﻿إِزهِّيذنْ.
15.
أَزهّذْ ن ذَاوُوذْ. أَ سِيذِي، مَانْ ونْ إِ غَا إِقِّيمنْ ذڭْ ؤُقِيضُونْ نّشْ؟ مَانْ ونْ إِ غَا إِزذْغنْ خْ وذْرَارْ نّشْ إِقدّْسنْ؟ 
ونِّي إِڭُّورنْ ذِي ڒكْمَاڒثْ ن ثُوذَارْثْ نّسْ ونِّي إِتّڭّنْ ثَاسڭْذَا، ونِّي إِسَّاوَاڒنْ ثِيذتّْ ذڭْ وُوڒْ نّسْ. 
ونِّي وَارْ إِتّْشقَّافنْ س يِيڒسْ نّسْ، ونِّي وَارْ إِتّڭّنْ ڒْغَارْ إِ إِمْعَاشَارنْ نّسْ، ؤُ وَارْ إِتّْزَاوَارْ أَجَّارْ نّسْ. 
ونِّي إِمّنْضَارنْ زِي أَربِّي أَقَا إِتّْوَاسّحْقَارْ ذِي ثِيطَّاوِينْ نّسْ، مَاشَا إِنِّي إِتّڭّْوذنْ سِيذِي، إِتّْوقَّارْ إِ-ثنْ. مَاڒَا إِجُّودْجْ نتَّا إِ ثْخسَّارْثْ نّسْ، وَارْ ث إِتّْبذِّيڒْ. 
ونِّي وَارْ إِتِّيشنْ ثَامنْيَاثْ ن نُّوقَارْثْ نّسْ س أَرِّيبَا، ونِّي وَارْ إِتّطّْفنْ أَرّشْوثْ ضِيدّْ ن يِينِّي وَارْ إِڭِّينْ س شَا. ونِّي إِتّڭّنْ مَانْ أَيَا، وَارْ إِفَارّغْ إِ ڒبْذَا. 
