﻿إِزهِّيذنْ.
127.
إِزْڒِي ن ؤُڭعّذْ. ن سُولِيمَانْ. مْڒِي وَارْ إِبنِّي سِيذِي ثَادَّارْثْ، أَذْ سِّيحْڒنْ إِبنَّاينْ إِخفْ نْسنْ بَاطڒْ. مْڒِي وَارْ إِحطِّي سِيذِي خْ ثنْذِينْثْ، أَعسَّاسْ أَذْ إِعسّْ بَاطڒْ. 
بَاطڒْ أَقَا كنِّيوْ أَذْ ثكَّارمْ زِيشْ، أَذْ ثطّْصمْ ثْعضْڒمْ، أَذْ ثشّمْ أَغْرُومْ ن ڒمْحَاينْ، مَاغَارْ نتَّا إِتِّيشْ إِ-ث إِ إِمْعِيزّنْ نّسْ ذڭْ يِيضصْ. 
خْزَارْ، أَرَّاونْ ذ ثَاسْغَارْثْ إِ إِمّوْشنْ زِي سِيذِي، ڒْغِيدْجثْ ن ؤُعذِّيسْ أَقَا-ت ذ ڒْمُونثْ. 
أَمْ مَامّشْ جهْذنْثْ فْڒِيثْشَاثْ ن ڒْقوْسْ ذڭْ ؤُفُوسْ ن ورْيَازْ، أَمُّو إِ دْجَانْ أَرَّاونْ زڭْ إِسڭّْوُوسَا ن ثمْژِي. 
سّعْذْ ن ورْيَازْ إِجهْذنْ نِّي زَّايْسنْ إِشُّورْ أَقْرَابْ نّسْ ن فْڒِيثْشَاثْ ن ڒْقوْسْ. نِيثْنِي وَارْ تّْسضْحِينْ شَا ؤُمِي سَّاوَاڒنْ أَكْ-ذ ڒْعذْيَانْ غَارْ ثوَّارْثْ ن ثنْذِينْثْ. 
