MAT 1:1 Ꮉንፓ ካሊ ጻፍንትደ ዳዉተ ናአ አብራሃማ ናአ ማቅደ የሱስ ክርስቶሳ የልንቶ።
MAT 1:2 አብራሃማ ይሳቃ የልዳ፤ ይሳቃ ያይቆባ የልዳ፤ ያይቆባ ይሁዳን ኤ እሹንꬃና የልዳ፤
MAT 1:3 ይሁዳ ትእማርፓ ፋረሰነን ዛራን የልዳ፤ ፋረሳ አስሮመ የልዳ፤ አስሮመ ራመ የልዳ፤
MAT 1:4 ራመ አምናዳበ የልዳ፤ አምናዳበ ናአሶና የልዳ፤ ናአሶና ሳልሞነ የልዳ፤
MAT 1:5 ሳልሞነ ረአብፓ ቦኤዛ የልዳ፤ ቦኤዛ ኡሩትፓ እዮቤደ የልዳ፤ እዮቤደ እሰይ የልዳ፤
MAT 1:6 እሰየን ካት ዳዉተ የልዳ፤ ዳዉተ ኦርዮ ማችትፓ ሶሎሞነ የልዳ፤
MAT 1:7 ሶሎሞነ ሮብአማ የልዳ፤ ሮብአማ አብያ የልዳ፤ አብያ አሳፋ የልዳ፤
MAT 1:8 አሳፋ እዮሳፍጠ የልዳ፤ እዮሳፍጠ እዮራመ የልዳ፤ እዮራመ ኦዝያነ የልዳ፤
MAT 1:9 ኦዝያነ እዮአታማ የልዳ፤ እዮአታማ አካዛ የልዳ፤ አካዛ ሕዝቅያሳ የልዳ፤
MAT 1:10 ሕዝቅያሳ ምናሰ የልዳ፤ ምናሰ አሞና የልዳ፤ አሞና እዮስያሳ የልዳ፤
MAT 1:11 እስራኤለ አሱንꬅ ድእንት ባብሎነ ጋዘ ሳአ Ꮉንግደ ዎደ እዮስያሳ እኮንያናን ኤ እሹንꬃና የልዳ።
MAT 1:12 ባብሎነ ሳአ እስራኤለ አሱንꬅ ድእንቲ Ꮉንግደፓ ማቂ እኮንያና ሳላትያለ የልዳ። ሳላትያለ ዘሩባቤላ የልዳ፤
MAT 1:13 ዘሩባቤላ አብድዩ የልዳ፤ አብድዩ ኤልያቀመ የልዳ፤ ኤልያቀመ አዛራ የልዳ፤
MAT 1:14 አዛራ ሳዶቀ የልዳ፤ ሳዶቀ አክመ የልዳ፤ አክመ ኤልዩዳ የልዳ፤
MAT 1:15 ኤልዩዳ አላዛረ የልዳ፤ አላዛረ ማታነ የልዳ፤ ማታነ ያይቆባ የልዳ፤
MAT 1:16 ያይቆባ ዮሰፋ የልዳ፤ ዮሰፋ ክርስቶሳ ጋዘ የሱሳ የልደ ማይራም አዝኒ።
MAT 1:17 ይኬ፥ የልንታ አብራሃመፓ ዳዉተ የሎደስ ታጶ ኦይዲ። ዳዉተፓ Ꮉንግ ባብሎነ ድኤ የሎደስ ታጶ ኦይዲ። ባብሎነ ድኤፓ Ꮉንግ ክርስቶሳ የሎደስ ታጶ ኦይዲ የልንተ ማቃነ።
MAT 1:18 የሱስ ክርስቶሳ የልንታ ታሪከ Ꮉንፓ ካልዛኖ። ኤ እንታ ማይራማ ዮሰፋስ ኦጭንት የዝተ ዮሰፋ ኤክካይዝን ጌሽ አያናፓ ዎዳጽዳ።
MAT 1:19 ዮሰፋ ጽሎ አስ ማቅደ ግሾ እዞ አስ ግዳ ኬሶደስ ኮይካያ። ይኒ ግሾ አቺ እዞ አሾደስ ቆፕዳ።
MAT 1:20 ኤ ይና ቆፍተ የዝን ጾዘ ኪታንቾ አቡኮራ ቆንጪ፥ «ዳዉተ ናአይ፥ ዮሰፋ፥ ነ ኦጭደ ማይራማ ዎዳጽደ ጌሽ አያናፓ ማቅደ ግሾ እዞ ኤኮደስ ዣሽትፐ» ያጋይዳ።
MAT 1:21 እዛ ꬊራꬅ ናአ የሎዳ፥ ኤ ፋ ዎርዥቶ ኡን ናጋርትፓ አሽዘ ግሾ ኤ ሱንꬅቶ ነ የሱሳ ጋእ ጼጎዳ።
MAT 1:22 ላꬄ ናበ ኢሳያሳ ዶና።
MAT 1:23 «ይኬ ዉዱርታ ዎዳጾዳ፤ ꬊራꬅ ናአን የሎዳ፤ ኤ ሱንꬅታ አማኑኤላ ጋእንቶዳ» ጋእንትዳና ፎልንቶደ ፋና Ꮉና ኡባና Ꮉንዳ። አማኑኤላ ጋዛንስ ብልꬅታ «ጾዚ ኑራ የነ» ጋኤ።
MAT 1:24 ዮሰፋ ገንቶፓ ባርክ ላꬄ ኪታንቹንꬅ ኪትዳን ፋና ማይራሞ ፋ ካራ ካንግዳ።
MAT 1:25 የዝን ፋ አንግስ ናአያ የሎደ ዎንꬅስ እዞ ግርምካያ፤ የልንትደ ናአያ የሱሳ ጋእ ጼግዳ።
MAT 2:1 ካት ሄሮድሳ ዎደ የሱሳ ይሁዳ ሳአ ቤተለመ ካታማ የልንትዳንፓ ሱባ ጾልንቶ ብእ አሱንꬅ አዋ ከሳፓ የሩሳላመ ይእ፥
MAT 2:2 «የልንትደ አይሁደ ካትዘ አባ የነ? ኑኒ አዋ ኬስ ዛላራ ኬዚ ኤ ጾልንትዛ ብእ ኤስ ጎይኖደስ ይእዳ» ያጋእ ኦጭዳ።
MAT 2:3 ካት ሄሮድሳ ይኖ ስእደ ዎደ ታንዳ። የሩሳላመ የዘ አሱንꬅ ኡባና ታንዳ።
MAT 2:4 ሄሮድሳ ካህኑንꬅ Ꮉላቁንꬃናን ህገ አስታማሩንꬃና ፋጎ ጼጊ፥ «ክርስቶሳ አባ የልንተሳ?» ያጋእ ኡንታና ኦጭዳ።
MAT 2:5 ኡንትን፥ ይሁዳ ቤተለመ፤ ናብዘ፥
MAT 2:6 « ‹ይሁዳ የዘ ቤተለመ፥ ይሁዳ የዘ ዳማ ካታሙንꬃፓ፥ ኔኒ አኮን ኤሮስ። ታ ዎርዥቶ እስራኤለ አሆዳይ፥ ኔፓ ከዞዳ› ጋእ ጻፍዳ» ያጋይዳ።
MAT 2:7 ይንፓ ሱባ፥ ሄሮድሳ አዋ ከሳፓ ይእደ አሱንꬃና አቺ ጼጊ፥ ጾልንትዛ ኡን ብእደ ዎደ ኡንታፓ ሎይꬂ ኤርዳ።
MAT 2:8 ኤ ኡንታና ቤተለመ ዳክተራ፥ «Ꮉንግ የልንትደ ናአያ ምንꬂ ኮዮተ፤ ኤዛ ይን ደንግደ ዎደ ታንን Ꮉንግ ኤስ ጎይኖደ ጋር ማቂ ይእተራ ታስ ኦሆተ» ያጋይዳ።
MAT 2:9 ኡንትን ካት ሄሮድሳ ጋይዳኖ ስእ Ꮉንግዳ። ኡን አዋ ኬስ ዛላራ Ꮉንግ ጾልንትዘ ኡንታና ካልꬅተራ ናአይ የዘ በስቶ የሎደስ ካንግዳ።
MAT 2:10 ኡን የ ጾልንትዛ ብእደ ዎደ ዳማ ኡፋይስ ኡፋይትዳ።
MAT 2:11 ኬꬃ ገሊ ናአይ ፋ እንቲ ማይራምራ የዛያ ብእዳ። ኤስ ቡንቁንቲ ጎይንዳ። ፋ ሳጥንቶ ቡጊ ዎርቃን፥ እጻነን ካርበ ኤስ ሺሽዳ።
MAT 2:12 ኡን ሄሮድሳጎ ሱብ ማቃመ ፋና ጾዚ አቡኮራ ኡንትስ ኦህን፥ መለ ኦገራ ፋ ጋደ ማቅዳ።
MAT 2:13 አዋ ኬስ ዛላራ ይእደ አሱንꬅ ቅትዳንፓ ሱባ፥ ላꬄ ኪታንችዘ ዮሰፋስ አቡኮራ ቆንጪ፥ «ሄሮድሳ ናአያ ዎꬎደስ ኮይዘ ግሾ ደንዲ፤ ኤልሲ ናአያን ናአይ እንቶን ኤኪ ግብጸ ጋደ ቅቶ። ነ ማቃደ ዎደ ታ ኔስ ኦሆደ ዎንꬅስ የይጋ ጋምኦ» ያጋይዳ።
MAT 2:14 ይኒ ግሾ፥ ዮሰፋ ይና ቃምተ ደንዲ፥ ናአያን ናአ እንቶ ኤኪ ግብጸ ቅትዳ።
MAT 2:15 ናበ ዶንተ ጾዚ፥ «ታኒ፥ ታ ናአያ፥ ግብጸ ጋደፓ ጼግዳ» ጋእንትደ ቃልታ ፎልንቶደ ጋር ሄሮድሳ Ꮉይቆደ ዎንꬅስ ኤ የይጋ የዝዳ።
MAT 2:16 ይንፓ ሱባ፥ አዋ ኬስ ዛላራ ይእደ አሱንꬅ ኤዛ ጭምዳኖ ኤርደ ዎደ ጋማ ዥልꬍዳ። ኤ ቲኖ ኡንታፓ ስእዳን ፋና ቤተለመን ይና ጉቱተ የዘ ላምእ በረ ኩምዱንꬃናን ላምእ በረፓ ዬካራ የዘ ꬊራꬅ ናኡንꬃና ኡባ ፋ ዎታዳሩንꬃና ዳኪ ዎꬍዝዳ።
MAT 2:17 ናበ ኤርምያሳ ዶንተ፥ «ዬፎን ዬፎ ደንꬄ፥ ራማ ካታማ ስንትዳ። ራሄላ ፋ ናኡንꬅስ ዬካነ፤ ኡን Ꮉይቂደ ግሾ ምንጎደስ ዳንዳእካያ» ጋእ ኦህንትዳና ፎልንትዳ።
MAT 2:19 ሄሮድሳ Ꮉይቂዳንፓ ሱባ ግብጸ ላꬄ ኪታንቾ ዮሰፋስ አቡኮራ ቆንጪ፥
MAT 2:20 «ናአያ ዎꬎደስ ኮይዘ አሱንꬅ Ꮉይቂደ ግሾ ደንዲ ናአያን ናአይ እንቶ ኤኪ እስራኤለ ጋደ ማቆ» ያጋይዳ።
MAT 2:21 ዮሰፋ ደንዲ ናአያን ናአይ እንቶ ኤኪ እስራኤለ ጋደ ማቅዳ።
MAT 2:22 የዝን አርከልዮሳ ይሁዳ ፋ አደ ሄሮድሳ በስተ ካእትዳኖ ስእደ ዎደ የይጋ Ꮉንጎደስ ዣሽትዳ። ጾዚ አቡኮራ ኤስ ቆንጭዝን ጋልላ ጋደ ቅትዳ።
MAT 2:23 ናቡንꬅ ዶንተ፥ «ናዝረተ አስ ጋእንቶዳ» ያጋእ ኦህንትዳና ፎልንቶደ ፋና ናዝረተ ካታማ Ꮉንግ የይጋ የዝዳ።
MAT 3:1 የ ዎደ ጻማቅዘ ዋሐንሳ፥ «ጾዘ ካእቱሞ ኡክደ ግሾ ይን ናጋራፓ ማቆተ» ያጋእ ሳባክተራ ይሁዳ አኮ ባይዘ ጋናሳ ቅትዳ።
MAT 3:3 ናበ ኢሳያሳ ዋሐንሳ ባዝ ኦህዳን ፋና፥ «አኮ ባይዘ ጋናሳ፥ ፈታይ ፋ ቃልቶ ꬎቅ ዪዚ፥ ‹ላꬄ ኦግቶ ጊግዞተ። ኤ ዎሮግቶ ሉልዞተ› ጋይዳ» ያጋእንትዳና ኤስ ያጋይዳ።
MAT 3:4 ዋሐንሳ ግማለ እስንፓ ኦችንትደ አፉላ ማአነ። ፋ ቃዝንተን ዳፈ ሳቀ ዳንጫነ። ኤ ሙእዘ ካꬅታን ቦለን ደከራ ሽዳ።
MAT 3:5 አሱንꬅ የ ዎደ የሩሳላመ ካታማፓ፥ ይሁዳ ሳአ ኡባፓ ዮርዳኖሳ ቦርካ ካለፓ ኤጎ የእነ።
MAT 3:6 ፋ ናጋርቶ ቡጽ ዮርዳኖሳ ቦርካ ዋሐንሳ ኩሸ ጻማቅንትዳ።
MAT 3:7 ዋሐንሳ፥ ጋማ ፋርሳዉንꬅን ሳዱቃዉንꬅ ጻማቅንቶደስ ፋጎ ይእዙንꬃና ብእ፥ ኡንታጎ፥ «Ꮉንꬅ ኢታ ሾሹንꬆ፥ ዮኦደ ጾዘ ካቻፓ አቶደ ፋና ይንታና ኦደ ዞርደ?
MAT 3:8 ይኬ፥ ይን፥ ይን ናጋርትፓ ማቅዳኖ ቤዘ ኦቻ ኦቾተ።
MAT 3:9 ይን፥ ይን ዎዝንተ፥ ‹አብራሃማ፥ ኑ አዳይ የነ› ያጋእ ቆፕፐተ። ሎይꬂ ስኦተ! ጾዚ Ꮉና ሹችትፓ አብራሃማስ ናአ ኬሶደስ ዳንዳአነ።
MAT 3:10 ጋንደ ምንጽት ጻጵተ ጊጊ የነ፤ ሎኦ ኣፈ ኣፎሰ ምንጻ ኡባ ጋቺ ታማ ኦልንቶዳ።
MAT 3:11 «ይን፥ ይን ናጋርትፓ ማቅዳኖ ኤርሶደስ ታ ይንታና Ꮉꬃ ጻማቃነ። የዝን ታፓ ሱባራ የእዘ ይንታና ጌሽ አያናራን ታማራ ጻማቆዳ። ኤ ታፓ ጋማ ዎልቃራ የነ፤ ታ መለ አቶ የዝን ኤ ጫምቶ ቱኮደስን ቤዞስ።
MAT 3:12 ካꬃ ጌሽዘ ፍꬅታ ኤ ኩሽተ የነ። ካꬅቶ ሎይꬂ ጌሻነ፤ ዛርግቶ ፋ ፋችተ ጉሶዳ፥ የዝን ፉግቶ ꬋቦሰ ታማ ምቾዳ» ያጋይዳ።
MAT 3:13 የ ዎደ የሱሳ ዋሐንሳ ኩሸ ጻማቅንቶደስ ጋልላፓ ዮርዳኖሳ ቦርካ Ꮉንግዳ።
MAT 3:14 የዝን ዋሐንሳ ኤዛ ካዮደስ ኮይ «ታኒ ኔራ ጻማቅንቶደስ ቤዝን ነ ታጎ የእነ?» ያጋይዳ።
MAT 3:15 የዝን የሱሳ ማህ፥ «ጾዚ ኑፓ ኮይዘ ባዝ ኡባ ኑ ፎሎደስ ቤዘ ግሾ Ꮉተ ታስ ኤሮ ጋኦ» ያጋይዳ። ዋሐንሳ ኤስ ዬኤ ያጋይዳ።
MAT 3:16 የሱሳ ጻማቅንትደ ፋና Ꮉꬅትፓ ከዝዳ። ኢራ ሳሎ ቡጉንትን ጾዘ አያና ዎለ ፋና የኦደራን ማህ ፋላ አፋ ዎꬎደራ ብእዳ።
MAT 3:17 የ ዎደ «Ꮉይቼ ታ ካዽዘ፥ ኤ ታና ኡፋይስዘ ታ ናአይ Ꮉያ» ያጋዘ ቃላ ሳሎፓ ይእዳ።
MAT 4:1 ይንፓ ሱባ፥ ጻላሄ የሱሳ ፋታኖደ ጋር ጌሽ አያና የሱሳ አኮ ባይዘ ጋናሳ ካንግዳ።
MAT 4:2 ኦይታም ቃማን ኦይታም አዋራ ጾምዳንፓ ሱባ ናይꬍዳ።
MAT 4:3 ጻላሄ የሱሳጎ ይእ «ነ ጾዝ ናአ ማቅኮ፥ አነ Ꮉይ ሹችዛ ሶሎ ማቃደ ፋና ኪቶ» ያጋይዳ።
MAT 4:4 የሱሳ ማህ፥ « ‹አስ ጾዘ ዶናፓ ከዘ ቃላ ኡባነ የሳደፕ አትን ሶሎ ጻላላራ የዞስ› ጋእንት ጾዘ ቃልተ ጻፍንትዳ» ያጋይዳ።
MAT 4:5 ማህን፥ ጻላሄ የሱሳ ጌሽ ካታማ ካንግ፥ ጾዘ ኬꬅትስ ኦምተ ኬሲ፥
MAT 4:6 «ነ ጾዝ ናአ ማቅኮ፥ አነ ሱለ ሳአ ጎልኦ። አኮስ ጋይኮ፥ « ‹ነ ቶህታ ሹቻላ ꬉቡንታመ ፋና፥ ፋ ኩሽትራ ነና ደንꬆደ ፋና፥ ጾዚ ፋ ኪታንቹንꬃና ነ ግሾ ኪቶዳ› ጋእንት ጾዘ ቃልተ ጻፍንትዳ» ያጋይዳ።
MAT 4:7 የሱሳ ኤጎ፥ «ማህ፥ ‹ጾዘ ቃልተ ነ ላꬃ፥ ነ ጾዛ ፋታንፐ› ያጋእ ጻፍንትዳ» ጋእ ማህዳ።
MAT 4:8 ዉርሱꬅተ ጻላሄ የሱሳ ፈቲ ዳማ ደረ ኦማ ኬሲ አላመ ካእቱሞ ኡን ቦንችትራ ፈትላ ቤዚ፥
MAT 4:9 «ነ ታስ ጎልእ ጎይንኮ ታ ኔስ Ꮉኖ ኡባ እንጎዳ» ያጋይዳ።
MAT 4:10 የሱሳ ማህ፥ «Ꮉይ ጻላህዛዮ፥ ታፓ Ꮉኮ! ‹ነ ላꬃ፥ ነ ጾዛ ጎይኖ፥ ኤ ጻላላስ ኪትንቶ› ጋይንት ጾዘ ቃልተ ጻፍንትዳ» ያጋይዳ።
MAT 4:11 ይንፓ ሱባ፥ ጻላሄ አሺ ቅትዳ፤ ኪታንቹንꬅ ይእ ኤዛ ማድዳ።
MAT 4:12 የሱሳ፥ ዋሐንሳ አጭንትዳኖ ስእደ ዎደ ጋልላ ጋደ ቅትዳ።
MAT 4:13 ናዝረተ ካታማ አሺ ዛብሎነን ንፍታለመ ጉታ፥ አባ ካለ የዘ ቅፍርናሆመ ካታማ Ꮉንግ የይጋ የዝዳ።
MAT 4:14 ይና Ꮉንዳና ናበ ኢሳያሳ ዶንተ፥
MAT 4:15 «ዛብሎነ ጋደን፥ ንፍታለመ ጋደ፥ ዮርዳኖሳ ቦርካፓ ሰኮ ፍንꬃ፥ አባ ኦገ፥ አይሁደ ማቆሰ ዎርዡንꬅስ የዘ ጋልላ፥
MAT 4:16 ꬉማ የዘ ዎርዣ፥ ዳማ ፎኦ ብእዳ። Ꮉይቆ ዳሾ ጋደ፥ የዙንꬅስ ፎኦ ከዝዳ» ያጋእ ኦህንትደ ቃልታ ፎልንቶደ ፋና።
MAT 4:17 የ ዎደፓ ደንꬂ የሱሳ፥ «ጾዝ ካእቱሞ ኡክደ ግሾ ይን ናጋርትፓ ማቆተ» ያጋእ ቃላ ሳባክዳ።
MAT 4:18 የሱሳ ጋልላ አባ ካለራ አꬍተራ ላምእ እሹንꬃና፥ ጴጥሮሳ ጋእንትዘ ስሞናን ኤ እሻ እንድራሰ ብእዳ። ኡን ሞሎ አይክዙንꬃና ማቅደ ግሾ ፋ ግትቶ አባላ ኦልዳ።
MAT 4:19 የሱሳ ኡንታና፥ «Ꮉንካ ዮኦተ፤ ታና ካሎተ! ሞሎ አይክዛኖ አሺ፥ ታ ይንታና አስ አይፎ ታማርሶዳ» ያጋይዳ።
MAT 4:20 ኡን፥ ኤልሲ ፋ ግትቶ ኦሊ አሺ የሱሳ ካልዳ።
MAT 4:21 የሱሳ የይጋፓ Ꮉጋ ጎደ ቲኖ ኣꬍተራ መለ ላምእ እሹንꬃና፥ ዛብድዮሳ ናኡንꬃና፥ ያይቆባን ዋሐንሳን ብእዳ። ፋ አዳይ ዛብድዮሳራ ዎላ ጎንገ ግዳ ፋ ግትቶ ሎይꬅዙንꬃና ጼግዳ።
MAT 4:22 ኡን፥ ኤልሲ ፋ ጎንግቶን ፋ አዳያን አሺ የሱሳ ካልዳ።
MAT 4:23 የሱሳ አይሁደ ዎሳ ኬꬃ ታማርስተራ፥ ሳሎ ካእቱሞ ዎንገለ ኦህተራ ዱማ ዱማ Ꮉርገፓ አሱንꬃና ፋꬅተራ ጋልላ ሳአ ኡባነ ዉትዳ።
MAT 4:24 ይንፓ ደንዲ ኤ ሱንꬅታ ሶርያ ጋደ ኡባ ኤርንትዳ። ዱማ ዱማ Ꮉርገራ አይክንትዱንꬃናን ዋይንትዙንꬃና፥ ቱና አያናራ አይክንትዱንꬃና፥ ቢጮራ የዙንꬃና፥ ዎቡንꬃና ኤጎ ክእዳ፤ ኤዝን ኡንታና ፋꬅዳ።
MAT 4:25 አሱንꬅ ጋልላፓ፥ ታጵ ካታሙንꬃፓ፥ የሩሳላመፓ፥ ይሁዳፓን ዮርዳኖሳ ቦርካ ሰኮ ፍንꬃ የዘ ጋደፓ ይእደ ጋማ አሱንꬅ ኤዛ ካልዳ።
MAT 5:1 ጋማ ዎርዣ ሺቅዳኖ የሱሳ ብእ ደረላ አፋ ኬዚ በትዳ። ኤ ታማሩንꬅ ኤጎ ሺቅን፥
MAT 5:2 Ꮉኒ ጋር ያጋእ ታማርስዳ፦
MAT 5:3 «ፋ አያንተ ዳሃ ማቅዱንꬅ አንጅንትዱንꬃና፥ ሳሎ ካእቱሞ ኡንትስ።
MAT 5:4 ዬክዙንꬅ አንጅንትዱንꬃና፥ ኡን ምንꬅ ደንጎዳ።
MAT 5:5 ዎዝና አዱንꬅ አንጅንትዱንꬃና፥ ኡን ሳአ ላቶዳ።
MAT 5:6 ጽሎትꬅ ኦቾደስ ናይꬍዙንꬅን ባርꬍዙንꬅ አንጅንትዱንꬃና፥ ኡን ምሻዳ።
MAT 5:7 ማርዙንꬅ አንጅንትዱንꬃና፥ ኡን ማሮትꬅ ደንጎዳ።
MAT 5:8 ዎዝና ጌሹንꬅ አንጅንትዱንꬃና፥ ኡን ጾዚ በአዳ።
MAT 5:9 ጊግዙንꬅ አንጅንትዱንꬃና፥ ኡን ጾዝ ናአ ጋእንት ጼግንቶዳ።
MAT 5:10 ጽሎትꬅ ኦችዘ ግሾ ጋእ፥ ባይእንትዙንꬅ አንጅንትዱንꬃና፥ ሳሎ ካእቱሞ ኡንትስ።
MAT 5:11 «አሱንꬅ ይንታና ታ ግሾ ጋእ ጫዥዘ ዎደ ባይእዘ ዎደን ይንታላ አፋ ኢታ ባዝ ኡባ ዎርዶራ ኦህዘ ዎደ ይን አንጅንትዱንꬃና።
MAT 5:12 ይን አንጅታ ሳሎ ዳማ ማቅደ ግሾ ኡፋይቶተ፥ ሎይꬂ ኡፋይቶተ። ይንታፓ ቲኖ የዝደ ናቡንꬃና ይኒ ጋር ባይእዳ።
MAT 5:13 «ይን ሳአስ ሶገ፤ ሶገ ፋ ማልእቱምቶ አሽኮ፥ ዋይዝ ማህ ደንጎደ? ባለ ꬎግኮ አሳራ የꬍንታነፕ አትን አኮስን ማዶስ።
MAT 5:14 «ይን ሳአስ ፎኦ፤ ደረላ አፋ የዘ ካታምታ አችንቶደስ ዳንዳኦስ።
MAT 5:15 ጾምፐ አይꬂ ኬꬃ የዘ አሱንꬅ ኡቡንꬅስ ፎኦደ ጋር ꬎቃ በሳ ጋዳነፕ አትን ጋባተ ግዳ ጋድዘ ባያ።
MAT 5:16 ይኒ ጋር አሱንꬅ ይን ሎኦ ኦችቶ ብእ፥ ሳሎ የዘ ይን አዳያ ቦንቾደ ጋር ይን ፎእታ አስ ቲኖ ፎኦ።
MAT 5:17 «ታኒ ሙሴ ህግቶን ናቡንꬅ ቃላ ሻሮደስ ይእዳ ይንትስ አዝፐ። ታኒ፥ ኡን ኦህዳና ቱሮ ማቅዳኖ ቆንጭሳደስ ይእዳፕ አትን ሻሮደስ ይእካያ።
MAT 5:18 ታ ይንትስ ቱሮ ኦህነ፤ ሳሎን ሳአ አꬎደ ዎንꬅስ ህገ ኡባ ፎልንቶደፕ አትን ህግትፋ ፈቲ ቃላ ዎይ ፍዳለ አꬎስ።
MAT 5:19 ይኒ ግሾ፥ Ꮉና ኪትትፓ ኤርዘ ፈቲ ኪታን መንꬅዘ ኦደን ማህ መሉንꬃና ይኒ ጋር ኦቾደ ጋር ታማርስዘ ኦደን ሳሎ ካእቱሞ ኡቡንꬃፓ ኤራꬅ ማቃዳ። የዝን Ꮉና ኪቶ ፎልዘን መሉንꬃናን ፎሎደ ጋር ታማርስዘ ሳሎ ካእቱሞ ዳማ ማቃዳ።
MAT 5:20 ታ ይንትስ ኦህነ፤ ይን ጽሎትꬅታ ፋርሳዉንꬅ ጽሎትꬃፓን ህገ አስታማሩንꬅ ጽሎትꬃፓ አꬋንጽኮ፥ ሳሎ ካእቱሞ ገሎስ።
MAT 5:21 «ይን ማይዙንꬅስ፥ ‹ዎꬍፐተ፤ ሸምፖ ዎꬍደ ኦደን ፍርድንቶዳ› ጋእንትዳኖ ስእዳ።
MAT 5:22 የዝን ታ ይንትስ ኦህነ፤ ፋ እሻያ ጫዥዘ ኦደን ፍርድንቶዳ። ፋ እሻያ ጫዥዘ ኦደን ዳይና ቲኖ ፍርዳስ ሺቆዳ። ፋ እሸጎ፥ ‹ኤያይ› ጋዘ ኦደን ማህ ጋናመ ታምተ ፍርድንቶዳ።
MAT 5:23 «ይኒ ግሾ፥ ነ ነ ዣርሾ ዣርሽዘ ዎደ ነ እሻያ ቆህደ ባዝ ኔስ ቲርንትኮ፥
MAT 5:24 ነ ዣርሽቶ እዛ በስተ አሺ አሺ ቅቶ፤ ቲኖ Ꮉንግ ነ እሻይራ ጊጎ፤ የይዝ ማቂ፥ ነ ዣርሽቶ ጾዝስ ዣርሾ።
MAT 5:25 «ነና ሞትዘራ ፍርዳ ኬꬃ Ꮉንግተራ ኦገላ ኤራ ጊጎ። ይና አቶ ጋይኮ ኤ ነና ዳይና ቲኖ ካንጎዳ። ዳይንዘ ነና አጭዘስ አꬂ እንጎዳ፤ ኤ ነና ዎይነ ኦሎዳ።
MAT 5:26 ታ ቱሮ ኦህነ፤ ኔላ አፋ ፍርድንትደ አጭቶ ፈቲ ሳንትመ አትካይዝን ጭጊ Ꮉሶደ ዎንꬅስ አች ኬꬃፓ ሙሎን ኬዛማ።
MAT 5:27 «Ꮉንፓ ዛጋ፥ ‹ኦላለ Ꮉንትፐተ› ጋእንትዳኖ ስእዳ።
MAT 5:28 የዝን ታ ይንትስ ኦህነ፥ ማቾ ብእ፥ አሙꬍደ ኡባ ፋ ዎዝንተ ኢራ ኦላልዳ።
MAT 5:29 ነ ምዛቅ ኣፍዘ ኔስ ናጋራስ ምክናተ ማቅኮ፥ ኬሲ ኦሎ። ነ ጋልታ ኩሙꬅ ጋናመ ታማ ዎꬎዳንፓ ነ ጋልትፓ ፈታይ ꬋብኮ ኔስ ሎኦ።
MAT 5:30 ነ ምዛቅ ኩሽዘ ኔስ ናጋራስ ምክናተ ማቅኮ፥ ኤዛ ጋቺ ኦሎ። ነ ጋልታ ኩሙꬅታ ጋናመ ታማ ዎꬎዳንፓ ነ ጋልትፓ ፈታይ ꬋብኮ፥ ኔስ ሎኦ።
MAT 5:31 «‹ፋ ማችቶ ዳክዘ ኦደን ዳፎ ዋርቃተ እንጎ› ጋእንትዳ።
MAT 5:32 የዝን ታ ይንትስ ኦህነ፤ ፋ ማችቶ ኦላልካይዝን ብልዘ ኦደን እዛ ኦላሎደ ጋር ኦቻነ። ይኒ ጋራን፥ ዳክንትደ ማችቶ ኤክዘ ኡባ ኦላልዳ።
MAT 5:33 «ይን ማይዙንꬃጎ፥ ‹ዎርዶ ጫቂፐተ፤ ይን ጾዘ ቲኖ ጫቂዳኖ ፎሎተ› ጋእንትዳኖ ስእዳ።
MAT 5:34 የዝን ታ ይንትስ ኦህነ፤ ሙሎን ጫቂፐተ። ጾዚ በትዘ ኦይዳ ማቅደ ግሾ ሳሎራ ጫቂፐተ።
MAT 5:35 ኤ ቶህታ የꬍዘ በሲ ማቅደ ግሾ ሳአራ ጫቂፐተ። ዳማ ካት ካታማ ማቅደ ግሾ የሩሳላመራን ጫቅፐተ።
MAT 5:36 ይን ኦምትፓ ፈታያ ቦꬅ ዎይ ካርꬅ ማሆደስ ዳንዳኦሰ ግሾ ይን ይን ኦምተ ጫቂፐተ።
MAT 5:37 ይኒ ግሾ፥ ይን ቃልታ፥ ‹ዬ› ዎይ ‹አደ› ማቆ። ይንፓ ባለ ከዝዘ ጻላሄፓ የእነ።
MAT 5:38 « ‹ኣፈ ግሾ ኣፈ፤ አች ግሾ አች› ጋእንትዳኖ ስእዳ።
MAT 5:39 የዝን ታ ይንትስ ኦህነ፤ ይንታላ አፋ ኢታ ባዝ ኦችዘ አꬃ እጽፐተ። ኦደን ነ ምዛቅ ꬎኦክዛ ባቂኮ ነ ዎርክታ ꬎክዛን ቤዞ።
MAT 5:40 ፈቲ አሲ ነ ሻምዛ ዎልቃራ ኤኮደስ ነና ሞትኮ፥ ነ ኮትዛን ጉጂ እንጎ።
MAT 5:41 ፈቲ አሲ ነና ዎልቃራ ፋ ባዝ ቶሲ ፈቲ ሳተ ኦገ ፋራ Ꮉንጎደ ጋር ነና ኡንእꬅኮ፥ ኤራ ላምእ ሳተ ኦገ Ꮉንጎ።
MAT 5:42 ዎስዘ ኦደስን እንጎ፤ ኔፓ ታልኦደስ ኮይኮ ኦናን ካይፐ።
MAT 5:43 «‹ነና ካꬍዛ ካꬎ፤ ነና እጽዛያ እጾ› ጋእንትዳኖ ስእዳ።
MAT 5:44 የዝን ታ ይንትስ ኦህነ፤ ይን ሞርኩንꬃና ካꬎተ፤ ይንታና ቆህዙንꬅስ ዎሶተ።
MAT 5:45 ይኒ ጋር ይን ኦችኮ፥ ሳሎ የዘ ይን አዳይስ ይን ናኡንꬃና ማቃዳ። ኤ ኢቱንꬅስን ሎኡንꬅስ አዋ ካሳነ፤ ጽሉንꬅስን ናጋራንቹንꬅስን ፋ እራ ቡክዛነ።
MAT 5:46 ይንታና ካዽዘ አሱንꬃና ጻላላ ይን ካꬍኮ፥ ይንትስ አኮ ትርፈ የዘ? መለ አቶ የዝን፥ ጋበ ቃራጠ ጋችዙንꬅን ይኖ ኦቻነ።
MAT 5:47 ይን፥ ይን እሹንꬃና ጻላላ ሳርꬅኮ፥ መሉንꬃፓ አኮ አꬍዘባዝ ኦችዶተ? መለ አቶ የዝን፥ ጾዝ አማኖሰ አሱንꬅ ይኖ ኦቻነ።
MAT 5:48 ይኬ፥ ሳሎ የዘ ይን አዳይ ፎሎ ማቅዳን ፋና ይንትን ፎሎ ማቆተ።
MAT 6:1 «አስ ቦኦ ጋእ ይን ሎኦ ኦችቶ አስ ቲኖ ኦቻመ ፋና ናግንቶተ። ይኒ ጋር ይአንጽኮ ሳሎ የዘ ይን አዳይፓ አንጆ ደንጋማ።
MAT 6:2 «ይን ዳሁንꬅስ እንግዘ ዎደ አስ ቲኖ ቦንችንቶደስ ጋእ ጩቡንꬅ ኦገ ጋጻን አይሁደ ዎሳ ኬꬃን ኦችዛን ፋና አስ ቦኦ ጋእ ኦችፐተ። ታ ይንትስ ቱሮ ኦህነ ኡን ፋ ኩሙꬅ አንጅቶ ኤክዳ
MAT 6:3 የዝን ይን ዳሁንꬅስ እንግዘ ዎደ ይን ምዛቅ ኩሸ ኦችዛኖ ይን ዎርክታ ኩሸ ኤርፐ፤
MAT 6:4 ይን እሞታ ጌማ ማቀ። ጌማ በሳ ኦችዛኖ በእዘ ይን አዳይ ይንትስ አንጅቶ ቆንጨ እንጎዳ።
MAT 6:5 «ዎሳ ዎስተራ ጩቡንꬅ ጋር ዪፐተ። ኡን፥ ፋና አስ ቦኦ ጋእ አይሁደ ዎሳ ኬꬃ ኦገ ዶና ኤቂ ዎስዛኖ ካꬋነ። ታ ይንትስ ቱሮ ኦህነ፤ ኡን ፋ ኩሙꬅ አንጅቶ ኤክዳ።
MAT 6:6 የዝን ነ ዎስዘ ዎደ ነ ቆልአ ገሎ፥ ፉርꬅቶ ጎርዲ ጌማ የዘ ነ አዳያ ዎሶ፤ ጌማ ኦችንትዳኖ በእዘ ነ አዳይ ኔስ አንጆ እንጎዳ።
MAT 6:7 ይን ዎስዘ ዎደ አማኖሰ አሱንꬅ ጋራ ጨር ቃላ ጋንꬅ ዎስፐተ። ኡን ቃልቶ ማህ ማህ ዎስን ጾዚ ስእነ ጋእ ቆፓነ።
MAT 6:8 ይኒ ግሾ፥ ኡንትን ጋር ዪፐተ። አኮስ ጋይኮ፥ ይን አዳይ ይንትስ አኮ ኮሽዛኮ ይን ዎሶዳንፓ ቲኖ ኤራነ።
MAT 6:9 «ይኬ፥ ይን ያጋእ ዎሶተ፦ «ሳሎ የዘ ኑ አዳዮ፥ ነ ጌሽ ሱንꬅታ አንጅንቶ።
MAT 6:10 ነ ካእቱምታ ዮኦ፥ ነ ቆፍታ ሳሎ Ꮉንዳን ፋና ሳአን Ꮉኖ።
MAT 6:11 Ꮉይኖ ቁምቶ ኑስ እንጎ።
MAT 6:12 ኑ ኑና ቆህዱንꬅስ፥ አቶ ጋዛን ፋና፥ ኑስን ኑ ቆህቶ አቶ ጋኦ።
MAT 6:13 ኑና ኢታፓ አሾፕ አትን ፋታና ገልꬅፐ። [ካእቱሞን፥ ዎልቃን ቦንቾን መዽና ኔስ። አምንኤ።]
MAT 6:14 «ይን ይንታና ቆህዙንꬃና አቶ ጋይኮ፥ ሳሎ የዘ ይን አዳይ ይን ቆህቶ አቶ ጋዉዳ።
MAT 6:15 የዝን ይን መለ አስ ናጋራ አቶ ጋአንጽኮ ይን አዳይ ይን ናጋርቶ አቶ ጋኦስ።
MAT 6:16 «ይን ጾምዘ ዎደ ጩቡንꬅ ፋና ዪፐተ። አኮስ ጋይኮ፥ ኡን ጾምዛኖ አሲ ኤሮደ ፋና ፋ ስንቶ ቦꬃነ። ታ ቱሮ ኦህነ፤ ኡን ፋ ሽልማቶ ኤክዳ።
MAT 6:17 «የዝን ነ ጾምዘ ዎደ ነ ስንቶ ሜጮ፥ ነ ኦምቶ ትዦ።
MAT 6:18 ይኒ ጋር ነ ዪዝኮ ነ ጾምዘ ጾምታ አሳፓ ገንግዳ፥ የዝን ጌማ የዘ ነ አዳይ ኤርዘ ጾማ ማቃዳ። ጌማ ኦችንትዳኖ በእዘ ነ አዳይ ኔስ ሽልማተ እንጎዳ።
MAT 6:19 «ብላ ሙእዘ በሳ፥ መቆ ብርዘ ሳአ፥ ካይዞ ቦኪ ኤክዘ ሳአ፥ Ꮉና ሳእተ፥ ይንትስ ቆሎ ሺሽፐተ።
MAT 6:20 የዝን ብላ ሞኦሰ በሳ፥ መቆ ብሮሰ በሳ፥ ካይዞ ቦኪ ኤኮሰ በሳ ሳሎ ይንትስ ቆሎ ሺሾተ።
MAT 6:21 ነ ቆልታ የዘ በስተ ነ ዎዝንታ የሳዳ።
MAT 6:22 «ኣፈ አሳትꬅስ ጾምፐ። ይኒ ግሾ፥ ነ ኣፍታ ፋጻ ማቅኮ ነ ኩሙꬅ አሳትꬅታ ፎኦ ማቃነ።
MAT 6:23 ነ ኣፍታ Ꮉርግንትዛ ማቅኮ ነ ኩሙꬅ አሳትꬅታ ꬉማ ማቃነ። ይኬ፥ ነ ግዳ የዘ ፎእዘ ꬉማ ማቅኮ፥ ꬉማ አኮ ጋር ኣꬊ ꬉማ ማቃደ!
MAT 6:24 «ፈቲ አስ ላምእ ላꬅስ አቆደስ ዳንዳኦስ። ፈታያ ካꬍኮ Ꮉንካያ እጻነ፤ ዎይ ፈታያ ቦንችኮ Ꮉንካያ ለቃነ። ጾዝስን ሚሸስን ዎላል አቆደስ ዳንዳኦስ።
MAT 6:25 «ይኬ፥ ስኦተ! ይን ደኦ የሳደስ፥ ‹አኮ ማአደ? አኮ ኡሻደ? አኮ ማኦደ?› ጋእ ኡንእንትፐተ፤ ሸምፖ ካꬃፓ ዎይ ጋላ ማኦፓ አꬎሶ?
MAT 6:26 አፋ ላንዱንꬃና ቦኦተ፤ ኡን ቡዶስ፥ ማጾስ፥ ፋቻ ገልꬆስ፥ የዝን ይን ሳሎ አዳይ ኡንታና ሙዛነ። ይን ኡንታፓ ጋማ አꬎሶ?
MAT 6:27 ይን ግዳፓ ጋማ ኡንእንት ፋ ላይꬅትላ አፋ ፈቲ ቃማ ጉጆደስ ዳንዳእዘ የነ?
MAT 6:28 «ማህ ይን ማእዘ ባዝስ አኮስ ኡንእንተ? አነ ፉꬉንꬃና ቦኦተ፥ ኦቺ ላቦስ ዎይ ሱቆስ።
MAT 6:29 ስኦተ! መለ አቶ የዝን፥ ካት ሶሎሞነ ፋ ቦንቾ ኡባነ Ꮉና ፉꬍትፓ ፈታይ ጋር ማእካያ።
MAT 6:30 ይን፥ አማኖ ፋጨዙንꬆ፥ ጾዚ Ꮉይኖ በንቲ ዎንታ ታማ ዎꬎደስ የዘ ማታ የይዝ ማእስዘባዝ ማቅኮ፥ ይንታና ኡንታፓ አꬂ ዋይዝ ማእሶሶ?
MAT 6:31 ይኒ ግሾ፥ ‹አኮ ሞኦደ? አኮ ኡሻደ? አኮ ማአደ?› ጋእ ኡንእንትፐተ።
MAT 6:32 ይኖ ኡባኖ ጾዝ አማኖሰ አሱንꬅ ጋንꬅ ደንጎደስ ኡንእንታነ። ይን ሳሎ አዳይ ይና ኡባና ይንትስ ኮሽዛኖ ኤራነ።
MAT 6:33 የዝን ኡባፓ ቲኖ ጾዘ ካእቱምቶን ኤ ጽሎትꬅቶ ኮዮተ፤ ይና ኡባና ይንትስ ጉጁንቶዳ።
MAT 6:34 ይኒ ግሾ፥ ዎንታስ ቆፕተራ ኡንእንትፐተ። ዎንታና ዎንታስ አቆ፤ ፈቲ ፈቲ ቃምዘ ፋስ ማቃደ ማꬋራ የነ።
MAT 7:1 «ይንታላ አፋ ፍርድንታመ ፋና መሉንꬃላ አፋ ፍርድፐተ።
MAT 7:2 አኮስ ጋይኮ፥ መሉንꬃላ አፋ ይን ፍርድዛን ፋና ይንታላ አፋ ፍርድንቶዳ፤ ይን መሉንꬅስ ማክደ ባዝተ ይንትስ ማህ ማክንቶዳ።
MAT 7:3 ነ ኣፍተ የዘ ቱስ ፋና የዛያ ብእካይዛራ ነ እሻይ ኣፍተ የዘ ቡርዛ አኮስ በኤ?
MAT 7:4 ነ ኣፍተ ቱስ የሳደራ ነ እሻይ ኣፍተ የዘ ቡርዛ ኬሶ ጋዉደስ ዋይዝ ዳንዳኤ?
MAT 7:5 ናተ ጩቡዛዮ፥ ቲኒ ነ ኣፍተ የዘ ቱስ ፋና የዛያ ኬሶ። ይንፓ ሱባ፥ ነ እሻይ ኣፍተ የዘ ቡርዛ ኬሶደስ ነ ጌሽ በአዳ።
MAT 7:6 «ሱባ ማቂ ይንታና ꬋኣመ ፋና ጌሽ ባዝ ካኑንꬅስ ኦልፐተ። ፋ ቶህተ የꬊ ኢሳመ ፋና ይን አልኦ ባዝ ጉዳይሉንꬅ ቲኖ ኦልፐተ።
MAT 7:7 «ዎሶተ ይንትስ እንግንቶዳ፥ ኮዮተ ይን ደንጎዳ፥ ፉርꬅቶ ቁንኮተ ይንትስ ቡግንቶዳ።
MAT 7:8 ዎስዘ ኦደስን እንግንቶዳ፥ ኮይዘ ኦደስን በንቶዳ፥ ፉርꬅቶ ቁንክዘስን ቡግንቶዳ።
MAT 7:9 «ይን ግዳፓ ናአይ ቦራ ዎስኮ ሹች እንግዘ ኦደ?
MAT 7:10 ዎይ ሞሎ ዎስኮ ሾሽ እንግዘ የነ?
MAT 7:11 ዬዝን ይን ኢታ ማቅተራ ይን ናኡንꬅስ ሎኦ ባዝ እንገ ኤርኮ፥ ይን ሳሎ አዳይ ፋና ዎስዙንꬅስ ሎኦ ባዝ ዋይዝ ጋንꬅ እንጋሞ?
MAT 7:12 መሉንꬅ ይንትስ ኦቾደ ፋና ይን ኮይዘ ባዝ ኡባ ይንትን መሉንꬅስ ኦቾተ። አኮስ ጋይኮ፥ ሙሴ ህግተን ናቡንꬅ ታማርስዛናን Ꮉኖ።
MAT 7:13 «ጹንꬅ ፉርꬃራ ገሎተ፤ አኮስ ጋይኮ፥ ꬋብሰስ ካንግዘ ኦግዘ ዳማ፥ ፉርꬅታን ዳልጋ። ኢራ ገልዘ አሱንꬅ ጋማ።
MAT 7:14 የዝን ደኦጎ ካንግዘ ኦግታን ፉርꬅታን ጹንꬅ፤ የይጋ ገልዘ አሱንꬅን ኤራꬅ።
MAT 7:15 «አፋራ ዱሮ አዚ ፋ ጋꬅተ ሱዹመ ማቂ ይን ግዳ ገልዘ ዎርዶ ናቡንꬃፓ ናግንቶተ።
MAT 7:16 ይን ኡንታና፥ ኡን ኣፍትፓ ኤሮዳ፤ አንጋꬃፓ ዎይነ ኣፈ፥ ከንችከሎፓ Ꮉልሞ ማጽንቶስ።
MAT 7:17 ይኒ ፋና ሎኦ ምንጻ ኡባ ሎኦ ኣፈ አፋነ፤ ኢታ ምንጻ ኢታ ኣፈ አፋነ።
MAT 7:18 ሎኦ ምንጻ ኢታ ኣፈ አፎስ፥ ማህ ኢታ ምንጻ ሎኦ ኣፈ አፎደስ ዳንዳኦስ።
MAT 7:19 ሎኦ ኣፈ አፎሰ ምንጻ ኡባ ጋችንቲ ታማ ኦልንቶዳ።
MAT 7:20 ይኒ ግሾ፥ ይን ኡንታና፥ ኡን ኣፍተ ኤሮዳ።
MAT 7:21 «ሳሎ የዘ ታ አዳይ ቆፍቶ ኦችዘ አስ ሳሎ ካእቱሞ ገሎደፕ አትን ጨር ታና ‹ላꬆ፥ ላꬆ› ጋዘ ኡባ ሳሎ ካእቱሞ ገሎስ።
MAT 7:22 ፍርዳ ቃማ ጋሙንꬅ፥ ‹ላꬆ፥ ላꬆ፥ ነ ሱንꬅተ ትንቢተ ኦህካ? ነ ሱንꬅተ ቱና አያና ከስካ? ነ ሱንꬅተ ክለ ባዝ ኦችካ?› ያጋኦዳ።
MAT 7:23 የ ዎደ ታኒ፥ ‹ታ ይንታና ሙሎን ኤሮስ፥ ይን ኢታ ኦችዙንꬆ ታፓ Ꮉኮተ› ጋውዳ።
MAT 7:24 «ይኬ፥ Ꮉና ታ ቃልቶ ስእ ኦችዘ ኦደን ፋ ኬꬅቶ ላላላ አፋ ኬጽደ ዎዝናራ የዘ አስ ፋና።
MAT 7:25 እራ ቡክዳ፥ Ꮉሮ ጎግዳ፥ ባቆ ባቂ የ ኬꬅዛ ኡርቂዳ። የዝን ኬꬅታ ላላላ ኬጽንትደ ግሾ ጎልእካያ።
MAT 7:26 Ꮉና ታ ቃልቶ ስእ ኦቾሰ ኦደን ፋ ኬꬅቶ ሻፈላ አፋ ኬጽደ ቦዛ አꬃ አዛነ።
MAT 7:27 እራ ቡክዳ፥ Ꮉሮ ጎግዳ፥ ባቆ ባቂ፥ የ ኬꬅዛ ኡርቂን፥ የ ኬꬅዘ ጎልእዳ፤ ኤ ጎልእታን ዳማ» ያጋይዳ።
MAT 7:28 የሱሳ ፋ ኦህቶ Ꮉስደ ዎደ ኤ ትምርትታ ህገ አስታማሩንꬅ ፋና ማቃንጽ አደትꬅ ዎልቃር ማቅደ ግሾ አሱንꬅ ኤ ትምርትተ ጋማ ቆፕዳ።
MAT 8:1 የሱሳ ደርዘፓ ዎꬍዘ ዎደ ጋማ አሱንꬅ ኤዛ ካልዳ።
MAT 8:2 ይኬ ፈቲ ቁርሱማ Ꮉርግንትዘ ኤጎ ሺቂ፥ ኤ ቲንተ ቡንቁንቲ፥ «ላꬆ፥ ነ ቆፋ ማቅኮ ታና ጌሽ ፋꬆደስ ዳንዳአነ» ያጋይዳ።
MAT 8:3 የሱሳ ፋ ኩሽቶ ዳኪ ኤዛ ቦቺ፥ «ዬ፥ ታ ቆፋ፥ ፋጾ» ያጋይዳ። አꬄ ኢራ ጌዥ አትዳ።
MAT 8:4 የሱሳ ኤጎ፥ «ነ ፋጽቶ ኦደስን ኦህፐ። የዝን Ꮉንግ ነ ጌዥ ፋጽዳኖ ካህኑንꬃና ቤዞ። ነ ፋጽዳንስ ማርካ ማቃደ ፋና Ꮉንግ ሙሴ ኪትደ ዣርሽቶ ዣርሾ» ያጋይዳ።
MAT 8:5 የሱሳ ቅፍርናሆመ ካታማ የልደ ዎደ ፈቲ ማቶ Ꮉላቅዘ ኤጎ ሺቂ፥
MAT 8:6 «ላꬆ፥ ታ አርዘ ዎቢ ጋማ ዋይንት፥ ካራ ዎይእ የነ» ያጋእ ዎስዳ።
MAT 8:7 የሱሳ ማህ፥ «ታኒ Ꮉንግ ኤዛ ፋꬆዳ» ያጋይዳ።
MAT 8:8 የዝን ማቶ Ꮉላቅዘ ማህ፥ «ላꬆ፥ ነ ታ ካራ ገሎደስ ታ ቤዘ አስ ባያ፥ የዝን ነ Ꮉይጋ በቲ ቃላ ጻላላ ኦሆ፥ ታ አርዘ ፋጾዳ።
MAT 8:9 አኮስ ጋይኮ፥ ታፓ ካታራ ታ ኪትንትዘ አሱንꬅ የነ፥ ማህ ታፓ ጋꬃራ ታስ ኪትንትዙንꬅ የነ። ኡንታፓ ፈታያ፥ ‹ቅቶ› ጋይኮ ቅታነ፤ Ꮉንካያ ማህ ‹Ꮉንካ ዮኦ!› ጋይኮ የእነ። ታ አርዛ፥ ‹Ꮉኖ ዪዞ› ጋይኮ ዪዛነ» ጋይዳ።
MAT 8:10 የሱሳ ይኖ ስእደ ዎደ ጋማ ቆፒ፥ ፋና ካልዘ አሱንꬃጎ፥ «ታ ይንትስ ቱሮ ኦህነ፤ ታኒ Ꮉኒ ጋርዘ አማኖ እስራኤለ አስ ግዳን ብእካያ።
MAT 8:11 ታ ይንትስ ኦህነ፤ ጋሙንꬅ አዋ ኬሳፓን አዋ ገሎፓ ይእ፥ ሳሎ ካእቱሞ አብራሃማራ፥ ይሳቃራን ያይቆባራ ፈትላ በቶዳ።
MAT 8:12 የዝን ሳሎ ካእቱሞ ላቶደስ ቤዝን አትዱንꬃና ባለ ꬉማ ኦሎዳ። እዘ ኡንትስ ዬፎን አች ጋርጭንገ ማቃዳ» ያጋይዳ።
MAT 8:13 የሱሳ ማቶ Ꮉላቅዘጎ፥ «ነ ካራ Ꮉንጎ፥ ነ አማንቲ ፋና ኔስ Ꮉኖ» ያጋይዳ። ኤ አርዘ ኢራ ፋጺ አትዳ።
MAT 8:14 የሱሳ ጴጥሮሳ ካራ ገልዘ ዎደ ጴጥሮሳ ማችት እንታ ኦማ ኦꬂ ምሻ Ꮉርገራ Ꮉርግንቲ ዎይእ የዛኖ ብእዳ።
MAT 8:15 የሱሳ እ ኩሽቶ ቦችደ ዎደ ኦꬅታን ምችታ አሺ አሽዳ። ፋጺ ደንዲ ኤዛ ሞክዳ።
MAT 8:16 የ ዎደ ኡጉረ ቱና አያናራ አይክንትደ ጋማ አሱንꬃና፥ አሱንꬅ የሱሳጎ ክእዳ። ኤዝን ቱና አያኑንꬃና ፋ ቃልተ ከስዳ፥ Ꮉርግንትዙንꬃና ኡባ ፋꬅዳ።
MAT 8:17 ይነን ናበ ኢሳያሳ፥ «ኤ ኑ ኢታ Ꮉርግቶ ፋስ ኤክዳ፥ ኤ ኑ Ꮉርግቶ ቶክዳ» ጋይደ ቃልታ ፎልንትዳ።
MAT 8:18 የሱሳ ጋማ አሱንꬅ ኤ ካለ ኤቅዳኖ ብእ፥ አባፓ ሰኮ ፍንꬃ ፊንጎደ ፋና ፋ ታማሩንꬃና ኪትዳ።
MAT 8:19 ህገ አስታማሩንꬃፓ ፈታይ፥ «አስታማርዛዮ፥ ነ Ꮉንግዘ በሳ ኡባነ ታ ካሎዳ» ያጋይዳ።
MAT 8:20 የሱሳ ኤጎ «ዎርካኑንꬅስ ኦላ የነ፥ ሳሎ ላንዱንꬅስ ኬꬂ የነ። የዝን አስ ናአይስ ፋ ኦምቶ ሸምፕዘ በሲ ባያ» ያጋይዳ።
MAT 8:21 የሱሳ ካልዘ አሱንꬃፓ ፈታይ፥ «ላꬆ፥ ታኒ ቲኖ Ꮉንግ ታ አዳያ ሞጊ ዮኦዳ» ያጋይዳ።
MAT 8:22 የዝን የሱሳ፥ «Ꮉይቂዱንꬅ ፋ Ꮉይቁንꬃና ሞጎ፤ ነ ታና ካሎ» ያጋይዳ።
MAT 8:23 የሱሳ የꬋደስ ጎንገ ገልደ ዎደ ኤ ታማሩንꬅን ኤራ ቅቶደስ ገልዳ።
MAT 8:24 ኡን ቆፕካይዛራ የዝን፥ ዳማ ዙሉንተ Ꮉꬅትላ አፋ ደንድን ጎንግቶ ቆꬎደስ የልዳ። የዝን የሱሳ ገንትዳ።
MAT 8:25 ኤ ታማሩንꬅ ኤጎ ሺቂ ኤዛ ባርክꬂ፥ «ላꬆ፥ ኑ ꬋባነ ኑና አሾያ» ያጋይዳ።
MAT 8:26 የሱሳ ኡንታጎ፥ «ይን፥ አማኖ ፋጨዙንꬆ፥ አኮስ ዣሽተተ?» ያጋይዳ። ደንዲ፥ ዙሉንቶን ዡብቶ ስእ ይዝዳ። ኤልስ ኡባ ባዝ ስእ ጋይዳ።
MAT 8:27 ኤ ታማሩንꬅ ጋማ ቆፒ፥ «Ꮉይ፥ መለ አቶ የዝን፥ ዙሉንተን ዡባን ኪትንትዘ ዋይደ አሶ?» ያጋይዳ።
MAT 8:28 የሱሳ አባፓ ሰኮ ፍንꬃ የዘ ገርገሶነ ጋዘ ሳአ የልደ ዎደ ቱና አያና አይክደ ላምእ አሱንꬅ ቦዛፓ ኬዚ ኤራ የልንትዳ። ኡን ጋማ ኢታን ዣሽዘ አስ ማቅደ ግሾ አስ ይና በስትራ አꬎደስ ዳንዳኦስ።
MAT 8:29 ኡንትን፥ «ጾዘ ናአዮ፥ ኔራ ኑና አኮ የልꬅዘ? ዎደ የልካያ የዝን ኑና ፍርዶደስ ይእዳ?» ጋእ ኡክዳ።
MAT 8:30 ኡንታፓ ጋማ Ꮉክካይዛር ጉዳይለ ዉደ የንግንታነ።
MAT 8:31 ቱና አያኑንꬅ የሱሳ፥ «ነ ኑና ከሶደ ባዝ ማቅኮ፥ ሰኮ ጉዳይሉንꬅ ዉደ ግዳ ዳኮያ» ያጋእ ዎስዳ።
MAT 8:32 የሱሳ፥ «ቅቶተ» ያጋይዳ። ቱና አያና አሱንꬃፓ ኬዚ ጉዳይሉንꬃጎ ገልዳ። ጉዳይሉንꬅን ኡባ ጋጋ ዶናራ ዎጺ Ꮉንግ አባ ቆꬍንት Ꮉይቂዳ።
MAT 8:33 ጉዳይለ ዉደ የንግዙንꬅን ዎጺ ካታማ Ꮉንግ፥ Ꮉንደ ባዝን ቱና አያና አይክደ አሱንꬃላ አፋ ኦችዳኖ ኡባ ኦህዳ።
MAT 8:34 ዬዝን፥ ካታማ የዘ አሱንꬅ ኡቡንꬅ የሱሳ ቦኦደስ ከዝዳ። ኡን የሱሳ ብእደ ዎደ ፋ ጋድትፓ ኬዚ ቅቶደ ፋና ዎስዳ።
MAT 9:1 ይንፓ ሱባ፥ የሱሳ ጎንግተ ገሊ፥ አባ ፊንግ ፋ ካታማ ቅትዳ።
MAT 9:2 እዘ ኤራꬅ አሱንꬅ ፈቲ ዎቦ አꬃ አልጋራ ቶኪ የሱሳጎ ክእዳ። የሱሳ ኡን አማንቶ ብእ፥ ዎቦ አꬃ፥ «ታ ናአዮ፥ ዣሽትፐ! ነ ናጋርታ አቶ ጋእንትዳ» ያጋይዳ።
MAT 9:3 ይና ሳተ፥ አይሁደ ህገ አስታማሩንꬃፓ ፈተ ፈተ፥ «Ꮉና ጾዝ ጫዠ ባነ» ያጋእ ፋ ዎዝንተ ቆፕዳ።
MAT 9:4 የሱሳ ኡን ቆፍቶ ኤሪ፥ «ኢታ ባዝ ይን ዎዝንተ አኮስ ቆፐተ?
MAT 9:5 የዝን፥ ‹ነ ናጋርታ አቶ ጋእንትዳ› ጋዛንፓን ‹ደንዲ ኤቂ ቅቶ› ጋዛንፓ አየ ፎለ?
MAT 9:6 የዝን ሳአላ አፋ ናጋራ አቶ ጋዉደስ አስ ናአስ አደትታ ዎልቃ የዛኖ ታ ይንታና ኤርሶዳ» ያጋእ፥ ዎቦ አꬄጎ፥ «ደንዲ፥ ነ አልግዛ ቶኪ፥ ካራ ቅቶ» ያጋይዳ።
MAT 9:7 ዎቦ አꬄ ደንዲ ፋ ካራ ቅትዳ።
MAT 9:8 ዎርዥታ ይኖ ብእ ጋማ ቆፕዳ። ይኒ ፋና አደትꬅ ዎልቃ አስስ እንግደ ጾዛ ጋላትዳ።
MAT 9:9 የሱሳ የይጋፓ ደንዲ Ꮉንግተራ ማቶሳ ጋዘ ቃራጠ ጋችዘ በሳ በቲ የዝን ብእ፥ «ታና ካሎ» ያጋይዳ። ኤዝን ደንዲ ካልዳ።
MAT 9:10 የሱሳ ማቶሳ ካራ ለማተላ በቲ የዝን፥ ቃራጠ ጋችዘ ጋማ አሱንꬅን ናጋራንቹንꬅ ይእ ኤራን ኤ ታማሩንꬃራ ዎላ ሞኦደስ በትዳ።
MAT 9:11 ፈቲ ፈቲ ፋርሳዉንꬅ ይኖ ብእ፥ የሱሳ ታማሩንꬃራ፥ «ይን አስታማርዘ ቃራጠ ጋችዙንꬃራን ናጋራንቹንꬃራ አኮስ መኤ?» ያጋይዳ።
MAT 9:12 የሱሳ ይኖ ስእ፥ «ጋላ ኮሽዘ Ꮉርግንትዙንꬅስ ፋትን ፋጹንꬅስ ባያ።
MAT 9:13 የዝን ይን Ꮉንግ፥ ‹ታኒ ይን ዣርሽቶ ባይዝን ይን መሉንꬃና ማሮደ ፋና ኮያነ› ጋእንት ጻፍንትዳና ዋግዛኮ ኤሮተ። አኮስ ጋይኮ፥ ታኒ ናጋራንቹንꬃና ጼጎደስ ይእዳፕ አትን ጽሉንꬃና ጼጎደስ ይእካያ» ያጋይዳ።
MAT 9:14 የ ዎደ ዋሐንሳ ታማሩንꬅ የሱሳጎ ሺቅን፥ «ኑንን ፋርሳዉንꬅን ጾማነ፥ የዝን ነ ታማሩንꬅ አኮስ ጾሞሶ?» ያጋእ ኦጭዳ።
MAT 9:15 የሱሳ ማህ ኡንታጎ፥ «ሙሹራ ኡንታራ የዝን ጼግንት ይእደ አሱንꬅ አዛኖደስ ዳንዳአነ? ሙሹራ ኡን ካለፓ ኤክንቶደ ዎደ ዮኦዳ፥ ኡን የ ዎደ ጾሞዳ።
MAT 9:16 «ክሌ ማኦፓ ፌꬍ ጋልአ ማኦላ ስክዘ ኦደን ባያ። ይኒ ፋና የይዝኮ ክልዘ ጋልእዛ ፌꬋነ። ፌዽꬅታን ዎዚ ዳልጋነ።
MAT 9:17 ክሌ ዎይነ ጋልአ ስልጰ ጉጅዘ ኦደን ባያ። ይኒ ፋና የይዝኮ ክሌ ዎይንዘ ጋልአ ስልጵዛ ꬉሳነ ዎይንዘን ላንታነ፤ ስልጵዘን ላምእንꬃ ማዶሰ ባዝ ማቃነ። የዝን ክለ ዎይነ ክሌ ስልጰ ጉጆደስ ቤዛነ። ይኒ ፋና የይዝኮ ላምኡንꬅን ኢትካይዛራ ናግንታነ» ያጋይዳ።
MAT 9:18 የሱሳ ይና ኦህትላ አፋ የዝን፥ አይሁደ Ꮉላቁንꬃፓ ፈታይ ኤጎ ይእ፥ ኤ ቲኖ ቡንቁንቲ፥ «ታ ናእታ Ꮉተ Ꮉይቂዳ፥ የዝን እዛ ፋጾደ ፋና ነ ይእ ነ ኩሽቶ ኢላ አፋ ጋዶዮ» ጋእ ዎስዳ።
MAT 9:19 የሱሳ ደንዲ ኤራ Ꮉንግዳ፤ ኤ ታማሩንꬅን ካልዳ።
MAT 9:20 ኤ Ꮉንግዝን ታጶ ላምእ በረ ኩሙꬅ ሱꬅ ጎጊ ዋይꬅዘ ፈቲ ማችታ ሱባራ ሺቂ የሱሳ ማእት ማጫርቶ ቦችዳ።
MAT 9:21 እዛ ፋ ዎዝንተ፥ «ታ ኤ ማእት ማጫርቶ ጻላላ ቦችዛኮ ፋጾዳ» ያጋእ ቆፕዳ።
MAT 9:22 የሱሳ ሱብ ማቂ እዞ ብእ፥ «ታ ናእተ፥ ዣሽትፐ! ነና ነ አማንታ ፋꬅዳ» ያጋይዳ። አስታን ኢራ ፋጺ አትዳ።
MAT 9:23 የሱሳ አይሁደ Ꮉላቅዘ ካራ የልደ ዎደ ዛየ ፉግዙንꬃናን ዬክዙንꬃና ብእ፥
MAT 9:24 «አነ Ꮉልኦተ፤ ኤራꬅ ናእታ ገንትዳፕ አትን Ꮉይቂካያ» ያጋይዳ። የዝን አሱንꬅ ኤላ አፋ ሚጭዳ።
MAT 9:25 አሱንꬃና ባለ ከስዳንፓ ሱባ ኬꬃ ገሊ፥ ናእት ኩሽቶ አይክዳ፥ ናእታን ደንዲ ኤቅዳ።
MAT 9:26 ይና ኦህታ ይና ሳእቶ ኡባ የልዳ።
MAT 9:27 የሱሳ የይጋፓ ደንዲ ጎደ ቲኖ Ꮉንጎደራ ላምእ ቆቁንꬅ ፋ ቃልቶ ꬎቅ ዪዚ፥ «ዳዉተ ናአዮ፥ ኑና ማሮያ» ያጋይትራ ኤዛ ካልዳ።
MAT 9:28 የሱሳ ኬꬃ ገልዘ ዎደ ቆቁንꬅ ኤዛ ካሊ የልዳ። የሱሳ ኡንታጎ፥ «ታኒ ይኖ ኦቾደስ ዳንዳእዛኖ ይን አማናነተ?» ያጋይዳ። ኡንትን፥ «ዬ፥ ላꬆ» ያጋእ ማህዳ።
MAT 9:29 ይንፓ ሱባ፥ የሱሳ ኡን ኣፍቶ ቦቺ ኡንታጎ፥ «ይንትስ፥ ይን አማንቲ ፋና Ꮉኖ» ያጋይዳ።
MAT 9:30 ኡን አፍታን ቡጉንትዳ። የሱሳ ኡንታጎ፥ «Ꮉኖ ኦደስን ኦህፐተ» ያጋእ ምንꬂ ኦህዳ።
MAT 9:31 የዝን አሱንꬅ Ꮉንግ የሱሳ ባዝ ይና ሳእተ ኡባ ኦህዳ።
MAT 9:32 ኡን የይጋፓ ከዘ ዎደ አሱንꬅ ቱና አያና አይኪ ሙሙዝደ ፈቲ አስ የሱሳጎ ክእዳ።
MAT 9:33 ቱና አያና ኬዝደፓ ሱባ ሙመ አꬄ ኦህንትዳ። አሱንꬅን ጋማ ቆፕዳ፥ «ይኒ ፋና ክለ ባዝ እስራኤለ ሳአ Ꮉንካያ» ያጋይዳ።
MAT 9:34 የዝን ፋርሳዉንꬅ፥ «ቱና አያኑንꬅ Ꮉላቃራ ቱና አያኑንꬃና ከሳነ» ያጋይዳ።
MAT 9:35 የሱሳ አይሁደ ዎሳ ኬꬃ ታማርስተራ፥ ሳሎ ካእቱሞ ዎንገለ ሳባክተራ፥ አሱንꬃና Ꮉርገ ኡባፓ ፋꬅተራ ካታማን ካራ ጋንጨ ኡባነ ዉትዳ።
MAT 9:36 ጋማ ዎርዥታ፥ የንግዘ አስ ባይዘ ዱሮ ፋና ኡንታና በእዘ አስ ꬋብን ኡን የዛኖ ብእ ኡንትስ ይቅስንትዳ።
MAT 9:37 ፋ ታማሩንꬃጎ፥ «ሺቆደ ካꬅታ ጋማ፥ የዝን ካꬅቶ ሺሽዘ አሱንꬅ ኤራꬅ።
MAT 9:38 ይኒ ግሾ፥ ላꬂ ካꬃ ሺሾደ ኦቻንቹንꬃና ዳኮደ ፋና ዎሶተ» ያጋይዳ።
MAT 10:1 የሱሳ ታጶ ላምእ ታማሩንꬃና ፋጎ ጼጊ፥ ቱና አያና ከሶደ ፋናን Ꮉርገ ኡባፓ ፋꬆደ ፋና ኡንትስ አደትꬅ ዎልቃ እንግዳ።
MAT 10:2 የሱሳ ኪትደ ታጶ ላምእ ሐዋሩንꬅ ሱንꬅታ፤ ቲንዘ ጴጥሮሳ ጋዘ ስሞና ኤ እሸ እንድርያሰ፥ ዛብድዮሳ ናአ ያይቆባን ኤ እሸ ዋሐንሳን፥
MAT 10:3 ፍልጶሳን ባርቶሎምዮሳ፥ ቶማሳን ቃራጠ ጋችዘ ማቶሳ፥ እልፍዮሳ ናአ ያይቆባ፥ ታድዮሳ፥
MAT 10:4 ፋ ጋድትስ ይቅስንትዘ ስሞናን የሱሳ አꬂ እንግደ የስቆሮቱ ይሁዳ።
MAT 10:5 ይና ታጶ ላምኡንꬅ የሱሳ ኪቲ ዳክተራ፥ «አይሁደ ማቆሰ ዎርዣጎ Ꮉንግፐተ፥ ማህ ሳማራ አሱንꬅ ካታማን ገልፐተ።
MAT 10:6 የዝን እስራኤለ ኬꬃፓ ማቅደ ሰካ ꬋብደ ዱሩንꬃጎ Ꮉንጎተ።
MAT 10:7 እዘ Ꮉንግ፥ ‹ሳሎ ካእቱሞ ኡክዳ› ጋእ ኦሆተ።
MAT 10:8 Ꮉርግንትዙንꬃና ፋꬆተ፥ Ꮉይቂዱንꬃና Ꮉይቆፓ ደንꬆተ፥ ቁርሱማ Ꮉርግንትዙንꬃና ጌሽ ፋꬆተ፥ ቱና አያና ከሶተ። ይን Ꮉሪ ኤክዳኖ Ꮉሪ እንጎተ።
MAT 10:9 ይን ኪስተ ዎርቃ፥ ዎይ ብራ ሳንትመ አይክፐተ።
MAT 10:10 ይን ኦገስ ካርጥተ፥ ላምእ ማኦ፥ ዎይ ጫማ ዎይ ጉፈ አይክፐተ፤ ኦችዙንꬅስ Ꮉይኖ ቁማ ቤዛነ።
MAT 10:11 «ይን ፈቲ ካታማ ዎይ ካራ ጋንጨ ገልዘ ዎደ ይንታና ሞኪ ኤኮደስ ኡፋይትዘ አስ ኮይ ኤ ካራ ገሎተ፤ ይን ቅቶደ ዎንꬅስ እዘ ጋምኦተ።
MAT 10:12 ማህ ኦደ ካራን ገልተራ ሳርꬆተ።
MAT 10:13 ይና ኬꬅታ ይንታና ሞክኮ ይን ሳርꬅደ ሳርታ ኡንታና የሎ፥ የዝን ኡን ሞካንጽኮ ይን ሳርꬅደ ሳርታ ይንትስ ሱብ ማቆ።
MAT 10:14 ኦደን ይንታና ሞካንጽኮ ይን ኦህዘ ባዝ ስአንጽኮ ይና ኬꬅትፋ ዎይ ይና ካታምትፓ ከዝተራ ይን ቶህተ የዘ ጹርቶ ፍጺ ከዞተ።
MAT 10:15 ታ ይንትስ ቱሮ ኦህነ፤ ጾዘ ፍርዳ ቃማ ይና ካታምትፓ ሶዶማስን ጋሞራ ካታምትስ ፍርዳ ኤሮዳ።
MAT 10:16 «ታ ይንታና ዱሮ ፋና ሱዹሙንꬅ ግዳ ዳኮዳ። ይኒ ግሾ፥ ሾሽ ፋና ጭንጫ፥ ዎለ ፋና አዳ ማቆተ።
MAT 10:17 አሱንꬅ ይንታና ፍርድዘ ዳይኑንꬅስ አꬂ እንጎዳ፥ ማህ አይሁደ ዎሳ ኬꬃ ይንታና ጋራፎዳ። ይኒ ግሾ፥ ኡንታፓ ናግንቶተ።
MAT 10:18 ታ ግሾ ጋእ ይንታና ዎርዥቶ አህዙንꬅ ቲኖ ካቱንꬅ ቲኖ ካንጎዳ። ኡን ቲንተ አይሁደ ማቆሰ ዎርዡንꬅ ቲኖ ኤቂ ይን ታ ባዝ ማርክꬎዳ።
MAT 10:19 የዝን ይንታና ፍርዳስ አꬂ እንግዘ ዎደ ዋጋእ ማሆደ ጋእ ኡንእንትፐተ፤ ይና ሳተ ይን ጋዉደ ባዝ ጾዚ ይንትስ እንጎዳ።
MAT 10:20 አኮስ ጋይኮ፥ ይንታና ኦህዘ ይን አዳይ ጌሽ አያናፓ አትን ይንታና ባያ።
MAT 10:21 «እሻይ ፋ እሻያ፥ አዳይ ፋ ናአያ፥ Ꮉይቆስ አꬂ እንጎዳ፥ ናኡንꬅ ፋና የልዱንꬃላ አፋ ደንዲ ኡንታና ዎꬍሳዳ።
MAT 10:22 ታ ግሾ ጋእ አስ ኡቡንꬅ ይንታና እጾዳ፥ የዝን ዉርሱꬅ የሎደስ ሚንግደ አቶዳ።
MAT 10:23 ፈቲ ካራ ጋንጨፓ ይንታና ኡን ባይእኮ መለ ካታማ በቶተ። ታኒ ይንትስ ቱሮ ኦህነ፤ አስ ናአይ ዮኦደ ዎንꬅስ፥ ይን እስራኤለ ካታማ ኡባ ካንꬃማ።
MAT 10:24 «ታማሩንꬅ ፋ አስታማርዘፓ፥ አርዘን ፋ ላꬄፓ አꬎስ።
MAT 10:25 ታማርዘ ፋ አስታማርዘ፥ አርዘ ፋ ላꬅዘ ፋና ዪኮ ኤስ ማቃዳ። ካርቲ አዳይ ብኤልዘቡላ ጋይኮ ኤ ካራ አሱንꬃና ዋይዝ ዎዚ ኢሲ ጼጎሶ?
MAT 10:26 «ይኬ፥ አስስ ዣሽትፐተ። ጌንግደ ባዝ ቆንጮዳ፥ አችንትደ ባዝ ጌሻ ከዝካይዛራ አቶስ።
MAT 10:27 ታኒ ይንትስ ꬉማ ኦህዘ ባዝ ይን ፎኦ ኦሆተ፤ ታ ይንትስ Ꮉየ ካልካሽደ ባዝ ዞዘላ አዋጆተ።
MAT 10:28 አሾፕ አትን ሸምፖ ዎꬎደስ ዳንዳኦሱንꬅስ ዣሽትፐተ። የዝን ሸምፕቶን አሽቶን ጋናመ ꬋብሶደስ ዳንዳእዘ ጾዘስ ዣሽቶተ።
MAT 10:29 ላምእ ቡበ ላንዱንꬅ ፈቲ ሳንትመ ባይዝንቶሳነ? ይኦፕ አትን፥ ኡንታፓ ፈታይን ይን ጾዘ ጋይካይዝን ሳአ ዎꬎስ።
MAT 10:30 መለ አቶ የዝን፥ ይን ኦማ እስንꬅታን ፋይድንቲ የነ።
MAT 10:31 ይኬ፥ ጋማ ቡበ ላንዱንꬃፓ ይን ኣꬍዘ ግሾ ዣሽትፐተ።
MAT 10:32 «አስ ቲኖ ታስ ማርክꬍዘ ኡቡንꬅስ ታንን ሳሎ የዘ ታ አዳይ ቲኖ ማርክꬋዳ።
MAT 10:33 የዝን አስ ቲኖ ታና ካድዛያ ታንን ሳሎ የዘ ታ አዳይ ቲኖ ካዶዳ።
MAT 10:34 «ታኒ ሳአላ ሎኦ ኮኦደስ ይእዳ ይንትስ አዝፐ። ታኒ ኦላፓ አትን ሳሮትꬅ ኮኦደስ ይእካያ።
MAT 10:35 ታኒ ይእዳና፥ «ናአያ አደፓ ማች ናእቶ እንትፓ ናአይ ማችቶ አዝንዘ እንትፓ ሻኮደስ።
MAT 10:36 አስስ ሞርኩንꬅ ኤ ካራ አሱንꬃና ማቆዳ።»
MAT 10:37 «ታፓ አꬂ ፋ አዳያ ዎይ ፋ እንቶ ካዽዘ፥ ታ ባዝ ማቆደስ ቤዞስ። ፋ ꬊራꬅ ናአያ ዎይ ፋ ማች ናእቶ ታፓ አꬂ ካዽዘ፥ ታ ባዝ ማቆደስ ቤዞስ።
MAT 10:38 ፋ ማስቃላ ቶኪ ታና ካሎሰ ኦደን ታ ባዝ ማቆደስ ቤዞስ።
MAT 10:39 ፋ ሸምፕቶ አሾደስ ኮይዘ ꬋብሶዳ፥ የዝን ፋ ሸምፕቶ ታ ግሾ አꬂ እንግዘ አሾዳ።
MAT 10:40 «ይንታና ሞክዘ ታና ሞካነ፥ ታና ሞክዘ ማህ ታና ኪትዳያ ሞካነ።
MAT 10:41 ናበ ናበ ሱንꬅተ ሞክዘ፥ ናበ ፋና ዋጋ ኤኮዳ፤ ማህ ጽልዛ ጽሎ ሱንꬅተ ሞክዘ፥ ጽልዘ ፋና ዋጋ ኤኮዳ።
MAT 10:42 ታ ይንትስ ቱሮ ኦህነ፤ Ꮉንꬅ ታ ታማሩንꬃፓ ኤርዘ ፈታይ ታና ካልዘ ግሾ መለ አቶ የዝን ኤራꬅ ቶያ Ꮉꬅ እንግኮ ኤ ዋግታ ꬋቦስ» ያጋይዳ።
MAT 11:1 የሱሳ ታጶ ላምእ ታማሩንꬃና ኪቲ Ꮉስዳንፓ ሱባ እዝፓ ደንዲ ታማርሶደስን ሳባኮደስ ጋልላ ካታማ ቅትዳ።
MAT 11:2 ዋሐንሳ አች ኬꬃ የዛራ ክርስቶሳ ኦችቶ ስእ፥ ፋ ታማሩንꬃፓ ኤጎ ኪቲ፥
MAT 11:3 «ዮኦዳ ጋእንትደ ነናነ? ዎይ ኑ መለ ካፎደ?» ጋእ ኦጭዳ።
MAT 11:4 የሱሳ ኡንታጎ ማህ፥ «Ꮉንግ ይን ስእደ ባዝን ይን ብእደባዝ ዋሐንሳስ ኦሆተ።
MAT 11:5 ቆቁንꬅ በእነ፥ ዎቡንꬅ የꬋነ፥ ቁርሱማ Ꮉርግንትዙንꬅ ጌዣነ፥ ቱሉንꬅ ስእነ፥ Ꮉይቂዱንꬅ Ꮉይቆፓ ደንዳነ፤ ዳሁንꬅስ ዎንገለ ሳባክንታነ።
MAT 11:6 ታራ ꬉቡንቶሰ አንጅንትዳያ» ያጋይዳ።
MAT 11:7 ዋሐንሳ ታማሩንꬅ ሱብ ማቂ Ꮉንግን፥ የሱሳ ዎርዡንꬅስ ዋሐንሳ ባዝ ኦህተራ፥ «Ꮉና አኮ ባይዘ ጋናሳ አኮ በአደስ ይእዳተ? ባቆ ኤንእዘ ሾምቦቆ በአደስ ይእዳተ?
MAT 11:8 ዬዝን፥ አኮ በአደስ ይእዳተ? ቦንቾ ማኦ ማእደ አሱንꬃና በአደስነ? ቦንቾ ማኦ ማእዱንꬅ ካት ካራ የነ።
MAT 11:9 ዬዝን፥ አኮ በአደስ ኬዝዶተ? ናበ በአደስነ? ዬ፥ ይን ናበፓን አꬍዛያ በእነ።
MAT 11:10 «ነ ኦግቶ ነ ቲንተ ጊግዘ ታ ኪታንችዛ ኔፓ ቲኖ ኪቶዳ» ጋእንት ጻፍንትዳና ኤስ።
MAT 11:11 ታ ይንትስ ቱሮ ኦህነ፤ ማችፓ የልንትዱንꬅ ግዳፓ ጻማቅዘ ዋሐንሳፓ ኣꬍዛ ኦንን ደንድካያ፤ የዝን ሳሎ ካእቱሞ ኡቡንꬃፓ ኤርዘ ኤ፥ ኤፓ አꬎዳ።
MAT 11:12 ጻማቅዘ ዋሐንሳ ዎደፓ ደንꬂ Ꮉይኖ የሎደስ ሳሎ ካእቱሞ ጋማ ኡርቂንታነ፥ ሚንግ ቡቱንትዙንꬅ ደንጎዳ።
MAT 11:13 ናቡንꬅ ኡቡንꬅ ህገን ዋሐንሳ ባዝ ትንቢተ ኦህዳ።
MAT 11:14 ይኬ፥ ይን ኡን ኪቶ አማኖደባዝ ማቅኮ፥ ዮኦዳ ጋእንትደ ኤልያሳ፥ ኤ ዋሐንሳ።
MAT 11:15 ይኬ፥ ስእዘ Ꮉየ የዘ ስኦ።
MAT 11:16 «ይኬ፥ ታኒ Ꮉና ዎደ የለቶ አኮራ አዝሳደ? ጋበ ግዳ በቲ ዎል ጼጊ፥
MAT 11:17 « ‹ኑ ይንትስ ሱሉንቀ ፉግን፤ ይን የጽካያ። ኑ ናሺ ጋይርን፤ ይን ዬክካያ› ያጋዘ ናኡንꬃና አዛነ።
MAT 11:18 ጻማቅዘ ዋሐንሳ ሙእካይዛራን ኡዥካይዛራ ይእን፥ ‹ቱና አያና የነ› ያጋይዳ።
MAT 11:19 አስ ናአይ ሙእተራን ኡዥተራ ይእን፥ ‹ዥምባራን ኡሽ አስ፥ ቃራጠ ጋችዙንꬅስን ናጋራንቹንꬅ እግና› ያጋይዳ። ይኬ፥ ጭንጫትꬅን ቱረትꬅ ኤ ኦችተ ቆንጫነ» ያጋይዳ።
MAT 11:20 ይንፓ ሱባ፥ የሱሳ ጋማ ክሌ ባዝ ኦችደ ካታሙንꬅ ግዳ የዘ አሱንꬅ ፋ ናጋርትፓ ማቂ ማሮትꬅ ገላንጽ እጽደ ግሾ ኡንታና፥
MAT 11:21 «ባደ ክኦራዚነ ካታምተ፥ ባደ ቤተሳይዳ ካታምተ፥ አኮስ ጋይኮ፥ ይን ግዳ ኦችንትደ ክሌ ባዝ ጢሮሳ ግዳን ስዶና ግዳ ኦችንትደባዝ ማቅዛኮ፥ ኡን ዛጋ ቡዶ ትዥንት፥ ካዮ አፉላ ማእ ፋ ናጋርትፓ ማቂ አቶድ የሻ።
MAT 11:22 የዝን ታ ይንትስ ኦህነ፤ ፍርዳ ቃማ ይንታፓ አꬂ ጢሮሳስን ስዶናስ ፍርድታ ኤሮዳ።
MAT 11:23 ማህ፥ ቅፍርናሆመ፥ ኔኒ ኡደ ሳሎ ከዞደስ ኮያነ? Ꮉኖስ! ነ ስኦለ ኦልንቶዳ። አኮስ ጋይኮ፥ ነ ግዳ ኦችንትደ ክሌ ባዝ ሶዶማ ኦችንትደባዝ ማቅዛኮ፥ ሶዶማ Ꮉይኖ የሎደስ የሳድ የሻ።
MAT 11:24 የዝን ታ ኔስ ኦህነ፤ ፍርዳ ቃማ ኔፓ አꬂ ሶዶማስ ፍርዳ ኤሮዳ»።
MAT 11:25 የ ዎደ የሱሳ፥ «አዳዮ፥ ሳሎ ሳአ ላꬆ፥ ነ Ꮉኖ ኤሩንꬃፓን ጭንጩንꬃፓ አቺ ናኡንꬅስ ቆንጭዝደ ግሾ ነና ጋላታነ።
MAT 11:26 ዬ፥ ታ አዳዮ፥ Ꮉና ነ ሎኦ ቆፍት ፋና Ꮉንዳ።
MAT 11:27 «ኡባና ታስ ታ አደፓ እንግንትዳ። አዳይፓ መለ ናአያ ኤርዘ ባያ፥ ናአይፓን ኤ ቆንጮደስ ኮየዙንꬃፓ መለ አዳያ ኤሮደስ ዳንዳእዘ ባያ።
MAT 11:28 «ይን፥ ላቢዱንꬆ፥ ቶፎ ዴጽደ ኡቡንꬅ ታጎ Ꮉንካ ዮኦተ፤ ታ ይንታና ሸምፕሳዳ።
MAT 11:29 ታኒ ታ ዎዝንተ ዳልጋን አዳ ማቅደ ግሾ ታ ቃምባርቶ ቶኮተ፥ ታፓ ታማሮተ፤ ይን፥ ይን ሸምፕትስ ሸምፖ ደንጎዳ።
MAT 11:30 ታ ቃምባርታ ስላ፥ ማህ ታ ቶፍታን ፎሎ» ያጋይዳ።
MAT 12:1 የ ዎደ፥ ሳምባታ ቃማ፥ የሱሳ ጋደ ግዳራ ኣꬍዳ። የሱሳ ታማሩንꬅ ናይꬍደ ግሾ ትዣ ባንጋ ሽጭ ꬋአነ።
MAT 12:2 የዝን ፋርሳዉንꬅ ይኖ ብእ የሱሳጎ፥ «Ꮉይቼ፥ ነ ታማሩንꬅ ሳምባታ ቃማ ኦቾደስ ቤዞሰ ባዝ ኦቻነ» ያጋይዳ።
MAT 12:3 የሱሳ ኡንታጎ ማህ፥ «ዳዉተ ናይꬍደ ዎደ ኤራ የዙንꬃራ አኮ ኦቼዛኮ ናባብካተ?
MAT 12:4 ዳዉተ ጾዘ ኬꬃ ገሊ ካህኑንꬅ ጻላላፕ አትን ኤስን ኤራ የዙንꬅስ ቤዞሰ ጌሽ ዳቦ ሙእዳ።
MAT 12:5 ዎይ ካህኑንꬅ ሳምባታ ዎጋ ሻሪ ጾዘ ኬꬃ ሳምባታ ቃማ ኦቻ ኦችኮ ኡንትስ ባላ ባይዛኖ ሙሴ ህገፓ ናባብካተ?
MAT 12:6 የዝን ታ ኦህነ! ጾዘ ኬꬃፓ ኣꬍዘ Ꮉነ የነ።
MAT 12:7 ‹ታኒ ይን ዣርሽቶ ባይዝን ይን መሉንꬃና ማሮደ ፋና ኮይዳ› ጋዘ ቃልታ ዋግዛኮ ይን ኤረዛኮ ጌሽ አሱንꬃላ አፋ ፍርዳማ የሻ።
MAT 12:8 አስ ናአይ ሳምባታ ላꬂ» ያጋይዳ።
MAT 12:9 የሱሳ የይጋፓ ኬዚ አይሁደ ዎሳ ኬꬃ ገልዳ።
MAT 12:10 እዘ ኩሸ ዎቦ ፈቲ አስ የነ። የሱሳ ሞቶደስ ምክናተ ኮይዘ አሱንꬅ፥ «ሳምባታ ቃማ ፋꬆደስ ቤዛነነ ቤዞሶ?» ያጋእ ኦጭዳ።
MAT 12:11 ኤ ኡንታጎ፥ «ይን ግዳፓ ፈታይስ ዱሮ ሳምባታ ቃማ ጋጋ ቅትኮ፥ ጎቺ ከሶሰ ኦደ?
MAT 12:12 ዬዝን አስ ዱሮፓ ዋይዝ ጋማ አꬎሶ? ይኒ ግሾ፥ ሳምባታ ቃማ ኡባ ሎኦ ባዝ ኦቸ ቤዛነ» ያጋይዳ።
MAT 12:13 ይንፓ ሱባ፥ የሱሳ አꬄጎ፥ «ነ ኩሽቶ ሉልዞ ያጋእን፥» አꬄ ሉልዝዳ። ኤ ኩሽዘ ፋጺ Ꮉንካይ ኩሸ ፋና ይእዳ።
MAT 12:14 የዝን ፋርሳዉንꬅ የይጋፓ ባለ ኬዚ፥ የሱሳ ዋይዝ ዎꬎድ የዛኮ ዞርንትዳ።
MAT 12:15 የሱሳ ኡን ቆፍቶ ኤሪ ይና በስቶ አሺ መለ በሳ ቅትዳ። ጋማ አሱንꬅ ኤዛ ካሊ ቅትዳ፥ Ꮉርጋንቹንꬃና ኡባ ፋꬅዳ።
MAT 12:16 የሱሳ፥ «ታ ባዝ መለ ኦደስን ኦህፐተ» ያጋእ ምንꬂ ኦህዳ።
MAT 12:17 ይናን ናብዘ ኢሳያሳ፥
MAT 12:18 «Ꮉይቼ ታ ዶርደ አርዘ፥ ታ ካዽዘ፥ ታና ኡፋይስዘ፥ ታኒ ታ አያና፥ ኤላ አፋ ጋዶዳ፤ ኤ፥ አይሁደ ማቆሰ ዎርዥትስ ፍርዳ አዋጆዳ።
MAT 12:19 ኤ ላሎስ ዎይ ኡኮስ፤ ኤ ቃልቶን ኦገ ጨር ስእዘ ባያ።
MAT 12:20 ፍርዳ ጋሚ ደንዶደ ዎንꬅስ፥ ዶንጭንትደ ሾምቦቆ መንꬆስ፥ ጩግዘ ሾምቦቆ ፋና ꬋብሶስ።
MAT 12:21 ዎርዣ ኡባ ኤላ ኡፋይስ ጋዶዳ» ያጋእ ጻፍንትዳና ፎልንቶደ ፋና።
MAT 12:22 ይንፓ ሱባ፥ ቱና አያናራ አይክንትደ ቆቀን ዶና ሙመ አስ የዛያ ኤጎ ክእዳ። የሱሳ አꬃ ፋꬅን፥ አꬄ በእነን ኦህንታነ።
MAT 12:23 አሱንꬅ ኡቡንꬅ ጋማ ቆፒ፥ «Ꮉይ ዳዉተ ናአ ማቃዳ የሳነ?» ያጋይዳ።
MAT 12:24 የዝን ፋርሳዉንꬅ ይኖ ስእ፥ «Ꮉይ አꬄ ቱና አያኑንꬃና ኬስዘ ቱና አያኑንꬅ Ꮉላቃ ብኤልዘቡላ ዎልቃራ» ያጋይዳ።
MAT 12:25 የሱሳ ኡን ቆፍቶ ኤሪ፥ «ዎል ግዳ ሻክንትዘ ካእቱሞ ኡባ ጎልኦዳ፤ ማህ ዎል ግዳ ሻክንትዘ ካታምታ ዎይ ኬꬅታ ሚንግ ኤቆስ።
MAT 12:26 ጻላሄ ጻላሄ ኬስዘባዝ ማቅኮ ፋ ግዳ ሻክንታነ ጋእንተ። ይኒ ፋና Ꮉንዘባዝ ማቅኮ ኤ ካእቱምታ ዋይዝ ሚንግ ኤቆደስ ዳንዳኤ?
MAT 12:27 ታኒ ቱና አያና ኬስዘ ብኤልዘቡላ ዎልቃራ ማቅኮ ይንታና ካልዘ አሱንꬅ ኦደ ዎልቃራ ከሶደ? ይኒ ግሾ፥ ይንታና ካልዘ አሱንꬅ ይንታና ፍርዶዳ።
MAT 12:28 የዝን ታኒ ቱና አያና ኬስዘ ጾዝ አያናራ ማቅኮ፥ ጾዘ ካእቱሞ ይንታጎ ይእዳ።
MAT 12:29 «ዎይ ፈቲ አስ ዎልቃራ የዘ አꬄ ካራ ገሊ ኤ ቆልቶ ቦንቆደስ ኮይኮ ቲኒ የ አꬃ አጫንጽኮ ዋይዝ ቦንቆደስ ዳንዳኦደ? የይዝኮ ኤ ቆልቶ ቦንቆደስ ዳንዳአነ።
MAT 12:30 «ታራ ማቆሰ ኦደን ታና እጻነ፤ ማህ ታራ ፈትላ ሺሾሰ ኡባ ላላነ።
MAT 12:31 ይኒ ግሾ፥ ኦህነ፤ አሱንꬅ ኦችዘ አኮ ናጋራን ጫሽ ቃላ ኡባ አቶ ጋእንቶዳ፥ የዝን ጌሽ አያና ጫዥዘ ኦደስን ኤ ናጋርታ አቶ ጋእንታማ።
MAT 12:32 ኦደን አስ ናአላ አፋ ኢታ ባዝ ኦህኮ ኤስ አቶ ጋእንቶዳ፥ የዝን ጌሽ አያናላ አፋ ኢታ ባዝ ኦህዘ ኦደስን Ꮉነ ሳእተ ማቅኮን ዮኦደ አላምተ ኤ ናጋርታ አቶ ጋእንታማ።
MAT 12:33 «ሎኦ ምንጻ ሎኦ ኣፈ አፋነ፤ ማህ ኢታ ምንጻ ኢታ አፋነ። ይኬ፥ ምንጻ ኤርንትዘ ፋ ኣፍተ።
MAT 12:34 ይን፥ ሾሽ ናኡንꬆ፥ ይን ኢታ ማቅተራ ዋይዝ ሎኦ ባዝ ኦቾደስ ዳንዳኤ? አስ ፋ ዎዝና ኩምዳኖ ዶናራ ኦህነ።
MAT 12:35 ሎኦ አስ ፋ ዎዝንትፓ፥ ሎኦ ባዝ ከሳነ፤ ኢታ አስ ፋ ዎዝናፓ፥ ኢታ ባዝ ከሳነ።
MAT 12:36 የዝን ስኦተ፥ አሱንꬅ ኦህንትዘ ጨር ኦሄ ኡባስ ፍርዳ ቃማ ማሄ እንጎዳ።
MAT 12:37 አኮስ ጋይኮ፥ ነ ኦህዘ ነ ቃልተ ጽሎዳ፤ ነ ኦህዘ ነ ቃልተ ኔላ አፋ ፍርዶዳ» ያጋይዳ።
MAT 12:38 ይንፓ ሱባ፥ ፈቲ ፈቲ ፋርሳዉንꬅን ህገ አስታማሩንꬅ የሱሳጎ፥ «አስታማርዛዮ፥ ኔፓ ክሌ ባዝ በአደስ ኮያነ» ያጋይዳ።
MAT 12:39 የዝን የሱሳ ማህ፥ «አማንንቶሰን ኢታ የለቱንꬅ ክሌ ባዝ ኮያነ። የዝን ናበ ዮናሳ ክለ ባዛፓ መለ ክሌ ባዝ ኡንትስ እንግንቶስ።
MAT 12:40 ዮናሳ ሞሎ ሳዛ Ꮉይꬕ አዋራን Ꮉይꬕ ቃማ ጋምእዳን ፋና አስ ናአ Ꮉይꬕ አዋራን Ꮉይꬕ ቃማ ሳአ ጋꬃ ጋምኦዳ።
MAT 12:41 ነነዌ አሱንꬅ ፍርዳ ቃማ ደንዲ Ꮉና የለቱንꬃራ ዎላ ኡንታላ አፋ ፍርዶዳ፤ አኮስ ጋይኮ፥ ኡን ዮናሳ ስብከቶ ስእ ፋ ናጋርትፓ ማቅዳ። ይኬ፥ ዮናሳፓ ኣꬍዘ Ꮉነ የነ።
MAT 12:42 ፍርዳ ቃማ ዬካ ካትታ ደንዲ Ꮉና የለቱንꬃራ ዎላ ኡንታላ አፋ ፍርዶዳ፤ አኮስ ጋይኮ፥ እዛ ሶሎሞነ ጭንጫትꬅቶ ስኦደስ ሳአ ጋጻፓ ይእዳ። Ꮉይቼ፥ ሶሎሞናፓ ኣꬍዘ Ꮉነ የነ።
MAT 12:43 «ቱና አያና አꬄፓ ኬዝደፓ ሱባ ፋስ ሸምፕዘ በሲ ኮይ Ꮉꬅ ባይዘ በሳ Ꮉንታነ፥ የዝን ፋ ኮይዘ ሸምፖ ደንጎስ።
MAT 12:44 የዝን፥ ‹ታ አሺ ከዝደ ኬꬅተ ማቂ Ꮉንጎዳ› ያጋነ። ኤ ማቅዘ ዎደ ኬꬅታ ካይስ ማቅዳኖን ፍጽንቲ ሎእ በትዳኖ ደንጋነ።
MAT 12:45 ይኬ፥ ማቂ Ꮉንግ፥ ፋፓ ኢታ መለ ላፑን ኢታ አያኑንꬃና ኤኪ የእነ፤ ኡንትን እዘ ገሊ የዛነ። የ አꬄስ ቲኖስትፓ ሱባና ጋማ ኢታነ። የ ኢታ የለቱንꬃላ አፋ ይኒ ፋና ይአዳ» ያጋይዳ።
MAT 12:46 የሱሳ ዎርዥትስ ኦሄላ አፋ የዝን ኤ እንታን ኤ እሹንꬅ ኤዛ ኦህሳደስ ኮይ ባለ ኤቅዳ።
MAT 12:47 ፈቲ አስ ኤጎ፥ «ነ እንታን ነ እሹንꬅን ነና ኦህሳደስ ኮይ ባለ ኤቅዳ» ያጋይዳ።
MAT 12:48 የሱሳ ማህ፥ «ታ እንታ ኦደ? ታ እሹንꬅን ኦደ?» ያጋይዳ።
MAT 12:49 ፋ ኩሽትራ ታማሩንꬃና ማልተራ፥ «ቦኦተ፥ ታ እንታን ታ እሹንꬅን Ꮉንሳና።
MAT 12:50 ሳሎ የዘ ታ አዳይ ቆፍቶ ኦችዘ ኡቡንꬅ ታስ እሸ፥ ታስ ምሾን ታስ እንዶ» ያጋይዳ።
MAT 13:1 የ ዎደ የሱሳ ካራፓ ኬዚ አባ ጋጻ በትዳ።
MAT 13:2 ጋማ አሱንꬅ ኤ ካለ ሺቅን አሱንꬃና አባ ጋጻ አሺ አሺ ጎንገ ገሊ በትዳ አሱንꬅን ኡባ አባ ጋጻ ኤቅዳ።
MAT 13:3 አሱንꬅስ ጋማ ባዝ አዝዘራ ያጋእ ኦህዳ: «ፈቲ ቡዱꬅ ቡድዘ ቡዱꬅ ቡዶደስ ከዝዳ።
MAT 13:4 ኤ ቡድዘ ዎደ ፈቲ ፈቲ ቡዱꬅታ ኦገ ጋጻላ ዎꬍዳ፤ ኡንታና ላንዱንꬅ ይእ ማጺ ሙይዳ።
MAT 13:5 ፈቲ ፈቲ ቡዱꬅታ ኦሞራ ላላ የዘ ሳአ ዎꬍዳ። ጋማ ሳአ ባይዘ ግሾ ኤልሲ ዶልዳ።
MAT 13:6 የዝን አዋ ከዝን ሹልዳ፤ ጻጶ ባይዘ ግሾ መልዳ።
MAT 13:7 ፈቲ ፈቲ ቡዱꬅታ አንጋꬅ ግዳ ዎꬍዳ፤ አንጋꬅታ ድጪ ይና ዶልቶ ጩልዳ።
MAT 13:8 መሉንꬅ ማህ አራዳ ሳአላ ዎꬍዳ፤ ዶሊ ኣፈ ኣፍዳ። ፈታይ ጼት፥ ፈታይ እዝፑንታም፥ ፈታይ ማህ Ꮉስታም ኣፍዳ።
MAT 13:9 ስእዘ Ꮉየ የዘ ስኦ» ያጋይዳ።
MAT 13:10 የሱሳ ታማሩንꬅ ኤጎ ሺቂ፥ «አኮስ ነ ዎርዥትስ አዝዘራ ኦሄ?» ያጋእ ኦጭዳ።
MAT 13:11 ኤ ማህ፥ ይንትስ ሳሎ ካእቱሞ ጋꬅ ቆፋ ኤራ እንግንትዳ፥ የዝን ኡንትስ እንግንትካያ።
MAT 13:12 የዘ ኡቡንꬅስ ጉጁንቶዳ፥ ኤስ ጋማዳ፥ የዝን ባይዘፓ መለ አቶ የዝን ኤስ የዛይን ኤክንቶዳ።
MAT 13:13 ይኒ ግሾ፥ ታኒ ኡን፥ ብእተራ ደንጋመ ፋና፥ ስእተራ ስአመ ፋና ዎይ ቆፓመ ፋና ኡንትስ አዝዘራ ኦህነ።
MAT 13:14 ኢሳያሳ ፋ ማጻፍተ ኦህዳና ኡንታላ አፋ ፎልንትዳ። ኤ ኦህተራ፥ «ይን ስስ ስእነ፥ የዝን ቆፖስ፤ ይን በእነ፥ የዝን ቦኦስ።
MAT 13:15 አኮስ ጋይኮ፥ Ꮉንꬅ አሱንꬅ ዎዝንታ ሙምዳ፤ ፋ Ꮉይቶ ዶዥዝዳ፥ ፋ ኣፍቶ ጎዝዳ። ይንፓ ደንዲ ፋ ኣፍትራ ቦኦስ፥ ፋ Ꮉይትራን ስኦስ፥ ፋ ዎዝንተን ቲሮስ፥ ታጎ ማቃደስ ዳንዳኦስ፥ ታንን ኡንታና ፋꬆስ ያጋይዳ።
MAT 13:16 «የዝን ይን ኣፍታ በእዘ ግሾን ይን Ꮉይታ ስእዘ ግሾ አንጅንትዱንꬃና።
MAT 13:17 ታ ይንትስ ቱሮ ኦህነ፤ ጋማ ናቡንꬅን ጽሎ አሱንꬅ ይን በእዛኖ በአደስ ይን ስእዛኖ ስኦደስ አሙꬍዳ፥ የዝን ኡንትስ Ꮉንካያ።
MAT 13:18 «ይኬ፥ Ꮉይ ቡዱꬅቶ ቡድዘ አꬄ አዝዝቶ ስኦተ።
MAT 13:19 ኦገ ጋጻ ዎꬍደ ቡዱꬅት አዝዝታ Ꮉኖ፤ ሳሎ ካእቱሞ ቃላ ስእ ቲሮሰ አꬄ ዎዝንትፓ ጻላሄ ይእ ኤ ዎዝንተ የዘ ቡዱꬅቶ ማጺ Ꮉሳነ።
MAT 13:20 ላላ ኦሞ የዘ ሳአላ ቡድንትደ ቃላ ስእ ኤልሲ ኡፋይት ኤክዙንꬃና።
MAT 13:21 የዝን ጻጶ ዳኮደስ ዳንዳኦሰ ግሾ ጋምኦስ። ቃላ ግሾ ማꬋ ዎይ ባይꬅ የእዘ ዎደ ኤልሲ ꬉብንታነ።
MAT 13:22 አንጋꬅ ግዳ ቡድንትደ ቃላ ስእነ፥ የዝን Ꮉና አላመ የስ ይርጋፓን ዱርቱሞ ቆፋፓ ቃልቶ ጩልደ ግሾ ኣፈ አፋንጺ አትዳ።
MAT 13:23 የዝን አራዳ ሳአ ቡዱንንትደ ቡዱ ቆፋራ ቃልቶ ስእዘ አስ። ኤ ኣፈ አፋነ፤ ፈታይ ጼት፥ ፈታይ እዝፑንታም ፈታይ ማህ Ꮉስታም አፋነ» ያጋይዳ።
MAT 13:24 የሱሳ ኡንትስ መለ አዝዘ ኦህዳ፥ «ጾዘ ካእቱሞ ፋ ጋድተ ሎኦ ቡዱꬅ ቡድደ አꬃ አዛነ።
MAT 13:25 የዝን አስ ኡባ ገንትን ኤ ሞርክዘ ይእ ዛርግት ግዳ ዛርዶ ቡድ ቅትዳ።
MAT 13:26 ዛርግታ ድጪ አፎደራ ዛርድዘን የ ዎደ በንትዳ።
MAT 13:27 «ጋድቲ አዳይ አሩንꬂ አደጎ Ꮉንግ፥ ‹ላꬆ፥ ነ ጋድተ ነ ሎኦ ቡዱꬅ ቡድካ? ዬዝን፥ ዛርዶ አናፓ ይእዶ? ያጋይዳ።
MAT 13:28 «ኤ ኡንታጎ፥ ‹ይኖ ሞርከ ኦችዳ› ያጋይዳ። «አሩንꬂ ላꬄጎ፥ ‹ኑ Ꮉንግ ዛርድቶ ሾዶደ ጋር ኮያነ?› ያጋይዳ።
MAT 13:29 «የዝን ኤ፥ ‹አቶ ቦችፐ፤ ይን ዛርድቶ ሾዳነ ጋዉደራ ዛርግታ ሾድንቶዳ።
MAT 13:30 ቦችፐተ፤ ማጽዘ ዎደ የሎደስ ዎላ ድጮ። የ ዎደ ማጽዙንꬅ ዛርድቶ ቲኒ ሾዲ ታማር ኤꬆደስ ምርቀራ ምርቀራ ጋዶተ። የዝን ዛርግቶ ሺሺ ታ ፋችተ ገልꬆተ› ጋውዳ» ያጋይዳ።
MAT 13:31 ማህ መለ አዝዘ ያጋእ ኦህዳ፤ «ሳሎ ካእቱሞ ፈቲ አስ ፋ ጋድተ ቡድደ ኤራꬅ ምንጻ ኣፈ አዛነ።
MAT 13:32 ይና ኣፍታ መለ ምንጻ ኣፈ ኡባፓ ኤራꬅ፥ የዝን ዶልታ ድጪ መለ ምንጻ ኡባፓ አꬊ ዳማነ። እ ዣንግትላ ላንዱንꬅ ኬጺ በቶደ ዎንꬅስ ዳማ ምንጻ ማቃነ» ያጋይዳ።
MAT 13:33 ማህን፥ የሱሳ መለ አዝዘ ኦህዳ፤ «ሳሎ ካእቱሞ ፈቲ ማችታ Ꮉይꬕ ጋባተ ꬊላ ኤኪ ሙኑቅደ፥ ሙኑቅታ ደንዶደ ፋና እዘ ጉጅደ እርሾ አዛነ» ያጋይዳ።
MAT 13:34 የሱሳ ዎርዥትስ ይና አዝዝቶ ኡባ ኦህዳ። አዝዘ ባይዝን ፈቲ ባዝን ኦህካያ።
MAT 13:35 ናብዘ ፋ ማጻፍተ፥ «ታኒ ታ ዶና፥ አዝዘራ ቡጋነ፤ ሳሎን ሳአን መꬍንትዳንፓ፥ አችንትዳኖ ኦህነ» ያጋእ ኦህዳና Ꮉነ ፎልንትዳ።
MAT 13:36 የሱሳ ዎርዥቶ ሞይዚ ኬꬃ ገልዳ። ኤ ታማሩንꬅ ኤጎ ሺቂ፥ «ጋደ የዘ ዛርዶ ብልꬅቶ ኑስ ኦሆ» ያጋይዳ።
MAT 13:37 ኤ ማህ፥ «ሎኦ ቡዱꬅቶ ቡድደ አስ ናአ።
MAT 13:38 ጋድታ Ꮉና አላምቶ። ሎኦ ቡዱꬅታ ሳሎ ካእቱሞ ናኡንꬃና። ዛርድዘ ጻላሄ ናኡንꬃና።
MAT 13:39 ዛርድዛ ቡድደ ሞርከ ጻላሄ። ማጽዘ ዎድታ፥ ዎደ ዉርሱꬅተ። ማጽዙንꬅ ኪታንቹንꬃና።
MAT 13:40 «ዛርዶ ማጺ ታማ ኤꬅዛን ጋር ዎደ ዉርሱꬅተ ይኒ ጋር ማቃዳ።
MAT 13:41 አስ ናአይ ፋ ኪታንቹንꬃና ኪቶዳ። ኡን ናጋራስ ምክናተ ማቅዱንꬃና ኢታ ኦችዘ ኡባ ማጺ ኤ ካእቱምትፓ ከሶዳ።
MAT 13:42 ዬፎን አች ጋርጭንገ ኣꬊ ኤጽዘ ታማ ኦሎዳ።
MAT 13:43 የ ዎደ ጌሹንꬅ ፋ አዳይ ካእቱምተ አዋ ጋር ፎኦዳ። ስእዘ Ꮉየ የዘ ስኦ!
MAT 13:44 «ሳሎ ካእቱሞ ጋደ ሞጉንትደ ሚሸ ፋና። ፈቲ አስ ይና ሚሽቶ ደንግ ማህ ሞግዳ። ጋማ ኡፋይት Ꮉንግ ፋስ የዘ ባዝ ኡባ ባይዝ ይና ኦቻ ጋድቶ ዎንግዳ።
MAT 13:45 «ይኒ ጋራ፥ ማህ ሳሎ ካእቱሞ እንቆ ጋዘ አልኦ ሹች ኮይዘ ዛልአንቾ አዛነ።
MAT 13:46 ጋማ አልኦ እንቅዛ ደንግ Ꮉንግ ፋስ የዘ ባዝ ኡባ ባይዝ ኤዛ ዎንግዳ።
MAT 13:47 «ማህ ሳሎ ካእቱሞ አባ ኦልንትደ ዱማ ዱማ ሞሎ አይክዘ ግተ አዛነ።
MAT 13:48 ሞሎ አይክዘ አሱንꬅ ሞሎ ግትተ ኩምን አባፓ ጋጻ ከስዳ። እዘ በቲ ሎእቶ ቁሪ ቁሪ ዳቾ ኦልዳ፥ የዝን ኢቶ አላ ኦልዳ።
MAT 13:49 ዎደ ዉርሱꬅተ ይኒ ፋና Ꮉኖዳ። ኪታንቹንꬅ ይእ ናጋራንቹንꬃና ጽሉንሳፓ ሻኪ፥
MAT 13:50 ዬፎ አች ጋርጭንገን አꬊ ኤጽዘ ታማ ኦሎዳ።
MAT 13:51 «Ꮉና ኡባና ይንትስ ገልዳ?» ያጋእ ኡንታና ኦጭዳ። ኡን ማህ፥ «ዬ» ያጋይዳ።
MAT 13:52 የሱሳ፥ «ይኬ፥ ሳሎ ካእቱሞ ካልዘን ህገ ታማረ ኡባ፥ ፋ ምንጅደ ቆሎፓ ክለን ጋልአ ኬስዘ አስ አዛነ» ያጋይዳ።
MAT 13:53 የሱሳ ይና አዝዝቶ ኦህ Ꮉስዳንፓ ሱባ የይጋፓ ደንዲ ቅትዳ።
MAT 13:54 ፋ የልንትደ ሳአ Ꮉንግ አይሁደ ዎሳ ኬꬃ ዎርዥቶ ታማርስዳ። ኡን ጋማ ቆፒ፥ «Ꮉይ አꬄ Ꮉና ጭንጫትꬅቶን ዎልቃ ኩምደ ክለ ባዝቶ አናፓ ኤክዶ?
MAT 13:55 Ꮉይ አናጽዘ ናአ ባነ? ኤ እንቲ ሱንꬅታ ማይራሞ ባነ? ኤ እሹንꬅ ያይቆባ፥ ዮሰፋ፥ ስሞናን ይሁዳ ባነ?
MAT 13:56 ኤ ምሹንꬅ ኑራ የዙንꬃና ባነ? ዬዝን፥ Ꮉይ አꬄ Ꮉኖ ኡባኖ አናፓ ኤክዶ?» ያጋይዳ።
MAT 13:57 ይኒ ግሾ፥ ኤ ጋዘ ባዝቶ ኤካንጽ እጽዳ። የዝን የሱሳ፥ «ናበ ፋ የልንትደ ሳአን ፋ ካራ አሱንꬅ ካለ ቦንችንቶስ» ያጋይዳ።
MAT 13:58 ኡን አማናንጽደ ግሾ ጋማ ክሌ ባዝ ይና በስተ ኦችካያ።
MAT 14:1 የ ዎደ አህዘ ሄሮድሳ የሱሳ ባዝ ስእዳ።
MAT 14:2 ፋ አሩንꬃጎ፥ «ይኬ ጻማቅዘ ዋሐንሳ፤ ኤ Ꮉይቆፓ ደንድዳ። ይኒ ግሾ Ꮉኖ ኡባ ክለ ባዝቶ ኤ ኦቻነ» ጋይዳ።
MAT 14:3 ኤ ይኖ ጋይዳና ሄሮድሳ ፋ እሸ ፍልጶሳ ማችት ሄሮድያዳ ምክናተራ ዋሐንሳ አች ኬꬃ ገልꬅደ ግሾ።
MAT 14:4 ዋሐንሳ ሄሮድሳጎ፥ «ነ እዞ ኤኮደስ ቤዞስ» ያጋይዳ።
MAT 14:5 ሄሮድሳ ዋሐንሳ ዎꬎደስ ኮይዳ፥ የዝን ዎርዥታ ዋሐንሳ ናበ ማህ በእዘ ግሾ ዣሽትዳ።
MAT 14:6 ሄሮድሳ ፋ የልንትደ ቃምቶ ቦንችዘ ዎደ ሄሮድያዳ ናእታ አሱንꬅ ቲኖ የጽተራ ዶሊ ኤዛ ኡፋይስዳ።
MAT 14:7 ዬዝን፥ ኤ፥ «እዛ ኮይዘ ባዝ ኡባ እንጎዳ ጋእ» ጫቅዳ።
MAT 14:8 ናእታ ፋ እንቲ ዞረ ስእ ሄሮድሳጎ፥ «ጻማቅዘ ዋሐንሳ ኦምቶ ጋባተ ጋዲ ታስ እንጎ» ያጋይዳ።
MAT 14:9 እዛ ያጋእን ካትዘ ቆፒ አዛንዳ፥ የዝን ፋ ጫቅት ግሾን ፋራ የዘ ዛቁንꬅ ግሾ ጋእ እዛ ኦጭዳኖ ፎሎደ ፋና ኪትዳ።
MAT 14:10 ካትዘ አስ ኪቲ ዋሐንሳ አች ኬꬃ የዝን ኤ አፉርቶ ጋችዳ።
MAT 14:11 ኦምቶ ጋባተ ጋዲ ክእ ናእትስ እንግዳ፤ ናእታን ኤኪ ፋ እንትስ ካንግዳ።
MAT 14:12 ዋሐንሳ ታማሩንꬅ ይእ ኤ አህቶ ካንግ ሞግዳ። ይንፓ ሱባ Ꮉንደ ባዝ ኡባ Ꮉንግ የሱሳስ ኦህዳ።
MAT 14:13 የሱሳ Ꮉንደ ባዝቶ ስእደ ዎደ ጎንገ ገሊ ይና በስትፓ ፈቲ ጌማ በሳ ፋስ ቅትዳ። አሱንꬅ ይኖ ስእ ካታማፓ ደንዲ ቶሄራ ኤዛ ካልዳ።
MAT 14:14 የሱሳ ጎንገፓ ዎꬊ ጋማ አሱንꬃና ብእ ኡንትስ ይቅስንትዳ። ኡን ግዳ የዘ Ꮉርግንትዙንꬃና ፋꬅዳ።
MAT 14:15 ሳእታ ኡጉሮደራ የሱሳ ታማሩንꬅ ኤጎ ሺቂ፥ «Ꮉና በስታ አኮ ባይዘ ጋናስ በሲ፥ ሳእታን ቃምዳ። ይኒ ግሾ፥ ካለ የዘ ካራ ጋንጨ Ꮉንግ ፋስ ካꬃ ዎንጎደ ፋና አሱንꬃና ዳኮ» ያጋይዳ።
MAT 14:16 የዝን የሱሳ ኡንታጎ፥ «አሱንꬅ ቅቶደስ ቤዞስ፤ ኡን ሞኦደባዝ ይን እንጎተ» ያጋይዳ።
MAT 14:17 ኡን ማህ፥ «ኑራ Ꮉነ እችን ቦራፓን ላምእ ሞሎፓ መለ ባያ» ያጋይዳ።
MAT 14:18 ኤዝን፥ «አነ የዛኖ Ꮉንካ ኮኦተ» ያጋይዳ።
MAT 14:19 ማህ፥ ዎርዥቶ ማታላ በቶደ ፋና ኦህዳ። እችን ቦርቶን ላምእ ሞልቶ ኤኪ፥ ሳሎ ብእ ጋላቲ ማቂ፥ ቦርትፓ ባጽ ፋ ታማሩንꬅስ እንግዳ፤ ኡን ማህ አሱንꬅስ እንግዳ።
MAT 14:20 ኡቡንꬅ ሙእ ምዥዳ። ኡንትን ሙእን አትደ ታጶ ላምእ ሌማተ ደንꬅዳ።
MAT 14:21 ካꬅቶ ሙይደ አሱንꬅ ማቹንꬅን ናኡንꬅን አትን እችን ሙኩል ማቃነ።
MAT 14:22 ኤልሲ የሱሳ ታማሩንꬅ ጎንገ ገሊ ፋፓ ቲኒ አባፓ ሰኮ ፍንꬅ ፊንጎደ ፋና ኪቲ ፋስ አሱንꬃና ሞይዞደስ ሱብ አትዳ።
MAT 14:23 አሱንꬃና ሞይዚ ማቂ ፋስ ዎሶደስ ፈቲ ደረላ አፋ ከዝዳ። ሳእታ ቃምን ኤ ፋስ የይጋ ጋምእዳ።
MAT 14:24 የ ዎደ ጎንግዘ አባላ ሳአፓ ኤራꬅ ክሎ ምትረ Ꮉንግዝን ቲኖ ዛላራ ጎተ ደንዲ ዙሉንታ ጎንግዛ ኡንእꬅዳ።
MAT 14:25 ዎንትማላ የሱሳ አባላ የꬍተራ ፋ ታማሩንꬃጎ ይእዳ።
MAT 14:26 ኤ ታማሩንꬅ፥ ኤ አባላ የꬍተራ ኡንታጎ ይእዛኖ ብእ ዣሽትዳ። ኡንትን፥ «Ꮉይ ሜሸ» ጋእ ዣሽቲ ኡክዳ።
MAT 14:27 የዝን የሱሳ ኤልሲ፥ «አኮን ባያ! ዣሽትፐተ! ታና» ያጋይዳ።
MAT 14:28 ጴጥሮሳ ኤጎ፥ «ላꬆ፥ ነና ማቅኮ፥ ታኒ Ꮉꬅትላ አፋ የꬊ ኔጎ Ꮉንጎደ ፋና ታና ኪቶ» ያጋይዳ።
MAT 14:29 የሱሳ ጴጥሮሳጎ፥ «Ꮉንካ ዮኦ» ያጋይዳ። ጴጥሮሳን ጎንግዘፓ ዎꬊ Ꮉꬅትላ አፋ የꬍተራ የሱሳጎ Ꮉንገ አይክዳ።
MAT 14:30 የዝን ዎልቃማ ጎተ ብእ ዣሽትዳ። Ꮉꬅታን ቆ አይክደ ዎደ «ላꬆ፥ ታና አሾያ» ያጋእ ኡክዳ።
MAT 14:31 የሱሳ ኤልሲ ፋ ኩሽቶ ዳኪ ኤዛ አይኪ፥ «ናተ፥ አማኖ ፋጭዳዮ አኮስ ሶኤ» ያጋይዳ።
MAT 14:32 የሱሳራን ጴጥሮሳራ ጎንገ ገልደ ዎደ ጎቱታ ስእ ጋይዳ።
MAT 14:33 ጎንግተ የዘ ኤ ታማሩንꬅ፥ «ነ ቱሪ ጾዝ ናአ» ጋእ ጎይንዳ።
MAT 14:34 ኡን አባ ፊንግ ጌንሳሬጠ ጋደ የልዳ።
MAT 14:35 ይና ጋድተ የዘ አሱንꬅ የሱሳ ኤርደ ዎደ ፋ ካራ ጋንጨ የዘ ጉቱተ ኡባነ ኪታ ዳክዳ። አሱንꬅ Ꮉርግንትዙንꬃና ኡባ ኤጎ ክእዳ።
MAT 14:36 Ꮉርግንትዙንꬅ ኤ አፉላ ጋጽቶ ጻላላ ቦቾደ ፋና ዎስዳ። ቦችደ ኡቡንꬅ ፋጽዳ።
MAT 15:1 ይንፓ ሱባ፥ ፈቲ ፈቲ ፋርሳዉንꬅን ህገ አስታማሩንꬅ የሩሳላመፓ የሱሳጎ ይእ፥
MAT 15:2 «ነ ታማሩንꬅ አኮስ ኑ አዱንꬅ ዎግቶ መን? ኡን ካꬃ ማአደፓ ቲኖ ፋ ኩሽቶ ሜጭንቶስ» ያጋእ ኦጭዳ።
MAT 15:3 የሱሳ ማህ፥ «ይን፥ ይን ዎጋ ግሾ ጾዘ ኪታ ፎልዛኖ አኮስ እጸ?
MAT 15:4 አኮስ ጋይኮ፥ ጾዚ፥ ‹ነ አዳያን ነ እንቶ ቦንቾ። ኤ ፋ አዳያ ዎይ ፋ እንቶ ጫዥዘ Ꮉይቆ ጋይካ?› ያጋይዳ።
MAT 15:5 የዝን ይን፥ ፈቲ አስ ፋ አዳያ ዎይ ፋ እንቶ ማዶደባዝ የዝን፥ ‹ይን ታፓ ደንግዘ ማድቶ ጾዘስ ዣርሽዳ ጋይኮ፥
MAT 15:6 ፋ አዳያ ዎይ እንቶ ቦንቾደስ ቤዞስ› ያጋነ። የዝን ይን፥ ይን ዎጋ ፎሎደስ ጾዘ ቃላ መንꬃነ።
MAT 15:7 ይን፥ ጩቡንꬆ፥ ኢሳያሳ ይን ባዝ ልከ ኦህዳ፥
MAT 15:8 «‹Ꮉንꬅ አሱንꬅ ታና ፋ ዶንተ ቦንቻነ፥ የዝን ኡን ዎዙንታ ታፓ Ꮉኮ የነ።
MAT 15:9 አሱንꬅ ታና ጨር ጎይናነ፤ ኡን አስ መꬍደ ዎጋ ጾዘ ህገ አዝዝ ታማርሳነ› ጋይዳ» ያጋይዳ።
MAT 15:10 የሱሳ ጋማ አሱንꬃና ፋጎ ጼጊ፥ «ስኦተ! ቆፖተ!
MAT 15:11 አስ ቱንዘ ባዝ ዶናራ ገልዘባዝ ባይዝን ዶናፓ ከዘ ባዝ» ያጋይዳ።
MAT 15:12 ይንፓ ሱባ፥ የሱሳ ታማሩንꬅ ኤጎ ይእ፥ «ፋርሳዉንꬅ ነ ጋይዳኖ ስእ ꬉቡንትዳኖ ኤራነ?» ያጋይዳ።
MAT 15:13 የዝን የሱሳ ኡንትስ ማህ፥ «ሳሎ የዘ ታ አዳይ ቱክካይዘ ምንጻ ኡባ ሾድንቶዳ።
MAT 15:14 ኡንባዝ አሺ አሾተ፤ ኡን ቆቀ ካልስዘ ቆቁንꬃና። ቆቀ ቆቀ ካልꬅኮ፥ ላምኡንꬅን ጋጋ ቅታነ» ያጋይዳ።
MAT 15:15 ጴጥሮሳ ማህ፥ «ይና አዝዘ ብልꬅቶ ኑስ ኦሆያ» ያጋይዳ።
MAT 15:16 የሱሳ ኡንታጎ፥ «ይንትስን Ꮉኖ የሎደስ ገልካነ?
MAT 15:17 ዶናራ ገልደባዝ ኡባ ሳዛ ገሊ ባለ ኬዝዛኖ ኤሮስተ?
MAT 15:18 የዝን ዶናራ ከዘ ባዝ ዎዝናፓ ከዛነ። አስ ቱንዘ ባዝ የንሳና።
MAT 15:19 ኡንትን አስ ዎዝና ግዳፓ ከዝዘ ኢታ ቆፋ፥ ዎ፥ ኦላለ፥ ጎመ ዎይኤ፥ ካይዞ፥ ዎርዶ ማርክ፥ ጫሽ።
MAT 15:20 የንሳና አዝዘ ባዝታ አስ ቱንዛነፕ አትን ሜጭንትካይዘ ኩሸራ ሙዛና ቱንዞስ» ጋይዳ።
MAT 15:21 ይንፓ ሱባ፥ የሱሳ የይጋፓ ኬዚ ጢሮሳን ስዶና ካታማ ቅትዳ።
MAT 15:22 ፈቲ ካናነ ሳአ ማችታ የሱሳጎ ይእ፥ ፋ ቃልቶ ꬎቅ ዪዚ፥ «ላꬆ፥ ዳዉተ ናአዮ፥ ታስ ይቅስንቶያ፤ ታ ናቶ ቱና አያና አይኪ ኢታ ዋይꬃነ» ያጋይዳ።
MAT 15:23 የዝን የሱሳ ፈቲ ቃላ ማህካያ ስእ ጋይዳ። የሱሳ ታማሩንꬅ ኤጎ ይእ፥ «Ꮉና ማችታ ኑ ሱብቶ ካሊ ዉይሳነ። ይኒ ግሾ፥ ነ እዞ ሞይዞያ» ያጋእ ዎስዳ።
MAT 15:24 የሱሳ ማህ፥ «ታኒ ዉደፓ ꬋብደ ዱሩንꬃና እስራኤለ ኬꬃፓ ꬋብደ አሱንꬅ ጻላላስ ኪትንትዳ» ያጋይዳ።
MAT 15:25 የዝን እዛ፥ ኤ ቲንተ ቡንቁንቲ፥ «ላꬆ፥ ታና ማዶያ?» ያጋይዳ።
MAT 15:26 ኤ ማህ፥ «ናኡንꬅ ካꬃ ኤኪ ካኑንꬅስ ኦልዛና ሎኦ ባያ» ያጋይዳ።
MAT 15:27 ማችታን፥ «ላꬆ፥ ይና ቱሮ፥ የዝን መለ አቶ የዝን ካኑንꬅ ፋ ላꬁንꬅ ሙዝን፥ ሌማትፓ ዎꬍዘ ጉፋ ሙነ» ያጋይዳ።
MAT 15:28 የሱሳ ማህ፥ «Ꮉና ማችተ፥ ነ አማንታ ዳማ፤ ነ ኮይዳን ፋና ኔስ Ꮉኖ» ያጋይዳ። እ ናታ ኢራ ፋጺ አትዳ።
MAT 15:29 የሱሳ ይንፓ ደንዲ ጋልላ አባ ካለ Ꮉንግዳ። ፈቲ ደረላ አፋ ኬዚ፥ እዘ በትዳ።
MAT 15:30 ጋማ አሱንꬅ፥ ዎቡንꬃና፥ ቆቁንꬃና፥ ኩንዱንꬃና፥ ዶና ሙሙንꬃና፥ መለ ጋማ Ꮉርጋንቹንꬃና ኤኪ፥ ኤጎ ክእ ኤ ቲንተ ጋድዳ። የሱሳ ኡንታና ፋꬅዳ።
MAT 15:31 ይኒ ግሾ፥ ሙሙንꬅ ኦህንትዝን፥ ጉንዱንꬅ ሉለዝን፥ ዎቡንꬅ የꬍዝን፥ ቆቁንꬅ በእዝን አሱንꬅ ብእ ጋማ ቆፕዳ፥ እስራኤለ ጾዛ ጋላትዳ።
MAT 15:32 የሱሳ ፋ ታማሩንꬃና ፋጎ ጼጊ፥ «Ꮉንꬅ ጋማ አሱንꬅ ታራ Ꮉይꬕ ቃማ ጋምእደ ግሾን ኡንትስ Ꮉተ ሙእዘ ባዝ ባይዘ ግሾ ታኒ ኡንትስ ይቅስንታነ። ኡን ኦገ ላቢ ጎልአመ ፋና አኮ ሙዝካይዛራ ኡንታና Ꮉሪ ዳኮደስ ኮዮስ» ያጋይዳ።
MAT 15:33 ኤ ታማሩንꬅ ማህ፥ «ኑኒ Ꮉና አኮ ባይዘ ሳአ Ꮉኒ ፋና የዘ አሱንꬅስ ማቃደ ካꬃ አናፓ ደንጎደ?» ያጋይዳ።
MAT 15:34 የሱሳ ኡንታጎ፥ «ይንትስ ዋንꬅ ቦራ የዘ?» ያጋእ ኦጭዳ። ኡን ማህ፥ «ላፑን ቦራን ይሻ ኤራꬅ ሞሎ የነ» ያጋይዳ።
MAT 15:35 የሱሳ አሱንꬃና ሳአላ በቶደ ፋና ኪትዳ።
MAT 15:36 ይንፓ ሱባ፥ ይና ላፑን ቦርቶን ሞሉንꬃና ኤኪ ጾዝ ጋላትዳ። ባጽ ፋ ታማሩንꬅስ እንግዳ። ኤ ታማሩንꬅ አሱንꬅስ ግሽዳ።
MAT 15:37 አሱንꬅን ኡባ ሙእ ምዥዳ። ኡንትን፥ ሙእን አትደ ጉፋ ላፑን ሌማተ ኩሙꬅ ደንꬅዳ።
MAT 15:38 ሙይደ አሱንꬅ ማቹንꬅን ናኡንꬅን ፋይድንትካይዝን ꬊራꬅ ጻላላ ኦይዲ ሙኩል።
MAT 15:39 የሱሳ አሱንꬃና ዳክደፓ ሱባ ጎንገ ገሊ ማገዶና ሳአ ቅትዳ።
MAT 16:1 ፋርሳዉንꬅን ሳዱቃዉንꬅ የሱሳጎ ይእዳ። ኤዛ ፋታኖደስ ኮይ፥ ፋና ሳሎፓ ማላ ቤዞ ጋእ ኦጭዳ።
MAT 16:2 የዝን ኤ ኡንታጎ፥ «ሳአ ኡጉርዘ ዎደ ‹ሳሎ ዞቂደ ግሾ ዎንታ አዎዳ› ያጋነ።
MAT 16:3 ዎንትዘ ዎደ፥ ‹ሳሎ ዞቂ ꬎንꬍደ ግሾ እራ ቡኮዳ› ያጋነ። ዬዝን ይን ሳሎ ማላ ብእ ኤራነ፥ የዝን ዎደ ማላ ኤሮደስ ዳንዳእካያ።
MAT 16:4 ኢታን አማንንቶሰ የለቱንꬅ ማላ ኮያነ። የዝን ኡንትስ ዮናሳ ማላፓ መለ ማላ እንግንቶስ» ያጋይዳ። ይንፓ ሱባ፥ ኡንታና እዘ አሺ መለ በሳ ቅትዳ።
MAT 16:5 ኡን አባፕ ጎደ ፍንꬃ ፊንግደ ዎደ ዳቦ ኤኪ ዮኦዳኖ ቦትዳ።
MAT 16:6 የሱሳ ኡንታጎ፥ «ፋርሳዉንꬃፓን ሳዱቃዉንꬅ እርሾፓ ናግንቶተ» ያጋይዳ።
MAT 16:7 ኡንትን ፋ ግዳ፥ «ኤ ይኖ ጋይዳና ኑ ዳቦ ኤኪ ይእካይዘ ግሾ ማቃዳ» ያጋይዳ።
MAT 16:8 የሱሳ ኡን ቆፍቶ ኤሪ፥ «ይን፥ አማኖ ፋጨዙንꬆ! ዳቦ ኤካንጽ ይእደ ግሾ ዎል ግዳ አኮስ ኦህንተ? ጋእ ኦጭዳ።
MAT 16:9 Ꮉተን ይን ቲሮስተ? እችን ሙኩል አሱንꬅ እችን በሸ ቦራ ግሽዳኖን ኡን ሙእ ምዥን ይን ዋንꬅ ሌማተ ኩሙꬅ ደንዛኮ ቦትዳተ?
MAT 16:10 ይኒ ጋራን፥ ላፑን ቦራ ኦይዲ ሙኩል አሱንꬅስ ግሽዳኖ ኡን ሙእ ምዥን፥ ይን ዋንꬅ ሌማተ ኩሙꬅ ደንዛኮ ቲሮስተ?
MAT 16:11 ይኬ፥ ታኒ ፋርሳዉንꬅን ሳዱቃዉንꬅ እርሾፓ ናግንቶተ ጋእ ኦህዛና ዳቦ ባዝ ማቆሳኖ ቲሮስተ?» ያጋይዳ።
MAT 16:12 ዬዝን፥ ኤ ታማሩንꬅ የሱሳ ኦህዘ ቡካ ደንꬆደስ ኦልንትዘ እርሾባዝ ማቅካይዝን ፋርሳዉንꬅን ሳዱቃዉንꬅ ትምርተፓ ናግንቶደ ፋና ማቅዳኖ ቲርዳ።
MAT 16:13 የሱሳ ቂሳርያ ፍልጶሳ ሳአ የልደ ዎደ ፋ ታማሩንꬃጎ፥ «አሱንꬅ፥ አስ ናአያ ኦና ጋኤ?» ያጋእ ኦጭዳ።
MAT 16:14 ኡን፥ «ፈተ ፈተ ጻማቅዘ ዋሐንሳ፥ መሉንꬅ ኤልያሳ ማህ Ꮉንኩንꬅ ኤርምያሳ ዎይ ናቡንꬃፓ ፈታ ጋነ» ያጋይዳ።
MAT 16:15 የሱሳ ማህ፥ «ዬዝን፥ ይን ታና ኦና ጋኤተ?» ጋእ ኡንታና ኦጭዳ።
MAT 16:16 ስሞን ጴጥሮሳ ማህ፥ «ኔኒ ክርስቶሳ፥ ደኦ ጾዘ ናአ» ያጋይዳ።
MAT 16:17 የሱሳ ጴጥሮሳጎ፥ «ዮና ናአ ስሞና፥ ነ አንጅንትዳያ! Ꮉኖ ኔስ ቆንጭዝደ ሳሎ የዘ ታ አዳያፕ አትን አስ ባያ።
MAT 16:18 ታ ኔስ ኦህነ ጴጥሮሳ፥ ነ ላላ! ታኒ Ꮉይ ላልዘላ አፋ ታ ዎሳ ኬꬂ ኬጾዳ። ጋናመ ዎልቃን እዞ ጋሞስ።
MAT 16:19 ሳሎ ካእቱሞ ቁልፈ ታ ኔስ እንጎዳ። ሳአ ነ አጭደባዝ ኡባ ሳሎ ጾዘ ካለ አጭንትደባዝ ማቃዳ። ሳአ ነ ብልደ ባዝ ኡባ ሳሎ ጾዘ ካለ ብልንትደባዝ ማቃዳ» ያጋይዳ።
MAT 16:20 ይንፓ ሱባ፥ ኤ፥ ክርስቶሳ ማቅዳኖ ኦደስን ኦሃመ ፋና ፋ ታማሩንꬅስ ምንꬂ ኪትዳ።
MAT 16:21 ይና ዎድትፓ ደንꬂ የሱሳ ፋ ታማሩንꬅስ፥ «ታኒ የሩሳላመ Ꮉንጎደስ ቤዛነ። የይጋ ዎርዣ ጭሙንꬅ፥ ካህኑንꬅ Ꮉላቁንꬅን ህገ አስታማሩንꬅ ኩሸ ማꬋ ኤኮደስ ቤዛነ። ኡን ታና ዎꬎዳ፥ የዝን ታኒ Ꮉይꬒንꬃ ቃማ Ꮉይቆፓ ደንዶዳ» ያጋእ ቆንጭዝዳ።
MAT 16:22 ጴጥሮሳ የሱሳ ጋጻ ኬሲ፥ «ላꬆ፥ ይኒ ፋና የዘ ባዝ ነና ሙሎን የልፐ!» ያጋእ ካጭዳ።
MAT 16:23 የሱሳ ጴጥሮሳጎ ሱብ ማቂ፥ «Ꮉይ ጻላህዛዮ፥ ታፓ Ꮉኮ! ኔኒ አስ ቆፋ ቆፓነፕ አትን ጾዘ ቆፋ ቆፖሰ ግሾ ታስ ꬉበ ማቃነ» ያጋይዳ።
MAT 16:24 ይንፓ ሱባ፥ የሱሳ ፋ ታማሩንꬃጎ፥ «ኦደን ታና ካሎደስ ኮይዘ ባዝ ማቅኮ ፋና ካዶ፥ ፋ ማስቃልቶ ቶኪ ታና ካሎ።
MAT 16:25 ፋ ሸምፕቶ አሾደስ ኮይዘ ኡቡንꬅ ꬋብሶዳ። የዝን ፋ ሸምፕቶ ታ ግሾ ጋእ አꬂ እንግዘ አሾዳ።
MAT 16:26 አሲ አላመ ኩሙꬅ ፋ ባዝ ማህ፥ ፋ ሸምፕቶ ꬋብስኮ ኤዛ አኮ ማደ? ዎይ አሲ ፋ ሸምፕቶ ዎዞደስ አክ እንጎደስ ዳንዳኤ?
MAT 16:27 አስ ናአ ፋ አዳይ ቦንቾራ ፋ ኪታንቹንꬃራ ዮኦዳ። የ ዎደ ፈቲ ፈቲ አꬄስ ኤ ኦችት ፋና እንጎዳ።
MAT 16:28 ታ ቱሮ ኦህነ፤ አስ ናአ ፋ ካእቱሞ ቦንቾራ ማቂ ዮኦደራ በአደ ዎንꬅስ Ꮉነ ኤቅደ አሱንꬃፓ Ꮉይቃሙንꬅ የነ» ያጋይዳ።
MAT 17:1 እዝፑን ቃማፓ ሱባ የሱሳ፥ ጴጥሮሳ፥ ያይቆባን ኤ እሻ ዋሐንሳ ፋራ ኤኪ ኡንታራ ጻላላ ደረላ አፋ ከዝዳ።
MAT 17:2 እዘ ኡን ቲንተ የሱሳ ብሽታ ላምንትዳ፤ ኤ ስንታን አዋ ፋና ፎጭዳ። ኤ አፉልታን ሎይꬂ ቦጽዳ።
MAT 17:3 ይኬ፥ ሙሴን ኤልያሳን ኤራ ኦህንትዝን ብእዳ።
MAT 17:4 ጴጥሮሳ የሱሳጎ፥ «ላꬆ ኑኒ Ꮉነ ꬉጋ ይእዳ። ነ ኮይኮ ፈታ ኔስ፥ ፈታ ሙሴስ፥ ፈታ ኤልያሳስ Ꮉነ Ꮉይꬕ ጋባ ጋቦዳ» ያጋይዳ።
MAT 17:5 ጴጥሮሳ ይኖ Ꮉጋ ኦህዝን ቦꬅ ፎጭደ ꬎነ ኡንታና ጎዝዳ። ꬎንቲ ግዳራ፥ «ታና ኡፋይስዘ፥ ታ ካዽዘ ናአይ Ꮉያ፥ ኤዛ ስኦተ!» ያጋዘ ቃላ ይእዳ።
MAT 17:6 ኤ ታማሩንꬅ ይኖ ስእደ ዎደ ታኒ ፋ ስንትራ ሳአላ ጎልእዳ።
MAT 17:7 የዝን የሱሳ ኡንታጎ ሺቂ ኡንታና ቦቺ፥ «ደንዶተ፥ ዣሽትፐተ!» ያጋይዳ።
MAT 17:8 ኡን ꬎቅ ጋእ በእዘ ዎደ የሱሳፓ መለ ኦናን ቢካያ።
MAT 17:9 ኡን ደርዘፓ ዎꬍዝን የሱሳ ኡንታጎ፥ «አስ ናአ Ꮉይቆፓ ደንዶደ ዎንꬅስ Ꮉኖ ይን ብእዳኖ ኦደስን ኦህፐተ» ጋእ ኪትዳ።
MAT 17:10 የሱሳ ታማሩንꬅ፥ «ዬዝን፥ ህገ አስታማሩንꬅ ኤልያሳ ክርስቶሳፓ ቲኖ ዮኦዳ ጋይዳና አኮሶ?» ያጋእ ኦጭዳ።
MAT 17:11 የሱሳ ማህ፥ «ዬ! ኤልያሳ ቲኖ ይእ ኡባ ባዝ ጊግዞዳ።
MAT 17:12 የዝን ታ ይንትስ ቱሮ ኦህነ፤ ኤልያሳ ቲኖ ይእዳ። ኡንትን ኤላ አፋ ኮይደባዝ ኦችዳፕ አትን ኤዛ ሻኪ ኤርካያ። ይኒ ጋር አስ ናአ ኡን ኩሸ ማꬋ ኤኮዳ» ያጋይዳ።
MAT 17:13 የ ዎደ የሱሳ ጋይዳና ጻማቅዘ ዋሐንሳ ባዝ ማቅዳኖ ቲርዳ።
MAT 17:14 ኡን ደርዘፓ አሱንꬃጎ ማቅዘ ዎደ ፈቲ አስ የሱሳ ቲንተ ቡንቁንቲ፥
MAT 17:15 «ላꬆ፥ አደ ታ ናአያ ማሮያ፤ ኤዛ ጉዲ ኦልዘ Ꮉርገ ጋማ ዎደ ኡንእꬅ ታማን Ꮉꬃን ኦላነ።
MAT 17:16 ነ ታማሩንꬃጎ ክእዳ፥ የዝን ኡን ፋꬆደስ ዳንዳእካያ» ያጋይዳ።
MAT 17:17 የሱሳ ማህ፥ «ይን፥ አማኖሰ ዎቦ የለቱንꬆ አይደ የሎደስ ታ ይንታራ የሳደ? አይደ የሎደስ ታ ይንታና ዳንዳኦደ? አነ ናአያ Ꮉንካ ኤኪ ዮኦተ» ያጋይዳ።
MAT 17:18 የሱሳ ቱና አያንዛ ቆድን፥ ቱና አያንዘ ናአይፓ ከዝዳ፤ ይና ሳተ ናአይ ፋጽዳ።
MAT 17:19 ይንፓ ሱባ፥ የሱሳ ታማሩንꬅ ፋ ፋስ ኤጎ ሺቂ፥ «ኑ ቱና አያንዛ ኬሶደስ ዳንዳእካይዛና አኮሶ?» ያጋእ ኦጭዳ።
MAT 17:20 ኤ ኡንታጎ፥ «ይንትስ አማኖ ኤርደ ግሾስ። ታ ይንትስ ቱሮ ኦህነ፤ ጋሸ ኣፈ ፋና አማኖ ይንትስ የዝኮ ‹Ꮉይ ደርዛ Ꮉንፓ ደንዲ ጎደ አꬎ› ጋይኮ ይንትስ ኪትንቶዳ። ይንትስ ዳንዳእንቶሰ ባያ።
MAT 17:21 [የዝን ይኒ ጋርዘ ዎሳራን ጾማራፕ አትን Ꮉሪ ኬዞስ]» ያጋይዳ።
MAT 17:22 የሱሳ ታማሩንꬅ ጋልላ ሺቂ የዝን የሱሳ ኡንታጎ Ꮉና ፎልንቶደስ ቤዛነ፥ «አስ ናአይ አስ ኩሸ አꬊ እንግንቶዳ።
MAT 17:23 ኡን ኤዛ ዎꬎዳ፥ የዝን ኤ Ꮉይꬕንꬃ ቃማ Ꮉይቆፓ ደንዶዳ» ያጋይዳ። ኤ ታማሩንꬅ ጋማ አዛንዳ።
MAT 17:24 የሱሳራን ኤ ታማሩንꬃራ ቅፍርናሆመ ካታማ የልደ ዎደ ጾዘ ኬꬃ ጊራ ጋችዙንꬅ ጴጥሮሳጎ ይእ፥ «ይን አስታማርዘ ጾዘ ኬꬂ ጊራ ላምእ ድናረ ጊሮሶ?» ያጋእ ኦጭዳ።
MAT 17:25 ጴጥሮሳ ማህ፥ «ጊራነ» ያጋይዳ። ጴጥሮሳ ኬꬃ ገልዘ ዎደ የሱሳ ቲንꬊ፥ «ጴጥሮሳ፥ ኔስ አኮ አዘ? Ꮉና ሳአ ካእቱሞ ቃራጸን ጊራ ኦፓ ኤከ? ጋደ አሳፓ ዎይ አስ ጋደ አሳፓ?» ያጋእ ኦጭዳ።
MAT 17:26 ጴጥሮሳ «አስ ጋደ አሳፓ» ጋእ ማህዳ። የሱሳ ማህ፥ «ዬዛኮ ጋደ አሱንꬅ ጊራ ግሮስ ጋኤ።
MAT 17:27 የዝን ኡን ꬉቡንታመ ፋና አባ Ꮉንግ ሞሎ አይክዘ ማንጻኮ ኦሎ። ቲኖ ነ አይክዘ ሞልዘ ዶና ቡጊ ጊራስ ማቅዘ ኦይዲ ድናረ ነ ግሾን ታ ግሾን ኤኪ ካንግ ጊሮ» ያጋይዳ።
MAT 18:1 የ ዎደ የሱሳ ታማሩንꬅ ይእ፥ «ሳሎ ካእቱሞ ኡባፓ አꬍዘ ኦደ?» ያጋእ ኦጭዳ።
MAT 18:2 የሱሳ ፈቲ ኤራꬅ ናአ ጼጊ ኡን ግዳ ኤስ Ꮉኒ ፋና ያጋይዳ።
MAT 18:3 «ታኒ ይንትስ ቱሮ ኦህነ፤ ይን ላምንታንጽኮ ኤራꬅ ናኡንꬅ ፋና ይአንጽኮ ሳሎ ካእቱሞ ሙሎን ገሎደስ ዳንዳኦስ።
MAT 18:4 ይኬ፥ Ꮉና ኤራꬅ ናኡንꬅ ጋር ፋና ካዉሽዘ ኦደን ሳሎ ካእቱሞ ኡባፓ አꬍዛ ማቆዳ።
MAT 18:5 Ꮉይ ፋና የዘ ናአ ታ ሱንꬅተ ሞክዘ ኦደን ታና ሞካነ።
MAT 18:6 «የዝን ታና አማንዘ Ꮉና ኤራꬁንꬃፓ ፈታ ናጋራ ኦቾደ ፋና ꬉበ ማቅዘ ኦደን ዳማ ጋች ዎጻ ፋ አፉርተ አጪ ጪሞ አባ ኦልንትዛኮ ኤስ ሎኦ።
MAT 18:7 አላመ ግዳ አስ ናጋራ ኦቾደ ፋና ኦችዙንꬅ የዘ ግሾ አላምቶ ባደ። ይኒ ፋና የዘ ባዝ ይእካይዛራ አቶስ፥ የዝን ꬉበ ኤ ባጋራ የእዘ አꬃ ባደ።
MAT 18:8 «ነ ኩሽዘ ዎይ ነ ቶህዘ ነና ባልꬅኮ ኔፓ ጋቺ ኦሎ። ነ ላምእ ኩሸራ ዎይ ላምእ ቶሄራ መዽና ታማ ኦልንቶደፓ ኩሸ ዎይ ቶሄ ዱጻ ማቂ ደኦ የዝኮ ኔስ ሎኦ።
MAT 18:9 ማህ ነ ኣፍዘ ነና ባልꬅኮ ዎጪ ኬሲ አላ ኦሎ። ነ ላምእ ኣፈራ ጋናመ ታማ ኦልንቶደፓ ፈቲ ኣፈራ ደኦ የዝኮ ኔስ ሎኦ።
MAT 18:10 «ታ ይንትስ ኦህነ፤ ሳሎ የዘ ኡንታና ናግዘ ኪታንቹንꬅ ኡባ ዎደ ሳሎ የዘ ታ አዳይ ቲኖ የዘ ግሾ ይን Ꮉና ኤራꬁንꬃፓ ፈታያ ለቃመ ፋና ናግንቶተ።
MAT 18:11 አስ ናአ ꬋብዱንꬃና አሾደስ ይእዳ» ያጋይዳ።
MAT 18:12 ማህ የሱሳ፥ «ይንትስ አኮ አዘ? ፈቲ አꬄስ ጼት ዱሮ የዙንꬃፓ ፈታይ ꬋብኮ ኡዱፉን ታም ኡዱፉኑንꬃና ደረላ ኦሊ አሺ የ ꬋብዳያ ኮዮደስ ቅቶሳነ?
MAT 18:13 ታ ቱሮ ኦህነ፤ ኤ ደንግደ ዎደ ኡዱፉን ታም ኡዱፉኑንꬃፓ አꬂ ꬋቢ በንትደ ፈቲ ዱርዘራ ኡፋይታነ።
MAT 18:14 ይኒ ፋና፥ ሳሎ የዘ ይን አዳይ Ꮉና ኤራꬁንꬃፓ ፈታይ ꬋቦደ ፋና ኮዮስ።
MAT 18:15 «ነ እሻይ ነና ቆህኮ ነ ጻላላ ኤጎ Ꮉንግ ኤ ባልቶ ኤስ ኦሆ። ኤ ነና ስእኮ ነ እሻያ ኔስ እሸ ማሆ።
MAT 18:16 የዝን ኤ ነና ስአንጽ እጽኮ፥ ላምእ ዎይ Ꮉይꬕ አስ ማርካራ ኦህታ ላꬅንትዘ ግሾ ፈቲ ዎይ ላምእ አስ ኤኪ ኤጎ Ꮉንጎ።
MAT 18:17 ኤ ኡንታና ስአንጽኮ፥ ዎሳ ኬꬃ ኦሆ። ዎሳ ኬꬂ ጋዘባዝ ስአንጽኮ አማኖሰ አስ ፋና ዎይ ቃራጠ ጋችዘ አስ ፋና ኤዛ ፋይዶ።
MAT 18:18 «ታ ይንትስ ቱሮ ኦህነ፤ ሳአላ ይን አጭደባዝ ኡባ ሳሎ አጭንትደባዝ ማቃዳ። ሳአላ ይን ብልደ ባዝ ኡባ ሳሎ ብልንትደባዝ ማቃዳ።
MAT 18:19 «ማህ ታ ይንትስ ኦህነ፤ ሳአላ ይንታፓ ላምኡንꬅ ፋ ዎስዘ ባዝ ፈቲ ዎዝና ማቂ ጾዝ ዎስዘ ባዝ ማቅኮ ሳሎ የዘ ታ አዳይ ይንትስ ኦቾዳ።
MAT 18:20 ታና ካልዙንꬃፓ ላምእ ዎይ Ꮉይꬕ ማቂ ሺቅዘ በሳ ታኒ ኡን ግዳ በንቶዳ» ያጋይዳ።
MAT 18:21 የ ዎደ ጴጥሮሳ የሱሳጎ ይእ፥ «ላꬆ፥ ታ እሻይ ታና ቆህኮ ዋንꬅ ቶሄ ታኒ አቶ ጋኦደስ ቤዘ? ላፑን ቶሄ የሎደስነ?» ጋእ ኦጭዳ።
MAT 18:22 የሱሳ ማህ፥ «አደ፥ ላፑን ታም ቶሄ ላፑናፕ አትን ላፑን ቶሄ ጻላላ ባያ።
MAT 18:23 «ይኒ ግሾ፥ ሳሎ ካእቱሞ ፋስ ኦችዙንꬃራ ፋ ሚሽታ ፋጨዛኮን ጉጁንተዛኮ በአደስ ቆፕደ ካትዛ አዛነ።
MAT 18:24 የ ካትዘ ሚሽታ ፋጨዛኮን ጉጁንተዛኮ በእዘ ዎደ ጋማ ጋለ የዘ ፈቲ አꬃ ኤጎ ክእዳ።
MAT 18:25 የዝን የ አርዘ ጋልቶ ጭጎደስ ጋምን ኤራን፥ ኤ ማችትራ፥ ኤ ናኡንꬃራ ኤስ የዘ ባዝ ኡባ ባይዝንት ጋልታ ጭግንቶደ ፋና ላꬄ ኪትዳ።
MAT 18:26 ዬዝን አርዘ ፋ ላꬄ ቶህትላ ጎልእ፥ ‹አደ ኤራꬅ ዎደ ጋምኦ፥ ታ ጋልቶ ኡባ ታ ጭጎዳ› ያጋእ ዎስዳ።
MAT 18:27 ኤ ላꬅዘ ኤስ ይቅስንት፥ ዳኪ አሽዳ፤ ኤ አጭቶን ማርዳ።
MAT 18:28 «የዝን የ አርዘ ኬዚ Ꮉንግ ፋ ላገ ኦችዙንꬃፓ ፈታያ ፋፓ ኤራꬅ ሚሸ ታልእዳያ፥ ‹ኔላ አፋ የዘ ታ ሚሽቶ ታስ ጭጎ› ጋእ አፉርቶ አይክዳ።
MAT 18:29 «ኤ ላግዘ አርዘ ኤ ቲንተ ቡንቁንት፥ ‹አደ ኤራꬅ ዎደ ጋምኦ ታኒ ታ አጭቶ ኡባ ጭጎዳ› ያጋእ ዎስዳ።
MAT 18:30 «የዝን እጺ ኤኪ ካንግ ፋ ላግዘ አጭቶ ጭጎደ ዎንꬅስ አች ኬꬃ ገልꬅዳ።
MAT 18:31 ይኒ ግሾ፥ መለ ላግዘስ ኦችዙንꬅ ይኖ ብእደ ዎደ ጋማ ዥልꬍዳ፥ Ꮉንግ ፋ ላꬄስ ኤ ኦችደ ባዝቶ ኡባ ኦህዳ።
MAT 18:32 «ዬዝን ላꬄ የ አርዛ ጼግዝ፥ ‹Ꮉይ ኢታ አርዛዮ፥ ነ ታና ዎስደ ግሾ ታ ነ አጭቶ ኡባ ኔስ ማርዳ።
MAT 18:33 ዬዝን፥ ታ ነ አጭቶ ማርዳን ፋና ነ ነ ላገ ማቅደ አርዘ አጭቶ ማሮደስ ነና ቤዞሶ?› ያጋይዳ።
MAT 18:34 ይኒ ግሾ፥ ላꬄ ጋማ ዥልꬊ፥ ኤ ፋ አጭቶ ኡባ ጭጎደ ዎንꬅስ ኡንእንቶደ ፋና አች ኬꬃ ኦልዳ።
MAT 18:35 «ይኒ ፋና፥ ይን ፈተ ፈተ ይን እሻ ዎዝናፓ ማራንጽኮ ሳሎ የዘ ታ አዳይ ይንታና ይኒ ፋና ኦቾዳ» ያጋይዳ።
MAT 19:1 የሱሳ ይኖ ኦህ Ꮉስዳንፓ ሱባ ጋልላፓ ደንዲ ዮርዳኖሳ ቦርካፓ ሰኮ ዛላ የዘ ይሁዳ ሳአ ቅትዳ።
MAT 19:2 ጋማ አሱንꬅ ኤዛ ካሊ Ꮉንግን ኤ ፋꬅዳ።
MAT 19:3 ፋርሳዉንꬅ ኤዛ ፋታኖደስ ኮይ ኤጎ ይእ፥ «ፈቲ አስ አኮ ባጋራን ፋ ማችቶ ዳኮደስ ቤዘ?» ያጋእ ኦጭዳ።
MAT 19:4 የሱሳ ማህ፥ «ጾዚ ቲኖ ꬊራꬅን ማቾን ማህ መꬍዳኖ ይን ናባብካተ?
MAT 19:5 ‹ይኒ ግሾ፥ ፈቲ አስ ፋ አዳያን ፋ እንቶ አሺ ፋ ማችትራ ፈቶ ማቃነ፥ ላምኡንꬅን ፈቲ አሾ ማቃነ።›
MAT 19:6 ይኒ ግሾ፥ ኡን ፈቲ አሾ ማቃነፕ አትን ላምእ ማቆስ። ይኬ፥ ጾዚ አጭዳኖ አስ ሻክፐ» ያጋይዳ።
MAT 19:7 ፋርሳዉንꬅ፥ «ዬዝን፥ ሙሴ ፈቲ አስ ዳፎ ዋርቃተ እንግ ዳኮደ ፋና አኮስ ኪትዶ?» ያጋእ ኦጭዳ።
MAT 19:8 የሱሳ ማህ፥ «ይን፥ ይን ማቹንꬃና ዳኮደ ፋና ሙሴ ይንትስ ጋይዳና፥ ይን ዎዝና ምንꬅት ግሾፕ አትን ቲኖፓ ይኒ ጋር ባያ።
MAT 19:9 ታ ይንትስ ኦህነ፤ ፋ ማችቶ ጎመ ዋይንትካይዝን ዳኪ መለ ኤክዘ ኦደን ኦላልዳ» ያጋይዳ።
MAT 19:10 ኤ ታማሩንꬅ ኤጎ፥ «አዝኒ ባዝን ማች ባዝ ይኒ ጋር ማቅኮ ኤከን ገለን አትኮ ሎኦ» ያጋይዳ።
MAT 19:11 የሱሳ ማህ፥ «ይኒ ጋርዘ ትምርተ ጾዚ ዳንዳአ እንግዱንꬅስ ፋትን አስ ኡቡንꬅስ ባያ።
MAT 19:12 ይኬ፥ የልንትተራ አሽትመ ማቂ የልንትዱንꬅ የነ፥ ማህ አስ ቃራትዱንꬅ የነ፥ ማህ ሳሎ ካእቱሞ ግሾ ጋእ ፋና አሽትመ ማህዱንꬅ የነ። ይኒ ግሾ፥ Ꮉኖ ኤኮደስ ዳንዳእዘ ኦደን ኤኮ» ያጋይዳ።
MAT 19:13 የሱሳ ፋ ኩሽቶ ኤራꬅ ናኡንꬃላ ጋዲ ኡንትስ ዎሶደ ፋና ፈቲ ፈቲ አሱንꬅ ናኡንꬃና ኤጎ ክእዳ። የዝን ኤ ታማሩንꬅ አሱንꬃና ካጭዳ።
MAT 19:14 የዝን የሱሳ፥ «ሳሎ ካእቱሞ Ꮉንስ ፋና የዙንꬅስ ማቅደ ግሾ ኤራꬅ ናኡንꬅ ታጎ የእዛኖ ካይፐተ፤ ዮኦ ጋኦተ» ያጋይዳ።
MAT 19:15 ፋ ኩሽቶ ኡንታላ ጋድዳንፓ ሱባ ይና በስትፓ አሺ ቅትዳ።
MAT 19:16 ፈቲ ቃማ ፈቲ አꬄ የሱሳጎ ይእ፥ «አስታማርዛዮ፥ ታኒ መዽና ደኦ ደንጎደስ አኮ ሎኦ ባዝ ኦቾ?» ያጋይዳ።
MAT 19:17 የሱሳ ኤጎ፥ «ሎኦ ባዝስ ነ ታና አኮስ ኦጨ? ፈቲ ጾዛፕ አትን መለ ሎኦ ባያ። የዝን ነ መዽና ደኦ ኤኮደስ ኮይኮ ኪቶ ናጎ» ያጋይዳ።
MAT 19:18 አꬄ ማህ፥ «አኖ ኪታ» ያጋእ ኦጭዳ። የሱሳ ማህ፥ «ዎꬍፐ፥ ኦላልፐ፥ ካይስትፐ፥ ዎርዶ ማርክꬍፐ፥
MAT 19:19 ነ አዳያን ነ እንቶ ቦንቾ፥ አስ ኡባ ነ ፋና ካꬎ» ያጋይዳ።
MAT 19:20 የ ሻካንዘ፥ «ታኒ Ꮉኖ ኡባ ናአትꬃፓ ደንꬅ ናግዳ። ዬዝን፥ መለ ታስ ፋጭደባዝ አኮ ባዞ?» ያጋእ ኦጭዳ።
MAT 19:21 የሱሳ ማህ፥ «ነ ፎሎ ማቆደስ ኮይኮ Ꮉንግ ኔስ የዘ ባዝ ባይዝ ዳሁንꬅስ እንጎ፤ ነ ሳሎ ዱረትꬅ ደንጎዳ። የይዝ ማቂ ይእ ታና ካሎ» ያጋይዳ።
MAT 19:22 የዝን የ ሻካንዘ ጋማ ዱረ ማቅደ ግሾ ይኖ ስእደ ዎደ አዛንተራ አሺ ቅትዳ።
MAT 19:23 ይንፓ ሱባ፥ የሱሳ ፋ ታማሩንꬃና፥ «ታ ይንትስ ቱሮ ኦህነ፤ ዱረ ሳሎ ካእቱሞ ገሎዳና ጋማ ማꬋ።
MAT 19:24 ዱረ አስ ጾዘ ካእቱሞ ገሎዳንፓ ግማለ ማርፐ ኡሩንꬃራ ኣꬍዛና ላፋ» ያጋይዳ።
MAT 19:25 የሱሳ ታማሩንꬅ ይኖ ስእ ጋማ ቆፒ፥ «ዬዝን፥ ኦደ አቶደስ ዳንዳኦደ?» ያጋእ ኦጭዳ።
MAT 19:26 የሱሳ ኡንታና ዳኪ ብእ፥ «Ꮉና አስስ ዳንዳእንቶስ፥ የዝን ጾዝስ ኡባና ዳንዳእንታነ» ያጋይዳ።
MAT 19:27 ጴጥሮሳ ማህ፥ «ኑኒ ኡባ ባዝ አሺ ነና ካልዳ። ዬዝን፥ ኑ አኮ ደንጎደ?» ያጋይዳ።
MAT 19:28 የሱሳ ኡንታጎ Ꮉኒ ጋር ያጋይዳ፦ «ታኒ ይንትስ ቱሮ ኦህነ፤ አስ ናአይ ዮኦደ ክለ አላምተ ፋ ቦንቾ አራታላ በትዘ ዎደ ይን ታጶ ላምኡንꬅ፥ ታና ካልዱንꬅ፥ ታጶ ላምእ አራታላ በቲ ታጶ ላምእ እስራኤለ ባጉንꬃላ አፋ ፍርዶዳ።
MAT 19:29 ታ ሱንꬅት ግሾ ኬꬅቶ ዎይ እሹንꬃና ዎይ ምሹንꬃና ዎይ አዳያ ዎይ እንቶ ዎይ ናኡንꬃና ዎይ ጋድቶ አሽደ ኦደን ጼት ኩሸ ኤኮዳ። ማህ መዽና ደኦ ኤኮዳ።
MAT 19:30 የዝን ጋሙንꬅ Ꮉተ የስተ ቲኖ ማቅዱንꬅ ሱባ ማቆዳ፥ ማህ ሱባ ማቅዱንꬅ ቲኖ ማቆዳ» ያጋይዳ።
MAT 20:1 «ሳሎ ካእቱሞ ፋ ዎይነ ግዳ ኦችዙንꬅስ ክራ እንጎደስ ዎንታ ጎዳ ከዝደ ካርቲ አዳያ አዛነ።
MAT 20:2 ኤ ኦችዙንꬅስ Ꮉይኖ Ꮉይኖ ፈቲ ድናረ እንጎደስ ኡንታራ ጊጊ፥ ኡንታና ፋ ዎይነ ግዳ ዳክዳ።
MAT 20:3 «ማህ ዎንታፓ Ꮉይꬕ ሳተ ማቅዝን ኬዚ ኦቻ ꬋብን ጋበ በሳ ኤቅደ መለ አሱንꬃና ደንግዳ።
MAT 20:4 ኤ ኡንታጎ፥ ‹ይንትን ታ ዎይነ ግዳ Ꮉንግ ኦቾተ፥ ታኒ ይንትስ ታና ሎእደ ሚሸ እንጎዳ› ያጋይዳ።
MAT 20:5 ኡንትን Ꮉንግዳ። ማህ ኤ እዝፑን ሳተራን ኡዱፉን ሳተራ ኬዚ ይኒ ፋና ኦችዳ።
MAT 20:6 ታጶ ፈቲ ሳተ ማቅዝን ኤ ከዝዘ ዎደ መሉንꬃና የይጋ ኤቅዱንꬃና ደንግ፥ ‹ይን ኦቻ ብሊ አዋራ ፌሾ Ꮉነ አኮስ ኤቂ ፌዥዶተ? ያጋይዳ።
MAT 20:7 «ኡን ማህ፥ ‹ኑና ክራ ኦጭዘ አስ ꬋብደ ግሾ› ያጋይዳ። «ኤዝን፥ ‹ይንትን ታ ዎይነ ግዳ Ꮉንግ ኦቾተ› ያጋይዳ።
MAT 20:8 «ሳታ ኡጉርን፥ ዎይነ አዳይ ኦችዙንꬅ Ꮉላቅዘጎ፥ ‹ኦችዙንꬃና ጼጊ ላሳ ኦቻ ገልዱንꬃፓ ደንꬂ ቲኖ ገልዱንꬃና የሎደስ ኡን ሚሽቶ እንጎ› ያጋይዳ።
MAT 20:9 ታጶ ፈቲ ሳተር ኦቻ አይክዱንꬅን ይእ፥ ኦማ ኦማ ፈቲ ፈቲ ድናረ ኤክዳ።
MAT 20:10 ቲኖ ኦቻ አይክዱንꬅ ይእ፥ ፋስ ጋማ እንግንቶዳ ጋእ ቆፕዳ። የዝን ኡንትን ኦማ ኦማ ፈቲ ፈቲ ድናረ ኤክዳ።
MAT 20:11 ፋ ሚሽቶ ኤኪ ማቂ ካርቲ አዳይላ አፋ ዙዝንግዳ።
MAT 20:12 ‹Ꮉንስ ሱባፓ ይእ ፈቲ ሳተ ጻላላ ኦችዳ። የዝን አዋራ ፌሾ ላቢ ፌዥደ ኑራ ኡን ዋይዝ ፈቶ ማቀ› ያጋይዳ።
MAT 20:13 «ዎይነ አታክልተ አዳይ ኦችዙንꬃፓ ፈታይጎ፥ ‹ታ እሻዮ፥ ታ ነና ቆህካያ፤ ነ ታራ ዉልꬍዳና ፈቲ ድናረስ ባነ?
