MAT 1:1 अबराहम को सन्तान, दाऊद को सन्तान यीसु मसीह को खानदान को पवीतर किताब मा जानकारी।
MAT 1:2 अबराहम लक इसहाक जलम लेईस, इसहाक लक याकूब जलम लेईस, याकूब लक यहूदा, अखीन वोको भाऊ, जलम लेइन।
MAT 1:3 यहूदा अखीन तमार लक फिरिस, अना जोरह जलम लेईस। फिरिस लक हिस्रोन जलम लेईस, अखीन हिस्रोन लक एराम जलम लेईस।
MAT 1:4 एराम लक अम्मीनादाब जलम लेईस, अम्मीनादाब लक नहसोन, अखीन नहसोन लक सलमोन जलम लेईस।
MAT 1:5 सलमोन अखीन राहब लक, बोअज जलम लेईस। बोअज अखीन रुत लक, ओबेद जलम लेईस। अखीन ओबेद लक, यिसै जलम लेईस।
MAT 1:6 यिसै लक दाऊद राजा जलम लेईस। अखीन दाऊद लक सुलेमान, उ ऊरियाह को बायको ले जलम लेईस।
MAT 1:7 सुलेमान लक रहबाम जलम लेइस। रहबाम लक अबिय्याह जलम लेईस, अखीन अबिय्याह लक आसा जलम लेईस।
MAT 1:8 अखीन आसा लक यहोसापात जलम लेईस, यहोसापात लक योराम जलम लेईस। अखीन योराम लक उजिय्याह जलम लेईस।
MAT 1:9 उजिय्याह लक योताम जलम लेईस, योताम लक अहाज जलम लेईस। अखीन अहाज लक हिजकिय्याह जलम लेईस।
MAT 1:10 हिजकिय्याह लक मनस्से जलम लेईस। मनस्से लक अमोन जलम लेईस। अमोस लक योसियाह जलम लेईस।
MAT 1:11 अखीन बँदी भई केन बेबीलोन जावन को बेरा मा योसियाह लक यकुन्याह, अखीन ओको भाऊ जलम भइन।
MAT 1:12 बेबीलोन नगर मा पहुचनो को बादमा यकुन्याह ले सालतिएल जलम भयो। अना सालतिएल लक जरुब्बाबिल जलम लेईस।
MAT 1:13 अना जरुब्बाबिल लक अबिहुद जलम लेईस अना अबिहुद लक इल्याकिम जलम लेईस, अना इल्याकिम लक अजोर जलम लेईस।
MAT 1:14 अना अजोर लक सदोक जलम लेईस, अना सदोक लक अखिम जलम लेईस, अना अखिम लक इलीहुद जलम लेईस।
MAT 1:15 अना इलीहुद लक इलियाजार जलम लेईस, अना इलियाजार लक मत्तान जलम लेईस, अना मत्तान लक, याकूब जलम लेईस।
MAT 1:16 अना याकूब लक युसुफ जलम लेईस, जो मरियम को नवरा होतो। अना मरियम लक यीसु, जोन यीसु मसीह कहलावसे जलम लेईस।
MAT 1:17 असो अबराहम लक, दाऊद लक, सब 14 पीढ़ी भयो। अना दाऊद ले, बेबीलोन देस बन्दी होयके जावन तकन 14 पीढ़ी, अना बन्दी होयके बेबीलोन जावन को बेरा ले, मसीह लक 14 पीढ़ी भयो।
MAT 1:18 यीसु मसीह को जलम असो भयो। जबा वोकी माय मरियम की पक्की, युसुफ को संग भई। तबा उनको मिलन को पूढा, वा पवीतर आतमा कन लक, पोट ले भई गई।
MAT 1:19 वोको होवन वारा नवरा युसुफ एक नेक मानूस होतो। यो गोस्टी सांग के उ वोकी बेइज्जती करनो नही चाव्हत होतो। एकोलाय उ चुप्पई लक बिहाव तोड़न को बिचार बनायो।
MAT 1:20 जबा उ असो बिचारत होतो, तबच सपना मा पिरभु को सरगदूत आयो, अना वोला कव्हन लग्यो “अगा युसुफ! दाऊद को टूरा, नोको डराय, तु आपरी बायको मरियम संग लगन कर, काहेका वोको पोट मा जोन लेकरा सेत, उ परमेस्वर को पवितर आतमा कन लक सेत।
MAT 1:21 अना मरियम टूरा ला जलम देहे, अना तु वोको नाव यीसु राखजोस, काहेका उ अपरा लोकगीन ला, उनको पाप लक बचा हेत।”
MAT 1:22 असो होवन को यो कारन से का, पिरभु न जेना गोस्टी ला, भविस्यवक्ता गीन लक सागिसेस, उ पूरो भई जाये।
MAT 1:23 “आयको एक कुँवारी टूरी पोट लक रहेत, अना एक टूरा ला जलम देहे। अखीन वोको नाव इम्मानुएल ठेयो जाहे, मजे परमेस्वर आमरो संग मा से।”
MAT 1:24 तबा युसुफ जप लक जगयो, पिरभु को सरगदूत ना जसो सांगयो होतो, वसोच उ वोको लक लगन करके आपरो घर आनिस।
MAT 1:25 अना जब तकन वा टूरा जलम नहि लियो तबा तकन उ मरियम को संग नहि सोयो अना यूसुफ न, वोको नाव यीसु राखिस।
MAT 2:1 राजा हेरोदेस जबा राज कर रहयो होतो। वोच बेरा मा, यहुदिया को, बैतलेहम नगर मा, यीसु को जलम भयो। तबच काही बेरा बाद, बिदवान जोन तारा ला चोव के पंचाग देखन वारा, येरुसलेम नगर मा आइन।
MAT 2:2 “उनना पुसीन यहूदिगीन को आजच जलम हुयो लेकरा राजा कहाँन से? काहेका हमीना वोको तारा ला बादल मा देखीसेजन अना हमी वोकी पिराथना करन आयसेजन।”
MAT 2:3 जबा असो गोस्टी राजा हेरोदेस न आयकिस, वसोच उ थरथराय गयो। अखीन सप्पा यरुसलेम को लोकगीन सटिया गईन।
MAT 2:4 तबा वोना मुखिया याजक, अना मोसे को नियम को गुरू ला, जमा करीस। अना उनको लक पुसीस “का मसीह को जलम कहाँन होवनवारा से”
MAT 2:5 भविस्यवक्ता गीनना राजा ला कहिन, “पवीतर गींरथ मा असो लिख्यो सेत का यहुदिया छेतर को” बैतलेहम नगर मा उ जलम लेवन वारा सेत,
MAT 2:6 वो यहूदा देस को बैतलेहम, नगर, तु यहूदा देस को कोनी नगर लक कम नामी नाहत। काहेका तोरो लक एक राजा होहेत जोन मोरो इजरायली परजा ला मारग चोवाहेत।
MAT 2:7 तबा हेरोदेस न पंचाग देसनवारा ला उगो-मुगो बुलाइस। अना यो गोस्टी ला पक्को करीस। का तारा ठीक कोनी बेरा मा चोयो होतो।
MAT 2:8 मंग राजा उनला बैतलेहम धाड़ीस। अना कहीस, जाव अना वोना लेकरा को बारे मा साजरी लक “पता लगावो” अना जबा उ तुमला मिल जाहे त मोला सांगो बल्कि मी भी आयके वोकी पिराथना कर सकु।
MAT 2:9 मंग उ राजा की गोस्टी ला आयक के, चली गइन। उ तारा ला बादर मा उनना देखी होतीन होती। उ उनको पुढ़ा-पुढ़ा जाय रहयो होतो, मंग जबा उ जघा आई जहान उ टूरा होतो त तारा वोको वारता रुक गयो।
MAT 2:10 जबा उनना असो देखिन त वय लगत खुसी भईन।
MAT 2:11 वय वोना घर मा गईन, अना उनना वोकी माय मरियम लेकरा को संग होति, उता माय अना लेकरा को दरसन करीन। अना टोंगरा टेकके, नमस्कार करन लगीन। अना आपरी-आपरी पेटी खोलके, ओमा लक मुदरो, लुभान अना गन्धरस को भेट चघाईन।
MAT 2:12 पर परमेस्वर न एक सपना मा उनला चेताय देइस का वय वापसी हेरोदेस को जवर नोको जावो तबा वय एक दुसरो मारग लक अपरो देस ला लवट गईन।
MAT 2:13 जबा वय चली गईन त यूसुफ ला सपना मा पिरभु को एक सरग दुत न पिरगट होयके कहीस, उभो होय अना माय अना लेकरा ला धरके उगो-मुगो लक मिसर चली जाय, अना मी जबा तकन तोला नहि कहु, उतच रव्हने काहेकी हेरोदेस एना टूरा ला मारवा डाकन को लाई ढुन्डेत।
MAT 2:14 तबा यूसुफ उभो भयो, अना माय अखीन लेकरा ला धरके रात मा मिसर देस को लाई चली गयो।
MAT 2:15 अना हेरोदेस राजा को मरनो तकन, वहाँच रहयो। एको लाई की जेनो गोस्टी ला, पिरभु ना भविस्यवक्ता गीनको टोन्ड लक, सांग्यो होतो, उ पूरो भयो “मी ना आपरो टूरा ला मिसर लक हाकलिसेव।”
MAT 2:16 जबा राजा हेरोदेस ना यो चोवयो का, पंचाग चोवनवारा ना, मोला चुथिया बनाईसेस, तबा उ हिजड़ गयो अना लोकगीन ला धाड़के, पंचाग देसनवारा लक सांग्यो बेरा मा, बैतलेहम नगर अना ओको इतानी-उतानी को जघा मा जेतरा, दुई साल अना ओको लक कम उमर को लेकरा होतीन। उन सब ला मरवाय डाकीस।
MAT 2:17 तबा जोन गोस्टी यीरमीयाह भविस्यवक्ता ना जोन बचन कव्हयो होतो, उ पूरो भयो।
MAT 2:18 “रामाह मा एक दुखी आवाज आयकु आई। रड़ना अना चिल्लानो की मोठी आवाज आई राहेल नाव की बायको, आपरो टूरा ऐना लाई रड़त होती। अना सान्ती लक चुप नही होवत होती काहे की वय मर गईन।”
MAT 2:19 राजा हेरोदेस को मरन को मंघा, पिरभु को एक सरगदूत ना मिसर मा युसुफ ला चोयो, अना कहीस!
MAT 2:20 “उठ, उ टूरा अना-ओकी माय ला धर के इसरायल देस मा चली जाय। काहे का जोन टूरा को जान लेवन चाहत होतीन, वय मर गईन।”
MAT 2:21 तब उ उठयो! अना टूरा अना ओकी माय ला धरके, इसरायल देस मा आय गयो।
MAT 2:22 पर यो आयक के अरखिलाउस आपरो बाप राजा हेरोदेस की जघा, यहुदिया मा राज कर रही से वहाँन जावन लाई डराय गयो। मंग सपना मा परमेस्वर लक चेतावनी पायके गलील परदेस मा चली गयो।
MAT 2:23 अना नासरत नाव को नगर मा जाय के रव्हन लगयो जोन लक वा गोस्टी पूरो भयी जाय जोन भविस्यवक्ता गीन लक सांग्यो गयो होतो, की “उ नासरी कहलाएत।”
MAT 3:1 ओनो दिवस मा, योहन बप्तिस्मा देवन वालो, यहुदिया देस को सुनसान जंगल मा आयो अना परचार करन लगयो।
MAT 3:2 अपरो पाप लक दुहूर भय जाव, काहे की सरग को राज कठा आय गई से।
MAT 3:3 योहन वोच से जोन को गोस्टी यसायाह भविस्यवक्ता न कहिसेस का: “जंगल मा एक मानूस हाकल रहयो से का परमेस्वर की रास्ता ला तैयार करो, अना वोकी सरक सरल करो”
MAT 3:4 योहन को कपरा ऊट को चुन्दी लक बनयो होतो। अना आपरी कमर मा चमड़ा को पट्टा बांधत होतो। ओको जेवन फाफा अना सहेद होतो।
MAT 3:5 तबा येरुसलेम नगर, अना सारो यहुदिया देस, अना यरदन नदी को इतानी-उतानी को सब जघा, का लोक ओको जवर हिटके आइन।
MAT 3:6 उनना आपरो-आपरो पाप ला मानके यरदन नदी मा ओको लक बप्तिस्मा लेईन।
MAT 3:7 जबा योहन न लगत सा मोसे को नियम को सिक्सक अना सदुकि फरिसी इनला बप्तिस्मा लेवन काजी आपरो जवर आवत चोविस, ता उनलक कहीस “हे सरप को अवलाद, तुमीला कोनी ना हेत दिलाइसेस, का आवन वालो कोप लक बचो”
MAT 3:8 वोनो काम गीनला चोवके तुमी अपरो पाप लक मन हटाव अना आपरो आप मा साजरो फर पावो।
MAT 3:9 अना असो नोको सोचो, का तुमी यो कहेके दंड लक बच सकासेव का अबराहम तुमरो पुरखा से, मी तुमरो लक कव्हसु का परमेस्वर एना पहाड़ी को गोटा मा लक अबराहम को लाई आवलाद पैदा कर सकासे।
MAT 3:10 अता टँगिया झाड़ की जड़ पर राखियो से, जेना-जेना झाड़ साजरो फर नही आना से, उ कापो अना स्तो मा झोको जाहेत।
MAT 3:11 मि ता तुमी ला पानी लक “पाप लक मन हटाव को बप्तिस्मा देवासेउ, पर जोन मोरो मंघा आवन वालो से, उ मोरो लक ताकतवर से, मि ओको सेन्डिल उचलन को लाईक नही सेऊ। उ तुमला पवीतर आतमा अना स्तो लक बप्तिस्मा देहे।
MAT 3:12 ओको सुपड़ो, ओको हात मा से, उ आपरो खरीयान साजरो लक सफा करेत। अना आपरो गहुँ ला आपरो ढोला मा जमा करेत पर भुसा ला ओना स्तो मा पेटाहे जोन कबच नही झिझाहेत।”
MAT 3:13 ओना बेरा मा यीसु ना गलील छेतर लक, यरदन नदी को किनार मा, योहन लक बप्तिस्मा लेवन वोको जवर आयो।
MAT 3:14 पर योहन यो सांगके, ओला रोकन लग्यो “मोला ता तोरो हात लक, बप्तिस्मा लेवनो से, अना तु मोरो जवर आयीसेस”
MAT 3:15 यीसु ना ओला जवाब देइस “अबा ता असो च होवन दे, काहे की आमी ला येना रित लक सबच धरम-करम ला पूरो करनो से।” तबा योहन, यीसु को गोस्टी ला मान लेइस।
MAT 3:16 जसोच यीसु बप्तिस्मा लेइस, त वसोच बाहेर आयो तबा वोको लई सरग को किवाड़ उघड़ गयो, अना वरता लक परमेस्वर को आतमा ला परेवा को जसो आपरो वरता उतरता चोइस।
MAT 3:17 अना सरग लक आवाज आयकु आई “यो मोरो चहेतो टूरा से, जेना लक मि सब लक ज्यादा खुस सेव।”
MAT 4:1 वोना बेरा आतमा यीसु ला जंगल मा ले गईस, का सैतान वोकी परिक्सा लेहे।
MAT 4:2 यीसु चाड़ीस दिवस, अना चाड़ीस रात लक उपास करतो रहयो, मंग वोला भुख लगी।
MAT 4:3 तबा परखन वालो ना ओको जवर आयके कहीस “अदी तु परमेस्वर को टूरा सेस ता कव्हका यो गोटा भाखरी बन जाए।”
MAT 4:4 यीसु ना जवाब देइस, का गिरंथ मा असो लिख्यो से, मानूस सिरफ जेवन च लक नही, जित्तो रव्हासे, पर हरेक सबद जोन परमेस्वर को टोन्ड लक हिटासे वोको लक जित्तो रव्हासेत।
MAT 4:5 तबा सैतान यीसु ला पवीतर नगर मा लेगइस अना ओला मंदिर करसा को वरता मा उभो कर देइस।
MAT 4:6 अना ओला कहीस “अदी तु परमेस्वर को टूरा आस, ता खाल्या कुद जाय, काहे का पवीतर गीरंथ मा लिख्यो से, उ तोरो बारे मा आपरो सरगदूत गिनला हुकूम देहे, अना वय तोला हातो-हात उचल लेहेत। कहीं असी ना होय का तोरो पाय मा ठोकर लगे।”
MAT 4:7 यीसु ना ओला कहीस, पर पवीतर गीरंथ मा असो भी लिख्यो से “अपरो पिरभु मोठो परमेस्वर की परीक्सा नोको लेवजोस।”
MAT 4:8 मंग बालजबूल ओला एक लगत मोठो पहाड़ पर ले गईस, अना सारो जग को राज माया महिमा चोवाय के
MAT 4:9 ओला कहीस “अदी तु टोंगरा टेकके मोरी आराधना करजोस, ता मि यो सब काही तोला दे देहू।”
MAT 4:10 तबा यीसु ना ओला जवाब देइस, हट जाय सैतान! काहेका धरम की किताब मा लिख्यो से “तु अपरो पिरभू व परमेस्वर की आराधना करो अना अखिन वोकिच सेवा करो।”
MAT 4:11 एको पर सैतान वोला सोड़के चली गयो अना सरगदुत आयके वोकी सेवा करन लगीन।
MAT 4:12 जबा यीसु ना यो आयकीस, का योहन धराय गयो से। ता उ गलील नगर ला चली गयो।
MAT 4:13 अना उ नासरत नगर ला छोडके कफरनहुम नगर मा रव्हन लगयो। जो झील को जवर जबूलून अना नप्ताली को देस मा से।
MAT 4:14 असो परकार लक यसायाह भविस्यवक्ता को कव्हयो गयो गोस्टी पूरो भयो।
MAT 4:15 “जबूलून अना नप्ताली को देस, झील को रास्ता लक यरदन नदी को वोनागन, गैर यहुदीगीन को गलील
MAT 4:16 जोन लोक अंधार मा बसी होतीन, उनना मोठी उजाड़ो चोविन, अना जोन मरन को देस अना सावली मा बसी होतीन, उन पर उजाड़ो चमकयो।”
MAT 4:17 ओना बेरा लक यीसु ना पिरचार करन लगयो का “पाप लक मन ला हटाव मन फिराओ काहे का सरग को राज जवर आई से।”
MAT 4:18 यीसु गलील को झील को जवर, हिंड रहयो होतो, ओना दुई भाऊ गीन समौन जेनको नाव पतरस भी कहलावसे, अना ओको भाउ अन्दिरयास ला झील मा जाल डाकत चोविस; काहे का वय धिवर होतीन।
MAT 4:19 यीसु ना उन लक कहीस “मोरो मंघा आव, ता मि तुमला मसरी धरन की जघा लोकगीन ला परमेस्वर को राज मा आननो सिकाहु।”
MAT 4:20 वय तुरुत जाल ला सोड़के ओको मंघा चलन लगीन।
MAT 4:21 वहान लक पुढा बढ़नो पर यीसु चोवयो का जबदी को टूरागिन याकूब, अना योहन दूई भाऊगीन अपरो बाप जबदी को संग नाव मा जाल ला तैय्यार करत होतिन। ता यीसु न उनला हाकलीस,
MAT 4:22 वय तुरूत नाव अना आपरो बाप ला सोड़के वोको मंघा चली गईन।
MAT 4:23 यीसु सारो गलील मा हिंडत-हिंडत उनको पिराथना घर मा सिक्सा देवन लगयो होतो। अना राज को साजरो बारता को बारे मा सांगत होतो। अखीन लोक गीन की हर बीमारी, अना कमजोरी, ला साजरो करत होतो।
MAT 4:24 अना वोको नाव सफा सीरिया देस मा, फैल गयो। अखीन लोकगीन सप्पा बीमार ला, अना दुखी मानूस गीन ला अना जिनमा भुत-पलित झोमयो होतिन, मिरगी वारा, लकवा वारा ला ओको जवर आनीन। अना उ उनला साजरो करत होतो।
MAT 4:25 गलील अना दहानगर मा येरुसलेम नगर, यहुदिया छेतर अना यरदन नदी को ओनांगन लक भीड़ ओको मंघा भय गई।
MAT 5:1 यीसु एना मोठो भीड़ ला चोवके पहाड़ी पर चघ गयो। अना जबा बस गयो, तबा ओको चेला ओको जवर आइन।
MAT 5:2 अना उ यो कव्हतो हुयो सिक्सा देवन लगयो।
MAT 5:3 धन्य सेत वय, जो मन को गरीब सेत। काहे का सरग को राज उनको सेत।
MAT 5:4 धन्य सेत वय, जो सोक करासेत, काहे का वय सान्ती पाहेत।
MAT 5:5 धन्य सेत वय, जोन नरम सेत! काहे का वय धरती का मालीक होयेत।
MAT 5:6 धन्य सेत वय जो धरम का भुको अना तहान सेत, काहे का वय, अघा जाहेत।
MAT 5:7 धन्य सेत वय जोन रहमदिल सेत, काहे का वोको पर रहम कियो जाहेत।
MAT 5:8 धन्य सेत वय, जोनको मन सुध्द सेत, काहे उ परमेस्वर ला, चोहेत।
MAT 5:9 धन्य सेत व, जो मेल करानवारा सेत, काहेका उ परमेस्वर का टूरा कहलाहेत।
MAT 5:10 धन्य सेत वय, जोन धरम को कारन लक तगांयो जासेत, काहेका सरग को राज उनको च से।
MAT 5:11 धन्य सेव तुमी, जबा, मानूस मोरो कारन, तुमरो बेज्जाती करेहत। तुमरो पर अत्याचार अपमान करेहत अना अखीन झुठो, दोस लगाहेत।
MAT 5:12 तबा खुसी लक मगन होवना, काहे का तुमरो लाई सरग मा, मोठो फर से तुमरो पूढा को भविस्यवक्ता गीन ला भी एनाच रीत लक सतायो होतीन।
MAT 5:13 तुम्हि धरती को नोन सेव, पर अदी नोन को सुवाद बिगड़ जाहेत ता कोन सी जिनुस लक वोला नमकीन कियो जाहेत। मंग वा कोनी काम को नाहती, एको लाई का बाहेर फेको जाहेत, अना मानूस को पाय खाल्या खुंदयो जाहेत।
MAT 5:14 तुमी एना जग की उजाड़ो सेव, जोन नगर पहाड़ी मा बसो से, वा लूक नही सकत।
MAT 5:15 अखीन लोक गीन दियो पैटाय के फुल को खाल्या डलिया मा नही राखत, पर फूल पर राखासेत, तबा ओना घर का सारो लोक गीन ला उजाड़ो भेटासे।
MAT 5:16 वोको च जसो तुमरो भी उजाड़ो मानूस को पुढा चमकेत, काहे का उ तुमरो भलो काम ला देख के तुमरो बाप की सरग मा बड़ाई होहेत।
MAT 5:17 यो नोको समजो का, मि पवीतर गीरंथ या भविस्यवक्ता मोसे को नियम ला, लोप करन लाय आई सेऊ, पर मी तो वोला पूरो करन लाई आई सेव।
MAT 5:18 काहे की मि तुमरो लक खरो कव्हसु, का जबा तकन सरग अना धरती टल न जाहेति। तबा तकन मोसे को नियम लक एक मातरा एक बिन्दु भी, बिना पूरो हुये नही टलेत।
MAT 5:19 एको लाई जो कोनी, एना नहानो लक नहानो , हुकूम ला कोनी एक ला तोड़के अना वसोच लोक गीन ला सिखाहे, उ सरग को राज मा सब लक नहानो कहलाहे पर जो कोनी एना हुकूम ला मानहेत अना उनला वसोच सिखाहे, उ सरग को राज मा मोठो कहलाहे।
MAT 5:20 काहे की मि तुम लोक गीन कव्हसु, की अदी तुमरो नेकी को काम, मोसे को नियम को गुरू लक अना, फरिसी गीन लक बड़के नही होहेत। ता तुम्हि सरग को राज मा कदीच भीतर नही धस सकेत।
MAT 5:21 तुमी आयकि सेव का जुनो जुग का लोक गीन ला कव्हयो गयो होतो, का जान लक नोको मारने, अना जोन जान लक मारहेत, उ कचहरी मा, सजा को काबील होहेत।
MAT 5:22 पर मि तुमी लक यो कव्हासु, का जोन कोनी आपरो भाऊ पर हिजड़ेत, उ कचहरी मा सजा को काबील होहेत, अना जोन कोनी आपरो भाऊ ला निकम्मो कहे, ता उ मोठी सभा मा सजा को काबील होहेत, अना जो कोनी कहे अरे मुरख! ता उ नरक की स्‍तो को सजा को हिस्सेदार होयेत।
MAT 5:23 एकोलाय अदी तुम्हि आपरी भेट होमन कुन्ड को जवर आनने, अना उता तुम्हिला हेत आहेत का तोरो भाऊ को मन मा तोरो लाय, काही विरोध से,
MAT 5:24 ता आपरी भेट उतच होमनकुन्ड को पुढा सोड़ देव अना जायके पहले आपरो भाऊ लक मेल-मिलाप कर। अखीन तबा आयके आपरी भेंट चघाने।
MAT 5:25 कचहरी जातो बेरा मी रास्ताच मा अपरो मुद्दई लक मेल मिलाप कर लेवो, कहीं असो नोको होहेत का वय तुमला न्याय करन वालो ला सोप दे अना सिपाई तुमला जेल मा डाक दे।
MAT 5:26 मि तुम्हि लक खरो कव्हसु, की जबा तकन तुमी पैसा-पैसा भर नही देहो, तबा तकन उता लक सूट नही सकने।
MAT 5:27 तुम्हि लोकगीन आयकि सेव की कव्हयो गयोसे, का छिनालापन नोको करना।
MAT 5:28 पर मि तुम लक कव्हसु, की जोन कोनी कोनी बायको पर बुरो नजर डाखेत, उ ओको लक मन मा छिनाली कर लेवासे।
MAT 5:29 अदी तोरी उज्जो डोरा तोला ठोकर खिलावासे, ता ओला हेड़के फेक दे काहे का तोरो लाई यो साजरो से, की तोरो तनमा लक एक आंग खराब होय जाहेत, अखीन तोरो सप्पा तन नरक मा नोको डाख्यो जाय।
MAT 5:30 अदी तोरो उज्जो हात तोला ठोकर खवाये ता वोला काप के फेक देवने। काहेका तुम्हारो लाय योच साजरो से का तुम्हारो तन मा लक एक खराब होय जाहेत अखीन तोरी सप्पा काया नरक मा नोको डाकयो जाहेत।
MAT 5:31 असो भी कव्हयो गयो होत्यो, जोन कोनी अपरी बायको ला सोड़-सुट्टी देवनो चाव्हसे, ता उ दे-दे।
MAT 5:32 पर मी तुम्हिला कव्हसू, का जोन कोनी अपरी बायको ला छिनालापन को सिवा, काही अखीन कारन लक सोड़-सुट्टी देवासे, त उ छिनाली करवासेत। अना जो कोनी वोना छोड़ी हुई लक बिहा करासे त उ छिडरापन करासेत।
MAT 5:33 तुम्हि आयकि सेव का पयले को जुग मा लोकगीन ला कव्हयो गयो होत्यो। का झुठी किरिया नोको खाना, पर पिरभु लाई अपरी कसम ला पूरी करने।
MAT 5:34 पर मी तुमला यो कव्हसु, का कभीच किरया नोको खावने न त सरग की काहेका उ परमेस्वर को सिघासन आय।
MAT 5:35 ना ता धरती की काहेकि वा वोको पाय की चौकी आय। ना ता येरुसलेम की काहेकि उ महा राजा को नगर आय।
MAT 5:36 तुम्हि अपरी डोस्की की भी किरिया नोको खावने। कासेकि तु अपरा चुन्दी गीन ला कारा अना पांढरा नही कर सकासेस।
MAT 5:37 पर तुमरी गोस्टी हव ता हव अना नही ता नही होय। कासेकि जोन एकोलक जादा होवासे वा बुराई लक होवासे।
MAT 5:38 तुम्हि आयकि सेव का कहयो गयो होत्यो। डोरा को बदला डोरा, अना दाँत को बदला दाँत।
MAT 5:39 पर मी तुमला यो कव्हसू, का बुराई को बीरोध नोको करने। पर जोन कोनी तोरो उज्जो गाल मा झापड़ मरेत, ता वोको कन दुसरो गाल कर देवने।
MAT 5:40 अदी कोनी तोरो पर मुकदमा करके, तोरो कुरता ला लेवनो चाहे ता वोला पचिया भी दे देने।
MAT 5:41 जोन कोनी तोला कोस भर मा लीजाहे त वोको संग मा दुई कोस चली जाजोस।
MAT 5:42 जोन कोनी तोरो लक मगे, वोला देजोस। अना जोन कोनी तोरो लक उधार लेनो चाव्हसे वोको लक टोन्ड नोको मोड़जोस।
MAT 5:43 तुम्हि आयकि सेव का कव्हयो गयो होत्यो। का अपरो संगी लक माया राखो, अना अपरो बयरी लक बईर।
MAT 5:44 पर मी तुम्हिला यो कव्हसू का अपरा बयरी गीन पर माया राखो। अखीन तूम्हि अपरो सतावन वारा गीन लाई पिराथना करने।
MAT 5:45 जेनको लक तुम्हि अपरो सरग को परमेस्वर बाबूजी की सन्तान कहलाने। कासेकी उ साजरो अना बुरो दुई, को लाय दिवस हेड़ासे। अखीन ईमानदार अना बैईमान, धरमी-अधरमी दुई पर बादर- पानी बरसासेस।
MAT 5:46 कासेकी अदी तुम्हि अपरो लक माया राखन वारा, लक माया राखने । ता तुमरो लाई का फर होयेत? का बरगन लेवन वारा भी असो नही करेत।
MAT 5:47 अदी तुमी केवल अपरो भाऊ ला नमस्कार करो। त कौनतो मोठो काम करीसेव? का गैरयहुदी भी असो नही करासेत।
MAT 5:48 एकोलाय तुमी सिध्द बनो। जसो तुमरो सरग को परमेस्वर बाबूजी सिध्द से।
MAT 6:1 तूम्हि होसियार रव्हने, मानूसगिन ला दिसान काजी, नेकी को काम नोको करो। नही ता अपरो परमेस्वर बाबूजी लक सरग मा काही भी फर नही पावने।
MAT 6:2 जबा तुम्हि दान करने, ता आपरो पूढा तुर्रा बाजा नोको बजाओ, जसो कपटीगीन पिराथना घर सभा अना गल्ली मा करा सेत। जोन लक लोकगीन वोकी बड़ाई करेत। मी जसो तुमरो लक खरो सांगासू का, वय अपरो करनी को फर पाय चुकेत।
MAT 6:3 पर जबा तु दान करजोस, त जो तोरो उज्जो हात करेत, उ तोरो डाखिया हात ला मालूम नही पडहेति।
MAT 6:4 जोन लक तोरो दान लुको रहेत, अना तबा तोरो बाप चुपचाप मा चोवसे तोला करनी को फर देहे।
MAT 6:5 जबा तुम्हि पिरथना करने, ता बगला भगत को जसो नोको करने। कासेकी लोकगीन ला चोवन लाई, पिराथना घर मा अना रास्ता, चौगड्डा मा ऊभा होयके, पिराथना करनो, चहेतो लगासे, मी तुम्हिला खरो सांगासू, का वय अपरो करनी को फर पाय लेहेत।
MAT 6:6 पर जबा तुम्हि पिराथना करने, ता अपरी खोलीमा जायके, अना घर को किवाड़ लगायके अपरो परमेस्वर बाबूजी लक एकांत मा पिराथना करने, तबा तुम्हरो बाबूजी परमेस्वर जोन एकलो मा चोवासे, उ तुम्हिला करनी को फर देहे।
MAT 6:7 तूम्हि पिराथना करतो बेरा मा गैर-यहूदिगीन लोकगीन को जसो बक-बक नोको करने वय समजासेत का लंबी-लंबी पिराथना करनो लक उनकी पिराथना आयकि जाहे।
MAT 6:8 एकोलाय तुम्हि उनको जसो नोको बनने काहेका तुम्हरो परमेस्वर बाबूजी तुमरो माँगन को पुढ़ा जानासे का तुम्हि ला काजक-काजक चीज गीन की जरुरत से।
MAT 6:9 एकोलाय तुम्हि लोक गीन असो रित लक पिराथना करने, ओ आमरो परमेस्वर बाबूजी तू जोन सरग मा सेव तोरो नाव पवीतर मानो जाय।
MAT 6:10 अखीन तोरो राज आय, तोरो मनसा जसो सरग मा पूरो होवासेत वसोच धरती मा पूरो होहे,
MAT 6:11 आमरो दिवस भर को जेवन आज अमीला देव,
MAT 6:12 अना जसो हमिना अपरा बूरो करन वारा ला छिमा करीसेजन, वसोच तु भी हमरो बुराई ला छिमा कर।
MAT 6:13 अना हमला परिक्सा मा नोको डाख, पर बुराई लक बचाव, काहेकि राज् अना मोठयो ताकत अना महिमा हमेसा तोरो रहेत।
MAT 6:14 एकोलाय अदी तुमी मानूस को अपराध ला छिमा करने , ता तुम्हरो सरग को परमेस्वर बाबूजी भी तुम्हिला छिमा करेत।
MAT 6:15 अना अदी तुमी मानूस गीन को अपराध छिमा नही करने, ता तुम्हरो बाबूजी परमेस्वर भी तुम्हरो अपराध ला छिमा नही करहेत।
MAT 6:16 जबा तुमी उपास करहो, ता बगला भगत गिन जसो तुमरो टोन्ड पर उदासी नही छाय रव्हे, काहे का वय आपरो टोन्ड उतारके रहोसेत, एको लाई का लोकगीन उन ला उपासी जानेत। मि तुम लक खरो कहुसेऊ की वय आपरो ईनाम पाय चुकीन।
MAT 6:17 पर जबा तु उपास करजोस ता आपरो डोस्की पर तेल मलन अना टोन्ड धोयके रव्हजोस।
MAT 6:18 ताकि लोक नही पर तोरो बाप जो छुपयो मा से तोला उपासी जाने। यो दसा मा तोरो बाप जो छुपयो मा देखासे, तोला फर देहेत।
MAT 6:19 आपरो लाई धरती मा तिजोरी मा धन जमा नोको करोह जिता कन कीड़ा अना काई बिगाड़सेत, अना जिता चोर सेंध लगावसेत अना चुरावसेत।
MAT 6:20 पर आपरो लाई सरग को तिजोरी मा धन इकठ्ठा करोह। जिता न ता कीडा अना न काई बिगाड़ा सेत, अना जिता चोर न ताका करासेत अना चुरा नही सकेत।
MAT 6:21 काहे क जिता तोरो तिजोरी मा धन सेत उता तोरो मन भी लगयो रहेत।
MAT 6:22 तन को दियो डोरा सेत, एको लाई अदी तोरो डोरा साफ सेत ता तोरो सप्पा तन भी उजाड़ो होयेत।
MAT 6:23 पर यदि तोरो डोरा बुरो सेत, ता तोरो सप्पा तन भी ईंधारो होहेत। एकोलाय वा उजाड़ो जोन तोरो मा से अदी इंधारो होहेत, ता वा इंधारो कसो मोठो होहेत।
MAT 6:24 कोनी भी गुलाम मानूस दुई मालीक को सेवा नही कर सकासे। काहेका उ एक लक बइर अखीन दुसरो को संग माया राखेत। अना एक लक गाढोपन अना दुसरो ला नीच जानेत। तुमी परमेस्वर अना धन दुही की सेवा नही कर सकासो।
MAT 6:25 एको लाई तुमी आपरो जान लाई यो चिंता नोको करने की आमी का खावबीन अना का पीवबीन। अना आपरो तन लाई का काजक पहरबीन, का जान जेवन लक, अना देह लक, कपरा बड़के नाहत?
MAT 6:26 बादल का पकसी ला चोवो। वय ना ता बोवासे, ना च कापासे, अना ना च खरीयान मा जमा करासेत, मंग उनको सरग को परमेस्वर बाबूजी उनला खिलावासे। का तुम्हि उन लक लगत कीमती नही सेव?
MAT 6:27 तुम्हि मा लक कोन से, जो चिन्ता करके आपरी उमर मा एक घडी भी बढाय सकासे?
MAT 6:28 अना कपरा लाई काहे चिन्ता करासो? जंगल का फुल पर मन लगावो का वय कसा बढ़ासेत वय न तो मेहनत करासेत, न कापासेत।
MAT 6:29 एतरो मा भी मि तुम लक कव्हसु का राजा सुलेमान भी, आपरो महिमा सप्पा धन माया मा उनमा लक कोनी को जसो कपरा नही डाकयो होतो।
MAT 6:30 एकोलाय जबा परमेस्वर बर्रा की गवथ ला, जो आज से अना काल स्तो की भट्टी मा झोकी जाहे, असो कपरा पहिनासे, ता हे कच्चो भरोसा वालो, तुमी ला उ उन लक बड़के, काहे नही पहिनाहे?
MAT 6:31 एको लाई तुमी चिन्ता करके यो नोको कव्हना, की आमी का जेवबीन, अना का पीवबीन, या का घालबीन।
MAT 6:32 काहे का गैरयहुदीगीन यो सब चीज को खोज मा रव्हासेत। पर तुमरो सरग को परमेस्वर बाबूजी जानासे, की तुमला यो सब चीज गीन की जरुरत से।
MAT 6:33 एको लाई पूढ़ा तुमी परमेस्वर की राज अना ओको न्याय की खोज करोह ता या सब चीज भी तुम ला मिल जाहेत।
MAT 6:34 अता काल की चिन्ता नोको करो। काहे का काल का दिवस आपरी चिन्ता आप कर लेहे। अज को लाई अज को दुख लगत से।
MAT 7:1 दोस नोको लगावो, जेनको लक तुमरो पर भी दोस लगायो जाहेत। काहेकी,
MAT 7:2 जोन रीती लक तुमी दोस लगावासो, ओनोच रीती लक तुम पर भी दोस लगायो जाहेत, अना जोन पायली मा तुमी नापासेव, ओनोच पायली लक तुमला भी नापो जाहेत।
MAT 7:3 जबा तु आपरो भाऊ को डोरा को तिनका ला चोवासेस, तोला आपरो डोरा को लठ्ठा तोला नही सुजासे?
MAT 7:4 जबा तोरी च डोरा मा लठ्ठा से, ता तु आपरो भाऊ लक कसो कव्ह सकासेस, आन मि तोरो डोरा लक तिनका हेड़ देवासू?
MAT 7:5 हे कपटी पुढ़ा आपरो डोरा मा लक, लठ्ठा हेड़ ले, तबा तु आपरो भाऊ की डोरा लक तिनका साजरो रिती लक चोयके हेड़जोस।
MAT 7:6 पवीतर चीज कुतरा गीन ला नोको देव, अना आपरो मोती खालमानी को पुढा नोको डाको, असो नोको होय की वय उन ला पाय खाल्या खुँदेत अना पलट के तुमला फाड़ डाकेत।
MAT 7:7 माँगो ता तुमला दियो जाहेत ढुँढो ता तुमी पाहो। खटखटाओ ता तुमरो लाई उघाड़ो जाहेत
MAT 7:8 काहे का जो कोनी माँगासे, ओला मिलासे, अना जोन ढुँढासे, वोला भेटा सेत, अना जो खटखटावसे, ओको लाई उघाड़ो जासे।
MAT 7:9 तुमी मा लक असो कोन मानूस से, का अदी ओको टूरा ओला भाकर माँगासे, ता उ ओला पथरा देसे?
MAT 7:10 अना मसरी माँगासे, ता ओला सरप देसे?
MAT 7:11 अता जबा तुमी बुरो होयके, आपरा लेकरा ला साजरी चीज देवासो, ता तुमरो सरग को परमेस्वर बाबुजी आपरो माँगन वालो ला साजरी चीज काहे नही देहे?
MAT 7:12 योको लाई जो काही तुमी चाव्हसो की मानूस तुमरो सँग करे, तुमी भी उनको सँग वसोच बरताव करो, काहे का पवीतर गिरंथ अना मोसे को नियम अना भविस्यवक्ता गीन की सिक्सा याच से।
MAT 7:13 सकड़ो बेसकुड़ लक जाव, काहेका चकरो से उ बेसकुड़ अना सिधो से उ रस्ता जोन नास कन जावासेत। अना लगत सा लोक सेत, जोन ओना रस्ता लक जावासेत।
MAT 7:14 काहेका सकड़ो से उ बेसकुड़ अना कठिन से उ रास्ता जोन, जिंदगी कन पहुचासे। अना जरासा लोक सेत, जोन ओला भेटासेत।
MAT 7:15 खोटो भविस्यवक्ता गीन लक होसियार रव्हने, जोन साजरा कपरा घाल के मेढा को हुलीया मा तुमरो जवर आवासेत, पर भीतर लक फाड़न वारा बिघा को जसो सेत।
MAT 7:16 उनको फर लक तुमी उन ला चिन्ह लेहो, का लोकगीन झाड़ी लक अंगूर, अना काँटादार झाड़ लक अँजीर तोड़ासेत ?
MAT 7:17 यो रीती लक साजरो झाड़ साजरो फर आनासे, अना निकम्मो झाड़ निकम्मो फर आनासे।
MAT 7:18 साजरो झाड़ बुरो फर नही आन सका, अना निकम्मो झाड़ साजरो फर नही आन सका।
MAT 7:19 जोन-जोन झाड़, साजरो फर नही आनासे, उ कापके स्तो मा डाकयो जाहे।
MAT 7:20 येना रिती लक उनको फर लक, तुमी उन ला चीन्ह लेहो।
MAT 7:21 जोन मोला हे पिरभु, हे पिरभु! कव्हसे, उनमा लक हरेक सरग को राज मा नही जाय सकत। पर जोन मोरो, परमेस्वर बाबूजी को मरजी लक चलासे, उ जाय सकासेत।
MAT 7:22 ओनो दिवस मा मोला लगत सा लोक गीन कहेत, हे पिरभु हे पिरभु, का आमी ना तोरो नाव लक आवन वारो गोस्टी नोको सांगो? अना तोरो नाव लक बुरो आतमा भूत-पलित ला नही हेडिया? अना तोरो नाव लक लगत सा ताकत को काम नही करियो?
MAT 7:23 तबा मि उन लक सपा-सपा मना कर देहुँ, अना सांगू, अरे, बुरो करम करनवालो, मोरो जवर लक चली जावो मी तुमीला नही जानासू।
MAT 7:24 एकोलाय जो कोनी मोरो गोस्टी ला आयक के मानासे, उ वा अक्कलवर मानूस जसो से, जेना आपरो घर ला गोटा पर बनावासे।
MAT 7:25 अना बरसात भई पूरा आई, अना आंधड चली अना उ घर लक टक्कराई मंग नही पड़यो, काहेका ओकी पाया गोटा मा डाकी गई होती।
MAT 7:26 पर जो कोनी मोरी गोस्टी ला आयकसे अना उन पर नही चलासे, उ वोना मानूस को जसो से, जोन आपरो घर रेत पर बनावासेत।
MAT 7:27 अना पानी बरसयो, अना पूरा आई, अना आँधड़ चली, अना ओना घर लक टक्कराई अना वा घर पड़के सत्यानास भई गई।
MAT 7:28 जबा यीसु या गोस्टी कह चुकयो, ता असो भयो की भीड़ ओको सिक्सा लक चकित भय गईन।
MAT 7:29 काहेकि उ उनको मोसे को नियम को गुरू जसो, नही पर अधिकारी जसो उनला सिक्सा देवत होतो।
MAT 8:1 जबा उ ओनो पहाड़ लक खाल्या आयो, ता एक मोठी भीड़ ओको मँघा भय गई।
MAT 8:2 अना एक कोढ़ी ना जवर आयके ओला हात जोड़ के नमस्कार करीस अना कहीस, ओ पिरभु! अदी तु चाव्हासेत, ता मोला साजरो कर दे।
MAT 8:3 एतरो पर यीसु ना अपरो। हात बढायके ओला छीइस, अना कहीस, मि चाव्हुसु! तु साजरो भई जाय, अना उ गदने कोढ लक साजरा भय गयो।
MAT 8:4 यीसु ना ओला कहीस, कोनी लक नोको कव्हजोस! पर मंदिर मा जायके आपरो आप ला याजक ला दिखावजोस, अना जसो पवीतर गिरंथ मा भेट चढावा मोसे भविस्यवक्ता ना तय करीसेस ओला चढावजोस, एको लाई की लोकगीन पर पूरुप मजे गवाही भई जाहेती।
MAT 8:5 जबा यीसु कफरनहुम नगर मा आयो। ता एक सुबेदार ना ओको जवर आयके ओको लक पिराथना करीस।
MAT 8:6 हे पिरभु! मोरो दास घर मा लकवा को बीमारी लक लगत दुख मा सेत।
MAT 8:7 यीसु ना कहीस “चल मि आयके ओला साजरो करासू”
MAT 8:8 सुबेदार ना जवाब देइस की ओ पिरभू! मी यो लायक नही सेउ का तु मोरी घर को छत को खाल्या आवजोस, ओ पिरभु तू तो इता लक सांग दे, ता मोरो दास साजरो भय जाहे।
MAT 8:9 काहे का मि भी अधिकारी सेऊ सरकार को नौकरी करासु अना सिपाई मोरो बस मा सेति जबा मि एक ला कव्हसु जाय। ता उ जासे अना दुसरो ला, आव! ता उ आवासे अना जबा आपरो दास लक कव्हसु, यो कर! ता उ करासे।
MAT 8:10 यो आयक के यीसु ला अचंभा भयो, अना जोन ओको मंघा होतीन, उन लक कहीस, मि तुमला ला खरो कव्हसु की मिना इसरायल देसमा असो बिस्वास नही पायो।
MAT 8:11 अना मि तुमी लक कव्हसु, की दिवस उगती अना दिवस बुड़ती लक लगत सा लोक आयके अबराहम अना इसहाक अना याकूब को संग सरग को राज मा बसेत।
MAT 8:12 पर राज की संतान बाहेर इंधारो मा डाक दियो जाहे उता रोनो अना दाँत को पीसनो होहे।
MAT 8:13 तबा यीसु ना सुबेदार लक कहीस, जाय! जसो तोरो बिस्वास से वसोच तोरो संग मा होहे। अना ओको दास ओनोच घड़ी मा साजरो भय गयो।
MAT 8:14 यीसु जबा पतरस को घर मा आयो, तबा ओकी सासु ला बुखार धरयो होतो।
MAT 8:15 ओना ओला हात लक, छीइस अना ओको बुखार उतर गयो। अना वा उभी होय के, ओकी सेवा करन लगी।
MAT 8:16 जबा झुलाखाली भई तबा ओको, जवर लगत सा लोकगीन ला आनीन। जिनमा भुत-पलित होतिन अना, बीमार ला ओना हुकूम देक साजरो करीस।
MAT 8:17 एकोलाय जोन गोस्टी यसायाह भविस्यवक्ता कन, लक पवीतर गिरंथ मा लिख्यो से पूरो भयो का “ओना आपच आमरी कमजोरी ला ले लेइस, अना बीमारी ला उचल लेईस।”
MAT 8:18 यीसु ना जबा आपरो आप ला भीड़ लक घीरो चोवके, उ झील को ओनांगन जावन की हुकूम देईस।
MAT 8:19 तबा एक मोसे को नियम को गुरू ना ओको जवर आयके कहीस, हे गुरुजी! जिता-जिता तू जाजोस उतच-उतच मि तोरो सगं आहुँ।
MAT 8:20 यीसु ना उन लक कहीस, कोल्हिया गीन को लाय खोदरा अना बादल का पकसी गीन को बसेरा होवासेत पर मानूस को टूरा लाई डोस्की राखके अराम करन को जघा नहात।
MAT 8:21 एक अखीन चेला ना ओला कहीस, हे पिरभु मोला जावन दे, का आपरो बाप ला गड़ाय देहुँ।
MAT 8:22 यीसु ना ओला कहीस, तु मोरो मंघा भय जाय, अना मुरदा ला आपरो मुरदा गाड़न दे।
MAT 8:23 जबा उ नाव पर चघयो, ओको चेला मंघा भय गईन।
MAT 8:24 अना देखो झिलमा एक मोठो आँधड़ उठयो। अना नाव लहर लक ढकन लगी। मगं उ जपमा होतो।
MAT 8:25 तबा चेला ना ओला जगाईन। अना कहिन, हे पिरभु हमला बचा व हम मर जाबीन।
MAT 8:26 ओना कहीस, अरे कच्चो भरोसा कमजोर बिस्वासवारा! काय ला डरावसो? तबा आँधी अना पानी ला डाटन लगिस, ता सफा उगा-मुगा भय गईन।
MAT 8:27 अना वय अचंभा भयके कहिन, यो कसो मानूस से का आँधड़ अना, पानी एको हुकूम मानासेत।
MAT 8:28 जबा ओनागन गदरनियो को देस मा पहुँचीन, ता दुई मानूस जिनमा भुत-पलित झोमी होती, मरघट्टी लक हिटके ओला भेटिन वय एतरो ताकत वर होतीन, का ओ रास्ता लक कोनी नही जा सकत होतीन।
MAT 8:29 वय हाकल के कहिन, ओ परमेस्वर को टूरा, आमरो लक तोरो काजक काम से? का तु बेरा को पयले, अमीला, दुख देवन आईसेस?
MAT 8:30 उनको लक काही दुहुर पर एक खालमानी की हेड़ चरत होती।
MAT 8:31 बुरो आतमा ना उन लक यो कहके पिराथना करीन, का तु हमला हेड़ासेस, ता खालमानी को हेड़ मा धाड़ दे।
MAT 8:32 ओना उनला हुकूम देइस, तबा वय हिटके खालमानी मा धस गईन। अना चोवो सप्पा, हेड़ जोर लक झपट के पानी मा चली गयो।
MAT 8:33 उनको चरान वारा, पराय के नगर मा यो गोस्टी ला साँगीन, जिनमा भुत-पलित होतीन उनको सप्पा हाल आयकावईन।
MAT 8:34 तबा सबच नगर का लोक गीन यीसु लक भेटन साठी हिट के गईन, अना ओला देखके पिराथना करीन, की हमरो देस लक चली जाय।
MAT 9:1 मंग यीसु नाव मा चघके ओनागन गयो, अना आपरो नगर मा आयो।
MAT 9:2 अना देखिन का लकवा वारा, ला खाट पर धरके ओको कठा आनीन। यीसु ना उनको बिस्वास देखके, लकवा को रोगी ला कहीस, अरे टूरा हिम्मत राख! तोरो पाप छिमा भईन।
MAT 9:3 एको पर कई मोसे को नियम को गुरू ना सोचिन का यो तो परमेस्वर की निन्दा करासे।
MAT 9:4 यीसु ना उनको मन की गोस्टी ला जानके कहीस, तुमी आपरो-आपरो मन मा बुरो बिचार कायलाई करासेव।
MAT 9:5 सरल का से? यो कव्हनो का तोरो पाप छिमा भईन, अना यो कव्हना का उभो होय, अना चल फिर।
MAT 9:6 पर एकोलाय तुमी जान लेव, का “मानूस को टूरा” ला धरती पर पाप छिमा करन को, अधिकार से, तबा ओना लकवा को रोगी ला कहीस, उभो होय! अना आपरी खाट ला उठाव, आपरो घर जाय।
MAT 9:7 उ लकवा को रोगी उभो होयके, आपरो घर चली गयो।
MAT 9:8 लोक असो देखके डराय गईन, अना परमेस्वर की बड़ाई करन लगीन, जेना मानूस ला असो अधिकारी ठहराईसेस।
MAT 9:9 वहान लक लगत पुढा बढके यीसु न मत्ती नामको मानूस ला बरगन वसुली करन वालो चौबट्टा पर बसयो चोयो त वोको लक कहीस,“ मोरो मंघा भय जाव।” उ उभो होयके वोको मंघा भय गयो।
MAT 9:10 जबा उ घर मा जेवन मा बसयो, ता लगत सा जमा वसूल करन वारो पापी आयके यीसु अना ओको चेला संग जेवन लाय बस गईन।
MAT 9:11 असो देखीके फरिसी गीन ना ओको चेला ला कहिन, तोरो गुरूजी बरगन लेवन वारा अना पापी गीन को संग काय ला जेवन करासे?
MAT 9:12 असो आयक के यीसु ना उनको लक कहीस, बईद साजरो लाई नही से, पर बीमार गीन लाई जरूरी से।
MAT 9:13 एको लाई तुमी जायके एको अरथ सीक लेव। मि पुजा चढानो नही, पर दया चाहुसेऊ, काहे की मि न्यायी ला नही, पर पापी गीन ला बुलावन आईसेऊ।
MAT 9:14 तबा योहन का चेला गीन ओको जवर आयके कहिन, का कारन से? आमी अना फरिसी एतरो उपास करासेत, पर तोरा चेला उपास नही करत।
MAT 9:15 यीसु ना उन लक कहीस की जबा तकन बराती नवरदेव को संग मा रव्हासे , सोक कर सकासेत? पर वय दिवस आहेति जबा नवरदेव उनको लक अलग कियो जाहे। ओनो बेरा मा उपास करयेत।
MAT 9:16 कोरो कपरा को नाड़ा जूनो कपरा पर कोनी नही लगाय सकत, काहे की उ नाड़ा ओ कपरा ला काही अखीन खीच लेवसे, अना उ लगत फट जासे।
MAT 9:17 अना लोक नवा अंगूर को रस ला जुनो कुप्पा मा नही भरत, काहे का असो करन लक कुप्पा फट जासे, अना अंगूर को रस बह जासे अना कुप्पा नास भय जासे पर नयो अंगूर को रस नयो कुप्पा मा भरासेत अना वय दुही बचया रहोसेत।
MAT 9:18 यीसु उन लक यो गोस्टी कर रहयो होतो। तबच एक समाज को मुखिया आयके दुई हात जोड़के नमस्कार करीस अना कहीस, मोरी टूरी मर गई। चलके आपरो हात ला ओको पर राख, ता वा जित्तो भयी जाहे।
MAT 9:19 यीसु उभो होयके आपरा चेला गीन को संग मा, ओको मंघा चलन लगीन।
MAT 9:20 एक बायको जोनको बारा बरस लक लाल धोवा जान की बीमारी होती। मंघा लक आयके ओको कपरा को कगर सेव ला छीव लेईस।
MAT 9:21 काहे का वा आपरो मन मा कव्हत होती। अदी मि ओको कपरा ला छी लेहुँ ता साजरी भयी जाहुँ।
MAT 9:22 यीसु ना मुरकके, ओला देखिस अना कहीस, अवो टूरी हिम्मत राख, तोरो बिस्वास ना तोला साजरो करीसेस। अता वा बायको ओनो बेरा मा साजरो भयी गई।
MAT 9:23 जबा यीसु मुखिया को घर मा पहुचियो। अना बंसरी बजावन वारा अखीन, भीड़ ला हुल्लड़ करतो देखीस।
MAT 9:24 तबा कहीस हट जाओ “टूरी मरी नही पर जप मा से।” एको पर ओकी हसी उडावन लगीन।
MAT 9:25 पर जबा भीड़ हेड़ पर देईन, ता उ भीतर जायके टूरी पर को हात धरीस, अना वा जित्तो भय गई।
MAT 9:26 अना या गोस्टी सप्पा देस मा फैल गई।
MAT 9:27 जबा यीसु उता लक पुढ़ा बढ़यो, ता दुई अँधरा ओको मंघा असा हाकलत हुया आइन, ओ राजा दाऊद की संतान, आमरो पर रहम कर!
MAT 9:28 जबा उ घर मा गयो, ता वय अँधरा ओको जवर आइन, अना यीसु ना उनको लक कहीस, का तुमला भरोसा से? का मि असो कर सकासु? उनना कहिन का हव पिरभु।
MAT 9:29 तबा ओना ओको डोरा ला छीवके कहीस, तुमरो को भरोसा लक, तुमरो लाय होय जाय।
MAT 9:30 अना उनका डोरा खुल गईन, अना यीसु ना उन ला चिता के कहीस, सतरक रव्हने, कोनी एना बात ला नोको जाने।
MAT 9:31 पर उनना हिटके सप्पा देस मा साजरा बारता यस फैला देईन।
MAT 9:32 जबा उ बाहेर जाय रहयो होतो, ता लोक एक मुका ला जेनको मा भुत-पलित होती, यीसु को जवर आनीन।
MAT 9:33 जबा उ भूत-पलित अना बुरो आतमा ला हेड देइस, तबा मुका बोलन लगयो। एतरो पर भीड़ ना अचंभा करके कहीस, इसरायल देस मा असो कदीच नही चोवीसेव।
MAT 9:34 पर फरिसी गिनना कहीन “यो ता सैतान को मुखिया को मदद लक बुरो आतमा भूत-पलित ला हेड़से।”
MAT 9:35 यीसु सब नगर-गाँव मा फिरत होतो। अखीन सब पिराथना घर मा साजरो गोस्टी को मुनादी करत होतो करत होतो। अना राज को साजरो बारता आयकावत होतो। हर तरीका की बीमारी अना कमजोरी ला दुहुर करत होतो।
MAT 9:36 जबा ओना भीड़ ला देखीस, ता ओला लोकगीन पर तरस आयो काहेका वय ओनो मेढा को जसो सेत। जिनको कोनी रखवालो नहाय। अना दुखी, भटको हुओ सेत।
MAT 9:37 तबा ओना आपरा चेला गीन ला कहीस “खेत लगत पिकयो सेत, पर बनिहार जरा सा सेत।
MAT 9:38 एकोलाय खेत का मालिक! पिरभु लक बिनती करो। का वय आपरो फसल ला कापन लाई बनिहार धाड़ेत”।
MAT 10:1 तबा यीसु अपरा बारा चेला गीन ला, जवर हाकल के, उनला भूत-पलित ला हेड़न को हक देइस अना उ ताकत लक उनला हरेक बिमारी अना दुखला साजरा करन को हक देइस।
MAT 10:2 वय बारा पेरीत गीन को नाव यो सेत। पहलो समौन जेनला पतरस कव्हासेत। अना ओको भाऊ अन्दिरयास, जबदी को टूरा याकूब, अना ओको भाऊ योहन
MAT 10:3 फिलिप्पुस, अना बरतुल्मै थोमा अखीन बरगन लेवन वारा मत्ती, हलफई को टूरा याकूब अना तद्दै।
MAT 10:4 सिमोन कनानी, अना यूदस इस्करियोति जेना वोला धरवायो होतो।
MAT 10:5 यीसु ना वय बारा चेलागीन ला, यो हुकूम देके धाड़ीस। का “गैर यहुदी को घरमा नोको जाने, अना सामरी लोकगीन, को कोनी नगर मा धसनो।
MAT 10:6 पर इसरायल को घरानो, की गुमो मेढा को जवर जाओ।”
MAT 10:7 अना चलता-चलता यो गोस्टी करो, का सरग को राज जवर से।
MAT 10:8 बिमारी ला साजरो करो, मरो हुवो ला जित्तो करो, कोढी ला साजरो करो, अखीन भूत-पलित बुरो आतमा ला हेड़ो, तुमी न फुकट मा पाइसेव, त फुकट मा देवो।
MAT 10:9 अपरो पीवसी मा न ता खुरो मुदरो, सोनो अना न ता रुपया, अना न ता ताँबा राखो।
MAT 10:10 रास्ता लाई कोनी जरुरत को जिनुस नोको ठेव। जसो झोला, दुई कुरता, न ता सेन्डिल, अना न ता लाठी राखना, जहान तुम ठैयर जोस वहान सब जिनुस मिल जाहेती, काहेकी बनिहार ला वोको, बनी मिलनो जरूरी से।
MAT 10:11 “जोन नगर या गाँव मा जाओ, ता पता लगाओ, का कोनी लायक सेत, उनको च याहान रव्हने, उता लक नोको हिटने।
MAT 10:12 अना घर मा धसोतो-धसतो वोला असीस देवने।
MAT 10:13 अदी वोको घर का लोक लायक होयेत, ता तुमरो सान्ती असीस उनला भेटे, पर अदी वय लायक नहात, ता तुमरो, असीस तुमरो जवर आई जाहे।
MAT 10:14 जो कोनी तुमला नही रोकेत, अना तुमरी गोस्टी नही आयकेत, वोनो घर अना नगर लक हिटके, अपरो पाय की बारु झड़ाय लेवनो।
MAT 10:15 मी तुमरो लक खरो कव्हसू, का न्याय को दिवस वोनो नगर की दसा लक, सदोम अना गमोरा देस की दसा, लगत सहन लायक होयेत।”
MAT 10:16 “चोवो! मी तुमला मेढा जसो, बिघा गीन को बीच मा धाड़सू। एकोलाय सरप जसो चतूर, अना परेवा जसो भोलो बनने।”
MAT 10:17 पर लोकगीन लकन होसियार रव्हने, काहेका वय तुमला मोठि सभा मा सोपेत, अना अपरी पंचायत मा, तुमला कोड़ा मारहेत।
MAT 10:18 तुमला मोरो लाई मालगुजार, अना राजा गीन को पूढा जानो पड़ेत जोन लक गैर यहूदी मा गवाही भई जाय,
MAT 10:19 जबा वय तुमला धरायेत ता तुम्हिला काय सांगनो सेत, कसो कव्हनो सेत एको चिंता नोको करना। काहेका वोना बेरा तुम्हीला काय बोलनो सेत, सांग दियो जाहेत।
MAT 10:20 हेत राखो, तुम्ही बोलनवारा नही सेव, “तर तुमरो परमेस्वर बाबूजी को आतमा तुमरो भितर लक बोलेत।”
MAT 10:21 “भाऊ-भाऊ ला अना बाप टूरा ला, मरवान लाई सोफेत, अना टूरा माय-बाप को बिरोध मा, उभो होयके उनला मरवा डाकेत।”
MAT 10:22 “मोरो नाव को कारन सबच लोक गीन, तुमरो लक बैरी करेत। पर जो आखरी तकन धीरज धरेत, वोच बचायो जाहेत।
MAT 10:23 जबा वय लोकगीन तुमला एक नगर मा परेसान करयेत, ता दुसरो नगर ला पराय जाना, मी तुमला खरो कव्हासू, तुमी इसरायल को सबच नगर मा हिन्ड नही सकेत, का मानूस को टूरा आजा हेत।”
MAT 10:24 “चेला अपरो गुरु लक मोठो नही होवत, अना दास अपरो पिरभु मजे मालिक लक।
MAT 10:25 चेला को गुरू लक अना दास को, मालिक मजे पिरभु को बरोबर होवनो च, लगत से। जबा उनना घर को मालिक ला सैतान कहिन ता वोको घर को दुसरो लोकगीन लक तो अखिन बुरो बरताव करहेत।”
MAT 10:26 “एकोलाय भेव नोको खाव! जोन लुकयो सेत, उघड़ जाहेत। अना जोन काही छिपयो सेत, वा परगट होयेत।”
MAT 10:27 “जो मी तुमला इंधारो मा सांग सू वोला तुमी उजाडो मा मुनादी करने अना जोन, कानो कान आयकासेव, वोला छत लक आयकावो।”
MAT 10:28 “जोन तन ला मारसे उन लक नोको डराय जावो, पर वोला डराव जो आतमा ला मार सकासे अना आतमा अना तन दुहि ला नरक मा नास कर सकासे।
MAT 10:29 का पैसा मा चिड़िया नही बिकासे? तब भी तुमरो परमेस्वर बाबूजी की इक्सा को बिना, उन मा लक एकात भी जघा पर, नही पड़ सकत।
MAT 10:30 अरे तुमरो डोस्की का चुन्दी भी सप्पा गिनयो हुया सेत।
MAT 10:31 एकोलाय नोको डराय जावो, तुमी लगत चिड़िया लक बड़के सेव।”
MAT 10:32 “जो कोनी मानूस को पुढा मोला अपना लेहत, वोला मी भी अपरो परमेस्वर बाप को पुढ़ा सरग मा अपना लेहुँ
MAT 10:33 पर जो कोनी मानूस को पुढ़ा मोरो लक, मुकर जाहेत, वोको लक मी भी अपरो परमेस्वर बाबूजी को पुढा सरग मा, मुकर जाहिन।”
MAT 10:34 असो नोको समजो का, मी धरती पर सान्ती-करान आईसेऊ। नही पर तरवार चलवान आईसेऊ।
MAT 10:35 मी ता आई सेव का मानूस वोको बाबूजी लक, अना टूरी वोकी माय लक अना बहू वोकी सासू लक, बेगरो कर देहू।
MAT 10:36 मानूस का बैरी ओको घरच का, लोग होहेत।
MAT 10:37 “जेनको माय अना बाप मोरो लक, लगत चहेतो सेत, वय मोरो काबिल नाहत। अना जोन, टूरा-टूरी ला मोरो लक लगत चाव्हासे वय मोरो लायक नाहत।”
MAT 10:38 अना जोन आपरो कूरूस ला धरके दुख उचल के मोरो मंघा नही चलेत वय भी मोरो काबिल नाहत।
MAT 10:39 उ जोन आपरो जान बचावन लो कोसीस करा से, वय ओला खोय देहेत, अना जो मोरो कारन आपरो जान खोवासे, ओला जिंदगी मिलहे।
MAT 10:40 “जो तुमरो सतकार करासेत, उ मोरो सतकार करासेत। अना जोन मोरो सतकार करासेत, वय मोरो धाड़न वारा को सतकार करासेत।
MAT 10:41 जोन लोक गीन भविस्यवक्ता ला, भविस्यवक्ता जानके सतकार करासेत, वय भविस्यवक्ता को बदला पाहेत अना जो नेक मानूस ला नेक जानके सतकार करासेत वय नेकी को बदला पाहेत।
MAT 10:42 कोनी लोक गीन एना नहानसो मा लक, मोरो चेला जान के बस एक गिलास थन्डो पानी पिलाहे। मी तुमला खरो कव्हासू, उ काही रीती लक आपरो ईनाम नही खोहे।”
MAT 11:1 आपरो बारा चेला गीन, ला हुकूम देवन को मघा यीसु वहान लक हीट गयो। गलील छेतर को नगर-नगर मा परचार करन लगयो।
MAT 11:2 योहन ना जेल मा यीसु मसीह को काम की गोस्टी आयकिस, अना आपरो चेला गीनला वोको लक, यो पूसन ला धाड़िस
MAT 11:3 का आवनवालो तूच से का आमी दुसरो, को रस्ता चोवोबिन?
MAT 11:4 यीसु ना जवाब देइस जो काही तुमीना, आयकीसेव अना चोयोसेव सबा जायके योहन लक सांगो।
MAT 11:5 का अँधरा चोवासे लंगडो चलासे। कोढी गीन साजरो होवासे अना भैरा आयकसे, मुरदा जित्तो होवासे। अना गरिब गिनला साजरो बारता आयकोवासेत।
MAT 11:6 अना धन्य “किस्मत वारा से” उ जोन मोला अपनावा सेत।
MAT 11:7 जबा वय वहान लक चले गइन तबा यीसु योहन को बारेमा सागन लग्यो। जंगल मा तुमी काजक चोवन आयो सेव? घागरा गवथ ला? जोन वारा मा हिला सेत। नहीं!
MAT 11:8 मंग तुम्ही काजक चोवन आयीसेव? का एक मानूस ला जोन साजरो झंगा घालासेत? असो मानूस तो राज भवन मा च रव्हासेत।
MAT 11:9 मंग काजक लाय आयो सेव? का कोनी भविस्यवक्ता ला चोवन आयो सेव? हव मि तुमी लक कव्हसू, का भविस्यवक्ता लक मोठयो सेत ला।
MAT 11:10 यो वोच मानूस से, जोनको बारेमा असो गिरंथ मा लिख्यो से “चोव! मी आपरो दुत ला तोरो पुढा धाड़ासू। जोन तोरो लाई रस्ता तैय्यार करयेत।”
MAT 11:11 “मि तुमी लक खरो-खरो सागांसू, योहन बप्तिस्मा देवन वालो लक कोनी मोठो मानूस जलम नही लियो सेत। मंग सरग को राज मा सब लक, लहान मानूस योहन बप्तिस्मा देवनवारो लक मोठो सेत।
MAT 11:12 योहन बप्तिस्मा देवन वालो को दिवस लक, अबा तकन सरग को राज भयानक लड़ाई झेलत आयो से, अना हिन्सा को ताकत लक एला हिसकन को कोसीस चालू सेत।”
MAT 11:13 योहन बप्तिस्मा देवन वारो तकन सारो भविस्यवक्ता अना मोसे को नियम, आवन वालो गोस्टी को बारेमा सांग्यो होतो।
MAT 11:14 अना अदी तुम्ही मोसे को नियम अना भविस्यवक्ता गीनना जो काही कह्यो होतो वोला अपनान तैयार सेव, जोनको आवन को बारेमा कह्यो होतो यो योहन वोच एलिय्याह से।
MAT 11:15 यो गोस्टी ध्यान धरके आयको।
MAT 11:16 “आज को जुग को लोकगीन को बरोबरी कोन लक करू? वय असो लेकरा को जसो सेत, जोन हाटमा बसके एक दुसरो लक हाकल के कव्हासे।
MAT 11:17 अमिना तुम्हारो लाय बंसरी बजायो अखीन तुमी नही नाचयत! अमीना सोक को गाना गायो, अना तुम्ही नहीं रडयो।”
MAT 11:18 काहे की योहन बप्तिस्मा देवन वालो आयो, जोन ना जेवत होतो, अना काही पिवत होतो, लोक वोला कव्हत होतिन, एकोमा बुरो आतमा से।
MAT 11:19 “मंग मानूस को टूरा आयो, जोन सबको जसो जेवन करा सेत, तरी वय लोक कव्हासेत। चोवो! यो अघोरी गजब खावन-पीवन वारा मानूस, अना बरगन लेवन वारा, अना पापी गीन को संगी सेत।” तरी काम लक अक्ल सहीमा कसो सेत पता चलासेत।
MAT 11:20 मंग यीसु उन नगर ला धिक्कारन लगिस जोन मा वोना अदभुत काम करयो होतो। काहेका वोनो नगर का लोकगीन पाप करनो नही सोड़यो होतो, अना आपरो मनला नही बदलो होतीन।
MAT 11:21 अरे अभागो खुराजीन नगर, अरे अभागो बैतसैदा नगर तुम्ही मा जोन अचरज को काम कियो गयो सेत। अदि नास कियो नगर, सुर अखीन सैदा मा होत्यो। त वहान की जनता, रड़त-रड़त गम मनाय के, कबा लक पाप लक मन ला हटाय लेई होतिन।
MAT 11:22 पर मी तुमरो लक सागसू, का न्याय को दिवस, नास कियो नगर सुर अना सैदा को जसो हाल भयो होतो, अबा वोको लक ज्यादा खराब दसा ऐना नगर की भई जाहेत।
MAT 11:23 हे कफरनहुम नगर! का तू सरग लक, वरता करयो जाहेत? नही तु तो पताल लक जादा धस जाहेत। काहेका, जोन ताकत को काम तोरो, अँदर मा कियो गयो से। वोच काम सदोम नगर मा करयो, जातो ता उ आज तकन बनयो रव्हतो।
MAT 11:24 पर मी तुम लक कव्हासू, का न्याय को दिवसमा इनको हाल सदोम अना गमोरा देस लक जादा बूरो भई जाहेत।
MAT 11:25 वोच बेरा यीसु ना कव्हयो परमेस्वर बाबूजी सरग, अना धरती को पिरभु, मी तोरो धनवाद करासू, का तूना यो गोस्टी ला अक्कलवर अना समजदार लोकगीन लक, लूकाईसेस अना लेकरागिन पर परगट करयो से।
MAT 11:26 हे परमेस्वर बाबूजी तोला असोच साजरो लगिसेस।
MAT 11:27 मोरो परमेस्वर बाबूजी मोला, सब काही भेटयो से, अना टूरा ला कोनी नही जानासे, बस परमेस्वर बाबूजी, अना परमेस्वर ला कोनी नही जानासे, बस टूरा! अना टूरा जोन पर परगट करवानो, चाव्हासे वा परमेस्वर लक भेट कर सकासे।
MAT 11:28 ओ! सब मेहनत करन वारा, बोझा को खालया दबो लोकगीन, मोरो कठा आओ मि तुमला चैन देहू।
MAT 11:29 मोरो जुआड़ी आपरो पर धरलो अना मोरो लक सीको। काहेका मी आतमा मा नरम, अना मन को गरीब सेव तबा तूमी आपरो मन मा चैन पावने।
MAT 11:30 काहेका मोरो जुआड़ी सरल अना मोरो बोझा हलको से।
MAT 12:1 वोना बेरा बिसराम दिवस मा यीसु, चेला गिनको संग खेत लक होयके, जावत होतिन। अना चेला गीनला भूख लगी। अना वय गहुँ को बाल तोड़के खावन लगीन।
MAT 12:2 फरिसी अना मोसे को नियम को गुरूगिन ना यो चोवके, वोको लक कहिन “चोव! तोरो चेलागिन वा करासेत जोन बिसराम दिवस मा मोसे को नियम अनुसार करनो साजरो नाहत।”
MAT 12:3 एको पर यीसु उनला पुसीस, काय तुम्हिना नही बाचीसेव? का राजा दाऊद अना वोको संगीगिन, भूखा होतिन। तो काजक करीन?
MAT 12:4 उ कसो परमेस्वर को घर मा गईन, अना चढवा को भाकर ला जेइन जबकि मोसे को नियम लक वोला याजक सोड़ कोनिला, जेवन को हक नाहत।
MAT 12:5 काय तुमी पवीतर गिरंथ मा नही बाची सेव? का पवीतर दिवस, मा याजक मंदिर मा मोसे को नियम अना विधि-विधान ला तोड़न पर, भी पापी नही ठहरासे।
MAT 12:6 पर मी तुमी लक कव्हसू, यहान पर जोनसे, उ मंदिर लक मोठयो से।
MAT 12:7 अदी तुमी ला एको मजे मालुम होत्यो “मी पुजा चघानो लक खुसी नही होवासू, पर दया लक खुसी होवासू। त तुमी बेकसूर ला पापी नही ठयरायोसेत।
MAT 12:8 मानूस को टूरा तो पवीतर दिवस को भी पिरभु से।”
MAT 12:9 यीसु वहाँन लक चलके ना उनको, पिराथना घर मा आयो।
MAT 12:10 उता एक मानूस होतो जेनको हात सूक गयो होत्यो उनना यीसु पर दोस लगावन लाई पुसिन, काय मोसे को नियम लक पवीतर दिवस मा बिमार ला साजरो करनो खरोसे? उनना यीसु ला यो काजी पुसियो होतिन, का वय वोला दोसी साबीत करे।
MAT 12:11 वोना उनला सांगिस तुमरो मा असो कोन सेत? जोनको, एकच मेढा होय, अना वा बिसराम को दिवस मा खोदरा, मा पड़ जाय, मंग तुम्ही वोला धरके बहार नही कहाड़ेत?
MAT 12:12 अता तुमच मोला सांगो, मानूस मेढा लक कितरो किमती से? एकोलाय पवीतर दिवस, मा मोसे को नियम लक भला करनो साजरो से।
MAT 12:13 तबा यीसु ना उ मानूस ला कव्हयो, “आपरो हात बढा वोना आपरो हात बढाईस अना वा हात भी दुसरो, हात जसो भई गयो।”
MAT 12:14 एको पर फरिसी गुरूगिन पिराथना घर लक बाहेर हिटीन, वय यीसु ला मारन को बिचार करन लगीन।
MAT 12:15 तबा यीसु न उनको मनकि बात जानके, वहान लक चली गयो अना लगत लोकगीन वोको मघा भई गईन अना वोना सबला साजरो कर देईस।
MAT 12:16 अना उनला असो हुकूम देइस, का मी तूमला साजरो करीसेव यो बात कोनिला नोको साँगजोस।
MAT 12:17 असो भविस्यवक्ता यसायाह को कव्हनो, पूरो भयो।
MAT 12:18 “आयको! एला मिना बेची सेव यो मोरो चहेतो दास आय, मी एकोलक गजब खुस सेव, मी वोको पर आपरो आतमा डाखू अना, उ गैर यहुदी मा सहि न्याय को बारे मा सागेत।
MAT 12:19 यो न तो बैस करयेत अना हाकलेत, अना कोनी चौबट्टा कन एको आवज आयकु आयत।
MAT 12:20 यो ना तो कुचलो हुओ घागरा गवथ ला तोड़ेत अना, न इझतो दियो ला इझाएति बुझाहेती, जब तकन न्याय ना भई जाये।”
MAT 12:21 “वोको नाव मा सप्पा गैरयहुदी को लोक गीन भरोसा राखेत।”
MAT 12:22 तबा लोकगीन एक अँधरा, गुंगो, भुत-पलित झोमयो, मानूस ला, वोको जवर आनीन, यीसु ना वोला साजरो कर देइस। अना उ गुंगो बोलन अना चोवन लग्यो।
MAT 12:23 एको मा सब लोकगिन ला लगत अचरज भयो अना वय कव्हन लगीन “का यो मानूस दाऊद को टूरा से”
MAT 12:24 जबा फरीसि गिन यो आयकिन तबा कव्हन लगीन “यो ता बुरो आतमा को मुखिया, बालजबूल की मदद लक भूत-पलित ला हेड़से।”
MAT 12:25 यीसु ला उनको विचार मालुम भय गयो। उ उनला बोलयो “हरेक वा राज जोनमा फूट होवासेत वा नास भयी जासे वसोच हरेक नगर अना घराना जोनमा फुट पड़ जासे वा नास भयी जासे।”
MAT 12:26 तरी यदि सैतान च अपरो आपला बाहेर हेडे़त। तबा उ आपरो च विरोधी भय जासे, मंग ओको राज कसो बनो रहेत?
MAT 12:27 भलो अदी मि बालजबूल बुरो आतमा की मदद, लक भूत-पलित ला हेड़ासू, ता तुमरो खानदान कोन की मदद लक हेड़ासे? एकोलाय वयच तुमरो फैसला करयेत।
MAT 12:28 मी परमेस्वर को आतमा की मदद लक, भूत-पलीत बुरो आतमा ला हेड़ासू, ता बेसक परमेस्वर को राज तुमरो जवर आई गईसे।
MAT 12:29 मंग असो कोनतो मानूस से जोन कोनी मोठयो पहलवान को घरमा धसके, ना वोला बिना हराये, अना बिना बान्धे वोको घर को माल लूट सकसे।
MAT 12:30 जो मोरो संग नहात उ मोरो बिरोध मा सेत अना जोन बगरो मेंढा गीनला जमा करनो मा मोरी मदद नहीं करासेत वा उनला छितरान वारा से।
MAT 12:31 यो साठी मि तुम लक कव्हसु “की मानूस को सप्पा पाप बिरोध अना निन्दा, छिमा कियो जाहेत, पर परमेस्वर को आतमा पवीतर आतमा की निन्दा छिमा नही कियो जाहेत।”
MAT 12:32 “जोन कोनी मानूस को टूरा को विरोध मा बात कहे ओको अपराध छिमा कियो जाहे, पर जोन कोनी पवीतर आतमा को बिरोध मा काही कहे ओको गुनाह न ता येना जुग मा, ना आवनवारा जुग मा छिमा कियो जाहे।”
MAT 12:33 “तुम्ही लोक ला मालुम सेत का साजरो फर आनन लाय साजरो झाड़ लगानो पाहिजे अना बुरो झाड़ लक बुरो च फर मिलासेत। काय की झाड़ आपरो फर लक चीन्हो जासे।”
MAT 12:34 “अरे सरप का टुराहुन! तुमी खोटो होयके कसो साजरो गोस्टी कव्ह सकासेव?” मानूस को सबद जोन वोको मन मा भरयो से, वाच टोन्डमा भड़-भड़ आवासे।
MAT 12:35 एक साजरो मानूस, जोन साजरोपन वोको मनमा जमासेत वोच मा लक साजरा गोस्टी हेड़ासेत। जबकि एक बुरो मानूस, जोन बुराई वोको मनमा सेत वो च मा लक बुरो गोस्टी हेड़ासेत।
MAT 12:36 मि तुमी लक कव्हसू, का जोन-जोन खोटो अना फालतू सबद मानूस कव्हसेत, न्याय को दिवस वय हर एक ओनो गोस्टी को लेखा देहेत।
MAT 12:37 काहे की तु आपरी गोस्टी को कारन निरदोस, “अना आपरी गोस्टी च को कारन दोसी ठहरायो, जाजोस।”
MAT 12:38 एको पर काही मोसे को नियम को गुरू अना, फरिसी गुरू ना ओला कहिन “ओ गुरू हमि तोला अचरज निसान परगट करतो चोवनो चाव्हसेजन।”
MAT 12:39 एको जवाब मा यीसु ना कहीस “एना जुग को बुरो अना दुस्ट लोकगीन च अचरज निसान चोवनो चाव्हासेत पर योना भविस्यवक्ता को अचरज निसान ला सोड़ून अखिन कोनी अचरज निसान उनला नही भेटेत।”
MAT 12:40 जसो योना भविस्यवक्ता तीन रात-दिवस लक मगर को पोटमा रहयो, वसोच मानूस को टूरा ला तीन रात-दिवस धरती को भीतर रव्हनोसेत।
MAT 12:41 न्याय को दिवस निनवे नगरी को निवासी अज् को यो पीढी को लोकगिन संग उभो होयेत अना उनला दोसी ठैयरायत। काहेका नीनेवा नगरी को वासी गिनना योना को परचार लक मन बदलयो होतीन। अना यहाँन ता कोनी योना लक मोठयो मौजूद से।
MAT 12:42 “न्याय को दिवस दक्सिन की रानी यो पीढी को लोकगिन को संग उभो होयती अना उनला गुनाहगार ठैरायती। काहेकि वा सुलेमान को गियान आयकन को साठी धरती को छोर लक आई होती अना चोवो यहान उ से जोन सुलेमान लक मोठयो सेत।”
MAT 12:43 “जबा कोनी भूत-पलित कोनी मानूस ला सोड़ा सेत तबा उ अराम की खोज मा सूनसान जघा को लाय हिन्डा सेत। जबा वोला वसो जघा नही भेटासेत।”
MAT 12:44 तबा वा कव्हसेत जोन घरला मी सोड़यो होती, मी वहान लवट जाहिन तबा वा उतानी लवटा सेत अना अबा वोला सफा चक्काक सजो सजायो मिलासेत।
MAT 12:45 मंग वा लवटा सेत, अखिन अपरो संग सात भूत-पलित आनासेत। जोन वोको लक जादा बुरी होवा सेती। मंग वय सबअ आयके जुमला भयी के रव्हसेती अना वोना मानूस को दसा पयले लक लगत बूरो भयी जावा सेत।
MAT 12:46 यीसु अबा भीड़ लक गोस्टी सांगत होतो तबा ओकी माय अना भाऊ, बाहेर उभया होतीन, अना ओको लक गोस्टी करन लाय बाट चोवत होतिन।
MAT 12:47 कोनी ना यीसु लक कहीस “तोरी माय अना तोरो भाऊ बाहेर उभा सेत अना तोरो लक गोस्टी करनो चव्हसेत।”
MAT 12:48 जवाब मा यीसु ना सांगन वालो ला कव्हयो “कउन से मोरी माय? कउन सेत मोरो भाऊ-बन्ध”
MAT 12:49 मंग वोना हात लक आपरो चेला गीन कन ईसारा करके सांगन लगयो “चोवो यो मोरि माय अना भाऊ से।
MAT 12:50 काहेका जोन मोरो सरग को परमेस्वर को कव्हनो मा चलासे अना वोको मन को मुताबिक काम करासे, वोच मोरो भाऊ बहिन अना मायसे।”
MAT 13:1 यीसु वोच दिवस घर सोड़के झील को किनार मा उपदेस देवन बस गयो। अना उपदेस देवन लगयो।
MAT 13:2 वोको आखा-पाखा एतरो मोठयो, भीड़ जमा भई गई, की तो नावमा जायके बस गयो। अना लोकगिन कगर मा उभा रव्हिन।
MAT 13:3 वोना बोधकथा लक लगत गोस्टी समजावून सांगयो, “उत एक च मानूस धान्य पेरन गयो होतो।
MAT 13:4 उ पेरत होतो तरी काही दाना बाटमा गीर गयो उनला पक्सी आयके खाय गयीन।
MAT 13:5 वोको मा काही खडखड़ी जमीन मा गीरी उतानी माती की कमी होती। दाना लवकरच फुटली, अना माती खोल नव्हती।
MAT 13:6 पर जबा दिवस को ऊन पड़यो तबा झुडुप मा जर गयो, अना जड़ी जास्त खोल मा बड़यो नव्हती, महुन लवकर च झाड बड़ गयो।”
MAT 13:7 काही बीज कांटा को झाड़ी मा गिरिन, काँटा मोठो भई गईन अना, फसल ला दबा देइन।
MAT 13:8 काही बीज साजरो जमीन मा पड़यो वय रोपां ना धान्य देइन काही ना संभर गुना काहीना साठ गुना काहींना तीस गुना।
MAT 13:9 मग यीसु कहीस “जरा तुमरो कान आहेत तर आयको! मि काजक कव्हसू।”
MAT 13:10 मंग यीसु को चेला गीन यीसु कठा आयके ओको लक कहीन “तु लोकगीन ला बोधकथा सांग-सांग के काहे सिक्सा देवासेस”
MAT 13:11 जवाब मा यीसु ना उनलक कव्हयो “सरग राज को लुकयो भेद ला जानन को हक बस तुमरो च जवर सेत उनला नही।”
MAT 13:12 काहेका जोनको जवर जरासो सेत वोला अखिन दियो जाहेत अना वोको जवर लगत भयी जाहेत परा जोन को जवर काही नाहोती वोको लक जितरो वोको जवर सेत वा हिसक लियो जाहेत।
MAT 13:13 महुन मी उनलक बोधकथा मा गोस्टी सांगासू। उ चोवत-चोवत अँधरा भई जासेत, वसोच आयक सेत तरी उनला समजमा नही आवासे।
MAT 13:14 उनको बारे मा भविस्यवक्ता यसायाह ना असो लिखीसेस तुमी आयकजो पर समजमा नहीं आयेत, तुमी चोवजो, “पर तुमिला नही दिसेत।”
MAT 13:15 काहे का ऐना लोकगीन ला “अक्ल मा गोटा” पड गयी सेत ज्यादा आयक सेत, इनना डोरा बंद कर लईसेत कदी असो न होहे, का वय डोरा लक चोवके, अना कान लक आयक के; मन मा समज लेहेति, अना बदल जाय अना, मि उनला साजरो करू।
MAT 13:16 पर धन्य सेत तुमरो डोरा, का वय चोवसेत अना तुमरो कान वय आयकसे।
MAT 13:17 मि तुमी लक खरो कव्हसू तुमी जोन गोस्टी चोवसो, वोला कितरो नेक भविस्यवक्ता गीन चोवनो, अना आयकन चाव्हत होतो। पर उनको किस्मत मा असो नही होत्यो।
MAT 13:18 “तबा आयको, अखिन सीको का पेरनवालो को बोधकथा काजक सेत”
MAT 13:19 जोन परमेस्वर को राज को बारे मा साजरा बारता आयक सेत तरी वा नहीं समजासेत। उ एक बीज को जसो से जोन रस्ता मा पड़ गयो अना सैतान आवा सेत अना उनलक जोन काही बोयो गयो सेत हिसक लेवासेत।
MAT 13:20 खडखड़ी ज़मीन मा पडयो बीज उन लोकगिन को लाय सेत। जोन एला आयक सेत अना खुसी लक साजरा बारता ला अपनावा सेत।
MAT 13:21 मंग यो उनमा गहराई लक नही धसन को कारन लगत उसीर तकन नही रव्हासेत एकोलाय जबा साजरा वारता को कारन मुसिबत आवासेत ता वय एकच बारमा हार मान लेवासेत।
MAT 13:22 कांटादार झाड़ी को बीच गिरो बीज उन लोक गिनको लाय सेत। जोन साजरा बारता आयक सेत। मंग यो जिंदगी को चिंता अना धन को पिरेम साजरा बारता मा आड़ो आवासेत अना वय फलवन्त नही होवासेत।
MAT 13:23 जो साजरो जमीन पर बोयो गयो से, वोच से जोन साजरा बारता आयक सेत समजासेत अना फर आनासेत कोनी सौगुना कोनी साठ गुना अना कोनी तीस गुना।
MAT 13:24 यीसु ना उनला एक अखीन बोधकथा सागंयो। सरग को राज ओना मानूस को जसो से जोन आपरो खेतमा साजरो बीज बोयो।
MAT 13:25 पर जबा लोकगीन झोपत होतीन, तबा उनको बयरी आयो, अना गहुँ मा जँगली गवथ को बीज बोयके चली गयो।
MAT 13:26 जबा अँकुर फुटयो अना फसल लगयो तबा जँगली गवथ भी दिसयो।
MAT 13:27 एको साठी दास गीन आयके मालिक लक बिनती करन लगीन, मालिक का तु ना खेत मा साजरो बीज नही बोयो होतो ता ओमा जँगली गवथ को बीज कसो आ गई?
MAT 13:28 मालिक ना जवाब देइस, का यो सब बयरी को करामत से तबा दास पुसीन, अबा तोरी मनमा काजक सेत? आमी जायके उनला जमा करबीन?
MAT 13:29 मालिक ना जवाब दियो नही, कही असो ना होयेत, का निंदत-निंदत जँगली गवथ को संग साजरो गहुँ झाड भी उखड़ जाहेत, तबा ज्यादा नुकसान भई जाहेति, यो साठी अबा फसल आवन देव।
MAT 13:30 कापन को बेरा मा मि साँगु का जँगली गवथ ला काप लेव अना जलान काजी बोझा बान्ध लेव अना साजरो वालो गहुँ ला खरीयान मा ठेव देव।
MAT 13:31 यीसु उनला अखिन एक बोधकथा सांगिस “सरग को, राज राई को बीज जसो से जेनला कोनी मानूस ना आन कन, आपरो खेत मा पेरिस।
MAT 13:32 उ बीज सब लक नहानो बीज होवासे पर जब बढ जासे, ता सब साग-भाजी लक मोठो भय जासे; अना असो झाड़ बन जासे की बदल को पक्सी, भी ओको डगाली पर बसेरा करसेति।”
MAT 13:33 यीसु ना उनला एक अखीन बोधकथा सांगयो सरग को राज डबल रोटी मा डाखन वालो खमीर पावडर जसो से। जोन ला आन कन एक बायको ना दहा किलो कनीक मा डाख दियो, अना सफा दहा किलो कनीक खमीर बन गयो।
MAT 13:34 यीसु बोधकथा मा याच सब गोस्टी साँगत होतो बिना बोधकथा को कोनी ला काही नही कव्हत होतो।
MAT 13:35 जेनको लाई भविस्यवक्ता को यो लिखी बात पूरो होवा से, का: मि मा सबला साँगु अना जोन गोस्टी जग बनावन को पयले लक छिपयो, होतो ओला मि सबला साँगु।
MAT 13:36 यीसु लोकगीन ला सार करके घर आयो। वोको चेला गीनना, ओको कठा आयके साँगन लगीन, का खेत को जँगली गवथ को बीज को कथा को मजे काजक सेत अमीला समजाव?
MAT 13:37 यीसु ना उनला जवाब देईस “साजरो बीज बोवनवालो मानूस को टूरा आय।”
MAT 13:38 अना खेत सारो जग सेति साजरो बीज राज को सँतान सेत। अना जँगली गवथ को बीज सैतान बुराई को सन्तान सेत।
MAT 13:39 जोन बैरी ना ओला बोइस, उ इबलीस से कटनी जेनको मतलब दुनियाँ को आखीर अना काटनवारा सरगदूत सेति।
MAT 13:40 एकोसाठी जसो जँगली गवथ समटो जासेत अना जलायो जासेत वसोच दुनियाँ को आखीर होयेत।
MAT 13:41 मानूस को टूरा सरगदूत ला धाड़ेत, अना वय ओको राज मा लक सब ठोकर को कारन गीनला अना बुरो करम करन वालो ला समटेत,
MAT 13:42 अना उनला स्तो को कुन्ड मा डाकेत, जिता रोवनो अना दाँत पीसनो होहेत।
MAT 13:43 ओनो बेरा नेक मानूस आपरो बाप को राज मा दिवस जसो चमकेत जेनला आयकनो से आयक लेव।
MAT 13:44 सरग को राज खेतमा लुकयो हुवो, धन को जसो सेत। जेनला कोनी मानूस ला भेटयो अना उ ना पाय लेइस अना उ तिजोरी मा लूकाय देईस, अना खुसी लक जायके आपरो सब काही बीक देईस अना ओना खेत ला ले लेईस।
MAT 13:45 अखीन सरग को राज वोना सेठ को जसो से, जोन सब लक बढ़िया मोती को खोजमा होतो।
MAT 13:46 जबा वोला एक किमती मोती मिलयो, ता आपरो सब काही बिकके, ना उ मोती ला ले लेइस।
MAT 13:47 अखीन सरग को राज सागर मा डाख्यो, जाल को जसो से जो हर जात को मसरी ला धर आनीस।
MAT 13:48 अना जबा जाल भर गयो तबा धिवर वोला झिकसे अना किनार मा आन के साजरो-साजरो मसरी ला बेचके, आपरो ढुटी मा डाख लेवासे, अना खराब मसरी ला फेक देसे।
MAT 13:49 दुनियाँ को आखीर असोच होयेत। सरगदूत गीन आयके न्यायी गीन लक, दूस्टगीन ला अलग करहेती।
MAT 13:50 अना उन ला स्तो को कुन्ड मा डाख देहेत, वहान लोकगीन रड़त अना दात किटकिटात रहेत।
MAT 13:51 का तुमी लोकगीन यो गोस्टी, ला समजासो? चेलागीन जवाब देईन। हव!
MAT 13:52 यीसु ना उनला कहीस एको लाई हर एक मोसे को नियम को गुरू जोन सरग राज को चेला बनयो सेत ओनो घर को मुखिया को जसो से, जोन आपरो पेटखोली लक नवा अना जुना चीजला हेड़ासे।
MAT 13:53 यो बोधकथा ला पूरो करके वहाँन लक चलयो गयो।
MAT 13:54 अखिन आपरो देस मा आय गयो। मंग वोना यहूदी सभाघर मा उपदेस देवनो चालू करयो। एको लक हरेक अचरज मा पड़ के कव्हन लगीन “असो अक्कल अखिन चमत्कार एला कहाँन लक भेटयो से,
MAT 13:55 का उ बढ़ई को टूरा नाहाय? का एको माय को नाव मरियम नाहती? याकूब, यूसुफ, सिमोन अखीन यहूदा एकोच भाऊ बहीन आमरो बीच मा नाहत?
MAT 13:56 अना का एकी सप्पा बहिन, हमरो बीच मा नही रहीसेत”
MAT 13:57 एना रिती लक उनना यीसु लक ठोकर खाईन। पर यीसु ना उनला कहीस “भविस्यवक्ता को आपरो नगर, अना आपरो घर ला सोड़ अना कही बेज्जती नही होवासेत।”
MAT 13:58 अना ओना वहान उनको कड़ो मन अना अबिस्वास को कारन, लगतसा अद्भुत काम नही करीस।
MAT 14:1 ओना बेरा गलील को राजा हेरोदेस, ना यीसु की चरचा आयकिस।
MAT 14:2 अना वोना अपरा अधिकारी गीनला कहीस, “यो योहन बप्तिस्मा देवन वालो से जोन मरयो हुवो लक जित्तो, भईसे। योच कारन वोको जवर चमत्कार करन को ताकत से।”
MAT 14:3 असो से का ओच हेरोदेस होतो जोनना योहन ला बंदी बनायो होतो, संकली मा बाँध, बंदीघर मा डाक देयि होतीस जेना हेरोदियास को कव्हनो पर असो करियो होतो, जोन पहले ओको भाउ फिलिप्पुस को बायको होती।
MAT 14:4 योहन बप्तिस्मा देवनवालो ना हेरोदेस लक काही बेरा लाई कहीस तु हेरोदियास लक बिहा करके संग रव्हनो तोरो लाई साजरो नहोती।
MAT 14:5 हेरोदेस ओला मार डाकनो चाव्हत होतो, पर उ यहुदी लोकहुन लक डरात होतो काहेकि वय ओला भविस्यवक्ता मानत होतीन।
MAT 14:6 पर जबा राजा हेरोदेस को जलम दिवस आयो, तो हेरोदियास, की पोरी ना हेरोदेस अना ओको मेहमानहून को पुढा नाच के हेरोदेस ला लगत खुस करीस
MAT 14:7 का राजा ना “वचन हारके” कहयो, जो काही तु मोरो लक मांगजोस मि तोला देहुँ।
MAT 14:8 तबा उ टूरी आपरो माय को जवर जायके सलाह मांगीस ता वा आपरी माय को सलाह मानके राजा लक भानी मा योहन बप्तिस्मा देवनवालो को डोस्का ला मांगीस।
MAT 14:9 तबा राजा सठ भई गयो, तरी चार को बीच मा वचन को हारन को कारन लक ओने टूरी को मरजी अनुसार असो करनलाई हव कव्ह देईस।
MAT 14:10 तबा टूरी को मरजी को अनुसार राजा ना जेल लक योहन को डोस्का मंगवायो।
MAT 14:11 तबा सिपाही ना ओको डोस्का ला भानी मा आनिस अना टूरी ला दे देईस अना टूरी ना आपरी माय ला दे देइस।
MAT 14:12 जबा योहन को चेला गीन ला पता चलयो तबा चेलागीन आयके योहन को लास ला ले जायके दफनाय देईन अना जायके यीसु ला सांग देइन।
MAT 14:13 जबा यीसु ना योहन को बारे मा खबर आयकिस, मंग नाव मा चघके एक सुनसान जघा मा चली गयो। तबा लोकगीन ना ओको बारे मा आयकिन ता नगरहुन लक पैदल हिटके ओको मंघा होय गयीन।
MAT 14:14 जबा यीसु डोंगा लक बाहेर हिटके कगर पर आयो ता ओना एक मोठी गरदी ला चोयीस। ओला उन पर तरस आयी अना ओना उनको बिमार हुन ला चांगलो करीस।
MAT 14:15 जबा झुलाखाली बेरा भई ता, ओको चेला गीन ना ओको कठा आयके कहीन, वसोच उसीर भयी गयी से, अखिन यो सुनसान जघा से तु लोकगीन ला सार कर, की वय बस्ति मा जायके, आपरो लाई जेवन लेहेत।
MAT 14:16 मंग यीसु ना जवाब देईस उनको जानो जरुरी नाहत! तुमिच इनला जेवन लाई देव।
MAT 14:17 चेला ना यीसु लक कहीन, की आमरो कठा पाँच भाकर अना दुई मसरी सेत।
MAT 14:18 यीसु ना कहीस “मोरो कठा आनो।”
MAT 14:19 तबा वोना लोकगीन ला गवथ पर बसन लाई कहीस अना पाँच भाकर अना दुई मसरी ला लेके सरग कन चोवके परमेस्वर ला धन्य वाद देईस। अना भाकर ला तोड़के चेला गीन ला देइस। अना चेलागीन ना लोक गीनला देइन।
MAT 14:20 जबा सबच खायके अघाय गईन, ता चेलागिन ना बचो टुकड़ा-टाकड़ी को बारा टोपली उचलीन।
MAT 14:21 अना खानवारा लेकरा अना बायका गीनला छोडके, पाँच हजार मानूस को करिब होतीन।
MAT 14:22 तबा ओना आपरो चेला गीनला गदने नाव पर चघन को लाइ मजबुर करीस, का वय पयले झिलको ओनागन चली जाहेत।
MAT 14:23 उ लोकगीन ला सार करके पिराथना करन, अलग पहाड़ पर चली गयो अना झुलाखाली बेरा ला उ वहान एकलो होतो।
MAT 14:24 तबा तकन बेरा नाव किनार लक लगत दुहुर चले गयो होतो। अना लहरमा डगमग-डगमग होय रही होती काहेकि वारा उलटो चलत होती।
MAT 14:25 अना यीसु सक्कारी को 3-6 बजे को बीच मा झील पर चलतो हुयो, उनको कठा आयो।
MAT 14:26 झील मा ओला चलतो चोवके, ओको चेला गीन डराय गईन। अना कव्हन लगीन “यो भुत से” अना “पोक-पोका के” चिल्लान, लगीन।
MAT 14:27 तबा यीसु ना उन लक कहीस, नोको डराव हिम्मत राखो!
MAT 14:28 पतरस ना ओला जवाब देइस, अदी तु पिरभु सेस ता मोला पानी पर अपरो, जवर आवन की हुकूम देव।
MAT 14:29 ओना कहीस चल, अना पतरस नाव लक उतरके, यीसु को जवर जान लाई पानी पर चलन लगयो।
MAT 14:30 पर वारा ला चोवके डराय गयो। अना जबा बुड़न लगयो, ता चिल्लाय के कव्हन लगयो “हे पिरभु मोला बचाव”
MAT 14:31 यीसु ना झट हात बढायके ओला थाम लियो, अना कहीस “हे कच्चो भरोसा वालो मानूस, तु ना काय लाई संका करीसेस”
MAT 14:32 जबा वय नाव मा चघ गईन, ता वारा थम गई।
MAT 14:33 ऐतरो पर जोन नाव मा होतीन ओला नमस्कार करके कहिन “खरो-खर तु सब लक मोठो परमेस्वर को टूरा आस।”
MAT 14:34 वय झील को ओनागन जघा मा उतरके गन्नेसरत नगर मा पहुचीन।
MAT 14:35 उता का लोकगीन गदने यीसु ला चीन्ह लेइन अना अगल-बगल का सप्पा देस, मा खबर ला साँग देइन तबा सब लोक बीमार गीनला ओको कठा आनीन।
MAT 14:36 अना ओको लक पिराथना करन लगीन, का उ उनला आपरो कपरा को, कगर को सेव ला छीवन दे; अना जेतरा गीनना ओला छिईस, वय बच के साजरो भय गईन।
MAT 15:1 मंग कही फरीसी और यहूदी मोसे को नियम को गुरू येरुसलेम नगर लक यीसु को जवर आयीन अना वोला पूसिन
MAT 15:2 “तोरो चेलागिन अमरो आजा पुरखा को नेम-धरम को पालन काहे नहीं करासेत? वय बिना हात जेवन करासेत।” .
MAT 15:3 यीसु ना जवाब दियो “अपरो रीती-रिवाज को कारन तुम परमेस्वर को बिधि ला काहे तोड़ासेव”
MAT 15:4 काहेका परमेस्वर ना कव्हयो होतो, आपरो दआजी अना आपरो माय को आदर करो। अना जेव उनला बूरो कहेत उ मार डाख्यो जाय।
MAT 15:5 तरी तुमी यो सिकावा सेत, का अदि लोक को जवर असो काही से जोन वय अपरो दआजी अना माय की मदद करन को लाय बवज सका सेत। लेकिन कव्हसेत “यो परमेस्वर चघावा को से।”
MAT 15:6 अबा उनला आपरो दाआजी ला सम्मान देवन की जरुरत नाहोत, असो परकार तुम्ही परमेस्वर को हुकूम नही मानासेव जोनलक तुम्ही आपरो सिक्सा को पालन करवायो सेव।
MAT 15:7 अरे बगला भगतहुन! यसायाह भविस्यवक्ता को बानी तुमरो पर कितरो सही बसासेत।
MAT 15:8 परमेस्वर कव्हासेत अमी आपरो सब लक परमेस्वर को गौरव करासेजन पर उनको दिल सहीमा मोरो लक लगत दूहुर सेत।
MAT 15:9 अना वय फालतू मा मोरो भगती करासेत, काहेका वय खुद को बनायो विधी-विधान मानूसगीन ला सिकावा सेत, असो जसो का मोरोच बिधान सेत।
MAT 15:10 तबा वोना लोकगीन ला आपरो, कठा हाकल के कव्हयो। आयको अना समजो।
MAT 15:11 जोन टोन्ड मा जासे उ मानूस ला असुध्द नही करा, पर जोन टोन्ड लक हिटासे वाच मानूस ला असुध्द करासे।
MAT 15:12 तबा चेला ना आयके ओको लक कहीन का तु जानासेत, की फरिसी गीन ला यो गोस्टी लगत बुरो लगिसेत?
MAT 15:13 यीसु न जवाब देईस का जोन झाड़ मोरो सरग को परमेस्वर दआजी ना नही लगाइसेस उखाड़ दियो जाहे।
MAT 15:14 उनला जावन देव; वय अँधरा, रास्ता ला दिसावन वारा मानूस सेत। अना अँधरा-अँधरा ला रस्ता चोवाय ता दुई गड्ढा मा पड़ जाहेत।
MAT 15:15 यो आयक के पतरस ना वोला कह्यो यो आहना को काजक मतलब सेत।
MAT 15:16 वोना कहीस का तुमी भी अबा तकन नासमज सेव?
MAT 15:17 का तुमी नही जानासेव का जोन काही टोन्ड मा जासे उ पोटमा पड़ासे अखीन हगतबेरा पोट लक हिटासे?
MAT 15:18 पर जोन काही टोन्ड मा लक हिटसे, उ मन लक हिटासे, अना उ मानूस ला असुध्द करासे।
MAT 15:19 काहेकि बुरो विचार हत्या, पराय बायको संग सोवनो, छिनालापन, चोरी, झुठी गवाही अना निन्दा बिरोध मन मा लक हिटा सेत,
MAT 15:20 या वोच सेत जोन मानूस ला असुध्द करासेत, पर हात बिना धोयो जेवन करनो, मानूस ला असुध्द नही करा।
MAT 15:21 यीसु उता लक हिटके सुर अना सैदा, को देस कन चली गयो।
MAT 15:22 उ परदेस लक एक कनानी बायका हिटी, अना चिल्लायके कव्हन लगी हे पिरभु दाऊद की संतान मोरो पर रहम कर, मोरी टूरी ला भुत-पलित लगत सताय रहिसे।
MAT 15:23 पर उनना ओला जवाब नही देइस, तबा ओको चेला ना आयके ओको लक कव्हयो, एला सार कर, काहेकि वा हमरो मंघा चिल्लावत आय रहीसे।
MAT 15:24 ओना जवाब देइस का इसरायल को घरानो की भटकी हुयी मेढा ला सोड़ मि कोनी को जवर नही धाड़ो गई सेव।
MAT 15:25 पर वा आई अना यीसु ला नमस्कार करके कव्हन लगी हे पिरभु मोरी मदद कर।
MAT 15:26 ओना ओक लक कहीस, की टुरागीन की भाकर आन के कुतरा, को पुढा डाकनो साजरो नहात।
MAT 15:27 बायका न कहीस पिरभु यो गोस्टी खरो सेत, पर कुतरा गीन भी जुठन-काठन ला जेवसेत। जोन मालीक को ठाव मा बचासे।
MAT 15:28 येना गोस्टी पर यीसु ना ओला कहीस, अवो बाया तोरो बिस्वास मोठो से जसो तु चाव्हसेस, तोरो लाई वसोच होहे, अना ओको टूरी ओनो बेरा साजरी भय गयी।
MAT 15:29 यीसु उता लक हिटके गलील छेतर मा झील को कठा आयो अना एक पहाड पर जायके बस गयो।
MAT 15:30 तबा भीड़ पर भीड़ ओको कठा आई। वय आपरो सँगा लँगडा गुँगा हात-पाय लुला, अना लगत लोकगीन ला ओको कठा आनीन, अना ओना उनला साजरो करीस।
MAT 15:31 जबा लोकगीन ना चोवीन, की गुँगा बोलासेत अना हात-पाय लुला गीन साजरो भय गईन। अना लँगडा चलन लगीन अना अँधरा चोवन लगीन, तबा ता अंचम्भा करके इसरायल वासी परमेस्वर की बड़ाई करन लगीन।
MAT 15:32 यीसु ना आपरो चेला गीन ला हाकलीस, अना कहीस, मोला या भीड़ पर तरस आवासे काहे की वय तीन दिवस लक मोरो सँग से अना उनको लाई जेवन लाई काही नाहत? मि उनला भुखो, कसो धाड़ू। असो ना होहे की वय, रास्ता मा थक जाहेत।
MAT 15:33 चेला गीन ना ओला कहिन, हमी एना जँगल मा एतरो भाकर किता लक आनबीन। की हमि एना भीडला खिलाबीन?
MAT 15:34 यीसु ना उन लक पुसिस, “का तुमरो जवर केतरी भाकर सेत?” उनना साँगिन का, “सात, भाकर अना जरासी मसरी सेत।”
MAT 15:35 तबा यीसु लोकगीन ला जमीन मा बसन लाई कहीस,
MAT 15:36 अना उन सात भाकर अना मसरी ला आन के सरग को परमेस्वर ला धन्यवाद देके तोड़ीस, अना आपरो चेला गीन ला देवत गयो।
MAT 15:37 अना भीड़ जेयके अघाय गईन। अना चेला गीन ला बचा हुया भाकर को टुकड़ा बटोरन लाई कहीस। सबा तुकड़ा सात डलिया उचलिन।
MAT 15:38 जेवन वालो मा बायका अना लेकरु, गीनला छोडके चार हजार को करिब मरद गीन होतीन।
MAT 15:39 तबा उ भीड़ ला सार करके, नाव मा मगदन देस को मेंड मा आयो।
MAT 16:1 मंग फरीसी अखिन सदूकी यीसु को जवर आयिन वय ओला ताड़न चाव्हत होतीन एकोलाइ ओन्हीसीन ओकोलक कोनी चमत्कार करन लाई कहीन, मनजे मालुम कर सकेत का ओला परमेस्वर को मंजुरी मिली से की नही,
MAT 16:2 ओना जवाब देयो दिन लुकन पर तुमी लोक कव्हसेव “आज मौसम साजरो रव्हेत, काहेका बादर लाल सेत”
MAT 16:3 अना दिन उगन पर तुमी कव्हासेव “आज आँधड़ आहेत, काहेका बादल धुँधरो अना लालसे” तुमी बादल को चिन्हानी ला बाचनो जानासेव, पर आपरो बेरा को चिन्हानी ला नही जानासेव।
MAT 16:4 यो दिवस को बूरो अना परमेस्वर ला नही माननवारा लोक मोला एक चिन्हानी मांगासेत मंग योना को चिन्हानी ला सोड़ उनला अना कोनी चिन्हानी नही दियो जाहे। ऐतरो सांगके उ उनला छोडके चली गयो।
MAT 16:5 चेला गीन झील को वोनागन गईन, मंग वय भाकर लेनो बिसर गईन।
MAT 16:6 यीसु न उनला कहीस हुसियार रव्हो, फरिसी गुरूगीन अना सदुकि गुरूगीन को खमीर लक आपरो ला बचाय राखो।
MAT 16:7 वय आपस मा विचार करन लगीन, हमी भाकर नही आनीसेजन एकोलाय उ असो कव्हासे।
MAT 16:8 यो जानके का वय आपस मा काजक कव्हसेत यीसु न उनला कहीस, अरे कच्चो भरोसा राखनवारा! तुमी आपस मा काजक विचार करासो, का हमरो जवर भाकर नहात?
MAT 16:9 का तुमी अब तकन नही समजयत? का तुमीला वय पाँच हजार को लाय पाँच भाकर हेत नहोत? हेत करो, तुम्ही ना केतरी टोपली उचलयत होता?
MAT 16:10 वा सात भाकर मा चार हजार मानूस जेयके ना केतरो डलिया उचालयत होता?
MAT 16:11 तुम्हीला बोध नाहत, का मीना तुमीला भाकर को बारेमा नही कहयो, मंग फरिसी गुरुगीन अना सदुकि गुरुगीन को खमीर मनजे बिचार लक हुसियार रव्हन लाई कहयो होतो।
MAT 16:12 तब उन चेलाहुन ला समज मा आयो, का वोना पोड़ी को खमीर ला नही कहयो, पर फरिसी गुरूगीन अना सदुकि गीनको सिक्सा लक हुसियार रव्हन ला कहयो।
MAT 16:13 जबा यीसु कैसरिया फिलिप्पी को परदेस मा आयो ता अना ओना अपरो चेला लक पुसयो लोकगीन का कव्हसेत की मानूस को टूरा कउन से?
MAT 16:14 उनना कहीन काही लोक योहन बप्तिस्मा देवन वालो कव्हसेत, अना काही लोकगीन एलियाह अना काही यीरमीयाह अना भविस्यवक्ता गीन मा लक, कोनी एक कव्हासेत।
MAT 16:15 यीसु ना उनला पुसिस, तुमी मोरो बारे मा काजक कव्हसेव? “का मि कउन सेउ?”
MAT 16:16 समौन पतरस न जवाब देईस, तु जित्तो परमेस्वर को टूरा मसीह आस।
MAT 16:17 यीसु न वोला जवाब देईस, हे समौन, योहन को टूरा तु धन्य सेस, काहेका मानूस को मन की गोस्टी नाहत, पर मोरो दाअजी परमेस्वर ना जोन सरग मा से, येनो गोस्टी ला तोरो मन मा डाखी सेस।
MAT 16:18 अना मी तोला कव्हसू का तु पतरस सेस, अना मी येनो गोटा पर अपरी कलीसिया बनाऊ अना मिरतु वोको, पर ताकतवर नही होहेत।
MAT 16:19 मी तोला सरग राज की कुन्जी देसू, अना जोन काही तु धरती पर बाँधबिन उ सरग मा बँधेत, अना जो काही तु धरती पर उघाड़बिन, वय सरग मा उघडेत।
MAT 16:20 तबा यीसु ना चेला गीन ला चितायके कहीस, तुमी कोनी ला नोको सांगने का मी मसीह सेऊ।
MAT 16:21 उ बेरा लक यीसु अपरो चेला ला सांगन लग्यो, जरुरी से का मी येरुसलेम नगर जाऊ अना सियानोगिन अना मुखिया याजक, अना मोसे को नियम को गुरू को हात लक लगत दुख उठाऊ अना मि मार दियो जाऊ अना तीसरो दिवस मंघा मि जित्तो भय जाऊ।
MAT 16:22 येको पर पतरस पिरभु ला अलग लिजाय, के डाटन लग्यो अना कहयो “हे पिरभु! परमेस्वर तोरो पर दया करेत तोरो सँग असो कबच नही होहे!”
MAT 16:23 वोना मंघा पछलके पतरस लक कहीस “हे सैतान मोरो पुढ़ा लक दुहुर भयी जाय” तु मोरो लाई रास्ता को ठोकर सेस, कहेका तु परमेस्वर लक आयो बिचार पर नही, पर मानूस की सुभाव लक गोस्टी करासेस।
MAT 16:24 तबा यीसु न अपरो चेला लक कहीस, यदि कोनी मोरो माघा आवनो चाव्हसो, ता अपरो आप मा मुकरके, अपरो कूरूस खुदच उचलेह अना मोरो मंघा होय जाय।
MAT 16:25 काहेका जोन कोनी अपरो जान बचावनो चाव्हासे, वय वोला खोय देहेत, अना जो कोनी मोरो, लाय अपरो जान खोहेत वय वोला पाहेत।
MAT 16:26 यदि मानूस सप्पा जग ला पाय लेहेत, अना अपरो जान को हानी उठायहेत, ता वोला का नफा होयहेत, यो मानूस अपरो जान को बदला का देहे?
MAT 16:27 ता मानूस को टूरा अपरो सरगदूत को संग अपरो, बाप को गौरव मा आहेत, अना वोनो बेरा मा उ हर एक ला, उनको काम को अनुसार बदला देहे।
MAT 16:28 मी तुमला खरो सांगसेऊ का जो यहान उभो सेत, उनमा लक काही असो सेत का उ जब तकन, मानूस को टूरा ला राज मा आवता नही चोव लेहेत, तब तकन नही मरहेत।
MAT 17:1 सह दिवस मंघा यीसु, पतरस, याकूब अना ओको भाउ योहन संगा एकलो मा वरता पहाड़ पर गयो।
MAT 17:2 वहान उनको पुढा वोको रुप बदल गयो, अना वोको टोन्ड दिन को जसो चमकन लगयो। अना वोको कपरा उजारो भय गयो।
MAT 17:3 मंग तीन चेला हुन ना चोवयो, मोसे अना एलिय्याह भविस्यवक्ता यीसु संग गोस्टी कर रव्हयो सेत।
MAT 17:4 तबा पतरस ना यीसु ला कव्हयो, ओ पिरभु, कितरो साजरो से का हमि यहान सेजन, मी यहान तीन मान्डो बनाहूँ एक तोरो लाय, एक मोसे को लाय, अना एक एलिय्याह को लाय।
MAT 17:5 जबा उ असो कव्हच रहयो होतो, तबा एक पाँढरो, बादर न उनला ढाक लियो, अना उ बादल लक एक आवाज आयी यो मोरो एकच चहेतो, टूरा से, जेनको लक मी गजब खुसी सेव “एकी आयको!”
MAT 17:6 जब चेला गीन न असो आयकिन, वय ऐतरो डराय गईन का वय टोन्ड को बल, पड़ गइन।
MAT 17:7 यीसु ना जवर आयके उनला छीवके कव्हसे। उभो होवो “डराव नोको।”
MAT 17:8 तबा वय वरता नजर करीन, अना उनला यीसु को सीवाय, कोनी नही चोवयो।
MAT 17:9 जब वय पहाड़ लक खाल्या, उतर रहयो होतिन। यीसु ना उनला हुकूम देइस, जब तकन मानूस को टूरा मुरदा लक जित्तो नही भई जाए, यो बात कोनी ला नोको सांगने।
MAT 17:10 मंग यीसु को चेलागिन वोको लक पूसिन “मोसे को नियम को गुरू काय लाय कव्हासेत? पयले एलिय्याह को आवनो पक्को सेत।”
MAT 17:11 वोना जवाब देइस एलिय्याह आ रहयो सेत, उ सब काही साजरो कर देहेत।
MAT 17:12 पर मी तुमरो लक कव्हसू, का एलिय्याह आय गइसे। अना लोकगीन ला वोला चीन्हो नाहत, अना मन चाहो वोको संग करीन, असोच मानूस को टूरा ला तंगाहेत।
MAT 17:13 तबा चेलागिन को समजमा आ गयो का यो योहन बप्तिस्मा देवन वारा, को बारेमा अमीला सांगा से।
MAT 17:14 जबा वय भीड़ को जवर आइन, तबा यीसु को जवर एक मानूस आयो। अना टोघरा टेकके, असो कव्हन लग्यो।
MAT 17:15 पिरभु मोरो टूरा पर रहम कर काहेका, वोला मीरगी आवासे। अना वोला मिरगी एतरो बिकराल आवा सेत का उ बार-बार स्तो अना पानी मा पड़ जासे।
MAT 17:16 मी वोला तोरो चेला गीन को कठा आनयो होतो। पर वय वोला साजरो, नही कर सकिन।
MAT 17:17 तबा यीसु ना जवाब दियो अरे भिरस्ट हुयो आबिस्वासी लोकहुन मी कितरो बेरा तुम्हरो संग अखिन रव्हिन? वोला मोरो जवर आनो।
MAT 17:18 यीसु ना बुरो आतमा ला हुकूम देके डटकारीस अना बुरो आतमा टूरा मा लक हिट गयो, अना टूरा वोच बेरा साजरो भई गयो।
MAT 17:19 तबा चेला गीन एकान्त, मा यीसु को जवर आयके ना ओको लक पुसन लगीन “हमी वोला, काहे हेड़ नही सकयो”
MAT 17:20 तबा यीसु ना जवाब दियो, आपरो भरोसा को कमी कारन लक, काहेका, मी तुमला खरो-खरो सांगसू का यदि तुमी मा राई को बीज, को बराबर भरोसा से अना यो पहाड़ लक कव्हने “यहान लक हट अना उता जा!” तो उ सरक जाहेती। अना तुमरो, लाय काही भी कठिन नहात।
MAT 17:21 पर यो जाती पिराथना न अना उपवास, को सिवाय कोनी उपाय लक नही हिटा से।
MAT 17:22 जबा वय गलील छेतर मा जमा भई होतिन, तबा यीसु ना उनला कव्हयो “मानूस को टूरा लोक गीन को हात मा धरान वालो सेत।
MAT 17:23 जोन वोला मार डाखेत, तरी तीसरो दिवस उ जित्तो भयी जाहेत।” एको पर यीसु को चेलागिन लगत दुखी भयी गयीन।
MAT 17:24 जबा वय कफरनहुम नगर मा पहुचिन तबा मंदिर को बरगन वसुलन वारा पतरस को कठा आयके पुसिन, का तोरो गुरु मंदिर को बरगन देवासे?
MAT 17:25 पतरस ना कहीस हाँ देवासे, जबा पतरस घर मा आयो। तबा यीसु ना पयले समौन लक पूछिस “तोरो का राय से? धरती को राजा गीन बरगन कोन लक वसुलसे, आपरो लेकरा लक या परायो लक”
MAT 17:26 तबा पतरस ना जवाब दियो का परायो लक तब, यीसु ना वोला कहीस, “तब तो लेकरा छुट गयो।”
MAT 17:27 पर आमी उन लोकहुन ला नाराज नही करबिन एकोलाई झील पर जाय अना अपरो गल फेक अना मंग जोन पयली मसरी धराहे ओको टोंड उघाड़ तोला चारअना को सिक्का मिलेह। ओला आन के मोरो अना आपरो लाई उनला दे-दे।
MAT 18:1 वय बेरा चेला गीन यीसु को जवर आयके, पुसन लगीन “सरग राज मा सब लक मोठयो कोन से?”
MAT 18:2 तबा यीसु ना एक लेकरा ला आपरो कठा, बुलाईस अना बीच मा उभो करके कहीस।
MAT 18:3 मी तुमरो लक खरो कव्हसू, का जबा तकन तुमरो मन लेकरा गीन को जसो नही होयेत, तुमी सरग को राज मा कभी नही धस सकत।
MAT 18:4 सरग को राज मा सब लक महान वा से जोन खुद ला नरम राखा सेत, अना लहान लेकरा जसो बन जासे।
MAT 18:5 अना जोन कोनी लोक गीन मोरो नाव लक असो, एक लेकरा ला अपनावा से उ मोला अपनावा से।
MAT 18:6 पर जोन कोनी असो लहान अना नरम मोरो बिस्वासी मा एक ला भी ठोकर खेलावासे, तो वोको लाय यो साजरो से। का वोको गरो मा गोटा बान्ध के सागर मा डाख दियो जाय।
MAT 18:7 “आड़- फाटा तो आवनो सेत पर आड़- फाटा को कारन मोला दुनिया को लोकगिन लाय दुख सेत मोला दुखसे वोको लाय जोन बाधा को कारन बना सेत एकोलाय।”
MAT 18:8 यदि तोरो हात या तोरो पाय ठोकर खिलायो, ता वोला काप केना फेक दे, काहेका तोरो लाय य लगड़ो होयके अमर जिंदगी मा धसनो एको लक ज्यादा साजरो, से का तु दुई हात अना दुई पाय से, पर कभी नही इझन वालो स्तो मा डाख्यो जायेती।
MAT 18:9 यदि तोरा डोरा तोला ठोकर खिलाये तो वोला कहाड़ के, फेक दे अना भोकना होयके जिंदगी मा धस जा एको लक साजरो, से का “दुई डोरा से अना नरक को स्तो मा डाख्यो जाय।”
MAT 18:10 चोवो ऐना लहान मा लक कोनी, एक ला भी बेकार नोको समजो। काहेका मी तुमी लक कव्हसू, इनको सरगदूत सरग मा हमेसा मोरो परमेस्वर दाआजी को पुढा रव्हसेत।
MAT 18:11 काहेका मानूस को टूरा गुमयो हुवो ला ढुढन अखिन सूटकारा देवन काजी आयो से।
MAT 18:12 “तुम्ही ला काजक लगा सेत? एक मानूस को कठा 100 मेढ़ा से। उनमा लक एक मेंढा गुम जाय, ता उ निन्यानवे ला पहाड़ी मा सोड़ के एक ला ढूढन चलो जाहेत।
MAT 18:13 अना जब उ मेंढा वोला मिल जासे, तो मी तुमी लक खरो सागसू उ 99 लक वा एक को लाय लगत खुस होवासेत।
MAT 18:14 असोच तुमरो सरग को परमेस्वर दआजी नही चाव्हसेस, का कोनी ऐना लहान लक एक भी नास भई जाय।”
MAT 18:15 अगर तोरो भाऊ तोरो खिलाफ पाप करा सेत, ता वोको जवर जायकर वोको गलती दिसाव। लेकिन यो काम एकान्त मा दुई को बीचमा करो, यदी उ तोरो गोस्टी मानासे ता तुना अपरो भाऊ ला आपिस जीत लियो सेत।
MAT 18:16 लेकिन उ अगर तोरी गोस्टी नही माना सेत, तो एक दुजो मानूस ला आपरो संग ले जाय, जोन लक वय समजायेती, मंग समजमा नही आहेत, तो वय पुरुप भयी जाय। जसो का गीरंथ मा कहयो सेत। यदी उ तुमरो गोस्टी मानासे ता तुमीना अपरो भाऊ ला बचाय लियो सेव।
MAT 18:17 अदि नही माना सेत ता कलिसिया मा जायके सांग, पर उ कलिसिया को भी नही मानहेत, तो वोला गैरयहुदी जमा लेवनवालो मुरतीपुजा वालो जान।
MAT 18:18 मी तुमी लक खरो कव्हसू, जोन काही तुमी धरती मा बान्धने, उ सरग मा बन्ध जाहेती, अना जोन जानकारी तुमी धरती मा खोलने, वा सरग मा उधड़ जाहेती।
MAT 18:19 मंग मी तुमरो लक खरो कव्हसू, यदि तुमी मा लक दुई मानूस धरती पर कोनी बात को लाई एक मन होयके वोला मांगसेत, ता वय मोरो बाप को कना सरग मा से उनको लाई होय जाहेत।
MAT 18:20 काहेकि जहान दुई या तीन लोक गीन मोरो नाव पर जमा होसेत, मी उनको बीच मा रव्हसू।
MAT 18:21 तब पतरस न जवर आयके यीसुला कहीस, हे पिरभु यदी मोरो भाऊ पाप करासे ता मी केतरी बार वोला छिमा करू? का सात बार तकन?
MAT 18:22 यीसु न वोला कहीस “मी तोरो लक, यो नही कव्हसू का सात बार तकन, नही पर सात बार को सत्तर गुना तकन।”
MAT 18:23 तो सरग राज को बरोबरी उ राजा लक कियो जाय सका सेत वोना कहयोका मी दिवान को लेखा-जोखा जाचनो चाव्हासू।
MAT 18:24 जबा वय हिसाब लेवन लगयो, ता वोको पुढा एक असो मानूस ला लायो गयो, जोन को पर दसो लाख रुपिया को करजा होतो।
MAT 18:25 वोको जवर करजा भरन काजी काही नही होत्यो। ता मालिक ना कहीस, यहान येकि बायको, अना टूरा-टूरी अना जोन काही येको सेत। सब बिकके करजा चुकायो जाय।
MAT 18:26 येको पर वोना दास पाय पडके, कहीस, हे मालीक धीरज धर, मी सब काही भर देहू।
MAT 18:27 तबा मालिक ना तरस खाय के करजा छिमा कर दियो।
MAT 18:28 पर जबा वय दास बाहेर हिटयो, ता वोको संगी नौकर मा लक एक वोला भेटयो जोन वोको सौ सिक्का, को करज दार होत्यो। तबा उ नौकर संगी को गरो धरके कहीस “मोरो करजा भर”
MAT 18:29 एको पर वोको संग काम करन वालो संगी पाय पड़के, वोको लक गिड़गिड़ान लगयो “धीरज धर मी सब भर देहू।”
MAT 18:30 पर उ नही मानयो “अना वोला कयद खाना मा डाक दियो, का जबा तकन करज भर नही देसे तबा तकन कयद खाना मा रव्हे।”
MAT 18:31 वोको एक संगी दास यहान जोन भयो होत्यो, चोयके लगत उदास भयो अना जायके, अपरो मालीक मजे राजाला सबा हाल सांगीस।
MAT 18:32 तबा उ मालीक ना दास ला हाकलके कहीस “का हे पापी तु न मोरो जवर पिराथना करियो, अना मी न तोरो, वय पुरा करज छिमा कर देइसेउ।”
MAT 18:33 एकोलाइ जसो मी तोरो पर दया करीसेव, वोसच का तोला भी अपरो संगी दास पर रहम नही करनो होतो।
MAT 18:34 अना वोको मालिक मजे राजाना हिजड़के, वोला दन्ड देवन वालो को हात मा सोप दियो। अना जेल मा डाख दियो गयो अना करजा को पायी-पायी चुकान लाय कहयो।
MAT 18:35 येना पिरकार यदि तुमी मा लक हर एक अपरो भाऊ को मन लक छिमा करयेत, ता मोरो बाप जोन सरग मा से तुमी भी वसोच छिमा करयेत।
MAT 19:1 यीसु आपरो सिक्सा पुरो करन को मघा, गलील परदेस लक चले गयो, अना यरदन नदी को वोना गन यहुदिया, छेतर को सीव मा आयो।
MAT 19:2 एक मोठी भीड़ वोको मंघा भई गई, अना यीसु ना वहाँन को लोकगीन ला साजरो कर देइस।
MAT 19:3 तबा काही फरिसी गुरु गीन यीसु को कठा आइन अना वोकी परिक्सा, करन लाय सांगिन का मोसे को नियम को अनुसार कोनी भी कारन लक आपरो बायको, ला छोड़-छुट्टी देवनो सही से?
MAT 19:4 यीसु ना जवाब दियो “काय तुमी लोकगीन पवीतर गिरंथ, मा असो नही बाची सेव? का दुनिया बनावन वारा परमेस्वर ना सुरुमा उनला, मानूस अना बायको बनाईस।”
MAT 19:5 अना कव्हयो का एकोलाय मानूस आपरो माय-बाबूजी ला सोड़हेत अना आपरो बायको को संग रव्हसे। अना वय दुई एक देह होवेती।
MAT 19:6 असो परकार अबा परमेस्वर वय दूई ला एकच तन कहयो सेत ता उनला कोनी बेगरो नोको कर सका सेत?
MAT 19:7 उनना यीसु ला कव्हयो तबा मोसे ना आपरो नियम मा बायको, ला छोड़-छुट्टी को बेरा मा लिखके, देवनो को हुकूम काहे दियो से?
MAT 19:8 यीसु ना जवाब दियो “मोसे ना यो हुकूम तुमरो गोटा जसो मन चोव के, तुमला आपरी, बायको ला छोड़न को हुकूम देइसेस पर सुरु लक असो कोनी रीत नहाय।”
MAT 19:9 मी तुमी लोकगीन लक सांगासू, का छिनालापन को सीवा अखीन कोनी कारन लक आपरो, बायको ला छोड़-छुट्टी देके, अना दुसरो पाठ करयेत, तो उ खोटो काम करासे।
MAT 19:10 चेला गिनना वोला कहिन यदि नवरा-बायको, को बीचमा असो समस्या सेत, तो बिन बायको को रव्हनो साजरा सेत।
MAT 19:11 यीसु ना उनला कहीस सबा यो सिक्सा, ला नही अपना सकसे। पर जोनला यो वरदान दियो गयोसे, वोच अपना सका से।
MAT 19:12 काहेका काही लोकगीन माय को गरभ लक, हिजड़ा होवासे, अना काही लोकगीन ला मानूस गीन हिजड़ा बना देइसेस, अना काही सरग राज लाय हिजड़ा बनिसेस, जोन यो सिक्सा अपना सका से, उ अपना लेवे।
MAT 19:13 वोना बेरा काही लोकगीन लेकरागिन ला, यीसु को जवर आनीन, एकोलाय का उन पर आपरो हात राखके पिराथना करे, पर चेला गीन उनला डाटन लगीन।
MAT 19:14 यीसु ना कव्हयो लेकरा गिनला मोरो, जवर आवन देव, उनला रोको नोको, काहे का सरग को राज असोच हुनको से।
MAT 19:15 अना उ उन पर हात रखके वहान लक चली गयो।
MAT 19:16 एक बेरा एक मानूस यीसु को कठा आयो। वोको लक कहीस ओ गुरुजी “मी अमर जिंदगी पावन को लाई कोनतो, साजरो काम करूँ”
MAT 19:17 यीसु ना वोको लक कव्हयो, साजरो काजक से? तू मोरो लक साजरो काम को बारेमा काजक, लाय पुसासे? भला केवल एक च से पर तु अमर जिंदगी चाव्हसेस, ता हुकूम ला मान।
MAT 19:18 वोना पुसयो “कोनतो हुकूम” यीसु ना कव्हयो, तु हत्या नोको करबिन छिनाली नोको करबिन, चोरी नोको करबिन, खोटो गवाही नोको देवजो।
MAT 19:19 आपरो माय बाप को आदर करनो अना आपरो, सेजारी ला आपरो समान माया करनो।
MAT 19:20 उ जवान ना वोला कहीस “यो सब हुकूम मी हमेसा लक मानिसेव। अबा मोरो मा कोनतो कमी से”
MAT 19:21 यीसु ना वोको लक कहयो, “अदि तु सिध्ध होवनो चाव्हासे, ता जाय अना आपरो धन-सम्पति खोल के सब माल ला बीकदे, अना कँगालगिन ला देव, तब तोला सरग मा धन मिलहेत, अखीन मोरो मंघा आव।”
MAT 19:22 जबा उ जवान ना यो गोस्टी आयकिस, उ गजब दुखी भई गयो, काहेकि उ गजब धनी होतो।
MAT 19:23 मंग यीसु ना अपरो चेला गिनला कहीस, “मी तुमला खरो सांगासू, का धनी को सरग को राज मा धसनो लगत कठीन से।”
MAT 19:24 मि मंग तुमला कव्हसू, का परमेस्वर को राज मा धनी लोक को धसनो लक सरल ऊट को सुई, को छेद लक बाहेर सरल हिटनो से।
MAT 19:25 यो आयक के चेलाहुन लगत चकित भई गईन, “अना उनना पुसिन, मंग कोन को बचाव होय सकासे”
MAT 19:26 यीसु ना उनको कन चोवके जवाब दियो “यो ता मानूस लक नामुमकिन सेत, पर परमेस्वर को लाई, सब काही सरल से।”
MAT 19:27 तबा पतरस ना यीसु कना चोवके कहयो, हमी लोकगीन ता आपरो सबच काही सोड़के तोरो मंघा आयीसेत, ता हमला काजक मिलनो सेत?
MAT 19:28 यीसु ना आपरो चेलागिन ला कव्हयो, मि तुमला खरो कव्हसेऊ, का नवतो जुग मा जबा मानूस को टूरा महिमा को सिघासन मा बसेह, तबा तुमी जो मोरो मंघा आयोसेव बारा सिघासन मा बसके परमेस्वर को लोकहुन को न्याय करोह।
MAT 19:29 अना जोन कोनी लोक गीन मोरो नाव लाय, आपरो घर बार, भाऊ बहिन, माय-बाप, लेकरा बारा अना खेत ला सोड़ासे, उ संबर गुना पाहेत, अना अमर जिंदगी को अधिकारी होयेत।
MAT 19:30 पर गजब सेत जो पयलो सेत, वय आखरी भई जाहेत, अना जो आखीर सेत, उ पयलो भई जाहेत।
MAT 20:1 सरग को राज एक जमींदार को किस्सा जसो से। जोन भुन्सारे आपरो अंगुर को बगीचा मा काम करन बनिहार लावन हिटयो।
MAT 20:2 ओना खुरो को एक रुपया मा ठहरायके नौकर बनिहार ठहरायो। अना उनला आपरो अंगूर को बगीचा मा काम करन लाई धाड़ देईस।
MAT 20:3 मंग बनिहारी बेरा जमींदार मंग घर लक हिटयो अना हाट मा गयो। वोला काही बनिहार लोकहुन ला हाट मा इता-उता हिंडत चोवयो।
MAT 20:4 तबा वोना उनलक कहयो, तुम्हि भी मोरो अंगुर को बगीचा मा जाव, अखिन काम करो, तुमला तुमरो बेस बनी देहुँ।
MAT 20:5 वय बगीचा मा काम करन लाई चली गईन, मंग कोनी ला दुफरिया बेरा मा अना कोनी ला महातनी बेरा मा जायके वसोच कव्हके आनिस।
MAT 20:6 तबा कोनी पील-पील दिवस मा मंग हाट गयो, अना मंग काही लोकहुन ला हाट मा इता-उता उभो चोईस। ओना उनलक पुसिस, तुमी यहान फालतू मा दिवस भर काय लाई उभा रव्हसेव?
MAT 20:7 ओन्होसीन जवाब देईन, का कोनी ना आमला काम पर नही राखिन। तबा ओना उनलक कहयो, बेस से ता तुमी जाव, अना बगीचा मा काम करो।
MAT 20:8 जबा दिवस बुड़ गयो तबा अंगूर को बगीचा को मालिक ना आपरो मुनीम ला कहीस, नौकर बनिहार ला हाकल लेव अना आखरी मा लगयो नौकर लक सुरु करके जो पयले लक लगायो गयो, सबला पगार दे देव।
MAT 20:9 असो परकार जोन नौकर बनिहार पील-पील दिवस मा काम मा लगयो होतिन, उनमा लक हरेक ला खुरो को एक रुपया मिलयो।
MAT 20:10 तबा जोन पुढा आई होतीन उनना यो समझीन का हम ला लगत भेटेत। पर उन ला भी एक-एक खूरो को एक रुपया मिलयो।
MAT 20:11 उनना रुपया तो धर लेईन, मंग वय जमींदार पर कुड़कुड़ान लगीन।
MAT 20:12 उनना कहिन, एक तास काम करनवालो ला ओतरो च पगार देईसेस, जेतरो आमीला भी देईसेस, जबकि आमी ता कड़कड़ातो ऊन मा दिवस भर काम करया सेजन।
MAT 20:13 ओना मालक ना जवाब देइस, अरे संगी, मि तुमरो काही हानी भयी का? का तुना मोरो लक एक खुरो को सिक्का बिनी नही ठहरायो होतो?
MAT 20:14 जोन तोरो से उचल ले, अना पराय जाय। मोरी मरजी या से की जेतरो तोला देहुँ, वोतरोच मंघा वालो ला भी देहुँ।
MAT 20:15 का यो साजरो नहात? का मि आपरो माल ला जसो चाहुँ वसोच करुँ, का मोरो नेकी ला तु बुरो चोवोसेस?
MAT 20:16 याच रिती लक जो मंघा सेत वय पुढा होहेत। अना जो पुढा सेत वय मंघा होहेत।
MAT 20:17 यीसु येरुसलेम नगर जातो बेरा बारा चेला गीन ला एकलो मा ले गईस। अना रास्ता मा उन ला कव्हन लगयो,
MAT 20:18 “आयको हमि येरुसलेम नगर जासेजन, अना ‘मानूस को टूरा’ मुखिया याजक अना मोसे को नियम को गुरू गीन को हात धरयो जाहेत। अना वय वोला जान लक मारन को काबील दन्ड ठयराहेत।
MAT 20:19 अना वोला गैरयहुदी गिनको हात मा सौप देहेत। अना वय वोको मजाक मा उड़ाहेत, अना कोड़ा लक मारेत। अखीन कूरूस मा चघायेत, अना उ तीसरो दिवस जित्तो भई जाहेत।”
MAT 20:20 तबा जबदी को बायको आपरो टूरागिन को संग यीसु कठा आयके नमस्कार करीस, अना कव्हन लगी,
MAT 20:21 “मोरो टुरा गिनला तोरो राज मा एक उज्जो अना एक ला डावो कन बसाजोस।” यीसु ना कहीस, “यो तु काजक मांगिसेस?”
MAT 20:22 तोला मालुम नहात तू काजक कव्हासेत? “जोन दुख की बटकी मी पिवनवालो सेव, का तुम्हि भी पिवने?” वय यीसु लक कहिन? “हमी पीवबीन।”
MAT 20:23 तबा यीसु उनला कहीस “यदी पिवने तबा भी कोनी ला डाखियो-उज्जो बसानो मोरो काम नाहत, काहेका उ तो परमेस्वर बाबुजी को काम से, वोच ला मालूम से, का कोनी बसन वारो से।”
MAT 20:24 यो आयक के दहा चेलागीन वय दुई भाऊ पर गुस्सा भईन।
MAT 20:25 यीसु ना उन ला जवर हकलके कहीस “तुमी ला मालुम सेत गैरयहुदी लोकगिन को अधिकारी उन पर हक जतावासेत। अना जोन मोठा सेत, वय उन पर अधिकार जमावा सेत।
MAT 20:26 पर तुम मा असो नोको होय, पर जो कोनी तुम मा मोठो होवनो चावहासे, उ तुमरो दास बने।
MAT 20:27 जो तुमरो मुखिया होवनो चाव्हासे उ तुमरो दास बने।
MAT 20:28 मी एको लाई नही आईसेव, का मोरो कोनी सेवा करे। पर मानूस को टूरा एकोलाय आईसेस क उ खुदच सेवा चाकरी करे। अना लगत लोकगीन को सूटकारा लाई आपरी जान देदेहेत।”
MAT 20:29 जबा वय यरीहो नगर लक हिटत होतीन, ता एक मोठी भीड़ ओको मंघा भयी गयीन।
MAT 20:30 अना दुई अँधरा रास्ता को किनार मा बसया होतीन। असो आयक के का यीसु जाय रहीसे, हाकलके कव्हन लगीन “हे पिरभु दाऊद की सँतान हमरो पर रहम कर।”
MAT 20:31 लोक गीन उनला डटकार के कहिन “उगो-मूगो रव्हो।” पर वय अखीन चिल्लाय के कहिन, “हे पिरभु दाऊद को सन्तान हमरो पर रहम कर।”
MAT 20:32 तबा यीसु ना उभो होयके, हाकलके कहीस, “तुमी का चाव्हासेव, मी तुमरो लाय काजक करू?”
MAT 20:33 उनना ओको लक कहिन, “हे पिरभु आमरो डोरा उघड जाय।”
MAT 20:34 यीसु ना तरस खायके उनको डोरा ला छुईस अना वय देखन लगीन, अना ओको मंघा होय गईन।
MAT 21:1 जबा वय येरुसलेम को कठा, जैतून पहाड़ मा बैतफगे गाँव को जवर आइन, ता यीसु ना दुई चेला गीनला यो कहके धाडीस,
MAT 21:2 पुढा को गाँव मा जावो। उता जसो च जावने तुमीला एक गाढव बँधी हुई, अना ओको संग पाटरू मिलेहत। उनला सोड़के मोरो जवर आनो।
MAT 21:3 अदी तुम लक कोनी काही कहे, तो कव्हना की पिरभु ला ऐको काम से, तबा उ गदने उनला धाड देहेत।
MAT 21:4 यो एकोलाय भयो की जो गोस्टी भविस्यवक्ता गिनको कन लक कव्हयो गयो होतो। उ पूरो होहेत,
MAT 21:5 “सिय्योन की टूरी लक सांग, चोव! तोरो राजा तोरो जवर आवासे, उ नरम से अना गदही को पाटरू पर बसी से, अना लादु को बच्चा मा।”
MAT 21:6 चेला गीन ना जायके, जसो यीसु ना उनको लक कही होतीस, वसो च करीन।
MAT 21:7 अना गाढव अना पाटरू ला आनके ओको, पर आपरा कपरा डाकिन, अना यीसु ओको पर बस गयो।
MAT 21:8 तबा लगत सा लोकगीन ना आपरो, कपरा रास्ता मा बिछाइन, अना लोकगीन झाड़ लक, डगाली गीन ला काटके रास्ता मा बिछाईन।
MAT 21:9 जोन लोकगीन को भीड़ पुढा-पुढा जावत अना मंघा-मंघा चली आवत होती। अना जोरलक कव्हत होती, “दाऊद को सन्तान की बड़ाई होय! धन्य से उ जो पिरभु को नाव लक आवासे, वरता बादल मा बड़ाई होय!”
MAT 21:10 जबा उ येरुसलेम मा भीतर आइन, ता सारो नगर मा खलबली मच गई, अना लोक गीन कव्हन लगीन, “यो कोन आय?”
MAT 21:11 लोकगीन ना कहिन, “यो गलील परदेस को नासरत नगर को भविस्यवक्ता यीसु आय।”
MAT 21:12 यीसु ना परमेस्वर को मंदिर मा जायके, मंदिर मा लेवन देन करनवालो सबच लोकहुन ला हेड देईस। अना सोन्ना-खुरो वालो को इसटूल अना परेवा बिकन वालो की चौकी ला उलट देईस।
MAT 21:13 अना उनलक कहीस, “गीरंथ मा लिखयो से, मोरो घर पिराथना को घर कहलायेत पर तुम्हिना यो जघाला डाकूगीन को अड्डा बनाय डाकयत।”
MAT 21:14 तबा यीसु जवर अँधरा लगँड़ा-पांगड़ा मंदिर मा आइन। अना ओना, सबला च साजरो करीस।
MAT 21:15 मंग जबा मुखिया याजक अना मोसे को नियम को गुरूगिन असो अचँभो काम ला जोन ओना करयो होतो, अना टुरागिन ला मंदिर मा “ दाऊद की सन्तान को बड़ाई होय” आवाज करता चोवके वय “लाल पिवरा भय गईन।”
MAT 21:16 अना ओला कव्हन लगीन, “तु आयक यो काजक कव्हासेत?” यीसु ना उन लक कहीस, “हव का तुमी ना गीरंथ मा यो कबच नही वाचिसेव? टूरागीन अना दुध पिवता लेकरा को टोन्डलक तु ना गजब स्तुति कराईसेस।”
MAT 21:17 तबा उ उनला सोड़के नगर को बाहेर बैतनियाह गाँव मा गयो, अना रात बिताईस।
MAT 21:18 सक्कार ला जबा उ नगर ला वापिस होय रहयो होतो, ता ओला भुख लगी।
MAT 21:19 रास्ता को किनारो मा अँजीर को झाड़ चोयके उ ओको जवर गयो। तब पान ला छोड़ ओमा अखीन काही नही पायो अना झाड़ लक कहीस, “अता लक तोरो मा कबच फर नही लगहेत।” अना अँजीर को झाड़ तुरूत सूक गयो।
MAT 21:20 यो चोयके चेला तुरूत अँचम्भा भय गईन अना उनना कहीन, “यो अँजीर को झाड़ तुंरुत कसो सूक गयो।”
MAT 21:21 यीसु ना उन ला जवाब देके कहीस, मि तुमी लक खरो कव्हसु, “अदि तुमरो मा बिस्वास से, अना तुमरो मा संका नाहत तो तुम्ही येतरोच नही, जोन मी ना अंजीर को झाड़ लक करीसेऊ, बल्कि अदि तुम यो पहाड़ लक कव्हो, उचल अना सागर मा डूब जाय ता वसोच भयी जाहेत।
MAT 21:22 जोन काही तुमी पिराथना मा बिस्वास करके, मांग लेव वय सबच तुमला मिल जाहेत।”
MAT 21:23 यीसु मंदिर मा जायके सिक्सा, देवत ही होतो, ता मुखिया याजक अना सायनो लोक गीनना ओको जवर आयके पुसिन, “तु यो काम कोनतो अधीकार लक करासेस? अना असो अधिकारी तोला कोन बनाइसेस?”
MAT 21:24 यीसु ना उन ला कव्हयो, “मि भी तुमला एक बात पुसा सेऊ, अदी मोला तुमी सांगो ता मि भी तुमला सांगु, का यो काम कोनतो हक लक करासेऊ, अना कोन ना अधिकारी ठयराइसेस?
MAT 21:25 योहन की बप्तिस्मा किता लक होतो? सरग को कन लक या मानूस को कन लक?” तबा वय आपसी मा बहस करन लगीन, अदी हमी कव्हबीन सरग को कन लक, ता उ हम लक कहे, मंग तुमी ना ओको बिस्वास काय लाई नही कियत?
