﻿Turpaaina.
5.
Bi ia a aakaakur i ra wuna taara anun Aadaam. Baa God i waki a taara, i paam diat welaar ma ra malalarina ut. 
I waki ta diat in muaana ma in tabuan, ma i pir wadaan ta diat, ma i waatung diat baa a taara. 
Baa a kilaala na lalaaun anun Aadaam i 130, di buta paa natuna, a naat muaana. I welaar ut ma Aadaam ma i lo a malalarina, ma Aadaam i taar taa iaana baa Set. 
Baa di aa buta paa Set, Aadaam i lalaaun paa balet 800 na kilaala, ma i wangaala paa balet raa kum naat muaana ma raa kum tabuan. 
Io, a kum kilaala na lalaaun raap anun Aadaam i welaar ma 930, ma namur i maat. 
Baa a kilaala na lalaaun anun Set i 105, di buta paa natuna, a naat muaana, a iaana Enos. 
Baa di aa buta paa Enos, Set i lalaaun paa balet 807 na kilaala, ma i wangaala balet raa kum naat muaana ma raa kum tabuan. 
Io, a kum kilaala na lalaaun raap anun Set i welaar ma 912, ma namur i maat. 
Baa a kilaala na lalaaun anun Enos i 90, di buta paa natuna, a naat muaana, a iaana Kaainaan. 
Baa di aa buta paa Kaainaan, Enos i lalaaun paa balet 815 na kilaala, ma i wangaala balet raa kum naat muaana ma raa kum tabuan. 
Io, a kum kilaala na lalaaun raap anun Enos i welaar ma 905, ma namur i maat. 
Baa a kilaala na lalaaun anun Kaainaan i 70, di buta paa natuna, a naat muaana, a iaana Maalelel. 
Baa di aa buta paa Maalelel, Kaainaan i lalaaun paa balet 840 kilaala, ma i wangaala balet raa kum naat muaana ma raa kum tabuan. 
Io, a kum kilaala na lalaaun raap anun Kaainaan i welaar ma 910, ma namur i maat. 
Baa a kilaala na lalaaun anun Maalelel i 65, di buta paa natuna, a naat muaana, a iaana Iaared. 
Baa di aa buta paa Iaared, Maalelel i lalaaun paa balet 830 kilaala, ma i wangaala balet raa kum naat muaana ma raa kum tabuan. 
Io, a kum kilaala na lalaaun raap anun Maalelel i welaar ma 895, ma namur i maat. 
Baa a kilaala na lalaaun anun Iaared i 162, di buta paa natuna, a naat muaana, a iaana Enok. 
Baa di aa buta paa Enok, Iaared i lalaaun paa balet 800 na kilaala, ma i wangaala balet raa kum naat muaana ma raa kum tabuan. 
Io, a kum kilaala na lalaaun raap anun Iaared i welaar ma 962 kilaala, ma namur i maat. 
Baa a kilaala na lalaaun anun Enok i 65, di buta paa natuna, a naat muaana, a iaana Maatuselaa. 
Baa di aa buta paa Maatuselaa, Enok diaar weur ma God 300 na kilaala, ma i wangaala balet raa kum naat muaana ma raa kum tabuan. 
Io, a kum kilaala na lalaaun raap anun Enok i welaar ma 365. 
Enok diaar weur ungaai ma God. Namur i panaai maut, kabina maa God ia lo paai. 
Baa a kilaala na lalaaun anun Maatuselaa i 187, di buta paa natuna, a naat muaana, a iaana Laamek. 
Baa di aa buta paa Laamek, Maatuselaa i lalaaun paa balet 782 kilaala, ma i wangaala balet raa kum naat muaana ma raa kum tabuan. 
Io, a kum kilaala na lalaaun raap anun Maatuselaa i welaar ma 969, ma namur i maat. 
Baa a kilaala na lalaaun anun Laamek i 182, di buta paa natuna, a naat muaana. 
Laamek i taar taa a iaan natuna lik baa Noaa, ma i piri naa, “Noaa in taar taa a kinalik na ningo karom daat ko ra nundaat kum dekdek na pinapaam u ra pia, a pia baa a Tadaaru i taar a dekdek na naagagon uni.” 
Baa di aa buta paa Noaa, Laamek i lalaaun paa balet 595 na kilaala, ma i wangaala balet raa kum naat muaana ma raa kum tabuan. 
Io, a kum kilaala na lalaaun raap anun Laamek i welaar ma 777, ma namur i maat. 
Baa a kilaala na lalaaun anun Noaa i 500, namur di buta paa tula natnatuna, tula naat muaana, Sem, Aam ma Iaapet. 
