْ أَيَا].
1TH 4:11 أَرْزُومْ أَذْ ثدَّارمْ ذِي ڒْهُوذْنثْ، أَذْ ثوْشمْ ثَايْنِيثْ إِ مِينْ إِدْجَانْ نْومْ، أَذْ ثْخذْممْ س إِفَاسّنْ نْومْ، أَمْ مَامّشْ كنِّيوْ نُومُورْ،
1TH 4:12 حِيمَا أَذْ ثُويُورمْ س ؤُوقَّارْ أَكْ-ذ ينِّي إِدْجَانْ ذِي بَارَّا، ؤُشَا وَارْ ثهْذَاجمْ ؤُڒَا ذ إِشْثْ ن ڒْحَاجّثْ زِي شَا ن إِجّنْ.
1TH 4:13 [أَ] أَيْثْمَا، أَقَا خْسغْ أَذْ ثسّْنمْ بلِّي وَارْ إِتّْخصِّي أَذْ ثكْسِيمْ س ومْنُوسْ خْ ينِّي إِذوْڒنْ طّْصنْ، أَمْ ث تّڭّنْ إِوْذَانْ إِنّغْنِي إِنِّي ؤُمِي إِقْضعْ ڒَايَاسْ.
1TH 4:14 مِينْزِي مَاڒَا نُومنْ بلِّي يَاسُوع ثُوغَا إِمُّوثْ ؤُشَا إِكَّارْ-د، [خنِّي] أَذْ كِيذسْ يِيوِي أَربِّي عَاوذْ إِنِّي إِذوْڒنْ طّْصنْ أَمُّو [ذڭْ ونْضڒْ] ذِي يَاسُوع.
1TH 4:15 مَاشَا أَذْ أَومْ نِينِي أَيَا س وَاوَاڒْ ن سِيذِيثْنغْ، أَقَا نشِّينْ، إِنِّي إِ غَا إِقِّيمنْ أَڒْ د غَا يَاسْ سِيذِيثْنغْ، إِنِّي [عَاذْ] إِدَّارنْ، وَارْ نتِّيزَّارْ إِ يِينِّي إِذوْڒنْ أَذْ طّْصنْ [ذڭْ ونْضڒْ].
1TH 4:16 مِينْزِي سِيذِيثْنغْ س إِخفْ نّسْ أَذْ د-إِهْوَا زڭْ ؤُجنَّا، خْمِي د غَا إِفّغْ ڒُومُورْ ذ ثْمِيجَّا ن ؤُزدْجِيفْ ن لْمَالَاكَاثْ، ؤُ خْمِي إِ غَا ثِيڒِي [ثْمِيجَّا ن ؤُسُوضِي س] ؤُيِيشّْ ن أَربِّي، ؤُشَا إِمتَّانْ إِنِّي إِدْجَانْ ذِي لْمَاسِيحْ أَذْ د-كَّارنْ ذ إِمزْوُورَا.
1TH 4:17 خَاسْ ؤُشَا نشِّينْ، إِنِّي إِقِّيمنْ ؤُ [عَاذْ] دَّارنْ، أَذْ كِيذْسنْ نتّْوَاكّسْ ذڭْ إِسيْنُوثنْ غَارْ ؤُمڒْقِي أَكْ-ذ سِيذِيثْنغْ ذڭْ ؤُجنَّا ؤُشَا أَمُّو إِ غَا نِيڒِي ڒبْذَا أَكْ-ذ سِيذِيثْنغْ.
1TH 4:18 س ؤُيَا ڭّمْ ؤُڒْ ذڭْ وَايَاوْيَا س وَاوَاڒنْ-أَ.
1TH 5:1 مَاشَا زِي جِّيهثْ ن زّْمَانَاثْ ذ ثْسَاعّثِينْ، [أَ] أَيْثْمَا، أَقَا نْهْڒَا مَا أَذْ أَومْ د-أَرِيغْ.
1TH 5:2 كنِّيوْ سِيمَانْثْ نْومْ ثسّْنمْ نِيشَانْ أَقَا أَسّْ ن سِيذِيثْنغْ أَذْ د-يَاسْ أَمْ ؤُشفَّارْ ذِي دْجِيڒثْ.
1TH 5:3 خْمِي غَا إِنِينْ نِيثْنِي: ’أَقَا ڒهْنَا ذ ڒْهُوذْنثْ!‘، ڒخْذنِّي أَذْ خَاسنْ إِكّْ وَاريّبْ ذغْيَا، أَمْ تّكّنْ ڒوْجعْ [ن ثَارُوثْ] خْ ثمْغَارْثْ ثنِّي س دّيْسثْ، ؤُشَا وَارْ ذِينْ مَانِي غَا يَاروْڒنْ.
1TH 5:4 مَاشَا كنِّيوْ، [أَ] أَيْثْمَا، وَارْ ثدْجِيمْ شَا ذِي ثَادْجسْثْ مَاحنْذْ أَذْ خَاومْ-د إِوْضَا وَاسّْ نِّي أَمْ ؤُشفَّارْ،
1TH 5:5 [مَاغَارْ] كنِّيوْ مَارَّا ذ ثَارْوَا ن ثْفَاوْثْ ذ ثَارْوَا ن وَاسّْ، وَارْ ثدْجِيمْ شَا ن دْجِيڒثْ نِيغْ ن ثَادْجسْثْ.
1TH 5:6 س ؤُينِّي إِتّْخصَّا أَنغْ وَارْ نتّطّصْ أَمْ ونّغْنِي، مَاشَا أَذْ نِيڒِي نْفَاقْ، نحْضَا،
1TH 5:7 مِينْزِي إِنِّي إِتّطّْصنْ، أَقَا تّطّْصنْ ذِي دْجِيڒثْ، ؤُ إِنِّي إِتّْغلَّانْ، أَقَا تّْغلَّانْ س دْجِيڒثْ،
1TH 5:8 مَاشَا أجّْ أَنغْ، نشِّينْ إِ يدْجَانْ ذ إِحنْجِيرنْ ن وَاسّْ، أَذْ نِيڒِي نحْضَا ذڭْ إِخَارِيصّنْ نّغْ، أَذْ نْحزّمْ إِذْمَارنْ نّغْ س وَارُّوضْ ن وُوزَّاڒْ ن لْ-إِيمَانْ ذ ثَايْرِي، ؤُ أَذْ نسَّارْسْ لْكَاسْكْ ن ؤُسِيثمْ ن ثُوذَارْثْ [خْ ؤُزدْجِيفْ].
1TH 5:9 مِينْزِي أَربِّي وَارْ ذ أَنغْ يڭِّي إِ وغْضَابْ، مَاشَا حِيمَا أَذْ نطّفْ ثُوذَارْثْ ذِي سِيذِيثْنغْ يَاسُوع لْمَاسِيحْ،
1TH 5:10 ونِّي خَانغْ إِمُّوثنْ، حِيمَا نشِّينْ، مَا نْفَاقْ نِيغْ نطّصْ، أَذْ كِيذسْ ندَّارْ.
1TH 5:11 س ؤُينِّي ڭّمْ ؤُڒْ ذڭْ وَايَاوْيَا، بْنَامْ إِجّنْ ونّغْنِي أَمْ ث ثڭِّيمْ عَاوذْ.
1TH 5:12 مَاشَا نتَّارْ زَّايْومْ، [أَ] أَيْثْمَا، أَذْ ثسّْنمْ إِنِّي إِتّڭّنْ ثِيزمَّارْ أَطَّاسْ جَارْ أَومْ ذ إِنِّي خَاومْ إِدْجَانْ ذِي سِيذِيثْنغْ ذ إِنِّي كنِّيوْ إِسّڒْمَاذنْ،
1TH 5:13 مَاحنْذْ أَذْ تّْوقَّارنْ زَّايْومْ ؤُمِي ذ أَسنْ ثتّمّْڒمْ ثَايْرِي س ؤُفيّضْ ؤُشَا أَذْ ثحْضَامْ ڒهْنَا أَكِيذْسنْ زِي سِّيبّثْ ن ڒْخذْمثْ نْسنْ.
1TH 5:14 نعْڒمْ أَومْ، [أَ] أَيْثْمَا، أَذْ ثْسڭّْممْ إِنِّي د-إِفّْغنْ زڭْ وبْرِيذْ، ڭّمْ ؤُڒْ ذڭْ إِنِّي وَارْ غَارْسنْ ثدْجِي ثرْيَاسْثْ، أَرْبُومْ دّْقڒْ ن يِينِّي إِضعْفنْ، إِڒِيمْ ذ إِصبَّارنْ أَكْ-ذ مَارَّا.
1TH 5:15 حْضَامْ مَاحنْذْ ؤُڒَا ذ إِجّْ وَارْ إِتّنْثِيقِيمْ ڒْغَارْ س ڒْغَارْ، مَاشَا أَرْزُومْ ڒبْذَا مِينْ إِصبْحنْ أَكْ-ذ وَايَاوْيَا ؤُشَا إِ كُوڒْشِي.
1TH 5:16 فَارْحمْ ڒبْذَا،
1TH 5:17 ژَّادْجمْ بْڒَا قطُّو،
1TH 5:18 قَاذمْ ذِي مَارَّا ثِيمسْڒَايِينْ، مِينْزِي ذ مَانْ أَيَا مِينْ إِخْسْ أَربِّي ذِي يَاسُوع لْمَاسِيحْ إِ كنِّيوْ.
1TH 5:19 وَارْ سّْخسّْيمْ شَا أَرُّوحْ،
1TH 5:20 وَارْ سّحْقَارَامْ أَوَاڒنْ ن نُّوبُووَاثْ،
1TH 5:21 وزْنمْ قَاعْ مِينْ إِدْجَانْ ؤُشَا طّْفمْ غَارْ مِينْ إِصبْحنْ.
1TH 5:22 أَڭّْوجمْ خْ مَارَّا مِينْ إِدْجَانْ دَّابْ ن ثُوعفّْنَا.
1TH 5:23 إِڒِي أَذْ كنِّيوْ إِسّْقدّسْ أَربِّي ن ڒهْنَا مَارَّا ؤُشَا أَذْ إِحْضَا مَارَّا أَرُّوحْ ذ ڒعْمَارْ ذ أَرِّيمثْ نْومْ بْڒَا ڒْعِيبْ أَڒْ ثَاوَاسِيثْ ن سِيذِيثْنغْ يَاسُوع لْمَاسِيحْ.
1TH 5:24 أَقَا ذ ونِّي خَاومْ د-إِتّْڒَاغَانْ ذ أَمْثِيقِّي، أَقَا نتَّا أَذْ ث إِڭّْ.
1TH 5:25 [أَ] أَيْثْمَا، كْسِيمْ أَنغْ ڒْمعْرُوفْ عَاوذْ.
1TH 5:26 سدْجْممْ خْ وَاوْمَاثنْ نّغْ س ؤُسُوذمْ إِقدّْسنْ.
1TH 5:27 نشّْ سّْجُودْجغْ كنِّيوْ ذڭْ وُوذمْ ن سِيذِيثْنغْ مَاحنْذْ أَذْ ثْغَارمْ ثَابْرَاثْ-أَ إِ مَارَّا أَوْمَاثنْ إِمْقدَّاسنْ.
1TH 5:28 أَرْضَا ن سِيذِيثْنغْ يَاسُوع لْمَاسِيحْ أَذْ كِيومْ يِيڒِي.
2TH 1:1 بُولُوسْ ذ سِيلْوَانُوسْ ذ ثِيمُوثِييُو، إِ ثْمسْمُونْثْ ن إِثِيسَّالُونِيكِييّنْ، ثنِّي إِدْجَانْ ذِي أَربِّي، بَابَاثْنغْ، ؤُ ذِي سِيذِيثْنغْ يَاسُوع لْمَاسِيحْ.
2TH 1:2 أَرْضَا ذ ڒهْنَا زِي أَربِّي، بَابَاثْنغْ، ؤُ زِي سِيذِيثْنغْ يَاسُوع لْمَاسِيحْ أَذْ كِيومْ إِڒِينْ.
2TH 1:3 إِشُووَّارْ أَذْ نْقَاذَا أَربِّي إِ كنِّيوْ ڒبْذَا، [أَ] أَيْثْمَا، أَمْ مَامّشْ إِتّْڒِيقْ، مِينْزِي لْ-إِيمَانْ نْومْ إِمقَّارْ أَطَّاسْ، أَمْ مَامّشْ ؤُڒَا ذ ثَايْرِي ن كُوڒْ إِجّنْ زَّايْومْ مَارَّا إِ ونِّي ذ أَسْ يُوذْسنْ ثَارنِّي ثْمقَّارْ كْثَارْ،
2TH 1:4 أَڒْ نتّْفيّشْ خَاومْ ذِي ثْمسْمُونِينْ ن أَربِّي خْ سِّيبّثْ ن لْ-إِيمَانْ نْومْ ذ صّْبَارْ نْومْ ذِي مَارَّا أَذَارّشْ نْومْ ذ ڒمْحَايمْ نْومْ نِّي ثكْسِيمْ.
2TH 1:5 مَانْ أَيَا ذ لْبُورْهَانْ ن ڒْحُوكْمْ إِسّڭّْذنْ ن أَربِّي، أَقَا ثتّْوَاحَاسْبمْ ثسْذَاهدْجمْ ثَاڭلْذِيثْ، ثنِّي خفْ ثكْسِيمْ أَمَارّثْ.
2TH 1:6 ؤُ مَاڒَا خنِّي ذ ڒْحقّْ زَّاثْ إِ أَربِّي ؤُمِي غَا إِخدْجصْ س ڒْمحْنثْ إِ يِينِّي كنِّيوْ إِحصَّارنْ،
2TH 1:7 [خنِّي] نتَّا أَذْ كِيذْنغْ إِسّدَّارْ ؤُڒَا ذ كنِّيوْ إِنِّي إِتّْوَاحْصَارنْ، [وَاهْ أَذْ أَنغْ إِسّدَّارْ أَكِيذْومْ] غَارْ ؤُسَارْڭبْ ن سِيذِيثْنغْ يَاسُوع لْمَاسِيحْ زڭْ ؤُجنَّا أَكْ-ذ ڒْعسْكَارَاثْ ن لْمَالَاكَاثْ نّسْ،
2TH 1:8 خْ مِينِّي إِ غَا إِنْثَاقمْ ذِي ثْمسِّي إِتّحْذُوذُوقنْ خْ يِينِّي وَارْ إِسِّيننْ شَا أَربِّي ؤُ خْ يِينِّي وَارْ خْسنْ أَذْ شهْذنْ س ڒخْبَارْ أَصبْحَانْ ن سِيذِيثْنغْ يَاسُوع لْمَاسِيحْ.
2TH 1:9 مِينْزِي إِنَا أَذْ تّْوَاعَاقْبنْ ذِي ڒْحُوكْمْ س ؤُهلّكْ إِ ڒبْذَا أَمْ يَاڭّْوجنْ خْ وُوذمْ ن سِيذِيثْنغْ ؤُ خْ ؤُعُودْجِي ن جّهْذْ نّسْ،
2TH 1:10 خْمِي د غَا يَاسْ نتَّا حِيمَا أَذْ إِتّْوَاعُودْجِي ذڭْ وَاسّْ نِّي ذِي مَارَّا إِمْقدَّاسنْ نّسْ، ؤُ حِيمَا أَذْ إِسّْشنْ ڒعْجَايبْ نّسْ س يِينِّي ذَايسْ يُومْننْ، مِينْزِي ثُومْنمْ زِي شّْهَاذثْ نّغْ إِ كنِّيوْ ذڭْ وَاسّْ نِّي.
2TH 1:11 س ؤُينِّي نْكسِّي أَومْ ڒْمعْرُوفْ ڒبْذَا، حِيمَا أَربِّي نّغْ أَذْ كنِّيوْ يڭّْ أَذْ ثسْذَاهدْجمْ ثَاڒَاغِيثْ نْومْ، ؤُ [حِيمَا] أَذْ كنِّيوْ إِشُّورْ س جّهْذْ مَاحنْذْ أَذْ ثِيڒِيمْ ثْوجْذمْ قَاعْ إِ [ثْمڭَّا ن] ثْشُونِي ؤُ إِ ڒخْذَايمْ ن لْ-إِيمَانْ،
2TH 1:12 حِيمَا أَذْ ذَايْومْ إِتّْوَاعُودْجِي إِسمْ ن سِيذِيثْنغْ يَاسُوع، ؤُشَا ؤُڒَا ذ كنِّيوْ ذَايسْ، عْلَاحْسَابْ أَرْضَا ن أَربِّي نّغْ ذ سِيذِيثْنغْ يَاسُوع لْمَاسِيحْ.
2TH 2:1 أَقَا نتّْزَاوڭْ كنِّيوْ، [أَ] أَيْثْمَا، زِي جِّيهثْ ن ثْوَاسِيثْ ن سِيذِيثْنغْ يَاسُوع لْمَاسِيحْ ذ وسْمُونِي نّغْ غَارسْ،
2TH 2:2 أَقَا وَارْ ثتّْنخْڒِيعمْ نِيغْ ثسْحِيسّْفمْ شَا ذغْيَا، وَارْ إِدْجِي س إِجّْ ن وَاوَاڒْ نِيغْ س شَا ن أَرُّوحْ نِيغْ س إِشْثْ ن ثبْرَاثْ أَخْمِي زَّايْنغْ، [إِ إِقَّارنْ]: ”خْزَارْ، أَسّْ ن سِيذِيثْنغْ يُوسَا-د!“
2TH 2:3 وَارْ تّجِّي ؤُڒَا ذ إِجّْ أَذْ كنِّيوْ إِغْوَا س شَا ن وبْرِيذْ، مِينْزِي [أَسّْ] نِّي وَارْ د-إِتِّيسْ قْبڒْ  إِ د غَا يَاسْ ؤُغوّغْ ؤُشَا أَذْ د-إِبَانْ بْنَاذمْ ن دّْنُوبْ، أَقَا-ث ذ مِّيسْ ن ثهْلِيكثْ.
2TH 2:4 نتَّا إِتّمْعَاڒَا ؤُ إِسّْعُودْجْ إِخفْ نّسْ خْ مَارَّا مِينْ إِتّْوَاسمَّانْ ’أَربِّي‘ نِيغْ ’أَعْبَاذْ‘، أَڒْ غَا إِقِّيمْ ذِي زَّاوشْثْ ثَامقّْرَانْثْ ن أَربِّي أَمشْنَاوْ نتَّا ذ أَربِّي إِ يدْجَا، ؤُشَا أَذْ إِسّْشنْ إِ يِيخفْ نّسْ، أَقَا نتَّا أَخْمِي أَربِّي.
2TH 2:5 مَا وَارْ ثعْقِيڒمْ شَا ؤُمِي ثُوغَا أَيِي كِيومْ، أَقَا نِّيغْ أَومْ-ث؟
2TH 2:6 مَاشَا ڒخُّو ثِيوْضمْ ثسّْنمْ مِينْ ذ أَسْ إِبدّنْ عَاذْ ذڭْ وبْرِيذْ، حِيمَا أَذْ د-إِبَانْ ذِي ڒْوقْثْ نّسْ.
2TH 2:7 سِّيرّْ ن ڒْمُوعْصِييّثْ أَقَا إِخدّمْ [ڒخُّو]. مَاشَا مَاڒَا إِمّكْسِي زِي ڒْوسْطْ مِينْ ذ أَسْ إِسّْبدّنْ عَاذْ ذڭْ وبْرِيذْ ڒخُّو،
2TH 2:8 أَذْ د-إِضْهَارْ بَابْ ن ڒْمُوعْصِييّثْ، ونِّي غَا إِسّْهلّكْ سِيذِيثْنغْ يَاسُوع س ثْوَارِّيثْ ن نّفْسْ زڭْ ؤُقمُّومْ نّسْ، أَذْ ث إِسّبْضڒْ خْمِي د غَا ثْبَانْ ثْوَاسِيثْ نّسْ.
2TH 2:9 مَاغَارْ ثَاوَاسِيثْ ن [بَابْ نِّي ن ڒْمُوعْصِييّثْ] أَذْ ثْرَاحْ [جْمِيعْ] أَكْ-ذ ڒْخذْمثْ ن شِّيطَانْ س مَارَّا جّهْذْ ذ ڒعْڒَامَاثْ ذ لْمُوعْجِيزَاثْ إِسّْخَارِّيقنْ،
2TH 2:10 ؤُ س مَارَّا ڒْغشّْ ن ڒْمُوعْصِييّثْ ذڭْ يِينِّي إِ غَا إِهلّْكنْ، مِينْزِي نِيثْنِي وَارْ قْبِيڒنْ شَا ثَايْرِي ن ثِيذتّْ حِيمَا أَذْ زَّايسْ أَفنْ ثُوذَارْثْ.
2TH 2:11 س ؤُينِّي أَربِّي أَذْ غَارْسنْ د-إِسّكّْ مِينْ ثنْ غَا يَارّْ س جّهْذْ غَارْ ؤُودَّارْ، أَڒْ غَا يَامْننْ ذڭْ ؤُخَارِّيقْ.
2TH 2:12 مَارَّا إِنِّي وَارْ يُومِيننْ شَا ذِي ثِيذتّْ، مَاشَا إِخْسنْ ڒْمُوعْصِييّثْ كْثَارْ، أَذْ تّْوَاحَاكْمنْ.
2TH 2:13 مَاشَا إِشُووَّارْ أَنغْ أَذْ نْقَاذَا أَربِّي ڒبْذَا خَاومْ، [أَ] أَوْمَاثنْ نّغْ، إِنِّي خفْ إِعِيزّْ سِيذِيثْنغْ، أَقَا أَربِّي إِخْضَارْ إِ كنِّيوْ زڭْ ؤُمزْوَارُو إِ ثُوذَارْثْ، س ثْقدَّاسْثْ زِي أَرُّوحْ ؤُ س لْ-إِيمَانْ ن ثِيذتّْ.
2TH 2:14 أَقَا إِڒَاغَا-د خَاومْ إِ مَانْ أَيَا س ؤُبَارّحْ نّغْ س ڒخْبَارْ أَصبْحَانْ، حِيمَا أَذْ ثِيڒِيمْ إِ ؤُعُودْجِي ن سِيذِيثْنغْ يَاسُوع لْمَاسِيحْ.
2TH 2:15 س ؤُينِّي، [أَ] أَيْثْمَا، بدّمْ نِيشَانْ ؤُشَا طّْفمْ ذِي ثْوصَّا إِ ذ أَومْ إِتّْوَاسّْڒمْذنْ زَّايْنغْ، مَا س وَاوَاڒْ نِيغْ س ثبْرَاثْ نّغْ.
2TH 2:16 مَاشَا نتَّا، سِيذِيثْنغْ يَاسُوع لْمَاسِيحْ، ؤُ أَربِّي، بَابَاثْنغْ، ونِّي ذ أَنغْ إِخْسنْ ذ ونِّي ذ أَنغْ إِوْشنْ أَفوّجْ إِتّْذُومَانْ ذ ؤُسِيثمْ إِشْنَانْ س أَرْضَا نّسْ،
2TH 2:17 أَذْ إِسّْفوّجْ ؤُڒَاونْ نْومْ ؤُشَا أَذْ كنِّيوْ إِسّجْهذْ ذِي مَارَّا أَوَاڒْ ؤُ ذِي مَارَّا ڒْخذْمثْ ثَاصبْحَانْثْ.
2TH 3:1 [أَ كنِّيوْ،] أَوْمَاثنْ نّغْ، زِي سَّا ذ ثْسَاونْثْ كْسِيمْ أَنغْ ڒْمعْرُوفْ حِيمَا أَوَاڒْ ن سِيذِيثْنغْ أَذْ د-إِفّغْ ذغْيَا ؤُ أَذْ إِتّْوَاسّْعُودْجْ، أَمْ مَامّشْ ثُوغَا إِمْسَارْ جَارْ أَومْ عَاوذْ،
2TH 3:2 حِيمَا أَذْ نتّْوَافكّْ زڭْ إِوْذَانْ وَارْ إِحْڒِينْ، إِعفَّاننْ، مِينْزِي لْ-إِيمَانْ وَارْ إِدْجِي غَارْ مَارَّا.
2TH 3:3 مَاشَا سِيذِي ذ أَمْثِيقِّي. نتَّا أَذْ خَاومْ إِحْضَا ؤُشَا أَذْ كنِّيوْ إِفكّْ زڭْ ؤُمْعفَّانْ.
2TH 3:4 مَاشَا نشِّينْ نتِّيقّْ ذَايْومْ ذِي سِيذِيثْنغْ، بلِّي مِينْ خفْ نْوصَّا كنِّيوْ، أَقَا ثتّڭّمْ ث ؤُشَا أَذْ ثقِّيممْ ثتّڭّمْ ث.
2TH 3:5 أَذْ إِنْذهْ سِيذِيثْنغْ ؤُڒَاونْ نْومْ غَارْ ثَايْرِي ن أَربِّي ؤُ غَارْ ؤُبَارّحْ س ڒخْبَارْ أَصبْحَانْ ن لْمَاسِيحْ.
2TH 3:6 نْوصَّا كنِّيوْ، [أَ] أَيْثْمَا، ذڭْ يِيسمْ ن سِيذِيثْنغْ يَاسُوع لْمَاسِيحْ، أَذْ ثْحيّْذمْ إِ كُوڒْ ؤُمَا إِ إِڭُّورنْ ذِي مِينْ وَارْ إِحْڒِينْ، وَارْ إِدْجِي عْلَاحْسَابْ ثِيوصَّا إِ زَّايْنغْ إِكْسِي.
2TH 3:7 أَقَا كنِّيوْ ثسّْنمْ مَامّشْ إِشُووَّارْ أَذْ أَنغْ ثضْفَارمْ، مِينْزِي نشِّينْ وَارْ نُويُورْ جَارْ أَومْ ذِي مِينْ وَارْ إِحْڒِينْ.
2TH 3:8 وَارْ نشِّي أَغْرُومْ أَكْ-ذ حذْ بَاطڒْ، مَاشَا س ڒْخذْمثْ ذ ثَامَارَا ثُوغَا أَنغْ نْخدّمْ دْجِيڒثْ ذ وَاسّْ، حِيمَا وَارْ د-نتِّيسْ نذْقڒْ خْ شَا ن إِجّنْ زَّايْومْ.
2TH 3:9 وَارْ إِدْجِي مِينْزِي وَارْ غَارْنغْ تّسْرِيحْ إِ مَانْ أَيَا، مَاشَا حِيمَا أَذْ نڭّْ إِخفْ نّغْ ذ لْمِيثَالْ إِ غَا ثضْفَارمْ.
2TH 3:10 مِينْزِي ڒَامِي ثُوغَا أَنغْ ندْجْ أَكِيذْومْ، أَقَا نْوصَّا أَمُّو: مَاڒَا حذْ وَارْ إِخْسْ أَذْ إِخْذمْ، وَارْ إِتّتّْ عَاوذْ.
2TH 3:11 مِينْزِي نسْڒَا أَقَا ذِينْ شَا جَارْ أَومْ إِنِّي إِڭُّورنْ ذِي مِينْ إِعفّْننْ، وَارْ خدّْمنْ قَاعْ، مَاشَا تّڭّنْ [مْغِيرْ] مِينْ وَارْ إِسكّْوِينْ.
2TH 3:12 أَقَا نُومُورْ ؤُ نْزِييَّارْ إِ-ثنْ ذِي سِيذِيثْنغْ يَاسُوع لْمَاسِيحْ حِيمَا أَذْ خذْمنْ ذِي ڒْهُوذْنثْ، أَذْ شّنْ أَغْرُومْ نْسنْ.
2TH 3:13 مَاشَا كنِّيوْ، [أَ] أَيْثْمَا، وَارْ تُّوحِيڒمْ شَا مَاحنْذْ أَذْ ثڭّمْ مِينْ إِشْنَانْ.
2TH 3:14 مَاشَا مَاڒَا شَا ن إِجّنْ وَارْ إِطَاعْ إِ وَاوَاڒنْ إِ يُورَانْ ذِي ثبْرَاثْ-أَ، بْضَامْ خَاسْ، وَارْ تّْخدْجَاضمْ شَا أَكِيذسْ، حِيمَا أَذْ إِذْوڒْ إِتّْسضْحَا،
2TH 3:15 مَاشَا وَارْ ث ثتّْحسّْبمْ ذ ڒعْذُو مَاشَا نذْهمْ ث غَارْ وبْرِيذْ أَمْ يِيجّْ ن ثَاوْمَاثْ.
2TH 3:16 مَاشَا سِيذِي ن ڒهْنَا أَذْ أَومْ إِوْشْ ڒهْنَا إِ ڒبْذَا خْ مَارَّا إِغزْذِيسنْ. سِيذِيثْنغْ أَذْ يِيڒِي أَكِيذْومْ مَارَّا.
2TH 3:17 إِجّْ ن ؤُسدْجمْ س ؤُفُوسْ إِنُو. نشّْ، بُولُوسْ، ؤُرِيغْ أَيَا. ثَا ذ ڒعْڒَامثْ ذِي مَارَّا ثِيبْرَاثِينْ إِنُو. أَمُّو إِ ذ ؤُرِيغْ.
2TH 3:18 أَرْضَا ن سِيذِيثْنغْ يَاسُوع لْمَاسِيحْ أَذْ أَكِيذْومْ يِيڒِي مَارَّا، [أَ أَوْمَاثنْ إِنُو]. أَمِينْ.
1TI 1:1 بُولُوسْ، رَّاسُولْ ن يَاسُوع لْمَاسِيحْ، عْلَاحْسَابْ ڒُومُورْ ن أَربِّي، ونِّي ذ أَنغْ إِتِّيشنْ ثُوذَارْثْ، ؤُ ن لْمَاسِيحْ يَاسُوع، ونِّي ذ أَسِيثمْ نّغْ.
1TI 1:2 إِ ثِيمُوثِييُو، مِّي ذ ثِيذتّْ ذِي لْ-إِيمَانْ: أَرْضَا ذ أَرّحْمثْ ذ ڒهْنَا [أَذْ أَشْ إِڒِينْ] زِي أَربِّي، بَابَاثْنغْ، ؤُ زِي لْمَاسِيحْ يَاسُوع، سِيذِيثْنغْ.
1TI 1:3 ڒَامِي رُوحغْ غَارْ مَاكِيذُونِييَا زَاوْڭغْ شكْ أَذْ ثقِّيمذْ ذِي أَفَاسُوسْ، حِيمَا أَذْ ثُومُورذْ إِ شَا ن يرْيَازنْ حِيمَا وَارْ سّڒْمِيذنْ شَا إِسڒْمَاذنْ نّغْنِي،
1TI 1:4 [ؤُ] حِيمَا وَارْ تِّيشنْ شَا ثَايْنِيثْ إِ ثْحُوجَا إِخْوَانْ ذ ثَاصِيڒَاثْ وَارْ إِقطِّينْ نِّي د-إِتَّاوْينْ غَارْ إِمْحَارْوَاضنْ كْثَارْ، وَارْ إِدْجِي غَارْ مِينْ إِدْجَانْ إِ ڒبْنِي ذِي لْ-إِيمَانْ ن أَربِّي.
1TI 1:5 سُّومْ ن ثْوصَّا أَقَا ذ ثَايْرِي زڭْ وُوڒْ أَمزْذَاڭْ ذ ثْنفْسشْثْ إِشْنَانْ ؤُ زِي لْ-إِيمَانْ ذ ثِيذتّْ.
1TI 1:6 أَقَا ذِينِّي شَا إِنِّي إِهيّْضنْ خْ مَانْ أَيَا ؤُشَا نّْقڒْبنْ غَارْ ڒْهَارْذْ إِخْوَانْ.
1TI 1:7 نِيثْنِي خْسنْ أَذْ إِڒِينْ ذ إِمسْغَارنْ ن شَّارِيعَا بْڒَا ڒفْهَامثْ ذِي مِينْ قَّارنْ ؤُ خْ مِينْ خفْ تّمْشُوبُّوشنْ.
1TI 1:8 مَاشَا نسّنْ بلِّي شَّارِيعَا ثصْبحْ مَاڒَا حذْ إِجَّا إِخفْ نّسْ أَذْ إِتّْوَانْذهْ زَّايسْ عْلَاحْسَابْ شَّارِيعَا،
1TI 1:9 أَمْ نسّنْ أَقَا شَّارِيعَا وَارْ ثمّوْشْ شَا إِ ؤُمْسڭَّاذنْ، مَاشَا إِ يِينِّي وَارْ إِسڭّْذنْ ؤُ إِ إِمْغوَّاغنْ، إِ إِعفَّاننْ ذ إِمذْنَابْ، إِ إِمقْجَاحْ، إِ إِمخْمُوجنْ، إِ يِينِّي إِوْثِينْ بَابَاثْسنْ ؤُ إِ يِينِّي إِوْثِينْ يمَّاثْسنْ ؤُ إِ يِينِّي إِنقّنْ [إِوْذَانْ]،
1TI 1:10 إِ أَيْثْ ن فَارْقْ-شّْغڒْ ذ زّْوَامڒْ، إِ يِينِّي إِتّْسبَّابنْ ذڭْ إِوْذَانْ، إِ أَيْثْ ن بُو-إِخَارِّيقنْ ذ يِينِّي إِتَّارژَّانْ ثَاجَادْجِيثْ نْسنْ ؤُشَا زعْمَا إِ مَارَّا مِينْ وَارْ د-إِتِّيسنْ شَا أَكْ-ذ ؤُسڒْمذْ إِصحّنْ
1TI 1:11 ن لْ-إِنْجِيلْ إِ ذ أَيِي إِتّْوَاوكّْڒنْ، زِي جِّيهثْ ن ؤُعُودْجِي ن أَربِّي إِتّْوَابَارْكنْ.
1TI 1:12 نشّْ تّْقَاذِيغْ ونِّي ذ أَيِي إِسّْجهْذنْ، أَقَا سِيذِيثْنغْ يَاسُوع لْمَاسِيحْ، ؤُمِي إِحْسبْ أَيِي-د ذ أَمْثِيقِّي ڒَامِي ذ أَيِي إِڭَّا ذِي ڒْخذْمثْ ن ثْسخَّارْثْ [نّسْ]،
1TI 1:13 نشّْ ذ ونِّي ثُوغَا إِدْجَانْ قْبڒْ ذ أَمْشقَّافْ ذ إِجّْ ن ؤُمَارَّاثْ [ن إِمَاسِيحِييّنْ] ؤُڒَا ذ إِجّْ ن بُو-ڒْْعُونْفْ. مَاشَا ثمّوْشْ أَيِي-د أَرّحْمثْ، مِينْزِي ڭِّيغْ ث وَارْ سِّينغْ، [ؤُمِي ذ أَيِي ثُوغَا] بْڒَا لْ-إِيمَانْ.
1TI 1:14 أَرْضَا ن سِيذِيثْنغْ ثُوغَا إِفيّضْ ذَايِي س وَاطَّاسْ، ؤُڒَا ذ لْ-إِيمَانْ ذ ثَايْرِي ثنِّي إِدْجَانْ ذِي يَاسُوع لْمَاسِيحْ.
1TI 1:15 وَا ذ أَوَاڒْ ذَايسْ ڒَامَانْ، إِ إِسْذَاهدْجنْ أَذْ يِيڒِي إِڭُّورْ، أَقَا يَاسُوع لْمَاسِيحْ يُوسَا-د غَارْ دُّونشْثْ حِيمَا أَذْ إِسّنْجمْ إِمذْنَابْ، إِنِّي زَّايْسنْ نشّْ ذ أَمزْوَارُو.
1TI 1:16 مَاشَا خْ ؤُيَا كْسِيغْ أَرّحْمثْ مَاحنْذْ يَاسُوع لْمَاسِيحْ أَذْ إِسّْشنْ ذَايِي ذ أَمزْوَارُو مَارَّا تَّاسِيعْ ن ڒْخَاضَارْ نّسْ، ذ لْمِيثَالْ إِ يِينِّي زَّايسْ إِ غَا يَامْننْ إِ ثُوذَارْثْ إِتّْذُومَانْ.
1TI 1:17 أَقَا إِ ؤُجدْجِيذْ ن زّْمَانَاثْ، ذ ونِّي وَارْ إِفنِّينْ، ذ ونِّي وَارْ إِتّْوِيڒِينْ، ونِّي ذ أَربِّي ذ إِجّْ، أَذْ غَارسْ يِيڒِي شَّانْ ذ ؤُعُودْجِي إِ زّْمَانْ ن زّْمَانَاثْ قَاعْ. أَمِينْ.
1TI 1:18 ثَاسخَّارْثْ-أَ، [أَ] مِّي ثِيمُوثِييُو، سّْوكّْڒغْ شكْ خَاسْ، حِيمَا أَذْ ثمّنْغذْ أَمنْغِي أَصبْحَانْ عْلَاحْسَابْ مِينْ خَاكْ إِتّْوَانَابّنْ قْبڒْ،
1TI 1:19 س لْ-إِيمَانْ ذ ثْنفْسشْثْ إِشْنَانْ، مَاغَارْ إِنِّي ؤُڭِينْ مَانْ أَيَا، أَقَا سّخْوَانْ إِخفْ نْسنْ زِي لْ-إِيمَانْ.
1TI 1:20 جَارْ أَسنْ هِيمِينِييُوسْ ذ أَلِيكْسَانْذِيرْ، إِنِّي سلّْمغْ إِ شِّيطَانْ حِيمَا أَذْ ڒمْذنْ مَاحنْذْ وَارْ تّْشقَّافنْ.
1TI 2:1 س ؤُينِّي تّْزَاوَاڭغْ كنِّيوْ، حِيمَا أَذْ ثْقَارّْبمْ ذ أَمزْوَارُو غَارْ أَربِّي س ثُوثْرَا ذ ثْژَادْجِيثِينْ ذ ثْكسِّيثْ س ڒْمعْرُوفْ ذ ؤُقَاذِي ذِي طّْوعْ ن مَارَّا إِوْذَانْ،
1TI 2:2 ذِي طّْوعْ ن إِجدْجِيذنْ ذ إِمقّْرَاننْ، حِيمَا خنِّي أَذْ ندَّارْ ذِي ڒهْنَا ذ ڒْهُوذْنثْ ؤُ س مَارَّا ثِيڭّْوُوذِي ذ ثزْذُوڭِي زَّاثْ أَربِّي.
1TI 2:3 مِينْزِي مَانْ أَيَا ذ أَصبْحَانْ ؤُ يُوسَا أَسْ-د إِ ڒْخَاضَارْ إِ أَربِّي، ونِّي ذ أَنغْ إِتِّيشنْ ثُوذَارْثْ،
1TI 2:4 ونِّي إِخْسنْ أَقَا مَارَّا إِوْذَانْ أَذْ طّْفنْ ثُوذَارْثْ ؤُشَا أَذْ د-ذوْڒنْ غَارْ ثُوسّْنَا ن ثِيذتّْ.
1TI 2:5 مِينْزِي أَقَا ذِينْ إِجّْ ن أَربِّي ذ إِجّْ ن لْوَاسِيثْ جَارْ أَربِّي ذ إِوْذَانْ، أَقَا نتَّا ذ مِّيسْ ن بْنَاذمْ، يَاسُوع لْمَاسِيحْ،
1TI 2:6 ونِّي إِوْشِينْ إِخفْ نّسْ ذ أَصْڒَاحْ إِ مَارَّا بْنَاذمْ، أَقَا-ت ذ شّْهَاذثْ إِ د-يُوسِينْ ذِي ڒْوقْثْ نّسْ.
1TI 2:7 إِ مَانْ أَيَا تّْوَاڭّغْ ذ أَمْبَارّحْ ذ رَّاسُولْ، أَقَا قَّارغْ ثِيذتّْ، وَارْ سّْخَارِّيقغْ شَا، حِيمَا أَذْ إِڒِيغْ ذ أَمْسغَّارْ ن ڒڭْنُوسْ ذِي لْ-إِيمَانْ ن ثِيذتّْ.
1TI 2:8 س ؤُيَا خْسغْ بلِّي إِرْيَازنْ أَذْ ژَّادْجنْ ذِي مْكُوڒْ أَمْشَانْ، أَمْ سّْڭعَّاذنْ إِفَاسّنْ نْسنْ س ثزْذُوڭِي، بْڒَا أَخيّقْ ذ ؤُمْشُوبّشْ.
1TI 2:9 أَمُّو ؤُڒَا ذ ثِيمْغَارِينْ أَذْ يَارْضنْثْ س ؤُوقَّارْ، إِتّْخصَّا أَذْ زهّْجنْثْ إِخفْ نْسنْثْ س إِجّْ ن وبْرِيذْ ن ڒحْيَا ؤُ ن ثْسخَّايْثْ، وَارْ إِدْجِي س ؤُمُوذِي ن ؤُشُوَّافْ نِيغْ س وُورغْ نِيغْ س ثْيَاقُوثِينْ نِيغْ س وَارُّوضْ إِغْڒَانْ،
1TI 2:10 مَاشَا [أَذْ زهّْجنْثْ إِخفْ نْسنْثْ] س ڒخْذَايمْ إِصبْحنْ أَمْ مَامّشْ د-يُوسَا خْ ثمْغَارِينْ، ثِينِّي إِتّْنجْبَاذنْ غَارْ ؤُوقَّارْ ن أَربِّي.
1TI 2:11 أجّْ ثَامْغَارْثْ أَذْ ثڒْمذْ ذِي ڒْهُوذْنثْ، أَكْ-ذ مَارَّا ثَامْوَاضعْثْ،
1TI 2:12 مَاشَا نشّْ وَارْ تّجِّيغْ ثَامْغَارْثْ أَذْ ثسّڒْمذْ نِيغْ أَذْ غَارسْ يِيڒِي جّهْذْ خْ ورْيَازْ، مَاشَا أَذْ ثِيڒِي ثسْقَارْ.
1TI 2:13 مِينْزِي أَذَامْ إِتّْوَاڭّْ ذ أَمزْوَارْ، أَوَارْنِي أَسْ حَاوَّا.
1TI 2:14 ؤُشَا أَذَامْ وَارْ إِتّْوَاغَارّْ شَا، مَاشَا ثَامْغَارْثْ ثتّْوَاغَارّْ، خنِّي ثخْضَا خْ ثوْصيّثْ.
1TI 2:15 مَاشَا أَذْ ثدَّارْ س ثَارْوَا نّسْ، مَاڒَا تّْغِيمَانْ نِيثْنِي تّْشبَّارنْ ذِي لْ-إِيمَانْ ذ ثَايْرِي ذ ثْقدَّاسْثْ ذ ڒحْيَا.
1TI 3:1 وَا ذ أَوَاڒْ ذَايسْ ڒَامَانْ: مَاڒَا إِخْسْ حذْ أَذْ يِيڒِي ذ أَمْغَارْ، أَقَا إِتّْمژْرِي ذڭْ إِشْثْ ن ڒْخذْمثْ ثشْنَا.
1TI 3:2 مَاشَا إِتّْخصَّا إِ ؤُمْغَارْ أَذْ إِثْوَافْ بْڒَا ڒْعِيبْ، أَذْ يِيڒِي ذ أَرْيَازْ ن إِشْثْ ن ثمْغَارْثْ، غَارسْ أَمكّنْ ن نّفْسْ، أَذْ يِيڒِي ذ أَسخَّايْ، أَذْ إِڭّْ س ؤُستّفْ، أَذْ يَارحّبْ س إِنوْجِيونْ، إِزمَّارْ أَذْ إِسّڒْمذْ.
1TI 3:3 نتَّا وَارْ إِتِّيڒِي ذ أَمسْشَارْ نِيغْ إِوّثْ ذغْيَا س ؤُفُوسْ نّسْ، مَاشَا أَذْ يِيڒِي ذ أَمْوَاضعْ، وَارْ إِتّمْشُوبُّوشْ، وَارْ إِتِّيڒِي ذ أَقزَّازْ.
1TI 3:4 أَقَا نتَّا إِسّڭُّورْ ثَادَّارْثْ نّسْ مْلِيحْ ؤُشَا إِحكّمْ خْ إِحنْجِيرنْ نّسْ س مَارَّا ڒصْفَايثْ.
1TI 3:5 مَاشَا مَاڒَا نتَّا وَارْ إِزمَّارْ أَذْ إِسُّويُورْ ثَادَّارْثْ نّسْ، مَامّشْ غَا إِڭّْ أَذْ إِحْضَا ثَامسْمُونْثْ ن أَربِّي؟
1TI 3:6 وَارْ إِتِّيڒِي ذ أَمحْضَارْ ن جْذِيذْ [ذِي لْ-إِيمَانْ]، حِيمَا وَارْ إِتُّوفّْ [س ڒفْيُوشْ] ؤُشَا أَذْ إِوْضَا ذِي شّْرعْ ن شِّيطَانْ.
1TI 3:7 عَاوذْ إِتّْخصَّا أَذْ غَارسْ ثِيڒِي صُّومْعثْ ثشْنَا غَارْ يِينِّي ذِي بَارَّا، حِيمَا وَارْ خَاسْ تّْعيِّيبنْ ؤُشَا وَارْ إِوطِّي شَا ذِي ڒفْخُوخْ ن شِّيطَانْ.
1TI 3:8 إِتّْخصَّا عَاوذْ إِ إِمْسخَّارنْ [ذِي ثْمسْمُونْثْ] أَذْ إِڒِينْ ذ إِمزْذَاڭنْ، وَارْ سِّيوِيڒنْ شَا س ثْنَاينْ ن إِڒْسَاونْ، وَارْ خزَّارنْ شَا غَارْ بِينُو أَطَّاسْ، وَارْ ضمّْعنْ ذِي أَرّْبحْ وَارْ إِحْڒِينْ.
1TI 3:9 إِتّْخصَّا أَسنْ أَذْ طّْفنْ ذِي سِّيرّْ ن لْ-إِيمَانْ س ثْنفْسشْثْ ثصْفَا.
1TI 3:10 أجّْ إِ-ثنْ أَذْ تّْوَاقدْجْبنْ ذ أَمزْوَارُو، ڒخْذنِّي، مَاڒَا إِبَانْ-د وَارْ ذَايْسنْ إِتِّيڒِي بُو ڒْعِيبْ، أَذْ سخَّارنْ.
1TI 3:11 أَمُّو إِتّْخصَّا ؤُڒَا إِ ثِيمْغَارِينْ أَذْ أَرْسِينْثْ س ثْسخَّايْثْ، أَذْ حْضَانْثْ ذِي ڒعْقُوڒْ نْسنْثْ، أَذْ ذَايْسنْثْ ثِيڒِي ڒْمَانثْ ذِي مَارَّا، وَارْ ذ تِّيڒِينْثْ ذ ثِيمْشقَّافِينْ.
1TI 3:12 إِتّْخصَّا إِ إِمْسخَّارنْ [ذِي ثْمسْمُونْثْ]، أَقَا [كُوڒْ إِجّنْ زَّايْسنْ] أَذْ يِيڒِي س إِشْثْ ن ثمْغَارْثْ، ؤُشَا إِتّْخسْصَا أَسْ أَذْ إِسُّويُورْ مْلِيحْ إِحنْجِيرنْ نّسْ ذ ثَادَّارْثْ نّسْ.
1TI 3:13 مِينْزِي إِنِّي إِتّڭّنْ ثَاسيَّارْثْ نْسنْ مْلِيحْ، أَذْ طّْفنْ إِ يِيخفْ نْسنْ إِجّْ ن ومْشَانْ إِشْنَا ذ وَاطَّاسْ ن ثرْيَاسْثْ ذِي لْ-إِيمَانْ ن يَاسُوع لْمَاسِيحْ.
1TI 3:14 ؤُرِيغْ أَشْ-د مَانْ أَيَا ؤُشَا سِّيثِيمغْ أَذْ غَاركْ د-أَسغْ ذغْيَا.
1TI 3:15 مَاشَا مَاڒَاعطَّاڒغْ خَاكْ، أَذْ ثسّْنذْ مَامّشْ إِتّْخصَّا أَذْ نُويُورْ ذِي ثَادَّارْثْ ن أَربِّي، ثنِّي إِدْجَانْ ذ ثَامسْمُونْثْ ن أَربِّي إِدَّارنْ، أَپِيلَارْ ذ ذْسَاسْ ن ثِيذتّْ.
1TI 3:16 سِّيرّْ وَانِيثَا ن ثْسڭْذَا ذ أَمقّْرَانْ س ثِيذتّْ! ”ذ ونِّي إِتّْوَاسَّارْڭْبنْ ذِي دَّاثْ، إِتّْوَاسڭّْذنْ ذِي أَرُّوحْ، إِضْحَارنْ-د إِ لْمَالَاكَاثْ، إِتّْوَابَارّْحنْ زَّايسْ جَارْ ڒڭْنُوسْ، ذ ونِّي زَّايسْ يُومْننْ ذِي دُّونشْثْ، إِمّكْسِينْ ذڭْ ؤُعُودْجِي.“
1TI 4:1 مَاشَا أَرُّوحْ إِقَّارْ نِيشَانْ بلِّي ذِي زّْمَانَاثْ ثِينڭُّورَا شَا أَذْ حيّْذنْ خْ لْ-إِيمَانْ ؤُمِي غَا ضْفَارنْ ڒَارْيَاحْ إِسّْغكّْوَانْ ذ ثْغُورِي ن شّْوَاطنْ.
1TI 4:2 نِيثْنِي سْغكّْوَانْ أَمْ سّْنِيعْمِيڒنْ إِخفْ نْسنْ، سّْخَارِّيقنْ ؤُ تّقّْذنْ ثَانفْسشْثْ نْسنْ.
1TI 4:3 نِيثْنِي تّطّْفنْ ڒمْڒَاشْ ؤُشَا تَّامَارنْ أَسْبعّذْ خْ مَاشَّا نِّي د-إِتّْوَاخڒْقنْ زِي أَربِّي مَاحنْذْ أَذْ ثِيڒِي إِ نّْفعْ ذ ؤُقَاذِي إِ يِينِّي يُومْننْ ؤُ سّْننْ ثِيذتّْ.
1TI 4:4 مِينْزِي مَارَّا مِينْ د-إِتّْوَاخڒْقنْ زِي أَربِّي إِصْبحْ ؤُشَا وَارْ ذَايسْ مِينْ غَا نَاڭِي مَاڒَا نقْبڒْ زَّايسْ س ؤُقَاذِي،
1TI 4:5 مِينْزِي أَذْ إِتّْوَاقدّسْ س وَاوَاڒْ ن أَربِّي ذ ثْژَادْجِيثْ.
1TI 4:6 مَاڒَا ثسّْڒمْذذْ مَانْ أَيَا إِ وَاوْمَاثنْ نّشْ، أَذْ ثِيڒِيذْ ذ أَمْسخَّارْ ن يَاسُوع لْمَاسِيحْ، أَقَا ثتّْوَاربِّيذْ ذڭْ وَاوَاڒنْ ن لْ-إِيمَانْ ؤُ ثتّْوَاسّْڒمْذذْ ذِي ثْغُورِي ن صَّاحْ.
1TI 4:7 مَاشَا أَڭّْوجْ خْ ثْحُوجَا إِخْوَانْ ن ثْوسُّورَا ؤُ مَارّسْ إِخفْ نّشْ ذِي ثْسڭْذَا.
1TI 4:8 مِينْزِي أَرِّييَاضَا ن أَرِّيمثْ ثتَّاوِي غَارْ نّْفَاعْ إِ ذْرُوسْ ن ڒْوقْثْ وَاهَا، مَاشَا ثَاسڭْذَا ثْنفّعْ ڒبْذَا، ؤُشَا أَقَا غَارسْ لْوَاعْذْ ن ثُوذَارْثْ إِ يِيضَا ؤُ إِ ڒْوقْثْ إِ د غَا يَاسنْ.
1TI 4:9 وَا ذ أَوَاڒْ ذَايسْ ڒَامَانْ، إِسْذَاهدْجْ أَذْ إِتّْوَاقْبڒْ.
1TI 4:10 مِينْزِي إِ مَانْ أَيَا ؤُمِي نْخدّمْ ؤُ نتّْوَاسّحْقَارَا عَاوذْ، مِينْزِي أَسِيثمْ نّغْ أَقَا-ث ذِي أَربِّي إِدَّارنْ، ونِّي إِتِّيشنْ ثُوذَارْثْ إِ مَارَّا إِوْذَانْ، أَمزْوَارُو إِ يِينِّي يُومْننْ.
1TI 4:11 سڒْمذْ، ثُومُورذْ س مَانْ أَيَا.
1TI 4:12 أجّْ ؤُڒَا ذ إِجّْ وَارْ شكْ إِسّحْقِيرِي شَا خْ ثمْژِي نّشْ، مَاشَا إِڒِي ذ لْمِيثَالْ إِ يِينِّي يُومْننْ، س وَاوَاڒْ، س ونْذَاهْ، س ثَايْرِي، س لْ-إِيمَانْ ؤُ س ثَازْذُوڭِي.
1TI 4:13 إِڒِي ثشْضَارذْ ذِي ثْغُورِي [إِ ثْمسْمُونْثْ]، ذِي طْژَادْجِيثْ ؤُ ذڭْ ؤُسڒْمذْ أَڒْ د غَا يَاسغْ.
1TI 4:14 وَارْ سْحقَّارَا شَا ثَاوْهِيبْثْ إِ ذَايكْ، ثنِّي إِ ذ أَشْ إِمّوْشنْ ؤُمِي ثُوغَا تّْنَابّنْ ؤُ سَّارْسنْ إِمْغَارنْ خَاكْ إِفَاسّنْ.
1TI 4:15 عْقڒْ خْ ثْمسْڒَايِينْ-أَ، شبَّارْ ذَايْسنْثْ، حِيمَا ثِيشْڒِي نّشْ غَارْ زَّاثْ أَذْ ثْبَانْ إِ مَارَّا.
1TI 4:16 حْضَا إِخفْ نّشْ ؤُ حْضَا خْ ؤُسڒْمذْ، صْبَارْ ذِي مَانْ أَيَا، مِينْزِي مَاڒَا ثڭِّيذْ دّڭَّا، أَذْ ثحْضِيذْ إِخفْ نّشْ ذِي ثُوذَارْثْ ؤُڒَا ذ إِنِّي ذ أَشْ إِتّسْڒَانْ.
1TI 5:1 وَارْ ثِيڒِيذْ ثوْعَارذْ إِ ؤُوسَّارْ، مَاشَا نسْحْ إِ-ث أَمْ بَابَاشْ، ؤُشَا إِبْڒِيغنْ أَمْ وَاوْمَاثنْ نّشْ،
1TI 5:2 ثِيوسُّورَا أَمْ ثِييمَّاثِينْ، ؤُشَا ثِيعزْرِييِّينْ أَمْ سُويثْمَاشْ نّشْ، س مَارَّا ڒصْفَايثْ.
1TI 5:3 وقَّارْ ثِيجَّاڒْ، ثِينِّي ذ ثِيذتّْ دْجَانْثْ ذ ثِيجَّاڒْ.
1TI 5:4 مَاڒَا شَا ن ثَاجَّاتْشْ غَارسْ إِحنْجِيرنْ نِيغْ أَيَّاونْ، أجّْ إِ-ثنْ أَذْ ڒمْذنْ ذ أَمزْوَارْ مَاحنْذْ أَذْ ڭّنْ مِينْ إِتّْڒِيقنْ ذِي طّْوعْ ن ڒَادْجْ نْسنْ، أَذْ د-أَرّنْ إِ لْوَالِيذِينْ مِينْ تُّورْسنْ، مِينْزِي دّڭَّا يُوسَا-د خْ ڒْخَاضَارْ ن أَربِّي.
1TI 5:5 مَاشَا ثَاجَّاتْشْ نِيشَانْ ذ ثنِّي إِدْجَانْ وحّْذسْ، ثسِّيثِيمْ ذِي أَربِّي ؤُشَا ثْصبَّارْ ذِي ثُوثْرَا ذ ثْژَادْجِيثِينْ، دْجِيڒثْ ذ وَاسّْ.
1TI 5:6 مَاشَا ثنِّي إِوْضَانْ ذِي ثُوذَارْثْ ن نّشْوثْ، أَقَا ثمُّوثْ وَاخَّا ثدَّارْ.
1TI 5:7 وصَّا إِ-ثنْثْ ثِيمسْڒَايِينْ-أَ، حِيمَا أَذْ إِڒِينْثْ بْڒَا ڒْعِيبْ.
1TI 5:8 مِينْزِي مَاڒَا شَا ن يِيجّْ وَارْ إِتّْهِيلِّي شَا ذِي وِي إِدْجَانْ نّسْ، ذ أَموَارُو ذڭْ يِينِّي إِدْجَانْ ذ أَيْثْبَابْ ن ثَادَّارْثْ ن فَامِيلْيَا ن يِينِّي يُومْننْ، أَقَا وَانِيثَا إِمّنْضَارْ لْ-إِيمَانْ ؤُشَا نتَّا مَاهُو خْ يِينِّي وَارْ يُومِيننْ شَا.
1TI 5:9 إِخْضَارْ خنِّي إِشْثْ ن ثَاجَّاتْشْ إِلَّا مَاڒَا غَارسْ زِي ستِّينْ ن إِسڭّْوُوسَا أَڒْ ثْسَاونْثْ، إِشْثْ ن ثَاجَّاتْشْ نِّي ثُوغَا [ذ ثَامْغَارْثْ] ن إِجّْ ن ورْيَازْ،
1TI 5:10 ثنِّي غَارْ ثدْجَا شّْهَاذثْ أَقَا ثڭَّا ڒخْذَايمْ ثِيصبْحَانِينْ: نِيغْ ثسّيْمِي إِحنْجِيرنْ نّسْ، نِيغْ ثَارحّبْ س إِبَارَّانِييّنْ، نِيغْ ثسِّيرذْ إِضَارنْ ن إِمْقدَّاسنْ، نِيغْ ثوْشَا فُوسْ إِ يِينِّي إِتّْوَاحْصَارنْ، [وَاهْ،] أَقَا ثڭَّا مَارَّا ڒْخذْمثْ ثَاصبْحَانْثْ.
1TI 5:11 مَاشَا وَارْ قبّڒْ ثِيجَّاڒْ ثِيمژْيَانِينْ، مِينْزِي نِيثنْثِي تّخْسنْثْ أَذْ سَّارْخُونْثْ إِ لْمَاسِيحْ س نّشْوَاثْ نْسنْثْ، أَرزُّونْثْ خْ إِجّْ ن ورْيَازْ.
1TI 5:12 أَقَا شّْرعْ نْسنْثْ إِمْثنْ، مِينْزِي سَّارْسنْثْ لْ-إِيمَانْ نْسنْثْ أَمزْوَارْ غَارْ ؤُغزْذِيسْ.
1TI 5:13 مَاغَارْ نِيثنْثِي سّْڒمْذنْثْ [إِنّغْنِي] ڒعْقزْ أَمْ ڭُّورنْثْ خْ ثُوذْرِينْ، وَارْ إِدْجِي سّْڒمْذنْثْ وَاهَا ڒعْڭزْ، مَاشَا نِيثنْثِي تّْعَاوَاذنْثْ ڒخْبُورَاثْ، تَّاذْفنْثْ ذِي شْغُوڒَاثْ [ن مِيدّنْ]، قَّارنْثْ مِينْ وَارْ إِشُووَّارنْ.
1TI 5:14 س ؤُينِّي خْسغْ أَذْ مڒْشنْثْ ثِيجَّاڒْ ثِيمژْيَانِينْ، أَذْ د-جّنْثْ إِحنْجِيرنْ، أَذْ سُّويُورنْثْ ثَادَّارْثْ نْسنْ، وَارْ تّجِّينْثْ شَا إِ ڒعْذُو سِّيبّثْ حِيمَا أَذْ إِشقّفْ.
1TI 5:15 مِينْزِي أَقَا شَا [زَّايْسنْثْ] بْذَانْثْ أَذْ فّْغنْثْ أَبْرِيذْ، ضفَّارنْثْ شِّيطَانْ.
1TI 5:16 مَاڒَا ذِينْ إِرْيَازنْ نِيغْ ثِيمْغَارِينْ يُومْننْ غَارْسنْ ثِيجَّاڒْ، أجّْ إِ-ثنْ أَذْ ذَايْسنْثْ ثْهِيلَّانْ، مَاحنْذْ وَارْ إِتِّيڒِي دّْقڒْ عَاذْ خْ ثْمسْمُونْثْ، حِيمَا [ثَامسْمُونْثْ] أَذْ غَارسْ يِيڒِي مَاحنْذْ أَذْ ثْعَاونْ ثِينِّي إِدْجَانْ ذ ثِيجَّاڒْ س ثِيذتّْ.
1TI 5:17 إِمْغَارنْ نِّي إِتّْضبَّارَانْ مْلِيحْ، سْذَاهْدْجنْ أَوقَّارْ ثْنَاينْ ن إِمُورنْ، أَبعْذَا إِنِّي إِخدّْمنْ ذڭْ وَاوَاڒْ ؤُ ذڭْ ؤُسڒْمذْ.
1TI 5:18 مِينْزِي ثِيرَا [إِقدّْسنْ] قَّارنْثْ: ”وَارْ تّڭّْ ثَاشْمَانْثْ إِ ؤُينْذُوزْ إِسَّارْوَاثنْ!“، ؤُ: ”أَخدَّامْ إِسْذَاهدْجْ ڒْمُونثْ نّسْ!“
1TI 5:19 وَارْ قبّڒْ شَا ثَانْفُوتْشْ ضِيدّْ إِ ؤُمْغَارْ، مْغِيرْ خْ ؤُقمُّومْ ن ثْنَاينْ نِيغْ ن ثْڒَاثَا ن ڒشْهُوذْ.
1TI 5:20 إِنِّي إِخْضَانْ،عيّبْ إِ-ثنْ زَّاثْ إِ مَارَّا، حِيمَا إِنّغْنِي أَذْ ڭّْوذنْ عَاوذْ.
1TI 5:21 زِييَّارغْ خَاكْ زَّاثْ إِ أَربِّي ذ سِيذِيثْنغْ يَاسُوع لْمَاسِيحْ ذ لْمَالَاكَاثْ نّسْ إِتّْوَافَارْزنْ، أَذْ ثحْضِيذْ مَانْ أَيَا بْڒَا ڒْفَارْزْ، وَارْ تّڭّْ ؤُڒَا ذ إِشْثْ ن ثْمسْڒَاشْثْ عْلَاحْسَابْ ؤُذْمَاونْ.
1TI 5:22 وَارْ سّْرُوسَا إِفَاسّنْ نّشْ خْ حذْ س ؤُقدْجقْ، وَارْ شَارّشْ ذِي دّْنُوبْ ن إِنّغْنِي، حْضَا إِخفْ نّشْ ذِي ڒصْفَايثْ.
1TI 5:23 وَارْ سسّْ أَمَانْ وَاهَا، مَاشَا سُو ذْرُوسْ ن بِينُو إِ سْثُومَاغُو نّشْ ؤُ إِ ڒحْڒَاشْ نّشْ أَزِيرَارْ.
1TI 5:24 أَقَا ذِينْ إِوْذَانْ إِ غَارْ إِدْجَا دّْنُوبْ نْسنْ بَاننْ مْلِيحْ ذغْيَا، أَقَا [دّْنُوبْ نْسنْ] تِّيزَّارنْ أَسنْ غَارْ شّْرعْ، ؤُشَا أَقَا ذِينْ شَا نّغْنِي ضفَّارنْ ثنْ [دّْنُوبْ نْسنْ].
1TI 5:25 أَمُّو د-بَاننْثْ ؤُڒَا ذ ڒخْذَايمْ ثِيصبْحَانِينْ، مَاشَا [ؤُڒَا ذ] ثِينِّي إِ وَارْ  إِدْجِينْ أَمُّو، وَارْ زمَّارنْثْ أَذْ قِّيمنْثْ نُّوفَّارنْثْ.
1TI 6:1 إِتّْخصَّا إِ مَارَّا إِنِّي إِدْجَانْ سَاذُو أَزَايْڒُو ن ثسْمُوغِي أَذْ وقَّارنْ أَيْثْبَابْ نْسنْ ذِي مَارَّا، حِيمَا وَارْ إِتِّيڒِي ؤُشقّفْ ذڭْ يِيسمْ ن أَربِّي ؤُ ذِي ثْغُورِي نّسْ.
1TI 6:2 أجّْ [إِسمْغَانْ] نِّي غَارْ إِدْجَا إِمَاسنْ ؤُمْننْ وَارْ ثنْ سّحْقِيرِينْ شَا، ؤُمِي نِيثْنِي ذ أَوْمَاثنْ إِ إِدْجَانْ. مَاشَا س ڒْعكْسْ أجّْ إِ-ثنْ أَذْ أَسنْ سخَّارنْ [مْلِيحْ]، مِينْزِي نِيثْنِي ؤُمْننْ ؤُ أَقَا أَثنْ ذ [أَوْمَاثنْ] إِعِيزّنْ، إِنِّي غَارْسنْ خدّْمنْ نِيثْنِي ذِي ڒَامَانْ. سڒْمذْ مَانْ أَيَا ؤُ زيَّارْ خَاسنْ.
1TI 6:3 مَاشَا مَاڒَا ذِينْ حذْ إِسّڒْمذْ إِشْثْ ن ڒْحَاجّثْ نّغْنِي ؤُشَا وَارْ يَاردّفْ شَا أَوَاڒنْ إِصحّنْ ن سِيذِيثْنغْ يَاسُوع لْمَاسِيحْ ذ ثْغُورِي خْ مَامّشْ إِشُووَّارْ أَذْ نعْبذْ أَربِّي س ثِيڭّْوُوذِي،
1TI 6:4 أَقَا نتَّا إِتُّوفّْ أَمْ وَارْ إِسِّينْ وَالُو، إِودَّارْ ذڭْ إِمْحَارْوَاضنْ ذ إِمْشُوبّشنْ إِ-د-إِتَّاوْينْ ڒحْسذْ ذ ؤُمنْغِي ذ ؤُشقّفْ ذ إِشْثْ ن نّيّثْ ذ ثَاعفَّانْثْ
1TI 6:5 ؤُڒَا ذ ثَامَارَا إِ د-يكِّينْ زڭْ إِوْذَانْ إِنِّي إِتّْوَاغشّنْ ذِي ڒعْقڒْ نْسنْ، ثْودَّارْ أَسنْ تِّيذثْ، إِتّْغِيڒْ أَسنْ أَقَا أَرْبحْ إِقِّيمْ غَارْ ثِيڭّْوُوذِي زِي أَربِّي. بعّذْ خَاسنْ.
1TI 6:6 مَاشَا أَرْبحْ نّغْ ذ أَمقّْرَانْ. أَقَا-ث ذ ثِيڭّْوُوذِي زِي أَربِّي، [أَمْ] غَارْنغْ مِينْ نحْذَاجْ.
1TI 6:7 مِينْزِي وَارْ د-نِيوِي وَالُو غَارْ دُّونشْثْ ؤُشَا أَقَا نسّنْ وَارْ نْزمَّارْ أَكِيذْنغْ نكْسِي وَالُو زَّايسْ.
1TI 6:8 س ؤُينِّي، مَاڒَا غَارْنغْ ڒْمعْثقْ ذ دُّورِي، أَقَا نقْنعْ.
1TI 6:9 مَاشَا إِنِّي إِخْسنْ أَذْ سّْمُوننْ أَڭْڒَا، أَذْ وْضَانْ ذڭْ إِجَارِّيبنْ ؤُ ذِي ڒفْخُوخْ ؤُ ذڭْ وَاطَّاسْ ن نّشْوَاثْ ثِيفْغَاڒْ إِتّْضَارَّانْ، ثِينِّي إِتّجَّانْ إِوْذَانْ أَذْ غَارْقنْ ذڭْ ؤُثحِّي ذ ڒكْحضْ.
1TI 6:10 مِينْزِي أَژْوَارْ ن مَارَّا ثُوعفّْنَا أَقَا ث ذ طّْمعْ ن ثْمنْيَاثْ. أَقَا ذِينْ شَا إِنِّي ثُوغَا إِتّْمژْڒِينْ ذِي مَانْ أَيَا، إِودَّارْ أَسنْ لْ-إِيمَانْ ؤُشَا جبّْذنْ أَطَّاسْ ن ثَامَارَا إِ يِيخفْ نْسنْ.
1TI 6:11 مَاشَا شكْ، أَ بْنَاذمْ ن أَربِّي، أَرْوڒْ زِي مَانْ أَيَا ؤُشَا أَرْزُو خْ ثْسڭْذَا، خْ ثْنِيشَانْثْ، خْ لْ-إِيمَانْ، خْ ثَايْرِي، خْ صّْبَارْ ؤُ خْ ثمْهِينْثْ.
1TI 6:12 مْنغْ أَمنْغِي أَصبْحَانْ ن لْ-إِيمَانْ، شبَّارْ ذِي ثُوذَارْثْ إِتّْذُومَانْ نِّي ؤُمِي غَارْ د-ثتّْوَاڒَاغِيذْ، مِينْ خفْ ثْشهْذذْ شّْهَاذثْ ثَاصبْحَانْثْ زَّاثْ إِ وَاطَّاسْ ن ڒشْهُوذْ.
1TI 6:13 شهّْذغْ إِ شكْ زَّاثْ إِ أَربِّي، ونِّي إِوْشِينْ ثُوذَارْثْ إِ مَارَّا، ؤُ زَّاثْ إِ يَاسُوع لْمَاسِيحْ، ونِّي ثُوغَا إِشهّْذنْ شّْهَاذثْ ثَاصبْحَانْثْ أَطَّاسْ زَّاثْ إِ بُونْطِييُوسْ بِيلَاطُوسْ،
1TI 6:14 حِيمَا أَذْ ثحْضِيذْ تّوْصيّثْ بْڒَا سُّوسّْ نِيغْ ڒْعِيبْ أَڒْ د غَا إِبَانْ سِيذِيثْنغْ يَاسُوع لْمَاسِيحْ.
1TI 6:15 نتَّا أَذْ إِتّْوَاسّضْهَارْ ذِي ڒْوقْثْ نّسْ: أَربِّي إِتّْوَابَارْكنْ، أَمْزمَّارْ كُوڒْشِي خْ مَارَّا مِينْ إِدْجَانْ، أَجدْجِيذْ خْ [مَارَّا] إِجدْجِيذنْ ذ سِيذِي ن إِسِيذِيثنْ،
1TI 6:16 ونِّي وحّْذسْ وَارْ إِفنِّينْ، ونِّي إِزدّْغنْ ذِي ثْفَاوْثْ إِ وَارْ إِزمَّارْ أَذْ غَارسْ يَاذفْ حذْ، ونِّي وَارْ إِژْرِي بْنَاذمْ نِيغْ إِزمَّارْ عَاذْ أَذْ ث إِژَارْ، إِ نتَّا ؤُمِي غَارْ إِدْجَا شَّانْ ذ صُّولْطَا إِ ڒبْذَا قَاعْ. أَمِينْ.
1TI 6:17 عْڒمْ إِ أَيْثْبَابْ ن وَاڭْڒَا ذِي دُّونشْثْ-أَ وَارْ تِّيڒِينْ ذ إِمْعفَّارنْ، وَارْ تّْشَاڒنْ خْ وَاڭْڒَا وَارْ يَاركّْننْ، مَاشَا [أَذْ تّشْڒنْ] خْ أَربِّي إِدَّارنْ، ونِّي ذ أَنغْ إِتِّيشنْ مَارَّا ثِيمسْڒَايِينْ س ؤُفيّضْ حِيمَا أَذْ خَانغْ إِفوّجْ،
1TI 6:18 ؤُشَا [عْڒمْ] إِ-ثنْ أَذْ ڭّنْ ڒخْذَايمْ إِصبْحنْ، أَذْ غَارْسنْ إِڒِينْثْ ثْمڭَّا ثِيصبْحَانِينْ، أَذْ وجْذنْ مَاحنْذْ أَذْ وْشنْ ؤُ أَذْ شَارْشنْ.
1TI 6:19 أجّْ إِ-ثنْ أَذْ سَّارْسنْ [أَمُّو] ذْسَاسْ أَصبْحَانْ إِ يِيخفْ نْسنْ إِ ڒْوقْثْ إِ د غَا يَاسنْ، مَاحنْذْ أَذْ غَارْسنْ ثِيڒِي ثُوذَارْثْ ذ ثِيذتّْ.
1TI 6:20 أَ ثِيمُوثِييُو، حْضَا مِينْ ذ أَشْ إِتّْوَاوكّْڒنْ، أَڭّْوجْ خْ ڒْهَارْذْ إِخْوَانْ ؤُڒَا خْ ڒْعكَاسَاثْ إِ د-إِتّفّْغنْ زِي ثُوسّْنَا إِسّْخَارِّيقنْ.
1TI 6:21 أَقَا ذِينْ شَا ن إِوْذَانْ ڒَامِي سعْفنْ مَانْ أَيَا، سمْحنْ ذِي لْ-إِيمَانْ. أَذْ كِيذكْ يِيڒِي أَرْضَا! أَمِينْ.
2TI 1:1 بُولُوسْ، رَّاسُولْ ن يَاسُوع لْمَاسِيحْ عْلَاحْسَابْ ڒْخَاضَارْ ن أَربِّي، عْلَاحْسَابْ لْوَاعْذْ ن ثُوذَارْثْ إِ [ذِينْ] إِدْجَانْ ذِي يَاسُوع لْمَاسِيحْ.
2TI 1:2 إِ ثِيمُوثِييُو، مِّي إِعِيزّنْ: أَرْضَا ذ أَرّحْمثْ ذ ڒهْنَا زِي أَربِّي، بَابَاثْنغْ، ؤُ زِي يَاسُوع لْمَاسِيحْ، سِيذِيثْنغْ.
2TI 1:3 نشّْ تّْقَاذِيغْ أَربِّي ونِّي ؤُمِيعبْذغْ أَمْ ڒجْذُوذْ إِنُو س ثْنفْسشْثْ ثزْذڭْ، [أَمْ] تِّيذَارغْ شكْ بْڒَا قطُّو ذِي ثْژَادْجِيثِينْ إِنُو أَسّْ ذ دْجِيڒثْ.
2TI 1:4 وحّْشغْ أَذْ شكْ ژَترغْ، خْمِي تّْفكَّارغْ ذڭْ إِمطَّاونْ نّشْ ؤُ تّْوَاشُّورغْ س ڒفْرَاحثْ،
2TI 1:5 ؤُمِي تِّيذَارغْ ذِي لْ-إِيمَانْ نّشْ بْڒَا نِّيفَاقْ، [لْ-إِيمَانْ] نِّي ثُوغَا إِزدّْغنْ أَمزْوَارْ ذِي حنَّاشْ لُووِيسْ ؤُ ذڭْ يمَّاشْ ؤُنِيكِي، ؤُشَا، أَقَا سّْنغْ نِيشَانْ بلِّي إِزْذغْ ذَايكْ عَاوذْ.
2TI 1:6 س ؤُينِّي سّْعقْڒغْ شكْ أَذْ ثسّكَّارذْ ثَاوْهِيبْثْ ن أَربِّي ثنِّي ذَايكْ س [وبْرِيذْ ن] وسْرُوسِي ن إِفَاسّنْ إِنُو [خَاكْ].
2TI 1:7 مِينْزِي أَربِّي وَارْ ذ أَنغْ إِوْشِي أَرُّوحْ ن ڒْعُورّثْ، مَاشَا [أَرُّوحْ] ن جّهْذْ ذ ثَايْرِي ذ ؤُثبّثْ.
2TI 1:8 س ؤُيَا وَارْ تّْسضْحِي شَا حِيمَا أَذْ ثوْشذْ شّْهَاذثْ خْ سِيذِيثْنغْ، ؤُ وَارْ تّْسضْحِي زَّايِي نشّْ، ونِّي ذ أَمحْبُوسْ نّسْ، مَاشَا كْسِيمْ [مَارَّا] ڒْغَارْ ذِي طّْوعْ ن لْ-إِنْجِيلْ س جّهْذْ ن أَربِّي،
2TI 1:9 ونِّي أَقَا إِوْشَا أَنغْ ثُوذَارْثْ ؤُشَا إِڒَاغَا أَنغْ-د س ثْڒَاغِيثْ إِقدّْسنْ، وَارْ إِدْجِي عْلَاحْسَابْ ڒخْذَايمْ نّغْ، مَاشَا عْلَاحْسَابْ ڒْخَاضَارْ نّسْ ذ أَرْضَا نِّي إِ ذ أَنغْ إِمّوْشنْ ذِي يَاسُوع لْمَاسِيحْ قْبڒْ ڒْوقْثْ ن زّْمَانَاثْ.
2TI 1:10 [أَقَا أَرْضَا-يَا] إِتّْوَاسّضْهَارْ ڒخُّو س ؤُخشِّي ن ونِّي ذ أَنغْ إِتِّيشنْ ثُوذَارْثْ، يَاسُوع لْمَاسِيحْ، ونِّي ثُوغَا إِبضْڒنْ ڒْموْثْ ؤُشَا إِسّضْهَارْ ثُوذَارْثْ وَارْ إِفنِّينْ س لْ-إِنْجِيلْ.
2TI 1:11 زَّايسْ تّْوَاسّْڭعّْذغْ نشّْ ذ أَمْبَارّحْ ذ رَّاسُولْ ذ ؤُمْسڒْمَاذْ ن ڒڭْنُوسْ.