MAT 21:26 तबा वय डराय गइन अना असो कव्हन लगीन “अदी आमी कव्हबिन का मानूस की कन लक, ता हमला भीड़ को डर से, काहे की वय सबच योहन ला भविस्यवक्ता मानासेत।”
MAT 21:27 अता उनना यीसु ला जवाब देईन, “हमी नही जान सेजन।” यीसु भी उन ला कहीस, “ता मि भी तुमला नही सांगु का यो काम कोन, सो अधिकार लक करासेऊ अना कोन अधिकारी ठयराइसेस।”
MAT 21:28 “अता सांगो, तुम्ही लोक येको बारे मा काजक बिचार करा सो? एक मानूस को दोन टूरा होतिन। उ मोठो को जवर गयिस अना कहयो, ‘अज बेटा अंगूर को बाड़ी मा जाय अना काम कर’
MAT 21:29 ओना जवाब देईस, मि नही जाहुँ, पर मंघा मा पस्तायो अना गयो।
MAT 21:30 मंग बाप ना दुजो ला भी जायके असोच कहीस, ओना जवाब देईस, हव जी! जासू, पर नही गयो।
MAT 21:31 एना दुही मा लक कोन ना बाप की मरजी ला पूरो करीस?” उनना कहिन “पयलो ना!” यीसु ना उन लक कहीस, “मि तुमला खरो कव्हसु की जमा लेवन वारा अना बेसिया गीन भी तुम लक पुड़ा परमेस्वर को राज मा भीतर धसेत।”
MAT 21:32 काहेकि योहन धरम को रास्ता दिखावन लाई, तुमरो जवर आईसे, अना तुम ना ओको बिस्वास नही करयात, पर बरगन लेवन वारा, अना बेसिया ओको पर बिस्वास करीन। अना तुमी यो चोयके मंग नही पस्तायत! नाच भरोसा करयत।
MAT 21:33 एक अखीन उदाहरन ला आयको, एक घर को मालिक होतो, जेना अंगूर को बारी लगाईस, ओको आस-पास रुधान रूधिस, ओमा अंगूर को रसा को कुन्ड खोदिस अना गुम्मट बनाइस, अना खेती करन वारा गिनला ओको ठेका देयके परायो देस मा चली गयो।
MAT 21:34 जबा फर को बेरा आयो, ता ओना आपरा दास गीन ला ओको, फर लेवन लाई किसान को कठा धाडीस।
MAT 21:35 पर कास्तकार ना ओको दास हिन ला पकड़के, कोनी ला, पीटन अना कोनी ला मार डाकीन। अना कोनी ला पथराव करीन।
MAT 21:36 मंग ओना पहलो लक लगत अखीन दास गीन ला धाडीस, अना ओन्हीसिन उन लक भी वसोच करीन,
MAT 21:37 अखट्ट मा ओना आपरो टूरा ला उनको जवर यो सोचके धाडिस की वय मोरो टूरा को मान करयेत।
MAT 21:38 पर किसान ना टूरा ला चोयके आपसी मा कहिन, यो ता हकदार से आओ येला मार डाकबोन अना ऐको जायजाद ला ले लेवबोन।
MAT 21:39 अता ओन्हीसिन ओला पकड़ीन अना अंगूर को बारी लक बाहेर हेड़के मार डाकिन।
MAT 21:40 एको लाई जबा अंगूर को बारी को मालिक मजे पिरभु आहे। ता उन कास्तकार गीनको संग का करेत?
MAT 21:41 ओन्हीसिन उनको लक कहीस, उ उना कंतरी कास्तकार गीन ला बुरो रिती लक नास करेत, अना अंगूर को बारी को ठेका दुजो किसान गीनला दे देहे जोन फर देवन को बेरा मा फर देहेत।
MAT 21:42 यीसु ना उन लक कहीस, का तुमीना कभीच पवितर गीरंथ मा यो नही वाचिसेव? “जेना गोटा ला राज मिस्तरी गीनना ठुकरायो सेत, उ कोन्टो को सिरा को गोटा भय जाहे। याच पिरभु की कन लक भईसे, अना आमरि नजर मा अचँम्भा से।”
MAT 21:43 एकोलाय मि तुमी लक कव्हसु, का परमेस्वर को राज तुम लक ले लियो जाहे अना असो लोक गीनला जो ओको फर आनेह, दियो जाहे।
MAT 21:44 जो यो गोटा पर गिरेह, उ चकनाचुर भय जाहे, अना जेनको पर उ गिरेह, ओला पीस डाकेत।
MAT 21:45 मुखिया याजक अना फरिसी ओको उदाहरन लक आयक के समज गईन की उ उनको बारे मा कव्हासे।
MAT 21:46 अना ओन्हीसिन ओला पकड़नो चाहीन, पर लोकगीन लक डराय गईन काहे, की वय ओला परमेस्वर को मोठो भविस्यवक्ता मानत होतीन।
MAT 22:1 यीसु मंग एना उदाहरन लक लोकहुन ला कव्हन लग्यो।
MAT 22:2 सरग को राज असो से जसो, एक मोठो मानूस मजे राजा ना अपरो टूरा को बिहा करीसेस।
MAT 22:3 वोना अपरा दास ला धाडिस का निवता दियो गयो, लोकगीन ला बिहा को जेवन मा आवन लाय कव्ह, पर वय आवनो नही चाहिन।
MAT 22:4 मंग वोना अखिन दास गीनला असो, सांग के धाडिस का निवता दियो गयो, लोकगीन ला कव्हने, “का छपन्न भोग अना पलियो हुया जनावर भी तैय्यार से। आव अना बिहा को जेवन करो।”
MAT 22:5 पर वय जेवन मा नही आइन पर कोनी अपरो, खेत चली गयो अना कोनी अपरो, काम-धाम मा चली गयो।
MAT 22:6 काही लोकगीन न दास गीनला मारिन, अना बेज्जती करीन।
MAT 22:7 तबा राजा ला गुस्सा आयो अना अपरी सेना धाड़के, उनला नास करीस, अना धड़काय डाकिस।
MAT 22:8 तबा वोना अपरो दास ला कहीस, बिहा को जेवन ता तैय्यार से पर निवता दियो गयो, लोक काबील नही होतीन।
MAT 22:9 एकोलाय चौवक पर जावो अना जेतरा लोक, तुमला मिलहेत सबला बिहा को जेवन, मा बुलायके आनने।
MAT 22:10 अखीन उन दास गीन न रास्ता मा जायके, का बुरा का साजरो भला जेतरा मिरिन सबला जोड़ीन, अना बिहा वालो घर पाहुना लक, गसा-गस भर गयो।
MAT 22:11 जबा राजा पाहुना गिनला चोवके भीतर आयो, ता वोना वहान एक मानूस ला चोयो, का जेना बिहा का कपरा नही पेहनो होतो।
MAT 22:12 वोना पुसीस का अगा संगी तुना बिहा, को कपरा कायलाय नही डाकिसेस? उ उगा-मुगा भय गयो।
MAT 22:13 तबा राजा न दास गीनला कहीस, ऐका हात-पाय बांधके इंधारो मा डाक देव, वहान रोवनो अना दात पिसनो होहेत।
MAT 22:14 काहेकी हाकलो गयो लगत सेत पर निवड़ो हुयो जरासो सेत।
MAT 22:15 तबा फरिसी न जायके आपस मा विचारन लगीन का वोला कसो रिती लक फसावबिन।
MAT 22:16 अखीन उनना अपरो चेला गीन ला हेरोदियोगीन को संग वोको जवर असो कव्हन लाई धाडिस हे गुरू हमी जानासेजन का तु खरो सेस, अना परमेस्वर को रस्ता खराई लक सिकावा सेस, अना कोनी की चिंता नही करासेस, काहेकि तु मानूस को टोन्ड चोयके गोस्टी नही करसेस।
MAT 22:17 एकोलाय हमला सांग तु का सोचसेस? मोसे को नियम लक केसर राजा ला जमा पटावनो साजरो से का नही?
MAT 22:18 यीसु न उनको मनकि कपट जानके कहीस, हे कपटी मोला कायला परखा सेव?
MAT 22:19 रोमन देस को राजा ला जमा पटावन वालो सिक्का ला मोला दिसाव तबा वय वोको जवर एक खुरो को सिक्का आनीन।
MAT 22:20 वोना उन लक पुसीस यो नाव अना छाप कोन को से?
MAT 22:21 उनना वोला कहिन केसर को तबा उन लक कहीस जोन केसर, को से वोला केसर ला अना जोन परमेस्वर को से वोला परमेस्वर ला देव।
MAT 22:22 असो आयक के उन न अचंभा करीन अना वोला सोड़के चली गईन।
MAT 22:23 वोना दिवस सदुकी गुरुजी कव्हत होतीन का मरया हुया का जित्तो होवनो नहात, यीसु को जवर आइन अना ओला पुसिन,
MAT 22:24 हे गुरू, मोसे गुरुजी ना कव्हयो होतिस, का अदी कोनी मानूस बंझला मर जाहेत, ता ओको भाऊ ओकी बायको लक बिहा करके, ना आपरो भाऊ को नाव लक लेकरा पैदा कर सकासे।
MAT 22:25 अब आमरो यहान सात भाऊ होतिन, पयलो बिहा करीस अना मर गईस अना सन्तान नही होवन को काजी आपरी बायको ला आपरो भाउ लाई सोड़ गयो।
MAT 22:26 असो तरीका लक दुजो अना तीसरो ना भी करीस अना सात गीन तकन असोच भई।
MAT 22:27 सबच को संग वा बायको भी मर गई।
MAT 22:28 अता जित्तो होवनो पर वा सात गीन मा लक कोन की बायको होहे? काहे की वा सबच की बायको भई गई होती।
MAT 22:29 यीसु ना सांगिस, “तुमी पवितर गीरंथ अना परमेस्वर की ताकत ला नही जानासो एकोलाय भुल मा पड़ीसेव।
MAT 22:30 काहे की मरयो हुयो मा लक जित्तो होवनो पर वय न ता बिहा करयेत अना न ता बिहा मा दियो जाहेत, पर सरग मा सरगदूत जसो रहेत।
MAT 22:31 पर मरयो हुया लक जित्तो होवनो, को बारे का तुमी ना यो नही बाचिसेव जोन परमेस्वर ना तुमला कहिसेस,
MAT 22:32 मि अबराहम, इसहाक अना याकूब को परमेस्वर सेव। उ मरयो हुया को नही पर जित्तो को परमेस्वर से।”
MAT 22:33 भीड़ ना यो आयकिन ता ओको सिक्सा लक चकित भईन।
MAT 22:34 जबा फरिसी गुरू ना आयकिन का यीसु ना सदुकि गीन ला उगा-मुगा कर देईसेस, ता वय एकजुट भई गइन।
MAT 22:35 उनमा लक एक मोसे को नियम को गुरु गिनना ओला परखन लाई ओला सवाल पुसिन,
MAT 22:36 हे गुरू सांग की पवीतर गिरंथ मा सब लक मोठी हुकूम कोनतो से?
MAT 22:37 ओना सांगिस, तुमी आपरो पिरभु परमेस्वर लक आपरो सप्पा मन अना आपरो सप्पा आतमा अना आपरी सप्पा बुध्दि को संग माया राखजोस।
MAT 22:38 सब लक मोठी हुकूम ता याच से।
MAT 22:39 अना वोको जसी या दुसरी भी से की तुमी आपरो सेजारी लक आपरो जसो माया राखने।
MAT 22:40 या दुही हुकूम सेत जोन सप्पा पवीतर गिरंथ अना मोसे को नियम अखीन सफा भविस्यवक्ता गीन को मूल सेत।
MAT 22:41 जबा फरिसी गुरू जमा गईन, ता यीसु ना उनलक पुसिस,
MAT 22:42 मसीह को बारे मा तुमी का जानासेव? उ कोन को टूरा आय? उनना कहिन का दाऊद को।
MAT 22:43 ओना उन लक पुसिस ता दाऊद परमेस्वर को आतमा मा होयके ओला पिरभु काई लाई कव्हासे?
MAT 22:44 पिरभु ना मोरो पिरभु लक कहीस, मोरो उज्जो कन बस जबा तकन की मि तोरो, बैरी गीन ला तोरो पाय को खाल्या नही कर देहुँ।
MAT 22:45 भलो जबा दाऊद ओला पिरभु कव्हासे ता उ ओको टूरा कसो होहेत?
MAT 22:46 एको लाई जवाब मा कोनी भी एक बात नही कहे सकीन। ओनो दिवस लक कोनी ला मंग ओको लक काही पुसन की हिम्मत नही भई।
MAT 23:1 तबा यीसु ना भीड़ अना चेला ला कहीस,
MAT 23:2 मोसे को नियम को गुरू अना फरिसी गुरु मोसे भविस्यवक्ता की पिढो पर बसो सेत।
MAT 23:3 एको लाई वय तुमला जोन काही करन अना मानन ला कहेत वाच करना अना मानने पर उनको जसो काम नोको करना। काहेका वय काही कव्हासेत अना काही करासेत।
MAT 23:4 वय असो बोझा ला जेनला उचलनो कठिन सेत बाँधके उन मानूस को खांद पर राखासेत, पर खुदच आपरी करंगी लक भी खिसकानो नही चाव्हत।
MAT 23:5 वय आपरा सब काम दिसान लाई करासेत वय आपरी ताबीज ला चौड़ो करासेत अना कपरा की किनारो, ला बढावासेत।
MAT 23:6 जेवन को बेरा मा मुख्य-मुख्य जगह अना पिराथना घर मा बैठकी लाई मुख्य-मुख्य आसन को चहेतो सेत।
MAT 23:7 अना बाजार मा नमस्कार करनो साजरो लगासे। अना मानूस को बीच मा गुरू कहलानो साजरो लगासे।
MAT 23:8 पर तुमी ना ता गुरू कहलावना काहेकि तुमरो एकच गुरू से अना तुम सब गुरू भाऊ आव।
MAT 23:9 धरती पर कोनी ला आपरो बाबूजी नोको कव्हने, काहेकि तुमरो एकच बाप से जोन सरग मा से।
MAT 23:10 अना मालिक भी नोको कहलाने काहे की तुमरो एकच मालिक से, अना की मसीह।
MAT 23:11 जो तुमरो मा मोठो होहेत, उ तुमरो दास बनेह।
MAT 23:12 जोन कोनी आपरो आप ला मोठो बनाहेत, उ नहानो कियो जाहेत अना जोन कोनी आपरो आप ला नहानो बनाहे, उ मोठो कियो जाहे।
MAT 23:13 हे कपटी मोसे को नियम को गुरू अना फरिसी गुरू, गीन तुम पर हाय। तुम मानूस को लाई सरग को राज को किवाड़ बंद करोसो, न ता खुदच ओमा धस सक सो, अना न ता ओमा धसन वारा हिन ला धसन देसो।
MAT 23:14 हे कपटी गियानी अना फरिसी गुरूगीन, तुम पर हाय! तुमी बेवा को घर ला खाय डाखासेव, अना चोवन लाई मोठी बेरा तकन पिराथना करोसो, एको लाई तुमला लगत सजा मिलहेत।
MAT 23:15 हे कपटी मोसे को नियम को गुरू अना फरिसी गुरू, तुम पर हाय। तुमी एक मानूस ला आपरो पक्स मा आनन को लाई मजे यहुदी बनान काजी सारो, पानी परवान एक करासो अना जबा उ मत मा आय जासे ता ओको गत बिल्ला देवसो अना वोला दुगनो नरक मा जावन काजी बनाय देवासो।
MAT 23:16 हे अँधरा गुरू तुमी पर हाय, तुमी सिकावा सेव, “अदी कोनी मंदिर को किरिया खावा से, तो कोनी गोस्टि नहात, मंग सोन्नो की किरया खाय ता ओको, लक बँध जावासेत।”
MAT 23:17 अगो अन्धरा बेडिमाक कोन को जादा मायना सेत, सोन्नो का उ मंदिर, जोन मा सोन्नो पवितर होवासेत?
MAT 23:18 मंग कव्हसो, की अदी कोनी होमन कुन्ड की किरिया खासे ता कोनी गोस्टी नाहत। पर अदी वा होमन कुन्ड को चघावा को किरिया खासे तो वा बन्ध जासे।
MAT 23:19 हे अँधरा, कोन मोठो से भेट या होमन कुन्ड जेना लक चघावा पवीतर होवासे?
MAT 23:20 एकोलाय जेना होमन कुन्ड की कसम खासे, वा वोकी अना वोको पर ठेई हुई सबच जीनुस की कसम खासे।
MAT 23:21 जोन मंदिर की कसम खासे वा वोकी अना वोमा रव्हन वालो परमेस्वर की भी कसम खासे।
MAT 23:22 अखीन जोन सरग की कसम खासे, उ परमेस्वर को सिघासन अना वोको, पर बसनवालो की कसम खासे।
MAT 23:23 कपटी मोसे को नियम को गुरू अना फरिसी गीन धिक्कार से तुमला तुमी पुदिना, सौप अना जीरा को दसमांस ता देवासेव, पर धरम बेवस्था की सही गोस्टी न्याय, अना दया अखीन बिस्वास ला छोड़ सो। भलो होतो स्वता तुमी असो सिक्सा को पालन करतत अना सबला असोच सिक्सा देवतत।
MAT 23:24 अरे अँधरा लगंडा तुमी मुगंसा ला ता छनाय डाकसेत, पर ऊट घीटक जासेत।
MAT 23:25 अरे कपटी मोसे को नियम को गुरू अना फरिसी गीन, तुमरो पर धिक्कार से तुमी बटकि अना भानी ला ओरिया-ओरिया, साजरो लक माजासेव, पर तुमरो भीतर हिन्सा अना सुवारत सेत।
MAT 23:26 अरे अँधरा फरिसी, पुढा बटकी अना भानी को भीतर लक साजरो मलके, बाहेर लक भी सुध्द भय जावो।
MAT 23:27 अरे कपटी मोसे को नियम को गुरू अना फरिसी गीन तुमरो, पर धिक्कार से! तुमी चुनो पोतयो कबर को जसो सेव, जेनको ओरिया, से ता सुन्दर चोवसे पर भीतर मुरदा की हडडी, अना सबच पिरकार की खोटो करम अना गंधगी भरिसे।
MAT 23:28 येनच रिति लक तुमी भी ओरिया लक, मानूस ला न्यायी चोवसे, पर भीतर लक कपट अना बुरो करम अधरम लक भरया हुयो सेत।
MAT 23:29 अरे कपटी मोसे को नियम को गुरू अना फरिसी गीन तुमरो, पर धिक्कार से तुमी भविस्यवक्ता गीनको मरघट्टी बनातत, अना न्यायी गीनको कबर ला सुधारसो।
MAT 23:30 अना कव्हसो आमी आपरो बाप-दादा गिनको, बेरा मा होतिन, ता भविस्यवक्ता गीनको, खून मा भागी नही होतिन।
MAT 23:31 एको लक तो तुमी खुद च गवाहि देवसो का आमी भविस्यवक्ता गिनको हत्यारा की सन्तान सेजन।
MAT 23:32 अता तुमी आपरो बाप-दादा गिनको, कसर पूरो कर लेव।
MAT 23:33 ओ सरप अना नाग को सन्तान, तुमी नरक को दन्ड लक कसो, बच सकासो?
MAT 23:34 एकोलाय चोवो मि तुमरो कठा, भविस्यवक्ता गीन अक्कलवर अना मोसे को नियम को गुरू गीनला धाडासू। अना तुम उनमा लक काही ला मार डाखेत, अना काही ला कूरूस मा चघायेत, अना काही ला आपरो पिराथना घर लक, हेड़ने अना कोडा मारके, नगर-नगर मा उनला कुदाने।
MAT 23:35 जोन मा न्यायी हाबिल लक, बिरिक्याह, को टूरा जकरयाह लक, जोन ला तूमी ना मंदिर अना होमन कुन्ड को जघा, को बीचम बीच मा खून बोहायो होतो। जितरो धरमीगिन को रकत धरती मा बोयो गयो से। उ सब तुमरो डोस्का पर पड़हेत।
MAT 23:36 मी तुमी लक खरो कव्हसू, यो बात वोना बेरा को लोकगीन पर आहेत।
MAT 23:37 ओ येरुसलेम नगर, ओ एरुसलेम नगर, तू भविस्यवक्ता गीनला मार डाखासे। अना जोन तोरो कठा धाडो गयो, उन पर तू गोटा मारसे, कितरो बार मी चहायो का जसो कुक्कड़ी आपरो, बच्चागिन ला आपरो पंखा को खालया जमा करा से। वसोच मी तोरो, लेकरा गिनला जमा कर लेऊ पर तुना नही चाव्हयो।
MAT 23:38 चोवो तुमारो घर तुमारो लाय बिरान छोड़यो जावासे।
MAT 23:39 कायका मी तुमला कव्हसू, क जबा तकन तुमी लोक नही कव्हने, धन्य से जो पिरभु को नाव लक आवासे। तबा तकन तुमी मोला कभी नही चोवने।
MAT 24:1 जबा यीसु मंदिर लक हिटके दुहुर जाय रहयो होतो। तबा वोको चेला गीन वोको जवर आइन, अना मंदिर कना ईसारा करके ध्यान देवन कव्हन लगीन।
MAT 24:2 तबा यीसु ना उन लक कव्हयो हव तुमी यो सब चोव रही सेव मी तुमरो लक खरो सांगसू इनमा एक भी गोटा नही सोड़यो जाहेत सब खाल्या फेकयो जाहेत।
MAT 24:3 जबा उ जैतून को पहाड़ मा बसो होतो, तबा चेला हुन ना वोला नीजी तौर मा कहीन, सांगो यो गोस्टी कबा होयेत? मनजे अखीन संसार को अखट्ट को काजक हिदान होयेत? तोरो आवन को अना दुनियाँ को आखीर को काजक हिदान होहेत?
MAT 24:4 यीसु ना जवाब दियो, सतरक रव्हने तुमीला कोनी नोको बहकाय।
MAT 24:5 लगत सो लोक गीन आयके, ना तुम्ही ला सांगेत का मी मसीह सेउ। अना गजब, लोक गीन बहक जाहेत।
MAT 24:6 तुमी लडाई-वडाई की गोस्टी आयको, तबा नोको डरावना काहेका असो होवनो जरुरी से, पर यो आखीर नाहत।
MAT 24:7 लोक को विरोध मा लोक, अना राज को विरोध मा राज, उभो होहेत। जघा-जघा मा गीरानी पडहेत, अना भुईडोल होहेत।
MAT 24:8 असो मान लेव का लेकरा होवन को दरद जसो दरद को सुरुवात से।
MAT 24:9 वोना बेरा लोक तुमला धराके मार डाखेत, अना तगांहेत, अना मोरो नाव को कारन सब जाती को लोकगीन तुमरो बैरी भई जाहेती।
MAT 24:10 वोना बेरा मा गजब बिस्वासी गीन को भरोसा थन्डो पड़ जाहेत, अना वय एक दुसरो ला धरायेत, अना एक दुसरो लक घीरना करयेत।
MAT 24:11 गजब सो खोटो भविस्यवक्ता पैदा हो जाहेत, अना गजब लोकगीन ला बहका देहेत।
MAT 24:12 अधरम अना बुरो करम बढनो लक सब लोकगीन को माया थन्डो भई जाहेती।
MAT 24:13 पर जोन अखीर धीरज राखेत, सब सह लेहेत, वोच बचायो जाहेत।
MAT 24:14 यो परमेस्वर को राज को साजरो बारता सारो संसार मा लोकगीन जवर मुनादी करयो जाहेत। तबा सारो, संसार मा गवाही भय जाहेत तबा आखीर आ जाहेत।
MAT 24:15 यो काजी जब तुमी उ उजाड़न वालो, बेकार चीज ला चोवो, जेनको चरचा भविस्यवक्ता दानीयल को किताब मा से, पवीतर जघा मा उभो चोवयो। (जो वाचेत वोला समजमा आय जाहेत)
MAT 24:16 तब जोन यहुदिया नगर मा से उ सब पहाड़ी मा पराय जाय।
MAT 24:17 अना जोन घर को छत मा से उ जुनूस लेवन ना उतरे।
MAT 24:18 अना जोन खेत मा से, उ आपरो कपरा धरन काजी मघा नोको लवटे।
MAT 24:19 वोना दिवस मा जोन पोट लक से, अना जोन अना वय माय जिनको नहानसो लेकरा सेत, वा बायकोगिन को गजब आफत सेत।
MAT 24:20 तुमी पिराथना करो का जाड़ो को मौसम मा पवीतर दिवस मा नोको धावनो पडे़त।
MAT 24:21 काहेका वोना बेरा मा असो आफद आहेत, जोन सारो जग बनान को बेरा लक, अबा तकन नही आइसेस, अर ना कभी आहेत।
MAT 24:22 अदी वय दिवस कम नही करयो, जातो ता कोनी को भी तन साजरो नही बचतो पर निवाड़ो गयो, मानूस को कारन वय दिवस घटायो, गयो से।
MAT 24:23 वोना बेरा कोनी सांगेत, का यीसु मसीह वहान सेत, का यहान सेत, तो तुमी बिस्वास नोको करजोस।
MAT 24:24 काहेका खोटो मसीहा अना खोटो भविस्यवक्ता उभो होयेती, अना मोठयो-मोठयो चमतकार करतब दिसाहेत। उनको मकसद निवाड़ो गयो मानूस गीन ला बहकानो से।
MAT 24:25 समजो मी ना तुमी ला पहले लक सांग दियो सेव।
MAT 24:26 एको लाय यदि कोनी सांगेत, का चोवो यीसु जंगल मा सेत। किवाड़ लगायके राखने बाहेर नोको हिटने, अना वा घर मा से, तो बिस्वास नोको करने।
MAT 24:27 काहेका जसो बीजरी दिन उगती लक हिट के दिवस बुडती तकन चमका से वसोच मानूस को टूरा आहेत।
MAT 24:28 जहा लास सेत वहाँच गीधाड़ जमा होयेती।
MAT 24:29 वोना दिवस मा अचरज दुख को मघा दिन इन्धार भई जाहेत। अना चन्दा को उजार खतम भई जाहेत। अना बादल मा जोन नक्सतर सेत, उ सब हिलायो जाहेत। तबा तारा चान्दनी बादल लक पड़ जाहेत।
MAT 24:30 तबा मानूस को टूरा को हिदान बादल मा चोहेत, अना सब धरती को लोकगीन आपरो, सीना ला पिटेहेत। अना मोठयो, ताकत अना महिमा को संग बादल मा मानूस को टूरा ला आवता दिसेत।
MAT 24:31 अना उ तुर्रा का मोठयो आवाज को संग, आपरो, सरगदूत गीन ला धाड़ेत अना सप्पा दुनिया पासुन आपरो निवाड़ो लोकगीन ला जमा करयेत।
MAT 24:32 अँजीर को झाड़ को उदाहरन लक सीको, जबा वोको डगाली नरम होवासे अना पान हिटासे, तबा तुमला मालूम भई जासे, का उनहारो को मौसम आय गयोसे।
MAT 24:33 असोच जबा तुम्हीला असो गोस्टी होवतो दिसेत। तो समज जावने का यो बेरा कठा नाहत, बल्की बेसकुड़ मा सेत।
MAT 24:34 तुमरो लक खरो-खरो सागंसू, जब लक यो गोस्टी पूरो नही होयेत। तबा तकन यो जुग को आखीर नही होहेत।
MAT 24:35 बादल अना धरती टल जाहेत, पर मोरो कव्हयो कदीच नही बदलेत।
MAT 24:36 वोना दिवस अना वोना बेरा को बारेमा कोनीला मालूम नाहत, ना सरग दूत गिनला, ना मानूस को टूरा ला यो गोस्टी बस परमेस्वर बाबुजी ला मालूम सेत।
MAT 24:37 जसो नूह को परलय को बेरा मा होतो, वसोच मानूस को टूरा को भी आवनो होहेत।
MAT 24:38 काहेका परलय को बेरा को पयले, जोन दिवस तकन नूह जहाज मा नही चघयो होतो। वोना दिवस तकन लोकगीन जेवत-पिवत अना बिहा करत होतीन।
MAT 24:39 अना पानी-पूरा आयो, अना सबला बाहाय के ले गयोअना मानूस गीनला काही पता नही चलो, वसोच मानूस को टूरा को भी आवनो होहेत।
MAT 24:40 वोना बेरा मा दुई जन खेत मा सेत, एक सोड़ दियो जाहेत, अना दुसरो उचल लियो जाहेत।
MAT 24:41 दुई बायका चकिया मा कनीक पीसत होतीन, वा मा लक एक उचल लियो जाहेती, अना दुसरी ला सोड़ दियो जाहेती।
MAT 24:42 यो काजी तुमी जगत रव्हो अना पिराथना करत जावो, काहेका तुमीला यो मालुम नाहत का, खेत का मालिक मजे पिरभु कबा आवनवारो सेत।
MAT 24:43 पर तुमी यो जान लेव का घर को मालिक ला मालुम होवतो का चोर कबा धसन वारा सेत। मंग उ जागत रव्हतो अना घर मा चोरी होवतो।
MAT 24:44 यो कारन लक तुमी तैय्यार रव्हो जोन बेरा मा तुम्ही नही सोचा सेव वोच बेरा मानूस को टूरा आजाहेत।
MAT 24:45 असो बिस्वास काबील अना अक्कलवारा दास कोन सेत? जोनला वोका मालीक ना नौकर गीन को वरता, मुकतियारी मा राखेत का सबला सहि बेरा मा वोला जेवन देहेत।
MAT 24:46 “धन्य से उ दास जेनको मालीक जबा आवासेत, तो वोला उ मालीक वसोच, करता पाहेत।”
MAT 24:47 मी तुमरो लक खरो कव्हसू, का उ आपरो सब धन माया को पर वोला मूनिम राखेत।
MAT 24:48 “दूसरो पक्स मा एक बुरो दास से, जोन अपरो मन मा कव्हा सेत। मोरो मालिक लगत दिवस भयो लवटो नाहत। अबा उसीर से।
MAT 24:49 अना आपरो संगी नौकर गिनला मारन लगे। अना बेवडा को संग जेवन अना पीवन लगे।
MAT 24:50 तबा वोना दास को मालीक असो दिवस आहेत, जोन दिवस अना पलको बारेमा कोनी नही सोचयो होतो।
MAT 24:51 तबा उ वोला कड़ो सजा देहेत। अना पाखन्डी गिनला वोको संग डाख देहेत, जहान रड़नो अना दात किचकीचानो होहेत।
MAT 25:1 “वोना दिवस सरग को राज वय दहा कुँवारी टूरी को जसो होयेत। जोन अपरी टेमा धरके नवरदेव ला मिरन हिटीन।”
MAT 25:2 उनमा पाँच मुरख अना, पाँच हुसियार होतिन।
MAT 25:3 मुरख न अपरी टेमा धरीन। तरी अपरो संग तेल नही आनीन।
MAT 25:4 पर अक्कलवर गीन न अपरी, टेमा को संग कुप्पी मा भरके तेल आनीन।
MAT 25:5 जबा नवरदेव को आवनो मा उसीर भई। ता वय सब उघंन लगीन, अना झोप गइन।
MAT 25:6 अरधी रात ला धुम मची चोवो नवरदेव आवासे। वोको लक मिरन लाय चलो।
MAT 25:7 तबा वय सब कुँवारी टूरी गीन जगके अपरी टेमा साजरी करन लगीन।
MAT 25:8 अना मुरखगीन न अक्कलवर लक कहीन, “अपरो कुप्पी को तेल देव। काहेकि हमारो टेमा बुझसे।”
MAT 25:9 पर अक्कलवर गीन न कहिन, आमरो लाय अना तुमरो लाय तेल पुन्ज जाय इतरो तेल नाहती। भलो त योच से की तुमी बिकन वालो को कठा जायके, अपरो लाई आनो।
MAT 25:10 जबा वय लेवन साठी जावत होतीन, त नवरदेव आय गयो। अना जोन तैय्यार होतीन वय वोको संग बिहा के घर मा चली गईन, अना किवाड़ बंद कियो गयो।
MAT 25:11 एको मंघा वय दुसरी कुँवारी टूरी गीन, आयके कव्हन लगीन, “हे पिरभु-हे स्वामी हमरो लाई किवाड़ उघाड दे।”
MAT 25:12 वोना कहीस मी तुमला खरो कव्हसू, “मी तुमला नही चिन्हू तुमी कोन सेव?”
MAT 25:13 एको लाई जगता रव्हो, तुमी वो दिवस अना उ बेरा को बारेमा मालुम नाहत।
MAT 25:14 “सरग को राज वोना मानूस जसो होयेत।” जोन परदेस जातो बेर आपरा, दास गिनला हाकलके, आपरी संपति उनको सुपरुत कर देईस।
MAT 25:15 वोना एक ला खुरो को सिक्का लक भरयो पाँच पिवसी, दुसरो ला दोन अना तिसरो ला एक पिवसी उनको योगता को अनुसार दियो। अना मालिक यातरा मा हीट गयो।
MAT 25:16 तबा जेना ला पाँच सिक्का लक भरयो पिवसी मिलयो होतो। उ लवकर जायके लेवन-देन करीस। अना आपरो अवकात को लक अखीन पाँच सिक्का को पिवसी कमा लेइस।
MAT 25:17 असोच जोन ला दुई मिलयो होतो, ओना अखीन दुई कमायो।
MAT 25:18 पर जोन ला एक मिलयो होतो। उ जायके माटी खोदिस, अना आपरो मालिक को रुपया को पिवसी ला जमीन मा लूका देइस।
MAT 25:19 लगत बेरा बीतन को मंघा उनको आयो। अना दास गीनला लेखा जोखा मांगिस।
MAT 25:20 जोन ला पाँच पिवसी सिक्का मिलयो होतो। ओना अखीन पाँच पिवसी सिक्का आनके कहीस, ओ मालीक तुना मोला पाँच पिवसी सिक्का दियो होतो। मि ना अखीन पाँच पिवसी सिक्का कमाई सेउ।
MAT 25:21 ओको मालिक ना ओला कहीस, सबास साजरो बिस्वासी दास तु जरा सो मा लायक हिटसेस। मि तोला लगत चीज गीन को वरता, अधिकारी बनाहुँ। आपरो पिरभु को सँग खुसी मनाओ।
MAT 25:22 अखीन जेनको कठा दुई पिवसी सिक्का होतीन, ओना भी आयके असोच साँगिस, हे मालिक तुना मोला दुई पिवसी सिक्का दियो होतो, चोव मिना अखीन दुई कमायो।
MAT 25:23 ओको मालिक ओला कव्हयो साबास साजरो, अना बिस्वासी दास तु जरा सो मा लायक हिटयो से, यो काजी तोला लगत चीज को अधिकार देहुँ, तु भी आव अना आपरो मालिक को सँग खुसी मनाओ।
MAT 25:24 जोन ला एक पिवसी सिक्का मिलयो होतो। ओना आयके कव्हयो, हे मालिक मोला मालुम सेत, का तु कठोर मानूस सेस, तु जहान नही बोवसेस वहान कापा सेस। अना जहान नही छिड़का सेस, वहान लक बटोरा सेस, तोला जवाब देवन को मोरो अवकात नही होत्यो।
MAT 25:25 यो काजी मि डराय गयो होतो, अना जायके तोरो मोहर ला जमीन मा छिपाय दियो। चोव जो तोरो से उ यो से।
MAT 25:26 ओको मालिक ना ओला जवाब देइस, वो नीच अना कोढया दास तु जानसेस, का मि जहान नही बोयि सेव, वहान लक कापा सेउ। अना जहान मि नही बोयो सेऊ, वहान लक कापासेऊ।
MAT 25:27 तो तोला सोचनो होतो, का मोरो रुपया महाजन गीन ला दे देतो। तबा मी आयके आपरो धन ला ब्याज समेत ले लेतो।
MAT 25:28 एको अवकात नाहती यो काजी वा सिक्का को पिवसी ओको लक ले लेव। अना जेनको जवर दहा पीवसी सिक्का से ओला देदेव।
MAT 25:29 काहेका हरेक उ मानूस ला, जेनना जो काही वोको कठा होतो वोला सही रीत लक बौजिसेत ओला अखीन दियो जाहेत। अना जितरो ओको जरुरत सेत, वोको लक जादा मिल्हेत। पर उनलक जेनको कठा होतो। पर उ साजरो रीत लक नही बवजअ सेत, ओको कठा लक, बचो-कुचो सब ले लियो जाहेत।
MAT 25:30 एकोलाय वो बेकार दास ला बाहेर इन्धार मा ढकेल देव, “जहाँन लोक रड़ेयेत अखीन दात किच किचानो होहेत।”
MAT 25:31 जबा मानूस को टूरा आपरो गौरव को सँग, सरगदूत को सँग आहेत, अना गौरव को सिघासन मा बसेत।
MAT 25:32 ता सबच जातिहुन ओको पुढ़ा संगरो जाहेत अना उ एक ला दुसरो लक वसोच बेगरो करेत, जसो एक गडरिया अपरी मेंढा ला सेरी लक बेगरो करासे
MAT 25:33 अना मेढा गीन ला उज्जो कन अना सेरी गीन, ला डाकयो कन उभो करुँ।
MAT 25:34 तबा मि आपरो उज्जो कन वालो लक कहुँ, ओ मोरो बाबूजी को धन्य साबास लोक आव वो राज को अधिकरि भय जावो, जोन सारो जग बनन को पहिले तुमरो लाइ, राजा ना तैय्यार कियो होतो।
MAT 25:35 काहे का मि भुखो होतो अना तुमी ना, मोला जेवन दियो अना जबा मि तहान होतो, ता तुमी ना मोला पानी पिलायो अना मि परदेसी होत्यो, अना तुमी ना मोला आपरो घर मा रुकवायो।
MAT 25:36 मि नंगा होतो, अना तुमी ना मोला झंगा दियो, अना मि बीमार होतो अना तुमी ना मोरो सुधि लियो अना, मि जेल मा होतो अना तुम मोरो लक भेटन आयो।
MAT 25:37 तबा नेक मानूसगीन ओला जवाब देहेत, हे पिरभु आमी ना कबा तोला, भूखा चोयो अना जेवन दियो अना कबा, तु तहान होतो अना हमी ना पानी पिलायो।
MAT 25:38 आमी ना कब तोला परदेसी चौयो, अना आपरो घर मा रुकवायो अना कब तु नंगरा होतो, अना हमीना झंगा दियो।
MAT 25:39 आमी ना कब तोला बीमार चोयो अना जेल मा चोयो, अखीन तोरो लक भेटन आयो।
MAT 25:40 तबा राजा उनला जवाब देहेत, मि तुम लक खरो कहुसेउ, का तुमी ना मोरो यो नहान-नहान भाऊ गीन मा लक कोनी, एक को सँग करीसेव उ मोरो सँग, करीसेव।
MAT 25:41 तबा उ आपरो डाकयो कन, वालो लक सांगेत ओ सापित लोकगीन मोरो पुढा लक, कभी नही बुझन वालो अमर स्तो मा जावो, जोन इबलीस अखीन ओको सरगदूत गीन लाइ तैय्यार से,
MAT 25:42 काहे का मि भुखो होत्यो अना तुमी ना मोला जेवन नही देयेत, मि तहान होतो अना तुमी ना मोला पानी नही देइसेव।
MAT 25:43 मि परदेसी होतो अना तुमी ना मोला, आपरो घर मा जघा नही दियो, मि नंगरो होतो अना तुमी ना झंगा नही पहिनायत। मि बीमार होतो अना जेल म होतो, अना तुमी ना मोरो सुधी नही लियत।
MAT 25:44 तबा वय जवाब देहेत, हे पिरभु हमी तोला कब भुखो अना, तहान, परदेसी अना नंगरो, बीमार जेल मा चोयो, अना हमी ना तोरो सेवा नही करयो।
MAT 25:45 तबा उ उनला जवाब देहत, मी तुमिला खरो कव्हसू जोन ऐना लहान लेकरा को सँग मा काही नही करयत वसोच मोरो सँग नही करयत।
MAT 25:46 अना वय अमर सजा भोगेत पर नेक मानूस, अमर जिंदगी मा धसेत।
MAT 26:1 जबा यीसु यो सबच गोस्टी को सिक्सा देवनो पुरो भयो, तबा आपरो चेला गीन, ला कव्हन लगियो।
MAT 26:2 “तुमी लोकहुन जानसो, का दुई दिवस को मंघा फसह को तिहार से। अना मानूस को टूरा बैरीहुन को हात मा कूरूस मा चघावन लाय धरायो जावन वारो से।”
MAT 26:3 तबा मुखिया याजक अना सयानो लोकगीन काइफा नाव को मोठो मुखिया याजक, को आँगन मा जमा भईन।
MAT 26:4 अना ओन्हीसीन कोनो तरकीब लक यीसु ला धरन अना मार डाकन को मन बनाईन।
MAT 26:5 मंग वय कव्हत होतीन, “आमला यो तिहार को दिवस नही करनो पाहिजे नही ता लोकहुन मा दंगा फसाद भयी सकासे।”
MAT 26:6 यीसु बैतनियाह गांव मा सिमोन को घर मा जोन कोढ को, बीमारी लक होतो वोको घर रुकयो।
MAT 26:7 तबा एक बायको यीसु को जवर आयी जबा यीसु जेवन लाई बसयो होतो, ओना एक कीमती इतर संगसंगमरमर को बरतन मा भरके आनिस अना ओना यीसु को डोस्की पर उबड़ाय देइस।
MAT 26:8 चेलाहुन ना असो चोयके गुस्सा होय गयीन, अना पुसन लगीन, एतरो कीमती इतर नास कायलाई करीसेव?
MAT 26:9 यो इतर ला आमी बिकता ता एक मोठो दाम मिलतो अना ओनो धन लक आमी गरीबहुन ला दे देता।
MAT 26:10 यीसु जान गयो का वय काजक कव्ह रही सेत। एकोलाई उनलक कव्हयो, “तुमी ऐना बायका ला काहे तंगा रही सेव? ओना ता मोरो लाई भलाई करीसेस।”
MAT 26:11 काहेका गरीब-गोर गीन, हमेसा तुमरो सँग रहेत, पर मि तुमरो सँग हमेसा नही रव्हन वालो सेऊ।
MAT 26:12 मोरो गाड़ो जावनो को तैय्यारी को लाय ओना मोरो तन मा, यो सुगंध वारो इतर उडेलीसेस।
MAT 26:13 मी खरो साँगसू का जबच कभी सारो जग मा जबा परमेस्वर को साजरो बारता मुनादी कियो जाहेत, तबा वहान यो गोस्टी को, चरचा जरुर कियो जाहेत।
MAT 26:14 तबा यूदस इस्करियोति जोन बारा चेला मा एक चेला होतो। उ मुखिया याजक, को कठा गयो, अना ओको लक कहयो।
MAT 26:15 अदी मि यीसु ला तुमला धराय देहुँ, ता तुमी लोक मोला काजक देव्हो? तबा उनना यहूदा ला खुरो को तीस सिक्का, देन को मनसा करीन
MAT 26:16 वोच बेरा यहूदा यीसु ला धरावन को मौका ताकन लगयो।
MAT 26:17 बेखमीर भाकर को तिहार को पयलो दिवस मा चेला गीन यीसु को जवर आयके, पुसन लगीन, “तोरो का मरजी सेत, का आमी तोरो खावन को लाई बेखमीर जेवन को तैय्यारी किता जायके करबिन?”
MAT 26:18 ओना कहीस नगर मा फलानो मानूस को, कठा जायके ओको लक साँगजोस, गुरुजी कव्हसे मोरो जावन को बेरा, जवर आय गई से। मि आपरो चेला गीन को सँग, मा तोरो घर मा बलिदान को तिहार मनाहुँ।
MAT 26:19 तबा चेला गीन ना यीसु को, हुकूम मानिन अना बलिदान को तिहार लाय तैय्यारी करीन।
MAT 26:20 जबा जेवन रात भयो तबा वय, बारा चेला गीन को सँग, जेवन करन लाई बस्यो।
MAT 26:21 जबा वय जेवन करत होतीन, तबच, यीसु चेला गीन ला कव्हन लगियो, “मी तुमरो लक खरो कव्हसू का तुमरो लक एक मोला धराय देहे।”
MAT 26:22 एको पर वय गजब उदास भय गईन। अना हर एक ओको लक पुछन लगीन, ओ पिरभु का उ मि सेव?
MAT 26:23 वोना जवाब देईस जोन मोरो सँग ठाव मा हात, डाकीसेस वोच से।
MAT 26:24 मानूस को टूरा को बारे मा असो लिखयो से, उ ता जावसे पर ओना मानूस पर, हाय जेना लक मानूस को टूरा धरायो जाहे। अदी उ जलम नही लेतो, ता साजरो होतो।
MAT 26:25 तबा वोको धरान वालो यूदस कव्हयो, हे गुरू का उ मिच आऊ? यीसु ना कहीस, “तु ता अपरो टोंड लक साँग दियोस।”
MAT 26:26 जब वय जेवन करत होतीन, तबा यीसु ना भाकर लेईस। अना धन्य वाद माँग के ना तोड़के, चेला गीन ला देवन लगयो। अना कहीस, “या मोरो तन से।”
MAT 26:27 मंग बटका ला लेइस, अना परमेस्वर ला धनवाद देइस। अना चेला गिनला कहीस, “तुमी सब येला पी लेव।”
MAT 26:28 “यो मोरो रक्त से, जोन परमेस्वर को करार ला स्थापित करासेत। अना मोरो रक्त लगत लोकगिन को पापहुन को छिमा को लाय बोहायो गयो सेत।”
MAT 26:29 मि तुमी लक कव्हसू का मी वोना दिवस तकन अंगूर रस नहीं पीविन जबा तकन अपरो परमेस्वर बाबूजी को राज मा तुम्हारो संग नवतो अंगूर रस नही पीहुँ।
MAT 26:30 तबा वय भजन करतो हुवो, जैतून नाव को पहाड़ मा गईन।
MAT 26:31 तबा यीसु ना उनला साँगीस, आज-राती तुम सबको मोरो पर लक भरोसा उठ जाहेत। काहेका गिरंथ मा लिख्यो से, “मि चरानवालो ला, मारिन अना करप को मेढा गीन, इतानि-उतानी पराय जाहेत।
MAT 26:32 पर जित्तो होवन मँघा, तुमी लक पयले गलील को पहाड़ मा जाहुँ।”
MAT 26:33 एको पर पतरस ना कहीस, “चाहे सबा तोरो पर लक बिस्वास सोड़ देहेत पर मी आखीर तकन बिस्वास करीन।”
MAT 26:34 यीसु ना वोको लक कहीस, मी तोला खरो कव्हसू “आज राती कुकड़ा को बाग देवन, को पयले तु तीन बार मुकर के कहजोस, मि यीसु ला नही जानासू उ कोन से?”
MAT 26:35 तबा पतरस ना कहीस, “तोरो सँग मरनो भी पडे़त ता मर जाहुँ,” सबच चेला गीन ना भी असोच कहिन।
MAT 26:36 मंग यीसु उनको संग वोना जघा मा गयो जोन गतसमनी कहलावा सेत। अना आपरो चेला गीनला कव्हन लगयो, “इतानि बस जावो, जबा तकन मि उता जायके ना पिराथना करासू।”
MAT 26:37 मंग यीसु पतरस अना जबदी को दुई टूरा गीनला आपरो सँग ले गयो, अना दुखी लक उदास भय गयो।
MAT 26:38 मंग वोना अपरो संगी गिनला कव्हयो, “मोरो मन लगत उदास सेत, असो लगा सेत जसो मोरो जान हीटन वालो सेत। तुम्ही मोरो संग इतानी च रूको, अना चौकस रव्हो।”
MAT 26:39 मँग उ जरासो, पयले जायके, टोन्ड को बल पड़यो अना असो पिराथना करन लगयो। “ओ मोरो परमेस्वर बाबू, अदी भय सकासे ता या दुखको बटकी मोरो पुढा लक टल जाय, पर जसो मि चाव्हुसू, वसो नही, पर तु जसो चाव्हसेस वसोच तोरो मरजी ला पूरी कर।”
MAT 26:40 तबा उ आपरो चेला गीनको कठा गयो, अना वय झोपत होतीन तब यीसु पतरस लक कहीस, “का तुमी यो लायक भी नही सेव का मोरो सँग एक घडी जाग सकासेव?
MAT 26:41 जागत रव्हो! अना पिराथना करो, का तुमी परिक्सा मा नोको पड़ो। आतमा ता तैय्यार से, पर तन कमजोर से।”
MAT 26:42 मंग उ दुसरो बेरा जायके ना असो, पिराथना करन लगयो। “हे परमेस्वर मोरो बाबूजी अदी यो बटकी, मोरो बिना पिये नही हट सकसे ता तोरो मरजी पूरी कर।”
MAT 26:43 तबा ओना मंग उन ला, झोपत पाइस, काहे का उनको डोरा मा जप होती।
MAT 26:44 उनला उता छोडके, मंग चली गयो। अना वसोच तीसरो, बार पिराथना करीस।
MAT 26:45 तबा ओना चेला गीन को कठा आयके उनलक कहीस, अबा झोपो अना अराम करो, चोवो वा बेरा आय गई से, अना मानूस को टूरा पापी गीनको हात धरायो जाहेती।
MAT 26:46 उभो होय! चोवो मोरो धरान वालो कठा आय गईन।
MAT 26:47 यीसु असो साँगत च होतो। तबा च, यूदस जोन बारा चेला गीनमा एक होतो आयो, अना ओको सँग मुखिया याजकगीन, अना सियानो गीन, गजब भीड़ को सँग हात मा लाठी, तलवार धरके ना आइन।
MAT 26:48 वोको धरान वालो युदूस ना ईसारा करीस, जोन ला भी चुमु वाच यीसु से, ओला तुमी धर लेवने।
MAT 26:49 मंग युदूस यीसु को कठा आयके, कहीस गुरू जी नमस्कार! अना ओला खुब चुमीस।
MAT 26:50 यीसु ना ओको लक कहीस, ओ सँगी जोन काम को लाई तु आईसेस, ओला कर। तबा लोकगीन यीसु को कठा आयके वोला धर लेइन।
MAT 26:51 यीसु को सँगी मा लक एक, तरवार खीच लेइस, अना मोठो मुखिया याजक को दास को, कान काट देइस।
MAT 26:52 तबा यीसु ना कव्हयो, “आपरो तरवार आपरो मियान मा राख ले, काहेकि जोन तरवार चलावासेत, वय तरवार लक मारो जासे।
MAT 26:53 का तोला मालुम नहात? का अबा मि पिराथना करहुँ अना सरगदूत गीन को बारा दल लक ज्यादा मोरो कठा आय जाहेत।”
MAT 26:54 पर मी अदी असो करीन ता पवितर गीरंथ मा जो लिख्यो से, उ पूरो कसो होहे? एकोलाय, “असो होवनो जरुरी से।”
MAT 26:55 वोना बेरा यीसु ना भीड़ लक कव्हयो, “का तुमी तरवार डन्डा अना हतियार धरके मोला असो धरन काहे आयीसेव? जसो का मी डाकु सेऊ, मि हर दिवस तुमला मंदिर मा सीक्सा देवत होतो, तबा तुमीना मोला नही धराइ सेव।”
MAT 26:56 पर असो सब एकोलाय भई से का भविस्यवक्ता गीन, “को कही गई गोस्टी पूरी होहेत।” तबा सबा चेला गीन वोको कठा, लक पराय गईन।
MAT 26:57 जोनना यीसुला धरी होतिन, वय यीसु ला धरके काइफा नाव को मोठयो मुखिया याजक को कठा ले गईन। जहान मोसे को नियम को गुरू गीन अना सियानो गीन, अना यहुदी नेताहुन जमा भई होतीन।
MAT 26:58 पतरस दुहुर लक वोको, मंघा-मंघा मोठो मुखिया याजक को आँगन तकन गयो। अना भीतर जायके, का होवासे देखन लाई सिपाही गीन, को सँग बस गयो।
MAT 26:59 मुखिया याजक अना सब पंचयात, यीसु ला मार डाकन को लाई, वोको विरोध मा अरोप अना खोटो, गवाही को खोज मा होतीन।
MAT 26:60 पर लगत खोटो गवाह आवन को मंघा, भी कोनी मुद्दा नही पाईन। आखीर मा दुई जन आइन
MAT 26:61 अना कहीन “एना साँगीसेस की मि परमेस्वर को मंदिर ला पाड़ देहुँ, अना तीन दिवस मा जसो को तसो कर देहुँ।”
MAT 26:62 तबा मुखिया याजक उभो होयके कहीस, “तु कोनी जवाब नही देवासेत, लोकगीन तोरो विरोध मा, गवाही देवा सेत।”
MAT 26:63 पर यीसु उगो-मुगो रहयो। मुखिया पुजारी ना ओको लक कहीस, “मि तोला जित्तो परमेस्वर की किरया देवासू, की अदी तु परमेस्वर को टूरा मसीह सेस, ता आमी ला कव्ह दे।”
MAT 26:64 यीसु ना जवाब देयिस, “हव मी सेऊ। पर मी तुमी लक यो भी कव्हुसेउ, अता मानूस को टूरा ला सब लक ताकतवर परमेस्वर को उजो कन बसया हुया, अना बदल मा आवता चोवने।”
MAT 26:65 मोठोयाजक असो आयक के आपरो, कपरा फाडके कहीस, “एना परमेस्वर की निन्दा बिरोध करीसेस, अता हम ला गवाह को का मतलब?
MAT 26:66 तुम्ही ना परमेस्वर को बिरोधमा सांगतो आयकीसेव, अबा तुम्ही काजक सोचासेव?” “ओन्हीसीन जवाब देइन यो मार डाकन को काबिल से।”
MAT 26:67 तबा ओन्हिसीन ओको टोन्ड मा थुकिन। अना ओला मुक्का मारिन अना काही ना चाटा मारीन अना कहिन।
MAT 26:68 “हे मसीह हमरो कन लक आवन वारो गोस्टी ला साँग अना कव्हो, का तोला कोन ना मारिस?”
MAT 26:69 अना पतरस बाहेर आँगन मा, बसयो होतो की एक बनिहारिन ना ओको जवर आयके कहीस, तु भी ता गलीली यीसु को सँगी आस।
MAT 26:70 अना पतरस ना जवाब देईस, ओना सब को पुढ़ा यो कहके मनाही करीस, अना कहीस, मि नही जानासेऊ, की तु कउन को बारे कव्हसेस।
MAT 26:71 जबा उ बाहेर डहलाना मा चली गयो, ता दुसरी बनिहार ना पतरस ला चोयके, जोन लोक वहान होतीन कहीस, यो भी ता यीसु नासरी को सँग होतो।
MAT 26:72 मंग पतरस ना मना कर देईस अना सांगीस, मि कसम खासू, का मि ओना मानूस ला नही जानु।
MAT 26:73 जरा देर मंघा जोन वहान उभया होतीन, ओन्हिसीन पतरस को जवर आयके कहीस, खरो खर तू भी उन मा लक एक सेस। काहे की तोरी बोली तोरो भेद सांगासे।
MAT 26:74 तबा उ धिक्कारन लगयो, अना कसम खावन लगयो, की मि वो मानूस ला नही जानु। अना तुरुत, कुकड़ा ना चिल्लाय देईस।
MAT 26:75 तबा पतरस ला यीसु की कही हुयी सबद हेत, आई की, कुकड़ा को बाग देनो को पहिले तु तीन डाई मोरो मनाही करजोस। अना उ बाहेर जायके जोर लक रड़न लगयो।
MAT 27:1 जबा दिवस हिटयो, तबा सब मुखिया याजक, अना सियानो गीन, आपसी मा विचार करीन, का यीसु मार डाख्यो जाय।
MAT 27:2 उनना यीसु ला बाँधीन, अना वोला पिलातुस राजा ला सोप देईन।
MAT 27:3 जबा, यीसु को धरानवारा, यूदस ना चोवयो, का वोला दन्ड मिल्यो से। तब उ, गजब पस्तायो, अना उ खुरो को तीस सिक्का, वापिस आनिस।
MAT 27:4 मीना निरदोस मानूस को खून को सौदा, अना पाप करीसेव। तबा मुखिया यजक गिन सांगीन, हमला एको लक, काजक कामसे? तूच जान।
MAT 27:5 एको पर यूदूस ना, खूरो को सिक्का ला, मंदिर मा फैक दियो, अना वहान लक चलयो गयो, अना जायके फाँसी मा झूल गयो।
MAT 27:6 मुखिया याजक गीन खुरो को सिक्का, ला सकल लेइन। अना कव्हन लगीन, मोसे को नियम लक यो सिक्का ला खजाना मा राखनो, पाप से। काहेका यो तो खून को किमत से।
MAT 27:7 यो काजी आपसी मा, विचार करन को बादमा, उनना परदेसी गीन ला दफनान काजी, उन सिक्का लक, कुम्भार को जमीन खरीद लेइन।
MAT 27:8 योच कारन लक, आज तकन, उ जमीन खून को जमीन कहलावसे।
MAT 27:9 तबा काजक भविस्यवक्ता यीरमीयाह को लिख्यो, पूरो होवासे, उनना खुरो को तीस सिक्का लियो, ओतरो रकम लक इसरायल को लोकहुन ना, बेकिमती मानूस लाय राखी सेस।
MAT 27:10 अना उनना यो सिक्का कुम्भार को जमीन लाय, दे दियो से जसो पिरभु ना, मोला हुकूम देइसेस।
MAT 27:11 अबा यीसु राजपाल को पूढ़ा उभो होत्यो। राजपाल ना वोला पुसयो, का तू यहूदिगीन को राजा आस? यीसु ना जवाब दियो, तु खुदच कव्हसेस।
MAT 27:12 मुखिया याजक, अना सियानोगीन, वोको पर लान-छान लगावत होतिन। पर यीसु ना कोनी जवाब नही दियो।
MAT 27:13 एको पर पिलातुस ना यीसु ला कव्हयो, “का तू नही आयकासेत? का यो तोरो विरोध मा कितरो गवाही देवासे।”
MAT 27:14 मंग भी यीसु ना काही सबद नही सांगयो। एको पर राजपाल ला, गजब ताजुब भयो।
MAT 27:15 हरेक फसह सन-तीहार को बेरा मा राज पाल, लोकहीन को मनको अनुसार, एक कैदी ला छोड़त होतो।
MAT 27:16 वोच बेरा यीसु को संग बरब्बा नाव को एक मानूस, जेल मा होतो।
MAT 27:17 पिलातुस राजा ना लोकइन ला साग्यो। “तुमी काजक चव्हासो? मी तुमरो लाय कोनी ला छोडू? बरब्बा ला का यीसु ला? जो मसीह कहलावसे।”
MAT 27:18 उ जानत होत्यो का, यीसु ला जलन, लक धरायो गयो से।
MAT 27:19 जबा राजपाल पिलातूस न्याय आसन मा बसो होतो। ता वोकी बायको ना वोको जवर खबर धाड़ी होती, “वोना सीधो-नेक मानूस को संग काही नोको करजोस, मी ना वोको बारेमा एक सपना चोवीसेऊ जोनलक अज मी दिवस भर बेचैन होती।”
MAT 27:20 पर मुखिया याजक अना बुजुरुग यहूदी नेतागिन ना भीड़ ला बहेका लेइन, का वय पिलातुस लक बरब्बा ला सोड़न अना यीसु ला मरवान की माँग करेत।
MAT 27:21 जवाब मा राजपाल ना अखीन पुछयो, “तुम्ही काजक चव्हासो? दोंनो मा कोनी ला छोडनो से?” उनना जवाब दियो, “बरब्बा ला!”
MAT 27:22 एको पर पिलातुस न उन लक कव्हयो, “मी यीसु जोन मसीह कहलावा से वोको का करु?” सबना जवाब देइन, “एला कूरूस मा चघा देव।”
MAT 27:23 पिलातुस ना कहीस “काहे ओना काजक, बुरो करीसेस?” पर वय अखीन चिल्लावसेत अना कव्हसेत, “ओला कूरूस मा चघा ओ।”
MAT 27:24 जब पिलातुस ना चोवयो, का यीसु ला बचावन को लाय कोनी, चांस नाहती। तबा उ उदास भई गयो, अना वोना पानी बुलवायके, ना हात धोवके सांगीस, “मी यो मानूस को खून को, दोसी नही सेव, तुमच जानो।”
MAT 27:25 तबा सप्पा भीड़ ना जवाब देइन, “एको खून को बदला, आमी अना, हमरो सन्तान ला मिले।”
MAT 27:26 तब पिलातुस न उनको लाय, बरब्बा ला छोड़ देइस। अना यीसु ला कोडा लगवाइस, अना कूरूस मा चघान, काजी सिपाई गीन को हातमा सोप देइस।
MAT 27:27 एको मंघा राजपाल को सिपाही गीन, यीसु ला राजभवन को भीतर ले गइन। अना उनना यीसु को कठा सिपाही गीन, ला जमा कर लेइन।
MAT 27:28 उनना यीसु को कपरा उतार के, वोला, लाल चोगा पहनाइन।
MAT 27:29 अना झाड़ी को काँटा को मुकुट गुथ के वोको, डोस्की मा राखीन। अना वोको, उज्जो हात मा एक घागरा काड़ी धरा देइन। तबा वोको पुढा टोगंरा टेकके, असो मजाक करन लगीन। यहूदिगीन को राजा ला नमस्कार!
MAT 27:30 उनना वोको पर थुकिन, अना घागरा काड़ी लक वोको डोस्की मा मारिन।
MAT 27:31 असो मजाक करन को मंघा यीसु को, चोगा ला उतार लेइन, अना वोको कपरा पहना देइन। एको मंघा वय यीसु ला कूरूस मा चघा वन काजी ले गइन।
MAT 27:32 नगर लक हिटतो बेरा मा, सैनीक गीन, एक कुरेन देस को रव्हनवारा, सिमोन नामको मानूस ला धरीन। अना वोला यीसु को कूरूस उचलन लाई कहीन।
MAT 27:33 वय गुलगुता मजे कवटी नाव को, जघा मा पहूचीन।
MAT 27:34 वहान लोकगीन पीत मिलयो अंगूर को रस, यीसु ला पीवन लाय देइन, यीसु वोला चख्यो, पर नही पीवयो।
MAT 27:35 सीपाई गिनना, यीसु ला कूरूस मा चघा देइन। अना वोको कपरा ला आपसी मा बाट लेइन।
MAT 27:36 एको मंघा वय वहान बसके पहेरा देवन लगीन।
MAT 27:37 यीसु को डोस्की को वरता मा दोस पतर लटका देइन। वोमा लिख्यो होता, यहूदिगीन को राजा यीसु से।
MAT 27:38 यीसु को संग, उनना दोन डाकुगीन ला, कूरूस मा चघा देइन। एक ला उज्जोकन, अना एक ला डायोकन।
MAT 27:39 उता लक आवन-जावन वारा लोकगीन, यीसु को निन्दा बदी करत अना डोस्का हिलात।
MAT 27:40 यो कव्हत होतीन, यो मंदिर ला गीरावन वारा, अना तीन दिवस मा, मंग बनान वालो, यदि तु परमेस्वर को टूरा आस, तो आपरो आप ला बचा। अना, कूरूस लक खाल्या आव।
MAT 27:41 असोच मोसे को नियम को गुरू सयानो अना मुखिया याजकगीन, भी कव्हत-कव्हत मजाक करत होतीन।
MAT 27:42 “यो ना दूसरो ला बचाई सेस, पर आपरो आप ला नही बचा य सकसे, यो तो इसरायल जात को राजा से, अबा यो कूरूस लक खाल्या उतरे ता, हमी एको पर बिस्वास कर बीन।
MAT 27:43 यो परमेस्वर पर बिस्वास राखासेत। यदि सचमा परमेस्वर एको लक खुस सेत तो अबा एको बचाव कर लेहत। काहेका यो ना साग्यो होतो, का मी परमेस्वर को टूरा सेव।”
MAT 27:44 डाकुगीन यीसु को संग, सूली पर चघीन होतीन, वय भी असोच खरो-खोटो सांगन लगीन।
MAT 27:45 दूफार 12 बजे लक 3 बजे को बेरा लक, सारो देस मा इन्धार छायो, रहयो।
MAT 27:46 अना तीन बजे, यीसु ना जोर लक कव्हयो, “एली-एली लेमा सबकतानी,” जोन ओ मोरो परमेस्वर! ओ मोरो परमेस्वर! तूना, मोला काहे छोड़ देइसेस।
MAT 27:47 यो आयक के जवर उभो लोकगीन, बोलन लगीन, यो भविस्यवक्ता एलिय्याह ला हाकल से।
MAT 27:48 उन मा लक एक धावके ना, स्पंज आन लेइस अना वोला अंगूर रस सिरका, मा डुबाय के, घागरा काड़ी मा लगाके यीसु ला, पीवन दियो।
MAT 27:49 पर बाकी बचयो लोकगीन ना सांगिन, चोवो एलिय्याह वोला बचा वन काजी आवासे, का नही।
MAT 27:50 तबा यीसु ना मंग ऊचो आवाज मा हाकलके, आपरो जान छोड़ दियो।
MAT 27:51 वोच बेरा मंदिर को पड़दा वरता लक, खाल्या तकन फट गयो, अना दोन टुकड़ा भई गई। जमीन हिलन लगी, भुईडोल भई अना, चट्टान फट गइन।
MAT 27:52 मरघट्टी उघड़ गयो, अना गजबसो पवीतर सन्त महातमा, देह समेत दुबारा जित्तो भई गईन।
MAT 27:53 अना वय यीसु को जित्तो, होवन को मंघा मरघट्टी लक हिट के, अना पवीतर नगर मा जायके, लगत लोक ला चोवन लगीन।
MAT 27:54 सेना को मुखिया, अना पहरादार, सैनीक गीन भुईडोल अना, यो सब गोस्टी चोयके गजब डराय गइन। अना बोलन लगीन, खरो खर पक्को मा यीसु च परमेस्वर को टूरा आय।
MAT 27:55 वहान गजब सी आई-माई गीन दुहूर लक चोवत होतीन। वय यीसु को सेवा करन वालो, गलील छेतर लक उनको संग-संग आई होतिन।
MAT 27:56 उनमा मरियम मगदलनी, याकूब अना यीसु को माय अना जबदी को टूरा गीन को माय होती।
MAT 27:57 सन्जा होवन को मंघा, अरिमितिया नगर को, एक धनी महाजन आयो। वोको नाव युसुफ होतो, उ खुद यीसु को चेला बन गयो, होतो।
MAT 27:58 वोना पिलातुस राजपाल को कठा जायेके, यीसु को लास मागीस, अना पिलातूस ना हुकूम करीस, का देह वोला सौप दियो जाय।
MAT 27:59 युसुफ देह धरकेना, वोला सुध्द मलमल को कफन मा लपेट के।
MAT 27:60 नवो मरघट्टी मा ठेव दियो जोनला, वोना आपरो लाय चट्टान मा, खुदवायो होत्यो। उ मरघट्टी को, धसन को जघा मा एक मोठो गोटा लुढकाके चले गयो।
MAT 27:61 मरियम मगदलनी दूसरी मरियम कबर को पुढा बसी होतिन।
MAT 27:62 दुसरो दिवस मजे सूकिरवार को, मंघा पवीतर दिवस मा मुखिया पुजारी मोठयो पुरोहित अना, फरिसी गुरु गीन एक संग, पिलातुस को घरमा गइन।
MAT 27:63 अना बोलिन की अमीला हेत से पिरभु, क उ धोकाबाज न आपरो, जिंदगी मा असो सांग्यो होतो, का मी तीन दिवस मघा जित्तो भई जाहू।
MAT 27:64 कहि असो न होहे का चेला उचलके, ले जाये अना जनता लक सांगन लगेत, का यीसु जित्तो भई गईसे, यो मंघा को धोका लक जादा खोटो होहेत, यो काजी तीन दिवस लक कबर को, सुरक्सा को इन्तेजाम कियो जाय।
MAT 27:65 पिलातुस ना कव्हयो “तुमरो कठा पहरेदार से” जाओ! अना जसो साजरो लगसे, वसोच तुमी करो।
MAT 27:66 वय चले गइन, अना उनना कबर को, दरवाजा मा राख्यो गोटा मा मूहर लगा देइन।
MAT 28:1 सब्त को मघा जबा इतवार हफ्ता को सक्कारी बेरा लाल बादल मा, मरियम मगदलीनी अना दूसरो बाया मरियम कबर ला जाँचन आइन।
MAT 28:2 काहेका सरग लक पिरभु को सरग दुत वहान उतरियो होतो। एको लाई वोनोच बेरा एक मोठयो भुई डोल आयो। अना सरग दुत वहान आयके एक गोटा ला लुढकाय देइस अना वोको पर बसगयो
MAT 28:3 वोको रूप बादर की उजाड़ जसो चमचमात होती। अना वोका कपरा बरफ को जसो सप्पा होतीन।
MAT 28:4 वय सिपाई जोन कबर पर पहरा देत होतीन। डर को मारे कापन लगीन, अना मरो जसो भयी गयिन।
MAT 28:5 सरगदूत ना आई-माई लक कहीस। नोको डराव, मी जानासू, तुम्ही यीसु ला ढुंढ रही सेव। जोनला कूरूस मा चघा यो गयो होतो।
MAT 28:6 उ यहान नहात, उ जित्तो भई गई से। जसो, वोना साग्यो होतो। आव, अना चोवो, जहान यीसु ला ठेवो गयो होतो।
MAT 28:7 अबा तुमी लवकर जायके ना, वोको चेला गीन ला सांगो का, यीसु मरो मा, जित्तो भई गई से। उ तुमरो लक पुढ़ा, गलील परदेस मा जाहेती। वहान उ तुम्ही ला चोहेत, चोवो मीना तुम्ही लोक गीन ला यो खबर सांग देई सेव।
MAT 28:8 आईमाई गीन गदने मरघट्टी को जवर लक, डराय के चले गइन। अना अचंभा अना खुसी लक, चेला गीन ला यो खबर आयकवान लाय लवकर-लवकर धाइन।
MAT 28:9 यीसु एकाएक रस्ता मा, आई-माई गीन लक भेटयो अना सूकी रव्हो असो कहीस। तबा वय यीसु को कठा गईन, अना पाय पड़के वोको स्तुती करीन।
MAT 28:10 यीसु ना उन लक कहीस नोको भेव करो, जाओ अखीन यो खबर, मोरो भाऊ गीन ला आयको आयो। अना मी उनला, गलील परदेस मा भेटू वय वहान जाय।
MAT 28:11 आईमाई गीन रस्ता मा होतीन। का काही सीपाई नगर मा आइन। अना सारो हाल, मुखिया याजकगीन ला कहिन।
MAT 28:12 तबा मोठो याजक अना मुखिया सियानो गीन मिल्के अपसी मा विचार करीन। अना सिपाई गीन ला भारी रकम देके ना सांगीन।
MAT 28:13 लोकगीन ला कव्हने, का रात मा, जबा हमी झोपयो होता। ता यीसु को चेला गीन आइन, अना वोला चोरा के ले गइन।
MAT 28:14 यो बात राजा ला मालूम पड़हेत, तो हमी समझाय देबीन। अना तुमी चिन्ता नोको करो।
MAT 28:15 चौकीदार गीन, रुपीया ले लेइन, अना वसोच करीन, जसो उनना सिकि होतिन। वसोच सांगन लगीन, अना योच कहानी फैल गयो। अखीन यहूदिगीन अबा लक, असोच माना से।
MAT 28:16 तबा चेला गीन गलील छेतर मा वोना पहाड़ी मा गइन। जहान जान लाय यीसु ना उनला कव्हयो होतो।
MAT 28:17 उनना यीसु ला चोवीन, अना वोकी अराधना करीन। पर कोनी-कोनी ला सक भयो।
MAT 28:18 तबा यीसु ना, उनको जवर आयके सांगीस। मोला सरग मा अना धरती को पूरो अधिकारी बनायो गयो सेत।
MAT 28:19 यो काजी तुमी जाओ, अना सब गैर यहुदी लोक गीन ला चेला बनाओ। अना उनला, परमेस्वर बाबूजी अना टूरा यीसु मसीह, अना पवीतर आतमा को नाव लक, पानी मा बप्तिस्मा देवो।
MAT 28:20 अना मीना जोन-जोन हुकूम देइसेव। सब उनला माननो सिकावो, चोवो संसार को आखीर तकन, मी तुमरो संग सेव।
MAR 1:1 यो परमेस्वर को टूरा यीसु मसीह को साजरा बारता से।
MAR 1:2 येको सुरुवात जसो की यसायाह भविस्यवक्ता को किताब मा लिखयो गयो होतो। की आयको, परमेस्वर ना कहीस “मि एक दुत ला धाड़ूसू, जो तोरो लाई रास्ता सुधारेत।”
MAR 1:3 “बियाबान मा कोनी हाकल रहयो होतो, की पिरभु को गाडादान ला तैय्यार करो अना ओको पगदन्डी ला सीधो करो।”
MAR 1:4 एकोलाय योहन आयो, अना मुनादी करयो “आपरो पाप लक मन हटाव अना बप्तिस्मा लेव, तब परमेस्वर तुमरो पाप ला छिमा करयेत।”
MAR 1:5 अना यहुदिया छेतर लक अना यरुसलेम नगर का गजब सा रव्हन वारा हिटके योहन जवर आइन। अना आपरो पाप ला मानके यरदन नदी मा लक बप्तिस्मा लेइन।
MAR 1:6 योहन ऊट को चुन्दी को कपरा घालत होतो। अना आपरी कमर मा चमड़ा को पट्टा बान्धत होतो। अना फाफा सहेद जेवत होतो।
MAR 1:7 अना यो परचार करत होतो की “मोरो मंघा उ आवन वालो से जो मोरो लक ताकतवर से। मि यो काबिल नही सेऊ, की नवके ओको सेन्डिल की दोरी खोलू।
MAR 1:8 मि तो तुमला पानी लक बप्तिस्मा देसू पर, उ तुमला पवीतर आतमा लक बप्तिस्मा देहे।”
MAR 1:9 ओना बेरा मा यीसु ना गलील छेतर को नासरत नगर लक आयके, यरदन नदी मा योहन लक बप्तिस्मा लेइस।
MAR 1:10 जसोच यीसु पानी लक हिटीस वसोच बादल उघड़तो हुयो अना पवीतर आतमा परेवा को जसो ओको वरता उतरतो चोवीस।
MAR 1:11 अना बादल लक आवाज भई “की तु मोरो चहेतो टूरा आस, तोरो लक मि बेहद खुस सेउ।”
MAR 1:12 तबा परमेस्वर की पवीतर आतमा ना गदने ओला जंगल कन ले गयो।
MAR 1:13 अना जंगल मा चालीस दिवस तकन सैतान ना ओकी परिक्सा लेईस, अना उ जंगल-को जनावर को संग रहयो; अना सरगदूत ओकी सेवा करता रहीन।
MAR 1:14 योहन ला जेल मा डाकनो को मंघा, यीसु ना, गलील छेतर मा आयके, परमेस्वर को राज को साजरा बारता ला परचार करन लगयो।
MAR 1:15 अना कव्हयो “बेरा भई गई से, परमेस्वर को राज कठा आय गई से पाप ला छोड़ो अना साजरा बारता पर भरोसा राखो।”
MAR 1:16 गलील को झील को कगर जावत-जावत, ओना समौन अना ओको भाऊ अन्दिरयास ला झील मा जाल डाकत देखीस, काहेकि वय ढिमर होतीन।
MAR 1:17 अना यीसु ना उन लक कहीस “मोरो मंघा आव! ता मि तुमला मसरी धरन की जघा लोकगीन ला परमेस्वर को राज मा आननो सिकाहु।”
MAR 1:18 वय गदने जाल ला सोड़के ओको मंघा भय गईन।
MAR 1:19 काही दूहुर जायके ओना जबदी को टूरा याकूब, अना ओको भाऊ योहन ला, नाव मा जाल ला सुधारता चोविस।
MAR 1:20 ओना गदने उनला हाकलीस, अना वय आपरो बाबूजी जबदी ला बनिहार को सँग नाव पर सोड़के, यीसु को मंघा चली गईन।
MAR 1:21 यीसु अना चेलागीन कफरनहुम नगर मा आइन। अना उ गदने यहुदी गीन को बिसराम को दिवस मा पिराथना घर मा जायके सिक्सा देवन लगयो।
MAR 1:22 अना लोक गीन ओको सिक्सा लक चकित भईन, काहे की उ उनला मोसे को नियम को गुरू जसो नही, पर अधिकार लक सिक्सा देवत होतो।
MAR 1:23 अना ओनो बेरा, यहुदीगीन को सभाघर मा एक मानूस होतो। जोनमा एक भुत होतो।
MAR 1:24 ओना चिल्लायके कव्हयो “ओ यीसु नासरी हमरो लक तोरो काजक काम से? का तु आमीला नास करन ला आईसेस? मी तोला जानासू, तू कोन आस? परमेस्वर कन लक धाड़ो गयो पवीतर मानूस आस!”
MAR 1:25 यीसु ना भूत-पलीत ला डटकार के कहीस “उघो-मुघो रव्ह, अना ओमा लक हिट जाय।”
MAR 1:26 तबा भुत ओला मरोड़ के अना मोठो आवाज लक बेमीया के ओमा लक हिट गयो।
MAR 1:27 एको लाई सब लोकगीन अचंभा करता हुया आपस मा गोस्टी करन लगीन की “यो कसो गोस्टी आय? यो तो कोनी नवो सिक्सा से? उ अधिकार को संग भुत ला भी हुकूम देवासे, अना वय ओको हुकूम मानासेती।”
MAR 1:28 एकोलाय या गोस्टी गलील छेतर को इतानी-उता लगत देस मा फैल गयो।
MAR 1:29 जसोच यीसु पिराथना घर चेलागीन याकूब अना योहन को संग समौन अना अन्दिरयास को घर आयो।
MAR 1:30 समौन की सासु बीमारी लक खाट मा लेटी होती एकोलाय वोको बारे मा यीसु ला सांगिन।
MAR 1:31 तबा ओना जवर जायके ओको हात धर के ओला उचलीस अना ओको बुखार उतर गयो अना वा वोकी सेवा करन लगि।
MAR 1:32 झुलाखाली जबा दिवस बुडतो बेरा भय गयो तो लोक सब बीमार ला अना जिनमा भुत आतमा होतीन यीसु को जवर आनीन।
MAR 1:33 अना नगर को सप्पा लोकगीन बेसकुड़ को जवर एकठ्ठो भइन।
MAR 1:34 अना यीसु लगत लोकगीन जोन गजब-गजब को बीमारी लक परेसान होतीन, उनला साजरो करीस, अना लगत बुरो आतमा ला हेड़िस। पर उनला बोलन लक मना करीस। काहे की वय ओला चिन्हत होतीन।
MAR 1:35 यीसु पहट को बेरा दिवस हिटन लक लगत पुढा, जाग के हिटयो, अना एकांत जघा मा गयो, उता पिराथना करन लगयो,
MAR 1:36 तबा समौन अना ओको संगी ओला ढुंढन ला गईन।
MAR 1:37 जबा उ मिलयो, तो ओको लक कहिन “की सब लोक तोला ढुंढ रही सेत।”
MAR 1:38 ओना उन लक कहीस “आव हमि अखीन कोनी गांव-बस्ति मा जाबिन, की मि उता भी साजरा बारता सांगु, काहे की मि परचार करन लाई आइसेव।”
MAR 1:39 अता उ सप्पा गलील छेतर मा यहूदी गीन को पिराथना घर मा जायके गोस्टी सांगत होतो अना बुरो आतमा ला हेड़त होतो।
MAR 1:40 एको मंघा एक कोढी यीसु कठा आयके ओको लक बिनती करन लगयो अना ओको पुढा टोघरा टेकके कव्हयो! “यदि तु चाव्हसेस तो मोला साजरो कर सकसेस।”
MAR 1:41 ओना ओको पर दया करके हात बड़ाइस, अना ओला छुयके कहीस “मि चाव्हसू की तु साजरो होय जाय।”
MAR 1:42 अना ओको कोढ सजरो भय गयो अना उ साजरो भय गयो।
MAR 1:43 तबा यीसु न चेताय के वोला सार करीस।
MAR 1:44 मंघा ओको लक कहीस “आयक! कोनी ला काही नोको कव्हजोस। पर जायके आपरो आप ला याजक ला दिखाजोस, अना आपरो साजरो होवन को बारे मा जो काही मोसे ना ठहराईसेस, ओला चढावा चढाजोस, का उनला गवाही भई जाय।”
MAR 1:45 पर उ जयके यो गोस्टी ला लगत सांगन लगयो अना यहान तकन परचार भयो। की यीसु मंग खुल्लम-खुल्ला नही फिरयो। पर बाहेर जायके जगंली जघा मा रहयो। अना चारो कन लक लोक ओको जवर आवत होतिन। अना कोनी मोठयो नगर मा नही जाय सकयो।
MAR 2:1 काही दिवस को बाद यीसु मंग कफरनहुम नगर मा आयो, अना असी खबर फैल गई का पहले जाहन यीसु रुकत होतो वोनच घर मा यीसु आयो से।
MAR 2:2 मंग एतरो लोक इकठ्ठो भईन की किवाड़ को जवर पाय राखन लाय जघा नही होती अना यीसु उनला साजरा बारता आयकन लगयो।
MAR 2:3 अना चार मानूस एक लकवा को मारयो हुयो ला, ओको कठा आनीन।
MAR 2:4 पर जबा वय जमघट को कारन ओको जवर नही पहुच सकीन, ता जोन छपरी मा यीसु होतो वोको सड्डन ला उघाड देईन। अना जोन खाट मा लकवा को मारयो हुवो होतो वोला वय उतार देईन।
MAR 2:5 यीसु ना उनको भरोसा देखिस अना उ लकवा को मारो हुयो ला कहीस “ओ टूरा, तोरो पाप छिमा भईन।”
MAR 2:6 वहान पर काही मोसे को नियम को गुरू जी गीन उता बसी होतिन वय आपरो-आपरो मन मा सोचन लगीन।
MAR 2:7 की “यो मानूस असो काय लाई कव्हसे? यो ता परमेस्वर की निन्दा करासे। परमेस्वर ला सोड़ कोनी पाप ला छिमा कर सकासे”
MAR 2:8 गदने यीसु ना आपरो आतमा मा जान लेइस, वय आपरो मन मा असो विचार कर रही सेत, एकोलाय यीसु न कहीस “तुमी असी गोस्टी कायला सोचासेव”
MAR 2:9 का वोको लक यो कव्हनो खरोसे का, तोरो पाप छिमा भयो, या का यो कव्हनो, ज्यादा सरल से? “का अपरी खाट उचल” अना चल ?
MAR 2:10 पर जेनको लक तुम जान लेव की “मी मानूस को टूरा ला धरती पर पाप छिमा करन को भी हक से।” ओना ओनो लकवा को रोगी लक कहीस,
MAR 2:11 “मि तोला कहुँसू की उठ, आपरी खाट उचल अना आपरो घर ला जाय।”
MAR 2:12 उ गदने उठयो अना आपरी खाट ला उठायके, सबको पुढा लक हिटके चलो गयो, एतरो पर सबच अचंभा करन लगीन अना परमेस्वर को बड़ाई करता हुया, यो कव्हन लगीन “की आमी ना असो कभी नही चोयो।”
MAR 2:13 मंग यीसु हिटके गलील झील को किनार मा गयो अना सिक्सा देवन लग्यो, तबा सप्पा भीड़ ओको जवर आई।
MAR 2:14 जात-जात उ ना हलफई को टूरा लेवी ला, जमा पटान की नाका मा बस्यो चोवयो, अखीन उ वोको लक साग्यो “मोरो मघा आव।” ता उ ओको मंघा भय गयो।
MAR 2:15 लेवी को, घर मा जबा यीसु जेवन कर रहयो होत्यो, वहान पर लगत सा जमा वसूल करन वारो पापी अना चेला गीन, वोको मंघा आवन वालो सब लोकगीन वोको संग जेवन मा बसया होतीन।
MAR 2:16 फरिसी अखीन यहूदि मोसे को नियम को गुरू, ना यो चोयके की उ ता पापी गीन अना जमा वसुलन वारो को संग जेवन करासे, ओको चेला गीन ला कहिन “यीसु जमा वसुलन वालो अना पापगिन को संग काहे खावासे पिवासे।”
MAR 2:17 जबा यीसु आयकिस ता असो कव्हन लगयो “साजरो गीनला बईद को काजक जरुरत से? पर बीमार ला से मि नेक मानूस ला नही पर पापी गीन ला हाकलन लाय आयी सेऊ।”
MAR 2:18 योहन को चेला अना मोसे को नियम को गुरू को चेला उपास करत होतीन, एकोलाय मोसे को नियम को गुरू ओला आयके असो कहिन, की योहन का चेला अना धरमगुरू का चेला काहे उपास राखासेति? पर तोरा चेला उपास नही राखत।
MAR 2:19 यीसु ना उन लक कहीस की “जबा तकन बराती नवरदेव को संग मा रव्हासे, तबा तकन का वय उपास कर सका सेति? नवरदेव को संग बराति भुखा नही रव्ह सकत
MAR 2:20 पर वय दिवस आहेत की नवरदेव उन लक बेगरो कियो जाहे, ओनो बेरा वय उपास करहेति।”
MAR 2:21 “नयो कपरा को थेगड़ जुनो घालन को कपरा मा कोनी नही लगावासेत; काहे की उ थेगड़ ओमा लक काही खिच डाकहे, मन्जे नयो जुनो लक अखीन उ फट जावासे।
MAR 2:22 नवा अंगूर को रस ला जुनो चमड़ा को थैला मा कोनी नही राखत नही ता अंगूर रस चमड़ा को थैला ला फाड़ डाकेह अखीन अंगूर रस अना चमड़ा को थैला दुही नास भई जाहे एको लाई नवा अंगूर रस ला नयो चमड़ा को थैला मा भरो जावसे।”
MAR 2:23 असो भयो का उ यहुदीगीन को बिसराम को दिवस मा खेत मा लक भयके जावत होतो अना ओको चेला चलत-चलत बाल तोड़न लागीन।
MAR 2:24 तबा फरिसी गीन यीसु लक कहिन “चोय; या लोकगीन मोसे को नियम लक बिसराम को दिवस मा असो कायलाई करयेत जोन साजरो नाहत?”
MAR 2:25 यीसु उनला कव्हन लगयो “का तुमी कबच नही बाचीसेव की जबा दाऊद राजा अना ओको सँगी भुखा होतिन, तबा उनना काजक करी होतिन?
MAR 2:26 ओना कायलाई अबियातार मुखिया याजक को बेरा, याजक को घर मा जायके, परमेस्वर को भेंट को भाकर खाईन मोसे को नियम लक जिनला खावनो याजक ला छोड़ अखीन कोनी ला बेस नही होतो अखीन आपरो संगीगिन ला भी देइस।”
MAR 2:27 अखीन ओना उन लक कहीस “बिसराम को दिवस मानूस लाय बनयो से, न की मानूस बिसराम दिवस लाय।
MAR 2:28 एकोलाय मानूस को टूरा बिसराम को दिवस को भी मालिक से।”
MAR 3:1 मंग जबा यीसु पिराथना घर मा गयो अना उता एक मानूस होतो जेनको हात सुकयो होतो।
MAR 3:2 धरम गुरू ओला दोस लगावन लाई ओको दाव देखत होतीन की देखबिन, उ बिसराम को दिवस मा ओला साजरो करेत का नही।
MAR 3:3 ओना सुक्को हातवालो मानूस ला कहीस “बीच मा उभो होय।”
MAR 3:4 अना उन लक कव्हसे “का मोसे को नियम लक बिसराम दिवस साजरो करन लाई नही से? का जान ला बचावन लाई नही से” तबा वय चुपई भई गईन।
MAR 3:5 यीसु ना फरिसी को कड़ो मन ला चोयके उदास भय गयो, अना हिजड़ के चारो कन चोयीस अखीन ओनो मानूस ला कहीस “आपरो हात बढाव।” ओना बढाईस, अखीन ओको हात साजरो भई गयो।
MAR 3:6 तबा फरिसी बाहेर जायके गदने हेरोदि गीन को राजा को लोक गीन संग मा ओको विरोध मा सलाह करन लगासेत, की कसो करके ओला नास करबिन।
MAR 3:7 अखीन यीसु चेला को संगा गलील झील को कन चली गयो। यहुदिया छेतर अखीन गलील लक एक मोठी भीड़ ओको मंघा भई गई।
MAR 3:8 अखीन यहुदिया अखीन येरुसलेम नगर अखीन इदुमिया लक अखीन यरदन नदी को पार अना सूर अना सैदा को इता उता लक एक मोठयो भीड़ यो आयक के की उ कसो अचंभा को काम करासे ओको जवर आइन।
MAR 3:9 अखीन ओने आपरो चेला लक कहीस “भीड़ भई गई से एको लाई मोरो लाई एक नान्होसो नाव तैय्यार राखने जेनको लक वय मोला नही दबाय सकेत।”
MAR 3:10 काहे की ओना लगत ला साजरो करत होतो; एकोलाय जेतरा लोक कोढ को बीमार होतीन, ओला छुवन लाई ओको पर गिरत पड़त होतीन।
MAR 3:11 अना बुरो आतमा जबा ओला ताकत होतीन तो ओको पुढा गिरत पड़त होतीन अखीन चिल्लाय के कव्होत होतीन की “तु परमेस्वर को धाड़ो हुयो पवीतर टूरा आस”
MAR 3:12 यीसु ना उनला डटकार के हुकूम देसे, मोरो बारे मा कोनी ला नोको सांगना की “मी कोन सेव”
MAR 3:13 यीसु मंग पहाड़ पर गयो अना जिन ला उ चाव्हत होतो उनला आपरो कठा हाकलीस। अना वय ओको कठा चली गईन।
MAR 3:14 तबा ओना बारा मानूस ला बेचयो अना उनला पेरीत ठहाराइस की वय ओको सँग- सँग रहेत अखीन उ उनला धाड़ेह की वय साजरी बारता परचार करेत,
MAR 3:15 अखीन बुरो आतमा को हेड़न को हक राखेत।
MAR 3:16 अखीन वय यो सेति समौन जेनको नाव ओना पतरस राखिस।
MAR 3:17 अखीन जबदी को टूरा याकूब अना याकूब को भाऊ योहन जेनको नाव ओना बुअनरगिस मजे गरजन को टूरा राखिस।
MAR 3:18 अखीन अन्दिरयास अना फिलिप्पुस अना बरतुल्मै अना मत्ती अना थोमा अना हलफई को टूरा याकूब अना तद्दै अना समौन कनानी
MAR 3:19 अना यूदूस इस्करियोति, जेने ओला धराइस।
MAR 3:20 तबा यीसु घर आयो अना असी भीड़ उमड़ी की यीसु अना ओको चेला ला जेवन की बेरा नही मिली।
MAR 3:21 जबा ओको नातावारा ना यो आयकिन तो ओला धरान लाई हिटीन काहे की वय कव्हत होतीन की ओको दिमाग ठीकान मा नाहत।
MAR 3:22 अखीन मोसे को नियम को गुरू जोन येरुसलेम लक आई होतिन यो कव्हत होतीन “ओमा बुरो आतमा से,” अना यो भी की “उ बुरो आतमा को मुखिया बालजबूल को सक्ति लक बुरो आतमा ला हेड़ासे।”
MAR 3:23 अना उ उनला जवर हाकलके उन लक हाना देके साँगन लगयो “सैतान कसो सैतान ला हेड़ सकसे?”
MAR 3:24 अना अदी कोनी को राज मा फुट पड़ जासे ता उ घर काय लाई अडिग रव्ह सकसे?
MAR 3:25 अना अदी कोनी घर मा फुट पड़ जाहे ता उ घर कायलाई अडिग रव्ह सकासे?
MAR 3:26 अदी सैतान आपरो विरोध करेत अना आपरो मा फुट डाकेह ता उ कायलाई बनो रव्ह सकासे? ओको ता सत्यानास होय जाहे।
MAR 3:27 “पर कोनी ताकतवर मानूस को घर मा जायके जबा तकन बाँध नही लेहे, तब तकन ओको घर लुट नही सका।”
MAR 3:28 “मि तुमी लक खरो बात सागुंसू, की मानूस को सब पाप अना निन्दा जोन वय करसेति, छिमा कियो जाहेति।
MAR 3:29 पर जोन कोनी पवीतर आतमा को विरोध मा निन्दा करेत, उ कबच छिमा नही कियो जाहे पर उ अमर पाप को दोसी ठहरेति।”
MAR 3:30 काहेकि वय यो कव्हत होतीन, की ओमा बुरो आतमा से।
MAR 3:31 यीसु की माय अना ओको भाऊ आइन, अना बाहेर उभा भयके ओला हाकलन धाड़ीन।
MAR 3:32 अना भीड़ ओको आजुबाजु बसी होतीन, अखीन ओन्हीसीन ओला कहीन “चोवो, तोरी माय अना तोरो भाऊ बहिन बाहेर तोला ढुढासेत।”
MAR 3:33 ओना जवाब साँगीस का “कोन मोरो माय अना भाऊ सेत”
MAR 3:34 ओना नजर इता-उता घुमायके कव्हसे “दिसो, यो आय मोरो माय अना भाऊ।
MAR 3:35 काहेकि जोन कोनी परमेस्वर को मरजी पर चलासे, वोच मोरो भाऊ अना बहिन अना माय आय।”
MAR 4:1 यीसु मंग झील को कगर सिक्सा देवन लागयो असी भीड़ जमघट भई की उ झील मा एक नाव पर चघके बस गयो, अना सारी भीड़ भुई मा झील को कगर मा उभी रहयी।
MAR 4:2 अना उ उनला हाना मा लगत सी गोस्टी सिकावन लगयो। अना आपरो परवचन मा उनलक कहीस।
MAR 4:3 “आयको एक बोनी करन वालो बीज बोवन ला हिटयो।
MAR 4:4 अखीन बोवतो बेरा काही ता रास्ता को कगर गिरयो अना पक्सी ना आयके ओला चुग लेइस।
MAR 4:5 अना काही ता गोटाडी जमीन पर गिरयो, जिता ओला लगत माटी नही मिलनो लक अखीन गहरो न होवनो लक गदने उग आयो
MAR 4:6 अना जबा दिवस हिटयो ता ओला जराय डाकिस, अना जड़ नही धरन लक सूक गयो।
MAR 4:7 अना काही ता झाड़ी मा गिरयो, अना झाड़ी न मिलके दबाय डाकिस। अना ओमा फर नही लगयो।
MAR 4:8 पर काही साजरो जमीन मा गिरयो अना उगयो, ता जो काही बोयो गयो से ओमा कोनी तीस गुना अखीन कोनी साठ गुना अना कोनी सौगुना फर लगयो।”
MAR 4:9 यीसु कव्हसे, “जेका कान सेति वय जरुर आयक लेयेत।”
MAR 4:10 जबा यीसु एकलो रव्ह गयो ता ओको सँगी ना जोन बारा होतीन येने किस्सा को मतलब पुसिन।
MAR 4:11 ओना उन लक साँगीस, “तुमला ता परमेस्वर राज को भेद को लुकयो गोस्टी सांगयो गई से, पर बाहेर वालो ला नही, एको लाई हाना देके आयकायो जाहेत।”
MAR 4:12 एकोलाय का “वय डोरा लक चोवयेत पर, उनला सुझाई नही पड़हेत, अना वय आयकेत, पर समझ मा नही आहेत, कही असो ना भई जात का वय परमेस्वर को कन मुड़ जाहेत, अना परमेस्वर उनला छिमा कर देहेत।”
MAR 4:13 मंग यीसु ना कहीस, “का तुमी यो हाना नही समझीयत? ता मंग अखीन गोस्टी ला कसो समझने?
MAR 4:14 बोवन वालो गोस्टी बोवासे।
MAR 4:15 जो रास्ता को कगर का सेत, जिता गोस्टी बोयो जासे, यो वय सेत की जबा उनना आयकिन ता सैतान गोस्टी ला जोन बोयो गयो से उचल ले जासे।
MAR 4:16 अना वसो जो गोटाड़ी जमीन पर बोयो जासे यो वय सेत, की जो गोस्टी ला आयक के खुसहाली लक अपनाय लेवसे।
MAR 4:17 पर परमेस्वर को गोस्टी उनको भीतर सदा को लाई जड़ नही धरयो। वय जरा सो दिवस लाई रव्हसेत; येको मंघा जबा गोस्टी को काजी लक उन पर मुसीबत आवासे ता वय ठोकर खावसेत।
MAR 4:18 अना जोन झाड़ी मा सेत, यो वय सेत जिनना गोस्टी ला आयकिन
MAR 4:19 अना संसार को चिन्ता अना धन को लोभ अना अखीन चीज गीन को बुरो लोभ उनमा समायके उन ला दबाय देसेत। अना उ बेफर भई जावसे।
MAR 4:20 अना जोन साजरी जमीन मा बोयो गयो सेत, यो वय सेत, जोन गोस्टी आयक के अपनाय लेसेत अना फसल आनासेत, कोनी तीस, कोनी साठ अखीन कोनी सौ गुना।”
MAR 4:21 यीसु ना उन लक कहीस, “घर को भितर दियो एकोलाय नही आनसेत, की हमी ओला खाट को खाल्या डलिया मा राखबीन पर एकोलाय आनसेत की फूल पर राखेत?
MAR 4:22 काहेकि कोनी चीज लुकी नही, पर उघाड़ो जाहेत। अना ना काही छुपयो मा से जेनला सब ना चोवयेत
MAR 4:23 कान खोल लेव अना आयक लेव।”
MAR 4:24 मंग ओना उनलक कहीस; “चाक पाक रव्हने, की का आयकासो? जेना तरिका लक तुमी दुसरो ला परखसो, ओको लक लगत तुमला परखो जाहे जेना नाप लक तुमी कोनी ला नापसो, वाच नाप परमेस्वर तुमरो लाई नापेह, ओको लक भी लगत नापेह।
MAR 4:25 काहेकि जेनको जवर से, ओला दियो जाहे। पर जेनको जवर नाहती ओको लक जोन ओको जवर से, हिसक लियो जाहे।”
MAR 4:26 मंग ओना कहीस “परमेस्वर को राज असो से, जसो कोनी मानूस जमीन मा बीज बोवासे।
MAR 4:27 अना उ रात मा सोय जासे अना दिवस ला जागासे अना उ बीज असो बढासे की उ नही जान पावसे।
MAR 4:28 जमीन आप लक आप फसल ला बनासे अना गँहु अँकुर बनासे अना बढ़ासे अना दाना पकासे।
MAR 4:29 पर जबा फसल पक जावसे, तबा उ इरा चलावासे, काहेकि कटनी को बेरा आय जासे।”
MAR 4:30 मंग यीसु ना कहीस “परमेस्वर को राज कोनको जसो से। परमेस्वर को राज ला समझन लाई कोन सो हाना ला काम मा लेवबिन।
MAR 4:31 उ राई को दाना जसोकि जबा जमीन मा बोयो जासे, ता जमीन को सब बीजा लक नहानो होवासे।
MAR 4:32 पर जबा बोयो जासे ता उगके सब हिवरो साग लक मोठो भई जावासे, अना ओको असो मोठो डार हिटासेत की बादल का पक्सी ओको पर गोदा बनावासेत।”
MAR 4:33 अखीन यीसु उनला यो तरीको लक लगत सा हाना दे देयके उनको समझ को जसो गोस्टी साँगन लग्यो
MAR 4:34 अखीन बिना हाना साँगयो उन ला काही नही साँगत होतो, पर एकलो मा उ आपरो चेला ला सब गोस्टी ला समझावत होतो।
MAR 4:35 ओनो दिवस जबा दिवस बुड़ गयो ता ओना उन लक कहीस “आव हमी झील को ओनागन चलबिन।”
MAR 4:36 अना उ भीड़ ला छोडके आपरो संगीगिन को सँग नाव पर चघके चली गयो अना ओको सँग अखीन नाव होतीन।
MAR 4:37 तबा मोठी आँधड़ आयी अना पहला चलन लक नाव मा पानी भरन लगयो।
MAR 4:38 अना यीसु जहाज को मंघा गद्दी मा झोप रहयो होत्यो, तबा चेलागीन ना जगाय के कहिन “हे गुरुजी हमि नास होय रही सेजन, का तोला हमारो चिंता नाहत?”
MAR 4:39 तबा ओना जाग के आँधी अना पानी ला हुकूम देइस। “सानत हो अना थमजा” अना आँधी वोतरो बेरा मा थम गई। अखीन मौसम सानत भय गयो।
MAR 4:40 ओना उन लक कहीस; “कायलाई डरासो? का तुमला अबा तकन भरोसा नहाय?”
MAR 4:41 अखीन वय गजब डराय गईन होतीन, अना आपसी मा कव्हन लगीन की “यो कसो मानूस से की जेकी हुकूम ला वारा अना पानी को लहर भी मानासेती?”
MAR 5:1 यीसु अना ओको चेला झील को ओनागन गिरोसेनियो नाव को जघा मा पहुचीन।
MAR 5:2 अना जबा उ नाव लक उतरीन तो गदने एक मानूस जेने पर बुरो आतमा धसी होतो, मरघट्टी लक हिटके ओला मिलयो।
MAR 5:3 उ मरघट्टी म रव्हत होतो। अना कोनी ओला साकल लक बाँध नही पाइन।
MAR 5:4 काहे की उ लगत गन साकल लक बाँधयो गयो होतो पर ओना उन साँकल ला भी तोड़ दियो होतो। अना बेडी ला भी टुकड़ा-टुकड़ा कर डाकिस, अना कोनी ओला बस नही कर पाइन काहेका उ लगत बलवान होतो।
MAR 5:5 उ रोज-रोज मरघट्टी अना पहाड़ मा बेमियात होतो। अना आपरो आप ला गोटा लक घायल करत होतो।
MAR 5:6 उ यीसु ला दुहुर च लक चोवके धायो। अना वोनो होयके डोस्का टेकिस।
MAR 5:7 अना उचो आवाज कव्हसे “हे यीसु सब लक वरता मा रव्हन वालो मोठो परमेस्वर को टूरा, मोरो लक तोरो का काम? मि तोला परमेस्वर को किरया देवसू की मोला तकलीफ नोको देस।”
MAR 5:8 काहेकी यीसु न वोको लक कहीस “अरे भूत-पलीत यो मानूस मा लक हिट जाय।”
MAR 5:9 यीसु ना ओको लक पुसीस की “तोरो काजक नाव से?” ओना जवाब देइस “सार संगाड़ से। काहे की हमि लगत सारी सेजन”
MAR 5:10 अना वय वोको लक गजब बिनती करीन “आमीला यो छेतर लक नोको हेड़स।”
MAR 5:11 उता पहाड़ी को ढलान मा खालमानी को एक करप चरत होतो।
MAR 5:12 सार-सांगड़ ना यीसु लक गीड़गीड़ायके बिनती करीन की “आमीला खालमानी मा डाक देव।”
MAR 5:13 तबा यीसु ना ओला हुकूम देइस। की हिट जाव, तबा सारो सार संगाड़ ओमा लक हिटके खालमानी को करप मा धस गई। अना करप जिनको गिनती दोन हजार को होती, लवकर झपट के झील मा धस पड़यो। अना बूड़ के मर गयो।
MAR 5:14 अना चरानवारा ना धायके नगर अना गांव मा यो खबर बिखराय देइन।
MAR 5:15 अना असो भयो ता ओला देखन ला लोक आइन। यीसु को जवर आयके वय वोनो मानूस ला जेमा भुत-पलीत झोमयो होत्यो कपरा घालयो हुयो अना बड़िया डिमाक चोयके डराय गीन।
MAR 5:16 अना चोवनवारा गीनना उनला सांगीन, का भुत झोमयो हुयो मानूस अना खालमानी को सप्पा हाल, कसो भयो?
MAR 5:17 अना वय ओला बिनती करके कव्हन लागीन, की हमरो सिवानो लक चली जाय।
MAR 5:18 अना जबा उ नाव पर चघन लगयो। तो उ जोन मा पयले भुत पलित होतीन, ओकोलक बिनती करन लगयो, की “मोला आपरो सँगा आवन दे।”
MAR 5:19 पर ओना ओला मना कर देईस अना ओला कव्हासे, “आपरो घर ला जाव अना जो काही पिरभु ना तोरो पर दया करीसेस, वोनो मोठो काम ला साँग।”
MAR 5:20 उ जायके दिकापुलिस मा यो गोस्टी को परचार करन लगयो। की यीसु ना मोरो लाई कसो मोठो काम करीसेस। अखीन सप्पा ना मोठो अचंभा करीन।
MAR 5:21 जबा यीसु मंग नाव लक ओनागन गयो ता एक मोठी भीड़ ओको जवर आयी, अना उ झील को जवर होतो।
MAR 5:22 अना याईर नाव को सभाघर को मुखिया मा लक एक मानूस आयके, ओको पाय पड़न लगयो।
MAR 5:23 अना ओना यो साँगके बिनती करन लगयो, की “मोरी नहानी टूरी मरन पर से, तु आयके ओको पर हात राखजो ता वा साजरी भई जाय अना जित्तो रव्हे।”
MAR 5:24 तबा उ सँग गयो अना मोठी भीड़ ओको मंघा भई गई यहान तकन की लोकगीन ओको पर गिरत पड़त होती।
MAR 5:25 अना एक बायको जोनको बारा बरस लक लाल धोवा जावत होती।
MAR 5:26 अना जेना बइद गीन लक लगत दुख उचलीस होतीस, अना आपरो सब काही खरच डाकिस पर काही फायदा नही मिलयो होतो, पर अखीन रोग बढ गयो होतो।
MAR 5:27 यीसु को चरचा आयक के भीड़ मा लक ओको मंघा आई अना कपरा को पल्लु ला छिवलेइस।
MAR 5:28 काहेकि उ कव्हत होती “अदी मि ओको कपरा को पल्लु ला च छिव लेहु तो साजरी भई जाहु।”
MAR 5:29 अना गदने ओको रकत बहनो बंद भई गयो। अना ओना आपरो देह मा जान लेइस, की मि ओना बीमारी लक साजरी भई गई सेव।
MAR 5:30 यीसु ना गदने आपरो मा जान गयो, की मोरो लक ताकत हिटी से, अना भीड़ ला मुरकके पुसिस, “कोन से जेने मोरो कपरा को पल्लु ला छुवीस?”
MAR 5:31 ओको चेला ना ओला कहिन “तु चोवसेस की भीड़ तोरो पर गिर पड़ से, अना तु कव्हसेस; की कोन ना मोला छुईसेस?”
MAR 5:32 तबा ओना ओला चोवन लाई चवतरफा नजर दौड़ाइस।
MAR 5:33 तबा वा बायको यो जानके की मोरी कसी भलाई भई से डरात अना कापत आयी, अना यीसु को पाय पड़के, ओको लक सबच हाल खरो-खर सांगिस।
MAR 5:34 ओना ओको लक कहीस; “टूरी तोरो भरोसा लक तु साजरो भईसेस। सान्ती लक जाव अना सारो संकट लक बची रव्ह।”
MAR 5:35 उ असो कव्हत होतो की सभाघर को मुखिया को घर लक खबर आई की “तोरी टूरी ता मर गई अब काय लाई गुरुजी ला दुख देवासेस।”
MAR 5:36 जोन गोस्टी वय कर रही होतीन, ओकी अनसुनी करके यीसु ना ओना सभाघर को मुखिया ला कहीस “नोको डराव; बस भरोसा राख।”
MAR 5:37 अना ओना पतरस अना याकूब अना वोको भाऊ योहन ला छोड़ अना कोनी ला आपरो सँग आवन नही देइस।
MAR 5:38 अना सभाघर को मुखिया को घर मा पहुचियो ता ओना लोकगीन मा हलचल चोविस।
MAR 5:39 तबा ओना भीतर जायके भीड़ ला कहीस “तुमी कायला बेचैन सेव, अना रडसो? टूरी मरी नही से पर जपमा से।”
MAR 5:40 लोकगीन ओकी हसी उडाईन, पर ओना सबला बाहेर हेडके टूरी को माय-बाप अना उनको सँगी ला आन कन भीतर गयो, जिता वा टूरी होती।
MAR 5:41 अना टूरी को हात धरके ओको लक कहीस, “तलीता कुमी।” जेनको लक मतलब से, “हे टूरी मि तोरो लक कव्हसू, उभो होय।”
MAR 5:42 अना टूरी गदने जाग के चलन फिरन लगीन। अना वा बारा बरस की होती। यो चोवके लोकगीन ला लगत अचंभा भयो।
MAR 5:43 मंग ओने उनला कड़ो हुकूम देइस, की यो गोस्टी कोनी ला नोको साँगने। अखीन असो कहीस का “टूरी ला काही जेवन लाई देव।”
MAR 6:1 उता लक हिटके यीसु आपरो गाँव नासरत मा आयो। अना ओको चेला ओको मंगा भई गईन।
MAR 6:2 यहुदीगीन को बिसराम दिवस उ पिराथना घर मा सिक्सा देवन लगयो। लगत लोक ओकी आयक के अचंभा भईन अना कव्हन लगीन “यो मानूस ला यो गियान ओला कोन ना देईसेस? एको हात लक कसो-कसो अचंभा को काम होवासेत?”
MAR 6:3 क उ बढ़ई को टूरा नहाय? जो मरियम लक पैदा भयो से अना जोन याकूब योसेस यहूदा अना सिमोन को भाऊ से। का ओकी बहिन गीन आमरो बीच मा नही सेत? लोकगीन ओको कारन लक ठोकर खाईन।
MAR 6:4 यीसु ना उनलक कहीस, “भविस्यवक्ता को का आपरो नगर आपरो कुटुंब अना घर को सिवाय कोनी जघा मा कोनी बेज्जती नही होवासे।”
MAR 6:5 मंग काही बिमार पर हात धरके उनला साजरो करके काही अचंभा को काम नही कर सकयो, काहेका उनना यीसु पर भरोसा नही राखिन।
MAR 6:6 अना उनको अबिस्वास लक वोला मोठो अचंभा भयो! मंग उ गाँव-गाँव सिक्सा देवत फिरयो।
MAR 6:7 बारा चेलागीन ला हाकलीस अना उनला दोन-दोन करके धाड़ीस। अना भुत पलित कहाड़न को हक देइस।
MAR 6:8 अना उन ला साँगीस, की “रस्ता मा जावतो बेरा लाठी ला सोड़ काही नही लेवने। ना भाकर-वाकर, झोला-झंकड़ अना न बसनी मा पैसा-वैसा काही नोको ठेवने।
MAR 6:9 पर पनही घालने, अना कहीस, दुई दुई कुरता नोको धरने।”
MAR 6:10 अना “तुम्ही जोन घर मा जावने तो वोना नगर छोड़न तकन उतच रव्हने।
MAR 6:11 जेने घर मा तुमरो आवभगत नही होहेत, अना तुमरी गोस्टी नही आयकेत तबा आपरो पाय की धुल भी झड़ाय देने का उनको पर गवाही होहेत”
MAR 6:12 अना उनना जायके परमेस्वर की साजरा बारता को परचार करन लगीन, का पाप लक मन ला हटाव।
MAR 6:13 अना उ लगत भुत-पलीत ला हेड़त अना बीमारगिन पर तेल लगाय के साजरो करत होतिन।
MAR 6:14 हेरोदेस राजा ना यीसु को बारे मा चरचा आयकिस का लोक कव्हसेत, “योहन बप्तिस्मा देवनवालो मर गयो, अब जित्तो भयी से, एको लाई वोको लक यो अचंभा को काम होवासेत।”
MAR 6:15 पर काही लोक सोचत होतीन। “का उ एलिय्याह से अना कोनी जुनो जुग का भविस्यवक्ता मा लक एक समजत होतीन।”
MAR 6:16 पर हेरोदेस राजा कव्हत होतो की “योहन जोनको मिना डोस्का कपवायो सेव, उ जित्तो भई गई से।”
MAR 6:17 राजा हेरोदेस ना आपरो सिपाही हुकूम देके योहन ला धरके जँजीर लक बाँधके जेल मा डाक दियो, ओना यो एको लाई करीस, काहेकि हेरोदेस ना हेरोदियास लक बिहा करयो होतो अना वा ओको भाऊ फिलिप्पुस की बायको होती।
MAR 6:18 काहेका योहन हेरोदेस ला कहीस “मोसे को नियम लक असो साजरो नहाय की तुमी आपरो भाऊ बहु ला राखो।”
MAR 6:19 एको लाई हेरोदियास योहन की गुस्सा करत होती, अना वा ओला मारन की तक्का मा रहोत होती, पर हेरोदेस को कारन मार नही सकी।
MAR 6:20 काहे का हेरोदेस योहन ला एक नेक अना पवीतर मानूस मानत होतो, येको लाय उ डरात होतो अना वोकी रक्सा करत होतो। जबा उ ओकी आयकत होतो, तब उ लगत डरात होतो, पर ओको गोस्टी खुसी लक आयकत होतो।
MAR 6:21 अना ठीक बेरा जबा हेरोदेस ना आपरो जलम दिवस मा मुख सेनापति अना गलील को मुख मानुसिन ला मोठो जेवन मा बुलाइस।
MAR 6:22 तबा वोकी भाउबहु हेरोदियास की टूरी ना नाचके हेरोदेस अना वोको पाहुना हुनला खुस करीस। तबा राजा ना वा टूरी लक कहीस, का “तु माँग मि तोरी मरजी ला पूरी करुँ।
MAR 6:23 अना वोना कसम खाइस का आपरो अरधो राज भी तोला दे देहू।”
MAR 6:24 तबा वा टूरी आपरो माय जवर जायके? पुसिस, अवो मायँ, मी काय माँगु? तबा वोकी माय ना वोला कहीस “योहन बप्तिस्मा देवनवालो को डोस्का।”
MAR 6:25 वा लवकर राजा जवर जायके कहीस, का “मि चाह्वसू का तु मोरो लाय भानी मा योहन बप्तिस्मा देवनवारा को डोस्का देजोस।”
MAR 6:26 तबा राजा कुम्हलाय गयो पर अपरो कसम खानो को कारन मना नही करीस।
MAR 6:27 अता राजा ना एकदम सिपाही ला धाडके वोको मान कापन को हुकूम देइस। उ गयो अना जेल मा वोको मान ला कापियो
MAR 6:28 अना वोला भानी मा आनके टूरी ला दे दियो, अना टूरी ना आपरो माय ला दे देईस।
MAR 6:29 यो आयक के ना योहन का चेला ऐना आइन, अना ओको लास ला मरघट्टी मा लीजाए के राखिन।
MAR 6:30 मंग पेरीतगीन यीसु को कठा एकठ्ठा भईन अना जोन काही उनना करयो होतीन, अना जनता ला सिकायो होतिन वा सब यीसु ला सांगीन।
MAR 6:31 यीसु ना आपरो चेलागीन ला कहीस, “चलबिन एकलो मा जाबिन, काहेकि यहान लोकगीन आवनो-जावनो करासेत, हमला जेवन को अना सुस्तान ला भी बेरा नाहत।”
MAR 6:32 एकोलाय वय नाव मा चघके, एक सुनसान जघा मा चली गयीन।
MAR 6:33 लगत लोक ऐना ना उनला जावत चोय लेईन अना चिन्ह लेईन तबा सब हिट के पाय-पाय धावके उन लक पुढा पहुचीन।
MAR 6:34 वोना खाल्या उतरके मोठी भीड़ चोयिस अना उन पर तरस आयो। काहेका वय असी मेढा जसो होतीन जिनको कोनी रखवालो नही होतीन। उ उनला सिकावन लगयो,
MAR 6:35 जबा दिवस बुढतो बेरा भयी होती, वोका चेला आयिन अना वोला कव्हन लगीन, “यो सुनसान जगह से। अना महातनी बेरा भय गयो।
MAR 6:36 इनला साँग का इता उता गाव अना बस्ति मा जायके जेवन लाय काही आनबीन।”
MAR 6:37 तबा यीसु ना जवाब देइस “त तुमीच उनला काही खान लाय देव, उनना कहिन, का आठ महिना को बनी को सिक्का की भाकर खरिद आनबिन अना उन लाय देबिन?”
MAR 6:38 वोना उन लक कहीस “जायके चोवो तुमरो जवर केतरी भाकर सैत?” उनना पता करीन ता “पाँच भाकर अना दुई मसरी सेत।”
MAR 6:39 यीसु ना चेलागिन ला हुकूम देइस, की सब ला हिवरो गवथ मा पंगत मा बसाय देव।
MAR 6:40 वय संबर-संबर अना पन्नास-पन्नास करके पंगत मा बस गइन।
MAR 6:41 वोना उन पाँच भाकर अना दुई मसरी ला लियो अना सरग कन चोयके परमेस्वर ला धन्य वाद करीस। अना भाकर ला तोड़के चेला ला देवत गयो। अना वय लोकगीन मा परसन लगीन अना वसोच दुई मसरी ला भी उन मा परोस देइन।
MAR 6:42 अना सब पोट भर जेय लेइन
MAR 6:43 चेलाइन ना भाकर अना मसरी को टुकड़ा को बारा टोपली भरके उचलीन।
MAR 6:44 वय करिब पाँच हजार मानूसगिन जेवन करीन!
MAR 6:45 तबा वोना एकदम आपरो चेलाइन ला नाव पर चघन ला मजबुर करीस का चेला गीन वोको लक पुड़ा वोना गन बैतसैदा ला चली जाहेत। तबा मंघा ओना भीड़ ला सार करीस।
MAR 6:46 अना उनला सार करके यीसु पहाड़ पर पिराथना करन गयो।
MAR 6:47 जबा दिवस बुडता सँजा बेरा भई ता यीसु एकलोच भुई मा होतो, अना नाव झील को बीच मा होती।
MAR 6:48 जबा यीसु ना चोयो की वय खेवत-खेवत घबराय गईन, काहे का वारा उल्टी चलत होती ता रात को 3 बजे को करीब मा उ झील पर चलत-चलत उनको जवर आयो, अना पुढा होवनो चाहत होतो।
MAR 6:49 पर चेलागीन ना यीसु ला झील पर चलतो चोयके वय समजिन का भुत से। अना चिल्लान लगीन।
MAR 6:50 काहेका सब वोला चोय के घबराय गईन, पर वोना एकदम उन लक कव्हयो “हिम्मत राखो। मि सेउ, नोको डराव!”
MAR 6:51 तबा उ उनको जवर नाव मा आयो ता वारा थम गई तब वय लगत चकित भय गईन।
MAR 6:52 उन ला एतरो भीड़ ला जेवन करानवालो चमत्कार समजमा नही आयो। एकोलाय उनको मन कड़ो भय गयो होतो।
MAR 6:53 वय उतरके गन्नेसरत गाँव मा धाड़िन अना नावघाट मा नाव लगाईन।
MAR 6:54 जबा वय नाव लक खाल्या उतरीन ता उता का लोकगीन गदने यीसु ला चीन्ह लेइन।
MAR 6:55 तबा यहुदिया अना इता-उता परान लगीन अना सब लोक बीमार गीनला खाट पर डाकके जितानि-उता खबर मिलयो का उ वहान से उतच लक आनन लगीन
MAR 6:56 अना जिता-जिता गाँव नगर अना बस्ति मा उ जावत होतो लोक बीमारगीन ला बाजार मा राखके ओको लक बिनती करत होतीन, का उ उनला आपरो कपरा को छोर ला छुवन दे, अना जेतरा वोला छुवत होतीन, वय सप्पा साजरो भय जात होतीन।
MAR 7:1 तब फरिसी अना मोसे को नियम को गुरू, जोन येरुसलेम नगर लक आयो होतीन ओको आखा-पाखा जुमला भईन।
MAR 7:2 अना ओको चेला गीनला बिना हात धोये के जेवन जेवत चोइन।
MAR 7:3 काहे का फरिसी अना सब यहूदी अना मुखिया बिना हात धोवन को नेम कियो जेवत नही होतीन, काहेकि बाप दादो की रिवाज मा चलत होतीन,
MAR 7:4 अना बाजार लक आयके, पानी लक आपरो आप ला सुध्द करत होतीन तबच जेवत होतीन। असो बेजा सारो रिवाज ला मानके चलत होतीन, जसो कटोरा करसा ताँबा को भाँडो ला धोवनो अना माँजनो।
MAR 7:5 फरिसी मुखिया अना मोसे को नियम को गुरू गिन ओको लक पुसिन “असो काय बात से? का तोरो चेला गीन बापदादा को रिती रिवाज नही चला सेत अखीन बिना हात धोये जेवासेत?”
MAR 7:6 यीसु ना उन लक कहीस, “यसायाह भविस्यवक्ता ना तुम्हि कपटीगीन को लाय सहीच लिख्योसे” “वय लोक गीन टोन्ड लक मोरो आदर करासेत, पर इनको दिल मोरो लक लगत दूहुर सेत।
MAR 7:7 वय फालतू मा मोरो भगती करासेत, अना मानूस को सिक्सा ला धारमिक नियम को रुपमा सबला सिकावासेत।”
MAR 7:8 “तुमी परमेस्वर को हुकूम ला टालासो अना मानूस को रीती रिवाज ला पालन करोसो।”
MAR 7:9 यीसु ना उनलक कहीस, “तुम्हि लोक बेजा चलाक सेव, परमेस्वर की हुकूम ला तोड़के खुदच की रिति रिवाज ला मानासेव।”
MAR 7:10 तुमहि ला मोसे ना सांगयो होतो, “आपरो माय-बाप को आदर करने, अना जोन कोनी माय-बाप ला बुरो कहे, उ मार दियो जाय”
MAR 7:11 पर तुम्हि सांगासो कोनी मानूस आपरो माय-बाप कहेत का, जोन काही पालन को खरचा से, ओला मि परमेस्वर ला भेट करासेऊ।
MAR 7:12 ता वोला आपरो माय-बाप को लाय काही नही करन देसो।
MAR 7:13 यो तरीका लक तुम्हि आपरो रीत लक परमेस्वर को हुकूम ला टाल के ना आपरी रीती रिवाज ला मानासो।
MAR 7:14 यीसु ना जनता ला आपरो कठा बुलाके उन ला साँगीस, “तुमी सब मोरी गोस्टी ला आयको अना समजो।
MAR 7:15 असी कोनी बाहरी चीज नहात जोन मानूस को भीतर जायके वोला असुद करे। जोन भीतर लक बाहेर आवासे ता वा च असुद करासे।
MAR 7:16 जोको कठा कान से, उ मोरी आयको।”
MAR 7:17 जबा उ जनता को कठा लक घर मा गयो, त चेला गीन वोको लक हाना को बारे मा पुसन लगीन,
MAR 7:18 यीसु ना कहीस “का तुमी एतरो नासमज सेउ का? तुम्हिला एतरो समज नहात? का जोन चीज बाहेर लक मानूस को भीतर जासे वा मानूस ला असुद नही करासे।
MAR 7:19 काहे की उ मन मा नही पर सीध्दो पोट मा जावासे, अना हगतबेरा बाहेर हीट जासे,” असो परकार यीसु ना सब जेवन को चीज ला पवीतर ठयरायो।
MAR 7:20 यीसु ना मंग साँगयो, “जोन मानूस मा लक हिटासे वोच, ओला असुद करासे।
MAR 7:21 काहेका भीतर मन लक खोटो बिचार, मजे छिनालापन, चोरी, जान लक मारनो,
MAR 7:22 लोभ, खोटो गोस्टी, छल, लुचपन, खोटो नजर, निन्दा, अहम अना मुरखता हिटसे,
MAR 7:23 यो सब खोटो गोस्टी मानूस को भीतर लक हिटासे, यो मानूस ला असुध्द करासे।”
MAR 7:24 मंग यीसु उता लक सुर अना सैदा देस को सीवमेढ मा आयो अना एक घर मा गयो। उ चाहत होतो की कोनीला पता नोको चले, पर उ लुक नहि सकयो।
MAR 7:25 एक बायको, जोकि लहान टूरी, एक भूत को कब्जा मा होती वा यीसु को बारे मा आयक के आई। अना यीसु को पाय पडन लगी,
MAR 7:26 वा बायको गैरयहूदी होती। जोन सीरिया देस की रव्हनवारी होती। वोना यीसु लक बिनती करी का मोरी टूरी लक भूत ला हेड़ दे।
MAR 7:27 यीसु ना वा बायको लक कहीस, “पुढा टुरागीन ला अघान दे, काहे का टूरा को भाकर कुतरा को पुढा डाकनो साजरो नहाय।”
MAR 7:28 “वोना जवाब देईस।” पिरभु या बात खरो से, “पर कुतरा जुठन-जाठन जेवासेत।”
MAR 7:29 यीसु ना वोको लक कहीस, “तोरो भरोसा को कारन, भूत तोरी टूरी मा लक हिट गयो।”
MAR 7:30 जबा वा बायको आपरो घर मा जायके चोयी, टूरी खाट मा सोयी होती, अना भूत हिट गयो होतो।
MAR 7:31 मंग सुर सैदा को देस लक हिटके, दिकापुलिस मजे दहा नगर लक होतो, गलील को सागर कठा पहुचयो।
MAR 7:32 अना लोकगीन एक बावरो ला जो हकलात होतो, ओको जवर आनीन अना बिनती करीन की ओको पर हात राख
MAR 7:33 तबा वा बावरो ला भीड़ कन लक अलग ले गयो, अना आपरो बोट ला ओको कान मा डाकीस अना थुक के ओकी जुबान ला छुईस
MAR 7:34 अना सरग कना देखके ओना पोट भर सांस लेके कहीस, “इप्फत्तह” मजे “उघड जाय।”
MAR 7:35 अना ओको कान उघड़ गईन अना जुबान को बंधन भी उघड़ गई मंग उ सप्पा-सप्पा बोलन लगयो।
MAR 7:36 तबा ओना उनला कहीस, यो गोस्टी को कोनी ला परचार नोको सांगने, पर मना करनो पर वय अखीन ओको बारे मा सांगन लगीन,
MAR 7:37 अना वय लगत चकित भयके कव्हत होतीन, “वोना जोन काही भी करीसेस, साजरोसे। उ मुक्कोपन ला बोलन अना भैरागीन ला आयकन को ताकत देसे।”
MAR 8:1 ओनो दिवस मा जबा मोठी भीड़ एकठ्ठी भई अना उनको कठा काही जेवन ला नही होतो। तबा ओना आपरो चेला इन ला जवर बुलायके, उनला साँगीस।
MAR 8:2 मोला यो भीड़ ला चोवके तरस आवासे, काहेका अज तीन दिवस भयो, मोरो संग सेत, उनको कठा जेवन लाय काही नहात।
MAR 8:3 अदी मि इनला भुखो घर धाड़ूसु, तबा यो रस्ता मा बेहोस भय जाहेत, उनमा लक लगत लोक बेजा दुहुर लक आई होतीन।
MAR 8:4 यीसु को चेला गीन वोला जवाब देईन। यो सुनसान जघा मा एतरो जेवन कहान मिलहेत?
MAR 8:5 यीसु ना उनलक कव्हयो, तुमरो जवर केतरी जेवन सेत? उनना जवाब देईन सात भाकर!
MAR 8:6 तबा ओना जनता ला जमीन मा बसन लाय कहीस, यीसु ना सात भाकर धरके परमेस्वर ला धन्यवाद देईस। अना भाकर को टुकड़ा करके चेला गीन ला देइस, तबा वय उनला परसन लगीन।
MAR 8:7 उनको कठा काही लहान-लहान मसरी होतीन, वोला वसोच परमेस्वर ला धन्य वाद देके, उनला परसन ला कहीस।
MAR 8:8 तबा वय लोक जेयके अघाय गईन, अना चेला गीन बचयो सात टोपली भरके उचलीन।
MAR 8:9 अना लोक चार हजार को करीब मा होतीन। तबा उनला वोना सार करीस।
MAR 8:10 अना उ झट आपरो चेला गीन को संग नाव मा चघके दलमनुथा नाव को जघा मा चली गयो।
MAR 8:11 मोसे को नियम को गुरू आयके यीसु संग बैस करन लगीन, अना ओला परखन लाई ओको कन लक काही सरग लक निसान मांगन लगीन।
MAR 8:12 ओना आपरी मन लक पोट मा सांस भरके कहीस, यो बेरा को लोकगीन कायलाई निसान ढुंढासे? मि तुमरो लक खरो सांगुसू, यो बेरा को लोकगीन लाय काही निसान नहात।
MAR 8:13 अना उ उनला वहान सोड़के अना नाव पर चघयो अना वोनागन गयो।
MAR 8:14 चेलागीन भाकर राखनो भूल गयो होतीन। अना नाव मा उनको कठा एकच भाकर होतो।
MAR 8:15 ओनो बेरा यीसु ना उनला ध्यान देवाके कव्हसे, चोवो! फरिसी गुरूगीन को खमीर अना हेरोदेस राजा को खमीर लक चाकपाक रव्हने।
MAR 8:16 एको पर वय आपसी मा बेस करके कव्हन लगीन, आमरो कठा भाकर नहात, एकोलाय यो असो सांगासे।
MAR 8:17 यीसु ना यो जानके उनलक कहीस, तुमी आपस मा मन मा काहे सोचसो? का आमरो कठा भाकर नहात। का तुमला अबा तकन समज मा नही आयो से, का तुमरो “अक्ल मा गोटा पड़ गयो से?”
MAR 8:18 तुमरो “डोरा से का चीज को बीज”, अना “कान से का परसा को पान” अना तुमला हेत नहाय?
MAR 8:19 जब मिना पांच हजार मानूस लाई भाकर तोड़ो होतो तबा तुमना केतरी टोपली भाकर को टुकड़ा उचलो होतो। उन ना कहीन बारा।
MAR 8:20 जबा चार हजार मानूस लाय सात भाकर ला दियो, तबा तुमी ना केतरो टोपली भरके उचलो होतो, उन ना कहीन सात।
MAR 8:21 यीसु ना उनला कहीस का तुमी अबा तकन नही समजयोसेव?
MAR 8:22 वय बैतसैदा गांव मा आइन। तबा लोकगीन एक अँधरा ला ओको जवर आनीन अना ओको लक बिनती करके कव्हन लगीन एला साजरो कर।
MAR 8:23 अना यीसु ना अँधरा ला हात धरके गाँव को बाहेर ले गयो, अना ओना ओको डोरा मा लगावन साठी थुकीस, अना ओदो हात करके आपरो हात वोको डोरा मा राखके वोला पुसिस का तोला काही चोवसे?
MAR 8:24 डोरा उचलके ओना कहीस की मि लोकगीन ला झाड़ जसो चलतो चोवसू।
MAR 8:25 मंग दुबारा ओना अँधरा को डोरा मा हात राखीस तबा ओला साजरो-साजरो चोवन लगयो।
MAR 8:26 यीसु ना ओला यो साँगके धाडीस, मंग यो गाँव मा दुबारा पाय नोको राखजोस। पर आपरो घर जाय।
MAR 8:27 यीसु आपरो चेला गीन को सँग, कैसरिया फिलिप्पी को आखा-पाखा को गाँव मा आयो। रास्ता मा ओना चेलागीन लक असो पुछिस का लोक मोरो बारे मा काजक कव्हसेत?
MAR 8:28 उनना कहिन कोनी योहन बप्तिस्मा देवन वालो कव्हासेत अना कोनी भविस्यवक्ता एलिय्याह अना काही को कव्हनो से का कोनी जुनो भविस्यवक्ता मा लक एक से।
MAR 8:29 उ उन लक पुसासे? तुम मोला काजक कसो? मि कोन आँवू? पतरस ओला कहीस, तु परमेस्वर को कन लक “सूटकारा देवन वालो मसीह आस।”
MAR 8:30 तबा उ उनला चेतायके हुकूम देइस, तुमी मोरो बारे मा कोनी लक नोको साँगने।
MAR 8:31 मंग यीसु उनला सिकावन लग्यो का “मानूस को टूरा” को लाय यो जरुरी सेत का उ लगत दुख उठाएत सयानो, मुखिया याजक, अना मोसे को नियम को गुरू लक नकारो जाय, अना मार डाको जाए। मंग तीन दिवस को मंघा जित्तो भय जाए।
MAR 8:32 यो गोस्टी ला आयक के मंग पतरस वोला एककन ले जायके डाटन लगिस।
MAR 8:33 पर वोना पलट के चेला ऐना ला चोविस, अना पतरस ला डाटके कहीस, हे सैतान मोरो पुढा लक दुहूर भय जाय, तु परमेस्वर को नही पर मानूस को गोस्टी पर मन लगावसेस।
MAR 8:34 वोना गरदी लक चेला गीनला जवर बुलायके सांगिस, अदी कोनी मोरो मंघा आवन चाव्हासे, उ आपरो आप ला तज देय। अना आपरो कूरूस ला उचलके मोरो मंघा आहेत।
MAR 8:35 काहे का जो आपरो परान ला बचावनो चाव्हासे, उ वोला खोय देहे। अना जो कोनी मोरो अना मोरो साजरो बारता साँगन लाय आपरो परान खो देयेत, उ ओला सुरक्सित पाहेत।
MAR 8:36 काहे का अदी मानूस सारो जगत ला पायके ना, आपरो जान की हानि उठायेत ता का फायदा?
MAR 8:37 काहेकि मानूस आपरो जान को बदला मा, का दे सकसे?
MAR 8:38 जो कोनी यो खोटो अना पापी पीढ़ी बेरा मा मोरो लक अना मोरो गोस्टी लक लजाहे ता मानूस को टूरा भी जबा आपरो पवीतर सरगदूत को सँग आपरो परमेस्वर बाबूजी को महिमा मा आहे, तबा उ भी उनला आपरो कव्हन लाय लजाहे।
MAR 9:1 अना यीसु जनता लक कव्हासे, मि तुमरो लक खरो कव्हुसू, का जोन यहान उभो सेत उनमा लक कोनी कोनी असो से, का जबा तकन परमेस्वर को राज ताकत लक आयो नही चोव लेहेत, तबा तकन वय नही मरहेत।
MAR 9:2 एक हफ्ता को मंघा यीसु ना पतरस याकूब अना योहन गिनको सँग एक लगत उच्चो पहाड़ को वरता गयो। अना उता उनको पुढा यीसु को रुप बदल गयो।
MAR 9:3 ओको कपरा असो चमकन लग्यो जसो कोनी बरेठ धरती मा असो पाँढरो नही कर सकत, एतरो पाँढरो होतो।
MAR 9:4 अना उनला भविस्यवक्ता मोसे अना एलिय्याह चोयो, वय यीसु को सँग गोस्टी करत होतीन।
MAR 9:5 तबा पतरस यीसु ला कव्हासे, हे गुरू जी! हमरो यहान रव्हनो साजरो से, एकोलाय आमी तीन मान्डो बनाबिन एक तोरो एक मोसे अना एक एलिय्याह लाय।
MAR 9:6 काहेका वय बेजा भेवमा होतीन एकोलाय काजक जवाब देवनो से वोला समजमा नही आयो।
MAR 9:7 तबा एक बादल ना उनला ढाक लेईस। अना वय बादल मा लक यो आवाज आयकू आयी, का यो मोरो चहेतो टूरा आय, एको आयको।
MAR 9:8 तबा उनना एकाएक आख-पाखा चोइन, अना यीसु को सीवाय आपरो सँग कोनी ला नही पायीन।
MAR 9:9 पहाड़ लक उतरतो बेरा वोना हुकूम देइस, का जबा तकन मानूस को टूरा मरके जित्तो नही होवासे। तबा तकन जोन काही तुम्ही ना चोयीसेव कोनी लक नोको साँगने।
MAR 9:10 उनना यो गोस्टी ला हेत करके आपसी मा बातचीत करन लगीन, का मरो मा लक जी उठनो काजक से?
MAR 9:11 अना चेला गीन कव्हन लगीन, मोसे को नियम को गुरू काय लाय कव्हासेत? पयले एलिय्याह को आवनो पक्को सेत?
MAR 9:12 वोना जवाब देइस, एलिय्याह सच मा पुढा आयके सब काही सुधारेत? पर मानूस को टूरा को बारे मा कायलाई लिखीसे की उ लगत दुख उचले अना निकम्मो गिनो जाहे।
MAR 9:13 अना मि तुम लक कव्हसु, का एलिय्याह तो आय गयो से? अना जसो ओको बारे मा लिखयो से उ सबच पूरो भय गयो से।
MAR 9:14 जब यीसु चेला गीन को कठा आयो, तो चोयीस का उनको आखा-पाखा भीड़ जमा होती; अना मोसे को नियम को गुरू उनको सँग बैस करत होतीन।
MAR 9:15 अना ओला चोयकेना सब गजब चकित भईन अना ओको कन धावके ओला दन्डवत करीन।
MAR 9:16 यीसु ना चेलागीन लक पुछिस तुमी इनको सँग कायला बैस करोसो।
MAR 9:17 भीड़ मा लक एक ने ओला जवाब देइस, हे गुरुजी मि आपरो टूरा ला जेनको पर भूत झोमो से वोला तोरो कठा आनयो होतो।
MAR 9:18 जितानी-उतानी वा ओला धरके अना पटक देसे, ओला मिरगी आवासे मिना तोरो चेला ला भूत कहाडन लाय कव्हयो, पर वय कोनी काम को नाहत ओला नही कहाड़ सकीन।
MAR 9:19 यो आयक के ओना जवाब देइस तुम्ही अबिस्वासी काहे बनयो सेव? मि कब लक तुमरो सहुँ? बिमार ला मोरो कठा आनो।
MAR 9:20 तबा उ बीमार ला ओको कठा आनीन, तब ओना डोरा भरके ओला चोइस, अना वा भूत ओला मरोड़न लगयो, अना जमीन मा पटकन लगयो, अना उ टोन्ड लक फेसकुड़ फेकन लगयो।
MAR 9:21 तबा यीसु ना ओको बाबूजी ला कहीस, एको हाल कब लक से? ओना साँगीस का नहानपन लक से।
MAR 9:22 अना वोना ओला नास करन ला कभी स्तो मा, कभी पानीमा पड़ात होतो, पर तु काही कर सकासेस, ता हमरो पर तरस खायके एला साजरो कर।
MAR 9:23 यीसु ना ओला कहीस, अदी जोन भरोसा राखासेत, वोको लाय सब काही होय सकासे।
MAR 9:24 टूरा को बाबूजी ना तुरत गिड़गिड़ाय के कहीस, हे पिरभु मी बिस्वास राखुसू तु मोरो अबिस्वास को उपाय कर।
MAR 9:25 जबा यीसु ना चोविस की लोकगीन धावके भीड़ लगावसे, तो ओना भूत ला हुकूम देइस। हे गुंगो अना बावरो भूत! एको मा लक हिट जाय, अना एको मा दुबारा नोको धसजोस।
MAR 9:26 तबा भूत बेमियायके ओला लगत मरोड़के वोमा लक हिट गयो। अना उ टूरा मरो जसो भय गयो, एतरो तकन की लोग कव्हन लगीन, उ मर गईसे।
MAR 9:27 पर यीसु ना ओको हात धरके ओला उचलीस, अना उभो भय गयो।
MAR 9:28 जबा उ घर मा आयो, तो ओको चेला ना ओको लक एकलो मा पुसिन, आमी ओला काय ला नही कहाड़ सकया।
MAR 9:29 वोना उनला साँगीस की असो भूत-पलित बिना पिराथना कियो नही हिटासे।
MAR 9:30 मंग यीसु अना चेलागिन उता लक हिटके अना गलील मा लक जावत होतो, उ नही चाव्हत होतो का कोनी जान पाहे, का वय वहान पर सेत।
MAR 9:31 काहेका उ केवल आपरो चेला गीन ला सिक्सा देवत अना कव्हत होतो। मानूस को टूरा मानूस गीन को हात धराय देहेत अना वोला मार दियो जाहेत, अना उ मरनको तीन दिवस मघा जित्तो भय जाहेत।
MAR 9:32 पर या सबद उनको समज मा नही आई। पर वय पुसन लक डरात होतिन।
MAR 9:33 अना वय कफरनहुम नगर मा आइन, घर मा धसन को मंघा यीसु चेलागीन ला पुसासे की रास्ता मा तुमी कोन गोस्टी लक बैस कर रहया होता।
MAR 9:34 पर वय ऊगो मुगो भय गईन, काहेका उ रास्ता मा यो बैस करत होतीन, का आमरो मा कोन मोठो से?
MAR 9:35 तबा यीसु बस गयो अना वय बारा ला हाकलके कव्हसे? अदी कोनी मोठो होवनो चाव्हसे, तो सब लक लहान बन जाय, अना सबको दास बनेह।
MAR 9:36 अना एक नहानो सो टूरा ला आपरो कन्हिया मा धरके कव्हासे।
MAR 9:37 जो कोनी मोरो नाव लक असो टूरा मा लक कोनी एकच ला भी अपनावसे उ मोला अपनावासे अना जो कोनी मोला अपनावासे, उ मोला नही मोरो धाड़न वालो परमेस्वर ला अपनावासे।
MAR 9:38 तबा योहन ना ओको लक साँगीस, हे गुरूजी आमी ना एक मानूस ला तोरो नाव लक भूत-पलीत ला हेडतया देखाया अना ओला अमीना मना करीसेजन,
MAR 9:39 यीसु ना कहीस का वोला मना नोको करो। काहे का असो कोनी नहात जोन मोरो नाव लक अचंभा को काम करे अना मोला बुरो कहे।
MAR 9:40 काहेका जोन आमरो विरोध मा नहात, उ आमरो कना से।
MAR 9:41 जोन कोनी तुमला मसीह होवन को कारन मोरो नाव लक एक गिलास थन्डो पानी देहे, मी तुमला खरो कव्हासू तो वोला आसीस मिलेह।
MAR 9:42 जोन कोनी ऐना लहान लक जोन मोरो पर भरोसा ठेवासे, अना कोनी पाप को कारन बनकर उनको भरोसा तोड़ देसे, ता भलो होतो की एक मोठो चक्की को पाट वोको गरो मा बांधके वोला समुदर मा डाक दियो जातो।
MAR 9:43 अदी तोरो हात तोरो पाप को कारन बनासे, ता उ हात ला कापके फेक दे, भलो से की तु टुन्डो भयके जीवन पावजोस पर दुई हात को रहतो नरक मा नही पड़जोस, जहान को स्तो कभ्भू नही बुझेत।
MAR 9:44 जहान कीड़ा नही मरन को अना स्तो नही बुझन को।
MAR 9:45 अदी तोरो पाय तोला पाप को कारन बनासे, तुमी वोला काप डाक, चांगलो जिंदगी योच से का तुमी लगड़ा भयके परमेस्वर को राज मा जावो पर दोन पाय को रहतो नरक मा जानो साजरो नहात।
MAR 9:46 जहान कीड़ा नही मरन को अना ना स्तो बुझन को
MAR 9:47 अखीन अदी तोरो डोरा तोला पाप को कारन बनासे ता ओला हेड़ दे, भोकना भयके परमेस्वर को राज मा धसनो तोरो लाई साजरो से दुई डोरा धरके नरक मा जानो लक।
MAR 9:48 जिता उनको कीड़ा नही मरा अना स्तो नही बुझा।
MAR 9:49 जसो नोन बलिदान ला सुध्द करासे, वसोच हर एक मानूस स्तो लक सूद कियो जाहे।
MAR 9:50 नोन त साजरो से, पर अदी नोन को स्वाद चलो जाहे, त कोनती सी चीज लक नमकीन करयो जाहे, एकोलाय आपरो मा नोन राखो, अना आपस मा मेल जोल राखो।
MAR 10:1 यीसु मसीह ना ओना जघा ला सोड़ देइस अना यहुदिया को छेतर लक होयके यरदन नदी को पार आयो। अना भीड़ ओको कठा एकठ्ठा भई अना वय अपरो रिति लक उनला सिक्सा देवन लगयो।
MAR 10:2 फरिसी दल को लोक यीसु को जवर आइन, अना वोको परिक्सा लेवन को ठानके पुसन लागीन। का मोसे को नियम लक नवरा आपरी बायको ला छोड़ासे? का यो खरो से?
MAR 10:3 ओना उन लक कहीस गुरुजी मोसे ना तुम ला काजक हुकूम देइसेस?
MAR 10:4 उनना कहिन गुरुजी मोसे ना ता आपरी बायको ला कागद मा लिखके छोड़छुट्टी देवन को हुकुम दियोसे।
MAR 10:5 यीसु ना उनला कहीस, तुमरो गोटा जसो मन होवन को कारन ओना तुमरो लाय असो हुकूम लिखीसेस।
MAR 10:6 सुरुआत मा परमेस्वर ना मरद अना बायको ला बनाईस।
MAR 10:7 एकोलाय मानूस आपरो माय बाबूजी ला सोड़हेत अना आपरो बायको को संग च रहेत। अना वय दुही एकच तन होहेत।
MAR 10:8 असो परकार अबा वय दुई नही पर एकच देह सेत।
MAR 10:9 एकोलाय जोन ला परमेस्वर ना जोड़ीसेस ओला मानूस अलग नोको करेत।
MAR 10:10 चेला गीनना घर पहुचके यो बारे मा यीसु लक मंग सवाल करीन।
MAR 10:11 यीसु उनला कहीस, जोन कोनी आपरी बायको ला सोड़ के दुसरी पाठ करेत, ता उ पयली को विरोध मा खोटो काम करासे।
MAR 10:12 अना अदी बायको आपरो नवरा ला सोड़के दुसरो लक पाठ करेत ता वा खोटो काम करासे।
MAR 10:13 लोक यीसु को जवर लेकरा गीनला आनीन, का उनला आसीरवाद देये। अना चेलागीन उनला डटकारन लगीन।
MAR 10:14 यीसु ना यो चोयके गुस्सा लक उनलक कहीस, लेकराइन ला मोरो जवर आवन देव अना उनला मना नोको करो। काहे का परमेस्वर को राज असोच लोकगीन को से।
MAR 10:15 मी तुम लक खरो कव्हसु, जोन कोनी परमेस्वर को राज लेकरा को समान नही अपनाहेत, वय ओमा कभी धस नही पाहेत।
MAR 10:16 अना ओना ओला कन्हिया मा राखके ओको पर हात राखीस अना उनला आसीस देइस।
MAR 10:17 अखीन जबा यीसु जतरा को लाई हिटत होतो। तबा एक मानूस धावत आयो, अना ओको पुढा टोघरा टेकके ओना यो पुसयो, ओ साजरो गुरु! मि अमर जीवन ला पावन लाई का करू?
MAR 10:18 यीसु ना ओको लक कहीस, तु मोला साजरो काहे कव्हासे? परमेस्वर ला सोड़के कोनी बेस नहात।
MAR 10:19 तु हुकूम ला जानासेस का कोनी को जियान नोको लेवने, छिनाली नोको करने, चोरी नोको करने, झुठो पुरुप नोको देने, छल नोको करने, आपरो माय बाबूजी को आदर करने।
MAR 10:20 ओना यीसु ला कहीस, हे गुरुजी एने गोस्टी ला ता मि नहानपन लक मानता आयीसेऊ।
MAR 10:21 यीसु ना ओला नजर गड़ायके ध्यान लक चोयीस, अना ओको दिल मा माया उमड़ गयो। यीसु ना ओला कहीस, तोरो मा एक गोस्टी की कमी से, जाय अना जो तोरो तिजोरी माल से ओला गरीब गोर इनला देदे, अना आयके मोरो मंघा चल तब तु परमेस्वर को राज मा मजे सरग मा धन पावजोस।
MAR 10:22 यो आयक के ओको टोन्ड उदास भय गई, अना उ टोन्ड उतारके घर चली गयो, काहेका उ लगत धनी होतो।
MAR 10:23 यीसु ना आसपास मा चोयके आपरो चेला गीनला कव्हयो धनवान को परमेस्वर को राज मा धसनो गजब कठिन से।
MAR 10:24 यीसु की गोस्टी ला आयक के चेला चकित भईन, तब यीसु ना उनला जवाब देइस, ओ लेकरागिन जोन धन पर भरोसा राखासेत, उनको परमेस्वर को राज मा धसनो गजब कठिनसे।
MAR 10:25 ऊट ला सुई को छेद लक पार होय जानो सरल से। पर धनी मानूस को परमेस्वर को राज मा धसनो सरल नहात।
MAR 10:26 चेलागीन गजब चकित भयके कव्हन लगीन, अता कोन को सूटकारा होय सकासे?
MAR 10:27 यीसु ना उनला चोयके कहीस, मानूसगिन लक ता असो नही होय सकासे, पर परमेस्वर को लाय सरल से।
MAR 10:28 पतरस न ओको लक कहीस, देख, आमी त सब काही छोड़- छाड़ के तोरो मंघा आईसेजन।
MAR 10:29 यीसु खरोपन लक उनला कव्हासे, जोन मोरो अना साजरा बारता को कारन, आपरो घर, भाऊ, बहिन, माय अना बाप अना लेकरा अना खेत ला सोड़ दियो से।
MAR 10:30 अना योच जीवन मा सौ गुना पाहेत, घर, भाऊगीन, बहिनगीन, मायगीन, लेकरागीन अना खेत, इन सबको संग सताव अना आवन वारा जुग मा हरामेसा को लाय जिन्दगी भेटेत।
MAR 10:31 पर वय जोन पुढा सेत, वय मंघा होहेत, अना जो मंघा सेत, वय पुढा होयेत।
MAR 10:32 यीसु अना वोको चेला येरुसलेम नगर जावनवारी रस्ता मा लक जावत होतिन। अना यीसु पुढा-पुढा चलत होतो, तबा उन बारा ला वोना आपरो पर आवनवालो मुसीबत को बारे मा सांगिस यो आयक के चेलागीन चकित होय गईन, अना ओको मंघा आवनवालो लोकगीन डराय गईन।
MAR 10:33 चोवो, आमी येरुसलेम नगर ला जावासेजन, अना “मानूस को टूरा” मुखिया याजक अना मोसे को नियम को गुरू गीनको हात मा सोप दियो जाहेत, अना वोला जान लक मारन को दन्ड देवन काजी, गैर यहुदीगीन को सुपरत कर दियो जाहे।
MAR 10:34 वय वोको मजाक उड़ाहेत, थुकेत अना मार डाकेत, अना उ तीन दिवस मा जित्तो होय जाहेत।
MAR 10:35 तबा जबदी को टूरा याकूब, अना योहन ना यीसु को कठा आयके कहिन, “हे गुरुजी, हमी चाव्हसेजन का तोरो लक जो काही भी माँगबिन, तु हमरो लाय करजोस।”
MAR 10:36 ओना उन लक कहीस, की “तुम काजक, चाव्हसो? मि तुमरो लाई काजक करु?”
