﻿إِزهِّيذنْ.
113.
هَالِّيلُو-يَاهْ، سْعُودْجمْ، كنِّيوْ إِمْسخَّارنْ ن سِيذِي، سْعُودْجمْ إِسمْ ن سِيذِي! 
أَذْ إِتّْوَابَاركْ إِسمْ ن سِيذِي، زِي ڒخُّو أَڒْ ڒبْذَا. 
زِي مَانِيسْ د-ثْنقَّارْ ثْفُوشْثْ أَڒْ مَانِيسْ ثْغدْجِي ثْفُوشْثْ، أَذْ إِتّْوَاسّْعُودْجْ إِسمْ ن سِيذِي. 
سِيذِي يُوعْڒَا خْ مَارَّا ڒڭْنُوسْ، ثِيوَا إِ إِجنْوَانْ ذ أَعُودْجِي نّسْ. 
مَانْ ونْ إِدْجَانْ أَمْ سِيذِي، أَربِّي نّغْ، ونِّي إِزدّْغنْ ذِي ڒُوعْڒَا قَاعْ، 
ونِّي يُوضَارنْ مَاحنْذْ أَذْ إِژَارْ ذڭْ إِجنْوَانْ ؤُ خْ ثمُّورْثْ! 
ونِّي د-إِسّْنكَّارَانْ أَمُوقْڒِيڒْ زِي ثْعجَّاجْثْ، إِسّْڭعّذْ أَمزْڒُوضْ زڭْ وفْرَاضْ 
مَاحنْذْ أَذْ ث إِسّْغِيمْ أَكْ-ذ ثَارْوَا ن ثَاصِيڒثْ، أَكْ-ذ ثَارْوَا ن ثَاصِيڒثْ نْ ڒْڭنْسْ نّسْ. 
ونِّي إِسّزْذَاغنْ ثنِّي وَارْ إِتِّيرْونْ ذِي ثَادَّارْثْ، أَمْ إِشْثْ ن يمَّاثْسنْ ن إِحنْجِيرنْ ثْفَارْحْ. هَالِّيلُو-يَاه. 
