﻿إِزهِّيذنْ.
146.
هَالِّيلُو-يَاه. أَ ڒعْمَارْ إِنُو، صبّحْ إِ سِيذِي. 
نشّْ أَذْ صبّْحغْ إِ سِيذِي مِينْ غَا كّغْ دَّارغْ، أَذْ زهّْذغْ إِ أَربِّي إِنُو مِينْ ذَا غَا كّغْ عَاذْ. 
وَارْ ثْشڒْ خْ ثَارْوَا ن ثَاصِيڒثْ، خْ مِّيسْ ن بْنَاذمْ، ونِّي ؤُمِي وَارْ غَارْ إِدْجِي بُو ؤُسنْجمْ. 
إِفّغْ بُوحْبڒْ نّسْ، إِذْوڒْ غَارْ ثمُّورْثْ. ذڭْ وَاسّْ نِّي سِيمَانْثْ نّسْ أَذْ قْضَانْ إِنْوَاينْ نّسْ. 
سّعْذْ ن ونِّي غَارْ إِدْجَا أَربِّي ن يَاعْقُوبْ ذ أَمْعَاونْ، ونِّي إِتّْرَاجَانْ سِيذِي، أَربِّي نّسْ، 
ونِّي إِڭِّينْ إِجنْوَانْ ذ ثمُّورْثْ، ڒبْحَارْ ذ مَارَّا مِينْ ذَايسْ، ونِّي ذَايسْ ڒَامَانْ إِ ڒبْذَا، 
ونِّي إِتَّاغنْ ثَاسْغَارْثْ إِ يِينِّي إِتّْوَاحصَّارنْ، ونِّي إِتِّيشنْ أَغْرُومْ إِ يِينِّي إِدْجُوژنْ. سِيذِي يَارخُّو إِ إِمحْبَاسْ. 
سِيذِي يَارزّمْ إِ إِذَارْغَاڒنْ ثِيطَّاوِينْ، إِسّْبدَّا إِنِّي إِڭُّورنْ إِتّقْوِيسنْ، سِيذِي إِتّخْسْ إِمْسڭَّاذنْ. 
سِيذِي إِحطَّا إِبَارَّانِييّنْ، إِتِّيشْ أَفُوسْ إِ ؤُيُوجِيڒْ ذْ ثِيجَّاڒْ، مَاشَا أَبْرِيذْ ن إِعفَّاننْ أَذْ ث إِسّْفَارْغْ. 
سِيذِي أَذْ إِحْكمْ إِ ڒبْذَا، أَربِّي نّشْ، أَ صِيهْيُونْ، إِحكّمْ زِي جِّيڒْ أَڒْ جِّيڒْ. هَالِّيلُو-يَاه. 