MAR 10:37 उनना ओको लक कहिन “जबा तु महिमा को सँग सिहासन मा बसजोस तबा, आमी मा लक एक ला उज्जो अना दुसरो ला डाखयो मा बसाजोस।”
MAR 10:38 यीसु ना उन ला कहीस “तुम्ही नही जानासेव, का काजक माँगसो? जोन दुख को बटकी मि पीवन पर सेउ, वोला तुमी वोला पी सकसो? अना का जसो मी बप्तिस्मा लेवन ला तैय्यार सेव, वसोच तुमी भी बप्तिस्मा लेवन ला तैय्यार सेव?”
MAR 10:39 उनना ओको लक कहिन की, “हव हमि ले सकासेजन।” एतरो पर यीसु ना कहीस “जोन बटकी मि पीवन पर सेउ, ओला तुमी भी पीहो अना जोन बप्तिस्मा मोला लेनो से वोला तुमी लेहो,
MAR 10:40 मंग परमेस्वर ना जिनको लाई जघा तैय्यार करीसेस उनला च दियो जाहे। अना कोनी ला आपरो उज्जो अना डाख्यो बसानो मोरो काम नाहत।”
MAR 10:41 असो आयक के दहा चेलागीन याकूब अना योहन पर गुस्सा होय गईन।
MAR 10:42 यीसु ना चेला गीन ला जवर हाकलके कहीस, “तुमी जानसो का जोन दुसरो लोकगीन को राजा अना अधिकारी जानो जावासे, उ आपरी जनता पर हक जमावासेत।
MAR 10:43 पर तुम्ही मा असी बात नाहत पर जो तुम्ही मा पयले होवनो चाव्हासे व पयले तुमरो दास बनेह।
MAR 10:44 जो तुम्ही मा मुखिया होवनो चाव्हासे व सबका दास बने।
MAR 10:45 काहे की मानूस को टूरा आपरी सेवा करान लाय नही, पर सेवा करन ला अना सबको लाय पाप को दाम चुकावन अना सूटकारा देवन आयो से। अना लगत लोक गीनला सोड़ान को लाय आपरो परान देदे।”
MAR 10:46 यीसु अना ओको चेला यरीहो लक होयके जाय रही होतीन, तिमाई को टूरा बरतिमाई एक अँधरा भिखारी होतो, अना सड़क को कगर मा बसयो होतो।
MAR 10:47 जबा ओना आयकिस, की उ नासरत वालो यीसु से, जोन जावासे, ता हाकल के कव्हन लगयो, “हे यीसु नासरी दाऊद को सन्तान! मोरो पर दया कर!”
MAR 10:48 लगत लोक ओला डटकारन लगीन की चुप रव्ह, पर उ अखीन जोर-जोर लक हाकलन लगयो, “हे दाऊद को सन्तान मोरो पर दया कर।”
MAR 10:49 यीसु रुकयो अना कहीस, “ओला बुलाव,” लोकइन ना ओला बुलाइन अना कहीन की “हिम्मत राख, उभो होय! उ तोला हाकलासे”
MAR 10:50 उ आपरी चद्दर फेकके उछल पड़यो, अना यीसु जवर आयो।
MAR 10:51 यीसु ना ओको लक पुसिस की “का चाव्हसेस मि तोरो लाई करु?” अँधरा ना जवाब देइस की “गुरुजी मि चोवन चाव्हुसु।”
MAR 10:52 यीसु ना कव्हयो “जा तोरो भरोसा ना तोला साजरो करीसेस,” अना उ चोवन लग्यो अना यीसु को मँघा भय गयो।
MAR 11:1 जबा वय येरुसलेम को कगर जैतून पहाड़ पर, बैतफगे अना बैतनिय्याह गाँव को जवर आइन। यीसु आपरो चेला मा लक दुई ला यो कहके धाड़ीस
MAR 11:2 की “ओना नगर मा जावो, अना जसो ही तुमी धसो तो तुमला पाटरू बच्चा चोयेत। जोन पर कोनी नही बसयो से, ओला खोलके आनने।
MAR 11:3 अदी तुम ला कोनी पुछेत असो काहे करोसो, त कव्हने की मोरो मालिक ला एको काम से, उ ओला गदने इता धाड़ देहेत।”
MAR 11:4 उनना जायके उ पाटरू ला बाहेर बेसकुड़ को जवर चौक मा बन्धो पाईन, अना खोलन लगीन।
MAR 11:5 अना उनमा लक जोन उता उभा होतीन, कोनी कोनी कव्हन लगीन, “की यो का करोसो? गढव को पाटरू ला काय ला खोलोसो?”
MAR 11:6 उनला जसो यीसु न कहि होतीस, वसोच उनला कव्ह देईन, तबा उनना उनला जावन देईन।
MAR 11:7 अना उनना उ पाटरू ला यीसु को जवर आनके आपरो कपरा ओमा डाक देईन, अना उ ओमा बस गयो।
MAR 11:8 लगत लोकगीन ना आपरो कपरा रास्ता मा बिछाइन, अना काही ना खेत मा लक नहानी-नहानी डारी काटके फैलाय देइन।
MAR 11:9 अना जोन ओको पुडा-पुढा जावत, अना मंघा चलो आवत होतीन, चिल्लाय के कव्हत होतीन, “ओ पिरभू अमीला बचा! धन्य से उ, जोन पिरभु को नाव लक आवासे।
MAR 11:10 हमरो बाबूजी दाऊद को राज जोन आय रही से; उ धन्य से, वरता बादल मा जय जयकार हो!”
MAR 11:11 अना उ येरुसलेम पहुचके मंदिर मा आयो। अना चहु तरफा सब चीजहुन ला चौवके, बारा चेलागिन को सँग बैतनिय्याह गाँव गयो। काहेकि झुलाखाली बेरा भई गयो होतो।
MAR 11:12 दुसरो दिवस जबा यीसु अना चेलागीन बैतनिय्याह लक आय रही होतीन, तबा यीसु मसीह ला भुख लगी।
MAR 11:13 अना उ दुहुर लक अँजीर को झाड़ चोवके जवर आयो, जोन पत्ता लक ढकयो होतो। पर पत्ता ला छोड़ ओमा काही नही मिलयो, काहेकि फर को बेरा नही होती।
MAR 11:14 एतरो पर ओना झाड़ लक कहीस “अता सदा लक कोनी तोरो फर नही खाहेत!” अना ओको चेला आयकत होतीन।
MAR 11:15 मंग यीसु अना ओको चेला येरुसलेम मा आइन, अना उ मंदिर मा गयो। अना उता जो लेन-देन करत होतीन, उनला बाहेर हेड़न लगयो। अना सोना-खुरो बिकन वालो की पीढा, अना परेवा बिकन वालो की पीढा ला उलट देइस।
MAR 11:16 अना मंदिर मा लक होयके कोनी ला, बरतन धरके आवन-जावन नही देइस।
MAR 11:17 अना सीकान को लाय उनलक कहीस, “का पवीतर गिरंथ मा नही लिखियो से? की मोरो घर सब देस को लोकगीन को लाय पिराथना करन को घर कहलाहे पर तुमी ना एला डाकूगीन को अड्डा बनाय डाकिसेव।”
MAR 11:18 यो आयक के मुखिया पुजारी अना मोसे को नियम को गुरू ओला नास करन को तक्का चोवन लगीन। सब लोक ओको सिक्सा लक चकित होतीन एकोलाय वय डरात होतीन।
MAR 11:19 अना झुलाखाली होवनो पर यीसु अना ओको चेला नगर लक बाहेर चली गईन।
MAR 11:20 मंग पहट ला जबा वय उता लक जावत होतीन, त चेलागिन उ अँजीर को झाड़ जड़ ला सूक्को चोइन।
MAR 11:21 तब पतरस ला वा गोस्टी हेत आई, अना ओना यीसु ला कहीस, “ओ गुरू जी चोव! यो अँजीर को झाड़ जेनला तुना सराप दियो होतो, उ सूक गयो से।”
MAR 11:22 यीसु ना ओला साँगिस का “परमेस्वर भरोसा पर ठेवो।”
MAR 11:23 मि तुमी लक खरो कव्हसु “की जोन कोनी मन मा संका नही राखेत अना भरोसा राखके यो पहाड़ लक कहे, की तु उखड़ अना यहान समुदर मा पड़ जाय त ओको लाई वसो होय जाहेत।”
MAR 11:24 एकोलाय मि तुमी लक कव्हसु, की जो काही तुमी पिराथना करके माँगोह त भरोसा कर लेव की तुमला मिल गयो अना तुमरो लाई वसो होय जाहेत।
MAR 11:25 अना जबा कभी तुमी उभा होयके पिराथना करासो, त तुमरो मन मा कोनी को बारे मा काही विरोध से ता छिमा करहो, एकोलाय की तुमरो सरग को बाबूजी भी तुमरो गलती छिमा करेत।
MAR 11:26 अना तुमी अदी छिमा नही करहो, त तुमरो बाबूजी परमेस्वर भी जो सरग मा से, तुमरो गलती छिमा नही करेत।
MAR 11:27 यीसु अना वोको चेला येरुसलेम नगर मा आइन, अना जबा उ मंदिर मा फिरत होतो त मुखिया याजक अना मोसे को नियम को गुरू, अना सयाना ओको जवर आयके पुछन लगीन,
MAR 11:28 “तु यो काम कोन हक लक करसेस? अना असो हक तोला कोन न देईसेस की असो काम करजोस?”
MAR 11:29 यीसु ना उन लक कहीस, “अदी तुमी मोला जवाब देहो, ता मि तुमला साँगु की मि यो काम कोन हक लक करासू।”
MAR 11:30 योहन को बप्तिस्मा देवनो, का सरग को परमेस्वर को कन लक से, का मानूस को कन लक से? अता साँगो।
MAR 11:31 तबा वय आपसी मा बैस करन लगीन, की अदी आमी कहबिन सरग को कन लक सेत त उ कहेत मंग तुमी ना ओको काय लाई नही भरोसा ठेयत?
MAR 11:32 अदी आमी असो कव्हबिन का उ मानूस को कन लक सेत? ता लोकगीन को भेव सेत, काहे की सब जानत होतिन, योहन सचमूच मा भविस्यवक्ता होतो।
MAR 11:33 एकोलाय उनना यीसु ला जवाब देईन, “आमी नही जानासेजन।” यीसु ना उन लक कहीस। “मि भी तुमला नही साँगु, की यो काम कोनतो हक लक करूसू?”
MAR 12:1 मंग यीसु मुखिया याजकगिन, अना सास्तरी, सियानो गिनलक उदाहरन मा गोस्टी सांगन लगयो, कोनी मानूस ना अंगूर को बारी लगाईस अना ओको चारो कना रुधान रूधिस अना रसा को कुन्ड खन्दिस अना जगेली को लाय मचान वारो ढाबा बनायो अना कास्तकार गिनला ओको ठेका देयके परदेस चली गयो।
MAR 12:2 मंग फर को बेरा मा ओना कास्तकारगिन को जवर एक दास ला धाडिस, की कास्तकारगिन लक अंगूर को बारी को फर को हिस्सा लेय।
MAR 12:3 पर उनना दास ला धरके पीटीन अना छुछो हात वापिस कर देईन।
MAR 12:4 मंग मालीक ना एक अखीन दास ला उनको जवर धाडिस। उनना ओको डोस्का फोड देईन अना ओको बेइज्जती करीन
MAR 12:5 मंग ओना एक अखीन ला धाडिस, उनना ओला भी मार डाकिन, तबा ओना अखीन लगत सा हिनला भी धाड़िस उनमा लक उनना काही ला पीटीन अना काही ला मार डाकिन।
MAR 12:6 अता एकच रह गयो होतो, जोन ओको चहेतो टूरा होतो, आखीर मा ओना उनको जवर यो सोचके धाड़िस की वय मोरो टूरा को मान करयेत।
MAR 12:7 पर उन कास्तकार ना आपस मा कहिन, योच ता वारिस से आव आमी एला मार डाकबिन तबा राज पाठ आमरी होय जाहे
MAR 12:8 अना उनना ओला धरके मार डाकिन अना अंगूर को बारी को बाहेर फेक देईन।
MAR 12:9 एको लाई अंगूर को बारी को मालिक का करेत, उ आयके उन कास्तकार ला मारेत अना अंगूर को बारी दुजो ला दे देहे।
MAR 12:10 का तुमी ना पवितर गीरंथ मा यो नही बाचिसेव? “जेने गोटा ला कारिगर ना नकारो होतीन वोच कोनो को गोटा भय गयो।
MAR 12:11 असो पिरभु परमेस्वर को कन लक भयो अना हमरो नजर मा चमत्कार से।”
MAR 12:12 तबा उनना ओला धरन चाहीन काहेकि समझ गईन होतिन की ओना आमरो खिलाफ मा असो उदाहरन कहीसे पर वय लोक लक डरान अना ओला सोड़ के चली गईन।
MAR 12:13 तबा उनना यीसु ला गोस्टी मा फसावन को लाई काही मोसे को नियम को गुरू अना हेरोदि गीनला ओको जवर धाड़िन
MAR 12:14 उनना आयके ओको लक कहिन हे गुरु आमी जानसेजन की तु खरो सेस अना कोनी को चिंता नही करस काहे की तु मानूस को टोंड चोवके बात नही करस, पर परमेस्वर को रास्ता खराई लक साँगासेस त का मोसे को नियम लक कैसर को जमा पटावनो साजरो से का नहात?
MAR 12:15 आमी देबिन या नही देबिन? ओना उनको कपट जानके उनला कहीस “मोला कायलाई परखोसो?” “एक सिक्का मोरो जवर आनो की मि ओला चोय लेउ।”
MAR 12:16 वय आन के देयीन अना ओना उनलक कहीस, “यो छाप अना नाव कोन को से?” उनना कहीन “कैसर को।”
MAR 12:17 यीसु ना कहीस “जो कैसर को से, उ कैसर ला अना जो परमेस्वर को से, ओला परमेस्वर ला देव।” तबा वय ओको पर लगत अचंभा करन लगीन।
MAR 12:18 मंग सदुकी लोक भी कहोसेत की “मरो मा लक जित्तो होवनो नहाय” ओको जवर आयके ओको लक पुसिन,
MAR 12:19 “हे गुरूजी मोसे गुरुजी ना आमरो लाई लिखीसेस, की अदी कोनी को भाउ बिना औलाद कियो मर जाहे, अना ओकी बायका रह जाहे त ओ भाउ की बायका लक बिहा कर सके अना आपरो भाऊ को लाई औलाद पैदा करेत।
MAR 12:20 सात भाउगीन होतीन, जिनलक पयलो भाऊ बिहा करके बिना ओलाद कियो मर गयो।
MAR 12:21 तबा दुजो भाउ ना वा बायका लक बिहा कर लेइस, अना बिना ओलाद को मर गयो। अना वसोच तीसरो ना करीस
MAR 12:22 अना सातोगीन लक औलाद नही भई, सब को मंघा वा बायका भी मर गई।
MAR 12:23 एको लाई जित्तो होवनो को मंघा वा उनमा लक केकी बायको होहे? काहे की वा त सातई की बायको भई गई होती।”
MAR 12:24 यीसु ना उन लक कहीस, “का तुमला भुल नही भई से, अना का तुमी ना कभी पवितर गीरंथ नही वाचीसेव अना का परमेस्वर की ताकत ला नही जानासो?”
MAR 12:25 काहेकि जबा मरया हुया लक वय जी उठेत, त वय न त बिहा करयेत, अना न त बिहा मा दिया जाहेत, पर सरग मा दूत को जसो रहेत।
MAR 12:26 मरयो हुयो को जीवनो को बारे मा, का तुमी ना मोसे को किताब मा, “झाड़ी की कथा” ला नही वाचयत, की परमेस्वर ना कहीस “की मि अबराहम अना इसहाक अना याकूब को परमेस्वर सेव?”
MAR 12:27 परमेस्वर मरो हुयो का नही, वरन जित्तो को परमेस्वर से, “एकोलाय तुमी मोठो भूल मा पड़या सेव।”
MAR 12:28 मोसे को नियम को गुरू गीन मा लक एक ना आयके, उनला बैस करता आयकीस, अना यो जानके की ओना उनला साजरो रिति लक जवाब देईसेस ओकोलक पुसिस, “सब लक मोठी हुकूम कोनतो से?”
MAR 12:29 यीसु ना ओला जवाब देइस “सब हुकूम लक मोठो हुकूम यो से, की हे इसरायल सुन! पिरभु आमरो परमेस्वर एकच पिरभु से,
MAR 12:30 अना तु पिरभु आपरो परमेस्वर लक आपरो सारो मन, सारो परान अना सारो बुध्दि अना सारो सक्ति लक माया राखजोस
MAR 12:31 अना दुसरी या से की तु आपरो पड़ोसी लक आपरो जसो माया राखजोस। एकोलक मोठी अना कोनी हुकूम नही।”
MAR 12:32 मोसे को नियम को गुरू ना ओको लक कहीस “हे गुरूजी बिलकुल ठीक! तु ना खरो कहिसेस, की उ एकच से अना ओला सोड़ अना कोनी नहात।
MAR 12:33 अना वोको लक सारो मन, सारो अक्ल, अना सारो परान अना सारो ताकत लक माया राख, अना पड़ोसी लक आपरो जसो माया राख योच दुही हुकूम सप्पा होमन को बलिदान अना बलिदान लक बढके से।”
MAR 12:34 जबा यीसु ना चोयीस की ओना “समजदारी” लक जवाब देईसेस, त ओकोलक कहीस, तु परमेस्वर को राज लक दुहूर नहात, अना कोनी ला मंग ओको लक काही पुसन को हिम्मत नही भई।
MAR 12:35 मंग यीसु ना मंदिर मा सिक्सा देवत हुयो यो कहीस, “मोसे को नियम को गुरू कसो कव्हासेत की मसीह दाऊद को टूरा आय?”
MAR 12:36 दाऊद ना खुदच पवीतर आतमा मा होयके कहिसेस, पिरभु ना मोरो पिरभु ला कव्हासे, मोरो उज्जो बस जबा तकन मि तोरो जरन वालो बैरी ला तोरो पाय को पीढो नोको कर देहुँ।
MAR 12:37 दाऊद त आपच ओला पिरभु कव्हसे मंग उ ओको टूरा कहान लक ठहरो? अना भीड़ को लोक ओको खुसी लक आयकत होतीन।
MAR 12:38 ओना आपरो सिक्सा मा उनलक कहीस, “मोसे को नियम को गुरू गीन लक चाकपाक रव्हने, जोन लम्बो चोगा पहिनके फिरसेत अना बाजार-हाट मा नमस्कार
MAR 12:39 सभाघर मा मोठो-मोठो कुरसी अना जेयन को भोज मा मुख मुख जघा चाव्हसेत।
MAR 12:40 वय बेवा गीनको घर हड़प जासेत अना दिसावन लाई लगत देर तकन पिराथना करसेत। यो लगत दन्ड पाहेत।”
MAR 12:41 उ मँदिर को दान पेटी को पुड़ा बसके देख रहयो होतो की लोक मँदिर को खजाना मा कोनी रीत लक पैसा डाकसेत अना लगत धनवान ना लगत मा लक काही डाकिन।
MAR 12:42 एतरो मा एक कँगाल बेवा ना आयके दुई दमड़ी जोन एक अधेला को बराबर होवासे डाकिस।
MAR 12:43 तबा ओना आपरो चेला ला जवर बुलायके उनलक कहीस, “मि तुमी लक खरो कव्हसु की मँदिर को दान पेटी मा डाकन वालो मा लक यो कंगाल बेवा ना सब लक बढके डाकीस
MAR 12:44 काहे की सब ना आपरो धन को बढ़ती मा लक डाकिन, पर यो तो आपरो सप्पा कमाई को धन दान कर देइसेस जोन काही वोको जवर होतो। एने आपरो घटी मा लक जो काही ओको जवर होतो।”
MAR 13:1 जबा यीसु मंदिर लक हिट रहयो होतो, त ओको चेला मा लक, एक ना ओला कहीस, हे गुरुजी चोव, कसो मोठो गोटा अना कसो सुंदर मकान सेत!
MAR 13:2 यीसु ना ओला कहीस, का तुमी यो मोठा- मोठा घर चोवसो, यो गोटा पर गोटा नही बचेत जो नोको पड़ेत।
MAR 13:3 जबा उ जैतून को पहाड़ पर मंदिर को पुढा बसयो होतो, त पतरस, याकूब अना योहन अना अन्दिरयास ना एक कन जायके ओला पुसिन,
MAR 13:4 “आमी ला साँग की यो गोस्टी कब होहेत? अना जबा यो सब गोस्टी पूरी होवन पर होयेत ओनो बेरा को काजक निसान होहेत?”
MAR 13:5 यीसु उनलक कव्हन लगयो, “होसियार रव्हने” का कोनी तुमला नोको बहेकाय।
MAR 13:6 काहेका लगत सा मोरो नाव लक आयके कहेत, “मि मसिहा आऊ!” अना लगत लोक ला बहेकायेत।
MAR 13:7 जबा तुम लड़ाई-वड़ाई की चरचा आयको, त नोको घबराने, काहेकी इनको होवनो जरुरी से, पर ओनो बेरा अन्त नही होहेत।
MAR 13:8 काहेकि जाति पर जाति, अना देस- देस पर चढाई करयेत। जघा-जघा भुईडोल होहेत, अना गिरानी पड़हेत, यो तो जचकि को पयलो दुख को जसो से।
MAR 13:9 पर तुमी आपरो बारे मा होसियार रव्हो, काहेकी लोकगीन तुमला मोठी सभामा सौपेत अना तुमला सभाघर पंचायत मा पिटेत। अना मोरो कारन हाकिम अना राजा गीनको पुढा उभा कियो जाहो, असो परकार लक उन पर गवाही होयेत।
MAR 13:10 पर जरुरी से की पुढा साजरो बारता सब देस गीनमा आयकवायो जाहेत।
MAR 13:11 जबा वय तुमला ले जायके कचहरी मा सोपेत, ता पयले लक चिन्ता नोको करने की आमी काजक कव्हबिन पर जोन काही तुमला ओना बेरा सांगोसे वोच कव्हने। काहेकि बोलन वारा तुमी नही सेव, पर पवीतर आतमा से।
MAR 13:12 भाऊ ला भाऊ अना बाप ला टूरा मार डाकन ला सोपेत, अना लेकरागीन माय- बाप को खिलाप मा जायके उनला मरवाय डाकेत।
MAR 13:13 अना मोरो नाव को कारन सबच लोकगीन तुमी लक बैर करयेत, पर जोन अन्त तकन धीरज धरयो रहेत, वोकोच सूटकारा होयेत।
MAR 13:14 एकोलाय जबा तुमी ओनो “उजाड़नवारी बेकार चीज” ला जोन साजरो नहात, उता उभी चोवो, जहान वोको होवनो साजरो नहात। एला बाचनवालो समझ लेहे, तबा जो यहुदिया नगर मा होहे, वय पहाड़ मा पराय जाय,
MAR 13:15 जोन छत मा होयेत, उ आपरो घर लक काही लेवन ला खाल्या नोको उतरे अना भीतर जाये,
MAR 13:16 अना जोन खेत मा होहेत, उ आपरो कपरा लेवन को लाई मंघा नोको मुरके।
MAR 13:17 ओनो दिवस मा जोन पोट लक अना दुध पिलावन वारी होहेत, उनको लाई हाय से।
MAR 13:18 अना पिराथना करो की असो थन्डी मा नोको होय।
MAR 13:19 काहेका वय दिवस असो आफद होयेत, जसो परमेस्वर ना दुनिया बनायो से तब लक अबा तकन नही भयो से। ना ता कभ्भू होयेत।
MAR 13:20 अदी पिरभु उन दिवस ला कम नही करतो त कोनी नही बचतो पर ओनो बेचयो हुयो को मानूस को कारन जिनला ओना बेचीसेस, ओनो दिवस ला घटाइसेस।
MAR 13:21 ओनो बेरा अदी कोनी तुमिलक कहे, चोवो, मसीह इता से या उता से, त भरोसा नोको करने
MAR 13:22 काहे की खोटो मसीहा अना खोटो भविस्यवक्ता उभो होयेत, अना निसान आना अचँभा काम चोवाहेत की अदी होय सके ता बेचयो हुया ला भी भरमाहेत।
MAR 13:23 पर तुमी सतरक रव्हने, मिना तुमला सबच गोस्टी पयले लक साँग देईसेउ।
MAR 13:24 “ओनो दिवस मा दुख को मंघा दिन अँधारो भई जाहेत” अना चँदा को उजाड़ो नही होहेत।
MAR 13:25 अना बादल लक तारागीन पड़ेत, अना बादल को सक्ति हिलायो जाहे।
MAR 13:26 तबा लोक मानूस को टूरा ला मोठी ताकत अना महिमा को सँगा बादल मा आवता चोव्हेत।
MAR 13:27 ओनो बेरा उ आपरो सरग दूत गीनला धाड़के, धरती को एकछोर लक धरती को दुसरो छोर तकन, चहु दिसा लक आपरो निवाड़ो लोकगीन ला जमा करयेत।
MAR 13:28 अँजीर को झाड़ लक यो हाना लक यो सिक्सा सीको, जबा ओकी डार मुलाम होय जासेत, अना पत्ता हिटासेत, ता तुमी जान लेसो की गरमी जवर आय गई से।
MAR 13:29 येने रिती लक जबा तुमी यो गोस्टी ला होता चोव्हो, ता जान लेव की बेरा जवर च नहाय, पर बेसकुड़ मा से।
MAR 13:30 मि तुमी लक खरो कव्हसू, की जबा तकन यो सबच गोस्टी पूरी नोको होय जाय, तबा तकन यो पीढी को लोकगीन बनयो रहेति।
MAR 13:31 बादल अना धरती टल जायेत, पर मोरी गोस्टी कभ्भूच नही टलेत।
MAR 13:32 “वा बेरा कब आहे कोनीला पता नहात? न सरग को दूत अना ना टूरा पर सीरप परमेस्वर बाबूजी।”
MAR 13:33 देखो, जागत रव्हो अना तैय्यार रव्हने, काहेकि तुमीला पता नहात का वा बेरा कब आहे?
MAR 13:34 यो उ मानूस को दसा जसो से, जोन परदेस ला जातो बेरा आपरो घर ला सोड़के जासे, आपरो दास ला हक देसे, अना हर कोनीला ओको काम देवासे अना चौकीदार ला जागन को हुकूम देवासेत।
MAR 13:35 एकोलाय जागत रव्हो, काहेकी तुमीला पता नहात की घर को मालिक कबा आहे? सन्जा ला या अरधी रात या कुकड़ा को चिल्लान को बेरा, या पहट ला या दिवस हिटन को बेरा।
MAR 13:36 असो नोको होय की उ आहे अना तुमला झोपत पाहे।
MAR 13:37 एको लाई मि जो तुमला कव्हसु, तुम सब लक कव्हसु, जागत रव्हो!
MAR 14:1 दुई दिवस को मंघा पास्का अना बलिदान को तिहार होवन वालो होतो। मुखिया याजक अना मोसे को नियम को गुरू यो बात को तक्का मा होतिन की ओला कसो छल लक धरके मार डाकबिन।
MAR 14:2 पर कव्हत होतीन की “तिहार को दिवस मा नही, एकोलाय की कही असो न होय की लोकगीन मा बगावत होय जाय।”
MAR 14:3 यीसु जबा बैतनिय्याह समौन कोढ़ी को घर जेवन करन लाई बसयो होतो, तबा एक बायको सील बँद सीसी मा सुध्द जटामाँसी को बेसकीमती इतर आनी, अना सील तोड़के तेल ला ओको डोस्का मा रिचाय देइस
MAR 14:4 पर कोनी आपरो मन मा गुस्सा होयके कव्हन लगीन, यो इतर ला बेकार काहे कर दियो?
MAR 14:5 काहे की यो इतर ला तीन सौ खुरोको सिक्का मा जोन एक साल की मजदुरी से बिकके कँगालगीन मा बाट दियो जातो, अना वय ओला गुस्सा करके बोलन लगीन।
MAR 14:6 यीसु ना कहीस, “ओला छोड़ देव ओला काहे सतावासो? ओना ता मोरो सँग भलाई करीसेस।
MAR 14:7 कंगाल तुमरो सँग सदा रहेत, अना तुमी जबा चाव्हने तबा उनलक भलाई कर सकासो। पर मि तुमरो सँग सदा नही रहुँ।
MAR 14:8 जोन काही ओना कर सकीस, ओना करीस, ओना मोरो गाड़न को तैय्यारी मा पुढ़ा लक मोरो देह मा तेल रिचाइस।
MAR 14:9 मि तुमी लक खरो सांगासु, की सारो संसार मा जिता- जिता साजरो बारता की जाहे, उता ओको हेतमा यो काम की चरचा भी कियो जाहे।”
MAR 14:10 तबा यूदूस इस्करियोति जो बारा मा लक एक होतो, मुखिया याजक गीनको जवर गयो की यीसु ला उनको हात धराय दे।
MAR 14:11 वय यो आयक के खुस भईन अना ओला रुपये देवन को परन करीन, अना उ मौका तलासन लगयो की ओला कोनी तरीका लक धरवाहु।
MAR 14:12 पाठी को बलिदान तिहार को पयलो दिवस जोन मा वय फसह को बलिदान करत होतीन, ओको चेला ना ओला पुसिन, “तु किता चाव्हसेस की आमी जायके तोरो लाई फसह को पाठी को बलिदान को तैय्यारी करबिन?”
MAR 14:13 ओना दुई चेला ला यो कहके धाड़िस, “नगर मा जाव अना एक मानूस घघरा मा पानी लेयके जावतो चोयेत ओको मंघा होय जाने।”
MAR 14:14 अना उ जेना घर मा जाहे, ओनो घर को मालिक लक कहने, गुरूजी कव्हसे की “कनघर” जिता मि आपरो चेला गीन को सँग फसह को जेवन जेवहु। उ किता से?
MAR 14:15 उ तुमला एक सजी अना तैय्यार मोठी अटारी मा खोली दिसाएत, उता हमरो लाई तैय्यारी करने।
MAR 14:16 चेला गीन हिटके सहर मा पहुचीन अना जसो उनलक ओना कव्हयो होतो, वसोच पायीन अना फसह को जेवन तैय्यार करीन।
MAR 14:17 जबा झुलाखाली भय गई त उ बारा चेला गीनको सँगा आयो।
MAR 14:18 जबा वय बसके जेवन कर रही होतीन त यीसु ना कहीस, मि तुमिलक खरो कव्हुसू की “तुमी मा लक एक, जो मोरो सँगा जेवन कर रही से, उ मोला धराहे।”
MAR 14:19 चेला गीन उदास भई गईन अना वय एक-एक करके ओला पुसन लगीन, “का उ मि सेव?”
MAR 14:20 यीसु उनलक कहीस, “उ बारा मा लक एक से, जो मोरो संग ठाव मा हात डाकीसेस।
MAR 14:21 काहेका मानूस को टूरा ता जसो वोको बारे मा लिखयो से, की उ मारो जाहेत पर हाय ओना मानूस पर जेनको लक उ बैरी को हात धरायो जाहे। अदी उ मानूस को जनमच नही होतो, ता ओको लाई साजरो होतो।”
MAR 14:22 जबा वय जेय रही होतीन तो, यीसु ना भाकर लेइस अना परमेस्वर ला धन्य वाद देके ना तोड़िस, अना चेला गीनला देइस अना कहीस, “लेव यो मोरो तन आय।”
MAR 14:23 मंग ओना कटोरा लेके परमेस्वर ला धन्य वाद देइस, अना चेलागीन ला देइस अना उन सब ना ओमा लक पीइन।
MAR 14:24 अना यीसु उनलक कहीस, “यो मोरो खून से, जोन लगतगीन को लाई बहायो गयो से, जोन परमेस्वर की करार से।
MAR 14:25 मि तुमी लक खरो कव्हसू की अंगूर को रस ओनो दिवस तकन मंग कभी न पीहुँ, जबा तकन परमेस्वर को राज मा नयो अंगूर को रस नही पीहुँ।”
MAR 14:26 मंग वय भजन गायके, बाहेर जैतून को पहाड़ पर गईन।
MAR 14:27 तबा यीसु ना उनलक कहीस, “तुमी सब मोला छोड़के पराय जाहो, काहेकि लिखीसे, मि रखवालो ला मारु, अना मेढ़ा तितर-बितर भय जाहेत।”
MAR 14:28 पर मि आपरो जित्तो उठन को मंघा तुमी लक पयले गलील छेतर ला जाहुँ।
MAR 14:29 तर पतरस ना ओला कहीस, “अदी सब सोड़ जाहेत पर मि नही सोड़ू।”
MAR 14:30 यीसु ना पतरस लक कहीस, “मि तुमिलक खरो कव्हसू, की आज येने रात ला कुकड़ा को दुई बार चिल्लावन लक पयले, तु तीन बार मोरो नाव ला मना करजोस।”
MAR 14:31 पर पतरस अखीन जोर देयके कव्हासे, “अदी मोला तोरो सँग मरनो भी पड़ेत, ता भी मि तोला मना नही करुह।” येने रिति लक सबच चेला ना कहिन।
MAR 14:32 मंग यीसु अना ओको चेला गतसमनी नाव को एक जघा मा आइन अना ओना आपरो चेला ला कहीस, “यहान बसा रव्हो, जबा तकन मि पिराथना करके आवुसू।”
MAR 14:33 अना उ पतरस अना याकूब अना योहन ला आपरो सँगा ले गयो, अना लगत बैचेन अना परेसान होवन लगयो,
MAR 14:34 अना ओना उनलक कहीस, “मोरो मन लगत उदास से, यहान तकन की मि मरन पर सेउ, तुमी यहान रुको अना जागत रव्हो।”
MAR 14:35 मंग उ पुढा बढ़यो अना जमीन पर गिरके पिराथना करन लगयो की अदी होय सके ता या घड़ी मोरो पर लक हट जाय,
MAR 14:36 अना कहीस, “ओ परमेस्वर बाबूजी, तोरो लक सब काही होय सकासे, येने दुख को कटोरा ला मोरो जवर लक हटाय ले, ता भी जसो मि चाव्हसु वसो नोको पर जोन तु चाव्हासेस, वाच होय।”
MAR 14:37 मंग उ वापिस आयो अना उनला झोपत पायके पतरस ला कहीस, “हे समौन, तु झोपासेस? का तु जरासी देर भी नही जाग सकयोस तू कोनी काम को नाहत?
MAR 14:38 जागतो अना पिराथना करता रव्हो, की तुमी परिक्सा मा नोको पड़हो, काहेका आतमा ता तैय्यार से पर आँग कमजोर से।”
MAR 14:39 अना उ चलो गयो अखीन ओनो सबद लक पिराथना करीस।
MAR 14:40 मंग आयो ता उनला झोपत पायीस, काहे की उनला जपरी लगी गई होती अना नही जानत होतीन की ओला का जवाब देबिन।
MAR 14:41 मंग तिसरो बार उन ला झोपत चोयीस ता कहीस, “का तुमी अबा तकन जप मा सेव? अना आराम कर रही सेव! अता घड़ी आय पहुचयो, चोवो! मानूस को टूरा बैरीगीन पापी को हात धरायो जाहे।
MAR 14:42 उठो अना चलो! चोवो मोरो धरानवालो जवर आय गई से।”
MAR 14:43 उ यो कव्हत च होतो की यूदूस जोन बारा मा लक एक होतो, आपरो सँग मुखिया याजक अना मोसे को नियम को गुरू अना सयानो को कन लक एक मोठी भीड़ लेके गदने पहुचियो जोन्हासीन तलवार अना लाठी धरी होतीन।
MAR 14:44 यूदस ना उनला यो साँगी होतीस की जेनला मि चुम लेहु वाच से, ओला धर लेने।
MAR 14:45 उ आयो, अना गदने ओको जवर जायके कहीस, “हे गुरू!” अना ओला चुमीस।
MAR 14:46 तबा उनना ओला धर लेईन। अना ओला बाँध देईन
MAR 14:47 उनको चेला मा लक एक ना तलवार खीचिस अना मुखिया याजक को दास को कान ला काट देइस।
MAR 14:48 यीसु ना उनलक कहीस “का तुमी मोला डाकु समझके तलवार अना लाठि लयके मोला धरन ला हिटि सेव?
MAR 14:49 मि ता हरपल तुमरो सँग रहयो, अना मंदिर मा सिक्सा देवत रहयो, अना तुमीना मोला नही धर सकयत, पर यो ऐकोलाई भयो की पवितर गीरंथ की गोस्टी पूरी होय।”
MAR 14:50 असो होवन पर ओको चेला ओला सोड़के पराय गईन।
MAR 14:51 एक जवान आपरो मलमल को चददर घालयो ओको मंघा चल रहयो होतो, अखीन लोकगीन ओला पकड़नो चाहीन।
MAR 14:52 पर उ मलमल चददर ला छोड़के पराय गयो।
MAR 14:53 यीसु मुखिया याजक को जवर ले जायो गयो, अना सब मोठा याजक, अना सयाना, अना मोसे को नियम को गुरू, ओको जवर एकठ्ठो भईन।
MAR 14:54 पतरस दुहुर लक चोवके मंघा-मंघा मुखिया याजक को आँगन तकन गयो, अना सिपाही गीनको सँग बसके स्तो तापन लगयो।
MAR 14:55 मुखिया याजक अना यहुदीगीन की मोठी सभा यीसु मारन डाकन लाई ओको विरोध मा पुरुप की खोज मा होतीन पर काही गवाही नही मिलयो।
MAR 14:56 काहेकि वय ओको बारे मा झुठी गवाही देवत होतीन अना उनको गवाही एक दुसरो लक नही मिलत होती।
MAR 14:57 तबा काही लोक जाग के ओको विरोध मा झुठी गवाही देवन लगीन, उनना कहिन,
MAR 14:58 “आमी ना यो सांगतो आयकीसेजन, ‘मि यो हात को बनायो मंदिर ला नास कर देहू, अना तीन दिवस मा दुजो बनाहु। जोन हात लक नही बनो रहेत।’”
MAR 14:59 एतरो मा भी उनको गवाही एक जसो नही होतो।
MAR 14:60 तबा मुखिया याजक ना बीच मा उभो होयके यीसु लक पुसिन, “तु काहे जवाब नही देवासेस? यो लोक तोरो खिलाप मा का गवाही देसेत?”
MAR 14:61 पर उ चुप रहयो, अना काही जवाब नही देइस। मुखिया याजक ना मंग ओला पुसयो, “का तु सब लक मोठो परमेस्वर परम धन्य को टूरा मसीह आस?”
MAR 14:62 यीसु ना कहीस, “मि सेउ, अखीन तुमी मानूस को टूरा ला सब लक ताकत वर परमेस्वर को उज्जो कन बसा, अना बादल को बदली मा आवता चोवो।”
MAR 14:63 तबा मुखिया याजक ना आपरो कपरा फाड़के कहिन “अता आमीला पुरुप को का जरुरत से?
MAR 14:64 तुमीना यो निन्दा आयकासेव, तुमरी का राय से?” वय सब कव्हन लगीन यो परान दन्ड को लायक से।
MAR 14:65 तबा सिपाही गीन ओको पर थुकन अना टोन्ड ढाकन अना ओला थप्पड़ मारन लगीन अना कव्हन लगीन, “अता जान के साँग, की कोन ना तोला मारिसेस?”
MAR 14:66 जबा पतरस आँगन मा उभो होतो, तो मुखिया याजक की एक दासी वहान आयी।
MAR 14:67 अना पतरस स्तो ताप रहयो होतो, ता ओना ओला ध्यान लक चोवीस, तबा कव्हासे, “तु भी यीसु नासरी को सँग होतो।”
MAR 14:68 उ मुकर गयो अना कहीस “मि नही जानु अना नही समझु की तु का कव्हसेस?” मंग उ बाहेर दरवाजा मा गयो अखीन कुकड़ा ना चिल्लाय देइस।
MAR 14:69 वा दासी ओला चोवके उनलक जो कठा उभा होतीन, मंग कव्हन लगीन “यो उनमा लक एक से।”
MAR 14:70 पर उ मंग मुकर गयो। जरा देर मंघा उनना जो जवर उभा होतीन मंग पतरस लक कहीस, “सही मा तु उनमा लक एक सेस; काहेकि तु भी गलीली सेस।”
MAR 14:71 तबा पतरस ना कहीस, “मि कसम खावसु की अदी मि झुठो कव्हासू ता परमेस्वर मोला सजा दे।”
MAR 14:72 तबा कुकडा ना दुबारा चिल्लाय देइस। पतरस ला उ गोस्टी जो यीसु ना ओला कहि होतीस हेत आई “कुकड़ा को दुई बार चिल्लान को पुढा तु तीन बार मोरो इन्कार करजोस।” अना पतरस आखरी मा सोचिस, की मिना पिरभु को नाव ला मना करीसेव, एकोलाय उ फुट-फुट के रोवन लगयो।
MAR 15:1 पहट होतो मुखिया याजक, सयाना अना मोसे को नियम को गुरू ना अना सप्पा यहुदी गीन को मोठो सभा ना न्याय करके यीसु ला बंधवायो, अना ओला धरके ना पीलातुस को हात मा दे देइन।
MAR 15:2 पीलातुस ना ओको लक पुसिस, “का तु यहूदी गीन को राजा आस?” ओना ओला जवाब देइस “असो तु खुदच कव्हासेस।”
MAR 15:3 मुखिया याजक गीन ओको पर गजब लान-छान लगावत होतीन।
MAR 15:4 पीलातुस ना ओला कहीस “का तु काही जवाब नही देस? चोव यो तोरो पर केतरी गोस्टी लक लानछान लगावसेत?”
MAR 15:5 यीसु ना मंग जवाब नही देइस, यहान तकन की पीलातुस ला मोठो अचंभा भयो।
MAR 15:6 पीलातुस वोनो तिहार मा कोनी एक बन्दी ला जेनला वय लोकगीन चाहवत होत्यो उनको लाई छोड़ देवत होतो।
MAR 15:7 बरब्बा नाव को एक मानूस होतो, उ जेल मा होत्यो उ सासन को खिलाफ खुनी लडाई मा लोक गीन को संगी होतो उ रकत कियो होतो। अना बन्दी होतो।
MAR 15:8 अना भीड़ वरता जायके वोको लक पिराथना करन लगीन, का जसो तुमी रिती-रिवाज को लक करता आइसेस, वसोच करो।
MAR 15:9 पीलातुस न उनला जवाब देईस, “का तुमी चाव्हासेव का मी तुमरो लाई यहूदी गीन को राजा ला छोड़ देऊ?”
MAR 15:10 काहेकि पीलातुस जानत होतो की मुखिया याजक गीन ना ओला जरनोठी लक धराय होतीन।
MAR 15:11 पर मुखिया याजक गीन ना लोक गीन ला उकसाईन का पिलातुस लक यीसु को जघा बरब्बा ला उनको लाई छोड़न को माग करे।
MAR 15:12 यो आयक के पीलातुस ना उनलक मंग पुसिस, “ता जेनला तुमी यहूदी गीन को राजा कसो, ओको सँग मि का करू? तुमी काजक चाव्हसो?”
MAR 15:13 वय मंग चिल्लाइन, “ओला कूरूस मा चघाव!”
MAR 15:14 पीलातुस ना उनलक कहीस, “काहे येने काजक जुरुम करीसेस?” पर वय अखीन जोर लक चिल्लाईन, “ओला कूरूस मा चघा!”
MAR 15:15 तबा पीलातुस ना भीड़ ला खुस करन की मनसा लक, बरब्बा ला उनको लाई छोड़ देइस। अना यीसु ला कोड़ा लगवाय के सुपरुत कर देइस की कूरूस मा चघायो जाहे।
MAR 15:16 सिपाही ओला सरकारी मोठो किला को भीतरी आँगन मा ले गईन, अना सप्पा पलटन ला हाकल लेइन।
MAR 15:17 तबा उनना ओला बैजनी रँग को कपरा घालिन अना काँटा को डगाली को मुकुट बनायके ओको डोस्का पर राखिन।
MAR 15:18 यो कहके ओला नमस्ते करन लगीन, “हे यहूदी गीन को राजा, अमर रव्ह!” अना वोको मजाक उडावन लगीन
MAR 15:19 वय ओको डोस्का मा घागरा काड़ी मारके ओको पर थुकिन अना टोंगरा टिकाय के ओला नमस्कार करतो रहीन।
MAR 15:20 जबा वय ओको मजाक कर लेइन, ता ओला ओकोच बैजनी रँग को कपरा उतारके ओनाच पर डाकिन; तबा ओला कूरूस मा चघान को लाई बाहेर ले गईन।
MAR 15:21 जब यीसु ला कूरूस पर लटकान लेय जावत होतिन त रस्ता मा एक मानूस लक भेंटीन, जोनको नाव सिमोन होतो। (वा सिकन्दर अना रुफुस को बाबूजी होतो) उ कुरेनी मानूस गाँव लक आय रहयो होतो; उनना ओला बेगार मा धर लेईन की यीसु को कूरूस ला उचल चलेह।
MAR 15:22 वय यीसु ला गुलगुता नाव की जघा मजे कवटी नाव की जघा मा आनीन।
MAR 15:23 वहान ओला दरद नासक दवा मिलयो अंगूर को रस देवन लगीन पर ओना नही लेइस।
MAR 15:24 तबा उनना ओला कूरूस मा चघा इन अना कपरा पर चिठ्ठी डाकिन की कोन ला काजक मिलेह, ओला बाट लेईन।
MAR 15:25 अना सक्कारी नौ बजे को बेरा होतो। जबा उनना ओला कूरूस मा चघा इन होतीन।
MAR 15:26 अना ओको दोस पतर पर यो लिख देईन की “यहूदिगीन को राजा।”
MAR 15:27 उनना ओको सँग दुई डाकु ला भी कूरूस मा चघाव गयो, एक उज्जो कन अना एक डाखियो कन। दुही ला कूरूस मा चघाइन
MAR 15:28 तबा पवीतर गिरंथ को उ गोस्टी की उ दोसीगीन को संग गिनो जाहे, पूरो भयो।
MAR 15:29 अना रास्ता लक कटन वारा डोस्का हला-हलाय के असो कव्हके ओकी निन्दा करत होतीन, “वाह! मंदिर को नास करनवालो अना तीन दिवस मा बनावन वालो!
MAR 15:30 कूरूस पर लक उतर के आपरो आपच ला बचाव लेव।”
MAR 15:31 येने रिती लक मुखिया याजक मोसे को नियम को गुरू सकट, आपस मा मजाक लक कव्हत होतीन, येने अउर लोकगीन ला सूटकारा देइस पर आपरो आप ला नही बचाय सकयो।
MAR 15:32 इसरायल को राजा, मसीह अता कूरूस मा लक उतर, आव अखीन, “आमी चोवबिन अना भरोसा करबिन।” अखीन जोन ओको सँग कूरूस मा चघायो गईन होतीन, वय भी ओकी निन्दा करत होतीन।
MAR 15:33 दुफारी होवनो पर सप्पा देस मा अँधारो छाय गयो। अना महातनी बेरा तीन बजे तकन रहयो।
MAR 15:34 महातनी बेरा यीसु ना मोठो आवाज लक चिल्लाय के कहीस, “इलोई-इलोई लमा सबक्तनी?” जेनको मजे, “हे मोरो परमेस्वर, हे मोरो परमेस्वर, तु ना मोला कायलाई छोड़ दियोस?”
MAR 15:35 जो जवर उभा होतीन, उनमा लक काही ना आयक के कहिन, “आयको, उ एलिय्याह ला हाकलासे।”
MAR 15:36 एक सिपाही ना धावके स्पंज ला सिरका मा डुबाइस अना घागरा काड़ी मा राखके ओला चखाइस अना कहीस, “रुको, देखबिन, एलिय्याह ओला सूलि लक उतारन लाई आवासे का नही।”
MAR 15:37 तबा यीसु ना लगत जोर लक चिल्लाय के जियान छोड़ देइस।
MAR 15:38 अना मंदिर को पड़दा वरता लक खाल्या तकन फटके दुई भई गयो।
MAR 15:39 जोन दरोगा (वोको हात को खालया 100 सिपाई होतिन) कूरूस को पुढा उभा होतो, जबा ओला येने रिती लक चिलावत अना जियान छोड़ता चोवीस, ता ओना कहीस, “खरो से यो मानूस परमेस्वर को टूरा होतो!”
MAR 15:40 लगतसी बायको भी दुहुर लक चोय रही होतीन। उनमा मरियम मगदलीनी, नहानो याकूब अना योसेस की माय मरियम, अना सलोमी होतिन।
MAR 15:41 वा बायकागिन, जबा यीसु गलील मा होतो, वोकी सेवा करत होतिन। अना लगतसा बायका ओको मंघा येरुसलेम आई होतीन।
MAR 15:42 जबा झुलाखाली भय गई ता सब्त को एक दिवस पुढ़ा को दिवस होतो अना तैय्यारी को दिवस होतो।
MAR 15:43 अरिमितिया को रव्हनवालो यूसुफ आयो, जो मोठीसभा को मेम्बर हो तो अना खुदच परमेस्वर को राज की रास्ता चोवत होतो। उ हिम्मत करके पीलातुस जवर गयो अना यीसु को लास ला माँगिस।
MAR 15:44 यो आयक के पीलातुस ला अचंभा भयो की उ एतरो जल्दी मर गयो। अना 100 सिपाही को अधिकारी ला हाकलके पुसिस, “का ओला मरन ला देर भई?”
MAR 15:45 वोना अधिकारी को जवाब आयक के पीलातुस ना लास ला यूसुफ ला दे देइस।
MAR 15:46 तबा ओना मलमल को एक कपरा खरिद लेइस, अना लास ला उतारके ओला चादर मा लपटिस, अना एक मरघटी मा जो चट्टान मा खोदी गई होती राखिस। अना मरघट्टी मा धसन को जघा पर एक गोटा अड़ा देइस।
MAR 15:47 मरियम मगदलीनी अना योसेस की माय मरियम चोवत होतीन की ओको लास कहाँन राखयो गयो से?
MAR 16:1 जबा बिसराम दिवस बीत गयो, ता मरियम मगदलीनी अना याकूब की माय मरियम अना सलोमी, ना यीसु को तनमा मलन काजी सुगंधित चीज खरीद के आनीन।
MAR 16:2 हफ्ता को पयले दिवस पहट ला, दिवस हिटन को पयले वय मरघट्टी पर आइन।
MAR 16:3 ता वय आपस मा कव्हत होतीन, “की आमरो लाई मरघट्टी मा धसन को जघा को गोटा कवन लुड़काहे?”
MAR 16:4 जबा उनना चोइन तो गोटा लुड़को हुयो से अना उ लगत मोठो होतो।
MAR 16:5 ता मरघट्टी मा जायके देखनो पर उनना एक जवान ला पाँढरो कपरा घालयो हुयो जेवनो बसा चोवीन, ता वय लगत डराय गईन।
MAR 16:6 ओना मानूस ना उनलक कहीस “नोको डराव, तुमी यीसु नासरी ला, जो कूरूस पर चघाव गयो होतो ढुँढोसो। उ जित्तो होय गयो से, इता नहात, चोवो, याच उ जघा से, जिता उनना ओला राखी होतीन।
MAR 16:7 पर तुमी जाव, अना ओको चेला गीन अना पतरस लक कव्हजोस की उ तुमी लक पयले गलील जाहे। जसो ओना तुमी लक कव्हयो होतो, तुमी ओला वहान चोवने।”
MAR 16:8 अना वय यीसु को मरघट्टी लक हिटके पराय गईन, काहे की सही मा वय डराय गई होतीन, एकोलाय उनना कोनी लक काही गोस्टी नही कहीन।
MAR 16:9 हफ्ता को पयले दिवस पहट होतो बेरा यीसु जी उचलके पयले मरियम मगदलीनी ला जोन पर लक सात बुरो आतमा हिटी होती, चोयो।
MAR 16:10 ओना जायके यीसु को संगीगिन ला, जो दुखी होतीन अना रडत होतीन खबर देइन।
MAR 16:11 उनना यो आयक के की यीसु जित्तो से अना मरियम ना चोविसेस, ता उनना भरोसा नही करीन।
MAR 16:12 एको मंघा यीसु दुसरो रुप मा उनमा लक दुई ला जबा वय गाँव को कन जाय रही होतीन चोयो।
MAR 16:13 उनना भी जायके दुजो ला खबर देईन, पर उनना उनको भरोसा नही करीन।
MAR 16:14 मंघा यीसु उन अकरा चेलागीन ला भी, जबा वय जेवन करन बसी होतीन, चोयो, अना उनको अबिस्वास अना गोटा जसो मन को कारन उनला डाटिस। काहेकि जोन्हासीन ओको जित्तो उचलनो को मंघा ओला चोयो होतीन, ओन्हासीन ओको पर भरोसा नही करीन।
MAR 16:15 अना यीसु उनलक कहीस, “तुमी सप्पा संसार मा जायके सप्पा लोकगीन ला साजरो बारता सांगो।
MAR 16:16 जो लोकगीन भरोसा करेहत अना बप्तिस्मा डुबकी लेहेत, ओको च सूटकारा होव्हे, पर जो भरोसा नही करेहत, वोको पर दन्ड को हुकूम ठहरेत।
MAR 16:17 भरोसा करनवालो मा यो निसान होवेती, की वय मोरो नाव लक बुरो आतमा ला हेड़ेति नवी-नवी भासा बोलहेति,
MAR 16:18 सरप गीन ला उचल लेहेत, अना जहेर पी जाहेत ता भी उनकी काही हानि नही होव्हेत, वय बीमार गीन पर हात राखेत अना वय चाँगलो भय जाहेत।”
MAR 16:19 एको मंघा पिरभु यीसु चेलागीन लक गोस्टी करन को मंघा, सरग मा उचल लियो गयो, अना परमेस्वर को उज्जो कन बस गयो।
MAR 16:20 तबा उनना हिटके जघा-जघा परचार करन लागिन, अना पिरभु परमेस्वर उनको संग-संग काम करतो रहयो। अना गजब हिदान लक उनको गोस्टी ला पक्को करत रहयो। आमीन।
LUK 1:1 ओ पियारो थियुफिलुस, जोन गोस्टी हमरो संग मा बितो से। मि ना उनला लिखन को मन बनाइ सेव हमरो लक
LUK 1:2 पयले यीसु को उन गोस्टी ला चोवन अखीन आयकन वालो दास होतिन। उनना सबच गोस्टी ला हमि तकन धाडिसेस।
LUK 1:3 एकोलाई अगो थियुफिलुस अबा मोला यो साजरो लगि से, का उनच, गोस्टी ला खरो-खरो जाँचकेना, एक को मघा एक, ठिख-ठाख मालुम करके लिखु।
LUK 1:4 जेनको लक तू जानले, का वा गोस्टी, अना जोन को गियान तुना पाईसेस। कसो अटल से?
LUK 1:5 यहुदिया को राजा हेरोदेस को बेरा मा, अबिय्याह को दल मा, जकरयाह नाव को एक याजक होत्यो। अखीन वोको बायको हारून को खानदान की होति। अखीन वोको नाव एलीसीबा होती।
LUK 1:6 वय दुई परमेस्वर को नजर मा नेक होतीन। वय पिरभु को सबच, हुकूम ला मानत होतीन।
LUK 1:7 उन को कोनी लेकरा बारा नही होतिन। काहेका एलीसीबा वाखड होती, अखीन उ बुड़गा भई गई होतो।
LUK 1:8 जब जकरयाह आपरो दल को सगंमा परमेस्वर को पुजा-पाट करत होतिन।
LUK 1:9 तबा धुप-जलावन काजी, जकरयाह याजक को नाव लक चिठ्ठी हिट्यो। का उ मंदिर मा पिरभु को पूढा धुप जलाये।
LUK 1:10 तबा धूप जालावन को बेरा मा, सबच बिनती करत होतिन।
LUK 1:11 ओच बेरा मा पिरभु को सरगदूत ओला धुप वेदी को उज्जो कन चोवयो।
LUK 1:12 जकरयाह डराय गयो, अखीन ओको “घिघगि बंध गयो।”
LUK 1:13 पर सरगदूत न ओला सांगिस, ओ जकरयाह, भेव नोको खावजोस, काहेका तोरो पिराथना परमेस्वर ना आयक, लेइस। अखीन तोरि बायको एलीसीबा लक, तोरो लाय एक टूरा होहेत, अखीन तु वोको नाव योहन राखजोस।
LUK 1:14 तोला खुसी होहे। अखीन गजब लोकगीन, वोको जनम को कारन, खुसी मनाहेत।
LUK 1:15 काहे का उ पिरभु को पुढ़ा, मा महान होयेत। अखीन अंगूर को रस, अर दारु, कभी नही पिहेत। अखीन उ आपरो माय को पोट लक, पवीतर आतमा लक भरो होयेत।
LUK 1:16 अखीन भटको हुओ, इसरायल को गजब लोकगीन ला, उनको परमेस्वर को रास्ता मा आनेत।
LUK 1:17 उ एलिय्याह को आतमा अखीन ताकत मा, पुढा-पुढा चलेत, क आजा पुरखागीन को मन ला, लेकरा-बारा मा लगा देहेत। अखीन हुकूम नही मानन वालो ला, नेक बना देहेत। अखीन पिरभु को लाई, साजरो लोकगीन ला, तैय्यार करयेत।
LUK 1:18 जकरयाह ना सरगदूत सांग्यो, यो कसो होयेत? काहेकी मी, अखीन मोरो बायको, दूई को बुडगापन से।
LUK 1:19 तब सरगदूत ना वोला जवाब दियो, मी जिबराइल सरगदूत सेव। जोन परमेस्वर को पुढा उभो रहुसु, अखीन तोरो लक बात करन, अखीन यो खबर आयकावन काजी इता आईसेव।
LUK 1:20 जोन दिवस तकन यो गोस्टी पूरो होहेत, ओना दिवस तकन तू गुंगो रव्हजो। काहेका तू मोरी गोस्टी पर भरोसा नही मानीसेस।
LUK 1:21 लोग गीन जकरयाह को “बाट जोहत होतिन” अखीन चकित भईन। काहे का मंदिर मा, वोला उसीर भई गई होती।
LUK 1:22 जब उ बाहेर हिटयो, तो उ बोल ना सकयो, तब लोकगीन जान गईन, का मंदिर पर कोनी दरस-परस भयो से। अखीन उ ईसारा करत होतो, अखीन गुगों भय गयो होतो।
LUK 1:23 जब वोको सेवा को दिवस पूरो भयो, तो उ आपरो घर चलो गयो।
LUK 1:24 काही बेरा को बादमा वोको बायको एलीसीबा पेट लक भई। वो 5 मास तकन आपरो ला छुपाय राखयो।
LUK 1:25 अखीन कव्हन लगयो, मोरो कलंक दुर करन काजी, पिरभु न किरपा करीसेस।
LUK 1:26 छँटवो महीना मा, परमेस्वर कन लक, एक कुँवारी को कन जिबराइल सरगदूत नाव को, सरग दूत ला धाडिस। वा टूरी गलील छेतर को, नासरत नगर मा, रव्हन वालो होती।
LUK 1:27 जोकि पक्की राजा दाऊद को खानदान मा, यूसुफ नामको टूरा संग भई होती। ओ कुँवारी टूरी को नाव मरियम होती।
LUK 1:28 सरग दूत ना, ओको कठा जायके सांगिस, नमस्कार मरियम, पिरभु को किरपा तोरो पर भईसे।
LUK 1:29 अखीन, यो बात ला आयक के, वा टूरी घबराय गई, अखी मनमा सोचन लगी, यो कसी गोस्टिसे?
LUK 1:30 तबा सरगदूत ना कहीस, मरियम तु भेव नोको कर, परमेस्वर को किरपा तोरो पर भईसे।
LUK 1:31 चोव! तु पोट लक होवजोस, अखीन तोरो लक एक टूरा जनम लेहे, तु ओको नाव यीसु राखजो।
LUK 1:32 उ महान होहे अखीन पिरभु को टूरा कहलाहे। परमेस्वर वोको आजा-पुरखा, दाऊद को सिघासन वोला देहे।
LUK 1:33 अना उ तोरो पुरखा, याकूब को घराना मा, जुग-जुग लक राज करहे, अखीन वोको राज अमर रहेत।
LUK 1:34 मरियम ना सरगदूत ला कहीस, यो कसो होहे, मी तो, कोनी मरद को संग नही सोयी सेऊ।
LUK 1:35 सरगदूत ना वोला साँगिस, पवीतर आतमा को ताकत तोरो पर आहेत, अखीन मोठो परमेस्वर तोरी, रक्सा करहे। एको लाई उ पवीतर, जो जनम लेवन-वालो से, परमेस्वर को टूरा कहलाहे।
LUK 1:36 अखीन देख, तोरो कुटुम्ब मा एलीसीबा लक वोला बुड़गीपन मा टूरा होवन वालो से। अब वोको छँटवो महीना से।
LUK 1:37 काहे की परमेस्वर की गोस्टी खरी ठयरासे। कभी खोटो नही होवासे।
LUK 1:38 मरियम ना सांगिस, चोव, मी, पिरभु की सेविका सेउ। मोला तु जसो सांगासे, वसोच गोस्टी भई जाहे। तब सरगदूत ओको कठा लक चलो गयो।
LUK 1:39 वो ना बेरा मा, मरियम लवकर तैय्यार भई अखीन आपरो कुटुम्बी एलीसीबा को यहूदा देस को पहाड़ी गांव मा गई।
LUK 1:40 वो जकरयाह को घर मा गई। अखीन एलीसीबा ला नमस्कार करीस।
LUK 1:41 जेंधावर एलीसीबा ना, मरियम को नमस्कार आयकिस, तसोच, वोको लेकरा पोट मा उचलो, अना उ पवीतर आतमा लक भर गई।
LUK 1:42 अना वा चिल्ला के कहीस, तु सबच आई-माई गीनमा धन्य से। अना धन्य से तोरो पोट को फर।
LUK 1:43 मोरो ऊँचो किस्मत से का, मोरो पर दया कसो भई? पिरभू को माय मोरो घरमा आई सेस।
LUK 1:44 काहेका, जसो तोरो नमस्कार मीना आयकीसेव, लेकरा मोरो पोट मा, खुसी लक उछल पडयो।
LUK 1:45 तू धन्य सेस, जोन ना बिस्वास लक असो करीसेस, का पिरभू ना जोन गोस्टी साँगीसेस, वो पूरी भई जाहेत।
LUK 1:46 एको पर मरियम असो गावन लगी, “मोरी जीव (मन) पिरभु को गुन-गान करासे।”
LUK 1:47 मोरो जीव, आपरो मुक्ती देवन वालो, परमेस्वर को खुसी मनावसे।
LUK 1:48 काहे का वोना आपरो सेविका को गरीबी पर, किरपा करीसेस। अब लक सब पीड़ी, मोला धन्य कहेति।
LUK 1:49 काहे का, गजब सक्तिसाली परमेस्वर ना, मोरो लाय मोठयो काम करीसेस, पवीतर से वोको नाव।
LUK 1:50 वोको तरस वोको भविस्यवक्ता गीन पर, पीढ़ी-पीढ़ी लक बनो रव्हसे।
LUK 1:51 परमेस्वर ना अपरो ताकत दिखाईसेस, वोना घमन्डी गीन ला, छितराय देईसे।
LUK 1:52 वोना मोठो अधिकारी गिनला, उनको सिघासन लक उतार दियो से। अखीन, गरिब ला, महान बनायो से।
LUK 1:53 वोना भुखो-लाघो गिनला, साजरो-साजरो जेवन देइसेस। अखीन धनी गिनला, रिकामो हात लौटा दियो से।
LUK 1:54 वोना अपरो दया, ला ध्यान देके ना, आपरो दास इसरायल ला संभालयो से।
LUK 1:55 जसो कसम, हमरो बाप-दादा लक खायो होतो। का अबराहम अखीन ओको सन्तान पर, परमेस्वर को करुना सदा बनो रहेत।
LUK 1:56 तीन महीना मरियम एलीसीबा को घर रहकेना, अपरो घर आय गई।
LUK 1:57 एलीसीबा को जचकी को बेरा पूरो भयी। अखीन वोना एक टूरा ला जलम दियो।
LUK 1:58 जब वोको पड़ोसी, अखीन रिस्तेदार ना यो बात आयकिन, का पिरभु को किरपा से। तब सब वोको संग खुसी मा सामील भईन।
LUK 1:59 आठवा दिवस टूरा को खतना को बेरा आयो। तब लोकगीन वोको नाव वोको बाबूजी जकरयाह को नाव पर, राखन चाव्हत होतीन।
LUK 1:60 पर वोको माय ना सांगीस, नही, एको नाव योहन राखबिन।
LUK 1:61 तब वोना लोकगीन कव्हन लगीन, तुम्हारो कुटुम्ब मा, कोनी को असो नाव नहात।
LUK 1:62 तब लोकगीन ईसारा करके वोको बाबूजी लक पुसन लगीन, उ का नाव राखन चाव्हसेस।
LUK 1:63 वोना पाटी मागंके ओमा योहन नाव लिख्यो।
LUK 1:64 वोच बेरा मा, जकरयाह को जुबान खुल गयो, अखीन उ परमेस्वर को धन्यवाद करन लगयो।
LUK 1:65 तब सब सेजारीगीन मा भेव छाय गयो। अखीन उनको गांव को आखा-पाखा मा अना यहुदिया देस मा यो गोस्टी को चरचा फैल गयो।
LUK 1:66 सब आयकन वारा मन मा विचार के, ना कव्हन लगीन, का यो लेकरा का बनहेत? काहे का सचमूच मा पिरभु को “वोको पर हात होतो।”
LUK 1:67 योहन को दादजी जकरयाह, पवीतर आतमा लक भर गयो। अखीन असो कव्हत, आवन वारो गोस्टी साँगन लग्यो।
LUK 1:68 धन्य से इसरायल को परमेस्वर, वोना आपरो लोकगीन को सूधी लेवासे, अखीन उनको मोक्स करोसे।
LUK 1:69 अखीन आपरो दास दाऊद को घराना, लक एक सूटकारा देवन वालो सींग हिटिसे।
LUK 1:70 उ आपरो पवीतर भविस्यवक्ता को टोन्ड ले, पूरानो जमाना लक, यो कव्हतो आयो सेस।
LUK 1:71 क उ बैरी अखीन सब बैरी हुन को हात लक, हमीला सूटकारा करीसेस।
LUK 1:72 का आमरो बाबूजी दादजी पर दया करके आपरी पवीतर वायदा ला हेत करयेत।
LUK 1:73 वोना किरया खायके ना, हमारो पुरखा अबराहम लक, असो सांग्यो होतो।
LUK 1:74 क उ हमारो दुस्मन को हाथ लक, हमीला छुड़ाय लेहेत।
LUK 1:75 जोन को लक हमी बेधड़क, पवीतर, अखीन न्यायी पन लक वोको सेवा करयेत।
LUK 1:76 उ टूरा सब लक मोठो परमेस्वर को भविस्यवक्ता कहलाव जोस, तू पिरभू को पूढ़ा चलन वालो दूत बनजो! तू वोको मारग तैय्यार करजो।
LUK 1:77 अखीन वोको लोकगीन ला, उनको पाप छिमा को कन लक, मुकती को गियान देवजोस।
LUK 1:78 हमारो परमेस्वर को यो माया, अखीन दया लक, हमी ला सरग लक, उजाड़ो मिलहेत।
LUK 1:79 जेनको लाय उ इन्धीयारो अखीन, मरन को सावली मा, जो लोग बस्यो से, वोला उजाडो देवजो! अखीन हामरो पाय ला सान्ती को रास्ता मा ले जाहेत।
LUK 1:80 लेकरा योहन मोठो होवन लग्यो, अखीन वोको आतमा बल बढन लगयो! उ इसरायल को सामने चोवनो को पूढ़ा सुनसान जघा मा रव्हन लग्यो।
LUK 2:1 ओना बेरा मा राजा औगुस्तुस कैसर को कना लक हुकूम हिटयो, क सारो जग का लोकईन को नाव लिखवान की जाये।
LUK 2:2 यो पयलो नाव लिखवाई वोना बेरा भयो, जब किवरिनियुस सीरिया को राजा होतो।
LUK 2:3 सब लोग आपरो-आपरो नाव लिखवान काजी आपरो नगर मा गइन।
LUK 2:4 मंघा यूसुफ अखीन मरियम, आपरो नाव लिखावन काजी गलील को नासरत नगर ले, यहुदिया मा दाऊद को नगर बैतलेहम मा गईन।
LUK 2:5 वहान दूई युसूफ अना मरियम जोनको पक्की भयी होती जायके आपरो नाव लिखवान गईन।
LUK 2:6 जब उ दोई वोच नगर मा होतीन, तब मरियम को जचकि को बेरा भई गयी।
LUK 2:7 उनको रुकन को लाय सराय मा, जघा नही होतो। यो काजी वय गाई-बईल को कोठा मा रुकिन। अखीन वोको पयलो टूरा वहांच भयो, अखीन वोला कपरा मा लपेट केना, गव्हान मा राखीस।
LUK 2:8 देस मा केतरा गडेरिया होतीन, जोई रात ला मैदान मा रहके, आपरो करप को निगरानी करत होतिन।
LUK 2:9 तबा परमेस्वर को एक सरगदूत, उनको जवर आयके, उभो भयो। अना पिरभू को तेज, चमकन लगयो, तबा उन गजब डराय गईन।
LUK 2:10 परमेस्वर को सरगदूत उनला कव्हसे, नोको डराव चोवो, मी तुम्ही ला मोठयो खुसी को साजरो बारता सांगसू। जो सब लोग लाय होहे।
LUK 2:11 आज दाऊद को नगर मा तुमरो लाय एक पाप मोचक जन्म लेईसे योच मसीह पिरभू से।
LUK 2:12 योको यो निसान सेत का तुमही एक टूरा ला कपरा मा लिपटो गव्हान मा रख्यो पावजो।
LUK 2:13 तबा एकाएक लक उ परमेस्वर को सरग दूत संग अना दूतगिन भी परमेस्वर की भक्ती करत अना यो सांगत चोवयो।
LUK 2:14 सरग मा परमेस्वर की बड़ाई अना धरती मा उन मानूस लक जिन लक खुस से, अखीन सान्ती होय।
LUK 2:15 जब पिरभू को सरगदूत उनको जवर लक सरग मा गईन। तो गडरिया ना आपस मा कव्हन लगीन। आओ हमि बैतलेहम जायके, जो हमला परमेस्वर को दुत सांगिसेस देखबिन।
LUK 2:16 तब उनना गदने जायके मरियम अना यूसुफ ला, अखी गव्हान मा उ टूरा ला पड़यो चोविन।
LUK 2:17 ऐना ला चोवके, उनना वा सबद जो यो टूरा को बारे मा सरगदूत सागयो होतो, उन लक सांगन लगीन
LUK 2:18 अना गडरिया को गोस्टी आयक के सब आयकन वालो ना अचंभा करीन।
LUK 2:19 पर मरियम यो सब कव्हनो ला, आपरो मन मा सोचत होती।
LUK 2:20 अखीन गडरिया जसो उनला कव्हयो होतो, वसोच चोवके, वोना लोकगीन, परमेस्वर को बड़ाई अना भक्ति करत-करत लवट गईन।
LUK 2:21 सरगदूत को कव्हन को लक, आठ दिवस को मंघा, जब लेकरा को खतना को बेरा आयो। तब वोको नाव यीसु राखयो, काहे का सरगदुत ना, पुढा मा असोच सांगयो होतो।
LUK 2:22 मोसे को नियम को लक, जब लेकरा को अरपन लक सुध्द करन को दिवस आयो। ता वय ओला येरुसलेम मा आनीन की पिरभू को पुढा लाहेत।
LUK 2:23 जसो का मोसे को नियम मा लिख्योसे, हर एक पयलो टूरा, पिरभू को लाय पवीतर मानो जाय।
LUK 2:24 अखीन एको लाय भी का, उ मोसे को नियम को हुकूम लक, परेवा को एक जोड़ा, या दोन बच्चा पिरभू को लाय बली चघाइन।
LUK 2:25 ओना बेरा येरुसलेम नगर मा, सिमोन नाव को, एक नेक मानूस रव्हत होतो। उ इसरायल को सान्ती को बाट चोवत होतो। पवीतर आतमा ओको पर होतो।
LUK 2:26 अखीन पवीतर आतमा लक, मिल्यो जानकारी को लक, जब तकन उ मसीह पिरभू को दरसन ना करलेहे नही मरन को, असो वोला बरदान होतो।
LUK 2:27 उ पवीतर आतमा ले मिलो जानकारी को लक, मंदिर मा आयो। “जब माय-बाप लेकरा यीसु को लाय, मोसे को नियम पूरो करन, वोला भित्तर लाईन।”
LUK 2:28 तबा सिमोन ना लेकरा ला, अपरो कन्हिया मा लियो, अखीन परमेस्वर को धन्य करत कव्हन लगयो।
LUK 2:29 हे मालीक! अब तु अपरो कव्हन को लक, सान्ती लक आपरो दास सार कर।
LUK 2:30 काहेका मोरो डोरा ना ओको सूटकारा मोला चोविसे।
LUK 2:31 जो ला तुना सब लोकगीन को पूढा मा दिखवा सेस।
LUK 2:32 यो दुसरो लोकगीन लाय लुको गोस्टी को खुलासा लाई आखिन तोरी पर जा इसरायल ला मान देवन वालो उजाड़ो से।
LUK 2:33 टूरा को बारे मा यो गोस्टी आयक के ओको माय बाप चकित भय गईन।
LUK 2:34 सिमोन ना उनला, अखीन आसीस दियो। अना लेकरा को माय मरियम ला कहीस। अवो यो लेकरा, एक असो निसान से, जोन को लोकईन विरोध करयेत, यो कारन लक इसरायल मा बहुत लोकगीन को पड़नो, अखीन जी उचलनो होयहेत।
LUK 2:35 अखीन एक तरवार, वोको हिरदय को आरपार, छेद देहेत। जेनको लक लोकगीन को, मन को बात टोन्ड मा आ जाहे।
LUK 2:36 हन्ना नाव को एक भविस्यवक्तनी बाई होती। जो आसेर को खानदान मा, फनुऐल को टुरि होती। वा गजब बुड़गी होती। वा लगन को बाद मा, केवल सात साल, अपरो नवरा संग जित्तो रहि होती।
LUK 2:37 अखीन मंघा, वा बेवा भई गई होती अना ओको चऊरासी बरस लक बेवा होती। वा मंदिर को बाहेर नही हिटत होती, अखीन उपास पिराथना करत-करत, रात दिवस परमेस्वर को सेवा मा रव्हत होती।
LUK 2:38 वा भी वोच बेरा मा आयकेना, परमेस्वर ला धनवाद देवन लगी। अखीन जोन लोग येरुसलेम नगर को सूटकारा को रस्ता, चोवत होतीन, उन सबला वा लेकरा को बारे मा सांगन लगि।
LUK 2:39 मोसे को नियम को लक पिरभू लाय सब कुछ पूरो करन को मंघा, ओना गलील छेतर मा, अपरो नगर नासरत मा लवट गइन।
LUK 2:40 लेकरा यीसु मोठो होवन लग्यो, अखीन उ अक्ल लक भरपुर होतो गयो। काहे का “परमेस्वर को हात वोको पर होतो” मजे किरपा होतो।
LUK 2:41 यीसु को माय-बाप हर साल बलिदान तिहार मनावन ला, येरुसलेम नगर जावत होतयो।
LUK 2:42 जबा यीसु बारा साल को भयो, तबा उ आपरो रीती को लक, तिहार मनावन काजी, येरुसलेम नगर मा गईन।
LUK 2:43 तिहार को रोज, पूरो होवन को मंघा, वो लवट गईन, मंग लेकरा यीसु येरुसलेम मा रह गयो, वोको माय-बाप यो बात नही जानत होतीन।
LUK 2:44 वय समझत होतीन का, उ यातरी दलमा सेत। येको लाय उ एक दिवस को यातरा पूरो करन को बाद मा, वोला आपरो कुटूम्ब अखीन जान-पहचान का लोकगीन मा ढुन्ढ-ढान्ड करन लगीन।
LUK 2:45 जब यीसु उनला नही मीलयो, तब ढुंढत-ढान्डत येरुसलेम नगर पँहुचिन।
LUK 2:46 तीन दिवस को बाद मा, उनला यीसु मंदिर मा मिल्यो। उ बसके ना, धरम गुरूगीन लक सवाल-जवाब करत पायो गयो।
LUK 2:47 सब आयकन वारा, अक्ल अखीन सवाल-जवाब पर चकीत भई गईन।
LUK 2:48 वोको माय-बाप भी वोला चोवके ना, अचंभा भई गइन। वोको माय ना वोला कहीस, टूरा, तू ना आमरो संग मा असो काहे करीसेस? देख, तोरो बाप अखीन मी, चिन्ता मा होतीन, अखीन तोला ढुढ़त होतिन।
LUK 2:49 तब यीसु ना कव्हयो, का तुम्ही मोला काहे ढुन्ढ-ढान्ढ काहे करासो? तुम्ही नही जानसो, की मी पक्को, आपरो बाबूजी को घर मा रहू।
LUK 2:50 पर यो गोस्टी, कोनी ला समझ नही आयो।
LUK 2:51 यीसु उनको संग येरूसलेम नगर लक आपरो घर नासरत नगर मा आयो। अखीन, उ आपरो माय-बाप को आधीन रहयो। वोको माय ना यो सब गोस्टी आपरो मन मा, सजोय के राखीस।
LUK 2:52 यीसु अक्ल अना ताकत मा, अखीन परमेस्वर अना मानूस को किरपा मा बढतो गयो।
LUK 3:1 तिबेरियुस को, सरकार को पांचवा साल होत्यो। कैसर को राज मा पोंतियुस पिलातुस, यहुदिया गलील को राजपाल होतयो। दोनी भाऊ, फिलिपी इतूरैया, तरखोनीतिस राज को राजा, अखीन लुसानियस, अबिलेने राज को, राजा होत्यो, अना गलील मा हेरोदेस राजा होतो।
LUK 3:2 हन्ना अखीन काइफा, मुखिया याजक होतो। वोना दिवस मा, परमेस्वर को कव्हनो, सूनसान जघा मा जकरयाह को टूरा, योहन को कठा पहुचो।
LUK 3:3 उ यरदन नदी को आजू-बाजू को छेतर मा, घुम-घाम के न पाप छिमा, अखीन पाप लक मन हटाव, बप्तिस्मा, को बारे मा, परचार करन लगयो।
LUK 3:4 जसो भविस्यवक्ता यसायाह को पवीतर किताब मा लिख्यो से, “सून-सान जघा मा चिलावन वालो को आवाज। पिरभू को रास्ता ला तैय्यार करो! अखीन वोको रास्ता ला सीधो करो”
LUK 3:5 दुई टवरिया को बीच को खोदरा, भर दियो जाय, हर एक पहाड-पहाड़ी खाल्या करो। टेडो-टाडो रस्ता सिधो करो, उबड-खाबड रस्ता ला समान करो।
LUK 3:6 अना हरेक लोकगीन परमेस्वर को आतमा छुट्टकारा ला चोवयेत।
LUK 3:7 जोन लोक बप्तिस्मा लेवन ला आवत होतीन, योहन उनला कव्हत होत्यो, हे सरप को लेकरा कोन तुम्हीला सांगीसेस, की परमेस्वर को हिजरनो लक पराय जाओ।
LUK 3:8 आपरो मन ला पाप लक हटाय के पस्तावा करो, अना साजरो भई जाओ, अखीन साजरो-साजरो काम करो। तुम्ही आपरो मन मा असो मत सोचो, हमी अबराहम को खानदान को सेत। मि तुम्ही ला सांगासु, परमेस्वर ऐना गोटा लक, अबराहम को लाय, लेकरा जनमा सकसे।
LUK 3:9 अबा झाड़ को जड़ मा, टँगिया से। जो झाड़ साजरा फर नही देवासे, वोला काटपीट के ना, स्तो मा पेटाय दियो जाहेत।
LUK 3:10 तबा लोग गीन योहन लक पुसयो, तो हमि काजक करबीन?
LUK 3:11 तबा वोना जवाब दियो, जोको कना दोन कुरता से, वोला देदो, जोन को कठा नहाती, अना जोन को कठा जेवन को सेत, वो भी वसोच करयेत।
LUK 3:12 अना जमा पटानवारा अधिकारी गीन ओको जवर बप्तिस्मा-लेवन आइन, अखीन वोला पुछीन, गुरूजी हमला का करनो से सांगो?
LUK 3:13 तब योहन ना कव्हयो, जितरो ठहरायो गयोसे वोको लक जादा नोको लेवने।
LUK 3:14 सीपाहि गीन पुसन लगीन, अखीन आमरो लाय काजक हुकूम से? तबा उ सांगयो, कोनी लक पैसा नोको एठने। अखीन झुठो दोस नोको लगावने, पर आपरो तनखा मा जिन्दगी करो, घूस नोको लेवने।
LUK 3:15 जबा आस लगायके होतीन अना योहन को बारे मा आपरो मन मा सोच बिचार कर रही होतीन। का योच ता मसीह नहात?
LUK 3:16 यो काजी योहन कहीस, तुम्ही अपरो-आपरो मनमा काजक सोचसो, कही मी मसीह सेऊ? सच-मूच मा मी मसीह नही सेव। काहे का मि, तो तुम्ही ला पानी मा बप्तिस्मा देवासू, पर उ आवन वालो मसीहा, मोरो ले जादा ताकतवर से। मी वोको जूता को दोरी, खोलन को काबील नही सेव, उ तुम्हीला, पवीतर आतमा, अखीन स्तो लक बप्तिस्मा देहेत।
LUK 3:17 वोको हात मा सूपड़ो से, उ आपरी खरीयान ला साजरो रीती लक सफा करहे। अपरो गँहु ला कोठी मा जमा करयेत। अखीन भुसा-भासी ला, कभ्भू नही बुझन वालो स्तो मा, डाक देहेत।
LUK 3:18 योहन असो अजब-गजब उदाहरन समेत सिक्सा, जनता ला आयकावत होतो।
LUK 3:19 पर योहन ना राजा हेरोदेस ला, वोको भाऊ हेरोदियास बहू को बारे मा, अखीन वोको सब गलत काम को लाई, वोला बूरो-भलो ठासन लगयो।
LUK 3:20 तब राजा ना, योहन ला धरवायके जेल मा डाक देईस। अखीन आपरो खोटो काम को, हद पार कर देईस।
LUK 3:21 जबा सबा लोकगीन बप्तिस्मा लेईन, तबा यीसु भी बप्तिस्मा लेवन को बाद, परमेस्वर लक पिराथना करन लगीस। तबा बादल खुल गयो।
LUK 3:22 अखीन परेवा को देह जसो, पवीतर आतमा वोको पर उतर गयो, अखीन सरग लक यो आवाज आयो, तू मोरो चहेतो टूरा आस, मी तोरो लक गजब खुसी सेव।
LUK 3:23 जब यीसु ना परमेस्वर को सेवा सुरु करीस। ओना बेरा उ तीस बरस को होतो। लोग ओला यूसुफ को टूरा समझत होतिन। यूसुफ एली को टूरा होतो,
LUK 3:24 अखीन उ मत्तात को टूरा, अखीन उ लेवी को टूरा, अखीन उ मलकी को टूरा, अखीन उ यन्ना को टूरा, अखीन उ यूसुफ को, टूरा
LUK 3:25 अखीन उ मत्तित्याह को टूरा, अखीन उ आमोस को टूरा, अखीन उ नहूम को टूरा, अखीन उ असल्याह को टूरा, अखीन उ नोगहा को टूरा,
LUK 3:26 अखीन उ मात को टूरा, अखीन मत्तित्याह को, अखीन उ सिमी को, अखीन उ योसेख को, अखीन उ योदाह को,
LUK 3:27 उ योहान को, अखीन उ रेसा को, अखीन उ जरुब्बाबिल को, अखीन उ सालतिएल को, अखीन उ नेरी को,
LUK 3:28 अखीन उ मलकी को, अखीन उ अद्दि को, अखीन उ कोसाम को, अखीन उ इलमोदाम को, अखीन उ एर को,
LUK 3:29 अखीन उ यहोसु को, अखीन उ एलीएजर को, अखीन उ योरीम को, अखीन उ मत्तात को, अखीन उ लेवी को
LUK 3:30 अखीन उ सिमोन को, अखीन उ यहूदा को, अखीन उ यूसुफ को, अखीन उ योनाम को, अखीन उ इलयाकीम को
LUK 3:31 अखीन उ मेलेआह को, अखीन उ मिन्नाह को, अखीन उ मत्तात को, अखीन उ नातान को, अखीन उ दाऊद को,
LUK 3:32 अखीन उ यिसै को, अखीन उ ओबेद को, अखीन उ बोअज को, अखीन उ सेलह को, अखीन उ नहसोन को,
LUK 3:33 अखीन उ अम्मीनादाब को, अखीन उ अरनी को, अखीन उ हिसरोन को, अखीन उ पेरेस को, अखीन उ यहूदा को,
LUK 3:34 अखीन उ याकूब को, अखीन उ इसहाक को, अखीन उ अबराहम को, अखीन उ तेरह को, अखीन उ नाहोर को,
LUK 3:35 सरुग को, अखीन उ रऊ को, अखीन उ पेलेग को, अखीन उ एबर को, अखीन उ सेलेह को
LUK 3:36 अखीन उ केनान को, अखीन उ अरपछद को, अखीन उ सेम को, अखीन उ नूह को, अखीन उ लामेक को,
LUK 3:37 अखीन उ मथूसेलह को, अखीन उ हनोक को, अखीन उ यारेद को, अखीन उ महल्लेल को, अखीन उ केनान को,
LUK 3:38 अखीन उ एनोस को, अखीन उ सेत को, अखीन उ आदम को, अउर अखीन उ परमेस्वर को टूरा होतो।
LUK 4:1 यीसु पवीतर आतमा लक पूरो भरके ना, यरदन नदी लक लवटयो। तबा आतमा वोला सूनसान मा लेगइस।
LUK 4:2 वोना जघा बालजबूल चालीस दिवस तकन वोको परीक्सा लेवत रहयो। यीसु उन दिवस मा काही नही जेविस, जबा चालीस दिवस बीत गयो, तबा वोला गजब भूख लग्यो।
LUK 4:3 बालजबूल ना वोला सांग्यो, यदी तु परमेस्वर को टूरा आस, तो यो गोटा ला हुकूम देव, का यो भाकर बन जाहेत।
LUK 4:4 पर यीसु ना जवाब देइस। गिरंथ मा लिखीसे। मानूस भाकर लक नही, पर परमेस्वर को गोस्टी लक जित्तो रहेत।
LUK 4:5 मंग बालजबूल वोला, वरता उठायके ना ले गईस, अखीन पलभर मा जग को राज चोवाइस।
LUK 4:6 अखीन बालजबूल ना वोला कहीस, मी तोला यो सबच राज अना महिमा देदेहू। यो मोरो अधिकार मा से, मि जोनला चाँहू ओला दे सकासू।
LUK 4:7 यदी तू मोरो पाँय पड़जोस अना नमस्कार करजोस, ता यो सबा तोला देदेहू।
LUK 4:8 तबा यीसु ना जवाब देइस, गिरंथ मा लिखीसे, तू आपरो पिरभू परमेस्वर ला नमस्कार करजो, अखीन वोको च सेवा करजो।
LUK 4:9 तबा बालजबूल ना, वोला येरुसलेम नगर, को मंदिर को छेन्डी मा, उभो करयो। अखीन कव्हयो, यदि तू परमेस्वर को टूरा से, तो खाल्या कूद जाय।
LUK 4:10 काहेका गिरंथ मा लिखीसे, तोरो लाय परमेस्वर आपरो सरगदूत ला हुकूम देहेत, अखीन वो तोला बचाहेत।
LUK 4:11 कही तोरो पाँय मा खोद्दा, नोको लग जाय।
LUK 4:12 यीसु ना जवाब देइस, यो लिखी से, तू आपरो पिरभू परमेस्वर को परिक्सा नोको करजो।
LUK 4:13 असो परिक्सा लेवन को बाद, बालजबूल सैतान वोको जवर लक, पराय गयो।
LUK 4:14 यीसु आतमा को ताकत लक भरके, गलील छेतर मा हिट आयो। वोको चरचा, आखा-पाखा को सबा जघा मा फैल गयो।
LUK 4:15 उ सभाघर मा जायके ना, सिक्सा देवन लग्यो। अखीन लोकगीन वोको बड़ाई करन लगीन।
LUK 4:16 जबा यीसु आपरो नगर नासरत मा आयो। जहाँ उ पालो गयो होतो। तबा उ आपरो आदत को लक पवीतर दिवस सभाघर मा गयो। उ गिरंथ बाचन ला उभो भयो।
LUK 4:17 तबा वोला भविस्यवक्ता यसायाह को किताब दियो गयो, गिरंथ खोलके ना उ जघा हेड़यो, जहा लिखो से।
LUK 4:18 पिरभू को आतमा मोरो वरतासे, काहेका वोना मोला निवाड़ी सेस, का मी गरीब-गोर ला साजरो बारता आयकावाहु, वोना मोला धाड़ीसेस। जोको लाया मी बन्दी लोकगीन को सूटकारा, अखीन अँधरा गीन ला डोरा चोवन को, खबर सुनाऊ। मी दलीत लोकगीन ला, सोड़ाऊ।
LUK 4:19 अखिन पिरभू को किरपा को साल, ला सबला साजरा बारता आयकावसू।
LUK 4:20 यीसु ना किताब ला बंद कर दियो, अखीन दास को हात मा धरा दियो, अखीन सबा बस गईन। सभाघर मा, सबकी नजर यीसु पर होतो।
LUK 4:21 तबा यीसु ना कव्हयो, यो गोस्टी आज पवितर गीरंथ मा पूरो भई।
LUK 4:22 सब लोग गीन वोकी किरपा को बात आयक के चकीत भई गईन। अखीन आपस मा कव्हन लगीन। का यो सचमा यूसुफ को टूरा नहाय?
LUK 4:23 वोना उन लक कहीस, तुम्ही मोरो पर यो हाना जरुर कहजोस, हे बईद, अपरो आप ला साजरो कर, जो काही हमि न आयकी सेजन। जोन काम कफरनहुम नगर मा किरीसेस, ओला अपरो देस मा कर।
LUK 4:24 अना वोना कहीस मि तुमी लक खरो कव्हसू, कोनी खरो भविस्यवक्ता अपरो देस मा मान-सम्मान नही पावासे।
LUK 4:25 अना मी तुमी ला खरो कव्हसू, की एलिय्याह को दिवस मा जबा साढ़े तीन साल तकन बादल बन्द रहीसेस, यहान तकन क सारो देस मा मोठयो गिरहानी पडयो, त इसरायल मा लगत बेवा होतिन।
LUK 4:26 पर एलिय्याह उनमा लक कोनी को जवर नही धाड़यो गयो होतो। उ एकच सैदा को सारपत को एक बेवा को जवर धाड़ो गयो होतो।
LUK 4:27 अखीन एलिसा भविस्यवक्ता को बेरा इसरायल म गजब सो कोढी होतिन, पर नामान सिरयानी ला छोड़ उनमा लक, कोनी ला साजरो नही करीस।
LUK 4:28 यो गोस्टी ला आयक के, जेतरा लोग गीन सभाघर मा होतिन, सबच “लाल-पिवरो” भयी गईन।
LUK 4:29 अना उठके ओला नगर लक बाहेर हेड़ीन, अना जोन पहाड मा उन को नगर बसो से, ओको वरता मा ले चलिन, की ओला वहान लक खाल्या ढकल दे।
LUK 4:30 पर उ उनको बिचमा लक, हिटके चली गयो।
LUK 4:31 मग उ गलील छेतर को, कफरनहुम नगर मा गयो, अना पवीतर दिवस मा लोग गीन ला, सिक्सा देवन लग्यो।
LUK 4:32 उनना वोको सिक्सा ले चकित भई गईन। काहेका उ गोस्टी अधिकार सकट होत्यो।
LUK 4:33 सभाघर मा, एक मानूस होतो, जोन एक असुध्द भुत-पलित झोमो होतो। ओना चिल्लायके कव्हयो।
LUK 4:34 ओ यीसु, नासरी, हमरो लक तोरो काजक काम से? का तु आमीला नास करन ला आईसेस? मी तोला जानासू, तू कोन आस? तु परमेस्वर को पवीतर मानूस आस।
LUK 4:35 यीसु न वोला डटकार के हुकूम देइस, उघा-मूघा रव्ह अना वोको लक हीट जाय, तब भूत वोला बीच मा पटककर बिना हानि पहुचाए, हीट गयो।
LUK 4:36 योच लाइ सबा ला, अचंभा भयो, अना वय आपस मा बोलन लगीन। ये कसो ताकत अना हक से, यो भूत ला हुकूम देवासे, अना वा हिट जासे।
LUK 4:37 तबा यीसु की यो गोस्टी अगल-बगल जघा मा होवन लगी।
LUK 4:38 उ सभाघर लक उभो होयके, समौन के घर मा गईस। अखीन समौन की सास ला गजब बुखार होतो। अना उनना वोको लाय वोको लक बिनती करीन।
LUK 4:39 तबा यीसु ना ओको जवर उभो, होयके, बुखार ला हुकूम देयके डाटीस, अना बुखार उतर गयो। अना उ एकदम उठके उनको सेवा करन लग्यो।
LUK 4:40 दिवस बुड़तो बेरा मा, जोन-जोन को घर मा बिमार होतिन उनना वोको जवर आनीन, अना उन सबपर हात ठेवके सबला साजरो करीस।
LUK 4:41 भूत बेमियात-बेमियात कव्हन लगीन, तु परमेस्वर को टूरा आस, अना हीट गइन, पर यीसु उनला डाटके नही बोलन को हुकूम देइस। काहेका भूत जानत होतिन का यो मसीह सूटकारा देवनवारा सेत।
LUK 4:42 यीसु पहट को बेरा घर लक हिटके, अना एकांत जघा मा गयो। लोग वोला ढुढ़त-ढाढ़त ओको जवर आइन। अखीन बिनती करके कव्हन लगीन, तु हमि ला सोड़के नोको जास।
LUK 4:43 पर वोना उनलक कव्हयो, मोला अखीन देस मा जावनो से, अना परमेस्वर को साजरो बारता, आयकानो जरुरी से, काहेका मोला योच काजी धाड़ो गयो से।
LUK 4:44 अना उ गलील छेतर यहुदिया को सब, सभाघर मा, साजरा बारता सांगन लगयो।
LUK 5:1 जनता जबा, परमेस्वर को गोस्टी आयकन को लाई, सबा जमा होय गईन। तबा यीसु गनेसरत झील को कीनार मा, उभो होत्यो।
LUK 5:2 वोना झील को किनार मा, दुई नाव होतो, अखीन ढीमर जाल धोवत होतीन।
LUK 5:3 वोना मा लक एक नाव, समोन को होतो। नाव मा यीसु बस गयो, अखीन समोन ला जघा लक जरा हटान ला, कव्हयो, अखीन यीसु सिक्सा देवन लगयो।
LUK 5:4 जबा सिक्सा देके ना भई गयो, तबा यीसु ना समोन ला कव्हयो, गहरो मा नाव लेचल, अखीन अपरो जाल डाख।
LUK 5:5 समोन ना कव्हयो, हे मालीक, हमी रात भर मेहनत करीसेजन, अखीन काही “हात नही लगयो” तोरो कव्हनो को सनुसार, मी जाल डाखासु।
LUK 5:6 जबा वोना जाल डाखीस, तबा गजब मसरी जाल मा फस गईन, अखीन जाल फाटन लगी।
LUK 5:7 तबा समोन आपरो संगीइन ला, हाकलिस, अखीन सबा आय केन, जाल हेड़न लगीन, नाव मसरी लक एतरो भर गयो, का नाव बुड़न लगी।
LUK 5:8 असो चमत्कार चोवकेना, समोन यीसु को पाय मा पड़ गयो। अखीन वोला कहीस, हे मालीक मोरो जवर लक जाय, काहे का मी पापी मानूस सेव।
LUK 5:9 काहेकि एतरो मसरी ला समट लेवन को कारन ओला अना ओको संगीगिन ला अचंभा भयो।
LUK 5:10 वहान जबदी को टूरा याकूब, अखीन योहन भी होत्यो। तब जोन समोन को संगी होतिन, अचंभा करन लगीन, तबा यीसु, समोन लक कहीस, भेव नोको करो अबा, लक तू मानूस ला, परमेस्वर को राज मा आनजोस।
LUK 5:11 अना उनना नाव ला किनारे जघा मा, आनीन अना सबा काही ला सोड़के वोको मंघा गईन।
LUK 5:12 जबा उ कोनी नगर मा गयो होत्यो, ता वहान एक कोढी मानूस आयो। अना यीसु को पायमा, तोन्ड को बल पड़के ना बिनती करन लगयो, हे पिरभू! यदि तु चाव्हजोस, ता मोला साजरो कर सकासेस।
LUK 5:13 वोना हात छिवके कहीस, मी चाव्हसू, तू साजरो भय जास, वोच बेरा वोको कोढ साजरो भय गयो।
LUK 5:14 यीसु ना वोला हुकूम दियो, यो गोस्टी तू कोनीला नोको सांगजोस, पर आपरो आप ला मुखिया याजक ला दिसाजोस, अना जोन चढावा चढ़ावन ला मोसे गुरूजी ना सांगिसेस, उ भेंट चढाजोस, तबा लोक गीन ला गवाही भई जाहे, का तू साजरो भय गइसेस।
LUK 5:15 मंग यीसु की गोस्टी गजब फैलत गई, भीड़ वोकी गोस्टी आयकन लाई, अना अपरी बीमारि लक साजरो होवन लाई, जमा भईन।
LUK 5:16 पर यीसु उन लक बेगरो होयके जगंल मा जायकेना, पिराथना करन लगियो।
LUK 5:17 एक रोज यीसु, सिक्सा दे रहयो होतो। मोसे को नियम को गुरू अखीन मुखिया याजकगिन, वोको कठा बस्या होतिन। वय गलील, अना यहुदिया छेतर को हर, एक गाँव लक येरुसलेम नगर मा आयो होतिन। रोगिन ला साजरो करन को लाय, पिरभू को ताकत यीसु को संग होत्यो।
LUK 5:18 वोच बेरा काही लोग गीन खाट मा एक लकवा को रोगि ला आनीन। वय वोला भीतर ली जायके, यीसु को पूढा राखन चाव्हत होतिन।
LUK 5:19 पर गरदी को कारन लक, वोला भीतर नही आन सकिन, ता वय सपरी मा चघ गईन। अना सड्डन कापके, रोगिला जहान यीसु बस्यो होतो, वहान पूढा मा खाट ला, खाल्या उतार देइन।
LUK 5:20 उनको भरोसा ला चोवके, यीसु कव्हयो, जा भाऊ, तोरो पाप छिमा भय गयो।
LUK 5:21 एको पर मोसे को नियम को गुरू लेखक, अना पुरोहित एक दुसरो ला, जवाब करन लगीन। का यो परमेस्वर को निन्दा करन वारा कोन से? परमेस्वर को सिवाय कोन, पाप छिमा कर सकासे?
LUK 5:22 उनको यो जवाब जान के यीसु ना उनला जवाब दियो। तुमारो मन मा यो जवाब काहे, उभो रहयो से?
LUK 5:23 सबा लक सरल का से? यो कव्हनो तोरो पाप छिमा भय गयो। का उठ चल?
LUK 5:24 पर एकोलाय का तुमला मालूम भई जाये, का मानूस को टूरा ला, धरती मा पाप छिमा करन को अधिकार से। तबा उ लकवा को रोगी ला कहीस, उभो होयके आपरी खाट उचल, अना घर जाय।
LUK 5:25 वोनोच बेरा उ सबको पूढा उभो भयो, अना जोन खाट मा उ झोपयो होतो, वोला उचल के परमेस्वर को बड़ाई करत-करत आपरो घर चली गयो।
LUK 5:26 वय सबा चकीत भय गईन, अना परमेस्वर को भजन बड़ाई करन लगीन। अना सबा डराय के कव्हन लगीन। आज तकन अमीना असो काम नही परख पायी सेजन।
LUK 5:27 मंघा उ बाहेर गयो अना उ लेवी नाव को एक जमा वसूल करन वालो ला वसूल करन को नाका पर जायके बसयो चोयो, अना उ वोला कहीस मोरो मंघा भई जाय।
LUK 5:28 तबा उ सारी चिज ला सोड़के उभो भयो अना ओको मंघा भय गयो।
LUK 5:29 तबा लेवी ना अपरो घर मा वोको लाय एक मोठो जेवन देईस, अना वहान पर जमा वसूल करन वालो, अखीन बेजा लोग वोको संग मा जेवन करन ला बस गईन, वहान लगत मानूस होतिन।
LUK 5:30 एको पर मोसे को नियम को गुरू, अना लेखक भन्नात यीसु को चेला गीन ला कव्हन लगीन, तूमी जमा वसूल करन वालो अधिकारी अना पापी गीन को संग मा काहे जेवन करासो?
LUK 5:31 यीसु ना जवाब देईस बइद साजरोगिन लाई नाहाय, लेकिन बिमार लाई जरुरी से।
LUK 5:32 नेक मानूस गीन ला नही पर पापी गी ला पस्तावा करन काजी हाकलन आईसेव।
LUK 5:33 उनना यीसु ला कहिन, योहन को चेला गीन बार-बार उपास राखासे। अना पिराथना मा लग्यो रव्हसे, अना मोसे को नियम को गुरू चेलागिन भी वसोच करासेत पर तोरा चेलागिन काहे जेवत रव्हासेत?
LUK 5:34 तबा यीसु ना उन लक कहीस की जबा तकन बराती नवरदेव को संग मा रव्हासे, त बराति कसो उपास रव्ह सकासेत?
LUK 5:35 पर वोना दिवस आवन वारा से। जबा मि इनको लक दुहुर भई जाहू उना दिवस मा वय उपास करयेत।
LUK 5:36 वोना अखीन एक उदाहरन उनको लक कहीस। कोनी मानूस नयो कपरा मा जुनो कपरा को तनी नही लगाय सकासेत। काहेकि जूनो कपरा फट जाहे अखीन जुनो कपरा मा नवतो कपरा को तनी नही लगा सकासे काहेका जूनो तनी टुट जाहेत। एकोलाय नयो मेल नही खायेत।
LUK 5:37 अखीन कोनी नवा अंगूर को रस जुनो चमड़ा को कुप्पा मा नही डाखत। नही तो नयो वालो अंगूर रस छागल ला फाड़के बोह जाएत अखीन छागल नास भई जाहेत।
LUK 5:38 मंग नवा अंगूर को रस नवो छागल मा डाखनो खरो से।
LUK 5:39 कोनी मानूस जुनो अंगूर को रस पिवके नयो नही चाव्हासे। सांगासे क जुनो च साजरो से।
LUK 6:1 तबा यीसु अखीन वोको चेला गीन, पवीतर दिवस मा, एक खेत मा लक जावत होतो। आखिन वोको चेला गीन, सेंग तोडके, अना हात लक मल के, जेवत-जेवत जावत होतीन।
LUK 6:2 तबा मोसे को नियम को गुरू मा, काही कव्हन लगीन, मोसे को नियम लक जोन काम पवीतर दिवस मा, करनो मनाहिसेत, तुमी वोच काम कायलाय करोसो।
LUK 6:3 मंग यीसु न उनला जवाब देइस, का तुमीना यो नही बाचिसेव? दाऊद राजा अखीन वोको संगी गीनला, जबा भूख लग्यो होतो। तबा वय का करीन?
LUK 6:4 वय परमेस्वर को घर मा गईन, अना भेंट की भाखर ला आन के, अपरो संगीगिन सगं जेविन, जोनला मोसे को नियम लक याजक ला सोड़के, कोनी ला जेवन करनो खरो नहात।
LUK 6:5 अखीन वोना उनला सांग्यो, मानूस को टूरा पवीतर दिवस को भी पिरभू सेत।
LUK 6:6 एक बेरा यीसु, पवीतर दिवस सभाघर मा जायके, सिक्सा देवन लगयो। अना वहान एक मानूस होतो, जेनको उज्जो हात सूकयो होतो।
LUK 6:7 मोसे को नियम को गुरू आना धरमगुरू, एना गोस्टी को तक्का मा होतीन, की अदी यीसु पवीतर दिवस मा साजरो करासे, ता वय ओको पर दोस लगाय सकसेत।
LUK 6:8 यीसु उनको मन को विचार जानत होतो, येको लाय वोना सुक्को हातवालो मानूस ला कहीस, बीच मा उभो होय जाय! तब उ उठ के उभो भय गयो।
LUK 6:9 यीसु ना उनला कव्हयो, मि तुमी लक पुससू मोसे को नियम लक पवीतर दिवस मा भलो करनो साजरो से का खोटो से? जान बचानो या जान ला लेवनो?
LUK 6:10 तबा वोना इता-उता सबला चोवीस, अना मानूस लक कहीस, अपरो हात बढ़ाव, वोना वसोच करीस अखीन वोको हात जसो को तसोच साजरो भई गयो।
LUK 6:11 वय लोग गीन गजब गुस्सा भय गईन, अना आपसी मा बिचार करन लगीन, का हमी यीसु को संग मा का करबीन?
LUK 6:12 यीसु वोना दिवस मा पहाड़ी मा पिराथना करन गयो, अना परमेस्वर लक पिराथना करनो मा पूरी रात बिताइस।
LUK 6:13 जबा दिवस भयो तो वोना अपरो, चेला गीनला हाकल के ओमा लक बारा चेला गीनला निवाड़ो, अखीन उनला पेरीत कहीस।
LUK 6:14 अना वय यो सेत, समोन जेनको नाव, वोना पतरस राखीस। अखीन वोको भाऊ अन्दिरयास, अना याकूब, अना योहन, अना फिलिप्पुस, आना बरतुल्मै।
LUK 6:15 अना मत्ती, अना थोमा, आना हलफई को टूरा याकूब अना सिमोन ला जोन धरमोत्साही कहलावासेत,
LUK 6:16 याकूब को टूरा यहूदा अना युदस इस्करियोति ला जोन बिन भरोसावालो होतो, जेना यीसु ला धरवायो भी होतियो।
LUK 6:17 तबा यीसु उनको संगा मा, खाल्या आयके, बर्रा मा उभो भयो। अना वोको चेलागीन, अना जनता को गरदि, सप्पा यहुदिया छेतर, येरुसलेम नगर, आना सूर अना सैदा, सागर को जवर लक लगत सा लोक,
LUK 6:18 जसो की वोको आयकन वारा, आपरी बीमारी लक, साजरो होवन लाय, वोको कठा आइन। वय भुत-पलित लक भुकतन वारा, लोकगीन ला साजरो करत होतो।
LUK 6:19 सबा लोकगीन यीसुला छिवन को कोसीस करत होतिन, काहेका वोको लक ताकत हिटके ना, सबला साजरो करत होतो।
LUK 6:20 यीसु ना आपरो चेला गीन, को कना चोवयो, अना यो कहीस, “धन्य सेव तुमी जो गरिब सेव काहेका, परमेस्वर को राज तुमरोच सेत।”
LUK 6:21 धन्य सेव तुम्ही जोन भुखो सेव, काहेका तुमी अघाय जाहो। धन्य सेव तुमी, अबा रोवसो काहेका तुमला हसनो पड़हेत।
LUK 6:22 धन्य सेव तुमी जबा मानूस को टूरा को कारन लक लोक तुमरो लक बुराई करे, अना तुम ला हेड देहेत, आना तुमरो निंदा करते, अखीन तुमरो नाव ला बुरो जानके काप देहेत।
LUK 6:23 वोच दिवस खुसी होवने, अखीन खुसहाली मनाने काहेका, सरग मा मोठो फर सेत, उनको आजा पुरखा भविस्यवक्ता गीनको संग, असोच करयो सेत।
LUK 6:24 अखीन हाय तुमरो पर जोकी धनवान सेव, येको लाय तुमी आपरो सान्ती पाय गयो सेव।
LUK 6:25 धिक्कार सेत “तुमरो पर, अता अघाय सेव, काहेका तुम, ला भुखो रव्हनो पडे़त।” धिक्कार सेत तुमला, जोन अबा हासोसेव काहेका, तुमला रोवनो अखीन दुख मनानो पड़हेत।
LUK 6:26 धिक्कार से जबा मानूस तुमला भला कहेत, काहेकि उनको बाप-आजा ना, भी खोटो भविस्यवक्ता गीनको सँगा असोच बरताव करयो होतीन।
LUK 6:27 पर मि तुमी आयकन वारा गिनला कहुँसू आपरो बैरी गीन लक माया राखो, जोन तुमरो लक बैर राखासे, उनको भलाई करो।
LUK 6:28 तुम ला जोन सराप देवासे उनला आसीस देव। जो तुमरो बेईज्जति करासे, उनको लाय पिराथना करो।
LUK 6:29 अना तोरो एक गाल मा झापड़ मारासे तबा दुसरो गाल ला भि देदे। जोन तोरी पचिया ला हिसकवासे वोला झंगा भी देदे।
LUK 6:30 जोन कोनी तोरो लक मांगासे, वोला देवने, अखीन जो चिज ला हिसकासे वोको लक नोको मागंने।
LUK 6:31 जसो तुमी चाव्हासेव का लोग गीन तुमरो संग करेत, तुमी भि उनको संग मा वसोच करो।
LUK 6:32 अखीन तुमी आपरो चाव्हन वालो को संग मा माया राखासेव, ओमा का बड़ाई से? काहे की पापी गीन भी आपरो चाव्हन वालो को संग मा असोच करासे।
LUK 6:33 अखीन तुमी आपरो भलो करन वालो संग मा, भलो करासो, असो मा तुमरो का बड़ाई से? काहे की पापी भी असोच करासे।
LUK 6:34 जोन लक मिलन को भरोसा ठेवा सो उनला उधार देवासो, तो तुमरो काजक बड़ाई से? काहेकी पापी भी सबला, उधारी देव से। क मंग वोतरोच पाय सके।
LUK 6:35 पर मिले न नोको मिले, पर माँगन वालो ला उधारी देव, यो तुमरो लाय मोठो फर होयेत। अना तुम्ही परमेस्वर को, टूरा-टूरी कहलाने, काहे की जोन परमेस्वर ला नही मानासे, अखीन बुरो भी सेत, ओको पर भी, परमेस्वर भलो सेत। अना आपरो सतरु लक, माया करो।
LUK 6:36 जसो परमेस्वर दयालू से, वसोच तुमी दयालु बनो।
LUK 6:37 तुम्हि न्याय नोको करो अना “नोको बोट उठाव, नही तो तुमरो पर भी उठायो जाहेत।” छिमा देदो, तो तुमला भी छिमा कर दियो जाहेत।
LUK 6:38 देवो तो तुमला भी दियो जाहेत, लोकगीन ठुस-ठुस के गजब, तुमरो आचर मा डाखेत। काहेकि जोन नाप लक तुम नापिसेव, वोच लक तुमरो लाय नापयो जाहेत।
LUK 6:39 मंग वोना उनला यो हाना डाखिस, “का अँधरा-अँधरा ला रस्ता चोवाय सकासे? दुई खोदरा मा पड़ जाहेत।”
LUK 6:40 का चेला आपरो गुरूले मोठो होयेत, नही, आपरो गुरू को जसो भई जाहेत योच लगत से।
LUK 6:41 तु आपरो भाऊ को डोरा मा तिनका, काय लइ चोवासेस, पयले आपरो डोरा मा को लठ्ठा नही चोवसे।
LUK 6:42 जबा तोला आपरो डोरा को, लठ्ठा नही चोवासे, तबा आपरो भाऊ ला कसो कह सकसे? अगा भाउ, रव्हजोस, तोरो डोराको तिनका हेड़देसू। अगा कपटी पयले, आपरो डोरा लक लट्टा हेड, तबा, आपरो भाऊ को डोरा मा लक, तिनका हेड़न काजी, साजरो लक चोवजोस।
LUK 6:43 असो साजरो झाड़ नोहोय जेव निकम्मो फर आनेत, अखीन असो नोहोय का निकम्मा झाड़ सजरो फर आनेत।
LUK 6:44 अना सप्पा झाड़ अपरो फर लक चिन्हो जासेत काहेका लोग गीन झाड़ी मा लक अँजीर नही तोड़त अखीन कांटा को झाड़ लक अंगूर नही तोड़ासेत।
LUK 6:45 साजरो मानूस अपरो मन को साजरा पेटखोली लक सजरो गोस्टी हेड़ासे अना बुरो मानूस अपरो आतमा को पेटखोली लक बुरी- बुरी गोस्टी हेड़ासेस काय की जेनो आतमा मा ठुसीसे वाच वोको टोंड पर अवासे।
LUK 6:46 जबा तुमी मोरो कव्हनो नही मानो ता कायलाय मोला हे पिरभू, हे पिरभू! कव्हसो
LUK 6:47 जोन मोरो जवर आवासे अखीन मोरी गोस्टी आयकासे वोला मी ओरखूसु अना मी तुमला सांगसू का उ कोन को जसो से।
LUK 6:48 उ वोनो मानूस को जसो से जोन घर बनावतो बेरा मा धरती ला खोदकर गहेरी करके ना वोना चट्टान मा पाया डाकीस अखीन जबा पूरा को धार वोना घर मा लगी अना वोनो घर ला नही हलाय सकीस काहेकी उ घर पक्को बनयो होतो।
LUK 6:49 पर जोन आयक के नही मानसे उ मानूस वोको जसो से जोन चट्टान मा पाया खोदन को जघा जमीन मा बिना पाया को घर बनावासे अना जबा पूर आवासे, त वोको घर नास भय जासे।
LUK 7:1 जबा उ लोग गीन ला, गजब सी गोस्टी सांग चुकयो तबा कफरनहुम नगर मा आयो।
LUK 7:2 वहान एक सूबेदार को, एक नौकर बिमारी लक, मरन वालो होतो। सुबेदार वोला गजब चाव्हत होत्यो।
LUK 7:3 यीसु की गोस्टी ला आयक के, सुबेदार यहूदिगीन आपरा सयानो गीनला, अना कई नावी मानूस, ला यीसु को जवर, बिनती करन धाड़िन, का जायके वोको नौकर ला बचाय लेय।
LUK 7:4 गुरू गीन यीसु को कठा आइन, अखीन बिनती करके कव्हन लगीन। उ सूबेदार यो काबील सेत, का वोको नौकर ला, तू साजरो कर दे।
LUK 7:5 काहे का, यो सभाघर ला वोच ना बनवाइसेस। अना उ आमरो लोक गीन लक माया राखासे।
LUK 7:6 यीसु उनको, संग-संग गयो, वय वोको, घर को, कठा पहुचयो होतिन, सुबेदार ना आपरो संगी गीनको जवर, यीसु को लाय यो खबर धाडीस। पिरभू दुख नोको उठावस, काहेकी, मी यो काबिल नही सेव, का तुमी मोरो छत मा आव।
LUK 7:7 एको काजी मी तोरो कठा नही आईसेव, पर तू वहाँच लक हुकूम दे, अना मोरो दास साजरो भय जाहेत।
LUK 7:8 मी खुदच सरकारी अधिकारी सेव। अना सिपाई मोरो हात को खाल्या सेत, अना जबा मी, एक ला कव्हसू, तु जाय, तो उ जासे अना दूसरो ला कव्हासू तू आव तो उ आवासे। अखीन अपरो दास ला कव्हासू का तु यो कर त उ करासे।
LUK 7:9 यो आयक के यीसु ला अचंभा भयो, वोना आपरो मंघा आवन वालो ला कव्हयो, असो भरोसा ठेवन वालो मी, इसरायल लोक मा नही चोवीसेव।
LUK 7:10 अना खबरिया, जबा घर मा आइन, तबा उ दास सजरो भय गयो होतो।
LUK 7:11 काही दिवस को मंघा, यीसु नाईन नाव को नगर मा गयो। गजब जनता, अखीन चेला गीन वोको संगमा होतिन।
LUK 7:12 जब वय नगर मा भीतर धसन को जघा मा गयीन, तब लोक साकोली मा एक लास बाहेर ले जावत होतीन। उ आपरो माय को एकच टूरा होतो, अना वोकी माय बेवा होती, नगर को लगत जनता वोको संग होतीन।
LUK 7:13 वोला चोवके यीसु पिरभू दया लक भर गयो, अखीन वोको लक काहीस, रड़स नोको
LUK 7:14 तबा वोना जवर आयके सकोली ला छिइस अखीन उचलन वारा उभो भईन। तबा वोना कव्हासे ओ जुवान तोला कव्हसू का उठ जाय,
LUK 7:15 तबा मुरदा जाग के ना बस गयो, अखीन वोना वोकी माय ला सोप देइस।
LUK 7:16 यो चोवके सबा डराय गईन, अउर वय, परमेस्वर को बड़ाई करके कव्हन लगीन, का हमारो बिच मा एक मोठयो भविस्यवक्ता आईसे, अखीन परमेस्वर आपरो लोक-बाग गीन पर किरपा करीसेस।
LUK 7:17 अना ओको बारे मा यो गोस्टी सप्पा यहुदिया अना अगल-बगल को सब देस मा फैल गयो।
LUK 7:18 योहन को चेला गीन, यो गोस्टी वोला सांगिन।
LUK 7:19 तबा योहन आपरो चेला मा लक दोन ला, यीसु पिरभू को कठा, यो पूसन ला धाड़िस, का आवनवालो तू च आस? का दुसरो सेत, हमि वोको बाट चोयबीन।
LUK 7:20 तबा वय लोक ओको जवर आवा सेत ता उनना कहिन योहन बप्तिस्मा देन वालो यो कव्हके पूसन ला धाड़िसेस। “का आवनवालो तू च आस, का अखीन कोनी सेत?”
LUK 7:21 ओना बेरा, ओना गजब बिमार ला दया लक साजरो करीस, अँधरा गीनको डोरा उघाड़ो, अना भूत-पलीत ला भगायो।
LUK 7:22 वोना उनलक कहीस, जोन काही तुम्ही ना चोवीसेव, अखीन आइकू सेव, जायके योहन लक साँगने का, अँधरा चोवा से, लंगडा हिडंसे, कोढी साजरो होवासे, बहेरा आयकासेत, मरयो हुयो जित्तो होवासे, अखीन गरिब गोर गीनला, परमेस्वर को साजरो बारता सांगासेत।
LUK 7:23 अना धन्य “किस्मत वारा से” उ जोन मोरो बारे मा ठोकर ना खाय।,
LUK 7:24 जबा योहन को चेला चले गइन, त यीसु योहन को बारे मा लोग गीन ला संगिस, “तुमी जंगल मा का चोवन गयो होतो? का हवा लक हिलतो, झाड़-झड़ुला ला।
LUK 7:25 तुमी का चोवन गयो होतो? का नरम कपरा पहरो हुवो मानूस ला, जोन सजरा कपरा पहिरिसेस, अना सुख लक रव्हसे? उ महीमा लक राज दरबार मा रव्हसे।
LUK 7:26 तबा तुमी का चोवन ला गयो होतो, का कोनी भविस्यवक्ता ला? मि तुमरो लक कव्हसु, उ भविस्यवक्ता लक मोठो सेत।
LUK 7:27 यो वोच से जेनको बारे मा लिखिसे, चोव मी, आपरो दूत ला, तोरो पूढ़ा-पूढ़ा धाड़सु, जो तोरो पूढ़ा लक रस्ता सीधो करयेत।
LUK 7:28 मि तुमी ला कव्हसू, जोन बायको लक जलमो से, उनमा कोनी योहन लक मोठो नहात। पर जोन परमेस्वर को राज मा, सबा लक नाहनो सेत, उ योहन लक मोठो सेत।”
LUK 7:29 सबा जनता अखीन जमा लेवन वारा अधिकारी गीन, जबा यो आयकिन तो, उनना योहन को बप्तिस्मा लेवन को कारन, परमेस्वर को न्यायीपन ला खरो मान लेईन।
LUK 7:30 अखीन धरमगुरू अना मोसे को नियम को गुरू ना, वोको बप्तिस्मा नही लेइन, अखीन परमेस्वर ना उनको लाय, जोन तरकिब हेड़ो होतो, वोला नापास कर देईन।
LUK 7:31 यीसु ना कव्हयो, अता मी, यो जुग को लोकगीन ला, कोनी को जसो समझू, यो कोनी को समान सेत?
LUK 7:32 वय वोना टूरागिन को जसो से, जो हाट मा बस्यो एक दुसरो लक हाकलके कव्हासे, अमीना तुमरो लाय बंसरी बजाया, अखीन तुमी नही नाचिसेउ, हमी दुखी भयी सेजन, अखीन तुमी नही रड़ीसेव।
LUK 7:33 योहन बप्तिस्मा देवन वालो कभी जेवन नही जेवो, न कभी दारू पिविस, मंग तुमीना कव्हयो, एको मा बालजबुल से।
LUK 7:34 मानूस को टूरा जेवन करतो अना पिवतो आयो सेत अना तुम्ही कव्हसो चोवो, यो मानूस कसो अघोरी सेत? यो तो, बरगन लेवन वारा पापी गिनको संगी सेत।
LUK 7:35 पर परमेस्वर की अक्कल अपरो सबा परजा को लक खरो दिसाईसेस।
LUK 7:36 कोनी मोसे को नियम को गुरू न बिनती करीस, की मोरो संग जेवन कर, तबा धरमगुरू को संग, ठाव मा बस्यो।
LUK 7:37 नगर मा एक पापी बायको होति। वोला पता चलयो, का यीसु मोसे को नियम को गुरू को घर मा जेवन ला बसीसे, वहान वोना एक सीसी मा इतर आनिस।
LUK 7:38 अखीन रड़त-रड़त यीसु को पाय को जवर उभी भई, अना अपरो आसूँ लक, ओको पाय ला धोवन लगी, अखीन अपरो चुन्दी लक पाय ला पोछन लगी। अना पाय को चुम्मा लेवन लगी, अना इतर ला मलन लगी।
LUK 7:39 जोन मोसे को नियम को गुरू यीसु ला निवता देई होतिस, असो चोवके! मन च मा कव्हन लग्यो “यदि यो मानूस भविस्यवक्ता होतो तो जान लेतो का यो बायको कसी से अना काजक करासे? काहे की वातो पापी होती।”
LUK 7:40 वोको मन को बिचार जान के यीसु वोला कव्हयो ओ सिमोन! मि तोला काही कव्हनो चाव्हसू। वोना जवाब देइस गुरूजि सांगो।
LUK 7:41 तबा यीसु न कहीस, कोनी साउकार का दुई करजदार होतिन, एक पाँच सौ दीनार, अना दुजो पचास दीनार लेई होतिस।
LUK 7:42 उनको जवर काही पटावन ला नही होतो। तो उ साउकार ना उनको करजा छिमा कर देईस। वोना दुई मा कोनी साउकार लक लगत माया करयेत।
LUK 7:43 सिमोन ना उत्तर दियो, मोरो समज मा मी तय करासू वोच से, जोनला लगत दे दियो गयो से। वोना वोको लक कहीस, की तु साजरो कव्हासेस।
LUK 7:44 अना वोनो बायको कन मुरकके, सिमोन ला सांगिस, का तु या बायको ला चोयोसेस, मि तोरो घर मा आयो, पर तु मोरो पाय धोवन लाई पानी नही देईस। पर या बायको, मोरो पाय ला आसूँ लक भिगोय के, अपरो चुन्दी लक पोछिसेस।
LUK 7:45 तुना मोला चूमा नही देईस, पर जबा लक मि आईसेऊ, या मोरो पाय ला चुमनो नही छोड़िस।
LUK 7:46 तुना डोस्का पर जैतून तेल लगावन नही देईस, पर येना मोरो पाय मा इतर मलन लगी।
LUK 7:47 येको लाय मि तोला सांगसु, या बायको को लगत पाप, छिमा भई सेति। काहेका यो मोरो लक, लगत माया करासे। पर जेनको जरासो छिमा भयोसे, वा जरासो माया करासे।
LUK 7:48 तबा यीसु वोना बायको ला कहीस, आव बाया जाय तोरो पाप छिमा भय गई सेति।
LUK 7:49 तबा जोन, यीसु को संग जेवन लाय बसाया होतीन। वय बिचारन लगीन यो कोन से? जो पाप ला छिमा करासे।
LUK 7:50 तबा यीसु न वा बायको लक कहीस, तोला तोरो बिस्वास साजरो मोक्स देइसेस, तु सान्ती लक घर जाय।
LUK 8:1 योको मंघा उ नगर-नगर अना गाँव-गाँव परमेस्वर को राज को साजरो बारता साँगत होतो।
LUK 8:2 अना बारा चेला भी वोका संग होत्यो, अना गजब आई-माई गीन, जोन भुत-पलित लक, अखीन बिमारी लक, साजरी भयी होतिन। अना उनको नाव यो सेत। मरियम मगदलीनी जेनको मा सात भूत होतिन।
LUK 8:3 अना राजा हेरोदेस को खजांची खोजा की बायको, अना योअन्ना अना सुसन्ना अना लगत आई-माई गीन होतिन, अना यो आपरो धन-माया लक, पिरभू को सेवा करत होतिन।
LUK 8:4 जबा, मोठि भीड़ ओको कठा एकठ्ठो भईन, अना नगर-नगर को लोक हुन जमा होवन लगीन, तबा वोना उदाहरन लक सांगिस।
LUK 8:5 एक बीज-बोवनवालो, बीज-बोवन हिटयो। बोनी करत बेरा, काही बीज रास्ता को कठा पड़यो। अना उनला बादल को पक्सी न आयके खाय लियो।
LUK 8:6 अना काही बीज चट्टान पर पड़यो अना उगयो, अखीन माटी न मिलन लक सूक गयो।
LUK 8:7 काही बीज कांटा को झाड़ को बिच मा पड़यो अना झाड़ झकड़ संग-संग बढके ना ओला दबाय देईस।
LUK 8:8 अना काही बीज साजरो जघा मा पड़यो अना उगके सौ गुना फर लायो। यो कहके ओना उचो आवाज लक कहीस, सबा ध्यान धरके आयको।
LUK 8:9 वोको चेला गीन पुसन लगीन, यो उदाहरन को काजक मतलब से? तबा वोना सांगिस,
LUK 8:10 “तुम ला परमेस्वर को राज को, छुपयो गोस्टी को समझाय दियो गयो से। पर परायो ला, उदाहरन लक आयकवायो जासे। एकोलाय का वय चोवकेना बिना चोवो जसो भयी जाय, अखीन आयकनो पर भी नही समजेत।”
LUK 8:11 उदाहरन को मतलब असो से, बीज तो परमेस्वर को गोस्टी से।
LUK 8:12 “रास्ता को किनार का बीज वय सेती। जोना आयकीस, तबा बालजबूल उनको मन लक, गोस्टी उचल ले जासे। कही असो नाहती की भरोसा राखेत, अना साजरो बिस्वास लक सूटकारा मिल जाये।
LUK 8:13 चट्टान मा पड़ियो बीज वय सेत, जोन परमेस्वर को गोस्टी ला खुसी-खुसी लक आयकासेव सेत, अना मानन लगासे। पर उथलो भरोसा राखासे, काहेका उनमा जड़ नही रव्हासे, अखीन परिक्सा को बेरा मा सब भरोसा खतम होय जासे।
LUK 8:14 जोन बीज कांटा को झाड़ पर पड़ासे, उ वय लोग सेत, जोन परमेस्वर को गोस्टी ला, आयकन पर, पयले धन-माया की चिंता, रोज को जिंदगी को सुक, लोभ-माया को कारन, उन मा फर नही लगासे।
LUK 8:15 साजरी जघा पर पड़ियो हुयो बीज, वय लोक होत्यो, जोन गोस्टी ला आयक केना, वोना बिचारीस, अखीन साजरो मन लक, अपनावसेत, अना धिरज लक फर आनासे।”
LUK 8:16 दियो पेटावनो को मंघा, बरतन लक नही ढाकासे, अखीन ना खाट को खाल्या ठेवासे। मंघ फूल मा राखसेत, का भीतर अवन वालो ला, उजाड़ो दिसेत।
LUK 8:17 काही, लुको नहात, जोन उघाड़ो ना जाहेत, अखीन उ सबला दिसेत, अखीन काही लुकयो नहात, जोन सबला ना दिसेत।
LUK 8:18 “एको लाय होसियार रव्हो, का तुमी काजक आयकसेव? काहेका जेनको जवर सेत, वोला अखीन दियो जाहेत। अखीन जेनको जवर नहात, पर जोन सेत, उ सप्पा ले लियो जाहेत, जोनला वो आपरो समजासे।”
LUK 8:19 वोको भाऊ, अखीन माय, वोको जवर आइन। पर भिड को कारन लक, यीसु लक, नही मिल सकिन।
LUK 8:20 कोनी ना सांगिस का, “तोरो माय अखीन भाऊ, बाहेर उभो सेत, वय भेंट करन आइसेस।”
LUK 8:21 वोना फट ने जवाब देईस, मोरी माय अखीन भाऊ वोच से, जोन परमेस्वर को गोस्टी आयका सेत, अखीन मानासेत।
LUK 8:22 अना एक दिवस यीसु, अखीन वोको चेला, डोंगा पर चढिन। वोना अपरो चेला लक कहीस, “आव हमी झिल को वोना गन जाबिन।” अना वोना नाव ला खोल देईन।
LUK 8:23 जबा नाव चलन लगी, तो यीसु झोप गयो, तबा झिल मा आँधड़ चली, अना डोंगा पानी मा, बुड़न लगयो। अना वय संकट मा पड़ गेईन।
LUK 8:24 तबा उनना, जवर आयके वोला जगाईन, अना कव्हयो, मालीक-मालीक हमी नास भई जाबिन, तबा वोना, आँधड़ अखीन पानी ला डटकार के हुकूम देइस, अखीन आँधड़ थम गयो, अना उनको मन मा, सुकुन आयो।
LUK 8:25 तबा वोना उनला कहीस, “कसो, तुमरो भरोसा कहांन से?” अना वय डराय गयो होतीन, अना चकित होय के कव्हन लगीन “उ कोन आय जोकी हुकूम पानी अना आँधड़ भी मान सेती।”
LUK 8:26 अना वय गिरोसेनियो नाव को देस मा पहुचीन। जोन ओनागन गलील परदेस को पुढा मा से।
LUK 8:27 जबा व डोंगा लक खालया मा उतरियो, तो उ नगर मा एक मानूस होतो। जेनको मा भूत-पलित धसी होतीन। उ बिना कपरा को रव्हत होतो, न तो घर मा रव्हत होतो, उ मरघट्टी को जघा मा रहोत होत्यो।
LUK 8:28 व यीसु ला चोवयो, तो चिलवन लग्यो, अना ओको पुढा मा, पड़यो, अना उच्चो आवाज लक कव्हन लग्यो। “ओ मोठो, परमेस्वर को टूरा यीसु! मोला तोरो लक का काम से? तोरो लक बिनती करासू, मोला दुख नोको दे।”
LUK 8:29 काहेका उ भूत-पलित ला हिटन को हुकूम देवत होतो। व ओला घड़ी-घड़ी झूमत होतो अना ओला साँकल अना बेड़ी मा बांधत होतिन, पर उ बंधन ला पटा-पट तोड़ देत होतो। अना जंगल मा भागतो फिरतो रहोत होतो।
LUK 8:30 यीसु न ओको लक पुसीस की, तोरो काजक नाव से। वोना सांगिस, मोरो नाव सार संगाड़ से, काहेका वोको भितर मा, लगत सारी बुरो आतमा होती।
LUK 8:31 वोना बिनती करीस हमला नरक मा जावन को हुकूम नोको देव।
LUK 8:32 वहान, पहाड मा खालमानी को एक मोठो करप चर रहयो होतो। एको लाय उनना, ओको लक बिनती करीन, हमला उनमा धसन देव। यीसु ना कहीस जाय!
LUK 8:33 तबा भूत-पलित ओनो मानूस लक हिटके, खालमानी मा धस गईन। अना हेड जोर लक झपटयो, अना झिल मा जायके बुड़ गयीन, अना मर गयीन।
LUK 8:34 तबा चरानवारा गीन, असो कान्ड चोय के पारय गेईन। अना नगर मा जाय के सबला सांगिन।
LUK 8:35 लोग यो चोवन, लाई यीसु को कठा आइन, अखीन उ भुत वालो मानूस ला चोवके ना भेव मा पड़ गईन। काहेका उ मानूस कपरा घाल केना सान्त यीसु को कठा बस्यो होतो।
LUK 8:36 अना चोवनवारा गीनना उनला सांगीन का भुत लक झोमयो हुयो मानूस कसो रिति लक साजरो भयी से।
LUK 8:37 तबा गिरोसेनियो छेतर को आखा-पाखा को लोकगीन, बिनती करन लगीन, तुम्ही यहान लक चली जाव, काहे का लोग गजब भेव मा पड गई होतीन। यीसु नाव मा चघ के ना लवट गयो।
LUK 8:38 जोन मानूस लक बुरो आतमा हिटी होती। उ यीसु लक बिनती करके कव्हन लग्यो, मोला आपरो सँगा रव्हन दे। तबा
LUK 8:39 यीसु ना कव्हयो, “का तु घर जाय, अखीन लोकगीन ला सांगजो, का परमेस्वर ना तोरो लाय, काजक-काजक काम करीसेस।” उ चले गयो अखीन सबा, नगर-नगर मा, यो गोस्टी ला परचार करन लग्यो। का यीसु ना मोरो लाय कसो मोठो काम करयो से।
LUK 8:40 जबा यीसु लवट गयो, तबा लोग गीन वोको मान करीन, काहे का सबा वोको बाट जोहत होतीन।
LUK 8:41 वोना बेरा सभाघर मा, याईर नाव को एक मुखिया आयो। अखीन यीसु को पाव पड़के, ना बिनती करन लग्यो, का मोरो घर चल,
LUK 8:42 काहेका वोकी एकच टूरी होती। वोको, उमर 12 साल होति, व आखीर सांस लेवत होति। यीसु वोको संग जावन लग्यो। रस्ता मा भीड़, यीसु ला, दबान लगीन।
LUK 8:43 एक बायको बारा बरस लक लाल धोवा को बीमारी लक, परेसान होती, वा साजरो होवन को लायक भी नहोती। वा आपरो सबा धन, बैद को जवर, इलाज मा लगा देयि होती, पर उ साजरो नही भई।
LUK 8:44 वा आयके ना, कपरा को छोर ला, छिव लेयी, अखीन वोको रकत बहनो, बंद भई गई।
LUK 8:45 तबा यीसु ना कव्हयो, “मोला कोन छिवी से?” सबको मना करन को मघा, पतरस ना कव्हयो, “गुरूजी, तुम्ही भीड़ लक घिरोसव, अखीन भीड़ तोरो पर पड़ासे।”
LUK 8:46 यीसु ना कव्हयो, “कोनी ना जरुर मोला छिवी सेस, काहे का मी ना समज गई सेव, का मोरो लक, साजरो होवन वालो ताकत हिटी से।”
LUK 8:47 तबा वा बायको ना चोयी, का मी लुक नही सकसू, तबा थरथारान लगी, यीसु को पाय पड़के ना, सब लोकगीन को पूढा सांगन लगी, का काहे छिवीसेव, अखीन उ कसो साजरो भई गई।
LUK 8:48 यीसु ना वोला कव्हयो “बेटी, तोरो भरोसा ना तोला साजरो करीसेस। तू सान्ती लक घर जाय।”
LUK 8:49 यीसु साँगत होत्यो, तबच उ सभाघर को मुखिया लक एक मानूस आयो। अखीन कव्हयो, “तोरी टूरी मर गई, तु गुरूजी ला सांग दे।”
LUK 8:50 यो आयक के, यीसु न कव्हयो, “भेव नोको खाय, भरोसा राख, उ साजरो भई जाहेती।”
LUK 8:51 जब यीसु याईर को घर मा, पहुचयो। तो वोना पतरस योहन अना याकूब, अखीन टूरी को माय-बाबूजी को सीवा कोनी ला भीतर नही, आवन दियो।
LUK 8:52 सब रड़त होतीन, यीसु ना कहेयो “नोको रडो, यो मरी नहाति, पर जप मा से।”
LUK 8:53 लोकगीन यीसु को मजाक उडावन लगीन, काहेका, सब जानत होतीन। का वा मर गईसे।
LUK 8:54 यीसु ना टूरी को हाथ धरके ना कव्हयो, टूरी उठ ओ।
LUK 8:55 तबा टूरी को जीव लवट के आई गई, अखीन उ जाग के ना बस गई। यीसु न कव्हयो, एला काही जेवन देव।
LUK 8:56 वाको माय-बाबूजी चकीत भई गईन। पर यीसु न कव्हयो, यो चरचा कोनीला नोको सागजोस।
LUK 9:1 तबा यीसु ना, 12 चेला गिनला हाकलिस। अना उनला, भुत-पलित, बुरो आतमा हेड़न अना बिमारी साजरो करन की ताकत, अखीन अधिकार देईस।
LUK 9:2 अना उनला, परमेस्वर को राज को परचार करन लाई, अखीन बिमार गीनला, साजरो करन लाई, धाडीस।
LUK 9:3 वोना उनको लक कहीस, का रास्ता लाई काही नोको आनने रुपिया-पैसा, लाठी-वाठी, खानो-पिनो को समान, कुरता-पचिया झोला-झंकड़ नोको राखने।
LUK 9:4 जेनो घर मा, तुमी उतरनो, वहान रव्हने, अखीन वहान लक, सार होवने।
LUK 9:5 जोन कोनी तुम्हिला नही पुसेत, उ नगर लक हिटके ना, आपरो पाय को बारू ला झड़ाय लेने जोन उनको विरोध मा, गवाही होयेत।
LUK 9:6 अखीन वोना हिटके ना, गांव-गांव मा परमेस्वर को साजरो बारता, आयकावत होतिन। अखीन गजब लोग गिनला, हिन्ड-हिन्ड के, साजरो करन लगीन।
LUK 9:7 तबा चौथाई देस को राजा हेरोदेस, यो सबा ला आयक के, भेव खाय गयो। अखीन सांगन लग्यो, योहन मरयो हुयो जित्तो, भई से।
LUK 9:8 अना काही कव्हन लग्यो, का भविस्यवक्ता एलिय्याह, अखीन काही सांगत होतिन, का कोनी जुनो भविस्यवक्ता, जिव गईसे।
LUK 9:9 तबा हेरोदेस राजा ने कहीस, योहन जोनको मिना, डोस्का कपवायो डाखिसेव, यो कोन आय? जेनको बारे मा, असो गोस्टी आयकुसु, अना उ यीसु ला देखनो की मन कर लेइस।
LUK 9:10 मंग पेरीतगीन लवट के, जोन काही करयो होतो, उ यीसु ला सांगीन, अना उ उनला, आपरो संग, बैतसेदा नाव को नगर मा ले गईस।
LUK 9:11 यो जान के, भिड़ ओको माघा भई गई, अना उ खुसी लक ओको संग मा मिलयो। अखीन उन को लक, परमेस्वर को राज गोस्टी करन लगयो। अखीन जोन लोग गीन साजरो होवनो चाव्हत होतिन, उनला साजरो करीस।
LUK 9:12 जबा दिवस बुड़ता बेरा भयो, तबा 12 पेरीतगीन ना, आयके वोको लक कहिन, भीड़ ला सार कर दे, वय चारो कन का गांव, अना बस्ती मा जाय के, रव्हन को इन्तेजाम करयेत, काहे की हमि, एक सुनसान जघा मा, सेजन।
LUK 9:13 ओना उनको लक कहीस, तुमी उनला जेवन ला देव, उनना कहिन, हमरो जवर पांच भाकर अना दूई मसरी, ला सोड़ अखीन कहि नहात। का तू कव्हसे, की हमि जायके, सबा लोकगीन लाय, जेवन आनबीन?
LUK 9:14 वहान पाँच हजार मानूस होतिन। मघं उ आपरो चेला गीनला, कहीस, उन ला पचास-पचास की पंगत मा बसाय देव।
LUK 9:15 उन ना असोच करीन, सबला बसाय देईन।
LUK 9:16 तबा वोना पांच भाकर अना दोई मसरी लेईस, अउर सरग को कन चोवके ना, धन्य वाद कहीस, अउर तोड़-तोड़ के चेला गीनला देईस, क वय लोग गीन ला परसे।
LUK 9:17 तबा सारा लोग खायकर खुसी भईन, अना चेला गीन ना, बचया हुयो टुकड़ा गीन ला, 12 डलीया मा उठाईन।
LUK 9:18 जबा उ एकांत मा, पिराथना कर रहयो होतो। अखीन चेला वोको संग मा होतीन। ता वोना उनको लक पुसीस, लोकगीन मोला का कव्हसे?
LUK 9:19 तबा चेलागिन जवाब देईन, योहन बप्तिस्मा देवन वालो, अना कोनी-कोनी, एलिय्याह अखीन गियान की सजरी-सजरी गोस्टी सांगन वालो, जुनो भविस्यवक्ता जिव गई से।
LUK 9:20 वोना वोको लक पुसिस, अखीन तुमी मोला, का कसो? पतरस ना जवाब देईस, तू परमेस्वर का मसीह आस।
LUK 9:21 यीसु ना अपरो चेलागिन ला, कड़ाई लक हुकूम देइस, का यो गोस्टी कोनी ला, नोको सांगने।
LUK 9:22 यीसु ना सांग्यो मानूस को टूरा लाय लगत दुख उठानो जरूरी से, अखीन सियानो अना मुखिया याजक अना मोसे को नियम को गूरू लक उ नकारो जाय, अना उ तिसरो दिवस मरयो हुयो लक जित्तो होहेत।
LUK 9:23 तबा यीसु ना सबा लक कव्हयो, जो मोरो मघ आवन चाव्हासे, आपरो आप ला नकारे, रोज कूरूस उठायके मोरो मघा आहेत।
LUK 9:24 काहे का, जोन आपरो जान बचावनो चाव्हासे, उ वोला खो देहेत, अना जोन मोरो कारन आपरो जान खो देहेत, वोच वोला पाहेत।
LUK 9:25 वोना मानूस ला, का फायदा? जोन खुदला नास कर दे, अखीन जगत को धन पाय जाय।
LUK 9:26 जोन मोला अखीन, मोरो कव्हनो ला मानन लाय, लाज करयेत, मानूस को टूरा आपरो तेज को संग आहेत तो वोला सबको पुआ नकार देहत, अखीन जोन सबको पुढा वोला मान लेहेत, वो वोला परमेस्वर अखीन पवीतर सरगदूत, को पुढा मान लेहेत।
LUK 9:27 मि तुम्ही लोक गीन ला, खरोखर सांगासू, यहान काही लोकगीन सेत, जबा लक परमेस्वर को राज ला नही चोव लेत, वो नही मरहेत।
LUK 9:28 यो गोस्टी को हपता भर बाद मा, यीसु पतरस योहन अना याकूब ला, आपरो सगंमा, पहाड़ मा ले गयो। अना वहान परमेस्वर लक पिराथना करन लगीन।
LUK 9:29 पिराथना करत-करत, यीसु को टोंड चमकन लग्यो, कपरा उजरो भय गयो।
LUK 9:30 एकदम चेला गीनला, यीसु को संग, दुई मानूस गोस्टी करत चोवयो, वोना मोसे, अखीन एलिय्याह भविस्यवक्ता होत्यो।
LUK 9:31 वय दुई मा लगत तेज होत्यो, उ काही येरुसलेम मा होवन वारा, घटना को बारेमा, सांगत होत्यो।
LUK 9:32 पतरस अखीन वोको सगीं जपमा होतिन, मंग वय जप लक जाग गयो होतिन। ता वोना यीसु अखीन वय दुई ला तेज समेत चोईन।
LUK 9:33 वय दुई, यीसु को जवर लक, बिदा हो रहयो होतो। तबा पतरस, यीसु ला कव्हयो, मालीक, कितरो साजरो होतो, का हमि तिन मान्डो गाड़बोन, एक तोरो, एक मोसे, अखीन एक एलिय्याह काजी, वोला पता नही होत्यो। क उ काजक, सांग रहि सेस?
LUK 9:34 उ सांग रहयो होतो, का एक बादल न आयके, वोना पर छाय गयो, अना वय डराय गइन।
LUK 9:35 बादल लक यो आवाज आयो, यो मोरो चहेतो टूरा आय अना मोरो निवाड़ो हुया से, एको आयको।
LUK 9:36 आवाज आवन को मघा, यीसु एकलो चोवयो, चेलागिन यो बारे मा काही, नही सांगिन।
LUK 9:37 दुसरो दिवस जबा, वय पहाड़ लक उतरीन, तबा गजब लोकगीन मिलन ला आइन।
LUK 9:38 अना भिड़ मा लक, एक मानूस ना चिल्लाय के कव्हयो, हे गुरू मी तोरो लक बिनती करासू, का मोरो एकच टूरा से, वोको पर किरपा कर।
LUK 9:39 वोला एक भूत धरसे, अना उ एकदम बेमियासे, आँग ऐठासे, टोन्ड मा फेसकुड़ आवासे, अखीन वो भूत वोलो कठनाई लक छोड़ासे।
LUK 9:40 मि ना तोरो चेला गीन, लक बिनती करीसेव, का वोला हेड़ देव, पर कोनी नही हेड सकिन।
LUK 9:41 तबा यीसु ना जवाब दियो, ओ अबिस्वासी अना केड मानूस, मि कबा तकन तुमरो संग मा रहु? वोला यहान आनो।
LUK 9:42 जसो टूरा समोर मा आयो, बुरो आतमा वोला धर के ना मरोड़ दियो, पर यीसु ना वोला डटकार के वोला परान को हुकूम दियो, उ टूरा साजरो भय गयो, अखीन वोला वोको बाबूजी ला सोप देइस।
LUK 9:43 सबा लोग गीन परमेस्वर कन लक यीसु को काम चोवके ना, चकित भई गईन। तब यीसु ना आपरो चेला गीन ला कह्यो
LUK 9:44 तुम कान धरके ना मोरो गोस्टी ला आयको, मानूस को टूरा मानूसगिन लक धराय जान वारा सेत।
LUK 9:45 पर यो गोस्टी उनला, समज मा नही आयो, काहेका परमेस्वर ना, उनको समजन को बुध्धि ला, हर लियो होतो। उनला यो बारे मा, बिनती करनलाय लाय भेव लगत होतयो।
LUK 9:46 चेलागिन, आपसी मा कव्हन लगीन। आमी मा कोन मोठो सेत?
LUK 9:47 यीसु ना उनको दिल को गोस्टी जान, एक लेकरा ला उभो करके,
LUK 9:48 अना उन लक कव्हयो, जोन मोरो नाव लक, असो लेकरा ला आपरो समजा से, उ मोला आपरो समजा से, अना जोन कोनी मोला आपरो समजा से, परमेस्वर वोला आपरो समजा से, काहेका तुम्ही लक, जोन कोनी नान्हो सेत, वोच सबा मा मोठयो सेत।
LUK 9:49 योहन यीसु को जवर आयके ना, कव्हन लग्यो, गुरूजी एक मानूस से, जो तोरो नाव लक बुरो आतमा हेड़ासे, पर उ हमरो संगी नहाय।
LUK 9:50 तबा यीसु ना कहीस, वोला मना नोको करो। जोन आमरो विरोध मा नहात उ आमरो कना से।
LUK 9:51 यीसु येरुसलेम नगर जावन लाय, आपरो मन मा ठान लियो, काहेका वोको वरता उचलन को, बेरा जवर, आय गयो होतो।
LUK 9:52 यीसु ना आपरो पुढा सन्देसा देवन वालो ला धाडीस, समरिस्थान मा, सामरी लोक को लोकगीन रव्हत होतिन।
LUK 9:53 पर उन लोकगीन ना वोला नही रोखिन, काहे की वय येरुसलेम जावत होतिन।
LUK 9:54 यो चोव के वोको चेला याकूब अखीन योहन कव्हासेत, हे पिरभू तु हुकूम दे, हमि बादल लक स्तो पड़ाये के ना, गाँव ला भस्म कर डाकबो?