2TI 1:12 خْ سِّيبّثْ-أَ عَاوذْ كْسِيغْ أَرْمحْ ؤُ وَارْ تّْسضْحِيغْ شَا، مِينْزِي سّْنغْ مَانْ ونْ إِ زِي تَّامْنغْ ؤُشَا أَقَا تّْوَاسّْقنْعغْ بلِّي نتَّا أَقَا غَارسْ صُّولْطَا، مَاحنْذْ أَذْ إِحْضَا إِ نشّْ أَضْمَانْ إِنُو أَڒْ أَسّْ نِّي.
2TI 1:13 أجّْ أَذْ غَاركْ إِقِّيمْ لْمِيثَالْ ن وَاوَاڒنْ إِصحّنْ إِ زَّايِي ثسْڒِيذْ س لْ-إِيمَانْ ذ ثَايْرِي إِ إِدْجَانْ ذِي يَاسُوع لْمَاسِيحْ.
2TI 1:14 حْضَا أَضْمَانْ أَصبْحَانْ [إِ ذ أَشْ إِتّْوَاوكّْڒنْ] س أَرُّوحْ إِقدّْسنْ نِّي ذَايْنغْ إِزدّْغنْ.
2TI 1:15 أَقَا ثسّْنذْ بلِّي مَارَّا إِنِّي إِدْجَانْ ذِي أَسِييَا جِّينْ أَيِي، زَّايْسنْ فِيخِيلُوسْ ذ هِيرْمُوخِينِيسْ.
2TI 1:16 أَذْ يَارْزفْ سِيذِيثْنغْ س أَرّحْمثْ ذِي ثَادَّارْثْ ن ؤُنِيسِيفُورُوسْ، مِينْزِي ثُوغَا إِسَّاريّحْ أَيِي أَطَّاسْ ن ثْوَاڒَاوِينْ ؤُشَا وَارْ إِسضْحِي شَا زِي سّْنَاسڒْ ن ثْمحْبَاسْثْ إِنُو.
2TI 1:17 مَاغَارْ ڒَامِي د-يُوسَا غَارْ رُومَا، ثُوغَا يَارزُّو خَافِي س شْضَارثْ أَطَّاسْ ؤُشَا يُوفَا أَيِي.
2TI 1:18 أَذْ أَسْ إِوْشْ سِيذِيثْنغْ، أَقَا أَذْ يَافْ أَرّحْمثْ غَارْ سِيذِيثْنغْ ذڭْ وَاسّْ نِّي. ؤُشَا مشْحَاڒْ إِسخَّارْ أَيِي ذِي أَفَاسُوسْ، شكْ ثسّْنذْ كْثَارْ.
2TI 2:1 شكْ خنِّي، [أَ] مِّي، إِڒِي ثْمحّْضذْ ذِي أَرْضَا نِّي إِدْجَانْ ذِي يَاسُوع لْمَاسِيحْ،
2TI 2:2 ؤُ مِينْ زَّايِي ثسْڒِيذْ زَّاثْ إِ وَاطَّاسْ ن ڒشْهُوذْ، وكّڒْ إِ-ث إِ إِوْذَانْ إِمْثِيقَّانْ، إِنِّي إِزمَّارنْ أَذْ سّْڒمْذنْ عَاوذْ إِنّغْنِي.
2TI 2:3 أَرْبُو ڒْغَارْ أَكْ-ذ إِنّغْنِي أَمْ يِيجّْ ن ؤُعسْكَارِي إِشْنَانْ ن يَاسُوع لْمَاسِيحْ.
2TI 2:4 وَارْ ذِينْ ؤُڒَا ذ إِجّْ ن ؤُعسْكَارِي إِڒهَّا أَكْ-ذ ڒسْوَاقْ ن ثُوذَارْثْ. إِتّْخصَّا أَسْ أَذْ يَارْضَا ونِّي ث إِڭِّينْ ذ أَعسْكَارِي [وَاهَا].
2TI 2:5 ؤُشَا [عَاوذْ] ونِّي إِتّمْحِيزْوَارنْ أَمْ بُو-ؤُمْحِيزْوَارْ، وَارْ ذ أَسْ تِّيشنْ تَّاجْ مَاڒَا وَارْ إِمّْنِيغْ عْلَاحْسَابْ ڒْقَانُونْ.
2TI 2:6 أَفدْجَاحْ إِ إِتّڭّنْ ڒْخذْمثْ إِقسْحنْ، إِتّْخصَّا أَسْ أَذْ إِكْسِي ذ أَمزْوَارْ زِي ڒْغِيدْجثْ.
2TI 2:7 خَارّصْ ذِي مِينْ ذ أَشْ قَّارغْ. أَذْ أَشْ إِوْشْ سِيذِيثْنغْ ڒفْهَامثْ ذِي كُوڒْشِي.
2TI 2:8 عْقڒْ [ڒبْذَا] بلِّي يَاسُوع لْمَاسِيحْ، ونِّي د-إِتّْوَاسّْنكَّارنْ زِي ثَادَّارْثْ ن إِمتِّيننْ، أَقَا-ث زِي زَّارِيعثْ ن ذَاوُوذْ عْلَاحْسَابْ لْ-إِنْجِيلْ إِنُو،
2TI 2:9 [ڒخْبَارْ أَصبْحَانْ] نِّي خفْ كْسِيغْ ثُوعفّْنَا، عَاذْ سّْنَاسڒْ أَخْمِي [دْجِيغْ نشّْ ذ] إِجّْ ن ؤُعفَّانْ! مَاشَا أَوَاڒْ ن أَربِّي وَارْ إِزمَّارْ أَذْ إِتّْوَاقّنْ س سّْنَاسڒْ.
2TI 2:10 س ؤُينِّي تّْحمْڒغْ مَارَّا ذِي طّْوعْ ن يِينِّي إِتّْوَافَارْزنْ، حِيمَا أَذْ أَفنْ ؤُڒَا ذ نِيثْنِي ثُوذَارْثْ ذِي يَاسُوع لْمَاسِيحْ أَكْ-ذ ؤُعُودْجِي إِتّْذُومَانْ.
2TI 2:11 وَا ذ أَوَاڒْ ذَايسْ ڒَامَانْ، مِينْزِي مَاڒَا نمُّوثْ أَكِيذسْ، أَذْ كِيسْ ندَّارْ عَاوذْ،
2TI 2:12 ؤُ مَاڒَا نْصبَّارْ، أَذْ كِيسْ نحْكمْ عَاوذْ [أَمْ إِجدْجِيذنْ]، مَاشَا مَاڒَا ننْكَارْ إِ-ث، نتَّا أَذْ أَنغْ إِنْكَارْ عَاوذْ.
2TI 2:13 مَاڒَا وَارْ ذَايسْ نتِّيقّْ، أَقَا نتَّا إِتّْغِيمَا ذ أَمْثِيقِّي، مِينْزِي وَارْ إِزمَّارْ أَذْ إِنْكَارْ إِخفْ نّسْ.
2TI 2:14 سعْقڒْ أَسنْ مَانْ أَيَا، عْڒمْ أَسنْ زَّاثْ إِ سِيذِيثْنغْ مَاحنْذْ وَارْ تّْمنْغِينْ شَا س وَاوَاڒنْ وَارْ إِنفّْعنْ، إِنِّي د غَا يَاوْينْ أَردّدْجْ خْ يِينِّي إِتّْصنَّاثنْ.
2TI 2:15 حْضَا إِخفْ نّشْ، مَاحنْذْ أَذْ ثَارّذْ إِخفْ نّشْ أَمْ ثْكمْڒذْ زَّاثْ إِ أَربِّي، أَمْ ؤُخدَّامْ نِّي وَارْ غَارسْ مِينْ زِي غَا إِسضْحَا، ونِّي إِتّْبَارّْحنْ نِيشَانْ أَوَاڒْ ن ثِيذتّْ.
2TI 2:16 أَڭّْوجْ خْ وَاوَاڒنْ إِخْوَانْ إِ وَارْ إِنفّْعنْ، مِينْزِي [نِيثْنِي] أَذْ أَرْنِينْ أَطَّاسْ ذِي ڒقْجَاحثْ ن يِينِّي إِشغْڒنْ إِخفْ نْسنْ أَكْ-ذ مَانْ أَيَا.
2TI 2:17 أَوَاڒْ نْسنْ أَذْ إِتّْوَاغِييّزْ أَمْ ؤُخْسَاسْ. أَقَا هِيمِينِييُوسْ ذ إِجّنْ زَّايْسنْ ؤُ فِيلِيثُوسْ ذ إِجّنْ نّغْنِي.
2TI 2:18 نِيثْنِي فّْغنْ زڭْ وبْرِيذْ ن ثِيذتّْ، قَّارنْ بلِّي ثَانُوكْرَا أَقَا ثمْسَارْ، ؤُشَا قڒْبنْ لْ-إِيمَانْ ن شَا.
2TI 2:19 مَاشَا ذْسَاسْ ن أَربِّي إِبدّْ نِيشَانْ ؤُشَا وَا ذ أَشمِّيعْ نّسْ: ”سِيذِي إِسّنْ إِنِّي إِدْجَانْ نّسْ!“، ؤُشَا“ ’أجّْ مَارَّا إِنِّي إِتّْڒَاغَانْ خْ سِيذِي أَذْ أَڭّْوجنْ خْ ڒْمُوعْصِييّثْ.“
2TI 2:20 مَاشَا ذِي ثَادَّارْثْ ثَامقّْرَانْثْ وَارْ ذَايسْ ڒقْشُوعْ ن وُورغْ ذ نُّوقَارْثْ وَاهَا، مَاشَا عَاوذْ ن ؤُكشُّوضْ ذ ثْڒَاخْثْ، شَا [زَّايْسنْ] ن شَّانْ ؤُ شَا ن ؤُبهْذڒْ.
2TI 2:21 خنِّي مَاڒَا إِسِّيزْذڭْ حذْ إِخفْ نّسْ زِي دّڭَّا، أَذْ يِيڒِي ذ إِشْثْ ن ڒْقشْعثْ ن شَّانْ، ثتّْوَاقدّسْ إِ ثدْجَا ؤُشَا ثذْوڒْ ثْنفّعْ إِ سِيذسْ، أَقَا ثتّْوَاسّوْجذْ إِ مَارَّا ڒخْذَايمْ إِصبْحنْ.
2TI 2:22 أَرْوڒْ زِي مَارَّا نّشْوَاثْ ن ثمْژِي ؤُشَا أَرْذفْ ثَاسڭْذَا ذ لْ-إِيمَانْ ذ ثَايْرِي ذ ڒهْنَا أَكْ-ذ يِينِّي إِتّْڒَاغَانْ خْ سِيذِيثْنغْ زڭْ وُوڒْ إِزْذِيڭْ.
2TI 2:23 بعّذْ خْ إِمْحَارْوَاضنْ إِبُوهَاڒِييّنْ إِ وَارْ إِدْجِينْ إِ ڒبْنِي، مَاغَارْ ثسّْنذْ أَقَا ندّْهنْ غَارْ إِمْشُوبَّاشْ.
2TI 2:24 وَارْ إِشُووَّارْ إِ ؤُمْسخَّارْ ن سِيذِيثْنغْ أَذْ إِمْشُوبّشْ، مَاشَا إِشُووَّارْ أَسْ أَذْ يُويُورْ س ثمْهِينْثْ أَكْ-ذ مَارَّا، إِسّنْ أَذْ إِسّڒْمذْ، أَقَا غَارسْ تَّاسِيعْ ن ڒْخَاضَارْ،
2TI 2:25 مَاحنْذْ أَذْ إِسّڒْمذْ س ثمْهِينْثْ إِنِّي ث إِتّْعكَّاسنْ. أَذْ ثَاغْ أَربِّي أَذْ أَسنْ إِوْشْ أَذْ ثُوبنْ أَذْ سّْننْ ثِيذتّْ،
2TI 2:26 ؤُشَا أَذْ د أَسنْ-يَارّْ ڒْبَاڒْ، أَذْ نْفكّنْ زِي ڒْفخْ ن شِّيطَانْ، ونِّي إِ-ثنْ إِحبّْسنْ إِ ثِيزِي نّسْ.
2TI 3:1 مَاشَا سّنْ دّڭَّا، أَقَا ذڭْ وُوسَّانْ إِنڭُّورَا أَذْ ذِينْ إِڒِينْ ڒْمِيجَاڒَاثْ ن ڒْوقْثْ إِوْعَارنْ.
2TI 3:2 مِينْزِي إِوْذَانْ أَذْ خْسنْ إِخفْ نْسنْ، أَذْ إِڒِينْ ذ إِشطَّارنْ، ذ أَيْثْ ن بُو-نّْفَاخثْ ذ إِمْعفَّارنْ ذ إِمْشقَّافنْ، وَارْ تّطِّيعِينْ شَا إِ إِوْذَانْ [نْسنْ]، أَذْ نْضَارنْ أَرْضَا، أَذْ إِڒِينْ ذ إِعفَّاننْ،
2TI 3:3 أَذْ شقّْفنْ، أَذْ مژْڒنْ ڒبْذَا ذِي [عْڒَامْ كُوڒْ] نّشْوَاثْ، أَذْ إِڒِينْ قسْحنْ، شَارّْهنْ مِينْ إِصبْحنْ،
2TI 3:4 أَذْ إِڒِينْ ذ إِغدَّارنْ ذ إِفنْثْرُوسنْ، ذَايْسنْ نّْفَاخثْ، أَذْ خْسنْ نّشْوَاثْ كْثَارْ زِي أَربِّي.
2TI 3:5 نِيثْنِي غَارْسنْ ؤُذمْ ن ثِيڭّْوُوذِي زِي أَربِّي، [مَاشَا] بدّنْ أَڭّْوجنْ خْ جّهْذْ نّسْ. إِنِّي إِدْجَانْ أَمنِّي، إِتّْخصَّا أَذْ ثنْ ثسِّيڭّْوجذْ خَاكْ.
2TI 3:6 زَّايْسنْ إِنِّي إِتّْحَامَانْ ثُوذْرِينْ ؤُشَا نِيثْنِي سُّوسُومنْ ثِيمْغَارِينْ ثِينِّي يَاربُّونْ دّْنُوبْ، تّْوَاعَارّنْثْ س ؤُبَارُّو ن نّشْوَاثْ،
2TI 3:7 ثِينِّي خْسنْثْ أَذْ ڒمْذنْثْ ڒبْذَا.عمَّارْصْ أَذْ أَوْضنْ [دَّابْ ن يرْيَازنْ نِّي] غَارْ ثُوسّْنَا ن ثِيذتّْ،
2TI 3:8 مَاشَا أَمْ مَامّشْ ثُوغَا يَانِّيسْ ذ يَامْبْرِيسْ تّمْعَاڒَانْ أَكْ-ذ مُوسَا، أَمُّو عَاوذْ إِنَا تّمْعَاڒَانْ أَكْ-ذ ثِيذتّْ: أَقَا-ثنْ ذ إِوْذَانْ، إِنِّي إِتّْوَاغشّْ ڒعْقڒْ نْسنْ، نِيثْنِي تّْوَامّنْضَارنْ زِي لْ-إِيمَانْ.
2TI 3:9 مَاشَا وَارْ تّْرِيحنْ شَا كْثَارْ غَارْ زَّاثْ، مِينْزِي أَفْغُوڒْ نْسنْ إِبَانْ-د إِ مَارَّا، أَمْ مَامّشْ ثُوغَا إِتّْوَاسّنْ ؤُڒَا ذ [أَفْغُوڒْ] ن يِينِّي [س ثْنَاينْ].
2TI 3:10 مَاشَا شكْ ثْسِيغِيذْ أَكِيذِي ذڭْ ؤُسڒْمذْ إِنُو، أَمْ مَامّشْ ڭُّورغْ، ثْسِيغِيذْ أَكِيذِي ذِي لْغَارَاضْ [إِنُو]، لْ-إِيمَانْ إِنُو، تَّاسِيعْ ن ڒْخَاضَارْ إِنُو، ثَايْرِي إِنُو ذ صّْبَارْ إِنُو،
2TI 3:11 ذِي ڒحْصَارَاثْ ذ ؤُودّبْ إِنُو. ثسّْنذْ ثِيمسْڒَايِينْ إِ خَافِي إِكِّينْ ذِي أَنْثِييُوخِييَا ذ إِكُونِييَا ذ لِيسْثْرَا، مَانْ مَارْكَاثْ ن ؤُذَارّشْ إِ كْسِيغْ، ؤُشَا أَقَا سِيذِي إِسّنْجمْ أَيِي زَّايْسنْثْ مَارَّا.
2TI 3:12 مَارَّا إِنِّي إِخْسنْ أَذْ دَّارنْ س ثِيڭّْوُوذِي زِي أَربِّي ذِي يَاسُوع لْمَاسِيحْ، أَذْ تّْوَاذَارّْشنْ.
2TI 3:13 مَاشَا إِوْذَانْ إِعفَّاننْ ذ إِشمَّاثنْ أَذْ أَرْنِينْ ذِي ثُوعفّْنَا نْسنْ، أَذْ غْوَانْ ؤُشَا أَذْ تّْوَاغْوَانْ.
2TI 3:14 مَاشَا شكْ، قِّيمْ ذِي مِينْ ثُوغَا ثْڒمْذذْ ؤُ ذِي مِينْ ثتّْوَاسّْقنْعذْ، مَاغَارْ ثسّْنذْ مَانْ ونْ إِ زِي ث ثْڒمْذذْ،
2TI 3:15 ؤُ أَقَا زِي ثمْژِي نّشْ ثتّْوَاسّْڒمْذذْ ذِي ثِيرَا إِقدّْسنْ، ثِينِّي زمَّارنْثْ أَذْ شكْ أَرّنْثْ ذ أَمِيغِيسْ أَڒْ [غَا ثطّْفذْ] ثُوذَارْثْ س لْ-إِيمَانْ ن يَاسُوع لْمَاسِيحْ.
2TI 3:16 كُوڒْ ثِيرَا إِ يُورَانْ س أَرُّوحْ [إِقدّْسنْ]، أَقَا إِنفّعْ عَاوذْ إِ ؤُسڒْمذْ، إِ ؤُصحِّي، إِ وعْذَاڒْ ؤُشَا إِ تَّارْبِييّثْ ذِي ثْسڭْذَا،
2TI 3:17 حِيمَا بْنَاذمْ ن أَربِّي أَذْ يِيڒِي إِعسّْ، إِحزّمْ إِ مَارَّا ڒْخذْمثْ إِصبْحنْ.
2TI 4:1 [ذ مَانْ أَيَا إِ] تّْعوّْڒغْ خَاكْ زَّاثْ إِ أَربِّي ذ سِيذِيثْنغْ يَاسُوع لْمَاسِيحْ، ونِّي إِ غَا إِحكْمنْ خْ يِينِّي إِدَّارنْ ؤُ خْ يِينِّي إِمُّوثنْ غَارْ ؤُخشِّي ن ثْڭلْذِيثْ نّسْ:
2TI 4:2 بَارّحْ س وَاوَاڒْ، إِڒِي ثْفَاقذْ ذِي مَانْ أَيَا ذِي ڒْوقْثْ نِيغْ بَارَّا إِ ڒْوقْثْ، صحّْ، عَاقبْ، عْڒمْ س مَارَّا تَّاسِيعْ ن ڒْخَاضَارْ ؤُ س ؤُسڒْمذْ.
2TI 4:3 مِينْزِي أَذْ د-ثَاسْ إِشْثْ ن ڒْوقْثْ خْمِي إِوْذَانْ وَارْ قبِّيڒنْ عَاذْ ثَاغُورِي إِصحّنْ، مَاشَا أَذْ سّْمُوننْ إِ إِخفْ نْسنْ أَطَّاسْ ن إِمسْغَارنْ عْلَاحْسَابْ ثِيزِي نْسنْ، إِنِّي إِسَّاريّْحنْ إِمزُّوغنْ نْسنْ.
2TI 4:4 أَذْ جمْذنْ ثِيذتّْ خْ إِمجَّانْ نْسنْ ؤُشَا أَذْ فّْغنْ زڭْ وبْرِيذْ غَارْ ثْحُوجَا إِخْوَانْ.
2TI 4:5 مَاشَا شكْ، فَاقْ ذِي كُوڒْشِي، كْسِي أَرْمحْ، أڭّْ ڒْخذْمثْ ن ؤُمْبشَّارْ ؤُشَا كمّڒْ ڒْخذْمثْ ن ثْسخَّارْثْ نّشْ.
2TI 4:6 مِينْزِي نشّْ أَقَا تّْوَازدْجْعغْ أَمْ ثوْهِيبْثْ [ن ؤُسيّبْ] ؤُ ڒْمِيجَاڒْ ن ثْوَاحِيثْ إِنُو يِيوضْ-د.
2TI 4:7 نشّْ منْغغْ أَمنْغِي أَصبْحَانْ، أَقَا كمّْڒغْ ثَازّْڒَا إِنُو، حْضِيغْ لْ-إِيمَانْ.
2TI 4:8 خنِّي ڒخُّو، تَّاجْ ن ثْسڭْذَا، ثنِّي إِ ذ أَيِي غَا إِوْشْ سِيذِي ذڭْ وَاسّْ نِّي، خْمِي غَا إِحْكمْ إِمْسڭَّاذنْ، أَقَا إِوْجذْ. مَاشَا وَارْ إِدْجِي إِ نشّْ وَاهَا، مَاشَا عَاوذْ إِ [مَارَّا] إِنِّي إِتّخْسنْ أَخشِّي نّسْ.
2TI 4:9 شْضَارثْ حِيمَا أَذْ غَارِي د-ثَاسذْ ذغْيَا.
2TI 4:10 مِينْزِي ذِيمَاسْ إِسْمحْ ذَايِي، [مَاغَارْ] نتَّا إِتّخْسْ دُّونشْثْ [ن يِيضَا] ؤُشَا إِرُوحْ غَارْ ثِيسَّالُونِيكَا، ؤُ كْرِيسْكِيسْ إِرُوحْ غَارْ ڭَالَاطِييَا ؤُ ثِيثُوسْ غَارْ ذَالْمَاثِييَا.
2TI 4:11 مْغِيرْ لُوكَا إِ كِيذِي إِقِّيمنْ. أَوِي-د مَارْكُوسْ ؤُشَا ڭوّذْ إِ-ث أَكِيذكْ، مِينْزِي إِنفّعْ أَيِي ذِي ڒْخذْمثْ ن ثْسخَّارْثْ.
2TI 4:12 سكّغْ-د ثِيشِيكُوسْ غَارْ أَفَاسُوسْ.
2TI 4:13 خْمِي د غَا ثَاسذْ، أَوِي-د أَكِيذكْ أَقْرَابْ إِ إِذْلِيسنْ إِتّْوَانْضنْ نِّي جِّيغْ ذِي ثْرُووَاسْ غَارْ كَارْپُوسْ ؤُڒَا ذ إِذْلِيسنْ، ذ أَمزْوَارُو ڒمْصَاحفْ ن شَّارْكْ.
2TI 4:14 أَلِيكْسَانْذِيرْ، أَمْزِيڒْ [ن نّْحَاسْ]، ثُوغَا إِڭَّا ذَايِي أَطَّاسْ ن ثُوعفّْنَا. سِيذِيثْنغْ أَذْ ث إِخدْجصْ عْلَاحْسَابْ ڒخْذَايمْ نّسْ.
2TI 4:15 حْضَا إِخفْ نّشْ زَّايسْ، مِينْزِي نتَّا ثُوغَا إِتّْعكَّاسْ أَوَاڒنْ نّغْ أَطَّاسْ.
2TI 4:16 ؤُمِي كَّارغْ أَذْ وْثغْ خْ إِخفْ إِنُو ثْوَاڒَا ثَامزْوَارُوثْ، ؤُڒَا ذ إِجّْ وَارْ كِيذِي د-يُوسِي، مَاشَا مَارَّا سمْحنْ ذ أَيِي. أجّْ وَارْ إِتِّيڒِي ذ أَخدْجصْ نْسنْ.
2TI 4:17 مَاشَا سِيذِي ثُوغَا-ث غَارْ ؤُغزْذِيسْ إِنُو ؤُشَا إِوْشَا أَيِي جّهْذْ، حِيمَا خنِّي زَّايِي إِ غَا ثْكمّڒْ ثْبَارّحْثْ، ؤُ مَارَّا ڒڭْنُوسْ أَذْ سْڒنْ، أَقَا نشّْ تّْوَافكّغْ-د زڭْ ؤُخنْفُوشْ ن وَايْرَاذْ.
2TI 4:18 سِيذِي أَذْ أَيِي إِفكّْ زِي مَارَّا [ثَامعْمُوتْشْ] ثَاعفَّانْثْ، أَذْ أَيِي إِوْشْ ثُوذَارْثْ ذِي ثْڭلْذِيثْ نّسْ ذڭْ إِجنْوَانْ، مَاغَارْ إِ نتَّا إِ غَا يِيڒِي ؤُعُودْجِي إِ ڒبْذَا قَاعْ. أَمِينْ.
2TI 4:19 سدْجمْ خْ بْرِيسْكِيلَّا ذ أَكْوِيلَا ؤُ خْ [أَيْثْبَابْ ن] ثَادَّارْثْ ن ؤُنِيسِيفُورُوسْ س ڒهْنَا.
2TI 4:20 إِرَاسْثُوسْ إِقِّيمْ ذِي كُورِينْثُوسْ ؤُ ثْرُوفِيمُوسْ جِّيغْ ث ذِي مِيلِيثُوسْ إِهْڒشْ.
2TI 4:21 شْضَارثْ أَذْ د-ثَاسذْ قْبڒْ ثَاڭْرِيسْثْ. إِوْپُولُوسْ ذ بُوذِينْسْ ذ لِينُوسْ ذ كْلُوذِييَا ذ مَارَّا أَوْمَاثنْ تّْسدْجَامنْ خَاكْ س ڒهْنَا.
2TI 4:22 أَذْ يِيڒِي سِيذِيثْنغْ يَاسُوع لْمَاسِيحْ أَكْ-ذ أَرُّوحْ نّشْ. أَرْضَا أَذْ كِيذكْ يِيڒِي. أَمِينْ.
TIT 1:1 بُولُوسْ، أَمْسخَّارْ ن أَربِّي ذ رَّاسُولْ ن يَاسُوع لْمَاسِيحْ، ذِي لْ-إِيمَانْ ن يِينِّي إِتّْوَافَارْزنْ زِي أَربِّي ؤُ [ذِي] ثُوسّْنَا ن ثِيذتّْ، ثنِّي إِدْجَانْ ذِي ثِيڭّْوُوذِي زِي أَربِّي،
TIT 1:2 خْ ؤُسِيثمْ ن ثُوذَارْثْ إِتّْذُومَانْ، ثنِّي زِي ثُوغَا إِوَاعْذْ أَربِّي ذ ثِيذتّْ، قْبڒْ زّْمَانَاثْ ن ڒْوقْثْ-أَ.
TIT 1:3 نتَّا أَقَا إِسَّارْڭبْ أَوَاڒْ نّسْ ذِي ڒْوقْثْ نّسْ س ثْبَارّحْثْ نّغْ إِ ذ أَيِي إِتّْوَاوكّْڒنْ عْلَاحْسَابْ ڒُومُورْ ن أَربِّي، ونِّي ذ أَنغْ إِتِّيشنْ ثُوذَارْثْ.
TIT 1:4 إِ ثِيثُوسْ، مِّي ذ ثِيذتّْ عْلَاحْسَابْ لْ-إِيمَانْ نّغْ إِشَارْشنْ: أَرْضَا ذ ڒهْنَا زِي أَربِّي، بَابَاثْنغْ، ؤُ زِي سِيذِيثْنغْ يَاسُوع لْمَاسِيحْ، ونِّي ذ أَنغْ إِتِّيشنْ ثُوذَارْثْ.
TIT 1:5 س ؤُينِّي جِّيغْ شكْ ذِي كْرِيثَا، حِيمَا أَذْ ثْعذْڒذْ مِينْ ثُوغَا عَاذْ إِتّْخصَّا، ؤُ حِيمَا أَذْ ثسّْڭعّْذذْ إِمْغَارنْ ذِي كُوڒْ ثَانْذِينْثْ، أَمْ مَامّشْ شكْ ؤُمُورغْ.
TIT 1:6 [أَمْغَارْ] ذ إِجّنْ نِّي وَارْ ذِي إِدْجِي ڒْعِيبْ، أَقَا-ث ذ أَرْيَازْ إِ غَارسْ [مْغِيرْ] إِشْثْ ن ثمْغَارْثْ، غَارسْ إِحنْجِيرنْ تَّامْننْ، وَارْ تّكّْوَارنْ، وَارْ تّْوَاطّْفنْ زڭْ ؤُفُوشّحْ.
TIT 1:7 مِينْزِي إِتّْخصَّا إِ ؤُمْغَارْ أَذْ يِيڒِي بْڒَا ڒْعِيبْ أَمْ ووْكِيڒْ ن أَربِّي. إِتّْخصَّا وَارْ ذَايسْ إِتِّيڒِي ؤُعفَّارْ نِيغْ زّْعَافْ، وَارْ إِسسّْ شّْرَابْ سنّجْ إِ ڒْقدّْ، وَارْ إِشِّيثْ س ؤُفُوسْ نّسْ ذغْيَا ؤُ وَارْ إِتّخْسْ أَرْبحْ وَارْ إِحْڒِينْ.
TIT 1:8 أجّْ إِ-ث أَذْ يَارحّبْ س إِنوْجِيونْ، أَذْ إِخْسْ مِينْ إِصبْحنْ، إِتّْخصَّا أَذْ يِيڒِي ذ أَسخَّايْ، ذ أَمْسڭَّاذْ، ذ أَمزْذَاڭْ، أَذْ إِحْكمْ خْ إِخفْ نّسْ.
TIT 1:9 إِتّْخصَّا أَسْ أَذْ إِحْضَا ثْغُورِي [ن صَّاحْ] ن وَاوَاڒْ ن لْ-إِيمَانْ، حِيمَا إِقدّْ أَذْ إِڭّْ وُوڒْ ذڭْ [يِينِّي يُومْننْ] س ثْغُورِي نّسْ ن صَّاحْ ؤُ أَذْ إِسڭّمْ ثَارْوَا ن بُو-ثْغنَّانْثْ.
TIT 1:10 مِينْزِي أَقَا ذِينْ أَطَّاسْ ن إِوْذَانْ إِنِّي وَارْ إِخْسنْ أَذْ سّْوَاضْضْعنْ إِخفْ نْسنْ، سَّاوَاڒنْ أَوَاڒنْ إِخْوَانْ. نِيثْنِي سّْخَارْوَاضنْ إِخَارِّيصنْ ن إِوْذَانْ، غَارْ ؤُمزْوَارُو نْسنْ ذ إِنِّي إِدْجَانْ زڭْ وخْثَانْ.
TIT 1:11 إِتّْخصَّا أَذْ أَسنْ إِتّْوَاقّنْ ؤُقمُّومْ، مِينْزِي نِيثْنِي قڒْعنْ خْ وَاطَّاسْ ن ڒَادْجَاثْ، سّڒْمَاذنْ مِينْ وَارْ إِشُووَّارنْ مَاحنْذْ أَذْ طّْفنْ أَرْبحْ وَارْ إِحْڒِينْ.
TIT 1:12 إِجّنْ زَّايْسنْ، أَقَا-ث ذ أَنَابِي نْسنْ، ثُوغَا إِنَّا: ”إِكْرِيثِييّنْ سّْخَارِيقّنْ ڒبْذَا، أَقَا-ثنْ ذ ڒوْحُوشْ إِعفَّاننْ، إِمعْڭَازنْ إِ ذَايْسنْ أَعذِّيسْ [وَاهَا].“
TIT 1:13 شّْهَاذثْ-أَ ذ ثِيذتّْ. س ؤُينِّي وبّخْ أَسنْ س جّهْذْ، حِيمَا أَذْ إِڒِينْ ذ إِصْحَاحنْ ذِي لْ-إِيمَانْ،
TIT 1:14 وَارْ تِّيشنْ شَا ثَايْنِيثْ إِ ثْحُوجَا ن وُوذَاينْ ذ ثِيوصَّا ن إِوْذَانْ نِّي إِوْشِينْ س وعْرُورْ إِ ثِيذتّْ.
TIT 1:15 إِ ؤُمزْذَاڭْ مَارَّا ذ ثَازْذُوڭِي، مَاشَا إِ يِينِّي إِتّْوَاخمْجنْ ذ يِينِّي وَارْ يُومِيننْ، إِ نِيثْنِي ؤُڒَا ذ إِشْثْ ن ڒْحَاجّثْ وَارْ ثِيزْذِيڭْ، مِينْزِي إِخَارِّيصنْ نْسنْ ذ ثْنفْسشْثْ نْسنْ خمْجنْ.
TIT 1:16 نِيثْنِي شهّْذنْ أَقَا سّْننْ أَربِّي، مَاشَا نْضَارنْ ث س ڒخْذَايمْ نْسنْ. يَاعُّوثْ مِينْ تّڭّنْ، أَقَا وَارْ تّطِّيعنْ شَا، وَارْ نفّْعنْ ؤُڒَا إِ يِيشْثْ ن ڒْخذْمثْ إِصبْحنْ.
TIT 2:1 مَاشَا شكْ، سِيوڒْ مِينْ إِتّْڒِيقنْ إِ ثْغُورِي ن صَّاحْ.
TIT 2:2 سڒْمذْ إِمْغَارنْ مَاحنْذْ أَذْ إِڒِينْ فَاقنْ، أَذْ ؤُيُورنْ س ثْسخَّايْثْ ذ ثَازْذُوڭِي ذ لْ-إِيمَانْ ن صَّاحْ ؤُ س ثَايْرِي ذ صّْبَارْ.
TIT 2:3 [سڒْمذْ] ثِيوسُّورَا عَاوذْ أَمُّو، مَاحنْذْ أَذْ ڭُّورنْثْ أَمْ د-إِتّْڒِيقْ أَكْ-ذ ثِيڭّْوُوذِي زِي أَربِّي، وَارْ تّْشقِّيفنْثْ شَا، وَارْ وْشِينْثْ إِ بِينُو، مَاشَا أجّْ إِ-ثنْثْ أَذْ سّْڒمْذنْثْ مِينْ إِصبْحنْ،
TIT 2:4 حِيمَا أَذْ شجّْعنْثْ ثِيبْڒِيغِينْ أَذْ ؤُيُورنْثْ س ؤُوقَّارْ، أَذْ خْسنْثْ إِرْيَازنْ نْسنْثْ ذ ثَارْوَا نْسنْثْ،
TIT 2:5 ؤُشَا أَذْ ذَايْسنْثْ يِيڒِي ؤُثبّثْ ذ ثْقدَّاسْثْ، أَذْ وْشنْثْ ثَايْنِيثْ إِ [أَيْثْ بَابْ ن] ثَادَّارْثْ نْسنْثْ، أَذْ ڭّنْثْ أَرَّايْ إِ يرْيَازنْ نْسنْثْ، حِيمَا ؤُڒَا ذ إِجّْ وَارْ إِتّْشقَّافْ شَا ذڭْ وَاوَاڒْ ن أَربِّي.
TIT 2:6 شجّْعثْ عَاوذْ إِبْڒِيغنْ حِيمَا أَذْ ؤُيُورنْ س ثْسخَّايْثْ.
TIT 2:7 أڭّْ إِخفْ نّشْ ذِي مَارَّا ذ لْمِيثَالْ، ذِي مَارَّا ڒخْذَايمْ ثِيصبْحَانِينْ، ؤُ خْمِي ثسّْڒمْذذْ، حْضَا مَاحنْذْ أَذْ يِيڒِي وَاوَاڒْ نّشْ ذ صّحْ،
TIT 2:8 س ڒصْفَايثْ بْڒَا ڒْغشّْ، ؤُشَا وَارْ ث إِسّحْقَارْ ؤُڒَا ذ إِجّْ، أَڒْ غَا إِسضْحَا ونِّي ذ أَنغْ إِتّْعكَّاسنْ ؤُمِي وَارْ إِزمَّارْ أَذْ خَانغْ إِسِّيوڒْ س ؤُڒَا ذ إِجّْ ن وَاوَاڒْ إِسّْفطَّاحنْ.
TIT 2:9 إِتّْخصَّا إِ إِمْسخَّارنْ حِيمَا أَذْ طَّاعنْ إِ أَيْثْبَابْ نْسنْ ذِي مَارَّا، أَذْ أَسنْ أَرْضَانْ، وَارْ ثنْ تّْعكّْسنْ.
TIT 2:10 وَارْ إِعدّڒْ أَذْ أَشَارنْ، مَاشَا أجّْ إِ-ثنْ أَذْ سّشْننْ ڒْمَانثْ نْسنْ إِشْنَانْ، حِيمَا أَذْ إِتّْوَاڭّْ شَّانْ إِ ثْغُورِي ن أَربِّي، ونِّي ذ أَنغْ إِتِّيشنْ ثُوذَارْثْ.
TIT 2:11 مِينْزِي أَرْضَا ن أَربِّي إِ إِسَّاكّْوَاضنْ أَسنْجمْ إِ مَارَّا، أَقَا إِفّغْ-د إِ مَارَّا إِوْذَانْ.
TIT 2:12 أَرْضَا نِّي إِتَّاربَّا أَنغْ مَاحنْذْ أَذْ نتّجّْ ڒقْجَاحثْ ذ نّشْوَاثْ ن دُّونشْثْ، مَاحنْذْ أَذْ ندَّارْ ذِي دُّونشْثْ-أَ س ثْسخَّايْثْ ذ ثْسڭْذَا ؤُ س ثِيڭّْوُوذِي زِي أَربِّي.
TIT 2:13 [أَمُّو] إِ نتّْرَاجَا أَسِيثمْ إِتّْوَابَارْكنْ ؤُڒَا ذ أَسَارْڭبْ ن ؤُعُودْجِي ن أَربِّي أَمقّْرَانْ ذ ونِّي ذ أَنغْ إِتِّيشنْ ثُوذَارْثْ: يَاسُوع لْمَاسِيحْ.
TIT 2:14 نتَّا ذ ونِّي إِ خَانغْ إِوْشِينْ إِخفْ نّسْ ذڭْ ومْشَانْ نّغْ، مَاحنْذْ أَذْ أَنغْ إِسلّكْ زِي مَارَّا ڒْمُوعْصِييّثْ، حِيمَا أَذْ إِسِّيزْذڭْ إِ يِيخفْ نّسْ إِجّْ ن ڒْڭنْسْ إِمحّْضنْ إِ ڒخْذَايمْ ثِيصبْحَانِينْ.
TIT 2:15 سِيوڒْ خْ مَانْ أَيَا، زِييَّارْ ؤُ وبّخْ س مَارَّا جّهْذْ، وَارْ تّجِّي حذْ أَذْ شكْ إِسّحْقَارْ.
TIT 3:1 سعْقڒْ إِ-ثنْ، مَاحنْذْ أَذْ طَّاعنْ إِ ڒْحُوكَّامْ ؤُ إِ صُّولَاطَاثْ، أَذْ أَسنْ ڭّنْ أَرَّايْ، أَذْ إِڒِينْ وجْذنْ إِ ڒْخذْمثْ ثَاصبْحَانْثْ مَامّشْ مَا ثڭَّا،
TIT 3:2 وَارْ تّْشقِّيفنْ ذِي حذْ، وَارْ تّمْشُوبُّوشنْ، أَذْ إِڒِينْ تّبْثنْ ؤُشَا أَذْ سّشْننْ ڒضْرَافثْ إِ مَارَّا إِوْذَانْ زِي مَارَّا إِغزْذِيسنْ.
TIT 3:3 أَقَا ؤُڒَا ذ نشِّينْ زِيشْ ثُوغَا أَنغْ ذ إِفْغَاڒْ، [س وُوڒْ] وَارْ إِمْثِيننْ، نْودَّارْ، أَقَا أَنغْ ذ إِسمْغَانْ ن عْڒَامْ كُوڒْ نّشْوَاثْ ذ شّهْوَاثْ، ثُوغَا ندَّارْ ذِي ثُوعفّْنَا ؤُڒَا ذِي ڒحْسذْ، ذَايْنغْ أَشْرَاهْ ؤُشَا نْشَارْهْ إِجّنْ ونّغْنِي.
TIT 3:4 مَاشَا خْمِي ثْبَانْ ثْشُونِي ذ ثَايْرِي ن أَربِّي، ونِّي ذ أَنغْ إِتِّيشنْ ثُوذَارْثْ،
TIT 3:5 أَقَا إِوْشَا أَنغْ ثُوذَارْثْ، وَارْ إِدْجِي عْلَاحْسَابْ ڒخْذَايمْ ن ثْسڭْذَا إِ نڭَّا، مَاشَا عْلَاحْسَابْ أَرّحْمثْ نّسْ، عْلَاحْسَابْ أَسِيرْذْ ن وخْڒَاقْ ن جْذِيذْ ذ ثَاجْذِيذثْ س أَرُّوحْ إِقدّْسنْ
TIT 3:6 إِ خَانغْ د-إِفَارّغْ س ؤُفيّضْ س يَاسُوع لْمَاسِيحْ، ونِّي ذ أَنغْ إِتِّيشنْ ثُوذَارْثْ،
TIT 3:7 حِيمَا أَذْ نتّْوَاسڭّذْ س أَرْضَا نّسْ، أَذْ نذْوڒْ ذ إِوْرِيثنْ س ؤُسِيثمْ ذِي ثُوذَارْثْ إِتّْذُومَانْ.
TIT 3:8 أَوَاڒْ-أَ ذَايسْ ڒْمَانثْ، ؤُشَا نشّْ خْسغْ عَاوذْ أَذْ ثكَّارذْ أَذْ ثْبدّذْ س جّهْذْ خْ مَانْ أَيَا، حِيمَا إِنِّي إِتّشْڒنْ خْ أَربِّي، أَذْ محْضنْ مَاحنْذْ أَذْ شبَّارنْ ڒبْذَا ذِي ڒخْذَايمْ ثِيصبْحَانِينْ. ثِيمسْڒَايِينْ-أَ شْنَانْثْ ؤُ ذَايْسنْثْ نّْفَاعْ إِ إِوْذَانْ.
TIT 3:9 مَاشَا بعّذْ خْ ؤُمْحَارْوضْ أَبُوهَاڒِي، خْ ثْهُوجَا ن ثَاصِيڒَاثْ، خْ ؤُمنْغِي ؤُ خْ إِمْشُوبَّاشْ ن إِمْسڒْمَاذنْ ن إِذْلِيسنْ، مِينْزِي ذِي [مَارَّا] مَانْ أَيَا وَارْ ذَايسْ بُو نّْفَاعْ، أَقَا مَانْ أَيَا ذ ڒْبَاطڒْ.
TIT 3:10 مَاڒَا ذِينْ حذْ إِسّْبطَّا، إِتّْخصَّا كنِّيوْ أَذْ أَسْ ثَاڭِيمْ أَوَارْنِي ڒَامِي ث ثْوبّْخمْ إِشْثْ ن ثْوَاڒَا ؤُ إِشْثْ ن ثْوَاڒَا نّغْنِي.
TIT 3:11 أَقَا ثسّْنمْ بلِّي وَانِيثَا ذ أَمْفَارْيَاضْ، أَقَا ذ أَمذْنُوبْ، أَقَا إِتّْوَاحَاسبْ زڭْ إِخفْ نّسْ.
TIT 3:12 خْ مِينِّي إِ غَاركْ د غَا سّْقَاذغْ أَرْثِيمَاسْ نِيغْ ثِيشِيكُوسْ، أڭّْ ثِيزمَّارْ مَاحنْذْ أَذْ غَارِي د-ثَاسذْ ذغْيَا غَارْ نِيكُوپُولِيسْ، مِينْزِي أَقَا ڭِّيغْ أَذْ ذِينْ سّعْذُوغْ ڒْمشْثَا.
TIT 3:13 زنَاسْ، أَمْسڒْمَاذْ ن إِذْلِيسنْ، ذ أَپُولُّوسْ، أَوْيمْ ثنْ-د مْلِيحْ ذڭْ وبْرِيذْ، حِيمَا وَارْ ذ أَسنْ إِتّْخصِّي ؤُڒَا ذ إِشْثْ ن ثْمسْڒَاشْثْ.
TIT 3:14 نِيثْنِي أَذْ سّڒْمَاذنْ إِنِّي نّغْ مَاحنْذْ أَذْ ڭّنْ ڒخْذَايمْ ثِيصبْحَانِينْ مَاڒَا ذِينْ ڒحْوجْ أَمقّْرَانْ، حِيمَا وَارْ تِّيڒِينْ بْڒَا ڒْغِيدْجثْ.
TIT 3:15 مَارَّا وِي كِيذِي ذَانِيثَا تّْسدْجَامنْ خَاكْ س ڒهْنَا. سدْجمْ س ڒهْنَا عَاوذْ خْ يِينِّي ذ أَنغْ إِتّخْسنْ ذِي لْ-إِيمَانْ. أَرْضَا أَذْ كِيومْ يِيڒِي مَارَّا إِذْومْ! أَمِينْ.
PHM 1:1 بُولُوسْ، أَمحْبُوسْ ن يَاسُوع لْمَاسِيحْ، ذ ثَاوْمَاثْ ثِيمُوثِييُو، إِ فِيلِيمُونْ إِعِيزّنْ ونِّي ذ أَمْسخَّارْ أَكِيذْنغْ،
PHM 1:2 إِ [ؤُتْشْمَاثْنغْ] أَبْفِييَا إِعِيزّنْ، إِ أَرْخِيبُّوسْ، ونِّي ذ أَمْسخَّارْ أَكِيذْنغْ، ؤُ إِ ثْمسْمُونْثْ ذِي ثَادَّارْثْ نّشْ:
PHM 1:3 أَرْضَا ذ ڒهْنَا أَذْ كِيذْومْ إِڒِينْ زِي أَربِّي، بَابَاثْنغْ، ؤُ [زِي] سِيذِيثْنغْ يَاسُوع لْمَاسِيحْ.
PHM 1:4 نشّْ تّْقَاذِيغْ أَربِّي إِنُو ڒبْذَا ؤُ تّْفكَّارغْ ذَايكْ ذِي ثْژَادْجِيثِينْ إِنُو،
PHM 1:5 خْزَارْ، [عَاذْ] زڭْ وَامِي نشّْ سْڒِيغْ خْ لْ-إِيمَانْ ذ ثَايْرِي نّشْ إِ ذَايكْ إِدْجَانْ زِي جِّيهثْ ن سِيذِيثْنغْ يَاسُوع ؤُ زِي جِّيهثْ ن مَارَّا إِمْقدَّاسنْ،
PHM 1:6 حِيمَا أَذْ ذِينْ يِيڒِي إِجّْ ن ؤُقَارِّي يُودْجْغنْ ن لْ-إِيمَانْ نّشْ أَڒْ غَا ثَاوْيذْ ڒْغِيدْجثْ ذِي ڒخْذَايمْ ؤُ ذِي ثُوسّْنَا ن مَارَّا ڒْخَارْ إِ غَارْومْ ذِي يَاسُوع لْمَاسِيحْ.
PHM 1:7 مَاغَارْ نشِّينْ أَقَا غَارْنغْ ڒفْرَاحثْ ثَامقّْرَانْثْ ذ ؤُفوّجْ، مِينْزِي زِي سِّيبّثْ ن ثَايْرِي نّشْ تّْوَاسَّاريّْحنْ ؤُڒَاونْ ن إِمْقدَّاسنْ.
PHM 1:8 س ؤُينِّي، [وَاخَّا] نشّْ غَارِي ثَارْيَاسْثْ أَطَّاسْ ذِي لْمَاسِيحْ حِيمَا أَذْ شكْ ؤُمُورغْ مِينْ إِشُووَّارنْ،
PHM 1:9 أَقَا نشّْ غَارِي حْسنْ، ذِي سِّيبّثْ ن ثَايْرِي، أَذْ زَّايكْ تَّارغْ. نشّْ بُولُوسْ، أَقَا أَيِي ذ أَوسَّارْ أَمْ مَامّشْ ثسّْنذْ، ؤُشَا ڒخُّو عَاوذْ ذ أَمحْبُوسْ ن يَاسُوع لْمَاسِيحْ،
PHM 1:10 نشّْ غَارِي إِشْثْ ن ثُوثْرَا زِي جِّيهثْ ن مِّي ؤُنِيسِيمُوسْ، ونِّي د-جِّيغْ ذِي سّْنَاسڒْ [ذَا ذِي ڒحْبسْ].
PHM 1:11 نتَّا ثُوغَا وَارْ شكْ إِنفّعْ زِيشْ، مَاشَا ڒخُّو أَقَا إِنفّعْ شكْ ذ نّشْ أَطَّاسْ.
PHM 1:12 نشّْ أَقَا أَرِّيغْ أَشْ ث-إِ-د غَاركْ، مَاشَا قْبڒْ إِ-ث أَمْ مِّي.
PHM 1:13 مَاغَارْ نشّْ مْڒِي ؤُفِيغْ إِڒِي أَقَا جِّيغْ ث ذَانِيثَا أَكِيذِي مَاحنْذْ أَذْ خَافِي إِسخَّارْ ذڭْ ومْشَانْ نّشْ مِينْ ذَا غَا كّغْ ذِي سّْنَاسڒْ خْ سِّيبّثْ ن لْ-إِنْجِيلْ.
PHM 1:14 مَاشَا نشّْ وَارْ خْسغْ شَا أَذْ ڭّغْ وَالُو بْڒَا مَا إِ غَا مْشَاوَارغْ أَكِيذكْ، حِيمَا ثْشُونِي إِ ثڭِّيذْ وَارْ ثتِّيڒِي س ؤُغِيڒْ، مَاشَا س ڒْخَاضَارْ.
PHM 1:15 مِينْزِي نِيشَانْ ثُوغَا إِمّْسبْضَا خَاكْ إِ ذْرُوسْ ن ڒْوقْثْ، حِيمَا أَذْ غَاركْ يِيڒِي عَاوذْ إِ ڒبْذَا،
PHM 1:16 زِي سَّا ذ ثْسَاونْثْ وَارْ إِدْجِي عَاذْ أَمْ ؤُمْسخَّارْ، مَاشَا أَمْ يِيجّنْ إِ إِدْجَانْ كْثَارْ زڭْ ؤُمْسخَّارْ، أَمْ وُومَا إِعِيزّنْ، [إِ نشّْ بعْذَا]، مَاهُو إِ شكْ، أَمْ ذِي دَّاثْ أَمْ ذِي سِيذِيثْنغْ!
PHM 1:17 مَاڒَا ثدْجِيذْ ذ أَمْعَاشَارْ أَكِيذِي [ذِي لْ-إِيمَانْ]، قبْڒْ إِ-ث أَمْ ونِّي نّشْ.
PHM 1:18 مَاڒَا نتَّا ثُوغَا إِضَّارِّي شكْ نِيغْ زعْمَا ذَايسْ أَمَارْوَاسْ، أڭّْ إِ-ث خَافِي!
PHM 1:19 نشّْ، بُولُوسْ، ؤُرِيغْ س ؤُفُوسْ إِنُو، أَقَا أَذْ ث خدْجْصغْ! مَاحنْذْ وَارْ قَّارغْ شَا، أَقَا ؤُڒَا ذ شكْ ثتُّورْسذْ أَيِي إِخفْ نّشْ.
PHM 1:20 وَاهْ، [أَ] ثَاوْمَاثْ إِنُو، أَقَا تّْوَاسَّاريّْحغْ زَّايكْ ذِي سِيذِيثْنغْ، سَاريّحْ ثَايْرِي إِنُو ذِي لْمَاسِيحْ.
PHM 1:21 نشّْ تِّيقّغْ أَذْ أَيِي ثسْڒِيذْ. ؤُرِيغْ أَشْ-د، ؤُشَا سّْنغْ أَقَا شكْ أَذْ ثڭّذْ مَاهُو مِينْ ذ [أَشْ] إِنِيغْ.
PHM 1:22 سوْجذْ أَيِي أَمْشَانْ مَانِي غَا سّنْسغْ، مِينْزِي سِّيثِيمغْ أَذْ غَارْومْ د-أَرزْفغْ س ثْژَادْجِيثْ نْومْ.
PHM 1:23 إِبَافْرَاسْ، ونِّي أَكِيذِي ذَا ذِي ڒحْبسْ ذِي يَاسُوع لْمَاسِيحْ، أَقَا إِسدْجمْ خَاكْ س ڒهْنَا،
PHM 1:24 ؤُڒَا ذ مَارْكُوسْ ذ أَرِيسْثَارْخُوسْ ذ ذِيمَاسْ ذ لُوكَا إِنِّي ذ أَيِي إِتِّيشنْ أَفُوسْ.
PHM 1:25 أَرْضَا ن سِيذِيثْنغْ يَاسُوع لْمَاسِيحْ أَذْ يِيڒِي أَكْ-ذ بُوحْبڒْ نْومْ. أَمِينْ!
HEB 1:1 ذڭْ وُوسَّانْ إِعْذُونْ إِسِّيوڒْ أَربِّي ذِي كُوڒْ ڒْوقْثْ ؤُ ذڭْ وَاطَّاسْ ن إِبْرِيذنْ أَكْ-ذ ڒجْذُوذْ نّغْ س إِنَابِييّنْ.
HEB 1:2 ذڭْ وُوسَّانْ-أَ إِنڭُّورَا أَقَا إِسِّيوڒْ-د أَكِيذْنغْ س مِّيسْ، ونِّي إِڭَّا ذ أَوْرِيثْ ن كُوڒْشِي، س ونِّي [عَاوذْ] إِڭَّا زّْمَانَاثْ.
HEB 1:3 مِينْزِي نتَّا ذ ثَاللّشْثْ ن ؤُعُودْجِي نّسْ ؤُڒَا ذ تّسْوِيرْثْ ن سِيمَانْثْ نّسْ، ؤُ [نتَّا ذ] ونِّي يَاربُّونْ مَارَّا ثِيمسْڒَايِينْ س جّهْذْ ن وَاوَاڒْ نّسْ. أَقَا نتَّا إِسِّيزْذڭْ دّْنُوبْ نّغْ ذِي طّْبِيعثْ ن يِيخفْ نّسْ، ؤُشَا إِرُوحْ إِقِّيمْ غَارْ يفُوسْ ن لْعَاضِيمْ ذِي ڒُوعْڒَا.
HEB 1:4 نتَّا يُوعْڒَا أَطَّاسْ خْ لْمَالَاكَاثْ أَمْ إِسمْ إِ إِطّفْ ذ ڒْوَارْثْ، أَقَا إِشْنَا خْ ونِّي نْسنْ.
HEB 1:5 مِينْزِي إِ مَانْ ثنْ زِي لْمَالَاكَاثْ إِنَّا أَربِّي: ”مِّي إِ ثدْجِيذْ شكْ، أَسّْ-أَ نشّْ جِّيغْ-د شكْ!“، ؤُشَا عَاوذْ إِنَّا: ”نشّْ أَذْ أَسْ إِڒِيغْ ذ بَابَاسْ ؤُ نتَّا أَذْ أَيِي يِيڒِي ذ مِّي“؟
HEB 1:6 ؤُشَا خنِّي خْمِي د-إِسِّيذفْ أَمنْزُو غَارْ دُّونشْثْ، إِنَّا: ”أَذْ أَسْ سجْذنْثْ مَارَّا لْمَالَاكَاثْ ن أَربِّي.“
HEB 1:7 [مَاشَا] خْ لْمَالَاكَاثْ إِنَّا: ”نتَّا إِڭَّا لْمَالَاكَاثْ نّسْ ذ إِسمِّيضنْ، ؤُشَا إِمْسخَّارنْ نّسْ ذ إِشْثْ ن ثْمسِّي إِتّحْذُوذُوقنْ“،
HEB 1:8 مَاشَا خْ مِّيسْ: ”ڒْْعَارْشْ نّشْ، أَ أَربِّي، أَقَا إِدْجَا إِ ڒبْذَا قَاعْ. أَزدْجَاضْ ن ثْڭلْذِيثْ نّشْ، أَقَا-ت ذ أَزدْجَاضْ إِسڭّْذنْ.
HEB 1:9 أَقَا ثخْسذْ ثَاسڭْذَا، ثْشَارْهذْ ڒْغَارْ. س ؤُينِّي أَقَا إِذْهنْ إِ شْ أَربِّي، أَربِّي نّشْ، س زّشْثْ ن ڒفْرَاحثْ سنّجْ إِ إِمْعَاشَارنْ نّشْ.“
HEB 1:10 ؤُشَا خنِّي: ”زڭْ ؤُبدُّو ثڭِّيذْ شكْ ذْسَاسْ ن ثمُّورْثْ، إِجنْوَانْ دْجَانْ ذ ڒْخذْمثْ ن إِفَاسّنْ نّشْ.
HEB 1:11 إِنَا أَذْ تّْوَاثحَّانْ، مَاشَا شكْ أَذْ ثْذُومذْ، ؤُشَا إِنَا مَارَّا أَذْ أَرْشَانْ أَمْ وَارُّوضْ.
HEB 1:12 أَمشْنَاوْ إِجّْ ن ؤُسڒْهَامْ أَذْ ثنْ تّْضفْسذْ. أَذْ تّْوَابدّْڒنْ أَمْ وَارُّوضْ، مَاشَا شكْ أَذْ ثِيڒِيذْ ذ ونِّي ؤُشَا إِسڭّْوُوسَا نّشْ وَارْ قطِّينْ شَا.“
HEB 1:13 [مَاشَا] إِ مَانْ ثنْ زِي لْمَالَاكَاثْ إِنَّا إِجّْ ن وَاسّْ: ”قِّيمْ غَارْ يفُوسْ إِنُو أَڒْ ذ غَا ڭّغْ ڒْعذْيَانْ نّشْ ذ ثَانبْذَاثْ سَاذُو إِضَارنْ نّشْ“؟
HEB 1:14 مَا وَارْ دْجِينْثْ نِيثنْثِي ذ أَرُّوحَاثْ إِ ثْسخَّارْثْ، تّْوَاسّكّنْثْ-إِ-د حِيمَا أَذْ سخَّارنْثْ إِ يِينِّي غَا إِوَارْثنْ ثُوذَارْثْ؟
HEB 2:1 س ؤُينِّي إِتّْخصَّا أَنغْ أَذْ نوْشْ ثَايْنِيثْ كْثَارْ إِ مِينْ نسْڒَا، حِيمَا وَارْ نتّفّغْ زڭْ وبْرِيذْ.
HEB 2:2 مِينْزِي، مَاڒَا أَوَاڒْ إِ إِنَّانْ لْمَالَاكَاثْ ثُوغَا ثْبدّْ ؤُ مَارَّا وِي ث إِسْڒِينْ، [مَاشَا] إِعْذُو خَاسْ، أَقَا إِتّْوَاخدْجصْ س ڒْحقّْ،
HEB 2:3 مَامّشْ إِ غَا نڭّْ أَذْ نَارْوڒْ نشِّينْ، مَاڒَا نسّحْقَارَا ثِيمسْڒَايِينْ إِ إِدْجَانْ ذ ثُوذَارْثْ إِ نشِّينْ، [ثِيمسْڒَايِينْ] إِ خفْ ثُوغَا إِسَّاوَاڒْ سِيذِيثْنغْ غَارْ ؤُمزْوَارُو، ؤُشَا [خنِّي] تّْوَاضمْننْثْ أَنغْ زڭْ يِينِّي جَارَانغْ إِ ثُوغَا [ثنْثْ] زَّايسْ إِسْڒِينْ،
HEB 2:4 [ؤُمِي] أَربِّي إِشْهذْ أَكِيذْسنْ س ڒعْڒَامَاثْ ذ لْمُوعْجِيزَاثْ ذ ڒعْجَايبْ إِفَارْزنْ ؤُ س ثْموْشِي ن أَرُّوحْ إِقدّْسنْ، ثِينِّي إِمّوْشنْ أَمْ مَامّشْ إِخْسْ نتَّا.
HEB 2:5 مِينْزِي وَارْ إِسَّارْسْ شَا زّْمَانْ إِ د غَا يَاسنْ خْ ثنِّي نسِّيوڒْ، سَاذُو [ڒُْومُورْ ن] لْمَالَاكَاثْ،
HEB 2:6 مَاشَا أَمْ مَامّشْ شهّْذنْثْ ؤُ قَّارنْثْ ثِيرَا [إِقدّْسنْ]: ”مِينْ إِعْنَا بْنَاذمْ، أَقَا شكْ إِ ذَايسْ إِتّْخَارَّاصنْ، ؤُ مِينْ إِعْنَا مِّيسْ ن بْنَاذمْ، أَقَا شكْ إِ ذَايسْ إِتّْهِيلَّانْ؟
HEB 2:7 شكْ ثڭِّيذْ ث شْوَايْثْ سَاذُو لْمَالَاكَاثْ، ثڭِّيذْ أَسْ أَعُودْجِي ذ شَّانْ خْ ؤُخدْجِيفْ نّسْ، ثوْشِيذْ أَسْ صُّولْطَا خْ ڒخْذَايمْ ن إِفَاسّنْ نّشْ.
HEB 2:8 أَقَا مَارَّا ثِيمسْڒَايِينْ ثڭِّيذْ ثنْثْ سَاذُو إِضَارنْ نّسْ.“ ؤُمِي إِڭَّا مَارَّا ثِيمسْڒَايِينْ سَاذُو نتَّا، أَقَا وَارْ إِجِّي وَالُو وَارْ ث إِڭِّي سَاذُو نتَّا. مَاشَا ڒخُّو وَارْ نْژَارْ عَاذْ مَارَّا إِتّْوَاڭّْ سَاذُو نتَّا،
HEB 2:9 مَاشَا نتّْوَاڒَا بلِّي نتَّا، أَقَا-ث ذ يَاسُوع، ثُوغَا إِتّْوَاڭّْ شْوَايْثْ سَاذُو لْمَالَاكَاثْ ذِي سِّيبّثْ ن ؤُودّبْ ن ڒْموْثْ نّسْ، [نتّْوَاڒَا إِ-ث] س تَّاجْ ن ؤُعُودْجِي ذ شَّانْ خْ ؤُزدْجِيفْ نّسْ، مَاغَارْ أَربِّي إِقَّاسْ ڒْموْثْ إِ مَارَّا إِوْذَانْ عْلَاحْسَابْ أَرْضَا نّسْ.
HEB 2:10 مِينْزِي ثُوغَا إِتّْڒِيقْ أَسْ إِ نتَّا س ونِّي ؤُ إِ ونِّي دْجَانْثْ مَارَّا ثْمسْڒَايِينْ - نتَّا ذ [ونِّي] إِ د-إِتَّاوْينْ أَطَّاسْ ن إِحنْجِيرنْ غَارْ ؤُعُودْجِي - مَاحنْذْ أَذْ إِكمّڒْ ؤُزدْجِيفْ ن ثُوذَارْثْ نْسنْ س ؤُودّبْ نّسْ.
HEB 2:11 مِينْزِي ذ ونِّي إِسّْقدّْسنْ ذ يِينِّي إِتّْوَاقدّْسنْ، نِيثْنِي مَارَّا ذ إِجّنْ. س ؤُينِّي نتَّا وَارْ إِسضْحِي شَا أَذْ أَسنْ إِڒَاغَا أَوْمَاثنْ نّسْ،
HEB 2:12 ؤُمِي إِنَّا: ”أَذْ بَارّْحغْ إِ وَاوْمَاثنْ إِنُو س يِيسمْ نّشْ، ذِي ڒْوسْطْ ن ثْمسْمُونْثْ أَذْ شكْ صبّْحغْ.“
HEB 2:13 ؤُشَا عَاوذْ: ”نشّْ أَذْ ذَايسْ تِّيقّغْ!“ ؤُشَا عَاوذْ: ”أَقَا ذَا، نشّْ ذ ثَارْوَا إِ ذ أَيِي إِوْشَا أَربِّي.“
HEB 2:14 مِينْزِي ثَارْوَا شَارْشنْ ذڭْ ويْسُومْ ذ إِذَامّنْ، ؤُڒَا ذ نتَّا إِشَارْشْ أَمُّو كِيفْكِيفْ ذِي مَانْ أَيَا، حِيمَا أَذْ إِبطّڒْ س ڒْموْثْ نّسْ ونِّي غَارْ ثدْجَا صُّولْطَا خْ ڒْموْثْ، أَقَا نتَّا ذ شِّيطَانْ،
HEB 2:15 ؤُشَا [خنِّي] أَذْ إِفكّْ إِنِّي إِسّعْدُّونْ قَاعْ ثُوذَارْثْ نْسنْ أَمْ إِسمْغَانْ زِي ثِيڭّْوُوذِي ن ڒْموْثْ.
HEB 2:16 مِينْزِي ڒْموْثْ وَارْ غَارسْ ثدْجِي صُّولْطَا خْ لْمَالَاكَاثْ، مَاشَا [ڒْموْثْ] غَارسْ صُّولْطَا خْ زَّارِيعثْ ن إِبْرَاهِيمْ.
HEB 2:17 س ؤُينِّي ثُوغَا إِتّْخصَّا أَسْ أَذْ إِذْوڒْ أَمْ وَاوْمَاثنْ نّسْ زِي مَارَّا إِغزْذِيسنْ، حِيمَا أَذْ إِذْوڒْ ذ أَرَّايْسْ ن إِكهَّاننْ أَرْحِيمْ ذ أَمْثِيقِّي ذِي مِينْ إِدْجَانْ إِ أَربِّي، ؤُشَا أَذْ يِيڒِي بْڒَا ڒْعِيبْ زِي جِّيهثْ ن دّْنُوبْ ن ڒْڭنْسْ.
HEB 2:18 مِينْزِي مِينْ ذِي ثُوغَا نتَّا سِيمَانْثْ نّسْ إِودّبْ ؤُ إِتّْوَاجَارّبْ، أَقَا إِزمَّارْ أَذْ إِعَاونْ إِنِّي إِتّْوَاجَارّْبنْ.
HEB 3:1 س ؤُينِّي، [أَ] أَيْثْمَا إِمْقدَّاسنْ، إِنِّي إِتّْوَاڒَاغَانْ س ثْڒَاغِيثْ ن ؤُجنَّا، خْزَارمْ غَارْ رَّاسُولْ وَانِيثَا، غَارْ أَرَّايْسْ ن إِكهَّاننْ ن شّْهَاذثْ نّغْ، يَاسُوع لْمَاسِيحْ،
HEB 3:2 ونِّي ذ أَمْثِيقِّي إِ ونِّي إِ-ث-إِ-د-إِسّْڭعّْذنْ، أَمْ مَامّشْ ثُوغَا مُوسَا [ذ أَمْثِيقِّي] ذِي مَارَّا ثَادَّارْثْ نّسْ.
HEB 3:3 مِينْزِي أَعُودْجِي ن وَانِيثَا ذ أَمقّْرَانْ س وَاطَّاسْ خْ ونِّي ن مُوسَا، أَمْ شَّانْ ن ؤُبنَّايْ ن ثَادَّارْثْ إِمْغَارْ خْ شَّانْ ن ڒبْنِي نّسْ.
HEB 3:4 مِينْزِي مَارَّا ثَادَّارْثْ ثتّْوَابْنَا زڭْ إِجّنْ، مَاشَا ونِّي إِبنَّانْ مَارَّا ذ أَربِّي.
HEB 3:5 ثتّْوَاوكّڒْ إِ مُوسَا مَارَّا ثَادَّارْثْ نّسْ أَمْ إِ يِيجّْ ن ؤُمْسخَّارْ، مَاحنْذْ أَذْ إِشْهذْ خْ ثْمسْڒَايِينْ مِينْ خفْ غَا إِسِّيوڒْ نتَّا.
HEB 3:6 مَاشَا لْمَاسِيحْ أَمْ مِّيسْ [إِتّْوَاڭّْ] خْ ثَادَّارْثْ نّسْ، ؤُ ثَادَّارْثْ نّسْ ذ نشِّينْ، مَاڒَا نقِّيمْ نتّطّفْ ذِي ڒَامَانْ ؤُ ذڭْ ؤُعُودْجِي ن ؤُسِيثمْ نّسْ أَڒْ أَنڭَّارْ.
HEB 3:7 مَاشَا مِينْزِي أَرُّوحْ إِقدّْسنْ إِنَّا ... ”أَقَا أَسّْ-أَ مَاڒَا ثسْڒِيمْ ثْمِيجَّا نّسْ،
HEB 3:8 وَارْ تّسّقْسِيحمْ شَا ؤُڒَاونْ نْومْ مَاحنْذْ أَذْ ث ثسْعَارمْ، أَمْ إِنِّي إِغوّْغنْ، أَمْ ذڭْ وَاسّْ ن ؤُجَارّبْ ذِي ڒخْڒَا،
HEB 3:9 ؤُمِي ذ أَيِي جَارّْبنْ ڒجْذُوذْ نْومْ، قدْجْبنْ أَيِي، أَمْ ژْرِينْ ثِيمڭَّا إِنُو أَربْعِينْ ن إِسڭّْوُوسَا.
HEB 3:10 ... س ؤُيَا عِيفّغْ زِي جِّيڒْ نِّي، نِّيغْ: ’وَا ذ إِجّْ ن ڒْڭنْسْ إِ إِودَّارنْ ذڭْ وُوڒْ نّسْ نِيثْنِي وَارْ سِّيننْ شَا إِبْرِيذنْ إِنُو!‘،
HEB 3:11 أَڒَامِي جُّودْجغْ ذڭْ وغْضَابْ إِنُو: ’وَارْ د-تِّيذْفنْ شَا غَارْ أَرَّاحثْ إِنُو!‘ “
HEB 3:12 س ؤُينِّي، [أَ] أَيْثْمَا، حْضَامْ حِيمَاعمَّارْصْ وَارْ إِتِّيڒِي حذْ زَّايْومْ غَارسْ ؤُڒْ ذ أَعفَّانْ إِ وَارْ إِتِّيمْننْ ؤُمِي غَا ثَاڭّْوجمْ خْ أَربِّي إِدَّارنْ،
HEB 3:13 مَاشَا قدْجْبمْ إِخفْ نْومْ كُوڒْ أَسّْ، أَڒْ أَسّْ ؤُمِي قَّارنْ: ’أَسّْ-أَ!‘، حِيمَا ؤُڒَا ذ إِجّْ زَّايْومْ وَارْ إِتّقْسِيحْ شَا س ؤُغكّْوِي ن دّنْبْ.
HEB 3:14 مِينْزِي نتّْوَاسّْمُونْ [أَطَّاسْ] أَكْ-ذ لْمَاسِيحْ مَاڒَا نقِّيمْ نْشبَّارْ زڭْ ؤُمزْوَارْ أَڒْ أَنڭَّارْ ذِي ڒْعَاهْذْ-أَ إِ ذَايسْ ڒَامَانْ.
HEB 3:15 س ؤُيَا إِتّْوَانَّا [أَمُّو]: ”أَقَا أَسّْ-أَ، مَاڒَا ثسْڒِيمْ ڒْحسّْ ن ثْمِيجَّا نّسْ، وَارْ ثسّقْسِيحمْ شَا ؤُڒَاونْ نْومْ مَاحنْذْ أَذْ ث ثسْعَارمْ.“
HEB 3:16 [خنِّي] مِينْ إِعْنَانْ نِيثْنِي إِنِّي إِسْڒِينْ ث، [خنِّي]غوّْغنْ؟ مَا وَارْ [دْجِينْ] نِيثْنِي مَارَّا ذ إِنِّي د-إِفّْغنْ زِي مِيصْرَا س ؤُفُوسْ ن مُوسَا؟
HEB 3:17 زِي مَانْ ونْ إِعِيفّْ نتَّا [خنِّي] أَربْعِينْ ن إِسڭّْوُوسَا؟ مَا وَارْ إِدْجِي زڭْ يِينِّي إِخْضَانْ، إِنِّي ؤُمِي إِوْضَانْ إِغْسَانْ نْسنْ ذِي ڒخْڒَا؟
HEB 3:18 إِ ؤُمِي إِجُّودْجْ نتَّا، بلِّي وَارْ د-تِّيذْفنْ شَا غَارْ أَرَّاحثْ نّسْ؟ مَا وَارْ إِدْجِي إِ يِينِّي وَارْ ذ أَسْ تِّيقّنْ؟
HEB 3:19 أَقَا نتّْوَاڒَا بلِّي نِيثْنِي وَارْ زمَّارنْ أَذْ أَذْفنْ خْ سِّيبّثْ ن بْڒَا لْ-إِيمَانْ نْسنْ.
HEB 4:1 أجّْ أَنغْ أَذْ نحْضَا خنِّي، أَقَا ؤُڒَا ذ إِجّْ زَّايْومْ، [ؤُمِي عَاذْ] ذِينْ إِجّْ ن لْوَاعْذْ ن وَاذَافْ ذِي أَرَّاحثْ نّسْ، أَذْ إِضْهَارْ إِتّْغِيمَا غَارْ ضفَّارْ غَارْ وَاذَافْ.
HEB 4:2 مِينْزِي إِتّْوَابَارّحْ ڒخْبَارْ أَصبْحَانْ عَاوذْ إِ نشِّينْ، أَمْ [إِتّْوَابَارّحْ] ؤُڒَا إِ نِيثْنِي، مَاشَا أَوَاڒْ وَارْ ذ أَسنْ إِنْفِيعْ إِ يِينِّي ذ أَسْ إِسْڒِينْ، مِينْزِي ثُوغَا وَارْ د-إِتِّيسْ شَا أَكْ-ذ لْ-إِيمَانْ ذڭْ إِنِّي [ذ أَسْ] إِسْڒَانْ.
HEB 4:3 مَاشَا نشِّينْ، إِنِّي يُومْننْ، أَذْ نَاذفْ غَارْ أَرَّاحثْ. مَاشَا أَمْ مَامّشْ إِنَّا: ”أَمْ مَامّشْ جُّودْجغْ ذڭْ وغْضَابْ إِنُو: ’نِيثْنِي وَارْ د-تِّيذْفنْ شَا غَارْ أَرَّاحثْ إِنُو!‘ “ ؤُ خْزَارْ، ڒخْذَايمْ ن أَربِّي أَقَا تّْوَاكمّْڒنْثْ زڭْ وَامِي ثتّْوَاڭّْ دُّونشْثْ،
HEB 4:4 أَمْ مَامّشْ إِنَّا خْ سّبْثْ: ”يَاريّحْ أَربِّي زِي مَارَّا ڒخْذَايمْ نّسْ ذڭْ وَاسّْ وِيسّْ سبْعَا.“
HEB 4:5 [أَمُّو] إِ إِنَّا عَاوذْ ذڭْ [وَاوَاڒْ-أَ] وَانِيثَا: ”وَارْ د-تِّيذْفنْ شَا غَارْ أَرَّاحثْ إِنُو!“
HEB 4:6 ؤُمِي ثقِّيمْ بلِّي مَارَّا زمَّارنْ أَذْ د-أَذْفنْ [غَارْ أَرَّاحثْ-أَ]، [مَاشَا] إِنِّي ؤُمِي إِتّْوَابَارّحْ س ڒخْبَارْ أَصبْحَانْ غَارْ ؤُمزْوَارُو، وَارْ ؤُذِيفنْ شَا خْ سِّيبّثْ ن ڒْمُوعْصِييّثْ نْسنْ،
HEB 4:7 أَقَا نتَّا إِڭَّا عَاوذْ، أَوَارْنِي أَطَّاسْ ن ڒْوقْثْ، إِجّْ ن وَاسّْ نّغْنِي، أَمْ مَامّشْ إِتّْوَارِي قْبڒْ أَقَا ذَاوُوذْ إِنَّا: ”أَسّْ-أَ مَاڒَا ثسْڒِيمْ إِ ثْمِيجَّا نّسْ، وَارْ سقْسِيحمْ شَا ؤُڒَاونْ نْومْ!“
HEB 4:8 مِينْزِي مَاڒَا ثُوغَا يَاشُووَا، مِّيسْ ن نُونْ، إِسِّيذفْ إِ-ثنْ ذِي أَرَّاحثْ، وَارْ غَارسْ إِتِّيڒِي عَاذْ ڒْهَارْذْ [س ؤُقمُّومْ ن ذَاوُوذْ] خْ إِجّْ ن وَاسّْ نّغْنِي أَوَارْنِي مَانْ أَيَا.
HEB 4:9 س ؤُيَا أَذْ ثقِّيمْ أَقَا ذِينْ عَاذْ أَرَّاحثْ ن سّبْثْ إِ ڒْڭنْسْ ن أَربِّي.
HEB 4:10 مِينْزِي وِي يُوذْفنْ غَارْ أَرَّاحثْ نّسْ، يَاريّحْ عَاوذْ زِي ڒخْذَايمْ نّسْ أَمْ مَامّشْ أَربِّي زِي ثِينِّي نّسْ.
HEB 4:11 س ؤُيَا جّمْ أَنغْ أَذْ نمْكَابَارْ حِيمَا أَذْ نَاذفْ غَارْ أَرَّاحثْ نِّي، مَاحنْذْ وَارْ نْوطِّي أَمْ مَامّشْ وْضَانْ إِنِّي وَارْ إِطِّيعنْ.