MAT 20:14 ነ ሚሽቶ ኤኪ ነ ካራ ቅቶ። ታ ኡጉረ ይእደስን ኔኒ ፋና እንጎደስ ኮያነ።
MAT 20:15 ታኒ ታ ሚሽትራ ኮይደባዝ ኦቾደስ ታስ አደትꬅ ዎልቃ ባነ? ዎይ ታ ዳልጋ ማቅደ ግሾ ነ ቅናታነ?› ያጋይዳ።
MAT 20:16 «ይኒ ጋራን Ꮉተ ደእተ ሱብ ማቅዱንꬅ ቲኖዳ፥ ቲንዱንꬅ ማህ ሱቦዳ» ያጋይዳ።
MAT 20:17 የሱሳ የሩሳላመ Ꮉንግተራ፥ ታጶ ላምእ ታማሩንꬃና ዱማ ጋጻ ኬሲ ኡንታጎ ያጋይዳ፦
MAT 20:18 «ይኬ፥ ኑኒ Ꮉተ የሩሳላመ Ꮉንገላ አፋ የነ። እዘ አስ ናአ ካህኑንꬅ Ꮉላቁንꬅስን ህገ አስታማሩንꬅስ አꬂ እንግንቶዳ። ኡንትን ኤላ አፋ Ꮉይቆ ፍርዳ ፍርዶዳ።
MAT 20:19 ኤዛ አይሁደ ማቆሰ ዎርዣስ አꬂ እንጎዳ። ኡን ኤዛ ካዉሾዳ፥ ጋራፎዳ፥ የይዝ ኤዛ ማስቅላላ አፋ ሱጾዳ። የዝን ኤ Ꮉይꬒንꬃ ቃማ Ꮉይቆፓ ደንዶዳ» ያጋይዳ።
MAT 20:20 የ ዎደ ዛብዶሳ ማችታ ፋ ላምእ ꬊራꬅ ናኡንꬃራ የሱሳጎ ይእ፥ ኤ ቲኖ ቡንቁንቲ ፈቲ ባዝ ኤዛ ዎስዳ።
MAT 20:21 የሱሳ ኢጎ፥ «ነ አኮ ኮየ?» ጋይዳ። እዛ ማህ፥ «ነ ካእቱምተ Ꮉንꬅ ታ ላምእ ናኡንꬅ ፈታያ ኔስ ምዛቅ ዛላ ፈታያ ኔስ ዎርክታ ዛላ በቶ ጋኦያ!» ያጋይዳ።
MAT 20:22 የዝን የሱሳ ኡንታጎ ማህ፥ «ይን አኮ ዎስዛኮ ኤሮስ፤ ታኒ ኡሻደስ የዘ ማꬋ ጹኡቶ ኡሻደስ ዳንዳኦደ?» ያጋይዳ። ኡንትን፥ «ዬ ዳንዳኦዳ» ያጋይዳ።
MAT 20:23 የሱሳ፥ «ቱሮ ታኒ ኡሻደስ የዘ ጹኡቶ ይን ኡሻዳ። የዝን ታ ምዛቅተን ዎርክተ በቶዱንꬃና ዶርዘ ታና ባያ። ይና በስታ እንግንትዘ፥ ታ አዳይ እንጎደስ ጊግዝደ አሱንꬅስ» ያጋይዳ።
MAT 20:24 አትደ ታጵ ኤ ታማሩንꬅ ይኖ ስእደ ዎደ ላምእ እሹንꬃና ካጭዳ።
MAT 20:25 የዝን የሱሳ ኡንታና ኡባ ጼጊ Ꮉኒ ጋር ያጋይዳ። «አይሁደ ማቆሰ አሱንꬃና አህዙንꬂ ፋ አሱንꬃላ ላꬅꬍዛኖን ኡንታና ካልꬅዙንꬅ ማህ ኡንታና አደትꬅ ዎልቃራ አህዛኖ ይን ኤራነ።
MAT 20:26 የዝን ይን ግዳ ይኒ ጋር ማቅፐ። ይንታፓ ꬎቆደስ ኮይዘ ኦደን ይንትስ አሮ ማቀ።
MAT 20:27 ይን ግዳ ኡባፓ ꬎቃ ማቆደስ ኮይዘ ኦደን ይንትስ አሮ ማቆደስ ቤዛነ።
MAT 20:28 ይኒ ፋናን፥ አስ ናአ አስ ማዶደስን ጋማ አሱንꬃና ዎዞደስ ፋ ሸምፕቶ እንጎደስ ይእዳፕ አትን አሳራ ማድንቶደስ ይእካያ» ያጋይዳ።
MAT 20:29 ይንፓ ሱባ፥ የሱሳ ፋ ታማሩንꬃራ እያርኮፓ ኬዚ Ꮉንግዝን፥ ጋማ አሱንꬅ ኡንታና ካልዳ።
MAT 20:30 ኦገ ጋጻ በትደ ላምእ ቆቁንꬅ የሱሳ የይጋራ አዽዛኖ ስእ፥ «ላꬆ፥ ዳዉተ ናአዮ፥ ኑና ማሮያ» ያጋእ ኡክዳ።
MAT 20:31 ጋማ አሱንꬅ ኡንታና፥ «Ꮉይዞተ» ያጋእ ካጭዳ። የዝን ኡን፥ «ላꬆ፥ ዳዉተ ናአዮ፥ ኑና ማሮያ» ጋእ ጉጂ ኡክዳ።
MAT 20:32 የሱሳ ኤቂ፥ ኡንታና ጼጊ፥ «ታ ይንትስ አክ ይሳደ ፋና ኮየተ?» ያጋእ ኦጭዳ።
MAT 20:33 ኡንትን፥ «ላꬆ፥ ኑ ኣፍታ በአደ ጋር ኮየተ?» ያጋይዳ።
MAT 20:34 የሱሳ ኡንትስ ይቅስንቲ፥ ኡን ኣፍቶ ቦችዳ። ኤልሲ ኡን ኣፍታ ብእዳ፤ ኡንትን ኤዛ ካልዳ።
MAT 21:1 የሱሳራን ኤ ታማሩንꬃራ የሩሳላመ ኡክ፥ ሻማሄ ደርዘላ የዘ ቤተፋገ ጋዘ ጉቱተ የሊተራ፥ የሱሳ ፋ ታማሩንꬃፓ ላምኡንꬃና ፋፓ ቲኖ Ꮉንጎተ ጋእ ኪትዳ፦
MAT 21:2 «ይንታፓ ቲኖ የዘ ጉቱተ Ꮉንጎተ። የይጋ ፈቲ Ꮉረ አቻ የዛኖ እ ናእትራ ይን ደንጎዳ። ኡንታና ብሊ ታጎ ኤኪ ዮኦተ።
MAT 21:3 ኦደን ይንታና ኦጭኮ፥ ‹ላꬂ ኡንታና ኮያነ› ያጋኦተ። ኤ ኡንታና ኤለ ማሆዳ» ያጋይዳ።
MAT 21:4 ይናን ናብዘ፥
MAT 21:5 «ጽዮነ ካታማስ፥ ‹ይኬ፥ ነ ካትዘ አዳ ማቂ፥ Ꮉርትላን Ꮉርት ናእትላ በቲ፥ ኔጎ የእነ› ያጋኦተ» ጋእ ጻፍንትዳና ፎልንቶደ ጋር ይና Ꮉንዳ።
MAT 21:6 ኤ ታማሩንꬅ Ꮉንግ የሱሳ ኡንታና ኪትዳን ፋና ኦችዳ።
MAT 21:7 Ꮉርቶን Ꮉርቲ ናእቶን ክእ ካታራ ፋ ማእቶ ኡን ባንተ ጋድዳ። የሱሳ ማእትላ አፋ በትዳ።
MAT 21:8 ጋማ አሱንꬅ ፋ ማእቶ ኦግተ ዪጽዳ። መሉንꬅ ታሸ ታርሺ ኦግተ ኦልዳ።
MAT 21:9 የሱሳፓ ቲኖራ Ꮉንግዙንꬅን ኤፓ ሱባራ ካልዙንꬅ ጋማ አሱንꬅ፥ «ሆሳና! ዳዉተ ናአይ ጋላትንቶ! ላꬄ ሱንꬅተ ይእዘ አንጅንትዳያ! ቦንቾ ኡባፓ ꬎቃ ሳሎ ጾዝስ ማቀ!» ያጋእ ኡክዳ።
MAT 21:10 የሱሳ የሩሳላመ ካታማ ገልደ ዎደ ይና ካታምተ የዘ አሱንꬅ ኡቡንꬅ፥ «Ꮉይ ኦደ?» ያጋእ ቱርቱርዳ።
MAT 21:11 አሱንꬅ፥ «Ꮉይ ጋልላ የዘ ናዝረተ ካታማፓ ይእደ ናበ የሱሳ» ያጋይዳ።
MAT 21:12 የሱሳ ጾዘ ኬꬃ ገሊ፥ የይጋ ባይዙንꬃናን ዎንግዙንꬃና ኡባ ባለ ባይእዳ። ሚሸ ላምዙንꬃና ጠርጴዝቶን ዎለ ባይዝዘ ኦይድቶ ሽሪ ኦልዳ።
MAT 21:13 ኤዝን ኡንታጎ፥ «ጾዘ ቃልተ፥ ‹ታ ኬꬅታ ጾዝ ዎስዘ ኬꬂ ጋእንታነ› ጋእንት ጻፍንትዳ። የዝን ይን ፋኖ አችንትዘ ዎምኦ ማህዳተ» ያጋይዳ።
MAT 21:14 የሱሳ ጾዘ ኬꬃ የሳደራ ቆቁንꬅን ዎቡንꬅ ኤጎ ይእን ኡንታና ፋꬅዳ።
MAT 21:15 የዝን ካህኑንꬅ Ꮉላቁንꬅን ህገ አስታማሩንꬅ የሱሳ ኦችደ ጋማ ቆፍዘ ባዝቶ ብእዳነን ዦጋ ናኡንꬅ ጾዘ ኬꬃ፥ «ዳዉተ ናአይ፥ ጋላትንቶ» ያጋእ ኡክዛኖ ስእ ካጭዳ።
MAT 21:16 ኡን የሱሳጎ፥ «Ꮉንስ ጋዛኖ ነ ስእነ?» ያጋይዳ። የሱሳ፥ «ዬ ስእነ፥ ጾዘ ቃልተ፥ ‹ዦጋ ናኡንꬅ ዶንተን ꬋንግዘ ናኡንꬅ ዶንተ ጋላታ ጊግዛነ› ጋእንት ጻፍንትዳኖ ይን ናባብካተ?» ያጋይዳ።
MAT 21:17 ኡንታና የይጋ አሺ ብታንያ ካታማ Ꮉንግ አቅዳ።
MAT 21:18 የሱሳ ዎንታ ጎዳ ካታማ ማቂ ይእተራ ናይꬍዳ።
MAT 21:19 ኦገ ጋጻ ፈቲ በለሰ ምንጻ ብእ ኢጎ Ꮉንግዳ። የዝን Ꮉየፕ አትን መለ አኮን ደንግካያ። ይኒ ግሾ፥ እዞ፥ «ይኬፓ ላምእንꬃ ኣፈ አፍፐ!» ያጋይዳ። ይና በለሰ ምንጽታ ኤልሲ መሊ አትዳ።
MAT 21:20 ኤ ታማሩንꬅ ይኖ ብእ፥ «Ꮉና በለስታ ዋይዝ ኤልሲ መልዶ?» ያጋእ ጋማ ቆፕዳ።
MAT 21:21 የሱሳ ማህ፥ «ታኒ ይንትስ ቱሮ ኦህነ፤ ይንትስ አማኖ የዝኮ፥ ማህ ይን ስꬋንጽኮ በለስትላ ታኒ ኦችዳን ፋና ጻላላ ኦቾስ፥ የዝን ‹Ꮉይ ደርዛ ሾድንት አባ ዎꬎ› ያጋይኮ Ꮉኖዳ።
MAT 21:22 አማኒ ይን ዎስዘ ባዝ አኮን ማቅኮ ይን ኤኮዳ» ያጋይዳ።
MAT 21:23 የሱሳ ጾዘ ኬꬃ ገሊ ታማርሶደራ፥ ካህኑንꬅ Ꮉላቁንꬅን አይሁደ ጭሙንꬅ ኤጎ ይእ፥ «ነ Ꮉኖ ኦቾደ ፋና ኔስ አኮ አደትꬅ ዎልቃ የዘ? ኔስ Ꮉኖ አደትꬅ ዎልቅቶ እንግደ ኦደ?» ያጋእ ኦጭዳ።
MAT 21:24 የሱሳ ኡንታጎ፥ «ታኒ ይንታና ፈቲ ባዝ ኦጫነ፤ ይን ታስ ይኖ ማህኮ፥ ታንን አኮ አደትꬅ ዎልቃራ ኦችዛኮ ይንትስ ኦሆዳ።
MAT 21:25 ዋሐንሳ ጽንቃተ አናፓ? ጾዛፓነ አሳፓ?» ያጋይዳ። ኡን ፋ ግዳ ዞርንት፥ «ኑ፥ ‹ጾዛፓ› ጋይኮ፥ ኤ ኑና፥ ‹ዬዝን አኮስ አማናንጽዶ?› ያጋኦዳ።
MAT 21:26 ኑ፥ ‹አሳፓ› ጋይኮ፥ አስ ኡቡንꬅ ዋሐንሳ ናበ ማህ በእዘ ግሾ ኑ አሱንꬃና ዣሽታነ» ያጋይዳ።
MAT 21:27 ይኒ ግሾ፥ «ኑ ኤሮስ» ያጋእ ማህዳ። ኤዝን፥ «ይኬ፥ ታንን Ꮉኖ አኮ አደትꬅ ዎልቃራ ኦችዛኮ ይንትስ ኦሆስ» ያጋይዳ።
MAT 21:28 «የሱሳ ማህ Ꮉኒ ጋር ያጋይዳ፦ ላምእ ꬊራꬅ ናኡንꬅ የዘ ፈቲ አꬄ የነ። የ አꬄ ፈቲ ናአይጎ Ꮉንግ፥ ‹ታ ናአዮ፥ Ꮉይኖ ዎይነ ግዳ Ꮉንግ ኦቾ› ያጋይዳ።
MAT 21:29 ናአይ ማህ፥ ‹አቶ Ꮉንጎስ› ያጋይዳ። የዝን ሱባፓ ፋ ዎዝንተ ቆፒ ኦቾደስ Ꮉንግዳ።
MAT 21:30 አዳይ ፋ Ꮉንካይ ናአይጎ Ꮉንግ፥ ፋ ቲኖ ናአይጎ ጋይዳን ፋና ኪትዳ። ኤዝን፥ ‹የኤ፥ ታ አዳዮ› ያጋይዳ። የዝን Ꮉንግካያ።
MAT 21:31 Ꮉንꬅ ላምእ ናኡንꬃፓ ፋ አዳይስ ኪትንትደ አዮ?» ያጋይዳ። ኡንትን፥ «ቲኖያ» ያጋይዳ። የሱሳ ኡንታጎ፥ «ታ ይንትስ ቱሮ ኦህነ፤ ቃራጠ ጋችዙንꬅን ኦላልዙንꬅ ይንታፓ ቲኒ ጾዘ ካእቱምቶ ገሎዳ።
MAT 21:32 ጻማቅዘ ዋሐንሳ ሉለ ኦገ ታማርስተራ ይእን ኤ ጋዛኖ አማንካያ። የዝን ቃራጠ ጋችዙንꬅን ኦላልዙንꬅ አማንዳ። ይን መለ አቶ የዝን፥ ኡንታና ብእ ይን ናጋርትፓ ማቂ አማንካያ» ያጋይዳ።
MAT 21:33 ማህ የሱሳ Ꮉኒ ጋር ያጋይዳ፤ «መለ አዝዘ ስኦተ፥ ዎይነ ቱክደ ፈቲ አꬄ የነ። የ ዎይንዘ ካንቶ ዉቱꬂ ጋስዳ። ዎይነ ጭጭዘ ኦላን ቦክዳ። ዎይንዛ ናጎደስ ሻኮን ሻክዳ። ይንፓ ሱባ፥ ጋድቶ ኮꬄ እንግ መለ ሳአ ቅትዳ።
MAT 21:34 ዎይነ ኣፍቶ ማጽዘ አግና የልን ፋና የልዘ ባግቶ ኤኪ ኮኦደ ጋር ፋ አሩንꬃና ኡንታጎ ዳክዳ።
MAT 21:35 ኮꬄ እንግደ አዳይ ኤ አሩንꬃና አይኪ ፈታያ Ꮉꬍዳ፥ Ꮉንካያ ዎꬍዳ ማህ አትዱንꬃና ሹቻራ ꬎግዳ።
MAT 21:36 ዎይነ አታክልት አዳይ ቲኑንꬃፓ ኣꬍዘ መለ አሩንꬃና ኪትዳ። ኮꬄ ኤክዱንꬅ ኡንታና Ꮉንኩንꬃላ አፋ ኦችዳን ጋር ኦችዳ።
MAT 21:37 ዉርሱꬅተ ኤ፥ ‹ታ ናአያ ኡን ቦንቾዳ!› ያጋእ ፋ ናአያ ኡንታጎ ኪትዳ።
MAT 21:38 «የዝን ጋድቲ አዳይ ናአያ ብእ ዎል ግዳ ‹ጋድቶ ላቶደ Ꮉያ፥ ኤዛ ዎꬊ ጋድቶ ኑ ኤኮዳ!› ያጋይዳ።
MAT 21:39 ናአያ አይኪ ዎይነ ግድትፓ ጋጻ ኬሲ ዎꬍዳ።
MAT 21:40 «ይኬ፥ ዎይነ አታክልት ላꬄ የእዘ ዎደ የ ኮꬄ ኤክደ አዱንꬃና ዋይሳደ?» ያጋእ ኦጭዳ።
MAT 21:41 ኡን ማህ፥ «ኤ የ ኢታ አሱንꬃና ኢታ ዎ ዎꬊ፥ ዎይንዘ ኣፍዘ ዎደ ኤዛ የልዘ ባግቶ ዎደራ ዎደራ እንግዘ መለ አስስ ኮꬄ እንጎዳ» ያጋይዳ።
MAT 21:42 የሱሳ ማህ ኡንታጎ፥ ጾዘ ቃልተ፥ ኬጽዙንꬅ ለቂ እጽደ ሹችዘ፥ ማይዘነስ ኦማ ማቃነ፥ ኡባፓ ኣꬍዘ ሹች ማቃነ። ይኖ ላꬂ ኦችደባዝ፤ ኑ አፍትስ ጋማ ቆፍዘ ባዝ ጋእንት ጻፍንትዳኖ ናባብካተ?
MAT 21:43 «ይኒ ግሾ፥ ታኒ ይንትስ ኦህነ፤ ጾዘ ካእቱሞ ይንታፓ ኤክንቲ ሎኦ ኣፈ ኣፍዘ አሱንꬅስ እንግንቶዳ። [
MAT 21:44 Ꮉይ ሹችዘላ አፋ ጎልእዘ ኡባ መቆዳ። ማህ Ꮉይ ሹችዘ ኤላ አፋ ዎꬍዘ አꬄን ጋጭንቶዳ»] ያጋይዳ።
MAT 21:45 ካህኑንꬅ Ꮉላቁንꬅን ፋርሳዉንꬅ የሱሳ ኦህደ አዝዝቶ ስእደ ዎደ ፋና ኦህዳኖ ኤርዳ።
MAT 21:46 ኡን የሱሳ አይኮደስ ኮይዳ፥ የዝን አሱንꬅ የሱሳ ናበ ማህ በእዘ ግሾ አሱንꬅስ ዣሽትዳ።
MAT 22:1 የሱሳ አሱንꬅስ ማህ Ꮉኒ ጋር ያጋእ አዝዘ ኦህዳ።
MAT 22:2 «ጾዘ ካእቱሞ ፋ ናአይስ ዣጋና ጊግዝደ ካት አዛነ።
MAT 22:3 የ ካትዘ ዣጋና ዮኦደ ፋና ኦህ ጋድደ አሱንꬃና ጼጎደስ ፋ አሩንꬃና ኪትዳ። የዝን አሱንꬅ ዮኦደስ ኮይካያ።
MAT 22:4 ማህ መለ አሩንꬃና ጼጊ፥ ጼግንትደ አሱንꬃጎ Ꮉንግ፥ ‹ታኒ ታ ሳንጉንꬃናን ሞꬉንꬃና ሹክዳ፤ ኡባና ጊግዳ። ታ ዣጋና ድግሳጎ Ꮉንካ ዮኦተ ያጋኦተ› ያጋእ ኪትዳ።
MAT 22:5 የዝን ጼግንትዱንꬅ ጼግቶ እጺ፥ ፋ ኦቻ ኦቻ ቅትዳ። ፈታይ ፋ ዎታስ፥ Ꮉንካይ ፋ ዛልኤ ቅትዳ።
MAT 22:6 መሉንꬅ ማህ ካት አሩንꬃና አይኪ፥ ኢሲ Ꮉꬊ ዎꬍዳ።
MAT 22:7 «ካትዘ ጋማ ዥልꬊ፥ ፋ ዎታዳሩንꬃና ዳኪ ሸምፖ ዎꬍዱንꬃና ዎꬍዝዳ፥ ኡን ካታምቶ ኤꬅዳ።
MAT 22:8 ይንፓ ሱባ፥ ፋ አሩንꬃጎ፥ ‹ዣጋንታ ጊግዳ፥ የዝን ጼግንትዱንꬅ ዣጋናስ ቤዘ አስ ባያ።
MAT 22:9 ይኒ ግሾ፥ ዳልጋ ኦገ Ꮉንግ፥ ደንግደ አስ ኡባ ዣጋና ዮኦደ ፋና ጼጎተ› ያጋይዳ።
MAT 22:10 አሩንꬅን ኦገላ Ꮉንግ ፋስ ደንግደ አስ ኡባ ሎኡንꬃናን ኢቱንꬃና ክእ ዣጋና ዳሰ ገልꬂ ኩንꬅዳ።
MAT 22:11 «የዝን ካትዘ ካꬃ ማአደስ በትደ አሱንꬃና በአደስ ገልደ ዎደ ዣጋና አፉላ ማእካይዘ ፈቲ አስ ደንግዳ።
MAT 22:12 ኤጎ፥ ‹ናተ፥ ነ ዣጋና አፉላ ማእካይዛራ ዋይዝ Ꮉነ ገልዶ?› ያጋይዳ። የዝን አꬄ ስእ ጋይዳ።
MAT 22:13 «ካትዘ ፋ አሩንꬃጎ፥ ‹Ꮉይ አꬄ ኩሽቶን ቶህቶ አጪ፥ ባለ ꬉማ ኬሲ ኦሎተ። እዘ ዬፎን አች ጋርጭንገ ማቆዳ› ያጋይዳ።
MAT 22:14 «ይኒ ፋናን፥ ጾዘ ካእቱሞስ ጼግንትዱንꬅ ጋማ የዝን ዶርንትዱንꬅ ኤራꬅ» ያጋይዳ።
MAT 22:15 ይንፓ ሱባ፥ ፋርሳዉንꬅ Ꮉንግ፥ የሱሳ ዋይዝ ኦሄራ አይኮድ የዛኮ ዞርንትዳ።
MAT 22:16 ፋ ታማሩንꬃናን ካት ሄሮድሳ ባጉንꬃፓ ፈታ ፈታ ኪትዳ። ኡንትን፥ «አስታማርዛዮ፥ ነ ቱሮ ኦህዛኖ ኑ ኤራነ። ነ አሳፓ አስ ሻጎስ፥ አስ ዎይጋንደስ ጋእ አኮን ኦቾስ፥ ጾዘ ኦግቶ ቱረትꬃራ ታማርሳነ።
MAT 22:17 አነ ኑስ ኦሆ፥ ኑኒ ሮመ ካትስ ጊራ ጊሮደስ ቤዛነን ቤዞሳ?» ያጋይዳ።
MAT 22:18 የዝን የሱሳ ኡን ኢታ ቆፍቶ ኤሪ፥ «Ꮉንꬅ ጩቡንꬆ፥ ታና አኮስ ፋታነተ?
MAT 22:19 ጊራ ጊርዘ ሚሸ ታና ቤዞተ» ያጋይዳ። ኡንትን ኤስ ድናረ ክእዳ።
MAT 22:20 ኤ፥ «Ꮉይስ ሱንꬅታን ብሽታ ኦደሶ?» ያጋይዳ።
MAT 22:21 ኡንትን፥ «ሮመ ካታይስ» ያጋይዳ። ዬዛኮ የሱሳ ኡንታጎ፥ «ይኬ፥ ካትስ ቤዛኖ ካትስ፥ ጾዝስ ቤዛኖ ጾዝስ እንጎተ» ያጋይዳ።
MAT 22:22 ኡንትን ይኖ ስእደ ዎደ ጋማ ቆፒ ኤ ካለፓ አሺ ቅትዳ።
MAT 22:23 ይና ቃምተ Ꮉይቆፓ ደንዶ ባያ ያጋዘ ሳዱቃዉንꬅ የሱሳጎ ይእ፥ ያጋእ ኤዛ ኦጭዳ።
MAT 22:24 «አስታማርዛዮ፥ ‹ሙሴ፥ ፈቲ አስ ናአ የልካይዛራ Ꮉይቅኮ፥ የ Ꮉይቅደ እሻይ ኤ ማችቶ ኤኪ፥ ፋ እሻይስ ናአ የሎ› ያጋእ ኪትዳ።
MAT 22:25 ኑ ኤርዘ ላፑን እሹንꬅ የነ። አንግሰ ማቾ ኤኪ ናአ የልካይዛራ Ꮉይቂዳ። ኤ ማችቶ ኤ ጌዘ ማህዳ።
MAT 22:26 ይኒ ፋና፥ የ ላምአንን፥ Ꮉይꬓንን፥ Ꮉንግ ላፑኑንꬆ የሎደስ።
MAT 22:27 ኡባፓ ሱባ ይና ማችታ Ꮉይቂዳ።
MAT 22:28 ዬዝን፥ ላፑኑንꬅ ኡቡንꬅ እዞ ማህደ ግሾ Ꮉይቆፓ ደንድዘ ቃማ፥ ይና ማችታ ላፑኑንꬃፓ አየ ማቾ ማቃደ?» ያጋይዳ።
MAT 22:29 የሱሳ ማህ፥ «ይን ጾዘ ቃላን ኤ ዎልቅቶ ኤሮሰ ግሾ ባልንታነ።
MAT 22:30 አሱንꬅ Ꮉይቆፓ ደንድዘ ዎደ ሳሎ የዘ ኪታንቹንꬅ ፋና ማቃነፕ አትን ኤኮስን ገሎስ።
MAT 22:31 ማህ Ꮉይቂደ አሱንꬅ Ꮉይቆፓ ደንዶደ ባዝ ጾዚ ይንትስ ኦህዳኖ ናባብካተ?
MAT 22:32 ጾዚ፥ ‹ታኒ አብራሃማ ጾዝ፥ ይሳቃ ጾዝ፥ ያይቆባ ጾዝ› ያጋይዳ። ይኒ ግሾ፥ ጾዚ ፋጻ የዙንꬅ ጾዛፕ አትን Ꮉይቂዱንꬅ ጾዝ ባያ» ያጋይዳ።
MAT 22:33 ጋማ አሱንꬅ ይኖ ስእ፥ ኤ ትምርትተ ጋማ ቆፕዳ።
MAT 22:34 የሱሳ ሳዱቃዉንꬅስ ጋዉደ ባዝ ꬋብስዳኖ ፋራሳዉንꬅ ስእደ ዎደ ፈትላ ሺቅዳ።
MAT 22:35 ኡን ግዳፓ ፈቲ ህገ አስታማርዘ የሱሳ ፋታና ኦጨ ኦጭዳ።
MAT 22:36 «አስታማርዛዮ፥ ህገ ኡባፓ ኣꬍዘ አያ?» ያጋእ ኦጭዳ።
MAT 22:37 የሱሳ ማህ፥ ነ ላꬃ፥ ነ ጾዛ፥ ነ ኩሙꬅ ዎዝናፓ፥ ነ ኩሙꬅ ሸምፖፓ፥ ነ ኩሙꬅ ቆፋፓ ካꬎ።
MAT 22:38 ኡባፓ ኣꬍዘን ቲኖ ኪታ Ꮉኖ።
MAT 22:39 ላምእንꬃ ኡባፓ ኣꬍዘ ኪታ፥ አስ ኡባ ነ ኦምቶ ነ ካꬍዛን ፋና ካꬎ ያጋዛኖ።
MAT 22:40 ሙሴ ህገን ናቡንꬅ ትምርተ ኡባ Ꮉና ኪትላ አፋ ካታነ ያጋይዳ።
MAT 22:41 ፋርሳዉንꬅ ፈትላ ሺቂ የዝን፥ የሱሳ ኡንታና፥
MAT 22:42 «ክርስቶሳ ባዝ ይን ዋጋኤተ? ኤ ኦደ ናአ?» ያጋእ ኦጭዳ። ኡን፥ «ኤ ዳዉተ ናአ» ያጋእ ማህዳ።
MAT 22:43 የሱሳ ኡንታጎ፥ «ዬዝን፥ ዳዉተ ጌሽ አያናራ ማቂ ዋይዝ ክርስቶሳ፥ ‹ላꬆ› ጋእ ጼገ? ዳዉተ ጋእተራ፥
MAT 22:44 «ላꬂ ጾዚ፥ ታ ላꬄጎ፥ ነ ሞርኩንꬃና ነ ቶህታ የꬍዘ በሲ ማሆደ ዎንꬅስ፥ Ꮉነ ታፓ ምዛቅ ባጋራ በቶ» ጋይዳ።
MAT 22:45 ይኬ፥ ዳዉተ ክርስቶሳ ላꬆ ጋእ ጼግኮ፥ ዋይዝ ክርስቶሳ ዳዉተ ናአ ማቀ? ያጋይዳ።
MAT 22:46 የሱሳስ ፈቲ ቃላ ማሆደስ ዳንዳእደ አስ ኦደን ባያ። ማህ ይና ቃምትፓ ደንꬂ መለ ኦጨ ኦጮደስ ኦደን ዳንዳእካያ።
MAT 23:1 ይንፓ ሱባ፥ የሱሳ ሺቅደ አሱንꬅስን ፋ ታማሩንꬅስ Ꮉኒ ጋር ያጋይዳ።
MAT 23:2 «ህገ አስታማሩንꬅን ፋርሳዉንꬅ ሙሴ ህገ ታማርሶደስ አደትꬅ ዎልቃራ የነ።
MAT 23:3 ይኒ ግሾ፥ ኡን ይንታና ኪትደ ኡባ ኦችቶ ናጎተ። የዝን ኡን ኦችዛን ፋና ኦችፈተ። አኮስ ጋይኮ፥ ኡን ኦህዛንፋና ኦቾስ።
MAT 23:4 ኡን ቶኮደስ ዳንዳእንቶሰ ቶፎ አጪ አስ ቶሳነ። የዝን ፋስ መለ አቶ የዝን፥ የ ቶፍዛ አሱንꬅ ቶክዘ ዎደ ግልአ በርꬃራ ቦቾደስ ኮዮስ።
MAT 23:5 «የዝን ኡን ፋ ኦችቶ ኡባ አስ በአደ ፋና ኦቻነ። ፋ ስንተን ኩሽተ አጭዘ ማጻፈ ጽቅሰ የዘ ኪታፈ ዳልግዛነ፥ ፋ አፉልቲ ማጫርቶን ጳርግዛነ።
MAT 23:6 ሞክንትዘ በሳ ቦንቾ በስን አይሁደ ዎሳ ኬꬃ ጋማ ሎኦ ኦይዳ ካꬋነ።
MAT 23:7 አሱንꬅ ጋበ ኡንታና ቦንቾራ ሳርꬆዳኖን ‹አስታማርዛዮ› ጋእ ጼግዛኖ ኮያነ።
MAT 23:8 «የዝን ይን አስታማርዘ ፈቶ ጻላላ ማቅደ ግሾን ይን ኡባ እሹንꬃና ማቅደ ግሾ ‹አስታማረ› ጋእንቲ ጼግንትፐተ።
MAT 23:9 ይንትስ ሳሎ ፈቲ አዳይ ጻላላ የዘ ግሾ Ꮉነ ሳአላ ኦደን ‹አዳዮ› ጋእ ጼግንትፐተ።
MAT 23:10 ይንትስ ፈቲ ላꬂ ክርስቶሳ ጻላላ የዘ ግሾ ‹ላꬆ› ጋእንት ጼግንትፐተ።
MAT 23:11 ይን ግዳ አንግስትዘ ይንትስ አሮ ማቀ።
MAT 23:12 ፋና ꬎቅ ዪዘ ኦደን ቶቾዳ፤ ፋና ቶችዘ ኦደን ꬎቅ ጋውዳ።
MAT 23:13 «ይን፥ ጩቡንꬆ፥ ህገ አስታማሩንꬆ ፋርሳዉንꬆ፥ አሱንꬅ ቲኖ ሳሎ ካእቱሞ ጎርድዙንꬆ ይንታና ባደ። ይን፥ ይን ኦምተ ገሎስ ማህ መሉንꬃናን ገልꬆስ።
MAT 23:14 [«ይን ጩቡንꬆ፥ ህገ አስታማሩንꬆን፥ ፋርሳዉንꬆ ቡዳኑንꬅ ኬꬅቶ ይን ቦንቅተ፥ አስ ቦኦ ጋእ ዎሳ ጳርግዛነ። ይኒ ግሾ ይንታና ባደ። ኡባፓ ኣꬍዘ ፍርዳ ይንታና ናጋነ።]
MAT 23:15 «ይን፥ ጩቡንꬆ፥ ህገ አስታማሩንꬆ ፋርሳዉንꬆ፥ ይን ፈቲ አስ አማንꬆደስ አባራን ሳአራን ዉታነ። የዝን ይን ኤዛ አማንꬅደ ዎደ የ አꬃ ይንታፓ አꬂ ጋናመስ ጊግዘ ግሾ ይንታና ባደ።
MAT 23:16 «ኦደን ጾዘ ኬꬃራ ጫቂኮ አኮን ባያ። የዝን ጾዘ ኬꬃ የዘ ዎርቃራ ጫቂኮ፥ ይና ጫቅታ ኤዛ ጎሞዳ ጋዘ ቆቁንꬆ፥ ይንትስ ቆቂ መሉንꬃና ካልꬅዙንꬆ፥ ይንታና ባደ።
MAT 23:17 ይን፥ ኤዩንꬆ፥ ቆቁንꬆ፥ ዎርቃ አꬋነነ? ዎርቂዛ ጌሽዘ ጾዘ ኬꬅታ አ?
MAT 23:18 ማህ ‹ኦደን ዣርሾ ዣርሽዘ በስተ ጫቂኮ፥ አኮን ባያ። የዝን ኦደን ኤ ካታራ የዘ ዣርሽተ ጫቂኮ፥ ይና ጫቅታ ኤዛ ጎሞዳ› ያጋእ ታማርሳነ።
MAT 23:19 ይን፥ ቆቁንꬆ፥ ዣርሽታ አꬋነነ? ዣርሽቶ ጌሽዘ በስታ አ?
MAT 23:20 ይኒ ግሾ፥ ዣርሾ በስተ ጫቂዘ አꬄ፥ ይና ዣርሾ በስተን ኤላ አፋ የዘ ኡባነ ጫቃነ።
MAT 23:21 ጾዘ ኬꬃ ጫቂዘ አꬄ፥ ይና ጾዘ ኬꬅተን እዘ የዘ ጾዘላ ጫቃነ።
MAT 23:22 ሳሎ ጫቂዘ አꬄ ጾዘ አራትተን የ አራትዘላ በትደ ጾዘላ ጫቃነ።
MAT 23:23 «ይን፥ ጩቡንꬆ፥ ህገ አስታማሩንꬆን ፋርሳዉንꬆ፥ ይንታና ባደ። ይን ካርꬅ ጋላፓ፥ ናትራፓን ጻሎተፓ አስራታ ከሳነ። የዝን ህግተ የዘ ኣꬊ ኮሽዙንꬃና አሽዳ። ይናን ሉለ ፍርዳ፥ ማሮትꬅን ኡባ ባዛ አማንንተ። መሉንꬃናን አሽካይዛራ Ꮉንሳና ይን ኦቾደስ ቤዛነ።
MAT 23:24 ይንትስ ቆቂ መለ አስ ካልꬅዙንꬆ፥ ይን ኡሽትፓ ዉኑኖ ኬሲ ግማለ ቆꬋነ።
MAT 23:25 «ይን፥ ጩቡንꬆ፥ ህገ አስታማሩንꬆ ፋርሳዉንꬆ፥ ይንታና ባደ። ይን ቡርጩቆስን ሳነስ ካታ ዛልቶ ጌሻነ። የዝን ኡን ጋንጭተ ቦንቃን ቂራትꬅ ኩምዳ።
MAT 23:26 ናተ ቆቀ ፋርሳዉዛዮ፥ ቡርጩቆስን ሳነስ ጋንጭቶ ቲኒ ጌሾ። ይንፓ ሱባ፥ ካታ ዛልታን ጌሽ ማቃዳ።
MAT 23:27 «ይን፥ ጩብንꬆ፥ ህገ አስታማሩንꬆን ፋርሳዉንꬆ፥ ይንታና ባደ። ባለ ዛላራ ቦꬅ ቃላመ ትዥንቲ ሎእ፥ ጋንጭተ መቃꬅን ዎቅደባዝ ኩምደ ቦዛ ይን አዛነ።
MAT 23:28 ይኒ ፋና፥ ካታ ዛላራ አስስ ሎኦ አዛነ። የዝን ይን ጋንጭተ ጩቦን ኢታትꬅ ኩምዳ።
MAT 23:29 «ይን፥ ጩቡንꬆ፥ ህገ አስታማሩንꬆን ፋርሳዉንꬆ፥ ይንታና ባደ። ይን ናቡንꬅስ ቦዛ ኬጻነ፥ ማህ ጽሉንꬅ ቦዛን ሎይꬃነ።
MAT 23:30 ማህ ይን፥ ‹ኑኒ ዛጋ ኑ አዱንꬅ ዎደ የዘ ባዝ ማቅዛኮ፥ ኡንታራ ዎላ ናቡንꬅ ሱꬅቶ ጉሳማ የሻ› ያጋነ።
MAT 23:31 ይኒ ግሾ፥ ይን ናቡንꬃና ዎꬍደ አስ ናኡንꬃና ማቅዳኖ ይን ይን ኦምተ ማርክꬋነ።
MAT 23:32 ይኬ፥ ይን አዱንꬅ አይክዳኖ ይን ፎሎተ።
MAT 23:33 «Ꮉንꬅ ሾሹንꬆ፥ ጎፕ ናኡንꬆ፥ ይን ጋናመ ፍርዳፓ ዋይዝ አቶደ?
MAT 23:34 ይኒ ግሾ፥ ታ ኦህዛኖ ስኦተ፤ ታኒ ናቡንꬃና፥ ጭንጫ አሱንꬃናን አስታማሩንꬃና ይንታጎ ኪቶዳ። ኡንታፓ ፈታ ፈታ ይን ዎꬎዳን ማስቃላላ አፋ ሱጾዳ። ባጉንꬃና አይሁደ ዎሳ ኬꬃ አላንጋራ ጋራፎዳን ካታማፓ ካታማ ባይኦዳ።
MAT 23:35 ይኒ ግሾ፥ ጽሎ አቤላ ሱꬃፓ ደንꬂ፥ ጾዘ ኬꬃፓን ዣርሾ በሳፓ ግድተ ይን ዎꬍደ ባራክያ ናአ ዛካርያሳ ዎደ የሎደስ Ꮉይቂደ ጽሎ አስ ኡባ ግሾ ይንታና የሎዳ።
MAT 23:36 ታኒ ይንትስ ቱሮ ኦህነ፤ ይንትን ይን አዱንꬅ ኦችደ ባልትስ Ꮉና ፍርድታ ኡባ Ꮉንꬅ የለቱንꬃላ የሎዳ።
MAT 23:37 «የሩሳላመ፥ የሩሳላመ፥ ናቡንꬃና ዎꬍዛነ! ጾዚ ኔጎ ኪትዱንꬃና ሹቻራ ꬎግዛነ! ሉኩለ ፋ ናኡንꬃላ አፋ ቀፈራ Ꮉጵዛን ፋና ታኒ ነ አሱንꬃና ታ ሹጵተ ሺሾደስ ዋንꬅ ቶሄ ኮይዶ! የዝን ታና ነ እጽዳ።
MAT 23:38 ይኬ፥ ይን ጾዘ ኬꬅታ ካይስ ማቃዳ።
MAT 23:39 ታኒ ይንትስ ኦህነ፤ ‹ላꬄ ሱንꬅተ የእዘ አንጅንትዳያ› ይን ጋኦደ ዎንꬅስ ላምእንꬃ ታና ቦኦስ» ያጋይዳ።
MAT 24:1 የሱሳ ጾዘ ኬꬃፓ ኬዚ ቅትዝን፥ ኤ ታማሩንꬅ ኤጎ ይእ፥ ጾዘ ኬꬅ ግምብቶ ቤዝዳ።
MAT 24:2 የሱሳ ኡንታጎ ማህ፥ «ዬ! Ꮉኖ ኡባኖ በእነተ? ታኒ ይንትስ ቱሮ ኦህነ፤ ሹች ሹቻላ አፋ ኬልንትደ ፋና ፈትን ዉልእንትካይዛራ አቶስ» ያጋይዳ።
MAT 24:3 የሱሳ ሻማሄ ደረላ አፋ በቴዝን፥ ኤ ታማሩንꬅ ፋ ጻላላ ኤጎ ይእ፥ «ይና አይደ Ꮉኖድ የዛኮ ኑስ ኦሆ። ማህ ነ የእትስን ዎደ ዉርሱꬅትስ ማላ አኮ? ያጋእ ኦጭዳ።
MAT 24:4 «የሱሳ ማህ፥ ይንታና ኦደን ባልꬃመ ፋና ናግንቶተ!
MAT 24:5 አኮስ ጋይኮ፥ ጋማ አሱንꬅ ታ ሱንꬅተ፥ ‹ታኒ ክርስቶሳ፥ ጾዚ አስ አሾደስ ኪትዳያ› ያጋይትራ ይእ ጋማ አስ ባልꬆዳ።
MAT 24:6 ይን ኦላን ኦላ ዎረ ስኦደስ የነ። ይኒ ጋርዘ ባዝ Ꮉኖደስ ቤዝዘ ግሾ ይርግፐተ። የዝን ዉርሱꬅታ Ꮉጋ።
MAT 24:7 ዎርዣ ዎርዣራ፥ ፈቲ ካእቱሞ መለ ካእቱሞራ ኦልንቶዳ። ናየን ሳአ ኤንኤ ዱማ ዱማ በሳ ማቃዳ።
MAT 24:8 ይና ኡባና የሎ ꬋኤስ ዞቀ ፋና።
MAT 24:9 «የ ዎደ አሱንꬅ ይንታና ዋየስ አꬂ እንጎዳ፥ አጮዳን ዎꬎዳ። ታ ሱንꬅት ግሾ አስ ኡባ ይንታና እጾዳ።
MAT 24:10 የ ዎደ ጋሙንꬅ አማኖ አሾዳ። ፋ ግዳ ፈተ ፈታያ አꬂ እንጎዳ፥ ፈተ ፈታያ እጾዳ።
MAT 24:11 ማህ ጋማ ዎርዶ ናቡንꬅ ደንዲ ጋሙንꬃና ባልꬆዳ።
MAT 24:12 ኢታትꬅ ጋንግዘ ግሾ ጋማ አሱንꬅ ሲቅታ ቶዮዳ።
MAT 24:13 የዝን ዉርሱꬅ የሎደስ ገንጭደ አꬄ አቶዳ።
MAT 24:14 አስ ኡባስ ማርካ ማቃደ ፋና ጾዘ ካእቱሞ ዎንገለ ሳአ ኡባ ኦህንቶዳ። ይንፓ ሱባ፥ ዉርሱꬅታ ዮኦዳ።
MAT 24:15 «ይኒ ግሾ፥ ናብዘ ዳነላ ኦህደ ꬋብሰ ቱናትꬅ ጌሽ በሳ ኤቅዳያ ይን ቦኦዳ። ቆፕዘ ይና ዋግዛኮ ናባብዘ ቆፖ!
MAT 24:16 ይኒ ዎደ ይሁዳ ሳአ የዙንꬅ ደረጎ ዎጾ።
MAT 24:17 ፎቀላ አፋ የዘ አꬄ ፋ ኬꬅተ የዘ ባዝ ኤኮደስ ኬꬃ ገላንጽ ዎጾ።
MAT 24:18 ጋደ የዘ ፋ ማኦ ኤኮደስ ሱብ ማቅፐ።
MAT 24:19 የ ዎደ ዎዳꬅ ማቹንꬅን ꬋንꬅዘ ማቹንꬅስ ጋማ ኡንእንተ ማቃዳ።
MAT 24:20 ባርጎ ዎይ ሳምባታ ይን ዎጺ ꬋብዛና ማቃመ ፋና ጾዝ ዎሶተ።
MAT 24:21 አኮስ ጋይኮ፥ ሳአ መꬍንትዳንፓ Ꮉይኖ የሎደስ Ꮉንካይዘ ባዝ፥ ማህ ቲኖስን ሙሎ Ꮉኖሰ ማꬋ Ꮉኖዳ።
MAT 24:22 ይና ቃምት ፋይድቶ Ꮉትꬅካይዛኮ አስ ማቅደ ኦደን አቶስ። የዝን ኤ ፋ ዶርደ አሱንꬅ ግሾ ይና ቃምት ፋይድቶ Ꮉትꬆዳ።
MAT 24:23 «የ ዎደ ኦደን ይንታና፥ ‹ይኬ፥ ክርስቶሳ Ꮉነ› ዎይ ‹ሰካ የነ› ያጋይኮ አማንፐተ።
MAT 24:24 አኮስ ጋይኮ፥ ዎርዶ ክርስቶሱንꬅን ዎርዶ ናቡንꬅ ደንዶዳ። ኡንትስ ዳንዳእንትኮ፥ መለ አቶ የዝን ጾዝስ ዶርንትዱንꬃና ባልꬆደስ ዳማ ማላን ጋማ ቆፍዘ ባዝ ኦቾዳ።
MAT 24:25 ቆፖተ፥ ታ ይንትስ Ꮉኖ ቲኒ ኦህነ።
MAT 24:26 «ይኒ ግሾ፥ አሱንꬅ ይንታጎ፥ ‹ይኬ፥ ክርስቶሳ አኮ ባይዘ ጋናስ ሳአ የነ› ጋይኮ፥ እዘ Ꮉንግፐተ። ዎይ ይንታጎ፥ ‹ይኬ፥ ቆልአ የነ› ጋይኮ፥ ኡንባዝ አማንፐተ።
MAT 24:27 አኮስ ጋይኮ፥ ዜልንꬅ ሳሎ ዜልንጊ፥ አዋ ከሳፓ ገሎ የሎደስ በንትዛን ጋር፥ አስ ናአ የእታ ይኒ ጋር ማቃዳ።
MAT 24:28 «ባዉታ የዘ በሳ አንኩንꬂ ሺቆዳ።
MAT 24:29 «የ ዎደ ይና ዋየ ቃምትፓ ሱባ፥ «ኢራ አዋ ꬉሞዳ፥ አግናን ፋ ፎእቶ ካዮዳ። ጾልንቶን ሳሎፓ ዎꬎዳ፥ ማህ ሳሎ የዘ ዎልቃ ቡቁንቶዳ።
MAT 24:30 የ ዎደ አስ ናአ የኤ ማላ ሳሎላ አፋ በንቶዳ። ሳአ የዘ አስ ኡባ ዬኮዳ። ማህ አስ ናአይ፥ ዎልቃራን ዳማ ቦንቾራ ሳሎ ꬎነ ግዳራ ዬዝን ይን ቦኦዳ።
MAT 24:31 ኤ ፋ ኪታንቹንꬃና ዳማ ፉግዘ ሞይዘራ ኪቶዳ። ኡን ሳአ ኦይዲ ዛላ ቅቲ፥ Ꮉይጋ ጋጻፓ ሰኮ ጋጻ የሎደስ የዘ ኤስ ዶርንትዱንꬃና ሺሾዳ።
MAT 24:32 «በለሰ ምንጻፓ ታማሮተ። እዛ ኣጪ Ꮉየ ኬስዘ ዎደ ቶርቼ ኡክዳኖ ይን ኤራነ።
MAT 24:33 ይኒ ጋራን፥ ይን Ꮉኖ ኡባ በእዘ ዎደ ፉርꬃ ኡክዳኖ ኤሮተ።
MAT 24:34 ታኒ ይንትስ ቱሮ ኦህነ፤ Ꮉና ኡባና ፎልንቶደ ዎንꬅስ፥ Ꮉና የለቱንꬅ አꬋማ።
MAT 24:35 ሳሎን ሳአን አꬎዳ፥ የዝን ታ ቃልታ አꬎኦስ።
MAT 24:36 «ይና ቃምቶን ይና ሳቶ ሳሎ የዘ ታ አዳይፕ አትን መለ ሳሎ ኪታንቹንꬃና ማቅን ዎይ ናአያ ማቅን ኦደን ኤሮስ።
MAT 24:37 አስ ናአ የእታ፥ ኖሄ ዎደ Ꮉንዳን ጋር ማቃዳ።
MAT 24:38 የ ዎደ ꬋብሰ Ꮉꬅ ዮኦደፓ ቲኖ ኖሄ ማርካበ ገልደ ቃማ የሎደስ፥ አሱንꬅ ሙእተን ኡዥተ፥ ኤክተራ ገልተራ ጋምእዳ።
MAT 24:39 ꬋብሰ Ꮉꬅ ይእ፥ ኡንታና ኡባ ꬋብሶደ ዎንꬅስ ቆፕካያ። አስ ናአ የእታን ይኒ ፋና ይአዳ።
MAT 24:40 «የ ዎደ ላምእ አሱንꬅ ጋደ ኦቾዳ። ኡንታፓ ፈታይ ኤክንቶዳ፥ Ꮉንካይ አቶዳ።
MAT 24:41 ላምእ ማቹንꬅ ዎላ ጋጮዳ። ኡንታፓ ፈታ ኤክንቶዳ Ꮉንካና አቶዳ።
MAT 24:42 «ይኬ፥ ይን ላꬄ አኮ ቃማ ዮኦድ የዛኮ ይን ኤሮሰ ግሾ ሚንግ ናጎተ።
MAT 24:43 የዝን ካይዞ ቃማፓ አኮ ሳተ ዮኦደ የዛኮ ካርቲ አዳይ ኤርዛኮ፥ ፋ ኬꬅታ ቦክንታመ ፋና ባርክ ናጎዳ የሻ።
MAT 24:44 ይኒ ጋራን፥ አስ ናአይ ይን ቆፕካይዘ ሳተ ዮኦደ ግሾ ይን ጊጊ የዞተ።
MAT 24:45 «ዬዝን፥ ፋ ካራ አሱንꬅስ ካꬃ ኮሽዘ ዎደ እንጎደ ፋና ኤ ላꬅዘ ዶርደ አማንንትዘን ዎዝናራ የዘ አሮ ኦደ?
MAT 24:46 ኤ ፋ ላꬄ ኪትዳኖ ኦችዝን ኤ ላꬄ ይእ ደንግደ አርዘ አንጅንትዳ።
MAT 24:47 ታኒ ይንትስ ቱሮ ኦህነ፤ ላꬂ የ አርዛ ፋ ባዝትላ ኡባ ሹሞዳ።
MAT 24:48 የዝን የ አርዘ ኢታ ማቅኮ፥ ‹ታ ላꬄ ጋምእ ዮኦዳ› ያጋእ ፋ ዎዝንተ ቆፒ፥
MAT 24:49 ፋ ላገ ኦችዙንꬃና Ꮉ አይክኮ፥ ማꬅንትዙንꬃራ ሙይኮ ኡዥኮ፥
MAT 24:50 የ አርዘ ላꬄ ኤ ቆፕካይዘ ቃማን ኤ ኤሮሰ ሳተ፥
MAT 24:51 ይእ ኤዛ ጋቾዳ። ኤ እጽቶን ጩቡንꬃራ ማሆዳ። ይና በስተ ኤስ ዬፎን አች ጋርጭንገ ማቃዳ።
MAT 25:1 «የ ዎደ ሳሎ ካእቱሞ ፋ ኩራዝቶ አይኪ፥ ማቾ ኮኦደስ ቅትደ ꬊራꬃያ ሞኮደስ ከዝደ ታጵ ዉዱሩንꬃና አዛነ።
MAT 25:2 ኡንታፓ እችኑንꬅ ቦዛ፥ ማህ እችኑንꬅ ጭንጫ።
MAT 25:3 ቦዙንꬅ ኩራዘ አይክዳ፥ የዝን መለ ላምባ አይክካያ።
MAT 25:4 የዝን ጭንጩንꬅ ፋ ኩራዝተ መለ ጉጃ ላምባ አይክዳ።
MAT 25:5 ማችቶ ኤክዘ ጋምእን፥ የንꬅ ዉዱሩንꬅ ገንቶ አይክን ገንትዳ።
MAT 25:6 «ግዲ ብላሄ ማቅዘ ዎደ ‹ይኬ፥ ማችቶ ኤክዛይ የልዳ፥ ኤዛ ሞኮደስ ከዞተ› ያጋዘ ዳማ ደንꬅꬅዘ ኪታ ስንትዳ።
MAT 25:7 «የ ዎደ የንꬅ ዉዱሩንꬅ ኡቡንꬅ ባርክ፥ ፋ ኩራዝቶ ጊግዝዳ።
MAT 25:8 ቦዙንꬅ ጭንጩንꬃጎ፥ ‹ኑ ጾምፕታ Ꮉይቆደስ ዪዘ ግሾ ሻጊ ይን ላምቢትፓ ኑስ እንጎያተ› ያጋይዳ።
MAT 25:9 «የዝን ጭንጩንꬅ ኡንታጎ ማህ፥ ‹አደ፥ ኑስን ይንትስን ማቅዘ ላምባ ባያ። ይኒ ግሾ፥ ይንትስ Ꮉንግ ዎንግ ኤኮተ› ያጋይዳ።
MAT 25:10 ቦዛ ዉዱሩንꬅ ላምባ ዎንጎደስ ቅትን፥ ማችቶ ኤክዘ ይእዳ። ጊግንቲ በትደ እችን ዉዱሩንꬅ ኤራ ዎላ ዣጋና ኬꬃ ሙስስ ገልዳ፤ ፉርꬅቶን ጎርዲ አሽዳ።
MAT 25:11 «ሱባፓ Ꮉንኮ ዉዱሩንꬅ ይእ፥ ‹ላꬆ፥ ላꬆ፥ ኑስ ቡጎያ› ያጋይዳ።
MAT 25:12 «የዝን ኤ ኡንታጎ ማህ፥ ‹ታኒ ይንትስ ቱሮ ኦህነ፤ ታ ይንታና ኤሮስ!›
MAT 25:13 «ይኬ፥ አስ ናአ ዮኦደ ቃምቶ ዎይ ሳቶ ይን ኤሮሰ ግሾ ባርክ ናጎተ።
MAT 25:14 «ሳሎ ካእቱሞ ፋ ኦችዙንꬃና ጼጊ ፋስ የዘ ባዝ ኡንትስ እንግ ኦገ ቅቶደስ ከዝደ አꬃ አዛነ።
MAT 25:15 ኡንትስ ኦማራ ኦማራ ኡን ዎልቅት ጋር ፈታይስ እችን መክሊተ፥ ፈታይስ ላምእ መክሊተ ማህ ፈታይስ ፈቲ መክሊተ እንግ ፋ ኦገ ቅትዳ።
MAT 25:16 እችን መክሊተ ኤክደ አርዘ ኢራ Ꮉንግ ዛልእ፥ መለ እችን መክሊተ ትርፍዝዳ።
MAT 25:17 ይኒ ጋር፥ ማህ ላምእ መክሊተ ኤክደ አርዘ መለ ላምእ ትርፍዝዳ።
MAT 25:18 የዝን ፈቲ መክሊተ ኤክዳይ Ꮉንግ፥ ኦላ ቦኪ፥ ፋ ላꬅዘ ብርዛ ሞግዳ።
MAT 25:19 «ጋማ ዎደፓ ሱባ የንꬅ አሩንꬅ ላꬄ ይእ፥ ፋ ሚሽቶ ኡንታራ ብእዳ።
MAT 25:20 እችን መክሊተ ኤክደ አርዘ ይእ፥ መለ እችን መክሊተ ክእ፥ ‹ታ ላꬆ፥ ነ ታስ እችን መክሊተ እንግዳ። የዝን ታኒ መለ እችን መክሊተ ትርፍዝዳ› ያጋይዳ።
MAT 25:21 ኤ ላꬄ፥ ‹ዛምባይ! ነ ሎኦን አማንꬅዘ አሮ፤ ነ ኤራꬅ ባዛ አማንንትዳ። ታኒ ነና ጋማ ባዛላ አፋ ሹሞዳ፤ Ꮉነ ገሊ ነ ላꬄራ ኡፋይቶ› ያጋይዳ።
MAT 25:22 «ማህ ላምእ መክሊተ ኤክዳይ ይእ፥ ‹ታ ላꬆ፥ ነ ታስ ላምእ መክሊተ እንግዳ። የዝን ታኒ መለ ላምእ መክሊተ ትርፍዝዳ› ያጋይዳ።
MAT 25:23 ኤ ላꬄ፥ ‹ዛምባይ! ነ ሎኦን አማንꬅዘ አሮ፤ ነ ኤራꬅ ባዛ አማንንትዳ። ታኒ ነና ጋማ ባዛላ አፋ ሹሞዳ፤ Ꮉነ ገሊ ነ ላꬄራ ኡፋይቶ› ያጋይዳ።
MAT 25:24 «ማህ ፈቲ መክሊተ ኤክዳይ ይእ፥ ‹ታ ላꬆ፥ ነ ቡድካይዛራ ማጽዛን ቡርግካይዛራ ሺሽዘ ኢታ አስ ማቅዳኖ ታ ኤራነ።
MAT 25:25 ይኒ ግሾ፥ ዣሽቲ ነ መክሊትዛ ሳአ ሞግዳ። ነ መክሊትዘ Ꮉይንሸ› ያጋይዳ።
MAT 25:26 «ኤ ላꬄ ማህ፥ ‹Ꮉይ ኢታ አዛልአ አርዛዮ፥ ታኒ ቡድካይዛራ ማጽዛኖን ቡርግካይዛራ ሺሽዘ አስ ማቅዳኖ ኤርዳ።
MAT 25:27 ዬዝን፥ ነ ታ መክሊትዛ ባንከ ጋደዛኮ፥ ታኒ ማቅዘ ዎደ ታ መክሊትዛ ትርፈራ ኤኮዳኖ ካይዳ።
MAT 25:28 ይኒ ግሾ፥ መክሊትዛ ኤፓ ኤኪ፥ ታጵ መክሊተ የዘስ እንጎተ።
MAT 25:29 አኮስ ጋይኮ፥ የዘ ኡቡንꬅስ ጉጅንቶዳን ጋንጎዳ። የዝን ባይዘፓ መለ አቶ የዝን፥ የ ኤስ የዛይን ኤክንቶዳ።
MAT 25:30 Ꮉይ ማዶሰ አርዛ ባለ ꬉማ ኬሲ ኦሎተ። እዘ ኤስ ዬፎነ አች ጋርጭንገ ማቃዳ› ያጋይዳ።
MAT 25:31 «አስ ናአ፥ ኪታንቾ ኡቡንꬃራ፥ ፋ ቦንቾራ የእዘ ዎደ ኤ ፋ ቦንቾ ካእቱሞ አራታላ በቶዳ።
MAT 25:32 ሳአ የዘ አስ ኡባ ኤ ቲኖ ሺቆዳ። ዉደ አዳይ ዱሩንꬃና ዴሹንꬃፓ ሻክዛን ፋና ኤ የ አሱንꬃና ላምእ በሳ ሻጎዳ።
MAT 25:33 ማህ ዱሩንꬃና ምዛቅ ዛላራ ዴሹንꬃና ዎርክታ ዛላራ ኤሶዳ።
MAT 25:34 «ይንፓ ሱባ፥ ካትዘ ምዛቅ ዛላራ የዙንꬃጎ Ꮉኒ ፋና ያጋዉዳ፦ ‹ታ አዳይ አንጅዱንꬆ፥ Ꮉንካ ይእ ሳአ መꬍንትዘ ዎደ ይንትስ ጊግደ ካእቱምቶ ላቶተ።
MAT 25:35 አኮስ ጋይኮ፥ ታኒ ናይꬍን ሙዝዳ፥ ባርꬍን ኡሽዳ፥ ዛቆ አስ ማቂ ይእን ሞክዳ፥
MAT 25:36 ካልꬍን ማእስዳ፥ Ꮉርግንትን ኦጭዳ፥ አጭንትን ታና ኦጭዳ› ያጋይዳ።
MAT 25:37 «ይንፓ ሱባ፥ ጽሉንꬅ ማህ፥ ‹ላꬆ፥ ነ ናይꬍን አይደ ብእ ሙዝዶ? ዎይ ነ ባርꬍን አይደ ብእ ኡሽዶ?
MAT 25:38 ነ ዛቆ ማቂ ይእን አይደ ብእ ሞክዶ? ዎይ ነ ካልꬍን አይደ ማይዝዶ?
MAT 25:39 ነ Ꮉርግንትን ዎይ አጭንትን ኔጎ Ꮉንግ ነና አይደ ኦጭዶ?› ያጋዉዳ።
MAT 25:40 ካትዘ ማህ፥ ‹ታኒ ይንትስ ቱሮ ኦህነ፤ ይን ታና ካልዘ Ꮉንꬅ እሹንꬃፓ ኤርዘስ ኦችዳና ታስ ኦችዳ› ያጋዉዳ።
MAT 25:41 «የ ዎደ ዎርክታ ዛላራ የዙንꬃጎ፥ ‹Ꮉንꬅ ባድንትዱንꬆ፥ ታ ካለፓ Ꮉኮተ። ጻላሄስን ኤ ኪታንቹንꬅስ ጊግደ መዽና ታማ ቅቶተ።
MAT 25:42 አኮስ ጋይኮ፥ ናይꬍን ታና ሙዝካያ፤ ባርꬍን ኡሽካያ።
MAT 25:43 ታኒ ዛቆ ማቂ ይእን ታና ሞክካያ፥ ካልꬍን ማይዝካያ፥ Ꮉርግን አጭንትን ታና ኦጭካያ ያጋዉዳ።
MAT 25:44 «የ ዎደ ኡን፥ ‹ላꬆ፥ ነ ናይꬍን ዎይ ባርꬍን ዎይ ዛቆ ማቂ Ꮉንግን ዎይ ካልꬍን ዎይ Ꮉርግን ዎይ አጭንትን ብእ ነና አይደ ማዳንጽ እጽዶ?› ያጋእ ማሆዳ።
MAT 25:45 «የ ዎደ ካትዘ ማህ ኡንታጎ፥ ‹ታኒ ይንትስ ቱሮ ኦህነ፤ ይን ታና ካልዘ Ꮉንꬅ ኡቡንꬃፓ ኤርዛያ ማዳንጽ እጽኮ፥ ታና ማዳንጽ እጽዳያ› ያጋዉዳ።
MAT 25:46 ይኒ ግሾ፥ የንꬅ አሱንꬅ መዽና ፍርዳስ ማህ ጽሉንꬅ መዽና ደኦስ ቅቶዳ» ያጋይዳ።
MAT 26:1 የሱሳ ይና ትምርትቶ ኡባ Ꮉስደ ዎደ ፋ ታማሩንꬃጎ፥
MAT 26:2 «ላምእ ቃማፓ ሱባ፥ ፋስካ ባአለ ቦንችዘ ቃማ ማቅዛኖ ይን ኤራነ። ይና ቃምተ አስ ናአይ ማስቃላላ አፋ ሱጹንቶደስ አስ ኩሸ ኣꬊ እንግንቶዳ» ያጋይዳ።
MAT 26:3 የ ዎደ ካህኑንꬅ Ꮉላቁንꬅን ጭሙንꬅ፥ ቃያፋ ጋዘ ካህኑንꬅ Ꮉላቅዘ ኬꬃ ሺቂ፥
MAT 26:4 አስ ኤርካይዝን የሱሳ አይኪ፥ ዎꬎደስ ዞርንትዳ።
MAT 26:5 የዝን ኡን፥ «አሱንꬅ ግዳ ካች ደንዳመ ፋና ጋእ፥ ፋስካ ቦንችዘ ቃማ ማቅፐ» ያጋይዳ።
MAT 26:6 የሱሳ ብታንያ ካታማ ቁርሱማ Ꮉርግደ ስሞና ካራ የነ።
MAT 26:7 የሱሳ ሌማተላ የዝን ፈቲ ማችታ አልባስጥሮሰ ብልቃጠ ኩሙꬅ ጋማ አልኦ ሽቶ ኤኪ ይእ የሱሳ ኦምተ ጉስዳ።
MAT 26:8 የዝን የሱሳ ታማሩንꬅ ይኖ ብእ ዥልꬊ፥ «Ꮉና ሽትታ Ꮉሪ ኢትዛና አኮሶ?
MAT 26:9 Ꮉና ሽትታ አልኦ ዋጋስ ባይዝንቲ፥ ብርታ ዳሁንꬅስ እንግንቶደስ ዳንዳእንታነ» ያጋይዳ።
MAT 26:10 የሱሳ ኡን ጋዛኖ ኤሪ፥ ኡንታጎ፥ «Ꮉና ማችቶ አኮስ ዋይተ? እዛ ታስ ሎኦ ባዝ ኦችዳ።
MAT 26:11 ዳሁንꬅ ኡባ ዎደ ይንታራ የሳዳ። የዝን ታኒ ይንታራ ኡባ ዎደ የዞስ።
MAT 26:12 እዛ Ꮉና ሽትቶ ታላ አፋ ጉስዳና ታና ሞጎደስ ጊግሳደስ።
MAT 26:13 ታኒ ይንትስ ቱሮ ኦህነ፤ ሳአ ኡባ Ꮉይ ዎንገልዘ ሳባክንትዘ በሳ አባን፥ አሱንꬅ እዞ ኦሆደ ጋር እዛ ኦችዳና ኦህንቶዳ» ያጋይዳ።
MAT 26:14 የ ዎደ ታጶ ላምእ የሱሳ ታማሩንꬃፓ ፈታይ፥ የስቆሮቱ ሳአ ይሁዳ ጋእንትዘ ካህኑንꬅ Ꮉላቁንꬃጎ፥
MAT 26:15 Ꮉንግ፥ «ታኒ ይንትስ የሱሳ አꬂ እንግኮ፥ ይን ታስ አኮ እንጎደ?» ያጋእ ኡንታና ኦጭዳ። ኡን ዞርንት Ꮉስታም ሹች ብራ ሳንትመ እንግዳ።
MAT 26:16 ይንፓ ሱባ፥ ይሁዳ የሱሳ አꬂ እንጎደስ ዎትዘ ዎደ ኮያነ።
MAT 26:17 ቦራ ባአለ ቦንችዘ ቲኖ ቃማ፥ የሱሳ ታማሩንꬅ ኤጎ ይእ፥ «ፋስካ ቦንችዘ ቃማ ነ ማአደ ካꬃ ኑ አባ ጊግሳደ?» ያጋይዳ።
MAT 26:18 የሱሳ ኡንታጎ፥ «ካታማ የዘ አꬄጎ Ꮉንግ፥ ‹አስታማርዘ፥ ታስ ዎደ የልደ ግሾ ታ ታማሩንꬃራ ፋስካ ቦንችዘ ቃማ ነ ካራ ኣꬆዳ ጋይዳ› ያጋኦተ» ጋይዳ።
MAT 26:19 ኤ ታማሩንꬅ የሱሳ ፋና ኪትዳን ፋና ኦቺ፥ ፋስካ ባአለ ቃማ ማአደ ካꬃ ጊግዝዳ።
MAT 26:20 ሳእታ ኡጉርዘ ዎደ የሱሳ ታጶ ላምእ ሐዋሩንꬃራ ካꬃ ማአደስ በትዳ።
MAT 26:21 ኡን ሙዝን፥ የሱሳ ኡንታጎ፥ «ታኒ ይንትስ ቱሮ ኦህነ፤ ይንታፓ ፈቲ አꬄ ታና አꬂ እንጎዳ» ያጋይዳ።
MAT 26:22 ኡን ጋማ ታኒ፥ ፈተ ፈተ፥ «ላꬆ፥ ቱሮ ታና የሳነ?» ጋእ ኤዛ ኦጭዳ።
MAT 26:23 የሱሳ ማህ፥ «ፋ ኩሽቶ ታራ ዎላ ጋባተ ዳክዛይ ኤ ታና አꬂ እንጎዳ።
MAT 26:24 አስ ናአ፥ ጾዘ ቃልተ ኤስ ጻፍንትዳን ጋር Ꮉይቆዳ። የዝን አስ ናአ አꬂ እንግዘ አꬃ ባደ፤ የ አꬄ የልንትካይዛራ አተዛኮ ኤስ ሎኦ የሻ» ያጋይዳ።
MAT 26:25 ኤዛ አꬂ እንጎደስ የዘ ይሁዳ ማህ፥ «አስታማርዛዮ፥ ነ ጋዘ ታናነ?» ያጋይዳ። የሱሳ ማህ፥ «ነ ጋይደ ፋና» ያጋይዳ።
MAT 26:26 ኡን ሙዝን፥ የሱሳ ዳቦ ቦራ ኤኪ ጾዝ ጋላትዳ። የ ቦርዛ ባጺ ፋ ታማሩንꬅስ እንግ፥ «Ꮉተ፥ ሞኦተ፥ Ꮉና ታ አሽቶ» ያጋይዳ።
MAT 26:27 ኡሽቶን ኤኪ፥ ጾዝ ጋላትዳ። ኡንትስ እንግ፥ «ኡቡንꬅ Ꮉንፓ ኡዦተ።
MAT 26:28 Ꮉና ጋማ አሱንꬅ ናጋርታ አቶ ጋእንቶደ ፋና ላንትዘ ታ ሱꬅቶ። Ꮉና ሱꬅታ ጾዚ ይንታራ ገልዘ ክለ ጫቅቶ።
MAT 26:29 የዝን ታኒ ይንትስ ኦህነ፤ ታኒ ታ አዳይ ካእቱሞ ክለ ዎይነ ኡሽ ይንታራ ኡሻደ ቃማ የሎደስ ማህ Ꮉኖ ዎይነ ኡሽቶ ኡዦስ» ያጋይዳ።
MAT 26:30 ጋላታ ማዝሙረ የጽደፓ ሱባ ሻማሄ ደረ Ꮉንግዳ።
MAT 26:31 የ ዎደ የሱሳ ኡንታጎ፥ «‹ጾዚ የንግዛያ ጉዶዳ ዱርንꬅን ላልንቶዳ› ጋእንት ጾዘ ቃልተ ጻፍንትዳን ጋር Ꮉይኖ ቃማ ይን ኡቡንꬅ ታና አሺ ላልንቶዳ።
MAT 26:32 የዝን ታኒ Ꮉይቆፓ ደንድዳንፓ ሱባ ይንታፓ ቲኒ ጋልላ ቅቶዳ» ያጋይዳ።
MAT 26:33 ጴጥሮሳ ማህ፥ «ኡን ኡባና ነና አሺ ካድኮን፥ ታኒ ነና ካዶስ» ያጋይዳ።
MAT 26:34 የሱሳ ጴጥሮሳጎ፥ «ታኒ ኔስ ቱሮ ኦህነ፤ Ꮉይኖ ቃማ ሉኩለ ኦሎዳንፓ ቲኖ ነ ታና Ꮉይꬕ ቶሄ ካዶዳ» ያጋይዳ።
MAT 26:35 ጴጥሮሳ ማህ፥ «ታኒ ኔራ ዎላ Ꮉይቀፕ አትን ነና ሙሎን ካዶስ» ያጋይዳ። Ꮉንኮ ኤ ታማሩንꬅ ኡባ ይኒ ፋና ያጋይዳ።
MAT 26:36 የ ዎደ፥ የሱሳ ፋ ታማሩንꬃራ ጌተሰማነ ጋዘ በስተ Ꮉንግ፥ ኡንታጎ፥ «ታኒ ጎደ Ꮉንግ ጾዝ ዎሶዳ፥ ይን Ꮉነ በቶተ» ያጋይዳ።
MAT 26:37 ጴጥሮሳን ዛብድዮሳ ናኡንꬃና ላምኡንꬃና ፋራ ኤኪ Ꮉንግ ጋማ አዛኖራ ኡንእንተ አይክዳ።
MAT 26:38 ማህ ኡንታጎ፥ «ታኒ Ꮉይቆስ የልꬅዘ ኡንአ ኡንእንትዳ። Ꮉነ ጋምኦተ ታራ ሚንግ ናጎተ» ያጋይዳ።
MAT 26:39 ኤራꬅ ቲኖ Ꮉንግ ሳአ ቡንቁንቲ፥ «ታ አዳዮ፥ ዳንዳእንትዘ ባዝ ማቅኮ Ꮉና ዋየ ጹኡቶ ታፓ Ꮉሶ። የዝን ነ ቆፍታ Ꮉኖፕ አትን ታ ቆፍታ Ꮉንፐ» ያጋእ ጾዝ ዎስዳ።
MAT 26:40 የሱሳ ፋ ታማሩንꬃጎ ማቂ ይእ ኡን ገንተዝን ደንግዳ። ጴጥሮሳጎ፥ «ይን ፈቲ ሳተ የዛኮን ታራ ሚንግ ናጎደስ ዳንዳኦሳ?
MAT 26:41 ፋታና ይን ገላመ ጋር ባርክ ናጎተን ጾዝ ዎሶተ። አያና ጊግንትዳ፥ የዝን አሾ ላቢꬅ» ያጋይዳ።
MAT 26:42 የሱሳ ማህ ላምእንꬃ Ꮉንግ፥ «ታ አዳዮ፥ ታኒ Ꮉና ዋየ ጹኡዘፓ ኡዥካይዛራ አꬎደስ ዳንዳእንቶሳ ማቅኮ ነ ቆፍታ Ꮉኖ» ያጋእ ጾዝ ዎስዳ።
MAT 26:43 ማህን ማቂ ይእዘ ዎደ ኤ ታማሩንꬅ ኣፍቶ ገንቶ ጎዝን፥ ዎይኤዝን ደንግዳ።
MAT 26:44 ማህ ኡንታና አሺ Ꮉንግ፥ ቲኖ ቃልቶ ማህ Ꮉይꬕንꬃ ዎስዳ።
MAT 26:45 ይንፓ ሱባ፥ ፋ ታማሩንꬃጎ ይእ፥ «Ꮉኖ የሎደስ ገንቲ ሸምፒ የነ? ይኬ፥ አስ ናአ፥ ናጋራንቹንꬅ ኩሸ ኣꬊ እንግንትዘ ሳተ የልዳ።
MAT 26:46 ደንዲ የꬎተ፥ ታና አꬂ እንግዘ Ꮉይንሸ የልዳ» ያጋይዳ።
MAT 26:47 የሱሳ Ꮉጋ ኦህዝን፥ ታጶ ላምእ ታማሩንꬃፓ ፈታይ፥ ይሁዳ የልዳ። ካህኑንꬅ Ꮉላቁንꬅን ጋደ ጭሙንꬅ ኪትደ ጋማ አሱንꬅ ማሻን ጉፈ አይኪ ኤራ ዎላ ይእዳ።
MAT 26:48 የሱሳ አꬂ እንግደ ይሁዳ የ ጋማ አሱንꬃጎ፥ «ታኒ ዬርዛይ ይን ኮይዘ ኤዛ፥ ኤዛ አይኮተ» ያጋእ ማላ እንግ ጋድዳ።
MAT 26:49 ኢራ የሱሳጎ ሺቂ፥ «አስታማርዛዮ፥ ሳሮ ኔስ ማቀ» ያጋእ ኤዛ ዬሪዳ።
MAT 26:50 የሱሳ ኤጎ፥ «ታ ላግዛዮ፥ ነ Ꮉነ አኮስ ይእዶ?» ያጋይዳ። ይንፓ ሱባ፥ ሺቂ፥ የሱሳ ኩሸራ አይክዳ።
MAT 26:51 የሱሳራ የዙንꬃፓ ፈታይ ፋ ማሽቶ ሾዲ ካህኑንꬅ Ꮉላቅዘ አርዛ ጉዲ፥ ኤ Ꮉይቶ ጋቺ ኦልዳ።
MAT 26:52 የዝን የሱሳ፥ «ነ ማሽቶ ሱባ ሾክተ ማሆ። አኮስ ጋይኮ፥ ማሻ ሾድዘ ኡባ ማሻራ Ꮉይቆዳ።
MAT 26:53 ታ፥ ታ አዳያ ዎስዛኮ ታጶ ላምእ ሙኩላፓ ኣꬍዘ ኪታንቹንꬃና ዳኮደስ ዳንዳኦሳ ኔስ አዛነ?
MAT 26:54 ዬዝን፥ ጾዘ ቃልተ ይኒ ጋር Ꮉኖደስ ቤዛነ ጋይንትዳና ዋይዝ ፎልንቶደ?» ያጋይዳ።
MAT 26:55 ይና ሳተ፥ የሱሳ የንꬅ ሺቅደ ጋማ አሱንꬃጎ፥ «ታና ፋኖ ማህ አይኮደስ ማሻን ጉፈ አይኪ ይእዳተ? ታኒ ጾዘ ኬꬃ ቃማን አዋራ ታማርስተራ ይንታራ የዘ ዎደ ታና አይክካያ።
MAT 26:56 የዝን Ꮉና ኡባ Ꮉንዳና ናቡንꬅ ጾዘ ቃልተ ጻፍዳና ፎልንቶደ ፋና» ያጋይዳ። የ ዎደ ኤ ታማሩንꬅ ኡባ ኤዛ አሺ ላልንትዳ።
MAT 26:57 የሱሳ አይክዱንꬅ ካህኑንꬅ Ꮉላቃ ቃያፋጎ ኤዛ ካንግዳ። እዘ ህገ አስታማሩንꬅን ጋደ ጭሙንꬅ ሺቂ የነ።
MAT 26:58 የዝን ጴጥሮሳ ካህኑንꬅ Ꮉላቅዘ ዎፋ የሎደስ Ꮉኮራ ኤዛ ካላነ። ኤ ፎልቶ በአደ ዎንꬅስ ግዳ ገሊ ናግዙንꬃራ በትዳ።
MAT 26:59 ካህኑንꬅ Ꮉላቁንꬅን ሺቅደ አሱንꬅ ኡባ የሱሳ ዎꬎደስ ኤላ አፋ ዎርዶ ማርካ ኮይዳ።
MAT 26:60 ጋሙንꬅ ይእ ኤላ አፋ ዎርዶ ማርካ ማርክꬍዳ፥ የዝን አኮን ደንግካያ። ሱባፓ ላምእ አሱንꬅ ይእ፥
MAT 26:61 «Ꮉይ አꬄ፥ ‹ታኒ ጾዘ ኬꬅቶ ላሊ Ꮉይꬕ ቃማራ ማህ ኬጾደስ ታ ዳንዳአነ› ጋይዳ» ያጋእ ኡን ኦህዳ።
MAT 26:62 ካህኑንꬅ Ꮉላቅዘ ደንዲ ኤቂ የሱሳጎ፥ «Ꮉንስ ነና ሞትዘ ሞትስ ነ ማህዘባዝ ባ?» ያጋይዳ።
MAT 26:63 የዝን የሱሳ ስእ ጋይዳ። ማህ ካህኑንꬅ Ꮉላቅዘ፥ «ታኒ ነና ደኦ ጾዘ ሱንꬅተ አይካነ፤ ኔኒ ጾዘ ናአ ክርስቶሳ ማቅኮ ኑስ ኦሆ» ያጋይዳ።
MAT 26:64 የሱሳ ማህ፥ «ኔኒ ነ ኦምተ ጋይዳ። የዝን ታኒ ይንትስ ኦህነ፤ ይኬፓ ሱባ፥ አስ ናአ ዎልቃማ ጾዘ ምዛቅ ባጋራ በቴዝን፥ ማህ ሳሎ ꬎነራ የእዝን ይን በአዳ» ያጋይዳ።
MAT 26:65 የ ዎደ ካህኑንꬅ Ꮉላቅዘ ፋ አፉልቶ ፌꬊ፥ «Ꮉያ ቦኦተ ጾዝ ጫዥዳ! ኑና መለ ማርካ አኮስ ኮሸ? ኤ Ꮉተ ጫዥዳኖ ይን ስእዳ።
MAT 26:66 ይን ቆፍታ አኮ?» ያጋይዳ። ኡንትን፥ «ኤስ Ꮉይቆ ቤዛነ» ያጋእ ማህዳ።
MAT 26:67 ዬዝን፥ ኡን ኤ ስንተ ጩቲ ጉድዳ። ማሉንꬅ ኤዛ ባቂ፥
MAT 26:68 «ክርስቶሳ! ነና ጉድደ ኦደ? አነ ኑስ ትንቢተ ኦሆ» ያጋይዳ።
MAT 26:69 ጴጥሮሳ ባለ በቴዝን፥ ፈቲ አርታ ኤጎ ይእ፥ «ኔንን ጋልላ የሱሳራ ዎላ የዛያ» ያጋይዳ።
MAT 26:70 የዝን ኤ ኡን ኡቡንꬅ ቲኖ ይና አርትጎ፥ «ነ ጋዛና አኮ የዛኮን ታ ኤሮስ» ያጋእ ካድዳ።
MAT 26:71 ማህ Ꮉንግ ጋሰ ፉርꬃ የሎደራ መለ አርታ ኤዛ ብእ፥ እዘ የዘ አሱንꬃጎ፥ «Ꮉይ አꬄ ናዝረተ የሱሳራ የነ» ያጋይዳ።
MAT 26:72 ጴጥሮሳ ላምእንꬃ ጫቂ፥ «ታኒ የ አꬃ ኤሮስ!» ያጋይዳ።
MAT 26:73 ኤራꬅ ጋምኦደራ፥ የይጋ ኤቅደ አሱንꬅ ጴጥሮሳጎ ይእ፥ «ኔኒ ቱሮ ኡንታራ ዎላ የዛያ፤ ነ ነ ኦህተ ኤርንታነ» ያጋይዳ።
MAT 26:74 ይንፓ ሱባ፥ ጴጥሮሳ፥ «ታኒ የ አꬃ ኤሮስ!» ያጋእ፥ ፋና ባደን ጫቆ አይክዳ። የ ዎደ ኢራ ሉኩለ ኦልዳ።
MAT 26:75 የሱሳ ኤጎ፥ «ነ ሉኩለ ኦሎደፓ ቲኖ ታና Ꮉይꬕ ቶሄ ካዶዳ» ጋይዳኖ ጴጥሮሳ ቲሪ፥ ባለ ኬዚ ኢታ ዬፎ ዬክዳ።
MAT 27:1 ዎንታ ጎዳ ካህኑንꬅ Ꮉላቁንꬅን ጋደ ጭሙንꬅ ኡቡንꬅ የሱሳ ዎዽሳደስ ዞርንትዳ።
MAT 27:2 ኡን የሱሳ አጪ ካንግ ዎርዣ አህዘ ጵላጦሳስ አꬂ እንግዳ።
MAT 27:3 የ ዎደ የሱሳ አይꬂደ ይሁዳ፥ ጵላጦሳ የሱሳላ አፋ ፍርድዳኖ ብእ፥ አዛኒ፥ የ Ꮉስታም ብርዛ ካህኑንꬅ Ꮉላቁንꬅስን ጋደ ጭሙንꬅስ ሱብ ማህዳ።
MAT 27:4 «ታኒ ጽሎ አስ Ꮉይቆስ አꬂ እንግ ናጋራ ኦችዳ» ያጋይዳ። የዝን ኡን፥ «ይና ኑ ማꬋ ባያ ነ ማꬋ» ያጋይዳ።
MAT 27:5 ይሁዳ ብርቶ ጾዘ ኬꬃ ኦሊ አሺ ኡን ካለፓ Ꮉንግ፥ ሱጹንት Ꮉይቂዳ።
MAT 27:6 ካህኑንꬅ Ꮉላቁንꬅ ብርቶ ኤኪ፥ «Ꮉና ብርታ ሱꬅ ብራ ማቅደ ግሾ ኑ ጾዘ ኬꬃ ብራራ የልꬅዛና ዎጋ ባያ» ያጋይዳ።
MAT 27:7 ይንፓ ሱባ፥ ዎላ ዞርንት፥ በተ አስ ሞጎደስ ማን ጋደ ዎንግዳ።
MAT 27:8 ይኒ ግሾ፥ ይና ጋድታ Ꮉይኖ የሎደስ ሱꬅ ጋደ ጋእንት ጼግንታነ።
MAT 27:9 ናበ ኤርምያሳ፥ «እስራኤለ አሱንꬅ ኤስ ጭጎደስ ጋማትደ Ꮉስታም ብራ ኤክዳ።
MAT 27:10 ላꬄ ታና ኪትዳን ፋና ማን ጋደ ዎንጎደስ እንግዳ» ጋይዳና የ ዎደ ፎልንትዳ።
MAT 27:11 የሱሳ ጋደ አህዘ ጵላጦሳ ቲኖ ሺቅን፥ ጵላጦሳ ኤጎ፥ «ነ አይሁደ ካቶ?» ያጋእ ኦጭዳ። የሱሳ ማህ፥ «ነ ጋይዳ» ያጋይዳ።
MAT 27:12 ካህኑንꬅ Ꮉላቁንꬅን ጋደ ጭሙንꬅ ኤዛ ሞትዘ ዎደ ኡንትስ አኮ ማሄን እንግካያ።
MAT 27:13 የ ዎደ ጵላጦሳ የሱሳጎ፥ «Ꮉንስ ነና ሞትዘ ሞቶ ኡባ ስኦሶ?» ያጋይዳ።
MAT 27:14 የሱሳ መለ አቶይዝን፥ ፈቲ ቃላን ማሀንጽን፥ ጋደ አህዛይ ጋማ ቆፕዳ።
MAT 27:15 ጋደ አህዘ በርተ በርተ ፋስካ ባአለ ቦንችዘ ቃማ፥ አሱንꬅ ኮይዘ ፈቲ አስ አቻፓ ብልዘ ዎጋ የነ።
MAT 27:16 የ ዎደ ፈቲ ባርባና ጋዘ ኢታትꬃራ ጋማ ኤርንትደ አች ኬꬃ የነ።
MAT 27:17 ይኒ ግሾ፥ ጋማ አሱንꬅ ሺቂ የዝን ጵላጦሳ፥ «ታኒ ይንትስ ባርባና ብሎነነ፥ ዎይ የሱሳ ጋዘ ክርስቶሳ ብሎነ?» ያጋእ አሱንꬃና ኦጭዳ።
MAT 27:18 ኤ ይኖ ጋይዳና ኡን ቃናቲ የሱሳ አꬂ እንግዳኖ ኤርዘ ግሾስ።
MAT 27:19 ጵላጦሳ ፍርዳ ኬꬃ በቴዝን፥ ኤ ማችታ፥ «ታኒ Ꮉይኖ ቃማ አቡኮራ ኤ ባዝ ጋማ ዋይንትተራ አቅደ ግሾ የ ጽሎ አꬄላ አኮ ባዝን ኦችፐ» ያጋእ ኪትዳ።
MAT 27:20 የዝን ካህኑንꬅ Ꮉላቁንꬅን ጋደ ጭሙንꬅ ጵላጦሳ ባርባና ብሊ፥ የሱሳ ዎꬎደ ፋና፥ አሱንꬅ ኤዛ ዎሶደ ፋና፥ አሱንꬃና ዞሪ ማህዳ።
MAT 27:21 ጵላጦሳ ማህ ኡንታጎ፥ «ታኒ ኡን ላምኡንꬃፓ ይንትስ ኦና ብሎደ ፋና ኮየተ?» ያጋእ ኦጭዳ። ኡን፥ «ባርባና ብሎደ ፋና ኮያነ» ያጋይዳ።
MAT 27:22 ጵላጦሳ፥ «ዬዝን፥ የሱሳ ጋዘ ክርስቶሳ ዋይሳ?» ያጋእ ኡንታና ኦጭዳ። ኡቡንꬅን፥ «ማስቃላላ ኤዛ ሱጾ» ያጋይዳ።
MAT 27:23 ጵላጦሳ አሱንꬃጎ፥ «አኮስ? ኤ አኮ ኢታ ባዝ ኦችዶ?» ያጋእ ኦጭዳ። የዝን አሱንꬅ ቲኖስትፓ አꬂ፥ «ማስቃላላ ሱጾ» ጋእ ኡክዳ።
MAT 27:24 ካች ደንꬅፓ መለ አኮ ባዝን ኦቾደስ ዳንዳኦሳኖ ጵላጦሳ ብእ፥ Ꮉꬅ ኤኪ፥ «Ꮉይ ጽሎ አꬄ ሱꬅተ ታ ባያ። Ꮉኖ ኦችዘ ይንታና» ያጋእ አሱንꬅ ቲኖ ፋ ኩሽቶ ማትዳ።
MAT 27:25 አሱንꬅ ኡቡንꬅ ማህ፥ «ኤ ሱꬅት ጎምታ ኑናን ኑ ናኡንꬃና የሎ» ያጋይዳ።
MAT 27:26 የዝን፥ ጵላጦሳ ባርባና ኡንትስ ብሊ፥ የሱሳ አላንጋራ ጋራፊ፥ ማስቃላላ ሱጹንት Ꮉይቆደ ፋና ኡንትስ አꬂ እንግዳ።
MAT 27:27 ይንፓ ሱባ፥ ጵላጦሳ ዎታዳሩንꬅ የሱሳ ዎርዥቶ አህዘ ካራ ኤኪ ካንግን፥ ጋማ ዎታዳሩንꬅ ኡባ ኤ ካለ ኤቅዳ።
MAT 27:28 ኤ አፉልቶ ጋሪ ኤኪ ዞቆ አፉላ ማእስዳ።
MAT 27:29 ማህ አንጋꬅ ባርኔጻ ጊግዚ፥ ኤ ኦምተ ጋድዳ። ኤ ምዛቅ ኩሽተ ሾምቦቆ ጉፈ አይꬂ፥ ኤ ቲንተ ቡንቁንቲ፥ «አይሁደ ካታዮ፥ ሳሮ ኔስ ማቀ!» ያጋእ፥ ኤላ አፋ ሚጭዳ።
MAT 27:30 ኤላ አፋ ጩትዳ። የ ሾምቦቆ ጉፍዛ ኤኪ፥ ኤ ኦምተ ጉድዳ።
MAT 27:31 ኡን ኤላ አፋ ሚጭዳንፓ ሱባ ዞቆ አፉልዛ ኤፓ ጋሪ ኤኪ፥ ኤ አፉልቶ ኤዛ ማእስዳ። ማስቃላላ ኤዛ ሱጾደስ ኤኪ ካንግዳ።
MAT 27:32 ኡን ባለ ኬዚ፥ ፈቲ ስሞና ጋዘ ቀሬና ጋደ አስ ደንግ፥ የሱሳ ማስቃላ ዎልቃራ ቶስዳ።
MAT 27:33 ጎልጎታ ጋዘ በሲ የልዳ። «ጎልጎታ» ጋዛና «ኦማ ኦታ» ጋኤ።
MAT 27:34 እዘ ኡን ጭዠራ ዎርቂንትደ ዎይነ ኡሽ ኡዦ ጋእ ኤስ እንግዳ። የዝን ኤ ይኖ ቃማስ ኤኪ፥ ኡዣንጽ እጽዳ።
MAT 27:35 ኡን ማስቃላላ ኤዛ ሱጽዳንፓ ሱባ ኤ አፉልቶ ሻኪ፥ እጻ ኦሊ ኤክዳ።
MAT 27:36 ይንፓ ሱባ፥ የይጋ በቲ ኤዛ ናግዳ።
MAT 27:37 ማህ፥ «Ꮉይ አይሁደ ካት የሱሳ» ያጋዘ ሞቶ ጹፈ ኤ ኦማ ጉሮ ጋድዳ።
MAT 27:38 የሱሳራ የ ዎደ ላምእ ፋኑንꬃና ፈታያ ኤፓ ምዛቅ ዛላራ፥ Ꮉንካያ ኤፓ ዎርክታ ዛላራ፥ ማስቃላላ አፋ ሱጽዳ።
MAT 27:39 ኦገራ አꬍዘ አሱንꬅ የሱሳ ፋ ኦምቶ ኤንእዝተራ ጫዣነ፥
MAT 27:40 «ጾዘ ኬꬃ ላሊ Ꮉይꬕ ቃማ ግዳ ኬጽዛዮ፥ ነና አሾ። ነ ጾዘ ናአ ማቅኮ፥ አነ ማስቃላፓ ዎꬎ» ያጋይዳ።
MAT 27:41 ይኒ ፋና፥ ካህኑንꬅ Ꮉላቁንꬅ፥ ህገ አስታማሩንꬅን ጋደ ጭሙንꬅ ዎላ የሱሳላ አፋ ሚጭዳ። Ꮉኒ ፋና ያጋይዳ:
MAT 27:42 «መሉንꬃና አሽዳ፥ የዝን ፋና አሾደስ ዳንዳእካያ። ኤ እስራኤለ ካት ማቅኮ፥ አነ ማስቃላፓ Ꮉተ ዎꬎ፥ ኑንን ኤዛ አማኖዳ።
MAT 27:43 ጾዛላ ኤ አማንንታነ፥ ጾዚ ኤዛ አሾደስ ኮይኮ አነ አሾ። አኮስ ጋይኮ፥ ኤ ፋና፥ ‹ታኒ ጾዝ ናአ› ጋነ» ያጋይዳ።
MAT 27:44 ማህ መለ አቶይዝን፥ ኤራ ማስቃላላ አፋ ሱጹንትደ ፋኑንꬅን ይኒ ጋር ጋእ ኤላ አፋ ሚጭዳ።
MAT 27:45 እዝፑን ሳተፓ Ꮉንግ፥ ኡዱፉን ሳተ የሎደስ ሳእታ ኡባ ꬉምዳ።
MAT 27:46 ኡዱፉን ሳተ ማቅዘ ዎደ የሱሳ፥ «ኤሎሄ፥ ኤሎሄ፥ ላማ ሳባቅታን?» ጋእ ዳማ ኡፎ ኡክዳ። «ኤሎሄ፥ ኤሎሄ፥ ላማ ሳባቅታን?» ጋዛን ብልꬅታ «ታ ጾዛዮ፥ ታ ጾዛዮ፥ ታና አኮስ አሽዶ?» ጋኤ።
MAT 27:47 እዘ ኤቅደ አሱንꬃፓ ፈተ ፈተ ይኖ ስእ፥ «Ꮉይ አꬄ ኤልያሳ ጼጋነ» ያጋይዳ።
MAT 27:48 ኢራ ኡንታፓ ፈታይ ዎጺ Ꮉንግ፥ እስፖንጀ ኤኪ፥ ጫላ ዎይነ ኡሽ ኩንꬅዳ። የ ሾምቦቆ ጉፍዘ በርꬅተ ጋዲ ኡሾደስ ኤ ዶንትጎ ሺሽዳ።
MAT 27:49 የዝን Ꮉንኩንꬅ፥ «ናጎ፥ ኤልያሳ ኤዛ አሾደስ የኦድየዛኮ አነ በአዳ» ያጋይዳ።
MAT 27:50 የሱሳ ላምእንꬃ ዳማ ኡፎ ኡክ፥ Ꮉይቂዳ።
MAT 27:51 ይና ሳተ ጾዘ ኬꬃ ሱጹንትደ ማጋራጅታ ዎካፓ ዬካ የሎደስ ላምእ ኬዚ፥ ፌꬍንትዳ። ሳእታ ኤንእዳ፥ ላላን ዛእዳ።
MAT 27:52 ቦዛ ቡጉንትን ጌሽ አሱንꬃፓ ጋሙንꬅ Ꮉይቆፓ ደንድዳ።
MAT 27:53 ኡን ቦዛፓ ኬዚ፥ የሱሳ Ꮉይቆፓ ደንድዳንፓ ሱባ ጌሽ ካታማ ቅትዳ፤ እዘ ኡን ጋማ አሱንꬅስ በንትዳ።
MAT 27:54 ማቶ Ꮉላቅዘን ኤራ የሱሳ ናግዘ ዎታዳሩንꬅ ሳአ ኤንእዳኖ እዘ Ꮉንዳኖ ብእደ ዎደ ጋማ ዣሽቲ «ቱሮ Ꮉይ ጾዘ ናአ» ያጋይዳ።
MAT 27:55 እዘ ጋማ ማቹንꬅ፥ ጋልላፓ ደንꬂ የሱሳ ማድተራ ካልዱንꬅ Ꮉኮራ ኤቂ በእነ።
MAT 27:56 ኡን ግዳ ማግደላ ማይራማ፥ ያይቆባን ዮሰፋ እንታ ማይራማን ዛብድዮሳ ናኡንꬅ እንታ የነ።
MAT 27:57 ሳአ ኡጉርዘ ዎደ ዮሴፋ ጋዘ ፈቲ ዱረ አꬄ፥ አርማትያሳ ካታማፓ ይእዳ። ኤ ፋ ኦምተ የሱሳ ካልዘ አስ።
MAT 27:58 ዮሰፋ ጵላጦሳጎ Ꮉንግ፥ የሱሳ አህቶ ኤኮደስ ዎስዳ። ጵላጦሳ አህቶ ዮሰፋስ እንግንቶደ ፋና ኪትዳ።
MAT 27:59 የሱሳ አህቶ ኤኪ፥ ክለ አፉላራ ጻጽዳ።
MAT 27:60 ፋስ ሞግንቶደስ ሹቻፓ ዎጭደ ክለ ቦዛ ኤ አህቶ ሞግዳ። ማህ ይና ቦዝት ዶንተ ዳማ ሹች ሽሪ ጋዲ አሺ ቅትዳ።
MAT 27:61 ማግደላ ማይራምራን Ꮉንኮ ማይራምራ ይና ቦዝት ቲንተ በትዳ።
MAT 27:62 ዎንታ ሳምባታ ቃማ፥ ካህኑንꬅ Ꮉላቁንꬅን ፋራሳዉንꬅ ጵላጦሳጎ ይእ፥ Ꮉኒ ጋር ያጋይዳ፦
MAT 27:63 «ላꬆ፥ Ꮉይ ዎርዶ ኦህዘ ፋጻ የዛራ፥ ‹ታኒ Ꮉይꬕ ቃማፓ ሱባ Ꮉይቆፓ ደንዶዳ› ያጋይዳና ኑስ ቲርንትዳ።
MAT 27:64 ይኒ ግሾ፥ ኤ ሞጉንትደ ቦዝቶ Ꮉይꬕ ቃማ የሎደስ፥ ምንꬂ ናጎደ ፋና ኪቶ። ይና ይአንጽኮ፥ ኤ ታማሩንꬅ Ꮉንግ ኤ አህቶ ካይስት ꬋብስ፥ ‹Ꮉይቆፓ ደንድዳ› ያጋእ አሱንꬅስ ኦህኮ ላምእንꬃ ዎርድታ ቲኖስትፓ ኡባ Ꮉንካ ኢቶዳ» ያጋይዳ።
MAT 27:65 ጵላጦሳ ኡንታጎ፥ «ይንትስ ናግዙንꬅ የነ፤ Ꮉንግ ይንትስ ዳንዳእንትደ ፋና ናግዞተ» ያጋይዳ።
MAT 27:66 ይኒ ግሾ፥ ኡን Ꮉንግ ቦዝታ ቦችንታመ ፋና ሹችዘላ ማታመ ጋዲ ዎታዳሩንꬃራ ናግዝዳ።
MAT 28:1 ሳምባታ ኣꬍን ዎጋ ዎደ ዎንታ ጎዳ፥ ማግደላ ማይራምራን Ꮉንኮ ማይራማ የሱሳ ሞጉንትደ ቦዝቶ በአደስ Ꮉንግዳ።
MAT 28:2 ቆፕካይዝን ዎልቃማ ሳአ ኤንኤ ማቅዳ። ላꬄ ኪታንቾ ሳሎፓ ዎꬊ ቦዛ ዶንተ የዘ ሹችቶ ጎልእዝ ካታራ በትዳ።
MAT 28:3 ኤ ብሽታ ዜልንꬅ አዛነ። ኤ አፉልታን ሻች ፋና ቦꬅ።
MAT 28:4 ናግዙንꬅ ኪታንችዛ ብእ፥ ዣሽቲ ጎቂ፥ Ꮉይቂደ አስ ፋና ዪእዳ።
MAT 28:5 ኪታንችዘ ማቹንꬃጎ፥ «ይን ማስቃላላ አፋ ሱጹንትደ የሱሳ ኮይዛኖ ታኒ ኤርዘ ግሾ ዣሽትፐተ።
MAT 28:6 ኤ ካሰ ኦህዳን ፋና Ꮉይቆፓ ደንድዳ፤ Ꮉነ ባያ። Ꮉይጋ ይእ ኤዛ ሞግደ በስቶ ቦኦተ።
MAT 28:7 ይን Ꮉተ ኤልሲ Ꮉንግ፥ ኤ ታማሩንꬅስ፥ ‹የሱሳ Ꮉይቆፓ ደንድዳ። ማህ ኤ ይንታፓ ቲንꬊ ጋልላ ቅቶዳ፤ ይን ኤዛ የይጋ በአዳ› ያጋእ ኦሆተ። ታኒ ይንትስ Ꮉኖ ኦሆደስ ይእዳ» ያጋይዳ።
MAT 28:8 ኡን ዣሽትተራን ጋማ ኡፋይትተራ፥ ቦዝት ካለፓ ኤልሲ Ꮉንግ፥ ኤ ታማሩንꬅስ ኦሆደስ ዎጽዳ።
MAT 28:9 ቆፕካይዝን የሱሳ ኡንታራ የልንት ኡንታጎ፥ «ሳሮ ይንትስ ማቀ» ያጋይዳ። ኡን ኤጎ ሺቂ፥ ኤ ቶህቶ አይኪ ኤስ ጎይንዳ።
MAT 28:10 የ ዎደ የሱሳ ኡንታጎ፥ «ዣሽትፐተ፤ Ꮉንግ ታ ታማሩንꬅ ጋልላ Ꮉንጎደ ጋር ኡንትስ ኦሆተ። ኡን እዘ ታና በአዳ» ያጋይዳ።
MAT 28:11 የንꬅ ማቹንꬅ Ꮉንጎደራ፥ ቦዝቶ ናግዘ ዎታዳሩንꬃፓ ባጉንꬅ ካታማ Ꮉንግ፥ Ꮉንደ ባዝቶ ኡባ ካህኑንꬅ Ꮉላቁንꬅስ ኦህዳ።
MAT 28:12 ካህኑንꬅ Ꮉላቁንꬅን ጭሙንꬅ ሺቂ ዞርንት፥ ዎታዳሩንꬅስ ጋማ ብራ እንግ፥
MAT 28:13 «‹ኑ ገንተዝን ኤ ታማሩንꬅ ቃማ ይእ፥ ኤ አህቶ ካይስትዳ› ያጋኦተ።
MAT 28:14 Ꮉና ኦህቶ ጋደ አህዛይ ስእኮ፥ ይና ይን ባላ ባይዛኖ ኑ ኤስ ኦህ አማንꬆዳ። ይንታና አኮን ይርግዝፐ» ያጋይዳ።
MAT 28:15 ዎታዳሩንꬅ ብርቶ ኤኪ፥ ኦህዳን ጋር ኦችዳ። Ꮉና ኦህታ አይሁዱንꬅ ካለ Ꮉይኖ የሎደስ ኦህንትተራ የነ።
MAT 28:16 ታጶ ፈቲ ታማሩንꬅ የሱሳ ኪትደ ጋልላ የዘ ደረጎ ቅትዳ።
MAT 28:17 እዘ ኡን ኤዛ ብእደ ዎደ ኤስ ጎይንዳ፥ የዝን ኡንታፓ ፈተ ፈተ ሶእዳ።
MAT 28:18 የሱሳ ኡንታጎ ሺቂ፥ «ሳሎን ሳአን አደትꬅ ዎልቃ ኡባ ታስ እንግንትዳ።
MAT 28:19 ይኬ፥ ይን ኡባ በሳ ቅቶተ፥ አዳይ፥ ናአይ፥ ጌሽ አያና ሱንꬅተ አስ ኡባ ታማርስ፥ ጻማቅ ታ ኪትዳኖ ኡባ ናጎደ ፋና ታማርስተራ ታና ካልዙንꬃና ማሆተ።
MAT 28:20 ታኒ ይንታና ኪትደባዝ ኡባ ኡን ናጎደ ፋና ኡንታና ታማርሶተ። ታኒ ዎደ ዉርሱꬅ የሎደስ ኡባ ዎደ ይንታራ የነ» ያጋይዳ።
MAR 1:1 Ꮉይ ጾዘ ናአ የሱስ ክርስቶሳ ዎንገለ ደንꬄ።
MAR 1:2 ናበ ኢሳያሳ ጻፍደ ማጻፍተ ጾዚ፥ «ይኬ፥ ታኒ ታ ኪታንቾ ኔፓ ቲኖ ዳኮዳ። ኤ ነ ኦግቶ ጊግሳዳ።
MAR 1:3 ፈታይ አኮ ባይዘ ጋናሳ ፋ ቃልቶ ꬎቅ ዪዚ፥ ‹ላꬄ ኦግቶ ጊግዞተ፤ ኤ የꬋደ ዉስቶ ኤስ ጊግዞተ ጋይዳ› » ያጋይዳ።
MAR 1:4 ጻማቅዘ ዋሐንሳ አሱንꬃና ጻማቅተራ፥ «ይን ናጋርትፓ ማቂ ጻማቅንቶተ፤ ጾዚ ይን ናጋርቶ አቶ ጋኦዳ» ያጋእ ቃላ ኦህተራ አኮ ባይዘ ጋናሳራ ይእዳ።
MAR 1:5 ይሁዳ ሳአ የዘ አሱንꬅ ኡባን የሩሳላመ ካታማ አሱንꬅ ኡባ ዋሐንሳጎ የእነ። ፋ ናጋርቶ ፋጽን፥ ዋሐንሳ ኡንታና ዮርዳኖሳ ቦርካ ጻማቅዳ።
MAR 1:6 ዋሐንሳ ግማለ እስንፓ ዳድንትደ አፉላ ማእዳ። ፋ ቃዝንተ ሳቀ ዳንጭዳ፤ ማህ ቦለን ደከራ ሽዳ ሙእዳ።
MAR 1:7 ዋሐንሳ ቃላ ኦህተራ፥ «ታፓ ሱባራ ዳማ ሚንግዘ የእነ። መለ አቶ የዝን፥ ታኒ ኤ ጫማ ጋድዛ ዙጊ ብሎደስ ቤዞስ።
MAR 1:8 ታኒ ይንታና Ꮉꬃራ ጻማቃነ፥ የዝን ኤ ይንታና ጌሽ አያናራ ጻማቆዳ» ያጋይዳ።
MAR 1:9 የሱሳ የ ዎደ ጋልላ አዉራጃ የዘ ናዝረተ ካታማፓ ይእን፥ ዋሐንሳ ዮርዳኖሳ ቦርካ ጻማቅዳ።
MAR 1:10 የሱሳ Ꮉꬅትፓ ከዘ ዎደ ሳሎ ቡጉንትን፥ ጌሽ አያና ኤላ አፋ ዎለ ጋራ ዎꬎደራ ብእዳ።
MAR 1:11 ማህ ሳሎፓ፥ «ታኒ ካዽዘ ታ ናአይ ነና፤ ታ ኔላ ኡፋይታነ» ያጋዘ ቃላ ይእዳ።
MAR 1:12 ኢራ ጌሽ አያና የሱሳ አኮ ባይዘ ጋናሳ ካንግዳ።
MAR 1:13 የሱሳ አኮ ባይዘ ጋናሳ ጻላሄራ ፋታንንትተራ ኦይታም ቃማ ጋምእዳ። ጾꬃራ የዝዳ፥ የዝን ኪታንቹንꬅ ይእ ኤዛ ማድዳ።
MAR 1:14 ዋሐንሳ አጭንትዳንፓ ሱባ የሱሳ ጾዘ ካእቱሞ ዎንገለ ኦህተራ ጋልላ አዉራጃ ቅትዳ።
MAR 1:15 እዘ፥ «ዎደ የልዳ፤ ጾዘ ካእቱሞ ኡክዳ። ይን ናጋርትፓ ማቂ፥ ዎንገለ አማኖተ» ያጋይዳ።
MAR 1:16 የሱሳ ጋልላ አባ ካለራ አꬍተራ፥ ሞሎ አይክዘ፥ ስሞናራን ኤ እሸ እንድራሰራ፥ ፋ ግትቶ አባ ኦልዙንꬃና ብእዳ።
MAR 1:17 ኡንታጎ፥ «ታና ካሎተ፤ ታ ይንታና አስ አይፎ ታማርሶዳ» ያጋይዳ
MAR 1:18 ኡንቲ ኢራ ፋ ግትቶ ኦሊ አሺ የሱሳ ካልዳ።
MAR 1:19 የሱሳ ኤራꬅ ቲኖ Ꮉንግ፥ ላምእ እሹንꬃና ዛብዶሳ ናኡንꬃና፥ ያይቆባራን ዋሐንሳራ ጎንገ ግዳ ፋ ግትቶ ጊግዙንꬃና ብእዳ።
MAR 1:20 ኤ ኡንታና ብእደ ጋር ጼግዳ። ኡን ፋ አዳያ ዛብዶሳን፥ ኤስ ኦችዙንꬃራ ጎንገ ግዳ ኦሊ አሺ የሱሳ ካሊ ቅትዳ።
MAR 1:21 ኡንቲ ቅፍርናሆመ ካታማ የልዳ። ሳምባታ ገልደ ጋር የሱሳ ኤልሲ አይሁደ ዎሳ ኬꬃ ገሊ ታማርሰ አይክዳ።
MAR 1:22 አደትꬅ ዎልቃራ የዘ አስ ፋና ታማርሳነፕ አትን ህገ አስታማሩንꬅ ፋና ታማርሶሰ ግሾ አሱንꬅ ኤ ትምርትተ ጋማ ቆፕዳ።
MAR 1:23 የ ዎደ ቱና አያና አይክደ ፈቲ አꬄ አይሁደ ዎሳ ኬꬃ ገሊ ፋ ቃልቶ ꬎቅ የይዝ፥
MAR 1:24 «ናዝረተ የሱሳ፥ ኔኒ ኑፓ አኮ ኮየ? ኑና ꬋብሶደስ ነ ይእዳ? ነ ኦና የዛኮ ታ ኤራነ፤ ነ ጾዘ ጌሽ።» ያጋይዳ።
MAR 1:25 የሱሳ የ ቱና አያንዛ፥ «Ꮉይዞ፥ Ꮉይ አꬄፓ ከዞ» ጋእ ሴርዳ።
MAR 1:26 ቱና አያና አꬃ ላቢዚ፥ ዉይስዚ ኤዛፓ ከዝዳ።
MAR 1:27 አሱንꬅ ኡባ ጋማ ቆፒ፥ «Ꮉና አኮ? Ꮉይ አꬄ ፋ አደትꬅ ዎልቃራ መለ አቶ የዝን ቱና አያናን ኪታነ። ኡንቲ ኤስ ኪትንታነ፤ Ꮉና አኮ ክለ ትምርተ?» ያጋእ፥ ፋ ግዳ ፈተ ፈታ ኦጭዳ።
MAR 1:28 የሱሳ ማርካትꬅታ ኤልሲ ጋልላ ሳአ የዘ ጉታ ኡባ ከዝዳ።
MAR 1:29 የሱሳ አይሁደ ዎሳ ኬꬃፓ ኬዚ፥ ያይቆባራን ዋሐንሳራን ስሞና ካራን እንድራሰ ካራ ቅትዳ።
MAR 1:30 ስሞና ማችት እንታ ዳማ ኦꬂ ምቻራ Ꮉርግንቲ ዎይእዳኖ የሱሳ እዘ የልን ኤስ ኦህዳ።
MAR 1:31 ኤ ኢጎ ሺቂ፥ እ ኩሽቶ አይኪ፥ እዞ ደንꬂ ኤስዳ። ኦꬂ ምችታ አሽን እዛ ኡንታና ሞክዳ።
MAR 1:32 Ꮉርግንትደ አሱንꬃናን ቱና አያና አይክደ አሱንꬃና ኡባ ኡጉረ አዋ ገልን ኤጎ ክእዳ።
MAR 1:33 ካታምተ የዘ አሱንꬅ ኡቡንꬅ ይና ኬꬅት ባለ ሺቅዳ።
MAR 1:34 የሱሳ ዱማ ዱማ Ꮉርገራ አይክንትደ ጋማ አሱንꬃና ፋꬂ፥ ጋማ ቱና አያኑንꬃና ከስዳ። ኤ ኦደ የዛኮ ቱና አያኑንꬅ ኤርደ ግሾ ኡንታና ኦሃመ ፋና ካይዳ።
MAR 1:35 የሱሳ ዎንት ማ ደንዲ፥ አስ ባይዘ በሳ Ꮉንግ፥ እዘ ጾዝ ዎስዳ።
MAR 1:36 ስሞናራን ኤራ የዙንꬅ ኤዛ ኮይተራ ቅትዳ።
MAR 1:37 ኡንቲ ኤዛ ደንግ፥ «አስ ኡባ ነና ኮያነ» ያጋይዳ።
MAR 1:38 የሱሳ ማህ ኡንታና፥ «ይና ጉቱተ የዘ ሰኮ ካታምተ የꬎተ። ታኒ ይእዳና ዎንገለ ኦሆደስ ማቅደ ግሾ እዘ የዘ ጉታ ኦሆደስ ቤዛነ» ያጋይዳ።
MAR 1:39 አይሁደ ዎሳ ኬꬃ ቃላ ኦህተራን ቱና አያኑንꬃና ከስተራ፥ ጋልላ ሳአ ኡባ ዉትዳ።
MAR 1:40 ቁርሱማ Ꮉርገ አይክደ ፈቲ አꬄ የሱሳጎ ይእ፥ ኤ ቲንተ ቡንቁንቲ፥ «ኔኒ ኮይኮ ታና ጌሾደስ ዳንዳአነ» ያጋእ ዎስዳ።
MAR 1:41 የሱሳ ኤስ ይቅስንቲ፥ ፋ ኩሽቶ ዳኪ ኤዛ ቦቺ፥ «ታኒ ካꬋነ፥ ጌዦ» ያጋይዳ።
MAR 1:42 ኢራ ቁርሱምታ አꬃ ዳክን አꬄ ጌዥዳ።
MAR 1:43 የሱሳ አꬃ ምንꬂ ናግንቶ ጋእ ኬሲ ዳክዳ።
MAR 1:44 የሱሳ ኤዛ፥ «ነና ኤሮ፥ Ꮉኖ ኦደስን ኦህፐ። የዝን Ꮉንግ ነ ጋልቶ ካህነ ቤዞ። ኔኒ Ꮉተ ጌሽ ማቅዳኖ አሱንꬃና ኤርሶደስ፥ ሙሴ ኪትደ ዣርሽቶ ዣርሾ» ያጋይዳ።
MAR 1:45 የዝን አꬃይ Ꮉንግ፥ ካራ ጋንጨ አስ ኡቡንꬅስ ኦህዳ። ይኒ ግሾ፥ የሱሳ በንቲ ኬዚ፥ ካታማ ገሎደስ ዳንዳእካያ። የዝን አስ ባይዘ በሳ ጋጻ የዝዳ፤ ማህ አሱንꬅ ኡባ ፋ የዘ በሳፓ ኤጎ የእነ።
MAR 2:1 ኤራꬅ ቃማፓ ሱባ የሱሳ ቅፍርናሆመ ማቂ፥ ኬꬃ የነ ጋዘ ዎረ ስንትዳ።
MAR 2:2 አሱንꬃና ኬꬅታ ኤካንጽ እጽን፥ መለ አቶ የዝን ባልታን ኡንኦደ ዎንꬅስ ጋማ አሱንꬅ ሺቅን፥ የሱሳ ቃላ ታማርሳነ።
MAR 2:3 ኦይዲ አሱንꬅ ፈቲ ዎቦ አꬃ ቶኪ ኤጎ ክእዳ።
MAR 2:4 አሱንꬅ ጋንግደ ግሾ አꬃ የሱሳጎ ሺሾደስ ኡንትስ ዳንዳእንታንጽ እጽን፥ የሱሳ የዘ ዛላራ ኬꬂ ኣፍቶ ቶኪ አꬃ ኤ ዎይእደ አልግዘራ ሱለ ኬꬂ የሱሳ ቲንተ ጋድዳ።
MAR 2:5 የሱሳ ኡን አማንቶ ብእ፥ የ ዎቦ አꬃ፥ «ታ ናአዮ፥ ነ ናጋርታ አቶ ጋእንትዳ» ያጋይዳ።
MAR 2:6 ህገ አስታማሩንꬃፓ ይና በስተ በትደ ፈተ ፈተ ፋ ዎዝንተ፥
MAR 2:7 «ናተ Ꮉይ አꬄ Ꮉኒ ጋር ኢታ ባዝ ጾዛላ አኮስ ኦሄ? ጾዛ ጻላላፕ አትን መለ ኦደ ናጋራ አቶ ጋኦደስ ዳንዳእዘ?» ጋእ ቆፕዳ።
MAR 2:8 ኡንቲ ፋ ዎዝንተ ይኒ ጋራ ቆፕዳኖ የሱሳ ኢራ ፋ አያንተ ኤሪ፥ ኡንታጎ፥ «ይንቲ ይን ዎዝንተ አኮስ Ꮉንጋራ ቆፐተ?
MAR 2:9 ዎቦ አꬃ፥ ‹ነ ናጋርታ አቶ ጋእንትዳ› ጋዛና ኡኬነ? ዎይ፥ ‹ደንዲ ኤቂ ነ አልግዛ ቶኪ ቅቶ› ጋዛና ኡከ?
MAR 2:10 የዝን ታስ፥ አስ ናአይስ፥ ሳአላ አፋ ናጋራ አቶ ጋኦደስ አደትꬅ ዎልቃ የዛኖ ይን ኤሮደ ጋር» ጋእ የ ዎቦ አꬃ፥
MAR 2:11 «ነና ጋነ፥ ደንዲ ኤቂ ነ አልግዛ ቶኪ ነ ካራ ቅቶ» ያጋይዳ።
MAR 2:12 አꬄ ኤልሲ ደንዲ ኤቂ፥ ፋ አልግዛ ቶኪ አስ ኡባ በእዝን ቅትዳ። አሱንꬅ ኡባ ጋማ ቆፒ፥ «ኑኒ Ꮉኒ ጋር ጋማ ቆፍዘ ባዝ ብእ ኤሮስ» ያጋእ ጾዝ ጋላትዳ።
MAR 2:13 የሱሳ ማህ ጋልላ አባ ጋጻ Ꮉንግ፥ ፋጎ ይእደ አሱንꬃና ኡባ ታማርስዳ።
MAR 2:14 ኢራ አꬍተራ፥ እልፍዮሳ ናአይ ሌወ ጋእንትዘ ቃራጠ ጋችዘ በስተ በትዳያ ብእ፥ «ታና ካሎ» ያጋይዳ። ሌዊዘ ደንዲ ኤቂ ኤዛ ካልዳ።
MAR 2:15 የሱሳ ካꬃ ማደስ ሌዊ ኬꬃ በትዳ። ኤዛ ካልዘ አሱንꬅ ጋማ ማቅደ ግሾ ቃራጠ ጋችዘ ጋማ አሱንꬅን ናጋራንቹንꬅ ኤራን ኤ ታማሩንꬃራ ዎላ በትዳ።
MAR 2:16 ህገ አስታማረ ማቅደ ፈቲ ፈቲ ፋርሳዉንꬅ የሱሳ ናጋራንቹንꬃራን ቃራጠ ጋችዙንꬃራ ካꬃ ማአደራ ብእ፥ «ኤ አኮስ ናጋራንቹንꬃራን ቃራጠ ጋችዙንꬃራ ካꬃ መኤ?» ያጋእ፥ ኤ ታማሩንꬃና ኦጭዳ።
MAR 2:17 የሱሳ ኡን ጋዛኖ ስእ፥ «Ꮉርግንትዘስ ፋትን ፋጻስ አክመ ኮሾስ። ታኒ ናጋራንቹንꬃና ጼጎደስ ዪዳፕ አትን ጽሉንꬃና ጼጎደስ ይእካያ» ያጋእ ኡንትስ ማህዳ።
MAR 2:18 ጻማቅዘ ዋሐንሳ ታማሩንꬅን ፋርሳዉንꬅ ጾማነ። ፈቲ ፈቲ አሱንꬅ የሱሳጎ ይእ፥ «ዋሐንሳ ታማሩንꬅን ፋርሳዉንꬅ ታማሩንꬅ ጾማነ፥ የዝን ነ ታማሩንꬅ አኮስ ጾሞሶ?» ያጋይዳ።
MAR 2:19 የሱሳ ኡንታጎ፥ «ሳርገ ይእደ አሱንꬅ ማቾ ኤክዘ ኡንታራ የዝን፥ ጾሞደስ ዳንዳአነ? ማቾ ኤክዘ ኡንታራ የዝን፥ ጾሞደስ ዳንዳኦስ።
MAR 2:20 የዝን ማቾ ኤክዘ ኡን ካለፓ ኤክንቶደስ ዎደ የኦዳ፥ ኡን የ ዎደ ጾሞዳ።
MAR 2:21 «ጋልአ ማኦላ ክለ ጫርቀ ጋዲ ስክዘ አስ ባያ። ጋዲ ስክኮን፥ ክልዘ ጋልአ ማእዛ ፌꬋነ፤ ፌዽꬅታን ካሰንፓ አꬋነ።
MAR 2:22 ማህ ማልአንቶ ዎይነ ጋልአ ስልጰ ጉጅዘ አስ ባያ። ማህ ጉጅኮን፥ የ ዎይንዘ ስልጵዛ ፌꬋነ፥ ፋስን ላንታነ፥ ስልጵዘን ኢታነ። የዝን ማልአንቶ ዎይነ ክለ ስልጰ ጉጅንታነ» ያጋይዳ።
MAR 2:23 የሱሳ ፈቲ ሳምባታ ቃማ ባንጋ ጋደ ግዳራ አꬎደራ፥ ኤ ታማሩንꬅ ኤራ Ꮉንግተራ ባንጋ ትዣ ሽጪ ꬋአነ።
MAR 2:24 ፋርሳዉንꬅ የሱሳጎ፥ «ይኬ፥ ነ ታማሩንꬅ ሳምባታ ቃማ ዎጋ ባይዘ ባዝ አኮስ ኦቼ?» ያጋይዳ።
MAR 2:25 የሱሳ ኡንታጎ፥ «ዳዉተ ናይꬊ፥ ሙእዘ ባዝ ኮይደ ዎደ ፋራ የዙንꬃራ ኦችዳኖ ነ ናባብካ?
MAR 2:26 አብያታር ካህኑንꬅ Ꮉላቃ ማቂ የዘ ዎደ ዳዉተ ጾዘ ኬꬃ ገሊ፥ ካህኑንꬅ ጻላላ ማአደፕ አትን ኦደን ማአደስ ዎጋ ባይዛኖ ላꬄ ቲኖ ጋድደ ዳቡቶ ሙእዳ፥ ፋራ የዙንꬅስን እንግዳ» ያጋይዳ።
MAR 2:27 ማህን የሱሳ ኡንታጎ፥ «ሳምባታ አስ ናአ ማደስ ጋእ መꬍንትዳፕ አትን አስ ሳምባታስ መꬍንትካያ።
MAR 2:28 ይኒ ግሾ፥ አስ ናአይ፥ መለ አቶ የዝን ሳምባታስን ላꬂ» ያጋይዳ።
MAR 3:1 የሱሳ አይሁደ ዎሳ ኬꬃ ማቂ ገልዳ። እዘ ኩሸ ጉንድደ ፈቲ አስ የነ።
MAR 3:2 ፈቲ ፈቲ አሱንꬅ የሱሳ ሞቶደስ ኬዚ፥ ኩሸ ጉንድደ አꬃ ሳምባታ ዎደ ኤ ፋꬅኮን አሽኮ ጋእ በአደስ ኮይ ምንꬂ ናጋነ።
MAR 3:3 የሱሳ ኩሸ ጉንድደ አꬃ፥ «ደንዲ ኤቂ Ꮉንካ ግዳ ዮኦ» ያጋይዳ።
MAR 3:4 ይንፓ ሱባ፥ አሱንꬃጎ፥ «ሳምባታ ዎደ ሎኦ ባዝ ኦችዛና ዎጋነ ኢታ ባዝ ኦችዛና ዎጋ? አስ ሸምፖ አሽዛኖነ ዎይ ዎꬍዛኖ?» ያጋእ ኦጭዳ። የዝን አሱንꬅ ስእ ጋይዳ።
MAR 3:5 የሱሳ አንꬅንቲ፥ ኡንታና ዉቱꬂ ዳኪ ብእ፥ ኡን ኦህን ስኦሱንꬃና ማቅደ ግሾ ኡንታላ አፋ ጋማ ዥልꬍዳ። የ አꬄጎ፥ «ነ ኩጭዛ ፍዲ ዪዞ» ያጋይዳ። ኤዚ ፍዲ ዪዝን ኤ ኩጭዘን ፋጽዳ።
MAR 3:6 ኤልሲ ፋርሳዉንꬅ አይሁደ ዎሳ ኬꬃፓ ባለ ኬዚ፥ የሱሳ ዋይዝ ዎꬎድ የዛኮ ዞርንቶደስ ሄሮድሳ ባጉንꬃራ ፈቲ በሳ ሺቅዳ።
MAR 3:7 የሱሳ ፋ ታማሩንꬃራ ጋልላ አባጎ Ꮉንግዳ። ጋልላፓን ይሁዳፓ ይእደ ጋማ አሱንꬅ ኤዛ ካልዳ።
MAR 3:8 ማህን የሩሳላመፓ፥ ኤዱምያሳፓ፥ ዮርዳኖሳ ቦርካ ፍንꬃፓ፥ ጢሮሳ ካታማፓን ስዶና ካታማፓ የሱሳ ኦችዳኖ ስእ፥ ጋማ አሱንꬅ ኤጎ ይእዳ።
MAR 3:9 አስ ጋንግዳንፓ ደንዲ ኤዛ ኡንእꬃመ ፋና ኤ ታማሩንꬅ ጎንገ ኤስ ጊግሳደ ጋር ኪትዳ።
MAR 3:10 ጋማ አሱንꬃና ኤ ፋꬅደ ግሾ Ꮉርግንትዘ አሱንꬅ ኡባ ኤዛ ቦቾደስ ኡርቂንታነ።
MAR 3:11 ቱና አያና አይክደ አሱንꬅ ኤዛ ብእደ ዎደ ኤ ቲንተ ቡንቅቲ፥ ፋ ቃልቶ ꬎቅ ዪዚ፥ «ኔኒ ጾዘ ናአ ባነ?» ያጋይዳ።
MAR 3:12 የሱሳ ጋማ ዎደ ቱና አያኑንꬅ ፋ ኦናትꬅቶ ቆንጭዛመ ፋና ኡንታና ምንꬂ ኪትዳ።
MAR 3:13 የሱሳ ደረላ አፋ ኬዚ፥ ፋ ኮይዘ አሱንꬃና ፋጎ ጼግዳ፤ ኡንትን ኤጎ ሺቅዳ።
MAR 3:14 ኡን ፋራ የሳደ ጋራን ቃላ ታማርሶደ ጋር ታጶ ላምኡንꬃና ዶሪ፥ ኡንታና፥ «ሐዋረ» ጋእ ሱንꬅዳ።
MAR 3:15 ቱና አያና ከሶደ ጋር ኡንትስ አደትꬅ ዎልቃ እንግዳ።
MAR 3:16 ኤ ዶርደ ታጶ ላምኡንꬅ Ꮉንሳና፦ ጴጥሮሳ ጋእ ሱንꬅደ ስሞና፥
MAR 3:17 ቦአነርገስ (ዳዳ አዝዘ አሱንꬃና) ያጋእ ሱንꬅዱንꬃና፥ ዛብዶሳ ናኡንꬅ ያይቆባራን ያይቆባ እሸ ዋሐንሳ፥
MAR 3:18 እንድራሰ፥ ፍልጶሳ፥ ባርቶሎምዮሳ፥ ማቶሳ፥ ቶማሳ፥ እልፍዮሳ ናአ ያይቆባ፥ ታድዮሳ፥ ካናነፓ ይእደ ስሞናራ፥
MAR 3:19 የሱሳ አꬂ እንግደ አስቆሮቱ ይሁዳ።
MAR 3:20 ይንፓ ሱባ፥ የሱሳ ካራ Ꮉንግዳ። ማህ ጋማ አሱንꬅ ሺቅን፥ ኤዝን ኤ ታማሩንꬅ መለ አቶ የዝን ካꬃ ማአደስን ኡን ዳንዳእካያ።
MAR 3:21 አሱንꬅ ኤዛ፥ «ዣሽታነ» ጋዘ ግሾ ኤ እግኑንꬅ ይኖ ስእ ኤዛ ኤኮደስ Ꮉንግዳ።
MAR 3:22 ህገ አስታማሩንꬃፓ ፈተ ፈተ የሩሳላመፓ ይእ፥ «ኤላ አፋ ብኤልዘቡላ የነ»፥ ኤ፥ «ጻላሄ ዎልቃራ ቱና አያና ከሳነ» ያጋእ ዎላ ኦህንትዳ።
MAR 3:23 የሱሳ አሱንꬃና ፋጎ ጼጊ አዝዘር ኦህዳ። «ጻላሄ ጻላሄ ዋይዝ ኬሶደስ ዳንዳኤ?
MAR 3:24 ፈቲ ካእቱሞ ፋ ግዳ ሻክንትኮ ይና ካእቱምታ ኤቆደስ ዳንዳኦስ።
MAR 3:25 ይኒ ጋራ፥ ፈቲ ኬꬃ አሱንꬅ ፋ ግዳ ሻክንትኮ ꬋቦዳፕ አትን የሳደስ ዳንዳኦስ።
MAR 3:26 ይኬ፥ ጻላሄ ፋራ ካጭንቲ ሻክንትኮ ꬋቦዳፕ አትን የሳደስ ዳንዳኦስ።
MAR 3:27 «ይኒ ጋራ ቲኖ ዎልቃር የዘ አꬃ አጭካይዛራ ኤ ኬꬃ ገሊ፥ ኤ ቆልቶ ቦንቆደስ ዳንዳእዘ አስ ባያ። አጪ ማቂ ኤ ኬꬅቶ ቦንቆደስ ዳንዳአነ።
MAR 3:28 «ታኒ ይንትስ ቱሮ ኦህነ፤ ጾዚ አስ ናኡንꬅስ ናጋራ ኡባኖን ኡን ጫዥዘ ጫሽቶ ኡባ አቶ ጋኦዳ።
MAR 3:29 የዝን ጌሽ አያናላ ኢታ ባዝ ኦህዘ መꬍናስ ናጋራ ጋለ ማቃደፕ አትን ጾዚ ሙሎን ኤዛ ማሮስ» ያጋይዳ።
MAR 3:30 የሱሳ ይኖ ጋእዳና፥ ፈቲ ፈቲ አሱንꬅ፥ «ኤላ አፋ ቱና አያና የነ» ያጋይደ ግሾ።
MAR 3:31 ኤ እንታን ኤ እሹንꬅን ይእ ባለ ኤቂ፥ ኤጎ አስ ኪቲ ኤዛ ጼግዳ።
MAR 3:32 ኤ ካለ በትደ ጋማ አሱንꬅ፥ «ይኬ፥ ነ እንታን ነ እሹንꬅን ባለ ኤቂ ነና ኮያነ» ያጋይዳ።
MAR 3:33 የሱሳ ማህ፥ «ታ እንታ ኦደ? ማህ ታ እሹንꬅን አኑንꬃና?» ያጋይዳ።
MAR 3:34 ፋ ካልተ በትደ አሱንꬃና ዉቱꬂ ዳኪ ብእ፥ «ይኬ፥ ታ እንታን ታ እሹንꬅን Ꮉንሳና።
MAR 3:35 ጾዘ ቆፋ ኦችዘ ኡቡንꬅ ታስ እሸን፥ ታስ ምሾን ታስ እንዶ» ያጋይዳ።
MAR 4:1 የሱሳ ማህ ጋልላ አባ ካለ ታማርሳነ። ጋማ አሱንꬅ ኤ ካንተ ዉቲ ሺቅን፥ አባላ የዘ ጎንግተ ገሊ በትዳ፥ አሱንꬅ ኡባ አባ ካለ የነ።
MAR 4:2 ኤ ኡንታና ጋማ ባዝ አዝዘራ ታማርስዳ። ታማርስተራ Ꮉንጋራ ያጋይዳ፦
MAR 4:3 «ይኬ! ፈቲ አꬄ ቡዱꬂ ቡዶደስ ከዝዳ።
MAR 4:4 ኤ ቡዶደራ፥ ፈቲ ፈቲ ቡዱꬅታ ኦገ ጋጻ ዎꬍዳ፤ ላንዳ ይእ ሙእዳ።
MAR 4:5 ፈቲ ፈቲ ቡዱꬅታ ፎርቾ ሳአላ ዎꬍዳ። ጋማ ሳአ ባይዘ ግሾ ይና ቡዱꬅታ ኤልሲ ዶልዳ።
MAR 4:6 የዝን አዋ ከዘ ዎደ ሹልዳ። ሎይꬂ ጻጶ ዳክካይዘ ግሾ ኤልሲ መልዳ።
MAR 4:7 ፈቲ ፈቲ ቡዱꬅታ አንጋꬅ ግዳ ዎꬍዳ። ዶልዳኖ አንጋꬅታ ድጪ ጩልደ ግሾ ኣፈ አፍካይዛራ አትዳ።
MAR 4:8 ፈቲ ፈቲ ቡዱꬅታ አራዳ ሳአ ዎꬊ ዶልዳ። ድጪ ፈተ Ꮉስታም፥ ፈተ እዝፑን ታም ፈተ ጼት ኣፍዳ» ያጋይዳ።
MAR 4:9 «ስእዘ Ꮉየ የዘ ኦደን ስኦ» ያጋይዳ።
MAR 4:10 የሱሳ ኦህዳኖ ስእደ ፈቲ ፈቲ አሱንꬅ ታጶ ላምእ ታማሩንꬃራ የዙንꬅ የሱሳ ፋ ጻላላ የሳደራ፥ ኤጎ ሺቂ ይና አዝዝትስ ብልꬅቶ ኦጭዳ።
MAR 4:11 የሱሳ ኡንታጎ Ꮉኒ ጋር ያጋይዳ፦ «ይንትስ ጾዘ ካእቱሞ ጋꬅ ቆፋ ኤሮደስ እንግንትዳ። የዝን መሉንꬅስ ካእቱሞፓ ባለራ የዙንꬅስ ኡባ ባዝ አዝዘራ ኦህንታነ።
MAR 4:12 Ꮉና Ꮉንዳና፥ «ኡንቲ በእነ፥ የዝን ደንጎስ። ስእነ፥ የዝን ቲሮስ። ኡንቲ ደንግዛኮን ቲርዛኮ፥ ጾዛጎ ማቃዳ ኤዝን ኡንታና ማሮዳ የሻ» ያጋይዳ።
MAR 4:13 የሱሳ ኡንታጎ፥ «Ꮉና አዝዝታ ይንትስ ገሎሶ? ዬዝን፥ አዝዘ ኡባ ይን ዋይዝ ቲሮደ?
MAR 4:14 ቡድዛይ ጾዘ ቃላ ቡዳነ።
MAR 4:15 ቃላ ቡድንትዘ ዎደ ኦገ ጋጻ ዎꬍዱንꬅ ቃላ ስእዙንꬃና። የዝን ጻላሄ ኢራ ይእ፥ ኡን ዎዝንተ ቡድንትደ ቃልቶ ማጺ Ꮉሳነ።
MAR 4:16 ይኒ ጋራ፥ ፎርቾ ሳአ ቡድንትደ ቃላ ስእ፥ ኤልሲ ኡፋይት ኤክዙንꬃና።
MAR 4:17 የዝን ኡንትስ ምንꬂ ጻጶ ባይዘ ግሾ Ꮉተስ ፋትን ጋምኦስ። ኤራꬅ ዎደፓ ሱባ ቃላ ግሾ ማꬋን ዎይ ባይꬂ የልደ ዎደ ኤልሲ ꬉቡንታነ።
MAR 4:18 አንጋꬅ ግዳ ቡድንትደ ቃላ ስእዙንꬃና።
MAR 4:19 የዝን Ꮉና ሳአ የሲስ ይርጋን፥ ዱርቱሞ ካን ዱማ ዱማ አሞትꬅ ኡን ዎዝንተ ገሊ ቃልቶ ጩልዘ ግሾ ኣፈ አፍካይዛራ አትዳ።
MAR 4:20 የዝን አራዳ ሳአ ቡዱንተዙንꬅ ቃላ ስእ ኤክዙንꬃና። ኡንቲ ፈተ Ꮉስታም፥ ፈተ እዝፑንታም ፈተ ጼት ኣፍዳ» ያጋይዳ።
MAR 4:21 የሱሳ ጉጂ፥ «ጾምፐ ኤኪ፥ ጋባተ ግዳ ዎይ አልጋ ኦሞ ጋድዘ አስ የነ? ꬎቃ በሳ ጋዶሳነ?
MAR 4:22 ይኬ፥ አችንትደ ባዝ ኡባ ቆንጨ ኬሳዳ፤ አችንትደ ባዝ ኡባ ኤርንትካይዛራ አታማ።
MAR 4:23 ስእዘ Ꮉየ የዘ ኦደን ስኦ» ያጋይዳ።
MAR 4:24 ማህ ኡንታጎ፥ «ይን ስእዘ ባዝ ቆፋር ስኦተ! ጾዘ ቃላ ይን ስእዛን ፋና ኤ ይንትስ ቆፋ እንጎዳ። ይንትስ ማክዛነ ጋንꬅ እንጎዳ።
MAR 4:25 የዘ አꬄስ ጋንꬅ እንግንቶዳ፥ ባይዘ አꬄፓ መለ አቶ የዝን፥ ኤስ የዘ ይና ኤራꬅታን ኤክንቶዳ» ያጋይዳ።
MAR 4:26 የሱሳ ማህ፥ «ጾዘ ካእቱሞ ፋ ጋድተ ቡዱꬂ ቡድዘ አꬄ ፋና።
MAR 4:27 የ አꬄ ቃማ ገንታነ ዎንታ ደንዳነ። ኤ ፋ ኦምተ ዋይዛኮን ኤርካይዛራ የሳደራ ይና ቡዱꬅታ ዶሊ ድጫነ።
MAR 4:28 ጋድታን ካꬃ ፋ ፋስ እንጋነ። ቲኖ ዶሊ ድጫነ፥ ሱብተ አፎደስ ጋምቡጻነ፥ ዉርሱꬅተ ኩሙꬅ ኣፈ አፋነ።
MAR 4:29 የዝን ካꬅታ የልደ ዎደ አꬄ ማጻነ» ያጋይዳ።
MAR 4:30 የሱሳ፥ «ኑኒ ጾዘ ካእቱሞ አኮ ፋና ጋኦደ? ዎይ አኮራ አዝሳደ?
MAR 4:31 ጾዘ ካእቱሞ ኣፈ ኤራꬅ ምንጻ አዛነ። የ ምንጻ ኣፍዘ ቡድዘ ዎደ ሳአላ የዘ ምንጻ ኣፈ ኡባፓ ላፋነ።
MAR 4:32 ቡድን ዶሊ ምንጻ ኡባፓ ዳማነ፤ ዳማ ዳሽ ዳዣነ። ላንዱንꬅ ኤ ትርሽትላ አፋ ኬጺ በቶደ ዎንꬅስ ዳዣነ» ያጋይዳ።
MAR 4:33 የሱሳ Ꮉኒ ጋር ጋማ አዝዘራ አሱንꬅ ቲሮደስ ዳንዳኦደ ጋር ቃላ ኦህዳ።
MAR 4:34 አሱንꬅስ አዝዘ ባይꬅ ኦሆስ። የዝን የሱሳ ፋ ታማሩንꬃራ ጻላላ የዘ ዎደ ኡንትስ ኡባባዝቶ ብሊ ኦህዳ።
MAR 4:35 የ ዎደ ሳእታ ኡጉርን፥ የሱሳ ፋ ታማሩንꬃጎ፥ «አባፓ ሰኮ ጋጻ ፊንጎዳ» ያጋይዳ።
MAR 4:36 ኤ ታማሩንꬅ ጋማ አሱንꬃና ኦሊ አሺ አሺ፥ የሱሳ ቲኖ ገሊ በትደ ጎንግዘ ግዳ ገሊ የሱሳ ፋራ ኤኪ ቅትዳ። መለ ጎንጉንꬅን እዘ የነ።
MAR 4:37 ዳማ ጎተ ደንዲ፥ ዙሉንታ ጎንግዛ ጉድን፥ Ꮉꬅታ ኩሞደ ዎንꬅስ ጎንግዘ ግዳ ገልዳ።
MAR 4:38 የ ዎደ የሱሳ ጎንግዘስ ሱባ ዛላራ ቦርኮꬅ ጋዲ ገንትዳ። ኤ ታማሩንꬅ ኤዛ ባርክዚ፥ «አስታማዛዮ፥ ኑ ꬋብዘ ዎደ ነና ይቅሶሳነ?» ያጋይዳ።
MAR 4:39 የዝን፥ ኤ ባርክ ዙሉንቶ፥ «ሴሪ»፥ አብዛን፥ «ስእ ጋኦ» ያጋይዳ። ዙሉንታን ስእ ጋእን ኡባ ባዝ ዎፑ ጋይዳ።
MAR 4:40 የሱሳ ፋ ታማሩንꬃጎ፥ «አኮስ Ꮉንጋራ ዣሽተተ? ይንትስ አማኖ ዋይዝ ꬋብዶ?» ያጋይዳ።
MAR 4:41 ኡንቲ ጋማ ዣሽቲ ፋ ግዳ፥ «Ꮉይ መለ አቶ የዝን፥ ጎተን አባን ኪትንትዘ ኦደ?» ያጋይዳ።
MAR 5:1 የሱሳን ኤ ታማሩንꬅ አባ ፊንግ፥ ገርገሶነ ጋዘ ሳአ የልዳ።
MAR 5:2 የሱሳ ጎንግዘፓ ዎꬍዘ ዎደ ቱና አያና አይክደ ፈቲ አꬄ ቦዛፓ ኬዚ ኤራ የልንትዳ።
MAR 5:3 የ አꬄ ቦዛ ግዳ አቂ ፌዢ የነ። ኤዛ ኦደን ጋደራ አጮደስ ዳንዳኦስ።
MAR 5:4 ኤ ጋማ ቶሄ ዱላራን ሳንꬃላታራ አጭንቲ የነ። የዝን ሳንꬃላቶን ዱꬃነ፥ ዱልዛን መንꬅꬃነ። ኤዛ ማሆደስ ዳንዳእዘ ኦደን ባያ።
MAR 5:5 ኤ ቃማን አዋራ ይና ቦዝተን ደረላን ዉይሳነ፥ ፋ ጋልቶን ሹቻራ ቃዉጻነ።
MAR 5:6 የሱሳ Ꮉኮራ ብእደ ዎደ ዎጺ Ꮉንግ ኤ ቲንተ ቡንቁንትዳ።
MAR 5:7 የ አꬄ ፋ ቃልቶ ꬎቅ ዪዚ፥ «ኡባፓ ካታራ የዘ ጾዘ ናአ የሱሳ፥ ኔራ ታና አኮ የልꬅዘ? ታና ꬋብሳመ ጋር ታኒ ነና ጾዘ ሱንꬅተ ዎሳነ» ያጋይዳ።
MAR 5:8 ኤ ይኖ ጋይዳና የሱሳ ኤዛ፥ «ናተ Ꮉይ ቱና አያንዛዮ፥ Ꮉይ አꬄፓ ከዞ» ያጋይደ ግሾ።
MAR 5:9 የሱሳ ኤጎ፥ «ነ ሱንꬅታ ኦደ?» ያጋእ ኦጭዳ። ኤ፥ «ኑኒ ጋማ ማቅደ ግሾ ታ ሱንꬅታ ሌግዮና» ያጋይዳ።
MAR 5:10 ቱና አያኑንꬅ ፋና ይና ጋድትፓ ኬሲ ዳካመ ጋር የሱሳ ምንꬂ ዎስዳ።
MAR 5:11 የ ደርዘላ ጋማ ጉዳይለ ዉደ የንግንታነ።
MAR 5:12 ቱና አያኑንꬅ የሱሳጎ፥ «ኑና ሰካ ጉዳይለ ዉዱተ ዳኮያ፥ ኡን ግዳ Ꮉንግ ገሎዳ» ያጋእ ዎስዳ።
MAR 5:13 የሱሳ ኡንታጎ፥ «ቅቶተ» ያጋይዳ። ዬዝን ቱና አያኑንꬅ አꬄፓ ኬዚ ጉዳይሉንꬅ ግዳ ገልዳ። ላምእ ሙኩል ማቃደ ጉዳይለ ዉደ ጋጋ ዶናራ ዎጺ Ꮉንግ አባ ገሊ ቆꬍንትዳ።
MAR 5:14 ጉዳይለ ዉደ የንግዙንꬅ ዎጺ Ꮉንግ Ꮉንዳኖ ካታማራን ጋጻረራ ኦህዳ። የዝን አሱንꬅ Ꮉንዳኖ በአደስ ከዝዳ።
MAR 5:15 አሱንꬅ የሱሳጎ የእዘ ዎደ ቱና አያናራ አይክንትደ አꬃ ብእዳ። ኤ ፋ ዎዝንተ ማቂ፥ ማኦ ማእ፥ እዘ በትዳኖ በእዘ ዎደ ኡቡንꬅ ዣሽትዳ።
MAR 5:16 ይኖ ብእደ ጋር አሱንꬅ ቱና አያኑንꬅ አይክደ አꬄላ አፋን ጉዳይሉንꬃላ አፋ Ꮉንዳኖ ኡባ አሱንꬅስ ኦህዳ።
MAR 5:17 ይኒ ግሾ፥ አሱንꬅ ፋ ሳእትፓ የሱሳ ከዞደ ጋር ዎስዳ።
MAR 5:18 የሱሳ ጎንግተ ገልዘ ዎደ ቲኖ ቱና አያና አይኪ ዳክደ አꬄ፥ የሱሳራ Ꮉንጎደስ ኤዛ ዎስዳ።
MAR 5:19 የዝን የሱሳ እጺ ኤጎ፥ «ነ ካራ ማቂ፥ ላꬂ ኔስ አኮ ጋር ዳማ ባዝ ኦቼዛኮን አኮ ጋር ማረዛኮ ነ ካራ አሱንꬅስ ኦሆ» ያጋይዳ።
MAR 5:20 አꬃይ Ꮉንግ ታጵ ካታማ ጋእንትዘ ሳአ ዉቲ፥ የሱሳ ፋስ አኮ ጋር ዳማ ባዝ ኦቼዛኮ ኦህዳ። ኤ ኦህዳኖ ስእደ አሱንꬅ ኡቡንꬅ ጋማ ቆፕዳ።
MAR 5:21 የሱሳ ማቂ፥ ጎንገ ገሊ፥ አባ ፊንግዳንፓ ሱባ ጋማ አሱንꬅ አባ ጋጻ ኤ ካለ ዉቲ ሺቅዳ።
MAR 5:22 እያሮሳ ጋዘ አይሁደ ዎሳ ኬꬃ Ꮉላቁንꬃፓ ፈተ፥ የሱሳ ብእደ ዎደ ኤጎ ይእ ኤ ቶህትላ አፋ
MAR 5:23 ጎልእ፥ «ታ ናታ Ꮉርግንቲ Ꮉይቆደስ ይእነ። እዛ ፋጺ የሳደ ጋር ይእ ነ ኩሽቶ ኢላ አፋ ጋዶያ» ያጋእ የሱሳ ምንꬂ ዎስዳ።
MAR 5:24 የሱሳ እያሮሳራ ቅትዳ። ኤ Ꮉማደራ ጋማ አሱንꬅ ኤዛ ካሊ ኡንእꬅዳ።
MAR 5:25 ታጶ ላምእ በረ እ ጋልትፓ ሱꬅ ጎግዘ ፈቲ ማችታ የነ።
MAR 5:26 ጋማ አክሙንꬅ እዞ አክምዳ፥ የዝን እዛ ፋጻ ካእንትዳ። እዛ ፋ ቆልቶ ኡባ Ꮉስንን ኢስ Ꮉንካ ኢትዳፕ አትን አኮን ማድካያ።
MAR 5:27 ይና ማችታ የሱሳ ባዝ ስእ፥ አሱንꬃና አꬊ የሱሳ ሱባራ ይእ ኤ ማእቶ ቦችዳ።
MAR 5:28 እዛ፥ «ታኒ መለ አቶ የዝን ኤ ማእቶ ቦችዛኮ ፋጾዳ» ጋእ ቆፕዳ።
MAR 5:29 ኢፓ ጎግዘ ሱꬅታ ኢራ ኤቂ አትዳ። እዛ ፋ ዋይትፓ ፋጽዳኖ ፋ ጋልተ ኤርዳ።
MAR 5:30 የሱሳ ኢራ ፋፓ ዎልቃ ኬዝዳኖ ፋ ኦምተ ኤሪ፥ ጋማ አስ ግዳ ሱብ ማቂ፥ «ታ ማእቶ ቦችደ ኦደ?» ያጋይዳ።
MAR 5:31 ኤ ታማሩንꬅ፥ «አሱንꬅ ነና ኡርቂዛኖ ብእተራ፥ ‹ዋይዝ ታና ኦደ ቦችደ ጋኤ?› » ያጋይዳ።
MAR 5:32 የሱሳ ይኖ ኦኒ ኦቼዛኮ በአደስ ዉቱꬂ ዳኪ ብእዳ።
MAR 5:33 የዝን ማችታ ፋስ Ꮉንዳኖ ኤሪ፥ ዣሽሞራ ጎቅተራ ይእ የሱሳ ቲንተ ጎልእዳ፤ ማህ Ꮉንዳኖ ኡባ ቱርቶ ኤስ ኦህዳ።
MAR 5:34 የይን፥ የሱሳ ኢጎ፥ «ናእተ፥ ነና ነ አማንታ ፋꬅዳ፥ ሳሮራ ቅቶ፥ ነ ዋይትፓ ፋጾ» ያጋይዳ።
MAR 5:35 የሱሳ Ꮉጋ ይኖ ኦሆደራ፥ አይሁደ ዎሳ ኬꬃ Ꮉላቃ ካራፓ ኪትንትደ አሱንꬅ ይእ፥ «ነ ናታ Ꮉይቂዳ፥ አስታማርዛ አኮስ ላቢዘ?» ያጋይዳ።
MAR 5:36 የዝን የሱሳ ኡን ጋዛኖ ስእ፥ አይሁደ ዎሳ ኬꬃ Ꮉላቅዘጎ፥ «አማኖ ጻላላ አማኖፕ አትን ዣሽትፐ» ያጋይዳ።
MAR 5:37 የሱሳ ጴጥሮሳፓ፥ ያይቆባፓን ያይቆባ እሸ ዋሐንሳፓ መለ ኦደን ፋና ካላመ ጋር ካይዳ።
MAR 5:38 ኡንቲ አይሁደ ዎሳ ኬꬃ Ꮉላቅዘ ካራ የልደ ዎደ የሱሳ አሱንꬅ ዎዝና ꬋቢ ዬክዙንꬃናን ዘለሉንꬃና ብእዳ።
MAR 5:39 ገሊ አሱንꬃጎ፥ «አኮስ ሙዢ ዬከተ? ናታ ገንትዳፕ አትን Ꮉይቂካያ» ያጋይዳ።
MAR 5:40 አሱንꬅ ኤላ አፋ ሚጭዳ። የዝን አሱንꬃና ኡባ ባለ ኬሲ፥ ናቲ አዳያን፥ እንቶን Ꮉይꬕ ታማሩንꬃና ፋራ ኤኪ ናታ የዘ በስተ ገልዳ።
MAR 5:41 የሱሳ ናቲ ኩሽቶ አይኪ፥ «ጻልታ፥ ቁሚ» (ኤራꬅ ናእተ፥ ነና ጋነ ደንዶ) ያጋይዳ።
MAR 5:42 ናታ ኢራ ደንዲ ኤቂ የꬍዳ። እዛ ታጶ ላምእ በረ ናአ። ይነ አሱንꬅ ጋማ ቆፕዳ።
MAR 5:43 የሱሳ ይኖ ኡን ኦደስን ኦሃመ ጋር ኡንታና ምንꬂ ኪትዳ። ኡንቲ ኢስ ሙእዘ ባዝ እማደ ጋር ኦህዳ።
MAR 6:1 የሱሳ እዝፓ ኬዚ፥ ፋ ታማሩንꬃና ካልꬅ፥ ፋ ካታማ ናዝረተ ይእዳ።
MAR 6:2 ሳምባታ ዎደ አይሁደ ዎሳ ኬꬃ ታማርሰ አይክዳ። ኤ ታማርስዛኖ ስእደ ጋማ አሱንꬅ ጋማ ቆፒ፥ «Ꮉይ Ꮉኖ ኡባ አባፓ ደንግዶ? Ꮉና ጭንጫትꬅታ ኤስ አናፕ እንግንትዶ? Ꮉና ኤ ኩሽተ ኦችንትዘ ክለ ባዝቶ ኦችዘ ዎልቃ ኤስ ኦኒ እንግዶ?
MAR 6:3 Ꮉይ አናጸ ናአ ባነ? ማይራም ናአ፥ ያይቆባ፥ ዮሳ፥ ይሁዳን ስሞና እሸ ባነ? ኤ ምሹንꬅ ኑራ Ꮉነ የዙንꬃና ባነ?» ያጋእ፥ ኤ ጋዛኖ ስአንጽ እጽዳ።
MAR 6:4 የሱሳ የንꬅ አሱንꬃጎ፥ «ናበ ፋ ጋደ፥ ፋ እግኑንꬅ ግዳን ፋ ካራ አሱንꬅ ግዳ ቦንችንቶስ ፋትን መሉንꬅ ካለ ቦንችንታነ» ያጋይዳ።
MAR 6:5 ኤ ይና በስተ ፋ ኩሽቶ ኤራꬅ አሱንꬃላ አፋ ጋዲ ፋꬅዳንፕ መለ ጋማ ቆፍዘ ባዝ ኦቾደስ ዳንዳእካያ።
MAR 6:6 አሱንꬅ አማንካይዘ ግሾ ጋማ ቆፕዳ። ይንፓ ሱባ የሱሳ ይና ጉቱተ የዘ አሱንꬃና ታማርሳነ።
MAR 6:7 የሱሳ ታጶ ላምእ ታማሩንꬃና ፋጎ ጼጊ፥ ላምእ ላምእ ማህ ኪትዳ። ኡንትስ ቱና አያናላ አደትꬅ ዎልቃ እንግዳ።
MAR 6:8 ኡንታና፥ «ኦገስ ጉፈፕ አትን ካꬃ፥ ካርጥተ፥ ይን ኪስተ ብራ አኮ ባዝን አይክፐተ።
MAR 6:9 ይን ቶህተ ጫማ ኣꬆተ፥ ፋትን ላምእ አፉላ አይክፐተ» ያጋይዳ።
MAR 6:10 ማህን፥ «ይንታና አስ ሞክዘ ኬꬃ አባ ማቅኮን ይና በስትፓ ኬዚ ቅቶደ ዎንꬅስ ይና ኬꬅተ ጋምኦተ።
MAR 6:11 ይንታና አስ ሞኮሰ በሳ ዎይ ይን ኦህዛኖ ስኦሰ በሳ አባን ማቅኮ፥ ይና ሳእተ የዘ አሱንꬅስ ይን ማርካ ማቃደ ጋር ይና በስትፓ ከዝተራ፥ ይን ቶህተ የዘ ጹርቶ ፍጾተ» ያጋይዳ።
MAR 6:12 ታጶ ላምእ ታማሩንꬅ Ꮉንግ፥ አሱንꬅ ፋ ናጋርትፓ ማቃደ ጋር ቃላ ኦህዳ።
MAR 6:13 ኡንቲ አሳፓ ጋማ ቱና አያና ከስዳ። ጋማ Ꮉርግንትዙንꬃና ዛይተ ትዢ ፋꬅዳ።
MAR 6:14 የሱሳ ሱንꬅታ ኡባ በሳ ከዝደ ግሾ ካት ሄሮድሳ ኤ ባዝ ስእዳ። ፈቲ ፈቲ አሱንꬅ፥ «ጻማቅዘ ዋሐንሳ Ꮉይቆፓ ደንድዳ፥ ይኒ ግሾ Ꮉና ክለ ባዝቶ ኦችዘ ኤዛ» ያጋይዳ።
MAR 6:15 ባጉንꬅ፥ «Ꮉይ ኤልያሳ» ያጋይዳ። መሉንꬅ ማህ፥ «Ꮉይ ዛጋ ዎደ ናቡንꬃፓ ፈታያ» ያጋይዳ።
MAR 6:16 የዝን ሄሮድሳ ይኖ ስእደ ዎደ «Ꮉይ ታኒ አፉርቶ ጋችዝደ ጻማቅዘ ዋሐንሳ። ኤ Ꮉይቆፓ ደንድዳ» ያጋይዳ።
MAR 6:17 ሄሮድሳ ፋ እሸ ፍልጶሳ ማችቶ ሄሮድያዳ ኤክደ ግሾ እ ምክናትስ ዋሐንሳ አይꬂ አጭዝዳ።
MAR 6:18 ዋሐንሳ ሄሮድሳጎ፥ «ኔኒ ነ እሸ ማችቶ ኤኮደስ ቤዞስ» ያጋይዳ።
MAR 6:19 ሄሮድያዳ ዋሐንሳ ፋ ዎዝንተ እጺ ኤዛ ዎዽሳደስ ኮይዳ፥ የዝን ዳንዳእካያ።
MAR 6:20 ዋሐንሳ ጽሎን ጌሽ አስ ማቅዳኖ ሄሮድሳ ኤርደ ግሾ ኤስ ዣሽቲ ሎይꬂ ናግዛነ። ሄሮድሳ ዋሐንሳ ጋዘ ባዝ ስእዘ ዎደ ታናነ። የዝን ኡፋይት ስእነ።
MAR 6:21 ሄሮድሳ ፋ የልንትደ ቃምቶ ቦንቾደስ ጋደ አህዙንꬃና፥ ሻላቁንꬅስን ጋልላ የዘ ዳማ አሱንꬅስ ድግሳ ጊግዝዳ። ይና ሄሮድያዳስ ዎትዘ ዎደ ማቅዳ።
MAR 6:22 ሄሮድያዳ ናእታ ዛቁንꬅ ሞኩንትዘ ኬꬃ ገሊ ዱሪ፥ ሄሮድሳን ኤ ዛቁንꬃና ኡፋይስዳ። ካትዘ ናትጎ፥ «ነ ኮይዘ አኮ ማቅኮን ታና ኦጮ፥ ታ ኔስ እንጎዳ» ያጋይዳ።
MAR 6:23 ማህ ኢስ ጫቂ፥ «ኔኒ ኦጭዘ አኮ ማቅኮን፥ ታኒ ኔስ እንጎዳ። መለ አቶ የዝን፥ ታ ካእቱምት ባግቶ ማቅኮን ታ ኔስ እንጎዳ» ያጋይዳ።
MAR 6:24 ናታ ባለ ኬዚ ፋ እንትጎ፥ «አኮ እንጎ ጋዉነ?» ጋእ ኦጭዳ። እ እንታ፥ «ጻማቅዘ ዋሐንሳ ኦምቶ እንጎ ጋኦ» ያጋይዳ።
MAR 6:25 ናታ ኤልሲ ካትዘጎ Ꮉንግ፥ «ጻማቅዘ ዋሐንሳ ኦምቶ ሳነ ግዳ ጋዲ Ꮉተ ታስ እማደ ጋር ኮያነ» ያጋይዳ።
MAR 6:26 ያጋእን ካትዘ ጋማ ዥልꬍዳ፥ የዝን ፋ ዛቁንꬅ ግሾ ኢስ ጫቂደ ፋ ጫቅቶ አሾደስ ኮይካያ።
MAR 6:27 ይኒ ግሾ፥ ኤልሲ ናግዘጎ ዋሐንሳ ኦምቶ ኮኦደ ጋር ኪትዳ። ናግዘን አች ኬꬃ Ꮉንግ ዋሐንሳ አፉርቶ ጋችዳ።
MAR 6:28 የ ጋችንትደ ኦምዛ ሳነ ግዳ ጋዲ ክእ ናትስ እንግዳ። ናታ ማህ ፋ እንትስ እንግዳ።
MAR 6:29 ዋሐንሳ ታማሩንꬅ ይኖ ስእደ ዎደ Ꮉንግ ኤ አህቶ ኤኪ ካንግ ሞግዳ።
MAR 6:30 ታጶ ላምእ ሐዋሩንꬅ ማቂ ይእ ኡን ኦችዳኖን ታማርስዳኖ ኡባ የሱሳስ ኦህዳ።
MAR 6:31 ኡንታጎ ይእዘ አሱንꬅን ቅትዘ አሱንꬅ ጋንግደ ግሾ የሱሳራን ኤ ታማሩንꬃራ፥ መለ አቶ የዝን ካꬃ ማደስን ኡንታና የልꬃንጽ እጽዳ። የይን፥ የሱሳ ኡንታጎ፥ «የኦተ ዎላ ኤራꬅ ሸምፖደስ አስ ባይዘ በሳ የꬎተ» ያጋይዳ።
MAR 6:32 ይኒ ግሾ፥ ኡንቲ ፋ ፋስ ጎንገ ገሊ አስ ባይዘ በሳ ቅትዳ።
MAR 6:33 ኡንቲ Ꮉማደራ ጋማ አሱንꬅ ኡንታና ብእ ኤርዳ። የዝን፥ ካታማ ኡባፓ አሱንꬅ ቶሄራ ዎጺ Ꮉንግ ኡን ቅትዘ በስቶ ኡንታፓ ቲኒ የልዳ።
MAR 6:34 የሱሳ ጎንግዘፓ ዎꬊ ጋማ አሱንꬃና ብእዳ። አሱንꬅ የንግዘ አስ ባይዘ ዱሮ ፋና ማቅዳኖ ብእ ኡንትስ ይቅስንቲ ኡንታና ጋማ ባዝ ታማርስዳ።
MAR 6:35 ሳእታ ኡጉርዘ ዎደ የሱሳ ታማሩንꬅ ኤጎ ይእ፥ «Ꮉና በስታ አስ ባይዘ በሲ፤ Ꮉተ ሳእታን ቃምዳ።
MAR 6:36 አሱንꬅ ካራ ጋንጨን ካታማ Ꮉንግ ፋስ ሙእዘ ባዝ ዎንጎደ ጋር አሱንꬃና ዳኮ» ያጋይዳ።
MAR 6:37 የዝን የሱሳ ማህ ኡንታጎ፥ «አሱንꬅስ ሙእዘ ባዝ ይን እንጎተ» ያጋይዳ። ኡን፥ «ኑኒ Ꮉንግ ላምእ ጼት ድናረር ቦራ ዎንግ አሱንꬃና ሙዞደ ጋር ኮያነ?» ያጋእ ኦጭዳ።
MAR 6:38 የሱሳ ኡንታጎ፥ «ይንትስ ዋንꬅ ቦራ የዘ? አነ Ꮉንግ ቦኦተ» ያጋይዳ። ኡንቲ ብእ፥ «እችን ቦራን ላምእ ሞሎን» ያጋይዳ።
MAR 6:39 የሱሳ ፋ ታማሩንꬃጎ አሱንꬃና ኡባ ጋቾ ጋቾ ታጊ በትꬆደ ጋር ኪትዳ።
MAR 6:40 አሱንꬅ ባግታ ጼት፥ ባግታ እችንታም ማቂ ልከራ ልከራ ታግንት በትዳ።
MAR 6:41 የሱሳ እችን ቦርቶን ላምእ ሞሉንꬃና ኤኪ፥ ኡደ ሳሎ ብእ ጾዝ ጋላትዳ። ቦርቶ ባጽ አሱንꬅስ የልꬆደ ጋር ታማሩንꬅስ እንግዳ። ማህ ላምእ ሞሉንꬃና ኡን ኡቡንꬅስ ግሽዳ።
MAR 6:42 አሱንꬅ ኡባ ሙእ ምዥዳ።
MAR 6:43 አትደ ቦራ ጉፋን ሞሎ ጉፋን፥ ኤ ታማሩንꬅ ታጶ ላምእ ሌማተ ኩሙꬅ ደንꬅዳ።
MAR 6:44 ቦርቶ ሙእደ ꬊራꬅ አሱንꬅ ጻላላ እችን ሙኩል ማቃዳ።
MAR 6:45 ኤልሲ የሱሳ ፋ ታማሩንꬅ ጎንገ ገሊ፥ አባፓ ሰኮ ፍንꬃ የዘ ቤተሳይዳ ፋፓ ቲኒ ቅቶደ ጋር ኪትዳ። የዝን ፋስ አሱንꬃና ሞይዞደስ ሱብ አትዳ።
MAR 6:46 አሱንꬃና ሞይዝዳንፓ ሱባ ጾዝ ዎሶደስ ደረላ አፋ ከዝዳ።
MAR 6:47 ሳእታ ቃምዘ ዎደ ጎንግዘ አባ ግዳ የነ፥ የዝን የሱሳ አባፓ ጋጻ ፋስ የነ።
MAR 6:48 ባቆ ኤ ታማሩንꬃጎ ባቅዘ ግሾ አባ ፍዽዛና ዋይስዛኖ የሱሳ ብእዳ። ዎንት ማ ሉኩለ ኦሎደስ ይእዘ ዎደ ኤ አባላ አፋ የꬍተራ ኡንታጎ ይእ፥ ኡንታና ኦሊ አꬋደስ ኮይዳ።
MAR 6:49 የዝን ኤ አባላ አፋ የꬋደራ፥ ኡን ብእ፥ ኡንትስ ሜሸ አዝን ዉይስዳ።
MAR 6:50 ኡን ኡቡንꬅ ኤዛ ብእ፥ ዣሽሞራ ታንዳ። የዝን የሱሳ ኤልሲ ኡንታጎ፥ «ታና፥ አኮን ባያ፤ ዣሽትፐተ» ያጋይዳ።
MAR 6:51 ኤ ጎንገ ገሊ ኡንታራ ዎላ በትን ባቅታ ዎፑ ጋይዳ። ኡንቲ ጋማ ቆፕዳ።
MAR 6:52 ኡን ዎዝንታ ዶጭደ ግሾ ኡን ቦርቲ ባዝ ቲሪካያ።
MAR 6:53 ኡንቲ አባ ፊንግ፥ ጌንሳሬጠ ሳአ የሊ፥ ጎንግዛ ጋጻላ ሺሺ አጭዳ።
MAR 6:54 ኡንቲ ጎንግዘፓ ዎꬍዘ ዎደ አሱንꬅ ኤልሲ የሱሳ ኤርዳ።
MAR 6:55 ኡንቲ ካራ ጋንጨ የዘ ሳአ ኡባ ዎጺ የሊ Ꮉርግንትዙንꬃና ሻንቻፋራ ቶኪ፥ «የሱሳ የነ» ጋእን ስእደ በስተ ክእዳ።
MAR 6:56 አሱንꬅ ኤ Ꮉንግደ ኬꬃ ኡባ፥ ጋጻረ ማቅኮን፥ ካታማ፥ የዘ Ꮉርግንትዙንꬃና አስ ሺቅዘ በሳ ካንጋነ። Ꮉርጋንቹንꬂ ኤ አፉላ ማጫርቶ ማቅኮን ቦቾደ ጋር አሱንꬅ ኤዛ ዎስዳ። ቦችደ ኡቡንꬅ ፋጽዳ።
MAR 7:1 የሩሳላመፓ ይእደ ፈቲ ፈቲ ፋርሳዉንꬅን ህገ አስታማሩንꬅን የሱሳ ካለ ሺቅዳ።
MAR 7:2 የሱሳ ታማሩንꬃፓ ፈተ ፈተ ጌዥካይዘ ኩሸራ፥ ይናን ኩሸ ሜጭካይዛራ ካꬃ ሙዙንꬃና ኡን ብእዳ።
MAR 7:3 ፋርሳዉንꬅን አይሁደ አሱንꬅ ኡባ ፋ አዱንꬅ ዎግት ጋር ፋ ኩሽቶ ሜጭካይዛራ ሞኦስ።
MAR 7:4 ይኒ ጋራ፥ ኡን ጋበፓ ዎንግ ማቂ ሜጭንትካይዛር ሞኦስ። ማህ ኡን ፋ አዱንꬃፓ ኤክደ መለ ጋማ ዎጋ የነ፦ ይናን ስነ፥ ጻሮ፥ መቆ ሚሸ ዳꬃን ጌሽዘ ዎጋ ናጋነ።
MAR 7:5 ፋርሳዉንꬅን ህገ አስታማሩንꬅን የሱሳ፥ «ነ ታማሩንꬅ አኮስ አዱንꬅ ዎጋ መንꬂ ፋ ኩሽቶ ሜጭካይዛራ ካꬃ መኤ?» ያጋእ ኦጭዳ።
MAR 7:6 የሱሳ ኡንታጎ፥ «ኢሳያሳ ይን ጩቡንꬆ፥ «Ꮉንꬅ አሱንꬅ ታና ፋ ዶናራ ጻላላ ቦንቻነፕ፥ አትን ኡን ዎዝንታ ታፓ Ꮉኮ የነ።
MAR 7:7 አስ መꬍደ ዎጋ ጾዘ ህገ አዝዝ ታማርስዘ ግሾ ኡን ታና Ꮉፖ ጎይናነ» ጋእ ጻፍደ ትንቢታ ቱሮ።
MAR 7:8 «ይንቲ ጾዘ ኪታ አሺ አስ ዎጋ ናጋነ» ያጋይዳ።
MAR 7:9 ማህን የሱሳ፥ «ይን ይን ዎጋ ናጊ ጾዘ ኪቶ ኦሊ አሾደስ ሎኦ ኦገ ደንግዳ።
MAR 7:10 ሙሴ፥ ‹ነ አዳያን ነ እንቶን ቦንቾ›፥ ማህ ‹ፋ አዳያን ዎይ ፋ እንቶ ጫዥደ Ꮉይቆደስ ቤዛነ› ያጋይዳ።
MAR 7:11 የዝን ፈቲ አስ ፋ አዳያን ዎይ ፋ እንቶን ማዶዳኖ አሺ፥ ‹ይና ጾዘ ዣርሾ› ጋእኮ፥
MAR 7:12 ኤ ፋ አዳያን ዎይ ፋ እንቶን ማዳመ ጋር ኦቻነ።
MAR 7:13 ይኒ ጋራ፥ ይን መሉንꬃና ታማርስደ ይን ዎግትራ ጾዘ ቃላ ለቂዳ። ይኒ ፋና መለ ጋማ ባዝ ኦቻነ» ያጋይዳ።
MAR 7:14 የሱሳ ጋማ አሱንꬃና ማህ ፋጎ ጼጊ፥ «ኡቡንꬅ ታ ኦህዛኖ ስኦተ ቲሮተ።
MAR 7:15 አስ ዎዝናፓ ከዘ ባዝ አስ ቱንዛነፕ አትን ባለፓ አስ ሳዛ ገሊ አስ ቱንዘ አኮን ባያ።
MAR 7:16 ስእዘ Ꮉየ የዘ ኦደን ስኦ» ያጋይዳ።
MAR 7:17 የሱሳ ጋማ አሱንꬃና አሺ አሺ ኬꬃ ገልን ኤ ታማሩንꬅ ይና አዝዝቲ ባዝ ኤዛ ኦጭዳ።
MAR 7:18 ኤ ኡንታጎ፥ «ይንትስን ማህ ገልካነ? ባለፓ አስ ዎዝና ገልዘ አኮ ባዝን አስ ቱንሳደስ ዳንዳኦሳና ገሎሳነ?
MAR 7:19 አኮስ ጋይኮ፥ ካꬃ አስ ሳዛ ግዳ ገሊ ፋ ኦግትራ አꬋነፕ አትን አስ ዎዝና ግዳ ገሎስ» ያጋይዳ። ይነ የሱሳ ካꬃ ኡባ ጌሽ ማቅዛኖ ኤርስዳ።
MAR 7:20 ካሊ፥ የሱሳ፥ «አስ ቱንዘ ባዝ አስ ዎዝና ግዳፓ ከዘ ባዝ።
MAR 7:21 አስ ዎዝና ግዳፓ ከዘ ባዝ ኢታ ቆፋ፥ ጎመ ዎይኤ፥ ካይዞ፥ አስ ዎ፥
MAR 7:22 ኦላለ፥ ዥንባርትሞ፥ ኢታትꬅ፥ ገነ፥ ቃይጸ፥ ጭሞ፥ ቃናኤ፥ ጫሽ፥ ኡቱራን ቦዛትꬅ።
MAR 7:23 Ꮉና ኢታባዝታ ኡባ አስ ዎዝና ግዳፓ ኬዚ አስ ቱንዛነ» ያጋይዳ።
MAR 7:24 የሱሳ ይንፓ ኬዚ፥ ጢሮሳ ካታማ ካለ የዘ ሳአ ቅትዳ። ኤ ፈቲ ኬꬃ ገሊ እዘ የዛኖ ኦደን ኤሮደ ጋር ኮይካያ። ይኖ ማቅኮን አችንት ጋምኦደስ ዳንዳእካያ።
MAR 7:25 የዝን እ ኤራꬅ ናእቶ ቱና አያና አይክደ ፈቲ ማችታ የሱሳ ባዝ ስእ ኤልሲ ኤጎ ይእ ኤ ቶህትላ አፋ ጎልእዳ።
MAR 7:26 እዛ የልንትዳና ሶርያ ግዳ ፍንቀ ጋዘ ሳአ የልንትደ ግርኬ ማቾ። እዛ፥ ፋ ናትፓ ቱና አያንዛ ከሶደ ጋር የሱሳ ዎስዳ።
MAR 7:27 የዝን የሱሳ ማህ፥ «ናኡንꬅ ቲንꬊ ካꬃ ሙእ ምዦ፤ ናኡንꬅ ካꬅቶ ኤኪ ካኑንꬅስ ኦልዛና ሎኦ ማቆስ» ያጋይዳ።
MAR 7:28 ማችታ ማህ፥ «ታ ላꬃዮ ይና ቱሮ፥ የዝን ሌማተ ካለ የዘ ካኑንꬅ ናኡንꬃፓ ዎꬍደ ጉፍቶ ሙነ» ያጋይዳ።
MAR 7:29 የሱሳ ማህ ኢጎ፥ «Ꮉኖ ነ ኦህደ ግሾ ነ ካራ ቅቶ፤ ቱና አያንዘ ነ ናትፓ ከዝዳ» ያጋይዳ።
MAR 7:30 ማችታ ፋ ካራ Ꮉንግዘ ዎደ ቱና አያንዘ ናትፓ ከዝን ይꬃ ዎይእዳኖ ብእዳ።
MAR 7:31 የሱሳ ጢሮሳ ካታማፓ ኬዚ፥ ስዶናራን ታጵ ካታማ ጋዘ ሳአራ አꬊ ጋልላ አባጎ ቅትዳ።
MAR 7:32 አሱንꬅ ቱለን ዶና ሙመ አስ የሱሳጎ ክእ፥ ፋ ኩሽቶ ኤላ ጋዶደ ጋር ኤዛ ዎስዳ።
MAR 7:33 የሱሳ ፋስ የ አꬃ ጋማ አሳፓ ጋጻ ኬሲ፥ ፋ ግልእዛ ኤ Ꮉይተ ዳክዳ። ማህ ጩች ጩቲ ኤ እልአንꬅቶ ቦችዳ።
MAR 7:34 ሳሎ ኡደ ብእ፥ ጋዲ ሸምፒ፥ «ኤፍታህ» ጋይዳ። ብልꬅታን «ቡጉንቶ» ጋኤ።
MAR 7:35 አꬄ Ꮉይታ ኤልሲ ቡጉንትዳ፥ አጭንትደ እልአንꬅታን ብልንትዳ፥ አꬄ ጌሽ ኦህንትዳ።
MAR 7:36 የሱሳ አሱንꬃጎ፥ «Ꮉኖ ኦደስን ኦህፐተ» ያጋይዳ። የዝን ኤ ጋማ ምንꬂ ኦህፐተ ጋእን፥ አሱንꬅ ኦህቶ ጎደ ጋንꬅዳ።
MAR 7:37 ይኖ ስእደ አሱንꬅ ኡባ ጋማ ቆፒ፥ «ኡባባዝቶ ኤ ሎይꬂ ኦቻነ። መለ አቶ የዝን፥ ቱልዛ ስሳነ፥ ሙምዛ ኦህዛነ» ያጋይዳ።
MAR 8:1 ኤራꬅ ዎደፓ ሱባ፥ ጋማ አሱንꬅ የሱሳጎ ሺቅዳ። አሱንꬅስ ሙእዘባዝ ꬋብን የሱሳ ፋ ታማሩንꬃና ፋጎ ጼጊ፥
MAR 8:2 «Ꮉንꬅ አሱንꬅ ታራ Ꮉይꬕ ቃማ የሎደስ ጋምእ፥ አኮን ሙእዘ ባዝ ደንግካይዘ ግሾ ታና አሱንꬅ ባዝታ ይቅሳነ።
MAR 8:3 ታኒ አሱንꬃና ናየራ ካራ ዳክኮ አሱንꬅ Ꮉንግተራ ኦገ ላቢ ጎልኦዳ፥ ባገ አሱንꬅ Ꮉኮ በሳፓ ይእዳ» ያጋይዳ።
MAR 8:4 የሱሳ ታማሩንꬅ ማህ፥ «Ꮉና አኮ ባይዘ ጋናሳ Ꮉንꬅ አሱንꬃና ኡባ ሙሳደስ ማቃደ ካꬃ ደንጎደስ ዳንዳኦደ ኦደ?» ያጋይዳ።
MAR 8:5 የሱሳ ኡንታጎ፥ «ይን ካለ ዋንꬅ ቦራ የዘ?» ጋእ ኦጭዳ። ኡን ማህ፥ «ላፑን ቦራ የነ» ያጋይዳ።
MAR 8:6 የሱሳ አሱንꬅ ሳአላ በቶደ ጋር ኪትዳ። የይዝ፥ ላፑን ቦርቶ ኤኪ ጾዝ ጋላቲ ማቂ ቦርቶ ባጽ፥ አሱንꬃና የልꬆደ ጋር ፋ ታማሩንꬅስ እንግዳ። ኤ ታማሩንꬅ አሱንꬅስ ግዥዳ።
MAR 8:7 ኡንትስ ማህ ኤራꬅን ይሻ ሞሉንꬅ የነ። የሱሳ ይና ሞሉንꬅ ግሾ ጾዝ ጋላቲ፥ አሱንꬅስ የልꬆደ ጋር ፋ ታማሩንꬃና ኪትዳ።
MAR 8:8 አሱንꬅ ኡቡንꬅ ሙእ ምዥዳ። ኤ ታማሩንꬅ ሙእን አትደ ጉፋ ላፑን ሌማተ ኩሙꬅ ደንꬅዳ።
MAR 8:9 ካꬃ ሙእደ አሱንꬅ ፋይድታ ኦይዲ ሙኩል ማቃዳ። ይንፓ ሱባ፥ የሱሳ አሱንꬃና ሞይዝዳ።
MAR 8:10 ኤ ማህ ፋ ታማሩንꬃራ ኤልሲ ጎንገ ገሊ ዳልማኑታ ጋዘ ሳአ ቅትዳ።
MAR 8:11 ፋርሳዉንꬅ ይእ የሱሳ ኦጮደስ ኮይ፥ ሳሎፓ ፋና ማላ ቤሳደ ጋር የሱሳራ ላለ አይክዳ።
MAR 8:12 የሱሳ ጋዲ ሸምፒ፥ «Ꮉና ዎደ አሱንꬅ አኮስ ማላ ኮየ? ታኒ ይንትስ ቱሮ ኦህነ፤ Ꮉና ዎደ አሱንꬅስ አኮ ማላን እንግንቶስ» ያጋይዳ።
MAR 8:13 ኤ ኡንታና እዘ ኦሊ አሺ ማህ ጎንገ ገሊ አባፓ ሰኮ ፍንꬃ ፊንግዳ።
MAR 8:14 ኤ ታማሩንꬅ ካꬃ አይኮዳኖ ቦትዳ፤ ኡንትስ ጎንገ ግዳ ፈቲ ቦራፓ መለ ባያ።
MAR 8:15 የሱሳ ኡንታጎ፥ «ይንታና ኤሮተ። ፋርሳዉንꬅ እርሽትፓን ሄሮድሳ እርሽትፓ ናግንቶተ» ያጋእ ኪትዳ።
MAR 8:16 ኡን ዎል ግዳ፥ «ኤ Ꮉኖ ጋዛና ኑስ ቦራ ባይዘ ግሾ» ያጋይዳ።
MAR 8:17 የሱሳ ኡን ጋዛኖ ኤሪ ኡንታጎ፥ «ይንትስ ቦራ ባይዘ ግሾ አኮስ ኦህንተ? Ꮉተን ኤሮስተ? ዎይ ቲሮስተ? ይን ዎዝንታ ዶጭዳ?