LUK 9:55 पर यीसु ना उनला डटकार देइस अना कहीस, तुमला मालुम सेत तुमी कोनतो आतमा को सेव? काहेका मानूस को टूरा लोकगीन ला मारन नही पर बचान आइसेत।
LUK 9:56 अखीन उ दुसरो गाँव मा चले गईन।
LUK 9:57 रस्ता मा जावत-जावत, कोनी ना वोला सांगिस, तुम्ही जँहा-जँहा जावासो, मि संग-संग आवासू।
LUK 9:58 तबा यीसु ना वोला कव्हयो, कोल्हिया को, रव्हन को ठिकनो से, बादर को पक्सी चिड़िया-चुनगुन काजी गोदा से, पर मानूस को टूरा ला डोस्का लुकान को जघा नहती।
LUK 9:59 वोना दुसरो ला कहीस, मोरो मंघा आय, पर वोना जवाब दियो, हे पिरभू मोला पयले मोरो बाबूजी ला गाड़ के ना आवन दे,
LUK 9:60 यीसु ना कव्हयो, मुरदा ला मुरदा गाड़न दे। पर तुम्ही जायके ना, परमेस्वर को राज को गोस्टी, सबला सांगो।
LUK 9:61 दुसरो ना कव्हयो, हे पिरभू मि आपरो घर लक बिदाई लेके आवासेऊ, तबा मी तोरो मंघा आँहू
LUK 9:62 यीसु ना कव्हयो, जो नांगर को मुठ मा हात धरके ना, मंघा चोवासे वो परमेस्वर को राज मा काबिल नहात।
LUK 10:1 यो सबको मंघा पिरभू अखीन बहात्तर चेला गीनला निवाड़ के जोन-जोन गाँव-नगर मा जावनवालो होत्यो, उता दुई-दुई करके आपरो पूढा धाड़िस।
LUK 10:2 यीसु ना उनला कहीस, पिक्को फसल गजब सेत, पर बनीहार जरासो सेत। यो काजी खेत को मालीक लक बिनती करो, का फसल कापन लाय, बनीहार धाड़हे।
LUK 10:3 जावो मि तुम्ही ला बिघा गीन को बीच मा, मेढा-सेरी को बच्चा जसो धाड़ासू।
LUK 10:4 तुम्ही झोला पियुसी, सेंडिल, कपरा काही नोको आनने अखीन रास्ता मा कोनी लक, नमस्कार नोको करने।
LUK 10:5 जबा कोनी घरमा भितर जावो, तबा सबा लक पूढा असो सांगने, का “यो घर को कल्यान होय।”
LUK 10:6 अदी कोनी कल्यान को काबिल सेत, तो वा घर मा, कल्यान रुक जाहेत, नही तो उ, तुमरो कठा लवट आहेत।
LUK 10:7 वोच घर मा रव्हने, अखीन उनको कठा जो सेत, वोच जेवन करने, घर-घर नोको फिरने। काहेका बनीहार ला वोको बन्नी मिलन को, हक सेत।
LUK 10:8 कोनी गावँ-नगर मा तुम्ही जावासो, आदर को सगं जोन परसा से, जेवन करने।
LUK 10:9 उता को बिमार गिनला साजरो करने, अखीन उनला सांगने, “परमेस्वर को राज तुमरो कना सेत।”
LUK 10:10 पर जोन गाँव-नगर मा जावासो, अखीन वहान को लोग गीन, तुमारो आदर नही करासेत, तो बजार-हाट मा जायके कव्हने,
LUK 10:11 आमरो पाय मा धुल सेत, आमी झाड़ देसेजन। पर तुम्ही जान लेव, का परमेस्वर को राज, तुमरो कठा आईसे।
LUK 10:12 मि तुम्ही ला सांगासु, वो दिवस लक सदोम-अमोरा नगर जसो, उ नगर मा सत्यानास आय जाहेत।
LUK 10:13 यीसु कव्हयो, “खुराजिन अखीन बैतसेदा नगर ला, धिक्कार से, जोन अचंभा को काम परमेस्वर को ताकत लक, यो नगर मा भयोसे, सूर अखीन सिदोन नगर मा होतो, तो वय लोकगीन पस्तावा कर, मन बदल के, परमेस्वर को कठा, आय गईन होतिन।
LUK 10:14 यो काजी, न्याय को बेरामा, सूर अना सैदा नगर को दसा, जादा खराब होहेत।
LUK 10:15 अना हे कफरनहुम नगर, तू का सरग लक वरता कियो जावजोस? नही, तू खाल्या नरक लक गिराय दियो जाहेत।”
LUK 10:16 जोन तुम्हारो आयक सेत, उ मोरि आयकासे, जोन तुम्हारो बेइज्जती करासे, उ मोरो बेइज्जती करासे, अखीन परमेस्वर को भी बेइज्जती करासे।
LUK 10:17 सत्तर चेला गीन खुसी लक, लवट के आयके कव्हन लगीन, हे पिरभू, तोरो नाव लक बुरो आतमा भी आमरो कब्जा मा सेत।
LUK 10:18 यीसु ना जवाब दियो, मी ना सैतान ला, बिजली को घाई सरग लक पड़तो, चोविसेव।
LUK 10:19 मि ना सरप, मेहदल, अखीन बयरी को सारो ताकत ला, कुचलन को हक देवासू, अखी काही भी तुम्हिला, हानी नही करयेत।
LUK 10:20 तरि यो काजी खुस नोको होवने, का बुरो आतमा तुमरो बस मा सेत पर एकोलक खुस होवो का तुमरो नाव सरग मा लिख्यो सेत।
LUK 10:21 वोच बेरा उ पवीतर आतमा लक खुसी मा भर गयो अना कव्हसेत, “हे बाबूजी, सरग अना धरती को मालीक, मि तोरो धनवाद करासू, का तूना यो गोस्टी ला, मोसे को नियम को गुरू अखीन समजदार लक लुकाके राखिसेस। अखीन नहानो लेकरा गीन पर, उजागर करीसेस। हाँ हे बाबूजी तोला, असोच साजरो लगिसेस।”
LUK 10:22 मोरो बाबूजी न मोला सबा कछु सोप देईसेस। अना कोनी नही जानासे, का टूरा कोन आय? केवल बाबूजी, अना बाबूजी, कोन सेत, कोनी नही जानासे, केवल टूरा? अखीन जोन पर टूरा उजागर करनो चाव्हासे, वोको पर उजागर करासे।
LUK 10:23 तबा चेला गीन कन, मुरकके ना एकलो मा कव्हयो, “धन्य सेत तुमरो डोरा, जोन यो गोस्टी चोवासे।
LUK 10:24 काहे का, मि तुम्ही लक कव्हसू, का गजब राजा भविस्यवक्ता, यो चोवनो चाहत होत्यो। पर उ नही चोव सकिन, आयकन चाव्हत होतिन, पर उ नहि आयकिन।”
LUK 10:25 एक मोसे को नियम को गुरू, यीसु को परिक्सा लेवन काजी आयो। अना पुसिस, हे गुरूजी, अमर जीवन को अधिकारी होवन लाय, मी काजक करु?
LUK 10:26 यीसु ना कव्हयो, मोसे को नियम मा का लिखी सेस? अता तुमी का बाचासो?
LUK 10:27 वोना जवाब दियो, तू आपरो पिरभू परमेस्वर लक आपरो सारो मन अना आपरो सारो परान अना आपरो सारो ताकत अना आपरो सारो अक्ल को संग पिरेम करो। अखीन आपरो सेजारी, लक आपरो जसो माया राखो।
LUK 10:28 यीसु ना वोला ला सांगीस, तु ना खरो सांगीसेस योच कर, तो तू जित्तो रव्हजोस।
LUK 10:29 एको पर एक गुरू ना आपरो आप ला, जादा खरो दिसान काजी यीसु ला सवाल करीस, लेकिन मोरो सेजारी कोन आय?
LUK 10:30 यीसु वोला एक उदाहरन सांगन लग्यो। एक मानूस येरुसलेम लक, येरीयो नगर जावत होत्यो। वोला डाकू गीन घेर लेइन, वोला मारपीट के लुट लेइन अखीन अधमरो करके सोड़ देइन।
LUK 10:31 एकाएक एक याजक वहान लक, पार भयो। वोला चोवके ना उतरा के चलीगयो।
LUK 10:32 असोच एक लेवी आयो उ भी चोवके, कतरा के चले गयो।
LUK 10:33 अबा एक सामरी लोक को आदमी वोला चोवके ना, दया लक भर गयो।
LUK 10:34 उ वोको कना गयो अखीन, अंगूर को रस डालके ना, मरहम पट्टी करीस, अना आपरो सवारी मा बसाय के, बइद को जवर लेगइस। ताकि ओको सेवा कियो जाहे।
LUK 10:35 बइद ला दोन सौ दीनार देके कहीस, का अखीन लगहे तो मी आनके दे देहू अखीन रोगी को सेवा करजोस।
LUK 10:36 यीसु ना गुरू ला पुसयो उन तीनो लक, कोन उ मानूस को सेजारी पड़ोसी कहलावासे।
LUK 10:37 वोना जवाब देइस का, जोन ना वोको काम आइसे, यीसु कव्हयो जाओ तुमी असोच किरपा करो।
LUK 10:38 यीसु चेलागीन को संग एक गाँव मा गईन अखीन, वोना गाव मा मरियम अखीन, मारथा नाव को दूई बहिन रव्हत होतीन उनको घर यीसु अखीन वोको चेलागीन, पहूनाई मा गईन।
LUK 10:39 मरियम नाव ओकी एक बहिन होती, सबा काम धाम छोड़ केना यीसु को कठा, बस के पिरभू को गोस्टी ध्यान लक, आयकत होती।
LUK 10:40 अखीन मारथा काम करत-करत हिजड़ गई अखीन कहीस, पिरभू तोला मोरो चिन्ता नही सेती की मोरी बहिन ना मोला सेवा को काम करन को लाई एकलोच छोड़ देईसेस? एको लाई ओला हुकूम दे का मोरी हात बटाये।
LUK 10:41 तबा पिरभू ना सागींस मारथा, तू गजब चिंता करासेस।
LUK 10:42 मरियम ना मोरो कठा, बसके संसार को सबा लक, साजरो हिस्सा निवाड़ो सेस, ऊ कभी नही सुड़ायो जाहेत।
LUK 11:1 यीसु कोनी जघा मा, पिराथना करत होतो। जबा पिराथना पूरो भयो, तो वोको चेला गीन मा, एक ना कव्हयो, पिरभू योहन गुरूजि ना, आपरो चेला गिनला, जसो पिराथना सिकाइसेस, वसोच अमीला पिराथना करनो सिकाव।
LUK 11:2 वोना कव्हयो जबा तु पिराथना करने, तो असो कव्हने, हे, आमरो बाबूजी तोरो नाव पवीतर मानो जाहेत, तोरो राज आहेत।
LUK 11:3 अमरो दिवस भर को जेवन, अमीला देव।
LUK 11:4 हमिना जसो हरेक बुराई करनवालो ला, छिमा करीसेजन वसोच, आमरो बुराई ला छिमा कर, अखीन हमीला परिक्सा मा नोको डाख।
LUK 11:5 तबा यीसु ना, उन लक कव्हयो, तुम्ही मा लक कोन सेत। वोको एक संगी अरधो रात मा, जायके वोला कहे, मोला तीन भाकर देव,
LUK 11:6 मोरो घर मा संगी आइसे। वोला जेवन परसन लाय, काही नाहत।
LUK 11:7 उ भीतर लक कव्हन लग्यो, मोला दुख नोको देव, किवाड़ बंद से, अखीन लेकरा-बारा झोपीसेस। यो काजी बिछोना लक जाग के ना, काही नही दे सकसू।
LUK 11:8 मी तुम्हिला सागंसू, का उ टोन्ड फोड के मांगीसेस, यो काजी जेतरो जरुरत से, वोको संगी वोला जरुर देहेत।
LUK 11:9 अखीन मी सांगसू, क मांगजोस तबा दियो जाहेत, ढुढने, पावने, किवाड़ खटखटाने, तो उघाडो, जाहेत।
LUK 11:10 काहेका जो कोनी मांगा से, वोला भेटासे। अखीन जो ढुढासे, उ पावासे, अखीन जोन खटखटासे वोको काजी किवाड़ उघाड़ासे।
LUK 11:11 तुम्ही मा कोनतो आसो बाबूजी से, जबा टूरा भाकर मांगहे, त वोला गोटा दे देहे, मसरी मांगहे, त सरप दे देहेत।
LUK 11:12 ना डिम, मांगेत तो मेहदल देहेत।
LUK 11:13 अता जबा तुम्ही बुरो होयके, आपरो लेकरा बारो-ला, साजरो चीज देवनो जानासो, तो सरग को बाबूजी, परमेस्वर आपरो मांगन वालो ला, पवीतर आतमा काहे नही देहेत।
LUK 11:14 मंग वोना, एक गुंगो बुरो आतमा ला कहाड़िस। जबा उ बुरो आतमा हिट गयो तो, गुंगो हाका देवन लगयो, अखीन लोकगीन चकित भई गईन।
LUK 11:15 पर काही लोग गीन कव्हन लगीन, का, यो बुरो आतमा को मुखिया, बालजबुल को सहायता लक बुरो आतमा ला हेड़ासे।
LUK 11:16 काही लोग गीन वोको परिक्सा लेवन काजी, बादल लक निसान मांगन लगीन।
LUK 11:17 उनको मन को बात जानके ना, यीसु कव्हन लगयो, जोन राज मा फुट पड़ जासे, उ सत्यानास हो जासे, अना जोन घरमा फुट पड़ जासे उ नास होवजासे।
LUK 11:18 अदी बालजबुल आपरो विरोध करयेत, तो वोको राज कसो बनो रहेत? काहेका, तुम्ही कव्हसो का, मि सैतान को सहयाता लक बुरो आतमा हेड़ासु।
LUK 11:19 अदी मि बालजबुल की सहायता लक बुरो आतमा ला हेड़ासेत तबा तूमी तय करो, तुमरो औलाद कोनी को साहयता लक हेड़ासेत? एकोलाय वोच तुमरो न्याय करयेत।
LUK 11:20 पर अदी मि परमेस्वर को ताकत लक बुरो आतमा हेडासु, तो परमेस्वर को राज तुम्हारो कठा आईसेस।
LUK 11:21 जबा कोनी ताकतवर मानूस, हतियार बान्ध लेवासे अना आपरो घर को चौकीदारी आँगन मा कर रहयो से, तो धन को सुरक्सा को चिन्ता नही रव्हासे।
LUK 11:22 पर कोनी मोठयो पहलवान चढ़ाई करके, वोको हतियार जोनमा वोला भरोसा होतो वोला हिसकसे, अखीन वोको सम्पती लुटा से, अखीन बाट देवासे।
LUK 11:23 जोन मोरो संग नहात, उ मोरो बिरोध मा सेत, अखीन जो मोरो संग नही सेत, उ बटोरनो सोड़ केना, छितरावा सेत।
LUK 11:24 जबा भूत पलीत, मानूस लक हीट जावासे, अखीन सूखो जमीन मा, चैन नही मिलासे। तो, उ जहान लक हिटयो से, वहान लक जावासे।
LUK 11:25 अखीन आके आपरो घरला, झाड़ो बोहरो, सजो पावासे।
LUK 11:26 ता उ जायकेना, अपरो लक सात बुरो आतमा ला, आपरो सगं ले आवासे, अखीन वय वो मा समाके बास करासेत। अखीन उ मानूस को हाल, मंघा पूढा लक बूरो भई जासे।
LUK 11:27 जबा उ यो गोस्टी सांग रहयो होतो, तबा भीड़ मा लक, एक बाई ना जोर लक हाकलीस। धन्य से उ पोट, जेनको लक तू जनम लेइसेस। अखीन जोन माय को दूध पीवी सेस।
LUK 11:28 यीसु ना कव्हयो, हाँ पर धन्य सेत उ, जोन परमेस्वर को गोस्टी आयक के, वोला मानसे।
LUK 11:29 जब गजब भीड़ हो लोक होत्यो तो, उ कव्हन लग्यो, यो जूग को लोक गीन खोटो सेत, उ हिदान ढुन्ड़ासे, पर योना भविस्यवक्ता को हिदान ला सोड़, अखीन कोनी हिदान, उनला नही दियो जाहेत।
LUK 11:30 जसो योना भविस्यवक्ता, निनवे माहानगर को लोग गिनको लाय, एक हिदान बन गयो होतो। वसोच मानूस को टूरा, यो पीढ़ी काजी हिदान सेव।
LUK 11:31 न्याय को दिवस, दक्सिन देस को महारानी, यो पीढ़ी को लोग गीन संग मा, उभी होयती, अखीन इनला खोटो ठहराय देहेत। काहेका, उ राजा सुलेमान को अक्ल को, गोस्टी आयकन काजी, धरती को छोर लक आई होति। अखीन चोवो मि वोको लक महान सेव,
LUK 11:32 न्याय को दिवस, निनवे नगर को लोकगीन, यो पीढ़ी को लोकगीन संग उभो होहेत, अना इनला दोसी मानेत, काहेका उनना, योना भविस्यवक्ता को संदेसा आयकके ना पस्तावा करयो होतो, अखीन चोयो सेस, क मी योना लक भी मोठो सेव।
LUK 11:33 दियो पेटाके कोनी वोला तहखाना मा, मंग डलीया उबड़ा के नही ठेवासे, पर फूल मा ठेवासे, जोन लक भीतर आन जान वालो ला उजारो चोहे।
LUK 11:34 तुमरो, तन को, दियो तुमरो डोरा सेत, अदी तुमरो डोरा साजरो से, तर तुमरो सारो आँग मा उजाड़ो से, पर उ खराब भयि जाहेत, तर आँग भी इन्धार भई जाहेत।
LUK 11:35 एको लाय दोन गोस्टी ध्यान राखन को से, जोन यो उजाड़ो तुमरो मा से उ कहिं, इन्धार न होयेत जायेत।
LUK 11:36 अदी तुम्हारो सारो तन मा उजाड़ो सेत, अखीन वोको कोनी भी हिस्सा, इन्धारो मा नाहत, तो उ वसोच हमेसा लक चमकत रव्हासे जसो दियो आपरो उजाड़ो लक सबा ला चकाचक कर देसे।
LUK 11:37 यीसु सागंत होतो, तबच एक मोसे को नियम को गुरू ना कव्हयो, गुरूजी हमरो संग जेवन कर, यीसु भीतर जायके न, जेवन करन बस गयो।
LUK 11:38 मोसे को नियम को गुरू यो चोवके, चकीत भय गयो, का यीसु बिना हात पाय धोवके, जेवन बस गयो।
LUK 11:39 पिरभू ना कव्हयो, हे मोसे को नियम को गुरू, तुम्ही विधि-विधान लक हात-पाय धोवके ना, गडू-गिलास भानी ला बहार लक माजा सो, पर तुम्हारो भीतर मा ला लक बुराई भरोसे।
LUK 11:40 अरे मुरख, जो बाहेर को हिस्सा बनइसेस, वोच भीतर भी बनाइसेस।
LUK 11:41 जोन भीतर सेत, वोला तुम्ही दान करदेव, अखीन चोवो सबच सुध्द भय जाहेत।
LUK 11:42 हे मोसे को नियम को गुरू, तुम लक धिक्कार से, काहेका पोदीना, सोप, अखीन हरेक हिवरो साग को, दसवा पराय लेवासो, पर परमेस्वर को, माया अखीन न्याय को लक, तुम्ही लापरवाही करा सेव। तुम्हारो लायक यो साजरो होवतो, का तुम्ही वोला भी मानासेव, अखीन येला भी।
LUK 11:43 मोसे को नियम को गुरू तुम्हारो पर धिक्कार सेत, तुम्ही सभाघर मा, हरेक समाजीक काम मा, ऊचो आसन चाव्हासो, अखीन बजार मा सबा परनाम करहेती, तुम्ही यो सबा माया राखासेव।
LUK 11:44 धिक्कार से तुम पर, काहेका, तुम्ही चुना पुतो सफा मरघट्टी सेव, जोन नही दिससे का, भितर मा का सेत, लोग तुमीला साजरो समज के, लोग तुमरो कव्हनो मा चलासे।
LUK 11:45 एक मोसे को नियम को गुरू कव्हसे, हे गुरूजी, तुम्ही असो कव्हसो, आखिन आमरो बेइज्जती करासो।
LUK 11:46 यीसु ना कव्हयो, हे मोसे को नियम को गुरू गीन तुमला धिक्कार सेत, तुम्ही मोठो-मोठो नियम को बोझा जनता पर लाद देसो, जो उ नही उचल सक से। अखीन वो भारी बोझा ला तुम्ही बोट भी नही, लगा सकासो।
LUK 11:47 तुम पर धिक्कर सेत, जुनो जमाना मा, मोठो-मोठो भविस्यवक्ता गीनला, तुमारो बाप-दादा गीन मार डाखिन अखीन तुम्ही उनको मठ बनासेव
LUK 11:48 असोमा तुम्ही गवाही सेव का तुम्हरो बाप दाद ना खोटो काम करी सेस मारके उनको मठ बनाइसेस
LUK 11:49 यो कारन परमेस्वर कव्हासे, मि उनको जवर चेलागीन ला धाड़ासू उन मा लक काही ला सताहेत अखीन काही भविस्यवक्ता ला मार डाखेत
LUK 11:50 जोन लक दुनिया बनान को बेरा ले अब तकन जितरो भविस्यवक्ता गीनको खून बोहाय गयो सेत वोको हिसाब योच पीढ़ी को लोकईन लक लियो जाहेत।
LUK 11:51 मि कव्हसू भविस्यवक्ता हाबिल पासुन जकरयाह वरीच जोनला भविस्यवानी को घर अना वेदी को भितर म खून कर दियेत।
LUK 11:52 मोसे को नियम को गुरू तुम पर धिक्कार सेत, तुम्ही ना गियान को कुन्जी हिसकसेव, अना तुम्ही खुदच नही धसेव अखीन कोनी ला भी नही धसन देसो।
LUK 11:53 यीसु वहान लक जावन लग्यो, त मोसे को नियम को गुरू गीन वोला फसावन काजी, सवाल-जवाब करन लगीन।
LUK 11:54 अखीन वोको विरोध मा वोला मार डाखन लाय डाव ढुढन लगीन।
LUK 12:1 यीसु कोनी जघा मा पिराथना करत होतो। जबा पिराथना पूरो भई गयो हो तो। गरदी एतरो तकन बढ गई की लोकगीन एक दुजो पर पड़त होतीन। तबा यीसु चेला गीन लक कव्हन लग्यो। मोसे को नियम को गुरूगीन को कपट लक सतरक रव्हने।
LUK 12:2 असो काही झाको नाहत जोन उघाडो न जाहेत अखीन अदी लुको नहात जोन जानो ना जाये।
LUK 12:3 एकोलाय जो काही तुम्हीना इन्धार मा सांग सेव उ उजयाला मा आयको जाहेत। अखीन जो काही तुम्हीला खोली मा सांगे सेव उ अटारी को वोरता लक सबला परचार करो।
LUK 12:4 ओ मोरो संगी हुन तुम्हीला सांगसू जो तुमी लोक गीनको तन ला नास करयेत उन लक नोको डराव पर एको मघा अखीन काही नही कर सकेत।
LUK 12:5 मी तुम्ही ला चोवके कव्हसू कोनी लक डराव ये वोको लक डरो जो मरनो को बाद मा जोनला नरक मा डाकन को अधिकार सेत वोको लक डराओ।
LUK 12:6 उ दुई पैसा मा पाँच चिड़िया मिलासे मंग भी परमेस्वर उन मा लक एक ला नही भूलासे।
LUK 12:7 तुम्ही भेव नोको खाव तुम्हारो जान गजब सो चिड़िया गीन लक जादा कीमती सेत परमेस्वर ना तुम्हारो डोस्का को चुन्दी गिनके राखिसेस।
LUK 12:8 मि तुम्‍ही लक कव्हासू जो कोनी मानूस गीनको पुढा मोला मानसे मानूस को टूरा सरगदूत अखीन परमेस्वर को सामने मान लेवासु का यो ला मी जानासू।
LUK 12:9 पर जो मानूस गीन को पुढा मोला मुकर जायेत अखीन सांगासे कोन यीसु से? तो मी परमेस्वर अखीन सरगदूत गीन को पूढा सांगू मी भी यो ला नही जानासू यो कोन सेत?
LUK 12:10 जोन कोनी मानूस को टूरा को विरोध मा गोस्टी सांगेत वोको दोस छिमा हो जाहेत, पर जोन कोनी पवीतर आतमा को विरोध मा निन्दा करेत वोको अपराध छिमा नही होयेत।
LUK 12:11 जबा लोग गीन तुम्हीला सभाघर मा न्यायलय मा अधिकारी गीन को कठा लिजायेत तो हमी काजक सांगबीन सोचके नोको घबराने।
LUK 12:12 काहेका वोच बेरा मा काजक कव्हनो सेत पवीतर आतमा तुम्ही ला सीका देहेत।
LUK 12:13 भीड़ लक एक मानूस चिल्लायो, हे गुरू! मोरो भाऊ लक हुकूम देव, का धन को बटवारा कर देवे।
LUK 12:14 यीसु ना कव्हयो कोन ना मोला तुम्हारो न्यायी ठहराई सेस।
LUK 12:15 यीसु ना भीड़ लक कव्हयो कोनी को सम्पती वोको जान लक बड़के नही होय सका से, पर यो काजी आपरो आप ला लोभ लक बचाये राखो।
LUK 12:16 वोना एक उदाहरन लक समजावन लग्यो कोनी धनवान को जमीन मा गजब फसल पीकी।
LUK 12:17 तबा उ आपरो मन मा विचार करन लग्यो फसल राखन काजी अता मी काजक करु?
LUK 12:18 अखीन वोना सोचीस का घर मा ढोला गिनला तोड के उनला मोठी बनाके ना वहान गँहु ठे देहू।
LUK 12:19 तबा मि आपरो मन ला सांगू, “हे मोरो मन, तोरो जवर लगत बरस को साठी लगत सी जायदाद राखीसे। सुख मनाय अना जेवन कर, खुसी मनाव।” साजरो-साजरो रव्हो अखीन चैन लक जिंदगानी करेत।
LUK 12:20 पर परमेस्वर ना ओला साँगीस, हे मन्द डिमाक! आजच रात मा तोरो पिरान तोरो लक हर लियो जाहे, तबा तु अपरो धन सम्पती ला काजक करजोस अखीन जोन राखी सेस कोन को भई जाहेत?
LUK 12:21 जोन मानूस आपरो काजी धन जोड़ासे वा यो मुरख जसो सेत, परमेस्वर को नजर मा कोनी धनी नहात।
LUK 12:22 मंग आपरो चेला गीन ला कव्हासे, ऐना करन लक मि तुमरो लक कव्हसू, “आपरो जान लाई असो कव्हके चिन्ता नोको करने, की हमी काजक जेवन करबीन देह मा काजक पहनबीन?
LUK 12:23 काहेका जान सेत तो जेवन सेत, अखीन तन सेत तो कपरा सेत।
LUK 12:24 कावरा पर ध्यान देव! वा ना बोवासे ना कापासे ना कोठी मा ठेवासे तबा भी परमेस्वर वोला पालासे तुम्ही कावरा अखीन पंखेरु ला बढ़के सेव।
LUK 12:25 तुम्ही मा असो कोन सेत जो चिन्ता करके ना आपरो जिंदगी को बेरा बढा सकासे?
LUK 12:26 अदी एतरो नान्होसो काम तुम्ही नही कर सकसो ता काजक लाय चिन्ता करोसेव?”
LUK 12:27 “पहाड़ी को तराई कन ध्यान देव वहान जंगल को फुल कसो बढासे वोना आसो चोवसे का राजा सुलेमान को महिमा अना राजसी कपरा वोको पूढा फैल सेत।
LUK 12:28 यो काजी बर्रा को गवथ ला जोन आज सेत कल स्तो को भट्टा मा डाख्यो जाहेत परमेस्वर वोला असो हरो भरो राखासे, तो हे कच्चो भरोसा राखन वालो! तुम्हीला काहे साजरो कपरा नही पहनायेत?”
LUK 12:29 “तुम्ही सक नोको करो का काजक जेवबीन अखीन काजक पहनबीन?
LUK 12:30 काहेका संसार को सप्पा मानूस मजे गैरयहुदी खुद जानासे का तुम्ही ला ये पाहिजेत।
LUK 12:31 पर सब लक पुढा परमेस्वर को राज अखीन न्याय ला खोजो तबा सबा चीज तुम्ही ला मिल जाहेत।
LUK 12:32 हे नान्हो हेड़ डराव नोको! परमेस्वर को इक्सा सेत, का तुम्ही ला राज देहेत।”
LUK 12:33 “आपरो धन-सम्पती बिक देव अना दान कर देव, अना आपरो कना असो पियुसी राखो, जोन जूनो नही होवासे, मजे सरग मा असो धन जमा करो जोन कमी नही होवासेत अना जोन को जवर चोर नही जावासेत, अना किड़ा काही बिगाड़ सकत।
LUK 12:34 काहे का जहा तिजोरी मा तुमरो धन से, वहाच तुमरो मन लगो रव्हेत।”
LUK 12:35 “दियो पेटाव के ठेयो अखीन अपरो कमर बान्ध के ना तैय्यार रव्हने,
LUK 12:36 अना तुम्ही वोना दास को जसो बनो, जोन आपरो मालीक को बाट जोहत रव्हसे का लग्न को जेवन करके ला कबा आहेत? अखीन मी किवाड़ खोलू।
LUK 12:37 धन्य सेत वय दास जेनला वोको मालीक को आवनो पर जागतो मिल्हेत, मी तुम्ही लक खरो कव्हसू, मालीक उन ला पूरी तैय्यारी को सँगा जेवन लाय बसाहे, अना जवर आयके उनको सेवा करहे।
LUK 12:38 धन्य सेत उ दास, जबा वोको मालीक रात मा कभ्भू भी आहेत, अना वोला निगरानी करतो पाहेत।
LUK 12:39 यो साजरो लक समजलो का, यदि घर को मालीक ला मालूम हो तो का चोर कबा आवन वालो सेत, तो घर मा सेन्ध नही लगन देतो।
LUK 12:40 तुमी तैय्यार रव्हने जोन बेरा तुम्हि वोको आवन को मन मा विचार नही आनिसेव वोच बेरा मानूस को टूरा आय जाहेत।”
LUK 12:41 तबा पतरस पुसयो पिरभू का यो उदाहरन तुम्ही हमरो लाय सांगासो का सबको लाय सेत?
LUK 12:42 तबा यीसु ना कव्हयो, उ बिस्वास को काबील को ईमानदार मूनीम कौन सेत? जेनको मालीक आपरो नौकर चाकर पर मूनीम ठयरावा सेत, जोनलक उनला बेरा मा जेवन भेटेत।
LUK 12:43 धन्य सेत उ दास जो मालीक को अवन को बेरा मा वसोच करतो पाहेत।
LUK 12:44 मी तुम्ही लक खरोखर सांगसू उ वोला आपरो सब सम्पती पर अधिकारी बनायेत।
LUK 12:45 पर उ दास असो मन मा सोचन लगे, का मोरो मालीक ला आवन ला उसीर सेत, अना नौकर बनिहारिन ला मारन पीटन लगे, अना नसा बाजी एसो अराम करन लगेत।
LUK 12:46 तबा उ दास को मालीक असो दिवस आहेत, जोन दिवस को बारे मा उ मन मा विचार नही आनो होतो। तबा वोला गजब मोठो दन्ड देहेत, अना वोको हिस्सा भरोसा नही राखन वारा लोकगीन को संग होहेत।
LUK 12:47 आपरो मालीक को मन को गोस्टी जानके न जोन दास ना काही तैय्यार नही करयो, ना वोकी मन मुताबीक काम करीस, उ गजब मार खायेत।
LUK 12:48 पर जोना अनजान मा मार खावन को काम करी सेस, उ जरासो मार खायेत, जोनला दियो गयो सेत, वोको लक गजब हीसाब मागो जाहेत। जोन ला गजब सोपो गई सेस वोको लक गजब लियो जाहेत।
LUK 12:49 मी धरती मा स्तो पेटावन काजी आई सेव। मी कीतरो चाव्हसू क उभो होयके धधक जाहेत।
LUK 12:50 मोला एक अखीन बप्तिस्मा लेनो से। अखीन जबा तकन यो पूरो नही होवासे मी गजब दुखीसेव।
LUK 12:51 का तुम्ही सोचसो का मी धरती मा सान्ती अना मेल करान आयो सेऊ, नही मी फूट डालन आइसेव।
LUK 12:52 काहे का एक घर मा पाँच मानूस सेत तो उन मा फूट होहेत, तीन दोन को विरोध अना दोन तीन को विरोध करेत।
LUK 12:53 वय एकमेक को विरोध करेत बाप टूरा को अखीन टूरा बाप को, माय टूरी को अना टूरी माय को, सास बहु को अखीन बहु सास को विरोध करेत।
LUK 12:54 यीसु ना भीड़ ला कव्हन लगीस, अदी तुमी दिवस डूबती लक बादल चोवासो तो कव्हसो, का बरसात होवन वालो सेत, अखीन असोच होवासे।
LUK 12:55 जबा दक्सिन को वारा चलासे तो कव्हासो का लपट चलहेत अखीन असोच होवासे।
LUK 12:56 वो कपटी गीन, तुम्ही बादल अखीन धरती को मौसम ला चीन्हासो तबा यो बेरा को लच्छन ला काय नही परख सकसो?
LUK 12:57 तुम्ही खुदच न्याय काहे नही करासो, का काजक भलो सेत?
LUK 12:58 जबा तुम आपरो विरोधी को संग अदालत मा जावासो तो रास्ता मा वोको लक रिहाई को कोसिस करने, कही असो ना होयेत का उ तुमला न्यायी को कठा ले जाहेत।
LUK 12:59 मी तुम्ही लक कव्हसू जबा तकन एक-एक कवड़ी नही भरजो तबा तकन सूटकारा नही होवेत।
LUK 13:1 वोना बेरा काही लोग गीन, यीसु ला, काही गलीली मानूस गीनको बारे मा सांगन आइन, जिनको खून को बरोबरी बलिदान कियो गयो जनावर लक, राजपाल पिलातुस ना करयो होतो।
LUK 13:2 तबा यीसु ना उन लोग गीनला कहीस, तुम्ही काजक सोचासो का यो गलीली मानूस बाकी लोकगीन लक लगत पापी सेत, यो कारन लक, उन पर आफद आइसेस।
LUK 13:3 असो गोस्टी नहात मी तुमी ला सागंसू, का तुमी पस्तावा कर मन नही बदलने, तो वसोच नास होय जाने।
LUK 13:4 अखीन तुमी काजक, सोचासो का सीलोह मा मीनार पड़न को कारन 18 लोकगीन मर गईन, उ येरुसलेम को सब रव्हन वारा लक जादा पापी होतिन।
LUK 13:5 असो नहात अदी तुमी पस्तावा कर, मन नही बदलने तो असोच नास भई जाने।
LUK 13:6 तबा यीसु ना उनला, एक उदाहरन सांग्यो, कोनी, मानूस को अंगूर को बारी मा, एक अँजीर को झाड़ होत्यो। उ वोमा फर खोजन आयो पर वोला, एक भी फर नही मिलयो।
LUK 13:7 तबा वोना अंगूर को बगीचा को माली ला कहीस, चोव! मी तीन- साल लक, यो अँजीर को झाड़ मा फर खोजन आयो, पर एकच फर नही पायो। एला, काप डाखो काहे का यो फालतू मा जघा घेरासेत।
LUK 13:8 पर माली ना कव्हयो, मालीक यो साल अखीन रव्हन दे, मी एको, चारि कन खन्दकेना येको, जड़ मा मी खात डाखसू।
LUK 13:9 तबा मंग भी नही फलेत, त काप दियो जाहेत।
LUK 13:10 पवीतर दिवस मा यीसु कोनी, सभाघर मा उपदेस देवत होत्यो।
LUK 13:11 वहान एक बाई होती जोन ला 18 साल लक, एक कमजोर करन वालो, बुरो आतमा झोमो होत्यो वा वोवन केना, कुबड़ी भई गई होती। वा कसी, भी सीधी नही होय सकत होती।
LUK 13:12 यीसु ना वोला चोवके, ना बुलायो अखीन वोला कहीस, हे बाई तु साजरी भई गइसेस।
LUK 13:13 अखीन वोना वोको, पर हात रख्यो, उ वोच बेरा साजरो भई गई अखीन, परमेस्वर ला धन्यवाद बड़ाई देवन लगी।
LUK 13:14 तबा सभाघर को मुखिया गीन, हिजड़ गईन काहेका, यीसु ना पवीतर दिवस मा बाई ला साजरो करीस, तबा लोकगीन कव्हन, लगीन 6 दिवस काम को सेत, वोना दिवस मा साजरो होव, अना पवीतर दिवस मा नोको आव।
LUK 13:15 पर पिरभू ना कहीस, हे कपटी गीन का पवीतर दिवस मा तुम आपरो जानवर गधा बईल गीनला डोगा मा पानी देवसो का नही?
LUK 13:16 का साजरो नाहती, का यो बायका जोन अबराहम को टूरी सेत, जोनला सैतान ना अठरा साल लक बन्धो होतो, पवीतर दिवस यो बंधन लक सुटाई जाय?
LUK 13:17 यीसु को यो गोस्टी आयक केना, वोको सब बिरोध करनवारा लजा गईन, अना सप्पा लोकगीन वोना महीमा को काम चोवके खुसी लक भर गईन।
LUK 13:18 यीसु ना कव्हयो परमेस्वर को, राज कोन को जसो सेत, मी एको बरोबरी काजक लक करु?
LUK 13:19 सरग को राज एक राई को दाना जसो सेत, जोनला कोनी मानूस ना बगीचा मा लगायो, वा गजब मोठयो भयी गयो, अखीन पक्सी ओना झाड़ को डार मा बसेरा करन लगीन।
LUK 13:20 मंघा यीसु ना कव्हयो, “परमेस्वर को राज को बरोबरी काजक लक करु?
LUK 13:21 वो खमीर को जसो सेत जोनला लेय के, एक बायको ना दहा किलो कनीक मा मिला दियो सबा 10 कीलो आप खमीर बन गयो।”
LUK 13:22 यीसु गाँव-गाँव नगर-नगर सीकावत, येरुसलेम नगर को कन, जाय रहयो होतो।
LUK 13:23 कोनी ना पुसयो ओ पिरभू! का जरा सो लोक गीन सूटकारा पाहेत? एको पर यीसु ना कव्हयो,
LUK 13:24 सकड़ो किवाड़ लक, धसनो को पूरो-पूरो कोसीस करो, काहेकि मी तुमी ला कव्हसू, कोसीस करनो पर भी गजब लोकगीन धसन को लायक भी नही रहेत।
LUK 13:25 जब घरा को मालीक उभो भई केना, किवाड़ लगा देहेत, तबा तुम्हि बाहेर लक खट-खाटावने, अखीन कव्हने आमरो लाय किवाड़ उघाड़!तब उ तुम्हिला सांग देहत, तुम्ही कहान लक आइसेव, मी नही जानासू?
LUK 13:26 तबा तुमच कव्हने, आमी तोरो संग जेवन करीसेस, तुमी बजार मा उपदेस देत होतो।
LUK 13:27 पर उ तुमरो लक, कव्ह देहत, “अरे अन्याय को काम करन वालो, मी तुम्ही ला नही जानासू तुम्ही कोन सेव? तुमी मोरी नजर लक हट जाओ!”
LUK 13:28 जबा तुमी ही अबराहम इसहाक याकूब अखीन, सबा भविस्यवक्ता गीनला, परमेस्वर को राज मा चोवने, पर अपरो आप ला उन लक बेगरो चोयके तुम्हि रोवने अखीन पस्तावा करने ।
LUK 13:29 दिन उगती, दिन बुड़ती, उत्तर अखीन दक्सिन का लोक गीन आहेत अखीन, परमेस्वर को राज मा मोठोयो, जेवनार मा जेवन करयेत।
LUK 13:30 चोवो जोन मघा सेत, उ पुढा भई जाहेत। अखीन जो पुढा सेत, उ मंघा भई जाहेत।
LUK 13:31 वोच बेरा मा काही मोसे को नियम को गुरू जी गीन, आयके सांगन लगीन, हे गुरूजी तुम्ही यहान लक, बिदाई लेलो काहेका, राजा हेरोदेस तुमी, ला मार डाखनो चाव्हासे।
LUK 13:32 यीसु ना उनला कव्हयो, जाके ना उ कोल्हिया ला कव्हने, मी आज काल अखीन परो, बुरो आतमा गीन ला हेड़ासू, अखीन रोगी गीनला साजरो करासू, अखीन परो को दिवस मोरो काम पूरो भई जाहेत।
LUK 13:33 आज काल अखीन परो को दिवस मोला चलनो से, काहेका यो नही होय सकासे, का कोनी परमेस्वर को भविस्यवक्ता येरुसलेम तीरथ लक, बाहेर मारो जाहेत।
LUK 13:34 यो येरुसलेम नगर तु भविस्यवक्ता गीनको हत्‍या करासे अखीन तोरो कना, जोन परमेस्वर को गोस्टी आना सेत, वोला गोटा लक मार डाकासेत, मीना कितरो बार चाहयोसेव, का तोरो सन्तान गीनला, इक्कठो करू, जसो कुकडी आपरो बच्चा गीन, ला पंखा को खाल्या, लुकाय लेवासे असोच सबा ला, लुकाय लेऊ, पर तु ना मोरो एक नही चलन दियो।
LUK 13:35 अता तुम्हारो घर तोरो लय, छोड़ दियो जाहेत। मी तुमी लक खरो सांगासू, तुम्हि मोला जबा तकन नही चोवने, तबा तकन तुम्हि आवन वारो बेरा मा असो नही सागंने, का धन्य से उ जोन पिरभू को नाव लक आवासे।
LUK 14:1 यीसु पवीतर दिवस मा कोनी, मोसे को नियम को गुरू को यहान जेवनार मा गयो होतो, लोग वोला फसावन को ताक मा होतिन।
LUK 14:2 यीसु को पुढा एक जलोदर को रोगी आयो।
LUK 14:3 यीसु ना मोसे को नियम को गुरू गीन ला पुसिस, “का मोसे को नियम लक पवीतर दिवस मा कोनी रोगीला साजरो करनो खरो काम सेत का खोटो काम सेत?”
LUK 14:4 तबा वोना ऊगा-मूगा रह गईन, तबा यीसु ना उ रोगि ला हात धरके ना साजरो कर देइस, अना वोला बिदाई दे देइस।
LUK 14:5 तबा यीसु ना उनला कहीस, अदी कोनी को टूरा या बईल बिहर मा पड़ जाहेत, तो तुमी मा कोन सेत जो पवीतर दिवस मा वोला बिहर लक नही हेडेत?
LUK 14:6 अखीन वय वोको जवाब देवन को लायक भी ना होतिन।
LUK 14:7 जेवनार मा आयो लोग गीन बसन लाय ऊचो-ऊचो जघा निवाड़न लगीन, असो चोवके ना यीसु एक उदाहरन लक, समजावन लगीन।
LUK 14:8 जबा कोनी लगन मा नेवता देवासे, ता सबा लक मूख जघा मा नोको बसने। का मालुम तुमरो लक मोठो लोक ला घरवाला ना नेवता देइसेस।
LUK 14:9 अना जोना दुई ला निवता देइसेस, वोच आय के सांगेत, का उभो भय अखीन खाल्या जायके बस, तबा लजानो पड़ेत।
LUK 14:10 यो काजी जबा तुमला न्योता मिल्हे तो पूढा नोको बसने, मंघा जायके, बसने, तबा घर को मालीक आयके सागेत, अगो संगी पूढा बस, ता तुमरो महिमा होयेत,
LUK 14:11 काहेका जोन आपरो आप ला, मोठयो मानासे उ लहान कियो जाहेत, अखीन जो लहान सेत, उ मोठयो करो जाहेत।
LUK 14:12 मंग यीसु ना निवता देवन वालो, ला सांग्यो। जबा तुमी दूफर या रात मा जेवनार देवो, तबा संगी गीन ला नोको हाकलो अना आपरो, भाऊ कुटुम्ब, धनी सेजारी गीनला नोको हाकलो, कही असो ना होय का आपरो, घर मा नेवता देके, ना बदाला चुकाय देहेत।
LUK 14:13 पर जब तुमी, जेवनार देव तो अँधरा लगंडा लूलो ला हाकलो।
LUK 14:14 तबा उ तुमी धन्य भई जाने, काहेका, उनको कठा बदला देन काजी काही नहात, अखीन तुमला परमेस्वर को अदालत मा, नेक गिनको जित्तो होवन को मघा फर भेटेत।
LUK 14:15 वोको संग जेवन करन वालो मा लक, एक मानूस यो गोस्टी आयक के सांगिस, धन्य से उ जोन परमेस्वर को राज मा जेवन करयेत।
LUK 14:16 वोना ओको लक कव्हयो, कोनी मानूस ना गजब मोठो जेवनार दियो। अना गजब लोक हीनला न्योता दियो।
LUK 14:17 जबा जेवन तैय्यार भय गयो, ता वोना आपरो दास को हात मा न्योता हारो गीनला, सांग के धाडिस, “आव अबा जेवन तैय्यार से”।
LUK 14:18 पर वय सबा वोको लक माफी माँगन लगीन, पहलो ना नौकर लक, कव्हयो, “मी ना खेत लेयी सेव, वोला चोवन जानो से तोरो लक मोरो अरज से, का मोरो कन लक माफी मांग लेवजो।”
LUK 14:19 अखीन एक ना कव्हयो “मी ना पाँच जोड़ी बईल लेईसेव, अना उनला परख करनो से। तोरो लक मोरो बिनती से, का मोरो कन लक माफी मांग लेव जोस।”
LUK 14:20 अखीन एक ना कव्हयो, “मोरो लगन भइ सेस एको लाय मी नही आ सकसू।”
LUK 14:21 दास ना लवट के आपरो मालीक ला यो सबा हाल सांगीस, तबा मालक हिजड़ के ना आपरो नौकर ला कहीस, “लवकर नगर को बाजार सरक, गली मा जायके ना गरीब गोर, अँधरा लगडा लूलो गीन ला यहान ले आओ।”
LUK 14:22 तबा दास कहीस, मालीक तोरो हुकूम पूरो भई से, पर अबा जघा खाली सेस।
LUK 14:23 ता मालीक ना दास ला कहीस, “सड़क मा अखीन रुधान बाहेर जितरो लोक, चोहेत सबला आनो जीनको लक घर भर जाहेत।”
LUK 14:24 काहेका मी सबा लक कव्हसू, जोनला न्योता दियो होतो, उनमा लक कोनी जेवन नही जेव पाहेत।
LUK 14:25 यीसु को संग-संग एक मोठयो भीड़ चलत होत्यो, यीसु ना भीड़ को लोग गीन लक असो सांग्यो,
LUK 14:26 “अदी कोनी मोरो कन आवासे अखीन आपरो माय बाप नवरी, सन्तान, भाऊ बहिन अखीन यहाँ लक की आपरो जान लक बैर नही करत, तो उ मोरो चेला नही होय सकासे?”
LUK 14:27 जोन आपरो कूरूस उचलके, नही ले जावासे, अखीन मोरो मंघा नही चलासे, उ मोरो चेला नही होय सकेत।
LUK 14:28 तुमी मा कोन असो सेत, जोन मीनार बनवानो चाव्हासे, अखीन पुढा घर मा बस के, ना खरचा को अन्दाज हिसाब नही करयेत। अखीन यो ना चोवेत, का वोको जवर केतरा रुपया सेत।
LUK 14:29 कही असो ना होयेत, का पाया डाकन को मघा, घर को काम अधूरो छोड़ देहेत, अखीन चोवन वोरो, मजाक उड़ावत कहेत, “यो घर बनान को लायक भी नाहती।”
LUK 14:30 यो मानूस ना घर बनान काजी नीव डाखीस, पर पूरो करन को लायक भी नहाय।
LUK 14:31 अना कोन राजा होयेत, जोन दूसरो राजा लक, लडाई मा जावासे, अखीन पूढा बसके, यो विचार नही करासे, का जोन राजा बीस हजार सेना को, फौज को संग वोको पर चढ़ाई कर रही सेस, तो का उ दहा हजार सैनीक को फौज लक, सामना कर सकासे का नही।
LUK 14:32 यदि उ सामना नही कर सकासेत, तबा दूसरो राजा को, कन सान्ती को लाय, राजदूत लक बिनती धाड़ देहेत।
LUK 14:33 असोच तुम्ही लक जोन कोनी, सबा काही नही छोड़ देसे, उ मोरो चेला नहात।
LUK 14:34 “नोन साजरो सेत, पर वोको स्वाद बिगड जाय, तो कसो नमकीन होय सकासेत?
LUK 14:35 उ ना तो जमीन को खात को काम को से, एकोलाय लोकगीन वोला बाहेर फेक देवासे। जोन को कान होयेत, उ आयक लेव।”
LUK 15:1 यीसु को सिक्सा आयकन लाय, सबा पापी अना जमा लेवन वारा, अधिकारी आवत होतिन।
LUK 15:2 पर सास्तरी अखीन मोसे को नियम को गुरू मोसे को नियम को गुरुगीन, कुडकूडान लगीन, अना कव्हन लगीन यो तो पापी लोक गीन, संग मिलसे उनको च संग जेवन करासे।
LUK 15:3 तबा वोना एक उदाहरन सांगन लग्यो
LUK 15:4 तूम्ही लक कोन सेत, जेनको जवर 100 मेढा सेत, अखिन वोमा लक, एक गुम जाहेत, तबा 99 ला जंगल मा छोड़के, उ एक ला जबा तकन ना भेटेत, ढुन्ढत ना रह।
LUK 15:5 अखीन जबा उ मिल जावसे, तबा उ गजब खुसी होवासे, अखीन मेंढा ला कन्धा मा उचल लेवसे।
LUK 15:6 अखीन आस पड़ोस को लोक घर को लोक संगी गीन, ला इक्कठो करके कव्हसे, का खुसी मनावो मेढा गुम गयो, होत्यो मिल गयो से।
LUK 15:7 मी तुमी लक सांगसू, असोच एक पाप लक मन ला हटाव अना पस्तावा करन वालो, पापी को बारे मा सरग मा इतरोच खुसी होवासे, जितरो की 99 असो न्यायी को बारे मा नही होवासे। जोन ला मन बदलन को जरूरत नही सेती।
LUK 15:8 कोनी असो बाया होवती जोको जवर दहा मुन्दरी को सिक्का होहेत, वोमा लक एक गुम जाये, ता उ दियो पेटाय के, अखीन घर झाड बुहार के, जबा तकन ना मिल जाहेत, जान लगाय के ढुन्ढत रही।
LUK 15:9 अखीन जबा उ मुन्दरी को सिक्का मिल जासे, उ आपरो सहेली अना सेजारीन ला इक्कठो करासे, अखीन कव्हसे, का मोरी सिक्का गुम गयो, होतो मिल गयो से, मोर संग खुसी मनाओ।
LUK 15:10 मी तुमी लक कव्हसू, का असोच एक पाप ला सोड़ो हुया, पापी को बारेमा, सरग मा परमेस्वर को, सरगदूत गीन खुस होवासेत।
LUK 15:11 मंग यीसु ना कव्हयो, कोनी मानूस को दोन टूरा होतीन।
LUK 15:12 उनमा लक लहान ना आपरो, बाबूजी लक कव्हसे, बाबूजी, धन मा लक जोन मोरो हिस्सा सेत, मोला देदे। वोना आपरो धन बाँट दियो।
LUK 15:13 लगत दिवस बीत गयो, लहान टूरा सब धन जमा करके, ना लगत दूर देस मा जिंदगी बितान चले गयो। अखीन वहान आपरो धन खरचा कर डाखीस, अखीन कंगाल भई गयो।
LUK 15:14 तबा उ देस मा गजब गीरानी पड गयो, अखीन वोको कन, जेवन लाय दाना नही होतो।
LUK 15:15 तबा उ देस मा एक मानूस को, कन उ गयो, अखीन वोला वोना खालमानी चरावन को, लाय नौकरी मा राख लियो।
LUK 15:16 वोको मालीक खालमानी गीन ला, खावन काजी जो सेंगा देवत होतो वोच ला उ लहानो टूरा भी खावत होतो।
LUK 15:17 जबा उ एक दिवस सोचन लग्यो, मोरो बाबूजी को घर मा कितरो बनिहार सेत, उनला भरपेट जेवन भेटासे अखिन मी भूखो मर रहीसेव।
LUK 15:18 अबा मी उठके, ना आपरो बाबूजी को कठा जाहू, अखीन वोको लक सांगू, का बाबूजी मी ना सरग को विरोध मा अखीन तोरो विरोध मा पाप करीसेव।
LUK 15:19 अबा मी तोरो टूरा कहलान को, काबील नहिसेव, अबा मोला आपरो एक बनिहार जसो राखले।
LUK 15:20 तबा उभो भयो अखीन आपरो, बाबूजी को कठा जावन लग्यो। वा अबा दूहूरच होत्यो, का वोको बाबूजी ना वोला चोवके उ तरस लक, भर गयो। अखीन परायके ना गरो लगाय लियो अना चुमन लग्यो।
LUK 15:21 तबा टूरा ना वोला कव्हयो, बाबूजी मी ना सरग को विरोध मा अखीन तोरो नजर मा पाप करीसेव। अबा मि यो लायक नही सेव, का तोरो टूरा कहलाउ।
LUK 15:22 पर वोना आपरो दास गीन ला कहीस, झटाक ना साजरो लक साजरो कपरा हेडके वोला पहनाव, अखीन वोको बोट मा मुन्दरी अना पायमा पनहि पहनवो।
LUK 15:23 अखीन पलियो हुओ बोकरा आनके, मारो जेवन करो खुसी मनाओ।
LUK 15:24 काहेका मोरो टूरा मर गयो होतो, मंग लक जित्तो भय गयो से। गुम गयो होतो, अबा मिल गयो से। अना सबा खुसी मनान लगीन।
LUK 15:25 पर वोको मोठो टूरा खेत मा होत्यो। जबा उ घर को कठा, आयो ता वोना गानो बजानो को आवाज आयकिस।
LUK 15:26 तबा दास ला हाकल के पुसिस, यो सबा काजक से?
LUK 15:27 तबा वोना वोला कहीस, तोरो भाऊ आइसे, अना तोरो बाबूजी ना बोकरा कटवायो सेस।
LUK 15:28 एको पर उ हिजड़ गयो अखिन भीतर नही गयो। तबा वोको बाबूजी वोला बाहेर आयके, वोला मनान लग्यो।
LUK 15:29 तबा मोठयो टूरा ना आपरो, बाबूजी ला जवाब दियो, मि एतरो साल तोरो चाकरी करीसेव, अखीन मि तोरो हुकूम ला कभीच नही टालेसेव, तो तु ना कभी मोला सेरी को पाठी नही दियो से का मि आपरो संगी गीन को संग खुसी मनाऊ।
LUK 15:30 पर जब तोरो लहान पोरगा, आयो जो रन्डीबाजि सरो धन खरचा कर दियो से मंग तू बोकरा कटवायो से।
LUK 15:31 तबा बाबूजी कव्हसे बेटा मि हमेसा तोरो संग सेव जोन काही मोरोसे उ सबा तोरो से।
LUK 15:32 पर अबा खुसी मनाव काहेका, तोरो लहान भाऊ मर गयो होतो, मंग जित्तो भई गई से। गुम गयो होतो अबा मिल गयो से।
LUK 16:1 यीसु ना चेला गीनला कव्हयो, “एक धनवान को एक मूनीम होत्यो। धनवान को पूढा लोकगीन, कव्हन लगीन का खँजाचि तोरो, माल ला उड़वासे।”
LUK 16:2 तबा धनवान ना मूनीम ला हाकल के, पुसिस, यो काजक आयकसु? तू आपरो हिसाब-किताब जचवा मि तोला नौकरी लक हेडसू।
LUK 16:3 तबा दिवान कव्हसेत मि काय करु, माती खदन को ताकत नाहती यो काम तो मोरो लक, नही होयेत? मोला कोनी भिख भी नही देहेत, मालीक तो हेड देहेत।
LUK 16:4 दिवान कसे तबा का करनो से मोला समजमा आय गई से। लोग गीनको फायदा कराय देसू, जोन मुसिबत मा काम आहेत।
LUK 16:5 वोना आपरो मालीक को एक-एक करजदार गीन ला बुलायो अखीन पहलो ला पुछिस, तोरो पर कितरो करजा सेत?
LUK 16:6 वोना कव्हयो तीन हजार लीटर जैतून तेल, तबा खंजाचि कव्हयो, आपरो करजा को रसिद आन बसके ना वोमा 15 संबर लीटर लिख दे।
LUK 16:7 अखीन दुसरो ला पुसयो, तू कितरो को करजदार सेत? तबा वोना जवाब देइस, 100 मन गँहु तबा खंजाची ना कहीस, 80 लिख दे
LUK 16:8 मालीक ना वो अन्यायी मूनीम को बडाई करीस, काहेका उ चलाकी लक काम करीस, यो जुग मा भी असोच लोग परमेस्वर को लोकगीन लक लगत चतुर सेत।
LUK 16:9 एको लक मी सांगा सेऊ, यो अन्याय को धन लक, आपरो लाय असोच संगी बनाय लेव, जसो खंजाची ना बनायो होतीस, ताकि सरग मा तुमी अमर निवास मा रव्हने।
LUK 16:10 जोन नहान-नहान गोस्टी मा बिस्वास काबिल सेत, उ लगत मा भी बिस्वास को काबिल सेत, अना जो लहान-लहान गोस्टी मा अबिस्वासी सेत, उ लगत मा अबिस्वासी ईमानदार सेत।
LUK 16:11 अदी तुमी संसार को, धन मा बिस्वास को काबिल नही सेव, तो खरो धन परमेस्वर तुमी ला, काहे सौपे
LUK 16:12 अदी तुमी परायो धन मा बिस्वास को काबिल नही सेव तो तुमरो आपरो, धन तुम्ही ला कसो मिलेहेत।
LUK 16:13 कौनी मानूस दुई मालीक को चाकरी नही कर सका; उ एक लक बैर धरे अखीन, दुजो लक माया धरे या एक ला, आदर देहेत अखीन दुजोलक अपमान करयेत, तुमी परमेस्वर अना धन दुई को सेवा एक संग नही कर सकसेव।
LUK 16:14 मोसे को नियम को गुरू गिन धन-दौलत लक माया करत होतीन एकोलाय, यीसु को गोस्टी आयक के मजाक उड़ावत होतीन,
LUK 16:15 एको पर यीसु ना कव्हयो, तुमी लोकगीन को पुढ़ा सच्चो होवन को ढोंग करासो पर परमेस्वर तुमरो दिल ला जानासे, जोन चीज मानूस को नजर मा उच्चो से दुनिया को धन-दौलत, वा परमेस्वर को नजर मा बेकार से।
LUK 16:16 मोसे को नियम अना भविस्यवक्ता योहन बप्तिस्मा देवन वालो तकन रहयो, वोना बेरा लक परमेस्वर को राज को साजरो बारता, आयकोआय रव्होसेत, अना हरेक वोमा जान काजी जबरन कोसीस करासेत।
LUK 16:17 बादल अना धरती दुई सरक जाहेत, पर मोसे को नियम को एक-एक गोस्टी नही टलयेत बल्कि सबा पूरो होयेत।
LUK 16:18 जोन नवरा अपरी बायको ला छोड़के अना दुसरो पाठ करयेत, उ वोको संग छिंडरापन करासे, अना जो अपरो नवरा ला छोड़के, दुसरो मानूस लक संग रव्होसे, व वोको संग पाप करासे।
LUK 16:19 एक धनवान मानूस रव्हत होतो। उ गजब मंहगो ऊचो-ऊचो कपरा घालत होत्यो, अना रोज साजरो-साजरो जेवन करत होतो।
LUK 16:20 वोको घर को बेसकूड़ मा एक गरिब लाचार मानूस पडयो रहत होत्यो, वोको नाव लाजर होत्यो, वोको आँग भर फोडा-फुन्सि होत्यो।
LUK 16:21 उ धनवान मानूस को जूठो-काठो गिरो-पड़ो जेवन जेत होत्यो, अखीन कुतरा वोको फोडा ला जिबली चाटत होत्यो।
LUK 16:22 उ गरिब एक दिवस मर गयो, अखीन सरगदूत वोला धरकेना अबराहम को कोरा मा राखदेइन। मंग धनवान भी मर गयो, अना वोला भी माती देइन।
LUK 16:23 उ नरक मा दूख भोगन लग्यो, आपरो डोरा वरता उठायके ना, दूर लक अबराहम अखीन वोको कोरा मा गरिब लाजर ला चोवयो।
LUK 16:24 वोना हाकलिस, अबराहम दादजी मोरो पर दया कर, अखीन लाजर ला धाड़, उ आपरो बोट ला पानी मा फिलायके, मोरो तोन्ड मा डाखेत काहेका, मि इस्तो मा तड़पासू।
LUK 16:25 तबा अबराहम ना वोला सांगिस, हेतकर मोरो लाल, तोरो जीवन मा कसो-कसो सुख मिलिसेस, अखीन लाजर को जीवन मा कितरो मोठो-मोठो दुख होतो, अबा वोला चैन मिलि सेस, अना तोला दुख।
LUK 16:26 अखीन तोरो अना हमारो, बिच मा गहरो खोदरा सेत, एको लाय यदि कोनी तोरो कठा, जावन चाव्हासे, तो भि नही जाय सकत, ना कोनी वोना गन लक एनागन आय सकत।
LUK 16:27 तबा धनवान ना जवाब दियो दादजी, मोरो बिनती सेत क लाजर ला मोरो बाबूजी को गाँव मा धाड,
LUK 16:28 काहेका मोरो पाँच भाऊ सेत, उ उनको पुढ़ा एना गोस्टी ला चेतायेत, असो नहोय की वय भी एना तकलीफ की जघा मा आहेत।
LUK 16:29 तबा अबराहम ना कव्हयो, उनको कना मोसे को नियम अना भविस्यवक्ता गिनको पवीतर गिरंथ से, वय उनको गोस्टी मानेत
LUK 16:30 तबा धनवान मानूस कव्हासे, अबराहम दादजी, वोना कहान आयकेसी? पर मूरदा लक कोनी उनको कठा जाहेत, तबा वय पस्तावा करके ना मन बदलेत।
LUK 16:31 एको पर अबराहम कव्हसे, जबा वय मोसे को नियम अना भविस्यवक्ता गिनको पवीतर गिरंथ को नही मानासे, तो कोनी मूरदा लक, जी उठेत ता वोको भि नही समजेत।
LUK 17:1 यीसु ना आपरो चेला गीन, ला कव्हासे, “पक्को पाप को लोभ मानूस को पूढा जरुर आहेत, मंग उ मानूस ला धिक्कार सेत, जोन को लक मानूस पाप को लोभ मा पड़ासे!
LUK 17:2 जोन मानूस ऐना लहान लोक गीनको पाप को कारन सेत, वोको सजा यो से का, गरो मा चकिया को गोटा बान्धके, ना सागर मा डाख दियो जाये।”
LUK 17:3 “एकोलाय सतरक रव्हने, अदी तुमारो कोनी भाऊ गलति पाप करासे ता वोला नोको डाटो पर समजा लेव, अखीन उ पस्तावा करासे, ता वोला छिमा कर।
LUK 17:4 अदी कोनी दिवस मा सात बार तोरो विरोध मा पाप करासे, अखीन पस्तावा के छिमा मांगासे ता छिमा करदेव।”
LUK 17:5 तबा चेलागीन पिरभू ला कव्हासेत, आमरो भरोसा ला बढ़ाव,
LUK 17:6 पिरभू कव्हासेत, अदी तुमला राई को दाना बरोबर भरोसा होत्यो, अना सहतूत को झाड़ ला हुकूम देवतो, का उखड अना सागर मा लगी जाय! ता उ तोरो हुकूम ला मानतो।
LUK 17:7 “यदि तुमारो दास नांगर धरकेना खेत लक लवटसे, या सेरकी सेरी चरा के ना लवटासे, तो तुमी मा लक असो कोन सेत? जोन सांगेत आ अबा जेवन करले।
LUK 17:8 अना यो नही कहे, की मोरो जेवन तैय्यार कर, अना मि जबा तकन जेव नही लेऊ, तबा पासुन तैय्यार रव्हके मोरी सेवा कर, एको मंघा तु भी जेव लेजोस।
LUK 17:9 का मालीक आपरो दास ला एको, लई धनबाद देनो चाव्हासे, का ओना कव्हनो मानीसेस?
LUK 17:10 हमी भी वसोच सेजन, जसो सबरई हुकूम को माननो को मंघ, हमी नालायक दास सेजन, काहेकी हमना अपरो करम करी सेजन।”
LUK 17:11 यीसु येरुसलेम नगर जावत-जावत सामरिया अना गलील, परदेस को सिवमेढो मा लक होय कना, जाय रहिया होतिन।
LUK 17:12 कोनी गाँव मा धसीन, ता उन ला दहा कोढी मिलिन वय गाँव को सिव मेढो पर उभा होतिन।
LUK 17:13 वय उच्चो आवाज मा कहिन, का यीसु हमरो पर दया कर!
LUK 17:14 यीसु ना उनला चोवके उनला कहीस, जावो! “अना अपरो आप ला याजक ला देखाव” जबा वय जाय रहया होतीन, त रास्ता मा च साजरा भय गईन।
LUK 17:15 तबा वोमा लक एक असो चोय केना, का मी सजरो भय गयो कहेकर उच्चो आवाज लक, परमेस्वर को पिराथना बड़ाई करत, लवट गयो।
LUK 17:16 उ यीसु ला धन्यवाद देता-देता वोको पाय पर टोन्ड को बल पड़ गयो, अना उ सामरी होतो।
LUK 17:17 एको मघा यीसु ना सांग्यो, “का दहा साजरो नही भयो, तो मंग नउ कहान सेत?
LUK 17:18 अखीन ऐना परदेसी ला छोड़ केना, असो कोनी नई हिटयो जेव लवट केना, परमेस्वर की बड़ाई करतो?”
LUK 17:19 तबा यीसु न वोको लक कहीस, “का उभो होय जाय काहेका, तोरो भरोसा ना तोला साजरो करीसेस।”
LUK 17:20 एक बेरा मा मोसे को नियम को गुरू ना यीसु लक पुसिस, का परमेस्वर को राज कबा आहेत? तबा यीसु न वोला जवाब दियो, “परमेस्वर को नही चोवन वारा रुप मा राज आहेत, काहेका वा परगट नाहत। तो लोग गीनला कसो चोहेत?
LUK 17:21 लोक यो नही सांगासे ता चोवो उ यहान से उता सेत, काहेका परमेस्वर को, राज तुमारो बीच मा सेत।”
LUK 17:22 यीसु ना आपरो चेला गीनला सांगिस, एक बेरा असो आहेत, जबा तुम मानूस को टूरा एक दिवस चोवनो चाव्हने, पर वोला नही चोवने।
LUK 17:23 लोक तुम्ही लक कव्हेत, चोवो उ वहान से, चोवा उ यहान से, ता तुमी उता नोको जावने, अखीन उनको मंघा नोको जावने।
LUK 17:24 काहेका जसो बादल मा बिजली कड़कासे अखीन यो छोर लक उ छोर तकन चमका से, वसोच तुमी मानूस को टूरा को आवन को बेरा होयेत।
LUK 17:25 पर पुढा बेजा दुख उठानो पडे़त, यो जरुरी सेत का लोक गीन, वोला नकारेत।
LUK 17:26 जसो भविस्यवक्ता नूह को बेरा मा हुओ होत्यो, वसोच मानूस को टूरा को दिवस मा भी होयेत।
LUK 17:27 भविस्यवक्ता नूह को पानी जहाज मा बसन तकन, लोकगीन जेवन अना सादी ब्याह करत होतीन। तबा परलय आयो अना सबला बुड़ा देइस अना सबा सत्यानास भई गइन।
LUK 17:28 लूत को बेरामा भी असोच भयो, लोग जेवन करत रहयो, घर बनावत होत्यो पौधा लगावत होतिन
LUK 17:29 पर जोन दिवस लूत ना सदोम नगर सोड़यो परमेस्वर ना बादल लक स्तो बरसायके, सबला नास कर डाख्यो।
LUK 17:30 मानूस को टूरा को आवन को बेरा मा असोच होयेत।
LUK 17:31 वोना दिवस जोन अटारी मा सेत, वो समान लेवन लाय घर मा खाल्या नोको आहेत, अखीन जोन खेत मा सेत, उ मंघा नोको लवटे।
LUK 17:32 लूत को बायको ला हेत करो।
LUK 17:33 जोन आपरो जान सुरक्षीत रखनो चाव्हासे, उ वोला गुमा देहेत अखीन, जोन आपरो जान देहेत, उ जित्तो रहेत।
LUK 17:34 मी तुम लक कव्हसू, वोना रात दूई झन एक खाट मा झोपेत, एक उचल लियो जाहेत, अखीन दुजो सोड़ दियो जाहेत।
LUK 17:35 “दोन बाया संग-संग चक्कीया मा दरत रहेत अना एक ला उचल लियो जाहेती अखीन दुसरी ला सोड़ दियो जाहेती।”
LUK 17:36 “दुई जन खेत मा सेत, एक उचल लियो जाहेत, अखीन दुजो सोड़यो जाहेत।”
LUK 17:37 यो आयक के चेलागिन, न पुसयो, “हे पिरभू यो कहान, होयेत?” तबा यीसु ना कव्हयो, “जहान लास सेत, वहाँच गीधाड़ इक्कठो होवासे।”
LUK 18:1 मंग यीसु ना हमेसा पिराथना करनो से, अखीन हिम्मत नही छोडनो से समझावन काजी, एक किस्सा सांगीस।
LUK 18:2 कोनी नगर मा एक न्यायी रव्हत होतो, जोन नातो परमेस्वर को भगती करत होतो ना डरत होतो अना मानूस गीन को भेव खावत होत्यो।
LUK 18:3 वोच नगर मा एक बेवा रव्हत होती, जो वोका कठा आय आयके, कव्हत होती, मोरो बदला, देव अखीन मोला, मुकदमा करन वालो लक बचा।
LUK 18:4 काही बेरा तकन उ नही मानिस, पर आखीर मा मन मा बिचारन लगीस, का मोला ना तो परमेस्वर को भेव से ना ता कोनी लोकगीन को भेव सेत।
LUK 18:5 पर मोला रोज वा बेवा परेसान कर डाखीस, एको लाय मी आज एको, न्याय कर देसू कही असो ना होयेत, का बार-बार आयके, ना मोरो नाक मा दम कर देहेत।
LUK 18:6 यीसु पिरभू कव्हसे, आयको! यो अन्यायी न्यायी का कव्हसे?
LUK 18:7 एकोलाय का परमेस्वर आपरो पूढा, बेचयो लोक गीनको, बदला लेहे जो रात दिवस, वोकी दोहाई देवासे। का उ उनको बारे मा देर करयेत?
LUK 18:8 मी तुमरो लक कव्हसू, उ एक दम सटाकना उनको बदला लेहे, तबा मानूस को टूरा जबा आहेत त का उ धरती मा बिस्वास पाहेत?
LUK 18:9 जोन आपरो उपर न्यायी होवनको, भरोसा राखत होतिन, उन लक एक उदाहरन सांगीस।
LUK 18:10 “दोन मानूस मंदिर मा पिराथना करन लाय, गइन एक मोसे को नियम को गुरू होतो, अखीन एक जमा लेवन वारा होतो।”
LUK 18:11 मोसे को नियम को गुरू उभो-उभो असो, पिराथना करत होतो। “परमेस्वर मी तोला धनवाद देवासू, का मी दुसरो लोकगीन जसो, लोभी, अन्यायी, गलत काम करन वालो नहि सेव, अखीन यो जमा वसूली करन वालो, अन्धेर करन वालो जसो नही सेव।
LUK 18:12 मी हफ्ता मा दूई दिवस उपास रव्हसू, अखीन आपरो सप्पा आय, को दसवा हिस्सा दान करासू।”
LUK 18:13 जमा वसूली करन वालो, पापी अधिकारी काही दूहुर मा उभो होतो, वोला सरग कना, डोरा उठानो तकन को हिम्मत नही होतो। उ आपरो छाती पीट-पीट के ना कव्हत होत्यो, “परमेस्वर मोरो पर दयाकर।”
LUK 18:14 यीसु ना कव्हयो, “मी तुमरो लक कव्हसू, उ पहलो नही पर यो मानूस पाप लक सूटकारा पाय के अना न्यायी ठहराय के आपरो घर गयो।” काहेका “जोन कोनी आपरो आप ला ऊचो करासे, उ खाल्या कियो जाहेत, पर जोन आपरो आप ला खाल्या करासे, उ ऊचो कियो जाहेत।”
LUK 18:15 लोक गीन यीसु को कठा, लहान- लहान लेकरा ला जवर आनीन का उ उनला छिव दे। चेला गीन ना यो चोवके, ना डाटन लगीन।
LUK 18:16 पर यीसु न लेकरा गीनला, आपरो जवर बुलायो, अखीन कव्हयो, लेकरा गीनला मोरो कठा, आवन देव, नोको मना करो, काहेका परमेस्वर को राज इनको जसा लोक गीनको सेत।
LUK 18:17 मी तुमरो लक खरो कव्हसू, जोन मानूस लहान-लहान लेकरा गीन जसो, परमेस्वर को राज ला नही अपनायेत, उ वोमा कभी नही धसनो पाहेत।
LUK 18:18 एक मुखिया ना यीसु लक असो पुसयो, ओ सब लक साजरो गुरु, अमर जीवन को वारसान, बनन लाय मी काजक करु?
LUK 18:19 यीसु ना वोला सागीस, “मोला साजरो गुरू काहे कव्हसो? परमेस्वर ला सोड़ अखीन कोनी साजरो नहाय।
LUK 18:20 तुमी सप्पा हुकूम ला तो जानसो, बूरो नजर लक नोको चोवो, छिनाली नोको करो, कोनी ला जान लक नोको मारो, चोरी नोको करो खोटो, गवाही नोको देव, आपरो माय बाप को आदर करो।”
LUK 18:21 वोना जवाब दियो “यो सबा मी तो बचपन लक मानसू।”
LUK 18:22 यीसु ना यो आयक के ओको, लक सांगीस, “तोरो मा एक बात की कमीसे। आपरो सप्पा बिग दे तिजोरी खोलके अखीन गरीब गोर मा बाट के ना मोरो मंघा आव। तब सरग मा धन मिल्हेत।”
LUK 18:23 उ यो आयक के ना गजब उदास भय गयो, काहेका उ गजब धनवान होत्यो।
LUK 18:24 यीसु ना वोला उदास चोवके ना कहीस, “धनवान लोक गीनको, परमेस्वर को राज मा धसनो कठीन सेत
LUK 18:25 पर ऊँट को सूज्जी को नाक लक हीटनो सरल से। ” पर उनको परमेस्वर को राज मा धसनो कठीन से।
LUK 18:26 येको पर आयकन वालो, लोक गीन कव्हन लगीन, तो कोन सूटकारा पाय सकासे?
LUK 18:27 यीसु ना जवाब दियो जोन मानूस लक नही होय सकासे वा परमेस्वर कर सकासे।
LUK 18:28 तबा पतरस ना कव्हयो, चोव, अमी लोकगीन आपरो सबा कही छोड़-छोड़ केना, तोरो माघा-मघा आय गयो सेजन।
LUK 18:29 यीसु ना जवाब दियो, मी तुम्ही लोक हिनला खरो सांगसू, असो कोनी नहात जोन ना परमेस्वर को राज लाय, घर बार, अना बायको अना भाऊ गीन अना माय-बाबूजी अना बाल-बच्चा छोड़-छाड़ देईसेस।
LUK 18:30 यो जुग मा वोला, कई गुना मील्हेत अखीन अमर जीवन भी मील्हेत।
LUK 18:31 मंग यीसु बारा चेला गीनला अलग-थलग करके उन लक सांगीस, आयको हमी येरुसलेम नगर जाय रहयो सेत, मानूस को टूरा बारे मा जोन काही भविस्यवक्ता गीनना पवीतर गीरंथ मा लिखयो सेत, उ सप्पा पूरयो होवन वालो सेत।
LUK 18:32 काहेकि मी गैरयहुदी गीनको हात मा सौप दियो जाहेत, वोना मोरो मजाक उड़ाहेत, मोरो बेईज्जती करयेत अना मोरो पर थूकेत।
LUK 18:33 वय वोला कोड़ा मारेत अखीन मार डाखेत। पर उ तीन दिवस मा जित्तो भई जाहेत।
LUK 18:34 उनला यो सबद समजमा नही आयो काहेका, परमेस्वर ना उनको, समज ला बंद कर दियो।
LUK 18:35 जब यीसु येरीयो नगर को कठा पहुचयो, वहान एक अँधरा रास्ता को कीनार मा बसके, भीख माँग रहयो होतो।
LUK 18:36 वोना भीड़ भाड़ जावन को आवाज आयकीस, अखीन पुसो यो काजक होवासे?
LUK 18:37 तबा लोकगीन वोला सांगिन यीसु नासरी जाय रहि सेस।
LUK 18:38 तबा उ जोर लक हाकलन लग्यो, “ओ यीसु दाऊद को खानदान मोरो पर दया कर!”
LUK 18:39 तबा पूढा चलन वालो लोग गीन, ना चुप्प होवन काजी डाटन लगीन, पर उ अखीन जोर लक, वसोच हाकलीस। “ओ दाऊद को औलाद, मोरो पर दया कर।”
LUK 18:40 यीसु थम गयो अखीन वोला वोको कठा, लावन को हुकूम दियो जबा उ जवर आयो, तबा यीसु ना पुछयो
LUK 18:41 तु काजक चाव्हासे, मी तोरो लाय काजक करु? वोना जवाब दियो मालीक मी चोवन चाव्हासू।
LUK 18:42 यीसु कव्हसे, तो चोव, तोरो भरोसा ना तोला साजरो करीसेस।
LUK 18:43 वोच बेरा उ चोवन लग्यो, अखीन उ परमेस्वर को स्तुती बड़ाई करन लग्यो अखीन यीसु को, मघा जावन लग्यो सारी जनता यो चोवके, ना परमेस्वर को स्तूती करन लगीन।
LUK 19:1 यीसु येरीयो नगर मा धसके, ना जाय रहयो होतो।
LUK 19:2 वहान जक्कई नाव को एक मानूस होत्यो, जो जमा लेवन वालो को मुखीया होतो, उ गजब धनवान सेत।
LUK 19:3 उ यीसु ला चोवनो चाव्हत होतो, उ चोव नही सकत होत्यो, काहेका उ खुज्जा होतो।
LUK 19:4 वोना यीसु ला देखन काजी पुढा धावके, ना उमर को झाड़ मा चघ गयो, काहेका यीसु वोच रस्ता लक, जावन वालो होतो।
LUK 19:5 जबा यीसु वोना जघा मा पहूचो तबा वरता, नजर घुमाय के कव्हन लग्यो, ओ जक्कई तू खटाक ने खाल्या आव! काहेका, आज मी तोरो घर मा रुकन वालो सेव।
LUK 19:6 उ एक दम उतर केना, खुसी लक आपरो घर ले गयो।
LUK 19:7 यो चोवकर सप्पा लोक गीन, कुड़ कुड़ा के कव्हन लगीन, उ तो एक पापी मानूस को, यहाँ पाहूना सेत
LUK 19:8 जक्कई न उभो होयके पिरभू यीसु ला कव्हयो। हे मालीक चोव! मी आपरो धन को आरधो हिस्सा मी कंगाल गीन ला देवासू, अखीन काही अन्याव करके, ना राखीसेव तो वोला, मी चौगुना वापस देवासू।
LUK 19:9 तबा यीसु ना कव्हयो, अबा यो घर मा सूटकारा आयो से, एको लाय का यो भी अबराहम को एक टूरा सेत।
LUK 19:10 काहे का मानूस को टूरा गुमो हुओ ला ढुढ़न अखीन वोला सूटकारा देवन काजी आई सेव।
LUK 19:11 जबा वोना यो गोस्टी ला आयकत होतिन, तो वोना एक उदाहरन सांगन लगीस। काहेका वय लोकगीन, येरुसलेम नगर को कठा होतिन अखीन उ समजत होतिन, का परमेस्वर को राज अबासीन आवन वालो सेत।
LUK 19:12 एक धनी मानूस होतो, उ दुर देस जावन लग्यो, का राज पद पाय केना आपस लवट आयो।
LUK 19:13 वोना आपरो दास मा लक, दहा ला बुलायके, ना उनला दहा मोहर दियो, अखीन कव्हयो मोरो लवट के आवत तकन धन्धा करने।
LUK 19:14 पर उ नगर को रव्हासी गीन, वोको लक बैर राखत होतिन, अखीन वोको मंघा दूत गीन लक खबर पायो, हमी नही चाव्हसेत का तू आमरो पर राज करयेत।
LUK 19:15 जबा उ राज पद पाय के, लवटो तो असो भयो का वोना, आपरो दास गीनला बुलायो, अखीन पुसन लग्यो का, कोन-कोन न कितरो कमाई सेस?
LUK 19:16 तबा पहलो ना आयके कव्हयो, मालीक तोरो दहा मोहर लक मी अखीन दहा कमाई सेव।
LUK 19:17 तब वोना कव्हयो वाह साजरो दास गीन, मा तू एकच बिस्वास को काबील सेस। अबा 10 नगर मा अधिकार राख।
LUK 19:18 तबा दूसरो ना कव्हयो मालीक मी तोरो, मोहर लक पाँच मुहर कमाई सेव।
LUK 19:19 तबा वोना वोला भी कव्हयो, तु पाँच नगर पर अधिकार राख।
LUK 19:20 तीसरो ना आयके कव्हयो, हे मालीक देख यो तोरो मोहर से जसो को तसो मी गमछा मा बान्ध के राखी सेव।
LUK 19:21 काहेका मी जानासू, तू गजब कठोर मानूस से एको, लाय मोला तोरो लक भेव लगीस, का कहि मी जानासू, जोन तू ना नही राखीसेस, वोला उचल लेवासे अखीन जो तू ना नही बोयो सेस, वोला काप लेवासे?
LUK 19:22 तबा वोना वोला कव्हयो, हे दुस्ट दास! मी तोरो टोन्ड लक, हिटयो गोस्टी लक, तोला दन्ड देवासू, तू मोला जानत होतो का मी कठोर मानूस सेव, जो मीना नही ठेवी सेव, वोला उचल लेवासू, अखीन मी जो नही बोयि सेव, वोला मी कापसू।
LUK 19:23 तो तूना यो मोहर ला माहाजन कठा ठेव देतो मी आकेना, ब्याज समेत ले लेतो।
LUK 19:24 अखीन जोन कठा होतिन, उनलक कव्हयो का उ मोहर वोको लक, ले लेव अखीन जोको कठा, दहा मोहर सेत वोला, देदो।
LUK 19:25 उनना कव्हयो, मालीक वोको, कठा तो दहा मोहर सेत।
LUK 19:26 मी तुम्ही लक कव्हसू, का जोको कठा सेत, वोला अखीन दियो जाहेत, अखीन जोको कठा नही सेत, वोको लक जो सेत, वे भी ले लियो जाहेत।
LUK 19:27 पर मोरो उन बैरी गीनला जोन नही चाव्हत, होतिन का मी राज करु, उनला आन केना मार डाखो।
LUK 19:28 अखीन यीसु ये गोस्टी कव्हयो अना उ येरुसलेम नगर को कना, उनको पूढा चलयो।
LUK 19:29 जबा यीसु जैतून पहाड़ को कठा, बैतफगे अना बैतनिय्याह गाँव को जवर पहूचयो, तबा वोना, दोन चेला गीनला
LUK 19:30 “असो सांगत पठाय दियो का पूढा को गाँव मा, जाव जबा तुम्ही वहाँन, पहूचजो तबा तुम्हिला, खूटा मा बन्धो एक गधी को बछेरु मिल्हेत, जोको पर अबा कोनी, सवारी नही करीसेन
LUK 19:31 वोला छोड़ केना आनो यदि कोनी तुमला पूछेत, तो कव्हजोस का यीसु पिरभू ला, एको जरुरत से।”
LUK 19:32 जोन चेला गीनला धाड़ीस होतीस, वोना जसो यीसु ना सांग्यो होतो, तसोच पाईन।
LUK 19:33 जबा वय बछेरु ला छोड़त होतिन, तबा वोको मालीक आयकेना कव्हसे “तुम्हि काहे छोड़ोसो।”
LUK 19:34 तबा उनना जवाब देइन का, “यीसु पिरभू ला एको जरुरत से, वोच हमीला धाडीसेस।”
LUK 19:35 वय बछेरु ला वोको कठा, आनीन अखीन लोक गीन ना चद्दर बिछा के वोमा यीसु ला, बसाय देइन।
LUK 19:36 जसो-जसो यीसु पूढा बड़तो गयो, लोक गीन वोको पूढा रास्ता मा, चद्दर बिछात होतिन।
LUK 19:37 जबा वय जैतून पहाड़ को, उतार मा पहुचियो तबा सब चेला गीन, खुसी होयके ना जोन काम उनना चोयो होतो, उ सबा अचंभा होवन वालो काम को, हेत कर केना सबा लक, उच्चो आवाज मा परमेस्वर को, स्तुती करन लगीन
LUK 19:38 धन्य से उ राजा जो पिरभू को, नाव लक आवासे सरग मा सान्ती सबा लक, ऊचो सरग मा महिमा।
LUK 19:39 भीड़ मा काही मोसे को नियम को गुरू होतिन, वोना यीसु लक कहिन गरुजी चेला गीनला डटकार
LUK 19:40 यको पर यीसु ना जवाब दियो “मी तुम लक कव्हसू, यदि वोना चूप रहयो, ता गोटा चिलावन लगेत।”
LUK 19:41 जबा यीसु जवर आयो अना, नगर ला चोवयो अखीन उ रोवन लग्यो।
LUK 19:42 अना बोलयो, “कितरो साजरो, होतो का तू आज को दिवस, यो समज पातो का कोनतो, बात मा तोरि सान्ती, से?” पर अबा यो बात तोरी डोरा लक लुको हुओ सेत।
LUK 19:43 तोरो पर उ दिवस आहेत, जबा तोरो बैरी तोरो चारो लक घेर लेहति अखीन, तोरो पर दड़ब डाखेत।
LUK 19:44 तोला अखीन तोरो मा निवास करन वालो, तोरि सन्तान ला माती मा मिला देहति, अखीन तोरो मा एक भी गोटा तरा उपर नही रव्हेत, काहेका तूना उ साजरो दिवस ला नही चिन्हिसेस, जब परमेस्वर ना तोरि सुधि लेइसेस।
LUK 19:45 यीसु मंदिर मा धसिस अखीन, बिकन वालो ला यो सांगत बाहेर कहाडिस, का
LUK 19:46 लिखो से परमेस्वर को घर पिराथना को, घर होयेत, पर तूमना वोला डाकू को, अड्डा बना दियो से।
LUK 19:47 यीसु हर रोज मंदिर मा उपदेस देवत होतो, अखीन मोसे को नियम को गुरू मुखिया याजक अखीन, जनता गीन यो डाव ढुढत होतिन, का यीसु को कसो नास कियो, जाय।
LUK 19:48 पर उनला नही सुझत होतो का, काजक करे? काहेका, जनता यीसु को बात लक खुसी होतिन।
LUK 20:1 एक रोज यीसु मंदिर मा, जनता ला साजरो बारता सांगत होतो। का मोसे को नियम को गुरू, लेखक, मुखिया याजक ओको कठा आइन।
LUK 20:2 अखीन वोला पुसीन, यो तू हमला सांग का कोनतो, अधिकार लक यो काम करासे? उ कोन आय जोना तोला यो अधिकार देइसेस?
LUK 20:3 तबा यीसु ना जवाब दियो, मि भी तुम्ही लक एक सवाल पूसासू, अखीन तुमी सांगो
LUK 20:4 योहन बप्तिस्मा देवन वालो को बप्तिस्मा, सरग कन लक होतो, का मानूस को कन लक होतो?
LUK 20:5 वय आपसी मा सलाह करासे, हमि सरग कन लक सांगबीन तो उ कहेत, का तुम्ही योहन पर भरोसा काहे नही ठेवासो?
LUK 20:6 अदी हमि सांगबीन का मानूस कन लक तबा जनता हमला गोटा लक मार-मार के ना मार डाखेत। काहेका लोक गीन ला यो भरोसा होतो, का योहन परमेस्वर को भविस्यवक्ता आय।
LUK 20:7 एको लाय उनना जवाब दियो का, आमी नही जानसेजन, का योहन कोन कन लक से।
LUK 20:8 एको पर यीसु ना उन लक, कव्हयो “तबा मि भी तुम्ही लक नही सांगसू, का मि कोनतो अधिकार लक यो काम करासू।”
LUK 20:9 तबा यीसु जनता ला यो उदाहरन सागन लग्यो, एक किसान आपरी अंगूर को बारी, किसान गीनला ठेका मा देयके, ना गजब दिवस काजी, परदेस मा चले गयो।
LUK 20:10 जबा बेरा भयो ता उ मालीक ना आपरो एक दास ला धाड़िस, का अंगूर को बारी को बटाई देय दे। पर किसान गीन वोला, मर-पीट के ना रिकामो हात पराय देइन।
LUK 20:11 मंग उ मालीक ना दुसरो दास ला धाड़िस, अना वोला भि वसोच मार-पीटके ना रिकामो हात लवटा दियो।
LUK 20:12 मंग मालीक ना तिसरो नौकर ला धाड़िस, अखीन उनना वोला भी घायल करके ना कहाड़ देइन।
LUK 20:13 तबा अंगूर को बारी को मालीक ना सोचिस, का मी काय करू? मि आपरो चहेतो टूरा ला धाड़सु, साइद वोना लोक गीन वोको आदर करयेत।
LUK 20:14 जबा किसान ना वोला चोविन तो, आपस मा बिचारन लगीन, यो ता ओको वारिस आय, आओ एला मार डाखो, का यो बारी हमेसा लक आमरो भई जाहेत।
LUK 20:15 अखीन वोला अंगूर को बारी लक, बाहेर कहाड़ केना मार डाखिन। एकोलाय अबा अंगूर को बारी को मालीक उनको संग का, करयेत?
LUK 20:16 उ आयके ना वोना किसान गीनला नास करयेत, अखीन अंगूर को बारी ला दुसरो ला देहेत। उनना यो आयक के ना ओला कहिन, परमेस्वर करे असो नोको होयहेत।
LUK 20:17 वोना उनको कना चोवके ना कहीस, अखीन का लिखोसे? जोन गोटा ला मिस्तरी ना नकारो सेस, वोच कोनटा को सप्पा बजन सहन वालो, गोटा भई गईस।
LUK 20:18 जोन कोनी वो गोटा मा पडे़त, चकनाचूर भई जाहेत। अखीन गोटा जोनको पर पडहेत उ पिस जाहेत।
LUK 20:19 वोच बेरा मुखिया याजक, अखीन मोसे को नियम को गुरू लिखनवारा, समज गइन का यो उदाहरन आमरो पर लक सांगिसेस, ओना यीसु ला पकड़न चाहत होतिन, पर जनता लक भेव खाइन।
LUK 20:20 वय यो ताका मा होतिन, का भेद लेवन काजी कोनि मानूस ला धाड़ेत जोन झुठो बहाना लक नेक बनके वोला कोनी ना कोनी गोस्टी मा पकड़ेत, अना वोला अधिकारी को हात को सुपरुत करहेत।
LUK 20:21 वोना गीनना वोला पुसिन, हे गुरू हमि जानसेजन का तू खरो, सांगासेस अखीन सिकावासे। परमेस्वर को मारग खराई लक, सांगासेस अखीन कोनी, तरफदारी नही करासे।
LUK 20:22 ता अबा सांग मोसे को नियम लक का अमीला राजा कैसर ला, जमा को सिक्का देवनो खरो, से का खोटो से?
LUK 20:23 वोना उनको होसियारी, समज गयो अखीन कव्हयो,
LUK 20:24 एक रुपया को सिक्का मोरो कठा आनो, तबा जनता लक पुछयो योमा कोन को छापा सेत अखीन कोको नाव सेत? लोगगीन कहिन राजा कैसर को।
LUK 20:25 तबा उ उनला कहीस, जोन राजा कैसर को सेत, उ राजा कैसर ला देव, अखीन जो परमेस्वर को, से वो परमेस्वर ला देव।
LUK 20:26 वय लोकगीन वोला मिसा लक पकड़न को ताका मा होतिन, यो काजी नेकी को भेस धरके ना काही लोक गिनला ओको कठा मिसा लक धाड़िन, का वय वोको कोनी सबद पकड़े, अखीन वोला अधिकारी गीन लक, सिकायत करके ना धराय देहत।
LUK 20:27 एको बाद काही सदूकी गुरूगीन, यीसु को जवर आइन जोन मरन को बाद जी उचलनो नही मानत होतिन। उनना वोला यो सवाल करीन,
LUK 20:28 गुरूजी, मोसे गुरूजी ना आमरो लाय, एक नियम बनाइसेस, का कोनी को भाऊ बिना सन्तान को मर जासे, तो वोको भाऊ उ बेवा ले बिहा करके ना आपरो भाऊ को, काजी सन्तान पैदा करेत।
LUK 20:29 एक परिवार मा सात भाऊ होतिन मोठो ना बिहा करकेना नवरी आनीस, अखीन उ बझला मर गयो।
LUK 20:30 दुजो अखीन तिसरो
LUK 20:31 असो सातो भाऊ वा बायको, लक बिहा करके ना बिना सन्तान को मर जावासे।
LUK 20:32 आखीर मा उ बायको भी मर जासे।
LUK 20:33 अबा सांगो जित्तो होवनो को बाद मा वा बायको, कोन की बायको होयेत? उ तो सातो को बायको होति।
LUK 20:34 यीसु ना कव्हयो एना जुग मा मरद-बायको, को बिहा होवासे। अखीन नवरा-नवरी होवासे।
LUK 20:35 पर आवन वालो जुग मा जबा, सप्पा मुरदा जित्तो होवनो भई जाहेत, वहान बर-बिहा नही होयेत।
LUK 20:36 पर सबा जी उचलनो को मंघा अमर होयके ना, सरग दुत जसो परमेस्वर को सन्तान बन जाहेत।
LUK 20:37 पर यो गोस्टी को की मरयो हुयो जित्तो जित्ता होवासे, मोसे ना स्तो पेटायो झाड़ी को किस्सा मा सांगिसेस, जहान उ पिरभू कव्हासे का मि अबराहम, इसहाक अना याकूब को परमेस्वर सेउ।
LUK 20:38 उ मुरदा को नही पर जित्तो को परमेस्वर सेत। कायको लाय का वोको, पूढा सबा जित्तो सेत।
LUK 20:39 एको मंघा मोसे को नियम को गुरू अना लेखक गीन कहिन का, तू ना साजरो सांगिसेस।
LUK 20:40 अखीन यीसु लक कोनी सवाल पुसन को, हिम्मत नही भयो।
LUK 20:41 मंग यीसु ना उनला पुसयो, मसीह ला राजा दाऊद को, सन्तान काहे कव्हासेत?
LUK 20:42 राजा दाऊद खुदच आपरो भजन को पवीतर किताब मा कव्हासे, परमेस्वर ना मोरो मालीक लक कव्हयो।
LUK 20:43 मोरो उज्जो बस जबा तकन मि तोरो बयरी गीन ला तोरो पाँय को खाल्या को पीढ़ो नही कर देवासू।
LUK 20:44 राजा दाऊद ता वोला पिरभू कव्हासे त मंग वा कसो वोको सन्तान से?
LUK 20:45 जबा सबा लोक गीन आयकत होतिन, तबा वोना आपरो चेला गीनला कव्हासे,
LUK 20:46 लेखक मोसे को नियम को गुरू ले होसियार रव्हो। जोन ला, लम्बो-लम्बो कपरा पहननो अखीन, फिरनो चाव्हासेत अखीन उनला, बजार मा नमस्कार अखीन, सभाघर मा उच्चो आसन
LUK 20:47 वय बेवा गीनको घर अना धन चट करासे अना दिसावन को लाय लम्बो-लम्बो पिराथना करोसे, उनला कठोर दन्ड मिलहेत।
LUK 21:1 मंग वोना डोरा उठय के, ना धनी गीनला आपरो-आपरो दान पेटी मा डाखत चोवो,
LUK 21:2 वोना एक गरिब बेवा ला, वोमा दोन दमड़ी डाखत चोयो, तबा वोना कव्हयो, मि तुम्ही लक खरो सांगासू, का यो गरिब बेवा ना सबा मा बड़के दान डाखयो से।
LUK 21:3 तबा वोना कव्हयो, मी तुम्ही लक खरोखर सांगासू, का यो गरिब बेवा ना सबा मा बड़के, दान डाखिसे।
LUK 21:4 यो तो आपरो सप्पा कमाई को धन दान कर देइसेस, बाकि लोग गीन आपरो बढत लक, उलफा रुपिया डाखिन।
LUK 21:5 जबा काही लोकगीन मंदिर को, बारे मा कव्हत होतिन, का यो कसो सुन्दर गोटा अना भेंट को, चीज लक सजायो गयो से?
LUK 21:6 तबा यीसु ना कव्हयो, वोना दिवस आहेत, जोन मा यो जोन काही तूम्हि चोवासो, उनमा लक कोनी गोटा लक गोटा नही बचेत, सबा नास कर दियो जाहेत।
LUK 21:7 उनना वोला पुसिन “हे गुरू यो सबा कबा होयेत? अना यो बात पूरो होवन को, का निसान सेत?”
LUK 21:8 तबा उ कव्हसे “होसियार रव्हो का कोनी, तुमिला नोको भरमाय, काहेका गजब लोकगीन मोरो, नाव लक आहेत अखीन सांगेत, का मी वोच सेव अना यो, भी का बेरा जवर आय गयो से, तुमी उनको मंघा नोको जावने।”
LUK 21:9 जबा तुम्ही लडाई-बलवा को, चरचा आयकने तो नोको, घबराने, इनको पुढा होवनो जरुरी से, पर वोना बेरा अन्त नही होयेत।
LUK 21:10 तबा वोना उन लक कव्हयो, लोक पर लोक अखीन, राज पर राज चढ़ाई करयेत।
LUK 21:11 अखीन मोठयो-मोठयो भुईडोल होयेत, अना जघा-जघा गिरानी पड़ेत, मरही आहेत अना वरता बादल मा, मोठो-मोठो निसान चोवेत।
LUK 21:12 पर इनलक पूढा लोग मोरो नाव को कारन, तुमला धराय देहेत, अखीन तगांयेत अना सभाघर मा सोपेत, अना जेल मा डाख देयेत, अना राजा न्यायईगिन को पूढा लेजायेत।
LUK 21:13 यो तुमारो लाय गवाही को बेरा होयेत।
LUK 21:14 एकोलाय आपरो-आपरो, मन मा ठान लेवका हमि उनको पूढा का कव्हनो से? यो चिन्ता नोको करने।
LUK 21:15 काहेका मि तुमीला असो बोल अना अक्ल देहू, का तुमारो विरोध करनवालो, काप नही सकेत।
LUK 21:16 तुमारो माय-बाप अना, भाऊ कुटुम्ब, अना संगी भी तूमीला धराय देहेत, अना यहान तकन का तुमी लक कोनी-कोनी, ला मरवा डाखेत।
LUK 21:17 मोरो नाव को कारन सबा लोक तूमी लक बैर करेत।
LUK 21:18 पर तुमरो डोस्का को, एक चुन्दी भी नहीं उखान सकेत।
LUK 21:19 पर आपरो धिरज लक, तूमी आपरो पिरान बचाय राखो।
LUK 21:20 जबा तूमी चोवने का, येरुसलेम नगर सेना लक, घिरो सेत तबा जान लेवने, का वोको नास कठा सेत।
LUK 21:21 वोना बेरा जो यहुदिया परदेस मा सेत, उ पहाड़ी मा पराय जाय, अना जोन येरुसलेम नगर को भीतर सेत, उ बाहेर हीट जाय, अखीन जोन देस मा नाहती उ सहर मा नोको जाय।
LUK 21:22 काहेका उ बदला को दिवस होयेत, जोन मा पवीतर गिरंथ मा लिखयो सबा बात पूरो भई जाहेत।
LUK 21:23 वोना बायको को लाय, दूख को दिवस होयेत, जोन पेट ले सेत, अना वा लेकरा ला दूध पिलाय सेति। काहे का धरती मा गजब मोठो विपदा आ जाहेत।
LUK 21:24 लोकगीन तलवार लक, काप दियो जाहेत। अना उनला बन्दी बनाय के ना, गैरयहुदी लोकिगीन मा लीजाय लेहेत। अना गैरयहुदी लोकगीन को लक, येरुसलेम नगर, जबा तकन बेरा पूरो ना भई जाय रवदो जाहेत।
LUK 21:25 दिन-चन्दा तारा मा हिदान होयेत, सागर गरजेत अखीन पूरा-पानी लक, धरती को सबा मानूस लोक घबरा जाहेत।
LUK 21:26 भेव को कारन मा अना संसार मा होवन वारा अचंभा को काम को कारन आवनवालो बेरा को बाट जोहत-जोहत, लोकगीन को जान ठिकानो पर नही रहेत। काहे का बादल को ताकत डुलायो जाहेत।
LUK 21:27 तबा उ मानूस को टूरा मोठो ताकत न महिमा को, संग बादल म आवत चोहेत।
LUK 21:28 जबा यो बात होवन लगेत, तबा आपरो, मान सीधो करके ना उठने, काहेका तुमारो सूटकारा जवर होहेत।
LUK 21:29 वोना एक उदाहरन लक समजायो, अँजीर को झाड़ ला चोवो,
LUK 21:30 जबा उन मा नवा पान आवासे, तबा तुम्ही जान लेवासो का उनहारी को मौसम आय गयो सेत।
LUK 21:31 तुमी जबा असो होवत चोवने, तबा यो जान लेने का परमेस्वर को राज जवर सेत।
LUK 21:32 मी तुम्ही लक खरो सांगासू, का जबा लक यो बात नही होयेत, यो पीढ़ी को अन्त नही होयेत।
LUK 21:33 बादल अना धरती टल जाहेत, पर मोरो बात नही टलहेत।
LUK 21:34 एकोलाय होसियार रव्हने, असो ना होहेत एने जीवन को, भोग-विलास, नसा-पानी अना संसार को, चिन्ता मा तुमारो मन लग जाहेत, अना एकदम वोना दिवस जाल जसो आ जाहेत।
LUK 21:35 काहेका धरती मा रव्हन वालो, सबा पर असोच एकदम लक आफत आ जाहेत।
LUK 21:36 एकोलाय जागतो रव्हो अखीन, पिराथना करो का आवन वालो घटना लक, बचके न असो ताकत लक भर जावो का मानूस को टूरा पुढा उभो रह सको।
LUK 21:37 यीसु दिवस मा मंदिर मा उपदेस देवत होतो, अना रात मा उ नगर को बाहेर हिटके ना जैतून पहाड़ मा रात बितात होतो।
LUK 21:38 अना पहेट मा उपदेस आयकन काजी मंदिर मा लोक आवत होत्यो।
LUK 22:1 बेखमिरी भाकर को तिहार जोन ला, बलिदान तिहार कव्हसेत, जवर आय गई।
LUK 22:2 मोसे को नियम को गुरू अना लेखक, मुखिया याजक, यीसु ला मार डाखन को उपाय ढूढत होतिन, पर वय जनता लक भेव करत होतिन।
LUK 22:3 वोना बेरा मा सैतान ना यूदस इस्करियोति, मा धस गयो, यूदस बारा चेला मा एक होत्यो।
LUK 22:4 वोना मोसे को नियम को गुरू अना मुखिया याजक लक, यीसु ला धरान को बारेमा चरचा करीस, का यीसुला उनको, हात धराय देयेत।
LUK 22:5 वोना खुस भई गयिन अना धन देवन को लोभ देईन।
LUK 22:6 यूदस भिड लक अलग यीसुला, धरान को डाव ढुढन लगिस।
LUK 22:7 बेखमिरी भाकर को दिवस आयो, वोना दिवस पाठी को बलिदान करनो जरुरी होत्यो।
LUK 22:8 यीसु पतरस अना योहन ला यो सांगके धाड़िस, “जाओ बलिदान तिहार को तैयारी करो, का अपन सबा संग-संग जेवन करबीन।”
LUK 22:9 उनना यीसुला पुसिन, “कहाँ तैयारी करबीन हमला सांग का तोरो मन मा काय सेत?”
LUK 22:10 यीसु ना जवाब दियो, “जसो नगर मा धसने वसोच तुम्ही ला, एक मानूस घघरा मा पानी लेयके जावतो चोयेत, वोको मघा-मघा जावने अना उ जोन घर मा जायेत, वोच घर मा जावने।
LUK 22:11 अना उ घर को मालक ला सांगने का, गुरूजी यहान बलिदान तिहार मनानवालो सेत, मिजवान खोली कोनतो से? जहा उ आपरो चेला गीनको संग जेवन करहेत।
LUK 22:12 उ तुमला सजो अटारी मा खोली दिसाएत वहाँच तैयारी करने।”
LUK 22:13 वोना चले गइन अखीन यीसु ना जसो सांगो होतो, वसोच पाइन अखीन वहान बलिदान तिहार को जेवन तैय्यार करन लगीन।
LUK 22:14 जबा बेरा भयो, तबा यीसु चेला गीनको संग जेवन लाय बस्यो।
LUK 22:15 यीसु ना उनलक कव्हयो, “मोरो दिल मा यो गोस्टी होत्यो, का मी को बलिदान तिहार मा तुमारो संग मा जेऊ।
LUK 22:16 काहेका जबा तकन परमेस्वर को, राज पूरो रिती लक नहि आ जाहेत, मी मंग जेवन नहि करु।”
LUK 22:17 एको मंघा यीसु ना बटकी लियो, अना परमेस्वर ला धनवाद देके कव्हयो “एला, आपसी मा बाट लेने
LUK 22:18 काहेका मि तूमी लक कव्हसू, का अज को मघा जबा तकन परमेस्वर को राज पूरी रिति लक नही आ जाहेत, मी अंगूर रस नही पिवन को।”
LUK 22:19 यीसु ना भाकर लियो अखीन, परमेस्वर लक पिराथना करके चेलागिन ला भाकर दियो, अखीन सांगीस यो मोरी देह आय, मोरो हेत करन को लाय असोच करने।
LUK 22:20 यो जेवन को बाद मा यो सांगत बटकी दियो अना कहो, “यो बटकी मोरो रकत को वायदा को नवतो करार सेत जो तुमरो लाई बहायो गयो से।”
LUK 22:21 चोवो! जोन पातर मा जेवसे, वोच मा छेद करन वारा मोरो, संग से अखीन वोको हात ठाव मा से।
LUK 22:22 काहेका मानूस को टूरा ता जसो वोको लाय पक्को, करयो गयो से वसोच होहेत। “पर धिक्कार से वो मानूस ला, जो वोला धराय रहीसेस।”
LUK 22:23 वोना एक दूजो लक पूसन लग्यो का, हमी लोक गीनमा कोन सेत?
LUK 22:24 चेला गीन मा विवाद बड़ गयो का, हमरो मा मोठयो कोन से?
LUK 22:25 तबा यीसु ना कव्हयो, “गैरयहुदी लोकिगीन को, राजा उन पर सासन करासे, अना जोन उन पर अधिकार राखासे, उ उपकार करन वालो कहलावासे”।
LUK 22:26 पर तुमी असो नोको होवने, पर जो तुमरो मा मोठयो से, उ लहान जसो अना जो मुखिया से उ सेवा करन वालो को जसो बनेत।
LUK 22:27 कायलाई का मोठयो कोन से, जो जेवन करन बस्यो से? का उ जोन सेवा करासे ? का उ नही जो जेवन करन बसो सेस? पर मी तुमारो बीचमा नौकर जसो सेव।
LUK 22:28 पर तुम्ही मोरो परिक्सा मा, हमेसा मोरो सगं रहयो।
LUK 22:29 अना जसो परमेस्वर ना मोरो लाय एक राज ठयरायो से।
LUK 22:30 वसोच मी तुमारो लाया ठयरावासू, जोन लक तुम्ही मोरो राज मा मोरो संग राजगद्दी मा बसो, संग जेवन करो, अना इसरायल राज को 12 गोत को नियायी बन जाओ।
LUK 22:31 पतरस ओ समौन चोव सैतान ना तुम्ही लोग गीनला मांग लियो से का गँहु जसो तुम्ही ला फटके।
LUK 22:32 पर मी तोरो लाय पिराथना करूसेव का तोरो भरोसा, ना चलो जाय, अना जबा, तु वापस आवजोस, ता आपरो संगी भाऊ गीनला थामजोस।
LUK 22:33 पतरस ना वोला कहीस, का पिरभू!मी तोरो संग मा जेल जान लाय अखीन मरन लाय राजी सेव।
LUK 22:34 पर यीसु न कव्हयो, पतरस मी तोरो लक कव्हसू का आज कुकड़ा को चिल्वनो को पूढा, तू मोला तीन बार नकारजोस।
LUK 22:35 यीसु ना चेला गीनला कहीस, जबा मीना पियुसी, झोला अखीन सेंडिल को, बिना धाड़यो होतो तबा, “काही चीज की कमी भई का?”
LUK 22:36 वय जवाब देईन का कोनी चीज की नहीं, एतरो पर यीसु ना कव्हयो, पर अबा मी कव्हसू अबा जेनको, कठा पियुसी से वोला धर लेव वसोच, झोला अखीन तरवार आपरो झंगा बिक केना आनलो।
LUK 22:37 काहे का मी तुम्ही लक कव्हसू, का यो जोन लिखयो से का उ दोसीगीन को संग गिनो गयो। वोको मोरो पर पूरो होवनो जरुरी से, काहेका मोरो बारे मा यो गोस्टी पूरो होवनो पर सेत।
LUK 22:38 उनमा कव्हयो, हे पिरभू चोव यहान दोन तरवार सेत! वोना कव्हयो लगत से?
LUK 22:39 तबा उ बाहेर हिटके आपरो आदत लक जैतून पहाड़ मा गयो अना चेला गीन, उनको मंघा भई गइन।
LUK 22:40 वोना जघा पहूचकेना वोना उन लक, कव्हयो तुम्ही परिक्सा मा नोको, पडजोस यो काजी पिराथना करो।
LUK 22:41 तबा उ काही जरासो दूरी बनाय के, ना चेला गीन लगी अलग पिराथना करन लग्यो।
LUK 22:42 हे परमेस्वर मोरो बाप, यदि तोरी इक्सा से तो यो दुख ला मोरो पूढा लक हटाय, ले। मंग मोरो नही तोरो मनसा, मोरो जीवन मा पूरो होहे।
LUK 22:43 तबा यीसु ला एक सरगदूत दिख्यो, जोना, वोला ताकत देतो रहयो।
LUK 22:44 यीसु संकट लक दूखी भय गयो अखीन गजब दूखी मन लक परमेस्वर लक पिराथना करन लग्यो। अखीन वोको पसी रकत को बुन्द जसो, थेम-थेम जघा मा टपकन लगीन।
LUK 22:45 तबा उ पिराथना करके ना उठयो, तबा आपरो चेला गीन, को जवर आयो चेला गीन उदास मन लक सो रहयो होतीन, तबा यीसु ना कव्हयो, तुमी काहेला सोवसो।
LUK 22:46 उठो अखीन पिराथना करो, क तुम्ही परिक्सा मा नोको पड़ो।
LUK 22:47 तबा उ कव्हत होतो का एक भीड़ को, पूढा-पूढा, यीसु को चेला यूदस आयो, उ यीसु को कना चूमा लेवन काजी, बढयो।
LUK 22:48 तबा यीसु ना कव्हयो हे यूदस का तू चुम्मा लेयके, मानूस को टूरा धरा रहोसे।
LUK 22:49 तबा यीसु को चेला गीन कव्हन लगीन, पिरभू का हमी तरवार चलाबीन?
LUK 22:50 अखीन उनमा लक एक ना तरवार कहाडके ना मुखिया पुजारी को, दास को जेवनो कान उड़ाय देईस।
LUK 22:51 तबा यीसु न कव्हयो बंद करो यो खून खराबा, अखीन वोको कान ला, वोको जगहा मा धरके ना, साजरो कर दियो।
LUK 22:52 तबा यीसु ना मुखिया पुजारी अखीन, मंदिर को रक्सक को मुखीया, अना सयानो गीन, जो वोना भीड़ मा लाठी-वाठी तरवार धरके ना आयो होतिन, उनला कव्हयो का तुम्ही मोला, डाकू वाकू समझकेन, हथीयार धर के मोला मारन आयीसेव।
LUK 22:53 जबा मी मंदिर मा हर रोज तुमारो, संग होतो तबा तुमना मोला नही धरयात पर यो तुमारो बेरा से, वोका पर इन्धारो को अधिकार से। मतलब मोला मालूम से का सैतान मोरो, संग काजक करन वालो से।
LUK 22:54 मंग वोला धरकेना, मुखिया याजक को घर मा पहूचा देइन। पतरस काही दूरी बनाय के, ना यीसु को मघा-मघा जावन लग्यो।
LUK 22:55 अखीन आँगन मा अघेटा पेटायो होतीन, वहांच पतरस उनको बीच मा जायके बस गयो।
LUK 22:56 एक टूरी जो उनकी दासी होती पतरस ला, स्तो को उजाड़ो मा, चोवके ना कव्हन लगीस, यो भी वोको संग होतो।
LUK 22:57 पर पतरस मना करके ना कव्हासे, बाई मी वोला नही जानासू।
LUK 22:58 जरा देर को मघा कोनी दूसरो ना पतरस ला चोवके कव्हयो, “तू भी वोमा लोक गीनको संगी मा लक एक आस! पतरस ना कव्हयो, नही भाऊ मी नही सेउ।”
LUK 22:59 एक तासको बाद मा कोनी मानूस ना पक्को चीन्ह केना कव्हयो “खरो खर यो वोको संग होतो काहेका, यो भी गलीली मानूस से।”
LUK 22:60 पतरस ना कव्हयो “हुट भाऊ, मी नही जानासू, का तुम्ही काजक सागसो?” उ जसो बोल रहयो होतो। वसोच कुकड़ा ना चील्लायो, कोक रे कोक।
LUK 22:61 अना पीरभू ना लवट के पतरस कना चोवयो, तबा पतरस ला हेत आयो का पिरभू ना वोला, काय कव्हयो होतो? का अज कुकड़ा को चिल्लान को पूढा तो मोरो, तीन बेरा मुकर करजोस।
LUK 22:62 अना उ बाहेरे हिटके ना बिलख-बिलख के रोवन लग्यो।
LUK 22:63 यीसु को पहरा देवन वालो सीपाही गीन, यीसु ला मजाक मा उड़ान लगीन अखीन वोला मारन पीटन लगीन।
LUK 22:64 ओनो डोरा मा पट्टी बान्धके ना वोला मारत होतिन अना कव्हत होतीन, का आवन वारो गोस्टी सांग अबा तोला कोन ना मारेत।
LUK 22:65 अखीन उनना योको गजब निन्दा करके ना, वोको विरोध मा गजब गोस्टी सांगन लगीन।
LUK 22:66 जबा दिवस हिटयो ता गजब सयानो, अना मुखिया याजक मोसे को नियम को गुरू गीन लेखक, इक्कठो भईन अना वोला, आपरो पंचायत मा आनके पुसन लगीन।
LUK 22:67 अदी तुम्ही मसीह सेव ता हमला सांग! अना उनना कहीस, यदि मी तुम्ही लक कँहू ता, भरोसा नही करबीन।
LUK 22:68 अना यदि मी पुसू ता जवाब नही देवजोस।
LUK 22:69 पर अता मानूस को टूरा सबा लक मोठो, ताकत को परमेस्वर को उज्जो बस्यो चोवने।
LUK 22:70 एतरो पर सप्पा को सप्पा सांगन लगीन, ता का तूच परमेस्वर को टूरा आस? यीसु ना जवाब दियो तुम्ही कव्हासो का मीच आँव!
LUK 22:71 येको पर उनना कव्हयो “अबा आमला अखीन गवाही को, का जरुरत से?” आमी ना ता खुद वोकोच तोन्ड लक आयकसेजन।
LUK 23:1 तबा सबा पंचायत उभो भय गइन, अखीन पिलातुस न्यायी को कठा ला गइन।
LUK 23:2 अना सबा असो दोस लगावन लगीन, का यो राजा कैसर ला जमा देवन लाय मना करासे, अखीन आपरो आप ला राजा कव्हासे, अना लोग लोक गीनला राजा को खिलाफ भड़कावसे।
LUK 23:3 तबा पिलातुस न्यायी ना पूसयो का यो बात खरो सेत? का तू यहूदी लोकी को राजा आस? तबा यीसु ना कव्हयो, तू खुदच सांगासे।
LUK 23:4 तबा पिलातुस ना मोसे को नियम को गुरू अना, मुखिया याजक लोक गीनला सांगीस, मोला यो मानूस मा काही खोट नही चोवासे।
LUK 23:5 पर वय मजबूती लक सांगीन, यो गलील परदेस लक सबा यहुदिया मा उपदेस देके ना, लोकगीन ला उकसावासे।
LUK 23:6 यो आयक के पिलातुस ना पुसयो, का यो गलीली मानूस आय?
LUK 23:7 अना यो जानके का यो राजा हेरोदेस को राज को अधिकार मा सेत, वोना वोला राजा हेरोदेस को कठा धाड़ीस, काहेका उ वोना दिवस मा येरुसलेम नगर मा होतो।
LUK 23:8 राजा हेरोदेस ना यीसु ला चोवके गजब खुसी भयो, काहेका वोला गजब दिवस लक चोवन को आस होत्यो। काहेका व आयको होतो का यीसु गजब अचंभा भरो निसान चोवासेत।
LUK 23:9 उ वोको लक गजब सवाल करत रहयो, पर यीसु उघा मुघा रहयो।
LUK 23:10 अना पुरोहित अना मोसे को नियम को गुरू, मुखिया याजक देह मन लक वोको, पर दोस मढन लगीन।
LUK 23:11 तबा राजा हेरोदेस ना आपरो सीपाही गीनको संग, वोला खरो-खोटो कव्हके वोको मजाक उड़ाइन, अना माजाकी कपरा घालके वोला, पिलातुस न्यायी को जवर लवटा देइन।
LUK 23:12 वोच दिवस लक न्यायी पिलातुस अना राजा हेरोदेस संगी-संगी बन गइन, एको मंघा एकमेक को बैरी होतिन।
LUK 23:13 पिलातुस न मोसे को नियम को गुरू अना मुखिया याजकगीन ला बुलाके सांगयो,
LUK 23:14 “तुम्हिना यो मानूस ला जनता ला, बहकावन वालो सांग के ना मोरो कठा आनी सेव, अना मीना तुमरो पूढा जायके यो मानूस मा जाँच करयो, अना एकोमा कोनी खोट नही पाइसेव।
LUK 23:15 न राजा हेरोदेस ना, काहेका वोना वोला मोरो कठा धाड़ देइसेस, अना चोवो, मी वोको मा असो खोट नही पायोसेऊ, का वोला पिरान दन्ड दियो जायेत।
LUK 23:16 यो काजी मी वोला, पिटवा केना सोड़ देसू।”
LUK 23:17 काहे का यो तिहार मा एक कैदी ला सोड़नो जरुरी होत्यो।
LUK 23:18 पर सप्पा चिलावन लगीन, का अमरो काजी बरब्बा नाव को कैदी ला, सोड़ देव अना येला मार डाको।
LUK 23:19 बरब्बा कोनी झगड़ा को कारन लक, बन्दी घर मा टाक दियो होत्यो।
LUK 23:20 पर राजा पिलातुस ना यीसु ला, सोड़न को मनसा लक, जनता ला अखीन समजायो।
LUK 23:21 पर जनता चिलान लगीन, का “ वोला कूरूस मा चघावो! कूरूस मा चघावो!”
LUK 23:22 राजा ना तिसरो बार कव्हयो, “काहे यो मा कोनतो, खोट सेत?” मीना वोको मा कूरूस मा चघावन को लाय कोनी गोस्टी नही पाई सेव! एकोलाय मी वोला, पिटावाये केना सोड़ा सेऊ।
LUK 23:23 पर जनता चिल्ला चिल्लाके, वोको मंघा पड़गइन, अना चिल्लानो गजब बढ गयो। अना चिलावन लगीन का, वोला कूरूस पर चघावो।
LUK 23:24 तबा राजा पिलातुस ना हुकूम देइस, का उनको निरनय को अनूसार कियो जाय।
LUK 23:25 तबा बरब्बा जोन हिन्सा अना जानलक मारन को आरोप मा होतो वोला छोड़ देइस, अना यीसु ला उनको मनसा को लक उनला सोप देइस।
LUK 23:26 एक कुरेनी नगर को मानूस जोको नाव सिमोन होतो, उ गाव लक आ रहयो होतो। वोला धरकेना वोको पर कूरूस ला लाद देइन, अना वोला यीसु को मंघा मंघा चलन को हुकूम देइन।
LUK 23:27 जनता को गजब भीड़ उनको मंघा- मंघा चल रहयो होतिन। उनमा काही आई माई होतिन, जो आपरो छाती पीटत वोको लाय रोवत होतिन।
LUK 23:28 यीसु ना उनको कन मुरक के कव्हयो, वो येरुसलेम नगर को टूरी तुम्ही मोरो लाई नोको, रड़ो पर आपरो लाय अना आपरो, लेकरा गीन लाई रोओ।
LUK 23:29 काहेका उ दिवस आय आहेती, जबा लोक गीन कहेत का वा बायको धन्य से जो वाखाड से, अना लेकरा को जलम पासुन दुध नही पिवाइसेस।
LUK 23:30 तबा लोक गीन पहाड़ी ला कहेत, का आमरो पर पहाड़ी पड़ जाय अना पहाड़ ला कहेत, का हमला ढाक लेव।
LUK 23:31 काहे का यदि कोनी हरो-भरो झाड लक असो करासेत, ता वोको सूक्को काड़ी को काजक हाल होवते।
LUK 23:32 वय यीसु को संग दूई आपराधी गीन ला मारन लाय ले गइन।
LUK 23:33 वय कवटी नाव की जघा मा पहूचीन वहान, उनना यीसु ला अना दोन अपराधी इनला कूरूस पर चघाइन, एक ला वोको उज्जो कन अना दुजो ला डाख्या कना।
LUK 23:34 यीसु ना कहीस, हे बाबूजी इनला, छिमा कर काहेका यो नही जानासे, का यो काजक कर रहीसेत, तबा उनना चिठ्ठी टाक केना यीसु का कपरा ला आपस मा बाट लेइन।
LUK 23:35 जनता उभी होयके यो सब चोय रही होतीन। मुखिया गीन यो कहके, येसु को मजाक करत होतीन, का वोना दूसरो ला बचाइसेस। यदि यो परमेस्वर को मसीह से अना यदि परमेस्वर येला बेचयो सेस, ता यो आपरो आप ला बचाये।
LUK 23:36 सीपाही गीन मजाक करन लगीन, वोना वोला सिरका देता कव्हन लगीन।
LUK 23:37 यदि तू यहूदिगीन को राजा आस, ता आपरो आप ला बचाव।
LUK 23:38 येसु को कूरूस पर भी लिखयो होत्यो। “यो यहूदी गीन को राजा से।”
LUK 23:39 कूरूस पर टगों एक खोटो काम करन वालो यीसु निन्दा करके, ना कव्हन लगीस, तू मसीह आस ना? ता खुद बच अना हमला बचाव।
LUK 23:40 पर दूसरो न वोला डटकार देईस अखीन कव्हयो, का तोला परमेस्वर को भेव नहात? तू भी वोच दन्ड भोग रहयो सेस, जोन वोला मीलो से?
LUK 23:41 पर हमी आपरो करनी को दन्ड पाय रही सेजन, पर यो तो नेक से।
LUK 23:42 तबा यीसु ला कहीस येसु जब तोरो राज आहेत तो मोला हेत राखजोस।
LUK 23:43 येसु ना वोला कहीस, मी तोरो लक खरो, सागांसू का आजच तू सरग मा मोरो संग होवजोस।
LUK 23:44 दोफारी को बेरा होतो वोना बखत तीसरो पहर मा सप्पा देस मा इन्धार छाय गयो।
LUK 23:45 दिनो उजयारी चेले गयो अना मंदिर को पड़दा बीच लक फटके दोन टुकड़ा भय गयो।
LUK 23:46 यीसु ना ऊचो लक चिल्लायो हे दाअजी जी मी आपरो आतमा ला तोरो हात मा सोपसू अखीन वोको जान हिट गयो।
LUK 23:47 सेना को मुखीया यो चोवके ना परमेस्वर को भजन बड़ाई करन लग्यो, अना कव्हयो खरो खर यो मानूस न्यायी होतो।
LUK 23:48 गजब जनता यो चोवन लाय इक्कठो भय गयो होतो, उ सब यो चोवके ना अपरो मन मा रोवत ललावत लवट गइन।
LUK 23:49 यीसु को जान पहचान को लोक गीन दूहर उभो होतीन, अना उनमा काही आई-माई होतीन, वा गलील परदेस लक यीसु को मंघा-मंघा आई होतीन। अना यो सब चोवत होतीन।
LUK 23:50 यूसुफ नाव को एक भला मानूस होतो, वोको अँदर कोनी कपट नही होत्यो, अना उ नेक मानूस होतो।
LUK 23:51 वोको यो काम मा कोनी हात नही होतो, उ यहूदिगीन को परदेस अरिमितिया गाँव को निवासी होत्यो। अना उ परमेस्वर को राज को बाट जोहत होत्यो।
LUK 23:52 वोना राजा पिलातुस को कठा जायके, ना यीसु को लास ला मांग लेइस।
LUK 23:53 वोना लास ला कूरूस लक खाल्या उतार केना, मलमल को साजरो कफन मे लपेट केना, असो खोली जसो मरघट्टी मा ठेव दियो जहान कोनी ला नही राखयो होत्यो, उ कबर चट्टान मा खुदो होतो।
LUK 23:54 वोना दिवस सूकीरवार होतो, अना पवीतर दिवस सुरु होवन वोरो होतो।
LUK 23:55 जोन आई माई गलील परदेस लक आयी होतीन, उनना यूसूफ को मघा-मघा जायके ना मरघट्टी ला चोवीन, का यीसु को लास ला कसो ठेयो गयो से?
LUK 23:56 तबा उनना आयके सुगंधित चीज अना इतर तैय्यार करीन अखीन पवीतर दिवस मा हुकूम को लक आराम करीन।
LUK 24:1 हफ्ता को पहलो दिवस मा दिवस उगन को पूढा, बेजा सुगंधित चीज इतर आन के तैय्यार करयो होतीन लेके मरघट्टी मा आइन।
LUK 24:2 अना उनना मरघट्टी को गोटा लुड़को पाइन,
LUK 24:3 अना खोली जसो कबर मा धसके चोवीन, पर पिरभू यीसु की लास नहोती।
LUK 24:4 वा ऐना बात ला चोवके चकीत भई गइन, तबा दोन मानूस चमकतो जामा घालयो उनको जवर आयके उभो भय गइन।
LUK 24:5 जबा वय थरथराय के जमीन कना नजर ला खाल्या करके उनना उनला कहीन, का तुम्ही जित्तो ला मरया हुवा मा काहे ढुडासेव?
LUK 24:6 उ यहान नहात पर मरयो हुयो जित्तो भय गईसे, अना हेत करो का वोना गलील मा रव्हतो बेरा काजक कव्हयो होतो?
LUK 24:7 का यो जरुरी से, का मानूस को टूरा पापी लोक गीनको, हात लक धरयो जाहे अना कूरूस पर चघावो जाहे, अना परो को दिवस जित्तो भय जाहे।
LUK 24:8 तबा उनला वोको यो गोस्टी हेत आई।
LUK 24:9 तबा मरघट्टी लक लवट केना, उनना वय अकरा लोक गीनला अना सबला गोस्टी कहीन, अखीन आयकवाइन।
LUK 24:10 जोन चेलागीन लक यो गोस्टी कहीन, कबर मा जान वालो आई-माई वा मरियम मगदलीनी अना योअन्ना अखीन याकूब की माय मरियम अना लगत आई-माई होतीन।
LUK 24:11 पर उनला यो गोस्टी किस्सा-कन्था जसो लग्यो, यो काजी उनना उनको भरोसा नही करीन।
LUK 24:12 तबा पतरस उभो भयो अना मरघट्टी चोवन काजी पराय गयो, अना उ वोनो होयके, चोयो वहान पर कफन च होतो, जोन भयो वोला सोचत-सोचत अचंभा करत आपरो घर चलो गयीन।
LUK 24:13 वोच दिवस उन मा लक दुई जन इम्माऊस नाव को गाँव मा जावत होतीन, उ गाँव येरुसलेम नगर लक कोनी अकरा किलो मीटर दुहुर होतो।
LUK 24:14 अना यो सबा घटना जो येरुसलेम नगर मा हुयो होतो, वोच मा आपस मा बातचीत करत होतीन।
LUK 24:15 जबा वय आपस मा बात करत होतिन, तबच यीसु उनको संग-संग चलन लगयो।
LUK 24:16 पर उनको डोरा ला असो बंद कर दियो होतो, का वय वोला नही चीन्ह सकिन।
LUK 24:17 वोना उनला पुसयो तुम्ही आपस मा चलत-चलत काजक बोलासो गा? तबा वय उभो होयके उदास भय गईन।
LUK 24:18 यो आयक के क्लियूपास नाव को मानूस ना कव्हयो, का तम्ही येरुसलेम नगर मा एकलो परदेसी सेस, जोन यो नही जानासो का? येना दिवस मा काजक-काजक भयो से।
LUK 24:19 यीसु ना उनला पुसयो कोनतो, बात गा? उनना वोको लक कव्हयो परमेस्वर को भविस्यवक्ता यीसु नासरी को बारे मा उ सबा लोक गीनको बीच परमेस्वर को काम अना गोस्टी ला
LUK 24:20 मोसे को नियम को गुरू अना मुखिया याजक ना वोला धरवाके, वोला जान लक मारन को दन्ड दिलवाइन अना कूरूस पर चघाय डाकिन
LUK 24:21 हमिला यो आस होत्यो का योच हमरो इसरायल लोक ला सूटकारा दिलाहेत, अना यो घटना परो को दिवस घटो होतो।
LUK 24:22 अमरो बीच लक काही आई-माई सक्कारी मरघट्टी मा गई होतीन, उनना हमला चकित कर देइन।
LUK 24:23 वोना कव्हत होतीन, का लास गायब से अना, सरगदूत ना हमला सांगिसेस का यीसु जित्तो से।
LUK 24:24 तबा हमरा संगी गीन मरघट्टी मा गईन, अना उनना चोइन का खरो-खर, लास गायब से।
LUK 24:25 तबा यीसु कव्हासेत, हे कम भरोसा को, तुमरी अक्कल मा गोटा पड गयो का, तुम्ही भविस्यवक्ता गीन पवीतर गीरंथ ला नही समजासो?
LUK 24:26 का यो जरुरी नहात? का मसीह यो सबा दुख उठायके, महिमा मा जाय।
LUK 24:27 तबा यीसु ना मोसे गुरूजी अना, सब भविस्यवक्ता गीनको पवितर गीरंथ लक, वोको बारे मा जोन काही लिख्यो से उ सबा समजाय दियो।
LUK 24:28 येतरो मा उनको गाँव आय गयो पर यीसु पुढा बढन लगयो। तबा
LUK 24:29 उनना यीसु ला कहिन, का गोधुली बेरा भय गईसे, अता तु हमरो घर मा रुक जा।
LUK 24:30 जबा उ उनको संग जेवन करन बस्यो, ता वोना भाकर लेय के परमेस्वर ला धन्य वाद देके तोड़िस, अना उनला देवन लग्यो।
LUK 24:31 तबा उनको डोरा उघड़ गयो अना उनना वोला चिन्ह लेइन। तबा उ वहान लक गायब हो गयो।
LUK 24:32 उनना आपसी मा सांगन लगीन, जबा उ रस्ता म आमी लक, गोस्टी करत होतो अना पवितर गीरंथ लक सांगत होतो, ता हमरो मन मा खुसी होयेत होतो।
LUK 24:33 वय वोच बेरा उभो भईन, अना येरुसलेम नगर लवट गइन, अना उन अकरा चेला अखीन उनको संगि गिनला जमा भयो पाइन।
LUK 24:34 उ कव्हत होतिन पिरभू खरो-खर, मरयो हुयो जित्तो भयो से। अना वोको, चेला समौन ला चोविसेस।
LUK 24:35 तबा उनना रस्ता को सकड्या गोस्टी उनना सांग दियो।
LUK 24:36 वोना यो घटना को पर गोस्टी करत होतीन, का यीसु उनको बीच मा आयके, उभो भयो अना कव्हयो, तुमला सान्ती मिल्हे।
LUK 24:37 पर वोन चकीत भई गइन अना, डर के सोचन लगीन कोनी आतमा भूत से।
LUK 24:38 यीसु ना उन लक कव्हयो, तुम लोग गीन काहे घबरा रही सेव? तुमरो मन मा काहे सका से?
LUK 24:39 मोरो हात अना पाय चोवयो मीच सेव, मोला टटोर के चोवो काहेका, आतमा को हाड-मास नही होतो, जसो तुम्ही मोला चोव रही सेव।
LUK 24:40 यो सांग के ओना कहकर उ ना वोला आपरो, हात अना पाय दिसायो।
LUK 24:41 जबा खुसी को मारे ले, वोला भरोसा नही भयो, ता वय आचरज करन लगीन, ता वोना उनको लक पुसिस, का तुमरो कठा कहि जेवन को सेत।
LUK 24:42 वोना वोला भुजिं मसरी को टुक्का देईस।
LUK 24:43 वोना वोला लेइस, अना उनको पूढा जेव लेइस।
LUK 24:44 यीसु ना चेला गीन ला कहीस, मीना तुमरो संग रहतो बेरा कव्हयो होतो, की जो काही मोसे को नियम अना, भजन भविस्यवक्ता गिनको कीताब मा लिखयो, से सबा को पूरो होवना जरूरी से।
LUK 24:45 तबा वोना उनको अक्कल ला उघाड़ देइस, का उनला पवितर गीरंथ समजमा आ सके।
LUK 24:46 अना उन लक कहीस, पवीतर गिरंथ मा असो लिखयो, से का मसीह दुख उठायेत अना परो को दिवस मरो लक, जिव जाहेत।
LUK 24:47 अना येरुसलेम लक सुरू करके सबच लोक गीनमा वोको नाव लक पाप की छिमा लाई मनफिरावन अना पस्तावा को परचार करयो।
LUK 24:48 तुमी यो गोस्टी को गवाह सेव।
LUK 24:49 चोवो! जोनको वादा मोरो बाबूजी ना कियो से, मी वोला तुमरो पर उतारीन, अखीन जब तकन सरग लक सक्ती नही भेटेत तुम्ही येरुसलेम-नगर मा रव्हने काहेका, जबा उ वरदान आहेत, तबा तुम्ही परमेस्वर को ताकत लक, भरपूर होय जाने।
LUK 24:50 असो सांगत-सांगत वो चेला गीनला बैतनिय्याह गाँव तकन ले गयो, अना उनना आपरो हात उठायके, न आसीस देइस।
LUK 24:51 यीसु आसीस देत-देत उन लक बेगरो भय गयो, अना सरग मा उचल लियो गयो।
LUK 24:52 चेलागिन वोला परनाम करके वोको स्तुति करत खुसी लक, येरुसलेम नगर लवट गइन।
LUK 24:53 अना मंदिर मा परमेस्वर को बड़ाई करन लगीन।
JOH 1:1 सबमा सूरू मा सबद होतो। अना सबद परमेस्वर को संगा होतो। अखीन सबद परमेस्वर होतो।
JOH 1:2 वोच सुरुमा परमेस्वर को संगा होतो।
JOH 1:3 सबच काही वोकोच लक जलम भयो से, उनमा लक कोनी भी चीज वोको बगर जलम नही भयेव।
JOH 1:4 वोको मा जिंदगी होतो, अना वा जीन्दगी मानूस गिनको उजाड़ो होतो।
JOH 1:5 अखीन उजाड़ो इंधारो मा चमकासे अना इँधारो वोला नही अपनाय सकयेव।
JOH 1:6 परमेस्वर को कन लक एक मानूस आयो, वोको नाव योहन होतो।
JOH 1:7 उ सच्चो उजाड़ो को बारे मा सबला गवाही देन आयेव होतो, का सब वोको गोस्टी ला मानके भरोसा करेत।
JOH 1:8 उ खुद उजाड़ो नहोत, मंग उ सच्चो उजाड़ो को बारे मा साँगन आयेव होतो।
JOH 1:9 उ उजाड़ो जोन खरो से, वा हरेक मानूस मा उजाड़ो कर देसे। असो उजाड़ो दुनिया मा आवनवारा होतो।
JOH 1:10 उ दुनिया मा होतो, अना सप्पा दुनिया वोको लक जलम लेयी होती, तरी दुनिया को लोक गीनना वोला नही चिन्हो।
JOH 1:11 उ आपरो घर मा आयो, अना वोकोच घरवारो ना वोला धुतकार देइन।
JOH 1:12 पर जितरो ना वोला आपनाय लेइन, उनला वोना परमेस्वर को टूरा-टुरी होवन को हक देइस। मनजे जोन लोकगीन वोको नाव पर भरोसा राखासे।
JOH 1:13 की जसो रकत लक मानूस जलम होवासे, ओनो पिरकार लक वय जलम नही लेईन तरी उनको अजी स्वता परमेस्वर से।
JOH 1:14 अना सबद देह मा आयो अना दया अखीन खराई लक आमरो बीच मा रहयो अना आमी ना उ परमेस्वर को टूरा को महिमा आपरो डोरा लक चोवयो सेजन।
JOH 1:15 योहन ना वोको बारे मा गवाही दियो से। अना हाकल के कव्हयो “यो वोच से जोन को बारे मा मिना साँगयो होतो, जोन मोरो मँघा आवनवालो से, मोरो लक मोठयो से, काहेकि उ मोरो लक पयले होतो।”
JOH 1:16 काहे का वोको मोठयो दया लक एक नही पर आमी ला दुई बार दया मिलि से।
JOH 1:17 एको लाय का मोसे को नियम ता मोसे ना दियो से। पर खराई अना दया यीसु मसीह सूटकारा देवन वालो लक धाड़ियो गयो से।
JOH 1:18 कबच कोनी न परमेस्वर ला नही चोयोसेस, पर परमेस्वर को टूरा नाच परमेस्वर ला चोवयोसेस, काहेका जोन वोकोच कन लक आईसे, वोनाच परमेस्वर ला चोवायोसेस।
JOH 1:19 जबा यहूदिगीन ना यरुसलेम मा याजक अना लेवी दासगिन ला योहन लक यो पुसन काजी धाड़ीन का “तु कोन आस?”
JOH 1:20 ता वोना यो गवाही देइस अना बिना संका को राजी भय गयो। “की मी मसीह नही सेव।”
JOH 1:21 तबा उनना योहन लक पुसिन, “मंग तु कोन आस?” “का तू भविस्यवक्ता एलिय्याह आस?” योहन ना कव्हयो “मि एलिय्याह नही सेऊ” तो “का कोनी मोठयो भविस्यवक्ता सेव?” योहन ना कहीस, नही।
JOH 1:22 तबा उनना वोको लक पुसिन का तू कोन आस? जोन ना आमला धाड़ीसेस उनला आमी काजक साँगबिन? “तू आपरो बारेमा काजक कव्हसेस?”
JOH 1:23 योहन ना कव्हयो, जसो भविस्यवक्ता यसायाह ना साँगिसेस “जंगल मा एक हाकलनवारा को आवाज का पिरभू को पंथ ला सरल करो।” मि वोच सेव।
JOH 1:24 वय मोसे को नियम को गुरू को कन लक धाडो गयो होतिन।
JOH 1:25 उनना योहन लक पलट के पुसिन, “तू ना ता मसीह ना तो भविस्यवक्ता ना ता एलिय्याह आस। मंग तु काय साठी बप्तिस्मा देसेस?”
JOH 1:26 तबा योहन ना जवाब दियो, “मि तो तुमी ला पानी मा बप्तिस्मा देवासू, पर तुमारो बीच मा एक मानूस उभो से, जेनला तुमी नही जानसो।
JOH 1:27 मतलब मोरो मँघा आवनवालो से, जोन मोरो लक ज्यादा साजरो से, मि जोन को जूता की दोरी खोलन लायक भी नही सेउ।”
JOH 1:28 यो गोस्टी यरदन नदी को वोनागन बैतनिहा गाँव मा भयो होतो जहान योहन बप्तिस्मा देत होतो।
JOH 1:29 दुसरो दिवस मा योहन बप्तिस्मा देवनवारा ना यीसु ला आपरो कन आवता चोइस अना कहीस, चोवो यो परमेस्वर को पाठी से, जो दुनिया को पाप ला उचल ले जावसे।
JOH 1:30 जोन को बारेमा मीना सांग्यो होतो, क एक मानूस मोरो मंघा आवन वारा से यो वोच से, जोन मोरो लक साजरो से काहेका उ मोरो लक पूढा होतो।
JOH 1:31 अना मी वोला चिन्हत नही होतो। पर यो काजी मी पानी मा बप्तिस्मा देवसू का यो गोस्टी इसरायल जाती मा सब ला मालुम भई जाहेति।
JOH 1:32 अना योहन ना यो गवाही देइस, मी ना परेवा को जसो आतमा ला सरग लक उतरतो चोयी सेऊ अना आतमा आयके वोको वरता रुक गयो।
JOH 1:33 अना मी ता वोला चिन्हत नही होतो। पर जोन परमेस्वर ना मोला पानी लक बप्तिस्मा देवन लाय धाड़िसेस, वोना मोला सांगीस, का तुमी जोको वरता आतमा ला उतरतो अना रुकतो चोवजोस वोच पवितर आतमा लक बप्तिस्मा देवनवारा से।
JOH 1:34 अखीन मीना चोवयो अना मि सांगुसू, का योच परमेस्वर को टूरा आय।
JOH 1:35 दुसरो दिवस योहन ओको दुई चेला को संगा उभो होतिन।
JOH 1:36 जबा उनना यीसु ला चलता चोयो, तबा कव्हन लगयो, चोवो यव परमेस्वर को पाठी आय।
JOH 1:37 तबा वय दुई चेला ना यव आयकिन ता यीसु को संगा भय गईन।
JOH 1:38 यीसु ना मुरक के उनला मंघा आवता चोयो, ता पुसासे, तुमी कोन ला चोवासेव? तबा उनना कहिन, हे गुरू तू कहाँन रव्हसेस?
JOH 1:39 तबा यीसु ना चेलाहुन ला कव्हसे, “चलो अना चोय लेव” तबा वोना जायके वोको रव्हन को जघा चोयो अना वोको संगा रहयो, यो महातनी बेरा होती।
JOH 1:40 जोन चेला योहन को गोस्टी आयकिन होतीन यीसु को मंघा भई गयी होतीन, उन दुही मा लक समोन अना एक अंद्रियास नाव को होतो।
JOH 1:41 अंद्रियास पयले आपरो सगो भाऊ समौन ले भेटयो अना वोला कव्हयो “आमला बचावन वारो मसीह मिल गयो से।”
JOH 1:42 तबा अंद्रियास ना समौन ला यीसु को जवर आनिस। तबा वोना टकटकी लगायके ओला चोयके कहीस, “तु योहन को टूरा समौन आस, तू पतरस कहलाजोस।”
JOH 1:43 दुसरो दिवस यीसु ना गलील जानो को निरनय लेवो,। उ फिलिप्पुस लक भेटयो अना ओको लक कव्हयो “मोरो मंघ होय लेव।”
JOH 1:44 फिलिप्पुस, अन्दिरयास, अना पतरस को नगर बैतसेदा को रव्हन वारा होतीन।
JOH 1:45 फिलिप्पुस नतनएल लक भेटयो अना वोको लक कव्हयो जेनको बारेमा भविस्यवक्ता मोसे ना, मोसे को नियम मा अना पवीतर भविस्यवक्ता गीनना पवीतर गिरंथ मा सांगिने, उ हमला मिल गयो से, उ यूसुफ को टूरा यीसु आय, जोन नासरत नगर मा रव्हासे।
JOH 1:46 नतनएल ना वोको लक कहीस, का कोनी साजरो चीज नासरत नगर लक हीट सकासे? फिलिप्पुस ना वोको लक कव्हयो, आयके चोय ले।
JOH 1:47 यीसु ना नतनएल ला आपरो कन आवत चोवके वोको बारेमा कव्हयो, “चोवो एकोमा कपट नहात, यो खरो-खर इसरायली से?”
JOH 1:48 नतनएल ना वोको लक कव्हयो, तू मोला कसो जानासेस? यीसु ना वोला जवाब दियो, ओको लक पुढा की फिलिप्पुस ना तोला हाकलीस, जबा तु अँजीर को झाड़ को खाल्या होतो, तबा मिना तोला चोवयो होतो।
JOH 1:49 नतनएल ना वोला जवाब दियो, “हे गुरू तू परमेस्वर को टूरा, अना इसरायल जाती को महा राजा आस।”
JOH 1:50 यीसु ना उनला जवाब दियो, “मीना जो तोरो लक कव्हयो का मिना तोला अँजीर को झाड़ को खाल्या चोवयो सेव का तू एकोलाय भरोसा राखासे? तू एको लक मोठो-मोठो काम चोवजोस।”
JOH 1:51 मंग वोको लक सांग्यो मी तूमी लक खरो-खर सांगसू का, “तुमी सरग ला उघड़ो हुयो अना परमेस्वर को सरगदूत गिनला वरता जातो अना मानूस को टूरा ला खाल्या उतरतो चोवने।”
JOH 2:1 मंग परो को दिवस गलील छेतर को काना नगर मा कोनी को बिहाव होतो, अना यीसु की माय भी उता होती।
JOH 2:2 यीसु अना वोका चेला गीन भी नेवता मा आयो होतीन।
JOH 2:3 जबा पिवनो को लाई अंगूर को रस खत्म भय गयो। ता यीसु की माय ना कहीस, “अता उनको जवर ता अंगूर को रस नाहती।”
JOH 2:4 यीसु न कहीस। अवो माय, अबा मोरो काजक काम से? अबा यो काम करनो की बेरा नहात।
JOH 2:5 ओकी माय नौकर गीनला कव्हासे, उ जोन काही करन ला सांगेत वोच करने।
JOH 2:6 उता यहूदी-जात सुध्द करन को रिती-रिवाज को लक गोटा को सह गजब मोठो भांडो राखी होतीन, उनमा एक-एक मा संबर लिटर को लगभग रस समावत होत्यो।
JOH 2:7 यीसु ओन्हीसीन कव्हसे, भांडो मा पानी भर देव, अना यीसु को कव्हन लक, ओन्हीसीन भांडो ला टोंड तकन लबा-लब भर देयि होतीन।
JOH 2:8 तबा वोना ओन्हीसीन कव्हासे, हेड़के हांडी रांधिया को जवर ले जावो।
JOH 2:9 जबा हांडी रांधिया ना वा पानी ला चाखीस, जोन अंगूर को रस बन गयो होतो। अना ओन्हीसीन नही जान पाईन का किता लक आइसे, पर वोको नौकर गीनला यो सब कान्ड मालुम होतो। तबा हान्डी राँधिया ना नवरदेव ला हाकलके कहीस,
JOH 2:10 “हर कोनी मानूस पुढा निट-नाट अंगूर को रस देवासे, अना जबा लोकगीन को जिव भर जासे तबा फिको देवासे, पर तुना अबा लक निट-नाट अंगूर रस बचाय राखिसेस।”
JOH 2:11 यीसु ना गलील को काना नगर मा आपरो यो पयलो निसान दिसाय के आपरी महिमा ला दिसाइस। अना ओको चेला ना वोको पर भरोसा ठेइन।
JOH 2:12 येको मंघा वा अना वोकी माय अना भाऊ अना चेला कफरनहुम नगर ला गईन अना उता काही दिवस रहीन।
JOH 2:13 यहूदिगीन को फसह को तिहार जवर होतो, अना यीसु यरुसलेम ला गयो।
JOH 2:14 वोना मंदिर मा मेढा परेवा बईल बिकनवालो अना सोना-चांदी ला बदलन वारो ला बसा चोवसे,
JOH 2:15 एकोलाई वोने रस्सी को कोड़ा बनायीस अना सब मवेसीहुन ला बाहेर मंदिर लक हेड़ देयो होत्यो। अना सोनार गीन को पैसा ला बगराय देयो होतो, अना पीढा ला उलट देयो होतो।
JOH 2:16 अना परेवा बिकन वारो ला साँगीस, इनला इता लक ले जावो! मोरो परमेस्वर को घर ला, धंधा करन को सराव नोको बनाव।
JOH 2:17 तबा ओको चेला गीनला हेत आई, का गिरंथ मा लिखयो से, “तोरो घर को लाई मोरी धुन मोला खाय डाकेत।”
JOH 2:18 एतरो पर यहूदी लोक ओको लक कव्हासेत। तु असो काम करासेस, ता आमी ला काही निसान दिसाव।
JOH 2:19 यीसु ना उनलक जवाब मा कव्हासे, “यो मंदिर ला पाड़ देव, अना मी एला तीन दिवस मा उभो कर देहू।”
JOH 2:20 यहूदी लोकगीन ना कहिन, “यो मंदिर ला बनावन मा छियालीस साल लगीसेत। अना का तु वोला तीन दिवस मा उभो कर देवजोस?”