HEB 4:12 مِينْزِي أَوَاڒْ ن أَربِّي إِدَّارْ، إِخدّمْ مَانِي مَا، إِقْضعْ كْثَارْ زِي كُوڒْ سِّيفْ س ثْنَاينْ ن وُوذْمَاونْ، إِتَّاكّْوَاضْ أَڒْ أَبطُّو ن ڒعْمَارْ ذ أَرُّوحْ، أَڒْ [تَّاسِيعْ] جَارْ ڒمْفَاصڒْ، أَڒْ [أَيْمِيرْ] جَارْ وَاضُوفْ ذ إِغْسَانْ، ؤُشَا إِحكّمْ خْ ثْنَاوِي ذ إِخَارِّيصنْ ن وُوڒْ.
HEB 4:13 ؤُڒَا ذ إِشْثْ ن ثْمسْڒَاشْثْ إِ زَّايسْ د-إِتّْوَاخڒْقنْ وَارْ زَّايسْ ثتّْوَاسّْنُوفَّارْ شَا، مَاشَا مَارَّا [ثِيمسْڒَايِينْ] أَقَا أَثنْثْ تّْوَاعَارّْينْثْ، تّْوَارزّْمنْثْ غَارْ ثِيطَّاوِينْ ن ونِّي ؤُمِي إِ-كْ-د إِ غَا نڭّْ ڒحْسَابْ.
HEB 4:14 س ؤُينِّي، أَمْ غَارْنغْ أَرَّايْسْ ن إِكهَّاننْ إِمْغَارْ، يَاسُوع لْمَاسِيحْ، مِّيسْ ن أَربِّي، ونِّي إِسّْڭعّْذنْ غَارْ ؤُجنَّا، أجّْ أَنغْ أَذْ نْشبَّارْ ذِي شّْهَاذثْ نّسْ.
HEB 4:15 مِينْزِي وَارْ غَارْنغْ أَرَّايْسْ ن إِكهَّاننْ إِ وَارْ إِزمَّارْ أَذْ يَاشَا أَكْ-ذ ثُوضْعفْثْ نّغْ، مَاشَا إِجّنْ ونِّي إِتّْوَاجَارّْبنْ ذِي مَارَّا أَمْ نشِّينْ، مَاشَا بْڒَا دّنْبْ.
HEB 4:16 س ؤُينِّي أجّْ أَنغْ أَذْ د-نْقَارّبْ خنِّي س تِّيقّثْ غَارْ ڒْعَارْشْ ن أَرْضَا نّسْ، حِيمَا أَذْ نكْسِي أَرّحْمثْ ؤُشَا أَذْ نَافْ أَرْضَا ذِي ڒْوقْثْ ن ڒْمحْنثْ.
HEB 5:1 مِينْزِي كُوڒْ أَرَّايْسْ ن إِكهَّاننْ [إِتّْوَاكّسْ-د] زڭْ إِوْذَانْ، إِتّْوَاسّْڭعّذْ ذِي طّْوعْ ن إِوْذَانْ خْ مِينْ إِدْجَانْ ن أَربِّي، مَاحنْذْ أَذْ إِقدّمْ ثِيوْهِيبِينْ ذ ثْغَارْصِينْ خْ دّْنُوبْ.
HEB 5:2 إِزمَّارْ أَذْ إِمَّارْسْ إِخفْ نّسْ، أَذْ إِحِينّْ خْ إِقُوبَّانِييّنْ ذ إِمْودَّارنْ، مِينْزِي ؤُڒَا ذ نتَّا سِيمَانْثْ نّسْ يَارْضْ ثُوضْعفْثْ.
HEB 5:3 مَاغَارْ س مَانْ أَيَا ذ إِشْثنْ إِتّْخصَّا أَسْ أَذْ إِسّْڭعّذْ ثِيغَارْصِينْ خْ دّْنُوبْ ن ڒْڭنْسْ ؤُشَا عَاوذْ خْ [دّْنُوبْ ن] يِيخفْ نّسْ.
HEB 5:4 ؤُڒَا ذ إِجّنْ أَذْ إِكْسِي إِ يِيخفْ نّسْ شَّانْ[-أَ]، مْغِيرْ ونِّي إِتّْوَاڒَاغَانْ زِي أَربِّي أَمْ مَامّشْ [إِتّْوَاڒَاغَا] هَارُونْ.
HEB 5:5 أَمُّو عَاوذْ لْمَاسِيحْ وَارْ إِسّْعُودْجِي شَا إِخفْ نّسْ ؤُمِي إِذْوڒْ ذ أَرَّايْسْ ن إِكهَّاننْ، مَاشَا [إِسّْعُودْجْ] ونِّي د غَارسْ إِسِّيوْڒنْ: ”شكْ ذ مِّي، نشّْ جِّيغْ-د شكْ أَسّْ-أَ!“
HEB 5:6 أَمْ مَامّشْ إِنَّا عَاوذْ ذِي مَانِي نّغْنِي: ”شكْ ذ أَكهَّانْ إِ ڒبْذَا، ذڭْ وَارْوَاسْ ن مَالْكِيصَاذِيقْ.“
HEB 5:7 ڒَامِي ثُوغَا يَارّضْ [أَرِّيمثْ ن] ويْسُومْ [نّسْ]، إِقدّمْ ثِيژَادْجِيثِينْ ذ ثُوثْرَا س إِغُويَّانْ أَطَّاسْ ؤُ س إِمطَّاونْ إِ ونِّي ثُوغَا إِزمَّارنْ أَذْ ث-إِ-د-إِسّْنكَّارْ زِي ڒْموْثْ إِ ثُوذَارْثْ، ؤُشَا نتَّا إِسْڒَا أَسْ.
HEB 5:8 نتَّا، وَاخَّا ثُوغَا-ث ذ مِّيسْ، أَقَا إِڒْمذْ طَّاعثْ س ثِيڭّْوُوذِي ؤُ زڭْ ؤُودّبْ إِ إِكْسِي.
HEB 5:9 أَمُّو إِ إِذْوڒْ نتَّا إِكمّڒْ، إِذْوڒْ ذ سِّيبّثْ ن ثُوذَارْثْ إِتّْذُومَانْ إِ مَارَّا إِنِّي ذ أَسْ إِ غَا إِطَّاعنْ،
HEB 5:10 ؤُشَا إِڭَّا إِ-ث أَربِّي ذ أَرَّايْسْ ن إِكهَّاننْ ذڭْ وَارْوَاسْ ن مَالْكِيصَاذِيقْ.
HEB 5:11 أَقَا غَارْنغْ أَطَّاسْ مِينْ غَا نِينِي خْ مَالْكِيصَاذِيقْ وَانِيثَا، مَاشَا إِوْعَارْ أَذْ ث نْفسَّارْ، مِينْزِي ثْذوْڒمْ ثوْعَارمْ أَذْ ثسْڒمْ.
HEB 5:12 مَاغَارْ ثُوغَا إِتّْخصَّا أَذْ ثِيڒِيمْ ذ إِمسْغَارنْ زِي جِّيهثْ ن ڒْمِيجَاڒْ ن ڒْوقْثْ إِ ثْضفَّارمْ ثْغُورِي-يَا. مَاشَا ڒخُّو إِتّْخصَّا أَومْ عَاذْ أَذْ ثْڒمْذمْ لْحُورُوفْ إِمزْوُورَا ن بدُّو ن وَاوَاڒنْ ن أَربِّي، كنِّيوْ ثحْذَاجمْ [عَاذْ] أَغِي ذڭْ ومْشَانْ ن مَاشَّا إِجهْذنْ.
HEB 5:13 مِينْزِي كُوڒْ إِجّنْ ونِّي إِشَارْشنْ ذڭْ ؤُغِي، وَارْ إِقدّْ خْ وَاوَاڒْ ن ثْسڭْذَا، مِينْزِي نتَّا ذ أَسيْمِي [عَاذْ].
HEB 5:14 مَاشَا مَاشَّا إِجهْذنْ إِفّغْ-د إِ يِينِّي إِمْغَارنْ، إِنِّي أَقَا نُّومنْ أَذْ ذَارّْبنْ ثَاشِيثْ نْسنْ حِيمَا أَذْ فَارْزنْ ڒْخَارْ خْ ڒْغَارْ.
HEB 6:1 س ؤُينِّي أَذْ نجّْ ثَامزْوَارُوثْ ن وَاوَاڒْ ن لْمَاسِيحْ، أَذْ نُويُورْ زَّاثْ غَارْ ؤُكمّڒْ. مَايمِّي خنِّي ثخْسمْ أَذْ ثسَّارْسمْ عَاوذْ ذْسَاسْ نّغْنِي إِ تُّوبثْ زِي ڒخْذَايمْ إِمُّوثنْ ؤُ إِ لْ-إِيمَانْ ذِي أَربِّي،
HEB 6:2 ؤُ إِ ثْغُورِي ن ؤُسغْضصْ ذ ؤُسَارْسِي ن إِفَاسّنْ ؤُڒَا إِ ثْنُوكْرَا زِي ثَادَّارْثْ ن إِمتِّيننْ ذ لْحِيسَابْ إِ ڒبْذَا؟
HEB 6:3 مَاڒَا [أَذْ أَنغْ] إِسْمحْ سِيذِي مَانْ أَيَا، أَذْ ث نڭّْ.
HEB 6:4 مَاشَا وَارْ ذ أَسنْ إِزمَّارْ إِ يِينِّي د-إِهْوَانْ إِ ؤُسغْضصْ إِشْثْ ن ثْوَاڒَا ؤُشَا قَّاسنْ ثَاوْهِيبْثْ ن ؤُجنَّا ؤُشَا طّْفنْ أَرُّوحْ إِقدّْسنْ،
HEB 6:5 ؤُشَا قَّاسنْ [عَاوذْ] أَوَاڒْ إِشْنَانْ ن أَربِّي ذ جّهْذْ ن زّْمَانْ إِ د غَا يَاسنْ،
HEB 6:6 مَاحنْذْ أَذْ خْضَانْ عَاوذْ، ؤُشَا أَذْ تّْوَاسّْفَاقنْ إِ تُّوبثْ زِي جْذِيذْ، ؤُشَا أَذْ صلّْبنْ ؤُ أَذْ سّحْقَارنْ مِّيسْ ن أَربِّي إِشْثْ ن ثْوَاڒَا نّغْنِي.
HEB 6:7 مِينْزِي ثَامُّورْثْ، ثنِّي إِسسّنْ أَنْژَارْ ونِّي خَاسْ إِشَّاثنْ أَطَّاسْ ن ثْوَاڒَاوِينْ، ثسّْغمِّي أَغمُّويْ إِشْنَا إِ يِينِّي ؤُمِي ثتّْوَافدْجحْ، أَقَا ثكْسِي لْبَارَاكَا زِي أَربِّي.
HEB 6:8 مَاشَا مَاڒَا ثسّغْمِي-د [ثمُّورْثْ] إِسنَّاننْ ذ ثْزڭّْوَارْثْ، أَقَا ثمّنْضَارْ ؤُ ثُوذسْ إِ نّعْڒثْ ؤُشَا أَنڭَّارْ [ن ثمُّورْثْ] أَذْ يِيڒِي ذ أَشْمَاضْ.
HEB 6:9 مَاشَا وَاخَّا نسَّاوَاڒْ أَمُّو، زِي جِّيهثْ نْومْ [أَ] أَيْثْمَا، أَقَا نتّْوَاسّقْنعْ أَقَا ذِينْ ثِيمسْڒَايِينْ إِشْنَانْ إِتّْرَاحنْ نِيشَانْ أَكْ-ذ ثُوذَارْثْ.
HEB 6:10 مِينْزِي أَربِّي وَارْ إِدْجِي ذ ونِّي وَارْ إِسڭّْذنْ مَاحنْذْ أَذْ إِتُّو ڒْخذْمثْ نْومْ ذ ثَايْرِي نْومْ، ثِينِي ثُوغَا ثسّشْنمْ ذڭْ يِيسمْ نّسْ، إِ زَّايسْ ثُوغَا كنِّيوْ ثْسخَّارمْ إِ إِمْقدَّاسنْ ؤُشَا ثتّْسخَّارمْ [أَسنْ عَاذْ].
HEB 6:11 مَاشَا ذَايْنغْ مژْرِي حِيمَا كُوڒْ إِجّنْ زَّايْومْ أَذْ إِسّْشنْ أَمْحَاضْ ذ إِجّْ إِ ؤُكمّڒْ ن ؤُسِيثمْ أَڒْ أَنڭَّارْ،
HEB 6:12 أَقَا وَارْ ثدّكّْوَاڒَامْ ذ إِمعْڭَازْ، مَاشَا أَذْ ثِيڒِيمْ ذ إِمضْفَارنْ ن يِينِّي س لْ-إِيمَانْ ذ تَّاسِيعْ ن ڒْخَاضَارْ ذوْڒنْ ذ إِوْرِيثنْ ن لْوَاعْذْ.
HEB 6:13 مِينْزِي ڒَامِي إِوَاعْذْ أَربِّي إِبْرَاهِيمْ، إِجُّودْجْ س يِيخفْ نّسْ، مِينْزِي وَارْ ذِينْ إِدْجِي ونّغْنِي إِمْغَارْ خَاسْ مَاحنْذْ أَذْ أَسْ إِجَّادْجْ،
HEB 6:14 إِنَّا: ”س ثِيذتّْ، أَذْ أَشْ بَارْكغْ ؤُشَا أَذْ أَشْ أَرْنِيغْ أَطَّاسْ س وَاطَّاسْ.“
HEB 6:15 ؤُشَا أَمُّو، أَمْ إِتّْصبَّارْ [إِبْرَاهِيمْ]، أَقَا إِكْسِي لْوَاعْذْ.
HEB 6:16 مَاغَارْ إِوْذَانْ جُّودْجنْ غَارْ مِينْ خَاسنْ إِدْجَانْ ذ أَمقّْرَانْ ؤُ مَارَّا أَمْشُوبّشْ جَارْ أَسنْ أَذْ إِقْضَا نِيشَانْ س إِشْثْ ن ثْجَادْجِيثْ.
HEB 6:17 س ؤُينِّي ثُوغَا إِخْسْ أَربِّي أَذْ إِسّْشنْ س ؤُفيّضْ إِ إِوْرِيثنْ بلِّي لْوَاعْذْ نّسْ وَارْ إِتّْبذِّيڒْ شَا، ؤُشَا إِضْمنْ إِ-ث س إِشْثْ ن ثْجَادْجِيثْ.
HEB 6:18 حِيمَا س ثْنَاينْ ن ثْمسْڒَايِينْ وَارْ تّْبذِّيڒنْثْ شَا - أَمْ وَارْ إِزمَّارْ خنِّي أَذْ إِسّْخَارّقْ أَربِّي - أَذْ ذَايْنغْ إِتّْوَاڭّْ ؤُڒْ س وَاطَّاسْ، أَقَا ذَايْنغْ ذِي نشِّينْ إِنِّي غَارسْ أَروْڒنْ، حِيمَا أَذْ نطّفْ ذڭْ ؤُسِيثمْ إِ ذ أَنغْ إِتّْوَاوَاعْذنْ،
HEB 6:19 ذ ونِّي غَارْنغْ أَمْ يِيجّْ ن ؤُڒيْزِيمْ إِشبَّارنْ س ڒْمثْنثْ ذِي ڒعْمَارْ نّغْ، [إِجّْ ن ؤُڒيْزِيمْ] إِ د-إِتَّاذْفنْ غَارْ ذَاخڒْ ن ؤُڒحَّافْ ن وَاذَافْ.
HEB 6:20 مَانِي يُوذفْ يَاسُوع ونِّي ذ أَنغْ إِزْوَارنْ خْ ثِيزِي نّغْ، أَقَا إِذْوڒْ ذ أَكهَّانْ إِ ڒبْذَا ذڭْ وَارْوَاسْ ن مَالْكِيصَاذِيقْ.
HEB 7:1 مَالْكِيصَاذِيقْ وَانِيثَا ثُوغَا ذ أَجدْجِيذْ ن سَالِيمْ، أَكهَّانْ ن أَربِّي ونِّي ذ أَمْعُودْجِي خْ كُوڒْشِي، ؤُ نتَّا إِفّغْ-د حِيمَا أَذْ إِڒْقَا إِبْرَاهِيمْ ڒَامِي د-إِذْوڒْ زِي ثَارژِّيثْ ن إِجدْجِيذنْ، ؤُ نتَّا إِبَاركْ [إِبْرَاهِيمْ].
HEB 7:2 إِبْرَاهِيمْ إِكْسِي إِجّْ ن ڒعْشُورْ زِي مَارَّا مِينْ غَارسْ إِ نتَّا. إِسمْ نّسْ إِخْسْ أَذْ يِينِي: ’أَجدْجِيذْ ن ثْسڭْذَا‘، ؤُ عَاوذْ: ’أَجدْجِيذْ ن سَالِيمْ‘، مِينْ إِخْسْ أَذْ يِينِي ’أَجدْجِيذْ ن ڒهْنَا‘.
HEB 7:3 نْحْڒَا مَا تّْوَازمّنْ بَابَاسْ ذ يمَّاسْ ذڭْ [إِذْلِيسنْ ن] جَّاذِيرَا، ؤُ نْحْڒَا بدُّو ن وُوسَّانْ نّسْ نِيغْ أَنڭَّارْ ن ثُوذَارْثْ نّسْ، [مَاشَا] ذڭْ وَارْوَاسْ ن مِّيسْ ن أَربِّي، أَقَا ثقِّيمْ ثُوكهَّانْثْ نّسْ إِ ڒبْذَا.
HEB 7:4 خْزَارمْ ڒخُّو، مشْحَاڒْ ثُوغَا إِمْغَارْ وَانِيثَا خْ أَرَّايْسْ ن ڒجْذُوذْ [نّغْ] إِبْرَاهِيمْ إِ ث إِوْشِينْ ڒعْشُورْ زِي مِينْ إِصبْحنْ قَاعْ!
HEB 7:5 مَاغَارْ إِنِّي إِكْسِينْ ثُوكهَّانْثْ زڭْ أَيْثْ ن لَاوِي، أَقَا غَارْسنْ ثَاوْصيّثْ عْلَاحْسَابْ شَّارِيعَا حِيمَا أَذْ كْسِينْ ڒعْشُورْ زِي ڒْڭنْسْ، إِعْنَا زڭْ أَيْثْمَاثْسنْ، ؤُمِي نِيثْنِي فّْغنْ-د عَاوذْ زِي ذْوَاخڒْ ن إِبْرَاهِيمْ.
HEB 7:6 مَاشَا [مَالْكِيصَاذِيقْ] وَانِيثَا، ونِّي وَارْ إِزمّنْ ذڭْ إِذْلِيسنْ نْسنْ ن جَّاذِيرَا، إِكْسِي زِي إِبْرَاهِيمْ ڒعْشُورْ ؤُشَا إِبَاركْ إِ ونِّي إِطّْفنْ لْوَاعْذْ.
HEB 7:7 أَقَا بْڒَا أَوَاڒْ، ونِّي إِدْجَانْ قلّْ، أَقَا أَذْ إِتّْوَابَاركْ زڭْ ونِّي إِدْجَانْ حْسنْ زَّايسْ.
HEB 7:8 أَقَا ذَانِيثَا إِوْذَانْ إِفنَّانْ كسِّينْ ڒعْشُورْ، مَاشَا ذِينِّي ثنْ [إِطّفْ] نتَّا، نتَّا ذ ونِّي خْ شهّْذنْثْ ثِيرَا [إِقدّْسنْ]، أَقَا إِدَّارْ.
HEB 7:9 أَمُّو نْزمَّارْ أَذْ نِينِي بلِّي لَاوِي، ونِّي إِكْسِينْ ڒعْشُورْ، أَقَا إِعشَّارْ [عَاوذْ] س ؤُفُوسْ ن إِبْرَاهِيمْ،
HEB 7:10 مِينْزِي ثُوغَا-ث عَاذْ ذِي ذْوَاخڒْ ن بَابَاسْ أَڒَامِي إِمْسَاڭَارْ وَانِيثَا أَكْ-ذ مَالْكِيصَاذِيقْ.
HEB 7:11 مَاڒَا ڒكْمَاڒثْ ثُوغَا-ت س ثُوكهَّانْثْ ن لَاوِي، مِينْزِي ثَانِيثَا ثتّْوَاضْمنْ إِ ڒْڭنْسْ س شَّارِيعَا، مَايمِّي عَاذْ إِتّْخصَّا أَذْ د-إِكَّارْ ؤُكهَّانْ نّغْنِي ذڭْ وَارْوَاسْ ن مَالْكِيصَاذِيقْ؟ [مَاڒَا أَمُّو إِ ثدْجَا]، زعْمَا إِنَّا نتَّا بلِّي أَذْ يِيڒِي ذِي صِّيفثْ ن هَارُونْ!
HEB 7:12 مَاشَا أَمْ مَامّشْ ثُوغَا ذِينْ إِجّْ ن ؤُبدّڒْ ن ثُوكهَّانْثْ، أَمُّو ثُوغَا ذِينْ عَاوذْ إِجّْ ن ؤُبدّڒْ ن شَّارِيعَا.
HEB 7:13 مِينْزِي ونِّي مِيخفْ إِتّْوَانَّا أَيَا، أَقَا إِتّْوَاخْڒقْ-د زِي ثقْبِيتْشْ نّغْنِيثْ، إِ زِي ؤُڒَا ذ إِجّْ وَارْ إِسخَّارْعمَّارْصْ غَارْ ؤُعَالْطَارْ.
HEB 7:14 أَقَا بَاينْ بلِّي سِيذِيثْنغْ إِفّغْ-د زِي يَاهُوذَا، زِي ثَاقْبِيتْشْ إِ وَارْ خْ إِسِّيوڒْ مُوسَا ؤُڒَا س يِيجّْ ن وَاوَاڒْ خْ ثُوكهَّانْثْ.
HEB 7:15 س مَانْ أَيَا عَاوذْ ثْبَانْ قَاعْ مْلِيحْ، أَقَا نتَّا إِنَّا بلِّي أَذْ د-إِكَّارْ ؤُكهَّانْ نّغْنِي ذڭْ وَارْوَاسْ ن مَالْكِيصَاذِيقْ،
HEB 7:16 ونِّي وَارْ إِتّْوَاڭّنْ عْلَاحْسَابْ شَّارِيعَا ن ثْوصَّا إِ إِتّْهِيمَانْ أَرِّيمثْ، مَاشَا عْلَاحْسَابْ جّهْذْ ن ثُوذَارْثْ وَارْ إِفنَّانْ.
HEB 7:17 مِينْزِي نتَّا إِشْهذْ خَاسْ: ”شكْ ذ أَكهَّانْ إِ ڒبْذَا ذڭْ وَارْوَاسْ ن مَالْكِيصَاذِيقْ!“
HEB 7:18 مِينْزِي ثَاوْصيّثْ ثنِّي ثُوغَا قْبڒْ ثتّْوَاخْڒفْ زِي سِّيبّثْ ن ثُوضْعفْثْ نّسْ ذ بْڒَا نّْفَاعْ نّسْ.
HEB 7:19 مِينْزِي شَّارِيعَا وَارْ ثتِّيوِي قَاعْ أَكمّڒْ، مَاشَا ذڭْ ومْشَانْ نّسْ يُوسَا-د ؤُسِيثمْ ذ أَمقّْرَانْ إِ زِي نْزمَّارْ أَذْ نَاذسْ أَربِّي،
HEB 7:20 ؤُ نتَّا إِضْمنْ مَانْ أَيَا س إِشْثْ ن ثْجَادْجِيثْ.
HEB 7:21 مَاغَارْ نِيثْنِي ذوْڒنْ ذ إِكهَّاننْ بْڒَا ثَاجَادْجِيثْ، مَاشَا وَانِيثَا س إِشْثْ ن ثْجَادْجِيثْ ؤُمِي نتَّا ذ أَسْ إِنَّا س [ؤُقمُّومْ ن] ذَاوُوذْ: ”أَقَا سِيذِي إِجِّيدْجْ، وَارْ إِسّْخَارِّيقْعمَّارْصْ: ’شكْ ذ أَكهَّانْ إِ ڒبْذَا ذِي صِّيفثْ ن مَالْكِيصَاذِيقْ.‘ “
HEB 7:22 ذِي مَارَّا مَانْ أَيَا إِدْجَا ڒْعَاهْذْ-أَ، إِ زِي إِذْوڒْ يَاسُوع ذ أَضْمَانْ، قَاعْ حْسنْ.
HEB 7:23 ثُوغَا ذِينْ [ذِي ڒْوقْثْ نِّي عَاوذْ] أَطَّاسْ ن إِكهَّاننْ، مِينْزِي نِيثْنِي مُّوثنْ، تّْوَامنْعنْ أَذْ قِّيمنْ.
HEB 7:24 مَاشَا خْ وَانِيثَا وَارْ خَاسْ ثْعدُّو ثُوكهَّانْثْ نّسْ، مِينْزِي نتَّا أَذْ إِقِّيمْ إِبدّْ إِ ڒبْذَا.
HEB 7:25 س ؤُينِّي إِزمَّارْ أَذْ إِوْشْ ثُوذَارْثْ إِتّْذُومَانْ إِ يِينِّي زَّايسْ إِ د غَا قَارّْبنْ غَارْ أَربِّي، مِينْزِي نتَّا إِدَّارْ إِ ڒبْذَا ؤُشَا إِوهّبْ ثِيژَادْجِيثِينْ ذِي طّْوعْ نّغْ.
HEB 7:26 مِينْزِي ثُوغَا إِتّْڒِيقْ أَنغْ إِجّْ ن ؤُكهَّانْ أَمْ وَانِيثَا: أَمزْذَاڭْ، بْڒَا ڒْغشّْ ذ ثَاخْمُوجِي، إِتّْوَافَارْزنْ زڭْ إِمذْنَابْ، يُوعْڒَانْ خْ إِجنْوَانْ،
HEB 7:27 ونِّي وَارْ غَارْ إِدْجِي ڒْخصّْ أَسّْ خْ وَاسّْ أَمْ إِرُّويَاسْ ن إِكهَّاننْ، حِيمَا أَذْ إِقدّمْ أَمزْوَارْ ثِيغَارْصِينْ خْ دّْنُوبْ ن يِيخفْ نّسْ، ؤُشَا خنِّي عَاوذْ خْ دّْنُوبْ ن ڒْڭنْسْ، مِينْزِي أَيَا إِڭَّا إِ-ث إِشْثْ ن ثْوَاڒَا إِ ڒبْذَا قَاعْ، ڒَامِي إِوْشَا إِخفْ نّسْ ذ ثَاغَارْصْثْ.
HEB 7:28 أَقَا شَّارِيعَا ثسّْڭعّذْ إِوْذَانْ إِضعْفنْ ذ إِكهَّاننْ، مَاشَا أَوَاڒْ ن ثْجَادْجِيثْ، ونِّي أَوَارْنِي شَّارِيعَا، إِسّْڭعّذْ مِّيسْ ونِّي إِتّْوَاكمّْڒنْ إِ ڒبْذَا.
HEB 8:1 لْمُوفِيذْ زِي مَارَّا مَانْ أَيَا، أَقَا غَارْنغْ أَرَّايْسْ ن إِكهَّاننْ، ونِّي إِقِّيمنْ غَارْ يفُوسْ ن ڒْعَارْشْ ن لْعَاضِيمْ ذڭْ إِجنْوَانْ.
HEB 8:2 نتَّا ذ أَمْسيَّارْ ن زَّاوشْثْ إِقدّْسنْ ؤُ ن ثْزذِّيغْثْ إِقدّْسنْ ذ ثِيذتّْ نِّي إِبْنَا أَربِّي، وَارْ إِدْجِي ذ بْنَاذمْ.
HEB 8:3 مِينْزِي كُوڒْ أَرَّايْسْ ن إِكهَّاننْ إِتّْوَاسّْڭعّذْ حِيمَا أَذْ إِوْشْ ثِيوْهِيبِينْ ذ ثْغَارْصِينْ. س ؤُينِّي ثُوغَا إِتّْخصَّا أَسْ إِ وَانِيثَا عَاوذْ أَذْ غَارسْ يِيڒِي شَا حِيمَا أَذْ ث إِوْشْ.
HEB 8:4 معْلِيكْ إِدْجَا ذِي ثمُّورْثْ، نتَّا وَارْ إِتِّيڒِي ذ أَكهَّانْ، مِينْزِي أَقَا ذِينْ إِكهَّاننْ [عَاذْ] إِنِّي إِتّْقدَّامنْ ثِيوْهِيبِينْ عْلَاحْسَابْ شَّارِيعَا.
HEB 8:5 نِيثْنِي سخَّارنْ إِ ؤُمذْيَا ذ ثِيڒِي ن مِينْ إِدْجَانْ ذڭْ ؤُجنَّا، أَمْ مَامّشْ إِتّْوَانَّا إِ مُوسَا ؤُمِي ثُوغَا إِڒْهَا أَكْ-ذ ؤُقِيضُونْ إِقدّْسنْ: ”حْضَاثْ، أَذْ ثڭّذْ مَارَّا أَمْ لْمِيثَالْ ونِّي ذ أَشْ سّشْنغْ خْ وذْرَارْ.“
HEB 8:6 [مَاشَا] ڒخُّو يَاسُوع لْمَاسِيحْ إِكْسِي ثَاسخَّارْثْ ثشْنَا خَاسْ، مِينْزِي ڒْعَاهْذْ إِ زِي إِذْوڒْ نتَّا ذ لْوَاسِيثْ، أَقَا حْسنْ قَاعْ، ؤُشَا إِمّوْشْ س لْوُوعُوذْ إِشْنَانْ خْ يِينِّي [إِ د-إِتَّاسنْ أَكْ-ذ ڒْعَاهْذْ أَقْذِيمْ].
HEB 8:7 مِينْزِي مَاڒَا ثُوغَا [ڒْعَاهْذْ] أَمزْوَارُو بْڒَا ڒْعِيبْ، وَارْ إِتِّيڒِي عَاذْ ومْشَانْ إِ ونِّي ذ وِيسّْ ثْنَاينْ.
HEB 8:8 مَاغَارْ نتَّا يُوفَا ذَايْسنْ ڒْعِيبْ، إِنَّا: ”خْزَارْ، أَذْ د-أَسنْ وُوسَّانْ، إِنَّا سِيذِي، خْمِي غَا ڭّغْ إِجّْ ن ڒْعَاهْذْ ن جْذِيذْ ذِي ڒكْمَارثْ، إِ ڒَادْجْ ن ثَادَّارْثْ ن إِسْرَائِيل ؤُ إِ ڒَادْجْ ن ثَادَّارْثْ ن يَاهُوذَا،
HEB 8:9 وَارْ إِدْجِي أَمْ ڒْعَاهْذْ نِّي وْشِيغْ إِ ڒجْذُوذْ نْسنْ، ذڭْ وَاسّْ مِينْ ذِي ثنْ طّْفغْ زڭْ ؤُفُوسْ، ڭوّْذغْ ثنْ زِي ثمُّورْثْ ن مِيصْرَا. مِينْزِي نِيثْنِي وَارْ قِّيمنْ شَا ذِي ڒْعَاهْذْ إِنُو، نْضَارغْ ثنْ، إِقَّارْ سِيذِي.
HEB 8:10 مَاشَا ذ وَا ذ ڒْعَاهْذْ إِ غَا وْشغْ إِ ڒَادْجْ ن ثَادَّارْثْ ن إِسْرَائِيل: ’أَوَارْنِي وُوسَّانْ نِّي، إِنَّا سِيذِي، أَذْ ڭّغْ إِزرْفَانْ إِنُو ذِي ڒعْقڒْ نْسنْ، ؤُشَا أَذْ ثنْ أَرِيغْ ذڭْ وُوڒَاونْ نْسنْ، ؤُشَا نشّْ أَذْ أَسنْ إِڒِيغْ ذ أَربِّي، نِيثْنِي أَذْ أَيِي إِڒِينْ ذ ڒْڭنْسْ.
HEB 8:11 ؤُڒَا ذ إِجّنْ أَذْ إِسّڒْمذْ مِّيسْ ن ثمُّورْثْ نِيغْ ؤُمَاسْ، أَذْ يِينِي: سّنْ سِيذِي!، مِينْزِي مَارَّا أَذْ أَيِي سّْننْ، أَمْ ؤُمژْيَانْ نْسنْ أَمْ ؤُمقّْرَانْ نْسنْ.
HEB 8:12 مِينْزِي نشّْ أَذْ ثنْ سّصْفِيغْ زِي ڒْمُوعْصِييّثْ نْسنْ، ؤُشَا دّْنُوبْ نْسنْ وَارْ ذَايْسنْ تّْفكَّارغْ عَاذْ.‘ “
HEB 8:13 ڒَامِي إِنَّا: ’جْذِيذْ!‘، أَقَا إِڭَّا [ڒْْعَاهْذْ] أَمزْوَارُو ذ أَقْذِيمْ، ؤُشَا مِينْ يَارْشَانْ ؤُ إِدُّويْسَارْ، أَقَا أَذْ إِفْنَا.
HEB 9:1 مَاشَا غَارْ ؤُمزْوَارْ ثُوغَا ذِينْ ڒفْرُوضْ إِ ثْسخَّارْثْ ؤُ [ثُوغَا ذِينْ] إِشْثْ ن زَّاوشْثْ إِقدّْسنْ ذِي دُّونشْثْ-أَ.
HEB 9:2 مِينْزِي ثَازذِّيغْثْ ثَامزْوَارُوثْ إِ ثتّْوَاڭّْ، ثُوغَا ذَايسْ ڒْقنْذِيڒْ ذ ثْزوْضَا ذ وغْرُومْ ن وسْشَانْ ؤُشَا قَّارنْ أَسْ: ’أَقدَّاسْ‘.
HEB 9:3 مَاشَا ثَازذِّيغْثْ ن ذَاخڒْ، أَوَارْنِي إِ ؤُڒحَّافْ وِيسّْ ثْنَاينْ، قَّارنْ أَسْ ’أَقْذَاسْ خْ ؤُقدَّاسْ‘.
HEB 9:4 أَقَا ذَايسْ ڒْقشْعثْ ن وُورغْ إِ ڒبْخُورْ ؤُڒَا ذ تَّابُوثْ ن ڒْعَاهْذْ إِغدْجْفنْ س وُورغْ غَارْ مَارَّا إِغزْذِيسنْ. ثُوغَا ذَايسْ إِجّْ ن ؤُزنْبِيڒْ ن وُورغْ ذَايسْ ’مَانَّا‘، ؤُ [ذَايسْ] ؤُڒَا ذ ثَاغَّارْشْثْ ن هَارُونْ ثنِّي إِتّْوَانُووّْشنْ ذ ثڒْوِيحِينْ [ن وژْرُو] ن ڒْعَاهْذْ.
HEB 9:5 سنّجْ إِ مَانْ أَيَا أَقَا ذِينْ ’إِخِيرُوبنْ‘ ن ڒْعزّْ، إِنِّي إِدّْڒِينْ ثَاقبَّارْثْ ن وصْڒَاحْ [إِ إِدْجَانْ خْ تَّابُوثْ] س ثِيڒِي ن وَافْرِيونْ نْسنْ. مَاشَا وَارْ غَارْنغْ بُو ڒْوقْثْ [ڒخُّو] حِيمَا أَذْ نسِّيوڒْ خْ كُوڒْ إِشْثنْ زِي ثْمسْڒَايِينْ-أَ إِ إِتّْوَاسّْوجْذنْ أَمُّو.
HEB 9:6 مَاشَا إِكهَّاننْ ثُوغَا تَّاذْفنْ ڒبْذَا غَارْ ثْزذِّيغْثْ نِّي غَارْ بَارَّا، [ثنِّي ذ ثَامزْوَارُوثْ]، حِيمَا أَذْ [ذَايسْ] كمّْڒنْ ثَاسخَّارْثْ نْسنْ.
HEB 9:7 مَاشَا أَرَّايْسْ ن إِكهَّاننْ ثُوغَا إِتَّاذفْ إِشْثْ ن ثْوَاڒَا ذڭْ ؤُسڭّْوَاسْ غَارْ ثْزذِّيغْثْ ن ذَاخڒْ أَكْ-ذ إِذَامّنْ إِ إِقدّمْ خْ يِيخفْ نّسْ ؤُڒَا خْ ؤُودَّارْ ن ڒْڭنْسْ.
HEB 9:8 س ثبْرِيذْثْ-أَ إِسّْشنْ أَرُّوحْ إِقدّْسنْ مْلِيحْ بلِّي أَبْرِيذْ إِقدّْسنْ عَاذْ وَارْ د-إِتّْوَامّضْهَارْ، ؤُمِي عَاذْ ثَازذِّيغْثْ ثَامزْوَارُوثْ ثْبدّْ.
HEB 9:9 ثَانِيثَا ثُوغَا ذ أَمذْيَا إِ ڒْوقْثْ نِّي ذِي ثُوغَا تّْقدَّامنْ صّْذَاقِي ذ ثْغَارْصِينْ نِّي وَارْ زمَّارنْثْ أَذْ أَوْينْثْ ڒكْمَارثْ غَارْ ثْنفْسشْثْ ن ونِّي إِ-ثنْثْ إِقدّْمنْ.
HEB 9:10 أَقَا أَثنْثْ ثُوغَا تّْهِيمَّانْثْ مْغِيرْ مَاشَّا ذ ثْسسِّي ذ إِبْرِيذنْ إِفَارْزنْ ن ؤُسغْضَاسْ [ذڭْ وَامَانْ]، أَقَا أَثنْثْ ذ ڒفْرُوضْ إِ إِتّْهِيمَّانْ دَّاثْ وَاهَا، تّْوَامُورنْثْ أَڒْ ڒْوقْثْ ن وعْذَاڒْ ن ثْسڭْذَا.
HEB 9:11 مَاشَا لْمَاسِيحْ إِ د-يُوسِينْ، أَقَا إِذْوڒْ ذ أَرَّايْسْ ن إِكهَّاننْ خْ ڒْخَارْ إِ إِڭَّا. نتَّا يُوذفْ غَارْ ثْزذِّيغْثْ ثَامقّْرَانْثْ إِكمّْڒنْ، ثنِّي وَارْ إِتّْوَاڭّنْ شَا س إِفَاسّنْ، وَارْ ثدْجِي زِي مِينْ د-إِتّْوَاخڒْقنْ.
HEB 9:12 وَارْ يُوذِيفْ شَا أَكْ-ذ إِذَامّنْ ن إِغَايْضنْ ذ إِعجْمِييّنْ ن إِجّْ ن ؤُسڭّْوَاسْ، مَاشَا أَقَا يُوذفْ إِشْثْ ن ثْوَاڒَا أَكْ-ذ إِذَامّنْ ن يِيخفْ نّسْ غَارْ زَّاوشْثْ إِقدّْسنْ ؤُ [أَمُّو إِ] د-يِيوِي أَسنْجمْ إِتّْذُومَانْ.
HEB 9:13 مِينْزِي مَاڒَا إِذَامّنْ ن إِغَايْضنْ ذ إِفُونَاسنْ إِمژْيَاننْ ذ إِغّضْ ن ؤُعجْمِي [أَزڭّْوَاغْ] إِ إِتّْوَارُوشّنْ خْ يِينِّي إِتّْوَاخمْجنْ، أَقَا قدّْسنْ ؤُ سِّيزْذِيڭنْ ثنْ زِي جِّيهثْ ن ويْسُومْ نْسنْ [ن أَرِّيمثْ]،
HEB 9:14 مشْحَاڒْ عَاذْ أَذْ سِّيزذْڭنْ إِذَامّنْ ن لْمَاسِيحْ ثَانفْسشْثْ نّغْ زِي ڒخْذَايمْ إِمُّوثنْ، حِيمَا أَذْ نخْذمْ أَربِّي إِدَّارنْ، أَقَا لْمَاسِيحْ ونِّي إِوْشِينْ إِخفْ نّسْ إِ أَربِّي س أَرُّوحْ ن ڒبْذَا ذ ثَاغَارْصْثْ وَارْ ذَايسْ بُو ڒْعِيبْ!
HEB 9:15 س ؤُينِّي أَقَا نتَّا ذ لْوَاسِيثْ ن ڒْعَاهْذْ ن جْذِيذْ، مَاغَارْ س ڒْموْثْ نّسْ إِذْوڒْ نتَّا ذ أَسنْجمْ إِ يِينِّي إِخطَّانْ ضِيدّْ ڒْعَاهْذْ أَمزْوَارْ، حِيمَا نِيثْنِي إِنِّي إِتّْوَاڒَاغَانْ إِ ڒْوَارْثْ ن ڒبْذَا، أَذْ طّْفنْ لْوَاعْذْ.
HEB 9:16 مِينْزِي مَانِي إِدْجَا ڒْعَاهْذْ، إِتّْخصَّا أَذْ ثتّْوَاسَّارْڭبْ ڒْموْثْ ن ونِّي إِڭِّينْ ڒْعَاهْذْ.
HEB 9:17 مِينْزِي ڒْعَاهْذْ أَذْ إِذْوڒْ إِصْڒحْ وَاهَا خْمِي غَا إِمّثْ حذْ، وَارْ إِتِّيڒِي شَا نِيشَانْ مِينْ غَا يكّْ إِدَّارْ ونِّي إِڭِّينْ [ڒْعَاهْذْ].
HEB 9:18 س ؤُيَا ؤُڒَا ذ [ڒْْعَاهْذْ] أَمزْوَارْ وَارْ إِتّْوَاضْمنْ شَا بْڒَا إِذَامّنْ.
HEB 9:19 مِينْزِي أَوَارْنِي ڒَامِي كُوڒْ ثَاوْصِييّثْ نِّي إِدْجَانْ ذِي شَّارِيعَا أَقَا إِوصَّا إِ ڒْڭنْسْ س ؤُفُوسْ ن مُوسَا، إِكْسِي نتَّا إِذَامّنْ ن ؤُفُونَاسْ أَمژْيَانْ أَكْ-ذ وَامَانْ ؤُڒَا ذ ثَاضُوفْثْ ثَازڭّْوَاغْثْ ذ ثْعلْدْجثْ، ؤُشَا إِرُوشّْ إِ-ثنْ خْ إِذْلِيسنْ إِتّْوَانّْضنْ ؤُ خْ مَارَّا ڒْڭنْسْ،
HEB 9:20 إِنَّا أَسنْ: ”إِنَا ذ إِذَامّنْ ن ڒْعَاهْذْ، إِ ذ أَومْ يُومُورْ أَربِّي.“
HEB 9:21 ثُوغَا إِرُوشّْ عَاوذْ ثَازذِّيغْثْ إِقدّْسنْ ذ مَارَّا ڒقْشُوعْ ن ثْسخَّارْثْ س إِذَامّنْ.
HEB 9:22 مَاغَارْ مَارَّا ثِيمسْڒَايِينْ نِّي إِدْجَانْ ذِي شَّارِيعَا تّْوَاسِّيزذْڭنْثْ س إِذَامّنْ ؤُشَا بْڒَا أَسِيزّڒْ ن إِذَامّنْ وَارْ ذِينْ إِدْجِي شَا وغْفَارْ.
HEB 9:23 ثُوغَا قَاعْ إِتّْخصَّا أَذْ تّْوَاسِّيزْذڭنْثْ ثْمسْڒَايِينْ-أَ س ثْغَارْصَا إِ إِدْجَانْ ذ ڒمْثُوڒْ ن ثِيمسْڒَايِينْ إِ إِدْجَانْ ذڭْ إِجنْوَانْ، مَاشَا ثِيمسْڒَايِينْ نِّي إِدْجَانْ ن ؤُجنَّا سِيمَانْثْ نْسنْ س ثْغَارْصِينْ إِشْنَانْ زِي ثِينَا.
HEB 9:24 مِينْزِي لْمَاسِيحْ وَارْ يُوذِيفْ شَا غَارْ زَّاوشْثْ إِقدّْسنْ إِ إِتّْوَاڭّنْ س إِفَاسّنْ، ذ ونِّي نتَّا ذ لْمِيثَالْ ن مِينْ إِدْجَانْ ذ ثِيذتّْ، مَاشَا غَارْ ؤُجنَّا سِيمَانْثْ نّسْ، حِيمَا أَذْ د-إِضْهَارْ ذِي طّْوعْ نّغْ قِيبَاتْشْ إِ أَربِّي.
HEB 9:25 وَارْ إِدْجِي حِيمَا أَذْ إِقدّمْ إِخفْ نّسْ أَطَّاسْ ن ثْوَاڒَاوِينْ أَمْ مَامّشْ ثُوغَا إِتَّاذفْ أَرَّايْسْ ن إِكهَّاننْ كُوڒْ أَسڭّْوَاسْ غَارْ زَّاوشْثْ إِقدّْسنْ س إِذَامّنْ وَارْ إِدْجِينْ نّسْ
HEB 9:26 - مِينْزِي مَاڒَا أَمُّو إِ إِدْجَا، إِڒِي إِتّْخصَّا أَذْ إِودّبْ [يشُّو] أَطَّاسْ ن ثْوَاڒَاوِينْ زِي بدُّو ن دُّونشْثْ - مَاشَا ڒخُّو، غَارْ قطُّو ن دُّونشْثْ، إِوْشَا نتَّا إِخفْ نّسْ إِشْثْ ن ثْوَاڒَا حِيمَا أَذْ إِبطّڒْ دّْنُوبْ س ثْغَارْصْثْ نّسْ.
HEB 9:27 أَمْ مَامّشْ ذ إِتّْوَاسَّارْسْ إِ إِوْذَانْ أَذْ مّْثنْ إِشْثْ ن ثْوَاڒَا، ؤُشَا خنِّي أَوَارْنِي إِ ڒْموْثْ نْسنْ [أَذْ د-يَاسْ] ڒْحُوكْمْ،
HEB 9:28 أَمُّو عَاوذْ إِمّوْشْ لْمَاسِيحْ إِشْثْ ن ثْوَاڒَا ذ ثَاغَارْصْثْ، إِوْشَا ذڭْ يِيخفْ نّسْ ثَاغَارْصْثْ ن دّنْبْ إِ وَاطَّاسْ، مَاشَا غَارْ ثْوَاسِيثْ نّسْ إِ ثْوَاڒَا وِيسّْ ثْنَاينْ أَذْ إِتّْوَاژَارْ بْڒَا دّنْبْ إِ ثُوذَارْثْ ن يِينِّي ث إِتّْرَاجَانْ.
HEB 10:1 مِينْزِي ثُوغَا شَّارِيعَا ذ ثِيڒِي ن ڒْخَارْ إِ د غَا يَاسنْ [وَاهَا]، وَارْ غَارسْ طّْبِيعثْ ن ثْمسْڒَايِينْ سِيمَانْثْ نْسنْثْ. س ؤُينِّي وَارْ زمَّارنْثْ ثْغَارْصَا نِّي، وَاخَّا إِوْينْ ثنْثْ-إِ-د كُوڒْ أَسڭّْوَاسْ، أَذْ أَوْينْثْ ڒكْمَارثْ خْ يِينِّي ثنْثْ د-إِتّْقَارَّابنْ.
HEB 10:2 مِينْزِي مَاڒَا إِبَانْ-د أَقَا ثتَّاوْينْثْ غَارْ ڒكْمَارثْ، أَذْ ثِيڒِي تّْوَاسّْبدّنْ نِيثْنِي زڭْ ؤُوهّبْ ن ثْغَارْصَا نْسنْ أَطَّاسْ زڭْ وَامِي، مِينْزِي وَارْ ثتّْوَاكّْوُورْ عَاذْ ثْنفْسشْثْ نْسنْ س دّنْبْ أَوَارْنِي ڒَامِي تّْوَاسِّيزذْڭنْ إِشْثْ ن ثْوَاڒَا.
HEB 10:3 مَاشَا س مَانْ أَيَا تّْوَاسّْفكَّارنْ أَسنْ-د دّْنُوبْ نْسنْ كُوڒْ أَسڭّْوَاسْ،
HEB 10:4 مِينْزِي إِذَامّنْ ن إِفُونَاسنْ إِمژْيَاننْ ذ إِغَايْضنْ وَارْ زمَّارنْ أَذْ سِّيزْذڭنْ زِي دّْنُوبْ.
HEB 10:5 س ؤُينِّي ڒَامِي د-يُوذفْ غَارْ دُّونشْثْ، إِنَّا: ”ثِيغَارْصَا نِيغْ ثِيوْهِيبِينْ وَارْ ثنْثْ ثخْسذْ، مَاشَا أَقَا ثسّْيَارْضذْ أَيِي إِشْثْ ن أَرِّيمثْ.
HEB 10:6 ثِيغَارْصِينْ ن وشْمَاضْ أَكْ-ذ ثِيغَارْصَا ن ڒهْنَا إِ دّْنُوبْ وَارْ ثنْثْ ثتَّارذْ.“
HEB 10:7 ڒخْذنِّي نِّيغْ: ”خْزَارْ، أَذْ د-أَسغْ! - مِينْزِي يُورَا خَافِي ذڭْ وذْلِيسْ إِتّْوَانْضنْ - حِيمَا أَذْ ڭّغْ مِينْ ثخْسذْ شكْ، أَ أَربِّي!“
HEB 10:8 ثُوغَا إِنَّا قْبڒْ: ”ثِيغَارْصِينْ ذ ثوْهِيبِينْ ذ ثْغَارْصِينْ س ثْمسِّي ذ ثْغَارْصِينْ إِ دّْنُوبْ وَارْ ثنْثْ ثخْسذْ!“، وَاخَّا أَقَا أَثنْثْ تّْوَاقدّْمنْثْ عْلَاحْسَابْ شَّارِيعَا.
HEB 10:9 أَوَارْنِي مَانْ أَيَا إِنَّا: ”خْزَارْ، ؤُسِيغْ-د حِيمَا أَذْ ڭّغْ مِينْ ثخْسذْ شكْ، [أَ] أَربِّي.“ س ؤُيَا إِكّسْ أَمزْوَارْ، حِيمَا أَذْ إِسّْڭعّذْ وِيسّْ ثْنَاينْ.
HEB 10:10 مَاغَارْ س مَانْ أَيَا، س ڒْخَاضَارْ نّسْ، أَقَا نتّْوَاقدّسْ [ذڭْ] إِشْثْ ن ثْوَاڒَا س ثْغَارْصْثْ ن أَرِّيمثْ ن يَاسُوع لْمَاسِيحْ.
HEB 10:11 مَاغَارْ كُوڒْ أَكهَّانْ إِ ثُوغَا إِتّْسخَّارْ كُوڒْ أَسّْ، أَقَا إِوهّبْ أَطَّاسْ ن ثْوَاڒَاوِينْ سِيمَانْثْ ن ثْغَارْصَا، ثِينِّي وَارْ إِزمَّارنْ أَذْ سِّيزذْڭنْثْ زِي دّْنُوبْ.
HEB 10:12 مَاشَا وَانِيثَا إِقدّمْ إِشْثْ ن ثْغَارْصْثْ خْ دّْنُوبْ، ؤُشَا خنِّي إِقِّيمْ خْ يفُوسْ ن أَربِّي إِ ڒبْذَا.
HEB 10:13 زِي ڒخْذنِّي إِتّْرَاجَا أَڒْ ذ أَسْ تّْوَاڭّنْ ڒْعذْيَانْ نّسْ ذ ثَانبْذَاثْ سَاذُو إِضَارنْ نّسْ.
HEB 10:14 مِينْزِي س إِشْثْ ن ثْغَارْصْثْ أَقَا يِيوِي إِنِّي زَّايسْ إِتّْوَاقدّْسنْ غَارْ ڒكْمَارثْ إِ ڒبْذَا.
HEB 10:15 مَاشَا أَرُّوحْ إِقدّْسنْ عَاوذْ إِشْهذْ إِ نشِّينْ، إِقَّارْ:
HEB 10:16 ”ذ وَا ذ ڒْعَاهْذْ إِ ذ أَسنْ غَا وْشغْ أَوَارْنِي إِ وُوسَّانْ نِّي، إِقَّارْ سِيذِي: ’أَذْ ڭّغْ شَّارِيعَا إِنُو ذِي ڒعْقڒْ نْسنْ، أَذْ ت أَرِيغْ عَاوذْ ذڭْ وُوڒَاونْ نْسنْ،
HEB 10:17 ؤُشَا دّْنُوبْ نْسنْ ذ إِخطَّانْ نْسنْ، عمَّارْصْ أَذْ ذَايْسنْ فكَّارغْ عَاذْ.‘ “
HEB 10:18 مَانِي إِتِّيڒِي [خنِّي] وغْفَارْ إِ دّْنُوبْ، وَارْ ذِينْ إِقِّيمْ عَاذْ ثْغَارْصْثْ خْ دّْنُوبْ.
HEB 10:19 س ؤُينِّي، [أَ] أَيْثْمَا، أَقَا غَارْنغْ تِّيقّثْ مَاحنْذْ أَذْ نَاذفْ غَارْ زَّاوشْثْ إِقدّْسنْ س إِذَامّنْ ن يَاسُوع،
HEB 10:20 خْ وبْرِيذْ ن جْذِيذْ إِدَّارنْ إِ ذ أَنغْ إِسّوْجذْ أَمْ [وبْرِيذْ] ن جْذِيذْ إِ د-إِتَّاذْفنْ غَارْ ذَاخڒْ ن ؤُڒحَّافْ ن ثوَّارْثْ، ونِّي ذ ويْسُومْ نّسْ،
HEB 10:21 ؤُشَا أَقَا غَارْنغْ [عَاوذْ] أَرَّايْسْ ن إِكهَّاننْ خْ ثَادَّارْثْ ن أَربِّي.
HEB 10:22 أجّْ أَنغْ خنِّي أَذْ د-نْقَارّبْ س وُوڒْ ن ثِيذتّْ، ذِي تِّيقّثْ ن لْ-إِيمَانْ، أَمْ تّْوَارُوشّنْ وُوڒَاونْ نّغْ ؤُ تّْوَاسِّيزْذڭنْ [عَاوذْ] زِي ثْنفْسشْثْ ثَاعفَّانْثْ، ؤُ أَمْ ثتّْوَاسِّيرْذْ [عَاوذْ] أَرِّيمثْ نّغْ س وَامَانْ إِصْفَانْ.
HEB 10:23 أجّْ أَنغْ أَذْ نْشبَّارْ ذِي شّْهَاذثْ ن ؤُسِيثمْ نّغْ بْڒَا مَا أَذْ نَارْجِيجْ، مِينْزِي ذ ونِّي ذ أَنغْ إِوْشِينْ لْوَاعْذْ، ذَايسْ ڒَامَانْ.
HEB 10:24 أجّْ أَنغْ أَذْ نحْضَا إِجّْ إِ ونّغْنِي حِيمَا أَذْ نڭّْ ؤُڒْ ذڭْ وَايَاوْيَا غَارْ ثَايْرِي ؤُ غَارْ ڒخْذَايمْ ثِيصبْحَانِينْ.
HEB 10:25 وَارْ نتّجِّي شَا ثَامسْمُونْثْ نّغْ أَمْ مَامّشْ نُّومنْ شَا، مَاشَا أَذْ نسّمْحضْ إِجّنْ ونّغْنِي، مَاهُو عَاذْ خْمِي غَا ثْژَارمْ أَقَا أَسّْ نِّي يِيوضْ-د.
HEB 10:26 مِينْزِي مَاڒَا إِخْضَا شَا ن إِجّْ نعْمَاذَا أَوَارْنِي مَا إِطّفْ ثُوسّْنَا ن ثِيذتّْ، خنِّي وَارْ ثقِّيمْ عَاذْ ثْغَارْصْثْ خْ دّْنُوبْ،
HEB 10:27 مَاشَا [مْغِيرْ] أَرَاجِي ن لْحِيسَابْ إِسّْنخْڒْعنْ ذ ڒْعابُوقْ ن ثْمسِّي نِّي إِ غَا إِشّنْ ڒْعذْيَانْ.
HEB 10:28 مَاڒَا إِخْضَا حذْ أَكْ-ذ شَّارِيعَا ن مُوسَا، إِتّْخصَّا أَذْ إِمُّوثْ بْڒَا أَرّحْمثْ خْ ؤُقمُّومْ ن ثْنَاينْ نِيغْ ثْڒَاثَا ن ڒشْهُوذْ.
HEB 10:29 مشْحَاڒْ كْثَارْ إِتّْخصَّا أَذْ إِهْوَا لْعِيقَابْ خْ ؤُزدْجِيفْ ن ونِّي إِعفّْسنْ خْ مِّيسْ ن أَربِّي، ذ ونِّي إِحسّْبنْ إِذَامّنْ ن ڒْعَاهْذْ نّسْ إِ زِي ثُوغَا إِتّْوَاقدّسْ أَمشْنَاوْ إِذَامّنْ ن مَارَّا إِوْذَانْ، ذ ونِّي إِسّحْقَارنْ [عَاوذْ] أَرُّوحْ ن أَرْضَا؟
HEB 10:30 مِينْزِي نسّنْ ذ ونِّي إِنَّانْ: ”أَنْثَاقمْ إِ نشّْ ؤُمِي إِدْجَا، نشّْ أَذْ ث خدْجْصغْ!“ ؤُشَا عَاوذْ: ”سِيذِي أَذْ إِحْكمْ ڒْڭنْسْ نّسْ.“
HEB 10:31 سّعْذْ ذ أَبَارْشَانْ إِ ونِّي إِ غَا إِوْضَانْ ذڭْ إِفَاسّنْ ن أَربِّي إِدَّارنْ.
HEB 10:32 س ؤُيَا فكَّارمْ ذڭْ وُوسَّانْ إِمزْوُورَا ڒَامِي ثتّْوَاسّْغضْصمْ ؤُ ثُوغَا ثَاربُّومْ أَمنْغِي أَمقّْرَانْ أَمْ مَامّشْ خَاومْ ثكَّا ڒفْضِيحثْ ذ ڒْمحْنثْ.
HEB 10:33 ثْذوْڒمْ ذ إِجّْ ن أَفُورّجْ ؤُ ثْشَارْشمْ أَكْ-ذ إِنّغْنِي ؤُمِي ذَايْسنْ إِتّْوَاڭّْ أَمُّو كِيفْكِيفْ.
HEB 10:34 مِينْزِي ثكْسِيمْ أَمْنُوسْ خْ يِينِّي إِتّْوَاحبّْسنْ، ؤُشَا ثْقبْڒمْ أَكشّضْ ن وَاڭْڒَا نْومْ س ڒفْرَاحثْ، ثسّْنمْ بلِّي غَارْومْ أَڭْڒَا إِمْغَارْ إِ وَارْ إِفنِّينْ ذڭْ إِجنْوَانْ.
HEB 10:35 وَارْ نطَّارمْ شَا ثَارْيَاسْثْ نْومْ نِّي غَارْ ثدْجَا إِشْثْ ن ڒْمُونثْ ثمْغَارْ.
HEB 10:36 مِينْزِي إِتّْخصَّا كنِّيوْ صّْبَارْ حِيمَا أَذْ ثڭّمْ مِينْ إِخْسْ أَربِّي ؤُ مَاحنْذْ أَذْ ثطّْفمْ لْوَاعْذْ.
HEB 10:37 ”مِينْزِي ذْرُوسْ ن ڒْوقْثْ إِ ذِينِّي، وَاهْ ذْرُوسْ، أَڒْ ونِّي د غَا يَاسنْ أَذْ إِخشّْ، وَارْ إِتّْعطَّاڒْ شَا.
HEB 10:38 مَاشَا أَمْسڭَّاذْ س لْ-إِيمَانْ إِنُو أَذْ إِدَّارْ، مَاشَا مَاڒَا إِسْمحْ، وَارْ ذَايسْ يَارطِّي ڒعْمَارْ إِنُو.“
HEB 10:39 مَاشَا نشِّينْ وَارْ غَارْنغْ مِينْ غَا نڭّْ س ثَارخُّوثْ إِ إِتَّاوْينْ غَارْ ثْخسَّارْثْ، مَاشَا غَارْنغْ لْ-إِيمَانْ إِ إِتَّاوْينْ غَارْ ؤُسنْجمْ ن ڒعْمَارْ نّغْ.
HEB 11:1 لْ-إِمَانْ ڒخُّو ذ أَضْمَانْ ن ثْمسْڒَايِينْ نِّي ذِي إِسِّيثِيمْ بْنَاذمْ، أَخْمِي ثِينَا عَاذْ خدّْمنْثْ، ؤُڒَا ذ أَسَارْڭبْ ن ثْمسْڒَايِينْ إِنُّوفَّارنْ.
HEB 11:2 مِينْزِي س مَانْ أَيَا ثُوسَا-د إِشْثْ ن شّْهَاذثْ خْ إِمْغَارنْ.
HEB 11:3 س لْ-إِيمَانْ نفْهمْ بلِّي زّْمَانَاثْ تّْوَاڭّنْثْ س وَاوَاڒْ ن أَربِّي، ؤُ بلِّي ثِيمسْڒَايِينْ-أَ إِ د-إِتّْبَاننْ أَقَا تّْوَاڭّنْثْ زِي ثْمسْڒَايِينْ نِّي إِنُّوفَّارنْ.
HEB 11:4 س لْ-إِيمَانْ ثُوغَا هَابِيلْ إِقدّمْ إِشْثْ ن ثْغَارْصْثْ ثشْنَا أَطَّاسْ خْ مِينْ ثُوغَا إِقدّمْ قَايِينْ إِ أَربِّي. س ؤُيَا إِ ذِينْ ثدْجَا شّْهَاذثْ خَاسْ بلِّي ثُوغَا-ث ذ أَمْسڭَّاذْ. ؤُشَا أَربِّي إِشْهذْ إِ ثْغَارْصْثْ نّسْ ؤُ س ؤُيَا إِسَّاوَاڒْ عَاذْ، وَاخَّا نتَّا إِمُّوثْ.
HEB 11:5 س لْ-إِيمَانْ إِمّكْسِي إِنُوخْ بْڒَا مَا إِقَّاسْ ڒْموْثْ. وَارْ إِتّْوِيفْ عَاذْ، مِينْزِي إِكْسِي إِ-ث أَربِّي. مِينْزِي قْبڒْ مَا أَذْ ث إِكْسِي، ثُوغَا خَاسْ شّْهَاذثْ-أَ: أَقَا ثُوغَا يَارطَّا أَربِّي.
HEB 11:6 مَاشَا بْڒَا لْ-إِيمَانْ وَارْ إِزمَّارْ بْنَاذمْ أَذْ يَارْضَا أَربِّي، مِينْزِي ونِّي إِ غَا د-إِقَارّْبنْ غَارْ أَربِّي، إِتّْخصَّا أَسْ أَذْ يَامنْ بلِّي نتَّا أَقَا-ث ذِينْ، ؤُ بلِّي نتَّا ذ أَمْخدْجَاصْ ن يِينِّي خَاسْ يَارزُّونْ.
HEB 11:7 س لْ-إِيمَانْ ثُوغَا نُوحْ إِتّڭّْوذْ، أَوَارْنِي ڒَامِي ذ أَسْ إِتّْوَانَّا مِينْ ثُوغَا وَارْ د-إِتّْبِيننْ، ؤُشَا إِڭَّا أَغَارَّابُو إِ ؤُسنْجمْ ن إِحنْجِيرنْ ن ثْوَاشُونْثْ نّسْ. س مَانْ أَيَا أَقَا إِحْكمْ خْ دُّونشْثْ ؤُشَا إِذْوڒْ نتَّا ذ أَوْرِيثْ ن ثْسڭْذَا نِّي إِدْجَانْ س لْ-إِيمَانْ.
HEB 11:8 س لْ-إِيمَانْ ثُوغَا إِبْرَاهِيمْ، ڒَامِي د-إِتّْوَاڒَاغَا، إِطَّاعْ ؤُشَا إِفّغْ غَارْ ومْشَانْ إِ غَا إِطّفْ ذ ڒْوَارْثْ، ؤُشَا إِفّغْ بْڒَا مَا أَذْ إِسّنْ مَانِي غَا يَاوضْ.
HEB 11:9 س لْ-إِيمَانْ ثُوغَا إِزدّغْ أَمْ ؤُمْعزّبْ ذِي ثمُّورْثْ إِ ذ أَسْ إِتّْوَاوَاعْذنْ، أَمْ ذِي ثمُّورْثْ ن إِبَارَّانِييّنْ. نتَّا إِزْذغْ ذڭْ إِقِيضَانْ أَكْ-ذ إِسْحَاقْ ذ يَاعْقُوبْ، إِنِّي ذ إِوْرِيثنْ أَكِيذسْ ن لْوَاعْذْ نِّي.
HEB 11:10 مِينْزِي إِتّْرَاجَا ثَانْذِينْثْ س ذْسُوسَا إِ زِي إِدْجَا أَربِّي ذ بَابْ ن ڒبْنِي ذ ونِّي ت إِڭِّينْ.
HEB 11:11 س لْ-إِيمَانْ إِمّوْشْ أَسْ إِ سَارَا جّهْذْ مَاحنْذْ أَذْ ثكْسِي دّيْسثْ - وَاخَّا نتَّاثْ وَارْ د-ثتِّيرُووْ، ؤُشَا أَمْ ت ثُوغَا عَاذْ بَارَّا إِ ڒْمِيجَاڒْ ن ثوْسَارْ نّسْ - ثُورُووْ-د مِينْزِي ثُوغَا ثسّنْ نِيشَانْ بلِّي ونِّي ذ أَسْ إِوَاعْذنْ، ذَايسْ ڒَامَانْ.
HEB 11:12 س ؤُينِّي عَاوذْ زڭْ إِجّنْ، أَقَا زڭْ ونِّي ذِي إِبْضڒْ جّهْذْ نّسْ س ثوْسَارْ، تّْوَاڒْونْ أَسْ-د أَمْ يِيثْرَانْ ن ؤُجنَّا س ؤُبَارُّو نْسنْ ؤُ أَمْ يِيجْذِي خْ ثْمَا ن ڒبْحَارْ إِ وَارْ إِزمَّارْ أَذْ إِتّْوَاحْسبْ.
HEB 11:13 ذِي لْ-إِيمَانْ مُّوثنْ يِينَا مَارَّا بْڒَا مَا أَذْ طّْفنْ مِينْ ذ أَسنْ إِتّْوَاوَاعْذنْ، مَاشَا ژْرِينْ ث زِي ڒَاڭّْوَاجْ ؤُشَا فَارْحنْ زَّايسْ ؤُشَا نعْمنْ بلِّي نِيثْنِي ذ إِبَارَّانِييّنْ ذ إِمعْزَابْ خْ ثمُّورْثْ.
HEB 11:14 [مِينْزِي] إِنِّي إِقَّارنْ ثِيمسْڒَايِينْ أَمْ ثِينَا، سّشْننْ مْلِيحْ بلِّي نِيثْنِي أَرزُّونْ ثَانْذِينْثْ نْسنْ.
HEB 11:15 معْلِيكْ أَرْزُونْ خْ ثمُّورْثْ مَانِيسْ د-فّْغنْ، إِڒِي أَقَا ؤُفِينْ لْفُورْصَا حِيمَا أَذْعقْبنْ ذِينْ عَاوذْ.
HEB 11:16 مَاشَا ڒخُّو إِبَانْ-د مْلِيحْ أَقَا ذَايْسنْ مژْرِي غَارْ [ثمُّورْثْ] نِّي حْسنْ، مِينْ إِخْسْ أَذْ يِينِي غَارْ ثنِّي ذڭْ ؤُجنَّا. س ؤُينِّي أَربِّي وَارْ إِسضْحِي شَا أَذْ أَسْ ڒَاغَانْ ’أَربِّي نْسنْ‘، مِينْزِي أَقَا إِسّوْجذْ أَسنْ إِشْثْ ن ثنْذِينْثْ.
HEB 11:17 س لْ-إِيمَانْ إِوْشَا إِبْرَاهِيمْ، ڒَامِي إِتّْوَاقدْجبْ، إِسْحَاقْ ذ ثَاغَارْصْثْ، ؤُشَا إِسَّارْسْ أَينِّي ن مِّيسْ نِّي إِطّفْ س لْوَاعْذْ، خْ ؤُعَالْطَارْ.
HEB 11:18 مَاشَا إِتّْوَانَّا أَسْ: ”ذِي إِسْحَاقْ أَذْ أَشْ ڒَاغَانْ زَّارِيعثْ نّشْ.“
HEB 11:19 ثُوغَا إِخَارّصْ أَكْ-ذ إِخفْ نّسْ، بلِّي أَربِّي إِزمَّارْ عَاوذْ أَذْ ث-إِ-د-إِسّْنكَّارْ جَارْ إِمتِّيننْ. س ؤُيَا إِذْوڒْ-د غَارسْ عَاوذْ س وبْرِيذْ ن يِيجّْ ن ؤُمذْيَا، [أَمْ س ثْنُوكْرَا].
HEB 11:20 س لْ-إِيمَانْ زِي جِّيهثْ ن مِينْ ثُوغَا د-إِڭُّورنْ عَاذْ، إِبَاركْ إِسْحَاقْ إِحنْجِيرنْ نّسْ، يَاعْقُوبْ ذ عِيسُو.
HEB 11:21 س لْ-إِيمَانْ ثُوغَا يَاعْقُوبْ، ڒَامِي إِمُّوثْ، إِبَاركْ كُوڒْ إِجّنْ زڭْ إِحنْجِيرنْ ن يُوسُوفْ أَمْ ثُوغَا إِطّفْ ذڭْ إِخفْ ن ثغَّارْشْثْ نّسْ.
HEB 11:22 س لْ-إِيمَانْ ثُوغَا يُوسُوفْ، ڒَامِي ثُوغَا إِمُّوثْ، إِسِّيوڒْ خْ وُوفُّوغْ ن أَيْثْ ن إِسْرَائِيل ؤُشَا إِوصَّا ثنْ خْ إِغْسَانْ نّسْ.
HEB 11:23 س لْ-إِيمَانْ ثُوغَا مُوسَا، ڒَامِي د-إِخْڒقْ، إِتّْوَاسّْنُوفَّارْ زِي لْوَالِيذِينْ نّسْ ثْڒَاثَا ن إِيُورنْ، ڒَامِي ژْرِينْ أَحنْجِيرْ إِصْبحْ، ؤُشَا [س لْ-إِيمَانْ] وَارْ ڭّْوِيذنْ شَا زڭْ ڒُومُورْ ن ؤُجدْجِيذْ.
HEB 11:24 س لْ-إِيمَانْ يُوڭِي مُوسَا، ڒَامِي إِمْغَارْ نتَّا، أَذْ أَسْ ڒَاغَانْ عَاذْ مِّيسْ ن يدْجِيسْ ن فِيرْعُونْ.
HEB 11:25 مْڒِي يُوفَا أَذْ يِيڒِي إِتّْوَازيَّارْ أَكْ-ذ ڒْڭنْسْ ن أَربِّي ؤُڒَا ذ ثَارِّيثْ ن مژْرِي ذِي دّْنُوبْ إِ ذْرُوسْ ن ڒْوقْثْ.
HEB 11:26 ثُوغَا إِحسّبْ أَسحْقَارْ ن لْمَاسِيحْ ذ أَڭْڒَا أَمقّْرَانْ سنّجْ إِ ڒكْنُوزْ ن مِيصْرَا، مِينْزِي ثُوغَا إِخزَّارْ غَارْ زَّاثْ غَارْ ڒْمُونثْ.
HEB 11:27 س لْ-إِيمَانْ إِجَّا مِيصْرَا، وَارْ إِڭّْوِيذْ شَا زڭْ ؤُخيّقْ ن ؤُجدْجِيذْ، مِينْزِي إِزِييَّارْ إِخفْ نّسْ أَخْمِي إِژْرَا أَربِّي إِ وَارْ إِتّْوَاژَارنْ.
HEB 11:28 س لْ-إِيمَانْ إِڭَّا [ثَاغَارْصْثْ ن] ؤُسعْذُو، ؤُشَا إِرُوشّْ إِذَامّنْ، حِيمَا أَمْكحَّاضْ ن إِمنْزَا نْسنْ وَارْ ثنْ إِتّْحِيذِي شَا.
HEB 11:29 س لْ-إِيمَانْ ژْوَانْ ڒبْحَارْ ن ؤُغَانِيمْ أَخْمِي كِّينْ ذِي ڒْبَارّْ، أَمْ تّْوَاصَارْضنْ إِمِيصْرِييّنْ [زِي ڒبْحَارْ] ؤُمِي ثُوغَا خْسنْ أَذْ ذَايسْ شُوقنْ.
HEB 11:30 س لْ-إِيمَانْ وْضَانْ ڒحْيُوضْ ن أَرِيحَا ؤُمِي كِّينْ سبْعَا ن وُوسَّانْ، تّنّْضنْ أَسْ.
HEB 11:31 س لْ-إِيمَانْ وَارْ ثْهلِّيكْ شَا رَاحَابْ، ثَامْغَارْثْ ن فَارْقْ-شّْغڒْ أَكْ-ذ يِينِّي وَارْ إِطِّيعنْ، أَمْ ثُوغَا ثَارحّبْ إِبرْڭَاڭنْ س ڒهْنَا.
HEB 11:32 ؤُشَا مِينْ غَا إِنِيغْ عَاذْ؟ مِينْزِي ڒْوقْثْ وَارْ ثْقذِّي أَذْ سِّيوْڒغْ خْ جِيذْعُونْ ذ بَارَاكْ ذ شَامْشُونْ ذ يِيفْثَا ذ ذَاوُوذْ ذ شَامْوِيلْ ؤُ خْ إِنَابِييّنْ إِنّغْنِي،
HEB 11:33 إِنِّي ثُوغَا إِغلّْبنْ خْ ثْڭلْذِيوِينْ س لْ-إِيمَانْ، ڭِّينْ ثَاسڭْذَا، طّْفنْ لْوُوعُوذْ، قّْننْ إِخنْفُوشنْ ن وَايْرَاذنْ،
HEB 11:34 سّْخسْينْ جّهْذْ ن ثْمسِّي، أَروْڒنْ زِي ڒقْضعْ ن سِّيفْ، كْسِينْ جّهْذْ ذِي ثُوضْعفْثْ، ذوْڒنْ جهْذنْ ذڭْ إِمنْغَانْ ؤُ قڒْعنْ خْ ڒمْرَاڭحْ ن ڒْعسْكَارْ ن إِبَارَّانِييّنْ.
HEB 11:35 أَرِّينْ-د إِ ثمْغَارِينْ إِحنْجِيرنْ نْسنْثْ س ثْنُوكْرَا ن إِمتِّيننْ، شَا نّغْنِي مُّوثنْ س ڒعْذَابْ، ثُوغَا وَارْ تّْرِيجِينْ أَذْ تّْوَافكّنْ، مَاشَا أَذْ طّْفنْ ذِي ثْنُوكْرَا إِشْنَانْ حْسنْ زِي مَانْ أَيَا،
HEB 11:36 شَا نّغْنِي كْسِينْ أَبهْذڒْ ذ ؤُركُّوضْ، ؤُ [عَاذْ] إِنّغْنِي تّْوَاڭّنْ ذِي سّْنَاسڒْ ؤُ ذِي ڒحْبسْ.
HEB 11:37 إِنّغْنِي تّْوَارجْمنْ، تّْوَاقسّنْ ذِي ثْنَاينْ، إِنّغْنِي مُّوثنْ س ڒقْضعْ ن سِّيفْ، ثلْعنْ أَمْ أَرْضنْ إِڒْمَاونْ ن وُودْجِي ذ إِغَايْضنْ، ذَايْسنْ ڒغْبنْ، تّْوَاحْصَارنْ، تّْوَاضڒْمنْ.
HEB 11:38 نِيثْنِي ذ إِوْذَانْ إِ وَارْ ذ أَسنْ ثسّْذَاهدْجْ دُّونِّيثْ [حِيمَا أَذْ ذَايسْ زذْغنْ]. نِيثْنِي ذوْڒنْ ذ إِنِّي إِثلْعنْ ذِي ڒخْڒَاوَاثْ، خْ إِذُورَارْ ؤُ ذڭْ إِفْرَانْ ذ إِخرْذُوسنْ ن ثمُّورْثْ.
HEB 11:39 مَارَّا إِنَا مِيخفْ ثتّْوَافْ إِشْثْ ن شّْهَاذثْ ن لْ-إِيمَانْ نْسنْ، وَارْ طِّيفنْ شَا ذِي لْوَاعْذْ،
HEB 11:40 مِينْزِي أَربِّي ثُوغَا إِزْوَارْ إِژْرَا ذِي طّْوعْ نّغْ، أَقَا نِيثْنِي وَارْ تِّيكّْوِيضنْ شَا غَارْ ڒكْمَارثْ بْڒَا نشِّينْ.
HEB 12:1 س ؤُيَا نشِّينْ عَاوذْ، ؤُمِي ذ أَنغْ د-نّْضنْ مَارَّا ڒشْهُوذْ-أَ أَمْ إِسيْنُوثنْ، أَذْ ننْضَارْ مَارَّا دّْقڒْ ن دّنْبْ إِ ذ أَنغْ د-إِسّْوجْذنْ إِ ڒبْذَا. أجّْ أَنغْ أَذْ نُويُورْ س صّْبَارْ أَمْحِيزْوَارْ نِّي خَانغْ د-إِمَّارْسنْ.