MAR 8:18 ይንትስ ኣፈ የዝን ቦኦስተ? Ꮉየ የዝን ስኦስተ? ይን ቲራነ?
MAR 8:19 ታኒ እችን ቦራ እችን ሙኩል አሱንꬅስ የልꬅዘ ዎደ ዋንꬅ ሌማተ ኩሙꬅ ጉፋ ደንꬅዶ?» ያጋይዳ። ኡንትን፥ «ታጶ ላምእ ሌማተ ኩሙꬅ» ያጋይዳ።
MAR 8:20 «ይኒ ጋራ፥ ታኒ ላፑን ቦራ ኦይዲ ሙኩል አሱንꬅስ የልꬅደ ዎደ ዋንꬅ ሌማተ ኩሙꬅ ጉፋ ደንꬅዶ?» ያጋይዳ። ኡን፥ «ላፑን ሌማተ ኩሙꬅ ደንꬅዳ» ያጋይዳ።
MAR 8:21 ዬዝን፥ «Ꮉተን ቲሪካነ?» ያጋይዳ።
MAR 8:22 ኡንቲ ቤተሳይዳ ካታማ ቅትዳ። ኤራꬅ አሱንꬅ ቆቀ አꬃ የሱሳጎ ክእ የ አꬃ ግርሞደ ጋር ኤዛ ዎስዳ።
MAR 8:23 የሱሳ ቆቀ አꬄ ኩሽቶ አይኪ ካታማፓ ጋጻ ከስዳ። ኤ ኣፍተ ጩቲ ፋ ኩሽቶ ኣፍትላ አፋ ጋዲ፥ «ኔስ አኮ በንታነ?» ያጋእ ኦጭዳ።
MAR 8:24 አꬃይ ꬎቅ ጋእ ብእ፥ «ታስ አሱንꬅ በንታነ፥ የዝን አሱንꬅ ምንጻ ጋር ኤንአነ» ያጋይዳ።
MAR 8:25 ይንፓ ሱባ፥ የሱሳ ማህ፥ አꬄ ኣፍተ ፋ ኩሽቶ ጋድዳ። አꬃይን ሎይꬂ ብእዳ፥ ፋጽን ኡባ ባዝ ሻኪ ብእዳ።
MAR 8:26 የሱሳ አꬄጎ፥ «ነ ካራ ቅቶ፥ የዝን ካታማ ገልፐ» ያጋእ ኪትዳ።
MAR 8:27 የሱሳ ፋ ታማሩንꬃራ ቂሳርያ ፍልጶሳ ካለ የዘ ካራ ጋንጨ ቅትዳ። ኡንቲ Ꮉማደራ ኦገላ የዝን የሱሳ፥ «ታና አሱንꬅ ኦና ጋኤ?» ያጋእ ፋ ታማሩንꬃና ኦጭዳ።
MAR 8:28 ኤ ታማሩንꬅ፥ «ፈቲ ፈቲ አሱንꬅ ነና፥ ‹ጻማቅዘ ዋሐንሳ› ጋነ፤ መሉንꬅ፥ ‹ኤልያሳ ጋነ› ማህ መሉንꬅ፥ ‹ናቡንꬃፓ ፈታ› ጋነ» ያጋይዳ።
MAR 8:29 የሱሳ ኡንታጎ፥ «ዬዝን ይን ታና ኦና ጋኤ?» ያጋእ ኦጭዳ። ጴጥሮሳ፥ «ኔኒ ክርስቶሳ » ያጋእ ማህዳ።
MAR 8:30 የሱሳ፥ «ታ ባዝ ኦደስን ኦህፐተ» ያጋእ ኡንታና ኪትዳ።
MAR 8:31 የሱሳ ፋ ታማሩንꬃጎ፥ «አስ ናአይ፥ ጋማ ማꬋ ኤኮደስ ቤዛነ፤ ጭሙንꬅ፥ ካህኑንꬅ Ꮉላቁንꬅን ህገ አስታማሩንꬅ ኤዛ እጾደስ ቤዛነ። ኡንቲ ኤዛ ዎꬎደስን Ꮉይꬕ ቃማፓ ሱባ፥ ኤ Ꮉይቆፓ ደንዶደስ ቤዛነ» ያጋእ ኡንታና ታማርስዳ።
MAR 8:32 ኤ ይኖ ኡንትስ ሎይꬂ ኦህዳ። ጴጥሮሳ ኤዛ ፈቲ ዛላ ማህ ካጭዳ።
MAR 8:33 የዝን የሱሳ ሱባ ማቂ፥ ፋ ታማሩንꬃና ብእ፥ ጴጥሮሳ ካጪ፥ «Ꮉይ ጻላህዛይ፥ ታፓ Ꮉኮ። ኔኒ አስ ካꬍዘባዝ ቆፓነፕ አትን ጾዚ ካꬍዘባዝ ቆፖስ» ያጋይዳ።
MAR 8:34 ማህካ የሱሳ ጋማ አስን ፋ ታማሩንꬃና ፋጎ ጼጊ፥ «ታና ካሎደስ ኮይዘ ኦደን ፋና ካዶ፤ ፋ ማስቃልቶ ቶኪ ታና ካሎ።
MAR 8:35 ፋ ሸምፕቶ አሾደስ ኮይዘ አꬄ ꬋብሶዳ። የዝን ታ ግሾን ዎንገለ ግሾን ፋ ሸምፕቶ ꬋብስዘ አꬄ አሾዳ።
MAR 8:36 አስ ሳአላ የዘ አላምቶ ትርፍዛኮ፥ ፋ ሸምፕቶ ꬋብስኮ ኤዛ አኮ ማዶደ?
MAR 8:37 አስ ፋ ሸምፕቶ ዎዞደስ አኮ እማደስ ዳንዳኤ?
MAR 8:38 ጾዝ አማኖሰ Ꮉና ኢታ የለቱንꬃፓ፥ ፈቲ አስ ታ ግዳን ታ ቃልተን ዬልꬍኮ፥ አስ ናአይ፥ ማህ ፋ አዳይ ቦንቾራ ጌሽ ኪታንቹንꬃራ የእዘ ዎደ የይጋ ዬልꬎዳ» ያጋይዳ።
MAR 9:1 የሱሳ ኡንታጎ፥ «ታኒ ይንትስ ቱሮ ኦህነ፤ ጾዘ ካእቱሞ ዎልቃራ ይእዛኖ ብእካይዛራ Ꮉይቃመ ፈቲ ፈቲ አሱንꬅ Ꮉነ የነ» ያጋይዳ።
MAR 9:2 የሱሳ እዝፑን ቃማፓ ሱባ፥ ፋራ ጴጥሮሳ፥ ያይቆባን ዋሐንሳ ኤኪ፥ ኡንታና ጻላላ ዳማ ደረላ አፋ ኬሲ ኡን ቲኖ ላምንትዳ።
MAR 9:3 ኤ ማእታን ፎጭዳ፤ ሳአላ ማኦ ሜጭዘ ኦደን ጌሾደስ ዳንዳኦሰ ፋና ጋማ ቦጽዳ።
MAR 9:4 ኤልያሳን ሙሴን የሱሳራ ኦህንቶደራ ኡን ብእዳ።
MAR 9:5 ጴጥሮሳ የሱሳ፥ «አስታማርዛዮ፥ ኑኒ Ꮉነ የዛና ኑስ ሎኦ፤ ኑ Ꮉይꬕ ጋባ ፈታ ኔስ፥ ፈታ ሙሴስ፥ ማህ ፈታ ኤልያሳስ ጋቦዳ» ያጋይዳ።
MAR 9:6 Ꮉንኩንꬅ ጋማ ታንደ ግሾ ኤ አኮ ጋዛኮን ኤርካያ።
MAR 9:7 ይንፓ ሱባ፥ ꬎነ ይእ ኡንታና ጎዝን ꬎነ ጋርሳፓ፥ «Ꮉይኒ ታ ካዽዘ፥ ታ ናአያ፥ ኤ ጋዛኖ ስኦተ» ጋዘ ቃላ ይእዳ።
MAR 9:8 ኤልሲ ኡንቲ ዉቱꬂ ዳኪ በእዘ ዎደ የሱሳፕ አትን መለ ኦደን ፋ ካለ ብእካያ።
MAR 9:9 ኡንቲ ደርዘፓ ዎꬎደራ፥ የሱሳ ኡንታጎ፥ «አስ ናአይ፥ Ꮉይቆፓ ደንዶደ ዎንꬅስ፥ ይን ብእዳኖ ኦደስን ኦህፐተ» ያጋእ ኪትዳ።
MAR 9:10 ኤ ኪትዳኖ ኡን፥ «የኤ» ጋእ፥ «Ꮉና Ꮉይቆፓ ደንደ ጋዛና አኮ ጋኤ» ጋእ፥ ዎል ግዳ ኦህንትዳ።
MAR 9:11 ኡን ማህ፥ «ህገ አስታማሩንꬅ፥ ‹ኤልያሳ ቲንꬊ ዮኦደስ ቤዛነ› አኮስ ጋኤ?» ያጋእ ኦጭዳ።
MAR 9:12 የሱሳ ማህ «ኤልያሳ ቲንꬊ ይእ፥ ኡባባዝቶ ሎይꬆዳ፤ ዬዝን፥ አኮስ ጌሽ ማጻፍተ፥ ‹አስ ናአይ ጋማ ዋይንቶዳ እጽንቶዳ› ያጋነ ጋእ ኦጭዳ።
MAR 9:13 የዝን ታኒ ይንትስ ኦህነ፤ ኤልያሳ ይእዳ፤ ማህ ኤ ባዝ ጌሽ ማጻፍተ ጻፍንትዳንጋራ፥ አሱንꬅ ኤላ አፋ ፋ ኮይዳኖ ኦችዳ» ያጋይዳ።
MAR 9:14 የሱሳን፥ Ꮉይꬑንꬅ ታማሩንꬃጎ ማቂ የእዘ ዎደ ጋማ አሱንꬅ ኡን ካለ ኤቅዱንꬃናን ህገ አስታማረ ማቅደ ኤራꬅ አሱንꬅ ኡንታራ ላልዛኖ ብእዳ።
MAR 9:15 ይና ጋማ አሱንꬅ የሱሳ ብእደ ዎደ ጋማ ቆፒ፥ ኤልሲ ኤጎ ዎጺ ይእ፥ ኤዛ ሳሮꬅዳ።
MAR 9:16 የሱሳ፥ ጻፉንꬃጎ «ኡንታራ አኮ ላለ?» ያጋእ ኦጭዳ።
MAR 9:17 የንꬅ ጋማ አሱንꬅ ግዳፓ ፈቲ አꬄ ማህ፥ «አስታማርዛዮ፥ ታ ናአይላ አፋ ኦህንቶዳኖ ካይዘ ቱና አያና የዘ ግሾ ኤዛ ኔጎ ኤኪ ይእዳ።
MAR 9:18 Ꮉይ ቱና አያንዘ ኤዛ አይክደ ዎደ ኡባ፥ ኤዛ ጉዲ ኦላነ፤ ኤ ዶንትራ ዱባ የእነ፤ ማህ አች ጋርጭዛነ፤ ጋልታን ምንጋነ። ኤፓ Ꮉይ ቱና አያንዛ ከሶደ ጋር፥ ነ ታማሩንꬅስ ኦህዳ፥ የዝን ከሶደስ ኡን ዳንዳእካያ» ያጋይዳ።
MAR 9:19 የሱሳ ማህ ኡንታጎ፥ «አማኖሰ Ꮉና ዎደ አሱንꬆ! ታኒ ይንታራ አይደ የሎደስ የሳደ? ማህ ይንታና አይደ የሎደስ ዳንዳኦደ? ናአያ ታስ Ꮉንካ ኤኪ ዮኦተ» ያጋይዳ።
MAR 9:20 ኡንቲ ናአያ ኤጎ ክእዳ፤ የ ቱና አያንዘ የሱሳ ብእደ ፋና ናአያ ጎቅዝዳ፤ ናአይ ሳአ ጎልእ፥ ዶናራ ጎፑንቶ ጩትተራ ጎልእንትዳ።
MAR 9:21 የሱሳ የ ናአይ አዳይጎ፥ «Ꮉይ ነ ናአያ አይክዳንፓ ዋንꬅ ዎደ ማቃደ?» ያጋእ ኦጭዳ። ናአይ አዳይ፥ «ኤ ኤራꬅ የዝን አይክዳ።
MAR 9:22 ኤዛ ዎꬎደስ ጋማ ዎደ ታማን Ꮉꬃን ኦላነ፥ የዝን ኔስ ዳንዳእንትኮ፥ ኑስ ይቅስንቶያ፥ ኑና ማዶያ» ያጋይዳ።
MAR 9:23 የሱሳ ኤጎ፥ « ‹ነ ዳንዳእኮ ጋነ?› አማንዘ ኦደስን ኡባ ባዝ ዳንዳእንታነ» ያጋይዳ።
MAR 9:24 ኤልሲ ናአይ አዳይ ፋ ቃልቶ ꬎቅ ዪዝ፥ «ታኒ አማናነ፥ የዝን ጉጂ አማኖደ ጋር ታና ማዶያ» ያጋይዳ።
MAR 9:25 የሱሳ አሱንꬅ ጋንግ ጋንግ Ꮉንግዛኖ ብእ፥ ቱና አያንዛ፥ «Ꮉይ ቱለን ሙመ አያንዛዮ፥ Ꮉይ ናአይፓ ከዞ ጋእ ነና ታ ኪታነ፤ ማህ ላምእንꬃ ኤ ግዳ ገልፐ» ያጋይዳ።
MAR 9:26 የ ቱና አያንዘ ኡክ፥ ናአያ ጋማ ጎቅዚ፥ ኤፓ ከዝዳ። ናአይ Ꮉይቂደ ጋራ ይእን፥ ጋማ አሱንꬅ፥ «ናአይ Ꮉይቂዳ» ያጋይዳ።
MAR 9:27 የዝን የሱሳ ናአይ ኩሽቶ አይኪ ደንꬅን፥ ናአይ ደንዲ ኤቅዳ።
MAR 9:28 የሱሳ ኬꬃ ገልዳንፓ ሱባ ኤ ታማሩንꬅ፥ «ኑኒ የ ቱና አያንዛ ኬሶደስ አኮስ ዳንዳእካያ?» ያጋእ የሱሳ ሻኪ ዱማ ኦጭዳ።
MAR 9:29 የሱሳ ማህ፥ «ይኒ ጋርዘ ዎሳራን [ጾማራን] ፋትን መለ ባዛራ ኬሳደስ ዳንዳኦስ» ያጋይዳ።
MAR 9:30 ኡንቲ ይና በስትፓ ደንዲ፥ ጋልላራ አꬊ ቅትዳ፤ የሱሳ ፋ የዘ በስቶ ኦደን ኤሮደ ጋር ኮይካያ።
MAR 9:31 ኤ ፋ ታማሩንꬃጎ፥ «አስ ናአያ፥ አስ አስስ አꬂ እንጎዳ ዎꬎዳ፤ ኤ Ꮉይꬕ ቃማፓ ሱባ፥ Ꮉይቆፓ ደንዶዳ» ያጋእ ታማርስተራ የነ።
MAR 9:32 የዝን ኡንትስ ኤ ጋዛና ገልካያ፤ ማህ ኤዛ ኦጮደስን ዣሽትዳ።
MAR 9:33 ኡንቲ ቅፍርናሆመ ካታማ Ꮉንግ ኬꬃ ገልዳንፓ ሱባ የሱሳ ኡንታጎ፥ «ኦገ አኮስ ላለ?» ያጋእ ኦጭዳ።
MAR 9:34 የዝን ኡን፥ «ኑ ግዳ ኡባፓ አꬎደ ኦደ?» ያጋእ ላልደ ግሾ ስእ ጋይዳ።
MAR 9:35 የሱሳ በቲ፥ ታጶ ላምእ ታማሩንꬃና ጼጊ፥ «ኦደን ቲኖ አꬎደስ ኮይኮ፥ ኡባፓ ሱባ አꬊ፥ ኡቡንꬅስ አሮ ማቃደስ ቤዛነ» ያጋይዳ።
MAR 9:36 ፈቲ ኤራꬅ ናአ ኤኪ፥ ኡን ግዳ ኤስዳ፤ የ ኤራꬅ ናአያ እርንግ ኡንታጎ፥
MAR 9:37 «Ꮉንስ ጋር ኤራꬅ ናኡንꬃፓ ፈታ ታ ሱንꬅተ ሞክዘ ኦደን ታና ሞካነ፤ ማህ ታና ሞክዘ ኦደን ታና ኪተዛያን ሞካነፕ አትን ታና ጻላላ ሞኮስ» ያጋይዳ።
MAR 9:38 ዋሐንሳ፥ «አስታማርዛዮ፥ ፈቲ አስ ነ ሱንꬅተ ቱና አያና ከሶደራ ኑኒ ብእ፥ ኑ ባጋ ማቆሰ ግሾ ኤዛ ካይዳ» ያጋይዳ።
MAR 9:39 የዝን የሱሳ፥ «ኦደን ታ ሱንꬅተ ጾዚ ኦችዘ ጋማ ቆፍዘ ባዝ ኦቺ፥ ኤልሲ ታላ አፋ ኢታ ባዝ ኦህንቶደስ ዳንዳእዘ ባይዘ ግሾ ካይፐተ።
MAR 9:40 ኑ ባዝ እጾሰ አꬄ ኑ ባጋ።
MAR 9:41 ታኒ ይንትስ ቱሮ ኦህነ፤ ይን ታሱንꬃና ማቅደ ግሾ ኦደን ይንትስ ታ ሱንꬅተ Ꮉለ Ꮉꬅ ኡሻደስ እንግኮን፥ ፋ አንጅቶ ኤኮዳ።
MAR 9:42 «ታና አማንዘ Ꮉንꬅ ኤራꬁንꬃፓ ፈታ ባልꬅዘ ኦደን፥ ጋጭዘ ዳማ ዎጻ ፋ አፉርተ አጪ፥ አባ ግዳ ገልዛኮ ኤስ ሎኦ።
MAR 9:43 ነ ኩሽታ ነና ባልꬅዛኮ፥ ጋቺ ኦሎ። ኔኒ ላምእ ኩሸራ ꬋቦሰ ጋናመ ታማ ኦልንቶዳንፓ፥ ዱጹꬅ ኩሸራ ደኦ ገልዛኮ ኔስ ሎኦ።
MAR 9:44 ጋናመ ዛቅልታ Ꮉይቆሰ ታማን ꬋቦሰ በሲ።
MAR 9:45 ነ ቶህታ ነና ባልꬅዛኮ፥ ጋቺ ኦሎ። ኔኒ ላምእ ቶሄራ ጋናመ ታማ ኦልንቶዳንፓ፥ ዱጻ ማቂ ደኦ ገልዛና ኔስ ሎኦ።
MAR 9:46 ጋናመ ዛቅልታ Ꮉይቆሰ ታማን ꬋቦሰ በሲ።
MAR 9:47 ነ ኣፍታ ነና ባልꬅዛኮ፥ ዎጪ ኬሲ ኦሎ። ኔኒ ላምእ ኣፈራ ጋናመ ታማ ኦልንቶዳንፓ፥ ፈቲ ኣፈራ ጾዘ ካእቱሞ ገልዛና ኔስ ሎኦ።
MAR 9:48 እዘ ዛቅልታን Ꮉይቆስ፥ ታምታን ꬋቦስ።
MAR 9:49 «ዣርሾ ሶገራ ጌዣን ፋና አስ ኡባ ታማራ ጌሻዳ።
MAR 9:50 ሶገ ሎኦ፥ ዪኮን ኤ ማልአንጽ እጽኮ፥ ማህ ዋይዝ ማልእሳደ? ይን ግዳ ሶገ የሰ። ይእ ፈታይ ፈታይራ ሳሮራ የዞተ» ያጋይዳ።
MAR 10:1 የሱሳ ይንፓ ደንዲ፥ ይሁዳ ሳአ Ꮉንግ ዮርዳኖሳ ቦርካ ፊንግዳ። ጋማ አሱንꬅ ማህ ኤጎ ሺቅን፥ ቲኖስትፋና የንꬅ አሱንꬃና ታማርስዳ።
MAR 10:2 ፈቲ ፈቲ ፋርሳዉንꬅ ፋታኖደስ ኮይ የሱሳ፥ «ፈቲ አስ ፋ ማችቶ ዳኮደ ጋር ሙሴ ህግታ ኪታነ?» ያጋእ ኤዛ ኦጭዳ።
MAR 10:3 ኤ ማህ፥ «ሙሴ ይንታና ዋጋእ ኪትዶ?» ያጋይዳ።
MAR 10:4 ኡንቲ፥ «ሙሴ፥ ‹ፈቲ አስ ፋ ማችትስ ዳፎ ዋርቃተ እንግ ዳኮ› ጋይዳ» ያጋይዳ።
MAR 10:5 የሱሳ ማህ፥ ኡንታና «ይን ኦህን ስኦሱንꬃና ማቅደ ግሾ ሙሴ Ꮉና ኪቶ ይንትስ ጻፍዳ።
MAR 10:6 የዝን ጾዚ ቲኖ መꬍዘ ዎደ ꬊራꬅን ማቾን ማህ መꬍዳ።
MAR 10:7 ይኒ ግሾ፥ ፈቲ አስ ፋ አዳያን ፋ እንቶን አሺ፥ ፋ ማችትራ ዎላ የዛነ።
MAR 10:8 ኡን ላምኡንꬅ ፈቲ አሾ ማቃነ፤ ይኬፓ፥ ኡን ፈቲ አሾ ማቃነፕ አትን ላምእ አስ ማቆስ።
MAR 10:9 ይኒ ግሾ፥ ጾዚ አጭዳኖ አስ ሻግፐ» ያጋይዳ።
MAR 10:10 ኡን ካራ ማቅደ ዎደ ኤ ታማሩንꬅ Ꮉና ኦህት ባዝ የሱሳ ላምእንꬃ ኦጭዳ።
MAR 10:11 የሱሳ ኡንታጎ፥ «ፋ ማችቶ ዳኪ መለ ኤክዘ ኦደን ኦላላነ።
MAR 10:12 ማህ ማችታን ፋ አዝንዘፓ ኬዚ መለ አዝኒ ገልኮ ኦላልዳ» ያጋይዳ።
MAR 10:13 የሱሳ ኤራꬅ ናኡንꬃና ቦቾደ ፋና፥ ፈቲ ፈቲ አሱንꬅ ናኡንꬃና ኤጎ ክእዳ፥ የዝን ኤ ታማሩንꬅ የንꬅ አሱንꬃና ካጭዳ።
MAR 10:14 የሱሳ ይኖ ብእ፥ ፋ ታማሩንꬃና ካጪ፤ ኡንታጎ፥ «ኤራꬅ ናኡንꬅ ታጎ ይእዛኖ ካይፐተ፤ ጾዘ ካእቱሞ የንስ ጋርዙንꬅስ።
MAR 10:15 ታኒ ይንትስ ቱሮ ኦህነ፤ ጾዘ ካእቱሞ ኤራꬅ ናአ ፋና ኤኮሰ አꬄ ኦደን ይና ካእቱምቶ ሙሎን ገሎስ» ያጋይዳ።
MAR 10:16 ኤራꬅ ናኡንꬃና እርንግ፥ ፋ ኩሽቶ ፈተላ ፈተላ አፋ ጋዲ አንጅዳ።
MAR 10:17 የሱሳ ቅቶደስ ከዝደ ዎደ ፈቲ አꬄ ዎጺ ይእ፥ ኤ ቲንተ ቡንቁንቲ፥ «ኬሃ አስታማርዛዮ፥ መዽና ደኦ ላቶደስ ታኒ አኮ ኦቾ?» ያጋእ ኦጭዳ።
MAR 10:18 የሱሳ፥ «አኮስ ታና ኬህዛዮ ጋእ ጼገ? ጾዘ ጻላላፕ አትን መለ ኬሃ ኦደን ባያ።
MAR 10:19 ጾዘ ኪቶ፥ ዎꬍፐ፤ ኦላልፐ፤ ካይስትፐ፤ ዎርዶ ማርክꬍፐ፤ እልአንꬅተ ላምፐ፤ ነ አዳያን ነ እንቶ ቦንቾ ያጋዛኖ ኤራነ» ያጋይዳ።
MAR 10:20 አꬄ፥ «አስታማርዛዮ፥ ታኒ ይኖ ኡባ ናአትꬃፓ አይኪ Ꮉይኖ የሎደስ ናጋነ» ያጋይዳ።
MAR 10:21 የሱሳ አꬃ ዳኪ ብእ ካꬍዳ፤ «ኔስ ፈቲ ባዝ ፋጫነ፤ Ꮉንግ ኔስ የዘ ባዝ ሙሎ ባይዝ፥ ይና ብርቶ ዳሁንꬅስ እንጎ፤ ኔኒ ሳሎ ዱርꬋዳ። የይዝ ማቂ ታና ካሎ» ያጋይዳ።
MAR 10:22 የዝን አꬄ ይኖ ስእ፥ ኤ ጋማ ዱረ ማቅደ ግሾ ፋ ስንቶ ካርꬂ፥ ኡፋይትካይዛራ አሺ ቅትዳ።
MAR 10:23 የሱሳ ፋ ታማሩንꬃና ዉቱꬂ ዳኪ ብእ፥ «ዱረ አስ ጾዘ ካእቱሞ ገሎዳና ዋይዝ ማꬎድየሳ!» ያጋይዳ።
MAR 10:24 ኤ ታማሩንꬅ ኤ ትምርትተ ጋማ ቆፕዳ። የዝን የሱሳ ማህ ኡንታጎ፥ «ናኡንꬆ፥ ጾዘ ካእቱሞ ገሎዳና ዋይዝ ማꬎድየሳ!
MAR 10:25 ዱረ አስ ጾዘ ካእቱሞ ገሎዳንፓ፥ ግማለ ማርፐ ኡሩንꬃራ አꬍዛና ላፋነ» ያጋይዳ።
MAR 10:26 ኤ ታማሩንꬅ ጋማ ቆፒ፥ «ዬዝን፥ ኦደ አቶደ?» ያጋእ፥ ፈተ ፈታ ኦጭዳ።
MAR 10:27 የሱሳ ኡንታና ዳኪ ብእ፥ «Ꮉና ጾዘስ ዳንዳእንታነፕ አትን አስስ ዳንዳእንቶስ፤ ጾዘስ ኡባ ባዝ ዳንዳእንታነ» ያጋይዳ።
MAR 10:28 ጴጥሮሳ የሱሳጎ፥ «ኤሮ፤ ኑኒ ኑ ባዝ ኡባ አሺ፥ ነና ካላነ» ያጋይዳ።
MAR 10:29 የሱሳ «ታኒ ይንትስ ቱሮ ኦህነ፤ ታ ግሾን ዎንገለ ግሾን ኬꬅቶ ዎይ እሹንꬃና ዎይ ምሹንꬃና ዎይ አዳያ ዎይ እንቶ ዎይ ማችቶ ዎይ ናኡንꬃና ዎይ ኦችዘ ጋድቶ አሽዘ ኦደን፥
MAR 10:30 Ꮉተ Ꮉና ዎድተ ጼት ኩሸ ኬꬅቶ፥ እሹንꬃና፥ ምሽቶ፥ እንቶ፥ ናኡንꬃና፥ ኦችዘ ጋድቶ፥ ባይꬃራ ዎላ ኤኮዳ። ቲኖፓ የኦደ ዎደን መዽና ደኦ ኤኮዳ።
MAR 10:31 የዝን ጋሙንꬅ ቲኖ ማቅዱንꬅ ሱብ ማቃዳ፥ ማህ ጋሙንꬅ Ꮉተ ሱብ ማቅዱንꬅ ቲኖ ማቃዳ» ያጋይዳ።
MAR 10:32 የሱሳራን ኤ ታማሩንꬃራ የሩሳላመ Ꮉማደራ፥ የሱሳ ፋ ታማሩንꬅ ቲንተ የꬋነ። ኡን ጋማ ቆፕዳ። ኤዛ ካልዙንꬅን ዣሽትዳ። ላምእንꬃ፥ ታጶ ላምእ ታማሩንꬃና ጋጻ ኬሲ፥ ፋና የሎደ ባዝ ሻጊ ኡንታጎ Ꮉንጋራ ያጋእ ኦህዳ።
MAR 10:33 «Ꮉይቼ፥ ኑኒ የሩሳላመ Ꮉተ ከዛነ። እዘ አስ ናአይ፥ ካህኑንꬅ Ꮉላቁንꬅስን ህገ አስታማሩንꬅስ አꬂ እንግንቶዳ። ኡንቲ ኤላ አፋ Ꮉይቆ ፍርዳ ፍርዶዳ፤ ማህ አይሁደ ማቆሰ አሱንꬅስ ኤዛ አꬂ እንጎዳ።
MAR 10:34 የ አይሁደ ማቆሰ አሱንꬅ ኤዛ ለቆዳ፥ ኤላ አፋ ጩቶዳ፥ አላንጋራ ጋራፎዳ ዎꬎዳ። ኤ Ꮉይꬕ ቃማፓ ሱባ፥ Ꮉይቆፓ ደንዶዳ» ያጋይዳ።
MAR 10:35 ዛብዶሳ ናኡንꬅ ያይቆባን ዋሐንሳን የሱሳጎ ይእ፥ «አስታማርዛዮ፥ ኑኒ ነና ዎስዘ ፈትባዝ ኑስ ኦቾያ» ያጋይዳ።
MAR 10:36 የሱሳ ኡንታጎ፥ «ታኒ ይንትስ አኮ ኦቾ?» ያጋይዳ።
MAR 10:37 ኡንቲ፥ «ኔኒ ነ ቦንቾ ካእቱምተ በትዘ ዎደ ኑፓ ፈታ ምዛቅ ዛላራ ማህ ፈታ ዎርክታ ዛላራ በትꬆያ» ያጋይዳ።
MAR 10:38 የዝን የሱሳ ኡንታጎ፥ «ይንቲ አኮ ዎስዛኮ ኤሮስ፥ ታ ኡሻደስ የዘ ጹአ ኡሻደስ ዳንዳኦዳተ? ማህ ታኒ ጻማቅንቶደስ የዘ ጽንቃቶ ጻማቅንቶደስ ዳንዳኦዳተ?» ያጋይዳ።
MAR 10:39 ኡን ማህ፥ «የ ዳንዳኦዳ» ያጋይዳ። የሱሳ ማህ፥ «ቱሮ ታ ኡሻደስ የዘ ጹአ ይን ኡሻዳ፥ ታኒ ጻማቅንቶደስ የዘ ጽንቃቶ ይን ጻማቅንቶዳ።
MAR 10:40 የዝን ታፓ ምዛቅ ዛላራን ዎርክታ ዛላራ በቶዱንꬃና ዶሮደስ ታስ አደትꬅ ዎልቃ ባያ፥ የዝን ይና በስታ ጾዚ እማደስ ጊግዚ ጋድዱንꬅስ» ያጋይዳ።
MAR 10:41 አትዱንꬅ ታጵ ታማሩንꬅ ይኖ ስእደ ዎደ ያይቆባላን ዋሐንሳላ ሸንꬍዳ።
MAR 10:42 የሱሳ ኡንታና ኡባ ፋጎ ጼጊ፥ «አይሁደ ማቅን አይሁደ ማቆሰ አሱንꬅ Ꮉላቁንꬅ ዎርዣ አህዙንꬃና ጋእንት ጼግንትዙንꬃናን አህዙንꬅስ ዎርዡንꬃላ አፋ አደትꬅ ዎልቃ የዛኖ ይን ኤራነ።
MAR 10:43 የዝን ይን ግዳ ይኒ ፋና ማቃደስ ቤዞስ፤ ይን ግዳ ዳማ ማቃደስ ኮይዘ ኦደን ይንትስ አሮ ማቃደስ ቤዛነ።
MAR 10:44 ማህ ይን ግዳ ኡባፓ አꬂ ማቃደስ ኮይዘ ኦደን ይን ኡቡንꬅስ አሮ ማቃደስ ቤዛነ።
MAR 10:45 መለ አቶ የዝን፥ አስ ናአይን፥ አስ ማዶደስን ጋሙንꬃና አሾደስ ፋ ሸምፕቶ አꬂ እማደስ ይእዳፕ አትን አስ ኤስ ኦቾደ ጋር ይእካያ» ያጋይዳ።
MAR 10:46 ኡንቲ እያርኮ ካታማ Ꮉንግዳ። የሱሳ ፋ ታማሩንꬃራን ጋማ አሳራ እያርኮፓ ከሳደራ፥ ጽሞሳ ናአ፥ ቆቅዘ፥ ባርጽሞሳ ጋእንትዘ፥ ኦገ ጋጻ ዎስተራ በትዳ።
MAR 10:47 ባርጽሞሳ፥ የይጋራ አꬍዘ ናዝረተ የሱሳ ማቅዳኖ ስእደ ዎደ ፋ ቃልቶ ꬎቅ ዪዚ፥ «ዳዉተ ናአ የሱሳ፥ ታና ማሮያ!» ያጋኤ አይክዳ።
MAR 10:48 ጋማ አሱንꬅ ኤዛ፥ «ስእ ጋኦ!» ጋእ ካጭዳ። የዝን፥ ኤ ፋ ቃልቶ ካሰንፓ ጋማ ꬎቅ ዪዚ፥ «ዳዉተ ናአዮ፥ ታና ማሮያ!» ያጋይዳ።
MAR 10:49 የሱሳ ኤቂ፥ «ኤዛ Ꮉንካ ጼጎተ» ያጋይዳ። ኡንቲ ቆቅዘጎ፥ «አኮ ባያ፥ ደንዲ ኤቆ፥ ነና ጼጋነ» ያጋይዳ።
MAR 10:50 ቆቅዘ ፋ ማእቶ ኦሊ አሺ፥ ዶሊ ደንዲ ኤቂ፥ የሱሳጎ Ꮉንግዳ።
MAR 10:51 የሱሳ፥ «ታኒ ኔስ አኮ ኦቾደ ጋር ኮየ?» ያጋይዳ። ቆቅዘ፥ «አስታማርዛዮ፥ ታ በአደስ ኮያነ» ያጋይዳ።
MAR 10:52 የሱሳ ኤጎ፥ «ቅቶ፥ ነ አማንታ ነና ፋꬅዳ» ያጋይዳ። ኢራ ኤ ኣፍታ ብእን፥ የሱሳ ካልዳ።
MAR 11:1 ኡን የሩሳላመ ኡክተራ፥ ሻማሄ ደርዘ ካለ የዘ ቤተፋገን ብታንያ ካታምቶ የሊዳ። የሱሳ ፋ ታማሩንꬃፓ ላምኡንꬃና ቲኖ ዳኪ፥
MAR 11:2 «ይንታፓ ቲኖ የዘ ካራ ጋንጨ ቅቶተ፤ እዘ ገልደ ጋር ኦደን ቶጊ ብእካይዘ አጭንቲ የዘ Ꮉረ ናአ ይን ደንጎዳ፥ ኤዛ ብሊ፥ Ꮉይጋ ኤኪ ዮኦተ።
MAR 11:3 ኦደን ይንታና፥ ‹Ꮉኖ አኮስ ኦቼ?› ያጋእ ኦጭኮ፥ ‹ላꬂ ኤዛ ኮያነ፥ ኤልሲ ኤዛ Ꮉንካ ዳኮዳ› ጋኦተ» ያጋይዳ።
MAR 11:4 ኡን Ꮉንግ፥ Ꮉረ ናአያ ባለ ኦገ ካለ አጭንቲ የዛያ ደንግ ብልዳ።
MAR 11:5 ይና በስተ ኤቅደ ፈቲ ፈቲ አሱንꬅ ኡንታጎ፥ «Ꮉረ ናአያ ዋይሳደስ ብለ?» ያጋይዳ።
MAR 11:6 ኤ ታማሩንꬅ የሱሳ ፋና ኪተዛኖ ኦህን፥ አሱንꬅ አሺ አሽዳ።
MAR 11:7 ኡንቲ Ꮉረ ናአያ የሱሳጎ ክእ፥ ፋ ማእቶ ኤ ባንተ ዪጽን የሱሳ የ Ꮉረ ናአያ ቶግዳ።
MAR 11:8 ጋማ አሱንꬅ ፋ ማእቶ ኦግተ ዪጽዳ፤ ማህ መሉንꬅ ምንጻ ታሸ ሻቂ፥ ኦግተ ዪጽዳ።
MAR 11:9 የሱሳፓ ቲኖ የꬍዘ አሱንꬅን ኤዛ ካልዘ አሱንꬅ ፋ ቃልቶ ꬎቅ ዪዚ፥ «ሆሳና! ላꬄ ሱንꬅተ የእዘ አንጅንትዳያ።
MAR 11:10 የእዘ ኑ አዳይ ዳዉተ ካእቱምታ አንጅንትዳኖ። ሆሳና! ሳሎ» ያጋይዳ።
MAR 11:11 የሱሳ የሩሳላመ Ꮉንግ፥ ጾዘ ኬꬃ ገልዳ። ማህ ኡባባዝቶ ዉቲ ብእዳንፓ ሱባ፥ ሳእታ ቃምዘ ግሾ ታጶ ላምእ ታማሩንꬃራ ብታንያ ካታማ ቅትዳ።
MAR 11:12 ዎንትስት ዎደ ኡን ብታንያፓ ኬዚ Ꮉማደራ፥ የሱሳ ናይዝዳ።
MAR 11:13 Ꮉኮራ ፈቲ በለሰ ምንጽትስ ዥልኦ Ꮉየ የዛኖ ብእ፥ ኢላ አፋ ኣፈ በንትኮ ጋእ፥ በአደስ እዝጎ Ꮉንግዳ፥ የዝን እዝጎ ኤ Ꮉንግዘ ዎደ Ꮉየ ጻላላፕ አትን ፈቲ ኣፈን ደንግካያ፤ አኮስ ጋይኮ፥ በለሰ ኣፍዘ ዎደ የልካይዘ ግሾ።
MAR 11:14 የሱሳ ይና በለስቶ፥ «ይኬ፥ ኔፓ አስ ኣፈ ሚፐ» ያጋይዳ። ኤ ታማሩንꬅ ኤ ጋዛኖ ስእዳ።
MAR 11:15 ኡን የሩሳላመ ቅትዳ፤ የሱሳ ጾዘ ኬꬃ ገሊ፥ እዘ ባይዝዙንꬃናን ዎንግዙንꬃና ባለ ባይኤ አይክዳ፤ ማህ ብራ ላምዙንꬃና ጠርጴዛን ዎለ ባይዝዙንꬃና ኦይዳ ዳኪ ኦሊ፥
MAR 11:16 አስ አኮ ባዝን ቶኪ፥ ጾዘ ኬꬃ ግዳራ አꬋመ ፋና ካይዳ።
MAR 11:17 የሱሳ አሱንꬃና Ꮉንጋራ ያጋእ ታማርስዳ፦ «ጌሽ ማጻፍተ፥ ‹ታ ኬꬅታ አስ ኡባ ጾዝ ዎስዘ ኬꬂ ማቃዳ› ጋእንት ጻፍንትዳ። የዝን ይንቲ እዞ ፋኖ አችንትዘ ዎምኦ ማህዳ» ያጋይዳ።
MAR 11:18 ካህኑንꬅ Ꮉላቁንꬅን ህገ አስታማሩንꬅ ይኖ ስእ፥ ኤዛ ዎꬎደስ ኦገ ኮየ አይክዳ። የዝን ጋማ አሱንꬅ ኤ ትምርትተ ጋማ ቆፕዘ ግሾ ኤስ ዣሽትዳ።
MAR 11:19 ሳእታ ኡጉርዘ ዎደ የሱሳን ኤ ታማሩንꬅን ካታማፓ ጋጻ ከዝዳ።
MAR 11:20 ኡን ዎንትስት ዎደ ይና ኦግትራ ኣꬍተራ፥ ይና በለስታ ጻጶራ መልዳኖ ብእዳ።
MAR 11:21 ጴጥሮሳ ቲሪ፥ «አስታማርዛዮ፥ ይኬ፥ ኔኒ ባድደ በለስታ መልዳ» ያጋይዳ።
MAR 11:22 የሱሳ ማህ፥ «ጾዛ አማኖተ።
MAR 11:23 ታኒ ይንትስ ቱሮ ኦህነ፤ ኦደን ፋ ዎዝንተ ሶእካይዛራ ጋይደባዝ Ꮉኖዳኖ አማኒ፥ Ꮉይ ደርዛ፥ ‹ደንዲ አባ ዎꬎ› ያጋይኮ ኤስ Ꮉኖዳ።
MAR 11:24 ይኒ ግሾ፥ ታኒ ይንትስ ኦህነ፤ ጾዛ ይን ዎስዘ ባዝን ኦጭዘባዝ አኮ ማቅኮን ኤክደ ጋር አማኖተ፥ ይን ኤኮዳ።
MAR 11:25 ጾዝ ዎሶደስ ይን ኤቅዘ ዎደ ሳሎ የዘ ይን አዳይ ይን ናጋርቶ አቶ ጋዉደ ፋና፥ ኦደን ይንታና ናቂደባዝ የዝኮ፥ ኤስ አቶ ጋኦተ።
MAR 11:26 [የዝን አስ ናጋራ ይን አቶ ጋአንጽ እጽኮ፥ ሳሎ የዘ ይን አዳይን ይን ናጋርቶ ይንትስ አቶ ጋኦስ» ያጋይዳ]።
MAR 11:27 ኡን ማህ የሩሳላመ Ꮉንግዳ። የሱሳ ጾዘ ኬꬃ Ꮉንቶደራ፥ ካህኑንꬅ Ꮉላቁንꬅ፥ ህገ አስታማሩንꬅን ጭሙንꬅ ኤጎ ይእ፥
MAR 11:28 «ኔኒ Ꮉኖ ኦቾደስ ኔስ አኮ አደትꬅ ዎልቃ የዘ? ዎይ ኔስ Ꮉና አደትꬅ ዎልቅቶ እንግደ ኦደ?» ያጋይዳ።
MAR 11:29 የሱሳ ማህ ኡንታጎ፥ «ታ ይንታና ፈትባዝ ኦጮዳ፥ ታስ ኦሆተ። ታ ማህ Ꮉኖ አኮ አደትꬅ ዎልቃራ ኦችዛኮ፥ ይንትስ ኦሆዳ።
MAR 11:30 ዋሐንሳ ጽንቃታ ጾዛፓነ ዎይ አሳፓ? ታስ ኦሆተ» ያጋይዳ።
MAR 11:31 ኡንቲ ፋ ግዳ ላለ አይኪ፥ «ኑኒ፥ ‹ጾዛፓ› ጋይኮ፥ ኤ ኑጎ፥ ‹ዬዝን፥ ዋሐንሳ ኦህዛኖ አኮስ አማናንጽዶ?› ያጋዉዳ።
MAR 11:32 ‹አሳፓ ጋይኮ› አስ ኡባ ዋሐንሳ ናበ ማቅዛኖ ኤራነ።» ማቅደ ግሾ አሱንꬅስ ዣሽትዳ።
MAR 11:33 ይኒ ግሾ፥ ኡንቲ የሱሳጎ፥ «ኑኒ ኤሮስ» ያጋእ ማህዳ፤ የሱሳ፥ «ታንን Ꮉኖ አኮ አደትꬅ ዎልቃራ ኦችዛኮ፥ ይንትስ ኦሆስ» ያጋይዳ።
MAR 12:1 የሱሳ ኡንትስ አዝዘራ ያጋእ ኦህዳ፤ «ፈቲ አꬄ ዎይነ አታክልተ ቱኪ፥ ጋጽቶ ዉቱꬂ ጋሰ ጋስዳ። ማህ የ ዎይንዛ ጭጭዘ ኦላን ቦክዳ። ኤዛ ካፎደስ ጳርጎ ሻኮ ሻክዳ። ይንፓ ሱባ፥ ኮꬄ ኦችዘ አሱንꬅስ እንግ፥ መለ ሳአ ቅትዳ።
MAR 12:2 ዎይነ ኣፍታ ዲሊ ማጽዘ ዎደ የልን፥ ፋና የልዛኖ ኤኪ የኦደ ጋር፥ ፈቲ ፋ አርዛ ኮꬄ አዱንꬃጎ ኪትዳ።
MAR 12:3 ኮꬄ ኤክደ አሱንꬅ ኤ አርዛ አይኪ Ꮉꬊ፥ Ꮉሪ ኩሸ ዳክዳ።
MAR 12:4 ላምእንꬃ መለ አሮ ኡንታጎ ኪትን፥ ኡን የ አርዘስ ኦምቶ ሹቻራ ቃዉጺ ካዉሽዚ ዳክዳ።
MAR 12:5 ዎይነ አታክልተ ላꬃይ ማህን መለ አሮ ኪትዳ። የ አርዛ ዎꬍዳ፥ ማህ መለ ጋሙንꬃና ይኒ ጋራ የይዝዳ፥ ፈታ ፈታ Ꮉꬊ፥ መሉንꬃና ዎꬍዳ።
MAR 12:6 «ዎይነ አታክልተ ላꬄስ ኪቶደስ ኡባፓ ላስተ ኤ ጋማ ካዽዘ ፋ ናአያ ዳኮዳና ጻላላ አትዳ። ኤ፥ ‹ኡን ታ ናአያ ቦንችካይዛራ አሻማ› ጋእ፥ ፋ ናአያ ኡንታጎ ኪትዳ።
MAR 12:7 «የዝን ኮꬄ አዱንꬅ ፋ ግዳ፥ ‹ላቶዳይ Ꮉያ፤ የꬎተ ኤዛ ዎላ ዎꬎዳ፤ ኤ ላትታ ኑስ ማቃዳ!› ያጋይዳ።
MAR 12:8 ናአያ አይኪ ዎꬊ፥ ኤ አህቶ ዎይነ አታክልተ ግዳፓ ጋጻ ኬሲ ኦልዳ።
MAR 12:9 «ይኬ፥ ዎይነ አታክልተ ላꬃይ ዋይሳደ? ይእ የንꬅ ኮꬄ አዱንꬃና ዎꬊ Ꮉሲ፥ ዎይነ ኮꬄ ኦችዘ መለ አስስ እንጎዳ።
MAR 12:10 « ‹ኬጽዙንꬅ ለቂ እጽደ ሹችዘ ኬꬅት ማይዘንቶ ጻልዘ፥ ኡባፓ አꬍዘ ምንꬅ ሹች ማቅዳ። Ꮉኖ ላꬂ ኦችደባዝ፤ ማህ ኑ አፍትስን ጋማ ቆፍዘ ባዝ ያጋዛኖ ጌሽ ማጻፈፓ ናባብካ?› » ያጋይዳ።
MAR 12:12 ካህኑንꬅ Ꮉላቁንꬅ፥ ህገ አስታማሩንꬅን ጭሙንꬅ የሱሳ ይና አዝዝቶ ኡንታላ አፋ ኦህዳኖ ኤርደ ግሾ ኤዛ አይኮደስ ኮይዳ፥ የዝን አሱንꬅስ ዣሽቲ፥ አሺ ቅትዳ።
MAR 12:13 ማህ ይና ኦህትፓ ባላ ደንግ፥ ኤዛ አይኮደ ጋር፥ ፋርሳዉንꬃፓ ሄሮድሳ ባጉንꬃፓ ኤራꬅ አሱንꬃና ኤጎ ኪትዳ።
MAR 12:14 ኡንቲ ኤጎ ይእ፥ «አስታማርዛዮ፥ ኔኒ ቱርባዝ ኦህንትዛኖ አሳፓ አስ ሻኮሳኖ ኑኒ ኤራነ። ኔኒ አስ ሻኮስ፤ ማህ ጾዘ ኦግቶ ቱረትꬃራ ታማርሳነ። ኑኒ ሮመ ጋደ ካት ቄሳረስ ጊራ ጊርዛና ልከን ልከ ባ? ጊራ ጊሮነነ አሾነ?» ያጋይዳ።
MAR 12:15 የዝን ኡን ጩቦትꬅቶ የሱሳ ኤሪ፥ «ታና አኮስ ፋታነ? አነ ፈቲ ሳንትመ ታና ቤዞተ» ያጋይዳ።
MAR 12:16 ኡንቲ ኤስ ክእዳ፥ «Ꮉና ብሽታን ሱንꬅታ ኦደሶ?» ያጋእ ኡንታና ኦጭዳ። ኡንቲ፥ «ቄሳረስ» ያጋይዳ።
MAR 12:17 የሱሳ ማህ፥ «ዬዛኮ፥ ቄሳረስቶ ቄሳረስ፥ ጾዘስቶ ጾዝስ እንጎተ» ያጋእን ኡን ኤ ባዝ ጋማ ቆፕዳ።
MAR 12:18 Ꮉይቂደ አስ ደንዶስ ጋዘ ሳዱቃዉንꬃፓ ፈቲ ፈቲ አሱንꬅ የሱሳጎ ይእ፥ Ꮉንጋራ ያጋእ፥ ኤዛ ኦጭዳ።
MAR 12:19 «አስታማርዛዮ፥ ሙሴ ኑስ ህገ ጻፍተራ፥ ‹ማቾ ኤክደ አስ ናአ የልካይዛራ Ꮉይቂኮ፥ የ Ꮉይቂደ እሸ ኤ ማችቶ ኤኪ፥ ፋ እሸስ ናአ የሎደስ ቤዛነ› ያጋዛኖ ጻፍዳ።
MAR 12:20 ዛጋ ዎደ ላፑን እሹንꬅ የዙንꬃፓ አንግሰ ማቾ ኤኪ፥ ናአ የልካይዛራ Ꮉይቂዳ።
MAR 12:21 ላምአንꬅዘ እዞ ኤክዳ፥ ኤዝን ናአ የልካይዛራ Ꮉይቂዳ። Ꮉይꬓንꬅዘ ይኒ ጋር ይእዳ።
MAR 12:22 ላፑኑንꬅን ይኒ ጋራ እዞ ኤኪ፥ ናአ የልካይዛራ Ꮉይቂዳ። ኡባፓ ሱባ፥ ማህ ይና ማችታ Ꮉይቂዳ።
MAR 12:23 ዬዝን፥ ላፑኑንꬅ ሙሎ እዞ ኤክደ ግሾ Ꮉይቂደ አሱንꬅ Ꮉይቆፓ ደንድደ ዎደ፥ እዛ ኡንታፓ አየስ ማቾ ማቃደ?» ያጋይዳ።
MAR 12:24 የሱሳ ማህ፥ «ይንቲ ባልንትዛና፥ ጌሽ ማጻፍቶ ዎይ ጾዘ ዎልቃ ኤርካይዘ ግሾ!
MAR 12:25 Ꮉይቂደ አሱንꬅ Ꮉይቆፓ ደንድደ ዎደ፥ ሳሎ የዘ ኪታንቾ ማቃነፕ አትን ꬊራꬅን ኤኮስ፤ ማቻን ገሎስ።
MAR 12:26 የዝን Ꮉይቂዱንꬅ ደንደባዝ ማቅኮ፥ ሙሴ ማጻፍተ ጻፍንትደ ኤጽዘ Ꮉቡርቱትባዝ ኦህዘ በስተ፥ ጾዚ ሙሴጎ፥ ‹ታኒ፥ አብራሃማ ጾዚ፥ ይሳቃ ጾዚ፥ ያይቆባ ጾዚ› ጋይዳኖ ናባብካተ?
MAR 12:27 ይኒ ግሾ፥ ኤ፥ ሸምፖራ የዙንꬅ ጾዛፕ አትን Ꮉይቂዱንꬅ ጾዚ ባያ። ይን ጋማ ባልዳ» ያጋይዳ።
MAR 12:28 ህገ አስታማሩንꬃፓ ፈተ ኡን ላልዛኖ ሺቂ ስእዳ። ማህ የሱሳ ኡንትስ ሎይꬂ ማህዳኖ ስእ፥ «ኪታ ኡባፓ አꬍዘ ኪታ አኖ?» ያጋእ የሱሳ ኦጭዳ።
MAR 12:29 የሱሳ ማህ፥ ኤጎ Ꮉንጋራ ያጋይዳ፦ «ኪታ ኡባፓ አꬍዘ ኪታ ስኦተ፤ ‹እስራኤለ አሱንꬆ፥ ላꬄ ኑ ጾዘ ፈቲ ላꬂ።
MAR 12:30 ነ ላꬃ ነ ጾዛ ነ ኩሙꬅ ዎዝናፓ፥ ነ ኩሙꬅ ሸምፖፓ፥ ነ ኩሙꬅ ቆፋፓ፥ ነ ኩሙꬅ ዎልቃፓ ካꬎ› ያጋይዳ።
MAR 12:31 ማህ ኪታ ኡባፓ አꬍዘ ላምእንꬃ ኪትዘ፤ ‹አስ ኡባ ነ ኦምት ጋር ካꬎ› ያጋዛኖ፤ Ꮉንሳፓ አꬍዘ መለ ኪታ ባያ» ያጋይዳ።
MAR 12:32 ህገ አስታማርዘ የሱሳጎ፥ «አስታማርዛዮ፥ ቱሮ ጋይዳ፤ ኔኒ ‹ጾዚ ፈቲ ጾዚ ጻላላ። ኤፓ መለ ባያ› ጋይዳና ቱሮ።
MAR 12:33 ጾዛ ኩሙꬅ ዎዝናፓ፥ ኩሙꬅ ቆፋፓ ኩሙꬅ ዎልቃፓ ካꬍዛኖን ማህ አስ ኡባ ፋ ኦምት ጋር ካꬍዛና፥ ምችዘ ዣርሾፓን መለ ዣርሾ ኡባፓ አꬋነ» ያጋይዳ።
MAR 12:34 የሱሳ ህገ አስታማርዘ ማህዳና አꬍዘ ኤራ አስ ማሄ ማቅዳኖ ብእ፥ «ኔኒ ጾዘ ካእቱሞፓ Ꮉክካያ» ያጋይዳ፤ ይንፓ ሱባ፥ የሱሳ መለባዝ ኦጮደስ ኦደን ሚንግካያ።
MAR 12:35 የሱሳ ጾዘ ኬꬃ ታማርስተ፥ Ꮉንጋራ ያጋይዳ፦ «ህገ አስታማሩንꬅ ክርስቶሳ ‹ዋይዝ ዳዉተ ናአ ጋኤ?›
MAR 12:36 ዳዉተ ጌሽ አያናራ ካሊ፥ « ‹ላꬂ፥ ታ ላꬃያ፥ «ታኒ ነ ሞርኩንꬃና ነ ቶህታ የꬍዘ በሲ ማሆደ ዎንꬅስ፥ Ꮉነ ታፓ ምዛቅ ዛላ በቶ» ጋይዳ› ያጋይዳ።
MAR 12:37 ዳዉተ ፋ ኦምተ ክርስቶሳ፥ ‹ላꬆ› ጋእ ጼግኮ፥ ዬዝን፥ ክርስቶሳ ዋይዝ፥ ዳዉተ ናአ ማቀ» ያጋይዳ። ጋማ አሱንꬅ የሱሳ ጋዛኖ ኡፋይት ስእዳ።
MAR 12:38 የሱሳ ታማርስተራ፥ Ꮉንጋራ ያጋይዳ፦ «ህገ አስታማሩንꬃፓ ናግንቶተ፤ ኡን ጳርጎ ማኦ ማእ ዉትዛኖን ጋበን አስ ኡንታና ቦንቺ ሳሮꬅዛኖ ኮያነ።
MAR 12:39 ኡንቲ አይሁደ ዎሳ ኬꬃ ጋማ ሎኦ ኦይዳ ኮያነ፤ ማህ አስ ፋና ሞክዘ በሳ ቦንቾ በሲ ኮያነ።
MAR 12:40 ኡን ቡዳን ኬꬂ ቦንቂ፥ ፋና ቤሳደስ ጳርግዚ ዎሳነ፤ ኡን ኡባፓ አꬍዘ ፍርዳ ኤኮዳ» ያጋይዳ።
MAR 12:41 የሱሳ ጾዘ ኬꬃ ሙጻተ ኦልዘ ሳጥነ ካለ በቲ፥ አሱንꬅ ፋ ብርቶ ይና ሳጥንተ ኦልዛኖ ብእዳ፤ ጋማ ዱረ አሱንꬅ ጋማ ብራ ይና ሳጥንተ ኦላነ።
MAR 12:42 ፈቲ ዳሃ ቡዳንታ ይእ፥ ላምእ ስክና ይና ሳጥንተ ኦልዳ።
MAR 12:43 የሱሳ ፋ ታማሩንꬃና ጼጊ፥ «ታኒ ይንትስ ቱሮ ኦህነ፤ ሙጻተ ሳጥንተ ኦልደ አሱንꬅ ኡባፓ Ꮉና ዳሃ ቡዳንታ ጋንꬅ ኦልዳ።
MAR 12:44 አኮስ ጋይኮ፥ መሉንꬅ ኡባ ፋስ ኩሚ አትደ ብራፓ ኦላነ። የዝን እዛ ፋ ፋጭትፓ፥ ፋስ የዘ ቆልቶ ኡባ እንግዳ» ያጋይዳ።
MAR 13:1 የሱሳ ጾዘ ኬꬃፓ ከሳደራ፥ ኤ ታማሩንꬃፓ ፈተ፥ «አስታማርዛዮ፥ Ꮉና ሎኦ ሹችቶን Ꮉና ሎኦ ሹች ኬꬅቶ በእነ!» ያጋይዳ።
MAR 13:2 የሱሳ ማህ፥ «Ꮉና ዳማ ሹች ኬꬅቶ በእነ? Ꮉና ኬꬅታ ሹች ሹቻላ አፋ ግምቢንትደ ፋና ዉልእንትካይዛራ አቶስ፤ ፈቲ ሹችን አትካይዛራ ኡባ ዉልእንቶዳ» ያጋይዳ።
MAR 13:3 የሱሳ ጾዘ ኬꬃፓ ሰኮ ዛላራ ሻማሄ ደርዘላ አፋ በቴዝን፥ ጴጥሮሳ፥ ያይቆባ፥ ዋሐንሳን እንድርያሰ ኤጎ ይእ፥
MAR 13:4 «Ꮉና አይደ ይአድየዛኮ፥ ኑስ ኦሆ፤ Ꮉና ኡባ ፎልንቶደስ ዎድቶ ኤርስዘ ማልታ አኮ?» ያጋእ ኦጭዳ።
MAR 13:5 የሱሳ ማህ ኡንታጎ Ꮉንጋራ ያጋእ ኦህዳ፦ «ይንታና ኦደን ባልꬃመ ፋና ናግንቶተ።
MAR 13:6 ጋማ አሱንꬅ ታ ሱንꬅተ፥ ‹ታኒ ክርስቶሳ› ጋእ ጋማ አሱንꬃና ባልꬆዳ።
MAR 13:7 ኦላን ኦላ ዎረ ስእዘ ዎደ ይርግፐተ። ይኒ ጋርዘ Ꮉኖደስ ቤዛነ፥ የዝን ዉርሱꬅታ Ꮉጋ።
MAR 13:8 ፈቲ ጋደ አሱንꬅ መለ ጋደ አሱንꬃራ ኦልንቶዳ፤ ማህ ፈቲ ካእቱሞ መለ ካእቱሞራ ኦልንቶዳ፤ ሳአ ኤንኤ ኡባ በሳ Ꮉኖዳ፤ ናየ የሳዳ፥ የዝን ይና ኡባና የሎ ዞቀ ፋና።
MAR 13:9 «የዝን ይንቲ፥ ይን ኦምተ ናግንቶተ። አኮስ ጋይኮ፥ አስ ይንታና አይኪ፥ ፍርዳ ኬꬅስ አꬂ እንጎዳ፤ ማህ አይሁደ ዎሳ ኬꬅተን ይንታና አላንጋራ ጋራፎዳ፤ ጋደ አህዙንꬅ ቲኖን ካቱንꬅ ቲኖ ታ ግሾ ይን ማርክꬋደስ ኤቆዳ።
MAR 13:10 ዉርሱꬅታ የሎዳንፓ ቲኖ ዎንገለ አስ ኡባስ ኦህንቶደስ ቤዛነ።
MAR 13:11 ኡንቲ ይንታና ፍርዳ ኬꬃ ክእዘ ዎደን አꬂ እንግዘ ዎደ ዋጊ ኦሆድየዛኮ ቲኖ ይርግፐተ፤ ይና ሳተ ጾዚ ይንትስ እንግደባዝ ኦሆተ። ይን ግዳ ጌሽ አያና ኦህነፕ አትን ይንታና ባያ።
MAR 13:12 «እሸ ፋ እሻ፥ አዳይ ፋ ናአያ ዎꬍሳዳ። ናኡንꬅ ፋና የልዱንꬃላ ደንዲ፥ ኡንታና ዎꬎዳ።
MAR 13:13 አስ ኡባ ይንታና ታ ሱንꬅት ግሾ እጾዳ፥ የዝን ዉርሱꬅ የሎደስ ሚንግደ አቶዳ።
MAR 13:14 «የዝን ꬋብስዘ ቱንዘ ኤቆደስ ቤዞሰ በሳ ኤቀዝን ይን በአዳ።» ይና አኮ ጋእንትዛኮ ናባብዘ አካኮ! «ይሁዳ ሳአ የ ዎደ የዙንꬅ ደረጎ ዎጺ አችንቶ።
MAR 13:15 ባለ የዘ ኬꬃ ገሊ ኬꬃፓ ፈትባዝ ኤኮደስ ጎደ፥ ፋ ኬꬃ ገልፐ።
MAR 13:16 ጋደ የዘ ፋ ማእቶ ኤኮደስ ሱባ ማቅፐ።
MAR 13:17 የ ዎደ ዎዳꬅ ማቹንꬅስን ꬋንꬅዘ ማቹንꬅስ ጋማ ማꬋ ማቃዳ።
MAR 13:18 የዝን Ꮉና ኡባ Ꮉንዘ ዎድታ ሴተ ማቃመ ጋር፥ ጾዝ ዎሶተ።
MAR 13:19 አኮስ ጋይኮ፥ ጾዚ አላምቶ መꬍደ ዎድትፓ አይኪ፥ Ꮉይኖ የሎደስ Ꮉንካይዘ ማꬋን ቲኖስን Ꮉኖሰ ክለ ማꬋ አሳላ አፋ የ ዎደ Ꮉኖዳ።
MAR 13:20 ላꬂ ይና ቃምት ፋይድቶ ኤርꬅካይዛኮ፥ አስ ማቅደ ኦደን አቶስ። የዝን ኤ ፋ ዶርደ አሱንꬅ ግሾ ይና ፋይድቶ ኤርꬃነ።
MAR 13:21 «የ ዎደ ኦደን ይንታና፥ ‹ይኬ፥ ክርስቶሳ Ꮉነ የነ ዎይ ክርስቶሳ ሰካ የነ› ያጋይኮ፥ ይኖ አማንፐተ።
MAR 13:22 ዎርዶ ክርስቶሳን ዎርዶ ናቡንꬅ ደንዲ ፋስ ዳንዳእንትኮ፥ መለ አቶ የዝን ጾዚ ዶርዱንꬃፓ ባልꬆደ ዎንꬅስ ክለ ባዝን ጋማ ቆፍዘ ባዝ ቤሳዳ።
MAR 13:23 የዝን ይንቲ ናግንቶተ፥ ታኒ ይንትስ ኡባ ባዝ ቲንꬍ ኦህዳ።
MAR 13:24 «የዝን የ ዎደ ይና ማꬍትፓ ሱባ፥ «አዋ ꬉሞዳ፤ አግና ፎእቶ አሾዳ፤
MAR 13:25 ጾልንቱንꬅ ሳሎፓ ጎልኦዳ፤ ማህ ሳሎ የዘ ዎልቅታን ኤንኦዳ።
MAR 13:26 የ ዎደ አስ ናአይ፥ ዳማ ዎልቃራን ቦንቾራ ꬎነ ግዳራ የኦደራ ኡን በአዳ።
MAR 13:27 የ ዎደ ኤ ኪታንቹንꬃና ኪቶዳ። ኦይዲ ዛላ ሳአ ጋጻፓ ሳሎ ጋጻ የሎደስ፥ ጾዘ ዶርደ አሱንꬃና ሺሾዳ።
MAR 13:28 «አዝዝቶ በለሰ ምንጻፓ ቲሮተ፤ በለስታ አጭዘ ዎደ እ Ꮉይታ ጭልኤ አይክደ ዎደ ቶርቼ የልዳኖ ይን ኤራነ።
MAR 13:29 ይኒ ጋር፥ ይንቲ ይና ኡባ ባዝታ Ꮉንዛኖ በእዘ ዎደ ኡክ ፉርꬃ የልዳኖ ኤሮተ።
MAR 13:30 ታኒ ይንትስ ቱሮ ኦህነ፤ Ꮉና ኡባ ባዝታ Ꮉኖደ ዎንꬅስ Ꮉነ የዘ አሱንꬅ ኡባ Ꮉይቆስ።
MAR 13:31 ሳሎን ሳአን አꬎዳ፥ የዝን ታ ቃልታ ሙሎን አꬎስ።
MAR 13:32 «የዝን ይና ቃምቶን ይና ሳቶ አዳይ ጻላላፕ አትን መለ አቶ የዝን ሳሎ የዘ ኪታንቹንꬃና ማቅኮን ዎይ ናአያ ማቅኮን ኦደን ኤርዘ ባያ።
MAR 13:33 ይና ዎድታ አይደ ማቅዛኮ፥ ይን ኤሮሰ ግሾ ናግንቶተን ምንጎተ።
MAR 13:34 ታ የእታ ፋ ኬꬅቶ አሺ፥ ኦገ ቅትደ አꬄ ጋራ። አꬃይ ፋ አሩንꬅስ ኦማር ኦማር ኦቻ እንግ ኡንታና ኦችትስ አደ ማህዳ፤ ማህ ናግዘን ምንꬂ ናጎደ ጋር ኪትዳ።
MAR 13:35 «ይኒ ግሾ፥ ምንጎተ። አኮስ ጋይኮ፥ ካርቲ አዳይ ኡጉረ ማቅኮ ዎይ ቃማ ብላሄ ማቅን ዎይ ሉኩለ ኦልዘ ዎደ ማቅን ዎይ ዎንታ ጎዳ ማቅን አይደ የኦደ የዛኮ፥ ይን ኤሮስ።
MAR 13:36 ይን ቲርካይዝን ኤ ይእ ይንታና ገንቶ የዝን ደንጋመ ጋር ምንጎተ።
MAR 13:37 ታኒ ይንትስ ኦህዛኖ አስ ኡቡንꬅስ ኦህነ፤ ምንጎተ» ያጋይዳ።
MAR 14:1 ፋስጋ ባአለ ቦንችዘ ቃማን ቦራ ባአለ ቦንችዘ ቃማ የሎደስ ላምእ ቃማ አትዳ። ካህኑንꬅ Ꮉላቁንꬅን ህገ አስታማሩንꬅ አስ ኤርካይዝን የሱሳ ገኒ አይኪ ዎꬎደስ ኦገ ኮያነ።
MAR 14:2 «አሱንꬅ ካች ከሳመ ፋና ፋስጋ ቦንችዘ ቃምተ ይኖ ኦቾስ» ያጋይዳ።
MAR 14:3 የሱሳ ብታንያ ካታምተ ቁርሱማራ Ꮉርግንትደ ስሞና ኬꬃ ሙንታላ አፋ በቴዝን፥ ፈቲ ማችታ አልባስጥሮሰ ብልቃጠ ኩሙꬅ ናርዶሳ ጋዘ ጋማ አልኦ ሽቶ ኤኪ ይእዳ። የ ብልቃጽዛ መንꬂ ሽቶ የሱሳ ኦምተ ጉስዳ።
MAR 14:4 ይና በስተ የዘ አሱንꬃፓ ፈተ ፈተ ዥልꬊ፥ «Ꮉይ ሽትዛ ጨር Ꮉሪ ላልዛና አኮሶ?
MAR 14:5 Ꮉይ ሽትዛ Ꮉይꬕ ጼት ድናረስ ባይዝ፥ ብርቶ ዳሁንꬅስ እማደስ ዳንዳእንታነ» ያጋእ ፋ ግዳ ኦህንትዳ። የይዝ፥ ይና ማችቶ ጋማ ለቂዳ።
MAR 14:6 የዝን የሱሳ «Ꮉና ማችቶ አኮን ጋእፐተ፤ እዞ አኮስ ዋይተ? እዛ ታስ ሎኦ ባዝ ኦችዳ።
MAR 14:7 ዳሁንꬅ ኡባ ዎደ ይንታራ የነ። ይን ኮየዘ ዎደ አይደን ይን ኡንታና ማዶደስ ዳንዳአነ፥ የዝን ታኒ ኡባ ዎደ ይንታራ የዞስ።
MAR 14:8 እዛ ፋ ዳንዳእዳኖ ኦችዳ፤ ማህ ታና ሞገስ ጊግሳደስ ቲንꬊ ሽቶ ትዥዳ።
MAR 14:9 ታኒ ይንትስ ቱሮ ኦህነ፤ ሳአ ኡባነ ዎንገለ ኦህንትዘ አባን፥ አሱንꬅ እዞ ቲሮደ ፋና Ꮉና እዛ ኦችዳና ኦህንቶዳ» ያጋይዳ።
MAR 14:10 ታጶ ላምእ ታማሩንꬃፓ ፈተ አስቆሮቱ ይሁዳ ጋእንትዘ የሱሳ ካህኑንꬅ Ꮉላቁንꬅስ አꬂ እማደስ ኡንታጎ Ꮉንግዳ።
MAR 14:11 ኡንቲ ይኖ ስኤዘ ዎደ ኡፋይት፥ «ኑኒ ኔስ ብራ እንጎዳ» ያጋይዳ፤ ይሁዳ የሱሳ አꬂ እማደስ ዎትዘ ዎደ ኮያነ።
MAR 14:12 ቦራ ባአለ ቦንችንትዘ ቲኖ ቃማ፥ ፋስጋ ካꬃ ማአደስ ማራ ሹክዘ ዎደ የሱሳ ታማሩንꬅ ኤጎ፥ «ፋስጋ ቦንችዘ ቃማ ነ ማአደ ካꬃ ኑ አባ Ꮉንግ ጊግሳደ?» ጋእ ኦጭዳ።
MAR 14:13 የሱሳ ፋ ታማሩንꬃፓ ላምኡንꬃና Ꮉኒ ጋራ ያጋእ ኪትዳ፦ «ካታማ ቅቶተ፤ ይን Ꮉማደራ፥ ጹጋራ Ꮉꬅ ቶኪ ፈቲ አꬄ ይንታራ የልንቶዳ፤ ኤዛ ካሎተ።
MAR 14:14 ኤ Ꮉንግ ገልዘ ካርቲ አደጎ፥ ‹አስታማርዘ ኔጎ፥ «ታኒ ታ ታማሩንꬃራ ፋስጋ ማአደስ ዛቆ ኬꬅታ አባ የነ?» ጋይዳ› ያጋኦተ።
MAR 14:15 ካርቲ አዳይ ይንታና ፎቀላ የዘ ጊጊ በትደ ዳልጋ ክፍለ ቤሳዳ፤ የይጋ ጊግዞተ» ያጋይዳ።
MAR 14:16 የ ታማሩንꬅ ኬዚ፥ ካታማ Ꮉንግዳ፤ የሱሳ ኡንታጎ ኦህዳን ጋራ ደንግ፥ ፋስጋ ካꬃ ጊግዝዳ።
MAR 14:17 ሳታ ኡጉርዘ ዎደ የሱሳ ታጶ ላምእ ታማሩንꬃራ የይጋ Ꮉንግዳ።
MAR 14:18 ኡንቲ በቲ ካꬃ ማአደራ፥ የሱሳ ኡንታጎ፥ «ታኒ ይንትስ ቱሮ ኦህነ፤ ይንታፓ ፈተ ታራ ሙእዘ፥ ታና አꬂ እንጎዳ» ያጋይዳ።
MAR 14:19 ኤ ታማሩንꬅ አዛኒ፥ ፋ ኦምተ ኦምተ፥ «ቱሮ ታና የሳነ?» ያጋእ ኤዛ ኦጭዳ።
MAR 14:20 የሱሳ ማህ፥ «የ አꬄ ይን ታጶ ላምኡንꬃፓ ፈታ፤ ኤ ታራ ፈትላ ፋ ኩሽቶ ጋባተ ዳክዛያ።
MAR 14:21 አስ ናአይ፥ ጌሽ ማጻፍተ Ꮉይቆዳ ጋእዳን ጋራ Ꮉይቆዳ፥ የዝን አስ ናአያ፥ አꬂ እንግዘ አꬃ ባደ። የ አꬄ የልንትካይዛር አተዛኮ ኤስ ሎኦ የሻ» ያጋይዳ።
MAR 14:22 ኡንቲ ማአደራ፥ የሱሳ ቦራ ኤኪ፥ ጾዝ ጋላትዳ፤ የ ቦርዛ ባጽ፥ ፋ ታማሩንꬅስ እንግተራ፥ «Ꮉተ፥ Ꮉና ታ አሽቶ» ያጋይዳ።
MAR 14:23 ጹአ ኤኪ፥ ጾዝ ጋላቲ፥ ኡንትስ እንግን ኡቡንꬅን የ ጹእዘፓ ኡዥዳ።
MAR 14:24 የሱሳ፥ «Ꮉና ጋማ አሱንꬅ ግሾ ጎግዘ ጫቆ ሱꬅ።
MAR 14:25 ታኒ ይንትስ ቱሮ ኦህነ፤ ታ ጾዘ ካእቱምተ ክለ ዎይነ ኡሻደ ቃምታ የሎደስ ማህ Ꮉይ ዎይንዘፓ ኡዦስ» ያጋይዳ።
MAR 14:26 ማዝሙረ የጽዳንፓ ሱባ ሻማሄ ደርዘላ አፋ ከዝዳ።
MAR 14:27 የሱሳ ኡንታጎ፥ «ይን ኡባ ታና አሺ አሺ ላልንቶዳ፤» ጻፍንትዳን ፋና፥ « ‹ጾዘ ዱሮ የንግዛያ ዎꬎዳ፥ ዱሩንꬅ ኡባና ላልንቶዳ› ያጋይዳ።
MAR 14:28 የዝን ታኒ Ꮉይቆፓ ደንድዳንፓ ሱባ ይንታፓ ቲንꬊ ጋልላ አꬎዳ» ያጋይዳ።
MAR 14:29 ጴጥሮሳ ማህ፥ «ኡንቲ ኡቡንꬅ ነና አሺ አሺ ꬋብኮን፥ ታ ነና አሾስ» ያጋይዳ።
MAR 14:30 የሱሳ ጴጥሮሳጎ፥ «ታኒ ኔስ ቱሮ ኦህነ፤ Ꮉይኖ ቃማ ሉኩለ ላምእ ቶሄ ኦሎዳንፓ ቲኖ ነ ታና Ꮉይꬕ ቶሄ ካዶዳ» ያጋይዳ።
MAR 14:31 የዝን ጴጥሮሳ ካሰንፓ ምንꬂ፥ «ታኒ መለ አቶ የዝን፥ ኔራ ዎላ Ꮉይቅዛኮን፥ ነና ካዶስ» ያጋይዳ። ማህ መሉንꬅ ኡቡንꬅ ይኒ ፋና ጋይዳ።
MAR 14:32 ጌተሰማነ ጋዘ በሳ Ꮉንግዳ፤ የሱሳ ፋ ታማሩንꬃጎ፥ «ታኒ ጾዝ ዎሲ ማቃደ ዎንꬅስ ይን Ꮉነ በቶተ» ያጋይዳ።
MAR 14:33 የሱሳ ጴጥሮሳ፥ ያይቆባራን ዋሐንሳ ፋራ ኤኪ ቅትዳ፤ ጋማ ዋይንት ኡንእንትዳ።
MAR 14:34 ማህ ኡንታጎ፥ «ታኒ Ꮉይቆስ ዎንꬅስ አዛንዳ፥ Ꮉነ ጋምኦተ፤ ገንትፐተ» ያጋይዳ።
MAR 14:35 ኤራꬅ ቲኖ ሺቂ፥ ሳአላ ቡንቁንቲ፥ ዳንዳእንትዘ ባዝ ማቅኮ፥ Ꮉና ዋየ ሳታ ፋፓ አꬎደ ጋር፥ ጾዝ ዎስዳ።
MAR 14:36 ማህ፥ «አባ፥ ታ አዳዮ፥ ኡባ ባዝታ ኔስ ዳንዳእንታነ፥ Ꮉና ዋየ ጹኡቶ ታፓ Ꮉሶ። የዝን ነ ቆፍታ Ꮉኖፕ አትን ታ ቆፍታ Ꮉንፐ» ያጋይዳ።
MAR 14:37 የሱሳ ማቂ ይእ፥ ኡን ገንተዝን ደንግ፥ ጴጥሮሳጎ፥ «ስሞና፥ ገንትዳ? ኔኒ ፈቲ ሳተን ባርክ ናጎደስ ዳንዳኦሳ?
MAR 14:38 ማꬋ ይን ገላመ ጋር ባርክ ናጊ ጾዝ ዎሶተ። አያና ጊግዳ፥ የዝን ይን አሽታ ላቢꬅ» ያጋይዳ።
MAR 14:39 ማህካ Ꮉንግ ቲኖስትፋና ጾዝ ዎስዳ።
MAR 14:40 ፋ ታማሩንꬃጎ ሱብ ማቂ ይእዘ ዎደ ገንተዝን ደንግዳ። ኡን ኣፍቶ ገንቶ ጎዚ አይክደ ግሾ ኤ አኮ ኦህዛኮን ኤሮስ።
MAR 14:41 Ꮉይꬕንꬃ ኡንታጎ ይእ፥ «Ꮉኖ የሎደስ ገንቲ ሸምፖላ? ይኬ፥ ማቃዳ፤ ሳታ የልዳ፤ ቦኦተ! አስ ናአይ፥ ናጋራንቾ አሱንꬅስ አꬊ እንግንቶደ ዎድታ የልዳ።
MAR 14:42 ደንዲ የꬎተ፤ ቦኦተ፥ ታና አꬂ እንጎዳይ የልዳ» ያጋይዳ።
MAR 14:43 የሱሳ ይኖ Ꮉጋ ኦሆደራ፥ ታጶ ላምእ ኤ ታማሩንꬃፓ ፈተ፥ ይሁዳ፥ ኤልሲ የሊ አሽዳ። ማህ ካህኑንꬅ Ꮉላቁንꬅ፥ ህገ አስታማሩንꬅን ጭሙንꬅ ኪትን፥ ማሻን ጉፈን አይኪ ጋማ አሱንꬅ ኤራ ዎላ ይእዳ።
MAR 14:44 የሱሳ አꬂ እንግዳይ የንꬅ ጋማ አሱንꬅስ፥ «ታኒ ዬርዛይ ኤዛ፤ ኤዛ አይኪ፥ ምንꬂ ናጊ፥ ኤኪ ካንጎተ» ያጋእ ማላ ኦህ ጋድዳ።
MAR 14:45 ይሁዳ የሊ ዎꬍደ ጋር የሱሳጎ ሺቂ፥ «አስታማርዛዮ» ያጋእ የሱሳ ዬሪ ኤክዳ።
MAR 14:46 የንꬅ ጋማ አሱንꬅ የሱሳ አይክዳ።
MAR 14:47 የዝን ካለ ኤቅዱንꬃፓ ፈተ ፋ ማሽዛ ሾዲ ካህኑንꬅ Ꮉላቅዘ አርዛ ጉዲ፥ ኤ Ꮉይዛ ጋቺ ኦልዳ።
MAR 14:48 የሱሳ ማህ፥ የንꬅ አሱንꬃጎ፥ «ታና ፋኖ ማህ፥ ፋኖ አይክዘፋና አይኮደስ ማሻን ጉፈን አይኪ ይእዳተ?
MAR 14:49 ታኒ ጾዘ ኬꬃ ታማርስተራ፥ ኡባ ዎደ ይንታራ የዘ ዎደ ታና አይክካይዛራ፥ የዝን ጌሽ ማጻፍተ ጋእዳና ፎልንቶደስ ቤዛነ» ያጋይዳ።
MAR 14:50 ኤ ታማሩንꬅ ኡቡንꬅ ኤዛ አሺ አሺ ላልንትዳ።
MAR 14:51 ላጻና ጻላላ ማእደ ፈቲ ናአትꬅ አꬃ የሱሳ ካልዛያ አሱንꬅ አይክዳ።
MAR 14:52 የዝን የ አꬄ ላጽንዛ አሺ አሺ፥ ጽራ ካሎ ዎጺ ቅትዳ።
MAR 14:53 አሱንꬅ የሱሳ ካህኑንꬅ Ꮉላቅዘ ኬꬃ ካንግዳ። እዘ ካህኑንꬅ Ꮉላቁንꬅ፥ ጭሙንꬅን ህገ አስታማሩንꬅ ሺቂ የነ።
MAR 14:54 ጴጥሮሳ ካህኑንꬅ Ꮉላቅዘ ዎፋ የሎደስ Ꮉኮራ ኤዛ ካሊ Ꮉንግ እዘ ኪትንትዙንꬃራ በቲ ታማ ካዣነ።
MAR 14:55 ካህኑንꬅ Ꮉላቁንꬅን ፍርዳ ሻንጉንꬅ ኡባ የሱሳ ዎꬎደስ ኤላ አፋ ማርካ ኮይዳ፥ የዝን አኮን ደንግካያ።
MAR 14:56 ጋማ አሱንꬅ ኤላ አፋ ዎርዶ ማርክꬍዳ፥ የዝን ኡን ማርካትꬅታ ፈቶ ባያ።
MAR 14:57 ፈቲ ፈቲ አሱንꬅ ደንዲ ኤቂ የሱሳላ፥ «ኤ፥ ‹ታኒ አስ ኬጽደ Ꮉና ጾዘ ኬꬅቶ ላሊ፥ አስ ኩሸራ ኬጽንትካይዘ መለ ጾዘ ኬꬂ Ꮉይꬕ ቃማ ግዳ ኬጾዳ› ጋኦደራ ኑኒ ስእዳ» ያጋእ ዎርዶ ማርክꬍዳ።
MAR 14:59 ማቆ የዝን፥ ኡን ማርካትꬅታ ይናን ፈቶ ባያ።
MAR 14:60 ካህኑንꬅ Ꮉላቅዘ አስ ኡቡንꬅ ቲንተ ደንዲ ኤቂ፥ «Ꮉንስ ነና ሞትዘ ሞትስ ነ ማህዘባዝ ባ?» ያጋእ የሱሳ ኦጭዳ።
MAR 14:61 የዝን የሱሳ ስእ ጋይዳ፤ አኮን ማህካያ። ካህኑንꬅ Ꮉላቅዘ፥ «አንጅንትደ ጾዘ ናአይ፥ ክርስቶሳ ነናነ?» ያጋእ ማህ ኦጭዳ።
MAR 14:62 የሱሳ ማህ፥ «ዬ ታና፥ ይን አስ ናአይ፥ ዎልቃማ ጾዘፓ ምዛቅ ዛላራ በቴዝን ማህ ሳሎ ꬎነራ የኦደራ በአዳ» ያጋይዳ።
MAR 14:63 ካህኑንꬅ Ꮉላቅዘ ፋ ማእቶ ፌꬊ፥ «ኑስ መለ ማርካ አኮ ኮሸ?
MAR 14:64 ይን ኤ ጫሽቶ ስእዳ፤ ይን ቆፍታ አኮ?» ያጋይዳ። ኡን ኡቡንꬅ፥ «ኤ Ꮉይቆደስ ቤዛነ» ያጋእ ኤላ አፋ ፍርድዳ።
MAR 14:65 ኡንታፓ ፈተ ፈተ ኤላ አፋ ጩተ አይክዳ። ኤ ኣፍቶ ጎዚ ባቂተራ፥ «ነና ቆጽደ ኦደ? አነ ኑስ ኦሆ!» ያጋይዳ። ናግዙንꬅ ኤዛ ጉድተራ ካንግዳ።
MAR 14:66 ጴጥሮሳ ካህኑንꬅ Ꮉላቅዘ ዎፋ ዬካ ዛላራ የዝን፥ ካህኑንꬅ Ꮉላቅዘ ማች አሩንꬃፓ ፈታ እዘ ይእዳ።
MAR 14:67 ጴጥሮሳ ታማ ካዣኖ ብእ፥ ዳኪ ሎይꬂ ብእ፥ «ኔንን ናዝረተ የሱሳራ የነ» ያጋይዳ።
MAR 14:68 የዝን ጴጥሮሳ፥ «ነ ጋዛና አኮ የዛኮን ታ ኤሮስን፥ ታስ ቲርንቶስ» ያጋእ ካድዳ። ያጋእ ማቂ ዎፋ ከዝዳ [ኢራ ሉኩለ ኦልዳ]።
MAR 14:69 ይና አርታ ጴጥሮሳ ብእ፥ ኤ ካለ ኤቅደ አሱንꬃጎ፥ «Ꮉይ አꬄን ኡንታራ የነ» ጋእ ማህ ኦህዳ።
MAR 14:70 የዝን ጴጥሮሳ ማህን ካድዳ። ኤራꬅ ጋምኦደራ፥ ካለ ኤቅደ አሱንꬅ ማህ ጴጥሮሳጎ፥ «ኔኒ ጋልላ ሳአ አስ ማቅደ ግሾ ቱሮ ኡንታራ የነ» ያጋይዳ።
MAR 14:71 የዝን ጴጥሮሳ፥ «ታኒ ይን ጋዘ አꬃ ኤሮስ!» ያጋእ ፋና ባድተራ ጫቆ አይክዳ።
MAR 14:72 ኢራ ሉኩለ ላምእንꬃ ኦሊ አሽዳ። ጴጥሮሳ የሱሳ ኤጎ፥ «ኔኒ ሉኩለ ላምእ ቶሄ ኦሎዳንፓ ቲኖ Ꮉይꬕ ቶሄ ታና ካዶዳ» ኤጎ ጋይዳኖ ቲሪ ዬክዳ።
MAR 15:1 ዎንታ ጎዳ ኤልሲ ካህኑንꬅ Ꮉላቁንꬅ፥ ጭሙንꬅ፥ ህገ አስታማሩንꬅን ፍርዳ ሻንጉንꬅ ኡባ ሺቂ ዞርንትዳ። ኡንቲ የሱሳ አጪ ካንግ ጵላጦሳስ አꬂ እንግዳ።
MAR 15:2 ጵላጦሳ ኤጎ፥ «ኔኒ አይሁዱንꬅ ካት?» ያጋእ ኦጭዳ። የሱሳ ማህ፥ «ነ ጋይዳ» ያጋይዳ።
MAR 15:3 ካህኑንꬅ Ꮉላቁንꬅ የሱሳ ጋማ ባዛራ ሞትዳ።
MAR 15:4 የዝን ጵላጦሳ ማህ የሱሳጎ፥ «ኔስ ማህዘባዝ ባ? ኡንቲ ኔላ አኮ ሞቶ ኬእዛኮ ቦኦሶ?» ያጋይዳ።
MAR 15:5 የዝን የሱሳ መለባዝ ማሀንጽ እጽን፥ ጵላጦሳ ጋማ ቆፕዳ።
MAR 15:6 ጵላጦሳስ ፋስጋ ባአለ ቦንችዘ ቃምተ አሱንꬅ ኮይዘ ፈቲ አስ አቻፓ ብልዘ ዎጋ የነ።
MAR 15:7 የ ዎደ ፈቲ ባርባና ጋዘ አꬄ ካች ደንꬂ ሸምፖ ዎꬍደ አሱንꬃራ ዎላ አች ኬꬃ የነ።
MAR 15:8 ጋማ አሱንꬅ ጵላጦሳጎ ይእ ቲኖፓ ዪዝተራ ጋምእደ ፋና ኦቾደ ጋር ኤዛ ኦጭዳ።
MAR 15:9 ጵላጦሳ አሱንꬃና ማህ፥ «ታኒ ይንትስ አይሁዱንꬅ ካትዛ ብሎደ ጋር ኮያነ?» ያጋእ ኦጭዳ።
MAR 15:10 ይኖ ኤ ጋእዳና፥ ካህኑንꬅ Ꮉላቁንꬅ የሱሳ ቃናቲ አꬂ እንግዳኖ ኤርዘ ግሾ።
MAR 15:11 የዝን ካህኑንꬅ Ꮉላቁንꬅ ኤ ግሾ ባርባና ብሎደ ጋር፥ የንꬅ ሺቅደ አሱንꬅ ጵላጦሳ ዎሶደ ጋር አሱንꬃና ዞርዳ።
MAR 15:12 ጵላጦሳ ማህ፥ «ዬዝን፥ ይን አይሁደ ካት ጋዛያ ዋይሳ?» ያጋይዳ።
MAR 15:13 አሱንꬅ ጵላጦሳላ አፋ ኡክ፥ «ማስቃላላ አፋ ኤዛ ሱጾ» ያጋይዳ።
MAR 15:14 ጵላጦሳ አሱንꬃጎ፥ «አኮሶ? ኤ አኮ ኢታ ባዝ ኦችዶ?» ያጋይዳ። የዝን አሱንꬅ ቲኖስትፓ ጉጂ ኡክ፥ «ማስቃላላ ኤዛ ሱጾ» ያጋይዳ።
MAR 15:15 ጵላጦሳ አሱንꬃና ኡፋይሶደስ ኮይ፥ ባርባና አሱንꬅስ ብልዳ፤ የይዝ አላንጋራ የሱሳ ጋራፊ፥ ማስቃላላ አፋ ሱጾደ ጋር አꬂ እንግዳ።
MAR 15:16 ይንፓ ማቂ፥ ዎታዳሩንꬅ የሱሳ ኤኪ ፕራቶርያ ጋዘ ፖሊስ ጻባ ካንግ፥ መለ ዎታዳሩንꬃና ኡባ ፈትላ ጼግዳ።
MAR 15:17 ማህ ዞቆ አፉላ ኤዛ ማይዝዳ፤ አንጋꬅ ዛዉደ ጊግዚ፥ ኤ ኦምተ ጋድዳ።
MAR 15:18 ይንፓ ማቂ፥ ኤጎ፥ «አይሁዱንꬅ ካትዛዮ ሳሮ» ያጋእ፥ ኩሸ ደንꬅዳ።
MAR 15:19 ኤ ኦምተ ጉፈራ ጉድዳ፤ ማህ ኤላ ጩትዳ፤ ቡንቁንቲ ኤስ ጎይንዳ።
MAR 15:20 ኤዛ ቶችዳንፓ ማቂ ዞቆ አፉላ ኤፓ ቃሪ ኤኪ፥ ኤ አፉልቶ ኤዛ ማእሲ ማስቃላላ አፋ ኤዛ ሱጾደስ ኤኪ ካንግዳ።
MAR 15:21 ኡን Ꮉንግተራ፥ እስክንድረነን ሩፎሳ አዳይ፥ ስሞና ጋዘ ቀሬና ሳአ አስ፥ ጋጻረፓ ካታማ የእዘራ የልንት፥ የሱሳ ማስቃላ ዎልቃራ ቶስዳ።
MAR 15:22 የይዝ ጎልጎታ ጋዘ በሳ የሱሳ ካንግዳ። «ጎልጎታ» ጋዛና «ኦማ ኦታ» ጋኤ።
MAR 15:23 Ꮉርጋመ ፋና ካርበ ጋዘ ጋላ ዎርቂንትደ ዎይነ ኡዦ ጋእ ኤስ እንግዳ። የዝን ኤ ኡዣንጽ እጽዳ።
MAR 15:24 ኡንቲ ማስቃላላ አፋ ኤዛ ሱጽዳ። ኦና አኮ የሎድየዛኮን ጋእ ኤ አፉልቶ ሻጊ እጻ ኦልዳ።
MAR 15:25 ኡን ማስቃላላ አፋ ኤዛ ሱጽዘ ዎደ ዎንታፓ Ꮉይꬕ ሳተ።
MAR 15:26 ኡን፥ «አይሁዱንꬅ ካት» ያጋእ ኤዛ ሞትዘ ጹፈ ጻፊ ጋድዳ።
MAR 15:27 የሱሳራ ላምእ ፋኑንꬃና ፈታ ኤፓ ምዛቅ ዛላራ Ꮉንካያ ኤፓ ዎርክታ ዛላራ ማስቃላላ አፋ ሱጽዳ።
MAR 15:28 ጌሽ ማጻፍተ፥ «ኢታ ባዝ ኦችደ አሱንꬃራ ኤ ፋይድንትዳ» ጋእንትዳና ፎልንትዳ።
MAR 15:29 ኦገራ አꬍዘ አሱንꬅ የሱሳ ለቂ፥ ፋ ኦምቶ ኤንእዝ ጫዥዳ፤ «ዛንባይ! ጾዘ ኬꬅቶ ላሊ Ꮉይꬕ ቃማ ግዳ ኬጽዛዮ፥ ነ ኦምቶ አሾ፤
MAR 15:30 አነ ማስቃልዘፓ ዎꬊ ነና አሾ» ያጋይዳ።
MAR 15:31 ይኒ ጋራ፥ ካህኑንꬅ Ꮉላቁንꬅ ህገ ታማርስዙንꬃራ ፈትላ የሱሳ ለቂ፥ «መሉንꬃና አሽዳ፥ የዝን ፋና አሾደስ ዳንዳኦስ፤
MAR 15:32 ኑኒ ብእ አማኖደ ጋር ክርስቶሳ፥ እስራኤለ ካት፥ አነ ማስቃላፓ Ꮉተ ዎꬎ» ያጋይዳ። ማህ መለ አቶ የዝን፥ ኤራ ማስቃላላ አፋ ሱጹንትዱንꬃፓ ኤዛ ለቂዳ።
MAR 15:33 እዝፑን ሳተፓ ደንꬂ፥ ኡዱፉን ሳተ የሎደስ ሳእታ ኡባ ꬉምዳ።
MAR 15:34 ኡዱፉን ሳተ የሱሳ ፋ ቃልቶ ꬎቅ ዪዚ፥ «ኤሎሄ፥ ኤሎሄ፥ ላማ ሳባቅታን?» ያጋይዳ። ይኒ ብልꬅታ፥ «ታ ጾዛዮ፥ ታ ጾዛዮ፥ ታና አኮስ አሽዶ?» ጋኤ።
MAR 15:35 እዘ ኤቅደ አሳፓ ፈተ ፈተ ይኖ ስእ፥ «ይኬ፥ ኤልያሳ ጼጋነ» ያጋይዳ።
MAR 15:36 የንꬅ አሱንꬃፓ ፈተ ዎጺ፥ ጉርባ ፉዛራ ጫላ ዎይነ ባዢ፤ ጉፈ በርꬃላ ጋዲ፥ «ናጎተ፤ ኤልያሳ ማስቃላፓ ኤዛ ኬꬆደስ የኦድየዛኮ አነ ቦኦዳ» ያጋእ የሱሳ ዶናጎ ኡሾደስ ሺሽዳ።
MAR 15:37 የሱሳ ፋ ቃልቶ ꬎቅ ዪዚ ዉይሲ፥ Ꮉይቂዳ።
MAR 15:38 ጾዘ ኬꬃ ሱጹንትደ ማጋራጅታ ዎካፓ ሱለ ጋጻ የሎደስ፥ ላምእ ኬዚ ፌꬍንቲ ዎꬍዳ።
MAR 15:39 ማስቃልዘፓ ቲኖ ዛላራ እዘ ኤቅደ ፈቲ ማቶ Ꮉላቅዘ፥ የሱሳ ዋይዝ Ꮉይቀዛኮ ብእደ ዎደ «Ꮉይ አꬄ ቱሮ ጾዘ ናአ» ያጋይዳ።
MAR 15:40 ይኖ Ꮉኮራ ኤቂ በእዘ ኤራꬅ ማቹንꬅ የነ። ኡን ግዳ ማግደላ ማይራማ፥ ጌዘ ያይቆባን ዮሳ እንታ ማይራምራን ሳሎማ የነ።
MAR 15:41 የንꬅ ማቹንꬅ የሱሳ ጋልላ የዘ ዎደ ኤዛ ካልዱንꬃናን ኤዛ ሞክዱንꬃና ማህ የሱሳራ ዎላ የሩሳላመ Ꮉንግደ መለ ጋማ ማቹንꬅ እዘ የነ።
MAR 15:42 ሳእታ ኡጉርደ ዎደ ሺቅደ አሱንꬅ ግዳ ቦንችንትደ አይሁደ ሻንጉንꬃፓ ፈተ፥ ዮሰፋ ጋዘ አꬄ፥ ጾዘ ካእቱሞ ዮኦዳኖ ናግተራ የዘ፥ አርማትያሳ ካታማ አስ የዛይ ይእዳ። ዎንትስተ ሳምባታስ ጊግንትዘ ቃማ ማቅደ ግሾ ዮሰፋ ሚንግ ጵላጦሳጎ Ꮉንግ፥ የሱሳ አህቶ ኤኮደስ ዎስዳ።
MAR 15:44 ጵላጦሳ የሱሳ Ꮉይቂዳኖ ስእደ ዎደ ጋማ ቆፕዳ፤ ማቶ Ꮉላቅዛ ጼጊ፥ «ኤ Ꮉይቂ ጋምእዳ?» ያጋእ ኦጭዳ።
MAR 15:45 ጵላጦሳ የሱሳ Ꮉይቂዳኖ ማቶ Ꮉላቅዘፓ ስእ ኤ አህቶ ዮሰፋስ እንግዳ።
MAR 15:46 ዮሰፋ ሞጎ አፉላ ዎንግ፤ የሱሳ አህቶ ማስቃላፓ ኬꬂ፥ አፉላራ ጻጺ፥ ሹቻፓ ዎጭንትደ ቦዛ ግዳ ኤ አህቶ ሞግዳ። ማህ ይና ቦዝት ዶንተ ዳማ ሹች ጎልእዝ ጋድዳ።
MAR 15:47 ማግደላ ማይራምራን ዮሳ እንታ ማይራማ የሱሳ አህቶ ኡን አባ ጋድዛኮ በእነ።
MAR 16:1 ሳምባታ አꬍዳንፓ ሱባ ማግደላ ማይራሞ፥ ያይቆባ እንታ ማይራምራን ሳሎማ Ꮉንግ፥ የሱሳ አህቶ ትሻደስ ሽቶ ዎንግዳ።
MAR 16:2 ዎጋ ዎደ ዎንታ ጎዳ ጻልቀ ከሳደራ፥ ቦዛ Ꮉንግዳ።
MAR 16:3 ኡን ፋ ግዳ ፈታይ ፈታይራ፥ «ቦዝት ዶንትፓ ኑስ ሹችቶ ኦደ ጎልእዝ Ꮉሶደ?» ያጋእ ኦህንትዳ።
MAR 16:4 ኡን በእዘ ዎደ የ አንድር ዳማ ሹችዘ ቡንቡሉንቲ Ꮉልእዳኖ ብእዳ።
MAR 16:5 የሱሳ ሞግንትደ ቦዝት ግዳ ገልዘ ዎደ ፈቲ ይꬎ ꬊራꬃይ ቦꬅ ማኦ ማእ፥ ምዛቅ ዛላራ በትዳይ ብእ ታንዳ።
MAR 16:6 የዝን ኤ ኡንታጎ፥ «ታንፐተ፤ ማስቃላላ አፋ ሱጹንትደ፥ ናዝረተ የሱሳ ይን ኮይዛኖ ታኒ ኤራነ። ኤ Ꮉነ ባያ፥ Ꮉይቆፓ ደንድዳ። ኡን ኤዛ ሞግደ በስቶ Ꮉኖ ቦኦተ።
MAR 16:7 Ꮉተ Ꮉንግ የሱሳ ታማሩንꬅስን ጴጥሮሳስ፥ ‹የሱሳ ይንታፓ ቲንꬊ ጋልላ አꬍዳ። ኤ ይንትስ ኦህዳን ፋና ይን ኤዛ የይጋ በአዳ› ጋእ ኦሆተ» ያጋይዳ።
MAR 16:8 ማቹንꬅ ዣሽሞራ ጎቂ ቦዝትፓ ኬዚ አችንትዳ። ማህ ኡን ዣሽትዘ ግሾ ይኖ ኦደስን አኮን ኦህካያ።
MAR 16:9 የሱሳ Ꮉይቆፓ ደንድዳንፓ ማቂ ዎጋ ዎደ ዎንታ፥ ላፑን ቱና አያኑንꬃና ኬስደ ማግደላ ማይራምስ ቲንꬊ በንትዳ።
MAR 16:10 እዛ Ꮉንግ ኤራ ቲኖ የዙንꬅስ፥ ኡን አዛንተራን ዬክተራ የዝን ኦህዳ።
MAR 16:11 የዝን የሱሳ ፋጻ የዛኖን ኢስ በንትዳኖ ኡን ስእደ ዎደ እዛ ጋዛኖ አማንካያ።
MAR 16:12 ይንፓ ሱባ፥ ኡንታፓ ላምኡንꬅ ካታማፓ ኬዚ Ꮉማደራ፥ ኦገላ አፋ የሱሳ ቲኖፓ ዱሙꬊ ኡንትስ በንትዳ።
MAR 16:13 ኡን ሱብ ማቂ፥ መሉንꬅስ ኦህዳፕ፥ አትን መሉንꬅን ኡን ኦህቶ ቱሮ ጋይካያ።
MAR 16:14 ሱባፓ ታጶ ፈቲ ኤ ታማሩንꬅ ካꬃ ማአደራ፥ የሱሳ ኡንትስ በንትዳ። ኡንትስ አማኖ ባይዘ ግሾን Ꮉይቆፓ ኤ ደንድዳኖ ብእደ አሱንꬅ ኦህን ኡን አማናንጺ እጽደ ግሾ ኤ ኡንታና ቦርዳ።
MAR 16:15 ኤ ኡንታጎ፥ «ሳአ ኡባ ቅቲ አስ ኡቡንꬅስ ዎንገለ ኦሆተ።
MAR 16:16 አማንዳይን ጻማቅንትዳይ አቶዳ፥ የዝን አማኖሰ ፍርድንቶዳ።
MAR 16:17 አማንዙንꬅስ Ꮉና ማልታ እንግንቶዳ። ኡን ታ ሱንꬅተ ቱና አያና ከሶዳ፥ ክለ ዶናራ ኦህንቶዳ።
MAR 16:18 ኡን ሾሽ አይክኮን ዎይ ዎꬍዘባዝ ኡዥኮን ኡንታና ቆሀማ። ማህ ኡን ፋ ኩሽቶ Ꮉርግንትዙንꬃላ አፋ ጋዲ ኡንታና ፋꬆዳ» ያጋይዳ።
MAR 16:19 ላꬂ የሱሳ ታማሩንꬃራ ኦህንትዳንፓ ሱባ ኡደ ሳሎ ከዝዳ፤ ጾዘፓ ምዛቅ ዛላራ በትዳ።
MAR 16:20 ኤ ታማሩንꬅ ቅትደ በሳ ኡባ ቃላ ኦህዳ። ላꬅን ኡንታራ ዎላ ኦቻነ። ኡንቲ ኦህዘ ቃልታ ቱሮ ማቅዳኖ ጾዚ ኡንትስ እንግደ ማልተ ሚንꬃነ።
LUK 1:1 ቦንቾ ተዎፍሎሳ፥ ኑ ግዳ ፎልንትደ ባዝስ ጋሙንꬅ፥ ፋስ ዳንዳእንትደ ጋር ጻፍዳ።
LUK 1:2 ይና ታሪክቶ ኡን ጻፍዳና ቲኖፓ አይኪ ኣፈ ማርኩንꬅን ቃላ ጻፊ ኑስ ኦህዳኖ።
LUK 1:3 ታንን ታ ባጋራ ቲኖፓ ቆፒ ብእዳንፓ ሱባ ይና ታሪክታ Ꮉንዳኖ ሉልዚ ኔስ ተዎፍሎሳስ ጻፍዛና ታስ ሎኦ ማቂ በንትዳ።
LUK 1:4 ይናን፥ ነ ታማርዳና ቱሮ ማቅዳኖ ኤርሶደስ።
LUK 1:5 ይሁዳ ካት ሄሮድሳ ዎደ አብያ ባጋፓ ማቅደ ዛካርያሳ ጋዘ አይሁደ ካህነ የነ። ኤ ማችታን አሮና ኮቻፓ። እ ሱንꬅታን ኤልሳቤጦ።
LUK 1:6 ላምኡንꬅን ላꬄ ዎጋን ኪቶ ኡባ ናጊ ቦረ ባይዝን ጾዘ ቲንተ ጽሎትꬃራ የዝዳ።
LUK 1:7 ይኦፕ አትን ኤልሳቤጣ ꬎኦንꬅ ማቅደ ግሾ ኡንትስ ናአ ባያ። ላምኡንꬅን ጭንግዳ።
LUK 1:8 ፈቲ ዎደ ዛካርያሳ ፋ ታርቲ ወደ ጾዘ ቲኖ ካህነትꬃራ ኦቻነ።
LUK 1:9 ካህነትꬅ ዎጋራ ጾዘ ኬꬃ ገሊ እጻነ ጩግሳደስ ኤዛ እጻ የልዳ።
LUK 1:10 እጻነ ጩግዘ ዎደ አሱንꬅ ኡባ ባለ ዎሳነ።
LUK 1:11 ላꬄ ኪታንችዘ ዣርሾ ዣርሽዘ በስትፓ ምዛቅ ዛላራ ኤቂ በንትዳ።
LUK 1:12 ዛካርያሳ ኤዛ ብእ ታኒ ጋማ ዣሽትዳ።
LUK 1:13 የዝን ኪታንችዘ ኤጎ፥ «ዛካርያሳ ዣሽትፐ፤ ነ ዎስታ ስንትዳ። ነ ማችታ ኤልሳቤጣ ꬊራꬅ ናአ የሎዳ፥ ኤዛ ዋሐንሳ ጋእ ነ ሱንꬆዳ።
LUK 1:14 ኤ ኔስ ዋሎን ኡፋይስ ማቃዳ፤ ጋሙንꬅ ኤ የልንተ ኡፋይቶዳ።
LUK 1:15 ላꬄ ቲኖ ኤ ዳማ ማቃዳ፤ ዎይነ ኡሺ ማቅን መለ ማꬅዘ ኡሺ ኡዣማ። ፋ እንቲ ሳዝተ የዛራ ጌሽ አያናራ ኩሞዳ።
LUK 1:16 እስራኤለ አሱንꬃፓ ጋሙንꬃና ፋ ላꬄ፥ ጾዘጎ ማሆዳ።
LUK 1:17 አዱንꬅ ዎዝንቶ ናኡንꬃጎ ማሆዳ፥ ኪትንቶሱንꬃና ጽሎትꬅ ጭንጫትꬃጎ ማሆደ ጋር፥ ላꬅስ ኮሽዘ ዎርዣ ጊግሳደስ ኤልያሳ አያናራን ዎልቃራ ላꬄ ቲንተ Ꮉማዳ» ያጋይዳ።
LUK 1:18 ዛካርያሳ ኪታንችዘጎ፥ «ታ ይኖ አኮራ ኤሮደ? ታራን ታ ማችትራ ጭንግዳ» ጋይዳ።
LUK 1:19 ኪታንችዘ ማህ፥ «ታኒ ጾዘ ቲንተ ኤቅዘ ጋብርኤለ። Ꮉና ምስራችቶ ኔስ ኦሆደስ ጾዛፓ ኪትንትዳ።
LUK 1:20 ይኬ፥ ዎድቶ ናጊ ፎልንቶደ ታ ቃልቶ ነ አማናንጽ እጽደ ግሾ Ꮉና ፎልንቶደ ዎንꬅስ ነ ዶንታ ሙመ ማቃዳ፥ ኦህንቶደስን ነ ዳንዳአማ» ያጋይዳ።
LUK 1:21 የ ዎደ ዛካርያሳ ጾዘ ኬꬅተ ገሊ ጋምእደ ግሾ አኮ ይእዶ ጋእ አሱንꬅ ባለ ናግተራ ጋምእዳ።
LUK 1:22 ኤ ባለ ኬዚ ኡንታና ኦህሳደስ ዳንዳእካያ። ማላ ኩሸራ ቤዛንፕ አትን ኦህንቶደስ ዳንዳኦሳኖ ብእደ ዎደ ቆንጭꬅ ብእዳኖ ኤርዳ።
LUK 1:23 ዛካርያሳ ኦቻ ዎድቶ ፎሊ ፋ ካራ ማቅዳ።
LUK 1:24 ይንፓ ሱባ፥ ኤ ማችታ ኤልሳቤጣ ዎዳጽዳ። እችን አግና ኩሙꬅ ፋና ጌንꬅ አስስ በንትካይዛራ ጋምእዳ።
LUK 1:25 እዛ፥ «ላꬂ ፋ ማሮትꬅተ ታ ቶችቶ አስ ግዳፓ Ꮉሶደስ ብእ Ꮉና ዎድተ Ꮉኖ ታስ ኦችዳ» ያጋይዳ።
LUK 1:26 ኤልሳቤጣ ዎዳጽዳንፓ እዝፑንꬃ አግንተ፥ ጾዚ ኪታንቾ ጋብርኤለ ጋልላ ጋደ የዘ ናዝረተ ካታማ ኪትዳ።
LUK 1:27 ኤዝን ዮሰፋ ጋዘ ካት ዳዉተ ኮቻፓ ማቅደ አꬄስ ኦጭንትደ ዉዱርትጎ ኪትንትዳ። ይና ዉዱርታ ማይራሞ ጋእንታነ።
LUK 1:28 ኪታንቾ ኢጎ Ꮉንግ፥ «ጋማ ካꬍንትዳነ፥ ሳሮ ኔስ ማቀ፥ ጾዚ ኔራ የነ» ያጋይዳ።
LUK 1:29 ማይራማ ኤ ኦህተ ጋማ ታኒ፥ «Ꮉና አኮ ሳር» ጋእ ቆፕዳ።
LUK 1:30 ኪታንችዘ ማህ፥ «ማይራመ፥ ዣሽትፐ፤ ነ ጾዘ ቲንተ ናሾ ደንግዳ።
LUK 1:31 ይኬ ነ ዎዳጾዳ ꬊራꬅ ናአ የሎዳ፥ ኤ ሱንꬅቶን የሱሳ ጋእ ሱንꬆዳ።
LUK 1:32 ኤ ዳማ ማቃዳ፥ ኡባፓ ካታራ ጾዘ ናአ ጋእንት ጼግንቶዳ። ላꬄ ጾዘ ኤ አዳይ ዳዉተ አራታ ኤስ እንጎዳ።
LUK 1:33 ኤ ያይቆባ ኮቻላ አፋ መዽና ካእቶዳ፤ ኤ ካእቱምትስ Ꮉልኤ ባያ» ያጋይዳ።
LUK 1:34 ማይራማ ኪታንችዘጎ፥ «ይና ዋይዝ Ꮉኖደ? ታ ꬊራꬃራ የልንትካያ» ያጋይዳ።
LUK 1:35 ኪታንችዘ ማህ፥ «ጌሽ አያና ኔላ አፋ ዎꬎዳ፥ ኡባፓ ካታራ ጾዘ ዎልቅታ ኔላ አፋ ሸምፖዳ። ይኒ ግሾ፥ የልንትደ ጌሽ ናአይ ጾዘ ናአ ጋእንቶዳ።
LUK 1:36 ይኬ፥ ነ እግንታ ኤልሳቤጣ ፋ ጭማትꬅ ላይꬅተ ꬊራꬅ ናአ ዎዳጽዳ። እዛ ꬎንꬅ ጋእንትዳኖ፥ የዝን Ꮉተ እዝፑንꬃ አግና አይክዳ።
LUK 1:37 ጾዛ ጋምዘባዝ ባያ» ያጋይዳ።
LUK 1:38 ማይራማ፥ «ዬዛኮ፥ ታኒ ላꬄ አርትስ፥ ነ ቃልት ጋር ታስ ይኦ» ያጋይዳ። ይንፓ ሱባ፥ ኪታንችዘ ኢፓ ሻክንትዳ።
LUK 1:39 ማይራማ ይና ሳምንተ ደንዲ ይሁዳ ሳአ የዘ ፈቲ አለ ካታማ ቅትዳ።
LUK 1:40 ዛካርያሳ ካራ ገሊ ኤልሳቤጦ ሳሮꬅዳ።
LUK 1:41 ኤልሳቤጣ ማይራማ ሳሮꬅዛኖ ስእዘ ዎደ እ ሳዝተ የዘ ናአይ ኡፋይሳራ ዶልዳ። ኤልሳቤጣ ጌሽ አያናራ ኩሚ፥
LUK 1:42 ፋ ቃልቶ ꬎቅ ዪዚ፥ «ኔኒ ማቹንꬃፓ አንጅንትዳኖ፥ ነ ዎዳጽደ ናአይን አንጅንትዳያ።
LUK 1:43 ይኦ የዝን፥ ታ ላꬄ እንተ፥ ኔኒ ታጎ የኦደ ጋር ታ ኦደ?
LUK 1:44 ይኬ ነ ሳሮትꬅቶ ታ ስእዘ ዎደ ታ ሳዝተ የዘ ናአይ ኡፋይሳፓ ዶልዳ።
LUK 1:45 ላꬂ ፎሎዳ ጋእ እንግደ ቃልቶ አማንዳና፥ እዛ አንጅንትዳኖ» ያጋይዳ።
LUK 1:46 ማይራማ Ꮉኒ ጋራ ያጋይዳ፦ «ታ ሸምፕታ ላꬃ ቦንቻነ፥
LUK 1:47 ታ አያንዘ ጋላ ጾዘላ ኡፋይታነ።
LUK 1:48 ኤ ፋ አርቲ ቶችቶ ብእዳ። Ꮉይኖፓ አይኪ የለትꬅ ኡባ ታና አንጅንትዳኖ ጋኦዳ።
LUK 1:49 ዎልቃማ ማቅደ ኤ፥ ታስ ዳማ ባዝ ኦችዳ። ኤ ሱንꬅታ ጌሽ።
LUK 1:50 ኤዛ ቦንችዙንꬃላ አፋ፥ ኤ ማሮትꬅታ መꬍናፓ መዽና የሎደስ።
LUK 1:51 ፋ ቀስተ ምንꬅ ባዝ ኦችዳ፥ ፋ ዎዝንተ ኡቱርትዙንꬃና ላልዳ።
LUK 1:52 ዳማ ካቱንꬃና አራትዘፓ ዎꬍዝዳ፤ ፋ ኦምቶ ቶችዙንꬃና ቦንችዳ።
LUK 1:53 ናይꬍዱንꬃና ሎኦ ባዛራ ምሽዳ፥ የዝን ዱሩንꬃና ካሎ ኩሸ ዳክዳ።
LUK 1:54 ፋ ማሮትꬅቶ ቆፒ፥ ፋ አርዛ እስራኤለ ማድዳ።
LUK 1:55 ይናን ኑ አዱንꬅስ ኦህደ ቃላ፥ አብራሃማስን ኤ ዛርትስ ጋእዳኖ መꬍናስ ፎሎደስ» ያጋይዳ።
LUK 1:56 ማይራማ ኤልሳቤጥ ካለ Ꮉይꬕ አግና ጋር ጋምእ ፋ ካራ ማቅዳ።
LUK 1:57 ኤልሳቤጥስ የሎ ቃማ የልን ꬊራꬅ ናአ የልዳ።
LUK 1:58 እ ዶꬁንꬅን እ እግኑንꬅ ላꬂ ዳማ ማሮትꬅ ኦችዳኖ ስእ፥ ኢራ ዎላ ኡፋይትዳ።
LUK 1:59 ኦስፉንꬆ ቃምተ ዦጋ ናአያ ጋራዞደስ ይእዳ። ኤ አዳይ ሱንꬅተ ዛካርያሳ ጋእ ሱንꬆደስ ኮይዳ።
LUK 1:60 የዝን እንታ፥ «አደ፥ ዋሐንሳ ጋእንቶደስ ቤዛነ» ያጋይዳ።
LUK 1:61 ኡንትን፥ «ነ እግኑꬃፓ Ꮉይ ሱንራ ጼግንትደ ኦደን ባያ» ያጋይዳ።
LUK 1:62 ኤ አዳይ ኦና ጋእ ሱንꬆድ የዛኮ ኤሮደስ ኮይ ኤዛ ማላ ኦጭዳ።
LUK 1:63 ኤ ጻፍዘባዝ ኦጪ ኤኪ፥ «ኤ ሱንꬅታ ዋሐንሳ» ጋእ ጻፍዳ። ኡቡንꬅ ኤ ጻፍዳኖ ብእ ጋማ ቆፕዳ።
LUK 1:64 ኢራ ዛካርያሳ እልአንꬅታ ብልንትዳ፥ ጾዝ ጋላትተራ ኦህንተ አይክዳ።
LUK 1:65 ዶꬁንꬅ ኡባ ዣሽሞራ ኩምዳ። Ꮉና Ꮉንዳና አለ ይሁዳ ሳአ ኦህንትዳ።
LUK 1:66 ይኖ ስኤዘ ኡቡንꬅ፥ «Ꮉይ ናአይ አኮ ይአድ የሳ?» ጋእ ፋ ግዳ ኦህንትዳ። ላꬄ ኩሽታ ኤራ የነ።
LUK 1:67 ዋሐንሳ አዳይ ዛካርያሳ ጌሽ አያናራ ኩሚ Ꮉኒ ጋራ ያጋእ ትንቢተ ኦህዳ።
LUK 1:68 «እስራኤለ ላꬄ ጾዘ ጋላትንቶ፥ ይእ ፋ አሱንꬃና ዎዝዳ።
LUK 1:69 ፋ አርዘ ዳዉተ ኬꬃ አቶትꬅ ዎልቃ ደንꬅዳ።
LUK 1:70 ይናን ዛጋ ዎደ ጌሽ ናቡንꬅ ዶንተ ኦህንትዳን ፋና፥
LUK 1:71 ኤ አሽታ ኑ ሞርኩንꬃፓን ኑራ ኦልንትዘ ኡቡንꬅ ኩሽትፓ።
LUK 1:72 ይኖ ኤ ኦችዳና ኑ አዱንꬅስ ፋ ማሮትꬅቶ ቤሳደስን፥ ፋ ጌሽ ጫቅቶ ናጎደስ።
LUK 1:73 ኑ አዳይ አብራሃማስ ጫቂደ ጫቅቶ ቆፖደስን
LUK 1:74 ኑ ሞርኩንꬅ ኩሽትፓ ኬሲ ዣሽሞ ባይꬅ ኤዛ ኪትንቶደ ፋና።
LUK 1:75 ኑ በርተ ኡባነ ጌሻትꬃራን ጽሎትꬃራ ፋ ቲንተ ኑና ኤሶደስ።
LUK 1:76 ታ ናአዮ፥ ኔኒ ኡባፓ ካታራ ጾዘ ናበ ጋእንቶዳ። ላꬄ ኦግቶ ሎይꬆደስ ነ ኤ ቲንተ Ꮉንጎዳ።
LUK 1:77 ኡን ናጋርታ ኡጭንትን፥ ኡን አቶትꬅ ኤራ ደንጎዳኖ ነ ላꬄ ዎርዥትስ ኦሆዳ።
LUK 1:78 ኑ ጾዘ ሎኦ ማሮትꬅትፓ ደንዲ ዎንታ ጻልቀ ኑስ ሳሎፓ ከዝዳ።
LUK 1:79 ይናን ꬉማ ግዳን፥ Ꮉይቆ ዳሾ ኦሞ የዙንꬅስ ፎእሳደስ፥ ኑ ቶህቶን ሳሮ ኦገጎ ማሆደስ» ያጋይዳ።
LUK 1:80 ናአይ ድጭዳ፥ አያናራ ምንግዳ፥ እስራኤለ አሱንꬅስ በንቶደ ዎንꬅስ አኮ ባይዘ ጋናሳ የዝዳ።
LUK 2:1 የ ዎደ ሮመ ጋደ የዘ አስ ኡቡንꬅ ፋይድንቶደ ፋናን ሱንꬅታ ጻፍንቶደ ፋና ካት አዉግስጾሳ ኪትዳ።
LUK 2:2 ይናን ቀረኖሳ ሶርያ ጋደ አህዘ ዎደ ኦችንትደ ቲኖ ፋይዶ።
LUK 2:3 ይኒ ግሾ፥ ፈቲ ፈቲ አስ ፋ ሱንꬅቶ ጻፍንቶደስ ፋ የልንትደ ጋደ ቅትዳ።
LUK 2:4 ዮሴፋን ዳዉተ ኬꬃፓን ኮቻፓ ማቅደ ግሾ ጋልላ ናዝረተ ካታማፓ ደንዲ ዳዉተ ካታማ ማቅደ ይሁዳ ቤተለመ ቅትዳ።
LUK 2:5 Ꮉንጎደራ፥ የሎደስ ዎደ Ꮉልእደ ኤ ኦጪ ጋድደ፥ ማይራምራ ዎላ ጻፍንቶደስ Ꮉንግዳ።
LUK 2:6 ኡን እዘ የዝን ኢስ የሎ ዎደ የልዳ።
LUK 2:7 ፋ አንግስ ናአያ የልዳ። ጩርቃራ ጻጺ ዛቆ አቅዘ ኬꬅ በሲ ꬋብደ ግሾ ጎንጋ ግዳ ዎይꬅዳ።
LUK 2:8 ይና ጋድተ ቃማ ዱሮ ዉደ የንግተ ዞዘ አቅዘ ዉደ የንግዙንꬅ የነ።
LUK 2:9 ላꬄ ኪታንቾ ይእ ኡን ካለ ኤቅዳ። ላꬄ ቦንቾ ኡን ካንቶ ዉቲ ፎእዳ፤ ኡንትን ዳማ ዣሽሞ ዣሽትዳ።
LUK 2:10 ኪታንችዘ ኡንትስ፥ «ዣሽትፐተ! ይኬ፥ አስ ኡባንስ ማቅደ ዳማ ኡፋይስ ምስራቾ ኤኪ ይእዳ።
LUK 2:11 ይናን፥ ዳዉተ ካታምተ አሽዛይ ይንትስ Ꮉይኖ የልንትዳ። ኤዝን ላꬄ ክርስቶሳ።
LUK 2:12 ይናን ይንትስ ማላ ማቀ፤ ዦጋ ናአይ ጩርቃራ ጻጽንት ጎንጋ ግዳ ዎይእዳያ ይን ደማዳ» ያጋይዳ።
LUK 2:13 ቆፕካይዝን ጋማ ሳሎ ኪታንቹንꬅ ኪታንችዘራ ፈትላ በንቲ፥ ያጋእ ጋላትዳ፥
LUK 2:14 «ቦንቾ ጾዘስ አፋ ሳሎ፥ ሳሮትꬅ ሳአላ አፋ ጾዚ ካዽዘ አስስ ማቀ።» ያጋይዳ።
LUK 2:15 ኪታንቹንꬅ ኡንታፓ ሻክንት ሳሎ ከዝዳንፓ ሱባ ዉደ የንግዙንꬅ፥ «አነ ላꬂ ኑስ ቆንጭዝደ ባዝን Ꮉንዳኖ በአደስ ቤተለመ የꬎተ» ያጋይዳ።
LUK 2:16 ኡንትን ኤልሲ Ꮉንግዳ። ማይራሞ፥ ዮሴፋን ዦጋ ናአይ ጎንጋ ግዳ ዎይእዳያ ብእዳ።
LUK 2:17 ብእ ማቂ ናእባዝ ኡንትስ ኦህዳኖ፥ ጌሽ ይና በስተ የዘ አሱንꬅስ ማርክꬍዳ።
LUK 2:18 ይኖ ስእደ ኡባ ዉደ የንግዙንꬅ ኦህዳኖ ጋማ ቆፕዳ።
LUK 2:19 ማይራማ Ꮉንደ ባዝ ኡባ ፋ ዎዝንተ ቆፕተራ የነ የሻ።
LUK 2:20 የንግዙንꬅ ኡንትስ ኦህዳን ጋራ ይእን ብእዳ። ይኒ ግሾ፥ ፋ ስእደባዝስን ብእደባዝ ኡባንስ ጾዘ ቦንችተን ጋላትተ ማቅዳ።
LUK 2:21 ኦስፉንꬃ ቃምተ፥ ጋራዘ ዎደ የልን፥ ኢስ አግና አቶዳንፓ ቲኖ ኪታንቾ ጋድደ ሱንꬅተ የሱሳ ጋእንትዳ።
LUK 2:22 ሙሴ ህገ ፋና ኡን ጌዥዘ ዎደ ፎልንትዳንፓ ሱባ ዮሰፋራን ማይራምራ ዦጋ ናአ ፋ ላꬄስ እማደስ የሩሳላመ ቅትዳ።
LUK 2:23 ይናን፥ ላꬄ ህገራ፥ «ꬊራꬅ ማቅደ አንግስ ናአ ኡቡንꬅ ላꬅስ ዱሙꬍዳያ ማቀ» ጋእንት ጻፍንትዳኖ ፎሎደስ።
LUK 2:24 ማህ ላꬄ ህገ፥ ላምእ ኮካ ዎይ ዎለ ዣርሾደስ ካንግዳ።
LUK 2:25 የ ዎደ ጌሽን አማኖራ ምንꬂ ማቅደ ስሞና ጋእንትዘ አꬄ የሩሳላመ የነ። ኤ እስራኤሉንꬃና አሽዛ ናግተራ የነ። ጌሽ አያናን ኤላ አፋ የነ።
LUK 2:26 ማህ ክርስቶሳ ብእካይዛራ Ꮉይቃማኖ ጌሽ አያና ኤስ ቤዝን ኤሪ የነ።
LUK 2:27 ኤ የ ዎደ አያና ካልꬅን ጾዘ ኬꬃ ቅትዳ። ናአይ እንትራን አደራ ዎጋ ፎሎደስ ዦጋ ናአያ የሱሳ ኤኪ ገልደ ዎደ።
LUK 2:28 ስሞና ሞኪ ኤኪ ናአያ እርንግ፥ ያጋእ ጾዝ ጋላትዳ።
LUK 2:29 «ላꬆ ነ ታስ ገልደ ቃልት ፋና፥ Ꮉተ ነ አርዛ ሳሮራ ሞይዞ።
LUK 2:30 ታ ኣፍታ አስ ኡቡንꬅ ቲኖ ነ ጊግዝደ፥
LUK 2:31 ነ አቶትꬅቶ ብእዳ።
LUK 2:32 ይናን አይሁደ ማቆሰ ኡቡንꬅስ፥ ጾዘ ኦግቶ ጌሽዘ ፎኦ፥ ነ አሱንꬅ እስራኤሉንꬅስ ቦንቾ» ያጋይዳ።
LUK 2:33 ዮሰፋራን ማይራምራ ኤ ባዝ ኦህንትዳነ ጋማ ቆፕዳ።
LUK 2:34 ስሞና ኡንታና አንጅዳ። እንታ ማይራምጎ፥ «ይኬ Ꮉይ ናአይ ጾዛፓ ዶርንትደ ጋማ እስራኤሉንꬅስ ኡን ጎልእትስን ኡን ደንድትስ ማላ ማቃዳ። ይኖን ጋሙንꬅ እጻነ።
LUK 2:35 ነ ሸምፕታን ማህ ማሻራ ጫድንቶዳ» ያጋይዳ።
LUK 2:36 ማህ አሴረ ኮቻፓ ማቅደ ፋኑኤላ ናእታ ሐና ጋእንትዘ ናብታ የነ። እዛ ጋማ ጭንግዳ፤ እዛ አዝንዘራ ላፑን በረ የዝዳ።
LUK 2:37 እ አዝንዘ Ꮉይቂን ኦስፉን ታም ኦይዲ በረ ማቃደ ዎንꬅስ ቃማን አዋራ ፋጨ ባይꬅ ዎሳራን ጾማራ ጾዘ ኬꬃ ኦቻነ።
LUK 2:38 እዛ ይና ሳተ Ꮉንግ ጾዝ ጋላትዳ፤ የሩሳላመ አቶትꬅ ዎደ ናግዘ ኡቡንꬅስ ዦጋ ናአይ ባዝ ማርክꬍዳ።
LUK 2:39 ዮሰፋራን ማይራምራ ላꬄ ህግተ ኪትንትደ ዎግቶ ኡባኖ ፎልዳንፓ ሱባ ጋልላ ሳአ የዘ ፋ ካታማ ናዝረተ ማቅዳ።
LUK 2:40 ናአይ ድጭተራን ምንግተራ Ꮉንግዳ። ጭንጫትꬃራ ኩምዳ፤ ጾዘ አꬎ ከሃትꬅታ ኤላ አፋ የነ።
LUK 2:41 ዮሰፋራን ማይራምራ ፋስካ ባአለ ቦንቾደስ ኡባ በረ የሩሳላመ ቅታነ።
LUK 2:42 የሱሳስ ታጶ ላምእ በረ ማቅደ ዎደ ቲኖፓ Ꮉንግዛኒ ፋና ባልቶ ቦንቾደስ Ꮉንግዳ።
LUK 2:43 ባአለ ቦንችዳንፓ ሱባ ካራ ማቅዘ ዎደ ናአይ የሱሳ የሩሳላመ አትዳ። የዝን ዮሰፋራን ማይራምራ ኤ የሩሳላመ አትዳኖ ኤርካያ።
LUK 2:44 ኤ ካራ ማቅደ አሳራ የዘ ጋራ ይእን ኡን ፈቲ ቃማ ኦገ የꬍዳ። ኤ ባይዛኖ ኤርዳንፓ ሱባ ፋ እግኑንꬅ ካለን ላጉንꬅ ካለ ኮይዳ።
LUK 2:45 ኤ እዘ ꬋብን ኮይተራ ሱባ የሩሳላመ የሎደስ ይእዳ።
LUK 2:46 Ꮉይꬕ ቃማፓ ሱባ ጾዘ ኬꬃ አስታማሩንꬅ ግዳ በቲ ኡንባዝ ስእተን ኡንታና ኦጭተራ የዝን ደንግዳ።
LUK 2:47 ኤዛ ስእዘ ኡቡንꬅ ኤ ቆፍተን ማህተ ጋማ ቆፕዳ።
LUK 2:48 ካራ አሱንꬅ ኤዛ ደንግደ ዎደ ጋማ ቆፕዳ። ኤ እንታን፥ «ታ ናአዮ፥ አኮስ ኑና Ꮉንጋራ ኦችዶ? ነ አደራን ታራን ነና ኮይተራ ዋይዳ» ያጋይዳ።
LUK 2:49 የሱሳ ኡንታጎ፥ «ታና አኮስ ኮየ? ታኒ፥ ታ አዳይ ኬꬃ የሳደስ ቤዛኖ ኤሮሶ?» ያጋይዳ።
LUK 2:50 የዝን ኤ ኡንታጎ ጋይዳኖ ኡን ቲሪካያ።
LUK 2:51 ይንፓ ሱባ፥ ኡንታራ ዎላ ናዝረተ ካታማ ይእዳ። ኡንትስ ኪትንቲ የዝዳ። ኤ እንታ ይና ኡባባዝቶ ዎዝንተ ጋዲ ናጋነ።
LUK 2:52 የሱሳ፥ ጭንጫትራ፥ ኡደ ድቻራን ሳባራ ጾዝ ቲኖን አስ ቲኖ ድጫነ።
LUK 3:1 ካት ጢባርዮሳ ሮመ ጋደ ካእትን፥ ታጶ እቻንꬆ በረ፥ ጰንጤ ጵላጦሳ ይሁዳ አህዘ ዎደ ሄሮድሳ ጋልላ አህዘ ዎደ ኤ እሸ ፍልጶሳ እጡርያሳን ጥራኮንዶሳ አህዘ ዎደ ልሳንዮሳ አብላንሳ አህዘ ዎደ
LUK 3:2 ሃናራን ቃያፋራ ካህኑንꬅ Ꮉላቃ ማቂ የዝን፥ ጾዘ ቃላ ዛካርያሳ ናአ ዋሐንሳጎ አኮ ባይዘ ጋናሳ ይእዳ።
LUK 3:3 ዋሐንሳ፥ «ይን ናጋርትፓ ማቂ ጻማቅንቶተ። ጾዚ ይን ናጋርቶ አቶ ጋኦዳ» ያጋእ ታማርስተ ዮርዳኖሳ ቦርካ ጋጻራ የዘ ሳአ ኡባ ቅትዳ።
LUK 3:4 ይናን ናበ ኢሳያሳ ፋ ማጻፍተ፥ «አኮ ባይዘ ጋናሳ ግዳ ፋ ቃልቶ ꬎቅ ዪዝ፥ ኡክዘ አꬄ ቃልታ፥ ‹ላꬄ ኦግቶ ጊግዞተ፥ ዎሮግቶን ሉልዞተ።
LUK 3:5 ዶቺ ኡባ ኩሞዳ፥ ደረን ꬎቃ በስን ዝቅ ጋዉዳ። ዎቦ ኦግታ ሉሎዳ፥ ጊጎሰ ሆሮግታ ጊጎዳ።
LUK 3:6 አስ ኮች ኡባ፥ ጾዘ አቶትꬅቶ በአዳ› » ጋእ ጻፍዳንፋና Ꮉንዳ።
LUK 3:7 ዋሐንሳ፥ ፋ ኩሽተ ጻማቅንቶደስ ይእደ ጋማ አሱንꬃጎ፥ «Ꮉንꬅ፥ ሾሽ ናኡንꬆ ዮኦደስ የዘ Ꮉንቆፓ አቶደ ጋር ይንታና ዞርደ ኦደ?
LUK 3:8 ይኬ፥ ይን ማርንተስ ቤዘ ሎኦ ኦቻ ኦቾተ፥ ይን ዎዝንተ፥ ‹ኑስ፥ ኑ አዳይ አብራሃማ የነ ጋእ ጬቅንትፐተ።› Ꮉንካ ስኦተ፥ Ꮉንꬅ ሹቹንꬃፓ ጾዚ አብራሃማስ ናአ ኬሶደስ ዳንዳአነ።
LUK 3:9 Ꮉተ፥ ጋንደ ምንጻ ጻጶ የነ። ይኬ፥ ሎኦ ኣፈ አፎሰ ምንጻ ኡባ ጋችንቲ ታማ ኦልንቶዳ» ያጋይዳ።
LUK 3:10 አሱንꬅ፥ «ዬዝን ኑኒ አኮ ኦቾደ?» ያጋእ ኦጭዳ።
LUK 3:11 ዋሐንሳ ማህ፥ «ላምእ አፉላ የዘ አስ ባይዘስ ሻጎ። ካꬃ የዘ ባይዘስ ሻጎ» ያጋይዳ።
LUK 3:12 ቃራጠ ጋችዙንꬂ ጻማቅንቶደስ ይእ፥ «አስታማርዛዮ፥ ኑኒ አኮ ኦቾደ?» ያጋይዳ።
LUK 3:13 ኤ ማህ፥ «ይን ጋችሳደስ ቤዛንፓ አꬂ ኤክፐተ» ያጋይዳ።
LUK 3:14 ማህ ዎታዳሩንꬅ ይእ፥ «ኑኒ አኮ ኦቾደ» ያጋእ ኦጭዳ። ዋሐንሳ፥ «ኦባዝን ዎልቃራ ዳፊ ኤክፐተ፥ ኦደን ዎርዶራ ሞትፐተ፥ ይን ዳሞዝታ ይንትስ ማቃዳ» ያጋይዳ።
LUK 3:15 አሱንꬅ ክርስቶሳ ኡፋይሳራ ናጊ የዘ ግሾ ዋሐንሳ፥ «ኤ ክርስቶሳ ማቃነ?» ያጋእ ፋ ዎዝንተ ቆፕዳ።
LUK 3:16 ዋሐንሳ ኡቡንꬅስ ማህ፥ «ታኒ ይንታና Ꮉꬃራ ጻማቃነ፥ የዝን ታፓ አꬊ ሚንግዘ የኦዳ። ታኒ ኤ ጫማ ጋድቶ ብሎደስ ቤዞሰ አስ። ኤ ይንታና ጌሽ አያናራን ታማራ ጻማቆዳ።
LUK 3:17 ኡዱማ የዘ ካꬃ ጌሾደስ ፍꬄ ኤ ኩሽተ የነ። ጌሽ ካꬃ ፋ ፋችተ ጉሶዳ፤ ቡርቶ ꬋቦሰ ታማር ምቾዳ» ያጋይዳ።
LUK 3:18 ማህ ዋሐንሳ አሱንꬃና ጋማ ዞሪ ዎንገለ ኦህዳ።
LUK 3:19 የዝን ዋሐንሳ ሄሮድሳ ፋ እሸ ማችቶ፥ ሄሮድያዳ፥ ኤክደ ግሾን መለ ኢታ ኦችት ግሾ ካጭደ ዎደ
LUK 3:20 ሄሮድሳ ካሰንላ አፋ መለ ኢታ ባዝ ኡባ ጉጂ ዋሐንሳ ዎይነ ገልꬅዳ።
LUK 3:21 ዋሐንሳ አጭንቶዳንፓ ቲኖ አስ ኡባ ጻማቂ ማቅን፥ የሱሳን ማህ ጻማቅንትዳ። ኤ ዎሶደራ ሳሎ ቡጉንትዳ።
LUK 3:22 ጌሽ አያና ዎለ ፋና በንትተራ ኤላ አፋ በትዳ። ሳሎፓ «ታ ካዽዘ ናአይ ነና፤ ነ ታና ኡፋይሳነ ያጋእዘ» ቃላ ይእዳ።
LUK 3:23 የሱሳ ታማርሰ አይክዘ ዎደ ኤስ Ꮉስታም በረ ማቃደራ፥ አሱንꬅ ኤዛ ዮሰፋ ናአ ጋእ ቆፕዳ። ዮሰፋ ኤለ ናአ፥
LUK 3:24 ኤለ ማተ ናአ፥ ማተ ሌወ ናአ፥ ሌወ ማልካ ናአ፥ ማልካ ዮና ናአ፥ ዮና ዮሰፋ ናአ፥
LUK 3:25 ዮሰፋ ማታተ ናአ፥ ማታተ አሞጸ ናአ፥ አሞጸ ናሆመ ናአ፥ ናሆመ አስሊመ ናአ፥ አስሊመ ናገ ናአ፥
LUK 3:26 ናገ ማአተ ናአ፥ ማአተ ማታትየ ናአ፥ ማታትየ ሳማየ ናአ፥
LUK 3:27 ሳማየ ዮሰፋ ናአ ዮሰፋ ይሁዳ ናአ፥ ይሁዳ ዮናነ ናአ፥ ዮናነ ራሰ ናአ፥ ራሰ ዘሩባበላ ናአ፥ ዘሩባበላ ሳላትያለ ናአ፥ ሳላትያለ ኔረ ናአ፥
LUK 3:28 ኔረ ሚልኪ ናአ፥ ሚልኪ ሃደ ናአ፥ ሃደ ቆሳመ ናአ፥ ቆሳመ ኤልሞዳነ ናአ፥ ኤልሞዳነ ኤራ ናአ፥
LUK 3:29 ኤራ ዮሰኤ ናአ፥ ዮሰኤ አላዛረ ናአ፥ አላዛረ ዮራመ ናአ፥ ዮራመ ማተ ናአ፥ ማተ ሌወ ናአ፥
LUK 3:30 ሌወ ስሞና ናአ፥ ስሞና ይሁዳ ናአ፥ ይሁዳ ዮሰፋ ናአ፥ ዮሰፋ ዮናነ ናአ፥ ዮናነ ኤልያቀመ ናአ፥
LUK 3:31 ኤልያቀመ ማልየ ናአ፥ ማልየ ማይናነ ናአ፥ ማይናነ ማተ ናአ፥ ማተ ናታነ ናአ፥ ናታነ ዳዉተ ናአ፥
LUK 3:32 ዳዉተ እሰይ ናአ፥ እሰይ እዮቤደ ናአ፥ እዮቤደ ቦኤዛ ናአ፥ ቦኤዛ ሳልሞና ናአ፥ ሳልሞና ናአሶና ናአ፥
LUK 3:33 ናአሶና አምናዳበ ናአ፥ አምናዳበ ራመ ናአ፥ ራመ አርነ ናአ፥ አርነ አስሮመ ናአ፥
LUK 3:34 አስሮመ ፋረሰ ናአ፥ ፋረሰ ይሁዳ ናአ፥ ይሁዳ ያይቆባ ናአ፥ ያይቆባ ይሳቃ ናአ፥ ይሳቃ አብራሃማ ናአ፥ አብራሃማ ታራ ናአ፥
LUK 3:35 ታራ ናኮረ ናአ፥ ናኮረ ሳሩገ ናአ፥ ሳሩገ ረሁ ናአ፥ ረሁ ፋለቀ ናአ፥ ፋለቀ ኤቤራ ናአ፥ ኤቤራ ሴላ ናአ፥
LUK 3:36 ሴላ ቃይናነ ናአ፥ ቃይናነ አርፋክሳዳ ናአ፥ አርፋክሳዳ ሴመ ናአ፥ ሴመ ኖሄ ናአ፥ ኖሄ ላመሄ ናአ፥
LUK 3:37 ላመሄ ማቱሳላ ናአ፥ ማቱሳላ ሄኖኬ ናአ፥ ሄኖኬ ያረደ ናአ፥ ያረደ ማላልኤላ ናአ፥ ማላልኤላ ቃይናነ ናአ፥
LUK 3:38 ቃይናነ ሄኖሳ ናአ፥ ሄኖሳ ሴታ ናአ፥ ሴተ አዳማ ናአ፥ አዳማ ጾዝ ናአ።
LUK 4:1 የሱሳ ጌሽ አያናራ ኩሚ ዮርዳኖሳ ቦርካፓ ማቅደ ፋና አያና ኤዛ አኮ ባይዘ ጋናሳ ካንግዳ።
LUK 4:2 እዘ ኦይታም አዋራን ቃማ ጻላሄራ ፋታንንትዳ። የ ዎድተ አኮን ሙእካይዛራ ጋምእደ ግሾ ዉርሱꬅተ ናይꬍዳ።
LUK 4:3 ጻላሄ ኤጎ፥ «ኔኒ ጾዘ ናአ ማቅኮ አነ Ꮉይ ሹችዛ ዳቦ ማቆ ጋእ ኪቶ» ያጋይዳ።
LUK 4:4 የሱሳ ማህ፥ «አስ ዳቦ ጻላላራ የዞስ ጋእንት ጾዘ ቃልተ ጻፍንትዳ» ያጋይዳ።
LUK 4:5 ይንፓ ሱባ፥ ጻላሄ የሱሳ ጳርጎ ደረላ አፋ ኬሲ Ꮉና አላምት ካእቱምቶ ኣፈ ቅጲ ማቃደስ ቤዝዳ።
LUK 4:6 ጻላሄ፥ «Ꮉና ኡባንስ አደትꬅ ዎልቃ ቦንቾን ታስ እንግንትዳ። ታኒ ካዽዘ ኦደስን እንግዘ ግሾ ኔስ እንጎዳ።
LUK 4:7 ይኒ ግሾ፥ ነ ታስ ጎይንዛኮ ኡባ ኔስ ማቃዳ» ያጋይዳ።
LUK 4:8 የሱሳ ማህ፥ «ነ ላꬃ፥ ነ ጾዛ፥ ኤዛ ጻላላ ጎይኖን ኤስ ኦቾ ጋእንት ጾዘ ቃልተ ጻፍንትዳ» ያጋይዳ።
LUK 4:9 ዉርሱꬅተ ጻላሄ የሱሳ የሩሳላመ ካንግ ጾዘ ኬꬅትስ ኩስተላ አፋ ኤስ፥ ኔኒ ጾዘ ናአ ማቅኮ አነ ሱለ ሳአ ነና ኦሎ።
LUK 4:10 አኮስ ጋይኮ፥ « ‹ነና ናግዘ ፋ ኪታንቾ ነ ግሾ ኪቶዳ ጋእንት ጾዘ ቃልተ ጻፍንትዳ።
LUK 4:11 ኡን ነ ቶህታ ሹቻላ ꬉቡንታመ ጋር፥ ፋ ኩሽተ ꬎቅ ዪዚ ነና ደንꬆዳ› ጋእንት ጾዘ ቃልተ ጻፍንትዳ» ያጋይዳ።
LUK 4:12 የሱሳ ማህ፥ «ነ ላꬃ ጾዛ ፋታንፐ ጋእንት ጾዘ ቃልተ ጻፍንትዳ» ያጋይዳ።
LUK 4:13 ጻላሄ የሱሳ ፋታንቶ ኡባ Ꮉስዳንፓ ሱባ መለ ዎትዘ ዎደ ደንጎደ ዎንꬅስ ኤፓ ሻክንትዳ።
LUK 4:14 የሱሳ ጌሽ አያና ዎልቃራ ኩሚ ጋልላ ማቅዳ። ኤ ሱንꬅታ ካለ የዘ ሳአ ኡባ ከዝዳ።
LUK 4:15 ኤ አይሁደ ዎሳ ኬꬃ ገሊ ታማርስዳ፤ አሱንꬅ ኡቡንꬅ ኤዛ ጋላትዳ።
LUK 4:16 እዝፓ ኤ ድጭደ ካታማ ናዝረተ ይእዳ። ቲኖ ኦችዛን ፋና ሳምባታ ዎደ አይሁደ ዎሳ ኬꬃ ገልዳ። ናባቦደስን ደንዲ ኤቅዳ።
LUK 4:17 ናበ ኢሳያሳ ማጻፍዘ ጻጽንትዳያ ኤስ እንግን፥ ቡጊ፥ Ꮉንጋራ ያጋእ ጻፍንትዳኖ ደንግዳ፦
LUK 4:18 «ላꬄ አያና ታላ አፋ የነ፥ ዳሁንꬅስ ዎንገለ ኦሆደ ፋና ጾዚ ታና ዶርዳ። አጭንትዱንꬅስ ብልንተ፥ ቆቅዱንꬅስ በኤ ኡንእንትዱንꬃና ዋሎ ኬሶደስ፥
LUK 4:19 ጾዚ አሾደስ ቆፕደ በርቶ ኦሆደ ፋና ታና ኪትዳ» ያጋይዳ።
LUK 4:20 ይንፓ ሱባ፥ ማጻፍዛ ጻጺ አይሁደ ዎሳ ኬꬃ እንግዳ። አይሁደ ዎሳ ኬꬃ የዘ አሱንꬅ ኡባ ዳኪ በእነ።
LUK 4:21 ኤ፥ «Ꮉይቼ ይን Ꮉይትራ ይን ስእዘ Ꮉና ማጻፈ ቃልታ Ꮉይኖ ፎልንትዳ» ያጋይዳ።
LUK 4:22 ኡቡንꬅ ኤ ባዝ ሎኦ ባዝ ኦህንታነ። ማህ ኤ ዶንትፓ ከዘ አꬎ ኬሃትꬅ ኩምደ ቃላትፓ ደንድ ጋማ ቆፒ፥ «Ꮉይ ዮሰፋ ናአ ባነ?» ያጋይዳ።
LUK 4:23 ኤ፥ « ‹አክምዛዮ አነ ነና አሾ፥ ቅፍርናሆመ ግዳ ነ ኦችዳኖ ኑ ስእዳኖ ማህ Ꮉነ ነ ካታምተ ኦቾ› ያጋእዘ አዝዘራ ይን ታና ጋውዳንስ ሶኤ ባያ» ያጋይዳ።
LUK 4:24 ማህ፥ «ቱሮ ኦህነ፤ ናበ ፋ የልንትደ ጋድተ ቦንችንቶስ።
LUK 4:25 «ታ ይንትስ ቱሮ ኦህነ፤ ሳሎ Ꮉይꬕ በረን ባገ ጎርድንትን ምንꬅ ናየ ሳአላ ኡባ የዘ ኤልያሳ ዎደ ጋማ ቡዳኑንꬅ እስራኤለ ግዳ የነ የሻ።
LUK 4:26 ኤልያሳ ኡንታፓ ፈትጎን ኪትንትካያ። የዝን ሳራፕታ ግዳ የዘ ፈቲ ቡዳንትጎ ኪትንትዳ።
LUK 4:27 ናበ ኤልሳኤ ዎደ እስራኤለ ግዳ ጋማ ቁርሱማራ Ꮉርግንትዙንꬅ የነ የሻ። የዝን ሶርያ አꬄ ንእማነፕ አትን ኦደን ፋጽካያ» ያጋይዳ።
LUK 4:28 አይሁደ ዎሳ ኬꬃ የዘ አስ ኡቡንꬅ ይኖ ስኤዘ ዎደ ጋማ ዥልꬍዳ።
LUK 4:29 ፋ በትደ በስትፓ ደንዲ ደረላ አፋ ኬጽንትደ ካታምትፓ ጋጻ ኬሲ ኡርቂ ዳኮደስ ጋጋ ዶና ካንግዳ።
LUK 4:30 የዝን ኤ ኡን ግዳራ ካንꬂ አꬍዳ።
LUK 4:31 እዝፓ ጋልላ ሳአ የዘ ቅፍርናሆመ ካታማ ቅትዳ። እዘ ሳምባታ ዎደ አሱንꬃና ታማርስዳ።
LUK 4:32 ኤ ታማርስዛና አደትꬅ ዎልቃራ ማቅደ ግሾ ኡቡንꬅ ኤ ትምርትተ ጋማ ቆፕዳ።
LUK 4:33 አይሁደ ዎሳ ኬꬃ ቱና አያና አይክደ አꬄ የነ።
LUK 4:34 ኤ፥ «ናዝረተ የሱሳ ኑና አኮስ ዋይ ኑፓ Ꮉኮ፤ ነ ይእዳና ኑና ꬋብሶደስነ? ነ ኦና የዛኮ ታ ኤራነ። ኔኒ ጾዘፓ ይእደ ጌሽ» ያጋእ ኡክዳ።
LUK 4:35 የሱሳ ቱና አያንዘጎ፥ «ስእ ጋእ Ꮉይ አꬄፓ ከዞ» ያጋእ ካጭዳ። ቱና አያንዘ አꬃ አስ ኡቡንꬅ ቲኖ ኦሊ አሺ አኮን ቆህካይዛራ ዳኪ ከዝዳ።
LUK 4:36 አሱንꬅ ኡባ ጋማ ቆፕዳ። ዎልጎ፥ «ዬዝን፥ Ꮉና አኮ ትምርተ? ቱና አያኑንꬃና አደትꬅ ዎልቃራ ኪታነ፤ ኡንትን ከዛነ» ያጋይዳ።
LUK 4:37 ኤ ሱንꬅታ ካራ ጋንጨ ኡባ ከዝዳ።
LUK 4:38 ይንፓ ሱባ፥ የሱሳ አይሁደ ዎሳ ኬꬃፓ ኬዚ ስሞና ኬꬃ ገልዳ። ስሞና ማችት እንታ ምንꬂ ኦማ ኦꬅን ምቻ Ꮉርግንትዳ። እዞ ፋꬆደ ጋር የሱሳ ዎስዳ።
LUK 4:39 እ ይꬅትጎ ሺቂ ዙጊ እ Ꮉርግዛ ሴርዳ። ምችታ አሽን ኤልሲ ደንዲ ኡንታና ሞክዳ።
LUK 4:40 አዋ ገሎደስ ይአደራ ዱማ ዱማ Ꮉርገራ አይክንትደ አሱንꬃና ኤጎ ክእዳ። ኤ ፈተላ ፈተላ አፋ ፋ ኩሽቶ ጋዲ ፋꬅዳ።
LUK 4:41 ቱና አያኑንꬅ ማህ፥ «ኔኒ፥ ጾዘ ናአ» ጋእ ዉይስተራ ጋማ አሳፓ ከዝዳ። የዝን ኤ ኡንታና ካጭዳ። ኤ ክርስቶሳ ማቅዳኖ ኡን ኤርዘ ግሾ ፈቲ ባዝን ኦሃመ ፋና ካይዳ።
LUK 4:42 Ꮉጋ ዎንትዘ ዎደ የሱሳ ፈቲ አስ ባይዘ በሳ ቅትዳ። አሱንꬅ ኮይተራ ኤ የዘ በስተ ይእዳ። ኡንታፓ ኤ ሻክንት ቅታመ ጋር ካይዳ።
LUK 4:43 የዝን ኤ፥ «ታኒ መለ ካታማ Ꮉንግ ጾዘ ካእቱሞ ዎንገለ ማርክꬋደስ ቤዛነ። ታ ኪትንትዳና ይንስ» ያጋይዳ።
LUK 4:44 ይሁዳ ሳአ የዘ አይሁደ ዎሳ ኬꬃ ሳባክዳ።
LUK 5:1 ፈቲ ዎደ የሱሳ ጌንሳሬጠ አባ ካለ ኤቀዝን ጋማ አሱንꬅ ኤ ካንቶ ዉቲ ኤዛ ኡንእꬅ፥ ኤ ታማርስዘ ጾዘ ቃልቶ ስእነ።
LUK 5:2 እዘ Ꮉꬅ ጋጻ የዘ ላምእ ጎንጉንꬃና ብእዳ። ሞሎ አይክዘ አሱንꬅ ጎንጉንꬃፓ ዎꬊ ፋ ሞሎ አይክዘ ግትቶ ሜጫነ የሻ።
LUK 5:3 የንꬅ ጎንጉንꬃፓ ስሞናሰ ግዳ ገሊ ሳአፓ ኤራꬅ ግዳ ሺሾደ ፋና ኦጭዳ። የይዝ፥ የ ጎንግዘላ አፋ በቲ አሱንꬃና ታማርስዳ።
LUK 5:4 ፋ ታማርስዛኖ Ꮉስዳንፓ ሱባ ስሞናጎ፥ «ጎደ ጌንትጎ ሺሺ ሞሎ አይኮደስ ይን ግትዛ ኦሎተ» ያጋይዳ።
LUK 5:5 ስሞና ማህ፥ «አስታማርዛዮ፥ ቃማ ኩሙꬅ ላቢ አቂ አኮን አይክካያ፥ የዝን ነ ጋይኮ ግትዛ ኦሎዳ» ያጋይዳ።
LUK 5:6 ኡን ግትዛ ኦልደ ዎደ ግትዘ ፈꬍንቶደ ዎንꬅስ ጋማ ሞሎ አይክዳ።
LUK 5:7 መለ ጎንገ የዘ ፋ ላጉንꬅ ይእ፥ ፋና ማዶደ ጋር ዉቲ ጼግዳ። ኡን ይእ ላምእ ጎንግታ፥ Ꮉꬅተ ቆꬍንቶደ ዎንꬅስ ሞሎራ ኩንꬅዳ።
LUK 5:8 ስሞን ጴጥሮሳ ይኖ በኤዘ ዎደ የሱሳ ቲንተ ቡንቁንቲ፥ «ላꬆ፥ ታኒ ናጋራር የዘ አስ ማቅደ ግሾ ታፓ Ꮉኮ» ያጋይዳ።
LUK 5:9 ይኖ ኤ ጋእዳና ኤዝን ኤራ የዙንꬅ አይክደ ሞሎ ጋማትꬅተ ጋማ ቆፕደ ግሾ።
LUK 5:10 ማህ ስሞና ዣመ ማቅደ ዛብዶሳ ናኡንꬅ ያይቆባራን ዋሐንሳራን ጋማ ቆፕዳ። የሱሳ ስሞናጎ፥ «ዣሽትፐ! ይኬፓ ኔኒ አስ አይክዘ አስ ማቃዳ» ያጋይዳ።
LUK 5:11 ኡን ጎንግቶ ጋጻ ሺሽዳንፓ ሱባ ኡባኖ አሺ የሱሳ ካልዳ።
LUK 5:12 የሱሳ ካታሙንꬃፓ ፈተ ግዳ የዝን ፈቲ ቁርሱማ Ꮉርገራ አይክንትደ አስ ይና ካታምተ የነ። የ አꬃይ የሱሳ ብእ ኤ ቲንተ ቡንቁንቲ፥ «ላꬆ፥ ነ ቆፋ ማቅኮ ታና ጌሾደስ ዳንዳአነ» ጋእ ዎስዳ።
LUK 5:13 የሱሳ ፋ ኩሽቶ ዳኪ ቦቺ፥ «ዬ፥ ታ ቆፋ፤ ጌዦ» ያጋይዳ። እዝራ ቁርሱማ Ꮉርግዘ አꬃ ዳክዳ።
LUK 5:14 የሱሳ፥ «Ꮉኖ ኦደስን ኦህፐ፥ የዝን Ꮉንግ ነ ጋልቶ ካህንዘ ቤዞ። ነ ጌዥዳንስ ማርካ ማቃደ ፋና ሙሴ ኪትደ ዣርሽቶ ዣርሾ» ጋእ ኪትዳ።
LUK 5:15 ማቆ የዝን፥ የሱሳ ሱንꬅታ ካሰንፓ አꬊ ዳልግተራ Ꮉንግዳ። ጋማ አሱንꬅ ኤ ኦህዛኖ ስኦደስን ፋ Ꮉርግትፓ ፋጾደስ የእነ።
LUK 5:16 የዝን ኤ ጋማ ዎደ ጌማ በሳ ቅቲ ዎሳነ።
LUK 5:17 ፈቲ ዎደ የሱሳ ታማርሶደራ ጋልላፓን ይሁዳ ካራ ጋንጨ ኡባፓ ማህ የሩሳላመፓን የኤዘ ፋርሳዉንꬅን ህገ አስታማሩንꬅ እዘ በትዳ። አስ ፋꬅዘ ላꬄ ዎልቅታን ኤራ የነ።
LUK 5:18 የ ዎደ አሱንꬅ ፈቲ ዎቦ አꬃ አልጋራ ቶኪ ክእዳ። ኬꬃ ገልꬂ ኤ ቲንተ ጋዶደስ ቆፕዳ።
LUK 5:19 የዝን አስ ጋማፓ ደንዲ ኬꬃ ገልꬆደስ ጋምን ኬꬃላ አፋ ኬዚ፥ ኬꬂ ኣፍቶ ቶኪ፥ Ꮉርግንትዛ አልግዘራ የሱሳ ቲኖ ኬꬅዳ።
LUK 5:20 የሱሳ ኡን አማንቶ ብእ፥ «ናተ አꬃዮ፥ ነ ናጋርታ ኡጭንትዳ» ያጋይዳ።
LUK 5:21 ህገ አስታማሩንꬅን ፋርሳዉንꬅ፥ «Ꮉይ ጾዘላ አፋ ያጋእ ኦህዘ ኦደ? ፈቲ ጾዘፕ አትን መለ ናጋራ ኡጮደስ ዳንዳእዘ ኦደ?» ያጋእ ቆፕዳ።
LUK 5:22 የሱሳ ኡን ቆፍቶ ኤርደ ግሾ ኡንታጎ፥ «ይን ዎዝንተ Ꮉኒ ጋር አኮስ ቆፐተ?
LUK 5:23 ‹ነ ናጋርታ ኡጭንትዳ ጋእዛንፓን ደንዲ ቅቶ ጋእዛንፓ አየ ፎለ?›
LUK 5:24 የዝን ታ ይኖ ጋይዳና አስ ናአይ ሳአላ አፋ ናጋራ ኡጮደስ አደትꬅ ዎልቃ የዛኖ ይን ኤሮደ ጋራ።» ይንፓ ካሊ፥ ዎቦ አꬃ፥ «ደንዶ፤ ነ አልግዛ ቶኪ ነ ካራ ቅቶ» ያጋይዳ።
LUK 5:25 ኤ ኢራ ደንዲ ኡን ቲንተ ኤቅዳ፤ ኤ ቶክንት ይእደ አልግዛ ቶኪ ጾዝ ጋላትተራ ፋ ካራ ቅትዳ።
LUK 5:26 የ ዎደ ኡቡንꬅ ጋማ ቆፕዳ። ጾዝ ጋላትተራ፥ «Ꮉይኖ ዳማ ክለ ባዝ ብእዳ» ያጋእ ዣሽትዳ።
LUK 5:27 ይንፓ ሱባ፥ የሱሳ የይጋፓ ኬዚ ቅትዳ። ሌወ ጋእንትዘ ፈቲ ቃራጠ ጋችዛይ ቃራጠ ጋችዘ በስተ በትዳያ ብእ፥ «ታና ካሎ» ያጋይዳ።
LUK 5:28 ኤ ኡባ ባዝ አሺ ደንዲ ኤዛ ካልዳ።
LUK 5:29 የ ሌዊዘ ፋ ካራ ዳማ ድግሳ ጊግዝዳ። ጋማ ጊራ ጋችዙንꬅን መለ አሱንꬅ ካꬃ ማአደስ በትዳ።
LUK 5:30 ፋርሳዉንꬅን ህገ አስታማሩንꬅ፥ «ጊራ ጋችዙንꬃራን ናጋራንቹንꬃራ አኮስ መኤ ኡዠ?» ያጋእ የሱሳ ታማሩንꬃላ አፋ ዙዝንግዳ።
LUK 5:31 የሱሳ ኡንታጎ፥ «Ꮉርግንትዙንꬅስ ፋትን ፋጻስ አክመ ኮሾስ።
LUK 5:32 ታኒ ናጋራንቹንꬃና ማሮትꬃጎ ማሆደስ ፋትን ጌሹንꬃና ጼጎደስ ይእካያ» ያጋእ ማህዳ።
LUK 5:33 ኡን የሱሳጎ፥ «ዋሐንሳ ታማሩንꬅ ጋማ ዎደ ጾማነ፥ ዎሳነ፤ ማህ ፋርሳዉንꬅ ታማሩንꬅን ይኒ ጋራ ዪዛነ። የዝን ኔሱንꬅ ኡባ ዎደ ሙነ ኡዣነ» ያጋይዳ።
LUK 5:34 የሱሳ ኡንታጎ፥ «ሙሹራ ኡንታራ የዝን ጼግንትደ አሱንꬅ ጾሞደ ጋር ይሳደስ ዳንዳአነተ?
LUK 5:35 የዝን ሙሹርዘ ኡንታፓ ሻክንቶደ ዎደ የኦዳ፥ የ ዎደ ኡን ጾሞዳ።»
LUK 5:36 ማህ ያጋእ አዝዘ ኦህዳ፤ «ክለ ማኦፓ ፌꬊ ጋልአ ማኦላ አፋ ስክዘ ኦደን ባያ። ይኒ ፋና የይዝኮ ክለ ማእዛ ፌꬋነ፥ ክልዘ ጋልእዘስ ጊጎስ።
LUK 5:37 ማልአንቶ ዎይነ ጭማ ስልጰ ጉጅዘ ኦደን ባያ። ይኖ የይዝኮ፥ ማልአንቶ ዎይንዘ ጭማ ስልጵዛ ꬉሳነ፤ ዎይንታን ላንታነ ስልጵዘን ማዶሰ ባዝ ማቃነ።
LUK 5:38 ይኒ ግሾ፥ ማልአንቶ ዎይነ ክለ ስልጰ ጉጁንቶደስ ቤዛነ።
LUK 5:39 ይኬ፥ ጫልዘ ሎኦ ጋዘ ግሾ ጫላ ዎይነ ኡዢ ማቂ ጫልካይዛ ማልአንቶ ኮይዘ ኦደን ባያ» ያጋይዳ።
LUK 6:1 ፈቲ ሳምባታ ዎደ የሱሳ ዛርጋ ጋደ ግዳራ አꬋነ። የሱሳ ታማሩንꬅ ትዣ ዛርጋ ዱꬂ ፋ ኩሽተ ሽጪ ꬋአነ።
LUK 6:2 የዝን ፋርሳዉንꬅ ግዳፓ ፈተ ፈተ፥ «ሳምባታ ዎደ ህገስ ቤዞሰ ባዝ አኮስ ኦቼ?» ያጋይዳ።
LUK 6:3 የሱሳ ኡንታጎ ማህ፥ «ዳዉተ ናይꬍደ ዎደ ፋራ የዙንꬃራ ዎላ ኦችዳኖ ናባብካ?
LUK 6:4 ጾዘ ኬꬃ ገሊ አይሁደ ካህኑንꬅ ጻላላስን ጾዝስ ቤዝዘ ዳቡቶ ሙእዳ፤ ፋራ የዙንꬅስን እንግዳ» ያጋይዳ።
LUK 6:5 ማህ የሱሳ፥ «አስ ናአይ ሳምባታ ላꬂ» ያጋይዳ።
LUK 6:6 መለ ሳምባታ ቃማ የሱሳ አይሁደ ዎሳ ኬꬃ ገሊ ታማርስዳ። ይና በስተ ምዛቅ ኩሸ ጉንድደ ፈቲ አስ የነ።
LUK 6:7 ህገ አስታማሩንꬅን ፋርሳዉንꬅን ኤዛ ሞቶደስ ኦገ ኮይ ሳምባታ ዎደ ፋꬅኮ በአዳ ጋእ ካፋነ።
LUK 6:8 የዝን የሱሳ ኡን ቆፍቶ ኤሪ ኩሸ ጉንድደ አꬄጎ፥ «ደንዲ አሱንꬅ ግዳ ኤቆ» ያጋይዳ። አꬃይን ደንዲ ኤቅዳ።
LUK 6:9 የሱሳ፥ «አነ ታ ይንታና ፈትባዝ ኦጫነ፤ ሳምባታ ቃማ ህግተ ኦቾደስ ቤዝዛና ሎኦ ባዞነ ኢታ ባዞ? ሸምፖ አሸነ ዎይ ꬋብሰ?» ያጋይዳ።
LUK 6:10 ማህ የሱሳ ኤ ካለ ዉቲ የዘ አሱንꬃና ኡባ ዉቱꬂ ብእ አꬄጎ፥ «ነ ኩሽቶ ፍዲ ዪዞ» ያጋይዳ። አꬃይን ኤ ጋእዳን ጋራ የይዝን ኩሽዘ ፋጽዳ።
LUK 6:11 የዝን ህገ አስታማሩንꬅን ፋርሳዉንꬅን ጋማ ዥልꬍዳ። የሱሳላ አፋ አኮ ኦቾ ጋእ ፋ ግዳ ዞርንትዳ።
LUK 6:12 የ ዎደ ይና ቃምትፓ ፈተ ግዳ የሱሳ ዎሶደስ ደረላ አፋ ከዝዳ። ቃማ ኩሙꬅ ጾዝ ዎስተራ አቅዳ።
LUK 6:13 ዎንትስቶ ፋ ታማሩንꬃና ጼጊ ኡን ግዳፓ ታጶ ላምኡንꬃና ዶሪ፥ ኡንታና፥ «ሐዋሩንꬃና» ጋእ ሱንꬅዳ።
LUK 6:14 ኡንትን፥ ጴጥሮሳ ጋእ ሱንꬅደ ስሞና፥ ኤ እሸ እንድራሰ፥ ያይቆባ፥ ዋሐንሳ፥ ፍልጶሳ፥ ባርቶሎምዮሳ፥
LUK 6:15 ማቶሳ፥ ቶማሳ፥ እልፍዮሳ ናአ ያይቆባ፥ ፋ ጋድትስ ቃናእዘ ስሞና፥
LUK 6:16 ያይቆባ ናአ ይሁዳን የሱሳ አꬂ እንግደ አስቆሮቱ ይሁዳ።
LUK 6:17 የሱሳ ሐዋሩንꬃራ ዎላ ደርዘፓ ዎꬊ ጋናስ በሳ ኤቅዳ። ኤ ታማሩንꬃፓ ጋሙንꬅ ይና በስተ የነ ይሁዳ ሳአ ኡባፓ የሩሳላመፓ፥ ጢሮሳፓን ስዶና አባ ጋጻፓ ይእደ ጋማ አሱንꬅ የነ።
LUK 6:18 ኡን ይእዳና ኤ ታማርስዘባዝ ስኦደስን ፋ Ꮉርግትፓ ፋጾደስ። ቱና አያናራ ዋይንትዘ አሱንꬅን ፋጽዳ።
LUK 6:19 ዎልቃ ኤፓ ኬዚ አሱንꬃና ኡባ ፋꬅዘ ግሾ አሱንꬅ ኤዛ ቦቾደስ ኮያነ።
LUK 6:20 ፋ ታማሩንꬃጎ ብእ Ꮉንጋራ ያጋይዳ፦ «Ꮉንሶ፥ ዳሁንꬆ፥ ይን አንጅንትዱንꬃና፤ ጾዘ ካእቱሞ ይንትስ።
LUK 6:21 ይን Ꮉተ ናይꬍዙንꬅ አንጅንትዱንꬃና፥ ይን ምሻዳ። ይን Ꮉተ ዬክዙንꬅ አንጅንትዱንꬃና ይን ሚጮዳ።
LUK 6:22 አስ ይንታና ታ ግሾ እጽዘ ዎደ ይንታና ሻክዘ ዎደ ይንታና ኡን ቶችዘ ዎደ፥ ኢታ ሱንꬅ ኡን ይንትስ እንግዘ ዎደ ይን አንጅንትዱንꬃና።
LUK 6:23 «ይኬ፥ ይን አንጅታ ሳሎ ዳማ ማቅደ ግሾ የ ዎደ ኡፋይሳራ ዶሎተ። አኮስ ጋይኮ፥ ዛጋ ኡን አዱንꬅ ናቡንꬃላ አፋ ይኒ ጋር ኦችዳ»
LUK 6:24 «የዝን ዱረ አሱንꬆ ይንታና ባደ፤ ይን Ꮉተ ሎኦ የስቶ ኤክዳ።
LUK 6:25 Ꮉተ ምዥዱንꬆ ይንታና ባደ፤ ይን ናይꬎዳ። Ꮉተ ሚጭዙንꬆ ይንታና ባደ ይን አዛኖዳ ዬኮዳ።
LUK 6:26 አስ ኡቡንꬅ ይን ሎኦትꬅቶ ጻላላ ኦህዘ ዎደ ይንታና ባደ። ኡን አዱንꬅ ዛጋ ዎርዶ ናቡንꬃላ አፋ ይኒ ጋር ኦችዳ።
LUK 6:27 «የዝን ታና ስእዘ ይንትስ ታ ኦህነ፤ ይን ሞርኩንꬃና ካꬎተ፤ ይንታና እጽዙንꬅስ ሎኦ ባዝ ኦቾተ።
LUK 6:28 ይንታና ባድዙንꬃና አንጆተ፥ ይንታና ቆህዙንꬅስ ዎሶተ።
LUK 6:29 ፈቲ ዛላ ꬎኦክዛ ባቂኮ Ꮉንኮ ዛልዛ ቤዞ። ነ ኮትዛ ኤኮዳ ጋዘስ ነ ሻምዛያን ጉጂ እንጎ።
LUK 6:30 ነና ዎስዘ ኡቡንꬅስ እንጎ፤ ኔፓ ኤክዛ ኦደን ማሆ ጋእ ኦጭፐ።
LUK 6:31 አሱንꬅ ይንትስ ኦቾደ ጋር ይን ኮይዛን ፋና ይንትን አሱንꬅስ ኦቾተ።
LUK 6:32 «ይን ይንታና ካዽዘ አሱንꬃና ጻላላ ካꬍኮ፥ አኮ ጋላታ ይንትስ የዘ? መለ አቶ የዝን፥ ናጋራንቹንꬅን ፋና ካዽዙንꬃና ካꬋነ።
LUK 6:33 ይንትስ ሎኦ ባዝ ኦችዙንꬅስ ጻላላ ሎኦ ባዝ ኦችኮ ይንትስ አኮ ጋላታ የዘ? ናጋራንቹንꬅን ይኒ ጋራ ኦቻነ።
LUK 6:34 ታልኤ ማሆደ አሱንꬅስ ጻላላ ይን ታልእኮ አኮ ዱማ ጋላታ የዘ? ናጋራንቹንꬅን ሱብ ማሆደ አስ ብእ ታልአነ።»
LUK 6:35 «የዝን ይን ሞርኩንꬃና ካꬎተ፤ ኡንትስ ሎኦ ባዝ ኦቾተ። ሱባ ኤኮደስ ቆፕካይዛራ ታልኦተ። ይነ ይን ኤኮደ አንጅታ ዳማ ማቃዳ። ይን ኡባፓ ካታራ የዘ ጾዘ ናኡንꬃና ማቃዳ። ኤ ፋና ጋላቶሱንꬅስን ኢቱንꬅስን ዳልጋ።
LUK 6:36 ይን ሳሎ አዳይ ማርዛ ማቅዳን ጋራ ይንትን ማርዙንꬃና ማቆተ።
LUK 6:37 «አሳላ ፍርድፐተ፤ ይንታላ አፋ ፍርድንቶስ። ይን ቦርንታመ ፋና ኦናን ቦርፐተ። አቶ ጋኦተ፤ ጾዚ ይንትስ አቶ ጋኦዳ።
LUK 6:38 እንጎተ፤ ይንትስ እንግንቶዳ። ይን ማክዳነ ይንትስ ማህ ማክንቶዳ፥ ሎኦ ማክዘ ባዝተ ባቂ፥ ኩሙꬅ፥ ላንቶደ ዎንꬅስ ይንትስ ማክንቲ እንግንቶዳ» ያጋይዳ።
LUK 6:39 ማህን የሱሳ ያጋእ ኡንትስ አዝዘ ኦህዳ፤ «ቆቅዘ ቆቀ ካልꬆደስ ዳንዳአነ? ካልꬅኮ ላምኡንꬅ ዎል ኤኪ ጋጋ ቅቶሳነ?