JOH 2:21 पर वोना आपरो देह रुपी मंदिर को बारे मा कव्हयो होतो।
JOH 2:22 अना जबा उ मरो मा लक जित्तो भयो, तबा ओको चेला गीनला हेत आई, का वोने उनलक यो कव्हयो होतो, अना उनना परमेस्वर को पवितर गिरंथ अना उ परमेस्वर की गोस्टी पर, जोन यीसु ना साँगयो होतो भरोसा राखीन।
JOH 2:23 यीसु यरुसलेम नगर मा फसह को तिहार मा होतो, अना उ जोन निसान दिसावत होतो, ओला चोवके लोकगीन यीसु नाव पर भरोसा ठेइन।
JOH 2:24 पर यीसु ना आपरो आप ला, उनको भरोसा मा नही छोड़ीस, काहेकी उ उन मानूस को मन ला जानत होतो।
JOH 2:25 यो काजी वोला मानुसहिन ला गवाही देवन को जरूरत नही होतो।
JOH 3:1 याजक अना मोसे को नियम को गुरू गीनमा नीकुदेमुस नाव को एक मानूस होतो जोन यहूदी लोकगीन को मुखिया होतो।
JOH 3:2 वोना रात मा यीसु को जवर आयके वोको लक कहीस, “हे पिरभू तू परमेस्वर कन लक गुरू होयके आईसेस, काहे की जो निसान तु दिसावासेस, अदी परमेस्वर वोको संग नही सेत तो उ नही दिसा सकासे।”
JOH 3:3 यीसु ना खरो जवाब देइस, ओला साँगीस, की अदी कोनी मानूस नवतो रीती लक जलम नही लेवासे, तो उ परमेस्वर को राज कभी नही चोय सकेत।
JOH 3:4 नीकुदेमुस न ओको लक कहीस मानूस जब बुड़गा भय गयो, तबा उ कसो जलम ले सकासे? का वा आपरी माय को कोख लक दुसरो बार जलम लेहेत।
JOH 3:5 यीसु ना खरो जवाब ओला देईस, “मी तुमी लक कव्हसू, जब तकन कोनी मानूस, पानी अना आतमा लक नही जलम लेहेत, ता उ परमेस्वर को राज मा धस नही सकासे।
JOH 3:6 काहे की जोन तन लक जलमो से उ तन सेत, अना जोन आतमा लक जलमो से वा आतमा सेत।
JOH 3:7 काहे चकित होवा सो, की मीना तोरो लक साँगिसेव, तोला नवतो रीती लक जलम लेनो जरूरी से।
JOH 3:8 वारा जितानी कन चाव्हासे उता कन चलासे, अना तु वोको सबद आयकासे, पर नही जानासो की वा किता लक आवासे अना किता लक जासे? जोन कोनी आतमा लक, जलमो से उ असोच से।”
JOH 3:9 नीकुदेमुस ना वोला जवाब देइस, “असो-कसो होय सकसे?”
JOH 3:10 यो आयक के यीसु ना वोको लक कहीस, “तु इसरायल लोक को गुरू होयके भी, यो गोस्टी ला नही समझीसेस।”
JOH 3:11 मी तोरो लक खरो कव्हसू, “आमी जोन गोस्टी जानसेजन वोला कव्होसेजन, अना जोन आमी ना चोवोसेजन ओकी गवाही देवासेजन, अना तुमी आमरो गवाही पर भरोसा नही करासो।
JOH 3:12 जबा मीना तुम लक, धरती की गोस्टी सांगिसेव, तो तुमी न भरोसा नही ठेवासो, अना मी तुमला सरग की गोस्टी सांगु तो कसो भरोसा ठेवने।”
JOH 3:13 कोनी सरग मा नही चघयो से, पर उ चघयो से जोन सरग मा लक खाल्या उतरयो से। मजे “मानूस को टूरा” जोन सरग मा से।
JOH 3:14 अना जोन रीत लक, मोसे भविस्यवक्ता ना जंगल मा, सरप ला, वरता चघायो होतो। वोच रीत लक जरुरीसे की “मानूस को टूरा” भी वरता मा चघायो जाय।
JOH 3:15 एकोलाय जोन कोनी, वोको पर भरोसा राखेत, उ अमर जीवन पाहेत।
JOH 3:16 काहेका परमेस्वर ना संसार लक एतरो माया राखियो, का वोना आपरो चहतो एकच टूरा ला दे देईस। एकोलाय जोन कोनी वोको पर भरोसा राखेत, उ नास नही होहेत पर अमर जीवन पाहेत।
JOH 3:17 परमेस्वर ना आपरो टूरा ला दन्ड देवन ला नही, पर संसार ला सूटकारा देवन लाय धाड़ीसेस।
JOH 3:18 “ जोन कोनी ओको पर भरोसा राखेत, वो दन्ड नही पाहेत, पर जो लोकगीन भरोसा नही करयेत, वो खोटो मानो जाहेती। ऐको मायना असो से का उनना, परमेस्वर को एकलो चहेतो टूरा को नाव पर भरोसा नही राखिन।
JOH 3:19 अना दन्ड को यो कारन से, की उजाड़ो जगत मा आयो पर मानुसगिन ना इंधारो ला उजाड़ो लक ज्यादा माया करीन, काहेका, उनको काम खोटो होतीन।
JOH 3:20 काहेका जोन कोनी खोटो काम करनवालो को संगी से, उ उजाड़ो लक गुस्सा राखासे। अना उजाड़ो को जवर नही आवासेत, कहीं असो न होहे की उनको काम पर दोस लगाहेत।
JOH 3:21 पर जोन खराई पर चलासे, वा उजाड़ो को जवर आवासे, का उनको काम जोन परमेस्वर लक कियो गयो सेत पुडा आहेत।”
JOH 3:22 येको मंघा यीसु, अना वोका चेला, यहुदिया देस मा आई होतीन, अना यीसु उनको संग रव्हके बप्तिस्मा देवन लगयो।
JOH 3:23 योहन भी सालेम नगर को जवर बप्तिस्मा देवत होतो, काहे का उता लगत पानी होतो, अना लोक गीन आयके बप्तिस्मा लेवत होतीन।
JOH 3:24 योहन वोना बेरा तकन जेल मा नही डाकयो गयो होतो।
JOH 3:25 उता योहन को चेला को काही यहूदी लोकगीन संग सुध्दी को बारे मा बैस भयी।
JOH 3:26 अना उनना योहन को जवर आयके, वोको लक कहिन, “हे गुरू जोन मानूस यरदन नदी को वोनागन तोरो संग होतो। अना जोकि तुना गवाही देईसेस, चोव उ बप्तिस्मा देवासे, अना सबच वोको जवर आवासेत।”
JOH 3:27 योहन ना जवाब देइस, “जब तकन मानूस ला सरग लक नही दियो जाय सका, तब तकन वा काही नही पाय सकासे।
JOH 3:28 तुमी ता खुदच मोरो गवाही सेव, की मीना साँगयो मी मसीह नही सेव, पर वोको पुढा धाड़ो गयो सेव।
JOH 3:29 जोन की नवरी से, उ नवरा से, पर नवरा को संगी जो उभो से, वोकी आयकसेस अना नवरा को सबद लक खुस होवासे। अता मोरो खुसि पूरी भय गयी।
JOH 3:30 जरुरी से की उ बढ़े अना मी घटत रहुँ।”
JOH 3:31 जोन वरता लक आवासे, उ सब लक बेस से, जो धरती लक आवासे उ धरती को से, अना उ धरती को गोस्टी कव्होसे, जोन सरग लक आवासे वा सब लक वरता से।
JOH 3:32 जोन काही ओना चोयोसे अना आयकीसेस ओकी च गवाही ला देवासे अना कोनी वोकी गवाही नही अपनावासे।
JOH 3:33 जिनना वोकी गवाही अपनाय लेईसेत वोना यो गोस्टी पर छाप लगा देइसेत की परमेस्वर खरो से।
JOH 3:34 काहे की जोनला परमेस्वर ना धाड़ीसेस उ परमेस्वर की गोस्टी कव्होसे, काहे की उ आतमा नाप-नाप के नही देवासे।
JOH 3:35 बाबूजी टूरा लक माया राखासे अना ओना चीज ला जोन ओको जवर से टूरा को हात मा दे देसे।
JOH 3:36 जो टूरा पर भरोसा करासे, उ अमर जीवन पाहे। पर जो टूरा ला नही मानासे, उ जीवन ला नही चोय सके। पर परमेस्वर को गुस्सा वोको पर रव्होसे।
JOH 4:1 मोसे को नियम को गुरू गिनला मालुम भयो का, यीसु योहन लक लगत चेला बनावासे अना उनला बप्तिस्मा देवासे।
JOH 4:2 पर यीसु खुदच बप्तिसमा नही देत होतो पर ओको चेला गीन पानी मा बप्तिस्मा देवत होतीन।
JOH 4:3 तबा यीसु यहुदिया छेतर ला छोड़के मंग गलील छेतर ला चलो गयो।
JOH 4:4 अना वहान लक होयके उ सामरिया छेतर ला जावनो जरुरी समजयो।
JOH 4:5 एकोलाय उ सामरिया छेतर ला आयो ता सुखार नगर कठा आयो, यो नगर उ जघा को जवर से, जोन याकूब न आपरो टूरा यूसुफ ला देयि होतीस।
JOH 4:6 जबा यीसु थक गयो तो आयके जहान याकूब को बिहर होतो बस गयो। ओनो बेरा दिवस को टिकाटिक 12 बजया होतीन, यो बिहर ला याकूब खन्दो होतो।
JOH 4:7 एतरो मा एक सामरिया की रव्होन वाली बायका पानी भरन ला आई। यीसु ना ओको लक कहीस, “का मोला पानी पियाव।”
JOH 4:8 काहे का ओको चेला ता, नगर मा जेवन लेवन ला गई होतिन।
JOH 4:9 सामरी बायका वोला कव्हसे; तु ता यहूदी जात को सेस अना मि सामरी बायका आऊ, मोला पानी कायला मांगासेस। (काहे की यहुदी, सामरी लोकगीन को कोनी बरतन भांडो काम मा नही आनत होतीन)
JOH 4:10 यीसु ना सांगीस, का तु परमेस्वर को बरदान ला चिन्हतीस, ता यो भी चिन्हतीस की उ कोन से, जो तोरो लक कव्होसे, का मोला पानी पियाव, तो तु मोरो लक मांगतीस। अना मि तोला जिंदगी को पानी देवतो।
JOH 4:11 बायका न ओला कहीस, हे पिरभू, पानी भरन ला ता बालटी नाहती, बिहर भी गहरो से, ता वो जीवन को लाई पानी तोरो जवर किता लक आहे?
JOH 4:12 यो तो आमरो अजी याकूब जोनना आमला यो बेहेर देइसेस। जोन मा ओना अना ओको लेकरा अना ओको मवेसी हुनार ना पीई सेजन। का तु आमरो अजी याकूब लक मोठो सेस?
JOH 4:13 यीसु कव्हासे, जोन कोनी यो पानी ला पीवासे वा मंग तहान होय जाहे।
JOH 4:14 पर जोन कोनी यो पानी पीहे जोन मी देवासू, उ सदा लक तहान नही होहेत। पर उ पानी एक झिरिया बन जाहेत, जोन हरामेसा तकन पिझरत रहेत।
JOH 4:15 बायका वोला कहीस, हे पिरभू, वा पानी मोला देव जोन लक मोला तहान नही लगहेत अना मी एतरो दुहूर पानी भरन आहू।
JOH 4:16 यीसु वोला कव्हासे, जाय अना आपरो नवरा ला बुलायके आन।
JOH 4:17 ता बायका ओला कव्होसे, “मि बगर नौरा की सेव।” यीसु न वोला जवाब देसे, तु सहीच कव्होसेस, का मोरो कोनी नौरा नहाति।
JOH 4:18 काहे की तु पाँच नौरा बनाय लियो से अना जोको जवर तु अता होत उ भी तोरो नवरा नाहती। मोला तुना यो खरो साँगलीस।
JOH 4:19 बायका ना यीसु ला कव्हसे, हे पिरभू, “मोला असी लगासे की तु कोनी मोठो भविस्यवक्ता आस।”
JOH 4:20 आमरो अजी-दाजी ना योच पहाड़ पर बलिदान चघाईसेत, पर तुम्हि कव्होसेव की वा जघा जिता बलिदान चघावनो से, यरुसलेम मा से।
JOH 4:21 यीसु ना बायका ला कव्हासे, की अवो बाया, मोरो गोस्टी मा भरोसा ठेव, वा बेरा आवासे, अजीहुन को अराधना तुमी ना ता पहाड़ पर, ना यरुसलेम नगर मा करोह।
JOH 4:22 तुम जेनला नही जानसो वोला बलिदान चघावसो, आमी जेनला जानसेजन वोला बलिदान चघावसेजन, काहेका सूटकारा यहूदिगीन लक से।
JOH 4:23 पर वा बेरा आवासे पर अबा से वोमा खरो भगत सरग को दआजी की पूजा आतमा अना खराई लक करयेत। काहे का सरग को दआजि आपरो लाय असो ही भगत ला तपाससे।
JOH 4:24 परमेस्वर आतमा से अना जरुरी से का वोकी बलिदान करनवारा आतमा अना खराई लक वोकी बलिदान करयेत।
JOH 4:25 बायका कव्होसे मि जानसेउ का मसीह जोन खिस्त कहलावोसे उ आवनवारा सेत, जब उ आहे तबा सबच गोस्टी हमला सांग देहे।
JOH 4:26 यीसु ओला कव्हासे। मि तोरो लक गोस्टी करुसेऊ, “मी वाच सेव।”
JOH 4:27 वाच बेरा मा चेला आय जासेत, अना यीसु ला बाई संग गोस्टी करत चोवसेत अना चकित भय जासेत। एको मंग कोनी ना असो नही पुसिन, तु काजक चाव्हसेस अना यो बाई लक काजक गोस्टी करसेस?
JOH 4:28 तब च मंग बायका ना आपरो भांडो ला उतच सोड़ देइस, अना नगर ला धायके लोकहुन ला सांगासे,
JOH 4:29 “चलबिन एक मानूस ला चोवो, जोन मोरो बारे मा सबच काही सांग देईसेस, कहीं वोच तो मसीह नही से?”
JOH 4:30 एको लाय वय लोकगीन नगर ला‌ सोड़के अना यीसु को जवर आइन।
JOH 4:31 वोनोच बेरा चेला ना यीसु ला बिनती करीन, “गुरू, काही जेव लेव।”
JOH 4:32 यीसु उन लक कव्हासे, “जेवन लाय मोरो जवर उ जेवन से जेनला तुमी नही जानोसो।”
JOH 4:33 एतरो मा ओको चेला आपस मा यो कव्हन लगीन, “का कोनी ना वोको लाय काही जेवन ला आनी सेत?”
JOH 4:34 यीसु ना उनला कव्हासे, जोन मोला धाड़ीसेस, वोकी मरजी पर चलहु, अना वोको काम ला पूरो करू, योच मोरो जेवन से।
JOH 4:35 यीसु कव्हासे, का तुमी नही कव्होसो, का अब कटनी ला चार महिना रहय गईसेत? पर मि तुमी लोकगीन लक कव्हुसू, डोरा ला उचलके उन्हारी ला चोवो। वय कटनी को लाय पक गईसेत।
JOH 4:36 अबा कापनवालो रोजी पाहेत अना अमर जीवन को लाय फर सँगरेत, जिनको लाय बोवन वालो अना कापनवालो दुही मिलके खुसी मनाहेत।
JOH 4:37 काहे का यो हाना खरो बससे, एक से ता बोवासे अना दुजो से तो कापसे।
JOH 4:38 मिना तुमला वा खेत कापन लाय धाड़िसेउ, जिनमा तुमी ना मेहनत नही करयत। दुजा ऐमा मेहनत करीसेत अना तुमला वोको मेहनत को फर मिलिसे।
JOH 4:39 ता उ यहुदिया ला सोड़के मंग लवटके गलील ला चली गयो। ओनो बायको को गवाही ला जो यीसु ना ओको बारे मा सब काही कही होतीस यो गवाही ला आयक के ओनो नगर को लगत सो सामरीहुन ना यीसु मा भरोसा कर लेइन।
JOH 4:40 एको लाय जबा वय सामरी यीसु जवर आइन त यीसु लक बिनती करिन का तु आमरो इता रुक। वा दुई दिवस उतच रहयो।
JOH 4:41 लगत लोकगीन ना वोको सिक्सा ला आयकीन अना वोको पर भरोसा करन लगीन।
JOH 4:42 अना सामरीगिन वा बाई ला बोलिन का, अता त आमी तोरो कव्हन लक भरोसा नही करबिन। आमी खुदच वोला आयक लेई सेजन। अना आमी जान सेजन, का उ खरो-खर मा संसार को बचावनवारो से।
JOH 4:43 जबा दुई दिवस बीत गईन, तबा यीसु वहान लक गलील छेतर ला गयो।
JOH 4:44 यीसु खुदच गवाही देवत होतो का आपरो देस मा भविस्यवक्ता को मान नही होवा।
JOH 4:45 जबा यीसु गलील छेतर ला पहुचियो, तबा लोकगीन ना वोको मिजवानी करीन। काहेका यीसु तिहार को दिवस यरुसलेम मा जो काही कियो होतो, ओला सबला गलील छेतर का रहोन वालो ना चोइन होतीन, काहे का तिहार मा वय सबच उतच होतीन।
JOH 4:46 यीसु मंग गलील छेतर को काना नगर मा आयो, जिता वोने पानी ला अंगूर को रस बनायी होतीस। उता एक करमचारी होतो, जोन कफरनहुम नगर को रव्होन वालो होतो, वोको टूरा बीमार होतो।
JOH 4:47 जबा उ करमचारी ना कव्हयो, का यीसु यहुदिया छेतर लक गलील छेतर मा आइसे, तब उ वोको जवर आयो। अना ओको लक पिराथना करासे का, उ चलके वोको टूरा ला साजरो कर दे, काहेका वा मरनो पर होतो।
JOH 4:48 यीसु ना वोला कहीस, का तुमी निसान अना चमतकार ला चोयके मोरो पर भरोसा करोसो।
JOH 4:49 यो गोस्टी पर करमचारी ना ओको लक कहीस, पिरभू किरपा कर अना मोरो टूरा को मरन को पुढा चल।
JOH 4:50 यीसु ना वोला कहीस, “जाय तोरो टूरा जित्तो से,” उ वोको कव्हन पर भरोसा करके चलो गयो।
JOH 4:51 उ रास्ता पर जाय रहयो होतो, एतरो मा वोको दास गीन आयके वोला कव्हन लगीन, की तोरो टूरा जित्तो से।
JOH 4:52 वोना उन ला पुसयो, का उ कोन सो बेरा मा साजरो भयो। उनना वोला कहिन, “काल दिवस को एक बजे वोको बुखार ठीक भयो।”
JOH 4:53 तबा उ समज गयो का ठीक वोच बेरा यीसु ना कहीस होतो, का जाय तोरो टूरा जित्तो से। अना वोने आपरो सप्पा घर सकट भरोसा करन लगयो।
JOH 4:54 यो यीसु को दुसरो निसान होतो। जो वोने यहुदिया छेतर लक आयके गलील छेतर मा दिसाईस।
JOH 5:1 एको काही रोज बाद मा यीसु यहूदी लोकहुन को एक तिहार बेरा मा यरुसलेम तीरथ ला गयो।
JOH 5:2 यरुसलेम मा भेड़ बेसकुड़ को जवर एक कुन्ड से, इब्रानी भासा मा येला बेतहसेदा कहयो जासे। एको जवर पाँच छप्पर बनयो सेत।
JOH 5:3 वोमा लगत सा बीमार अँधरा, लँगडा, अना लकवा वालो पड़या रहोत होतिन। वय पानी ला हिलन की रास्ता चोवत होतीन।
JOH 5:4 काहे का पिरभू को सरग दुत बेरा-बेरा मा कुन्ड मा उतरके पानी ला हिलावत होतीन। पानी हिलन को बेरा जोन मानूस पहेले कुन्ड मा उतरत होतो, चाहे उ कोनी भी रोग लक होयहेत, उ साजरो भय जात होतो।
JOH 5:5 उता कन एक मानूस होतो जोन अड़तीस बरस लक बीमार होतो।
JOH 5:6 जबा यीसु ना वोला वहान लेटो चोयीस अना यो जानके का उ एतरो लम्बो बेरा लक रोगी से ता यीसु ओला कव्हासे, “का तू साजरो होवनो चाव्हासे?”
JOH 5:7 बीमार ना कहीस, पिरभू! मोरो कोनी नाहात, की जोन पानी हिलन को बेरा मोला कुन्ड मा उतारहेत। मोरो उतरनो को पुढ़ा च, कोनी दुसरो मोरो लक पयले उतर जासे।
JOH 5:8 यीसु ना वोला कहीस, उभो होय! आपरो दरी ला उचल अना हिंड।
JOH 5:9 गदने उ मानूस चाँगलो भय गयो, अना आपरो दरी ला उचलके हिंडन लगयो।
JOH 5:10 ओला हिंडतो चोयके यहुदी अधिकारी ना ओनो मानूस कव्हन लगीन की तोला कउन ना साजरो करीसेस? काहेकि यो ता बिसराम को दिवस से यो कानुन को बिरोध मा से, आज को दिवस तोला आपरो दरी उचलनो भी साजरो नहोती।
JOH 5:11 वोना उन ला जवाब देइस, “जोन मानूस मोला साजरो करीसेस, वोच न मोला कहिसेस, आपरो दरी ला उचल अना हिंडबिन।”
JOH 5:12 उनना वोको लक पुसिन, “उ कोन मानूस से? जोन तोला कहिसेस, दरी उचल अना हिंड।”
JOH 5:13 पर उ मानूस जोन साजरो भयो होतो, नही जानत होतो का उ कोन आय, काहेका ओनो जघा लगत भीड़ होती एकोलाई यीसु ओको लक दुहूर चली गयो होतो।
JOH 5:14 येने गोस्टी को मंघा, रोगी यीसु ला मंदिर मा भेटयो। यीसु ना वोला कहीस, चोव! तु साजरो भय गईसेस, मंग पाप नोको करबिन, नही ता अखिन कोनी मोठी आफद तोरो पर आन पड़ेहत।
JOH 5:15 ओना जायके यहूदि अधिकारीहुन ला कव्ह देसे, उ यीसु होतो, जेने मोला चांगलो करीसेस।
JOH 5:16 काहेकि यीसु ना बिसराम दिवस मा साजरो करन को काम करीसे, एकोलाई यहुदीहुन ओला सतावन लगीन।
JOH 5:17 यीसु ना उनला जवाब देईस, मोरो दाअजी अजी हमेसा काम करतो रव्हसे, एकोलाई मि भी काम करासेऊ। एकोलाई यहुदी ओला मार डाकन को कोसिस करत होतीन।
JOH 5:18 नाच केवल एकोलाई का उ बिसराम ला तोड़ रहयो होतो बल्कि उ परमेस्वर ला आपरो बाबूजी भी कव्हत होता। अना एकोलाई अपरो आपला परमेस्वर को जसो ठहरात होतो।
JOH 5:19 ऐना रिती यीसु ना उन लक साँगीस, मि तुमी लक खरो कव्हासेऊ, “टूरा खुदच काही नही कर सका, केवल परमेस्वर दाअजी जोन वोला करन ला कव्हासे, काहे का जोन काम ला दाअजी करासे, वसोच टूरा भी वोच रिती लक करासे।”
JOH 5:20 काहे का परमेस्वर दाअजी टूरा ला माया राखासे। अना जोन-जोन काम उ खुद करासे, उ सबला वोला दिसावासे अना यो काम लक मोठो काम वोला दिसाये। काहे का तुमी चकित होवो।
JOH 5:21 जसो की दाअजी मरयो हुयो ला जित्तो उचलासे, अना जिंदगी भी देसे। वसोच टूरा भी जेनला उ चाव्हासे ओला जित्तो कर देसे।
JOH 5:22 दाअजी कोनी को न्याय नही करासे, पर न्याय करन साठी हक टूरा ला देइसेस।
JOH 5:23 मनजे कोनी टुआ को मान करहेत वसोच दाअजी को मान करहेत। जोन टूरा को मान नही करासे, उ दाअजी को जोने वोला धाडीसेस, मान नही करासे।
JOH 5:24 मि तुमी लक खरो सांगिसेउ,“ जोन मोरी गोस्टी आयक के मोरो धाड़नवालो पर भरोसा करासे, वोको जवर अमर जीवन से अना ओको पर सजा की हुकूम नही होवासे। पर उ मिरतु लक पार भयके जीवन मा धसेत।”
JOH 5:25 मि तुमी लक खरो सांगिसेउ, “उ बेरा आवासे अना अबा भी से, जोनमा मरया हुया परमेस्वर दाअजी को टूरा की आवाज आयकेत। अना जोन कोनी आयकेत वय जित्तो होयेती।”
JOH 5:26 “काहे की जोन रिती लक दाअजी जीवन राखासे, वोच रिती लक वोना टूरा ला भी यो हक दियो से का आपरो आप मा जीवन राखे।
JOH 5:27 वरन वोला न्याय करन को भी हक दियो गईसे, एको लाय उ मानूस को टूरा से।
JOH 5:28 एको लाय चकित नोको हुओ, काहे का उ बेरा आवासे का जेतरा मरा हुआ सेत, वय वोकी आवाज आयक के मरघट्टी लक हिटहेत।
JOH 5:29 जिनना साजरो करीसेत, वय जीवन को लाय अना जोनना बुरो करीसेत, वय सजा को लाय, जित्तो होयेती।”
JOH 5:30 “मि आपरो लक काही नही कर सकु, जसो आयकासेऊ वसोच न्याय करासेउ, काहेकि मोरो न्याय खरो से काहेका मि आपरी मरजी लक नही पर आपरो धाड़न वालो की मरजी ला चाहव्सेउ।”
JOH 5:31 अदी मि आपरो गवाही आपच देवासु, तो यो गोस्टी खरो नाहती।
JOH 5:32 एक अखीन से जो मोरी गवाही देसे, अना मि जानासू का जोन यो गोस्टी ला पुरुप करासे, उ खरो से।
JOH 5:33 तुमी ना लोक गीनला योहन को जवर पुछन लाई धाड़यात अना वोना खरो गवाही सांगिसेस।
JOH 5:34 मि मानूस को गवाही पर आसरित नही सेऊ। तरी मि एकलाय कव्हासेउ जेकोलक तुमरो बचाव भय सकेत।
JOH 5:35 योहन ओनो दियो को जसो होतो जोन जलतो हुयो से अना उजाड़ो देसे। अना तुमी काही बेरा को लाई ओको उजाड़ो को खुसी मनावन चाव्हत होता।
JOH 5:36 पर मोरो जवर जोन गवाही से, उ योहन की गवाही लक मोठी से। अना जोन काम परमेस्वर दाअजी ना मोला पूरो करन लाई, देईसेस। मजे वय योच काम सेत, जोन मि करुसेउ, वय मोरो सबुत सेती, का परमेस्वर दाअजी ना मोला धाड़ीसेस।
JOH 5:37 परमेस्वर दाअजी ना जेना मोला धाड़ीसेस, मोरी गवाही देईसेस। तुमी लोकहुन ना ओको गोस्टी कबच नही आयकियत अना न तुमीना ओको रूप चोयीसेव।
JOH 5:38 अखिन नाच तुमी आपरो भीतर ओको खबर ला अपनायो सेव। काहेकी तुमी ओमा बिस्वास नही राखासेव जेनला परमेस्वर दाअजी ना धाड़ीसेस।
JOH 5:39 तुमी गिरंथहुन मा वाचासो, काहेका तुम्हि समजासो की ओमा अमर जिंदगी तुमला मिलेहत। अना यो वाचासो जोनमा मोरो बारे मा सबूत कहयो गयो से।
JOH 5:40 मंगच तुमी जिंदगी पावन लाई मोरो जवर नही आवन चाव्हसो।
JOH 5:41 मि मानूस लक मान- मरयादा नही चाव्हसेउ।
JOH 5:42 पर मि जानसेउ का तुमी मा परमेस्वर को माया नहात।
JOH 5:43 मि आपरो दाअजी को नाव लक आईसेऊ मंग तुमी लोकहून मोला नही अपनावा सेव। अदी कोनी आपरो नाव लक आहे तो ओला तुमी अपनाय लेहो।
JOH 5:44 तुमी मोरो पर बिस्वास कसो कर सकासेव? काहेकि तुमी ता एकमेक लक मान- मरयादा चाव्हासेव। अना उ मान- मरयादा जोन एक परमेस्वर को कन लक से, नही चाव्हासेव।
JOH 5:45 यो नोको समजो का मि परमेस्वर दाअजी को पुढ़ा तुमी पर दोस लगाव सेउ। तुमी पर दोस लगावन वालो मोसे से, जोन पर तुमी ना आस राखयत। अदि तुमी मोसे पर सही मा बिस्वास करासेव
JOH 5:46 ता तुमी मोरो मा भी बिस्वास करतत काहेकि मोसे ना मोरो बारे मा लिख्यो से।
JOH 5:47 जबा तुमी, जोन ओना लिख्यो सेस ओमा बिस्वास नही करासेव, “ता मोरो गोस्टी मा बिस्वास कसो करोह?”
JOH 6:1 एको मंघा यीसु गलील नगर को तिबिरियास नाव को झील को वोनागन चली गयो।
JOH 6:2 अना ओको मंघा एक मोठी भीड़ वोको मंघा भय गई, काहे का उनना रोगीहुन ला साजरो करन लाय अदभुत हिदान चोवायो होता।
JOH 6:3 तबा यीसु पहाड़ मा चघके आपरो मंघा आवनवालो चेलाहुन को संग उता बस गयो।
JOH 6:4 यहूदिगीन को फसह को तिहार जवर होतो।
JOH 6:5 जबा यीसु ना एक मोठी भीड़ ला आपरो जवर आवत चोवीस, तबा ओना फिलिप्पुस लक पुसिस, हमि इनको लाई जेवन किता लक आनबिन?
JOH 6:6 यीसु यो गोस्टी ओको परिक्सा लेवन को लाई कही होतीस, काहे का उ खुदच जानत होतो, का उ काजक करन जाय रही से?
JOH 6:7 फिलिप्पुस न ओला जवाब देईस, का दुई सौ सिक्का की जेवन भी उनला ला कम पड़हेत। पर हरेक झनला जरा-जरा बाँटनो पर जरा लगत बाँटा नही आहेत।
JOH 6:8 ओको चेला मा एक अखिन, जोन समौन पतरस को भाऊ अन्दिरयास होतो, ओना यीसु ला कहीस,
JOH 6:9 इता एक टूरा से, जोको जवर, जौ को पांच भाकर अना दुई मसरी सेती। पर एतरो लोकहुन लाय नही होवन की।
JOH 6:10 यीसु न कहीस, लोकहुन ला गवथ मा बसाय देव। तबा मरद-माना जिनकी गिनती पांच हजार को करिब होती। बर्रा मा गवथ पर बसाय देईन।
JOH 6:11 तबा यीसु ना भाकर लेइस, अना परमेस्वर ला धनवाद करके लोकहून ला पगंत मा परस देइन, वसोच मसरी ला भी मन को मरजी लक बाट देइन।
JOH 6:12 जबा वय जेयके के अघा गईन, तबा यीसु आपरो चेला गीन ला कहीस, बचयो टुकड़ा-टाकड़ी ला सकेल लेव, नास नोको करो।
JOH 6:13 तबा जेवन को मंघा उनना जौ को भाकरी को बारा टोपली टुकड़ा-टाकड़ी ला जमा करीन।
JOH 6:14 यीसु को यो चमत्कार चोयके लोकहुन ना कहयो, “पिक्को मा यो भविस्यवक्ता से जोन संसार मा आवन वारो होतो।”
JOH 6:15 यीसु ना यो जानके क वय मोला राजा बनान लाय धरन चाव्हासेत, एकोलाय उ पहाड़ पर चली गयो।
JOH 6:16 जब झूलाखाली भई, ता ओको चेला झील को कन गईन।
JOH 6:17 अना नाव मा चघके सागर को ओनागन, कफरनहुम नगर ला जावन लगीन। ओना बेरा जेवन रात भई गई होती। अना यीसु उनको कठा नही आयो होतो।
JOH 6:18 मोठो आंधड़ आवन लगी अना पानी मा लहर चलन लगी,
JOH 6:19 तबा वय डोंगा चलात-चलात सह किलोमीटर तकन निकल गईन। तबा उनना यीसु ला सागर पर चलता, अना नाव को कठा आवता चोयीन, तो डराय गईन।
JOH 6:20 तबा यीसु उनला कव्हसे, डराव नोको, “काहेकि मि सेऊ।”
JOH 6:21 मंग उनना ओला गदने नाव मा चघाय लेईन, ता गदने डोंगा वोना जघा पर पहुच गयी, जिता उनला जानो होतो।
JOH 6:22 दुसरो दिवस लोकहून को ओना भीड़ ना जोन झील को ओनागन रह गयी होती, चोयिन का वहान केवल एक डोंगा होतो, अना अपरो चेलाहुन को संग यीसु नही गयो होतो, पर ओको चेलागीन च चले गयो होतीन।
JOH 6:23 तबा ओनाच बेरा मा, काही लोक नाव तिबिरियास लक वोना जघा को जवर आइन, जहान उनना पिरभू को पिराथना-धनवाद करके ना भाकर जेयी होतीन।
JOH 6:24 तबा लोकगीन ना चोयीन का यहान, यीसु अना चेला गीन नहात, ता वय नहानी डोंगी मा चघके, यीसु ला ढुंढत-ढांढत कफरनहुम मा पहुँचईन।
JOH 6:25 झील को ओनागन जबा वय लोक यीसु लक मिलिन ता उनना ओला सांगीन, ओ गुरू, इता तु कब लक आईसेस?
JOH 6:26 यीसु उनला कव्हासे। खरो-खर तुमी मोला एकोलाय नही पुसासेव, की तुम्हिना अचंभा वालो निसान चोयोसेव, पर भाकर जेयके अघाइसो।
JOH 6:27 नास होवन वालो जेवन लाई मेहनत कायलाई करोसो? पर उ जेवन लाई मेहनत करो, जोन अमर जीवन लाई से। काहेकि उ जेवन मानूस को टूरा देहे, काहेका परमेस्वर दाअजी ना यो देन को हक वोला देईसेस। मजे परमेस्वर ना छाप लगाइसे।
JOH 6:28 एतरो आयक के उनना कहीन, परमेस्वर को काम करन ला आमी का करबिन।
JOH 6:29 यीसु ना जवाब देइस, परमेस्वर का काम यो से की तुमी मोरो भरोसा पर करो काहेकी परमेस्वर ना मोला धाड़िसेस।
JOH 6:30 तब ओन्हीसीन कहिन, मंग तु कोनतो निसान दिसावासेस की आमी चोवके तोरो भरोसा पर करबिन।
JOH 6:31 आमरो बाप-दादा ना जंगल मा मन्ना खाईन, जसो लिखयो से, वोना उनला खावन लाई सरग की भाखर देइस।
JOH 6:32 यीसु ना कहीस, का मि तुम लक खरो कव्हसू, “का मोसे ना तुम्हिला वा भाकर सरग लक नही देइस, पर मोरो दाअजी तुमला सच्ची भाखरी सरग लक देसे।
JOH 6:33 काहे का परमेस्वर की भाकर वाच से जोन सरग लक उतरीसे अना संसार ला जिंदगी देसे।”
JOH 6:34 तबा ओन्हीसीन कहिन, हे पिरभू यो भाकर हमला सबा बेरा देजोस।
JOH 6:35 यीसु ना उनला कहीस, “जिंदगी की भाकर मि सेव, जो मोर कगर आवासे, ओला कभ्भु भुख नही लगेत, अना जोन मोरो पर भरोसा ठेवासे, ओला कभ्भु तहान नही लगेत।”
JOH 6:36 तुमना मोला चोय भी लियत ता भी भरोसा नही ठेवासो।
JOH 6:37 जोन कोनी ला परमेस्वर दाअजी मोरो कठा धाड़ासे, उ मोरो कठा आहेत। अना जो कोनी मोरो कठा आहेति ओला मि कभ्भुच नही हेड़ु।
JOH 6:38 काहे का मि आपरी मरजी ला नही पर परमेस्वर की मरजी पूरी करनलाय सरग लक आईसेऊ।
JOH 6:39 परमेस्वर की मरजी यो से की जिनला ओना मोला देईसेस उनमा लक मि कोनी ला नही खोउँ, पर आखीर मा ओला जित्तो कर देहुँ।
JOH 6:40 काहेकी परमेस्वर की मरजी यो से की जोन कोनी मोला चोहे, अना मोरो पर भरोसा ठेये उ अमर जिंदगी पाहेत।
JOH 6:41 एको लाय यहूदिगीन वोको पर कुड़कुड़ान लगीन, की ओना कव्हयो होतो की जोन भाकर सरग लक उतरीसे, उ मि सेव।
JOH 6:42 अना उनको कव्हनो यो होतो, का यो यूसुफ को टूरा यीसु नहाती का, जोनको माय-अजी ला आमी जाना सेजन? ता उ कसो कव्हसे का, मि सरग लक आईसेऊ?
JOH 6:43 यीसु उनला जवाब देसे, आपस मा नोको कुड़कुड़ाओ।
JOH 6:44 कोनी मोर कठा नही आय सका, जब तकन दाअजी परमेस्वर जोन मोला धाड़िसेस, ओला नोको झीक लेय।
JOH 6:45 भविस्यवक्ता गीनको लेख मा यो लिखयो से। वय सब परमेस्वर को कन लक सिकायो होयेति। जोन कोनी ना दाअजी लक आयकिया अना सिकाया होयेत, उ मोर कठा आहेति।
JOH 6:46 एको अरथ यो नहोती का कोनी ना दाअजी ला चोयीसेस, पर वाच जोन परमेस्वर कन लक आयीसे ओनाच दाअजी ला चोयीसे।
JOH 6:47 मि तुम लक खरो साँगुसु, जोन कोनी भरोसा करासे वाच अमर जिंदगी पाहेत।
JOH 6:48 मि जिंदगी की भाकर सेव।
JOH 6:49 तुमरो आजा-पुरखागीन ना जंगल मा मन्ना खाईन पर वय मर गईन।
JOH 6:50 यो वा भाखर से, जोन सरग लक उतरीसे, एकोलाय जोन कोनी ओनो भाखर ला खाहे उ नही मरेत।
JOH 6:51 जीवन की भाकर जोन सरग लक उतरी से, मि सेव। जोन यो भाकर मा लक खाये उ सदा जित्तो रहेत, अना जोन भाकर मि संसार को जिन्दगी को लाय देहुँ, उ मोरो देह से।
JOH 6:52 येने गोस्टी पर यहूदिगीन आपस मा झगड़न लगीन, यो मानूस कसो हमला आपरो देह खावन लाई दे सकासे?
JOH 6:53 यीसु उन ला कहीस, मि खरो-खरो साँगुसु की जबा तकन मानूस को टूरा को माँस नही खाओ, अना मोरो खून नही पिवने, तबा तकन, तुमरो मा जिंदगी नही रहेत।
JOH 6:54 जोन मोरो माँस खावसे अना खून पिवासे, अमर जिंदगी ओकोच से, अना आखीर मा ओला मंग जीत्तो करू।
JOH 6:55 काहे का मोरो माँस सहीच मा खावन की चीज से अना मोर खून सही मा पिवन की चीज से।
JOH 6:56 जोन मोरो माँस खावासे अना मोरो खून पिवासे, उ मोरो मा अडिग बनयो रहोसे, अना मि ओमा बनयो रहुसु।
JOH 6:57 जसो जित्तो परमेस्वर ना मोला धाड़ीसेस अना जिंदगी देइसेस वसोच जोन मोरो माँस ला खावसे। उ भी जित्तो रहेत।
JOH 6:58 जो भाकर सरग लक उतरी याच से, उ भाकर को जसो नही जेनला तुमरो आजा-पुरखा ना खाईन अना मर गईन। जोन कोनी यो भाकर खाये उ सदा जित्तो रहेत।
JOH 6:59 यीसु ना यो गोस्टी कफरनहुम गाँव को एक सभाघर मा सिक्सा देवतो बेरा कहीस।
JOH 6:60 ओको चेला मा लक बहुत लोकगीन यो आयक के कहिन यो गजब कठीन सिक्सा से, येला कोन आयक सकासे।
JOH 6:61 यीसु न आपरो मन मा यो जानके का चेला आपस मा यो गोस्टी लक कुड़कुड़ावा सेति, उन लक पुसिस, का यो सिक्सा तुमला कठिन लगासे।
JOH 6:62 अदी तुमी मानूस को टूरा ला जिता उ पयले होतो, उता वरता जातो चोहो ता का होहे?
JOH 6:63 आतमा ता जिन्दगी देन वालो से, माँस लक कोनी फायदा नही से, जो गोस्टी मीना तुमी लक कव्हसू, वय आतमा अना जिन्दगी दुही सेत।
JOH 6:64 पर तुम मा लक काही ता असो सेति जोन नही करासेत, काहे का यीसु पुढ़ा च लक जानत होतो का कोन मोरो भरोसा नही करह, अना कोन मोला धरायहे।
JOH 6:65 अना ओना कहीस, एको लाई मिना तुमी लक कव्हयो होतो का जबा तकन कोनी को दाअजी को कन लक यो वरदान न देयो जाहेत तबा तकन उ मोरो कठा नही आय सका।
JOH 6:66 एतरो पर ओको चेला मा लक लगत सा उलटो मंग गईन अना कोनी लगत सँग नही चलिन।
JOH 6:67 तबा यीसु ना बारा चेला लक कहीस, का तुमी भी हमेसा सोड़के जानो चाहोसो?
JOH 6:68 समौन पतरस नाव को चेला ना कहीस, हे पिरभू! आमी कोन को जवर जाबोन, अमर जिंदगी की गोस्टी ता तोरोच जवर सेत।
JOH 6:69 अना आमी ना भरोसा कर लिया अना जान लिया का परमेस्वर को पवीतर जन तु ही सेस।
JOH 6:70 यीसु न जवाब देइस, का मिना तुमी बारा ला नही निवाड़ी सेव, ता भी तुमी बारा मा लक एक से जो सैतान कन लक से।
JOH 6:71 यो ओना समोन इस्करियोति को टूरा यहूदा लाय कहि होतीस। काहे की वाच बारा मा लक एक होतो जेने यीसु ला धराय होतीस।
JOH 7:1 एको मंघा, यीसु ना गलील मा फिरयो, काहेका उ यहुदिया ला नही फिरन चाव्हत होतो, काहेका वहान को यहुदी अधिकारी ओला मार डाकन चाव्हत होतीन।
JOH 7:2 यहूदिगीन को झोपड़ी को तिहार कठा होतो।
JOH 7:3 एको लाई यीसु को भाऊ लोकगीन ना ओको लक कहीन, यो जघा ला सोड़के यहुदी नगर मा जाय, काहेका जोन काम तु करासेस, ओला तोरो मघा चलनवारो चोवेत।
JOH 7:4 जोन जग जाहीर होवनो चाव्हासे वा लूक के काम नही करासेत। जब तू असो काम करासेस ता सबको पूढा आपरो काम दिसाव।
JOH 7:5 काहेका यीसु को भाऊहुन तकन ओमा भरोसा नही करत होतीन।
JOH 7:6 तब यीसु ना उन लक कहीस, तुमरो लाई हरेक बेरा साजरो से, पर मोरो लाई अबा साजरो बेरा नही आईसे।
JOH 7:7 यो दुनिया तुमरो लक बैर नही करासे, पर मोरो लक बैर करासे, काहेका मी उनको बिरोध मा यो गवाही देवासू का उनको काम बुरो सेति।
JOH 7:8 ऐना तिहार मा तुमी लोक जावो, मि अबा यो तिहार मा नही जाहु, काहे की मोरो बेरा पूरो नही भईसे।
JOH 7:9 असी गोस्टी कव्हन को मंघा यीसु गलील नगर मा रुक गयो।
JOH 7:10 जबा तिहार मा ओको भाऊहुन चली गईन ता उ भी गयो पर उ खुल्लो रुप लक नही, चुप्पई चाप गयो होतो।
JOH 7:11 यहूदी मुखिया यीसु ला तिहार मा यो कव्हके तलास कर रही होतीन का, “उ मानूस किता से?”
JOH 7:12 लोकगीन ओको बारे मा चुप्पई लक लगत पिरकार को गोस्टी कर रही होतीन, काही कव्हत होतिन, का उ साजरो मानूस से, अना काही कव्हत होतीन, नही उ लोकगीन ला भरमावासे।
JOH 7:13 ता भी यहूदिगीन को भेव लक कोनी मानूस ओको बारे मा नही साँगत होतो।
JOH 7:14 जबा तिहार अरधो बीत गयो होतो, तबा यीसु मंदिर मा गयो अना ओना पिरवचन देवनो सुरु कियो।
JOH 7:15 तबा यहूदिगीन चकित होयके कव्हन लगीन, यो मानूस कबच वाचन करन लाई पाठसाला नही गयी से, मंग एतरो काही कसो लक जानासे?
JOH 7:16 यीसु ना जवाब देइस, मि जोन पिरवचन ला देसू उ मोरो कन लक नही, पर मोरो धाड़न वालो परमेस्वर को कन लक से, जोन ना मोला धाड़ीसेस।
JOH 7:17 अदी मानूस उ करनो चाहे, जोन मोठो दाअजी को मरजी से ता उ यो जान जाहे का जोन पिरवचन मि देवासू, उ मोठो परमेस्वर को से, मंग मि आपरो कन लक नही देय रही सेउ।
JOH 7:18 जोन आपरो टोंड लक कव्हन चाव्हासे, उ आपरो बड़ाई चाव्हासे, पर जोन आपरो धाड़न वालो की बडाई चाव्हासे, वाच खरो से, अना ओमा अन्याय नाहती।
JOH 7:19 का तुमला मोसे को नियम ला नही देई गयी से? मंग तुम्हि मा लक कोनी मोसे को नियम पर नही चलासे। तुमी मोला कायलाई मार डाकन चाव्हासो?
JOH 7:20 लोकहुन ना जवाब देइन, “तोरो पर भूत घुस गयी से जोन तोला मारन को तक्का पर से।”
JOH 7:21 यीसु उनला जवाब देसे की, मि तुमरो लाई एक अदभुत काम ला करयो अना तुम्हि ता चकित भयो सेव।
JOH 7:22 एनाच मकसद लक मोसे ना तुमला खतना को रिवाज सौप देयि होतो। (असो नही का यो रिवाज मोसे को कन लक से, पर तुमरो आजा-पुरखा लक चलके आय रहयो होतो।) अखीन तुमी बिसराम दिवस मा टुराहुनार को खतना करासेव।
JOH 7:23 जबा पवीतर दिवस मानूस को खतना कियो जासे, तबा मोसे को नियम को हुकूम बनो रव्हासे, तो तुमी मोरो पर काहे गुस्सा करासो की मिना एक मानूस ला पूरी तरीको लक साजरो करीसेऊ।
JOH 7:24 गोस्टी जसी से वसो चोवके न्याय करो, टोंड चोवके न्याय नोको करो।
JOH 7:25 तबा यरुसलेम का रव्हनवालो लोकहुन मा लक काही ना कहिन, “का यो वोच मानूस नही से, जोनला लोक मार डाकन चाव्हसेत?”
JOH 7:26 चोवो, उ ता लोकहुन को बीच खुल्लमखुल्ला गोस्टी कर रही से अना कोनी ओला काही नही कव्ह सका सेत, का यो नही होय सका यहुदी मुखिया ला सही मा मालुम भयो, का योच खरोखर मसीह से?
JOH 7:27 “येला तो हमी जानसेजन, का यो कहाँन को से? पर जब मसीह आहेत, तबा कोनी नही जान पाहेत, की उ कहाँन को सेत?”
JOH 7:28 यीसु ना मंदिर मा जोर लक कहयो, “का तुमी सच मा नही जानासेव, मि कोन सेऊ अना किता लक आयीसेऊ?” मि आपरो हक लक नही आयीसेऊ, काहेका जोन ना मोला धाड़ीसेस उ सच्चो से, तुमी ओला नही जानासेव।
JOH 7:29 मि ओला जानासू, काहेका मि ओको कन लक आयी सेऊ, अखीन ओने मोला धाड़िसेस।
JOH 7:30 मंग वय ओला बंदी बनावन को कोसिस करन लगीन, पर कोनी भी ओको पर हात नही डाक सकया। काहेकि ओको बेरा अबा नही आयी होती।
JOH 7:31 मंग भीड़ मा लक लगत सा लोक ओको पर भरोसा कर लेईन। अना कव्हन लगीन, “मसीह जबा आहे तबा का येको लक लगत निसान करेत जोन एना चोवायीसेस।”
JOH 7:32 मुखिया याजक अना मोसे को नियम को गुरू गीन ना सुनगुन-सुनगुन यो गोस्टी ला लोकगीन ला करत आयकिन, एकोलाई मोठा याजक अना मोसे को नियम को गुरु ना ओला धरन लाई सिपाही धाड़िन।
JOH 7:33 तबा यीसु ना कहीस, “मी काही बेरा तुम्हरो संग सेव, तबा मि आपरो धाड़न वालो परमेस्वर को जवर चलो जाहुँ।
JOH 7:34 तुमी मोला ढुँढ-ढाँढ करहो, पर मि तुमला नही मिलुँ, काहेका मि जिता जासू, वहान तुमी नही आय सकसो।”
JOH 7:35 यहुदी अधिकारी आपसी मा कहिन, “उ किता को जघा ला जासे का हमी ओला नही पायबिन?” का उ युनानी नगर ला ता नही जासे का वहान तितिर-बितिर रव्हन वाला यहुदी गीनला, युनानी मा सिक्सा सांगेह?
JOH 7:36 यो गोस्टी को का मतलब से? का उ कव्हसे का तुमी मोला तपासो पर नही पायबिन, अखिन जिता मि जाहु उता तुमी नही आय सकबिन।
JOH 7:37 तिहार को आखरी दिवस मा यीसु उभो हुयो, अना जोर लक कव्हन लगयो, “जोन कोनी भी तहान होय, उ मोरो कठा आयेत।”
JOH 7:38 जोन कोनी बिस्वासी होयके मोरो मा लक पिहे, पवितर गिरंथ मा असो लिख्यो से, ओको भितर लक जिंदगी को पानी को झरना बोह जाहेत।
JOH 7:39 यीसु ना यो गोस्टी पवीतर आतमा को बारे मा साँगयो होतो, जेनला ओको पर भरोसा ठेवन वालो पावन वालो होतीन। काहे की पवीतर आतमा अबा तकन नही उतरयो होतो। काहे की यीसु आपरो महिमा अबा तकन नही भेटयो होतो।
JOH 7:40 भीड़ मा लक काही लोकहुन ना यीसु ला यो कव्हत आयकिन अखिन कहिन, “यो मानूस ता वाकई मा भविस्यवक्ता आय!”
JOH 7:41 अना दुसरो ना कहिन, “उ ता मसीह आय!” पर कोनी-कोनी कव्हन लगीन, “का मसीह गलील नगर लक आहेत?”
JOH 7:42 का पवितर गिरंथ मा यो लिख्यो से? का मसीह दाऊद को खानदान, बैतलेहम गाँव मा जलम लियो, अना दाउद को नगर लक आहेत, जहान दाऊद रव्हत होतो।
JOH 7:43 तबा असो गोस्टी को कारन लक, भीड़ मा फुट पड़ गई।
JOH 7:44 उनमा लक काही लोकगीन ओला धरनो चाव्हत होतीन, पर वा कोनी को हात मा नही आयो।
JOH 7:45 जबा सिपाही वापिस होयके मुखिया याजक अना मोसे को नियम को गुरू जवर आइन। तबा उनना सिपाही लक पुसिन, “तुमी काय लाई ओला नही आनयत?”
JOH 7:46 सिपाही ना साँगिन, “आज तकन आमिना ओको जसो कोनी मानूस ला गोस्टी करता नही चोया!”
JOH 7:47 मोसे को नियम को गुरू गीनना उनला कहीन, “का तुमी भी भरमाया गया सेव?”
JOH 7:48 कोनी भी यहुदी मुखिया अना मोसे को नियम को गुरू गीनना ओको पर भरोसा नही करीन?
JOH 7:49 यो लोक जोन मोसे को नियम नही जानासेति‌ वय सापित सेति।
JOH 7:50 नीकुदेमुस जोन पुढा वोको जवर आयो होतो, उ उनमा लक एक होतो, उनला कहीस।
JOH 7:51 का आमरो मोसे को नियम मा, असो नही लिख्योसेत? का जबा तकन वोको बारे मा यो जान नही लेव, उ काजक करासे, कसो दन्ड ठहरायो जाहेती?
JOH 7:52 ओन्हीसिन ओला जवाब देईन, का तु भी गलीली सेस? तू ढूढ-ढान्ड कर अना खोज, का गलील मा कोनी भविस्यवक्ता भयो से?
JOH 7:53 तबा वय सब वहान लक आपरो घर ला चली गईन।
JOH 8:1 यीसु मंग जैतून पहाड़ पर चली गयो।
JOH 8:2 पहट ला मंदिर मा आयो, तबा सब लोकगीन मंदिर मा आवन लगीन, यीसु वहान बसके उनला सिक्सा देवन लगयो।
JOH 8:3 तबा यहुदी अगुवा अना मोसे को नियम को गुरू गीन एक बायको ला आनीन जोन छिनाला करत धरी गई होती। ओला बीच मा उभी करके यीसु लक कहीन,
JOH 8:4 “हे गुरूजी, या बायको छिनाली करत धराय गईसे।
JOH 8:5 मोसे को नियम मा हम ला हुकूम देईसेस की असी बायको ला गोटा लक मारो जाय, एको बारे मा तोरी काजक राय से?”
JOH 8:6 ओन्हीसीन यीसु ला फसावन लाय यो गोस्टी पुस रही होतीन, जोनको लक उनला कोनी असो बहाना मिल जाहेत का ओको पर दोस लगाय सकेत। पर यीसु खाल्या नवके अखिन आपरी कंरगी लक जमीन मा लिखन लगयो।
JOH 8:7 काहेकि जबा वय ओको लक पुसत रहिन, एकोलाई यीसु सीधो तनके उनलक बोलिस, “तुमी मा लक जोन पापी नहात वाच सबलक पयले एने बायका ला गोटा मारे।”
JOH 8:8 अना मंग उ जमीन मा वोनो भयके लिखन लगयो।
JOH 8:9 जबा लोकहुन ना असो आयकिन, तबा मोठो लक नहानो तकन, एक-एक करके उता लक हिट गईन। असो यीसु च उता एकलो रह गयो। यीसु को मोहरा वा बायको अबा भी उभी होती।
JOH 8:10 तबा यीसु उभो भयो अना ओनो बायका लक बोलिस, “ओ बायका, वय सब किता गईन? का कोनी ना तोला दोसी नही ठहरायीन?”
JOH 8:11 बायका कव्हासे, “हे पिरभू! कोन्हीसीन नही।” यीसु ना कहीस, “मि भी तोला दन्ड नही देहुँ, जाय अना मंग कबच पाप नोको करजोस।”
JOH 8:12 मंग वहान पायो जावन वाला लोक गीनला यीसु ना कहीस, “जगत को उजाडो मि सेव। जोन मोरो मंघा चलहेत कबच इंधारो मा नही रहेत, पर ओला उजाड़ो मिल्हेत जोन जिंदगी देवासे।”
JOH 8:13 एतरो पर मोसे को नियम को गुरू यीसु लक कव्हासेत, “तु आपरी गवाही खुदच देसेस, एकोलाई तोरी गवाही खरी नहात।”
JOH 8:14 तबा यीसु ना उन ला साँगिस, “अदी मि आपरो पुरूप खुदच देवासु ता भी मोरो पुरूप खरो से, काहे की मि जानासेऊ की मि किता लक आयीसेऊ, अना किता लक जावासू। पर तुमी नही जानासेव की मि किता लक आयीसेऊ अना किता लक जावासेऊ।
JOH 8:15 तुमी मानूस की उसुल पर न्याय करोसो, मि कोनी को नियाव नही करूँ।
JOH 8:16 तरी अदी मि न्याय करूँ, ता मोरो न्याय खरो से। काहे की मि एकलो नही सेव। पर मोठो दाअजी अजी, जेना मोला धाड़ीसेस, उ अना मि मिलके न्याय करासेत।
JOH 8:17 मि आपरी गवाही खुदच देवासेऊ अना मोठो दाअजी अजी भी, जेना मोला धाड़ीसेस, मोरो कन लक गवाही देसे।
JOH 8:18 एक तो मि खुदच आपरी गवाही देवासु। अना दुजो से परमेस्वर बाबूजी, जोन ना मोरो कनलक गवाही देइसेस, जोन ना मोला धाड़िसेस।”
JOH 8:19 ऐतरो मा लोकहुन यीसु ला कव्हासेत, “तोरो अजी किता से?” यीसु ना कहीस, “तुमी नही जानासो, का मि कोन सेऊ? अना मोरो अजी ला भी नही जानासो, अदि तुमी जानतत, ता मोरो अजी ला भी जान लियो रव्हतत।”
JOH 8:20 यीसु ना या गोस्टी उनला मंदिर मा सिक्सा देतो बेरा भन्डार घर मा कहीस, तरी कोनी ना ओला नही धरीन, काहेकि ओको बेरा अबा नही आयो होतो।
JOH 8:21 यीसु ना मंग एक गन उन ला कहीस, “मि चली जाहु, तुमी मोला ढुंढ-ढान्ड करने, पर तुम्हि आपरो पापहुन मा मर जाहो। जिता मि जावासेऊ वहान तुमी नही आय सकने।”
JOH 8:22 मंग यहुदी अगूवा कव्हन लगीन, “का तुमी सोचसो का उ आपरो खुदच ला मार देहे? काहेकि ओना कहिसेस तुमी वहान नही आय सकने जहान मि जावासेऊ।”
JOH 8:23 ओना उन ला कहीस तुमी धरती का सेव, मि वरता लक आयी सेऊ। अना तुमी दुनियाँ का आव, मि दुनिया को नही आऊ।
JOH 8:24 एको लाई मिना तुमला कव्हयो, की तुमी पाप मा मरोह। काहे की तुमी भरोसा नही ठेवो, की मि वाच सेऊ।
JOH 8:25 मंग ओन्हीसीन ओको लक पुसिन, “तु कोन आस?” यीसु ना उन लक जवाब देइस, मि सुरू लक तुमला साँगत आयीसेऊ, वाच सेऊ।
JOH 8:26 तुमरो बारे मा मोला लगत गोस्टी कव्हनो से, अना तुमरो न्याय करनो से। पर मोरो धाड़न वालो परमेस्वर खरो से। मीना जोन गोस्टी ओको लक आयकीसेऊ। वाच मि जगत लक कव्हसू।
JOH 8:27 वय नही समज पाईन की आमी ला उ परमेस्वर दाअजी को बारे मा कव्हासे।
JOH 8:28 तबा यीसु न कहीस जबा तुमी मानूस को टूरा वरता मा चघावने, तो जान लेवने की मि वाच आऊ। अना मि आपरो आप लक काही नही करासू। पर जसो मोरो परमेस्वर दाअजी ना सिकाईसेस वसोच गोस्टी कव्हसू।
JOH 8:29 मोरो धाड़नवालो मोरो सँग से, ओने मोला एकलो नही सोड़ीसेस, यो काजी सदा वाच काम करासू, जोको लक परमेस्वर खुस रव्हासे।
JOH 8:30 यीसु की यो गोस्टी ला आयक के लगत लोकइन ना ओको बिस्वासी होय गयीन।
JOH 8:31 तबा यीसु ना वोको पर भरोसा राखनवालो यहूदी गीनला कहीस, अदी तुमी मोरो गोस्टी ला आयको, ता खरो मा मोरो चेला कहलाहो।
JOH 8:32 अना खराई ला जान लेवने तो खराई तुमला सूटकारा देहेत।
JOH 8:33 ओन्हिसीन यीसु लक सवाल पुसासेत, “आमी तो अबराहम को खानदान को सेजन। आमी कोनी का गुलाम नही भयो, मंग तु कसो कव्हासेव तुमिला सूटकारा मिलहेत?”
JOH 8:34 यीसु ना उन ला जवाब देइस, मि तुमला खरो-खरो कव्हुसू। हर कोनी जोन पाप करासे, पाप को दास से।
JOH 8:35 कोनी दास हमेसा घर मा नही रव्ह सका, पर टूरा हमेसा संग रव्होसे।
JOH 8:36 तबा अदी टूरा तुमला सूटकारा देहेत, तबा सच्ची मा तुमी पाप लक सूटकारा पाहो।
JOH 8:37 मि जानासु की तुमी अबराहम को खानदान का सेव। मंग मोरो सबद तुमरो मनमा नही समावासे, तबच तुमी मोला मार डाकनो चाव्हासेव।
JOH 8:38 मि वाच कव्हुसू जोन मिना आपरो परमेस्वर अजी को इता चोविसेऊ। अना तुमी वाच करोसो जोन तुमीना आपरो अजी सैतान लक आयकासेव।
JOH 8:39 एतरो पर ओन्हिसीन यीसु ला जवाब देइन, “आमरो अजी ता अबराहम से।” यीसु ना कहीस, “अदी तुमी अबराहम की औलाद होतत ता अबराहम को जसो काम करतत।
JOH 8:40 पर तुमी ता मोरो जसो मानूस ला मार डाकन चाव्हसेव, जेने तुमला उ खराई ला साँगिसेस जो मोठो परमेस्वर लक आयकीसेस। अबराहम ना ता असो नही करयो होतो।
JOH 8:41 तुमी आपरो अजी को काम करोसो।” मंग ओन्हीसीन यीसु लक कहीन, “आमी छिंडरापन लक नही जनम नही लियासेजन। आमरो एकच अजी परमेस्वर से अना उ पवीतर से।”
JOH 8:42 यीसु ना उन लक कहीस अदी परमेस्वर तुमरो अजी होतो ता तुमी मोरो लक माया राखतत। काहे की मि परमेस्वर कन लक हिटके आईसेऊ, अना अबा यहान सेऊ। मि खुद नही आईसेऊ, पर ओना मोला धाडीसेस।
JOH 8:43 एकोलाई तुमी मोरो समाचार नही आयकासो, एकोलाई नही समजासो का मि काजक कह रही सेऊ।
JOH 8:44 तुमी आपरो अजी सैतान कन लक सेव, अना आपरो अजी को लालसा ला पूरी करनो चाव्हासेव। उ ता सुरू लक खूनी से, खराई लाय सच्चो नही रव्हे। काहे की सच ओमा नहाती, जबा उ झुठो सांगासे ता आपरो आचरन च लक सांगासे, काहे की उ झुठो से, अना झुठो को अजी से।
JOH 8:45 “पर काहेकि मि खराई कव्ह रही सेउ एकोलाई तुमी मोरो भरोसा नही करतत।”
JOH 8:46 तुमी मा लक कोन मोला पापी होवन को लानछान लगाय सकासे। अदी मि खराई लक कव्हसू, तो तुमी मोरो भरोसा कायलाई नही करतत।
JOH 8:47 जोन मानूस परमेस्वर को होवासे, उ परमेस्वर की गोस्टी ला आयकासे, तुमी एकोलाय नही आयको की परमेस्वर कन लक नही सेव।
JOH 8:48 यो आयक के यहूदिगीन ना ओला कहिन, “का हमी खरो नही सांगासेजन, का तू सामरी आस अना तोरो मा भूत से?”
JOH 8:49 यीसु ना जवाब देईस, मोरो मा कोनी भूत नहात। पर मि आपरो अजी को मान करुसु अना तुमी मोरो बेईज्जती करोसो।
JOH 8:50 पर मि आपरी बड़ाई नही चाव्हासेऊ, पर एक से जोन मोरी बड़ाई चाव्हासे अना न्याय करासे।
JOH 8:51 मि तुमला खरो कव्हसु की अदी कोनी मानूस मोरो कव्हो गयो गोस्टी ला आपनासे ता उ मिरतु ला कबच नही चोहेत।
JOH 8:52 एतरो पर यहुदी अगूवा गीनना ओला कहिन, “अता आमला मालुम भय गयो से का तोरो मा कोनी भूत से। अबराहम अना भविस्यवक्ता गीन मर गयो सेत। अना तु कव्हसेस अदि कोनी मोरी गोस्टी ला आपनाहे ता ओकी मिरतु कभ्भू नही होयेत।
JOH 8:53 का तु आमरो पुरखा अबराहम लक मोठो आस? जोन मर गयो, अखिन भविस्यवक्ता भी मर गयीन। तु अपरो आप ला काजक समजासे?”
JOH 8:54 यीसु ना जवाब देईस, अदी मि आप आपरी बड़ाई करु ता मोरी बडाई काही नही, पर मोरी बडाई करन वालो मोरो परमेस्वर बाबूजी से, जेनला तुमी कसो की उ आमरो परमेस्वर आय।
JOH 8:55 अना तुमी तो ओला नही जानो, पर मि ओला जानसेऊ, अना अदी मि कहुँ की ओला नही जानु तो मि तुमरो जसो झुठो ठहरू। पर मि ओला जानासेऊ, अना ओको सबद मा चलासेऊ।
JOH 8:56 तुमरो पुरखा अबराहम मोला चोवन की आसा लक लगत खुस होतो, अना ओना चोय लेइस अना खुसी मनाईस।
JOH 8:57 मंग यहूदी अगूवागीन ना ओला कहीन, “अब तकन तु पचास बरस को नही भईसेस, मंग तु ना अबराहम ला कसो चोय लियोसे?”
JOH 8:58 यीसु ना उनला कहीस, “मि तुमी लक खरो कव्हसु, की पुढा अबराहम पैदा भयो, एको लक पुढा मि सेउ।”
JOH 8:59 तबा ओन्हीसीन ओला मारन लाई गोटा उचलीन पर यीसु हिटके मंदिर लक चलो गयो।
JOH 9:1 मंग जातो बेरा ओना एक मानूस ला चोवीस, जोन जनम लक अँधरा होतो।
JOH 9:2 एतरो पर यीसु को चेलाहुन ना ओको लक पुसिन, “हे गुरू कोन ना पाप करीसेस, की यो अँधरा जनम लेइसे, यो मानूस ना, का ओको माय-अजी ना?”
JOH 9:3 यीसु ना जवाब देइस, “ना तो ओना पाप करीसेस, ना ओको माय-अजी ना, पर यो एकोलाय अँधरो भयो की परमेस्वर को काम दिसायो जाहे।
JOH 9:4 जोन मोला धाडिसेस आमीला ओको काम दिवस मा करनो से अना उ रात आनो पर से, जोनमा कोनी काम नही कर सका।
JOH 9:5 जबा तकन मि दुनिया मा सेउ, तबा तकन दुनियाँ को उजाड़ो सेव।”
JOH 9:6 असो कव्हके ओना धरती मा थुकीस, अना वा थुक लक माटी ला सानिस अना उ माटी ला अँधरा को डोरा मा लगायके रगड़ देईस।
JOH 9:7 अना ओला कहीस “जाय सीलोह को कुन्ड मा धोय ले! मंग अँधरा ना जायके डोरा ला धोय लेइस, जबा उ मंघा वापिस भयो ता ओला चोवन लगयो।”
JOH 9:8 तबा सेजारवारा अना जोन्हीसीन ओला पयले भीक मांगत चोवत होतीन, कव्हन लगीन, का यो वाच मानूस नही से, जोन बसके ना भीक मांगत होतो?
JOH 9:9 काही लोकगीन ना कहिन, “यो वाच से” दुसरो ना कहिन, “नही, यो उ नही से, ओको जसो चोवासे।” एतरो पर अँधरा ना कहीस, “मि वाच सेव।”
JOH 9:10 तबा वय ओको लक पूसन लगीन, “तोरो डोरा कसो उघड गईन?”
JOH 9:11 वोना जवाब देइस, “यीसु नाव को एक मानूस ना माटी गिली करीस, अना मोरो डोरा मा लगायके मोरो लक कहीस, जाय अना सीलोह मा जायके धोय ले! अना मि जायके धोयो बस एतरो पर मोला चोवन लगयो।”
JOH 9:12 मंग लोकहुन ना वोको लक पुसिन, “उ किता से?” वोना कहीस, “मि नही जानु।”
JOH 9:13 लोक ओला जोन पयले अँधरा होतो, मोसे को नियम को गुरू को जवर आनीन।
JOH 9:14 जोन दिवस मा यीसु ना माती ओदी करके अँधरा ला डोरा उघाड़ो होतीस, वा बिसराम दिवस होतो।
JOH 9:15 मंग एक गन मोसे को नियम को गुरू ना ओको लक पुसिन, “का ओको डोरा कसो उघड़ीन?” ओना सांगीस, “ओना मोरो डोरा पर ओदी माती लगाइस, मंग मिना धोयो अना अता मि चोय सकासू।”
JOH 9:16 एतरो पर काही मोसे को नियम को गुरू कव्हन लगीन, यो मानूस परमेस्वर को कन लक नहात, काहेकि उ बिसराम दिवस को पालन नही करासे। ओतरो पर दुसरो ना कहीन, “कोनी पापी मानूस भला असो निसान कसो दिसाय सकासे?” असो परकार लक उनमा आपसी मा फूटफैर भय गई।
JOH 9:17 वय एक गन मंग ओनो अँधरा लक कहिन, “ओको बारे मा तु काजक कव्हासेत? काहेकि ऐना बिसय ला तु जानासेस की ओने तोला डोरा देईसेस।” तबा ओना कहीस, “उ भविस्यवक्ता आय।”
JOH 9:18 यहूदी अगुवाहुन ना ओनो बेरा ओको पर बिस्वास नही करीन की उ मानूस अँधरा होतो अना ओला डोरा लक चोवन लगयो होतो। तबा ओको माय-अजी ला बुलवाइन।
JOH 9:19 अना उनको लक पुसीन, “का यो च तुमरो टूरा आय! जोनको बारे मा तुम्हि सांगासेव की उ अँधरा होतो? मंग यो कसो चोवन लगयो।”
JOH 9:20 ओको माय-अजी ना जवाब देइन, “का हमी ता जानसेजन की यो हमरो टूरा आय, अना यो अँधरा जलम लियो होतो।
JOH 9:21 पर हमी अता नही जानसेजन की अबा कसो चोवासे? अना नही जानासेजन का येको डोरा कोन ना उघाडीसेस? एको लक पुस लेव अता उ अकलवर से, आपरो बारे मा उ खुदच साँग देहे।”
JOH 9:22 यो गोस्टी ला ओको माय-बाबूजी ना एको लाई कहिन का वय यहूदी अगुवागीन लक डरात होतिन। काहेकि यहुदी अगुवाहुन यो गोस्टी लक एक मन भयो होतिन, का अदी कोनी कहेत की उ मसीह से, ता वोला मंदीर को सभा लक हेड़ दियो जाहे।
JOH 9:23 एकोलाई ओको माय-अजी ना कहीन, “उ मोठो भय गयो से, ओकोच लक पुस लेव।”
JOH 9:24 तबा उनना उ मानूस ला जोन अँधरा होतो दुसरो गन बुलाइन, अना कहिन, “खरो साँग, जोन तु साजरो भयो से, ओको कारन परमेस्वर को बड़ाई कर! हमिला मालुम से की उ मानूस पापी आय।”
JOH 9:25 एको पर ओना जवाब देइस, “मि नही जानु की उ पापी से का न्यायी से, मि ता बस यो जानासेऊ की मि अँधरा होतो, अना अता चोवन लगयो।”
JOH 9:26 यो गोस्टी पर उनना ओको लक पुसिन, “ओना तोरो सँग काजक करीसेस? ओना तोरो डोरा कसो उघाडीसेस?”
JOH 9:27 असो गोस्टी पर ओना जवाब दियो, मि ता तुमला साँग दियो, पर तुमी नही आयकत!अता दुसरो गन कायलाई आयकनो चाव्हासो? का तुमी भी ओको चेला बननो चाव्हासो?
JOH 9:28 एको पर वय ओला बेज्जत करीन अना कहिन, “तुच ओको चेला सेस, पर आमी ता मोसे भविस्यवक्ता को चेला आजन।
JOH 9:29 आमी ता जानासेजन का परमेस्वर ना मोसे भविस्यवक्ता लक गोस्टी करी होतिस, पर एला नही जान पाया की उ किता लक आयीसे?”
JOH 9:30 ओना उन ला जवाब देइस, “या ता अचंभा से, तुम्हिला मालूम नहात कि वा किता को आय? पर ओना मोरो डोरा उघाड़ीसेस।
JOH 9:31 हमि जानसेजन, का परमेस्वर पापी गीनको नही आयकासे पर अदी कोनी परमेस्वर को भगत से अना ओकी मरजी पर चलासे ता उ ओकी आयकसे।
JOH 9:32 जूनो जमाना लक यो कभ्भू आयकनो मा नही आयो का कोनी ना जलम लक अँधरा को डोरा उघाड़यो से।
JOH 9:33 अदी यो मानूस परमेस्वर को कन लक नही होतो, ता यो काही भी नही कर सकतो।”
JOH 9:34 उनना जवाब देइन, “का तु खरो-खर मा पाप मा रहयोसेस, अना पाप लक जलम लेयीसेस। अना अता तु हमला सीकावासे?” अना उनना वोला बाहेर हेड़ देयीन।
JOH 9:35 यीसु ना आयकिस की उनना ओला बाहेर हेड देइन, अना जबा वोला मिलयो ता कहीस, “का तु मानूस को टूरा पर भरोसा करासेस?”
JOH 9:36 ओना मानूस ना जवाब देइस का, “हे पिरभू, उ कोन आय, जोको पर मि भरोसा राखु?”
JOH 9:37 यीसु ना ओला कहीस, “तु ना ओला चोवीसेस, अना जोन तोरो सँग गोस्टी करा से वोच आय!”
JOH 9:38 ओना कहीस, “हे पिरभू मि भरोसा करासू।” अना ओला परनाम करीस।
JOH 9:39 तबा यीसु ना कहीस, “मि यो संसार मा न्याय करन ला आइसेऊ। काहेकी जोन नही चोवासेत वय चोवेत, अना जो चोवासेत वय अँधरा भय जाहेत।”
JOH 9:40 जोन मोसे को नियम को गुरू ओको सँग होतिन, “उनना यो गोस्टी आयक के ओको लक कहिन, का हमि अँधरा सेजन?”
JOH 9:41 यीसु ना उनला साँगीस, “अदी तुम्हि अँधरा नही होतत, तो मोला पापी नही ठहरतत। पर अब कव्हसो की हमि चोवसेजन, एकोलाय, तुम्हरो पाप बनो रव्हासे।”
JOH 10:1 यीसु ना कहीस मि तुमला खरो-खर कव्हासू, जोन कोनी बेसकुड़ लक मेंढा को कोठा मा नही धसासे, पर कोनी दुसरो परकार लक धसासे, उ चोट्टा अना डाकु आय।
JOH 10:2 पर जोन मानूस बेसकुड़ लक भीतर धसासे, उ मेढा को चरानवालो से।
JOH 10:3 जबा उ आपरो मेढा हुनला बाहेर हेड़ देसे अना उनको मोहरा-मोहरा चलासे। अना मेढा ओको आवाज ला आयकासेत अना ओको मंघा चलासेत।
JOH 10:4 जबा उ आपरी सप्पा मेंढ़ा ला बाहेर हेड़ लेवासे, ता उनको पुढा-पुढा चलासे, अना मेढा ओको मंघा-मंघा होय जासेति। काहेका वय ओको आवाज जानासेत।
JOH 10:5 पर वय पराया को मंघा नही जासेत, पर ओको लक परायेत काहेका वय परायो को आवाज नही जानासेत।
JOH 10:6 यीसु ना उन लक यो बोधकथा कहीस, पर वय नही समझ पाईन का यो का गोस्टी से जोन वा उनलक कव्हसे।
JOH 10:7 तबा यीसु ना उन लक सांगयो, मि तुमी लक सही-सही कव्हसु, मेढा गीनको बेसकुड़ मि सेव।
JOH 10:8 जेतरो मोरो लक पुढ़ा आइन, वय सबच चोट्टा अना डाकु सेति, पर मेढा गीनना उनकी नही आयकिन।
JOH 10:9 बेसकुड़ मि सेव, अदी कोनी मोरो लक भितर धसेत, तो सूटकारा पाहेत, अना भीतर बाहेर आवनो-जावनो करहेत अना चारा पाहेत।
JOH 10:10 चोट्टा अखीन कोनी काम लाई नही आवासे, पर चोरी करन अना मार डाकन बरबाद करन ला आवासे। मि एकोलाय आई सेउ, की वय जिंदगानी पाहेत, अना लगत लक पाहेत।
JOH 10:11 मि साजरो चरानवालो सेव, साजरो चरान वालो मेढा गीन लाई आपरो जान देवासे।
JOH 10:12 बनिहार जोन ना तो मेढा को चरान वालो से अना मेढा को मालीक आय, बीघा ला आवता चोवके मेढा गिनला सोड़के पराय जासे, अना बीघा उनला धर लेवासे, अना छित्तरा देवासे।
JOH 10:13 उ एक बनिहार आय अना वोला मेंढा गीनको फिकर नहात, एकोलाय वा उनला सोड़के पराय जावासे।
JOH 10:14 मि साजरो चरानवालो सेउ, मि आपरी मेढागिन ला जानासेऊ अना मोरो मेढा मोला जानासे।
JOH 10:15 जसो बाबूजी मोला जानासे अना मि बाबूजी ला जानासु अना मि मेढा लाई आपरो जान देवासेउ।
JOH 10:16 मोरो अखीन मेढा सेत, जोन यो मेंढ़ा खोली को नाहती, मोला उनला आननो जरुरीसेत। वय मोरो आवाज आयकेत, तबा एक करप अना एक चरानवालो होयेत।
JOH 10:17 बाबूजी एको लाई मोरो लक माया राखासे, की मि आपरो जान देवासेउ की ओला मंग ले लेहु।
JOH 10:18 मोरो जिंदगानी कोनी मोरो लक नही हीसक सकासे। पर मि ओला आपच देवसेउ, मोला ओला देवनो को भी हक से अना ओला मंग लेवन को हक से। यो हुकूम मोरो बाबूजी लक मोला मिलिसे।
JOH 10:19 या गोस्टी को कारन लक यहूदिगीन मा मंग फुट पड़ गई।
JOH 10:20 उनमा लक लगत कव्हन लगीन, ओमा भुत से, अना उ बैताड़ से, ओकी कायलाई आयकासेव?
JOH 10:21 अखीन लोकहुन ना कहिन, यो गोस्टी असो मानूस को नही जोनमा भुत-पलित से। का भुत-पलित अँधरा की डोरा उघाड़ सका सेत?
JOH 10:22 ओनो दिवस मा यरुसलेम मा मंदिर को उदघाटन दिवस मनायो जात होतो, अना जाड़ो की बेरा होतो।
JOH 10:23 यीसु मंदिर मा सुलेमान को अँगना मा फिरत होतो।
JOH 10:24 तबा यहूदिगीन ना ओला घेर लेइन, अना पुसन लगीन, “तु कब तकन हमला संका मा राखजोस? अदी तु मसीह आस ता हमला साँग दे।”
JOH 10:25 यीसु उनला साँगिस, “मिना तुम्हि ला साँगीसेव पर तुमला भरोसा नहाय।” मि आपरो बाबूजी को नाव लक जोन काम करासू, वाच मोरो पूरुप से।
JOH 10:26 पर तुमी भरोसा नही राखोसो, काहेकी मोरी मेढा गीनमा लक तुम्ही नही सेव।
JOH 10:27 मोरी मेढा मोरी गोस्टी ला आयकासेत, मि उनला जानासेऊ अना वय मोरो मंघा-मंघा चलसेति।
JOH 10:28 मि उनला अमर जिंदगी देवासु, वय कभ्भू च नास नही होहेत। अना कोनी उनला मोरो हात लक नही हिसकेत।
JOH 10:29 उनला मोरो दाअजी ना मोला देइसेस, अना कोनी उनला दाअजी को हात लक नही हिसक सकेह।
JOH 10:30 मी अना मोरो अजी दूई एकच सेजन।
JOH 10:31 मंग यहूदी अगुवाहुन ना ओला मारन लाई गोटा उचलीन।
JOH 10:32 एतरो पर यीसु ना कहीस की, मि तुमला आपरो बाबूजी को लगत सा काम चोवायो, उनमा लक कोन तो भला काम लक मोला गोटा मारासो।
JOH 10:33 यहूदिगीन ना जवाब देईन “भलो काम को लाई नही पर तु परमेस्वर की निन्दा करासेस एको लाई आमी मारासेजन। तु मानूस होयके भी आपरो आप ला, परमेस्वर मानासेत।”
JOH 10:34 यीसु उनला कव्हसे, का यो भी तुमरो मोसे को नियम अना गिंरथ मा लिखियो से? का मिना कहयो सेऊ, “तुमी सबच परमेस्वर सेव?”
JOH 10:35 आमी जानसेजन का गिरंथ जोन कव्हासे उ हमेसा को लाई सच्चो से, अना परमेस्वर ना उन लोक हुनला परमेस्वर कहयो, जोन लोक हुनला ओको बारता दियो गयो होतो।
JOH 10:36 “अता जोनला बाबूजी ना चघावा ठयरायके जगत मा धाड़ीसेस, का तुमी एकोलाई ओला कव्हसो, तु परमेस्वर की निन्दा करासेस? एकोलाय मि ना कव्हयो, मि परमेस्वर को टूरा सेउ।
JOH 10:37 अदी मि आपरो दाअजी को मरजी को जसो काम नही करासू, ता मोरो भरोसा नोको करो।
JOH 10:38 पर अदि मि आपरो मोठो दाअजी को काम करासेउ, ता चाहे मोरो बिस्वास नोको करो, पर काम पर ता बिस्वास करो। जोन लक तुम्हिला पता लग जाय का बाबूजी मोरो मा से अना मी बाबूजी मा सेऊ।”
JOH 10:39 तबा उनना मंग ओला धरन को कोसिस करीन, पर उ उनको हात लक बूचक गयो।
JOH 10:40 मंग उ यरदन नदी को वोनागन पराय गयो। जिता योहन पुढा बप्तिस्मा देवत होतो, अना उतच रहयो।
JOH 10:41 तबा लगत लोक ओको कठा आयके कव्हन लगीन, योहन ना तो कोनी निसान नही दिसाइस, पर जोन काही योहन ना येको बारे मा सांगी होतीस, उ सब खरो से।
JOH 10:42 अना उता लगत लोकगीन ना यीसु पर भरोसा करीन।
JOH 11:1 एक आदमी को नाव लाजर होतो, उ आपरो बहिन मरियम अना मारथा को संग बैतनिय्याह नगर मा रव्हत होतो, उ बिमार भई गयो।
JOH 11:2 या वाच मरियम से, जेना पिरभू पर इतर डाकके ओको पाय ला चुन्दी लक मलन लगीन। वोको भाऊ लाजर बीमार होतो।
JOH 11:3 एको लाई ओकी बहिन गीनना ओको जवर खबर धाड़िन, “ओ पिरभू, अता चोव, जेनको लक तु माया राखसेस, उ बीमार पड़यो से।”
JOH 11:4 यो आयक के यीसु ना कहीस, “यो बीमारी मरन लाय नहाय, पर परमेस्वर की महिमा लाय भईसे, जेनालक परमेस्वर को टूरा की महिमा होय।”
JOH 11:5 यीसु मारथा, ओकी बहिन अना लाजर सब लक माया राखत होतो।
JOH 11:6 जबा ओना आयकिस की लाजर बीमार से, तबा उ जहान होतो उतच दुई दिवस अखीन रूकयो।
JOH 11:7 तबा उ चेला गीन लक कहीस, “आव आमी यहुदिया ला चलबीन।”
JOH 11:8 चेला गीनना कहिन, “गुरू, अबा तो यहूदी तोला गोटा मारत होतीन, अना अबा तु उता जावासेस?”
JOH 11:9 यीसु ना जवाब देईस, “का दिवस मा 12 तास नही होवासे? अदी कोनी दिवस-दिवस मा चलासे ता खोद्दा नही खावासे, काहेकि यो जगत को उजाड़ो चोवासे।
JOH 11:10 पर अदी कोनी राति मा चलासे ता खोद्दा खावासे, काहेकि उ इंधारो मा चलासे।”
JOH 11:11 यो गोस्टी सांगनो पर यीसु ना कहीस, “हमरो संगी लाजर जप मा से, मि ओला जगान जावासु।”
JOH 11:12 तबा चेला ना ओला कहिन हे पिरभू अदी उ जप मा से, तो उ साजरो भई जाहे।
JOH 11:13 यीसु ना तो वोको मौत को बारे मा सांगी होतीस, पर वय समजीन की जप को बारे मा सांगसेस।
JOH 11:14 तबा यीसु ना उन लक सप्पा-सप्पा कह देईस “लाजर मर गई से,
JOH 11:15 अखीन मि खुस सेव का आमी उता नही होता, का तुमी भरोसा करहो। पर आव, आमी ओको कठा जाबिन।”
JOH 11:16 तबा थोमा, “जोन दिदमुस कहलावसे, आपरो संगी चेला गीन ला कव्हसे, आव, हमि भी ओको सँगा मरन ला चलबिन।”
JOH 11:17 उता पहुचनो पर यीसु ला मालुम भयो, की लाजर ला मरयो अना मरघट्टी मा राखो चार दिवस भई,
JOH 11:18 जोन बैतनिय्याह यरुसलेम को जवर कोनी तीन किलोमीटर की दुरी पर होतो।
JOH 11:19 लगत यहूदिगीन मारथा अना मरियम को जवर ओको भाऊ की मौत पर सान्ती देवन लाई आई होतीन।
JOH 11:20 जबा मारथा ना यीसु को आवन को खबर आयकिस, ता ओला मिलन को लाई गई, पर मरियम घर मा बसी रहयी।
JOH 11:21 मारथा ना यीसु लक कहीस, हे पिरभू! अदी तु यहान होतो, ता मोरो भाऊ कभ्भूच नही मरतो
JOH 11:22 अखीन अबा भी मि जानासेऊ की जोन कही तु परमेस्वर लक माँगजो ता परमेस्वर तोला देहे।
JOH 11:23 यीसु ना ओको लक कहीस, तोरो भाऊ जिँदो भई जाहे।
JOH 11:24 मारथा ना ओला कहीस, मि जानासेऊ की आखीर दिवस मा सबको जित्तो होवनो को बेरा उ जी उठेत।
JOH 11:25 यीसु ना ओला कहीस, जित्तो होवनो, अना जिंदगी मि सेउ, जोन कोनी मोरो पर भरोसा करेत, उ अदी मर भी जाहेत ता भी जीहेत।
JOH 11:26 अना जोन कोनी जित्तो से अना मोरो पर भरोसा करासे, उ अमर काल तकन नही मरेह। का तु भरोसा करसेस?
JOH 11:27 ओना ओला कहीस, हव पिरभू, मि भरोसा करुसेउ, की तुच परमेस्वर को टूरा मसीह आस, जोन जगत मा आवनवालो होतो।
JOH 11:28 यो कहके मारथा चली गई, अना आपरी बहिन मरियम ला बुलाके चुप्पी लक कहीस, गुरू यहान से अना तोला बुलावसेत।
JOH 11:29 यो आयक के उ एकदम उठके ओको जवर आई।
JOH 11:30 यीसु अबा गाँव मा नही पहुचियो होतो, पर ओना जघा मा होतो, जिता मारथा ना ओला मिली होती।
JOH 11:31 तबा जोन यहूदी ओको सँग घर मा होतीन अना ओला सान्ती देय रही होतीन, यो चोयके मरियम एकदम उठके बाहेर गई, ता वय यो समझीन की उ मरघट्टी पर रोवन ला जावासे ता ओको मंघा भय गईन।
JOH 11:32 जबा मरियम उता पहुची जिता यीसु होतो, ता ओला चोवके ओको पाय पर पड़ गई अना कहीस, हे पिरभू! अदी तुमी इता होतत, ता मोरो भाऊ नही मरतो।
JOH 11:33 जबा यीसु ना ओला अना उन यहूदिगीन ला जोन ओको सँग आई होतीन रड़ता चोवयो, ता आतमा मा लगत उदास अना बैचेन भयो।
JOH 11:34 अना कहीस, तुमी ना ओला किता रखिसेव? उनना ओला कहीन हे पिरभू चलके चोव लेव।
JOH 11:35 यीसु रड़यो।
JOH 11:36 तबा यहूदी कव्हन लागीन, चोवो उ ओको लक केतरो माया राखासे?
JOH 11:37 पर उनमा लक काही ना कहीन, का यो जोन अँधरा की डोरा खोलिस, यो भी नही कर सकिस, की यो मानूस न मरतो।
JOH 11:38 यीसु मन मा मंग लगत उदास भयो मरघट्टी पर आयो। उता एक गुफा होती, अना एक गोटा ओको पर राखियो होतो।
JOH 11:39 यीसु ना कहीस, गोटा ला हटाय देव? उ मरयो हुयो की बहिन मारथा ओला कव्हन लगीस, हे पिरभू! ओमा लक अता ता बदबु आवासे, काहेका ओला मरयो हुयो चार दिवस भई गई सेत।
JOH 11:40 यीसु ना वोला कहीस, का मिना तोला नही कव्हयो होतो? की अदी तु भरोसा करजोस ता परमेस्वर की महिमा ला चोवजोस।
JOH 11:41 तबा उनना वो गोटा ला हटाईन, यीसु ना डोरा उठायके कहीस, हे बाबूजी! मि तोरो धनवाद करू सेऊ, की तु ना मोरी आयक लेई सेस।
JOH 11:42 मि जानसु तु हमेसा मोरी आयकिसेस, पर जोन भीड़ इता-उता उभी से, उन ला भी भरोसा भय जाहे की तु ना मोला धाडिसेस, यो काजी मि ना असो कहीसेउ।
JOH 11:43 यो कहके ओने मोठी आवाज लक हाकलीस, हे लाजर हिट आव।
JOH 11:44 जोन मर गयो होतो उ कफन लक हात पाय बंधयो हिट आयो। अना ओको टोन्ड अंगोछा लक लिपटो होतो। यीसु ना कहीस, ओला उघाड़ देव अना जान देव।
JOH 11:45 तबा जोन यहूदी मरियम को जवर आयो होतिन, अना ओको यो काम चोईन, उनमा लक लगत गीनना भरोसा करीन।
JOH 11:46 पर उनमा लक काही ना मोसे को नियम को गुरू को जवर यीसु को काम को खबर देईन।
JOH 11:47 एतरो पर मुखिया याजक अना मोसे को नियम को गुरू ना मोठी सभा बुलाईन अना कहिन, हमि का करबीन, यो मानूस तो लगत निसान चोवायोसे?
JOH 11:48 अदी हमि ओला असोच सोड़ देबीन, तो सबच ओको पर भरोसा कर लेहेत, अना रोमी आयके आमरी जघा अना लोक दुही पर हक जमा लेहेत।
JOH 11:49 तबा उनमा लक काइफा नाव को एक मोठो मुखिया याजक होतो। ओना कहीस, तुम काही भी नही जानो,
JOH 11:50 अखीन नही समजासो, का तुमरो लाई यो भलो से, की हमरो काजी एक मानूस मरेत, अना सप्पा लोक को नास नोको होय।
JOH 11:51 यो गोस्टी ओने आपरो कन लक नही कहीस, पर आवन वारो गोस्टी ला जानके, मोठो मुखिया याजक होवनो को कारन लक सांगीस, का यीसु ओना लोकगीन लाई मार दियो जाहेत।
JOH 11:52 अना ना केवल उन लोक को लाय पर एकोलाय की परमेस्वर की गुमयो हुयो सँतान एकठ्ठो भयी जाहे।
JOH 11:53 अखीन ओनो दिवस लक वय ओला मार डाकन की सलाह करन लगीन।
JOH 11:54 एको लाई यीसु ओनो बेरा लक यहूदिगीन मा खुलो रित लक नही घुमयो, पर उता लक जंगल को जवर छेतर मा इफराईम नाव को एक नगर मा चली गयो, अना चेला गीन संगा उतच रव्हन लगयो।
JOH 11:55 यहूदिगीन को फसह को तिहार जवर होतो। अना लगत सा लोक बलिदान को पुढा देहात लक यरुसलेम मा गईन, की आपरो आप ला पवीतर करयेत।
JOH 11:56 एको लाई वय यीसु ला ढुढन लगीन, अना मंदिर मा उभा होयके आपस मा कव्हन लागिन, तुमी का सोचासो? का उ तिहार मा नही आहे।
JOH 11:57 मोठो मुखिया याजक अना मोसे को नियम को गुरू ना यो हुकूम देईन, का अदी कोनी यो जाने की यीसु किता से ता सांगे, ताकि ओला धर लेबो।
JOH 12:1 यीसु फसह को तिहार लक छह दिवस पुढा बैतनिय्याह नगर मा आयो, जिता लाजर होतो। जेनला यीसु ना मरो मा लक जित्तो करी होतिस।
JOH 12:2 उता उनना ओको लाई जेवन तैय्यार करी होतीन, अना मारथा सेवा करत होती। लाजर उनमा लक एक होतो, जोन ओको सँगा जेवन लाई बसयो होतो।
JOH 12:3 तबा मरियम ना जटामाँसी को ढाई किलो सुध्द कीमती इतर आनके यीसु को पाय पर डाकीस, अना चुन्दी लक ओको पाय ला मलन लगीस अना इतर की महक लक सारो घर महकन लगयो।
JOH 12:4 पर ओको चेला मा लक यहूदा इस्करियोति नाव को एक चेला जोन ना ओला धरायो, कव्हन लगयो।
JOH 12:5 यो इतर तो तीन सौ सिक्का मा बेचो भी जाय सकासे अना गरिब गोर गीनला दियो जाय सकासे।
JOH 12:6 यो बात ओना एको लाई नही कहीस, की ओला गरीब गोर की चिंता होती, पर एको लाई कहीस, की उ चोट्टा होतो, अना ओको जवर ओकी पियुसी रहोत होती। अना ओको मा जो काही डाकयो जावत होतो उ हेड़ लेत होतो।
JOH 12:7 यीसु ना कहीस, ओला रव्हन देव, ओला मोरो गाड़ो जावन को दिवस को लाय करन देव।
JOH 12:8 काहे की गरीब गोर तो तुमरो सँगा हमेसा रव्हेत,, पर मि तुमरो सँगा हमेसा नही रहुँ।
JOH 12:9 जबा यहूदी को मोठी भीड़ यो जान गईन, का उ उता से, ता वय केवल यीसु को काजी नही, बल्कि एको लाई भी आइन, का लाजर ला चोवबोन, जेनला ओने मरयो हुयो मा लक जित्तो करी होतिस।
JOH 12:10 तबा मोठा मुखिया याजक ना लाजर ला भी मारन की साजिस करीन।
JOH 12:11 काहेकि ओको काजी लगत सा यहूदी ओको पक्स मा भय गई होतीन, अना ओको पर भरोसा कर रही होतिन।
JOH 12:12 दुसरो दिवस लगत सा लोकगीन ना जोन तिहार मा आई होतीन उनना आयक के की यीसु यरुसलेम मा आय रहयो से।
JOH 12:13 लोकगीन खजुर की डारी लेईन, अना ओला मिलन को लाई हिटिन। “अना चिल्लाके कव्हन लगीन।” बड़ाई होय, “धन्य से इसरायल को राजा।” जो पिरभू को नाव लक आवासे।
JOH 12:14 जबा यीसु ला गदही को एक बच्चा मिलयो, ता उ ओको पर बस गयो। जसो ओको बारे मा लिखि से।
JOH 12:15 “अवो सिय्योन की टूरी, भेव नोको राख, देख, तोरो राजा गदही को बछेरु पर चघके चलत आय रही से।”
JOH 12:16 यीसु को चेलागीन यो गोस्टी नही समजयो होतीन, पर यीसु को महिमा मिलन को मंघा उनला हेत आयी, का यो वोको बारे मा लिखीसे अना लोक गीनना वोको संग असोच कियो होतो।
JOH 12:17 तब भीड़ मा वय मानूस गीन गवाही देयीन, जोन बेरा लाजर ला मरघट्टी लक हाकल के यीसु ने जित्तो कियो होतो वोच बेरा चोयो होतीन।
JOH 12:18 एको लाई लगत लोक गीन यीसु को आवभगत करन लाई हिटीन। ओन्हीसीन आयकीन का यीसु ना यो निसान चोवाइसेस।
JOH 12:19 यो सब चोय के मोसे को नियम को गुरू ना एकमेक लक कहिन, “चोव रहिसेव ना, तुमी लक काही नही होय सका। चोवो सप्पा संसार ओको मंघा चल रही से।”
JOH 12:20 जोन लोक तिहार को बेरा मा पूजा करन आई होतीन, उनमा काही यूनानी होतीन।
JOH 12:21 उनना फिलिप्पुस को जवर आयके यो बिनती करीन, महोदय, आमी यीसु पिरभू लक मिलन आईसेजन। फिलिप्पुस गलील छेतर को बैतसेदा नगर को रव्हन वालो होतो।
JOH 12:22 उ गयो अना अन्दिरयास ला यो सांगिस, तबा अन्दिरयास अना फिलिप्पुस गईन अना उनना यीसु ला एको बारे मा खबर देईन।
JOH 12:23 यीसु ना उन लक कहीस, उ बेरा आय गईसे, जबा मानूस को टूरा महिमा ला पाय लेहे।
JOH 12:24 मि तुमी लक खरो सांगासेउ जबा तकन गँहु को बीज माती मा पड़के मर नही जासे तबा तकन उ एकलो रव्होसे, पर अदी उ मर जावासे ता लगत फर देवासे।
JOH 12:25 जोन आपरो जान लक माया करासे, उ ओला नास करासे, अना जोन यो संसार मा आपरो जान लक बैर करासे, उ ओला अमर जिन्दगी कोलाय सुरक्सित राखासे।
JOH 12:26 अदी कोनी मोरो दास बननो चाव्हासे तो मोरो मंघा चले, जिता मि सेउ, उता मोरो चेला भी रव्हेत, अदी कोनी मोरी सेवा करनो चाव्हासे ता बाबूजी ओको मान करेत।
JOH 12:27 “अब मोरी मन बेचेन से, का मि यो कहुँ, बाबूजी, यो बेरा को आफद लक मोला बचाव? काहेका यो काजी मि यो बेरा तकन पहुची सेउ।
JOH 12:28 ओ बाबूजी! लोकगीन मा आपरो नाव की महिमा कर।” ओनो बेरा मा यो सरग लक आवाज आई, का मिना आपरो नाव की महिमा करीसेव, अना मंग ओको महिमा करू।
JOH 12:29 इता उता लोक गीनना आयक के कहिन बादल गरजियो, काही लोकगीन ना कहिन, एक सरगदूत ना वोला काही सांगयो से।।
JOH 12:30 यीसु ना सांगीस यो आवाज मोरो लाई नही, बलिक तुमी लोकगीन लाय से।
JOH 12:31 अब यो संसार को न्याय होवा से, अब यो संसार को मुखिया हेड़ दियो जाहे।
JOH 12:32 अना मि जबा धरती लक वरता उचलो जाहुँ। तबा सब मानूस गीनला आपरो कन झीक लेहुँ।
JOH 12:33 ऐना सबद लक यीसु ना ईसारा करीस, का ओकी मिरतु कोन तरीको लक होयेत?
JOH 12:34 लोकगीन ना असो सांगीन, मोसे को नियम हमला यो सिक्सा देसे की मसीह सदा रहेत, मंग तु यो कायलाय कव्हसेस, की मानूस को टूरा ला वरता जानो जरूरी से? यो मानूस टूरा कोन आय?
JOH 12:35 एतरो पर यीसु ना उन ला कहीस, अता कम बेरा से की उजाड़ो तुमरो संग से। जबा तकन उजाड़ो तुमरो जवर से पुढा बढ जाओ। कहीं असो न होहे की इंधारो तुमला घेर ले। जोन इंधारो मा चला से वा नही जान सका की किता जावसे?
JOH 12:36 जबा तकन उजाड़ो तुमरो जवर से उजाड़ो पर भरोसा ठेवो, जोन लक तुम्हि उजाड़ो की सँतान बन सको। असो कव्हनो पर यीसु चली गयो अना उनको लक लुक गयो।
JOH 12:37 मंग यीसु ना उनको पुढ एतरो निसान चोवाइस, मंग उनना भरोसा नही करीन।
JOH 12:38 एकोलाय भविस्यवक्ता यसायाह को यो कव्हनो पूरो भयो का, ओ पिरभू! हमरो साजरो खबर पर कोन भरोसा ठेइस ? अना पिरभू को हात को ताकत कोन पर परगट भयो से?
JOH 12:39 वय एको लाई भी भरोसा नही कर सकीन, का भविस्यवक्ता यसायाह ना यो कव्हयो होतो,
JOH 12:40 मोठो परमेस्वर ना उनको डोरा ला अँधरा कर देइस अना उनको अक्कल ला सटया देइस। परमेस्वर ना कव्हयो, कहीं असो न होहे की वय डोरा ला चोयेत, अना अक्कल लक समजेत। अना मोरो मंघा भय जाहेत। अना मि उन ला साजरो कर देहुँ।
JOH 12:41 यसायाह ना यो सबच एको लाई साँगीस, की उनना यीसु की महिमा ला चोयी होतो, अना वोको बारे मा सांगीस
JOH 12:42 मंग अधिकारी मा लक काही ना ओको भरोसा करीन, पर मोसे को नियम को गुरू को पुढा ओला नही अपनात होतीन। उनला डर होतो की सभा लक उनला कही नोको ठुकराय दियो जाय।
JOH 12:43 उनला परमेस्वर को मान लक ज्यादा, मानूस को मान को माया होतो।
JOH 12:44 यीसु ना हाकलके कहीस, “जोन मोरो पर भरोसा करासे उ मोरो पर नही पर जोनना मोला धाड़िसेस ओको पर करासे।
JOH 12:45 अना जोनना मोला चोवीसेस, ओना मोरो धाड़न वालो ला चोवीसेस।
JOH 12:46 मि जगत मा उजाड़ो होयके आईसेऊ, एकोलाय जोन कोनी मोरो पर भरोसा करेत, उ इंधारो मा नही रव्हेत।
JOH 12:47 अदी कोनी मोरी गोस्टी ला आयकसे अना नही मानासे ता मि ओला सजा नही देहु। काहेकि मि जगत ला अपराधी ठहरावन को लाय नही, पर जगत ला सूटकारा देवन ला आईसेऊ।
JOH 12:48 जोन मोला बेकार जानासे अना मोरी गोस्टी नही अपनावासे, ओला अपराधी ठयरावन वालो तो एक से, जेना गोस्टी मिना सांगीसेउ, वा बितो दिवस मा ओको न्याय करयेत।
JOH 12:49 काहे की मिना आपरो कन लक गोस्टी नही करिसेऊ, पर बाबूजी जोनना मोला धाड़िसेस ओना मोला हुकूम देईसेस, मि काजक कहुँ, अना मि काजक सांगीन?
JOH 12:50 अना मि जानासेऊ का ओको हुकूम अमर जिंदगी से, एकोलाय मि जेना गोस्टी ला सांगासु, बाबूजी ना मोला जसो सांगीसेस, वसोच सांगासु।”
JOH 13:1 फसह को तिहार को पुढा जबा यीसु ना जान लियो का मोरी बेरा आय गयो से, का मी जगत ला सोड़के बाबूजी को जवर जावनो से, ता आपरो लोकगीन लक जोन जगत मा होतीन, उनलक जसो माया उ राखत होतो, आखरी बेरा भी वसोच माया राखिस।
JOH 13:2 अना जबा सैतान समोन को टूरा यहूदा इस्करियोति को मन मा यो गोस्टी डाक चुकयो होतो, का ओला धरवाए।
JOH 13:3 यीसु ना यो जानके की, बाबूजी ना सब काही मोरो हात मा कर देईसेस। अना मि परमेस्वर को जवर लक आईसेऊ, अना परमेस्वर को जवर जासू।
JOH 13:4 जेवन लक उठके आपरो कपरा ला उतार देईस, अना गमछा लक आपरी कम्मर ला बाँधिस
JOH 13:5 तबा बरतन मा पानी भरके चेला को पाय धोवन लगयो, अना गमछा लक पोसन लगयो।
JOH 13:6 जबा उ समौन पतरस को कठा गयो, तबा पतरस ना ओला कहीस, का “हे पिरभू, का तु मोरो पाय धोवसेस?”
JOH 13:7 यीसु ना साँगीस, “जोन मि करासेऊ, तु ओला अबा नही जानस, पर एको मंघा समज जाजोस।”
JOH 13:8 पतरस ना ओला कहीस, “तोला मी आपरो पाय कभ्भू नही धोवन देहू।” असो आयक के यीसु ना कहीस, अदी तू मोला तोरो पाय नही धोवन देजोस ता हरामेसा को लाय तोरो मोरो काही नाता नहात।
JOH 13:9 समौन पतरस ना ओला कहीस, हे पिरभू ता मोरो पाय ला च नही पर हात अना डोस्का ला भी धोय देव।
JOH 13:10 यीसु ना ओला कहीस जोन आंग खोर लियो सेत, वोला पाय को सिवा अखीन काही धोवन को जरूरत नहाय, पर वा सुध्द से। तुम्हि सुध्द सेव पर सबच नही।
JOH 13:11 उ आपरो धरानवालो ला जान गयो होतो, एको लाई ओना कहीस, तुम्हि सब का सब सुध्द नहाव।
JOH 13:12 जबा उ उनको पाय धोय चुकयो, अना आपरो कपरा डाकके बस गयो, ता उन लक कव्हन लगयो, का तुम्हिला समजमा आयो! मिना तुमरो सँग काजक करीसेव?
JOH 13:13 तुमी मोला गुरू अना पिरभू कव्हसो अना साजरो च कव्हसो, काहे का मि वाच सेऊ।
JOH 13:14 अदी मी पिरभू अना गुरू होयके तुमरो पाय धोयो, तो यो जरुरी सेत का तुमी भी एकमेक को पाय धोवो।
JOH 13:15 काहे की मिना तुमला उदाहरन चोवायो सेऊ, का जसो मिना तुमरो सँग करीसेऊ तुमी भी वसोच करो।
JOH 13:16 मि तुमी लक खरो कव्हसू, दास आपरो पिरभू लक मोठो नही होवासे, अना ना धाडयो गयो आपरो धाड़न वालो लक,
JOH 13:17 तुमी यो गोस्टी जानासेव, अना अदी उन पर चलो तो धन्य सेव।
JOH 13:18 मी तुम्हि सबको बारेमा नही सांगासेऊ, काहेका जोनला मिना निवाड़ी सेव ओला मि जानासू। पर यो एको लाय भयो से का, पवितर गिरंथ को उ गोस्टी पूरो भयी जाय “का जोन ना मोरो जेवन जेयो सेत, वोनाच मोला लात मरा सेत।”
JOH 13:19 अता मि तुमला हेत दिलासू, का जबा यो गोस्टी भय जाहे तो तुमी भरोसा करो। की मि वाच सेव।
JOH 13:20 मि तुमी लक खरो कव्हासू जोन मोरो धाड़न वारो ला अपनावसे, उ मोला अपनावासे अना जोन मोला अपनावसे उ मोरो धाड़नवालो ला अपनावासे।
JOH 13:21 यो गोस्टी ला साँगके यीसु आतमा मा बैचेन भयो अना ओना गवाही देइस मि तुमी लक खरो कव्हसु, की तुमी मा लक एक से, जोन मोला धराहे।
JOH 13:22 चेला गीनला संका भई की वा कोन को बारे मा सांगासे? ता वय एकमेक कन चोवन लगीन।
JOH 13:23 उन चेला मा लक एक जोन यीसु लक माया करत होतो, ओको छाती कन नवके बसत होतो।
JOH 13:24 तबा समौन पतरस ना ओला ईसारा करके पुसयो, साँग, उ कोन को बारे मा कव्हासे?
JOH 13:25 तबा ओना ओच तरिका लक यीसु की छाती कन नवके ओको लक पुसिस, हे पिरभू उ कोन आय?
JOH 13:26 यीसु ना वोकोलक सांगीस, जोनला मि यो भाकर को टुकड़ा डुबा के देहुँ वाच से, ओना टुकड़ा ला डुबायके समोन इस्करियोति को टूरा यूदूस ला देईस।
JOH 13:27 टुकड़ा लेवन को मंघा सैतान ओमा समाय गयो। तबा यीसु ना कहीस, जोन काम तु करन चाव्हासेस वा गदने कर।
JOH 13:28 पर बसन वालो मा लक कोनी नही जान पायो, का यो गोस्टी ओना ओला काय लाई कहीस।
JOH 13:29 यहूदा को जवर पियुसी रव्हत होतो एकोलाय काही-काही ना समजीन का यीसु ओला यो कव्हासे जो काही हमला तिहार को लाई पाहिजे उ लेके आन। या यो कहीस, गरीब गोर ला काही देव।
JOH 13:30 येने परकार लक उ टुकड़ा धरयो अना बाहेर हीट गयो, वा रात को बेरा होती।
JOH 13:31 जबा उ बाहेर चली गयो ता यीसु ना कहीस अबा मानूस को टूरा को बड़ाई होवासे, अना परमेस्वर की महिमा ओमा भयोसे।
JOH 13:32 अदी ओमा परमेस्वर की महिमा होवासे, तो परमेस्वर भी आपरो लक ओकी महिमा करेत, अना तुरतई करेत।
JOH 13:33 ओ टूराहुन, मि जरा सो बेरा तकन तुमरो जवर सेउ, मंग तुम्हि मोला ढुंढने, जसो की मि यहूदिगीन लक कव्हसू, जिता मि जावासेऊ, उता तुमी नही आय सको, वसोच तुम्हिला भी कव्हासू।
JOH 13:34 मि तुम्हिला एक नवतो हुकूम देवासु, का एकमेक लक माया करो, जसो मि तुम्हरो लक माया राखासु, वसोच तुम्हि एकमेक लक माया राखो।
JOH 13:35 अदी आपसी मा माया राखो, ता सबच जान जाहेत, का तुम्हि मोरो चेला आव।
JOH 13:36 समौन पतरस ना ओला कहीस, हे पिरभू तु किता जावसेस? यीसु ना जवाब देइस, जिता मि जावसु उता तु नही आय सकस, पर येको मंघा मोरो मघानी आवजोस।
JOH 13:37 पतरस ना ओला कहीस, हे पिरभू अबा मि तोरो मंघा काय लाई नही आय सकु? मि तो तोरो लाई आपरो जान भी दे देहुँ।
JOH 13:38 यीसु ना जवाब देइस, का तु मोरो लाई आपरो जान देजोस? मि तोरो लक खरो सांगासु का कुकड़ा चिल्लावन को पहले तु मोरो नाव लक तीन डाई मुकर जाजोस।
JOH 14:1 तुमरो मन बैचेन नोको होय, तुम्हि परमेस्वर पर भरोसा राखिसो, मोरो पर भी भरोसा राखो।
JOH 14:2 मोरो बाबूजी को घर मा लगत सा रव्हन को जघा सेत, अदी नही होतो ता मि तुम्हिला सांग देतो। काहे की मि तुमरो लाय जघा तैय्यार करन जावासू।
JOH 14:3 अना अदी मि जायके तुमरो लाई जघा तैय्यार करासू, ता मंग आयके तुमला आपरो सँग ले जाहुँ। की जिता मि रव्हुसु, उतच तुम्हि भी रव्हो।
JOH 14:4 अना जिता मि जावनो पर सेव, तुम्हि उता को रास्ता ला जानासेव।
JOH 14:5 थोमा ना कहीस, हे पिरभू हमला मालूम नहाय, का तु किता जावसेस। ता रास्ता कसो जानबोन?
JOH 14:6 यीसु ना ओला कहीस, रास्ता, खराई अना जीवन मिच आव। मोरो बगर कोनी बाबूजी को जवर नही जाय सका।
JOH 14:7 अदी तुमी मोला जानने, ता मोरो बाबूजी ला भी जानने। पर अब तुम्हि ओला जान गयो सेव अना चोवासो।
JOH 14:8 फिलिप्पुस ओला कव्हसे, हे पिरभू! बाबूजी ला हमला चोवा। याच हमरो लाई लगत से।
JOH 14:9 यीसु ना ओला कहीस, हे फिलिप्पुस, मि एतरो दिवस तकन तुमरो जवर रहयो, अना का तु मोला नही जानासे? एको लाई जोन ना मोला चोय लियो ओना बाबूजी ला चोय लेइसेस। तु कायलाय कव्हसेत की बाबूजी ला हमला चोवाय?
JOH 14:10 का तोला भरोसा नहात? का मि बाबूजी मा सेव अना बाबूजी मोरो मा से, यो गोस्टी जोन तुमी लक कव्हसु आपरो आपच लक नही कव्हसू पर बाबूजी जोन मोरो मा से, आपरो काम करासे।
JOH 14:11 मोरोच भरोसा करो की मि बाबूजी मा सेव अना बाबूजी मोरो मा से। नही ता काम लक च मोरो भरोसा करो।
JOH 14:12 यीसु ना उनला खरो साँगीस, जोन मोरो पर भरोसा करासे, जसो काम मि करासू, वसोच काम उ भी करेत, वरन ओको लक भी मोठो काम करेत।
JOH 14:13 मि तुम्हि लोकगीन लक खरोखर कव्हसू-अना जोन काही तुम्हि मोरो नाव लक माँगने ता वा पूरो होहेत। जोनलक मोरो लक बाबूजी की महिमा होहे।
JOH 14:14 अदी कोनी बात ला तुम्हि लोकगीन मोरो नाव लक माँगो ता मि ओला करहुँ।
JOH 14:15 अदी तुमी मोरो लक माया राखने ता मोरी हुकूम ला मानने
JOH 14:16 मि बाबूजी लक बिनती करुहुँ अना उ तुमला एक अखीन सहारा देहे की उ सदा तुमरो सँग रहे
JOH 14:17 मजे खराई को आतमा, जेनला ना तो जगत अपनाव सकासे, ना ओला जानासे, काहे की उ तुमरो संग च रव्हासे अना तुममा च होहे।
JOH 14:18 मि तुमला फिरतहा नहि छोड़ू, मि तुमरो जवर आवासेऊ।
JOH 14:19 जरासो देर मंघा यो जगत मोला नही चोवहे। पर तुमी मोला चोवहो, एको लाई की मि जित्तो सेव, तुमी भी जित्तो रव्हो।
JOH 14:20 उ दिवस तुमी जानने की मि आपरो बाबूजी मा सेव, अना तुम्हि मोरो मा सेव अना मि तुमरो मा सेव।
JOH 14:21 जोनो को जवर मोरो हुकूम सेत अना उ ओला मानासे। वाच मोरो लक माया राखासे, अना मी ओको लक माया राखुँ। अना आपरो आप ला ओको पर परगट करुह।
JOH 14:22 एक यहूदा नाव को चेला जो इस्करियोति नही होतो, ओला कहीस, “हे पिरभू, का भयो का तु आपरो आप ला हमि पर दिखान चाव्हासेस अना जगत पर नही।”
JOH 14:23 यीसु ना जवाब देईस, अदी कोनी मोरो लक माया राखेह, ता उ मोरो सबद ला मानेह। अना मोरो बाबूजी ओको लक माया राखेह, अना हमि ओको जवर आवबिन अना ओको सँग रव्हबिन।
JOH 14:24 जोन मोरो माया नही राखा, उ मोरो गोस्टी ला नही मानासे अना जोन गोस्टी तुमीना आयकीसेव, उ मोरो नही पर बाबूजी को से, जोनना मोला धाड़िसेस।
JOH 14:25 यो गोस्टी मिना तुमरो सँग रहतो बखत कव्हसू।
JOH 14:26 पर जबा उ सहायक मजे पवीतर आतमा आहेत, जोनला बाबूजी मोरो नाव लक धाडे़त, उ तुम लोकगीन ला सबच गोस्टी सिखाहे। अना सब काही हेत कराहे, जोनला मिना कहीसेउ।
JOH 14:27 मि तुमला सान्ती देय के जासू, आपरो सान्ती तुमला देवासु। जसो जगत देसे वसो मि तुमला नही देहुँ, तुमरो मन बेचैन नोको होयेत, अना नोको डराव।
JOH 14:28 तुमी आयकासेव का मिना तुमला कव्हयो होतो, मि जावासू अना तुमरो जवर मंग आहू, अदी तुम्हि माया राखिसेव तो यो गोस्टी लक खुस होवो की मि बाबूजी को जवर जावासू, अना बाबूजी मोरो लक मोठो से।
JOH 14:29 मिना तुमला असो होवनो को पुढा कव्ह देइसेव, की जबा उ भय जाहे, ता तुमी भरोसा करहो।
JOH 14:30 मि अबा तुमरो सँग अखीन गोस्टी नही करू। काहे का यो जगत को अधिकारी आवासे, मोरो पर ओको काही हक नही।
JOH 14:31 पर यो एकोलाय होवासे, की जगत जानेह की मि बाबूजी लक माया राखासू, अना जसो बाबूजी ना मोला हुकूम देइसेस वसोच करूसू, उठो, यहान लक चलो।
JOH 15:1 खरो अंगूर की बेला मि सेव। अना मोरो बाबूजी कास्तकार से।
JOH 15:2 जोन डाली मोरो मा से अना नही फरासे, ओला उ काट डाकासे, अना जो फरासे, ओला छाटासे, जोन लक अखीन फरेत।
JOH 15:3 तुम्हि तो उ गोस्टी लाय सुध्द सेव जोन मिना सांगासेऊ,
JOH 15:4 तुम्हि मोरो मा बनो रव्हो, अना मि तुमरो मा, जसो डार अदी अंगूर बेला मा बनी रव्हसे, ता तबच फर सकेत।
JOH 15:5 मि अंगूर बेला सेव, तुमी डार सेव, जोन मोरो मा बनो रव्हासे, अना मि ओमा, उ लगत फर फरासे, काहेकि तुम्हि मोरो लक बेगरो भयके, तुम्हि काही नही कर सको।
JOH 15:6 अदी कोनी मोरो मा बनो नोको रव्हेत, ता उ डार को जसो फेक दियो जावासे, अना सूक जावासे, अना लोक गीन उनला एकठ्ठो करके स्तो मा झोक देवासेत, अना वय जर जासेत।
JOH 15:7 अदी तुम्हि मी मोरो मा बनयो रव्हो अना मोरो गोस्टी तुमी मा बनी रव्हो, तो जोन चाव्हो माँगने तो उ तुमरो लाय भई जाहे।
JOH 15:8 मोरो बाबूजी की बड़ाई योच लक होवासे, तुम्हि लगत सा फर आननो, तबाच तुम्हि मोरो चेला कहलाने।
JOH 15:9 जसो बाबूजी ना मोरो लक माया राखीसेस, वसोच मिना तुमी लक माया राखीसेऊ, मोरो माया मा बनो रव्हो।
JOH 15:10 अदी तुमी मोरो हुकूम ला मानने तो मोरो माया मा बनयो रव्हने। जसो की मीना आपरो बाबूजी को हुकूम ला मानीसेऊ, अखीन ओको माया मा बनयो रहोसेऊ।
JOH 15:11 मिना यो गोस्टी तुम्हि लक एकोलाय कहीसेउ, की मोरो खुसी तुम्हि मा बनो रव्हो, अना तुम्हरो खुसी पूरो भई जाहे।
JOH 15:12 मोरो हुकूम यो से की जसो मिना तुम्हि लक माया राखीसेऊ, वसोच तुम्हि भी एकमेक लक माया राखो।
JOH 15:13 एको लाई मोठो माया कोनतो से?का कोनी आपरो संगी को लाई आपरो जान देदे?
JOH 15:14 जोन हुकूम मि तुम्हिला देसु, अदी ओला मानने तो तुम्हि मोरो संगी सेव।
JOH 15:15 अता अबा लक मि तुम्हिला दास नही कहुँ, काहे की नौकर ला मालुम नही रव्हासे का वोको मालीक काजक करासे?पर मि ना तुमला संगी कहीसेउ, काहे की मिना जोन गोस्टी आपरो बाबूजी लक आयकासेऊ, वय सबच तुमला साँग देइसेउ।
JOH 15:16 तुम लोकगीन ना मोला नही निवाड़ो सेव पर मिना तुमला निवाड़ी सेव अना तुमला ठहराई सेउ की तुमी जायके फर आनो अना तुमरो फर बनो रहे। की तुम्हि मोरो नाव लक जोन काही बाबूजी लक माँगो, उ तुमला देहे।
JOH 15:17 यो गोस्टी को हुकूम, मि तुमला एको लाई देवसु की तुमी एकमेक लक माया राखो।
JOH 15:18 अदी जगत तुमरो लक बइर राखासे तो तुम्हि जानासो की ओना तुमरो लक पुड़ा मोरो लक बयिर राखिस।
JOH 15:19 अदी तुमी जगत का होतत, तो जगत तुमरो लक माया राखतो, पर एको काजी की तुमी जगत को नही सेव, काहेका मि ला जगत मा लक निवाड़ी सेव। एकोलाय जगत तुमी लक बइर राखासे।
JOH 15:20 जोन गोस्टी मिना तुमी लक कहीसेउ, वोला हेत राखो, दास आपरो पिरभू लक मोठो नही होवासे, अदी ओन्हीसीन मोला तगाईन, तो तुमला भी तंगाहेत। अदी ओन्हिसीन मोरी गोस्टी मानीन, तो तुमरो भी मानहेत।
JOH 15:21 पर यो सबच काही वय मोरो नाव को कारन तुमी लोक सँग करहेती। काहे की वय मोरो धाड़न वालो ला नही ओरखासेस।
JOH 15:22 अदी मि नही आतो, अना उनलक गोस्टी नही करतो, तो वय पापी नही ठयरतिन, पर अबा उनला उनको पाप लाई कोनी बहाना नाहती।
JOH 15:23 जोन मोरो लक बइर राखसेत, उ मोरो बाबूजी लक भी बइर राखसेत।
JOH 15:24 यदी मिना उनमा वय काम नही करतो जोन कोनी ना नही करयो सेत, ता वय पापी नही ठयरतत। पर अबा तो उनना मोला अना मोरो बाबूजी दुही ला चोवीसेत अना दुही लक बइर कियो,
JOH 15:25 यो एकोलाय भयो का वा सबद पूरो होय, जोन उनको मोसे को नियम मा लिखीसे, “उनना मोरो लक बेकार च बइर करीसेत।”
JOH 15:26 पर जबा उ सहायक आहे मजे खराई को आतमा जेनला मि तुमरो जवर बाबूजी को कन लक धाड़हु मजे सत को आतमा, जोन अजी को कनलक हीटासेत वो मोरो गवाही देहेत।
JOH 15:27 अना तुमी भी मोरो गवाही सेव काहे की तुमी सुरु मा मोरो सँग रही सेव।
JOH 16:1 यो गोस्टी मिना तुमी लक एकोलाय सांगासू का तुम्हि डावाडोल नोको होव।
JOH 16:2 वय तुम्हिला पिराथना सभा अना समाज लक हेड़ देहेत, इतरोच नही पर उ बेरा आवासे, की जो कोनी तुमला मार डाकेह, उ समजेत की मि परमेस्वर की सेवा करुसु।
JOH 16:3 असो वय एकोलाय करयेत, की उन बाबूजी ला नही जानासेत, अना मोला भी नही जानासेत।
JOH 16:4 पर यो गोस्टी मिना एकोलाय तुमी लक सांगीसेउ की जबा एको बेरा आहे तो तुमला हेत आहे की मिना तुम्हि लक पुढा च सांग दियो होतो।
JOH 16:5 मि ना सुरु मा तुम्हि लक यो गोस्टी एकोलाय नही सांगयो, काहे की मि तुम्हारो सँग होतो, पर अबा मि आपरो धाड़नवालो को जवर जावासू अना तुम्हि मा लक कोनी मोरो लक नही पुसेत, तु कहाँन जासेस?
JOH 16:6 पर मिना जोन गोस्टी तुमी लक सांगीसेउ एकोलाय तुम्हारो मन सोक लक भरीयो से।
JOH 16:7 ता भी मि तुम्हि ला खरो सांगासू, का मोरो जावनो तुमरो लाय साजरो से, काहेकी अदी मि नही जाऊ तो उ सहायक तुमरो जवर नही आहेत, पर अदी मि जाउ तबा ओला तुमरो जवर धाड़ू।
JOH 16:8 उ आयके जगत ला पाप अना नेकी अना न्याय को बारेमा बेजवाब करेत।
JOH 16:9 पाप को बारे मा एकोलाय की वय मोरो पर भरोसा नही करयेत।
JOH 16:10 अना नेकीपन को बारे मा एकोलाय की मि बाबूजी को जवर जासू अना तुमी मोला मँग नही चोहो।
JOH 16:11 न्याय को बारे मा एकोलाय का जगत को मुखिया दोसी ठयरायो गई से।
JOH 16:12 मोला तुम्हि लक अखीन भी लगत सी गोस्टी कव्हनो से, पर अबा तुमी उनला सहन नही कर सकेत।
JOH 16:13 पर जबा उ असो खराई को आतमा आहे, ता तुमला सबच खराई को रास्ता सांगेत, काहेकी उ आपरो कन लक नही सांगेत पर जोन-जोन काही आयकेत वाच ला सांगेत अना आवनवालो गोस्टी तुमला सांगेत।
JOH 16:14 उ मोरी बड़ाई करेत, काहेकि उ मोरो गोस्टी लक तुम्हिला सांगेत।
JOH 16:15 जोन काही बाबूजी को से, उ सबच मोरो से, एकोलाय मिना कव्हयो का उ मोरी गोस्टी मा लक तुम्हिला सांगेत।
JOH 16:16 जरासो बेरा को बादमा तुम्हि मोला नही चोवने पर जरासो बेरा को बाद मंग मोला चोवने।
JOH 16:17 यो गोस्टी आयक के यीसु को काही चेलागीन एकमेक लक सांगन लगीन, यो अमीला काजक सांगासे? जरासो बेरा मा तुमी मोला नही चोवने, मँग जरासो बेरा मा तुम्हि मोला चोवने।
JOH 16:18 तबा चेला गीन ना कहीन, “ यो जरासो बेरा” कव्हसे, एको काजक मतलब से, अमीला समजमा नही आवासेत?
JOH 16:19 यीसु जानत होतो का वय वोको लक काही सवाल करनो चाव्हासेत, तबा यीसु ना कव्हयो, तुम्हि एकमेक लक बिचार करासो, का यो “जरासो बेरा मा मोला नही चोवने मंग जरासो बेरा मा मोला चोवने” को काजक मतलब सेत?
JOH 16:20 मि तुम्हिला खरो सांगासू का “तुम्हि रड़तो रव्हने अना जगत खुसहाली मनाहेत, तुम्हिला दुख होहेत पर तुमरो दुख खुसहाली मा बदल जाहेत।
JOH 16:21 लेकरा जलम लेवन को पुढा बायका ला दरद होवासे, काहे की ओकी दुख को बेरा आय जासे, पर जबा वा लेकरा को जलम भयी जासे ता वा खुसहाली मनावासे, का एक मानूस तन जलम लेयीसेस, अना वा मुसीबत ला हेत नही करासे।
JOH 16:22 वसोच परकार लक तुम्हिला अबा सोक से पर मि तुमी लक मँग मिलहु अना तुमरो मन खुसहाली लक भर जाहे। अना तुमरो खुसहाली कोनी तुम लक नही हिसक सकेत।”
JOH 16:23 वोना दिवस तुम्हि लोक मोला काही नही पुसने, मि तुमरो लक खरो-खर सांगासू, “अदी मोरो नाव लक तुम्हि बाबूजी लक काही माँगने, ता उ मोरो नाव लक तुम्हिला देहेत।
JOH 16:24 अबा तकन तुम्हि लोक ना मोरो नाव लक काही नही माँगीसेव, माँगो तो तुम्हिला भेटेत, जोनलक तुमरो खुसहाली पूरो भई जाहेत।”
JOH 16:25 मिना यो गोस्टी तुम्हिला उदाहरन लक सांगीसेउ, पर उ बेरा आवासे, मि तुम्हिला उदाहरन लक नही सांगू पर अबा मी तुम्हिला बाबूजी को बारे सपा-सपा साँगु।
JOH 16:26 ओनो दिवस तुम्हि लोक मोरो नाव लक माँगने अना मि तुम्हिला यो नही सांगासु, की मि तुमरो लाय बाबूजी लक बिनती करुहुँ।
JOH 16:27 काहे की परमेस्वर तो खुदच तुम्हिला माया करासे। काहेका तुम्हिना मोरो लक माया करयो से, अना यो भी भरोसा करासेव की मि बाबूजी को कनलक आईसेऊ।
JOH 16:28 मि बाबूजी को कन लक जगत मा आयीसेऊ, अना मि मंग जगत ला सोड़के बाबूजी को जवर जावासू।
JOH 16:29 तब यीसू ना चेलागीन ना कहीन, चोव, अता तो तु खोलके सांग दियोसे, अना कोनी उदाहरन नही सांगासेस।
JOH 16:30 अता हमि जान गई सेजन की तु सबच काही जानासेस, अता जरूरत नहात, की कोनी तोरो लक काही पुसेत, एकोलाय अमी भरोसा करासेजन की तु परमेस्वर को कन लक आईसेस।
JOH 16:31 यो आयक के यीसु ना उन लक जवाब दियो, का तुम्हि अता भरोसा करासेव।
JOH 16:32 चोवो, उ घडी आवासे, की तुमी सबच भटक जाहो अना आपरो-आपरो रास्ता लेहो, अना मोला एकलो सोड़ देहो। ता भी मि एकलो नही सेव, पर बाबूजी मोरो सँगमा से।
JOH 16:33 मि ना यो गोस्टी तुमला एकोलाय सांगीसेऊ की तुमला मोरो सान्ती मिल्हे, जगत मा तुम्हिला दुख होवासे, पर हिम्मत राखो! मि ना जगत ला जीत लियोसेऊ।
JOH 17:1 यीसु ना यो गोस्टी कहीस, अना आपरो डोरा सरग कन उचलके कहीस, अगो बाबूजी! वा बेरा आय गयोसे, आपरो टूरा को बड़ाई कर, की टूरा भी तोरो बडाई करहे,
JOH 17:2 काहेकि तुना ओला सबच मानूस जाति पर हक देईसेस, जोनलक उ उन सबला अमर जिंदगी दे, जोनला तूना वोला सोपयो सेत।
JOH 17:3 अना अमर जिंदगी योसे की वय तोला एकच खरो परमेस्वर अना यीसु मसीह ला, जेनला तु ना धाड़ीसेस जानेत।
JOH 17:4 “जोन काम तुना मोला करन लाय देइसेस ओला पूरो करके मिना धरती पर महिमा करयो सेऊ, जोन जगत बनान को पुढा, मोरो तोरी सँग होतो।
JOH 17:5 अता हे बाबूजी! तु आपरो सँग मोरी महिमा वा महीमा लक कर जोन जगत को पैदा होवन लक पुढा, मोरो तोरो सँग होतो।”
JOH 17:6 मिना तोरो नाव वोना मानूसगिन पर उजागर कियो से, जोन लोक गीनला तुना जगत मा मोला देइसेस, वय तोरी होतीन अना तुना उनला मोला देईसेस, अखीन उनना तोरो सबद ला मना लेईसेत।
JOH 17:7 अबा वय जान गईसेजन जोन काही तुना मोला देईसेस, उ सबच तोरो कन लक से।
JOH 17:8 काहेकि जोन गोस्टी तुना देइसेस मिना उनला धाड़ीसेऊ, अना उनना ओनो गोस्टी ला भरोसा लक अपनाय लियो सेत अना खरो मा जान लेयीसेत, का मि तोरो मा लक हिटि सेऊ। ओन्हिसीन जान लियो सेत का तुना मोला धाड़ीसेस।
JOH 17:9 मि उनको लाई बिनती करासू। जगत को लाई बिनती नही करुहू। पर उनको लाई जिनला तुना मोला देइसेस, काहेकि वय तोरा सेती।
JOH 17:10 अना जोन काही मोरो सेत, वय सबच तोरो सेत अना जोन तोरो से उ मोरो से, अना इनलक मोरो बड़ाई उजागर भई।
JOH 17:11 मि दुनिया मा नही रहुँ, पर यो लोकगीन दुनिया मा रहेत, अना मि तोरी जवर आवासेऊ, हे पवीतर बाबूजी, आपरो उ नाव लक जोन तुना मोला देईसेस, उनकी रक्सा कर, वय आमरो जसो एक रहेत।
JOH 17:12 जबा मि उनको सँग होतो, मिना तोरो उ नाव लक, जोन तुना मोला देइसेस, उनको रक्सा कर, अना नास होवनवालो टूरा ला सोड़के उन लोकगीन मा लक कोनी नास नही भयो। एकोलाय की पवितर गिरंथ मा जोन कहो गयो उ पूरो होए।
JOH 17:13 अबा मि तोरो जवर आवासू अना यो गोस्टी जगत मा कव्हसू, की वय मोरो खुसहाली आपरो मा पूरो पाहेत।
JOH 17:14 मिना तोरो गोस्टी उनला पहुचा देईसेऊ। अना जगत ना उनलक बइर करीस, काहे की जसो मि जगत को नही, वसोच वय भी जगत का नहाति।
JOH 17:15 मि यो बिनती नही करुहु की तू उनला जगत लक उचल लेहे, पर यो की तु उनला ओनो दुस्ट लक बचाव राख,
JOH 17:16 जसो मि जगत को नही। वसोच वय भी जगत का नहात।
JOH 17:17 खराई को दवारा उन ला पवीतर कर, तोरो सबद खराई से।
JOH 17:18 जसो तुना मोला जगत मा धाड़िसेस, वसो मिना मि उनला जगत मा धाड़िसेत।
JOH 17:19 अना उनको लाई मि आपरो आप ला पवीतर करुसेऊ काहेकि वय भी खराई को कन लक पवीतर कियो जाहेत।
JOH 17:20 मि केवल इनको लाई बिनती नही करुहु, पर उनको लाई भी जोन इनको सबद लक मोरो पर भरोसा करासेत।
JOH 17:21 की वय सबच एक होय जाहेत। जसो तु हे बाबूजी मोरो मा सेस, अना मि तोरो मा सेव, वसोच वय आमरो मा होहेत। जेना लक जगत भरोसा करहे की तुना मोला धाड़िसेस।
JOH 17:22 उ महिमा जेनला तुना मोला देईसेस मिना उनला देईसेऊ, की वसोच एक होहेत। जसो की हमी एक सेजन।
JOH 17:23 मि उन मा अना तु मोरो मा की वय सिध्द भयके एक जाहेत अना जगत जानहेत की तुना मोला धाडिसेस अना जसो तुना मोरो लक माया राखिसेस, वसोच उनलक भी माया राख।
JOH 17:24 हे बाबूजी मी चाव्हुसु की जिनला तुना मोला देईसेस, जिता मि सेव, उता वय भी मोरो सँग होहेत। की वय मोरी महिमा ला चोहेत जोन तुना मोला देइसेस। काहे की जगत को पैदा होवन को पुढा तुना मोरो लक माया राखयोस।
JOH 17:25 हे न्यायी बाबूजी जगत ना मोला नही जानिस पर मिना तोला जानीसेऊ, अना इनना भी जानिन का तुना मोला धाड़िसेस।
JOH 17:26 मिना तोरो नाव उन लोकगीन ला साँगयो, अना साँगतो रहुँ। की जोन माया तुना मोरो लक करीसेस, वोच माया उनमा रव्हे। अना मि उनमा रहुँ।
JOH 18:1 यीसु यो गोस्टी साँगके आपरो चेला को सँगा किदरोन नाला को वोनागन गयो। उता एक बारी होती, जोन मा उ अना ओको चेला गईन।
JOH 18:2 ओको धरानवालो यहूदा भी उ जघा जानत होतो, काहेकि यीसु आपरो चेला को सँगा उता जात होतो।
JOH 18:3 तबा यूदूस, सिपाही गीनको दल ला लेयके अना मुखिया याजक अना मोसे को नियम को गुरू कन लक सिपाही ला लेयके, दियो, टेमा अना हतियार धरके उता आयो।
JOH 18:4 तबा यीसु उ सब गोस्टी ला जोन ओको पर आवनवालो होती, जानके हिटयो, अना उनला कहीस कोन ला ढुँढोसेव?
JOH 18:5 उनना ओला जवाब देईन, यीसु नासरी ला, यीसु ना उनला कहीस, मि सेव ओको धरानवालो यहूदा भी उतच उभयो होतो।
JOH 18:6 ओको कव्हन पर की मि सेऊ, वय मँघा पछलके जमीं पर गिर गईन।
JOH 18:7 तबा ओना मंग उनलक पुसयो, तुमी कोन ला ढुँढोसेव? वय बोलिन का यीसु नासरी ला!
JOH 18:8 यीसु ना जवाब देइस मि तो तुमला कह देइसेउ, की मि सेव, अदी मोला ढुँढोसो तो इनला जावन देव।
JOH 18:9 यो एकोलाय भईसे की उ सबद पूरो होहे जोन ओना कव्हयो होतिस, “जोनला तुना मोला दियो होतोस, उनमा लक मिना एक ला भी नही खोयो।”
JOH 18:10 एतरो पर समौन पतरस ना, तलवार झीकके अना मोठो मुखिया याजक को दास पर चलायके ओको उज्जो कान ला काप देइस, यो दास को नाव मलखुस होतो।
JOH 18:11 तब यीसु ना पतरस लक कहीस, आपरी तलवार म्यान मा राख, जोन बटकी बाबूजी ना मोला देइसेस, का मि ओला नही पीहुँ?
JOH 18:12 तबा दरोगा ना सिपाही ला हुकूम देईस, तबा यहूदिगीन को दास गीन अखीन सिपाईगीन ना यीसु ला धरके बाँध लेइन।
JOH 18:13 अना पुढा ओला हन्ना को जवर लेगइन, काहेकि उ ओना बरस को मोठो मुखिया याजक होतो जोन काइफा को ससुर होतो।
JOH 18:14 यो वाच काइफा होतो, जेना यहूदिगीन ला सलाह दियो होतो की हमरो लोकगीन को लाई एक मानूस ला मरनो साजरो से।
JOH 18:15 समौन पतरस अना एक अखीन चेला यीसु को मँघा भय गइन, यो चेलाला मोठो मुखिया याजक ओरखत होतो, एकोलाय उ यीसु को सँग मोठो याजक को आँगन मा गयो।
JOH 18:16 पर पतरस बाहेर डहलान मा उभो होतो तबा दुसरा चेला जोनला मोठो मुखिया याजक ओरखत होतो, बाहेर हिटके अना चौकीदार लक कहके पतरस ला भीतर ले आइस।
JOH 18:17 वय दासी जोन चौकीदार होती पतरस लक कहीस, कहीं तु भी यो मानूस को चेला मा लक तो नही आस, ओना कहीस, मि नही सेव,
JOH 18:18 दास अना सिपाही थन्डी को मारे अँगेठा पैटाय के स्तो तापत होतीन अना पतरस भी उनको सँग होतो।
JOH 18:19 तबा मोठो मुखिया याजक ना यीसु लक ओको चेला को बारे मा अना ओको सिक्सा को बारे पुसयो।
JOH 18:20 यीसु ना जवाब देइस, मिना जगत लक खुलके गोस्टी करिसेऊ, मिना सभाघर अना मंदिर मा जिता सबच यहूदिगीन एकठ्ठो होत होतीन, हमेसा सिक्सा देवत रहयो, अना छिपयो मा काही नही कव्हयो।
JOH 18:21 तुमी मोला कायलाई पुसा सो? आयकन वालो ला पुसो, की मिना उनलक काजक सांगीसेऊ?
JOH 18:22 जबा ओना यो कहीस, तो सिपाही मा लक एक ना जो जवर उभो होतो, यीसु ला चाटा मारके कव्हन लग्यो, का तु मोठो मुखिया याजक ला यो रिती लक जवाब देईसेस?
JOH 18:23 यीसु ना जवाब देइस, अदी मिना बुरो कव्हसू, तो वा बुराई की गवाही दे, पर अदी भलो कव्हसू तो मोला कायलाई मारासो?
JOH 18:24 हन्ना ना ओला बँधयो हुयो काइफा मोठो मुखिया याजक को जवर धाड़ दियो।
JOH 18:25 समौन पतरस उभो होयके स्तो ताप रहयो होतो। तबा उनना ओला कहीन, कहीं तु भी ओको चेला तो नहात?
JOH 18:26 मोठो मुखिया याजक को दास गीनमा लक एक जोन ओको खानदान लक होतो, जेनको कान पतरस ना कापयो होतिस, ओना कहीस, का मिना तोला ओको सँग बारी मा नही चोवयो?
JOH 18:27 पतरस ना मंग मना कर देइस, अना कुकड़ा ना एकदम लक चिल्लाय देइस।
JOH 18:28 पहट को बेरामा वय यीसु ला काइफा को जवर लक किला मा ले गईन पर भीतर नही धसीन, काहेका उनला असुध्द होवन को डर होति। अबा फसह को तिहार को जेवन नही करी होतिन।
JOH 18:29 तबा पीलातुस उनको जवर बाहेर हिट गयो, अना कहीस, तुमी यो मानूस पर कोन गोस्टी लक दोस लगावसो?
JOH 18:30 उनना ओला जवाब देइस, अदी उ कुकरमी नही होतो, तो हमी ओला तोरो हात नही सौपता।
JOH 18:31 पीलातुस ना उनलक कहीस, तुमी येला ले जाके मोसे को नियम लक न्याय करो! यहूदिगीन ओला कहिन, हमी ला यो हक नहात की कोनी ला जान लक मारबोन।
JOH 18:32 यो एको लाई भयो का यीसु की उ गोस्टी पूरी होहे जोन ओना यो ईसारा देतो बेरा कव्हयो होतीस, की ओकी मौत कसी रीत लक होहे।
JOH 18:33 तबा पीलातुस किला मा अँदर धसके अना यीसु ला मंग लक पुसयो की का तु यहूदिगीन को राजा आस?
JOH 18:34 यीसु ना जवाब देइस, “का तु यो गोस्टी आपरो कन लक कव्हसेस का दुसरो मोरो बारे मा तोरो लक कव्हसेत?”
JOH 18:35 पीलातुस ना जवाब देइस, का मि यहूदी आऊ ?तोरोच जात वारा अना मुखिया याजक ना तोला मोरो हात मा सौपीसेत। तुना का करीसेस?
JOH 18:36 यीसु ना जवाब देइस, मोरो राजपाठ यो जगत को नही से। अदी मोरो राजपाठ यो जगत को होतो, तो मोरो सिपाही इनलक लड़तीन अना मि यहूदिगीन को हात मा नही सौपयो जातो। पर मोरो राज इता को नहाती।
JOH 18:37 पीलातुस ना ओला कहीस, तो का तु यहुदीगीन को राजा आस? यीसु ना जवाब देइस, तु कव्होसेस की मि राजा सेउ, मिना एकोलाय जन्म लेइसेउ अना जगत मा आयीसेऊ, की खराई को गवाही देऊ। जो कोनी भी खराई को से, उ मोरो आवाज ला आयकासे।
JOH 18:38 पीलातुस ना ओला कहीस की खराई काजक से? यो साँगके उ मंग यहूदिगीन को जवर लक हिट गयो, अना उन लक कहीस, मि तो ओमा काही दोस नही पाऊ।
JOH 18:39 पर तुमरो यो रीती लक की मि फसह को तिहार मा तुमरो लाई एक आदमी ला छोड़ देहू, एकोलाय का तुम्हि चाव्हासो की मि तुमरो लाई यहूदिगीन को राजा ला सोड़ देहू?
JOH 18:40 तबा उनना मँग चिल्लायके कहीन, एला नही पर हमरो लाई बरब्बा ला छोड़ दे! अना बरब्बा डाकु होतो।
JOH 19:1 येको पर पीलातुस ना यीसु ला कोड़ा लगवाइस।
JOH 19:2 सिपाई ना कांटा झाड़ को मुकुट गुथके ओको डोस्का मा राखिन अना ओला बेजनी कपरा पहनाय देईन।
JOH 19:3 अना ओको जवर आयके कव्हन लगीन, हे यहूदी को राजा नमस्कार अना ओला झापड़ भी मारिन।
JOH 19:4 तबा पीलातुस ना मंग बाहेर हिटके लोक गीनला कहीस, चोवो मि ओला तुमरो जवर मँग बाहेर आनासू, जोनलक तुम्हि जानो का उ निरदोस से। ओमा काही भी दोस नहात।
JOH 19:5 तबा यीसु कांटा को मुकुट अना बैजनी कपरा डाकयो हुयो बाहेर हिटयो। अना पीलातुस ना उनलक कहीस, “चोवो यो मानूस ला।”
JOH 19:6 तबा मुखिया याजक अना सिपाही ना ओला चोवीन। तो चिल्लाके कहिन, का ओला कूरूस मा चघाव! पीलातुस ना ओला कहीस, तुम्हिच ओला आन के कूरूस पर चघाओ! काहेकि ओमा काही दोस नही पायो सेऊ।
JOH 19:7 यहूदी गीनना ओला जवाब देइन, “हमारो भी मोसे को नियम को लक, उ जरुर मार डाकन को काबील से, काहेकी ओना आपरो आपच परमेस्वर को टूरा बनाईसेस।”
JOH 19:8 जबा पीलातुस ना यो गोस्टी आयकीस तो अखीन भेव समाय गयो अना यीसु लक कहिस, “तु किता को सेस?” पर यीसु ना ओला काही भी जवाब नही देइस।
JOH 19:9 अना मंग किला को भीतर गयो अना यीसु लक कहिस, तु किता को सेस? पर यीसु ना ओला काही भी जवाब नही देइस।
JOH 19:10 एतरो पर पीलातुस ना ओला कहीस, मोरो लक काहे नही कव्हासे? का तु नही जानस की तोला छोड़ देवन को हक मोला से, अना तोला कूरूस मा चघा वन को हक मोला से।
JOH 19:11 यीसु ना जवाब देइस, “अदी तोला वरता लक नही दियो जाहे तो तोरो मोरो पर काही भी हक नही से। एकोलाय जोन मोला तोरो हात धरायो से ओको पाप लगत से।”
JOH 19:12 एतरो पर पीलातुस ना ओला सोड़ देनो चाहयो, पर यहूदी गीनना चिल्लाके कहीन, अदी तु एला सोड़ देजोस तो तोरी भक्ति कैसर को संगी नही से। जोन कोनी आपरो आप ला राजा बनावासे। उ कैसर को सामना करासे।
JOH 19:13 यो गोस्टी आयक के पीलातुस यीसु ला बाहेर लायो, अना उ जघा एक चबुतरा होती जो इबरानी मा गब्बता कहलासे अना उता न्याय आसन पर बसयो
JOH 19:14 यो फसह को तिहार की तैय्यारी को दिवस होतो, अना यो बेरा छटवो तास को लगभग की होती। तबा ओना यहूदिगीन लक कहीस, “चोवो तुमरो राजा!”