HEB 12:2 أجّْ أَنغْ أَذْ ننْضَارْ ثِيطَّاوِينْ ذِي يَاسُوع، أَمْڭوَّاذْ ذ ؤُمْكمّڒْ ن لْ-إِيمَانْ نّغْ، ونِّي، زِي سِّيبّثْ ن ڒفْرَاحثْ إِ غَارسْ، يَارْبُو صَّالِيبْ، وَارْ ث إِشْقِي ؤُبهْذڒْ، ؤُشَا إِقِّيمْ خْ يفُوسْ ن ڒْعَارْشْ ن أَربِّي.
HEB 12:3 خْزَارمْ مْلِيحْ، مشْحَاڒْ إِ إِكْسِي نتَّا زڭْ إِمذْنَابْ، إِنِّي ذ إِغْرِيمنْ ن ڒعْمَارْ ن يِيخفْ نْسنْ، حِيمَا وَارْ ثتِّيحْڒمْ ؤُ وَارْ ثَارخُّومْ شَا ذِي ڒعْمَارْ نْومْ.
HEB 12:4 أَقَا كنِّيوْ، وَارْ ثْرُوحمْ شَا ثِيڭّْوجمْ أَكْ-ذ دّنْبْ، وَارْ ثمّْعَاڒِيمْ شَا أَڒْ [ؤُسِيزّڒْ] ن إِذَامّنْ [نْومْ].
HEB 12:5 ثتُّومْ ثَاغُورِي إِ خَاومْ إِسَّاوَاڒنْ أَمْ إِحنْجِيرنْ: ”مِّي إِنُو، وَارْ تّڭّْ شَا س وعْرُورْ خْ تَّارْبِييّثْ ن سِيذِي، وَارْ تِّيڒِي شَا ذ أَمَارْخُو ذِي ڒعْمَارْ نّشْ، خْمِي غَا ثتّْوَاوبّْخذْ زَّايسْ.
HEB 12:6 مِينْزِي ونِّي إِتّخْسْ سِيذِي، يَاربَّا إِ-ث س ؤُقسَّاحْ، ؤُشَا إِحنْجِيرنْ نّسْ إِ خَاسْ إِعِيزّنْ، إِكْسِي ثنْ كُوڒْ إِجّْ زَّايْسنْ غَارْ ؤُغزْذِيسْ.“
HEB 12:7 خْ ؤُيَا، كْسِيمْ تَّارْبِييّثْ، مِينْزِي أَربِّي إِتّڭّْ أَومْ أَمْ إِحنْجِيرنْ نّسْ. مِينْزِي مَانْ مِّيسْ ونِّي بَابَاسْ وَارْ ث يَاربِّي شَا س ؤُقسَّاحْ؟
HEB 12:8 مَاڒَا أَقَا كنِّيوْ بْڒَا تَّارْبِييّثْ إِ ذِي شَارْشنْ مَارَّا، ڒخْذنِّي كنِّيوْ [أَمْ] إِبَارَّانِييّنْ إِ ثدْجَامْ، وَارْ إِدْجِي ذ أَرَّاونْ.
HEB 12:9 مَاڒَا نكْسِي تَّارْبِييّثْ زِي بَابَاثْنغْ عْلَاحْسَابْ أَرِّيمثْ ؤُشَا نْوقَّارْ إِ-ثنْ، مشْحَاڒْ ذ أَنغْ إِتّْخصَّا أَذْ نْطَاعْ إِ بَابَاثْنغْ ن أَرُّوحَاثْ، [حِيمَا] أَذْ ندَّارْ!
HEB 12:10 مِينْزِي نِيثْنِي وبّْخنْ أَنغْ شَا ن وُوسَّانْ أَمْ مَامّشْ ذ أَسنْ إِتّْغِيڒْ مْلِيحْ، مَاشَا أَربِّي إِڭَّا إِ-ت إِ ثِيزِي نّغْ، حِيمَا أَذْ نْشَارْشْ ذِي ثْقدَّاسْثْ نّسْ.
HEB 12:11 أَقَا وَارْ ذِينْ ؤُڒَا ذ إِشْثْ ن تَّارْبِييّثْ س ؤُقسَّاحْ إِ إِتّْبَاننْ ذ ڒفْرَاحثْ ذغْيَا، مَاشَا ذ ڒحْرِيقْ، مَاشَا أَوَارْنِي أَسْ ثِيوِي-د ڒْغِيدْجثْ ن ڒهْنَا ذ ثْسڭْذَا إِ يِينِّي زَّايسْ إِتّْوَاذَارّْبنْ.
HEB 12:12 س ؤُينِّي، سْجهْذمْ إِفَاسّنْ نْومْ يَارْخُونْ ذ إِفَادّنْ نْومْ يَارهْفنْ،
HEB 12:13 ؤُشَا ڭّمْ نِيشَانْ إِصُورَافْ ن إِضَارنْ نْومْ، حِيمَا مِينْ إِدْجَانْ ذ أَقجْذَاحْ وَارْ إِتّفْرِيغْ شَا، مَاشَا أَذْ إِڭّنْفَا.
HEB 12:14 ضْفَارمْ-د ڒهْنَا ذ ثُوقدّْسِي أَكْ-ذ مَارَّا، ثنِّي بْڒَا زَّايسْ وَارْ إِژَارْ حذْ سِيذِيثْنغْ.
HEB 12:15 غَارْومْ أَقَا ؤُڒَا ذ إِجّْ جَارْ أَومْ أَذْ إِتّْوَافْ إِنْقصْ أَسْ أَرْضَا ن أَربِّي، نِيغْ أَقَا أَذْ إِغْمِي وژْوَارْ ن ثَارْزُوڭِي، أَذْ كنِّيوْ إِضَارّْ ؤُشَا خنِّي أَذْ زَّايسْ تّْوَاخمْجنْ أَطَّاسْ،
HEB 12:16 [ؤُشَا] حْضَامْ، أَقَا وَارْ إِتّْوِيفِّي حذْ جَارْ أَومْ ونِّي ذ بُو-فَارْقْ-شّْغڒْ نِيغْ ذ أَمقْجُوحْ أَمْ عِيسُو نِّي إِزّنْزنْ ڒْحقّْ ن ؤُمنْزُو نّسْ خْ إِجّْ ن مَاشَّا.
HEB 12:17 مِينْزِي أَقَا ثسّْنمْ، بلِّي أَوَارْنِي مَانْ أَيَا ثُوغَا يَارزُّو [عَاذْ] أَذْ إِوَارْثْ لْبَارَاكَا، مَاشَا يُوڭِي أَسْ، مَاغَارْ وَارْ يُوفِي شَا تَّاسِيعْ إِ وعْذَاڒْ، وَاخَّا يَارزُّو ث س إِمطَّاونْ.
HEB 12:18 مِينْزِي كنِّيوْ وَارْ ثِيوِيضمْ شَا غَارْ ثْمسِّي يَارْغِينْ نِيغْ غَارْ وذْرَارْ إِ نْزمَّارْ أَذْ نْحَاذَا، ؤُڒَا غَارْ ثَايُّوثْ ثْبَارْشَانْثْ ذ ثْحَارْيَاضْثْ،
HEB 12:19 نِيغْ غَارْ زّْهِيرْ ن ؤُصُوذِي ذڭْ ؤُيِيشّْ [ن إِشَارِّي] ؤُڒَا غَارْ ڒْحسّْ ن وَاوَاڒنْ ذِي سِّيبّثْ نْسنْ زَاوْڭنْ إِنِّي ذ أَسْ إِسْڒِينْ، مَاحنْذْ وَارْ ثنْ كِيسنْ إِسِّيوِيڒْ عَاذْ.
HEB 12:20 س مِينْزِي وَارْ زمَّارنْ خْ دّْقڒْ ن ثْوصَّا، مِينْزِي مَاڒَا إِقَارّبْ-د مْغِيرْ إِجّْ ن ؤُمُودَّارْ أَذْرَارْ، أَذْ إِتّْوَارْجمْ نتَّا.
HEB 12:21 مِينْ ژْرِينْ ثُوغَا إِسَّاڭّْوَاذْ أَطَّاسْ، أَڒَامِي إِنَّا مُوسَا: ”أَقَا ڭّْوذغْ ؤُ تَّارْجِيجِيغْ!“
HEB 12:22 مَاشَا كنِّيوْ ثِيوْضمْ غَارْ وذْرَارْ ن صِيهْيُونْ، غَارْ ثنْذِينْثْ ن أَربِّي إِدَّارنْ، غَارْ ؤُرْشَالِيمْ نِّي إِدْجَانْ ذڭْ إِجنْوَانْ ؤُ غَارْ ثْمسْمُونْثْ نعشْرَا ن ڒُوڒُوفَاثْ ن لْمَالَاكَاثْ،
HEB 12:23 غَارْ ثْمسْمُونْثْ ن إِمنْزَا، إِنِّي إِتّْوَازمّمنْ ذڭْ إِجنْوَانْ، ؤُ غَارْ أَربِّي، ڒْقَاضِي خْ مَارَّا ؤُ غَارْ أَرُّوحَاثْ ن إِمْسڭَّاذنْ نِّي إِوْضنْ غَارْ ڒكْمَارثْ،
HEB 12:24 ؤُ غَارْ يَاسُوع، لْوَاسِيثْ ن ڒْعَاهْذْ ن جْذِيذْ، ؤُ غَارْ ؤُرُوشِّي س إِذَامّنْ نّسْ، إِنِّي إِسَّاوَاڒنْ حْسنْ زڭْ إِنِّي ن هَابِيلْ.
HEB 12:25 غَارْومْ وَارْ ثَاڭِيمْ شَا خْ ونِّي أَكِيذْومْ إِسَّاوَاڒنْ، مِينْزِي مَاڒَا إِنِّي وَارْ إِتّْوَاسّْنجْمنْ ؤُڭِينْ ونِّي كِيذْسنْ إِسَّاوَاڒنْ ذِي ثمُّورْثْ، مَاهُو عَاذْ نشِّينْ، مَاڒَا نْحيّذْ خْ ونِّي أَكِيذْنغْ إِسَّاوَاڒنْ زڭْ إِجنْوَانْ،
HEB 12:26 ونِّي ثُوغَا ثْمِيجَّا نّسْ ثسّنْهزَّا ثَامُّورْثْ، مَاشَا ونِّي ڒخُّو إِوَاعْذْ، إِنَّا: ”أَذْ سّنْهزّغْ عَاوذْ إِشْثْ ن ثْوَاڒَا، وَارْ إِدْجِي ثَامُّورْثْ وَاهَا، أَقَا ؤُڒَا ذ أَجنَّا.“
HEB 12:27 [أَوَاڒْ-أَ]: ’إِشْثْ ن ثْوَاڒَا!‘، أَقَا إِمْڒَا بلِّي أَذْ إِتّْوَاكّسْ مِينْ إِتّنْهزَّانْ، مِينْزِي مَانْ أَيَا إِتّْوَاڭّْ، حِيمَا أَذْ قِّيمنْثْ ثْمسْڒَايِينْ وَارْ تّنْهزِّينْثْ.
HEB 12:28 س ؤُيَا، مِينْزِي أَذْ نطّفْ ثَاڭلْذِيثْ يَاركّْننْ، أجّْ أَنغْ أَذْ نقِّيمْ نتّطّفْ ذِي أَرْضَا إِ زِي نتّْسخَّارْ إِ أَربِّي ؤُ نسَّارْضَا إِ-ث س ؤُوقَّارْ ذ ثِيڭّْوُوذِي،
HEB 12:29 مِينْزِي أَربِّي نّغْ ذ إِشْثْ ن ثِيمسِّي إِتّتّنْ.
HEB 13:1 أجّْ أَذْ ثقِّيمْ ثَايْرِي ن ثَاوْمَاثْ جَارْ أَومْ.
HEB 13:2 وَارْ ثتُّومْ شَا أَذْ ثِيڒِيمْ ثشْنَامْ أَكْ-ذ إِبَارَّانِييّنْ، أَقَا زعْمَا س ؤُيَا أَرحّْبنْ شَا س لْمَالَاكَاثْ أَمْ وَارْ سِّيننْ.
HEB 13:3 خَارّْصمْ ذڭْ إِمحْبَاسْ أَخْمِي كنِّيوْ حبّْسمْ أَكِيذْسنْ، خَارّْصمْ ذڭْ إِنِّي إِتّْوَاحْسَارنْ، أَمْ إِوْذَانْ [أَمْ] كنِّيوْ، إِنِّي يَارْضنْ أَيْسُومْ [ن أَرِّيمثْ].
HEB 13:4 أجّْ أَذْ يِيڒِي ڒمْڒَاشْ ذ أَوقَّارْ غَارْ مَارَّا، ذ قَامَا نْسنْ [ن ڒمْڒَاشْ] ذ أَمزْذَاڭْ، مَاشَا أَربِّي أَذْ إِحْكمْ خْ أَيْثْ ن فَارْقْ-شّْغڒْ ؤُ خْ يِينِّي إِتّڭّنْ زِّينَا.
HEB 13:5 وَارْ تّڭّمْ نّيّثْ نْومْ ذِي ثنْعَاشِينْ، مَاشَا قنْعمْ س مِينْ غَارْومْ، مِينْزِي سِيذِي إِنَّا: ”نشّْ وَارْ شكْ تّجِّيغْ نِيغْ أَذْ سمّْحغْ ذڭْ ؤُفُوسْ نّشْ.“
HEB 13:6 مَانْ أَيَا [إِتّْوَانَّا] إِ نشِّينْ، مَاحنْذْ أَذْ نِينِي س ثرْيَاسْثْ: ”سِيذِي ذ أَمْعَاونْ إِنُو، وَارْ تّڭّْوْذغْ شَا، مِينْ ذ أَيِي غَا يڭّْ بْنَاذمْ؟“
HEB 13:7 عقْڒمْ خْ إِمْڭوَّاذنْ نْومْ، إِنِّي ذ أَومْ إِسِّيوْڒنْ أَوَاڒْ ن أَربِّي. بقّْشمْ ڒْغِيدْجثْ ن ثشْرِي نْسنْ ؤُشَا ضْفَارمْ لْ-إِيمَانْ نْسنْ.
HEB 13:8 يَاسُوع لْمَاسِيحْ ذ نتَّا نتَّا إِضنَّاضْ ذ يِيضَا، ؤُ إِ ڒبْذَا.
HEB 13:9 وَارْ ثجِّيمْ أَذْ كنِّيوْ غَارّنْ س ثْغُورِيوِينْ إِتّْبدَّاڒنْ [ن ذغْيَا]، مِينْزِي ڒْحَاجّثْ ن لمْلِيحْ مَاڒَا شبَّارنْ وُوڒَاونْ نّغْ ذِي أَرْضَا، وَارْ إِدْجِي ذِي مَاشَّا، مِينْزِي إِنِّي ثُوغَا ذَايسْ يڒْهَانْ، وَارْ ذَايسْ ؤُفِينْ بُو نّْفعْ.
HEB 13:10 غَارْنغْ إِجّْ ن ؤُعَالْطَارْ إِ ؤُمِي وَارْ إِعدّڒْ أَذْ زَّايسْ شّنْ إِنِّي إِتّْسخَّارنْ ذِي ثْزذِّيغْثْ.
HEB 13:11 مِينْزِي زڭْ إِمُودَّارنْ، إِنِّي إِذَامّنْ نْسنْ تّْوَاكْسِينْ غَارْ زَّاوشْثْ إِقدّْسنْ س ؤُفُوسْ ن أَرَّايْسْ ن إِكهَّاننْ، إِتّْوَاسَّارْغْ ويْسُومْ نْسنْ بَارَّا إِ ڒْمَارْڭحْ.
HEB 13:12 س ؤُينِّي ثُوغَا يَاسُوع إِمَارّثْ عَاوذْ بَارَّا إِ ثنْذِينْثْ، حِيمَا أَذْ إِسّْقدّسْ ڒْڭنْسْ س إِذَامّنْ نّسْ.
HEB 13:13 س ؤُينِّي أجّْ أَنغْ أَذْ نفّغْ غَارْ بَارَّا ن ڒْمَارْڭحْ، أَمْ نَاربُّو ڒْعَارْ نّسْ.
HEB 13:14 مِينْزِي وَارْ غَارْنغْ ذَا ثَانْذِينْثْ ن ڒبْذَا، مَاشَا نَارزُّو خْ ثنِّي إِ د غَا يَاسنْ.
HEB 13:15 أجّْ أَنغْ ڒبْذَا أَذْ زَّايسْ نْقدّمْ ثِيوْهِيبِينْ ن ؤُسمْغَارْ إِ أَربِّي، ڒْغِيدْجثْ ن إِينْشِيشنْ نِّي د-إِتّْوَاينْ أَقَاذِي إِ يِيسمْ نّسْ.
HEB 13:16 وَارْ تّتُّومْ شَا أَرّحْمثْ ؤُڒَا ذ ثشْرِيمثْ إِ إِمژْڒَاضْ، مِينْزِي س ثوْهِيبِينْ-أَ أَذْ يَارْضَا بْنَاذمْ أَربِّي.
HEB 13:17 إِڒِيمْ ذ إِمْثِيقَّانْ إِ يِينِّي إِ كنِّيوْ إِتّْڭوَّاذنْ، طَاعمْ أَسنْ، مِينْزِي نِيثْنِي تّْعسَّانْ خْ ڒعْمُورْ نْومْ أَمْ يِينِّي إِتّڭّنْ ڒحْسَابْ خَاومْ، حِيمَا أَذْ ت ڭّنْ س ڒفْرَاحثْ، وَارْ إِدْجِي س ؤُوحْوحْ، مِينْزِي مَانْ أَيَا وَارْ كنِّيوْ إِنفّعْ.
HEB 13:18 ژَتدْجمْ خَانغْ، مِينْزِي غَارْنيْ تِّيقّثْ بلِّي غَارْنغْ ثَانفْسشْثْ ثشْنَا، أَمْ ذَايْنغْ مژْرِي، حِيمَا أَذْ نُويُورْ نِيشَانْ ذِي مَارَّا.
HEB 13:19 تّْزَاوْڭغْ كنِّيوْ س جّهْذْ أَذْ ثڭّمْ أَمُّو غَارْ ؤُمزْوَارُو، حِيمَا خنِّي نشّْ ذغْيَا أَذْ غَارْومْ د-ذوْڒغْ.
HEB 13:20 أَربِّي ن ڒهْنَا ونِّي د-إِسّْنكَّارنْ أَمكْسَاوْ أَمقّْرَانْ ن وُودْجِي، يَاسُوع لْمَاسِيحْ، سِيذِيثْنغْ، زِي ثَادَّارْثْ ن إِمتِّيننْ س إِذَامّنْ ن ڒْعَاهْذْ إِ ڒبْذَا،
HEB 13:21 أَذْ كنِّيوْ إِكمّڒْ ذِي كُوڒْ ڒْخذْمثْ إِشْنَانْ، حِيمَا أَذْ ثڭّمْ مِينْ إِخْسْ نتَّا. نتَّا أَذْ ذَايْنغْ إِڭّْ مِينْ إِدْجَانْ إِ أَرْضَا نّسْ س يَاسُوع لْمَاسِيحْ ونِّي غَارْ إِدْجَا ؤُعُودْجِي إِ ڒبْذَا قَاعْ. أَمِينْ.
HEB 13:22 خنِّي تّْزَاوَاڭغْ زَّايْومْ، [أَ] أَيْثْمَا إِنُو، قبْڒمْ أَوَاڒْ-أَ ن ؤُسجّعْ س تَّاسِيعْ ن ڒْخَاضَارْ، مِينْزِي ؤُرِيغْ أَومْ-د س ذْرُوسْ.
HEB 13:23 سْنمْ أَقَا أَرْخُونْ إِ ؤُمَاثْنغْ ثِيمُوثِييُو. مَاڒَا يُوسَا-د ذغْيَا، أَذْ كنِّيوْ ژَترغْ [أَكِيذسْ].
HEB 13:24 سدْجْممْ خْ مَارَّا إِنِّي إِ كنِّيوْ إِتّْڭوَّاذنْ س ڒحْنَا ؤُ خْ مَارَّا إِمْقدَّاسنْ. مَارَّا [أَوْمَاثنْ] ن إِطَالْيَا تّْسدْجَامنْ-د خَاومْ س ڒهْنَا.
HEB 13:25 أَرْضَا أَذْ كِيذْومْ يِيڒِي مَارَّا. أَمِينْ.
JAM 1:1 يَاعْقُوبْ، أَمْسخَّارْ ن أَربِّي ؤُ ن سِيذِيثْنغْ يَاسُوع لْمَاسِيحْ، إِ ثنْعَاشْ ن ثْقبَّاڒْ ثِينِّي إِتّْوَازدْجْعنْ جَارْ ڒڭْنُوسْ: ڒهْنَا [خَاومْ]!
JAM 1:2 [أَ] أَيْثْمَا، مَاڒَا أَذْ خَاومْ كّنْ عْڒَامْ كُوڒْ إِجَارِّيبنْ، حسْبمْ مَانْ أَيَا مَارَّا ذ ڒفْرَاحثْ،
JAM 1:3 مَاغَارْ كنِّيوْ ثسّْنمْ بلِّي ثَاقدْجبْثْ ن لْ-إِيمَانْ، أَذْ د-ثجّْ صّْبَارْ نْومْ.
JAM 1:4 مَاشَا إِتّْخصَّا صّْبَارْ أَذْ إِتّْوَاكمّڒْ، حِيمَا أَذْ ثَاوْضمْ ؤُ أَذْ ثْكمّْڒمْ، ؤُشَا وَارْ كنِّيوْ إِتّْخصِّي وَالُو.
JAM 1:5 مَاڒَا شَا ن إِجّنْ زَّايْومْ ثقِّيمْ أَسْ عَاذْ ثِيغِيثْ، أَذْ ت إِتَّارْ زِي أَربِّي ونِّي إِتِّيشنْ س ثشْرِيمثْ إِ مَارَّا بْڒَا أَزَاوَارْ، ؤُشَا أَذْ أَسْ ثمّوْشْ.
JAM 1:6 مَاشَا أجّْ إِ-ث أَذْ إِتَّارْ س لْ-إِيمَانْ، بْڒَا أَشكِّي، مِينْزِي ونِّي إِتّْشكَّانْ أَقَا نتَّا أَمْ ڒمْوَاجْ ن ڒبْحَارْ نِّي إِتّْوَاعَارّْننْ زڭْ ؤُسمِّيضْ.
JAM 1:7 وَارْ تّجِّي أَذْ أَسْ إِتّْغِيڒْ إِ بْنَاذمْ نِّي أَذْ إِكْسِي شَا زِي سِيذِي،
JAM 1:8 [مَاغَارْ نتَّا] س ثْنَاينْ إِزدْجِيفنْ، وَارْ يَارْسِي ذِي مَارَّا إِبْرِيذنْ نّسْ.
JAM 1:9 أجّْ ؤُمَاثْومْ إِوَاضْعنْ أَذْ إِسّمْغَارْ ذِي ڒُوعْڒَا نّسْ،
JAM 1:10 ؤُ بُو-وَاڭْڒَا ذڭْ ؤُوَاضعْ نّسْ، مِينْزِي أَمْ ثْوَارْذشْثْ ذِي أَرْبِيعْ أَذْ إِفْنَا نتَّا.
JAM 1:11 مَاغَارْ أَذْ ثنْقَارْ ثْفُوشْثْ س ڒحْمُو نّسْ، أَذْ ثسّشْمضْ أَرْبِيعْ ؤُشَا ثَاوَارْذشْثْ أَذْ ثِيسْڒَاوْ ؤُشَا أَذْ أَسْ إِرَاحْ وَاژْرِي ن وُوذمْ نّسْ. أَمُّو إِ غَا إِفْنَا عَاوذْ بُو-وَاڭْڒَا ذِي [مَارَّا] إِبْرِيذنْ نّسْ.
JAM 1:12 سّعْذْ ن ورْيَازْ نِّي إِ غَا إِحمْڒنْ أَجَارّبْ، مِينْزِي مَاڒَا إِذْوڒْ ذ أَمْقدْجبْ، أَذْ إِطّفْ تَّاجْ ن ثُوذَارْثْ نِّي ثُوغَا إِوَاعْذْ زَّايسْ أَربِّي إِ يِينِّي ث إِتّخْسنْ.
JAM 1:13 وَارْ تّجِّي حذْ مَاڒَا إِتّْوَاجَّاربْ، أَذْ يِينِي: ”أَربِّي إِ ذ أَيِي إِتّْجَارَّابنْ!“ أَقَا أَربِّي وَارْ إِزمَّارْ أَذْ إِتّْوَاجَارّبْ زِي ڒْغَارْ ؤُشَا نتَّا س يِيخفْ نّسْ وَارْ إِتّْجَّارِّيبْ ؤُڒَا ذ إِجّْ.
JAM 1:14 مَاشَا كُوڒْ إِجّْ أَذْ إِتّْوَاغْوَا زِي نّشْوثْ نّسْ ؤُشَا [نّشْوثْ] أَذْ ث ثطّفْ ؤُشَا أَذْ زَّايسْ إِتّْوَاغْوَا.
JAM 1:15 مَاڒَا نّشْوثْ ثكْسِي س ؤُعذِّيسْ، أَذْ د-ثَارُووْ دّنْبْ، ؤُشَا خْمِي غَا إِمْغَارْ دّنْبْ، أَذْ د-يَاوِي ڒْموْثْ.
JAM 1:16 [أَ] أَيْثْمَا إِعِيزّنْ، وَارْ تّْودَّارمْ!
JAM 1:17 كُوڒْ ثَاوْهِيبْثْ ثَاصبْحَانْثْ ذ إِكمّْڒنْ ثْهكّْوَا-د زِي سنّجْ، زِي بَابَاثْسنْثْ ن ثْفَاوِينْ إِ وَارْ غَارْ إِدْجِي ؤُبدّڒْ نِيغْ ثِيڒِي ن دّوْڒَانْ.
JAM 1:18 يُوسَا-د أَسْ خْ ڒْخَاضَارْ، مَاحنْذْ أَذْ أَنغْ د-يجّْ س وَاوَاڒْ ن ثِيذتّْ، حِيمَا أَذْ نِيڒِي ذ [صَّابثْ] ثَامزْوَارُوثْ زِي [مَارَّا] مِينْ زَّايسْ د-إِخڒْقنْ.
JAM 1:19 سْنمْ أَيَا، [أَ] أَيْثْمَا إِعِيزّنْ، أجّْ كُوڒْ بْنَاذمْ أَذْ إِقدْجقْ حِيمَا أَذْ إِسڒْ، وَارْ ثْقدْجِيقمْ شَا غَارْ وَاوَاڒْ نِيغْ غَارْ ثفْقحْثْ.
JAM 1:20 مِينْزِي ثَافْقحْثْ ن ورْيَازْ وَارْ د-ثتِّيوِي شَا ثَاسڭْذَا زَّاثْ إِ أَربِّي.
JAM 1:21 س ؤُينِّي سّْبعّْذمْ خَاومْ قَاعْ ثَاخْمُوجِي ذ وَاطَّاسْ ن ثُوعفّْنَا، ؤُشَا قبْڒمْ س ثمْهِينْثْ أَوَاڒْ إِ إِتّْوَاژُّونْ ذِي طّْبِيعثْ نّغْ، [أَوَاڒْ] إِ إِزمَّارنْ أَذْ إِسّنْجمْ ڒعْمُورْ نْومْ.
JAM 1:22 إِڒِيمْ ذ إِنِّي إِتّڭّنْ أَوَاڒْ، وَارْ إِدْجِي ذ إِنِّي إِتّسْڒَانْ وَاهَا، وَارْ شمْثمْ إِخفْ نْومْ!
JAM 1:23 مِينْزِي مَاڒَا إِسْڒَا حذْ إِ وَاوَاڒْ، [مَاشَا] وَارْ زَّايسْ إِڭِّي، أَقَا نتَّا أَمْ يِيجّْ ن ورْيَازْ إِ إِخزَّارنْ ذِي ثِيسِيثْ ذڭْ ؤُغمْبُوبْ نّسْ.
JAM 1:24 مِينْزِي إِتّْوَاڒَا إِخفْ نّسْ، إِرُوحْ، ؤُشَا ڒخْذنِّي أَذْ إِتُّو مَامّشْ ثُوغَا إِدْجَا.
JAM 1:25 مَاشَا ونِّي إِ غَا إِخْزَارنْ ذِي شَّارِيعَا إِكمّْڒنْ ن ثِيڒلِّي ؤُشَا إِقِّيمْ إِخزَّارْ ذَايسْ، وَارْ إِدْجِي أَمْ يِيجّنْ إِتّسْڒَا ڒخْذنِّي إِتّتُّو [ذغْيَا]، مَاشَا أَمْ يِيجّنْ ونِّي ت إِتّڭّنْ س ثِيذتّْ، أَقَا وَانِيثَا ذ أَمِيمُونْ ذِي مِينْ إِتّڭّْ.
JAM 1:26 مَاڒَا ذِينْ ونِّي ؤُمِي إِتّْغِيڒْ أَقَا نتَّا إِتّْسخَّارْ إِ أَربِّي أَمْ وَارْ إِحطِّي إِڒسْ نّسْ، مَاشَا إِخدّعْ ؤُڒْ نّسْ، [خنِّي] أَقَا ثَاسخَّارْثْ نّسْ بَاطڒْ.
JAM 1:27 مَاغَارْ ثَاسخَّارْثْ ثَامزْذَاڭْثْ ذ إِقدّْسنْ قِيبَاتْشْ إِ أَربِّي، بَابَاثْنغْ، أَقَا-ث ذ ثَا: أَثْهِيلِي ذڭْ إِيُوجِيڒنْ ذ ثِيجَّاڒْ ذِي ڒْمحْنثْ نْسنْثْ، ؤُ مَاحنْذْ بْنَاذمْ أَذْ إِحيّذْ إِخفْ نّسْ زِي دُّونشْثْ بْڒَا ڒْغشّْ.
JAM 2:1 [أَ] أَيْثْمَا، وَارْ تّڭّمْ س وُوذْمَاونْ ذِي لْ-إِيمَانْ إِعُودْجنْ ن سِيذِيثْنغْ يَاسُوع لْمَاسِيحْ.
JAM 2:2 مِينْزِي مَاڒَا يُوذفْ-د غَارْ ثْمسْمُونْثْ نْومْ إِجّْ ن ورْيَازْ س ثْخَاذنْثْ ن وُورغْ ؤُ س وَارُّوضْ إِشْنَانْ، [أَمْ] د-يُوذفْ عَاوذْ إِجّْ ن ؤُمزْڒُوضْ س وَارُّوضْ إِخمْجنْ،
JAM 2:3 [مَاشَا] أَذْ ثوْشمْ ثَايْنِيثْ إِ ونِّي غَارْ إِدْجَا وَارُّوضْ إِشْنَانْ، أَذْ أَسْ ثِينِيمْ: ”أَقَا ذَا إِجّْ ن ومْشَانْ إِصبْحنْ!“، مَاشَا إِ ؤُمزْڒُوضْ أَذْ أَسْ ثِينِيمْ: ”شكْ بدّْ ذِيهَا!“ نِيغْ: ”قِّيمْ زَّاثْ إِ ثْنبْذَاثْ ن إِضَارنْ نّغْ!“،
JAM 2:4 مَا وَارْ تّمْصُورُّوفمْ [خنِّي] جَارْ أَومْ س إِغمْبَابْ ؤُشَا ثْذوْڒمْ ذ ڒْحُوكَّامْ س إِخَارِّيصنْ إِعفَّاننْ؟
JAM 2:5 سْڒمْ، [أَ] أَيْثْمَا إِعِيزّنْ، مَا وَارْ دْجِينْ إِمزْڒَاضْ ن دُّونشْثْ-أَ ذ بُو-وَاڭْڒَا ذِي لْ-إِيمَانْ؟ أَقَا إِخْضَارْ-إِ-ثنْ أَربِّي، حِيمَا أَذْ إِڒِينْ ذ إِوْرِيثنْ ن ثْڭلْذِيثْ إِ زَّايسْ إِوَاعْذْ أَربِّي إِ يِينِّي ث إِتّخْسنْ.
JAM 2:6 مَاشَا كنِّيوْ ثْغطّْرمْ زڭْ إِمزْڒَاضْ! خْزَارْ، مَا وَارْ دْجِينْ ذ إِنِّي س وَاڭْڒَا ذ إِنِّي خَاومْ إِحكّْمنْ ؤُ ذ إِنِّي كنِّيوْ إِندّْهنْ غَارْ ڒْفُوسِينَا؟
JAM 2:7 خْزَارْ، مَا وَارْ دْجِينْ ذ نِيثْنِي إِنِّي إِتّْشقَّافنْ ذڭْ يِيسمْ إِصبْحنْ ونِّي خَاومْ إِتّْوَاڒَاغَانْ؟
JAM 2:8 [مَاشَا] مَاڒَا ثْكمّْڒمْ شَّارِيعَا ن أَربِّي ذِي مَانْ أَيَا أَمْ مَامّشْ ثُورَا: ”أَذْ ثخْسذْ جَّارْ نّشْ أَمْ يِيخفْ نّشْ!“، أَقَا ثتّڭّمْ مْلِيحْ،
JAM 2:9 مَاشَا مَاڒَا ثڭِّيمْ س وُوذْمَاونْ، أَقَا ثتّڭّمْ دّْنُوبْ ؤُشَا أَذْ ثتّْوَاحكْممْ س شَّارِيعَا أَمْ يِينِّي إِخْضَانْ أَكْ-ذ شَّارِيعَا.
JAM 2:10 مِينْزِي ونِّي إِضْفَارنْ مَارَّا شَّارِيعَا، مَاشَا يَارْژَا إِشْثْ ن ثوْصيّثْ، أَقَا نتَّا ذ بُو-ؤُمَارْوَاسْ زِي شَّارِيعَا مَارَّا.
JAM 2:11 مِينْزِي ونِّي إِنَّانْ: ”وَارْ زنِّي!“، إِنَّا عَاوذْ: ”وَارْ نقّْ!“ مَاڒَا وَارْ ثزْنِيذْ، مَاشَا ثنْغِيذْ، أَقَا شكْ ذ أَخطَّايْ ن شَّارِيعَا.
JAM 2:12 سِيوْڒمْ ؤُشَا ڭّمْ أَمْ يِينِّي إِ غَا إِتّْوَاحكْمنْ س ثبْرِيذْثْ ن شَّارِيعَا ن ثِيڒلِّي.
JAM 2:13 مِينْزِي ڒْحُوكْمْ وَارْ يَارحّمْ شَا خْ ونِّي ثُوغَا وَارْ يَارحّْمنْ، مَاشَا س أَرّحْمثْ أَذْ ثِيڒِيمْ ثتّْوَاسُّوعْڒَامْ خْ ڒْحُوكْمْ.
JAM 2:14 [أَ] أَيْثْمَا، مَانْ ڒفْضڒْ مَاڒَا إِجّنْ إِقَّارْ: ”نشّْ أَقَا أَيِي غَارِي لْ-إِيمَانْ!“، [مَاشَا] نتَّا وَارْ غَارسْ بُو ڒخْذَايمْ؟ مَا إِزمَّارْ لْ-إِيمَانْ نّسْ أَذْ ث إِسّنْجمْ؟
JAM 2:15 مَاڒَا إِتّْخصَّا أَسْ إِ يِيجّْ ن ثوْمَاثْ نِيغْ إِ يِيشْثْ ن ثْوتْشْمَاثْ مِينْ غَا يَارْضنْ نِيغْ مِينْ غَا شّنْ كُوڒْ أَسّْ،
JAM 2:16 ؤُشَا إِجّنْ زَّايْومْ أَذْ أَسنْ يِينِي: ”ؤُيُورمْ ذِي ڒهْنَا، أَرْضمْ مِينْ إِسّحْمَانْ، جِّيوْنمْ مَاشَّا!“، مَاشَا وَارْ ذ أَسنْ إِوْشِي وَالُو مِينْ إِتّْخصَّانْ إِ أَرِّيمثْ، مَانْ نّْفَاعْ؟
JAM 2:17 أَقَا أَمُّو ؤُڒَا ذ لْ-إِيمَانْ بْڒَا ڒخْذَايمْ، أَقَا إِمُّوثْ س إِخفْ نّسْ.
JAM 2:18 مَاڒَا أَذْ أَشْ إِنَّا إِجّنْ: ”شكْ غَاركْ لْ-إِيمَانْ، نشّْ غَارِي ڒخْذَايمْ!“ سْشنْ أَيِي لْ-إِيمَانْ نّشْ بْڒَا ڒخْذَايمْ ؤُشَا نشّْ أَذْ أَشْ سّشْنغْ لْ-إِيمَانْ إِنُو زِي ڒخْذَايمْ إِنُو!
JAM 2:19 مَا شكْ ثُومْنذْ بلِّي أَربِّي ذ إِجّنْ؟ أَقَا ثڭِّيذْ مْلِيحْ. ؤُڒَا ذ شّْوَاطنْ ؤُمْننْ ذِي مَانْ أَيَا ؤُشَا تَّارْجِيجنْ.
JAM 2:20 مَا ثخْسذْ أَذْ ثسّْنذْ، [أَ] بْنَاذمْ إِضعْفنْ، بلِّي لْ-إِيمَانْ بْڒَا ڒخْذَايمْ إِمُّوثْ؟
JAM 2:21 مَا وَارْ إِتّْوَاسڭّذْ جذِّيثْنغْ إِبْرَاهِيمْ زِي ڒخْذَايمْ ؤُمِي إِكَّارْ أَذْ إِغَارْصْ إِ مِّيسْ إِسْحَاقْ خْ ؤُعَالْطَارْ؟
JAM 2:22 أَقَا ثژْرِيمْ بلِّي لْ-إِيمَانْ نّسْ ثُوغَا إِخْذمْ أَكْ-ذ ڒخْذَايمْ نّسْ، ؤُشَا لْ-إِيمَانْ إِتّْوَاكمّڒْ س ڒخْذَايمْ.
JAM 2:23 أَمُّو إِتّْوَاكمّڒْ [وَاوَاڒْ ن] ثِيرَا [إِقدّْسنْ] إِ إِقَّارنْ: ”إِبْرَاهِيمْ يُومنْ ذِي أَربِّي ؤُشَا إِتّْوَاحْسبْ أَسْ-ث-إِ-د ذ ثَاسڭْذَا!“، ؤُشَا ڒَاغَانْ أَسْ ’أَمدُّوكَّاڒْ ن أَربِّي‘.
JAM 2:24 ثتّْوَاڒَامْ [خنِّي]، بلِّي بْنَاذمْ إِتّْوَاسڭّذْ زِي ڒخْذَايمْ، وَارْ إِدْجِي زِي لْ-إِيمَانْ وَاهَا.
JAM 2:25 مَا وَارْ ثُوغِي رَاحَابْ، ثَامْغَارْثْ ن فَارْقْ-شّْغڒْ، ثتّْوَاسڭّذْ أَمُّو زِي ڒخْذَايمْ ؤُمِي ثَارحّبْ زڭْ إِبرْڭَاڭنْ، ثسُّوفّغْ إِ-ثنْ زڭْ وبْرِيذْ نّغْنِي؟
JAM 2:26 [س ؤُيَا،] أَمْ أَرِّيمثْ بْڒَا بُوحْبڒْ ثمُّوثْ، أَمُّو ؤُڒَا ذ لْ-إِيمَانْ بْڒَا ڒخْذَايمْ إِمُّوثْ.
JAM 3:1 وَارْ تّجِّيمْ أَطَّاسْ زَّايْومْ أَذْ ذوْڒنْ ذ إِمسْغَارنْ، [أَ] أَيْثْمَا، أَقَا كنِّيوْ ثسّْنمْ بلِّي أَذْ نكْسِي ڒْحُوكْمْ أَمقّْرَانْ.
JAM 3:2 مِينْزِي مَارَّا نشِّينْ ننّذْرفْ ذڭْ وَاطَّاسْ. [مَاڒَا] شَا ن يِيجّنْ وَارْ إِتّْنذْرَافْ ذڭْ وَاوَاڒْ، أَقَا نتَّا ذ بْنَاذمْ إِكْمڒْ، إِزمَّارْ أَذْ إِقمّعْ مَارَّا أَرِّيمثْ [نّسْ].
JAM 3:3 خْزَارْ، نتّڭّْ سْڒِيمَاثْ ذڭْ إِقمُّومنْ ن إِيْسَانْ حِيمَا أَذْ أَنغْ مَّارْسنْ، أَقَا نْزمَّارْ أَذْ [زَّايْسنْثْ] نسُّويُورْ أَرِّيمثْ نْسنْ ثْمُونْ.
JAM 3:4 [ؤُڒَا ذ] إِغَارُّوبَا إِمقّْرَاننْ إِنِّي إِتّْوَاعَارّْننْ زڭْ ؤُسمِّيضْ إِجهْذنْ، تّْوَاندّْهنْ س يِيجّْ ن ڒْڭِيذُونْ أَمژْيَانْ، مَانِي مَا إِخْسْ ڒْخَاضَارْ ن ڒْقبْطَانْ [أَذْ إِنْذهْ].
JAM 3:5 أَمُّو ؤُڒَا ذ إِڒسْ، أَقَا-ث ذ إِجّْ ن إِخفْ أَمژْيَانْ، [وَاخَّا أَمنِّي] إِسّْڭعّذْ إِخفْ نّسْ. خْزَارْ، مَامّشْ ثِيمسِّي ثَامژْيَانْثْ أَذْ ثسّشْمضْ ڒْغَابثْ ثَامقّْرَانْثْ.
JAM 3:6 إِڒسْ ذ إِشْثْ ن ثْمسِّي ؤُ دُّونشْثْ ن دّنْبْ أَمْ يِيشْثْ ن وزْغَارْ. إِڒسْ-أَ جَارْ إِغزْذِيسنْ نّغْ أَمْ يِيشْثْ ن ڒْحَاجّثْ ثسّخْمجْ أَرِّيمثْ مَارَّا، إِسَّارْغْ جِّيڒَاثْ إِ إِضفَّارنْ إِجّْ إِ ونّغْنِي، إِنِّي إِقْنُونِّيينْ أَمْ ثْجَارَّارِينْ. ؤُشَا [ؤُڒَا ذ يِيڒسْ س يِيخفْ نّسْ] أَقَا إِتّْوَاسَّارغْ س ثْمسِّي.
JAM 3:7 مِينْزِي مَارَّا دَّارْبْ ن ڒْمَاڒْ، ن إِجْضَاضْ ؤُ ن إِمُودَّارنْ إِنِّي إِتّْبُوعنْ ذِي ڒبْحَارْ ؤُ خْ ثمُّورْثْ، تّْوَامَارْسنْ إِ طّْبِيعثْ ن بْنَاذمْ.
JAM 3:8 مَاشَا إِڒسْ وَارْ إِزمَّارْ أَذْ ث إِسّْقمّعْ ؤُڒَا ذ إِجّْ ن بْنَاذمْ. أَقَا-ث ذ إِجّْ ن ڒْغَارْ إِ وَارْ إِتّْوَاسّْقمّْعنْ، أَقَا إِشُّورْ س سّمْ إِنقّنْ.
JAM 3:9 زَّايسْ إِ نْبَاركْ سِيذِي ذ بَابَاثْنغْ ؤُشَا زَّايسْ ننعّڒْ خْ إِوْذَانْ إِنِّي إِتّْوَاڭّنْ ذِي صِّيفثْ ن أَربِّي.
JAM 3:10 أَقَا زڭْ إِجّْ ن ؤُقمُّومْ ثتّفّغْ-د لْبَارَاكَا ذ نّعْڒثْ. [أَ] أَيْثْمَا، مَانْ أَيَا وَارْ إِعدّڒْ أَذْ يِيڒِي أَمُّو!
JAM 3:11 مَا إِزمَّارْ أَذْ د-فّْغنْ زڭْ إِجّْ ن ڒْعُونْصَارْ [وَامَانْ] إِمِيژِيذنْ ذ [وَامَانْ] إِمرْزَاڭنْ؟
JAM 3:12 [أَ] أَيْثْمَا، مَا إِزمَّارْ وَارْثُو أَذْ إِوْشْ زِّيثُونْ نِيغْ ثْزَايَارْثْ ڒْبَاشُورْ؟ أَمُّو ؤُڒَا ذ أَمَانْ إِمدْجَاحنْ وَارْ زمَّارنْ أَذْ ثنْ أَرّنْ ذ إِمِيژِيذنْ.
JAM 3:13 وِي زَّايْومْ إِدْجَانْ ذ أَمِيغِيسْ ؤُ س ڒعْقڒْ؟ أَذْ إِسّْشنْ وَانِيثَا ڒخْذَايمْ نّسْ زِي ثِيشْڒِي نّسْ إِصبْحنْ س ثِيغِيثْ أَكْ-ذ ثمْهِينْثْ.
JAM 3:14 مَاشَا مَاڒَا ذِينْ ڒحْسذْ أَمرْزَاڭْ ذ ؤُمْشُوبّشْ ذڭْ وُوڒَاونْ نْومْ، وَارْ سْڭِيعِّيذْ إِخفْ نّشْ خْ ثِيذتّْ ؤُ وَارْ سْخَارِّيقْ شَا!
JAM 3:15 ثَانِيثَا وَارْ ثدْجِي ذ ثِيغِيثْ إِ د-إِهْوَانْ زِي سنّجْ، أَقَا-ت زِي ثمُّورْثْ، زڭْ إِخَارِّيصنْ ن بُوحْبڒْ ن بْنَاذمْ ؤُ زِي شّْوَاطنْ.
JAM 3:16 مِينْزِي مَانِي إِدْجَا ڒحْسذْ ذ ؤُمْشُوبّشْ، أَقَا ذِينْ إِخَارْوِيضنْ ذ [عْڒَامْ] كُوڒْ ثُوعفّْنَا.
JAM 3:17 مَاشَا ثِيغِيثْ زِي سنّجْ ثزْذڭْ، خنِّي ذَايسْ ڒهْنَا ذ ڒضْرَافثْ، ثتّڭّْ أَرَّايْ، ثشُّورْ س أَرّحْمثْ ذ ڒْغِيدْجثْ إِصبْحنْ، وَارْ تّڭّْ شَا س ڒحْزَابْ نِيغْ س وُوذْمَاونْ.
JAM 3:18 [مَاشَا] ڒْغِيدْجثْ ن ثْسڭْذَا ثتّْوَازَارّعْ ذِي ڒْهُوذْنثْ زڭْ يِينِّي إِتّڭّنْ ڒهْنَا.
JAM 4:1 مَانِيسْ د-إِكَّا ؤُمنْغِي ذ إِمْشُوبّشنْ جَارْ أَومْ؟ مَا زعْمَا زڭْ شّهْوَاثْ إِ إِمّنْغنْ ذڭْ إِغزْذِيسنْ نْومْ؟
JAM 4:2 كنِّيوْ ثمّژْرمْ [مَاشَا] كنِّيوْ وَارْ غَارْومْ وَالُو. كنِّيوْ ثْنقّمْ ؤُ ثتَّاسْممْ ؤُشَا قَاعْ أَمنِّي وَارْ د أَومْ إِتِّيكّْوِيضْ وَالُو. كنِّيوْ ثتّمْشُوبُّوشمْ ؤُ ثتّْمنْغَامْ، مَاشَا وَارْ غَارْومْ وَالُو، مِينْزِي كنِّيوْ وَارْ ثتّتَّارَامْ.
JAM 4:3 [نِيغْ] كنِّيوْ ثتّتَّارَامْ، مَاشَا وَارْ ثكْسِيمْ شَا، مِينْزِي ثتّتَّارمْ مِينْ وَارْ إِحْڒِينْ، حِيمَا أَذْ ثڭّمْ غَارْ شّهْوَاثْ نْومْ.
JAM 4:4 [أَ كنِّيوْ] إِنِّي إِزنَّانْ! مَا وَارْ ثسِّينمْ شَا بلِّي ثَامخْسِيوْثْ ن دُّونشْثْ أَقَا-ت ذ ڒعْذَاوثْ خْ أَربِّي؟ أَحقَّا ونِّي إِتّخْسنْ أَذْ يِيڒِي ذ أَمدُّوكّڒْ ن دُّونشْثْ، أَذْ يِيڒِي ذ ڒعْذُو ن أَربِّي.
JAM 4:5 نِيغْ إِتّْغِيڒْ أَومْ بلِّي ثِيرَا [إِقدّْسنْ] وَارْ غَارْسنْثْ لْمعْنَا: ”أَرُّوحْ إِ ذَايْنغْ إِزدّْغنْ إِتَّاسمْ س ثُوسْمِي!“؟
JAM 4:6 مَاشَا سِيذِيثْنغْ إِتِّيشْ أَنغْ أَرْضَا كْثَارْ، مَاغَارْ إِنَّا: ”أَربِّي إِسّْوَاضّعْ إِمْعفَّارنْ، مَاشَا إِ إِمْوَاضْعنْ إِتِّيشْ أَسنْ أَرْضَا.“
JAM 4:7 س ؤُيَا مَارْسمْ إِخفْ نْومْ زَّاثْ إِ أَربِّي، مْعَاڒَامْ أَكْ-ذ شِّيطَانْ ؤُشَا نتَّا أَذْ زَّايْومْ يَارْوڒْ.
JAM 4:8 أَذْسمْ أَربِّي ؤُشَا نتَّا أَذْ كنِّيوْ د-يَاذسْ. سِيرْذمْ إِفَاسّنْ نْومْ، [أَ] إِمذْنَابْ، قدّْسمْ ؤُڒَاونْ نْومْ، [أَ كنِّيوْ]، إِنِّي غَارْ إِدْجَا ثْنَاينْ ن إِزدْجِيفنْ.
JAM 4:9 مَارْسمْ إِخفْ نْومْ، شضْنمْ! جّمْ ثَاضحَّاشْثْ نْومْ أَذْ ثذْوڒْ ذ أَشْضَانْ ؤُ ڒفْرَاحثْ نْومْ أَذْ ثذْوڒْ ذ ڒحْزنْ.
JAM 4:10 مَارْسمْ إِخفْ نْومْ زَّاثْ إِ سِيذِي ؤُشَا نتَّا أَذْ كنِّيوْ إِسّْعُودْجْ.
JAM 4:11 [أَ] أَيْثْمَا، وَارْ تّْشقَّافمْ شَا ذڭْ وَايَاوْيَا! ونِّي إِشقَّافنْ ذڭْ ؤُمَاسْ نِيغْ إِحكّمْ خْ ؤُمَاسْ، أَقَا وَا إِتّْشقَّافْ ذِي شَّارِيعَا ؤُشَا إِحكّمْ خْ شَّارِيعَا. ؤُشَا مَاڒَا ثْحكْمذْ خْ شَّارِيعَا، أَقَا وَارْ ثدْجِيذْ شَا ذ ونِّي إِتّڭّنْ شَّارِيعَا، مَاشَا [ثَارِّيذْ إِخفْ نّشْ] ذ ڒْقَاضِي [ن شَّارِيعَا].
JAM 4:12 إِجّنْ وَاهَا إِ إِدْجَانْ ذ بَابْ ن شَّارِيعَا، نتَّا ذ ونِّي غَارْ ثدْجَا ثْزمَّارْ، حِيمَا أَذْ إِوْشْ ثُوذَارْثْ نِيغْ أَذْ ت يَاريّبْ. مَاشَا مِينْ ثعْنِيذْ شكْ ؤُمِي ثْحكّْمذْ خْ جَّارْ نْومْ؟
JAM 4:13 مَا خنِّي إِ غَا نِينِي خْ يِينِّي إِقَّارنْ: ”أَسّْ-أَ نِيغْ ثِيوشَّا أَذْ نْرَاحْ غَارْ ثنْذِينْثْ-أَ غَارْ ثنْذِينْثْ-إِنْ، أَذْ ذِينْ نڭّْ ثَاسبَّابْثْ ڒْمِيجَاڒْ ن إِجّْ ن ؤُسڭّْوَاسْ، أَذْ نْسغْ أَذْ نزّنْزْ أَذْ نَارْبحْ!“؟
JAM 4:14 نِيثْنِي وَارْ سِّيننْ مَامّشْ غَا ثِيڒِي ثِيوشَّا. مِينْ ثعْنَا ثُوذَارْثْ نّغْ؟ أَقَا-ت مْغِيرْ ذ إِجّْ ن ڒفْوَارْ إِ غَا د-إِضْهَارْ، أَذْ إِذُورّقْ، أَذْ ثفْسِي ڒخْذنِّي.
JAM 4:15 س ؤُيَا إِتّْخصَّا أَذْ إِنِينْ: ”مَاڒَا إِخْسْ سِيذِي، أَذْ ندَّارْ، أَذْ نڭّْ ثَا ذ ثِينْ.“
JAM 4:16 إِوَا نِيثْنِي تّْفيّْشنْ ذڭْ ؤُعفَّارْ نْسنْ، مَاشَا قَاعْ أَفيّشْ-أَ ذ أَعفَّانْ.
JAM 4:17 ونِّي إِسّْننْ مَامّشْ إِ غَا إِڭّْ ڒْخَارْ ؤُشَا وَارْ ث إِتّڭّْ، أَذْ أَسْ د-إِتّْوَاحْسبْ ذ دّنْبْ.
JAM 5:1 إِوَا كنِّيوْ، [أَ] أَيْثْبَابْ ن وَاڭْڒَا، سْحِيسّْفمْ، رُومْ إِ لْمُوصِيبَاثْ إِ كنِّيوْ إِتّْرَاجَانْ.
JAM 5:2 مِينْزِي أَڭْڒَا نْومْ أَقَا إِغُومّْ، يَارْصُوضْ، ؤُشَا أَرُّوضْ نْومْ شِّينْ ث ثْشِينْذَا،
JAM 5:3 ؤُرغْ نْومْ ذ نُّوقَارْثْ نْومْ أَقَا أَرْشَانْ ؤُشَا أَرشِّي نْسنْ أَذْ خَاومْ ثشْهذْ، أَذْ إِشّْ دَّاثْ نْومْ أَمْ ثْمسِّي. أَقَا كنِّيوْ ثيْرُومْ ثِيمسِّي إِ يِيخفْ نْومْ إِ وُوسَّانْ إِنڭُّورَا.
JAM 5:4 خْزَارْ، ڒْمُونثْ ن إِشوَّاڒنْ نِّي ثسّْعِيزّمْ خْ ينِّي إِمْجَارنْ إِيَّارنْ نْومْ ثسْغُويُّو، ؤُشَا ثْغُويِّيثْ ن يِينِّي إِمْجَارنْ ثِيوضْ أَسْ-د أَڒْ إِمزُّوغنْ ن سِيذِي ن ڒْعسْكَارَاثْ.
JAM 5:5 أَقَا كنِّيوْ ثْفيّْشمْ خْ ثمُّورْثْ، ثضْفَارمْ مژْرِي نْومْ. أَقَا ثسّْجِيوْنمْ أَرِّيمَاثْ نْومْ أَمْ ذڭْ وَاسّْ ن ثْغَارْصِيثْ.
JAM 5:6 أَقَا كنِّيوْ ثْحكْممْ خْ ؤُمْسڭَّاذْ س ڒْموْثْ، [أَمْ] نتَّا وَارْ خَاومْ إِمّْعَاڒَا شَا.
JAM 5:7 مَاشَا كنِّيوْ، [أَ] أَيْثْمَا، صْبَارمْ أَڒْ د غَا يَاسْ سِيذِي، أَمْ مَامّشْ إِتّْرَاجَا ؤُفدْجَاحْ غَارْ ڒْغِيدْجثْ إِغْڒَانْ [ن ثمُّورْثْ]، إِصْبَارْ س ڒْخَاضَارْ أَڒْ خَاسْ إِوّثْ ونْژَارْ ن زِيشْ ذ ؤُنڭَّارْ.
JAM 5:8 ؤُڒَا ذ كنِّيوْ، صْبَارمْ، سْمحّْذمْ ؤُڒَاونْ نْومْ، أَقَا ثَاوَاسِيثْ ن سِيذِيثْنغْ ثُوذسْ-د.
JAM 5:9 [أَ] أَيْثْمَا، وَارْ ثْسُوضمْ خْ وَايَاوْيَا، حِيمَا وَارْ غَارْومْ د-إِتِّيكّْوِيضْ ڒْحُوكْمْ. مَاغَارْ خْزَارْ، ڒْقَاضِي إِبدّْ غَارْ ثوَّارْثْ.
JAM 5:10 [أَ] أَيْثْمَا، مْقُودَّامْ أَكْ-ذ إِنَابِييّنْ إِنِّي ثُوغَا إِسِّيوْڒنْ س يِيسمْ ن سِيذِي مَاحنْذْ أَذْ ثصْبَارمْ ذِي ڒحْصَارَاثْ نْومْ.
JAM 5:11 خْزَارمْ، أَذْ نْبَاركْ إِنِّي إِتّْصبَّارنْ. أَقَا كنِّيوْ ثسْڒَامْ خْ صّْبَارْ ن أَيُوبْ ؤُشَا ثْوَاڒَامْ ڒْغِيدْجثْ ثنِّي ذ أَسْ إِڭَّا سِيذِي، مَاغَارْ سِيذِي ذ أَرْحِيمْ ذ أَحْنِينْ.
JAM 5:12 أَمزْوَارُو ن مَارَّا، [أَ] أَيْثْمَا، وَارْ تّْجَادْجَامْ شَا، ڒَا غَارْ ؤُجنَّا ڒَا غَارْ ثمُّورْثْ ؤُشَا ؤُڒَا ذ إِشْثْ ن ثْجَادْجِيثْ نّغْنِي. أَذْ غَارْومْ يِيڒِي ’وَاهْ!‘ نْومْ ذ ’وَاهْ!‘، ذ ’لَّ!‘ نْومْ ذ ’لَّ!‘، نِيغْ أَقَا أَذْ ثِيڒِيمْ سَاذُو ڒْحُوكْمْ.
JAM 5:13 مَا أَقَا [ذِينْ] شَا ن إِجّنْ جَارْ أَومْ إِودّبْ؟ أجّْ إِ-ث أَذْ إِتَّارْ. مَا أَقَا [ذِينْ] شَا ن إِجّنْ إِفَارْحْ؟ أجّْ إِ-ث أَذْ إِغنّجْ س إِزْڒَانْ ن ؤُصبّحْ.
JAM 5:14 مَا ذِينْ جَارْ أَومْ حذْ إِهْڒشْ؟ أجّْ إِ-ث أَذْ د-إِڒَاغَا خْ إِمْغَارنْ ن ثْمسْمُونْثْ [غَارسْ]، حِيمَا أَذْ أَسْ كْسِينْ س ڒْمعْرُوفْ، أَذْ ث رثْفنْ س زّشْثْ ن وذْهَانْ س يِيسمْ ن سِيذِيثْنغْ.
JAM 5:15 ؤُشَا ثَاژَادْجِيثْ ن لْ-إِيمَانْ أَذْ ثسّْڭنْفَا أَمهْڒُوشْ ؤُشَا سِيذِيثْنغْ أَذْ ث إِسّْنكَّارْ. ؤُشَا مَاڒَا ثُوغَا إِتّڭّْ دّْنُوبْ، أَذْ أَسْ تّْوَاغْفَارنْ.
JAM 5:16 نعْممْ إِجّْ إِ ونّغْنِي س إِعذِييّنْ نْومْ ؤُ ژَتدْجمْ إِ وَايَاوْيَا، حِيمَا أَذْ ثتّْوَاسّْڭنْفَامْ، مَاغَارْ جّهْذْ ن ثْژَادْجِيثْ ن ؤُمْسڭَّاذْ أَقَا-ث ذ أَمقّْرَانْ.
JAM 5:17 إِلِييَا ثُوغَا ذ بْنَاذمْ إِتَّاشَا أَمْ نشِّينْ. إِژُّودْجْ حِيمَا وَارْ إِشِّيثْ ونْژَارْ خْ ثمُّورْثْ. [خنِّي أَنْژَارْ] وَارْ إِوْثِي شَا خْ ثمُّورْثْ ثْڒَاثَا ن إِسڭّْوُوسَا ذ ستَّا ن إِيُورنْ.
JAM 5:18 ؤُشَا ثُوغَا إِژُّودْجْ عَاوذْ، ڒخْذنِّي أَجنَّا إِوْثَا أَنْژَارْ ؤُشَا ثَامُّورْثْ ثوْشَا صَّابثْ نّسْ.
JAM 5:19 [أَ] أَيْثْمَا، مَاڒَا ذِينْ حذْ جَارْ أَومْ إِفّغْ خْ وبْرِيذْ ن ثِيذتّْ ؤُشَا شَا ن يِيجّنْ يَارّْ إِ-ث-إِ-د أَذْ د-إِذْوڒْ زڭْ ؤُودَّارْ نّسْ،
JAM 5:20 أجّْ إِ-ث أَذْ إِسّنْ، أَقَا ونِّي د غَا يَارّنْ أَمذْنُوبْ زڭْ ؤُودَّارْ نّسْ، أَذْ إِسّنْجمْ ڒعْمَارْ زِي ڒْموْثْ ؤُشَا أَذْ إِسّْذُورِييْ أَطَّاسْ ن دّْنُوبْ.
1PE 1:1 بُوطْرُوسْ، رَّاسُولْ ن يَاسُوع لْمَاسِيحْ، إِ يِينِّي إِتّْوَافَارْزنْ ذ إِمعْزَابْ، إِنِّي إِتّْوَاژدْجْعنْ ذِي بُونْطُوسْ، ڭَالَاطِييَا، كَابَّاذُوكِييَا، أَسِييَا ذ بِيثِينِييَا،
1PE 1:2 إِنِّي إِتّْوَافَارْزنْ عْلَاحْسَابْ ثُوسّْنَا إِ إِدْجَانْ غَارْ أَربِّي، بَابَاثْنغْ، قْبڒْ، س ثُوقدّْسِي ن أَرُّوحْ، إِ طَّاعثْ ؤُ إِ ؤُرُوشِّي س إِذَامّنْ ن يَاسُوع لْمَاسِيحْ: أَرْضَا ذ ڒهْنَا أَذْ ذَايْومْ إِمَّارْنِي.
1PE 1:3 لْبَارَاكَا إِ أَربِّي، بَابَاسْ ن سِيذِيثْنغْ يَاسُوع لْمَاسِيحْ، ونِّي ذ أَنغْ د-يجِّينْ زِي جْذِيذْ س أَرّحْمثْ نّسْ ثَامقّْرَانْثْ س ثْنُوكْرَا ن يَاسُوع لْمَاسِيحْ، مَاحنْذْ [أَذْ ثِيڒِيمْ] ذ أَسِيثمْ إِدَّارنْ،
1PE 1:4 مَاحنْذْ [أَذْ غَارْومْ ثِيڒِي] إِشْثْ ن ڒْوَارْثْ وَارْ ثْفنِّي، وَارْ ثتّْوَابقّضْ، وَارْ ثتّسْڒِيوْ، ونِّي إِ ذ أَومْ إِتّْوَاسّْوجْذنْ ذڭْ إِجنْوَانْ،
1PE 1:5 أَمْ ثتّْوَاحْضَامْ كنِّيوْ س جّهْذْ ن أَربِّي ؤُ س لْ-إِيمَانْ إِ ثُوذَارْثْ إِ إِوجْذنْ حِيمَا أَذْ ثتّْوَاسّضْهَارْ ذِي ڒْوقْثْ ثَانڭَّارُوثْ.
1PE 1:6 ذَايسْ إِ غَا ثْفَارْحمْ إِ ڒبْذَا، وَاخَّا ثْحزْنمْ ذِي ڒْوقْثْ-أَ ذْرُوسْ زِي سِّيبّثْ ن عْڒَامْ كُوڒْ إِجَارِّيبنْ إِ خَاومْ د-إِتّكّنْ،
1PE 1:7 حِيمَا ثَاقدْجبْثْ ن لْ-إِيمَانْ نْومْ، ثنِّي ثِيغْڒَا خْ وُورغْ إِقُّورنْ ونِّي إِتّْوَاسِّيصْفنْ زِي ثْمسِّي، أَذْ ثِيڒِي إِ ؤُسمْغَارْ ذ شَّانْ ذ ؤُعُودْجِي خْ مِينِّي د-غَا إِضْهَارْ يَاسُوع لْمَاسِيحْ،
1PE 1:8 ونِّي وَارْ ث ثژْرِيمْ، وَاخَّا ثتّخْسمْ ث. س لْ-إِيمَانْ زَّايسْ ثْفَارّْحمْ كنِّيوْ س إِشْثْ ن ڒفْرَاحثْ إِعُودْجنْ وَارْ إِزمَّارْ أَذْ زَّايسْ إِنْطقْ إِڒسْ،
1PE 1:9 مَاغَارْ أَذْ ثطّْفمْ ڒْمُونثْ ن لْ-إِيمَانْ نْومْ، أَقَا-ت ذ ثُوذَارْثْ ن بُوحْبڒْ نْومْ.
1PE 1:10 ثُوذَارْثْ-أَ ثُوغَا أَرزُّونْ خَاسْ إِنَابِييّنْ، إِنِّي ثُوغَا إِتّْنَابّنْ خْ أَرْضَا إِ ذ أَومْ د-إِكَّارنْ،
1PE 1:11 ؤُمِي ثُوغَا أَرزُّونْ مَانْ ڒْوقْثْ [إِ ذ أَسنْ] إِسّْشنْ أَرُّوحْ ن لْمَاسِيحْ إِ ذَايْسنْ إِزدّْغنْ، [ؤُ مَانْ ڒْوقْثْ إِ خفْ] ثُوغَا إِشهّذْ، أَقَا أَذْ د-يَاسْ ؤُودّبْ إِ غَا إِكّنْ خْ لْمَاسِيحْ ؤُڒَا ذ أَعُودْجِي نّسْ أَوَارْنِي مَانْ أَيَا.
1PE 1:12 أَقَا إِتّْوَاسَّارْڭبْ أَسنْ، أَقَا مَارَّا مِينْ خفْ ثُوغَا أَرزُّونْ، أَقَا وَارْ ث أَرْزُونْ ذِي ثِيزِي نْسنْ، مَاشَا ثُوغَا تّْنَابّنْ ذِي ثِيزِي نّغْ ؤُ زِي سِّيبّثْ نّغْ خْ ثْمسْڒَايِينْ إِ ذ أَومْ إِتّْوَاسْسَّارْڭْبنْ ڒخُّو زڭْ يِينِّي إِ ذ أَومْ إِبشَّارنْ س ڒخْبَارْ أَصبْحَانْ س أَرُّوحْ إِقدّْسنْ نِّي د-إِتّْوَاسْسّكّنْ زڭْ ؤُجنَّا، [ثِيمسْڒَايِينْ] إِ ذِي تّْمژّْرنْثْ ؤُڒَا ذ لْمَالَاكَاثْ أَذْ ذَايْسنْثْ خْزَارنْثْ.
1PE 1:13 س ؤُينِّي حزْممْ ڒْخَانْسْرَا ن ڒعْقڒْ نْومْ، إِڒِيمْ ثتّْفَاقمْ نِيشَانْ، ؤُشَا سْمُونمْ [مَارَّا] أَسِيثمْ نْومْ ذِي ڒفْرَاحثْ إِ ذ أَومْ غَا يَاوْضنْ خْمِي د غَا إِضْهَارْ سِيذِيثْنغْ يَاسُوع لْمَاسِيحْ.
1PE 1:14 إِڒِيمْ أَمْ ثَارْوَا إِتّطَّاعنْ، وَارْ د-ثْذكّْوِيڒمْ ثْشَارّْشمْ ذِي نّشْوَاثْ نْومْ ثِينِّي ثُوغَا ثضْفَارمْ قْبڒْ س نّشْوثْ، ؤُمِي ثُوغَا كنِّيوْ [عَاذْ] ذ إِقُوبَّانِييّنْ.
1PE 1:15 مَاشَا [ڒخُّو] إِڒِيمْ ذ إِمْقدَّاسنْ ذِي مَارَّا مِينْ ثتّڭّمْ، أَمْ مَامّشْ نتَّا ونِّي خَاومْ د-إِڒَاغَانْ، أَقَا-ث ذ أَمْقدَّاسْ،
1PE 1:16 مِينْزِي ثُورَا: ”إِڒِيمْ ذ إِمْقدَّاسنْ، مِينْزِي ؤُڒَا ذ نشّْ ذ أَمْقدَّاسْ!“
1PE 1:17 ؤُ مَاڒَا ثتّْڒَاغَامْ إِ ثَابَابَاثْ، ونِّي وَارْ إِتّڭّنْ س وُوذْمَاونْ، ذ ونِّي إِحكّْمنْ كُوڒْ إِجّنْ عْلَاحْسَابْ ڒخْذَايمْ نّسْ، خنِّي ؤُيُورمْ س ثِيڭّْوُوذِي ذِي ڒْوقْثْ-أَ ؤُمِي كنِّيوْ عَاذْ ذ إِمعْزَابْ [ذِي دُّونشْثْ-أَ].
1PE 1:18 مَاغَارْ ثسّْنمْ بلِّي كنِّيوْ وَارْ ثتّْوَافْذِيمْ س نُّوقَارْثْ ذ وُورغْ إِفنَّانْ زِي ڒخْذَايمْ نْومْ إِبضْڒنْ ثِينِّي ثطّْفمْ كنِّيوْ زِي ڒجْذُوذْ نْومْ،
1PE 1:19 مَاشَا س إِذَامّنْ إِغْڒَانْ ن إِزْمَارْ وَارْ ذَايسْ بُو ڒْعِيبْ، وَارْ إِبقّْضنْ، أَقَا-ث ذ لْمَاسِيحْ.
1PE 1:20 نتَّا ثُوغَا إِتّْوَافَارْزْ إِ مَانْ أَيَا قْبڒْ مَا أَذْ إِتّْوَاڭّْ ذْسَاسْ ن دُّونشْثْ، ؤُشَا إِتّْوَاسّضْهَارْ أَومْ-د ڒخُّو ذِي زّْمَانَاثْ إِنڭُّورَا ن ڒْوقْثْ ذِي طّْوعْ نْومْ،
1PE 1:21 [إِ كنِّيوْ] إِنِّي زَّايسْ إِتَّامْننْ ذِي أَربِّي، ونِّي ث-إِ-د-إِسّْنكَّارنْ زِي ثَادَّارْثْ ن إِمتِّيننْ ؤُشَا إِوْشَا أَسْ أَعُودْجِي، حِيمَا لْ-إِيمَانْ ذ ؤُسِيثمْ نْومْ أَذْ إِڒِينْ خْ أَربِّي.
1PE 1:22 [ذ مَانْ أَيَا] حِيمَا أَذْ تّْوَاقدّْسنْ ڒعْمُورْ نْومْ س طَّاعثْ إِ ثِيذتّْ، أَذْ تّْوَاعمَّارنْ س ثَايْرِي بْڒَا ڒْفَارْزْ ن بْنَاذمْ، [ؤُشَا] أَذْ ثخْسمْ أَيَاوْيَا س وُوڒْ إِزْذِيڭْ إِكْمڒْ،
1PE 1:23 أَمْ إِوْذَانْ إِ د-إِتّْوَاخڒْقنْ ذ جْذِيذْ، وَارْ إِدْجِي زِي زَّارِيعثْ إِفنَّانْ، مَاشَا زِي ثنِّي وَارْ إِفنِّينْ، أَقَا زڭْ وَاوَاڒْ إِدَّارنْ ن أَربِّي إِ إِتّْذُومَانْ إِ ڒبْذَا.
1PE 1:24 ”مِينْزِي مَارَّا دَّاثْ أَمْ أَرْبِيعْ ؤُشَا مَارَّا أَژْرِي نّسْ أَمْ ثَاوَارْذشْثْ ذڭْ ييَّارْ س أَرْبِيعْ، أَرْبِيعْ أَذْ إِسْڒَاوْ، ثَاوَارْذشْثْ أَذْ ثوْضَا،
1PE 1:25 مَاشَا أَوَاڒْ ن أَربِّي نّغْ إِتّْغِيمَا إِ ڒبْذَا قَاعْ.“ أَوَاڒْ-أَ نتَّا ذ ڒخْبَارْ أَصبْحَانْ ونِّي ذ أَومْ د-إِتّْوَابَارّْحنْ.
1PE 2:1 س ؤُينِّي بعّْذمْ خْ مَارَّا مِينْ إِدْجَانْ ذ أَعفَّانْ، خْ عْڒَامْ كُوڒْ ثَاحْرَايْمشْثْ ذ نِّيفَاقْ ذ ڒحْسذْ ؤُ خْ ؤُشقّفْ.
1PE 2:2 إِڒِيمْ أَمْ إِسيْمَانْ [إِتّطّْضنْ]، وحّْشمْ أَوَاڒْ أَمْ ؤُغِي إِزْذِيڭنْ ذ أَرُّوحَانِي، حِيمَا أَذْ زَّايسْ ثڭْمَامْ إِ ثُوذَارْثْ،
1PE 2:3 مَاڒَا أَقَا كنِّيوْ ثقَّاسمْ ؤُ ثتّْوَاڒَامْ أَقَا سِيذِي إِصْبحْ.
1PE 2:4 نتَّا ذ ونِّي غَارْ د-ثتَّاكّْوَاضمْ، أَژْرُو إِدَّارنْ، ونِّي مّنْضَارنْ إِوْذَانْ، [مَاشَا] غَارْ أَربِّي أَقَا-ث إِتّْوَافَارْزْ إِغْڒَا.
1PE 2:5 أَمُّو كنِّيوْ عَاوذْ، أَمْ يِيژْرَا إِدَّارنْ، جّمْ أَذْ [زَّايْومْ] ثتّْوَابْنَانْثْ ثِيزَاوِييِّينْ ن أَرُّوحْ، أَذْ ثِيڒِيمْ ذ إِكهَّاننْ إِقدّْسنْ، حِيمَا أَذْ ثوْشمْ ثِيغَارْصِينْ ن أَرُّوحْ إِ أَرْضَا ن أَربِّي س يَاسُوع لْمَاسِيحْ.
1PE 2:6 س ؤُينِّي إِتّْوَانَّا ذِي ثِيرَا [إِقدّْسنْ]: ”أَقَا ذَا، أَذْ سَّارْسغْ ذِي صِيهْيُونْ إِجّْ ن وژْرُو إِغْڒَا أَمْ ؤُزدْجِيفْ ن ثغْمَارْثْ، ؤُشَا ونِّي إِ زَّايسْ غَا يَامْننْ، وَارْ ذَايسْ إِتِّيذفْ ؤُسضْحِيعمَّارْصْ.“
1PE 2:7 إِ كنِّيوْ، إِنِّي إِتَّامْننْ، أَقَا ثمّوْشْ شّنْعثْ-أَ، مَاشَا إِ يِينِّي وَارْ يُومِيننْ، أَقَا-ت ذ ثَاصْضَارْثْ ن ؤُنقْرَاضْ ذ أَژْرُو ن ؤُنذْرفْ.
1PE 2:8 ؤُشَا نِيثْنِي تّْنقْرَاضنْ ذَايسْ، مِينْزِي وَارْ تِّيمْننْ ذڭْ وَاوَاڒْ، أَمْ مَامّشْ ذ أَسنْ يُورَا.
1PE 2:9 مَاشَا كنِّيوْ ثدْجَامْ ذ إِجّْ ن جِّيڒْ إِتّْوَافَارْزنْ، ثتّْسخَّارمْ أَمْ إِكهَّاننْ إِ ثْڭلْذِيثْ، كنِّيوْ ذ إِجّْ نْ ڒْڭنْسْ إِقدّْسنْ، إِجّْ ن ؤُمُونِي إِتّْوَافْذِينْ، مَاحنْذْ أَذْ ثْبَارّْحمْ أَسمْغَارْ ن ونِّي ذ أَنغْ د-إِڒَاغَانْ زِي ثَادْجسْثْ غَارْ ؤُفيّضْ ن ثْفَاوْثْ نّسْ.
1PE 2:10 كنِّيوْ وَارْ ثتّْوِيحْسِيبمْ أَمْ ڒْڭنْسْ، مَاشَا ڒخُّو أَقَا كنِّيوْ ذ ڒْڭنْسْ ن أَربِّي. عَاوذْ ثُوغَا أَرّحْمثْ وَارْ كنِّيوْ ثْڒحّفْ، مَاشَا ڒخُّو ثتّْوَافَارّغْ-د خَاومْ أَرّحْمثْ نّسْ.
1PE 2:11 [أَ] إِمْعِيزّنْ إِنُو، أَقَا كنِّيوْ ذ إِبَارَّانِييّنْ ذ إِمعْزَابْ، خْ ؤُينِّي زِييَّارغْ خَاومْ، وَارْ ضفَّارمْ شَا نّشْوَاثْ ن أَرِّيمثْ نِّي إِتّْمنْغَانْ أَكْ-ذ ڒعْمَارْ [نْومْ].
1PE 2:12 ؤُيُورمْ نِيشَانْ زَّاثْ إِ مَارَّا ثَارْوَا ن بْنَاذمْ إِنِّي خَاومْ إِتّْعَاوَاذنْ ڒخْبُورَاثْ ثِيعفَّانِينْ، أَڒَامِي غَا ژَترنْ ڒخْذَايمْ نْومْ ثِيصبْحَانِينْ، أَذْ سّمْغَارنْ ذِي أَربِّي ذڭْ وَاسّْ ن ؤُقدْجبْ.