LUK 6:40 ታማረ አስታማረፓ አꬎኦስ። ዪኮን ሎይꬂ ታማርደ አꬄ ፋ አስታማርዘ ፋና ይአነ።
LUK 6:41 «ነ እሸ ኣፍተ የዘ ቡርዛ አኮስ በኤ? ነ ኣፍተ የዘ ቱስ ፋና የዛ አኮስ ቦኦሳ?
LUK 6:42 ነ ኣፍተ የዘ ቱስ ፋና የዛ ብእካይዛራ ነ እሸጎ፥ ‹ታ እሻዮ ነ ኣፍተ የዘ ቡርዛ ኬሶ› ጋኦደስ ዋይዝ ዳንዳኤ? Ꮉይ ጩቡዛዮ፥ ቲንꬊ ነ ኣፍተ የዘ ቱስ ፋና የዛ ኬሶ። ይንፓ ሱባ፥ ነ እሸ ኣፍተ የዘ ቡርዛ ኬሶደስ ጌሽ በአዳ።
LUK 6:43 «ሎኦ ምንጻ ኢታ ኣፈ አፎስ፤ ይኒ ጋራ ኢታ ምንጻ ሎኦ ኣፈ አፎስ።
LUK 6:44 ኣፈ ኣፍዘ ምንጻ ኡባና ፋ ኣፍተ ኤርንታነ። አንጋꬃፓ በለሰ ምንጻ ኣፈ ማጽንቶስ ማህ Ꮉልሞፓ ዎይነ ኣፈ ማጽንቶስ።
LUK 6:45 ሎኦ አስ ፋ ዎዝንተ ኩምደ ሎኦ ባዝትፓ ሎኦ ባዝ ከሳነ። ኢታ አስ ፋ ዎዝንተ ኩምደ ኢታ ባዝትፓ ኢታ ባዝ ከሳነ። አስ ፋ ዎዝንተ ኩሚ ትርፍደ ባዛፓ ፋ ዶናራ ኦህነ።
LUK 6:46 «ታ ጋዛኖ ይን ኦቾስ፥ የዛራ ዬዝን አኮስ ታና፥ ‹ላꬆ፥ ላꬆ፥ ጋኤተ?›
LUK 6:47 ታጎ የእዘን ታ ቃልቶ ስእ ፎልዘ ኡቡንꬅ ኦና አዝዛኮ ታ ይንታና ቤሳዳ።
LUK 6:48 ኤ ኬꬂ ኬጾደስ ዝቂ ዪዚ፥ ኦላ ቦክደ፥ ኦሞራ የዘ ላላላ አፋ ኬꬂ ኤስደ ጭንጫ አꬃ አዛነ። Ꮉሮ ጎጊ የ ኬꬃ ኡርቂዳ፥ የዝን ምንꬂ ኬጽደ ግሾ ኤንእሳደስ ዳንዳእካያ።
LUK 6:49 የዝን ታ ቃልቶ ስእ ኦቾሰ ፋ ኬꬅቶ ሻፈላ አፋ ባስካይዛራ ኬጽደ አꬃ አዛነ። Ꮉሮ ጎጊ የ ኬꬃ ኡርቂደ ዎደ ኤልሲ ጎልእዳ። የ ኬꬅዘ ዳማ ጎልኤ ጎልእዳ» ያጋይዳ።
LUK 7:1 የሱሳ ይኖ ኡባ አሱንꬅ ቲኖ ታማርስ Ꮉስዳንፓ ሱባ፥ ቅፍርናሆመ ካታማ ቅትዳ።
LUK 7:2 ይና በስተ ፈቲ ሮመ ማቶ Ꮉላቃ የነ። ኤ ጋማ ካዽዘ አርዘ Ꮉርግንቲ Ꮉይቆስ የልዳ።
LUK 7:3 ኤ የሱሳ ባዝ ስእደ ዎደ ፋ አርዛ ፋꬆደ ፋና ኤዛ ዎሶ ጋእ ፈቲ ፈቲ አይሁደ ጭሙንꬃና የሱሳጎ ኪትዳ።
LUK 7:4 ኪትንትዱንꬅ፥ የሱሳጎ Ꮉንግ፥ «ነ ኤስ Ꮉኖ ኦቾደስ ቤዛነ።
LUK 7:5 አኮስ ጋይኮ፥ Ꮉይ አꬃይ ኑ አሱንꬃና ካꬋነ፥ አይሁደ ዎሳ ኬꬅን ኬጽዳ» ያጋእ ምንꬂ ዎስዳ
LUK 7:6 የሱሳን ኡንታራ Ꮉንግዳ። ማቶ Ꮉላቅዘ ካራጎ ኡክደ ዎደ ፋ ላጉንꬃና ኤጎ ኪቲ፥ «ላꬆ፥ ታ ኬꬃ ነ ገሎደስ ቤዞሰ ግሾ ላቢፐ።
LUK 7:7 ታንን ታና ነ ቲንተ ሺቆደስ ቤዘ አስ ጋእ ቆፖስ። የዝን ነ ፈቲ ቃላ ኦሆ፤ ታ አርዘ ፋጾዳ።
LUK 7:8 ታስ ታፓ ካታራ Ꮉላቃ የነ፥ ታፓ ዬካራ ታ ኪትዘ ዎታዳሩንꬅ የነ። ፈታ፥ ‹ቅቶ› ጋይኮ ቅታነ፥ Ꮉንካያ፥ ‹ዮኦ› ጋይኮ የእነ። ታ አርዘጎ፥ ‹Ꮉኖ ዪዞ› ጋይኮ ዪዛነ» ያጋይዳ።
LUK 7:9 የሱሳ ይኖ ስእደ ዎደ ጋማ ቆፕዳ። ሱብ ማቂ ፋና ካልዘ አሱንꬃጎ፥ «ታ ይንትስ ቱሮ ኦህነ፤ መለ አቶ የዝን እስራኤሉንꬃፓን Ꮉኒ ጋር ዳማ አማኖ ደንግካያ» ያጋይዳ።
LUK 7:10 ኪትንትዱንꬅ ካራ ማቅደ ዎደ አርዘ ፋጽን ደንግዳ።
LUK 7:11 ኤራꬅ ዎደፓ ሱባ የሱሳ ናይነ ካታማ ቅትዳ። ኤ ታማሩንꬃራን መለ ጋማ አሱንꬅ ኤራ ቅትዳ።
LUK 7:12 ኤ ካታማ ገሎደስ ይእዘ ዎደ አሀ ቶኪ ጋማ አስ ካታማፓ ከዛነ። Ꮉይቂደ ናአይ ፋ እንትስ ፈቶ፥ እዛን ቡዳኖ ማቂ የነ። ካታማ አሱንꬃፓ ጋሙንꬅ ኢራ የነ።
LUK 7:13 ላꬂ እዞ ብእ ይቅስንቲ፥ «ዬክፐ» ያጋይዳ።
LUK 7:14 ሺቂ ሻንቻፍዛ ቦችን ቶክደ አሱንꬅ ኤቅዳ። የሱሳ፥ «ናተ፥ ናአትꬃዮ ደንዶ» ያጋይዳ።
LUK 7:15 Ꮉይቂዳይ ደንዲ በቲ ኦሄ አይክዳ። የሱሳ ናአያ ደንꬂ እንትስ እንግዳ።
LUK 7:16 አሱንꬅ ኡቡንꬅ ዣሽቲ፥ «ዳማ ናበ ኑ ግዳ ደንድዳ፤ ጾዚ ፋ አሱንꬃና ብእዳ» ያጋእ ጾዝ ጋላትዳ።
LUK 7:17 ኤ ሱንꬅታ ይሁዳን ይና ካራ ጋንጨ የዘ ሳእተ ኡባነ ስንትዳ።
LUK 7:18 ጻማቅዘ ዋሐንሳ ታማሩንꬅ ይኖ ኡባኖ ዋሐንሳስ ኦህዳ። ኤ ኡን ግዳፓ ላምኡንꬃና ጼጊ፥
LUK 7:19 «ዮኦዳ ጋእንትደ ነናነ? ዎይ መለ ናጎደ?» ያጋእ ኦጮተ ጋእ ላꬃጎ ኪትዳ።
LUK 7:20 አሱንꬅ የሱሳጎ Ꮉንግ፥ ጻማቅዘ ዋሐንሳ፥ «ዮኦዳ ጋእንትደ ነናነ? ዎይ መለ ናጎደ?» ጋኦተ ጋእ ኑና ኔጎ ኪትዳ ያጋይዳ።
LUK 7:21 ይና ሳተ የሱሳ ጋማ አሱንꬃና Ꮉርገፓ ፋꬅዳ። ጋማ ቱና አያኑንꬃና ከስዳ፥ ቆቅደ ኣፈን ብእዝዳ።
LUK 7:22 ዋሐንሳ ካለፓ ኪትንቲ የኤዙንꬃጎ፥ «Ꮉንግ ይን ብእዳኖን ስእዳኖን ዋሐንሳስ ኦሆተ። ኣፈ ቆቁንꬅ በአዳ፥ ቶሄ ጉንዱንꬅ ብልንቲ የꬎዳ፥ ቁርሱማራ Ꮉርግንትዙንꬂ ፋጾዳ፥ ቱሉንꬅ ስኦዳ፥ Ꮉይቂዱንꬅ Ꮉይቆፓ ደንዶዳ፥ ዳሁንꬅስ ዎንገለ ሳባክንቶዳ።
LUK 7:23 ታ ግዳ ꬉቡንቶሰ ኦደን አንጅንትዳያ።»
LUK 7:24 ዋሐንሳ ኪትዱንꬅ ቅትዳንፓ ሱባ የሱሳ አሱንꬅስ ዋሐንሳ ባዝ ያጋእ ኦህዳ፦ «ይን አኮ በአደስ አኮ ባይዘ ጋናሳ ከዝዶ? ባቆ ኤንእስዘ ሾምቦቆ በአደስነ?
LUK 7:25 ዬዝን፥ አኮ በአደስ ከዝዶ? ቦንቾ ማኦ ማእደ አሱንꬃና በአደስነ? ቦንቾ ማኦ ማእዱንꬅን ሳአ ሎእደ አሱንꬅ ካት ኬꬃ የነ።
LUK 7:26 ዬዝን፥ አኮ በአደስ ከዝዶ? ናበ በአደስነ? ዬ፥ ታ ያጋነ፦ ይን በአደስ ኬዝዳና ናበፓ ኣꬍዛያ።
LUK 7:27 « ‹ነ ኦግቶ ነ ቲንተ ጊግዘ ታ ኪታንችዛ ኔፓ ቲኖ ታ ኪቶዳ› ጋእንት ጻፍንትዳና ይንስ።
LUK 7:28 ታ ይንትስ ኦህነ፤ ማችፓ የልንትዱንꬅ ግዳፓ ዋሐንሳፓ አꬍዘ ባያ። ጾዘ ካእቱምተ ኡባፓ ኤርዛይ፥ ኤ ኡባፓ ዳማ ማቃዳ» ያጋይዳ።
LUK 7:29 መለ አቶ የዝን፥ ጊራ ጋችዙንꬂ ኡቡንꬅ ዋሐንሳ ኩሽተ ጻማቅንትዱንꬅ የሱሳ ቃልቶ ስእ ጾዚ ጽሎ ማቅዳኖ ቆንጭዝዳ።
LUK 7:30 የዝን ፋርሳዉንꬅን ህገ አስታማሩንꬅ ዋሐንሳ ኩሽተ ጻምቅንታንጽ ጾዘ ዞርቶ ለቂዳ።
LUK 7:31 የሱሳ ካሊ Ꮉንጋራ ያጋይዳ፦ «ይኬ፥ Ꮉና ዎደ የለቱንꬃና አኮራ አዝዞ? ኡንትን ኦና አዛነ የሳ?
LUK 7:32 ጋበ ግዳ በቲ ዎል ጼጊ፥ ‹ኑ ይንትስ ሱሉንቀ ፉግን፥ ይን የጾስ። ኑ ናሺ ጋይርን፥ ይን ዬኮስ› ያጋዘ ናኡንꬃና አዛነ።
LUK 7:33 ጻማቅዘ ዋሐንሳ ሙእካይዛራን ኡዥካይዛራ ይእን፥ ‹ኢታ አያናራ የነ ጋይዳ።›
LUK 7:34 አስ ናአይ ሙእተራን ዎይነ ኡዥተራ ይእን፥ Ꮉይ አꬄ ‹ሙስ ዥምባራን ኡሽ አስ፥ ጊራ ጋቹዙንꬅስን ናጋራንቹንꬅ ዣመ› ጋይዳ።
LUK 7:35 ይኬ፥ ጾዘ ጭንጫትꬅ ኦቻራ ቆንጭዳ»።
LUK 7:36 ፈቲ ፋርሳውዘ የሱሳ ካꬃ ሙሳደስ ፋ ካራ ጼግዳ። ኤ ፋርሳውዘ ካራ Ꮉንግ ሌማተ ካለ በትዳ።
LUK 7:37 ይና ካታምተ ፈቲ ናጋራንቾ ማቻ የዛና የሱሳ ፋርሳውዘ ካራ ሙሳላ አፋ የዛኖ ስእደ ዎደ ጋማ አልኦ አልባስጥሮሰ ብልቃጠ ሽቶ ኤኪ ይእዳ።
LUK 7:38 የሱሳስ ሱባ ዛላራ፥ እዛ ቶህት ካለ ኤቂ ዬክተራ እዛ ቶህቶ ፋ አፉꬅትራ ላክꬃነ። ፋ ኦምትራ እዛ ቶህቶ ኡጭተራን ዬሪቴ ሽቶ ትዥዳ።
LUK 7:39 ሙእዘ ባዝቶ ጊግዝደ ፋርሳውዘ ይኖ በኤዘ ዎደ ፋ ዎዝንተ፥ «Ꮉይን ናበ የዛኮ Ꮉና ማችታ ኤዛ ቦችዛና ኦና የዛኮ ማህ እዛ ናጋራ ደኦር ማቅዳኖ ኤ ኤሮድ የሻ» ያጋይዳ።
LUK 7:40 የሱሳ፥ «ስሞና፥ ታ ኔስ ኦህዘ ባዝ የነ» ያጋይዳ። ኤዝን፥ «አስታማርዛዮ፥ ታስ ኦሆ» ያጋይዳ።
LUK 7:41 የሱሳ ኤጎ፥ «ላምእ አሱንꬅ ፈቲ አꬄፓ ብራ ታልእዳ። ፈተ እችን ጼት ብራ Ꮉንካይ ማህ እሽንታም ብራ ታልእዳ።
LUK 7:42 ላምኡንꬅን ታልእቶ ጭጎደስ ጋምን፥ ላምኡንꬅስን ታልእቶ ማርዳ። ይኬ፥ Ꮉንꬅ ላምኡንꬃፓ የ አꬃ ጋማ ካꬎደ ኔስ አያ አዘ» ያጋይዳ።
LUK 7:43 ስሞና፥ «ጋማ ጋለ አቶ ጋእንትደ አꬄ ጋማ ካꬎዳ አዛነ» ያጋይዳ። የሱሳ፥ «ነ ቱሮ ፍርድዳ» ያጋይዳ።
LUK 7:44 ይንፓ ሱባ፥ የሱሳ ማችትጎ ማቂ ብእ፥ ስሞናጎ፥ «Ꮉኖ ማችቶ በእነ? ታኒ ነ ካራ ገልን መለ አትን ነ ታስ ቶሄ Ꮉꬅ እንግካያ፥ የዝን እዛ ታ ቶህቶ ፋ አፉꬅትራ ላክꬂ ፋ ኦምትራ ኡጭዳ።
LUK 7:45 ነ ታና ዬሪ ቢካያ፥ የዝን እዛ ታ ነ ካራ ገልዳንፓ አይኪ ታ ቶህቶ ዬረ አሽካያ።
LUK 7:46 ነ ታ ኦምተ ዛይተ ትዥካያ፥ የዝን እዛ ታ ቶህቶ ሽቶ ትዣነ።
LUK 7:47 እዛ ታና ጋማ ካꬍደ ግሾ እ ጋማ ናጋርታ አቶ ጋእንትዳ። ኤ ኤራꬅ ናጋርታ አቶ ጋእንትደ ኤራꬅ ካꬋነ።»
LUK 7:48 የሱሳ ማችትጎ፥ «ነ ናጋርታ አቶ ጋእንትዳ» ያጋይዳ።
LUK 7:49 ኤዛራ ዎላ ሌማተ በቲ ሙእዘ ዛቁንꬅ፥ «ናጋራ አቶ ጋይደ፥ ኤ Ꮉይኒ ኦደ?» ያጋእ ፋ ዎዝንተ ቆፕዳ።
LUK 7:50 የሱሳ ማችትጎ፥ «ነ አማንታ ነና አሽዳ፤ ሳሮ ቅቶ» ያጋይዳ።
LUK 8:1 ይንፓ ሱባ፥ የሱሳ ጾዘ ካእቱሞ ዎንገለ ሳባክተራ ካታማራን ካራ ጋንጨራ አꬍዳ። የ ዎደ ታጶ ላምኡንꬅን ኤራ የነ።
LUK 8:2 ማቂ ቱና አያናፓን ዱማ ዱማ Ꮉርገፓ ፋጽደ ፈቲ ፈቲ ማቹንꬅ ኤራ የነ። ኡንትን፥ ላፑን ቱና አያኑንꬅ ከዝደ ማግደላ ማይራሞ፥
LUK 8:3 ሄሮድሳ ሹምደ ኩዛ ማችቶ ዮሐና፥ ሶስናራን ማህ መለ ጋሙንꬅ ኡንታና ብራራ ማድዙንꬅ የነ።
LUK 8:4 ጋማ አሱንꬅ ዱማ ዱማ ካታማፓ ኤጎ ሺቅን አዝዘራ ኡንትስ ኦህዳ።
LUK 8:5 «ፈቲ ዎት አቅዛይ ቡዱꬅ ቡዶደስ ከዝዳ። ኤ ቡዶደራ ፈቲ ፈቲ ቡዱꬅታ ኦገላ ዎꬊ የꬍንትዳ፥ ላንዳ ማጽዳ።
LUK 8:6 መሉንꬅ ላላ ኦሞራ የዘ ሳአላ አፋ ዎꬍዳ። Ꮉጋ ዶሎደራ ሳእተ ላኮ ባይዘ ግሾ ምጭዳ።
LUK 8:7 መለ ቡዱꬅታ ማህ አንጋꬅ ግዳ ዎꬍዳ። አንጋꬅትራ ዎላ ድጭደ ግሾ አንጋꬅታ ጩሊ በስተ አሽዳ።
LUK 8:8 መሉንꬅ ሎኦ ሳአላ አፋ ዎꬍዳ። ዶልደ ዎደ ጼት ኩሸ ኣፍዳ።» ይኖ ኦህ Ꮉሲ፥ ፋ ቃልቶ ꬎቅ ዪዚ፥ «ስእዘ Ꮉየ የዘ ኡቡንꬅ ስኦ» ያጋይዳ።
LUK 8:9 ኤ ታማሩንꬅ፥ «Ꮉና አዝዝትስ ብልꬅታ አኮ?» ያጋእ ኦጭዳ
LUK 8:10 ኤ፥ «ጾዘ ካእቱሞ ጋꬅ ቆፋ ኤሮደ ፋና ይንትስ እንግንትዳ። የዝን መሉንꬅ ብእተ ደንጋመ ጋር፥ ስእተ ቲራመ ጋር አዝዘራ ኦህነ።
LUK 8:11 «ይኬ፥ Ꮉና አዝዝትስ ብልꬅታ Ꮉኖ፦ ቡዱꬅ ጋእንትደ ጾዘ ቃላ።
LUK 8:12 ኦገላ ዎꬍደ ቡዱꬅታ ቃላ ስእዙንꬃና። ማቆ የዝን፥ ኡን አማኒ አታመ ፋና ጻላሄ ቃልቶ ኡን ዎዝንትፓ ማጺ Ꮉሳነ።
LUK 8:13 ላላ ኦሞ የዘ ሳአላ አፋ ዎꬍደ ቡዱꬅታ ቃላ ስእ ኡፋይሳራ ኤክዙንꬃና። ኡን Ꮉተስ አማናነፕ አትን ጻጶ ባይዘ ግሾ ፋታና የልደ ዎደ ኤልሲ ካዳነ።
LUK 8:14 አንጋꬅ ግዳ ቡዱንተዙንꬅ ቃላ ስእዙንꬃና። ኡንትን አላመ ቆፋራ፥ ዱረትꬃራ ሳአ የስ ጊጋራ ጩሉንቲ ኮሽዘ ፋና አፍካይ።
LUK 8:15 ሎኦ ሳአላ ዎꬍደ ቡዱꬅታ ሎኦ ዎዝናራ ቃላ ስእ ናግዙንꬃናን ዳንዳአራ ሚንግ ኣፈ አፍዙንꬃና።
LUK 8:16 «ጾምፐ ጾምፒ፥ ኩርኩሮ ጉጲ ዎይ ዳꬃፓ ኦሞራ ጋድዘ ባያ። ገልዘ አስ በአደ ጋር ꬎቃ በሳ ጋዳነ።
LUK 8:17 «ይኒ ግሾ፥ አችንትደ ቆንጨ ከዝካይዛራ ጌንግደ ጌሻ ከዝካይዛራ አቶደ ባዝ ባያ።
LUK 8:18 «ይኬ፥ ይን ቃላ ዋይዝ ስእዛኮ ቲሮተ። የዘ ኡቡንꬅስ ጉጅንት እንግንቶዳ፥ ባይዘስ መለ አቶ የዝን ኤስ የዘ ኤራꬅታን ኤፓ ኤክንቶዳ» ያጋይዳ።
LUK 8:19 የሱሳ እንትራን እሹንꬃራ ኤጎ ይእዳ። የዝን አስ ጋማትꬃፓ ደንዲ ኤዛ ደንጎደስ ዳንዳእካያ።
LUK 8:20 ፈቲ አስ የሱሳጎ፥ «ነ እንትራን ነ እሹንꬃራ ነና ኮይ ባለ ካፋነ» ያጋይዳ።
LUK 8:21 የሱሳ ማህ፥ «ጾዘ ቃላ ስእ ኦቻላ ፌሽዙንꬅ ኡባ ታስ እንዶን ታስ እሸን» ያጋይዳ።
LUK 8:22 ፈቲ ዎደ የሱሳራን ኤ ታማሩንꬃራ ዎላ ጎንገ ገሊ፥ አባ ፊንጎዳ ያጋይዳ። ኡንትን ቅቶደስ ደንድዳ።
LUK 8:23 አባላ አፋ ኡን ፊንጎደስ Ꮉማደራ የሱሳ ገንትዳ። ቲርካይዝን ምንꬂ ባቆ አባላ ደንድዳ። Ꮉꬅታ ጎንግተ ገልን ጎንግዘ ቆꬍንተ አይክደ ዎደ ኡቡንꬅ ዣሽትዳ።
LUK 8:24 ኤ ታማሩንꬅ ኤጎ ሺቂ፥ «ኑ ላꬃዮ፥ ኑ ላꬃዮ፥ ኑ ꬋባነ ያጋእ» የሱሳ ደንꬅዳ። የሱሳ ደንዲ ባቅቶን ዙሉንቶን ካጭዳ። ኤልሲ ባቅታን ዙሉንታን ዎፑ ጋይዳ። ሳሮትꬅን ማቅዳ።
LUK 8:25 የሱሳ ፋ ታማሩንꬃጎ፥ «ይን አማንታ አነ» ያጋይዳ። ኡንትን፥ ዣሽትተራን ጋማ ቆፕተራ ፈተ ፈተጎ፥ «ባቆን Ꮉꬅን ኪትንትዘ፥ ኤ Ꮉይ ኦደ» ያጋይዳ።
LUK 8:26 አባ ፊንግ ጋልላ ዛላራ የዘ ገርገሶነ ሳአ የልዳ።
LUK 8:27 የሱሳ ጎንገፓ ኬዚ ሳአ ዎꬎደራ ቱና አያናራ አይክንትደ አꬄ ካታማፓ ኬዚ ኤራ የልንትዳ። ጋማ በረ አፉላ ማአንጽ ካሎ ቦዛ የነፕ አትን ካራ ገሎስ።
LUK 8:28 የሱሳ በኤዘ ዎደ ኤ ቲንተ ቡንቁንቲ፥ ፋ ቃልቶ ꬎቅ ዪዚ፥ «ኡባፓ ካታራ የዘ ጾዘ ናአዮ የሱሳ ኔራ ታስ አኮ ፈተትꬅ የዘ? አደ ታና Ꮉተ ኡንእꬅፐ» ያጋይዳ።
LUK 8:29 ይኖ ኤ ጋይዳና፥ ቱና አያንዘ አꬄፓ ኬሳደ ጋር የሱሳ ካጭደ ግሾ። ጋማ ዎደ ቱና አያና ኤዛ አይኪ ጋምእደ ግሾ ሳንꬃላታራን ቶሄ አጭዘ መቆራ አጭንቲ ናግንታነ። የዝን አችቶ ዱꬂ ቱና አያናራ እዥንት አኮ ባይዘ ጋናሳ ገልዳ።
LUK 8:30 የሱሳ፥ «ነ ሱንꬅታ ኦደ» ያጋእ ኦጭዳ። ኤ፥ ጋማ ቱና አያኑንꬅ ኤዛ አይክደ ግሾ ፋና፥ «ሌግዮና» ጋይዳ።
LUK 8:31 ቱና አያኑንꬅ ፋና ስኦለ ኪታመ ፋና ዎስዳ።
LUK 8:32 ይና በስተ ዞዘላ አፋ ሙእዘ ጉዳይለ ዉደ Ꮉንታነ። ሰኮ ጉዳይሉንꬅ ግዳ ገሎነ ጋእ ዎስዳ፥ ኤዝን «ገሎተ» ጋይዳ።
LUK 8:33 ቱና አያኑንꬅ አꬄፓ ኬዚ ጉዳይሉንꬅ ግዳ ገልዳ። ዉድታ ደርትፓ ሱለ ጉርጉጺ አባ ጌና ግዳ ቆꬍንትዳ።
LUK 8:34 የንግዙንꬅ Ꮉንዳኖ በኤዘ ዎደ ዎጺ Ꮉንግ፥ ካታማራን ካራ ጋንጨ ኡባ ኦህዳ።
LUK 8:35 አሱንꬅ Ꮉንዳኖ በአደስ ኬዚ የሱሳጎ ይእዳ። ቱና አያና ከዝደ አꬄ ማኦ ማእ፥ ኤ ዎዝንታ ማቅን፥ የሱሳ ቶሄ ካለ በተዝን ደንግ ዣሽትዳ።
LUK 8:36 ኤዛ በኤዘ አሱንꬅ ቱና አያናራ አይክንትደ አꬄ ዋይዝ ፋጸዛኮ ኦህዳ።
LUK 8:37 ገርገሶነ ካንቶ ዉቲ የዘ አሱንꬅ ዳማ ዣሽሞ ዣሽቲ የሱሳ ፋ ካለፓ ቅቶደ ጋር ዎስዳ። ኤ ጎንግዘ ግዳ ገሊ ሱብ ማቅዳ።
LUK 8:38 ቱና አያና ከዝደ አꬄ የሱሳራ የሳደስ ዎስዳ።
LUK 8:39 የዝን የሱሳ ኤጎ፥ «ነ ካራ ማቆ፥ ጾዚ አኮ ጋር ዳማ ባዝ ኔስ ኦቼዛኮ ኦሆ» ያጋእ ሞይዝዳ። አꬃይን የሱሳ አኮ ጋር ዳማ ባዝ ኤስ ኦቼዛኮ ካታማ ኡባ ማርክꬍተ ቅትዳ።
LUK 8:40 አሱንꬅ ናጊ ጋምእደ ግሾ የሱሳ ማቅደ ዎደ ሞኪ ኤክዳ።
LUK 8:41 አይሁደ ዎሳ ኬꬃ Ꮉላቃ ማቅደ እያሮሳ ጋዘ አꬄ ፋ ካራ የኦደ ፋና የሱሳ ቶህትላ አፋ ዎꬊ ዎስዳ።
LUK 8:42 ኤስ ታጶ ላምእ በረ ማቅደ ፈቲ ማች ናአ የዛና Ꮉርግንቲ Ꮉይቆስ የሊ የነ። የሱሳ Ꮉንግዘ ዎደ አሱንꬅ ኤዛ ኡንእꬅዳ።
LUK 8:43 ታጶ ላምእ በረ ሱꬂ ኤቃንጽ ጎግተራ ጋምእደ ማቻ የነ። እዛ ፋስ የዘ ሚሽቶ አክመስ እንግ Ꮉስዳ። የዝን ፋጾደስ ዳንዳእካያ።
LUK 8:44 እዛ የሱሳስ ሱብ ዛላራ ሺቂ፥ ኤ አፉላ ማጫርቶ ቦችዳ፥ ኢራ ጎግዘ ሱꬅታ ኤቅዳ።
LUK 8:45 የሱሳ፥ «ታና ቦችደ ኦደ?» ያጋይዳ። ኡቡንꬅ «ኑ ቦችካያ» ያጋእን፥ ጴጥሮሳ፥ «አስታማርዛዮ፥ ጋማ አሱንꬅ ካልዛኖን ኡንእꬅዛኖ ብእተራ ዋይዝ፥ [‹ታና ቦቼዘ ኦደ?› ጋኤ»] ያጋይዳ።
LUK 8:46 የዝን የሱሳ፥ «ፈቲ አስ ታና ቦችዳ፤ አኮስ ጋይኮ፥ ዎልቃ ታፓ ኬዝዳና ታስ ኤርንትዳ» ያጋይዳ።
LUK 8:47 ማችታ፥ እ ባዝ ቆንጭዳኖ ኤርደ ዎደ ጎቅተራ ይእ የሱሳ ቶህትላ አፋ ጎልእዳ። አኮስ ቦቼዛኮን ዋይዝ ኤልሲ ፋጸዛኮ አስ ኡባ ቲኖ ማርክꬍዳ።
LUK 8:48 ኤ፥ «ታ ናእተ፥ ነ አማንታ ነና ፋꬅዳ፤ ሳሮራ ቅቶ» ያጋይዳ።
LUK 8:49 የሱሳ Ꮉጋ ኦህ Ꮉስካይዝን፥ አይሁደ ዎሳ ኬꬃ Ꮉላቃ፥ እያሮሳ ካራፓ ፈቲ አስ ይእ፥ «እያሮሳ፥ ነ ናእታ Ꮉይቂዳ፤ አስታማርዛ Ꮉሪ ላቢዝፐ» ያጋይዳ።
LUK 8:50 የዝን የሱሳ ይኖ ስእ እያሮሳጎ፥ «ዣሽትፐ! አማኖ፥ ነ ናእታ ፋጾዳ» ያጋይዳ።
LUK 8:51 የሱሳ እያሮሳ ካራ የልደ ዎደ ጴጥሮሳፓ፥ ዋሐንሳፓ፥ ያይቆባፓ፥ ናቲ አደፓን እንትፓ አትን መለ ገሎደ ጋር ኮይካያ።
LUK 8:52 ይና በስተ የዘ አሱንꬅ ኡቡንꬅ ናትስ ይቅስንቲ ዬኮደር፥ የሱሳ፥ «ዬክፐተ! ናታ ገንትዳፕ አትን Ꮉይቂካያ» ያጋይዳ።
LUK 8:53 አሱንꬅ ናታ Ꮉይቂዳኖ ኤርደ ግሾ ኤ ኦህቶ ለቂ ሚጭዳ።
LUK 8:54 የዝን የሱሳ ናቲ ኩሽቶ አይኪ፥ «ናእተ ደንዶ» ያጋይዳ።
LUK 8:55 ናእትስ ሸምፕታ ይእን ደንዲ ኤቅዳ። የሱሳ ኡንታጎ፥ «ኢስ ሙእዘ ባዝ እንጎተ» ያጋይዳ።
LUK 8:56 ናቲ አደራን እንትራ ጋማ ቆፕዳ። የዝን የሱሳ Ꮉኖ፥ «ኦደስን ኦህፐተ» ያጋይዳ።
LUK 9:1 የሱሳ ታጶ ላምእ ሐዋሩንꬃና ፋጎ ጼጊ፥ ቱና አያና ከሶደ ጋራን Ꮉርገ ኡባ ፋꬆደ ጋር ዎልቃን አደትꬅ ዎልቃ እንግዳ።
LUK 9:2 ጾዘ ካእቱሞ ባዝ ማርክꬋደ ፋና Ꮉርግንትዙንꬃና ፋꬆደ ፋና ኪትዳ።
LUK 9:3 ኤ ኡንታጎ፥ «ጉፈ ማቅን ስልጰ ማቅን ካꬃ ማቅን ብራ ማቅን ላምእ ማእዘ አፉላ ማቅን ኦገስ ጋእ አኮን አይክፐተ።
LUK 9:4 ይና ካታምትፓ ይን ኬሳደ ዎንꬅስ ዛቆትꬅ ይን ገልደ በሳ ጋምኦተ።
LUK 9:5 ኦደን ይንታና ሞካንጽ እጽኮ ይና ካታምትፓ ከዝተራ ኡንትስ ኤርስዘ ማርካ ማቃደ ፋና ይን ቶህተ የዘ ጹርቶ ፍጺ ከዞተ።»
LUK 9:6 ኡንትን ኪትንትዳን ፋና ኬዚ ዎንገለ ኦህተራ ዱማ ዱማ ካራ ጋንጨ Ꮉርጋንቹንꬃና ፋꬅተራ አꬍዳ።
LUK 9:7 ጋልላ ሳአ አህዘ ሄሮድሳ የሱሳራ ኦችንትደባዝቶ ሙሎ ስኤዘ ዎደ ይርግዳ። አኮስ ጋይኮ፥ ፈቲ ፈቲ አሱንꬅ ዋሐንሳ Ꮉይቆፓ ደንድካይዛራ አታማ ያጋይዳ።
LUK 9:8 ባጉንꬅ፥ «ኤልያሳ በንትዳ» ጋነ፤ መሉንꬅ ማህ፥ «ዛጋ ናቡንꬃፓ ፈተ Ꮉይቆፓ ደንድዳ» ያጋእ ኦህንታነ።
LUK 9:9 የዝን ሄሮድሳ፥ «ዋሐንሳ አፉርቶ ታ ጋችዚ ዎꬍዳ። ዬዝን፥ Ꮉንጋራ ያጋእንት ኤ ባዝ ኦህንትዘ፥ ኤ ኦደ?» ያጋእ የሱሳ ፋ ኣፍተ በአደስ ኮያነ።
LUK 9:10 ታጶ ላምእ ሐዋሩንꬅ ሱባ ማቂ ይእ፥ ኡን ኦችዳኖ ሙሎ የሱሳስ ኦህዳ። ኤ ኡንታና ኤኪ ቤተሳይዳ ካታማፓ ጋጻ ካንግዳ።
LUK 9:11 የዝን ጋማ አሱንꬅ የሱሳ ማቅዛኖ ኤሪ ኤዛ ካልዳ። ኤ ኡንታና ሞኪ ኤኪ ጾዘ ካእቱሞ ባዝ ታማርስዳ፤ ፋጾደስ ኮይዙንꬃና ፋꬅዳ።
LUK 9:12 ሳአ ኡጉርደ ዎደ ታጶ ላምእ ሐዋሩንꬅ ኤጎ ሺቂ፥ «ኑ የዘ አኮ ባይዘ ሳአ ማቅደ ግሾ አሱንꬅ ዱማ ዱማ ካራ ጋንጨን ካታማን ቅቲ፥ ካꬃን አቅዘ በሲ ኮዮደ ፋና አሱንꬃና ሞይዞ» ያጋይዳ።
LUK 9:13 የዝን ኤ፥ «ኡንትስ ሙእዘ ባዝ ይን እንጎተ» ያጋይዳ። ኡን፥ «ኑስ የዘ እችን ቦራን ላምእ ሞሎን ማቅደ ግሾ Ꮉንꬅ አሱንꬅስ ማቅዘ ካꬃ ኑኒ Ꮉንግ ዎንጋንጽኮ ማቆስ» ያጋይዳ።
LUK 9:14 ይና በስተ እችን ሙኩል ማቃደ ꬊራꬁንꬂ የነ። የሱሳ ፋ ታማሩንꬃጎ፥ «እችንታም እችንታም ሻኪ ሻኪ አሱንꬃና በትꬆተ» ያጋይዳ።
LUK 9:15 ኤ ታማሩንꬅ፥ ኤ ኪትዳን ፋና አሱንꬃና በትꬅዳ።
LUK 9:16 ኤ እችን ቦርቶን ላምእ ሞልቶ ኤኪ፥ ሳሎ ብእ፥ ጾዝ ጋላቲ፥ ባጽ አሱንꬃና ሙሎ የልꬆደ ፋና ፋ ታማሩንꬅስ እንግዳ።
LUK 9:17 ኡቡንꬅ ሙእ ምዥዳ። ኡንታፓ አትደ ታጶ ላምእ ሌማተ ኩሙꬅ ማቅዳ።
LUK 9:18 ፈቲ ዎደ የሱሳ ፋ ጻላላ ዎሶደራ፥ ኤ ታማሩንꬅ ኤጎ ይእዳ። ኤ፥ «አሱንꬅ ታና ኦና ጋኤ?» ጋእ ኦጭዳ።
LUK 9:19 ኡን ማህ «ፈተ ፈተ፥ ‹ጻማቅዘ ዋሐንሳ፥ ባጉንꬅ ኤልያሳ፥ መሉንꬅ ማህ፥ ዛጋ ናቡንꬃፓ ፈተ Ꮉይቆፓ ደንድዳ› ያጋነ» ያጋይዳ።
LUK 9:20 ኤ ማህ፥ «ዬዝን ይን ታና ኦና ጋኤ» ያጋይዳ። ጴጥሮሳ፥ «ኔኒ ጾዛፓ ዶርንትደ ክርስቶሳ» ያጋእ ማህዳ።
LUK 9:21 የሱሳ Ꮉኖ ኦደስን ኦህፐተ ጋእ ምንꬂ ኦህዳ።
LUK 9:22 ማህን የሱሳ፥ «አስ ናአይ ጋማ ማꬋ ኤኮዳ። ጋደ ጭሙንꬅስ፥ ካህኑንꬅ Ꮉላቁንꬅስን፥ ህገ አስታማሩንꬅ ካለ እጽንቶዳ። ኡን ኤዛ ዎꬎዳ፥ የዝን ኤ Ꮉይꬓንꬆ ቃማ Ꮉይቆፓ ደንዶዳ» ያጋይዳ።
LUK 9:23 የሱሳ አሱንꬅ ኡቡንꬃጎ፥ «ታና ካሎደስ ኮይዘ ኦደን የዝኮ ፋና ካዶ፥ ፋ ማስቃልቶ ኡባ ቃማ ቶኪ ታና ካሎ።
LUK 9:24 ፋ ሸምፕቶ አሾደስ ኮይዘ ኡቡንꬅ እዞ ꬋብሳነ፥ ፋ ሸምፕቶ ታ ግሾ ጋእ ꬋብስዘ ኦደን እዞ አሻነ።
LUK 9:25 አስ አላመ ሙሎባዝ ደንግዛ፥ ማቅኮን ፋ ሸምፕቶ ꬋብስዘባዝ ዎይ ቆህዘ ባዝ ማቅኮ ኤዛ አኮ ማደ?
LUK 9:26 ኦደን ታ ግዳን ታ ቃልተን ዬልꬍኮ አስ ናአይ ፋ ቦንቾራ ይኒ ጋራ አዳይ ቦንቾራን ጌሽ ኪታንቹንꬅ ቦንቾራ የእዘ ዎደ እዘ ዬልꬎዳ።
LUK 9:27 ታ ይንትስ ቱሮ ኦህነ፤ Ꮉነ ኤቅዱንꬅ ግዳፓ ጾዘ ካእቱሞ ብእካይዛራ Ꮉይቆሰ አሱንꬅ የነ» ያጋይዳ።
LUK 9:28 የሱሳ ይና ኦህቶ ኦህን፥ ኦስፉን ቃማፓ ሱባ ጴጥሮሳ፥ ያይቆባን ዋሐንሳን ፋራ ኤኪ ዎሶደስ ደረላ አፋ ከዝዳ።
LUK 9:29 ኤ ዎሳላ አፋ የዝን ኤ ስንታ ላምንትዳ፤ አፉልታን አዋ ፋና ፎእ ቦጽዳ።
LUK 9:30 ላምእ አሱንꬅ፥ ኡንትን ሙሴራን ኤልያሳራ ቦንቾራ በንቲ፥
LUK 9:31 የሩሳላመ ፎልንቶደስ የዘ ባዝ፥ ይናን፥ ኤ Ꮉና አላምትፓ ሻክንቶደ ባዝ ኤራ ኦህንታነ።
LUK 9:32 ጴጥሮሳን ኤራ የዙንꬅ ገንቲ አትን፥ ኡን ገንቶፓ ደንድዘ ዎደ ኤ ቦንችቶን ኤራ ኤቅደ ላምእ አሱንꬃና ብእዳ።
LUK 9:33 አሱንꬅ የሱሳፓ ሻክንት ቅቶደስ ይአደራ፥ ጴጥሮሳ የሱሳጎ፥ «ላꬆ፥ Ꮉነ የዛና ኑስ አኮ ጋር ሎኦ! ፈታ ኔስ፥ ፈታ ሙሴስ፥ ፈታ ኤልያሳስ ማህ Ꮉይꬕ ጋባ ጋቦዳ» ጋይዳ። የዝን ኤ ፋስ አኮ ጋኤዛኮን ኤሮስ።
LUK 9:34 ኤ ያጋእ ኦህንቶደራ ꬎነ ይእ ኡንታና ጎዝዳ። ታማሩንꬅ ꬎንቲ ግዳ ገልተራ ዣሽትዳ።
LUK 9:35 ꬎነ ግዳፓ፥ «ታ ዶርደ ናአይ Ꮉያ ኤዛ ስኦተ» ያጋዘ ኦꬂ ስንትዳ።
LUK 9:36 የ ኦꬅዘ ስንትዳንፓ ሱባ የሱሳ ፋስ የዝተ በንትዳ። የ ዎደ ኡን ብእዳኖ ኦደስን ኦህካይዛራ፥ ፋ ዎዝንተ አይኪ ስእ ጋይዳ።
LUK 9:37 ዎንትስቶ ኡን ደርዘፓ ዎꬍዘ ዎደ ጋማ አሱንꬅ ይእ ኤራ የልንትዳ።
LUK 9:38 የ ዎደ አሱንꬅ ግዳፓ ፈቲ አስ፥ «አስታማርዛዮ፥ ታ ፈቲ ናአያ ይእ ቦኦያ።
LUK 9:39 ቱና አያና ቆፕካይዝን አይኪ ዉይስዛነ፤ ጎፑንቶ ጮሽ ጉዱꬃነ፥ አሽቶ ቆህ ኡንእꬅ ኬሳደስ ኮዮስ።
LUK 9:40 ነ ታማሩንꬅ ከሶደ ጋር ዎስዳ፥ የዝን ኡን ዳንዳእካያ» ያጋእ ዎስዳ።
LUK 9:41 የሱሳ፥ «አማኖ ባይዘ ዎቦ የለቱንꬆ፥ አይደ የሎደስ ታ ይንታራ የሳደ፥ ይንታና ዳንዳኦደ? ነ ናአያ Ꮉንግ Ꮉንካ ኤኪ ዮኦ» ያጋይዳ።
LUK 9:42 ናአያ ኤኪ የእዘ ዎደ ቱና አያንዘ ሳአ ኦሊ ጉዲ ጎቅዝዳ። የዝን የሱሳ ቱና አያንዛ ካጪ ናአይፓ ኬስን ፋꬅዳ። ናአያን ናአይ አደስ እንግዳ።
LUK 9:43 አሱንꬅ ኡቡንꬅ ጾዘ ዳማ ዎልቅቶ ብእ ጋማ ቆፕዳ። ኡን ኤ ኦችደ ባዝተ ጋማ ቆፖደራ፥ የሱሳ ፋ ታማሩንꬃጎ፥
LUK 9:44 «Ꮉኖ ታ ይንትስ ኦህዛኖ ሎይꬂ ስኦተ፤ አስ ናአይ አይሁዱንꬅ ኩሽተ አꬊ እንግንቶዳ» ያጋይዳ።
LUK 9:45 የዝን ኤ ጋይዳና ኡንትስ ገልካይዘ ግሾ ኡን ቲሪካያ። ይኒ ግሾ፥ ማህ ኦጮደስ ዣሽትዳ።
LUK 9:46 የሱሳ ታማሩንꬅ፥ «ኑ ግዳ ዳማ ማቃደ ኦደ?» ጋእ ላለ አይክዳ።
LUK 9:47 የሱሳ ኡን ዎዝና ቆፍቶ ኤሪ ዦጋ ናአ ፋ ካለ ኤስ፥
LUK 9:48 «Ꮉይ ዦጋ ናአያ ታ ሱንꬅተ ኤክዘ ኦደን ታና ኤካነ፥ ታና ኤክዘ ታና ኪተዛያ ኤካነ፥ ይን ኡቡንꬃፓ ኤርዛይ፥ ኤ ዳማ ማቃዳ» ያጋይዳ።
LUK 9:49 ዋሐንሳ፥ «ላꬆ፥ ፈቲ አስ ነ ሱንꬅተ ቱና አያና ኬሶደራ ብእ ኤ ኑራ ማቆሰ ግሾ ካይዳ» ያጋይዳ።
LUK 9:50 የሱሳ ማህ፥ «ይንታና እጾሰ፥ ኤ ይን ባጋ። ይኒ ግሾ፥ ኤዛ ካይፐተ» ያጋይዳ።
LUK 9:51 የሱሳ ሳሎ ቅትዘ ዎደ ኡክደ ግሾ የሩሳላመ ቅቶደስ ቆፍቶ ምንꬂ ደንድዳ።
LUK 9:52 ሳማራ ሳአ የዘ ፈቲ ካራ ጋንጨ Ꮉንግተራ፥ ኡባ ባዝ ኤስ ጊግሳደ ፋና አስ የይጋ ኪትዳ።
LUK 9:53 የዝን ኤ Ꮉንግዛና የሩሳላመ ማቅዳኖ ኡን ኤርዘ ግሾ ኡን ኤዛ ሞኪ ኤክካያ።
LUK 9:54 የሱሳ ታማሩንꬅ ያይቆባራን ዋሐንሳራን ይኖ ብእ፥ «ላꬆ፥ ሳሎፓ ታማ ዎꬊ ኡንታና ሞኦ ጋዉደ ፋና ነ ኮያነ?» ያጋይዳ።
LUK 9:55 የዝን የሱሳ ሱባ ማቂ ኡንታና ካጪ፥ [ይን ግዳ አኮ አያና የዛኮ ይን ኤሮስ። አስ ናአይ አስ አሾደስ ይእዳፕ አትን ꬋብሶደስ ባያ] ያጋይዳ።
LUK 9:56 የይጋፓ ደንዲ መለ ካራ ጋንጨ ቅትዳ።
LUK 9:57 ኡን ኦገራ Ꮉማደራ፥ ፈቲ አስ፥ «ነ ቅትዘ በሳ ኡባ ታ ካሎዳ» ያጋይዳ።
LUK 9:58 የሱሳ ማህ፥ «ዎርካናስ ዶቺ፥ ላንዳስ ኬꬂ የነ፥ የዝን አስ ናአይ ፋ ኦምቶ ሸምፕዘ በሲ ባያ» ያጋይዳ።
LUK 9:59 Ꮉንካያን፥ «ነ ታና ካሎ» ያጋይዳ። የዝን አꬄ፥ «ላꬆ፥ ቲኒ ታ አዳያ ሞጊ የኦዳ» ያጋይዳ።
LUK 9:60 የዝን የሱሳ፥ «Ꮉይቆ የዙንꬅ Ꮉይቂዱንꬃና ሞጎደ ፋና ኡንትስ አሺ አሾ፤ ነ Ꮉንግ ጾዘ ካእቱሞ ሳባኮ» ያጋይዳ።
LUK 9:61 ማህ መለ አስ፥ «ላꬆ፥ ታ ነና ካሎዳ፥ የዝን ቲኒ ታ ካራ አሱንꬃና ሳሮꬅ የኦዳ» ያጋይዳ።
LUK 9:62 የሱሳ ማህ፥ «ኮፀ አይኪ ሱብ በእዘ ኦደን ጾዘ ካእቱሞስ ቤዞስ» ያጋይዳ።
LUK 10:1 ይንፓ ሱባ፥ ላꬂ መለ ላፑን ታም ላምእ አሱንꬃና ዶርዳ። ኤ Ꮉማደስ ቆፕደ ካታምተን ካራ ጋንጨ ኡባ ቲኒ Ꮉማደ ጋራ ላምእ ላምእ ማህ ኪትዳ።
LUK 10:2 የሱሳ ኡንታጎ፥ «ይኬ ሺቆደ ካꬃ ጋማ የዝን ኦችዙንꬅ ኤራꬅ። ማቅደ ግሾ፥ ካꬃ ላꬃይ ኦችዙንꬃና ኪቶደ ፋና ዎሶተ።
LUK 10:3 ይኬ፥ ቅቶተ፥ ዱሩንꬅ ፋና ሱꬉሙንꬅ ግዳ ይንታና ታ ዳኮዳ።
LUK 10:4 ይን ቅትዘ ኦግትስ፥ ብራ ማቅኮን ካርጥተ ጫማ አይክፐተ። ኦገላ አፋ ኦደን ሳሮꬅፐተ።
LUK 10:5 ይን ገልዘ ኬꬃ ኡባ ቲኒ፥ ‹ሳሮ Ꮉና ኬꬅትስ ማቀ› ያጋኦተ።
LUK 10:6 ሳሮ ካዽዘ አስ ይና በስተ የዝኮ፥ ይን ሳርታ እዘ ሸምፖዳ፤ ኮዮስ ጋይኮ ይን ሳርታ ይንትስ ማቃዳ።
LUK 10:7 ኦችዘስ ዳሞዘ ቤዘ ግሾ ይን ገልደ ኬꬅተ ይንትስ ሺሽደባዝ ኡባ ሙእተራን ኡዥተራ እዘ ጋምኦተ። ፈተ ካራፓ ፈተ ካራ ዉትፐተ።
LUK 10:8 አኮ ካታማን ይን ገልዘ ዎደ አሱንꬅ ይንታና ሞኪ፥ ይንትስ ሺሽደባዝ ኡባ ሞኦተ።
LUK 10:9 ይና ካታምተ የዘ Ꮉርግንትዙንꬃና ፋꬅተራ፥ ‹ጾዘ ካእቱሞ ይንታጎ ኡክዳ› ያጋእ ኦሆተ።
LUK 10:10 የዝን ፈቲ ካታማ ገልዘ ዎደ አሱንꬅ ይንታና ሞካንጽ እጽኮ ቡጫላ ኬዚ Ꮉንጋራ ጋኦተ:
LUK 10:11 ‹ኑ ቶህትላ የዘ ይን ካታምት ጹርቶ ፍጻነ፥ የዝን ጾዘ ካእቱሞ ይንታጎ ኡክዳኖ ኤሮተ›
LUK 10:12 ጾዘ ፍርዳ ቃማ Ꮉና ካታምትፓ ሶዶመ ካታማስ ፍርዳ ኤራꬅ ማቃዳኖ ታ ይንትስ ኦህነ» ያጋይዳ።
LUK 10:13 ካሊ፥ የሱሳ፥ «ባደ ክኦራዚነ፥ ባደ ቤተሳይዳ፥ ባደ፥ ይን ግዳ ኦችንትደ ክለ ባዝታ ጢሮሳ ግዳን ስዶናን ኦችንተዛኮ እዘ የዘ አሱንꬅ አዛኖ አፉላ ማእ፥ ቡዶላ አፋ በቲ ዛጋ ማሮትꬅ ገሊ አቶድ የሻ።
LUK 10:14 ይኒ ግሾ፥ ይንታፓ አꬊ ጢሮሳስን ስዶናስ ጾዘ ፍርድታ ኤሮዳ።
LUK 10:15 ባደ ቅፍርናሆመ፥ ሳሎ የሎደስ ነና ꬎቅ ኦቾደስ ኮያነ? ነ ሱለ ስኦለ ኦልንቶዳ» ያጋይዳ።
LUK 10:16 ማህን የሱሳ ፋ ታማሩንꬃጎ፥ «ይንታና ስእዘ ታና ስእነ፥ ይንታና ኤኮሳይ ታና ኤኮስ፥ ታና ኤኮሳይ ታና ኪተዛያ ኤኮስ» ያጋይዳ።
LUK 10:17 ላፑን ታም ላምእ ታማሩንꬅ ኪትንትደ በስትፓ ጋማ ኡፋይትተራ ማቅዳ። የሱሳጎ ሺቂ፥ «ላꬆ፥ ነ ሱንꬅተ ቱና አያኑንꬅን ኑስ ኪትንትዳ» ያጋይዳ።
LUK 10:18 የሱሳ ኡንታጎ፥ «ጻላሄ ሳሎፓ ዳዳ ፋና ዎꬎደራ ታ ብእዳ።
LUK 10:19 ይኬ፥ ሾሽን ማስማሶ የꬎደ ፋናን ሞርከ ዎልቃ ተቆደ ፋና ዎልቃ ይንትስ እንግዳ። ይንታና ቆሆደባዝ አኮን ባያ።
LUK 10:20 ማቅኮን፥ ይን ሱንꬅታ ሳሎ ማዝጋበ ጻፍንትደ ግሾ ኡፋይቶተፕ አትን ቱና አያኑንꬅ ኪትንትደ ግሾ ኡፋይትፐተ» ያጋይዳ።
LUK 10:21 የ ዎደ የሱሳ ጌሽ አያናራ ኡፋይት፥ «ሳሎ ሳአ ላꬆ፥ Ꮉኖ ጭንጩንꬃፓን ኤሩንꬃፓ አቺ ታማርካይዙንꬅስ ቆንጭዝደ ግሾ ጋላትንቶ። ዬ ታ አዳዮ፥ ይኖ ነ ኦቾደስ ሎኦ ቆፋ ማቅዳ።
LUK 10:22 «ኡባ ባዝታ ታ አደፓ ታስ እንግንትዳ። ናአይ ኦደ የዛኮ ሎይꬂ አደፓ አትን መለ ዎይ ናአይ ቆንጭሳደስ ኮይዘፓ መለ ኦደን አዳያ ኤርዘ ባያ» ያጋይዳ።
LUK 10:23 ካሊ፥ የሱሳ ዱማ ፋ ታማሩንꬃጎ፥ «ይን በእዛኖ በእዙንꬅ አንጅንትዱንꬃና።
LUK 10:24 ቱሮ ጋማ ናቡንꬅን ካቱንꬅ ይን በእዛኖን ስእዛኖ በአደስን ስኦደስ አሙꬍዳ፥ የዝን ብእካያ፥ ስእካያ» ያጋይዳ።
LUK 10:25 ይኬ፥ ፈቲ ዎደ ሙሴ ዎጋ ኤርዘ ፈቲ አꬄ ደንዲ የሱሳ ያጋእ ፋታና ኦቺ ኦጭዳ። «አስታማርዛዮ፥ መዽና ደኦ ላቶደስ ታኒ አኮ ኦቾ?» ያጋይዳ።
LUK 10:26 የሱሳ፥ «ሙሴ ማጻፍተ ጻፍንትዳና ዋገ? ነ ዋይዝ ናባበ?» ያጋይዳ።
LUK 10:27 አꬃይ ማህ፥ « ‹ነ ላꬃ ነ ጾዛ፥ ነ ኩሙꬅ ዎዝናፓ፥ ነ ኩሙꬅ ሸምፖፓ፥ ነ ኩሙꬅ ዎልቃፓን ነ ኩሙꬅ ቆፋፓ ካꬎ። ማህ አስ ነ ዶꬅዛ ነ ኦምት ጋር ካꬎ› ያጋነ» ያጋይዳ።
LUK 10:28 የሱሳ ኤጎ፥ «ነ ልከ ማህዳ፥ ኔንን ይኒ ጋራ ኦቾ። ነ መዽና ደኦ የሳዳ» ያጋይዳ።
LUK 10:29 የዝን አꬄ ፋና ጽሎ ማሆደስ ኮይ፥ «ኤ ታ ዶꬅዘ ኦደ?» ያጋይዳ።
LUK 10:30 ኤ ኦጭዳንስ የሱሳ ያጋእ ማሄ እንግዳ፥ «ፈቲ አስ የዛይ የሩሳላመ ካታማፓ ሱለ እያርኮ ካታማ ዎꬎደራ ኦገላ አፋ ፋኑንꬅ ኬዚ ጉድዳ። ኤ ማእቶ ጋሪ ኤኪ Ꮉይቆፓን ፋጻፓን ግዳ አሺ ቅትዳ።
LUK 10:31 ሱባፓ፥ አይሁደ ካህነ ፈተ ይና ኦግትራ ፋ አ ጋእ አꬍተራ አꬃ ብእ ደሽ ጋእ አꬍዳ።
LUK 10:32 ማህ ፈቲ ሌወ የዛይ ይና በስቶ የሊተራ አꬃ ብእ መለ በሳራ አꬊ ቅትዳ።
LUK 10:33 የዝን፥ ፈቲ ሳማራ ጋደ አስ የዛይ ይና ኦግትራ ይእተራ አꬃ ብእ ኤስ ይቅስንቲ
LUK 10:34 ኤጎ ሺቂ፥ ኤ Ꮉርግዘ በስትላ ዛይተን ዎይነን ጉጂ አጭዳ። ፋ Ꮉርዘላ በትꬂ ዛቆ አቅዘ ኬꬃ ካንግዳ። ይና በስተ ኤስ ኮሽዘ ባዝ ሙሎ ኦችዳ።
LUK 10:35 ዎንትስቶ ላምእ ድናረ ኬሲ ዛቆ ሞክዘ ካርቲ አደስ እንግ፥ ‹ወይአ Ꮉይ አꬃ ሎይꬂ ቦኦ። ታ ኔስ እንግዳንፓ ካታራ ነ ኬስደ ባዝ ሙሎ ታ ኔስ ጭጎዳ› ያጋይዳ።
LUK 10:36 «ይኬ፥ Ꮉንꬅ Ꮉይꬕ አሱንꬃፓ ፋኑንꬅ ጉድደ አꬄስ ዶꬅꬋደ ኔስ ኦና አዘ?»
LUK 10:37 አꬃይ ማህ፥ «ኤስ ይቅስንትዳያ» ጋይዳ። የሱሳ፥ «ኔንን Ꮉንግ ይኒ ጋራ ኦቾ» ያጋይዳ።
LUK 10:38 የሱሳ ፋ ታማሩንꬃራ ኦገ Ꮉንግተራ ፈቲ ካራ ጋንጨ የልዳ። የይጋ ማርታ ጋእንትዘ ፈቲ ማችታ እዛ ፋ ካራ ሞክዳ።
LUK 10:39 ኢስን ማይራሞ ጋዘ ምሻ የነ፥ ማይራማ ቃላ ስእተ ላꬄ ቶሄ ካለ በትዳ።
LUK 10:40 የዝን ማርታ ጋማ ኦቻራ ኡንእንት የሱሳጎ ሺቂ፥ «ላꬆ፥ ታ ምሽታ ኦችቶ ታ ጻላላስ አሺ በቲ አትን ታ ላቢዘ ዎደ ነ ብእተራ ስእ ጋነ? እዛ ታና ማዶደ ፋና ኦሆሶ» ያጋይዳ።
LUK 10:41 የዝን ላꬂ Ꮉንጋራ ጋእ ማህዳ፥ «ማርታ፥ ማርታ፥ ኔኒ ጋማባዛር ኡንእንት ማꬍꬋነ።
LUK 10:42 ማቅኮን፥ ኮሽዘ ፈትባዝ ጻላላ። ማይራማ ሎኦ ባዝ ዶርዳ፥ ይናን ኢፓ ኤክንቶስ» ያጋይዳ።
LUK 11:1 ፈቲ ዎደ የሱሳ ፈቲ በሳ ዎሳነ። ዎሳ Ꮉስደ ዎደ ኤ ታማሩንꬃፓ ፈተ፥ «ላꬆ፥ ዋሐንሳ ፋ ታማሩንꬃና ዎሳ ታማርስደ ፋና ኔንን ኑና ዎሳ ታማርሶ» ያጋይዳ።
LUK 11:2 የሱሳ፥ «Ꮉንጋራ ያጋእ ዎሶተ፦ « ‹ሳሎ የዘ ኑ አዳዮ ነ ጌሽ ሱንꬅታ አንጅንቶ፤ ነ ካእቱምታ ዮኦ።
LUK 11:3 ኑ Ꮉይኖ ቁምቶ ኑስ እንጎ።
LUK 11:4 ኑና ቆህዱንꬃꬃ ኑኒ አቶ ጋዛን ፋና፥ ኑ ናጋርቶ አቶ ጋኦ፤ ፋታና ግዳ ኑና ገልꬅፐ› » ያጋዉተ ያጋይዳ።
LUK 11:5 ካሊ፥ የሱሳ ፋ ታማሩንꬃጎ ያጋይዳ፦ «አዝዘስ ይንታፓ ፈተስ ላገ የነ። ኤ ግዲ ብላሄ ፋ ዶꬅዘ ካራ Ꮉንግ፥ ‹ዶꬆ፥ Ꮉይꬕ ሶሎ ታስ እንጎያ።
LUK 11:6 ታስ ላገ ማቅደ ፈቲ አስ ኦገፓ ይእን፥ ኤስ ኣꬆደባዝ ꬋብዳ› ያጋዛኮ፥
LUK 11:7 «ኤ ላግዘ ኬꬃ ግዳ የዛራ፥ ‹አደ ታና ዋይꬅፐ፥ ፉርꬅታ ጎርድንትዳ። ታ ናኡንꬅን ታራ ዳꬃላ አፋ ዎይእዳ። ይኒ ግሾ፥ ደንዲ ነ ኮይዘባዝ እማደስ ዳንዳኦስ› ያጋነነ?
LUK 11:8 ታ ይንትስ ኦህነ፤ ላገትꬅት ግሾ ደንዲ እማደስ ኮያንጽ እጽኮን ዎሳራ ዋይꬅደ ግሾ ደንዲ ኮሽዘ ባዝ ሙሎ እንጋነ።
LUK 11:9 «ይኒ ግሾ፥ ታኒ ይንትስ ኦህነ፤ ዎሶተ ይንትስ እንግንቶዳ፤ ኮዮተ ይን ደማዳ፤ ፉርꬃ ይእ ጼጎተ ይንትስ ቡጉንቶዳ።
LUK 11:10 አኮስ ጋይኮ ዎስዘ ኡቡንꬅ ኤካነ፤ ኮይዘ ደንጋነ፤ ፉርꬃ ይእ ጼግዘስ ቡጉንታነ።
LUK 11:11 «አዱንꬆ ይን ግዳፓ ናአ ሞሎ ዎስን ሾሽ እንግዘ ኦደ?
LUK 11:12 ዎይ ጱጱለ ዎስን ማስማሶ እንጋነ?
LUK 11:13 ይን ኢቱንꬃና ማቂ ይን ናኡንꬅስ ሎኦ ባዝ እንገ ኤርኮ፥ ሳሎ የዘ ይን አዳይ ዎስዙንꬅስ ጌሽ አያና ዋይዝ አꬂ እንጎሶ?» ያጋይዳ።
LUK 11:14 ፈቲ ዎደ የሱሳ ዶና ሙምዝደ ቱና አያና ፈቲ አꬄፓ ከስዳ። ቱና አያንዘ ከዝደ ፋና ዶና ሙመ አꬄ ኦህንትዳ። አሱንꬅን ጋማ ቆፕዳ።
LUK 11:15 የዝን ፈተ ፈተ፥ «ቱና አያና Ꮉላቃ፥ ብኤልዘቡላ ዎልቃራ ቱና አያኑንꬃና ከሳነ» ያጋይዳ።
LUK 11:16 መሉንꬅ ማህ ፋታኖደስ ሳሎፓ ማላ ቤዞደ ፋና ኮይዳ።
LUK 11:17 የዝን የሱሳ ኡን ቆፍቶ ኤሪ ኡንታጎ፥ «ዎል ግዳ ሻክንትዘ ካእቱሞ ኡባና ꬋባነ፤ ዎል ግዳ ሻክንትዘ ኬꬂ ጎልአነ።
LUK 11:18 ጻላሄ ካእቱሞ ዎል ግዳ ሻክንትኮ ዋይዝ ሚንግ ኤቆደ? ይን ታና፥ ‹ኤ ቱና አያኑንꬃና ብኤልዘቡላ ዎልቃራ ከሳነ› ያጋነ።
LUK 11:19 ይኬ፥ ታኒ ቱና አያና ብኤልዘቡላ ዎልቃራ ኬስዘባዝ ማቅኮ ካልዙንꬅ ኦደ ዎልቃራ ኬሶድ የሻ? ይኒ ግሾ፥ ኡን ይንታላ አፋ ፍርድዙንꬅና ማቃዳ።
LUK 11:20 የዝን ታኒ ቱና አያኑንꬃና ጾዘ ግልአራ ኬስዘባዝ ማቅኮ ይኬ ጾዘ ካእቱምታ ይንታጎ ኡክዳኖ ኤሮተ።
LUK 11:21 «ምንꬂ አስ ዳንጭንቲ ፋ ኬꬅቶ ናግዘባዝ ማቅኮ፥ ኤ ቆልታ ቦችንቶስ።
LUK 11:22 ዪኮን፥ ኤፓ አꬊ ምንꬂ ማቅደ አስ ይእ፥ ኤዛ ዎልቂꬊ ጋምኮ አማንንቲ ዳንጭደ ዳንጭቶ ብልዚ፥ ኤ ቆልቶ ቦንቂ መሌ አስስ ሻካነ።
LUK 11:23 «ታራ ማቅካይዛይ ታና እጻነ፤ ታራ ሺሾሳይ ላላነ።
LUK 11:24 «ቱና አያና አሳፓ ከዝደ ዎደ ሸምፕዘ በሲ ኮይ Ꮉꬅ ባይዘ በሳራ ዉታነ። ሸምፕዘ በሲ ꬋብደ ዎደ ‹ታ ከዝደ በስተ ማቃዳ› ያጋነ።
LUK 11:25 ኤ ማቅዘ ዎደ ኬꬅታ ፍጽንቲ ሎእ የዝን ደንግዳ።
LUK 11:26 ይንፓ ሱባ፥ Ꮉንግ ኤፓ አꬊ ኢትደ መለ ላፑን ቱና አያኑንꬃና ኤኪ የእነ። ኤ ግዳ ገሊ የስ አይካነ። የ አꬄስ ቲኖስትፓ ሱባና አꬊ ኢታ ማቃነ» ያጋይዳ።
LUK 11:27 የሱሳ ይና ኦህትላ አፋ የሳደራ ፈቲ ማችታ አስ ግዳፓ ደንዲ፥ ፋ ቃልቶ ꬎቅ ዪዚ፥ «ነና ቶክደ ሳዝታን ነ ꬋንግደ ꬋንꬅታ አንጅንትዳ» ያጋይዳ።
LUK 11:28 የዝን ኤ፥ «አንጅንትዱንꬅ ጾዘ ቃልቶ ስእ ኪትንትዙንꬃና» ያጋይዳ።
LUK 11:29 ጋማ አሱንꬅ ሺቅደ ዎደ የሱሳ፥ «Ꮉና የለቱንꬅ ኢታ፤ ክለ ማላ ኮያነ። የዝን ዮናሳ ማላትፕ መለ ኡንትስ እንግንቶስ።
LUK 11:30 ዮናሳ ነነዌ አሱንꬅስ ማላ ማቅደ ፋና አስ ናአይን Ꮉና የለቱንꬅስ ማላ ማቃዳ።
LUK 11:31 ሳባ ካትታ ፍርዳ ዎደ Ꮉንꬅ የለቱንꬃራ ደንዲ ፍርዶዳ። አኮስ ጋይኮ፥ እዛ ሶሎሞና ጭንጫትꬅቶ ስኦደስ ሳአ ጋጻፓ ደንዲ ይእዳ። ይኬ ሶሎሞናፓ ኣꬍዛይ Ꮉነ የነ
LUK 11:32 ነነዌ አሱንꬅ ፍርዳ ዎደ Ꮉንꬅ የለቱንꬃራ ደንዲ ኡንታላ አፋ ፍርዶዳ። አኮስ ጋይኮ ዮናሳ ስብከተር ማሮትꬅ ገልዳ። ይኬ፥ ዮናሳፓ አꬍዘ Ꮉነ የነ» ያጋይዳ።
LUK 11:33 «ጾምፐ ጾምፒ አችቻ በሳ ዎይ ኦታ ግዳ ጋድዘ አስ ባያ። አስ ፎእቶ በአደ ፋና ꬎቃ በሳ ጋዳነ።
LUK 11:34 ነ ጋልትስ ፎኦ ነ ኣፍቶ። ነ ኣፍታ ሎኦ ማቅኮ፥ ነ ኩሙꬅ ጋልታ ፎአነ። ነና ኣፈ Ꮉርግኮ ነ ጋልታ ኡባና ꬉማነ።
LUK 11:35 ይኒ ግሾ፥ ነ ግዳ የዘ ፎእዘ ꬉማመ ጋር ናግንቶ።
LUK 11:36 ይኬ፥ ነ ኩንꬅ ጋልታ ፎኦ ማቅኮ፥ ነ ጋልተን መለ ꬉማ በሲ ꬋብኮ፥ ነ ጋልታ ኩሙꬅታ ፎኦ ፋና ማቃነ» ያጋይዳ።
LUK 11:37 የሱሳ ፋ ኦህቶ Ꮉስደ ፋና ፈቲ ፋርሳዉዘ ፋራ ካꬃ ማአደ ፋና ጼግዳ። ኤ ኤራ ፈትላ ገሊ ሙንታላ በትዳ።
LUK 11:38 ፋርሳዉዘ የሱሳ ካꬃ ማአደፓ ቲኒ ኩሸ ሜጮሳኖ ብእ ጋማ ቆፕዳ።
LUK 11:39 ላꬂ ኤጎ፥ «ይን ፋርሳዉንꬅ ቡርጩቆስን ሻተስን ካታ ዛልቶ ሜጫነ። የዝን ይን ጋንጭታ ኡዛትꬃራን ኢታባዛራን ኩምዳ።
LUK 11:40 ይን፥ ኤዩንꬆ፥ ካታ ዛልቶ መꬍደ ጋንጭቶ መꬍዳይ ኤዛ ባነ?
LUK 11:41 የዝን ቡርጩቆን ሻተን የዛኖ ዳሁንꬅስ እንጎተ። የ ዎደ ይንትስ ኡባ ባዝታ ጌሽ ማቃዳ።
LUK 11:42 «ፋርሳዉንꬆ ይንታና ባደ፥ ካርꬅ ጋላፓ፥ ጻሎተፓ፥ ይኒ ፋና የዘ ባዛፓ አስራታ ከሳነ። የዝን ጽሎትꬅን ጾዝ ካꬎ ይን ግዳ ባያ። መሉንꬃና አሽካይዛራ Ꮉንሳና ኦቾደስ ቤዛነ፥ የዝን አሽዳ።
LUK 11:43 «ፋርሳዉንꬆ ይንታና ባደ፥ አይሁደ ዎሳ ኬꬅተ ቦንቾ ኦይዳ፥ ጋበ ግዳ ቦንቾ ሳሮ ካꬋነ።
LUK 11:44 «በስታ ꬋብን አሱንꬅ ኤርካይዛራ ካታራ የꬍዘ ቦዛ አዙንꬆ ይንታና ባደ» ያጋይዳ።
LUK 11:45 ህገ አስታማርዘ ማህ፥ «አስታማርዛዮ፥ ነ ይኖ ጋእተ ኑና ጫዣነ» ያጋይዳ።
LUK 11:46 የሱሳ፥ «ይን፥ ህገ አስታማሩንꬆ፥ ይንታና ባደ፥ አሱንꬅ ቶኮደስ ዳንዳኦሰ ዴጾ ቶፎ ቶሳነ፥ የዝን ይን ይን ኦምትስ መለ አቶ የዝን ግልአ በርꬃራን ግርሞስ።
LUK 11:47 «ይን አዱንꬅ ዎꬍደ ናቡንꬅ ቦዝቶ ይን ጊግዘ ግሾ ይንታና ባደ።
LUK 11:48 ይኬ፥ ይን አዱንꬅ ኦችቶ ምንꬆደስ ኡን ዎꬍደ ናቡንꬅ ቦዝቶ ይን ሎይꬅዘ ግሾ ኡን ኢታ ኦችትስ ይን ማርካ።
LUK 11:49 ይኒ ግሾ፥ ጾዚ ፋ ጭንጫትꬅተ፥ ‹ናቡንꬃናን ሐዋሩንꬃና ታ ይንትስ ኪቶዳ፥ የዝን ይን ባጉንꬃና ዎꬎዳ፤ መሉንꬃና ባይኦዳ› ያጋይዳ።
LUK 11:50 ይኒ ግሾ፥ Ꮉና የለቱንꬅ አላመ መꬍንትዳንፓ Ꮉኖ የሎደስ ጎግደ ናቡንꬅ ኡቡንꬅ ሱꬅትስ ኦጭንቶዳ።
LUK 11:51 አቤላፓ ደንꬂ ዣርሾ በስትስን ጾዘ ኬꬃፓ ግዳ ጎግደ ዛካርያሳ ሱꬅት ግሾ Ꮉንꬅ የለቱንꬅ ኦጭንቶዳ።
LUK 11:52 «ህገ አስታማሩንꬆ፥ ይንታና ባደ፥ ኤራትꬅ ቁልፈ ይን ኩሸ አይክዳ፥ የዝን ይንትስን ገሎስ መሉንꬃናን ገልꬆስ» ያጋይዳ።
LUK 11:53 የሱሳ የይጋፓ ቅቶደስ ከዘ ዎደ ህገ አስታማሩንꬅን ፋርሳዉንꬅ ኤራ እጽንት ኦጨራ ዋይꬃነ።
LUK 11:54 ኤ ዶንትፓ ከዘ ቃልተ ኤዛ አይኮደስ ኮይ ይኖ ኦችዳ።
LUK 12:1 የ ዎደ ጋማ ሙኩላር ፋይድንትዘ አሱንꬅ ዎላል አፋ የꬍንቶደ ዎንꬅስ አስ አሳላ አፋ ሺቂ የሳደራ፥ የሱሳ ፋ ታማሩንꬃጎ፥ «ፋርሳዉንꬅ እርሽትፓ ናግንቶተ። ይናን ኡን ጩቦትꬅቶ።
LUK 12:2 ቆንጭካይዛር አችንት፥ ኤርንቶሰ ገንጊ አትዘባዝ አኮን ባያ።
LUK 12:3 ይኬ፥ ይን ꬉማ ኦህደባዝ ኡባ ፎኦ ስንቶዳ፥ ቆልአ ግዳ ካልካሽደ ባዝ ቆንጨ በሳ ኦህንቶዳ።
LUK 12:4 «ታ ባጉንꬆ፥ ታ ኦህዛኖ ስኦተ፤ አሾ ዎꬋነ ፋትን መለ አኮን ኦቾደስ ዳንዳኦሱንꬃና ዣሽትፐተ።
LUK 12:5 ዪኮን፥ ይን ዣሽቶደስ ቤዝዛ ታ ይንትስ ቆንጭሳዳ። ይናን ዎꬍዳንፓ ሱባ ጋናመ ኦሎደስ ዎልቃ የዘስ ኤስ ዣሽቶተ። ዬ፥ ቱሮ ጋነ፤ ኤስ ዣሽቶተ።
LUK 12:6 እችን ቡቡንꬅ ፈቲ ሳንትመስ ባይዝንቶሳነ? ይኦፕ አትን ኡንታፓ ፈተን ጾዘ ቲንተ ቦትንቶስ።
LUK 12:7 መለ አቶ የዝን፥ ይን ኦማ እስንꬅታን ፋይድንቲ የነ። ይኬ፥ ዣሽትፐተ፤ ጋማ ቡቡንꬃፓ ይን አꬋነ።
LUK 12:8 «ታ ኦህዛኖ ስኦተ፤ አስ ቲኖ ታስ ማርክꬍዘ ኡቡንꬅስ አስ ናአይ ጾዘ ኪታንቹንꬅ ቲንተ ማርክꬎዳ።
LUK 12:9 አስ ቲኖ ታና ካድዘስ ጾዘ ኪታንቹንꬅ ቲንተ ታ ኤዛ ካዶዳ።
LUK 12:10 አስ ናአላ አፋ ለቆ ቃላ ኦህዘ ኡቡንꬅ ማሮትꬅ ደማዳ፥ የዝን ጌሽ አያናላ አፋ ለቆ ቃላ ኦህዘስ ማርንቶስ።
LUK 12:11 «አስ ይንታና አይኪ አይሁደ ዎሳ ኬꬃ፥ ዳይኑንꬅ ቲንተን ካቱንꬅ ቲንተን ጎሽችዘ ዎደ አኮ ኦሆድየዛኮን ዋጊ ማሆድ የዛኮ ይርግፐተ።
LUK 12:12 የ ዎደ ይን ኦሆደባዝ ጌሽ አያና ይንታና ታማርሶዳ» ያጋይዳ።
LUK 12:13 አስ ግዳፓ ፈቲ አስ የሱሳጎ ይእ፥ «ታ እሸ ታስ ኑ አዳይ ላታፓ ሻጎደ ፋና ኤስ ኦሆ» ያጋይዳ።
LUK 12:14 የሱሳ ማህ፥ «ናተ አꬃዮ፥ ይንታላ አፋ ታና ዳይናን ላታ ሻክዘ ጭማ ማህደ ኦደ?» ያጋይዳ።
LUK 12:15 ማህካ የሱሳ፥ «አስ የስ ቆሎ ጋማትꬃራ ማቆሰ ግሾ ኢራ አሺ ምንꬂ ይንታና ናግንቶተ» ያጋይዳ።
LUK 12:16 ካሊ አዝዘራ፥ «ጋደ ጋማ ካꬃ እንግዘ ፈቲ ዱረ አꬄ የነ።
LUK 12:17 የ አꬄ፥ ‹ታ ካꬅቶ ታ ሺሾደስ በሲ ኤርደ ግሾ አኮ ኦቾ?› ያጋእ ፋ ዎዝንተ ቆፕዳ።
LUK 12:18 ይኬፓ የይሳዳ፤ ቲኖ የዘ ፋችቶ ላሊ መለ ዳልጊ ፋቻ ኬጾዳ። ካꬅቶን ታስ የዘ ባዝ ሙሎ እዘ ሺሾዳ።
LUK 12:19 ፋ ሸምፕትጎ፥ ‹ታ ሸምፕተ፥ ጋማ በረስ ኔስ ማቃደ ቆሎ ሺሽዳ። ይኬ፥ ሸምፒ ሞኦ፥ ኡዦ፥ ኡፋይቶ› ያጋኦዳ።
LUK 12:20 «የዝን ጾዚ፥ ‹ናተ፥ ኤያ Ꮉይ አꬃዮ፥ Ꮉይኖ ቃማ ነ ሸምፕታ ኔፓ ኤክንታነ። ይኬ፥ ነ ሺሽደ ባዝታ ኦደስ ማቃደ?› ያጋይዳ።
LUK 12:21 «ይኒ ግሾ፥ ፋስ ዱረትꬅ ሳአ ሺሽዘ አስስ፥ ጾዘ ካለ ዱረ ማቆሰ አስስ ፎልታ Ꮉይ አꬄስቲ ፋና» ያጋይዳ።
LUK 12:22 ይንፓ ሱባ፥ የሱሳ ፋ ታማሩንꬃጎ፥ «ይኬ፥ ታ ኦህዛኖ ስኦተ፥ ይን ሸምፕትስ አኮ ሞኦ ይን ጋልትስ አኮ ማኦ ያጋእ ኡንእንትፐተ።
LUK 12:23 ሸምፖ ካꬃፓ ጋላ አፉላፓ አꬋነ።
LUK 12:24 ላንዱንꬃና ቦኦተ ቡዶስ፥ ማጾስ፥ ኤለን ፋቻን ባያ። የዝን ጾዚ ኡንታና ሙዛነ። ይን ላንዱንꬃፓ ጋማ አꬋነ።
LUK 12:25 ዬዝን፥ ይንታፓ ኡንእንት ፋ በርትላ አፋ ፈቲ ቃማ ጉጆደስ ዳንዳእዘ ኦደ?
LUK 12:26 ይኬ፥ Ꮉና ኤራꬅ ባዝቶ ኦቾደስ ዳንዳኦሰ ይን መለባዝስ አኮስ ኡንእንተ?
LUK 12:27 አነ ፉ ዋይዝ ድጭዛኮ ቦኦተ። ዋዮስ ሱቆስ። መለ አቶ የዝን፥ ሶሎሞናን ፋ የዘ ቦንችተ ኡባነ ኡንታፓ ፈተ ጋርዛን ማእካያ።
LUK 12:28 ይን፥ አማኖ ፋጨዙንꬆ፥ ይኬ፥ ጾዚ Ꮉይኖ በንቲ ዎንታ ታማ ኦልንቶደ ፉዽቶ Ꮉንጋራ ማእስኮ፥ ይንታና ዋይዝ አꬂ ማእሶሶ?
LUK 12:29 ይኒ ግሾ፥ አኮ ሞኦ ዎይ አኮ ኡዦ ጋእ ኡን ዎዝንቶ እዝላ አፋ ማህፐ።
LUK 12:30 ይኖ ኡባ ጾዝ አማኖሰ አሱንꬅ ፋ ዎዝንቶ እዝላ ማሀነ። የዝን ይን አዳይ ጾዛይ ይና ኡባና ይንትስ ኮሽዛኖ ኤራነ።
LUK 12:31 ኡባንፓ አꬂ ጾዘ ካእቱሞ ኮዮተ ይና ኡባና ይንትስ ጉጂ እንግንቶዳ።
LUK 12:32 «ይን፥ ኤራꬅ ዎርዡንꬆ፥ ዣሽትፐተ፤ ይን አዳይ ጾዘ ካእቱምቶ ይንትስ እማደስ ኡፋይታነ።
LUK 12:33 ይንትስ የዘ ባዝ ባይዝ ዳሁንꬅስ እንጎተ። ካይዞ ኤኮሳነ፥ ብላ ሞኦሳነ፥ ጭንጎሰ ካርጥተ፥ Ꮉልኦሰ ቆልቶ ሳሎ ሺሾተ።
LUK 12:34 ይን ዎዝንታ ይን ቆልታ የዘ በስተ ማቃዳ።
LUK 12:35 «ዳንጭንቲ ጊግንቶተ፤ ይን ጾምፕታ ፎእዛኖ ማቀ።
LUK 12:36 ፋ ላꬄ ዣጋናፓ ማቃደ ዎንꬅስ ባርክ ናግዙንꬅ ፋና፥ ላꬂ ይእ ጼግዘ ዎደ ኤልሲ ቡጎደስ ጊግደ አሱንꬅ ፋና ይኦተ።
LUK 12:37 ፋ ላꬄ ማቅዘ ዎደ ገንትካይዛራ ናግዙንꬅ አንጅንትዱንꬃና። ቱሮ ጋነ፤ ላꬂ ዳንጪ ሌማተ ካለ በትꬂ ሞካነ።
LUK 12:38 ላꬂ ግዲ ብላሄ ማቅን ዎይ ዎንት ማ ማቅን ይእ፥ ይኒ ፋና ገንትካይዛራ ናግዝን ደንግደ የንꬅ አሩንꬅ አንጅንትዱንꬃና።
LUK 12:39 የዝን Ꮉኖ ኤሮተ፤ ካይዞ አይደ የኦድ የዛኮ ካርቲ አዳይ ኤርዛኮ ኬꬅቶ ቦክንትዘ ዎደ ስእ ጋእ ቦኦስ።
LUK 12:40 ይንትን ጊጊ ናጎተ፤ አስ ናአይ ይን ቆፕካይዘ ዎደ የኦዳ» ያጋይዳ።
LUK 12:41 ጴጥሮሳን፥ «ላꬆ Ꮉና አዝዝቶ ኑ ጻላላስ ኦህነነ ዎይ አስ ኡቡንꬅስ?» ያጋይዳ።
LUK 12:42 ላꬂ ማህ፥ «ይኬ፥ ካꬃ ሙሳደስ ቤዘ ዎድተ እንጎደ ፋና ላꬄ ፋ አሩንꬃላ አፋ ሹምደ አማንꬅዛይን ዎዝናማ Ꮉላቅዘ ኦደ?
LUK 12:43 ላꬂ ማቅዘ ዎደ ይኒ ፋና ኦችተራ በንትዘ አርዘ ኤ አንጅንትዳያ
LUK 12:44 ታ ይንትስ ቱሮ ኦህነ፤ ፋ ላꬄስ የዘ ቆሎ ኡባንላ አፋ ኤ ሹምንቶዳ።
LUK 12:45 የዝን የ አርዘ፥ ‹ታ ላꬃይ ኤለ የኦስ› ያጋእ ፋ ዎዝንተ ቆፒ፥ ማች አሩንꬃናን ꬊራꬅ አሩንꬃና Ꮉꬍኮ፥ ማህ ፋስ ኮይደ ፋና ሙእተራን ኡዥተራ ማꬅኮ፥
LUK 12:46 የ አርዘ ላꬄ ኤ ቆፕካይዘ ቃማን ይርጎሰ ዎደ የኦዳ። ይእ ኤዛ ጋቺ፥ ኤ እድልቶ አማኖሰ አሱንꬃራ ማሆዳ።
LUK 12:47 «ላꬄ ቆፋ ጋራ ጊጎሰን ኤ ላꬄ አኮ ካꬍዛኮ ኤሪተ ኦቾሰ አርዘ ጋማ ጋራፍንቶዳ።
LUK 12:48 የዝን ፋ ላꬄ ቆፍቶ ኤራንጺ አቲ ጋራፍንቶደስ ቤዛኖ ኦቼዘ ኤራꬅ ጋራፍንቶዳ። አኮስ ጋይኮ ጋማ እንግንትደፓ ጋማ ኮይንታነ፥ ጋማ Ꮉዳራ ኤክዱንꬃፓ ጋማ እንጎዳ ጋእ ናግንታነ።
LUK 12:49 «ታኒ ይእዳና ሳአላ አፋ ታማ አይꬆደስ። Ꮉተ ታማ አይክዛኮ ታና ዋይዝ ኡፋይሶድ የሻ!
LUK 12:50 ማቆ የዝን፥ ታ Ꮉተ ጻማቅንቶደ ጽንቃተ የነ። ኤ ፎልንቶደ ዎንꬅስ ታ ሸምፕታ ሸምፖስ።
LUK 12:51 ሳአላ አፋ ሳሮትꬅ ኮኦደስ ይእዳ ይንትስ አዛነ? ባያ፥ ታ ይእዳና ሻጎደስ።
LUK 12:52 Ꮉተፓ አይኪ ዎል ግዳ ሻክንትደ እችን ኬꬅ አሱንꬅ ፈትላ የነ። ላምኡንꬅ Ꮉይꬑንꬃላ አፋ፥ Ꮉይꬑንꬅን ላምኡንꬃላ አፋ፥ ደንዲ ሻክንታነ።
LUK 12:53 አዳይ ናእላ አፋ፥ ናእን አደላ አፋ፥ እንታ ናትላ አፋ፥ ናታ እንትላ አፋ፥ አዝንዘ እንታ ናዘ ማችትላ አፋ፥ ናአይ ማችታ አዝንዘ እንትላ አፋ፥ ደንዲ ሻክንቶዳ።»
LUK 12:54 ማንን አሱንꬃጎ፥ «አዋ ገሎ ዛላራ ሳሎ ꬎንꬍዘ ዎደ ብእ፥ ኤልሲ፥ ‹እራ የኦዳ› ያጋነ፥ ጋይደ ፋና Ꮉናነ።
LUK 12:55 ዬካ ዛላ ባቆ ባቂዘ ዎደ ‹ሳታ አዎዳ› ያጋነ፥ ጋይደ ፋና Ꮉናነ» ያጋይዳ።
LUK 12:56 ይን፥ ጩቡንꬆ፥ ሳሎባዝን ሳአባዝ ሻኪ ኤራነ የዝን Ꮉና ዎድቶ ሻኪ ኤረ ይንታና ዋይዝ ጋምዶ?
LUK 12:57 «ዬዝን፥ ይን ኦምትስ አኮስ ቱርቶ ኤሪ ፍርዶሶ?
LUK 12:58 ነ ሞርክዘራ ዎላ ዳይና ቲኖ ኤቆደስ Ꮉንግተራ ኦገላ አፋ ጊጎደስ ኮዮ። ነ ጊጋንጽ እጽኮ ጎሽቺ ዳይና ቲኖ ነና ካንጎዳ። ዳይንዘ ነና ፖሊሰስ አꬂ እንጎዳ። ኤ ነና ዎይነ ኦሎዳ።
LUK 12:59 ስኦተ፥ ፈቲ ባካና አሽካይዛራ ጭጊ Ꮉሶደ ዎንꬅስ ነ እዝፓ ከዛማኖ ኤሮ» ያጋይዳ።
LUK 13:1 የ ዎደ የሱሳጎ አሱንꬅ ይእ ጵላጦሳ ዎꬊ ኡን ሱꬅትራ ኡን ዣርሽቶ ዎርቂደ ጋልላ አሱንꬅባዝ ኦህደ አሱንꬅ ይና በስተ የነ።
LUK 13:2 ኤ Ꮉንጋራ ያጋእ ማህዳ፤ «ዬዝን የንꬅ ጋልላ አሱንꬅ ይና ኢታ Ꮉይቅቶ Ꮉይቂደ ግሾ ጋልላ ግዳ የዘ አስ ኡባንፓ አꬍደ ናጋራንቾ አዛነ?
LUK 13:3 ባያ! ማቆ የዝን፥ ይንትን ማሮትꬃር ማቃንጽ እጽኮ፥ ኡባና ይኒ ጋራ ꬋቦዳ።
LUK 13:4 ዎይ ማህ ሳልሆመ ጋዘ በስተ ግምበ ዎዲ ዎꬍደ ታጶ ኦስፉን አሱንꬅ የሩሳላመ የዘ አስ ኡባንፓ አꬍዘ ናጋራንቾ አዛነየሻ?
LUK 13:5 ባያ! የዝን ይንትን ማሮትꬃር ማቃንጽ እጽኮ ኡባና ይኒ ጋራ ꬋቦዳ።»
LUK 13:6 ማህን የሱሳ Ꮉንጋራ ጋእ አዝዘ ኦህዳ፦ «ፈቲ አꬄስ ዎይነ ጋደ ቱክንትደ በለሰ ምንጻ የነ። ኤ ኢፓ ኣፈ ኮይ ይእ አኮን ደንግካያ።
LUK 13:7 ጋድቲ አዳይ ዎይነ ኦችዘጎ፥ ‹ኣፈ ደንጎደስ ኮይ Ꮉይꬕ በረ ይእ ብእን አኮን ደንግካያ። ይኒ ግሾ፥ ጋቺ Ꮉሶ፤ አኮስ ሳእቶ መልዘ?› ያጋይዳ።
LUK 13:8 «የዝን ኦችዛይ፥ ‹ላꬆ፥ እ ካንቶ ኦቺ ኦዣ ኦሎደ ዎንꬅስ Ꮉይ በርዘስ አሾያ።
LUK 13:9 ዎንꬅ በረ ኣፍኮ ሎኦ፥ እጽኮ ጋቺ አሾ› » ያጋእ ማህዳ።
LUK 13:10 የሱሳ ሳምባታ ቃማ አይሁደ ዎሳ ኬꬃ ታማርሳነ።
LUK 13:11 ይና በስተ ታጶ ኦስፉን በረ ቱና አያና ባንቶ ኩንዝደ ፈቲ ማችታ የነ። እዛ ኩንዳንፓ ደንዲ ሉለ ኤቆደስ ዳንዳኦስ።
LUK 13:12 የሱሳ እዞ ብእደ ዎደ ጼጊ፥ «Ꮉና ማችተ፥ ነ Ꮉርግትፓ ፋጽዳ» ያጋይዳ።
LUK 13:13 ፋ ኩሽቶ ኢላ አፋ ጋድን፥ እዛ ኢራ ሉለ ኤቅዳ። ጾዝ ማና ጋላትዳ።
LUK 13:14 የዝን አይሁደ ዎሳ ኬꬃ Ꮉላቅዘ ዥልꬊ አስትጎ፥ «ኦቻ ኦችዘ እዝፑን ቃምታ የነ። ይኒ ግሾ፥ ይና ቃምተ ይእ ፋጾተ ፋትን ሳምባታ ቃማ ኮሾስ» ያጋይዳ።
LUK 13:15 ላꬂ፥ «ጩቡንꬆ፥ ይን ግዳፓ ቦራ ዎይ Ꮉሪ ሳምባታ ቃማ ዛዳሎፓ ብሊ Ꮉꬅ ኡሾደስ ካንጎሰ ኦደ?
LUK 13:16 ዬዝን፥ Ꮉና ማችታ አብራሃማ ናአ ማቅተራ ጻላሄራ አጭንቲ ታጶ ኦስፉን በረ ኩሙꬅ የዝዳንስ ሳምባታ ቃማ ብልንቶደስ ቤዞሳነ?» ያጋእ ኦጭዳ።
LUK 13:17 ኤ ይኖ ኦህደ ዎደ እጽዙንꬅ ኡባ ዬሊꬍዳ። የዝን አሱንꬅ ኡባ ኤ ኦችደ ጋማ ቆፍዘ ኦቻ ኡባነ ኡፋይትዳ።
LUK 13:18 ይንፓ ሱባ፥ የሱሳ Ꮉንጋራ ያጋይዳ፥ «ጾዘ ካእቱምቶ አኮ አዘ? እዞ አኮራ አዝሳደ?
LUK 13:19 ጾዘ ካእቱሞ ፈቲ አስ ፋ ጋድተ ቱክደ ዋላ ኣፈ ፋና። ኤ ድጪ ምንጻ ማቅዳ። ላንዳ ኤ ኮሽትላ አፋ ሸምፕዳ።»
LUK 13:20 ማህ፥ «ጾዘ ካእቱምቶ አኮራ አዝሳደ?
LUK 13:21 ፈቲ ማችታ ጋማ ꬊላራ ዎርቂ ሙኑቅደ ኤራꬅ እርሾ አዛነ» ያጋይዳ።
LUK 13:22 ይንፓ ሱባ፥ የሱሳ የሩሳላመ ቅትተራ ኤ አꬍዘ ኦግተ የዘ ካታምተን ካራ ጋንጨን ታማርስተ አꬍዳ።
LUK 13:23 ፈቲ አስ የሱሳጎ፥ «ላꬆ፥ አቶዱንꬅ ኤራꬅ አስ ጻላላነ?» ጋእ ኦጭዳ። የሱሳ ኡንታጎ፥
LUK 13:24 «ስኦተ፥ ጹንꬅ ፉርꬃራ ገሎደስ ምንጎተ። ጋሙንꬅ ገሎደስ ኮያነ የዝን ኡንትስ Ꮉኖስ።
LUK 13:25 ካርቲ አዳይ ደንዲ ፉርꬅቶ ጎርድዳንፓ ሱባ ‹ኑስ ቡጎያ› ጋእ ባለ ኤቂ ጼገ አይኮዳ። የዝን ኤ፥ ‹ይን ኦና የዛኮን አባፓ የኤዛኮን ታ ኤሮስ› ጋእ ማሆዳ።
LUK 13:26 የ ዎደ ይን፥ ‹ኔራ ዎላ ሙእዳ፥ ኡዥዳ፥ ኑ ቡጫላ ታማርስዳ› ያጋውዳ።
LUK 13:27 «ኤ ማህ፥ ‹ይን ኦና የዛኮን አባፓ የኤዛኮን ኤሮስ። ይን፥ ዎቡንꬆ ታፓ Ꮉኮተ› ያጋኦዳ።
LUK 13:28 አብራሃማ፥ ይሳቃ፥ ያይቆባን ናቡንꬅ ኡቡንꬅ ጾዘ ካእቱምተ ቦኦዳ፥ የዝን ይን ባለ ዎꬊ አትዘ ዎደ ይንትስ ዬፎን አች ጋርጭንጌ ማቃዳ።
LUK 13:29 አሱንꬅ አዋ ከሳፓ፥ አዋ ገሎፓ፥ ዎካ ዛላፓን ዬካ ዛላፓ ይእ ጾዘ ካእቱምተ ሙሳላ አፋ በቶዳ።
LUK 13:30 ይኒ ግሾ፥ Ꮉተ የስተ ሱብ ማቅዱንꬃፓ ቲኖ ማቃዱንꬅ፥ ቲኖ ማቅዱንꬃፓ ሱብ ማቃዱንꬅ የነ» ያጋይዳ።
LUK 13:31 የ ዎደ ፋርሳዉꬃፓ ፈተ ፈተ ይእ፥ «ሄሮድሳ ነና ዎꬎደስ ኮይዘ ግሾ Ꮉና በስትፓ ደንዲ ቅቶ» ጋይዳ።
LUK 13:32 ኤ ማህ፥ «Ꮉንግ፥ የ ዎርካንዘስ ይኬ፥ ‹Ꮉይኖን ዎንታ ቱና አያኑንꬃና ከሶዳ፥ Ꮉርግንትዙንꬃና ፋꬆዳ፥ Ꮉይꬓንꬆ ቃማ ፎሎላ አፋ የሎዳ› ያጋይዳ ጋኦተ።
LUK 13:33 ይኦፕ አትን፥ ናበ የሩሳላመፓ መለ በሳ Ꮉይቆደስ ቤዞስ። ይኒ ግሾ፥ Ꮉይኖን፥ ዎንታን ይንቶን ፌዢ ይና በስቶ ቅቶደስ ደንድዳ።
LUK 13:34 «የሩሳላመ፥ የሩሳላመ፥ ናቡንꬃና ዎꬍዛነ፥ ኔጎ ኪትንትዱንꬃና ሹቻራ ዎꬍዛነ፥ ሉኩለ ፋ ናኡንꬃና ፋ ቀፍት ጋንጨ ሺሽዛንፋና ነ ናኡንꬃና ታ ኩሽትፓ ኦሞራ ዋንꬅ ቶሄ ሺሾደስ ኮይዶ፥ የዝን ይን ኮዮስ ጋይዳ።
LUK 13:35 ታ ይንትስ ኦህነ፤ ይን ኬꬅታ ካይዞዳ። ላꬄ ሱንꬅተ የእዘ አንጅንትዳያ ይን ጋዉደ ዎንꬅስ ታና ደንጎስ» ያጋይዳ።
LUK 14:1 ፈቲ ሳምባታ ቃማ የሱሳ ፈቲ ፋርሳዉንꬅ Ꮉላቅዘ ካራ ካꬃ ማአደስ ገልዘ ዎደ አሱንꬅ ዳኪ በእነ።
LUK 14:2 ይና በስተ ሻፈ ዎዳꬅ Ꮉርግንትዘ ፈቲ አስ ኤስ ቲኖ ዛላራ ዎይእዳ።
LUK 14:3 የሱሳ ፋርሳዉንꬃጎን ህገ አስታማሩንꬃጎ «ሳምባታ ቃማ Ꮉርግንትዛ ፋꬅዛና ዎጋነ ዎጋ ባ?» ያጋእ ኦጭዳ።
LUK 14:4 ኡን ስእ ጋይዳ። የሱሳ Ꮉርግንትዘ አꬃ ቦቺ ፋꬂ ሞይዝዳ።
LUK 14:5 ማህን ይንታፓ ፈተስ ናአ ዎይ ቦራ ሳምባታ ቃማ ጋጋ ቅትኮ ኤልሲ ከሶሰ ኦደ? ያጋእ ኦጭዳ።
LUK 14:6 ኡን ፈትባዝን ማሆደስ ዳንዳእካያ።
LUK 14:7 የሱሳ ሳርገስ ጼግንትዱንꬅ ቦንቾ በሲ ዶርዛኖ ብእ፥ Ꮉና አዝዝቶ ኦህዳ፦
LUK 14:8 «ፈቲ አስ ነና ሳርገ ጼግኮ ቦንቾ በሳ በትፐ። ኔፓ አꬊ ቦንችንትዘ አስ ጼግንቶደስ ዳንዳአነ።
LUK 14:9 ይንታና ላምኡንꬃና ጼግደ ይእ፥ ‹ነ በስቶ Ꮉይ ዛቂዘስ ዳኮ› ያጋዘ ዎደ ነ ዬልꬍተራ ዝቃ በሳ ዎꬎዳ።
LUK 14:10 የዝን፥ ነ ጼግንትደ ዎደ ቲንꬊ ዝቃ በሳ ብእ በቶ። ጼግዘ ይእ፥ ‹ታ ላግዛዮ፥ Ꮉና ቦንቾ በስተ በቶ› ያጋኦዳ። የ ዎደ ኔራ ፈትላ ጼግንትደ አስ ኡቡንꬅ ቲንተ ነ ቦንችንቶዳ።
LUK 14:11 ፋና ꬎቅ ꬎቅ ዪዘ ኡባና ዬልꬋዳ፤ ፋና ዝቂ ዝቂ ዪዘ ኡባና ꬎቅ ꬎቅ ጋኦዳ።»
LUK 14:12 ማህ የሱሳ ኤዛ ሞክደ ኬꬅት አደጎ፥ «ቁማ ዎይ ካዎ ሳርገ ጼግዘ ዎደ ኔኒ ኩሸ ማህዛ ጼጋመ ፋና ነ ላጉንꬃና ዎይ ነ እሹንꬃና ዎይ ነ እግኑꬃና ዎይ ነ ዱረ ዶꬁንꬃና ሳርገ ጼግፐ።
LUK 14:13 የዝን፥ ነ ሳርገ ጊግዘዘ ዎደ ዳሁንꬃና፥ ዎቡንꬃና፥ ጉንድዱንꬃና ቆቁንꬃና ጼጎ፤ ነ አንጅንቶዳ።
LUK 14:14 Ꮉንስ ኩሸ ማሆደስ ዳንዳኦሰ ግሾ ኩሸ ማህታ ጌሹንꬅ ደንድዘ ቃማ ኔስ ማቃዳ» ያጋይዳ።
LUK 14:15 የሱሳራ ዎላ ድግሳላ አፋ በትዙንꬅ ግዳፓ ፈተ ይኖ ስእ፥ «ጾዘ ካእቱምተ ድግሳላ አፋ በትደ አንጅንትዳያ» ያጋይዳ።
LUK 14:16 የሱሳ፥ «ፈቲ አስ ዳማ ድግሳ ጊግዚ ጋማ አሱንꬃና ጼግዳ።
LUK 14:17 ድግሳ ሞኩንትዘ ሳታ የልደ ዎደ ጼግንትደ ዛቁንꬃና፥ ‹ይኬ ኡባ ባዝታ ጊግዳ፥ Ꮉይጋ ዮኦተ› ያጋእ ጼጎደ ጋር ፋ አርዛ ኪትዳ።
LUK 14:18 «የዝን ኡቡንꬅ ፋስ ማꬋ ማꬋ መꬍዳ። ፈተ፥ ‹Ꮉተ Ꮉጋ ጋደ ዎንግደ ግሾ Ꮉንግ በአደስ ቤዛነ አደ ታና አሾያ ያጋኦ› ያጋይዳ።
LUK 14:19 Ꮉንካይ፥ ‹እችን ዋጻ ቦራ ዎንግዳ ኡንታና ዋጺ በአደ ግሾ አደ ታና ላንጭፐ› ያጋይዳ።
LUK 14:20 ማህ Ꮉንካይ፥ ‹ታኒ Ꮉጋ መዳ የዘ ግሾ የኦደስ ዳንዳኦስ› ያጋይዳ።
LUK 14:21 «አርዘ ማቂ ይእ ይና ኡባኖ ፋ ላꬄስ ኦህዳ። የ ዎደ ድግሳ አዳይ ዥልꬊ አርዘጎ፥ ‹ኤልሲ ካታማ የዘ ዳልጋ ኦገን ኦገ ጋጻ Ꮉንግ፥ ዳሁንꬃና፥ ዎቡንꬃና፥ ቆቁንꬃናን ጉንዱንꬃና Ꮉንካ ኮኦ› ያጋይዳ።
LUK 14:22 «አርዘ፥ ‹ታ ላꬃዮ፥ ነ ኪትደ ኡባና ፎልንትዳ፥ የዝን Ꮉተን በሲ የነ› ያጋይዳ።
LUK 14:23 «ላꬂ አርዘጎ፥ ‹ኦገ ዎራላ አፋን፥ ካታማፋ ጋጻ ከስዘ ኦገ ከዞ፥ ታ ኬꬅታ ኩሞደ ዎንꬅስ ደንግደ ኡቡንꬅ የኦደ ፋና ኦቾ።
LUK 14:24 ታ ይንትስ ኦህነ፤ ጼግንት እጽዱንꬃፓ ኦደን ታ ድግስትፓ ሞኦሳኖ ኤሮተ› ጋይዳ» ያጋይዳ።
LUK 14:25 ጋማ አሱንꬅ ኤራ ዎላ Ꮉማደራ የሱሳ ኡንታጎ ሱብ ማቂ፥
LUK 14:26 «ታጎ ይእደ ኡቡንꬅ ፋ አዳያን ፋ እንቶን፥ ፋ ማችቶን ፋ ናኡንꬃና፥ ፋ እሹንꬃና ፋ ምሹንꬃና፥ መለ አቶ የዝን ፋ ደእቶ እጾሰ ታ ታማረ ማቃደስ ዳንዳኦስ።
LUK 14:27 ፋ ማስቃልቶ ቶኪ ታና ካሎሰ ታ ታማረ ማቃደስ ዳንዳኦስ።
LUK 14:28 «ይንታፓ ፈቲ አስ ሹች ኬꬂ ኬጾደስ ኮይኮ፥ ኬꬅቶ ኬጺ Ꮉሶደስ አኮ ጋር ሚሸ ኮሽዛኮ ቲንꬊ ኤሮደስ ቆፒ ቦኦሰ ኦደ?
LUK 14:29 ይኖ ማቃንጽኮ፥ የ አꬄ ባሳ ዪꬅ ሹችቶ ዪጽን ፎለ ጋምኮ፥
LUK 14:30 በእዘ ኡባና፥ ‹Ꮉይ አꬄ ኬꬅ አይክን ፎሎደስ ኤዛ ጋምዳ› ያጋእ ለቃነ።
LUK 14:31 «ዎይ ፈቲ ካት መለ ካታራ ኦልንቶደስ ደንድተራ ላምእታም ሙኩል ዎታዳሩንꬃና ኤኪ የእዘ ካትዘራ ታጵ ሙኩል ዎታዳሩንꬃራ ኦልንት ዳንዳኦዳኖን ዳንዳኦሳኖ በቲ ዞርንቶሰ ኦደ?
LUK 14:32 ኦልንቶደስ ዳንዳእንቶሰባዝ ማቅኮ፥ የ የእዘ ካትዘራ Ꮉኮራ የዝን ጊጎደስ ቲንꬊ ጭማ ዳኪ ኦጫነ።
LUK 14:33 ይኒ ጋራ፥ ይንታፓ ኦደን ፋስ የዘ ባዝ ሙሎ አሻንጺ እጽኮ ታ ታማረ ማቃደስ ዳንዳኦስ።
LUK 14:34 «ሶገ ሎኦ፥ የዝን ሶገ ፋ ማልእቶ አሽኮ፥ ዋይዝ ሶገ ጋእንቶደስ ዳንዳኤ?
LUK 14:35 ጋደ አራድዘስን ማዶሰ ባዝ ማቅዘ ግሾ አላ ኦልንታነ። ይኬ፥ ስእዘ Ꮉየ የዘ አስ ስኦ» ያጋይዳ።
LUK 15:1 ፈቲ ዎደ ቃራጠ ጋችዙንꬅን ናጋራንቹንꬅ የሱሳ ትምርትቶ ስኦደስ ኤ ካለ ሺቅዳ።
LUK 15:2 የዝን ፋርሳዉንꬅን ህገ አስታማሩንꬅ፥ «Ꮉይ አꬄ ናጋራንቹንꬃና ሺሺ ኤካነ፥ ኡንታራ ፈትላ ሙነ» ያጋእ ዙዝንግዳ።
LUK 15:3 የሱሳ ያጋእ Ꮉና አዝዝቶ ኡንትስ ኦህዳ፦
LUK 15:4 «ይን ግዳፓ ፈተስ ጼት ዱሩንꬅ የዘ ባዝ ማቅኮ ኡንታፓ ፈታይ ꬋብኮ ኡዱፉን ታም ኡዱፉኑንꬃና የንግዘ በሳ አሺ ꬋብዳያ ደማደ ዎንꬅስ ኮዮሰ ኦደ?
LUK 15:5 ደንግደ ዎደ ኡፋይት ፋ ጋንተ ቶኪ፥
LUK 15:6 ፋ ካራ ማቃነ። ፋ ላጉንꬃናን ዶꬁንꬃና ፈትላ ጼጊ፥ ‹ꬋብደ ታ ዱርዛ ደንግዳ፥ ታራ ፈትላ ኡፋይቶተ› ያጋነ።
LUK 15:7 ይኒ ጋራ፥ ማሮትꬅ ኮሾሰ ኡዱፉን ታም ኡዱፉን ጽሉንꬃፓ አꬂ ማሮትꬅ ገልዘ ፈቲ ናጋራንችዘ ግሾ ሳሎ ዳማ ኡፋይስ ማቃነ።
LUK 15:8 «ዎይ ታጵ ሹች ብራ የዘ ፈቲ ማችታ ታጵትፓ ፈቲ ሹች ብርዘ ꬋብኮ ደንጎደ ዎንꬅስ ጾምፐ አይꬂ ኬꬂ ፍጺ ምንꬂ ኮዮሳና ኦደ?
LUK 15:9 ደንግደ ዎደ ፋ ላጉንꬃናን ፋ ዶꬁንꬃና ጼጊ ‹ꬋብደ ታ ፈቲ ብርዛ ደንግደ ግሾ ታራ ኡፋይቶተ› ያጋነ።
LUK 15:10 ስኦተ፥ ይኒ ፋና ፈቲ ማሮትꬅ ገልዘ ናጋራንችዘ ግሾ ጾዘ ኪታንቹንꬅ ቲኖ ኡፋይስ ማቃነ» ያጋይዳ።
LUK 15:11 ማህ የሱሳ፥ «ፈቲ አꬄስ ላምእ ናኡንꬅ የነ።
LUK 15:12 ኡንታፓ ጌዝ ናአይ ፋ አደጎ፥ ‹ታ አዳዮ፥ ነ ቆልትፓ ታ ግሽቶ ታስ እንጎ› ያጋይዳ። አዳይ ፋ ቆልቶ ፋ ናኡንꬅስ ግሽዳ።
LUK 15:13 ኤራꬅ ቃማፓ ሱባ ጌዝ ናአይ ፋ ግሽቶ ሙሎ አጪ ኤኪ Ꮉኮ ሳአ ቅትዳ። የይጋ ካሳራ ቆልቶ ላሊ Ꮉስዳ።
LUK 15:14 ኤ ፋስ የዘባዝቶ ሙሎ Ꮉስዳንፓ ሱባ ይና ሳእተ ኡባነ ምንꬂ ናየ ከዝን ማꬍꬍዳ።
LUK 15:15 ይኒ ግሾ፥ ይና ሳእተ አሱንꬃፓ ፈተ ካራ የሳደስ ገልዳ። አꬃይ ኤዛ ጉዳይለ የማደ ጋር የንግዘ በሳ ዳክዳ።
LUK 15:16 ጉዳይሉንꬅ ሙእዘ Ꮉርቆፓ ማአደስ አሙꬍዳ፥ የዝን እዞን ኤስ እንግዘ አስ በንትካያ።
LUK 15:17 ዎዝና ማቅን፥ ‹ዋንꬅ ታ አዳይ አሩንꬅስ ካꬃ አላ አትን ታ Ꮉነ ናየራ Ꮉይቆደስ የልዶ?›
LUK 15:18 ደንዲ ታ አደጎ Ꮉንግ፥ ‹ታ አዳዮ፥ ጾዝን፥ ነናን ቆህዳ።
LUK 15:19 ይኬፓ ነ ናአ ጋእንት ጼግንቶደስ ታስ ቤዞሰ ግሾ ነ ካራ የዘ አሩንꬃፓ ፈታይ ፋና ታና ፋይዶ› ያጋኦዳ» ያጋይዳ።
LUK 15:20 ይኒ ግሾ፥ ደንዲ ፋ አደጎ ቅትዳ። «ዪኮን፥ ኤ Ꮉጋ Ꮉኮራ የዝን አዳይ ይቅስንቲ፥ ኤጎ ዎጺ Ꮉንግ እርንግ ዬሪዳ።
LUK 15:21 ናዘን፥ ‹ታ አዳዮ ጾዝን፥ ነናን ታ ቆህዳ። ይኬፓ ነ ናአ ጋእንት ጼግንቶደስ ቤዞስ› ያጋይዳ።
LUK 15:22 «ኤ አዳይ አሩንꬃና ጼጊ፥ ‹ኤልሲ ኡቡንꬃፓ ሎኦ ማቅደ ማኦ ክእ ኤዛ ማይዞተ፤ ኤ ግልእተ ምግዶ፥ ኤ ቶህተ ጫማ ኣꬆተ።
LUK 15:23 ሞꬎ ዎፋኖ ክእ ሹኮተ፥ ማአዳ፥ ኡፋይቶዳ።
LUK 15:24 ታ ናአይ Ꮉይኒ Ꮉይቂዳ፥ የዝን Ꮉተ ፋጽዳ፤ ꬋብዳ፥ የዝን በንትዳ› ያጋይዳ። ይንፓ ሱባ፥ ኡፋይተ አይክዳ።
LUK 15:25 «የ ዎደ አንግስ ናአይ ኦቻ ጋደ የነ። የይጋፓ ይእተራ ካራ ኡኮደራ የꬂን ዶለ ኦꬅ ስእዳ።
LUK 15:26 ኤ፥ አሩንꬃፓ ፈታ ጼጊ Ꮉንደ ባዝታ አኮ የዛኮን ኤሮደስ ኦጭዳ።
LUK 15:27 አርዘን፥ ‹ነ እሸ ሳሮ ይእደ ግሾ ነ አዳይ ሞꬎ ዎፋኖ ኤስ ሹክዳ› ያጋይዳ።
LUK 15:28 «አንግስ እሸ ዥልꬊ ኬꬃ ገሎደስን ኮይካያ። አዳይ ባለ ኬዚ ኬꬃ ገሎደ ፋና ኤዛ ዎስዳ።
LUK 15:29 የዝን ኤ ፋ አደጎ፥ ‹ይኬ፥ Ꮉኒ ጋር በረ ታ ኔስ አርꬊ ነ ኪትፓ ፈቶን ፋጭዝካይዛራ ኔስ ኪትንትን ታ ታ ላጉንꬃራ ኡፋይቶደ ፋና መለ አቶ የዝን ፈቲ ጋሸ ዴሽ እንግካያ።
LUK 15:30 የዝን፥ Ꮉይኒ ነ ናአይ ነ ቆልቶ ኦላሉንꬃራ ላሊ ይእን ሞꬎ ዎፋኖ ሹክዳ› » ያጋይዳ።
LUK 15:31 «አደን፥ ‹ታ ናአዮ፥ ኔኒ ኡባ ዎደ ታራ የነ፥ ታ ባዝ ኡባና ኔስ።
LUK 15:32 Ꮉይኒ ነ እሸ Ꮉይቂዳ፥ የዝን ፋጽዳ፤ ꬋብዳ፥ የዝን በንትዳ። ይኒ ግሾ፥ ጋማ ኡፋይቶደስ ቤዛነ› ያጋኦዳ» ያጋይዳ።
LUK 16:1 የሱሳ ፋ ታማሩንꬃጎ፥ «ፈቲ ዱረ አꬄስ ኤፓ ዬካራ ፈቲ ሹማ የነ። የ ሹምዘ ፋ ላꬄ ቆልቶ ላላነ ያጋዘ ዎረ ካርቲ አዳያ የልዳ።
LUK 16:2 ካርቲ አዳይ ሹምዛ ጼግዝ፥ ‹ታ ዋግዘባዝ ስእዶ? ይኬፓ ኔኒ ታ ኬꬅትስ ሹማ ማቂ ኦቾደስ ዳንዳኦሰ ግሾ ታ ቆልቶ ታና የልꬆ› ያጋይዳ።
LUK 16:3 «የ ሹምዘን ፋ ዎዝንተ Ꮉንጋራ ያጋእ ቆፕዳ። ‹ታ ላꬃይ ታና ሹማትꬅትፓ Ꮉሶደስ ይእነ፥ ዎት አቆደስ ዎልቃ ባያ፥ ዎሲ ማአደስ ዬልዛነ፤ ዬዝን ታ ዋያ?
LUK 16:4 ሹማትꬅትፓ ታ ዎꬍዘ ዎደ አሱንꬅ ታና ሞኮደ ፋና ኦቾደ ባዝ ታ ኤራነ› ያጋይዳ።
LUK 16:5 «ይኒ ግሾ፥ ኤ ላꬄ ጋለ የዘ አሱንꬃና ፈታ ፈታ ጼጊ ክእ ቲኖ አꬄጎ፥ ‹ኔላ አፋ ታ ላꬄ ጋለ ዋንꬅ የዘ?› ያጋእ ኦጭዳ።
LUK 16:6 «ኤ፥ ‹ላምእታም ባርሜለ ዛይተ ጋለ የነ› ያጋይዳ። «ሹምዘ፥ ‹ዉለ ዋርቃተ Ꮉተ፥ ኤልሲ፥ ታጵ ባርሜለ ዛይተ ጋለ የነ ጋእ ጻፎ› ያጋይዳ።
LUK 16:7 «ይንፓ ካሊ ላምአንꬅዘጎ፥ ‹ኔስ ዋንꬅ የዘ?› ያጋይዳ። «ኤ፥ ‹370 ኩንታለ ዛርጋ ጋለ የነ› ያጋይዳ። «ሹምዘ፥ ‹ነ ዉለ ዋርቃተ Ꮉተ፥ ኤልሲ፥ 296 ኩንታለ ያጋእ ጻፎ› ያጋይዳ።
LUK 16:8 ካርቲ አዳይ አማንንትካይዘ ሹምዛ ኤ ጭንጫትꬅትስ ናሽዳ። Ꮉና አላምት ናኡንꬅ አስ አይፎራ ፎኦ ናኡንꬃፓ አꬍደ ዎዝናማ።
LUK 16:9 «ይኒ ግሾ፥ ታ ይንትስ ኦህነ፤ Ꮉና አላምት ብራ Ꮉልእዘ ዎደ መዽና ኬꬅተ ሞክንቶደ ፋና Ꮉና ሚሽትራ ይንትስ ላገ ዎንጎተ።
LUK 16:10 ኡባፓ ኤራꬅ ባዛ አማንንትደ ጋማ ባዛ አማንንትዳያ ማቃነ። ማህ ኡባፓ ኤራꬅ ባዛ አማንንቶሰ ጋማ ባዛ አማንንቶስ።
LUK 16:11 ይኬ፥ Ꮉና አላምት ብራራ ይን አማንንታንጺ እጽኮ ቱሪ ብራ ይንትስ ኦደ Ꮉዳራ እማደ?
LUK 16:12 ይን መለ አስ ብርተ አማንንታንጽኮ፥ ይን ቡዞ ብራ ይንትስ ኦደ እማደ?
LUK 16:13 «ፈቲ አርዘ ላምእ ላꬁንꬅስ አቆደስ ዳንዳኦስ። ፈታ እጽኮ Ꮉንካያ ካꬋነ ዎይ ፈተጎ ሺቅኮ Ꮉንካያ ለቃነ። ይኒ ጋራ፥ ይን ጾዝስን ብራስን አቆደስ ዳንዳኦስ።»
LUK 16:14 ብራ ካዽዘ ፋርሳዉንꬅ ይኖ ስእ የሱሳ ለቂዳ።
LUK 16:15 ኤ፥ «ይን ይንታና አስ ቲኖ ቤዛነ፥ የዝን ጾዚ ይን ዎዝንቶ ኤራነ። አስ ቲኖ ቦንችንትዳይ ጾዘ ቲኖ ቦሩንትዳያ።
LUK 16:16 «ሙሴ ህግታን ናቡንꬅ ኪታ ዋሐንሳ የሎደስ ይንትስ ኦችተራ ጋምእዳ። ይንፓ ሱባ፥ ጾዘ ካእቱሞ ዎንገልታ ሳባክንትተ ጋምእዳ። አስ ኡባ የይጋ ገሎደስ ዳፍንታነ።
LUK 16:17 የዝን፥ ህግትፓ ፈቲ ይሻ ፍዳለ አቶዳንፓ ሳሎን ሳአን አꬍዛና ላፋነ።
LUK 16:18 «ፋ ማችቶ ዳኪ መለ ኤክዘ ኡባ ኦላላነ። ፋ አዝንዘፓ አንጅንትዳኖ ኤክዛይን ኦላላነ» ጋይዳ።
LUK 16:19 «አልኦን ሎኦ ቦንቾ አፉላ ማእዘ፥ ሳአ ጊግን ኡባ ዎደ ኡፋይሳራ የዘ ፈቲ ዱረ አስ የነ።
LUK 16:20 መለ ማህ ጋልታ ኩሙꬅ Ꮉርግꬅ ማቅደ ፈቲ አላዛረ ጋእንትዘ ዳህዘ የ ዱረ አꬄ ባለ ኦልንት አትዳይ የነ።
LUK 16:21 ናየፓ ደንዲ ዱረ አꬄ ሌማትፓ ዎꬍዘ ጉፋ ማአደስ አሙꬊ የነ። መለ አቶ የዝን፥ ካኑንꬅ ይእ ኤ Ꮉርግꬅ በስቶ ላአነ።
LUK 16:22 «የ ዳህዘ Ꮉይቂዳ፤ ኪታንቹንꬅ ኤዛ አብራሃማ ሹጵተ ኤክዳ። ማህ ዱረ አꬄን Ꮉይቂ ሞግንትዳ።
LUK 16:23 ስኦለ ኡንእንት የዝተራ ꬎቅ ጋእ Ꮉኮራ አብራሃማን ኤ ሹጵተ የዛ አላዛረ ብእዳ።
LUK 16:24 ኤ፥ ‹አቦ አብራሃማ፥ ታስ ይቅስንቶያ፤ Ꮉና ሎጽዘ ታምተ ኡንእንት የዘ ግሾ አላዛረ ፋ ግልእዛ Ꮉꬃ ዳኪ ታ እልአንꬅቶ ላክꬆደ ፋና አደ ኤዛ ዳኮያ› ያጋእ ኡክዳ።
LUK 16:25 «የዝን አብራሃማ ኤጎ፥ ‹ታ ናአዮ፥ ነ ሳአ የዘ ዎደ ሎኦ ባዝቶ ኤክዳኖ፥ ማህ አላዛረ ኢታ ባዝ ኤክዳኖ ቆፖ። የዝን Ꮉተ ኤ Ꮉነ ኡፋይታነ፥ ማህ ነ ዋይንት የነ› ያጋይዳ።
LUK 16:26 Ꮉና ኡባንፓ አꬊ፥ ‹Ꮉይጋፓ ይንታጎ፥ ሰካፓ Ꮉንካ ኑጎ አꬎደስ ኮይዙንꬅ ፍንጋመ ፋና ኑስን ይንትስ ግዳ ዳማ ጋጋ የነ› ያጋይዳ።
LUK 16:27 «ዱረ አꬄ፥ ‹ታ አዳዮ፥ ዬዛኮ አላዛረ ታ አዳይ ካራ ኪቶደ ፋና ታ ነና ዎሳነ።
LUK 16:28 ታስ እችን እሹንꬅ የነ፥ ኡንትን Ꮉና ማꬋ በስተ የአመ ፋና ኡንትስ ዎꬊ ማርክꬎ› ያጋይዳ።
LUK 16:29 «የዝን አብራሃማ፥ ‹ኡንትስ ሙሴን ናቡንꬅን የነ፤ ኡን ኦህዛኖ ስኦ› ያጋይዳ።
LUK 16:30 «ዱረ አꬄ፥ ‹አቦ አብራሃማ፥ ይኒ ፋና ባያ፤ ፈቲ አስ Ꮉይቆፓ ደንዲ ዎꬍኮ ኡን ማሮትꬅ ገሎዳ› ያጋይዳ።
LUK 16:31 «አብራሃማ፥ ‹ሙሴን ናቡንꬅና ስአንጽኮ፥ መለ አቶ የዝን Ꮉይቆፓ ፈቲ አስ ደንዲ ኦህኮን አማኖስ› ያጋይዳ።»
LUK 17:1 የሱሳ ፋ ታማሩንꬃጎ፥ «አስ ꬉቡꬅ ናጋራ ገልꬅዘባዝ ይእካይዛራ አታማ። ማቅኮን፥ ናጋራ ግዳ ገሎደ ፋና ኦችዘ አꬃ ባደ» ያጋይዳ።
LUK 17:2 የ አꬄ ኤራꬁንꬃፓ ፈታ ባልꬆዳንፓ ዎጻ ፋ አፉርተ አጪ አባ ገልኮ ኤስ ሎኦ።
LUK 17:3 ይኒ ግሾ ናግንቶተ። «ነ እሸ ናጋራ ኦችኮ ካጮ፤ አዛኒ ማሮትꬃር ማቅኮ፥ ኤስ አቶ ያጋኦ።
LUK 17:4 ፈቲ ቃምተ ላፑን ቶሄ ቆሂ፥ ላፑን ቶሄ፥ ‹ታኒ ታ እስዳኖ ኤርዳ ታና ማሮ› ያጋእ ኔጎ ዪኮ ኤስ አቶ ጋኦ።»
LUK 17:5 ሐዋሩንꬅ ላꬃጎ፥ «አማኖ ኑስ ጉጆያ» ያጋይዳ።
LUK 17:6 ላꬂ፥ «ጋሸ ኣፈ ፋና አማኖ ይንትስ የዝኮ ‹Ꮉይ ዋልዛ ሾድንት አባ ግዳ ቱክንቶ› ያጋይኮ ይንትስ ኪትንቶዳ» ያጋይዳ።
LUK 17:7 ጉጂ የሱሳ፥ «ይን ግዳፓ ፈተስ ኦችዘ ዎይ ዱሮ የንግዘ አሮ የዝኮ ኦቻ ጋደፓ ዎይ ዉደፓ ካራ ይእደ ዎደ ‹ኤለ Ꮉይጋ ይእ ካꬃ ማአደስ በቶ› ጋዘ የነ?
LUK 17:8 ባያ፥ ‹ታስ ካዎ ጊግዞ፤ ታ ሙእ፥ ኡዢ አሾደ ዎንꬅስ ኤቂ ሙዞ። ይንፓ ሱባ፥ ነ ሙእ ኡሻዳ› ያጋኦሳነ?
LUK 17:9 ይኬ፥ ላꬄ፥ አርዘ ኪቶ ፎልደ ግሾ አንጃነነ?
LUK 17:10 ይኒ ግሾ፥ ይንትን ኪትንትዳኖ ሙሎ ፎልደ ዎደ ‹ኑ ፋꬆሰ አሩንꬃና፤ ኦቾደስ ቤዘ ኦችቶ ፎልዳ› ያጋኦተ» ያጋይዳ።
LUK 17:11 የሱሳ የሩሳላመ Ꮉንግተራ ሳማራስን ጋልላ ሳአስን ግዳራ ካንꬂ አꬍዳ።
LUK 17:12 ፈቲ ካራ ጋንጨ ገልዘ ዎደ ቁርሱማ Ꮉርገራ አይክንትደ ታጵ አሱንꬅ ኤዛ ደንግዳ። ኡንትን Ꮉኮራ ኤቂ፥
LUK 17:13 «ላꬅ የሱሳ፥ ኑስ ይቅስንቶያ» ያጋእ ኡክዳ።
LUK 17:14 ኤ ኡንታና ብእደ ዎደ «Ꮉንግ ይን ጋልቶ አይሁደ ካህኑንꬅስ ቤዞተ» ያጋይዳ። ኡን ኦገላ Ꮉንግተራ ጌዥዳ።
LUK 17:15 ኡንታፓ ፈታይ ፋ ጌዥዳኖ በኤዘ ዎደ ꬎቅ ጋይደ ቃላራ ጾዝ ቦንችተራ የሱሳጎ ማቅዳ።
LUK 17:16 ኤ ሳማራ ሳአ አስ፥ የዝን የሱሳ ቶህትላ አፋ ጎልእ ኤዛ ጋላትዳ።
LUK 17:17 የሱሳ፥ «ጌዥዱንꬅ ታጵ አስ ማቆሳነ? ዬዝን፥ ኡዱፉኑንꬅ አባ ቅትዶ?
LUK 17:18 Ꮉይ አላጋ አꬄፓ አትን መለ ማቂ ጾዝ ጋላትደ ባያ ጋኤነ?» ያጋእ ኦጭዳ።
LUK 17:19 አꬄጎ፥ «ነ አማንታ ነና ጌሽዳ፤ ደንዲ ቅቶ» ያጋይዳ።
LUK 17:20 ፋርሳዉንꬅ፥ «ጾዘ ካእቱሞ አይደ የኦደ?» ጋእ የሱሳ ኦጭዳ። ኤ፥ «ጾዘ ካእቱምታ በንትዘ ማላራ የኦስ።
LUK 17:21 ማህን እዞ፥ ‹Ꮉነ ዎይ ሰካ ያጋኦደስ ዳንዳኦስ። አኮስ ጋይኮ፥ ጾዘ ካእቱምታ ይን ግዳ የነ› » ያጋእ ማህዳ።
LUK 17:22 የሱሳ ፋ ታማሩንꬃጎ፥ «አስ ናአ ቃምትፓ ፈታ ቦኦደስ ይን አሙꬎደ ዎደ የኦዳ፥ የዝን ይን በአማ።
LUK 17:23 አሱንꬅ፥ ‹ኤ የይጋ የነ› ዎይ፥ ‹Ꮉነ የነ› ያጋኦዳ፥ የዝን ኡንታና ካሊ ቅትፐተ።
LUK 17:24 ዜልንꬅ ዜልንጊ ሳሎ ጋጻፓ ጋጻ ፎእዘ ፋና አስ ናአ የእት ቃምታ ይኒ ፋና ይአዳ።
LUK 17:25 የዝን ይና Ꮉኖዳንፓ ቲኖ አስ ናአይ ጋማ ማꬍꬋደስን Ꮉና የለተ እጽንቶደስ ቤዛነ።
LUK 17:26 ኖሄ ዎደ ይእደ ፋና አስ ናአይ ዎድተን ይኒ ፋና ይአዳ።
LUK 17:27 ኖሄ ማርካበ ገልደ ቃምቶ የሎደስ አሱንꬅ ሙእተራን ኡዥተራ፥ ኤክተራን ገልተራ የሳደራ ꬋብሰ Ꮉꬅታ ይእ ኡባ ꬋብስዳ።
LUK 17:28 ሎጠ በረን ይኒ ፋና ይእዳ። አሱንꬅ ሙእተራን ኡዥተራ፥ ዎንግተራን ባይዝተራ፥ ቱክተራን ኬጽተራ፥ ጋምእዳ።
LUK 17:29 ሎጠ ሶዶመፓ ከዝደ ቃማ ዲነ ጋእንትዘ ምችዘባዝ ሳሎፓ ቡኪ ኡቡንꬃና ꬋብስዳ።
LUK 17:30 አስ ናአይ ቆንጭዘ ዎድተን ይኒ ጋራ ይኦዳ።
LUK 17:31 «የ ዎደ ኦደን ባለ የዘ ኬꬃ ግዳ የዘ ባዝ ኤኮደስ ኬꬃ ገልፐ። ይኒ ፋና፥ ጋደ የዘ አስ አኮ ባዝስን ካራ ማቅፐ።
LUK 17:32 ሎጠ ማችቶ ቲሮተ፤
LUK 17:33 ፋ ሸምፕቶ አሾደስ ኮይዘ አስ ኦደን ꬋብሶዳ፤ ፋ ሸምፕቶ አꬂ እንግዘ ኦደን ኤ አሾዳ።
LUK 17:34 ታ ይንትስ ኦህነ፤ የ ዎደ ላምእ አሱንꬅ ፈቲ ዳꬃላ ዎይኦዳ። ፈተ ኤክንቶዳ፥ Ꮉንካይ አቶዳ።
LUK 17:35 ላምእ ማቹንꬅ ዎላ ጋጮደራ ፈታ ኤክንቶዳ፥ Ꮉንካና አቶዳ።
LUK 17:36 [ላምእ አሱንꬅ ዎላ ጋደ ኦችዙንꬃፓ ፈታይ ኤክንቶዳ፥ Ꮉንካይ አቶዳ»] ያጋይዳ።
LUK 17:37 ኡን፥ «ላꬆ አባ ኤክንቶደ?» ያጋእ ኦጭዳ። ኤ፥ «ጋዉጻ የዘ በሳ አንኮ ሺቃነ» ያጋይዳ።
LUK 18:1 የሱሳ ፋ ታማሩንꬃና አዛልእካይዛር ኡባ ዎደ ዎሶደ ፋና ታማርሶደስ ኮይ ያጋእ አዝዘ ኦህዳ፦
LUK 18:2 «ፈቲ ካታማ ጾዝስ ዣሽቶሰ አስን ዬልꬎሴ ፈቲ ዳኛ የነ
LUK 18:3 ይና ካታምተ ፈቲ ቡዳንታ የነ። እዛን፥ ‹ታስን ታ ሞርክዘስ ግዳ የዘ ሞቶ ፍርዶ› ያጋእ ኡባ ዎደ የ ዳይንዘጎ ማህ ማህ ይእነ።
LUK 18:4 ዳይንዘ ኤራꬅ ዎደስ እ ኦህቶ ስአንጽ እጽዳ፥ የዝን ሱባፓ ፋ ዎዝንተ፥ ‹ታኒ ጾዝስ ዣሽቶሳ፥ አስስ ዬልꬋንጽ እጽኮን፥
LUK 18:5 Ꮉና ቡዳንታ ታና ዋየꬅዘ ግሾ ኢስ ፍርዶዳ፤ የይዛንጽኮ ኡባ ዎደ ይእ ታና ላቢሳዳ› ያጋእ ቆፕዳ» ያጋይዳ።
LUK 18:6 ላꬅን፥ «ኢታ ዳይንዘ ጋእዳኖ ስእዳ፤
LUK 18:7 ጾዚ ቃማን አዋራ ኤጎ ኡክዘ ፋ ዶርዱንꬅስ ፍርዶሳነ? ኡንታና ማዶደስ ጋምኦዳነ?
LUK 18:8 ታ ይንትስ ኦህዛኖ ስኦተ፥ ኤልሲ ፍርዶዳ። ማቅኮን፥ አስ ናአይ የእዘ ዎደ ሳአላ አፋ አማኖ ደማድየሳነ?» ያጋይዳ።
LUK 18:9 ማህ፥ የሱሳ፥ ፋና ጽሎ አስ ፋና ማህ ጬቅንትዙንꬅስን መሉንꬃና ለቂዙንꬅስ Ꮉንጋራ ያጋእ አዝዘ ኦህዳ፦
LUK 18:10 «ላምእ አሱንꬅ ዎሶደስ ጾዘ ኬꬃ Ꮉንግዳ። ፈተ ፋርሳወ Ꮉንካይ ማህ ቃራጠ ጋችዝዘ አስ።
LUK 18:11 ፋርሳዉዘ ኤቂ ፋስ ዎስተራ፥ ‹ጾዛዮ ታኒ መሉንꬅ ፋና ቦንቅዘ አስ፥ ኢታን ኦላለ አስ፥ አꬊ ማህ Ꮉይ ቃራጠ ጋችዝዘ አꬄ ፋና ማቅካይዘ ግሾ ነና ጋላታነ።
LUK 18:12 ሳምንታፓ ላምእ ቶሄ ጾማነ፥ ታ ደንግዘባዝ ኡባንፓ አስራታ ከሳነ› ያጋይዳ።
LUK 18:13 «የዝን ቃራጠ ጋችዝዘ ማህ Ꮉኮራ ኤቂ መለ አቶ የዝን ሳሎ ꬎቅ ጋእ በአደስን ዣሽቲ ፋ ዳዳብቶ ቆጽተራ ‹ጾዛዮ፥ ታና ናጋራንችዛ ማሮያ› ጋእ ዎስዳ።
LUK 18:14 ታ ይንትስ ኦህዛኖ ስኦተ፤ ፋርሳውዘፓ Ꮉይኒ ቃራጠ ጋችዝዘ ጾዘ ቲኖ ጽሎ ማቂ ፋ ካራ ማቅዳ። አኮስ ጋይኮ፥ ፋና ꬎቅ ꬎቅ ዪዘ አስ ቶችንቶዳ፥ ፋና ቶችዘ አስ ꬎቅ ꬎቅ ጋኦዳ» ያጋይዳ።
LUK 18:15 የሱሳ ዦጋ ናኡንꬃላ አፋ ፋ ኩሽቶ ጋዲ አንጆደ ፋና አሱንꬅ ኤጎ ከእነ። የሱሳ ታማሩንꬅ ይኖ ብእ አኮስ የሱሳጎ ኬኤ ያጋእ ካጭዳ።
LUK 18:16 የዝን የሱሳ ናኡንꬃና ፋጎ ጼጊ፥ «ናኡንꬅ ታጎ ዮኦዳኖ ካይፐተ፤ ዮኦ ጋኦተ። አኮስ ጋይኮ፥ ጾዘ ካእቱሞ ኡን ፋና ይእዱንꬅስ።
LUK 18:17 ታኒ ይንትስ ቱሮ ኦህነ፤ ጾዘ ካእቱሞ ዦጋ ናኡንꬅ ፋና ኤኮሰ ኦደን የይጋ ገሎስ» ያጋይዳ።
LUK 18:18 አይሁደ Ꮉላቁንꬃፓ ፈተ፥ «ኬሃ አስታማርዛዮ፥ መዽና ደኦ ደንጎደስ አኮ ኦቾ?» ያጋእ ኦጭዳ።
LUK 18:19 የሱሳ ኤጎ፥ «አኮስ ታና ኬህዛዮ ያጋእ ጼገ? ፈቲ ጾዘፓ አትን መለ ኬሃ ባያ።
LUK 18:20 ኦላልፐ፥ ዎꬍፐ፥ ካይስትፐ፥ ዎርዶ ማርክꬍፐ፥ ነ አዳያን ነ እንቶን ቦንቾ ያጋዘ ኪቶ ኤራነ» ያጋእ ኦጭዳ።
LUK 18:21 አꬃይን፥ «የንሳና ኡባ ታኒ ናአትꬃፓ አይኪ ናግተራ ጋምእዳ» ያጋይዳ።
LUK 18:22 የሱሳ ይኖ ስኤዘ ዎደ «ይኬ፥ ኔስ ፈትባዝ ፋጫነ፤ ኔስ የዘ ባዝ ሙሎ ባይዝ ዳሁንꬅስ እንጎ፤ ሳሎ ነና ቆልታ ናጋነ። የይዝ ማቂ ታና ካሎ» ያጋይዳ።
LUK 18:23 የዝን አꬄ ይኖ ስእደ ዎደ ኤስ ጋማ ቆሎ የዘ ግሾ ጋማ ዥልꬍዳ።
LUK 18:24 የሱሳ አꬃ ብእ፥ «ዱረ አስስ ጾዘ ካእቱሞ ገልዛና ዋይዝ ኡንኦደ!
LUK 18:25 ዱረ ጾዘ ካእቱሞ ገሎዳንፓ ግማለ ማርፐ ኡሩንꬃራ አꬍዛና ላፋነ» ያጋይዳ።
LUK 18:26 ይኖ ስእደ አሱንꬅ፥ «የዛኮ ኦደ አቶደ?» ያጋይዳ።
LUK 18:27 የሱሳ፥ «አስስ ዳንዳእንቶሰ ጾዝስ ዳንዳእንታነ» ያጋይዳ።
LUK 18:28 ጴጥሮሳ፥ «ይኬ ኑኒ ኑ ባዝ ሙሎ አሺ ነና ካላነ» ያጋይዳ።
LUK 18:29 «የሱሳ ቱሮ ታ ይንትስ ኦህነ፤ ጾዘ ካእቱሞስ ጋእ ፋ ኬꬅቶ ዎይ ፋ ማችቶ ዎይ ፋ እሹንꬃና ዎይ ፋ አዳያን ፋ እንቶን ዎይ ፋ ናኡንꬃና አሽደ፤
LUK 18:30 Ꮉና ዎድተ ጋማ ዳኮ፥ የኦደ አላምተ መዽና ደኦ ኤኮሰ ኦደን ባያ» ያጋይዳ።
LUK 18:31 የሱሳ ታጶ ላምኡንꬃና ፋጎ ጼጊ፥ «አነ የሩሳላመ የꬎተ፥ ናቡንꬅ አስ ናአይ ባዝ ጻፍዳና ኡባና የይጋ ፎልንቶዳ።
LUK 18:32 ኤ አይሁደ ማቆሰ አስስ አꬊ እንግንቶዳ። ኡን ኤዛ ለቆዳ፥ ጫዦዳ ኤላ አፋ ጩቶዳ።
LUK 18:33 ኤዛ ጋራፍዳንፓ ሱባ ዎꬎዳ፥ የዝን Ꮉይꬓንꬆ ቃማ ኤ Ꮉይቆፓ ደንዶዳ» ያጋይዳ።
LUK 18:34 የዝን ኤ ታማሩንꬅ ይና ኡባንፓ ፈትባዝን ቲሪካያ። ኤ ቆፍታ ኡንትስ አችንትደ ግሾ ኤ ዋጋኤዛኮ ኤርካያ።
LUK 18:35 የሱሳ እያርኮ ኡክዘ ዎደ ፈቲ ቆቀ አꬄ ኦገ ጋጻ በቲ ዎሳነ።
LUK 18:36 ቆቀ አꬄ አሱንꬅ ይና በስትራ አꬎደራ ስእ፥ «ይና አኮ?» ጋእ ኦጭዳ።
LUK 18:37 ኡን፥ «ናዝረተ የሱሳ Ꮉንራ አꬋነ» ያጋይዳ።
LUK 18:38 ኤ፥ «ዳዉተ ናአይ፥ የሱሳ፥ ታና ማሮያ» ያጋእ ኡክዳ።
LUK 18:39 ቲኖ ቲኖ Ꮉንግዘ አሱንꬅ፥ «ስእ ጋኦ» ጋእ ካጭዳ። የዝን ኤ፥ «ዳዉተ ናአዮ፥ ታና ማሮ» ያጋእ ጋንꬅ ኡክዳ።
LUK 18:40 የሱሳ ኤቂ አꬃ ፋጎ ኮኦደ ፋና ኪትዳ። አꬃይን፥ ኤጎ ሺቅን፥
LUK 18:41 «ታ ኔስ አኮ ኦቾደ ፋና ኮየ?» ያጋእ ኦጭዳ። ቆቅዘ፥ «ላꬆ ታ ቦኦደስ ኮያነ» ያጋይዳ።
LUK 18:42 የሱሳ፥ «ቦኦ፥ ነ አማንታ ነና ፋꬅዳ» ያጋይዳ።
LUK 18:43 አꬃይ ኢራ ብእ አሽዳ። ጾዝ ቦንችተራ የሱሳ ካልዳ። አስ ኡቡንꬅ ይኖ ብእ ጾዝ ጋላትዳ።
LUK 19:1 የሱሳ እያርኮ ካታማ ገሊ አꬋነ።
LUK 19:2 የይጋ ዛክዮሳ ጋእንትዘ ቃራጠ ጋችዙንꬅ Ꮉላቅዘ የነ። ኤ ጋማ ዱረ።
LUK 19:3 ኤ የሱሳ ኦደ የዛኮ በአደስ ኮይዳ። ኤ Ꮉታ ማቅደ ግሾ አስ ጋማፓ ደንዲ የሱሳ በአደስ ዳንዳእካያ።
LUK 19:4 የሱሳ በአደስ ኮይ ኤ Ꮉንግዘ ኦግትስ ቲኖ ዎጺ Ꮉንግ ፈቲ ቦባ ምንጻላ አፋ ከዝዳ።
LUK 19:5 የሱሳ ይና በስተ የሊተራ ꬎቅ ጋእ ብእ፥ «ዛክዮሳ፥ Ꮉይኖ ታ ነ ካራ ፌሻደስ ቤዘ ግሾ ኤለ ዎꬎ» ያጋይዳ።
LUK 19:6 ኤ ኤልሲ ዎꬊ ኡፋይሳራ የሱሳ ሞክዳ።
LUK 19:7 ይና በስተ የዘ አሱንꬅ ኡባና ይኖ ብእ፥ «ናጋራንችዘ ኬꬃ ገሊ ሞክንቶደስ ይአነ» ያጋእ ዙዝንግዳ።
LUK 19:8 ማቆ የዝን፥ ዛክዮሳ ኤቂ ላꬃጎ፥ «ላꬆ፥ ይኬ ታስ የዘ ቆሎ ኡባንፓ ባግቶ ዳሁንꬅስ እንጎዳ። አሳፓ አኮ ባዝን ዎርዶራ ባልꬂ ኤክደባዝ ማቅኮ ኦይዲ ኩሸ ማሆዳ» ያጋይዳ።
LUK 19:9 የሱሳ ማህ፥ «Ꮉይ አꬄ አብራሃማ ኮች ማቅደ ግሾ Ꮉይኖ አቶትꬅ Ꮉና ካርተ ይእዳ።
LUK 19:10 አስ ናአይ ይእዳና ꬋብዱንꬃና ኮዮደስን አሾደስ» ያጋይዳ።
LUK 19:11 አሱንꬅ ይኖ ስእዘ ዎደ የሱሳ የሩሳላመ ኡክደ ግሾን ጾዘ ካእቱሞ Ꮉተ ኡከራ ቆንጮደ ፋና ይእዘ ግሾ ኡንትስ አዝዘ ኦህዳ።
LUK 19:12 ይኒ ግሾ፥ የሱሳ፥ «ፈቲ ኤርንትደ አስ የዘ ፋስ ካተትꬅ ኤኪ ዮኦደስ መለ ሳአ ቅትዳ።
LUK 19:13 ኤስ ኦችዘ አሩንꬃፓ ታጱንꬃና ጼጊ ፈተስ ፈተስ ፈቲ ምናነ እንግ ‹ታ ማቂ የኦደ ዎንꬅስ Ꮉና ሚሽትራ ዛልኦተ› ያጋይዳ።
LUK 19:14 «ይና ሳእተ የዘ አሱንꬅ ኤዛ እጽዘ ግሾ Ꮉይ አꬄ ኑላ አፋ ካእቶደ ፋና ኑ ኮዮስ ያጋእ አስ ኤ ሱባራ ኪትዳ።
LUK 19:15 «ማቅኮን፥ የ አꬄ ካት ማቂ ፋ ሳአ ማቅዳ። የንꬅ ታጵ አሩንꬂ ኤ እንግደ ሚሽቶ አኮ ጋር ዛልእ ትርፍዘዛኮ ኤሮደስ ኮይ ኡንታና ጼግዝዳ።
LUK 19:16 «ቲኖሰ ይእ፥ ‹ላꬆ፥ ነ ታስ እንግደ ምናንዘ መለ ታጶ ትርፍዳ› ያጋይዳ።
LUK 19:17 «ኤዛ ላꬄ፥ ‹ናተ አማንንትደ አርዛዮ ሎኦ ኦችዳ። ነ ኤራꬅ ባዛ አማንንትደ ግሾ ኔስ ታጵ ካታማላ አፋ አደትꬅ ዎልቃ እንግዳ› ያጋይዳ።
LUK 19:18 «ላምአንꬅዛይ ይእ፥ ‹ላꬆ፥ ነ ታስ እንግደ ምናንዘ መለ እችን ትርፍዳ› ያጋይዳ።
LUK 19:19 «ላꬂ ኤጎ፥ ‹ኔስን ማህ እችን ካታማላ አፋ አደትꬅ ዎልቃ እንግዳ› ያጋይዳ።
LUK 19:20 «ይኬ Ꮉይꬓንꬅዘ ይእ፥ ‹ላꬆ፥ ታ ጩርቃራ ጻጺ ናግደ ነ ሚሽታ Ꮉናሸ።
LUK 19:21 አኮስ ጋይኮ፥ ኔኒ ነባዝ ማቆሰ ባዝ ኤክዛኖን ነ ቡድካይዘባዝ ማጽዘ ኢታ ዎዝና ምንꬂ አስ ማቅደ ግሾ ኔስ ዣሽትዳ› ያጋይዳ።
LUK 19:22 «ኤዛ ላꬄ ማህ፥ ‹ናተ ኢታ አርዛዮ ነ ዶንቲ ጋር ታ ነና ፍርዶዳ። ታ ጋድካይዘባዝ ኤክዛኖን ቡድካይዘባዝ ማጽዘ አስ ማቅዛኖ ነ ኤርዛኮ፥
LUK 19:23 ታ ይእ ታ ምናንዛ ትርፈራ ኤኮደ ፋና ዛልእዘ አስስ አኮስ እንግካ?›
LUK 19:24 «ኤዛ ላꬄ ይና በስተ ኤቅዱንꬃጎ፥ ‹ኤራ የዘ ምናንዛ ኤኪ ታጶ ትርፍዝዳይስ እንጎተ› ያጋይዳ።
LUK 19:25 «ኡን፥ ‹ላꬆ፥ ኤስ ቲኖን ታጵ ምናነ የነ› ያጋይዳ።
LUK 19:26 «ላꬂ፥ ታ ይንትስ ኦህነ፤ ‹የዘ ኡቡንꬅስ መለ ጉጁንቶዳ፥ የዝን ባዘፓ መለ አቶ ኤስ የዛናን ኤክንቶዳ።
LUK 19:27 ማቆ የዝን፥ ታ ኡንታላ አፋ ካእታመ ፋና ኮይዱንꬅ የንꬅ ታ ሞርኩንꬃና Ꮉንካ ታ ቲንተ ክእ ዎꬎተ› ጋይዳ» ያጋይዳ።
LUK 19:28 የሱሳ ይኖ ኦህዳንፓ ሱባ ኡንታፓ ቲኖ አꬊ የꬊ የሩሳላመ ቅትዳ።
LUK 19:29 ሻማሄ ደርዘላ አፋ የዘ ቤተፋገን ብታንያ ኡክደ ዎደ ፋ ታማሩንꬃፓ ላምኡንꬃና ያጋእ ኪትዳ፦
LUK 19:30 «ይን ቲኖ የዘ ካራ ጋንጨ ቅቶተ፥ ይን የይጋ የልዘ ዎደ ኦደን ቶግካይዘ አጭንቲ የዘ Ꮉረ ናአ ደማዳ። ኤዛ ብሊ Ꮉይጋ ኤኪ ዮኦተ።
LUK 19:31 ኦደን፥ ‹አኮስ ብለ?› ጋእ ኦጭኮ፥ ‹ላꬂ ኤዛ ኮያነ› ያጋኦተ» ያጋይዳ።
LUK 19:32 ኪትንትዱንꬅ Ꮉንግ ኤ ጋይዳን ፋና ይእን ብእዳ።
LUK 19:33 ኡን Ꮉረ ናአያ ብሎደራ ላꬁንꬅ ብእ፥ «Ꮉረ ናአያ አኮስ ብለ?» ያጋይዳ።
LUK 19:34 ኡን ማህ፥ «ላꬂ ኤዛ ኮያነ» ያጋይዳ።
LUK 19:35 የይጋፓ Ꮉረ ናአያ የሱሳጎ ክእዳ። ፋ ማእቶ Ꮉረ ናአይ ባንተ ጋዲ የሱሳ Ꮉረ ናአይላ በትꬅዳ።
LUK 19:36 አሱንꬅን ኤ የꬍዘ ኦግትላ ፋ ማእቶ ዪጽዳ።
LUK 19:37 ሻማሄ ደረ ሱለ ዎꬍዘ ኦግዘጎ ኡክዘ ዎደ ፋይዶራ ሎይꬂ ጋማ አሱንꬃና ኡን ብእ ክለ ባዝተ ኡፋይት ፋ ቃልቶ ꬎቅ ዪዚ፥
LUK 19:38 «ላꬄ ሱንꬅተ የእዘ ካትዘ አንጅንትዳያ ሳሎ ግዳ ሳሮ ኡባፓ ꬎቃ ሳሎ ቦንቾ ጾዝስ ማቀ።» ያጋእ ጾዝ ጋላትዳ።
LUK 19:39 አሱንꬅ ግዳፓ ፈቲ ፈቲ ፋርሳዉንꬅ የሱሳጎ፥ «አስታማርዛዮ፥ ነ ታማሩንꬃና Ꮉይዞተ ጋእ ካጮ» ያጋይዳ።
LUK 19:40 ኤ ኡንታጎ፥ «ኡን ስእ ጋይኮ ሹቹንꬅ ኡኮዳ» ያጋይዳ።
LUK 19:41 የሱሳ የሩሳላመ ኡክተ ካታምቶ ብእ ኢስ ዬክዳ።
LUK 19:42 «ኔስ ሳሮ ማቃዳኖ Ꮉይኖ ነ ኤርዘባዝ ማቅዛኮ የዝን፥ Ꮉተ ነ ኣፍትፓ ገንግዳ።
LUK 19:43 ነ ሞርኩንꬅ ነ ካንቶ ጋሲ ዱማ ዱማ ኦገራ ነና ተቂ ኡንእꬅዘ ዎደ የኦዳ።
LUK 19:44 ነናን ነ ጋስት ግዳ የዘ ነ ናኡንꬃና ꬋብሶዳ። ፈቲ ፈቲ ሹች ደንꬂ ዉልኦዳ፥ አኮስ ጋይኮ ጾዚ ነና አሾደስ የእዘ ዎድቶ ኤርካያ» ያጋእ ኢስ ዬክዳ።
LUK 19:45 ይንፓ ሱባ፥ የሱሳ ጾዘ ኬꬃ ገሊ ዛልእዙንꬃና የይጋፓ ባይእዳ።
LUK 19:46 ማህ፥ «‹ታ ኬꬅታ ጾዝ ዎስዘ ኬꬂ ማቃዳ› ጋእ ጻፍንትዳ፥ የዝን ይን ታ ኬꬅቶ ፋኑንꬅ ዎምኦ ማህዳ» ያጋይዳ።
LUK 19:47 አዋራ አዋራ ጾዘ ኬꬅተ ታማርሳነ። ካህኑንꬅ Ꮉላቁንꬅ፥ ህገ አስታማሩንꬅን ጋደ ጭሙንꬅ ኤዛ ዎꬎደስ ኦገ ኮያነ።
LUK 19:48 ማቆ የዝን፥ አሱንꬅ ኡባና ኤ ትምርትቶ ፋ ዎዝንቶ ኦሊ ስእዘ ግሾ ኡንትስ ኦቾደ ባዝ ꬋብዳ።
LUK 20:1 ፈቲ ቃማ የሱሳ ጾዘ ኬꬃ አሱንꬃና ታማርስተራን ዎንገለ ማርክꬍተ፥ ካህኑንꬅ Ꮉላቁንꬅ፥ ህገ አስታማሩንꬅን ጋደ ጭሙንꬅ ፈትላ ኤጎ ይእ፥
LUK 20:2 «ነ Ꮉንሳና አኮ አደትꬅ ወልቃራ ኦችዛኮ ኑስ ኦሆ። Ꮉና አደትꬅ ዎልቅቶ ኔስ እንግደ ኦደ?» ያጋእ ኦጭዳ።
LUK 20:3 ኤ ኡንታጎ፥ «ታንን ይንታና ፈትባዝ ኦጮዳ፥ አነ ታስ ማሆተ።
LUK 20:4 ጻማቅዘ ዋሐንሳ ጽንቃታ ጾዛፓነ አሳፓ?» ያጋይዳ።
LUK 20:5 ኡን ዎል ግዳ ያጋእ ዞርንትዳ፦ «ጾዛፓ ጋይኮ ዬዝን፥ አኮስ አማናንጽዶ?» ያጋኦዳ።
LUK 20:6 «አሳፓ ጋይኮ፥ አሱንꬅ ኡባና ዋሐንሳ ናበ ማቅዛኖ አማንዘ ግሾ ኑና ሹቻራ ꬎጎዳ።»
LUK 20:7 ይኒ ግሾ፥ «አባፕ የዛኮ ኑ ኤሮስ» ያጋእ ማህዳ።
LUK 20:8 የሱሳ ማህ፥ «ይኬ፥ ታንን አኮ አደትꬅ ወልቃራ Ꮉንሳና ኦችዛኮ ይንትስ ኦሆስ» ያጋይዳ።
LUK 20:9 ይንፓ ሱባ፥ የሱሳ ያጋእ Ꮉና አዝዝቶ አሱንꬅስ ኦህዳ፦ «ፈቲ አስ ዎይነ ቱክዳ። ኦችዙንꬅስ ኮꬄ እንግ ጋማ ዎደ ጋምእ ዮኦደስ መለ ሳአ ቅትዳ።
LUK 20:10 ዎይነ ኣፍቶ ማጽዘ ዎደ የልን ዎይነ ኣፍትፓ ኤስ ዳኮደ ፋና ኦችዙንꬃጎ ፋ አርዛ ኪትዳ። የዝን ኦችዙንꬅ የ አርዛ አይኪ Ꮉꬊ Ꮉሪ ኩሸ ዳክዳ።
LUK 20:11 ማህን መለ አርዛ ኪትዳ። ማህ ኦችዙንꬅ ኤዛ Ꮉꬊ፥ ካዉሽዚ Ꮉሪ ኩሸ ዳክዳ።
LUK 20:12 Ꮉተን ማህ Ꮉይꬕንꬃ አርዛ ኪትዳ። ዎትዙንꬅ ኤዛን Ꮉꬊ Ꮉርግዚ ዎይነ ግዳፓ ጋጻ ኬሲ ኦልዳ።
LUK 20:13 «ዎይነ ላꬄ፥ ‹ዬዝን ታ አኮ ኦቾ? አነ ማህ ታ ካዽዘ ታ ናአያ ዳኮዳ፤ ኦደ ኤሮደ ኡን ኤዛ ቦንችካይዛራ አታማ› ያጋይዳ።
LUK 20:14 «የዝን ኦችዙንꬅ አꬄ ናአያ ብእደ ዎደ ‹Ꮉይኒ ኤዛ ላቶዳያ፥ Ꮉይጋ ዮኦተ ኤዛ ዎꬎዳ፥ የይዝኮ ላትታ ኑስ ማቃዳ› ያጋእ ዞርንትዳ።
LUK 20:15 ዎይነ ግዳፓ ጋጻ ኬሲ ዎꬍዳ። «ዬዝን፥ ዎይነ ላꬄ የንꬅ አሱንꬃና ዋይሳደ?
LUK 20:16 ይእ የንꬅ ኦችዙንꬃና ꬋብሶዳ፥ ዎይነ በስቶ መለ አሱንꬅስ እንጎዳ። አሱንꬅ ይኖ ስኤዘ ዎደ ‹ሽንቻለ ይኒ ጋርዘባዝ ክእፐ› » ያጋይዳ።
LUK 20:17 የሱሳ ኡንታና ዳኪ ብእ፥ ዬዝን «ግምበ ኬጽዘ አሱንꬅ ቦርደ ሹችዘ፥ ኬꬅስ ምንꬅን ጻላትꬅ እንግዘ ኡባንፓ አꬍዘ ሹች ማቅዳ» «ጋእንት ጻፍንትዳን ብልꬅታ አኮ?
LUK 20:18 የ ሹችዘላ አፋ ጎልእዘ ኡባና መቆዳ፥ ሹችዘ ኤላ አፋ ዎꬍዘ ኡባና ጋጭንቶዳ» ያጋይዳ።
LUK 20:19 ህገ አስታማሩንꬅን ካህኑንꬅ Ꮉላቁንꬅ ይና አዝዝታ ኦህንትዳና ኡንታላ አፋ ማቅዳኖ ኤሪ የ ዎደ ኤዛ አይኮደስ ኮይዳ፥ የዝን አሱንꬅስ ዣሽትዳ።
LUK 20:20 ይኒ ግሾ፥ የሱሳ ዎርዥቶ አህዘ ሮመ ካትዘስ አꬂ እማደስ ኮይ ኤ ዶንትፓ ባላ ቃላ ናጋነ። ይኖ ፎልሳደስ ጽሎ ጋራ ይእ ጭምዘ አሱንꬃና ኤጎ ኪትዳ።
LUK 20:21 ኪትንቲ Ꮉንግደ አሱንꬅ፥ «አስታማርዛዮ፥ ኔኒ ኦህዛናን ታማርስዛና ልከ ማቅዛኖ፥ ማህ ጾዘ ኦግቶ ቱርራ ታማርስዛኖን ኦናን ሻጎሳኖ ኑ ኤራነ።
LUK 20:22 ይኦ የዝን፥ ሮመ ካትስ ጊራ ጊሮደስ ቤዛነነ ቤዞሳ?» ያጋእ ኤዛ ኦጭዳ።
LUK 20:23 የዝን ኤ ኡን ዎዝና ኢታትꬅቶ ኤርደ ግሾ
LUK 20:24 «አነ ታና ፈቲ ሳንትመ ቤዞተ፥ ኤላ የዘ ምስልታን ሱንꬅታ ኦደባዞ?» ያጋይዳ። ኡን ማህ፥ «ሮመ ካት» ያጋይዳ።
LUK 20:25 ኤ ማህ፥ «ዬዛኮ፥ ቄሳረስቶ ቄሳረስ፥ ጾዘስቶ ጾዝስ እንጎተ» ያጋይዳ።
LUK 20:26 ይኒ ግሾ፥ ኤ ማህደ ማህተ አሱንꬅ ቲንተ ባላ ደንጎደስ ዳንዳእካያ። ኤ ማህተ ጋማ ቆፒ ስእ ጋይዳ።
LUK 20:27 Ꮉይቆፓ ደንዶ ባያ ያጋዘ ሳዱቃዉንꬃፓ ፈተ ፈተ የሱሳጎ ይእ፥
LUK 20:28 «አስታማርዛዮ፥ ፈቲ አስ ማቾ ኤኪ ናአ የልካይዛራ Ꮉይቂኮ፥ ኤ እሸ ይና ማችቶ ኤኪ ናአ የሊ ፋ እሸስ ኮች አሾደ ፋና ሙሴ ጻፍዳ።
LUK 20:29 ይኬ ላፑን እሹንꬅ የነ። አንግሰ ማቾ ኤኪ ናአ የልካይዛራ Ꮉይቂዳ።
LUK 20:30 ላምአንꬅዘ እዞ ኤኪ ናአ የልካይዛራ Ꮉይቂዳ።
LUK 20:31 Ꮉይꬓንꬅዘ ይኒ ፋና ይእዳ። ላፑኑንꬅ ኡባና ይኒ ጋራ ይእ እዞ ኤክዳ፥ የዝን ናአ የልካይዛራ Ꮉይቂዳ።
LUK 20:32 ኡባፓ ሱባ ማችታ Ꮉይቂዳ።
LUK 20:33 ይኬ፥ ላፑን ꬊራꬅ እዞ ኤክደ ግሾ Ꮉይቆፓ ደንድዘ ዎደ እዛ ኦደ ማቾ ማቃደ?» ያጋእ ኦጭዳ።
LUK 20:34 የሱሳ ማህ፥ «አስ Ꮉና ዎድተ ኤካነ ገላነ።
LUK 20:35 የዝን Ꮉይቆፓ ደንዲ የኦደ አላምተ የሳደስ ቤዙንꬂ ኤኮስ ገሎስ።
LUK 20:36 ኡን ኪታንቾ ፋና ማቅዘ ግሾ ቲኖፓ Ꮉይቆስ። Ꮉይቆፓ ደንድደ ግሾ ኡን ጾዘ ናአ።
LUK 20:37 ሙሴ ላꬂ፥ ‹አብራሃማ ላꬂ፥ ይሳቃ ላꬂ፥ ያይቆባ ላꬂ› ጋእ ጭልኦ ግዳ ኤጽዘ ታማ ታሪክቶ ጻፍዳነ Ꮉይቂደ አሱንꬅ ደንድዛኖ ቤዛነ።
LUK 20:38 ኡቡንꬅ ኤስ ፋጻ የዙንꬃና ማቃደ ግሾ ኤ ፋጻ የዙንꬅ ላꬃፕ አትን Ꮉይቂዱንꬅ ላꬂ ባያ» ያጋእ ማህዳ።
LUK 20:39 ህገ አስታማሩንꬃፓ ፈተ ፈተ፥ «አስታማርዛዮ፥ ሎኦ ባዝ ኦህዳ» ያጋይዳ።
LUK 20:40 ይንፓ ሱባ፥ መለ ኦጨ ኦጮደስ ዣሽትዳ።
LUK 20:41 ይንፓ ካሊ የሱሳ ኡንታጎ፥ «አሱንꬅ ክርስቶሳ ዋይዝ ዳዉተ ናአ ጋኤ?
