﻿إِزهِّيذنْ.
100.
إِزْڒِي ن ؤُقَاذِي. أجّْ أَذْ ثدُّوقّزْ مَارَّا ثَامُّورْثْ س ؤُسْڒِيوْڒوْ إِ سِيذِي. 
سخَّارمْ إِ سِيذِي س ڒفْرَاحثْ، أَسمْ-د زَّاثْ إِ وُوذمْ نّسْ س ؤُسْڒِيوْڒوْ. 
سْنمْ، أَقَا سِيذِي ذ أَربِّي إِ يدْجَا. نتَّا إِخْڒقْ أَنغْ-د ؤُ نشِّينْ نّسْ إِ ندْجْ، ڒْْڭنْسْ نّسْ ذ وُودْجِي ن ثَاروْسَا نّسْ. 
أَذْفمْ ثِيوُّورَا نّسْ س ؤُقَاذِي، ڒمْرَاحَاثْ نّسْ س إِزْڒَانْ ن ؤُصبّحْ، قَاذَامْ ث، بَارْكمْ إِسمْ نّسْ. 
مَاغَارْ سِيذِي ذ أَصبْحَانْ، ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا، ڒَْامَانْ نّسْ زِي جِّيڒْ أَڒْ جِّيڒْ. 