1PE 2:13 طَّاعمْ إِ مَارَّا بْنَاذمْ ذِي طّْوعْ ن أَربِّي: إِ إِجدْجِيذنْ زِي سِّيبّثْ ن صُّولْطَا إِ غَارْسنْ ثدْجَا،
1PE 2:14 ؤُ إِ ڒْقُوضَاثْ، مِينْزِي نِيثْنِي تّْوَاسّكّنْ زَّايسْ، حِيمَا أَذْ عَاقْبنْ إِعفَّاننْ، ؤُ حِيمَا أَذْ سّمْغَارنْ إِنِّي إِتّڭّنْ ثَاصبْحَانْثْ.
1PE 2:15 مِينْزِي مَانْ أَيَا إِتّخْسْ إِ-ث أَربِّي، حِيمَا، خْمِي غَا ثڭّمْ مِينْ إِصبْحنْ، أَذْ ثسّغْذمْ أَقمُّومْ ن إِوْذَانْ إِفْغَاڒْ إِ وَارْ إِسِّيننْ أَربِّي،
1PE 2:16 أَمْ ثَارْوَا ن بْنَاذمْ نِّي إِدَّارنْ [نِيشَانْ] ذِي ثِيڒلِّي، وَارْ إِدْجِي أَمْ يِينِّي إِڭِّينْ ثِيڒلِّي نْسنْ أَمْ يِيجّْ ن ؤُڒحَّافْ خْ ثُوعفّْنَا نْسنْ، مَاشَا أَمْ إِمْسخَّارنْ ن أَربِّي.
1PE 2:17 وقَّارمْ مَارَّا إِوْذَانْ، سْعِيزّمْ ثَاوْمَاثْ، ڭّْوذمْ أَربِّي، شنّْعمْ إِجدْجِيذنْ.
1PE 2:18 جّمْ إِنِّي ذ إِمْسخَّارنْ جَارْ أَومْ أَذْ طَّاعنْ إِ أَيْثْبَابْ نْسنْ س ثِيڭّْوُوذِي، وَارْ إِدْجِي إِ يِينِّي إِصبْحنْ إِضَارْفنْ [وَاهَا]، مَاشَا عَاوذْ إِ يِينِّي إِقسْحنْ ذ يوْعَارنْ.
1PE 2:19 مِينْزِي [إِمْسخَّارنْ أَمْ] إِنَا أَذْ د-أَسنْ إِ أَربِّي غَارْ ڒْخَاضَارْ نّسْ، مِينْزِي نِيثْنِي كْسِينْ ثَامَارَا نِّي وَارْ ت إِسْذِيهِيدْجنْ، ذِي طّْوعْ ن ثْنفْسشْثْ ثشْنَا.
1PE 2:20 مَانْ شَّانْ إِ ذِينْ إِ يِينِّي إِكْسِينْ ثَامَارَا زِي سِّيبّثْ ن إِعذِّيينْ نْسنْ؟ مَاشَا مَاڒَا كنِّيوْ ثڭِّيمْ ثْشُونِي، [أَمْ] ذَايْومْ تّڭّنْ ثُوعفّْنَا، أَقَا مَانْ أَيَا إِسّمْغَارْ شَّانْ نْومْ غَارْ أَربِّي.
1PE 2:21 مِينْزِي كنِّيوْ ثتّْوَاڒَاغَامْ-د إِ مَانْ أَيَا ؤُمِي إِمُّوثْ لْمَاسِيحْ ذِي طّْوعْ نّغْ ؤُشَا إِجَّا أَنغْ-د لْمِيثَالْ-أَ، حِيمَا أَذْ نُويُورْ ذِي جُّورّثْ ن إِضَارنْ نّسْ:
1PE 2:22 نتَّا وَارْ إِڭِّي شَا دّْنُوبْ ؤُ وَارْ إِتّْوِيفْ ذڭْ ؤُقمُّومْ نّسْ شَا ن ڒْغشّْ،
1PE 2:23 ونِّي، مَاڒَا زَاوَارنْ ث، وَارْ د-إِتَّارِّي أَوَاڒْ، ؤُ مَاڒَا إِودّبْ، وَارْ د-إِتَّارِّي شَا دّنْفْ، مَاشَا إِتَّارَّا دّعْوثْ نّسْ غَارْ ڒْقَاضِي ن ثْسڭْذَا،
1PE 2:24 ونِّي إِكْسِينْ دّْنُوبْ نّغْ س يِيخفْ نّسْ ؤُشَا إِسّْڭعّذْ إِ-ثنْ ذِي أَرِّيمثْ نّسْ خْ صَّالِيبْ. مَاغَارْ مَاڒَا نمُّوثْ إِ دّْنُوبْ، أَذْ ندَّارْ ذِي ثْسڭْذَا نّسْ، مِينْزِي كنِّيوْ أَقَا ثتّْوَاسّْڭنْفَامْ س إِيزِّيمنْ نّسْ.
1PE 2:25 مِينْزِي كنِّيوْ ثُوغَا ثْودَّارمْ أَمْ يِيحُوڒِييّنْ، ڒخُّو مَاشَا ثْذوْڒمْ-د غَارْ ؤُمكْسَاوْ ذ ؤُمحْضَايْ ن ڒعْمُورْ نْومْ.
1PE 3:1 أَمُّو عَاوذْ كنِّينْثْ، أَ ثِيمْغَارِينْ، مَارْسنْثْ إِخفْ نْكنْثْ إِ يرْيَازنْ نْكنْثْ نِّي وَارْ إِطِّيعنْ إِ وَاوَاڒْ، حِيمَا أَذْ ثنْ ثَاربْحنْثْ بْڒَا أَرْبَارْ س ثِيشْڒِي نْكنْثْ إِشْنَانْ،
1PE 3:2 خْ مِينِّي إِ غَا ژَترنْ مَامّشْ ثتّڭُّورنْثْ س ثِيڭّْوُوذِي ذ ڒهْيَا.
1PE 3:3 وَارْ تّْزهّْجنْثْ س مِينْ إِتّْبَاننْ غَارْ بَارَّا: أَمُوذِي ن ؤُشُووَّافْ، ثِيمڭَّا ن وُورغْ نِيغْ ثْيَارْضِي ن وَارُّوضْ إِصبْحنْ،
1PE 3:4 مَاشَا زهّْجنْثْ س بْنَاذمْ إِنُّوفَارنْ ذڭْ وُوڒْ، س أَرُّوحْ ن ثمْهِينْثْ إِ وَارْ إِتّْوَاغشّنْ، أَقَا-ث ذ إِجّْ ن ؤُزهّجْ إِصبْحنْ زَّاثْ إِ أَربِّي.
1PE 3:5 أَقَا أَمُّو ثُوغَا زهّْجنْثْ زِيشْ ثمْغَارِينْ ثِيمْقدَّاسِينْ، إِنِّي ثُوغَا إِسِّيثِيمنْ خْ أَربِّي، ڒعْمُورْ نْسنْثْ، ؤُشَا ثُوغَا طَّاعنْثْ إِ يرْيَازنْ نْسنْثْ.
1PE 3:6 أَمُّو ثُوغَا سَارَا ثمَّارْسْ إِخفْ نّسْ إِ إِبْرَاهِيمْ، ثْڒَاغَا أَسْ: ”سِيذِي!“، ؤُشَا كنِّينْثْ ثْذوْڒنْثْ ذ يسِّيسْ أَمْ ثتّڭّنْثْ مِينْ إِصبْحنْ، مَاڒَا وَارْ ثتّڭّْوذنْثْ.
1PE 3:7 كنِّيوْ، أَ إِرْيَازنْ، زذْغمْ أَكْ-ذ ثمْغَارِينْ نْومْ س ڒعْقڒْ ؤُ وقَّارمْ ثنْثْ أَمْ إِغَارَّافنْ يَارخْفنْ، حِيمَا وَارْ ثتّْوَامنْعنْثْ شَا ثْژَادْجِيثِينْ نْومْ، مِينْزِي نِيثنْثِي أَذْ وَارْثنْثْ ثِيموْشَا ن ثُوذَارْثْ إِتّْذُومَانْ أَكِيذْومْ.
1PE 3:8 غَارْ ؤُنڭَّارْ، مُونمْ مَارَّا غَارْ أَرَّايْ ذ إِجّنْ، ودّْبمْ أَكْ-ذ يِينِّي إِودّْبنْ، خْسمْ إِجّنْ ونّغْنِي س ثَايْرِي، أَرحْممْ، إِڒِيمْ ثْضَارْفمْ.
1PE 3:9 وَارْ د-تَّارِّيمْ خْ ڒْغَارْ س ڒْغَارْ، نِيغْ ثِيكّْوُورَا س ثِيكّْوُورَا، مَاشَا س ڒْعكْسْ بَارْكمْ، مِينْزِي كنِّيوْ أَقَا ثتّْوَاڒَاغَامْ-د حِيمَا أَذْ ثْوَارْثمْ لْبَارَاكَا.
1PE 3:10 س ؤُيَا، أجّْ ونِّي إِخْسنْ ثُوذَارْثْ ذ وُوسَّانْ إِشْنَانْ، أَذْ إِحْضَا إِڒسْ نّسْ زِي مِينْ وَارْ إِحْڒِينْ ؤُڒَا ذ إِينْشِيشنْ نّسْ زڭْ وَاوَاڒْ إِشمّْثنْ.
1PE 3:11 أجّْ إِ-ث أَذْ إِڭّْوجْ خْ مِينْ إِدْجَانْ ذ أَعفَّانْ، أَذْ إِڭّْ مِينْ إِصبْحنْ، أَذْ يَارْزُو خْ ڒهْنَا ؤُشَا أَذْ ث إِضْفَارْ س شْضَارثْ.
1PE 3:12 مِينْزِي ثِيطَّاوِينْ ن سِيذِي خْ إِمْسڭَّاذنْ، ؤُ إِمزُّوغنْ نّسْ أَقَا أَثنْ مَاحنْذْ أَذْ [أَسنْ] سْڒنْ، [مَاشَا] ؤُذمْ ن سِيذِي أَقَا-ث ضِيدّْ إِ ؤُمْعفَّانْ.
1PE 3:13 وِي إِزمَّارنْ أَذْ ذَايْومْ إِڭّْ ڒْغَارْ، مَاڒَا كنِّيوْ ثضْفَارمْ مِينْ إِصبْحنْ؟
1PE 3:14 [مَاڒَا] ثْودّْبمْ ذِي طّْوعْ ن ثْسڭْذَا، أَقَا سّعْذْ نْومْ. وَارْ تّڭّْوذمْ زڭْ يِينِّي كنِّيوْ إِسِّيڭّْوذنْ، وَارْ تّْنخْڒِيعمْ شَا،
1PE 3:15 مَاشَا قدّْسمْ سِيذِي، لْمَاسِيحْ، ذڭْ وُوڒَاونْ نْومْ، ؤُ إِڒِيمْ ڒبْذَا ثْوجْذمْ مَاحنْذْ أَذْ ثَارّمْ س ثمْهِينْثْ ذ ؤُوقَّارْ خْ يِينِّي كنِّيوْ إِ غَا إِسّقْسَانْ خْ ؤُسِيثمْ ن لْ-إِيمَانْ نْومْ،
1PE 3:16 زِي ثْنفْسشْثْ إِشْنَانْ، حِيمَا إِنِّي خَاومْ إِعَاوْذنْ أَخْمِي خْ إِوْذَانْ إِعفَّاننْ، أَذْ سضْحَانْ ؤُمِي تّْشقَّافنْ ذِي ثشْرِي ن ثُوذَارْثْ نْومْ إِشْنَانْ ذِي لْمَاسِيحْ.
1PE 3:17 أَقَا إِنفّعْ أَذْ ثْودّْبمْ، مَاڒَا إِخْسْ أَربِّي، أَمْ ثتّڭّمْ مِينْ إِصبْحنْ، مَاشَا وَارْ إِدْجِي مَاڒَا كنِّيوْ ثتّڭّمْ مِينْ إِدْجَانْ ذ أَعفَّانْ.
1PE 3:18 مِينْزِي ؤُڒَا ذ لْمَاسِيحْ ثُوغَا إِمُّوثْ إِشْثْ ن ثْوَاڒَا إِ دّْنُوبْ، أَقَا أَمْسڭَّاذْ ذِي طّْوعْ ن إِمذْنَابْ، حِيمَا أَذْ كنِّيوْ إِسِّيوضْ غَارْ أَربِّي، [نتَّا] ذ ونِّي إِمُّوثنْ ذِي أَرِّيمثْ، مَاشَا أَقَا إِدَّارْ ذِي أَرُّوحْ،
1PE 3:19 [ذ ونِّي] إِبَارّْحنْ إِ ڒعْمُورْ نِّي إِتّْوَاطّْفنْ ذِي ڒَاخَارْثْ،
1PE 3:20 إِنِّي ثُوغَا وَارْ إِتّْوَاسّْقنْعنْ ذڭْ وُوسَّانْ ن نُوحْ، ؤُمِي ثُومُورْ تَّاسِيعْ ن ڒْخَاضَارْ ن أَربِّي، أَقَا أَذْ ذِينْ يِيڒِي ؤُغَارَّابُو أَمْ ثُوغَا إِتّْرَاجَا نتَّا أَذْ ثُوبنْ نِيثْنِي. ؤُذْفنْ [غَارْ ؤُغَارَّابُو] مْغِيرْ ثْمنْيَا ن ڒعْمُورْ نِّي إِتّْوَاحْضَانْ دَّارنْ ذڭْ وَامَانْ.
1PE 3:21 عْلَاحْسَابْ أَمذْيَا نِّي، أَقَا ؤُڒَا ذ كنِّيوْ ثتّْوَاسّْنجْممْ س ؤُسغْضصْ - ونِّي وَارْ إِدْجِينْ أَسِيرْذْ ن ڒخْمجْ ن أَرِّيمثْ، مَاشَا [أَذْ يِيڒِي] مَاڒَا ثْشهّْذمْ خْ أَربِّي س ثْنفْسشْثْ إِشْنَانْ - ؤُ س ثْنُوكْرَا ن يَاسُوع لْمَاسِيحْ،
1PE 3:22 ونِّي إِتّْوَاسُّوعْڒَانْ غَارْ ؤُجنَّا، إِقِّيمْ غَارْ ؤُفُوسِي ن أَربِّي، أَمْ ذ أَسْ تّْوَامَّارْسنْثْ لْمَالَاكَاثْ ذ صُّولَاطَاثْ ذ جّهْذْ سَاذُو نتَّا.
1PE 4:1 ڒَامِي خَاومْ إِكْسِي لْمَاسِيحْ أَرْمحْ ذِي دَّاثْ، إِتّْخصَّا كنِّيوْ عَاوذْ أَذْ ثطّْفمْ ذڭْ ؤُخَارَّاصْ-أَ: أَقَا ونِّي إِمُّوثنْ ذِي أَرِّيمثْ، وَانِيثَا أَقَا إِسّْبدّْ دّنْبْ.
1PE 4:2 س ؤُينِّي وَانِيثَا وَارْ إِدَّارْ [عَاذْ] عْلَاحْصَابْ نّشْوَاثْ ن بْنَاذمْ أَمْ ث إِڭَّا قْبڒْ ذِي أَرِّيمثْ، مَاشَا عْلَاحْسَابْ مِينْ إِخْسْ أَربِّي.
1PE 4:3 مِينْزِي أَقَا إِشْفَا أَومْ ڒْوقْثْ ڒَامِي ثُوغَا كنِّيوْ ثْعبّْذمْ إِ مِينْ خْسنْ لْكُوفَّارْ، ؤُمِي كنِّيوْ ثُوغَا ثڭُّورمْ ذڭْ ؤُفُوشّحْ، سّكْرَانْ، ڒفْسَاذْ ذ فِيشْثَاثْ ن ؤُغلِّي ؤُ ذِي ڒْخذْمثْ [ن سْوَادَّايْ سْوَادَّايْ] ن شّْوَاطنْ.
1PE 4:4 ؤُ خْزَارْ، ڒخُّو تّْبهْثنْ نِيثْنِي ؤُمِي وَارْ ثتِّيزّْڒمْ [عَاذْ] أَكِيذْسنْ ذڭْ وزْقَاقْ ن ڒقْجَاحثْ ذ إِجّنْ، ؤُشَا نِيثْنِي تّْشقَّافنْ ذَايْومْ.
1PE 4:5 [مَاشَا] نِيثْنِي أَذْ أَرّنْ ڒحْسَابْ إِ أَربِّي، ونِّي إِ غَا إِحكْمنْ خْ يِينِّي إِدَّارنْ ؤُ خْ يِينِّي إِمُّوثنْ.
1PE 4:6 س ؤُينِّي إِتّْوَابَارّحْ عَاوذْ س ڒخْبَارْ أَصبْحَانْ إِ إِمتِّيننْ، حِيمَا نِيثْنِي أَذْ تّْوَاحَاسْبنْ أَمْ ثَارْوَا ن بْنَاذمْ زِي جِّيهثْ ن دَّاثْ، مَاشَا أَذْ دَّارنْ ذِي أَربِّي س أَرُّوحْ.
1PE 4:7 أَنڭَّارْ ن مَارَّا أَقَا يُوذسْ-د. س ؤُينِّي إِڒِيمْ س ڒعْقڒْ، ركّْزمْ إِخفْ نْومْ خْمِي ثژَّادْجَامْ.
1PE 4:8 سنّجْ إِ مَارَّا، خْسمْ أَيَاوْيَا بْڒَا قطُّو، مِينْزِي ثَايْرِي ثسّْذُورُّويْ خْ ؤُبَارُّو ن دّْنُوبْ.
1PE 4:9 أَرحّْبمْ إِ إِبَارَّانِييّنْ بْڒَا ڒعْكَاسثْ.
1PE 4:10 أجّْ كُوڒْ إِجّنْ أَذْ إِسخَّارْ إِنِّي ذ أَسْ يُوذْسنْ عْلَاحْسَابْ مِينْ ذ أَسْ إِمّوْشنْ زِي أَربِّي، أَمْ يِينِّي إِوكّْڒنْ مْلِيحْ خْ عْڒَامْ كُوڒْ أَرْضَا ن أَربِّي.
1PE 4:11 أجّْ مَارَّا وِي إِسَّاوَاڒنْ، أَذْ إِسِّيوڒْ عْلَاحْسَابْ أَوَاڒْ ن أَربِّي، ؤُ أجّْ كُوڒْ إِجّْ ونِّي إِتّْسخَّارنْ، إِتّْسخَّارْ عْلَاحْسَابْ جّهْذْ إِ ذ أَسْ إِوْشَا أَربِّي، حِيمَا ذِي مَارَّا مِينْ ثتّڭّمْ أَذْ إِذْوڒْ ؤُسمْغَارْ غَارْ أَربِّي س يَاسُوع لْمَاسِيحْ ونِّي غَارْ إِدْجَا ؤُعُودْجِي ذ شَّانْ إِ ڒبْذَا قَاعْ. أَمِينْ.
1PE 4:12 [أَ] إِمْعِيزّنْ، وَارْ ذهّْشمْ شَا زڭْ وَاطَّاسْ ن إِجَارِّيبنْ إِ خَاومْ إِ د غَا إِكِّينْ، أَخْمِي كنِّيوْ ثڒْقفْ شَا ن ثْمسْڒَاشْثْ ذ ثَاغْرِيبْثْ، مَاغَارْ مَانْ أَيَا مَاحنْذْ أَذْ ثتّْوَاقدْجْبمْ.
1PE 4:13 مَاشَا فَارْحمْ ؤُمِي ثْشَارْشمْ ذڭْ ؤُودّبْ إِ إِكِّينْ خْ لْمَاسِيحْ، حِيمَا أَذْ ثْفَارْحمْ س ڒفْرَاحثْ عَاوذْ خْمِي د غَا إِضْهَارْ ؤُعُودْجِي نّسْ.
1PE 4:14 مَاڒَاعيّْبنْ كنِّيوْ خْ سِّيبّثْ ن يِيسمْ ن لْمَاسِيحْ، سّعْذْ نْومْ مِينْزِي أَعُودْجِي ن أَرُّوحْ ن أَربِّي أَذْ خَاومْ يَارْسَا.
1PE 4:15 وَارْ تّجِّيمْ حذْ زَّايْومْ أَذْ إِودّبْ أَمْ ؤُقتَّاڒْ نِيغْ أَمْ ؤُشفَّارْ نِيغْ أَمْ ؤُعفَّانْ.
1PE 4:16 مَاشَا مَاڒَا إِودّبْ حذْ أَمْ ؤُمَاسِيحِي، وَارْ إِتّْسضْحِي شَا، مَاشَا أَذْ إِكَّارْ أَذْ إِسُّوعْڒَا أَربِّي زِي سِّيبّثْ ن يِيسمْ-أَ.
1PE 4:17 مَاغَارْ ثِيوضْ-د ڒْوقْثْ مَاحنْذْ أَذْ إِبْذَا ڒْحُوكْمْ غَارْ ثَادَّارْثْ ن أَربِّي. مَاشَا مَاڒَا ڒْحُوكْمْ زَّايْنغْ إِ غَا إِسِّيزْوَارْ، مَامّشْ غَا يِيڒِي ؤُنڭَّارُو ن يِينِّي وَارْ إِطِّيعنْ شَا ڒخْبَارْ أَصبْحَانْ ن أَربِّي؟
1PE 4:18 ؤُشَا مَاڒَا أَمْسڭَّاذْ يِيوضْ أَذْ إِطّفْ ثُوذَارْثْ س ڒْوحْڒَانْ، مَانِي عَاذْ إِ د غَا إِضْهَارْ ؤُكَافْرِيوْ ذ ؤُمذْنُوبْ؟
1PE 4:19 س ؤُينِّي مَارَّا إِنِّي إِتّْودَّابنْ عْلَاحْسَابْ مِينْ إِخْسْ أَربِّي، أجّْ إِ-ثنْ أَذْ أَسْ سلّْمنْ ڒعْمُورْ نْسنْ أَمْ إِ ونِّي د-إِخڒْقنْ كُوڒْشِي، ونِّي ذِي إِدْجَا ڒَامَانْ، مَاحنْذْ أَذْ ڭّنْ مِينْ إِصبْحنْ.
1PE 5:1 تّْزَاوْڭغْ إِنِّي ذ إِمْغَارنْ جَارْ أَونْ، نشّْ ذ ونِّي ذ أَمْغَارْ أَكِيذْومْ ذ أَشهَّاذْ ن ؤُودّبْ إِ إِكِّينْ خْ لْمَاسِيحْ ؤُڒَا ذ أَمْعَاشَارْ ذڭْ ؤُعُودْجِي نّسْ إِ د غَا إِتّْوَاسّضْهَارْ:
1PE 5:2 أَروْسمْ ثَاحِيمَارْثْ ن أَربِّي ثنِّي ثْحطَّامْ، وَارْ إِدْجِي س ؤُغِيڒْ مَاشَا س ڒْخَاضَارْ، وَارْ إِدْجِي ذِي طّْمعْ ن أَرْبحْ وَارْ إِحْڒِينْ، مَاشَا س مَارَّا وُوڒْ نْومْ،
1PE 5:3 وَارْ إِدْجِي أَمْ يِينِّي إِدْجَانْ خْ ثْحِيمَارْثْ، مَاشَا ؤُمِي ثدْجَامْ ذ إِجّْ ن ؤُمذْيَا إِشْنَا إِ نِيثْنِي.
1PE 5:4 ؤُشَا خْمِي د غَا إِضْهَارْ ؤُمكْسَا أَمقّْرَانْ أَذْ زَّايسْ ثطّْفمْ تَّاجْ ن ؤُعُودْجِي إِ وَارْ إِفنِّينْ.
1PE 5:5 ؤُ كنِّيوْ، إِبْڒِيغنْ، سَارْسمْ إِخفْ نْومْ سَاذُو إِمْغَارنْ نْومْ، بيْسمْ إِخفْ نْومْ س ؤُوَاضعْ ن أَرُّوحْ إِجّْ إِ ونّغْنِي، مِينْزِي أَربِّي إِتّْعكَّاسْ إِمْعفَّارنْ، [مَاشَا] إِمْوَاضْعنْ إِوْشَا أَسنْ أَرْضَا.
1PE 5:6 سمْژَايمْ إِخفْ نْومْ سَاذُو أَفُوسْ إِجهْذنْ ن أَربِّي، حِيمَا أَذْ كنِّيوْ إِسُّوعْڒَا ذِي ڒْوقْثْ نّسْ نِيشَانْ.
1PE 5:7 مَارَّا إِمْنُوسنْ نْومْ أَرّمْ ثنْ غَارْ أَربِّي، أَقَا نتَّا إِتّْهِيلَّا ذَايْومْ.
1PE 5:8 أَرّمْ-د ڒْبَاڒْ، حْضَامْ، مِينْزِي ڒعْذُو نْومْ، شِّيطَانْ أَمقّْرَانْ، إِتّْزهَّارْ أَمْ وَايْرَاذْ ؤُ إِتّْحَامَا، يَارزُّو مِينْ إِزمَّارْ أَذْ إِسَارْضْ.
1PE 5:9 مْعَاڒَامْ ث، ثْبدّمْ نِيشَانْ ذِي لْ-إِيمَانْ، أَقَا ثسّْنمْ بلِّي أَيْثْمَاثْومْ ذِي دُّونشْثْ ؤُڒَا ذ نِيثْنِي كسِّينْ أَودّبْ-أَ.
1PE 5:10 مَاشَا أَربِّي ن أَرْضَا ونِّي ذ أَنغْ د-إِڒَاغَانْ غَارْ ؤُعُودْجِي نّسْ إِتّْذُومَانْ إِ ڒبْذَا س يَاسُوع لْمَاسِيحْ، أَقَا نتَّا، أَوَارْنِي ڒَامِي نْودّبْ ڒحْصَارَاثْ-أَ ثِيمُوقْڒِيڒِينْ، أَذْ أَنغْ إِسّجْهذْ، أَذْ أَنغْ إِضْمنْ ؤُ أَذْ أَنغْ إِسدّْ إِ ڒبْذَا.
1PE 5:11 غَارسْ نتَّا أَعُودْجِي ذ صُّولْطَا ذ ڒْعزّْ إِ ڒبْذَا قَاعْ. أَمِينْ.
1PE 5:12 ؤُرِيغْ أَومْ-د شَا ن ثْمسْڒَايِينْ ذِي ثِيرَا ثَاقُوضَاضْثْ س ؤُفُوسْ ن سِيلْوَانُوسْ، ؤُمَا ذ أَمْثِيقِّي، ؤُ نشّْ قنْعغْ ؤُ شهّْذغْ، أَقَا مَانْ أَيَا ذِي مِينْ ذِي ثْبدّمْ [نِيشَانْ]، أَقَا-ث ذ أَرْضَا ن أَربِّي ذ ثِيذتّْ.
1PE 5:13 ثَامسْمُونْثْ إِتّْوَافَارْزنْ إِ إِدْجَانْ ذِي بَابِيلْ، ثْسدْجَامْ خَاومْ س ڒهْنَا، ؤُڒَا ذ مِّي مَارْكُوسْ.
1PE 5:14 سدْجْممْ خْ وَايَاوْيَا س ڒهْنَا ؤُ س ؤُسُوذمْ إِقدّْسنْ. ڒهْنَا أَذْ كِيومْ يِيڒِي مَارَّا إِذْومْ إِ إِدْجَانْ ذِي لْمَاسِيحْ. أَمِينْ.
2PE 1:1 شِيمْعُونْ بُوطْرُوسْ، أَمْسخَّارْ ذ رَّاسُولْ ن يَاسُوع لْمَاسِيحْ، إِ إِنِّي إِتّْوَاحسْبنْ أَمْ نشِّينْ سّْذَاهدْجنْ لْ-إِيمَانْ س ثْسڭْذَا ن سِيذِيثْنغْ ذ ؤُمْسنْجمْ نّغْ، يَاسُوع لْمَاسِيحْ، عْلَاحْسَابْ شَّانْ ذ إِجّنْ أَكِيذْنغْ.
2PE 1:2 أَرْضَا ذ ڒهْنَا أَذْ غَارْومْ مَّارنْينْ خْمِي إِ غَا ثسّْنمْ سِيذِيثْنغْ، يَاسُوع لْمَاسِيحْ،
2PE 1:3 أَمْ ونِّي إِوْشِينْ مَارَّا مِينْ إِدْجَانْ زِي جّهْذْ ن أَربِّي، مَاحنْذْ أَذْ يِيوِي ثُوذَارْثْ ذ ثِيڭّْوُوذِي زِي أَربِّي س ثُوسّْنَا ن ونِّي ذ أَنغْ د-إِڒَاغَانْ غَارْ ؤُعُودْجِي نّسْ ذ لْعَاضَامَا نّسْ،
2PE 1:4 ذ ونِّي زَّايسْ نتَّا إِوْشَا أَومْ لْوُوعُوذْ إِمْغَارنْ إِغْڒَانْ أَطَّاسْ، حِيمَا أَذْ زَّايْسنْ ثْشَارْشمْ ذِي طّْبِيعثْ نّسْ ن أَربِّي، أَمْ ثتّْرَاكّْوَارمْ زِي نّشْوَاثْ إِغشّنْ إِ يدْجَانْ ذِي دُّونشْثْ.
2PE 1:5 أَمْ ثدْجَا ثْمسْڒَاشْثْ أَمُّو، أَرْنِيمْ س مَارَّا شْضَارثْ إِ لْ-إِيمَانْ نْومْ ثْشُونِي إِفيّْضنْ، إِ ثْشُونِي نْومْ إِفيّْضنْ ثُوسّْنَا،
2PE 1:6 إِ ثُوسّْنَا ڒوْعَارثْ، إِ ڒوْعَارثْ صّْبَارْ، إِ صّْبَارْ ثِيڭّْوُوذِي زِي أَربِّي،
2PE 1:7 إِ ثِيڭّْوُوذِي زِي أَربِّي ثَايْرِي إِ وَاوْمَاثنْ ؤُ إِ ثَايْرِي إِ وَاوْمَاثنْ ثَايْرِي.
2PE 1:8 مَاڒَا تّْوَافنْثْ ذَايْومْ ثِيمسْڒَايِينْ-أَ ؤُشَا أَذْ ذَايْومْ فيّْضنْثْ، وَارْ كنِّيوْ تّجِّينْثْ ثخْوَامْ نِيغْ بْڒَا ڒْغِيدْجثْ ذِي ثُوسّْنَا ن سِيذِيثْنغْ يَاسُوع لْمَاسِيحْ.
2PE 1:9 مِينْزِي ونِّي وَارْ غَارْ دْجِينْثْ ثْمسْڒَايِينْ-أَ، أَقَا إِدَّارْغڒْ، مِينْزِي وَارْ إِتّْوِيڒِي إِلَّا إِتُّو أَسِيزْذڭْ ن دّْنُوبْ نّسْ إِنِّي ثُوغَا خَاسْ.
2PE 1:10 س ؤُينِّي، أَ أَيْثْمَا، شْضَارمْ كْثَارْ حِيمَا أَذْ ثْضمْنمْ ثَاڒَاغِيثْ ذ ؤُسِيخْضَارْ نْومْ س ڒخْذَايمْ ثِيصبْحَانِينْ، مِينْزِي مَاڒَا ثڭّمْ أَيَا، خنِّيعمَّارْصْ أَذْ ثنْقَارْضمْ.
2PE 1:11 مِينْزِي أَمُّو إِ ذ أَومْ غَا إِمَّارْنِي س وَاطَّاسْ وَاذَافْ إِشْنَانْ غَارْ ثْڭلْذِيثْ إِتّْذُومَانْ ن سِيذِيثْنغْ ذ ؤُمْسنْجمْ نّغْ، يَاسُوع لْمَاسِيحْ.
2PE 1:12 س ؤُينِّي وَارْ تّجِّيغْ أَذْ كنِّيوْ سّْعقْڒغْ زِي مَانْ أَيَا ڒبْذَا، وَاخَّا كنِّيوْ ثسّْنمْ ؤُ أَقَا كنِّيوْ ثْبدّمْ [خْ ذْسَاسْ ن] ثِيذتّْ ثَانِيثَا.
2PE 1:13 مَاشَا إِتّْغِيڒْ أَيِي نِيشَانْ مِينْ غَا كّغْ [عَاذْ] ذِي أَرِّيمثْ-أَ، حِيمَا أَذْ كنِّيوْ سّْفَاقغْ أَمْ سّْعقْڒغْ كنِّيوْ،
2PE 1:14 مِينْزِي سّْنغْ أَقَا ثَاكسِّيثْ ن أَرِّيمثْ إِنُو أَذْ د-ثَاسْ ذغْيَا، أَمْ مَامّشْ ذ أَيِي إِسَّارْڭبْ سِيذِيثْنغْ يَاسُوع لْمَاسِيحْ.
2PE 1:15 مَاشَا أَذْ ڭّغْ ثِيزمَّارْ، حِيمَا أَذْ ثْعقْڒمْ خْ ثْمسْڒَايِينْ-أَ أَوَارْنِي ؤُفُّوغْ إِنُو.
2PE 1:16 مِينْزِي نشِّينْ وَارْ نضْفَارْ شَا ثِيحُوجَا إِسَايْسنْ، ؤُمِي ثُوغَا ذ أَومْ نتّْبَارّحْ جّهْذْ ذ ثْوَاسِيثْ ن سِيذِيثْنغْ يَاسُوع لْمَاسِيحْ، مَاشَا أَقَا نشْهذْ س ثِيطَّاوِينْ نّغْ خْ لْعَاضَامَا نّسْ.
2PE 1:17 مِينْزِي نتَّا أَقَا إِطّفْ زِي أَربِّي بَابَاسْ شَّانْ ذ ؤُعُودْجِي ؤُمِي ذ أَسْ د-ثُوسَا ثْمِيجَّا-يَا زڭْ ؤُعُودْجِي إِ د-يُوسِينْ أَكْ-ذ لْعَاضَامَا نّسْ: ”وَا ذ مِّي إِنُو إِعِيزّنْ ونِّي ذَايسْ ؤُفِيغْ أَرْضَا إِنُو.“
2PE 1:18 ؤُڒَا ذ نشِّينْ نسْڒَا ثْمِيجَّا-يَا زڭْ ؤُجنَّا، ؤُمِي ثُوغَا إِسَّاوَاڒْ أَكِيذسْ، ڒَامِي ندْجْ أَكِيذسْ خْ وذْرَارْ إِقدّْسنْ.
2PE 1:19 ؤُڒَا ذ نشِّينْ غَارْنغْ أَوَاڒْ ذ ثِيذتّْ ن إِنَابِييّنْ، [ؤُ] كنِّيوْ أَذْ ثڭّمْ مْلِيحْ مَاڒَا ثوْشِيمْ ثَايْنِيثْ إِ وَاوَاڒْ نِّي أَمْ إِ يِيجّْ ن ڒفْنَارْ يَارقّنْ ذڭْ إِجّْ ن ومْشَانْ إِبُّوبّسْ، أَڒْ غَا إِدُّوقّزْ وَاسّْ ؤُشَا أَذْ ثنْقَارْ ثْفُوشْثْ ذڭْ وُوڒَاونْ نْومْ.
2PE 1:20 أَمزْوَارْ إِتّْخصَّا كنِّيوْ أَذْ ثسّْنمْ أَقَا وَارْ ذِينْ ؤُڒَا ذ إِشْثْ ن نُّوبُووَا ثنُّوفْسڒْ خْ ثِيرَا نّسْ [إِقدّْسنْ].
2PE 1:21 مِينْزِي مِينْ إِتّْوَانَابّنْ وَارْ د-إِتّفِّيغْعمَّارْصْ زِي مِينْ إِخْسْ بْنَاذمْ، مَاشَا يُوسَا-د [زڭْ ؤُقمُّومْ ن] يرْيَازنْ إِقدّْسنْ ن أَربِّي نِّي إِسِّيوْڒنْ أَمْ ذ أَسنْ د-إِنْذهْ أَرُّوحْ إِقدّْسنْ.
2PE 2:1 مَاشَا ثُوغَا ذِينْ عَاوذْ جَارْ ڒْڭنْسْ إِنَابِييّنْ إِسّْخَارِّيقنْ، أَمْ مَامّشْ إِ غَا إِڒِينْ ؤُڒَا ذ إِمسْغَارنْ إِسّْخَارِّيقنْ جَارْ أَومْ، أَذْ سِّيذْفنْ ثِيبْرِيذِينْ إِتَّاردّْدْجنْ، أَذْ نْكَارنْ سِيذِي إِ ثنْ إِسْغِينْ، أَذْ سِّيوْضنْ [أَمُّو] أَريّبْ ذغْيَا خْ يِيخفْ نْسنْ.
2PE 2:2 أَطَّاسْ إِ غَا إِضْفَارنْ ثَاخْمُوجِي نْسنْ أَڒْ غَا إِتّْوَاشقّفْ وبْرِيذْ ن ثِيذتّْ زِي سِّيبّثْ نْسنْ.
2PE 2:3 س طّْمعْ ؤُ س وَاوَاڒنْ إِتّْوَاڭّنْ أَذْ زَّايْومْ ڭّنْ أَمْ زِي سّڒْعثْ، [مَاشَا] ڒْحُوكْمْ خَاسنْ زڭْ وشْحَاڒْ ؤُيَا وَارْ إِبْضِيڒْ شَا ؤُشَا أَهلّكْ نْسنْ وَارْ إِتّْنُوذُومْ شَا.
2PE 2:4 مِينْزِي مَاڒَا أَربِّي وَارْ إِسَّارْ خْ لْمَالَاكَاثْ إِ يڭِّينْ دّْنُوبْ، مَاشَا إِنْضَارْ إِ-ثنْ ذِي سّْنَاسڒْ ن ثَادْجسْثْ ذِي ڒَادْجَاغْ يُودْجْغنْ ؤُشَا إِسلّمْ إِ-ثنْ حِيمَا أَذْ تّْوَاخمّْڒنْ أَڒْ ڒْحُوكْمْ ن ؤُعدّبْ،
2PE 2:5 ؤُ [عَاوذْ] وَارْ إِسَّارْ خْ دُّونشْثْ ن زِيشْ، مَاشَا ثُوغَا إِحْضَا نُوحْ، ونِّي ذ وِيسّْ ثْمنْيَا، أَمْبَارّحْ ن ثْسڭْذَا، ڒَامِي د-إِضْڒقْ ڒْحمْڒثْ خْ دُّونشْثْ ن لْكُوفَّارْ،
2PE 2:6 ؤُ [عَاوذْ] ڒَامِي إِسّشْمضْ نتَّا ثِيندَّامْ ن سَاذُومْ ذ عَامُورَّا ؤُ إِحْكمْ خَاسنْثْ س ؤُنقْڒبْ، أَقَا يَارَّا إِ-ثنْثْ ذ لْمِيثَالْ إِ لْكُوفَّارْ إِ غَا يِيڒِينْ عَاذْ.
2PE 2:7 عَاوذْ إِسّنْجمْ نتَّا لُوثْ، أَمْسڭَّاذْ، ونِّي ثُوغَا إِودّْبنْ أَطَّاسْ زِي ثِيشْڒِي إِخمْجنْ ن يِينِّي وَارْ غَارْ ثدْجِي شَّارِيعَا.
2PE 2:8 مَاغَارْ ؤُمِي أَمْسڭّذْ وَانِيثَا إِژْرَا ذ إِسْڒَا ثِيمڭَّا نْسنْ إِ وَارْ د-يُوسِينْ أَكْ-ذ شَّارِيعَا، إِتّْوَاعدَّابْ ڒعْمَارْ [نّسْ] إِسڭّْذنْ زڭْ وَاسّْ أَڒْ وَاسّْ، أَمْ ثُوغَا إِزدّغْ جَارْ أَسنْ.
2PE 2:9 [أَمُّو] إِ إِسّنْ سِيذِي مَامّشْ إِ غَا إِسُّوفّغْ إِنِّي ث إِتّڭّْوذنْ، زِي ڒْمحْنثْ، [مَاشَا] نتَّا إِحطَّا إِنِّي وَارْ إِسڭّْذنْ حِيمَا أَذْ تّْوَاعدّْبنْ ذڭْ وَاسّْ ن لْحِيسَابْ،
2PE 2:10 مَاهُو قَاعْ إِنِّي إِضْفَارنْ دَّاثْ [نْسنْ] أَمْ تّْمژّْرنْ ذِي مِينْ إِخمْجنْ، ؤُ سحْقَارَّانْ صُّولْطَا [ن إِجنْوَانْ]. أَقَا أَثنْ ذ إِمْعفَّارنْ ذ إِمْنفّْخنْ، وَارْ تَّارْجِيجِينْ زَّاثْ مِينْ إِعُودْجنْ أَمْ تّْشقَّافنْ.
2PE 2:11 وَاخَّا لْمَالَاكَاثْ ؤُجَارنْثْ ثنْ ذِي صُّولْطَا ذ جّهْذْ، وَارْ خَاسنْ سِّيوِيضنْثْ ڒْحُوكْمْ ن سِيذِي ذِي سِّيبّثْ ن ؤُشقَّافْ.
2PE 2:12 [مَاشَا] نِيثْنِي [س ڒْعكْسْ] دْجَانْ أَمْ إِمُودَّارنْ إِڭْنَاونْ عْلَاحْسَابْ طّْبِيعثْ، إِنِّي يُورَانْ إِ ثْغَارْصْثْ س ڒْمُوسْ ذ ثَاجيَّافْثْ أَمْ تّْشقَّافنْ ذِي مِينْ ذِي وَارْ فهّْمنْ. أَذْ تّْوَاجيّْفنْ ذِي ثْجيَّافْثْ [ن يِيخفْ] نْسنْ.
2PE 2:13 إِنَا ذ إِنِّي خْ ثدْجَا ڒْمُوعْصِييّثْ ذ ڒْمُونثْ إِ ڒْمُوعْصِييّثْ. نِيثْنِي حسْبنْ ثَاوَارِّيثْ ن مژْرِي ذڭْ نّشْوَاثْ س ؤُزِيڒْ ذ أَبَارّعْ أَمْ شُّورنْ نِيثْنِي س إِبقِّيضنْ [ن ڒوْسخْ]. خْمِي تَّارَّانْ نِّيثْنِي مژْرِي ذڭْ ؤُرَارنْ نْسنْ ن ؤُغبِّي، سلّْمنْ إِخفْ نْسنْ غَارْ ثْوَارِّيثْ ن مژْرِي ثَامقّْرَانْثْ.
2PE 2:14 ثِيطَّاوِينْ نْسنْ شُّورنْثْ س زِّينَا ؤُ س دّنْبْ وَارْ إِقطِّينْ، خْمِيغكّْوَانْ نِيثْنِي ڒعْمُورْ ن يِينِّي وَارْ إِبدّنْ نِيشَانْ. أَقَا غَارْسنْ ؤُڒْ إِتّْوَاربَّانْ خْ طّْمعْ، أَقَا نِيثْنِي ذ ثَارْوَا ن نّعْڒثْ،
2PE 2:15 فّْغنْ زڭْ وبْرِيذْ إِسڭّْمنْ، ودَّارنْ، ؤُشَا ضْفَارنْ أَبْرِيذْ نِّي إِكَّا بَالْعَامْ، مِّيسْ ن فَاغُورْ، ونِّي ثُوغَا إِتّخْسنْ ڒْمُونثْ ن ڒْغشّْ.
2PE 2:16 مَاشَا نتَّا إِكْسِي أَوبّخْ إِ ڒْمُوعْصِييّثْ نّسْ، مِينْزِي زَّايْڒثْ ثَاڭْنَاوْثْ ثسِّيوڒْ غَارسْ س إِشْثْ ن ثْمِيجَّا ن إِوْذَانْ، ثمْنعْ ثُوبُّوهڒْيَا ن ؤُنَابِي.
2PE 2:17 نِيثْنِي ذ ڒْعُونْصَارَاثْ وَارْ ذَايسْ بُو وَامَانْ، ذ إِسيْنُوثنْ تّْوَاعَارّْننْ س ثْحَارْيَاضْثْ، أَقَا ثُوبَّارْشنْثْ ن ثَادْجسْثْ ثتّْوَاسّوْجذْ أَسنْ.
2PE 2:18 مَاغَارْ مَاڒَا سِّيوْڒنْ س نّْعِي ن ڒْهَارْذْ [نْسنْ] إِخْوَانْ، أَقَا نِيثْنِي سّْغكّْوَانْ س نّشْوَاثْ إِخمْجنْ ن أَرِّيمثْ إِنِّي إِڭُّورنْ أَذْ أَروْڒنْ زڭْ إِنِّي إِسلّْمنْ إِخفْ نْسنْ إِ ؤُغكّْوِي.
2PE 2:19 وَاعْذنْ ثنْ س ثِيڒلِّي، وَاخَّا نِيثْنِي سِيمَانْثْ نْسنْ ذ إِسمْغَانْ ن ڒْغشّْ. مِينْزِي وِي زِي إِتّْوَاغلّبْ بْنَاذمْ، أَقَا إِ نتَّا أَذْ يِيڒِي ذ أَمْسخَّارْ.
2PE 2:20 مَاغَارْ أَوَارْنِي ڒَامِي د-أَروْڒنْ نِيثْنِي زِي ڒخْمجْ ن دُّونشْثْ س ثُوسّْنَا ن سِيذِيثْنغْ ذ أَمْسنْجمْ نّغْ، يَاسُوع لْمَاسِيحْ، أَقَا ذوْڒنْ-د غَارْ ڒخْمجْ نِّي عَاوذْ ؤُشَا تّْوَاغلّْبنْ زَّايسْ ثْوَاڒَا نّغْنِي، أَقَا خنِّي أَنڭَّارْ نْسنْ أَذْ أَسنْ يُورَا مَاهُو خْ ؤُمزْوَارْ.
2PE 2:21 أَقَا حْسنْ أَسنْ معْلِيكْ قِّيمنْ وَارْ سِّيننْ أَبْرِيذْ ن ثْسڭْذَا زِي مِينْ سّْننْ، ؤُشَا ڒخْذنِّي أَذْ فّْغنْ عَاوذْ خْ ثوْصيّثْ إِقدّْسنْ إِ ذ أَسنْ د-إِتّْوَاسلّْمنْ.
2PE 2:22 أَقَا ثمْسَارْ أَسنْ أَمْ ت إِقَّارْ وَاوَاڒْ-أَ ن ثِيذتّْ: ”أَقْزِينْ أَقَا إِذْوڒْ-د خْ مِينْ ثُوغَا د-إِعُوقّْ!“ نِيغْ [مَامّشْ ذ أَسْ قَّارنْ نّغْنِي]: ”ثِيڒفْثْ ثنِّي إِتّْوَاسِّيرْذنْ قَاعْ، [ثذْوڒْ-د] ثتّْمَارَّاغْ ذڭْ ؤُبَارْيُوضْ [نّسْ]!“
2PE 3:1 [أَ] إِمْعِيزّنْ إِنُو، ثَا ذ ثَابْرَاثْ وِيسّْ ثْنَاينْ إِ ذ أَومْ د-ؤُرِيغْ ڒخُّو، ؤُ [ذِي ثْنَاينْ ن ثبْرَاثِينْ-أَ] أَرزُّوغْ أَذْ سّْفَاقغْ نّيّثْ نْومْ إِصْفَانْ أَمْ كنِّيوْ سّْعقْڒغْ،
2PE 3:2 حِيمَا أَذْ ثقِّيمنْ ثتّْفكَّارمْ ذڭْ وَاوَاڒنْ نِّي ثُوغَا إِنَّانْ إِنَابِييّنْ إِقدّْسنْ زِيشْ، ؤُڒَا ذِي ثوْصيَّاثْ ن سِيذِيثْنغْ ذ أَمْسنْجمْ نّغْ، ثِينِّي [غَارْنغْ د-يِيوْضنْ] س رُّوسُولْ.
2PE 3:3 مَانْ أَيَا إِتّْخصَّا أَذْ ثسّْنمْ ذ أَمزْوَارُو، أَقَا ذڭْ وُوسَّانْ إِنڭُّورَا أَذْ د-أَسنْ إِمسْثهْزَاينْ إِنِّي إِسْثهْزَانْ أَمْ ؤُيُورنْ غَارْ نّشْوَاثْ نْسنْ،
2PE 3:4 أَذْ إِنِينْ: ”مَانِي إِدْجَا لْوَاعْذْ ن ثْوَاسِيثْ نّسْ؟ زڭْ وَامِي طّْصنْ ڒجْذُوذْ نّغْ، أَمُّو إِ يقِّيمْ كُوڒْشِي أَمْ ثُوغَا إِدْجَا زڭْ ؤُمزْوَارْ ڒَامِي ثتّْوَاڭّْ دُّونشْثْ.“
2PE 3:5 معْلِيكْ ؤُفِينْ أَذْ تُّونْ بلِّي س وَاوَاڒْ ن أَربِّي أَقَا إِجنْوَانْ إِزْوَارنْ أَذْ إِڒِينْ، ؤُ أَقَا ڒْبَارّْ إِڭعّذْ زڭْ وَامَانْ ؤُ س ؤُفُوسْ ن وَامَانْ س وَاوَاڒْ ن أَربِّي،
2PE 3:6 [أَمَانْ] إِ زِي ثتّْوَاهلّكْ دُّونشْثْ ن ڒْوقْثْ نِّي ؤُمِي د خَاسْ سّفْينْ وَامَانْ [ن ڒْحمْڒثْ ذڭْ وُوسَّانْ ن نُوحْ،] ؤُشَا ثتّْوَامْحَا.
2PE 3:7 مَاشَا إِجنْوَانْ ذ ثمُّورْثْ ن يِيضَا أَقَا تّْوَاحفْضنْ س وَاوَاڒْ نّسْ، خمّْڒنْ إِ ثْمسِّي أَڒْ أَسّْ ن لْحِيسَابْ ذ ؤُودَّارْ ن لْكُوفَّارْ.
2PE 3:8 مَاشَا إِتّْخصَّا كنِّيوْ وَارْ ثتّتُّومْ إِشْثْ ن ڒْحَاجّثْ، [أَ] إِمْعِيزّنْ، أَقَا-ت ذ ثَا: غَارْ سِيذِي إِجّْ ن وَاسّْ أَمْ أَڒفْ ن إِسڭّْوُوسَا ؤُشَا أَڒفْ ن إِسڭّْوُوسَا أَمْ يِيجّْ ن وَاسّْ.
2PE 3:9 أَقَا سِيذِي وَارْ إِسّْعِيزِّي ذڭْ ؤُسُوفّغْ ن ڒْوُوعُوذْ نّسْ أَمْ مَامّشْ ذ أَسنْ إِتّْغِيڒْ إِ شَا [ن إِوْذَانْ]، مَاشَا نتَّا إِڭُّورْ أَكِيذْومْ س تَّاسِيعْ ن ڒْخَاضَارْ، مِينْزِي نتَّا وَارْ إِتّخْسْ شَا أَذْ يَاريّبْ ؤُڒَا ذ إِجّْ، مَاشَا مَاحنْذْ أَذْ ثُوبنْ مَارَّا.
2PE 3:10 مَاشَا أَسّْ ن سِيذِي أَذْ د-يَاسْ أَمْ ؤُخوَّانْ س دْجِيڒثْ. ذڭْ وَاسّْ نِّي أَذْ ودَّارنْ إِجنْوَانْ س ڒْغفْڒثْ ؤُ ثِيمسْڒَايِينْ ثِيمزْوُورَا [ن دُّونشْثْ] أَذْ فسْينْثْ ذِي ثْمسِّي ؤُشَا ثَامُّورْثْ ذ ڒخْذَايمْ إِ خَاسْ إِدْجَانْ أَذْ تّْوَافنْثْ.
2PE 3:11 أَمْ مَارَّا ثِيمسْڒَايِينْ-أَ أَذْ فسْينْثْ أَمُّو، مَامّشْ إِتّْشُووَّارْ أَذْ ثُويُورمْ كنِّيوْ س ثْقدَّاسْثْ ذ ثِيڭّْوُوذِي زِي أَربِّي،
2PE 3:12 أَمْ ثتّْرَاجَامْ ثَاوَاسِيثْ ن وَاسّْ ن أَربِّي، أَمْ ثتّْمژْرمْ ذَايسْ، خْمِي غَا فْنَانْ إِجنْوَانْ أَمْ تّْوَاقدْجْبنْ س ثْمسِّي ؤُشَا أَذْ فسْينْثْ ثِيمسْڒَايِينْ ثِيمزْوُورَا [ن دُّونشْثْ] س ڒْعابُوقْ نّسْ.
2PE 3:13 مَاشَا نشِّينْ أَقَا نتّْرَاجَا إِجنْوَانْ ن جْذِيذْ ذ ثمُّورْثْ ن جْذِيذْ مَانِي غَا ثزْذغْ ثْسڭْذَا عْلَاحْسَابْ لْوَاعْذْ نّسْ.
2PE 3:14 س ؤُينِّي، [أَ] إِمْعِيزّنْ إِنُو، ؤُمِي كنِّيوْ ثتّْرَاجَامْ مَانْ أَيَا، شْضَارمْ مَاحنْذْ أَذْ ثتّْوَافمْ بْڒَا ڒخْمجْ ؤُ بْڒَا ڒْعِيبْ زَّاثسْ ذِي ڒهْنَا.
2PE 3:15 حسْبمْ تَّاسِيعْ ن ڒْخَاضَارْ ن سِيذِي ذ [ثَاوَّارْثْ إِ] وصْڒَاحْ، أَمْ مَامّشْ ؤُڒَا ذ ؤُمَاثْنغْ إِعِيزّنْ بُولُوسْ ذ أَومْ د-يُورَا عْلَاحْسَابْ ثِيغِيثْ إِ ذ أَسْ إِمّوْشنْ،
2PE 3:16 أَمْ مَامّشْ خَاسْ إِسِّيوڒْ نتَّا ذِي مَارَّا ثِيبْرَاثِينْ نّسْ. أَقَا ذِينْ شَا ن ثْمسْڒَايِينْ إِوْعَارنْ إِ ڒفْهَامثْ، ثِينِّي إِ سّْفَارَّاغنْ ڒْجُوهَّاڒْ ذ يوْذَانْ وَارْ إِمْثِيننْ [ذڭْ وُوڒْ نْسنْ]، أَمْ مَامّشْ ڭِّينْ ؤُڒَا إِ ثِيرَا [إِقدّْسنْ] نّغْنِي إِ وَاريّبْ ن يِيخفْ نْسنْ.
2PE 3:17 س ؤُينِّي كنِّيوْ [أَ] إِمْعِيزّنْ إِنُو، أَمْ ثسّْنمْ مَانْ أَيَا قْبڒْ، حْضَامْ إِخفْ نْومْ، حِيمَا وَارْ ثْضفَّارَامْ أَوَارْنِي إِ ؤُودَّارْ ن يِينِّي إِدْجَانْ بْڒَا شَّارِيعَا ؤُشَا أَذْ ثوْضَامْ وَاخَّا ثُوغَا ثتّْبدَّامْ نِيشَانْ،
2PE 3:18 مَاشَا [س ڒْعكْسْ حْضَامْ] أَذْ ثيْممْ ذڭْ أَرْضَا ذ ثُوسّْنَا ن سِيذِيثْنغْ ذ أَمْسنْجمْ نّغْ، يَاسُوع لْمَاسِيحْ، ؤُ ن أَربِّي، بَابَاسْ، إِ ونِّي ؤُمِي غَا يِيڒِي ؤُعُودْجِي، أَمْ ڒخُّو أَمْ ڒبْذَا، أَڒْ ذڭْ وُوسَّانْ ن ڒبْذَا! أَمِينْ.
1JO 1:1 ونِّي ثُوغَا ذِينْ زڭْ ؤُمزْوَارُو، ذ نتَّا إِ ذ أَومْ نتّْبَارّحْ: ونِّي نسْڒَا ذ ونِّي نژْرَا س ثِيطَّاوِينْ نّغْ، ذ ونِّي نثْوَاڒَا ؤُ نْحَاذَا ث س إِفَاسّنْ نّغْ ذ ونِّي إِدْجَانْ ذ أَوَاڒْ إِدَّارنْ.
1JO 1:2 أَقَا ثُوذَارْثْ ثضْهَارْ-د، نشِّينْ نژْرَا إِ-ت، ؤُشَا نْشهّذْ ؤُ نتّْبَارّحْ أَومْ ثُوذَارْثْ إِتّْذُومَانْ، ثنِّي ثُوغَا أَكْ-ذ بَابَاثْنغْ ؤُشَا ثتّْوَاسَّارْڭبْ-د إِ نشِّينْ.
1JO 1:3 مِينْ نژْرَا ذ مِينْ نسْڒَا، أَذْ أَومْ ث-إِ-د-نسّْشنْ، حِيمَا عَاوذْ كنِّيوْ أَذْ ثِيڒِيمْ ذڭْ ؤُمُونِي أَكِيذْنغْ، ؤُشَا أَمُونِي نّغْ أَكْ-ذ بَابَاثْنغْ ؤُ أَكْ-ذ مِّيسْ يَاسُوع لْمَاسِيحْ.
1JO 1:4 أَقَا نتَّارِي مَانْ أَيَا إِ كنِّيوْ، حِيمَا ڒفْرَاحثْ نّغْ أَذْ ثِيڒِي ثكْمڒْ.
1JO 1:5 ذ وَا ذ ڒخْبَارْ أَصبْحَانْ إِ زَّايسْ نسْڒَا ؤُشَا أَذْ أَومْ نْبَارّحْ: أَربِّي ذ ثَافَاوْثْ، نتَّا وَارْ ذَايسْ بُو جُّورّثْ ن ثَادْجسْثْ.
1JO 1:6 مَاڒَا نقَّارْ، أَقَا غَارْنغْ أَمُونِي أَكِيذسْ، ؤُشَا نڭُّورْ ذِي ثَادْجسْثْ، أَقَا نسّْخَارِّيقْ، وَارْ نْضفَّارْ شَا ثِيذتّْ.
1JO 1:7 مَاشَا مَاڒَا نُويُورْ ذِي ثْفَاوْثْ، أَمْ نتَّا ذِي ثْفَاوْثْ، غَارْنغْ أَمُونِي أَكْ-ذ وَايَاوْيَا، ؤُشَا أَذْ ثَافْ إِذَامّنْ ن يَاسُوع، مِّيسْ، أَذْ أَنغْ سِّيزْذڭنْ زِي مَارَّا دّْنُوبْ نّغْ.
1JO 1:8 مَاڒَا نقَّارْ، وَارْ ذَايْنغْ بُو دّْنُوبْ، أَقَا نسّْخَارِّيقْ خْ يِيخفْ نّغْ ؤُشَا ثِيذتّْ وَارْ ذَايْنغْ ثدْجِي.
1JO 1:9 مَاشَا مَاڒَا ننْعمْ س دّْنُوبْ نّغْ، أَقَا نتَّا ذ أَمْثِيقِّي ذ أَمْسڭَّاذْ حِيمَا أَذْ أَنغْ إِغْفَارْ دّْنُوبْ نّغْ ؤُشَا أَذْ أَنغْ إِسِّيزْذڭْ زِي مَارَّا مِينْ وَارْ إِسڭّْذنْ.
1JO 1:10 مَاڒَا نقَّارْ: ’نشِّينْ وَارْ ذَايْنغْ بُو دّْنُوبْ!‘، نتَّارَّا إِ-ث ذ بُو-إِخَارِّيقنْ ؤُشَا أَوَاڒْ نّسْ وَارْ ذَايْنغْ إِدْجِي.
1JO 2:1 أَ إِحنْجِيرنْ إِنُو، ؤُرِيغْ أَيَا إِ كنِّيوْ، حِيمَا وَارْ ثْخطِّيمْ شَا. ؤُشَا مَاڒَا إِخْضَا شَا ن إِجّنْ، أَقَا غَارْنغْ ؤُمْسصْڒَاحْ، ذ ونِّي إِدْجَانْ غَارْ بَابَاثْنغْ، يَاسُوع لْمَاسِيحْ، أَمْسڭَّاذْ.
1JO 2:2 مَاغَارْ نتَّا ذ أَصْڒَاحْ إِ دّْنُوبْ نّغْ، وَارْ إِدْجِي خْ دّْنُوبْ نّغْ وَاهَا، مَاشَا عَاوذْ إِ يِينِّي ن دُّونشْثْ مَارَّا.
1JO 2:3 س مَانْ أَيَا إِ نتّْوَاڒَا بلِّي أَقَا نسّنْ إِ-ث، مَاڒَا نطّفْ ذِي ثْوصَّا نّسْ.
1JO 2:4 ونِّي إِقَّارنْ: ”نشّْ سّْنغْ ث!“، مَاشَا وَارْ إِطِّيفْ شَا ذِي ثْوصَّا نّسْ، نتَّا ذ بُو-إِخَارِّيقنْ ؤُشَا ثِيذتّْ وَارْ ذَايسْ ثدْجِي.
1JO 2:5 مَاشَا ونِّي إِتّطّْفنْ ذڭْ وَاوَاڒْ نّسْ، أَذْ ذَايسْ ثْكمّڒْ ثَايْرِي ن أَربِّي س ثِيذتّْ. س مَانْ أَيَا نسّنْ، بلِّي أَقَا نشِّينْ ذَايسْ.
1JO 2:6 ونِّي إِقَّارنْ: ’نشّْ ذَايسْ!‘، إِتّْخصَّا أَذْ يُويُورْ أَمْ مَامّشْ ثُوغَا إِڭُّورْ نتَّا.
1JO 2:7 أَ إِمْعِيزّنْ إِنُو، وَارْ ذ أَومْ تَّارِيغْ شَا ثَاوْصيّثْ ن جْذِيذْ، مَاشَا ثَاوْصيّثْ ثَاقْذِيمْثْ إِ ثُوغَا غَارْومْ زڭْ ؤُمزْوَارُو. ثَاوْصيّثْ-أَ ثَاقْذِيمْثْ ذ أَوَاڒْ إِ ثُوغَا ثسْڒِيمْ.
1JO 2:8 وَاخَّا أَمنِّي أَذْ أَومْ د-أَرِيغْ ثَاوْصيّثْ ن جْذِيذْ، ثنِّي إِدْجَانْ ذ ثِيذتّْ ذَايسْ ؤُ ذَايْومْ، مِينْزِي ثَادْجسْثْ ثعْذُو ؤُشَا ثَافَاوْثْ ن ثِيذتّْ أَقَا ثتّضْهَارْ-د ڒخُّو.
1JO 2:9 ونِّي إِقَّارنْ بلِّي أَقَا-ث ذِي ثْفَاوْثْ، [مَاشَا] إِشَارّهْ ؤُمَاسْ، نتَّا أَقَا-ث ذِي ثَادْجسْثْ أَڒْ إِضَا.
1JO 2:10 ونِّي إِتّخْسنْ ؤُمَاسْ، أَذْ إِقِّيمْ ذِي ثْفَاوْثْ ؤُشَا وَارْ ذَايسْ بُو ڒفْضِيحثْ إِ زِي غَا إِنْقَارْذْ [ؤُمَاسْ].
1JO 2:11 مَاشَا ونِّي إِشَارّْهنْ ؤُمَاسْ، أَقَا-ث ذِي ثَادْجسْثْ ؤُشَا إِڭُّورْ ذِي ثَادْجسْثْ، وَارْ إِسِّينْ مَانِي غَا إِرَاحْ، مِينْزِي ثَادْجسْثْ ثسّْذَارْغڒْ ثِيطَّاوِينْ نّسْ.
1JO 2:12 أَذْ أَومْ د-أَرِيغْ، أَ إِحنْجِيرنْ، مِينْزِي دّْنُوبْ نْومْ تّْوَاغْفَارنْ أَومْ ذِي طّْوعْ ن يِيسمْ نّسْ.
1JO 2:13 أَذْ أَومْ د-أَرِيغْ، أَ إِبَابَاثنْ، مِينْزِي أَقَا ثسّْنمْ ونِّي إِدْجَانْ زڭْ ؤُمزْوَارُو. أَذْ أَومْ د-أَرِيغْ، أَ إِبْڒِيغنْ، مِينْزِي أَقَا ثْغلّْبمْ خْ ؤُمْعفَّانْ. أَقَا ؤُرِيغْ أَومْ-د، أَ إِحُوذْرِييّنْ، مِينْزِي ثسّْنمْ بَابَاثْنغْ.
1JO 2:14 أَقَا ؤُرِيغْ أَومْ-د، أَ إِبَابَاثنْ، مِينْزِي ثسّْنمْ ونِّي إِدْجَانْ زڭْ ؤُمزْوَارُو. أَقَا ؤُرِيغْ أَومْ-د، أَ إِبْڒِيغنْ، مِينْزِي أَقَا كنِّيوْ ثْجهْذمْ ؤُشَا أَوَاڒْ ن أَربِّي إِزدّغْ ذَايْومْ ؤُشَا ثْغلّْبمْ خْ ؤُمْعفَّانْ.
1JO 2:15 وَارْ تّخْسمْ شَا دُّونشْثْ ؤُڒَا ذ مِينْ إِدْجَانْ ذِي دُّونشْثْ، مِينْزِي مَاڒَا شَا ن إِجّنْ إِتّخْسْ دُّونشْثْ، ثَايْرِي ن بَابَاثْنغْ وَارْ ذَايسْ ثدْجِي.
1JO 2:16 مِينْزِي مَارَّا مِينْ إِدْجَانْ ذِي دُّونشْثْ - أَقَا-ث ذ نّشْوثْ ن دَّاثْ ذ نّشْوثْ ن ثِيطَّاوِينْ ذ ثُوفّثْ ن دُّونشْثْ[-أَ] - وَارْ د-إِتِّيسْ شَا زِي بَابَاثْنغْ، مَاشَا زِي دُّونشْثْ.
1JO 2:17 ؤُشَا دُّونشْثْ ثْعدُّو ؤُڒَا ذ نّشْوَاثْ نّسْ، مَاشَا ونِّي إِتّڭّنْ مِينْ إِخْسْ أَربِّي، أَذْ إِقِّيمْ إِ ڒبْذَا.
1JO 2:18 أَ إِحنْجِيرنْ إِنُو، أَقَا ڒْوقْثْ ثَانڭَّارُوثْ ثِيوضْ-د، ؤُشَا أَمْ ثسْڒِيمْ بلِّي أَذْ د-يَاسْ لْمَاسِيحْ أَفَالْسُو، أَمنِّي ڒخُّو ضْهَارنْ-د أَطَّاسْ ن إِمَاسِيحنْ إِفَالْسُوثنْ. س ؤُينِّي نسّنْ بلِّي ڒْوقْثْ ثَانڭَّارُوثْ أَقَا ثِيوضْ-د.
1JO 2:19 فّْغنْ-د زَّايْنغْ، مَاشَا وَارْ ثنْ ثُوغِي زَّايْنغْ. معْلِيكْ نِيثْنِي ثُوغَا زَّايْنغْ، أَذْ إِڒِي قِّيمنْ أَكِيذْنغْ. مَاشَا نِيثْنِي فّْغنْ-د زَّايْنغْ، حِيمَا أَذْ إِبَانْ بلِّي نِيثْنِي مَارَّا وَارْ دْجِينْ شَا زَّايْنغْ.
1JO 2:20 أَقَا غَارْومْ أَذْهَانْ ن ؤُمْقدَّاسْ ؤُشَا ثسّْنمْ أَذْ ثْفَارْزمْ كُوڒْ إِجّْ ن بْنَاذمْ.
1JO 2:21 وَارْ ذ أَومْ ؤُرِيغْ مِينْزِي وَارْ ثسِّينمْ شَا ثِيذتّْ، مَاشَا مِينْزِي أَقَا ثتّسّْنمْ ت، ؤُ ثسّْنمْ [عَاوذْ] ؤُڒَا ذ إِجّْ ن ؤُخَارِّيقْ وَارْ د-إِتّفّغْ شَا زِي ثِيذتّْ.
1JO 2:22 وِي إِدْجَانْ ذ بُو-إِخَارِّيقنْ مْغِيرْ ونِّي إِنْكَارنْ بلِّي يَاسُوع ذ لْمَاسِيحْ! ذ وَا ذ لْمَاسِيحْ أَفَالْسُو، ونِّي إِنْكَارنْ بَابَاسْ ذ مِّيسْ.
1JO 2:23 مَارَّا ونِّي إِنْكَارنْ مِّيسْ وَارْ يُومِينْ عَاوذْ ذِي بَابَاسْ. ونِّي إِشهّْذنْ إِ مِّيسْ، إِشهّذْ عَاوذْ إِ بَابَاسْ.
1JO 2:24 أجّْ أَذْ ذَايْومْ إِقِّيمْ مِينْ ثسْڒِيمْ زڭْ ؤُمزْوَارُو. مَاڒَا إِقِّيمْ ذَايْومْ مِينْ ثسْڒِيمْ زڭْ ؤُمزْوَارُو، أَذْ ثقِّيممْ كنِّيوْ عَاوذْ ذِي بَابَاسْ ؤُ ذِي مِّيسْ.
1JO 2:25 ثَا ذ ثِيكّسْثْ ن وَاوَاڒْ إِ ذ أَنغْ إِوْشَا: ثُوذَارْثْ إِتّْذُومَانْ.
1JO 2:26 مَانْ أَيَا ؤُرِيغْ أَومْ-ث-إِ-د خْ يِينِّي كنِّيوْ إِخدّْعنْ.
1JO 2:27 مَاڒَا أَذْهَانْ إِ زَّايسْ ثطّْفمْ أَذْ إِقِّيمْ ذَايْومْ، وَارْ ثحْذَاجمْ أَذْ كنِّيوْ إِسّڒْمذْ حذْ. مِينْزِي أَذْهَانْ ن أَربِّي، أَذْ كنِّيوْ إِسّڒْمَاذْ ذِي مَارَّا، ؤُشَا نتَّا ذ ثِيذتّْ وَارْ ذَايسْ دْجِينْ إِخَارِّيقنْ. خنِّي قِّيممْ ذَايسْ، [ذِي لْمَاسِيحْ]، أَمْ مَامّشْ إِ ذ أَومْ إِسّڒْمذْ نتَّا.
1JO 2:28 خنِّي ڒخُّو، أَ إِحنْجِيرنْ إِنُو، قِّيممْ ذَايسْ، حِيمَا وَارْ نتّْسضْحِي شَا قِيبَاتْشْ نّسْ خْ مِينِّي د غَا إِضْهَارْ، مَاشَا أَذْ غَارْنغْ ثِيڒِي تِّيقّثْ غَارْ ثْوَاسِيثْ نّسْ.
1JO 2:29 مَاڒَا ثسّْنمْ، بلِّي نتَّا ذ أَمْسڭَّاذْ، سْنمْ عَاوذْ بلِّي مَارَّا وِي إِتّڭّنْ ثَاسڭْذَا، أَقَا [إِتّْوَاخْڒقْ-د] زَّايسْ.
1JO 3:1 خْزَارْ، مشْحَاڒْ ثمْغَارْ ثَايْرِي إِ زِي ذ أَنغْ إِتّخْسْ بَابَاثْنغْ، أَڒَامِي إِڒَاغَا ؤُ إِڭَّا أَنغْ ثَارْوَا. س ؤُينِّي دُّونشْثْ وَارْ ذ أَنغْ ثسِّينْ شَا، مِينْزِي وَارْ ث ثسِّينْ شَا.
1JO 3:2 أَ إِمْعِيزّنْ إِنُو، ڒخُّو نشِّينْ ذ ثَارْوَا ن أَربِّي إِ ندْجْ، وَارْ د-إِضْهَارْ عَاذْ مِينْ غَا نِيڒِي. أَقَا نسّنْ خْمِي د غَا إِبَانْ نتَّا، أَذْ نِيڒِي ذِي صِّيفثْ نّسْ، مِينْزِي أَذْ ث نْژَارْ أَمْ مَامّشْ إِدْجَا نتَّا.
1JO 3:3 مَارَّا ونِّي غَارْ إِدْجَا ؤُسِيثمْ-أَ ذَايسْ [ذڭْ وُوڒْ نّسْ]، أَذْ إِسِّيزْذڭْ إِخفْ نّسْ، أَمْ مَامّشْ إِدْجَا نتَّا ذ أَمزْذَاڭْ.
1JO 3:4 مَارَّا ونِّي إِتّڭّنْ دّْنُوبْ، إِتّڭّْ ڒْمُوعْصِييّثْ، مِينْزِي مَارَّا دّنْبْ ذ ڒْمُوعْصِييّثْ.
1JO 3:5 ثسّْنمْ بلِّي نتَّا إِبَانْ-د، حِيمَا أَذْ إِكّسْ دّْنُوبْ نّغْ: نتَّا وَارْ ذَايسْ بُو دّْنُوبْ.
1JO 3:6 مَارَّا وِي ذَايسْ إِ غَا إِقِّيمنْ، وَارْ إِتّڭّْ شَا دّْنُوبْ. مَارَّا وِي إِتّڭّنْ دّْنُوبْ، وَارْ ث إِژْرِي، وَارْ ث إِسِّينْ.
1JO 3:7 أَ إِحنْجِيرنْ إِنُو، وَارْ تّجِّيمْ أَذْ كنِّيوْ إِخَارْوضْ حذْ. ونِّي إِتّڭّنْ ثَاسڭْذَا ذ نتَّا ذ أَمْسڭَّاذْ أَمْ مَامّشْ عَاوذْ لْمَاسِيحْ ذ أَمْسڭَّاذْ.
1JO 3:8 ونِّي إِتّڭّنْ دّْنُوبْ ذ نتَّا زِي شِّيطَانْ، مِينْزِي شِّيطَانْ ثُوغَا ذ أَمذْنُوبْ زڭْ ؤُمزْوَارُو. إِ مَانْ أَيَا إِ د-إِضْهَارْ مِّيسْ ن أَربِّي: حِيمَا أَذْ إِسّخْسَارْ ڒخْذَايمْ ن شِّيطَانْ.
1JO 3:9 مَارَّا ونِّي د-إِتّْوَاخڒْقنْ زِي أَربِّي، وَارْ إِتّڭّْ شَا دّْنُوبْ، مِينْزِي زَّارِيعثْ نّسْ أَقَا-ت ذَايسْ ؤُشَا وَارْ إِزمَّارْ أَذْ إِخْضَا، مِينْزِي إِتّْوَاخْڒقْ-د زِي أَربِّي.
1JO 3:10 ذِي مَانْ أَيَا أَذْ د-ضْهَارنْ ثَارْوَا ن أَربِّي ذ ثَارْوَا ن شِّيطَانْ: مَارَّا ونِّي وَارْ إِتّڭّنْ ثَاسڭْذَا ؤُ وَارْ إِتّخْسنْ ؤُمَاسْ، وَارْ إِدْجِي شَا زِي أَربِّي.
1JO 3:11 مَاغَارْ ثَا ذ ثَاوْصِييّثْ إِ ثُوغَا ثسْڒِيمْ زڭْ ؤُمزْوَارُو بلِّي أَذْ ثخْسمْ إِجّنْ ونّغْنِي!‘
1JO 3:12 وَارْ إِدْجِي أَمْ قَايِينْ ونِّي إِدْجَانْ زڭْ ؤُمْعفَّانْ ؤُشَا إِنْغَا ؤُمَاسْ. مَايمِّي إِنْغَا ؤُمَاسْ؟ س مِينْزِي ڒخْذَايمْ نّسْ ثُوغَا أَثنْثْعفّْننْثْ ؤُشَا ثِينِّي ن ؤُمَاسْ سڭّْذنْثْ.
1JO 3:13 وَارْ ثذْهِيشمْ شَا، [أَ] أَيْثْمَا، مَاڒَا دُّونشْثْ ثْشَارْهْ إِ كنِّيوْ.
1JO 3:14 نشِّينْ نسّنْ، أَقَا نژْوَا زِي ڒْموْثْ غَارْ ثُوذَارْثْ، مِينْزِي نخْسْ أَوْمَاثنْ نّغْ. ونِّي وَارْ إِتّخْسنْ ؤُمَاسْ، أَذْ إِقِّيمْ ذِي ڒْموْثْ.
1JO 3:15 مَارَّا وِي إِشَارّْهنْ ؤُمَاسْ ذ أَقتَّاڒْ، ؤُشَا كنِّيوْ ثسّْنمْ بلِّي ثُوذَارْثْ إِتّْذُومَانْ وَارْ ثْزمَّارْ أَذْ ثقِّيمْ ذڭْ إِجّْ ن ؤُقتَّاڒْ.
1JO 3:16 زِي مَانْ أَيَا نسّنْ ثَايْرِي نّسْ إِ نشِّينْ، أَقَا نتَّا إِسَّارْسْ ثُوذَارْثْ نّسْ ذڭْ ومْشَانْ نّغْ. عَاوذْ إِتّْخصَّا أَنغْ نِيشَانْ أَذْ نسَّارْسْ ثُوذَارْثْ نّغْ خْ أَيْثْمَاثْنغْ.
1JO 3:17 ونِّي غَارْ إِدْجَا أَڭْڒَا ن دُّونشْثْ ؤُشَا إِتّْوَاڒَا ؤُمَاسْ إِزْڒضْ، خنِّي إِقّنْ خَاسْ ؤُڒْ نّسْ، مَامّشْ إِ غَا ثزْذغْ ثَايْرِي ن أَربِّي ذَايسْ؟
1JO 3:18 أَ إِحنْجِيرنْ إِنُو، أجّْ أَنغْ وَارْ نتّخْسْ إِجّنْ ونّغْنِي س وَاوَاڒْ نِيغْ س إِڒسْ، مَاشَا س ڒخْذَايمْ ؤُ ذِي ثِيذتّْ.