LUK 20:42 አኮስ ጋይኮ፥ ዳዉተ ፋ ኦምተ ማዝሙረ ማጻፍተ፥ « ‹ጾዚ ታ ላꬄጎ «ታ ነ ሞርኩንꬃና ነ ቶህታ የꬍዘ በሲ ማሆደ ዎንꬅስ ታፓ ምዛቅ ዛላራ በቶ» ጋይዳ ያጋይዳ።
LUK 20:44 «ይኬ፥ ዳዉተ ክርስቶሳ፥ ‹ላꬆ ጋእ ጼግተራ ኤስ ናአ ዋይዝ ማቀ?› » ያጋይዳ።
LUK 20:45 አስ ኡባ ስአደራ ፋ ታማሩንꬃጎ፥
LUK 20:46 «ጳርጎ ማኦ ማእ ዉታ ካꬍዙንꬃፓ፥ ጋበ ቦንቾ ሳሮ፥ አይሁደ ዎሳ ኬꬅተ ቦንቾ ኦይዳ፥ ሞኩንትዘ ኬꬃን ቦንቾ በሲ ኮይዘ ህገ አስታማሩንꬃፓ ናግንቶተ።
LUK 20:47 ኡን ቡዳን ኬꬂ ካሎ አሽዙንꬃና፥ ጽሎ አስ ጋር ይእ ዎሳ ጳርግዛነ። ኡን ኢታ ፍርዳ ኤኮዳ» ያጋይዳ።
LUK 21:1 ዱረ አስ ጾዘ ኬꬃ ሙጻተ ሳጥንተ ኦሎደራ የሱሳ ꬎቅ ጋእ አሱንꬃና ብእዳ።
LUK 21:2 ማህ ፈቲ ዳሃ ቡዳንታ ላምእ ስክና ኦሎደራ ብእ፥
LUK 21:3 «ታ ይንትስ ቱሮ ኦህነ፤ Ꮉና ዳሃ ቡዳንታ ኡባንፓ አꬂ እንግዳ።
LUK 21:4 አኮስ ጋይኮ፥ Ꮉንꬅ አሱንꬅ ኡባና ፋስ የዘ ባዛፓ እንግዳ፥ የዝን እዛ ፋ ፋጭትፓ፥ ፋስ የዘ የስቶ ሙሎ እንግዳ» ያጋይዳ።
LUK 21:5 የሱሳ ታማሩንꬃፓ ፈተ ፈተ ጾዘ ኬꬅታ ጋማ ሎእዘ ሹቻራን አስ ጾዝስ እንግደ እሞራ ሎእዳኖ ኦህንታነ።
LUK 21:6 የዝን የሱሳ፥ «Ꮉና ይን በእዘ ባዝታ ኡባና ላንትካይዛራ፥ ሹች ሹቻላ አፋ ግምቢንትደ ፋና Ꮉንራ አቶሰ ዎደ የኦዳ» ያጋይዳ።
LUK 21:7 ኡንትን፥ «አስታማርዛዮ፥ Ꮉና ኡባና Ꮉኖዳና አይደ? ማህ Ꮉና Ꮉኖዳንስ ማልታ አኮ?» ያጋእ ኦጭዳ።
LUK 21:8 የሱሳ ያጋእ ኡንትስ ማሄ እንግዳ፦ «ባልንታመ ጋር ናግንቶተ። ጋሙንꬅ ፋና፥ ‹ታ ክርስቶሳ፥ ዎድታ ኡክዳ› ያጋእተ ታ ሱንꬅተ የኦዳ፥ የዝን ይን ኡንታና ካልፐተ።
LUK 21:9 ይን ኦላባዝን አስ ኢታትꬅ ስእዘ ዎደ ታንፐተ። ይና ቲንꬊ ይኦዳና አታመባዝ ማቃደ ግሾ ዎደ ዉርሱꬅታ ኤልሲ የኦስ» ያጋይዳ።
LUK 21:10 ካልን፥ «ዎርዣ ዎርዣላ አፋ፥ ካእቱሞ ካእቱሞላ አፋ ደንዶዳ።
LUK 21:11 ዳማ ሳአ ኤንኤ Ꮉኖዳ፥ ጋዶ Ꮉርገ ናየ ባይኤን ዱማ ዱማ በሳ ጋማዳ፥ ዣሽዘባዝን ዳማ ማላ ሳሎፓ በንቶዳ።
LUK 21:12 የዝን Ꮉና ኡባና Ꮉኖዳንፓ ቲኖ ታ ሱንꬅት ግሾ ጋእ አስ ይንታና ባይꬆዳ አይኮዳ። አይሁደ ዎሳ ኬꬃ ፍርድ አች ኬꬃ ይንታና ኦሎዳ። ካት ቲኖን ዎርዣ አህዙንꬂ ቲኖ ይንታና ካንጎዳ።
LUK 21:13 ይናን ታ ባዝ ይን ኡንትስ ማርክꬋደስ ሎኦ ኦገ ማቃዳ።
LUK 21:14 ይኒ ግሾ፥ ይን ኦጭንትዘ ዎደ ዋጋእ ማሄ እማደ ጋእ ይን ዎዝንተ ኡንእንታመ ፋና ቆፖተ።
LUK 21:15 አኮስ ጋይኮ፥ ይን ሞርኩንꬅ ይንታራ ኤቅንቶደስን ላሎደስ ዳንዳኦሰ ዶናን ጭንጫትꬅ ታ ይንትስ እንጎዳ።
LUK 21:16 መለ አቶ የዝን፥ ይንታና የልዱንꬅ፥ ይን እሹንꬅ፥ ይን እግኑንꬅ ላጉንꬅ ይንታና አꬂ እንጎዳ። ይን ግዳፓ ፈታ ፈታ ዎꬎዳ።
LUK 21:17 ታ ሱንꬅት ግሾ አስ ኡባ ቲንተ ይን እጽንትዱንꬃና ማቃዳ።
LUK 21:18 የዝን መለ አቶ የዝን፥ ይን ኦማ እስንꬅትፓ ፈተን ꬋቦስ።
LUK 21:19 ምንꬂ ዳንዳአራ ይን፥ ይን ሸምፕቶ አሾዳ።»
LUK 21:20 «የሩሳላመ ካታምታ አላጋ ዎታዳረራ ጋስንት በቴዝን ይን ብእኮ ኢስ ꬋበ ኡክዳኖ ኤሮተ።
LUK 21:21 የ ዎደ ይሁዳ የዘ ኡባና ደረጎ ዎጺ ꬋቦ፥ ካታምተ የዙንꬅ የይጋፓ ከዞ፥ ጋጻረ የዙንꬅ ካታማ ገልፐ።
LUK 21:22 አኮስ ጋይኮ፥ Ꮉና ጻፍንትዳና ፎልንቶደ ጋር ይና ጾዘ ኩሸ ማህዘ ዎደ።
LUK 21:23 ሳአላ አፋ ዳማ ማꬋ የኦዳ፥ Ꮉነን አሳላ አፋ ጾዘ ባድꬅ የኦዳ። ይኒ ግሾ፥ ዎዳꬅ ማቹንꬃናን ꬋንꬅዙንꬃና ባደ።
LUK 21:24 ኡን ማሻራ Ꮉይቆዳ፥ አስ ኡባና አላጋ ሳአ የሳዳ። አይሁደ ማቆሰ አሱንꬅ ዎድታ ፎልንቶደ ዎንꬅስ የሩሳላመ ኡንታራ የዽንትዳኖ ማቃዳ።
LUK 21:25 «አዋን፥ አግናን፥ ጾልንቶላ አፋ ማላ በንቶዳ። አባፓን ዙሉንተ ኤንኤ ደንድዳንፓ ሳአ የዘ አስ ኡንእንቶዳ ይርጎዳ።
LUK 21:26 ሳሎ ዎልቅታ ቡቁንቶደ ግሾ አስ ዣሽሞራን ሳአላ አፋ አኮ ይአድየሳ ጋእ ናጎራ ታኖዳ።
LUK 21:27 የ ዎደ አስ ናአይ ዎልቃራን ዳማ ቦንቾራን ꬎነራ የኦደራ ኡን በአዳ።
LUK 21:28 ይንታና አሽዘ ኡክደ ግሾ Ꮉና Ꮉንዛና ፎልንቶደስ አይክዘ ዎደ ጊግንቲ ኤቆተ፥ ይን ኦምቶ ꬎቅ ዪዚ ቦኦተ» ያጋይዳ።
LUK 21:29 ካልን፥ Ꮉንጋራ ጋእ አዝዘ ኦህዳ፦ «በለሰ ምንጻን መለ ምንጻ ኡባ ቦኦተ።
LUK 21:30 ኡን አጭዘ ዎደ ቶርቼ ኡክዳኖ ይን ኤራነ።
LUK 21:31 ይኒ ጋራ Ꮉና Ꮉንዛና ፎልንቶደራ ይን ብእኮ ጾዘ ካእቱሞ ኡክዳኖ ኤሮተ።
LUK 21:32 «ታ ይንትስ ቱሮ ኦህነ፤ Ꮉና ኡባና ፎልንቶደ ዎንꬅስ Ꮉና የለትꬅታ አꬎኦስ።
LUK 21:33 ሳሎን ሳአን አꬎዳ፥ የዝን ታ ቃልታ አꬎኦስ።
LUK 21:34 «ይኬ፥ ቦረ ባይዘ የሳራ፥ ኡሽ ጋንራ የስ ባዝስ ኡንእንተራ ይን ዎዝንታ አይክንታመ ጋራን ይና ቃምታ ቲርካይዝን ጽኬ ፋና ይንታና አይካመ ፋና ናግንቶተ።
LUK 21:35 ይና ቃምታ ሳአ ኩሙꬅተ የዘ ኡቡንꬃላ አፋ የሎዳ።
LUK 21:36 ይኒ ግሾ፥ የእዘ ባዝ ኡባፓ አቶደስን አስ ናአ ቲንተ ኤቆደስ ዳንዳእንቶደ ፋና ኡባ ዎደ ሚንግ ዎሶተ» ያጋይዳ።
LUK 21:37 አዋራ አዋራ የሱሳ ጾዘ ኬꬅተ ታማርስተ፥ ቃማ ቃማ ሻማሄ ደርዘላ አፋ ኬዚ አቃነ።
LUK 21:38 አስ ኡባ ኤዛ ስኦደስ ዎንታ ጎዳ ኤጎ ጾዘ ኬꬃ የእነ።
LUK 22:1 የ ዎደ ፋስካ ያጋዘ ቦራ ባአለ ኡክዳ።
LUK 22:2 ካህኑንꬅ Ꮉላቁንꬅን ህገ አስታማሩንꬅ አሱንꬅስ ዣሽትደ ግሾ ዋይዝ የሱሳ ፋ ግዳፓ ꬋብሶድየዛኮ ኦገ ኮያነ።
LUK 22:3 ጻላሄ ታጶ ላምኡንꬃፓ ፈታ ማቅደ አስቆሮቱ ይሁዳ ጋእንትዘ ግዳ ገልዳ።
LUK 22:4 ይሁዳ ካህኑንꬅ Ꮉላቁንꬅስን ጾዘ ኬꬃ ናግዙንꬅ Ꮉላቁንꬃጎ Ꮉንግ የሱሳ ዋይዝ አꬂ እማድየዛኮ ኡንታራ ዞርንትዳ።
LUK 22:5 ኡንትን ይነ ኡፋይት ብራ እማደስ ኤራ ዞርንትዳ።
LUK 22:6 ኤዝን ዞርንትዳነ ጊግዳ። አꬂ ኡንትስ እማደስ አስ ባይዘ ዎትዘ ዎደ ናግተራ የነ።
LUK 22:7 ይንፓ ሱባ፥ ፋስካ ዱሮ ሹክንትዘ ቦራ ባአለ የልዳ።
LUK 22:8 የሱሳ፥ «ፋስካ ካዎ ማአደ ጋር Ꮉንግ ኑስ ጊግዞተ» ያጋእ ጴጥሮሳን ዋሐንሳን ኪትዳ።
LUK 22:9 ኡን፥ «ኑ አባ ጊግሳደ ጋር ነ ኮየ» ያጋእ ኦጭዳ።
LUK 22:10 ኤ ኡንታጎ፥ «ይኬ ይን ካታማ ገሎደራ Ꮉꬅ ኦታራ ቶክደ አꬄ ይንታራ የልንቶዳ። ኤ Ꮉንግ ገልዘ ኬꬅተ ኤዛ ካሊ ገሎተ።
LUK 22:11 ካርትአደጎ አስታማርዘ፥ ‹ታ ታ ታማሩንꬃራ ዎላ ፋስካ ካዎ ማአደስ ዛቆ ኬꬅታ አባ የነ? ያጋይዳ› ጋኦተ።
LUK 22:12 ኤ ፎቀላ አፋ ዪጽንት ጊጊ የዘ ዳልጋ ክፍለ ይንታና ቤሳዳ፥ የይጋ ጊግዞተ» ያጋይዳ።
LUK 22:13 ኡን Ꮉንግ የሱሳ ጋእዳን ጋራ Ꮉንን ደንግዳ። ፋስካ ባአለ ካዎ የይጋ ጊግዝዳ።
LUK 22:14 ሳታን የልደ ዎደ የሱሳ ሐዋሩንꬃራ ዎላ ካዎላ በትዳ።
LUK 22:15 ኤ ኡንታጎ፥ «ታ ማꬋ ኤኮዳንፓ ቲኒ Ꮉና ፋስካ ካዉቶ ይንታራ ማአደስ ጋማ አሙꬍዳ።
LUK 22:16 ይኬ፥ ስኦተ! ጾዘ ካእቱምተ Ꮉንስ ብልꬅታ ፎልንቶደ ዎንꬅስ Ꮉና ካዉቶ ማህ ሞኦስ» ያጋይዳ።
LUK 22:17 ኡሽቶ ኤኪ ጋላቲ ማቂ፥ «Ꮉተ Ꮉኖ ይን ግዳ ግሽንቶተ።
LUK 22:18 ስኦተ! ጾዘ ካእቱሞ የኦደ ዎንꬅስ Ꮉይኖፓ አይኪ Ꮉና ዎይነ ኡሽትፓ ማህ ኡዦስ» ያጋይዳ።
LUK 22:19 ቦርዛ ኤኪ፥ ጋላቲ ማቂ፥ «Ꮉና ይንትስ እንግንትዳና ታ አሽቶ። Ꮉኖ ኦችታራ ታና ቲሮተ» ያጋእ ባጽ ኡንትስ እንግዳ።
LUK 22:20 ይኒ ፋና፥ ካዉትፓ ሱባ ኡሽቶ ኤኪ፥ «Ꮉና ኡሽታ ይንትስ ጎግደ ታ ሱꬅተ ፎልንትዘ ክለ ጫቆ።
LUK 22:21 ማቅኮን፥ ታና አꬂ እንጎደ አꬄ ኩሽታ ታራ ፈትላ ጋባተ።
LUK 22:22 አስ ናአይ ኤስ ጾዚ ጋይደ ፋና Ꮉይቆደስ የነ፥ የዝን ኤዛ አꬂ እንግዘ አꬃ ባደ» ያጋይዳ።
LUK 22:23 ኡን ፋ ግዳ፥ «Ꮉኖ ኦኒ ኦቾደ» ጋእ ዎል ኦጭዳ።
LUK 22:24 ማህ ኡን ግዳ ዳማ ማቃደ ኦደ ጋዘ ላለ መꬍንትዳ።
LUK 22:25 የሱሳ ኡንታጎ፥ «አላመ ካቱንꬅ ፋ አሱንꬃና ዎልቃራ አሃነ፤ ፋ ደርትላ አፋ ላꬅꬍዙንꬃናን ፋና፥ ‹ሎኦ ኦችዙንꬃና› ያጋእ ጼጋነ።
LUK 22:26 የዝን ይን ግዳ ይኒ ፋና ማቅፐ። ይን ግዳ አንግስዘ ጌዘ ፋና ይኦ፤ ካልꬅዘ ካልዘፋና ይኦ።
LUK 22:27 ዬዝን፥ ሞክዘፓን ሞክንትዘፓ አየ አ? ሞክንትዛ ባነ? የዝን ታኒ ይን ግዳ ሞክዘ ፋና።
LUK 22:28 «ይንትን ታ ማꬍተ ታፓ ሻክንትካይዛር ታራ ሚንግ ኤቅዱንꬃና።
LUK 22:29 ይን ታ ሌማትፓ ማአደ ፋና፥ ኡሻደ ፋናን አራታላ አፋ በቲ ታጶ ላምእ እስራኤለ ሼሹንꬃላ አፋ ፍርዶደ ጋር ታ አዳይ ታና ሹምደ ፋና ታንን ይንታና ታ ካእቱምተ ሹሞዳ» ያጋይዳ።
LUK 22:31 ካሊ የሱሳ፥ «ስሞና፥ ስሞና፥ ጻላሄ ይንታና ዛርጋ ፋና Ꮉርቆደስ ዎስዳ።
LUK 22:32 የዝን ታ ነ አማንታ ꬋባመ ፋና ኔስ ጭምꬋነ። ኔንን ማቅደ ዎደ ነ እሹንꬃና ሚንꬆ» ያጋይዳ።
LUK 22:33 ስሞና፥ «ላꬆ፥ ታ ኔራ አጭንቶደስን Ꮉይቆደስ ጊግንትዳ» ያጋይዳ።
LUK 22:34 የሱሳ ጴጥሮሳጎ፥ «ታ ኔስ ኦህነ፤ Ꮉይኖ ሉኩለ ኦሎዳንፓ ቲኖ ነ ታና Ꮉይꬕ ቶሄ ካዶዳ» ያጋይዳ።
LUK 22:35 ካሊ፥ የሱሳ ኡንታጎ፥ «ታኒ ይንታና ኮሮጆ፥ ካርጽተን ጫማ ባይዝን ኪተዘ ዎደ ይንትስ ፋጭደባዝ የነ?» ያጋእ ኦጭዳ። ኡን ማህ፥ «አኮን ፋጭካያ» ያጋይዳ።
LUK 22:36 ኤ ኡንታጎ፥ «Ꮉተ ኮሮጆን ካርጥተ የዘ አይኮ፤ ማሻ ባይዘ ፋ አፉልቶ ባይዝ ማሻ ዎንጎ።
LUK 22:37 Ꮉኖ ስኦተ! ‹ገኑንꬃራ ፋይድንትዳ› ጋእንት ጻፍንትዳና ታ ግዳ ፎልንቶደስ ቤዛነ። ዬ፥ ታ ግሾ ጻፍንትዳና ፎልንትዛና ቱርꬍዳ» ያጋይዳ።
LUK 22:38 ኤ ታማሩንꬅ፥ «ላꬆ Ꮉነ ላምእ ማሻ የነ» ያጋይዳ። ኤ፥ «ማቃዳ» ያጋይዳ።
LUK 22:39 የሱሳ ትኖፓ ከዝዛን ጋራ ደንዲ ሻማሄ ደርዘላ ከዝዳ። ኤ ታማሩንꬅ ኤዛ ካልዳ።
LUK 22:40 ይና በስተ የልደ ዎደ «ማꬋ ገላመ ፋና ዎሶተ» ያጋይዳ።
LUK 22:41 ኡንታፓ ሹች ꬎግን የሎደ በሲ ጋር Ꮉኪ ቡንቁንቲ ዎስዳ።
LUK 22:42 «ታ አዳዮ፥ ነ ቆፋ ማቅኮ Ꮉና ማꬋ ጹኡቶ ታፓ ኣꬆ። የዝን ታ ቆፋ ማቅፐ ነ ቆፋ Ꮉኖ» ያጋእ ዎስዳ።
LUK 22:43 ኪታንቾ ሳሎፓ በንቲ ምንꬅꬅዳ።
LUK 22:44 ጋማ ኡንእንት ምንꬂ ዎሳነ። ኤ ጫዉታን ሱꬅ ጾክዘ ጋር ሳእተ ጾካነ።
LUK 22:45 የሱሳ ዎሳ ፖሊ ፋ ታማሩንꬃጎ ይእዳ። ኡን፥ አዛኖፓ ደንዲ ላቢ ገንተዝን ደንግ፥
LUK 22:46 «አኮስ ገንተ? ፋታና ገላመ ፋና ደንዲ ዎሶተ» ያጋይዳ።
LUK 22:47 ኤ Ꮉጋ ኦሄላ አፋ የዝን ጋማ አሱንꬅ ይእዳ። ታጶ ላምኡንꬃፓ ፈተ ይሁዳ ጋእንትዘ ኡንታና ካልꬃነ። ኤ የሱሳ ዬሮደስ ካለ ሺቅዳ።
LUK 22:48 የዝን የሱሳ፥ «ይሁዳ፥ አስ ናአያ ዬሪ አꬂ እንጎዳ?» ያጋይዳ።
LUK 22:49 የሱሳ ታማሩንꬅ ይና Ꮉንዛኖ ብእ፥ «ላꬆ ማሻራ ጋቾ?» ያጋይዳ።
LUK 22:50 ኡን ግዳፓ ፈተ ካህኑንꬅ Ꮉላቅዛ ጉዲ ምዛቅ Ꮉይዛ ጋቺ ኦልዳ።
LUK 22:51 የዝን የሱሳ፥ «አሾ! ካይፐተ» ያጋይዳ። አꬄ Ꮉይዛ ቦቺ ፋꬅዳ።
LUK 22:52 ይንፓ ሱባ፥ የሱሳ ፋና አይኮደስ ይእደ ካህኑንꬅ Ꮉላቁንꬃጎ፥ ጾዘ ኬꬃ ናግዙንꬅ ሹሙንꬃጎን ጭሙንꬃጎ፥ «ፋኖ አይክዘ አስ ፋና ማሻን ጉፈ አይኪ ይእዳተ?
LUK 22:53 ኡባ ዎደ ጾዘ ኬꬅተ ታ ይንታራ የዘ ዎደ ታላ አፋ ኩሸ ጋድካያ። የዝን Ꮉና ꬉማ ካእቱሞ አህዘ ዎደን ይን ዎደን» ያጋይዳ።
LUK 22:54 ይንፓ ሱባ፥ የሱሳ አይኪ ካህኑንꬅ Ꮉላቅዘ ዎፋ ካንግዳ። ጴጥሮሳ Ꮉኮራ የሱሳ ካላነ።
LUK 22:55 አሱንꬅ ካህኑንꬅ Ꮉላቅዘ ዎፋ ታማ ኤꬂ ዎላ በቴዝን ጴጥሮሳ ኡንታራ ፈትላ በትዳ።
LUK 22:56 ፈቲ አርታ ጴጥሮሳ ታማ ካለ በትዳኖ ዳኪ ብእ፥ «Ꮉይ አꬄ ኤራ የነ» ያጋይዳ።
LUK 22:57 የዝን ጴጥሮሳ፥ «Ꮉና ማችተ ታ የ አꬃ ኤሮስ» ያጋእ ካድዳ።
LUK 22:58 ኤራꬅ ዎደፓ ሱባ ፈቲ መለ አስ ኤዛ ብእ፥ «ኔንን ኡንታፓ ፈታ» ያጋይዳ። የዝን ጴጥሮሳ፥ «Ꮉይ አꬃዮ ታና ባያ» ያጋይዳ።
LUK 22:59 ፈቲ ሳተ ጋር ጋምእዳንፓ ሱባ ፈቲ መለ አꬄ ሎይꬂ፥ «Ꮉይ አꬃይ ጋልላፓ ማቃደ ግሾ ሶኤ ባይዝን ኤራ የነ» ያጋይዳ።
LUK 22:60 የዝን ጴጥሮሳ፥ «Ꮉይ አꬃዮ፥ ነ ጋዛያ ታ ኤሮስ» ያጋይዳ። ኤ ይና ኦህቶ Ꮉስካይዝን ሉኩለ ኦልዳ።
LUK 22:61 ላꬂ ሱባ ማቂ ጴጥሮሳ ብእዳ። ጴጥሮሳ፥ «Ꮉይኖ ሉኩለ ኦሎዳንፓ ቲኖ ነ ታና Ꮉይꬕ ቶሄ ካዶዳ» ያጋእ፥ ላꬂ ኦህደ ቃልቶ ቲርዳ።
LUK 22:62 ጴጥሮሳ ባለ ኬዚ ጋማ ጎቂ ዬክዳ።
LUK 22:63 የሱሳ ናግዘ አሱንꬅ ኤዛ ለቀን Ꮉ አይክዳ።
LUK 22:64 ኤ ኣፍቶ ጎዚ «አነ ትንቢተ ኦሆ፤ ነና Ꮉꬍደ ኦደ?» ያጋእ ኦጫነ።
LUK 22:65 መለ ጋማ ለቂ ጫዣነ።
LUK 22:66 ሳአ ዎንትዘ ዎደ አይሁደ ሳአ ጭሙንꬅ፥ ካህኑንꬅ Ꮉላቁንꬅን ህገ አስታማሩንꬃጎን ሻንጉንꬃጎ ሺቂ፥ የሱሳ ፋ ቲኖ ሺሽዳ።
LUK 22:67 ኡን፥ «ነ ክርስቶሳ? አነ ኑስ ኦሆ?» ያጋእ ኦጭዳ። የሱሳ፥ «ታ ኦህዛኮ አማኖስ።
LUK 22:68 ታ ኦጭዛኮ ማሆስ።
LUK 22:69 የዝን አስ ናአይ Ꮉንፓ ጎደ ባጋ ዎልቃማ ጾዘ ምዛቅ ባጋ በቶዳ» ያጋይዳ።
LUK 22:70 የ ዎደ ኡባና፥ «ዬዝን፥ ነ ጾዝ ናአ?» ያጋይዳ። ኤ፥ «ታ ጾዘ ናአ ይን ጋይዳን ፋና» ያጋይዳ።
LUK 22:71 ኡን፥ «ይኬ፥ መለ ማርካ አኮ ኮሸ? ኤ ፋ እልአንꬅተ ኦሆደራ ኑ ስእዳ» ያጋይዳ።
LUK 23:1 ይና በስተ ሺቅደ ሻንጉንꬅ ኡባና ደንዲ የሱሳ ጵላጦሳጎ ካንግዳ።
LUK 23:2 «Ꮉይ አꬄ ኑ አሱንꬃና ባልꬆደራ፥ ሮመ ካትስ ጊራ ጊራመ ፋና ካዮደራን ማህ፥ ‹ታኒ ክርስቶሳ ይን ካት› ያጋዝን ደንግዳ» ያጋእ ሞትዳ።
LUK 23:3 ጵላጦሳ የሱሳ፥ «ኔኒ አይሁዱንꬅ ካትነ?» ያጋእ ኦጭዳ። የሱሳ፥ «የ፥ ነ ጋእዳን ጋር» ያጋይዳ።
LUK 23:4 ጵላጦሳ ካህኑንꬅ Ꮉላቁንꬃጎን አሱንꬃጎ፥ «Ꮉይ አꬄላ አፋ ታ ፈቲ ባላ ባዝ ደንግካያ» ያጋይዳ።
LUK 23:5 የዝን ኡን፥ «Ꮉይ አꬄ ጋልላፓ አይኪ Ꮉኖ የሎደስ ይሁዳ ኩሙꬅ ኢታባዝስ ደንꬅꬃነ» ያጋእ ምንꬂ ኦህዳ።
LUK 23:6 ጵላጦሳ ይኖ ስኤዘ ዎደ የሱሳ ጋልላ አስ የዛኮ ኤሮደስ ኮይ ኤዛ ኦጭዳ።
LUK 23:7 የሱሳ ሄሮድሳ ሳአፓ ይእደ አስ ማቅዛኖ ጵላጦሳ ኤርደ ዎደ ሄሮድሳ የ ዎደ የሩሳላመ የዘ ግሾ ኤጎ ዳክዳ።
LUK 23:8 ሄሮድሳ የሱሳ በአደስ ጋማ ዎደፓ ኮይተራ የዘ ግሾ ኤዛ በኤዘ ዎደ ጋማ ኡፋይትዳ። አኮስ ጋይኮ፥ ኤ ባዝ ስእደ ግሾ ጋማ ቆፍዘ ባዝ ኦችን በአደስ አሙꬍተር የነ።
LUK 23:9 ሄሮድሳ የሱሳ ጋማ ኦች ኦጭዳ፥ የዝን ኤ አኮን ማህካያ።
LUK 23:10 ካህኑንꬅ Ꮉላቁንꬅን ህገ አስታማሩንꬅ እዘ ኤቂ ምንꬂ ኤዛ ሞታነ።
LUK 23:11 ሄሮድሳራን ኤ ዎታዳሩንꬃራ የሱሳ ቶቺ ለቂዳ። ቦንቾ አፉላ ማእሲ ጵላጦሳጎ ማህ ዳክዳ።
LUK 23:12 ሄሮድሳራን ጵላጦሳራ ቲኖ ሞርከየዝን የ ዎደ ዎላ ጊግዳ።
LUK 23:13 ጵላጦሳ ካህኑንꬅ Ꮉላቁንꬃና፥ አስ አህዙንꬃናን ፈትላ ጼጊ፥
LUK 23:14 « ‹Ꮉይ አꬄ አስ ዎቦ ባዝስ ደንꬅꬃነ› ጋእ ታጎ ክእዳ። ታንን ይን ቲንተ ቁርችን ይን ሺሽደ ሞትስ አኮ ባላ ባዝ ደንግካያ።
LUK 23:15 ሄሮድሳ፥ ይኒ ጋር አኮ ባላ ባዝ ኤላ አፋ ደንግካይዘ ግሾ ኑጎ ዳክዳ። ቱሮን Ꮉይ አꬄ Ꮉይቆስ የልꬅዘ አኮ ባላ ባዝ ኦችካያ።
LUK 23:16 ይኒ ግሾ፥ ኤዛ ጋራፊ ብሊ ዳኮዳ» ያጋይዳ።
LUK 23:17 ይኖ ኤ ጋእዳና ፋስካ ባአለ ዎደ ፈቲ አስ ኡንትስ ብሎዳና ኤስ አታመባዝ ማቅደ ግሾስ።
LUK 23:18 ዎርዡንꬅ ኡባ ፈትላ፥ «Ꮉይ አꬃ ዎꬎ፥ ኑስ ባርባነ ብሎ» ያጋእ ኡህዳ።
LUK 23:19 ባርባነ ካታማ ግዳ አሱንꬃና ኢታባዝስ ደንꬅꬂ አስ ዎꬊ አጭንትደ አስ።
LUK 23:20 ጵላጦሳ የሱሳ ብሎደስ ኮይ አሱንꬅስ ማህ ኦህዳ።
LUK 23:21 ማቅኮን፥ አሱንꬅ፥ «ሱጾ! ሱጾ!» ያጋእ ኡክዳ።
LUK 23:22 ጵላጦሳ Ꮉይꬓንꬆ፥ «Ꮉይ አꬄ ቆህደ ባዝ አኮ? ዎስ የልꬅዘ ባላ ታ ደንግካያ። ይኒ ግሾ፥ ጋራፊ ዳኪ አሾዳ» ያጋይዳ።
LUK 23:23 ኡን ፋ ቃልቶ ꬎቅ ዪዚ፥ «ሱጹንቶደስ ቤዛነ» ጋእ ምንꬂ ኡክዳ። ኡን ኡክ ጋምዳ።
LUK 23:24 ኡን ኦጭት ግሾ ጋእ ጵላጦሳ ኤላ ፍርድዳ።
LUK 23:25 አስ ኢታባዝስ ደንꬅꬅዛያን አስ ዎꬊ አጭንትዳያ ብሎደ ፋና ዎስዳ፥ የ አꬃ ኡንትስ ብልዳ። የዝን የሱሳ ኡን ኮይደባዝ ኦቾደ ጋር ኡንትስ አꬂ እንግዳ።
LUK 23:26 የሱሳ አይኪ ካንጎደራ ስሞና ጋዘ ቀሬና ሳአ አꬄ ጋጻረፓ የኦደራ፥ ደንግ ማስቃላ ቶሲ የሱሳ ካሊ Ꮉማደ ፋና ኡንእꬅዳ።
LUK 23:27 ጋማ አሱንꬅን ፋ ዳዳብቶ ቆጽተራ ዬክዘ ማቹንꬅ ኤ ሱባራ ካላነ።
LUK 23:28 የዝን የሱሳ ኡንታጎ ሱባ ማቂ፥ «ይን፥ የሩሳላመ ማቹንꬆ፥ ይን ኦምትስን ይን ናኡንꬅስ ዬኮተፕ አትን ታስ ዬክፐተ።
LUK 23:29 ‹ይኬ ꬎኦንꬁንꬅን፥ የልካይዘ ሳዝታን ꬋንꬅካይዘ አምታ አንጅንትዳ› ይን ያጋዉደ ቃማ የኦዳ።
LUK 23:30 የ ዎደ ደርቶ፥ ‹ኑላ አፋ ጎልኦ›፥ ዞዝቶን፥ ‹ኑና አቾ› ጋዉዳ።
LUK 23:31 ይኬ፥ ቃየ ምንጻላ Ꮉኒ ጋር ዪዝኮ መላ ምንጻላ ዋይሳድ የሳ?» ያጋይዳ።
LUK 23:32 ኤዛራ ዎꬎደስ መለ ላምእ ኢታ ባዝ ኦችዱንꬃና ካንግዳ።
LUK 23:33 ቄራንዮ ጋእንትዘ በስቶ የልꬅ ሱጽዳ። ኢታ ባዝ ኦችዱንꬃፓ ፈታ ምዛቅ ዛላራ Ꮉንካያ ዎርክታ ዛላራ ሱጽዳ።
LUK 23:34 የሱሳ፥ «ታ አዳዮ፥ ኡን አኮ ኦችዛኮ ኤሮሰ ግሾ ነ ኡንትስ አቶ ጋኦ» ያጋይዳ። ኡን ኤ አፉልትላ አፋ እጻ ኦሊ ሻክንት ኤክዳ።
LUK 23:35 አሱንꬅ ኤቂ በእነ፥ የዝን ጋደ አህዙንꬂ፥ «መሉንꬃና አሽዳ፤ ጾዚ ዶርደ ክርስቶሳ ኤ ማቅዛኮ አነ ፋና አሾ» ያጋእ ለቂዳ።
LUK 23:36 ዎታዳሩንꬅ ኤ ካለ ሺቂ፥ ጫላ ዎይነ ኡሽ እንግዳ።
LUK 23:37 የይዝ፥ «ኔኒ አይሁዱንꬅ ካት ማቅኮ ነ ኦምቶ አሾ» ያጋእ ለቂዳ።
LUK 23:38 ኤስ ኦማ ዛላራ፥ «Ꮉይ አይሁዱንꬅ ካት» ያጋዘ ጹፈ ጋድዳ።
LUK 23:39 ሱጹንትደ ኢታ ባዝ ኦችዱንꬃፓ ፈተ ጫሽ ሳአራ ጎችተራ፥ «አነ ኔኒ ክርስቶሳ ማቅኮ፥ ነናን ኑናን አሾ» ያጋይዳ።
LUK 23:40 የዝን Ꮉንካይ፥ «ነ Ꮉኒ ጋር ፍርዳ የዝተ መለ አቶ የዝን፥ ጾዝስ ዣሽቶሳ?
LUK 23:41 ኑኒ ኑ ባልትስ ቤዝዘ ፍርዳ ኤካነ፥ የዝን Ꮉይ አꬄ ፈቲ ኢታባዝን ኦችካያ» ያጋእ ካጭዳ።
LUK 23:42 ማህን፥ «የሱሳ፥ ነ ነ ካእቱሞራ የእዘ ዎደ ታና ቆፖ» ያጋይዳ።
LUK 23:43 የሱሳ፥ «ታ ኔስ ቱሮ ኦህነ፤ Ꮉይኖ ነ ታራ ጋናተ ማቃዳ» ያጋይዳ።
LUK 23:44 የ ዎደ እዝፑን ሳተፓ Ꮉንግ ኡዱፉን ሳተ የሎደስ አዋ ፎእቶ ካይደ ግሾ ሳአ ኡባነ ꬉማ ማቅዳ። ጾዘ ኬꬃ ማጋራጅታ ፌꬍንቲ ላምእ ሻክንትዳ።
LUK 23:46 የሱሳ፥ ቃልቶ ꬎቅ ዪዚ፥ «ታ አዳዮ፥ ታ ታ ሸምፕቶ ነ ኩሽተ እንጋነ» ያጋእ Ꮉይቂዳ።
LUK 23:47 ማቶ Ꮉላቅዘ፥ Ꮉንዳኖ ብእ፥ «Ꮉይ አꬄ ቱሮ ጽሎ» ያጋእ ጾዝ ጋላትዳ።
LUK 23:48 ይና Ꮉንደ ባዝቶ ቦኦደስ ይና በስተ ሺቅደ አስ ኡባና Ꮉንዳኖ በኤዘ ዎደ ፋ ዳዳብቶ ቆጽተራ ፋ ካራ ማቅዳ።
LUK 23:49 ማቅኮን፥ የሱሳ ካለራ ኤርዘ አሱንꬅ ኡባና፥ ይኒ ጋራ ጋልላፓ ካሊ ይእደ ማቹንꬅ ይኖ ብእተ Ꮉኮራ ኤቅዳ።
LUK 23:50 አይሁደ ሻንጉንꬃፓ ፈታይ፥ ዮሰፋ ጋእንትዘ አꬄ የነ። ኤ አርማትያሳ ጋእንትዘ ይሁዳ ካታማፓ ይእዳ። ኤ ሎኦን ጽሎ አስ ማቅደ ግሾ ጾዘ ካእቱሞ የእቶ ናጋነ። ሻንጉንꬃፓ ፈታ ማቂ ኡን ዞርንተን ኦችተ ባያ።
LUK 23:52 የ አꬄ ጵላጦሳጎ Ꮉንግ፥ የሱሳ አህቶ ሞጎደስ ታስ እንጎ ጋእ ዎስዳ።
LUK 23:53 የሱሳ አህቶ ኬꬂ አፉላራ ጻጽዳ። ላላፓ ዎጭንትደ ዎምኦ መለ አስ ሞግንትካይዘ ቦዝተ ጋድዳ።
LUK 23:54 ሳምባታ ገሎደስ ዪዘ ግሾ ይና ዎድታ ጊግንተ ቃማ።
LUK 23:55 ጋልላፓ ደንዲ የሱሳ ካሊ ይእደ ማቹንꬅ ዮሴፋራ Ꮉንግ ኤ አህቶ ዋይዝ ሞግዛኮ ቦዝቶ አካኪ ብእዳ።
LUK 23:56 እዝፓ ማቂ ሽቶን ቅባተ ጊግዝዳ። ህገ ኪትዛን ጋር ሳምባታ አዋርቶ ሸምፒ ፔዥዳ።
LUK 24:1 ሳምንታፓ ቲኖ ቃማ፥ ዎጋ ዎደ ዎንታ ጎዳ፥ ማቹንꬅ ፋ ጊግዝደ ሽቶ ኤኪ ቦዛ Ꮉንግዳ።
LUK 24:2 ኡን እዘ የልዘ ዎደ ቦዛ ዶንተ የዘ ሹችታ ጎልእ Ꮉልእዳኖ ደንግዳ።
LUK 24:3 ኡን ቦዛ ጋꬅ ገልዳ፥ የዝን ላꬄ የሱሳ አህቶ ደንግካያ።
LUK 24:4 ኡን እዘ ኤቂ አኮ Ꮉንዶ ጋእ ቆፖደራ አካክካይዝን ጋማ ፎእዘ አፉላ ማእደ ላምእ አሱንꬅ ኡን ካለ ኤቅዳ።
LUK 24:5 ማቹንꬅ ዣሽቲ ፋ ኦምቶ ሳአ ዝቂ ዪዚ የሳደራ፥ አሱንꬅ ኡንታጎ፥ «ፋጻ የዛያ Ꮉይቁንꬅ ግዳ አኮስ ኮየተ?
LUK 24:6 ኤ Ꮉነ ባያ፤ Ꮉይቆፓ ደንድዳ፥ ‹አስ ናአይ ናጋራንቹንꬅ ኩሽተ አꬊ እንግንቶዳ፤ ኡንትን ኤዛ ሱጾዳ። ኤ Ꮉይꬓንꬆ ቃምተ Ꮉይቆፓ ደንዶዳ› ያጋእ፥ ኤ ይንታራ ጋልላ የዝተ ይንትስ ኦህደ ቃልቶ ቆፖተ» ያጋይዳ።
LUK 24:8 ማቹንꬅ የ ዎደ ኤ ቃልቶ ቲርዳ።
LUK 24:9 ማቹንꬅ ቦዛፓ ማቂ Ꮉንደ ባዝቶ ኡባ ታጶ ፈቱንꬅስን መሉንꬅስን ኦህዳ።
LUK 24:10 የንꬅ ሐዋሩንꬅስ ኦህደ ማግደላ ማይራሞ፥ ዮሐና፥ ያይቆባ እንታ ማይራሞን ኡንታራ የዘ መለ ማቹንꬃና።
LUK 24:11 የዝን ኡንትስ ማቹንꬅ ኦህዳና አቡኮ ጋራ ይእን አማንካያ።
LUK 24:12 የዝን ጴጥሮሳ ደንዲ ዎጺ ቦዛ ቅትዳ። የ በስቶ የሊ ዙጊ ግዳ በእዘ ዎደ ሞግደ አፉላ ጻላላ ብእዳ። Ꮉንዳነ ጋማ ቆፒ ፋ ካራ ማቅዳ።
LUK 24:13 የ ዎደ ካልዘ ታማሩንꬃፓ ላምኡንꬅ የሩሳላመፓ ታጶ ፈቲ ክሎ ምትረ Ꮉክዘ ኤማሁሰ ካራ ጋንጨ Ꮉንጋነ።
LUK 24:14 ኡን ዎላ Ꮉንደ ባዝቶ ኡባ ኦህንታነ።
LUK 24:15 ኡን ይና Ꮉንዳን ባዝ ቲርተራን ኦህንትተራ የꬍዘ ዎደ የሱሳ ፋ ኦምትስ ሺቂ ኡንታራ Ꮉንጋነ።
LUK 24:16 የዝን፥ ኡን ኤዛ ኤራመ ፋና ኡን ኣፍታ አይክንትዳ።
LUK 24:17 ኤ፥ «ይን ዎላ ኦገላ የዝተ ኦህንትዛና አኮ?» ያጋይዳ። ኡን አዛኒ ስእ ጋእ ኤቅዳ።
LUK 24:18 ኡንታፓ ፈተ ቀልዮጳ ጋእንትዘ፥ «Ꮉና ቃምት ግዳ የሩሳላመ Ꮉንዳኖ ኤሮሰ፥ ነ ሳእትስ ዛቆነ?» ያጋይዳ።
LUK 24:19 ኤ ማህ፥ «እዘ Ꮉንዳና አኮ?» ጋእ ኦጭዳ። ኡን፥ «ጾዘ ቲኖን አስ ቲኖን ኦቻራን ኦሄራ ምንꬂ ናበ ማቅደ ናዝረተ የሱሳ ባዝ።
LUK 24:20 ኤዛ ካህኑንꬅ Ꮉላቁንꬅን ኑና ካልꬅዙንꬅ Ꮉይቆ ፍርዳስ አꬂ እንግ፥ ሱጽዳ።
LUK 24:21 ኑኒ እስራኤለ አሱንꬃና አሾዳ ጋእ ኡፋይት ናገዝን Ꮉና Ꮉንን Ꮉይኖ Ꮉይꬓንꬆ ቃማ።
LUK 24:22 ማህ ኑ ግዳፓ ፈቲ ፈቲ ማቹንꬅ ኑና ጋማ ቆፍዝዳ። ኡን Ꮉይኖ ዎንታ ጎዳ ቦዛ Ꮉንግዳ።
LUK 24:23 ኤ አህታ ꬋብደ ዎደ ማቂ ይእ፥ ‹ኤ ፋጻ የነ› ያጋዘ ኪታንቹንꬅ ቆንጭን ብእዳ ያጋእ ኦህዳ።
LUK 24:24 ኑ ግዳፓን ፈተ ፈተ ቦዛ Ꮉንግ ማቹንꬅ ኦህዳን ፋና Ꮉንን ብእዳ፥ የዝን ኤዛ ብእካያ» ያጋይዳ።
LUK 24:25 ኤ ኡንታጎ፥ «ይን፥ ቲሮሰ አሱንꬆ፥ ይን ዎዝንታ ናቡንꬅ ኦህዳኖ ኡባ አማኖደስ ጋምእዙንꬆ፥
LUK 24:26 ክርስቶሳ ይና ማꬍቶ ኤኮደስን ፋ ቦንቾራ ገሎደስ ቤዞሳ?» ያጋይዳ።
LUK 24:27 ሙሴፓን ናቡንꬅ ኡባንፓ ደንዲ ጌሽ ማጻፍተ ኤ ባዝ ጻፍንትዳኖ ኡባ ኡንትስ ቆንጭዝዳ።
LUK 24:28 ኡን Ꮉንግዘ ካራ ጋንጨ ኡክደ ዎደ የሱሳ አꬊ Ꮉኮ በሳ ቅትዘ ጋራ ይእን፥
LUK 24:29 ኡን፥ «ሳእታ ቃምደ ግሾ ኑራ አቆ» ያጋእ ምንꬂ ዎስዳ። ይኒ ግሾ፥ ኡንታራ አቆደስ ገልዳ።
LUK 24:30 ኡንታራ ዎላ ሌማተላ በቲ፥ ሶሎ ደንꬂ፥ ፌꬊ አንጂ ኡንትስ እንግዳ።
LUK 24:31 የ ዎደ ኡን ኤሮደ ጋር ኡን ኣፍታ ቡጉንትዳ። ኡንትን ኤርዳ። የዝን ኤ ኡንታፓ ገንግዳ።
LUK 24:32 ኡን፥ «ኑ ኦገላ አፋ የዝን ኤ ኑስ ጌሽ ማጻፈ ብልተራን ኑና ኦህዝተራ ኑ ዎዝንታ ኤጽካ?» ያጋይዳ።
LUK 24:33 የ ዎደ ደንዲ ሱባ የሩሳላመ ይእዳ። ታጶ ፈቱንꬅን መሉንꬅ ፈትላ ሺቂ የሳደራ ደንግዳ።
LUK 24:34 ኡን፥ «ላꬂ ቱሮ ደንድዳ፤ ስሞናስ በንትዳ» ያጋይዳ።
LUK 24:35 የንꬅ ላምእ ታማሩንꬅ ኤማሁሰ ኦገላ የዝን Ꮉንዳኖን ሶሎ ፌꬍደ ዎደ ዋይዝ ኤዛ ኤረዛኮ ኡንትስ ኦህዳ።
LUK 24:36 ላምእ ታማሩንꬅ ይና ኦህትላ የዝን፥ የሱሳ ኡን ግዳ ኤቂ፥ «ሳሮ ይንትስ ማቀ» ያጋይዳ።
LUK 24:37 ማቅኮን፥ ኡን ታኒ፥ ሜሸ ብእደ ጋራ ይእን ዣሽትዳ።
LUK 24:38 ኤ ኡንታጎ፥ «አኮስ ዣሽትዶ? አኮስ ሶኤ ይን ዎዝንተ ገልዶ?
LUK 24:39 ታ ኩሽቶን ታ ቶህቶ ቦኦተ፤ ታ ታና። ማህ አይኪ ቦኦተ፤ ታና ይን በእዛንጋራ፥ ሜሸስ አሾን መቃꬂ ባያ» ያጋይዳ።
LUK 24:40 ያጋእ፥ ፋ ቶህቶን ፋ ኩሽቶን ኡንታና ቤዝዳ።
LUK 24:41 ኡን ኡፋይሳፓ ደንድዳንፓ አማናንጺ ጋማ ቆፒ የዝን፥ የሱሳ ኡንታጎ፥ «Ꮉነ ይንትስ ሙእዘባዝ የነ?» ያጋይዳ።
LUK 24:42 ኡን ፈቲ ምችንትደ ሞሎ ኤስ እንግዳ።
LUK 24:43 ኤ ኤኪ ኡን ቲንተ ሙእዳ።
LUK 24:44 ኤ፥ «ታ ይንታራ ጋምእደ ዎደ ኡባነ ሙሴ ህገ ማጻፍተ፥ ናቡንꬅ ማጻፍተን ማዝሙረ ማጻፍተ፥ ታ ግሾ ጻፍንትዳና ኡባና ፎልንቶደስ ቤዛነ ያጋእ ታ ይንትስ ኦህደ ቃልታ Ꮉኖ» ያጋይዳ።
LUK 24:45 የ ዎደ ጌሽ ማጻፍቶ ቲሮደ ጋር ዎዝንቶ ኡንትስ ቡግዳ።
LUK 24:46 ይኒ ፋና፥ «ክርስቶሳ ማꬋ ኤኮዳ፥ Ꮉይꬓንꬆ ቃምተ Ꮉይቆፓ ደንዶዳ ያጋእ ጻፍንትዳ።
LUK 24:47 የሩሳላመፓ ደንዲ አስ ኡባና ናጋራፓ ማሮትꬅን አቶተꬅ ኤ ሱንꬅተ ማርክꬎዳ።
LUK 24:48 ይን ይንስ ማርካ።
LUK 24:49 ይኬ፥ ታንን ታ አዳይ እንግደ ኡፋይስቶ ይንትስ ዳኮዳ። ይን ሳሎፓ ዎልቃ ኤኮደ ዎንꬅስ የሩሳላመ ካታማ ጋምኦተ» ያጋይዳ።
LUK 24:50 ይንፓ ሱባ፥ ብታንያ ካታማ ኡንታና ኤኪ Ꮉንግዳ። ፋ ኩሽቶ ደንꬂ አንጅዳ።
LUK 24:51 ኡንታና አንጅተ ኡንታፓ ሻክንት ኡደ ሳሎ ኤክንትዳ።
LUK 24:52 ኡን ዙጊ ጎይኒ ጋማ ኡፋይሳራ የሩሳላመ ማቅዳ።
LUK 24:53 ጾዛ ኡባ ዎደ ጋላትተራ ጾዘ ኬꬃ ጋምእዳ።
JOH 1:1 ቃላ ቲኖ የነ። ቃልዘን ጾዛራ የነ፤ የ ቃልዘ ጾዚ።
JOH 1:2 ኤዝን ቲኖፓን ጾዛራ የነ።
JOH 1:3 ጾዘ ኡባባዝቶ ቃላ ባጋራ መꬍዳ። መꬍንትደ ባዛፓ ፈትባዝን ኤ ባይꬅ መꬍንትደ ባዝ ባያ።
JOH 1:4 ኤ ግዳ ደኦ የነ፤ ይና ደእታን አስስ ፎኦ።
JOH 1:5 ፎእዘ ꬉማ ግዳ ፎአነ፤ ꬉምታ ፎእዛ ጋምካያ።
JOH 1:6 ጾዛፕ ኪትንትደ፥ ዋሐንሳ ጋእንትዘ ፈቲ አስ የነ።
JOH 1:7 አስ ኡባ ፎእዛ አማኖደ ፋና ኤ ፎእዘስ ማርካ ማቂ ይእዳ።
JOH 1:8 ኤ ፎእዘ ባዝ ማርክꬎደስ ይእዳፕ አትን ፋ ኦምተ ፎኦ ባያ።
JOH 1:9 አስ ኡባስ ፎእዘ ቱሪ ፎኦ አላመ የእነ።
JOH 1:10 ቃልዘ አላመ የነ። ጾዘ ቃላራ አላምቶ መꬍዳ፥ የዝን አላምታ ኤዛ ኤርካያ።
JOH 1:11 ኤ ፋ ባጉንꬃጎ ይእዳ፥ የዝን ኤ ባጉንꬅን ኤዛ ኤክካያ።
JOH 1:12 የዝን ኤ ፋና ኤክዱንꬅስን ኤ ሱንꬅተ አማንዱንꬅስ ኡንትስ ጾዘ ናአ ማቃደ ጋር አደትꬅ ዎልቃ እንግዳ።
JOH 1:13 ኡን ጾዛፓ የልንትዳፕ አትን አስ የልንትዘ ዎጋራ ዎይ ꬊራꬅ ቆፋፓ ዎይ አስ ቆፋፓ የልንትካያ። ጾዘ ኤ ኡንትስ አደ።
JOH 1:14 ቃላ አሾ ማቅዳ፤ አꬎ ኬሃትꬃራን ቱረትꬃራ ኩሚ ኑ ግዳ አቅዳ። ፈቲ ናአይስ ኤ አዳይ ካለ የዘ ቦንችት ፋና የዘ ቦንቾ ኑ ብእዳ።
JOH 1:15 ዋሐንሳ ኤ ባዝ ማርክꬍዳ። ፋ ቃልቶ ꬎቅ ዪዚ፥ «ታኒ፥ ‹ታፓ ሱባራ የእዘ ታፓ ቲኖ የዘ ግሾ ታፓ አꬋነ› ጋእ ማርክꬍዳና Ꮉኖ» ያጋይዳ።
JOH 1:16 ኑ ኡቡንꬅ ኤ አꬎ ኬሃትꬅተ ኩሙꬅትፓ አንጆላ አፋ አንጆ ኤክዳ።
JOH 1:17 ጾዘ ህገ ሙሴ ባጋራ እንግዳ፥ የዝን አꬎ ኬሃትꬅን ቱረትꬅ የሱስ ክርስቶሳ ባጋራ ይእዳ።
JOH 1:18 ጾዛ ብእደ አስ ኦደን ባያ፤ ፋ አዳይ ካለ የዘ ፈቲ ናአይ ጾዝ ማቅደ ኤ ቆንጭዝዳ።
JOH 1:19 የሩሳላመ የዘ Ꮉላቁንꬅ፥ ካህኑንꬅን ሌዉንꬅን፥ «ነ ኦደ?» ጋእ፥ ዋሐንሳ ኦጮደ ጋር ኤጎ ኪትን፥ ዋሐንሳ ኡንትስ ማርክꬍደ ማርካትꬅታ Ꮉኖ።
JOH 1:20 ዋሐንሳ፥ «ታ ክርስቶሳ ባያ» ያጋእ፥ ሎይꬂ ማርክꬍዳፕ አትን ካድካያ።
JOH 1:21 ኡን፥ «ዬዝን፥ ነ ኦደ? ኔኒ ኤልያሳነ?» ጋእ ኦጭዳ። ዋሐንሳ፥ «አደ ታና ባያ» ያጋይዳ። ማህ ኡን፥ «ኔኒ የኦደስ ጋእንተዘ ናበነ?» ጋእ ኦጭዳ። ዋሐንሳ፥ «አደ» ያጋእ ማህዳ።
JOH 1:22 ዬዝን፥ «ነ ኦደ? ኑ ኑና ኪተዙንꬅስ ኦሆደ ፋና ኔኒ ነና ኦና ጋኤ?» ያጋይዳ።
JOH 1:23 ዋሐንሳ ማህ፥ ናበ ኢሳያሳ ጋእዳን ጋራ፥ « ‹ላꬄ ኦግቶ ሉልዞተ!› ጋእ አኮ ባይዘ ጋናሳ ኡክዘ አꬄ ቃልዘ ታና» ያጋይዳ።
JOH 1:24 የዝን ፋርሳዉንꬅ ኪትደ አሱንꬅ
JOH 1:25 ዋሐንሳጎ፥ «ኔኒ ክርስቶሳ ዎይ ኤልያሳ ዎይ ናበ ማቃንጽ እጽኮ፥ ዬዝን አኮስ ጻማቀ?» ያጋእ ኦጭዳ።
JOH 1:26 ዋሐንሳ ማህ፥ «ታኒ Ꮉꬃራ ጻማቃነ፥ የዝን ይን ኤሮሰ አስ ይን ግዳ ኤቅዳ።
JOH 1:27 ኤ ታፓ ሱብተ የእነ። ታ መለ አቶ የዝን ኤስ ጫማ ጋድዛ ብሎደስ ቤዞስ» ያጋይዳ።
JOH 1:28 ይና ኡባ ዮርዳኖሳ ቦርካፓ ሰኮ ፍንꬃ፥ ብታንያ ካታምተ፥ ዋሐንሳ ጻማቅዘ በስተ Ꮉንዳ።
JOH 1:29 ዋሐንሳ ዎንትስት ዎደ የሱሳ ፋጎ የኦደራ ብእ፥ «አላመ ናጋራ ኡጭዘ ጾዘ ዱርዛይ Ꮉይቼ!
JOH 1:30 ታኒ፥ ‹ታፓ ሱባራ ፈቲ አስ የኦዳ። ኤ ታፓ ቲኖ የዘ ግሾ ታፓ አꬋነ› ጋእ ኦህደ Ꮉያ።
JOH 1:31 ኤ ኦደ የዛኮ ታ ኤሮስ። የዝን እስራኤለ አሱንꬅስ ኤዛ ቆንጭሳደስ Ꮉꬃራ ጻማቅተራ ይእዳ» ያጋይዳ።
JOH 1:32 ዋሐንሳ Ꮉንጋራ ጋእ ማርክꬍዳ፦ «ጌሽ አያና ሳሎፓ ዎለ ጋር ዎꬍዝን ብእዳ።
JOH 1:33 ይና Ꮉኖዳንፓ ቲኖ ታኒ ኤዛ ኤሮስ። የዝን Ꮉꬃራ ጻማቆደስ ታና ኪትደ ጾዘ፥ ‹ጌሽ አያና ዎꬊ ኤራ የሳደራ ኔኒ በእዘ ጌሽ አያናራ ጻማቆዳይ ኤዛ› ያጋእ ታስ ኦህዳ።
JOH 1:34 ታኒ ይና Ꮉኖደራ ብእ፥ ኤ ጾዘ ናአ ማቅዳኖ ማርክꬋነ» ያጋይዳ።
JOH 1:35 ማህ ዎንትስት ዎደ ዋሐንሳ ፋ ታማሩንꬃፓ ላምኡንꬃራ ዎላ ኤቅዳ።
JOH 1:36 የሱሳ አꬎደራ ዋሐንሳ ብእ፥ «ጾዘ ዱርዘ Ꮉይንሸ!» ያጋይዳ።
JOH 1:37 ላምእ ዋሐንሳ ታማሩንꬅ ዋሐንሳ ጋዛኖ ስእ የሱሳ ካልዳ።
JOH 1:38 የሱሳ ፋና ካልዙንꬃና ሱብ ማቂ ብእ፥ «አኮ ኮየ?» ያጋእ ኦጭዳ። ኡን ማህ፥ «ረቢ፥ ነ አባ የነ?» ያጋይዳ። (ብልꬅታ አስታማርዛዮ ጋኤ።)
JOH 1:39 የሱሳ ኡንታጎ፥ «Ꮉንካ ይእ ቦኦተ» ያጋይዳ። ኡን Ꮉንግ ኤ የዘበዝቶ ብእዳ። የ ዎደ ሳእታ ታጵ ሳተ ጋር ማቅደ ግሾ ኤ ካለ ፌዥዳ።
JOH 1:40 ዋሐንሳ ጋይዳኖ ስእ፥ የሱሳ ካልደ ላምእ ታማሩንꬃፓ ፈተ፥ ስሞን ጴጥሮሳ እሸ እንድርያሰ።
JOH 1:41 እንድርያሰ ቲኖ ፋ እሸ ስሞናራ የልንት፥ «ኑኒ መሲህ ደንግዳ» ያጋይዳ። (ብልꬅታን ክርስቶሳ ጋኤ።)
JOH 1:42 እንድርያሰ ስሞና የሱሳጎ ክእዳ። የሱሳ ስሞና ብእ፥ «ነ ዮና ናአ ስሞና፤ ነ ሱንꬅታ ኬፋ ጋእ ጼግንቶዳ» ያጋይዳ።
JOH 1:43 ዎንትስት ዎደ የሱሳ ጋልላ ቅቶደስ ቆፋ አጭዳ። ኤ ፍልጶሳ ደንግ፥ «ታና ካሎ!» ያጋይዳ።
JOH 1:44 ፍልጶሳ፥ እንድራሰራን ጴጥሮሳራን የዘ ቤተሳይዳ ካታማ አስ።
JOH 1:45 ፍልጶሳ ናትናኤላ የሊ፥ «ሙሴ ህገ ማጻፍተ፥ ማህ ናቡንꬅን ኤ ባዝ ጻፍደ ዮሰፋ ናአ ናዝረተ የሱሳ ኑ ደንግዳ» ያጋይዳ።
JOH 1:46 ናትናኤላ ማህ፥ «ናዝረተ ካታማፓ ሎኦ ባዝ ኬሳደስ ዳንዳአነ?» ያጋይዳ። ፍልጶሳ፥ «ይእ ቦኦ» ያጋይዳ።
JOH 1:47 ናትናኤላ ፋጎ የእዛያ የሱሳ ብእ፥ «ገነ ባይዘ ቱሪ እስራኤለ አስ Ꮉይንሸ!» ያጋይዳ።
JOH 1:48 ናትናኤላ የሱሳጎ፥ «ነ ታና አባ ኤረ?» ያጋይዳ። የሱሳ ማህ፥ «ፍልጶሳ ነና ጼጎዳንፓ ቲኖ፥ ነ በለሰ ምንጻ ኦሞ የዝን ታ ነና ብእዳ» ያጋይዳ።
JOH 1:49 ናትናኤላ ማህ፥ «አስታማርዛዮ፥ ነ ጾዘ ናአ! ነ እስራኤለ ካት!» ያጋይዳ።
JOH 1:50 የሱሳ ኤጎ፥ «ታ ነና በለሰ ምንጻ ኦሞ ብእዳ ጋይደ ግሾ አማናነ? ነ Ꮉንፓ አꬍዘባዝ በአዳ!» ያጋይዳ።
JOH 1:51 ማህ የሱሳ፥ «ታኒ ይንትስ ቱርባዝ ኦህነ፤ ሳሎ ቡጉንትን፥ ጾዘ ኪታንቹንꬅ አስ ናአላ አፋ ኬሳደራን ኬዶደራን ይን በአዳ» ያጋይዳ።
JOH 2:1 Ꮉይꬓንꬆ ዎደ ጋልላ ቃና ካታማ ዣጋና የነ። የሱሳ እንታ ይና ዣጋንተ የሻ።
JOH 2:2 የሱሳን ኤ ታማሩንꬅን ዎላ ይና ዣጋንተ ጼግንትዳ።
JOH 2:3 ዎይነ ኡሽታ Ꮉልእን፥ የሱሳ እንታ የሱሳጎ፥ «ኡንትስ ዎይነ ኡሽታ Ꮉልእዳ» ያጋይዳ።
JOH 2:4 የሱሳ ማህ፥ «እሞ፥ ነ Ꮉነ ገልፐ? ታ ዎድታ Ꮉጋ የልካያ» ያጋይዳ።
JOH 2:5 የሱሳ እንታ ኦችዙንꬃጎ፥ «ኤ ይንትስ ኦህዛኖ ኡባ ኦቾተ» ያጋይዳ።
JOH 2:6 አይሁዱንꬅ ፋ ጌሸ ዎጋስ ማድንትዘ እዝፑን ሹች ጋኑንꬅ ይና በስተ የነ። ፈተ ፈተ ላምእ ዎይ Ꮉይꬕ ጹጋ አይካነ።
JOH 2:7 የሱሳ ኪትንትዙንꬃጎ፥ «ጋንተ Ꮉꬅ ኩንꬆተ» ያጋይዳ። ኡን ጋኑንꬅስ ዶንቶ የሎደስ Ꮉꬅ ኩንꬅዳ።
JOH 2:8 የሱሳ ኡንታጎ፥ «Ꮉተ ዱቂ ዣጋንቶ አድꬊ ፎልዘስ እንጎተ» ያጋይዳ። ኡን ኤስ ካንግ እንግዳ።
JOH 2:9 ዣጋንቶ አድꬊ ፎልዛይ ዎይነ ኡሽታ ላምንትደ Ꮉꬅቶ ቃማስ ብእ አናፓ የኤዛኮን ኤርካያ፥ የዝን Ꮉꬅቶ ኩንꬅደ ኪትንትዙንꬅ ኤራነ። ዣጋንቶ አድꬊ ፎልዛይ ማቾ ኤክዛያ ጼጊ፥
JOH 2:10 «ኦደን ሎኦ ዎይነ ኡሽቶ አስ ቲንꬊ ኡሻነ። የይዝ አሱንꬅ ኡዢ ምዥዳንፓ ሱባ ዣግንትዳ እንጋነ። የዝን ኔኒ ሎኦ ዎይነ ኡሽቶ Ꮉኖ የሎደስ ጋዲ ጋምእዝዳ» ጋይዳ።
JOH 2:11 የሱሳ Ꮉይ ቲኖ ክለ ኦችዛ ጋልላ ቃና ካታማ ኦችዳ፤ እዘ ፋ ቦንችቶ ቤዝዳ። ኤ ታማሩንꬅን ኤዛ አማንዳ።
JOH 2:12 ይንፓ ማቂ፥ የሱሳ ፋ እንትራ፥ ፋ እሹንꬃራን ፋ ታማሩንꬃራ ዎላ ቅፍርናሆመ ካታማ Ꮉንግ ኤራꬅ ቃማ ጋምእዳ።
JOH 2:13 አይሁዱንꬅ ቦንችዘ ፋስጋ ባአለ ቃምታ ኡክን የሱሳ የሩሳላመ ቅትዳ።
JOH 2:14 Ꮉንግ ጾዘ ኬꬃ ቦራ፥ Ꮉር፥ ዱሮን ዎለን ባይዙንꬃናን ፋ ኦይድትላ በቲ ብራ ላምዙንꬃና ብእዳ።
JOH 2:15 ኤ ጹርቃፋ ጊግዚ አሱንꬃና ኡባ ኡንታና ኡን Ꮉሩንꬃራ ጾዘ ኬꬃፓ ባይእ ባለ ከስዳ። ብራ ላምዙንꬃና ጠርጴዝቶን ሽሪ ኦሊ ኡን ብርቶ ላልዳ።
JOH 2:16 ዎለ ባይዝዙንꬃና፥ «Ꮉንꬅ ዎሉንꬃና Ꮉንፓ ከሶተ፤ ታ አዳይ ኬꬅቶ ጋበ ማህፐተ» ያጋይዳ።
JOH 2:17 ኤ ታማሩንꬅ ጌሽ ማጻፍተ፥ «ታ ነ ኬꬅትስ ይቅስንትዘ ይቅስንታ ታና ታማ ጋራ ምቻነ» ጋእንት ጻፍንትዳኖ ቲርዳ።
JOH 2:18 ይንፓ ሱባ፥ አይሁዱንꬅ ማህ፥ «ነ Ꮉኖ ኦቾደስ ኔስ ዎልቃ የዛንስ ኑና አኮ ማላ ኦቺ ቤሳደ?» ያጋይዳ።
JOH 2:19 የሱሳ፥ «Ꮉና ጾዘ ኬꬅቶ ዉልኦተ ታ Ꮉይꬕ ቃማራ ማህ ኬጾዳ» ያጋይዳ።
JOH 2:20 ይኒ ግሾ አይሁዱንꬅ፥ «Ꮉና ጾዘ ኬꬅቶ ኬጾደስ ኦይታም እዝፑን በረ ኤክዳ፥ የዝን ኔኒ Ꮉይꬕ ቃማራ ኬጾዳ?» ያጋይዳ።
JOH 2:21 የዝን የሱሳ ኦህዘ ጾዘ ኬꬅታ ፋ አሽትባዝ።
JOH 2:22 ይኒ ግሾ፥ የሱሳ Ꮉይቆፓ ደንድዳንፓ ሱባ ኤ ታማሩንꬅ ኤ ይኖ ጋይዳኖ ቲርዳ። ማህ ኡን ጌሽ ማጻፍተ ጻፍንትዳኖን የሱሳ ኦህዳኖ አማንዳ።
JOH 2:23 የሱሳ ፋስጋ ቦንችዘ በሳ የሩሳላመ የሳደራ፥ ኤ ኦችደ ክለ ባዝቶ ብእ ጋማ አሱንꬅ ኤዛ አማንዳ።
JOH 2:24 የዝን የሱሳ አሱንꬃና ኡባ ኤርዘ ግሾ ኡንታና አማንካያ።
JOH 2:25 አስ ዎዝንተ የዘ ባዝ ኤ ፋ ኦምተ ኤርዘ ግሾ አስ ባዝ ኦደን ኤስ ኦሆደ ጋር ኮሽካያ።
JOH 3:1 ፋርሳዉንꬅ ባጋፓ ማቅደ፥ አይሁዱንꬅ Ꮉላቃ፥ ንቆድሞሳ ጋእንትዘ ፈቲ አስ የነ።
JOH 3:2 ኤዝን ቃማ የሱሳጎ ይእ፥ «ቦንቾ አስታማርዛዮ፥ ኔኒ ጾዚ ኪትደ አስታማረ ማቅዛኖ ኑኒ ኤራነ። አኮስ ጋይኮ፥ ጾዚ ኤራ የዛንጽኮ Ꮉኖ ኔኒ ኦችዘ ክለ ባዝቶ ኦቾደስ ዳንዳእዘ አስ ባያ» ያጋይዳ።
JOH 3:3 የሱሳ ማህ፥ «ታኒ ኔስ ቱሮ ቱሮ ጋነ፤ ኦደን ላምእንꬃ የልንታንጽኮ ጾዘ ካእቱሞ በአደስ ዳንዳኦስ» ያጋይዳ።
JOH 3:4 ንቆድሞሳ፥ «ጭንጊ አሲ ዋይዝ ላምእንꬃ የልንቶደስ ዳንዳኤ? ፋ እንቲ ሳዛ ማቂ ገሊ ማህ የልንቶደስ ዳንዳአነ?» ያጋይዳ።
JOH 3:5 የሱሳ ማህ፥ «ታኒ ኔስ ቱሮ ቱሮ ጋነ፤ አስ Ꮉꬃፓን ጌሽ አያናፓ የልንታንጽኮ፥ ጾዘ ካእቱሞ ገሎደስ ዳንዳኦስ።
JOH 3:6 አሾ ናአትꬅ አደፓን እንድፓን የልንታነ፤ ጾዘ ናአትꬅ ጌሽ አያናፓ የልንታነ።
JOH 3:7 ታኒ፥ ‹ይን ላምእንꬃ የልንቶደስ ቤዛነ› ጋእ ይንትስ ኦህደ ግሾ ኔኒ ጋማ ቆእፕፐ።
JOH 3:8 ባቆ ፋ ኮይዘ ዛላ ባቃነ። ነ ኤ ኦꬅቶ ስእዛኖ ፋትን ኤ አባፓ የእዛኮ ዎይ አባ ቅትዛኮ ነ ኤሮስ። አያናፓ የልንትደ ኡባ ይኒ ፋና» ያጋይዳ።
JOH 3:9 ዬዝን ንቆድሞሳ፥ «ይና ዋይዝ Ꮉኖደስ ዳንዳኤ?» ያጋእ ኦጭዳ።
JOH 3:10 የሱሳ ማህ፥ «ኔኒ እስራኤሉንꬅ አስታማረ ማቅተራ Ꮉኖ ኤሮሳ?
JOH 3:11 ታኒ ኔስ ቱሮ ቱሮ ጋነ፤ ኑ ኤርዘባዝ ኦህነን ብእደባዝ ማርክꬋነ፥ የዝን ኑ ማርካትꬅቶ ይን ኤኮስ።
JOH 3:12 ታኒ ይንትስ ሳአባዝ ኦህን ይን አማኖሱንꬅ ሳሎባዝ ኦህን ዋይዝ አማኖደ?
JOH 3:13 ሳሎፓ ዎꬍደ አስ ናአይፕ አትን ሳሎ ከዝደ ኦደን ባያ፤ [ሳሎ የዘ አስ ናአይ ታና]» ያጋይዳ።
JOH 3:14 ሙሴ አኮ ባይዘ ጋናስ ሳአ ሾሽ ሱጽዳንፋና ታና አማንዘ ኡቡንꬅ መዽና ደኦ ኤኮደ ፋናን ꬋባመ ፋና አስ ናአይ ሱጹንቶደስ ቤዛነ።
JOH 3:16 ኤዛ አማንዘ ኡቡንꬅ መዽና ደኦ ላቶደፕ አትን ꬋባመ ጋር ጾዚ Ꮉና አላምቶ ሎይꬂ ካꬍደ ግሾ ፋ ፈቲ ናአያ እንግዳ።
JOH 3:17 ጾዚ ፋ ናአያ Ꮉና አላምተ ኪትዳና አላምቶ ፍርዶደስ ማቅካይዝን አላምቶ ኤ ባጋራ አሾደስ።
JOH 3:18 ናአያ አማንዘ ኦደን ፍርድንቶስ፥ የዝን ናአያ አማኖሰ ኦደን ፈቲ ጾዘ ናአያ አማንካይዘ ግሾ Ꮉተ ፍርድንትዳ።
JOH 3:19 ፍርድታን Ꮉኖ፦ ፎኦ አላመ ይእዳ፥ የዝን አሱንꬅ ኦችታ ኢታ ማቅደ ግሾ አሱንꬅ ፎእትፓ አꬂ ꬉማ ካꬋነ።
JOH 3:20 ኢታ ባዝ ኦችዘ ኦደን ፎኦ እጻነ። አኮስ ጋይኮ፥ ፋ ኦችታ ቆንጫመ ፋና ፎኦጎ የኦስ።
JOH 3:21 የዝን ቱርቶ ኦችዘ ኦደን ጾዘ ኪትዳን ፋና ኤ ኦችዳኖ ፎኦ ቆንጭሳደ ፋና ፎኦጎ የእነ።
JOH 3:22 ይንፓ ሱባ፥ የሱሳን ኤ ታማሩንꬅን ይሁዳ ሳአ ቅትዳ። የሱሳ የይጋ ጻማቅተራ ኡንታራ ኤራꬅ ዎደ በትዳ።
JOH 3:23 ማህ ዋሐንሳ ሳሌመ ካለ የዘ ሄኖና ጋዘ በሳ ጋማ Ꮉꬅ የዘ ግሾ አሱንꬃና የይጋ ጻማቃነ። አሱንꬅን የይጋ Ꮉንግ ጻማቅንታነ።
JOH 3:24 የ ዎደ ዋሐንሳ Ꮉጋ አጭንትካያ።
JOH 3:25 ይንፓ ሱባ፥ ዋሐንሳ ታማሩንꬅን ፈቲ አይሁደ አꬃይ ጌሸ ዎጋባዝ ዎላ ላልዳ።
JOH 3:26 ኡን ዋሐንሳጎ Ꮉንግ፥ «አስታማርዛዮ፥ ዮርዳኖሳ ቦርካፓ ሰኮ ፍንꬃ ኔራ የዘ፥ ኔኒ ኤ ባዝ ማርክꬍዳይ፥ Ꮉይቼ ጻማቃነ። አሱንꬅ ኡባ ኤጎ Ꮉንጋነ» ያጋይዳ።
JOH 3:27 ዋሐንሳ ማህ፥ «ጾዚ እንግካይዘ አስ አኮ ባዝን ኤኮደስ ዳንዳኦስ።
JOH 3:28 ‹ታኒ ክርስቶሳ ባያ፥ የዝን ኤፓ ቲኖ ኪትንትዳ› ጋይዳንስ ይን፥ ይን ኦምተ ታስ ማርካ።
JOH 3:29 ገሎደስ ጊግንትዳና ኤኮደስ ጊገዘስ። ኤክዘስ ላጉንꬅ ኤ ካለ ኤቂ ኤ ጋዛኖ ስእዘ ዎደ ጋማ ኡፋይታነ። ይኒ ግሾ፥ Ꮉና ታ ኡፋይስታ ፎልንትዳ።
JOH 3:30 ኤ ዳሞደስ ታ ኤሮደስ ቤዛነ» ያጋይዳ።
JOH 3:31 አፋፓ ይእዘ ኡባፓ ꬎቃ። ሳአፓ በንትደ ሳአ አስ፤ ኤ ሳአባዝ ኦህነ። ሳሎፓ ይእደ ኡባፓ አꬂ።
JOH 3:32 ኤ ፋ ብእደባዝን ስእደባዝ እዞ ማርክꬋነ፥ ዪኮን ኤ ማርካትꬅቶ ስእዘ ባያ።
JOH 3:33 ኤ ማርካትꬅቶ ኤክዘ ኦደን ጾዘ ቱሮ ማቅዳኖ ትልዛነ።
JOH 3:34 ጾዚ ፋ ጌሽ አያና ኤስ ኩንꬅ እንግዘ ግሾ ጾዚ ኪትደ ጾዘ ቃላ ኦህነ።
JOH 3:35 አዳይ ፋ ናአያ ካꬊ ኡባባዝቶ ኤ ኩሽተ ጋድዳ።
JOH 3:36 ናአያ አማንዘስ መዽና ደኦ የነ። የዝን ናአያ አማኖሰላ ጾዘ ፍርዳ የነፕ አትን ኤ ደኦ ደንጎስ።
JOH 4:1 የሱሳ ዋሐንሳፓ አꬂ ካልዙንꬃና ፋጎ ሺሺ ጻማቅዛኖ ፋርሳዉንꬅ ስእዳ።
JOH 4:2 ማቅኮን የሱሳ ታማሩንꬅ ጻማቅዳፕ አትን የሱሳ ኦናን ጻማቅካያ።
JOH 4:3 የሱሳ አሱንꬅ ኤ ባዝ ጋዛኖ ስእደ ዎደ ይሁዳፓ ደንዲ ማቂ ጋልላ ቅትዳ።
JOH 4:4 ጋልላ ቅትተራ ሳማረራ አꬎዳና ኤስ አታመባዝ ማቅዳ።
JOH 4:5 ይኒ ግሾ፥ ያይቆባ ፋ ናአይ ዮሰፋስ እንግደ ጋድቲ ካለ የዘ ስካረ ጋዘ ሳማራ ካታማ ይእዳ።
JOH 4:6 ይና በስተ ያይቆባስ Ꮉꬅ ዶቺ የነ። የሱሳ Ꮉንግተራ ላቢ ይና Ꮉꬅ ዶችት ካለ በትዳ። የ ዎደ ሳእታ አዋራፓ እዝፑን ሳተ ጋር።
JOH 4:7 ፈቲ ሳማራ ካታማ ማችታ ይና ዶችትፓ Ꮉꬅ ክጾደስ ይእዳ። የሱሳ ይና ማችትጎ፥ «ታና Ꮉꬅ ኡሾያ» ያጋይዳ።
JOH 4:8 ይና ዎድተ የሱሳ ታማሩንꬅ ካꬃ ዎንጎደስ ካታማ ቅተንየሻ።
JOH 4:9 ይና ማችታ ማህ፥ «ነ አይሁደ አስ ማቅተራ፥ ሳማራ ማቾ ማቅደ ታና ዋይዝ Ꮉꬅ ኡሾ ጋኤ?» ያጋይዳ። ይኖ እዛ ጋይዳና አይሁዱንꬅ ሳማሩንꬃራ የልንቶሰ ግሾ።
JOH 4:10 የሱሳ ማህ፥ «ነ ጾዘ እሞትꬅን Ꮉꬅ ታና ኡሾ ጋዘ ኦደ የዛኮ ኤርዘባዝ ማቅዛኮ ኤዛ ነ ዎሶዳ፤ የዝን ኔስ ደኦ እንግዘ Ꮉꬅ እንጎድየሻ» ያጋይዳ።
JOH 4:11 ማችታ ማህ፥ «ላꬃዮ፥ ኔስ ዱቂዘ Ꮉለ ባያ፤ ዶችታን Ꮉኮ። ዬዝን፥ ደኦ እንግዘ Ꮉꬅ ነ አባፓ ኤኮደ?
JOH 4:12 ኑስ Ꮉና Ꮉꬅ ዶችቶ እንግደ ኑ አዳይ ያይቆባፓ ነ አꬎደ? ኤን፥ ኤ ናኡንꬅን ኤ Ꮉሩንꬂ Ꮉና Ꮉꬅ ዶችትፓ ኡዥዳ» ያጋይዳ።
JOH 4:13 የሱሳ፥ «Ꮉና Ꮉꬅትፓ ኡዥዘ ኦደን ማህ ባርꬋዳ።
JOH 4:14 የዝን ታ እንጎደ Ꮉꬅቶ ኡዥዘ ኦደን መꬍናስ ባርꬋማ። ታ እንግዘ Ꮉꬅታ ኤ ግዳ መዽና ደኦ እንግዘ ጎግዘ Ꮉꬅ ኣፈ ማቃዳ» ያጋይዳ።
JOH 4:15 ማችታ ማህ፥ «ላꬆ፥ ታኒ ባርꬋመ ጋራን Ꮉꬅ ዱቆደስ Ꮉና በስተ የአመ ፋና ታስ ይና Ꮉꬅቶ እንጎ» ያጋይዳ።
JOH 4:16 የሱሳ ኢጎ፥ «Ꮉንግ ነ አዝንዛ ጼጊ ዮኦ» ያጋይዳ።
JOH 4:17 ማችታ ማህ፥ «ታስ አዝኒ ባያ» ያጋይዳ። የሱሳ ኢጎ፥ «ታስ አዝኒ ባያ ጋእ ቱሮ ኦህዳ።
JOH 4:18 ኔስ ቲኖ እችን አዝኑꬅ የነ። Ꮉተ ኔራ የዘ አꬃይ ኔስ አዝኒ ባያ። ነ Ꮉተ ቱሮ ኦህዳ» ያጋይዳ።
JOH 4:19 ማችታ ማህ፥ «ላꬆ፥ ነ ናበ ማቅዳኖ ታ ኤርዳ።
JOH 4:20 ኑ አዱንꬅ Ꮉይ ደርዘላ ጾዚ ጎይንዳ። የዝን ይን አይሁዱንꬅ አስ ጾዝ ጎይኖደስ ቤዝዘ በስታ የሩሳላመ የነ ጋነ» ያጋይዳ።
JOH 4:21 የሱሳ፥ «Ꮉና ማችተ ታና አማኖ፤ Ꮉይ ደርዘላ ዎይ የሩሳላመ አዳያ ይን ጎይናመ ዎደ የኦዳ።
JOH 4:22 ይን ሳማሩንꬅ ኤርንቶሰስ ጎይናነ። የዝን ኑኒ አሽዘ አይሁደፓ የእዘ ግሾ ኑ ኤርዛያ ጎይናነ።
JOH 4:23 የዝን አዳያ ቱርፓ ጎይንዙንꬅ አያናራን ቱሮትꬃራ ጎይንዘ ዎድታ ኡክዳ፤ Ꮉተን የልዳ። ይኬ፥ አዳይ ኮይዘ Ꮉኒ ጋር ኦገራ ጎይንዙንꬃና።
JOH 4:24 ጾዘ አያና፤ ኤስ ጎይንዙንꬅ አያናራን ቱሮትꬃራ ጎይኖደስ ቤዛነ» ያጋይዳ።
JOH 4:25 ማችታ ማህ፥ «ክርስቶሳ ጋዘ ትዥንትደ ዮኦዳኖ ታ ኤራነ። ኤ የእዘ ዎደ ኑስ ኡባ ባዝ ኦሆዳ» ያጋይዳ።
JOH 4:26 የሱሳ፥ «Ꮉይ ኔራ ኦህንትዘ ታኒ ኤዛ» ያጋይዳ።
JOH 4:27 ኡን ኦህንቶደራ፥ የሱሳ ታማሩንꬅ Ꮉንግደ በስትፓ ማቅዳ። የሱሳ ማችትራ ኦህንቶደራ ኡን ብእ ጋማ ቆፕዳ። የዝን ማችትጎ፥ «አኮ ኮየ?» ዎይ የሱሳጎ፥ «እዝራ አኮስ ኦህንተ?» ጋይደ ኦደን ባያ።
JOH 4:28 ይንፓ ማቂ፥ ማችታ ፋ Ꮉꬅ ኦቶ አሺ ሱባ ካታማ Ꮉንግ አሱንꬃጎ፥
JOH 4:29 «ታኒ ኦችዳኖ ኡባ ታስ ኦህደ አꬃ ቦኦደስ የꬎተ። ኤ ክርስቶሳ ማቃነ?» ያጋይዳ።
JOH 4:30 አሱንꬅ ካታማፓ ኬዚ የሱሳጎ Ꮉንግዳ።
JOH 4:31 ይና ይአደራ፥ ኤ ታማሩንꬅ የሱሳጎ፥ «ሞኦዮ» ጋእ ዎስዳ።
JOH 4:32 የዝን ኤ፥ «ታስ ይን ኤሮሰ ካꬃ ታ ሙእዘ የነ» ያጋይዳ።
JOH 4:33 ይኒ ግሾ፥ ኤ ታማሩንꬅ ፋ ግዳ፥ «ኤስ ሙእዘ ባዝ አስ ክእካይዛራ አታማ?» ያጋይዳ።
JOH 4:34 የሱሳ ኡንታጎ፥ «ታ ካꬅታ ታና ኪተዘ ቆፍቶ ኦቾዳኖን ኤ ኦችቶ ፋዳዳኖ።
JOH 4:35 ይን፥ ‹ኦይዲ አግናፓ ሱባ ካꬃ ማጽንቶዳ› ጋነ ባ? የዝን ታኒ ይንትስ ኦህነ፤ ካꬅታ ካጽን ሺሸስ የልዳኖ ሎይꬂ ቦኦተ።
JOH 4:36 ቡድዘን ማጽዘን ዎላ ኡፋይቶደ ጋር ማጽዛይ ዳሞዘ ኤካነ ማህ ካꬃ መዽና ደኦስ ኣፈ ሺሻነ።
JOH 4:37 ይኬ፥ ‹ፈተ ቡዳነ፤ Ꮉንካይ ማህ ማጻነ› ጋዘ ኦህታ ቱሮ።
JOH 4:38 ይን ላቢካይዛኖ ሺሾደ ጋር ታ ይንታና ኪትዳ። መሉንꬅ ኦቺ ላቢዳነ ገሊ ይን ኡን ላቢደ ኣፍቶ ኤክዳ» ያጋይዳ።
JOH 4:39 ማችታ፥ «ኤ፥ ታ ኦችደ ኡባባዝቶ ኦህዳ» ጋእ ማርክꬍደ ግሾ ይና ካታምተ የዘ ሳማራ አሱንꬃፓ ጋሙንꬅ የሱሳ አማንዳ።
JOH 4:40 ሳማራ አሱንꬅን የሱሳጎ ይእ፥ ኡን ካለ ጋምኦደ ጋር የሱሳ ዎስን ኤ እዘ ላምእ ቃማ በትዳ።
JOH 4:41 ኤ ኦህደ ቃልት ግሾ ካሰንፓ ጋማ አሱንꬅ አማንዳ።
JOH 4:42 ማህ ኡን ማችትጎ፥ «Ꮉተ ኑ አማንዳና ኑ ኦምተ ኤ ጋዛኖ ስእደ ግሾፕ አትን ነ ማርክꬍደ ግሾ ባያ። ማህን ኤ ቱሮ Ꮉና አላምቶ አሽዛ ማቅዛኖ ኑ ኤርዳ» ያጋይዳ።
JOH 4:43 ላምእ ቃማፓ ሱባ፥ የሱሳ ይንፓ ኬዚ ጋልላ ቅትዳ።
JOH 4:44 የሱሳ ፋ ኦምተ፥ «ናበ ፋ ጋድተ ቦንችንቶስ» ያጋእ ቲንꬊ ኦህዳ።
JOH 4:45 የሱሳ ጋልላ የልደ ዎደ ጋልላ አሱንꬅ ኤዛ ሞክዳ። አኮስ ጋይኮ፥ ፋስጋ ባአለ ቦንችዘ ዎደ ኡን የሩሳላመ የዘ ግሾ ኤ ኦችዳኖ ኡባ ብእዳ።
JOH 4:46 የሱሳ Ꮉꬅቶ ዎይነ ኡሽ ላምደ በስተ፥ ጋልላ የዘ ቃና ካታማ Ꮉንግዳ። ቅፍርናሆመ ካት ኬꬃ ኦችዘ ሹምዘስ ናእ Ꮉርግንታነ።
JOH 4:47 የሱሳ ይሁዳፓ ጋልላ ዪዳኖ የ ሹምዘ ስእ ኤጎ ይእዳ። Ꮉይቆደስ የልደ ፋ ናአያ Ꮉንግ ፋꬆደ ጋር የሱሳ ዎስዳ።
JOH 4:48 የሱሳ ሹምዘጎ፥ «ጾዚ ኦችዘ ጋማ ቆፍዘን ክሌ ባዝ ብእካይዛራ ይን ሙሎን አማኖስ» ያጋይዳ።
JOH 4:49 ሹምዘን ማህ፥ «ላꬃዮ፥ ታ ናአይ Ꮉይቂካይዝን ታራ የꬎያ» ያጋይዳ።
JOH 4:50 የሱሳ፥ «ነ ካራ ቅቶ፤ ነ ናአይ ፋጾዳ» ያጋይዳ። የ ሹምዘ የሱሳ ኦህደ ቃላ ማቅዳኖ አማኒ ፋ ካራ ቅትዳ።
JOH 4:51 ኤ ፋ ካራ Ꮉንጎደራ ኤዛ አሩንꬅ ኤጎ ይእተራ ኤዛር ኦገ የልንት፥ «ነ ናአይ ፋጽዳ» ጋይዳ።
JOH 4:52 ኤ ፋ አሩንꬃና ፋ ናአይስ አኮ ሳተ ሎኤዛኮ ኦጭዳ። ኡን ማህ፥ «ኦማ ላፑን ሳተ ምችታ አሽዳ» ያጋይዳ።
JOH 4:53 ናአይ አዳይ የሱሳ ፋጎ፥ «ነ ናአይ ፋጾዳ» ጋይዳና ይና ሳተ ማቅዳኖ ቲርዳ። ይኒ ግሾ፥ ኤዝን ኤ ካራ አሱንꬅ ኡቡንꬃራ አማንዳ።
JOH 4:54 ይና የሱሳ ይሁዳፓ ጋልላ ይእ ኦችደ ላምእንꬃ ክሌ ባዝ።
JOH 5:1 ይንፓ ማቂ፥ የሱሳ አይሁዱንꬅ ቦንችዘ ባለስ የሩሳላመ ቅትዳ።
JOH 5:2 የሩሳላመ ዱሮ ፉርꬅ ካለ እብራይስጠ ዶናራ ቤተሳይዳ ጋዘ ተቅንትደ ጌና የነ። የ ተቅንት የዘ Ꮉꬅቲ ካለ ካንግዘን ኬእዘን እችን ኦገ የነ።
JOH 5:3 [ይነ Ꮉꬅታ ኤንእንትዛኖ ናግዘ] ጋማ Ꮉርግንትዙንꬅ፥ ቆቁንꬅ፥ ዎቡንꬅን ጋላ ስልዱንꬅ ዎይእዳ።
JOH 5:4 [አኮስ ጋይኮ፥ ፈቲ ፈቲ ቶሄ ላꬄ ኪታንቾ ጌንተ ዎꬊ Ꮉꬅቶ ኤንእዛነ። Ꮉꬅታ ኤንእዘ ዎደ ቲኒ ገልደ አꬄ ፋና አይክደ አኮ Ꮉርገፓ ፋጻነ።]
JOH 5:5 ይና በስተ Ꮉስታም ኦስፉን በረ Ꮉርግንትደ ፈቲ አስ የነ።
JOH 5:6 የሱሳ እዘ ዎይእደ አꬃ ብእ፥ ማህ ጋማ ዎደ Ꮉርግንትዳኖ ኤሪ አꬄጎ፥ «ፋጾደስ ኮያነ?» ያጋይዳ።
JOH 5:7 Ꮉርጋንችዘ ማህ፥ «ላꬆ፥ Ꮉꬅታ ኤንእንትዘ ዎደ ታና Ꮉꬅተ ኦልዘ አስ ባያ። ታ ገሎደስ ይዮደር መሉንꬅ ታፓ ቲኒ ገላነ» ያጋይዳ።
JOH 5:8 የሱሳ ኤጎ፥ «ደንዲ ኤቆ፤ ነ አልግዛ ቶኪ ቅቶ» ያጋይዳ።
JOH 5:9 አꬃይ ኢራ ፋጽዳ፤ ፋ አልግዛ ቶኪ ቅትዳ። ይና ሳምባታ ዎደ Ꮉንዳ።
JOH 5:10 ይኒ ግሾ፥ አይሁዱንꬅ ፋጽደ አꬄጎ፥ «Ꮉይኖ ሳእታ ሳምባታ፤ ኔኒ ነ አልግዛ ቶክዛና ዎጋ ባያ» ያጋይዳ።
JOH 5:11 የዝን አꬃይ፥ «ታና ፋꬄዘ፥ ‹ነ አልግዛ ቶኪ ቅቶ› ጋይዳ» ያጋእ ማህዳ።
JOH 5:12 ኡን ኤጎ፥ «ነና፥ ነ አልግዛ ቶኪ ቅቶ ጋይደ ኤ ኦደ?» ያጋእ ኦጭዳ።
JOH 5:13 የዝን የሱሳ ይና በስተ ጋማ አስ ግዳፓ ደሽ ጋይደ ግሾ አꬃይ ፋና ፋꬅደ ኦደ የዛኮ ኤርካያ።
JOH 5:14 የሱሳ ሱባፓ የ አꬃ ጾዘ ኬꬃ ደንግ፥ «Ꮉይቼ፥ ነ ፋጽዳ፤ Ꮉንፓ አꬍዘ ኢታ ባዝ ነና የላመ ጋር ማህ ናጋራ ኦችፐ» ያጋይዳ።
JOH 5:15 ይንፓ ማቂ፥ አꬃይ Ꮉንግ ፋና ፋꬅደ የሱሳ ማቅዛኖ አይሁዱንꬅስ ኦህዳ።
JOH 5:16 የሱሳ ይኖ ሳምባታ ኦደ ኦችደ ግሾ አይሁዱንꬅ የሱሳ ባይꬄ አይክዳ።
JOH 5:17 የሱሳ ማህ፥ «ታ አዳይ ኡባ ዎደ ኦቻነ፤ ታንን ኦቾደስ ቤዛነ» ያጋይዳ።
JOH 5:18 የሱሳ ሳምባታ ቦንችካይዘ ግሾ ጻላላስ ማቅካይዝን ጾዛ ፋ አደ ጋእ ፋና ጾዛራ ዎልክዝደ ግሾ አይሁዱንꬅ ኤዛ ዎꬎደስ ቲኖንፓ ምንꬂ ኮይዳ።
JOH 5:19 የሱሳ ማህ፥ «ታ ይንትስ ቱሮ ቱሮ ጋነ፤ ናአይ ፋስ አኮን ኦቾደስ ዳንዳኦስ። ኤ ፋ አዳይ ኦቾደራ ብእዳኖ ጻላላ ኦቻነ። አዳይ ኦችዛኖ ናአይን ኦቻነ።
JOH 5:20 አዳይ ፋ ናአያ ካዽዘ ግሾ ኦችዘ ኦቻ ኡባ ፋ ናአያ ቤዛነ። ይን ጋማ ቆፖደ ጋር ኤ Ꮉንፓ አꬍዘ ኦቻ ፋ ናአያ ቤዞዳ።
JOH 5:21 አዳይ Ꮉይቂዱንꬃና Ꮉይቆፓ ደንꬂ ኡንትስ ደኦ እንግዛንጋራ ናአይን ፋ ኮየዙንꬅስ ደኦ እንጋነ።
JOH 5:22 አዳይ ናአይስ ፍርዶደ ጋር አደትꬅ ዎልቃ እንግዳፕ አትን ኤ ኦናን ፍርዶስ።
JOH 5:23 ይኖ ኤ ኦችዳና አስ ኡባ አዳያ ቦንችዛን ጋር ናአያን ቦንቾደ ፋና። ናአያ ቦንቾሰ ኦደን ናአያ ኪትደ አዳያን ቦንቾስ።
JOH 5:24 «ታ ይንትስ ቱሮ ቱሮ ጋነ፤ ታ ቃልቶ ስእዘስ ታና ኪተዛ አማንዘስ መዽና ደኦ የነ። ኤ Ꮉይቆፓ ደኦ ፊንግደ ግሾ ፍርድንቶስ።
JOH 5:25 ታ ይንትስ ቱሮ ቱሮ ጋነ፤ Ꮉይቂደ አሱንꬅ ጾዘ ናአይ ቃልቶ ስእዘ ዎደ የኦዳ፤ ይናን Ꮉተ። ኤ ቃልቶ ስእዘ ደኦ የሳዳ።
JOH 5:26 አዳይ ፋስ ደኦ የዛን ፋና ናአይስን ደኦ የሳደ ፋና እንግዳ።
JOH 5:27 ናአይ አስ ናአ ማቅደ ግሾ አዳይ ናአይስ ፍርዶደ ጋር አደትꬅ ዎልቃ እንግዳ።
JOH 5:28 «ቦዛ የዙንꬅ ኤ ቃልቶ ስእ ደንድዘ ዎደ የኦደ ግሾ Ꮉነ ጋማ ቆፕፐተ።
JOH 5:29 ሎኦ ኦችዱንꬅ ደኦ ደንድደስ ማህ ኢታ ኦችዱንꬅ ፍርዳ ኤኮደስ ቦዛፓ ደንዶዳ።
JOH 5:30 «ታኒ ታ አደትꬅ ዎልቃራ አኮ ባዝን ኦቾደስ ዳንዳኦስ። ጾዘ ታስ ኦህዳን ጋር ፍርዳነ። ታኒ ታና ኪትደ ኮይዘ ባዝ ኦቻነፕ አትን ታ ኮይዘ ባዝ ኦቾሰ ግሾ ታ ፍርድታ ቱሮ።
JOH 5:31 «ታኒ ታ ባዝ ማርክꬍኮ ታ ማርካትꬅታ ቱሮ ማቆስ።
JOH 5:32 ታ ባዝ ማርክꬍዘ መለ የነ፤ ኤ ታ ባዝ ማርክꬍዛና ቱሮ ማቅዛኖ ታ ኤራነ።
JOH 5:33 «ይን ዋሐንሳጎ አስ ኪትን ኤ ቱርስ ማርክꬍዳ።
JOH 5:34 ታ ይኖ ይንትስ ኦህዛና፥ ይን አቶደ ጋር ጋይዳፕ አትን አስ ማርካትꬅ ታስ ኮሽን ባያ።
JOH 5:35 ዋሐንሳ ጎጋ ጋር ኤጽዘ ፎኦ። ይን ኤራꬅ ዎደ ኤ ፎእተ ኡፋይቶደስ ኮይዳ።
JOH 5:36 «የዝን ታስ ዋሐንሳፓ አꬍዘ ማርካ የነ። ታ ኦቾደ ጋር ታ አዳይ ታስ እንግደ ኦችታ ታ ባዝ ማርክꬋነ፤ አዳይ ታና ኪተዛኖ ቤዛነ።
JOH 5:37 «ማህን ታና ኪትደ አደን ፋ ኦምተ ታ ባዝ ማርክꬋነ። ይን ኤ ቃልቶ ሙሎ ስእካያ ዎይ ኤ ብሽቶ ብእካያ።
JOH 5:38 ኤ ኪተዛኖ ይን አማኖሰ ግሾ ኤ ቃልታ ይን ዎዝንተ ባያ።
JOH 5:39 «ጌሽ ማጻፉንꬃፓ መዽና ደኦ ደንጎደባዝ ይንትስ አዝን ኡን ቁርቻነ፤ ቃልታን ታ ባዝ ማርክꬋነ።
JOH 5:40 የዝን ይን ደኦ ደንጎደስ ታጎ ዮኦደስ ኮዮስ።
JOH 5:41 «አሳፓ ታኒ ቦንቾ ኮዮስ።
JOH 5:42 የዝን ታኒ ይን ዎዝንተ ጾዘ ሲቆ ባይዛኖ ኤራነ።
JOH 5:43 ታኒ ታ አዳይ ሱንꬅተ ይእዳ፥ የዝን ታና ሞክካያ። Ꮉንካይ ፋ ሱንꬅተ የእዛ ሞካነ።
JOH 5:44 ይን ፈተ ፈተፓ ቦንቾ ኮይዙንꬅ፥ ፈቲ ጾዘፓ የእዘ ቦንቾ ኤኮደስ ኮዮሱንꬅ፥ ዋይዝ ታና አማኖደስ ዳንዳኦደ?
JOH 5:45 «ታኒ ታ አዳይ ቲኖ ይንታና ሞትዘባዝ ይንትስ አዝፐ። ይንታና ሞቶደ ይን ኡፋይት ካፍዘ ሙሴ።
JOH 5:46 ይን ሙሴ አማነዛኮ ኤ ታ ባዝ ጻፍደ ግሾ ታናን አማኖድየሻ።
JOH 5:47 የዝኮን ይን ኤ ጻፍዳኖ አማናንጽኮ ታ ቃልቶ ዋይዝ አማኖደ?» ያጋይዳ።
JOH 6:1 ይንፓ ማቂ፥ የሱሳ ጽባርዮሳ ጋዘ ጋልላ አባፕ ሰኮ ጋጻ ፊንግዳ።
JOH 6:2 ኤ Ꮉርጋንቹንꬃና ፋꬂ ክሌ ባዝ ኦችዳኖ ብእደ ግሾ ጋማ አሱንꬅ ኤዛ ካልዳ።
JOH 6:3 የሱሳ ደረላ ኬዚ፥ የይጋ ፋ ታማሩንꬃራ ዎላ በትዳ።
JOH 6:4 አይሁዱንꬅ ቦንችዘ ፋስጋ ባአለ ኡክዳ።
JOH 6:5 የሱሳ ጋማ አሱንꬅ ፋጎ የእዛኖ ብእ ፍልጶሳጎ፥ «Ꮉንꬅ አሱንꬃና ኡባ ሙሳደስ ማቃደ ካꬃ አባፓ ዎንጎደ?» ያጋይዳ።
JOH 6:6 ኤ ይኖ ፍልጶሳ ፋታኖደስ ጋይዳፕ አትን ኤ ፋ ኦምተ አኮ ኦቾድየዛኮ ኤራነ።
JOH 6:7 ፍልጶሳ ማህ የሱሳጎ፥ «መለ አቶ የዝን፥ ኦማ ኦማ፥ ፈቲ ፈቲ ባርꬅ የልꬆደስ፥ ላምእ ጼት ድናረራ ቦራ ዎንግኮን ማቆስ» ያጋይዳ።
JOH 6:8 ማህ የሱሳ ታማሩንꬃፓ ፈተ፥ ስሞን ጴጥሮሳ እሸ እንድርያሰ፥
JOH 6:9 «እችን በሸ ባንጋ ቦራን ላምእ ሞሎ አይክደ ፈቲ ናአ Ꮉነ የነ፥ የዝን Ꮉንꬅ አሱንꬅ ኡባስ ይና አኮ ማዶደ?» ያጋይዳ።
JOH 6:10 የሱሳ ፋ ታማሩንꬃጎ፥ «አሱንꬃና በትꬆተ» ያጋይዳ። ይና በስተ ጋማ ቡጫ የነ፤ አሱንꬅ ኡባ በትዳ። ꬊራꬅ አሱንꬅ ፋይድታ እችን ሙኩል ማቃዳ።
JOH 6:11 የሱሳ ቦርዛ ኤኪ ጾዝ ጋላቲ ማቂ ፋ ታማሩንꬅስ እንግዳ። ኡንትን በትደ አሱንꬅስ የልꬅዳ። ሞልቶን ኤኪ ይኒ ፋና ዪዚ እንግን፥ አሱንꬅ ፋ ኮይዳን ጋር ሙይዳ።
JOH 6:12 ኡን ኡቡንꬅ ምዥዳንፓ ሱባ የሱሳ ፋ ታማሩንꬃጎ፥ «ፈትባዝን ኢታመ ጋር አትደ ጉፍቶ ሺሾተ» ያጋይዳ።
JOH 6:13 ይኒ ግሾ፥ ኡን ኡባ ሺሽዳ። አሱንꬅ ሙእን አትደ ባንጋ ቦራ ጉፋ ሺሽን ታጶ ላምእ ሌማተ ማቅዳ።
JOH 6:14 አሱንꬅ የሱሳ ኦችደ ክሌ ባዝ በኤዘ ዎደ «Ꮉይ ቱሮ Ꮉና አላምተ የኦዳ ጋእንትደ ናብዛ» ያጋይዳ።
JOH 6:15 የሱሳ ኡን ኤዛ አይኪ ዎልቃራ ካት ማሆደስ Ꮉንዛኖ ኤሪ፥ ፋስ ደረላ ማህ ከዝዳ።
JOH 6:16 ሳእታ ኡጉርን የሱሳ ታማሩንꬅ አባጎ ዎꬍዳ።
JOH 6:17 ሳእታ ቃምደ ግሾን የሱሳ Ꮉጋ ኡንታጎ ይእካይዘ ግሾ ኤ ታማሩንꬅ ጎንግተ ገሊ አባ ፊንግ ቅፍርናሆመ ቅቶደስ ደንድዳ።
JOH 6:18 ዳማ ባቆ ባቂደ ግሾ አባ Ꮉꬅታ ኤንእዳ።
JOH 6:19 እችን ዎይ እዝፑን ክሎ ምትረ ማቃደ ጋር ኡን አባላ Ꮉንግዳንፓ ሱባ የሱሳ አባላ የꬍተራ የእዛኖ ብእ ዣሽትዳ።
JOH 6:20 የዝን ኤ፥ «ዣሽትፐተ፥ ታና» ያጋይዳ።
JOH 6:21 ኡን ኡፋይት ኤዛ ጎንግተ ገልꬅዳ፤ ኢራ ጎንግዘ ኡን Ꮉንግዘ አባ ጋጻ የልዳ።
JOH 6:22 ዎንትስት ዎደ አባፓ ሰኮ ጋጻ አትደ ጋማ አሱንꬅ ፈቲ ጎንገ ጻላላ የዛኖ ብእዳ። የሱሳ ፋ ታማሩንꬃራ ጎንግተ ገሊ፥ ኡንታራ Ꮉንጎሳኖን ኡን ፋ ፋስ Ꮉንግዳኖ ብእዳ።
JOH 6:23 የዝን ጽባራዶሳፓ መለ ጎንጉንꬅ የሱሳ ጾዝ ጋላትን፥ አሱንꬅ ቦራ ሙይደ በስቶ ይእዳ።
JOH 6:24 አሱንꬅ የሱሳ ዎይ ኤ ታማሩንꬅ እዘ ባይዛኖ ብእ፥ የሱሳ ኮዮደስ ጎንግተ ገሊ ቅፍርናሆመ ቅትዳ።
JOH 6:25 አሱንꬅ የሱሳ አባፓ ሰኮ ፍንꬃ ደንግደ ዎደ «አስታማርዛዮ፥ Ꮉነ አይደ ነ ዪዶ?» ያጋይዳ።
JOH 6:26 የሱሳ ማህ፥ «ታኒ ይንትስ ቱሮ ቱሮ ጋነ፤ ይን ታና ኮይዛና ቦራ ሙእ ምዥደ ግሾ ፋትን ክሌ ባዝ ብእደ ግሾ ባያ።
JOH 6:27 ꬋብዘ ካꬃስ ኦችፐተ፥ የዝን መዽና ደኦ የዘ ካꬃ እንግዘ አስ ናአይስ ኦቾተ። ኤዛን ጾዘ አዳይ አታሚ ትልዝዳ።»
JOH 6:28 ዬዝን ኡን፥ «ኑኒ ጾዘ ኦቻ ኦቾደስ አኮ ኦቾደ?» ያጋእ የሱሳ ኦጭዳ።
JOH 6:29 የሱሳ ማህ፥ «ይን ኦቾደ ጋር ጾዘ ኮይዘ ኦችታ Ꮉኖ፦ ኤ ኪትዳያ አማኖደ ፋና» ያጋይዳ።
JOH 6:30 ኡን ማህ፥ «ኑኒ ብእ፥ ነና አማኖደ ጋር አኮ ክሌ ባዝ ነ ቤሳደ? ነ አኮ ኦቾደ?
JOH 6:31 ጌሽ ማጻፍተ፥ ‹ኡን ማአደ ጋር ቦራ ሳሎፓ እንግዳ› ጋእንት ጻፍንትዳንጋራ ኑ አዱንꬅ አኮ ባይዘ ጋናሳ ማና ሙይዳ» ያጋይዳ።
JOH 6:32 የሱሳ፥ «ታ ይንትስ ቱሮ ኦህነ፤ ይንትስ ሳሎፓ ቱሪ ቦራ እንግደ ታ አዳይፕ አትን ሙሴ ባያ።
JOH 6:33 ይኬ፥ ጾዚ እንግዘ ቦራ ሳሎፓ ዎꬍደ አላመስ ደኦ እንግዛያ» ያጋይዳ።
JOH 6:34 ኡን ማህ፥ «ላꬆ፥ ኑስ የ ቦርዛ ኡባ ዎደ እንጎ» ያጋይዳ።
JOH 6:35 የሱሳ፥ «ታኒ ደኦ ቦራ፤ ታጎ የእዘ ኦደን ሙሎ ናይꬎስ። ማህ ታና አማንዘ አꬄን ባርꬎስ።
JOH 6:36 የዝን ታ ይንትስ ኦህዳ፤ ይን ታና ብእዳ፥ የዝን አማንካያ።
JOH 6:37 ታ አዳይ ታስ እንግደ ኡቡንꬅ ታጎ ዮኦዳ፤ ማህ ታጎ የእዛ ኦናን ባለ ዳኮስ።
JOH 6:38 ታኒ ታ ኮይዘ ባዝ ኦቾደስ ማቅካይዝን ታና ኪትደ ኮይዘ ባዝ ኦቾደስ ሳሎፓ ይእዳ።
JOH 6:39 ታና ኪትደ ኮይዛና Ꮉኖ፦ ታኒ ኤ ታስ እንግደ ኡቡንꬃና ዉርሱꬅ ዎደ Ꮉይቆፓ ደንꬆደ ጋራፕ አትን ፈተን ꬋቦደ ጋር ኮዮስ።
JOH 6:40 ይኬ፥ ታ አዳይ ኮይዛና ይኖ፦ ናአያ ብእ አማንዘ ኡባ መዽና ደኦ ኤኮዳ፤ ታኒ የንꬃና ኡባ ዉርሱꬅ ዎደ መዽና ደኦስ Ꮉይቆፓ ደንꬆዳ» ያጋይዳ።
JOH 6:41 የሱሳ፥ «ታኒ ሳሎፓ ዎꬍደ ቦራ» ጋይደ ግሾ አይሁዱንꬅ ኤላ ዙዝንግዳ።
JOH 6:42 ኡን፥ «Ꮉይኒ ኑ ኤ አዳያን ኤ እንቶ ኤርዘ ዮሰፋ ናአ የሱሳ ባነ? ዬዝን፥ ኤ ዋይዝ፥ ‹ታ ሳሎፓ ዎꬍዳ› ጋዉደስ ዳንዳኤ?» ያጋይዳ።
JOH 6:43 የሱሳ ማህ፥ «ፈተ ፈተራ ዙዝንግዛኖ አሾተ።
JOH 6:44 ታና ኪትደ ታ አዳይ ታጎ ክእዘ አሳፓ አትን ታጎ ዮኦደስ ዳንዳእዘ ኦደን ባያ። ታ ዉርሱꬅ ዎደ ኤዛ መዽና ደኦስ Ꮉይቆፓ ደንꬆዳ።
JOH 6:45 ናቡንꬅ፥ ‹አስ ኡባ ጾዛፓ ታማርዱንꬃና ማቃዳ› ጋእ ጻፍዳ። አዳያ ስእዘን ኤፓ ታማርደ ኦደን ታጎ የእነ።
JOH 6:46 ጾዘ ካለፓ ይእዳይፕ አትን አዳያ በኤዘ ኦደን ባያ፤ ኤ ጻላላ አዳያ ብእዳ።
JOH 6:47 «ታ ይንትስ ቱሮ ቱሮ ጋነ፤ ታና አማንዘ መዽና ደኦ የነ።
JOH 6:48 ታኒ ደኦ ቦራ።
JOH 6:49 ይን አዱንꬅ አኮ ባይዘ ጋናስ ሳአ ማና ሙእዳ፥ የዝን Ꮉይቂዳ።
JOH 6:50 ሳሎፓ ይእደ ቦራ Ꮉያ፤ Ꮉይ ቦርዛ ሙእደ ኦደን Ꮉይቆስ።
JOH 6:51 ሳሎፓ ይእደ ደኦ ቦርዘ ታና። ኦደን Ꮉይ ቦርዛ ሙእኮ መꬍናስ የሳዳ። ማህ Ꮉና አላምታ ደኦ የሳደ ጋር ታኒ ይንትስ እንጎደ ቦርዘ ታ አሽቶ» ያጋይዳ።
JOH 6:52 አይሁዱንꬅ፥ «Ꮉይ አꬃይ ፋ አሽቶ ኑ ማአደ ጋር ኑስ ዋይዝ እንጎደስ ዳንዳኤ?» ያጋእ ፋ ግዳ ዎላ ላልዳ።
JOH 6:53 ይኒ ግሾ፥ የሱሳ ኡንታጎ፥ «ታኒ ይንትስ ቱሮ ቱሮ ጋነ፤ አስ ናአይ አሽቶ፥ ይን ማአንጽኮ፥ ማህ ኤ ሱꬅቶ ይን ኡዣንጽኮ፥ ይንትስ ደኦ ባያ።
JOH 6:54 ታ አሽቶ ሙእዘን ታ ሱꬅቶ ኡዥዘ አꬄስ መዽና ደኦ የነ። ታኒ ዉርሱꬅ ዎደ ኤዛ Ꮉይቆፓ ደንꬆዳ።
JOH 6:55 ታ አሽታ ቱሪ ካꬃ፤ ታ ሱꬅታን ቱሪ ኡሽ።
JOH 6:56 ታ አሽቶ ሙእዘን ታ ሱꬅቶ ኡዥዘ አꬄ ታ ግዳ የነ፤ ታንን ኤ ግዳ የነ።
JOH 6:57 ደኦ አዳይ ታና ኪትን፥ ታ ኤ ባጋራ ደኦ የዛንጋራ፥ ታና ሙእዘ አꬄን ታ ባጋራ ደኦ የሳዳ።
JOH 6:58 ሳሎፓ ዎꬍደ ቦርዘ Ꮉያ፦ ይን አዱንꬅ ሙእ Ꮉይቂደ ማና ፋና ባያ፤ Ꮉይ ቦርዛ ሙእዘ አꬄ መዽና የሳዳ» ያጋይዳ።
JOH 6:59 የሱሳ ቅፍርናሆመ ካታማ አይሁደ ዎሳ ኬꬃ Ꮉኖ ታማርስዳ።
JOH 6:60 የሱሳ ታማሩንꬃፓ ጋማ ባግታ ይኖ ስኤዘ ዎደ «Ꮉና ገሎሰ ትምርተ፤ ኦደስ ገለ?» ያጋይዳ።
JOH 6:61 የሱሳ ፋ ታማሩንꬅ ይንስ ዙዝንግዳኖ ኤሪ፥ «Ꮉና ይንታና ባልꬃነ?
JOH 6:62 ዬዝን፥ አስ ናአይ ቲኖ ፋ የዘ በሳ ኡደ ከሳደራ ይን ብእዛኮ ዋያደ?
JOH 6:63 ጌሽ አያና ደኦ እንጋነ፤ አስ ዎልቃ አኮን ማዶስ። ታ ይንትስ ኦህዘ ቃልታ ደኦ እንግዘ ጌሽ አያናፓ ይእዳ።
JOH 6:64 የዝን ይን ግዳ አማኖሱንꬅ የነ» ያጋይዳ። አማኖሱንꬅ ኦድ የዛኮ የሱሳ ቲኖፓን ኤራነ። ማህ ፋና አꬂ እንጎደ ኦና የዛኮ ኤራነ።
JOH 6:65 ማህን የሱሳ፥ «አዳይ ዮኦ ጋይካይዘ ኦደን ታጎ ዮኦደስ ዳንዳኦስ ጋእ ታ ኦህዛና ይኒ ግሾ» ያጋይዳ።
JOH 6:66 ይኒ ባጋራ፥ የሱሳ ካልዙንꬃፓ ጋሙንꬅ ኤዛ አሺ ሱብ ማቅዳ፤ ማህን ኤራ Ꮉንግካያ።
JOH 6:67 የሱሳ ታጶ ላምእ ፋ ታማሩንꬃና፥ «ይንትን አሺ ቅቶደስ ኮያነ?» ያጋእ ኦጭዳ።
JOH 6:68 ስሞን ጴጥሮሳ ማህ፥ «ላꬆ፥ ኑኒ ኦደጎ ቅቶደ? ኔስ መዽና ደኦ ቃላ የነ።
JOH 6:69 ነ ጾዘ ጌሽ ማቅዳኖ ኑኒ አማናነን ኤራነ» ያጋይዳ።
JOH 6:70 የሱሳ ኡንታጎ፥ «ታ ይንታና ታጶ ላምኡንꬃና ዶርካነ? የዝን ይንታፓ ፈተ ጻላሄ» ያጋይዳ።
JOH 6:71 የሱሳ ይኖ ጋይዳና ስሞና ናአይ አስቆሮቱ ይሁዳ ግሾ። ይሁዳ የሱሳ አꬂ እንጎደስ የዘ ታጶ ላምእ ታማሩንꬃፓ ፈታ።
JOH 7:1 ይንፓ ማቂ፥ አይሁዱንꬅ የሱሳ ዎꬎደስ ኮይደ ግሾ ኤ ይሁዳ አሺ ጋልላራ ዉትዳ።
JOH 7:2 አይሁዱንꬅ ቦንችዘ ዳሰ ባአለ ኡክዳ።
JOH 7:3 ይኒ ግሾ፥ የሱሳ እሹንꬅ፥ «ነ ታማሩንꬅ ነ ኦችዘ ክለ ባዝቶ በአደ ጋር Ꮉንፋ ደንዲ ይሁዳ ሳአ ቅቶ።
JOH 7:4 ፋስ ቆንጪ ኤርንቶደስ ኮይዘ አስ ኦደን ፋ ኦችቶ አቾስ። ነ Ꮉንሳና ኦቺ ነባዝ አላመስ ቆንጭዞ» ያጋይዳ።
JOH 7:5 ኤ እሹንꬅ ይኖ ጋይዳና አማንካይዘ ግሾ።
JOH 7:6 የሱሳ ኡንታጎ፥ «ታስ ዎደ Ꮉጋ የልካያ፥ የዝን ይንትስ ኡባ ዎደ ዎታነ።
JOH 7:7 አላመ ይንታና እጾደስ ዳንዳኦስ፥ የዝን ታኒ አላመ ኦችታ ኢታ ማቅዛኖ ማርክꬍዘ ግሾ ታና እጻነ።
JOH 7:8 ይን ባአልቶ ቅቶተ፤ ታስ ዎደ የልካይዘ ግሾ ታኒ ባአልቶ Ꮉንጎስ» ያጋይዳ።
JOH 7:9 ኤ ይኖ ጋእ ጋልላ አትዳ።
JOH 7:10 ኤ እሹንꬅ ባአለ ቦንቾደስ ቅትዳንፓ ማቂ የሱሳ ኦደን ኤርካይዝን በንትካይዛራ ይና በስተ Ꮉንግዳ።
JOH 7:11 አይሁዱንꬅ ባአለ ቦንችዘ በስተ፥ «ኤ አባ የነ?» ያጋእ ኤዛ ኮይዳ።
JOH 7:12 አሱንꬅ ዙዝንጊ ኤ ባዝ ኦህንታነ። ባጉንꬅ፥ «ኤ ሎኦ አስ» ጋዘ ዎደ መሉንꬅ ማህ፥ «አደ፥ ኤ አስ ባልꬃነ» ያጋይዳ።
JOH 7:13 የዝን አይሁደ Ꮉላቁንꬅስ ዣሽትደ ግሾ ኦደን ኤ ባዝ ቆንጨ ኦህንቶስ።
JOH 7:14 ባአለ ቦንቺ ግዳ የሎደራ የሱሳ ጾዘ ኬꬃ Ꮉንግ ታማርሰ አይክዳ።
JOH 7:15 አይሁዱንꬅ፥ «Ꮉይ አꬄ ትምርተ ታማርካይዛራ ማጻፈ ዋይዝ ኤርዶ?» ጋእ ጋማ ቆፕዳ።
JOH 7:16 የሱሳ ማህ፥ «ታ ታማርስዘ ትምርትታ ታና ኪተዘ ጾዘ ካለፓ የእዘ ትምርተፕ አትን ታ ባዝ ባያ።
JOH 7:17 ጾዘ ቆፋ ኦቾደስ ኮይዘ ኦደን Ꮉና ትምርትታ ጾዘ ካለፓ የእዛኮን ዎይ ታኒ ታፓ ኦህዛኮ ኤራነ።
JOH 7:18 ፋ ባዝ ኦህዘ ኦደን ፋ ቦንቾ ኮያነ። የዝን ፋና ኪተዘ ቦንቾ ኮይዘ ኦደን ኤ ቱሪ አስ፤ ኤ ግዳ ዎርዶ ባያ።
JOH 7:19 ሙሴ ይንትስ ህገ እንግዳ፥ የዝን ይንታፓ ኦደን ህገ ናግካያ። ዬዝን አኮስ ታና ዎꬎደስ ኮየ?» ያጋይዳ።
JOH 7:20 አሱንꬅ ማህ፥ «ኔራ ጻላሄ የነ፤ ነና ዎꬎደስ ኦደ ኮይዘ?» ያጋይዳ።
JOH 7:21 የሱሳ፥ «ታ ፈቲ ክሌ ባዝ ኦችን ይን ኡቡንꬅ ጋማ ቆፕዳ።
JOH 7:22 ይን፥ ይን ናኡንꬃና ጋራዞደ ጋር ሙሴስ ዎጋ እንግዳ። የዝን ይን ማይዙንꬃፓ አይኪ የዘ ዎጋፕ አትን ሙሴ ባያ። ይኒ ግሾ፥ ይን ሳምባታ ዎደ ꬊራꬅ ናኡንꬃና ጋራዛነ።
JOH 7:23 ሙሴ ህገ ሻርንታመ ፋና ይን ሳምባታ ዎደ ጋራዘባዝ ማቅኮ፥ ታ ፈቲ አꬄ ኩሙꬅ ጋልቶ ሳምባታር ፋꬅደ ግሾ ታራ አኮስ ካጭንተ?
JOH 7:24 ቱሪ ፍርዳ ፍርዶተፕ አትን አስ ስኖ ብእ ፍርድፐተ» ያጋይዳ።
JOH 7:25 የሩሳላመ አሱንꬃፓ ፈተ ፈተ፥ «ኡን ዎꬎደስ ኮይዘ አꬄ Ꮉያ ባነ?
JOH 7:26 ይኬ፥ ኤ ቆንጨ ኦህነ፤ ኡን ኤዛ አኮን ጋኦስ። ኤ ክርስቶሳ ማቅዳኖ አይሁደ Ꮉላቁንꬅ ቱሮ ኤረሶነ?
JOH 7:27 ክርስቶሳ የእዘ ዎደ ኤ አባፓ የዛኮ ኦደን ኤሮስ፥ የዝን Ꮉይ አꬄ አናፓ የኤዛኮ ኑ ኤራነ» ያጋይዳ።
JOH 7:28 የሱሳ ጾዘ ኬꬃ ታማርስተራ ፋ ቃልቶ ꬎቅ ዪዚ፥ «ቱሮ ይን ታ ኦና የዛኮን ታ አባፕ የኤዛኮ ኤራነ? ታኒ ታ ዎልቃራ ይእካያ፥ የዝን ታና ኪተዘ ቱሪ አደ፤ ይን ኤዛ ኤሮስ።
JOH 7:29 የዝን ታኒ ኤ ኪትን ኤ ካለፓ ይእደ ግሾ ኤዛ ኤራነ» ያጋእ ኡክዳ።
JOH 7:30 ይኒ ግሾ፥ ኡን ኤዛ አይኮደስ ኮይዳ። የዝን ኤስ ዎደ Ꮉጋ የልካይዘ ግሾ ኦደን ኤላ ኩሸ ጋድካያ።
JOH 7:31 የዝን ጋማ አሱንꬅ የሱሳ አማኒ፥ «ክርስቶሳ የእዘ ዎደ Ꮉይ አꬄ ኦችዘ ክለ ባዛፓ አꬂ ኦቾዳነ?» ያጋይዳ።
JOH 7:32 ፋርሳዉኑꬅ ጋማ አሱንꬅ የሱሳ ባዝ ካልካሽዛኖ ስእዳ። ካህኑንꬅ Ꮉላቁንꬅን ፋርሳዉኑꬅ ኤዛ አይꬂ አጭሳደስ ጾዘ ኬꬃ ናግዙንꬃና ኪትዳ።
JOH 7:33 የሱሳ፥ «ታ ይንታራ ኤራꬅ ዎደ ጋምኦዳ፤ ይንፓ ሱባ ታና ኪተዘጎ ቅቶዳ።
JOH 7:34 ይን ታና ኮዮዳ፥ የዝን ደንጋማ። ታ የዘ በስቶ ይን ዮኦደስ ዳንዳኦስ» ያጋይዳ።
JOH 7:35 አይሁዱንꬅ ፈተ ፈተራ፥ «Ꮉይ ኑ ደንጋመ በሳ አባ ቅቶደስ ይየ? ግርኬ ካታማ በቲ የዘ አይሁዱንꬃና Ꮉንግ ታማርሶደስ ቅቶዳነ?
JOH 7:36 ‹ይን ታና ኮዮዳ፥ የዝን ደንጋማ› ማህ፥ ‹ታኒ የዘ በሳ ይን ዮኦደስ ዳንዳአማ› ጋዛና አክ ጋእንተ?» ያጋይዳ።
JOH 7:37 ባአለ ቦንችዘ Ꮉልኤ ቃምተ የሱሳ ደንዲ፥ ፋ ቃልቶ ꬎቅ ዪዚ፥ «ባርꬍደ ኦደን ታጎ ይእ ኡዦ።
JOH 7:38 ታና አማንዘ ኦደን ጌሽ ማጻፍታ ጋይዳንጋራ ደኦ እንግዘ Ꮉꬅ ኣፈ ኤ ግዳፓ ጎጎዳ» ያጋይዳ።
JOH 7:39 ኤ ይኖ ጋይዳና ኤዛ አማነዙንꬅ ኤኮደስ የዘ ጌሽ አያናባዝ ኦህዳ። የሱሳ Ꮉጋ ቦንችንትካይዘ ግሾ የ ዎደ ጌሽ አያና እንግንትካያ።
JOH 7:40 የንꬅ አሱንꬃፓ ጋሙንꬅ ኤ ጋዛኖ ስእ፥ «Ꮉይ ቱሮ ዮኦዳ ጋእንትደ ናብዛያ» ያጋይዳ።
JOH 7:41 መሉንꬅ ማህ፥ «Ꮉይ ክርስቶሳ» ያጋይዳ። ማህን መሉንꬅ፥ «ክርስቶሳ ጋልላፓ የእነነ?
JOH 7:42 ጌሽ ማጻፍተ፥ ‹ክርስቶሳ ዳዉተ ኮቻፓ ዳዉተ የዝደ ቤተለመ ካታማፓ የኦዳ› ጋይካነ?» ያጋይዳ።
JOH 7:43 ይኒ ግሾ፥ የሱሳ ባጋራ አሱንꬅ ዎል ግዳ ሻክንትዳ።
JOH 7:44 የንꬅ አሱንꬃፓ ፈተ ፈተ ኤዛ አይኮደስ ኮይዳ፥ የዝን ኦደን ኤላ ኩሸ ጋድካያ።
JOH 7:45 ጾዘ ኬꬂ ናግዙንꬅ ካህኑንꬅ Ꮉላቁንꬃጎን ፋርሳዉኑꬃጎ ሱብ ማቂ ይእን ኡን፥ «አኮስ ኤዛ ከአንጽዶ?» ያጋእ ኦጭዳ።
JOH 7:46 ጾዘ ኬꬂ ናግዙንꬅ ኡንታጎ፥ «Ꮉይ አꬄ ኦህዛን ጋራ ኦደን ኦሆስ» ጋእ ማህዳ።
JOH 7:47 ፋርሳዉኑንꬅ ማህ፥ «ኤ ይንታናን ባልꬅዳ?
JOH 7:48 አይሁደ Ꮉላቁንꬃፓ ዎይ ፋርሳዉንꬃፓ ኤዛ አማንደ አስ የነ?
JOH 7:49 ሙሴ ህገ ኤሮሰ Ꮉንꬅ አሱንꬅ ቱኔዙንꬃና» ያጋይዳ።
JOH 7:50 ፋርሳዉንꬃፓ ፈተ ቃማ የሱሳጎ Ꮉንግደ ንቆድሞሳ ኡንታጎ፥
JOH 7:51 «ፈቲ አስ ጋዛኖ ስእካይዛራ ዎይ ኤ አኮ ኦቼዛኮ ኤርካይዛራ ቲኖ ኤላ ፍርድዛና ኑ ህግተ የነ?» ያጋይዳ።
JOH 7:52 ኡን ማህ፥ «ኔንን ጋልላ አስ? ጋልላ ሳአፓ ናበ ከዛማኖ ጌሽ ማጻፈፓ ቁርች ኤሮ» ያጋይዳ።
JOH 7:53 ይንፓ ሱባ ፈተ ፈተ ፋ ካራ ቅትዳ።
JOH 8:1 ፈተ ፈተ አሺ ፋ ካራ ፋ ካራ ቅትዳ፥ የዝን የሱሳ ሻማሄ ደረ ቅትዳ።
JOH 8:2 ማህ ዎንትስት ዎደ ጎዳ ጾዘ ኬꬃ ይእዳ። ጋማ አሱንꬅ ኤጎ ይእን በቲ ኡንታና ታማርስዳ።
JOH 8:3 ህገ አስታማሩንꬅን ፋርሳዉኑꬅ ኦላሎደራ አይክደ ፈቲ ማችቶ ኤጎ ክእዳ። ኡን አስ ኡባ ቲኖ እዞ ኤስ፥
JOH 8:4 «አስታማርዛዮ፥ Ꮉና ማችታ ኦላሎደራ ኑ አይክዳ።
JOH 8:5 ሙሴ ህገ Ꮉኒ ጋርዘ ማችቶ ሹቻራ ꬎጊ ዎꬎደ ጋር ኪታነ። ዬዝን፥ ነ እባዝ ዋገ?» ያጋይዳ።
JOH 8:6 ኡን ይኖ ጋይዳና የሱሳ ፋታኒ ኤዛ ሞቶደባዝ ደንጎደስ። የዝን የሱሳ ዙጊ ፋ ግልእዘራ ሳአላ ጻፍዳ።
JOH 8:7 ኡን ኤዛ ማህ ማህ ኦጪ አሻንጽን፥ ኡደ ꬎቅ ጋእ፥ «ይን ግዳ ናጋራ ኦችካይዘ አስ ቲኒ እዞ ሹቻራ ꬎጎ» ያጋይዳ።
JOH 8:8 ማህን ዙጊ ሳአላ ጻፍዳ።
JOH 8:9 ኡን ይኖ ስእደ ዎደ ኡን ቆፍታ ኡንእን ጭሙንꬃፓ አይኪ ፈተ ፈተ ከዝተራ Ꮉልእዳ። የሱሳ ጻላላ ይና በስተ ኤቅደ ማችትራ አትዳ።
JOH 8:10 ኤ ኡደ ꬎቅ ጋእ ማችትፓ መለ አስ ብእካይዘ ዎደ፥ «ማችተ፥ ሞትዙንꬅ አባ ቅትዶ? ኔላ ፍርድዙንꬃፓ ኦደን ባ?» ያጋይዳ።
JOH 8:11 ማችታ፥ «ላꬆ፥ ኦደን ባያ» ያጋይዳ። የሱሳ ማህ፥ «ታንን ኔላ ፍርዶስ። ቅቶ፤ ማህ ናጋራ ኦችፈ» ያጋይዳ።
JOH 8:12 ማንን የሱሳ አሱንꬃጎ፥ «ታኒ አላመስ ፎኦ። ታና ካልዘ ኦደን ደኦ እንግዘ ፎኦ ኤኮዳፕ አትን ꬉማ Ꮉንቶስ» ያጋእ ኦህዳ።
JOH 8:13 ፋርሳዉንꬅ፥ «ነ ነባዝ ማርክꬋነ፥ የዝን ነ ማርካትꬅታ ቱሮ ባያ» ያጋይዳ።
JOH 8:14 የሱሳ ማህ፥ «ታኒ ታ ባዝ ማርክꬍዛኮን ታ ማርካትꬅታ ቱሮ። አኮስ ጋይኮ፥ ታኒ አባፓ የኤዛኮ ማህ አባ ቅትዛኮ ኤራነ፥ የዝን ይን ታ አባፓ የእዛኮን ማህ አባ ቅትዛኮ ኤሮስ።
JOH 8:15 ይን አስ ቆፋ ጋር ፍርዳነ፤ ታኒ ፈቲ አሳላን ፍርዶስ።
JOH 8:16 ታኒ ፍርድዘባዝ ማቅኮን ታ ፍርድታ ቱሮ። አኮስ ጋይኮ፥ ታና ኪተዘ ታ አዳይ ታራ የነፕ አትን ታኒ ታ ጻላላ የዞስ።
JOH 8:17 ላምእ አስ ማርካትꬅ ቱሮ ማቅዛና ይን ህግተ ጻፍንትዳ።
JOH 8:18 ታኒ ታ ባዝ ታ ኦምተ ማርክꬋነ፤ ማህ ታና ኪተዘ ታ አደን ታ ባዝ ማርክꬋነ» ያጋይዳ።
JOH 8:19 ኡን፥ «ነ አዳይ አባ የነ?» ያጋይዳ። የሱሳ ማህ፥ «ይን ታና ዎይ ታ አዳያ ኤሮስ። ታና ኤርዘባዝ ማቅዛኮ፥ ይን ታ አዳያን ኤሮዳ የሻ» ያጋይዳ።
JOH 8:20 የሱሳ ጾዘ ኬꬃ ሙጻተ ብራ ኦልዘ ሳጥነ የዘ በስተ ይኖ ታማርስዳ። ኤ ቃምታ Ꮉጋ የልካይዘ ግሾ ኦደን ኤዛ አይክካያ።
JOH 8:21 ማህን የሱሳ ኡንታጎ፥ «ታ ቅቶዳ፤ ይን ታና ኮዮዳ፥ የዝን ይን ይን ናጋርትራ Ꮉይቆዳ። ታ ቅትዘ በስቶ ቅቶደስ ይን ዳንዳኦስ» ያጋይዳ።
JOH 8:22 አይሁደ Ꮉላቁንꬅ፥ «ኤ፥ ‹ታ ቅትዘ በስቶ ይን ዮኦደስ ዳንዳኦስ› ያጋይዳ። ኤ ፋና ፋስ ዎꬎዳ የሳነ?» ያጋይዳ።
JOH 8:23 የሱሳ ማህ፥ «ይን ኦሞፓ፤ ታ አፋፓ። ይን Ꮉና አላምትፓ፥ ታ Ꮉና አላምትፓ ባያ።
JOH 8:24 ይን ይን ናጋርትራ Ꮉይቆዳ ጋእ ታ ይንትስ ኦህዳና ይንስ። ታኒ ታና ማቅዛኖ ይን አማናንጽኮ ይን ይን ናጋርትራ Ꮉይቆዳ» ያጋይዳ።
JOH 8:25 ኡን፥ «ነ ኦደ?» ያጋእ ኦጭዳ። የሱሳ ማህ፥ «ታኒ፥ ቲኖፓ ይንትስ ኦህደ ኤዚ ታና።
JOH 8:26 ታኒ ይን ባዝ ኦህ ፍርድዘ ጋማ ባዝ የነ። የዝን ታና ኪተዘ ቱሮ፤ ማህ ታኒ ኤፓ ስኤዛኖ ጻላላ አላመስ ኦህነ» ያጋይዳ።
JOH 8:27 የሱሳ ፋ አደባዝ ኦህዛኖ ኡን ቲሪካያ።
JOH 8:28 ይኒ ግሾ፥ የሱሳ ኡንታጎ፥ «ይን አስ ናአያ ኡደ ꬎቅ ዪዘ ዎደ ታኒ ታና ማቅዛኖ ይን ኤሮዳ። ማህን ታኒ ታ አደትꬅ ዎልቃራ አኮን ኦቾሳኖን ታ አዳይ ታና ታማርስዳኖ ኦህዛኖ ይን ኤሮዳ።
JOH 8:29 ታና ኪተዘ ታራ የነ። ታ ኡባ ዎደ ኤዛ ኡፋይስዘ ባዝ ኦችዘ ግሾ ኤ ታና ታ ጻላላ አሽካያ» ያጋይዳ።
JOH 8:30 የሱሳ ይኖ ኦሆደራ ስኤዘ ጋማ አሱንꬅ ኤዛ አማንዳ።
JOH 8:31 የሱሳን ፋና አማንደ አይሁዱንꬃጎ፥ «ይን ታ ቃልተ የዝኮ ቱሪ ታ ታማሩንꬃና።
JOH 8:32 ይን ቱሮ ኤሮዳ፤ ቱርታን ይንታና አሮትꬃፓ ከሶዳ» ያጋይዳ።
JOH 8:33 ኡን ማህ፥ «ኑ አብራሃማ ኮች፤ ኑ ኦደስን አርꬍካያ። ነ ዋይዝ፥ ‹ይን አሮትꬃፓ ኬሳዳ› ጋኤ?» ያጋይዳ።
JOH 8:34 የሱሳ ማህ፥ «ታ ይንትስ ቱሮ ቱሮ ጋነ፤ ናጋራ ኦችዘ ኦደን ናጋራስ አሮ።
JOH 8:35 አሮ መꬍናስ ካራ አሳራ የዞስ፥ የዝን ናአ መꬍናስ ካራ አሳራ የዛነ።
JOH 8:36 ናአይ ይንታና አሮትꬃፓ ኬስኮ ይን አሮትꬃፓ ቱሮ ኬሳዳ።
JOH 8:37 ይን አብራሃማ ኮች ማቅዛኖ ታ ኤራነ። የዝን ታ ቃልታ ይን ግዳ ባይዘ ግሾ ታና ዎꬎደስ ኮያነ።
JOH 8:38 ታኒ ታ አዳይ ታና ቤዝዳኖ ኦህነ፥ የዝን ይንትን ይን አደፓ በኤዛኖ ኦቻነ» ያጋይዳ።
JOH 8:39 ኡን ማህ፥ «ኑ አዳይ አብራሃማ» ያጋይዳ። የሱሳ ኡንታጎ፥ «ይን አብራሃማ ናኡንꬃና ማቅዛኮ ኤ ኦችዳኖ ኦቾድየሻ።
JOH 8:40 የዝን ጾዛፓ ስኤዘ ቱርቶ ኦህደ ታና ይን ዎꬎደስ ኮያነ። አብራሃማ ይኒ ጋራ ዪዝካያ።
JOH 8:41 ይን፥ ይን አዳይ ኦችዳኖ ኦቻነ» ያጋይዳ። ኡን ማህ፥ «ኑኒ ኦላለ ናአ ባያ ቱሪ ጾዘ ናኡንꬃና፤ ኑስ ፈቲ አዳይ ጾዘ ጻላላ የነ» ያጋይዳ።
JOH 8:42 የሱሳ ኡንታጎ፥ «ጾዚ ቱሪ ይንትስ አደ ማቅዛኮ ይን ታና ካꬎድየሻ፤ አኮስ ጋይኮ፥ ታኒ ጾዘ ካለፓ ይእዳ። ታና ኤ ኪታነፕ አትን ታኒ ታ አደትꬅ ዎልቃራ ይእካያ።
JOH 8:43 ታ ኦህዛኖ ይን ስኦሳና ቲሮሶ? ታ ቃልቶ ይን ስአንጽደ ግሾ።
JOH 8:44 ይን፥ ይን አዳይ ጻላሄ ናአ። ማህን ይን፥ ይን አዳይ አሙꬍዘባዝ ኦቾደስ ኮያነ። ኤ ቲኖፓ አይኪ ሸምፖ ዎꬍዛያ። ቱሪ ኤ ግዳ ባይዘ ግሾ ኤ ቱሮ እጻነ። ዎርዶ ኤስ የዘ ባዝ ማቅደ ግሾን ኤ ዎርዶስ አደ ማቅደ ግሾ ዎርዶ ኦህተራ ፋፓ ኦህነ።
JOH 8:45 ታ ቱሮ ኦህነ፥ የዝን ይን ታና አማኖስ።
JOH 8:46 ይንታፓ፥ ‹ነ ናጋራ ኦቾደራ ታ ብእዳ› ጋዉደስ ዳንዳእዘ ኦደ? ታ ቱርቶ ኦህዘ ባዝ ማቅኮ ታና አኮስ አማኖስተ?
JOH 8:47 ጾዘ አስ ማቅደ ጾዚ ጋዛኖ ስእነ። ይን ጾዘ አስ ማቅካይዘ ግሾ ጾዚ ጋዛኖ ስኦስ» ያጋይዳ።
JOH 8:48 አይሁዱንꬅ ማህ፥ « ‹ነ ሳማራ አስ፤ ኔላ ቱና አያና የነ› ጋእተራ ቱሮ ኑ ባነ?» ያጋይዳ።
JOH 8:49 የሱሳን ኡንታጎ «ታላ ቱና አያና ባያ። ታኒ ታ አዳያ ቦንቻነ፥ የዝን ይን ታና ለቃነ።
JOH 8:50 ታኒ ታ ቦንቾ ኮዮስ፤ ታ ቦንችንቶደ ጋር ኮይዘን ታስ ፍርድዘ የነ።
JOH 8:51 ታ ይንትስ ቱሮ ቱሮ ጋነ፤ ታ ቃልቶ ናግዘ ኦደን Ꮉይቆስ» ያጋይዳ።
JOH 8:52 አይሁዱንꬅ ማህ፥ «ኔላ ቱና አያና የዛኖ ኑኒ Ꮉተ ኤርዳ። አብራሃማ Ꮉይቂዳ፤ ናቡንꬅን Ꮉይቂዳ። የዝን ነ፥ ‹ታ ቃልቶ ናግዘ ኦደን Ꮉይቆስ› ያጋነ።
JOH 8:53 ነ Ꮉይቂደ ኑ አዳይ አብራሃመፓ አꬋነ? ናቡንꬅን Ꮉይቂዳ። ነ ነና ኦና ጋእ ቆፐ?» ያጋይዳ።
JOH 8:54 የሱሳ፥ «ታኒ ታና ቦንችኮ ታ ቦንችታ Ꮉሪ። ይን፥ ‹ኑ ጾዛ› ጋዘ ታ አዳይ ኤ ታና ቦንቻነ።
JOH 8:55 ይን ኤዛ ኤራንጽኮን ታ ኤዛ ኤራነ። ታ ኤዛ ኤሮስ ጋይኮ ይን ፋና ታንን ዎርድꬋነ። የዝን ታ ኤዛ ኤራነ፤ ማህ ኤ ቃልቶን ናጋነ።
JOH 8:56 ይን አዳይ አብራሃማ ታ የእዘ ቃምቶ ብእ ኡፋይቶደስ አሙꬋነ፤ ብእን ኡፋይትዳ» ያጋይዳ።
JOH 8:57 አይሁዱንꬅ ማህ፥ «መለ አቶ የዝን፥ ኔስ እችንታም በረ ኩምካይዘ ዋይዝ አብራሃማ ብእዳ ጋኤ?» ያጋይዳ።
JOH 8:58 የሱሳን ኡንታጎ፥ «ታ ይንትስ ቱሮ ቱሮ ጋነ፤ አብራሃማ የልንቶዳንፓ ቲኖ ታኒ ታና» ያጋይዳ።
JOH 8:59 ይኒ ግሾ፥ ኡን የሱሳ ꬎጎደስ ሹች ኤክዳ። የዝን የሱሳ ኡንታፓ ገንጊ ጾዘ ኬꬃፓ ኬዚ ቅትዳ።
JOH 9:1 የሱሳ Ꮉንግተራ የልንትዳንፓ ኣፈ ቆቀ ማቂ የዘ ፈቲ አꬃ ብእዳ።
JOH 9:2 ኤ ታማሩንꬅ፥ «አስታማርዛዮ፥ Ꮉይ አꬄ ኣፈ ቆቀ ማቂ የልንቶደ ጋር ናጋራ ኦችደ ኦደ? ኤዛነ ዎይ ኤዛ የልዱንꬅ ኦችዶ?» ጋእ ኦጭዳ።
JOH 9:3 የሱሳ፥ «ጾዘ ኦችታ ኤላ ቆንጮደ ጋራፕ አትን ኤዚ ዎይ ኤዛ የልዱንꬅ ናጋራ ኦችደ ግሾ ባያ።
JOH 9:4 ሳአ አዋራ የዝን ታና ኪትደ ኦችቶ ኦቾደስ ቤዛነ። ኦደን ኦቾደስ ዳንዳኦሰ ቃማ ዮኦዳ።
JOH 9:5 ታ አላምተ የዝተራ አላምትስ ፎኦ» ጋይዳ።
JOH 9:6 የሱሳ ይኖ ጋእ ሳአላ ጩትዳ። ፋ ጩችትራ ኤራꬅ ሳአ ላክꬂ ይና ሎቅትራ ኣፈ ቆቀ አꬄ ኣፍቶ ትዥዳ።
JOH 9:7 የይዝ፥ «Ꮉንግ ሳልሆመ (ሳልሆመ ጋእንትዛና ኪትንትዳያ ጋኤ) ጋዘ ተቅንትደ Ꮉꬅተ ነ ኣፍቶ ማቶ» ያጋይዳ። ይኒ ግሾ፥ አꬄ Ꮉንግ ፋ ኣፍቶ ማቲ ብእተራ ማቅዳ።
JOH 9:8 ዶꬁንꬅን አꬄ ቲኖ ዎሶደራ ብእደ አሱንꬅ፥ «Ꮉይ በቲ ዎስዘ አꬃ ባነ?» ጋይዳ።
JOH 9:9 ፈቲ ፈቲ አሱንꬅ፥ «Ꮉይ ኤዛ» ያጋይዳ። መሉንꬅ ማህ፥ «አደ፥ Ꮉይኒ ኤዛ አዛነፕ አትን ኤዛ ባያ» ያጋይዳ። የዝን ኤዝን፥ «ዬ፥ ታና» ያጋይዳ።
JOH 9:10 ኡን ኤጎ፥ «ዬዝን ነ ኣፍታ ዋይዝ ብእዶ?» ያጋእ ኦጭዳ።
JOH 9:11 ኤ ማህ፥ «የሱሳ ጋዘ አꬄ ሎቃ ላክꬂ ታ ኣፍቶ ትዢ፥ ‹ሳልሆመ Ꮉንግ ነ ኣፍቶ ማቶ› ያጋእን፥ ታ Ꮉንግ ማቲ ብእዳ» ያጋይዳ።
JOH 9:12 ኡን ኤጎ፥ «ኤ አባ የነ?» ያጋእ ኦጭዳ። አꬃይ፥ «ታ ኤሮስ» ያጋይዳ።
JOH 9:13 ኡን ኣፈ ቆቀ የዛራ፥ ብእደ አꬃ ፋርሳዉንꬃጎ ካንግዳ።
JOH 9:14 የሱሳ ሎቃ ላክꬂ አꬄ ኣፍቶ ፋꬅደ ቃምታ ሳምባታ።
JOH 9:15 ይኒ ግሾ፥ አꬄ ዋይዝ በኤዛኮ ፋርሳዉንꬅ ኤዛ ማህ ኦጭዳ። አꬃይ ኡንታጎ፥ «ኤ ታ ኣፍተ ሎቃ ትዥዳ፥ ማቲ Ꮉተ በእነ» ያጋይዳ።
JOH 9:16 ፋርሳዉንꬃፓ ፈተ ፈተ፥ «Ꮉኖ ኦችደ አꬄ ሳምባታ ህገ ናጎሰ ግሾ ጾዘ ካለፓ ይእካያ» ያጋይዳ። የዝን መሉንꬅ፥ «ናጋራንቾ አስ Ꮉኒ ጋር ክሌ ባዝ ዋይዝ ኦቾደስ ዳንዳኤ?» ጋእ ዎል ግዳ ሻክንትዳ።
JOH 9:17 ይኒ ግሾ፥ ፋርሳዉንꬅ አꬄጎ፥ «ኤ ነ ኣፍቶ ቡግደ ግሾ ነ ኤባዝቶ ዋገ?» ያጋይዳ። አꬃይ፥ «ኤ ናበ» ያጋይዳ።
JOH 9:18 አይሁደ Ꮉላቁንꬅ፥ ኤ እንቶን አዳያን ጼጊ ኦጮደ ዎንꬅስ፥ አꬄ ቲኖ ኣፈ ቆቀ ማቅዛኖን Ꮉተ ኤ በእዛኖ አማንካያ።
JOH 9:19 ኡን ኤ እንትጎን ኤ አደጎ፥ «ይን ‹ኣፈ ቆቀ ማቂ የልንትዳ› ጋዘ ይን ናአይ Ꮉያ? ዬዝን፥ Ꮉተ ዋይዝ ብእዶ?» ጋእ ኦጭዳ።
JOH 9:20 ኤዛ የልዱንꬅ፥ «Ꮉይ ኑ ናአ ማቅዳኖን ኣፈ ቆቀ ማቂ ኤ የልንትዳኖ ኑ ኤራነ።
JOH 9:21 የዝን Ꮉተ ኤ ዋይዝ በኤዛኮ ማህ ኤ ኣፍቶ ኦ ፋꬄዛኮ ኑ ኤሮስ። ኤዛ ኦጮተ። ኤ ፋና ሻክደ አስ ማቅደ ግሾ ፋ ባዝ ኦሆደስ ዳንዳአነ» ያጋይዳ።
JOH 9:22 ኤዛ የልዱንꬅ ይኖ ጋይዳና አይሁዱንꬅስ ዣሽትዘ ግሾ። አኮስ ጋይኮ፥ አይሁዱንꬅ፥ የሱሳ ኤ ክርስቶሳ ያጋእ ማርክꬍዘ አስ የዝኮ የ አꬃ አይሁደ ዎሳ ኬꬃፓ ባይኦደስ ቲኒ ዞረ አጭዳ።
JOH 9:23 ኤዛ የልዱንꬅ፥ «ኤ ፋና ሻክደ አስ፤ ኤዛ ኦጮተ» ያጋይዳና ይንስ።
JOH 9:24 ይኒ ግሾ፥ ቆቀ ማቂ የልንትደ አꬃ ኡን ላምእንꬃ ጼጊ፥ «ጾዛ ቦንቾ፤ Ꮉይ አꬃይ ናጋራንቾ ማቅዳኖ ኑ ኤራነ» ያጋይዳ።
JOH 9:25 አꬃይ ማህ፥ «ኤ ናጋራንቾ ማቅዛኖ ታ ኤሮስ። ታ ቆቀ ማቅዳኖን Ꮉተ ብእዳኖ ይኖ ፈቲ ባዝ ኤራነ» ያጋይዳ።
JOH 9:26 ኡን ማህ፥ «ኤ ኔስ አኮ ባዝ ኦችዶ? ኤ ነ ኣፍቶ ዋይዝ ፋꬅዶ?» ያጋይዳ።
JOH 9:27 ኤ ኡንታጎ፥ «ታ ይንትስ ቲኖ ኦህዳ፥ የዝን ይን ስኦደስ ኮይካያ። አኮስ ማህ ስኦደስ ኮየ? ይንትን ኤ ታማረ ማቃደስ ኮያነነ?» ያጋይዳ።
JOH 9:28 ኡን ኤዛ ጫዥተር ያጋይዳ፥ «ነ የ አꬄ ታማረ፤ ኑኒ ሙሴ ታማረ።
JOH 9:29 ጾዚ ሙሴራ ኦህንትዳኖ ኑ ኤራነ፥ የዝን Ꮉይ አꬄ ኤ አናፓ የኤዛኮን ኑ ኤሮስ» ያጋይዳ።
JOH 9:30 አꬃይ ኡንታጎ፥ «ኤ አናፓ የኤዛኮ ይን ኤሮሳና ጋማ ቆፍዘ ባዝ፥ ማቅኮን ኤ ታ ኣፍቶ ፋꬅዳ።
JOH 9:31 ጾዘስ ዣሽትዛን ኤ ኮይዘ ባዝ ኦችዘ አꬃ ጾዚ ስእነፕ አትን ናጋራንቹንꬃና ስኦስ።
JOH 9:32 ሳሎን ሳአ መꬍንትዳንፓ ኣፈ ቆቀ ማቂ የልንትደ አስ ኣፈ ፋꬅደ ኦደን ባያ።
JOH 9:33 Ꮉይ አꬄ ጾዛፓ ማቅካይዛኮ ፈትባዝን ኦቾደስ ዳንዳኦስ» ያጋይዳ።
JOH 9:34 ኡን ማህ፥ «ነ ኩሙꬅ መꬍንተ ናጋራር የልንት ድጭዘ ኑና ታማርሶደስ ኮያነ?» ያጋይዳ። ኤዛ አይሁደ ዎሳ ኬꬃፓ ባይእዳ።
JOH 9:35 የሱሳ ኡን አꬃ ባለ ከስዳኖ ስእደ ዎደ ኤዛ ደንግ፥ «አስ ናአያ አማናነ?» ያጋእ ኦጭዳ።
JOH 9:36 አꬃይ የሱሳጎ፥ «ላꬆ፥ ታ ኤዛ አማኖደ ጋር ኤ ኦደ? ታስ ኦሆያ?» ያጋይዳ።
JOH 9:37 የሱሳ አꬄጎ፥ «ነ ኤዛ ብእዳ፤ Ꮉይ ኔራ ኦህንትዘ ኤዛ» ያጋይዳ።
JOH 9:38 አꬃይ ማህ፥ «ላꬆ፥ ታ አማናነ» ያጋእ የሱሳስ ጎይንዳ።
JOH 9:39 የሱሳ፥ «ቆቁንꬅ በአደ ጋራን በእዙንꬅ ቆቆደ ጋር ታኒ ፍርዶደስ Ꮉና አላምተ ይእዳ» ያጋይዳ።
JOH 9:40 ኤዛራ የዘ ኤራꬅ ፋርሳዉንꬅ ይኖ ስእ፥ «ኑ ቆቀነ?» ያጋይዳ።
JOH 9:41 የሱሳ፥ «ይን ቆቀ ማቅዛኮ ይንትስ ናጋራ ማቆስ የሻ። የዝን Ꮉተ ይን በእነ ጋዘ ግሾ ይን፥ ይን ናጋርተ የነ» ያጋይዳ።
JOH 10:1 የሱሳ፥ «ታ ይንትስ ቱሮ ቱሮ ጋነ፤ ዱሮ ካለስ ፉርꬃራ ማቅካይዝን መለ በሳራ ገልዘ ኦደን ካይዞን ፋኖን።
JOH 10:2 የዝን ፉርꬃራ ገልዘ ኤዚ ዱሩንꬃና የንግዛያ።
JOH 10:3 ፉርꬅቶ ናግዘ ኤስ ፉርꬅቶ ቡጋነ፤ ዱሩንꬅን ኤ ቃልቶ ስእነ። ኤ ፋ ዱሩንꬃና ኡን ሱንꬅትራ ሱንꬅትራ ጼጋነ፤ ኡንታና ካልꬅ ባለ ከሳነ።
JOH 10:4 ኤ ፋ ዱሩንꬃና ኡባ ባለ ከስዳንፓ ማቂ ኡንታፕ ቲኖር የꬋነ። ኡን ኤ ቃልቶ ኤርዘ ግሾ ኤዛ ካላነ።
JOH 10:5 መለ ቃላ ኡን ኤሮሰ ግሾ ኤፓ Ꮉካነፕ አትን ኤዛ ካሎስ» ያጋይዳ።
JOH 10:6 የሱሳ ኡንትስ Ꮉና አዝዝቶ ኦህዳ፥ የዝን ኤ አኮ ጋኤዛኮን ኡን ቲሪካያ።
JOH 10:7 ማህ የሱሳ ኡንታጎ፥ «ታ ይንትስ ቱሮ ቱሮ ጋነ፤ ታኒ ዱሩንꬅስ ፉርꬅ።
JOH 10:8 ታፓ ቲኖ የኤዘ ኡባ ካይዞን ፋኖፕ፥ አትን ዱሩንꬅ ኡንታና ስእካያ።
JOH 10:9 ፉርꬅዘ ታና፤ ታ ባጋራ ገልዘ ኦደን አቶዳ። ኤ ታ ባጋራ ገሎዳን ኬሳዳ፤ ሎኦ የንግንትዘ በሲ ደማዳ።
JOH 10:10 ካይዞ ካይስቶደስ፥ ሹኮደስን ꬋብሶደስ የእነፕ አትን መለባዝስ የኦስ። ታ ኡንትስ ደኦ የሳደ ጋራን ጋንጎደ ጋር ይእዳ።
JOH 10:11 «ታ ሎኦ ዉደ አደ፤ ሎኦ ዉደ አዳይ ፋ ዱሩንꬅ ግሾ ፋ ሸምፕቶ አꬂ እንጋነ።
JOH 10:12 ክራ የንግዘ አꬄ ዱሩንꬅስ አደ ማቅካይዘ ግሾ ሱዹመ የእዘ ዎደ ብእ ዱሩንꬃና አሺ ዎጻነ። ይኒ ግሾ፥ ሱዹመ ዱሩንꬃና ቦንቃነ ዱሩንꬅን ላንታነ።
JOH 10:13 ክራ የንግዛይ ሚሸስ የንግዘ ግሾን ዱሩንꬅባዝ ኤስ ስንቶሰ ግሾ ዱሩንꬃና አሺ ዎጻነ።
JOH 10:14 «ታ ሎኦ ዉደ አደ። ታ አዳይ ታና ኤርዛን ፋና ታንን ታ አዳያ ኤራነ። ይኒ ፋና፥ ታኒ ታ ዱሩንꬃና ኤራነ፤ ታ ዱሩንꬅን ታና ኤራነ። ታኒ ታ ዱሩንꬅ ግሾ ታ ሸምፕቶ አꬂ እንጋነ።
JOH 10:16 Ꮉና ካልተ ባይዘ መለ ዱሩንꬅ ታስ የነ። ታ ኡንታና ኮኦደስ ቤዛነ። ኡን ታ ቃልቶ ስኦዳ፤ ኡን ፈቲ ዉደ ማቃዳ፤ የንግዛይን ፈቶ።
JOH 10:17 «ታኒ ታ ሸምፕቶ አꬂ እንግ ማህ ኤክዘ ግሾ ታ አዳይ ታና ካꬋነ።
JOH 10:18 ታ ቆፋር ታ ሸምፕቶ አꬂ እንጋነፕ አትን ታፓ ኦደን ኤኮስ። ታ ታ ሸምፕቶ አꬂ እንጎደስን ማህ ኤኮደስ አደትꬅ ዎልቃ ታስ የነ። ታ ኦቾደ ጋር ታ አዳይ ታና ኪተዛና Ꮉኖ» ያጋይዳ።
JOH 10:19 ይና ኤ ጋይደ ቃልት ግሾ አይሁዱንꬅ ግዳ ማህ ዱማትꬅ መꬍንትዳ።
JOH 10:20 ኡንታፓ ጋሙንꬅ፥ «ኤ ግዳ ቱና አያና የነ! ኤ ዣሽታነ! ኤ ጋዛኖ አኮስ ስኤ?» ያጋይዳ።
JOH 10:21 መሉንꬅ ማህ፥ «ጻላሄ አይክደ አስ ኦህንትዘ ፋና ባያ። ጻላሄ ቆቀ ኣፈ ቡጎደስ ዳንዳአነነ?» ያጋይዳ።
JOH 10:22 የሩሳላመ ጾዘ ኬꬅቶ ጌሽደ ቃምቶ ቦንችዘ ባአለ የልዳ፤ ሳእታ ባርጎ።
JOH 10:23 የሱሳ ጾዘ ኬꬃ ሶሎሞነ ፉርꬃራ ጎደን Ꮉንካ Ꮉንታነ።
JOH 10:24 አይሁዱንꬅ የሱሳ ካለ ኤቂ፥ «ነ ኑና አይደ የሎደስ ሶኤራ ጋምእሳደ? ነ ክርስቶሳ ማቅኮ አነ ኑስ ጌሽ ኦሆ» ያጋይዳ።
JOH 10:25 የሱሳ ማህ ኡንታጎ፥ «ታ ይንትስ ኦህዳ፤ የዝን ታና አማናንጽዳ። ታኒ ታ አዳይ ሱንꬅተ ኦችዘ ኦችታ ታ ባዝ ማርክꬋነ።
JOH 10:26 የዝን ታ ይንትስ ኦህዳን ጋራ ይን ታ ዱሮ ማቅካይዘ ግሾ አማናንጽዳ።
JOH 10:27 ታ ዱሩንꬅ ታ ቃልቶ ስእነ። ታ ኡንታና ኤራነ፤ ኡንትን ታና ካላነ።
JOH 10:28 ታ ኡንትስ መዽና ደኦ እንጋነ፤ ኡን ሙሎን ꬋቦስ። ኦደን ታ ኩሽትፓ ኡንታና ቦንቆስ።
JOH 10:29 ኡንታና ታስ እንግደ ታ አዳይ ኡባፓ አꬋነ ኦደን ታ አዳይ ኩሽትፓ ኡንታና ቦንቂ ኤኮደስ ዳንዳኦስ።
JOH 10:30 ታንን ታ አዳይን ፈቶ» ያጋይዳ።
JOH 10:31 አይሁዱንꬅ የሱሳ ꬎጎደስ ማህ ሹች ደንꬅዳ።
JOH 10:32 የሱሳ ኡንታጎ፥ «ታኒ ኦቾደ ጋር ታ አዳይ ታስ እንግደ ጋማ ሎኦ ኦችቶ ይንታና ኦቺ ቤዝዳ። የንሳፓ አየ ግሾ ታና ሹቻራ ꬎጎደስ ኮየ?» ያጋይዳ።
JOH 10:33 አይሁዱንꬅ ማህ፥ «ኑ ነና ነ ሎኦ ኦችት ግሾ ሹቻር ꬎጎደስ ኮዮስ። የዝን ነ ጾዛ ጫዥዘ ግሾን አስ ማቅተራ ነ ነና ጾዝ ማህዘ ግሾ» ያጋይዳ።
JOH 10:34 የሱሳ ማህ፥ «ይን ህግተ፥ ‹ታ፥ ይን ጾዙንꬃና ጋይዳ› ጋእ ጻፍንትካ?
JOH 10:35 ጌሽ ማጻፈ መꬍናስ ላምንቶስ። ጾዚ ፋ ቃልቶ እንግደ አሱንꬃና፥ ‹ጾዙንꬃና› ጋእ ጼግኮ፥
JOH 10:36 አዳይ ዶሪ አንጂ Ꮉና አላምተ ኪትደ ታና ‹ጾዘ ናአ› ጋይደ ግሾ ዋይዝ ‹ጾዝ ጫዣነ› ያጋኤ?
JOH 10:37 ታኒ ታ አዳይ ኦችዛኖ ኦቻንጽኮ ታና አማንፐተ።
JOH 10:38 የዝን ታኒ ኦችዛ ማቅኮ ይን ታና አማናንጽኮን፥ ታ አዳይ ታ ግዳ የዛኖን ታንን ታ አዳይ ግዳ የዛኖ ይን ኤሮደ ጋር ቆፖደ ጋር ታ ኦችቶ አማኖተ» ያጋይዳ።
JOH 10:39 ይኬ ማህ ኡን ኤዛ አይኮደስ ኮይዳ፥ የዝን ኤ ኡን ኩሽትፓ ከዝዳ።
JOH 10:40 ዋሐንሳ ቲኖ ጻማቅዘ በስተ፥ ዮርዳኖሳ ቦርካፓ ሰኮ ፍንꬃ የሱሳ ፊንግ የይጋ የዝዳ።
JOH 10:41 ጋማ አሱንꬅ የሱሳጎ ይእ፥ «ዋሐንሳ መለ አቶ የዝን ፈቲ ክለ ባዝን ኦችካያ፥ የዝን ኤ Ꮉይ አꬄባዝ ኦህዳና ኡባ ቱሮ» ያጋይዳ።
JOH 10:42 እዘ ጋማ አሱንꬅ የሱሳ አማንዳ።
JOH 11:1 ብታንያ ጉታ አላዛረ ጋዘ ፈቲ አስ Ꮉርግንትዳ። ብታንያ ማይራምራን እ ምሽታ ማርታ የዘ ሳአ።
JOH 11:2 ማይራማ ላꬄ ቶህትላ ሽቶ ትዢ ፋ ኦምትራ ኤ ቶህቶ ኡጭዳኖ። Ꮉርግንትዘ እ እሸ አላዛረ።
JOH 11:3 ይኒ ግሾ፥ ምሹንꬅ፥ «ላꬆ፥ ነ ካዽዘ ኑ እሸ Ꮉርግንትዳ» ጋእ የሱሳጎ ኪትዳ።
JOH 11:4 የሱሳ ይኖ ስእደ ዎደ «Ꮉና Ꮉርግታ፥ ጾዘ ናአይ ቦንችቶደ ጋራን ጾዘ ቦንቾስፕ አትን Ꮉይቆስ የልꬅዘ Ꮉርገ ባያ» ያጋይዳ።
JOH 11:5 የሱሳ ማርታን፥ እ ምሽቶ ማይራሞን አላዛረን ካꬋነ።
JOH 11:6 የዝን አላዛረ Ꮉርግንትዳኖ የሱሳ ስእ ፋ የዘ በስተ ላምእ ቃማ አቅዳ።
JOH 11:7 ይንፓ ማቂ፥ የሱሳ ፋ ታማሩንꬃጎ፥ «ማቂ ይሁዳ ሳአ የꬎተ» ያጋይዳ።
JOH 11:8 ኤ ታማሩንꬅ ማህ፥ «አስታማርዛዮ፥ ኤራꬅ ዎደፓ ቲኖ አይሁዱንꬅ ነና ሹቻር ꬎጊ ዎꬎደስ ኮይዳ፤ Ꮉተን እዘ Ꮉንጎዳነ?» ያጋይዳ።
JOH 11:9 የሱሳ፥ «ፈቲ አዋ ታጶ ላምእ ሳተ ባነ? አዋራራ የꬍዘ አስ Ꮉና አላመ ፎእቶ በእዘ ግሾ ꬉብንቶስ።
JOH 11:10 የዝን ቃማ የꬍዘ ኦደን ፎኦ ባይዘ ግሾ ꬉብንታነ» ያጋይዳ።
JOH 11:11 የሱሳ ይኖ ጋይዳንፓ ማቂ ኡንታጎ፥ «ኑ ካዽዘ አላዛረ ገንትዳ፥ የዝን ኤዛ ደንꬆደስ ታ Ꮉማዳ» ያጋይዳ።
JOH 11:12 ኤ ታማሩንꬅ ማህ፥ «ላꬆ፥ ኤ ገንተዘባዝ ማቅኮ ደንዶዳ» ያጋይዳ።
JOH 11:13 የሱሳ አላዛረ Ꮉይቂዳኖ ኦህዳ፥ የዝን ኡንትስ ጨር ገንቶ አዝዳ።
JOH 11:14 ይኒ ግሾ፥ የሱሳ ጌሽ ኡንታጎ፥ «አላዛረ Ꮉይቂዳ።
JOH 11:15 ይን አማኖደ ፋና ታ ይና በስተ ባይዛና ይን ግሾ ኡፋይሳነ። አነ የꬎተ፤ ኤጎ Ꮉማዳ» ያጋይዳ።
JOH 11:16 ይንፓ ማቂ፥ ዲዲሞሳ ጋእንትዘ ቶማሳ ፋ ላገ ታማሩንꬃጎ፥ «ኤራ Ꮉይቆደስ ኑስን የꬎተ» ያጋይዳ።
JOH 11:17 የሱሳ የልዘ ዎደ አላዛረ ሞግንትን ኦይዲ ቃማ ማቅዳ።
JOH 11:18 ብታነይ የሩሳላመፓ Ꮉይꬕ ክሎ ምትረ ጋር Ꮉካነ።
JOH 11:19 ጋማ አይሁዱንꬅ ማርታን ማይራሞን ኡን እሸ Ꮉይቂዳንስ ምንꬅꬆደስ ይእዳ።
JOH 11:20 ማርታ የሱሳ ይእዳኖ ስእ ኤዛ ሞኮደስ ከዝዳ፥ የዝን ማይራማ ኬꬃ አትዳ።
JOH 11:21 ማርታ የሱሳጎ፥ «ላꬆ፥ ነ Ꮉነ የዘ ባዝ ማቅዛኮ ታ እሸ Ꮉይቃምየሻ።
JOH 11:22 የዝን Ꮉተ ማቅኮን ነ ዎስዘ ባዝ ጾዚ ኔስ እንጎዳኖ ታ ኤራነ» ያጋይዳ።
JOH 11:23 የሱሳ፥ «ነ እሸ Ꮉይቆፓ ደንዶዳ» ያጋይዳ።
JOH 11:24 ማርታ ኤጎ፥ «ዉርሱꬅ ቃማ ኤ Ꮉይቆፓ ደንዶዳኖ ኤራነ» ያጋይዳ።
JOH 11:25 የሱሳ ኢጎ፥ «ታኒ ደንዶን ደኦን፤ ታና አማንዘ ኦደን Ꮉይቅኮን ደኦ የሳዳ።
JOH 11:26 ማህ ደኦ ማቅደን ታና አማንዘ ኦደን መꬍናስ Ꮉይቆስ። ይኖ ነ አማናነ?» ያጋይዳ።
JOH 11:27 ማርታ ማህ፥ «ላꬆ፥ ዬ ታ አማናነ! ነ ጾዘ ናአ፥ አላመ ዮኦደስ የዘ ክርስቶሳ ማቅዳኖ ታ አማናነ» ያጋይዳ።
JOH 11:28 ማርታ ይኖ ጋይዳንፓ ማቂ፥ Ꮉንግ ፋ ምሽቶ አችንት ጼጊ፥ «አስታማርዘ ይእ ነና ጼጋነ» ያጋይዳ።
JOH 11:29 ማይራማ ይኖ ስእደ ዎደ ኤልሲ ደንዲ ኤቂ የሱሳጎ Ꮉንግዳ።
JOH 11:30 የ ዎደ የሱሳ ማርታራ የልንትደ በስተ የነ፤ Ꮉጋ ካራ ጋንጨ የልካያ።
JOH 11:31 ማይራሞ ምንꬅꬅተር ኢራ ኬꬃ የዘ አይሁዱንꬅ፥ እዛ ደንዲ ኤቂ ኤልሲ ባለ ኬዝዳኖ ብእ፥ ቦዛ Ꮉንግ ዬኮደስ ይእዛ አዝን እዞ ካሊ ከዝዳ።
JOH 11:32 ማይራማ የሱሳ የዘ በስቶ Ꮉንግ ኤዛ ብእደ ዎደ ኤ ቶህትላ ጎልእ፥ «ላꬆ፥ ነ Ꮉነ የዘ ባዝ ማቀዛኮ ታ እሸ Ꮉይቃም የሻ» ያጋይዳ።
JOH 11:33 የሱሳ ማይራምራን ኢራ የዘ፥ አይሁዱንꬅ ዬክዛኖ ብእ፥ ፋ ዎዝንተ ጋማ ይቅስንቲ፥
JOH 11:34 «አባ ሞግዶ?» ጋእ ኦጭን፥ «ላꬆ፥ ይእ ቦኦ» ያጋእ ማህዳ።
JOH 11:35 የሱሳ አፉጽዳ።
JOH 11:36 ይኒ ግሾ፥ አይሁዱንꬅ፥ «ኤ አላዛረ አኮ ጋር ካዛኮ ቦኦተ» ያጋይዳ።
JOH 11:37 የዝን ኡንታፓ ፈተ ፈተ፥ «Ꮉይ ቆቅዘ ኣፍቶ ቡግደ Ꮉይ አꬄ Ꮉይቃመ ጋር ይሳደስ ዳንዳኦሶ?» ያጋይዳ።
JOH 11:38 ማህ የሱሳ ይቅስንቲ፥ አላዛረ ሞግንትደ ቦዝትጎ Ꮉንግዳ። ቦዝታን ሹቻራ ጎርድንትደ ዎምኦ።
JOH 11:39 የሱሳ፥ «ሹችቶ ደንꬆተ» ያጋይዳ። ማርታ፥ «ላꬆ፥ ኤ Ꮉይቂዳንፓ Ꮉይኖ ኦይዲ ቃማ ማቅደ ግሾ Ꮉተ ዜቆዳ» ያጋይዳ።
JOH 11:40 የሱሳ ማርታጎ፥ «ነ አማንዘባዝ ማቅኮ ጾዘ ቦንቾ ቦኦዳኖ ታ ኔስ ኦህካ?» ያጋይዳ።
JOH 11:41 ኡን ቦዝትላ የዘ ሹችቶ ደንꬅን የሱሳ ሳሎ ኡደ ብእ፥ «አዳዮ፥ ታና ነ ስኤዘ ግሾ ነና ጋላታነ።
JOH 11:42 ነ ኡባ ዎደ ታና ስእዛኖ ታ ኤራነ። የዝን Ꮉነ ኤቅደ አሱንꬅ ነ ታና ኪተዛኖ አማኖደ ጋር ታ ኡን ግሾ Ꮉኖ ጋነ» ያጋይዳ።
JOH 11:43 የሱሳ ይኖ ጋይዳንፓ ማቂ፥ ፋ ቃልቶ ꬎቅ ዪዚ፥ «አላዛረ፥ ኡደ ከዞ!» ያጋይዳ።
JOH 11:44 Ꮉይቂደ አꬄ ዚꬍንትዳንራ ኩሽታን ቶህቶ ሻሎራ አጭንቲ የዝን ኤ ኣፍታ ጎዝንትዳንራ ቦዝትፓ ከዝዳ። የሱሳ ኡንታና፥ «ብሎተ! የꬎ ጋኦ!» ያጋይዳ።
JOH 11:45 ይኒ ግሾ፥ ማይራምጎ ይእደ አይሁዱንꬃፓ ጋሙንꬅ የሱሳ ኦችዳኖ ብእ ኤዛ አማንዳ።
JOH 11:46 የዝን ኡንታፓ ፈተ ፈተ ፋርሳዉንꬃጎ Ꮉንግ የሱሳ ኦችዳኖ ኡንትስ ኦህዳ።
JOH 11:47 ይንፓ ማቂ፥ ካህኑንꬅ Ꮉላቁንꬅን ፋርሳዉንꬅ ሻንጎስ ሺሺ፥ «Ꮉይ አꬄ ጋማ ክሌ ባዝ ኦችዘ ግሾ ኑ አኮ ኦቾ?
JOH 11:48 ኑ ኤዛ ጨር አሽኮ አስ ኡባ ኤዛ አማኖዳ። ማህ ሮመ ሳአ አሱንꬅ ይእ ኑ ጾዘ ኬꬅቶን ኑ ባጉንꬃና ꬋብሶዳ» ያጋይዳ።
JOH 11:49 ኡንታፓ ፈተ ቃያፋ ጋዘ፥ ይና በርተ ካህኑንꬅ Ꮉላቃ ማቅደ፥ «ይን አኮን ኤሮስ!
