﻿إِزهِّيذنْ.
1.
سّعْذْ ن ورْيَازْ، ونِّي وَارْ إِڭُّورنْ ذِي شّْوَارْ ن إِعفَّاننْ، ذ ونِّي وَارْ إِبدّنْ ذڭْ وبْرِيذْ ن إِمذْنَابْ، ذ ونِّي وَارْ إِقِّيمنْ خْ ڒْكُورْسِي ن إِمسْثهْزَاينْ، 
مَاشَا ڒفْرَاحثْ نّسْ أَقَا-ت ذِي شَّارِيعَا ن سِيذِي ؤُ إِتّْخَارّصْ ذِي شَّارِيعَا نّسْ أَسّْ ذ دْجِيڒثْ. 
أَذْ يِيڒِي أَمْ يِيشْثْ ن ثْشجَّارْثْ إِ إِتّْوَاژُّونْ غَارْ ثْغزْرَاثِينْ ن وَامَانْ، ثنِّي إِتِّيشنْ ڒْغِيدْجثْ نّسْ ذِي ڒْوقْثْ نّسْ، أَفَارْ نّسْ وَارْ إِتِّيژغْ. مَارَّا مِينْ إِتّڭّْ، أَذْ يِيڒِي.    
وَارْ تِّيڒِينْ إِعفَّاننْ أَمُّو، مِينْزِي نِيثْنِي أَمْ إِشَارْفَا إِتَّاوِي-يْ-إِ-ث ؤُسمِّيضْ. 
خْ ؤُيَا إِعفَّاننْ وَارْ تّْبذِّينْ شَا ذڭْ وَاسّْ ن ڒحْسَابْ، ؤُڒَا ذ إِمذْنَابْ ذِي ثْمسْمُونْثْ ن إِمْسڭَّاذنْ. 
مِينْزِي سِيذِي إِسّنْ أَبْرِيذْ ن إِمْسڭَّاذنْ، مَاشَا أَبْرِيذْ ن إِعفَّاننْ أَذْ إِفْنَا. 