1JO 3:19 س مَانْ أَيَا نسّنْ أَقَا نشِّينْ زِي ثِيذتّْ ؤُشَا أَذْ نسّقْنعْ ؤُڒَاونْ نّغْ قْبڒْ إِ د غَا يَاسْ.
1JO 3:20 مِينْزِي مَاڒَا إِحْكمْ وُوڒْ نّغْ خَانغْ، مشْحَاڒْ ذ أَمقّْرَانْ أَربِّي خْ وُوڒْ نّغْ! أَقَا نتَّا إِسّنْ مَارَّا.
1JO 3:21 أَ إِمْعِيزّنْ إِنُو، مَاڒَا ؤُڒْ نّغْ وَارْ خَانغْ إِحْكمْ، أَقَا غَارْنغْ تِّيقّثْ زَّاثْ إِ أَربِّي،
1JO 3:22 ؤُشَا مَانْ ڒْحَاجّثْ إِ غَا نتَّارْ، أَذْ ت نكْسِي زَّايسْ، مِينْزِي نشِّينْ نْحطَّا ثِيوصَّا نّسْ ؤُشَا أَذْ نڭّْ مِينْ غَا يَارْضَانْ قِيبَاتْشْ نتَّا.
1JO 3:23 ذ ثَا ذ ثَاوْصيّثْ نّسْ بلِّي أَذْ نَامنْ ذڭْ يِيسمْ ن مِّيسْ يَاسُوع لْمَاسِيحْ ؤُشَا أَذْ نخْسْ إِجّْ ونّغْنِي أَمْ مَامّشْ إِ ذ أَنغْ يُومُورْ.
1JO 3:24 ونِّي إِحطَّانْ ثِيوصَّا نّسْ، أَذْ زَّايسْ إِتّْوَاحْضَا ؤُ نتَّا إِزدّغْ ذَايسْ. س مَانْ أَيَا نسّنْ بلِّي نتَّا إِتّْغِيمَا ذَايْنغْ، زِي أَرُّوحْ نّسْ إِ ذ أَنغْ إِوْشَا.
1JO 4:1 أَ إِمْعِيزّنْ إِنُو، وَارْ تِّيقّمْ شَا ذِي مَارَّا أَرُّوحَاثْ، مَاشَا قدْجْبمْ أَرُّوحَاثْ، مَا زِي أَربِّي إِ إِدْجَانْ، مِينْزِي أَطَّاسْ ن إِنَابِييّنْ إِسّْخَارِّيقنْ أَقَا فّْغنْ-د غَارْ دُّونشْثْ.
1JO 4:2 س مَانْ أَيَا أَذْ ثسّْنمْ أَرُّوحْ ن أَربِّي: مَارَّا أَرُّوحْ ونِّي إِشهّْذنْ بلِّي يَاسُوع لْمَاسِيحْ يُوسَا-د ذِي دَّاثْ أَقَا نتَّا زِي أَربِّي.
1JO 4:3 مَارَّا أَرُّوحْ ونِّي وَارْ إِشهّْذنْ بلِّي يَاسُوع يُوسَا-د ذِي دَّاثْ، وَارْ إِدْجِي شَا زِي أَربِّي، مَاشَا زِي أَرُّوحْ ن لْمَاسِيحْ أَفَالْسُو ونِّي إِ خفْ ثسْڒَامْ أَذْ د-يَاسْ، أَقَا نتَّا ذَا ڒخُّو ذِي دُّونشْثْ.
1JO 4:4 مَاشَا كنِّيوْ ذ ثَارْوَا ن أَربِّي إِ ثدْجَامْ، أَقَا ثْغلّْبمْ خَاسنْ، مِينْزِي ذ ونِّي إِدْجَانْ ذَايْومْ ذ أَمقّْرَانْ خْ ونِّي إِدْجَانْ ذِي دُّونشْثْ.
1JO 4:5 نِيثْنِي زِي دُّونشْثْ، س ؤُينِّي سَّاوَاڒنْ زِي دُّونشْثْ ؤُشَا دُّونشْثْ ثتّسْڒَا أَسنْ-د.
1JO 4:6 أَقَا أَنغْ زِي أَربِّي. ونِّي إِسّْننْ أَربِّي، إِتّسْڒَا أَنغْ. ونِّي وَارْ إِدْجِينْ زِي أَربِّي وَارْ ذ أَنغْ إِتّسْڒِي شَا. س مَانْ أَيَا إِ غَا نسّنْ أَرُّوحْ ن ثِيذتّْ ذ أَرُّوحْ ن ؤُودَّارْ.
1JO 4:7 أَ إِمْعِيزّنْ إِنُو، أجّْ أَنغْ أَذْ نخْسْ أَيَاوْيَا، مِينْزِي ثَايْرِي زِي أَربِّي، ؤُ مَارَّا ونِّي إِتّخْسنْ، ذ نتَّا إِتّْوَاخْڒقْ-د زِي أَربِّي ؤُشَا إِسّنْ أَربِّي.
1JO 4:8 مِينْزِي أَربِّي ذ ثَايْرِي، ؤُ ونِّي وَارْ إِتّخْسنْ، وَارْ إِسِّينْ شَا أَربِّي.
1JO 4:9 س مَانْ أَيَا ثضْهَارْ أَنغْ-د ثَايْرِي ن أَربِّي، بلِّي أَربِّي أَقَا إِسّكّْ-د أَينِّي ن مِّيسْ إِ غَارسْ غَارْ دُّونشْثْ، حِيمَا أَذْ زَّايسْ ندَّارْ.
1JO 4:10 ذِي مَانْ أَيَا إِ ثدْجَا ثَايْرِي، وَارْ إِدْجِي بلِّي نشِّينْ نتّخْسْ أَربِّي، مَاشَا بلِّي نتَّا إِتّخْسْ أَنغْ ؤُشَا إِسّكّْ-د مِّيسْ ذ أَصْڒَاحْ خْ دّْنُوبْ نّغْ.
1JO 4:11 أَ إِمْعِيزّنْ إِنُو، مَاڒَا ثُوغَا أَربِّي إِتّخْسْ أَنغْ أَمُّو، إِتّْخصَّا أَنغْ عَاوذْ أَذْ نخْسْ إِجّْ ونّغْنِي.
1JO 4:12 ؤُڒَا ذ إِجّنْ مَا إِژْرَا أَربِّي. مَاشَا مَاڒَا نتّخْسْ أَيَاوْيَا، أَربِّي أَذْ ذَايْنغْ إِقِّيمْ، ؤُشَا ثَايْرِي نّسْ أَقَا ثذْوڒْ ثكْمڒْ ذَايْنغْ.
1JO 4:13 زِي مَانْ أَيَا نسّنْ بلِّي نتّْغِيمَا ذَايسْ ؤُ نتَّا ذَايْنغْ، مِينْزِي نتَّا إِوْشَا أَنغْ زِي أَرُّوحْ نّسْ.
1JO 4:14 أَقَا نژْرَا ؤُ نْشهّذْ بلِّي بَابَاسْ إِسّكّْ-د مِّيسْ ذ أَمْسنْجمْ ن دُّونشْثْ.
1JO 4:15 مَارَّا ونِّي إِشهّْذنْ بلِّي يَاسُوع ذ مِّيسْ ن أَربِّي، أَربِّي أَذْ ذَايسْ إِزْذغْ ؤُ نتَّا أَذْ إِزْذغْ ذِي أَربِّي.
1JO 4:16 أَقَا نشِّينْ نُومنْ ؤُ نسّنْ ثَايْرِي ثنِّي إِدْجَانْ غَارْ أَربِّي إِ نشِّينْ. أَربِّي ذ ثَايْرِي ؤُ ونِّي إِ غَا إِقِّيمنْ ذِي ثَايْرِي، أَذْ إِقِّيمْ ذِي أَربِّي.
1JO 4:17 ذِي مَانْ أَيَا ثتّْوَاكمّڒْ ثَايْرِي نّسْ ذَايْنغْ، أَڒَامِي أَذْ غَارْنغْ ثِيڒِي تِّيقّثْ ذڭْ وَاسّْ ن لْحِيسَابْ، مِينْزِي أَمْ مَامّشْ إِدْجَا نتَّا، أَذْ نِيڒِي نشِّينْ عَاوذْ ذِي دُّونشْثْ-أَ.
1JO 4:18 ذِي ثَايْرِي وَارْ ثتِّيڒِي ثِيڭّْوُوذِي، مَاشَا ثَايْرِي نِيشَانْ ثسُّوفُّوغْ ثِيڭّْوُوذِي، مِينْزِي ثِيڭّْوُوذِي ثتَّاسْ-د أَكْ-ذ ؤُنخْڒِيعْ. ونِّي إِتّڭّْوذنْ، وَارْ إِتِّيڒِي إِكْمڒْ ذِي ثَايْرِي.
1JO 4:19 خْ ؤُيَا أَذْ نخْسْ أَربِّي، مِينْزِي نتَّا ثُوغَا إِتّخْسْ أَنغْ ذ أَمزْوَارُو.
1JO 4:20 مَاڒَا شَا ن إِجّنْ إِقَّارْ: ”نشّْ تّخْسغْ أَربِّي!“، أَمْ إِشَارّهْ ؤُمَاسْ، أَقَا نتَّا ذ بُو-إِخَارِّيقنْ. مِينْزِي ونِّي وَارْ إِتّخْسنْ ؤُمَاسْ ونِّي إِتّْوَاڒَا، خنِّي مَامّشْ غَا يڭّْ أَذْ إِخْسْ أَربِّي ونِّي وَارْ إِتّْوِيڒِي.
1JO 4:21 أَقَا ثَاوْصيّثْ-أَ نطّفْ إِ-ت زَّايسْ، بلِّي كُوڒْ إِجّنْ إِ إِتّخْسنْ أَربِّي، أَذْ إِخْسْ ؤُڒَا ذ ؤُمَاسْ.
1JO 5:1 مَارَّا ونِّي يُومْننْ بلِّي يَاسُوع ذ لْمَاسِيحْ، أَقَا نتَّا إِتّْوَاخْڒقْ-د زِي أَربِّي، ؤُشَا مَارَّا ونِّي إِتّخْسنْ ونِّي ث-إِ-د يجِّينْ، أَذْ إِخْسْ عَاوذْ ونِّي زَّايسْ د-إِتّْوَاخڒْقنْ.
1JO 5:2 زِي مَانْ أَيَا نسّنْ بلِّي نتّخْسْ ثَارْوَا ن أَربِّي، خْمِي نتّخْسْ أَربِّي ؤُ نتّڭّْ ثِيوصَّا نّسْ.
1JO 5:3 مِينْزِي ثَا ذ ثَايْرِي ن أَربِّي، أَذْ نحْضَا ثِيوصَّا نّسْ، ؤُشَا ثِيوصَّا نّسْ وَارْ وْعَارنْثْ شَا.
1JO 5:4 مَاغَارْ مْكُوڒْ إِجّنْ إِ د-إِتّْوَاخڒْقنْ زِي أَربِّي أَذْ إِغلّبْ خْ دُّونشْثْ. ذ وَا ذ أَغْڒَابْ إِ إِتّْغلَّابنْ خْ دُّونشْثْ، أَقَا-ث ذ لْ-إِيمَانْ نّغْ.
1JO 5:5 مَانْ ونْ إِ غَا إِغلّْبنْ خْ دُّونشْثْ، مْغِيرْ ونِّي يُومْننْ بلِّي يَاسُوع ذ مِّيسْ ن أَربِّي!
1JO 5:6 ذ وَا إِ د-إِكِّينْ زڭْ وَامَانْ ذ إِذَامّنْ، يَاسُوع لْمَاسِيحْ. وَارْ د-يكِّي زڭْ وَامَانْ وَاهَا، مَاشَا زڭْ وَامَانْ ذ إِذَامّنْ.
1JO 5:7 أَرُّوحْ ذ ونِّي إِشهّْذنْ، مِينْزِي أَرُّوحْ ذ ثِيذتّْ.
1JO 5:8 أَقَا ذِينْ ثْڒَاثَا ن يِينِّي إِشهّْذنْ: أَرُّوحْ ذ وَامَانْ ذ إِذَامّنْ، ؤُشَا نِيثْنِي س ثْڒَاثَا ذڭْ إِجّنْ.
1JO 5:9 مَاڒَا نقْبڒْ شّْهَاذثْ ن إِوْذَانْ، مشْحَاڒْ ذ ثَامقّْرَانْثْ شّْهَاذثْ ن أَربِّي. ثَا ذ شّْهَاذثْ ن أَربِّي ثنِّي إِشْهذْ خْ مِّيسْ.
1JO 5:10 ونِّي يُومْننْ ذِي مِّيسْ ن أَربِّي، غَارسْ شّْهَاذثْ-أَ ذڭْ إِخفْ نّسْ. ونِّي وَارْ يُومِيننْ شَا ذِي أَربِّي، أَقَا إِڭَّا إِ-ث ذ بُو-إِخَارِّيقنْ، مِينْزِي نتَّا وَارْ يُومِينْ شَا ذِي شّْهَاذثْ ثنِّي إِوْشَا أَربِّي خْ مِّيسْ.
1JO 5:11 ؤُشَا ثَا ذ شّْهَاذثْ: أَربِّي إِوْشَا أَنغْ ثُوذَارْثْ إِتّْذُومَانْ ؤُشَا ثُوذَارْثْ نِّي أَقَا-ت ذِي مِّيسْ.
1JO 5:12 ونِّي غَارْ إِدْجَا مِّيسْ، غَارسْ ثُوذَارْثْ. ونِّي وَارْ غَارْ إِدْجِي مِّيسْ ن أَربِّي، وَارْ غَارسْ بُو ثُوذَارْثْ.
1JO 5:13 ؤُرِيغْ أَومْ-د مَانْ أَيَا، حِيمَا أَذْ ثسّْنمْ بلِّي غَارْومْ ثُوذَارْثْ إِتّْذُومَانْ، كنِّيوْ إِنِّي إِتَّامْننْ ذڭْ يِيسمْ ن مِّيسْ ن أَربِّي.
1JO 5:14 ذ ثَا ذ تِّيقّثْ ثنِّي غَارْنغْ ذَايسْ، مَاڒَا نتَّارْ زَّايسْ شَا ن ڒْحَاجّثْ عْلَاحْسَابْ مِينْ إِخْسْ نتَّا، نتَّا أَذْ غَارْنغْ إِسڒْ.
1JO 5:15 مَاڒَا نتّْوَاسّقْنعْ نِيشَانْ أَقَا أَذْ أَنغْ إِسڒْ مِينْ مَا ذ أَسْ نتَّارْ، خنِّي نتِّيقّْ بلِّي أَقَا يُوسَا-د أَنغْ مِينْ ذ أَسْ نتَّارْ.
1JO 5:16 مَاڒَا حذْ إِژْرَا ؤُمَاسْ إِخطَّا، إِجّْ ن ؤُخطُّو وَارْ إِهْذِيجنْ شَا ڒْموْثْ، أجّْ إِ-ث أَذْ إِژَّادْجْ [ذِي طّْوعْ نّسْ]، ؤُشَا أَذْ أَسْ ثمّوْشْ ثُوذَارْثْ، إِ ونِّي وَارْ إِخطِّينْ شَا أَڒْ ڒْموْثْ. أَقَا ذِينْ أَخطُّو أَڒْ ڒْموْثْ، وَارْ قَّارغْ شَا أَقَا إِتّْخصَّا أَذْ إِژَّادْجْ إِ مَانْ أَيَا.
1JO 5:17 مَارَّا ڒْمُوعْصِييّثْ، أَقَا-ت ذ دّنْبْ ؤُشَا أَقَا ذِينْ دّنْبْ إِ وَارْ إِدْجِينْ شَا أَڒْ ڒْموْثْ.
1JO 5:18 نسّنْ بلِّي كُوڒْ إِجّنْ ونِّي د-إِتّْوَاخڒْقنْ زِي أَربِّي، وَارْ إِخطِّي شَا، مِينْزِي ونِّي د-إِتّْوَاخڒْقنْ زِي أَربِّي أَذْ إِحْضَا إِخفْ نّسْ ؤُ أَمْعفَّانْ وَارْ ث إِتّْحِيذِي.
1JO 5:19 نسّنْ، أَقَا أَنغْ زِي أَربِّي ؤُشَا دُّونشْثْ مَارَّا أَقَا-ت ذڭْ [إِفَاسّنْ ن] ؤُمْعفَّانْ.
1JO 5:20 نسّنْ بلِّي مِّيسْ ن أَربِّي أَقَا يُوسَا-د ؤُشَا إِوْشَا أَنغْ-د ڒفْهَامثْ حِيمَا أَذْ نسّنْ ونِّي إِدْجَانْ ذ ثِيذتّْ ؤُ حِيمَا أَذْ نِيڒِي ذڭْ ونِّي ذ ثِيذتّْ، ذِي مِّيسْ يَاسُوع لْمَاسِيحْ. ذ وَا ذ أَربِّي س ثِيذتّْ ذ ثُوذَارْثْ إِتّْذُومَانْ.
1JO 5:21 أَ إِحنْجِيرنْ إِنُو، حْضَامْ إِخفْ نْومْ زڭْ وعْبذْ ن لْ-أَصْنَامْ!
2JO 1:1 أَمْغَارْ، إِ ثْمطُّوثْ إِتّْوَافَارْزنْ ذ ثَارْوَا نّسْ، إِنِّي تّخْسغْ ذِي ثِيذتّْ، وَارْ إِدْجِي نشّْ وَاهَا، مَاشَا عَاوذْ قَاعْ إِنِّي إِسّْننْ ثِيذتّْ،
2JO 1:2 ذِي طّْوعْ ن ثِيذتّْ إِ ذَايْنغْ إِزدّْغنْ ؤُشَا أَذْ كِيذْنغْ ثِيڒِي إِ ڒبْذَا:
2JO 1:3 أَرْضَا ذ أَرّحْمثْ ذ ڒهْنَا أَذْ كِيذْنغْ إِڒِينْ زِي أَربِّي، بَابَاثْنغْ، ؤُ زِي سِيذِيثْنغْ يَاسُوع لْمَاسِيحْ، مِّيسْ ن بَابَاسْ، ذِي ثِيذتّْ ؤُ ذِي ثَايْرِي.
2JO 1:4 أَقَا فَارْحغْ أَطَّاسْ ؤُمِي ؤُفِيغْ جَارْ ثَارْوَا نّمْ شَا إِنِّي إِڭُّورنْ ذِي ثِيذتّْ، أَمْ مَامّشْ ثَاوْصيّثْ نِّي نكْسِي زِي بَابَاثْنغْ.
2JO 1:5 ؤُشَا ڒخُّو تّتَّارغْ أَمْ، [أَ] ثَامطُّوثْ، وَارْ إِدْجِي أَخْمِي ذ أَمْ ؤُرِيغْ ثَاوْصيّثْ ن جْذِيذْ، مَاشَا ثنِّي أَقَا-ت غَارْنيْ زڭْ ؤُمزْوَارُو: أجّْ أَنغْ أَذْ نخْسْ أَيَاوْيَا.
2JO 1:6 ثَا ذ ثَايْرِي، أَقَا أَذْ نُويُورْ عْلَاحْسَابْ ثِيوصَّا نّسْ. ثَا ذ ثَاوْصيّثْ أَمْ مَامّشْ إِ ثسْڒِيمْ زڭْ ؤُمزْوَارُو، أَقَا إِتّْخصَّا أَذْ ثُويُورمْ ذَايسْ.
2JO 1:7 مِينْزِي أَطَّاسْ ن إِخدَّاعنْ ؤُذْفنْ غَارْ دُّونشْثْ، إِنِّي وَارْ إِشهّْذنْ شَا إِ ثْوَاسِيثْ ن يَاسُوع لْمَاسِيحْ ذِي دَّاثْ. ذ وَا ذ أَخدَّاعْ ذ أَمْضِيدّْ ن لْمَاسِيحْ.
2JO 1:8 حْضَامْ إِخفْ نْومْ، حِيمَا وَارْ ثْخسَّارمْ شَا مِينْ خفْ ثْخذْممْ كنِّيوْ، مَاشَا أَذْ ثَاوْيمْ ڒْمُونثْ ثْمُونْ.
2JO 1:9 مَارَّا ونِّي إِ غَا إِخْضَانْ ؤُشَا وَارْ إِقِّيمْ شَا ذِي ثْغُورِي ن لْمَاسِيحْ، وَارْ غَارسْ بُو أَربِّي ذڭْ يِيخفْ نّسْ. ونِّي إِ غَا إِقِّيمنْ ذِي ثْغُورِي نّسْ، أَقَا غَارسْ بَابَاسْ ذ مِّيسْ
2JO 1:10 مَاڒَا يُوسَا-د غَارْومْ شَا ن إِجّنْ ؤُشَا وَارْ د-يِيوِي شَا ثَاغُورِي-يَا، خنِّي وَارْ ث قبّْڒمْ ذِي ثَادَّارْثْ [نْومْ]، وَارْ زَّايسْ أَرحّْبمْ.
2JO 1:11 مِينْزِي ونِّي خَاسْ إِ غَا يَارحّْبنْ، غَارسْ أَمُونِي أَكْ-ذ ڒخْذَايمْ نّسْ ثِيعفَّانِينْ.
2JO 1:12 أَقَا غَارِي أَطَّاسْ إِ ذ أَومْ غَا أَرِيغْ، مَاشَا ثُوغَا وَارْ خْسغْ أَذْ ث أَرِيغْ ذِي ثوْرِيقْثْ س سّْمخْ، مَاشَا سِّيثِيمغْ أَذْ غَارْومْ د-أَسغْ، حِيمَا أَذْ كِيومْ سِّيوْڒغْ زڭْ ؤُقمُّومْ غَارْ ؤُقمُّومْ، حِيمَا ڒفْرَاحثْ نّغْ أَذْ ثِيڒِي ثكْمڒْ.
2JO 1:13 ثَارْوَا ن ؤُتْشْمَامْ إِتّْوَافَارْزنْ، تّْسدْجَامنْ خَامْ س ڒهْنَا. أَمِينْ.
3JO 1:1 أَمْغَارْ، إِ خَايُوسْ إِعِيزّنْ، ونِّي تّخْسغْ ذِي ثِيذتّْ.
3JO 1:2 أَ أَمْعِيزّْ نّغْ، سِّيثِيمغْ أَذْ ثِيڒِيذْ مْلِيحْ ذِي مَارَّا ؤُ أَذْ ثِيڒِي ؤُڒَا ذ صّحّثْ نّشْ مْلِيحْ، أَمْ مَامّشْ إِتِّيڒِي ڒعْمَارْ نّشْ ذ لمْلِيحْ.
3JO 1:3 مِينْزِي فَارْحغْ أَطَّاسْ، ڒَامِي د-ؤُسِينْ وَاوْمَاثنْ، شهْذنْ خْ ڒَامَانْ إِ ذَايكْ، مَامّشْ ثڭُّورذْ ذِي ثِيذتّْ.
3JO 1:4 وَارْ غَارِي ڒفْرَاحثْ ثمْغَارْ خْ ثَا: أَقَا سْڒِيغْ ثَارْوَا إِنُو ڭُّورنْ ذِي ثِيذتّْ.
3JO 1:5 أَ أَمْعِيزّْ نّغْ، مَارَّا مِينْ ثتّڭّذْ إِ وَاوْمَاثنْ، ثتّڭّذْ ث س لْ-إِيمَانْ، ذ أَمزْوَارُو إِ إِبَارَّانِييّنْ،
3JO 1:6 إِنِّي إِشهْذنْ خْ ثَايْرِي نّشْ قِيبَاتْشْ إِ ثْمسْمُونْثْ مَارَّا. ثڭِّيذْ مْلِيحْ ؤُمِي ذ أَسنْ ثوْشِيذْ أَفُوسْ ذِي مِينْ هْذَاجنْ نِيثْنِي، أَمْ مَامّشْ يَارْضَا أَربِّي،
3JO 1:7 مِينْزِي نِيثْنِي فّْغنْ خْ سِّيبّثْ ن يِيسمْ نّسْ، أَمْ وَارْ كْسِينْ وَالُو زِي ڒڭْنُوسْ.
3JO 1:8 س ؤُينِّي إِتّْخصَّا أَذْ نقْبڒْ [إِوْذَانْ] أَمْ نِيثْنِي، حِيمَا أَذْ نِيڒِي ذ إِمْسخَّارنْ أَكِيذْسنْ إِ ثِيذتّْ.
3JO 1:9 نشّْ ثُوغَا خْسغْ أَذْ أَرِيغْ إِ ثْمسْمُونْثْ، مَاشَا ذِييُوثْرِيفُو، ونِّي إِتّخْسنْ أَذْ يِيڒِي ذ أَمزْوَارُو جَارْ أَسنْ، وَارْ ذ أَنغْ إِقْبِيڒْ شَا.
3JO 1:10 س ؤُينِّي خْمِي د غَا يَاسغْ، أَذْ ث سّْعقْڒغْ ذِي ڒخْذَايمْ إِ إِتّڭّْ، ؤُمِي خَانغْ إِتّْحَارّضْ ڒهْرُوذْ ثِيعفَّانِينْ. ؤُ ڒَامِي وَارْ ذ أَسْ إِعْجِيبْ ڒْحَارْ عَاذْ، وَارْ إِقْبِيڒْ أَوْمَاثنْ، ؤُ إِنِّي ثنْ قبْڒنْ، إِمّْعَاڒَا أَكِيذْسنْ، إِسُّوفّغْ إِ-ثنْ زِي ثْمسْمُونْثْ.
3JO 1:11 أَ أَمْعِيزّْ، وَارْ ضفَّارْ شَا ثُوعفّْنَا مَاشَا ثْشُونِي! ونِّي إِتّڭّنْ ثْشُونِي، نتَّا زِي أَربِّي. ونِّي إِتّڭّنْ ثُوعفّْنَا، وَارْ إِژْرِي شَا أَربِّي.
3JO 1:12 مَارَّا شهْذنْ مْلِيحْ خْ ذِيمِيثْرِييُو ڒَا ذ ثْمسْمُونْثْ ؤُڒَا ذ ثِيذتّْ سِيمَانْثْ نّسْ. ؤُڒَا ذ نشِّينْ نْشهّذْ [خَاسْ] مْلِيحْ ؤُشَا ثسّْنمْ بلِّي شّْهَاذثْ نّغْ ذ ثِيذتّْ.
3JO 1:13 أَقَا غَارِي أَطَّاسْ إِ ذ أَشْ د غَا أَرِيغْ، مَاشَا وَارْ خْسغْ شَا أَذْ أَشْ د-أَرِيغْ س سّْمخْ ذ ڒقْڒمْ،
3JO 1:14 مَاشَا سِّيثِيمغْ أَذْ شكْ ژَترغْ ذغْيَا، [خنِّي] أَذْ نسِّيوڒْ زڭْ وُوذمْ غَارْ وُوذمْ.
3JO 1:15 ڒهْنَا أَذْ يِيڒِي أَكِيذكْ. إِمدُّوكَّاڒْ تّْسدْجَامنْ خَاكْ س ڒهْنَا. سدْجمْ خْ إِمدُّوكَّاڒْ س إِسْمَاونْ نْسنْ.
JUD 1:1 يَاهُوذَا، أَمْسخَّارْ ن يَاسُوع لْمَاسِيحْ، ذ ؤُمَاسْ ن يَاعْقُوبْ. إِ ڒڭْنُوسْ إِتّْوَاڒَاغَانْ، إِنِّي إِتّْوَاعِيزّنْ زِي أَربِّي، بَابَاثْنغْ، ذ إِنِّي إِتّْوَاحْضَانْ زِي يَاسُوع لْمَاسِيحْ.
JUD 1:2 إِڒِي أَذْ غَارْومْ ثمَّارْنِي أَرّحْمثْ ذ ڒهْنَا ذ ثَايْرِي.
JUD 1:3 [أَ] إِمْعِيزّنْ إِنُو، ؤُمِي شطَّارغْ مَاحنْذْ أَذْ أَومْ د-أَرِيغْ خْ ثُوذَارْثْ نّغْ إِمُوننْ، أَقَا ؤُفِيغْ بلِّي إِتّْخصَّا أَيِي أَذْ أَومْ د-أَرِيغْ س ؤُزِييَّارْ، حِيمَا أَذْ ثمّنْغمْ س جّهْذْ خْ لْ-إِيمَانْ إِ إِمّوْشنْ إِشْثْ ن ثْوَاڒَا [إِ ڒبْذَا] إِ إِمْقدَّاسنْ.
JUD 1:4 مِينْزِي شَا ن إِوْذَانْ خْثُوتّْڒنْ غَارْ ذَاخڒْ، إِنِّي ثُوغَا إِتّْوَازمّمنْ إِ ڒْحُوكْمْ-أَ قْبڒْ: أَقَا نِيثْنِي ذ إِعفَّاننْ، إِنِّي إِبدّْڒنْ أَرْضَا ن أَربِّي نّغْ ذڭْ إِجّْ ن نّْعِي ن ؤُفُوشّحْ، ؤُشَا نكَّارنْ أَينِّي ن سِيذِي أَربِّي ذ سِيذِيثْنغْ يَاسُوع لْمَاسِيحْ.
JUD 1:5 مَاشَا خْسغْ أَذْ كنِّيوْ سّْعقْڒغْ، أَقَا مَارَّا كنِّيوْ ثسّْنمْ مَانْ أَيَا مْلِيحْ، بلِّي أَربِّي، ؤُمِي إِفكّْ ڒْڭنْسْ زِي ثمُّورْثْ ن مِيصْرَا، ثُوغَا إِسّْهلّكْ أَوَارْنِي مَانْ أَيَا إِنِّي وَارْ يُومِيننْ شَا.
JUD 1:6 ؤُشَا لْمَالَاكَاثْ نِّي وَارْ حْضِينْثْ أَوقَّارْ نْسنْ أَمزْوَارُو، مَاشَا جِّينْثْ ثَازذِّيغْثْ نْسنْ، أَقَا نتَّا إِحْضَا خَاسنْ س سّْنَاسڒْ وَارْ إِتّْوِيڒِينْ سَاذُو ثَادْجسْثْ إِ ڒْحُوكْمْ ن وَاسّْ أَمقّْرَانْ،
JUD 1:7 أَمْ مَامّشْ سَاذُومْ ذ عَامُورَّا ذ ثْندَّامْ إِ ذ أَسْ د-إِنّْضنْ، مَانِي ڭِّينْ نِيثْنِي فَارْقْ-شّْغڒْ س وبْرِيذْ ذ إِجّنْ أَمْ ڭِّينْثْ ثِينَا [س ثْنَاينْ] ؤُ ضْفَارنْثْ دَّاثْ نّغْنِي، أَقَا تّْوَامَّارْسنْثْ ذ إِمذْيَا ن ثْمسِّي إِتّْذُومَانْ، تّْوَاحكْمنْثْ غَارْ شّْرعْ.
JUD 1:8 أَمنِّي عَاوذْ [إِ غَا هلّْكنْ] إِنَا، إِنِّي إِسّخْمَاجنْ دَّاثْ أَمْ د-تَّاذْفنْ ذِي ثِيرْجَا، إِنِّي إِمّنْضَارنْ صُّولْطَا [ن إِجنْوَانْ] ؤُشَا تّْشقَّافنْ ذڭْ ؤُعُودْجِي [نّسْ].
JUD 1:9 مَاشَا ڒَامِي ثُوغَا إِسَّاوَاڒْ مِيخَايِيلْ، أَزدْجِيفْ ن لْمَالَاكَاثْ، أَكْ-ذ إِبْڒِيسْ خْ أَرِّيمثْ ن مُوسَا، وَارْ خَاسْ إِحْكِيمْ س إِجّْ ن ڒْحُوكْمْ إِتّْشقَّافنْ، مَاشَا إِنَّا: ”سِيذِي أَذْ شكْ إِخدْجصْ!“
JUD 1:10 مَاشَا إِنَا تّْشقَّافنْ ذِي مَارَّا مِينْ وَارْ سِّيننْ، ؤُشَا س ثْمسْڒَايِينْ إِ غَارْ تّْوَاجبّْذنْ نِيثْنِي أَمْ إِمُودَّارنْ إِڭْنَاونْ عْلَاحْسَابْ طّْبِيعثْ نْسنْ، أَقَا أَردّْدْجنْ نِيثْنِي إِخفْ نْسنْ.
JUD 1:11 ؤُشْثْ خَاسنْ، مِينْزِي نِيثْنِي ؤُيُورنْ أَبْرِيذْ ن قَايِينْ ؤُشَا ؤُمِي تّْمژْرنْ ذِي ڒْمُونثْ ضْفَارنْ نِيثْنِي أَغكّْوِي ن بَالْعَامْ ؤُ تّْوَاهلْكنْ ذڭْ ؤُغوّغْ ن كُورَاخْ.
JUD 1:12 إِنَا ذ إِنِّي إِسّْفطَّاحنْ إِخفْ نْسنْ س ؤُنشْوثْ نْسنْ، وَارْ تّْسضْحِينْ شَا أَذْغبَّانْ. أَقَا أَثنْ ذ إِسيْنُوثنْ بْڒَا أَنْژَارْ، تّْوَاعَارّْننْ زِي سَّا غَارْ ذِيهَا س ؤُسمِّيضْ، أَقَا أَثنْ ذ ثِيشجُّورَا نِّي ذِي ثدْجَا ڒْغِيدْجثْ نْسنْثْ ثْودَّارْ، أَقَا وَارْ ذَايْسنْثْ ثدْجِي بُو ڒْغِيدْجثْ، مُّوثنْثْ وِيسّْ مَارْثَاينْ ؤُشَا تّْوَاقڒْعنْثْ زڭْ إِژوْرَانْ نْسنْثْ.
JUD 1:13 نِيثْنِي ذ ڒمْوَاجْ ن ڒبْحَارْ إِهَاجنْ، إِنِّي إِسُّوسُوفنْ إِكُوفَّانْ ن ڒفْضِيحثْ نْسنْ، أَقَا أَثنْ ذ إِثْرَانْ ودَّارنْ، إِنِّي ؤُمِي ثتّْوَاسّوْجذْ ثُوبَّارْشنْثْ ن ثَادْجسْثْ إِ ڒبْذَا.
JUD 1:14 مَاشَا حَانُوخْ، ونِّي ذ وِيسّْ سبْعَا زِي أَذَامْ، إِنبَّا خَاسنْ، إِنَّا: ”خْزَارْ، سِيذِي أَذْ د-يَاسْ أَكْ-ذ ڒُوڒُوفْ ن ڒُوڒُوفْ ن إِمْقدَّاسنْ نّسْ،
JUD 1:15 حِيمَا أَذْ إِڭّْ ڒْحُوكْمْ نّسْ خْ مَارَّا إِوْذَانْ زِي سِّيبّثْ ن مَارَّا ثِيمڭَّا ن يِينِّي إِڭِّينْ ثُوعفّْنَا، ؤُ زِي سِّيبّثْ ن وَاوَاڒنْ إِقسْحنْ إِ زِي سِّيوْڒنْ إِمذْنَابْ إِغشَّاشنْ.“
JUD 1:16 إِنَا تّْعكَّاسنْ، تّْشثْشَانْ خْ كُوڒْ دَّابْ ن سِّيبّثْ، أَمْ ڭُّورنْ غَارْ نّشْوَاثْ نْسنْ، أَقمُّومْ نْسنْ إِسَّاوَاڒْ س ثْمسْڒَايِينْ ثِيعفَّانِينْ أَڒْ طَّارْفْ، تّڭّنْ ثِيقدُّوحِينْ إِ إِوْذَانْ إِ ثِيزِي ن يِيخفْ نْسنْ.
JUD 1:17 مَاشَا كنِّيوْ، [أَ] إِمْعِيزّنْ إِنُو،عقْڒمْ أَوَاڒنْ إِ إِزَّارْ سِّيوْڒنْ [زَّايْسنْ] رُّوسُولْ ن سِيذِيثْنغْ يَاسُوع لْمَاسِيحْ،
JUD 1:18 إِنِّي ذ أَومْ إِنَّانْ، أَقَا ذڭْ ؤُنڭَّارْ ن زّْمَانَاثْ أَذْ ذِينْ إِڒِينْ إِمسْثهْزَاينْ، إِنِّي إِ غَا إِضْفَارنْ ڒقْجَاهثْ عْلَاحْسَابْ نّشْوَاثْ نْسنْ.
JUD 1:19 أَقَا ذ يِينَا ذ إِنِّي إِفَارّْزنْ إِخفْ نْسنْ أَمْ إِوْذَانْ إِضفَّارنْ طّْبِيعثْ ن يِيخفْ نْسنْ، مِينْزِي وَارْ غَارْسنْ بُو أَرُّوحْ.
JUD 1:20 مَاشَا كنِّيوْ، [أَ] إِمْعِيزّنْ إِنُو، تّْوَابْنَامْ زڭْ ؤُزدْجِيفْ ذِي لْ-إِيمَانْ نْومْ إِقدّْسنْ س أَرُّوحْ إِقدّْسنْ، أَمْ ثژَّادْجَامْ.
JUD 1:21 أجّْ أَنغْ أَذْ نحْضَا إِخفْ نّغْ ذِي ثَايْرِي ن أَربِّي أَمْ نتّْرَاجَا أَرّحْمثْ ن سِيذِيثْنغْ يَاسُوع لْمَاسِيحْ إِ ثُوذَارْثْ نّغْ إِتّْذُومَانْ.
JUD 1:22 قڒْعمْ شَا زَّايْسنْ زِي ثْمسِّي.
JUD 1:23 مَاڒَا ثُوبنْ نِيثْنِي، سشْنمْ أَسنْ أَرّحْمثْ، مَاشَا أَكْ-ذ ثِيڭّْوُوذِي، [وَاهْ،] عِيفّمْ عَاذْ زِي ثْشَامِيرْ إِ إِتّْوَاسّْخمْجنْ زڭْ ويْسُومْ.
JUD 1:24 مَاشَا إِ نتَّا، ونِّي إِزمَّارنْ أَذْ أَنغْ إِحْضَا بْڒَا أَنقْڒَاضْ ؤُ بْڒَا ڒخْمجْ ؤُ [ونِّي] أَذْ [أَنغْ] يڭّْ أَذْ نْبدّْ نِيشَانْ بْڒَا ڒْعِيبْ زَّاثْ إِ ؤُعُودْجِي نّسْ س ڒفْرَاحثْ
JUD 1:25 - أَقَا نتَّا ذ أَربِّي وحّْذسْ، أَمْسنْجمْ نّغْ - أَقَا إِ نتَّا د-إِتَّاسْ ؤُسمْغَارْ ذ ڒْعزّْ ذ شَّانْ ذ لْعَاضَامَا، أَمْ ڒخُّو أَمْ إِ ڒبْذَا قَاعْ. أَمِينْ.
REV 1:1 أَسَارْڭَابْ ن يَاسُوع لْمَاسِيحْ إِ ذ أَسْ إِوْشَا أَربِّي، حِيمَا أَذْ إِسّْشنْ إِ إِمْسخَّارنْ نّسْ مِينْ إِتّْخصَّا أَذْ إِمْسَارْ ذغْيَا، ؤُشَا إِسَّارْڭبْ إِ-ث أَمْ ث إِسّكّْ س [ؤُفُوسْ ن] لْمَالَاكْ نّسْ إِ ؤُمْسخَّارْ نّسْ يُوحَانَّا.
REV 1:2 وَانِيثَا إِشْهذْ خْ وَاوَاڒْ ن أَربِّي ؤُ زِي شّْهَاذثْ ن يَاسُوع لْمَاسِيحْ ؤُ زِي مَارَّا مِينْ إِژْرَا،
REV 1:3 سّعْذْ ن ونِّي إِقَّارنْ ذ يِينِّي إِتّسْڒَانْ أَوَاڒنْ ن نُّوبُووَا-يَا ؤُ قِّيمنْ تّطّْفنْ ذِي مِينْ ذَايْسنْ يُورَانْ، مَاغَارْ أَقَا ڒْوقْثْ ثِيوضْ-د.
REV 1:4 يُوحَانَّا، إِ سبْعَا ن ثْمسْمُونِينْ ذِي أَسِييَا: أَذْ كِيذْومْ يِيڒِي أَرْضَا ذ ڒهْنَا زڭْ ونِّي إِدْجَانْ ذ ونِّي ثُوغَا ذ ونِّي د غَا يَاسنْ، ؤُڒَا زِي سبْعَا ن أَرُّوحَاثْ نِّي إِدْجَانْ زَّاثْ إِ ڒْعَارْشْ نّسْ،
REV 1:5 ؤُ زِي يَاسُوع لْمَاسِيحْ، أَشهَّاذْ أَمْثِيقِّي، أَمنْزُو ن إِمتِّيننْ ذ أَمقّْرَانْ ن إِجدْجِيذنْ ن ثمُّورْثْ. [إِ] ونِّي ذ أَنغْ إِتّخْسنْ ؤُ ذ أَنغْ إِفكّنْ زِي دّْنُوبْ نّغْ س إِذَامّنْ نّسْ،
REV 1:6 ذ ونِّي يَارّْ أَنغْ ذ إِشْثْ ن ثَاڭلْذَا ن إِكهَّاننْ غَارْ أَربِّي ذ بَابَاسْ، إِ نتَّا أَذْ غَارسْ يِيڒِي ؤُعُودْجِي ذ صُّولْطَا إِ ڒبْذَا قَاعْ. أَمِينْ!
REV 1:7 خْزَارْ، نتَّا أَذْ د-يَاسْ أَكْ-ذ إِسيْنُوثنْ، كُوڒْ ثِيطّْ أَذْ ث ثْژَارْ، ؤُڒَا ذ إِنِّي ث إِسّْنُوقّْبنْ. مَارَّا ثِيقبَّاڒْ ن ثمُّورْثْ أَذْ خَاسْ وْثنْثْ أَڭجْذُورْ. وَاهْ، أَمِينْ!
REV 1:8 نشّْ ذ أَلِيفْ ذ ثَاوْ، [أَمزْوَارُو ذ ؤُنڭَّارُو]، إِقَّارْ سِيذِي أَربِّي، ذ ونِّي إِدْجَانْ ذ ونِّي ثُوغَا ذ ونِّي د غَا يَاسنْ، أَمْزمَّارْ خْ كُوڒْشِي.
REV 1:9 نشّْ، يُوحَانَّا، ؤُمَاثْومْ ذ ؤُمْعَاشَارْ نْومْ ذِي ڒْمحْنثْ ؤُ ذِي صّْبَارْ نِّي إِدْجَانْ ذِي يَاسُوع، ثُوغَا أَيِي ذِي ثڭْزِيرْثْ قَّارنْ أَسْ بَاثْمُوسْ ذِي طّْوعْ ن وَاوَاڒْ ن أَربِّي ذ شّْهَاذثْ ن يَاسُوع لْمَاسِيحْ.
REV 1:10 ؤُسِيغْ-د ذِي أَرُّوحْ ذڭْ وَاسّْ أَمزْوَارُو ن سِّيمَانَا ؤُشَا سْڒِيغْ أَوَارْنِي أَيِي إِشْثْ ن ثْمِيجَّا ثجْهذْ أَمْ ؤُسُوضِي ذڭْ ؤُيِيشّْ ن ؤُشَارِّي،
REV 1:11 ثقَّارْ: ”مِينْ ثتّْوَاڒِيذْ، أَرِي ث ذڭْ إِجّْ ن وذْلِيسْ [إِتّْوَانْضنْ]، سّكّْ إِ-ت-إِ-د إِ سبْعَا ن ثْمسْمُونِينْ: غَارْ أَفَاسُوسْ، غَارْ سْمِيرْنَا، غَارْ بِيرْغَامُوسْ، غَارْ ثِييَاثِيرَا، غَارْ سَارْذِيسْ، غَارْ فِيلَاذِيلْفِييَا ؤُشَا غَارْ لَايُوذِيكِييَا.“
REV 1:12 خنِّي نّْقڒْبغْ، حِيمَا أَذْ سّْنغْ وِي كِيذِي إِسَّاوَاڒنْ. أَڒَامِي نّْقڒْبغْ، ژْرِيغْ سبْعَا ن ڒقْنَاذڒْ ن وُورغْ.
REV 1:13 ذِي ڒْوسْطْ ن ڒقْنَاذڒْ إِجّنْ أَمْ مِّيسْ ن بْنَاذمْ، ثُوغَا يَارْضْ أَپَالْطُو [ن ؤُكهَّانْ] ؤُ غَارسْ إِجّْ ن وبْيَاسْ ن وُورغْ خْ إِذْمَارنْ.
REV 1:14 أَزدْجِيفْ نّسْ ذ ؤُشُووَّافْ نّسْ ثُوغَا أَثنْ ذ إِشمْڒَاڒنْ أَمْ ثَاضُوفْثْ، أَمْ وذْفڒْ، ؤُشَا ثِيطَّاوِينْ نّسْ أَمْ يِيحُوذَاقْ ن ثْمسِّي،
REV 1:15 إِضَارنْ نّسْ أَمْ نّْحَاسْ زِي لُوبْنَانْ، إِحْمَانْ ذڭْ ؤُفَارَّانْ، ؤُ ڒْحسّْ نّسْ أَمْ ڒْحسّْ ن وَاطَّاسْ ن وَامَانْ.
REV 1:16 ثُوغَا غَارسْ ذڭْ ؤُفُوسْ نّسْ أَفُوسِي سبْعَا ن يثْرَانْ ؤُشَا زڭْ ؤُقمُّومْ نّسْ إِتّفّغْ-د زَّايسْ لَانْسَا إِقْضعْ ؤُشَا أَغمْبُوبْ نّسْ أَمْ ثْفُوشْثْ س جّهْذْ نّسْ.
REV 1:17 أَڒَامِي ث ژْرِيغْ، وْضِيغْ أَسْ غَارْ إِضَارنْ نّسْ أَخْمِي مُّوثغْ ؤُشَا نتَّا إِسَّارْسْ خَافِي أَفُوسْ نّسْ أَفُوسِي، إِنَّا: ”وَارْ تّڭّْوذْ شَا! أَقَا نشّْ ذ أَمزْوَارُو ذ ؤُنڭَّارُو،
REV 1:18 نشّْ ذ ونِّي إِدَّارنْ، ؤُ نشّْ ثُوغَا مُّوثغْ، ؤُ خْزَارْ، أَقَا نشّْ ذ ونِّي إِدَّارنْ إِ ڒبْذَا قَاعْ! أَقَا غَارِي ثْسَارُوثْ ن ڒْموْثْ ذ ڒَاخَارْثْ.
REV 1:19 س ؤُينِّي أَرِي مِينْ ثژْرِيذْ ؤُڒَا ذ ثِيمسْڒَايِينْ نِّي إِدْجَانْ ذ ثِيمسْڒَايِينْ نِّي إِ غَا إِمْسَارنْ أَوَارْنِي مَانْ أَيَا.
REV 1:20 أَقَا سِّيرّْ ن سبْعَا ن إِثْرَانْ إِ ثژْرِيذْ ذڭْ ؤُفُوسْ إِنُو أَفُوسِي ؤُ [سِّيرّْ] ن سبْعَا ن ڒقْنَاذڒْ ن وُورغْ ذ وَا: سبْعَا ن إِثْرَانْ أَقَا أَثنْ ذ لْمَالَاكَاثْ ن سبْعَا ن ثْمسْمُونِينْ ؤُشَا سبْعَا ن ڒقْنَاذڒْ، أَقَا أَثنْ ذ سبْعَا ن ثْمسْمُونِينْ.“
REV 2:1 أَرِي إِ لْمَالَاكْ ذِي ثْمسْمُونْثْ ن أَفَاسُوسْ! ”أَمُّو إِ إِقَّارْ ونِّي غَارْ إِدْجَا سبْعَا ن إِثْرَانْ ذڭْ ؤُفُوسْ نّسْ، ونِّي إِڭُّورنْ ذِي ڒْوسْطْ ن سبْعَا ن ڒقْنَاذڒْ ن وُورغْ:
REV 2:2 ’نشّْ سّْنغْ ڒخْذَايمْ نّشْ ذ وَارْبَارْ نّشْ ذ صّْبَارْ نّشْ، بلِّي وَارْ ثْزمَّارذْ أَذْ ثْحمْڒذْ إِنِّي إِعفّْننْ ؤُشَا ثْقدْجْبذْ إِنِّي إِتّڭّنْ إِخفْ نْسنْ ذ رُّوسُولْ، مَاشَا وَارْ دْجِينْ شَا، ؤُشَا ثُوفِيذْ ثنْ ذ أَيْثْ ن بُو-إِخَارِّيقنْ.
REV 2:3 شكْ ثْصبَّارذْ ؤُ ثكْسِيذْ أَرْمحْ خْ سِّيبّثْ ن يِيسمْ إِنُو ؤُ وَارْ ثُوحِيڒذْ شَا.
REV 2:4 مَاشَا غَارِي خَاكْ شَا، بلِّي ثجِّيذْ ثَايْرِي نّشْ ثَامزْوَارُوثْ.
REV 2:5 عْقڒْ مَانِيسْ-د ثوْضِيذْ ؤُشَا ثُوبْ، خنِّي أڭّْ ڒخْذَايمْ ثِيمزْوُورَا! مَاڒَا وَارْ إِدْجِي أَمنِّي، أَذْ غَاركْ د-أَسغْ ذغْيَا، أَذْ كسّغْ ڒْقنْذِيڒْ نّشْ، مَاڒَا وَارْ ثتُّوبذْ شَا.
REV 2:6 مَاشَا مَانْ أَيَا ثِيوْضذْ، أَقَا ثْشَارّْهذْ ڒخْذَايمْ ن أَيْثْ ن إِنِيكُولَايِيثنْ، ثِينِّي شَارّْهغْ ؤُڒَا ذ نشّْ.
REV 2:7 ونِّي غَارْ دْجَانْ إِمزُّوغنْ، أجّْ إِ-ث أَذْ إِسڒْ مِينْ إِقَّارْ أَرُّوحْ إِ ثْمسْمُونِينْ. ونِّي إِ غَا إِغلّْبنْ أَذْ ث سّشّغْ زِي ثْشجَّارْثْ ن ثُوذَارْثْ إِ يدْجَانْ ذِي جّنّثْ ن أَربِّي.‘ “
REV 2:8 أَرِي إِ لْمَالَاكْ ن ثْمسْمُونْثْ ن سْمِيرْنَا! ”أَمُّو إِ إِقَّارْ ونِّي ذ أَمزْوَارُو ذ ؤُنڭَّارُو، ونِّي إِمُّوثنْ ؤُشَا إِدَّارْ:
REV 2:9 ’أَقَا سّْنغْ ڒْمحْنثْ نّشْ ذ وزْڒَاضْ نّشْ، قَاعْ أَمنِّي شكْ ثتّجَّارذْ، ؤُ [أَقَا-يِي سّْنغْ] ؤُڒَا ذ أَشقّفْ ن يِينِّي إِقَّارنْ أَقَا أَثنْ ذ ؤُذَاينْ س ثِيذتّْ، مَاشَا نِيثْنِي وَارْ دْجِينْ شَا [ذ ؤُذَاينْ]، مَاشَا ذ ثَامْزِيذَا ن شِّيطَانْ.
REV 2:10 وَارْ تّڭّْوذْ شَا زِي مِينْ غَا ثتّْوَاعدّْبذْ. أَقَا إِبْڒِيسْ أَذْ إِنْضَارْ [شَا] زَّايْومْ ذِي ڒحْبسْ، حِيمَا أَذْ ثتّْوَاجَارّْبمْ. أَذْ غَارْومْ ثِيڒِي ڒْمحْنثْ نعشْرَا ن وُوسَّانْ. إِڒِيمْ ذ إِمْثِيقَّانْ أَڒْ ڒْموْثْ، ڒخْذنِّي أَذْ أَومْ وْشغْ تَّاجْ ن ثُوذَارْثْ.
REV 2:11 ونِّي غَارْ دْجَانْ إِمزُّوغنْ، أجّْ إِ-ث أَذْ إِسڒْ مِينْ إِقَّارْ أَرُّوحْ إِ ثْمسْمُونِينْ. ونِّي إِ غَا إِغلّْبنْ وَارْ ذ أَسْ د-ثتِّيوِي شَا ثْخسَّارْثْ زِي ڒْموْثْ وِيسّْ ثْنَاينْ.‘ “
REV 2:12 أَرِي إِ لْمَالَاكْ ذِي ثْمسْمُونْثْ ن بِيرْغَامُوسْ! ”أَمُّو إِ إِقَّارْ ونِّي غَارْ إِدْجَا سِّيفْ إِقْضعْ خْ ثْنَاينْ ن وُوذْمَاونْ:
REV 2:13 ’نشّْ سّْنغْ مَانِي ثْزدّْغذْ، [ذِيهَا مَانِي إِتّْبدَّا] ڒْعَارْشْ ن شِّيطَانْ. أَقَا ثقِّيمذْ ثطّْفذْ ذڭْ يِيسمْ إِنُو ؤُشَا وَارْ ثنْكَارذْ شَا لْ-إِيمَانْ ذَايِي، ؤُشَا ذڭْ وُوسَّانْ ؤُمِي ثُوغَا شكْ ثتّْمنْغذْ [جْمِيعْ] أَكْ-ذ ؤُشهَّاذْ أَمْثِيقِّي إِنُو ذِي طّْوعْ ن مَارَّا إِشهَّاذنْ إِنُو إِمْثِيقَّانْ، أَقَا إِتّْوَانغْ نتَّا جَارْ أَومْ.
REV 2:14 مَاشَا غَارِي خَاكْ شَا، مِينْزِي غَاركْ ذِينِّي [شَا] إِنِّي إِتّطّْفنْ ذڭْ ؤُسڒْمذْ ن بَالْعَامْ، ونِّي ثُوغَا إِسّْڒمْذنْ إِ بَالَاكْ مَامّشْ غَا إِنْضَارْ ثَاعنْكْرِيفْثْ إِ أَيْثْ ن إِسْرَائِيل، حِيمَا أَذْ شّنْ زِي مِينْ غَارْصنْ إِ لْ-أَصْنَامْ ؤُشَا أَذْ سفْسَّاذنْ إِخفْ نْسنْ.
REV 2:15 غَاركْ ذِينْ عَاوذْ [شَا] إِنِّي إِتّطّْفنْ ذِي ثْغُورِي ن إِنِيكُولَايِيثنْ.
REV 2:16 س ؤُينِّي ثُوبْ! مَاڒَا وَارْ إِدْجِي أَمنِّي، أَذْ غَارْومْ د-أَسغْ ذغْيَا، أَذْ كِيسنْ مّنْغغْ س سِّيفْ ن ؤُقمُّومْ إِنُو.
REV 2:17 ونِّي غَارْ دْجَانْ إِمزُّوغنْ، أجّْ إِ-ث أَذْ إِسڒْ مِينْ إِقَّارْ أَرُّوحْ إِ ثْمسْمُونِينْ. ونِّي إِ غَا إِغلّْبنْ أَذْ أَسْ سّشّغْ ’مَانَّا‘ إِنُّوفَارنْ ؤُشَا أَذْ أَسْ وْشغْ إِجّْ ن ؤُقَايَاسْ ذ أَشمْڒَاڒْ، ؤُشَا خْ ؤُقَايَاسْ نِّي إِتّْوَارِي خَاسْ إِجّْ ن إِسمْ ن جْذِيذْ، وَارْ ث إِسِّينْ حذْ مْغِيرْ ونِّي ث إِطّْفنْ.‘ “
REV 2:18 أَرِي إِ لْمَالَاكْ ذِي ثْمسْمُونْثْ ن ثِييَاثِيرَا! ”أَمُّو إِ إِقَّارْ مِّيسْ ن أَربِّي ونِّي غَارْ إِدْجَا ثِيطَّاوِينْ أَمْ يِيحُوذَاقْ ن ثْمسِّي ذ إِضَارنْ نّسْ أَمْ نّْحَاسْ زِي لُوبْنَانْ:
REV 2:19 ’نشّْ سّْنغْ ڒخْذَايمْ نّشْ ؤُڒَا ذ ثَايْرِي نّشْ ذ لْ-إِيمَانْ نّشْ ذ ثْسخَّارْثْ نّشْ ذ صّْبَارْ نّشْ، أَقَا ڒخْذَايمْ نّشْ ثِينڭُّورَا إِمْغَارنْ خْ ثْمزْوُورَا.
REV 2:20 مَاشَا غَارِي خَاكْ أَطَّاسْ، مِينْزِي ثجِّيذْ ثَامطُّوثْ نّشْ إِزَابِيلْ، ثنِّي إِقَّارنْ بلِّي نتَّاثْ ذ ثَانَابِيثْ، ثسّڒْمَاذْ ؤُشَا ثسّْغكّْوَا إِمْسخَّارنْ إِنُو، حِيمَا أَذْ سّْفسْذنْ إِخفْ نْسنْ ؤُشَا أَذْ شّنْ مِينْ إِتّْوَاغَارْصنْ إِ لْ-أَصْنَامْ.
REV 2:21 أَقَا وْشِيغْ أَسْ شَا ن ڒْوقْثْ حِيمَا أَذْ ثثُوبْ، [مَاشَا] نتَّاثْ وَارْ ثتّخْسْ شَا أَذْ ثثُوبْ زِي فَارْقْ-شّْغڒْ نّسْ.
REV 2:22 خْزَارْ، أَذْ تغضْڒغْ ذِي ثَاسُّوثْ، [أَذْ ثِيڒِي ثحْڒشْ أَڒْ ڒْموْثْ]، ؤُشَا إِنِّي أَكِيذسْ إِزنَّانْ، [أَذْ ثنْ نذْهغْ] ذِي ڒْمحْنثْ ثَامقّْرَانْثْ مَاڒَا وَارْ ثُوبنْ شَا زِي مِينْ ڭِّينْ.
REV 2:23 ثَارْوَا نّسْ أَذْ ثنْ وْثغْ س ڒْموْثْ ؤُشَا مَارَّا ثِيمسْمُونِينْ أَذْ فهْمنْثْ أَقَا نشّْ ذ ونِّي إِقدْجْبنْ ثِيژَّاڒْ ذ وُوڒَاونْ ؤُشَا أَذْ وْشغْ إِ كُوڒْ إِجّنْ زَّايْومْ أَنشْثْ ن ڒخْذَايمْ نْومْ.
REV 2:24 مَاشَا إِ كنِّيوْ ؤُ إِ إِنّغْنِي ذِي ثِييَاثِيرَا - [إِخْسْ أَذْ يِينِي] إِ مَارَّا إِنِّي وَارْ غَارْ ثدْجِي شَا ثَاغُورِي-يَا، وَارْ سِّيننْ ؤُمِي قَّارنْ نِيثْنِي ’ڒَْادْجَاغْ ن شِّيطَانْ‘ - أَذْ أَومْ إِنِيغْ: نشّْ وَارْ خَاومْ تّْذَارَّاشغْ شَا ثَاغْرَارْثْ نّغْنِيثْ.
REV 2:25 [مَاشَا] مِينْ غَارْومْ، طّْفمْ ذَايسْ أَڒْ د غَا يَاسغْ.
REV 2:26 ونِّي إِ غَا إِغلّْبنْ ؤُ ونِّي إِ غَا إِطّْفنْ ذِي ڒخْذَايمْ إِنُو، أَذْ أَسْ وْشغْ صُّولْطَا خْ ڒڭْنُوسْ
REV 2:27 مَاحنْذْ أَذْ ثنْ يَارْوسْ س ؤُزدْجَاضْ ن وُوزَّاڒْ، أَذْ ثنْ ثَارْژِيمْ أَمْ إِغَارَّافنْ ن بُو-ثْڒَاخْثْ، أَمْ مَامّشْ إِ ثطّْفغْ ؤُڒَا ذ نشّْ زِي بَابَا،
REV 2:28 ؤُشَا نشّْ أَذْ أَسْ وْشغْ إِثْرِي ن ڒفْجَارْ.
REV 2:29 ونِّي غَارْ دْجَانْ إِمزُّوغنْ، أجّْ إِ-ث أَذْ إِسڒْ مِينْ إِقَّارْ أَرُّوحْ إِ ثْمسْمُونِينْ.‘ “
REV 3:1 أَرِي إِ لْمَالَاكْ ذِي ثْمسْمُونْثْ ن سَارْذِيسْ! ”أَمُّو إِ إِقَّارْ ونِّي غَارْ إِدْجَا سبْعَا ن أَرُّوحَاثْ ن أَربِّي ذ سبْعَا ن يثْرَانْ: ’نشّْ سّْنغْ ڒخْذَايمْ نّشْ، أَقَا غَاركْ إِسمْ، بلِّي أَقَا ثدَّارذْ، [مَاشَا] شكْ أَقَا ثتّْمتِّيذْ.
REV 3:2 حْضَا، سجْهذْ مِينْ إِقِّيمنْ، إِنِّي ثنْوِيذْ شكْ أَذْ ثنْ ثتّجِّيذْ أَذْ ثمّْثمْ، مَاغَارْ ؤُفِيغْ أَقَا ڒخْذَايمْ نّشْ وَارْ كمّْڒنْثْ شَا غَارْ أَربِّي.
REV 3:3 عْقڒْ مْلِيحْ، مَامّشْ [خَاسْ] ثسْڒِيذْ ؤُ مَامّشْ ثطّْفذْ، حْضَا ؤُشَا ثُوبْ! مَاشَا مَاڒَا وَارْ ثتّْفِيقذْ، أَذْ غَاركْ د-أَسغْ أَمْ ؤُشفَّارْ، وَارْ ثسِّينذْ شَا ذِي مَانْ ثَاسَاعّثْ إِ خَاكْ د غَا بدّغْ.
REV 3:4 مَاشَا غَارِي شَا ن إِسْمَاونْ ذِي سَارْذِيسْ، إِنِّي وَارْ إِسّْخمْجنْ شَا أَرُّوضْ نْسنْ ؤُشَا نِيثْنِي ڭُّورنْ زَّاثِي س [وَارُّوضْ] ذ أَشمْڒَاڒْ، مِينْزِي نِيثْنِي سْذَاهدْجنْ ث.
REV 3:5 ونِّي إِ غَا إِغلّْبنْ أَمُّو، أَذْ أَسْ يَارْضنْ أَرُّوضْ ذ أَشمْڒَاڒْ.عمَّارْصْ أَذْ كّْسغْ إِسمْ نّسْ زڭْ وذْلِيسْ إِتّْوَانْضنْ ن ثُوذَارْثْ، مَاشَا أَذْ شهْذغْ خْ يِيسمْ نّسْ زَّاثْ إِ بَابَا ذ لْمَالَاكَاثْ نّسْ.
REV 3:6 ونِّي غَارْ دْجَانْ إِمزُّوغنْ، أجّْ إِ-ث أَذْ إِسڒْ مِينْ إِقَّارْ أَرُّوحْ إِ ثْمسْمُونِينْ.‘ “
REV 3:7 أَرِي إِ لْمَالَاكْ ن ثْمسْمُونْثْ ن فِيلَاذِيلْفِييَا! ”أَمُّو إِ إِقَّارْ ؤُمْقدَّاسْ ونِّي ذ ثِيذتّْ ذ ونِّي غَارْ إِدْجَا ثْسَارُوثْ ن ذَاوُوذْ ذ ونِّي إِ غَا يَارزْمنْ، [خنِّي] ؤُڒَا ذ إِجّنْ أَذْ إِبلّعْ، ذ ونِّي إِ غَا إِبلّْعنْ، [خنِّي] ؤُڒَا ذ إِجّنْ أَذْ يَارْزمْ:
REV 3:8 ’نشّْ سّْنغْ ڒخْذَايمْ نّشْ. خْزَارْ، نشّْ ڭِّيغْ زَّاثشْ إِشْثْ ن ثوَّارْثْ ثَارْزمْ، ثنِّي ؤُڒَا ذ إِجّْ وَارْ إِزمَّارْ أَذْ ت إِبلّعْ، مِينْزِي وَاخَّا جّهْذْ نّشْ ذ أَمژْيَانْ، قَاعْ أَمنِّي ثحْضِيذْ أَوَاڒْ إِنُو ؤُشَا وَارْ ثنْكَارذْ شَا إِسمْ إِنُو.
REV 3:9 خْزَارْ، أَذْ وْشغْ شَا زِي ثمْزِيذَا ن شِّيطَانْ، إِنِّي إِقَّارنْ أَقَا نِيثْنِي ذ ؤُذَاينْ، [مَاشَا] نِيثْنِي وَارْ دْجِينْ شَا أَمنِّي، مَاشَا نِيثْنِي سّْخَارِّيقنْ. خْزَارْ، أَذْ ثنْ أَرّغْ أَذْ أَشْ وْضَانْ غَارْ إِضَارنْ نّشْ. نِيثْنِي أَذْ نعْمنْ بلِّي نشّْ سّْعِيزّغْ شكْ.
REV 3:10 مِينْزِي أَقَا شكْ ثحْضِيذْ أَوَاڒْ إِنُو ن صّْبَارْ، أَذْ خَاكْ حْضِيغْ عَاوذْ زِي [ثْسَاعّثْ ن] ؤُجَارّبْ ثنِّي إِ ذ غَا يَاسنْ خْ ثمُّورْثْ مَارَّا إِ ؤُجَارّبْ ن يِينِّي إِزدّْغنْ خْ ثمُّورْثْ.
REV 3:11 نشّْ أَذْ د-أَسغْ ذغْيَا. طّفْ ذِي مِينْ غَاركْ، حِيمَا ؤُڒَا ذ إِجّْ وَارْ ذ أَشْ إِتّكّسْ شَا تَّاجْ نّشْ.
REV 3:12 ونِّي إِ غَا إِغلّْبنْ أَذْ ث ڭّغْ ذ أَپِيلَارْ ذِي زَّاوشْثْ ثَامقّْرَانْثْ ن أَربِّي ؤُشَا وَارْ زَّايسْ إِتّْوَامّكْسِيعمَّارْصْ. نشّْ أَذْ خَاسْ أَرِيغْ إِسمْ ن أَربِّي إِنُو ذ يِيسمْ ن ثنْذِينْثْ ن جْذِيذْ، ؤُرْشَالِيمْ إِ د غَا إِهْوَانْ زڭْ ؤُجنَّا زِي أَربِّي إِنُو، ؤُڒَا ذ إِسمْ إِنُو ن جْذِيذْ.
REV 3:13 ونِّي غَارْ دْجَانْ إِمزُّوغنْ، أجّْ إِ-ث أَذْ إِسڒْ مِينْ إِقَّارْ أَرُّوحْ إِ ثْمسْمُونِينْ.‘ “
REV 3:14 أَرِي إِ لْمَالَاكْ ن ثْمسْمُونْثْ ن لَايُوذِيكِييَا ”أَمُّو إِ إِقَّارْ ونِّي ذ أَمِينْ، أَشهَّاذْ أَمْثِيقِّي ذ ثِيذتّْ، ونِّي ذ بدُّو ن مَارَّا مِينْ د-إِخْڒقْ أَربِّي:
REV 3:15 ’نشّْ سّْنغْ ڒخْذَايمْ نّشْ، أَقَا شكْ وَارْ ثسْمِيضذْ وَارْ ثحْمِيذْ. معْلِيكْ بعْذَا ثْسمْضذْ نِيغْ ثحْمِيذْ!
REV 3:16 س ؤُينِّي، ؤُمِي شكْ ثمْڒُوذذْ، وَارْ ثحْمِيذْ، وَارْ ثسْمِيضذْ، أَذْ شكْ عُوقّغْ زڭْ ؤُقمُّومْ إِنُو.
REV 3:17 مِينْزِي شكْ ثقَّارذْ: نشّْ غَارِي أَڭْڒَا ؤُشَا إِمَّارْنِي-د غَارِي وَاڭْڒَا، وَارْ ذ أَيِي إِتّْخصِّي وَالُو، [أَمْ] وَارْ ثسِّينذْ شَا بلِّي أَقَا شكْ ثْحڒْشذْ ؤُ ذَايكْ ڒغْبنْ ذ زّڒْضْ ؤُ أَقَا شكْ ذ أَذَارْغَاڒْ ذ أَعَارْيَانْ،
REV 3:18 أَذْ شكْ نصْحغْ مَاحنْذْ أَذْ خَافِي ثسْغذْ وُورغْ إِقُّورنْ، إِكِّينْ ثِيمسِّي، حِيمَا أَذْ ثْذوْڒذْ ذ بُو-وَاڭْڒَا، ؤُڒَا ذ أَرُّوضْ ذ أَشمْڒَاڒْ، حِيمَا أَذْ ث ثْيَارْضذْ ؤُ وَارْ ثقِّيمْ ثْضهَّارْ عَاذْ ڒفْضِيحثْ ن ثُوعَّارْينْثْ نّشْ. ؤُ ذْهنْ [عَاوذْ] دّْهنْ خْ ثِيطَّاوِينْ نّشْ مَاحنْذْ أَذْ ثَافْ ثتّْوَاڒِيذْ.
REV 3:19 مَارَّا ونِّي سّْعِيزّغْ، تّْوبّْخغْ ث ؤُ أَربِّيغْ ث. خنِّي شْضَارْ، ثُوبْ!
REV 3:20 أَقَا ذَا، نشّْ بدّغْ غَارْ ثوَّارْثْ، سّْقَارْقُوبغْ-د. مَاڒَا إِسْڒَا حذْ إِ ثْمِيجَّا إِنُو، أَذْ يَارْزمْ ثَاوَّارْثْ، نشّْ أَذْ غَارسْ أَذْفغْ ؤُشَا أَذْ كِيسْ مُّونسْوغْ ذ نتَّا أَكِيذِي.
REV 3:21 ونِّي إِ غَا إِغلّْبنْ أَذْ أَسْ وْشغْ، حِيمَا أَذْ إِقِّيمْ أَكِيذِي خْ ڒْعَارْشْ إِنُو، أَمْ نشّْغلّْبغْ ؤُشَا قِّيمغْ أَكْ-ذ بَابَا خْ ڒْعَارْشْ نّسْ.
REV 3:22 ونِّي غَارْ دْجَانْ إِمزُّوغنْ، أجّْ إِ-ث أَذْ إِسڒْ مِينْ إِقَّارْ أَرُّوحْ إِ ثْمسْمُونِينْ.‘ “ *
REV 4:1 أَوَارْنِي مَانْ أَيَا، خْزَارْ، إِشْثْ ن ثوَّارْثْ ثنُّورْزمْ ذڭْ ؤُجنَّا. ؤُشَا ثْمِيجَّا إِ سْڒِيغْ أَكِيذِي د-إِسَّاوَاڒنْ أَمْ يِيجّْ ن ؤُسُوضِي ذڭْ ؤُيِيشّْ ن إِشَارِّي، ثنَّا: ”ڭعّذْ ذَا، [خنِّي] نشّْ أَذْ أَشْ سّشْنغْ مِينْ ڭُّورْ أَذْ إِمْسَارْ أَوَارْنِي مَانْ أَيَا.“
REV 4:2 ڒخْذنِّي إِرحّفْ أَيِي-د أَرُّوحْ، ؤُ خْزَارْ، إِجّْ ن ڒْعَارْشْ إِبدّْ ذڭْ ؤُجنَّا، ثُوغَا نتَّا إِقِّيمْ خَاسْ.
REV 4:3 ؤُ ثِيفْرَاسْ ن ونِّي [خَاسْ] إِقِّيمنْ أَمْ [وژْرُو ن] يَاسْبِيسْ ذ سَارْذِييُوسْ، ؤُشَا ثَاسْڒِيثْ ن ونْژَارْ ن إِسيْنُوثنْ إِ-د-إِتّنّْضنْ إِ ڒْعَارْشْ إِضْهَارْ أَمْ [وژْرُو ن] سْمَارَاخْثْ.
REV 4:4 قُووَّارنْ أَسْ إِ ڒْعَارْشْ أَربْعَا ؤُ عِيشْرِينْ ن ڒكْرَاسِي إِڭلّْذنْ ؤُشَا أَربْعَا ؤُ-عِيشْرِينْ ن إِمْغَارنْ ثُوغَا قِّيمنْ خْ ڒكْرَاسِي إِڭلّْذنْ، أَرْضنْ أَرُّوضْ ذ أَشمْڒَاڒْ، غَارْسنْ خْ ؤُزدْجِيفْ تِّيجَانْ ن وُورغْ.
REV 4:5 ؤُشَا زِي ڒْعَارْشْ نِّي تّفّْغنْ-د زَّايسْ وَاجَّاجنْ ذ أَسَّامنْ ذ ثْمِيجَّاوِينْ. زَّاثْ إِ ڒْعَارْشْ أَرقّنْ سبْعَا ن إِصفْضَاونْ، ثِينَا ذ سبْعَا ن أَرُّوحَاثْ ن أَربِّي.
REV 4:6 غَارْ زَّاثْ ن ڒْعَارْشْ ثُوغَا ذِينْ إِجّْ ن ڒبْحَارْ ن زَّاجْ، إِڭَّا أَمْ أَكْرِيسْثَالْ. ذِي ڒْوسْطْ ن ڒْعَارْشْ ذ مِينْ ذ أَسْ د-إِنّْضنْ ثُوغَا ذِينْ أَربْعَا ن إِمُودَّارنْ،عمَّارنْ س ثِيطَّاوِينْ مَارَّا غَارْ زَّاثْ ذ ضفَّارْ.
REV 4:7 أَمُودَّارْ أَمزْوَارُو يَارْوسْ ذڭْ وَايْرَاذْ، أَمدَّارْ وِيسّْ ثْنَاينْ يَارْوسْ ذڭْ ؤُعجْمِي، أَمدَّارْ وِيسّْ ثْڒَاثَا ثُوغَا أَغمْبُوبْ نّسْ أَخْمِي ن بْنَاذمْ ؤُشَا أَمُودَّارْ وِيسّْ أَربْعَا يَارْوسْ ذڭْ ؤُڭِيذرْ إِطَّاونْ.
REV 4:8 كُوڒْ إِجّنْ زِي أَربْعَا ن إِمُودَّارنْ ثُوغَا إِبدّْ، تّفّْغنْ-د زڭْ وَاشَّارنْ نّسْ ذ سنّجْ ستَّا ن وَافْرِيونْ إِ د أَسْ د-إِنّْضنْ،عمَّارنْ س ثِيطَّاوِينْ غَارْ ذَاخڒْ. نِيثْنِي وَارْ ژْرِينْ أَرَّاحثْ أَسّْ ذ دْجِيڒثْ، نَّانْ: ”أَمْقدَّاسْ، أَمْقدَّاسْ، أَمْقدَّاسْ ذ سِيذِي أَربِّي، أَمْزمَّارْ خْ كُوڒْشِي ذ ونِّي ثُوغَا، ذ ونِّي إِدْجَانْ، ذ ونِّي د غَا يَاسنْ.“
REV 4:9 ؤُشَا خْمِي غَا وْشنْ أَربْعَا ن إِمُودَّارنْ أَعُودْجِي ذ شَّانْ ذ ؤُقَاذِي إِ ونِّي إِقِّيمنْ خْ ڒْعَارْشْ، ذ ونِّي إِدَّارنْ إِ ڒبْذَا قَاعْ - ”أَمِينْ!“ -
REV 4:10 [خنِّي] أَربْعَا ؤُ عِيشْرِينْ ن إِمْغَارنْ وْضَانْ غَارْ ثمُّورْثْ غَارْ زَّاثْ ن ونِّي إِقِّيمنْ خْ ڒْعَارْشْ، سجْذنْ إِ ونِّي إِدَّارنْ إِ ڒبْذَا قَاعْ - ”أَمِينْ!“ - ؤُشَا سَّارْسنْ تِّيجَانْ نْسنْ غَارْ زَّاثْ إِ ڒْعَارْشْ، نَّانْ:
REV 4:11 ”شكْ، أَ سِيذِيثْنغْ ذ أَربِّي نّغْ، ثسْذَاهدْجذْ أَذْ ثكْسِيذْ أَعُودْجِي ذ شَّانْ ذ جّهْذْ، مَاغَارْ شكْ ذ ونِّي إِڭِّينْ مَارَّا ثِيمسْڒَايِينْ-أَ، ؤُ أَقَا أَثنْثْ ذِينْ ؤُ تّْوَاخڒْقنْثْ س ڒْخَاضَارْ نّشْ!“
REV 5:1 ؤُشَا ژْرِيغْ غَارْ ؤُفُوسْ أَفُوسِي ن ونِّي إِقِّيمنْ خْ ڒْعَارْشْ إِجّْ ن وذْلِيسْ [إِتّْوَانْضنْ]، ثُوغَا خَاسْ ثِيرَا غَارْ ذَاخڒْ ذ بَارَّا، ؤُشَا [أَذْلِيسْ] ثُوغَا إِتّْوَاشمّعْ س سبْعَا ن إِشمِّيعنْ.