JOH 11:50 ዎርዣ ኡባ ꬋቦዳንፓ ፈቲ አስ ዎርዥት ግሾ Ꮉይቆዳና ሎኦ ማቅዛኖ ኤሮሳ?» ያጋይዳ።
JOH 11:51 ኤ ይኖ ፋፓ ጋይካያ። የዝን ይና በርተ ካህኑንꬅ Ꮉላቃ ማቅደ ግሾ የሱሳ አይሁደ አሱንꬅ ግሾ Ꮉይቆደስ ቤዛኖ ትንቢተ ኦህዳ።
JOH 11:52 ማህ የሱሳ አይሁደ አሱንꬅ ጻላላስ ማቅካይዝን ላልንቲ የዘ ጾዘ አስ ኡባ ፈትላ ሺሾደስን ፈቲ አስ ማሆደስ Ꮉይቆዳ።
JOH 11:53 ይና ቃምትፓ አይኪ ኡን ኤዛ ዎꬎደስ ዞርንትዳ።
JOH 11:54 ይኒ ግሾ፥ የሱሳ አይሁዱንꬅ ግዳ ቆንጨ በሳ Ꮉንትካያ። የዝን አኮ ባይዘ ሳአ ካለ የዘ ኤፍሬመ ጉታ ቅትዳ። ፋ ታማሩንꬃራ ይና በስተ ጋምእዳ።
JOH 11:55 አይሁዱንꬅ ቦንችዘ ፋስጋ ቃማ ኡክዳ። ማህ ጋማ አሱንꬅ ፋና ጌሾደስ ፋስጋ ቦንችዘ ቃማ የሎዳንፓ ቲኖ ይና ሳእትፓ የሩሳላመ ቅትዳ።
JOH 11:56 ኡን ጾዘ ኬꬃ ኤቂ የሱሳ የእቶ ናግዘ ግሾ «አኮ ቆፐ? የሱሳ ባአለ ቦንቾደስ የአም የሳነ?» ያጋእ ፈተ ፈታ ኦጭዳ።
JOH 11:57 ካህነ Ꮉላቁንꬅን ፋርሳዉንꬅ የሱሳ አይኮደስ፥ ኤ የዘ በስቶ ኤርዘ ኦደን ፋስ ማሎደ ፋና ኪትዳ።
JOH 12:1 ፋስጋ ቦንችዘ እዝፑን ቃማፓ ቲኖ፥ የሱሳ Ꮉይቆፓ ደንꬅደ አላዛረ የዘ ጉታ፥ ብታንያ Ꮉንግዳ።
JOH 12:2 ይና በስተ ኡን ኤስ ካዎ ጊግዝዳ። አላዛረ የሱሳራ ዎላ ሌማተላ በቴዝን ማርታ ኡንትስ ኪትንታነ።
JOH 12:3 ማይራማ ናርዶሳ ጋዘ ጋማ አልኦ ጌሽ ሽቶ ክእ የሱሳ ቶህትላ ጉስዳ። ፋ ኦምትራ ኤ ቶህቶ ኡጭዳ፤ ኬꬅተ ኡባ ሽቶ ሳዎራ ቶንኩ ጋይዳ።
JOH 12:4 የዝን የሱሳ ታማሩንꬃፓ ፈተ፥ የሱሳ አꬂ እንጎደስ የዘ፥ አስቆሮቱ ይሁዳ፥
JOH 12:5 «Ꮉና ሽትታ Ꮉይꬕ ጼት ድናረስ ባይዝንቲ፥ ሚሽታ ዳሁንꬅስ እንግንቶሳ?» ያጋይዳ።
JOH 12:6 ኤ ካይዞ ማቅደ ግሾ ይኖ ጋይዳፕ አትን ዳሃስ ይቅስንቲ ጋይካያ። ኤ ብራ አይክዛ ማቅደ ግሾ ኡባ ዎደ ኢፓ ፋስ ኤካነ።
JOH 12:7 የሱሳ፥ «እዛ ፋስ የዘ ባዝ ታ ሞግንትዘ ቃማስ ምንጅደ ግሾ እዞ አሺ አሾተ።
JOH 12:8 ዳሁንꬅ ኡባ ዎደ ይንታራ የሳዳ፥ የዝን ታ ኡባ ዎደ ይንታራ የዞስ» ያጋይዳ።
JOH 12:9 የ ዎደ ጋማ አሱንꬅ የሱሳ ብታንያ የዛኖ ስእ እዘ ይእዳ። ኡን የሱሳ ጻላላ ማቅካይዝን ኤ Ꮉይቆፓ ደንꬅደ አላዛረን በአደስ ይእዳ።
JOH 12:10 ይኒ ግሾ፥ ካህኑንꬅ Ꮉላቁንꬅ አላዛረን ጉጂ ዎꬎደስ ዞርንትዳ።
JOH 12:11 አኮስ ጋይኮ፥ አላዛረ ባጋራ ጋማ አይሁዱንꬅ ኡንታና እጺ የሱሳ አማንዘ ግሾ።
JOH 12:12 ዎንትስት ዎደ ፋስጋ ቦንችዘ በስተ የእዘ ጋማ አሱንꬅ የሱሳ የሩሳላመ ይእዛኖ ስእ፥
JOH 12:13 ቂለ Ꮉየ ኤኪ ኤዛ ሞኮደስ ከዝዳ። ኡን ፋ ቃልቶ ꬎቅ ዪዚ፥ «ሆሳና! ላꬄ ሱንꬅተ የእዘ! እስራኤለ ካት አንጅንቶ!» ያጋይዳ።
JOH 12:14 ጌሽ ማጻፍተ፥ «ጽዮነ ካታምተ፥ ዣሽትፐ! ይኬ፥ ነ ካትዘ Ꮉረ ናአላ በቲ ይእዳ» ጋይንትዳን ፋና የሱሳ Ꮉረ ናአ ደንግ ኤዛ ቶግዳ።
JOH 12:16 የሱሳ ታማሩንꬅ ይኖ ቲኖ ቲሪካያ። የዝን የሱሳ ቦንችንትዳንፓ ሱባ ኡን ይኖ ኡባ ቲርዳ። ይና ኡባ ጌሽ ማጻፍታ ጋይዳንጋራ Ꮉንዳ።
JOH 12:17 የሱሳ አላዛረ ቦዛፓ ጼጊ፥ Ꮉይቆፓ ደንꬅደ ዎደ ኤራ የዘ ጋማ አሱንꬅ የሱሳ ባዝ ማርክꬍዳ።
JOH 12:18 ጋማ አሱንꬅ ኤዛ ሞኮደስ ከዝደ፥ ኤ ይና ክለ ባዝቶ ኦቼዛኖ ስእደ ግሾ።
JOH 12:19 ይኒ ግሾ፥ ፋርሳዉንꬅ ፈተ ፈተጎ፥ «ኑ አኮን ኦቾደስ ዳንዳኦሳኖ ቦኦተ፤ ዎርዥታ ኡባ ኤዛ ካልዳ» ያጋይዳ።
JOH 12:20 ፋስጋ ቦንችዘ ዎደ ጎይኖደስ የሩሳላመ Ꮉንገዙንꬅ ግዳ ፈቲ ፈቲ ግርኬ አሱንꬅ የነ።
JOH 12:21 ኡንትን ጋልላ ሳአ ቤተሳይዳ ካታማፓ ይእደ ፍልጶሳጎ ይእ፥ «ላꬆ፥ ኑኒ የሱሳ በአደስ ኮያነ» ያጋእ ዎስዳ።
JOH 12:22 ፍልጶሳ Ꮉንግ እንድርያሰስ ኦህን ላምኡንꬅ Ꮉንግ፥ የሱሳስ ኦህዳ።
JOH 12:23 የሱሳ ኡንታጎ፥ «አስ ናአይ፥ ቦንችንትዘ ዎደ የልዳ።
JOH 12:24 ታ ይንትስ ቱሮ ቱሮ ጋነ፤ ፈቲ ዛርጋ ኣፈ ሳአ ዎꬊ ዶላንጽኮ ፋስ አታነ። የዝን የ ዛርጋ ኣፍዘ ዶልኮ ጋማ ኣፈ አፋነ።
JOH 12:25 ፋ ሸምፕቶ ካዽዘ ኦደን ꬋብሳነ፤ ፋ ሸምፕቶ Ꮉና አላምተ እጽዘ ኦደን መዽና ደኦስ ናጋነ።
JOH 12:26 ታ የዘ በስተ ታራ የሳደ ጋር ታስ ኦቾደስ ኮየዘ ኦደን ታና ካሎደስ ቤዛነ። ታስ ኦችዛ ኦናን ታ አዳይ ቦንቾዳ።
JOH 12:27 «Ꮉተ ታ ሸምፕታ ጋማ ኡንእንትዳ፤ ዬዝን ዋጎ? ‹ታ አዳዮ፥ ታና Ꮉና ሳትፓ አሾ› ያጋዉነ? አደ፥ ታ ይእዳና Ꮉና ማꬋ ሳትስ።
JOH 12:28 ታ አዳዮ፥ ነ ሱንꬅቶ ቦንቾ» ያጋይዳ። የ ዎደ ሳሎፓ፥ «ታኒ ታ ሱንꬅቶ ቦንችዳ፤ ማህን ቦንቾዳ» ያጋዘ ቃላ ይእዳ።
JOH 12:29 ይና በስተ ኤቅደ ጋማ አሱንꬅ ይና ቃልቶ ስእ፥ «ይና ዳዳ ꬎገ» ያጋይዳ። መሉንꬅ ማህ፥ «ኪታንቾ ኤስ ኦህዳ» ያጋይዳ።
JOH 12:30 የሱሳ ማህ ኡንታጎ፥ «Ꮉይ ኦꬅዘ ይን ግሾ ይእዳፕ አትን ታ ግሾ ባያ።
JOH 12:31 Ꮉና አላምታ ፍርድንትዘ ዎድታ Ꮉተ፤ Ꮉና አላምቶ አህዘ ካትዘ Ꮉተ ባለ ኦልንቶዳ።
JOH 12:32 ማህ ታ ሳአፓ ꬎቅ ꬎቅ ጋይደ ዎደ አስ ኡባ ታጎ ኮኦዳ» ያጋይዳ።
JOH 12:33 ኤ ይኖ ጋይዳና አኮ ጋር Ꮉይቆ Ꮉይቆድየዛኮ ኡንትስ ቆንጭሳደስ።
JOH 12:34 ጋማ አሱንꬅ ማህ፥ «ኑ ህግታ ክርስቶሳ መዽና የዛኖ ኦህነ። ዬዝን፥ ነ ዋጋእ፥ ‹አስ ናአይ ꬎቅ ꬎቅ ጋዉደስ ቤዛነ› ጋኤ? ‹ኤ፥ አስ ናአይ ኦደ?› » ያጋይዳ።
JOH 12:35 የሱሳ፥ «ፎኦ ይንታራ ኤራꬅ ዎደ ጋምኦዳ። ይንትስ ꬉማመ ጋር ፎኦ የዝን፥ ፎእተ Ꮉንቶተ። ꬉማ የꬍዘ አስ አና ቅትዛኮ ኤሮስ።
JOH 12:36 ፎኦ ናኡንꬃና ማቃደ ጋር ፎኦ የዝን ፎእዛ አማኖተ» ያጋይዳ። የሱሳ ይኖ ኦህዳንፓ ማቂ Ꮉንግ ኡንታፓ ገንግዳ።
JOH 12:37 ኤ ይኒ ፋና ክለ ባዝ ኡን ቲኖ ኦችንን አማንካያ።
JOH 12:38 ናበ ኢሳያሳ፥ «ላꬆ፥ ኑ ማርካትꬅቶ ኦኒ አማንደ? ላꬄ ፋ ዎልቅቶ ኦስ ቆንጭዝዶ?» ጋይዳና ቱሮ ማቃደ ፋና ኡን ኤዛ አማንካያ።
JOH 12:39 ማህን ኢሳያሳ፥ «ኡን ኣፍታ በአመ ጋር፥ ኡን ዎዝንታ ቲራመ ጋር፥ ኡን ጾዛጎ ማቅን፥ ኤ ኡንታና ፋꬃመ ጋር፥ ጾዚ ኡን ኣፍቶ ቆቅዝዳ። ኡን ዎዝንታ ምንግዳ» ጋይደ ግሾ ኡን አማኖደስ ዳንዳእካያ።
JOH 12:41 ኢሳያሳ ይኖ ጋይዳና፥ የሱሳ ቦንችቶ ብእደ ግሾነ ኤባዝን ኦህደ ግሾ።
JOH 12:42 ማቅኮን፥ አይሁደ Ꮉላቁንꬃፓ ጋሙንꬅ የሱሳ አማንዳ። የዝን ፋርሳዉንꬅ ፋና አይሁዱንꬅ ዎሳ ኬꬃፓ ከሶዳ ጋእ ዣሽትደ ግሾ አማንዳ ጋእ ቆንጨ ማርክꬍካያ።
JOH 12:43 ይኖ ኡን ኦችደ፥ ጾዘ ቦንቾፓ አꬊ አስ ቦንቾ ካꬍደ ግሾ።
JOH 12:44 የሱሳ ፋ ቃልቶ ꬎቅ ዪዚ፥ «ታና አማንዘ ኦደን ታና ኪተዛን አማናነፕ አትን ታና ጻላላ አማኖስ።
JOH 12:45 ታና በእዘ ኦደን ታና ኪተዛን በእነ።
JOH 12:46 ታና አማንዘ ኡባ ꬉማ የዛመ ፋና ታ ፎኦ ማቂ አላመ ይእዳ።
JOH 12:47 ታ ቃልቶ ስእ ኪትንቶሳ ኦናን ታ ፍርዶስ። አኮስ ጋይኮ፥ ታ አላምቶ አሾደስ ይእዳፕ አትን ፍርዶደስ ይእካያ።
JOH 12:48 ታና እጽዛያን ታ ቃልቶ ኤኮሳ ኦናን ፍርድዘ የነ። ታ ኦህደ ቃልታ ዉርሱꬅ ቃማ የ አꬃ ፍርዶዳ።
JOH 12:49 አኮስ ጋይኮ፥ ታ ይኖ ታፓ ኦሆስ፥ የዝን ታና ኪተዘ ታ አዳይ ታ ጋዉዳኖን ኦሆዳኖ ኪትዳ።
JOH 12:50 ማህ ኤ ኪታን መዽና ደኦ ማቅዳኖ ታ ኤራነ። ይኒ ግሾ፥ ታ ኦህዛና ታ አዳይ ታስ ኦህዳኖ» ያጋይዳ።
JOH 13:1 ፋስጋ ቦንችዘ ቃምታ የሎዳንፓ ቲኖ Ꮉና አላምቶ አሺ አደጎ ቅትዘ ዎደ የልዳኖ የሱሳ ኤራነ። Ꮉና አላምተ የዘ ፋ አሱንꬃና ኡባ ዎደ ካꬋነ፤ ዉርሱꬅ የሎደስ ኡንታና ካꬋነ።
JOH 13:2 የሱሳራን ኤ ታማሩንꬃራ ዎላ ካዎ ሙነ። ይንፓ ቲኖ ጻላሄ ስሞና ናአ አስቆሮቱ ይሁዳ የሱሳ አꬂ እንጎደጋራ ኤ ዎዝንተ ኢታ ቆፋ ጋድዳ።
JOH 13:3 የሱሳ አዳይ ኡባባዝቶ ኤ ኩሽተ ጋድዳኖ፥ ኤ ጾዘ ካለፓ ይእዳኖን ማቂ ኤጎ ኡዶዳኖ ኤራነ።
JOH 13:4 የሱሳ ካዎፓ ደንዲ ካታራ የዘ ማእቶ ቃሪ ጋዲ፥ አፉላ ሎዶ ኤኪ ፋ ቃዝንተ ዳንጭዳ።
JOH 13:5 ይንፓ ማቂ፥ Ꮉꬅ ጋባተ ፋቅ፥ ፋ ታማሩንꬅ ቶህቶ ሜጭዳ፤ ማህ ፋ ቃዝንተ ዳንጭደ አፉላ ሎዶራ ኡጭዳ።
JOH 13:6 የሱሳ ስሞን ጴጥሮሳጎ የልደ ዎደ ጴጥሮሳ፥ «ላꬆ፥ ነ ታ ቶህቶ ሜጮዳነ?» ያጋይዳ።
JOH 13:7 የሱሳ ማህ ኤጎ፥ «ታ ኦችዛኖ ነ Ꮉተ ኤሮስ፥ የዝን ሱባፓ ቲሮዳ» ያጋይዳ።
JOH 13:8 ዬዝን፥ ጴጥሮሳ፥ «ነ ታ ቶህቶ መꬍናስ ሜጫማ» ያጋይዳ። የሱሳ ኤጎ፥ «ታ ነ ቶህቶ ሜጫንጽኮ ኔስን ታስ ፈተትꬅ ባያ» ያጋይዳ።
JOH 13:9 ጴጥሮሳ የሱሳጎ፥ «ላꬆ፥ ዬዛኮ፥ ታ ቶህቶ ጻላላ ማቅካይዝን ታ ኩሽቶን ታ ኦምቶን ኡባ ሜጮ» ያጋይዳ።
JOH 13:10 የሱሳ ማህ፥ «ጋላ ማትንትደ ኦደን ቶሄፓ መለባዝ ማትንቶደስ ቤዞስ፤ ኤስ ኡባ ጋልታ ጌሽ። ይን ጌሽ፥ የዝን ኡቡንꬅ ጌሽ ባያ» ያጋይዳ።
JOH 13:11 የሱሳ ፋና አꬂ እማደ አꬄ ኦና የዛኮ ኤርዘ ግሾ «ይን ኡቡንꬅ ጌሽ ባያ» ያጋይዳ።
JOH 13:12 ኡን ቶህቶ ሜጭዳንፓ ማቂ የሱሳ ፋ ማእቶ ማህ ማእዳ። ማቂ ኡን ግዳ በቲ ኡንታጎ፥ «ታኒ ይንትስ ኦችዳኖ ቲራነ?
JOH 13:13 ይን ታና አስታማረን ላꬅን ጋነ፤ ታኒ ይን ጋዛን ፋና ማቅደ ግሾ ሎኦ ጋይዳ።
JOH 13:14 ታ ይንትስ ላꬅን አስታማረ ማቅተራ ይን ቶህቶ ሜጭኮ ይንትን ፈተ ፈተስ ይኒ ጋራ ኦቾደስ ቤዛነ።
JOH 13:15 ይኬ፥ ታ ይንትስ ኦችዳን ጋር ይንትን ኦቾደ ጋር ታ ይንትስ አዝዘ እንግዳ።
JOH 13:16 ታ ይንትስ ቱሮ ቱሮ ጋነ፤ አሮ ፋ ላꬄፓ፥ ኪትንትዘን ኪትደፓ አꬎኦስ።
JOH 13:17 ይን ይኖ ኤሪ ኦችዛ ማቅኮ አንጅንትዱንꬃና።
JOH 13:18 «ታ ይን ኡቡንꬃና ጋኦስ፤ ታ ዶርዱንꬃና ታ ኤራነ። የዝን ጌሽ ማጻፍተ፥ ‹ታ ቦርዛ ሙይደ ታላ ደንድዳ› ጋእንትዳና ቱሮ ማቃደስ ቤዛነ።
JOH 13:19 ታኒ ታና ማቅዛኖ ይን አማኖደ ጋር ይና Ꮉኖዳንፓ ቲኖ ይንትስ ኦህነ።
JOH 13:20 ታ ይንትስ ቱሮ ቱሮ ጋነ፤ ታ ኪትደ አꬃ ሞክዘ ታና ሞካነ። ታና ሞክዘ ኦደን ታና ኪተዛ ሞካነ» ያጋይዳ።
JOH 13:21 የሱሳ ይኖ ኦህዳንፓ ማቂ ፋ ዎዝንተ ጋማ ኡንእንት፥ «ታ ይንትስ ቱሮ ቱሮ ጋነ፤ ታና ይንታፓ ፈተ አꬂ እንጎዳ» ጋእ ቆንጭዝ ኦህዳ።
JOH 13:22 ኤ ኦህዳና ታማሩንꬅስ ኤርንታንጽን ዎል ብእዳ።
JOH 13:23 ኤ ታማሩንꬃፓ ፈተ፥ የሱሳ ካዽዘ፥ የሱሳ ካለ በትዳ።
JOH 13:24 ይኒ ግሾ፥ ስሞን ጴጥሮሳ ኤዛ ማሊ፥ «ኤ ኦና ጋዛኮ አነ ኦጮ» ያጋይዳ።
JOH 13:25 ይኒ ግሾ፥ የ ታማርዘ የሱሳጎ ሺቂ፥ «ላꬆ፥ ኤ ኦደ?» ያጋይዳ።
JOH 13:26 የሱሳ ማህ፥ «ታ ቦራ ባጽ ቱሺ ባርስዛያ» ያጋይዳ። ማህን ቦራ ባጽ ኤኪ፥ ቱሺ፥ ስሞና ናአይ አስቆሮቱ ይሁዳስ እንግዳ።
JOH 13:27 ይሁዳ ቦርዛ ባርዳንፓ ማቂ ጻላሄ ኢራ ይሁዳ ግዳ ገልዳ። የሱሳ ኤጎ፥ «ነ ኦቾደስ ቆፐዛኖ ኤልሲ ኦቾ» ያጋይዳ።
JOH 13:28 የዝን በቴዙንꬃፓ ኦደን የሱሳ ይኖ አኮስ ኤጎ ጋኤዛኮ ኤርካያ።
JOH 13:29 ይሁዳ ብራ አይክዘ ግሾ ኤዛ ታማሩንꬃፓ ፈተ ፈተ የሱሳ ኤዛ፥ «ፋስጋ ቦንችዘ ቃማስ ፋስ ቤዝዘ ባዝ ዎንጎ ዎይ ዳሁንꬅ ሙጻተ እንጎ ጋይዳ» ያጋእ ቆፕዳ።
JOH 13:30 ይሁዳ ቦርዛ ኤክደ ፋና ኢራ ባለ ከዝዳ። የ ዎደ ሳእታ ቃማ።
JOH 13:31 ይሁዳ ባለ ከዝዳንፓ ማቂ፥ የሱሳ፥ «Ꮉተ አስ ናአይ ቦንችንትዳ፤ ጾዝን ኤ ባጋራ ቦንችንትዳ።
JOH 13:32 ጾዚ ኤ ባጋራ ቦንችንትን ኤ ፋ ኦምተ አስ ናአያ ቦንቾዳ፤ ማህ ኤ ይኖ ኤልሲ ዪሳዳ።
JOH 13:33 ታ ናኡንꬆ፥ ታ ይንታራ ጋማ ዎደ ጋምኦስ። ይን ታና ኮዮዳ፥ የዝን ታ አይሁዱንꬅስ ኦህዛን ጋር፥ ‹ይን ታኒ ቅትደ በስቶ ዮኦደስ ዳንዳኦስ።›
JOH 13:34 ታ ይንትስ እንግዘ ክለ ኪታ Ꮉኖ፤ ፈተ ፈታ ካꬎተ። ታ ይንታና ካꬍዳንፋና ይን ፈተ ፈታ ካꬎደስ ቤዛነ።
JOH 13:35 ይን ፈተ ፈተራ ካꬍንትኮ ይን ታ ታማሩንꬃና ማቅዛኖ አስ ኡባ ይነ ኤሮዳ» ያጋይዳ።
JOH 13:36 ስሞን ጴጥሮሳ የሱሳጎ፥ «ላꬆ፥ ነ አባ ቅተ?» ያጋይዳ። የሱሳ ማህ፥ «ታ ቅትዘ በሳ ነ Ꮉተ ካሎደስ ዳንዳኦስ፥ የዝን ሱባፓ ታና ካሎዳ» ያጋይዳ።
JOH 13:37 ጴጥሮሳ፥ «ላꬆ፥ ታ ነና Ꮉተ ካሎደስ አኮስ ዳንዳኦሳ? ታ ነ ግሾ Ꮉይቆደስን ጊጊ በትዳ» ያጋይዳ።
JOH 13:38 የሱሳ ማህ፥ «ታ ግሾ Ꮉይቆደስ ቱሮ ጊጊ በትዳ? ታ ኔስ ቱሮ ቱሮ ጋነ፤ ሉኩለ ኡኮዳንፓ ቲኖ ነ ታና Ꮉይꬕ ቶሄ ካዶዳ» ያጋይዳ።
JOH 14:1 የሱሳ ፋ ታማሩንꬃጎ፥ «ይን ዎዝንታ ይርግፐ፥ ጾዛ አማኖተ፥ ታናን አማኖተ።
JOH 14:2 ታ አዳይ ኬꬃ ጋማ በሲ የነ። ታ ይንትስ በሲ ጊግሳደስ ቅታነ። ይና ባይዛኮ ታ ይንትስ ኦሆድ የሻ።
JOH 14:3 ታ ኡዲ በሲ ጊግዝዳንፓ ሱባ ታ የዘ በስተ ይን የሳደ ጋር ላምእንꬃ ይእ ይንታና ታጎ ኤኮዳ።
JOH 14:4 ይን ታ ቅትዘ በስቶን ኦግቶ ኤራነ» ያጋይዳ።
JOH 14:5 ዬዝን፥ ቶማሳ፥ «ላꬆ፥ ነ ቅትዘ በስቶ ኑ ኤሮስ፤ ኦግቶ ዋይዝ ኤሮደስ ዳንዳኦደ?» ያጋይዳ።
JOH 14:6 የሱሳ ማህ፥ «ኦገ፥ ቱሮን ደኦን ታና። ታ ባጋራ ማቃንጽኮ ኦደን ታ አደጎ ዮኦደስ ዳንዳኦስ።
JOH 14:7 ይን ታና ኤርዛኮ፥ ታ አዳያን ኤሮዳ። የዝን ይኬፓ አይኪ ይን ኤዛ ኤራነን ኤዛ ብእዳ» ያጋይዳ።
JOH 14:8 ፍልጶሳን የሱሳጎ፥ «ላꬆ፥ አዳያ ኑና ቤዛኮ፤ ኑስ ማቃዳ» ያጋይዳ።
JOH 14:9 የሱሳን ማህ፥ «ታ Ꮉኒ ጋርዘ ዎደ ይንታራ የዝን ታና ኤሮስተ? ታና በኤዘ አꬄ አዳያን ብእዳ። ዬዝን፥ ነ ዋይዝ፥ ‹አዳያ ኑና ቤዞ› ጋኤ?
JOH 14:10 ታኒ አደራ ፈቶ ማቅዳኖን አደን ታራ ፈቶ ማቅዳኖ ነ አማኖሳነ? ታ ይንትስ ኦህዘ ቃልቶ ታ ታፓ ኦሆስ፥ የዝን ታ ግዳ የዘ አዳይ ኤ ፋ ኦችቶ ኦቻነ።
JOH 14:11 ታኒ አዳይ ግዳ የዛኖን አደን ታ ግዳ የዛኖ አማኖተ። ይኖ አማናንጽኮ ታ ኦችተ ታና አማኖተ።
JOH 14:12 «ታ ይንትስ ቱሮ ቱሮ ጋነ፤ ታና አማንዘ አꬄ ታ ኦችዘ ኦቻ ኤ ኦቾዳ። ታ አደጎ ቅትዘ ግሾ ታና አማንዘ ኦደን Ꮉንፓ አꬍዘ ኦቻ ኦቾዳ።
JOH 14:13 አዳይ ናአይ ባጋራ ቦንችንቶደ ፋና ታ ሱንꬅተ ይን ዎስዘ ባዝ ኡባ ታ ይንትስ ዪሳዳ።
JOH 14:14 ታ ሱንꬅተ አኮ ባዝን ይን ኦጭኮ ታ ይንትስ ኦቾዳ።
JOH 14:15 «ይን ታና ካꬍኮ ታ ኪቶ ናጎተ።
JOH 14:16 ታኒ ታ አዳያ ዎሶዳ፤ ይንታራ መዽና የሳደ ጋር ምንꬅꬅዛ ይንትስ እንጎዳ።
JOH 14:17 የ አያንዘ ጾዘ ቱሮ ቤዛነ። Ꮉና አላምተ አሱንꬅ ኤዛ ብእካይዘ ግሾን ኤሮሰ ግሾ ኤዛ ኤኮደስ ዳንዳኦስ። የዝን ኤ ይንታራ የዘ ግሾን ይን ግዳ የሳደ ግሾ ይን ኤዛ ኤራነ።
JOH 14:18 «ታ ይንታና እንዳን አደን ባይዘ ናአ ጋር ይን ጻላላ አሾስ፤ ማቂ ይንታጎ ዮኦዳ።
JOH 14:19 ኤራꬅ ዎደፓ ሱባ አላመ ታና ማህ ቦኦስ፥ የዝን ይን ቦኦዳ። ታ ደኦ ማቅደ ግሾ ይንትን ደኦ የሳዳ።
JOH 14:20 ታ ታ አዳይ ግዳ፥ ይን ታ ግዳ፥ ማህ ታ ይንታራ የዛኖ ይን የ ዎደ ኤሮዳ።
JOH 14:21 «ታ ኪቶ ኤኪ ናግዘ ታና ካꬋነ። ታና ካꬍዛያ ታ አደን ካꬋነ፤ ታንን ኤዛ ካꬋነ፤ ታንን ታናትꬅቶ ይንትስ ጌሾዳ» ያጋይዳ።
JOH 14:22 አስቆሮቱ ይሁዳ ማቅካይዘ ይሁዳ የሱሳጎ፥ «ላꬆ፥ ነ ዋይዝ አላመስ ማቅካይዝን ኑስ ነና ቆንጭሳደ?» ያጋይዳ።
JOH 14:23 የሱሳ ማህ፥ «ታና ካዽዘ ኦደን ታ ቃልቶ ናጎዳ። ታ አዳይ ኤዛ ካꬎዳ። ኤጎ ኑ ዮኦዳ። ኤራ የሳዳ።
JOH 14:24 ታና ካꬎኦሰ ኦደን ታ ቃልቶ ናጎስ። ይን ስእዘ ቃልታ ታና ኪትደ አደ ባዛፕ አትን ታ ባዝ ባያ።
JOH 14:25 «ታ ይንታራ Ꮉተ የዘ ግሾ ይኖ ይንትስ ኦህዳ።
JOH 14:26 የዝን አዳይ ታ ሱንꬅተ ኪትዘ ምንꬅꬅዘ ጌሽ አያና፥ ይንታና ኡባባዝቶ ታማርሶዳ። ታ ይንትስ ኦህዳኖ ኡባ ኤ ይንታና ቆፍሳዳ።
JOH 14:27 «ሳሮ ይንትስ አሾዳ። ታኒ ታ ሳርቶ ይንትስ እንጎዳ። ታ እንግዘ ሳሮትꬅታ አላመ እንግዘ ሳሮትꬅት ፋና ባያ። ይኒ ግሾ፥ ይን ዎዝንታ ይርግፐን፥ ዣሽትፐ።
JOH 14:28 ‹ታ ቅቶዳ፥ የዝን ማቂ ይንታጎ ዮኦዳ› ጋይዳኖ ይን ስእዳ። ይን ታና ቱሮ ካꬍዘባዝ ማቅኮ ታ አዳይ ታፓ አꬍዘ ግሾ ታ ኤጎ ቅትዛነ ይን ኡፋይቶዳ።
JOH 14:29 ይና ዪዘ ዎደ ይን አማኖደ ጋር ይና Ꮉንካይዝን ቲኖ ታ ይንትስ ኦህዳ።
JOH 14:30 «Ꮉና አላምቶ አህዘ የእዘ ግሾ ይኬፓ ሱባ ይንታራ ጋማ ኦህንቶስ። ታና ኤ አኮን ኦቾደስ ዳንዳኦስ።
JOH 14:31 የዝን ታ አዳያ ካꬍዛኖ አላመ ኤሮደ ጋር ታ አዳይ ታና ኪተዛኖ ኡባ ዪሳዳ። ደንዶተ፤ Ꮉንፓ የꬎተ።
JOH 15:1 «ታ ዎይነስ ቱሪ ኡዙማ፥ ዎትዘን ታ አዳያ።
JOH 15:2 ታ ግዳ የዘ ኣፈ አፎሰ ታሽቶ ኡባ ኤ ጋቺ Ꮉሶዳ። ኣፍዘ ታሽቶ ካሰንፓ ጋንꬅ አፎደ ፋና ይና ታሽቶ ኤ ኮሺ ጊግሳዳ።
JOH 15:3 ታ ይንትስ ኦህደ ቃልት ግሾ ይን ጌሽ።
JOH 15:4 ታ ግዳ የዞተ፤ ታንን ይን ግዳ የሳዳ። ዎይነስ ታሸ ኡዙምዘላ የዛንጽኮ የ ታሽዘ ፋ ፋስ ኣፈ አፎደስ ዳንዳኦስ። ይኒ ፋና፥ ይንትን ታ ግዳ የዛንጽኮ ኣፈ አፎደስ ዳንዳኦስ።
JOH 15:5 «ታኒ ዎይነስ ኡዙማ፤ ይን ታሸ። ታላ የዘን ታንን ኤ ግዳ የዘ፥ ኤ ጋማ ኣፈ አፎዳ። ታ ባይዝን ይን ጻላላ አኮን ኦቾደስ ዳንዳኦስ።
JOH 15:6 ታላ የዞሰ ታሸ ፋና አላ ኦልንት መሎዳ። ይኒ ፋና ታሹንꬃን ሺሺ ታማ ኦሎዳ፥ ምቾዳ።
JOH 15:7 ይን ታር የዝኮ፥ ታ ቃልታን ይንግዳ የዝኮ፥ ይን ኮይዘ ባዝ አኮ ማቅኮን ዎሶተ፤ ይን ኤኮዳ።
JOH 15:8 ይን ጋማ ኣፈ ኣፍዘ ታ ታማሩንꬃና ማቅኮ፥ ይነ ታ አዳይ ቦንችንቶዳ።
JOH 15:9 አዳይ ታና ካꬍዛን ጋራ ታንን ይንታና ካꬋነ፤ ታ ሲቅተ የዞተ።
JOH 15:10 ታኒ ታ አዳይ ኪቶ ናጊ ኤ ሲቅተ የዝዳንጋራ ይንትን ታ ኪቶ ናግኮ ታ ሲቅተ የሳዳ።
JOH 15:11 «ታ ኡፋይስታ ይንግዳ ፎልንቶደ ፋናን ይን ኡፋይስታ ፎሎ ማቃደ ፋና ታ ይንትስ ይኖ ኦህዳ።
JOH 15:12 ታ ኪታ Ꮉኖ፤ ታ ይንታና ካꬍዛን ፋና ይንትን ፈተ ፈታ ካꬎተ።
JOH 15:13 ፋ ሸምፕቶ ፋ ላጉንꬅስ እንግዛንፓ አꬍዘ ዳማ ሲቆ ባያ።
JOH 15:14 ታ ይንታና ኪትዳኖ ኡባ ኦችኮ ይን ታ ላጉንꬃና።
JOH 15:15 «አሮ ፋ ላꬃይ ኦችዘባዝ ኤሮሰ ግሾ ታ ይንታና ይኬፓ ማቂ አሩንꬃና ጋኦስ። የዝን ታ አዳያ ስእዘ ኡባ ታ ይንትስ ኦህደ ግሾ ይንታና ታ ላጉንꬃና ጋይዳ።
JOH 15:16 ታ ይንታና ዶርዳፕ አትን ይን ታና ዶርካያ። ይን Ꮉንግ ኣፈ አፎደ ፋናን ኣፈራ ይን የሳደ ፋና ሹምዳ። ይኖ ማቅኮ ታ አዳይ ይን ታ ሱንꬅትራ ዎስደባዝ ኡባ እንጎዳ።
JOH 15:17 ታ ኪታ Ꮉኖ፦ ፈተ ፈታ ካꬎተ።
JOH 15:18 «አላመ ይንታና እጽኮ ቲኖ ታና እጽዳኖ ኤሮተ።
JOH 15:19 ይን አላመባዝ ማቅዛኮ አላመ ፋ ባዝ ፋና ይንታና ካꬎድየሻ። የዝን ታ ይንታና አላመፓ ዶርደ ግሾን ይን አላመባዝ ማቅካይዘ ግሾ አላመ ይንታና እጻነ።
JOH 15:20 ‹አሮ ፋ ላꬄፓ አꬎኦስ› ጋእ ታ ይንትስ ኦህዳኖ ቆፖተ። ኡን ታና ባይእዘባዝ ማቅኮ ይንታናን ባይኦዳ። ኡን ታ ቃልቶ ናገዘባዝ ማቅኮ ይን ቃልቶን ናጎዳ።
JOH 15:21 የዝን ኡን ታና ኪተዛያ ኤሮሰ ግሾ Ꮉኖ ኡባ ታ ግሾ ይንታላ ኦቾዳ።
JOH 15:22 ታ ይእ ኦህካይዛኮ ኡንትስ ናጋራ ማቃምየሻ። የዝን Ꮉተ ኡን ኦችደ ናጋርትስ ምክናተ ባያ።
JOH 15:23 ታና እጽዘ ታ አዳያን እጻነ።
JOH 15:24 ኦደን ኦችካይዘ ኦቻ ታ ኡን ግዳ ኦቺ ብእካይዘ ባዝ ማቅዛኮ ኡንትስ ናጋራ ማቃምየሻ። የዝን Ꮉተ ኡን ታ ኦችደ ኦችቶ ብእ ታናን ታ አዳያን እጽዳ።
JOH 15:25 የዝን ኡን ህግተ፥ ‹ታና Ꮉሪ እጽዳ› ጋእንት ጻፍንትዳና ፎልንቶደ ፋና ይና ዪእዳ።
JOH 15:26 «አደፓ የእዘ ቱሪ አያና ታ ይንትስ ኪቶዳ። ኤ ይንታና ምንꬅꬆዳ፥ ታ ባዝ ማርክꬎዳ።
JOH 15:27 ይንትን ቲኖፓ አይኪ ታራ የዘ ግሾ ታ ባዝ ማርክꬎዳ።
JOH 16:1 «ታ ይኖ ይን አማንትፓ ꬉብንታመ ፋና ይንትስ ኦህዳ።
JOH 16:2 ኡን ይንታና አይሁደ ዎሳ ኬꬃፓ ከሶዳ። ይንፓን አꬊ፥ ይንታና ዎꬍዘ ኦደን ጾዚ ኮይዘ ባዝ ኦችዛ አዝዘ ዎደ የኦዳ።
JOH 16:3 ኡን ይኖ ይንታላ ኦችዘ ታና ዎይ አዳያ ኤርካይዘ ግሾ።
JOH 16:4 የዝን ኡን ይኖ ይንታላ ኦችዘ ዎድታ የልደ ዎደ ታ ይንትስ ኦህዳኖ ይን ቆፖደ ጋር ታ ይንትስ Ꮉኖ ኦህዳ። «ቲኖ ታ Ꮉኖ ይንትስ ኦህካይዛራ ጋምእዳና ታ ይንታራ የዘ ግሾ።
JOH 16:5 የዝን Ꮉተ ታኒ ታና ኪተዘጎ ቅታነ፤ ይንታፓ ኦደን፥ ‹አባ ቅተ?› ጋእ ታና ኦጭዘ ባያ።
JOH 16:6 የዝን ታ ይኖ ኦህደ ግሾ ይን ዎዝንተ ጋማ ካዮ ቆፋራ ኩምዳ።
JOH 16:7 የዝን ታ ይንትስ ቱሮ ኦህነ፤ ታ ቅትዛኮ ይንትስ ሎኦ። አኮስ ጋይኮ፥ ታ ቅታንጽኮ ምንꬅꬅዘ ይንታጎ የአማ። የዝን ታ ቅትኮ ኤዛ ይንታጎ ዳኮዳ።
JOH 16:8 ምንꬅꬅዘ ይእ፥ ናጋራስ፥ ጽሎትꬅስን ፍርዳስ Ꮉና አላመ አሱንꬃና ኦጮዳ።
JOH 16:9 ናጋራስ፥ አሱንꬅ ታና አማኖሰ ግሾ።
JOH 16:10 ጽሎትꬅስ፥ ታ አደጎ ቅትዘ ግሾን ይን ታና ማህ በአመ ግሾ።
JOH 16:11 ፍርዳስ፥ ማህ አላምቶ አህዘ ፍርድንትደ ግሾ።
JOH 16:12 «ታ ይንትስ ኦሆደ ጋማ ባዝ የነ፥ የዝን Ꮉተ ይንታና ዴጾዳ።
JOH 16:13 ቱሪ አያና ይእደ ዎደ ይንታና ቱረትꬅ ኡባጎ ካልꬆዳ። ኤ ስእደባዝ ኦሆዳፕ አትን ፋፓ አኮ ባዝን ኦሆስ። ማህ ቲኖፓ የኦደባዝ ይንትስ ኤ ኦሆዳ።
JOH 16:14 ኤ ታስ የዛንፓ ኤኪ ይንትስ ኦህዘ ግሾ ኤ ታና ቦንቾዳ።
JOH 16:15 አደስ የዘ ባዝ ኡባና ታ ባዝ፤ ‹ምንꬅꬅዘ ታስ የዛንፓ ኤኪ ይንትስ ኦሆዳ› ታ ጋይዳና ይንስ።
JOH 16:16 «ኤራꬅ ዎደፓ ሱባ ታና ይን በአማ፤ ማህ ኤራꬅ ዎደፓ ሱባ ይን ታና ቦኦዳ» ያጋይዳ።
JOH 16:17 ኤ ታማሩንꬃፓ ፈተ ፈተ ዎል ግዳ፥ «‹ኤራꬅ ዎደፓ ሱባ ይን ታና በአማ፤ ማህ ኤራꬅ ዎደፓ ሱባ ይን ታና ቦኦዳ›፤ ማህን ታ አደጎ ቅቶዳ ጋዛና አኮ ጋእንተ?» ጋእ ዎላ ኦህንትዳ።
JOH 16:18 ይኬ «ኤራꬅ ዎደፓ ሱባ ጋዛና አኮ ጋኤ? ኤ አኮ ኦህዛኮ ኑስ ኤርንቶስ» ያጋይዳ።
JOH 16:19 ኡን ኤዛ ኦጮደስ ኮይዛኖ የሱሳ ኤሪ፥ «ታኒ፥ ‹ኤራꬅ ዎደፓ ሱባ ታና በአማ፤ ማህ ኤራꬅ ዎደፓ ሱባ ይን ታና ቦኦዳ› ጋይዳንስ ይን ፈተ ፈታ ኦጫነ?
JOH 16:20 ታኒ ይንትስ ቱሮ ቱሮ ጋነ፤ ይን ዬኮዳን ዘለሎዳ፥ የዝን Ꮉና አላምታ ኡፋይቶዳ። Ꮉተ ይን አዛኖዳ፥ የዝን ይን አዛንታ ኡፋይሳ ላምንቶዳ።
JOH 16:21 ፈቲ ማችታ ናአ የሎደስ ዪእዘ ዎደ ፋ የልዘ ዎድታ የልደ ግሾ ይርጋነ። የዝን ናአ የልዳንፓ ሱባ ናአ Ꮉና አላምተ የልንትደ ኡፋይስት ግሾ ፋ ኡንእቶ ቦታነ።
JOH 16:22 ይኒ ጋር፥ ይንትን ይን ዎዝንተ አዛናነ፥ የዝን ታኒ ይንታና ማህ ቦኦዳ። ይን ዎዝንታ ጋማ ኡፋይቶዳ፤ ይና ኡፋይስቶ ኦደን ይንታፓ ኤኮስ።
JOH 16:23 «የ ዎደ ይን ታና አኮ ባዝን ዎሳማ። ታ ይንትስ ቱሮ ቱሮ ጋነ፤ ይን ታ ሱንꬅተ ዎስዘ ባዝ ኡባ አዳይ ይንትስ እንጎዳ።
JOH 16:24 Ꮉኖ የሎደስ ታ ሱንꬅተ አኮ ባዝን ዎስካያ። ይን ኡፋይስታ ፎሎ ማቃደ ጋር ዎሶተ፤ ይን ኤኮዳ።
JOH 16:25 «ታኒ Ꮉኖ የሎደስ ይንትስ አዝዘራ ኦህዳ፥ ይኬፓ ታኒ አዝዘራ ኦሆሰ ዎደ የኦዳ። የዝን አደባዝ ታ ይንትስ ቆንጭዝ ኦሆዳ።
JOH 16:26 የ ዎደ ይን ታ ሱንꬅተ አዳያ ዎሶዳ፤ ይን ግሾ ታኒ ታ አዳያ ዎሶዳ ጋኤ ባያ።
JOH 16:27 አኮስ ጋይኮ፥ አዳይ ፋ ኦምተ ይንታና ካꬋነ። ይን ታና ካዽዘ ግሾን ታ አዳይ ካለፓ ዪዳኖ አማንዘ ግሾ ኤ ይንታና ካꬋነ።
JOH 16:28 ታ አዳይ ካለፓ Ꮉና አላምተ ዪዳ፤ ማህ አላምቶ አሺ አደጎ ቅቶዳ» ያጋይዳ።
JOH 16:29 ኤ ታማሩንꬅ ማህ፥ «ይኬ፥ Ꮉተ ኔኒ ቆንጭዝ ኦህነፕ አትን፤ አዝዘራ አኮን ኦሆስ።
JOH 16:30 ነ ኡባ ባዝ ኤርዛኖ ኦናን ኦጮደስ ኮዮሳኖ ኑ Ꮉተ ኤራነ። ይኒ ግሾ ነ ጾዛፓ ኪትንትዳና አማንꬃነ» ያጋይዳ።
JOH 16:31 ዬዝን፥ የሱሳ ማህ ኡንታጎ፥ «Ꮉተ ይን አማናነ?
JOH 16:32 ይኬ፥ ይን፥ ይን ካራ ይን ካራ ላልንቲ ታና ታ ጻላላ አሺ አሺ ኣችንቶደ ዎደ የኦዳ፤ Ꮉተን የልዳ። የዝን አዳይ ታራ የዘ ግሾ ታ ታ ጻላላ ባያ።
JOH 16:33 ይን ታራ የዝን ሳሮ ይንትስ የሳደ ፋና ታ ይኖ ኦህዳ። አላመ ግዳ የዝተር ይን ዋይንቶዳ። የዝን ምንጎተ፤ ታኒ አላምቶ ጋምዳ» ያጋይዳ።
JOH 17:1 የሱሳ ይኖ ኦህዳንፓ ሱባ ኡደ ሳሎ ብእ፥ Ꮉንጋራ ያጋይዳ፦ «ታ አዳዮ፥ ቃምታ የልዳ፤ ነ ናአይ ነና ቦንቾደ ጋር ኔኒ ነ ናአያ ቦንቾ።
JOH 17:2 ነ ኤስ እንግደ ኡቡንꬅስ ኤ መዽና ደኦ እንጎደ ፋና አስ ኡባላ ኤስ አደትꬅ ዎልቃ እንግዳ።
JOH 17:3 መዽና ደኦ፥ ነና፥ ፈቲ ቱሪ ጾዛን ነ ኪትደ የሱስ ክርስቶሳ ኤረ።
JOH 17:4 ነ ታ ኦቾደ ፋና እንግደ ኦችቶ ፋዲ ነና ሳአላ ቦንችዳ።
JOH 17:5 Ꮉተን፥ አዳዮ፥ አላመ መꬍንቶዳንፓ ቲኖ ነ ካለ ታስ የዘ ቦንችተ ታና ቦንቾ።
JOH 17:6 «አላመ አሳፓ ነ ታስ እንግዱንꬃና ነና ኤርስዳ። ኡን ነባዝ፤ ነ ኡንታና ታስ እንግዳ። ኡን ነ ቃልትስን ኪትንትዳ።
JOH 17:7 ነ ታስ እንግደ ኡባ ባዝታ ኔፓ ዪዳኖ ኡን Ꮉተ ኤራነ።
JOH 17:8 ነ ታስ እንግደ ቃልቶ ታ ኡንትስ እንግዳ፤ ኡንትን ይና ቃልቶ ኤክዳ። ታ ነ ካለፓ ይእዳና ቱሮ ማቅዳኖ ኤሪ ነ ታና ኪትዳኖ አማንዳ።
JOH 17:9 «ታ ኡንትስ ዎሳነ። ኡን ነባዝ ማቅደ ግሾ ነ ታስ እንግደ አሱንꬅስ ዎሳነፕ አትን አላመስ ዎሶስ።
JOH 17:10 ታስ የዛና ኡባ ነባዝ፤ ኔስ የዛና ኡባ ታስ። ታ ኡን ባጋራ ቦንችንትዳ።
JOH 17:11 ታ ይኬፓ ሱባ አላምተ ጋምኦስ፤ ኡን አላምተ የነ። ታ Ꮉተ ኔጎ ቅታነ። ጌሽ አዳዮ፥ Ꮉንስ ነ ታስ እንግዱንꬅ ኔራን ታራን ፈቶ ማቅዳን ጋራ ኡን ፈቶ ማቃደ ጋር ኡንታና ነ ታስ እንግደ ነ ሱንꬅተ ናጎ።
JOH 17:12 ታ ኡንታራ ሳአ የዝተራ፥ ነ ታስ እንግደ ነ ሱንꬅተ ኡንታና ናግዳ። ጌሽ ማጻፍታ ጋይዳና ፎልንቶደ ጋር ꬋበ ቤዘ አꬄፕ አትን ኡንታፓ መለ ኦደን ꬋብካያ።
JOH 17:13 «Ꮉተ ታ ኔጎ የኦዳ። ታ ኡፋይስታ ኡን ዎዝንተ ፎሎ ማቃደ ጋር Ꮉኖ ታ አላምተ የዛራ ኦህነ።
JOH 17:14 ታ ኡንትስ ነ ቃልቶ እንግዳ። ታ አላመፓ ማቅካይዛን ፋና፥ ኡንትን አላመፓ ማቅካይዘ ግሾ አላመ ኡንታና እጽዳ።
JOH 17:15 ነ ኢታፓ ኡንታና ናጎደ ጋራፕ አትን አላመፓ ከሶዳ ጋር ዎሶስ።
JOH 17:16 ታኒ አላመፓ ባይዛን ፋና ኡንትን አላመፓ ባያ።
JOH 17:17 ኔኒ ነ ቱርተ ኡንታና ጌሾ፤ ነ ቃልታን ቱሮ።
JOH 17:18 ነ ታና አላመ ኪትዳን ፋና ታንን ኡንታና አላመ ኪትዳ።
JOH 17:19 ማህ ኡን ቱሮ ጌሽ ማቃደ ጋር ኡን ግሾ ታ ታ ኦምቶ ጌሾዳ።
JOH 17:20 «ታኒ ኡን ጻላላስ ማቅካይዝን ኡን ቃልትፓ ደንዲ፥ ታና አማኖዱንꬅስን ዎሳነ።
JOH 17:21 ኡን ኡቡንꬅ ፈቶ ማቃደ ጋር ታ ዎሳነ። አዳዮ፥ ነ ታ ግዳ የዛንጋራ፥ ማህ ታ ነ ግዳ የዛንጋራ ኡን ነ ግዳ የሳደ ጋር ዎሳነ። የ ዎደ ነ ታና ኪተዛኖ አላመ አማኖዳ።
JOH 17:22 ኔንን ታንን ፈቶ ማቅዳን ጋራ፥ ኡንትን ፈቶ ማቃደ ጋር፥ ነ ታና ቦንችዳን ጋራ፥ ታንን ኡንታና ቦንችዳ።
JOH 17:23 ታ ኡን ግዳ፥ ኔኒ ታ ግዳ የዛንጋራ ኡን ፎሎ ፈቶ ማቃደ ጋር ነና ዎሳነ። ይናን፥ ነ ታና ኪተዛኖ ነ ታና ካꬍደ ካꬍተ ኡን ካꬍዳኖ አላመ ኤሮደ ጋር።
JOH 17:24 «አዳዮ፥ ነ ታስ እንግዱንꬅ ታ የዘ በስተ ታራ የሳደ ጋር ኮያነ። አላመ መꬍንቶዳንፓ ቲኖ ነ ታና ካꬍደ ግሾ ታስ እንግደ ታ ቦንችቶ ኡን ቦኦዳ።
JOH 17:25 «ጌሽ ታ አዳዮ፥ አላመ ነና ኤሮስ፥ የዝን ነና ታ ኤራነ። ማህ ነ ታና ኪተዛኖ Ꮉንስ ኤራነ።
JOH 17:26 ነ ታና ሲቅደ ሲቅታ ኡን ግዳ የሳደ ጋር፥ ማህ ታኒ ኡን ግዳ የሳደ ጋር፥ ታ ነ ሱንꬅቶ ኡንታና ኤርስዳ፤ ቲኖስን ኤርሶዳ» ያጋይዳ።
JOH 18:1 የሱሳ ዎሳ Ꮉስዳንፓ ማቂ ፋ ታማሩንꬃራ ቀድሮነ ቦርካ ፊንግ፥ ይና በስተ የዘ አታክልተ ግዳ ገልዳ።
JOH 18:2 የሱሳ ኡባ ዎደ ፋ ታማሩንꬃራ እዘ ሺቅዘ ግሾ የሱሳ አꬂ እንግደ ይሁዳ ይና በስቶ ኤራነ።
JOH 18:3 ይኒ ግሾ፥ ይሁዳ ፋኖሰ፥ ጾምፐ፥ ኦላ ሚሸ አይክደ ጋማ ዎታዳሩንꬃና፥ ካህኑንꬅ Ꮉላቁንꬅን ፋርሳዉንꬅ ኪትደ ጾዘ ኬꬅቶ ናግዘ ፖሊሱንꬃና ካልꬅ ኤኪ፥ ይና በስቶ Ꮉንግዳ።
JOH 18:4 የሱሳ ፋና የሎደ ባዝ ኡባ ኤሪ፥ ጋጻ ኬዚ፥ «ኦና ኮየተ?» ያጋይዳ።
JOH 18:5 ኡን ማህ፥ «ናዝረተ የሱሳ ኮያነ» ያጋይዳ። ኤ ማህ፥ «ታኒ የሱሳ» ያጋይዳ። የሱሳ አꬂ እንግደ ይሁዳ እዘ ኡንታራ ኤቅዳ።
JOH 18:6 ኤ፥ «ታኒ የሱሳ» ጋይደ ዎደ ኡን ሱብ ሺቂ፥ ሳአ ጎልእዳ።
JOH 18:7 የሱሳ ማህ፥ «ኦና ኮየተ?» ያጋእ ኦጭዳ። ኡንትን፥ «ናዝረተ የሱሳ ኮያነ» ያጋይዳ።
JOH 18:8 ኤ ማህ፥ «ታኒ የሱሳ ማቅዛኖ ይንትስ ኦህዳ። ይኬ፥ ይን ታና ኮይዘ ባዝ ማቅኮ Ꮉንስ ቅቶ ጋኦ አሾተ» ያጋይዳ።
JOH 18:9 ኤ ይኖ ጋይደ፥ «አዳዮ፥ ነ ታስ እንግዱንꬃፓ መለ አቶ የዝን ፈታን ꬋብስካያ» ጋይደ ቃልታ ፎልንቶደ ፋና።
JOH 18:10 ስሞን ጴጥሮሳስ ማሻ የነ። ኤ የ ማሽዛ ሾዲ ካህኑንꬅ Ꮉላቃ አርዘስ ምዛቅ Ꮉይዛ ጋቺ ኦልዳ። የ አርዘ ሱንꬅታ ማልኮሳ።
JOH 18:11 የሱሳ ጴጥሮሳጎ፥ «ነ ማሽዛ ሾክተ ገልꬆ። ታ አዳይ ታስ እንግደ ጹእትፓ ታ ኡዣማነ?» ያጋይዳ።
JOH 18:12 ሮመ ዎታዳሩንꬅን ኡን Ꮉላቅዘ ጾዘ ኬꬅቶ ናግዘ ፖሊሱንꬃራ ዎላ የሱሳ አይኪ አጭዳ።
JOH 18:13 ቲኖ የሱሳ ሃናጎ ካንግዳ። ሐና ይና በርተ ካህኑንꬅ Ꮉላቃ ማቅደ ቃያፋ ቦሌ።
JOH 18:14 ቃያፋ፥ «ዎርዣ ግሾ ፈቲ አስ Ꮉይቂኮ ሎኦ» ጋእ ቲኖ አይሁዱንꬃና ዞሪዳያ።
JOH 18:15 ስሞን ጴጥሮሳን መለ ፈቲ ታማርዘ የሱሳ ካሊ Ꮉንግዳ። ካህነ Ꮉላቅዘ የ መለ ታማርዛ ሎይꬂ ኤራነ። ይኒ ግሾ፥ ኤ የሱሳራ ካህኑንꬅ Ꮉላቅዘ ግበ ገልዳ።
JOH 18:16 የዝን ጴጥሮሳ ጋሰፓ ባለራ ኤቅዳ። ካህኑንꬅ Ꮉላቅዘ ኤርዘ መለ ታማርዘ ባለ ኬዚ፥ ፉርꬅቶ ናግዘ ናትስ ኦህ፥ ጴጥሮሳ ገልꬅዳ።
JOH 18:17 ፉርꬅቶ ናግዘ ናታ ጴጥሮሳጎ፥ «ነ፥ የ አꬄ ታማሩንꬃፓ ፈታ ባነ?» ያጋይዳ። ጴጥሮሳ ማህ፥ «አደ፥ ታና ባያ» ያጋይዳ።
JOH 18:18 ሳእታ ጪሽዘ ግሾ አሩንꬅን ናግዙንꬅን ኬንቼሎ ቃቃ ታማ ኤꬂ፥ አꬊ ኤቂ ካዣነ። ጴጥሮሳን ኡንታራ ኤቂ ታማ ካዣነ።
JOH 18:19 የ ዎደ ካህኑንꬅ Ꮉላቅዘ የሱሳ፥ ኤ ታማሩንꬅ ባዝን ኤ ትምርትትባዝ ኦጭዳ።
JOH 18:20 የሱሳ ማህ፥ «ታ አስ ኡባስ ቆንጭዝ ኦህዳ። ታ አይሁደ ኡቡንꬅስ ሺቅዘ አይሁደ ዎሳ ኬꬃን ጾዘ ኬꬃ ኡባ ዎደ ታማርስዳ። አቺ አኮን ኦህካያ።
JOH 18:21 ዬዝን፥ ነ ታና አኮስ ኦጨ? ታ ኦሆደራ ስእደ አሱንꬃና ኦጮ። የንꬅ አሱንꬅ ታ ኦህዳኖ ኤራነ» ያጋይዳ።
JOH 18:22 የሱሳ ይኖ ኦህዘ ዎደ ይና በስተ ኤቅደ ዛበ ናግዙንꬃፓ ፈተ የሱሳ ባቂ፥ «ካህኑንꬅ Ꮉላቃጎ ያጋእ ማህነ?» ያጋይዳ።
JOH 18:23 የሱሳ ማህ፥ «ታ ኢታ ባዝ ኦህደባዝ ማቅኮ Ꮉነ የዘ አስ ኡባ ቲኖ ማርክꬎ። የዝን ታ ቱሮ ኦህደባዝ ማቅኮ ታና አኮስ ባቀ?» ያጋይዳ።
JOH 18:24 ይኒ ግሾ፥ ሐና፥ የሱሳ አጭንቲ የዝን ካህኑንꬅ Ꮉላቅዘ ቃያፋጎ ዳክዳ።
JOH 18:25 ጴጥሮሳ እዘ ኤቂ፥ ታማ ካሻደራ፥ Ꮉንኩንꬅ ኤጎ፥ «ነ Ꮉይ አꬄ ታማሩንꬃፓ ፈታ ባነ?» ያጋይዳ። ጴጥሮሳ ማህ፥ «አደ፥ ታና ባያ» ያጋእ ካድዳ።
JOH 18:26 ካህኑንꬅ Ꮉላቅዘ አሩንꬃፓ ፈተ፥ ጴጥሮሳ Ꮉየ ጋችደ አꬄስ እግንዘ፥ ጴጥሮሳጎ፥ «ታ ነና ኤራ አታክልተ ግዳ ብእካ?» ያጋእ ኦጭዳ።
JOH 18:27 ጴጥሮሳ ማህን ካድዳ። ኢራ ሉኩለ ኡክዳ።
JOH 18:28 ዎንታ ጎዳ፥ ኡን የሱሳ ቃያፋ ካራፓ ሮመ ጋደ አህዘ ኦቻ ኬꬃ ካንግዳ። አይሁዱንꬅ ፋስጋ ባአለ ካꬃ ማአደስ ፋና ቱንዛመ ጋር ካትዘ ኦቻ ኬꬃ ገልካያ።
JOH 18:29 ይኒ ግሾ፥ ጵላጦሳ ኡንታጎ ባለ ኬዚ፥ «Ꮉይ አꬃ አኮስ ሞተ?» ያጋይዳ።
JOH 18:30 ኡን፥ «ኤ ኢታ ኦቾሳኮ ኑኒ ኤዛ ኔጎ ኬአማ የሻ» ያጋይዳ።
JOH 18:31 ጵላጦሳ ማህ፥ «ይን ኤዛ ኤኪ ካንግ፥ ይን ህግታ ጋዛን ጋራ ኤላ ፍርዶተ» ያጋይዳ። አይሁዱንꬅ፥ «ኦደላን Ꮉይቆ ፍርዳ ፍርድዘ አደትꬅ ዎልቃ ኑስ ባያ» ያጋይዳ፤
JOH 18:32 ይና ይእዳና የሱሳ አኮ ጋር Ꮉይቆ Ꮉይቆድ የዛኮ ኤርሶደስ ኦህዳና ፎልንቶደስ።
JOH 18:33 ጵላጦሳ ፋ ኦቻ ኬꬃ ማህ ገሊ፥ የሱሳ ጼጊ፥ «ነ አይሁደ ካቶ?» ያጋእ ኦጭዳ።
JOH 18:34 የሱሳ ጵላጦሳጎ፥ «Ꮉና ኦጭቶ ነ ኔፓ ኦጫነነ ዎይ መለ አስ ኔስ ታ ባዝ ኦህዳ?» ያጋይዳ።
JOH 18:35 ጵላጦሳ ማህ፥ «ታ አይሁደ አሶ? ነ አሱንꬅን ካህኑንꬅ Ꮉላቁንꬅ ነና ታስ አꬂ እንግዳ። ነ አኮ ኦችዶ?» ያጋይዳ።
JOH 18:36 የሱሳ፥ «ታ ካእቱምታ Ꮉና አላምትፓ ባያ። Ꮉንፓ ማቅዛኮ ታ አይሁዱንꬅ Ꮉላቁንꬅስ አꬊ እንግንታመ ፋና ታስ ኦችዙንꬅ ኦልንቶድየሻ። የዝን ታ ካእቱምታ Ꮉና አላምትፕ ባያ» ያጋይዳ።
JOH 18:37 ይኒ ግሾ፥ ጵላጦሳ የሱሳጎ፥ «ዬዝን፥ ነ ካት ባ?» ያጋእ ኦጭዳ። የሱሳ ማህ፥ «ታ ካት ማቅዳኖ ነ ጋይዳ። ታኒ የልንትዳናን Ꮉና አላምተ ይእዳና ቱረትꬅስ ማርክꬋደስ። ቱርፓ ማቅደ ኦደን ታ ጋዛኖ ስእነ» ያጋይዳ።
JOH 18:38 ጵላጦሳ፥ «ቱሪ አኮ?» ያጋይዳ። ጵላጦሳ ይኖ ጋይዳንፓ ማቂ አይሁዱንꬃጎ ባለ ኬዚ፥ «ታኒ ኤዛ ሞትዘ ባላ ደንግካያ።
JOH 18:39 የዝን ፋስጋ ባአለ ኦደ፥ ፈቲ አስ ይንትስ አቻፓ ብልዘ ዎጋ የነ። ታ ይንትስ አይሁዱንꬅ ካትዛ ብሎደ ጋር ኮያነ?» ያጋይዳ።
JOH 18:40 ኡን ማህ፥ ፋ ቃልቶ ꬎቅ ዪዚ፥ «ባርባና ብሎፕ አትን ኤዛ ብልፐ» ያጋይዳ። የዝን ባርባነ ፋኖ።
JOH 19:1 ይንፓ ሱባ፥ ጵላጦሳ የሱሳ ካንግ ጋራፍስዳ።
JOH 19:2 ዎታዳሩንꬅ አንጋꬅ ባርኔጻ መꬊ ኤ ኦምተ ጋድዳ። ማህ ዞቆ ማኦ ኤዛ ማእስዳ።
JOH 19:3 ኤጎ ይእተራ፥ «አይሁደ ካትዛዮ፥ ሳሮ ኔስ ማቀ» ያጋእ ኤዛ ባቂዳ።
JOH 19:4 ጵላጦሳ ማህ ባለ ኬዚ፥ አይሁዱንꬃጎ፥ «ይኬ፥ ታኒ ኤፓ አኮ ኢታባዝን ደንግካይዛኖ ይን ኤሮደ ጋር ኤዛ ይንታጎ ባለ ከሶዳ» ያጋይዳ።
JOH 19:5 ይንፓ ማቂ፥ የሱሳ አንጋꬅ ባርኔጻ ፋ ኦምተ ጋዲ፥ ዞቆ ማኦ ማእ፥ ባለ ከዝዳ። ጵላጦሳ አይሁዱንꬃጎ፥ «አꬃ Ꮉያ ቦኦተ» ያጋይዳ።
JOH 19:6 ካህኑንꬅ Ꮉላቁንꬅን ጾዘ ኬꬅቶ ናግዙንꬅ ኤዛ ብእደ ዎደ ፋ ቃልቶ ꬎቅ ዪዚ፥ «ማስቃላላ ሱጾ! ሱጾ!» ያጋይዳ። ጵላጦሳ ኡንታጎ፥ «ይን ኤዛ ካንግ፥ ማስቃላላ ሱጾ። ታ ኤፓ አኮ ኢታባዝን ደንግካያ» ያጋይዳ።
JOH 19:7 አይሁዱንꬅ ማህ፥ «ኑስ ህገ የነ። ኤ ፋና ጾዘ ናአ ማህደ ግሾ ኑ ህግትጋራ ኤ Ꮉይቆደስ ቤዛነ» ያጋይዳ።
JOH 19:8 ጵላጦሳ ይኖ ስእደ ዎደ ቲኖንፓ ጋማ ዣሽትዳ።
JOH 19:9 ማህን ጵላጦሳ ፋ ኦቻ ኬꬅተ ማቂ ገሊ የሱሳጎ፥ «ነ አባፓ ይእዶ?» ያጋእ ኦጭዳ። የዝን የሱሳ ኤስ አኮን ማህካያ።
JOH 19:10 ይኒ ግሾ፥ ጵላጦሳ፥ «ታስ ኦሆሶ? ነና ብሎደስ ዎይ ማስቃላላ ሱጾደስ ታስ አደትꬅ ዎልቃ የዛኖ ኤሮሶ?» ያጋይዳ።
JOH 19:11 የሱሳ፥ «ጾዚ ኔስ አደትꬅ ዎልቃ እንግካይዛኮ ታላ አደትꬅ ዎልቃ ኔስ የዛማየሻ። ይኒ ግሾ፥ ታና ኔስ አꬂ እንግደ አꬍዘ ናጋራ ኦችዳ» ያጋይዳ።
JOH 19:12 ጵላጦሳ ይኖ ስኤዘ ዎደ የሱሳ ብሎደስ ኦገ ኮይዳ። የዝን አይሁዱንꬅ ፋ ቃልቶ ꬎቅ ዪዚ፥ «ነ ኤዛ ብልዘባዝ ማቅኮ ካት ቄሳረ ነ ባጋ ባያ። ፋና ካት ጋዘ ኦደን ቄሳረ እጽዛያ» ያጋይዳ።
JOH 19:13 ጵላጦሳ ይኖ ስእ የሱሳ ባለ ከስዳ። የይዝ፥ «ሎቼ ሹች» ጋዘ በሳ ፍርዳ ኦይዳላ በትዳ። እብራይስጠ ቃላራ ይና በስታ «ገበታ» ጋእንታነ።
JOH 19:14 ይና ቃምታ ፋስጋ ባአለ ቦንቾደስ ጊግዘ ዎደ። የ ዎደ ሳእታን አዋራፓ እዝፑን ሳተ ጋር። ጵላጦሳ አይሁዱንꬃጎ፥ «ይን ካት Ꮉያ ቦኦተ» ጋይዳ።
JOH 19:15 አይሁዱንꬅ ፋ ቃልቶ ꬎቅ ዪዚ፥ «Ꮉሶ! Ꮉሶ! ማስቃላላ ሱጾ» ያጋይዳ። ጵላጦሳ ማህ፥ «ይን ካትዛ ታ ማስቃላላ ሱጾዳኖ ኮያነ?» ያጋእ ኦጭዳ። ካህኑንꬅ Ꮉላቁንꬅ፥ «ቄሳረፓ መለ ካት ኑስ ባያ» ያጋይዳ።
JOH 19:16 ይንፓ ማቂ፥ ኡን የሱሳ ማስቃላላ ሱጾደ ፋና ጵላጦሳ ኡንትስ አꬂ እንግዳ። ኡን የሱሳ አይኪ ካንግዳ።
JOH 19:17 የሱሳ ፋ ማስቃልዛ ቶኪ፥ «የራስ ቅል» ጋዘ በሳ ከዝዳ። «የራስ ቅል» ጋእንትዛና እብራይስጠ ቃላራ «ጎልጎታ» ጋእንታነ።
JOH 19:18 ኡን ይና በስተ ማስቃላላ የሱሳ ሱጽዳ። ማህን ኤራ መለ ላምእ አሱንꬃና፥ ፈታ ሰኮ ዛላራ Ꮉንካያ Ꮉንካ ዛላራ ማስቃላላ ሱጽዳ።
JOH 19:19 ጵላጦሳ፥ «አይሁዱንꬅ ካት፥ ናዝረተ የሱሳ» ያጋዘ ጹፈ ጻፊ ማስቃላላ ጋድዳ።
JOH 19:20 የሱሳ ማስቃላላ ሱጹንትደ በስታ ካታማስ ካለ የዘ ግሾ ጋማ አይሁዱንꬅ ይና ጹፍቶ ናባብዳ። ጹፍዘ ጻፍንትዳና እብራይስጠ ዶናራ፥ ላትነ ዶናራን ግርኬ ዶናራ።
JOH 19:21 ይኒ ግሾ፥ ካህኑንꬅ Ꮉላቁንꬅ ጵላጦሳጎ፥ « ‹Ꮉይ አꬄ ፋና አይሁደ ካት ጋይዳን ጋር› ጋእ ጻፎፕ አትን ኤዛ ኤ ኦምተ ‹አይሁደ ካት› ጋእ ጻፍፐ ያጋይዳ።»
JOH 19:22 ዬዝን፥ ጵላጦሳ፥ «ታኒ ጻፍዳኖ ጻፍዳ» ያጋእ ማህዳ።
JOH 19:23 ዎታዳሩንꬅ ማስቃላላ ኤዛ ሱጽዳንፓ ሱባ ኤ ማእቶ ኤኪ፥ ኦይዲ በሳ ሻኪ፥ ፈቶ ፈቶ ኤክዳ። ዳክꬅ ማእንትዘ ጳርጎ ማኦ የሻ።
JOH 19:24 ዎታዳሩንꬅ፥ «ኦና የሎድየዛኮ፥ እጻ ኦልዳፕ አትን ማእዛ ፈርኦስ» ያጋይዳ። ይና Ꮉንዳና ጌሽ ማጻፍተ፥ «ታ ማእቶ ግዥንት ኤክዳ፤ ታ ጳርጎ ማእዘላን እጻ ኦልዳ» ጋይንትዳና ፎልንቶደ ጋር። ይኒ ግሾ፥ ዎታዳሩንꬅ ይኖ ዪዝዳ።
JOH 19:25 የዝን የሱሳ ማስቃላ ካለ ኤ እንታን፥ ኤ እንቲ ምሽታ፥ ቀልዮጳ ማችታ ማይራምራን ማግደላ ማይራማ ኤቅዳ።
JOH 19:26 የሱሳ ፋ እንቶን ኤ ካዽዘ ታማርዘ እዘ ኤቅዱንꬃና ብእ፥ ፋ እንትጎ፥ «ታ እንተ፥ ነ ናአያ Ꮉያ ቦኦ» ያጋይዳ።
JOH 19:27 ይንፓ ሱባ፥ የ ታማርዘጎ፥ «ነ እንቶ Ꮉኖ ቦኦ» ያጋይዳ። የ ታማርዘ እዞ ይና ዎድትፓ አይኪ ፋራ የሳደ ጋር ካራ ካንግዳ።
JOH 19:28 ይንፓ ሱባ፥ የሱሳ ኡባና Ꮉተ ፎልንትዳኖ ኤሪ፥ ጌሽ ማጻፍተ ጻፍንትዳና ፎልንቶደ ጋር «ታና ባርዳ» ያጋይዳ።
JOH 19:29 ይና በስተ ፈቲ ጎንቦ ኩሙꬅ ጫላ ዎይነ የነ። ኡን ፉዛ ይና ዎይንተ ዳኪ፥ ህሶጰ ምንጻ በርꬃ ጋዲ፥ የሱሳ ዶናጎ ሺሽዳ።
JOH 19:30 የሱሳ ዎይንዛ ቃማስ ብእ፥ «ፍኦልንትዳ» ያጋይዳ። ይንፓ ሱባ፥ ፋ ኦምቶ ሶጾር ዪዚ ፋ ሸምፕቶ እንግዳ።
JOH 19:31 ይና ቃምታ ጊግንትዘ ቃማ ማቅደ ግሾን ዎንትዘ ቃምዘ ቦንቾ ሳምባታ ማቅደ ግሾ አሱንꬃና አህታ ማስቃላላ ሳምባታ ዎደ ፌዣመ ጋር ኡን ቡንቅቶ መንꬂ፥ ማስቃላፓ ኬꬆደ ጋር አይሁዱንꬅ ጵላጦሳ ዎስዳ።
JOH 19:32 ይኒ ግሾ፥ ዎታዳሩንꬅ Ꮉንግ፥ የሱሳራ ሱጹንትደ ላምእ አሱንꬅስ ቡንቅቶ መንꬅዳ።
JOH 19:33 የዝን የሱሳጎ ይእደ ዎደ ኤ Ꮉይቂዳኖ ብእ፥ ኤ ቡንቅቶ መንꬅካያ።
JOH 19:34 የዝን ዎታዳሩንꬃፓ ፈተ ኤ ምልተ ቶራራ ጫድን ኢራ ሱꬅን Ꮉꬅን ጎግዳ።
JOH 19:35 ይኖ አማኖደ ፋና ይኖ ብእደ ማርክꬍዳ። ኤ ማርካትꬅታን ቱሮ። ማህ ኤ Ꮉንዳና ቱሮ ማቅዛኖ ኤራነ።
JOH 19:36 ይና Ꮉንዳና ጌሽ ማጻፍተ፥ «ኤ መቃꬅትፓ ፈትን መቆስ» ጋይዳና ፎልንቶደ ፋና።
JOH 19:37 ማህን ጌሽ ማጻፍተ መለ በሳ፥ «ኡን ፋ ጫድዳኖ ቦኦዳ» ያጋይዳ።
JOH 19:38 ይንፓ ሱባ፥ አርማትያሳ ካታማፓ ይእደ ዮሰፋ የሱሳ አህቶ ኤኮደስ ጵላጦሳ ዎስዳ። ዮሰፋ አይሁዱንꬅስ ዣሽትደ ግሾ አችንት የሱሳ ካልዛያ። ጵላጦሳ፥ «ኤኮ» ያጋይዳ። ይኒ ግሾ፥ ዮሰፋ Ꮉንግ የሱሳ አህቶ ኤክዳ።
JOH 19:39 ማህ ንቆድሞሳ፥ Ꮉንፓ ቲኖ የሱሳጎ ቃማ ይእዳይ፥ ካርበራን አርክንተራን ዎርቂንትደ Ꮉስታም ፈቲ ክሎ ጊራመ ማቃደ ሽቶ ኤኪ ዮሰፋራ ይእዳ።
JOH 19:40 የንꬅ ላምእ አሱንꬅ የሱሳ አህቶ ኤኪ፥ አይሁዱንꬅ አሀ ዚꬍዘ ዎጋራ፥ ሽቶራ፥ ሞግዘ አፉላራ ጻጽዳ።
JOH 19:41 የሱሳ ማስቃላላ ሱጹንትደ በስተ ጋማ አታክልተ የነ። ይና አታክልትት ግዳ ሹቻፓ ዎጪ ጊግዝደ Ꮉጋ ኦደን ሞግንትካይዘ ክለ ቦዛ የነ።
JOH 19:42 የ ዎምእዘ ካለ የዘ ግሾን አይሁዱንꬅ ሳምባታስ ጊግንትዘ ዎደ ማቅደ ግሾ የሱሳ አህቶ እዘ ሞግዳ።
JOH 20:1 ዎጋ ኦደ ዎንታ Ꮉጋ ሳአ ጌዥካይዝን፥ ማግደላ ማይራማ፥ የሱሳ ሞግንትደ ቦዛ Ꮉንግ ሹችታ ቦዛ ዶንትፓ ደንድዳኖ ብእዳ።
JOH 20:2 ስሞን ጴጥሮሳጎን የሱሳ ካዽዘ Ꮉንካይ ታማርዘጎ ዎጺ Ꮉንግ፥ «ቦዝትፓ ላꬃ ኤክዳ፤ ኤዛ አባ ጋደዛኮ ኑ ኤሮስ» ያጋይዳ።
JOH 20:3 ይኒ ግሾ፥ ጴጥሮሳን Ꮉንካይ ታማርዘ ኬዚ ዎጽተራ ቦዛ Ꮉንግዳ።
JOH 20:4 ላምኡንꬅን ፈትላ ዎጽዳ፥ የዝን Ꮉንካይ ታማርዘ ጴጥሮሳፓ አꬊ ቲኖ ቦዝተ የልዳ።
JOH 20:5 የ ታማርዘ ዙጊ፥ ኤዛ ጻጽደ አፉልቶ ብእዳ፥ የዝን ቦዝት ግዳ ዎꬍካያ።
JOH 20:6 ስሞን ጴጥሮሳ ኤዛ ካሊ ይእ፥ ቦዝት ግዳ ዎꬊ ኤዛ ጻጽደ አፉልታ እዘ የዛኖ ብእዳ።
JOH 20:7 ማህ የሱሳ ኦምቶ ጻጽደ አፉላ ጻጽንት ቦዝተ ኦማ ጉሮ የዝን ብእዳ። የ አፉልዘ ዱማ በሳ የነፕ አትን ቦዛ አፉላራ ዎላ ባያ።
JOH 20:8 የ ዎደ ቲኒ ቦዝተ የልደ Ꮉንካይ ታማርዘ ገሊ ብእ አማንዳ።
JOH 20:9 የሱሳ Ꮉይቆፓ ደንዶደስ ቤዛኖ ኦህዘ ጌሽ ማጻፈ የዘ ቃልቶ ኡን Ꮉጋ ቲርካያ።
JOH 20:10 ይንፓ ሱባ፥ ኤ ታማሩንꬅ ፋ ካራ ማቂ ቅትዳ።
JOH 20:11 የዝን ማይራማ ይና ቦዝት ዶንተ ኤቂ ዬክተራ ዙጊ ቦዝቶ ብእዳ።
JOH 20:12 ቦꬅ ማኦ ማእደ ላምእ ኪታንቹንꬅ የሱሳ አህታ ዎይእደ በስተ ፈተ ኦማ ጉሮራ ፈተ ቶሄ ጉሮ በቴዝን ብእዳ።
JOH 20:13 ኡን ኢጎ፥ «ማችተ፥ አኮስ ዬከ?» ያጋእ ኦጭዳ። እዛ፥ «ኡን ታ ላꬃ ኤክዳ፤ ኡን አባ ጋደዛኮ ታ ኤሮስ» ያጋይዳ።
JOH 20:14 ይኖ ጋይዳንፓ ሱባ፥ እዛ ሱብ ማቂ በእዘ ዎደ የሱሳ እዘ ኤቀዝን ብእዳ። የዝን ኤ የሱሳ ማቅዳኖ ኤርካያ።
JOH 20:15 የሱሳ ኢጎ፥ «ማችተ፥ አኮስ ዬከ? ኦና ኮየ?» ያጋእ ኦጭዳ። ማይራማ አታክልተ ኦችዘ አስ አዝን፥ «ላꬆ፥ ነ ኤከዛኮ፥ ኤዛ አባ ጋደዛኮ ታስ ኦሆያ። ታ ኤዛ ኤኮዳ» ያጋይዳ።
JOH 20:16 የሱሳ ኢጎ፥ «ማይራመ» ያጋይዳ። እዛ ኤጎ ማቅን፥ እብራይስጠ ዶናራ «ረቡኒ» ያጋይዳ። ብልꬅታን «አስታማርዛዮ» ጋኤ።
JOH 20:17 የሱሳ ኢጎ፥ «ታ Ꮉጋ ታ አደጎ ከዝካይዘ ግሾ ታና አይክፐ። የዝን ታ እሹንꬃናን Ꮉንግ፥ ‹ታኒ ታ አደጎን ይን አደጎ፥ ታ ጾዘጎን ይን ጾዘጎ፥ ኬሳዳ ጋይዳ› ጋእ ኡንትስ ኦሆ» ያጋይዳ።
JOH 20:18 ማግደላ ማይራማ ላꬃ ብእዳኖን ኢስ ኤ ኦህዳኖ Ꮉንግ ኤ ታማሩንꬅስ ኦህዳ።
JOH 20:19 ዎጋ ኦደ ኡጉረ፥ ኤ ታማሩንꬅ አይሁዱንꬅስ ዣሽቲ ፉርꬅቶ ጎርዲ ሺቂ በቴዝን፥ የሱሳ ይእ፥ ኡን ግዳ ኤቂ፥ «ሳሮ ይንትስ ማቀ» ያጋይዳ።
JOH 20:20 ይኖ ጋእ ማቂ ፋ ኩሽቶን ፋ ምልቶ ኡንታና ቤዝዳ። ኤ ታማሩንꬅ ላꬃ ብእደ ዎደ ጋማ ኡፋይትዳ።
JOH 20:21 የሱሳ ማህ ኡንታጎ፥ «ሳሮ ይንትስ ማቀ፤ ታ አዳይ ታና ኪትዳንጋራ ታንን ይንታና ኪቶዳ» ያጋይዳ።
JOH 20:22 ይኖ ጋእዳንፓ ሱባ፥ ኡንታላ ኡፍ ጋእ ፉግዳ። ማህ፥ «ጌሽ አያና ኤኮተ።
JOH 20:23 ይን አቶ ጋይደ አስ ናጋርታ አቶ ጋእንቶዳ። ይን አቶ ጋይካይዘ ናጋርታ አቶ ጋይንቶስ» ያጋይዳ።
JOH 20:24 የዝን ታጶ ላምእ ታማሩንꬃፓ ፈተ፥ ዲዲሞሳ ጋእንትዘ ቶማሳ፥ የሱሳ የእዘ ዎደ ኡንታራ ባያ።
JOH 20:25 ይኒ ግሾ፥ Ꮉንኮ ኤ ታማሩንꬅ ቶማሳጎ፥ «ኑኒ ላꬃ ብእዳ» ያጋይዳ። የዝን ቶማሳ ኡንታጎ፥ «ምስማረራ ኤ ጫድንትደ ኤ ኩሽተ የዘ ቤቶ ብእካይዛራ ይና ቤቶ ታ ግልአራ ቦችካይዛራ፥ ማህ ታ ኩሽቶ ኤ ምልተ ዳኪ ብእካይዛራ አማኖስ» ያጋይዳ።
JOH 20:26 ኦስፉን ቃማፓ ሱባ፥ የሱሳ ታማሩንꬅ ማህ ኬꬃ ሺቂ በትዳ፤ ቶማሳን ኡንታራ የሻ። ፉርꬅታ ጎርድንቲ የዝን የሱሳ ይእ፥ ኡን ግዳ ኤቂ፥ «ሳሮ ይንትስ ማቀ» ያጋይዳ።
JOH 20:27 ይንፓ ሱባ፥ የሱሳ ቶማሳጎ፥ «ታ ኩሽቶ ነ ግልእትራ ቦቺ ቦኦ። ማህ ነ ኩሽቶ ታ ምልተ ዳኪ ቦኦ፤ ሶእፐ፥ አማኖ» ያጋይዳ።
JOH 20:28 ቶማሳ ማህ፥ «ታ ላꬃዮ፥ ታ ጾዛዮ» ያጋይዳ።
JOH 20:29 ዬዝን የሱሳ፥ «ነ ታና ብእደ ግሾ አማንዳ፥ የዝን ብእካይዛራ አማንዱንꬂ አንጅንትዱንꬃና» ያጋይዳ።
JOH 20:30 የሱሳ ማጻፍተ ጻፍንትካይዘ መለ ጋማ ክሌ ባዝ ፋ ታማሩንꬅ ቲንተ ኦችዳ።
JOH 20:31 የዝን የሱሳ ኤ ክርስቶሳ፥ ጾዘ ናአ ማቅዛኖ ይን አማኖደ ጋራን አማኒ ኤ ሱንꬅተ ደኦ ደንጎደ ጋር Ꮉና ጻፍንትዳ።
JOH 21:1 ይንፓ ሱባ፥ የሱሳ ጽባርዮሳ አባ ካለ ፋ ታማሩንꬅስ ማህ ቆንጭዳ። ኤ ኡንትስ Ꮉንፓ ካሊ የዘ Ꮉኖትꬃር ቆንጭዳ።
JOH 21:2 ስሞን ጴጥሮሳ፥ ዲዲሞሳ ጋእንትዘ ቶማሳ፥ ቃና ጋልላፓ ይእደ ናትናኤላ፥ ዛብዶሳ ናኡንꬅን የሱሳ ታማሩንꬃፓ መለ ላምኡንꬅ ዎላ የነ።
JOH 21:3 ስሞን ጴጥሮሳ ኡንታጎ፥ «ታ ሞሎ አይኮደስ ቅታነ» ያጋይዳ። ኡን፥ «ኑንን ኔራ Ꮉማዳ» ያጋእ፥ ጎንገ ግዳ ገልዳ። የዝን ኡን ይና ቃምተ አኮ ሞሎን አይክካያ።
JOH 21:4 ዎንታ ጎዳ ጻልቀ ኬሳዳንፓ ቲኖ፥ የሱሳ አባ ጋጻ ኤቅዳ፥ የዝን ኤ ታማሩንꬅ የሱሳ ማቅዳኖ ኤርካያ።
JOH 21:5 የሱሳ ኡንታጎ፥ «ናኡንꬆ፥ አኮ ሙእዘ ባዝ የነ?» ጋይዳ። ኡን ማህ፥ «አኮን ባያ» ያጋይዳ።
JOH 21:6 ኤ ማህ፥ «ይን ሞሎ አይክዘ ግተ ጎንግዘፓ ምዛቅ ዛላራ ኦሎተ፤ ሞሎ ይን አይኮዳ» ያጋይዳ። ይኒ ግሾ፥ ሞሎ አይክዘ ግቶ ምዛቅ ዛላራ ኦልዳ። ሞሎ ገሊ ኩምደ ግሾ ጎቺ ኬሶደስ ጋምዳ።
JOH 21:7 የሱሳ ካዽዘ ታማርዘ ጴጥሮሳጎ፥ «Ꮉይኒ ላꬂ!» ያጋይዳ። ስሞን ጴጥሮሳ ኤ ላꬂ ማቅዳኖ ስእደ ዎደ ጋሪ ጋድደ ፋ ማእቶ ማእ አባ ግዳ ዶሊ ገልዳ።
JOH 21:8 የዝን ጎንግተ አትደ Ꮉንኮ ታማሩንꬅ ሞሎ ኩምደ ግቶ ጎቺ፥ አባፓ ጋጻ ከዝዳ። ኡን አባፓ ላምእ ጼት Ꮉꬋ ፋና Ꮉክዳ።
JOH 21:9 ኡን አባፓ ጋጻ ከዝደ ዎደ ኬንቼሎ ታማ ቃቃ፥ ሞሎን ቦራን ብእዳ።
JOH 21:10 የሱሳ ኡንታጎ፥ «Ꮉተ ይን አይክደ ሞልትፓ አነ ታስ ኮኦተ» ያጋይዳ።
JOH 21:11 ስሞን ጴጥሮሳ ጎንግተ ገሊ፥ ጼት እችንታም Ꮉይꬕ ዳማ ሞሎ አይክደ ግቶ ጎቺ አባፓ ጋጻ ከስዳ። ሞልታ ይኒ ጋር ጋማ ማቅኮን ሞሎ አይክደ ግቶ ፈርእካያ።
JOH 21:12 የሱሳ ኡንታጎ፥ «Ꮉንካ ይእ ዳይጸ ሞኦተ» ያጋይዳ። ኤ ላꬂ ማቅዳኖ ኡን ኤርደ ግሾ ኤ ታማሩንꬃፓ ፈትን፥ «ነ ኦደ?» ጋእ ኤዛ ኦጮደስ ሚንግደ ባያ።
JOH 21:13 የሱሳ ይእ፥ ቦራ ኤኪ ኡንትስ እንግዳ፤ ሞሎፓን ይኒ ጋራ እንግዳ።
JOH 21:14 የሱሳ Ꮉይቆፓ ደንዲ ፋ ታማሩንꬅስ በንትደ Ꮉንራ Ꮉይꬓንꬆ።
JOH 21:15 ኡን ዳይጽቶ ሙእዳንፓ ሱባ፥ የሱሳ ስሞን ጴጥሮሳጎ፥ «ዮና ናአ ስሞና፥ ታና Ꮉንሳፓ አꬂ ካꬋነ?» ያጋይዳ። ስሞን ጴጥሮሳ፥ «ዬ ላꬆ፥ ታ ነና ካꬍዛኖ ነ ኤራነ» ያጋይዳ። የሱሳ ኤጎ፥ «ታ ꬋንግዘ ዱሮ ናኡንꬃና ዬንጎ» ያጋይዳ።
JOH 21:16 የሱሳ ላምእንꬃ፥ «ዮና ናአ ስሞና፥ ታና ካꬋነ?» ያጋይዳ። ስሞን ጴጥሮሳ፥ «ዬ ላꬆ፥ ታ ነና ካꬍዛኖ ነ ኤራነ» ያጋይዳ። የሱሳ፥ «ታ ዱሩንꬃና ዬንጎ» ያጋይዳ።
JOH 21:17 የሱሳ Ꮉይꬓንꬆ፥ «ዮና ናአ ስሞና፥ ታና ካꬋነ?» ያጋይዳ። የሱሳ Ꮉይꬓንꬆ ስሞን ጴጥሮሳጎ፥ «ታና ካꬋነ?» ያጋእ ኦጭደ ግሾ ጴጥሮሳ አዛኒ፥ «ላꬆ፥ ነ ኡባባዝቶ ኤራነ፤ ታ ነና ካꬍዛኖ ነ ኤራነ» ያጋይዳ። የሱሳ፥ «ታ ዱሩንꬃና ዬንጎ።
JOH 21:18 ታ ኔስ ቱሮ ቱሮ ጋነ፤ ነ ናአትꬃ የዘ ዎደ ነነስ ማእ፥ ነ ኮይዘ በሳ ቅታነ። የዝን ነ ጭንግደ ዎደ ነ ኩሽቶ ምጪ ቤሳዳ። መለ አስ ዳንጭሳዳ፤ ነ ካꬎኦሰ በሳ ካንጎዳ» ያጋይዳ።
JOH 21:19 የሱሳ ይኖ ጴጥሮሳ አኮ ጋር Ꮉይቆ Ꮉይቂ፥ ጾዛ ቦንችሳድ የዛኮ ቤሳደስ ጋይዳ። ይኖ ጋይዳንፓ ሱባ፥ የሱሳ ጴጥሮሳጎ፥ «ታና ካሎ» ያጋይዳ።
JOH 21:20 ጴጥሮሳ ሱባ ማቂ፥ የሱሳ ካዽዘ ታማርዘ ፋፓ ሱባራ የእዛኖ ብእዳ። የ ታማርዘ፥ ካዎ ሙእዘ በሳ የሱሳጎ ሺቂ፥ «ላꬆ፥ ነና አꬂ እማደ ኦደ?» ጋይዳያ።
JOH 21:21 ጴጥሮሳ የ ታማርዛ ብእ፥ «ላꬆ፥ Ꮉይ አꬄ ዋያደ?» ያጋእ የሱሳ ኦጭዳ።
JOH 21:22 የሱሳ ኤጎ፥ «ታ የኦደ ዎንꬅስ ኤ ሸምፖራ የሳደ ጋር ታ ኮይኮ፥ ነና አኮ ማ? ነ ታና ካሎ» ያጋይዳ።
JOH 21:23 ይኒ ግሾ፥ የ ታማርዘ Ꮉይቆስ ጋዘ ኦሄ እሹንꬃና ኡባ የልዳ። የዝን የሱሳ፥ «ታ የኦደ ዎንꬅስ፥ ኤ ሸምፖራ የሳደ ጋር ታ ኮይኮ ነና አኮ ማ?» ጋይዳፕ አትን «Ꮉይቆስ» ጋይካያ።
JOH 21:24 Ꮉና ኦህት ባዝ ማርክꬍዳይን Ꮉኖ ጻፍደ የ ታማርዘ ኤዛ። ኤ ማርካትꬅታን ቱሮ ማቅዳኖ ኑ ኤራነ።
JOH 21:25 የሱሳ ኦችደ መለ ጋማ ባዝ የነ። ታ ቆፕን፥ ኡባ ባዝ ፈተ ፈተ ኦማራ ጻፍንትዛኮ፥ ጻፍንትዘ ማጻፍትስ አላመ ጋዶደስ በሲ ማቃዳ አዞስ።
ACT 1:1 ተዎፍሎሳ፥ የሱሳ ፋ ኦችቶ አይክደ ዎደፓ ሳሎ ቅቶደ ዎደ የሎደስ፥ ኦችዳኖን ታማርስዳኖን ኡባ ታኒ ታ ቲኖ ማጻፍተ ጻፍዳ። ሳሎ ኬሳዳንፓ ቲኖ ኤ ፋ ዶርደ ሐዋሩንꬃና ጌሽ አያናራ ኪትዳ።
ACT 1:3 ኤ ፋ ማꬍትፕ ሱባ Ꮉይቆፓ ደንድዳኖ ደኦ ማቂ ኡንትስ ፋና ቤዝዳ። ኦይታም ቃማ ኡንትስ በንቲ ጾዘ ካእቱሞ ኡንታና ታማርስዳ።
ACT 1:4 ፈቲ ኦደ ኡንታራ ዎላ ሙእተራ ኡንታና Ꮉንጋር ጋእ ኪትዳ፦ «ታ ይንትስ ኦህደ፥ ታ አዳይ እንጎዳ ጋይደ ኡፋይስ ቃልቶ ናጎተፕ አትን የሩሳላመፓ ኬዝፐተ።
ACT 1:5 አኮስ ጋይኮ፥ ዋሐንሳ Ꮉꬃራ ጻማቅዳ፥ የዝን ኤራꬅ ዎደፓ ሱባ ጌሽ አያናራ ይን ጻማቅንቶዳ» ጋይዳ።
ACT 1:6 ኡንትን ዎላ ሺቅደ ዎደ፥ «ላꬆ፥ እስራኤሉንꬅስ ካእቱምቶ ነ ማሆደ ዎድታ Ꮉኖ?» ያጋእ ኦጭዳ።
ACT 1:7 የሱሳ ኡንታጎ፥ «ታ አዳይ ፋ አደትꬅ ዎልቂተ ኦችዘ ዎድቶን በርቶን ይን ኤሮደስ ዳንዳኦስ።
ACT 1:8 የዝን ጌሽ አያና ይንታላ ዎꬍደ ዎደ ይን ዎልቃ ኤኮዳ። የይዝ ማቂ፥ የሩሳላመ፥ ይሁዳ ሳአ ኡባ፥ ሳማራን ሳአ ጋጻ የሎደስ ይን ታስ ማርካ ማቃዳ» ጋይዳ።
ACT 1:9 ይኖ ጋይዳንፕ ማቂ ኡን በእዝን፥ ꬎቅ ꬎቅ ጋእ፥ ሳሎ ከዝን ꬎነ ኤዛ ኡን ኣፍትፓ ጌንꬅዳ።
ACT 1:10 የሱሳ ቅቶደራ ኡን ሳሎ ማህ በአደራ፥ ቦꬅ ማኦ ማእደ ላምእ አሱንꬅ ቲርካይዝን ኡን ካለ ኤቂ፥
ACT 1:11 «ጋልላ አሱንꬆ፥ ሳሎ ብእተራ፥ ይን አኮስ ኤቅዶተ? Ꮉይ ይን በእዝን ሳሎ ቅትደ የሱሳ ይኒ ፋና ማቂ የኦዳ» ጋይዳ።
ACT 1:12 ይንፓ ማቂ፥ ሐዋሩንꬅ ሻማሄ ደርዘፓ የሩሳላመ ማቅዳ። ሻማሄ ደርዘ የሩሳላመስ ፈቲ ክሎ መትረ ፋና የነ።
ACT 1:13 ኡን የሩሳላመ ገሊ፥ ፋ የዘ ፎቀ ኬꬅትላ ከዝዳ። ኡንትን፦ ጴጥሮሳ፥ ዋሐንሳ፥ ያይቆባ፥ እንድራሰ፥ ፍልጶሳ፥ ቶማሳ፥ ባርቶሎምዮሳ፥ ማቶሳ፥ እልፍዮሳ ናአ ያይቆባ፥ ፋ ሳእትስ ይቅስንትዘ ስሞናራ ያይቆባ ናአ ይሁዳ።
ACT 1:14 Ꮉንስ ኡቡንꬅ ማቹንꬃራ፥ የሱሳ እንታ ማይራምራን የሱሳ እሹንꬃራን ኡባ ፈቲ ዎዝና ማቂ ምንꬂ ዎሳነ።
ACT 1:15 የ ዎደ ጴጥሮሳ ጼት ላምእታም ማቃደ አማንዘ አሱንꬅ ሺቅደ በስተ ደንዲ ኤቂ፥ Ꮉንጋር ጋይዳ፦
ACT 1:16 «አሱንꬆ፥ የሱሳ አይክዱንꬃና ካልꬅደ ይሁዳባዝ ጌሽ አያና ቲኖ ዳዉተ ዶንተ ኦህደ ጾዘ ቃልታ ፎልንቶደስ ቤዛነ።
ACT 1:17 ይሁዳ ኑራ ዎላ Ꮉና ኦችቶ ኦቾደስ ዶርንትደ አስ።»
ACT 1:18 የዝን ይሁዳ ፋ ገነ ኦችትራ ደንግደ ሚሸራ ጋደ ዎንግዳ። ኤ ቲኖር ጉጱንቲ ጎልእን፥ ኤ ሳዝታ ፌꬍንትዳ፤ ኤ መርቅታ ዉልእንትዳ።
ACT 1:19 ይሁዳላ አፋ Ꮉንዳኖ የሩሳላመ የዘ አስ ኡቡንꬅ ስእዳ። ይኒ ግሾ፥ ይና ሳእቶ ፋ ዶናራ አኬልዳማ (ሱꬅ ጋደ) ጋእ ጼግዳ።
ACT 1:20 «ይናን ማዝሙረ ማጻፍተ፥ «ኤ ኬꬅታ Ꮉሪ አቶ፤ ኦደን እዘ የዝፐ። ማህ ‹ኤ ሹማትꬅቶ መለ ኤኮ› ጋእንት ጻፍንትዳ።
ACT 1:21 «ይኒ ግሾ፥ ላꬄ የሱሳ ኑ ግዳ ዉቲ Ꮉንትደ ዎደ ኡባ ኑራ የዙንꬃፓ፥
ACT 1:22 ማህ ጻማቅዘ ዋሐንሳ ዎድትፓ አይኪ ላꬄ የሱሳ ሳሎ ከዝደ ዎደ የሎደስ ኑራ የዙንꬃፓ ፈቲ አስ ኤ ደንድትስ ኑራ ማርካ ማቃደስ ቤዛነ» ያጋይዳ።
ACT 1:23 ይኒ ግሾ፥ አሱንꬅ ዶርትስ ኢዮስጦሳ ጋዘ ባርሳባሳ ጋእንትዘ ዮሴፋን ማትያሳ ላምኡንꬃና ሺሽዳ።
ACT 1:24 ይንፓ ሱባ፥ ጾዝ ዎስተራ፥ «አስ ኡባ ዎዝና ኤርዘ ላꬆ፥ Ꮉንꬅ ላምኡንꬃፓ ነ ኦና ዶረዛኮ ኑና ቤዞ።
ACT 1:25 ይሁዳ ፋ በሳ ቅቲ፥ አሽደ ኦችተ ሐዋረትꬅ ኦቻ ኤኮደ ጋር Ꮉንሳፓ ኑስ ሻጎ» ጋይዳ።
ACT 1:26 ኡንትስ እጻ ኦልዳ። እጽታን ማትያሳስ ዎꬍን ማትያሳ ታጶ ፈቲ ሐዋሩንꬃላ ጉጅንትዳ።
ACT 2:1 ጰንጠቆስጠ ጋዘ ቃማ የልደ ዎደ አማንዙንꬅ ኡባ ዎላ ፈቲ በሳ ሺቂ የነ።
ACT 2:2 ቆፕካይዝን ዳማ ቶኪ ኤኪ ቅቶደ ፋና የዘ ባቆ ጉሚ ሳሎፓ ይእ ኡን የዘ ኬꬅተ ኩምዳ።
ACT 2:3 ማህ ታማ ሎጸ ፋና አዝዘ ልሳኑንꬅ ኡንትስ በንትዳ፥ ሻክንት ሻክንት ኡን ኡቡንꬃላ በትዳ።
ACT 2:4 ኡን ኡቡንꬅ ጌሽ አያናራ ኩሚ ዱማ ዱማ ዶናራ ኦህንቶደ ፋና ጌሽ አያና ኡንትስ ኦሆደ ፋና እንግዳንጋር ኦሄ አይክዳ።
ACT 2:5 የ ዎደ ሳሎፓ ኦሞራ የዘ ሳአ ኡባፓ ይእደ ጾዝ ዣሽትዘ አይሁዱንꬅ የሩሳላመ የነ።
ACT 2:6 ይና ኦꬅቶ ስእደ ዎደ ጋማ አስ ሺቅዳ። አማንዘ አሱንꬅ ኡን ፋ ዶናራ ኦህንቶደራ ስእደ ግሾ
ACT 2:7 ጋዉደ ባዝ ꬋብን ጋማ ቆፒ፥ «Ꮉንꬅ ኦህንትዘ አሱንꬅ ኡባ ጋልላ አስ ባነ?
ACT 2:8 ዬዝን፥ ኑኒ፥ ኑ የልንትደ ጋደ ዶናር ኡን ኦህንቶደራ ዋይዝ ስኦደስ ዳንዳእዶ?
ACT 2:9 ኑኒ ጳርተ፥ ሜዶና፥ ኤላመን፥ መስጴጦምያ፥ ይሁዳ ግዳ፥ ቃጳዶቅያ፥ ጳንጾሳ፥ እስያ፥
ACT 2:10 ጵርገ፥ ጵንፍለ፥ ግብጸ፥ ቃረና ካለ የዘ ሊብያ ዎራዳ የዙንꬃና። ኑፓ ባጉንꬅ ሮመፓ ይእደ አስ።
ACT 2:11 አይሁዱንꬅን አይሁዱንꬅ አማኖ ገልደ አሱንꬅ፥ ቃርጼሳን አራበ አሱንꬅ፥ ጾዚ ኦችደ ዳማ ኦችቶ ኑ ዶናር ኦህንቶደራ ኑ ስእነ» ያጋይዳ።
ACT 2:12 ኡቡንꬅ ጋማ ቆፒ፥ ጋኦደባዝ ꬋብን ዎልጎ፥ «ዪእ Ꮉኖ አኮ ጋዉደ?» ጋይዳ።
ACT 2:13 የዝን መሉንꬅ፥ «Ꮉንስ ካጽካይዘ ዎይነ ኡዢ ማꬅንትዳ» ያጋእ ለቂዳ።
ACT 2:14 የዝን ጴጥሮሳ፥ ታጶ ፈቲ ሐዋሩንꬃራ ደንዲ ኤቂ፥ ፋ ቃልቶ ꬎቅ ዪዚ፥ ኡንታጎ Ꮉንጋራ ያጋእ ኦህዳ፦ አይሁዱንꬆ፥ የሩሳላመ የዘ ኡቡንꬆ፥ ታ ኦህዛኖ ስኦተ።
ACT 2:15 ዎንታፓ Ꮉይꬕ ሳተ ማቅደ ግሾ ይን ቆፕዛንጋራ Ꮉንꬅ አሱንꬅ ማꬅንትካያ፤ ይና ይን አቻ ኤርንትደባዝ ማቆ።
ACT 2:16 የዝን Ꮉና Ꮉንዳና ናበ እዩኤላ ኦህዳና ፎልንቶደ ፋና።
ACT 2:17 « ‹ጾዚ፥ ዎደ ዉርሱꬅተ Ꮉንጋራ Ꮉኖዳ ያጋነ፦ ታኒ አስ ኡባላ ታ አያና ጉሶዳ። ይን ꬊራꬅ ናኡንꬅን ማች ናኡንꬅ፥ ትንቢተ ኦሆዳ። ይን ይꬉንꬅ ቆንጭꬅ በአዳ፤ ይን ጭሙንꬅ አቡኮ አቡኮዳ።
ACT 2:18 ይና ዎድተ ታና አማንዘ ꬊራꬅ አሩንꬃላን ማች አሩንꬃላ ታ ታ አያንቶ ጉሶዳ፤ ኡን ትንቢተ ኦሆዳ።
ACT 2:19 ማህ ታኒ አፋ ሳሎ ክሌ ባዝ፥ ዬካ ሳአ ማላ ቤሳዳ። ሱꬅ፥ ታማን ዳማ ጩጋ ቃይቃዮ በንቶዳ።
ACT 2:20 ዳማን ቦንቾ ማቅደ ላꬄ ዎደ፥ የሎዳንፓ ቲኖ አዋ ꬉሞዳ፤ አግናን ሱꬅ ፋና ይኦዳ።
ACT 2:21 ይና ዎድተ Ꮉንጋራ ይኦዳ፤ ላꬄ ሱንꬅቶ ጼግዘ ኦደን አቶዳ› ያጋይዳ።
ACT 2:22 «እስራኤለ አሱንꬆ፥ Ꮉና ቃልቶ ስኦተ። ናዝረተ የሱሳ ኦና የዛኮ፥ ጾዚ ይን ግዳ ኦችደ ክለ ባዝን ማላን ይንትስ ቆንጭዳኖ ይን፥ ይን ኦምተ ኤራነ።
ACT 2:23 ጾዘ ቲኖ ቆፍተን ኤ ኤርቲ ባጋራ የሱሳ አꬊ እንግንትዳ። ይንትን ኤዛ ህገ ባይዙንꬅ ኩሸ ማስቃላላ ሱጺ ዎꬍዳ።
ACT 2:24 የዝን Ꮉይቆ ኤዛ አይኮደስ ዳንዳኦሰ ግሾ ጾዚ Ꮉይቆ ዎልቃ ꬋብሲ ኤዛ ደንꬅዳ።
ACT 2:25 ዳዉተ ኤ ባዝ ኦህተራ፥ « ‹ታኒ ታናመ ፋና፥ ላꬂ ታ ምዛቅተ የነ። ላꬃ ኡባ ዎደ ታ ቲኖ በእነ።
ACT 2:26 ይኒ ግሾ፥ ታ ዎዝንታ ኡፋይትዳ፤ ታ እልአንꬅተ ኡፋይስ ኩምዳ፤ Ꮉይቅዘ ታ አሽታ ኡፋይሳራ የሳዳ።
ACT 2:27 አኮስ ጋይኮ፥ ታ ሸምፕቶ ስኦለ ግዳ አሾስ። ማህ ነ ጌሻ ዎቃስ አሾስ።
ACT 2:28 ነ ታና ደኦ ኦገ ኤርስዳ፤ ነ ታራ የዛንፓ ታ ኡፋይስታ ኩሙꬅ ማቃነ› ያጋይዳ።
ACT 2:29 «እሹንꬆ፥ ኑ አዳይ ዳዉተባዝ ታ ይንትስ ጌሽ ኦሆዳ። ዳዉተ Ꮉይቂ ሞግንትዳ፤ ኤ ቦዝታ Ꮉይኖ የሎደስ ኑ ካለ የነ።
ACT 2:30 ዳዉተ ናበ ማቅደ ግሾ ጾዚ ኤ ናኡንꬃፓ ፈታ ኤ ካእቱሞ አራታላ በትꬆደስ ኤስ ጫቂደ ጫቅቶ ኤራነ።
ACT 2:31 ይኒ ግሾ፥ ክርስቶሳ ደንድቶ ቲኖ ብእ፥ ‹ኤ ሸምፕታ ስኦለ በንታማኖን፤ ኤ አሽታ ዎቃማኖ› ኦህዳ።
ACT 2:32 «ጾዚ፥ Ꮉያ የሱሳ Ꮉይቆፓ ደንꬅዳንስ ኑኒ ኡቡንꬅ ማርካ።
ACT 2:33 ይኒ ግሾ፥ ጾዘ ምዛቅ ዛላራ ኤዛ ꬎቅ ꬎቅ ዪዚ፥ ኤስ እንጎዳ ጋእንትደ ጌሽ አያን አደፓ ኤኪ፥ Ꮉኖ ይን Ꮉተ በእዛኖን ስእዛኖ ኑላ አፋ ጉስዳ።
ACT 2:34 አኮስ ጋይኮ፥ ዳዉተ ፋ ኦምተ ሳሎ ከዝካያ የዝን፦ «ላꬂ፥ ታ ላꬃ፥ ‹ታ ነ ሞርኩንꬃና ነ ቶህታ የꬍዘ በሲ ማሆደ ዎንꬅስ Ꮉነ ታፓ ምዛቅ ዛላ በቶ ጋይዳ› ያጋይዳ።
ACT 2:36 «ይኒ ግሾ፥ Ꮉይ ይን ማስቃላላ ሱጽደ የሱሳ፥ ጾዚ ላꬅን ክርስቶሳ ማህዳኖ እስራኤለ አስ ኡቡንꬅ ቱርፕ ኤሮ» ያጋይዳ።
ACT 2:37 አሱንꬅ ጴጥሮሳ ጋእዳኖ ስኤዘ ዎደ ፋ ዎዝንተ አዛኒ ቦችንቲ ጴጥሮሳን Ꮉንኩንꬅ ሐዋሩንꬃጎ፥ «እሹንꬆ፥ ዬዝን ኑኒ አኮ ኦቾ?» ያጋይዳ።
ACT 2:38 ጴጥሮሳ ኡንታጎ፥ «ይን ናጋርታ አቶ ጋእንቶደ ጋር ናጋርትፓ ማቂ፥ ይን ፈተ ፈተ የሱስ ክርስቶሳ ሱንꬅተ ጻማቅንቶተ። ጾዚ እንግዘ ጌሽ አያና እሞ ኤኮዳ።
ACT 2:39 ጾዚ እንጎዳ ጋይደ ኡፋይስ ቃላ ይንትስ፥ ይን ናኡንꬅስን ላꬂ ኑ ጾዛይ ፋጎ ጼግዘ Ꮉኮ የዘ ኡቡንꬅስ» ያጋይዳ።
ACT 2:40 ጴጥሮሳ ኡንትስ መለ ቃላን ጉጂ ማርክꬊ፥ «Ꮉንꬅ ዎቦ አሱንꬃላ ዮኦደስ የዘ ፍርዳፓ ይን ኦምቶ አሾተ» ያጋእ ዞርዳ።
ACT 2:41 ጴጥሮሳ ኦህዳኖ ኤክዱንꬅ ጻማቅንትዳ። የ ዎደ Ꮉይꬕ ሙኩል ማቃደ አሱንꬅ አማኒ ጉጁንትዳ።
ACT 2:42 ኡን ሐዋሩንꬅ ትምርተራ፥ ፈተትꬃራ፥ ዎላ ካꬃ መኤራን ጾዝ ዎሳራ ሚንግ የነ።
ACT 2:43 ሐዋሩንꬅ ኩሸ ጋማ ክለ ባዝን ማላ ኦችንትዘ ግሾ አሱንꬅ ኡባ ዣሽትዳ።
ACT 2:44 አማንዘ ኡቡንꬅ ፈትላ የነ፤ ፋስ የዘባዝቶን ኡባ ፈትላ ግሽንታነ።
ACT 2:45 ኡን ፋስ የዘባዝቶ ባይዝ ብርቶ ፈተስ ፈተስ ኮሽደ ፋና ግሻነ።
ACT 2:46 ኡባ ዎደ ፈቲ ዎዝናራ ማቂ ጾዘ ኬꬃ ሺቃነ። ፋ ኬꬃን ፈተ ፈታ ጼጊ ኡፋይሳራን ሎኦ ዎዝናራ ካꬃ ሙነ።
ACT 2:47 ጾዛ ጋላትተራ አስ ኡባ ግዳ ናሽንትዳ። ላꬂ አትዘ ሸምፖ ቃምተ ቃምተ ኡንታላ ጉጃነ።
ACT 3:1 ፈቲ ኦደ ጴጥሮሳን ዋሐንሳን ጾዝ ዎሶደስ ኡዱፉን ሳተ ጾዘ ኬꬃ Ꮉንግዳ።
ACT 3:2 የልንትዳንፓ ደንዲ ቶሄ ዎቦ ማቅደ ፈቲ አስ ጾዘ ኬꬃ ገልዘ አሳፓ ሙጻታ ዎሶደ ፋና ኡባ ዎደ ሎኦ ጋዘ ጾዘ ኬꬅትስ ፉርꬅተ ቶኪ ክእ ጋዳነ።
ACT 3:3 የ አꬄ ጴጥሮሳን ዋሐንሳን ጾዘ ኬꬅተ ገሎደስ የኦደራ ብእ ኡንታና ሙጻታ ዎስዳ።
ACT 3:4 ኡንትን ኤዛ ዳኪ ብእ፥ ጴጥሮሳ «ኑና Ꮉንካ ቦኦ» ያጋይዳ።
ACT 3:5 ቶሄ ዎቦ አꬄ ኡን አኮ ባዝ እማዳ አዝን ኡንታና ብእዳ።
ACT 3:6 የዝን ጴጥሮሳ ኤጎ፥ «ታስ ብራን ዎርቃን ባያ፥ የዝን ታስ የዛኖ ታ ኔስ እንጎዳ። ናዝረተ የሱስ ክርስቶሳ ሱንꬅተ ደንዲ ጎደን Ꮉንካን የꬎ» ያጋይዳ።
ACT 3:7 ይንፓ ማቂ፥ ኤ ምዛቅ ኩሽቶ አይኪ ደንꬅዳ። ኤልሲ ኤ ቶህታን ቅልችታን ምንግዳ።
ACT 3:8 አꬃይ ዶሊ ደንዲ ኤቅዳ። ጎደን Ꮉንካን የ አይክዳ። ይንፓ ማቂ፥ የꬍተራ፥ ዶልተራን ጾዝ ጋላትተራ ኡንታራ ዎላ ጾዘ ኬꬃ ገልዳ።
ACT 3:9 ኤ የꬎደራ ጾዝ ጋላቶደራን አሱንꬅ ኡባ ኤዛ ብእዳ።
ACT 3:10 ብእደ ኡባ ሙጻታ ዎሶደስ ሎኦ ጋዘ ጾዘ ኬꬃ ፉርꬅተ በትደ ኤዛ ማቅዳኖ ኤርዳ፤ ኤ Ꮉንዳኖ ብእ ጋማ ቆፋራ ኩምዳ።
ACT 3:11 አꬃይ ጴጥሮሳፓን ዋሐንሳፓን ዱጾስ ጋእ አይኪ የዝን አሱንꬅ ኡባ ጋማ ቆፒ፥ ሶሎሞና ፉርꬅ ጋዘ በሳ ዎላ ኡንታጎ ይእዳ።
ACT 3:12 ጴጥሮሳ አሱንꬃና ብእደ ዎደ አሱንꬃጎ፥ «እስራኤለ አሱንꬆ፥ አኮስ Ꮉነ ጋማ ቆፐተ? ዎይ አኮስ ኑና ዳኪ በኤተ? ኑኒ ኑ ዎልቃራ ዎይ ኑ ጾዝ ዣሽትደ ግሾ Ꮉይ አꬃ ፋ ቶሄር የꬎደ ጋር ዪሳዳ ይንትስ አዛነ?
ACT 3:13 አብራሃማ፥ ይሳቃ፥ ያይቆባ ጾዘ፥ ኑ አዱንꬅ ጾዘ፥ ፋ ናአያ የሱሳ ቦንችዳ። የዝን ይን Ꮉይቆስ አꬂ እንግዳያ ጵላጦሳ ብሎደስ ኮይን ይን ኤ ቲኖ፥ ‹ኑ ኤዛ ኮዮስ› ያጋይዳ።
ACT 3:14 ይን ጌሽዛን ጽልዛን፥ ‹ኑ ኤዛ ኮዮስ› ጋእ፥ ሸምፖ ዎꬍዳያ ይንትስ ብሎደ ጋር ጵላጦሳ ዎስዳ።
ACT 3:15 ደኦ እንግዛያ ይን ዎꬍዳ፥ የዝን ጾዚ Ꮉይቆፓ ኤዛ ደንꬅዳ። ይንስ ኑ ማርካ።
ACT 3:16 Ꮉይ ይን በእዘን ኤርዘ አꬄ ፋጺ ሚንግዳና የሱሳ ሱንꬅተ አማንዳነ። Ꮉይ ይን ኡቡንꬅ ቲንተ ኤዛ Ꮉንጋር ፋꬅደ ኤ የሱሳ አማንደ ግሾ።
ACT 3:17 «Ꮉተን ታ እሹንꬆ፥ ይንትን ይንታና ካልꬅዙንꬅ ጋር፥ ኤርካይዛራ ኦችዳኖ ታ ኤራነ።
ACT 3:18 የዝን ጾዚ ዛጋ ናቡንꬅ ኡቡንꬅ ዶንተ፥ ‹ክርስቶሳ ማꬋ ኤኮደስ ቤዛነ› ያጋይዳኖ ይእ ፎልንቶደ ፋና ኦችዳ።
ACT 3:19 ይኬ፥ ጾዚ ይን ናጋርቶ አቶ ጋዉደ ጋር ማሮትꬅ ገሎተን ላꬃጎ ማቆተ።
ACT 3:20 ላꬄ ካለፓ ምንꬅꬅዘ ዎደ ይንትስ የኦደ ፋና ጾዚ ኤዛ ቲንꬊ ዶርደ ክርስቶስ የሱሳ ይንትስ ዳኮዳ።
ACT 3:21 ጾዚ ፋ ጌሽ ናቡንꬅ ዶንተ ዛጋ ኦህዳን ጋር ኡባ ባዝ ክልꬎደ ዎደ የሎደስ የሱሳ ሳሎ ጋምኦደስ ቤዛነ።
ACT 3:22 ሙሴ፥ ‹ላꬂ ጾዚ ታና ደንꬅዳን ጋር ይን ግዳ ፋ ይንትስ ናበ ደንꬆዳ። ይን ኤ ጋዛኖ ኡባ ስኦተ።
ACT 3:23 የ ናብዘ ኦህዛኖ ስኦሰ አꬄ ኦደን አስ ግዳፓ ሻክንት ꬋቦዳ› ጋይዳ።
ACT 3:24 «ማህ ሳሙኤላፓ አይኪ የዘ ናቡንꬅ ኡባ ይና ቃምትባዝ ኦህዳ።
ACT 3:25 ይን ናቡንꬅ ናኡንꬃና፤ ማህ ጾዚ አብራሃማስ፥ ‹ሳአ የዘ አስ ኡባ ታ ነ ኮችት ባጋር አንጆዳ› ጋእ ኑ አዱንꬅስ ጫቆ ቃላ ላቶደ ናኡንꬃና።
ACT 3:26 ጾዚ ይንታና ኡባ ይን ኢታ ኦግትፓ ማህ አንጆደ ፋና ፋ ናአያ ደንꬂ ይንትስ ቲኒ ዳክዳ» ያጋይዳ።
ACT 4:1 ጴጥሮሳን ዋሐንሳን አሱንꬅስ ኦሆደራ ካህኑንꬅ Ꮉላቁንꬅ፥ ጾዘ ኬꬅቶ ናግዙንꬅ Ꮉላቅዘን ሳዱቃዉንꬅ ኡንታጎ ይእዳ።
ACT 4:2 ኡን የሱሳ Ꮉይቆፓ ደንድዳኖን ኤ ባጋራ Ꮉይቆፓ ደንዶ የዛኖ አሱንꬃና ታማርስደ ግሾ ካጭዳ።
ACT 4:3 ይኒ ግሾ፥ ኡንታና አይኪ ሳእታ ኡጉርደ ግሾ ዎንቶደ ዎንꬅስ አች ኬꬃ ገልꬅዳ።
ACT 4:4 የዝን ቃላ ስእዱንꬃፓ ጋሙንꬅ አማንዳ። አማንደ ꬊራꬅ አሱንꬅ ፋይድታ እችን ሙኩል የልዳ።
ACT 4:5 ዎንትꬅት ኦደ ጋደ አህዙንꬅ፥ ጭሙንꬅን፥ ህገ አስታማሩንꬅ የሩሳላመ ሺቅዳ።
ACT 4:6 የንꬅ አሱንꬅ ግዳ ካህኑንꬅ Ꮉላቅዘ ሃናን፥ ቃያፋ፥ ዋሐንሳ፥ እስክንድሮሳን ካህኑንꬅ Ꮉላቃ እግኑንꬅ ኡባ የነ።
ACT 4:7 ጴጥሮሳን ዋሐንሳን ፋ ቲንተ ኤስ፥ «አኮ ዎልቃራ ዎይ ኦደ ሱንꬅተ Ꮉኖ ይን ኦችዶ?» ያጋእ ኦጭዳ።
ACT 4:8 የ ዎደ ጴጥሮሳ ጌሽ አያናር ኩሚ፥ «አህዙንꬆን፥ ጭሙንꬆ፥
ACT 4:9 Ꮉይኖ Ꮉይ ቶሄ ዎቦ አꬄስ ኦችንትደ ሎኦ ኦችትስን ኤ ዋይዝ ፋጸዛኮ ይን ኑና ቁርችኮ፥
ACT 4:10 ማስቃላላ ይን ሱጽን፥ ጾዚ Ꮉይቆፓ ደንꬅደ ናዝረተ የሱስ ክርስቶሳ ሱንꬅተ Ꮉይ አꬄ ፋጺ ይን ቲንተ ኤቅዳይ ይንትስን እስራኤለ አስ ኡቡንꬅስ ኤርንትደባዝ ማቀ።
ACT 4:11 «ይን ‹ኬጽዙንꬅ ለቂ እጽደ ሹችዘ፥ ኬꬅ ማይዘነስ ኦማን፥ ኡባፓ አꬍዘ ሹች ማቅዳ፤ የ ሹችዘ የሱሳ።›
ACT 4:12 ይኒ ግሾ፥ አቶትꬅ ኤ ባጋራፕ አትን መለ ኦደ ባጋራን ይእካያ። ኑ ኤ ሱንꬅተ አቶደ ጋር አስ ኡባስ ጾዚ ሳሎፓ ኦሞራ እንግደ መለ ሱንꬅ ባያ» ያጋይዳ።
ACT 4:13 ሺቅደ አሱንꬅ ጴጥሮሳን ዋሐንሳን ቆንጭዝ ኦህዳኖ ብእደ ዎደ ኡን ታማርካይዘ ጨር አስ ማቅዳኖ ቆፒ ጋማ ናሽዳ፤ ኡን የሱሳራ የዛኖ ኤርዳ።
ACT 4:14 ማህ ፋጽደ አꬄ ጴጥሮሳራን ዋሐንሳራ ኤቅዳኖ አሱንꬅ ብእን ጋዉደ ባዝ ꬋብዳ።
ACT 4:15 የዝን ጴጥሮሳን ዋሐንሳን ባለ ኬሳደ ጋር ዪዚ ፋ ግዳ፥
ACT 4:16 «Ꮉንꬅ አሱንꬃላ ኑ አኮ ኦቾ? ኡን ኩሽተ ኦችንትደ ዳማ ክለ ባዝ የሩሳላመ የዘ ኡቡንꬅስ ቆንጭዳ። ኑ ይኖ አቾደስ ዳንዳኦስ።
ACT 4:17 የዝን Ꮉና ኦህታ አስ ግዳ ዳልጋመ ጋር ይኬፓ Ꮉንꬅ አሱንꬅ የሱሳ ሱንꬅተ ሙሎን ኦሃመ ፋናን ታማርሳመ ፋና ካዮዳ» ጋእ ዞርንትዳ።
ACT 4:18 ኡንታና ጼጊ፥ የሱሳ ሱንꬅተ ይኬፓ ኦሃመ ጋር ዎይ ታማርሳመ ጋር ኪትዳ።
ACT 4:19 የዝን ጴጥሮሳን ዋሐንሳን ኡንታጎ ማህ፥ «ጾዘስ ኪትንቶዳንፓን ይንትስ ኪትንቶዳንፓ ጾዘ ቲኖ አና ሎኦ የዛኮ አነ ይን ፍርዶተ።
ACT 4:20 ኑ ብእዳኖን ስእዳኖን ኦህካይዛራ ስእ ጋዉደስ ዳንዳኦስ» ያጋይዳ።
ACT 4:21 ጭሙንꬅን ዎርዣ አህዙንꬅ ቲኖስትፓ ምንꬂ ካጪ ኡንታና ዳኪ አሽዳ። አሱንꬅ Ꮉንዳንስ ጾዝ ጋላቲ ቦንችደ ግሾ ኡንታና ፍርዶደስ ዳንዳእካያ።
ACT 4:22 ይና ክለ ኦችተ Ꮉርግትፓ ፋጽደ አꬄስ ላይꬅታ ኦይታማፓ አꬋነ።
ACT 4:23 ጴጥሮሳን ዋሐንሳ ብልንቲ አማንዘ ባጉንꬃጎ Ꮉንግ፥ ካህኑንꬅ Ꮉላቁንꬅን ጭሙንꬅ ፋጎ ጋይደባዝ ኡባ ኡንትስ ኦህዳ።
ACT 4:24 ኡን ይኖ ስእደ ዎደ ፈቲ ዎዝና ማቂ ጾዛ Ꮉንጋራ ያጋእ ዎስዳ፦ «ኡባ አህዘ ላꬃዮ፥ ሳሎ፥ ሳአ፥ አባን ኡን ግዳ የዛኖ ኡባ መꬍዳዮ፥
ACT 4:25 ኔኒ ነ አርዘ፥ ኑ አዳይ ዳዉተ ዶንተ ጌሽ አያናራ፥ «አይሁደ ማቆሱንꬅ አኮስ ዙዝንግዶ? ዎርዡንꬅ አኮስ ጨር ዞርንትዶ?
ACT 4:26 ሳአ ካቱንꬅን ዎርዣ አህዙንꬅ ዎላ ላꬄላን ትዥንትደላን ደንድዳ ያጋይዳ።
ACT 4:27 «ቱሮን፥ ሄሮድሳን ጰንጠ ጵላጦሳ አይሁደ ማቆሰ አሱንꬃራን እስራኤለ አሱንꬃራ ነ ትዥደ ነ ጌሽ ናአይ የሱሳላ ደንዶደስ Ꮉና ካታምተ ሺቅዳ።
ACT 4:28 ማህ ኔኒ ነ ዎልቃራን ነ ቆፋር ኦቾዳ ጋእ ቆፒ በትደ ባዝ ኡባ ኡን ፎልዳ።
ACT 4:29 Ꮉተን ላꬆ፥ ኡን ማንድዛኖ ቦኦ፤ ኑኒ ነ አሩንꬂ ነ ቃልቶ ኩሙꬅ ዎዝናር ኦሆደ ጋር ኑስ ዎልቃ እንጎ።
ACT 4:30 ነ ጌሽ ኦቻንችዘ የሱሳ ሱንꬅተ Ꮉርግንትዙንꬃና ፋꬆደስ፥ ክለ ባዝን ጋማ ቆፍዘ ባዝ ኦችንቶደ ጋር ነ ኩሽቶ ምጮ» ጋእ ዎስዳ።
ACT 4:31 ኡን ጾዝ ዎስዳንፓ ሱባ ኡን ሺቅደ በስታ ኤንእዳ። ኡን ኡቡንꬅ ግዳ ጌሽ አያና ኩምን ጾዘ ቃልቶ ቆንጭዝ ኦህዳ።
ACT 4:32 አማንዙንꬅ ኡቡንꬅ ቆፋራን ዎዝናራን ፈቶ ማቅዳ። ኡን ፋስ የዘ ባዝ ኡባ ታ ባዝ ጋእ ኦሆስ። የዝን ፋስ የዛኖ ኡባ ዎላ ማድንታነ።
ACT 4:33 ሐዋሩንꬅ ላꬄ የሱሳ Ꮉይቆፓ ደንድዳኖ ዳማ ዎልቃራ ማርክꬋነ። ጾዚ ኡን ኡቡንꬅስ ዳማ አꬎ ኬሃትꬅ እንግዳ።
ACT 4:34 ጋደ ማቅን ኬꬂ የዘ ኡባ ባይዝ ብርቶ ዎላላ ጋዳነ። ይኒ ግሾ አማንዙንꬅ ግዳ ማꬍꬍዘ ፈትን ባያ።
ACT 4:35 ብርቶ ክእ ሐዋሩንꬅስ እንጋነ፤ ይና ብርቶ ፈተስ ፈተስ ኮሽደ ፋና ሻኪ ሻኪ እንጋነ።
ACT 4:36 ቆጵሮሳ ጋዘ በስተ የልንትደ ዮሰፋ ጋዘ ሌወ ኮቻፓ ማቅደ ፈተ የነ። ኤ ሱንꬅቶ ሐዋሩንꬅ ባርናባሳ (ምንꬅꬅዘ ናአ) ጋይዳ።
ACT 4:37 ባርናባሳ ፋስ የዘ ጋድቶ ባይዝ ብርቶ ክእ ሐዋሩንꬅስ እንግዳ።
ACT 5:1 ፈቲ ሀናንያ ጋዘ አꬄ ፋ ማችታ ሳጲርራ ጋደ ባይዝዳ።
ACT 5:2 ይና ባይዝደ ብርትፓ ፋ ማችታ ኤርዝን አሺ፥ አትዳኖ ክእ ሐዋሩንꬅስ እንግዳ።
ACT 5:3 የዝን ጴጥሮሳ ሀናንያጎ፥ «ነ ጌሽ አያና ጭሞደ ጋራን ጋድቶ ባይዝደ ብርትፓ ሻኪ አሾደ ጋር ጻላሄ ነ ዎዝንተ አኮስ ገልዶ?
ACT 5:4 ኔኒ ባይዞዳንፓ ቲኖ ጋድዘ ነባዝ ባነ? ማህ ነ ባይዝ ማቅንን ሚሽታ ነባዝ ባነ? ዬዝን፥ ይኒ ጋርዘ ባዝ ኦቾደስ አኮስ ነ ዎዝንተ ቆፕዶ? ነ ጾዝ ቲኖ ዎርድꬍዳፕ አትን አስ ቲኖ ዎርድꬍካያ» ያጋይዳ።
ACT 5:5 ሀናንያ ይና ቃልቶ ስእደ ጋር ጎልእ Ꮉይቂዳ፤ ይኖ ስእደ ኡቡንꬅ ዳማ ዣሽትዳ።
ACT 5:6 ናአትꬁንꬅ ደንዲ ኤ አህቶ ዚꬊ ጻጺ ካንግ ሞግዳ።
ACT 5:7 Ꮉይꬕ ሳተፓ ሱባ ሀናንያ ማችታ ይኖ ኤርካይዛራ ጴጥሮሳ የዘ በስተ ገልዳ።
ACT 5:8 ጴጥሮሳ ኢጎ፥ «ይን ጋድቶ ይና ብርትስ ጋማቲ ባይዝዳተ? አነ ታስ ኦሆ» ያጋይዳ። እዛን፥ «ዬ፥ ይና ብርትስ ጋማቲ ባይዝዳ» ያጋይዳ።
ACT 5:9 ጴጥሮሳ ማችቶ፥ «ኔራን ነ አዝንዘራ ላꬄ አያና ፋታኖደስ አኮስ ዞርንትዶተ? ይኬ፥ ነ አዝንዛ ሞግደ አሱንꬅ ባለ የነ፤ ነናን ኡን ባለ ከሶዳ» ያጋይዳ።
ACT 5:10 ማችታ ኢራ ጴጥሮሳ ቶህት ካለ ጎልእ Ꮉይቂዳ፤ ሻካኑንꬅ ገልዘ ዎደ Ꮉይቂዳኖ ደንግ ባለ ኬሲ፥ እ አዝንዘ ካለ ካንግ ሞግዳ።
ACT 5:11 ኩሙꬅ ዎሳ ኬꬅታን ይኖ ስእደ መለ አሱንꬅ ኡባ ዳማ ዣሽትዳ።
ACT 5:12 ሐዋሩንꬅ ጋማ ቆፍዘ ባዝን ክሌ ባዝ አሱንꬅ ግዳ ኦችተር የነ። ኡቡንꬅ ፈቲ ዎዝናር ሶሎሞነ ፉርꬃ ሺቃነ።
ACT 5:13 መለ አሳፓ ፈቲ አስን ኡንታር ማድንቶደስ ሚንግካያ፥ የዝን አሱንꬅ ኡንታና ቦንችዳ።
ACT 5:14 አማንዘ ꬊራꬁንꬅን ማቹንꬅ ፋይድታ ቲኖስትፓ ጋንግተ ቅትዳ።
ACT 5:15 ይኒ ግሾ፥ አሱንꬅ Ꮉርጋንቹንꬃና ሻንቻፋራን አልጋራ ቶኪ ጴጥሮሳ አꬍዘ ዎደ ኤ ዳሽታ ኡንታፓ ፈተላ ፈተላ ዳሾደ ጋር ኦገ ዶና ኬሲ ጋዳነ።
ACT 5:16 ማህ ጋማ አሱንꬅ የሩሳላመ ካለ የዘ ካታማፓ Ꮉርግንትዙንꬃና ቱና አያና ዋይꬅዘ አሱንꬃና ኤኪ የእነ፤ ኡቡንꬅን ፋጻነ።
ACT 5:17 ካህኑንꬅ Ꮉላቅዘን ኤራ የዘ ሳዱቃዉንꬅ ኡባ እጸራ ኩሚ ሐዋሩንꬃላ ደንድዳ።
ACT 5:18 ሐዋሩንꬃና አይኪ ዎርዣ አች ኬꬃ ኦልዳ።
ACT 5:19 የዝን ላꬂ ኪታንቾ ቃማ አች ኬꬃ ፉርꬅቶ ቡጊ ሐዋሩንꬃና ባለ ኬሲ፥
ACT 5:20 «Ꮉንግ፥ ጾዘ ኬꬃ ኤቂ Ꮉና ክለ ደኦ ቃልቶ አሱንꬅስ ኡባ ኦሆተ» ያጋይዳ።
ACT 5:21 ሐዋሩንꬅ ይኖ ስእደ ዎደ ዎንታ ጎዳ ጾዘ ኬꬃ ገሊ ታማርሰ አይክዳ። ካህኑንꬅ Ꮉላቅዘን ኤራ የዙንꬅ ይእ፥ እስራኤለ ጭሙንꬃና ኡባ ጼጊ ሺሺ ሐዋሩንꬃና ፋ ቲኖ ኮኦደ ጋር ዎታዳሩንꬃና አች ኬꬃ ኪትዳ።
ACT 5:22 የዝን ዎታዳሩንꬅ አች ኬꬅተ Ꮉንግ ሐዋሩንꬃና ደንግካያ። ሱብ ማቂ ይእ አሱንꬃጎ፥
ACT 5:23 «ኑ Ꮉንግዘ ዎደ አች ኬꬅት ፉርꬅታ ምንꬂ ጎርድንትን፥ ናግዙንꬅ ፉርꬅተ ኤቅዱንꬃና ደንግዳ። የዝን ኑ ፉርꬅቶ ቡግዘ ዎደ ግዳ መለ አቶ የዝን ፈቲ አስን ባያ» ያጋይዳ።
ACT 5:24 ይኒ ግሾ፥ ጾዘ ኬꬅተ ዎታዳሩንꬃና ኪትዘ ካህኑንꬅ Ꮉላቁንꬅ ይኖ ስኤዘ ዎደ «ሐዋሩንꬃላ አኮ Ꮉንዶ?» ጋእ ታውዳ።
ACT 5:25 የ ዎደ ፈቲ አስ ኡንታጎ ይእ፥ «ይኬ፥ ይን አጭደ አሱንꬅ ጾዘ ኬꬅተ ኤቂ አሱንꬃና ታማርሳነ» ያጋእ ኡንትስ ኦህዳ።
ACT 5:26 ጾዘ ኬꬅተ ዎታዳሩንꬃና ኪትዘ ፋ ዎታዳሩንꬃራ Ꮉንግ ሐዋሩንꬃና ክእዳ። የዝን ኡን ፋና አሱንꬅ ሹቻራ ꬎጎዳ ጋእ ዣሽትደ ግሾ ኡንታና አዳሽ ክእዳ።
ACT 5:27 ኡን ሐዋሩንꬃና ክእ፥ ሺቅደ ሻንጉንꬅ ቲንተ ኤስን ካህኑንꬅ Ꮉላቅዘ ኡንታጎ፥
ACT 5:28 «ይንታና ኑኒ የ አꬄ ሱንꬅተ ታማርሳመ ጋር ምንꬂ ኪትካነ? ይኬ፥ ይን ትምርትቶ የሩሳላመ ካታማ ኡባ የልꬅዳ። የ አꬄ ሸምፕትስ ኑና ጋልሳደስ ኮያነነ?» ያጋእ ኦጭዳ።
ACT 5:29 ጴጥሮሳራን Ꮉንኮ ሐዋሩንꬃራ ኡንትስ ማህተ፥ «ኑኒ አስስ ኪትንቶዳንፓ ጾዝስ ኪትንቶደስ ቤዛነ።
ACT 5:30 ማስቃላላ ይን ሱጺ ዎꬍደ የሱሳ ኑ አዱንꬅ ጾዘ Ꮉይቆፓ ደንꬅዳ።
ACT 5:31 እስራኤሉንꬅ ናጋራፓ ማቃደ ጋራን ኡን ናጋርታ አቶ ጋእንቶደ ጋር ጾዚ የሱሳ አህዛያን አሽዛያ ማህ ቦንቾራ ፋፓ ምዛቅ ዛላር በትꬅዳ።
ACT 5:32 ይንስ ኑ ማርካ፤ ማህ ጾዘ ፋና ኪትንትዙንꬅስ እንግደ ጌሽ አያናን ማርካ» ያጋይዳ።
ACT 5:33 ሺቅደ አሱንꬅ ይኖ ስኤዘ ዎደ ዳማ ዥልꬊ፥ ሐዋሩንꬃና ዎꬎደስ ቆፕዳ።
ACT 5:34 የዝን አስ ኡባ ግዳ ዳማ ቦንችንትደ፥ ህገ አስታማረ ማቅደ፥ ጋማልያለ ጋዘ ፈቲ ፋርሳዉዘ ደንዲ ኤቂ ሐዋሩንꬃና ኤራꬅ ጎደ ባለ ከሶደ ጋር ኪትዳ።
ACT 5:35 ይንፓ ሱባ፥ ሺቅደ አሱንꬃጎ፥ «እስራኤለ አሱንꬆ፥ Ꮉንꬅ አሱንꬃላ ይን ኦቾደስ ቆፕደ ባዝትፓ ናግንቶተ።
ACT 5:36 አኮስ ጋይኮ፥ Ꮉንፓ ቲኖ ተዎዳሳ ፋና፥ ‹ታ ዳማ› ጋእ ደንድን፥ ኦይዲ ጼት ማቃደ አሱንꬅ ኤራ ዎላ ማቅዳ። የዝን ኤዛ ዎꬍን ኤዛ ካልዘ ኡቡንꬅ ላንትን ፋꬆሰ አስ ማቂ አትዳ።
ACT 5:37 ይንፓ ሱባ፥ አሱንꬅ ፋይድንትደ ዎደ ጋልላፓ የዘ ይሁዳ ደንዲ ጋማ አሱንꬅ ፋና ካሎደ ጋር ዪዝዳ፥ የዝን ኤዛ ዎꬍን ኤዛ ካልዘ አሱንꬅ ኡባ ላንትዳ።
ACT 5:38 Ꮉተን ታ ይንትስ ኦህነ፤ Ꮉንꬅ አሱንꬃፓ ሻግንቶተ፤ ኡንታና ቦችፐተ። አኮስ ጋይኮ፥ Ꮉና ቆፍቶን Ꮉና ኦችቶ አስ ኦችዘባዝ ማቅኮ ꬋቦዳ።
ACT 5:39 የዝን Ꮉና ቆፍታን Ꮉና ኦችታ ጾዛፓ ይእደባዝ ማቅኮ፥ ይን ኡንታና ꬋብሶደስ ዳንዳኦስ። ቱርፓ ይን ጾዛራ ካጭንትተራ በንታመ ፋና» ያጋእ ኦህዳ። ይኒ ግሾ፥ ሺቅደ አሱንꬅ ጋማልያለ ዞርዳኖ ኤክዳ።
ACT 5:40 ሐዋሩንꬃና Ꮉንካ ፋጎ ጼጊ አላንጋራ ጋራፍዝዳ። ይንፓ ሱባ፥ ኡንታጎ፥ «የሱሳ ሱንꬅቶ ላምእንꬃ ኦህፐተ» ጋእ ብሊ ዳክዳ።
ACT 5:41 የሱሳ ሱንꬅት ግሾ ኡን ቦርንቴ ቤዘባዝ ማቅዳኖ ኤርዘ ግሾ ሻንጉንꬅ ቲኖፓ ኡፋይትተራ ከዝዳ።
ACT 5:42 ኡን ኡባ ዎደ ጾዘ ኬꬃን አስ ኬꬃን የሱሳ ኤ ክርስቶሳ ማቅዳኖ ታማርሰን ሳባኬን አሽካያ።
ACT 6:1 የ ዎደ ካልዙንꬅ ፋይድታ ጋንግ ጋንግ Ꮉንጎደራ፥ ግርኬ ዶና ኦህንትዘ አይሁዱንꬅ ይሁዳ ግዳ የልንት የዘ አይሁዱንꬃላ ዙዝንግዳ። አኮስ ጋይኮ፥ ግርኬ ዶናራ ኦህንትዘ አይሁዱንꬅ፥ «አዋራስ እንግንትዘ ካꬅተ ኑ አዝኒ ባይዘ ማቹንꬅ ቆህንትዳ» ያጋይዳ።
ACT 6:2 ታጶ ላምእ ሐዋሩንꬅ ዎሳ ኬꬃ አስ ኡባ ጼጊ፥ «ኑ ጾዘ ቃላ ኦህዛኖ አሺ ካꬃ ሙዛና ኑስ ቤዞስ።
ACT 6:3 ይኬ፥ እሹንꬆ፥ ሎኦ ኦቻራ፥ ጌሽ አያናራን ጭንጫትꬃራ ኩምደ ላፑን አሱንꬃና ይን ግዳፓ ዶሮተ፤ ኑኒ ኡንታና Ꮉና ኦችትስ ሹሞዳ።
ACT 6:4 የዝን ኑኒ፥ ኡባ ዎደ ጾዝ ዎሳራን ቃላ ታማርሰራ ምንጎዳ» ያጋይዳ።
ACT 6:5 ሐዋሩንꬅ ኦህደ ኦህታ አሱንꬃና ኡባ ኡፋይስዳ። ይኒ ግሾ፥ አማኖን ጌሽ አያና ኩምደ እስጢፋኖሳ፥ ፍልጶሳ፥ ጵሮኮሮሳ፥ ንቃሮና፥ ጽሞና፥ ጳርሜናን አይሁደ አማኖ ገሊ ማቅደ አንጾክያ ንቆላዎሳ ዶርዳ።
ACT 6:6 ኡንታና ሐዋሩንꬅ ቲኖ ኤስን፥ ሐዋሩንꬅ ኡንታላ ኩሸ ጋዲ ጾዝ ዎስዳ።
ACT 6:7 ጾዘ ቃላ ዳልግተር Ꮉንግዳ። የሩሳላመ የዘ አማንዙንꬅ ፋይድታ ሎይꬂ ጋንግተር Ꮉንግዳ፤ ጋማ ካህኑንꬅን አማንዳ።
ACT 6:8 እስጢፋኖሳ አꬎ ኬሃትꬃራን ዎልቃራ ኩሚ አሱንꬅ ግዳ ጋማ ቆፍዘ ባዝን ክለ ባዝ ኦቻነ።
ACT 6:9 አሮትꬃፓ ከዝደ አይሁደ ዎሳ ኬꬃ አሱንꬅ ቀሬናፓን እስክንድርያፓ ክልቅያፓን እስያፓን ይእደ ፈቲ ፈቲ አሱንꬅ ደንዲ እስጢፋኖሳራ ላልዳ።
ACT 6:10 የዝን እስጢፋኖሳ ኦህተ የዘ ጭንጫትꬅቶን አያንዛ ኡን እጾደስ ዳንዳእካያ።
ACT 6:11 ይና ዎድተ ኡን፥ «ሙሴን ጾዝን ኤ ጫሻደራ ስእዳ» ጋዘ ዎርዶ አሱንꬃና ደንꬅዳ።
ACT 6:12 ይኒ ጋር ዪዚ አሱንꬃና፥ ጭሙንꬃናን ህገ አስታማሩንꬃና ኤላ አፋ ደንꬅꬅዳ። እስጢፋኖሳ አይኪ ሻንጎ ቲኖ ካንግዳ።
ACT 6:13 ኤላ አፋ ፋይድደ ዎርዶ ማርኩንꬅ፥ «Ꮉይ አꬄ Ꮉና ጌሽ ኬꬅቶን ሙሴ ህግቶን ማህ ማህ ጫዣነ።
ACT 6:14 ኤ፥ ‹Ꮉይ ናዝረተ የሱሳ፥ Ꮉና ጾዘ ኬꬅቶ ላሎዳ፤ ማህ ሙሴ ኑስ እንግደ ህግቶ ላሞዳ› ያጋዘ ዎርዶ ማርካ ኤስዳ» ያጋይዳ።
ACT 6:15 ሻንጎ ሺቅተ በትደ አሱንꬅ ኡባና እስጢፋኖሳ ሎይꬂ በእዘ ዎደ ኤ ስንታ ኪታንቾ ስኖ ማቂ በንትዳ።
ACT 7:1 ካህኑንꬅ Ꮉላቅዘ እስጢፋኖሳጎ፥ «Ꮉና ቱሮ?» ያጋእ ኦጭዳ።
ACT 7:2 እስጢፋኖሳ፥ «ታ እሹንꬆን፥ ታ አዱንꬆ፥ ስኦተ! ኑ አዳይ አብራሃማ ካራነ የሳደስ Ꮉማዳንፓ ቲኖ ማሰጰጦምያ የሳደራ፥ ቦንቾ ጾዘ ኤስ ቆንጪ፥
ACT 7:3 ‹ነ ጋድትፓን ነ እግኑንꬃፓ ሻክንት ታ ነና ቤዘ ሳአ ቅቶ› ያጋይዳ።
ACT 7:4 የ ዎደ አብራሃማ ካልዳዉያነ ጋደፓ ኬዚ ካራነ ሳአ የዝዳ። ኤ አዳይ Ꮉይቂዳንፓ ሱባ ጾዚ ኤዛ Ꮉና ሳእተ Ꮉተ ይን የዛነ ክእዳ።
ACT 7:5 ኤ Ꮉና ጋድትፓ መለ አቶ የዝን ቶሄር የꬍዘ በስን አብራሃማስ እንግካያ። የዝን ናአ ኤስ ባይዘ ዎደ ጾዚ Ꮉና ሳእተ ኤስን ኤ ኮችትስ ላቶደ በሲ ማህ እንጎዳኖ ቃላ ገልዳ።
ACT 7:6 ጾዚ አብራሃማጎ፥ ‹ነ ኮችታ መለ ሳአ ዛቆትꬃ የሳዳ፤ እዘ ኦይዲ ጼት በረ ኡን አሮ ማቂ አቆደ ፋናን ኡንእንቶደ ፋና ኦህዳ።
ACT 7:7 የዝን ታ ነ ኮችቶ አህዘ ዎርዡንꬃላ ፍርዶዳ። ይንፓ ማቂ፥ ኡን ይና ጋድትፓ ከዚ Ꮉነ ታስ ጎይኖዳ› ጋይዳ።
ACT 7:8 ጾዚ አብራሃማ ኮችታ ጋራዝንቶደ ጋር ኤራ ጫቅን፥ ይሳቃ የልንትደ ኦስፉንꬆ ቃምተ ጋራዝንትዳ። ይሳቃ ያይቆባ የልዳ፤ ማህ ያይቆባ ታጶ ላምእ ፋ ናኡንꬃና፥ ዛርቲ አደ ማቅዱንꬃና ጋራዝዳ።
ACT 7:9 «ያይቆባ ናኡንꬅ ዮሰፋ እጺ ግብጸ ጋደ አሮተꬅስ ባይዝዳ፥ የዝን ጾዘ ኤራ የነ።
ACT 7:10 ኤዛ፥ ኤ ማꬍት ኡባፓ ከስዳ። ግብጸ ካት ፋሮና ቲኖ ሳባን ጭንጫትꬅን ኤስ እንግዳ። ግብጸ ካት ዮሰፋስ ግብጸ ሳአን ፋ ኬꬅቶ ኡባ አሆደ ፋና አደትꬅ ዎልቃ እንግዳ።
ACT 7:11 «ግብጸን ካናነ ሳአ ኡባ ናየ ገሊ ጋማ አስ ዋይꬅዳ። የ ዎደ ኑ አዳይ ያይቆባ ናኡንꬅ ካꬃ ደንጎደስ ዳንዳእካያ።
ACT 7:12 ያይቆባ ግብጸ ሳአ ካꬃ የዛኖ ስእ ኑ አዱንꬃና ቲኖ የይጋ ዳክዳ።
ACT 7:13 ላምእንꬃ Ꮉንግተ ዮሰፋ ፋ እሹንꬅስ ፋና ኤርስዳ። ግብጸ ካትዘን ዮሰፋ ኮችቶ ኤርዳ።
ACT 7:14 ዮሰፋ ፋ አዳይ ያይቆባራን ፋ ካራ አሱንꬃና፥ ላፑን ታም እችን አሱንꬃና ፋጎ የኦደ ጋር ዳኪ ክእዝዳ።
ACT 7:15 ያይቆባ ግብጸ ሳአ ዎꬍዳ፤ ኤዝን ኤ ናኡንꬅ እዘ Ꮉይቂዳ።
ACT 7:16 ኡን አህታ ይና በስትፓ ሴኬመ ቶክንት Ꮉንግ፥ እዘ አብራሃማ ኤሞረ ናኡንꬃፓ ጋማ ብራራ ዎንግደ ቦዝተ ሞግንትዳ።
ACT 7:17 «የዝን ጾዚ አብራሃማስ እማዳ ጋይዳኖ ፎልዘ ዎድታ የሎደስ ኡክደ ዎደ ግብጸ ሳአ የዘ ኑ አሱንꬅ ጋንግ ጋንግ Ꮉንግዳ።
ACT 7:18 ይንፓ ሱባ፥ ዮሰፋ ኤሮሰ መለ ካት ግብጸ ሳአ ካእትዳ።
ACT 7:19 የ ካትዘ ኑ ኮችቶ ገኒ ኤራꬅ ናኡንꬅ Ꮉይቆደ ፋናን ኡንታና ባለ ኬሲ ኦሎደ ፋና ኑ አዱንꬃና ኡንእꬅዳ።
ACT 7:20 «ይና ዎድተ ሙሴ የልንትዳ፤ ኤ ጾዘ ቲኖ ጋማ ሎኦ ብሻር የዘ ናአ። ፋ አዳይ ኬꬃ Ꮉይꬕ አግና የሎደስ ድጭዳ።
ACT 7:21 ሙሴ ካንግ Ꮉꬅ ጋጻ ጋድደ ዎደ ግብጸ ካት ናታ ደንግ ኤኪ ፋስ ናአ ማህ ኤዛ ድችዳ።
ACT 7:22 ሙሴ ግብጹንꬅ ኤራትꬅ ኡባ ታማሪ ኦሄራን ኦቻራን ምንꬂ አስ ማቅዳ።
ACT 7:23 «ሙሴስ ላይꬅታ ኦይታም ኩምደ ዎደ ፋ እሹንꬃና፥ እስራኤሉንꬃና በአደስ ፋ ዎዝንተ ቆፕዳ።
ACT 7:24 እስራኤሉንꬃፓ ፈታ ግብጸ አꬄ ቆሆደራ ብእ የ እስራኤለ አꬃ ማዲ፥ የ ቆህዛ ግብጸ አꬃ ዎꬊ ኩሸ ማህዳ።
ACT 7:25 ሙሴ ፋ እሹንꬃና ፋ ባጋራ ጾዚ አሾደስ ዪዛኖ ኡን ቲሮዳ ጋይዳ፥ የዝን ኡን ቲሪካያ።
ACT 7:26 «ዎንትስት ዎደ ላምእ እስራኤለ አሱንꬅ ፈተ ፈተራ Ꮉꬍንቶደራ ደንግ ኡንታና ጊግሳደስ ኮይ፥ ‹አሱንꬆ፥ ይን ዎልስ እሸ፤ አኮስ ፈተ ፈታ ቆሄ?› ያጋይዳ።
ACT 7:27 «የዝን ፋ ላግዛ ቆህዘ ሙሴጎ፥ ‹ነና ኑላ አህዘ አስን ዳይና ማህደ ኦደ?
ACT 7:28 ነ ኦማ ግብጸ አꬃ ዎꬍዳንጋራ ታና ዎꬎደስ ኮያነ?› ያጋእ ሙሴ ኡርቂ ዳክዳ።
ACT 7:29 ሙሴ ይኖ ስእደ ዎደ ግብጸፓ በቲ ሚድያመ ሳአ በተ አስ ማቂ የዝተራ ላምእ ꬊራꬅ ናኡንꬃና የልዳ።
ACT 7:30 «ላꬄ ኪታንቾ ኦይታም በረፓ ሱባ ሲና ደረ ካለ የዘ አኮ ባይዘ ጋናሳ ዥልኦ ኩበ ግዳ ኤጽዘ ታማ ሎጸ ግዳ ሙሴስ በንትዳ።
ACT 7:31 ሙሴ ፋ ብእዳነ ጋማ ቆፒ፥ ሎይꬂ በአደስ ዥልኦ ኩበ ካለ ሺቂ የዝን፥ ላꬄ ቃላ፥
ACT 7:32 ‹ታኒ ነ አዱንꬅ፥ አብራሃማ ጾዝ፥ ይሳቃ ጾዝ፥ ያይቆባ ጾዝ› ያጋእተራ ሙሴጎ ይእዳ። ሙሴ ዣሽሞራ ጎቂ በአደስ ዳንዳእካያ።
ACT 7:33 «ላꬂ ሙሴጎ፥ ‹ኔኒ ኤቅደ ሳእታ ጌሽ ማቅደ ግሾ ነ ቶህተ የዘ ጫምቶ ኬሶ።
ACT 7:34 ታኒ ግብጸ የዘ ታ አሱንꬅ ማꬋራን ፍርዳራ ኡንእንትዛኖ ብእዳ። ኡን ኡፍቶ ስእ ኡንታና አሾደስ ዎꬍዳ። Ꮉተ Ꮉይጋ! ታ ነና ግብጸ ኪቶዳ› ያጋይዳ።
ACT 7:35 «እስራኤሉንꬅ Ꮉያ ሙሴ፥ ‹ነና ኑላ Ꮉላቃን ዳይና ማህደ ኦደ?› ያጋእ እጽዳኖ Ꮉይ አꬃ ዥልኦ ኩበ ግዳ ኤስ በንትደ ኪታንቹንꬅ ባጋራ Ꮉላቃን አሽዛ ማህ ጾዚ ኪትዳ።
ACT 7:36 Ꮉይ አꬄ ሙሴ እስራኤሉንꬃና ግብጸፓ ኬሲ ጋማ ቆፍዘ ባዝን ክለ ባዝ ኦቺ ኡንታና ግብጸ ሳአ፥ ኤርተራ አባን፥ አኮ ባይዘ ጋናሳ ኦይታም በረ ካልꬅዳ።
ACT 7:37 «Ꮉይ አꬄ እስራኤለ አሱንꬃጎ፥ ‹ጾዚ ታና ደንꬅዳን ፋና ይን ኮችቲ ግዳፓ ታ ጋር ናበ ይንትስ ደንꬆዳ› ጋይዳይ ኤዛ ሙሴ።
ACT 7:38 አኮ ባይዘ ጋናሳ ሺቅደ እስራኤለ አሱንꬃራ የዝዳይ፥ ኑ አዱንꬃራ የዝዳይ ሲና ደርዘላ ኤስ ኦህደ ኪታንቹንꬃራ የዝደ ሙሴ ኤዛ። የይዝ፥ ጾዘ ደኦ ቃላ ኑስ እንጎደስ ኤክዳ።
ACT 7:39 «የዝን ኑ ማይዙንꬅ ሙሴስ ኪትንቶደስ ካꬍካያ፤ ኤዛ እጺ ሱብ ግብጸ ማቃደስ አሙꬍዳ።
ACT 7:40 ማህ አሮናን፥ ‹ኑና ካልꬅዘ ኤቁንꬃና ኑስ መꬎ። አኮስ ጋይኮ፥ Ꮉይኒ ኑና ግብጸፓ ክእደ ሙሴ፥ ዋየዛኮ ኑኒ ኤሮስ› ያጋይዳ።
ACT 7:41 የ ዎደ Ꮉርና አዝዝ ኤቁንꬃና መꬍዳ። የንꬅ ኤቁንꬅስ ዣርሾ ዣርሺ ፋ ኩሽተ ኦችደ ኦችታ ኡን ቆፍት ፋና Ꮉንደ ግሾ ኡፋይትዳ።
ACT 7:42 የዝን ጾዚ ኡንትስ ባንተ ማህዳ። ኡን ሳሎ ጾልንቶ ጎይኖደ ጋር ኡንታና ኦሊ አሽዳ። ናቡንꬅ ማጻፍተ፥ « ‹እስራኤለ አሱንꬆ፥ ኦይታም በረ ኡባ አኮ ባይዘ ጋናስ ሳአ ሹክደ Ꮉርስን ዣርሽደ ዣርሽቶ ታስ ሺሽዳነ?
ACT 7:43 ይን፥ ይንትስ ጎይኖደስ ኬስደ ሞሎኬ ዱንካነ ረፋነ ጋእንትዘ ይን ኤቅዘ ጾልንቶ ምስለ ቱክዳ። ታ ይንታና ባብሎነፓ ጎደ ዳኮዳ› ጋእንት ጻፍንትዳ።
ACT 7:44 «ኑ አዱንꬅስ አኮ ባይዘ ጋናሳ ማርካ ዱንካነ የነ። ኤዛን ጾዚ ሙሴ ኪትዳንጋራን ኤዛ ቤዝዳንጋራን መꬍዳ።
ACT 7:45 ማህ ኑ አዱንꬅ ይና ዱንካንቶ ፋ አዱንꬃፓ ኤኪ ጾዚ ቲኖ ባይእደ አይሁደ ማቆሰ አሱንꬅ ጋድቶ አይክደ ዎደ እያሱራ የይጋ ኤኪ ገልዳ። የ ዱንካንዛ ዳዉተ ዎደ የሎደስ ይና በስተ የዝዳ።
ACT 7:46 ዳዉተ ጾዛፓ ናሽንትዳ። ማህ ያይቆባ ጾዘስ የሳደ ኬꬂ ኬጻደስ ጾዝ ዎስዳ።
ACT 7:47 የዝን ኤስ ኬꬂ ኬጽደ ሶሎሞና።
ACT 7:48 «ማቅኮን፥ ኡባፓ ካታራ የዘ ጾዘ አስ ኬጽደ ኬꬃ የዞስ። ናብዘ ጋይዳን ጋር፥
ACT 7:49 « ‹ሳሎ ታስ አራታ፥ ሳአን ታ ቶህታ የꬍዘ በሲ። ዬዝን፥ ታስ ይን አኮ ጋርዘ ኬꬂ ኬጾደ? ዎይ ታ ሸምፕዘ በስታ አባ?