JOH 19:15 पर वय चिल्लाइन, ले जाव, ले जाव! अना ओला कूरूस मा चघाव, पीलातुस ना उन लक कहीस, का मि तुमरो राजा ला कूरूस पर चघाऊ! मुखिया पुजारी ना जवाब देइस, कैसर ला छोड़ हमरो कोनी राजा नहाय!
JOH 19:16 तबा उनना यीसु ला उनको हात सौप देइस, ताकि उ कूरूस मा चघाव जाहे।
JOH 19:17 तबा वय यीसु ला ले गईन, अना उ आपरो कूरूस उठायके उ जघा तकन बाहेर गयो, जो कवटी को जघा कहलावासे अना इबरानी मा गुलगुता।
JOH 19:18 उता उनना ओला अना ओको सँगा अखीन दोन मानूस ला कूरूस पर चघाईन, एक को इता अना एक ला उता, अना बीच मा यीसु ला।
JOH 19:19 पीलातुस ना एक दोसपतर लिखवाके‍ कूरूस पर लगा देइस, अना ओमा यो लिखयो होतो, यीसु नासरी, यहूदिगीन को राजा।
JOH 19:20 यो दोसपतर लगत सा यहूदिगीन ना वाचिन काहेकि उ जघा जिता यीसु कूरूस मा चघाव गयो होतो। नगरको जवर होतो, अना पतर इबरानी मा अना लतीनी अना यूनानी मा लिखयो होतो।
JOH 19:21 तबा यहूदिगीन को मुखिया याजक ना पीलातुस लक कहीस, “यहुदि गिनको को राजा” मत लिखने पर यो की “ओने कहीस मि यहुदी को राजा सेउ।”
JOH 19:22 पीलातुस ना जवाब देइस, मि ना जो लिख दियो उ लिख दियो।
JOH 19:23 जबा सैनिक यीसु ला कूरूस मा चघा देईन तो ओको कपरा आन के चार करीन, हर सिपाही को लाई एक पराय अना कुरता भी लेईन, पर कुरता बिन सिवन को वरता लक खाल्या तकन बुनयो हुवो होतो।
JOH 19:24 एकोलाय उनना आपसी मा कहिन, हमि एला नही फाड़बोन पर एको पर चिठ्ठी डाकबिन की यो कोन की होहे। यो एकोलाय की पवितर गिरंथ मा जोन कव्हयो गयो उ पूरो भये। उनना मोरो कपरा आपस मा बाँट लेइन अना मोरो पल्लु पर चिठ्ठी डाकिन।
JOH 19:25 अता सिपाही ना असो ही करीन यीसु को कूरूस जवर ओकी माय, अना ओकी माया की बहिन, कलोपास की बायको मरियम, अना मरियम मगदलीनी उभी होती।
JOH 19:26 जबा यीसु ना आपरी माय अना ओनो चेला ला जेनला उ माया राखत होतो। जवर उभो देखिस ता आपरी माय लक कहीस हे बाया देख यो तोरो टूरा से।
JOH 19:27 तबा ओना चेला लक कहीस, यो तोरो माय से। अना वोच बेरा लक उ चेला ओला आपरो घर ले गईन।
JOH 19:28 एको मँघा यीसु ना यो जानके की अता सब काही पूरो भयो, पवितर गिरंथ मा जोन कहो गयो उ पूरो भयो, तब कह्यो “मि तहान सेउ।”
JOH 19:29 उता अंगूर रस भरो हुयो एक बरतन राखियो होतो, अता उनना अंगूर को रस माफिलायो हुयो स्पंज ला जुफा मा राखके ओको तोन्ड लक लगाइन।
JOH 19:30 यीसु ना उ पित मिलयो अंगूर को रस टोंड मा लेइस अना कहीस “पूरो भयो।” अना डोस्का डाखके परान छोड़ देइस।
JOH 19:31 यो बिसराम-दिवस लक पहेले तैय्यारी को दिवस होतो। यहूदी गीनना पीलातुस लक बिनती करीन का उनको टगंड़ी तोड़ दियो जाय अना उनको देह उतारो जाय, जोनलक पवीतर दिवस मा वय कूरूस पर नोको रहेत। काहेकि उ सब्त का मोठो दिवस होतो।
JOH 19:32 एकोलाय सैनिक ना आयके कूरूस मा टगयो, पहेलो अना दूसरो, मानूस को टेगड़ी टोड़िन, जोन यीसु को संग कूरूस मा चघायो गयो होतीन।
JOH 19:33 पर जबा यीसु को जवर आयके चोविन की उ मर चुकयो तो ओकी टाँग नही तोड़ीन।
JOH 19:34 पर सिपाही मा लक एक ना बरछी लक ओको पसरी मा मारयो, अना ओमा लक तुरंत रकत अना पानी हिटियो।
JOH 19:35 जेना यो देखीस ओने गवाही देइस, अना ओकी गवाही देईसेस अना ओको गवाही खरो से उ खूदच जानासे का खरो कव्हसे जेनको लक तुमी भी भरोसा राखो।
JOH 19:36 यो गोस्टी एको लाई भई का पवितर गिरंथ मा कव्हयो गयो होतो, उ पुरो भयो। “ओकी एक भी हाड़ नही तोड पाहे।”
JOH 19:37 मँग एक जघा पवितर गिरंथ पर यो लिखो से “जोनना वोला छेदयो, वाच वोको कन चोवयो।”
JOH 19:38 यो गोस्टि को बाद अरिमितिया को यूसुफ ना जोन यीसु को चेला होतो, पर यहूदी गीनको भेव लक यो गोस्टी ला लुकाय राखत होतो। युसुफ ना पीलातुस ला साँगीस, का “तु यीसु को लास ला मोला देव।” तबा पीलातुस ना कव्हयो का ले जाय।
JOH 19:39 नीकुदेमुस जोन पुढा रात ला यीसु को कठा गयो होतो, वोच पचास सेर लुभान अना गवारपाठा ले गयो।
JOH 19:40 तबा उन्ना यीसु को लास ले गईन, अना यहूदिगीन को गाड़ो जानो को रिवाज लक ओला सुगंधित सामान को सँगा कपरा मा लपटिन।
JOH 19:41 ओनो जघामा जिता यीसु कूरूस मा चघाव गयो होतो, एक बारी होती अना उ बारी मा एक नवतो मरघट्टी होती जेमा कोनी ना राखियो गयो होतो।
JOH 19:42 एकोलाय यहूदिगीन की तैय्यारी को दिवस सूकीरवार को कारन उनना यीसु ला वोचमा राख्यो, काहेकि वा मरघट्टी जवर होती।
JOH 20:1 हफ्ता को पहिले दिवस मरियम मगदलीनी पहेटिया मा मरघटी मा आइन, अना गोटा ला मरघट्टी लक हटयो हुयो चोवीन।
JOH 20:2 तबा वय धाव के समौन पतरस अना उ दुसरो चेला को जवर जेनको लक यीसु माया राखत होतो आयके कहिन, वय पिरभू ला मरघट्टी मा लक हेड़के ले गईन, अना अमीला पता नहात, वोला किता राख दियो!
JOH 20:3 तबा पतरस अना उ दुजो चेला हिटके मरघट्टी को कन चली गईन।
JOH 20:4 वय दोंनो सँग-सँग धाव रह्यो होतिन, पर दुसरो चेला पतरस लक पुड़ढा मरघट्टी मा पहुचयो।
JOH 20:5 अना उ वोनो होयके कपरा पड़ो चोवयो, ता भी उ भीतर नही गयो।
JOH 20:6 तबा समौन पतरस ओको मंघा-मंघा पहुचियो, अना मरघट्टी को भीतर गयो, अना कपरा पड़ा चोविस
JOH 20:7 अना उ गमछा जोन ओको डोस्का लक बँधो होतो, अलग एक जघा गुन्ड के राखियो होतो।
JOH 20:8 तबा दुसरो चेला भी जोन मरघट्टी पर पुढा पहुचियो होतो, भीतर गयो अना चोयके भरोसा करीन।
JOH 20:9 वय तो अबा तकन पवितर गिरंथ की उ गोस्टीच ला नही समजयो होतीन, की ओको मरो मा लक जिँदो होवनो से।
JOH 20:10 तबा यो चेला आपरो घर लवट गईन।
JOH 20:11 पर मरियम रोवती हुई मरघट्टी को जवर च बाहेर उभी रही, अना रोवती-रोवती मरघट्टी को कन नवके,
JOH 20:12 दुई सरगदूत ला पाढरो कपरा घालयो हुयो एक ला मुंडेसा अना दुसरो ला पैताना मा बस्यो चोयी, जिता यीसु को लास राखी होतीन।
JOH 20:13 उनना ओकोलक कहीन अवो बायका तु काय ला रोवासेस? ओना उनलक कहीस, वय मोरो पिरभू ला उचलके ले गईन, अना मोला मालूम नहात की ओला किता राखीसेत?
JOH 20:14 यो कही अना वा यीसु ला उभो चोयी, पर वा नही वोरख सकी का उ यीसु आय।
JOH 20:15 यीसु ना ओला कहीस, अवो बाई तु काय लाय रोवासेस कोन ला ढुढासे? ओना माली समजके ओला कहीस, हे पिरभू अदी तु ना ओला उचल लेइसेस। तो मोला सांग ओला किता राखीसेस अना मि ओला ले जा?
JOH 20:16 यीसु ना ओला कहीस, मरियम! ओना मंघा मुरकके ओला इबरानी मा कहिस “हे गुरु”
JOH 20:17 यीसु ना कहीस, मोला नोको छुवस। काहेकि मि अबा तकन बाबूजी को जवर वरता नही गयो, पर मोरो भाऊ को जवर जावके उन लक सांग दे, की मि आपरो बाबूजी अना तुमरो बाबूजी अना आपरो परमेस्वर अना तुम्हरो परमेस्वर को जवर वरता जावासु।
JOH 20:18 मरियम मगदलीनी ना जायके चेलागीन चेला गीनला साँगिस, मिना पिरभू ला चोवीसेऊ, अना ओना मोला यो गोस्टी कहीस।
JOH 20:19 ओनो दिवस जोन हप्ता को पहेलो दिवस होतो, झुलाखाली को बेरा जबा उता को बेसकुड़ जिता चेला होतीन, यहूदिगीन को भेव को मारे बंद होतो। तबा यीसु आयो अना उनको बीच मा उभो होयके उनलक कहीस, “तुमला सान्ती मिलहे।”
JOH 20:20 अना यो सांग के ओना आपरो हात अना आपरो पंजर उनला चोवायो तबा चेलागीन पिरभू ला चोवके खुसी लक भय गईन।
JOH 20:21 यीसु ना मँग उनलक कहीस, “तुमला सान्ती मिलहे। जसो बाबूजी ना मोला धाड़ीसेस, वसो ही मि भी तुमला धाड़िसेउ।”
JOH 20:22 यो साँगके ओना उन पर फुकिस। अना उन लक कहीस, “पवीतर आतमा लेव।
JOH 20:23 जिनको पाप तुमी छिमा करो वो उनको लाई छिमा कियो जाहे। जिनला तुमी राखसेव वय राखो गईसेत।”
JOH 20:24 पर बारा मा लक एक मजे थोमा जोन दिदमुस कहलावासे। जबा यीसु आयो ता उनको सँग नही होतो।
JOH 20:25 जबा चेलागीन ओको लक कव्हन लागीन, हमी ना पिरभू ला चोवीसेजन, तबा ओना उन लक कहीस, जबा तकन मि ओको हात मा खिल्ला का छेद न चोय लुँ, अना खिल्लो को छेद मा आपरी वोट ना डाक लुँ, अना ओको छेद मा आपरो हात न डाख लु, तबा तकन मि भरोसा नही करुँ।
JOH 20:26 आठ दिवस को मंघा ओको चेलागिन मंग घर को भीतर आइन, अना थोमा उनको सँग होतो। अना किवाड़ बँद होतीन। तबा यीसु आयो अना उनको बीच मा उभो होयके कहीस, तुमला सान्ती मिलहे।
JOH 20:27 तबा ओना थोमा लक कहीस, आपरी बोट इता आनके मोरो हात ला चोय। अना आपरो हात आनके मोरो छेद मा डाक। अना अबिस्वासी नोको पर बिस्वास करन वालो बन।
JOH 20:28 यो आयक के थोमा ना जवाब देइस। हे मोरो, पिरभू हे मोरो परमेस्वर।
JOH 20:29 यीसु ना ओला कहीस, “तु ना मोला चोवीसेस एको लाई भरोसा करसेस, धन्य सेत वय जेने मोला बिन चोय भरोसा करासेत।”
JOH 20:30 यीसु ना अखीन लगत सा निसान चेला को पुढा चोवाईस। जोन यो किताब मा लिखयो नही गई सेत।
JOH 20:31 पर एको कारन लक लिखी गई से की तुमी लोकगीन भरोसा करो, की यीसु जोन से उ परमेस्वर को धाड़ो गयो से। अना कव्हनो मा मसीह से। अना ओको नाव मा भरोसा करनो लक जीवन मिलासे।
JOH 21:1 येको मंघा यीसु ना तिबिरियास झील को किनार मा मगं चेला गीनको जवर आपरो आप ला दिसायो। यो असो भयो,
JOH 21:2 समौन पतरस अना थोमा जोनला दिदमुस भी कहव्सेत। अना गलील को काना नगर को नतनएल अना जबदी को टूरा अना ओको चेला मा दोन दिगर जन इकठ्ठा भईन।
JOH 21:3 समौन पतरस ना उनको लक कहीस, “मि मसरी पकड़न लाई जावासू।” वय ओला कहिन “हमि भी तोरो सँग चला सेजन।” वय चले गइन, नाव मा चघके मसरि पकड़न लगीन, पर उ रात उनला काही नही भेटियो।
JOH 21:4 पहट को बेरा यीसु किनारे पर उभो होतो, पर चेला गीन नही चिन्हो का यो यीसु से।
JOH 21:5 तबा यीसु ना उन लक कहीस, ओ भाऊ तुमरो कठा कितरो मसरी सेत? तबा वय जवाब देईन, काही नाहती।
JOH 21:6 ओना उन लक कहीस, नाव की उज्जो कना जाल डाकहो तबा तो तुम पाहो। एकोलाई: उनना जाल डाकिन, अना लगत सारी मसरी जेनला उनला झिकत नही बनयो।
JOH 21:7 तबा ओनो चेला ना जेनला यीसु माया राखत होतो। ओना पतरस ला कहीस, यो तो पिरभू से। समौन पतरस ना यो आयकिस, तो ओना कमर मा गमछा डाकके अना झील मा कूद गयो।
JOH 21:8 पर दुसरो चेला नहानी डोंगी मा मसरी लक भरो जाल खिचत-खिचत आइन। वहान लक सिरफ 100 मिटर दुहुर लक धरती को किनार होतो।
JOH 21:9 वय धरती मा उतरीन होतीन अना कोयले को स्‍तो अना ओको पर मसरी राखी गई होती अना भाकर चोवीन।
JOH 21:10 यीसु ना उन लक कहीस “तुमीना जोन मसरी अबा धरियासेव, ओमा लक काही आनो।”
JOH 21:11 समौन पतरस ना डोंगी मा चघके एक सौ तिरेपन मोठो मसरी लक भरो हुवो जाल धरती मा झिकिस। अना एतरी मसरी होवनो पर भि जाल नही फटयो।
JOH 21:12 यीसु ना उनलक साँगीस, आव, आमी जेवन करबीन। चेला गीन मा कोनी ला एतरो हिम्मत नई भयो की ओला पुसेत, की तु कोन आस? काहे की वय जानत होतीन की यो पिरभू च से।
JOH 21:13 यीसु आयो अना भाकर आन कन उनला देइस, अना वसोच मसरी भी।
JOH 21:14 यो तिसरो गन से की यीसु मरो मा लक जित्तो होवनो को मंघा चेला गीन ला चोयो।
JOH 21:15 जेवन करनो को मंघा यीसु समोन पतरस लक कहीस, की हे समौन, योहन को टूरा, का तु मोला माया राखसेस का? ओना कहीस, “हव, पिरभू, मि तोरो लक माया राखुसु तु तो जानसेस।” ओने ओला कहीस, “मोरो मेंढ़ा गीन ला चराव।”
JOH 21:16 ओना मंग दुसरो गन ओला कहीस, हे समौन योहन को टूरा का तू मोरो लक माया करासेत, तबा समौन यीसु लक कहीस, हव पिरभू तु जानासेस की मि तोरो लक माया राखसू ओने मंग कहीस, मोरो मेढा ला चराव।
JOH 21:17 ओने मंग तीसरो डाई ओला कहीस, हे समौन योहन को टूरा, का तु मोरो लक माया राखसेस। मंग पतरस उदास भय गयो की ओने तीसरो गन असो कह देइस। का तु मोला माया राखसेस? अना एतरो पर ओने कह देइस, का हे पिरभू तु तो सब काही जानासेस की मि तोरो लक माया राखसु का नही। यीसु ना मंग कहीस मोरी मेढा ला चराव।
JOH 21:18 मि तोरो लक खरो मा कव्हुसु की जबा तु जवान होतोस तो आपरो कमर बाँधके जिता चाहत होतो जात होतोस, पर जब तु सयानो होजोस तो आपरो हात पसार जोस, अना दुसरो तोरी कमर बाँधके जिता तु नही चाहवजोस उता तोला ले जाहेत।
JOH 21:19 ओना ऐना गोस्टी लक ईसारा देईस की पतरस कसो मौत लक परमेस्वर की बड़ाई करेत। अना तबा ओना ओला कहीस, मोरो मँघा भयजाहे।
JOH 21:20 पतरस ना मुरकके उ चेला ला मंघा आवता चोवीस, जेनको लक यीसु माया राखत होतो अना जेना जेवन को बेरा ओको छाती कन नवके पुछिस होतीस, हे पिरभू तोरो धरान वालो कोन से?
JOH 21:21 ओला चोवके पतरस ना यीसु लक कहीस हे पिरभू एको काजक हाल होहे?
JOH 21:22 यीसु ना ओला कहीस अदी मि चाहु की उ मोरो आनो तकन रुकयो रह। ता मोला एकोलक काजक, तु मोरो मंघा भय जाय।
JOH 21:23 एको लाई भाऊ गीन मा यो गोस्टी फैल गई की उ चेला नही मरेह, ता भी यीसु ना ओला नही कहीस की उ नही मरेह, पर यो की “अदी मि चाहुँ की उ मोरो आनो तकन रुकयो रह, तो तोला एको लक काजक?”
JOH 21:24 यो वाच चेला से, जोन ऐना गोस्टी की गवाही देवासे। अना जेना ऐना गोस्टी ला लिखि से अना हमी जानसेजन की ओकी गवाही खरो से।
JOH 21:25 अखीन भी लगत सा काम सेत, जोन यीसु ना करीसेस। अदी वय एक-एक करके बयान करी जातीन ता मि समझुसु की जोन किताब लिखी जातीन, वय जगत मा नही समातीन।
ACT 1:1 ओ चहेतो थियुफिलुस, मीना आपरो पयलो किताब उन सब काम गीनको बारे मा लिखिसेव, जो काम यीसु ना पयले लक करयो अना सिकायो।
ACT 1:2 वोना दिवस तकन पवितर आतमा लक आपरो बेचयो गयो चेला गिनला हुकूम दियो जोन दिवस लक उ सरग नही उचल लियो गयो।
ACT 1:3 आपरो मरनो को मघा, वोना 40 दिवस तकन उ अलग-अलग रीत लक उ लगत बार उनला आपरो जित्तो होवन को सबूत उनला देवत रहयो। अना वोना उनलक परमेस्वर को राज को बारेमा सागत रह्यो।
ACT 1:4 मग जबा वय यीसु को संग जमा होतिन, “ता ओना उनला हुकूम देईस।” येरुसलेम नगर नोको तजजोस, बल्की जोन पवितर आतमा भेटन को बारे मा तुमीना मोरो लक आयकिसेव, बाबूजी को ओनो वायदा को पुरो होवन को रास्ता ताको।
ACT 1:5 काहे का योहन ना पानी मा बपतिस्मा देई होतीस, “पर अबा तुमला जरासो दिवस को मंघा पवीतर आतमा लक बप्तिस्मा दियो जाहेत।”
ACT 1:6 जबा पेरीतगीन डुगां भईन, तबा वय यीसु लक पुसिन, पिरभू का तू योच बेरा इसरायल राज ला लवटा देजोस?
ACT 1:7 यीसु ना उनला कहीस “ओनो अवसर अना बेरा ला जाननो तुमरो काम नाहती। जोन ला परमेस्वर ना खुद अपरो हक मा पक्को करीसेस।
ACT 1:8 पर जबा पवीतर आतमा तुमी पर आहे तबा तुमी ताकत पावने, अना येरुसलेम, सप्पा यहुदिया अना सामरिया मा, यहान तकन का धरती को छोर तकन तुमी मोरो गवाह ठहरने।”
ACT 1:9 एतरो कव्हनो को मंघा उ उनको देखत-देखत वरता उचल लियो गयो, अना उ उनला नही चोवयो।
ACT 1:10 जबा उ जाय रहयो होतो, तो वय बादर कन ताक रहया होतिन, ताभिच दुई मानूस पांढरा झंगा घाल्या हुया उनको कगर मा आयके उभा भईन,
ACT 1:11 अना उनको लक कहिन, अरे! गलीली लोक गीन, तुमी कायलाई, उभा होयके बादर कन चोवासेव जोन यीसु तुमरो, जवर लक सरग मा उचलीयो गयोसे, अना वोला जसोच तुमीना, सरग ला जात चोयीसेव, वसोच रिती लक अखीन वापस लौटहेत।
ACT 1:12 मंग पेरीत जैतून नाव को पहाड लक जोन यरुसलेम लक कोनी एक किलोमीटर दुहुर से। वहान लक येरुसलेम सहेर लवटिन।
ACT 1:13 तबा वय येरुसलेम सहेर को वय घर को पाटन पर गईन, जहा पतरस अना योहन अखीन याकूब अना अन्दिरयास, अखीन फिलिप्पुस, अना थोमा, अना बरतुल्मै, अखीन मत्ती अना हलफई, को टूरा याकूब, अखीन समौन, जेलोतेस अना याकूब, को टूरा यहूदा, ठहेराया होतीन।
ACT 1:14 इनको संग मा काही आई-माई, अखीन यीसु की माय मरियम अना वोका भाऊ गिन भी होतिन। यो सब आपरो आपला एक संग पिराथना मा लगायो राखत होतिन।
ACT 1:15 काही दिवस मघा बिस्वासी भाऊ गिन को सभा मा जोन एक सम्बर बीस लोक गीन होतिन। पतरस उभो होयके कव्हन लगयो।
ACT 1:16 यहूदा आमरो समूह को एक मेम्बर होतो अना यो सेवा मा उ हिस्सेदार होतो।
ACT 1:17 जोनको को बारेमा, पवितर गिरंथ को उ लेख जोनला राजा दाऊद को टोन्ड लक पवितर आतमा ना लगत पयलेच कव्हयो होतो। ओको पूरो होवनो जरुरी होतो। का उ आमरो च सग गिनो जाहेत, अना यो सेवा मा वोको भी हिस्सा होहेत।
ACT 1:18 यो मानूस ना अपरो अन्याय को कमाई लक एक खेत लेई सेस, उ ओको मा टोन्ड को बल पडीसे वोको पोट फट गयो, अना वोकी सबरी अतड़ी बाहेर हिट गईसेत।
ACT 1:19 सबच यरुसलेम का रहवन वारा गीन ला मालुम भय गयो ऐना कारन उ खेत ला हकलदमा मजे खून वालो खेत कहव्सेत।
ACT 1:20 काहेका भजन संहिता की किताब मा असो भी लिखीसे, “वोको घर उजड़ जाये, अना कोनी ना रव्हे।” अना असो भी लिखयो सेत का वोको सेवा को जघा कोनी अवर ला भेटेत।
ACT 1:21 एकोलाय यो जरुरी से, का जबा पिरभु यीसु हमरो बीच मा होतो। तबा लक जोन लोक हरामेसा आमरो संग होतिन उनमा लक कोनी एक ला बेचयो जाय, मजे वोना बेरा लक जब ले योहन ना लोकगिन ला बप्तिस्मा देवनो सुरु कियो होतो अना जब तकन आमरो बीच लक यीसु ला उचल लियो गयो होतो।
ACT 1:22 उनमा लक कोनी एक ला यीसु को दुबारा जित्तो होवन को आमरो सग गवाह होवनो पायिजे।
ACT 1:23 उन मा लक वोना दुई मानूस गीन को नाव बेच के पेस करीन। यूसुफ को जोनला बरसब्बास, कव्हत होतीन, अना जेनको छाप युस्तुस, होतो, अना मत्तियास ला।
ACT 1:24 मंग उनना पिराथना करीन, ओ पिरभू तुमी सबच को मन ला जानासे, ये दूई मा लक तुमी कोन ला यो पद लाय बेचयो सेस।
ACT 1:25 जोन यहूदा जघा होतो वहान वा चले गयो, अना आपरो जघा सोड़ दियो, अबा एक पेरीत को रुपमा सेवा को यो पद ला कोन अपनायेत।
ACT 1:26 तबा उनना वोको बारे मा चिठ्ठी डाकिस, अना चिठ्ठी मत्तियास को नाव पर हिटी होती अना वय अकरा चेलागीन को संग गिनयो गयो।
ACT 2:1 जबा यहुदी गीन को तिहार को पन्नास दिवस को मजे फसह को तिहार आयो, ता वय सब बिसवासी गीन एक जगह मा जमा भईन
ACT 2:2 तभिच एकाएक जोन घरमा बसी होतीन, वहान बादल लक अंधाड बोहन जसी आवाज आई अना जोन घरमा वय बसी होतीन, वोना घरमा आवाज भर गई।
ACT 2:3 अखिन इस्तो को लपट जसी अना जिबली वानी इस्तो की लपट चोवन लगी। उ इस्तो लपट को टुकड़ा-टुकड़ा हरेक वरता आयके ठहेर गई।
ACT 2:4 अना वय सबच पवीतर आतमा लक भर गईन अना जेनो तरह लक आतमा, न उनला बोलन की ताकत देईस ता वय अलग-अलग बोली बोलन लगीन।
ACT 2:5 वहान यरुसलेम सहेर मा दुनिया को सबच देस-देस को भक्त यहूदी रव्हत होतिन।
ACT 2:6 जबा या आवाज गरजन भई, तबा एक मोठी भीड़ जमा भय गई। अना लोक गीन अचंम्भा मा पड गइन। काहेकि बिस्वासी भाऊगिन ला, आपरो खुद को भासा मा बोलत आयकुयो।
ACT 2:7 वय सबा चकित होयके आपसी मा कव्हन लगीन, का वय गलील पिरान्त को नाहती?
ACT 2:8 मंग हमरो मा लक हर एक अपरी-अपरी जलम भूमि की बोली कसो आयकासे।
ACT 2:9 हमी जसो पारथी अना मेदी अखीन एलामी अना मेसोपोटामिया अखीन, यहुदिया अना कप्पदूकिया अखीन पुन्तुस अना आसिया। दहा अना फ्रूगिया अखीन पंपलिया अना मिसर
ACT 2:10 अना फ्रुगिया पंफलिया, मिसर, लीबिया, देस जेव कुरेने को अगल-बगल मा ये सबच देसगीन को रव्हनवालो अना रोमी नगर मा जायके रव्हन वारा मा।
ACT 2:11 यहूदी अना यहुदी बनान केरेती अना अरबी सेत पर अपरी-अपरी भासा मा उनको लक परमेस्वर का मोठा-मोठा काम की गोस्टी आयकासेत।
ACT 2:12 अना वय सबच चकित होयके अना संका एक दुसरो लक कव्हन लगीन, यो का होय रहीसे?
ACT 2:13 पर दूसरो लोक गिन ना पेरीतगिन को हसी उड़ाय के कहीन, वय सब ना काही लगतच अंगुर को रस पियो सेत।
ACT 2:14 तबा उन अकरा को संग पतरस उभो भयो, अना लोग गिनला कव्हन लगयो, अरे यहुदि सगी हुन अना येरुसलेम सहेर मा रव्हनवारा, मोरो सबद आयको, अना एको मतलब मोला सागन देव,
ACT 2:15 एना लोक गिन नसा मा नाहती, जसो का तुमी मा लक कितरो लोक समजा सेव, अबा तो दिवस को 9 बजयो सेत।
ACT 2:16 बल्की यो वाच गोस्टी से, जेनको बारेमा योएल भविस्यवक्ता सागयो होतो।
ACT 2:17 परमेस्वर कव्होसे, का आखीर को दिवस मा असो होयेत का मी सबा मानूसगिन पर आपरो आतमा उबड़ा देहूँ, मग तुमरो टूरा अना टूरी भविस्यवानी सागेत। अना तुमरा जवान दरसन देखेत, अखीन तुमरा सायनो सपना देखेत।
ACT 2:18 हव, ओना दिवसगिन मा, मी अपरा चाकर अना दासी गीन पर अपरी आतमा उबडाहूँ, अना वय भविस्यवानी करेहेत।
ACT 2:19 मी ओरिया बादर को खाल्या धरती पर हिदान, अना बादल मा रकत स्तो, आना धुंगा की बादर देखाऊ।
ACT 2:20 पिरभू को महान अना महीमा को दिवस आवन को पयले सूरज इंधारो अना चांदा रक्त जसो लाली मा बदल जाहेत।
ACT 2:21 अना जोन कोनी पिरभु लक मद मागेत, वोला पिरभू बचाहेत।
ACT 2:22 अरे इसरायली गीन मोरी एना गोस्टी ला आयको, यीसु नासरी एक मानूस होतो जेनको लक परमेस्वर ना अचंभा को काम, अखीन हिदान वोको लक करायो, एकोलक यो साबीत होवासेत का परमेस्वर ना वोला धाड़िसेस। यो गोस्टी ला तुमी जाना सेव।
ACT 2:23 यो मानूस ला परमेस्वर को पक्को योजना अना पक्को पुढ़ा की गियान को अनुसार तुमला सोपो गयो होतो। पर तुमीना पापी मानूस गिन को सायता लक वोला कूरूस पर चघायके मार डाकिन।
ACT 2:24 पर परमेस्वर न वोला मिरतु को यो उन लक सोड़ाय लियो अना वोला मंग जित्तो करीस। अना मिरतु मा इतरो ताकत नाहोती का वोला बन्धन मा राखे।
ACT 2:25 कायकि दाऊद वोको बारे मा कव्होसे मी पिरभू ला हमेसा अपरो समने चोवतो रहयो कायकि उ मोरो जेवनो हात कन से ताकि मी ना डगमगाय जाऊ।
ACT 2:26 एको लाई मोरो मन खुसी सेत, अना मोरी बानी मा खुसी सेत। अना मोरो देह भी आस मा जीव्हेतीन।
ACT 2:27 कायकि तुना मोरी आतमा ला मिरतु को लोकमा नही छोडजोस, तू आपरो पवीतर बिस्वासी चाकर ला कबर मा नही सड़न देजोस।
ACT 2:28 तुना मोला जिंदगी को कन जावन की रस्ता चोवाइसेस। आपरो हाजरी लक तु मोला खुसी लक भर देजोस।
ACT 2:29 अरे मोरा लोकगीन आपरो पुरखा राजा दाऊद को बारे मा मी बेखटका कव्हसू, का उ मर गयो से, अना अबा भी वोको मरघट्टी आज तकन मौजुद से।
ACT 2:30 उ एक भविस्यवक्ता होतो, उ जानत होतो, का परमेस्वर न करार लक वोको ले वादा करीसेस। का मी वोको खानदान मा लक कोनी एक मानूस ला वोको राजगद्दी पर बसाऊ।
ACT 2:31 एकोलाय जोन आवन वालो बेरा मा घटनवालो सेत। वोला चोवत हुया, दाउद ना जबा यो सांगयो होतो। वोला मिरतु को दुनिया मा नही सोड़यो गयो। अखिन ना च वोको देह सड़न को लाय मरघट्टी मा राख दियो गयो। तो वोना मसीह को मंग लक जित्तो उचलन को बारे मा कव्हो होतो।
ACT 2:32 अना वोच यीसु ला परमेस्वर ना दुबारा जित्तो करीस अना हमी सबच येनो गोस्टी का गवाह सेजन।
ACT 2:33 परमेस्वर को उजो हात कन सब लक वरता पद पायके यीसु ना परम अजी को वादा को अनुसार पवितर आतमा पायके अना मग वोने यो आतमा ला आमरो पर उबडाय देईस जोनला तुमी अबा देखासेव अना आयकसेव।
ACT 2:34 दाऊद सरग पर नही चाघयो पर उ खुदच कव्हसे, पिरभू न मोरो पिरभू लक कहीस, मोरो उजो बस,
ACT 2:35 जबा तकन मी तोरो बयरी गिन ला तोरो पाय खाल्या को पीढ़ो को जसो नही बनाय देहूँ।
ACT 2:36 येको लाय पूरो इसरायल पक्को रूप लक यो जान ले का परमेस्वर ना यो यीसु ला जेनला तुमी न कूरूस मा चघायो होतो वोला पिरभू यीसु अना मसीह बनायो होतो।
ACT 2:37 लोक गिन ना जबा यो गोस्टी आयकिन ता दुखी भई गईन। वय पेरीतगिन अना उनको संगी गिनला कव्हन लगीन, तो अबा अमीला काजक करनो पड़हेत?
ACT 2:38 पतरस न उनला कहीस, मन मुरकाओ, अना आपरो पापगिन की छिमा पावन लाई तुम मा लक हरेक ला यीसु मसीह को नाव लक बप्तिस्मा लेवनो पड़हेत। अना तुमला परमेस्वर को उपहार पवितर आतमा मिलहेत।
ACT 2:39 “कायकी या परन तुमी अना तुमरी अवलाद अखीन वय सब दूर-दूर का लोकगीन को लाई भी से जोनला पिरभू हमरो परमेस्वर ना अपरो जवर हाकलो सेत।”
ACT 2:40 पतरस न अखिन लगतसा गोस्टी को लक हुसियार करीस अना बिनती को संग उनलक कहीस, यो भिरस्ट खानदानी लक अपरो आप ला बचायके राखो।
ACT 2:41 उनमा लक लगतसा लोकगिन ना ओको सन्देस ला आयक के बिस्वास करीन, उनला बपतिस्मा दियो गयो, असो परकार वोना दिवस उनको समूह मा, लगभग तीन हजार मानूस अखिन जूड़ गइन।
ACT 2:42 वय लोक गिन पेरीतगीन लक सिक्सा पावनो अना संगती राखनो अखीन जेवन करनो मा लगयो रहिन।
ACT 2:43 अना पेरीतगिन को लक अचरज को काम अना मोठयो-मोठयो काम होवत रहयो। अखिन हरेक मानूस अचँभित भेव लक भर गइन।
ACT 2:44 अना सबच बिस्वासी लगातार संगती बनायो राखत होतिन। अखीन उनको जवर जोन काही जीनुस होतो वोला वय आपसी मा बटवार करत होतिन।
ACT 2:45 वय अपरी-अपरी सम्पित अना चीज ला बीकत होतिन। अना वोको लक जोन पैसा भेटेत, उनकी जरुरत को अनुसार बाट देत होतीन।
ACT 2:46 वय हर दिवस मंदिर मा समूह मा मिलत होतिन। वय आपरो घरगिन मा संगमा जेवन बाट-बाट के अना सरल मन लक खुसी लक, मिलजुल के जेवत होतिन।
ACT 2:47 हर रोज पिरभु उनला समहू मा जोड़त होतो। सबा लोक गिन साजरा भावना को मजा लेवत हुयो, वय परमेस्वर को पिराथना करत होतीन अखीन जोन हररोज बचावत जात होतिन उनला समूह मा मिला लेवत होतिन।
ACT 3:1 एक दिवस पतरस अना योहन दुफारी, तीन बजे पिराथना को बेरा मंदिर जाय रहयो होतो।
ACT 3:2 लोक जनम को लगंडा ला हररोज आवन-जावन को जघा मा बसाय देत होतीन ताकि उ मंदिर मा आवन जावन वालो लक भीख मांगे।
ACT 3:3 यो मानूस न जबा योहन अना पतरस ला मंदिर मा धसता देखिस, ता ओना उन लक आपरो लाय भीख मांगिस।
ACT 3:4 उनना सिधो योहन कन चोविन अना पतरस ना कहीस, “हमरो कन देख।”
ACT 3:5 तबा उ काही पावनो की इक्सा लक उनको, कन ताकन लग्यो।
ACT 3:6 पर पतरस न वोको लक चोवत हुयो कहीस “मोरो जवर तोला देवन लाय काही पैसा नाहती पर जोन काही सेत उ मी तोला देवासू। नासरत को यीसु मसीह को नाव लक उभो होय अना चल मंग।”
ACT 3:7 मग वोना वोको उजो हात ला धरके ना ओला उचलीस, एकदम ओको पाय अना घुटना मा जान आय गयी।
ACT 3:8 तबच उ उछल के उभो भय गयो अना इतानी-उतानी उछलत कुदत उनको संग परमेस्वर को मंदिर मा गयो।
ACT 3:9 सप्पा लोक गीन ने वोला चलता-फिरता अना परमेस्वर की स्तूती करता देखीन।
ACT 3:10 लोकगिन ना वोला चीन लेइन यो ता ओच आय जोन मंदिर को सुन्दर फटका मा भीक मांगत होतो वोको सग घटयो घटना ला चोयके वय एकाएक अचंभा मा पड़के चकीत भय गईन।
ACT 3:11 उ मानूस पतरस अना योहन को संग होतो एकोलाय सबरी लोक अचम्भीत होयके, सुलेमान नाव को डहरी को जवर परात आइन।
ACT 3:12 पतरस न जब असो चोयो ता लोकगीन लक कहयो, अगो इसरायल को लोकगिन, तुम ऐको पर कायलाय अचम्भीत सेव, अना असो घुर-घुर के आमीला कायलाई चोय रही सेव, असो लगासे का आमीना अपरो ताकत अना भक्ति को हिम्मत लक यो मानूस ला चलन-फिरन को लायक बनाय दियोसेजन।
ACT 3:13 अबराहम इसहाक अना याकूब को परमेस्वर, आमरो आजा पुरखा परमेस्वर न आपरो दास यीसु ला अपरो महिमा देइसेस पर तुमीना वोला अधिकारी गीन ला सोप दियो अना तुमीना पेन्तुस-पीलातुस को पुढा नकार दियो जबकि पिलातुस न वोला छोड़ देनो को मनसा राखीयो होतीस।
ACT 3:14 तुमीना वोना साजरो अना नेक मानूस ला ठुकरायो, अना वोको बदला मा पीलातुस लक मांग करयत का एक खून करनवालो ला तुमरो लाय छोड़ दियो जाय।
ACT 3:15 तुमीना जिंदगानी को रास्ता चोवन वारा ला मार डाकयात। पर परमेस्वर न वोला मरयो हुयो मा लक जित्तो करीस। हमी वोको पुरुप सेजन।
ACT 3:16 काहेकी अमी यीसु को नाव मा भरोसा करासेजन। एकोलाय यो वोकोच नाव सेत जोन न यो लगंडा मानूस ला ताकत देइसेस, जोन ला तुमी चोवासेव अना वोला जानासेव वोला पाय मा ताकत देयि सेस जेनला तुमी चोय रही सेव। ओनाच बिस्वास लक जोन यीसु लक भेटासे, तुमी सब को पुढ़ा एने मानूस ला पुरो तरीका लक साजरो करीसेस।
ACT 3:17 अना अबा अगा भाऊ गीन मी जानासू का यो काम तुमी ना वसोच करीसेव अना वोसोच, तुमरो मुखियागीन ना भी करीसेत।
ACT 3:18 पर जेना गोस्टी ला परमेस्वर न सबच मोठो भविस्यवक्ता को टोन्ड लक पहेलच सांग दियो होतो का वोको, मसीह दुख उठाये वोना ऐना रिती लक पूरो करीसेस।
ACT 3:19 एकोलाय परमेस्वर को कन लौट जाव जोन लक उ तुमरो पाप हुन ला छिमा करेत।
ACT 3:20 जोन लक आतमा को ताकत को बेरा पिरभू को कन लक आय अना पिरभु तुमरो लाय मसीहा ला धाड़े जोन न ओना पयले लक बेचके राखीसेस, मजे यीसु ला।
ACT 3:21 अना मसीह ला जरूरी से का वोना बेरा तकन सरग मा रहेत, जबा तकन सबरी गोस्टी पहेलो जसो सुधारी न जाय। जोन को चरचा लगत पहेल लक परमेस्वर न अपरी पवीतर लोकगीन लक करी होतीस।
ACT 3:22 जसो का मोसे भविस्यवक्ता न कहीस, मोरो जसो एक भविस्यवक्ता तुमरो लोकगीन मा लक धाडे़ह अना जोन काही उ तुमला करन लाई कहे वोला तुमी पुरो रिती लक मानना।
ACT 3:23 पर जोन कोनी मानूस वोना भविस्यवक्ता की गोस्टी नही मानेत वोला परमेस्वर को लोकगीन लक बेगरो कियो जाहे, अना वोको सत्यानास कर दियो जाहे।
ACT 3:24 हा समूएल अना वोको मंघा आयो सबच भविस्यवक्ता गीन ऐना दिवस गीन को बारे मा मुनादी कियो होतो।
ACT 3:25 तुमी तो वोना भविस्यवक्ता गीन अना वोना करार को वारिस सेव जोन ला परमेस्वर न तुमरो आजा पुरखा, लक करार करीसेस जबा वोना अबराहम लक कहीहो तीस, तोरो खानदान लक धरती का सप्पा खानदान आसीस पाहेत।
ACT 3:26 अना परमेस्वर न अपरो दास ला बेचीस, अना तुमरो जवर धाड़िस, ताकि तुमला तुमरो खोटो रास्ता लक हटाय के आसीस देहे।
ACT 4:1 जब पतरस अना योहन, लोक गीन लक, गोस्टी कर रही होतीन, का याजक मंदिर को मुखिया, अना सदूकी लोकगीन वोको जवर आइन।
ACT 4:2 वय उन पर एना गोस्टी पर गुस्सा होतीन, का पतरस अना योहन उन लोकगीन ला सिकावत होतीन, का यीसु मरयो हुयो मा लक जित्तो भइसे, वोको लक असो साबीत करत होतीन का मरयो हुयो मानूस जित्तो होय सेकासे।
ACT 4:3 आखिन काहेका वोना बेरा झुलाखाली भय गई होती। एकोलाय उनला दुसरो दिवस तकन उनला जेलमा राखिन।
ACT 4:4 पर जिनना उ संदेस ला आयकीन होतीन उन मा लक लगत लोकगीन वोको भरोसा करीन, अना उनको गिनती लग-भग लगभग पाँच हजार, तकन पुहुची होतीन।
ACT 4:5 आवन वालो दिवस मा यहुदिगीन को नेता, सायना अना नियम को गुरु येरुसलेम सहर मा जुमला भईन।
ACT 4:6 मुखिया पुजारी हन्ना, काइफा, योहन, सिकन्दर अना मोठो याजक को परिवार को सबच लोकगीन वहान हाजीर होतीन।
ACT 4:7 वय पतरस अना योहन, ला उनको बीच उभो करके असो पुस ताछ करन लगीन, “तुमी लोकगीन न कोनती, ताकत अना अधिकार यो काम करीसेव?”
ACT 4:8 पतरस न पवीतर आतमा लक भरपुर होयके, उन लक कहीस, अगा लोकगीन को मुखिया अना मोठो सायना!
ACT 4:9 अदि हमी लक आज उ कमजोर मानूस कसो साजरा भयो यो बारे मा यो पुस ताछ करियो जासे
ACT 4:10 तो तुमी सबच ला अना इसरायल, की लोकगीन ला यो जान लेवनो चाहिये का यो काम नासरत को रहनवालो यीसु मसीह जेनला तुमीना कूरूस पर मरवाय डाकयत अना जेनला मोठयो परमेस्वर ना मंग लक जित्तो कर देयीसेस, ओकोच लक यो मानूस तुमरो पुढ़ा साजरा चंगो से।
ACT 4:11 यो वाच गोटा से जोनला घर बनान वालो मिस्तरी गिनना नकारो बेकार समझ के हटायो होतिन वोच एक गजब जरूरी गोटा बन गयो।
ACT 4:12 अना कोनी दुसरो मानूस लक बचाव नाहती से, काहेकी पूरो संसार मा मानूसगिन, ला कोनी दुसरो नाव नही देई सेस, जेनको लक आमरो, सूटकारा होय सके।
ACT 4:13 उनना जबा पतरस अना योहन ला निडर चोयके, अना यो जाके का, वय अनपढ अना साधारन मानूस सेत। उनला मोठो अचंभा भयो। मग वय पहचान गईन, यो ता यीसु को संग रहयो लोक सेत।
ACT 4:14 अना काहेकि वय वोनो मानूस ला जोन साजरो भयो होतो, उनको संगा उभो चोय रहयो होतीन, एकोलाई उनको कठा काही कव्हन लाई नही रहयो।
ACT 4:15 पर उनना पतरस अना योहन ला सभा लक बाहेर हेड़ देइन अना वय आपस मा सला बिचार करन लगीन,
ACT 4:16 “एना लोक गीन को संग कसो बरताव करयो जाय? काहेका येरुसलेम सहेर मा रहवन वारा, सबच लोक गीन जानासेत, का इनको लक एक जाहिर अचंभा भयो सेत। जोनला नकारो नही जाय सकसे।
ACT 4:17 बल्कि हमी इनला चेताय देसेजन की वय एना नाव की चरचा कोनी अखिन मानूस लक नही करबिन ताकि लोक गीन मा एनो गोस्टी को अखिन बढनो रोखियो जाय सकेहे।”
ACT 4:18 वोना पतरस अना योहन, ला बुलावन धाडीस, अखीन उनला हुकूम देईन, का वय यीसु को नाव को कोनी लक काहिच चरचा नोको करे अखिन कोनी ला गोस्टी नोको सांगेत।
ACT 4:19 ऐको पर पतरस अना योहन न उनला, जवाब देईन “अबा तुमी सागो का परमेस्वर की नजर मा हमरो लाई यो साजरो होयेत का अमी परमेस्वर को हुकूम तोड़ के तुमरो हुकूम मान बीन?
ACT 4:20 काहेकी असो नही भई सकासेत। का जोनला हमी चोवीसेजन, अना आयकी सेजन कोनी ला वोको बारे मा नही सांगबिन।”
ACT 4:21 मंग उनना उनला अखिन कड़ो रुप लक चेताय के सोड़ देइन। काहे का उनला सजा देवन को कोनी बहाना नाहोती। काहेका जोन घटना घटी होती। वोकोलाय सबच स्तूती करत होतिन।
ACT 4:22 अना जोन मानूस को संग यो अचंभा भयो, वोकी उमर चालीस बरसा लक जादा, होती।
ACT 4:23 जसोच पतरस, अना योहन ला सोड़यो गयो। वय मंग अपरा लोक गीन को समूह मा गइन। अना उनलक जोन काही मुखिया याजक गीन अखीन सयाना यहूदी पेरीत ना कही होतीन, उ सब गोस्टी उन ला कह आयकवाइन।
ACT 4:24 जबा बिसवासीगीन ना यो आयकिन, ता वय मिलके उचो आवाज लक पिराथना करन लगीन, “मालिक तुनच बादर अना धरती, सागर अना, वोको मा जोन काही सेत, उन सबला बनाइसेस।
ACT 4:25 तुनच पवीतर आतमा लक हमरो पुरखा, अपरो सेवक दाऊद को टोन्ड लक यो कहयो होतो।” ऐना जमाना को लोकगीन ना जाने काहे आपरो घमन्ड चोवायो, लोकगीन ना फालतुच साजिस कायलाई रच डाकिन।
ACT 4:26 पिरभू अना वोको, मसीह को विरोध मा, सासन करन वारा नियावी, धरती को सासक उभो भयो, अना राजा गिन आपस मा मिल गइन।
ACT 4:27 हेरोदेस अना पोंतियुस पीलातुस भी ऐना सहर मा गैरयहुदी गीन अना इसरायिल गीन को संगा मिलके तोरो पवितर सेवक यीसु को विरोध मा, जेनला तुना मसीह को रूप मा निवाड़ी होतो। वाकई मा एकजुट भय गयी होतीन।
ACT 4:28 वय जुमला भईन ताकि तोरो सकति अना मरजी को अनुसार जोन काही पयले लक पक्को होय गयो होतो, वा पुरो होय सके।
ACT 4:29 अबा वो पिरभू! तु उनको धमकी, पर धियान दे, अना बिना भेवको दास ला तोरो बचन आयकावन को ताकत देव।
ACT 4:30 अना अबा तु अपरो हात बढायके, अपरो पवीतर दास यीसु को, नाव लक साजरो काम हिदान अना अचँभा काम होवन देव।
ACT 4:31 जबा उनना पिराथना पूरो करीन ता जोन जघा मा वय होतिन, वा हिल गई अना उन सब मा पवीतर आतमा समा गयो, अना वय बेधड़क परमेस्वर, को गोस्टी आयकावन लग्यो।
ACT 4:32 भरोसा करन वालो गीन को समुदाय एक चित अना एक मन होती, उनमा कोनी भी आपरी जायदाद ला आपरी नही मानासेत, जोन काही उनको जवर होतो वोमा सबको हिस्सा एक मा से।
ACT 4:33 चेलागीन मोठो ताकत लक पिरभू यीसु को, मर जानो पर जित्तो उचलनो, की गवाही देत होतिन, अना वय सब पर परमेस्वर को मोठो दया होतो।
ACT 4:34 वोना समूह मा कोनी असो नही होतो, जोनला काही बात को घटी होय, काहेका जिनको जवर खेत, मकान होतीन, वय उनला बीक देत होतीन, अना धन रासी ला आनके।
ACT 4:35 पेरीत ला सोप देत होतिन, अना हर एक को वोकी जरुरत को अनुसार बाट देत होतिन।
ACT 4:36 उदाहरन को लाई यूसुफ, नाव को एक मानूस होतो, वय लेवी खानदान, को होतो। वोको जन्म साइप्रस, दीप मा भयो होतो। चेलागीन, न वोको छाप को नाव बरनबास, मन्जे हिम्मत को टूरा राखी होतिन।
ACT 4:37 वोको जवर काही जमीन होती, वोना वोला बीक देईस, अना वोको लक मिलयो, रुपया ला आन कर पेरीत ला सोप देइस।
ACT 5:1 पर हनन्याह नाव को मानूस न अना ओकी बायको सफीरा ना मिलके आपरी जायदाद को एक हिस्सा बेच देइन।
ACT 5:2 अना वोना अपरी बायको ला जानकारी मा ओना एमा लक काही धन बचा लेइयो। अना बाकी धन पेरीत ला को पाय खाल्या राख देइन।
ACT 5:3 ऐको पर पतरस न कहीस, अरे हनन्याह; सैतान ला तुना आपरो मनमा यो गोस्टी कायलाई डाखन दियो? का तुना पवितर आतमा लक खोटो सांगे, अना बोकी जमीन को रकम लक काही बचाय के राख लियो।
ACT 5:4 जब तक तुना उ जघा ला बिकी नही होतयो का वा तोरी नही होती? पर जब तुना ओला बिक दियो, अना जोन धन मिलयो उ तोरोच होतो, मंग तुना आपरो डिमाक मा खोटो बोलन को कायलाय सोचयो? तुना मानूस लक नही, पर परमेस्वर लक खोटो सागिसेस।
ACT 5:5 यो गोस्टी आयकत च उ भुईमा पड़ गयो, अना उ मर गयो। वय सबच जोन यो गोस्टी आयकत होतिन, उनमा भेव समा गयो।
ACT 5:6 जुवान गीन न उभो होयके वोला कफन मा लपेट के अना बाहेर ली जायके गाड़ देईन।
ACT 5:7 लगभग तीन घन्टा बाद मा ओको लक अनजान, वोकी बायको भितर आई, वा ऐना घटना को बारे मा काही नही जानत होती।
ACT 5:8 पतरस न वोला सवाल करीस, का अता मोला सांग, उ जघा वोतरोच मा बिकी सेव? ता वा जवाब देईस, हव येतरोच मा से।
ACT 5:9 ऐको पतरस न वोको लक कहीस, या काजक गोस्टी से? का तुमी दुई पिरभू को आतमा की परिक्सा लेवन को लाय एक चित भई सेव? अता चोव, जोन लोक गीन तोरो नवरा ला गड़ाय के आयोसेत वय बेसकुड़ मा उभो सेत, अना अबा तोला भी लिजाहेत।
ACT 5:10 वा वोच बेरा पतरस को पाय खाल्या पड़ गई, अना वोको जान हिट गयो। जवानगीन भितर आयके वोला मरयो हुयो पाईन, अना वोला उचलके, वोको नवरा को बगल मा गड़ाय देईन।
ACT 5:11 ऐको लक सारी कलीसिया मा अना जेतरा लोक गीन न ऐना गोस्टी ला आयकिसेत, वय सबच पर मोठो भेव छाय गयो।
ACT 5:12 पेरीत गीन लक लोकगिन को बीच लगत सा हिदान, दिसात होतिन। अना अचँभा काम करत होतिन। वय सबा बिस्वासी गिन सुलेमान को ओसरी मा जमा होतीन।
ACT 5:13 वोना समहु मा सामिल होवन को हिम्मत कोनी नही करत होतिन मंग लोकगीन उनकी बढाई जरुर करत होतीन।
ACT 5:14 पिरभू मा भरोसा करन वालो मानूस अना बायका लगत-लगत बड़त होतिन।
ACT 5:15 एको असो फर भयो का जोन लोक अपरा बिमारगीन ला आनके खाट अना बिस्तर मा आन-आन के रस्ता-बाट मा सोवान लगीन, जोनलक जबा पतरस उता लक हिटेत त काही भी पिरकार लक वोकी सावली पड़जाय।
ACT 5:16 येरुसलेम नगर को आखापाखा को नगर लक अपरो बीमार गीन ला अना दुस्ट आतमा लक पीड़ित लोकगीन ला आनके उनको जवर राख देइन, अना वय सबच साजरो भय जात होतीन।
ACT 5:17 मंग महायाजक अना उनको संगी मजे वोना नगर को सदुकीगिन को झुंड उनको बिरोध मा उभा भय गईन। वय ईरसा लक भर गईन।
ACT 5:18 एकोलाई उनना पेरीतगीन ला बान्ध के एक जेल मा डाख देइन।
ACT 5:19 पर रात को बेरा मा, पिरभू को एक सरगदूत ना जेल को बेसकुड़ खोल देइस। अना उनला बाहेर हेडके असो कहीस।
ACT 5:20 जावो, मंदिर मा उभो भई जाव, अना यो नवा जिंदगी को बारेमा सबला सांगो।
ACT 5:21 जबा उनना असो आयकिन ता सक्कारी वय मंदिर जायके धस के उपदेस देन लगीन। मंग महायाजक यहुदि अगवा अना उनको संगी वहान आइन त उनना वहान पर उनना यहुदी अगवा अना इसरायल को सायना हिन को पुरो सभा ला बुलाइन। अना सिपाई धाड़िन का जेल मा लक पेरीतगीन ला आनो।
ACT 5:22 जबा अधिकारी जेल मा पहुचीन, ता वहान पेरीतगीन ना होतीन। त उनना लवटके खबर सांगिन।
ACT 5:23 अना उनना कहिन, जबा हमी जेलमा पहुचयो ता अमीना चोवयो का जेलमा कुलुप लगयो होतो, अना बेसकुड़ मा पेहरा देवनवारा उभो होतिन। पर बेसकुड़ खोलन पर मंग हमला भीतर कोनी च नहि भेटयो।
ACT 5:24 जबा मंदिर को रखवारा गिनको अधिकारी ना अना महायाजकगिन न असी खबर आयकिन ता वय उनको बारेमा सोच मा पड़ गइन “का अबा काजक होहेत।”
ACT 5:25 ऐतरो मा कोनी न आयके उनला खबर देईस देखो तुमी ना जिन लोकगीन ला जेल मा डाकिसेव वय मंदिर मा उभा होयके लोक गीन ला सिक्सा देय रहीसेत।
ACT 5:26 तबा मंदिर को सुरक्सा करनवारा सिपाईगिन को अधिकारी आपरो अधिकारी गिन सग वहान गयो। अना बिना सकती बरते उनला वापस आनीन। काहेकी उनला डर होतो का कही लोकगिन अमीला गोटा नोको मारहेत।
ACT 5:27 उनना पेरीतगीन ला मोठी धरम सभा को पुड़ा उभा कर देइन मंग महायाजक न सवाल पुसिस अना कहयो,
ACT 5:28 हमीना एना नाव को सिक्सा देवन लाई तुमला कड़ो हुकूम मना कियो होतो, मंग तुमी यो सिक्सा लक सप्पा येरुसलेम सहेर ला भर देइसेव। अना वोना मानूस की हत्या को दोस आमरो पर लादनो चाव्हासेव।
ACT 5:29 पतरस अना पेरीतगीन न असो जवाब देइन, “मानूस गीन को बजाय परमेस्वर को गोस्टी ला माननो जरूरी सेत।”
ACT 5:30 तुमी लोकगीन न यीसु ला कूरूस काड़ी मा खील्ला ठोक के मार डाकिसेव। पर आमरो सायना गीन को परमेस्वर न उनला मरयो मा लक जित्तो करीस।
ACT 5:31 ओला च परमेस्वर ना अगवा अना सुटकारा देवनवालो ठहरायके उजो हात कन राखीसेस, ताकी उ इसरायल गीन ला पाप छिमा अना मन मुरकान को मौका देहे।
ACT 5:32 एना सप्पा गोस्टी को अमी गवाही सेजन, अना वसोच पवीतर आतमा भी जोनला परमेस्वर न आपरो हुकूम मानन वारा लोकगीन ला देइसेस।
ACT 5:33 जबा सभा को मेम्बरगीन न असो आयकिन, त वय दुफारी को ऊन जसो तमतमा गइन। अना वय प्रेरितगिनला मार डाखन चाव्हत होतीन।
ACT 5:34 पर उन मा लक एक फरिसी जोनको नाव गमलीएल होतो। जोन मोसे को नियम को गुरू होतो, अना सब लोकगिन मा वोको मोठो मान होतो। सभा मा उभो भयो अना यो हुकूम दियो। का पेरीतगीन ला जरासो बेरा को लाई बाहेर हेड़ देव।
ACT 5:35 तबा उ सभा मा कव्हन लगयो। “इसरायली भाऊगिन तुम इन लोकगीन को संगा जोन काही करन चाव्हसेव वोला तुमी सोच समझके करो।
ACT 5:36 का तुमला हेत से? काही बेरा पयले, आपरो आपला एक महान मानूस कव्हन वालो, थेउदास नाव को मानूस तुमरो बीच मा उभो भयो होतो। अना करिब चार संबर लोकगिन वोको मघा भय गई होतीन। पर उ मार डाख्यो गयो, अना वोका मानन वारा सबच लोक इता-उता बगर गईन। अना वोको कोनी मतलब नही हिटयो।
ACT 5:37 मंग जनता को गिनती को बेरा, गलील को रव्हनवारा, एक यहूदा नाव को मानूस उभो भयो। ओना भी काही लोकगिनला आपरो मंघा कर ह लियो होतो। उ भी मारो गयो, अना तीस ओको मघा चलनवारा सबच लोक इता-उता बगर गईन।
ACT 5:38 एको लाई ऐना बेरामा, मी तुम्हिला कव्हसू, ऐना लोकहुन लक बेगरो रव्हो। इनको मामला मा कोनी काम नोको करो, इनला एकलो राख देव अदि इनको पिलान अना काम मानूस को कन लक सेत, त आपरो आप खतम भयी जाहेत।
ACT 5:39 पर अदी यो काम परमेस्वर को कन लक सेत, ता तुमी येला नही रोख सकसो। अना तबा होय सकसे, तुमी आपरो आपला परमेस्वर को बिरोध मा पाहो।” उनना वोको बात मान लेइन।
ACT 5:40 अना उनना पेरीत गिनला बुलाइन, अना उनला कोड़ा मरवाइन, अना हुकूम देइन का यीसु को नाव को चरचा नोको करे, अना उनला सोड़ देइन।
ACT 5:41 वय खुसी होयके मोठी सभा लक चली गईन, काहेका उनना असो मानिन का परमेस्वर ना उनला यीसु को नाव लाई, बेइज्जत होवन को काबील समझयो।
ACT 5:42 मंग वय मंदिर अना घर-घरमा हरेक दिवस सदा ऐना साजरो बारता ला आयकावन लगीन। का यीसु च मसीह से। उपदेस देवनो अना चरचा करनो नही सोड़िन।
ACT 6:1 काही दिवस को मघा जबा चेला गीन की गिनती बढत होती। ता यूनानी बोलनवारा बिस्वासी, अना इबरानी बोलन वारा यहुदी बिस्वासी, मा एक बैस भई गई। काहेका युनानी बोलनवारा यहुदी बिस्वासी यो दावा करत होतिन का उनको बेवागिन ला रोज को जरुरत को चीजगिन ला बाटनो मा अनदेखयो करत होतिन।
ACT 6:2 ता बारा पेरीतगिन ना चेलागीन को सारो मन्डली ला एक संग हाकलके कहीस, “आमरो लाय, परमेस्वर को बचन की सेवा ला सोड़, जेवन अना रुपिया को बरताव कन धियान देवनो साजरा नाहती।”
ACT 6:3 ता भाऊगिन साजरा नाव वारा, पवितर आतमा अना सूझबुझ लक भरयो, सात मानूस ला आपरो मा लक बेच लेव, अमी उनला यो काम को अधिकारी बना देबिन।
ACT 6:4 अना अमी आपरो आपला पिराथना अना वचन को सेवा, को काम लगायो राखबिन।
ACT 6:5 यो सुझाव लक सबरी मन्डली लगत खुस भय गईन। ता उनना बिस्वास अना पवितर आतमा लक भरयो, स्तिफनुस नाव को मानूस ला, अना फिलिप्पुस, प्रोखरुस, निकानोर, तीमोन, परमिनास अना अन्ताकिया-निवासी जोन यहुदी बन गयो होतो निकोलास ला बेचयो।
ACT 6:6 अना इन लोकगिन ला उनना पेरीतगिन को पुड़ा हाजिर कर दियो अना पेरीतगिन पिराथना करके उनला नियुक्त करीन।
ACT 6:7 असो परमेस्वर को गोस्टी लगातार याजक गिनको एक मोठो समहु भरोसा मानन लगीन। अना येरुसलेम नगर मा चेला गीन की गिनती लगत बढगइ।
ACT 6:8 स्तिफनुस दया अना ताकत लक पूरो पक्को होयके लोक गीन को बीच मोठो-मोठो अचँभा काम अना चिन्हान देखावत होतो।
ACT 6:9 पर नाव को लाय अजाद करीयो गयो, यहुदि लोकगीन को सभाघर को काही लोक, जोन कुरेनी अना सिकन्दरिया अना किलिकिया आसिया प्रांत लक आयो यहुदी होतीन, वय स्तिफनुस को बिरोध मा वाद विवाद करन लगीन।
ACT 6:10 पर वा आतमा जोन लक उ गोस्टी करत होतो, अना वोको अक्ल को पुढा वय नही ठैयर सकिन।
ACT 6:11 मंग उनना काही लोक गीन ला लोभ देके कहलवायो। हमिना मोसे अना परमेस्वर को बिरोध मा एला बेज्जती को गोस्टी करता आयकासेजन।
ACT 6:12 असो परकार उनना लोकगीन को मोठो सयानागीन, यहुदी नेतागिन, अना मोसे को नियम को गुरूगीन, ला भड़कायो। मंग उनना आयके वोला धर लेइन अखिन वोला घसीटके यहुदी मोठी सभा को पुड़ा आनीन।
ACT 6:13 अना उनना खोटो गवाही पेस करीन, जेनना कहिन का यो मानूस हरामेसा आमरो पवीतर मंदिर को बिरोधमा, अना मोसे को नियम गिरंथ को बिरुधमा कव्हसेस।
ACT 6:14 काहेका हमिना वोला यो कव्हतो आइकेसेजन, का यो नासरत को यीसु यो मंदिर ला नास कर देहेत। अना आमरो रिति रिवाज ला बदल देहेत, जोनला मोसे ना अमिला देइसेस।
ACT 6:15 तबा सबा लोक जोन महासभा मा बसयो होतिन, वोला धियान लक चोविन। ता उनला कोनी सरगदूत को तोन्ड जसो चोविस।
ACT 7:1 तबा महा यजक न कहयो, “का या गोस्टी सही से?”
ACT 7:2 स्तिफनुस न जवाब देईस, “अगो भाऊ गीन अना मोरो अजि को जसो बुजरुक हुन, मोरी गोस्टी आयको, आमरो अजी अबराहम हारान देस मा रव्हन लक पयले, मेसोपोटामिया मा रव्हत होतो।” ता उ बेरा महिमा वालो परमेस्वर न वोला दरसन देईस।
ACT 7:3 अना वोको लक कहीस, तु अपरो देस अना खानदान ला छोड़ दे अखीन वोना देस मा जाय, जोनमी तोला मी देखाऊ।
ACT 7:4 एकोलाय उ कसदिगिन को देस ला सोड़, हारान देस मा बस गयो। जहान ले वोको अजी को मरन को मघा, परमेस्वर न वोला एना देस मा आवन को लाय उकसायो जहान तुमी अबा रव्हसेत।
ACT 7:5 पर परमेस्वर ना वोला वारसाना मा काही नही दियो, अना उ देस मा पाय मंडावन जघा भी नहि दियो। वोना बेरा वोको कोनी टूरा नाहोती, मग परमेस्वर ना करार कियो का, यो देस उ वोला अना वको खानदान ला, उनको धन माया को रूपमा देहेत।
ACT 7:6 परमेस्वर न वोला यो भी कहीस “तोरो खानदान को लोक गिन पर देसी लोकगिन को कबजा मा रहेत।” अना चार सौ बरस तकन उनला गुलाम बनायेके बुरो बरताव करहेत।
ACT 7:7 परमेस्वर न कहीस, “गुलाम बनावन वालो देसला, मि खुदच दन्ड देहुँ, एको बाद वय वा देस लक बाहेर हिट जाहेत, अना एना जघा मा वय मोरो सेवा करेहेत।”
ACT 7:8 तबा परमेस्वर न अबराहम को लाई मुहर लक छापा ठहरायो अना उ करार लक अबराहम इसहाक को अजी भयो। तबा उ वोको जलम को आठवो दिवस मा वोको खतना करीयो। मग इसहाक लक याकूब अना याकूब लक बारा कुल को पुरखा पैदा भईन।
ACT 7:9 “आमरो पुरखा याकूब को टूरा गिन अपरो भाऊ यूसुफ लक जलन राखत होतिन। एकोलाय उनना वोला मिसर देस मा दास बनन लाय बीक देईन। पर परमेस्वर वोको संग रहयो।”
ACT 7:10 वोना सब परेसानी लक उनला सूटकारा देइस अना वोला मिसर इलाका को राजा फिरोन की नजर मा दया अना अकलवर बनाय देईस फिरोन न यूसुफ ला मिसर देस अना पूरो राज भवन को अधिकारी बनाय देईस।
ACT 7:11 मग मिसर अना कनान देस मा मोठो गीरानी पडि अना संकट छाय गयो अना खावन काजी काही नही मिल्यो।
ACT 7:12 अना याकूब न आयकिस, का मिसर देस मा अनाज से, ता वोना आपरो टूरा आमरो पुरखागीन ला मिसर धाडिस। यो उनको पयलो भेट होतो।
ACT 7:13 दुसरी यातरा को मोका पर यूसुफ न अपरा भाऊगिन ला अपरो पहेचान देईस अना फिरोन मिसर को राजा ला यूसुफ को परिवार को पता चलयो।
ACT 7:14 तबा यूसुफ न अपरो बाप याकूब अना वोको पूरो परिवार झन ला बुलाईस सब मिलाय के वय पचहत्तर आदमी होतीन।
ACT 7:15 याकूब मिसर देस मा आयो। अना वोना वहान वसोच मरिन जसो आमरो पुरखा मिरो होतिन।
ACT 7:16 मंग उनको लास वापस सकेम नगर आनीन, अना वोना मरघट्टी मा राखयो गयो यो वोच मरघटी होतो जेनला अबराहम न सकेम नगर मा हमोर को टूरा गीन ला चाँदी देयके लेई सेस।
ACT 7:17 परमेस्वर न अबराहम लक जाय परन करीस जबा वोकी पूरो होवन को बेरा जवर आय गईसे तबा आपरो लोक गीन की संख्या मिसर इलाका मा लगत बढ गईसे।
ACT 7:18 आखीर मा मिसर इलाका मा एक असो राजा को सासन आयो जेव यूसुफ ला नही जानत होतो।
ACT 7:19 वोना हमारी लोक को संग कुरता को बेवहार करीस, वोना आमरो पुरखा गिन ला मजबूर करीस का वय अपरो लहान सो लेकरा ला बाहेर फेक देहेत जेनको लक वय जित्तो न रव्ह सकसेत।
ACT 7:20 वोच बेरा एक लेकरा को जलम भयो। मोसे गजब खुबसुरत होतो, उ तीन महीना तकन अपरो अजीगीन को घर मा पालो गयो।
ACT 7:21 एको बाद जबा उनना घरको बाहेर फेकिन तो फिरोन को टूरी वोला आपरो टूरा बना के उठाय ले गइस वोना आपरो टूरा को जसो पालिस। वपलागयो तबा फिरोन की टूरी न वोला गोद लेईस अना आपरो टूरा को जसो वोको लालन पालन करीस।
ACT 7:22 मोसे ला मिसरी को पुरो कला कौसल क सबच सिक्सा दियो गयो। उ बोलन मा ताकतवर अना काम मा वरता होतो।
ACT 7:23 जबा वय चालीस बरस को भयो तबा उनको मन मा आयो का अपरा इसरायल भाऊ लक भेंट करेत।
ACT 7:24 जबा एक बेरा वोना चोवयो वोनो मा कोनी एक को सघ बुरो बेवहार करत होतिन। ता वोना वोला बचायो। अना मिसरी ला मार के वोना वो मानूस को बदला ले लियो।
ACT 7:25 वोना सोचयो होतो का वोको भाऊ बन्धू जान जाहेत, उनला सूटकारा देवन काजी परमेस्वर वोको उपयोग कर रहयो सेत। पर वय असो नही समझिन।
ACT 7:26 परो दिवस मोसे न दुई इसरायल गीन ला लडता देखीस। उनला मोसे कहीस, हे इसरायली सान्ती लक रव्ह भाउ तुमी दुई लोक भाऊ-भाऊ सेव तुमी एक दुसरो लड़के आपरो आपला काहे नुकसान पहुचानो चाव्हासेव।
ACT 7:27 पर वो मानूस जोन लड़त होतो मुसा ला धकाय के कहयो, तोला कोनना आमरो सासक अना अधिकारी बनाइसेस?
ACT 7:28 काल तुमी न वोना मिसरी मानूस ला मार दियत का वोको जसो मोला भी मार डाकनो चाहाव सेव?
ACT 7:29 मोसे ना जब यो आयकिस तो उ वहान लक पराय गयो अना मिधान देस मा परदेसी को रुप मा रव्हन लगीन वहान उनका दुई टूरा उत्पन भईन।
ACT 7:30 चालीस बरस बितन को बाद सीनय पहाड को जवर जगल मा एक बरतो हुया झाड़ी को स्तो को बीच मा वोको पुड़ा एक सरगदूत दिसयो।
ACT 7:31 यो चोयके मोसे भविस्यवक्ता अचंभा मा पड़ गयो, ता उ वोना झाड़ को जवर आयो, ता वोला पिरभू की या आवाज आइकू आई।
ACT 7:32 मी तुमरो पुरखागिन को परमेस्वर सेव मजे अबराहम, इसहाक अना याकूब को परमेस्वर सेऊ। मोसे डर को मारे काँप उठयो अना देखन की हिम्मत नही जुटा पाइस।
ACT 7:33 तबा पिरभू न वोको लक यो कहीस, पाय लक सेंडिल उतार अना जोन जघामा तू, उभो सेस वा पवीतर जघा से।
ACT 7:34 मी न मिसर देस मा आपरो लोकगिन को सग होवनवारा अत्याचार साजरो लक देख-परख करिसेऊ। अर उनला रड़त आयकासेऊ, अना मी वोको सूटकारा करन उतरी सेव अना मी तोला मिसर देस धाडासू।
ACT 7:35 यो वोच मोसे सेत, जोनला असो कहके नकारो गयो होतो तोला सासक अना अधिकारी कोन ना बनाइसेस? ये वोच से जोनला परमेस्वर न झाड़ी मा दरसन दियो होतो। वोचला परमेस्वर ना सासक अना मुक्ति देवन वालो को रुप मा धाडीस।
ACT 7:36 उ उनला मिसर को धरती अना लाल सागर, अना जगंल मा चालीस बरस तकन अचँभा को काम करातो हुया अना निसान दिखावत बाहेर हेड़िस।
ACT 7:37 यो उ मोसे भविस्यवक्ता से, जेना इसरायल गीन को सन्तान लक कहीस, परमेस्वर तुमरो भाऊ गीनमा लक तुमरो लाई मोरो जसो एक भविस्यवक्ता उभो करहेत।
ACT 7:38 यो उ वोचसे जोन जगंल परदेस मा पुरखा गिन, अना वोना सरगदूत को संग मौजुद होतो, जेनना सीनय पहाड़ मा उनको लक गोस्टी करयो होतो। यो च ना अमीला देवन काजी परमेस्वर लक जित्तो बचन भेटयो होतो।
ACT 7:39 पर आमरो सयना गीन न वोकी गोस्टी माननलाय मुकर कर देइन। इतरोच नही, उनना दिल लक मंग मिसर देस लवटनो चाहावत होतीन।
ACT 7:40 उनना हारून लक कहीन, जोन अमीला रस्ता चोवाय असी आमरो लाय देवता बना, जोन हमरो पुड़ा-पुड़ा चलेत काहेकि हमी नही जानासेजन का वोना मोसे भविस्यवक्ता को का भयो जोना हमला मिसर देस लक हेडके आनी होतीस।
ACT 7:41 वोना दिवस नाटा को मुरती बनाईस अना वोको पुड़ा चढ़ावा चघाईस अना अपरो हात की बनाई हुई मुरति लाई एक तिहार मनाईस।
ACT 7:42 तबा परमेस्वर वोको लक तोन्ड मुरकेट लियो, अना उनला बादल को तारागिनला मानन लाय छोड़ देईस, जसो का पवीतर गिरंथ मा लिखीयो से, इसरायल लोक गीन का तुमी लोक गीन न जंगल परदेस मा चालीस बरस तकन मोला जानवर चढ़ावा अना अन्न चढ़ावा नही चघायो होतो?
ACT 7:43 तुमी लोक ता मोलेक देवता को तम्बु को अना अपरो देवता रैफान को तारा अना उनना मुरती गीन को जिनला तुमरी पूजा लाई निमीत बनाईसेस अपरो भुजा पर उचालके ले गईस एको लाई मी तुमी लोक गीन को बेबीलोन को ओनागन हेड़ देहिन।
ACT 7:44 सही मा निरजन परदेस मा हमरा सायना गीन को जवर गवाही को तम्बु होतो परमेस्वर न मोसे भविस्यवक्ता ला ऐको बिसय मा यो हुकूम देईस का येला बनाव।
ACT 7:45 आमरो पुरखागिन ना वोला आन के तबच वहान लक आयो होतिन। तबा यहोसु को अगुवाई मा उन जाति गिन लक यो भूमी ले लियो होतो। जोनला आमरो आजा पुरखा को पूड़ा लक परमेस्वर ना हेड़ दीयो होतो। अना असोच दाऊद को बेरा तकन रहयो।
ACT 7:46 दाऊद ना परमेस्वर को दया को मजा उठायो, वोको मरजी होतो का याकूब को लोकगिन लाय एक मंदिर बना सके।
ACT 7:47 पर उ सुलेमान च होतो जोन वोको लाई एक मंदिर बनवायो।
ACT 7:48 “काही भी होय, सब लक मोठयो परमेस्वर हात लक बनायो घर मा नही रव्हसे। वा जसो की भविस्यवक्ता न सागिसेस।”
ACT 7:49 “पिरभू कव्होसे सरग मोरो राजगद्दी से, अना धरती पाय की पायदान से।” कवन परकार को घर मोरो लाई बनावजोस? कही कोनी असो जघा नाहती, जहान मी बिसराम पाहिन?
ACT 7:50 का या सबच चीज मोरो हात की बनाई नही?
ACT 7:51 अना स्तिफनुस अवर कव्हसे, तुमी कितरो हटिलो लोक सेव, तुम आपरो दिल लक परमेस्वर को हुकूम नही मानसो, अना आयको भी नही। तुमी आपरो पुरखागिन को जसो तमिना हरामेसा पवितर आतमा को बिरोध कियो सेत।
ACT 7:52 का कोनी असो भविस्यवक्ता या मानूस सेत, जोनला तुमरो पुरखा गिन ना नही तगांयो? अना उनना तो उनला भी मार डाख्यो, जोन ना परमेस्वर को नेक मानूस को आवन को मुनादि कियो होतो, अना वोना नक मानूस ला भी तुमी धरवा के मरवा डाखिसेव।
ACT 7:53 तुमी वोच सेव, “जोनना सरगदूत गीन लक दियो गयो मोसे को नियम तो पाय लियो पर वोनो मा नही चलयो सेव।”
ACT 7:54 जबा उनना एना गोस्टी ला आयकिन ता वय हिजड़ गईन, अना वोको पर दाँत पीसन लगीन।
ACT 7:55 पर पवीतर आतमा लक पूरो भरके स्तिफनुस सरग कन चोवत रहयो, वोना चोवयो का परमेस्वर की महिमा ला अना परमेस्वर को उजो कन उभो यीसु ला।
ACT 7:56 वोना कहीस आयको! मी चोवसू का सरग उघड़ो हुयो से अना मानूस को टूरा परमेस्वर को उज्जो कन उभो सेत।
ACT 7:57 एको मघा बेमरातो हुया उनना कान बंद कर लेईन, अना सप्पा को सप्पा वोको पर झपटिन।
ACT 7:58 वय वोला घसिट के नगर को बाहेर हेड़िन अना वोला गोटा मारन लगीन, तबच गवाह गिनना अपरा कपरा उतार के साऊल नाव को जुवान को पाय को जवर राख देईन।
ACT 7:59 स्तिफनुस पर गोटा मारत रहिन अना वय यो कहेके पिराथना करता रहेयो “हे पिरभू यीसु मोरि आतमा ला ले-ले।”
ACT 7:60 मंग टोगंरा टेके ऊँची आवाज लक हाकलीस हे पिरभू यो पाप उनको पर नोको लगावस “अना असो कहेके उ मर गयो।”
ACT 8:1 असो परकार स्तिफनुस को मारो जावनो मा साऊल भी सामिल होतो। वोनो दिवस येरुसलेम सहेर को कलीसिया पर मोठो उपदरा होवन लग्यो। पेरीतगिनला सोड़ सबा बिस्वासी गिन यहुदिया अना सामरिया छेतर मा गाँव-गाँव मा तितर-बितर भय गईन।
ACT 8:2 काही भक्त गीन ना स्तिफनुस ला मरघट्टी मा राखीन अना वोको लाई गजब रड़िन।
ACT 8:3 साऊल कलीसिया ला मिटकाय रव्हो होतो, अना घर-घर धसके मरद माना गीन ला अना आई-माई ला घसीट घसीटकर जेल मा डाकन लगयो।
ACT 8:4 जेव तितर-बितर भयो होतीन वय साजरो बारता आयकावत हिंडत होतीन।
ACT 8:5 अना फिलिप्पुस सामरिया नगर मा जायके लोक गीन मा मसीह को साजरो बारता पिरचार लगयो।
ACT 8:6 जबा फिलिप्पुस को गोस्टी ला लोकगीन न धियान धरके आयकिन, अना ओको अचरज को काम अना हिदान चोवयो, तबा वय एक चित भई के वोको काम मा धियान देइन।
ACT 8:7 लगत सा लोकगिन जोन मा भूत-पलित झोमयो होतो, वय बेमरात-बेमरात बाहेर हिटीन। अना लगत सा लकवा को बिमार अना लगड़ा-लुला भी चंगा होत होतिन।
ACT 8:8 अना वोना नगर मा मोठी खुसी छाय गई।
ACT 8:9 वोच नगर मा समौन नाव को एक मानूस होतो। उ जादु-टोना करत होतो। अना सामरिया को लोकगिन ला चकित करत होत्यो। उ अपरो आप मा एक मोठो मानूस होवन को दावा करत होतो।
ACT 8:10 नहानो लक मोठो तकन सबच वोको गोस्टी पर धियान देवत होतिन। अना कव्हत होतीन, यो मानूस मा परमेस्वर को वोच सक्ती सेत। जोन महान कहेलावसे।
ACT 8:11 काहेका वोना लगत दिवस लक उनला अपरी चमत्कार को चक्कर मा उलझायो राखयो होतो। एको लाई वय वोको पर धियान देवत होतिन।
ACT 8:12 पर उनना फिलिप्पुस पर बिस्वास करीन। काहेकि वोना उनला, परमेस्वर को राज को साजरो बारता अना यीसु मसीह को नाव आयकावत होतो, ता वय मरदमाना अना, आई-माई दुई बप्तिस्मा लेवन लगीन।
ACT 8:13 अना खुद समौन न भी भरोसा करीस। अना बप्तिस्मा लेवन को मघा फिलिप्पुस को संग करिब लक रव्हन लग्यो। उ मोठो हिदान अना अचरज भरो काम चोव के उ दंग भई गयो।
ACT 8:14 उतानी येरुसलेम सहेर मा जबा पेरीतगिन असो आयकीन का सामरिया को लोकगिन न परमेस्वर को गोस्टी मान लेईन। ता उनना पतरस अना योहन ला वोको जवर धाडीन।
ACT 8:15 जब वय समरिया पहुचिन ता उनना नहान को लोक गिन लाय पिराथना करीन का उनला पवीतर आतमा भेटे।
ACT 8:16 काहेकी वय अबा तकन उनमा लक कोनी पर नही उतरयो होतो, उनना ता केवल पिरभू यीसु को नाव मा बप्तिस्मा लेईस होतीन।
ACT 8:17 तबा उनना उनको पर हात राखीन अना पवीतर आतमा पाइन।
ACT 8:18 जबा समौन न देखीस का चेलागीन को हात राखन लक पवीतर आतमा भेटासे, ता उ उनको जवर रुपया आनके कहीस।
ACT 8:19 यो सक्ती मोला भी देव, ताकि जेनो कोनी पर हात राखु वोला पवीतर आतमा भेटे।
ACT 8:20 पतरस न वोको लक कहीस, तोरा रुपया तोरो संग सत्यानास भई जाय, काहेका तु न यो सोचयो, का तू धन लक परमेस्वर को दान ला खरीद सकसेत।
ACT 8:21 यो दान मा न तोरो हिस्सा सेत न कोनी सांझ-मांझ सेत। काहेकी तोरो बिचार परमेस्वर को पुड़ा सरको नाहती।
ACT 8:22 एकोलाई तु अपरी ऐना खोटो बिचार लक मन मुरका पिरभू लक पिराथना कर। हो सका सेत तोरो वा बिचार को लाय छिमा करयो जाहे।
ACT 8:23 काहेकी मी देखासू का तू पाप को बेड़ी मा जकड़ो हुया सेत। अना तोरो मन पित जसो कडू बीक सेत।
ACT 8:24 समौन, पतरस अना योहन ला जवाब देईस “तुमी मोरो लाई पिरभू लक पिराथना करो का जोन गोस्टी तुमी न कहयो, उनमा लक कोनी गोस्टी मोरो पर ना घटे।”
ACT 8:25 मंग पेरीतगिन आपरो गवाही देयके, अना पिरभू को गोस्टी आयकावाय के रस्ता की सामरी गाँवगिन मा साजरो बारता आयकावाता हुया चेताय के येरुसलेम को लवट के गईन।
ACT 8:26 पिरभू को एक सरगदूत न फिलिप्पुस ला कहीस “तैयार होय अना दक्सिन को रास्ता पर जाय जोन लक येरुसलेम लक गाजा मा जासे।” या एक सुनसान रास्ता से।
ACT 8:27 उ तैयार भयो अना चलन लगयो। वहाच एक कुस देस को खोजा होतो। उ कुस देस को रानी कन्दाके बाई को खाजाना को खाजांची होतो उ पिराथना करन को लाय यरुसलेम गयो होतो।
ACT 8:28 उ अबा लवट रहेयो होतो। उ अपरो रथ मा बसयो, भविस्यवक्ता यसायाह को गीरंथ वाचत होत्यो।
ACT 8:29 तबच फिलिप्पुस ला आतमा लक असो लगयो, “वोना जवर जाय अना वहाच ठहर”
ACT 8:30 फिलिप्पुस वोना खोजा को जवर परायके पहुचयो अना वोला पुसयो जोन भविस्यवक्ता यसायाह को गीरंथ ला वाचसे वोला तु का समझसे?
ACT 8:31 अधिकारी न जवाब देईस, मोला जबा तकन कोनी नही समझाय कसो समझ सकासू? वोना फिलिप्पुस लक बिनती करीस का वय रथ पर चघके वोको संग बस जाहे।
ACT 8:32 गिरंथ की जोन हिस्सा ला वा बाच रव्हो होतो उ यो होतो। वोला बली होवन वालो मेंढा को जसो लीजाय रहयो होतिन। वा तो वोना पाठी को जसो उगो-मुगो होतो, जोन आपरो ऊन कापन वालो को पुड़ा रव्हसे। ठीक वसोच ही वोना अपरो टोन्ड नही खोलीस।
ACT 8:33 वोकी दसा गरीब गोर को जसी होती वोको नियाव नही करियो गयो वोकी चरचा कोन करेहत? काहेका धरती लक वोको जिंदगानी हर लियो गयो।
ACT 8:34 तबा खोजे न गींरथ वोना हिस्सा ला हेडके फिलिप्पुस लक पुसीस अब अता मोला सांग यो गोस्टी भविस्यवक्ता कोन को बारे मा कव्हसेत, खुद को बारे मा का कोनी दुसरो को बारे मा?
ACT 8:35 तबा फिलिप्पुस न कव्हनो चालू करीस अना पवितर गिरंथ की एना कथा को आधार बनायके वोला यीसु को साजरो बारता आयकावाइस।
ACT 8:36 वय रास्ता मा जता-जता पानी जवर पहुचीन खोजे न कहीस यो पानी से अबा मोरो बप्तिस्मा मा का रुकावट से?
ACT 8:37 फिलिप न उतर देईस अदि तुमी पूरो आतमा लक बिस्वास करसेव ता कोनी रुकावट नही ऐको पर वोना कहीस मी बिस्वास करासेऊ का यीसु मसीह परमेस्वर को टूरा से।
ACT 8:38 तबा वोना रथ रोखन को हुकूम देईस तबा फिलिप्पुस अना खोजा दुई पानी मा उतरीन अना फिलिप्पुस न वोला बप्तिस्मा देईस।
ACT 8:39 जबा वय पानी लक बाहेर हिटीन त फिलिप्पुस ला पिरभू को आतमा कोनी जगह उचल लेगयो अना वोना खोजे न वोला मंग नही देखीस, अना उतानी खुसी को संग अपरो रास्ता पर चलीगयो।
ACT 8:40 इतानी फिलिप्पुस न अपरो आपला सदोद नगर मा पाईस। अना जबा तकन वय कैसरिया पहुचियो तब तकन सबच नगरगीन मा साजरो बारता को पीरचार करत-करत यातरा करत होत्यो।
ACT 9:1 साऊल अबा तकन पिरभू का चेला गीन ला मार डाकनो की धामकी देवत होतो, उ महान याजक को जवर जायके,
ACT 9:2 दमिस्क नगर की सभाघर गिन को नाव मा अधिकार पतर मांगीस जोन को अनुसार मा यदी कोनी यो मारग वालो भेटेत, चाहे वय मरदमाना होय अना आई-माई होय ला बांधके येरुसलेम नगर मा आनो।
ACT 9:3 जबा साऊल अना वोको संगी यातरा करत-करत दमिस्क नगर को जवर आइन, ता एकाएक बादर लक एक उजोडो चारीकन लक चमकयो।
ACT 9:4 वा जमीन मा पड़ गयो, अना वोना एक आवाज आयकू आई कोनी वोला कव्ह रव्हयो होत्यो। “साऊल, साऊल तु मोला काय लाई सतावासेस?”
ACT 9:5 साउल ना कहीस, “पिरभू तुमी कोन आव?” जवाब मिलयो “मी यीसु सेव मोला तु काय लाई तगावसे।
ACT 9:6 उभो होय अना सहेर मा जाय तोला जेव करनो से उ तोला सांगयो जाहे।”
ACT 9:7 वोको संग यातरा करन वारा अवाक रह गईन काहेकी उनना आवाज ता आईकिन पर उनला कोनी नही चोयो।
ACT 9:8 साऊल जमीन लक उभो भयो अना वोको डोरा उघड़ गयो पर वोला काही नही चोवत होतो, एकोलाई वय वोका हात धरके वोला दमिस्क सहेर ले गईन।
ACT 9:9 उ तीन दिवस तकन अँधरा रहेयो, अना वोना काही जेवन नही करयो।
ACT 9:10 दमिस्क नगर मा हनन्याह नाव को एक बिस्वासी रव्हत होतो, पिरभू न वोला दरसन देयके कहीस, हनन्याह! वोना उतर देईस “हव पिरभू”
ACT 9:11 पिरभू न वोला कहीस, अबा तू सिद्दो नाव को गल्ली मा जाय अना पता लगा, वहान यहूदा को घर मा तरतुस नगर को रव्हन वारा, साऊल नाव को एक मानूस यो बेरा पिराथना करासेत।
ACT 9:12 अना वोना दरसन मा चोविसेत का हनन्याह नाव को मानूस वोकोजवर आयके वोको वरता हात राख रहयो सेत, मंग उ चोवन लगयो।
ACT 9:13 हनन्याह न जवाब देईस हे पिरभू मी न एना मानूस को बारेमा मा लगत सा बुराई आयकिसेऊ, एना तोरो पवितर लोक गिनला येरुसलेम नगर मा कितरो तगाइसेत।
ACT 9:14 अना योभी का मुखिया याजक लक तोरो नाव मा सबच बिस्वास करन वालो लोक गिनला बंदी बनान को अधिकार लेके आइसेत।
ACT 9:15 पर पिरभू न वोला कहीस तु जाय, काहेकि यो मानूस ला गैरयहुदी अना राजागीन अखीन इसरायल गीनको पुड़ा मोरो नाव लेवन काजी मीना एला बेची सेऊ।
ACT 9:16 अना मी खुदच वोला सांगू। का मोरो नाव को लाय वोला कितरो दुख उचलनो पड़हेत।
ACT 9:17 तबा हनन्याह उभो होय के घर मा गयो, जहान साऊल होतो, अना भितर जायके अना साऊल पर अपरो हात रखके कहीस, अरे भाऊ साऊल जोन पिरभू यीसु ना यहान आवत बेरा, तोला रस्ता मा दरसन दियो होतो, वोनच मोला धाडीसेस, का तु दुबारा चोवन लगे, अना तू पवीतर आतमा लक पूरो भर जाय।
ACT 9:18 तबा वोच बेरा साऊल को डोरा लक कचरा जसो काही गिरयो, अना उ मंग देखन लगयो। मंग उचलके ओना बप्तिस्मा लेईस।
ACT 9:19 मंग जेवन करके ओना ताकत पाईस। मंगा उ कई दिवस तकन दमिस्क को बिस्वासी व गीन को संग रहेयो।
ACT 9:20 अना उ तुरन्त सभाघर मा यीसु को परचार करन लगयो, का उ परमेस्वर को टूरा से।
ACT 9:21 सबच आयकन वारा चकित भयि गइन, अना कव्हन लगीन का यो उ मानूस निहोय जोन बिस्वासी गिनला बंदी बनाकै येरुसलेम सहेर मोठयो याजक को जवर ले जान लाय आयो होतो? अना येरुसलेम मा भी बिस्वासी गिनला लगत तगाइसेस।
ACT 9:22 पर साऊल परचार मा अखिन ताकतवर होतो गयो। अना यीसु च मसीह से ऐना गोस्टी की सबुत देयके वोना दमिस्क सहेर को यहूदी गिनला उघो मुघो कर देइस।
ACT 9:23 लगत दिवस बितन को मघा, यहुदीगिन वोला जान लक मारन को पिलान करीन।
ACT 9:24 यो गोस्टी को साऊल ला पता चल गयो, का सहेर को बेसकुड़ मा लोकगिन मोला मारन को रात दिवस ताक मा सेत।
ACT 9:25 तबा बिस्वासी गिनना रात मा साऊल ला डलिया मा बसाय के सहेर को दिवाल को वोनागन उतार देइन।
ACT 9:26 जबा साऊल येरुसलेम पहुचीस, ता वोना चेला गीन को समूह मा मिलन को जानो को कोसिस कियो। पर वय सबच वोको लक डरात होतीन। काहेकी उनला यो भरोसा नही होतो का उ सहीमा बिस्वासी बन गयो सेत।
ACT 9:27 तबा बरनबास वोला चेलागीन को जवर ले गयो। अना सागीस का साऊल न रास्ता मा कसो पिरकार लक पिरभू को दरसन करीस, अना पिरभू न गोस्टी करीस। बरनबास न उनला यो भी सांगीस का कसो पिरकर साऊल ना दमिस्क नगर मा बेधड़क यीसु को पिरचार करीस।
ACT 9:28 ऐको बाद साऊल येरुसलेम मा प्रेरिगीन को संग आवन-जावन लगीस, अना बेधड़क पिरभू यीसु को नाव को बारे मा सागन लग्यो।
ACT 9:29 उ यूनानी भासा बोलनवारा यहूदि गीन लक गोस्टी अना बहस करत होतीन, पर वय लोक उनला मार डाकनो चाहव्त होतिन।
ACT 9:30 जबा बिस्वासी भाऊ बहिन गीन को ऐको पता चलयो ता वय साऊल कैसरिया जहाज घाट ले गईन। अना वहान लक तरसुस नगर ला भेज देइन।
ACT 9:31 असो परकार अबा सबरी यहुदिया गलील अना सामरिया छैत्र गीन को कलीसिया को बेरा सान्ती लक डर मा बितन लगयो। अना कलीसिया अखीन बनन लग्यो। अना पवीतर आतमा को बड़ावा मा जिंदगी बीतावन लगीन। अना कलिसिया गिनतीमा बड़न लगयो।
ACT 9:32 पतरस हर जगह हिंडता हुयो, एक दिवस लुद्दा नगर मा रव्हन वारा बिस्वासी गिनको यहान पहुचयो।
ACT 9:33 वहान वोला एनियास नाव को लकवा को रोगी एक मानूस मिल्यो। जोन 8 साल लक खाट मा पडयो होतो।
ACT 9:34 पतरस न वोला कहेयो “वो एनियास यीसु मसीह तोला साजरो करासे उठ अपरो बिछोना उचल।” तबा उ गदने उभो भयो।
ACT 9:35 तबा लुद्दा अना सारोन को सबच रव्हन वारा वोला चोयके पिरभू कन मुरकिन।
ACT 9:36 याफा नगर मा तबिता नाव को चेली रव्हत होति। जोनको यूनानी अनुवाद दोरकास मजे हिरनी सेत। वा हरामेसा आपरो बेरा साजरो काम अना दान धरम मा बितावत होती।
ACT 9:37 वोना बेरामा वा बिमार भई अना मर गई। उनना वोला आग खोराके वरता पाटन मा राख देईन।
ACT 9:38 लुद्दा नगर याफा सहेर को जवर सेत। चेलागीन ला पता चलयो का पतरस वहान से। तब वय दुई मानूस ला धाडके वोको लक बिनती करीन, की तु गदने यहान आव।
ACT 9:39 तबा पतरस वोच बेरा उनको संग चले गयो। जबा उ याफा नगर पहुचयो तबा लोकगीन वोला वरता पाटन पर ले गईन। उता सबा बेवागिन रड़त-रड़त आखा-पाखा आयके उभो भईन, अना जोन कुरता अना कपरा दोरकास ना उनको संग बनाई होति, वोला दिखावन लगीन।
ACT 9:40 पतरस ना सबला बाहेर काढ दियो। अखीन टोघरा टेकके पिराथना करन लगयो, अना एको मघा उ ओको लास कन मुरकके कहीस “तबिता उठ” अना वा डोरा उघाड देइस, अना पतरस ला चोवके जाग के बस गई।
ACT 9:41 पतरस ना हात धरके वोला उठायो, अना पवीतर लोक गीन अखीन बेवागिन ला हाकलके ओला जित्तो होवनो पर होस मा पुड़ा कर दियो।
ACT 9:42 याफा नगर मा यो गोस्टी फैल गई। अना गजब लोकगीन पिरभू यीसु को नाव पर भरोसा करीन।
ACT 9:43 पतरस याफा नगर मा एक चमड़ा को काम करनवारा मानूस को घरमा रहयो। वोको नाव समौन होतो।
ACT 10:1 कैसरिया मा कुरनेलियुस नाव को एक मानूस होतो। उ रोमन सौ सेना को नायक होतो।
ACT 10:2 अना वोका सबरी परिवार समेत, उ नेक आदमी अना परमेस्वर का भगत होतो। अना वय यहुदी गरीब लोकगीन ला लगत दान देत होत्यो। अना हरामेसा परमेस्वर की पिराथना मा लग्यो रव्हत होत्यो।
ACT 10:3 वोना एक दिवस दुफारी को लकभग 3 बजे दरसन मा यो सफा-सफा चोयो का परमेस्वर को सरगदूत वोको जवर आयके कहीस “कुरनेलियुस।”
ACT 10:4 कुरनेलियुस डरात हुयो सरगदुत को कना चोवतो बोलीस “ओय! पिरभू का से?” सरग दूत न जवाब देईस अपरी पिराथना अना अपरो दान परमेस्वर को पुड़ा पहुच गयो से; अना वोना तोरो हेत करिसेत।
ACT 10:5 तु अबा काही आदमी ला याफा नगर मा धाड़। अना समौन नाव को एक मानूस जो पतरस भी कहलावासे। वोला हाकल!
ACT 10:6 उ समौन, चमड़ा को काम करनवारा को घर मा पाहुना से जेनको घर सागर को कगरमा से।
ACT 10:7 जबा उ सरगदूत, वोको लक गोस्टी कर रहयो होत्यो चली गयो। ता करनेलियुस न दुई दासगीन अना एक नेक सैनिक ला हाकलीस।
ACT 10:8 अना उनना सबच गोस्टी समझायके याफा नगर धाडिस।
ACT 10:9 दुसरो दिवस जबा वय यातरा करत-करत नगर को जवर पहुचीन। ता दुफारी को बेरा जवर पतरस अटारी पर पिराथना करन चघयो।
ACT 10:10 तबच वोला भुख लगी अना काही जेवनो को मनसा होतो। उतानी सयपाक बन रहयो होतो। अना पतरस अचेत भय गयो।
ACT 10:11 अना पतरस आतमा लक दरसन देखीस का बादर खुल गई से, अना एक बरतन मोठयो चद्दर को जसो चारी कोन्टो लक लटकतो हुयो धरती कन उतर रव्हयो से।
ACT 10:12 जोनमा धरती का सबच पिरकार को चौपाए अना रेंगने वारा सरप डेडूर वारा जीव जन्तु अना बादर का पक्सी होतीन।
ACT 10:13 वोला एक असो आवाज आयकू देइस, हे पतरस उठ अना इन ला मारके अना खाय।
ACT 10:14 पर पतरस न कहीस पिरभू पक्को नही। काहेकि मी ना कोनी असुध्द चीज नही खाई सेउ।
ACT 10:15 मंग दुसरी बार वोला आवाज आयकू देईस, जोन कोनी परमेस्वर न पवीतर राखीसेस वोला तू असुध्द नोको कव्हजोस।
ACT 10:16 तीन बेरा असो भयो एको बाद उ चदर एकाएक बादर पर उचल लियो गयो।
ACT 10:17 जबा पतरस अपरो मन मा दुविधा मा होत्यो, का यो दरसन जोन मी न देखीसेऊ, उ का होय सकासे? ता चोवो! उ मानूस जेनला कुरनेलियुस न धाड़ियो होतो, समौन को घर को पता लगायके बेसकुड़ मा उभो भइन।
ACT 10:18 अना हाकलके पुसन लग्यो, का‍ समौन जोन पतरस कहलावसे, एनागन पाहुना से?
ACT 10:19 पतरस ता वोनो दरसन मा बिचारत होत्यो का आतमा न वोला कहीस, देख 3 मानूस तोरी खोज मा सेत।
ACT 10:20 चेत अना खाल्या जाय! अना बेखटका उनको संग जाय। काहेकी मीनच उनला धाडीसेऊ।
ACT 10:21 तबा पतरस न उतरके वय मानूस गीन लक कहीस, आयको जोन को खोज मा तुमी सेऊ, उ मी आँव, अता तुमरो आवन को कारन सांगो?
ACT 10:22 उनना कहिन सौ सेना दल को नायक करनेलियुस जोन परमेस्वर ला मानासेत उ एक नेक मानूस से। अना सबच यहुदी गिन वोको आदर करासेत। वोना एक पवीतर सरगदूत लक यो हुकूम पाईसेस, का तोला अपरो घर बुलायके तोरो लक गोस्टी आयके।
ACT 10:23 तबा पतरस उनला भितर हाकलिस रात मा ठहरनो को जघा दियो। अना रात बिताइस अना आवनो वालो दिवस मा तैयार भयके उ उनको संगा चली गयो। अना काही बिस्वासी याफा लक ओको संगा गयीन।
ACT 10:24 वय दुसरो दिवस कैसरिया पहुचिन, करनेलियुस आपरो घराना अना रिस्तेदार समेत उनको रस्ता चोय रहयो होतो।
ACT 10:25 जबा पतरस अंदर आय रव्हो होतो ता कुरनेलियुस न उनको लक मिल्यो वोको पाय पड़िस।
ACT 10:26 पर पतरस न वोला उठायके कहीस “उभो होय मी भी ता मानूस सेव।”
ACT 10:27 अना वोको संग गोस्टी करतो हुयो अंदर गयो, अना लगत सा लोक गीन ला इक्कठो पाय के।
ACT 10:28 वोना कहीस, तुमी जानासेव का गैरयहुदी की संगति करनो अना उनको घरमा जावनो एक यहुदी लाय मनायी सेत। पर परमेस्वर न मोला कहिसेस, का कोनी मानूस को अपवितर या असुध्द नही कव्हनो चहिये।
ACT 10:29 एको लाई मी, तुमरो नेवता पर आईसेऊ। अबा मी तुमरो लक पुसा सेऊ? तुमिना काहे बुलाई सेव?
ACT 10:30 कुरनेलियुस न कहीस, चार दिवस पयले योच बेरा मा अपरो घर मा 3 बजे को पिराथना कर रहयो होतो। तबा मी चकमक झंगा घाल्यो एक मानूस ला मोरो पुड़ा उभो चोवयो।
ACT 10:31 अना उ मोला कव्हन लग्यो हे कुरनेलियुस तोरी पिराथना आयक ली गईसे अना दुखी गरिब ला दियो दान परमेस्वर को पुड़ा हेत कियो गयोसेत।
ACT 10:32 एकोलाई कोनी ला याफा नगर धाडके समौन जोन पतरस कहलावसे हाकल, उ समुदर को जवर समौन चमड़ा को काम करनवारा को घर मा पाहुना सेत।
ACT 10:33 तबा मि गदने तोरो जवर लोकगीन ला धाडयो अना तु यहान आवन को किरपा करके न साजरो करीसेस। ता अबा परमेस्वर ना जोन कही हुकूम दियो सेत अमीला सांग, वोना सारो गोस्टी आयकन काजी अमी सब यहान सेत।
ACT 10:34 तबा पतरस न कहीस, अबा मोला यो खराई लक मालुम भयो का, परमेस्वर कोनी मानूस को पक्स नही करासे।
ACT 10:35 हरेक मानूस कोनी भी जात को सेत, जोन परमेस्वर को भेव करासेत, अना नेक काम करासेत, परमेस्वर वोला अपनावसे।
ACT 10:36 यीसु मसीहा को लक धाड़यो गयो सान्ती को खबर ला तुम्ही जानासेव। जोन साजरा बारता को मुनादी करतो हुया इजराइल को लोक गिनला आयकवायो होतो का उ सबको परमेस्वर सेत।
ACT 10:37 तुमी वोना महान घटना ला जानासेव, जोन यहुदिया मा घटो होतो, यो गलील लक सुरु भयो, अना योहन लक बप्तिस्मा दियो जावनो को मघा ले जोनको पिरचार कियो वयो होतो।
ACT 10:38 तुमी नासरत को यीसु ला जानासेव, का परमेस्वर ना निवाड़ी सेत अखिन ओला पवीतर आतमा अना ताकत देइस। अना उ साजरो काम करतो हुया, अना जोन सैतान को बन्धन मा होतिन उनला सोड़ाय के सब रोग ला साजरा करत हिंडत होतो अना परमेस्वर वोको संग होतो।
ACT 10:39 हमी सबच ओनो गोस्टीहुन को गवाह सेजन। जोन काम ओना यहूदी को देस अना येरुसलेम मा कियोसेस, अना वोच नासरत नगर को यीसु ला उनना कूरूस पर टँगाय के मार डाकीसेत।
ACT 10:40 ओच यीसुला परमेस्वर ना तीसरो दिवस मरयो मा लक जित्तो करीस। अना वोला अमी चोवयो सेजन।
ACT 10:41 सबच लोकगीन को पुड़ा नही, पर बस उन गवाह को पुड़ा जोनला परमेस्वर ना पयले लक बेच लेई होतो। मजे आमरो पुड़ा अ जिनना मरयो हुयो मा ओको जित्तो होवन को मंघा ओको सँग पियो अना जेवन कियो।
ACT 10:42 वोनच अमिला हुकूम देईस, की लोकगीन मा साजरा बारता आयकावायके सबुत देयजन का यो वोच से जेनला परमेस्वर ना जित्तो होवनो अना मरयो हुयो को न्याय करन वालो ठैयरायो सेत।
ACT 10:43 सबच भविस्यवक्ता गीन वोको गवाही देई सेत, का वोको पर भरोसा करन वारा हरेक मानूस, वोको नाव लक पाप की छिमा पावा सेत।
ACT 10:44 पतरस एना गोस्टी ला कहेच रहेयो होतो, का पवीतर आतमा गोस्टी को सबच आयकन वारा पर उतर आयो।
ACT 10:45 पवितर आतमा को बरदान गैर यहुदी पर उतरता चोव के पतरस को सग आयो यहुदी गिन चकित भई गइन।
ACT 10:46 काहेकी उनला किसम-किसम बोली बोलता अना परमेस्वर की महिमा बडाई करता आयकिन। एको पर पतरस न कहीस,
ACT 10:47 “का कोनी इन लोखहुन ला पानी ला रोक सकसे, का यो बप्तिस्मा न पाहे?” जिनला हमरो जसो पवितर आतमा भेटयो सेत?
ACT 10:48 असो परकार लक पतरस ना उनला हुकूम देईस, का वय पानी मा यीसु मसीह को नाव लक बपतिस्मा लेय। तबा उनना वोको लक कहिन, अवर काही दिवस आमरो संग रव्ह।
ACT 11:1 पुरो यहुदिया मा पेरीतगिन अना बिस्वासि गिनला मालुम भयो का गैर यहुदीगिन ना परमेस्वर को बचन मान लियो सेत।
ACT 11:2 ता जबा पतरस येरुसलेम पहुचयो ता जोन बिस्वासी खतना को पक्समा होतिन, वोला बुरो कव्हन लगीन।
ACT 11:3 वय कव्हन लगीन “का तू गैर यहुदी को घरमा गयो अना तू ना उनको संग जेवन करीसेस।”
ACT 11:4 एतरो पर पतरस ना सहीमा सुरुवात लक जोन काही घटयो होतो उनला आयकुवान अना समझान लगयो।
ACT 11:5 का मी याफा नगर मा पिराथना करत होतो। अना बेसुद होयके असो दरसन चोविसेऊ का एक मोठयो चद्दर को जसो एक भांडो होती अना उ चारो छोर लक लटको भूईमा आयी।
ACT 11:6 मी ना वोला साजरा लक चोवयो, वोमा धरती को चार पाय वारा जनावर, अना रेंगन वारा जीव, अना उड़न वारा सब पक्सी चोइस।
ACT 11:7 अना असो अवाज आयो, ओ पतरस! उठ अना मार, अखीन जेव।
ACT 11:8 पर मीना कव्हयो: पिरभू सहि मा पक्को नही काहेकि मी बेकार अना असुध्द जेवन को चीज मोरो टोंड मा कबच नही डाकयो।
ACT 11:9 एको जवाब मा दुसरी वानी मंग बादर मा लक आयकु आई। परमेस्वर ना जोन चीज ला मी सुध्द पवीतर ठहराई सेउ वोला तू असुध्द नोको कव्ह।
ACT 11:10 तीन बेरा असोच भयो मंग सबच चीज सरग बादर मा वरता खीच लेईन।
ACT 11:11 यो याफा को तीन भाऊ मोरो संगा कैसरिया तकन साथमा होतीन। जोन घर मा हमी ठहराया होता।
ACT 11:12 तबा पवीतर आतमा न मोला उनको संग बिना-संका लक जावन लाई कहीस, अना ये छह भाऊ भी मोरो संग भय गईन, अना हमी वोना मानूस को घर गया।
ACT 11:13 वोना हमला सागीस का वोना एक सरगदूत ला अपरो घर मा उभो देखीस जेना वोला कहीस याफा मा मानूस ला धाडके समौन को जोन पतरस कहेलावासे हाकल लेव।
ACT 11:14 उ तुमरो लक या गोस्टी कहे, का जोको लक तु अना तोरो सप्पा खानदान सूटकारा पाय जाहे।
ACT 11:15 जबा मी गोस्टी करन लग्यो ता पवीतर आतमा उनको पर वोनच रीती लक उतरयो, जेना रीती लक सुरु मा हमरो पर उतरी होती।
ACT 11:16 तबा मोला पिरभू को उ गोस्टी आयकू आयो जोन वोना कही होतीस। योहन ना ता पानी लक बप्तिस्मा देयो होतो, पर तुमी पवीतर आतमा लक बप्तिस्मा पाहो।
ACT 11:17 जबा परमेस्वर न उनला भी उ दान देईस जोन हमीला पिरभू यीसु मसीह पर भरोसा करन लक मिलयो होतो ता मी कोन होतो जोन परमेस्वर ला रोक सकासेव?
ACT 11:18 यो आयक के उगा-मुगा रहीन अना परमेस्वर की बड़ाई करके कव्हन लगीइन “तबा ता परमेस्वर न गैरयहुदी लोकगीन को जीवन को लाई मन को पस्तावा को दान देईसेस।”
ACT 11:19 स्तिफनुस को कारन लक कलीसिया को लोकगीन ला सब लोकगीन गजब तंग करन लगीन। यो दुख को मार लक कलीसिया को लोकगीन इता-उता पराय गइन। अना हिंडत-हिंडत फीनीके अना साइप्रस अखीन अन्ताकिया नगर मा गइन, पर यहूदी लोकगीन ला छोड़ अना कोनी ला साजरा बारता नही आयकु आई होतिन।
ACT 11:20 पर उनमा लक कितरो साइप्रस को रव्होन वारा गैरयहूदी अखीन कुरेनी को बिस्वासी होतिन। जोन अन्ताकिया नगर मा आयके पिरभू यीसु को साजरो बारता आयकु आय लगीन।
ACT 11:21 अना पिरभू को ताकत उनको वरता होती। अखीन गजब लोक गीन भरोसा करके पिरभू को मानन वारा बन गईन।
ACT 11:22 तबा उनको चरचा येरुसलेम नगर को कलीसिया मा आयकु आयी, अना उनना बरनबास ला अन्ताकिया नगर धाडीन।
ACT 11:23 उ उता जायके अना परमेस्वर को दया चोवके खुसी लक भर गयो; अना सबला सिक्सा देइस, का देह-मन लक पिरभू लक लिपटो अना बिनती करत रव्हो।
ACT 11:24 कायका उ साजरो मानूस होतो, अना पवीतर आतमा अखीन भरोसा मा “लबा लब भरो होतो।” अना दुसरो लगत सा लोकगीन पिरभू मा मिल गईन।
ACT 11:25 तबा उ साऊल ला ढुढन को लाय तरसुस नगर ला चले गईस।
ACT 11:26 अना जबा उ वोको लक मिल्यो, तो वोला अन्ताकिया नगर आनीस। अना वय एक साल लक किराया को खोली मा कलीसिया को सँग मिलतो जुलतो अखीन गजब लोकगीन ला सिक्सा देवत रहयो। अना चेला गीन सब लक पयले अन्ताकिया नगर मा मसीह कहलाइन।
ACT 11:27 वोना दिवस मा लगत भविस्यवक्ता गीन येरुसलेम नगर लक अन्ताकिया नगर आइन।
ACT 11:28 उनमा लक अगबुस नाव को एक ना उभो होयके पवितर आतमा को डाख्यो गयो बिचार को अनुसार कव्हन लग्यो का सारो जगत मा गजब गिरानी पडहेत। उ गिरानी राजा क्लौदियुस को बेरा मा पडयो होतो।
ACT 11:29 तबा चेला गीन ना बिचार करीन का हरेक आपरो पूंजी को लक यहुदिया को भाऊ गीन को सेवा लाई काही धाडे।
ACT 11:30 अना उनना असोच करीन; अखीन बरनबास अना साऊल को हात मोठो पुरनियो को जवर काही पैसा धाड देइन।
ACT 12:1 एना बेरा राजा हेरोदेस न कलीसिया का काही मानूस गीन ला परेसान करन लाई उनको पर हात डाकिन।
ACT 12:2 उनना योहन को भाऊ याकूब की तलवार लक मारवय डाकिन।
ACT 12:3 जबा वोना देखीस का यहूदी ऐना गोस्टी लक खुसी भयो, ता वोना पतरस ला भी धरनो को सोचीस। यो सादो भाकर को तिहार होत्यो।
ACT 12:4 अना वोला धरके जेल मा डाक देईन, अना चार-चार सिपाई गीन को चार दल को पहरा मा एकोलाय राखीन का बलिदान तिहार को मंग, वोला बाहेर लोक गीन को पुढ़ा आनेत।
ACT 12:5 पतरस ला जेल मा बेंड देईन पर कलीसिया वोको लाई परमेस्वर लक लवलीन भयके पिराथना कर रही होतीन।
ACT 12:6 जेनो रात मा हेरोदेस वोला बाहेर आनन वालो होत्यो पतरस ला दूई हतकड़ी लक बांध देईन। जेल को चौकीदार बेसकुड़ मा जेल की देख-रेख करत होतीन।
ACT 12:7 अना पिरभू को एक सरगदूत एकाएक परगट भयो अना वोच जेल को खोली मा उजाडो भयो, अना ओना पतरस को पसली पर हात मारके ओला जगाईस अना साँगीस, “सटाकनेरी उभो होय!” अना वोको हात लक हतकड़ी पड़ गईन।
ACT 12:8 तबा सरगदूत न वोला साँगीस, “तु कमर बाँध, जुता कपरा पहर वोना वसोच कर लेईस, मंगा सरगदुत वोला साँगीस का मोरा मंघा आव।”
ACT 12:9 उ बाहेर हिटके अना वोको मंघा-मंघा चलतो गयो पर वोकी समझ मा यो नही आय रहयो होतो, का जोन काही सरगदूत कर रहीसे उ खरो मा से! पर वोना सोचीस का मी कोनी सपना चोय रहीसेऊ।
ACT 12:10 अना जबा वय रात को पहलो पहेर अना रात को दुसरो पहेर लक हिटके लोहा गीन को बेसकुड़ मा आइन जोन नगर कन होतो। वा बेसकुड़ उनको लाई अपरो आप उघड गयो, वय बाहेर हिटके एक गली मा लक चली गईन। तबा सटाकने सरगदूत वोला छोडके चली गयो।
ACT 12:11 जबा पतरस ला होस आयी तबा वोना कहीस अबा मी खरो खर मा जान गईसेऊ का पिरभू न अपरो सरगदूत धाडके मोला हेरोदेस को हात लक सूटकारा देइसेस अना यहूदी गीन की सारी आसा तोड़ देईस।
ACT 12:12 यो जानके उ ओना योहन की माय मरियम को घर आयो, जो मरकुस कहलावासे। वहान लगत लोक एकठ्ठो भयके पिराथना कर रही होतीन।
ACT 12:13 जबा ओने किवाड़ ला खटखटाइस, तबा रूदे नाव की बायको जवाब देवन आयी।
ACT 12:14 जबा ओना पतरस की आवाज ला चिन्हिस त खुसी को मारे किवाड़ खोलयो बगैर परायके भीतर गयी। अना सांगीस का पतरस फटका मा उभो से।
ACT 12:15 उनना ओकोलक कहीस, “तु बावरो सेस।” पर वा हिम्मत लक बोलत रही ऐतरो पर ओना सांगीस उ सरगदुत होहे। ऐतरो पर भी पतरस बाहेर किवाड़ को जघा खटखटातो रव्हो। हिम्मत लक कहीस का असोच से।
ACT 12:16 पर पतरस खटखटातो रहयो। जबा उनना किवाड़ खोलिन ता वय ओला दिसके चकित रव्ह गईन।
ACT 12:17 तबा ओने उनला चुप्पी रव्हन लाई हात लक ईसारा करयो, अना साँगीस का पिरभू ना कोन रिति लक मोला बन्दीघर लक बाहेर हेड़ीसेस, मंग उनलक कहीस, “याकूब अना अखिन भाऊ गीन ला यो खबर देव।” तबा उ वहान लक हिटके कोनी दुजो जघा ला चली गयो।
ACT 12:18 सक्कारी होतच सिपाही मा मोठी खलबली मच गईन का पतरस ला काजक भय गयो।
ACT 12:19 हेरोदेस न जबा वोकी मोठी जाँच करीस अना उ नही मिलयो ता वोना देख-रेख करन वारा गीन लक पुछ ताछ करीन की हुकूम देईस की उनला लीजायके मार डाको अना पतरस यहुदिया लक कैसरिया मा जायके रव्हन लगीस।
ACT 12:20 उ सूर अना सैदा को लोक गीन लक लगत गुस्सा मा होत्यो। वय एक मेल होयके वोको जवर आयो। अना राजभवन को मुखिया बलास्तुस को मनायके मेल करनो चाहिन, काहेकी राजा को देस लक उनको देस को पालन-पोसन होत होतो।
ACT 12:21 ठैरायो दिवस आय गयो अना हेरोदेस राज घराना का कपरा पहेर के, नियाव आसन पर बसयो अना उनना गोस्टी आयकावीस।
ACT 12:22 अना लोक गीन ला हाकलता रव्हयो “या ता मानूस की नही परमेस्वर की आवाज से।”
ACT 12:23 गदने सरगदूत न वोला मार डाकीस, काहेकी वोना परमेस्वर पिरभू की महिमा नही देईस वोको बदन मा कीड़ा पड़ गईन अना वोना दम तोड देईस।
ACT 12:24 पर परमेस्वर को गोस्टी बड़तो गयो अना फैलतो गयो।
ACT 12:25 बरनबास अना साऊल जबा अपरो सेवा काम पूरो करके ता येरुसलेम लक लवटीन अना अपरो संग योहन ला भी जोन मरकुस कहेलावसे आनीन।
ACT 13:1 अन्ताकिया की कलीसिया मा लगतसा भविस्यवक्ता अना गुरूजी होत्यो, जसो बरनबास अना समौन जोन निगर मजे कालु कहेलावसे लूकियुस, कुरेनी, मनाहेम जेनको पालन-पोसन चौथाई देस को राजा हेरोदेस को संग भयो होतो। अना साऊल।
ACT 13:2 जबा वय उपवास अना पिरभू की उपासना कर रहेयो होतो, ता पवीतर आतमा न कहीस “मोरो लाई बरनबास अना साऊल ला वोनो काम लाई अलग करो जेनको लाई मीना उनला हाकली सेऊ।”
ACT 13:3 जबा वय उपवास अना पिराथना कर चुकीन, ता उनको पर हात राखके उनला धाडीन।
ACT 13:4 अना पवीतर आतमा लक धाडके उ सिलूकिया गयो अना वहान लक जहाज लक साइप्रस गईन।
ACT 13:5 सलमीस पहुचके उनना यहूदी गीन को सभाघर मा परमेस्वर को गोस्टी को पिरचार करनो चालू करीन, योहन उनको सायता करत होत्यो।
ACT 13:6 जबा वय सप्पा टापु मा लक होता हुया पाफुस पहुचीन ता उनला बार-यीसु नाव को एक जादूगर मिलयो, जोन यहुदिया को खोटो भविस्यवक्ता होत्यो।
ACT 13:7 उ दिप को राजपाल सिरगियुस पौलुस को संगी होत्यो, जोन गियानी मानूस होतो। राज पाल ना उनको पुड़ा बरनबास अना साऊल ला हाकलके परमेस्वर की गोस्टी आयकनो चव्हत होतो।
ACT 13:8 पर इलीमास जोतिस बिद्या वारा वोको नाव को योच मतलब से। उनको बिरोध करके राजपाल को भरोसा करनो लक अडंगा डाकिस।
ACT 13:9 पर साऊल न जोन पौलुस भी कहलावसे, पवीतर आतमा लक भरपुर भय, ओको कन ध्यान लक चोयके कहीस,
ACT 13:10 सप्पा छल अना चलाकी लक भरयो हे बालजबूल की सन्तान, तु जो सब धरमिपन को दुस्मन सेस। तु पिरभू को सरको रास्ता ला तिरछो करनो नही छोडजोस?
ACT 13:11 अबा देख, पिरभू को नियाव तोरो पर पडयोसे अना तु अँधरा भई जाजोस, अना काही बेरा सुरज नही देखजोस। तबा गदने ओको पर धुधरोपन अना इँधारो छाय गयो, अना उ इता-उता टटोलन लगयो, की कोनी ओला रास्ता दिखाएत।
ACT 13:12 तबा राज अधिकारी ना यो घटना ला देखके अना पिरभू को गोस्टी ला अचँभित करके भरोसा करीन।
ACT 13:13 पौलुस अना ओको सँगी पानी रास्ता लक होयके पाफुस लक पंफलिया को पिरगा मा आइन। अना योहन उनला सोड़के येरुसलेम लवट गयो।
ACT 13:14 वय पिरगा लक चलिन, अना पिसदिया को अन्ताकिया मा पहुचीन अना पवीतर दिवस मा सभाघर मा जायके बस गईन।
ACT 13:15 मोसे को नियम अना भविस्यवक्ता को किताब मा लक गोस्टी बाचन को मघा सभाघर को मुखिया गीन न उनको जवर साँगके धाडीस, भाऊ यदि तुमरो जवर लोक गीन को सान्ती लाई कोनी गोस्टी से तो आयकावो।
ACT 13:16 तबा पौलुस उभो अना हात लक उनला उगो-मुगो रहवन को ईसारा करन लगयो, इसरायली भाऊ गीन अना परमेस्वर को भगत अखीन सज्जगीन आयको।
ACT 13:17 इसरायल जनता ला परमेस्वर न हमरो सयनागीन ला बेचयो सेस उनला मिसर देस मा जावन को बेरा मोठो बनाइ होतीस, अना वहान लक अपरो ताकत लक हेडीस।
ACT 13:18 उ कोनी चालीस बरस तकन जंगल मा उनको सव्हतो रहयो,
ACT 13:19 अना कनान देस मा सात जात ला नास करके उनको देस, कोनी साढ़े चार सौ बरस को लाय वारसाना हक मा कर देईस।
ACT 13:20 एको बाद वोना समूएल भविस्यवक्ता गीन तकन उनमा न्याय करन वालो ठहराईसेस।
ACT 13:21 मंग उनना एक राजा मांगीन तबा परमेस्वर न चालीस बरस को लाई बिन्यामीन को खानदान लक एक मानूस अना कीस को टूरा साऊल को उन पर राजा ठहराईसेस।
ACT 13:22 मंग वोला अलग करके दाऊद को नाव राजा बनयो, जेनको बारे मा वोना गवाही देईस मोला एक मानूस यिसै को टूरा दाऊद, मोरो मन को जसो मिल गयो, उ मोरी इक्सा पूरी करेहेत।
ACT 13:23 ऐना खानदान मा लक परमेस्वर न अपरी परन को जसो इसरायल लोक को जवर एक पाप मोचक यीसु ला धाडिस।
ACT 13:24 जेनको आवन लक पहेल योहन न सबरी इसरायल गीन को सबच लोकगीन मा मन पस्तावा का बप्तिस्मा देवन वालो को पिरचार कर रहयो होत्यो।
ACT 13:25 जबा योहन अपरी बेरा पूरो करनो पर होतो ता उ कव्हत होत्यो, तुमी मोला का समझसेव? मी उ नही सेव पर देखो मंग मोरो एक आवन वालो से जेनको पाय की जूता को बन्ध (कसा) भी मी खोलन को बराबर नही सेव।
ACT 13:26 अरे भगत भाऊ अबराहम की आवलाद अना तुमी मा जोन परमेस्वर को डर मानासे हमरो लाई यो सूटकारा को आवाज धाडीसेस।
ACT 13:27 येरुसलेम को रव्हन वारा अना उनको मुखिया गीन न यीसु ला नहि चिन्हयो, अना वोला पापी ठहराय दियो। असो परकार लक उनना भविस्यवक्ता गीन की गोस्टी ला पुरो करियो। जेनला हर पवीतर दिवस मा बाचयो जावासेत।
ACT 13:28 मंग उनला वोला मार डाकन लाय कोनी कारन नही भटयो। मंग उनना पीलातुस लक माँग करीन का उ मार डाकयो जाय।
ACT 13:29 “वोको बारेमा लिखी हुई सबरी गोस्टी पूरी कर लेवन को मघा उनना वोला कूरूस पर लक उतारके मरघट्टी मा राख देईन।”
ACT 13:30 पर परमेस्वर न वोला मरयो मा लक जित्तो करीस।
ACT 13:31 मंग लगत दिवस तकन उ उनला चोवतो रहयो। जोन गलील लक येरुसलेम नगर तकन वोको संग होतीन। अना वोच इसरायल लोकगीन को पुड़ा खरो गवाह से।
ACT 13:32 हमी वोच साजरो बारता आयकाव सेत। जोन परन आमरो पुरखागीन लक करी गई होती।
ACT 13:33 यीसु को मर जावन को मघा वोला दुबारा जित्तो करके उनको सन्तान गिन को लाय परमेस्वर ना वाच वायदा ला हमरो लाई पूरी करयो। जसो की भजन मा लिख्यो से, “तु मोरो टूरा आस, आज मीना तोला जलमायो सेउ।”
ACT 13:34 परमेस्वर ना वोला मरयो हुयो मा लक जित्तो करीस, अबा उ कबच नही सड़हेत। यो गोस्टी को सबूत मा परमेस्वर ना असो बचन कहीस “मी दाऊद की पवीतर अना अटल किरपा तोला देहू।”
ACT 13:35 एको लाई उ एक अवर भजन मा असो कव्हसे, तु अपरो पवीतर जन ला नही सड़न देजोस।
ACT 13:36 दाऊद अपरो बेरा मा परमेस्वर को मरजी को अनुसार अपरो सेवा पूरी करके झोफ गयो। वोला अपरा पुरखागीन को संग मरघट्टी मा गड़ा देइन अना वो लास नास हो गयो।
ACT 13:37 पर जेनला परमेस्वर न मरयो मा लक जित्तो करीस उ नास नही भयो।
ACT 13:38 एकोलाई अरे सबा यिसरायली भाऊगीन तुमी यो जान लेव, यीसुच लक पाप छिमा को उपदेस तुमला दियो गयो सेत।
ACT 13:39 अना येकोच लक हरेक जोन बिस्वासी सेत। उ पापगिन लक सूटकारा पा सकासेत। जोन लक तुमीला मोसे को नियम नही दिला सकासेत।
ACT 13:40 एको लाई होसियार रव्हो, कही भविस्यवक्ता गीनको कव्हयो तुमरो पर नोको घट जाय।
ACT 13:41 निन्दा करन वारा देखो अना चकीत हुओ, अना मिट जाव काहेकी जोन आज मी करासु। वोला कोनी खुला देय तबा भी वोको मा “तुमी ला भरोसा नही होहेत।”
ACT 13:42 जबा पौलुस अना बरनाबास बाहेर जान लगीन ता लोकगीन न उनको लक बिनती करीन का आवनवालो पवीतर दिवस या गोस्टी उनला मंग लक आयकायो जाय।
ACT 13:43 जबा सभा को खतम भयो, ता लगत सा यहुदी गैरयहूदी नेक लोक गिनना पौलुस अना बरनबास को गोस्टी मान लेइन। अखिन वय उनलक लगत गोस्टी करीन। अना कहिन का तुमी परमेस्वर को दया जिंदगी बिताव।
ACT 13:44 अगलो पवीतर दिवस ला, पिरभू को गोस्टी आयकन लाई नगर को सब लोक गीन जमा भईन।
ACT 13:45 तबा यहूदी गीन ना भीड़ ला देखीन, ता वय जलन करन लगीन। अना पौलुस जो कव्हत होतो वोको निन्दा करीन।
ACT 13:46 तबा पौलुस अना बरनबास न हिम्मत लक कहीन, “यो तय होतो का परमेस्वर को गोस्टी पुड़ा तुमला आयकायो जाय, पर जबा तुमी वोला नही मानयत अना अपरो आपला ला अमर जीवन को काबिल नही ठैयराय सेव, ता देखो हमी गैर यहुदी कन जाबिन।”
ACT 13:47 काहेकी पिरभू न हमला यो हुकूम देई होतीस। का मीना तुमला गैर यहुदी गीन को लाई उजाडो ठयराई सेऊ, तुमी धरती को छोर तकन सूटकारा लेके जाव।
ACT 13:48 जबा गैरयहुदी गीन असो आयकिन ता खुस भय गईन। अना उनना पिरभु को बचन को सतकार करीन। मंग लगत लोक गिन बिस्वासी बनके आपरो लाय अमर जीवन पिक्को कर लेइन।
ACT 13:49 अना पिरभू को गोस्टी पूरो देस मा फैलतो चली गयो।
ACT 13:50 उतानी यहूदी गिन न उचो कुल को भकती करन वाली आई-माई गिन अना नगर का मुखिया मानूस गीन ला भड़कायके पौलुस अना बरनबास को बिरोध मा उपदरा करवायके उन पर दबाव बनायके अपरी सिवमेड़ लक बाहेर हेडदेईन।
ACT 13:51 तबा पौलुस अना बरनबास ना अपरो पाय की बारु झड़ायके इकुनियुम नगर मा चली गईन।
ACT 13:52 अन्ताकिया को बिस्वासी पवीतर आतमा लक भरपुर भई गइन।
ACT 14:1 ठीक असो परकार की घटना इकुनियुम मा घटी। पौलुस अना बरनबास यहूदी गीन को सभाघर मा गईन। अना उनना असो गोस्टी करीन का, यहूदिगीन अना गैरयहुदी गीन दुई लक लगत लोकगीन, बिस्वास करीन।
ACT 14:2 पर वय यहूदी अना गैर यहुदीगीन जोन बिस्वास नही करया होतिन। वय हड़कम्प मचाइन अना बिस्वासी गिन को बिरोध भई गईन।
ACT 14:3 पौलुस अना बरनबास लगत दिवस तकन रहयो। उनना पिरभू को बारेमा बेधड़क बताइन। उनको हात लक हिदान, अना अचँभा काम होत होतो। अना उनना यो साबीत कर दियो का यो सन्देसा उन पर होवन वारा किरपा को बारे मा सेत।
ACT 14:4 पर नगर का लोक गीन मा दरार पड़ गई जेनको लक कोनी, ता यहूदी गीन को पक्स मा अना कोनी चेलागीन को पक्स मा भय गईन।
ACT 14:5 पर जबा गैरयहुदी अना यहूदी गीन न अपरो मुखिया, गीन को संग मिलके उनको संग बुरो बरताव करके अना उनला, गोटा मारन को कोसिस मा होतिन
ACT 14:6 उनला यो गोस्टी मालुम भई। तबा वय लुकाउनिया, लुस्तरा अना दिरबे नगर को अगल-बगल छेतर मा पराय गईन।
ACT 14:7 अना वहान साजरो बारता आयकावत होतीन।
ACT 14:8 लुस्तरा मा एक अपंग मानूस होतो जोन उपजन लक लगड़ो होतो। अखिन कभीच रिगंयो नही होतो।
ACT 14:9 उ वहान बस्यो होतो। अना उ पौलुस की गोस्टी लगत धियान लक आयकत होतो। पौलुस ना चोवयो उ बिस्वास करासेत। अना साजरा होय सकासेत। एकोलाय वोना सिद्दो चोवयो
ACT 14:10 अखिन जोरलक कव्हयो, “आपरो पायमा उभो होय! उ उछल के इतानी-उतानी हिन्डन लगयो।”
ACT 14:11 जबा लोकगीन ला चोवयो, का पौलुस ना का करिसे, ता वय लुकाउनियाई बोली मा बोलिन “देवता मानूस को रूप धरके हमरो कठा उतरियो सेस।”
ACT 14:12 उनना बरनबास को नाव ज्यूस, अना पौलुस ला हिरमेस नाव देइन। काहेकी उ मुख बोलन वालो होतो।
ACT 14:13 नगर को बाहेर ज्यूस देवता को मंदिर होतो। वहान को पुजारी, बइल अना फूल को माला लेके बेसकुड़ को पुड़ा आनयो। काहेका उ अना लोक गीन पेरीत गिनलाय बलिदान करनो चाव्हत होतिन।
ACT 14:14 पर जबा पेरीत बरनबास अना पौलुस न यो आयकिन ता अपरा-अपरा कपरा चीर डाखिन, अना जोरलक चिल्लायके भीड़ ला कहिन।
ACT 14:15 “अरे लोकगिन तुम यो कायलाय करासेव?” अमी भी वसोच मानूस सेत जसो तुमी सेव। यहान हमी तुम्हिला साजरा बारता आयकान साठी आयासेजन। जोनलक, तुमी एना बेकार जीनुस गीन ला सोड़के, जित्तो परमेस्वर को कन मुरक जाव। जोन ना बादल अना धरती सागर अना उनमा जोन काही भि सेत सबला बनाईसेस।
ACT 14:16 वोना जुनो जुग मा सबच लोक गीन ला, अपरो-अपरो रास्ता मा चलन देइस।
ACT 14:17 मंग उ तुमला अपरो होवन को सबुत देइसेस। काहेका उ लगत भलाई करतो रहयो। वोना तुमरो लाय बादल लक पानी बरसायो, अना मौसम को अनुसार फसल दियो। वोच तुम्हिला जेवन देवसेत। अना तुमरो मनला खुसी लक भर देवासेत।
ACT 14:18 ऐना गोस्टी लक उन लोकगीन ला समझा के बलिदान देवन लक रोकीन।
ACT 14:19 पर काही यहूदी गिन न अन्ताकिया नगर अना इकुनियुम लक आयके, लोक गीनला अपरो कन कर लेईन, अना पौलुस ला गोटा लक मारिन। अना मरया समझके, वोनो नगर को बाहेर घसीटके ले गईन।
ACT 14:20 पर जब चेलागीन उनको चारी कन आयके उभा भईन ता उ उभो होयके, नगर मा गईन। अना दुसरो दिवस बरनबास को संग दिरबे, ला चली गईन।
ACT 14:21 वोना नगर मा उनना साजरो बारता परचार करके लगत बिस्वासी बनाइन।
ACT 14:22 अना उनको आतमा ला अडिग करके बिस्वास मा बनयो रव्हन लाय यो सांगके सिकायो का अमिला मोठयो दुख झेल के परमेस्वर को राज मा धसनो सेत, मंग वय लुस्तरा मंग इकुनियुम अना अन्ताकिया नगर ला लवटके आइन।
ACT 14:23 उनना हरेक कलीसिया ला मा उनको लाई मुखिया बेचयो अना, उपवास को संग पिराथना करीन, अना उनला पिरभू को सुपरुत कर देईन, जोन पर उनना भरोसा करयो होतिन।
ACT 14:24 वय पिसदिया देस लक होतो हुयो पंफलिया नगर पहुचीन।
ACT 14:25 अना पिरगा नगर मा साजरा बारता परचार करीन, मंग वय अन्ताकिया गईन।
ACT 14:26 उता लक उनना पानी जहाज मा मोठो, नगर अन्ताकिया गईन। जहान वोला परमेस्वर को काम करन काजी परमेस्वर को दया मा दियो गयो होतो।
ACT 14:27 उता पहुचके ना उनना कलीसिया, को सभा हाकलिन। अना सबला सागिन, का परमेस्वर ना उनको लक काजक-काजक करीस, अना कसो गैर यहुदी लोकगीन को लाय, भरोसा को बेसकुड़ उघाड़िसेस।
ACT 14:28 वय गजब बेरा तकन वहान चेला गीन संग रहिन।
ACT 15:1 मंग काही लोकगीन यहुदिया छेतर लक मोठो नगर अन्ताकिया मा आइन। अना भाऊ गीन ला यो सिकान लगीन। “यदी मोसे भविस्यवक्त को नियम को अनुसार तुमरो खतना नही होहेत, तो तुमीला सूटकारा नही भेटेत।”
ACT 15:2 पौलुस अना बरनबास उनको लक सहमत नही होतिन। तो उनको सँग लगत बैस भयो। तबा पौलुस, बरनाबास अना उनमा लक काही संगीगिन ना ऐना समस्या को उपाय लाई पेरीतगिन अना मुखिया गिन को जवर येरुसलेम नगर धाड़न को इरादा करीन।
ACT 15:3 असो कलीसिया लक बिदाई पायके वय फीनीके अना सामरिया होतो हुयो, सबा भाऊ गीनला गैरयहुदी को मन बदलन को पूरो-पूरो समाचार आयकाव के लगत खुसी पहुचाय रहयो होतीन।
ACT 15:4 मंग जबा वय येरुसलेम पहुचीन, तो कलिसिया को पेरीतगिन ना, अना बुजरुग गिन ना उनको आव-भगत करीन। पौलुस अना बरनाबास ना उनको संग परमेस्वर ना जोन काही काम करीसेस सांगीस।
ACT 15:5 पर फरीसी दल को काही बिस्वासी ना उभा होयके उन लक कहिन, उनका खतना जरुर होवनो चाहिये। अना उन लक मोसे को नियम को काम पालन करन को हुकूम देवनो जरुरी से।
ACT 15:6 ता यो बारे मा सलाह मसोवरा करन लाय पेरीत अना बुजरुक गिन जमा भईन।
ACT 15:7 एक लम्बो-चौवड़ो बैस को मघा पतरस ना उभा होयके उनलक कहीस, “मोरो भाऊ गीन, लगत दिवस पुढ़ा तुमरो मा लक परमेस्वर ना निवाड़ी होतो। का मोरो लक गैरयहुदी गिन साजरा बारता आयकेत, अना बिस्वास करहेत।”
ACT 15:8 अना दिल की गोस्टी को जानकार परमेस्वर ना आमरो च जसो उनला भी पवीतर आतमा देयके उनको पक्स ला पिक्को करीसेस।
ACT 15:9 येने परकार बिस्वास लक उनको पाप ला छिमा करके अना उनको मनला पवितर करयो अना उनको अना आमरो बिच कोनी भेद-भाव नही करयो।
ACT 15:10 अता चेला गीन की गरदन पर असो मजबूत जुमेदारी की जुआड़ी राखके जेनला न तो हमरो पुरखा, अना हमि उचल सकया सेजन, अता काहे परमेस्वर की परिक्सा करोसो?
ACT 15:11 पर आमरो ता यो बिस्वास सेत। का पिरभू यीसु को दया लक आमरो बचाव भई सेत, वसोच उनको भी भई सेत।
ACT 15:12 तबा सारी भीड़ सान्त भई गइन। तबा बरनबास अना पौलुस लक यो बखान करन लगीन। का परमेस्वर ना उनको लक गैरयहुदी लोकगीन मा कसो-कसो हिदान दिखाइसेस। अना अचँभा काम करीसेस।
ACT 15:13 जबा वय बोल चुकिन ता येरुसलेम कलिसिया को मुखिया याकूब ना साँगीस। भाऊ मोरी आयको,
ACT 15:14 समौन ना सबूत दियो होतो, का परमेस्वर ना काही लोकगिन ला आपरो नाव को लाई बेचके, कसो पिरेम करीयो होतो।
ACT 15:15 भविस्यवक्ता गिन को बचन भी यो गोस्टी ला मानासेत, जसो का लिख्यो सेत।
ACT 15:16 ऐको मंघा मि लवटिन अना दाऊद को पड़यो हुयो राज ला मंग बनाहिन। मी वोको खन्डार को सुधार करीन।
ACT 15:17 अना सब बचयो लोक अना सबच गैरयहुदी गिन, जोनला मोरो बनन लाय बनायो गयो सेत पिरभू को खोज करे।
ACT 15:18 दुनिया को सुरुवात लक यो वोच पिरभू सेत जोन येने गोस्टी ला परगट करत आईसे।
ACT 15:19 असो परकार लक मोरो फैसला यो सेत का अमीला उन लोकगिन ला जोन गैरयहुदि होतयो हुयो परमेस्वर कन मुरकी सेत तगांवनो साजरा नाहती।
ACT 15:20 पर उन ला लिख धाड़यो का मुरती को पर चघायो जुनुस, छिंनरापन अना गला घोटयो जनावर को मांस अना खून लक दुहुर रहेत।
ACT 15:21 काहे की “जूनो बेरा लक नगर-नगर मा मोसे भविस्यवक्ता की कानुन बाचन वारा होता आइन अना सबच पवीतर दिवस सभाघर मा मुसा को नियम ला बाचो जावसे।”
ACT 15:22 मंग पेरीत गिन अना बुजरुक गिन ना पूरी कलीसिया सकट यो पक्को करीन का पेरीत उनको बीच मा लक काही मानूस अना पौलुस ला को बेचके अंताकिया धाड़यो जाय। बरसब्बा कहयो जान वालो यहूदा, अना सीलास ला बेच लेइन। वय भाऊगीन मा आदर को काबिल होतिन।
ACT 15:23 उनना उनको हात यो चिठ्ठी धाडिन। तम्हारो भाऊ, बुजरुगगिन अना पेरीत गिन को कन लक अन्ताकिया सीरिया अना किलकिया को गैरयहुदी भाऊ गीनला नमस्कार,
ACT 15:24 अगो चहेतो भाऊगिन! हमिना जबा लक यो आयकिया की हमि मा लक कोनी बगैर आमरो हुकूम को जायके तुमरो मनला उलट के परेसान कियो सेत, अना तुमरो मन ला डगमगा देइसेत,
ACT 15:25 तबा हमी एक मत भयके यो फैसला कर निवाड़ी सेजन का आपरो चहेतो बरनबास अना पौलुस को सँग काही मानूस ला तुमरो कठा धाड़िसेजन।
ACT 15:26 यो असो मानूस सेत जिनना हमरो पिरभू यीसु मसीह को नाव को लाई आपरो जान जोखिम मा डाकिसेत।
ACT 15:27 एकोलाय हमिना यहूदा अना सीलास ला धाडीसेउ, जोन खुदच आपरो मुँह लक ऐना सारी गोस्टी को खबर सांग देहेत।
ACT 15:28 काहेकि पवीतर आतमा अना हमला यो ठीक जान पडयो की ऐना जरुरी गोस्टी ला छोड़ तुमी पर अना कोनी बोझ न डाके।
ACT 15:29 मुरत गीन को पुड़ा चघायो हुयो जेवन तुमी नोको जेव। गला घोटके मारयो गयो जनावर को गोस अना रकत नको पिवने। अना छिंनरापन लक दुहुर रव्हो। इनलक बचयो रव्हो तो तुमरो भलो होहे। बाकी-बेस सेत।
ACT 15:30 असो परकार उनला बिदा कर देइन, अना वय अन्ताकिया गईन। वहान बिस्वासी गीनला जमा करके उनला उ चिठ्ठी देईन।
ACT 15:31 जबा वय चिठ्ठी वाच चुकीन, ता उनला लगत सय भेटयो अना गजब खुसी भईन।
ACT 15:32 अना उनना भाऊगिन को यहूदा अना सीलास ना जोस अना मजबुती देय के उनला लगत लम्बो परबचन देइन।
ACT 15:33 काही दिवस वहान रव्होन को मंघा सुब कामना आन के बिदाई लेइन। अना लवट गइन।
ACT 15:34 पर सीलास ला वहान रव्हनो साजरो लगयो।
ACT 15:35 पौलुस अना बरनबास भी अन्ताकिया मा रह गईन, अना अखीन लगत लोक गीन को सँग वय भी पिरभू को साजरो बारता की सिक्सा देवत अना ओको पिरचार करत रहयो।
ACT 15:36 मंग काही दिवस मा पौलुस न बरनबास लक कहीस “आव, जेना-जेना नगर मा हमी न पिरभू को गोस्टी आयकिवाईस मंग उनमा चलके अपरा भाऊ गीन ला चोयके वय कसासेत।”
ACT 15:37 तबा बरनबास न योहन जोन मरकुस कहेलावसे संग लेवन को बिचार करीस।
ACT 15:38 पौलुस न यो फैसला करीस का, जोना पंफलिया मा उनको साथ सोड़ दियो होतो। अना काम पर उनको संग नही गयो होतो एको लाय वोला लेजान लाय मना करीस।
ACT 15:39 अना दुई मा दुई-दुई गोस्टी भई अना वय एक दुसरो लक अलग होय गईन। अना बरनबास, मरकुस को संग जहाज मा साइप्रस चली गयो।
ACT 15:40 पर पौलुस न सीलास ला बेच लेईस अना भाऊ गीन लक पिरभू को दया मा सोप देईस अना वहान लक चली गयो।
ACT 15:41 अना उ कलीसिया गीन ला पक्को करतो हुयो सीरिया अना किलकिया लक होते हुयो हिटयो।
ACT 16:1 मंग पौलुस अना सिलास, दिरबे अखीन लुस्तरा नगर मा गइन। वहान तीमुथियुस नाव को एक चेला होतो। जोन को माय यहुदी बिस्वासी अना वोको बाप यूनानी होतो।
ACT 16:2 लुस्तरा अना इकोनियुम नगर मा उ बिस्वासी गिनमा नामी होतो।
ACT 16:3 पौलुस तिमुथियुस ला आपरो संगा यातरा पर ले जावनो चाव्हत होतो। एकोलाय ओला आपरो संगा ले गयो। अना वोनाजघा मा रव्हन वालो यहुदीगीन को कारन, ओको खतना करयो गयो। काहेकि वय सबच जानत होतीन की ओको बाबूजी एक युनानी होतो।
ACT 16:4 वहान लक एना सहर लक वोना सहेर यातरा करतो हुयो। पेरीतगिन येरुसलेम मा जोन फैसला लियो होतो बिस्वासी गिनला सांगिन। का वय उनको पालन करे।
ACT 16:5 एना पिरकार कलीसिया बिस्वास मा मजबूत होती गई अखीन उनकी गिनती हर दिवस बडतो गयो।
ACT 16:6 वय फ्रुगिया अखीन गलातिया परदेस मा लक होयके हिटीन, काहेकी पवीतर आतमा न उनला आसिया मा साजरो बारता आयकावनो लक मना कर देयि होतो।
ACT 16:7 मंग उनना मुसिया कस्बा को जवर पहुचियो, अना ता बिथुनिया जान को जतन करिया पर यीसु की आतमा न उनला वहान जान नही देईस।
ACT 16:8 मंग वय मुसिया कस्बा लक होयके तोरआस मा पहुचीन।
ACT 16:9 वहान पौलुस न रात मा एक दरसन मा चोयीस, का मकिदुनिया को एक मानूस वोको लक पिराथना कव्हत हुयो कव्ह रही से, “मकिदुनिया मा आव अना आमरो सायता कर।”
ACT 16:10 दरसन को मघा जवाब भेटयो ता अमीला मालुम भयी गयो का अमीला परमेस्वर ना उन लोकगीन को बीच साजरो बारता आयकावन लाय मकीदुनिया जावन लाय सांगीसेस। ता अमी ना वहान जावन लाय ठान लियो।
ACT 16:11 असो आमिना तोरआस लक पानी च पानी जावन लाय आपरो जहाज खोल दियो। अना सीधो समुथार तकन गयो। अना दुसरो दिवस नेआपुलिस ला चली गया।
ACT 16:12 अखीन वहान लक एक रोमी उपनिवेस फिलिप्पी पहुचियो। फिलिप्पी मकीदुनिया को मुखय नगर से। यो नगर मा अमी काही दिवस बितायो।
ACT 16:13 मंग बिसराम दिवस यो बिचार करतो हुयो पिराथना करन को लाई का वहान कोनी जघा होहेत। आमी नगर को बेसकुड़ को बाहेर नदी मा गयो। अमी बसके जमा आई-माई लक गोस्टी करन लगया।
ACT 16:14 वहाच लीदिया नाव को बाई होती। वा किमती बैंजनी कपरा को धंधा करत होती। अना परमेस्वर की पिराथना करत होती। वा आमरी गोस्टी आयकत होती। पिरभू ना ओको मन को बेसकुड़ खोलिस। जोनलक वा पौलुस की गोस्टी धियान देयके आयके।
ACT 16:15 जबा ओना अना ओको परिवार ना बप्तिस्मा लेईन। मंग बिनती करीस, “अदी तुमी लोक मोला बिस्वासी मानासो ता मोरो घरमा रव्हो।” असो कव्ह के आमीला मनाईस।
ACT 16:16 मंग असो भयो का जबा आमी कोनी दिवस पिराथना घर जावत होता की एक जुवान बायको लक आमरी मुलाकात भई। ओमा सगुन देखनवारी आतमा होती। वा लोकगिन को पराय सांगके आपरो मालीक गीन को साठी लगत पैसा कमाय के देवत होती।
ACT 16:17 वा पौलुस अना आमी लोकगीन को मंघा-मंघा आयके बेमियावन लगी। “यो लोकगीन सब लक वरता को परमेस्वर का दास सेत अना तुमी लोकगीन ला सूटकारा को रास्ता साँगसेत।”
ACT 16:18 वा लगत दिवस तकन असोच करत रही। तबा आ पौलुस परेसान भयी गयो। तबा उ मुरक के ओना आतमा लक कहीस; “मि तोला यीसु मसीह को नाव लक हुकूम देवसु, तु ओमा लक हिट जाय,” अना वा बुरो आतमा तुरुत ओमा लक हिट गई।
ACT 16:19 जबा ओको मालीक ना चोयीन, की उनकी कमाई को आसा चलयो गयो। ता वय पौलुस अना सीलास ला धरके चौक मा मुखिया गीन को कठा झिक के ले गईन।
ACT 16:20 उनना पौलुस अना सीलास ला रोमन अधिकारी को पुढ़ा ले जायके कहिन, “यो लोक आमरो सहर मा सान्ती भँग कर रही सेत, यो यहूदी सेत।
ACT 16:21 अना असी मोसे को नियम सांग सेत, जेनला माननो हमी रोमी को लाई नियम लक नाहती।”
ACT 16:22 तबा जमघट का लोक उनको बिरोध मा इकठ्ठे होयके चघके आयइन अना रोमन अधिकारी गिन उनका कपरा चीरके उतार डाकिन, अखीन उनला कोडा मारन की हुकूम देईस।
ACT 16:23 लगत कोडा लगायके, उनना उनला जेल मा डाक देईन। अना जेलर ला हुकूम दियो का उनला कड़ो निगरानी मा राखो।
ACT 16:24 वोना असी हुकूम पायके उनला भीतर की खोलीमा राखीस। अखीन उनका पाय लकड़ी मा ठोंक देइस।
ACT 16:25 अरधी रात को करीब मा पौलुस अना सीलास पिराथना करतो हुयो, परमेस्वर को भजन गावत होतिन। अना कैदी उनकी आयक रहयो होतो।
ACT 16:26 एतरो मा एकाएक जेल को पाया हिल गयो। यहान तकन अखीन गदने सबच बेसकुड़ खुल गईन। अना सबच का बेड़ी खुल गईन।
ACT 16:27 जेलर चेत गयो, अखीन जेल को बेसकुड़ उघडया चोयके समझयो का जैली पराय गई सेत। अना उनना तरवार झिकन के अपरो आप ला मारन लगिस।
ACT 16:28 पर पौलुस न जोर लक हाकलके कहीस, “अपरो आप को काही नुकसान नोको कर” काहेकी हमी सबच यहाच सेजन।
ACT 16:29 तबा उ टेमा बुलायके भीतर परायो, अना थर-थर कपकपा के पौलुस अना सीलास को पाय पड़न लगयो।
ACT 16:30 अना वोनच घड़ी उनला बाहेर हेड़के कहीस “अरे पिरभू को भगत सूटकारा पावन लाई मी का करु?”