REV 5:2 ؤُشَا ژْرِيغْ إِجّْ ن لْمَالَاكْ إِجْهذْ نّغْنِي، إِتّْڒَاغَا س جّهْذْ: ”مَانْ ونْ إِسْذَاهدْجنْ أَذْ يَارْزمْ أَذْلِيسْ-أَ إِتّْوَانّْضنْ، ؤُشَا أَذْ إِكّسْ إِشمِّيعنْ نّسْ؟“
REV 5:3 ؤُشَا ؤُڒَا ذ إِجّْ ذڭْ ؤُجنَّا نِيغْ ذِي ثمُّورْثْ نِيغْ سَاذُو ثمُّورْثْ إِزمَّارْ أَذْ يَارْزمْ أَذْلِيسْ-أَ [إِتّْوَانّْضنْ] ؤُ أَذْ إِكّسْ إِشمِّيعنْ نّسْ، أَذْ ذَايسْ إِخْزَارْ.
REV 5:4 نشّْ رُوغْ أَطَّاسْ ؤُمِي وَارْ ؤُفِينْ وِي إِسْذَاهدْجنْ أَذْ يَارْزمْ أَذْلِيسْ-أَ [إِتّْوَانّْضنْ] ؤُ أَذْ يَارْزمْ إِشمِّيعنْ نّسْ.
REV 5:5 إِجّنْ زڭْ إِمْغَارنْ إِنَّا أَيِي: ”وَارْ تّْرُو شَا! خْزَارْ، أَيْرَاذْ زِي ثقْبِيتْشْ ن يَاهُوذَا، أَژْوَارْ ن ذَاوُوذْ، أَقَا إِغلّبْ، حِيمَا أَذْ يَارْزمْ أَذْلِيسْ-أَ [إِتّْوَانّْضنْ] ذ إِشمِّيعنْ نّسْ.“
REV 5:6 ؤُشَا ژْرِيغْ ذِي ڒْوسْطْ ن ڒْعَارْشْ ذ أَربْعَا ن إِمُودَّارنْ ؤُشَا ذِي ڒْوسْطْ ن إِمْغَارنْ، إِجّْ ن إِزْمَارْ إِبدّْ، إِڭَّا أَخْمِي ذ ثَاغَارْصْثْ. نتَّا غَارسْ سبْعَا ن وَاشَّاونْ ذ سبْعَا ن ثِيطَّاوِينْ، نِيثْنِي ذ سبْعَا ن أَرُّوحَاثْ ن أَربِّي إِنِّي د-إِتّْوَاسّكّنْ غَارْ دُّونشْثْ ثْمُونْ.
REV 5:7 أَقَا نتَّا يُوسَا-د ؤُشَا إِكْسِي أَذْلِيسْ [إِتّْوَانّْضنْ] زڭْ ؤُفُوسْ ن ونِّي إِقِّيمنْ خْ ڒْعَارْشْ.
REV 5:8 أَڒَامِي إِطّفْ أَذْلِيسْ [إِتّْوَانّْضنْ]، وْضَانْ-د أَربْعَا ن إِمُودَّارنْ ذ أَربْعَا ؤُ-عِيشْرِينْ ن إِمْغَارنْ غَارْ ثمُّورْثْ زَّاثْ إِ يزْمَارْ. نِيثْنِي مَارَّا إِذْسنْ غَارْسنْ إِشْثْ ن لهَارْپَا ذ إِجّْ ن طّبْصِي ن وُورغْ إِشُّورْ س ڒبْخُورْ: مَانْ أَيَا ذ ثِيژَادْجِيثِينْ ن إِمْقدَّاسنْ.
REV 5:9 ؤُشَا تّْغنَّاجنْ إِجّْ ن إِزْڒِي ن جْذِيذْ، قَّارنْ: ”شكْ ثسْذَاهدْجذْ أَذْ ثكْسِيذْ أَذْلِيسْ إِتّْوَانّْضنْ، أَذْ ثكّْسذْ إِشمِّيعنْ نّسْ، مِينْزِي شكْ ثتّْوَاغَارْصذْ ؤُشَا س إِذَامّنْ نّشْ ثسْغِيذْ أَنغْ إِ أَربِّي، زِي كُوڒْ ثَاقْبِيتْشْ ذ ڒْڭنْسْ ذ شّعْبْ.“
REV 5:10 “شكْ ثَارِّيذْ ثنْ ذ إِشْثْ ن ثْڭلْذَا ن إِكهَّاننْ ذ إِجدْجِيذنْ إِ أَربِّي نّغْ، ؤُ نِيثْنِي أَذْ حكْمنْ أَمْ إِجدْجِيذنْ خْ ثمُّورْثْ.“
REV 5:11 خنِّي ژْرِيغْ، ؤُشَا سْڒِيغْ ثْمِيجَّا ن وَاطَّاسْ ن لْمَالَاكَاثْ نّْضنْثْ إِ ڒْعَارْشْ ؤُڒَا ن إِمُودَّارنْ ذ إِمْغَارنْ، ؤُشَا ثُوغَا أَثنْثْعشْرَا-أَڒَافْ ذِيعشْرَا ن ڒُوڒُوفْ ؤُ أَڒَافْ ذِي ڒُوڒُوفْ،
REV 5:12 قَّارنْ س ثْمِيجَّا إِجهْذنْ: ”إِزْمَارْ نِّي إِتّْوَاغَارْصنْ إِسْذَاهدْجْ أَذْ إِطّفْ صُّولْطَا ذ وَاڭْڒَا ذ ثِيغِيثْ، ذ جّهْذْ ذ شَّانْ ذ ؤُعُودْجِي، ذ لْبَارَاكَا!“
REV 5:13 ؤُشَا كُوڒْ إِجّْ إِ د-إِخڒْقنْ ذڭْ ؤُجنَّا ؤُ خْ ثمُّورْثْ ذ سَاذُو ثمُّورْثْ ؤُ خْ ڒبْحَارْ، [وَاهْ،] قَاعْ مِينْ إِدْجَانْ ذَايْسنْ، سْڒِيغْ أَسنْ، قَّارنْ: ”لْبَارَاكَا ذ شَّانْ ذ ؤُعُودْجِي ذ صُّولْطَا أَذْ إِڒِينْ إِ ونِّي إِقِّيمنْ خْ ڒْعَارْشْ ؤُ إِ يزْمَارْ إِ ڒبْذَا قَاعْ!“
REV 5:14 ؤُشَا ؤُمِي أَربْعَا ن إِمُودَّارنْ نَّانْ: ”أَمِينْ!“، وْضَانْ إِمْغَارنْ غَارْ ثمُّورْثْ، سجْذنْ.
REV 6:1 ؤُشَا ژْرِيغْ ؤُمِي إِزْمَارْ إِفْسِي إِجّنْ زِي سبْعَا ن إِشمِّيعنْ، ؤُشَا سْڒِيغْ إِ يِيجّنْ زِي أَربْعَا ن إِمُودَّارنْ إِقَّارْ س ثْمِيجَّا أَمْ وَاجَّاجْ: ”أَسْ-د، خْزَارْ!“
REV 6:2 خنِّي سْڒِيغْ ؤُ ژْرِيغْ، ؤُ خْزَارْ إِجّْ ن ؤُيِيسْ ذ أَشمْڒَاڒْ، ذ ونِّي خَاسْ إِنْيِينْ غَارسْ إِجّْ ن ڒْقوْصْ [ن فْڒِيثْشَا] ؤُشَا إِمّوْشْ أَسْ إِجّْ ن تَّاجْ ؤُشَا إِفّغْ-د، إِغْڒبْ، إِتّْغلَّابْ، ؤُ مَاحنْذْ أَذْ إِغْڒبْ.
REV 6:3 أَڒَامِي يَارْزمْ أَشمِّيعْ وِيسّْ ثْنَاينْ، سْڒِيغْ إِ ؤُمُودَّارْ وِيسّْ ثْنَاينْ، إِقَّارْ: ”أَسْ-د!“
REV 6:4 ؤُشَا إِفّغْ-د إِجّْ ن ؤُيِيسْ ذ أَزڭّْوَاغْ، ؤُشَا ونِّي خَاسْ إِنْيِينْ، ڭِّينْ ث حِيمَا أَذْ إِكّسْ ڒهْنَا خْ ثمُّورْثْ، حِيمَا أَذْ كَّارنْ إِوْذَانْ أَذْ غَارْصنْ إِ وَايَاوْيَا ؤُشَا إِمّوْشْ أَسْ إِجّْ ن سِّيفْ إِمْغَارْ.
REV 6:5 أَڒَامِي يَارْزمْ أَشمِّيعْ وِيسّْ ثْڒَاثَا، سْڒِيغْ إِ ؤُمُودَّارْ وِيسّْ ثْڒَاثَا إِقَّارْ: ”أَسْ-د!“ خْزَارْ، إِجّْ ن ؤُيِيسْ ذ أَبَارْشَانْ، ذ ونِّي خَاسْ إِنْيِينْ غَارسْ إِجّْ ن ڒْمِيزَانْ ذڭْ إِفَاسّنْ نّسْ.
REV 6:6 زِي ڒْوسْطْ ن إِمُودَّارنْ سْڒِيغْ إِ يِيشْثْ ن ثْمِيجَّا ثقَّارْ: ”إِجّْ ن ڒْمُوذْ ن يِيرْذنْ س يِيجّْ ن ذِينَارْ ؤُ ثْڒَاثَا ن ڒمْذُوذْ ن إِمنْذِي س يِيجّْ ن ذِينَارْ، ؤُ زّشْثْ ذ بِينُو وَارْ ثنْ تّْضِييِّيعمْ شَا!“
REV 6:7 أَڒَامِي يَارْزمْ أَشمِّيعْ وِيسّْ أَربْعَا، سْڒِيغْ إِ ثْمِيجَّا ن ؤُمُودَّارْ [وِيسّْ أَربْعَا] ثقَّارْ: ”أَسْ-د!“
REV 6:8 ؤُشَا ژْرِيغْ إِجّْ ن ؤُيِيسْ ذ أَسْنَابِي، ذ ونِّي خَاسْ إِنْيِينْ، قَّارنْ أَسْ ’ڒْموْثْ‘، ؤُشَا ثضْفَارْ إِ-ث ڒَاخَارْثْ. ثمّوْشْ أَسْ صُّولْطَا خْ إِجّْ ن أَرْبعْ ن ثمُّورْثْ حِيمَا أَذْ نْغنْ س سِّيفْ، س ڒَاژْ، س ڒْموْثْ ؤُ س ڒوْحُوشْ ن ثمُّورْثْ.
REV 6:9 أَڒَامِي يَارْزمْ أَشمِّيعْ وِيسّْ خمْسَا، ژْرِيغْ سَاذُو ؤُعَالْطَارْ ڒعْمُورْ ن يِينِّي إِتّْوَانْغنْ ذِي طّْوعْ ن وَاوَاڒْ ن أَربِّي ؤُ ذِي طّْوعْ ن شّْهَاذثْ ن يَاسُوع إِ ثُوغَا غَارْسنْ.
REV 6:10 نِيثْنِي ڒَاغَانْ س جّهْذْ، نَّانْ: ”[أَ] سِيذِي، [أَ] أَمْقدَّاسْ ذ بَابْ ن ثِيذتّْ، مشْحَاڒْ إِ غَا ثقِّيمذْ وَارْ ثْحكّْمذْ، وَارْ ثتّْنقْمذْ شَا إِ إِذَامّنْ نّغْ زڭْ إِنِّي إِزدّْغنْ ذِي ثمُّورْثْ؟“
REV 6:11 ؤُشَا وْشِينْ إِ كُوڒْ إِجّنْ زَّايْسنْ ڒعْبَايَاثْ ذ ثِيشمْڒَاڒِينْ، ؤُ إِتّْوَانَّا أَسنْ بلِّي أَذْ أَريّْحنْ ذْرُوسْ ن ڒْوقْثْ أَڒْ غَا إِكمّڒْ لْعَاذَاذْ ن إِمْسخَّارنْ إِمْعَاشَارنْ نْسنْ ذ وَاوْمَاثنْ نْسنْ، إِنِّي إِ غَا إِتّْوَانْغنْ عَاوذْ أَمْ نِيثْنِي.
REV 6:12 ؤُشَا ژْرِيغْ أَڒَامِي يَارْزمْ أَشمِّيعْ وِيسّْ ستَّا، أَقَا إِمْسَارْ إِجّْ ن ونْهزِّي ن ثمُّورْثْ ذ أَمقّْرَانْ ؤُ ثَافُوشْثْ ثذْوڒْ ذ ثَابَارْشَانْثْ أَمشْنَاوْ إِشْثْ ن ثْخَانْشثْ ن وشْضَانْ ؤُشَا ثَازِيرِي ثْمُونْ ثڭَّا أَمشْنَاوْ إِذَامّنْ،
REV 6:13 ؤُشَا إِثْرَانْ ن ؤُجنَّا وْضَانْ-د غَارْ ثمُّورْثْ أَمْ وَارْثُو إِمّنْضَارْ إِقُورَّاعْ نّسْ خْمِي ث-إِ-د-إِغطّڒْ إِجّْ ن ؤُسمِّيضْ ذ أَمقّْرَانْ.
REV 6:14 إِتّْوَافدْجْقنْ إِجنْوَانْ ؤُشَا تّْوَانْضنْ نِيثْنِي أَمْ مَامّشْ [نّضنْ] إِذْلِيسنْ. ؤُشَا كُوڒْ أَذْرَارْ ذ مَارَّا ثِيڭْزِيرِينْ تّْوَاكّْسنْ زڭْ إِمُوشَانْ نْسنْ.
REV 6:15 إِجدْجِيذنْ ن ثمُّورْثْ ذ إِمقّْرَاننْ ذ يِينِّي ذ إِزدْجِيفنْ خْ وَاڒفْ ذ أَيْثْبَابْ ن وَاڭْڒَا ذ يِينِّي غَارْ ثدْجَا صُّولْطَا ذ كُوڒْ إِسْمغْ ذ أَحُورِّي، أَقَا نِيثْنِي [مَارَّا] سّْنُوفَّارنْ إِخفْ نْسنْ ذڭْ إِفْرَانْ ؤُ جَارْ ڒجْرُوفْ ن إِذُورَارْ،
REV 6:16 نَّانْ إِ إِذُورَارْ ذ ڒجْرُوفْ: ”وْضَامْ-د خَانغْ، فَّارمْ أَنغْ زڭْ وُوذمْ ن إِزْمَارْ،
REV 6:17 مِينْزِي أَسّْ أَمقّْرَانْ ن وغْضَابْ نّسْ أَقَا يُوسَا-د، مَانْ ونْ إِزمَّارنْ أَذْ إِقِّيمْ إِبدّْ!“
REV 7:1 أَوَارْنِي مَانْ أَيَا ژْرِيغْ أَربْعَا ن لْمَالَاكَاثْ بدّنْثْ غَارْ أَربْعَا ن ثْغمُّورَا ن ثمُّورْثْ، طّْفنْثْ أَربْعَا ن إِسمِّيضنْ ن ثمُّورْثْ، حِيمَا وَارْ إِتّْسُوضِي ؤُسمِّيضْ ڒَا خْ ڒْبَارّْ ڒَا خْ وَامَانْ ؤُڒَا خْ شَا ن ثْشجَّارْثْ.
REV 7:2 ؤُشَا ژْرِيغْ إِجّْ ن لْمَالَاكْ نّغْنِي يُوڒِي-د مَانِيسْ ذ ثْنقَّارْ ثْفُوشْثْ، أَقَا غَارسْ أَشمِّيعْ ن أَربِّي إِدَّارنْ ؤُشَا إِڒَاغَا س جّهْذْ إِ أَربْعَا ن لْمَالَاكَاثْ نِّي ؤُمِي ثمّوْشْ ثْزمَّارْ حِيمَا أَذْ سّخْسَارنْثْ ثَامُّورْثْ ذ ڒبْحَارْ،
REV 7:3 إِقَّارْ: ”وَارْ تّْسخْسَارمْ ثَامُّورْثْ ؤُڒَا ذ ڒبْحَارْ ؤُڒَا ذ ثِيشجُّورَا أَڒْ غَا نڭّْ أَشمِّيعْ خْ ثنْيَارِينْ ن إِمْسخَّارنْ ن أَربِّي نّغْ.“
REV 7:4 ؤُشَا سْڒِيغْ ڒْقدّْ ن يِينِّي إِتّْوَاشمّْعنْ، مْيَا ؤُ-أَربْعَا ؤُ-ربْعِينْ-أَڒفْ أَقَا تّْوَاشمّْعنْ زِي مَارَّا ثِيقبَّاڒْ ن إِسْرَائِيل:
REV 7:5 ثنْعَاشْ-أَڒفْ زِي ثقْبِيتْشْ ن يَاهُوذَا، ثنْعَاشْ-أَڒفْ زِي ثقْبِيتْشْ ن رُوبِينْ، ثنْعَاشْ-أَڒفْ زِي ثقْبِيتْشْ ن جَاذْ،
REV 7:6 ثنْعَاشْ-أَڒفْ زِي ثقْبِيتْشْ ن أَشِيرْ، ثنْعَاشْ-أَڒفْ زِي ثقْبِيتْشْ ن نَافْثَالِي، ثنْعَاشْ-أَڒفْ زِي ثقْبِيتْشْ ن مَانَاسَّا،
REV 7:7 ثنْعَاشْ-أَڒفْ زِي ثقْبِيتْشْ ن شِيمْعُونْ، ثنْعَاشْ-أَڒفْ زِي ثقْبِيتْشْ ن إِسَّاكَارْ، ثنْعَاشْ-أَڒفْ زِي ثقْبِيتْشْ ن لَاوِي،
REV 7:8 ثنْعَاشْ-أَڒفْ زِي ثقْبِيتْشْ ن زِيبُولُونْ، ثنْعَاشْ-أَڒفْ زِي ثقْبِيتْشْ ن يُوسُوفْ، ثنْعَاشْ-أَڒفْ زِي ثقْبِيتْشْ ن بِينْيَامِينْ.
REV 7:9 أَوَارْنِي مَانْ أَيَا أَقَا ژْرِيغْ إِجّْ ن ؤُبَارُّو ن ڒْغَاشِي أَمقّْرَانْ إِ وَارْ إِزمَّارْ ؤُڒَا ذ إِجّْ أَذْ ث إِحْسبْ، زِي كُوڒْ ڒْڭنْسْ ذ ثقْبِيتْشْ ؤُ [زِي مَارَّا] شُّوعُوبْ ذ إِڒْسَاونْ. نِيثْنِي بدّنْ زَّاثْ إِ ڒْعَارْشْ ذ يزْمَارْ، أَرْضنْ ڒعْبَايَاثْ ثِيزِيرَارِينْ ذ ثِيشمْڒَاڒِينْ، ؤُشَا غَارْسنْ ثِيسضْوِينْ ن ثِينِي ذڭْ إِفَاسّنْ نْسنْ،
REV 7:10 تّْڒَاغَانْ س جّهْذْ: ”أَسنْجمْ أَقَا س أَربِّي نّغْ، ونِّي إِقِّيمنْ خْ ڒْعَارْشْ ؤُ س يزْمَارْ.“
REV 7:11 ؤُشَا مَارَّا لْمَالَاكَاثْ ثُوغَا بدّنْثْ نّْضنْثْ إِ ڒْعَارْشْ أَكْ-ذ إِمْغَارنْ ذ أَربْعَا ن إِمُودَّارنْ، وْضَانْ غَارْ ثمُّورْثْ س وُوذْمَاونْ نْسنْ قِيبَاتْشْ إِ ڒْعَارْشْ،
REV 7:12 قَّارنْ ”أَمِينْ! أَعُودْجِي ذ لْبَارَاكَا ذ ثِيغِيثْ ذ ؤُقَاذِي ذ شَّانْ ذ صُّولْطَا ذ جّهْذْ أَقَا-ثنْ إِ أَربِّي نّغْ إِ ڒبْذَا قَاعْ. أَمِينْ!“
REV 7:13 إِطّفْ إِجّنْ زڭْ إِمْغَارنْ نِّي ذڭْ وَاوَاڒْ، إِنَّا أَيِي: ”مِينْ عْنَانْ إِنَا، إِنِّي يَارْضنْ ڒعْبَايَاثْ ثِيشمْڒَاڒِينْ، مِينْ عْنَانْ ؤُ مَانِيسْ د-ؤُسِينْ؟“
REV 7:14 نشّْ نِّيغْ أَسْ: ”أَ سِيذِي، شكْ إِ إِسّْننْ.“ إِنَّا أَيِي: ”إِنَا أَقَا ؤُسِينْ-د زِي ڒْمحْنثْ ثَامقّْرَانْثْ. أَقَا نِيثْنِي سِيزْذِيڭنْ ڒعْبَايَاثْ نْسنْ ؤُشَا أَرِّينْ ثنْثْ ذ ثِيشمْڒَاڒِينْ ذڭْ إِذَامّنْ ن إِزْمَارْ.
REV 7:15 س ؤُينِّي بدّنْ نِيثْنِي زَّاثْ إِ ڒْعَارْشْ ن أَربِّي ؤُشَا سخَّارنْ أَسْ أَسّْ ذ دْجِيڒثْ ذِي زَّاوشْثْ ثَامقّْرَانْثْ، ؤُشَا ونِّي إِقِّيمنْ خْ ڒْعَارْشْ أَذْ خَاسنْ إِوّثْ [أَقِيضُونْ نّسْ].
REV 7:16 وَارْ إِقِّيمْ عَاذْ أَذْ دْجَاژنْ نِيغْ أَذْ فَّاذنْ، وَارْ ثنْ ثتّْقذِّي ؤُڒَا ذ ثَافُوشْثْ ؤُڒَا ذ إِشْثْ ن جُّورّثْ ن ڒحْمُو،
REV 7:17 مِينْزِي إِزْمَارْ نِّي إِدْجَانْ ذِي ڒْوسْطْ ن ڒْعَارْشْ أَذْ ثنْ يَارْوسْ، أَذْ ثنْ إِنْذهْ غَارْ ثُوذَارْثْ ؤُ غَارْ ثَاڒَاوِينْ ن وَامَانْ، ؤُشَا نتَّا أَذْ أَسنْ إِمْسحْ كُوڒْ أَمطَّا زِي ثِيطَّاوِينْ نْسنْ.“
REV 8:1 أَڒَامِي يَارْزمْ نتَّا أَشمِّيعْ وِيسّْ سبْعَا، ثُوغَا أَجنَّا يَارْسَا عْڒَاحَاڒْ أَزْينْ ن ثْسَاعّثْ.
REV 8:2 ؤُشَا ژْرِيغْ سبْعَا ن لْمَالَاكَاثْ نِّي إِبدّنْ زَّاثْ إِ أَربِّي ؤُشَا إِمّوْشْ أَسنْثْ سبْعَا ن وَاشَّاونْ ن ؤُيِيشّْ ن إِشَارِّي.
REV 8:3 أَقَا إِجّْ ن لْمَالَاكْ نّغْنِي يُوسَا-د، يُويُورْ أَذْ إِبدّْ غَارْ ؤُعَالْطَارْ س إِشْثْ ن ثقْذُوحْثْ ن وُورغْ إِ ڒبْخُورْ. إِمّوْشْ أَسْ وَاطَّاسْ ن ڒبْخُورْ حِيمَا أَذْ ث إِوهّبْ أَكْ-ذ ثْژَادْجِيثِينْ ن مَارَّا إِمْقدَّاسنْ خْ ؤُعَالْطَارْ قِيبَاتْشْ إِ ڒْعَارْشْ.
REV 8:4 ؤُشَا أَرِّيحثْ ن ڒبْخُورْ أَكْ-ذ ثْژَادْجِيثِينْ ن إِمْقدَّاسنْ ثُوغَا ثتّْڭعَّاذْ زڭْ ؤُفُوسْ ن لْمَالَاكْ غَارْ زَّاثْ ن أَربِّي.
REV 8:5 لْمَالَاكْ إِكْسِي ثَاقْذُوحْثْ ن ڒبْخُورْ، إِشُّورْ إِ-ت س ثْمسِّي زڭْ ؤُعَالْطَارْ ؤُشَا إِنْضَارْ إِ-ث غَارْ ثمُّورْثْ ؤُشَا ؤُسِينْ-د وَاجَّاجنْ ذ ثْمِيجَّاوِينْ ذ وَاسَّامنْ ذ إِجّْ ن ونْهزِّي ن ثمُّورْثْ.
REV 8:6 ؤُشَا حزّْمنْثْ سبْعَا ن لْمَالَاكَاثْ ثِينِّي غَارْ إِدْجَا سبْعَا ن وَاشَّاونْ ن ؤُيِيشّْ ن إِشَارِّي حِيمَا أَذْ [ذَايْسنْ] سُوضنْثْ.
REV 8:7 ؤُشَا إِسُوضْ ؤُمزْوَارُو [ذِي ڒْبُوقْ نّسْ] ؤُشَا ثوْضَا-د ثبْرُورِي ذ ثْمسِّي خدْجْضنْثْ أَكْ-ذ وَامَانْ، تّْوَامنْضَارنْثْ خْ ثمُّورْثْ، ؤُشَا ثشْمضْ إِشْثْ ن تُّوڒُوثْ ن ثمُّورْثْ ذ إِشْثْ ن تُّوڒُوثْ ن ثْشجُّورَا ؤُڒَا ذ مَارَّا أَرْبِيعْ ن ثمُّورْثْ إِشْمضْ.
REV 8:8 خنِّي إِسُوضْ ونِّي ذ وِيسّْ ثْنَاينْ [ذِي ڒْبُوقْ نّسْ] ؤُشَا شَا ن ثْمسْڒَاشْثْ أَمْ وذْرَارْ أَمقّْرَانْ إِشمّْضنْ، إِمّنْضَارْ ذِي ڒبْحَارْ ؤُشَا إِشْثْ ن تُّوڒُوثْ ن ڒبْحَارْ إِذْوڒْ ذ إِذَامّنْ،
REV 8:9 ؤُ إِشْثْ ن تُّوڒُوثْ ن إِمُودَّارنْ ذِي ڒبْحَارْ إِنِّي غَارْسنْ ڒعْمَارْ، مُّوثنْ، ؤُشَا إِشْثْ ن تُّوڒُوثْ ن إِغَارُّوبَا ثَاردّدْجْ.
REV 8:10 خنِّي إِسُوضْ ونِّي ذ وِيسّْ ثْڒَاثَا [ذِي ڒْبُوقْ نّسْ] ؤُشَا إِوْضَا-د إِجّْ ن إِثْرِي أَمقّْرَانْ زڭْ ؤُجنَّا، يُورْغَا أَمْ يِيجّْ ن ؤُعشَّاڒْ ن ثْمسِّي، إِوْضَا-د خْ إِشْثْ ن تُّوڒُوثْ ن إِغزْرَانْ ؤُ خْ ثَاڒَاوِينْ ن وَامَانْ.
REV 8:11 إِثْرِي-يَا قَّارنْ-أَسْ ’أَبْسِينْثَا‘، [نِيغْ ’شِّيحْ‘]. ؤُشَا إِشْثْ ن تُّوڒُوثْ ن وَامَانْ ثذْوڒْ ثَارْزڭْ أَمْ ’أَبْسِينْثْ‘، ؤُشَا مُّوثنْ أَطَّاسْ ن يوْذَانْ س وَامَانْ ؤُمِي ذوْڒنْ ذ إِمرْزَاڭنْ.
REV 8:12 خنِّي إِسُوضْ ونِّي ذ وِيسّْ أَربْعَا [ذِي ڒْبُوقْ نّسْ] ؤُشَا ثتّْوَاطّفْ إِشْثْ ن تُّوڒُوثْ ن ثْفُوشْثْ ذ إِشْثْ ن تُّوڒُوثْ ن ثْزِيرِي ذ إِشْثْ ن تُّوڒُوثْ ن إِثْرَانْ، [أَڒَامِي] ثْبَّارْشنْ إِشْثْ ن تُّوڒُوثْ زَّايْسنْ، وَارْ ثتِّيڒِي عَاذْ ثْفَاوْثْ إِ يِيشْثْ ن تُّوڒُوثْ ن ؤُزِيڒْ ؤُشَا أَمُّو ؤُڒَا ذِي دْجِيڒثْ.
REV 8:13 ؤُشَا سْڒِيغْ إِجّْ ن ؤُڭِيذرْ إِطَّاوْ-د ذِي ڒْوسْطْ ن ؤُجنَّا، إِقَّارْ: ”ؤُشْثْ، ؤُشْثْ، ؤُشْثْ خْ يِينِّي إِزدّْغنْ خْ ثمُّورْثْ خْ سِّيبّثْ ن ثْمِيجَّاوِينْ إِنّغْنِي ن وَاشَّاونْ ن إِشَارِّي ن ثْڒَاثَا ن لْمَالَاكَاثْ إِ غَا إِسُوضنْ عَاذْ [ذِي ڒْبُوقْ]!“
REV 9:1 خنِّي إِسُوضْ ونِّي ذ وِيسّْ خمْسَا [ذِي ڒْبُوقْ نّسْ] ؤُشَا ژْرِيغْ إِجّْ ن يثْرِي إِوْضَا-د زڭْ ؤُجنَّا خْ ثمُّورْثْ، ثمّوْشْ أَسْ ثَاسَارُوثْ ن ؤُقمُّومْ ن ثسْرَافْثْ يُودْجْغنْ.
REV 9:2 ؤُشَا إِڭعّذْ-د دّخَّانْ زڭْ ؤُقمُّومْ ن ثسْرَافْثْ، أَمْ دّخَّانْ ن ثفْقُونْثْ ثَامقّْرَانْثْ إِحْمَانْ، ؤُشَا ثْفُوشْثْ ذ ڒعْوِينْ بَّارْشْننْ س دّخَّانْ ن ثسْرَافْثْ.
REV 9:3 زِي دّخَّانْ فّْغنْ-د زَّايسْ إِبُورخْسنْ غَارْ ثمُّورْثْ، ثمّوْشْ أَسنْ صُّولْطَا أَمْ ثنِّي إِدْجَانْ غَارْ ثْغَارْضْمِيوِينْ ن ثمُّورْثْ.
REV 9:4 إِتّْوَانَّا أَسنْ، مَاحنْذْ وَارْ جيّْحنْ أَرْبِيعْ ن ثمُّورْثْ ؤُڒَا ذ قَاعْ أَغمُّويْ أَزِيزَا ؤُڒَا ذ ثِيشجُّورَا، مْغِيرْ إِوْذَانْ وَاهَا إِنِّي وَارْ غَارْ إِدْجِي ؤُشمِّيعْ ن أَربِّي خْ ثنْيَارْثْ نْسنْ.
REV 9:5 ثمّوْشْ أَسنْ [ثْزمَّارْ] مَاحنْذْ وَارْ ثنْ نقّنْ، مَاشَا أَذْ ثنْعدّْبنْ ڒْقدّْ ن خمْسَا ن إِيُورنْ، ؤُشَا أَعدّبْ نْسنْ أَمْ ؤُعدّبْ ن ثْغَارْضنْثْ خْمِي ثتّقّسْ إِ بْنَاذمْ.
REV 9:6 ذڭْ وُوسَّانْ نِّي أَذْ أَرْزُونْ إِوْذَانْ خْ ڒْموْثْ، [مَاشَا] وَارْ ت تّطِّيفنْ، ؤُشَا أَذْ تَّارنْ أَذْ مّْثنْ، [مَاشَا] ڒْموْثْ أَذْ زَّايْسنْ ثَارْوڒْ.
REV 9:7 إِبُورخْسنْ ڭِّينْ أَمْ يِييْسَانْ إِوجْذنْ إِ ؤُمنْغِي، ؤُ غَارْسنْ خْ إِزدْجِيفنْ نْسنْ [شَا] أَمْ تِّيجَانْ أَخْمِي ثنْثْ ڭِّينْ س وُورغْ، ؤُ إِغمْبَابْ نْسنْ أَمْ إِغمْبَابْ ن إِوْذَانْ،
REV 9:8 ؤُ أَشُووَّافْ نْسنْ أَمْ ؤُشُووَّافْ ن ثمْغَارِينْ ؤُ ثِيغْمَاسْ نْسنْ أَمْ ثِينِّي ن وَايْرَاذنْ،
REV 9:9 ؤُ ثُوغَا غَارْسنْ ثْشَابَّاثْ خْ إِذْمَارنْ نْسنْ أَمْ ثْشَابَّاثْ ن وُوزَّاڒْ [إِ ؤُسڒْقِي]، ؤُ دّْرِيزْ ن وَافْرِيونْ نْسنْ أَمْ دّْرِيزْ ن إِكَارُّوثنْ أَكْ-ذ وَاطَّاسْ ن إِيْسَانْ إِتّقْنُونُّوينْ غَارْ ؤُمنْغِي،
REV 9:10 ؤُ غَارْسنْ إِكنَّاسنْ أَمْ يِينِّي ن ثْغَارْضْمِيوِينْ ؤُ ثُوغَا ذِينْ إِسنَّاننْ ذڭْ إِكنَّاسنْ نْسنْ. نِيثْنِي غَارْسنْ صُّولْطَا حِيمَا أَذْ سّهْوَانْ ذْرُوشْثْ خْ إِوْذَانْ، ڒْمِيجَاڒْ ن خمْسَا ن إِيُورنْ.
REV 9:11 نِيثْنِي غَارْسنْ لْمَالَاكْ ن ثسْرَافْثْ ذ أَجدْجِيذْ خَاسنْ، قَّارنْ أَسْ س ثْعِيبْرَانِيثْ ’أَبَادُّو‘ ؤُ س ثْرَامِيثْ قَّارنْ أَسْ ’شَارَا‘.
REV 9:12 ؤُشْثْ ثَامزْوَارُوثْ ثعْذُو، أَوَارْنِي مَانْ أَيَا أَذْ د-أَسنْثْ عَاذْ ثْنَاينْ ن وُوشْثَاثْ.
REV 9:13 أَوَارْنِي مَانْ أَيَا إِسُوضْ لْمَالَاكْ وِيسّْ ستَّا [ذِي ڒْبُوقْ نّسْ] ؤُشَا سْڒِيغْ ثْمِيجَّا إِ د-يُوسِينْ زِي أَربْعَا ن وَاشَّاونْ ن ؤُعَالْطَارْ ن وُورغْ إِ إِبدّنْ قِيبَاتْشْ إِ أَربِّي،
REV 9:14 ثنَّا إِ لْمَالَاكْ وِيسّْ ستَّا إِ غَارْ إِدْجَا ؤُيِيشّْ ن إِشَارِّي: ”فْسِييْ إِ أَربْعَا ن لْمَالَاكَاثْ نِّي إِشَارْفنْ طَّارْفْ ن إِغْزَارْ أَمقّْرَانْ، لْفُورَاطْ.“
REV 9:15 ؤُشَا أَرْخُونْ أَسنْ إِ أَربْعَا ن لْمَالَاكَاثْ نِّي ثُوغَا إِوجْذنْ ذِينِّي غَارْ وَاسّْ ذ ؤُيُورْ ذ ؤُسڭّْوَاسْ، حِيمَا أَذْ نْغنْثْ إِشْثْ ن تُّوڒُوثْ ن إِوْذَانْ.
REV 9:16 ثُوغَا ڒْقدّْ ن ڒْعسْكَارَاثْ ن يِينِّي إِندّْهنْ إِيْسَانْ ثْيُويَا نعشْرَا-أَڒَافْ س عشْرَا ن ڒُوڒُوفْ، ؤُشَا سْڒِيغْ مشْحَاڒْ ذِي دْجَانْ.
REV 9:17 أَمُّو إِ ژْرِيغْ إِيْسَانْ ذِي ڒوْحِييْ، أَقَا إِنِّي خَاسنْ إِنْيِينْ ثُوغَا سّْذُورُّوينْ إِذْمَارنْ نْسنْ س ثْشَابَّاثْ ن وُوزَّاڒْ [إِ ؤُسڒْقِي ذ ثِيزڭّْوَاغِينْ] أَمْ ثْمسِّي، شَابنْثْ، ذ ثِيوْرَاغِينْ أَمْ ڒشْبَاريّثْ. إِزدْجِيفنْ ن إِيْسَانْ نِّي أَمْ يِيزدْجِيفنْ ن وَايْرَاذنْ ؤُشَا زڭْ إِقمُّومنْ نْسنْ ثفّغْ-د زَّايْسنْ ثْمسِّي ذ دّخَّانْ ذ ڒشْبَاريّثْ.
REV 9:18 أَقَا إِشْثْ ن تُّوڒُوثْ ن إِوْذَانْ ثتّْوَانغْ س ثْڒَاثَا-يَا ن جّْرَايحْ: س ثْمسِّي ذ ڒشْبَاريّثْ ذ دّخَّانْ إِ د-إِتّفّْغنْ زڭْ إِقمُّومنْ نْسنْ.
REV 9:19 مِينْزِي صُّولْطَا نْسنْ أَقَا-ت ذڭْ إِقمُّومنْ ذ إِكنَّاسنْ نْسنْ، [مِينْزِي إِكنَّاسنْ نْسنْ ڭِّينْ أَمْ إِفِيغْرَانْ نِّي غَارْ إِدْجَا إِزدْجِيفنْ، ؤُشَا تّْجيّْحنْ زَّايْسنْ إِوْذَانْ].
REV 9:20 إِوْذَانْ إِقِّيمنْ، إِنِّي وَارْ إِتّْوَانْغنْ شَا س جّْرَايحْ-أَ، وَارْ ثُوبنْ شَا زِي ڒْخذْمثْ ن إِفَاسّنْ نْسنْ أَڒَامِي وَارْعبّْذنْ عَاذْ شّْوَاطنْ ذ لْ-أَصْنَامْ ن وُورغْ ذ نُّوقَارْثْ ذ نّْحَاسْ ذ وژْرُو ذ ؤُكشُّوضْ، إِنِّي وَارْ إِتّْوِيڒِينْ، وَارْ إِتّسْڒِينْ، وَارْ إِڭُّورنْ،
REV 9:21 ؤُشَا نِيثْنِي وَارْ ثُوبنْ شَا زڭْ ونْغَايْ نْسنْ، ڒَا زِي ثْسحَّارْثْ نْسنْ ؤُڒَا زِي فَارْقْ-شّْغڒْ نْسنْ.
REV 10:1 ؤُشَا ژْرِيغْ إِجّْ ن لْمَالَاكْ نّغْنِي إِهْوَا-د زڭْ ؤُجنَّا، ثُوغَا يَارْضْ أَسيْنُو ؤُشَا ثَاسْڒِيثْ ن ونْژَارْ ن ؤُجنَّا ثْبدّْ أَسْ خْ ؤُزدْجِيفْ. أَغمْبُوبْ نّسْ إِڭَّا أَمْ ثْفُوشْثْ، إِضَارنْ نّسْ أَمْ إِپِيلَارنْ ن ثْمسِّي.
REV 10:2 إِطّفْ ذڭْ ؤُفُوسْ نّسْ إِجّْ ن وذْلِيسْ [إِتّْوَانّْضنْ] أَمژْيَانْ يَارْزمْ. إِسَّارْسْ أَضَارْ نّسْ أَفُوسِي خْ ڒبْحَارْ، أَضَارْ نّسْ أَزڒْمَاضْ خْ ثمُّورْثْ،
REV 10:3 ؤُشَا إِڒَاغَا س ثْمِيجَّا ثجْهذْ، أَمْ وَايْرَاذْ إِتّْزهَّارنْ، ؤُشَا أَوَارْنِي ڒَامِي د-إِڒَاغَا، جِّينْ سبْعَا ن وَاجَّاجنْ أَذْ سْڒنْ ثْمِيجَّاوِينْ نْسنْ.
REV 10:4 ڒَامِي كمّْڒنْ سبْعَا ن وَاجَّاجنْ نِّي أَوَاڒْ نْسنْ، ثُوغَا خْسغْ أَذْ ث أَرِيغْ، [مَاشَا] سْڒِيغْ إِ يِيشْثْ ن ثْمِيجَّا ثْڒَاغَا-د زڭْ ؤُجنَّا وِيسّْ سبْعَا: ”أڭّْ أَشمِّيعْ خْ مِينْ نَّانْ سبْعَا ن وَاجَّاجنْ، وَارْ ث تَّارِي شَا.“
REV 10:5 لْمَالَاكْ نِّي ثُوغَا ژْرِيغْ إِبدّْ خْ ڒبْحَارْ ذ ثمُّورْثْ، إِكْسِي أَفُوسْ نّسْ غَارْ ؤُجنَّا
REV 10:6 ؤُشَا إِجُّودْجْ غَارْ ونِّي إِدَّارنْ إِ ڒبْذَا قَاعْ، ونِّي إِڭِّينْ أَجنَّا ذ مِينْ ذَايسْ ؤُ ثَامُّورْثْ ذ مِينْ ذَايسْ ؤُڒَا ذ ڒبْحَارْ ذ مِينْ ذَايسْ: ”وَارْ ثقِّيمْ بُو ڒْوقْثْ عَاذْ!“
REV 10:7 مَاغَارْ ذڭْ وُوسَّانْ ن لْمَالَاكْ وِيسّْ سبْعَا، خْمِي غَا إِسُوضْ نتَّا [ذِي ڒْبُوقْ نّسْ]، ڭُّورْ أَذْ إِكْمڒْ سِّيرّْ ن أَربِّي نِّي ثُوغَا إِتّْبَارّحْ إِ إِمْسخَّارنْ نّسْ، إِنَابِييّنْ.
REV 10:8 ؤُشَا ثْمِيجَّا زڭْ ؤُجنَّا إِ سْڒِيغْ ثسِّيوڒْ غَارِي إِشْثْ ن ثْوَاڒَا نّغْنِيثْ، ثنَّا: ”ؤُيُورْ، كْسِي أَذْلِيسْ [إِتّْوَانّْضنْ] أَمژْيَانْ يَارزْمنْ إِ إِدْجَانْ ذڭْ ؤُفُوسْ ن لْمَالَاكْ نِّي إِبدّنْ خْ ڒبْحَارْ ذ ثمُّورْثْ.“
REV 10:9 ؤُشَا ؤُيُورغْ غَارْ لْمَالَاكْ، تَّارغْ أَسْ أَذْ أَيِي إِوْشْ أَذْلِيسْ [إِتّْوَانّْضنْ] أَمژْيَانْ. إِنَّا أَيِي: ”كْسِي [أَذْلِيسْ-أَ أَمژْيَانْ]، ثشِّيذْ ث ؤُشَا أَذْ إِسَّارْزڭْ أَعذِّيسْ نّشْ، مَاشَا ذڭْ ؤُقمُّومْ نّشْ أَذْ يِيڒِي [ذ أَمِيژِيذْ] أَمْ ثَامّنْثْ.“
REV 10:10 نشّْ كْسِيغْ أَذْلِيسْ أَمژْيَانْ [إِتّْوَانّْضنْ] زڭْ ؤُفُوسْ ن لْمَالَاكْ ؤُشَا شِّيغْ ث. ثُوغَا-ث ذ أَمِيژِيذْ ذڭْ ؤُقمُّومْ إِنُو، [مَاشَا] ڒَامِي ث شِّيغْ، يَارْزڭْ ذڭْ ؤُعذِّيسْ إِنُو.
REV 10:11 [خنِّي] إِنَّا أَيِي: ”ثمّوْشْ أَسْ عَاوذْ ڒْوقْثْ مَاحنْذْ أَذْ ثْنبِّيذْ إِ وَاطَّاسْ ن ڒڭْنُوسْ ذ ثمُّورَا ذ إِڒْسَاونْ ذ إِجدْجِيذنْ.“
REV 11:1 ؤُشَا إِمّوْشْ أَيِي إِجّْ ن ؤُغَانِيمْ، إِڭَّا أَمْ يِيجّْ ن ؤُقطَّابْ [ن ڒعْبَارْ]، ؤُشَا إِبدّْ [ذِينْ] لْمَالَاكْ، إِنَّا: ”كَّارْ ؤُشَا عْبَارْ زَّاوشْثْ ثَامقّْرَانْثْ ن أَربِّي ذ ؤُعَالْطَارْ ذ يِينِّي ذَايسْ إِعبّْذنْ،
REV 11:2 [مَاشَا] ڒمْرَاحْ نِّي غَارْ ذَاخڒْ ن زَّاوشْثْ ثَامقّْرَانْثْ، أجّْ إِ-ث، وَارْ ث تّْعبَّارْ، مِينْزِي أَقَا إِمّوْشْ إِ ڒڭْنُوسْ ؤُشَا نِيثْنِي أَذْعفْسنْ خْ ثنْذِينْثْ إِقدّْسنْ ثْنَاينْ ؤُ أَربْعِينْ ن إِيُورنْ.
REV 11:3 نشّْ أَذْ وْشغْ صُّولْطَا إِ ثْنَاينْ ن ڒشْهُوذْ إِنُو، مَاحنْذْ أَذْ نبَّانْ [س وَاوَاڒْ ن أَربِّي] أَڒفْ ؤُ مِيثَاينْ ؤُ-ستِّينْ ن وُوسَّانْ، أَمْ يَارْضنْ ثْخَانْشثْ ن وشْضَانْ.“
REV 11:4 نِيثْنِي ذ ثْنَاينْ ن ثْزِيثُونِينْ ذ ثْنَاينْ ن ڒقْنَاذڒْ إِ إِبدّنْ زَّاثْ إِ وُوذمْ ن سِيذِي ن مَارَّا ثَامُّورْثْ.
REV 11:5 مَاڒَا ذِينْ شَا ن يِيجّنْ إِخْسْ أَذْ ثنْ إِهْوڒْ، أَذْ ثفّغْ ثْمسِّي زڭْ ؤُقمُّومْ نْسنْ ؤُشَا أَذْ ثشّْ ڒْعذْيَانْ نْسنْ. أَمُّو إِ غَا تّْوَانْغنْ إِنِّي إِخْسنْ أَذْ ثنْ ضَارّنْ.
REV 11:6 نِيثْنِي غَارْسنْ صُّولْطَا مَاحنْذْ أَذْ قّْننْ أَجنَّا، حِيمَا وَارْ د-إِوطِّي ونْژَارْ ذڭْ وُوسَّانْ نِّي ذِي غَا نبَّانْ نِيثْنِي، ؤُ غَارْسنْ صُّولْطَا حِيمَا أَذْ أَرّنْ أَمَانْ ذ إِذَامّنْ ؤُ حِيمَا أَذْ سيّْحنْ ثَامُّورْثْ س مَارَّا جّْرِيحشْثْ مڒْمِي مَا خْسنْ.
REV 11:7 خْمِي غَا كمّْڒنْ شّْهَاذَاثْ نْسنْ، أَذْ د-إِڭعّذْ ڒْوحْشْ زِي ڒَادْجَاغْ، أَذْ كِيسنْ إِمّْنغْ، أَذْ خَاسنْ إِغلّبْ ؤُشَا أَذْ ثنْ إِنغْ.
REV 11:8 ڒْخشْبَاثْ نْسنْ [أَذْ إِڒِينْثْ] ذڭْ وَازَّايْ ن ثنْذِينْثْ ثَامقّْرَانْثْ ؤُمِي قَّارنْ س ڒْمعْنَا أَرُّوحِي نّسْ ’سَاذُومْ‘ ذ ’مِيصْرَا‘، مَانِي نْغِينْ سِيذِيثْسنْ خْ صَّالِيبْ.
REV 11:9 ؤُشَا زِي شُّوعُوبْ ذ ثْقبَّاڒْ ذ إِڒْسَاونْ ذ ڒڭْنُوسْ أَذْ ژَترنْ [إِوْذَانْ] ڒْخشْبَاثْ نْسنْ، [ڒْقدّْ ن] ثْڒَاثَا ن وُوسَّانْ ذ وزْينْ، وَارْ تّجِّينْ ڒْخشْبَاثْ نْسنْ أَذْ تّْوَامَّارْسنْثْ ذڭْ إِمضْڒَانْ.
REV 11:10 إِمزْذَاغْ ن ثمُّورْثْ أَذْ زَّايْسنْ فَارْحنْ، أَذْعيّْذنْ، أَذْ أَرزْفنْ إِجّنْ غَارْ ونّغْنِي، أَذْ سّكّنْ إِكَاذُوثنْ إِ وَايَاوْيَا، مِينْزِي ثْنَاينْ ن إِنَابِييّنْ-أَ ثُوغَاغزَّانْ ذڭْ إِمزْذَاغْ ن ثمُّورْثْ.
REV 11:11 [مَاشَا] أَوَارْنِي ثْڒَاثَا ن وُوسَّانْ ذ وزْينْ يُوذفْ ذَايْسنْ أَرُّوحْ إِدَّارنْ زِي أَربِّي ؤُشَا كَّارنْ، بدّنْ خْ إِضَارنْ نْسنْ ؤُ ثوْضَا-د خَاسنْ أَرُّوحْ ن ثُوذَارْثْ ؤُشَا ثِيڭّْوُوذِي ثمْغَارْ ثوْضَا-د خْ [مَارَّا] إِنِّي ثنْ إِژْرِينْ.
REV 11:12 نِيثْنِي سْڒِينْ إِشْثْ ن ثْمِيجَّا ثجْهذْ [ثتّْڒَاغَا] زڭْ ؤُجنَّا، ثقَّارْ أَسنْ: ”ڭعّْذمْ-د ذَا!“ ؤُشَا نِيثْنِي ڭعّْذنْ غَارْ ؤُجنَّا ذڭْ ؤُسيْنُو ؤُشَا ڒْعذْيَانْ نْسنْ ژْرِينْ ثنْ.
REV 11:13 ذِي ثْسَاعّثْ نِّي إِمْسَارْ إِجّْ ن ونْهزِّي ن ثمُّورْثْ ذ أَمقّْرَانْ. إِشْثْ ن ثْعشَّارْثْ ن ثنْذِينْثْ ثهْذمْ ؤُشَا سبْعَا-أَڒَافْ ن يرْيَازنْ غَارْسنْ إِسمْ [إِشنّْعنْ] مُّوثنْ س ونْهزِّي-يَا ن ثمُّورْثْ. وِي إِقِّيمنْ، ذوْڒنْ ڭّْوذنْ أَطَّاسْ ؤُشَا سُّوعْڒَانْ زِي أَربِّي ن ؤُجنَّا.
REV 11:14 ’خْزَارْ، ثْنَاينْ ن وُوشْثَاثْ عْذُونْثْ، ؤُشَا خْزَارْ ’ؤُشْثْ!‘ وِيسّْ ثْڒَاثَا أَذْ د-ثَاسْ ذغْيَا.
REV 11:15 لْمَالَاكْ وِيسّْ سبْعَا إِسُوضْ [ذِي ڒْبُوقْ نّسْ] ؤُشَا كَّارنْثْ-إِ-د ثْمِيجَّاوِينْ ثِيمقّْرَانِينْ ذڭْ ؤُجنَّا، تّْڒَاغَانْثْ: ”ثَاڭلْذَا ن دُّونشْثْ أَقَا-ت ن أَربِّي نّغْ ؤُ ن لْمَاسِيحْ نّسْ، ؤُشَا نتَّا أَذْ إِحْكمْ أَمْ ؤُجدْجِيذْ إِ ڒبْذَا قَاعْ.“
REV 11:16 أَربْعَا ؤُ عِيشْرِينْ ن إِمْغَارنْ، إِنِّي إِقِّيمنْ زَّاثْ إِ أَربِّي خْ ڒكْرَاسِي نْسنْ إِڭلّْذنْ، وْضَانْ س ؤُغمْبُوبْ نْسنْ [غَارْ ثمُّورْثْ] ؤُشَا سجْذنْ إِ أَربِّي،
REV 11:17 نَّانْ: ”نشِّينْ نتّْقَاذَا شكْ، أَ سِيذِي أَربِّي، أَمْزمَّارْ خْ كُوڒْشِي، شكْ ذ ونِّي إِدْجَانْ ذ ونِّي ثُوغَا، أَقَا ثكْسِيذْ جّهْذْ نّشْ أَمقّْرَانْ ذڭْ ؤُفُوسْ نّشْ، ؤُشَا ثبْذِيذْ أَذْ ثْحكْمذْ أَمْ ؤُجدْجِيذْ.
REV 11:18 ڒڭْنُوسْ ثُوغَا خيّْقنْ خَاكْ، مَاشَا يُوسَا-د وغْضَابْ نّشْ، ؤُشَا ثِيوضْ-د ڒْوقْثْ ن إِمتِّيننْ حِيمَا أَذْ تّْوَاحَاسْبنْ ؤُ حِيمَا أَذْ ثمّوْشْ ڒْمُونثْ إِ إِمْسخَّارنْ نّشْ، إِنَابِييّنْ، ؤُ إِ إِمْقدَّاسنْ ؤُ إِ يِينِّي إِتّڭّْوذنْ إِسمْ نّشْ، أَمْ إِمژْيَاننْ أَمْ يِيمقّْرَاننْ، ؤُ شكْ أَذْ ثَاريّْبذْ إِنِّي إِتَّارذْدْجنْ ثَامُّورْثْ.“
REV 11:19 ثنُّورْزمْ زَّاوشْثْ ثَامقّْرَانْثْ ذڭْ ؤُجنَّا أَڒَامِي ثتّْوَاژَارْ تَّابُوثْ ن ڒْعَاهْذْ نّسْ ذِي زَّاوشْثْ ثَامقّْرَانْثْ، ؤُشَا كَّارنْ وَاسَّامنْ ذ وَاجَّاجنْ ذ ثْمِيجَّاوِينْ ؤُشَا إِمْسَارْ إِجّْ ن ونْهزِّي ن ثمُّورْثْ ؤُ [وْضَانْ] [إِبْقُوقنْ] إِمقّْرَاننْ [ن] ثبْرُورِي.
REV 12:1 خنِّي ثتّْوَاژَارْ إِشْثْ ن ڒعْڒَامثْ ثَامقّْرَانْثْ ذڭْ ؤُجنَّا: إِشْثْ ن ثْمطُّوثْ ثْيَارْضْ ثَافُوشْثْ، ؤُ ثَازِيرِي سَاذُو إِضَارنْ نّسْ ؤُشَا غَارسْ خْ ؤُزدْجِيفْ نّسْ إِجّْ ن تَّاجْ س ثنْعَاشْ ن إِثْرَانْ.
REV 12:2 ثُوغَا ثكْسِي دّيْسثْ، ثسْغُويُّو س ڒوْجعْ، ثتّْوَاحْصَارْ س ؤُنزْبَارْ ن ثَارُوثْ.
REV 12:3 خنِّي ثتّْوَاژَارْ إِشْثْ ن ڒعْڒَامثْ نّغْنِي ذڭْ ؤُجنَّا، أَقَا ذِينْ إِشْثْ ن ڒْهَايْشثْ ثَامقّْرَانْثْ ثَازڭّْوَاغْثْ أَمْ ثْمسِّي، غَارسْ سبْعَا ن إِزدْجِيفنْ ذعشْرَا ن وَاشَّاونْ، ؤُشَا خْ إِزدْجِيفنْ نّسْ سبْعَا ن تِّيجَانْ.
REV 12:4 ؤُشَا أَكنَّاسْ نّسْ إِفَارْضْ إِشْثْ ن تُّوڒُوثْ ن إِثْرَانْ زڭْ ؤُجنَّا، ثسّْژَاريّضْ إِ-ثنْ غَارْ ثمُّورْثْ. ؤُشَا ڒْهَايْشثْ ثُوغَا ثْبدّْ زَّاثْ إِ ثْمطُّوثْ إِ غَا يَارْونْ، حِيمَا أَذْ ثْصَارْضْ مِّيسْ خْمِي ث-إِ-د إِ غَا ثَارُووْ.
REV 12:5 ؤُشَا ثُورُووْ-د مِّيسْ، أَرْيَازْ نِّي إِ غَا إِحكْمنْ خْ مَارَّا ڒڭْنُوسْ س ؤُزدْجَاضْ ن وُوزَّاڒْ، ؤُشَا مِّيسْ إِمّكْسِي ذغْيَا غَارْ أَربِّي ؤُ غَارْ ڒْعَارْشْ نّسْ.
REV 12:6 مَاشَا ثَامطُّوثْ ثَارْوڒْ غَارْ ڒخْڒَا، غَارْ مَانِي ثُوغَا ذ أَسْ إِڭَّا أَربِّي أَمْشَانْ حِيمَا أَذْ أَسْ سّشّنْ، ڒْْقدّْ ن وَاڒفْ ؤُ-مِيثَايْنْ ؤُ-ستِّينْ ن وُوسَّانْ.
REV 12:7 ؤُشَا إِكَّارْ ؤُمنْغِي ذڭْ ؤُجنَّا. مِيخَايِيلْ ذ لْمَالَاكَاثْ نّسْ مّنْغنْثْ أَكْ-ذ ڒْهَايْشثْ، ؤُشَا ؤُڒَا ذ ڒْهَايْشثْ ذ لْمَالَاكَاثْ نّسْ مّنْغنْثْ،
REV 12:8 مَاشَا نِيثْنِي وَارْ جْهِيذنْ شَا ؤُشَا وَارْ إِتّْوِيفْ عَاذْ ومْشَانْ ذڭْ ؤُجنَّا إِ نِيثْنِي.
REV 12:9 ثمّنْضَارْ-د ڒْهَايْشثْ ثَامقّْرَانْثْ، نتَّاثْ ذ ؤُفِيغَارْ نِّي ثُوغَا زِيشْ، قَّارنْ أَسْ ’إِبْڒِيسْ‘ نِيغْ ’شِّيطَانْ‘، ونِّي إِغكّْوَانْ مَارَّا ثَامُّورْثْ، [وَاهْ]، أَقَا إِمّنْضَارْ-د خْ ثمُّورْثْ ؤُشَا لْمَالَاكَاثْ نّسْ مّنْضَارنْثْ-إِ-د [عَاوذْ] أَكِيذسْ.
REV 12:10 ؤُشَا سْڒِيغْ إِشْثْ ن ثْمِيجَّا ثَامقّْرَانْثْ زڭْ ؤُجنَّا ثقَّارْ س جّهْذْ: ”أَقَا يُوسَا-د ؤُفكِّي ذ صُّولْطَا ذ ثْڭلْذِيثْ ن أَربِّي نّغْ، مِينْزِي ونِّي إِضڒْمنْ أَيْثْمَاثْنغْ، أَقَا إِمّنْضَارْ، ونِّي إِ ثنْ إِضڒْمنْ أَسّْ ذ دْجِيڒثْ.
REV 12:11 غلّْبنْ خَاسْ س إِذَامّنْ ن إِزْمَارْ، ذ وَاوَاڒْ ن شّْهَاذثْ نّسْ، ؤُشَا نِيثْنِي وَارْ سّْعِيزّنْ شَا ثُوذَارْثْ نْسنْ أَڒْ ڒْموْثْ.
REV 12:12 خْ ؤُينِّي، فَارْحمْ، أَ إِجنْوَانْ ذ يِينِّي ذَايْسنْ إِزدّْغنْ! ؤُشْثْ خْ ثمُّورْثْ ذ ڒبْحَارْ، إِبْڒِيسْ أَقَا إِهْوَا-د غَارْومْ س ثفْقحْثْ نّسْ إِمْغَارنْ أَطَّاسْ، إِسّنْ أَذْ غَارسْ إِقِّيمْ ذْرُوسْثْ ن ڒْوقْثْ وَاهَا.“
REV 12:13 أَڒَامِي ڒْهَايْشثْ ثُوفَا إِخفْ نّسْ ثمّنْضَارْ غَارْ ثمُّورْثْ، ثضْفَارْ ثَامطُّوثْ إِ د-يُورْونْ [مِّيسْ] ذ أَوْثمْ.
REV 12:14 مّوْشنْ أَسْ إِ ثْمطُّوثْ ثْنَاينْ ن وفْرِيونْ ن ؤُڭِيذرْ أَمقّْرَانْ، حِيمَا أَذْ ثضْوُو غَارْ ومْشَانْ نّسْ ذِي ڒخْڒَا، مَاحنْذْ أَذْ ثتّْوَاسّشّْ ذِينِّي، إِجّْ ن ڒْمِيجَاڒْ ن ڒْوقْثْ ذ ڒوْقَاثْ ذ إِجّْ ن وزْينْ ن يِيجّْ ن ڒْمِيجَاڒْ ن ڒْوقْثْ، مَانِي وَارْ ت إِژَارّْ ؤُفِيغَارْ.
REV 12:15 أَفِيغَارْ إِسُّوسفْ زڭْ ؤُقمُّومْ نّسْ أَوَارْنِي إِ ثْمطُّوثْ، إِڭَّا إِشْثْ ن ڒْحمْڒثْ ن وَامَانْ أَمْ يغْزَارْ، حِيمَا أَذْ ت أَوْينْ وَامَانْ.
REV 12:16 ثَامُّورْثْ ثْعَاونْ ثَامطُّوثْ ؤُشَا ثَارْزمْ ثمُّورْثْ أَقمُّومْ نّسْ، ثحْرُووْ إِغْزَارْ ونِّي د-إِسُّوسْفنْ ڒْهَايْشثْ زڭْ ؤُقمُّومْ نّسْ.
REV 12:17 ؤُشَا ڒْهَايْشثْ ثْخيّقْ أَطَّاسْ خْ ثْمطُّوثْ ؤُشَا ثُويُورْ حِيمَا أَذْ ثمّْنغْ أَكْ-ذ يِينِّي إِقِّيمنْ زِي زَّارِيعثْ نّسْ ؤُشَا أَكْ-ذ إِنِّي إِتّطّْفنْ ذِي ثْوصَّا ن أَربِّي ؤُ ذِي شّْهَاذثْ ن يَاسُوع.
REV 13:1 ؤُشَا ذوْڒغْ بدّغْ خْ إِجْذِي [غَارْ ثْمَا] ن ڒبْحَارْ، ؤُشَا ژْرِيغْ إِجّْ ن ڒْوحْشْ إِڭعّذْ-د زِي ڒبْحَارْ، غَارسْعشْرَا ن وَاشَّاونْ ذ سبْعَا ن إِزدْجِيفنْ. خْ وَاشَّاونْ نّسْعشْرَا ن تِّيجَانْ ؤُشَا خْ إِزدْجِيفنْ نّسْ إِتّْوَارِي خَاسنْ إِجّْ ن يِيسمْ ن تّكْفِيرْ.
REV 13:2 ڒْوحْشْ إِ ژْرِيغْ، يَارْوسْ ذڭْ ؤُغِيڒَاسْ، إِضَارنْ نّسْ أَمْ يِيضَارنْ ن دُّوبْ، أَخنْفُوشْ نّسْ أَمْ ؤُخنْفُوشْ ن وَايْرَاذْ. ڒْهَايْشثْ ثوْشَا أَسْ جّهْذْ نّسْ ذ ڒْعَارْشْ نّسْ ؤُڒَا ذ صُّولْطَا إِمْغَارنْ.
REV 13:3 إِجّنْ زڭْ إِزدْجِيفنْ نّسْ إِڭَّا أَخْمِي ث وْثِينْ أَڒْ ڒْموْثْ، خنِّي إِتّْوَاسّْڭنْفَا ؤُيزِّيمْ نّسْ إِ إِڭِّينْ أَخْمِي إِيْزمْ أَڒْ ڒْموْثْ، ؤُشَا مَارَّا ثَامُّورْثْ ثضْفَارْ ڒْوحْشْ س ؤُثبْهثْ أَمقّْرَانْ.
REV 13:4 أَقَا نِيثْنِيعبْذنْ ڒْهَايْشثْ، مِينْزِي نتَّاثْ ثوْشَا صُّولْطَا إِ ڒْوحْشْ، ؤُشَا نِيثْنِيعبْذنْ ڒْوحْشْ، نَّانْ: ”وِي يَارْوسنْ ذِي ڒْوحْشْ؟“ ؤُ: ”وِي إِزمَّارنْ أَذْ كِيذسْ إِمّْعَاڒَانْ؟“
REV 13:5 إِمّوْشْ أَسْ [إِ ڒْوحْشْ] أَقمُّومْ نِّي إِسَّاوَاڒنْ س ؤُكبَّارْ ؤُ س ؤُشقّفْ [ذِي أَربِّي]، ؤُشَا ثمّوْشْ أَسْ صُّولْطَا حِيمَا أَذْ إِخْذمْ إِ يِيجّْ ن ڒْقدّْ ن ثْنَاينْ ؤُ-ربْعِينْ ن إِيُورنْ.
REV 13:6 ؤُشَا نتَّا يَارْزمْ أَقمُّومْ نّسْ حِيمَا أَذْ إِشقّفْ ذِي أَربِّي، ؤُ حِيمَا أَذْ إِشقّفْ ذڭْ يِيسمْ نّسْ ؤُ ذِي ثْزذِّيغْثْ ن يِينِّي إِزدّْغنْ ذڭْ ؤُجنَّا.
REV 13:7 إِمّوْشْ أَسْ صُّولْطَا مَاحنْذْ أَذْ إِمّْنغْ أَكْ-ذ إِمْقدَّاسنْ ؤُ مَاحنْذْ أَذْ خَاسنْ إِغلّبْ. ثمّوْشْ أَسْ صُّولْطَا خْ مَارَّا ثِيقبَّاڒْ ذ شُّوعُوبْ ذ يِيڒْسَاونْ ذ ڒڭْنُوسْ.
REV 13:8 مَارَّا إِنِّي ثُوغَا إِزدّْغنْ ذِي ثمُّورْثْ أَذْ ثعبْذنْ، إِنِّي ؤُمِي وَارْ إِتّْوَازمّمنْ [إِسْمَاونْ نْسنْ] ذڭْ وذْلِيسْ إِتّْوَانْضنْ ن ثُوذَارْثْ ن يزْمَارْ ونِّي ؤُمِي إِتّْوَاغَارْصْ قْبڒْ ثَامَارْسِيوْثْ ن دُّونشْثْ.
REV 13:9 ونِّي غَارْ دْجَانْ إِمزُّوغنْ، أجّْ إِ-ث أَذْ إِسڒْ.
REV 13:10 مَاڒَا [ذِينْ] إِجّنْ ونِّي إِسِّيذْفنْ غَارْ ثْمحْبَاسْثْ، أَذْ إِتّْوَانْذهْ نتَّا [س يِيخفْ نّسْ] غَارْ ثْمحْبَاسْثْ. إِنِّي إِنْغِينْ س سِّيفْ، أَذْ تّْوَانْغنْ س سِّيفْ: أَقَا ذَا [إِتّْبَانْ-د] لْ-إِيمَانْ ذ صّْبَارْ ن إِمْقدَّاسنْ.
REV 13:11 [خنِّي] ژْرِيغْ إِجّْ ن ڒْوحْشْ نّغْنِي إِتّْڭعَّاذْ-د زِي ثمُّورْثْ. ثُوغَا غَارسْ ثْنَاينْ ن وَاشَّاونْ ؤُشَا يَارْوسْ ذڭْ إِزْمَارْ، [مَاشَا] إِسِّيوڒْ أَمْ ڒْهَايْشثْ.
REV 13:12 ثُوغَا إِحكّمْ س مَارَّا صُّولْطَا ن ڒْوحْشْ أَمزْوَارُو زَّاثسْ، يَارَّا-د ثَامُّورْثْ ذ إِمزْذَاغْ نّسْ مَارَّا أَذْعبْذنْ ڒْوحْشْ أَمزْوَارُو، ونِّي إِڭّنْفَانْ زڭْ ؤُيزِّيمْ إِ إِڭِّينْ أَخْمِي إِيْزمْ أَڒْ ڒْموْثْ.
REV 13:13 نتَّا أَذْ إِڭّْ ڒعْڒَامَاثْ ثِيمقّْرَانِينْ أَڒَامِي إِ غَا يَارّْ ثِيمسِّي أَذْ د-ثهْوَا زڭْ ؤُجنَّا خْ ثمُّورْثْ قِيبَاتْشْ إِ [ثِيطَّاوِينْ ن] إِوْذَانْ.
REV 13:14 أَذْ إِغْوَا إِنِّي إِزدّْغنْ ذِي ثمُّورْثْ س ڒعْڒَامَاثْ إِ ذ أَسْ إِمّوْشنْ حِيمَا أَذْ ثنْثْ إِڭّْ قِيبَاتْشْ إِ [ثِيطَّاوِينْ ن] ڒْوحْشْ [أَمزْوَارُو]، مَاحنْذْ أَذْ يِينِي إِ يِينِّي إِزدّْغنْ ذِي ثمُّورْثْ أَذْ كَّارنْ أَذْ سّْبدّنْ إِجّْ ن ڒخْيَاڒْ إِ ڒْوحْشْ، ونِّي ثُوغَا إِيْزمْ س سِّيفْ، [مَاشَا] إِدَّارْ [عَاذْ].
REV 13:15 ؤُشَا إِمّوْشْ أَسْ أَذْ إِڭّْ إِجّْ ن أَرُّوحْ إِ ڒخْيَاڒْ ن ڒْوحْشْ ؤُ حِيمَا أَذْ إِڭّْ بلِّي مَارَّا إِنِّي وَارْ إِعبّْذنْ ڒْوحْشْ، أَذْ تّْوَانْغنْ.
REV 13:16 ؤُشَا أَذْ إِڭّْ مَاحنْذْ أَذْ ثمّوْشْ إِ مَارَّا، إِ إِمژْيَاننْ ذ إِمقّْرَاننْ، إِ أَيْثْبَابْ ن وَاڭْڒَا ذ إِمزْڒَاضْ، إِ أَيْثْ ن شَّانْ ذ إِسمْغَانْ، إِشْثْ ن ڒْمَارْكَا خْ ؤُفُوسْ نْسنْ أَفُوسِي نِيغْ خْ ثنْيَارْثْ نْسنْ،
REV 13:17 مَاحنْذْ ؤُڒَا ذ إِجّْ وَارْ إِزمَّارْ أَذْ إِسغْ نِيغْ أَذْ إِزّنْزْ مْغِيرْ ونِّي خْ ثدْجَا ڒْمَارْكَا ن يِيسمْ ن ڒْوحْشْ نِيغْ نُّومْرُو ن يِيسمْ نّسْ.
REV 13:18 ذَانِيثَا ثدْجَا ثِيغِيثْ: ونِّي غَارْ إِدْجَا ڒعْقڒْ، أجّْ إِ-ث أَذْ إِحْسبْ نُّومْرُو ن ڒْوحْشْ، مِينْزِي نتَّا ذ نُّومْرُو ن إِجّْ ن بْنَاذمْ ؤُشَا نُّومْرُو نّسْ ذ ستَّا-مْيَا ؤُ-ستَّا ؤُ-ستِّينْ.
REV 14:1 ؤُشَا ژْرِيغْ، أَقَا إِزْمَارْ إِبدّْ-د خْ وذْرَارْ ن صِيهْيُونْ، ؤُشَا أَكِيذسْ مْيَا ؤُ-أَربْعَا ؤُ-ربْعِينْ-أَڒفْ، إِنِّي خْ ثنْيَارْثْ نْسنْ يُورَا إِسمْ نّسْ ذ يِيسمْ ن بَابَاسْ.
REV 14:2 سْڒِيغْ إِشْثْ ن ثْمِيجَّا ثُوسَا-د زڭْ ؤُجنَّا، أَمْ ڒْحسّْ ن وَاطَّاسْ ن وَامَانْ ؤُ أَمْ ڒْحسّْ ن وَاجَّاجْ أَمقّْرَانْ، ؤُشَا ڒْحسّْ إِ سْڒِيغْ ثُوغَا أَمْ يِيجّْ ن بُو-لهَارْپَا إِتِّيرَارنْ ذِي لهَارْپَا نّسْ.
REV 14:3 أَقَا نِيثْنِيغنّْجنْ [مِينْ إِدْجَانْ] أَمْ يِيجّْ ن يزْڒِي ن ؤُصبّحْ ذ جْذِيذْ [قَاعْ] زَّاثْ إِ ڒْعَارْشْ ؤُ زَّاثْ إِ أَربْعَا ن إِمُودَّارنْ ذ إِمْغَارنْ، ؤُشَا ؤُڒَا ذ إِجّْ وَارْ إِزمَّارْ أَذْ إِڒْمذْ إِزْڒِي [أَيَا] ن ؤُصبّحْ مْغِيرْ مْيَا ؤُ-أَربْعَا ؤُ-ربْعِينْ-أَڒفْ، إِنِّي إِتّْوَافْذِينْ زِي ثمُّورْثْ.
REV 14:4 إِنَا ذ إِنِّي وَارْ إِسّفْسذنْ إِخفْ نْسنْ أَكْ-ذ ثمْغَارِينْ، مِينْزِي نِيثْنِي ذ إِعزْرِييّنْ إِمزْذَاڭنْ. نِيثْنِي ضفَّارنْ إِزْمَارْ مَانِي مَا إِكَّا. أَقَا إِنَا إِتّْوَافْذِينْ زڭْ إِوْذَانْ [أَمْ] [صَّابثْ] ثَامزْوَارُوثْ إِ أَربِّي ؤُ إِ يزْمَارْ.
REV 14:5 أَقَا وَارْ إِتّْوِيفِّي شَا ڒْغشّْ ذڭْ ؤُقمُّومْ نْسنْ، أَقَا وَارْ ذَايْسنْ بُو ڒْعِيبْ.
REV 14:6 ؤُشَا ژْرِيغْ إِجّْ ن لْمَالَاكْ نّغْنِي ثُوغَا إِطَّاوْ ذِي ڒْوسْطْ ن ؤُجنَّا، غَارسْ ڒخْبَارْ أَصبْحَانْ إِ ڒبْذَا حِيمَا أَذْ زَّايسْ إِبَارّحْ إِ يِينِّي إِزدّْغنْ ذِي ثمُّورْثْ، إِ كُوڒْ ڒْڭنْسْ ذ شّعْبْ ذ ثقْبِيتْشْ ذ يِيڒسْ،
REV 14:7 ؤُشَا إِنَّا س جّهْذْ: ”ڭّْوذمْ أَربِّي، وْشمْ أَسْ-د أَعُودْجِي، أَقَا ثَاسَاعّثْ ن لْحِيسَابْ نّسْ ثِيوضْ-د. سجْذمْ إِ ونِّي إِڭِّينْ أَجنَّا ذ ثمُّورْثْ ذ ڒبْحَارْ ذ ثَاڒَاوِينْ ن وَامَانْ.“
REV 14:8 ؤُشَا ونّغْنِي، ونِّي ذ وِيسّْ ثْنَاينْ، إِضْفَارْ إِ-ث، إِنَّا: ”أَقَا ثوْضَا، أَقَا ثوْضَا ثنْذِينْثْ ثَامقّْرَانْثْ بَابِيلْ، إِ يجِّينْ أَذْ سْونْ مَارَّا ڒڭْنُوسْ زِي بِينُو ن ثفْقحْثْ ن فَارْقْ-شّْغڒْ نّسْ.“
REV 14:9 ؤُشَا ونّغْنِي، إِجّْ ن لْمَالَاكْ وِيسّْ ثْڒَاثَا، إِضْفَارْ إِ-ثنْ ؤُشَا إِڒَاغَا س جّهْذْ: ”ونِّي إِعبْذنْ ڒْوحْشْ ذ ڒخْيَاڒْ نّسْ ذ ونِّي إِكْسِينْ ڒْمَارْكَا خْ ثنْيَارْثْ نّسْ نِيغْ ذڭْ ؤُفُوسْ نّسْ،
REV 14:10 ذ نتَّا أَذْ إِسُو عَاوذْ زِي بِينُو ن ثفْقحْثْ ن سِيذِي، ونِّي إِسّْوجْذنْ بْڒَا أَخدْجضْ ذِي ڒْكَاسْ ن وغْضَابْ نّسْ، ؤُشَا أَذْ إِتّْوَاعدّبْ س ثْمسِّي ذ ڒشْبَاريّثْ قِيبَاتْشْ إِ ثِيطَّاوِينْ ن لْمَالَاكَاثْ إِقدّْسنْ ؤُ قِيبَاتْشْ إِ ثِيطَّاوِينْ ن يزْمَارْ.
REV 14:11 ؤُشَا دّخَّانْ ن ؤُعدّبْ نْسنْ أَذْ إِقِّيمْ إِڭعّذْ إِ ڒبْذَا قَاعْ. وَارْ ذِينْ بُو أَرَّاحثْ أَسّْ ذ دْجِيڒثْ إِ ونِّي إِسجّْذنْ إِ ڒْوحْشْ ذ ڒخْيَاڒْ نّسْ ؤُ إِ ونِّي إِكْسِينْ ڒْمَارْكَا ن يِيسمْ نّسْ.
REV 14:12 أَقَا ذَا إِتّْبَانْ-د صّْبَارْ ن إِمْقدَّاسنْ، إِنِّي إِتّطّْفنْ ذِي ثْوصَّا ن أَربِّي ؤُ حطَّانْ لْ-إِيمَانْ ن يَاسُوع.“
REV 14:13 ؤُشَا سْڒِيغْ إِشْثْ ن ثْمِيجَّا ثتّْڒَاغَا-د زڭْ ؤُجنَّا، ثقَّارْ: ”أَرِي: سّعْذْ ن إِمتِّيننْ إِنِّي إِ غَا مّْثنْ ذِي سِيذِيثْنغْ، زِي ڒخُّو ثْسَاونْثْ!“ ”وَاهْ، إِنَّا أَرُّوحْ، مَاغَارْ أَذْ أَريّْحنْ زِي ڒخْذَايمْ نْسنْ!“، أَقَا ڒخْذَايمْ نْسنْ أَذْ ثنْ ضْفَارنْثْ.