ACT 7:50 Ꮉኖ ኡባ ታ ኩሽተ መꬍካ?› ያጋይዳ ላꬂ።
ACT 7:51 «ይን ዋይደ ስኦሰ አሶ? ይን ዎዝንታ ጾዘ ቃላ ኤኮደስ አኮስ እጽዶ? ይን Ꮉይታ አኮስ ቱልዶ? ይን፥ ይን አዱንꬅ ጋር ኡባ ዎደ ጌሽ አያና እጻነ።
ACT 7:52 ናቡንꬅ ግዳፓ ይን አዱንꬅ ባይእካይዘ ኦደ? ጽልዛይ ዮኦዳኖ ቲንꬊ ኦህዱንꬃና ዎꬍዳ። Ꮉተ ይን ኤዛ አꬂ እንግ ዎꬍዳ።
ACT 7:53 ይን ኪታንቾ ኩሸፓ ጾዘ ህግቶ ኤክዳ፥ የዝን ኪትንትካያ» ያጋይዳ።
ACT 7:54 ኡን ይኖ ስእደ ዎደ ፋ ዎዝንተ እስጢፋኖሳላ ጋማ ዥልꬊ፥ ፋ ዶንቶ ꬋእ ማንድዳ።
ACT 7:55 የዝን እስጢፋኖሳ ጌሽ አያናራ ኩሚ፥ ሳሎ ኡደ ብእ፥ ጾዘ ቦንችቶን የሱሳ ጾዘ ምዛቅ ዛላራ ኤቅዳኖ ብእዳ።
ACT 7:56 «ይኬ፥ ታኒ ሳሎ ቡጉንትን፥ አስ ናአይ፥ ጾዘ ምዛቅ ዛላራ ኤቅዳያ ብእዳ» ያጋይዳ።
ACT 7:57 ፋ ቃልቶ ꬎቅ ዪዚ ዉይስተራ፥ ፋ Ꮉይቶ አይኪ ፈትላ ኤጎ ዎጽዳ
ACT 7:58 ኤዛ ካታማፓ ጋጻ ኬሲ፥ ሹቻራ ꬎግዳ። ማርኩንꬅ ፋ ማእቶ ፈቲ ሳዉላ ጋዘ ናአትꬅ አꬄ ካለ ጋድዳ።
ACT 7:59 እስጢፋኖሳ፥ «ታ ላꬆ የሱሳ፥ ታ ሸምፕቶ ኤኮ» ያጋእ ጼጎደራ ኡን ኤዛ ሹቻራ ꬎጋነ።
ACT 7:60 ቡንቁንቲ፥ ፋ ቃልቶ ꬎቅ ዪዚ፥ «ታ ላꬃዮ፥ Ꮉና ናጋርቶ ኡንትስ አቶ ጋኦ» ያጋይዳ። ይኖ ያጋእ ማቂ Ꮉይቂዳ።
ACT 8:1 ሳዉላ እስጢፋኖሳ ዎ ቆፍተ ገልዳ። የ ዎደ የሩሳላመ የዘ ዎሳ ኬꬅተ ዳማ ባይኤ ደንድዳ። ሐዋሩንꬃፕ አትን አማንዘ ኡቡንꬅ ይሁዳ ሳአን ሳማራ ሳአ ላልንትዳ።
ACT 8:2 ፈቲ ፈቲ ጾዝ አሱንꬅ እስጢፋኖሳ ሞግዳ፤ ማህ ኤስ ዳማ ዬክዳ።
ACT 8:3 የዝን ሳዉላ ዎሳ ኬꬅቶ ላሎደስ ኮያነ። ኡቡንꬅ ካራ ዉቲ ገሊ፥ አማንዘ ꬊራꬁንꬃናን ማቹንꬃና ጎቺ ኬሲ አች ኬꬃ ገልꬃነ።
ACT 8:4 ላልንትደ አማንዙንꬅ ቅትደ በሳ ኡባ ቃላ ኦህነ።
ACT 8:5 ፍልጶሳ ሳማራ ካታማ ገሊ ክርስቶሳ ባዝ አሱንꬅስ ኦህዳ።
ACT 8:6 ጋማ አሱንꬅ ፍልጶሳ ጋይዳኖ ስእደ ዎደን ኤ ኦችደ ክለ ባዝቶ ብእደ ዎደን ኤዛ አካኪ ስእዳ።
ACT 8:7 ቱና አያና ኡክ ጋማ አሱንꬃፓ ከዝዳ፤ ማህ ጋማ ቶሄ ጉንዱንꬅን ዎቡንꬅን ብልንትዳ።
ACT 8:8 ይና ካታምተ የዘ አሱንꬅ ዳማ ኡፋይትዳ።
ACT 8:9 የዝን ስሞና ጋዘ ፈቲ አꬄ ይና ካታምተ የነ። ኤ፥ ታኒ ዳማ ጋእ ሳማራ አሱንꬃና ማርꬍተራ ጋማ ቆፍዝተራ ጋምእዳ።
ACT 8:10 ኤራꬃፓ ዳማ የሎደስ የዘ አሱንꬃና ኡባ፥ «ዳማ ጾዘ ዎልቅታ Ꮉኖ» ጋእ ኤዛ ስእነ።
ACT 8:11 ጋማ ዎደፓ አይኪ ማርꬍተራ ሳማራ አሱንꬃና ጋማ ቆፍዘ ግሾ አሱንꬅ ኤዛ ስእነ።
ACT 8:12 የዝን ፍልጶሳ ጾዘ ካእቱሞን የሱስ ክርስቶሳ ሱንꬅትባዝ ꬊራꬁንꬅስን ማቹንꬅስ ኦህን፥ ኡን ኤ ባዝ አማኒ ጻማቅንትዳ።
ACT 8:13 ማህ ስሞናን ፋ ኦምተ አማኒ ጻማቅንትዳ። ፍልጶሳር ዎላ Ꮉንግደ በሳ ኡባ ኦችንትዘ ዳማ ክለ ባዝ ብእ ጋማ ቆፕዳ።
ACT 8:14 የሩሳላመ የዘ ሐዋሩንꬅ ሳማራ አሱንꬅ ጾዘ ቃላ ኤክዳኖ ስእደ ዎደ ጴጥሮሳን ዋሐንሳን ኡንታጎ ዳክዳ።
ACT 8:15 ጴጥሮሳን ዋሐንሳን Ꮉንግ፥ አማንዙንꬅ ጌሽ አያና ኤኮደ ጋር ኡንትስ ጾዝ ዎስዳ።
ACT 8:16 አኮስ ጋይኮ፥ ሳማራ አሱንꬅ ላꬄ የሱሳ ሱንꬅተ ጻላላ ጻማቅንትዳፕ አትን ኡንታፓ ፈተላን ጌሽ አያና Ꮉጋ ዎꬍካያ።
ACT 8:17 የ ዎደ ጴጥሮሳን ዋሐንሳን ፋ ኩሽቶ ኡንታላ ጋድን፥ ኡን ጌሽ አያና ኤክዳ።
ACT 8:18 ሐዋሩንꬅ ፋ ኩሽቶ ኡንታላ ጋድን፥ ኡንትስ ጌሽ አያና እንግንትዳኖ ስሞና ብእደ ዎደ ጴጥሮሳስን ዋሐንሳስ ሚሸ ክእ፥
ACT 8:19 «ታንን ታ ኩሽቶ ጋድዘ ኡቡንꬅ ጌሽ አያና ኤኮደ ፋና Ꮉና አደትꬅ ዎልቅቶ ታስን እንጎያ» ያጋይዳ።
ACT 8:20 የዝን ጴጥሮሳ ኤጎ፥ «ነ ጾዘ እሞትꬅ ሚሸራ ኤኮደስ ቆፕደ ግሾ ነ ሚሽታ ኔራ ꬋቦ።
ACT 8:21 ነ ዎዝንታ ጾዘ ቲኖ ልከ ማቅካይዘ ግሾ ኔስ Ꮉነ ግሾ ዎይ እጻ ባያ።
ACT 8:22 ይኬ፥ Ꮉና ነ ዎዝና ኢታትꬅት ግሾ ናጋርትፓ ማቆ። ነ ዎዝንተ የዘ ኢታ ቆፍቶ ጾዚ አቶ ጋዉደ ጋር ላꬃ ዎሶ።
ACT 8:23 አኮስ ጋይኮ፥ ኔኒ ኢታ እጸራን ናጋራ አቻራ የዛኖ ታ በእነ» ጋይዳ።
ACT 8:24 ስሞና ማህ፥ «ይን ጋእዳንፓ ፈትን ታና የላመ ጋር ታስ ላꬃ ዎሶተ» ያጋይዳ።
ACT 8:25 ጴጥሮሳን ዋሐንሳን ማርክꬍዳንፓን ላꬄ ቃላ ኦህዳንፓ ሱባ የሩሳላመ ማቅዳ። ሳማራ የዘ ጋማ ጉታ ዎንገለ ኦህዳ።
ACT 8:26 ላꬄ ኪታንቾ ፍልጶሳጎ፥ «ደንዲ የሩሳላመፓ ጋዛ ካንግዘ አኮ ባይዘ ጋናሳ ኦግዘራ Ꮉንጎ። ይና ኦግታ ዬካ ዛላራ የነ» ጋይዳ።
ACT 8:27 ፍልጶሳ ደንዲ ቅትዳ። ህንደኮ ጋዘ ቶጰ ካትስ እ ሚሽቶ ኡባ ናግዘ ቶጰ አስ የነ። ኤዝን ጎይኖደስ የሩሳላመ ይእዳ።
ACT 8:28 ፋራ ጋረላ በቲ፥ የሩሳላመፓ ፋ ሳአ ማቅተራ ናበ ኢሳያሳ ማጻፈ ናባባነ።
ACT 8:29 ጌሽ አያና ፍልጶሳጎ፥ «የ ጋርዘጎ Ꮉንግ ኤ ካለ ሺቆ» ያጋይዳ።
ACT 8:30 ዬዝን ፍልጶሳ ዎጺ Ꮉንግ የልዘ ዎደ ሞርንዘ ናበ ኢሳያሳ ማጻፈፓ ናባቦደራ ስእ፥ «ነ ናባብዛና ኔስ ገላነ?» ያጋይዳ።
ACT 8:31 ሞርንዘ «ታስ ኦህ ገልꬅዘ አስ ባይዝን ዋይዝ ገሎደ?» ያጋይዳ። ፋራ ጋርዘላ ኬዚ በቶደ ፋና ፍልጶሳ ዎስዳ።
ACT 8:32 ሞርንዘ ናባብዘ ማጻፈ ክፍልዘ፥ «ኤ ዱሮ ፋና ሹክንቶደስ እዥንትዳ፤ ዱሮ ናአ ፋ እስንꬅቶ ሜድዙንꬅ ቲኖ ስእ ጋዛን ፋና፥ ኤዝን ፋ ዶንቶ ቡግካያ።
ACT 8:33 ኤ ቶችንትዳ፤ ኤስ ጽሎ ፍርዳ ꬋብዳ። ኤ ደእታ Ꮉና ሳእትፓ Ꮉልእደ ግሾ ኤ የለቱንꬃፓ ኦኒ ኦሆደ?» ጋይዳ።
ACT 8:34 ሞርንዘ ማህ ፍልጶሳጎ፥ «ናብዘ ኦባዝ ኦሄ? ፋ ባዝ ኦህነን ዎይ መለ አስ ባዝ ኦህነ? ታስ ኦሆያ» ጋይዳ።
ACT 8:35 ፍልጶሳ ማህ፥ ጾዘ ቃላ ይና በስትፓ አይኪ፥ የሱሳ ባዝ ኦህዘ ዎንገለ ኤስ ኦህዳ።
ACT 8:36 ኡን Ꮉንግተር Ꮉꬅ የዘ በሳ የልዳ። ሞርንዘ፥ «Ꮉꬅ Ꮉኖ ቦኦ፤ ታ ጻማቅንታመ ፋና አኮ ካይዘ?» ጋይዳ።
ACT 8:37 ፍልጶሳ ኤጎ፥ «ኔኒ ነ ኩሙꬅ ዎዝናፓ አማንኮ ዳንዳአነ» ጋይዳ። ኤ ማህ፥ «የሱስ ክርስቶሳ ጾዘ ናአ ማቅዳኖ ታ አማናነ» ጋይዳ።
ACT 8:38 ጋርዘ ኤቆደ ፋና ሞርንዘ ኪትን፥ ላምኡንꬅ ዎꬊ Ꮉꬃ ገልዳ፤ ፍልጶሳን ኤዛ ጻማቅዳ።
ACT 8:39 ኡን Ꮉꬅትፓ ጋጻ ከዝደ ዎደ ላꬄ አያና ፍልጶሳ ቆፕካይዝን ኤክዳ። ላምእንꬃ ሞርንዘ ፍልጶሳ ብእካያ፥ የዝን ፋ ኦግቶ ኡፋይትተር ቅትዳ።
ACT 8:40 ፍልጶሳ አዛጦነ በንትዳ። ማህ ቂሳርያ የኦደ ዎንꬅስ ካታማር ዉቲ ዎንገለ ማርክꬍዳ።
ACT 9:1 የ ዎደ ሳዉላ ላꬅ ታማሩንꬃና ዎꬎደስ ማንዲ ካህኑንꬅ Ꮉላቅዘጎ ቅትዳ።
ACT 9:2 ላꬂ ኦግቶ ካልዘ ꬊራꬁንꬃናን ማቹንꬃና ደንግኮ፥ አጭተራ የሩሳላመ ኮኦደስ፥ ደማስቆ የዘ አይሁደ ዎሳ ኬꬅስ ዳብዳበ ጻፍንቶደ ጋር ኤዛ ዎስዳ።
ACT 9:3 ኤ Ꮉንግ፥ ደማስቆ ካታማ የሎደስ ኡኮደራ፥ ቆፕካይዝን ሳሎፓ ዳማ ፎኦ ኤ ካንተ ፎእዳ።
ACT 9:4 ኤ ሳእተ ጎልእን፥ «ሳዉላ፥ ሳዉላ፥ አኮስ ታና ባይኤ?» ጋዘ ቃላ ስእዳ።
ACT 9:5 ሳዉላ፥ «ላꬆ፥ ነ ኦደ?» ያጋእ ኦጭዳ። «ታኒ፥ ነ ባይእዘ የሱሳ» ያጋይዳ።
ACT 9:6 ላꬂ ኤጎ፥ «ደንዲ ካታማ ገሎ፤ ነ ኦቾደስ ኮሽዘ ባዝ እዘ ኔስ ኦሆዳ» ያጋይዳ።
ACT 9:7 ሳዉላራ ኦግቶ Ꮉንዘ አሱንꬅ አኮን ኦህካይዛራ ኤቂ አትዳ። ኦꬅቶ ስእነ፥ የዝን ኦና የዛኮን ብእካያ።
ACT 9:8 ሳዉላ ጎልእደ በስትፓ ደንዲ በእዘ ዎደ ኤ ኣፍታ ደንጋንጽዳ። ይኒ ግሾ፥ ኡን ኤ ኩሽቶ አይኪ ካልꬅ ዳማስቆ ገልꬅዳ።
ACT 9:9 Ꮉይꬕ ቃማ የሎደስ ኤ በአደስ ዳንዳእካያ፤ አኮን ሙእካያ፤ ኡዥካያ።
ACT 9:10 ዳማስቆ ግዳ ፈቲ ሀናንያ ጋዘ የሱሳ ታማርዘ የነ። ላꬂ ቆንጭꬃራ፥ «ሀናንያ» ያጋእ ጼግዳ። ሀናንያ ማህ፥ «ታ ላꬆ፥ ዮ» ያጋይዳ።
ACT 9:11 ላꬂ ኤጎ፥ «ደንዲ ሞሎ ጋእንትዘ ኦግቶ Ꮉንግ፥ ይሁዳ ኬꬃ ሳዉላ ጋዘ ተርሰሰፓ የኤዘ አꬃ ኮዮ፤ ሳዉላ Ꮉተ ዎሳላ የነ።
ACT 9:12 ማህ ሀናንያ ጋዘ አꬄ ገሊ፥ ሳዉላ ላምእንꬃ በአደ ጋር ፋ ኩሽቶ ኤላ ጋዶደራ ቆንጭꬃራ ብእዳ» ያጋይዳ።
ACT 9:13 ሀናንያ ማህ፥ «ላꬆ፥ የሩሳላመ ነ ጌሽ አሱንꬃላ የ አꬄ አኮ ጋር ኢታ ባዝ ኦቼዛኮ ታ ጋማ አሳፓ ስእዳ።
ACT 9:14 ማህ ዳማስቆ ግዳ ነ ሱንꬅቶ ጼግዙንꬃና ኡባ አጮደስ፥ ካህኑንꬅ Ꮉላቁንꬅ ኤስ አደትꬅ ዎልቃ እንግዳ» ያጋይዳ።
ACT 9:15 የዝን ላꬂ ኤጎ፥ «ሳዉላ አይሁደ ማቆሰ አሱንꬅ ቲኖ፥ ካቱንꬅ ቲኖን እስራኤለ አሱንꬅ ቲኖን፥ ታ ሱንꬅቶ ቶኮደስን ታስ ኦቾደስ ዶርንትደ ሚሸ ማቅደ ግሾ ነ ኤጎ ቅቶ።
ACT 9:16 አኮስ ጋይኮ፥ ታ ሱንꬅት ግሾ ኤ ዋንꬅ ማꬋ ኤኮደስ ኮሽዛኮ ታ ኤዛ ቤሳዳ» ያጋይዳ።
ACT 9:17 ሀናንያ Ꮉንግ፥ ኬꬃ ገሊ፥ ፋ ኩሽቶ ሳዉላላ ጋዲ፥ «ታ እሸ ሳዉላ፥ ነ ይእዘ ኦግተ ኔስ በንትደ ኤ ላꬄ የሱሳ፥ ነ በአደ ጋራን ጌሽ አያናራ ኩሞደ ጋር ታና ኪትዳ» ጋይዳ።
ACT 9:18 ኤልሲ፥ ሳዉላ ኣፍትፓ ፈቲ ቁሮ ፋና የዘ ባዝ ዎꬍን፥ ሳዉላ ላምእንꬃ ብእዳ። ማህ ደንዲ ጻማቅንትዳ።
ACT 9:19 ካꬃ ሙእ ምንግዳ። ዳማስቆ ግዳ የዘ ታማሩꬃራ ኤራꬅ ቃማ ጋምእዳ።
ACT 9:20 ኤሊሲ ሳዉላ፥ «የሱሳ ጾዘ ናአ» ያጋእ ዳማስቆ ግዳ የዘ አይሁደ ዎሳ ኬꬃ ቃላ ታማርስዳ።
ACT 9:21 ይኖ ስእዘ ኡቡንꬅ ቆፒ፥ «Ꮉይ የሩሳላመ የሱሳ ሱንꬅቶ ጼግዙንꬃና ባይእዛያ ባነ? ማህ Ꮉይጋ ይእዳና ኡንታና አጪ፥ ካህኑንꬅ Ꮉላቁንꬅ ቲኖ ካንጎደስ ባነ?» ያጋይዳ።
ACT 9:22 የዝን ሳዉላ ቃላ ኦሄራ ሚንግተር Ꮉንግዳ። የሱሳ፥ ኤ ክርስቶሳ ማቅዳኖ ቆንጭዝ ኦህደ ግሾ ዳማስቆ ግዳ የዘ አይሁዱንꬅ ኤስ ማሆደባዝ ꬋብዳ።
ACT 9:23 ጋማ ቃማፓ ማቂ አይሁዱንꬅ ሺቂ፥ ሳዉላ ዎꬎደስ ዞርንትዳ።
ACT 9:24 የዝን አይሁዱንꬅ ፋና ዎꬎደስ ቆፕዳኖ ሳዉላ ኤርዳ። ኡን ኤዛ ዎꬎደስ ቃማን አዋራን ካታማ ፉርꬅተ ናጋነ።
ACT 9:25 ማህ ኤ ታማሩንꬅ ኤዛ ቃማ ካንግ፥ ግምበ ጋሰ ዉሉንቀራ ኬሲ ዳቾራ ኬꬅዳ።
ACT 9:26 ሳዉላ የሩሳላመ የልደ ዎደ አማንዙንꬃራ የልንቶደስ ቆፕዳ። የዝን ኤ ክርስቶሳ አማንዳና ኡንትስ ቱሮ አዛንጽ እጽን ኤስ ዣሽትዳ።
ACT 9:27 የዝን ባርናባሳ ሳዉላ ሐዋሩንꬃጎ ካንግዳ። ኦገ ላꬂ ዋይዝ ቆንጨዛኮን ኦህዘዛኮ፥ ማህ ሳዉላ ዳማስቆ ግዳ የሱሳ ሱንꬅተ ዣሽትካይዛራ ዋይዝ ቃላ ኦሄዛኮ ኡንትስ ጌሽ ኦህዳ።
ACT 9:28 ሳዉላ የሩሳላመ ዉቲ ላꬄ ሱንꬅተ ዣሽትካይዛራ ቃላ ኦህተራ፥ ሐዋሩንꬃራ ዎላ የዝዳ።
ACT 9:29 ማህ ሳዉላ ግርኬ ዶና ኦህዘ አይሁዱንꬃራ ኦህንት ላልዳ። የዝን ኡን ኤዛ ዎꬎደስ ኮይዳ።
ACT 9:30 አማንዘ አሱንꬅ ይኖ ስእ፥ ሳዉላ ቂሳርያ ካንግ ተርሴሰ ዳክዳ።
ACT 9:31 ይሁዳ፥ ጋልላን ሳማራን ኡባ ግዳ የዘ ዎሳ ኬꬅታ ሳሮራ የዝዳ። ማህ ምንግዳ፤ ላꬅስ ዣሽትተር ጌሽ አያና ሚንꬅꬆደራ ጋንግተር Ꮉንግዳ።
ACT 9:32 ጴጥሮሳ ሳአ ኡባ ዉቲ ሊዳ የዘ አማንዘ አሱንꬃጎ የልዳ።
ACT 9:33 እዘ ኦስፉን በረ ኩሙꬅ ዎቢ ዪꬃ ዎይእ የዘ ኤንያ ጋዘ አꬃ ደንግዳ።
ACT 9:34 ጴጥሮሳ፥ «ኤንያ፥ የሱስ ክርስቶሳ ነና ፋꬆዳ፤ ደንዲ ነ ይꬅቶ ደንꬆ» ያጋይዳ። ኤዝን ኤልሲ ደንዲ ኤቅዳ።
ACT 9:35 ሊዳን ሳሮናን የዘ አሱንꬅ ኡባ ኤንያ ብእ፥ ላꬃጎ ማቅዳ።
ACT 9:36 እዮጰ ካታማ ፈቲ ጻብቶ ጋዘ አማንዛና የነ። (ጻብቶ ጋእንትዛና ገንኤ ጋእንተ) እዛ ፋ የዝደ ዎድተ ኡባ ሎኦ ባዝ ኦችተራን ዳሁንꬃና ማድተ የዝዳ።
ACT 9:37 የ ዎደ እዛ Ꮉርግንቲ Ꮉይቂን፥ አሱንꬅ እ አህቶ ሜጪ፥ ፎቀላ ኬሲ ዎይꬅዳ።
ACT 9:38 ሊዳ እዮጰስ ካለ። አማንዙንꬅ ጴጥሮሳ ሊዳ የዛኖ ስእ፥ «ዎይአ ኑጎ ኤልሲ ዮኦ» ያጋዘ ኪታ ላምእ አሳራ ኤጎ ኪትዳ።
ACT 9:39 ይኒ ግሾ፥ ጴጥሮሳ ደንዲ፥ ኡንታራ ቅትዳ። የይጋ የልን፥ ፎቀላ የዘ ክፍልተ ኤዛ ገልꬅዳ። አዝን ባይዘ ማቹንꬅ ጴጥሮሳ ካንተ ኤቂ ዬክተራ ዶርቃ ኡንታራ ፋጻ የዝተራ ማእደ ቃምስቶን አፉልቶ ኡባ ጴጥሮሳ ቤዝዳ።
ACT 9:40 ጴጥሮሳ ኡንታና ኡባ ባለ ኬሲ፥ ቡንቁንቲ ጾዝ ዎስዳ። ማህ አህትጎ ማቂ፥ «ጣብተ፥ ደንዶ» ያጋይዳ። ጣብታ ፋ ኣፍቶ ቡጊ ጴጥሮሳ ብእ፥ ደንዲ በትዳ።
ACT 9:41 ጴጥሮሳ እዞ ፋ ኩሽተ ካትዚ ደንꬂ ኤስዳ። ይንፓ ማቂ፥ አማንዙንꬃናን አዝኒ ባይዙንꬃና ጼጊ፥ ኡን ቲኖ ሺሽዳ።
ACT 9:42 Ꮉና ኦህታ እዮጰ ካታማ ኡባ የልዳ። ጋማ አሱንꬅ ላꬃ አማንዳ።
ACT 9:43 ጴጥሮሳ እዮጰ ስሞና ጋዘ ቆለ Ꮉሽዘ ካራ ጋማ ዎደ ጋምእዳ።
ACT 10:1 ቂሳርያ፥ «ጣልያ ኦላ አሱንꬃና» ጋእንትዘ ኦልንትዙንꬅ ግዳ ፈቲ ቆርነልዮሳ ጋእንትዘ ማቶ Ꮉላቃ የነ።
ACT 10:2 ቆርነልዮሳ ፋ ካራ አሱንꬃራ ጾዝ ጎይንዛን ዣሽትዘ አስን፥ ዳሁንꬃና ማዳነ፥ ማህ ኡባ ዎደ ጾዝ ዎሳነ።
ACT 10:3 ፈቲ ዎደ ኡዱፉን ሳተ ኩምዝን ጾዝ ኪታንቾ ኤጎ ይእ፥ «ቆርነልዮሳ» ጋእ ጼጎደራ ኤ ቆንጭꬃራ ጌሽ ብእዳ።
ACT 10:4 ቆርነልዮሳ ዣሽቲ ኪታንችዛ ዳኪ ሎይꬂ ብእ፥ «ላꬆ፥ ይና አኮ?» ያጋይዳ። ኪታንችዘ ማህ፥ «ነ ዎስታን ዳሁንꬃና ነ ማድዳና ጾዘ ቲኖ ቆፍንተስ የልዳ።
ACT 10:5 Ꮉተ አሱንꬃና እዮጰ ዳኪ፥ ጴጥሮሳ ጋዘ ስሞና ክእዞ።
ACT 10:6 ጴጥሮሳ አባ ጋጻ ቆለ Ꮉሽዘ ስሞና ካራ ዛቆተꬅ በትዳ» ጋይዳ።
ACT 10:7 ቆርነልዮሳ ፋስ ኦህደ ኪታንችዘ ቅትን፥ ፋ አሩንꬃፓ ላምኡንꬃና ጾዝ ጎይንዘ ፋ ካለ የዘ ዎታዳሩንꬃፓ ፈታ ጼጊ፥
ACT 10:8 ኡንትስ ኦህ እዮጰ ኪትዳ።
ACT 10:9 ዎንትስት ዎደ ኡን Ꮉንግ፥ እዮጰ ካታማ ኡኮደራ እዝፑን ሳተ ጋር የዝን ጾዝ ዎሶደስ ጴጥሮሳ ፎቀላ ከዝዳ።
ACT 10:10 ኤ ናይꬊ ካꬃ ማደስ ኮይዳ፥ የዝን ካꬃ ካጾደራ ኤ አያናራ ማቂ ቆንጭꬅ ብእዳ።
ACT 10:11 ሳሎ ቡጉንትን፥ ዳማ አፉላ አዝዘ ባዝ ኦይዲ ዛላራ አይክንቲ ዎꬎደራ ኤ ብእዳ።
ACT 10:12 እዛ በስተ ኦይዲ ቶሄራ የዘ ጉርደ ጾꬅ፥ ሳዛራ ጎችንትዘ መትꬅን ሳሎ ላንዳ ኡባ የነ።
ACT 10:13 የ ዎደ «ጴጥሮሳ፥ ደንዲ ኤቂ ሹኪ ሞኦ» ጋዘ ቃላ ኤጎ ይእዳ።
ACT 10:14 የዝን ጴጥሮሳ፥ «ላꬆ፥ አደ! ታ ቱና ባዝ ሙሎን ሙእ ኤሮስ» ጋይዳ።
ACT 10:15 ማህ፥ «ጾዚ ጌሽዳኖ ነ ቱና ጋእፐ» ጋዘ ቃላ ላምእንꬃ ኤጎ ይእዳ።
ACT 10:16 ይናን፥ Ꮉይꬕ ቶሄ ይእዳንፓ ማቂ የ ዳማ አፉላ አዝዘ ኤልሲ ኡደ ሳሎ ኤክንትዳ።
ACT 10:17 ጴጥሮሳ ፋ በኤዘ ቆንጭꬅት ብልꬅታ፥ «አኮ ማቃድ የሳ?» ጋእ ፋ ዎዝንተ ቆፖደራ፥ ቆርነልዮሳ ኪተዘ አሱንꬅ ስሞና ካራ ኦጪ ደንግ ባለ ኤቅዳ።
ACT 10:18 ፋ ቃልቶ ኡን ꬎቅ ዪዚ፥ «ጴጥሮሳ ጋዘ ስሞና ዛቆትꬅ የዘ Ꮉነ የነ?» ያጋእ ኦጭዳ።
ACT 10:19 ጴጥሮሳ ቆንጭꬃራ ብእዳኖ ታዎደራ፥ ጌሽ አያና ኤጎ፥ «Ꮉይቼ፥ Ꮉይꬕ አሱንꬅ ነና ኮያነ።
ACT 10:20 ደንዲ ዎꬎ፥ ታ ኡንታና ኪተዘ ግሾ ሶእካይዛራ ኡንታራ ቅቶ» ያጋይዳ።
ACT 10:21 ጴጥሮሳ አሱንꬃጎ ዎꬊ፥ «ይን ኮይዘ ታና፤ አኮስ ይእዶተ?» ያጋይዳ።
ACT 10:22 ኡን ማህ፥ «ኑና ማቶ Ꮉላቅዘ ቆርነልዮሳ ኪትዳ። ኤ ጽሎ፥ ጾዝ ጎይንዘ አስን አይሁደ አሱንꬅ ግዳ ኡባ ጋማ ቦንችንትደ አስ። ቆርነልዮሳ፥ ነና ፋ ካራ ክእዚ ቃላ ኔፓ ስኦደ ፋና ጌሽ ኪታንቾ ኤስ ኦህዳ» ያጋይዳ።
ACT 10:23 ጴጥሮሳ አሱንꬃና ኬꬃ ገልꬂ ሞክዳ። ዎንትስት ዎደ፥ ደንዲ ኡንታራ ቅትዳ። እዮጴ ካታማ የዘ አማንዙንꬃፓ ፈቲ ፈቲ አሱንꬅ ኤራ ዎላ ቅትዳ።
ACT 10:24 ዎንትስት ዎደ፥ ቂሳርያ የልዳ። ቆርነልዮሳ ፋ እግኑንꬃናን ፋ ካለ ላጉንꬃና ፈትላ ጼጊ ሺሺ፥ ጴጥሮሳ ናጋነ።
ACT 10:25 ጴጥሮሳ ኬꬃ ገሎደስ ይአደራ፥ ቆርነልዮሳ ኤራ የልንት ኤ ቲኖ ጎልእ ኤስ ጎይኖደስ ኮይዳ።
ACT 10:26 የዝን ጴጥሮሳ፥ «ደንዶ፥ ታንን ታ ኦምተ ነ ጋር አስ» ያጋእ ኤዛ ደንꬅዳ።
ACT 10:27 ጴጥሮሳ ቆርነልዮሳራ ኦህተራ ኬꬃ ገልዘ ዎደ ጋማ አሱንꬅ ሺቅዳኖ ደንግዳ።
ACT 10:28 ኤ አሱንꬃጎ፥ «አይሁደ አስ መለ ዎርዣራ ዎላ ማቃደስ ዎይ የልንቶደስ ዎጋ ባይዛኖ ይን ኤራነ። የዝን ታኒ ኦደን ቱና ዎይ ጌሽ ጋአመ ጋር ጾዚ ታና ቤዝዳ።
ACT 10:29 ይኒ ግሾ፥ ይን ታጎ ኪትን እጽካይዛራ ይእዳ። Ꮉተ ታና አኮስ ጼግዘዛኮ ታስ ኦሆተ» ያጋይዳ።
ACT 10:30 ቆርነልዮሳ፥ «ታኒ Ꮉይኖ ኦይዲ ቃማፓ ቲኖ Ꮉኒ ዎደ ኡዱፉን ሳተ ዎሳ ዎሶደራ፥ ፎእዘ ማኦ ማእደ አስ ታ ቲኖ ኤቅዳ።
ACT 10:31 ኤ ታጎ፥ ‹ቆርነልዮሳ፥ ጾዚ ነ ዎስቶ ስእዳ፥ ኔኒ ዳሁንꬃና ማድዳኖ ቆፕዳ።
ACT 10:32 ይኬ፥ አስ እዮጰ ኪቲ፥ ስሞን ጴጥሮሳ ጋዛያ ጼግዞ። ኤ፥ ስሞና ጋዘ ቆለ Ꮉሽዘ አꬄ ካራ አባ ጋጻ በትዳ› ያጋይዳ።
ACT 10:33 ይኒ ግሾ፥ ታ ኔጎ ኤልሲ ኪትዳ፤ ነ ይእዳና ሎኦ። ይኬ፥ ጾዚ ነና ኪትደባዝ ኡባ ስኦደስ Ꮉተ ኑ ኡቡንꬅ Ꮉነ ላꬄ ቲኖ የነ» ያጋይዳ።
ACT 10:34 ካሊ፥ ጴጥሮሳ፥ «ጾዚ አስስ ስኖ ብእ አስ አሳፓ ሻጎስ።
ACT 10:35 የዝን አስ ኡባ ኦና ማቅኮን ፋስ ዣሽትዛያን ጽሎ ኦቻ ኦችዘላ ጾዚ ኡፋይትዛኖ ታ ቱሮ ቆፕዳ።
ACT 10:36 ጾዚ፥ ኡቡንꬅ ላꬂ ማቅደ የሱስ ክርስቶሳ ባጋራ ሳሮትꬅ ኦህተራ Ꮉና ዎንገልቶ እስራኤለ አሱንꬅስ ኪተዛኖ ይን ኤራነ።
ACT 10:37 ዋሐንሳ ጽንቃተ ባዝ ሳባክደ ዎደፓ አይኪ ጋልላን ይሁዳ ሳአ ኡባ የሎደስ Ꮉንዳኖ ይን ኤራነ።
ACT 10:38 ጾዚ ናዝረተ የሱሳ ጌሽ አያናራ ትዢ ዎልቃ እንግዳ። ጾዚ ኤራ የዘ ግሾ ሎኦ ባዝ ኤ ኦችተራ ጻላሄ ኩሸ አቅዱንꬃና ኡባ ፋꬅተራ ዉትዳ።
ACT 10:39 «አይሁደ ሳአን የሩሳላመ ኤ ኦችደ ኡባባዝትስ ኑ ማርካ። ኡን ማስቃላላ ሱጺ ኤዛ ዎꬍዳ።
ACT 10:40 የዝን ጾዚ Ꮉይꬓንꬃ ዎደ Ꮉይቆፓ ኤዛ ደንꬂ አሱንꬅስ ቆንጮደ ጋር ዪዝዳ።
ACT 10:41 ይና ቆንጭꬅታ ጾዚ ቲኖ ዶርደ ማርኩንꬅስ ፋትን አስ ኡባስ ማቆስ። ኤ Ꮉይቆፓ ደንድዳንፓ ማቂ ኤራ ሙእ ኡዥዳ።
ACT 10:42 ኑ ዎንገለ አሱንꬅስ ኦሆደ ጋራን ፋጻ የዙንꬃላን Ꮉይቂዱንꬃላ ፍርዶደስ ጾዚ ሹምደ የሱሳ ማቅዛኖ ማርክꬋደ ጋር ኑና ኪትዳ።
ACT 10:43 ጾዚ ኤዛ አማንዘ ኡባ ናጋርታ፥ ኤ ሱንꬅተ አቶ ጋእንትዛኖ ናቡንꬅ ማርክꬋነ» ያጋይዳ።
ACT 10:44 ጴጥሮሳ Ꮉጋ ይና ኦህቶ Ꮉስካይዝን ቃላ ስእዘ ኡቡንꬃላ ጌሽ አያና ዎꬍዳ።
ACT 10:45 ጴጥሮሳራ እዮጴፓ ይእደ አማንዘ ጋራዝንትደ አይሁደ ኡቡንꬃላን፥ አይሁደ ማቆሱንꬃላን ጌሽ አያና ዎꬍዳኖ ብእ ጋማ ቆፕዳ።
ACT 10:46 አኮስ ጋይኮ፥ ኡን መለ መለ ዶናራ ኦህተራን ጾዘ ዳማትꬅቶ ሳቦደራ ስእዳ። የ ዎደ ጴጥሮሳ ማህ፥
ACT 10:47 «Ꮉንስ ማህ ኑ ጋር ጌሽ አያና ኤክዱንꬅ ጻማቅንታመ ጋር Ꮉꬅ ካዮደ ኦደ?» ያጋይዳ።
ACT 10:48 ኡን የሱስ ክርስቶሳ ሱንꬅተ ጻማቅንቶደ ጋር ኡንታና ኪትዳ። ይንፓ ማቂ፥ ኡን ፋራ ኤራꬅ ዎደ በቶደ ጋር ጴጥሮሳ ዎስዳ።
ACT 11:1 ሐዋሩንꬅን ይሁዳ የዘ አማንዙንꬅ፥ አይሁደ ማቆሱንꬅን ጾዘ ቃላ ኤክዳኖ ስእዳ።
ACT 11:2 ጴጥሮሳ የሩሳላመ ቅትደ ዎደ ጋራዝንትደ አማንዙንꬅ፥
ACT 11:3 ኤጎ፥ «ነ ጋራዝንትካይዙንꬃጎ ገሊ ኡንታራ ካꬃ አኮስ ሙእዶ?» ጋእ ላልዳ።
ACT 11:4 የዝን ጴጥሮሳ Ꮉንዳኖ ቲኖፓ አይኪ ታራራ ታራራ ኦህዳ፦
ACT 11:5 «ታኒ እዮጴ ካታማ ጾዝ ዎስተራ ቆንጭꬅ ብእዳ። ዳማ አፉላ አዝዘ ባዝ ኦይዲ ዛላራ አይክንቲ ሳሎፓ ዎꬍተራ ታጎ ይእዳ።
ACT 11:6 ታኒ ዳኪ ሎይꬂ ኤ ግድቶ በእዘ ዎደ ኦይዲ ቶሄራ የዘ ጉርደ ጾꬁንꬅ፥ ሳዛራ ጎችንትዘ መꬎን ሳሎ ላንዱንꬃና ብእዳ።
ACT 11:7 ‹ጴጥሮሳ፥ ደንዲ፥ ሹኪ ሞኦ› ጋዘ ቃላ ስእዳ።
ACT 11:8 «የዝን ታኒ፥ ‹ላꬆ፥ አደ፥ ቱና ባዝ ዎይ ጌዥካይዘባዝ ሙሎን ዶናጎ ሺሺ ኤሮስ› ያጋይዳ።
ACT 11:9 « ‹ጾዚ ጌሽዳኖ ኔኒ ቱና ጋእፐ› ያጋዘ ቃላ ላምእንꬃ ሳሎፓ ይእዳ።
ACT 11:10 «ይና Ꮉይꬕ ቶሄ Ꮉንዳንፓ ሱባ፥ ማቂ ኡባ ባዝታ ሳሎ ኡደ ኤክንትዳ።
ACT 11:11 ይና ሳተ Ꮉይꬕ አሱንꬅ ቂሳርያፓ ታጎ ኪትንቲ ታ የዘ ኬꬅተ የልዳ።
ACT 11:12 ሶእካይዛራ ኡንታራ ቅቶደ ጋር አያና ታስ ኦህዳ። ማህ Ꮉና እዝፑን እሹንꬅ እዮጴፓ ታራ ቂሳርያ Ꮉንግዱንꬃራ ቆርነልዮሳ ካራ ገልዳ።
ACT 11:13 ኪታንቾ ኤ ካራ ኤቂ፥ ‹እዮጴ ኪቲ ጴጥሮሳ ጋእንትዘ ስሞና ጼግዞ።
ACT 11:14 ነናን ነ ካራ አስ ኡባ አሽዘ ቃላ ኤ ኔስ ኦሆዳ› ጋይዳኖ ቆርነልዮሳ ኑስ ኦህዳ።
ACT 11:15 «ታኒ ኦሄ አይክዘ ዎደ ጌሽ አያና ቲኖ ኑላ ዎꬍዳንጋራ ኡንታላን ዎꬍዳ።
ACT 11:16 የ ዎደ ‹ዋሐንሳ Ꮉꬃራ ጻማቅዳ፥ የዝን ይን ጌሽ አያናራ ጻማቅንቶዳ› ያጋይደ ላꬄ ቃልታ ታስ ቲርንትዳ።
ACT 11:17 ጾዚ ኑስ ላꬄ የሱስ ክርስቶሳ አማንዙንꬅስ እንግደ እሞትꬅቶ ማህ እዞ አይሁደ ማቆሱንꬅስን እንግኮ፥ ዬዝን ጾዝ ካዮደስ ታ ኦደ?» ያጋይዳ።
ACT 11:18 ኡን ይኖ ስእደ ዎደ ፋ ላልዛኖ አሺ፥ «ይኖ ማቅኮ፥ ጾዚ አይሁደ ማቆሱንꬅን ናጋራፓ ማቂ ደኦ የሳደ ጋር እጻ እንግዳ» ያጋእ ጾዝ ጋላትዳ።
ACT 11:19 እስጢፋኖሳ Ꮉይቆስ የልꬅደ ባይኤ ግሾ ላልንትደ አማንዙንꬅ ቃላ አይሁዱንꬅ ጻላላስ ኦህተራ ስሮፍንቀ፥ ቆጵሮሳን አንጾክያ የሎደስ ዉትዳ።
ACT 11:20 የዝን ቆጵሮሳፓን ቀሬናፓን ይእደ ፈቲ ፈቲ አማንዘ አሱንꬅ አንጾክያ Ꮉንግ፥ ላꬂ የሱሳ ዎንገለ ግርኬ አሱንꬅስ ኦህዳ።
ACT 11:21 ላꬄ ዎልቃ ኡንታራ የነ፤ ማህ ጋማ አሱንꬅ አማኒ ላꬃጎ ማቅዳ።
ACT 11:22 ይና ኦህቶ የሩሳላመ የዘ ዎሳ ኬꬅታ ስእደ ግሾ ባርናባሳ አንጾክያ ኪትዳ።
ACT 11:23 ባርናባሳ አንጾክያ ቅትደ ዎደ ጾዘ አꬎ ኬሃትꬅ ኦቻ ብእ ኡፋይትዳ። ኡን ኡቡንꬅ ፋ ኩሙꬅ ዎዝንተ ላꬄ ግዳ ሚንግ የሳደ ጋር ኡንታና ዞርዳ፤
ACT 11:24 ይኒ ግሾ ባርናባሳ ጌሽ አያናራን አማኖራ ኩምደ ሎኦ አስ። ጋማ አሱንꬅ ላꬃ አማንዳ።
ACT 11:25 ይንፓ ማቂ፥ ባርናባሳ ሳዉላ ኮዮደስ ተርሴሰ ቅትዳ።
ACT 11:26 እዘ ሳዉላ ደንግደ ዎደ አንጾክያ ኤኪ ይእዳ። ባርናባሳን ሳዉላ ዎሳ ኬꬂ አሱንꬃራ ፈቲ በረ ሙሎ በቲ ጋማ አሱንꬃና ታማርስዳ። ታማሩንꬅ አንጾክያ ዎሳ ኬꬃ «ክርስታነ» ጋእንት ቲኒ ጼግንትዳ።
ACT 11:27 የ ዎደ ፈቲ ፈቲ ናቡንꬅ የሩሳላመፓ አንጾክያ ዎꬍዳ።
ACT 11:28 ኡን ግዳፓ አጋቦሳ ጋእንትዘ ደንዲ ሳአ ኡባ ዳማ ናየ ኬሳዳኖ አያና ዎልቃራ ትንቢተ ኦህዳ። ይና Ꮉንዳና ሮመ ካት ቃላዉድዮሳ ዎደ።
ACT 11:29 አማንዙንꬅ ፈተ ፈተ ፋ ዎልቂት ጋር ሚሸ ኬሲ ይሁዳ የዘ አማንዙꬅስ ማደ ዳኮደስ ቆፋ አጭዳ።
ACT 11:30 ኡን Ꮉንጋራ የይዝ፥ ሚሽቶ ባርናባሳራን ሳዉላራን ዎሳ ኬꬃ ጭሙንꬅስ ዳክዳ።
ACT 12:1 የ ዎደ ካት ሄሮድሳ ዎሳ ኬꬂ አሱንꬃፓ ባጉንꬃና ባይኤ አይክዳ።
ACT 12:2 ዋሐንሳ እሸ ያይቆባ ማሻራ ዎꬍዳ።
ACT 12:3 ይና አይሁዱንꬃና ኡፋይስዳኖ ብእ፥ ጉጂ ጴጥሮሳን አይꬅዳ። ይና Ꮉንዳና ቦራ ባአለ ቦንችዘ ቃምተ።
ACT 12:4 ጴጥሮሳ አይኪ አጭዳ። ፋስጋ ቦንችዘ ዎድትፓ ማቂ ዎርዡንꬅ ቲኖ ኣꬆደስ ቆፒ፥ ኦይዲ ኦይዲ ዎታዳሩንꬅ ኤዛ ናጎደ ጋር ታጶ እዝፑን ዎታዳሩንꬅስ አꬂ እንግዳ።
ACT 12:5 ይኒ ግሾ፥ ጴጥሮሳ አች ኬꬃ ናግንታነ። የዝን ዎሳ ኬꬃ አሱንꬅ ኤስ ምንꬂ ጾዝ ዎሳነ።
ACT 12:6 ሄሮድሳ ጴጥሮሳ አሱንꬅ ቲኖ ሺሾዳንፓ ቲኖ ቃማ ጴጥሮሳ ላምእ ዛላራ ላምእ ዎታዳሩንꬃራን ላምእ ሳንꬃላታራ አጭንቲ ኡን ግዳ ገንትዳ። ናግዙንꬅ አች ኬꬃ ፉርꬅተ ኤቂ ናጋነ።
ACT 12:7 ቲርካይዝን ላꬄ ኪታንቾ በንትዳ። አች ኬꬃ ፎኦ ፎእዳ። ኪታንችዘ ጴጥሮሳ ምልቶ ቦቺ ባርክዚ፥ «ኤለ ደንዶ» ያጋይዳ። ኢራ ሳንꬃላታን ኤ ኩሽትፓ ዎꬍዳ።
ACT 12:8 ኪታንችዘ ኤጎ፥ «ነ ማእቶ ማኦ፥ ነ ጫምቶን ኣꬆ» ያጋይዳ። ጴጥሮሳ Ꮉንጋራ ኦችዳ፤ ኪታንችዘ፥ «ነ ላጽንዛ ማእ ታና ካሎ» ያጋይዳ።
ACT 12:9 ጴጥሮሳ አች ኬꬃፓ ኬዚ ኪታንችዛ ካልዳ። ኤስ ቆንጭꬅ በእዘጋራ ይእዳፕ አትን ኪታንችዘ ኦችዘ ባዝታ ቱሮ አዝካያ።
ACT 12:10 ኪታንችዘን ጴጥሮሳን ቲኖን ላምእንꬃ ናግዘ ዛብዛ አꬊ ካታማ ካንግዘ ብርታ ፉርꬅትጎ የልዳ። ፉርꬅታ ኡንትስ ፋ ፋስ ኤሪ ቡጉንትዳ። ኡን ኬዚ ፈቲ ኦገራ Ꮉንጎደራ ኪታንችዘ ቲርካይዝን ጴጥሮሳፓ ሻክንትዳ።
ACT 12:11 ጴጥሮሳስ ዎዝንታ ማቅን፥ «ታና ላꬂ ፋ ኪታንችዛ ዳኪ፥ ሄሮድሳ ኩሽትፓን ናጊ በትደ አይሁደ አሱንꬅ ኡባፓ አሽዳኖ Ꮉተ ቱሮ ኤርዳ» ያጋይዳ።
ACT 12:12 ኤ ይኖ አካክደ ዎደ ጋማ አሱንꬅ ዎላ ሺቂ ጾዝ ዎስዘ በስተ፥ ማርቆሳ ጋዘ ዋሐንሳ እንታ ማይራም ካራ ቅትዳ።
ACT 12:13 እዘ ባለ ኤቂ ጼግዳ። ፈቲ ሮዳ ጋእንትዘ አርታ ፉርꬅቶ ቡጎደስ ይእዳ።
ACT 12:14 ሮዳ ጴጥሮሳ ቃላ ማቅዳኖ ኤርደ ዎደ ኡፋይሳር ኩሚ ፉርꬅቶ ቡግካይዝን ሱብ ዎጺ Ꮉንግ፥ «ጴጥሮሳ ባለ ኤቅዳ» ያጋእ አሱንꬅስ ኦህዳ።
ACT 12:15 አሱንꬅ ኢጎ፥ «ነ ዣሽታነ!» ያጋይዳ። ሮዳ ጴጥሮሳ ማቅዳኖ ጌሽ ኦህዳ። ኡን፥ «የ ኤ ኪታንቾ» ያጋይዳ።
ACT 12:16 የዝን ጴጥሮሳ ባለ ኤቂ ጼጊ አሻንጽን አሱንꬅ ፉርꬅቶ ቡጊ ኤዛ ብእ ጋማ ቆፕዳ።
ACT 12:17 የዝን ኡን ስእ ጋዉደ ጋር ጴጥሮሳ ፋ ኩሽተ ማሊ ላꬂ አች ኬꬃፓ ኤዛ ዋይዝ ኬሰዛኮ ኡንትስ ቆንጭዝ ኦህ፥ «Ꮉኖ ያይቆባስን አማንዘ አሱንꬅስ ኦሆተ» ጋእ እዝፕ ኬዚ መለ በሳ ቅትዳ።
ACT 12:18 ሳአ ዎንትዘ ዎደ «ጴጥሮሳ አባ ቅትዶ?» ጋእ ዎታዳሩንꬅ ዎል ግዳ ጋማ ካጭንትዳ።
ACT 12:19 ሄሮድሳ ጴጥሮሳ ኮይዝን፥ ኤ ꬋብደ ዎደ ናግዙንꬃና ቁሪ፥ ኡንታና ዎꬎደ ጋር ኪትዳ። ይንፓ ሱባ፥ ሄሮድሳ ይሁዳፓ ቂሳርያ ዎꬊ እዘ ኤራꬅ ዎደ በትዳ።
ACT 12:20 ሄሮድሳ ጢሮሳ አሱንꬃላን ስዶና አሱንꬃላ ጋማ ካጭዳ። ኡን ዎላ ፈትላ ይእ ካት ሞርና ብላስጦሳ ማድንቶደ ጋራ ዎሲ ዬኤ ጋእዚ ፋስ ጭማ ማህ ጊጎደስ ሄሮድሳጎ Ꮉንግዳ። ኡን ጋድታ ካꬃ ካትዘ ጋደፓ ደንጋነ የሻ።
ACT 12:21 ሄሮድሳ ሹምንትደ ዎደ ፋ ካእቱሞ አፉልቶ ማእ፥ አራታላ በቲ አሱንꬅስ ኦህዳ።
ACT 12:22 አሱንꬅ፥ «ይና ጾዘ ቃላ፥ አስ ቃላ ባያ» ያጋእ ዉይስዳ።
ACT 12:23 ሄሮድሳ ጾዝ ቦንችካይዘ ግሾ ኢራ ላꬄ ኪታንቾ ኤዛ ጉድን ዛቅላራ ሙእንት Ꮉይቂዳ።
ACT 12:24 የዝን ጾዘ ቃላ ድጭተራን ዳልግተራ Ꮉንግዳ።
ACT 12:25 ባርናባሳን ሳዉላን ፋ ኦችቶ ፋዲ ማርቆሳ ጋዘ ዋሐንሳ ፋራ ኤኪ የሩሳላመፕ ማቅዳ።
ACT 13:1 አንጾክያ የዘ ዎሳ ኬꬃ ናቡንꬅን አስታማሩንꬅን የነ። ኡን ባርናባሳ፥ ካርꬅ ጋእንትዘ ስሞና፥ ቀሬናፓ ይእደ ሉክዮሳ፥ ካት ሄሮድሳራ ድጭደ ምናሄነን ሳዉላን።
ACT 13:2 ኡን ላꬂ ጎይኖደራን ጾሞደራ ጌሽꬅ አያና፥ «ታኒ ጼግደ ኦችትስ ባርናባሳን ሳዉላን ታስ ሻኮተ» ያጋይዳ።
ACT 13:3 ይኒ ግሾ፥ ኡን ጾምዳንፓን ዎስዳንፓ ማቂ ፋ ኩሽቶ ኡንታላ ጋዲ ዳክዳ።
ACT 13:4 ይኒ ግሾ፥ ጌሽ አያና ኡንታና ኪትዳ። ሰለዉቀ Ꮉንግዳ፤ ኢፓ ማርካበ ግዳ ገሊ ቆጵሮሳ Ꮉꬃራ ተቅንትደ ሳአ ቅትዳ።
ACT 13:5 ኡን ስልማና የሊ አይሁደ ዎሳ ኬꬃ ጾዘ ቃላ ኦህዳ። ዋሐንሳ ማድተራ ኡንታራ የነ።
ACT 13:6 ኡን ቆጵሮሳ Ꮉꬃራ ተቅንትደ ሳአ አꬊ ጳፉ የልዘ ዎደ ፈቲ ዎርዶ ናበ ባር-የሱሳ ጋዘ አይሁደ ማሮ ደንግዳ።
ACT 13:7 የ ማርዘ ዎርዣ አህዘ ሳርግዮሳ ጳዉሎሳ ጋዘ ቆፋራ የዘ አꬄራ የነ። ሳርግዮሳ ጳዉሎሳ ባርናባሳን ሳዉላን ፋጎ ጼጊ ጾዘ ቃላ ስኦደስ ኮይዳ።
ACT 13:8 የዝን ግርኬ ዶናራ ማርዛይ ሱንꬅታን «ኤልማሳ» ጋእንታነ። ኤ ጋደ አህዘ አማናመ ጋር ካዮደስ ኮይ ባርናባሳን ጳዉሎሳን እጽዳ።
ACT 13:9 የዝን ጳዉሎሳ ጋዘ ሳዉላ ጌሽ አያናራ ኩሚ ማርዛያ ዳኪ ብእ፥
ACT 13:10 «ናተ፥ ጻላሄ ናአዮ፥ ኢታትꬅ ኡባ ኩምዳዮ፥ ጽሎትꬅ ኡባስ ሞርክዛዮ፥ ሉለ ላꬄ ኦግቶ ምርቅዛኖ አሾሶ?
ACT 13:11 ይኬ፥ Ꮉተ ላꬄ ኩሸ ኔላ የነ። ነ ቆቀ ማቃዳ፤ ኤራꬅ ዎደስ አዋ ፎኦ በአማ» ያጋይዳ። ኢራ ቃይቃዮን ꬉማን ኤ ኣፍቶ ጎዝን፥ ፋ ኩሽቶ አይኪ ካልꬅዘ አስ ኮይተራ ዉትዳ።
ACT 13:12 ጋደ አህዘ ይኖ ብእደ ዎደ ላꬄ ባዝ ታማርስዛነ ጋማ ቆፒ አማንዳ።
ACT 13:13 ጳዉሎሳን ኤራ የዙንꬅ ጳፉፓ ደንዲ፥ ጵንፍልያ የዘ ጰርገ ማርካበራ ቅትዳ። ዋሐንሳ ኡንታፓ ሻክንት የሩሳላመ ማቅዳ።
ACT 13:14 የዝን ኡን ጰርገፓ አꬊ ጵስድያ የዘ አንጾክያ የልዳ። ሳምባታ ዎደ አይሁደ ዎሳ ኬꬃ ገሊ በትዳ።
ACT 13:15 ሙሴ ህግቶን ናቡንꬅ ማጻፍታን ናባብንትዳንፓ ማቂ አይሁደ ዎሳ ኬꬂ Ꮉላቁንꬅ፥ «ኑ እሹንꬆ፥ አስ ምንꬅꬅዘ ቃላ ይንትስ የዛኮ አሱንꬅስ ኦሆያተ» ጋእ ኡንታጎ ኪትዳ።
ACT 13:16 ጳዉሎሳ ደንዲ ኤቂ ፋ ኩሽትራ ማልተራ፥ «እስራኤለ አሱንꬅስ፥ ማህ ጾዝ ጎይንዘ አይሁደ ማቆሰ አሱንꬆ፥ ስኦተ።
ACT 13:17 Ꮉንꬅ እስራኤለ አሱንꬅ ጾዘ፥ ኑ ማይዙንꬃና ዶርዳ። ግብጸ ሳአ ዛቆትꬃ ኡን የሳደራ፥ ኡንታና ጋንꬅ ፋ ዳማ ዎልቃራ ግብጸ ሳአፓ ኡንታና ከስዳ።
ACT 13:18 አኮ ባይዘ ሳአ ኦይታም በረ ጋር ኡንታና ዳንዳእዳ።
ACT 13:19 ካናነ ሳአ አይሁደ ማቆሰ ላፑን ካእቱሞ ካይ ኡን ጋድቶ ፋ አሱንꬃና ላትዝዳ።
ACT 13:20 ይና ኡባ Ꮉንዳንፓ ኦይዲ ጼት እችንታም በረ ማቅዳ። ይንፓ ማቂ ሳሙኤላ ዎደ የሎደስ አህዘ ዳይና ኡንትስ እንግዳ።
ACT 13:21 ይንፓ ማቂ፥ ኡን ፋስ ካት እንጎደ ጋር ዎስን፥ ጾዚ ብንያመ ኮቻፓ ቂሰ ናአ፥ ሳኦላ ኦይታም በረ ካእቶደ ጋር ኡንትስ እንግዳ።
ACT 13:22 ጾዚ ሳኦላ ሻርዳንፓ ማቂ ኡንታላ ዳዉተ ካእꬅዳ። ጾዚ ዳዉተባዝ ማርክꬍተ፥ ‹ታ ዎዝንት ጋር ማቅዳያ ታ ቆፍቶ ኡባ ኦችዛ እሰይ ናአ ዳዉተ ደንግዳ› ጋይዳ።
ACT 13:23 «ጾዚ፥ ታኒ ዳዉተ ኮቻፓ እስራኤለ አሱንꬃና ኡፋይስዛ ኮኦዳ ጋይዳን ጋር የሱሳ ክእዳ።
ACT 13:24 የሱሳ ዮኦዳንፓ ቲኖ እስራኤለ አሱንꬅ ኡባ ፋ ናጋርትፓ ማቂ ጻማቅንቶደ ጋር ዋሐንሳ ቃላ ኦህዳ።
ACT 13:25 ማህ ዋሐንሳ ፋ ኦችቶ ፎሎደስ ይእተ አሱንꬃጎ፥ ‹ታና ኦና ጋእ ቆፐተ? ታኒ ይን ናግዘ ክርስቶሳ ባያ፥ የዝን ታ ኤ ጫማ ብሎደስ ታስ ቤዞሰ ታፓ ሱብተ የእነ› ጋይዳ።
ACT 13:26 «እሹንꬆ፥ አብራሃማ ኮቹንꬆ፥ ማህ Ꮉነ አይሁደ ማቅካይዛራ ጾዝስ ዣሽትዙንꬆ፥ Ꮉና አሽዘ ቃልታ ኑስ ኪትንትዳ።
ACT 13:27 አኮስ ጋይኮ፥ የሩሳላመ የዘ አሱንꬅን ኡን Ꮉላቁንꬅ የሱሳ ኤርካያ። ሳምባታ ኡባነ ናባብንትዘ ናቡንꬅ ቃልቶ ቲሪካይዘ ግሾ ኤዛላ ፍርድ ናቡንꬅ ኦህደ ቃልቶ ፎልዳ።
ACT 13:28 የሱሳ ዎዽሳደስ ፈቲ ምክናተን በንታንጽን ጵላጦሳ ኤዛ ዎꬎደስ እንጎደ ጋር ዎስዳ።
ACT 13:29 ኡን የሱሳ ባዝ ጌሽ ማጻፍተ ጻፍንትዳኖ ኡባ ፎልደ ዎደ ማስቃላፓ ኤዛ ኬꬂ ሞግዳ።
ACT 13:30 የዝን ጾዚ Ꮉይቆፓ የሱሳ ደንꬅዳ።
ACT 13:31 ይንፓ ማቂ፥ ኤ ፋራ ጋልላፓ የሩሳላመ ይእዱንꬅስ ጋማ ቃማ በንትዳ። ኡን Ꮉተ ኤ ባዝ አሱንꬅስ ማርክꬋነ።
ACT 13:32 «ጾዚ ኑ አዱንꬅስ እንጎዳ ጋይደ ዎንገለ ኑኒ ይንትስ ኦህነ።
ACT 13:33 ዳዉተ ፋ ማዝሙረ ማጻፍተ ላምእንꬃ ዞፋንተ፥ « ‹ኔኒ፥ ታ ናአያ፥ ታ Ꮉይኖ ነና የልዳ› ጋእንት ጻፍንትደ የሱሳ፥ ጾዚ Ꮉይቆፓ ደንꬂ ኑ ማይዙንꬅስ እንጎዳ ጋይዳኖ ኑስ ኡን ናኡንꬅስ ፎልዳ።
ACT 13:34 ኤ ዎቃመ ጋር ጾዚ Ꮉይቆፓ ኤዛ ደንꬅተ ኤርሶደስ፥ « ‹ታኒ ዳዉተስ እንጎዳ ጋይደ አማንንትደ ጌሽ አንጆ ይንትስ እንጎዳ› ያጋእ ኦህዳ።
ACT 13:35 «ይኒ ግሾ፥ ማዝሙረ ማጻፍተ መለ በሳ ማህ፥ « ‹ነ ጌሽዘ አህቶ ዎቂዞስ› ጋይዳ።
ACT 13:36 «ዳዉተ ፋ ዎደ ጾዘ ቆፍቶ ፎልዳንፓ ማቂ Ꮉይቂ ፋ አዱንꬃራ ሞግንቲ ዎቂዳ።
ACT 13:37 የዝን ጾዚ Ꮉይቆፓ ደንꬅዳይ ዎቂካያ።
ACT 13:38 «ይኒ ግሾ፥ ታ እሹንꬆ፥ ናጋራ አሽዘ የሱሳ ባጋር ቲንꬊ ይንትስ ኦህንትዳኖ ኤሮተ። ሙሴ ህግታ ናጋራፓ ጽልሳደስ ዳንዳኦስ።
ACT 13:39 የዝን የሱሳ አማንዘ ኡቡንꬅ ናጋራፓ ጽላነ።
ACT 13:40 ይኒ ግሾ፥ ናቡንꬅ ጋይዳና ይንታና የላመ ፋና ናግንቶተ።
ACT 13:41 « ‹ጾዚ ጋይደባዝ ለቂዙንꬆ! ቦኦተ! ጋማ ቆፖተ! ꬋቦተ! ኦደን ኦህን፥ ይን አማኖሰ ኦቻ ታ ይን ዎድተ ኦቾዳ› » ያጋይዳ።
ACT 13:42 ጳዉሎሳን ባርናባሳን አይሁደ ዎሳ ኬꬃፓ ከሳደራ፥ ካልዘ ሳምባታ ይኖ ጉጂ ኦሆደ ጋር አሱንꬅ ኡንታና ዎስዳ።
ACT 13:43 ሺቅታ ላንትዳንፓ ማቂ ጋማ አይሁዱንꬅን አይሁዱንꬅ አማንተ ገሊ ጾዝ ጎይንዘ ጋሙንꬅ ጳዉሎሳን ባርናባሳን ካልዳ። አማንዱንꬂ ጾዘ አꬎ ኬሃትꬅተ ምንꬂ የሳደ ጋር ኡንታና ዞርዳ።
ACT 13:44 ላምእንꬃ ሳምባታ ካታማ የዘ አሱንꬃፓ አትደ ባያ ያጋዉደ ዎንꬅስ ጾዘ ቃላ ስኦደስ ሺቅዳ።
ACT 13:45 የዝን አይሁዱንꬅ ጋማ አሱንꬃና በኤዘ ዎደ ጳዉሎሳ አንꬅንቲ ኤ ኦህቶ እጺ ኤዛ ጫዥዳ።
ACT 13:46 ጳዉሎሳን ባርናባሳን ዣሽትካይዛራ፥ «ጾዘ ቃልታ ቲንꬊ ይንትስ ኦህንቶደስ ቤዛነ። የዝን ይን ቃላ እጺ መዽና ደኦ ኤኮደስ ኑስ ቤዞስ ጋእ ይን፥ ይን ኦምተ ፍርድደ ግሾ ይኬ ኑኒ አይሁደ ማቆሱንꬃጎ ማቃዳ።
ACT 13:47 አኮስ ጋይኮ ላꬂ፥ « ‹አላመ ኩሙꬅታ ነ ባጋራ አቶደ ጋር፥ ታ ነና አይሁደ ማቆሰ አሱንꬅስ ፎኦ ማህዳ› ጋእ ኑና ኪትዳ» ጋይዳ።
ACT 13:48 አይሁደ ማቆሱንꬅ ይኖ ስእደ ዎደ ኡፋይት ጾዘ ቃላ ቦንችዳ። ማህ መዽና ደኦስ ዶርንትደ ኡባ አማንዳ።
ACT 13:49 ላꬄ ቃልታ ይና ሳእቶ ኡባ የልዳ።
ACT 13:50 የዝን አይሁዱንꬅ፥ አይሁደ ማቆሰ ጾዝ ጎይንዘ ቦንችንትደ ማቹንꬃናን ካታማ የዘ ዳማ አሱንꬃና ጳዉሎሳላን ባርናባሳላን ደንꬅꬅዳ። የንꬅ አሱንꬅ ኡንታና ባይኤ አይኪ ፋ ሳእትፓ ከስዳ።
ACT 13:51 የዝን ጳዉሎሳራን ባርናባሳራን እጽዙንꬅስ ማላ ማቃደ ጋር ፋ ቶህትፓ ጹራ ፍጺ እቆንዮነ ካታማ ቅትዳ።
ACT 13:52 ማህ አንጾክያ የዘ አማንዙንꬅ ጌሽ አያናራን ኡፋይሳራ ኩምዳ።
ACT 14:1 ካሰንጋራ፥ ጳዉሎሳን ባርናባሳን እቆንዮነን አይሁዱንꬅ ዎሳ ኬꬃ ገሊ ጋማ አይሁዱንꬅን አይሁደ ማቆሱንꬅ አማኖደ ዎደስ ቃላ ኦህዳ።
ACT 14:2 የዝን አማንካይዘ አይሁዱንꬅ፥ አይሁደ ማቆሱንꬅ ዎዝንቶ ላሚ እሹንꬃላ ደንꬅꬅዳ።
ACT 14:3 ሐዋሩንꬅ እዘ ጋማ ዎደ ጋምእዳ። ኡን ዣሽትካይዛራ ላꬄ ባዝ ኦህዳ። ላꬂ ማላን ክሌ ባዝ ኡን ኦቾደ ጋር ኡንትስ አደትꬅ ዎልቃ እንግ ፋ አꬎ ኬሃትꬅ ቃልታ ቱሮ ማቅዛኖ ቤዝዳ።
ACT 14:4 የዝን የንꬅ ካታማ አሱንꬅ ሻክንት፥ ባግታ አይሁዱንꬃራ ባግታ ማህ ሐዋሩንꬃራ ማቅዳ።
ACT 14:5 አይሁደ ማቆሱንꬅን አይሁዱንꬅን ፋ Ꮉላቁንꬃራ ዎላ ማቂ ሐዋሩንꬃና ቆሆደስን ሹቻራ ꬎጎደስ ኮይዳ።
ACT 14:6 ሐዋሩንꬅ ይኖ ኤሪ፥ ልስጥራን ደርበ ጋእንትዘ ልቃኦንያ ካታሙንꬅ ግዳን ኡን ጉታ የዘ ሳአ አችንትዳ።
ACT 14:7 እዘ ዎንገለ ኦህዳ።
ACT 14:8 የልንትዳንፓ አይኪ ላምእ ቶህታ ዎቢን የꬊ ኤሮሰ ፈቲ አስ ልስጥራ የነ።
ACT 14:9 የ አꬃይ ጳዉሎሳ ኦሆደራ በቲ ስእነ። ጳዉሎሳ ኤዛ ዳኪ በእዘ ዎደ ፋጾደስ ኤስ አማኖ የዛኖ ብእ፥
ACT 14:10 ፋ ቃልቶ ꬎቅ ዪዚ፥ «ሞሊ ነ ቶህትራ ኤቆ» ያጋይዳ። ዬዝን፥ ዶሊ ደንዲ ኤቂ የ አይክዳ።
ACT 14:11 ጳዉሎሳ ኦችዳኖ አሱንꬅ ብእ ፋ ቃልቶ ꬎቅ ዪዚ ልቃኦንያ ዶናራ፥ «ኤቁንꬅ አስ አዚ ኑጎ ዎꬍዳ» ያጋይዳ።
ACT 14:12 ባርናባሳ፥ «ድያ» ጋእ፥ ጳዉሎሳ ኦህዘ ዋንዘ ግሾ ኤዛ፥ «ሄርሜነ» ጋእ ሱንꬅዳ።
ACT 14:13 ካታማፓ ጋጻ የዘ ድያ ጎይኖ ኬꬃ ካህንዘን አሱንꬅ ኮርማን ቦንቾ ፉ ሐዋሩንꬅስ ዣርሾደስ ኮይ ካታማ ፉርꬃ ክእዳ።
ACT 14:14 የዝን ባርናባሳን ጳዉሎሳን ይኖ ስኤዘ ዎደ ኡን ኦቾደስ ቆፕዳኖ እጺ ፋ ማእቶ ፌꬍዳ። አሱንꬅ ግዳ ዎጺ ገሊ፥
ACT 14:15 ፋ ቃልቶ ꬎቅ ዪዚ፥ «አሱንꬆ፥ Ꮉኖ አኮስ ኦቼተ? ኑንን ይን ፋና አስ። Ꮉና ፋꬆሰ ባዝትፓ ሳሎን ሳአን፥ አባ ኡን ግዳ የዘ ኡባባዝቶ መꬍደ ደኦ ጾዘጎ ይን ማቃደ ጋር ይንትስ ኑኒ ዎንገለ ኦህነ።
ACT 14:16 ኤ ዛጋ አሱንꬃና ፋ ኦግቶ የꬋደ ጋር ዳኪ አሽዳ።
ACT 14:17 የዝን እራ ሳሎፓ ቡክዝዳ፥ ካꬃን ዎደር ዎደር እንግዳ፥ ካꬃ እንግ ይንታና ጋማ ኡፋይስዳ፥ የይዝ ይንትስ ሎኦ ባዝ ኦቺ ፋስ ማርካ ꬋብስካያ» ያጋይዳ።
ACT 14:18 ሐዋሩንꬅ ይኖ ጋእ ፋስ አሱንꬅ ዣርሻመ ጋር ዋይ ካይዳ።
ACT 14:19 አንጾክያፓን እቆንዮነፓን ይእደ አይሁዱንꬅ፥ አሱንꬃና ፋ ዛላ ማህ ሹቻራ ጳዉሎሳ ꬎግዳ። ኡንትስ ኤ Ꮉይቂደ ጋር አዝን ካታማፓ ጋጻ ጎቺ ካንግ ኦልዳ።
ACT 14:20 የዝን አማንዙንꬅ ይእ፥ ኤ ካለ ዉቲ ኤቀዝን ኤ ደንዲ ካታማ ገልዳ። ዎንትስት ዎደ ባርናባሳራ ዎላ ዳርበ ቅትዳ።
ACT 14:21 ኡን ዳርበ ካታማ ዎንገለ ኦህ ጋሙንꬃና አማንዙንꬃና ማህዳንፕ ሱባ ልስጥራ፥ እቆንዮነን ጵስድያ አንጾክያ ማቅዳ።
ACT 14:22 እዘ አማንዙንꬅ አማኖራ ሚንግ የሳደ ጋር ዞሪ፥ «ጾዘ ካእቱሞ ገሎደስ ኑኒ ጋማ ማꬋ ኤኮደስ ቤዛነ» ያጋእ ታማርስዳ።
ACT 14:23 ማህ ዎሳ ኬꬅስ ኦምተ ኦምተ ጭሙንꬃና ዶርዳ። ጾምዳንፓን ዎስዳንፓ ማቂ ኡን አማንዘ ላꬄስ ኡን Ꮉዳርቶ እንግዳ።
ACT 14:24 ጵስድያ ሳአ ካንꬂ አꬊ ጵንፍልያ ቅትዳ።
ACT 14:25 ጰርገን ቃላ ኦህዳንፓ ማቂ አጣልያ ቅትዳ።
ACT 14:26 ኢፓ ኡን ፋ ፎልደ ኦችትስ ጾዘ አꬎ ኬሃትꬅትስ ኡንትስ Ꮉዳራ እንግደ አንጾክያ ማርካበራ ማቅዳ።
ACT 14:27 አንጾክያ የልደ ዎደ ዎሳ ኬꬃ አሱንꬃና ሺሺ ጾዚ ኡንታራ ኦችደ ኦችቶ ኡባ አይሁደ ማቆሰ አሱንꬅ አማኖደ ጋር ኡንትስ ዋይዝ ፉርꬅ ቡገዛኮ ኦህዳ።
ACT 14:28 ኤዝን አማንዙንꬃራ ጋማ ዎደ ጋምእዳ።
ACT 15:1 ፈቲ ፈቲ አሱንꬅ ይሁዳፓ አንጾክያ Ꮉንግ፥ «ሙሴ ዎግት ጋር ይን ጋራዝንታንጽኮ አቶደስ ዳንዳኦስ» ጋእ አማንዙንꬃና ታማርሰ አይክዳ።
ACT 15:2 ይና ጳዉሎሳን ባርናባሳን ኡንታራ ጋማ ላሎደ ጋራን ካጭንቶደ ጋር ዪዝዳ። ይኒ ግሾ፥ አንጾክያ የዘ ፈቲ ፈቲ አሱንꬅ ጳዉሎሳራን ባርናባሳራ የሩሳላመ Ꮉንግ ሐዋሩንꬃራ ጭሙንꬃራ የልንት ይና ኦህቶ ብሎደ ጋር ቆፋ አጭንትዳ።
ACT 15:3 ዎሳ ኬꬅታ ኡንታና ኪትን ቅትዳ። ኡን ፍንቀራን ሳማራራ አꬍተራ አይሁደ ማቆሱንꬅ ጾዛጎ ዋይዝ ማቀዛኮ ኦህዳ። ይና አማንዙንꬃና ኡባ ጋማ ኡፋይስዳ።
ACT 15:4 ኡን የሩሳላመ የልደ ዎደ ዎሳ ኬꬅታ፥ ሐዋሩንꬅን ጭሙንꬅ ኡንታና ሞክዳ። ጾዚ ኡንታራ ኦችዳኖ ኡባ ኦህዳ።
ACT 15:5 የዝን ፋርሳዉንꬅ ባጋፓ አማንደ ፈቲ ፈቲ አሱንꬅ ደንዲ ኤቂ፥ «አይሁደ ማቆሰ አማንዘ አሱንꬅ ጋራዝንቶደስን ሙሴ ህግቶ ናጎደስ ቤዛነ» ያጋይዳ።
ACT 15:6 ሐዋሩንꬅን ጭሙንꬅ ይኖ ዞርንቶደስ ሺቅዳ።
ACT 15:7 ጋማ ኦህንትዳንፓ ማቂ፥ ጴጥሮሳ ደንዲ ኤቂ፥ «ታ እሹንꬆ፥ አይሁደ ማቆሱንꬅ ዎንገለ ቃላ ታ ዶናፓ ስእ አማኖደ ጋር ቲንꬊ ታና ጾዚ ይን ግዳፓ ዶርዳኖ ይን ኤራነ።
ACT 15:8 አስ ዎዝና ኤርዘ ጾዘ ጌሽ አያና ኑስ እንግዳንጋር ኡንትስን እንግ ቱርዝዳ።
ACT 15:9 አማኖራ ኡን ዎዝንቶ ጌሽደ ግሾ ኑ ግዳን ኡን ግዳ ሻኮ ጋድካያ።
ACT 15:10 ይኒ ግሾ፥ ኑ አዱንꬅን ኑኒ ቶኮደስ ዳንዳኦስ ቃምባራ አማንዙንꬅ ጌታላ ጋዲ Ꮉተ አኮስ ጾዝ ፋታነተ?
ACT 15:11 ላꬄ የሱስ አꬎ ኬሃትꬅተ ኡን አትዳን ጋራ ኑንን አትዳኖ አማናነ» ያጋይዳ።
ACT 15:12 አሱንꬅ ስእ ጋእ፥ ባርናባሳን ጳዉሎሳ አይሁደ ማቆሰ አሱንꬅ ግዳ ኡን ባጋራ ጾዚ ኦችደ ማላን ክሌ ባዝ ኡባ ኦሆደራ ስእነ።
ACT 15:13 ኡን ኦህ Ꮉስዳንፓ ማቂ ያይቆባ፥ «እሹንꬆ፥ ታ ጋዛኖ ስኦተ።
ACT 15:14 ጾዚ አይሁደ ማቆሱንꬅ ግዳ ፋ ፋ ሱንꬅቶ ጼግዘ ዎርዣ ዶሮደስ ኮይ ኡንታና ቲኖ ዋይዝ ቆፐዛኮ ስሞና ኦህዳ።
ACT 15:15 ናቡንꬅ ቃልታ Ꮉንራ ጊጋነ። ጌሽ ማጻፍተ፥
ACT 15:16 « ‹Ꮉንፓ ሱባ፥ ታ ማቃዳ፥ ዎድደ ዳዉተ ኬꬅቶ ኬጾዳ። ዉልእንትደ ኬꬅቶን ማህ ኤሶዳ።
ACT 15:17 አትደ አሱንꬅ ኡባ ታጎ የኦዳ፥ ታ ጼግደ አይሁደ ማቆሰ አሱንꬅ ኡባ ታና ኮዮዳ። ዛጋፓ አይኪ ይና ኤርንቶደ ፋና ዪዝደ ላꬄ፥ ታ ኦህነ› ያጋይዳ።
ACT 15:19 «ይኒ ግሾ፥ ታ ቆፍታ ጾዛጎ ማቅዘ አይሁደ ማቆሱንꬃና ኑኒ ዋይꬆሳኮ ሎኦ።
ACT 15:20 የዝን ኡን ኤቃስ ዣርሽንቲ ቱንደባዝ ማአመ ጋር፥ ኦላላመ ጋር፥ ባዉታ ማአመ ጋራን ሱꬅ ኡዣመ ጋራን ማአመ ጋር ኡንትስ ኑኒ ዳብዳበ ጻፎደስ ቤዛነ።
ACT 15:21 ሙሴ ህገ ዛጋፓ አይኪ ሳምባታ ሳምባታ አይሁደ ዎሳ ኬꬃ ናባብንቲ ካታማ ኡባ ሳባክንታነ» ያጋይዳ።
ACT 15:22 ይንፓ ማቂ፥ ሐዋሩንꬅን ጭሙንꬅ ዎሳ ኬꬃ አስ ኡቡንꬃራ ፈትላ ፋ ግዳ ፋ ኤራꬅ አሱንꬃና ዶሪ ጳዉሎሳራን ባርናባሳራ አንጾክያ ዳኮደስ ቆፋ አጭዳ። ጋማ ኤርንትደ ካልꬅዙንꬃና ባርሳባሳ ጋእንትዘ ይሁዳን ስላሰን ዶርዳ።
ACT 15:23 Ꮉንጋራ ጋእንት ዳብዳበ ኡንታላ ዳክዳ፦ «ኑ ሐዋሩንꬅን ጭሙንꬅ ይን እሹንꬅ፥ አንጾክያ፥ ሶርያ ክልቅያ የዘ አይሁደ ማቆሰ እሹንꬅስ ኑ ሳሮትꬅ ኪትዳ።
ACT 15:24 «ኑኒ ኪትካይዘ አሱንꬅ ኑ ግዳፓ Ꮉንግ፥ ‹ይን ጋራዝንቶደስን ህግቶ ናጎደስ ቤዛነ› ጋእ፥ ይንታና ዋይꬅዳኖን ዥልዝዳኖ ስእዳ።
ACT 15:25 ኑኒ ካዽዘ ባርናባሳን ጳዉሎሳ ዶርንትደ አሱንꬃራ ዎላ ይንታጎ ዳኮደስ ፈቲ ዎዝናራ ኑ ቆፍቶ አጭዳ።
ACT 15:26 ኡን ኑ ላꬄ የሱስ ክርስቶሳ ግሾ ፋ ደእቶ አꬂ እንግዳ።
ACT 15:27 ይኒ ግሾ፥ ኑ ጻፍዳኖ ኡን ፋ ዶናራ ጉጂ ይንትስ ኦሆደ ፋና ይሁዳን ስላሰን ኪትዳ።
ACT 15:28 «Ꮉና ኮሽዙንꬃፕ አትን መለ ቶፎ ይንታና ቶሳመ ጋር ኑንን ጌሽ አያና ኦህቶ አጭዳ።
ACT 15:29 ኤቃስ ዣርሽንቲ ቱንደባዝ ሙእፐተ፥ ሱꬅ ኡዥፐተ፥ ባዉታ ሙእፐተ፥ ኦላልፐተ። Ꮉንꬅ ኡባፓ ይን፥ ይን ኦምቶ ናግኮ ሎኦ ባዝ ኦቻነ። ሎኦ የዞተ» ያጋይዳ።
ACT 15:30 ይኒ ግሾ፥ ኪትንትዱንꬅ ሞይዝንቲ አንጾክያ ቅቲ አማንዘ አሱንꬃና ሺሺ፥ ዳብዳቢዛ እንግዳ።
ACT 15:31 ኡን የ ምንꬅꬅዘ ዳብዳቢዛ ናባብደ ዎደ ኡፋይትዳ።
ACT 15:32 ማህ ይሁዳን ስላሰን ፋ ኦምተ ናቡንꬃና ማቅደ ግሾ አማንዙንꬃና ሎይꬂ ዞሪ ምንꬅꬅዳ።
ACT 15:33 ኡን አንጾክያ ኤራꬅ ዎደ በትዳንፓ ሱባ አማንዘ እሹንꬅ ሎይꬅ ሞይዝን ፋና ኪተዙንꬃጎ ማቅዳ።
ACT 15:34 [የዝን ስላሰን እዘ አቶደስ ኮይዳ።]
ACT 15:35 ማህ ጳዉሎሳን ባርናባሳን መለ ጋማ አሱንꬃራ ዎላ ላꬄ ቃላ ታማርስተራ ዎንገለ ኦህተራ አንጾክያ ጋምእዳ።
ACT 15:36 ኤራꬅ ቃማፓ ሱባ ጳዉሎሳ ባርናባሳጎ፥ «ኑ ላꬄ ቃላ ኦህደ ካታምተ ኡባ አማንዙንꬅ ዋይዝ የዛኮ ሱባ ማቅተራ በአዳ» ያጋይዳ።
ACT 15:37 ባርናባሳ ማርቆሳ ጋእንትዘ ዋሐንሳ ፋራ Ꮉማደ ፋና ኮይዳ።
ACT 15:38 የዝን ጳዉሎሳ ማርቆሳ ፋራ Ꮉማደ ፋና ኮይካያ። አኮስ ጋይኮ፥ ኤ ጵንፍልያ ሻክንት ኡንታራ ኦቾደስ Ꮉንግካያ።
ACT 15:39 ኡን ግዳ ኢታ ካች ከዝን ፈታይ ፈታይፓ ሻክንትዳ። ባርናባሳ ማርቆሳ ኤኪ ማርካበራ ቆጵሮሳ ቅትዳ።
ACT 15:40 የዝን ጳዉሎሳ ስላሰ ዶርዳ፤ አማንዙንꬅ ጳዉሎሳ ጾዘ አꬎ ኬሃትꬅ Ꮉዳርቶ እንግዳንፓ ማቂ ኤ ኬዚ ቅትዳ።
ACT 15:41 የይዝ፥ ዎሳ ኬꬂ ምንꬅꬅተራ ሶርያራን ክልቅያራን ዉትዳ።
ACT 16:1 ጳዉሎሳ ዳርበን ልስጥራን ቅትዳ። እዘ ጢሞትዮሳ ጋዘ አማንዘ አስ የነ። ኤ እንታ አማንዘ አይሁደ ማቾ፥ ኤ አዳይ ግርኬ አስ።
ACT 16:2 ልስጥራን እቆንዮነ የዘ አማንዙንꬅ ጢሞትዮሳ ባዝ ሎይꬂ ማርክꬍዳ።
ACT 16:3 ጳዉሎሳ ጢሞትዮሳ ፋራ ኤኮደስ ኮይ፥ ኤ አዳይ ግርኬ አስ ማቅዳኖ ይና በስተ የዘ አይሁደ ኡቡንꬅ ኤርዘ ግሾ ኤዛ ጋራዝዳ።
ACT 16:4 ኡን ካታማራ አꬍተር የሩሳላመ የዘ ሐዋሩንꬅን ጭሙንꬅን አጭደ ቆፍቶ አማንዙንꬅ ናጎደ ጋር ኡንትስ ኦህተራ አꬍዳ።
ACT 16:5 ይኒ ግሾ፥ ዎሳ ኬꬅታ አማኖራ ሚንግተ፥ ፋይዶራን ቃምተ ቃምተ ጋንግተር Ꮉንግዳ።
ACT 16:6 እስያ ግዳ ቃላ ኦሃመ ጋር ጌሽ አያና ኡንታና ካይደ ግሾ ጵርገራን ጋላትያ ሳአራ አꬍዳ።
ACT 16:7 ኡን ሚስያ ጋጻ የልደ ዎደ ብቲንያ ቅቶደስ ቆፕዳ የሻ። የዝን የሱሳ አያና ኡንታና ካይዳ።
ACT 16:8 ይኒ ግሾ፥ ኡን ሚስያ ካለራ አꬍተራ ጢሮአዳ ዎꬍዳ።
ACT 16:9 ጳዉሎሳ ቃማ ቆንጭꬃራ ፈቲ መቀዶንያ አስ ፋጎ፥ «መቀዶንያ ፊንግ ኑና ማዶያ» ጋእ ኤቂ ዎሶደራ ብእዳ።
ACT 16:10 ቆንጭꬅ ኤ ብእዳንፓ ማቂ ኑ መቀዶንያ ቅቶደስ ኮይዳ። ይናን፥ ዎንገለ እዘ የዘ አሱንꬅስ ኦሆደስ ጾዚ ኑና ጼግዳ አዝዳ።
ACT 16:11 ጢሮአዳፓ ደንዲ ማርካበ ግዳ ገሊ ሳሞትራቀ Ꮉንግደ፥ ዎንትስት ዎደ ናጱለ Ꮉንግዳ።
ACT 16:12 እዝፓ ደንዲ መቀዶንያ ሳአ የዘ ፍልጵስዩሳ ጋእንትዘ ዎራዳ ካታማ Ꮉንግዳ። ማህ ፍልጵስዩሳ ሮሙንꬅ አህዘ ካታማ። ኑ ይና ካታምተ ኤራꬅ ዎደ በትዳ።
ACT 16:13 ሳምባታ ዎደ ካታማፓ ጋጻ ቦርካ ዶና አይሁዱንꬅ ጾዘ ዎስዘ በሲ የዛኖ ቆፒ እዘ Ꮉንግዳ። ይና በስተ ሺቅደ ማቹንꬅስ ቃላ ኦህዳ።
ACT 16:14 ኑና ስእዘ አሱንꬃፓ ፈቲ ሊድያ ጋእንትዘ ትያጥሮነ ካታማፓ ይእደ፥ ጾዝ አማንዘ ዞቆ ማኦ ዛልእዘ፥ ማችታ የነ። ጳዉሎሳ ኦህዛኖ እዛ ስኦደ ጋር ላꬂ እ ዎዝንቶ ቡግዳ።
ACT 16:15 ሊድያ ፋ ካራ አሱንꬃራ ዎላ ጻማቅንትዳንፓ ማቂ ኑጎ፥ «ይን ታና ላꬃ ቱሮ አማንዳ ጋይኮ ታ ካራ ይእ ሸምፖተ» ጋእ ምንꬂ ዎስዳ።
ACT 16:16 ኑ ጾዝ ዎስዘ በስተ Ꮉንጎደራ ኢታ አያና ኢላ አፋ የዚ ማርꬍዘ ፈቲ ዉዱር አርታ ኑራ የልንትዳ። እዛ ማርꬊ ጋማ ብራ ፋ ላꬁንꬅስ ከእነ።
ACT 16:17 ጳዉሎሳን ኑናን ካሊ፥ «Ꮉንስ ኡባፓ ካታራ ጾዘ አሩንꬃና! ኡን ይን አቶደ ኦግቶ ኦህዙንꬃና» ጋእ ኡክዳ።
ACT 16:18 ኡባ ዎደ ይኒ ጋር ጋነ። የዝን ጳዉሎሳ ዥልꬊ ሱብ ማቂ፥ የ አያንዛ፥ «የሱስ ክርስቶሳ ሱንꬅተ ኢፓ ከዞ» ጋእ ኪትዳ። ኢራ ኢታ አያንዘ ኢፓ ከዝዳ።
ACT 16:19 የዝን እ ላꬁንꬅ ፋስ ብራ ደንግዘ ኦግታ ꬋብዳኖ ብእ፥ ጳዉሎሳን ስላሰን አይኪ፥ ፍርዳ ኬꬃ ዳይኑንꬅ ቲኖ ጎቺ ካንግዳ።
ACT 16:20 ዳይኑንꬅ ቲኖ ኡንታና ካንግ፥ «Ꮉንስ አይሁደ አስ ማቂ ኑ ካታማ አሱንꬃና ጋማ ዋይꬃነ።
ACT 16:21 ኑ ሮመ ጋደ አሱንꬅ ኤኮደስን ኦቾደስ ዎጋ ማቆሰ ባዝ ታማርሳነ» ጋይዳ።
ACT 16:22 አሱንꬅ ፈቲ ዛላ ማቂ፥ ጳዉሎሳላን ስላሰላን ደንድዳ። ዳይኑንꬅ ኡን ማእቶ ጋሪ ጉፈር ኡንታና ጉዳደ ፋና ኪትዳ።
ACT 16:23 ኡንታና ጋማ Ꮉꬍዳንፓ ሱባ አች ኬꬃ ገልꬅዳ። አች ኬꬅቶ ካፍዛይ ኡንታና ምንꬂ ካፎደ ጋር ኪትዳ።
ACT 16:24 አች ኬꬅቶ ካፍዘ ይና ኪቶ ኤኪ፥ ጳዉሎሳን ስላሰን አች ኬꬅትስ ቆልአ ገልꬅዳ። ኡን ቶህቶ ዱꬃራ አጭዳ።
ACT 16:25 የዝን ቃማ ብላሄ ማቅዘ ዎደ ጳዉሎሳራን ስላሰራን ዎስተራን ማዝሙረ የጽተራን ጾዝ ጋላታነ። አች ኬꬅተ የዘ መለ አሱንꬅን ኡን ጋዛኖ ስእነ።
ACT 16:26 ቆፕካይዝን አች ኬꬅት ሳእታ ኤንእንቶደ ዎንꬅስ ሳአ ኤንእዳ። ይና ሳተ ፉርꬅታ ኡባ ቡጉንቲ አትዳ፤ አጭንትደ አሱንꬅ ኡቡንꬅ ሳንꬃላታ ብልንቲ ዎꬍዳ።
ACT 16:27 አች ኬꬅቶ ካፍዘ ገንቶፓ ባርክደ ዎደ አች ኬꬅት ፉርꬅታ ኡባ ቡጉንትዳኖ ብእ አጭንትደ አሱንꬅ ኬሲ ኤኪ ቅትደ ጋር ኣዝን ፋና ዎꬎደስ ማሻ ኤክዳ።
ACT 16:28 የዝን ጳዉሎሳ ፋ ቃልቶ ꬎቅ ዪዚ «ኑ ኡባና Ꮉነ የዘ ግሾ ነ ነና ቆህፐ» ጋይዳ።
ACT 16:29 አች ኬꬅቶ ካፍዘ ጾምፐ ዎሲ ኤኪ ኤልሲ ግዳ ዎጽዳ። ጎቅተራ ጳዉሎሳ ቲኖን ስላሰ ቲኖ ዙግዳ።
ACT 16:30 ኡንታና ባለ ኬሲ፥ «ታ ላꬁንꬆ፥ ታ አቶደስ አኮ ኦቾደስ ቤዘ?» ጋይዳ።
ACT 16:31 ጳዉሎሳራን ስላሰራ ኤጎ፥ «ላꬅ የሱስ ክርስቶሳ አማኖ፤ ኔራን ነ ካራ አሱንꬃራን አቶዳ» ጋይዳ።
ACT 16:32 ኡን ኤስን ኤ ካራ የዘ ኡቡንꬅስ ላꬄ ቃላ ኦህዳ።
ACT 16:33 ቃማ ይና ሳተ አች ኬꬅቶ ካፍዘ ኡንታና ካንግ ኡን Ꮉርግዘ በስቶ ሜጭዳ። ኤልሲ ፋ ካራ አስ ኡቡንꬃራ ጻማቅንትዳ።
ACT 16:34 ጳዉሎሳን ስላሰን ፋ ካራ ካንግ ኡንትስ ካꬃ አꬅዳ። ኤ ፋ ካራ አስ ኡቡንꬃራ ጾዝ አማንደ ግሾ ኡፋይትዳ።
ACT 16:35 ሳእታ ዎንትን ዳይኑንꬅ፥ «የንꬅ አሱንꬃና ብሎ» ያጋእ ፖሊሱንꬃና ኤጎ ኪትዳ።
ACT 16:36 አች ኬꬅቶ ካፍዘ፥ «ይን ብልንቶደ ጋር ዳይኑንꬅ ኪትዳ። ይኬ፥ ኬዚ ሳሮ ቅቶተ» ያጋእ ይና ኪቶ ጳዉሎሳስ ኦህዳ።
ACT 16:37 የዝን ጳዉሎሳ የንꬅ ፖሊሱንꬃጎ፥ «ኑ ሮመ አስ ማቃደራ ኡን ኑና ፍርዳ ባይꬅ አስ ቲኖ Ꮉꬊ፥ አች ኬꬃ ኦልዳ። Ꮉተ ኑና አችንት ኬዚ ቅቶ ጋነ? Ꮉኖስ፥ ኡን ፋ ኦምትስ ይእ ኑና ኬሶ» ጋይዳ።
ACT 16:38 ፖሊሱንꬅ ዳይኑንꬅስ ይኖ ኦህን፥ ጳዉሎሳራን ስላሰራን ሮመ ሳአ አስ ማቅዳኖ ስእደ ዎደ ዣሽትዳ።
ACT 16:39 ይኒ ግሾ፥ ዳይኑንꬅ ይእ ኡንታጎ፥ ኑ ይንታና ቆህዳ ያጋእ ማሮትꬅ ኦጭዳ። አች ኬꬅትፓ ባለ ኡንታና ኬሲ፥ ካታማፓ ኬዚ ቅቶደ ጋር ዎስዳ።
ACT 16:40 ጳዉሎሳራን ስላሰራን አች ኬꬅትፓ ኬዚ ሊድያ ካራ Ꮉንግዳ። እዘ አማንዙንꬃራ የልንት ኡንታና ምንꬅꬂ ኬዚ ቅትዳ።
ACT 17:1 ጳዉሎሳራ ስላሰራን አምፍጶልሳራን አጶሎንያራ አꬊ ተሰሎንቄ ቅትዳ። እዘ አይሁደ ዎሳ ኬꬂ የነ።
ACT 17:2 ጳዉሎሳ ዛጋን ጋራ እዘ ገልዳ። እዘ Ꮉይꬕ ሳምባታ ጾዘ ቃላፓ አሱንꬅስ ኦህዳ።
ACT 17:3 ክርስቶሳ ማꬋ ኤኮደስን Ꮉይቆፓ ደንዶደስን ቤዛኖ ኡንትስ ጌሽ ኦህተራ፥ «የሱሳ Ꮉይ ታ ይንትስ ኦህዛይ ክርስቶሳ» ያጋይዳ።
ACT 17:4 ኡንታፓ ፈተ ፈተ ኦህዳና ቱሮ ማቅዳኖ ኤኪ ጳዉሎሳራን ስላሰራ ዎላ ፈቶ ማቅዳ። ይኒ ፋና፥ ጾዝ ጎይንዘ ጋማ ግርኬ አሱንꬅን ጋማ ቦንችንትደ ማቹንꬅን ኡንታራ ዎላ ማቅዳ።
ACT 17:5 የዝን አይሁዱንꬅ እጺ ፈቲ ፈቲ ኦቻ ባይዘ ኢታ አሱንꬃና ኦገፓ ሺሽዳ። ካታምቶ ቡቀ አይክዳ፤ ጳዉሎሳን ስላሰን አሱንꬅስ አꬂ እንጎደስ ኮይ ኢያሶነ ኬꬅቶ ተቂዳ።
ACT 17:6 ጳዉሎሳን ስላሰን ኡንትስ በንታንጽን፥ ኢያሶነን ፈቲ ፈቲ አማንዙንꬃና ካታማ Ꮉላቁንꬃጎ ጎቺ ካንግ፥ «Ꮉንስ ሳእቶ ኡባ ቡቅዙንꬅ Ꮉተ ኑጎ ይእዳ።
ACT 17:7 ኢያሶነ ኡንታና ፋ ካራ ጋድዳ። Ꮉንስ፥ ‹የሱሳ ጋዘ መለ ካት የነ› ጋእ ቄሳረ ኪቶ እጻነ» ጋእ ꬎቅ ጋይደ ቃላራ ኦህዳ።
ACT 17:8 ሺቅደ አሱንꬅን ካታማ Ꮉላቁንꬅ ይኖ ስእ Ꮉኖደባዝ ꬋብዳ።
ACT 17:9 Ꮉላቁንꬅ ኢያሶነን መሉንꬃና ዋሰር ብልዳ።
ACT 17:10 አማንዙንꬅ ጳዉሎሳን ስላሰን ቃማራ ቤርያ ዳክዳ። ቤርያ የሊ፥ አይሁደ ዎሳ ኬꬃ ገልዳ።
ACT 17:11 ቤርያ አሱንꬅ ተሰሎንቄ አሱንꬃፓ አꬊ ዎዝና ዳልጋ። ኡን ቃልቶ ኩሙꬅ ዎዝናፓ ኤክዳ፤ ጳዉሎሳ ጋይዳና ቱሮ ማቅዳኖ ሻኪ ኤሮደስ ኡባ ዎደ ጌሽ ማጻፈ ናባባነ።
ACT 17:12 ይኒ ግሾ፥ ኡንታፓ ጋሙንꬅ፥ ግርኩንꬃፓ ቦንችንትደ ጋማ ማቹንꬅን ጋማ ꬊራꬁንꬂ አማንዳ።
ACT 17:13 የዝን ተሰሎንቄ የዘ አይሁዱንꬅ ጳዉሎሳ ጾዘ ቃላ ቤርያ ግዳን ኦህዳኖ ስእደ ዎደ ቤርያ ይእ አሱንꬃና ቡቅዳ።
ACT 17:14 ይንፓ ማቂ፥ አማንዙንꬅ ኤልሲ ጳዉሎሳ አባ ካለ ዳክዳ። የዝን ስላሰን ጢሞትዮሳን ቤርያ አትዳ።
ACT 17:15 ጳዉሎሳ ሞይዝደ አሱንꬅ አቴና የልꬅዳ። የንꬅ አሱንꬅ ስላሰን ጢሞትዮሳን ፋስ ዳንዳእንትደ ጋር ኤልሲ ፋጎ የኦደ ጋር ጳዉሎሳ ኪተዘ ኪቶ ኤኪ ቤርያ ማቅዳ።
ACT 17:16 ጳዉሎሳ አቴና ስላሰን ጢሞትዮሳን ካፍተራ፥ ካታማ ኤቃ ኩምዳኖ ብእ ዥልꬍዳ።
ACT 17:17 ይኒ ግሾ፥ አይሁደ ዎሳ ኬꬅተ አይሁዱንꬃራን ጾዝ ጎይንዘ አይሁደ ማቆሰ አሱንꬃራ ማህ ፋራ የልንትዘ አሱንꬃራ ኡባ ዎደ ጋበ ላላነ።
ACT 17:18 ኤጵቆሮሳን እስቶይኬ ጋእንትዘ ባጉንꬃፓ ፈቲ ፈቲ ኤሩንꬅ ጳዉሎሳራ ዎላ ላልዳ። ኡንታፓ ፈተ ፈተ፥ «Ꮉይ ጫንጭዘ አኮ ኦሆደስ ኮየ?» ያጋይዳ። መሉንꬅ ጳዉሎሳ የሱሳን Ꮉይቆፓ ደንዶ ባዝ ፋስ ኦህደ ግሾ «መለ ኤቁንꬅ ባዝ ኦህዛ አዛነ» ያጋይዳ።
ACT 17:19 ጳዉሎሳ አይኪ አርዮስፓጎሳ ጋዘ ሺቆ በስተ ካንግ፥ «Ꮉና ነ ታማርስዘ ክለ ባዝታ አኮ የዛኮን ኑና ኤርሶ?
ACT 17:20 አኮስ ጋይኮ፥ ነ ኑስ ክሌ ባዝ ኦህነ፤ ይኬ ይና አኮ የዛኮን ኑ ኤሮደስ ኮያነ» ያጋይዳ።
ACT 17:21 አቴና አሱንꬅ ኡቡንꬅን እዘ የዘ ዛቁንꬅ ክሌ ባዝ ኦህካይዛራን ስእካይዛራን ፌዦስ።
ACT 17:22 ጳዉሎሳ አርዮስፓጎሳ ግዳ ሺቅደ አሱንꬅ ቲኖ ኤቂ፥ «አቴና አሱንꬆ፥ ይን ኤቁንꬅስ ኡባ ባዛ ጋማ ዣሽትዛኖ ታ ብእዳ።
ACT 17:23 ታኒ ይን ካታማራ ዉትተራ ይን ጎይንዘ በስተ በእዘ ዎደ ‹ኤርንቶሰ ጾዘስ› ጋእንት ጻፍንትደ ዣርሾ በስቶ ደንግዳ። Ꮉና ይን ኤርካይዛራ ጎይንዛያ ታ ይንትስ ኦሆዳ።
ACT 17:24 ሳአን ሳአላ የዘ ኡባባዝቶ መꬍደ ጾዘ፥ ሳሎን ሳአ ላꬄ፥ አስ ኬጽደ ኬꬃ የዞስ።
ACT 17:25 ኤ ደኦ፥ ሸምፖን ኡባ ባዝ አስ ኡባስ እንግደ ግሾ ፋጨ የዘ አስ ፋና አስ ማደ ኮዮስ።
ACT 17:26 ጾዚ ኡን የሳደ ዎደስን በስስ ዉዙላ እንግዳ። ይንፓ አስ ኮች ኡባ ፈቲ አሳፓ መꬊ ሳአ ኡባ ጋድዳ።
ACT 17:27 ኤ ይኖ ኦችዳና አስ ኤዛ ኮዮደ ፋናን ቁርች ደንጎደ ፋና። ማቅኮን ኤ ኑፓ Ꮉኮ ባያ።
ACT 17:28 ይንታፓ ፈቲ ፈቲ የጽዙንꬅ፥ ‹ኑ ኤ ናኡንꬃና› ማቅዳን ፋና፥ ኑ ኤ ግዳ ፋጻ የነ፥ ኤንእንታነ።
ACT 17:29 ይኬ፥ ኑ ጾዘ ናኡንꬃና ማቅደ ግሾ ‹ጾዚ አስ ዪላትꬃራን ቆፋራ ዎርቃፓ ዎይ ብራፓ ዎይ ሹቻፓ ኦችንትደባዝ አዛነ› ጋእ ቆፖደስ ቤዞስ።
ACT 17:30 ይኒ ግሾ፥ ጾዚ ቲኖ ዎደ አስ ኤርካይዛራ ኦችዳኖ አሺ አꬍዳ፥ የዝን Ꮉተ ኡባ በሳ የዘ አስ ኡባ ናጋራፓ ማቃደ ጋር ኪታነ።
ACT 17:31 አኮስ ጋይኮ፥ ጾዚ ፋ ዶርደ አꬄራ ሳአላ የዘ አስ ኡባላ ጽሎ ፍርዳ ፍርዶደስ ቃማ ጊግዚ ጋድዳ። ኤዛ Ꮉይቆፓ ደንꬂ ይኖ አስ ኡባስ ጌሽዳ» ጋይዳ።
ACT 17:32 ኡንታፓ ፈቲ ፈቲ አሱንꬅ Ꮉይቆፓ ደንደባዝ ጳዉሎሳፓ ስእ፥ ኤዛ ለቂዳ። የዝን መሉንꬅ፥ «ኑኒ ይኖ ኔፓ ጉጂ ስኦደስ ኮያነ» ጋይዳ።
ACT 17:33 ይኒ ግሾ፥ ጳዉሎሳ ኡን ግዳፓ ከዝዳ።
ACT 17:34 የዝን ፈቲ ፈቲ ꬊራꬁንꬂ ጳዉሎሳራ የሊ አማንዳ። ኡን ግዳፓ አርዮስፓጎሳን ሺቅተ የዘ ድዮናስዮሳ ጋዘ አꬄ፥ ዳማሪሶ ጋዘ ፈቲ ማችታን መሉንꬅን ኡንታራ የነ።
ACT 18:1 ይንፓ ሱባ፥ ጳዉሎሳ አቴናፓ ኬዚ፥ ቆሮንቶሳ ቅትዳ።
ACT 18:2 እዘ አቂላ ጋዘ ጳንጦሳ የልንትደ ፈቲ አይሁደ አስ ደንግዳ። አይሁደ አሱንꬃና ኡባ ሮመፓ ኬሳደ ጋር ካት ቃላዉድዮሳ ኪትደ ግሾ ኤራꬅ ዎደፓ ቲኖ ኤ ፋ ማችት ጵርስቅላራ ጣለፓ ይእዳ። ጳዉሎሳ ኡንታራ የልንቶደስ Ꮉንግዳ።
ACT 18:3 ኤ ኦችታ ኡንትንጋራ ዱንካነ ስከ ማቅደ ግሾ ኡንታራ በቲ ዎላ ኦችዳ።
ACT 18:4 ጳዉሎሳ ሳምባታ ኡባ አይሁዱንꬃናን ግርኩንꬃና አማንꬆደስ አይሁደ ዎሳ ኬꬃ ሚንግ ኦህነ።
ACT 18:5 ስላሰን ጢሞትዮሳን መቀዶንያፓ ይእደ ዎደ ጳዉሎሳ ፋ ኩሙꬅ ዎድቶ እንግ አይሁዱንꬅስ የሱሳ ኤ፥ ክርስቶሳ ጋእ ቃላ ኦህዳ።
ACT 18:6 የዝን ኡን ጳዉሎሳ እጺ ኤዛ ጫዥን ጳዉሎሳ ፋ ማእትፓ ጹራ ትቅዝ፥ «ይን ጎምታ ይንታና የሎ፤ ታ ይነ የዞስ። ይኬፓ ሱባ፥ ታ አይሁደ ማቆሰ አሱንꬃጎ ቅታነ» ጋይዳ።
ACT 18:7 እዝፕ ኬዚ ጾዝ ጎይንዘ ትቶስ ኢዮስጦሳ ጋዘ አꬄ ካራ ቅትዳ። ኢዮስጦሳ ኬꬅታ አይሁደ ዎሳ ኬꬂ ካለ የነ።
ACT 18:8 አይሁደ ዎሳ ኬꬅት Ꮉላቅዘ ቃርስጶሳ ፋ ካራ አሱንꬅ ኡቡንꬃራ ላꬅ አማንዳ። ቆሮንቶሳ አሱንꬃፓ ጋሙንꬅ ጾዝ ቃላ ስእደ ዎደ አማኒ ጻማቅንትዳ።
ACT 18:9 ላꬂ ፈቲ ቃማ ጳዉሎሳስ በንቲ፥ «ዣሽትፐ፤ ኦሆ፥ ስእ ጋይፐ።
ACT 18:10 ታኒ ኔራ የነ። ታስ Ꮉና ካታምተ፥ ጋማ አስ የዘ ግሾ ነና ቆሂ ኢታበሳ ኦሎደ አስ ኦደን ባያ» ጋይዳ።
ACT 18:11 ይኒ ግሾ፥ ጳዉሎሳ ጾዘ ቃላ አሱንꬃና ታማርስተራ ፈቲ በረን እዝፑን አግና ኡንታራ በትዳ።
ACT 18:12 ጋልዮሳ አካያ ሳአ አህዘ ዎደ አይሁዱንꬅ ፈትላ ጳዉሎሳላ ደንዲ ፍርዳ ኬꬃ ኤዛ ካንግ፥
ACT 18:13 «Ꮉይ አꬃይ ህገ እጺ፥ አሱንꬅ ጾዝ ጎይኖደ ጋር ዪዛነ» ጋይዳ።
ACT 18:14 ጳዉሎሳ ኦሆደስ ይአደራ፥ ጋልዮሳ አይሁዱንꬃጎ፥ «አይሁዱንꬆ፥ ይና ኢታ ኦቻ ዎይ ቆሄ ማቅኮ ታ ይን ባዝ ዳንዳእ ስኦደስ ቤዛነ።
ACT 18:15 የዝን ቃላስን፥ ሱንꬅስን ይን ህግትስን ይን ላልዘባዝ ማቅኮ ይን፥ ይንትስ ብሎተ፤ ይኖ ታ ፍርዶስ» ጋይዳ።
ACT 18:16 የይዝ፥ ኡንታና ፍርዳ ኬꬃፓ ባለ ከስዳ።
ACT 18:17 ይንፓ ሱባ፥ አሱንꬅ ኡባ አይሁደ ዎሳ ኬꬃ Ꮉላቅዛ ሶስተንሳ አይኪ ፍርዳ ኬꬂ ቲኖ Ꮉꬍዳ። የዝን ጋልዮሳስ ይና አኮን አዝካያ።
ACT 18:18 ጳዉሎሳ ጋማ ዎደ ቆሮንቶሳ ግዳ በትዳንፓ ሱባ አማንዘ አሱንꬃና ሳሮꬅ፥ ጵርስቅልራን አቂላራ ማርካበራ ሶርያ ቅትዳ። የዝን ኤ ቅቶዳንፓ ቲኖ ፋስ ቃይንግደባዝ የዘ ግሾ ክንክርያ ካታማ ፋ ኦምቶ መድንትዳ።
ACT 18:19 ኡን ኤፈሶነ የልደ ዎደ ጳዉሎሳ ጵርስቅላን አቂላን እዘ አሽዳ። የዝን ፋስ አይሁደ ዎሳ ኬꬃ ገሊ አይሁዱንꬃራ ኦህንትዳ።
ACT 18:20 ኡን ፋራ ጋማ ዎደ በቶደ ጋር ጳዉሎሳ ዎስዳ የዝን ኤ እጽዳ።
ACT 18:21 ኡንታፓ ሻክንትተር፤ «ጾዚ ጋይኮ ይንታጎ ማቂ ዮኦዳ» ያጋእ ኤፈሶነፓ ማርካበራ ቅትዳ።
ACT 18:22 ቂሳርያ የልደ ዎደ የሩሳላመ Ꮉንግ ዎሳ ኬꬃ አሱንꬃና ሳርꬅዳንፓ ሱባ አንጾክያ ቅትዳ።
ACT 18:23 እዘ ኤራꬅ ዎደ ጋምእዳንፓ ሱባ አማንዘ አሱንꬃና ኡባ ምንꬅꬅተራ ጋላትያራን ጵርገራን አꬍዳ።
ACT 18:24 እስክንድርያ የልንትደ ፈቲ አጵሎሳ ጋዘ አይሁደ አስ ኤፈሶነ ቅትዳ። ኤ ኦሄ ኤርዘ አስን ጾዘ ቃላ ጋማ ኤርዘ አስ።
ACT 18:25 ኤ ላꬂ ኦግቶ ታማሪ፥ አያናራ ኤጺ የሱሳ ባዝ ሉለ ታማርሳነ። ማቆ የዝን፥ ዋሐንሳ ጽንቃተ ጻላላ ኤራነ።
ACT 18:26 ኤ አይሁደ ዎሳ ኬꬅተ ዣሽትካይዛራ ታማርሳነ። ጵርስቅላን አቂላን ኤ ኦህዛኖ ስእደ ዎደ ኤዛ ፋራ ካራ ካንግ ጾዘ ኦግቶ ቲኖስትፓ ጌሽ ኤስ ኦህዳ።
ACT 18:27 አጵሎሳ አካያ ቅቶደስ ኮይን ኤፈሶነ የዘ አማንዘ አሱንꬅ ኤ ቆፍቶ ኤኪ አካያ የዘ አማንዙንꬅ ኤዛ ሞኮደ ጋር ኡንትስ ዳብዳበ ጻፍዳ። ኤ እዘ የልደ ዎደ ጾዘ አꬎ ኬሃትꬅት ባጋራ የሱስ ክርስቶሳ አማንዱንꬃና ጋማ ማድዳ።
ACT 18:28 አኮስ ጋይኮ፥ የሱሳ ኤ ክርስቶሳ ማቅዛኖ አይሁዱንꬅስ ጾዘ ቃላፓ ቆንጭዝ አሱንꬅ ቲኖ ምንꬂ ኦህ ኡንታና ላꬅዳ።
ACT 19:1 አጵሎሳ ቆሮንቶሳ የዘ ዎደ፥ ጳዉሎሳ ዎካ ዛላራ አꬊ ኤፈሶነ ቅትዳ። እዘን ፈቲ ፈቲ አማንዘ አሱንꬃና ደንግዳ።
ACT 19:2 ኡንታጎ፥ «ይን አማንደ ዎደ ጌሽ አያና ኤክዳተ?» ጋእ ኦጭዳ። ኡን፥ «አደ፥ ኤክካያ፤ መለ አቶ የዝን፥ ጌሽ አያና የዛኖን ስእካያ» ጋይዳ።
ACT 19:3 ጳዉሎሳ ኡንታጎ፥ «ዬዝን፥ አኮር ጻማቅንትዶተ?» ጋይዳ። ኡን፥ «ኑኒ ዋሐንሳ ጽንቃተ ጻማቅንትዳ» ጋእ ማህዳ።
ACT 19:4 ጳዉሎሳ፥ «ዋሐንሳ ፋፓ ሱባራ የእዘ የሱሳ አማኖደ ጋር አሱንꬅስ ኦህተር፥ ናጋራፓ ማቀስ ኮሽዘ ጽንቃተ ጻማቅዳ» ጋይዳ።
ACT 19:5 ኡን ይኖ ስእደ ዎደ ላꬄ የሱሳ ታማረ ማቃደስ ጻማቅንትዳ።
ACT 19:6 ጳዉሎሳ ፋ ኩሽቶ ኡንታላ ጋድዘ ዎደ ጌሽ አያና ኡንታላ ዎꬍን፥ መለ መለ ዶናራ ዎላ ኦህንትዳ፤ ማህ ትንቢተ ኦህዳ።
ACT 19:7 ይና በስተ ታጶ ላምእ ማቅዘ አሱንꬅ የነ።
ACT 19:8 ጳዉሎሳ አይሁደ ዎሳ ኬꬃ ገሊ፥ ጾዘ ካእቱሞ ባዝ ዣሽትካይዛራ ማርክꬍተር ሎይꬂ ቆንጭዝተር ኡንታራ Ꮉይꬕ አግና የሎደስ ጋምእዳ።
ACT 19:9 የዝን ኡንታፓ ፈተ ፈተ ꬉበ ማቂ ጋማ አሱንꬅ ቲኖ ላꬄ ኦግቶ ጫዥ አማናንጺ እጽዳ። ጳዉሎሳ አማንዙንꬃና ኡንታፓ ሻጊ ኤኪ ጥራኖሳ ጋዘ ትምርተ ኬꬃ ኡባ ዎደ ኡንታና ታማርስዳ።
ACT 19:10 ጳዉሎሳ ላምእ በረ የሎደስ ቃላ ኦህዳ። ይኒ ግሾ፥ እስያ የዘ አሱንꬅ ኡባ፥ አይሁዱንꬅን አይሁደ ማቆሱንꬅ ላꬄ ቃላ ስእዳ።
ACT 19:11 ጾዚ ጳዉሎሳ ኩሽተ ዳማ ክለ ባዝ ኦችዳ።
ACT 19:12 ይኒ ግሾ፥ አሱንꬅ ኤ ጋልቶ ቦችደ ማራብቶ ዎይ ማእቶ Ꮉርጋንቹንꬅስ ካንጋነ። ኡንትን ፋጻነ፤ ቱና አያኑንꬅን ኡንታፓ ከዛነ።
ACT 19:13 ቱና አያና ከስተራ ዉትዘ አይሁዱንꬃፓ ፈተ ፈተ፥ «ጳዉሎሳ ሳባክዘ የሱሳ ሱንꬅተ ከዞተ ጋእ ይንታና ኪታነ» ጋእ፥ ቱና አያና አይክደ አሱንꬃላ ላꬄ የሱሳ ሱንꬅቶ ጼግዳ
ACT 19:14 አይሁደ ማቅደ ካህኑንꬅ Ꮉላቃፓ ፈቲ አስቄወ ጋዘ አꬄስ ይኖ ኦችዘ ላፑን ꬊራꬅ ናኡንꬅ የነ።
ACT 19:15 የዝን ቱና አያንዘ ኡንታጎ፥ «ታኒ የሱሳን ኤራነ ጳዉሎሳ ባዝን ኤራነ፥ የዝን ይን ኦደ?» ያጋይዳ።
ACT 19:16 ቱና አያንዘ አይክደ አꬄ ኡንታላ ዶሊ ዎꬊ፥ ኡንታና Ꮉርግዝ፥ ይና ኬꬅትፋ ካሎ ዎጽ ꬋቦደ ዎንꬅስ ዎልቂꬍዳ።
ACT 19:17 ኤፈሶነ የዘ አይሁዱንꬅን አይሁደ ማቆሱንꬅ ኡባ ይኖ ስእ ጋማ ዣሽትዳ። ላꬂ የሱሳ ሱንꬅታ ጋማ ቦንችንትዳ።
ACT 19:18 አማንዙንꬃፓ ጋሙንꬅ ፋ ኦችደ ኢታ ኦችቶ ቡጽተራ ቆንጨ ኦህተር የነ።
ACT 19:19 ብትዙንꬃፓ ጋሙንꬅ ፋ ማጻፍቶ ሺሺ አስ ኡባ ቲኖ ምችዳ። ይና ማጻፍት ዋግታ እችንታም ሙኩል ሹች ብራ ሳንትመ ማቅዳ።
ACT 19:20 ይኒ ጋር ይእ ጾዘ ቃላ ዎልቃር ድጭተራን ዳልግተር ቅትዳ።
ACT 19:21 ይና ፎልንትዳንፓ ሱባ ጳዉሎሳ፥ «ታኒ የሩሳላመ ቅቲ ማቂ ሮመን Ꮉንጎደስ ቤዛነ» ጋእ መቀዶንያራን አካያራን አꬊ የሩሳላመ Ꮉንጎደስ ቆፋ አጭዳ።
ACT 19:22 ማህ ፋና ማድዙንꬃፓ ላምኡንꬃና ጢሞትዮሳን ኤራስጦሳ መቀዶንያ ኪቲ፥ ፋስ እስያ ግዳ ኤራꬅ ዎደ ጋምእዳ።
ACT 19:23 የ ዎደ ላꬄ ኦግት ግሾ ኤፈሶነ ግዳ ዳማ ካች ከዝዳ።
ACT 19:24 ፈቲ ብራ ቆጽዘ ድሜጥሮሳ ጋዘ አꬄ አርጤሚሳ ኤቃ ኬꬃ ምስለ ብራፓ መꬊ ጋማ ትርፈ ድንግዛነ።
ACT 19:25 ይኒ ግሾ፥ ይኒ ፋና ኦቻ ኦችዙንꬃና ፈትላ ሺሺ፥ «አሱንꬆ፥ ኑ ዱረትꬅታ Ꮉና ኦችተ ማቅዳኖ ይን ኤራነ።
ACT 19:26 Ꮉይ ጳዉሎሳ፥ ‹አስ ኩሸ መꬍንትደ ኤቁንꬃና ባነ› ጋእ፥ ኤፈሶነን ኤራꬅ ሳአፕ አትን ኩሙꬅ እስያ ኡባ የዘ ጋማ አሱንꬃና ኦህ አማንꬅዳኖን ባልꬅዳኖን ይን ብእዳ ስእዳ።
ACT 19:27 ማꬋ ማቅዳና፥ ኑ ኦችታ ለቂንትዛኖ ጻላላ ማቅካይዝን እስያ ሳአ ኡባ የዘ አስ ጎይንዘ ዳማ ኤቃ አርጤሚሰ ኬꬅታ ቦንችንትካይዛር አቶዳና እ ዳማትꬅታ ጎልኦዳኖ» ጋይዳ።
ACT 19:28 አሱንꬅ ይኖ ስኤዘ ዎደ ዥልꬊ፥ «ኤፈሶነ አርጤሚሳ ዳማ» ጋእ ኡክዳ።
ACT 19:29 ይና ኡፍታ ካታማ ኡባ የልዳ። ጳዉሎሳራ የꬍዘ መቀዶንያ አሱንꬃና፥ ጋዮሳን አርስጥሮኮሳን አይኪ ጎችተር ካእዘ በሳ ዎጽዳ።
ACT 19:30 ጳዉሎሳን አሱንꬅ ሺቅደ በስተ ገሎደስ ኮይዳ፥ የዝን አማንዙንꬅ ኤዛ ካይዳ።
ACT 19:31 እስያ ሳአ Ꮉላቁንꬃፓ ጳዉሎሳ ላገ ማቅደ ፈተ ፈተ ጳዉሎሳጎ ኪቲ፥ «ካስ በስተ ቆንጨ ኬዚ በንትፐ» ጋእ ኤዛ ዎስዳ።
ACT 19:32 ሺቅደ አሱንꬅ Ꮉኖደባዝ ꬋብዳ፤ ጋንግዘ ባጋ አሱንꬅ መለ አቶ የዝን አኮስ ሺቀዛኮ ኤሮሰ ግሾ ፈተ ፈትባዝስ ኡክዘ ዎደ Ꮉንካይ መለባዝስ ኡካነ።
ACT 19:33 አይሁዱንꬅ እስክንድረ ጋዘ አꬃ አꬂ ቤዝን፥ ፈቲ ፈቲ አሱንꬅ ኤ ጋዉደ ባዝ ኦህ ኤዛ ቲኖ አꬅዳ። ኤ አሱንꬅ ስእ ጋዉደ ጋር ፋ ኩሽተ ማሊ ቤዚ፥ አሱንꬅስ ሞትንቶደስ ኤቅዳ።
ACT 19:34 የዝን እስክንድረ አይሁደ አስ ማቅዳኖ አሱንꬅ ኤርደ ዎደ ላምእ ሳተ ማቃደ ጋር ኡቡንꬅ ፈቲ ቃላራ፥ «ኤፈሶነ አርጤሚሰ ዳማ» ጋእ ኡክዳ።
ACT 19:35 ዉርሱꬅተ ካታማ ጻፍዘ አሱንꬃና ስእ ዪዚ፥ «ኤፈሶነ አሱንꬆ! ኤፈሶነ ካታማ ዳማ አርጤሚሰ ኤቃ ኬꬅን ሳሎፓ ዎꬍደ ዳማ ሹችዛ ናግዛኖ ኤሮሰ አስ ባያ።
ACT 19:36 Ꮉኖ ካድዘ አስ ባይዘ ግሾ ይን ስእ ጋኦደስን ኤልሲ አኮ ባዝ ዪዛንጽ አሾደስ ቤዛነ።
ACT 19:37 ይን Ꮉንꬅ አሱንꬃና፥ ኤቃ ኬꬃ ብራ ካይስትካይዙንꬃናን ኑ ጾዛ ጫዝካይዙንꬃና ክእዳ።
ACT 19:38 ይኒ ግሾ፥ ድሜጥሮሳን ኤራ የዘ ኦችዘ አሱንꬅ ሞቶደስ ኦና ኮይዛኮ፥ ፍርዳ ኬꬅታ ቡጉꬅ የነ፤ ዳይኑንꬅን የነ፤ ኡን ሞቶደስ ዳንዳአነ።
ACT 19:39 የዝን ይን መለ ኦሄ ኮይኮ፥ ሻንጎ ሺቅተ ኦህታ ብእንቶ።
ACT 19:40 ይኖ ማቃንጽኮ Ꮉይኖ Ꮉንደ ባዝስ ሮመ ካእቱምታ ኑና ኦጮዳ። Ꮉና ቡቁꬅትስ ምክናተ ባይዘ ግሾ ኑ ምክናቶ ኦሆደስ ዳንዳኦስ»
ACT 19:41 ያጋእ ሺቅቶ ላልዳ።
ACT 20:1 ኡክታ ስእ ጋይዳንፓ ሱባ ጳዉሎሳ አማንዘ አሱንꬃና ጼግዝ ኡንታና ዞሪ ምንꬅꬅዳንፓ ሱባ ሳርꬂ መቀዶና ቅቶደስ ከዝዳ።
ACT 20:2 ኤ አꬍዘ ሳአ የዘ አማንዘ አሱንꬅስ ቃላ ኦህ ምንꬅꬅዳንፓ ሱባ ግርከ ሳአ ቅትዳ።
ACT 20:3 ኤ እዘ Ꮉይꬕ አግና በቲ፥ ማርካበራ ሶርያ ቅቶደስ ቆፒ የዝን፥ አይሁዱንꬅ ፋና ዎꬎደስ ኮይዛኖ ኤሪ መቀዶንያራ ሱብ ማቃደስ ኮይዳ።
ACT 20:4 ጳዉሎሳ ሞይዝዱንꬅ ቤርያፓ ጳርሁሳ ናአያ ሶጳጥሮሳ፥ ተሰሎንቀፓ አርስጥሮኮሳን ስኮንዱሳ፥ ደርበፓ ጋዮሳ፥ እስያፓ ትክቆሳ፥ ጥሮፍሞሳን ጢሞትዮሳን።
ACT 20:5 Ꮉንስ ቲኖ Ꮉንግ ኑና ጢሮአዳላ ካፋነ።
ACT 20:6 ኑ ቦራ ባአለ ቦንችዳንፓ ሱባ ፍልጵስዩሳፓ ማርካበራ ደንዲ፥ እችንꬃ ቃማራ ኡንታና ጢሮአዳ የሊ እዘ ላፑን ቃማ ጋምእዳ።
ACT 20:7 ሳምንታፓ ቲኖ ቃማ ኑ ቦራ ባጾደስ ሺቂ የዝን፥ ጳዉሎሳ ዎንትስቶ ቅቶደስ ቆፕደ ግሾ ኡንትስ ቃላ ኦህተራ ግዲ ብላሄ የሎደስ ኦህቶ ጋምእዝዳ።
ACT 20:8 ኑ ሺቂ በትደ ፎቅተ ጋማ ፎኦ የነ።
ACT 20:9 ኤዉጥኮሳ ጋዘ ፈቲ ይꬍዘ ማስኮተላ በቲ፥ ፋና ቦቲ ገንትዳ። ጳዉሎሳ ኦህቶ ጳርግዝደ ዎደ ኤዉጥኮሳ ገንት Ꮉይꬕንꬃ ፎቅዘፓ ጎልእ Ꮉይቀዝን አሱንꬅ ደንꬅዳ።
ACT 20:10 የዝን ጳዉሎሳ ዎꬊ፥ ኤላ ዙግዳ። ኤዛ እርንግ፥ «ኤ Ꮉይቂካያ፥ ታንፐተ» ጋይዳ።
ACT 20:11 ይንፓ ሱባ፥ ኡደ ፎቀላ ኬዚ ቦራ ባጽ ሙእዳ። ሳአ ዎንቶደ ዎንꬅስ አሱንꬅስ ኦህዳንፓ ሱባ ደንዲ ቅትዳ።
ACT 20:12 የ ፋጽደ ይꬍዛ ካራ ካንግ ጋማ ኡፋይትዳ።
ACT 20:13 የዝን ጳዉሎሳ ፋና እዝፓ ሞኮደ ጋር ኑስ ኦህደ ግሾ ቲንꬊ ማርካበጎ Ꮉንግ፥ አሶሳ ቅቶደስ ደንድዳ። አኮስ ጋይኮ፥ ኤ ቶሄራ ቅቶደስ ቆፕደ ግሾ ኑና Ꮉኒ ጋር ኪትዳ።
ACT 20:14 ኤ ኑራ አሶሳ የልንትን ማርካበራ ኤዛ ኤኪ ምጢሊነ Ꮉንግዳ።
ACT 20:15 ዎንትስት ዎደ እዝፓ ደንዲ ማርካበራ ክዮሳ ቲኖ የዘ በስተ የልዳ፤ ማህ ዎንትስት ዎደ ሳሞሳ ፊንግ ካልዘ ዎድተ ምሊጠ የልዳ።
ACT 20:16 ጳዉሎሳ እስያ ግዳ ጋማ ጋምእካይዛራ ኤፈሶነ ካለራ አꬎደስ ቆፕዳ። ፋስ ዳንዳእንትኮ ጰንጠቆስጠ ባአለ ዎደ የሩሳላመ የሎደስ ኤልሳነ።
ACT 20:17 ጳዉሎሳ ምሊጠፓ ኤፈሶነ ኪቲ ዎሳ ኬꬃ ጭሙንꬃና ጼግዝዳ።
ACT 20:18 ዎሳ ኬꬃ ጭሙንꬅ ኤጎ ይእን፥ ኡንታጎ Ꮉንጋራ ያጋይዳ፦ «ታኒ እስያ ገልደ ቲኖ ቃምትፓ አይኪ ይንታራ የዝደ ዎደ ኡባ ዋይዝ የዘዛኮ ይን ኤራነ።
ACT 20:19 አይሁዱንꬅ ሺቂ ታላ ማꬋ የልꬅኮን ታ አሽከትꬃራን ጋማ አፉꬃራ ላꬅስ ኦችዳ።
ACT 20:20 ቡጫን ይን ኬꬅተ ኬꬅተ ይንታና ታማርስተራ ይንታና ማድዘ ባዛፓ ፈትባዝን ፋጭዝካያ።
ACT 20:21 ታኒ አይሁዱንꬅስን አይሁደ ማቆሱንꬅስ ናጋራፓ ጾዛጎ ማቃደ ጋራን ኑ ላꬄ የሱሳ አማኖደ ጋር ማርክꬍዳ።
ACT 20:22 «እዘ ታና አኮ የሎደ የዛኮ ኤሮስ፥ የዝን Ꮉተ ታኒ ጌሽ አያናስ ኪትንቲ የሩሳላመ ቅታነ።
ACT 20:23 ይኖ ማቅኮን ጌሽ አያና ካታማ ኡባ አችን ማꬋን ታና ናግዛኖ ታስ ማርክꬍዳ።
ACT 20:24 የዝን ታ ዎꬅቶ ፎሎደስ ላꬄ የሱሳፕ ኤክደ ኦችቶ፥ ጾዘ አꬎ ኬሃትꬅ ዎንገለ ማርክꬍዛኖ ፎሎደስ ታ ሸምፕቶ ፋꬆሰ ባዝ ፋና ፋይዳነ።
ACT 20:25 «ታኒ Ꮉተን ጾዘ ካእቱሞ ማርክꬍተራ ይን ግዳ ዉትዳ። ይኬፓ ሱባ ይንታፓ ኦደን ታና በአማኖ ኤራነ።
ACT 20:26 ይኒ ግሾ፥ ይንታፓ ፈቲ አስ ꬋብኮን ታ ኦጭንታማኖ Ꮉይኖ ቃማ ይንትስ ጌሽ ኦህነ።
ACT 20:27 አኮስ ጋይኮ፥ ጾዘ ቆፋ ኡባ ይንትስ አኮ ባዝን አሽካይዛራ ኦህዳ።
ACT 20:28 «ፋ ናአይ ሱꬅተ ዎንግደ ጾዘ ዎሳ ኬꬅቶ ናጎተ። ጌሽ አያና ይንታና የንግዙንꬃና ማህ ዶርደ ዉድትስን ይን ኦምትስን ናግንቶተ።
ACT 20:29 ታኒ Ꮉንግዳንፓ ሱባ፥ ዉድትስ ይቅስንቶሰ ኢታ ሱዹሙንꬅ ይን ግዳ ገሎዳኖ ታ ኤራነ።
ACT 20:30 ታማሩንꬃና ፋ ሱብ ካልꬆደስ ዎርዶ ታማርስዘ አሱንꬅ ይን ግዳፓ ደንዶዳ።
ACT 20:31 ይኒ ግሾ፥ ታ Ꮉይꬕ በረ ቃማን አዋራን አፉꬃራ ይንታና ኦምተ ኦምተ ካጭዳኖ ቆፕተር ምንጎተ።
ACT 20:32 «Ꮉተን ይንታና ምንꬆደስን ጌሽ አሱንꬃራ ላታ እማደስ ዳንዳእዘ ጾዘስን ኤ አꬎ ኬሃትꬅ ቃላስ ይንታና Ꮉዳራ እንጋነ።
ACT 20:33 «ታኒ ኦደፓን ብራ ዎይ ዎርቃ ዎይ አፉላ ኤክካያ።
ACT 20:34 ታኒ ታ ኩሽተ ኦቺ ታስን ታራ የዙንꬃና ቤዘባዝ ማድዳኖ ይን፥ ይን ኦምተ ኤራነ።
ACT 20:35 ይን Ꮉንፋና ላቢ ኦችተራ ላቢዱንꬃና ማዶዳኖን ላꬂ የሱሳ፥ ‹ኤክዘፓ አꬊ እንግዛይ አንጅንትዳያ› ጋይደ ቃልቶ ይን ቆፖደስ ቤዛኖ ታ ይንታና ኡባባዝተ ቤዝዳ» ያጋይዳ።
ACT 20:36 ጳዉሎሳ ይኖ ኦህ Ꮉሲ ኡን ኡቡንꬃራ ቡንቁንቲ ጾዝ ዎስዳ።
ACT 20:37 ኡን ኡቡንꬅ ጳዉሎሳ እርንግ ዬኪ ዬሪዳ።
ACT 20:38 ኤ ማህ፥ «ታና በአማ» ያጋይደ ቃልታ ኡንታና ጋማ አዛንꬅዳ። ኡን ማርካበ የሎደስ ኤዛ ሞይዝዳ።
ACT 21:1 ኑ ኤፈሶነ ጭሙንꬃፓ ሻግንትደፓ ሱባ ማርካበራ ቆሰ ቅትዳ። ዎንትስት ዎደ ሮዳ የሊ እዝፓ ጳጥራ ቅትዳ።
ACT 21:2 ፈንቀ ፊንግዘ ማርካበ ደንግ ኤ ግዳ ገሊ ቅቶደስ ደንድዳ።
ACT 21:3 ኑ ቆጵሮሳ ብእደ ዎደ፥ ቆጵሮሳ ዎርክታ ባጋ አሺ ሶርያ የꬍዳ። ማርካብዘ ፋ ጫንቶ እዘ ኬꬆደስ ኮይደ ግሾ ጢሮሳ ቅትዳ።
ACT 21:4 እዘ አማንዘ አሱንꬃና ደንግ ኡንታራ ላፑን ቃማ በትዳ። ጳዉሎሳ የሩሳላመ ቅታመ ጋር ኡን ኤስ አያናራ ኦህዳ።
ACT 21:5 ኑኒ ኡን ካለ ጋምእዘ ዎድታ Ꮉልእን ኬዚ ቅትዳ። ኡን ኡባ ፋ ማቹንꬃራን ፋ ናኡንꬃራ ዎላ ካታማፓ ጋጻ ኬሲ ኑና ሞይዝዳ። ኑ አባ ካለ ቡንቁንቲ ጾዝ ዎስዳ።
ACT 21:6 ይንፓ ሱባ፥ ዎል ሳሮꬅን ኑ ማርካብተ ገልዳ፤ ኡን ፋ ካራ ማቅዳ።
ACT 21:7 ኑ አባ ኦግቶ Ꮉሲ፥ ጢሮሳፓ ጰጠለማይሳ የልዳ። እዘ አማንዘ አሱንꬃና ሳርꬂ፥ ኡን ካለ ፈቲ ቃማ ፌዥዳ።
ACT 21:8 ዎንትስት ዎደ ኬዚ፥ ቂሳርያ ቅትዳ። ሳባኬ ፍልጶሳ ካራ የሊ ኤ ካለ በትዳ። ኤ የሩሳላመ ቲኖ ዶርንትደ ላፑንꬃፋ ፈታ።
ACT 21:9 ፍልጶሳስ ናበ ማቅደ ኦይዲ ዉዱር ናኡንꬅ የነ።
ACT 21:10 ኑኒ ኡንደና ቃማ እዘ በቴዝን አጋቦሳ ጋዘ ናበ ይሁዳፓ ቂሳርያ ይእዳ።
ACT 21:11 ኑጎ ይእ ጳዉሎሳ ሳቀ ኤኪ ናብዘ ፋ ኩሽቶን ፋ ቶህቶ አጪ፥ «ጌሽ አያና Ꮉይ ሳቂዘ አዳያ፥ የሩሳላመ አይሁዱንꬅ Ꮉንጋራ አጪ፥ አይሁደ ማቆሰ አሱንꬅስ አꬂ እንጎዳ ጋነ» ያጋይዳ።
ACT 21:12 ኑኒ ይኖ ስእደ ዎደ ኑንን የዘ አሱንꬅ ጳዉሎሳ የሩሳላመ ቅታመ ጋር ዎስዳ።
ACT 21:13 የዝን ጳዉሎሳ ማህ፥ «ይን Ꮉንጋራ ዬክተራ አኮስ ታ ዎዝንቶ ታንዘ? ታኒ፥ ላꬄ የሱሳ ሱንꬅት ግሾ አጭንተ ጻላላ ማቅካይዝን የሩሳላመ Ꮉይቆደስን ጊግንትዳ» ያጋይዳ።
ACT 21:14 ኑ ዞሪዳኖ ኤ ኤካንጽ እጽን፥ «ላꬄ ቆፍታ Ꮉኖ» ጋእ ስእ ጋይዳ።
ACT 21:15 እዘ ኤራꬅ ዎደ ጋምእዳንፓ ሱባ ጊግንቲ የሩሳላመ ቅቶደስ ከዝዳ።
ACT 21:16 ቂሳርያ የዘ አማንዘ አሱንꬃፓ ኤራꬁንꬅ ኑራ Ꮉንግዳ። ኡን ኑኒ ሸምፖደ በሲ ምናሶነ ጋዘ ቆጵሮሳ አꬄ ካራ ካልꬅዳ። ምናሶነ ቲኖ አማንደ አሱንꬃፓ ፈታ።
ACT 21:17 ኑኒ የሩሳላመ የልደ ዎደ አማንዘ አሱንꬅ ኑና ኡፋይት ሞክዳ።
ACT 21:18 ዎንትስት ዎደ ጳዉሎሳን ኑኒ ያይቆባራ የልንቶደስ ቅትዳ። ዎሳ ኬꬃ ጭሙንꬅ ኡቡንꬅ እዘ የነ።
ACT 21:19 ጳዉሎሳ ኡንታና ሳርꬅዳንፓ ሱባ አይሁደ ማቆሰ አሱንꬅ ግዳ ፋ ባጋራ ጾዚ ኦችዳኖ ኡባ ኡንትስ ኦህዳ።
ACT 21:20 ኡን ይኖ ስእደ ዎደ ጾዝ ጋላቲ ጳዉሎሳጎ Ꮉንጋራ ያጋይዳ፦ «ኑ እሻዮ፥ አይሁዱንꬅ ግዳ ዋንꬅ ሙኩሉንꬅ ጾዝ አማነዛኮ ነ በእነ፤ ኡን ኡቡንꬅን ህገ ምንꬂ ናጋነ።
ACT 21:21 ኔኒ አይሁደ ማቆሱንꬃና ሳአ የዘ አይሁደ ኡባ ፋ ናኡንꬅ ጋራዝንታመ ጋር፥ አይሁዱንꬅ ዎጋ ካላመ ጋራን ሙሴ ህገ እጾደ ጋር ኔኒ ታማርስዛኖ የሩሳላመ የዘ አይሁዱንꬅ ስእዳ።
ACT 21:22 ዬዝን አኮ ሎኦ? ነ ይእዳኖ ቱሮ ስኦዳ።
ACT 21:23 «ይኒ ግሾ፥ ኑኒ ኔስ ኦህዛኖ ስኦ፤ ገፋ የዘ ኦይዲ አሱንꬅ ኑ ካለ የነ።
ACT 21:24 ኡንታና ኤኪ ኡንታራ ጌዦ፤ ማህ ኡን ፋ ኦምቶ ሜድንቶደ ጋር ኡንትስ ሚሸ እንጎ። ኡን ዛጋ ነባዝ ስእዳና ቱሮ ማቅካይዛኖን ኔኒ ነ ኦምተን ህገ ናግዘ አስ ማቅዳኖ ኡቡንꬅ ኤራነ።
ACT 21:25 «የዝን አማንዘ አይሁደ ማቆሰ አሱንꬃና ማቅዛኮ፥ ኡን ኤቃስ ዣርሽንትደባዝ ማአመ ጋር፥ ሱꬅ ኡዣመ ጋር፥ ባዉታ ማአመ ጋራን ኦላላመ ጋር፥ ኑኒ ኦህቶ አጪ፥ ፍርድ ኡንትስ ኪታ ጻፍዳ» ጋይዳ።
ACT 21:26 ይንፓ ሱባ፥ ጳዉሎሳ ዎንትስት ዎደ አሱንꬃና ኤኪ፥ ኡንታራ ጌዥዳ። ኤ ፋ ጌዠ ዎድታ አይደ ፎልንቶደ የዛኮ ኤርሶደስን ፋ ዣርሽቶ አይደ ዣርሾደ የዛኮ ኤርሶደስ ጾዘ ኬꬃ ገልዳ።
ACT 21:27 ላፑን ቃማ ፎልንቶደስ ኡኮደራ፥ እስያፓ ይእደ አይሁዱንꬅ ጾዘ ኬꬃ ጳዉሎሳ ብእ፥ አስ ኡባ ደንꬅꬂ ጳዉሎሳ አይክዳ።
ACT 21:28 «እስራኤለ አሱንꬆ፥ ኑና ማዶተ፤ Ꮉይ አꬄ፥ ኑ ዎርዥቶ፥ ኑ ህግቶን Ꮉና ጾዘ ኬꬅቶ እጾደ ጋር አስ ኡቡንꬃና ኡባ በሳ ታማርሳነ። ይናን ማቃንጽ እጽን አይሁደ ማቆሱንꬃና ጾዘ ኬꬃ ገልꬂ፥ Ꮉና ጌሽ በስቶ ቱንዝዳ» ያጋእ ኡክዳ።
ACT 21:29 ኡን ይኖ ጋይዳና ዛጋ ኤፈሶነ ጥሮፍሞሳ ጳዉሎሳራ ካታማ ብእደ ግሾ Ꮉተ ጳዉሎሳ ጾዘ ኬꬃ ኤዛ ኤኪ ገልደባዝ ኡንትስ አዝዳ።
ACT 21:30 ካታምታ ኡባ ቡቅንትዳ፤ አሱንꬅ ኡባ ሺቂ ጳዉሎሳ አይኪ ጾዘ ኬꬃፓ ባለ ጎችዳ። ጾዘ ኬꬃ ፉርꬅታ ኤልሲ ጎርድንትዳ።
ACT 21:31 አሱንꬅ ጳዉሎሳ ዎꬎደስ ይአደራ፥ «የሩሳላመ ካታማ ኩሙꬅ ቡቅንትዳ» ጋዘ ዎርታ ሮመ ሻላቃጎ የልዳ።
ACT 21:32 ሻላቅዘ ዎታዳሩንꬃናን ማቶ Ꮉላቁንꬃና ኤኪ ዎጽተራ ይእዳ። አሱንꬅ ሻላቅዛን ዎታዳሩንꬃና ብእደ ዎደ ጳዉሎሳ ጉድዛኖ አሽዳ።
ACT 21:33 የ ዎደ ሻላቅዘ ሺቂ፥ ጳዉሎሳ አይኪ፥ ላምእ ሳንꬃላታራ አጭንቶደ ጋር ኪትዳ። የይዝ፥ ኤ ኦና የዛኮን አኮ ኦቼዛኮ አሱንꬃና ኦጭዳ።
ACT 21:34 አሱንꬃፓ ባግታ ፈትባዝ ጋእ ኡክዘ ዎደ Ꮉንኩንꬅ መለባዝ ጋእ ኡካነ። ኡክታ ጋንግደ ግሾ ሻላቅዘ ቱርቶ ሻጎደስ ዳንዳእንታንጽን፥ ዎታዳሩንꬅ ጳዉሎሳ ፋ የዘ በሳ ካንጎደ ጋር ኪትዳ።
ACT 21:35 ጳዉሎሳ የꬊ ከዝዘ ዳራጅቶ የልዘ ዎደ አሱንꬅ ኡርቂዛን ግሾ ዎታዳሩንꬅ ኤዛ ቶክዳ።
ACT 21:36 ጋማ አሱንꬅ፥ «ኤ Ꮉይቆ!» ጋእ ኡክተራ ካላነ።
ACT 21:37 ዎታዳሩንꬅ ጳዉሎሳ ፋ የዘ በስቶ ገልꬆደስ ይአደራ፥ ጳዉሎሳ ሻላቅዘጎ፥ «ታኒ ኔስ ፈትባዝ ኦህኮ ስኦዳተ?» ጋይዳ። ኤ ጳዉሎሳጎ፥ «ነ ግርኬ ዶና ኤራነ?
ACT 21:38 ኔኒ Ꮉንፓ ቲኖ ቡቁꬅ መꬊ ሸምፖ ዎꬍደ ኦይዲ ሙኩል አሱንꬃና ኤኪ አኮ ባይዘ ጋናስ ገልደ ግብጸ አꬃ ባነ?» ጋይዳ።
ACT 21:39 የዝን ጳዉሎሳ፥ «ታኒ፥ ክልቅያ የዘ ኤርንትደ ተርሴሰ ካታማ አስ ማቅደ አይሁደ አስ። ታና አሱንꬅስ ኦህዞያ?» ጋይዳ።
ACT 21:40 ሻላቅዘ ኤጎ፥ «ኦሆ» ጋእን ጳዉሎሳ ዳራጃላ ኤቂ፥ አሱንꬅ ስእ ጋዉደ ጋር ፋ ኩሽትራ ማሊዳ። አሱንꬅ ስእ ጋእን እብራይስጠ ዶናራ Ꮉንጋራ ጋይዳ፦
ACT 22:1 «ታ እሹንꬆን፥ ታ አዱንꬆ፥ ታኒ Ꮉተ ይንትስ እንግዘ ማህቶ ስኦተ።»
ACT 22:2 ጳዉሎሳ ኡንትስ እብራይስጠ ዶናራ ኦህዛና ስእ ካሰንፓ አꬂ ስእ ጋይዳ። ኤ ካሊ፥
ACT 22:3 «ታኒ ክልቅያ የዘ ተርሴሰ የልንት Ꮉና ካታምተ ድጭዳ። ታ አስታማርዘን ጋማልያለ፤ ታኒ ኑ አዱንꬅ ህግቶ ምንꬂ ታማርዳ፥ Ꮉይኖ ይን ኡባ Ꮉንዛንጋራ ጾዝስ ምሽንትዘ አይሁደ አስ።
ACT 22:4 ታ Ꮉና ኦግቶ ካልዘ ማቹንꬃናን ꬊራꬁንሳና አይኪ አች ኬꬃ ኦልተራን ኡንታና ዎዽሳደ ዎንꬅስ ማꬋ ቤዘ አስ።
ACT 22:5 ይኒ ጋራ፥ ካህኑንꬅ Ꮉላቅዘን ሻንጎ ኡባ ታ ባዝ ማርክꬋደስ ዳንዳአነ። ታኒ ዳማስቆ የዘ ኡን እሹንꬅስ ኡንታፓ ዳብዳበ ኤኪ እዘ የዘ አሱንꬅ አጭንቲ ሴርንቶደ ጋር የሩሳላመ ኡንታና ኮኦደስ እዘ ቅትዳ።
ACT 22:6 «ታ Ꮉንግ ዳማስቆ ኡክደ ዎደ አዋራ ሳተ ቆፕካይዝን ሳሎፓ ዳማ ፎኦ ታ ካንቶ ዉቲ ፎእዳ።
ACT 22:7 ታ ሳእተ ጎልእ የሳደራ፥ ‹ሳዉላ፥ ሳዉላ፥ ታና አኮስ ባይꬄ?› ጋዘ ቃላ ስእዳ።
ACT 22:8 ታኒ ማህ፥ ‹ላꬆ፥ ኔኒ ኦደ?› ያጋይዳ። «ኤ ማህ፥ ታኒ፥ ነ ባይꬅዘ ናዝረተ የሱሳ» ያጋይዳ።
ACT 22:9 ታራ የዙንꬅ ፎእቶ ብእዳፕ አትን ታስ ኦህዘ ቃልቶ ስእካያ።
ACT 22:10 «ታኒ፥ ‹ላꬆ፥ ታ አኮ ኦቾ?› ያጋይዳ። «ላꬂ ታጎ፥ ‹ደንዲ ዳማስቆ ቅቶ። ነ ኦቾደ ጋር ጾዚ ቆፕደባዝ ኡባ እዘ ኔስ ኦህንቶዳ› ያጋይዳ።
ACT 22:11 ይና ዳማ ፎእትፓ ደንዲ ታ ኣፍታ ꬉምን፥ ታራ የዘ አሱንꬅ ታ ኩሽቶ አይኪ፥ ታና ጎቺ ዳማስቆ የልꬅዳ።
ACT 22:12 «ዳማስቆ የዘ አይሁዱንꬅ ኡባ ማርክዘን ጋማ ቦንችዘ ፈቲ ሀናንያ ጋዘ አꬄ፥ ኑ ህግቶ ቦንችዘን ጾዝ ምንꬂ ዎስዘ የነ።
ACT 22:13 ኤ ታጎ ይእ፥ ታ ካለ ኤቂ፥ ‹ታ እሸ ሳዉላ፥ ቦኦ› ጋይዳ። ኤልሲ ታ ኤዛ ብእዳ።
ACT 22:14 «ኤ ታጎ፥ ‹ኑ አዱንꬅ ጾዘ ኔኒ ኤ ቆፍቶ ኤሮደ ጋር፥ ጽልዛ በአደ ጋራን ኤ ዶንትፓ ቃላ ስአደ ጋር ቲኒ ነና ዶርዳ።
ACT 22:15 ኔኒ ብእደባዝስን ስእደባዝ አስ ኡባ ቲኖ ኤስ ማርካ ማቃደ ፋና።
ACT 22:16 Ꮉተ አኮስ ጋምኤ? ጻማቅንቶ፤ ኤ ሱንꬅቶ ጼጊ ነ ናጋርትፓ ሜጭንቶ› ያጋይዳ።
ACT 22:17 «ታኒ ሱባ የሩሳላመ ማቂ ጾዘ ኬꬃ ዎሶደራ፥ ታስ ቆንጭꬅ በንትዳ።
ACT 22:18 ቆንጭስተ ላꬂ ታጎ፥ ‹ነ ታስ ማርክꬍዘ ማርካትꬅቶ አሱንꬅ ኤኮሰ ግሾ ኤልሲ የሩሳላመፓ ከዞ› ያጋኦደራ ብእዳ።
ACT 22:19 «ታኒ፥ ‹ላꬆ፥ አይሁደ ዎሳ ኬꬃ ኡባ ነና አማንዙንꬃና አይኪ Ꮉꬍዳያን አች ኬꬃ ኦልዳያ ማቅዛኖ ኡን ኤራነ።
ACT 22:20 ኡን ነ ማርካ እስጢፋኖሳ ዎꬍዘ ዎደ ታ ይና ኦችተ ዎላ የነ። ማህ ኡን ካለ ኤቂ ኤዛ ዎꬍዙንꬅ ማእቶ ናጋነ› ያጋይዳ።
ACT 22:21 «ላꬂ ታጎ፥ ‹ታኒ ነና አይሁደ ማቆሰ አሱንꬃጎ Ꮉኮ ሳአ ኪቶደ ግሾ ደንዲ ቅቶ› » ያጋይዳ።
ACT 22:22 ጳዉሎሳ ይና ቃልቶ ኦህ Ꮉሶደ ዎንꬅስ አሱንꬅ ኤ ጋዛኖ ስእነ። ይንፓ ሱባ፥ ፋ ቃልቶ ꬎቅ ዪዚ፥ «Ꮉና ሳእትፓ ꬋብሶ! ኤ የሳደስ ቤዞስ» ያጋይዳ።
ACT 22:23 ኡን ካጭንቲ፥ ፋ ማእቶ ኤላ አፋ ꬎጊ ጹራ ኡደ ላሎደራ፤
ACT 22:24 ሻላቅዘ ብእ ዎታዳሩንꬅ ጳዉሎሳ ኡን ፋ የዘ በሳ ካንጎደ ጋራ ኪትዳ። ማህ አሱንꬅ አኮስ Ꮉንጋራ ካጭንተዛኮ ኤሮደስ ኮይ ጳዉሎሳ ዳፈራ ጋራፊ ሎይꬂ ኦጮደ ጋር ኡንታና ኪትዳ።
ACT 22:25 የዝን ዎታዳሩንꬅ ጳዉሎሳ ዳፈራ ምንꬂ አጪ ጋራፎደስ ዪዘ ዎደ ጳዉሎሳ ፋ ካንተ ኤቅደ ማቶ Ꮉላቅዘጎ፥ «ሮመ አስ ፍርዳ ባይዝን ጋራፍዛና ይንትስ ዎጋ?» ያጋይዳ።
ACT 22:26 ማቶ Ꮉላቅዘ ይኖ ስእደ ዎደ ሻላቅዘጎ Ꮉንግ፥ «Ꮉይ አꬄ ሮመ አስ። ኔኒ አኮ ኦቾደስ ቆፐ?» ያጋእ ኦጭዳ።
ACT 22:27 ሻላቅዘ ጳዉሎሳጎ ሺቂ፥ «ነ ሮመ አሶ? አነ ታስ ኦሆ» ያጋይዳ። ጳዉሎሳ፥ «ዬ» ያጋይዳ።
ACT 22:28 ሻላቅዘ ማህ፥ «ታኒ Ꮉኖ ጋደትꬅቶ ጋማ ሚሸራ ኤክዳ» ያጋይዳ። የዝን ጳዉሎሳ፥ «ታ Ꮉና ጋደትꬅቶ የልንት ኤክዳ» ያጋይዳ።
ACT 22:29 ይኒ ግሾ፥ ጳዉሎሳ ሎይꬂ ኦጮደስ ቆፕዱንꬅ ኢራ ኤፓ ሻክንትዳ። ሻላቅዘ ሮመ አስ ሳንꬃላታራ አጭዳኖ ኤርደ ዎደ ዣሽትዳ።
ACT 22:30 ዎንትስት ዎደ ሻላቅዘ፥ አይሁዱንꬅ ጳዉሎሳ አኮስ ሞተዛኮ ሻኪ ኤሮደስ ኮይ ብልዳ። ካህኑንꬅ Ꮉላቁንꬅን ሻንጎ ኡቡንꬅ ሺቆደ ጋር ኪትዳ፤ ማህ ጳዉሎሳ ክእ ኡን ቲኖ ኤስዳ።
ACT 23:1 ጳዉሎሳ ፍርድዘ አሱንꬃና ዳኪ ብእ፥ «ታ እሹንꬆ፥ ታ Ꮉይኖ የሎደስ ጾዘ ቲኖ ታ የስተ ኡባ ሎኦ ዎዝናራ የዝዳ» ጋይዳ።
ACT 23:2 ካህኑንꬅ Ꮉላቅዘ ሀናንያ፥ ጳዉሎሳ ዶንቶ ባቆደ ጋር ኤ ካለ ኤቅዱንꬃና ኪትዳ።
ACT 23:3 የ ዎደ ጳዉሎሳ ኤጎ፥ «ናተ ቦꬅ ፎርቾ ትዥንትደ ዶቸይ፥ ጾዚ ነና ባቆዳ። ኔኒ ታላ ህገራ ፍርዶደስ በቲ የዝተ ህገ አሺ ታና ባቃደ ጋር ኪታነ?» ያጋይዳ።
ACT 23:4 ጳዉሎሳ ካለ ኤቅዱንꬅ ኤጎ፥ «ነ ጾዘ ካህኑንꬅ Ꮉላቃ ጫዣነ?» ያጋይዳ።
ACT 23:5 ጳዉሎሳ፥ «ታ እሹንꬆ፥ ኤ ካህኑንꬅ Ꮉላቃ ማቅዳኖ ታ ኤርካያ፤ አኮስ ጋይኮ ጾዘ ቃልተ፥ ‹ነ ዎርዣ አህዘላ ኢታ ቃላ ኦህፐ› ያጋእንት ጻፍንትዳ» ያጋይዳ።
ACT 23:6 የዝን ጳዉሎሳ ይና በስተ የዘ አሱንꬃፓ ባጉንꬅ ሳዱቃዉያነ፥ ባጉንꬅ ፋርሳዉያነ ማቅዛኖ ኤሪ፥ «ታ እሹንꬆ፥ ታ ፋርሳዉያነ ፋርሳዉያነ ናአ፤ ‹Ꮉይቂዱንꬅ Ꮉይቆፓ ደንዶዳ› ጋእ ታኒ ኡፋይሳራ ናግዘ ግሾ ኡን ታላ ፍርዳነ» ያጋእ ኦህዳ።
ACT 23:7 ጳዉሎሳ ይኖ ጋይደ ዎደ ፋርሳዉንꬅ ግዳን ሳዱቃዉንꬅ ግዳ ካች ከዝን ሻክንትዳ።
ACT 23:8 አኮስ ጋይኮ፥ ሳዱቃዉንꬅ፥ «Ꮉይቂደ አስ ደንዶስ፤ ኪታንቾን፥ አያናን ባያ» ያጋዙንꬃና። የዝን ፋርሳዉንꬅ ኡባ የዛኖ አማናነ።
ACT 23:9 ዳማ ካች ከዝዳ፤ ፋርሳዉንꬅ ዛላ ማቅደ ህገ አስታማሩንꬅ ደንዲ ኤቂ፥ «Ꮉይ አꬄላ አኮ ባላ ባዝ ደንግካያ፤ ኤስ አያና ዎይ ኪታንቾ ኦህካይዛራ አሾስ» ያጋእ ዎላ ላልዳ።
ACT 23:10 ካችታ ጋንግን አሱንꬅ ጳዉሎሳ ሻቅꬅ ኤካመ ጋር ጋእ፥ ሻላቅዘ ፋ ዎታዳሩንꬅ ዎꬊ ኡን ግዳ ፋ ኤዛ ኤልሲ ኬሲ ፋ የዘ በሳ ካንጎደ ጋር ኪትዳ።
ACT 23:11 ይኒ ቃማ ላꬂ ጳዉሎሳ ካለ ኤቂ፥ «ጳዉሎሳ፥ ነ ታስ የሩሳላመ ማርክꬍዳን ፋና ሮመን ማርክꬋደስ ቤዛነ፤ ምንጎ፤ አኮ ባያ» ያጋይዳ።
ACT 23:12 ዎንትስት ዎደ አይሁዱንꬅ፥ «ጳዉሎሳ ዎꬍካይዛራ ሞኦስ ኡዦስ» ጋእ ጫቂዳ።
ACT 23:13 ጳዉሎሳላ ይኖ ዞርንት ጫቂደ አሱንꬅ ኦይታማፓ አꬋነ።
ACT 23:14 ኡን ካህኑንꬅ Ꮉላቁንꬅ ጋደ ጭሙንꬃጎ Ꮉንግ፥ «ኑኒ ጳዉሎሳ ዎꬍካይዛራ ካꬃ ጋዘባዝ ሞኦስ ጋእ ጫቂዳ።
ACT 23:15 ይኬ፥ ይንትን ሻንጉንꬅን ኤ ባዝ ሎይꬂ ቁርችዘባዝ የዘ ባዝ ማህ፥ ጳዉሎሳ ይንታጎ ኮኦደ ጋር ሻላቅዛ ኦጮተ። ኑኒ ኤ Ꮉና ሺቅታ የሎዳንፓ ቲኖ ኤዛ ዎꬎደስ ጊጊ በትዳ» ያጋይዳ።
ACT 23:16 የዝን ጳዉሎሳ ምሽት ናአይ ይና ዞርንትዳኖ ስእ Ꮉንግ ዎታዳሩንꬅ የዘ በስቶ ገሊ፥ ጳዉሎሳስ ኦህዳ።
ACT 23:17 ጳዉሎሳ ማቶ Ꮉላቁንꬃፓ ፈታ ጼጊ፥ «Ꮉይ ናአያ ሻላቅዘስ ኦህዘ ባዝ የዘ ግሾ ኤዛ ሻላቅዘጎ ካንጎ» ጋይዳ።
ACT 23:18 ማቶ Ꮉላቅዘ ናአያ ሻላቅዘጎ ካንግ፥ «አች ኬꬃ የዘ ጳዉሎሳ ታና ፋጎ ጼጊ፥ Ꮉይ ናአይ ኔስ ኦህዘ ባዝ የዘ ግሾ ኤዛ ኔጎ ኮኦደ ጋር ታና ዎስዳ» ያጋይዳ።
ACT 23:19 ሻላቅዘ ናአይ ኩሽቶ አይኪ፥ ባለ ኬሲ፥ «ነ ታስ ኦሆደ ቆፍታ አኮ?» ያጋእ ኦጭዳ።
ACT 23:20 ናአይ ሻላቅዘጎ፥ «አይሁዱንꬅ ጳዉሎሳባዝ ቲኖፓን ሚንꬂ ቁርቾደስ ኮይዘ ጋር አዝን ኔኒ ዎንታ ኤዛ ሺቅተ ኮኦደ ጋር ነና ዎሶደስ ዞረ አጭዳ።
ACT 23:21 የዝን ኔኒ ኡን ጋዛኖ ስእፐ። አኮስ ጋይኮ፥ ኦይታማፓ አꬍዘ አሱንꬅ ጳዉሎሳ ዎꬍካይዛራ ‹ካꬃ ሞኦስ፥ Ꮉꬅ ኡዦስ› ጋእ ጫቂ፥ አችንት ኤዛ ካፋነ። Ꮉተ ነ ጋዘባዝ ጻላላ ስኦደስ ካፋነ» ያጋይዳ።
ACT 23:22 ሻላቅዘ ማህ፥ «Ꮉና ኦህቶ ነ ታስ ኦህዳኖ መለ ኦደስን ኦህፐ» ያጋእ ናአያ ሱብ ዳክዳ።
ACT 23:23 ሻላቅዘ ማቶ Ꮉላቁንꬃፓ ላምኡንꬃና ጼጊ፥ «ቃማፓ Ꮉይꬕ ሳተ ቂሳርያ ቅቶደስ፥ ላምእ ጼት ዎታዳሩንꬃና፥ ላፑን ታም ፋራ አሱንꬃናን ላምእ ጼት ቶራ ዎርንግዙንꬃና ጊግዞተ።
ACT 23:24 ጋድቶ አህዘ ፍልክሳጎ ጳዉሎሳ ሳሮ የልꬆደስ ቶግዘ ፋራ ጊግዞተ» ያጋእ ኡንታና ኪትዳ።
ACT 23:25 ሻላቅዘ ፍልክሳስ Ꮉንጋራ ጋዘ ዳብዳበ ጻፍዳ፦
ACT 23:26 «ቃላዉድዮሳ ሉስዮሳፓ ጋደ አህዘ ቦንቾ ፍልክሳሳ፥ ሳሮ ኔስ ማቀ።
ACT 23:27 አይሁዱንꬅ Ꮉይ አꬃ አይኪ ዎꬎደስ ይአደራ፥ ኤ ሮመ ሳአ አስ ማቅዳኖ ኤሪ ዎታዳሩንꬃራ የሊ ኤዛ አሽዳ።
ACT 23:28 ኡን ኤዛ አኮስ ሞትዛኮ ኤሮደስ ኮይ ኡን ሺቅተ ኤዛ ታ ሺሽዳ።
ACT 23:29 ኡን ፋ ህግትስ ኤዛ ሞትዳፕ አትን ኤዛ ዎꬍዘባዝ ዎይ አጭዘባዝ ባይዛኖ ታ ደንግዳ።
ACT 23:30 ኡን Ꮉይ አꬄላ ዞርንትደ ዝግርስታ ታና የልን፥ ታ ኤልሲ ኤዛ ኔጎ ዳክዳ። ኤዛ ሞትዙንꬅ ነ ቲኖ Ꮉንግ ሞቶደ ጋር ኪትዳ» ያጋይዳ።
ACT 23:31 ይኒ ግሾ፥ ዎታዳሩንꬅ ኪትንትዳን ፋና ጳዉሎሳ ኤኪ፥ ቃማ አንትጳጥርሳ የልꬅዳ።
ACT 23:32 ዎንትስት ዎደ ፋራ አሱንꬅ ኤራ Ꮉንጎደ ጋር የይዝ አሱንꬅ ሱብ ማቅዳ።
ACT 23:33 ቶግዱንꬅ ቂሳርያ የሊ ዳብዳቢዛ ጋደ አህዘስ እንግ፥ ጳዉሎሳ ኤ ቲኖ አꬅዳ።
ACT 23:34 ጋደ አህዛይ ዳብዳቢዛ ናባብዳንፓ ማቂ «ጳዉሎሳ፥ ነ አባ ጋደ አሶ?» ጋእ ኤዛ ኦጭዳ። ኤ ክልቅያ አስ ማቅዳኖ ኤርደ ዎደ
ACT 23:35 «ታኒ ነባዝ ነና ሞትዙንꬅ ይእደ ዎደ ስኦዳ» ያጋይዳ። ዎታዳሩንꬅ ጳዉሎሳ ሄሮድሳ ግበ ናጎደ ጋር ኪትዳ።
ACT 24:1 እችን ቃማፓ ሱባ ካህኑንꬅ Ꮉላቅዘ ሀናንያ፥ ጭሙንꬃራን ጠርጠሉሳ ጋዘ ፈቲ ጻባቅዘራ ቂሳርያ ቅትዳ። ኡን ጋደ አህዙንꬃላ ጳዉሎሳ ሞትዳ።
ACT 24:2 ጳዉሎሳ ጼግንት ገልደ ዎደ ጸርጸሉሳ ኤዛ Ꮉንጋራ ያጋእ ሞትዳ፦ «ቦንቾ ፍልክሳ፥ ኑኒ ነ ባጋራ ጋማ ሳሮ ደንግዳ፥ ነ ሎኦ አህዛነ ኑ ጋድታ ጋማ ላምንትዳ።
ACT 24:3 ቦንቾ ፍልክሳ፥ ኑኒ አባን አይደ ማቅን ፎሎ ጋላታራ ይኖ ኤካነ።
ACT 24:4 ታኒ ነና ጋምእዝካይዛራ ኔኒ ነ ኬሃትꬅተ ኑ ባዝ Ꮉታራ ስኦደ ጋር ነና ዎሳነ።
ACT 24:5 Ꮉይ አꬄ ꬉበ ማቂ ሳአ ኡባ የዘ አይሁዱንꬅ ግዳ ቡቁꬅ መꬊ ናዝራዉንꬅ ባጋ አሱንꬃና ካልꬅዛያ ማቅዳኖ ኤርዳ።
ACT 24:6 መለ አቶ የዝን፥ ጾዘ ኬꬅቶ ቱንሳደስ ይአደራ ኑኒ ኤዛ አይክዳ፤ [ኑ ህግትጋራ ኤዛላ ፍርዶደስ ቆፕዳ።
ACT 24:7 የዝን ሻላቅዘ ሉስዮሳ ይእ፥ ዎልቃራ ኑ ኩሽትፓ ኤዛ ኬሲ ኤክዳ።
ACT 24:8 ኤዛ ሞትዙንꬅን ኔጎ የኦደ ጋር ኪትዳ]። ኔኒ ነ ኦምተ Ꮉይ አꬃ ቁርች ኑኒ ኤዛ ሞትዘ ሞቶ ኡባ ኤሮደስ ዳንዳአነ» ጋይዳ።
ACT 24:9 አይሁዱንꬅን፥ «Ꮉና ኦህታ ቱሮ» ጋእ ኤ ቆፍቶ ማእዳ።
ACT 24:10 ጋደ አህዛይ ጳዉሎሳ ኦሆ ጋእ ማሊዳ። ጳዉሎሳ Ꮉንጋራ ጋእ ማህዳ፦ «ኔኒ ጋማ ዎደፓ አይኪ፥ Ꮉንꬅ አሱንꬅስ ፍርድተራ የዛኖ ኤሪ ታ ኦህትስ ኡፋይስ ዎꬍን ማሄ እንጋነ።
ACT 24:11 ታኒ ጎይኖደስ የሩሳላመ ከዝን ታጶ ላምእ ቃማፓ አꬎሳኖ ኔኒ ነ ኦምተ ኤሮደስ ዳንዳአነ።
ACT 24:12 አይሁዱንꬅ ታና ጾዘ ኬꬃ ማቅን አይሁዱንꬅ ዎሳ ኬꬃ ማቅን ካታማ ማቅን ኦደራን ላሎደራ ዎይ አስ ሺሺ ቡቁስ ደንꬅꬆደራ ፈቲ አስን ደንግካያ።
ACT 24:13 Ꮉተን ኡን ታና ሞትዘ ባዝትስ ማርካ ደንጎደስ ዳንዳኦስ።
ACT 24:14 «የዝን ታኒ ፈትባዝ አማናነ፤ ታኒ ህገ ግዳ የዘባዝን ናቡንꬅ ጻፍደ ኡባባዝቶ አማኒ፥ ኑ አዱንꬅ ጾዛ፥ ኡን ዎርዶ ትምርትተ ኦግተ ጎይናነ።
ACT 24:15 ኡን ፋ ኦምተ አማንዛን ጋር ጽሉንꬅን ናጋራንቹንꬅን Ꮉይቆፓ ደንዶዳኖ ታንን አማናነ።
ACT 24:16 ይኒ ግሾ፥ ታኒ ጾዘ ቲኖን አስ ቲኖ ኡባ ዎደ ሎኦ ቆፋ ታስ የሳደ ጋር ምንጋነ።
ACT 24:17 «ታኒ የሩሳላመፓ ከዝዳንፓ ጋማ በረፓ ሱባ ታ ባጋ ዳሁንꬅስ ማደ እማደስን ዣርሾ ዣርሾደስ የሩሳላመ ይእዳ።
ACT 24:18 ታኒ ጾዘ ኬꬅተ ይኖ ኦቺ ጌዠ ዎጋ ፎሊ ማቃደራ ታና ደንግዳ። የ ዎደ ታራ ጋማ አስ ባያ፥ ካችን ከዝካያ።
ACT 24:19 የዝን እስያፓ ይእደ ፈቲ ፈቲ አይሁዱንꬅ እዘ የነ፤ ኡን ታላ ኦሆደስ ኮይኮ ይእ ታና ኔላ ሞቶደስ ዳንዳአነ።
ACT 24:20 ዎይ ታኒ ሻንጎ ቲኖ ሺቅደ ዎደ ኦችደ ባላ የዝኮ Ꮉንስ ነ ቲኖ የዙንꬅ ኦሆ።
ACT 24:21 ቱሮ ታኒ ኡን ግዳ ኤቂ ‹Ꮉይቂዱንꬅ ደንዶ የነ ጋእ Ꮉይኖ ፍርዳስ ይን ቲኖ ሺቅዳ› ጋእ ኡክ ኦህዳ፤ ይንፓ መለ ዪዝደ ባዝ ባያ» ያጋይዳ።
ACT 24:22 የዝን ፍልክሳ ላꬄ ኦገ ባዝ ሻኪ ኤርደ ግሾ «ታኒ ይን ኦህቶ ሻላቃ ሉስዮሳ ይእደ ዎደ ፍርዶዳ» ጋእ ቃጻሮ እንግ ዳክዳ።
ACT 24:23 ፍልክሳ ማህ ጳዉሎሳ አጭካየዛራ ናጎደ ጋራን ኤ እግኑንꬃፓ ኦደን ኤዛ ኦጮደስ የኦደራ ካያመ ፋና ማቶ Ꮉላቅዘስ ኦህዳ።
ACT 24:24 ኤራꬅ ቃማፓ ሱባ፥ ፍልክሳ አይሁደ ማቅደ ፋ ማችት ድሩሲላራ ይእ ጳዉሎሳ ኪቲ ክእዚ ክርስቶስ የሱሳ አማኖ ባዝ ኤፓ ስእዳ።
ACT 24:25 ጳዉሎሳ ጽሎትꬅባዝ፥ ፋ ኦማ አህዘባዝን ዮኦደስ የዘ ፍርዳባዝ ኦሆደራ፥ ፍልክሳ ዣሽቲ፥ «ነ Ꮉተስ ቅቶ፤ ታስ ዎትደ ዎደ ነና ጼግሳዳ» ያጋይዳ።
ACT 24:26 የ ዎደ ጳዉሎሳፓ ጉቦ ኤኮደስ ቆፒ ኤዛ ማህ ማህ ጼግዝ ኤራ ኦህንታነ።
ACT 24:27 ላምእ በረፓ ሱባ፥ ፍልክሳ በስተ ጶርቅዮስ ፍስጦሳ ሹሙንትዳ። ፍልክሳ አይሁዱንꬃና ኡፋይሶደስ ኮይ ጳዉሎሳ ብልካይዛራ አሽዳ።
ACT 25:1 ፍስጦሳ ፋ አዉራጃ ገሊ Ꮉይꬕ ቃማፓ ሱባ ቂሳርያፓ የሩሳላመ ቅትዳ።
ACT 25:2 እዘ ካህኑንꬅ Ꮉላቁንꬅን አይሁዱንꬃና ካልꬅዙንꬅ ጳዉሎሳ ሞትዳ።
ACT 25:3 «ጳዉሎሳ የሩሳላመ ክእዚ ኑስ ሎኦ ባዝ ኦቾያ» ጋእ ዎስዳ፤ ይኖ ኡን ጋይዳና ጳዉሎሳ ኦገ ናጊ ኤዛ ዎꬎደስ ኮይደ ግሾ።
ACT 25:4 ፍስጦሳ ኡንታጎ፥ «ጳዉሎሳ፥ ቂሳርያ አች ኬꬃ የነ፤ ታኒ ታ ኦምተን ኤልሲ ሱባ ማቃደስ ይእነ።
ACT 25:5 ኤ ባልደባዝ የዝኮ ይን ሹሙንꬅ ታራ ቂሳርያ ዎꬊ ኤዛ ሞቶ» ያጋእ ማህዳ።
ACT 25:6 ፍስጦሳ ኡን ካለ ኦስፉን ዎይ ታጵ ቃማ ጋር ጋምእዳንፓ ሱባ ቂሳርያ ዎꬍዳ። ዎንትስት ዎደ ፍርዳ ኦይዳላ በቲ ጳዉሎሳ ኮኦደ ጋር ኪትዳ።
ACT 25:7 ኤ ይእን የሩሳላመፓ ይእደ አይሁዱንꬅ ኤ ካለ ኤቂ ኡን ማርካ ሺሾደስ ዳንዳኦሰ ዳማ ምንꬅ ሞቶ ኤላ ሺሽዳ።
ACT 25:8 ጳዉሎሳ ማህ፥ «ታኒ አይሁዱንꬅ ህገ ማቅን ጾዘ ኬꬃ ማቅን ዎይ ሮመ ካት ማቅን ቄሳረ ቆህካያ» ጋይዳ።
ACT 25:9 የዝን ፍስጦሳ አይሁዱንꬃና ኡፋይሶደስ ኮይ ጳዉሎሳጎ፥ «የሩሳላመ Ꮉንግ Ꮉና ሞትስ እዘ ታ ቲንተ ፍርድንቶደስ ኮያነ?» ያጋእ ኦጭዳ።
ACT 25:10 የዝን ጳዉሎሳ፥ «ታኒ ፍርድንቶደስ ቤዝዘ ቄሳረ ፍርዳ ኬꬃ ቲኖ ኤቅዳ። ኔኒ ሎይꬂ ኤርዛን ጋር ታ አይሁዱንꬃና አኮራን ቆህካያ።
ACT 25:11 ይኬ፥ ታኒ ቆህደባዝን Ꮉይቆስ የልꬅደባዝ ኦችደባዝ ማቅዛኮ Ꮉይቆፓ ታና አሾ ጋኦስ። የዝን ኡን ታና ሞትዘ ሞታ ጨር ማቅኮ ኦደን ታና ኡንትስ አꬂ እንጎደስ ዳንዳኦስ። ቄሳረ ታ ባዝ ፍርዶ ጋእ ኦጫነ» ጋይዳ።
ACT 25:12 የ ዎደ ፍስጦሳ ፋ ዞርንትዙንꬃራ ዞርንት፥ «ኔኒ ቄሳረ ታ ባዝ ፍርዶ ጋእ ኦጭዳ፤ ቄሳረጎ ቅቶዳ» ጋእ ማህዳ።
ACT 25:13 ኤራꬅ ቃማፓ ሱባ ካት አግርጳን ባርኒቀን ፍስጦሳ ሳርꬆደስ ቂሳርያ Ꮉንግዳ።
ACT 25:14 እዘ ኡን ጋማ ዎደ ጋምእን፥ ፍስጦሳ ካትዘስ ጳዉሎሳባዝ Ꮉንጋራ ያጋእ ቆንጭዝዳ፤ «ፍልክሳ ብልካይዛራ አሺ ቅትደ ፈቲ አꬄ Ꮉነ የነ።
ACT 25:15 ታኒ የሩሳላመ Ꮉንግደ ዎደ ካህኑንꬅ Ꮉላቁንꬅን አይሁደ ጭሙንꬅ ኤላ አፋ ፍርዶደ ጋር ታና ዎሲ ኤ ባዝ ታላ ሞትዳ።
ACT 25:16 ታኒ፥ ‹ሞትንትደ አꬄ ፋና ሞትዙንꬅ ቲኖ ኤቂ ፋ ሞትዳንስ ማሄ እንግካይዝን፥ ኦና ማቅኮን አꬊ እንግንትዛና ሮመ ዎጋ ባያ› ጋእ ኡንትስ ማህዳ።
ACT 25:17 «ይኒ ግሾ፥ ኡን Ꮉነ ሺቅደ ዎደ ታኒ ጋምእካይዛራ ዎንትስት ዎደ ፍርዳ ኬꬃ ገሊ ጳዉሎሳ ኮኦደ ጋር ኪትዳ።
ACT 25:18 ኤዛ ሞትዙንꬅ ኤ ካለ ዉቲ ኤቂ፥ ኢታባዛራ ኤዛ ሞትካይዛር አሻማ ጋእ ታኒ ቆፕዳን ጋር ኤዛ ሞትካያ።
ACT 25:19 የዝን ኡን ፋ አማኖባዝን ጳዉሎሳ፥ ‹ፋጻ የነ› ጋዘ ፈቲ Ꮉይቂደ የሱሳ ጋእንትዘ አꬄባዝ ኤራ ላላነ።
ACT 25:20 Ꮉና ኦህታ ታና ሻኮደስ ዴጽደ ግሾ ጳዉሎሳ የሩሳላመ Ꮉንግ፥ እዘ ፍርድንቶደስ ኮይዛኮ ጋእ ኤዛ ኦጭዳ።
ACT 25:21 የዝን ጳዉሎሳ ፋ ኦህቶ ቄሳረ በአደ ዎንꬅስ አች ኬꬃ ጋምኦደስ ኦጭዳ። ታኒ ኤዛ ቄሳረጎ ዳኮደ ዎንꬅስ ኤ አጭንቶደ ጋር ኪትዳ» ያጋይዳ።
ACT 25:22 ይኒ ግሾ፥ አግርጳ ፍስጦሳጎ፥ «ታኒ ታ ኦምተን Ꮉይ አꬄ ጋዛኖ ስኦደስ ኮያነ» ጋይዳ። ፍስጦሳ ኤጎ፥ «ኔኒ ዎንታ ኤ ጋዛኖ ስኦዳ» ያጋይዳ።
ACT 25:23 ዎንትስት ዎደ አግርጳን ባርኒቀን ዳማ ቦንቾራ ሻላቁንꬃራ ካታማ የዘ አህዘ አሱንꬃራ ይእ ፍርዳ ኬꬃ ገልዳ። ፍስጦሳ ጳዉሎሳ ጼግዝ ክእዳ።
ACT 25:24 ፍስጦሳ፥ «ካት አግርጳ፥ Ꮉነ ኑራ የዘ አሱንꬆ፥ አይሁዱንꬅ የሩሳላመን Ꮉነን ዉይሲ፥ ‹ኤ ይኬፓ ሱባ ፋጻ የሳደስ ቤዞስ› ያጋእ፥ ታና ዎስደ አꬃ Ꮉያ ይን በእነ።
ACT 25:25 የዝን ኤዛ Ꮉይቆስ የልꬅዘባዝ አኮ ባዝን ታኒ ደንግካያ። ኤ ፋ ኦምተ፥ ‹ቄሳረ ታ ባዝ ፍርዶ ጋእ ኦጫነ› ጋይደ ግሾ ቄሳረጎ ኤዛ ዳኮደስ ቆፋ አጭዳ።
ACT 25:26 ታኒ ኤ ባዝ ታ ላꬄ ቄሳረስ ጻፎደስ ማቅዘ ኤርንትደባዝ አኮን ባያ። ይኒ ግሾ፥ ኤ ባዝ ይን ብእኮ ታ ጻፎደባዝ በንቶድ የዛኮ ጋእ ይን ቲኖ አꬂ ካት፥ አግርጳ፥ ነ ቲኖ ኤዛ ክእዳ።
ACT 25:27 አኮስ ጋይኮ፥ አጭንትደ አꬃ አꬅዘ ዎደ ኤ አኮስ ሞትንተዛኮ ምክናቶ ኤርስዝካይዛራ አሽዛና ታስ ኤያትꬅ አዛነ» ያጋይዳ።
ACT 26:1 አግርጳ ጳዉሎሳጎ፥ «ኔኒ ነባዝ ኦሆደስ ዳንዳአነ» ጋይዳ። የ ዎደ ጳዉሎሳ ፋ ኩሽቶ ደንꬂ Ꮉንጋራ ጋይዳ፦
ACT 26:2 «ካት፥ አግርጳ፥ አይሁዱንꬅ ታና ሞትደ ባዝስ ኡባ ማሄ እንጎደስ Ꮉይኖ ነ ቲኖ ኤቅተራ ታስ እጻ ሎኦ ጋእ ቆፓነ።
ACT 26:3 ይናን ኔኒ አይሁደ ዎጋን ላለን ሎይꬂ ኤራነ፤ ይኒ ግሾ ታና አዛልእካይዛራ ስአደ ጋር ዎሳነ።
ACT 26:4 «ታኒ ናአትꬃፓ አይኪ ታ አሱንꬅ ግዳን የሩሳላመ የዝደ ታ የስቶ አይሁዱንꬅ ኡባ ኤራነ።
ACT 26:5 ታኒ ቲኖፓ አይኪ፥ ኑ አማኖ ህግቶ ምንꬂ ናግዘ ፋርሳዉንꬅ ኮቻፓ ማቅዳኖ ኡን ማርክꬋደስ ኮይኮ ኤራነ።
ACT 26:6 Ꮉተን ታኒ ጾዚ ኑ አዱንꬅስ እንጎዳ ጋይደ ኡፋይስቶ ናግዘ ግሾ ሞትንቲ Ꮉነ ኤቅዳ።
ACT 26:7 ማህ ታጶ ላምእ ኑ አዱንꬅ ኮችታ ጾዛ ቃማን አዋራን ምንꬂ ጎይንተር ጾዚ እንጎዳ ጋእዳኖ ኤኮደስ ኡፋይሳራ ናጊ የነ። ካት አግርጳ፥ አይሁዱንꬅ ታና ሞትዛና ታኒ ኡፋይሳራ ይኖ ናግዘ ግሾ።
ACT 26:8 ጾዚ Ꮉይቂዱንꬃና ደንꬅዛና አኮስ ይን ግዳ አማንንቶሰ ባዝ ማቅዶ?