ACT 16:31 उनना कहीन “पिरभू यीसु मसीह पर भरोसा कर त तोरो खानदान सूटकारा पाहे।”
ACT 16:32 अना वोना अखीन वोका सारा घर का लोक गीन ला पिरभू को गोस्टी आयकावीस।
ACT 16:33 रात को वोन च बेरा मा वोना उनला लीजायके उनका घाव धोयके अखीन उनना अपरा सबच लोकगीन समेत गदने बप्तिस्मा लेईस।
ACT 16:34 तबा वोना उनला अपरो घर मा लीजायके उनको जेवनार करीस। अखीन सबरी खानदान समेत परमेस्वर पर बिस्वास करके खूसी मनावन लगयो।
ACT 16:35 जबा दिवस भयो तबा रोमन अधिकारी न सिपाईगीन ला धाडीस। का उन मानूसगिन ला छोड़ देव।
ACT 16:36 जेलर ना या गोस्टी पौलुस लक कहीस का रोमन अधिकारी कहलवायो सेत का तोला अना ला सोड़यो जाय। अबा हिटके सान्ती लक चली जावो।
ACT 16:37 पर पौलुस न उन सिपाईगिन लक कहीस, हमी रोमी नागरिक सेजन, पर उनना बेकसूर होवन पर भी हमला सबको पुड़ा मारपीट के जेलमा डाकदियो। अना अबा अमीला चुप्पई लक अमीला बाहेर हेड रहीसेत? असो नही होहेत, वय खुदच आयके अमीला बाहेर हेडे़त।
ACT 16:38 सिपाई गीन न यो गोस्टी रोमन अधिकारी लक कहीन। रोमी अधिकारी ला जबा यो पता चलयो का पौलुस अना सिलास रोमी से ता वय डराय गइन।
ACT 16:39 तबा वय वहान आइन, अना उनलक माफी मागके, उनला बाहेर ले जायके, उनलक सहेर सोड़न को बिनती करन लगयो।
ACT 16:40 पौलुस अना सिलास जेल लक हिटके, लुदिया को घर मा गईन अखीन भाऊ गीन लक भेंट करके उनको जोसला बड़ाय के सान्ती लक चली गईन।
ACT 17:1 वय अम्फिपुलिस अना अपुल्लोनिया नगर को यातरा पूरो करके वय थिस्सलुनीके नगर आइन। जहान यहूदी गीन को सभाघर होतो।
ACT 17:2 पौलुस अपरी रीत को लक वहान उनलक भेटयो। उनना तीन हपता को पवीतर दिवस लक उन को संग मा बिचार राखिस।
ACT 17:3 अना गिरंथ लक उनला समझात हुया, असो सिकात रहयो, का मसीह ला दुख भोगनो च होतो। अना मरया हुया मा लक जित्तो होवनो जरूरी होतो। अना “यो यीसु च से जोन को मी तुमरो बीच मा पिरचार करासेऊ मसीह सेत।”
ACT 17:4 उनमा लक काही लोकगीन न भरोसा करीन, अखीन वय पौलुस अना सीलास को संग मिल गईन। परमेस्वर लक भेव राखनवारा अनगिनत गैरयहुदी भी उनमा मिल गइन। इनमा लगत आई माई गीन भी होतिन।
ACT 17:5 पर यहूदी ईरसा अना जलनखोरी करन लगीन। अखीन उनना हाट का काही गुन्डा बदमास गीनला जमा करीन। अना नगर मा दंगा करा देईन। वय यासिन को घर पहुच गइन। अना यो कोसीस करन लगीन का कोनी परकार लक पौलुस अखीन सीलास ला लोकगिन पुड़ा मनजे।
ACT 17:6 जब वय उनला नही भेटयो ता वय यासोन अखीन काही भाऊ गीन ला सहेर को पूड़ा घसीट के आनीन अना चिल्लाइन। ए लोक गिन सब कन उथल-पूथल करयो सेत अबा यो सहेर मा आयो सेत।
ACT 17:7 यासोन न इनला अपरो यहान राखीसेस। अना ये सब लोक कैसर राजा को नियम को बिरोध मा काम करासेत। अना कव्हसेत का अवर एक राजा सेत जोनको नाव यीसु से।
ACT 17:8 असो आयक के भीड़ अना अधिकारी भडक गयो।
ACT 17:9 अना छुड़ायो जावनको लाय लगनवारा पैसा आन के अधिकारी गिन उनला अना यासेन ला छोड़ देइन।
ACT 17:10 भाऊ-बहिन न गदने रातो-रात पौलुस अना सीलास ला बिरीया नगर मा धाडीस। वहान पहुच के वय यहूदी गीन को सभाघर मा गईन।
ACT 17:11 यो यहूदी थिस्सलुनीके यहूदिगीन लक लगत उदार होतिन। वय मोठि खुसी लक पिरभू की खबर आयकावत होतीन। अना वोकी खराई ला जाँचन लाई हर दिवस पवितर गिरंथ मा जाँचत होतीन। का यो गोस्टी असो सेति का नहाति।
ACT 17:12 एको परिनाम मा लगत सा यहुदी अना गैर यहदी अना रहीस आईमाई ना भी बिस्वास करन लगीन।
ACT 17:13 जबा थिस्सलुनीके को यहूदीगीन ला यो मालूम भयो तो वय बिरीया नगर मा आइन। अना बीरिया मा पौलुस को खिलाप लोकगीन ला भडकावन अना गुस्सा दिलावन लगीन।
ACT 17:14 एकोलाय तभी भाऊ गिन ना गदने पौलुस ला सागर को कगर जावन लाय धाड़ दियो। पर सिलास अना तिमोथी वहाच रहयो।
ACT 17:15 पौलुस को लिजावन वारा लोकगिन ना वोला अथेन पहुचा देइन। अना, सीलास अना तीमोथी ला कहीन का तुमी लवकर आव अना वय चले गइन।
ACT 17:16 जबा पौलुस अथेने नगर मा सीलास अना तिमोथी की रास्ता चोवत होतो। ता नगर मा देवता की मुरत की भरमार चोयके ओको “करेजा जर गयो।”
ACT 17:17 एकोलाई उ हर रोज यहूदी गीन युनानी लक बहेस करत होतो। इतरोच नही उ बाजार हाट मा जोन आवत-जावत होतीन। उनको संग मा भी बहेस करत होतो।
ACT 17:18 काही एपिकूरी अना स्तोइकी सिक्सक भी वोको लक बहेस करन लगीन। उन मा लक लोक कव्हन लगीन “यो बाकवाद करन वालो काजक चाहवासे ‘दुसरो न कहीस’ यो त विदेसी देव गीन पिरचार करन वालो मालुम पडसे” उनना एकोलाई कहीस का उ यीसु को बारे मा उपदेस देवत होतो। मंग जित्तो होवन को पिरचार करत होतो।
ACT 17:19 एको लाई वय पौलुस ला अपरो संग अरियोपिगुस महा सभा मा ले गईन। अना उनला कहीन का हमी जान सका सेजन का तुमी या कौनती नवी सिक्सा देय रहीसेव?
ACT 17:20 तुमी काही असी गोस्टी कव्हसेव, जोन हमरो कान लगावन वालो गोस्टी लगासे। हमी जाननो चाव्हसेजन का वोको अरथ का से?
ACT 17:21 काहेकी अथेने नगर का सबच रव्हनवारा अना वहान का रव्हनवारा विदेसी नवी-नवी गोस्टी आयकावन अना आयकन को अलावा अखीन काही काम मा नही बितावत होतिन।
ACT 17:22 अरियोपिगुस न्यायालाय को पुड़ा उभो होयके पौलुस न यो कहीस “अथेने नगर को रव्हन वारा महान गीन! मी चोय रही सेव का तुमी लोक हर पिरकार लक मोठो धरम पिरेम से।”
ACT 17:23 जबा मी हिंडता-फिरता तुमरी उपासना को चीजगीन ला देख रही सेव, ता मोला एक होमनकुन्ड मिली जेनको पर यो लिख्यो से। “जोन ला आमी नही जानासेजन वा परमेस्वर काजी,” तुमी लोक उ परमेस्वर लक बेखबर सेव जेकी पुजा करासेव, “मी वोकी खबर तुमला आयकावसु।”
ACT 17:24 जेना परमेस्वर न दुनिया अना वोको मा जोन काही सेत उ सब बनाईसेस, अखीन जोन बादर अना धरती को पिरभू से उ मानूस को हात लक बनाया हुया मंदिर मा नही रव्ह।
ACT 17:25 अना वोला कोनी चीज को कमी नहाय, ता वोको मानूसगिन को हात लक सेवा नही होय सका। काहेकी उ ता खुदच सबला सांस अना सब कही देवासेत।
ACT 17:26 वोना एकच मानूस लक सबरी मानूस लोक ला पैदा करीस। जोनलक वय सारी धरती पर बस जाय। अना वोना च मानूस गीन की बेरा पक्को कर देइसेस। अना जहान वय सेत वोना जघा मा रव्हन की सीवमेंडो ला पक्को करीसेस।
ACT 17:27 एको मतलब यो सेत का वय परमेस्वर को खोज करे। अना वोला खोजता हुया हो सक सेत उनला मिल जाय। एतरो होवन मा भी उ आमरो लक दुहुर नाहती।
ACT 17:28 काहेकी वोकोच मा हमी जित्तो सेजन। अना वोमच आमरो हिंड़नो-फिरनो सेत। अना वोच मा आमरो जिंदगी सेत। असो परकार तुमरो कितरो लिखनवारा ना लिखि सेत, का अमी वोको च सन्तान सेजन।
ACT 17:29 मंग अमी परमेस्वर को लेकरा-बारा आजन। एकोलाय अमीला यो समझनो जरुरी सेत का उ परमेस्वर सो-खूरो या गोटा की मुरत नाहती, जोनला मानुसगिन बनावसेत।
ACT 17:30 यो गोस्टी ला जूनो जमाना मा परमेस्वर ना अगियानी समज के टाल दियोसेत। पर अबा सब मानुसगिन ला यो अगियानी पन लक हिटके मन मा सही बिचार आनन को मौका देवासेत।
ACT 17:31 काहेका हरेक मानूस काजी वोना एक दिवस ठहरायोसेस, का वोना मानूस लक सब संसार को मानूस को धरमी पन लक न्याय करहेत। जेना वोला पयले लक ठहरायो। अना वोला मारयो मा लक जित्तो करीस, “एना गोस्टी ला पक्को करीसेस।”
ACT 17:32 जबा उनला मरयो हुयो मा लक जित्तो उठनो की गोस्टी आयकिस। तो उन मा लक काही तो वोको हासी उडावन लगीन बल्की काही न कहिन हमी यो तोरो पिरवचन मघा आयकबीन।
ACT 17:33 अना पौलुस उनको बीच लक चली गयो।
ACT 17:34 मंग कोनी मानूस वोको संग भय गयो, अना बिस्वासी बन गयो। जसो न्यायालय को मुखिया दियोनिसियुस, दमरिस नाव की आई-माई अखीन काही मानूस।
ACT 18:1 एको बाद पौलुस अथेने नगर छोडके कुरिन्थुस नगर चले गयो।
ACT 18:2 जहान अक्किला नाव को यहूदी लक वोकी भेंट भई। अक्विला पोंतुस को रव्हन वारा होतो। जोन अबा हाल च मा, अपरी बायको प्रिस्किल्ला को संग कछुक बेरा पयले इटली देस लक आयो होतो। उनना इटली यो काजी सोड़यो होतो, की राजा क्लौदियुस न सब यहूदीगिन ला रोम देस लक हेड़ दियो होतो। एकोलाय पौलुस वोको लक मिलन गयो।
ACT 18:3 अखीन वोको संग रव्हन अना काम करन लग्यो। काहेकी वय पन्डाल बनावन को एकच धंधा करत होतीन।
ACT 18:4 पौलुस हर एक बिसराम दिवस पर यहुदी सभाघर मा तरक-बेस करत अना यहूदी गीन अना यूनानी गीन ला समझावन को जतन करत होतयो।
ACT 18:5 जबा सीलास अना तीमुथियुस मकीदुनिया लक आइन। ता पौलुस गोस्टी आयकावन मा अपरो पूरो पुरुप देवन लगीस। अना यहूदी गीन को आयकावायके का यीसु च मसीह से।
ACT 18:6 जबा वय लोक पौलुस को बिरोध करनो अना निन्दा करन लगीन। ता वोना अपरा कपरा की बारू ला झड़ायके उनको लक असो कहीस, तुमरो जान को जवाब दार तुम्हिच सेव। अबा अमी गैरयहुदी गिन जवर जाबिन।
ACT 18:7 असो सांगके पौलुस वहान लक चले गयो। अना वा तितूस युस्तूस नाव को एक गैरयहुदी को घर मा गयो। जेनको घर यहुदी सभा घर को कगर होतो।
ACT 18:8 यहुदी सभाघर को मुखिया क्रिस्पुस न अपरो सबरी खानदान को संग पिरभू मा बिस्वास करीस। अना उनको संग लगत कुरुन्थी को यहुदीगिन पौलुस की गोस्टी आयक के बिस्वास करीन अना बप्तिस्मा लेईन।
ACT 18:9 पिरभू न एक रात को दरसन देके पौलुस लक असो कहीस, नोको हार, पर बोलत जाय अना उगो-मुगो नोको रव्ह।
ACT 18:10 “मी तोरो संग सेव, कोनी भी तोरो पर धावा नही करहेत कोनी तोरो नुकसान नही कर पाहेत। काहेकी येनाच नगर मा लगत सा लोक मोरा अपरा सेत।”
ACT 18:11 पौलुस लोकगीन ला परमेस्वर को बचन की सिक्सा देतो हुयो, वहान डेढ़ बरस रहयो।
ACT 18:12 जेना बेरा गल्लियो अखया यूनान देस को मोठो राजा होतो। यहूदी गीन न मिलजुल के पौलुस पर हमला करीन। अना वोला नियाव आसन को पुड़ा पेस करीस।
ACT 18:13 उनना यो अरोप लगाईन “यो मानूस परमेस्वर ला मनान को असो नियम सिकावासे जोन मोसे को नियम को बिरुध से।”
ACT 18:14 पौलुस अबा अपरो सफाई मा बोलन वालो होतो। का गल्लियो न्यायी न यहूदी गीन लक कहीस, “अरे यहूदिगीन! अदी यो अन्याव या अपराध को मामला होतो, त सही मा मि तुमरी गोस्टी आयकतो।” अना नियाव को साजरा कारन होतो।
ACT 18:15 पर यो झगड़ा-राड़ सबद नाव अना तुमरी मोसे को नियम लक सम्बन्ध राख सेत। त तुमी जेनो मी असी गोस्टी को न्याय करनो नही चाव्हसेऊ।
ACT 18:16 अना यहुदिगिन ला नियाव आसन लक बाहेर हेड देईस।
ACT 18:17 तब सब न सभाघर को मुखिया सोस्थेनेस ला धरके दबोचिन नियाव आसन को पुड़ा पीटीन, पर गल्लियो न येको पर जरासो भी धियान नही देईस।
ACT 18:18 पौलुस लगत दिवस तकन कुरिन्थुस को बिस्वासी गिन को संग मा रहयो। मंग उ भाऊ गीन लक बिदाई लेके नाव को रस्ता लक सीरिया जावन लगयो। वोको संग प्रिस्किल्ला अना अक्किला भी होतिन। पौलुस ना किंखिया मा आपरो डोस्की मुन्डवाय लियो काहेका वोना एक मन्नत मानयो होतो।
ACT 18:19 अना जब वय इफिसुस नगर आइन ता पौलुस न प्रिस्किल्ला अना अक्विला ला वहान छोड़ देईस। अना खुद यहुदी सभाघर मा जायके यहूदी गीन को संग बैस करीस।
ACT 18:20 उनना पौलुस लक बिनती करीन, “तु काही बेरा अखीन रव्हजोस।” पर पौलुस नही मानयो।
ACT 18:21 अना उनको लक यो साग के बिदाई लेइस, “अदी परमेस्वर चाव्हसे ता मी तुमी लोकगीन को जवर मंग आहिन।” उ इफिसुस छोड़के जहाज मा समुंदर को रस्ता लक चली गयो।
ACT 18:22 कैसरिया जहाज घाट मा उतरके वहान लक उ कलीसिया को धन्यवाद करन गयो, अना येरुसलेम लक मोठो नगर अन्ताकिया चली गयो।
ACT 18:23 काही बेरा बितन को बाद वोने बिदाइ लेइस। अना गलातिया अना फ्रुगिया को छेतर लक होतो हुयो एक जघा लक दुसरो जघा मा हिंडता हुयो। सब चेला गीन को बिस्वास मा पूरो पक्को करतो रहयो।
ACT 18:24 वोनोच बेरा वहान अपुल्लोस नाव को यहूदी होतो। उ सिकन्दरिया को बिस्वासी होतो। बोलन मा विदवान होतो। अना वोला पवितर गिरंथ को लगत गियान होतो। उ इफिसुस नगर आयो।
ACT 18:25 वोला पिरभू को मारग को सिक्सा भेटयो होतो। उ लगत सतरक होयके जो सच सेत। वोला साजरा लक सिकावत होतो। अना यीसु को बिसय मा साजरी गोस्टी सिकावत होतो। वोला केवल योहन को बप्तिस्मा मालुम होतो।
ACT 18:26 उ यहुदी सभाघर मा बेधड़क बोलन लगयो। प्रिस्किल्ला अना अक्किला वोकी सिक्सा आयकन को बाद वोला अपरो संग ले गईन। अना उनना लगत साजरो तरीका लक वोना परमेस्वर को सिधो रास्ता ला समझाइन।
ACT 18:27 जबा अपुल्लोस आखया ला जावनो चाहिस ता बिस्वासी हुन ना वोला जोस लक भर देइन। अना वहान को बिस्वासी गिनला स्वागत करन लाय चिठ्ठी धाड़ीन। जब उ वहान गयो तो उ वहान को लोकगिन लाय लगत मदद करन वारा साबीत भयो। जोन ना परमेस्वर को किरपा लक बिस्वासी बन गयो होतिन।
ACT 18:28 काहेकी वोना पवितर गिरंथ लक सबुत देदे के यहूदी गीन को तोन्ड बंद करत होतो। अना गिरंथ लक समझावत होतो का यीसु च मसीह आय।
ACT 19:1 वोनो बेरा अपुल्लोस कुरिन्थुस नगर मा होतो। तबा पौलुस भीतरी परदेसगीन को लक यातरा खतम करके इफिसुस आइस। वहान वोला काही चेला गीन मिलीन।
ACT 19:2 पौलुस न उनको लक पुछिस “का बिस्वास करत बेरा तुमी लोक गीन को पवीतर आतमा मिली से?” उनना जवाब देईन, “हमी न यो नही आयकीसेजन का पवीतर आतमा होवासे?”
ACT 19:3 उ तबा उ कहीस “तो तुमिना कसो बप्तिस्मा लियो से?” उनना कहीन “योहन को बप्तिस्मा।”
ACT 19:4 मंग पौलुस न असो कहीस, योहन ना असो सांगत पस्तावा को बप्तिस्मा दियो होतो। का “जोन मोरो मंघा आवन वालो से वोको पर, मजे यीसु पर भरोसा करनो।”
ACT 19:5 उनना असो आयके पिरभू यीसु को नाव पर बप्तिस्मा लेइन।
ACT 19:6 जबा पौलुस न वोको पर हात राखीस, त पवीतर आतमा उनको पर उतर गयो। अना वय अलग-अलग बोली बोलन लगीन। अना भविस्यवानी सांगन लगीन।
ACT 19:7 वय पूरो मिलायके करीब बारा मरद-माना होतीन।
ACT 19:8 मग पौलुस तीन महिना तकन सभाघर जावत रहेयो उ “परमेस्वर को राज” को बिसय बेधड़क बोलत अना यहूदिगीन ला समझावत होतो।
ACT 19:9 पर उनमा लक काही लोक जिद्दी होतीन। वय बिस्वास नही करीन। बल्कि पंचायत मा एना रस्ता की निन्दा भी करन लगीन। एकोलाय पौलुस न उनला छोडके, अपरा चेलागीन ला वहान लक हटाय लेईस। उ हरदिन तुरन्नुस सिक्सा घर मा चरचा बिचार करन लग्यो
ACT 19:10 असो काम दूई बरस तकन चलतो रहयो, एको फर यो भयो का आसिया सब रव्हन वारा न चाहे वय यहूदी होय, या त यूनानी, सब न पिरभू को बचन आयक लेइन।
ACT 19:11 परमेस्वर को पौलुस कन लक अजब-गजब ताकत को काम, अना अचंभा करवात होतो।
ACT 19:12 यहान तकन की वोको छुयो अगोछा अना रुमाल बिमार गिन को कठा लिजा के छिवात होतिन अना उ साजरा भयि जात होतो। अना भूत-पलित परात होतिन।
ACT 19:13 काही यहूदी गिन जोन भूत-पलित हेड़त अना इतानी उतानी हिंडत होतिन। असो करन लगीन की, जोनमा भुत-पलित होतिन। उन पर यीसु को नाव आन के फूक मारके असो कव्हन लगीन। “मी तुमला वोना यीसु को नाव मा जोनको परचार पौलुस करासे मी तुमला हुकूम देवासू।”
ACT 19:14 स्किवास नाव को एक यहुदी मुखिया पुजारी को सात टूरा भी असोच करत होतीन।
ACT 19:15 कोनी फिरयाद पर भूत-पलित न उनला जवाब देईन, “मी यीसु ला जानासेऊ, पौलुस कोन आय यो भी जानासेऊ, पर तुमी लोक कोन आव?”
ACT 19:16 अना उ मानूस जोन मा भूत-पलीत होतीन उन को पर झपटयो अखीन उनला हिन्सा लक कब्जा मा करके उन को पर असो मजबूत ताकत दिसायो। का वय नंगा अना घायल होयके परान लगीन।
ACT 19:17 इफिसुस का रव्हन वारा सबा यहूदी अना गैरयहुदी गिनला मालूम भय गयो। अना सबमा भेव भर गयो। अना पिरभू यीसु को नाव को बड़ाई भयी।
ACT 19:18 उनमा लक लगत सा जोन ना बिस्वास करी होतिन। अपरो लक कियो खोटो काम ला सबको पुड़ा मान लेइन। अना उनला परगट कर देईन।
ACT 19:19 लगत सा लोकगीन न जोन जादू-टोना करत होतीन। वय अपरी-अपरी जादू की किताब ला आनके जमा करीन। अना सब को पुड़ा जलाय देईन। जबा उनना वोका हिसाब लगाइन, ता करीब पन्नास हजार खुरो का मोहर को बरोबर हिटयो।
ACT 19:20 ऐना पिरकार लक पिरभू को बचन मजबूत लक फैलत गयो।
ACT 19:21 जबा या घटना घट चुकयो त पौलुस न मकीदुनिया अना अखया लक होतो हुया। येरुसलेम नगर जानो को मन मा ठानिस। अना कहीस वहान पहुचानो को बाद मोला रोम देस ला भी चोवनो जरुरी से।
ACT 19:22 वोना आपरो दुई सायता करन वालो तीमुथियुस अना इरास्तुस ला मकीदुनिया धाड़ दियो। के वय खुदच काही बेरा तकन आसिया मा रहयो।
ACT 19:23 अना वोना बेरा पिरभू को ऐना मारग को कारन लगत मोठी आफद इफिसुस मा भयी।
ACT 19:24 देमेतिरयुस नाव को एक सोनार होतो। जोन अरतिमिस देवी खुरो को भान्डो बनावत होतो। जोन लक कारीगरगीन ला लगत फायदा भेटत होतो।
ACT 19:25 वोना उनला अखीन दुसरो ऐना धंधा लक जुड़यो कारीगार गीनला जमा करके कहीस, “अरे भाऊ तुमी जानासेव का हमारो यो धंधा लक लगत आमदानी होवासेत।”
ACT 19:26 अना तुमी चोईसेव अखीन आयकी सेव का न केवल इफिसुस मा नही पर पूरो आसिया मा एना पौलुस न लगत सा लोकगीन ला बहला फुसला दियो से। उ कव्हसेस का हात को बनायो देवता सच्चो नाहती।
ACT 19:27 एको लक नही केवल योच भेव सेत का आमरो धन्धा बदनाम होहेत। बलकी मोठी देवी अरतिमिस को मंदिर को मान खोवन को भी भेव सेत। अना जेनो देवी की पूजा आसिया अना दुनिया को सबच लोक करासेत। वोको मान छिन्डन को भेव सेत।
ACT 19:28 जबा उनना असो आयकीन त लोक गुस्सा लक भर गईन। अना चिल्लाय-चिल्लायके कव्हन लगीन, “इफिसिलोक गीन की देवी अरतिमिस मोठी से”
ACT 19:29 नगर मा हुल्लड़ मच गयो अना लोकगीन न मकिदुनिया लक आयो गयुस अखीन अरिस्तखुरस नामको पौलुस को संगी यातरी गिनला दबोच लेइन। अना वय रंगसाला पराय गईन।
ACT 19:30 पौलुस न जमघट को पूड़ा जावनो चाहत होतो। पर चेला गीन न वोला नही जान देईन।
ACT 19:31 काही पिरान्त को अधिकारी गीन जोन वोका सँगी होतीन। खबर धाडिन का उ रंगसाला मा जानो को जोखिम नोको उचलेत।
ACT 19:32 अना कोनी काही चिल्लाय रही होतीन। अखीन कोनी काही, काहेकी सभा मा उथल-पुथल मची होती। लगत सा लोकगीन ला यो भी मालुम नही होतो का हमी जमा कायलाई भई सेजन।
ACT 19:33 तबा यहुदीगिन ना भीड़ ला सान्त करन लाय सिकन्दर को नाव सुझाइन। तबा सिकन्दर न हात उभो करके लोकगिन को पूड़ा बचाव पक्स जाहिर करनो चाहयो।
ACT 19:34 पर जबा लोकगीन न चीन्हिन का यो तो यहूदी से। ता लगभग दूई घंटा तकन सबच का सब एकच आवाज लक चिल्लावत रहीन। “इफिसिलोक गीन की अरतिमिस देवी मोठी से”
ACT 19:35 तबा नगर को दिवान न जमघट ला उगो-मुगो करके कहीस “अरे इफिसिलोक गीन असो कोनतो मानूस से जोन नही जानासे का इफिसुस को यो नगर मोठी देवी अरतिमिस को मंदिर अना बादल लक पडी हुई पवितर गोटा को रखवालो से?”
ACT 19:36 एना गोस्टी को कोनी तोड़ नाहती। त तुमी उगो-मुगो रहवो अना उताली मा काही नोको करो।
ACT 19:37 काहेकी तुमी एना मानूसगिन ला धरके आनीसेऊ। जोन न त हमरो मंदिर गीन का लुटेरा सेत, ना आमरो देवी का निन्दा करनवारा सेत।
ACT 19:38 मंग अदी देमेतिरयुस अना वोना कारीगीर ला जोन वोको संग सेत। कोनी मानूस लक कोनी सिकायत सेत त न्यायालय खुल्लो सेत। अना मोठो राजपाल मोजूद सेत। वहान वय एक दुसरो पर नालीस करो।
ACT 19:39 पर तुमी एको लक जादा जाननो चव्हसेत ता एको फैसला नागरिक अदालत मा होहेत।
ACT 19:40 काहेका अबा जोन काही भी सेत वोको अनुसार अमीला यो गोस्टी को भेव सेत। आज को बलवा को ठेका कहिं आमरो डोस्की मा नोको फूटे। काहेका यो दंगा को कोनी कारन नाहती।
ACT 19:41 वोना ऐतरो कहेके पंचायत ला खत्म कर देइन।
ACT 20:1 हुल्लड़ सान्ती होवनो को मघा पौलुस न चेला गीन ला बुलावन धाडिस। उनला बड़ावा को अना मजबूत होवन को गोस्टी समझायो। मंग वोना सार होयके मकीदुनिया कन चली गयो।
ACT 20:2 वोना सबच छेतर को दौरा करयो। अना सब लोकगिन ला सन्देस देयके जोस मा भरतो यूनान पहुचियो।
ACT 20:3 वहान वोना तीन महीना बीताईस अना जबा उ जहाज लक सीरिया जावन वालो होतो। पर जबा वोला मालुम भयो का यहूदीगीन वोको बिरोध मा साजीस करयो सेत। तो उ पिलान बदल के मकिदुनिया लौटन को इरादा बनायो।
ACT 20:4 बिरीया को रव्हन वालो पुर्रुस को टूरा सोपतरुस, थिस्सलुनीकिया को रहवन वालो अरिस्तखुरस, सिकुन्दुस, दिरबे को गयुस, तीमुथियुस अना एसिया को तुखिकुस अना तुरफियुस वोको संग होतो।
ACT 20:5 पर ये लोक हमरो लक पुड़ा पैदल चली गईन अना तोरआस मा हमारो बाट जोह रहया होतीन।
ACT 20:6 अखमीरी भाकर को तिहार को मंग हमी फिलिप्पी लक जहाज लक हिटके अना पाँच दिवस मा उनको जवर तोरआस पहुचयो। अना वहान सात दिवस तकन रहयो।
ACT 20:7 सनीवार को राती हफ्ता जबा हमी भाकर टोड़न को लाई इक्कठा भयो। त पौलुस गोस्टी करन लगयो। उ दुसरो दिवस जावन वारा होत्यो। एकोलाय अरधी रात तकन सिक्सा देवतो रहयो।
ACT 20:8 जो वरता पाटन मा हमी इक्कठा हुया होता। वहान सिड़ीगिन मा लगत सा टेमा पेटायो होतीन।
ACT 20:9 युतखुस नाव को एक मानूस होत्यो जोन खिड़की पर बस्या हुया। जप को झोक मा होत्यो। जबा पौलुस उसीर तकन जोर लक बोलता रहयो। त वोला जप आय गई अना उ दुय मंजिला लक खाल्या पड गयो। अना मरयो हुयो उचलेयो गयो।
ACT 20:10 पर पौलुस खाल्या उतरयो अना वोको पर झुक गयो मंग अना गरो लगायके कहीस “घबरावो नोको काहेकी वो जित्तो सेत।”
ACT 20:11 अना वरता जायके भाकर तोडीस, अखीन खायके येतरी देर तकन उनको लक गोस्टी करता रहयो का फर-फर भय गयो मंग उ चली गयो।
ACT 20:12 वय वोना जित्तो टूरा ला घर ले गइन एकोलक उनला लगत सान्ती भेटयो।
ACT 20:13 अमी जहाज लक पयले पहुचयो। अना अस्सुस जावन लाय हिट गयो। अमिला उतानी पौलुस ला जहाज मा चघानो होतो। काहेका उ रेगत-रेगत वहान जावन को योजना बनायो होतो।
ACT 20:14 जबा उ अमिला अस्सुस मा मिलयो त हमी वोला जहाज मा चघायके मितुलेने मा जावन लगयो।
ACT 20:15 वहान लक जहाज खोलके हमी दुसरो दिवस खियुस को पुड़ा पहुचया। मंग परो दिवस अमी सामुस मा आय गयो। मंग वोको दुसरो दिवस मिलेतुस मा पहुचयो।
ACT 20:16 काहेकी पौलुस जहान तकन होय सके पेन्टि कोस्त को तिहार को कारन हड़बड़ी करत होतो। उ असो पक्को करयो होतो। का इफिसुस मा रुकयो बिना पूड़ा येरुसलेम चलयो जाहेत। जोनलक आसिया मा बेरा बितानो ना पड़े।
ACT 20:17 वोना मिलेतुस लक इफिसुस मा कहेके धाडिस अना कलीसिया ला बुजरुक गिनला बुलवाइस।
ACT 20:18 जबा वय वोको जवर आइन। त वोना कहीस तुमी जानासेव का पहेलो च दिवस लक जबा मी आसिया मा पहुचयो। मी हर बेरा तुमरो संग कोनो पिरकार लक रहीसेऊ।
ACT 20:19 अना मोठी गरीबी लक अखीन आवा सेऊ मी आँसू बोहाय-बोहाय के मी सेवा करत रहयो। जोन यहुदीगिन को साजिस को कारन मोरो पर आयो होतो।
ACT 20:20 अना जोन-जोन गोस्टी तुमरो हित की होतीन उनला सांगयो अना लोकगीन को पुड़ा अखीन घरन-घर सिकावन लक कभीच न हिचकयो।
ACT 20:21 यहूदी अना यूनानी गीनला समान भाव लक मी मनला मुरकाके परमेस्वर कन मुड़न लाय कव्हसू, अना आमरो पिरभू यीसु मसीह मा विस्वास को लाय मी चेताय रहयो सेऊ।
ACT 20:22 अबा चोवो मी पवितर आतमा को अधीन होवके येरुसलेम नगर मा जावासू। अना नही जानासू का मोरो पर वहान काजक-काजक बीतेत।
ACT 20:23 मी बस एतरो जानासू का हरेक नगर मा पवीतर आतमा चेताय रव्हसे। क वहान बेड़ी अना दुख तोरो लाई तैय्यार सेत।
ACT 20:24 पर मी जान ला किमती नही समझसू। मी तो बस उ दौड अना वोकी सेवा ला पूरी करनो चाव्हसू। जोन मोला पिरभू यीसु देइसेस। उ यो से का परमेस्वर को दया मा गवाही देवनो।
ACT 20:25 अबा मोरो तोन्ड मग नहि दिसेत। काहेका मी परमेस्वर को राज को परचार करासु।
ACT 20:26 एकोलाय मी आज को दिवस तुमरो लक मुनादी करासू। का तुमरो मा लक कोनी को खून को दोसी नही सेऊ।
ACT 20:27 काहेकी मी परमेस्वर को सबरी मकसद लक तुमला पूरो रीत लक सांगन नही हिचकयो।
ACT 20:28 एकोलाय अपरी, अना पूरो हेड की चोकसी करो, जिनमा पवीतर आतमा न तुमला कलिसीया को मुखिया ठायराइसेस। जोनलक तुमी परमेस्वर की कलीसिया की देख-रेख करो, जेनला वोना अपरो खून लक मोल लेई सेस।
ACT 20:29 मी जानासेऊ का मोरो जावन को बाद तुमरो बीचमा हिंसक बीघा आहेत, जोन हेड़ ला नही छोड़ेत।
ACT 20:30 असो बेरा आहेत का तुमरो बीच मा लक असो मानूस उठेत, अना लोकगीन ला अपरो मंघा खीचन लाई बचनला तोड़ मरोड़ के सांगेत।
ACT 20:31 एकोलाय जागतो रहेयो अना हेत करो। का मी न तीन बरस तकन रात दिवस आसू बोहाय-बोहायके हर एक ला चेतावनी देनो नही छोडो।
ACT 20:32 अना अबा मी तुमला परमेस्वर को, अना वोको दया को वचन ला सौप देवासू। जोन तुमरी उन्नती कर सकसे, अना सब पवीतर किया गयो तुमरो लोकगीन ला वारसाना अधिकार दिलाय सकसेत।
ACT 20:33 मी न कोनी को सोना अना खुरो मुन्दरो अखीन कपरा को लोभ नही करयो।
ACT 20:34 तुमी खुदच जानासेव का मी एना हात लक मोरी अना संगी गीन की जरुरत की सेवा ला पूरो करीसेऊ।
ACT 20:35 मी न आपरो हरेक काम लक बतलायो। का महेनत करतो हुयो कमजोर गीन ला सम्भालनो। अना पिरभू यीसु को बचन ला हेत राखनो जरुरी सेत जसो वोना खुदच कहिसेत “लेवनो लक देवनो धन्य से।”
ACT 20:36 असो सांगके टोंगरा टेकके सब झन पिराथना करीन।
ACT 20:37 तबा वय सब रोईन अना पौलुस को गरो ला धरके वोला भेटन लगीन।
ACT 20:38 वय खासकर यो गोस्टी लक दुखित होतिन का पौलुस ना असो कहयो होतो का तुमला मी अबा कभीच नही भेटिन। तबा सबा लोकगिन वोला जहाज तकन पहुचाइन।
ACT 21:1 जबा हमी न बिदाई आन के अमीना सागर मा आपरो जहाज खोल दियो। अना सरको अमी कोस पहुचयो। दुसरो दिवस रुदुस मा, अना वहान लक पतरा पहुचयो।
ACT 21:2 वहान अमीना एक जहाज लियो जोन फीनीके मा जावता होतो।
ACT 21:3 जबा साइप्रस चोयो त हमी न वोला डाक्यो हात छोड़के अखीन सीरिया कन मुरक गयो। काहेकि वहान जहाज को माल उतरनो होतो। एकोलाय अमी उतानी उतर गयो।
ACT 21:4 उतानी अमीला चेलागीन भेटयो। अना अमीला सात दिवस तकन रहेया। उनना आतमा को सिकायो पौलुस ला येरुसलेम जावनो लाय रोकिन।
ACT 21:5 पर उतानी रुकन को पूरो बेरा बिताय के वहान लक चली गया। अना सब आई-माई अना टूरा-टारी सहीत हमला नगर को बाहेर तकन पहुचाइन। मगं सागर को कगर मा अमी टोंगरा टेकके पिराथना करया।
ACT 21:6 तबा उनलक सार होयके हमी त जहाज पर चघ गयो। अखीन वय अपरो-अपरो घर लवट गईन।
ACT 21:7 सूर लक जल यातरा लक अमी पतुलिमयिस मा उतर गयो अमी उनको संग एक दिवस रुकयो।
ACT 21:8 दुसरो दिवस अमी वहान लक चलके कैसरिया मा आयो। अना फिलिप्पुस साजरी खबर सांगन वालो को घर मा जोन सात बेचयो गयो एक होत्यो। जायके वोको घर मा रहेया।
ACT 21:9 वोकी चार कुवारी टूरी होतीन, जोन भविस्यवानी करत होती।
ACT 21:10 जबा हमी वहान लगत दिवस रह चुकया। त अगबुस नाव को एक भविस्यवक्ता यहुदिया लक आयो।
ACT 21:11 वोना हमरो जवर आयके पौलुस को गमछा लेईस अना अपरो हात पाय बांधके कहीस “पवीतर आतमा असी कव्हसेस, का जेना मानूस को यो गमछा से वोला येरुसलेम मा यहूदी गीन एना रीती लक बांधेत अना दुसरो लोकगीन को हात मा सोफेत।”
ACT 21:12 जबा हमी एना गोस्टी ला आयकाया, त हमी अना वहान का लोकगीन न वोको लक बिनती करीन का येरुसलेम नगर मा नोको जाय।
ACT 21:13 पर पौलुस न जवाब देईस “तुमी का करासेव का रोय-रोयके मोरो दिल तोडासेव? मी त पिरभू यीसु को नाव को लाई येरुसलेम नगर मा केवल बांधयो जानोच को लाई नही, पर मरन लाई तैय्यार सेव।”
ACT 21:14 जबा वोना नही मानीस। त हमि यो कहेकर उगो-मुगो भय गयो, का “पिरभू को इक्सा पूरी होय।”
ACT 21:15 एना दिवस को मघा हमी न तैय्यारी करीयो अना येरुसलेम नगर ला चली गयो।
ACT 21:16 कैसरिया लक भी काही चेला हमरो संग भय गईन। अना हमी मनासोन नाव को साइप्रस को एक जुनो चेला को घर आया। का हमी वोको संग वहान रुकनो होतो।
ACT 21:17 जबा हमी येरुसलेम मा पहुचयो ता भाऊगिन मोठी खुसी ले हमरो लक मिलयो।
ACT 21:18 दुसरो दिवस पौलुस आमरो संग याकूब ला भेटयो। वोको संग सबा बुजरुक गिन होतीन।
ACT 21:19 तबा पौलुस ना भी उनको सतकार करीस अना वोना आपरो काम गिनको जोन परमेस्वर कन लक गैरयहुदी मा करयो होतो, एक-एक करके सबच सांगिस।
ACT 21:20 जबा उनना असो आयकीन ता वय परमेस्वर को बड़ाई करीन। मंग वोको लक कहीन, “अरे भाऊ तुम देखासेस का यहूदीगीन मा लक कई हजार न बिस्वास करीन।” अना मोसे को नियम लाई सब धुनमा सेत।
ACT 21:21 उनला तोरो बिसय मा सिकायो गयो से। का तु दुसरो गैर यहुदीगिन को बीच रव्हन वालो यहूदीगीन ला, मंग मोसे भविस्यवक्ता को नियम ला सोड़न कव्हसेत। अना उनलक तु कव्हसेस का अपरा टूरा गीन को खतना नोको करावो, अना न रिती लक चलो।
ACT 21:22 त मंग का करयो जाय? लोक जरुर आयकेत का तु आइसेस।
ACT 21:23 एकोलाय जोन हमी तोरो लक कव्हसेजन उ कर। हमरो यहान चार मानूस सेत जेना मन्नत मानीसेत।
ACT 21:24 उनला संग ले जाय अखिन उनको संग पवितर करनो को जलसा मा सामिल भयि जा अना उनको खरचा उठाय का वय भी आपरो डोस्की मुंडवा लेय। तब सब जान जाहेत का उनना तोरो बारेमा जो आयकिसेत उ सब सच नाहती। पर तु आपच मोसे को नियम अनुसार जिंदगी जिओ सेत।
ACT 21:25 जहान तकन बिस्वास करनवालो गैर यहुदीगीन को सवाल सेत। अमीना उनला एक चिठ्ठी मा लिख्यो धाडिसेस। का वय मुरत गीन को पुड़ा चघायो हुयो जेवन, गरो मुरकेटो जनावर को मांस, अना खून नोको जेवे। अखीन छिंनरापन लक बचयो रहवो।
ACT 21:26 असो परकार पौलुस वय मानूस गीनला आपरो संग ले गयो। अना दुसरो दिवस उनको संग पवीतर होयके मंदिर मा गयो। अना उ सांग देईस का उनमा लक हर एक को लाई चढावा चघायो जानो को दिवस कबा पूरो होहे।
ACT 21:27 जबा वय सात दिवस पूरो होवन पर होतीन त आसिया पिरान्त का यहूदी गीन न पौलुस ला मंदिर मा चोवके सब लोक गीन ला भड़काइन अना असो चिल्लायके वोला धरलेइन।
ACT 21:28 अरे इसरायली गीन मदद करो। यो वोच मानूस आय, जोन आमरो नियम को अना मंदिर को बिरोधमा सिकावत हिंड़सेत। यहान तकन का गैरयहुदी गीन ला येनो मंदिर मा आनके पवीतर जगह ला भी असुध्द कर देइस।
ACT 21:29 उनना एकोलाय असो कव्हयो होतो, का पयले इफिसि लोकगीन त्रुफियुस ला वोको संग नगर मा देखी होतीन। अना यो समझी होतीस का पौलुस न वोला मंदिर मा आनीसेस।
ACT 21:30 तबा सबरी नगर मा हडकम मच गई। अना लोकगीन पराय-परायके इकक्ठा भईन। अना पौलुस ला धरके मंदिर को बाहेर घसीटके आनीन। अना सटाकने बेसकुड़ बंद कर देइन।
ACT 21:31 जबा वय वोला मर डाकनो चाव्हत होतीन। त सेना को नायक ला खबर पहुचाइन। का येरुसलेम मा उथल-पुथल मच रहयो होतो।
ACT 21:32 तबा सौ सिपाई को अधिकारी सिपाई लेके सटाकने आयो ता यहुदीगिन जोन पौलुस ला मारत होतिन मारनो बंद कर देइन।
ACT 21:33 तबा सेना को अधिकारी पौलुस जवर आयो, अना बन्दी बना लियो। वोना वोला दुई हतकड़ी लक बांधनो की हुकूम देके ना पुसन लगयो “यो कोन से? अखीन एना न का करीसेस?”
ACT 21:34 पर जमघट मा लक कोनी काही, अखीन कोनी काही, चिलावता रहेयो। जबा हुल्लड़ को मारे उ सही गोस्टी पता नही चलयो। ता वोला छावनी मा लीजान की हुकूम देइस।
ACT 21:35 जबा उ सीढ़ी पर पहुचयो त फैलो हींसा को कारन वोला सिपाई गीन को सुरक्सा मा लीजानो पडयो।
ACT 21:36 काहेका वोको मघा एक मोठी भीड़ वोला मार डालेयो असो चिल्लावत होतिन
ACT 21:37 जबा वय पौलुस ला गढ मा लीजानो पर होतीन। त पौलुस ना कहीस का “का मी तोला काही कहूसू?” सेना को अधिकारी कहीस “का तु यूनानी जानासेस?
ACT 21:38 का तु उ मिसरी तो नाहस? जोन काही दिवस पयले दंगा करवायो, होतो। अना जोन जंगल मा चार हजार आंतकी लोकगीन ला जंगल मा ले गयो होतो?”
ACT 21:39 पौलुस न कहीस “मी त तरसुस को यहुदी मानूस सेव किलकिया को मानयो-जानयो नगर को रव्हन वालो सेऊ। मी तोरो लक पिराथना करासेऊ का मोला लोकगीन लक गोस्टी करन देव।”
ACT 21:40 जबा वोना हुकूम देईस त पौलुस न सीढ़ी पर उभो होयके लोक गीन को हात लक ईसारा करीस। जबा उ उगो-मुगो भय गयो। त उ इबरानी बोली मा बोलन लगयो।
ACT 22:1 पौलुस ना कहयो, “अगो भाउगीन अना बाप को बरौबर को नेक मानूस! मोरो बचाव मा अब मोला जोन कव्हनो से, ओला आयको।”
ACT 22:2 वय असो आयके का, उ हमरो लक इबरानी बोली मा सांगासे अना उगो-मुगो भय गयो। तबा पौलुस ना कहीस।
ACT 22:3 मी यहुदि मानूस सेउ। किलकिया को तरसुस मा पैदा हुयो सेउ। अना ऐना सहर मा पलियो अना मोठो भयि सेउ। गमलीएल को पाय को जवर बसके आमरो पुरखा को विधान को अनुसार कड़ाई को संगा मोरी दिक्सा भयी से। परमेस्वर को पुढ़ा मि बड़ो धुन लगायो समरपित होतो। वसोच जसो तुमी आज सेव।
ACT 22:4 ऐना मारग को लोकगीन ला मिना लगत सतायो। मी ना मरदमाना अखीन आई-माई दुई ला बंदी बनायके जेलमा डाकके राखो होतो।
ACT 22:5 मुखिया याजक अना बुजरुक लोक को सभा खुदच यो गोस्टी को सबूत से सकासेत। का मी दमिस्क नगर जावन लाय मी इनको लक चिठ्ठी ले के यो मारग को लोकगिन ला बन्दी बनाय के येरुसलेम आनन गयो होतो।
ACT 22:6 जबा मी चलता-चलता दमिस्क को कठा पहुचयो। त असो भयो का दुफारी को बेरा होतो। बादल लक एकाएक एक मोठी उजाड़ो मोरो चारी कन चमकी।
ACT 22:7 अना मी धरती पर पड़ गयो। तबच मी एक असी आवाज आयकू आयो। अरे साऊल! अरे साऊल! तु मोला कायलाई सातवसेस?
ACT 22:8 तबा मी न जवाब दियो ओ पिरभू तु कोन आस? वोना मोरो लक कहीस “मी यीसु नासरी सेव जेनला तु सतावसेस?”
ACT 22:9 मोरा संगी गीन न उजाडो त चोवयो मंग जोन मोरो लक सांगत होतो। वोकी आवाज नही आयकयो।
ACT 22:10 तबा मी न कहेयो, “अरे पिरभू मी का करु?” पिरभू न मोरो लक कहीस “उभो होयके दमिसक मा जाय अना जोन काही तोरो करन को लाई राखीसेऊ उ तोला ला सब सांग दियो जाहे।”
ACT 22:11 वोनो उजाडो को तेज को मारे मोला काही चोयो। ता मोरो संगी गीन हात धरके दमिस्क नगर ले गईन।
ACT 22:12 यो सहेर मा तबा हनन्याह नाव को एक मानूस होतो। उ मोसे को नियम ला माननवालो एक नेक मानूस होतो। उ मोरो जवर आयो।
ACT 22:13 अना उभो होयके मोरो लक कहीस, अरे भाऊ साऊल मंग चोवन लग, वोनच बेरा मोरा डोरा उघड गईन अना मी न वोला देखयो।
ACT 22:14 तबा वोना कहीस, “आमरो आजा-पुरखागीन को परमेस्वर न तोला एकोलाय बेचीसेस का तु वोकी इक्सा ला जान, अना वोनच न्यायी यीसु ला चोव, अना वोको टोन्ड लक गोस्टी आयको।
ACT 22:15 काहेकी तु ना जोन चोइसेस अना आयकिसेस। वोको लाय सब मानूसगिन को पुड़ा तु वोको गवाह होवजोस।
ACT 22:16 अबा का देर करासेस? उभो होय अना बप्तिस्मा ले अखीन वोको नाव ला अपना अना अपरो पाप ला धोय डाक।”
ACT 22:17 जबा मी मंग येरुसलेम नगर मा आयके मंदिर मा पिराथना कर रहयो होतो त बेसुध भय गयो। अना मी दरसन चोवयो।
ACT 22:18 “का पिरभू यीसु मोरो लक कव्हसेस, येरुसलेम नगर लक फटाकने हिटी जाय।” काहेकी उ मोरो बारे मा तोरी गवाही नही मानेत।
ACT 22:19 मी न कहेयो “हे पिरभू उ त आपच जानासे, का मी तोरो पर बिस्वास करनवारा ला जेल मा डाकसेत, अना जघा-जघा यहुदी सभाघर मा पीटावत होतो।”
ACT 22:20 जबा तोरो गवाह स्तिफनुस को खून बोवायो जाय रहेयो होतो। तबा मी भी वहान उभो होतो। अखीन एना गोस्टी मा हिस्सेदार होतो। लोक वोला मारत होतिन, अना मी उनको कपरा की देख-रेख करत होतो।
ACT 22:21 अना वोना मोरो लक कहीस चली जाय काहेकी मी तोला गैर यहुदी को जवर दुहुर-दुहुर तकन।
ACT 22:22 वय ओको एना बयान तकन ता आयकत रहीन। तबा जोर लक चिल्लाय के कव्हन लगीन, “असो मानूस को धरती पर लक नास कर देव, काहेका वोकी जित्तो होवनो बेस नाहती।”
ACT 22:23 जबा वय चिल्लावत अना कपरा फेकके अना बादल मा धुल उडात होतीन।
ACT 22:24 त सेना को अधिकारी न कहीस “एला किला मा लीजावो, अना कोडा मारके जाचो। का मी जानु का लोक कोनतो कारन लक वोको बिरोध मा असो चिल्लावत होतिन।”
ACT 22:25 पर जबा उनना वोला कोड़ा, लगावन काजी बारती लक बांधीन, तबा उभो सौ सेना को अधिकारि लक पौलुस न कहयो, “कोनी रोमी नागरिक जोन बेकसूर सेत कोड़ा लगवानो का सही सेत।”
ACT 22:26 यो आयक के वा अधिकारी सौ सेना को मुखिया को जवर जायके कहीस “तु यो का करासेस? यो त रोमी मानूस से।”
ACT 22:27 तबा सेना को मुखिया न पौलुस जवर आयके कहीस, मोला सांग का तु रोमी सेस? वोना कहीस “हव।”
ACT 22:28 असो आयक के सेना को मुखिया न कहीस मी न लगत रुपया देके पाइसेस। “पौलुस न कहीस मी त जन्म लक रोमी सेव।”
ACT 22:29 तबा जोन लोक वोला जाचन पर होतीन। वय गदने वोको जवर लक सरक गयो। अना सेना को मुखिया भी असो जानके का योच रोमी से अना मी न वोला बांधी सेव उ डराय गयो।
ACT 22:30 सेना को मुखिया यो गोस्टी को बारेमा सही-सही जानन की मनसा लक, का यहूदी वोको पर कायलाई दोस लगावसेस वोको बन्धन खोल दियो। मंग वोना मुखिया याजक अना सबरी मोठी सभा ला इकक्ठा होवन की हुकूम देईस। अखीन पौलुस ला खाल्या लीजायके वोको पुड़ा उभो कर देईस।
ACT 23:1 तबा पौलुस न यहूदी महासभा कन धयान चोवके कहीस, “मोरो भाउगीन्! मिना परमेस्वर को पुड़ा आज तकन साजरो भरोसा को संगा जिंदगी जियीसेउ।”
ACT 23:2 एको पर हनन्याह मुखिया याजक न जवर उभा लोक गिनला हुकूम देईस। का वय ओको गाल मा झापड़ मारेत।
ACT 23:3 तबा पौलुस न वोको लक कहीस “अरे पांढरो पोती भीत! तोरो पर, परमेस्वर को मार पड़हेत। तु मोसे को नियम को अनुसार, मोरो कसो न्याय करन लाई बसीसेस। का तु मोसे को नियम को बिरोध मा, मोला झापड़ मारन को हुकूम दे रहिसेस।”
ACT 23:4 जो पौलुस को कन उभो होतयो वोला कहीस “तु परमेस्वर को महायाजक गीन को बेज्जती करन को हिम्मत कसो करीसेस।”
ACT 23:5 पौलुस न कहीस “मोरो इसरायली भाऊगीन मोला त पता च नही होतो का यो महायाजक आय। काहेका गिरंथ मा असो लिखीसे, तु अपरो लोकगीन को सासक को लाई बुरो नही बोलनो पाहिजे से।”
ACT 23:6 मंग जबा पौलुस ला यो मालुम चलयो का उनमा लक अरधा लोक फरीसी अना अरधा लोक सदुकी सेत तबा मोठो सभा को बीच ओने जोरलक कहीस; मि एक फरिसी सेउ। अना एक फरिसी को टूरा सेउ। मरन को मंघा जित्तो होवन को बारे मा, मोरो आसा को कारन, “मोरो पर मुकदमा चलायो जाय रव्ही से।”
ACT 23:7 ओको असो कव्हनो पर सदुकियो अना फरिसियो मा एक विवाद उभो हुयो अना सभा को बीच फूट पड़ गयी।
ACT 23:8 काहेकि सदुकि गीन को कव्हनो होतो का मरयो मा लक जित्तो होवनो नही से, ना सरग होवासे, अना ना आतमा, काहेका फरिसी को एना सब पर बिस्वास से।
ACT 23:9 एको पर मोठो उथलपुथल मच गयो। फरीसी दल को काही, मोसे को नियम को गुरू, उभा होयके बैस कर असो कव्हन लगीन “हमी एना मानूस मा कोनी दोस नही पाहेत। अदी कोनी आतमा, अना सरगदूत, एको लक काही बोलयो होतो। ता एको लक का?”
ACT 23:10 जबा लगत हिन्सक झगड़ा बढ गयो। त सेना मुखिया को डराय गयो। का कहीं वय पौलुस का टुकड़ा-टुकड़ा नोको कर देत। एको लाई वोना सिपाई गीन ला हुकूम देईस, का वय सबा मा खाल्या जाय के, पौलुस ला वोको बीच लक हेड़के अना किला मा लीजायहेत।
ACT 23:11 वोनाच रात पिरभू न पौलुस को जवर उभो होयके कहीस “हिम्मत राख, जसो तुना येरुसलेम नगर मा मोरो बिसय मा गवाही देईस वसोच तोला रोम देस मा गवाही देनो पडे।”
ACT 23:12 दिवस होवनो पर काही यहूदी गीन न मिलके साजिस रचीन। अना उनना असी किरीया खाईन। का वय तबा तकन न खाहेत न त पीहेत। जबा तकन वय पौलुस ला मार नोको डाकत।
ACT 23:13 जेना लोक गीन न यो साजिस रची होतिन, वय चालीस लक लगत होतीन।
ACT 23:14 वय मुखिया याजक अना बुजरुक गिनला जवर जायके कहीन “हमी न कठिन किरया खाई सेजन। का हमी तबा तकन काही नही जेवबिन जबा तकन हमी पौलुस ला मार नही डाकबिन।”
ACT 23:15 एकोलाय आपच धरम की मोठी सभा की मंजुरी लक, सेना को मुखिया ला खबर करो। का उ पौलुस ला अपरो जवर धाडदेव, मानो का तुमी साजरो लक वोकी जाच करनो चाव्हअ सेव। वोको इतानी आवन लक पयलेच, अमी जान बट्टा लक उड़ाय देबीन।
ACT 23:16 पर पौलुस को बहिन को टूरा ना, वोला मार डाकन को बारेमा आयकीस, तबा उ किला मा पहुचियो। अना भीतर जायके पौलुस ला एकी खबर देईस।
ACT 23:17 पौलुस न एक सेनापति ला बुलावाईस। अना वोला कहीस, “एना टूरा ला सौ सेना को मुखिया जवर ली जावो, काहेकी एला वोको लक काही कव्हनो से।”
ACT 23:18 वोना टूरा ला सेना को मुखिया जवर ली जायके वोना कव्हयो “बन्दी पौलुस न मोला हाकलके कहीस का यो जवान सेनापती ला काही बात सागन वारा सेत। यो काजी एला वोको जवर ले जाव।”
ACT 23:19 सेना को मुखिया न वोको हात धरके अना वोला सुनसान जघा मा ली जायके पुसीस “तु मोला कोनती गोस्टी सांगन चाहवसेस?”
ACT 23:20 वोना कव्हयो “यहूदी धरम गुरु गीन आपसी मा बिचार करीसेत, का वय असो बहाना करयेत का उनला तोरो पुड़ा काही पुसन को सेत। यो काजी वोला धरम सभा मा आनो। का आमी पौलुस की साजरो लक जाँच करबिन।
ACT 23:21 पर तु उनकी वय गोस्टी नोको मानजोस। काहेकी उनमा लक चाड़ीस लक जादा मानूस गीन पौलुस ला मारन को ताक मा सेत। उनना ठान लेइसेस का आमी जब तकन पौलुस ला मारबिन नही। तब तकन अमीला जेवन अना पानी पिवन को धिक्कार सेत। वय अबा परन करी सेत। अखीन तोरो नियाव की रास्ता देख रहयोसेत।”
ACT 23:22 सेना को मुखिया न पौलुस को भासिया ला हुकूम देईस “कोनी ला नोको सांगजोस का तुना मोला असी खबर देईसेस” अना वोना टूरा ला जावन ला कहीस।
ACT 23:23 तबा सेना को मुखिया न दूई सेनापती गीनला हाकलीस। अना उनला कहीस “आज रात नौ बजे तकन कैसरिया जान लाई दूई सौ सिपाई सत्तर घुडसवार अना दूई सौ भाला चलनवारो तैय्यार राखो।
ACT 23:24 अना पौलुस को लाई भी एक घोड़ोसवारी को इंतेजाम करो। जोन मा बसके उ साजरो लक बचाय के राजपाल फेलिक्स को जवर पहुच जाय।”
ACT 23:25 वोना असो चिठ्ठी लिखीस:
ACT 23:26 “हे महासय राजपाल फेलिक्स, क्लौदियुस लुसियास को नमस्कार।
ACT 23:27 एना मानूस ला यहूदीगीन धरके मार डाकनो चाव्हत होतो। पर मीना अपरा सिपाई गीन को संग वहान पहुचके एला सूटकारा देईसेऊ, काहेकी मोला मालूम चल गयो का यो रोमी आय।
ACT 23:28 मी यो जाननो चाव्हत होतो, का वय एको पर कोनतो दोस लगावसेत। एकोलाय मी वोला उनको धरम सभा मा ले गयो।
ACT 23:29 वहान मोला मालूम चलयो, का वय अपरी नियम को बारे मा, एको पर दोस लगाय रहीसेत। पर यो कोनी असो खोटो काम नही करिसेत। जोनको लाय एला मारनो या बेड़ी लक बान्धनो पड़ेत।
ACT 23:30 जबा मोला या खबर मिली का एना मानूस को बिरोध मा साजीस रचयो गयो सेत। तबा मीना एला गदने तोरो जवर धाडिसेव। मीना एको बिरोधीगीन ला भी हुकूम देईसेऊ, का वय तोरो पुड़ा एको बिरोध मा नालीस करे।”
ACT 23:31 हुकूम को लक सिपाई पौलुस ला ले गईन। अना उनला वोनच रात अन्तिपतिरस पहुचाय देईस।
ACT 23:32 दुसरो दिवस वोना घोडो सवार गीन ला पौलुस को सांग जान देईन। अना वय खुदच किला मा लवट के आइन।
ACT 23:33 घोडसवार न कैसरिया पहुचनो मा राजपाल ला वा चिठ्ठी देईस। अना पौलुस ला वोको पुड़ा करीस।
ACT 23:34 राज पाल न चिठ्ठी बाचीस। अना पुछिस का वा कोनतो परदेस की आय। असो जानके का वा किलकिया की आय।
ACT 23:35 वोना कहीस “जबा तुमरो बिरोधी आय जाहे तबा तुमरी पुकार होहे। अना वोना हुकूम देईस। का पौलुस ला हेरोदेस को राजभवन मा पहेरा मा राखयो जाय।”
ACT 24:1 पाँच दिवस को मघा मुखिया याजक हनन्याह काही बुजरुक नेता अना तिरतुल्लुस नाव को वकिल को संग कैसरिया पहुचयो। उनना राज पाल को पुड़ा पौलुस को बिरोध बिनती को चिठ्ठी लिखीन।
ACT 24:2 तबा पौलुस ला बुलायो गयो। अना तिरतुल्लुस न असो कव्हतो हुयो वोको पर दोस लगाईस “महामहिम फेलिक्स महासय! हमी तोरो कारन लक लगत सान्ती मा जिंदगी बितावसेजन। अखीन तोरो साजरो काम लक अमरो लोकगिन को लगत बुराई मा सुधार भय गयो सेत।”
ACT 24:3 एकोलाय आमी हरेक जघा मा अना हरेक परकार लक तोरो धनवाद मानासेजन।
ACT 24:4 मी तुमरो लगत बेरा नही लेवनो चाहवसू। मोरी बिनती से का तुमी हमरा दूई सबद आयकनो की किरपा करो।
ACT 24:5 काहेकी हमी न एना मानूस ला उपदरी अना जगत को सप्पा यहूदी गीन मा बलवा करन वालो अना नासरी गीन को नेता सेत।
ACT 24:6 वोना मंदिर ला अपवितर करन को कोसीस करयो सेत। अना हमिना वोला धरिसेस।
ACT 24:7 पर सेना को मुखिया लुसियास न वोला जबरन हमरो हात लक हिसक लेईस।
ACT 24:8 अना एको पर लगयो अरोप खुदच एकोलक पुसतास करके जान सकासेव।
ACT 24:9 एना आरोप मा यहूदी गीन भी समील भय गईन। वय ताकत लक कव्हन लगीन, का या गोस्टी सच्चीसे।
ACT 24:10 जबा राजपाल न पौलुस ला बोलन को ईसारा करीस। त वोना जवाब देतो हुयो कहीस, तु लगत साल लक यो लोक गिनको न्याय करनवालो सेस। यो जानतो हुयो मी खुसी लक, अपरो बचाव कर रहयो सेऊ।
ACT 24:11 तु आपच जान सेस का अबा येरुसलेम नगर गयो। मोला बारा दिवस भईन।
ACT 24:12 वहान मंदिर मा मोला नही त, कोनी संग बहेस करता देखिन, अना नहि सभाघर गीनमा न नगर मा कोनी लक झगड़ा करता हुयो।
ACT 24:13 अना अबा तोरो पूड़ा जोन अरोप ला मोरो उपर लगाय रहिसेत। वोको पुरुप नही देय सकत।
ACT 24:14 पर मी तोरो पुड़ा यो मान लेसू का मी अपरो बुजरुक गीन को परमेस्वर की आराधना अपरो मारग को जसो करासेऊ। जोनला एक मारग कव्हसेत। मी हरेक गोस्टी मा भरोसा करासेऊ जोन नियम अना भविस्यवक्ता गीनको किताब मा लिखीसे।
ACT 24:15 अना मि परमेस्वर मा वसोच भरोसा राखासु, जसो खुदच यो लोक राखसेत। का साजरा अना बुरो दुई कोच मर जानो को बाद जित्तो होवनो होहेत।
ACT 24:16 एकोलाय मि भी परमेस्वर अना मानूस गीन को पूड़ा आपरी आतमा ला सुध्द बनावन को लाई जतन करतो रव्हासेऊ।
ACT 24:17 लगत बरस दुर रव्हन को मघा मि येरुसलेम मा आपरो गरीब लोक गीन को लाय दान लेके भेंट चघावन आयो होतो।
ACT 24:18 अना जबा मी पवितर बिधी कर रहयो होतो। तो ना मंदिर मा कोनी भीड़ होतो, ना कोनी असान्ति होतो।
ACT 24:19 पर आसिया को काही यहुदीगिन को मनमा मोरो विरोध मा काही से, त वय तोरो पुड़ा यहान होवनो चाहिये होतो।
ACT 24:20 यो जोन लोकगीन उभा सेत। वय खुदच ही सांगेत, का मोरो मा कोनतो खोट सेत?
ACT 24:21 केवल एनाच गोस्टी ला छोडके जेनला मीना वोको बीच मा उभो होयकर जोर लक कहियो होतो “मारया हुया को जित्तो उठनो को बिसय मा तुमरो पुड़ा मोरो मुकदमा होय रहिसे।”
ACT 24:22 पर फेलिक्स न जोन एना मारग की साजरी-साजरी खबर राखत होतो। आयक के रोकतो हुयो कहीस “जबा सेना को मुखिया लुसियास आहेत। तबा मी तुमरो मुकद्दमा ला जाच देहू।”
ACT 24:23 तबा वोना सेना को मुखिया ला हुकूम देइस। का पौलुस ला काही छुट देकन जेल मा राखयो जाय। अना वोका संगी मा लक कोनी ला भी वोकी सेवा करन लक न रोखयो जाहे।
ACT 24:24 काही दिवस गीन को मंघा फेलिक्स अपरी बायको दरसिल्ला ला जोन यहूदी होती। संग आनके अखीन पौलुस ला बुलाय के वोला भरोसा को बिसय मा जोन मसीह यीसु मा से आयकाव।
ACT 24:25 पर जबा पौलुस उ आवन वालो न्याय की गोस्टी कर रहयो होतो त फेलिक्स न कहीस “एना बेरा त तु जाय। बेरा मिलनो पर मी तोला मंग बुलाऊ।”
ACT 24:26 वोना बेरा यो आस भी होती का पौलुस वोला काही रुपया देहे। एकोलाई उ पौलुस ला बार-बार बुलायके वोको लक गोस्टी करत होतो।
ACT 24:27 जबा दुई बरस बीत गईन त फेलिक्स को जघा मा पुरखियुस फेस्तुस आयो। तबा फेलिक्स यहूदी गीन को खुस करन की आस लक पौलुस ला जेल मा च छोडके गईस।
ACT 25:1 पेन्तुस वोना पिरान्त मा जायके तीन दिवस बाद कैसरिया लक येरुसलेम नगर गयो।
ACT 25:2 वहान यहूदी अना मोठो याजक अना यहुदी को नेतागीन पौलुस पर नालिस लगावन वोको जवर आइन।
ACT 25:3 अना फेस्तुस लक यो बिनती करीन, का उ पौलुस ला येरुसलेम नगर बुलावन की किरपा करे। काहेकी पौलुस ला रास्ता मा च मार डाकन को पिलान करी होतीन।
ACT 25:4 पर फेस्तुस न यो जवाब देईस “पौलुस कैसरिया मा बंन्दी से, मी खुदच गदने वहान जावन वारा सेऊ।”
ACT 25:5 “तुमी मा लक जोन मुख मानूस मोरो संग कैसरिया जा सका सेत। अना उना कोनी खोटो काम करीसेस ता वहान ओको पर दोस लगा सकासेत।”
ACT 25:6 फेस्तुस अखिन आठ, दहा दिवस उनको संग रव्ह के कैसरिया ला चलीगयो। दुसरो दिवस ओना अदालत मा बसके हुकूम देइस। की पौलुस ला आनयो जाय।
ACT 25:7 जबा पौलुस वहान पहुचयो। तबा वय यहुदी जोन येरुसलेम लक आयो होतीन। वय वोको चारो कन उभो होय गईन। अना ओको पर असो गंभीर आरोप लगावन लगीन, जिनको उनको कठा कोनी सबुत नही होतो।
ACT 25:8 पर पौलुस ना आपरो बचाव मा कहीस, “मिना ना ता यहूदी गीन की कानुन, न मंदिर अना ना च रोमन राजपाल को विरोध कोनी खोटो काम करीसेऊ।”
ACT 25:9 पर फेस्तुस ना यहूदी गीन ला खुस करनो चाव्हत होतो। एकोलाय उ पौलुस ला साँगीस, “का तु येरुसलेम जावनो चाव्हसेस। जोनलक वहान तोरो न्याय करुँ?”
ACT 25:10 पौलुस ना कहीस, मि यो बेरा मी रोमन को राजपाल को नियाव आसन को पुढ़ा उभो सेऊ। मोरो न्याय यँहाच करयो जाय। तुमी साजरो लक जानासेव का मिना यहूदी गीन को काही भी गलती नही करीसेव।
ACT 25:11 अदी मीना इनको नियम को बिरोध मा या मार डाखन लाय कोनी खोटो काम करिसेऊ। ता मी मरन लाय तैयार सेऊ। पर लोकगिन जोन आरोप मोरो पर लगावसो उनमा कोनी गोस्टी खरो नाहती ता कोनी भी मोला इनको सुपरुत कर नही सका। “यो मोरी रोमन राजपाल लक बिनती से।”
ACT 25:12 तबा फेस्तुस ना आपरी बैठक लक सलाह लेवन को मघा साँगीस, “तु ना रोमन राज पाल लक बिनती करीसेस, ता तु रोमन राजपाल कठा उभो होवजोस।”
ACT 25:13 जबा लगत दिवस बित गईन ता राजा अग्रिप्पा ना आपरी बहिन बिरनीके को संग कैसरिया आयके फेस्तुस ला भेंट करीस।
ACT 25:14 उनको लगत दिवस वहान रव्हन को मघा, फेस्तुस ना पौलुस को मुकदमा को बारेमा राजा ला सब गोस्टी समझायो “यो एक असो मानूस से जेनला फेलिक्स बँदी को रुपमा छोड़ गयो सेत। राखी
ACT 25:15 जबा मि येरुसलेम मा होतो, ता मुखिया याजक अना यहूदी को बुजरुक गिनना ओको विरोध मा दोस लगायो, अना बिनती करिया की ओला सजा देव।
ACT 25:16 तबा मिना उन ला साँगियो की रोमी की यो नियम नाहती। कोनी मानूस जबा तकन की दोस लगावन वालो को पुढ़ा होयके, आपरो बचाव मा जवाब देवन को मौका नही मिलहेत। तब तकन, ओला सजा को लाई कोनी सुपरुत नही कर सकत।
ACT 25:17 असो रिति लक जबा वय यहान एकठ्ठो भईन। ता मिना बिना उसीर करया दुसरो रोज अदालत मा बसके ओना मानूस ला आनन की हुकूम दियो।
ACT 25:18 जबा वोको नालीस करन वारा उभो भइन, ता उनना असो कोनी खोटो गोस्टी को दोस नही लगायो, जसो मी समझत होतो।
ACT 25:19 बलकी वय सब आपरो धरम को काही गोस्टी पर, यीसु नाव को एक मानूस, जोन मर गयो से। पौलुस ओला जित्तो को साँगत होतो। वोको परच मतभेत को चरचा होतो।
ACT 25:20 मी उलझन मा होतो का एना गोस्टी को पता कसो लगाऊ? एको लाई मीना वोको लक पुसयो, का तू यरुसलेम जावनो चाव्हासेस? जोनलक एना गोस्टी को बारेमा निवाव होहे।
ACT 25:21 पर पौलुस ना जबा बिनती करयो का वोको सुनवाई राजा को जवर कियो जाय। ता मीना हुकूम दियो का जबा तकन मी वोला कैसर को जवर न धाड देहू, उ यहाच जेल मा रव्हे।”
ACT 25:22 तबा अग्रिप्पा न फेस्तुस लक कहीस “मी खुदच भी एना मानूस की सुनवाई करनो चाव्हसेऊ।” वोना कहीस “तु काल आयक लेव जोस।”
ACT 25:23 अना दुसरो दिवस जबा अग्रिप्पा अना बिरनीके मोठो धुम-धाम लक आय के अखीन सेनानायक गीन अना नगर को माननिय मानूस गीन को संग उनना सभाघर मा धसीन। तबा फेस्तुस की हुकूम लक पौलुस ला आनयो गयो।
ACT 25:24 फेस्तुस न कहीस, राजा अग्रिप्पा, अना हमरो संग हजीर सज्जन गीन, एना मानूस ला चोवो सो। जेनको बिसय मा सप्पा यहूदी लोक न येरुसलेम नगर मा अना यहान भी चिल्लाय चिल्लायके मोरो लक सिकायत करत होतिन का “अबा एको जित्तो होवनो बेस नहीं से।”
ACT 25:25 पर मोला पता लगयो का एना असो कोनी काम नही करयो सेस। का एला मिरतु की साजा दियो जाय। अखीन एना खुदच राजाको राजा दुबारा बिचार लाय बिनती करीसेस। एकोलाय मीना एला धाड देवन को फैसला करीयो सेऊ।
ACT 25:26 मंग मोरो जवर एको बिसय मा अपरो मालीक ला लिखन को लाई कोनी पक्की गोस्टी नाहती। एको लाई मी वोला तुमी सब को पुड़ा, खास लक राजा अग्रिप्पा तोरो पुड़ा, आनीसेऊ। जेकि जाँच पूरो होवनो पर मोला काही लिखन ला मिल जाय।
ACT 25:27 काहेकी मोला यो बेअरथ मालुम होवासे। का कोनी बन्दी ला वोको आरोप की चिठ्ठी तैय्यार करयो बिना धाड देहू।
ACT 26:1 तबा अग्रिप्पा न पौलुस लक कहीस, “तोला खुदच अपरो पक्स मा बोलन की हुकूम से।” अना पौलुस अपरो बचाव मा सांगन लगयो।
ACT 26:2 “हे राजा अग्रिप्पा, मी आपरो आपला तकदीर वालो समझासु का, यहूदी गीन न जोन मोरो पर लान-छान लगायो से। वोना सब गोस्टी को बचाव मा मी तोरो पुड़ा अपरो बचाव साग रही सेऊ।”
ACT 26:3 खास एकोलाय का ये सब यहूदी ला मालुम सेत, का मी बचपन मा कसो जिंदगी बिताइसेव।
ACT 26:4 वय जानसेत मी मोरो देसमा अना येरुसलेम मा कसो जियो सेऊ।
ACT 26:5 वय मोला लगत बेरा लक जानासेत, अना वय अदी चाव्हासेत ता यो बात को गवाहि, देव सक सेत। का मी ना कसो, आमरो धारमिक रित मा एक कट्टर समहु को अनुसार एक फरीसी को जसो जिंदगी बिताइसेऊ।
ACT 26:6 अना अबा उ करार, जोन परमेस्वर ना आमरो आजा पुरखा लक कियो होतो। वोच भरोसा मा, मी यहान यो मुकदमा साठी उभो सेउ।
ACT 26:7 यो वोच करार सेत, जेनको आस मा, हमी बारा कुर रात-दिवस परमेस्वर को भगती करत आयो सेत। अना हे राजा एना च आस को बारे मा, मोरो पर यहुदी गिन लान-छान लगावसे।
ACT 26:8 तुमी लोकगीन ला यो गोस्टी, बिस्वास को लायक काहे नही लगसेत। का परमेस्वर मरयो हुया ला जित्तो कर सेत?
ACT 26:9 मी खुद सोचत होतो, नासरी यीसु को बिरुद करनलाय जोन काही होय सकत उ सब करीन।
ACT 26:10 ता मीना येरुसलेम नगर मा असोच करीसेव। अना मुख याजक लक हक पायके, लगत सो परमेस्वर को भगतगिन ला जेल मा डाख दियो। अना जबा वय मारो जात होतीन। ता मी उनको बिरोध मा अपरी मत देवत होतो।
ACT 26:11 अना मी हरेक यहुदी सभाघर मा जायके। उनको यो बिस्वास को मारग लक हटान काजी दबाव डाकन को कोसीस करत होतो। उनको लाय गुस्सा इतरो होतो का उनला सतावन लाय मी परदेस को सहेर मा गयो।
ACT 26:12 असोच एक मकसद को संग मी मुख याजक लक हुकूम पाय के दमिस्क नगर जा रहयो होतो।
ACT 26:13 तबच हे राजा दुफार जबा मी अना सब मोरो संगी रस्ता मा होतिन, तबच मी ना बादल लक एक उजाड़ उतरता चोवयो। वोको तेज दिवस को सुरज लक भी जादा लगत होतो। अना मोरो अना मोरो संगी गिन को आखा-पाखा चमको।
ACT 26:14 जबा हमी सब जमीन पर लुड़क गयो। तबच मोला इबरानी बोली मा असी आवाज आयकू आई। साऊल-साऊल, तु मोला कायलाई सतावसेस? तरवार को धार मा लात नोको मार, यो तोरो बसको नाहती।
ACT 26:15 मग मीना कव्हयो पिरभू तु कोन आस, “पिरभू न कहीस, मी यीसु सेव, जेनला तु दुख दे रहीसेस।”
ACT 26:16 परन्तु तु उभो होय, अना अपरो पाय पर उभो होय, मी तोरो पूड़ा एकोलाय परगट भयी सेऊ, का तोला मी एक दास को रूपमा ठैयराउ। अना जोन काही मोरो बारेमा तूना चोविसेस। अना जोन काही तोला चोवाहिन, वोको गवाही रहेत।
ACT 26:17 अना मी तोला जोन यहुदी अना गैर यहुदी लोकगिन को जवर धाड़ासू।
ACT 26:18 उनको डोरा उघाड़न, उनला इंधारो लक उजाड़ कन आनन लाय, अना सैतान को अधिकार लक परमेस्वर को कन मुरकान लाय, तोला धाड़ासेऊ। उनलक तोला बचावत रहिन। एकोलक वय उनला पाप की छिमा भेटेत। अखीन उन लोखगिन को बीचमा जघा पाहेती। “जोन मोरो मा बिस्वास को कारन पवितर भयो सेत।”
ACT 26:19 “हे राजा अग्रिप्पा तबा च लक वोना दरसन की हुकूम ला कभीच मना नही करिसेऊ।”
ACT 26:20 बल्की एको उलट मी पयले उनला, दमिस्क मा, मंग येरुसलेम नगर मा, अना यहुदिया छेतर मा अना गैर यहुदी गीन ला सांगत रहयो। का मन मुरकाव, अना परमेस्वर कन मुरको अना साजरा काम करो।
ACT 26:21 एनाच कारन जबा मी मंदिर मा होतो। यहूदी गीन न मोला धरलेइन। अना मोरो मार डाकन को जतन करयो।
ACT 26:22 पर आज तकन मोला परमेस्वर को मदद भेटत रव्हयो, जोनलक मी आज तकन जित्तो रहयो। अना एकोलाइ मी नहान मोठो सबच को पुड़ा गवाही देवन लाई उभो सेऊ। मी बस एना गोस्टी ला छोड़के अखिन काही नहि कव्हसेऊ। जोन भविस्यवक्ता गीन अना मोसे को अनुसार पुरो होवन की होती।
ACT 26:23 जसो की मसीह ला दुख उठावनो पडहेत। अना ओच मारयो हुया मा लक पयले जित्तो होहेत, अना उ यहूदी अना गैर यहूदी गीन ला उजाड़ को खबर देहेत।
ACT 26:24 जबा पौलुस अपरो बचाव मा एना पिरकार कहे रहयो होतो। त फेस्तुस न जोरलक कहीस “पौलुस तोरो डिमाक खराब भय गईसे।” तोरी लगत पढ़ाई लक तु बैयताड़ भय गयोसेस।
ACT 26:25 पौलुस न कहीस हे “महामहिम् फेस्तुस! मी बैताड़ नही सेउ, पर खराई अना मुद्‍दा की गोस्टी ला सांगासू।”
ACT 26:26 राजा भी जेनको पुड़ा मी बेधड़क होयके सांग रहयो सेऊ। उ एना गोस्टी ला जानासे। अना मी बेखटका कव्हसू, मोला बिस्वास, का इन गोस्टी मा लक काही भी नही लुको नाहती, काहेका उ घटना कोनी कोनटा मा नही भईसे।
ACT 26:27 “हे राजा अग्रिप्पा, का तु भविस्यवक्ता गीन जोन गोस्टी कहिसेत वोना गोस्टी मा बिस्वास करासे? हव मी जानासेव का तु बिस्वास करासे।”
ACT 26:28 एको पर राजा न पौलुस न कहेयो “तु काजक सोचासेस का इतरो सरल रित लक मोला मसीह बनानो चाव्हसेस।”
ACT 26:29 पौलुस न कहीस “जरासो मा का लगत बेरामा, परमेस्वर लक मोरो पिराथना से का, ना तु च बल्कि वय सबच भी बिना सजा को आ जाय। जोन आज मोला आयक सेत।”
ACT 26:30 तबा राजा उभो भयो अना वोको संगच राजपाल, बिरनीके अखीन बसया हुया लोक भी उभा भईन।
ACT 26:31 अखीन ऐक कन जायके एक दुसरो लक गोस्टी करके असो कव्हन लगीन। यो मानूस त असो काही भी नही कर रहीसेत। जोन ला मिरतु को दंड मिलहे।
ACT 26:32 अग्रिप्पा न फेस्तुस लक कहीस “अदी एना मानूस न कैसर लक अपील न करी होतीस त एला मानूस ला छोड़ दियो गयो होतो।”
ACT 27:1 जबा असो पक्को भय गयो का, हमी ला जहाज लक इटली जानो से। त पौलुस अना काही दुसरो कैदी गीनला महाराजा को एक युलियुस नाव को सेना नायक को हात सोप देइन। उ 100 सेना को कमान्डर होतो।
ACT 27:2 अदरमुत्तीयुम लक अमी एक पानी जहाज मा चघयो, जोन असिया को कगर छेतर लक होयके जावन लाय तैयार होतो। वोमा अमी यातरा करन काजी हिटयो। थिस्सलुनीकिया निवासी, एक मकीदुनिया को मानूस होतो जेनको नाव अरिस्तखुरस होतो।
ACT 27:3 परो को दिवस हमी सैदा मा उतरया अना युलियुस न पौलुस को लाय दयावन भयो अना वोना पौलुस को संगीगिन लक मिलन लाय अनुमति दियो। जोन लक वोको लाय जरूरी-जरूरी चीज वोको संगी आन देहे।
ACT 27:4 वहान लक हमी सागर को मारग लक मंघा चल पडयो हमी साइप्रस को आड़-आड़ मा चल रहेयो होतो काहेका वारा हमरो उलट मा होतो।
ACT 27:5 सागर ला पार करके हमी मंग हमी किलकिया अना पंफलिया को कठा लुकिया अना मूरा नाव को जहाज घाट मा पहुचयो
ACT 27:6 उ सौ सिपाई को मुखिया ला सिकन्दरिया लक इटली जावन वालो एक जहाज मिलयो, वोना हमला वोको पर चघाय दियो।
ACT 27:7 हाडु-हाडु मुसिबत लक पुढा बढातो हुयो कनिदुस को जवर पहुचयो काहेका वारा अमरो उलट आवत होती। अना हमी ला पुढा नही जान देत होती। त हमी सलमोने को पुड़ा लक किरेति कन आपरो जहाज बढान लगयो।
ACT 27:8 किरेति दीप कगर-कगर मोठयो मुसीबत लक जहाज ला पुढा बढात-बढात एक असो जघा मा पहुचयो जेनको नाव सुरक्सित जहाज घाट होतो। यहान लक लसैया सहर जवर होतो।
ACT 27:9 गजब उसीर भयगयो होतो जहाज को पुढा बढानो मा भी लगत संकट होतो। काहेका तब तकन उपास को दिवस बीत गयो होतो। एको लाय पौलुस ना उनला सालह देवत हुए कहयो,
ACT 27:10 अगो भाऊ गीन मोला असो लगासे। का अमरो यो सागर यातरा लगत बिनास करन वालो होहेत। सिरप माल मत्ता अना जहाज को लाय बल्की अमरो जान गीन को लाय भी सेत।
ACT 27:11 पर 100 सेना को मुखिया ना पौलुस ना जोन कव्हयो होतो। वोको मा धियान नही दियो। पर सेना नायक न जहाज को मालीक अना अगवा को गोस्टी मा भरोसा राखीस।
ACT 27:12 उ जहाज घाट, थन्डी को मौसम मा ठैयरन को लायक नहोती। एकोलाय लगत लोकगिन ना हो सके तो फिनिकस जावन को ठानीन। अना थन्डी उतानी बितावन को इरादा बनाइन। फिनिकस किरेति देस को एक असो जहाज घाट सेत। जेन को मुख दक्सिन अना दिवस बुड़ती, अना उत्तर दुई को पुड़ा सेत।
ACT 27:13 जबा दक्सिनि वारा हड़ु-हड़ु बहोन लगी, ता उनना सोचयो का जसो उनना चाहयो होतो तसोच उनको योजना को मुताबीक भय गयो। त उनना लंगर उचलके किरेति को कगर-कगर जहाज चलावन लगीन।
ACT 27:14 पर जरा उसीर मा एक टापु को कन लक लगत भयानक आँधड़ आयो। अना जहाज को अखा-पखा बोहन लगयो जोन ला उतर-पुर्वी आँधड़ कव्हत होतीन।
ACT 27:15 जबा जहाज आँधड़ मा फस गयो तबा यो मुमकिन नही होतो यो आँधड़ चीरत-चीरत जहाज पुड़ा जाय। एकोलाय हमीना जतन करनो छोड़ दिया। अना जहाज ला वारा को सहारा मा बोहन लाई छोड़ दियो।
ACT 27:16 दक्सिन को लहान टापु कौदा ला जहाज न पार करियो। तबा काही सहारा मिलयो, लगत कठनाई लक अमीना हमरो जहाज ला सुरक्सित कर सकियो।
ACT 27:17 मंग जहाज चलानवारा गीन ना जहाज ला उचलन को मंघा चराट लक लपटके बांध दियो। अना काही सुरक्सित टापु को उथलो पानी मा नोको फसे असो भेव लक उनना जहाज को पाल उतार देइन। अना जहाज ला वारा को कन बोहन देईन।
ACT 27:18 दुसरो दिवस जबा आमी आँधड़ लक लगत हिंसक धाका खाय रही होतीन, ता वय जहाज को माल फेकीन।
ACT 27:19 परो को दिवस मा उनना जहाज को उपकरन ला अना तिरपाल भी फेक दिया।
ACT 27:20 जबा लगत दिवस तकन न ता सुरज चोयो, न तारा अना आँधड़ लगातार चल रही होती तबा हमी न जिंदगानी को आस छोड़ देइन।
ACT 27:21 जबा लगत दिवस लक कोनी न काही नही जेवीन। तबा पौलुस न उनको बिच उभो होयके कहयो, अरे लोकगीन तुमीला सोचनो होतो। तुमी मोरी गोस्टी मानके किरत लक जहाज नही खोलतत। अना नही योसच मुसीबत आवतो, अना कोनी हानी होती।
ACT 27:22 पर मी तुमरो लक बिनती करासु का हिम्मत राखो। अपरो मा लक कोनी की नही मरहेत, बस यो जहाज की नुकसानी जरुर होहेत।
ACT 27:23 काहेकी परमेस्वर जेकी सेवा मी करसेऊ, वोको एक सरगदूत आज रात मोरो जवर आयके उभो भयो।
ACT 27:24 अखीन वोना कहीस पौलुस नोको डराय, तोला रोमन राजा को पुड़ा उभो होवनो जरुरीसे। चोव! परमेस्वर न एना सबला जोन तोरो संग मा सेत। उनला तोरो सुपरुत करीसेऊ।
ACT 27:25 एकोलाय अगा भाऊहुन धीरज राखो। काहेकी मी परमेस्वर पर बिस्वास राखासू, जसो मोरो लक कव्हयो गयो से, वसोच जरुर होहे।
ACT 27:26 कोनी न कोनी टापू मा हमरो जहाज जरुर ठहरे।
ACT 27:27 जबा आँधड़ की चौदहवी रात आई, तबा हमी भुमध्य सागर मा भूलत-भटकत होत्यो। अना टिका-टिक अरधी राती को बेरा जहाज खेवन वारा ला असो लग्यो, का हमी कोनी तट को जवर पहुची सेजन।
ACT 27:28 थाह लेवन पर उनना सैतीस मीटर गहरई नापीन। जरासो पयले बड़के उनना मंग थाह लेईन त छब्बीस मीटर गहरो पाइन।
ACT 27:29 तबा कंही पहाड-वहाड लक नोको टकराय जाय। यो भेव को कारन लक वय जहाज को मंघा वालो हिस्सा लक चार लंगर डालके अना पिराथना करन लगयो। आस लगाके पहट होवन को बाट जोहन लगीन।
ACT 27:30 उतानी जहाज चलान वालो माँझीगिन जहाज लक परान को पिलान बनायो। उनना असो बहाना बनाइन का जहाज को पूड़ा को हिस्सा मा लंगर डाखन काजी जाय रहयो सेजन। कहेके रक्सा डोगा सागर मा उतार देइन।
ACT 27:31 ता पौलुस न सेना नायक अना सिपाई गीन लक कहीस, अदी ये लोक जहाज पर न रहयो, ता तुमरो भी बचनो मुस्किल सेत।
ACT 27:32 तबा सिपाई गीन न चराट ला काटके डोंगा ला बोहाय देइन।
ACT 27:33 जबा पहेटिया होवनवारा होतो। तब पौलुस ना उनला समझाइस का आज चौदह दिवस भय गयो। तुमी चिन्ता को कारन काही नही जेविसेव।
ACT 27:34 मी तुमरो लकजेवन को बिनती करासेऊ। तुमरो जित्तो रव्हन लाय यो जरूरी सेत। काहे का तुमरौ जान को हानी नहि होहेत।
ACT 27:35 असो कहके वोना भाकर लेईस, अना सबच को पुड़ा वोको लाई परमेस्वर ला धनयवाद देईस। अखीन तोडके जेवन लगयो।
ACT 27:36 एको लक उनको हिम्मत बनी अना सबना जेवन करीन।
ACT 27:37 जहाज पर हमी सबच मिलके दूई सौ छिहत्तर आदमी होता।
ACT 27:38 अखीन जबा वय जेवन करके अघाय गईन। मंग गहूँ ला सागर मा फेकके जहाज ला हल्को करन लगीन।
ACT 27:39 जबा दिवस हिटयो, त वय देस ला चीन्ह नही सकयो। पर उनला लगयो, का एक किनारोदार खाडी सेत। उनना पक्को बिचार बनायो का हो सके ता जहाज वहान टिकाये देबिन।
ACT 27:40 उनना लंगर कापके सागर मा‌ छोड़ देईन। अना वोनोच बेरा पतवार को बंध ला ढिलो कर देईन। अना जहाज को अगलो तिरपाल चघाय के किनार कन बड़न लगीन।
ACT 27:41 अना उनको जहाज रेतामा टक्करायो। जहाज को अगलो हिस्सा रेतामा फस गयो। अना थम गयो अना ताकतवर लहेर को थपेड़ लक जहाज को मघा को हिस्सा टुटन लगयो।
ACT 27:42 सिपाई गीन को बिचार होतो का कैदिगीन ला मार डाको। जेकोमा उनमा लक कोनी भी तिरके पराय नोको जाय।
ACT 27:43 पर सेना नायक ना पौलुस ला साजरो लक लीजावन की आस लक उनला असो करनो लक रोखीस। अना हुकूम देईस “का जोन तीर सकसेत वय पयले कुदके ना जघा पर बच के हिट जाय।”
ACT 27:44 अखीन बाकी लोक पटिया अना जहाज का अना टुकड़ा गीन को सहारा लक बच के हिट जाहे। एना पिरकार लक वय सब लोक जघा पर साजरा-साजरा पहुच गईन।
ACT 28:1 जबा हमी साजरो रुप लक कगर मा बच हिटया, तबा मंग मालुम चलयो। का वोनो दीप को नाव माल्टा होतो।
ACT 28:2 वहान को मुलनिवासी गीन न हमरो सांगा संगी जसो साजरो बरताव करीन। काहेका दव को मौसम होतो। अना बरसात होय रहि होती। एको लाई इस्तो पेटायो। अना हमरो सबको सुवागत करीन।
ACT 28:3 पौलुस न लकड़ी को गठ्ठा जमा करके इस्तो मा राखीस। त आच लगी त एक सरप हिटयो, अना वोको हात ला चाब देइस।
ACT 28:4 जबा मुलनिवासी न सरप ला वोको हात मा गुन्डियो चोयो, त कव्हन लगीन पक्को मा यो मानूस खूनी से। जबा की यो सागर लक बच गयो, पर नियाव एला जीवनो नही दे रहिसे।
ACT 28:5 पर तबा पौलुस न सरप ला इस्तो मा झटकार देइस। अना वोको काही हानी नहि भई।
ACT 28:6 पर लगत उसीर मा रास्ता चोवन को मघा, अना यो चोयके अजब गजब रुप लक काही नही भईसे। उनना अपरी सोच ला बदल लेइन। अना कहिन, “यो तो कोनी देवता सेत।”
ACT 28:7 वोना जघा को अगल-बगल वोनो दीप को मुखिया अधिकारी पुबलियुस की खेत होती। वोना हमरो सुवागत करीस। अना तीन दिवस तकन हमरो पाहुनाई करीस।
ACT 28:8 मंग असो भयो का पुबलियुस को अजी बुखार अना आव लक पीडित होतो। पौलुस वोला देखन अंदर गयो। अना वोना पिराथना करके अपरो हात वोको पर राखीस। अखीन वोला साजरो भयि गयो।
ACT 28:9 एना घटना को मघा दीप मा को सप्पा बीमार आइन, अना साजरा भईन।
ACT 28:10 उनना हमीला लगत उपहार देईन। जबा हमी वहान लक जहाज मा पुढा बढयो, तबा उनना सप्पा जरुरत को चीज आनके देईन।
ACT 28:11 तीन महिना बाद हमी न सिकन्दरिया को एक जहाज मा चल पडया। अना दव को बेरा यो जहाज यहान च होतो। अना जहाज को पुड़ा हिस्सा मा “जुड़या इस्वर” असो छापा होतो। काहेकि वोला जुड़या इस्वर जहाज भी कव्हत होतीन।
ACT 28:12 मंग सरकुसा सहर मा हमी पहुचयो वहान हमी तीन दिवस तकन रुकया रहया।
ACT 28:13 वहान लक हिटके रेगियुम पहुचयो अना परो दिवस मा दक्सिन की वारा चली। अखीन हमी दुसरो दिवस पुतियुली मा आया।
ACT 28:14 वहान हमी ला काही बिसवासी मिलीन जिनना हमरो लक बिनती करीन, का हमी उनको यहान सात दिवस तकन रहया। एना पिरकार हमी रोम पहुच गयो।
ACT 28:15 जबा रोम को बिस्वासी न हमरो आवन को बारे आयकिन अप्पियुस बाजार अना तीन सराव तकन मिलन आइन। तबा पौलुस ला देखिन त परमेस्वर ला लगत धन्यवाद देइन, अना लगत खुस भयो।
ACT 28:16 जबा हमी रोम मा पहुचियो तबा पौलुस ला एक सिपाई को संग जोन वोकी देख-रेख करत होतो अलग रव्हन की हुकूम देईन।
ACT 28:17 मंग तीन दिवस को मघा पौलुस न यहूदी नेता गीन ला बुलवाईस। अना वय जमा भईन, त वोना उनको लक कहीस “भाऊ गीन अदी मीना अपरा लोक अना अपरा पुरखा गीन की रिती-रिवाज को बिरुध्द काही नही करयो। मंग भी मी येरुसलेम लक बन्दी बानायके रोमी को हात सोप दियो गई सेऊ।
ACT 28:18 रोमन अधिकारी को पुछ-ताछ करनो को मघा मोला छोड़ देवनो चाहिन। काहेकि मोला मिरतु की सजा दियो जानो कोनी कारन नही होतो।
ACT 28:19 पर जबा यहूदीगीन न बिरोध करीन तबा मीना रोमन राजा लक दुबारा विचार करन लाय कहेयो, एकोलाई नही का मी अपरोच लोक गीन पर कोनी अरोप लगावनो चाव्हत होतो।
ACT 28:20 एना कारन मीना तुमीला बुलायके गोस्टी सांगी सेऊ काहेकी इसरायल को भरोसा च से जोन कारन मी बेडी लक बंधयो सेऊ।”
ACT 28:21 यहुदी नेता उनना पौलुस लक कहयो, तुमरो बारे मा न कोनी चिठ्ठी मिलीसेत। अना नही कोनि वहान लक आवन वारा मानूस तोरो खबर देइसेस। अना न कोनी न तोरो बिरोध मा पुरो गोस्टी सांगी सेत।
ACT 28:22 पर तोरो बिचार काजक से हमी आयकनो चाव्हसेजन का हमीला मालुम सेत। का सप्पा जघा लोकगीन यो मारग को बिरोध मा सांगा सेत।
ACT 28:23 तबा वोको यहान जमा भईन, जहान उ ठहरियो होतो। अना उ परमेस्वर को राज की गवाही देत होतो। अना मोसे को नियम अखिन भविस्यवक्ता गीनको किताब लक यीसु को बारे मा समझायके-समझाय के साकरी लक झुलाखाली तकन सांगत होतो।
ACT 28:24 वोना जो काही कहे होतो, वोको लक काही न सहमती धरीन। अना काही न भरोसा नही करीन।
ACT 28:25 मंग वय अपसी मा एक दुसरो बेगरो मन होयके वहाँ लक जवान लगीन। तबा पौलुस न यो गोस्टी अखिन सांगयो, यसायाह भविस्यवक्ता को कन लक तुमरो पुरखा गीन लक खरो कहीस का।
ACT 28:26 जायके इन लोकगीन ला कव्हो आयकत रव्हो पर समझ मा नही आहेत। अना चोवत त रव्हना पर नही चोहे।
ACT 28:27 काहेकि एना लोकगीन को मन जड़ता लक भर गयो। अना इनको कान कठनाई लक आयक सेत। अना इनको डोरा बंद कियो गयो सेत। काहेका कही असो ना भई जाय, का वय आपरो डोरा लक चोवे, अना कान लक आयकत, अना उनको मन लक समझेत, अना कदी मुरक जाय, “अना मी उनला साजरा कर देउ।”
ACT 28:28 तबा पौलुस न आखीर मा कव्हयो, एकलाय तुमला जान लेवनो चाहिये। का परमेस्वर को यो छुट्टकारा को संदेस गैर यहुदी को कन धाड़ दियो गयो सेत। वय येला आयकेत।
ACT 28:29 जबा पौलुस को यो गोस्टी कव्हन को मघा यहूदी आपसी मा हिंसक झगड़ा करतो वहान लक चली गइन।
ACT 28:30 वहान पौलुस किराया को घर मा, पूरो दुई बरस तकन रहेयो। जोन कोनी वोको जवर आवत होतीन, उन सब को उ सुवागत करत होतो।
ACT 28:31 उ परमेस्वर को राज को परचार करतो, अना पिरभू यीसु मसीहा को बारेमा, उपदेस देवत। उ यो काम ला बेखटका करत होतो।
ROM 1:1 पौलुस को यो चिठ्ठी से। जोनला यीसु मसीह ना सेवक अना पेरीत को नाता लक निवड़ले आहेत। अना परमेस्वर को साजरा बारता सांगन लाय बुलायो सेत।
ROM 1:2 परमेस्वर ना आपरो भविस्यवक्ता गिन लक असो पयले च करार कियो होतो। असो पवितर गिरंथ मा लिख्यो सेत।
ROM 1:3 त मानूस मा दाऊद को कुटुम्ब को होता।
ROM 1:4 परंतु मोठ्या सामरथ लक मरनो लक जित्तो होवन को कारन। अना वोको पवितरपन को कारन उ परमेस्वर को टूरा से, असो दरसायो जासे।
ROM 1:5 वोच यीसु को खासम-खास चेला होवन को मौका मोला भेटयो सेत। जोन लक मी सबा देस को लोकगिन ला यीसु मा बिस्वास करन अना वोला मानन मा मदद करबिन।
ROM 1:6 यो गोस्टी मा तुमी रोम को सबा रव्हन वारो भी सामिल सेव।
ROM 1:7 अबा मी सब रोमीला लिखासू का परमेस्वर तुम सब लक पिरेम करासेत। अना आपरो जवर बुलावा सेत। तुमी सप्पा लोक ला आमरो पिरभू यीसु मसीह अना वोको परमेस्वर दादाजि कन लक दया अखिन सान्ती भेटेत।
ROM 1:8 पयले मी तुम सबको लाय यीसु मसिहा को कनलक परमेस्वर ला धनवाद देवासू। काहेका सबा दुनिया मा इतानि- उतानी तुमरो च बिस्वास को चरचा होवासेत।
ROM 1:9 यो गोस्टी को परमेस्वर गवाह से, जोन मी सांगा सेऊ उ खरो से। जोन परमेस्वर को टूरा को बारेमा साजरो बारता आयकवा के पुरो मन लक मी वोको सेवा करासेऊ।
ROM 1:10 परमेस्वर जाना सेत, मि हरेक बेरा तुमरो लाय पिराथना करा सेऊ। मी कव्हसेऊ का परमेस्वर उनको भलो करे। मी बिचार करा सेऊ का कसो तुमरो जवर आऊ।
ROM 1:11 मी तुमिला आपरो डोरा लक चोवनो चाव्हासू। जोन लक मी तुमला आतमा मा मजबूत करन लाय एक नवीन आसीरवाद बाटू।
ROM 1:12 मोरो मतलब सेत का जबा अमी आपस मा भेट करहेत ता दुई पक्स को बिस्वास बढेत।
ROM 1:13 मोरो संगी हुन का तुमीला हेत से? लगत बार मीना तुमरो जवर आवन को योजना बनयो। पर मी काय सांगू कहीना कही आड़-फाटा को करन मोरो आवनो फयिल भयि गयो। मी तुमरो संग बदलयो जीवन जिवनो चाव्हसू जसो यहुदीगिन संग जिवासू।
ROM 1:14 मोरो पर यूनानिगिन अना गैर यूनानिगिन, अक्लवर अना मुरख, सब को करजा सेत।
ROM 1:15 एकोलाय मी तुमी रोम को रव्हवासी लोक ला भी साजरा बारता को उपदेस देवन तैय्यार सेऊ।
ROM 1:16 साजरो बारता आयकवान काजी मोला काही सरम-लाज नाहती। यो तो परमेस्वर को ताकत से, जोन हरेक भरोसा राखन वारा, पयले यहूदी लोकगीन, अना मघा गैरयहुदी लोकगीन को लाय, मुकती को जरिया से।
ROM 1:17 साजरा बारता मा “परमेस्वर को नेकपन” जो सुरु लक आखीर तकन भरोसा पर टिकीसे, असो परगट भईसे, जसो का मोसे को नियम मा लिखीसे। “नेक मानूस बिस्वास लक जित्तो रहेत।”
ROM 1:18 परमेस्वर को यो गुस्सा सरग लक, वय सबा पाप अना लोकगीन को खोटो काम को बिरोधमा परगट होवा सेत। जोनको खोटो तरिका सच्चाई ला जानन लाय रोकासेत।
ROM 1:19 परमेस्वर उनला सजा देवासेत। काहेका जोन गोस्टी परमेस्वर को बारेमा जाननो को काबिल से, वा उनको लाय हरामेसा लक सेत। कारन परमेस्वर ना स्वता हरामेसा साठी बनायो सेत।
ROM 1:20 जबा लक परमेस्वर ना दुनिया ला बनायो सेत। तबा लक परमेस्वर को नही चोवन वालो गुन, वोको अमर सक्ती, अना वोको महान आचरन दुई सपा-सपा रुपमा चोवयो गयो सेत। उनला परमेस्वर ना बनाइसेत असो सांगयो जावासेत ता कोनी बहाना नाहोती।
ROM 1:21 वय परमेस्वर ला जना सेत, तरी वय परमेस्वर को आदर नही करतत। ना च वोको धनवाद करतत। एको अलावा उनको बकवास बिचार सेत। अना उनको रिकामो डिमाक मा इन्धार भर गयो सेत।
ROM 1:22 वय खुदच ला अकलवर समजके ना चूथीया बन गईन।
ROM 1:23 अमर परमेस्वर को पूजा करन को जघामा नास होवन वालो, जनावर, पक्सी सरप डेडुर को जसो बनायो कलाकारी अना फोटु को पुजा करा सेत।
ROM 1:24 यो कारन लक परमेस्वर ना उनला मन को इक्सा लक, सोड़ दियो। वय असुध्ध भई गईन, अना आपसी मा आपरो देह को अनादर मजे खोटो करम करन लगीन।
ROM 1:25 काहेका उनना परमेस्वर को खरो को बदला मा, खोट ला अपनायो से। अना संसार को चीजगिन को भगती-सेवा करीन, ना की दुनिया बनावन वारा परमेस्वर को। आमेन।
ROM 1:26 एकोलाय परमेस्वर ना उनला खोटो करम करन लाई सोड़ देईसेस। उनको बायका गीन भी बायको जवर बायका सोवन लगीन अना बायका-बायका च आपसी मा खोटो काम करन लगीन।
ROM 1:27 वसोच मरद भी बायका को संग सोवनो छोड़ केना, आपसी मा मरदमाना खोटो काम करन लगीन। अना खुद आपरो पाप लक, दन्ड पावन लगीन।
ROM 1:28 अना काहेका उनना परमेस्वर ला ओरखन लक मना कर देयिन। ता परमेस्वर ना उनला वसोच बेडिमाक रव्हन दियो। अना वय मन मरजी लक खोटो-खोटो काम करन लगयो। जोन करनो पायजे नाही।
ROM 1:29 एको लाय वय सब परकार को अन्याय करन लगीन अना खोटो काम, लोभ बुराई लक भर गईन। वय ईरसा, जान लेवनो, बैर छल-कपट, अना खोटो बिचार लक भर गइन।
ROM 1:30 बदनाम करन वारा, परमेस्वर ले घिरना राखन वारा, ढिट, जिद्दी, डीग हाकन वारा, बुराई राखन वारा, माय-बाप को हुकूम नही मानन वारा।
ROM 1:31 अठ्ठिया, बिस्वास करन वारा ला धोका देवन वारा, बन गइन अना उनको मन मा माया अना दया नाहती।
ROM 1:32 वय परमेस्वर को हुकूम ला, जानबुझ के, असो-असो काम करन लगीन। जेनको फर मरनो सेत, तोभी वय वसोच काम करासे, अना करनवारा लक खुस होवासे।
ROM 2:1 अगो मोरो संगीहुन! तुमी जोन गोस्टी मा दुसरो ला फैसला मा खोटो ठैयरावा सो, वोच काम तुमी करासेव, तुमी कोनी भी सेव तुमरो बहाना को कारन तुमिला कोनी सूट नाहती।
ROM 2:2 अमीला मालूम सेत का, परमेस्वर सही से। अना एनो गोस्टी को बिरोध मा फैसला देवासेत।
ROM 2:3 तरी तुमी वोना काम करतत जोन को बारेमा तुमी दुसरो को फैसला करतत। का तुमिला असो लगा सेत का परमेस्वर को फैसला तुमी ला बचा देहेत?
ROM 2:4 मंग तू वोको मोठो दया अना धिरज लक सहन करनो ला हीन मानतत। अना तु यो गोस्टी को कन धियान नही देवा सेत। का वोको दया तोला पाप सोड़न को लाय मौका देवा सेत।
ROM 2:5 तरी तुम्ही जिद्दी सेव, अना तुम्हरो गोटा को दिल से। कारन तुम्ही आपरो सजा ला अखिन बढावा देवा सेव। एक दिवस परमेस्वर को कोप अना सही फैसला तुम्हरो पुढा आहेत।
ROM 2:6 काहेका नियाव को दिवस मा अमिना जोन काम करयो सेत वोको अनुसार अमिला ईनाम भटेत। मजे “जसो करनी तसोच भरनी”
ROM 2:7 काही लोकहुन साजरा करतत, अना मान गौरव, अना अमर जिंदगी चाव्हा सेत। परमेस्वर उनला अमर जिंदगी देहेत।
ROM 2:8 काही लोकहुन सुवारथी सेत, अना गलत काम करा सेत, सही काम करन लाय, वोको हुकूम ला नही माना सेत। उनको मा परमेस्वर को गुस्सा दिसायेत।
ROM 2:9 हरेक मानूस, जोन बूरो करासे, वोका पर दुख अना सकंट आहेत, पयले यहूदी पर, मंग गैरयहूदी पर।
ROM 2:10 हरेक मानूस जोन साजरो काम करासे, वोला महिमा मान, अना सान्ती मिल्हेत, पहले यहूदी मंग गैरयहूदी गीनला।
ROM 2:11 परमेस्वर कोनी को तरफदारी नही करा से।
ROM 2:12 जोन मोसे को नियम को जाने बगेर पाप करा से, वोला बिना मोसे को नियम को दन्ड भेटेत। अना जोन को कना मोसे को नियम से, अना पाप करीसेस, वोको नियाव मोसे को नियम, को लक होहेत।
ROM 2:13 काहेका परमेस्वर को कठा मोसे को नियम को आयकन वाला नही, पर वोको लक चलन वारा नेक ठहरायो जावासेत।
ROM 2:14 मंग जो गैरयहुदी सेत अना उनको कठा मोसे को नियम नाहती, वय आपरो सुभाव लक, मोसे को नियम को बात ला मानसे। ता वय मोसे को नियम नही होवन को मंघा, भी आपरो हिरदय मा मोसे को नियम ठेवा सेत।
ROM 2:15 असो वय मोसे को नियम ला आपरो हिरदय मा लिख्यो दिसासेत, अना उनको अक्कल भी यो गोस्टी को गवाही देवा से। अना उनको आपस को विचार उनला, कभी दोसी अना कभी निरदोस ठैयरावा सेत।
ROM 2:16 यो वोना दिवस होहेत, जोन दिवस साजरो बारता को लक यीसु मसीह को लक मोसे, परमेस्वर मानूस गीन को लुकी बात को, न्याय करके दन्ड देहेत।
ROM 2:17 अना तुम जोन यहूदी कहलावा सो। अना तुम मोसे को नियम मा भरोसा राखासो, अना परमेस्वर मा घमन्ड राखासो।
ROM 2:18 अना परमेस्वर को काजक मरजि सेत? तुमला मालूम सेत। अना मोसे को नियम को सिक्सा पायके, तुमिला खरो अना खोटोमा परख सेत।
ROM 2:19 अना तु आपरो आप मा भरोसा राखासे, का मी अन्धरा गिन ला रास्ता चोवान वारा, अना इन्धार मा पडयो मानूस गीन को, उजाड़ सेऊ।
ROM 2:20 अना मुरख ला सिकावन वारा, अना लेकरागिन ला सिक्सा देवन वारा सेउ। अना गियान अना खराई को नमूना सेऊ, मोला यो सबा मोसे को नियम लक भेटयो से।
ROM 2:21 पर तु मुनादी करा सेत, का चोरी नोको करो। अना तू खुदच चोरी करा सेत। पर तुमी स्वता ला सिक्सा नही देवा सो, पर दुसरो ला सिक्सा देवसो। तुमरो तो दियो खाल्या इंधार सेत।
ROM 2:22 तुम कव्हसो छिनाला नोको करो, अना का खुदच करासो। तुमी मुरत लक घिरना करासो, अना मंदिर ला लुटा सो।
ROM 2:23 तुम मोसे को नियम मा घंमड करा सो, तरी मोसे को नियम को हुकूम ला तोड़ा सो, अना परमेस्वर ला बेइज्‍जत करा सेव।
ROM 2:24 काहेका जसो मोसे को नियम मा लिखीसे, गैरयहुदी मा परमेस्वर को नाव को बदी होवासे। कारन तुमरो यो काम।
ROM 2:25 यदि तुमी मोसे को कानून को पालन करा सेत। ता किमती सेत तुमरो खतना! पर तुमी मोसे को कानून ला तोड़ा सेव। ता खतना लका तुमरो काजक फायदा?
ROM 2:26 यदि गैरयहुदी को खतना नहीं होवासे, अना मोसे को हुकूम माना सेत। ता खतना को कोनी जरुरत नाहोती।
ROM 2:27 जोन बिना खतना को, मोसे को नियम को पूरो हुकूम ला माना सेत, उ तुमरो न्याय करयेत। काहेका जोन हुकूम मोसे को नियम मा लिख्यो सेत, वोला तुमी यहुदी होवन को बाउजूद भी तोड़ासो।
ROM 2:28 यो सब को बाद, जोन एक असली यहूदी से, सहीमा खतना करायो सेत। यो उ मानूस नाहाय जोन बहारी तौरमा यहूदी सेत। वोको लाय खतना देह को सपायी सेत।
ROM 2:29 तरी असली यहूदी वा मानूस सेत। जोनको दिल को खतना सेत। अना यो परमेस्वर को आतमा को काम सेत, कोनी लिख्यो कानून को नाहोती। असो मानूस को परमेस्वर बड़ाई करा सेत कोनी मानूस नही।
ROM 3:1 ता यहूदी होवन को काजक फयदा सेत, अना खतना को काजक हेलु सेत?
ROM 3:2 नही फायदा तो सेत। काहेका सब लक पयले तो कानून उनला च भेटयो होतो।
ROM 3:3 यदि यहुदी मा लक काही अबिस्वासी हिटयो तो काजक फरक पडसे। का उनको हुकूम तोडनो परमेस्वर को हुकूम ला बिगाड देहेत।
ROM 3:4 पक्को नही! अदि हरेक मानूस खोटो सेत ता का भयव, परमेस्वर तो खरो से। जसो गीरंथ मा लिख्यो से, “जबा तू सांगेत, तबा तु सही मनो जाहेत, अना जबा तोरो फैसला होयेत, तोरो जीत होयेत।”
ROM 3:5 तरी का होयेत? अदी आमरो खोटो काम करनो लका परमेस्वर को अधिकार अखिन लगत रूप लक चोवासेत। का अमी कव्ह सका सेत का परमेस्वर अमीला सजा देवा सेत वा खोटो सेत? यदि आमरो अधरम परमेस्वर को न्यायीपन दिसावसे तो आमी काय सांगबिन?
ROM 3:6 असो पुसनो सुभाविक सवाल सेत। तरी यो सवाल को कोनी मतलब नाहोती। यदि परमेस्वर अन्यायी होतो, तो उ जग को न्याय कसो कर सकेत।
ROM 3:7 लेकिन का होयेत अगर मोरो खोटो वोको खराई ला अखिन सफा-सफा रुपलक उभो करके परमेस्वर को महीमा को काम करा सेत? मोला अबा भी पापी को रूपमा काहे धिक्कारो जानो पायजे?
ROM 3:8 काहे नही कव्हबीन? “अमिला बुराई करन देव, जोन लक साजरो भय जाय।” काही लोकहुन, सहीमा असो आरोप लगाय के मोरो बेइज्जती करयो सेत। उनको भी निन्दा होयेत, जसो होवनो पायजे।
ROM 3:9 मंग का अमी यहुदी गैरयहुदी को संग तखड़ी मा तौलन मा बजनदार सेत? बिलकुल नाही। मिना पयलेच समजायो सेत का, यहुदी अना गैरयहुदी दुयी पाप को ताकत को भितर च सेत।
ROM 3:10 जसो लिख्यो से कोनी भी असो नाहोति जोन न्यायी होय,
ROM 3:11 कोनी अक्लवर नाहोति, जोन परमेस्वर को अराधना करतत।
ROM 3:12 सबा परमेस्वर लक दूहुर भयो सेत। वय सबच वाईट सेत। कोनी असो काम करासेत नाही। जोन परमेस्वर को नजर मा सही सेत। एकच नाही।
ROM 3:13 उनको गरो उघाड़ो हुवो मठ को जसो सेत। उनको गोस्टी मा छल कपट सेत। अना उनको ओठ मा सरप को जहर सेत।
ROM 3:14 उनको भासा कड़ु बिक अना सराप लक भरयो सेत।
ROM 3:15 उनला मारपीट करनो अना जान लक मारन को घायी सेत।
ROM 3:16 उनको रस्ता सत्यानास, अना बिपत लक भरयो सेत।
ROM 3:17 ओन्हीसीन सान्ती को रास्ता नही जान पाईन।
ROM 3:18 अना उनको डोरामा परमेस्वर को भेव नाहती।
ROM 3:19 आमी जान सेजन का मोसे को नियम जोन काही सांगा सेत, वा वय लोकगीन ला सांगा सेत, जोन कायदा को अधीन सेत। जोन को लक हरेक मानूस को जुबान मा ताला लगी जाय। अना परमेस्वर को पूढा सारो जग सजा को काबील मानो जाय।
ROM 3:20 काहे का मोसे को नियम को लक कोनी भी मानूस तन परमेस्वर को पूढा धरमी ठहरायो नही जाहेती। मोसे को नियम केवल पाप को गियान करासेत।
ROM 3:21 तरी अबा परमेस्वर ना लोकगिन को संगा रव्हन को एक असो तरकीब हेड़यो सेत। जोनको कानून लक कोनी मतलब नाहोती। जबकि मोसे अना सबा भविस्यवक्ता गिन ना कानून को पक्स मा गोस्टी कियो सेत।
ROM 3:22 बिना भेद-भाव को परमेस्वर ना सबा बिस्वासी गिनको लाय, यीसु मसीह मा भरोसा ठेवनो लका परमेस्वर को न्यायीपन दरसायो गयो सेत।
ROM 3:23 हरेक मानूस ना पाप करयो सेत। अना परमेस्वर कन लक दियो तेज बचाव लक लगत दुहूर सेत।
ROM 3:24 पर परमेस्वर को किरपा लक फुकट मा दियो, भेट सबला पिरभू यीसु कन लक सूटकारा देयके सहीमा धरमी बनयो गयो सेत।
ROM 3:25 परमेस्वर ना यीसु मसीह ला लोकहुन को लाय बली को रूपमा दे दियो। जोन लक वोको बोहायो गयो रकत लक वा साधन बन जाय। जेनको लक लोकहुन को पाप ला, वोको मा भरोसा राखन लका माफी कर दियो जाय। परमेस्वर आपरो न्यायीपन दिसावन लाय, जुनो बेरा मा धिरज धरयो। अना लोकगिन को पाप ला अनदेखयो कर देत होता।
ROM 3:26 पर परमेस्वर अबा को बेरामा पाप ला अनदेखयो नही करतत। पर उ पाप ला हटाय के आपरो धरमी पन दिसावा सेत। अना यीसु मा बिस्वास करन वालो ला साजरो राखा सेत।
ROM 3:27 एकोलाय कोनी ला आपरो उपर घमंड करन को अधिकार नही रहयो, वोको तो कोनी जघा नाहती, कोनतो नियम को कारन लक, का मोसे को नियम को कारन लक, नही पर भरोसा को नियम को कारन लक,
ROM 3:28 काहे का आमी मान सेजन का मानूस मोसे को नियम को करमकांड लक अलग, भरोसा लक धरमी ठहरायो जावासेत।
ROM 3:29 का परमेस्वर केवल यहूदी गीन को परमेस्वर से? का उ गैरयहुदी को परमेस्वर नही सेत। उ सचमूच मा गैरयहुदी को भी परमेस्वर सेत।
ROM 3:30 काहेका केवल एकच परमेस्वर से। जोन खतना कियो यहूदी गीन ला उनको भरोसा लक नेक ठहरायेति वसोच गैरयहुदी ला उनको भरोसा लक नेक ठहरायो सेत।
ROM 3:31 तो का हमी यो भरोसा लक मोसे को नियम ला रद्द करासे? कभी नही पर हमी मोसे को नियम ला खरो ठहरावसेजन।
ROM 4:1 का अमी कहबिन, अबराहम को जोन आमरो जाति को अजी सेत? वोको अनुभव काजक सेत?
ROM 4:2 यदि अबराहम वोको नेक काम को कारन, नेक गिनयो जातो। तो काही गरब को गोस्टी होतो। तरी परमेस्वर को नजर मा वोको काम, काही महात्व को नाहोति?
ROM 4:3 गिरंथ कव्हसेत, “अबराहम ना परमेस्वर मा बिस्वास करीस, , अना वोको बिस्वास को कारन परमेस्वर ना वोला सही मानयो।”
ROM 4:4 काम करन वालो मानूस ला बनी दियो जावा सेत। तरी वा भेट नाहोती। वोला काही असोच भेटयो होतो।
ROM 4:5 तर यदि कोनी मानूस काम करन को बजाय वोना परमेस्वर मा बिस्वास करा सेत, जोन पापी ला भी सोड़ देवा सेत। ता वोको बिस्वास च वोको नेक होवन को कारन बन जावा सेत।
ROM 4:6 राजा दाऊद, असो मानूस ला धन्य कव्हसेत। जोनला परमेस्वर बिना काम करे नेक माना सेत।
ROM 4:7 “धन्य से उ जोन को पाप छिमा भयो सेत, अना उनको खोटो करम ढाकयो गयो सेत!
ROM 4:8 धन्य से उ मानूस, जोन को पाप को लेखा-जोखा परमेस्वर नहि राखासे।”
ROM 4:9 क असो धन्य बचन खतना कियो यहूदी काजी सेत, या गैरयहुदी काजी सेत? आयको आमी का सांगि सेजन, “अबराहम ना परमेस्वर मा बिस्वास करीस, अना यो वोको लाय नेकी गीनो गयो।”
ROM 4:10 वोला कसो नेक मानूस गीनो गयो? का वोना बेरा लक, वोला आपरो खानदान ला खतना कराके बेगरो करन को बिधान भेटयो होतो। का नहि? वोना बेरा लक असो बिधान नही आयो होतो। उ तबा बिना खतना को होतो।
ROM 4:11 बाद मा वोको खतना कियो गयो, अना वोको खतना यो दिसान को एक निसान होतो। का वोको बिस्वास को कारन परमेस्वर ना वोको खतना लक पयले नेक इन्सान मान लियो होतो। अना एकोलाय अबराहम उन सबको दआजी सेत। जोन परमेस्वर मा भरोसा राखा सेत। अना वोको लका नेक मानूस को रूप मा स्वीकार कियो जावा सेत। चाहे उनको खतना नहीं हुयो होय।
ROM 4:12 अबराहम खतना करन वालो को भी दआजी से। मजे, खतना करवान वालो को अलावा, बिस्वास को वोच जिंदगी ला भी जीवा सेत। जोन खतना करन लक पयले आमरो दआजी अबराहम ना जीयो होतो।
ROM 4:13 जबा परमेस्वर ना अबराहम अना वोको खानदान लका वादा कियो होतो, का दुनिया लक वोको सम्बंध होयेत। ता वोना असो एकोलाय नही करयो, का अबराहम ना कानून को पालन कियो होतो। बल्कि एकोलाय का उ मानत होतो, अना परमेस्वर लक नेकी को रुपमा स्वीकार कियो गयो होतो।
ROM 4:14 काहेका परमेस्वर जोन वादा करा सेत। वोला कानून को पालन करन वालो ला दियो जावा सेत, ता बिस्वास को काजक मतलब सेत? अना परमेस्वर को वादा बेकार सेत।
ROM 4:15 कानून परमेस्वर को गुस्सा ला कम करा सेत। तरी जितानी कानून नोहोति, उतानी हुकूम तोड़न को सवाल च नाहती।
ROM 4:16 अना एकोलाय यो वादा बिस्वास को अधार मा होतो। जोनलक वादा ला सबा अबराहम को खानदान लाय, पक्को परमेस्वर को कन लक भेट दियो जाय। नाच केवल कानून ला मानन वाला लोकगिन लाय, बल्कि उन लोक गिनको लाय भी जोन अबराहम ला माना सेत। काहेका अबराहम सबा बिस्वासी गिनको दआजी आय।
ROM 4:17 जसो का गीरंथ कव्हासेत, “मीना तोला लगत देस को दआजी बनायो सेत। वोना परमेस्वर को नजरमा अबराहम आमरो दआजी से।” जोनको असो बिस्वास होतो का, परमेस्वर मरयो हुया ला जिंदगी देवा सेत। अना जोन नाहती वा भी बन जावा सेत।
ROM 4:18 सबा मानूस को आस को बिरोध मा आपरो आस ला मनमा सपना मा चोय के अबराहम ना बिस्वास करयो, एकोलाय उ कहयो हुया गोस्टी को कारन लगत देस को दआजी बनयो। जसो लिखयो होतो, “तोरो खानदान लगत होयेत।”
ROM 4:19 अबराहम करीब सम्बर साल को होतो। तरी वोको बिस्वास कमजोर नाहोति। जबा वोना आपरो देह को बारेमा बिचार करयो, जोन पयले लक कोनी काम को ना होतो, अना सारा भि लेकरा जलम देवन को काबिल नाहोती।
ROM 4:20 वोको बिस्वास ला वा नहीं सोड़यो, अना उ वादा मा सक नही करयो, वोको बिस्वास मा ताकत होतो, अना वा जोस लक भर गयो अना परमेस्वर को स्तुति करयो।
ROM 4:21 अना वोला पक्को भरोसा होतो का परमेस्वर आपरो परन ला जरूर पूरो करयेत।
ROM 4:22 यो बिस्वास को कारन उ नेक मानूस कहलायो
ROM 4:23 मोसे को नियम को यो बचन न केवल अबराहम लक,
ROM 4:24 बल्कि आमरो लक भी सम्बन्ध राखासे। यदि आमी परमेस्वर पर भरोसा राखा सेजन। पिरभू यीसु ला मरयो हुयो मा लक जित्तो करिसेत, तो हमी असोच भरोसा को कारन नेक मानूस मानो जाबिन।
ROM 4:25 वोच यीसु आमारो पाप को कारन धरयो गयो, अना हमला पाप छिमा कर नेक मानूस ठयरावन काजी जित्तो भयो।
ROM 5:1 अब आमी बिस्वास को लक परमेस्वर को नजरमा नेक मानूस सेजन, ता अमी आमरो पिरभु यीसु मसीह लक परमेस्वर संग मिलाप कर लेयबीन।
ROM 5:2 उ अमिला परमेस्वर को किरपा मा बिस्वास को लका आनयो सेत जोनमा अमी अबा सेजन। अना अमिला असो आस सेत का परमेस्वर को महीमा मा आमरो हिस्सादारी सेत।
ROM 5:3 इतरोच नहि आमी दुख अना तकलिफ मा भी, घमंड करबीन। काहेका आमी जाना सेजन का, दुख तकलिफ लक धिरज, पैदा होवा सेत।
ROM 5:4 धीरज परमेस्वर को मंजूरी अना सेत। अना वोको मन्जूरी उम्मीद पैदा करतत।
ROM 5:5 अना आस अमिला निरास नहीं होन देवा सेत। काहेका पवितर आतमा कन लका जोन अमिला दियो गयो सेत। परमेस्वर को पिरेम आमरो हिरदय मा, उबड़ायो गयो सेत।
ROM 5:6 जबा अमी अता बेसहारा होतिन। तबच सही बेरा मा पापीगिन लाय मसीह ना आपरो बली दियो।
ROM 5:7 कोनि नेक इंसान को लाय मरनो कोनी मुस्किल काम सेत का? हव असो भी होय सका सेत कोनी असो करन को हिम्मत कर सका सेत।
ROM 5:8 परा परमेस्वर ना अमिला दिसायो का उ आमरो लक कितरो माया करा सेत। जबा अमी अबा पापी होतिन। तब च मसीह आमरो लाय मरयो।
ROM 5:9 यदि आमी मसिहा को खून को कारन धरमी ठहरायो गयो, तो आमी पक्को मसिहा मा परमेस्वर को गुस्सा लक बच जाबीन।
ROM 5:10 आमी परमेस्वर को बैरी होतिन, पर जबा परमेस्वर को संग आमरो मेल, वोको टूरा को मरन लक भई गयो। तब परमेस्वर को सगं मेल हो जान को कारन लक, वोको टूरा को जीवन लक पक्को आमरो सूटकारा हो जाहेति।
ROM 5:11 इतरोच नही, अबा तो आमरो पिरभू यीसु मसीह कन लक परमेस्वर ले आमरो मेल भई गयो। एकोलाय आमी वोको लक परमेस्वर पर भरोसा राखके घमंड करासेजन।
ROM 5:12 यो गोस्टी बिचार करन जोग से। का एकच मानूस लक जग मा पाप आयो, अना पाप लक मौत, असो परकार सबा मानूस मा यो मौत फैल गई। काय से की सबच पापि सेत।
ROM 5:13 मोसे को नियम को पुढ़अ जग मा पाप होति, पर नियम नही होवन को कारन पाप को लेखा नही लियो जात होतो।
ROM 5:14 मंग आदम ले मोसे लक मरनो, उन लोकगीन पर राज करत होति। जोन ना आदम को जसो कोनी हुकूम ला नही तोड़ी होति मजे पाप नही कियो होतो। आदम उ मानूस को रुप से, जोन आवन वालो होतो।
ROM 5:15 मंघ आदम को गलती, अना परमेस्वर को बरदान ला, कोनी बरोबरी नही से, यो सच्चो से की, एकच मानूस को गलती को कारन लक सबच लोक मरीन पर यो फर लक कदी जादा महान सेत। परमेस्वर को दया, अना वो दया लक भरो वरदान, जो एकच मानूस यीसु मसीह लक, सबला छिमा भेटयो से।
ROM 5:16 एक मानूस को गलती अना परमेस्वर को बरदान को बरोबरी नाहती। एक को गलति को कारन लक दन्ड को हुकूम दियो गयो। पर गजब गलती को मघा बरदान दियो गयो, जोन लक पाप लक छिमा मिल गयो।
ROM 5:17 यो सचसे का मरन को राज, एक मानूस को गलति को कारन, एक च लक सुरु भई। पर एको फर लक कहि लगत जोन लोकगीन ला परमेस्वर को किरपा अना धरमिपन को बरदान ज्यादा लक ज्यादा मिलहेत। वय एकच मानूस यीसु मसीह को लक पाप को छिमा भेटत।
ROM 5:18 एकोलाय जसो एक गलति, सब मानूसगिन को लाय दन्ड को, हुकूम को कारन भयो। वसोच एक नेकी को काम भी, सब मानूस को लाय जीवन को कारन ठैयरेत।
ROM 5:19 काहेका जसो एक मानूस को हुकूम नही मानन को कारन गजब लोकगीन पापी ठहरिन, वसोच एक मानूस को हुकूम माननो लक, गजब लोकगीन नेक ठहरायो गइन।
ROM 5:20 कानून ला खोटो तरीका लक बढान को लाय पेस कियो गयो होतो। परा जबा पाप बढयो तबा परमेस्वर को किरपा भी लगत बढ़ गयो।
ROM 5:21 एकोलाय जसो पाप मौत को कारन सासन करा सेत। वसोच परमेस्वर की किरपा को भी नियम, अमीला यीसु मसीह को कारन अमर जीवन को कन लेजावा सेत।
ROM 6:1 मसीह मा अमी काजक कव्हबीन? का आमी पाप करत रहबीन, का किरपा गजब होहेत?
ROM 6:2 पक्को रूप लक नहीं! अमी पाप करन लाय मरयो सेत। मंग अमी योमा कसो रव्हबीन?
ROM 6:3 तुमी, पक्को जाना सेव का, जब अमी मसीह यीसु को संग बपतिस्मा ले रहयो होतो। तो अमीला वोको संग मरनो को बपतिस्मा दियो गयो होतो।
ROM 6:4 मंग आमरो बपतिस्मा लक अमी वोको संग दफनायो गयो अना वोको मौत मा साझा करयो, असो परकार लक जसो मसीह को दआजी, को सानदार ताकत लक मरनो लक जित्तो भयो। वसोच अमिला भि नवा जिंदगी भेटेत।
ROM 6:5 जब लक अमी मरनो को संग, वोको संग एक भयी गयो सेत। ता जसो उ जित्तो से, वसोच अमी भी वोको संग जित्तो रव्हबीन।
ROM 6:6 अमी यो जाना सेजन का, आमरो मा जोन जूनो मानूस होतो, उ यीसु को संगच मा सूली मा चघा दियो होतो जोनलक आमरो पाप वालो देह नास भयी जाय। अना अमी पाप को गुलामि लक सोड़ाया गयो मनूससेजन।
ROM 6:7 काहेका जोन मर गई सेत, उ पाप लक सूट गयो अना निरदोस ठहरो सेत।
ROM 6:8 एकोलाय यदी आमी यीसु मसीह को संग मर गयो। तो आमरो भरोसा यो से, का आमी वोको संग जीवबीन भी।
ROM 6:9 काहेका यो जाना सेजन का यीसु मसीह मरो हुवो मा लक जित्तो भई के दुबारा नही मरन को। अना वोको पर मंग मिरतु को राज नही होवन को।
ROM 6:10 काहेका जोन मर गयो से तो उ एकच बार पाप को काजी मर गयो सेत। अना जोन जित्तो से उ तो उ परमेस्वर को काजी जित्तो से।
ROM 6:11 असोच तूमी स्वता पाप को काजी मरो, अना परमेस्वर को काजी यीसु मसीह मा जित्तो समझो।
ROM 6:12 एकोलाय पाप तुमारो नासमान तन मा, राज नोको करे। का तुमी वोको मुताबिक चलन लगो। या वोको लालच को लक जीवन करो।
ROM 6:13 अना आपरो आँग ला बदी को हथियार होवन को लाय पाप ला नोको सोपो। तुमी अपरो आप ला मरो हुया मा लक जित्तो समझके अपरो आप ला परमेस्वर ला दे देव। अना आपरो देह ला धरमिपन को हतियार बनन काजी परमेस्वर ला सोप देव।
ROM 6:14 तबा तुमरो पर पाप को राज नही होयेति। काहेका तुमी मोसे को नियम को दास नही पर किरपा को आधीन सेव।
ROM 6:15 मंग काजक, अमी दुबारा पाप करबीन? काहे का अबा अमी कानून को नही पर परमेस्वर को किरपा को अधिन सेजन। अमी कोनी परकार लक पाप नहि कर सकत।
ROM 6:16 जबा तुमिला मालुम सेत, का कोनी को मानन लाय जबा तुम्ही तैयार होवा सेव। ता दास को रूपमा आपरो-आपला देवा सेव। तो वो तुमरो मालिक अना तुमी गुलाम भयी जासो। जोन पाप करा सेत वा पाप को गुलाम सेत जोनको फर मिरतू सेत। चाहे हुकूम माननो जोनको फर नेकी सेत।
ROM 6:17 पर परमेस्वर को लाय धन्यवाद! तुमी एक बेरा पाप करन को लाय पाप को गुलाम होतो। पर अबा आपरो दिल लक भेटयो सिक्सा को माननवारा भई गयो, जेन को साँचा मा ढालो गयो सेत।
ROM 6:18 अना पाप को कब्जा लक छुडायो जाके नेकपन को दास बन गयो सेत।
ROM 6:19 मी तुमारो आँग को निरबलता को कारन मानूस को रीत लक कव्हसू। जसो तुमरो देह ला कुकरम को लाय बुराई अना खोटो करम को दास बनाके सोपो होतो। वसोच अबा आपरो देह ला धरमी होवन को कजि, वोको दास बनाके सोपो।
ROM 6:20 जबा तुमी पाप को दास होतो। तो धरम को कन लक सूट होति।
ROM 6:21 अबा जोन बात मा तूमी लज्जित होवा सो, उनमा वोना बेरा तुमीला काजक भेटत होतो। काय का वोको अन्त तो मरनो सेत।
ROM 6:22 पर अबा पाप को कब्जा लक सूटकारा पायके अना परमेस्वर को दास बनके तुमला फर मिल्यो से, जेनको लक तूमी पवीतर भई जावासो। अना वोको अन्त अमर जीवन सेत।
ROM 6:23 काहेका पाप को बनी तो मरनो से, पर परमेस्वर को बरदान आमरो पिरभू यीसु मसीह मा अमर जीवन सेत।
ROM 7:1 अगो भाऊहुन! सहि मा का तुमी समजा सेव? जबा तकन मानूस को जिंदगी सेत तबा तकन च वोको लाय कानून सेत। का तुमी नही जानासो?
ROM 7:2 समजन को लाय यो उदाहरन सेत। काहेका सादि-सूदा भी मोसे को नियम को लक आपरो मरद को जित्तो जी वोको लक बन्धो रव्हसेत। पर यदि वोको मरद मर जावासे, तबा वा आपरो मरद लक सूट जासेत।
ROM 7:3 एकोलाय यदि कोनी बायका आपरो मरद को जित्तो जी वा कोनी दुसरो मरद को भई जाय। ता वोला छिनाल कव्हा सेत। तरी वोको मरद मर जाय तो वा मोसे को नियम अनुसार वा वोको लक वोको लक सूट गई, अना कोनी दुसरो मरद को भई जाय तो कोनी पाप नाहती।
ROM 7:4 अगो मोरो भाऊ हुन असोच मसीह को देह को लक तुमी कानून को लाय मर गयो सेव। एकोलाय अबा तुमी कोनी दुसरो लक नातो जोड़ सका सेव। वोको लकजोन मरयो हुया लक मंग जित्तो भयो सेत। जोन लक अमी परमेस्वर को लाय साजरो काम कर सकत।
ROM 7:5 जबा अमी मानूस को जसो जिंदगी बितावा सेत। ता कानून लक दियो गयो पाप को लालच आमरो देहमा काम करा सेत। अना येको आखीर मौत से।
ROM 7:6 तर अबा कानून लक सूटकारा भेटयो सेत। काहेका जोन कानून ना अमीला बांधयो होतो वोको काजी अमी मर गयो सेत। अना अबा, जूनो लिख्यो कानून लक नही, बल्कि आतमा को नवा रीत लक अमी आपरो मालिक को सेवा करा सेजन।
ROM 7:7 अमी काजक कव्हबीन? का कानून खुदच पापी से बिलकूल नही! पर यो कानून होतो जोन ना सांगयो का पाप काजक सेत? अगर कानून यो नही सांगयो होतो का लोभ नोको करो, तो मोला मालूम नही होतो का लोभ करनो पाप सेत।
ROM 7:8 पर पाप ना डाव चोवके हुकूम लक, मोरो मा, सब परकार को लोभ पैदा करीस। काहेका बिना मोसे को नियम को पाप मुरदा से।
ROM 7:9 मी तो मोसे को नियम बिना पयले जित्तो होतो। पर जबा हुकूम आयो तबा पाप जी गई, अना मी मर गयो।
ROM 7:10 अना वोच हुकूम जेन जीवन को लाई होती। मोरो लाय मरन को कारन बनी।
ROM 7:11 काहेका पाप ना मौका पायके हुकूम लक मोला बहकायो, अना वोको लक मोला मार डाख्यो।
ROM 7:12 एकोलाय मोसे को नियम पवीतर सेत, अना हुकूम भी न्याय अना भला सेत।
ROM 7:13 तो का उ जोन साजरो होती। मोरो काजी मरनो को कारन बनी? कभी नही! पर पाप वोना साजरो चीज लक मोरो लाय मरनो पैदा करनवारा बनी। का वोको पाप पूढा चोवयेती। अना हुकूम को लक पाप गजब बेकार साबीत भई जाये।
ROM 7:14 काहेका अमीला मालूम सेत, का कानून तो आत्मिक सेत। अना मी हाड़-माँस को मानूस सेऊ। जोन पाप को हात बिकयो गुलाम सेऊ।
ROM 7:15 मोला मालूम नाहती, मी काजक करा सेऊ। काहेका जोन मी करनो चाव्हअ सेऊ, मी नही करा सका सेऊ। पर जोन लक मोला घिरना आवा सेत, वोच काम मोरो लक होवासेत।
ROM 7:16 यदी मी जोन नही चव्हासू, अना वोच करासू, तो मी मान लेवसू का कानून साजरो सेत।
ROM 7:17 एकलाय मी सहीमा उ नही सेऊ। जो असो काम करा सेत। बल्कि यो वा पाप सेत। जोन मोरोमा रव्हसेत।
ROM 7:18 मोला मालूम सेत। का नेकी मोरो मा नाहती। मजे मानूस को सुभाव मा। भलो मोरो मनमा साजरो करन को मरजी सेत। परअ मी साजरो नही कर सका सेऊ।
ROM 7:19 वा नेकी को काम जो मी करनो चाव्हसू, नही करा सका सेऊ, पर मी बदी करा सेऊ जोन मी करनो नही चाव्हसू।
ROM 7:20 अबा मी जोन नही चव्हासू वोच करासू तो करनवारा मी नही सेव। पर पाप जोन मोरो मा बसो हुवो सेत।
ROM 7:21 एकोलाय मी आपरो आपमा यो नियम चोवअ सेऊ। जबा मि नेकी करनो चाव्हसू, ता मोरो मा बदी चोवासेस।
ROM 7:22 मी यो भीतर को परमेस्वर को नियम लक खुस सेऊ।
ROM 7:23 तर मोरो देहमा काम करन को एक बेगरो कानून चोवअ सेत। एक असो कानून जोन वोना कानून को खिलाफ लड़अ सेत। जोनला मोरो डिमाक मंजूर करा सेत। यो मोला पाप को कानून कोलाय कैदी बनावा सेत। जोन मोरो देहमा काम करा सेत।
ROM 7:24 मी एक दुखी मानूस सेऊ! मोला यो देह लक कउन सोड़ाहेत? जोन मोला मरासेत।
ROM 7:25 परमेस्वर को लाय धनवाद जोन आमरो पिरभू यीसु मसीह कोलक यो करा सेत। मंग मोरो यो हालत सेत। आपरो दम मा मी आपरो मन लक सिरप परमेस्वर को कानून को सेवा करा सका सेऊ। जबकि मोरो आदत मा पाप को कानून काम करा सेत।
ROM 8:1 अबा यीसु मसीह को संग मा रव्हन वालो पर कोनी दन्ड को हुकूम नाहती।
ROM 8:2 आत्मा को कानून, जोन अमिला मसीह यीसु मा जिंदगी देवा सेत। वा अमिला पाप अना मिरतु को कानून लक सूटकारा दे दियो सेत।
ROM 8:3 यो काम ला कानून नहीं कर सकयो, तबा परमेस्वर ना आपरो स्वता को टूरा लक यो काम करायो। जसो कमजोर देह लक अमी पाप करा सेजन, वसोच देह मा परमेस्वर ना आपरो टूरा ला धाड़ीस। जोन लक पाप ला निरस्त कर देवे।
ROM 8:4 परमेस्वर ना असो करयो सेत, यो साठी का कानून को नेक जरुरत पुरो करयो जाय। यो कारन लका अमी मानूस को सुभाव को अनुसार नाही। तर आतमा को सुभाव को अनुसार चलनो पूरो भयी जाय।
ROM 8:5 जोन लोक मानूस को सुभाव को अनुसार बिचार मा रव्हा सेत। वोको मन मानूस को इक्सा अनुसार रव्हसेत। तरी जोन लोक आतमा को अनुसार रव्हअ सेत। वोको मन आतमा ला काजक पहिजे, यो इक्सा को लाय ब्यस्त रव्हअ सेत।
ROM 8:6 तन मा मन लागवनो तो मिरतू सेत, पर पवीतर आतमा मा मन लगावनो जीवन अना सान्ती सेत।
ROM 8:7 काहेका तन मा मन लगावनो तो, परमेस्वर लक बैर करनो सेत। काहेका असो ता ना तो परमेस्वर को नियम को लक सेत, अना ना होय सका सेत।
ROM 8:8 अना जोन मानूस को इक्सा मा ब्यस्त रव्हा सेत। ते परमेस्वर ला आनंद नाही देव सकत।
ROM 8:9 पर जबा परमेस्वर को आतमा तुम मा रव्हा सेत। तो तुमी देह को दसा मा नही, पर आतमिक दसा मा सेव। यदि कोनी मा मसीह को आतमा नाहती तो उ मसीह को लोक नाहती।
ROM 8:10 यदि मसीह तुमी मा रव्हा सेत, तो पाप को कारन देह मरयो हुया सेत। तर परमेस्वर को सूटकारा को नेक कानून को कारन पवीतर आतमा तुमरो जीवन मा सेत।
ROM 8:11 जोन ना यीसु ला मरयो हुयो मा लक जित्तो करयो। अना वोको आतमा तुम लोकगीन मा रव्हअ सेत। वा च तुमरो नासवान देह ला भी जीत्तो करा देहेत।
ROM 8:12 एकोलाय मोरो संगी हुन! आमरो पर यो देह को करजा तो सेत, पर अमिला मानूस को स्वाभाविक मरजी को अनुसार जित्तो रव्हअनो नाहती। भलो च आमरो मन असो करन लाय साठी उकसावे।
ROM 8:13 पर यदि तुमी आपरो मानूस सुभाव को अनुसार रव्हअ सेव, ता तुमी मरन वालो सेव। तरी आतमा लक मनला मार के जिंदगी को दिवस बितावअ सेव। ता जित्तो रव्हन को मौका सेत। यो काजी आतमा लक बुरो करम ला मार डाखो।
ROM 8:14 जोन आतमा को अनुसार जिंदगी बितावा सेत वा च परमेस्वर को सन्तान सेत।
ROM 8:15 परमेस्वर तुम्हिला आपरो आतमा को गुलाम नही बनावा सेत। यो काजी तुम्हीला परमेस्वर को सन्तान बननो मा भेव लगअ सेत। तरी आतमा तुम्हिला परमेस्वर को लेकरा बनावा सेत। अना वोनअ च आतमा को ताकत को कारन तुम्ही परमेस्वर ला दआजी कव्हा सेव।
ROM 8:16 ता परमेस्वर को आतमा स्वता आमरो आतमा को संग मिलके कव्हा सेत। का अमी परमेस्वर को लेकरा सेजन।
ROM 8:17 अदी अमी वोको लेकरा सेजन। ता वोको दियो गयो आसीरवाद मा आमरो च हक सेत। अना जबा अमी मसीह को संग सेजन ता वोको संग अमिला दुख उचलनो पायिजे। तबच अमीला वोको संग गौरव भेटेत।
ROM 8:18 मोरो असो माननो सेत, का अबा अमी जोन काही भी दुख भुगत रव्हयो सेजन, वोको तवल मा वोना गौरव को संग जोन अमिला मिलनवारो सेत, लगत हलको सेत।
ROM 8:19 परमेस्वर को सबच रचना, परमेस्वर को लेकरा गिनको जलम होवन को रस्ता लगत आस लक चोवअ सेत।
ROM 8:20 यो दुनिया को सबच रचना बेआस होतो, यो जगत आपरो मरजी लक बेआस नहि होतो, तरी असो बनावन वारो को मरजी होतो।
ROM 8:21 मंग अबा भी आस होतो। का दुनिया आपरो गुलामी लक अजाद होवके, परमेस्वर लेकरा गिनको संग गौरव को संग हिस्सादारी करयेत।
ROM 8:22 अमीला मालुम सेत, का अज लका पूरो रचना दुख अना दरद लक कुन्हाय रव्हयो सेत।
ROM 8:23 पर अकेलो दुनिया को रचना च नही कुन्हावअ सेत। मंग परमेस्वर को भेटयो लका एक आतमा भी सेत। वा भी आपरो भितर ढुकअ सेत, काहेका अमी यो काजी परमेस्वर को रस्ता चोवा सेजन। का वो अमिला आपरो लेकरा बनाय के आमरो पुरो जिंदगी को सूटकारा कर देवे।
ROM 8:24 अमी बचायो गयो सेत यो गोस्टी को आमरो मनमा आस सेत। तरी अमी जोन गोस्टी को उमेंद करा सेजन। वोला अमी आपरो डोरा लक चोवासेजन, ता आमरो आस पुरो भयी जासेत। जोन चोवअ सेत, वा अबा आस नाहती।
ROM 8:25 परअ अबा आमरो आस कियो गयो चीज अमीला नही चोवा सेत। मजे अबा धिरज को संग रस्ता चोवनो बाकी सेत।
ROM 8:26 वोना परकार आतमा भी आमरो मदद करन आवा सेत। जसो अमीसेजन। काहेका अमीला मालुम नाहती का अमिला पिराथना कसो करनो पायजे। आतमा स्वता परमेस्वर लका आमरो लाय तकलीफ को संग पिराथना करा सेत, जोन सबद लक सांगयो नही जासेत।
ROM 8:27 परमेस्वर आमरो दिल ला चोवअ सेत। अना वोला मालूम सेत, का आमरो आतमा को काजक बिचार सेत? काहेका आतमा आपरो लोकहुन को कन लक, अना आपरो इक्सा को अनुसार, परमेस्वर लक पिराथना करा सेत।
ROM 8:28 अमिला मालूम सेत, का परमेस्वर जोनको लक पिरेम राखअ सेत, उनको सबा चीजमा साजरा काम करा सेत। अना उनला आपरो उद्देस्य को अनुसार हकलयो सेत।
ROM 8:29 काहेका जेनना वोला पयले लक जान लियो सेत, अना उनला पयले लक ठहरायो सेत। का परमेस्वर को टूरा को रुप होय। जेनको लक यीसु लगत भाऊ गीनमा पहलौटा ठहरेत।
ROM 8:30 मंग जोन ला वोना पयलो लक ठहरायो, उनला हाकलिस भी उनला नेक मानूस ठहरायो, अना उनको बड़ाई भी करयो सेत।
ROM 8:31 येना सबअ गोस्टीहुन ला चोवता हुया, अमी काजक कव सका सेजन? अगर परमेस्वर आमरो कन लक सेत, ता आमो बिरोध कोन कर सका सेत?