REV 14:14 ؤُشَا ژْرِيغْ، أَقَا إِجّْ ن ؤُسيْنُو ذ أَشمْڒَاڒْ، ؤُشَا خْ ؤُسيْنُو إِقِّيمْ خَاسْ ونِّي يَارْوسنْ ذڭْ إِجّْ ن مِّيسْ ن بْنَاذمْ، غَارسْ تَّاجْ ن وُورغْ خْ ؤُزدْجِيفْ نّسْ ؤُ أَمْجَارْ إِقْضعْ ذڭْ ؤُفُوسْ نّسْ.
REV 14:15 ؤُشَا إِجّْ ن لْمَالَاكْ نّغْنِي إِفّغْ-د زِي زَّاوشْثْ ثَامقّْرَانْثْ ؤُشَا إِڒَاغَا س جّهْذْ خْ ونِّي إِقِّيمنْ خْ ؤُسيْنُو: ”سكّْ-د أَمْجَارْ نّشْ، مْجَارْ! أَقَا ثَاسَاعّثْ ن ثْميْرَا ثِيوضْ-د!“
REV 14:16 ؤُشَا ونِّي إِقِّيمنْ خْ ؤُسيْنُو، إِسّكّْ-د أَمْجَارْ نّسْ غَارْ ثمُّورْثْ ؤُشَا ثتّْوَامْجَارْ ثمُّورْثْ.
REV 14:17 ؤُشَا إِجّْ ن لْمَالَاكْ نّغْنِي إِفّغْ-د زِي زَّاوشْثْ ثَامقّْرَانْثْ إِ إِدْجَانْ ذڭْ ؤُجنَّا، [ؤُشَا ؤُڒَا ذ] نتَّا غَارسْ إِجّْ ن ومْجَارْ إِقْضعْ.
REV 14:18 ؤُشَا إِجّْ ن لْمَالَاكْ نّغْنِي ونِّي غَارْ ثدْجَا صُّولْطَا خْ ثْمسِّي، إِفّغْ-د زڭْ ؤُعَالْطَارْ، ؤُشَا إِڒَاغَا-د س جّهْذْ خْ ونِّي غَارْ إِدْجَا ومْجَارْ إِقْضعْ، إِنَّا: ”سكّْ-د أَمْجَارْ نّشْ إِقضْعنْ، ڒْْقضْ إِزكُّوننْ ن ثْزَايَارِينْ ن ثمُّورْثْ، مِينْزِي أَضِيڒْ نّسْ أَقَا يِيوضْ.“
REV 14:19 ؤُشَا لْمَالَاكْ إِسّكّْ-د أَمْجَارْ نّسْ غَارْ ثمُّورْثْ، إِڒْقضْ أَضِيڒْ نْ ثْزَايَارْثْ ن ثمُّورْثْ، إِنْضَارْ إِ-ث ذِي ثْسِيرْثْ ثَامقّْرَانْثْ ن وغْضَابْ ن أَربِّي.
REV 14:20 حَارْينْ ذِي ثْسِيرْثْ ن ؤُضِيڒْ أَڒْ بَارَّا ن ثنْذِينْثْ ؤُشَا رُوشّنْ-د إِذَامّنْ زِي ثْسِيرْثْ أَڒَامِي إِوْضنْ غَارْ سْڒِيمَاثْ ن ييْسَانْ، ڒْقدّْ ن أَڒفْ ؤُ-مِيثَاينْ ن ’إِسْثَاذِييّنْ‘، [إِخْسْ أَذْ يِينِي عْڒَاحَاڒْ مِيثَاينْ ؤُ-عِيشْرِينْ كِيلُومِيثْرْ].
REV 15:1 ؤُشَا ژْرِيغْ ذڭْ ؤُجنَّا إِشْثْ ن ڒعْڒَامثْ نّغْنِي، ذ ثَامقّْرَانْثْ ذ ثَانبْهثْ: سبْعَا ن لْمَالَاكَاثْ نِّي د-إِوْينْ سبْعَا ن جّْرَايحْ ثِينڭُّورَا، مِينْزِي إِكْمڒْ زَّايْسنْثْ وغْضَابْ ن أَربِّي.
REV 15:2 ؤُشَا ژْرِيغْ شَا إِتّمْشَابهْ ذِي ڒبْحَارْ ن زَّاجْ، ونِّي إِخدْجْضنْ أَكْ-ذ ثْمسِّي، ؤُشَا إِنِّي إِغلّْبنْ خْ ڒْوحْشْ ذ ڒخْيَاڒْ نّسْ ذ نُّومْرُو ن يِيسمْ نّسْ، بدّنْ خْ ڒبْحَارْ ن زَّاجْ، غَارْسنْ لهَارْپَاثْ ن أَربِّي.
REV 15:3 نِيثْنِيغنّْجنْ إِزْڒِي ن ؤُصبّحْ ن مُوسَا، أَمْسخَّارْ ن أَربِّي، ذ يزْڒِي ن ؤُصبّحْ ن يزْمَارْ، قَّارنْ: ”ذ ثِيمقّْرَانِينْ ذ ثْصبْحَانِينْ ڒخْذَايمْ نّشْ، أَ، سِيذِي أَربِّي، أَمْزمَّارْ خْ كُوڒْشِي، ڒخْذَايمْ نّشْ ذ ثَاسڭْذَا ذ ثِيذتّْ، أَ أَجدْجِيذْ ن نْ زّْمَانَاثْ!
REV 15:4 مَانْ ونْ وَارْ شكْ إِتّڭّْوذنْ، أَ سِيذِي، مَانْ ونْ وَارْ إِسّمْغَارَانْ إِسمْ نّشْ؟ شكْ وحّْذكْ إِ إِدْجَانْ ذ أَمزْذَاڭْ قَاعْ، مَاغَارْ مَارَّا ڒڭْنُوسْ أَذْ د-أَسنْ، أَذْ سجْذنْ زَّاثكْ، مِينْزِي شكْ ثْبَانذْ ذ أَمْسڭّذْ ذِي ڒحْكَامَاثْ نّشْ.“
REV 15:5 أَوَارْنِي أَسْ ژْرِيغْ، أَقَا ثنُّورْزمْ زَّاوشْثْ ثَامقّْرَانْثْ ن ثْزذِّيغْثْ ن شّْهَاذثْ ذڭْ ؤُجنَّا
REV 15:6 ؤُشَا سبْعَا ن لْمَالَاكَاثْ نِّي غَارْ دْجَانْثْ سبْعَا ن جّْرَايحْ فّْغنْثْ-إِ-د زِي زَّاوشْثْ ثَامقّْرَانْثْ، يَارْضنْثْ ڒقْطنْ أَزْذَاذْ إِزْذِيڭنْ إِتِّيسِّيقنْ، ؤُشَا غَارْسنْ خْ إِذْمَارنْ إِجّْ ن وبْيَاسْ ن وُورغْ.
REV 15:7 ؤُشَا إِجّنْ زِي أَربْعَا ن إِمُودَّارنْ إِوْشَا أَسنْ إِ سبْعَا ن لْمَالَاكَاثْ سبْعَا ن طَّاوْيَاثْ، شُّورنْثْ س وغْضَابْ ن أَربِّي، ونِّي ذ ثُوذَارْثْ إِ ڒبْذَا قَاعْ. ”أَمِينْ!“
REV 15:8 ؤُشَا ثتّْوَاعمَّارْ زَّاوشْثْ ثَامقّْرَانْثْ س دّخَّانْ [إِ د-إِتّفّْغنْ] زڭْ ؤُعُودْجِي ن أَربِّي ؤُ زِي جّهْذْ نّسْ. ؤُڒَا ذ إِجّنْ وَارْ إِزمَّارْ أَذْ د-يَاذفْ غَارْ زَّاوشْثْ ثَامقّْرَانْثْ أَڒْ غَا كّنْثْ قَاعْ سبْعَا ن جّْرَايحْ ثِينِّي د-إِوْينْ سبْعَا ن لْمَالَاكَاثْ.
REV 16:1 ؤُشَا سْڒِيغْ إِشْثْ ن ثْمِيجَّا زِي زَّاوشْثْ ثَامقّْرَانْثْ ثتّْڒَاغَا خْ سبْعَا ن لْمَالَاكَاثْ نِّي، ثنَّا: ”ؤُيُورنْثْ، تّْفَارّْغنْثْ سبْعَا ن طَّاوْيَاثْ ن وغْضَابْ ن أَربِّي خْ ثمُّورْثْ!“
REV 16:2 ونِّي ذ أَمزْوَارُو يُويُورْ، إِفَارّغْ طَّاوْيَا نّسْ خْ ثمُّورْثْ. ؤُشَا إِذْوڒْ إِجّْ ن ؤُبُوعْرُوسْ ذ أَعفَّانْ إِقْبحْ غَارْ إِوْذَانْ إِ غَارْ ثدْجَا ڒْمَارْكَا ن ڒْوحْشْ، إِنِّي إِسجْذنْ إِ ڒخْيَاڒْ نّسْ.
REV 16:3 خنِّي إِفَارّغْ لْمَالَاكْ وِيسّْ ثْنَاينْ طَّاوْيَا نّسْ ذِي ڒبْحَارْ ؤُشَا إِذْوڒْ ڒبْحَارْ أَمْ [إِذَامّنْ ن إِجّْ ن] ؤُمتِّينْ، ؤُشَا كُوڒْ ڒعْمَارْ إِدَّارنْ ذِي ڒبْحَارْ إِمُّوثْ.
REV 16:4 خنِّي إِفَارّغْ لْمَالَاكْ وِيسّْ ثْڒَاثَا طَّاوْيَا نّسْ خْ إِغزْرَانْ ذ ثَاڒَاوِينْ، ؤُشَا أَمَانْ نْسنْ ذوْڒنْ ذ إِذَامّنْ.
REV 16:5 ؤُشَا سْڒِيغْ إِ لْمَالَاكْ ن وَامَانْ إِقَّارْ: ”شكْ ذ أَمْسڭَّاذْ، شكْ ذ ونِّي إِدْجَانْ ذ ونِّي ثُوغَا، ذ ونِّي ذ أَمزْذَاڭْ قَاعْ، ؤُمِي ثْكمّْڒذْ ڒحْكَامَاثْ-أَ أَمُّو.
REV 16:6 مِينْزِي نِيثْنِي سِّيزّْڒنْ إِذَامّنْ ن إِنَابِييّنْ ذ إِمْقدَّاسنْ، ثوْشِيذْ أَسنْ [عَاوذْ] أَذْ سْونْ إِذَامّنْ، مَاغَارْ أَمُّو إِ ذ أَسنْ د-إِفّغْ.“
REV 16:7 ؤُشَا سْڒِيغْ أَقَا أَعَالْطَارْ إِقَّارْ: ”وَاهْ، أَ سِيذِي أَربِّي، أَمْزمَّارْ خْ كُوڒْشِي، ڒحْكَامَاثْ نّشْ ذ ثِيذتّْ ذ ثَاسڭْذَا.“
REV 16:8 خنِّي إِفَارّغْ لْمَالَاكْ وِيسّْ أَربْعَا طَّاوْيَا نّسْ خْ ثْفُوشْثْ ؤُشَا ثمّوْشْ أَسْ [إِ ثْفُوشْثْ]، حِيمَا أَذْ ثشْنفْ إِوْذَانْ س ثْمسِّي.
REV 16:9 ؤُشَا شمْضنْ إِوْذَانْ س ڒْعابُوقْ إِمْغَارنْ ن ثْمسِّي ؤُشَا شقّْفنْ ذڭْ يِيسمْ ن أَربِّي ونِّي غَارْ ثدْجَا صُّولْطَا خْ جّْرَايحْ-أَ ؤُشَا وَارْ ثُوبنْ شَا مَاحنْذْ أَذْ أَسْ وْشِينْ أَعُودْجِي.
REV 16:10 خنِّي إِفَارّغْ لْمَالَاكْ وِيسّْ خمْسَا طَاوْيَا نّسْ خْ ڒْعَارْشْ ن ڒْوحْشْ ؤُشَا ثوْضَا-د ثَادْجسْثْ خْ ثْڭلْذِيثْ ن ڒْوحْشْ. ؤُشَا زعْفنْ ذڭْ إِڒسْ نْسنْ س سِّيبّثْ ن ڒحْرِيقْ
REV 16:11 ؤُشَا شقّْفنْ ذڭْ يِيسمْ ن أَربِّي ن إِجنْوَانْ س سِّيبّثْ ن ڒحْرِيقْ ذ إِبُوعْرُوسنْ نْسنْ، [مَاشَا] وَارْ ثُوبنْ شَا زِي ڒخْذَايمْ نْسنْ.
REV 16:12 خنِّي إِفَارّغْ لْمَالَاكْ وِيسّْ ستَّا طَّاوْيَا نّسْ ذڭْ إِغْزَارْ أَمقّْرَانْ، [إِغْزَارْ ن] لْفُورَاطْ ؤُشَا ؤُژْغنْ وَامَانْ نّسْ، أَڒَامِي إِسّوْجذْ أَبْرِيذْ إِ إِجدْجِيذنْ إِنِّي د غَا يَاسنْ زِي مَانِيسْ د-ثْنقَّارْ ثْفُوشْثْ.
REV 16:13 خنِّي ژْرِيغْ، أَقَا ثْڒَاثَا ن ڒَارْيَاحْ إِمنْڭَاسْ أَمْ إِقَارْقْرِيونْ [فّْغنْ-د] زڭْ ؤُخنْفُوشْ ن ڒْهَايْشثْ ؤُ زڭْ ؤُقمُّومْ ن ڒْوحْشْ ؤُ زڭْ ؤُقمُّومْ ن ؤُنَابِي إِسّْخَارِّيقنْ،
REV 16:14 مَاغَارْ نِيثْنِي ذ ڒَارْيَاحْ ن شّْوَاطنْ إِنِّي إِتّڭّنْ ڒعْڒَامَاثْ إِ ذ إِڭُّورنْ غَارْ إِجدْجِيذنْ ن دُّونشْثْ، مَاحنْذْ أَذْ ثنْ سّْمُوننْ إِ ؤُمنْغِي ذڭْ وَاسّْ أَمقّْرَانْ ن أَربِّي، أَمْزمَّارْ خْ كُوڒْشِي.
REV 16:15 ”خْزَارْ، نشّْ أَذْ د-أَسغْ أَمْ يِيجّْ ن ؤُشفَّارْ! سّعْذْ ن ونِّي إِ غَا إِقِّيمنْ إِفَاقْ، ونِّي إِ غَا إِحْضَانْ أَرُّوضْ نّسْ حِيمَا وَارْ إِڭُّورْ ذ أَعَارْيَانْ، وَارْ إِتّْوَاژَارْ ؤُسضْحِي نّسْ.“
REV 16:16 ؤُشَا إِسّْمُونْ إِ-ثنْ غَارْ ومْشَانْ ؤُمِي تّْڒَاغَانْ س ثْعِيبْرَانِيثْ ’مڭِيدُّو‘.
REV 16:17 خنِّي إِفَارّغْ لْمَالَاكْ وِيسّْ سبْعَا طَّاوْيَا نّسْ خْ ڒعْوِينْ ؤُشَا ثُوسَا-د إِشْثْ ن ثْمِيجَّا ثجْهذْ زِي زَّاوشْثْ ثَامقّْرَانْثْ، زِي زَّاثْ ن ڒْعَارْشْ، ثقَّارْ: ”أَقَا إِتّْوَاكمّڒْ!“
REV 16:18 ؤُشَا ؤُسِينْ-د وَاسَّامنْ ذ وَاجَّاجنْ، ؤُشَا إِمْسَارْ إِجّْ ن ونْهزِّي ن ثمُّورْثْ ذ أَمقّْرَانْ، وَارْ ثمْسَارْ أَمُّو زڭْ وَامِي إِدْج بْنَاذمْ ذِي ثمُّورْثْ، أَمُّو إِ إِمْغَارْ.
REV 16:19 ثَانْذِينْثْ ثَامقّْرَانْثْ ثوْضَا ثبْضَا خْ ثْڒَاثَا ن ثْسقَّارْ ؤُشَا مَارَّا ثِيندَّامْ ن ڒڭْنُوسْ هذْمنْثْ ؤُشَا أَربِّي إِعْقڒْ خْ [ثنْذِينْثْ] ثَامقّْرَانْثْ بَابِيلْ، حِيمَا أَذْ أَسْ إِوْشْ ڒْكَاسْ ن بِينُو ن ثفْقحْثْ ن وغْضَابْ نّسْ.
REV 16:20 ؤُشَا كُوڒْ ثَاڭْزِيرْثْ ثَارْوڒْ، وَارْ تّْوِيفِينْ شَا إِذُورَارْ [عَاذْ]،
REV 16:21 وْضَانْ-د إِبْقُوقنْ إِمقّْرَاننْ ن ثبْرُورِي زڭْ ؤُجنَّا خْ إِوْذَانْ، ثُوغَا دّْقڒْ نْسنْ أَنشْثْ ن إِشْثْ ن ’ثَالِينْثْ‘، ؤُشَا إِوْذَانْ شقّْفنْ ذِي أَربِّي زِي سِّيبّثْ ن جّْرِيحشْثْ ن ثبْرُورِي، مِينْزِي جّْرِيحشْثْ نّسْ ثُوغَا ثمْغَارْ أَطَّاسْ.
REV 17:1 ؤُشَا يُوسَا-د إِجّنْ زِي سبْعَا ن لْمَالَاكَاثْ، ثِينِّي غَارْ إِدْجَا سبْعَا ن طَّاوْيَاثْ، إِسِّيوڒْ أَكِيذِي، إِنَّا: ”أَسْ-د، أَذْ أَشْ سّشْنغْ ڒْحُوكْمْ خْ ثمْغَارْثْ ن فَارْقْ-شّْغڒْ إِ إِقِّيمنْ خْ وَاطَّاسْ ن وَامَانْ،
REV 17:2 ثنِّي زِي سّْفسْذنْ إِجدْجِيذنْ ن ثمُّورْثْ إِخفْ نْسنْ، ؤُشَا مَارَّا إِمزْذَاغْ ن ثمُّورْثْ سْشَارنْ س بِينُو ن فَارْقْ-شّْغڒْ نّسْ.“
REV 17:3 إِنْذهْ أَيِي ذِي أَرُّوحْ غَارْ ڒخْڒَا ؤُشَا ژْرِيغْ إِشْثْ ن ثْمطُّوثْ ثنْيَا خْ إِجّْ ن ڒْوحْشْ أَزڭّْوَاغْ إِحذْقنْ، إِشُّورنْ س إِسْمَاونْ ن تّكْفِيرْ، ثُوغَا غَارسْ سبْعَا ن إِزدْجِيفنْ ذعشْرَا ن وَاشَّاونْ.
REV 17:4 ثُوغَا ثَامطُّوثْ ثْيَارْضْ ثَاقنْذُورْثْ ثُورْجُووَانِيثْ ذ ثَازڭّْوَاغْثْ إِحذْقنْ ثقّنْ س وُورغْ ذ يژْرَا إِغْڒَانْ ذ ثْيَاقُوثِينْ. ثُوغَا غَارسْ ذڭْ ؤُفُوسْ نّسْ إِجّْ ن ؤُغَارَّافْ ن وُورغْ إِشُّورْ س ڒخْمجْ ؤُ س نّْعِي ن فَارْقْ-شّْغڒْ نّسْ.
REV 17:5 إِتّْوَارِي خْ ثنْيَارْثْ نّسْ إِجّْ ن إِسمْ: ’سِّيرّْ ن بَابِيلْ ثَامقّْرَانْثْ، يمَّاثْسنْثْ ن ثمْغَارِينْ ن فَارْقْ-شّْغڒْ ذ مَارَّا نّْعَاوَاثْ ن ثمُّورْثْ‘.
REV 17:6 ؤُشَا ژْرِيغْ ثَامطُّوثْ ثسْشَارْ س إِذَامّنْ ن إِمْقدَّاسنْ ؤُ س إِذَامّنْ ن يِينِّي إِشهّْذنْ خْ يَاسُوع. أَڒَامِي ت ژْرِيغْ، تّْبهْثغْ أَطَّاسْ.
REV 17:7 إِنَّا أَيِي لْمَالَاكْ: ”مَايمِّي ثتّْبهْثذْ؟ نشّْ أَذْ شكْ سَّارْڭْبغْ خْ سِّيرّْ ن ثْمطُّوثْ ذ ڒْوحْشْ س سبْعَا ن إِزدْجِيفنْ ذعشْرَا ن وَاشَّاونْ، ونِّي ت يَاربُّونْ.
REV 17:8 ڒْوحْشْ إِ ثژْرِيذْ، ذ ونِّي ثُوغَا ذ ونِّي وَارْ إِدْجِينْ، أَذْ إِڭعّذْ زِي ڒبْحَارْ، أَذْ إِودَّارْ. ؤُشَا أَذْ ثْبهْثنْ إِمزْذَاغْ ن ثمُّورْثْ، إِنِّي إِسمْ نْسنْ وَارْ إِتّْوَازمّمْ شَا ذڭْ وذْلِيسْ إِتّْوَانْضنْ ن ثُوذَارْثْ زڭْ وَامِي إِتّْوَاڭّْ ذْسَاسْ ن دُّونشْثْ، [أَذْ ثْبهْثنْ] خْمِي غَا ژَترنْ ڒْوحْشْ ونِّي ثُوغَا، ذ ونِّي وَارْ إِدْجِينْ، [عَاذْ] أَذْ د-إِقَارّبْ.
REV 17:9 أَقَا ذَا ڒْمعْنَا [نّسْ] إِ ونِّي غَارْ ثدْجَا ڒفْهَامثْ: سبْعَا ن إِزدْجِيفنْ أَقَا ذ سبْعَا ن إِذُورَارْ مِينْ خفْ ثقِّيمْ ثْمطُّوثْ.
REV 17:10 أَقَا-ثنْ ؤُڒَا ذ سبْعَا ن إِجدْجِيذنْ، خمْسَا زَّايْسنْ وْضَانْ، إِجّنْ أَقَا إِدْجَا [عَاذْ]، ذ ونّغْنِي أَقَا-ث عَاذْ وَارْ د-يُوسِي. مَاڒَا نتَّا أَذْ د-يَاسْ، أَذْ أَسْ إِمّوْشْ ذْرُوسْ [ن ڒْوقْثْ] إِ إِقِّيمنْ [عَاذْ].
REV 17:11 ؤُشَا ڒْهَايْشثْ ذ ڒْوحْشْ نِّي د-يِيوِي ؤُ وَارْ إِدْجِي ذ ونِّي، [ڒْهَايْشثْ نِّي] أَقَا-ت ذ [أَجدْجِيذْ] وِيسّْ ثْمنْيَا، [مَاشَا] أَذْ ثفّغْ زِي سبْعَا نِّي ؤُشَا أَذْ ثْهلّكْ.
REV 17:12 عشْرَا ن وَاشَّاونْ إِ ثژْرِيذْ، أَقَا ذعشْرَا ن إِجدْجِيذنْ، وَارْ طِّيفنْ ثَاڭلْذَا عَاذْ، مَاشَا أَذْ طّْفنْ صُّولْطَا ن إِجدْجِيذنْ ڒْقدّْ ن إِشْثْ ن ثْسَاعّثْ أَكْ-ذ ڒْوحْشْ.
REV 17:13 نِيثْنِي غَارْسنْ أَرَّايْ ذ إِجّنْ، أَذْ وْشنْ جّهْذْ نْسنْ ذ صُّولْطَا نْسنْ إِ ڒْوحْشْ.
REV 17:14 إِنَا أَذْ مّنْغنْ أَكْ-ذ إِزْمَارْ ؤُشَا إِزْمَارْ أَذْ خَاسنْ إِغْڒبْ مِينْزِي نتَّا ذ سِيذِي خْ [مَارَّا] إِسِيذِيثنْ ذ ؤُجدْجِيذْ خْ [مَارَّا] إِجدْجِيذنْ، ؤُ إِنِّي أَكِيذسْ [إِدْجَانْ] أَقَا-ثنْ ذ إِنِّي إِتّْوَاڒَاغَانْ ذ يِينِّي إِتّْوَافَارْزنْ ذ إِمْثِيقَّانْ.“
REV 17:15 إِنَّا أَيِي [عَاوذْ]: ”أَمَانْ إِ ثژْرِيذْ إِ خْ ثقِّيمْ ثمْغَارْثْ ن فَارْقْ-شّْغڒْ، أَقَا أَثنْ ذ ڒڭْنُوسْ، ذ إِبَارُّوثنْ ن ڒْغَاشِي، ذ شُّوعُوبْ، ذ إِڒْسَاونْ.
REV 17:16 ؤُشَاعشْرَا ن وَاشَّاونْ إِ ثژْرِيذْ خْ ڒْوحْشْ، نِيثْنِي أَذْ شَارْهنْ ثَامْغَارْثْ ن فَارْقْ-شّْغڒْ أَذْ ت أَردّْدْجنْ، أَذْ ت أَرّنْ ذ ثَاعرْيَانْثْ، أَذْ شّنْ أَيْسُومْ نّسْ، أَذْ ت سّْشمْضنْ س ثْمسِّي.
REV 17:17 مَاغَارْ أَربِّي إِوْشَا أَسنْ ذڭْ وُوڒَاونْ نْسنْ حِيمَا أَذْ ڭّنْ نّيّثْ [ن ڒْوحْشْ]، ؤُ مَاحنْذْ أَذْ ت ڭّنْ س أَرَّايْ ذ إِجّنْ، ؤُشَا أَذْ وْشنْ ثَاڭلْذَا نْسنْ إِ ڒْوحْشْ أَڒْ غَا تّْوَاكمّْڒنْ أَوَاڒنْ ن أَربِّي.
REV 17:18 ؤُشَا ثَامطُّوثْ إِ ثژْرِيذْ، نتَّاثْ ذ ثَانْذِينْثْ ثَامقّْرَانْثْ، ثنِّي غَارْ ثدْجَا ثْڭلْذَا خْ إِجدْجِيذنْ ن ثمُّورْثْ.“
REV 18:1 أَوَارْنِي أَسْ ژْرِيغْ إِجّْ ن لْمَالَاكْ نّغْنِي إِهكّْوَا-د زڭْ ؤُجنَّا، غَارسْ صُّولْطَا ثَامقّْرَانْثْ، ؤُشَا طّْيَا ن ؤُعُودْجِي نّسْ ثڭَّا ثَافَاوْثْ كُوڒْشِي إِ ثمُّورْثْ.
REV 18:2 نتَّا إِڒَاغَا س ثْمِيجَّا ثجْهذْ، إِقَّارْ: ”أَقَا ثوْضَا، ثوْضَا ثنْذِينْثْ ثَامقّْرَانْثْ بَابِيلْ، ثذْوڒْ ذ ثَازذِّيغْثْ إِ شّْوَاطنْ ذ ڒحْبسْ إِ كُوڒْ ڒَارْيَاحْ أَمنْڭُوسْ أَمنْعِي،
REV 18:3 مِينْزِي ثسّْخدْجضْ بِينُو ن فَارْقْ-شّْغڒْ نّسْ إِ مَارَّا ڒڭْنُوسْ، ؤُ مِينْزِي إِجدْجِيذنْ ن ثمُّورْثْ أَقَا سّْفسْذنْ إِخفْ نْسنْ زَّايسْ، ؤُ مِينْزِي إِسبَّابنْ ن ثمُّورْثْ ذوْڒنْ ذ ثْوَاجَّارْ س جّهْذْ ن ؤُطمّسْ نّسْ ن وَاڭْرَا.“
REV 18:4 ؤُشَا سْڒِيغْ إِ ثْمِيجَّا نّغْنِي ثْڒَاغَا-د زڭْ ؤُجنَّا: ”فّغْ زَّايسْ، أَ ڒْڭنْسْ إِنُو، حِيمَا وَارْ تِّيڒِينْ دّْنُوبْ نّسْ خْ يِيرِي نّشْ ؤُشَا وَارْ ثْكسِّيذْ زِي جّْرَايحْ نّسْ،
REV 18:5 مِينْزِي دّْنُوبْ نّسْ أَقَا إِوْضنْ غَارْ ؤُجنَّا، ؤُشَا أَربِّي أَقَا إِعْقڒْ خْ ڒْمُوعْصِييّثْ نّسْ.
REV 18:6 أَرّمْ-د خَاسْ أَمْ مَامّشْ د-ثَارَّا نتَّاثْ، أَرّمْ-د خَاسْ س ؤُضفُّوسْ عْلَاحْسَابْ ڒخْذَايمْ نّسْ، خدْجضْ أَسْ س ؤُضفُّوسْ ذڭْ ؤُغَارَّافْ نِّي ثُوغَا ثْخدْجضْ نتَّاثْ.
REV 18:7 خڒْفمْ أَسْ-د أَعدّبْ ذ وشْضَانْ أَنشْثْ ثُوغَا نتَّاثْ ثسّْعُودْجِي ؤُ ثسّْڭعّذْ إِخفْ نّسْ مِينْزِي ثنَّا ذڭْ وُوڒْ نّسْ: ’أَقَا قِّيمغْ أَمْ ثْجدْجِيذْثْ، وَارْ دْجِيغْ ذ ثَاجَّاتْشْ، ؤُشَا أَشْضَانْ وَارْ ث ژَترّغْ شَا!‘
REV 18:8 س ؤُينِّي ذڭْ إِجّْ ن وَاسّْ أَذْ خَاسْ وْضَانْثْ مَارَّا جّْرَايحْ نّسْ: ڒْموْثْ، أَشْضَانْ ذ ڒَاژْ، ؤُشَا أَذْ ثتّْوَاشْمضْ ذِي ثْمسِّي، مِينْزِي سِيذِي، ذ ونِّي خَاسْ إِ غَا إِحكْمنْ، أَقَا إِجْهذْ.
REV 18:9 إِجدْجِيذنْ ن ثمُّورْثْ، إِنِّي كِيذسْ إِڭِّينْ فَارْقْ-شّْغڒْ ؤُ سّْڭعّْذنْ إِخفْ نْسنْ، أَذْ خَاسْ رُونْ، أَذْ خَاسْ وْثنْ أَڭجْذُورْ خْمِي غَا ژَترنْ دّخَّانْ ن ثْمسِّي نّسْ.
REV 18:10 نِيثْنِي أَذْ قِّيمنْ بدّنْ غَارْ ڒَاڭّْوَاجْ زِي ثڭّْوُوذِي ن ؤُعدّبْ نّسْ، قَّارنْ: ’ؤُشْثْ، ؤُشْثْ، ؤُشْثْ، خَامْ، أَ ثَانْذِينْثْ ثَامقّْرَانْثْ، بَابِيلْ، ثَانْذِينْثْ إِجهْذنْ، مِينْزِي أَقَا يُوسَا-د ڒْحُوكْمْ نّمْ ذڭْ إِشْثْ ن ثْسَاعّثْ!‘ “
REV 18:11 إِسبَّابنْ ن ثمُّورْثْ أَذْ خَاسْ رُونْ، أَذْ شضْننْ، مِينْزِي ؤُڒَا ذ إِجّْ وَارْ إِسِّيغْ عَاذْ سّڒْعثْ نْسنْ:
REV 18:12 سّڒْعثْ ن وُورغْ ذ نُّوقَارْثْ ذ يژْرَا يِيغْڒَانْ ذ ثْيَاقُوثِينْ ذ ڒقْطنْ ذ أَرْجُووَانِي ذ ڒحْرِيرْ أَزڭّْوَاغْ إِحذْقنْ ذ عْڒَامْ كُوڒْ أَكشُّوضْ إِتّْفُوحنْ ذ عْڒَامْ كُوڒْ ڒقْشُوعْ زِي ڒْعَاجْ ذ عْڒَامْ كُوڒْ ڒقْشُوعْ زڭْ ؤُكشُّوضْ إِغْڒَانْ ذ نّْحَاسْ ذ وُوزَّاڒْ ذ ڒْمَارْمُورْ
REV 18:13 ذ ڒْقَارْفَا ذ ڒبْخُورْ ذ مِيرُّو ذ جَّاوِي ذ بِينُو ذ زّشْثْ ن زِّيثُونْ ذ أَرنْ ن سّْمِيذْ ذ وُودْجِي ذ ييْسَانْ ذ إِكَارُّوثنْ ؤُڒَا ذ أَرِّيمَاثْ ذ ڒعْمُورْ ن إِوْذَانْ.
REV 18:14 أَقَا ڒْغِيدْجثْ إِ ذِي ثُوغَا إِتّْمژْرِي ڒعْمَارْ نّمْ، أَقَا ثِيڭّْوجْ خَامْ، ؤُڒَا ذ مَارَّا مِينْ ثُوغَا غَارمْ ذ أَڭْڒَا ذ مِينْ إِتِّيسِّيقنْ، أَقَا إِودَّارْ، وَارْ ث ثْژَارّذْعمَّارْصْ [عَاذْ].
REV 18:15 إِسبَّابنْ ن ڒحْوَايجْ-أَ، إِنِّي إِذوْڒنْ زَّايْسنْثْ ذ ثْوَاجَّارْ، وَارْ ثنْثْ تِّيفنْ عَاذْ، ؤُشَا أَذْ قِّيمنْ غَارْ ڒَاڭّْوَاجْ زِي ثڭّْوُوذِي ن ؤُعدّبْ نّسْ، أَمْ تّْرُونْ ؤُ أَمْ شطّْننْ،
REV 18:16 أَذْ إِنِينْ: ”ؤُشْثْ، ؤُشْثْ خَامْ، أَ شمْ، ثَانْذِينْثْ ثَامقّْرَانْثْ إِ يَارْضنْ ڒقْطنْ ذ أَرْجُووَانِي ذ أَزڭّْوَاغْ إِحذْقنْ إِقّنْ س وُورغْ ذ يژْرَا إِغْڒَانْ ذ ثْيَاقُوثِينْ،
REV 18:17 س مِينْزِي ذڭْ إِشْثْ ن ثْسَاعّثْ أَقَا إِودَّارْ وَاڭْڒَا أَمقّْرَانْ نِّي!“ مَارَّا إِنِّي إِندّْهنْ إِغَارُّوبَا ذ مَارَّا إِنِّي إِتّكّنْ [خْ ڒبْحَارْ] ذڭْ إِغَارُّوبَا ذ مَارَّا إِبحْرِييّنْ ذ مَارَّا إِنِّي إِتّْسبَّابنْ ذِي ڒبْحَارْ قِّيمنْ بدّنْ غَارْ ڒَاڭّْوَاجْ.
REV 18:18 نِيثْنِي سْغُويّنْ ؤُمِي ژْرِينْ دّخَّانْ ن ثْمسِّي نّسْ، نَّانْ: ”وِي إِزمَّارنْ أَذْ إِمْقُودَّا أَكْ-ذ ثنْذِينْثْ-أَ ثَامقّْرَانْثْ؟“
REV 18:19 سُّويُوسنْ ؤُشَاڒْ خْ إِزدْجِيفنْ نْسنْ ؤُشَا سْغُوينْ، أَمْ تّْرُونْ ؤُ أَمْ تّشْضِيننْ، نَّانْ: ”ؤُشْثْ، ؤُشْثْ خَامْ، أَ شمْ، ثَانْذِينْثْ ثَامقّْرَانْثْ نِّي ذِي ذوْڒنْ ذ ثْوَاجَّارْ مَارَّا إِنِّي غَارْ إِدْجَا إِغَارُّوبَا ذِي ڒبْحَارْ، س ؤُبَارُّو ن وَاڭْڒَا نّسْ، مِينْزِي ذڭْ إِشْثْ ن ثْسَاعّثْ ثْودَّارْ!“
REV 18:20 ”فَارْحثْ زَّايسْ، أَ أَجنَّا، ؤُ كنِّيوْ، أَ إِمْقدَّاسنْ ذ رُّوسُولْ ذ إِنَابِييّنْ، مِينْزِي أَربِّي أَقَا إِسُّوفّغْ-د ڒحْكَامثْ نّسْ خَاسْ!“
REV 18:21 ؤُشَا إِجّْ زِي لْمَالَاكَاثْ نِّي إِسّْڭعّذْ إِجّْ ن وژْرُو أَمقّْرَانْ أَنشْثْ ن ثصْضَارْثْ ن ثْسِيرْثْ، إِنْضَارْ إِ-ث ذِي ڒبْحَارْ، إِقَّارْ: ”أَمُّو س جّهْذْ أَذْ ثمّنْضَارْ ثَانْذِينْثْ ثَامقّْرَانْثْ بَابِيلْ ؤُشَا وَارْ ثتّْوِيفِي عَاذْعمَّارْصْ!
REV 18:22 ڒْحسّْ ن لهَارْپَا ذ ؤُسُوضِي ذڭْ ؤُيِيشّْ ن إِشَارِّي، ذ ڒْحسّْ ن عْڒَامْ كُوڒْ أَغنّجْ ؤُ ن يِينِّي إِتّْسُوضنْ ذِي ڒْبُوقْ، وَارْ إِتّْوَاسڒْ عَاذْ ذَايمْ.
REV 18:23 عمَّارْصْ أَذْ ذَايمْ ثتّْوَاژَارْ عَاذْ طّْيَا ن ڒفْنَارْ، ؤُشَا ؤُڒَا ذ ڒْحسّْ ن وسْڒِي ذ ڒْحسّْ ن ثسْڒِيثْ وَارْ إِتّْوَاسڒْ عَاذْ ذَايمْ. إِسبَّابنْ نّمْ ثُوغَا أَثنْ ذ إِمقّْرَاننْ ن ثمُّورْثْ، مِينْزِي س ثْسحَّارْثْ نّمْ، أَقَا ثْخذْعذْ ڒڭْنُوسْ مَارَّا.
REV 18:24 أَقَا إِتّْوَافْ ذَايمْ إِذَامّنْ ن إِنَابِييّنْ ذ إِمْقدَّاسنْ، إِنِّي إِتّْوَانْغنْ ذِي ثمُّورْثْ.“
REV 19:1 أَوَارْنِي أَسْ سْڒِيغْ إِجّْ ن ڒْحسّْ أَمقّْرَانْ ن وَاطَّاسْ ن ڒْغَاشِي ذڭْ ؤُجنَّا، نَّانْ: ”هَالِّيلُو-يَاهْ! أَسنْجمْ ذ ؤُعُودْجِي ذ جّهْذْ أَقَا أَثنْ غَارْ أَربِّي نّغْ،
REV 19:2 مِينْزِي ڒحْكَامَاثْ نّسْ مْغِيرْ ذ ثِيذتّْ ذ ڒْحقّْ، ؤُمِي إِحَاسبْ خْ ثمْغَارْثْ ن فَارْقْ-شّْغڒْ، ثنِّي يَاردّْدْجنْ دُّونشْثْ س فَارْقْ-شّْغڒْ نّسْ، ؤُشَا نتَّا يُوغَا ثَاسْغَارْثْ خْ إِذَامّنْ ن إِمْسخَّارنْ نّسْ إِ يُومْسنْ غَارْ إِفَاسّنْ نّسْ.“
REV 19:3 نَّانْ إِ [ؤُمُورْ] وِيسّْ ثْنَاينْ: ”هَالِّيلُو-يَاهْ!“ ؤُشَا أَذْ يَاڒِي دّخَّانْ نّسْ غَارْ ؤُجنَّا إِ ڒبْذَا قَاعْ.
REV 19:4 ؤُشَا أَربْعَا ؤُ-عِيشْرِينْ ن إِمْغَارنْ ذ أَربْعَا ن إِمُودَّارنْ وْضَانْ غَارْ ثمُّورْثْ، سجْذنْ إِ أَربِّي نّغْ ونِّي إِقِّيمنْ خْ ڒْعَارْشْ، نَّانْ: ”أَمِينْ، هَالِّيلُو-يَاهْ!“
REV 19:5 ؤُشَا ثُوسَا-د إِشْثْ ن ثْمِيجَّا زِي ڒْعَارْشْ، ثنَّا: ”سمْغَارمْ أَربِّي نّغْ، أَ كنِّيوْ مَارَّا إِمْسخَّارنْ نّسْ، ؤُ مَارَّا إِنِّي إِتّڭّْوذنْ إِسمْ نّسْ، أَمْ ؤُمژْيَانْ أَمْ ؤُمقّْرَانْ!“
REV 19:6 ؤُشَا سْڒِيغْ أَقَا نَّانْ أَمْ س ثْمِيجَّا ن ؤُبَارُّو ن ڒْغَاشِي، أَمْ س ڒْحسّْ ن وَاطَّاسْ ن وَامَانْ، أَمْ س زّْهِيرْ ن وَاجَّاجنْ إِمقّْرَاننْ: ”هَالِّيلُو-يَاهْ، مِينْزِي سِيذِي أَربِّي، أَمْزمَّارْ خْ كُوڒْشِي، أَقَا إِحكّمْ.
REV 19:7 أجّْ أَذْ نْفَارْحْ، أَذْ نسْڒِيوْڒِيوْ، أَذْ أَسْ نڭّْ أَعُودْجِي، مَاغَارْ ؤُرَارْ ن يزْمَارْ يِيوضْ-د، ؤُشَا ثَامْغَارْثْ نّسْ أَقَا ثْحزّمْ،
REV 19:8 ؤُشَا ثمّوْشْ أَسْ أَذْ ثْيَارْضْ أَرُّوضْ زِي ڒْقطَّانْ إِفْسُوسنْ إِزْذِيڭنْ إِتِّيسِّيقنْ، مِينْزِي ڒْقطَّانْ نِّي ذ ڒخْذَايمْ إِسڭّْذنْ ن إِمْقدَّاسنْ.“
REV 19:9 نِيثْنِي نَّانْ أَيِي: ”أَرِي: سّعْذْ ن يِينِّي إِتّْوَاعَارْضنْ غَارْ ؤُمنْسِي ن وُورَارْ ن إِزْمَارْ.‘ [خَاسْ ؤُشَا] إِنَّا أَيِي شَا ن يِيجّنْ: ”إِنَا ذ أَوَاڒنْ ن ثِيذتّْ ن أَربِّي.“
REV 19:10 ؤُشَا وْضِيغْ أَسْ غَارْ إِضَارنْ نّسْ حِيمَا أَذْ ثعبْذغْ، [مَاشَا] نتَّا إِنَّا أَيِي: ”لَّ، وَارْ تّڭّْ شَا مَانْ أَيَا! أَقَا نشّْ ذ أَمْسخَّارْ أَمْعَاشَارْ أَمْ شكْ ذ أَيْثْمَاشْ إِنِّي غَارْ ثدْجَا شّْهَاذثْ ن يَاسُوع.عبْذثْ أَربِّي، مِينْزِي شّْهَاذثْ ن يَاسُوع نتَّاثْ ذ أَرُّوحْ ن مِينْ إِتّْوَانَابّنْ.“
REV 19:11 [أَوَارْنِي أَيَا] ژْرِيغْ أَجنَّا إِنُّورْزمْ، ؤُ خْزَارْ، أَقَا ذِينْ إِجّْ ن ؤُيِيسْ ذ أَشمْڒَاڒْ ذ ونِّي خَاسْ إِنْيِينْ، قَّارنْ أَسْ ’ذَايسْ ڒَامَانْ!‘، ’ذَايسْ ثِيذتّْ!‘، ؤُشَا نتَّا أَذْ إِحَاسبْ ؤُ أَذْ إِمّْنغْ س ثْسڭْذَا.
REV 19:12 ثُوغَا ثِيطَّاوِينْ نّسْ أَمشْنَاوْ إِحُوذَاقْ ن ثْمسِّي، ؤُشَا غَارسْ خْ ؤُزدْجِيفْ نّسْ أَطَّاسْ ن تِّيجَانْ، ؤُشَا يُورَا خَاسْ إِسمْ إِ وَارْ ث إِسِّينْ حذْ مْغِيرْ نتَّا وَاهَا.
REV 19:13 ثُوغَا يَارْضْ إِجّْ ن ؤُسڒْهَامْ إِتّْوَارُوشّنْ س إِذَامّنْ، ؤُشَا وَا ذ إِسمْ نّسْ: ’أَوَاڒْ ن أَربِّي‘.
REV 19:14 ڒْعسْكَارَاثْ ن ؤُجنَّا ضْفَارنْ ث-إِ-د خْ ييْسَانْ إِشمْڒَاڒنْ، أَرْضنْ ڒْقطَّانْ ذ أَشمْڒَاڒْ إِزْذِيڭْ.
REV 19:15 فّْغنْ-د ڒسْيُوفْ إِقضْعنْ زڭْ إِقمُّومنْ نْسنْ مَاحنْذْ أَذْ زَّايْسنْ نْغنْ ڒڭْنُوسْ، ؤُ نتَّا أَذْ ثنْ إِحْضَا س ؤُزدْجَاضْ ن وُوزَّاڒْ، ؤُ نتَّا [سِيمَانْثْ نّسْ] أَذْ إِعْفسْ ذِي ثْسِيرْثْ ن وغْضَابْ ن أَربِّي، أَمْزمَّارْ خْ كُوڒْشِي.
REV 19:16 خْ وَارُّوضْ نّسْ ؤُ خْ ثْمصَّاضِينْ نّسْ يُورَا خَاسنْ إِسمْ-أَ: ’أَجدْجِيذْ خْ مَارَّا إِجدْجِيذنْ‘، ’سِيذِي خْ مَارَّا ڒْحُوكَّامْ‘.
REV 19:17 ؤُشَا ژْرِيغْ إِجّْ ن لْمَالَاكْ نّغْنِي إِبدّْ ذِي ثْفُوشْثْ. نتَّا إِڒَاغَا س جّهْذْ، إِنَّا إِ مَارَّا إِجْضَاضْ إِطَّاونْ ذِي ڒْوسْطْ ن ؤُجنَّا: ”أَستِّيوْ-ذ، مُونتِّيوْ-د غَارْ ؤُمنْسِي أَمقّْرَانْ ن أَربِّي،
REV 19:18 حِيمَا أَذْ ثشّمْ أَيْسُومْ ن إِجدْجِيذنْ ذ ويْسُومْ ن إِمقّْرَاننْ خْ وَاڒفْ ذ ويْسُومْ ن يِينِّي إِجهْذنْ ذ ويْسُومْ ن إِيْسَانْ ذ يِينِّي خَاسنْ إِنْيِينْ، ذ ويْسُومْ ن إِحُورِّييّنْ ذ إِسمْغَانْ، أَمْ ن إِمژْيَاننْ أَمْ ن إِمقّْرَاننْ.“
REV 19:19 ؤُشَا ژْرِيغْ ڒْوحْشْ أَكْ-ذ ڒْعسْكَارَاثْ نّسْ ذ إِجدْجِيذنْ ن ثمُّورْثْ ذ إِعسْكَارِّييّنْ نْسنْ، إِنِّي إِمُوننْ حِيمَا أَذْ مّنْغنْ أَكْ-ذ ونِّي إِنْيِينْ خْ ؤُيِيسْ، ؤُ أَكْ-ذ إِعسْكَارِييّنْ نّسْ.
REV 19:20 أَقَا إِتّْوَاطّفْ ڒْوحْشْ أَكْ-ذ ؤُنَابِي إِسّْخَارِّيقنْ، ونِّي إِڭِّينْ زَّاثسْ ڒعْڒَامَاثْ نِّي زِي ثُوغَا إِغشّْ إِنِّي إِكْسِينْ ڒْمَارْكَا ن ڒْوحْشْ ؤُشَا سجْذنْ إِ ڒخْيَاڒْ نّسْ. نِيثْنِي س ثْنَاينْ إِذْسنْ تّْوَامّنْضَارنْ ذِي ڒبْحَارْ ن ثْمسِّي إِتّْشفْشُوفنْ عَاوذْ س ڒشْبَاريّثْ.
REV 19:21 مَاشَا وِي إِقِّيمنْ تّْوَانْغنْ س وُوزَّاڒْ إِ د-إِكِّينْ زڭْ ؤُقمُّومْ ن ونِّي إِنْيِينْ خْ ؤُيِيسْ. ؤُشَا مَارَّا إِجْضَاضْ إِتّْكشَّاضنْ جِّيوْننْ س ويْسُومْ نْسنْ.
REV 20:1 ؤُشَا ژْرِيغْ إِجّْ ن لْمَالَاكْ نّغْنِي إِهْوَا-د زڭْ ؤُجنَّا، غَارسْ ثَاسَارُوثْ ن ثسْرَافْثْ إِ إِدْجَانْ سَاذُو إِ ثمُّورْثْ ذ إِشْثْ ن سّْنسْڒثْ ثَامقّْرَانْثْ ذڭْ ؤُفُوسْ نّسْ.
REV 20:2 نتَّا إِطّفْ ڒْهَايْشثْ، أَفِيغَارْ أَوسَّارْ، ونِّي ذ إِبْڒِيسْ ذ شِّيطَانْ ؤُشَا إِشَارْفْ إِ-ث إِ يِيجّْ ن ڒْقدّْ ن وَاڒفْ ن إِسڭّْوُوسَا،
REV 20:3 ؤُشَا إِنْضَارْ إِ-ث ذِي ثسْرَافْثْ سَاذُو ثمُّورْثْ، إِبلّعْ خَاسْ ؤُشَا إِڭَّا خَاسْ أَشمِّيعْ، حِيمَا وَارْ إِتّْغشِّي عَاذْ ڒڭْنُوسْ. أَوَارْنِي مَانْ أَيَا أَذْ إِتّْوَاضْڒقْ غَارْ شْوَايْثْ ن ڒْوقْثْ.
REV 20:4 نشّْ ژْرِيغْ ڒكْرَاسِي ن إِجدْجِيذنْ ؤُشَا نِيثْنِي سّْغِيمِينْ إِخفْ نْسنْ خَاسنْ، ؤُشَا إِمّوْشْ أَسنْ ڒْحُوكْمْ. أَقَا ڒعْمُورْ-أَ - ن يِينِّي ؤُمِي كّْسنْ إِزدْجِيفنْ نْسنْ ذِي طّْوعْ ن شّْهَاذثْ ن يَاسُوع ذ وَاوَاڒْ ن أَربِّي، وَارْ سجْذنْ إِ ڒْوحْشْ ؤُڒَا إِ ڒخْيَاڒْ، وَارْ طِّيفنْ شَا ڒْمَارْكَا خْ ثنْيَارْثْ نْسنْ ؤُڒَا ذڭْ ؤُفُوسْ نْسنْ - [أَقَا ڒعْمُورْ-أَ] دَّارنْ ؤُ حكْمنْ أَكْ-ذ لْمَاسِيحْ أَڒفْ إِسڭّْوُوسَا.
REV 20:5 ثَا ذ ثَانُوكْرَا ثَامزْوَارُوثْ.
REV 20:6 سّعْذْ ذ ؤُمْقدَّاسْ ن ونِّي إِ غَا إِطّْفنْ ثَاسْغَارْثْ ذِي ثْنُوكْرَا ثَامزْوَارُوثْ. ڒْموْثْ وِيسّْ ثْنَاينْ وَارْ غَارسْ ثِيڒِي بُو صُّولْطَا خَاسنْ، مَاشَا نِيثْنِي أَذْ إِڒِينْ ذ إِكهَّاننْ ن أَربِّي ؤُ ن لْمَاسِيحْ ؤُشَا أَذْ كِيسْ حكْمنْ أَڒفْ ن إِسڭّْوُوسَا.
REV 20:7 خْمِي غَا إِقْفڒْ أَڒفْ ن إِسڭّْوُوسَا، أَذْ إِتّْوَاضْڒقْ شِّيطَانْ زِي ڒحْبسْ نّسْ،
REV 20:8 ؤُشَا أَذْ د-إِفّغْ حِيمَا أَذْ إِغشّْ مَارَّا ڒڭْنُوسْ إِنِّي إِدْجَانْ غَارْ أَربْعَا ن ثْغمُّورَا ن ثمُّورْثْ، [هَا]جُوجْ ذ مَاجُوجْ، أَذْ ثنْ إِسّْمُونْ إِ ؤُمنْغِي، ؤُ ڒْقدّْ نْسنْ أَمْ يجْذِي ن ڒبْحَارْ.
REV 20:9 حَارّْشنْ-د زِي طَّارْفْ ن ثمُّورْثْ ؤُشَا نّْضنْ أَسْ إِ ڒْمَارْڭحْ ن ڒْعسْكَارْ ن إِمْقدَّاسنْ ذ ثنْذِينْثْ إِعِيزّنْ، ؤُشَا ثوْضَا-د ثْمسِّي زڭْ ؤُجنَّا، زِي [زَّاثْ] أَربِّي، ؤُشَا ثشَّا إِ-ثنْ.
REV 20:10 ؤُشَا إِبْڒِيسْ، ونِّي ثُوغَا ثنْ إِغْوَانْ، أَقَا إِمّنْضَارْ ذِي ڒبْحَارْ ن ثْمسِّي إِتّْشفْشُوفنْ س ڒشْبَاريّثْ مَانِي إِدْجَا ڒْوحْشْ ذ ؤُنَابِي إِسّْخَارِّيقنْ ؤُشَا أَذْ تّْوَاعدّْبنْ أَسّْ ذ دْجِيڒثْ إِ ڒبْذَا قَاعْ.
REV 20:11 ؤُشَا ژْرِيغْ إِجّْ ن ڒْعَارْشْ ذ أَمقّْرَانْ ذ أَشمْڒَاڒْ ذ ونِّي خَاسْ إِقِّيمنْ، أَقَا زِي أَرنْذَاذْ ن ؤُغمْبُوبْ نّسْ ثَارْوڒْ ثمُّورْثْ ذ ؤُجنَّا، [مَاشَا] وَارْ ذ أَسنْ إِقِّيمْ بُو ومْشَانْ.
REV 20:12 نشّْ ژْرِيغْ إِمتِّيننْ بدّنْ زَّاثْ إِ ڒْعَارْشْ، إِمقّْرَاننْ ذ إِمژْيَاننْ. أَقَا نُّورْزْمنْ إِذْلِيسنْ [إِتّْوَانْضنْ] ؤُشَا إِنُّورْزمْ وذْلِيسْ [إِتّْوَانْضنْ] نّغْنِي، [أَذْلِيسْ إِتّْوَانْضنْ] ن ڒْحُوكْمْ. ؤُشَا إِتّْوَاحْكمْ خْ إِمتِّيننْ زِي مِينْ يُورَانْ ذڭْ وذْلِيسْ [إِتّْوَانْضنْ] خْ ڒحْسَابْ ن ڒخْذَايمْ نْسنْ.
REV 20:13 ؤُشَا ڒبْحَارْ إِوْشَا إِمتِّيننْ إِنِّي ثُوغَا أَثنْ ذَايسْ، ؤُشَا ڒْموْثْ ذ ڒَاخَارْثْ وْشِينْثْ إِمتِّيننْ إِنِّي ثُوغَا أَثنْ ذَايْسنْثْ، ؤُشَا إِتّْوَاحْكمْ خَاسنْ، كُوڒْ إِجّنْ أَنشْثْ ن ڒخْذَايمْ نّسْ.
REV 20:14 ڒْموْثْ ذ ڒَاخَارْثْ مّنْضَارنْثْ ذِي ڒبْحَارْ ن ثْمسِّي. ثَا ذ ڒْموْثْ وِيسّْ ثْنَاينْ.
REV 20:15 مَاڒَا إِتّْوَافْ حذْ وَارْ إِتّْوَازمّمْ ذڭْ وذْلِيسْ [إِتّْوَانْضنْ] ن ثُوذَارْثْ، إِمّنْضَارْ ذِي ڒبْحَارْ ن ثْمسِّي.
REV 21:1 ؤُشَا ژْرِيغْ أَجنَّا ن جْذِيذْ ذ إِشْثْ ن ثمُّورْثْ ن جْذِيذْ، مَاغَارْ أَجنَّا أَمزْوَارُو ذ ثمُّورْثْ ثَامزْوَارُوثْ ثُوغَا عْذُونْ، ڒبْحَارْ وَارْ إِقِّيمْ عَاذْ.
REV 21:2 نشّْ ژْرِيغْ ثَانْذِينْثْ إِقدّْسنْ، ؤُرْشَالِيمْ ن جْذِيذْ، ثهْوَا-د زڭْ ؤُجنَّا زِي زَّاثْ أَربِّي، ثڭَّا أَمْ ثسْڒِيثْ إِزهّْجنْ إِ وسْڒِي.
REV 21:3 ؤُشَا سْڒِيغْ إِشْثْ ن ثْمِيجَّا ثتّْڒَاغَا-د زڭْ ؤُجنَّا س جّهْذْ: ”خْژَارْ، أَقِيضُونْ ن أَربِّي أَقَا-ت جَارْ إِوْذَانْ، ؤُشَا نتَّا أَذْ غَارْسنْ إِزْذغْ. نِيثْنِي أَذْ إِڒِينْ ذ ڒْڭنْسْ نّسْ، ؤُشَا أَربِّي سِيمَانْثْ نّسْ أَذْ غَارْسنْ يِيڒِي، ؤُشَا أَذْ يِيڒِي ذ أَربِّي نْسنْ.
REV 21:4 أَذْ أَسنْ إِسِّيژغْ كُوڒْ إِمطَّانْ زِي ثِيطَّاوِينْ نْسنْ، ؤُشَا وَارْ ثتِّيڒِي عَاذْ ڒْموْثْ ذ وشْضَانْ ذ ؤُشثْشِي ذ ڒحْرِيقْ.“
REV 21:5 ؤُ خْمِي ڭُّورغْ، إِنَّا أَيِي ونِّي إِقِّيمنْ خْ ڒْعَارْشْ: ”خْژَارْ، أَذْ ڭّغْ مَارَّا ذ جْذِيذْ!“ [خَاسْ ؤُشَا] إِنَّا أَيِي: ”أَرِي: أَوَاڒنْ-أَ أَقَا ذَايْسنْ ڒَامَانْ ذ ثِيذتّْ.“
REV 21:6 نتَّا إِنَّا أَيِي: ”أَقَا إِتّْوَاكمّڒْ. نشّْ ذ أَلِيفْ ؤُ نشّْ ذ ثَاوْ، نشّْ ذ بدُّو ذ أَكمّڒْ. ونِّي إِفُّوذنْ أَذْ أَسْ وْشغْ أَذْ إِسُو بَاطڒْ زِي ڒْعُونْصَارْ ن وَامَانْ ن ثُوذَارْثْ.
REV 21:7 وِي غَا إِغلّْبنْ أَذْ إِوَارْثْ مَانْ أَيَا، ؤُشَا نشّْ أَذْ إِڒِيغْ ذ أَربِّي نّسْ، ؤُ نتَّا أَذْ يِيڒِي ذ مِّي.
REV 21:8 مَاشَا إِنِّي إِتّْشكَّانْ، ذ لْكُوفَّارْ، ذ إِعفَّاننْ، ذ إِمخْمَاجْ، ذ يِينِّي إِنقّنْ، ذ يِينِّي إِڭِّينْ ثَاسحَّارْثْ، ذ أَيْثْ ن فَارْقْ-شّْغڒْ ذ يِينِّي إِعبّْذنْ لْ-أَصْنَامْ ذ مَارَّا أَيْثْ ن بُو-إِخَارِّيقنْ، أَذْ ثِيڒِي ثسْغَارْثْ نْسنْ ذِي ڒبْحَارْ إِتّْشفْشُوفنْ س ثْمسِّي ذ ڒشْبَاريّثْ، ثَا ذ ڒْموْثْ وِيسّْ ثْنَاينْ.“
REV 21:9 ؤُشَا يُوسَا-د إِجّنْ زِي سبْعَا ن لْمَالَاكَاثْ، ثِينِّي غَارْسنْثْ سبْعَا ن طَّاوْيَاثْ شُّورنْثْ س سبْعَا ن جّْرَايحْ ثِينڭُّورَا، إِسِّيوڒْ أَكِيذِي، إِنَّا: ”أَسْ-د، أَذْ أَشْ سّشْنغْ ثَاسْڒِيثْ، ثَامْغَارْثْ ن يزْمَارْ.“
REV 21:10 إِنْذهْ أَيِي ذِي أَرُّوحْ غَارْ إِجّْ ن وذْرَارْ ذ أَمقّْرَانْ يُوعْڒَانْ أَطَّاسْ ؤُشَا إِسّْشنْ أَيِي ثَانْذِينْثْ إِقدّْسنْ، ؤُرْشَالِيمْ، أَمْ د-ثهْوَا زڭْ ؤُجنَّا، زِي زَّاثْ ن أَربِّي.
REV 21:11 أَعُودْجِي ن أَربِّي ثُوغَا غَارسْ، ؤُشَا طّْيَا نّسْ ثتِّيسِّيقْ أَمْ يِيژْرَا إِغْڒَانْ أَطَّاسْ، أَمْ وژْرُو ن يَاسْبِيسْ نِّي د-إِضْهَارنْ أَمْ ؤُكْرِيسْثَالْ.
REV 21:12 إِقُووَّارْ أَسْ د إِجّْ ن وغْبَارْ ذ أَمقّْرَانْ يُوعْڒَا، غَارسْ ثنْعَاشْ ن ثوُّورَا ؤُ ثنْعَاشْ ن لْمَالَاكَاثْ [ثُوغَا تّْبدَّانْثْ] غَارْ ثِيوُّورَا. ؤُ تّْوَارِينْ إِسْمَاونْ [خْ ثِيوُّورَا نِّي]، أَقَا إِسْمَاونْ ن ثنْعَاشْ ن ثْقبَّاڒْ ن إِسْرَائِيل.
REV 21:13 [أَقَا ذِينْ] ثْڒَاثَا ن ثوُّورَا غَارْ مَانِيسْ ذ ثْنقَّارْ ثْفُوشْثْ ؤُ غَارْ شَّامَالْ ثْڒَاثَا ن ثوُّورَا ؤُ غَارْ لْجَانُوبْ ثْڒَاثَا ن ثوُّورَا ؤُ [أَقَا ذِينْ] ثْڒَاثَا ن ثوُّورَا غَارْ مَانِي ثْغدْجِي ثْفُوشْثْ.
REV 21:14 أَغْبَارْ ن ثنْذِينْثْ إِبدّْ خْ ثنْعَاشْ ن ذْسُوسَا تّْوَارِينْ خَاسنْ ثنْعَاشْ ن إِسْمَاونْ ن رُّوسُولْ ن مِّيسْ [ن أَربِّي].
REV 21:15 ونِّي ثُوغَا أَكِيذِي إِسَّاوَاڒنْ، غَارسْ إِجّْ ن ؤُغَانِيمْ ن ڒعْبَارْ حِيمَا أَذْ [زَّايسْ] إِعْبَارْ ثَانْذِينْثْ ذ وغْبَارْ نّسْ.
REV 21:16 ثَانْذِينْثْ ثُوغَا ثمَّارْسْ [ذِينْ أَمْ] إِجّْ ن ؤُكْوَاذْرُونْ، ثَازُوڭَّارْثْ نّسْ أَمْ ثِيرُو نّسْ. نتَّا إِعْبَارْ ثَانْذِينْثْ س [ؤُغَانِيمْ نّسْ] ن ڒعْبَارْ: ثنْعَاشْ-أَڒفْ ن ’إِسْثَاذِييّنْ‘، [عْڒَاحَاڒْ أَڒْفَاينْ ؤُ مِيثَاينْ كِيلُومِيثْرْ]. ثَازُوڭَّارْثْ نّسْ ذ ثِيرُو نّسْ ذ ڒُوعْڒَا نّسْ ذ إِشْثنْ.
REV 21:17 إِعْبَارْ أَغْبَارْ نّسْ: مْيَا ؤُ-أَربْعَا ؤُ-ربْعِينْ ن إِغَادْجنْ، أَقَا-ث ذ ڒْقدّْ ن إِجّْ ن بْنَاذمْ، أَقَا-ث ن لْمَالَاكْ.
REV 21:18 أَغْبَارْ نّسْ ڭِّينْ ث س يَاسْبِيسْ، ؤُ ثَانْذِينْثْ ڭِّينْثْ س وُورغْ إِصْفَانْ، إِتّْبَانْ أَمْ زَّاجْ إِصْفَانْ.
REV 21:19 ذْسُوسَا ن وغْبَارْ ن ثنْذِينْثْ ثُوغَا تّْوَازوّْقنْ كُوڒْشِي س إِژْرَا إِغْڒَانْ. ثُوغَا ذْسَاسْ أَمزْوَارُو ن [وژْرُو ن] يَاسْبِيسْ، ونِّي وِيسّْ ثْنَاينْ ن صَافِّيرْ، ونِّي وِيسّْ ثْڒَاثَا ن خَالْشِيذُونْ، ونِّي وِيسّْ أَربْعَا ن سْمِيرَالْذَا،
REV 21:20 ونِّي ذ وِيسّْ خمْسَا ن سَارْذُونِيكْسْ، ونِّي وِيسّْ ستَّا ن سَارْذِييُوسْ، ونِّي وِيسّْ سبْعَا ن وژْرُو ن وُورغْ، ونِّي وِيسّْ ثْمنْيَا ن بِيرِيلْ، ونِّي وِيسّْ ثسْعَا ن ثُوبَاسْ، ونِّي وِيسّْعشْرَا ن كْرِيسُوپْرَاسْ، ونِّي وِيسّْ حِيطَاشْ ن يَازِينْثْ ؤُشَا ونِّي وِيسّْ ثنْعَاشْ ن ؤُمثِيسْثْ.
REV 21:21 ثنْعَاشْ ن ثوُّورَا ذ ثنْعَاشْ ن ثْيَاقُوثِينْ، إِشْثْ إِشْثْ. كُوڒْ إِشْثنْ [زِي ثوُّورَا] نِّي ثُوغَا زڭْ إِشْثْ ن ثْيَاقُوثْ. مَاشَا أَبْرِيذْ يِيرِيونْ ن ثنْذِينْثْ ثُوغَا-ث ن وُورغْ إِصْفَانْ، أَمْ زَّاجْ إِصْفَانْ.
REV 21:22 وَارْ ژْرِيغْ شَا زَّاوشْثْ ذَايسْ مِينْزِي سِيذِي أَربِّي، أَمْزمَّارْ خْ كُوڒْشِي، نتَّا سِيمَانْثْ نّسْ ذ زَّاوشْثْ نّسْ.
REV 21:23 إِزْمَارْ ذ ثنْذِينْثْ وَارْ حْذَاجنْ شَا ثَافُوشْثْ ؤُڒَا ذ ثَازِيرِي، حِيمَا أَذْ خَاسْ سَّارْغنْثْ، مِينْزِي أَعُودْجِي ن أَربِّي يَارقّْ ذَايسْ ؤُشَا إِزْمَارْ ذ ڒفْنَارْ نّسْ.
REV 21:24 ڒڭْنُوسْ أَذْ ؤُيُورنْ س ثْفَاوْثْ نّسْ ؤُشَا إِجدْجِيذنْ ن ثمُّورْثْ أَذْ غَارسْ سِّيذْفنْ أَعُودْجِي [نْسنْ].
REV 21:25 ثِيوُّورَا نّسْ وَارْ تّْوَاقّْننْثْعمَّارْصْ س ؤُزِيڒْ، مِينْزِي دْجِيڒثْ وَارْ ثتّْغِيمِي شَا ذِينْ.
REV 21:26 نِيثْنِي أَذْ أَوْينْ غَارسْ أَعُودْجِي ذ شَّانْ ن ڒڭْنُوسْ.
REV 21:27 عمَّارْصْ أَذْ ذَايسْ ثَاذفْ شَا ن ڒْحَاجّثْ ثَامنْڭُوسْثْ نِيغْ ونِّي إِڭِّينْ نّْعَاوَاثْ نِيغْ ونِّي إِسّْخَارِّيقنْ، مْغِيرْ إِنِّي إِتّْوَازمّمنْ ذڭْ وذْلِيسْ [إِتّْوَانْضنْ] ن يزْمَارْ وَاهَا.
REV 22:1 ؤُشَا نتَّا إِسّْشنْ أَيِي إِجّْ ن إِغْزَارْ إِزْذِيڭْ ن وَامَانْ إِدَّارنْ، ذ أَمزْذَاڭْ، إِصْفَا أَمْ ؤُكْرِيسْثَالْ، إِ د-إِتّفّْغنْ زِي ڒْعَارْشْ ن أَربِّي ؤُ ن يزْمَارْ.
REV 22:2 ذِي ڒْوسْطْ ن وَازَّايْ نّسْ، خْ ثْمَا-يَا ؤُ خْ ثْمَا نِّي ن إِغْزَارْ، ثُوغَا ثَاشجَّارْثْ ن ثُوذَارْثْ ثنِّي ثسّنْضَايْ ڒْغِيدْجثْ ثنْعَاشْ [ن ثْوَاڒَاوِينْ]. ذِي مْكُوڒْ أَيُورْ ثتِّيشْ ڒْغِيدْجثْ نّسْ ذ ثِيفْرَايْ نّسْ إِ ؤُسْڭنْفُو ن ڒڭْنُوسْ.
REV 22:3 وَارْ ذَايسْ ثتِّيڒِي عَاذْ نّعْڒثْ. أَذْ ذَايسْ يِيڒِي ڒْعَارْشْ ن أَربِّي ؤُ ن يزْمَارْ ؤُشَا إِمْسخَّارنْ نّسْ أَذْ خَاسْ سخَّارنْ.
REV 22:4 نِيثْنِي أَذْ ژَترنْ ؤُذمْ نّسْ، إِسمْ نّسْ أَذْ يِيڒِي خْ ثنْيَارِينْ نْسنْ.
REV 22:5 وَارْ ذِينْ ثتِّيڒِي دْجِيڒثْ ؤُشَا نِيثْنِي وَارْ تّحْذِيجنْ عَاذْ طّْيَا ن ڒفْنَارَاثْ نِيغْ ن ثْفَاوِينْ نِيغْ ن ثْفَاوْثْ ن ثْفُوشْثْ، مِينْزِي سِيذِي أَربِّي أَذْ أَسنْ إِڭّْ ثَافَاوْثْ ؤُشَا أَذْ يِيڒِي ذ أَجدْجِيذْ نْسنْ إِ ڒبْذَا قَاعْ.
REV 22:6 [خَاسْ ؤُشَا] إِنَّا أَيِي: ”أَوَاڒنْ-أَ ذَايْسنْ ڒَامَانْ ذ ثِيذتّْ! سِيذِي، أَربِّي ن أَرُّوحْ ن إِنَابِييّنْ إِقدّْسنْ، أَقَا إِسّكّْ لْمَالَاكْ نّسْ، حِيمَا أَذْ إِسّْشنْ إِ إِمْسخَّارنْ نّسْ مِينْ إِ غَا يِيڒِينْ ذغْيَا.“
REV 22:7 ”خْزَارْ نشّْ أَذْ د-أَسغْ ذغْيَا! سّعْذْ ن ونِّي إِتّطّْفنْ ذڭْ وَاوَاڒنْ ن نُّوبُووَاثْ ن وذْلِيسْ-أَ إِتّْوَانْضنْ.“
REV 22:8 نشّْ، يُوحَانَّا، أَقَا ژْرِيغْ ؤُ سْڒِيغْ ثِيمسْڒَايِينْ-أَ. ؤُشَا ڒَامِي ثنْثْ ژْرِيغْ ؤُ سْڒِيغْ، وْضِيغْ غَارْ إِضَارنْ ن لْمَالَاكْ ونِّي ذ أَيِي إِسّشْننْ ثِيمسْڒَايِينْ-أَ، حِيمَا أَذْ [أَسْ]عبْذغْ.
REV 22:9 [مَاشَا] نتَّا إِنَّا أَيِي: ”حْضَا، لَّا، وَارْ تّڭّْ مَانْ أَيَا، مَاغَارْ نشّْ ذ أَمْسخَّارْ أَمْعَاشَارْ نّشْ، ؤُ ن أَيْثْمَاشْ، إِنَابِييّنْ، ؤُڒَا ن يِينِّي إِتّطّْفنْ ذڭْ وَاوَاڒنْ ن وذْلِيسْ-أَ إِتّْوَانْضنْ. عبْذثْ أَربِّي!“
REV 22:10 [خَاسْ ؤُشَا] إِنَّا أَيِي: ”وَارْ تّڭّْ أَشمِّيعْ خْ وَاوَاڒنْ إِ إِتّْوَانَابّن ذڭْ وذْلِيسْ-أَ إِتّْوَانْضنْ، مِينْزِي ڒْوقْثْ أَقَا ثِيوضْ-د.“
REV 22:11 ”ونِّي إِتّڭّنْ مِينْ وَارْ إِسڭّْذنْ، أَذْ إِڭّْ مِينْ وَارْ إِسڭّْذنْ كْثَارْ، أَمنْڭُوسْ أَذْ إِذْوڒْ ذ أَمنْڭُوسْ كْثَارْ، أَمْسڭَّاذْ أَذْ إِڭّْ ثَاسڭْذَا كْثَارْ ؤُشَا أَمْقدَّاسْ أَذْ إِذْوڒْ ذ أَمْقدَّاسْ كْثَارْ.“
REV 22:12 ”خْزَارْ، نشّْ أَذْ د-أَسغْ ذغْيَا ؤُشَا ڒْمُونثْ إِنُو أَقَا-ت أَكِيذِي، حِيمَا أَذْ خدْجْصغْ كُوڒْ إِجّنْ أَنشْثْ ن ڒْخذْمثْ نّسْ.
REV 22:13 نشّْ ذ أَلِيفْ ؤُ نشّْ ذ ثَاوْ، ذ أَمزْوَارُو ذ أَنڭَّارُو، ذ بدُّو ذ أَكمّڒْ.“
REV 22:14 ”سّعْذْ نْسنْ إِ يِينِّي إِتّڭّنْ ثِيوصَّا نّسْ. أَذْ غَارْسنْ ثِيڒِي صُّولْطَا خْ ثْشجَّارْثْ ن ثُوذَارْثْ ؤُشَا أَذْ د-أَذْفنْ غَارْ ثنْذِينْثْ زِي ثوُّورَا نّسْ.
REV 22:15 بَارَّا إِدْجَانْ إِنِّي إِتّڭّنْ فَارْقْ-شّْغڒْ ذ يِينِّي إِنقّنْ ذ يِينِّي إِعبّْذنْ لْ-أَصْنَامْ ذ يِينِّي ذَايْسنْ ڒخْمجْ ذ يِينِّي إِتّْسحَّارنْ ذ مَارَّا إِمْوَاڒَاونْ ذ إِنِّي إِتّڭّنْ مِينْ إِ د-إِتّفّْغنْ زڭْ ؤُخَارِّيقْ.“
REV 22:16 ”نشّْ، يَاسُوع، أَقَا سّكّغْ لْمَالَاكْ إِنُو مَاحنْذْ أَذْ خَاومْ إِشْهذْ مَانْ أَيَا زَّاثْ إِ ثْمسْمُونِينْ. أَقَا ذ نشّْ، ذ أَژْوَارْ ذ زَّارِيعثْ ن ذَاوُوذْ، ذ ونِّي أَكِيذسْ، ذ إِثْرِي ن ڒفْجَارْ يَارقّنْ.“
REV 22:17 أَرُّوحْ ذ ثسْڒِيثْ قَّارنْ: ”أَسْ-د!“ ؤُشَا أجّْ ونِّي ث إِسْڒِينْ، أَذْ يِينِي: ”أَسْ-د!“ ”ذ ونِّي إِفُوذنْ، أجّْ إِ-ث أَذْ د-يَاسْ، أَذْ إِسُو أَمَانْ إِدَّارنْ بَاطڒْ.“
REV 22:18 ”نشّْ شهّْذغْ إِ مَارَّا إِنِّي إِتّسْڒَانْ إِ وَاوَاڒنْ ن نُّوبُووَا ن وذْلِيسْ-أَ إِتّْوَانْضنْ: مَاڒَا ذِينْ حذْ ونِّي خَاسنْ إِ غَا يَارْنِينْ، أَربِّي أَذْ خَاسْ يَارْنِي جّْرَايحْ، ثِينِّي إِتّْوَازمّمنْ ذڭْ وذْلِيسْ-أَ.
REV 22:19 مَاڒَا شَا ن إِجّنْ إِكّسْ زڭْ وَاوَاڒنْ ن وذْلِيسْ إِتّْوَانْضنْ ن نُّوبُووَا-يَا، أَذْ أَسْ إِكّسْ أَربِّي ثَاسْغَارْثْ نّسْ زِي ثْشجَّارْثْ ن ثُوذَارْثْ ؤُ زِي ثنْذِينْثْ إِقدّْسنْ.“
REV 22:20 خْمِي نتَّا إِشْهذْ خْ مَانْ أَيَا، إِنَّا: ”وَاهْ، نشّْ أَذْ د-أَسغْ ذغْيَا!“ ”أَسْ-د، أَ سِيذِي يَاسُوع!“
REV 22:21 أَرْضَا ن سِيذِيثْنغْ يَاسُوع لْمَاسِيحْ [أَقَا-ث] أَكْ-ذ مَارَّا إِمْقدَّاسنْ نّسْ. ”أَمِينْ!“ أَنڭَّارْ ن ڒْعَاهْذْ ن جْذِيذْ. أَعُودْجِي إِ يِيسمْ ن أَربِّي، بَابَاثْنغْ ذ سِيذِيثْنغْ يَاسُوع لْمَاسِيحْ ذ أَرُّوحْ إِقدّْسنْ.
