﻿إِزهِّيذنْ.
150.
هَالِّيلُو-يَاهْ، صبّْحمْ أَربِّي ذِي زَّاوشْثْ نّسْ إِقدّْسنْ، صبّْحمْ ث ذِي ڒْكُوبّثْ ن جّهْذْ نّسْ! 
صبّْحمْ ث خْ ثْمڭَّا نّسْ ثِيمقّْرَانِينْ، صبّْحمْ ث خْ ڒمْغَارثْ نّسْ ثَامقّْرَانْثْ! 
صبّْحمْ س ثْمِيجَّا ن ؤُسُوضِي ذڭْ ؤُيِيشّْ ن إِشَارِّي، صبّْحمْ س لهَارْپَا ذ ڒْڭَامْبْرِي! 
صبّْحمْ ث س ؤُبنْذِيرْ ذ شّْضِيحْ س نُّوبْثَاثْ، صبّْحمْ ث س ثِيرَارْثْ ن إِفِيڒَانْ ذ ثمْجَا! 
صبّْحمْ أَسْ س ڒْحسّْ إِفْسُوسنْ ن ثدْجُونِينْ ن وُوزَّاڒْ، صبّْحمْ أَسْ س ڒْحسّْ يُوعْڒَانْ ن ثدْجُونِينْ ن وُوزَّاڒْ! 
مَارَّا مِينْ إِتَّارَّانْ نّفْسْ، صبّحْ إِ سِيذِي. هَالِّيلُو-يَاهْ! 