ROM 8:32 परमेस्वर न आपरो सगो टूरा ला आमी सबको काजी मौत को सुपरुत कर दियो। उ यीसु को संग आमीला सबा काही, काहे नही देहेत?
ROM 8:33 परमेस्वर को निवाड़ो हुवो पर कोनी दोस लगाहेत। जबा उनला निरदोस ठहरानवारा खुदच परमेस्वर सेत।
ROM 8:34 मंग कोनी सेत जोन अमीला दन्ड को हुकूम देहेत? यीसु मसीह सेत जोन मर गयो होतो। अना मुरदा लक जित्तो भई सेत। अना परमेस्वर को जेवनो कना सेत। अना उ आमरो लाय निवेदन करा सेत।
ROM 8:35 कोन अमीला यीसु मसीह को माया लक अलग कर सका सेत। का दुख का मुसिबत का उपदरा नगांपन, का गिरानी, का जोखिम, का तरवार,
ROM 8:36 जसो मोसे को नियम मा लिख्यो सेत का “तोरो लाय आमी दिवस भर घात कियो जाय रहयो सेत। आमी बलि होवन वारा मेढा जसो समजो जावअ सेत।”
ROM 8:37 पर ऐना सब गोस्टी मा अमीला यीसु लक पूरो जीत भेटासेत। वोना अमी लक गजब माया राखासेत।
ROM 8:38 मोला मजबूत भरोसा सेत का नातो मिरतू, ना जीवन, ना सरगदूत ना नरक दूत ना अबा को बेरा, ना आवन वारा बेरा ना कोनी अचंभा ताकत, ना अधिकारी
ROM 8:39 ना बादल मा ना कोनी पताल को कोनी ताकत अना ना सारो दुनिया को कोनी चीज, अमीला परमेस्वर को वोना माया लक बेगरो कर सकासेत। जोन आमी ला आमरो पिरभू यीसु मसीह मा लक भेटयो सेत।
ROM 9:1 मी खरो कव्हासेऊ, मी मसीह को सेऊ। मोरी भितरी आतमा, पवितर आतमा को हुकूम मानअ सेत। मी खोटो नही कव्हासेऊ।
ROM 9:2 सचमुच मा, मोरो दुख कितरो मोठो सेत। मोरो दिलमा लगत दरद सेत। मोला लगत सोक सेत, मोरो मन हरामेसा दुखी रव्हअ सेत।
ROM 9:3 अदी मी आपरो सगो रकत को कुटुम्बी लोक गिन लाय, मी उनको सराप आपरो डोस्का मा राख लेवतो। अना मसीह कन लक सरापित भयी जातो। अना मसीह लक बेगरो हो जातो। असो मोरो मरजी सेत।
ROM 9:4 वय परमेस्वर को लोख सेत। परमेस्वर ना उनला आपरो लेकरा बनायो। अना आपरो गौरव उनको समोर दिसायो। परमेस्वर ना उनको संग करार कियो अना उनला कानून दियो। उनको पूजा सच्चो सेत। उनला परमेस्वर को वादा भेटयो सेत।
ROM 9:5 वय जाहीर हिबरू घराना को सेत। अना मसिहा भी उनको च घराना को से। परमेस्वर जोन सबा पर सासन करा सेत, वोको हरामेसा बड़ाई होवे!
ROM 9:6 असो नाहोती का परमेस्वर ना आपरो बचन पूरो नही करयो। काहेका जोन इसरायल को खानदान सेत। वय सबच यिसरायली नाहती।
ROM 9:7 अना ना च अबराहम को खानदान को सबा सचमुच मा अबराहम को खानदान को सेत। बल्कि जसो परमेस्वर ना कव्हयो, “तोरो खानदानी इसहाक को लक आपरो परम्परा बढ़ाहेत।”
ROM 9:8 मजे असो नाहती का देह लक जलम लियो च लेकरा परमेस्वर को खानदानी सेत। बल्कि परमेस्वर को बचन ला मानन वालो भी परमेस्वर को खानदान को सेत।
ROM 9:9 बचन मा असो कहयो गयो होतो। “सही बेरा मा मी लवट आहूँ, अना सारा ला लेकरा होयेत।”
ROM 9:10 इतरो च नही, जबा रिबका भी एक मानूस, आमरो पुरखा इसहाक लक पोट लक भयी
ROM 9:11 पर वोको एक लेकरा ला निवाड़ो अना यो पूरो तौर लक परमेस्वर को खुद को यदेस्य को परिनाम होतो, परमेस्वर ना कहयो यो मोरो निवाड़ो गयो मानूस सेत।
ROM 9:12 टुराहुन को जलम लेवन को पयले अना उनको काही भलो-बुरो करन को पयले च कहयो गयो होतो। का “मोठयो लहान को दास होयेत।” एकोलक असो मालुम होवासेत का, हाकलन वालो खुदच तय करा सेत, का कोनीला निवाड़नो सेत। यो मानूस को करम पर नही पर हाकलन वालो को मरजी पर सेत।
ROM 9:13 गिरंथ मा लिखयो सेत। “मिना याकूब ला निवाड़यो पिरेम करयो, अना एसाव ला नकार दियो।”
ROM 9:14 मंग अमी काजक सांगबीन परमेस्वर अन्याय करा से? कबच नही।
ROM 9:15 पक्कोच नही! काहेका परमेस्वर मोसे भविस्यवक्ता ला कहयो होतो “मी जोन कोनी पर दया करन को बिचार करहीन, वोच पर दया करहीन।”
ROM 9:16 एकोलाय यो मानूस को इक्सा या वोको मेहनत पर नही, पर दया करनवारा परमेस्वर को इक्सा पर सेत।
ROM 9:17 काहेका गिरंथ मा मिसर देस को राजा फराओ लक परमेस्वर कव्हसेत, “मी ना तोला एकोलाय वरता उचली सेव, का तोरो मा आपरा ताकत दिसाऊ, अना सप्पा धरती मा आपरा नाव को परचार करू।”
ROM 9:18 एकोलाय परमेस्वर जोन पर चव्हासेत रहम करासेत। अना जोनला चाहे हटिला बना देवा सेत।
ROM 9:19 एकोलाय तू साइद मोरो लक कव्हजोस “अदि मानूस को काम मा, परमेस्वर को मरजी सेत। ता वा मा आमरो काजक दोस से?” आखीर मा परमेस्वर को इक्सा को विरोध कोन कर सका सेत?
ROM 9:20 मानूस भला तू कोन आस? जोन परमेस्वर ला जवाब पलटा जोस? का कोनी रचना आपरो रचनवालो ला पूस सका सेत, “तूना मोला असो काहे बनायो सेत?”
ROM 9:21 का कुम्भार ला यो अधिकार नहि? का उ माती को एक लोदा आन कन एक भान्डा साजरा काम काजी, अना दुसरो सधारन काम को काजी बनाये।
ROM 9:22 पर योमा काजक सेत? यदि परमेस्वर ना आपरो गुस्सा दिसावन साठी अना आपरो ताकत परगट करन को लाय उन लोकगिन को जोन गुस्सा को लाय होतिन, अना जोनको नास होवन वालो होतो। गजब धिरज लक उन भान्डा ला सहन कियो।
ROM 9:23 जोन लक उ उन लोक गिन को फयदा को लाय, जोनला दया को लाय बनायो होतो, अना जोनला वा आपरो महिमा करन लाय बनायो होतो। उनमा आपरो महिमा चोवा सके।
ROM 9:24 असो दया को भान्डो आमी सेजन। जोनला परमेस्वर ना सिरप यहूदी लक नही, पर गैरयहूदी लक भी हाकलिसेत।
ROM 9:25 जसो उ भविस्यवक्ता होसे को किताब मा कव्हसेत “जोन मोरो परजा नही होतिन, मी उनला आपरो परजा कहूँ, अना जोन मोरो चहेतो नही होति, उनलक मि माया करहू।”
ROM 9:26 अना जोन जघामा परमेस्वर ना उनको लक असो कव्हो होतो “तुमी मोरो परजा नही सेव, उतच वय जित्तो परमेस्वर को सन्तान कहलायेती।”
ROM 9:27 अना भविस्यवक्ता यसायाह इसरायल को बारे मा हाकलके कव्हसेत का “इसरायल लोकगीन को गिनती सागर को बालू जसो काहे ना होहेत, पर उनमा लक काही च बचायो जाहेत।”
ROM 9:28 काहेका पिरभू पूरो रुप लक, लवकर धरती मा आपरा गोस्टी पूरो करयेत।
ROM 9:29 जसो यसायाह भविस्यवक्ता को किताब मा लिख्यो सेत। यदि सेना का परमेस्वर ना आमरो काजी काही खानदान बचाके नही ठेवो होतो, तो आमी सदोम अना गमोरा नगर जसो पूरो सत्यानास हो गयो होतो।
ROM 9:30 ता मंग अमी काजक कहबीन? अमी यो नतिजा मा पोहोचयो सेजन, का गैर यहुदीहुन, परमेस्वर को संग आपरो संबंध साजरा करन को कोसीस नही करत होतिन। मंग उनको बिस्वास को लक उनको संग सही संबंध होतो।
ROM 9:31 पर परमेस्वर को लोगहुन, जोन एक असो कानून चाव्हत होतिन। जोन परमेस्वर को संग सही संबंध राखेत पर उनला नही मिल्यो।
ROM 9:32 अना काहे नही मिल्यो काहेका वय बिस्वास पर निरभर नहि होतिन, पर वय आपरो करम मा निरभर होतिन। एको लाय उनला ठोकर को गोटा मा खोद्दा लगयो। अना काहे नही लगहेत?
ROM 9:33 गिरंथ काजक कव्हासेत? “चोवो, मी सिय्योन मा एक गोटा राखा सेऊ, जोनमा लोकहुन खोद्दा खाहेत, एक चट्टान जोन लक वय पड़ जाहेत। तरी जोन कोनी वोको मा बिस्वास करहेत, वा कभ्भू निरास नही होयेत।”
ROM 10:1 अगो मोरो संगीहुन, मोरो पुरो मन लक चव्हा सेऊ, का मोरो लोकगिन बच जाय, मि उनको लाय पिराथना कसो करू?
ROM 10:2 मी तुमिला सांगासेऊ, वय परमेस्वर को लाय खूप काम करनो चाव्हा सेत। लेकिन उनको यो काम सच्चो भगति अना गियान लक नाहती।
ROM 10:3 वय वोना नेकी को रस्ता ला नही जानत होतिन, जोनला परमेस्वर सिकावनो चाव्हत होतो। अना उनना खुदच आपरो लाय नेकी को रस्ता बनावन को कोसीस करयो। अना उनना परमेस्वर लक सांगयो नेकी को रस्ता ला नही अपनायो।
ROM 10:4 काहे का यीसु मसीह सबच पिरकार लक कानून ला पूरो करासेत। अना हरेक भरोसा राखन वारा ला नेक रस्ता देवा सेत।
ROM 10:5 नेक काम को बारेमा जोन कानून भेटासेत वोको बारे मा मोसे ना लिखयो सेत, जोन कानून ला मानहेत वा वोको कारन जित्तो रहेत।
ROM 10:6 पर जोन भरोसा लक नेक सेत, वोको लाय असो लिख्यो सेत, का तुमी आपरो मन मा असो विचार नोको करो, का सरग मा वरता कोन चघेत? मजे मसीह ला खाल्या आनन लाई।
ROM 10:7 या नरक मा खाल्या कोन जाहेत? मसीह ला मरयो हुयो मा लक वरता आनन काजी।
ROM 10:8 पर मोसे को नियम मा असो लिख्यो सेत। का बचन तोरो जवर तोरो होठ मा अना तोरो मन मा सेत। यो वोच भरोसा को बचन सेत जोन ला आमी मुनादी कर सेजन।
ROM 10:9 यदि तुमी असो स्विकार करा सेव, का यीसु च पिरभू सेत। अना बिस्वास करो का परमेस्वर ना वोला मरयो हुयो लक जित्तो करयो सेत, तो तुम्हि बच जाहो।
ROM 10:10 काहे का मन मा भरोसा राखन लक मानूस नेक बन जासे अखिन परमेस्वर लक सही संबंध भई जासे। अना स्वीकारनो लक हमीला बचायो जावा सेत। मजे आमरो सूटकारा होवा सेत।
ROM 10:11 काहे का गीरंथ असो कव्हासेत का “जोन कोनी बिस्वास करहेत उ कभी नही लजाहेत।”
ROM 10:12 अबा यहूदी अना गैर यहुदीमा काही भेद-भाव नही सेत, एको लाय उ सबको पिरभू सेत। अना आपरो सब नाव लेवन वारा पर दया करासेत।
ROM 10:13 काहेका जोन कोनी पिरभू को नाव लेहेत वो बचायो जाहेत।
ROM 10:14 पर जोन पर उनना भरोसा नही करीसेस वय वोका कसो नाव लेहेत? अना जोन को बारेमा नही आयकिसेस, वोको पर कसो भरोसा ठेहेत? अना मुनादी करन वारा को बिना वय कोन लक आयकेत?
ROM 10:15 अना यदी मुनादी करनवारा ला धाडयो ना जाय, तो कसो सांगेत? जसो का गिरंथ मा लिख्यो सेत, “उनको पाय कितरो खुबसुरत अना साजरो सेत, जोन साजरो बारता आयकावसे?”
ROM 10:16 पर सबना उ साजरो बारता पर कान नही लगायो। भविस्यवक्ता यसायाह कव्हसेत “ओ पिरभू कोन ना आमरो साजरा बारता पर भरोसा ठेविसेस।”
ROM 10:17 एकोलाय भरोसा आयकन लक, अना आयकनो मसीह को बचन लक होवासेत।
ROM 10:18 पर मी कव्हसू, का उनना नही आयकिन? जरूर आइकिसेस; काहेका लिख्यो सेत, “उनको आवाज सारो जगत मा, अना उनको बचन धरती को छोर तकन पहुच गयो सेत।”
ROM 10:19 मी मंग कव्हसू। का इसरायल लोकगीन ला मालूम नही होतो? पयले ता मोसे भविस्यवक्ता कव्हासेत, मी गैर यहुदी लोक लक तुमरो मन मा जलन पैदा करहू। मी एक मुरख देस लक तुमिला गुस्सा दिलवाहू।
ROM 10:20 मंग यसायाह भविस्यवक्ता मोठो दिलेरि को लक कव्हसेत, “जोन मोला नही ढूढत होतीन, उनला मि भेंट गयो। अना जोन मोला पुसत भी नही होतिन उन पर मी परगट भई गयो।”
ROM 10:21 पर इसरायल को बारे मा उ असो कव्हसेत। “मी सारो दिवस आपरो हात हुकूम नही मानन वारा अना झगड़ा करन वारा परजा को कन पसारो रह्यो।”
ROM 11:1 मी पूसा सेऊ, का परमेस्वर ना आपरो लोकहुन ला बिसरा दियो से। नही असो नाहती मि खुदच एक इसरायली अना अबराहम को खानदान को सेऊ, मी, बेंजामिन को कुल को एक मानूस सेऊ।
ROM 11:2 परमेस्वर ना आपरो लोक गिनला नही बिसरो सेत। जोनला वा सूरूवात लक निवाड़ो सेत। तुमी जाना सेव, गिरंथ को वोना जघा मा काजक कव्हसेत, जहा एलियाह इसरायल को खिलाप मा पिराथना करासेत।
ROM 11:3 “हे पिरभु, उनना तोरो भविस्यवक्ता गिनला मार डाख्यो सेत। अना तोरी वेदि हुन ला तोड़ दियों सेत। बस मी च बचयो सेऊ। अना वय मोला मारन को कोसीस मा सेत।”
ROM 11:4 परमेस्वर ना वोला जवाब दियो, “मीना अपरो लाय असो सात हज़ार मरदमाना गिनला राखयो सेऊ, जोनना खोटो बाल देवता को पूजा नहीं करयो सेत।”
ROM 11:5 वसोच हाल यहान भी सेत। परमेस्वर की किरपा लक उन लोक गिनको एक लहान संख्या बचयो सेत। जोनला परमेस्वर निवाड़ो सेत।
ROM 11:6 वोको पसंद किरपा पर अधारित सेत। ना च काम मा, काहेका अगर परमेस्वर को पसंद लोकगिन पर आधारित होतो ता वोको किरपा सहीमा किरपा नही होतो।
ROM 11:7 मंग काजक? इजराइल को लोक गिन ला वा नही भेटयो जोनको उनला तलास होतो। यो बस लहान सो एक समूह होतो। जोनला परमेस्वर ना निवाड़ो, वोच ला भेटयो सेत। बाकि सब परमेस्वर को हाकलनो पर भयरा भयि गयिन
ROM 11:8 जसो गीरंथ कव्हसेत, “परमेस्वर ना उनको मन अना हिरदय ला बेरस बना दियो, यो दिवस मा वय अन्धरा अना भयरा बन गयो सेत।”
ROM 11:9 अना दाऊद कव्हासेत, वय धरयो जाय सकत, अना आपरो जेवन मा फँस सका सेत। वय पड़ सकत, अना उनला सजा दियो जाय सका सेत।
ROM 11:10 उनको डोरा ला अधंरा कर दियो जाय जोन लक वा चोव ना सकेत। अना उनला हरामेसा आपरो आफद को खाल्या नवाय।
ROM 11:11 एकोलाय मी कव्हासेऊ, का उनना एकोलाय खोद्दा खायो का वय पड़के नास भयी जाय? पक्को च नही। बल्कि उनको खोटो करनो लक गैर यहूदी लोक ला सूटकारा भेटयो। जोनलक यहूदिगिन मा जलन पैदा होय।
ROM 11:12 असो परकार अदि उनको गलती करन लक सारो जगत ला मोठयो फायदा सेत। अना अदी उनको गवड़नो लक गैरयहूदी गिनला फायदा सेत। तो उनको पुरो होवनो लगत काही होहेत।
ROM 11:13 अबा मी तुम गैरयहूदी लक मी कव्हासेऊ, तुमी तो यहुदी नाहोती। काहेका मि खास लक गैरयहूदी गिनको लाय पेरीत सेऊ, मी आपरो काम को लाय पूरो मेहनत करा सेऊ।
ROM 11:14 यो आस लक का मी उनको भी भितर मा जलन पैदा करनो चाव्हा सेऊ जोनलक वय भी बचायो जाय मि एकोलाय मेहनत करा सेऊ।
ROM 11:15 काहेका अदी भगवान को लक उनको नकार दियो जानो लक जगत मा परमेस्वर को संग मेल मिलाप पैदा होवासेत। मंग उनको अपनायो जानो का मरयो हुवो लक जिलायो जानो नही होहेत।
ROM 11:16 अदि आमरो भेंट को एक हिस्सा पवितर से ता का वा सबअ पवितर नाहती? अदि झाड़ को जड़ पवितर सेत, ता वोको डगाल भी पवितर सेत।
ROM 11:17 यदि काही डगाली तोडके बेगरो कर दियो गयो सेत। अना तुमी गैरयहुदिगिन! जो बन जैतून सेव उनको जघा मा कलम लगायो गयो से अना जैतून को जड़ अना वोको चिकनाई को भागीदार बने।
ROM 11:18 तुमी आपरो आप ला डगाली लक बड़के नोको समझो। यदि तुमी घमन्ड करनो चाव्हासो, त हेत राखो क तुमी जड़ ला नही पाल रहयो सेव। बल्कि जड़ तुमिला पाल रहयो सेत।
ROM 11:19 तुमी कव्हसेव “डगाली एकोलाय कापके अलग कर दियो गयो का मोला बान्धो जाय।”
ROM 11:20 बेस से, वय तो अबिस्वासी को कारन कापके अलग कर दियो गयो, अना तुमरो भरोसा बल मा आपरो जघा पर बनो हुयो सेव। एकोलाय गरब नोको करो, वरन भेव मानो।
ROM 11:21 यदि परमेस्वर असल डगाली पर रहम नही करयो, तो उ तुम पर भी रहम नही करेत।
ROM 11:22 एकोलाय परमेस्वर को दयालुपन अना कठोरपन दुई गोस्टी पर बिचार करो। पापी लोग काजी उ कठोर सेत, अना तुमरो लाय परमेस्वर को दयालुपन सेत, पर सरत यो से, का तुमी वोकी दयालुपन को लायक बनो रव्हो। नही तो तुमला भी कापके अलग कर दियो जाहेति।
ROM 11:23 दुसरो कन यदि वय अबिस्वासी बनो नही रहेत, तो वय भि साटो जाहेत। काहेका परमेस्वर उनला दुबारा लगानो को ताकत राखा सेत।
ROM 11:24 यदि तुमी आपरो गुन लक बन जैतून को डगाली सेव, अना वोला कापके आपरो गून को बिरोध मा असली जैतून मा कलम लगायो गयो सेव। तो वय कहि ज्यादा सरल लक आपरो आचरन को लक, आपरो निज जैतून मा कलम लगायो जा सकेत।
ROM 11:25 अगो मोरो संगीहुन! यो एक छिपयो सच्चो गोस्टी सेत। जोन तुम्हिला सांगा सेऊ। यो गोस्टी तुम्हिला चेताहेत का तुमी कितरो अक्कलवर सेव? इसरायिल को लोकहुन को यो हरामेसा को जिद्द नाहती। मंग यो तबा तकन चलयेत, जबा तकन पूरो गैरयहूदी परमेस्वर को जवर ना आय जाय।
ROM 11:26 अना असो रिति लक सारो इसरायल ला बचायो जाहेत। जसो गीरंथ मा लिख्यो सेत बचावन वारा सिय्योन लक आहेत, अना सबा नीचपन ला याकूब लक दुर करयेत।
ROM 11:27 तबा मी उनको पाप गिनला हिसक लेहू अना उनको संग यो करार करहीन।
ROM 11:28 साजरो बारता को हिसाब लक तो तुमारो लाय वय परमेस्वर को बैरी सेत, पर निवाड़ो होवन को कारन, वय बाप दादा को जमाना लक चहेतो सेत।
ROM 11:29 परमेस्वर आपरो मनला नही बदला सेत। जोनला वा निवाड़ो सेत वोला वा आसीरबाद भी देवा सेत।
ROM 11:30 जसो तुमीना जूनो जमाना मा परमेस्वर को हुकूम ला नही मानयो सेव, वसोच, यहूदी गिन भी हुकूम नहि मानयो सेत। पर अबा तुम्हिला परमेस्वर को दया भेटयो सेत।
ROM 11:31 वसोच यहुदीगिन भी परमेस्वर को हुकूम ला नही माना सेत, जोन लक तुमरो जसो उनला भी परमेस्वर को दया भेटेत।
ROM 11:32 काहेका परमेस्वर ना सबला हुकूम नही मानन को लाय, बन्दी बनाके राखिसेस जेनको लक उ सब पर रहम करे।
ROM 11:33 आहा! परमेस्वर को धन अना अक्ल अना गियान कितरो गंभीर सेत! वोको बिचार कसो अथाह अना वोको रस्ता ला कोनी नही जान सकासेस।
ROM 11:34 “पिरभू को अक्ल ला कोन जानयो सेत? या वोको सला देवन वालो कोन सेत?
ROM 11:35 या कोन ना पयले वोला काही दियो से, जोनको बदला वोला दियो जाय?”
ROM 11:36 काहे का वोच को कन लक, अना वोच को लक अना वोच को लाय सब काही सेत। वोको महिमा सदा तकन होवत रवहे आमेन।
ROM 12:1 अगो मोरो संगीहुन! परमेस्वर को दया ला हेत कराके मी तुम्हि लक बिनती करा सेऊ। का अपरो आप ला परमेस्वर को लाय जित्तो बली को रूपमा परमेस्वर को सेवा अना वोला खुस करन लाय दे देव। योच सच्चो पूजासेत। असो पूजा तुमीला करनो सेत।
ROM 12:2 तुम्हि आपरो आप ला दुनिया को माफीक नोको बनाओ लेकिन परमेस्वर ला अपरो मन ला बदलन को पूरो मौका देव। तबा तुमला परमेस्वर को इक्सा को बारेमा पता चल जाहेत। जोन साजरा सेत अना वोला साजरो लगासेत। अना सिध्द भी सेत।
ROM 12:3 अना मी परमेस्वर को किरपा को वजा लक हरेक ला कव्हसेऊ। अपरो आप ला जरुरत लक जादा हुसियार नोको समजो। आपरो बिचार मा सयंम बरतो। अना परमेस्वर ना तुम्हिला जोन बिस्वास देयि सेत, वोको अनुसार खुद को बरोबरी करो।
ROM 12:4 आमरो देह को लगत हिस्सा सेत। अना सबको अलग-अलग काम सेत।
ROM 12:5 वसोच अमी भी लगत सेजन। मंग मसीह मा एक देह सेजन। अना देह को आंग होवन को कारन एक दुसरो लक जुड़यो सेजन।
ROM 12:6 एकोलाय अमी आपरो अलग-अलग बरदान ला वोना किरपा को अनुसार, बवजा सेजन, जोन परमेस्वर न अमिला दियो सेत। अदि आमरो बरदान परमेस्वर को सन्देस सांगनो सेत, ता अमिला एला वोना बिस्वास को संग करनो पायजे जो आमरो जवर सेत।
ROM 12:7 अदी सेवा करन को बरदान सेत, ता अमीला सेवा करनो पाहिजे। अगर अमिला सिकावन को बरदान भेटयो सेत, ता अमिला सिकावनो पाहिजे।
ROM 12:8 अदि यो दुसरो को जोस भरन को वरदान सेत, ता वोला वोच करनो पायजे। जोन कोनी दूसरों को संग साझा करनो को सेत ता दया लक करनो पायिजे। जोनको जवर अधिकार सेत। वोला कड़ी मेहनत करनो पायजे। जोन कोनि दूसरों पर दया करा सेत। वोला खुसी-खुसी करनो पायिजे।
ROM 12:9 पिरेम पूरो ईमानदारी लक होवनो पाहिजे। बुराई लक बेगरो भयी जाव, जोन साजरो सेत वोला धरो।
ROM 12:10 भाऊ-भाऊ मा जसो पिरेम होवासे वसोच एक दूसरो लक पिरेम राखो, आपसी मा एक दूसरो को आदर करो। अना एक दूसरो लक बढ चढ़के करो।
ROM 12:11 कोसीस करनो मा अलाली नोको करो, पवीतर आतमा मा को जोस मा भरयो रव्हो, पिरभू को सेवा करतो रव्हो।
ROM 12:12 आपरो आस मा खुसहाली करो, दूख मा पक्को रव्हो, पिराथना मा हमेसा लगे रहयो।
ROM 12:13 पवीतर लोकगीन ला काही चीज को जरुरत हो उनला हिस्सादार बनावो, पोहनाई करनो मा लग्यो रव्हो।
ROM 12:14 आपरो सतावन वालो ला आसीस देव, उनला सराप नोको देव।
ROM 12:15 खुसहाली करन वारा को संग खुसहाली करो रडन वारा को सगं रडो।
ROM 12:16 आपसी मा एक मन राखो घमन्ड नोको करो, पर गरीब लोक गीन को संगती करो। अना आपरो नजर मा बिचार के अक्लवर नोको बनो।
ROM 12:17 बुराई को बदला मा कोनी को बुराई नोको करो।
ROM 12:18 जहान तकन हो सका सेत, तुमी जी भरके सब मानूसगिन को संग साजरो मेल-मिलाप राखो।
ROM 12:19 ओ मोरो चहेतो लोकगीन आपरो पलटा नोको लेव पर परमेस्वर को गुस्सा ला मौका देव, कहेका लिख्यो से पलटा लेवनो मोरो काम सेत, पिरभू कव्हसेत मि च बदला लेहू।
ROM 12:20 पर यदि तोरो बैरी भुको सेत, तो वोला जेवन देव; यदि तहान से तो वोला पानी पिलाव, काहेका असो करनो लक तू वोको डोस्का मा स्तो को इंगरा को ढेर लगाजोस।
ROM 12:21 बुराई लक नोको हारो, पर बुराई ला भला लक जीत लेव।
ROM 13:1 सबअ राज को अधिकारी गिनको पालन करनो पाहिजे। काहेका कोनी भी अधिकार परमेस्वर को हुकूम को बिना मौजुद नाहती। अना मौजुद अधिकारी गिन परमेस्वर लक राख्यो गयो सेत।
ROM 13:2 जोन मौजूद अधिकारी गिनको बिरोध करा सेत वा परमेस्वर को हुकूम को बिरोध करा सेत, अना जोन कोनी असो करा सेत उ आपरो पर नियाव आना सेत।
ROM 13:3 राजा अना सासकगिन उन लोक हुनला नही डरावा सेत, जोन साजरा काम करा सेत, पर वय वोला च डरावा सेत, जोन बुराई करा सेत। अदी तुमी सासन लक नही डरनो चाव्हा सेव, तो भलो काम करो, तुमरो बड़ाई होहेत।
ROM 13:4 काहेका वय परमेस्वर को सेवक सेत। जोन तुम्हारो भलो को लाय काम कर रहयो सेत। परा अगर तुम्ही बुराई करतत ता उन लक डरो, काहेका दंड देवन को ताकत उनला भेटयो सेत। अना बुराई करन वालों ला सजा देवा सेत।
ROM 13:5 यो कारन लक तुमला अधिकारी गिनको पालन करनो पाहिजे। ना च परमेस्वर की सजा को कारन, बल्कि डिमाक लक भी।
ROM 13:6 यो च कारन सेत, का तुम्ही जमा पटावा सेव। काहेका हरेक अधिकारी परमेस्वर को काम करा सेत। अना आपरो करतब ला पूरो करा सेत।
ROM 13:7 एकोलाय हरेक को हक देव, जोनला जमा पटानो से, उनको जमा पटाओ, जोको लक डरानो जरुरी से, वोको लक डराव, जोनको आदर करनो से, वोको आदर करो।
ROM 13:8 आपसी मा पिरेम ला छोड़ अना काही बात को करजा नोको चाहो। काहेका जोन दुसरो लक माया राखासे उ नियम धरम ला पूरो कर सेस।
ROM 13:9 यो का छिनालापन नोको करो, कोनिला जान लक नोको मारो, चोरी नोको करो, लोभ नोको करो, इनला छोड़ अना कोनी हुकूम सेस तो यो सब बातको निचोड़ यो हुकूम मा सेत। का आपरो सेजारी लक आपरो समान माया राख।
ROM 13:10 माया आपरो सेजारी को काही बुराई नही करा से, एकोलाय माया राखनो नियम ला पूरो करनो से।
ROM 13:11 बेरा ला चिन्हके असोच करो, एकोलाय का अबा तुमारो लाय जप लक जगन को बेरा आय गयो सेत। काहेका जोन बेरा अमीना भरोसा राख्यो होतो, वोना बेरा को बिचार लक सूटकारा कठा होति।
ROM 13:12 अबा रात बित गयी सेत, दिवस हिटनवारा सेस एकोलाय आमी इन्धार को काम ला छोड़-छोड़के उजाड को हतियार घालो।
ROM 13:13 आमी दिवस को लक खरो चाल-चलबिन। आमी रगिलोपन नसा पानी गन्दोकाम, अना छिनालापन जलन अना देह को वासना झगड़ा-रगडा लक दुहुर रव्हबिन।
ROM 13:14 तुमी पिरभू यीसु मसीह ला घालो अना देह को इक्सा पूरो करन को कोसिस नोको करो।
ROM 14:1 जोन भरोसा मा निरबल सेत वोला आपरो संगती मा ले लेव, पर वोको सक पर विवाद नोको करो।
ROM 14:2 एक को भरोसा से का वा सब जेवन कर सका सेत, पर दुसरो मा भरोसा कमजोर सेत। उ बस हिवरो साग-भाजी च जेव सेत।
ROM 14:3 साकाहारी मांस खावनो गलत सेत, असो तय नोको करे। काहेका साकाहारी-माँसाहारी दूई ला परमेस्वर अपनाइसेस।
ROM 14:4 तू कोन सेत जोन दूसरो दास पर दोस लगावासेत? वोको उभो रव्हनो, अना पड़ जावनो, वोको पिरभू तय करा सेत बल्की मी यो कव्हसू का वोला उभो कर दीयो जाहेत, काहेका परमेस्वर च वोला उभो रखा सका सेत।
ROM 14:5 कोनी तो एक दिवस ला, दूसरो दिवस लक ज्यादा साजरो समजासे। अना कोनी सबच दिवस ला एक जसो माना सेत, हर एक मानूस यो आपरो मन मा तय करलेवे।
ROM 14:6 आपरो बिचार लक जोन कोनी दिवस ला माना सेत, उ परमेस्वर को लाय माना सेत। जो जेव सेत, उ पिरभू लाय जेवा सेत। अना जोन नही जेव सेत उ परमेस्वर को लाय नही जेव सेत। अना परमेस्वर को धनवाद करासे।
ROM 14:7 काहेका आमरो लक कोनी, अपरो लाय नही जित्तो रव्हअ सेत, अना कोनी अपरो लाय मरअ सेत।
ROM 14:8 यदि आमी जित्तो होवन लाय जित्तो सेजन, अना आमी मर जावअ सेत, तो पिरभू लाय मर जावअ सेत। मंग अबा जित्तो रहबीन, या मर जाबीन सब पीरभू को लाय सेत।
ROM 14:9 काहेका यीसु मसीह यो काजी मरयो अना जित्तो भई गयो, काहेका उ मरो हुवो अना जितो दुई को पिरभू बन जाये।
ROM 14:10 तू आपरो भाऊ पर काहे दोस लगावअ सेत या तू काहे आपरो भाऊ ना नीच समजा सेत? जबा आमी सबच ला परमेस्वर को नियाव आसन को पूढा उभो होवनो सेत।
ROM 14:11 काहेका लिख्यो सेत पिरभू कव्हासेत, “का मोरो जिंदगी को कसम, हरेक टोघरा मोरो पुड़ा टीकेत अना हर एक जुबान परमेस्वर ला हाकलेत।”
ROM 14:12 एकोलाय अमी लक हरेक परमेस्वर ला आपरो लेखा देवनो सेत।
ROM 14:13 एकोलाय आमी एक मेक ला दोस लगावनो सोड़के ना आपसी मा तय करलेव। का कोनी आपरो भाऊ को रस्ता मा खोद्दा को कारन नोको पैदा करे अना जाल बिछायेति।
ROM 14:14 मी जाना सेऊ अना पिरभू यीसु मसीह को चेला होवन को नाता लक, मोरो भरोसा सेत। का कोनी चिज असुध्द सेत, पर कोनी यो सोचा सेत, का फलानो चीज सुध सेत। तो उ वोको लाय सुध भई जावअ सेत।
ROM 14:15 यदि तुमी आपरो जेवन को कारन लक आपरो भाऊ गिनला दुख देवा सो, तो तुमी माया को मारग पर नही चलअ सो। जोन मानूस काजी यीसु मसीह मर गयो, तुमी आपरो जेवन को कारन वोको नास को कारन नोको बनो।
ROM 14:16 एकोलाय वोको नजर मा जोन साजरो सेत, उ निन्दा को कारन नोको बने।
ROM 14:17 काहेका परमेस्वर को राज खावन-पिवन लाय नही, पर उ न्याय सान्ती अना खुसि को बारे मा सेत। जो पवीतर आतमा लक भेटा सेत।
ROM 14:18 जोन एना गोस्टी लक यीसु मसीह को सेवा करा सेत, परमेस्वर उ को चहेतो अना मानूस गीन मा सतकार को काबील ठयरा सेत।
ROM 14:19 आमी असो गोस्टी मा लगो रहबिन, जोन लक सान्ती बनावन मा बढावा मिले।
ROM 14:20 यो सच से का सब काही आपरो मा सुध्द सेत, पर जेवन लक दुसरो ला परमेस्वर को कठा आवनो मा रस्ता मा खोद्दा को कारन पैदा करनो बुरो सेत।
ROM 14:21 साजरो तो यो सेत, का मांस अना दारू ला नोको खाय पिये, अना कोनी असो काम नोको करो, जोन को लक कोनी भाऊ अना बहिन खोद्दा खाय, अना आपरो रस्ता लक भटक जाय।
ROM 14:22 तोरो जो भरोसा सेत, वोला तुमी परमेस्वर को पूढा आपरो तय कियो बिचार, आपरो च कठा ठेवो, धन्य से उ जोनको मन वोला दोसी नही ठहरावा सेत, जबा उ आपरो मनला परख के चलअ सेत।
ROM 14:23 काहेका जोन जेवन को बारे मा संका करा सेत, अना तबा भी जेव सेत, तो उ दन्ड को भागी सेत। काहेका उ यो काम भरोसा को लक नही करतत। अना जोन काम भरोसा को लक नही सेत उ पाप सेत।
ROM 15:1 अमी जोन आतमिक रूपमा ताकतवर सेत। उनला कमजोर लोक गिनको सहनो पाहिजे। अमी बस आपरो आपला खुस नोको करो।
ROM 15:2 आमरो मा लक हरेक, एकमेक को साजरोपन, को बढ़ोतरी को लाय उनको भावना को संग आतमा मा जोस लक भरो।
ROM 15:3 यहाँन तकन का मसीह ना भी खुद ला खुस नही कियो होतो। बल्कि जसो मसीह को बारेमा गीरंथ कव्हअ सेत “उनको बेइज्जती जोनना तोरो बेइज्जती कियो सेत। मोरो पर आय गयो सेत।”
ROM 15:4 हरेक वा गोस्टी जोन गिरंथ मा पयले लक लिख्यो गयो सेत, अमिला सिक्सा देवन साठी सेत। जोन लक धीरज अना बढ़ावा गिरंथ लक मिलतो रहेत। जोन लक अमिला आस भटेत।
ROM 15:5 परमेस्वर च धिरज अना सान्ती को देवन वालो से। उ तुमी लोक गीनला असो बरदान देहे, का तुमी यीसु मसीह को सिक्सा को लक आपसी मा मेल-मिलाप को बिचार मा बढ़ावा बनाये राखो।
ROM 15:6 जेनको लक सबा मिलके एकच आवाज मा आमरो पिरभू यीसु मसीह को परमेस्वर दआजि को बड़ाई करत रव्हबिन।
ROM 15:7 जसो यीसु मसीह ना अमीला आपरो परमेस्वर को महिमा काजी अपनाई सेत, वसोच तुमी एक मेक ला भाऊ चारा लक अपनाने
ROM 15:8 मि यो कव्हनो चव्हासू का यीसु मसीह खतना वालो लोक गीनको दास एकोलाय बनयो, का उ बाप दादा लक कियो गयो परन पूरो कर सकेत। अना यो पुरुप कर दे, का परमेस्वर सच्चो वादा करा सेत।
ROM 15:9 अना एकोलाय भी का गैरयहूदी गिनला परमेस्वर को दया भेटे, अना वय स्तुती करे। जसो गिरंथ मा लिख्यो सेत, “एकोलाय गैर यहूदि गिनको बीचमा तोला ओरखा हिन अना तोरो नाव को महिमा गावइन।”
ROM 15:10 अना असो भी लिखयो सेत, अरे! गैर यहूदि हुन परमेस्वर को परजा संगा खुसि मनाओ।
ROM 15:11 मंग असो भी “ओ सब गैरयहुदि लोकगीन पिरभू को स्तुति करो, अना सप्पा देस को लोकगीन वोको बडाई करयेत।”
ROM 15:12 मंग भविस्यवक्ता यसायाह कव्हसेत “यिसै को बंस को मानूस चोहेत, उ गैरयहुदी गिनमा सासन करन आहेत। अना वय वोको मा आरो आस ठेयेत।”
ROM 15:13 अबा आस को परमेस्वर, तुमला भरोसा करन मा पूरो खुसि अना सान्ती लक भरदे। जेनको लक पवीतर आतमा को ताकत लक तुमरो आसा बढत जाय।
ROM 15:14 ओ मोरो संगीहुन! जहान तकन तुमरो बारेमा मी खुदच बेखटका सेव, अना भरोसा सेत, का तुम खुद च साजरा अना सप्पा गियान लक भरो हुयो सेव। अना तुमी ला एतरो मालुम सेत, का एक मेक ला समजा सको।
ROM 15:15 तोभी मि ना काही-काही हेत दिलावन काजी तुमीला लगत हिम्मत जुटाय के लिखी सेउ। यो वोना किरपा को कारन भयो, जोना परमेस्वर ना मोला दियो सेत।
ROM 15:16 का मी गैरयहुदी गिनको लाय यीसु मसीह को दास बनू, अना परमेस्वर को साजरो बारता को सेवा याजक को जसो करू, का गैरयहुदी रुपी मोरि भेंट पवीतर आतमा लक पवीतर होयके चढ़ायो जाय।
ROM 15:17 एको लाय मोला यीसु मसीह मा, वोना गोस्टी को बारेमा, जोन परमेस्वर को बारे मा से। बडाई करन को कारन भेटयो से।
ROM 15:18 उन गोस्टी ला छोड़, मी कोनी दुसरो गोस्टी करन को हिम्मत नही करू, जोन यीसु मसीह मा गैरयहुदी गिनला, परमेस्वर को हुकूम मानन को रस्ता दिसान को काम मोरो बचन, करम,
ROM 15:19 अना निसान अखीन अचँभा काम को ताकत लक, अना पवीतर आतमा को ताकत लक, मोरो हात लक भई सेत। यहान लक का मि ना येरुसलेम लक, इतानी उतानी सब जघा इल्लुरिकुम तकन यीसु मसीह को साजरो बारता ला पूरो-पूरो सांगिसेऊ।
ROM 15:20 पर मोरो मनमा यो उमंग सेत। का जहान-जहान यीसु मसीह को नाव नही लियो गयो से, वहान साजरो बारता आयकाव, असो न हो का दुसरो को रद्दा मा घर बनाऊ।
ROM 15:21 पर जसो लिखिसे वसोच हो “जोन को जवर वोको साजरा बारता नही पहुचिसेस, वय चोहेत। अना जोन ना नही आयकिसेस, वो च समजेत।”
ROM 15:22 एकोलाय मी बार-बार तुमी लोक गीनको कठा आवनो लक रुकयो रव्हयो सेऊ।
ROM 15:23 परअ अबा ऐना देस मा मोरो काम को लाय जघा नाहती। अना लगत साल लक तुमरो कठा आवन को मनसा सेत।
ROM 15:24 एकोलाय जबा मी स्पेन ला जाहु तो तुमरो कठा लक जाहु, काहेका मोला वोना यातरा मा मुलाकात होयहेत असो आस सेत। अना जबा तुमरो संगति लक मन भर जाए तबा मोला काही दुहुर पूढा धाड़ जोस।
ROM 15:25 परअ अभिसिन मी, पवीतर लोकगीन को सेवा करन को लाय येरुसलेम नगर जावासू।
ROM 15:26 काहेका मकीदुनिया अना अखया को संगती करनवारा लोक गीनला, यो साजरा लगिसेस, का येरुसलेम को पवीतर लोकगीन मा गरिब लोक गिनको लाय काही चन्दा करे।
ROM 15:27 उनला साजरा तो लग्यो, परअ वय उनको करजदार भी सेत, काहेका गैर यहुदी उनको आतमिक बात मा हिस्सादार बनिन, तो उनको यो फरज सेत। का देह को बारेमा उनको सेवा करे।
ROM 15:28 एकोलाय मि यो काम पूरो करके, अना उनला यो चन्दा सुरक्सित सोपके, तुमारो जवर लक स्पेन जाबिन।
ROM 15:29 मोला भरोसा से का, जबा मी तुमरो जवर आसिन तो यीसु मसीह को आसिरवाद आनीन।
ROM 15:30 अबा ओ संगीहुन! आमरो पिरभू यीसु मसीह अना पवीतर आतमा को माया लक, मि तुमी लक बिनती करासू, का मोरो लाय परमेस्वर लक पिराथना करनो मा मोरो संग लग्यो रव्हो।
ROM 15:31 जेनको लक मी यहुदिया को भरोसा नही ठेवनवारा लोकगीन लक बचयो रव्हू। अना मोरो येरुसलेम को सेवा पवीतर लोक मा मानता होहे।
ROM 15:32 जोनलक परमेस्वर को इक्सा को अनुसार मी खुसी-खुसी तुमरो जवर आयके तुमरो संग खुसी मनाऊ।
ROM 15:33 पूरो सांती को धाम परमेस्वर तुमरो संग रव्हे। आमीन।
ROM 16:1 मी किंखेया नगर को कलीसिया की खास सेविका आमरो बहिन फिबे को लाय तुमी लोकगीन लक सिपारिस करके कव्हसू।
ROM 16:2 का तुमी पिरभू मा वोला असो रित लक अपनाने जसो परमेस्वर को लोक गिनको लायक सेत। वोला तुमरो लक जसो मदद पाहिजे तसोच वोकी मदद करो। काहेका वा मोरो समेत लगत लोक गिनको मदद करियो सेत।
ROM 16:3 प्रिस्किल्ला अना अक्किला ला जोन यीसु मसीह मा मोरो संग काम करनवारा सेत। उनला मोरो नमस्कार।
ROM 16:4 उनना मोरो जान को लाय आपरो जीवन ला जोखिम मा डाख दियो होतिन, अना केवल मी च नही पर गैरयहुदी गिनको सारो कलीसिया भी उनको धनवाद करासेत।
ROM 16:5 उनको घरमा जोन कलीसिया से, वोला भी नमस्कार मोरो चहेतो इपैनितुस ला, जो मसीह को लाय आसिया मा पयलो फर सेत, नमस्कार
ROM 16:6 मरियम ला, जोन ना तुमारो लाय गजब महेनत करीसेस, वोला नमस्कार।
ROM 16:7 अन्द्रुनीकुस अना युनियास जोन मोरो रिस्तेदार सेत, अना मोरो सग कैद भई होतिन, अर वय पेरीत गीन मा नामी गामी सेत। अना मोरो लक पयले मसीह मा सेती, नमस्कार।
ROM 16:8 अम्पलियातुस ला, जोन पिरभू मा मोरो चहेतो से नमस्कार।
ROM 16:9 उरबानुस ला जेना मसीह मा आमरो संग काम करनवारा सेत, अना ओ मोरो चहेतो इस्तखुस को नमस्कार।
ROM 16:10 अपिल्लेस ला जो मसीह मा सच्चो अना काबील से, वोला नमस्कार। अरिस्तुबुलुस को घराना ला नमस्कार
ROM 16:11 मोरो रिस्तेदार हेरोदियोन ला नमस्कार। नरकिस्सुस को घराना को जेन लोक पिरभू मा सेत, उनला नमस्कार।
ROM 16:12 तुरूफेना अना तुरूफोसा ला जेन पिरभू मा महेनत करसेति वा ला नमस्कार। मोरो चहेतो पिरसिस ला जेन ना पिरभू मा गजब मेहनत करीसेस नमस्कार।
ROM 16:13 रुफुस ला जोन पिरभू मा बेचो होवासे। अना वा की माय ला जोन मोरो भी माय लगासेत। वा दूई ला नमस्कार
ROM 16:14 असुंक्रितुस अना फिलगोन अना हिर्मेस अना पतरुबास अना हिर्मास अना उनको सगी भाऊ गिनला नमस्कार।
ROM 16:15 फिलुलुगुस अना यूलिया अना नेरयुस अना वाकि बहिन, अना उलुम्पास अना उनको सग को सब पवीतर लोकगीन ला नमस्कार।
ROM 16:16 आपस मा पवीतर चुम्मा लक नमस्कार करो। तुमला यीसु मसीह को सबा कलीसिया गीन को कन लक नमस्कार।
ROM 16:17 अबा ओ भाऊ अना बहिन गीन, मि तुमरो लक बिनती करासू का जोन लोकगीन वोना सिक्सा को विरोध मा जोन तुमीना पाइसेव, फूट डाखन अना ठोकर खावन को कारन सेत। उनला ताड़ लेव अना उन लक दुहुर रव्हो।
ROM 16:18 आपरो पोट को सेवा करनवारा, अना चिकनो-चिकनो साँग के सिदो-सादो मन को लोकगीन ला बहकानवारा, असो लोकगीन पिरभू यीसु मसीह को सेवा नही करा सेस, पर वय आपरो सेवा करसेस।
ROM 16:19 तुमरो हुकूम मानन को चरचा सब लोकगीन मा फैल गयो सेत, एको लाय मी तुमरो लाय खुसी मनावसू, पर मी यो चव्हासू, का साजरो लक अक्कलवर अना बुराई को लाय भोला बनो।
ROM 16:20 सान्ती को परमेस्वर सैतान ला तुमारो लात मा लवकर खुदवा देहेत। आमरो पिरभू यीसु मसीह को किरपा तुमरो पर होतो रव्हे।
ROM 16:21 मोरो संग काम करनवारा तीमुथियुस को, अना मोरो रिस्तेदार लूकियुस, अना यासोन अना सोसिपतरुस को तुमला नमस्कार।
ROM 16:22 मी चिठ्ठी लिखन वारा तिरतियुस को पिरभू मा तुमला नमस्कार।
ROM 16:23 गयुस जोन मोरो अना सब कलीसिया को पोहनाइ करनवारा, अना यो नगर को खजांची एरास्तू अना भाऊ क्वार्तुस तुमी लोक गिनला नमस्कार कव्हसेत।
ROM 16:24 आमरो पिरभू यीसु मसीह को किरपा तुम सब पर बनो रवहे। आमेन
ROM 16:25 वोना अमर परमेस्वर को स्तुति हो, जोन तुमी लोकगीन ला मोरो साजरा बारता अना यीसु मसीह को बारता को लक मजबूत राखन मा ताकतवर सेत। यो साजरो बारता वोना राज को सुरुवात से, जोन जुग-जुग लक लुको सेत।
ROM 16:26 पर अबा परगट हो गयो से। यो भविस्यवक्ता गिन को भविस्यवानी मोसे को नियम को लक अमर परमेस्वर को हुकूम लक, सब लोक गीन मा मुनादी कियो गयो से। जेनको लक वय भरोसा को लक अधिनता स्विकार करे।
ROM 16:27 वोच केवल एक गियान को रुप परमेस्वर को महिमा यीसु मसीह लक जूग-जूग तकन होहे आमेन
1CO 1:1 धाड़न वालो, पौलुस! जोन ला परमेस्वर को मरजी लक यीसु मसीह को पेरीत कह्यो जावत होतो, अना आमरो भाऊ सेस्थिनेस,
1CO 1:2 कुरिन्थुस नगर को परमेस्वर को वोना कलीसिया को नाव, जोन यीसु मसीह मा पवितर कियो गयो सेत। अना जोनला परमेस्वर ना पवितर लोक बनन को लाय उनको संग निवाड़ो सेत। जोन हर जघा पिरभू यीसु को नाव ला हाकल सेत।
1CO 1:3 आमरो बाबूजी परमेस्वर अना पिरभू यीसु मसीह को कन लक तुम्हिला दया अना सान्ती भेटत रव्हे।
1CO 1:4 जोन किरपा तुम्हिला परमेस्वर ना यीसु मसीह लक दियो सेत। वोको लाय मी आपरो परमेस्वर ला धनवाद देवा सेऊ।
1CO 1:5 यीसु मसीह मा होयके तुमी हरेक गोस्टी मा, मजे सप्पा बचन अना सप्पा गियान मा, धनी बन गयो सेत।
1CO 1:6 अना यीसु मसीह को यो सन्देसा तुमरो मा पक्को भयी गयो सेत।
1CO 1:7 यहान तकन का, कोनी बरदान को तुमरो मा कमी नाहती, अना तुमी आमरो पिरभू यीसु मसीह को, परगट होवन को रस्ता चोवत रव्हासो।
1CO 1:8 परमेस्वर तुमला अखट्ट तकन पक्को बनाय राखेत, जोन लक तुमी आमरो पिरभू यीसु मसीह को दिवस तकन बेडाग रव्हो।
1CO 1:9 परमेस्वर मा भरोसा ठेवनो पाहिजे। जोन ना आपरो टूरा यीसु मसीह को संग रव्हन को लाय हाकलयो सेत।
1CO 1:10 मोरो संगीहुन! अमरो पिरभु यीसु मसीह को नाव मा मोरो तुमरो लक पिराथना सेत का तुमरो मा कोनी फूट नोको होवे। तुम सबा एक संग जुटो रव्हो अना तुमरो बिचार अना धेय एकच होवे।
1CO 1:11 काहेकि अगो भाऊहुन! खलोए को घराना को लोकगीन, तुमरो बारेमा सांगयो सेत का तुमरो मा झगड़ा रार होवा सेत।
1CO 1:12 मोरो सांगनो यो से का, तुमरो मा कोनी तो आपरो आपला पौलुस को, कोनी अपुल्लोस को, कोनी कैफा को, अना कोनी मसीह को कव्हासेत।
1CO 1:13 का मसीह बट गयो सेत? का पौलुस तुमरो लाय कूरूस मा चघायो गयो सेत? या तुमिला पौलुस को नाव लक बप्तिस्मा भेटयो सेत।
1CO 1:14 मी परमेस्वर को धनवाद करासू का क्रिस्पुस अना गयुस ला सोड़, मीना कोनी ला बप्तिस्मा नही देईसेव।
1CO 1:15 कहि असो ना होहे का, कोनी बोलहेत का तुमीला मोरो नाव लक बप्तिस्मा मिलिसेत।
1CO 1:16 अना हव मीना स्तिफनास को घराना ला छोड़, अखीन कोनी ला मी बप्तिस्मा नही देइसेव।
1CO 1:17 काहेका मसीह ना मोला बप्तिस्मा देवन काजी नही, पर साजरो बारता आयकुआय लाय हक लक धाड़िसेस। वो भी सबद को लक नही, कही असो ना होहे की, मसिहा को कूरूस ला लोक बेकार समझन लगहेत।
1CO 1:18 काहेका कूरूस को कथा, नास होवन वारा लाय, अठ्ठियापन सेत। पर आमी सूटकारा पावनवालो को लाय, परमेस्वर को ताकत सेत।
1CO 1:19 काहेका लिखीसेत, मी गियानी गिनको गियान ला नास कर देहू, अना समजदार गीनको समजदारी ला बेकार कर देहू।
1CO 1:20 कहान रहयो गियानीगिन? अना कहान रहयो मोसे को नियम को गुरू? कहान रहयो यो दुनिया को बकवासी? का परमेस्वर ना दुनिया को गियान ला, अठ्ठियागिरी नही ठहराईसेस?
1CO 1:21 काहेका जबा परमेस्वर को गियान को लक दुनिया, परमेस्वर ला नही जानिन, तबा परमेस्वर ला यो साजरा लगयो का परचार को मुरखता को लक, भरोसा करनवारा ला सूटकारा दे।
1CO 1:22 यहूदी गीन हिदान माँगसेत, अना यूनानी गीन गियान चाव्हा सेत।
1CO 1:23 पर आमी कूरूस मा चघायो, गयो मसीह को च परचार करीसेजन। यो यहूदिगीन काजी भरोसा, मा बाधा, सेत। अना गैर यहुदी लाय जाल सेत।
1CO 1:24 पर परमेस्वर को निवाड़ो गयो लोक गीनको लाई, चाहे वय यहूदी होय, या गैर यहुदी, येच मसीह की ताकत अना परमेस्वर की गियान से।
1CO 1:25 काहेका परमेस्वर को बेअक्कल, मानूसगिन को पूरो अक्ल लक लगत सेत, अना परमेस्वर की कमजोरी, मानूस की ताकत लक, लगत ताकतवर से।
1CO 1:26 ओ मोरो संगीहुन! अबा जरासो सोचो का जबा परमेस्वर ना तुम्हिला हाकलो होतो, ता तुमरो लक लगतसो ना अक्कल वर होतिन ना ताकतवर, लगत लोकगिन को समाज भी नीचो होतो।
1CO 1:27 गियानी गिनला लजान काजी, परमेस्वर न तुम लोकगीन ला बेचयो से, जोन दुनिया को डोरा मा मुरख से। ताकतवर गीनला लजान काजी, वोना लोकगीन ला निवड़ीसेस, जोन दुनियाँ को डोरा मा कमजोर से।
1CO 1:28 मोठो मानुसगिन को घमंड तोडन काजी, परमेस्वर वय लोकगीन ला निवाड़ी सेस, जोन दुनिया को नजर मा अठ्ठिया सेत।
1CO 1:29 जोनमा कोनी देह वालो मानूस, परमेस्वर को पुढ़ा घमंड नोको करे।
1CO 1:30 पर वोच परमेस्वर को कन लक तुमी यीसु मसीह मा सेव, जोन परमेस्वर को कन लक आमरो लाय गियान ठैरी सेत। नेकी अखीन पवीतर, अना मुकती।
1CO 1:31 एकोलाय जसो पवीतर गिरंथ मा लिखीसेत “अदी कोनी घमंड करनो चव्हा सेत तो उ पिरभू मा घमंड करे।”
1CO 2:1 अगो मोरो संगीहुन! मी जबा तुमरो जवर आयो होतो। ता परमेस्वर को सच्चो राज की गोस्टी ला, बोली को चतुराई अना मानूस को अक्कल लक उपदेस देवत नही आयो होतो।
1CO 2:2 परा मी यो ठान के आयो होतो, का तुमरो बीच मा कूरूस मा चघायो गयो, यीसु मसीह को बारता को सिवाय कोनी गोस्टी नही करहीन।
1CO 2:3 काहेका मी तुमी लोक गीनको बीच रव्हत बेरा, कमजोर, गुमसुम अना लगत डरयो हुयो होतो।
1CO 2:4 अना मोरो सबद अना संदेस मा मानूस जसो चिकनो चुपड़ो गोस्टी नोहोति। बल्कि उनमा आतमा को ताकत अना सबूत होतो।
1CO 2:5 जोनलक तुमरो बिस्वास मानूस को अक्कल को बजाय परमेस्वर को ताकत पर टिको रव्हे।
1CO 2:6 जोन समजदार सेत। उनला अमी अक्कल देवा सेजन। परा यो अक्कल यो जुग को नाहती। ना च यो जुग को राजा हुनको अक्कल सेत। जोन दुनिया ला नास को कगर मा आनासेत।
1CO 2:7 वोको जघामा अमी परमेस्वर को छिपयो गियान को अक्कल देवा सेजन। जोनला लगत जूनो जमाना ला परमेस्वर ना आमरो गौरव को काजी पक्को कियो होतो।
1CO 2:8 अना यो गोस्टी ला एना जुग को कोनी भी राजा अना सासक नहि समजयो। काहेका अदी समजयो होतो ता, वय वा महिमा लक भरयो, पिरभू ला कूरूस मा नही चघातो।
1CO 2:9 परा गीरंथ मा असो लिख्यो सेत, “जोनला डोरा लक नही चोव सकत, अना कान लक नही आयकयो, जहाँन मानूस को अक्कल तकन नही पहोच सका सेत। असो गोस्टी परमेस्वर को चहेतो लोक गिन लाय राख्यो सेत।”
1CO 2:10 यो गोस्टी परमेस्वर ना आपरो आतमा लक आमरो पर परगट करीसेस, काहेकि आतमा सब काही गोस्टी, अना परमेस्वर को सब भेद ला भी जाँच से, अना सबा छिपयो भबिस्य वानी ला भी जाना सेत।
1CO 2:11 मानूस मा लक कोनी, कोनी को भितर को गोस्टी ला जानासेत? सिरप वोच मानूस को आतमा, जोन वोको भितर सेत। वसोच परमेस्वर की गोस्टी ला भी कोनी नही जान सकासे। सिरप परमेस्वर को आतमा।
1CO 2:12 पर अमीला दुनिया को आतमा नही, पर परमेस्वर को आतमा भेट्यो सेत। जोन लक अमीला परमेस्वर ना जोन वरदान सुपरुत करयो सेत, वोला अमी जान सका सेजन।
1CO 2:13 जोनला आमी मानूस गिनको सिकायो गोस्टी पर नही, पर आतमा को सिकायो गयो गोस्टी मा आतमिक गोस्टी मिला-मिला के बखान करा सेजन। सांगनो को बेरा मा, मानूस को बुध्दि लक दियो गयो सबद नही, पर आतमा कन लक मिलियो सबद गीनला बौजासेन। ऐना रिती लक आमी आतमिक गोस्टी मा आतमिक घटना को बारे मा साँगा सेजन।
1CO 2:14 पर सुभाविक मानूस परमेस्वर की आतमा सिक्सा नही धरा सेत। पर वोना गियान ला उ बेवाकुपी समजा सेत। अना ओला समजन काबिल नाहती। काहेका आतमा की सहायता लक, ओना सिक्सा की परख भई सका से।
1CO 2:15 आतमिक मानूस सबच गोस्टी की परख कर लेवा से, पर कोनी भी उ मानूस की परख नही सका,
1CO 2:16 जसो गीरंथ मा लिख्यो से “पिरभु को मन कोन जानासे? कोन ओला सलाह दे सकासे?” अना अमी मा मसीह को मन बसयो हुयो से।
1CO 3:1 अगो संगीहुन! जोनको जवर आतमा सेत, उनको जसो मी तुमी लक गोस्टी नही कर सकयो। परा मोला एको उलटा तुमी लोकहुन लक अबा बिस्वास कियो मसीह जसो, तुमरो लक गोस्टी करनो पड़यो। मजे कलिसिया को बहारि लोक जसो। जोन मसीह मा लेकरा जसो सेत।
1CO 3:2 तुम्हिला मोला दूध च पिलानो होतो। तुमी जेवन काबिल नही होतो। अना अबा भी तैयार नही सेव।
1CO 3:3 अबा तुम यो दुनिया को लोकगिन को जसो रव्हासेव। जबा तुमी मा ईरसा होवा सेत। अना तुमी एकमेक लक झगड़ा करा सेव। का एकोलक साबीत होवा सेत का तुमी यो दुनिया लक संबंध लक जी रहयो सेत।
1CO 3:4 जबा तुमरो मा लक कोनी कव्हासेत, “मी पौलुस को मघा चला सेऊ।” अना दुसरो, “मी अपोलुस को मघा चला सेऊ।” का तुमी दुनिया को लोक को जसो काम नही कर रहयो सेत?
1CO 3:5 अखट्ट मा, अपोलुस कउन सेत? अना पौलुस कोन सेत? अमी केवल परमेस्वर को सेवक सेत। जोनको लक तुम्ही बिस्वास करन को लाय तैयार भयी सेव। आमरो लक हरेक वोच काम करा सेत, जोन काम पिरभू ना उनला दियो होतो।
1CO 3:6 मिना बीज पेरो, अपोलुस ना फसल मा पानी चलायो। परा परमेस्वर ना वोला बड़ायो।
1CO 3:7 जोन फसल पेरा सेत, अना जोन पानी सिंचा सेत उनको कोनी मायना नाहती। परा फसल ला बड़ावन वालो परमेस्वर मायना राखा सेत।
1CO 3:8 लगावन अना सींचनवालो एकच काम करा सेत, अना हरेक आपरो-आपरो मेहनत को लक पगार पाहेत।
1CO 3:9 अमी परमेस्वर को लाय एक संग काम करन वालो संगी सेजन। अना तुम परमेस्वर को काम करन को छेतर सेव। अना तुमी परमेस्वर को इमारत सेव।
1CO 3:10 जोन बरदान परमेस्वर ना मोला दियो सेत, वोला बवजतो हुया मिना एक इमारत बनावन वालो इन्जनियर जसो, काम करीसेऊ। अना पाया धरीसेऊ, अना कोनी वोको मा बनावअ सेत। परा हरेक ला हुसियार रव्हन को जरूरत सेत। का कसो बनावअ सेत।
1CO 3:11 यीसु मसीह घर को रद्दा सेत वोला छोड़ कोनी दुजो नीव नही डाक सकत।
1CO 3:12 नीव मा रद्दा राखत बेरा कोनी मानूस सोन्नो खूरो कीमती गोटा काड़ी गवथ अना तनीस काम मा मनजे,
1CO 3:13 तो हरेक को काम परगट भई जाहेती। अना नियाव को दिवस उ सागेत। काहेका उ स्तो को संग परगट होहे। अना उ स्तो हरेक काम की परिक्सा लेहेत का कसो सेत?
1CO 3:14 जोन को काम बनो रव्हे, ओला ईनाम मिलेह।
1CO 3:15 जोन को काम जर जाहे ओला ईनाम नही मिलेह, मंग उ बच जाहे, जसो कोनी स्तो पार करके बच जासे।
1CO 3:16 का तुमी नही मालूम सेत का तुमी परमेस्वर को मंदिर सेव? अना परमेस्वर को आतमा तुमी मा रव्हसे।
1CO 3:17 अदी कोनी परमेस्वर को मंदिर ला नास करा से, तो परमेस्वर ओला नास करा से। काहे की परमेस्वर को मँदिर पवीतर से, अना उ मँदिर तुमी सेव।
1CO 3:18 कोनी आपरो आप ला धोखा नोको देवे। अदी तुमी मा लक कोनी दुनिया मा अपरो आपला गियानी समजासे, तो अपरो आपला मुरख बनाय ले।
1CO 3:19 काहेकि यो संसार को गियान, परमेस्वर को नजर मा अठ्ठियापन सेत। पवीतर गिरँथ मा यो लिखी से, “उ गियानी गीनला उनको चतुराई मा च फसावासे”
1CO 3:20 अना यो भी लिखीसे, “पिरभु जानासे की गियानी गीनको सोच विचार बेकार से।”
1CO 3:21 एकोसाठी कोनी मानूस पर गरब नही करे। सबच काही तुमरो च से।
1CO 3:22 चाहे उ पौलुस, अपुल्लोस अना कैफा होय, संसार होय या जीवन होय या मिरतु होय, बितो बेरा होय या भबिस्य होय-उ सबच तुमरो से।
1CO 3:23 पर तुमी मसीह का सेव अना मसीह परमेस्वर को से।
1CO 4:1 तुम्हि लोक अमिला एक मसीह को सेवक को रूपमा समजनो पाहिजे। परमेस्वर ना अमिला आपरो लुकयो हुया सच्चाई ला सांगन वालो बनायो गयो सेत।
1CO 4:2 असो सेवक गिनको लाय यो गोस्टी जरूरी सेत। का वय अपरो गुरु को लाय बिस्वास को काबिल होवनो पाहिजे।
1CO 4:3 मोला एको जरासो भी चिन्ता नाहती। का तुमी लोकहुन मोरो नियाव करो। या मानूस को कोनी अदालत। मी स्वता आपरो नियाव नही करा सेऊ।
1CO 4:4 मोरो मन सफा सेत, परा यो साबीत नही करा सेत। का मी सही मा निरदोस सेऊ। परमेस्वर मोरो निरदोस होवन को फैसला करा सेत।
1CO 4:5 एकोलाय तुम्हिला सही बेरा आवन को पयले कोनी को फैसला नही करनो पाहिजे। आखीर फैसला परमेस्वर को आवन को रस्ता चोवनो पाहिजे। उ जोन राज इन्धार मा लुकयो सेत, उनला उजाड़ मा आनेत। अना लोक गिनको डिमाक मा लुकयो उद्देस्‍य ला उजागर करहेत। तबा सबला परमेस्वर को कन लक बड़ाई भेटेत जोनको वय हकदार सेत।
1CO 4:6 अपरो हित को लाय, मोरो संगीहुन! मिना अपोलुस अना मोरो उदाहरन लक यो गोस्टी सबा पर लागू करीसेऊ। जोन लक सबा सिक्सा आन के साजरो लक नियम को पालन करहेत। तुमीला कोनी पर गरब करनो अना कोनी ला नीच नही समजनो पाहिजे।
1CO 4:7 कोनना तुम्हिला दुसरो लक साजरो बनायो सेत? का परमेस्वर ना तुम्हिला सबा काही नही दियो सेत जो तुमरो जवर सेत? खरो सेत, मंग तुमी कसो घमंड करा सेव? असो, जसो का कोनी चीज दुसरो को दियो नाहती?
1CO 4:8 का सबा जरुरत को चीज पयले लक तुम्हरो जवर सेत? का पयले लक तुम्ही धनवान सेव? का तुम्ही राजा सेव? भलो अमी नाहती, मोरो मनसा तो असो होतो का तुम्ही राजा होवतो अना अमी सब राज करबिन।
1CO 4:9 मोला ता असो लगासे, की परमेस्वर ना अमी पेरीत गिनला अखट्ट मा जघा दियो सेत। जसो का लोकगिन, अना सरगदूत गिनको पूरो दुनिया मा, अना मानूस गिनको लाय आमरो मौत को जुलुस हिटी सेत।
1CO 4:10 अमी मसीह को साठी मुरख सेजन, पर तुमी मसीह मा समजदार दास सेव। अमी कमजोर सेजन, अना तुमी ताकतवर सेव। तुमी ला ईज्जत भेटा सेत, पर आमरो बेइज्जती होवा सेत।
1CO 4:11 येना बेरा अमी भुको, तहान सेजन। फटयो-जुनो कपरा घालअ सेजन, मार खावा सेजन, आमरो संग बुरो बरताव होवा सेत, अमी बेघर सेत।
1CO 4:12 अमी कड़ो मेहनत करके हरेक जरुरत ला पुरो करा सेजन। जबा कोनी अमिला सराप देवा सेत ता अमी आसिरवाद देवा सेजन। जबा अमिला कोनी सतावा सेत ता अमी सहन करतत। अमी आपरो हात लक मेहनत कर-करके थक जाय सेजन।
1CO 4:13 वय हमारो निंदा करसेति, अना हमि बिनती करा सेजन। वय हमरो सँग असो बरताव करा सेत, जसो अमी संसार को कचरा अना समाज का कुड़ा सेजन।
1CO 4:14 मि तुमला लजान काजी नही, पर आपरो चहेतो लेकरा समजके यो गोस्टी लिखके, सतरक करा सू।
1CO 4:15 अदी तुमरो कठा लगत गुरुगिन सेत, पर मसीह मा तुमारो लगत सा दआजी नाहती। काहेका, मसीह यीसु मा साजरा बारता लक मी तुमी लोक गीनको दआजी बनयो सेऊ।
1CO 4:16 अता मी तुमी लक बिनती करा सू, का तुमी मोरो जसो चलो।
1CO 4:17 योच कारन लक मीना, तीमुथियुस ला, जोन पिरभू यीसु मसीह मा मोरो चहेतो टूरा सेत। वोला मी तुमरो कठा धाड़िसेउ। वो तुमिला मसिहा मा मोरो भरोसा को लायक चाल चलन ला हेत करायेत। जसो का मी हरेक जघा कलीसिया मा सिक्सा देवा सेऊ।
1CO 4:18 काही लोकगीन घमंडी भई गई सेत। उनला असो लगा से, जसो मी उनको कठा आवनवालो नही सेऊ।
1CO 4:19 पर पिरभू को मरजी सेत, ता मी तुमरो कठा लवकर आहिन। अना गरब करनवालो, लोक गीनको ताकत को पता चल जाहेती।
1CO 4:20 काहेका परमेस्वर को राज, गोस्टी मा नाहती, पर वोको ताकत मा सेत।
1CO 4:21 तुमरो काजक मनसा सेत? का तुमी ला समजावन काजी बेत धरके आऊ? या पिरेम, अना नरमी आतमा आन कन आऊ?
1CO 5:1 अबा, सही मा यो आयकनो मा आवा सेत, का तुमरो बीचमा कु करम लगत फैल गयो सेत। असो कुकरम ता कोनी कुल को लोक गिनमा भी नाहती। मोला बतायो गयो सेत का एक मानूस आपरो मौसि माय को संग सो रहयो सेत।
1CO 5:2 मंग काजक को गरब, एको उलट तुमरो मा उदासी होवनो पाहिजे। अना जोन मानूस ना असो काम कियो सेत वोला संगती लक बाहेर हेड़ो।
1CO 5:3 अना मी तुमरो बीच मा नही सेऊ, मी दुहुर सेऊ, मंग मन लक तुमरो संग सेऊ। तुमी असो समजो का मी तुमरो जवर सेऊ। मीना पयले लक पिरभू यीसु को नाव लक फैसला देवा सेऊ
1CO 5:4 का जबा तुमी संगति मा जमा होवने ता मोरो आतमा अना यीसु को ताकत लक,
1CO 5:5 वा मानूस को देह ला सैतान को हात मा सोप देवने। वोको देह तो नास भयी जाहेत। पर पिरभु को दिवस मा वोको आतमा बचायो जाहेत।
1CO 5:6 तुमरो गरब करनो साजरा नाहती। का तुमीला मालुम नहती? जरा सो खमिर सब मलो कनिक ला खमीर बना डाका सेत, अना जसो हाना सेत का “एक मरो मसरी, सप्पा बोडी को पानी ला, खराब कर देवसेस।”
1CO 5:7 ता तुमी जुनो खमीर ला हेड़के, आपरो आपला सूद करो, मजे नवा मलो कनिक जसो बन जावो, जसो तुमी सहीमा सेव। काहेका आमरो फसह को तिहार को पाठी, मसीह भी बली भईसेस।
1CO 5:8 एकोलाय आमी ना तो जूनो खमीर लक, ना तो बुराई, अना दुस्टपन को खमीर लक, पर बिना कपट को, अना खराई लक बेखमिरी भाकर लक, फसह को तिहार मनाबीन।
1CO 5:9 मि ना आपरो चिठ्ठी मा लिखि सेव, का छिनरापन करनवारा को संगती नोको करजोस।
1CO 5:10 यो जरुरी नाहती, का तुमी, यो दुनिया को छिनरा, लालची, लुटेरा, अना मुरत पुजा करनवारा, लोकगीन को संगति नोको राखो। तब ता तुम्हिला दुनिया लक हीट जानो पड़येत।
1CO 5:11 पर मिना सहीमा, यो लिखि सेव का, अदी कोनी मसीह भाऊ कहलावा से, अना छिनरापन, लालची, मुरत पुजा करनवालो, सिवा देवनवारा, बेवड़ा, लुटेरा, होहे ता वोको सगंति नोको करा जोस। पर असो मानूस को संग, जेवन नोको करा जोस।
1CO 5:12 काहेका मोला बाहेरवालो को नियाव करन लक काजक काम सेत? का तुम्हिला उनको न्याय नही करनो सेत? जोन कलीसिया मा सेत।
1CO 5:13 बाहेरवालो लोक गीनको नियाव, परमेस्वर करा सेत। पर तुमी असो खोटो काम करनवारा ला, आपरो बीच लक हेड़ देव।
1CO 6:1 का तुमरो मा असो कोनी मानूस सेत जोन आपरो च भाऊहुन को बीच मा कोनी झगड़ा होवनो मा परमेस्वर को पवितर मानूस गिन को जवर नही जावा सेत, पर हिम्मत करके अन्यायी गिनको अदालत मा जावा सेत।
1CO 6:2 का तुमी ला नही मालूम सेत? का पवीतर लोकगीन दुनिया को सब लोक गीन को न्याय करयेत। अना यदी तुम्ही, सब दुनिया को लोकगीन को नियाव कराबिन। तो तुमी ऐना लहान-लहान झगड़ा-राड़ को नियाव स्वता काहे नही करा सेत?
1CO 6:3 का तुमी नही जाना सो, क आमी सरगदूत गिनको नियाव करबीन? ता का आमी, यो दुनिया को गोस्टी को न्याय करन काबील नाहती?
1CO 6:4 मंग जबा तुमी लोकगीन लाय, दुनिया को गोस्टी को न्याय करन लाय, अदालत सेत। तो का तुमी असो मानूस ला, न्यायलय बसा जोस, जोन कलीसिया मा काही नहती?
1CO 6:5 मी तुमला लजान काजी, नही सांगा सू। का यो खरो सेत, का तुमारो बीच मा कोनी गियानी भेद करन वालो नाहती? जोन आपरो भाऊ गीन को तन्टा ला सुलजा देवे।
1CO 6:6 अबिस्वासी गिनको पुढ़ा, न्याय भेटन लाय आपरो भाऊ-भाऊ पर नालिस करा सो। यो तुमरो काजी सरम को बात सेत।
1CO 6:7 तबा ता खरो-खर तुमरो पयलो गलती योच सेत। का तुमी एक दुसरो पर नालीस करा सेव, तुमी हानी काहे नही सहा सेव? तुमच छल ला काहे नही सहा सेव?
1CO 6:8 एको उलट तुमी आपरो भाऊ गीनको संग अन्याव करा सेव।
1CO 6:9 का तुमीला नही मालूम सेत? का बदी करन वालो परमेस्वर को राज मा वारिस नही होहेत। धोखा नोको खावो, छिनरापन करनवारा, ना तो मुरत पुजा करनवारा, ना दुसरो को बायको संग सोवनवारा, छिनाल,
1CO 6:10 न तो चोर, बेवड़ा, न सीवा देवन वालो, ना तो लुट-खसोट करन वालो, परमेस्वर को राज को वारिस होहेत।
1CO 6:11 अना तुमी मा लक काही, असोच होतिन। पर अबा तुमी पिरभू यीसु मसीह को नाव लक, अना आमरो परमेस्वर को आतमा लक, धोयो गयो, पवीतर करियात अना नेक बन गयो सेत।
1CO 6:12 तुमरो मा लक कोनी असो सांगेत, “मोला सब चीज बेखटका करन को अधिकार सेत।” “हव पर सब साजरा नाहती।” मी असो सांग सका सू, “मोला सब चीज करन को सूट सेत।” “पर मी कोनी चीज को गुलाम नहिसेऊ।”
1CO 6:13 कोनी असो भी सांगेत पर जेवन पोटको लाय, अना पोट जेवन को लायसेत। पर परमेस्वर, यो दुई को अन्त कर देहेत। मंग देह छिंडरापन लाय नाहती, पर पिरभू काजी सेत, अना पिरभू देह काजी सेत।
1CO 6:14 परमेस्वर ना जसो पिरभू ला जिलायो, वसोच उ अमीला भी, आपरो ताकत लक जित्तो करयेत।
1CO 6:15 का तुमला मालूम नहती? तुमरो देह मसीह को आंँग सेत। तो का मी मसीह को आँग ला धरके बेसिया को आँग बना देऊ?
1CO 6:16 का तुमीला यो मालुम नहती? जोन बेसिया को संग सोवा सेत, वो वोको संग एक देह होय जावा सेत, काहेका असो कव्हयो गयो सेत, का दुई एक देह होहेत।
1CO 6:17 पर उ जोन पिरभू लक संगत करतत, वोको संग एक आतमा होय जासे।
1CO 6:18 छिनालापन लक पराय जावो। अना सप्पा पाप, जोन मानूस करा सेत, वय देह लक बाहेर होवासेत। पर छिनालापन करनवारा, आपरो देह को बिरोध मा पाप करासेत।
1CO 6:19 का तुमिला मालुम नही सेत? का तुम लक हरेक को देह पवीतर आतमा को मंदिर सेत। जोन तुममा सेत, अना वा तुमिला परमेस्वर लक भेटयो सेत। तुमी आपरो नही सेव।
1CO 6:20 काहेका तुमी मोल देके सूटायो गयो सेव, एको एवज मा आपरो तन लक, परमेस्वर को महिमा करो।
1CO 7:1 अबा, तुमरो कन लक लिख्यो मामला गिनला निपटान को लाय। एक मरद साजरो लक बिहा नही करतत।
1CO 7:2 एकोलाय का उ लगत बायका को संग से। ता हरेक मरद को आपरो एकच बायको होवनो पाहिजे। अना हरेक बायको को एकच बायको होवनो पाहिजे।
1CO 7:3 एक मरद ला नवरा को रूपमा आपरो करतब पूरो करनो पाहिजे। वसोच एक बायको ला एक नवरी को रूपमा करतब पुरो करके दूई एक दुसरो को जरुरत पूरो करनो पाहिजे।
1CO 7:4 बायको ला आपरो देह मा हक नहती, पर वोको नवरा को सेत, वसोच नवरा को आपरो देह मा हक नाहती, पर वोकी बायको को सेत।
1CO 7:5 एक दुसरो ला यो हक लक दुहुर नोको राखो, पर काही दिवस काजी, दुई को मनको लक, बेगरो भई जावोत, जेनको लक पिराथना काजी बेरा मिल जाहेती, मंग एक संग रव्हो, सैतान ला मौका नोको देव, का उ तुमरो परिक्सा करे।
1CO 7:6 पर मी तुमला यो परमिसन देवा सू, यो हुकूम नाहती।
1CO 7:7 मंग मी चाव्हसु का, जसो मी कुंवारो सेऊ, वसोच सब मानूस कुंवारो रहेत, पर हरेक मानूस ला परमेस्वर कन लक, अलग-अलग बरदान भेटयो सेत। कोनी ला काही, तो कोनी ला काही?
1CO 7:8 पर अबा जोन कुंवारो अना बेवा सेत, उनला मी सांगा सेऊ का, उनको वसोच रव्हनो साजरा सेत।
1CO 7:9 वय बिना सादि को नही रव्ह सकसेत, ता वा सादी करा लेवे, तो साजरा सेत। काहेका लगन करनो, “बाडी कुदनो” लक साजरा सेत।
1CO 7:10 पर सादि-सुदा गिनला मी नही, पर पिरभू यो हुकूम देवा सेत, का बायको आपरो नवरा ला नोको सोड़े।
1CO 7:11 पर अदी वा सोड़ भी देवे, तो पाठ नोको करे, पर आपरो नवरा लक मिलाप करे, अना नवरा आपरो बायको ला नोको सोड़े।
1CO 7:12 दुसरो लक पिरभू नही, पर मी सांगासू, का अदी कोनी भाऊ को बायको बिस्वास नही राखा सेत, अना वोको संग खुसी लक रव्हा सेत तो उ वोला नोको सोड़े।
1CO 7:13 जोन बायको को नवरा अबिस्वासी सेत, अना वोको संग रव्हन लक खुस रव्हा सेत, तो वा नवरा ला नोको सोड़े।
1CO 7:14 काहेका असो भाऊ आपरो बायको को कारन लक पवीतर ठयरासेत, अना असी बायको जोन अबिस्वासी सेत, आपरो नवरा को कारन पवीतर ठयरासेत, असो नाहती तो तुमरो लेकरा बारा असुध्द होत्यो, पर अबा पवीतर सेत।
1CO 7:15 पर जोन नवरा भरोसा नही राखन वारा सेत, उ अदी बेगरो रव्हे, तो वोला बेगरो होवन देव, असो दसा मा कोनी भाऊ, अना बहिन कब्जा मा नाहती। काहेका परमेस्वर ना अमीला मेल करवान काजी हाकलि सेत।
1CO 7:16 काहेका अवो बायको! का तोला मालूम सेत? का तू आपरो नवरा ला बचाय सका सेत। अना अगो भाऊ! तोला का मालूम सेत? का तू आपरो बायको को ला बचा सका सेत।
1CO 7:17 जसो पिरभू ना हरेक ला दीयो सेत, अना जसो परमेस्वर ना हरेक ला हाकलि सेत, वसोच चले, मी सबा कलीसिया मा असोच ठहरावा सेऊ।
1CO 7:18 अदी कोनी खतना करवान वालो मानूस ना परमेस्वर को हाकलनो ला अपना लियो सेत, ता वोको खतना हटावन को कोसीस नही करनो पाहिजे। वसोच बिन खतना वालो मानूस ना, परमेस्वर को हाकलनो आयक के आयो सेत, ता वोको खतना नोको करवाओ।
1CO 7:19 न खतना काही सेत, अना खतना नही करवानो काही सेत पर परमेस्वर को हुकूम ला माननो सब काही सेत।
1CO 7:20 हरेक जन जोन दसा मा हाकलो गयो सेत वोच मा रव्हे।
1CO 7:21 अदी तू दास को दसा मा हाकलो गयो सेत, तो मनमा चिन्ता नोको कर पर तू खुल्ला हो सका सेत असो काम कर।
1CO 7:22 काहेका जोन दास को दसा मा पिरभू मा हाकलो गयो सेत, उ पिरभू को छुड़ायो गयो सेत, वसोच जोन छुट्टो सेत उ मसीह को दास सेत।
1CO 7:23 तुमी दाम देके छुट्टो कियो गयो सेव, एको लाई तुमी मानुसगिन को दास नोको बनो।
1CO 7:24 अगो भाऊ हुन जोन कोनी जोन दसा मा हाकलो गयो सेव उ वोच दसा मा परमेस्वर को संग रव्हे।
1CO 7:25 अबा कुंवारी टुरीगीन को बारेमा पिरभू को कोनी हुकूम, मोला नही भेटिसेत। पर बिस्वास को काबिल होवन को काजी, जसो दया पिरभू ना मोरो पर करिया सेत, वोको लक मी सला देवा सेऊ।
1CO 7:26 मोरो समज मा यो साजरा सेत, का आज काल को बखत को लक, मूसिबत को कारन, जोन जसो सेत, वसोच रव्हे।
1CO 7:27 अदी तोरी बायको सेत, तो वोको लक अलग नोको रव्ह, अना बायका नाहती, तो नोको ढूढ।
1CO 7:28 पर तू लगन करजोस, तो ओ कोनी पाप नाहती, अना कुवारी को लगन भई जाय, तो कोनी पाप नाहती। पर असो मा तन ला दुख होहेत, वोको लक मी बचावनो चाव्हासू।
1CO 7:29 ओ भाऊ हुन! मी असो कव्हसू, का बेरा कम कियो गयो सेत। एकोलाय, तुमीला जोनको बायका सेत, उ असो रव्हे का जसो वोकी बायको नाहती।
1CO 7:30 अना रड़नवारा असो रव्हे, मानो डोरा मा पानी नाहती। अना खुसी मनावनवारा, असो मनावे, जसो उ खुस नाहती। अना काही लेवनवारा असो लेवे, जसो वोको कठा काही नाहती।
1CO 7:31 अना यो दुनिया को चीज ला, असो काम मा लावो, मानो वोको कोनी जरूरत नाहती। काहेका दुनिया को यो रुप बदलतो जाय रव्होसेव।
1CO 7:32 एकोलाय मी तो असो चाव्हसे का तुमला काही बात को फिकर नोको होय। जोन कुंवारो सेत उ पीरभू को गोस्टी को फीकर करा सेत। अना उ पिरभू ला खुस करनो चाव्हसेत।
1CO 7:33 पर जोन सादी-सूदा सेत उ दुनिया दारी को चिन्ता करा सेत। अना उ वोको बायको ला खुस राखन चाव्हा सेत।
1CO 7:34 अना वोको धियान संसार मा बट जावासे, अखीन जोन कुंवारी सेत वोला पिरभू को आतमा को चिन्ता रव्हा सेत। का वा देह मन लक पवीतर होयहेत पर सादि-सूदा बायको, आपरो नवरा ला खुस राखन चाव्हा सेत।
1CO 7:35 मी यो गोस्टी तुमारो भलाई को लाय कव्हासू, तुमला उलझान काजी नही, यो काजी जसो सोबा देवासेत वसोच करो। का तुम एक चित लक पिरभू को सेवा करो।
1CO 7:36 अदी कोनी असो जरुरी समजासेत का मी वा कुंवारी को हक्कमार रहि सेव, जोनको जवानी ढल रही सेत, अना जरुरत भी सेत तो उ जसो मरजी मा सेत बिहा कर सका सेत। यो मा कोनी पाप नाहती वोको बिहाव होवन देवे।
1CO 7:37 जोनको इरादा तय सेत, वोला जरूरत नाहती, असो समजासेत, वा आपरो मन ला आपरो बसमा राखा सेत, अना ठान लेवासेत का आपरो टूरी ला कुवारी राखनो सेत, उ साजरा करासेत।
1CO 7:38 मंग जोन आपरी कुंवारी टूरी को लगन कर देसे उ साजरो करासेत, अना जोन लगन नही करासेत उ अखीन साजरा करासेत।
1CO 7:39 जब तकन कोनी बायको को नवरा जित्तो सेत, तब तकन वोको जोड़ा वोको संग बन्धो सेत, पर वोको नवरा मर गयो तो उ खुली भई गई वा पिरभू मा कोनी लक बिहा कर सका सेत।
1CO 7:40 पर मोरो बिचार लक जसो उ सेत वसोच रव्हे तो अखीन साजरा सेत। अना मी समजासू का मोरो मा परमेस्वर को आतमा सेत।
1CO 8:1 अबा मुरत गीनको पुड़ा चघायो हुयो बली को बारेमा, आमी जाना सेजन, अना आमी सक्ड़िया मानूस ला यो मालूम सेत। पर पिरेम लक सबको उन्नती होवासेत, पर गियान गरब ला पैदा करा सेत।
1CO 8:2 अदी कोनी असो समजा सेत का मोला सब मालूम सेत। तो जितरो वोला मालूम होवनो पाहिजे, वोतरो वोला साजरा लक मालूम नाहती।
1CO 8:3 पर अदी कोनी परमेस्वर लक माया राखासेत, ता परमेस्वर वोला चिन्हअ सेत।
1CO 8:4 ता आमीला मुरत गीनको पुड़ा चघायो हुयो जेवन को बारेमा अमीला मालूम सेत, का मुरती दुनिया मा काही नाहती। अना एक परमेस्वर ला छोड़, कोनी दुसरो परमेस्वर नाहती।
1CO 8:5 अमीला यो मालूम सेत, का बादल अना धरती मा, ढगभर परमेस्वर सेत, अना पिरभू भी सेत।
1CO 8:6 मंग आमरो कठा एकच परमेस्वर सेत, मजे परमेस्वर दआजी जेनना सब चीज ला बनाइसेस, अना उ आमीला भी बनाइसेस, एकोलाय उ आमरो भी पिरभू सेत, वोच यीसु मसीह सेत।
1CO 8:7 पर यो सत हरेक मानूस ला मालूम नाहती, काही लोकगीन, हाल मा मुरती पुजा करनवारा होतिन। वय मुरत गीन को पुड़ा चघायो हुयो जेवन समजके जेवत होतिन, अना उनको मन कमजोर होवन को कारन, अपवीतर हो जावासेत।
1CO 8:8 जेवन अमीला परमेस्वर को कठा नही धाड़ा सेस। अदी आमी जेवन नही करबीन, तो काही नुकसान नाहती। अना जेवन करबीन, तो काही फायदा नाहती।
1CO 8:9 पर सतरक रव्हजोस, असो ना भई जाय का, तुमरो यो हक कोनी निरबल बिस्वासी को पड़न को कारन भई जाय।
1CO 8:10 काहेका कोनी तोरो जसो अक्कल वर ला, मुरत गीन को पुड़ा चघायो हुयो जेवन मंदिर मा जेवन करत चोवके, उ भी जेवन करन बस जाहेती।
1CO 8:11 असो रीत लक तोरो गियान को कारन लक, उ कमजोर बिस्वासी जोनको लाय मसीह मरयो सेत, नास भई जाहेती।
1CO 8:12 अना भाऊ-बहिनहुन को बिरोध मा, असो पाप करन लक अना उनको कमजोर बिचार को कारन लक, उनको दिल दुखान को पाप करतत, जोन मसीह को बिरोध मा सेत।
1CO 8:13 एकोलाय अदी मोरो जेवन, मोरो भाऊ अना बहिनगिन को लाय, पाप को कारन बना सेत, तो मी सदा जेवन नही जेहुँ। कही असो ना भई जाय का, मी आपरो भाऊ अना बहिन को काजी पाप को कारन बन जाऊ।
1CO 9:1 का मी छुट्टा मानूस नही सेऊ? का मी पेरीत नही सेऊ? का मीना पिरभू यीसु ला नही चोविसेऊ? का तुमी लोक मोरो मेहनत को फर नोहोव?
1CO 9:2 मोला दुसरो लोकगीन पेरीत नही माना सेत, तो का भयो, मी तो तुमरो काजी पेरीत सेऊ। काहेका तुमी लोकगीन, पिरभू मा मोरो पेरीत होवन को चिन्ह सेव।
1CO 9:3 जोन लोकगीन बिना जाँच को मोरो पर लान-छान लगावासेत, उनला आपरो बारेमा मोला यो सांगनो सेत।
1CO 9:4 का हमला खावन-पीवन को हक नाहती?
1CO 9:5 का अखीन पेरीत गीन पिरभु को भाऊ गीन, अना कैफा को जसो, हमला आपरी मसीही बहिन ला बायको बनाके आपरो सँग लेजान को हक नाहती?
1CO 9:6 का मि अना बरनबास, आपरो जिन्दगी चलान को लाई काम करन को हक सेत।
1CO 9:7 का यो कबच आयकनो मा आयो, की कोनी आपरो खरचा लक सेना मा सेवा करासे? कोनी अंगूर को बारी लगायके, ओको फर नही खावासे? कोनी पालतु जनावर पालके ना करप को देख-रेख करके, ओना जनावर को दुध नही पिवा से?
1CO 9:8 यो मि सादो जीवन को उदाहरन लक नही कव्ह रही सेव। पर मोसे को नियम पवीतर गिरंथ भी योच कव्हासे।
1CO 9:9 काहेकि मोसे को नियम मा लिखयो से, तुमी गाहानी करतो बेरा बईल को पर मोहरका नोको लगाने। का परमेस्वर ला बईल गीनको चिंता से?
1CO 9:10 या उ हमरो लाई यो जरुरी कव्हासे? यो पक्को हमरो लाई लिखी से; काहेकि यो बेस से की, उपज को हिस्सा मिलन की आस लक जोतन वालो नांगर चलाहे। अना दावन वालो दावनी करेत।
1CO 9:11 अदी अमीना आतमिक बीज बोया सेजन, तो का हमी दुनिया को देहिक फर खावन-पिवन को चीजको आस नही राखबीन?
1CO 9:12 अदी दुजो लोकगीन ला तुमी पर यो हक से, तो का बराबरी मा हमरो लगत हक नही? मंग हमीना यो हक ला नही बवजसेजन, काहेका हमी मसीह को साजरो बारता मा कोनी बाधा डाकनो नही चाव्हा सेजन। एको लाई हमी, हर तौर लक दुख उठासेजन।
1CO 9:13 का तुमी लोकगीन नही जानोह, की मंदिर मा धरम सेवा करनवारा ला, मंदिर लक जेवन मिला से। अना वेदी की सेवा करन वारा, वेदी की चघावा को हिस्सेदार सेत।
1CO 9:14 असोच पिरभू ना हुकूम देइसेस, का साजरा बारता आयकावान वारा, साजरा बारता आयकवा के, आपरो जिंदगी को रूजूक भाकर चला सका सेत।
1CO 9:15 पर मिना ऐना हक को बवजनो कोनी मतलब को लाय नही कियो। अना यो मि एकोलाय नही लिख रही सेव, की अबा मोरो लाई असोच कियो जाहे। मि भलाई मर जाहुँ, बल्की मि आपरो आपच ला ऐना महिमा लक छुटयो नही सेऊ।
1CO 9:16 मि यो गोस्टी पर गरब नही करुसु, की मि साजरो बारता को साँगन वालो सेऊ। मि तो यो काम करन को लाई मजबुर सेव। हाय! से मोला, अदी मि साजरो बारता ला नही सांगु।
1CO 9:17 अदी मि आपरी मनसा लक यो कव्हसू, तो मोला ईनाम को हक से, पर मि आपरी मरजी लक यो नही करुसु। मोला जोन काम भरोसा लक सौपियो गई से मि ओला पूरो करुसेऊ।
1CO 9:18 तो ईनाम पर मोरो कोन तो हक से? अना मि साजरो बारता को बारे मा आपरो हक ला काम मा नही आनु सेऊ। उ यो से का मी फोकट मा, साजरो बारता ला सांगा सेऊ।
1CO 9:19 सबच लोकगीन लक सूटकारा होवनो को लाई मिना आपरो आपच ला सबच को दास बनाय लेईसेऊ। जेनको लक मि लगत लोकगीन को सूटकारा दिलाय सकु।
1CO 9:20 मी यहूदीहुन लाय यहूदी जसो बन गयो, का मी यहूदीगीन ला मसीह मा आन सुक, जोन लोक मोसे को नियम को बस मा सेत, उनला पावन लाई मि कानुन को कब्जा मा जसो बन गयो। अता मि वाकई मा कानुन को कब्जा मा नही सेव।
1CO 9:21 जोन लोक मोसे को नियम नही माननवारा सेत, उनला पावन को लाई मि उनको जसो गैर यहुदी मोसे को नियम नही माननवारा बन गयो, अता मसीह को नियम को लक होवनो को कारन मि वाकई मा परमेस्वर की कानुन लक छुटयो नही सेव।
1CO 9:22 मि कमजोर को साठी कमजोर जसो बनयो, जेनको लक मि उनला पाय सकु। मि सबच को साठी सब काही बन गयो। जेनको लक कोनी ना कोनी तरह लक लोकगीन को सूटकारा कर सकु।
1CO 9:23 मि यो सब साजरो बारता को लाई कर रही सेव, जेनको लक मी दुसरो को संग यीसु को दया को हिस्सादार बन जाऊ।
1CO 9:24 का तुमला नही मालूम सेत, का धावन को मैदान मा सबच धावासे, पर कोनी एक ला ईनाम मीलासेत। मजे तुमी असो धावो का ईनाम तूमी ला भेटे।
1CO 9:25 सबा धावन वारा धिरज यो काजी राखासेत, का वोला जीत को मुकुट मिलनो सेत। पर आमी तो कदी नास नही होवन वारा अमर मुकुट काजी मेहनत करसेजन।
1CO 9:26 एकोलाय मी एक “निसान साधके तीर चलावसू” मी अन्दाज लक तीर नही छोड़से
1CO 9:27 मी आपरो देह ला तकलीप देवासू, अना वोला आपरो बस मा राखासू। कही असो ना भई जाय का दुसरो ला परचार को मघा, मी खुद वोको पर चलनवारा नही बनू कही लोक असो ना कव्हे का “दियो खाल्या अँधार सेत।”
1CO 10:1 मी तुम्हिला हेत करानो चाव्हा सेऊ। मोरो संगीहुन, मोसे को मघा चलनवारो आमरो आजा पुरखा हुन को संग काजक भयो होतो? वय सबा बादर को भीतर सुरक्सित होतिन, अना लाल सागर को वोनागन गयीन।
1CO 10:2 अना सबा ना सागर अना बादर को बीच मा मोसे को बप्तिस्मा लेइन।
1CO 10:3 अना सबा ना एकच आतमिक जेवन करियो।
1CO 10:4 अना सकडिया एकच आतमिक पानी पियीन। काहेका वय वा चट्टान लक पियिन जोन उनको संग-संग चलत होतो अना उ चट्टान मसीह होतो।
1CO 10:5 पर परमेस्वर उनमा लक लगत लक हिजड़ गयो। एकोलाय वय जंगल मा मर मीट गईन।
1CO 10:6 यो घटना उदाहरन को रुपमा सेत। अना हमला यो सिक्सा देसेत, की आमीला उनको जसो बुरो चीजगीन को लोभ नही करनो से।
1CO 10:7 उनमा लक कही लोकगीन को जसो तुमी मुरत पुजा करनवारा नोको बनने, जोन को बारे मा यो लिखी से, “वय खावन-पीवन को साठी बसीन, अना आँनद मनान को लाई उठीन।”
1CO 10:8 अमी नोको करहीन छिनालापन, जसो की उन मा लक काही लोकगीन ना करीन। अना एकच दिवस मा तेईस हजार मर गईन।
1CO 10:9 अमी मसीह को परीक्सा नही करबिन, जसो की उनमा लक काही लोकगीन ना करीन अना सरप गीन ना उनला नास कर देईन।
1CO 10:10 तुमी लोक नही कुड़कुड़ायत, जसो की उनमा लक काही कुड़कुड़ाईन अना नास करन वालो ना उनला नास कर देईन।
1CO 10:11 यो सब उदाहरन रुप लक उन पर बितयो अना अमिला चेतावनी देवन साठी लिखी गई से, जोन जुग को आखरी मा पायो जावसे।
1CO 10:12 एको लाई जोन यो समझसे से की मि बिस्वास मा मजबुत सेव, उ सतरक रव्हने। कहीं असो न होयहेत की उ भटक जाहे।
1CO 10:13 तुमी अबा असो कोनी परिक्सा मा नही पड़यो सेव, जोन मानूस को ताकत लक बाहेर होय। परमेस्वर भरोसा लायक अना सतको से, उ तुमला असो लोभ लालच मा पड़न नही देहे, जोन तुमरी ताकत लक बाहेर होय। उ लोभ लालच को बेरा तुमला ओको लक हिटन को रास्ता चोवाहे, जेनला तुमी सह नही सको।
1CO 10:14 मोरो माया को भाउ अना बहिनगीन। तुमी मुरत पुजा लक दुर रव्हो।
1CO 10:15 मि तुमी लोकगीन ला समझदार जानके यो कव्ह रही सेऊ। तुमच खुद मोरी गोस्टी पर बिचार करके तय करहो।
1CO 10:16 संगती मा उ धन्य वाद को बटकी जोन पर आमी धनवाद करासेत, का मसीह को खून को हिस्सादार नही। उ भाकर जोन ला आमी तोड़के जेवेसेजन का उ मसिहा को देह को हिस्सादार नाहती।
1CO 10:17 एकोलाय एकच भाकर सेत अना आमी भी लगत मानूस सेत। एकच देह से, काहेका आमी सबा वोच भाकर को हिस्सादार सेजन।
1CO 10:18 जोन देह को हिसाब लक इसरायल सेत उनला चोवो। का बली चघान को वेदी मा लक जेवनवारा हिस्सादार नाहती।
1CO 10:19 मंग मी का कव्हसू? का मुरत गीन को पुड़ा चघायो हुयो जेवन काही सेत? का मुरती काही सेत?
1CO 10:20 नही पर गैर बिस्वासी लोकगीन जोन बली करासेत, उ परमेस्वर काजी नही पर बुरो आतमा काजी करासेत? अना मी नही चव्हासू का तुमी बूरो आतमा को हिस्सादार बनो।
1CO 10:21 तुमी पिरभू को बटकी अना बुरो आतमा को बटकी दुई मा लक नही पीव सकसो। तुम परभू को पवीतर जेवन अना बुरो आतमा को जेवन दुई को हिस्सादार नही बन सका सो।
1CO 10:22 का आमी पिरभू ला हिजडावा सेजन। क आमी वोको लक जादा ताकतवर सेजन?
1CO 10:23 सब चीज मोरो काजी साजरो से पर सबा फायदा को लाय साजरो नाहती?
1CO 10:24 कोनी आपरो फायदा नही पर दुसरो को बारे मा सोचो।
1CO 10:25 जो काही खटिक को घर मा बिका सेत उ सब बिना जाँच को जेवन करो। अना मन मा सक नोको करो?
1CO 10:26 काहेका धरती अना जोन काही सेत सबा पिरभू को सेत?
1CO 10:27 अदी कोनी गैर मसीही को घरमा कोनी निवता देवे अना तुमी जावो तो जोन काही तुमला परोसे मन मा बिचार कियो बगेर, उ सबा जेवन करो नोको परख करो
1CO 10:28 पर यदी कोनी तुमला कहे, यो तो मुरती पर चघायो गयो सेति, तो वोको मन लक कव्हनो को लक नोको जेवन करो?
1CO 10:29 पर मोरो मतलब तुमरो तय करन लक नही सेत। पर दुसरो मानूस को आपरो मन मा काजक तय कर सेत? “काहेका मोरो सूटकारा दुसरो को दिल दुखन को कारन नोको बने।”
1CO 10:30 अदी मी धनवाद को पिराथना करके जेवन करासू तो जोन जेवन काजी मी परमेस्वर ला धनवाद देवसू वोको कारन कोनीला मोरो निन्दा करन को अधिकार नाहती।
1CO 10:31 एकोलाय तुमी चाहे जोन जेवन करो पिवो, जोन काही भी करो वा मा परमेस्वर को महिमा होवनो जरुरी सेत।
1CO 10:32 तुमी ना तो यहूदी हुन अना यूनानी गीन को लाय ना परमेस्वर को कलीसिया को लोकगीन काजी पड़न को कारन बनो?
1CO 10:33 जसो मी सब गोस्टी लक सबला खूस राखासू अना आपरो नही पर लगत मानुसगिन को भलो चव्हासू, का लगत मानूसगिन को सूटकारा भई जाये।
1CO 11:1 तुम लोकगीन जसो-जसो मी करासू तसोच-तसोच करो काहे का जसो मसीह पिरभू करासेत वसोच मी भी करासू।
1CO 11:2 तुमी मोरो हरेक बात को ध्यान राखासो अना जोन-जोन नेम मीना तुमला सांगिसेऊ उनमा तुमी बनो रव्हासो एकोलाय मी तुमारो बडाई करा सेऊ।
1CO 11:3 मंग तुमला यो गोस्टी सांगनो चव्हा सेऊ, का मसीह हरेक मरद को डोस्का सेत अना मरद आपरो बायको को डोस्का सेत। पर मसीह को डोस्का परमेस्वर सेत।
1CO 11:4 जोन भविस्यवक्ता डोस्का ला ढाकके पिराथना करा सेत, वा मसीह को बेइज्जती करा सेत।
1CO 11:5 अना जोन बायको बिना पल्ला लियो भविस्यवानी पिराथना करा सेत, व आपरो डोस्का नवरा को बेइज्जती करा सेत। काहेका तबा वा टकली बायका जसी सेत।
1CO 11:6 अदी कोनी बायका आपरो डोस्की मा पल्ला नही डाकासेत तो वा छुरा लक आपरी चुन्दी मुन्डवा लेवे। तबा वा टकली बायका लाज को मारे डोस्का मा पल्लो राखेत।
1CO 11:7 हव मरद ला आपरो डोस्का ढाकनो जरुरी नाहती। काहेका उ परमेस्वर को रुप अना महिमा सेत। पर बायका मरद को महिमा सेत।
1CO 11:8 काहेका मरद बायको लक नही, पर बायका मरद लक बनिसेत।
1CO 11:9 अना मरद बायका लक नही पर बायका मरद लाय बनायो गयो सेत,
1CO 11:10 एकोलाय सरगदूत गिनको कारन सहि सेत का अधिकार आपरो डोस्का मा राखे
1CO 11:11 मंग पिरभू मा बायको, को बिना मरद को, अना मरद बिना बायका को नोको रव्है।
1CO 11:12 काहेका जसो मरद लक बायको बनिसेस वसोच बायका लक मरद को जनम होवा सेत, पर सब को बनानवारा परमेस्वर सेत।
1CO 11:13 तुमी खुदच तय करो का यो सही सेत का आई माई गीन बिना डोस्की मा पल्ला लियो, परमेस्वर लक पिराथना करे?
1CO 11:14 का यो खुदच नही चोवा सेस का लम्बो चुन्दी राखनो मरद काजी लाजको बात सेत।
1CO 11:15 पर लम्बो चुन्दी आई माई गीन को सोभा महिमा सेत, काहेका उनला ओढनी काजी परमेस्वर ना लम्बो चुन्दी देइसेस।
1CO 11:16 अदी कोनी एको बारेमा बकबक करनो चाव्ह सेत तो यो जान लेवेका आमरो कठा कोनी दुसरो नियम नाहती, अर ना परमेस्वर को कलीसिया मा दुजो नियम सेत।
1CO 11:17 पर यो हुकूम देवत तुमीला सबासी नही देवसू, काहेका जबा तुमी जमा होवा सो तबा तुमरो भलो काम पर बुरो लगत होवासेत।
1CO 11:18 पयलो गोस्टी यो सेत का मोरो आयकन मा यो आईसेस का जबा तुमरो यहान कलीसिया धरम सभा होवासेत, तो तुमरो बीचमा दल बन जासे अना मि यो बात मा एक हद तकन भरोसा करासू।
1CO 11:19 तुमी लोक गीनमा असो होवनो जरुरी सेत। जेनको लक यो पता चलहेत, का कोनी काबील अना खरो सेत।
1CO 11:20 जबा तुमी लोकगीन जसो पवीतर जेवन काजी जमा होवा सो। उ पवीतर जेवन कहानो को काबील नाहती।
1CO 11:21 काहेका हरेक मानूस सटाकनारी आपरो-आपरो जेवन करन ला बस जावा सेत। असो कोनी खाली पोट अना कोनी भरपेट जेवन करा सेत। अना कोनी लगत पी डाकसेत।
1CO 11:22 का जेवन करन अना पिवन लाय तुमरो घर नाहती? का तुमी। परमेस्वर को कलीसिया ला दुतकार सो अना गरिब गोर गिनला निचो दिसावसो? का मी तुमला साबासी देऊ तुमी साबासी को काबिल नही सेव।
1CO 11:23 जोन नेम-धरम मीना तुमला सोपिसेव, उ मोला पिरभू लक भेटयो सेत। मजे जोन रात मा यीसु धरायो गयो, वोना भाखर लियो अना
1CO 11:24 अना धनवाद को पिराथना करन को मंघा वोला तोड़िस, अना कहीस “यो मोरी देह सेत जोन तुमरो लाय सेत। असोच मोरो हेत मा करत रव्हने।”
1CO 11:25 असोच जेवन को मंघा उ बटकी लियो अना कव्हयो यो मोरो रकत को नवा करार सेत। जबा-जबा तुमी यो बटकी लक पिवो तो असो मोरो हेत मा करो।
1CO 11:26 असो जबा-जबा तुमी पवीतर जेवन करसेव अना यो बटकी लक पिवसो तो पिरभू को आन तकन लक वोका मरन को गोस्टी सांगसो।
1CO 11:27 एकोलाय जोन मानूस बिना सोचे समझे यो पवीतर जेवन करासेत अना बटकी लक पिवासेत उ पिरभू को देह अना रकत को बिरोध मा गूना करासेत।
1CO 11:28 एकोलाय आपरो हिरदय ला परख लेव को मंघा च मानूस यो पवीतर जेवन करे अना बटकी मा लक पीवे।
1CO 11:29 काहेका जोन मानूस देह को भेद बिना जाने जेवन करासेत अना बटकी लक पिवसेत उ आपरो पर सजा आनासेत।
1CO 11:30 योच कारन से का तुमी मा लक लगत झन बिमार अना कमजोर सेत अना कही तो मर गईन।
1CO 11:31 अदी आमी आपरो हिरदय को बिचार ला सही-सही तय करसिन तो आमरो पर कोनी संका नाहती अना कोनी दोस नोको लगसिन।
1CO 11:32 पर पिरभू अमीला दन्ड देके अमीला मारसेत का आमी दुनिया को संग खोटो नोको पायो जाबिन।
1CO 11:33 एकोलाय मोरो भाऊ अना बहिनहुन जबा तुमी पवीतर जेवन लाय जमा होवा सो तो एक दूजो लाय रुको।
1CO 11:34 अदी कोनी ला भूख लगे तो वा आपरो घरमा जायके जेवन करे। जोको लक तुमरो सभा मा सजा को करन नोको बने। बाकी बात ला मी आयके ठीक कर देबिन।
1CO 12:1 अगो मोरो संगीहुन! आमी लोकगीन को असो मनसा सेत का तुमला पवितर आतमा को बरदान को बारेमा साजरा लक मालुम भई जाय।
1CO 12:2 तुमी जाना सो का जबा तुमी दुसरो लोकगीन को नेम धरम ला माननवारा होतो तबा तुमी गूंगो मुरत को दिवानो होतो।
1CO 12:3 एकोलाय मी तुमी लोकगीन ला सांगा सेऊ का कोनी मानूस परमेस्वर को आतमा लक असो नही कव्ह सका सेत, का यीसु सिरापित सेत। अना कोनी मानूस पवीतर आतमा को बिना असो नही कव्ह सका सेत, का “यीसु च पिरभू सेत।”
1CO 12:4 बरदान तो लगत होवासेत, पर आतमा एकच सेत।
1CO 12:5 सेवा लगत तरिका लक होवासेत, पर पिरभू एकच सेत।
1CO 12:6 मानूस ला दिसान को काम लगत सेत, पर परमेस्वर एकच सेत। जोन सब काम करवासेत अना रकम-रकम को काम वोको ताकत लक होवासेत।
1CO 12:7 पर सबको फायदा करान काजी आतमा को उजाड़ा हरेक ला भेंटा सेत।
1CO 12:8 कोनी ला आतमा लक अक्ल को गोस्टी आयकवान काजी, कोनी ला वोच आतमा लक गियान को सबद बोलन को,
1CO 12:9 अना कोनी ला वोच आतमा लक बिस्वास करन को बरदान, अना बिमारगिन ला साजरा करन को बरदान,
1CO 12:10 कोनी ला अचंभा को काम करन को बरदान, कोनीला भविस्यवानी करन को बरदान, कोनिला आतमा गिनला परखन को बरदान, कोनिला अना-अना भासा बोलन को बरदान, तो कोनिला वोला समजावन को बरदान देवा सेत।
1CO 12:11 यो सब काम एकच आतमा को लक होवासेत। अना आपरो मन को लक, यो सबा दान भेटासेत।
1CO 12:12 मानूस को देहे एकच सेत। पर वोमा गजब आंग होवासेत अना सब मिलके एक देह बन जासेत। मसीह को बारे मा भी असोच सेत।
1CO 12:13 आमी यहूदी सेत चाहे गैर यहुदी सेत दास या मालीक आमी सब को सब एकच आतमा लक बप्तिस्मा लक एकच देह बन गयो सेत। आमी अब लक एकच आतमा दियो गयो सेत।
1CO 12:14 जसो देह मा गजब अंग सेत। पर देह तो एकच सेत।
1CO 12:15 अदी पाय सांगेत, का मी हात नही सेव एकोलाय मी देह नही सेव, तो का उ यो कारन लक देह को आँग नही से?
1CO 12:16 अदी कान कहे का मी डोरा नही सेव, यो काजी मी देह को नही सेव। तो काहे यो कारन लक देह को अंग नही?
1CO 12:17 अदी पूरो देह डोरा च होतो, तो उ कसो आयकत होतो। अदी सप्पा देह कान होतो तो कसो सुघतो?
1CO 12:18 सही मा परमेस्वर ना आपरो मनसा को लक हरेक अंग ला देह मा, जघा दियो सेत।
1CO 12:19 अदी सब के सब एकच आँग होतो। तो देह कहान होतो।
1CO 12:20 सही मा गजब सो अंग होवन पर भी एकच देह होवासेत।
1CO 12:21 डोरा हात लक नही कव्ह सका से, का मोला तोरो जरुरत नाहती। अना डोस्का पाँय लक नही कव्ह सका सेत मोला तोरो जरुरत नाहती।
1CO 12:22 पर एको उलट देह को जोन आंँग कमजोर समझो जावा सेत वय जादा जरुरी सेत।
1CO 12:23 अना देह को जोन आंँग ला आमी आदर को काबिल नही समजा सेत वोच ला आमी जादा आदर देवे सेजन। अना आमरो सोभा देवनवारा आंँग गजब साजरा होवा जासे।
1CO 12:24 मंग आमरो सोभा देवनवारा बदन ला एको जरुरत नाहती, पर परमेस्वर ना देहला असो बना देइसेस, का जोन आंँगला आदर को कमी होती वोला च गजब आदर मीले।
1CO 12:25 जेमे लक देह मा फूट नोको पडे, पर आँग एक दुसरो को बरोबर चिन्ता करे।
1CO 12:26 एकोलाय अदी एक अँगठी मा दुख लगासेत तो दुजोला झार लगासेत। अना एक को बड़ाई होवासेत तो सारो देह खुस भई जासे।
1CO 12:27 असोच तुमी सबा मिलके मसीह को देह आव अना अलग-अलग वोको आंँग सेव।
1CO 12:28 अना परमेस्वर ना कलीसिया मा अलग-अलग बरदानी मानूस ठहराइसेस। पयलो पेरीत दूजो भविस्यवक्ता तिजो गुरू, मग अचंभा काम करनवारा, मंग बिमारला साजरा करनवारा, अना उपकार करन वारा, अना बेवस्था करनवारा अना लगत भासा बोलन वारा
1CO 12:29 का सब पेरीत सेत? सब भविस्यवक्ता आवनवारा गोस्टी सांगनवारा सेत? का सब गुरुसेत? का सब अचंभा को काम करन वारा सेत?
1CO 12:30 का सबला बिमारगिन ला साजरा करन को बरदान भेटिसेस? का सबच अना भासा बोलसेत? का सबच अनुवाद करनवारा सेत?
1CO 12:31 चाहे जसो होहे तुमी साजरा लक साजरा बरदान पावन को धुन मा रव्हो। पर मी तुमीला एक साजरा मारग सांगा सू।
1CO 13:1 मोला दुनिया को सबा भासा आवा सेत, अना सरगदूत को भासा भी आवा सेत। अना मोरो भीतर पिरेम नाहती तो मोरो बोलनो पितर को झनकार जसो सेत।
1CO 13:2 अदी मोरो जवर पेरीत जसो उपदेस देवन को वरदान सेत। मोला सबा परकार को गियान हो सका सेत, अना सबा राज की गोस्टी समजनो असान सेत। पहाड़ ला हटान को बिस्वास सेत। पर पिरेम नाहती तो काही नाहती।
1CO 13:3 अदी मी आपरो धन कंगालगिन ला दे देऊ, अना आपरो देह ला जलन काजी दे दू अना माया नही राखू तो काही फायदा नाहती।
1CO 13:4 माया सहन करनवारा सेत अना दयालू सेत। माया न तो जलन करासेत ना डीग हाका सेत ना गरब करा सेत।
1CO 13:5 माया सोभा नही देवनवारा बेवहार नही करा सेत। उ आपरो सुवारत नही ढूढा सेत। माया न तो हिजड़ा सेत अना बुराई को गिनती नही राखा सेत।
1CO 13:6 उ अन्याय लक नही, पर सच्चो चाल लक खूस होवासेत।
1CO 13:7 उ सबा काही ला ढाँक देसे, सबा काही पर भरोसा ठेवा सेत। सबा काही को आस राखासेत, अना सबा सह लेवा सेत।
1CO 13:8 भविस्यवानी चली जाहेत भासा मुका हो जाहेती। अना गियान मीट जाहेती, पर माया को अन्त नाहती।
1CO 13:9 काहेकी आमरो गियान, अना आमरो भविस्यवानी अधूरो सेत।
1CO 13:10 अना जबा पूरो आय जाहे, तो जोन पूरो नाहती वा मिट जाहेती।
1CO 13:11 जबा मी लेकरा होतो तो मी लेकरा बारा जसो बिचार करत होतो। लेकरा जसो होतो अना वसोच समज होती। पर जबा मी सियानो बन गयो, तो लेकरा जसो गोस्टी छोड़ दियो।
1CO 13:12 अबा अमीला आरसा मा धुधरो-धुधरो चोवा सेत पर वोना बेरा तहताज चोवबिन। अबा तो मोरो गियान अधूरो सेत, पर तबा मी वसोच पूरो लक जानीन, जसो परमेस्वर मोला जानिसेस।
1CO 13:13 पर अबा भरोसा, आस, माया यो तीन हमेसा रव्हेत, पर यो सबा लक मोठो पिरेम सेत।
1CO 14:1 पिरेम मा बड़त चलो। अना भविस्यवानी को बरदान पान को धूनमा लगयो रव्हो। खास करके परमेस्वर को कन लक सांगन को।
1CO 14:2 काहेका जोनला दुसरो को भासा मा बोलन को बरदान भेटयो सेत, वा सहीमा मानूस लक नही पर परमेस्वर लक गोस्टी करासेत। काहेका ओको कोनी नही समजा सेत पर उ आतमा मा भेद को गोस्टी करा सेत।
1CO 14:3 पर जोनला परमेस्वर कन लक भविस्यवक्ता को बरदान भेटयो सेत, उ आतमीक उन्नती सिक्सा अना सान्ती देवनलाय मानूस लक सांगा सेस।
1CO 14:4 अना जोन दुसरो को भासा सांगासेत, वा आपरो च उन्नती करा सेत। पर जोन भविस्यवानी करा सेत उ कलीसिया को उन्नती करासेत।
1CO 14:5 अब मी चाव्हा सू का तुमी सबा अना भासा सांगो, पर एको लक बड़के यो का तुम भविस्यवानी बोलो। काहेका जोन परमेस्वर कन लक बोला सेत, वा वोको लक बढके सेत, जोन दुसरो को भासा सांगासेत। काहेका वा दुसरो को भासा मा तो सांगासेत, पर ओको अनुवाद नही कर सका सेत। जोनलक कलीसिया को उन्नती नहि होवत।
1CO 14:6 अगो भाऊ हुन अदी मी तुमारो जवर आयके दुसरो भासा मा बोलु तो मोरो लक तुमला काजक फायदा होहेत। जब तकन मी परमेस्वर कन लक बोलके परकास अना गियान को सिक्सा को गोस्टी ना सांगु।
1CO 14:7 यो बोलनो तो असो सेत, जसो बंसरी अना बीना जसो बेजान बाजा को आवाज अदी वोको लक पैदा होवन वारा आवाज मा कोनी भेद नही तो कसो पता चलहेत का बांसरी अना बीना मा कोनतो धुन बज रहिसेत।
1CO 14:8 अना यदि बिगुल लक साजरा आवाज नही हिटेत ता लड़ाई को काजी कउन तैयार होयेत?
1CO 14:9 असो परकार कोनी दुसरो भासा मा जबा तकन का तुमी साजरा लक ना बोलो तबा तकन कोनी कसो समज सकेत। तुमीना काजक कव्हासेव? काहेका असो मा तुमी ता वारा मा सांगन वालो च रव्ह जाहेत।
1CO 14:10 योमा कोनी सक नाहती, का दुनिया मा लगत भासा सेत। उनमा लक कोनी बेअरथ नाहती।
1CO 14:11 एकोलाय जबा तकन मी वोना भासा को जाननवालो नही सेऊ, तबा तकन, बोलन वालो को लाय मी परदेसी कहलाईन, अना वा बोलन वालो भी मोरो लाय एक परदेसी जसो सेत।
1CO 14:12 तुमरो बारे मा भी योच बातसेत। तुम लोकगीन आतमिक बरदान को धुनमा रव्हासो। एकोलाय असो बरदान ला पावो जोन कलीसिया बनान मा उन्नती करे।
1CO 14:13 मजे जोन दुसरो भासा मा बोला सेत, वोला पिराथना करनो पाहिजे, का आपरो सागयो गयो गोस्टी को अरथ भी सांग सकेत।
1CO 14:14 काहेका अदि मी कोनी दुसरो भासा मा पिराथना करू ता मोरी आतमा पिराथना करासेत। परा मोरी अक्कल बेकार सेत।
1CO 14:15 मंग मला काजक करनो पाहिजे? मि आपरो आतमा लक पिराथना करू अना अक्ल लक भी। मी आपरो आतमा लक गाना गावबिन अना अक्ल लक भी
1CO 14:16 काहेका अदी तू आतमा च लक धन्यवाद करजोस, तो वहान को अनजान मानूस तोरो धनवाद मा आमेन कसो सांगेत? काहेका उ यो नही जानासेस का तु काजक कव्हसेत?
1CO 14:17 तोरो धनवाद कितरो च साजरा होहेत पर दुजो मानूस को कोनी काम को नाहती। काहेका वा मा वोको काही भीआतमिक उन्नती नाहती।
1CO 14:18 परमेस्वर को धनवाद करासू का मी तुम सब लक बड़के दुसरो भासा बोलआ सेऊ।
1CO 14:19 परा कलीसिया मा दुसरो भासा को दहा हजार सबद सांगनो लक, आपरो अक्ल लक पाँच सबद च बोलनो साजरा समजा सेऊ। जोन लक का दुसरो ला भी सिक्सा भेटेत।
1CO 14:20 अगो भाऊ अना बहिनहुन, आपरो समज मा लेकरा नोको बनो। वसो बुराई करन ला लहान सो लेकरा बनो, परा समजन लाय सियानो बन जावो।
1CO 14:21 गीरंथ मा असो लिखयो सेत “पिरभू सांगा सेत, मी परदेसी बोलि बोलन वालो, परदेसी गिनको होठ लक यो जाती लक गोस्टी करीन। पर यो लोकगीन मोरो गोस्टी नही आयकेत।”
1CO 14:22 एकोलाय दुसरो भासा बोलन को बरदान अबिस्वासी गिनको लाय इसारा करा सेत। बिस्वासी गिन लाय नाही। परा परमेस्वर कन लक बोलनो, अबिस्वासी लाय नाहती, बल्की बिस्वासी गिनको लाय सेत।
1CO 14:23 अता कलीसिया जबा एक जघा जमा होहे अना सबको सब दुसरो-दुसरो भासा बोलन लगेत, अखीन बाहेरवालो अबिस्वासी भितर आय जाय तो का वय तुमला बैताड़ नोको कहेत?
1CO 14:24 परा अदी हरेक भविस्यवानी बोल रहयो सेत, अना काही अबिस्वासी बाहेर लक आय जाय, ता सबा लोक उनको पाप ला चोवा देहेत, अना सबा लोकजोन कव्हसेत, वोको चमा वोको नियाव होहेत।
1CO 14:25 अना उनको मन को भेद परगट भई जाहेती। तबा वय पाय मा पड़के परमेस्वर को स्तुति करन लगहेत, अना मान लेहेत का सहि मा परमेस्वर तुमरो संग सेत।
1CO 14:26 एको निचोड काजक सेत? अगो भाऊ अवो बहिन हुन! जब-जब तुमी पिराथना काजी जमा होवा सो तो कोनी भजन गावा सेत कोनी सिक्सा देवा सेत, कोनी आपरो आपला मिलयो सच सांगासेत। कोनी दुसरो भासा बोला सेत। तो कोनी वोको मतलब सांगासेत, यो सब लक कलीसिया को उन्नती होवनो पाहिजे।
1CO 14:27 जहान तकन दुसरो भासा बोलन को सवाल सेत। दोन या जादा सेत, तो एक को मंघा एक बोले, अना कोनी दुसरो वोको मतलब सांगेत।
1CO 14:28 अदी कलीसिया मा कोनी मतलब सांगन वालो नाहती ता दुसरो भासा बोलनवालो सभा मा उघो मुघो रव्हे। अना परमेस्वर लक गोस्टी करतो रव्हे।
1CO 14:29 परमेस्वर को कन लक बोलन वालो जोनला बरदान भेटयो सेत, एक या दुई वोको दुत को रुपमा गोस्टी करे, अना बाकी, जोन काही कव्हासेत वोको परख करे।
1CO 14:30 अदी बसो लोकगीन मा लक कोनी ला सत मिल जाय, अना उ सांगनो चव्हा सेत तो पयलो चुप भई जाय।
1CO 14:31 तुमी सबा लोक एक-एक करके भविस्यवानी बोल सका सेव, जोन लक सबा सिके अना उन्नती करेत।
1CO 14:32 अना भविस्यवक्ता को आतमा उनको बसमा सेत।
1CO 14:33 काहेका परमेस्वर गडबडी को नही पर सान्ती को परमेस्वर सेत, जसो पवीतर लोकगीन को सब कलीसिया मा होवासेत।
1CO 14:34 आईमाई कलीसिया मा उघो मुघो रव्हे, काहेका उनला कलीसिया मा सांगन को हुकूम नाहती। पर अधीन रहनो को हुकूम सेत, जसो का मोसे को नियम मा लिखयो सेत।
1CO 14:35 अदी वा कोनी गोस्टी को बारेमा वा पुछन चव्हा सेत, तो वा घर जायके आपरो नवरा लक पुसेत। कलीसिया मा बायको ला बोलनो सहि नाहती।
1CO 14:36 का परमेस्वर को साजरा गोस्टी तुमरो च यहान लक फैलो सेत, या तुमी लोकगीन जवर पहुचिसेस।
1CO 14:37 अदी कोनी समजा सेत का उ भविस्यवक्ता से अना परमेस्वर को कन लक बोला सेत। या आतमिक जन सेत, अखीन दुसरो भासा बोला सेत, तो वा साजरा लक जान लेवेका जो मी लिखयो सेऊ, वा पिरभू न को हुकूम सेत।
1CO 14:38 अदी कोनी एको नोको माने, तो वोकी भी कोनी नोको माने।
1CO 14:39 अगो भाऊ अखीन अवो बहिन हुन! सब गोस्टी को निचोड यो सेत का तुमी भविस्यवानी को बरदान को मनसा राखो, दुसरो भासा बोलनवारा ला नोको रोको।
1CO 14:40 पर सबा काही साजरा अना बेवस्थित रीत लक कियो जाय।
1CO 15:1 मोरो संगीहुन! अबा मी तुमी लोकगीन ला वोना साजरो बारता ला हेत दिलावा सेऊ। जेनको परचार मीना तुमरो बीचमा करी सेऊ। अना तुमीना वोला अपनाई सेव, अना वोमा मेड़ा को जसो मजबुत सेव।
1CO 15:2 यो वा साजरा बारता सेत, जोन मी ना तुम्हिला आयकायो सेऊ। अदि तुमी एला पक्को लक धरा सेव, ता तुमी बचायो गयो सेव। नईतो तुमरो भरोसा राखनो बेकार भई जाहेति।
1CO 15:3 जसो गिरंथ मा लिखयो सेत, का “मसीह आमरो पाप गिनको लाय मर गयो सेत।” यो गोस्टिको लगत महात्व सेत। मोला भेटयो सेत मी तुमीला सोपदेयी सेऊ।
1CO 15:4 अना असो भी लिख्यो सेत का, “वोला दफनायो गयो होतो, अना उ तीन दिवस को मघा जित्तो भयी गयो।”
1CO 15:5 उ कैफा अना मघा मा बारा चेलागिन ला चोवयो।
1CO 15:6 मगं उ पाँच सम्बर लक लगत बिस्वासी गिनला चोवयो। जोनमा लक लगत आज जित्तो सेत। अखीन काही मर गईन।
1CO 15:7 मघा उ याकूब अना सबा पेरीत गीनला चोविस।
1CO 15:8 अना सब लक आखीर मा वो मोला भी चोविस। मि बेसमय जनम लेइसेऊ।
1CO 15:9 काहेका मि सब पेरीतगीन लक लहान सेउ। सहि मायना मा मी पेरीत कहलान को काबिल नही सेउ। काहेका मी परमेस्वर को कलीसिया पर अतियाचार करिसेऊ।
1CO 15:10 मि जोन काही सेउ, परमेस्वर को किरपा लक सेउ, अना जोन किरपा मोला मिलिसे उ बेकार नही भई। मी उन सब लक जादा महेनत करिसेऊ।
1CO 15:11 एकोलाय चाहे मी या वय लोक हिन आमी वोच परचार करीसेजन जेनको मा तुमी ना भरोसा राखीसेव।
1CO 15:12 अबा अदी मसीह को परचार करयो जासे का उ मरनवालो लक जित्तो भई से। तो तुमी मा लक काही असो काहे कव्हसेत, का मरो हुवो जी नही सका सेत।
1CO 15:13 अदी मरो हुवो को जित्तो होवनो नाहती, तो मसीह भी नही जिलायो गयो सेत।
1CO 15:14 अना अदी मसीह जित्तो नही भयो, ता आमरो परचार करनो बेकार सेत। अना तुमरो भी भरोसा बेकार सेत।
1CO 15:15 एकोलक बड़के आमी परमेस्वर को खोटो गवाही ठयरा सेजन। काहेका अमिना परमेस्वर को बारेमा यो पुरुप दियो सेजन। का वोना मसीह ला जित्तो करीसेत। पर अदी उनको कव्हनो को अनुसार मरया मानूस सहिमा जिलायो नही जावा सेत। तो वोना मसिहा ला भी नही जिलाइस।
1CO 15:16 काहेकी अदी मरनवालो जित्तो नही होवा सेत, तो मसीह भी नही जिलायो गयो से।
1CO 15:17 अना मसीह नही जित्तो भयो सेत, तो तुमरो भरोसा बेकार सेत। तुमी अबा तकन पाप मा पडयो सेव।
1CO 15:18 तबा वय भी जोन मसीह मा सोय गई सेत, नास भई गइन।
1CO 15:19 अदी अमिना बस यो च जिंदगी लाय मसीह मा आस राखिसेस तो आमरो दसा सबा मानूस लक जादा दया को काबिल सेत।
1CO 15:20 पर अबा मसीह तो मरयो मानूस लक जित्तो भय गयो सेत, अना जोन जपमा होतिन उनमा लक पयलो फर सेत।
1CO 15:21 काहेका जबा एक मानूस लक मिरतु आयी, तो एक मानूस लक मरनो लक जी उचलनो आयो।
1CO 15:22 जसो बाबा आदम को सब अवलाद मरअ सेत, वसोच मसीह मा सबा जिलायो जाहेती।
1CO 15:23 पर मरनो लक जिवनो को पयलो फर मसिहा सेत। तबा मसीह को आवनो पर वोको लोक जित्तो भई जाहेत।
1CO 15:24 एको मंघा अन्त भई जाहे। वोना बेरा सब सरकार, अधिकार अना ताकत को अन्त करके राज ला परमेस्वर दाअजी को हात मा सोप देहेत।
1CO 15:25 जब तकन उ आपरो बैरी गीन ला अपरो पाय को खाल्या ना कर लेहे। वोको राज करनो जरुरि सेत।
1CO 15:26 सबले आखीर बैरी जेनको अन्त कियो जाहेत, वा मिरतु सेत।
1CO 15:27 काहेका वोना सब काही वोको पाय को खाल्या कर दियो गयो सेत। पर जबा उ कव्हासेत, का सब काही वोको अधिन कर दियो गयो सेत, तो यो सफा सेत का वा खुदच बेगरो रहयो।
1CO 15:28 अना जबा सब अधिन भई जाहेति तो टूरा खुदच वोको अधिन भई जाहेती। जोनना सब काही वोको अधिन कर दियो, जेनको लक परमेस्वर को च “हात मा सप्पा कासरा तुतारी हो।”
1CO 15:29 नही तो जोन मरया हुया को बप्तिस्मा लेवा सेत वय का करीन। अदी मरया हुया जित्तो नही होवा सेत, तो मग उनको काजी इनला काहे बपतिस्मा देसेस।
1CO 15:30 आमी भी हरेक बेरा काहे संकट मा रव्हा सेत।
1CO 15:31 अगो भाऊ अखीन बहिन हुन! तुमी लोकगीन आमरो पिरभू यीसु मसीह मा मोरो गरब सेव। मै तुमरो कसम खायके कव्हसू का मोला हर रोज मिरतु को आमना-सामना करनो पड़ा सेत।
1CO 15:32 अदी मी इफिसुस नगर मा जगंली जनावर लक लडाई करिया, तो वोको लक मोला काजक फायदा सेत? अदी मरया जित्तो नही होवासेत, तो आव आमी जेवबीन पीवबिन काहेका काल तो मरनो च सेत।
1CO 15:33 धोका नोको खाव खोटो संगति भलो मानूस ला बिगाड देवासेत।
1CO 15:34 होस मा आव! जसो नेक सेत, अना पाप करनो छोड़ देव। तुमरो लक काही मानूस सेत, जोन परमेस्वर को बारेमा काही नही जाना सेत। यो गोस्टी तुमीला लजान काजी सांगी सेऊ।
1CO 15:35 अब कोनी मोरो लक यो सवाल कर सका से, मरो हुवा कसो जित्तो होवासेत? वय कोनतो देह धरके आवासेत।
1CO 15:36 हे मुरख। जोन काही तु पेरअ सेत। जबा तकन उ मरा नही तबा तकन जित्तो नही होवा।
1CO 15:37 अना जोन काही तु पेरा सेत तु वोच बीज नही पेरत जोन पैदा होवन पर से। पर निरा दाना चाहे गहुँ ला या कोनी अखीन अनाज को।
1CO 15:38 पर परमेस्वर आपरो मरजी लक ओला देह देवासे, अना हरेक बीज ला ओको खास देह।
1CO 15:39 सब देह एक जसो नही, पर मानूस को देह एक परकार को से, जनावर गीन को दुसरो परकार को, पक्सी गीन को देह अखिन से तो मसरी गीन को अलग परकार को,
1CO 15:40 सरग को देह से अना माती को देह भी से, पर सरगीय देह को तेज अलग से ता माती को देह को अलग से
1CO 15:41 सुरज को तेज अलग से, चँदा को तेज अलग, मंग तारा को तेज भी अलग से, वरन एक तारा को तेज दुसरो लक अलग से।
1CO 15:42 मरयो हुयो को जित्तो होवनो भी असोच से। नासमान देह बोयो जावसे, अना अविनासी देह जित्तो कियो जावसे
1CO 15:43 अपमान को सँगा बोयो जावसे, अना महिमा को सँगा जित्तो कियो जावसे। कमजोर दसा मा बोयो जावसे, अना ताकत को सँगा जित्तो कियो जावसे।
1CO 15:44 देह को कन लक बोयो जावसे। अना आतमिक दसा मा जित्तो कियो जावसे। जबकि सुभाविक देह से, ता आतमिक देह भी से।
1CO 15:45 एकोसाठी यो भी लिखयो से, “पयलो मानूस आदम जित्तो प्रानी बनयो,” अना अतिंम आदम जीवनदायक आतमा बनयो।
1CO 15:46 ऐना तरीका लक पयलो आतमिक नही, पर सुभाविक होतो। तबा आतमिक आयो,
1CO 15:47 पयलो मानूस धरती को से, दुसरो मानूस सरग को से।
1CO 15:48 जसो उ धरती को से, तसोच वय भी धरती का सेति। अना जसो उ सरगीय से, तसोच वय भी सेत जोन सरगीय सेत।
1CO 15:49 अना जसो अमिना उ माती को देह को रुप धरिसेस, वसोच सरगीय देह को रुप धरहिन।
1CO 15:50 अगो भाऊ अना बहिन हुन मी यो कव्हसू का यो मांस अना रकत को देह परमेस्वर को राज को बारीस नाहती। अना नास होवन वारा अमर हो सकेत।
1CO 15:51 चोवो मी तुमी ला एक लुको गोस्टी सांगासू, आमी सब ला जपनी लगेत, पर आमी सब को सब बदल जाबिन।
1CO 15:52 यो एक जरा देर मा मिन्दी मारतच, आखरी तुर्रा को बाजन को बेरा होहेत। काहेका तुर्रा बजेत, अना मरो हुया मानुसगिन अमर दसा मा जित्तो भई जाहेती।
1CO 15:53 काहेका यो जरुरी सेत, का यो नास होवनवारा देह, नास नही होवन वालो ला, अना यो मरनवारा देह अमरता ला पहन लेवे।
1CO 15:54 पर जबा यो नासवान देह नास नही होवनवारा ला, अना यो मरनवारा देह अमरता ला पहन लहेत। तबा पवीतर गिरंथ को यो गोस्टी पूरो भई जाहेती। “मिरतु ला जीत ना खाय लेइसेस।”
1CO 15:55 “ओ मिरतु कहान सेत तोरो जीत? ओ मिरतु! कहान से तोरो डंखा?”
1CO 15:56 मिरतु को डंक तो पाप सेत, अना पाप ला मोसे को नियम लक ताकत मिला सेत।
1CO 15:57 पर परमेस्वर को धनवाद सेत, जोन अमीला पिरभू यीसु मसीह मा जिता सेत।
1CO 15:58 एकोलाय मोरो चहेतो, अगो भाऊ! अना अवो बहिन हुन! तुमी पक्को को सँगा जिलायो जावसे। अना अटल भई जावो। अना पिरभू को काम मा हमेसा बड़तो चलो। काहेका तुमी जानसो पिरभू मा तुमारो मेहनत बेकाम नाहती।
1CO 16:1 पवीतर लोकगीन लाय दान जमा करन को बारेमा जोन हुकूम मीना गलातिया को कलीसिया ला देई सेऊ, वोला तुमी भी मानो।
1CO 16:2 हफ्ता को पयलो दिवस, तुम मा लक हरेक आपरो आमदानी लक आपरो जवर काही राख देव, का मोरो आवनो पर दान नोको जमा करन पडेत।
1CO 16:3 मोरो उतानी पोहचन मा जोन कोनी परखो मानूस ला तुम्ही चाव्हसो, मी वोला चिठ्ठी देय के, दान आन के येरुसलेम नगर धाड़ देहुँ।
1CO 16:4 पर अदी मोरो भी जावनो भयो तो वय मोरो संग जाहिन।
1CO 16:5 मी मकीदुनिया लक होयके तुमरो कठा आंहू। काहेका मी मकीदुनिया होयके जाय रहयो सेउ।
1CO 16:6 अना बेरा मिलनो पर तुमरो संग रहबिन, हो सके तो मी जाड़ा को सिजन तुमरो संग बिताहु। जेनको लक जहान मोला जानो सेत, वहान लाय तुम मोला धाड़देव।
1CO 16:7 मोरो मनसा यो नाहती का तुमरो लक भेंट करके चले जाऊ, पर पिरभू मा असो आस सेत का काही बेरा तुमरो संग बिताहिन।
1CO 16:8 पर मी पेन्तेकोस्त तिहार तकन इफिसुस नगर मा रहिन।
1CO 16:9 काहेका यहान साजरा काम, काजी मोरो लाय एक मोठो बेसकुड़ उघाड़ी सेस। पर वहान गजब बिरोधी भी सेत।
1CO 16:10 अदी तीमुथियुस आहेत तो वोको साजरा लक खियाल राखजोस। का उनला कोनी बात को कमी नोको होयेत। काहेका उ मोरो जसो पिरभू को काम मा लगयो रव्हा सेत।
1CO 16:11 उनला कोनी नोको दुरियाने, अना तुमी लोकगीन उनको सान्ती लक आवन को बेवस्था कर देवजो। ताकी वय साजरा लक मोरो कठा आ जाय। काहेका आमी भाऊ हुन को संग उनको बाट चोवी सेजन।
1CO 16:12 भाऊ अपुल्लोस लक मी ना लगत बिनती करियात, का तू भाऊहुन संग जाय। पर उ एकदम आवन को लाय तैय्यार नही भयो। पर सुट्टी मिलन पर जरुर आहेत।
1CO 16:13 तुम लोक जगत रव्हो, भरोसा मा पक्को रव्हो, अना हिम्मत राखो, अना ताकत लक भरो रव्हो।
1CO 16:14 तुमी जोन कही भी करो, पिरेम लक करो।
1CO 16:15 अगो भाऊ अना बहिनगिन! तुमी लोकगीन लक मोरो एक पिराथना सेत, तुमी स्तिफनास को घर परिवार ला जाना सेव। वय अखया युनान को पयलो फर सेत। अना पवीतर सन्तगिन को सेवा मा लगयो रव्हा सेत।
1CO 16:16 तुमी असो लोकगीन को अगुवापन ला स्विकार करो। अना उन सबको भी जोन उनको संग मेहनत करासेत।
1CO 16:17 स्तिफनास, फुरतुनातुस, अना अखइकुस को आवन लक मोला मोठयो खुसी भई। उनना तुम लोकगीन को कमी पूरो कर देईन।
1CO 16:18 उनना तुमारो अना मोरो आतमा ला चैन देइसेस। एकोलाय असो मानूस को आदर करो।
1CO 16:19 आसिया को कलीसिया हुन को कन लक तुमला नमस्कार। अक्विला अना प्रिस्किल्ला अना उनको घर को कलीसिया को, तुमला पिरभू मा दिल लक नमस्कार।
1CO 16:20 सब भाऊ गीन को तुमला नमस्कार। पवीतर चुम्मा आन कन एक दुसरो ला नमस्कार कहजोस।
1CO 16:21 मी पौलुस को आपरो हात लक लिखयो नमस्कार
1CO 16:22 अदी कोनी पिरभू लक माया नही ठेवासेस, तो उ सापित सेत। ओ पिरभू आव!
1CO 16:23 पिरभू यीसु को किरपा तुमरो पर होहे।
1CO 16:24 मोरो पिरेम यीसु मसीह मा तुम सबको संग हो। आमीन।
