﻿EN PAULUJ A KIJIN LIKAU ON MEN PILIPI..
1.
PAULUJ o Timoteuj ladun Iejuj Krijtuj on me jaraui kan karoj en Krijtuj Iejuj o pijop o jaunkoa kan nan Pilipi. 
Mak o popol jan ren Kot Jam atail o Kaun Iejuj Krijtuj en mi re omail! 
I kin danke ai Kot ni ai tamatamanda komail. 
I me i kin wiada ni ai kapakap kin komail anjau karoj, o i kin kapakap ni pereperen. 
Pweki omail dadaurata ronamau jan ni tapi o kokodo lel met. 
O i kamelele me I, me tapidar wiawia mau on eu re omail pil pan kanikiela lan lel ran en lejui Krutul. 
Me pun i en kamelele mepukat duen komail karoj, pwe i kin kolekol komail nan monion i ni ai jalidi wet, waja i kin kaweweda o kadededa ronamau; a komail karoj kin ian ia kapwaiada mak wet. 
Pwe Kot ai jaunkadede, duen i kin loleiteki komail pan kupur en Krijtuj Iejuj. 
O me i pil kapakapaki pwe omail limpok en lapalapala kakairida ni lolekon o lamalam akan. 
Pwe komail en kajauiada, da me mau jan karoj, pwe komail en melel o pun lao lel ran en Krijtuj. 
O direki wan pun kan, me kin wiaui ren Iejuj Krijtuj men kalinanada o kapina Kot. 
Ri ai kan, i men, komail en aja ir ai, me dialan kaindindar ronamau, 
Nan i ai jalidi kan pweki Krijtuj, me pwarapwaradar nan im en monjap o waja karoj. 
O ri atail toto pan kupur en Kaun, me ainar kidar ai jalidi kan, ap aima jan maj o, en padaki maj an en Kot ap jo majak. 
A akai kin padaki duen Krijtuj akpeirin, o akamai, o akai jan nan ar inon mau. 
A met akan ni limpok, pwe re aja, me nai jalidier, pwen kadede pan ronamau. 
Irail kin padaki duen Krijtuj kapei lokaia o jo melel, re kiki on, me re pan kalaudela ai jalidi kan; 
A pil menda? Pwe Krijtuj kin lolok jili ni jon karoj, ma ni akamai de ni melel, i me i peren kida, ei i pan pereperen. 
Pwe i aja, mepukat pan kare on ia maur joutuk ki omail kapakap o jauaj pan Nen en Iejuj Krijtuj. 
Duen ai inon ion, o auiaui, o kaporoporeki, me i jota pan namenokala ni eu jon. A duen maj o, iduen anjau wet Krijtuj en kapinan laud ni war ai, ma ni ai pan memaurata de mela. 
Pwe Krijtuj, i maur i, o mela ai pai. 
A ma i pan memaurata ni pali uduk, ai wiawia kan pan kadepa; ari i ap jaja, da me i en pilada. 
Pwe i mauki ira karoj: I inon ion mela, pwen mila ren Krijtuj, pwe i eta me mau. 
A ai mimieta ni pali uduk me mau jon pweki komail. 
Ari, i ap aja, me i pan mimieta re omail karoj, pwen jauaja omail peren o pojon, 
Pwe omail kapin en lapalapala ren Krijtuj Iejuj ki ai pwaralan komail. 
Ari, komail weweid duen me waron ronamau en Krijtuj, pwe ma i pwaralan komail, de ni ai doo, i en ron, me komail keleki nen ta ieu, o komail lamalam ta pot, i ian kelail dodok on ronamau ki pojon. 
O komail ender waponki, me kin palian komail akan, pwe i kajanjale pan arail pan lokidokila, a omail pan maurela; a mepukat jan ren Kot. 
Pwe a muei on komail er pan kupur en Krijtuj, kaidin pojon eta, pwen pil kalokolokeki i, 
Pwe komail kin wia pei ota, me komail kilaner re i, o me komail kin ron duen nai. 