ACT 26:9 «ዛጋ ታኒ ታ ኦምተን ናዝረተ የሱሳ ሱንꬅቶ እጾደስ ዳንዳእንትደ ባዝ ኡባ ኦቾደስ ቤዛነ ጋእ ቆፕዳ።
ACT 26:10 ታኒ የሩሳላመ ኦችዳና Ꮉኖ። ካህኑንꬅ Ꮉላቁንꬃፓ አደትꬅ ዎልቃ ኤኪ ጾዝ አሱንꬃፓ ጋሙንꬃና አጭዝዳ። ኡንታና ዎꬍዘ ዎደን ዎꬍዘ ቆፍተ ጊግዳ።
ACT 26:11 ጋማ ዎደ አይሁደ ዎሳ ኬꬃ ኡባ ኡን ሴርንቶደ ጋራን የሱሳ ጫዦደ ፋና ዎልቂስ ቆፕዳ። ታኒ ዎጋባዝ ኡንታና ካጪ መለ አቶ የዝን፥ ባለ ሳአ ካታማ የሎደስ ኡንታና ባይአነ።
ACT 26:12 «ታኒ Ꮉና ኦህትስ ካህኑንꬅ Ꮉላቁንꬃፓ አደትꬅ ዎልቃን ኪታ ኤኪ ዳማስቆ ቅታነ።
ACT 26:13 ካታዮ፥ ታኒ አዋራ ሳተ ኦገ የሳደራ አዋ ፎኦፓ ጋማ አꬍዘ ፎኦ ብእዳ፤ ይናን ታ ካንቶን ታራ የꬍዙንꬅ ካንቶ ዉቲ ሳሎፓ ፎእዳ።
ACT 26:14 ኑኒ ኡቡንꬅ ሳእተ ጎልኤዘ ዎደ እብራይስጠ ዶናራ፥ ‹ሳዉላ፥ ሳዉላ፥ ታና አኮስ ባይኤ? ኔኒ ነና ጫድዘ ብራትዛ እጽኮ ኔስ ዎዝ ኢቶዳ› ጋእ ታስ ኦሆደራ ስእዳ።
ACT 26:15 «ታኒ፥ ‹ላꬆ፥ ነ ኦደ?› ጋይዳ። «ላꬂ፥ ‹ታኒ፥ ነ ባይእዘ የሱሳ፤
ACT 26:16 የዝን ደንዲ ኤቆ። Ꮉይኖ ኔኒ ታና ብእዳኖን ቲኖፓ ታ ነና ቤሳዳኖ መሉንꬅስ ማርክꬋደ ጋር ታ ታስ ኦችዛ ማህ ነና ሹሞደስ ኔስ በንትዳ።
ACT 26:17 እስራኤለ አሱንꬃፓን ታኒ ነና ኡንታጎ ኪትዘ አይሁደ ማቆሱንꬃፓ ነና አሾዳ።
ACT 26:18 ኔኒ ኡን ኣፍቶ ቡጎዳ፥ ꬉማፓ ፎኦጎ፥ ጻላሄ ኩሸፓ ጾዛጎ ኡንታና ማሆዳ። ኡን ታና አማኒ ናጋራ አቶትꬅ ኤኮዳ። ጾዚ አማኒ ጌዥደ አሱንꬅ ግዳ ፋ ላቶ ደማዳ› ያጋይዳ።
ACT 26:19 «ካት አግርጳ፥ ይኒ ግሾ፥ ታስ ሳሎፓ በንትደ ቆንጭꬅትስ ኪትንቶዳኖ እጽካያ።
ACT 26:20 የዝን ታኒ ቲንꬊ ዳማስቆ ግዳ ይንፓ ሱባ የሩሳላመ ግዳ ይሁዳ ሳአ ኡባ የዙንꬅን አይሁደ ማቆሱንꬅ ፋ ናጋራፓ ጾዛጎ ማቃደ ጋራን ናጋራፓ ማቅዳኖ ቤዝዘ ኦቻ ኦቾደ ጋር ቃላ ኦህዳ።
ACT 26:21 ይኒ ግሾ፥ አይሁዱንꬅ ታና ጾዘ ኬꬃ አይኪ ዎꬎደስ ኮይዳ።
ACT 26:22 Ꮉይኖ የሎደስ ጾዘ ማደ ታፓ ሻክንትካያ፤ ይኒ ግሾ፥ ኤራꬅስን ዳማስ ማርክꬍተራ Ꮉነ ኤቅዳ። ናቡንꬅን ሙሴን Ꮉኖዳ ጋእ ኦህዳንፓ መለ ፈትባዝን ታኒ ኦህደባዝ ባያ።
ACT 26:23 ይናን፥ ‹ክርስቶሳ ማꬋ ኤኮደስ ቤዛነ፤ ማህ Ꮉይቆፓ ቲኖ ደንድ አይሁዱንꬅስን አይሁደ ማቆሱንꬅስ ፎኦ አዋጃነ› ጋእ።»
ACT 26:24 ጳዉሎሳ ይኖ ጋእ ማሆደራ፥ ፍስጦሳ ፋ ቃልቶ ꬎቅ ዪዚ፥ «ጳዉሎሳ፥ ነ ዣሽትዳ፤ ነ ጋማ ታማርዳና ነና ዣሻስ የልꬅዳ» ያጋይዳ።
ACT 26:25 የዝን ጳዉሎሳ፥ «ቦንቾ ፍስጦሳ፥ ታኒ ቱርባዝን ኮሽዘ ባዝን ኦህነፕ አትን ዣሽትካያ።
ACT 26:26 ታኒ ቆንጨ ኦህዘ ኦህቶ ካት ኤራነ። Ꮉና ኦህታ አችቻ ኦችንትካይዘ ግሾ ፈትን ኤፓ ገንጎሳኖ ታኒ ጌሽ ኤራነ።
ACT 26:27 «ካት አግርጳ፥ ኔኒ ናቡንꬅና አማናነ ባነ? ነ አማንዛኖ ታኒ ኤራነ» ጋይዳ።
ACT 26:28 ካት አግርጳ፥ ጳዉሎሳጎ፥ «Ꮉና ኤራꬅ ሳተ ታና ክርስታነ ማሆደስ ኮያነ?» ያጋይዳ።
ACT 26:29 ጳዉሎሳ፥ «ጋማ ዎደ ማቅን ኤራꬅ ዎደ ነ ጻላላ ማቅካይዝን Ꮉይኖ ታና ስእዘ ኡቡንꬅ Ꮉና አችትፕ አትን ታ ፋና ማቃደ ፋና ጾዝ ዎሳነ» ያጋይዳ።
ACT 26:30 ይንፓ ሱባ፥ ካት አግርጳ ጋደ አህዘ ፍስጦሳ፥ ባርኒቀን ኡንታራ በትደ ኡቡንꬅ ደንድዳ።
ACT 26:31 እዝፓ ኬዚ ቅትተራ ፈተ ፈተራ፥ «Ꮉይ አꬄ Ꮉይቆስ ዎይ አችስ የልꬅዘባዝ አኮን ኦችካያ» ጋእ ዎላ ኦህንትዳ።
ACT 26:32 አግርጳ ፍስጦሳጎ፥ «Ꮉይ አꬄ ‹ቄሳረ ታ ባዝ ፍርዶ› ጋይካይዛኮ ብልንቶደስ ዳንዳአነ፥ የዝን አትዳ» ጋይዳ።
ACT 27:1 ኑኒ ማርካበራ ጣልያ ቅቶደ ፋና ኡን አጭደ ዎደ ካቱንꬅ ዋና ማቅደስ ዎታዳሩንꬃና ኦላስ ኪትዘ ፈተ ዩልዮሳ ጋዘ ማቶ Ꮉላቅዘስ ጳዉሎሳን መለ ኤራꬅ አቻ የዘ አሱንꬃና እንግዳ።
ACT 27:2 እስያ ጋጻ የዘ ጉታ ቅትዘ አድራምጥዮነ ማርካበ ግዳ ገሊ ደንድዳ። መቀዶንያ አስ ማቅደ ተሰሎንቄ አርስጥሮኮሳ ኑራ የነ።
ACT 27:3 ዎንትስት ዎደ ኑኒ ስዶና የሎደራ፥ ዩልዮሳ ጳዉሎሳስ ሎይꬂ ፋ ላጉንꬃጎ Ꮉንግ ኮሽዘ ባዝ ማድንቶደ ጋር ኡንታጎ ዳክዳ።
ACT 27:4 እዝፓ ደንዲ ቲኖራ ኑላ ባቂዘ ግሾ Ꮉꬃራ ተቅንትደ ሳአ፥ ቆጵሮሳራ ካተ ማህ ዬካ ዛላራ አꬍዳ።
ACT 27:5 ክልቅያን ጵንፍልያ ካለ የዘ አባ ፊንግ ሊቅያን የዘ ሙራ የልዳ።
ACT 27:6 እዘ ማቶ Ꮉላቅዘ ጣልያ ቅትዘ እስክንድርያ ማርካበ ደንግ፥ እዘ ኑና ገልꬅዳ።
ACT 27:7 ኑኒ ጋማ ዎደ ለሚ የዺ፥ ጋማ ማꬋራ ቃንዶሳ ካታማ ካለ የልዳ። የይጋራ ቅቶደስ ኑና ጎተ ካይን ሳልሞናራ አꬊ Ꮉꬃራ ተቅንትደ ሳአ፥ ቃርጠሳራ ካቲ አꬍዳ።
ACT 27:8 ጋማ ማꬋራ ጋጻ ጋጻ አይኪ ላስያ ካታማ ካለ የዘ አባ ጋጽተ «ሎኦ ማርካበ ሸምፕዘ በሲ» ጋእንትዘ በስተ የልዳ።
ACT 27:9 ኑኒ እዘ ጋማ ዎደ ጋምእዳንፓ ሱባ ጾማ ብልንትን፥ ማርካበራ የꬍዛና ዋይꬅዘ ግሾ ጳዉሎሳ ኡንታና ዞርዳ።
ACT 27:10 «አሱንꬆ፥ ኑ Ꮉንግዘ ኦግተ ዳማ ቆሄን ዳማ ꬋበ የዛና ታስ በንታነ፤ ቆህታ ጫናላን ማርካበላ ጻላላ ማቅካይዝን ኑ ኦምትላን የሎዳ» ጋይዳ።
ACT 27:11 የዝን ማቶ Ꮉላቅዘ ጳዉሎሳ ጋይዳንፓ አꬊ ማርካበ እዥዛይን ማርካብት አዳይን ጋዛኖ አማንዳ።
ACT 27:12 ይና አባ ጋጻ የዘ ካታማ ባልጎ አግና ኣꬆደስ ኡንትስ ጊጎሰ ግሾ ጋማ አሱንꬅ ፋስ ዳንዳእንትኮ ፍንቀ ካታማ የሊ ስላ አግና የይጋ ኣꬆደስ ዞርንትዳ። ፍንቀ ዎካ አዋ ገሎፓን ዬካ አዋ ገሎፓን ግዳ አባ ጋጻ የዘ ማርካበ ጫና ኬꬅዘ በሲ ስላ አግና እዘ ኣꬆደስ ቆፋ ሺሽዳ።
ACT 27:13 ኤራꬅ ዬካ ባቆ ባቂደ ዎደ ኡን ቆፕዳንጋራ Ꮉንደ ፋና ይእን ደንዲ፥ ማርካብዘ ኤንአመ ጋር አይክዘ መቅዛ ኡደ ኤኪ ቃርጠሰ ካለራ አꬍዳ።
ACT 27:14 የዝን ጋማ ጋምእካይዝን «አዉራቂስ» ጋዘ ዳማ ጎተ Ꮉꬃራ ተቅንትደ ሳእትፓ ሱለ ኡንታላ አፋ ደንድዳ።
ACT 27:15 የ ጎትዘ ማርካብዛ ኡርቂ Ꮉንጋመ ፋና ካይደ ግሾ ባቅዘ ማርካብዛ ፋ ኮይደ በሳ ካንጎደ ፋና ዳኪ አሽዳ።
ACT 27:16 ኑኒ ቄዳ ጋዘ Ꮉꬃራ ተቅንትደ ሳአ ካቲ Ꮉንግተራ ጋማ ዋየራ ማርካብዘ ጎንግዛ አሾደስ ዳንዳእዳ።
ACT 27:17 ኡን ጎንግዛ ኡደ ከስዳንፓ ሱባ ጋደራ ማርካብዘላ ጻጺ፥ ምንꬂ አጭዳ። ሱርቲሳ ጋዘ ሻፍተ ፋና ጎልእዛመ ጋር ይርጊ፥ ማርካብዘ ሻርቶ ኬꬂ ማርካብዛ Ꮉሪ እዥዳ።
ACT 27:18 ጎትዘ ሚንግ Ꮉንጎደራ ዎንትስት ዎደ ጫንትፓ ባግቶ አባ ኦለ አይክዳ።
ACT 27:19 Ꮉይꬓንꬆ ቃማ ማርካብዘ ሚሽቶ ኤኪ ፋ ኩሽትራ ኦልዳ።
ACT 27:20 ኑኒ ጋማ ዎደ አዋ ኣፈን ጾልንቶን ብእካይዘ ግሾን ዳማ ጎተ ኑላ ባቂደ ግሾ ቲኖፓ ሸምፖራ አቶዳ ጋእ ቆፕካያ።
ACT 27:21 የ ዎደ ኡን ጋማ ዎደ ካꬃ ሚካይዛራ ጋምእደ ግሾ ጳዉሎሳ ኡን ግዳ ደንዲ ኤቂ፥ «አሱንꬆ፥ ይን ታ ዞርቶ ኤኪ ቃርጠሳፓ ደንድካይዛራ አተዛኮ Ꮉና ቆህታን ꬋብታን ኑና የላማ የሻ።
ACT 27:22 የዝን ታኒ ይንታና ዣሽትፐተ ጋእ ዞራነ፤ አኮስ ጋይኮ፥ Ꮉይ ማርካብዘ ꬋቦዳፕ አትን ይንታፓ ፈቲ አስ ሸምፖን ꬋቦስ።
ACT 27:23 Ꮉይኖ ቃማ ታ ኤ ባዝ ማቅዳይን ታ ጎይንዘ ጾዘ ኪትደ ኪታንቾ ታ ካለ ኤቂ፥
ACT 27:24 ‹ጳዉሎሳ፥ ዣሽትፐ፤ ኔኒ ሮመ ካት ቄሳረ ቲኖ ኤቆደስ ቤዛነ። ይኬ ጾዚ ነ ግሾ ኔራ Ꮉንግዘ አሱንꬅ ኡቡንꬅ ሸምፕቶ አሽዳ› ጋይዳ።
ACT 27:25 ይኒ ግሾ፥ አሱንꬆ፥ ዣሽትፐተ። የ ኪታንችዘ ታስ ኦህዳና Ꮉኖዳኖ ታ ጾዛ አማናነ።
ACT 27:26 የዝን ባቅዘ ኑና ካንግ ፈቲ Ꮉꬃራ ተቅንትደ ሳአ ጋጻ ኦሎዳ» ጋይዳ።
ACT 27:27 ታጶ ኦይድንꬃ ቃማ አድርያ አባ ግዳ ኑና ባቅታ ጎደን Ꮉንካን ኡርቆደራ፥ ቃማ ግዲ ብላሄ ማቅዘ ዎደ ማርካብተ ኦችዙንꬅስ ሳአጎ ኡክደ ጋር አዝዳ።
ACT 27:28 ኡን ጌናትꬅቶ ኤሮደስ ኮይ ጋደ በርꬃ ዴጾባዝ አጪ አባ ኦልን፥ አባ ገንታ ኦስፉን ታም Ꮉꬋ ማቅዳ። ኤራꬅ ጋምእ፥ ማህ ኦልን እዝፑን ታም Ꮉꬋ ማቅዳ።
ACT 27:29 ኡን አባ ጋጻ የዘ ሹቻላ ዶምእንታመ ጋር ዣሽቲ፥ ማርካብዘ ቅታመ ጋር አይክዘ ኦይዲ መቆ ማርካብዘፓ ሱባራ አባ ዳኪ፥ ሳእታ ዎንቶደ ጋር ጾዝ ዎስዳ።
ACT 27:30 ማርካብተ ኦችዙንꬅ ማርካብዘፓ ꬋቦደስ ኮይ፥ ማርካብዘ ቅታመ ጋር አይክዘ መቅቶ ማርካብዘፓ ቲኖ ዛላራ አባ ኦልዘ ጋር አዝዝ ጎንግዛ አባ ኦልዳ።
ACT 27:31 ጳዉሎሳ ማቶ Ꮉላቅዘጎን ዎታዳሩንꬃጎ፥ «Ꮉንስ ማርካብተ ሸምፒ በታንጽኮ ይን አቶደስ ዳንዳኦስ» ጋይዳ።
ACT 27:32 ይኒ ግሾ፥ ዎታዳሩንꬅ ጎንግዘ አጭንትደ ጋድዛ ጋቺ ዳኪ አሽዳ።
ACT 27:33 ሳአ ዎንቶደስ ይአደራ ኡቡንꬅ ካꬃ ማአደ ጋር ጳዉሎሳ አሱንꬃጎ፥ «ይን ካꬃ ሙእካይዛራ ጋምእደ Ꮉይኖራ ታጶ ኦይዲ ቃማ ጋምእዳ።
ACT 27:34 ይኒ ግሾ፥ ኤራꬅ ካꬃ ይን ማአደ ጋር ታኒ ይንታና ዎሳነ። ይን ምንጎደ ጋራን ሸምፖራ የሳደ ጋር ኤራꬅ ካꬃ ማአደስ ኮሻነ፤ መለ አቶ የዝን ይን ኦማ እስንꬅትፕ ፈትን ꬋቦስ» ጋይዳ።
ACT 27:35 ጳዉሎሳ ይኖ ጋእ ቦራ ኤኪ ኡቡንꬅ ቲኖ ጾዝ ጋላትዳ፤ ቦርዛ ባጽ መኤ አይክዳ።
ACT 27:36 ኡቡንꬅ ሚንግ ፋ ፋስ ካꬃ ኤኪ ሙእዳ።
ACT 27:37 ኑኒ ማርካብተ የዙንꬅ ላምእ ጼት ላፑን ታም እዝፑን።
ACT 27:38 ኡን ሙእ ምዥደ ዎደ ጫና ዛርግቶ አባ ኦልን ማርካብዘ ዴጽቶ ፎልዝዳ።
ACT 27:39 ሳአ ዎንትደ ዎደ ማርካበ ኦችዙንꬅ አባ ሳአ የለዛኮ ኤርካይዛራ፥ አባ ጋጻ የዘ ሻፈ ስልሞ ብእዳ። ፋስ ዳንዳእንትኮ ማርካብዛ ይና ሻፍትጎ ሺሾደስ ቆፕዳ።
ACT 27:40 የይዝ፥ ማርካብዘ ቅታመ ጋር አይክዘ መቅቶ ብሊ አባ ኦልዳ። የ ዎደ እዥዘ ምንጻ አጭዘ ጋድዛ ብልዳ። ይንፓ ሱባ፥ ባቅታ ማርካብዛ ቲኖ ኡርቆደ ጋር ማርካብዛ ካንግዘ ሻራ ቲኖ ዛላራ ꬎቅ ዪዚ የ አይክዳ።
ACT 27:41 የዝን ማርካብዘ ሻፈ ናድንትደላ ዶምእንቲ ቆꬍንትዳ። ማርካብዘስ ቲኖ ዛልታ ጾስንቲ ሻፍቶ ጫዲ አይኪ ኤንአንጽ እጽን፥ ሱባ ዛልቶ ጎተ ኡርቅዛንፓ ደንዲ መቀ አይክዳ።
ACT 27:42 ዎታዳሩንꬅ አች አሱንꬃፓ ፈትን Ꮉꬅተ Ꮉꬊ ኬዚ ꬋባመ ጋር ኡንታና ዎꬎደስ ዞርንትዳ።
ACT 27:43 የዝን ማቶ Ꮉላቅዘ ጳዉሎሳ አሾደስ ኮይ ዎታዳሩንꬃራ ዞርንቶ እጽዳ። Ꮉꬅ Ꮉꬊ ኤርዘ ኡባ ማርካብዘፓ Ꮉꬅተ ዶሊ ዶሊ ዎꬊ ቲንꬊ ጋጻ ኬሳደ ጋር ኪትዳ።
ACT 27:44 አትዱንꬅ ሳንቂትላን፥ ማርካብዘ መቅꬅትላ አፋ ኬሳደ ጋር ኪትዳ። ይኒ ጋራ ይእ ኡቡንꬅ ጋጻ ሳሮራ ከዝዳ።
ACT 28:1 ኑኒ ጋጻ ሳሮራ ከዝደ ዎደ የልዳና Ꮉꬃራ ተቅንትደ ሳእታ ማልታ ጋእንትዛኖ ኤርዳ።
ACT 28:2 ማልታ አሱንꬅ ኑስ ጋማ ሎእዳ። እራ ቡክደ ግሾን ጪሽዘ ግሾ ታማ ኤꬂ ኑና ኡባ ሞክዳ።
ACT 28:3 ጳዉሎሳ ጋማ Ꮉይጸ ሺሺ ታማ ጋዶደራ፥ ጎፕ ሾሽ ምችት ግሾ ኬዚ ኤ ኩሽትላ ጻጽንት ኤዛ ꬋይዳ።
ACT 28:4 ማልታ አሱንꬅ ሾሽ ጳዉሎሳ ኩሽትላ ጻጽንትዳኖ ብእደ ዎደ ፈታይ ፈተጎ፥ «ቱሮ Ꮉይ አꬄ ሸምፖ ዎꬍደ አስ፤ መለ አቶ የዝን አባፓ ኤ አትንን ጾዘ ፍርዳፓ አቲ ፋጻ የሳደስ ዳንዳእካያ» ያጋይዳ።
ACT 28:5 የዝን ጳዉሎሳ ፋ ኩሽትፓ ሾስዛ ዉጹርክ፥ ታማ ኦልዳ፤ ኤዛ አኮን ቆህካያ።
ACT 28:6 ኡን፥ «ኤ ጋልታ ክጻነ፥ ዎይ ቲርካይዝን ጎልእ Ꮉይቃነ» ጋእ ናጋነ። የዝን ጋማ ዎደ ናጊ ኤ ጋልተ አኮን ዱሙዽደ ባዝ ꬋብን፥ «Ꮉይ ኤቃ» ጋእ ፋ ቆፍቶ ላምዳ።
ACT 28:7 ይና ካራ ጋንጭተ Ꮉꬃራ ተቅንትደ ሳአ Ꮉላቅዘ፥ ፑፕልዮሳ ጋዘስ ጋደ የነ፤ Ꮉይꬕ ቃማ የሎደስ ኤ ኑና ሲቆራ ሞክዳ።
ACT 28:8 ፑፕልዮሳ አዳይ ኦማ ኦꬂ፥ ምቻራን ጋንጨ Ꮉርገራ ዎይእ የነ። ጳዉሎሳ ኤ ካራ ገሊ ኤስ ጾዝ ዎስዳ፤ ፋ ኩሽቶ ኤላ ጋዲ ፋꬅዳ።
ACT 28:9 ይንፓ ሱባ፥ ማልታን የዘ Ꮉርግንትዘ መለ አሱንꬅን ይእ ፋጽዳ።
ACT 28:10 ኡን ኑና ጋማ ቦንችዳ፤ ኑኒ ማርካበራ ቅቶደስ ደንድደ ዎደ ኦገስ ኮሽዘ ባዝ ኑስ እንግዳ።
ACT 28:11 Ꮉይꬕ አግናፓ ሱባ፥ ማልታ ግዳ ሴተ አꬂ እስክንድርያ ማርካበራ Ꮉማደስ ደንድዳ። የ ማርካብዘላ ድዮስቆሮሳ ጋዘ መንተ ኤቁንꬅ ምስለ የነ።
ACT 28:12 ስራኩሰ ካታማ ገሊ እዘ Ꮉይꬕ ቃማ በትዳ።
ACT 28:13 እዝፓ ደንዲ ረግዩመ ካታማ የልዳ። ፈቲ ቃማፓ ሱባ፥ ዬካ ዛላራ ባቆ ባቂን፥ ዎንትስት ዎደ ፉትዩሎሳ ካታማ ይእዳ።
ACT 28:14 እዘ ኑ ፈቲ ፈቲ አማንዘ አሱንꬃና ደንግን፥ ፋራ ሳምንታ ጋምኦደ ጋር ኑና ዎስዳ። ይንፓ ሱባ፥ ሮመ ኑ ቅትዳ።
ACT 28:15 ሮመ የዘ አማንዘ አሱንꬅ ኑ ባዝ ስእ፥ አፍዮሳ ጋበ፥ Ꮉይꬕ አቅዘ በሲ ጋእንትዘ በስቶ የሎደስ ኑና ሞኮደስ ይእዳ። ጳዉሎሳ ኡንታና ብእደ ዎደ ጾዝ ጋላቲ ምንግዳ።
ACT 28:16 ኑ ሮመ ገልደ ዎደ ጳዉሎሳ ናግዘ ዎታዳረ እንግንትን ፋስ የዞ ጋእንትዳ።
ACT 28:17 Ꮉይꬕ ቃማፓ ሱባ፥ ጳዉሎሳ አይሁዱንꬅ Ꮉላቁንꬃና ፋጎ ጼግዝዳ። ኡን ሺቅደ ዎደ ኡንታጎ፥ «ታ እሹንꬆ፥ ታኒ ኑ አሱንꬃና ዎይ ኑ አዱንꬅ ዎጋላ አኮ ቆህዘ ባዝን ኦችካያ፥ የዝን ታና የሩሳላመ አጪ ሮመ አሱንꬅስ አꬂ እንግዳ።
ACT 28:18 ኡን ታ ሞቶ ብእ Ꮉይቆስ የልꬅዘባዝ ታላ አኮ ባዝን ደንግካይዘ ግሾ ታና ብሎደስ ቆፕዳ።
ACT 28:19 የዝን አይሁዱንꬅ ይኖ እጽደ ዎደ ኡንእንት ‹ታ ባዝ ቄሳረ ፍርዶ› ጋይዳፕ አትን ታኒ ታ ዎርዥቶ ሞትዘባዝ የዝን ባያ።
ACT 28:20 ታ ይንታና ጼግዝዳና ይንታና በአደስን ይንትስ Ꮉኖ ኦሆደስ። ታ Ꮉና ሳንꬃላታር አጭንትዳና እስራኤለ አሱንꬅ ናግዘ ኡፋይስት ግሾ» ጋይዳ።
ACT 28:21 አይሁደ Ꮉላቁንꬅ ጳዉሎሳጎ፥ «ኑስ ይሁዳፓ ነባዝ ዳብዳበ የልካያ። እዝፓ የኤዘ አሱንꬃፓ ፈትን ነባዝ ኢታ ኦህዘ ባያ።
ACT 28:22 የዝን Ꮉና ነ ካልዘ አማንቶ መለ መለ በስተ አሱንꬅ እጽዛኖ ኑኒ ኤርዘ ግሾ ነ ቆፍቶ ስኦደስ ኮያነ» ጋይዳ።
ACT 28:23 ኡን ፋ የኦደ ቃምቶ ጳዉሎሳስ ቃጻሪ፥ ይና ቃምተ ጋንግ ኤ የዘ በስተ ይእዳ። ኤ ዎንታፓ ኡጉረ የሎደስ ጾዘ ካእቱሞ ባዝ ኡንትስ ማርክꬍዳ። ማህ ኡን የሱሳ ባዝ አማኖደ ጋር ሙሴ ህገፋን ናቡንꬅ ማጻፈፓ ጌሽ ኡንታና ታማርስዳ።
ACT 28:24 ፈተ ፈተ ጳዉሎሳ ጋይዳኖ አማንዳ፥ የዝን መሉንꬅ አማንካያ።
ACT 28:25 ኡን ዎል ግዳ ኦህቶ ኤካንጽደ ዎደ ጳዉሎሳ ፈትባዝ ጋይዳንፓ ሱባ ቅትዳ። ኤ Ꮉንጋራ ጋይዳ፦ «ጌሽ አያና ይን አዱንꬅስ ናበ ኢሳያሳ ዶንተ ኦህዳና ቱሮ።
ACT 28:26 «ኔኒ የንꬅ አሱንꬃጎ Ꮉንግ፥ ይን ስስ ስእነ፥ የዝን ይን ቆፖስ፤ ይን በኤ በእነ፥ የዝን ደንጎስ።
ACT 28:27 Ꮉንꬅ አሱንꬅ ዎዝንታ ሙምዳ፤ ኡን Ꮉይታ ቱልዳ፤ ኡን አፍታን ጎዝንትዳ። ይና ባይዛኮ፥ ኡን ፋ ኣፍተ ብእ፥ ፋ Ꮉይተ ስእ፥ ፋ ዎዝንተ ቲሪ፥ ኡን ታጎ ማቅኮ፤ ታንን ኡንታና ፋꬆድ የሻ ጋኦ» ጋይዳ።
ACT 28:28 «ይኬ፥ Ꮉና ጾዘ አሽዘ ኪታ አይሁደ ማቆሱንꬅስ ማቅዳኖ ኤራነ። ኡንትን ስኦዳ» ጋይዳ።
ACT 28:29 ጳዉሎሳ ይኖ ጋእዳንፓ ሱባ አይሁዱንꬅ ፋ ግዳ ጋማ ላልተ ኬዚ ቅትዳ ።
ACT 28:30 ጳዉሎሳ ክራ ኬꬃ ላምእ በረ ኩሙꬅ የዝዳ፤ እዘ የዝተራ ፋጎ ይእዛ ኡባ ሞካነ።
ACT 28:31 ዣሽሞ ባይꬅ ኦደን ካይካይዝን ጾዘ ካእቱሞ ሳባክዳ፤ ላꬄ የሱስ ክርስቶሳ ባዝ ቆንጭዝ ታማርስዳ።
ROM 1:1 የሱስ ክርስቶሳ አሮ ማቅደ፥ ሐዋረ ማቃደ ጋራ ጼግንትደፓን ጾዘ ዎንገለ ሳባኮደ ጋራ ዶርንትደ ጳዉሎሳ ኪትደ ኪታ።
ROM 1:2 ጾዚ ጋማ ዎደፓ ቲኖ ፋ ናቡንꬅ ባጋራ እንጎዳ ያጋይደ ጾዘ ጌሽ ማጻፍተ ጻፍንትዳ።
ROM 1:3 Ꮉይ ዎንገልዘ አሾራ ዳዉተ ኮቻፓ የልንትደ፥ ጾዘ ናአ፥ ኑ ላꬄ የሱስ ክርስቶሳስ።
ROM 1:4 ማህ ኤ ፋ ጌሽ አያናራ Ꮉይቆፓ ደንዲ፥ ጾዘ ናአ ማቅዳኖ ዳማ ዎልቃራ ቤዝዳ።
ROM 1:5 ኤ ባጋራ አይሁደ ማቆሰ አሱንꬅ ኡባ፥ አማኒ ኪትንቶደ ጋር ክርስቶሳ ሱንꬅት ግሾ ጾዘ አꬎ ኬሃትꬅን ሐዋረትꬅ አደትꬅ ዎልቃ ኑ ኤክዳ።
ROM 1:6 የሱሳ ክርስቶሳስ ማቃደ ፋና ጼግንትደ አሱንꬃፓ ባጉንꬅ ይንታና።
ROM 1:7 ሮመ የዘ፥ ጾዚ ይቅስንትዙንꬃና ኤስ ጌሽ ዎርዣ ማቃደ ፋና ዶርዱንꬅስ። ጾዘ ኑ አደፓን ላꬄ የሱስ ክርስቶሳፓ አꬎ ኬሃትꬅን ሳሮትꬅ ይንትስ ማቀ።
ROM 1:8 ኡባፓ ቲኒ፥ ይን አማንታ ሳአ ኡባ ስንትደ ግሾ የሱስ ክርስቶሳ ባጋራ ይን ግሾ ታ ጾዛ ጋላታነ።
ROM 1:9 ታኒ ኤ ናአይ ዎንገለባዝ ኩሙꬅ ዎዝንተ ኦህዘ ጾዘ፥ ታኒ ታ ዎስተ ኡባ ዎደ ይንታና ቆፕዛንስ ኤ ማርካ።
ROM 1:10 ዉርሱꬅተ፥ ጾዘ ቆፋ ማቅኮ፥ ታኒ ይንታጎ Ꮉንጎደስ ኦገ ታስ ጊጎደ ፋና ኡባ ዎደ ዎሳነ።
ROM 1:11 ታኒ ይንትስ አያና አንጆ ሻኮደስን ይንታና በአደስ አሙꬋነ።
ROM 1:12 ይናን፥ ታኒ ይን አማንተን፥ ማህ ይን ታ አማንተ ምንጎደ ፋናስ።
ROM 1:13 ታ እሹንꬆ፥ ታኒ አይሁደ ማቆሰ አሱንꬃፓ ኣፈ ደንግዳን ፋና፥ ይንታፓን ኣፈ ደንጎደስ ይንታጎ Ꮉንጎደስ ቆፕዳ፥ የዝን ካይንትዳ።
ROM 1:14 ግርኬ አሱንꬅስን ግርኬ ማቆሰ አሱንꬅስ ማህ ጭንጩንስስን ቦዙንꬅስ ታስ ጋለ የነ።
ROM 1:15 ይኒ ግሾ፥ ሮመ የዘ ይንትስን ዎንገለ ኦሆደስ አሙꬋነ።
ROM 1:16 ቲንꬊ አይሁዱንꬃና፥ ማህ አይሁደ ማቆሱንꬃናን አማንዘ ኡቡꬃና አሾደስ ዎንገለ ጾዘ ዎልቃ ማቅደ ግሾ ታ ዎንገለራ ዬልꬎኦስ።
ROM 1:17 ጽሎ አማኖራ ደኦ የሳዳ ጋእንት ጌሽ ማጻፍተ ጻፍንትዳ። ዎንገለ ጾዘ ጽሎትꬅቶ ቆንጭዝዳ፤ ቲኖፓ ዉርሱꬅ የሎደስ አስ ጽልꬍዘ አማኖራ።
ROM 1:18 ቱርታ ኤርንታመ ፋና ፋ ኢታ ኦቻራ ካምዘ አሱንꬃላ አፋ ናጋራ ኡባላ አፋ፥ ጾዘ Ꮉንቆ ሳሎፓ ዎꬎዳ።
ROM 1:19 ጾዚ ኡንትስ ቆንጭሳደስ ቤዘባዝ ቆንጭዝደ ግሾ ኡን ጾዘ ባዝ ኤራነ።
ROM 1:20 አላመ መꬍንትደፓ ደንꬂ፥ አስስ በንቶሰ ጾዘ Ꮉኖ፥ ይናን ኤ መዽና ዎልቃን ጾዘትꬅ ኤ መትꬅተ ቆንጪ የዘ ግሾ አሱንꬅ ፋ ኢታትꬅትስ ምክናተ ማቅዘ ባዝ ባያ።
ROM 1:21 ኡን ጾዛ ኤርተራ፥ ኤዛ ቦንችካያን ጋላትካያ። ኡን ቆፍታ ማዶሰ ባዝ ማቅዳ፤ ኡን ቆፖሰ ዎዝንታ ꬉምዳ።
ROM 1:22 ኡን ፋና ጭንጩንꬃና ጋነ፥ የዝን ቦዙንꬃና።
ROM 1:23 ኡን Ꮉይቆሰ ጾዛ ጎይኖዳኖ አሺ፥ Ꮉይቅዘ አስ መꬎን፥ ላንዳን፥ ጾꬅን ሳዛራ ጎቹንትዘ ባዝ አዝዝ መꬍደ ምስለ ጎይናነ።
ROM 1:24 ይኒ ግሾ፥ ኡን ፈታይ ፈታይራ ኢታ ባዝ ኦቺ፥ ፋ ጋልቶ ካዉሾደ ጋር ጾዚ ኡን ዎዝንቶ አሙꬍዘ ቱና ኦቻስ ኡንታና ኦልዳ።
ROM 1:25 ይና Ꮉንዳና ኡን ጾዘ ቱርቶ ዎርዶ ላምደ ግሾን መꬍደ ጾዛ አሺ፥ መꬍንትደ ባዝ ጎይንደ ግሾ። ጾዚ መዽናስ ጋላትንትዳ። አምንኤ።
ROM 1:26 ይኒ ግሾ፥ ጾዚ ኡንታና ቱና አሞትꬅስ አꬂ እንግዳ። ኡን ማቹንꬅ ፋስ ቤዝዘ ꬊራꬃራ የልንትዛኖ አሺ፥ ቤዞሰ ባዝ Ꮉኒ ማቻ ማችራ የልንታነ።
ROM 1:27 ይኒ ጋር፥ ꬊራꬅ ፋስ ቤዝዘ ማችራ የልንትዛኖ አሺ፥ ꬊራꬅ ꬊራꬃራ የልንታነ። ꬊራꬁንꬂ ፈታይ ፈታይራ አሞትꬃራ ኤጽንቲ፥ ዬልዘ ባዝ ኦችዳ። ፋ ኦችደ ባላ ኦችትስ ቤዝዘ ፍርዳ ኤክዳ።
ROM 1:28 ኡን ጾዛ ኤርተራ፥ መለ አቶ የዝን ኤ ባዝ ቆፖደስ ኮያንጽ እጽደ ግሾ ቤዞሰ ባዝ ኦቾደ ጋር ጾዚ ኡንታና ማዶሰ ቆፋስ አꬂ እንግዳ።
ROM 1:29 ኡን ቆሄራ፥ ኢታትꬃራ፥ ዥምባራራ፥ ገነራ፥ ቅናተራ፥ ሸምፖ ዎራ፥ ላለራ፥ ጭሞራን ኢታ አሞራ ኩምዳ። ኡን ዝግርዙንꬃና፥
ROM 1:30 አስ ሱንꬅ ኢስዙንꬃና፥ ጾዝ እጽዙንꬃና፥ ጫዥዙንꬃና፥ ኡትርዙንꬃና፥ ጬቅዙንꬃና፥ ኢታ ባዝ ኦቾደስ ኮይዙንꬃና ፋ አዳይስን እንትስን ኪትንቶሱንꬃና፥
ROM 1:31 ቲሮሱንꬃና፥ ቃላ ላምዙንꬃና፥ ሲቆ ባይዙንꬃና፥ ይቅስሞ ባይዙንꬃና።
ROM 1:32 Ꮉንስ ፋና ኦችዙንꬅስ Ꮉይቆ ቤዛነ ጋዘ ጾዘ ህገ ኤርተራ፥ Ꮉኖ ኦቻነ። ኡን ፋ ፋስ ኦችዛኖ ጻላላ ማቅካይዝን ኦችዘ መሉንꬃናን ልከ ጋእ ናሻነ።
ROM 2:1 ይኒ ግሾ፥ ናተ መሉንꬃላ አፋ ፍርድዛዮ፥ ነ ምክናተ ማህዘ ባያ። ነ መሉንꬃላ አፋ ፍርድተራ፥ የ ነ ፍርድዘ አꬄ ጋር ኦችኮ፥ ነ፥ ኔላ አፋ ፍርዳነ።
ROM 2:2 ይኒ ፋና ኦቻ ኦችዙንꬃላ አፋ ጾዘ ጽሎ ፍርዳ ፍርድዛኖ ኑ ኤራነ።
ROM 2:3 ናተ፥ ይኒ ጋር ኦቻ ኦችዙንꬃላ አፋ ፍርድዛዮ፥ ኡን ኦችዛን ጋር ኦችዛዮ፥ ነ ጾዝ ፍርዳፓ አቶደ ጋር አዛነ?
ROM 2:4 ዎይ ጾዘ ኬሃትꬅ፥ ገንጮን ዳንዳአ ዱረትꬅቶ ለቃነ? ጾዘ ኔስ ዳልጋ ማቅዳና ነና ናጋራፓ ማሆደስ ማቅዳኖ ኤሮሳነ?
ROM 2:5 የዝን ይንትስ ሹች ዎዝናን ስኦሰ Ꮉየ የነ። ይኒ ግሾ፥ ጾዘ Ꮉንቆን ጽሎ ፍርዳ ቆንጭዘ ቃማ፥ ኔላ አፋ ፍርዳ ሺሻነ።
ROM 2:6 ጾዘ ፈታይስ ፈታይስ ኤ ኦችት ጋር እንጎዳ።
ROM 2:7 ሎኦ ኦቻራ ሚንግ፥ ጋላታ፥ ቦንቾን ꬋቦሰ ደኦ ኮይዙንꬅስ ጾዘ መዽና ደኦ እንጎዳ።
ROM 2:8 የዝን ፋና ሲቅዙንꬃና፥ ቱርቶ እጽዙንꬃና ኢታ ባዝ ኦቾደስ ኮይዙንꬃላ አፋ ጾዘ ካችን ቦሻ ዮኦዳ።
ROM 2:9 ኢታ ባዝ ኦችዘ አሱንꬅ ኡባ፥ ቲኒ አይሁዱንꬃና፥ ካሊ ግርኩንꬃና ማꬋን ዋየን የሎዳ።
ROM 2:10 የዝን ጾዘ ሎኦ ኦቻ ኦችዘ ኡቡንꬅስ፥ ቲኒ አይሁዱንꬅ፥ ካሊ ግርኩንꬅስ ጋላታ፥ ቦንቾን ሳሮትꬅ እንግንቶዳ።
ROM 2:11 ጾዚ ስኖ ብእ አስ ሻኮስ።
ROM 2:12 ህገ ባይዝን ናጋራ ኦችደ ኡቡንꬅ ህገ ባይꬅ ꬋቦዳ። ህገ የዝን፥ ናጋራ ኦችደ ኡቡንꬅ ህገራ ፍርድንቶዳ።
ROM 2:13 ጾዘ ቲንተ ጽልዙንꬅ ህገ ናግዙንꬃፕ አትን ህገ ስኤ ጻላላ ስእዙንꬃና ባያ።
ROM 2:14 ህገ ባይዘ አይሁደ ማቆሰ አሱንꬅ መꬎ ህገ ኪትዛኖ ኦቻነ። ኡንትስ ጻፍንትደ ህገ ባይዝንን ኡን ፋ ዎዝንተ ህገ ኤራነ።
ROM 2:15 ኡን Ꮉኖትꬅታ፥ ህገ ኪታ ኡን ዎዝንተ ጻፍንትዳኖ ቤዛነ። ማህ ኡን ዎዝንታ ኡንታላ አፋ ማርክꬋነ። ኡን ዎዝንታ ፈቲ ፈቲ ቶሄ ኡንታና ባልዳ ጋነ፤ ፈቲ ፈቲ ቶሄ ኡንታና ቱሮ ጋነ።
ROM 2:16 ታ ታማርስደ ዎንገለ ፋና ጾዘ የሱስ ክርስቶሳ ባጋራ አስ ዎዝንተ አችንትደ ቆፍታ ፍርድዘ ዎደ ኤርንቶዳ።
ROM 2:17 የዝን ነ ነና አይሁደ ጋነ፤ ህገላ ካታነ፤ ጾዛላ ጬቃነ።
ROM 2:18 ነ ኦቾደ ጋር ጾዚ ኮይዘ ባዝ አኮ የዛኮ ኤራነ። ህገ ታማርደ ግሾ ቱሮ ማቅዘ ባዝ ሻኪ ኤራነ።
ROM 2:19 ነ ቆቁንꬃና ካልዛኖ፥ ማህ ꬉማ የዙንꬅስ ፎኦ ማቅዛኖ ሻኪ ኤራነ።
ROM 2:20 ነ ህገፋ ደንግደ ኤራትꬅን ቱረትꬃራ ቦዙንꬃና ኤርስዛያን ዦጉንꬃና ታማርስዛያ ማቅዳኖ ኤራነ።
ROM 2:21 ዬዝን፥ ነ መሉንꬃና ታማርስዛይ ነ ነና አኮስ ታማርሶሶ? ነ፥ «ካይስትፐ» ጋእተራ፥ ነ ነ ኦምተ ካይስታነን?
ROM 2:22 ነ፥ «ኦላለ Ꮉንትፐተ» ጋእተራ፥ ነ ነ ኦምተ ኦላለ Ꮉንታነ? ነ ኤቃ እጽተራ፥ ኤቃ የዘ ኬꬅቶ ቦንቃነ?
ROM 2:23 ነ ጾዘ ዎግተ ጬቅንታነ፥ የዝን ህግትስ ኪትንታንጽ እጺ ጾዛ ዬልዛነ?
ROM 2:24 ጌሽ ማጻፍተ፥ «ይን ምክናተር ጾዘ ሱንꬅታ አይሁደ ማቆሰ አሱንꬃራ ጫዥንታነ» ጋእንት ጻፍንትዳ።
ROM 2:25 ነ ህገስ ኪትንትኮ፥ ነ ጋራዝንትስ ማደ የነ፥ የዝን ነ ህግትስ ኪትንታንጽ እጽኮ ነ ጋራዝንትዳና ጋራዝንትካይዘ ፋና ማቃነ።
ROM 2:26 አይሁደ ማቆሰ አሱንꬅ ጋራዝንትካይዛራ፥ ህግትስ ኪትንትኮ፥ ጾዚ ኤዛ ጋራዝንትደ ፋና ፋይዶሶነ?
ROM 2:27 ይን፥ አይሁደ አሱንꬅ፥ ይንትስ ጻፍንትደ ህግቶን ጋራዝንቲ ዬዝተራ፥ ይን ህገስ ኪትንታንጽ እጽኮ፥ አይሁደ ማቆሰ አሱንꬅ ጋራዝንታንጽ እጽኮን ህገስ ኪትንቲ፥ ይንታላ አፋ ፍርዶዳ።
ROM 2:28 ይኬ፥ ሱንꬃራ አይሁደ ማቅደ ኡቡንꬅ ቱሪ አይሁደ ባያ። ማህ ባለ ጋላ ጋራዝዛና ቱሪ ጋራዘ ባያ።
ROM 2:29 የዝን ቱሪ አይሁደትꬅ ጋꬃ አይሁደ ማቅዛኖ። ቱሪ ጋራዝንተ ጾዘ አያናራ ኦጭንትዘ ዎዝና ጋራዝንተፕ አትን ጻፍንትደ ዎግተ ኦችንትዘ ጋላ ጋራዘ ባያ። የ አꬄ ጋላታ ጾዛፓ ኤካነፕ አትን አሳፓ ባያ።
ROM 3:1 ዬዝን፥ አይሁደ ማቅዛና አኮ ማደ? ዎይ ጋራዝንተስ አኮ ማድዘ ባዝ የዘ?
ROM 3:2 ኡባፓ ቲኖ ጾዚ ፋ ቃላ Ꮉዳርቶ አይሁዱንꬅስ እንግዳ።
ROM 3:3 ዬዝን፥ ኡንታፓ ፈታይ ፈታያ ቃላ አማናንጺ እጽኮ፥ ኡን እጽዛና ጾዚ አማንንትደ ጾዝ ማቅዛኖ ካያነነ?
ROM 3:4 ካዮስ! አስ ኡባ ዎርዶ ማቅኮን ጾዚ ቱሮ ማቀ። ጌሽ ማጻፍተ፥ «ነ ቃልተ ነ ጽላነ፤ ነና ሞትዛያ ፍርዳራ ላꬃነ» ጋእንት ጻፍንትዳ።
ROM 3:5 ዬዝን፥ ኑ ናጋርታ ጾዘ ጽሎ ማቅዛኖ ቤዝዘ ባዝ ማቅኮን፥ ኑ ዋጋዉደ? ጾዚ ኑ ናጋርት ግሾ ኑላ አፋ ፍርድኮ፥ ልከ ባነ? ይኖ ታኒ አስ ቆፋ ፋና ጋነ።
ROM 3:6 ይኒ ፋና Ꮉንፐተ። ይኒ ጋር Ꮉንኮ፥ ጾዚ Ꮉና አላምትላ አፋ ዋይዝ ፍርዶደ?
ROM 3:7 የዝን ታ ዎርዶትꬅታ ጾዘ ቱርቶ ቆንጭዝ፥ ኤ ቦንችቶ ጋንꬅ ቤዘባዝ ማቅኮ፥ ዬዝን፥ አኮስ ታላ ፋና ናጋራንቾ ፋና ፍርደ?
ROM 3:8 ፈቲ ፈቲ አሱንꬅ፥ «ሎኦ ዮኦደ ፋና ኢታ ኦቾዳ?» ያጋእ ታማርስዘ አስ ፋና ማህ ታና ሞታነ። ይኒ ግሾ ያጋዘ አሳላ አፋ የእዘ ጾዘ ፍርድታ ልከ።
ROM 3:9 ዬዝን፥ ኑ ዋጋዉደ? ኑ አይሁዱንꬅ፥ ግርኬፓ አꬋነነ? አደ! አይሁደ ማቅን፥ አይሁደ ማቃንጽን ኡቡንꬅ ናጋራንቾ ማቅዛኖ ታኒ ቲኒ ይንትስ ኦህዳ።
ROM 3:10 ጌሽ ማጻፍተ፥ «ጽሎ አስ ፈቶን ባያ።
ROM 3:11 አካክዘ አስ ባያ፥ ጾዛ ኮይዘ ኦንን ባያ።
ROM 3:12 አስ ኡባ ባልንትዳ፤ ኡቡንꬅ ፈትፓ ማዶሰ ባዝ ማቅዳ። ሎኦ ኦችዘ ኦንን ባያ፤ ፈቲ አስን ባያ።
ROM 3:13 ኡን ዶንታ፥ ቡጉንትደ ቦዛ ፋና፤ ፋ እልአንꬅተ ዎርድꬋነ። ኡን ዶንትፓ አስ ዎꬍዘ፥ ሾሽ ማርዘ ከዛነ።
ROM 3:14 ኡን ዶንተ ጫሞን ባድꬅ ኩምዳ።
ROM 3:15 ኡን ቶህታ ሱꬅ ላሎደስ ኤልሳነ።
ROM 3:16 ኡን ኦግተ ꬋበን ቆሄ የነ።
ROM 3:17 ኡን ሳሮ ኦገ ኤሮስ።
ROM 3:18 ፋ ደእተ ጾዝስ ዣሽቶስ» ጋእንት ጻፍንትዳ።
ROM 3:19 አስ ኡባ ዶና ጎርድንቶደ ፋና ኩሙꬅ አላምቶ ጾዘ ፍርዳፓ ኦሞራ ሺሾደስ፥ ህገ እንግንትደ ህገፓ ኦሞራ የዙንꬅስ ማቅዳኖ ኑ ኤራነ።
ROM 3:20 ይኒ ግሾ፥ ኦደን ህገስ ኪትንቲ ጾዘ ቲኖ ጽሎደስ ዳንዳኦስ። ህገ አስ ኡባ ናጋራንቾ ማቅዛኖ ቤዛነ።
ROM 3:21 የዝን Ꮉተ ጾዚ አስ ጽልዘ ኦገ ህገ ባይꬅ ቆንጭዝዳ። ይና ኦግቶ ሙሴ ህገን ናቡንꬅን ማርክꬍዳ።
ROM 3:22 ይና አማንዘ ኡባስ Ꮉንዳ፥ ጾዚ የሱስ ክርስቶሳ ባጋራ አስ ኡባስ ሻኮ ባይꬅ እንግዳ።
ROM 3:23 አስ ኡባ ናጋራ ኦችዳ፤ ጾዘ ቦንቾ ፋጭዝዳ።
ROM 3:24 የዝን ኡን ጾዘ አꬎ ኬሃትꬃራ፥ አሽዘ ክርስቶሳ የሱሳ ባጋራ ጨር ጽልዳ።
ROM 3:25 ጾዚ የሱስ ክርስቶሳ ዣርሾ ማህ እንግዳ፥ ኤዛ አማንዘ ኡባ ኤ ሱꬅተ ናጋራ አቶትꬅ ደንጎደ ፋና። ጾዚ ይኖ ኦችደ ፋ ዳንዳአራ ዛጋ ናጋርቶ ፋይድካይዛራ አሺ፥ ፋ ጽሎትꬅቶ ቤሳደስ።
ROM 3:26 የሱሳ አማንዘ ኡባ ጽሎደ ፋና Ꮉተ ዎደ ጾዘ ፋ ኦምተ ጽሎ ማቅዛኖ ቤሳደስ።
ROM 3:27 ዬዝን፥ ኑ ጬቅንትዘ ባዝ አኮ የዘ? አኮን ባያ። ኑኒ ጬቅንትዛና ህገስ ኪትንትዘ ግሾነ? አደ! አማኖ ህገራ።
ROM 3:28 ጾዚ አስ ጽልዘ አማኖራፕ አትን ህገስ ኪትንተራ ባይዛኖ ኑ ቆፓነ።
ROM 3:29 ዎይ ጾዚ አይሁዱንꬅ ጻላላ ጾዞነ? አይሁደ ማቆሱንꬅስን ጾዚ ባነ? ቱሮ፥ አይሁደ ማቆሱንꬅስን ኤ ጾዚ።
ROM 3:30 ጾዚ ፈቶ፤ አይሁዱንꬃናን አይሁደ ማቆሱንꬃና አማኖራ ጽልዘ ኤዛ።
ROM 3:31 ዬዝን፥ ኑኒ ህገ አማኖ ግሾ ꬋብሶዳነ? አደ! ህግቶ ምንꬃነፕ አትን።
ROM 4:1 ዬዝን፥ ኑ አዳይ አብራሃማ አኮ ደንግዶ?
ROM 4:2 አብራሃማ ኦቻራ ጽልደባዝ ማቅኮ፥ ኤ ጬቅንትዘ ባዝ የነ፥ የዝን፥ ጾዘ ቲኖ ጬቅንቶደስ ዳንዳኦስ።
ROM 4:3 ጌሽ ማጻፍተ፥ «አብራሃማ ጾዝ አማንዳ፤ ጾዚ ይኖ ኤስ ጽሎትꬅ ማህ ፋይድዳ» ጋይዳ።
ROM 4:4 ኦችዘ አꬄስ ኤክዘ ዳሞዝታ፥ ኤ ኦቻ ዎልቂትስ ጭግንትዘ ጋለፕ አትን ኤስ እሞ ባያ።
ROM 4:5 የዝን ኦቻ ኦቾሰ ኦንን ናጋራንቾ ጽልዘ ጾዛ አማንኮ፥ ኤ አማንታ ኤስ ጽሎትꬅ ማቂ ፋይድንታነ።
ROM 4:6 ጌሽ ማጻፍተ ዳዉተ፥ ኦቻ ባይꬅ ጾዚ ጽልዘ አሱንꬅ አኮ ጋር አንጅንተዛኮ Ꮉኒ ጋር ያጋእ ቆንጭዝዳ፦
ROM 4:7 «ኡን ባልታ አቶ ጋእንትዱንꬅ ኡን ናጋርታ ካምንትዱንꬅ አንጅንትዳ።
ROM 4:8 ላꬂ ኤ ናጋርቶ ፋይዶሰ አꬄ አንጅንትዳ» ያጋይዳ።
ROM 4:9 ዬዝን፥ ዳዉተ ኦህደ አንጅታ ጋራዝንትደ አሱንꬅስ ጻላላሶነ? ዎይ ጋራዝንትካይዘ አሱንꬅሶ? ኑኒ፥ «ጌሽ ማጻፍታ፥ ‹አብራሃማ ጾዝ አማንዳ፤ ጾዚ ይኖ ኤስ ጽሎትꬅ ማህ ፋይድዳ› ጋነ» ኑ ያጋይዳ።
ROM 4:10 ዬዝን፥ ይና አይደ Ꮉንዶ? አብራሃማ ጋራዝንትንነ? ዎይ ጋራዝንትካይዝን? ጋራዝንተፓ ቲኖ Ꮉንዳፕ አትን ሱባ ባያ።
ROM 4:11 አብራሃማ ጋራዝንቶዳንፓ ቲኖ ኤ አማንታ ኤስ ጽሎተꬅ ማቂ ፋይድንትዳኖ ኤርሶደስ፥ ኤ ጋራዝንታ ማላ ማቅዳ። ይኒ ግሾ፥ አብራሃማ ጋራዝንትካይዛራ አማንዙንꬅስን አማኖራ ጽልዙንꬅስ ኡባ አደ ማቅዳ።
ROM 4:12 ኤ ጋራዝንተዙንꬅስን አደ። አብራሃማ ኡንትስ አደ ማቅደ ኡን ጋራዝንትደ ግሾ ጻላላ ባይዝን ኤ ጋራዝንቶዳንፓ ቲኖ አማንደ አማንተ ኡን ካልደ ግሾስ።
ROM 4:13 አብራሃማስን ኤ ዛርትስ፥ «አላምቶ ታ ይንትስ እንጎዳ» ያጋይደ ኡፋይስታ፥ አብራሃማ አማኖራ ጽልደ ግሾስ ፋትን ህገ ናጊ ፎልደ ግሾ ባያ።
ROM 4:14 ህገስ ኪትንትዱንꬅ ጾዘ ኡፋይስቶ ላትዙንꬃና ማቅኮ፥ አማኖ ማዶስ፤ ጾዘ ኡፋይስታን ጨር ማቃነ።
ROM 4:15 ህገ ጾዘ ካች ከእነ፥ የዝን ህገ ባይዘ በሳ ህገ አን አሸን ባያ።
ROM 4:16 ይኒ ግሾ፥ ጾዚ እንግደ ኡፋይስታ አማኖራ ኤክንታነ። Ꮉና ኡፋይስታ አብራሃማ ኮች ኡባስ ጾዘ አꬎ ኬሃትꬅ ባጋራ እንግንትዳኖ ቆንጭዛነ። ይናን ህገ ናግዙንꬅስ ጻላላስ ባይዝን አብራሃማ ፋና አማንደ ኡቡንꬅስ። አብራሃማ ኑ ኡቡንꬅስ አደ።
ROM 4:17 ጌሽ ማጻፍተ፥ «ታ ነና ጋማ ዎርዣስ አደ ማህዳ» ጋእንት አብራሃማ ግሾ ጻፍንትዳ። ይና ኡፋይስታ አብራሃማስ እንግንትደ Ꮉይቂዱንꬅስ ደኦ እንግዘን ባይዘ ባዝ የዝዘ ጾዘ ኤዛ ማቅዳኖ ኤ አማንደ ግሾስ።
ROM 4:18 ጾዚ አብራሃማስ ነ ኮችታ ጋንጎዳ ጋይዳና፥ ኡፋይስ ጋዶደስ አኮን ዳንዳእንቶሰ ዎደ አብራሃማ ጾዝ አማንደ ግሾን ኡፋይስ ጋድደ ግሾ ጋማ ዎርዣስ አደ ማቅዳ።
ROM 4:19 አብራሃማስ ጼት በረ ኩምደ ባዝ ማቅኮን፥ ፋ ጭንግደ አሽተን ሳራ ናአ የሎደስ ዳንዳኦሳኖ ኤርተራ ፋ አማንተ ላቢካያ።
ROM 4:20 ኤ ፋ አማንተ ሚንግ ጾዝስ ቦንቾ እንግዳፕ አትን ጾዚ እንግደ ኡፋይስቶ አማናንጺ፥ ሶእካያ።
ROM 4:21 አብራሃማ፥ ጾዚ እንግደ ኡፋይስቶ ፎሎዳኖ ፋ ኩሙꬅ ዎዝንተ አማንዳ።
ROM 4:22 ይኒ ግሾ፥ ጾዚ ኤ አማንቶ ጽሎትꬅ ማህ ፋይድዳ።
ROM 4:23 የዝን፥ «ፋይድንትዳ» ጋዘ ቃልዘ አብራሃማስ ጻላላ ጻፍንትካያ።
ROM 4:24 የ ቃልዘ ኑ ላꬄ የሱሳ Ꮉይቆፓ ደንꬅደ ጾዛ አማንዘ ኑስን ኑ አማንታ ጽሎትꬅ ማቂ ፋይድንቶደ ጋር ጻፍንትዳ።
ROM 4:25 ጾዚ ኤዛ ኑ ናጋርት ግሾ Ꮉይቆስ አꬂ እንግዳ፤ ኤ ኑና ጽልሳደስ Ꮉይቆፓ ደንድዳ።
ROM 5:1 ይኬ፥ ኑ አማኖራ ጽልደ ግሾ ኑ ላꬄ የሱስ ክርስቶሳ ባጋራ ጾዛራ ኑስ ሳሮትꬅ የነ።
ROM 5:2 ኑ ኤ ባጋራ Ꮉተ ኑ ኤቅደ አꬎ ኬሃትꬅተ አማኖራ ገልዳ። ይኒ ግሾ፥ ኑ ጾዘ ቦንቾ ኡፋይስተ ጬቅንታነ።
ROM 5:3 ይኖ ጻላላ ባይዝን ማꬋ ዳንዳአ ክእዛኖ ኑ ኤርዘ ግሾ ኑ ማꬍተን ጬቅንታነ።
ROM 5:4 ማህ ዳንዳአ ፋታና፥ ፋታናን ኡፋይስ እንግዛኖ ኑ ኤራነ።
ROM 5:5 ኑስ እንግደ ጌሽ አያና ባጋራ ጾዚ ፋ ሲቅቶ ኑ ዎዝንተ ጉስደ ግሾ ይና ኡፋይስታ ኑና ዬልዞስ።
ROM 5:6 ኑ Ꮉጋ ላቢዱንꬃና ማቂ የዝን፥ ጾዘ ዎደ የልን፥ ክርስቶሳ ናጋራንቹንꬅ ግሾ Ꮉይቂዳ።
ROM 5:7 ጽሎ አስ ግሾ Ꮉይቆደ አስ ደንጎዳና ዳማ ማꬋ፥ የዝን ሎኦ አስ ግሾ Ꮉይቆደ አስ ኦደ ኤርዘ በንትካይዛራ አቶስ።
ROM 5:8 የዝን ኑኒ Ꮉጋ ናጋራንቾ ማቂ የዝን፥ ክርስቶሳ ኑ ግሾ Ꮉይቂዳ። ይና ጾዚ ኑና አኮ ጋር ሲቅዛኮ ኤ ሲቅቶ ቤዛነ።
ROM 5:9 ይኬ፥ ኑኒ ክርስቶሳ ሱꬅተ ጽልደባዝ ማቅኮ፥ ኡባፓ አꬂ ኤ ባጋራ ጾዘ Ꮉንቆፓ አቶዳ።
ROM 5:10 ኑኒ ጾዛራ ሞርከ፥ የዝን ኤ ናአይ Ꮉይቅተ ኤራ ጊግዳ። ይንፓ አꬂ፥ Ꮉተ ኑኒ ጾዛራ ጊግደፓ ሱባ ኤ ናአይ ደኦ ምክናተራ ኑኒ አቶዳ።
ROM 5:11 ይኖ ጻላላ ባይዝን Ꮉተ ኑና ጾዛራ ጊግዝደ ኑ ላꬄ የሱስ ክርስቶሳ ባጋራ ኑ ጾዛላ ጬቅንታነ።
ROM 5:12 አዳማ ባጋራ ናጋራ Ꮉና አላምተ ገልዳ። ይና ናጋርት ባጋራ Ꮉይቆ ይእዳ። አስ ኡባ ናጋራ ኦችደ ግሾ Ꮉይቆ አስ ኮች ኡባ የልዳ።
ROM 5:13 ህገ እንግንቶዳንፓ ቲኖ አላመ ናጋራ የነ፥ የዝን ህገ ባይዘ ዎደ ናጋራ ናጋራ ማቂ ፋይድንቶስ።
ROM 5:14 የዝን አዳማፓ ሙሴ የሎደስ Ꮉይቆ አስ ኡባ አህዳ። መለ አቶ የዝን፥ አዳማ ህገስ ኪትንታንጽደ ግሾ፥ አዳማ ፋና ናጋራ ኦችካይዙንꬃላ አፋ Ꮉይቆ ካእትዳ። አዳማ ዮኦደስ የዘ የሱሳስ አዝዘ።
ROM 5:15 የዝን ጾዘ አꬎ ኬሃትꬅ አስ ናጋርት ፋና ባያ። ፈቲ አስ ናጋራ ባጋራ ጋማ አሱንꬅ Ꮉይቂዳ። የዝን የሱስ ክርስቶሳ ባጋራ ጾዘ አꬎ ኬሃትꬅ አስ ኡባስ ጋንꬅ እንግንትዳ።
ROM 5:16 አዳማ ናጋራ ግዳን ጾዘ እሞ ግዳ ጋማ ዱማትꬅ የነ። ፈቲ አስ ናጋራ ባጋራ ጾዚ ኤላ አፋ ፍርድዳ። የዝን አስ ጋማ ናጋራ ኦችንን ጾዘ አꬎ ከሃትꬅታ ጽሎትꬅ ክእዳ።
ROM 5:17 ፈቲ አስ ናጋራ ባጋራ Ꮉይቆ ካእትዳ። የዝን የሱስ ክርስቶሳ ባጋራ ጾዘ አꬎ ኬሃትꬅን ጽሎትꬅ እሞ ኤክዘ ኡቡንꬅ፥ ጋምዘ ደኦር የሳዳ።
ROM 5:18 ይኬ፥ ፈቲ አስ ናጋራ ኦችደ ባጋራ አስ ኡባላ ፍርዳ ይእዳን ፋና ፈቲ አስ ጽሎ ኦችደ ባጋራ፥ ጾዚ አስ ኡባ ጽልዚ ኡንትስ ደኦ እንጋነ።
ROM 5:19 ፈቲ አስ ኪትንታንጽ እጽደ ባጋራ፥ ጋማ አሱንꬅ ናጋራንቾ ማቅዳን ፋና ፈቲ አስ ኪትንተር ጋማ አስ ጽሎዳ።
ROM 5:20 አሱንꬅ ናጋራ ዎልቃ ኤሮደ ፋና ህገ ይእዳ፥ የዝን ናጋራ ዎልቃ ጋንግደ ዎደ ጾዘ አꬎ ኬሃትꬅ አꬊ ጋንግዳ።
ROM 5:21 ናጋራ Ꮉይቆ ዎልቃራ ካእትዳን ፋና ጾዘ አꬎ ኬሃትꬅ ጽሎትꬅ ዎልቃራ ካእት፥ ኑ ላꬄ የሱስ ክርስቶሳ ባጋራ ኑና መዽና ደኦጎ ካልꬃነ።
ROM 6:1 ዬዝን፥ ኑ ዋጋዉደ? ጾዘ አꬎ ከሃትꬅታ ጋንጎደ ፋና ናጋራራ ሚንግ የሳነ?
ROM 6:2 አቶ Ꮉኖስ፥ ኑኒ ናጋራስ Ꮉይቅደባዝ ማቅኮ፥ ዬዝን፥ ኑኒ ይኬፓ ዋይዝ ናጋራራ የሳደ?
ROM 6:3 ኑ ኡቡንꬅ ክርስቶሳ የሱሳራ ፈቶ ማቃደስ ጻማቅንትደ ዎደ ኤ Ꮉይቅተ ኤራ ዎላ ሞግንትዳ።
ROM 6:4 ኑ ጻማቅንትደ ዎደ ክርስቶሳራ Ꮉይቅዳነ ሞጉንትዳ። ክርስቶሳ ጾዘ አዳይ ቦንቾ ዎልቃራ Ꮉይቆፓ ደንድዳን ፋና ኑንን ክለ ደኦ የሳዳ።
ROM 6:5 ኑ ኤ Ꮉይቅተ ኤራ ፈቶ ማቅኮ፥ ይኒ ጋራን፥ ኤ ደንድተ ኤራ ፈቶ ማቃዳ።
ROM 6:6 ኑ ይኬፓ ናጋራስ አሮ ማቃመ ፋናን ኑ ናጋራንቾ አሳትꬅት ዎልቅታ ꬋቦደ ፋና ኑ ጋልአ አሳትꬅቶ ክርስቶሳራ ሱጽዳኖ ኤራነ።
ROM 6:7 ፈቲ አስ Ꮉይቅደባዝ ማቅኮ፥ ኤ ናጋራ ዎልቃፓ ዋሎ ከዛነ።
ROM 6:8 ኑኒ ክርስቶሳራ Ꮉይቅኮ፥ ኤራ ደኦ የሳዳኖ አማናነ።
ROM 6:9 ክርስቶሳ Ꮉይቆፓ ደንድደ ግሾ ማህ ኤ Ꮉይቆሳኖን Ꮉይቆ ቲኖስን ኤዛ አሆሳኖ ኑ ኤራነ።
ROM 6:10 ኤ Ꮉይቂደ ዎደ ናጋራስ ፈቲ ቶሄ ዉርሱꬅ የሎደስ Ꮉይቂዳ፥ የዝን Ꮉተ ደኦ ጾዝስ የነ።
ROM 6:11 ይኒ ፋናን፥ ይን ናጋራስ Ꮉይቂ፥ ላꬄ ክርስቶስ የሱሳ ባጋራ ጾዝስ ደኦ የዛኖ ቆፖተ።
ROM 6:12 ይኒ ግሾ፥ ይን፥ ይን አሳተꬅታ አሞስ ኪትንታመ ፋና Ꮉይቅዘ ይን አሳተꬅቶ ናጋራ አህፐ።
ROM 6:13 ማህ ይን አሳትꬅ ክፍልቶ ናጋራ ኦቾደስ ገነ ኦላ ሚሸ ማህ እንግፐተ። የዝን ይን Ꮉይቆፓ ደንዲ፥ ደኦ የዘ አስ ፋና ይን አሳተꬅቶ ጾዝስ እንጎተ። ማህ ይን ኩሙꬅ አሳተꬅቶ ጽሎ ኦላ ሚሸ ማህ ጾዝስ አꬂ እንጎተ።
ROM 6:14 ይን ጾዘ አꬎ ኬሃትꬅስ ኦሞራ የነፕ አትን ህገፓ ኦሞራ የዞሰ ግሾ ናጋራ ይንታና አሆደስ ቤዞስ።
ROM 6:15 ዬዝን፥ ኑ ዋጋዉደ? ህገፓ ኦሞራ ማቅካይዝን ጾዘ አꬎ ኬሃትꬃፓ ኦሞራ የዘ ግሾ ናጋራ ኦቾዳነ? ሙሎን Ꮉኖስ!
ROM 6:16 ይን ፈቲ አስስ ኪትንቶደስ ይንታና አሮ ማህ እንግኮ ይና ይን ኪትንትዘስ አሮ ማቅዛኖ ኤሮተ። ይኒ ጋራ፥ ይን ናጋራስ ኪትንትኮ፥ ይንትስ Ꮉይቆ ክእዘ ናጋራስ አሮ ማቃነ። ዎይ ይን ጾዝስ ኪትንትኮ ጽሎትꬅ ክእዘ ጾዝስ አሮ ማቃነ።
ROM 6:17 ዛጋ ይን ናጋራስ አሮ፥ የዝን Ꮉተ ይን ኤክደ ቱሪ ትምርተስ ኩሙꬅ ዎዝናፓ ኪትንትደ ግሾ ጾዝስ ጋላታ ማቀ።
ROM 6:18 ይን ናጋራ አሮትꬅ አቻፓ ብልንቲ ጽሎትꬅ አሮ ማቅዳ።
ROM 6:19 ይን ይን ቆፍተ ላበዙንꬃና ማቅደ ግሾ ታኒ ኦደስን ገልዘ ኦገራ ኦህነ። ዛጋ ይን፥ ይን አሳተꬅቶ ቱናን ኢታ ባዝ ኦቾደስ አሮ ማህ እንግዳን ፋና Ꮉተ ይን አሳተꬅ ክፍልቶ ጌሽ ማቃደ ፋና ጽሎተꬅ አሮ ማህ እንጎተ።
ROM 6:20 ይን ናጋራስ አሮ የዘ ዎደ ጽሎትꬅስ አቆስ።
ROM 6:21 ይንታና Ꮉተ ዬልዘ ዛጋ ይን ኢታ ኦችትፓ አኮ ማደ ደንግዶተ? ይና ኦችትስ ዉርሱꬅታ Ꮉይቆ።
ROM 6:22 የዝን ይን ናጋራ አሮትꬃፓ ብልንቲ፥ ጾዘ አሮ ማቅዳ። ይና ይንታና ጌሽ ማህ መዽና ደኦ ካልꬃነ።
ROM 6:23 ናጋራ ዳሞዘ Ꮉይቆ። የዝን ጾዘ፥ ኑ ላꬄ ክርስቶስ የሱሳ ባጋራ እንግዘ እሞትꬅታ መዽና ደኦ።
ROM 7:1 ታ እሹንꬆ፥ ታኒ ህገ ኤርዘ አሱንꬅስ ኦህነ። ህገ ፈቲ አስ ፋጻ የዘ ዎደ ኤዛ አህዛኖ ኤሮሶ?
ROM 7:2 አዝዘስ፥ አዝኒ ገልደ ማችታ እ አዝንዘ ፋጻ የዘ ዎደ ህገራ ኤዛራ አጭንትዳ። የዝን እ አዝንዘ Ꮉይቅኮ ኤዛራ እዛ አጭንትደ ጫቅታ እዞ አሆስ።
ROM 7:3 ይኒ ግሾ፥ እዛ ፋ አዝንዘ ፋጻ የዝን፥ መለ ꬊራꬅ ገልኮ፥ እዛ ላምዳ ጋእንታነ። የዝን እ አዝንዘ Ꮉይቅኮ፥ ጫቆ እዞ አሆሰ ግሾ እዛ መለ አዝኒ ገልኮ፥ እዛ ኦላልዳኖ ጋእንቶስ።
ROM 7:4 ይኒ ግሾ፥ ታ እሹንꬆ፥ ይን ክርስቶሳ አሾ ባጋራ ህገ ዎልቃስ Ꮉይቂ፥ ጾዝስ ኣፈ አፎደስ Ꮉይቆፓ ደንድደ ክርስቶሳስ ማቅዳ።
ROM 7:5 ኑ አሾ አሞ ኑና አህን፥ ኑ የዘ ዎደ ህገ ጉጂ ናጋራ ኦቾደ ጋር ኑና ደንꬅꬃነ። ኑ አሽቲ ግዳ ኢታ አሞትꬅ የዘ ግሾ ኑኒ Ꮉይቆ ኣፈ አፎደ ፋና ኦቻነ የሻ።
ROM 7:6 የዝን Ꮉተ ኑኒ ኑና አጭደ ህግትስ Ꮉይቅደ ግሾ ኑኒ ህገ አቻፓ ብልንትዳ። ይኒ ግሾ፥ ክለ አያናር ጾዝስ ኪትንታነፕ አትን ጻፍንትደ ጋልአ ህግትስ ኪትንቶስ።
ROM 7:7 ዬዝን፥ ኑኒ ዋጋዉደ? ህገ ናጋራነ? አደ! የዝን ህገ ናጋራ አኮ የዛኮ ታና ኤርስዳ። ህገ፥ «አሙꬍፐ» ጋይካይዛኮ፥ አሙ አኮ የዛኮ ታ ኤሮስ።
ROM 7:8 የዝን ታ ኡባ ባዝ አሙꬎደ ፋና ናጋራ ህገ ባጋራ ታ ግዳ ኦገ ደንግዳ። ህገ ባይዛኮ ናጋራ Ꮉይቂደ ባዝ።
ROM 7:9 ዛጋ ህገ ባይዘ ዎደ ታ ፋጻ፥ የዝን ህገ እንግንትደ ዎደ ናጋራ ፋጽን ታ Ꮉይቂዳ።
ROM 7:10 ታኒ ደኦ የሳደ ፋና ጾዚ እንግደ ህገ ታስ Ꮉይቆ ክእዳ።
ROM 7:11 ናጋራ ህገ ባጋራ ታና ጭምዘ ኦገ ደንግ፥ ዎꬍዳ።
ROM 7:12 ይኒ ግሾ፥ ህገ ጌሽ፤ እዘ ጻፍንትደ ኪታን ጌሽ፥ ጽሎን ሎኦ።
ROM 7:13 ዬዝን፥ ሎኦ ማቅደ ባዝ ታላ አፋ Ꮉይቆ ክእዳነ? አደ! የዝን ናጋራ ናጋራ ማቅዛና ቆንጮደ ፋና ሎኦ ባዛራ ማድንቲ ታስ Ꮉይቆ ክእዳ። ይኒ ግሾ፥ ናጋራ ናጋራ ማቅዳና ህገ ባጋራ አꬊ ኤርንትዳ።
ROM 7:14 ኑኒ ህገ አያናባዝ ማቅዛኖ ኤራነ። የዝን ታኒ ናጋራስ ባይዝንትደ አሾ አስ።
ROM 7:15 ታኒ ታ ኦችዛኖ ቲሮስ፤ ታኒ ካꬍዘባዝ ኦቾዳኖ አሺ ታ እጽዘባዝ ኦቻነ።
ROM 7:16 ታኒ እጽዘባዝ ኦችዘባዝ ማቅኮ፥ ህገ ሎኦ ማቅዛኖ ታ ማርክꬋነ።
ROM 7:17 ይኖ ማቅኮ፥ ይና ኦችቶ ታ ግዳ የዘ ናጋርታ ኦቻነፕ አትን ታ ኦቾስ።
ROM 7:18 ታ ግዳ፥ ይናን ታ አሽተ ሎኦ ባዝ ባዛኖ ኤራነ። ሎኦ ባዝ ኦችዘ አሞትꬅ ታ ግዳ የነ፥ የዝን ሎኦ ባዝ ኦቾደስ ዳንዳኦስ።
ROM 7:19 ታኒ እጽዘ ኢታ ባዝ ኦቻነፕ አትን ታ ካዽዘ ሎኦ ባዝ ኦቾስ።
ROM 7:20 ታኒ እጽዘባዝ ኦችዘባዝ ማቅኮ፥ ይና ታ ግዳ የዘ ናጋርታ ኦቻነፕ አትን ኦችዘ ታና ባያ።
ROM 7:21 ይኬ፥ ታ ሎኦ ባዝ ኦቾደስ ካꬍዝን፥ ኢታ ባዝ ኦችዛኖ ቤዝዘ ህገ ደንግዳ።
ROM 7:22 ታኒ ታ ዎዝንተ ጾዘ ዎግተ ኡፋይታነ።
ROM 7:23 የዝን ታ አሳትꬅተ የዛይ ታ ጉግተ የዘ ህገራ ኦልንትዘ ዱማ ህገ በእነ። የ ህግዘ ታ አሳትꬅተ ኦችዘ ናጋራ ህገስ ታና አሮ ማህ እንግዳ።
ROM 7:24 ታኒ ዋይዝ አላ ዎꬍደ አሶ? Ꮉይቆስ ካንግዘ Ꮉና አሳትꬅትፓ ታና አሾደ ኦደ?
ROM 7:25 ኑ ላꬄ የሱስ ክርስቶሳ ባጋራ ታና አሽዘ ጾዘስ ጋላታ ማቀ። ይኬ፥ ታኒ ታ ቆፍተ ጾዘ ህገስ አቃነ፤ የዝን ታ አሳትꬅተ ናጋራ ህገስ አቃነ።
ROM 8:1 ይኒ ግሾ፥ ክርስቶስ የሱሳራ የዙንꬅ Ꮉተ ፍርዳ ባያ።
ROM 8:2 ክርስቶስ የሱሳ ባጋራ ኑስ ደኦ እንግዘ ጌሽ አያና ህገ፥ ታና ናጋራን Ꮉይቆ ህገ አሮትꬃፓ ከስዳ።
ROM 8:3 ኑ ናጋራ አሳትꬅት ባጋራ፥ ህገ ለፕደ ግሾ ኑና አሾደስ ዳንዳእካያ። ጾዚ ፋ ናአያ ናጋራንቾ አሱንꬅስ አዝዝ ናጋራስ ዣርሾ ማቆደ ፋና ኪቲ ይኖ ኦችዳ። የይዝ፥ ጾዚ ክርስቶሳ አቶትꬅት ባጋራ፥ ናጋራ ፍርድ Ꮉስዳ።
ROM 8:4 ጾዚ ይኖ ኦችዳና፥ ኑ አሾ አሞ ኮይዛን ፋና ባይዝን ጌሽ አያና ኮይዛን ፋና የዘ ኑላ አፋ ህገ ጽሎ ኪታ ፎልንቶደ ፋና።
ROM 8:5 አሾ ቆፋር የዙንꬅ አሾባዝ ቆፓነ። የዝን ጌሽ አያና ቆፋር የዙንꬅ ጌሽ አያናባዝ ቆፓነ።
ROM 8:6 ኑ ቆፍታ አሾ አሞስ አቅኮ Ꮉይቆ ከእነ፥ የዝን አያናስ አቅኮ ደኦን ሳሮትꬅ ከእነ።
ROM 8:7 አሾ አሞስ አቅዘ አስ ጾዘ ህገስ ኪትንቶደስ ኮዮሰ ግሾን ኪትንቶደስ ዳንዳኦሰ ግሾ ጾዛራ ሞርከ።
ROM 8:8 አሾ አሞስ አቅዙንꬅ ጾዝ ኡፋይሶደስ ዳንዳኦስ።
ROM 8:9 የዝን ጾዘ አያና ይንታራ የዝኮ ይንታላ አቅኮ፥ ይን አያና ቆፋ የነፕ አትን ይን አሾ አሞስ አቆስ። ክርስቶስ አያና ባይዝን ኦንን ክርስቶሳስ ማቆስ።
ROM 8:10 የዝን ክርስቶሳ ይን ግዳ የዝኮ፥ ይን አሳትꬅታ ናጋራ ባጋራ Ꮉይቂዳኖ። የዝን ይን አያንዘ ጽሎትꬅ ባጋራ ደኦ የነ።
ROM 8:11 የዝን የሱሳ Ꮉይቆፓ ደንꬅደ ጾዘ አያና ይን ግዳ የዝኮ፥ ክርስቶሳ Ꮉይቆፓ ደንꬅደ ጾዚ፥ ይንታራ የዘ ፋ ጌሽ አያናራ Ꮉይቂደ ይን አሳትꬅትስ ደኦ እንጎዳ።
ROM 8:12 ይኬ፥ ታ እሹንꬆ ጋለ የነ፥ ኑኒ ኑ አሾ አሞ ካሊ የሳደስ ቤዞስ።
ROM 8:13 ይን፥ ይን አሾ አሞስ የዝኮ Ꮉይቆዳ፥ የዝን ጌሽ አያና ዎልቃራ ናጋራ ኦችቶ ዎꬍኮ ይን ደኦ የሳዳ።
ROM 8:14 ጾዘ አያና ካልዘ ኡቡንꬅ ጾዘ ናኡንꬃና።
ROM 8:15 ኑኒ፥ «አቦ፥ ታ አዳዮ» ያጋእ ጼግዘ፥ ጾዘ ናኡንꬃና ማህዘ ጌሽ አያና ኤክዳፕ አትን ማህ ዣሽሞራ የሳደስ አሮ ማህዘ አያና ኤክካያ።
ROM 8:16 ጾዘ አያና ኑ አያናራ ማቂ ኑኒ ጾዘ ናአ ማቅዛኖ ማርክꬋነ።
ROM 8:17 ኑኒ ኤ ናአ ማቅኮ ጾዛ ላቶዳ፤ ክርስቶሳራ ዎላ ይኖ ላቶዳ። ማህ ኑኒ ክርስቶሳራ ዋየ ኤክኮ ኤራ ዎላ ኤ ቦንችቶ ሻክንቶዳ።
ROM 8:18 ኑኒ Ꮉተ ዋይዘ ዋይቶ፥ ቲኖፓ ኑስ ቆንጮደ ቦንቾራ የልꬅ ብእኮ፥ ዎልክሳደስ ዳንዳእንቶስ ጋእ ቆፓነ።
ROM 8:19 መትꬅ ኡባ ጾዘ ናአ ቆንጭꬅቶ ጋማ አሙꬊ ካፋነ።
ROM 8:20 መትꬅ ኡባ Ꮉሪ ማቅዳ፤ ይናን፥ መትꬅታ ዶሮር ባይዝን ኡፋይሳራ ናጎደ ፋና ኦችደ ጾዘ ቆፋ Ꮉንዳ።
ROM 8:21 መትꬅ ፋ ኦምተ ꬋበ አሮትꬃፓ ኬዚ፥ ጾዘ ናኡንꬃራ ዋሎ ቦንቾ ግሽንቶዳ።
ROM 8:22 መትꬅ ዎላ Ꮉይኖ የሎደስ የሎ ꬋኤ አይክደ ማችት ፋና እንጽጸራን ኡንአራ የዛኖ ኑ ኤራነ።
ROM 8:23 ማህ ይኖ መትꬅት ጻላላ ባይዝን ጌሽ አያና እሞ ኤክደ ኑኒ፥ ኑ ኦምተ ኑ አሳትꬅትስ ዎዞ ማቅደ ጾዘ ናአ ማቅዘ ኡፋይስቶ ናግተራ ኑ አሳትꬅተ እንጽጻነ።
ROM 8:24 ይና ኡፋይስተ ኑኒ አትዳ። የዝን ኑኒ ኡፋይስ ኦችዘባዝ በንትዘ ባዝ ማቅኮ ይኖ ኦደ ኡፋይስ ኦችዘ?
ROM 8:25 የዝን ኑ ብእካይዘ ባዝ ደንጎደስ ጋእ ኡፋይሳራ ናግኮ ይኖ ዳንዳአራ ናጋነ።
ROM 8:26 ይኒ ጋር ጌሽ አያና ኑ ላብꬅተ ማዳነ። ኑኒ ጾዝ ዋይዝ ዎሶደስ ቤዝዛኮ ኤሮስ፥ የዝን ጌሽ አያና ፋ ኦምተ፥ አስ ኦሆደስ ዳንዳኦሰ ቃላር ኑስ ሾባነ።
ROM 8:27 ማህ አስ ዎዝና ኤርዘ ጾዘ ጌሽ አያና ቆፍታ አኮ የዛኮ ኤራነ። ጌሽ አያና ጾዘ ቆፍት ጋር ጌሹንꬅስ ሾባነ።
ROM 8:28 ጾዛ ሲቅዙንꬅስን ኤ ቆፍት ጋር ጼግንተዙንꬅስ ጾዚ ኡባ ባዝ ሎኦስ ኦችዛኖ ኑ ኤራነ።
ROM 8:29 ጾዛ ኤርዱንꬅ ፋ ናአያ አዞደ ፋናን ናአይን አማንዙንꬅ ግዳ አንግስ ማቃደ ፋና ኡንታና ዶሪ ጋድዳ።
ROM 8:30 ጾዚ ቲኖ ዶርዱንꬃና ጼግዳ፤ ጼግዱንꬃና ጽልዝዳ፤ ጽልዝዱንꬃና ማህ ቦንችዳ።
ROM 8:31 ዬዝን፥ ኑ Ꮉና ኡባንስ ዋጋዉደ? ጾዚ ኑ ባጋ ማቅኮ ኑና ኦደ እጾደ?
ROM 8:32 ኤ መለ አቶ የዝን፥ ፋ ናአይስ ይቅስንትካይዛራ፥ ኑ ግሾ አꬂ እንግዳ። ዬዝን፥ ፋ ናአያ ኑስ አꬂ እንግደ ዋይዝ ኤ ኡባ ባዝ ጨር እንጎሶ?
ROM 8:33 ጾዚ ዶርዱንꬃና ኦደ ሞቶደ? ጽልዘ ጾዚ ፍርድዘ ኦደ?
ROM 8:34 ዬዝን፥ ኡንታላ አፋ ፍርዶደስ ዳንዳእዘ ኦደ? ኦንን ባያ። Ꮉይቆፓ ደንዲ ጾዘ ምዛቅተ በትደ፥ ክርስቶስ የሱሳ፥ ኤ ኑስ ሾባነ።
ROM 8:35 ይኬ፥ ኑና ክርስቶሳ ሲቆፓ ሻጎደ ኦደ? ዋየነ ዎይ ማꬋነ ዎይ ባይኤነ ዎይ ናየ ዎይ ካሎትꬆነ ዎይ ዣሽሞነ ዎይ ኦላነ?
ROM 8:36 ጌሽ ማጻፍተ፥ «ኑኒ ነ ግሾ አዋራ ኩሙꬅ Ꮉይቃነ፤ ሹፎስ ካንግዘ ዱሮ ፋና ፋይድንትዳ» ጋእንት ጻፍንትደ ፋና ማቅዳ።
ROM 8:37 የዝን ኑኒ Ꮉነ ኡባ፥ ኑና ሲቅዘ ክርስቶሳራ ጋምዙንꬃፓ አꬋነ።
ROM 8:38 ይኒ ግሾ፥ Ꮉይቆ ማቅን ደኦ ማቅን ኪታንቹንꬃና ማቅን አህዙንꬃና ማቅን Ꮉተ የዛያ ማቅን ቲኖፓ ዮኦዳያ ማቅን ዎልቃሙንꬃና ማቅን፥
ROM 8:39 ꬎቃ ማቅን ዝቃ ማቅን አኮ መትꬅ ማቅን ኑ ላꬄ፥ ክርስቶስ የሱሳራ የዘ ጾዘ ሲቆፓ ኑና ሻኮደስ ዳንዳኦሳኖ ታኒ ኤርዳ።
ROM 9:1 ታኒ ክርስቶሳር ቱሮ ኦህነ፥ ዎርድꬎስ። ጌሽ አያና ካልꬅዘ ታ ዎዝንታ ታኒ ዎርድꬎኦሳኖ ታስ ማርክꬋነ።
ROM 9:2 ታ ዎዝንተ እስራኤሉንꬅስ ጋማ አዛኖን አሾሰ ዋየ ታ ግዳ የነ።
ROM 9:3 ታኒ፥ ታ እሹንꬅን ታ እግኑንꬅ ግሾ ክርስቶሳፓ ሻክንት ጾዘ ባድꬃፓ ኦሞራ የዘዛኮ ካꬋነ።
ROM 9:4 ኡንትን እስራኤሉንꬃና፥ ጾዚ ኡንታና ፋ ናኡንꬃና ማህዳ፥ ፋ ቦንችቶ ኡንትስ ቆንጭዝዳ። ኡንታራ ጫቂዳ፤ ህገ ኡንትስ እንግዳ። ኡን ጾዝ ጎይኖደ ቱሪ ኦገ ቤዝዳ፤ ጾዚ ኡፋይስ ቃላ ኡንትስ እንግዳ።
ROM 9:5 ኡን የልንተራ ማይዙንꬅ ኮች፤ ማህ ክርስቶሳ አሾራ ኡን ኮች ማቂ ይእዳ። ኡባፓ ካታራ ማቅደ ጾዘ መꬍናስ አንጅንትዳ። አምንኤ!
ROM 9:6 የዝን፥ ጾዘ ቃልታ ሻርንትዳ ጋኤ ባያ። እስራኤለፓ ይእደ ኡባ ቱሪ እስራኤለ ማቆስ።
ROM 9:7 ማህ አብራሃማ ኮች ኡባ አብራሃማ ናአ ማቆስ። ጾዚ አብራሃማስ፥ «ነ ዛርታ ይሳቃ ባጋራ ጼግንቶዳ» ያጋይዳ።
ROM 9:8 ይኖ ጋዛና አሾራ የልንትደ ናአ ኡቡንꬅ ጾዝ ናአ ማቆስ። የዝን ቱሪ እስራኤለ ናአ ጾዚ አብራሃማስ ገልደ ቃልት ጋር የልንትደ ናአ።
ROM 9:9 ያጋዛኖ። ጾዚ እንጎዳ ጋእ ገልደ ቃልታ፥ «ታኒ ዎንꬅ በረ Ꮉኒ ዎደ ዮኦዳ፤ ሳራን ꬊራꬅ ናአ የሎዳ»
ROM 9:10 ይኖ ጻላላ ባይዝን እርቢቃ ፈቲ ኑ አዳይ ይሳቃፓ መንተ ናኡንꬃና ዎዳጽደ ዎደ፥
ROM 9:11 ኡን የልንቶደፓ ኢታ ዎይ ሎኦ ኦቾደፓ ቲኖ ኦቻራ ባይዝን ዶረር ማቅዘ ጾዘ ቆፍታ ምንጎደ ፋና፥
ROM 9:12 «አንግሰ ጌዘስ ኪትንቶዳ» ያጋእ ላꬂ እርቢቃስ ኦህዳ።
ROM 9:13 ጋእንት ጻፍንትዳ። ይናን ጌሽ ማጻፍተ፥ «ያይቆባ ካꬍዳ፥ ኤሳዎ እጽዳ»
ROM 9:14 ዬዝን፥ ኑ ዋጋዉደ? ጾዚ ፍርዳ ደሽዛነ? አደ።
ROM 9:15 ላꬂ ሙሴጎ፥ «ታ ማሮደስ ኮይዱንꬃና ማሮዳ፤ ታ ይቅስንቶደስ ኮይዱንꬅስ ይቅስንቶዳ» ያጋይዳ።
ROM 9:16 ይኬ፥ ጾዘ ዶረ አስ ቆፋ ዎይ ኦቻራ ባይዝን ኤ ማሮትꬅተ።
ROM 9:17 ጌሽ ማጻፍተ፥ ግብጸ ካትዘጎ፥ «ታኒ፥ ታ ዎልቅቶ ኔላ ቤዞደስን ታ ሱንꬅታ አላመ ኡባ ግዳ ኤርንቶደ ፋና ይንስ ነና ካእትዝዳ» ጋእንት ጻፍንትዳ።
ROM 9:18 ይኬ፥ ጾዚ ማሮደስ ኮይዛያ ማራነ፤ ዎዝንቶ ሙምሳደስ ኮይዛይ ዎዝንቶ ሙምዛነ።
ROM 9:19 ይንታፓ ፈታይ፥ «ዬዝን፥ ጾዝ አስ ኢታ ኦቻ ግሾ አኮስ ቦረ? ጾዘ ቆፍቶ አቶ ጋዉደ ኦደ?» ጋእ ኦጮደስ ዳንዳአነ።
ROM 9:20 የዝን ታ እሻዮ፥ ጾዛራ ላሎደስ ነ ኦደ? ሎቃፓ መꬍንትደ ሚሸ ፋና መꬍደጎ፥ «ታና Ꮉኒ ጋር ኦቺ አኮስ መꬍዶ?» ጋእ ኦጮደስ ዳንዳአነ?
ROM 9:21 ዎይ ሎቃ መꬍዳይ ፈቲ ሎቃፓ ፈታያ ቦንቾ ሚሸ፥ Ꮉንካያ ማህ ቦረ ሚሸ ማህ መꬎደስ አደትꬅ ዎልቃ ባያ?
ROM 9:22 ጾዚ ፋ ካችቶ ቤዞደስ ፋ ዎልቅቶ ኤርሶደስ ኮይ፥ ፍርዳስ ጊግደ Ꮉንቆ ናኡንꬃና ጋማ ገንጨራ ዳንዳኤዛኮ ነ አኮ ኤረ?
ROM 9:23 ይኖ ኤ ኦችዳና ቲኒ ቦንቾስ ጊግዝደ፥ ፋ ዶርደ ናኡንꬅስ ፋ ቦንችቶ ቆንጭሳደስ።
ROM 9:24 አይሁዱንꬃና ጻላላ ማቅካይዝን፥ አይሁደ ማቆሰ ኑንን ጾዛራ ዶርንትዳ።
ROM 9:25 ናበ ሆሴዕ ማጻፍተ፥ «ታ አስ ማቅካይዙንꬃና፥ ታ አስ ጋእ ጼጎዳ። ታ ሲቅካይዘ ዎርዥቶ፥ ‹ሲቅንትዱንꬃና› ጋእ ጼጎዳ።
ROM 9:26 ኡን፥ ‹ታ ዎርዣ ባያ› ጋእንት ጼግንትደ በስተ፥ ‹ደኦ ጾዘ ናአ› ጋእንት ጼግንቶዳ» ያጋይዳ።
ROM 9:27 ናበ ኢሳያሳ እስራኤለ አሱንꬅባዝ፥ «እስራኤለ አሱንꬅ አባ ጋጻ የዘ ሻፈ ፋና ጋንግኮን፥ ኡንታፓ ኤራꬅ አሱንꬅ ጻላላ አቶዳ።
ROM 9:28 ይና ሳአላ አፋ ኤልሲ ፎልንቶዳ።»
ROM 9:29 ማህ ኢሳያሳ፥ «ኡባፓ ዎልቃማ ላꬄ ኑስ ኤራꬅ ኮች አሽካይዛኮ፥ ኑኒ ሶዶማን ጋሞራ ካታማ ፋና ꬋቦድ የሻ» ያጋእ ቲኒ ኦህዳ።
ROM 9:30 ዬዝን፥ ኑ ዋጋዉደ? ጽሎትꬅ ካሎሰ አይሁደ ማቆሰ አሱንꬅ አማኖራ ጽሎትꬅ ደንግዳ።
ROM 9:31 የዝን ጽሎትꬃጎ የልꬅዘ ህገ የዘ እስራኤለ አሱንꬅ ጽሎትꬅ ደንግካያ።
ROM 9:32 አኮስ ደንጋንጽዶ? ኡን ጽሎትꬅታ አማኖራ ባይዝን ኦቻራ ኤኮደስ ኮይደ ግሾስ። የይዘ ግሾ፥ ኡን፥ «ꬉቢዘ ሹቻራ» ꬉብንትዳ።
ROM 9:33 ጌሽ ማጻፍተ፥ ቦኦተ «ታኒ ጽዮነ ꬉቢዘ ሹችን ላላን ጋዶዳ። ኤዛ አማንዘ ኦንን ዬልꬎኦስ» ጋእንት ጻፍንትዳ።
ROM 10:1 ታ እሹንꬆ፥ ታ ኩሙꬅ ዎዝንተ ታ አሙꬍዛናን ጾዝ ዎስዛና እስራኤለ አቶደ ፋና።
ROM 10:2 ኡን ጾዝስ ምሽንታነ የዝን፥ ቱሪ ኤራትꬃፓ ምሽንቶሳኖ ታ ማርክꬋነ።
ROM 10:3 ኡን ጾዘ ጽሎትꬅ ኦግቶ ኤራንጺ እጺ፥ ፋ ኦማ ጽሎትꬅ ካልዳፕ አትን ጾዘ ጽሎትꬅ ኮይካያ።
ROM 10:4 አስ ኡባ አማኖራ ጽሎደ ፋና ክርስቶሳ ህገ ፎልዳ።
ROM 10:5 አስ ህገ ናጊ ኤክዘ ጽሎትꬅባዝ ሙሴ ጻፍተራ፥ «ህገ ናግዘ ኦንን ይና ህግቶ ናጊ ደኦ የዛነ» ያጋይዳ።
ROM 10:6 የዝን አማኖራ ኤክዘ ጽሎትꬅባዝ ጋእንትዳና Ꮉኖ፦ «ነ ዎዝንተ፥ ‹ኦኒ ሳሎ ኬሳደ?› ያጋእፐ፤ ይና ክርስቶሳ ዎዺሳደስ።
ROM 10:7 ዎይ፥ ‹ሱለ ሳአ ኦሞ ዎꬎደ ኦደ?› ጋእፐ፤ ይና ክርስቶሳ ቦዛፓ ኬሶደስ።
ROM 10:8 የዝን ያጋእ ጻፍንትዳ፦ ‹ቃላ ነ ካለ፤ ነ ዶንተ ነ ዎዝንተ የነ› ኑኒ ይንትስ ኦህዘ አማኖ ቃልታ Ꮉኖ።
ROM 10:9 «የሱሳ ላꬂ» ጋእ ነ ዶንተ ማርክꬍኮ ጾዚ ኤዛ Ꮉይቆፓ ደንꬅዳኖ ነ ዎዝንተ አማንኮ፥ ነ አቶዳ።
ROM 10:10 አስ ፋ ዎዝንተ አማኒ ጽላነ፤ ፋ ዶንተ ማርክꬊ አታነ።
ROM 10:11 ጌሽ ማጻፍተ፥ «ኤዛ አማንዘ ኦንን ዬልꬎኦስ» ያጋይዳ።
ROM 10:12 ፈቲ ጾዘ ኡቡንꬅ ላꬂ ማቅደ ግሾ አይሁዱንꬃና ማቅን አይሁደ ማቆሰ አሱንꬅ ግዳ ዱማትꬅ ባያ። ኤ ፋና ጼግዘ ኡቡንꬅስ ፋ አንጅቶ ጋንꬂ እንጋነ።
ROM 10:13 «ላꬄ ሱንꬅቶ ጼግዘ ኦንን አቶዳ።»
ROM 10:14 ዬዝን፥ ኡን አማኖሳራ ዋይዝ ኤዛ ጼጎደስ ዳንዳኤ? ኡን ኤ ባዝ ስእካይዛራ ዋይዝ ኤዛ አማኖደስ ዳንዳኤ? ማህ ኡንትስ ቃላ ኦህዘ አስ ባይዝን፥ ዋይዝ ኤዛ ስኦደስ ዳንዳኤ?
ROM 10:15 ኪትንትደ አስ ባይዝን፥ ቃላ ዋይዝ ኦህንቶደስ ዳንዳኤ? ጌሽ ማጻፍተ፥ «ኡፋይስ ዎንገለ ኦህዘ አሱንꬅ ቶህታ ዋይዝ ሎኦ የሳ!» ያጋእ ጻፍንትዳ።
ROM 10:16 የዝን ኢሳያሳ፥ «ላꬆ፥ ኑ ማርካትꬅቶ ኦደ አማንዶ?» ያጋእዳን ፋና፥ ኡቡንꬅ ዎንገለ አማንካያ።
ROM 10:17 ይኒ ግሾ፥ አማኖ ስሳፓ የእነ፤ ስእዛናን ክርስቶሳ ቃላፓ የእነ።
ROM 10:18 ማቆ የዝን፥ እስራኤለ አሱንꬅ ቃላ ስእካያ ጋኤነ? አደ ስእዳ። ጌሽ ማጻፍተ፥ «ኡን ኦꬅታ ሳአ ኡባ ስንትዳ፥ ኡን ቃልታ ሳአ ጋጻ የልዳ» ያጋይዳ።
ROM 10:19 የዝን እስራኤለ አሱንꬅ ኤርካያ ጋኤነ? ሙሴ ዛጋ፥ «ታኒ ይንታና ለቅንትደ አሱንꬃራ ቂሪሳዳ፤ ማህ ኤያ አሱንꬃራ ይንታና ዥልሳዳ» ያጋይዳ።
ROM 10:20 ማህ ኢሳያሳ፥ «ታና ኮይካይዘ አሱንꬅስ በንትዳ፤ ታና ኦጭካይዘ አሱንꬅስ ቆንጭዳ» ያጋእ ዣሽትካይዛራ ኦህዳ።
ROM 10:21 የዝን እስራኤለ ባዝ ኦህተራ፥ «ኡባ ቃማ ኪትንቶሰ አሱንꬅስን ታና እጽዘ አሱንꬅስ ታ ኩሽቶ ምጭዳ» ያጋይዳ።
ROM 11:1 አነ ታ ኦጮ፦ ዬዝን፥ ጾዚ ፋ አሱንꬃና ኦልዳነ? ኦልካያ! ታኒ ታ ኦምተ እስራኤለ፤ አብራሃማ ኮች፤ ብንያመ ኮች።
ROM 11:2 ጾዚ ቲኖ ዶርደ ፋ አሱንꬃና ኦልካያ። ጌሽ ማጻፍተ፥ ኤልያሳ እስራኤሉንꬃና ጾዘ ቲኖ ዋይዝ ሞተዛኮ፥ ይን ኤሮሶ?
ROM 11:3 ኤልያሳ፥ «ላꬆ፥ ኡን ነ ናቡንꬃና ዎꬍዳ፥ ነ ዣርሾ በስቶን ላልዳ። ታ ታ ጻላላ አትዳ፤ ኡን ታናን ዎꬎደስ ኮያነ» ያጋይዳ።
ROM 11:4 ጾዚ ኤስ ዋጋእ ማህዶ? «ባኣለ ኤቃስ ጎይንካይዘ ላፑን ሙኩል አሱንꬃና ታስ አሽዳ» ያጋይዳ።
ROM 11:5 ይኒ ጋራን፥ Ꮉና ዎድተ ጾዚ ፋ አꬎ ኬሃትꬅተ ዶርዱንꬃፓ አትደ (እስራኤሉንꬅ) የነ።
ROM 11:6 ኤ ኡንታና ዶርደ ፋ አꬎ ኬሃትꬅተፕ አትን ኡን ኦቻራ ባያ። ዶረ ኦቻራ ማቅኮ፥ ኤ አꬎ ከሃትꬅታ አꬎ ኬሃትꬅ ማቆስ።
ROM 11:7 ዬዝን፥ ዋይዶ? እስራኤለ ፋ ኮይዛኖ ደንግካያ፥ የዝን ጾዚ ዶርዱንꬂ ደንግዳ። አትዱንꬅ ፋ ዎዝንቶ ሙምዝዳ።
ROM 11:8 የዝን፥ ጌሽ ማጻፍተ፥ «ኡን ፋ ኣፍተ በአመ ፋና ፋ Ꮉይተ ስአመ ፋና፥ Ꮉኖ የሎደስ ኡንትስ ጾዚ ዶጭዘ አያና እንግዳ» ጋእንት ጻፍንትደ ጋር Ꮉንዳ።
ROM 11:9 ማህ ዳዉተ፥ «ኡን ሙእዘ ጋብታ ኡንታና ጽኬ ፋና አይኮ፤ ኡንታና ጎልእዘ ጋጋ ማቆ፤ ኡን ኢታትꬅታ ኡንታና የሎ።
ROM 11:10 ኡን በአመ ፋና ኡን ኣፍታ ጎዝንቶ፤ ኡባ ዎደ ዋየፓ ደንድ ይን ባንታ ኩኒ የዞ» ያጋይዳ።
ROM 11:11 ዬዝን፥ አይሁዱንꬅ ማህ ደንዳመ ፋና ጎልእዳነ? ባያ! ኡን ጎልእታ አይሁደ ማቆሰ አሱንꬅ አቶደ ፋና ምክናተ ማቅዳ። ይናን አይሁዱንꬅ ኡንታላ አፋ ቃናኦደ ፋና ኦችዳ።
ROM 11:12 አይሁዱꬅ ናጋርታ አላምትስ ጋማ አንጆ ክእዳ፤ ማህ ኡን ጎልእታ አይሁደ ማቆሰ አሱንꬅስ ጋማ አንጆ ማቅዳ። ዬዝን፥ ዶርንትደ አይሁዱንꬅ ኩሙꬅ አትዘ ዎደ አንጆ አኮ ፋና ጋንጎድ የሻ!
ROM 11:13 ታኒ፥ Ꮉተ ይንትስ አይሁደ ማቆሰ አሱንꬅስ ኦህነ። አይሁደ ማቆሰ አሱንꬅ ሐዋረ ማቂ ኦችዛነ ታኒ ጋማ ጬቅንታነ።
ROM 11:14 ታ ይኖ ኦችዳና ታስ አሾ ኮች ማቅዘ እስራኤሉንꬃና ቂርዝዳና ኡንታፓ ኤራꬅቶ አሾደስ።
ROM 11:15 ጾዚ ኡንታና ኦሊ አሽደ ዎደ Ꮉና አላምታ ጾዛራ ጊግዳ። ጾዚ ኡንታና ሺሺ ኤክዘ ዎደ Ꮉይቅደ አስ Ꮉይቆፓ ደንድዘ ፋና ማቅዳ።
ROM 11:16 ቲኖ ምንጻ ኣፍዘ ጾዝስ ዣርሽንትደ ጌሽ ማቅኮ፥ ሙሎ ምንጻ አፍታን ጌሽ። ምንጻዘስ ጻጵታ ጌሽ ማቅኮ፥ ዣንግታን ጌሽ።
ROM 11:17 ጋደ ቱክደ ሻማሄ ዣንገ ማቅደ አይሁዱንꬅ መቂኮ፥ ይን ጉርደ ዶልደ ሻማሄ ዣንገ ማቅዘ አይሁደ ማቆሱንꬅን ኡን በሳ ꬋንꬅንቲ ኡን ኣፈ አንጅቶን ዱረትꬅቶ ሻክንትዳ።
ROM 11:18 ይኬ፥ ይን ዣንገ ፋና ሳርፍንቲ ዎꬍደ አይሁዱንꬃላ አፋ ኡቱርትፐተ። ይን ኡቱርትዘ ባዝ ማቅኮ፥ ጻጶ ይንታና ቶክዳፕ አትን ይን ጻጶ ቶኮሳኖ ቆፖተ።
ROM 11:19 ኔኒ፥ «ይኬ ታ ኡን በስተ ገሎደ ፋና» ጋእ ቆፖዳ።
ROM 11:20 ይና ቱሮ። ኡን አማንካይዘ ግሾ ሳርፍንትዳ። ነ አማንደ ግሾ ይና በስተ ኤቅዳ። ነ ዣሽቶደስ ቤዛነፕ አትን ኡቱርቶደስ ቤዞስ።
ROM 11:21 ጾዚ መꬎ ዣንገ ማቅዘ አይሁዱንꬅስ ይቅስንታንጽኮ ይንትስን ይቅስንቶስ።
ROM 11:22 ይኬ፥ ጾዚ አኮ ጋር ዳልጋን አኮ ጋር ዣሽዛኮ ቦኦ። ኤ ዣሽዛና ኪትንቶሱንꬃላ፥ ማህ ኤ ዳልጋትꬅታ ይን አማኒ ሚንግ ኤቅኮ ይንትስ። ሚንግ ኤቃንጽኮ ይንትን ሳርፍንቶዳ።
ROM 11:23 አይሁዱንꬅ አማንኮ፥ ዛጋ የዘ በስተ ማቃዳ። ጾዚ ኡንታና ማህ፥ ገልꬆደስ ዳንዳአነ።
ROM 11:24 ይንታና ጉርደ የዘ ሻማሄ ማቅደ አይሁደ ማቅካይዙንꬃና ጋቺ፥ ጋደ ቱክደ ሻማሄላ አፋ ይንታና ꬋንꬅኮ፥ መꬎ ጋደ ሻማሄ ማቅደ አይሁዱንꬃና ፋ ቲኖ በሳ ማህ ቱኮደስ ዋይዝ ዳንዳእንቶሳ?
ROM 11:25 ታ እሹንꬆ፥ ይን ይንታና ኤራንቻ ጋእ ጬቅንትፐተ። ታ ይንትስ ኦህዘ ፈቲ ሳዛ ቆፋ የነ። ይናን እስራኤሉንꬅ ስአንጽ እጽዳና ዉርሱꬅ የሎደስ ማቅካይዝን አቶደስ የዘ አይሁደ ማቆሰ አሱንꬅ ኩሙꬅ ጾዛጎ የኦደ ዎንꬅስ።
ROM 11:26 ይኒ ጋር፥ እስራኤለ አሱንꬅ ኡባና አቶዳ። ጌሽ ማጻፍተ፥ «ኑና አሽዛይ ጽዮነፓ ዮኦዳ፤ ያይቆባ ኮቻፓ ኢታ ኡባ Ꮉሶዳ።
ROM 11:27 ታኒ ኡን ናጋርቶ አቶ ጋዘ ዎደ ኡንታራ ገልዘ ጫቅታ Ꮉኖ» ጋእንት ጻፍንትዳ።
ROM 11:28 አይሁዱንꬅ ዎንገለ ኤካንጽደ ግሾ ይንታራ ሞርከ። ማቆየዝን፥ Ꮉተን ኡን ዶርንትደ ግሾን፥ ጾዚ ኡን አዱንꬅ ግሾ ኡንታና ካꬋነ።
ROM 11:29 ጾዚ ፋ እሞተን ፋ ጼግተን ቂርꬎስ።
ROM 11:30 ይን አይሁደ ማቆሱንꬅ ዛጋ ጾዝስ ኪትንትካያ። የዝን Ꮉተ አይሁዱንꬅ ኪትንታንጽ እጽን፥ ይን ጾዘ ማሮትꬅቶ ኤክዳ።
ROM 11:31 ይኒ ጋር፥ ይን ኤክደ ማሮትꬅቶ አይሁዱንꬅ ኤኮደ ፋና Ꮉተ ጾዝስ ኪትንታንጽ እጽዳ።
ROM 11:32 ጾዚ አስ ኡቡንꬅስ ፋ ማሮትꬅቶ ቤዞደስ ኮይ፥ አስ ኡባ ኪትንቶሱንꬃና ጋእ ፋይድዳ።
ROM 11:33 ጾዘ ዱረትꬅ፥ ጭንጫትꬅን ኤራትꬅ ቆፒ ኦሆደ ኦደ? ኤ ፍርድታ ቁርችንቶስ፥ ኤ ኦግታ ኤርንቶስ።
ROM 11:34 ጌሽ ማጻፍተ፥ «ላꬄ ቆፋ ኤርዘ ኦደ? ኤዛ ዞሮደስ ዳንዳእዘ ኦደ?
ROM 11:35 ጾዝስ ታልእዘን ታልእዳኖ ማህ ኤክዘ ኦደ?» ያጋይዳ።
ROM 11:36 ኡባና ኤፓ፤ ኤራን ኤስ። ኤስ መꬍናስ ቦንቾ ማቀ። አምንኤ።
ROM 12:1 ይኬ፥ ታ እሹንꬆ፥ ጾዛ ኡፋይስዘ፥ ደኦን ጌሽ ዣርሾ ማህ፥ ይን ጋልቶ ሺሾደ ፋና ታኒ ይንታና ጾዘ ማሮትꬅተ ዎሳነ። ይናን ጾዛ ይን ጎይኖደስ ቤዝዘ ቱሪ ኦገ።
ROM 12:2 ሎኦ፥ ኡፋይስዘን ፎሎ ማቅደ ጾዘ ቆፋ ሻኪ ኤሮደስ ይን ዎዝንተ ላምንቶተፕ አትን Ꮉና አላምቶ አዝፐተ።
ROM 12:3 ጾዚ ይን ፈታይስ ፈታይስ እንግደ አማንቲ ፋና ዎዝናማ አስ ፋና ቆፖተ። ቆፖደስ ቤዝዛንፓ አꬂ ይንታና ዱሙዚ፥ ኡቱራራ ቆፕፐተ ጋእ ታስ እንግንትደ አꬎ ኬሃትꬅተ ይንትስ ኦህነ።
ROM 12:4 ኑ ፈቲ ጋልቲ ግዳ ዱማ ዱማ ብልቱንꬅ የነ፤ ይና ዱማ ዱማ ብልቱንꬅስ ዱማ ዱማ ኦቻ የነ።
ROM 12:5 ይኒ ጋር፥ ኑኒ ጋማ አስ ማቅኮን ክርስቶሳራ ፈቲ ጋላ ማቅዳ። ኑኒ ፈቲ ጋላ ማቂ ዱማ ዱማ ብልተ ፈታይ ፈታይራ አይክንትዳ።
ROM 12:6 ኑስ እንግንትደ አꬎ ኬሃትꬅተ ዱማ ዱማ እሞ የነ። ኑ እሞታ ትንቢተ ኦሄ ማቅኮ፥ ኑስ የዘ አማንቲ ጋር ኦሆደስ ቤዛነ።
ROM 12:7 ኑ እሞታ መሉንꬃና ማደ ማቅኮ፥ ይና ኦችተ ምንጎደስ ቤዛነ፤ ታማርሰ ማቅኮ፥ ይና ታማርስተ ምንጎደስ ቤዛነ።
ROM 12:8 ኑ እሞታ መሉንꬃና ምንꬅ ማቅኮ፥ ሚንግ ምንꬅꬆደስ ቤዛነ። ኑ እሞታ ኑስ የዘ ባዛፓ መሉንꬅስ እንገ ማቅኮ፥ ዎዝናፓ እንጎደስ ቤዛነ። ኑ እሞታ አሄ ማቅኮ፥ ሚንግ አሆደስ ቤዛነ። ኑ እሞታ መሉንꬅስ ኬሄ ማቅኮ፥ ኡፋይሳራ ኬሆደስ ቤዛነ።
ROM 12:9 ይን ሲቅታ አፉራፓ ካታራ ማቆደስ ቤዞስ። ኢታ ባዝ እጾተ፤ ሎኦ ባዝ ምንꬂ አይኮተ።
ROM 12:10 ፈታይ ፋታይራ እሸ ፋና ሲቅንቶተ፤ ፈታይ ፈታያ ቦንቾተ።
ROM 12:11 አዛልእፐተ፤ ይን አያናር ሚንግ ላꬅስ ኦቾተ።
ROM 12:12 ጾዚ እንግደ ኡፋይሳራ ኡፋይቶተ፤ ማꬋ ዳንዳኦተ፤ ኡባ ዎደ ጾዝ ዎሶተ።
ROM 12:13 አማንዘ ጌሹንꬃና ኮሽዘ ባዛራ ማዶተ፤ ዛቆ ሞኮተ።
ROM 12:14 ይንታና ባይእዙንꬃና አንጆተ፤ አንጆተፕ አትን ባድፐተ።
ROM 12:15 ኡፋይትዙንꬃራ ኡፋይቶተ፤ ዬክዙንꬃራ ዬኮተ።
ROM 12:16 ፈታይ ፈታይራ ፈቲ ቆፍተ የዞተ። ኡቱራ ቆፋ አሺ፥ ይንታና ዝቂ ዪዚ፥ አዳ አሱንꬃራ ዎላ የዞተ። ይን ይንታና ኤራ ጋእ ቆፕፐተ።
ROM 12:17 ኦደን ይንትስ ኢታ ባዝ ኦችኮ፥ የ አꬄስ ኢታ ማህፐተ። አስ ኡባ ቲኖ ናሽዘ ሎኦ ኦቻ ኦቾተ።
ROM 12:18 ዳንዳእንትኮ አስ ኡባራ ሳሮ የሳደስ ይንትስ ዳንዳእንትዛኖ ኡባ ኦቾተ።
ROM 12:19 ታ እሹንꬆ፥ ይን፥ ይን ኦምተ አስስ ቅመ ማህፐተ። ጾዚ ቅመ ማሆደ ፋና ኤስ አሾተ። ጌሽ ማጻፍተ፥ «ታኒ ቅመ ማሆዳ፤ ታኒ ኩሽቶ ማሆዳ» ያጋነ ላꬂ፥ ጋእንት ጻፍንትዳ።
ROM 12:20 የዝን ጌሽ ማጻፍተ፥ «ነ ሞርክዛያ ናይꬍኮ ሙዞ፤ ኤ ባርꬍኮ ኡሾ። ነ ይኖ ኦችኮ ኤ ኦምተ ታማ ቃቃ ጉሳነ» ጋእንት ጻፍንትዳ።
ROM 12:21 ኢታ ሎኦር ጋሞተፕ አትን ኢታራ ጋምንትፐ።
ROM 13:1 ጾዘ ቆፋ ባይዝን አደትꬅ ዎልቃ እንግንቶሰ ግሾን Ꮉተ የዘ ሹሙንꬅን ጾዘ ቆፋራ ሹሙንትደ ግሾ አስ ኡባ ዎርዣ አህዙንꬅስ ኪትንቶደስ ቤዛነ።
ROM 13:2 ይኒ ግሾ፥ አደትꬅ ዎልቃራ የዙንꬅስ ኪትንታንጽ እጽዘ ኦንን ጾዘ ኪታ እጻነ። ኪትንታንጽ እጽዘ ኦንን ፋላ አፋ ፍርዳ ከእነ።
ROM 13:3 አህዙንꬂ ኢታ ኦችዙንꬃና ፋትን ሎኦ ኦችዙንꬃና ዣሾስ። አህዙንꬅስ ዣሽታንጾደስ ኮያነ? ዬዛኮ ሎኦ ኦቾ፤ ኡን ነና ጋላቶዳ።
ROM 13:4 ኡን ሎኦ ባዝ ኦቾደስ ሹሙንትደ ጾዘ አሮ። የዝን ነ ኢታ ባዝ ኦችኮ፥ ኡን ኢታ ባዝ ኦችዛ ሴርዘ ማሻ አይክደ ግሾ ኡንትስ ዣሽቶ። ኡን ኢታ ኦችዙንꬃና ሴሪ፥ ጾዘ Ꮉንቆ ቆንጭዘ ጾዘ አሮ።
ROM 13:5 ይኒ ግሾ፥ ጾዘ ካች ጻላላስ ባይዝን ይን ቆፍታ ማርክꬍዘ ግሾ ዎርዣ አህዙንꬅስ ኪትንቶደስ ቤዛነ።
ROM 13:6 ይን ጊራ ጊርዛናን ይንስ። ዎርዣ አህዙንꬂ ይና ኦችቶ ኦችዛና፥ ኡን ጾዘ አሮ ማቅደ ግሾስ።
ROM 13:7 ፈተስ ፈተስ ቤዛኖ እንጎተ። ጊራ ጊሮደስ ቤዛይስ ጊሮተ፤ ቃራጠ ጋቾደስ ቤዛይስ ቃራጠ ጋቾተ፤ ዣሽቶደስ ቤዛይስ ዣሽቶተ፤ ቦንቾ ቤዛያ ቦንቾተ።
ROM 13:8 ፈታይ ፈተራ ሲቅንቶተ። ሲቆ ጋለፕ አትን ይንታላ አፋ መለ ጋለ የዝፐ። አስ ሲቅዘ ኦንን ህገ ጋዛኖ ፎልዳ።
ROM 13:9 «ላምፐ፤ ዎꬍፐ፤ ካይስትፐ፤ አሙꬍፐ» ጋዘ ኪታን መሉንꬅን ኡባ፥ «አስ ነ ኦምት ፋና ካꬎ» ጋዘ ኪተ አጭንትዳ።
ROM 13:10 አስ ሲቅዘ ኦንን ኤዛላ አፋ ኢታ ባዝ ኦቾስ። ይኒ ግሾ፥ አስ ሲቅዘ ህገ ኪታ ፎልዳ።
ROM 13:11 ገንቶፓ ይን ባርክዘ ዎደ Ꮉተ የልዳኖ ኤሮተ። ኑ አማንደ ዎድትፓ አꬊ አቶትꬅ Ꮉተ ኑጎ ኡክዳ።
ROM 13:12 ቃማ አꬍዳ፤ ዎንታ ኡክዳ። ይኬ፥ ኑኒ ꬉማ ኦቻ አሺ ፎኦ ኦላ ሚሸ አይኮዳ።
ROM 13:13 አነ አዋራ ፎኦ የዘ አስ ፋና ዎጋራ የዞተ። ቤዞሰ የꬃራን ማꬄራ ማቅፐ ኦላለ Ꮉንተራን ቃይጸር አይክንትደ ዱማ ዱማ ቱና ኦቻ፥ ላለራን ቅናተራ ማቅፐ።
ROM 13:14 ላꬄ የሱስ ክርስቶሳ ማኦተ፤ ይን ናጋራ አሾ ፋ አሙቶ ፎሎደ ፋና ቆፕፐተ።
ROM 14:1 አማኖራ ላቢደ ኦናን ሺሺ ኤኮተፕ አትን ኤ ቆፍትላ አፋ ፍርድፐተ።
ROM 14:2 አዝዘስ፥ አማኖራ ሚንግደ ፈቲ አስ አኮ ካꬃን ማአደስ ዳንዳአነ። የዝን አማኖራ ላቢደ አስ አታክልተ ጻላላ ሙነ።
ROM 14:3 ሙእዘ አስ ሞኦሰ አꬃ ቦርፐ። ሞኦሰ አꬄ ሙእዘ አꬄላ አፋ ፍርድፐ። ጾዚ ኡቡንꬃና ኤካነ።
ROM 14:4 መለ አስ አሮላ ፍርድዘ ነ ኦደ? ኤ ላቢን ዎይ ሚንግን ኤ ላꬄ ኤራነ። ላꬂ ኤዛ ኤሶደስ ዳንዳእዘ ግሾ ኤ ሚንግ ኤቆዳ።
ROM 14:5 ማህ «ፈቲ አዋራ መለ አዋራፓ አꬋነ» ያጋእ ቆፕዘ አስ የነ። መለ ማህ፥ «አዋራ ኡባ ፈቲ ፋና» ጋእ ቆፓነ። የዝን ፈተ ፈተ ፋ ቆፍቶ ቆፒ ኦቾ።
ROM 14:6 ፈቲ ቃምዛ መለ ቃምትፓ አꬂ ቦንችዘ ኦንን ላꬄ ቦንቾስ ጋእ ኦቻነ። ካꬃ ሙእዘ አስ ላꬄ ቦንቾስ ጋእ ሙነ። ኤ ሙእዘ ይና ካꬅቲ ግሾ ጾዝ ጋላታነ። ካꬃ ሞኦሰ አስ ላꬄ ቦንቾስ መአንጽ አሻነ፤ ማህ መአንጽ አሸራን ጾዝ ጋላታነ።
ROM 14:7 ኑፓ ኦንን ፋስ የዞስ፤ ማህ ኑ ግዳፓ ኦንን ፋስ Ꮉይቆስ።
ROM 14:8 ኑ ደኦር የዝኮ ላꬅስ የሳዳ፤ ማህ Ꮉይቂኮን ላꬅስ Ꮉይቆዳ። ይኬ፥ ኑ ደኦር የዝን ዎይ Ꮉይቂኮን ላꬅስ።
ROM 14:9 ክርስቶሳ Ꮉይቂ Ꮉይቆፓ ደንድደ፥ ደኦር የዙንꬅስን Ꮉይቂዱንꬅስ ላꬄ ማቃደስ።
ROM 14:10 ዬዝን፥ ነ ነ እሸላ አፋ አኮስ ፍርደ? ዎይ ነ ነ እሻ አኮስ ለቀ? ኑኒ ኡባና ጾዘ ፍርዳ ኦይዳ ቲኖ ኤቆዳ።
ROM 14:11 ጌሽ ማጻፍተ ላꬂ፥ «ታኒ ደኦ፤ አስ ኡባ ታ ቲኖ ቡንቂንቶዳ፤ ታኒ ጾዝ ማቅዛኖ ማርክꬎዳ» ያጋይዳ።
ROM 14:12 ይኬ፥ ኑ ኦችደ ባዝትስ ኑ ኦምተ ኦምተ ጾዝ ቲኖ ሺቂ ማሄ እንጎዳ።
ROM 14:13 ይኒ ግሾ፥ ኑኒ ፈታይ ፈታይላ አፋ ፍርድዛኖ አሾተ። የዝን ይን እሻያ ꬉቡꬃመ ፋና ዎይ ቃጻመ ፋና ናግንቶተ።
ROM 14:14 ላꬄ የሱሳ አማንዘ አስ ማቂ፥ ፋ ኦምተ ቱና ማቅደ ባዝ ባይዛኖ ታኒ ጌሽ ኤራነ። የዝን ፈቲ አስ ፈቲ ባዝ ቱና ማህ ቆፕኮ ይና ኤስ ቱና ማቃነ።
ROM 14:15 ነ ሙእዘ ካꬃ ግሾ ነ እሻያ ꬉቢዘ ባዝ ማቅኮ፥ ክርስቶሳ የዘ ነ እሻያ ሲቆስ። ክርስቶሳ ኤ ግሾ Ꮉይቂደ አꬃ ነ ሙእዘ ካꬅት ግሾ ꬋብስፐ።
ROM 14:16 ይኬ፥ ይንትስ የዘ ሎኦ ባዝቶ ጫዥዝፐተ።
ROM 14:17 ጾዘ ካእቱሞ ጌሽ አያናራ በንትዘ ጽሎተꬅ፥ ሳሮትꬅን ቱሪ ኡፋይሳፕ አትን ሙእዘ ባዝን ኡዥዘ ባዝ ባያ።
ROM 14:18 ይኒ ጋር ክርስቶሳስ ኦችዘ አስ ጾዝ ኡፋይሳነ፤ አስ ግዳን አንጅንታነ።
ROM 14:19 ይኒ ግሾ፥ አነ ኑኒ ሳሮትꬅ በንትዘ ኦገን ፈተ ፈታያ አማኖራ ምንꬅዘ ኦገ ኮዮተ።
ROM 14:20 ካꬃ ግሾ ጋእ ጾዘ ኦችቶ ላልፐ። ካꬃ ኡባ ጌሽ፥ የዝን መለ አስ ናጋራራ ꬉቢዘ ካꬃ ሙእዛና ኢታ።
ROM 14:21 ነ እሻይ ꬉቡንታመ ፋና አሾ ሞኦሳና ዎይ ኡሽ ኡዦሳና ዎይ ነ እሻይ ꬉቢዘ አኮ ባዝን ኦቾሳና ሎኦ።
ROM 14:22 ይኬ፥ ነ አማንቶ ነ ግዳን ነ ጾዘ ግዳ ናጎ። ልከ ጋእ ቆፕደባዝ ኦችዘ ዎደ ኤ ዎዝንታ ሞቶሰ አꬄ አንጅንትዳያ።
ROM 14:23 የዝን ሶእተር ሙእዘ አꬄስ ኤ ሙእዘ አማኖራ ማቅካይዘ ግሾ ፍርድንታነ። አማኖ ባይዝን ኦችንትደ ኦቻ ኡባ ናጋራ።
ROM 15:1 ኑኒ ምንግዱንꬅ ላቢዱንꬅ ቶፍቶ ቶኮደስ ቤዛነ። ኑኒ ኑና ኡፋይሶደስ ቤዞስ።
ROM 15:2 ኑኒ ኑ ዶꬅዛ ምንꬅꬆደስ ማዶደስን ኡፋይሶደስ ቤዛነ።
ROM 15:3 ክርስቶሳ ፋና ኡፋይስካያ። የዝን ጌሽ ማጻፍተ፥ «ነና ቦርደ ቦርታ ኑና የልዳ» ጋእንት ጻፍንትዳን ጋር Ꮉንዳ።
ROM 15:4 ጌሽ ማጻፍተ እንግዘ ገንጮን ምንꬅራ ኑ ኡፋይስቶ ኤኮደ ፋና ጌሽ ማጻፍተ ጻፍንትደ ኡባና ኑና ታማርሶደስ ጻፍንትዳ።
ROM 15:5 ገንጮን ምንꬅትሞ እንግዘ ላꬄ ይን ክርስቶስ የሱሳ ካልዘ ዎደ ፈተትꬅ ይንትስ እመ።
ROM 15:6 ይናን፥ ኑ ላꬄ የሱስ ክርስቶሳ አዳያ፥ ጾዛ፥ ፈተትꬃራን ፈቲ ቃላራ ይን ቦንቾደ ፋና።
ROM 15:7 ክርስቶሳ ይንታና ኤክዳን ፋና ጾዘ ቦንቾስ ፈታይ ፈታያ ኤኮተ።
ROM 15:8 ጾዚ ዛጋ አዱንꬅስ እንግደ ኡፋይስታ ፎልንቶደ ፋናን ኤ ቱረትꬅታ ኤርንቶደ ፋና ክርስቶሳ አይሁዱንꬅ ጋራዘ ዎጋ ፎለራ አሮ ማቂ ይእዳኖ ታ ይንትስ ኦህነ።
ROM 15:9 ክርስቶሳ አይሁዱንꬅ ጋራዘ ዎጋ አሮ ማቅደ መለ ምክናታ ማህ አይሁደ ማቆሰ አሱንꬅ ጾዘ ማሮትꬅት ግሾ ጋላቶደ ፋና። ጌሽ ማጻፍተ፥ «ታ ነና አይሁደ ማቆሰ አሱንꬅ ግዳ ጋላቶዳ፤ ነ ሱንꬅቶ ማዝሙረር ሳቦዳ» ጋእንት ጻፍንትደ ጋር Ꮉንዳ።
ROM 15:10 ማህ፥ «አይሁደ ማቆሰ አሱንꬆ፥ ጾዘ አሱንꬃራ ኡፋይቶተ» ያጋይዳ።
ROM 15:11 Ꮉተን ማህ፥ «አይሁደ ማቆሰ አሱንꬆ፥ ላꬃ ጋላቶተ፤ ዎርዣ ኡባ ኤዛ ሳቦተ» ያጋይዳ።
ROM 15:12 ይኒ ጋር ኢሳያሳ፥ «እሰይ ኮቻፓ የልንትደ ፈታይ የኦዳ፤ ኤ ካእቱሞ ኡባ አሆዳ። ኡን ፋ ኡፋይስቶ ኤላ አፋ ጋዶዳ» ያጋይዳ።
ROM 15:13 ጌሽ አያና ዎልቃራ ይን ድጮደ ፋና ኡፋይስ እንግደ ጾዘ፥ ይን አማንቲ ባጋራ ይንትስ ኡፋይስን ሳሮትꬅ ኩሙꬅ እመ።
ROM 15:14 ታ እሹንꬆ፥ ይንታራ ሎኦትꬅን ኤራትꬅ ኩምዱንꬃና ማህ ፈታይ ፈታያ ዞሮደስ ዳንዳእዛኖ ታ ሎይꬂ ኤራነ።
ROM 15:15 ታኒ ይንታና ፈቲ ፈትባዝ ቆፍሳደስ ኮይ ዣሽትካይዛራ ጾዘ አꬎ ኬሃትꬃራ ይንትስ ጻፍዳ።
ROM 15:16 ታኒ ክርስቶስ የሱሳ አሮ ማቂ፥ አይሁደ ማቆሱንꬅስ ካህነ ፋና ማቂ፥ ዎንገለ ኦሆደ ፋና ጾዚ ታስ አꬎ ኬሃትꬅ እንግዳ። አይሁደ ማቆሰ አሱንꬅ ጌሽ አያናራ ጌዥ፥ ጾዝ ኡፋይስዘ ዣርሾ ማቆደ ፋና ጾዚ ይኖ ኦችዳ።
ROM 15:17 ታኒ ክርስቶስ የሱሳር ማቂ ታ ጾዘስ ኦችዘ ኦችተ ጬቅንታነ።
ROM 15:18 አይሁደ ማቆሰ አሱንꬅ ጾዝስ ኪትንቶደ ፋና፥ ክርስቶሳ ታ ቃልተን ታ ኦችት ባጋራ ኦችደ ኦችትፓ መለ ታ ጬቅንትዘ ባዝ ባያ።
ROM 15:19 ጾዚ ይኖ ክሌ ባዝ ኦቻራን ጌሽ አያና ዎልቃራ ዋይዝ ኦቼዛኮ ታ ይንትስ ኦሆዳ። ታኒ የሩሳላመፓ ደንꬂ፥ እልዋርቆነ የሎደስ ክርስቶሳ ዎንገለ ሳባክዳ።
ROM 15:20 ታኒ መለ አስ ባስደ ባሳላ ኬጾደስ ኮዮስ። ክርስቶሳ ሱንꬅታ ጼግንትካይዘ በሳ ዎንገለ ኦሆደስ አሙꬋነ።
ROM 15:21 ጌሽ ማጻፍተ፥ «ኤ ባዝ ኦህንትካይዘ አሱንꬅ ኤዛ በአዳ፤ ኤ ባዝ ስእካይዘ አሱንꬅ ቆፖዳ» ጋእንት ጻፍንትዳ።
ROM 15:22 ይኒ ምክናተራ፥ ታኒ ይንታጎ ዮኦደስ ዳንዳእካያ።
ROM 15:23 የዝን ታኒ Ꮉተ Ꮉና ጉቱቶ ኡባ ታ የሊ Ꮉስደ ግሾን ጋማ በረፓ ደንꬂ ይንታና በአደስ አሙꬍደ ግሾ
ROM 15:24 ታኒ እስፔነ Ꮉንግተራ ይንታና በአደስ ቆፕዳ። ማህ ኤራꬅ ዎደ ይንታራ ኡፋይትደፓ ሱባ እስፔነ Ꮉንግዘ ዎደ ይን ኦገስ ታና ማዶደ ፋና ኮያነ።
ROM 15:25 የዝን Ꮉተ ታኒ ጾዘ አሱንꬃና ማዶደስ የሩሳላመ Ꮉንጎዳ።
ROM 15:26 መቀዶንያን አካያ ግዳ የዘ ጾዘ አሱንꬅ፥ የሩሳላመ የዘ ዳሁንꬃና ሚሸራ ማዶደስ ኮይደ ግሾ።
ROM 15:27 ኡን ዳሁንꬃና ማድዛና ኡንትስ አቶሰባዝ ማቅደ ግሾ ፋ ኦምተ ይኖ ኦቾደስ ቆፋ አጭዳ። አይሁዱንꬃራ አይሁደ ማቅካይዙንꬅን አያና አንጆ ሻግንትኮ፥ ኡን ማህ ኡንትስ የዘ ባዛራ አይሁዱንꬃና ማዶደስ ቤዛነ።
ROM 15:28 ይኒ ግሾ፥ ታኒ ይና ሺቅደ ሚሽቶ ኡንትስ እንግ ኡን ኤክዳኖ ኤርደፓ ሱባ እስፔነ Ꮉንግተራ ይን ካለራ አꬎዳ።
ROM 15:29 ታኒ ይንታጎ Ꮉንግዘ ዎደ ክርስቶሳ አንጆ ኩሙꬅ ኤኪ Ꮉንጎዳኖ ኤራነ።
ROM 15:30 ታ እሹንꬆ፥ ታስ ጾዝ ዎስተራ ታ ቡቱንተ ታራ ኤቆደ ፋና ላꬄ የሱስ ክርስቶሳራን ጌሽ አያና ሲቅተ ይንታና ዎሳነ።
ROM 15:31 ጾዚ ታና ይሁዳ የዘ አማኖሰ አሱንꬃፓ አሾደ ፋና የሩሳላመ ታ ኦቾደ ኦችታ ጾዝ አሱንꬅ ካለ ኤክንቶደ ፋና ታስ ዎሶተ።
ROM 15:32 ማህ ጾዚ ጋይኮ፥ ታኒ ይንታጎ Ꮉንግ ኡፋይሳራ ይንታራ ሸምፖደ ፋና ታስ ዎሶተ።
ROM 15:33 ሳሮትꬅ ጾዘ ይን ኡቡንꬃራ ማቀ። አምንኤ።
ROM 16:1 ክንክርያ ካታማ የዘ ዎሳ ኬꬅተ ኦችዘ ኑ ምሽታ ፌበኖ ሎኦ ማቾ ማቅዳኖ ይን ኤሮደ ፋና ኮያነ።
ROM 16:2 ይን እዞ አማንዘ አሱንꬅ ላꬄ ሱንꬅተ ሞኮደስ ቤዝዘ አማንዘ አሱንꬃፓ ፈተ ፋና ሞኮተ። እዛ ይንታፓ ኮይዘ ባዝ ኡባ እዞ ማዶተ። እዛ ፋ ኦምተ ጋማ አስ ማድዳ፤ ማህ ታና ታ ኦምተ ጋማ ማድዳ።
ROM 16:3 ክርስቶስ የሱሳ ኦቻ ታራ ዎላ ኦችዘ ጵርስቅላን አቂላ ሳሮ ጋኦተ።
ROM 16:4 ኡን ታ ግሾ ፋ ሸምፕቶ አꬂ እንግዳ። ታ ጻላላስ ባይዝን አይሁደ ማቆሰ አሱንꬅ ዎሳ ኬꬁንꬅን ኡባ ኡንታና ጋላታነ።
ROM 16:5 ኡን ካራ ሺቅዘ አማንዙንꬅ ሳሮ ጋኦተ። እስያ ሳአ ክርስቶሳ ቲኖ አማንደ፥ ታ ካዽዘ ኤጳነጦሳስ ታ ሳርꬅቶ የልꬆተ።
ROM 16:6 ይኒ ግሾ ኦቻራ ጋማ ላቢደ ማይራሞ ሳሮ ጋኦተ።
ROM 16:7 ታራ አች ኬꬃ የዝደ ታ አይሁደ ላጉንꬃና አንድሮንቆሳን ዩንያሳ ሳሮ ጋኦተ። ኡን የሱሳ ሐዋሩንꬅ ግዳ ኤርንትዱንꬃና። ማህ ኡን ክርስቶሳ ታፓ ቲኖ አማንዳ።
ROM 16:8 ላꬄ አማንዘ ታ ሲቆ ላግዛ፥ አምጵልያጦሳ ሳሮ ጋኦተ።
ROM 16:9 ክርስቶሳ ኦቻ ኑራ ዎላ ኦችዘ ኡርባኖሳን ታ ካዽዘ እስታኩሳ ሳሮ ጋኦተ።
ROM 16:10 ክርስቶሳስ የዛና ፋታንንት አማንꬅዘ አጰሊሳ ሳሮ ጋኦተ። አርስጦቡሎሳ ካራ አሱንꬃና ሳሮ ጋኦተ።
ROM 16:11 ታ አይሁደ ላግዛ ሄሮድዮና ሳሮ ጋኦተ። ናርስሳነን ኤ ካራ አሱንꬃፓ ክርስቶሳ አማንዱንꬃና ሳሮ ጋኦተ።
ROM 16:12 ላꬄ ኦቻ ላቢዘ ትሩፋይናን ትሩፎሳ ሳሮ ጋኦተ። ማህ ላꬅስ ጋማ ላቢ ኦችዘ፥ ታ ካዽዘ ጰርሲሶ ሳሮ ጋኦተ።
ROM 16:13 ላꬄ ኦቻራ ጋማ ኤርንትደ ሩፎሳስን ታና ፋ ናአ ፋና በእዘ ኤ እንቶ ሳሮ ጋኦተ።
ROM 16:14 አስንክርቶሳስ፥ ፍለጎናስ፥ ሄርሜሳስ፥ ፓትሮባሳስን ኡንታራ የዘ አማንዘ እሹንꬅ ኡቡንꬅስ ታ ሳርꬅቶ ኦሆተ።
ROM 16:15 ፍሎሎጉሳ፥ ዩልያ፥ ኔርያ፥ ኤ ምሽቶ፥ ኦሉምፖሳን ኡንታራ የዘ አማንዘ አሱንꬃና ኡባ ሳሮ ጋኦተ።
ROM 16:16 ጌሽ ዬርንተ ዬርንትተራ፥ ፈታይ ፈታያ ሳርꬆተ። ክርስቶሳ ዎሳ ኬꬂ ኡባ ይንታና ሳሮ ጋነ።
ROM 16:17 ታ እሹንꬆ፥ ይን ታማርደ ትምርትቶ እጺ፥ ይን ግዳ ሻክንተን ማꬋ መꬍዘ አሱንꬃፓ ናግንቶተ። ኡንታፓ Ꮉኮተ።
ROM 16:18 ይኒ ፋና የዘ አሱንꬅ ፋ ሳዛስፕ አትን ኑ ላꬄ ክርስቶሳስ ኦቾስ። ፋ ማልእዘ ዶናራን ይቅስዘ ቃላራ አኮ ኤሮሰ አሱንꬅ ዎዝንቶ ባልꬃነ።
ROM 16:19 ዎንገለስ ይን ኪትንትዳኖ አስ ኡባ ስእደ ግሾ ታና ኡፋይሳነ። የዝን ይን ሎኦ ባዝ ኤሮደ ፋና ኢታ ባዛፓ Ꮉኮደ ፋና ታ ኮያነ።
ROM 16:20 ሳሮትꬅ ጾዘ ጻላሄ ይን ቶህትፓ ኦሞራ ጋጪ ኦሎዳ። ኑ ላꬄ የሱስ ክርስቶሳ አꬎ ከሃትꬅታ ይንታራ ማቀ።
ROM 16:21 ታራ ኦችዘ ጢሞትዮሳ ይንታና ሎኦ ያጋይዳ። ይኒ ጋራን፥ ታ እግኑንꬅ ሉቅዮሳ፥ ኢያሶነን ሶስጳጥሮሳ ይንታና ሳሮ ጋነ።
ROM 16:22 Ꮉይ ዳብዳቢዛ ጳዉሎሳስ ጻፍደ ታኒ፥ ጻርጽዮሳ፥ ይንታና ላꬄ ሱንꬅተ ሳሮ ጋነ።
ROM 16:23 ታና ሞክዘ ዎሳ ኬꬅቶ ኡባ ኤ ካራ ሺቅዘ ጋዮሳ፥ ይንታና ሳሮ ጋይዳ። ካታማ ሚሸ አይክዘ ኤራስጾሳን ኑ እሸ ቃርጾሳ ይንታና ሳሮ ጋነ። [
ROM 16:24 ኑ ላꬄ የሱስ ክርስቶሳ አꬎ ኬሃትꬅ ይን ኡባራ ማቀ። አምንኤ።]
ROM 16:25 ጾዝስ ጋላታ ማቀ። ታኒ፥ የሱስ ክርስቶሳ ባዝ ኦህዘ ዎንገለ ቃልተ ጋማ ዎደፓ አችንት ጋምእደ ቱረትꬃራ፥ ጾዚ ይንታና አማኖራ ምንꬂ ኤሶደስ ዳንዳአነ።
ROM 16:26 የዝን Ꮉተ ይና ቱርታ ቆንጭዳ። ካእቱሞ ኡባ አማኒ ኪትንቶደ ፋና መዽና ጾዘ ኪተ ናቡንꬅ ይና ቱርትባዝ ጻፍዳ።
ROM 16:27 የሱስ ክርስቶሳ ባጋራ ጭንጫትꬅ ኤ ጻላላስ የዘ፥ ፈቲ ጾዘስ መꬍናስ ቦንቾ ማቀ። አምንኤ።
1CO 1:1 ጾዘ ቆፋራ የሱስ ክርስቶሳ ሐዋረ ማቃደስ ጼግንትደ ጳዉሎሳን፥ ኑ እሸ ሶስተንሳ፥
1CO 1:2 ቆሮንቶሳ የዘ ጾዘ ዎሳ ኬꬅትስ፥ የሱስ ክርስቶሳራ ጌዥዱንꬅስ ኡንትስን ኑስ ላꬂ ማቅደ ኑ ላꬄ የሱስ ክርስቶሳ ሱንꬅቶ ኡባ በሳ ጼግዘ ኡቡንꬅስ፤
1CO 1:3 ጾዘ፥ ኑ አደፓን ላꬄ የሱስ ክርስቶሳፓ ይንትስ አꬎ ኬሃትꬅን ሳሮትꬅ ማቀ።
1CO 1:4 ጾዚ ክርስቶስ የሱሳ ባጋራ ይንትስ እንግደ አꬎ ኬሃትꬅት ግሾ ታኒ ኡባ ዎደ ጾዛ ጋላታነ።
1CO 1:5 ኡባ ባዛራ ኦሄራን ማቅን ኤራትꬃራ ክርስቶሳራ ዱርꬍዳ።
1CO 1:6 ኑ ክርስቶሳ ባዝ ኦህደ ማርካትꬅታ ይን ግዳ ምንግዳ።
1CO 1:7 ይኒ ግሾ፥ ይን ኑ ላꬄ የሱስ ክርስቶሳ ቆንጭꬅቶ ናግተራ የዝኮ አኮ አያና እሞን ይንትስ ፋጮስ።
1CO 1:8 ኤዝን ማህ ኑ ላꬄ የሱስ ክርስቶሳ ላምእንꬃ የእተ ቦረ ባይዙንꬃና ማቂ ዉርሱꬅ የሎደ ጋር ይንታና ሚንꬆዳ።
1CO 1:9 ፋ ናአይጎ፥ ኑ ላꬄ የሱስ ክርስቶሳ ፈተትꬃጎ ጼግደ ጾዘ አማንንትዳያ።
1CO 1:10 ታ እሹንꬆ፥ ይን ግዳ ሻክንተ የዝፐ፤ ኡቡንꬅ ጊጊ ፈቲ ዎዝናራን ፈቲ ቆፋራ ማቂ የዞተ፥ ያጋእ ኑ ላꬄ የሱስ ክርስቶሳ ሱንꬅተ ታ ይንታና ዎሳነ።
1CO 1:11 ታ እሹንꬆ፥ ቀሎኤ ካራ አሱንꬅ ይን ግዳ ላሌ የዛኖ ታስ ኦህዳ።
1CO 1:12 ይንታፓ ፈተ ፈተ፥ «ታኒ ጳዉሎሳስ፤ ታኒ አጵሎሳስ፤ ታኒ ጴጥሮሳስ፤ ታኒ ክርስቶሳስ» ያጋነ።
1CO 1:13 ዬዝን ክርስቶሳ ሻክንትዳነ? ይን ግሾ ማስቃላላ አፋ ሱጹንትደ ጳዉሎሳነ? ዎይ ይን ጳዉሎሳ ሱንꬅተ ጻማቅንትዳነ?
1CO 1:14 ታኒ ቃርስጶሳፓን ጋዮሳፓን መለ ይንታፓ ኦናን ጻማቅካይዘ ግሾ ጾዝ ጋላታነ።
1CO 1:15 ይኒ ግሾ፥ ኦደን ይንታና ታ ሱንꬅተ ጻማቅንትዳ ጋእ ኦሆደስ ዳንዳእዘ ባያ።
1CO 1:16 [ማህ እስጢፋኖሳ ካራ አሱንꬃና ታ ጻማቅዳ፥ ጉጂ መለ ኦና ጻማቀዛኮን ቲርንቶስ።]
1CO 1:17 ክርስቶሳ ታና ኪትዳና ዎንገለ ኦሆደ ጋራፕ አትን ጻማቆደ ጋር ባያ። ክርስቶሳ ማስቃላ ጨር ማቃመ ጋር ዎንገለ ቃላ ታ ታማርስዛና አስ ጭንጫትꬅ ቃላራ ባያ።
1CO 1:18 ማስቃላ ቃልታ ꬋብዙንꬅስ ኤያትꬅ፥ የዝን ኑስ አትዱንꬅስ ጾዘ ዎልቃ።
1CO 1:19 ጌሽ ማጻፍተ፥ «ታኒ ጭንጩንꬅ ጭንጫትꬅቶ ꬋብሶዳ፤ ኤሩንꬅ ኤራትꬅቶ ꬋብሶዳ» ያጋነ።
1CO 1:20 ዬዝን፥ ጭንጫ አባ የነ? ህገ አስታማርዘ አባ የነ? ዎይ Ꮉና አላመ ኤሩንꬅ አባ የነ? ጾዚ Ꮉና አላመ ጭንጫትꬅቶ ኤያትꬅ ማህካነ?
1CO 1:21 Ꮉና አላመ አሱንꬅ ፋ ጭንጫትꬃራ ጾዛ ኤራመ ፋና ጾዚ ፋ ጭንጫትꬃራ ጎርድዳ፤ የዝን ኤያትꬃራ ፋይድንትዘ፥ ኑ ኦህዘ ዎንገለ ቃላ አማንዱንꬂ አቶደ ጋር ጾዘ ሎኦ ቆፋ ማቅዳ።
1CO 1:22 አይሁዱንꬅ ክሌ ባዝ በአደስ ኮያነ፤ ማህ ግርኩንꬅ ጭንጫትꬅ ኮያነ።
1CO 1:23 የዝን ኑኒ ማስቃላላ አፋ ሱጹንትደ ክርስቶሳ ሳባካነ። ይና አይሁዱንꬅስ ꬉበ፤ ማህ ግርኩንꬅስ ኤያትꬅ።
1CO 1:24 የዝን ጾዚ ጼግንትዱንꬅስ፥ አይሁደ ማቅን፥ ግርኬ ማቅን ክርስቶሳ ጾዘ ዎልቃን ጾዘ ጭንጫትꬅ።
1CO 1:25 ጾዘ ኤያትꬅታ አስ ጭንጫትꬃፓ አꬋነ፤ ማህ ጾዘ ቦዛትꬅታ አስ ጻላትꬃፓ አꬋነ።
1CO 1:26 ይኬ፥ ታ እሹንꬆ፥ ይን ጼግꬅቶ ቦኦተ፤ አስ ፋና ጭንጫ ማቅደ ጋሙንꬅ፥ ዎልቃራ የዘ ጋሙንꬅ፥ ሹማ ማቅደ ጋሙንꬅ ጼግንትካያ።
1CO 1:27 የዝን ጾዚ ጭንጩንꬃና ዬልሳደስ አላመ የዘ ኤዩንꬃና ዶርዳ፤ ማህ ሚንꬁንꬃና ዬልሳደስ አላመ የዘ ቦዙንꬃና ዶርዳ።
1CO 1:28 ጾዚ Ꮉና አላምተ ዳማ ጋእንትደባዝ ꬋብሶደስ፥ Ꮉና አላምተ ቦዙንꬃና፥ ለቂንትዱንꬃና አኮ Ꮉኖሱንꬃና ዶርዳ።
1CO 1:29 ኦደን ጾዘ ቲኖ ጬቂንትፐ። የዝን ጬቅንትዘ ኦደን ጾዘላ ጨቅንቶ።
1CO 1:30 የዝን ጾዚ ይንትስ ክርስቶስ የሱሳራ ፈተትꬃ የሳደ ጋር ዪዝዳ። ኤ ኑስ ጾዛፓ ጭንጫትꬅ፥ ጽሎትꬅ፥ ጌሻትꬅን ዎዞን ማቅዳ።
1CO 1:31 ይኒ ግሾ፥ ጌሽ ማጻፍተ፥ «ጬቅንትዘ ኦደን ላꬃላ ጬቆ» ያጋይዳ።
1CO 2:1 ታ እሹንꬆ፥ ታኒ ይንታጎ ጾዘ ቃላ ይንትስ ኦህተራ ይእዘ ዎደ ቃላራን ጭንጫትꬃራ አꬊ ይእካያ።
1CO 2:2 ታኒ ይንታራ የዘ ዎደ የሱስ ክርስቶሳ ኤዝን ማስቃላላ አፋ ሱጹንትደፓ መለ ኤሮደስ ኮዮስ ጋእ ታ ቆፋ አጭዳ።
1CO 2:3 ታ ይንታራ የዘ ዎደ ላብꬅሞራ፥ ዣሽሞራን ጋማ ጎቀራ የዝዳ።
1CO 2:4 ታ ኦህታን ታ ሳባክታ ሳአ ኤራራን ዶና ጭንጫትꬃራ ማቅካይዝን ጾዘ ጌሽ አያና ዎልቃ ቆንጭꬅተ።
1CO 2:5 ይናን፥ ይን አማንታ ጾዘ ዎልቃራ ፋትን አስ ጭንጫትꬃላ ካታመ ፋና።
1CO 2:6 አያና ደኦ ድጭዱንꬅስ ኑኒ ጭንጫትꬅ ቃላራ ኦህነ። የዝን ይና ጭንጫትꬅታ፥ Ꮉና አላመ ጭንጫትꬅቶ ዎይ ꬋቦደስ የዘ Ꮉና አላምቶ አህዙንꬅ ጭንጫትꬅቶ ባያ።
1CO 2:7 የዝን ኑኒ ኦህዘ ጭንጫትꬅታ፥ ጋማ ዎደፓ ቲኖ ጾዚ ኑ ቦንቾስ ጊግዝዳኖን አችንት የዘ ጾዘ ጭንጫትꬅቶ።
1CO 2:8 Ꮉና አላምቶ አህዙንꬃፓ ኦደን Ꮉና ጭንጫትꬅቶ ኤርካያ። ኡን ኤርዘባዝ ማቀዛኮ፥ ቦንቾ ላꬃ ማስቃላላ አፋ ሱጻማ የሻ።
1CO 2:9 የዝን ጌሽ ማጻፍተ፥ «ኣፈ ብእካይዘ ባዝ፥ Ꮉየ ስእካይዘባዝ፥ ዎዝና ቆፕካይዘባዝ፥ ጾዚ ፋና ሲቅዙንꬅስ ጊግዝዳ» ያጋነ።
1CO 2:10 ኑስ ጾዚ ጌሽ አያና ባጋራ ቆንጭዝዳ። ጌሽ አያና መለ አቶ የዝን ጾዘ ጋꬅ ቆፋ ኡባ ቁርቻነ።
1CO 2:11 አስ ግዳ የዘ ባዝ አꬄ ግዳ የዘ አያንዛ ፋትን አስ ባዝ ኦደን ኤሮስ። ይኒ ጋር፥ ጾዘ ባዝ ጾዘ አያና ፋትን ኦደን ኤሮስ።
1CO 2:12 ጾዚ ኑስ Ꮉሪ እንግዳኖ ኑ ኤሮደ ጋር ጾዘ አያና ኤክዳ ፋትን Ꮉና አላምት አያና ኤክካያ።
1CO 2:13 ይኒ ግሾ ኑኒ አያና ቆፋ፥ አያና አሱንꬃና ታማርስዛና አስ ጭንጫትꬃራ ማቅካይዝን ጾዘ አያና እንግዘ ጭንጫትꬃራ።
1CO 2:14 የዝን ጌሽ አያና ባይዘ አስ ጾዘ አያናፓ እንግንትዘ እሞ ኤኮደስ ዳንዳኦስ። ይና ኤስ ኤያትꬅ፤ ኡባና ጌሽ አያናራ ቁርችንትዛን ግሾ ኤ ኤሮደስ ዳንዳኦስ።
1CO 2:15 የዝን ጌሽ አያና የዘ አስ ኡባ ባዝ ቁርቻነ፥ የዝን ኤዛ ኦደን ቁርቾስ።
1CO 2:16 ጌሽ ማጻፍተ፥ «ላꬄ ዎዝንቶ ኤርዘ ኦደ? ኤዛ ዞሮደስ ዳንዳእዘ ኦደ?» ጋእንት ጻፍንትዳን ፋና። የዝን ኑስ ክርስቶሳ ዎዝና የነ።
1CO 3:1 ታ እሹንꬆ፥ ይን ክርስቶሳ ግዳ Ꮉጋ ዦጋን አማኖሰ አሱንꬅ ፋና የዘ ግሾ ታኒ አያናባዝ ይንትስ ኦሆደስ ዳንዳእካያ።
1CO 3:2 ይን ምንꬅ ካꬃ ማደስ ዳንዳእካይዘ ግሾ ታኒ ይንታና ማꬅ ሽችዳ፤ Ꮉተን ማቅኮ ይን ዳንዳእካያ።
1CO 3:3 Ꮉተን Ꮉጋ ይን አሾ ቆፋራ የነ። ይን ግዳ የዘ ቃናተን ላለን ይን አማኖሰ አስ ፋና የዛኖ ኤርሶሳነ? ይን ኦችዛና አሾ ቆፋራ የዘ አስ ፋና ባነ?
1CO 3:4 ይንታፓ ፈተ፥ «ታኒ ጳዉሎሳስ» መሉንꬅ ማህ፥ «ታኒ አጵሎሳስ» ጋይኮ፥ ጾዝ አያና ባይዘ አስ ፋና ባነ?
1CO 3:5 ዬዝን፥ አጵሎሳ ኦደ? ጳዉሎሳ ኦደ? ኡን ይን አማኖደ ፋና ኦችደ ጾዘ ኦቻንቾ። ጾዚ ፈተስ ፈተስ እንግደ ኦችት ጋር ኦቻነ።
1CO 3:6 ታ ቱክዳ፤ አጵሎሳ Ꮉꬅ ኡሽዳ፥ የዝን ድችደ ጾዚ።
1CO 3:7 ይኒ ግሾ፥ ድችደ ጾዛ ፋትን ቱክዘን Ꮉꬅ ኡሽዘን አኮን ባያ።
1CO 3:8 ቱክዘን Ꮉꬅ ኡሽዘን ዎላ ፈቶ፥ የዝን ፈተ ፈተ ፋ ኦቺ ላብዳን ጋር አንጆ ኤኮዳ።
1CO 3:9 ኑኒ ጾዝስ ኦችዘ ጋደ፤ ጾዘ ኬꬃ ኤራ ዎላ ኦችዙንꬃና።
1CO 3:10 ጾዚ ታስ እንግደ አꬎ ኬሃትꬅት ጋር ይላር የዘ አናጸ ፋና ባሳ ኦልዳ። መለ አስ ኤላ አፋ ኬጻነ። የዝን ኤላ አፋ ኬጽዘ ኦደን ዋይዝ ኬጽዛኮ፥ ፋስ ናግንቶ።
1CO 3:11 ፈቲ ቶሄ ኦልንትደ ባሳፓ መለ ኦደን ባሳ ኦሎደስ ዳንዳኦስ። ኤዝን የሱስ ክርስቶሳ።
1CO 3:12 የዝን Ꮉይ ባስዘላ አፋ ኦደን ዎርቃራ ዎይ ብራራ ማቅን፥ አልኦ ሹቻራ ዎይ ምንጻራ ማቅን፥ ማታራ ዎይ Ꮉዉለራ ኬጽኮ፥
1CO 3:13 ፈተ ፈተ የ ባስዘላ አፋ አኮራ ኬጽዛኮ ፍርዳ ዎደ ታማር ቆንጮዳ።
1CO 3:14 ኦደን የ ባስዘላ አፋ ኬጽደ ኬꬅታ ታማር ሙእንታንጽኮ፥ ፋ አንጅቶ ኤኮዳ።
1CO 3:15 የዝን ኦደ ኦችታን ታማር ሙእንትኮ፥ ቆህንቶዳ፤ የዝን፥ ኤ ፋ ኦምተ አቶዳን ታማፓ አትዛያ ማቆዳ።
1CO 3:16 ይን ጾዘ ኬꬅ ማቅዳኖን ጾዘ አያና ይንታራ የዛኖ ኤሮሳነ?
1CO 3:17 ኦደን ጾዘ ኬꬅቶ ላልኮ፥ ጾዝን ኤዛ ላሎዳ። ጾዘ ኬꬅታ ጌሽ፤ ይናን ይንታና።
1CO 3:18 ኦደን ፋና ጭምፐ። Ꮉና አላምተ ጭንጫ ፋና አዝዝደ የዝኮ ጾዘ ቱሪ ጭንጭቶ ደንጎደ ፋና ኦደን ጭንጫትꬅቶ ኤያትꬅ ማህ ፋይዶ።
1CO 3:19 Ꮉና አላምት ጭንጫትꬅታ ጾዘ ቲኖ ኤያትꬅ። ጌሽ ማጻፍተ፥ «ጾዚ ጭንጩንꬃና ኡን ገነ ኦችትራ አይክዳ» ያጋይዳ።
1CO 3:20 ማህ፥ «ጭንጩንꬅ ቆፍታ ማዶሰ ባዝ ማቅዳኖ ላꬂ ኤራነ» ያጋይዳ።
1CO 3:21 ይኒ ግሾ፥ ኡባ ባዝ ይንትስ ማቃደ ግሾ ኦደን አሳላ ጬቅንትፐ።
1CO 3:22 ጳዉሎሳ ማቅን፥ አጵሎሳ ማቅን ጴጥሮሳ ማቅን፥ Ꮉና አላምቶ ማቅን፥ ደኦ ማቅን፥ Ꮉይቆ ማቅን፥ የዛያ ማቅን፥ ቲኖፓ የኦዳያ ማቅን፥ ኡባና ይንትስ።
1CO 3:23 ይንትን ክርስቶሳስ፤ ክርስቶሳን ጾዝስ።
1CO 4:1 ይኒ ፋና አስ ኑና ክርስቶሳ አሮ ፋና ጾዘ ጋꬅ ቆፋ ቆንጭዝ ታማርስዘ Ꮉዳራ እንግንትደ አስ ፋና ማህ ፋይዶ።
1CO 4:2 ታማርስዙንꬅ ላꬄስ አማንንትዱንꬃና ማቃደስ ቤዛነ።
1CO 4:3 የዝን ይን ዎይ መሉንꬅ ታላ ፍርድኮ፥ ታስ አኮን ባያ። መለ አቶ፥ ታንን ታላ አፋ ፍርዶደስ ዳንዳኦስ።
1CO 4:4 ታ ኤርዛን ጋር ማቅኮ ታ ዎዝንታ ታላ ፍርዶስ፥ የዝን ይናን ታ ጽሎትꬅቶ ቤዞስ። ታላ አፋ ፍርዶዳይ ላꬃ ጻላላ።
1CO 4:5 ይኒ ግሾ፥ ዎደ የልካይዝን፥ ላꬂ ይእካይዝን ኦደላን ፍርድፈተ። ኤ ꬉማ አችንትደ ባዝ ፎኦ ከሶዳ፤ አስ ዎዝና አችንትደ ቆፋ ቆንጭሳዳ። የ ዎደ ፈተ ፈተ ጾዘፓ ቤዝዘ ጋላታ ኤኮዳ።
1CO 4:6 ታ እሹንꬆ፥ ይንታና ማዶ ጋእ ታናን አጵሎሳን አዝዘ ማህ ታ ኦህዳ። ይኖ ታ ዪዝዳና፥ «ጻፍንትዳንፓ ኣꬍፈተ» ያጋዘ ዞርቶ ይን ኑፓ ታማሮደ ፋና። ይኒ ግሾ፥ ኦደን ፈታ ናሺ Ꮉንካያ ለቆደስ ቤዞስ።
1CO 4:7 ኔኒ መሉንꬃፓ አኮራ አ? ኔኒ ኤክካይዘባዝ አኮ የዘ? ዬዝን፥ ኔኒ ኡባ ባዝ መለ አሳፓ ኤክደባዝ ማቅኮ፥ ኤክካይዘ አስ ፋና አኮስ ጬቅንተ?
1CO 4:8 Ꮉተ ይን ምዥዳ። Ꮉተ ይን ዱርꬍዳ። ኑ ሻክንት ይን ጻላላ ካእትዳ። ይን ቱሮ ካእተዛኮ፥ ኑንን ይንታራ ካእቶድ የሻ።
1CO 4:9 ጾዚ ኑና ሐዋሩንꬃና፥ Ꮉይቆ ፍርድንትደ አስ ፋና አስ ኡባፓ ኑና ሱብ አꬅዳ ታስ አዛነ። ኑኒ Ꮉና አላምትስ፥ ኪታንቾስን አስስን ካስ ባዝ ማቅዳ።
1CO 4:10 ኑኒ ክርስቶሳ ግሾ ኤያ ማቅዳ፥ የዝን ይን ክርስቶሳ ግዳ ጭንጩንꬃና ማቅዳ። ኑኒ ቦዛ፥ የዝን ይን ምንꬅ ማቅዳ። ይን ቦንችንትዳ፥ የዝን ኑኒ ቶችንትዳ።
1CO 4:11 Ꮉይኖ የሎደስ ኑ ናይꬋነ፥ ባርꬋነ፥ ካልꬋነ፥ Ꮉꬊንታነ፤ የሳደ ኬꬅ ꬋብን ማꬋ በእነ።
1CO 4:12 ኑኒ ኑ ኩሽተ ኦቺ አቃነ። ኑና አስ ጫዦደራ አንጃነ፤ ኑና ባይእዘ ዎደ ዳንዳአነ።
1CO 4:13 ኡን ኑና ጫዥዘ ዎደን ኑ ሱንꬅቶ ኢስዘ ዎደ አዳትꬃራ ማሀነ። ኑ Ꮉኖ የሎደስ አላመ ቡረን አላ ኦልንትደ ፍጾ ማቅዳ።
1CO 4:14 ታኒ ይኖ ጻፍዳና፥ ታ ካዽዘ ናኡንꬅ ፋና፥ ይንታና ዞሮደስ ጻፍዳ ፋትን ዬልሳደስ ባያ።
1CO 4:15 ክርስቶሳ ግዳ ይንታና ድችዘ ጋማ ካልꬅዙንꬅ የዝኮን፥ ይንትስ ጋማ አዱንꬅ ባያ። ታ ይንታና ክርስቶስ የሱሳ ዎንገለራ የልዳ።
1CO 4:16 ይኬ፥ ይን ታና አዞተ ጋእ ይንታና ዎሳነ።
1CO 4:17 ይኒ ግሾ፥ አማንꬅዘን፥ ታ ካዽዘ፥ ላꬄ ባጋራ ታ ናአ ማቅደ፥ ጢሞትዮሳ ይንታጎ ኪትዳ። ኤ ዱማ ዱማ በሳ የዘ ዎሳ ኬꬃ ታ ታማርስደ፥ ክርስቶሳ የሱሳ ግዳ የዘ ታ ኦግቶ ይንታና ቆፍሳዳ።
1CO 4:18 ታኒ ይንታጎ የአመ ፋና አዝን፥ ኡቱራራ ኩምደ ፈቲ ፈቲ አሱንꬅ የነ።
1CO 4:19 የዝን ላꬂ ጋይኮ፥ ኡከራ ታኒ ይንታጎ ዮኦዳ። የ ዎደ ታኒ ኡቱራንቹንꬅ ኦህቶ ጻላላ ባይዝን ኡን ዎልቂቶን ኤሮደስ ኮያነ።
1CO 4:20 ጾዘ ካእቱሞ ዎልቃራ ፋትን ኦሄራ ባያ።
1CO 4:21 ታኒ ይንታጎ ጉፈራ ዮኦነነ ዎይ ሲቆራን አዳትꬅ አያናራ ዮኦነ? ይን አያ ዶረተ?
1CO 5:1 ይን ግዳ ኦላለ Ꮉንታ የዛና ዝግርንታነ። ይኒ ፋና የዘ ኦላለ Ꮉንታ መለ አቶ የዝን፥ አማኖሰ አሱንꬅን ኦቾስ። ይን ግዳ ፋ አዳይ ማችትራ ቱንደ አስ የነ።
1CO 5:2 ይነ ይን አዛኖደስን ዬልꬎደስ ቤዛነ፥ የዝን ይን ኡትርዳ። ይኒ ጋር ቦርስዘባዝ ኦችደ አꬃ ይን ግዳፓ ኬሶደስ ቤዞሶ?
1CO 5:3 ታኒ አሾራ ይንታራ የዛንጽኮን አያናራ ታ ይንታራ የነ። ታኒ ይንታራ የዘ አስ ፋና ዪእ ይኒ ጋርዘ ኦቻ ኦችደ አꬄላ ፍርድዳ።
1CO 5:4 ኑ ላꬄ የሱስ ክርስቶሳ ሱንꬅተ ይን ሺቅዘ ዎደ ታኒ አያናራ ይንታራ የሳዳ። ይነ ላꬄ የሱስ ክርስቶሳ ዎልቃ ይንታራ ማቃዳ።
1CO 5:5 የ አꬄ ናጋራ አሽታ ꬋቢ፥ ኤ አያንዘ ላꬄ የሱሳ ፍርዳ ዎደ አቶደ ፋና ኤ ጻላሄስ አꬊ እንግንቶ።
1CO 5:6 ይን ጬቅታ ሎኦ ባያ። ኤራꬅ እርሾ ቡካ ኡባ ደንꬅዛኖ ኤሮሳነ?
1CO 5:7 ይን Ꮉተ እርሾ ባይዘ ቡካ ማቃደ ጋር፥ ናጋራ እርሾ ይንታፓ ከሶተ። ኑ ፋስጋ ዱሮ ማቅደ ክርስቶሳ ዣርሽንትዳ።
1CO 5:8 ይኒ ግሾ፥ ገነን ኢታትꬅ የዘ እርሾራ ማቅካይዝን ቱረትꬅን ጌሻትꬅ የዘ ቦራራ ኑ ባልቶ ቦንቾዳ።
1CO 5:9 ታ ቲኖ ጻፍደ ኪትተ ይን ኦላለ አሱንꬃራ የልንታመ ጋር ይንትስ ኦህዳ።
1CO 5:10 ይኖ ጋዛና Ꮉና አላምተ የዘ ኦላለ Ꮉንትዙንꬃና ዎይ ዣርꬍዙንꬃራ ዎይ ካይስትዙንꬃራ ዎይ ኤቃ ጎይንዙንꬃራ ሙሎ የልንትፐተ ጋኤ ባያ። ይኖ ማቅኮ፥ Ꮉና አላምትፓ ይን ኬሳደስ ቤዛነ የሻ።
1CO 5:11 የዝን አማናነ ጋእተ ኦላለ Ꮉንትዙንꬃራ ዎይ ዣርꬍዙንꬃራ ዎይ ኤቃ ጎይንዙንꬃራ ዎይ ጫዥዙንꬃራ ዎይ ማꬅንትዙንꬃራ ዎይ ካይስትዙንꬃራ የልንትፐተ ጋእ ይንትስ ኦህነ። የንስ ጋርዘ አሳራ መለ አቶ የዝን፥ ካꬃን ሙእፐተ።
1CO 5:12 ዎሳ ኬꬃፓ ባለራ የዙንꬃላ አፋ ፍርዶደስ ታና አኮ ማ? ዎሳ ኬꬅተ የዙንꬃላ አፋ ይን ፍርዶሳነ?
1CO 5:13 የዝን ባለራ የዙንꬃላ አፋ ጾዚ ፍርዶዳ። ይና ኢታ ባዝቶ ኦችዘ አꬃ ይን ግዳፓ ከሶተ።
1CO 6:1 ይን ግዳፓ ፈተ ፈተራ ሞቶ የዝኮ፥ ይኖ አማንዘ አስ ቲኖ ፍርድንቶዳኖ አሺ አማኖሰ አስ ቲኖ ፍርድንቶደስ ዋይዝ ቅተ?
1CO 6:2 ጌሹንꬅ አላመላ ፍርዶዳኖ ይን ኤሮሶ? ዬዝን፥ ይን አላመላ ፍርድዘባዝ ማቅኮ፥ Ꮉኒ ፋና ኤራꬅባዝ ፍርዶደስ ዋይዝ ዳንዳኦሶ?
1CO 6:3 ኑኒ ኪታንቾላ ፍርዶዳኖ ኤሮሳነ? ዬዝን፥ Ꮉና ሳአ የስ ባዛላ አፋ ፍርዶዳና ይንታና ዋይዝ ጋመ?
1CO 6:4 ዬዝን፥ ይኒ ፋና ሞቶ ይን ግዳ መꬍንትኮ፥ ዎሳ ኬꬃ ለቅንትደ አሱንꬅ ቲኖ ፍርድንቶደስ ዋይዝ ካንገተ?
1CO 6:5 ታኒ ይንታና ዬልሳደስ ይኖ ጋነ። ይን ግዳ ካጭንትደ አሱንꬃና ጊግሳደስ ዳንዳእዘ አካክዘ አስ ባ?
1CO 6:6 ዬዝን፥ ፈቲ አማንዛይ Ꮉንካይ አማንዛያ ፍርዳ ኬꬃ አማኖሰ አስ ቲኖ ሞቶደስ ቤዛነ?
1CO 6:7 ይኬ፥ ይን ፈተ ፈታ ካሳሲ ሞትዛና ይና ይንትስ ሎኦ ባያ። ይንፓ አꬊ ይን ቆህንትዛኮን ጭምንትዛኮ ሎኦሶ?
1CO 6:8 የዝን ይንቲ ዎል ግዳ አማንዙንꬅ ፈተ ፈታ ቆሃነን ጭማነ።
1CO 6:9 ገኑንꬅ ጾዘ ካእቱሞ ገላማኖ ይን ኤሮሳነ? ይንታና ጭምፐተ፤ ኦላለ Ꮉንትዙንꬅ ዎይ ኤቃ ጎይንዙንꬅ ዎይ ቃይጽዙንꬅ ዎይ ꬊራꬅ ꬊራꬃራ ዎይእንትዙንꬅ፥
1CO 6:10 ዎይ ካይስትዙንꬅ ዎይ ዣርꬍዙንꬅ ዎይ ማꬅንትዙንꬅ ዎይ ጫዥዙንꬅ ዎይ ቦንቅዙንꬅ ጾዘ ካእቱሞ ገሎስ።
1CO 6:11 ይንታፓ ፈቲ ፈቲ አሱንꬅ ቲኖ ይኒ ጋር። የዝን ይን Ꮉተ ላꬄ የሱስ ክርስቶሳ ሱንꬅተን ጾዝ አያናራ ሜጭንትዳ፤ ጌዥዳ፤ ጽልዳ።
1CO 6:12 ይን፥ «ኑ ኮይደባዝ ኦቾደስ ዳንዳአነ» ያጋነ። የዝን ኡባና ይንታና ማዶስ። ታኒ ኮይደባዝ ኡባ ኦቾደስ ዳንዳአነ፥ የዝን አኮን ታና አሆስ።
1CO 6:13 ይን፥ «ካꬃ ሳዛስ፤ ሳዛን ካꬃስ» ጋነ። የዝን ጾዚ ሳዝቶን ካꬅቶ ꬋብሶዳኖ ታ ይንትስ ኦህነ። ኑ ጋልታ ላꬅስ ፋትን ኦላለ Ꮉንታስ ባያ። ላꬅን ኑ ጋልትስ።
1CO 6:14 ጾዚ ላꬃ Ꮉይቆፓ ደንꬅዳን ፋና፥ ኑናን Ꮉይቆፓ ፋ ዎልቂትራ ደንꬆዳ።
1CO 6:15 ይን ጋልታ ክርስቶሳ ጋላ ብልተ ማቅዳኖ ኤሮሳነ? ዬዝን፥ ታኒ ክርስቶሳ ጋላ ብልተ ማቅዳኖ ካንግ ኦላለ Ꮉንትዘ ጋላ ማቃደ ፋና ዪሳነ? ሙሎን ኮሾስ!
1CO 6:16 ኦላለ Ꮉንትዘ አꬄ ኤ የልንትዘ ማችትራ ፈቲ አሾ ማቅዛኖ ኤሮሳነ? ጌሽ ማጻፍተ፥ «ኡን ላምኡንꬅ ፈቲ አሾ ማቃዳ» ጋእንት ጻፍንትዳ።
1CO 6:17 የዝን ላꬃራ ፈቶ ማቅዘ አꬄ ኤ አያንዘራ ፈቶ ማቃነ።
1CO 6:18 ኦላለፓ Ꮉኮተ። ፈቲ አꬄ ኦችዘ መለ ናጋራ ኡባ ኤ ጋልትፓ ባለራ ኦችንታነ፥ የዝን ኦላልዘ አስ ፋ ጋልትላ አፋ ናጋራ ኦቻነ።
1CO 6:19 ይን ጋልታ ጾዚ ይንትስ እንግዳና ይንግዳ የዘ ጌሽ አያና ኬꬅ ማቅዳኖ ኤሮሳነ? ይን ይን ባዝ ባያ።
1CO 6:20 ጾዚ ይንታና ሚሸራ ዎንግዳ። ይኒ ግሾ፥ ይን ጋልተ ጾዝ ቦንቾተ።
1CO 7:1 ይን ታስ ጻፍደ ኪትስ ማህታ Ꮉኖ። ፈቲ አስ ማቾ ቦችካይዛር የዝኮ ሎኦ።
1CO 7:2 የዝን ኦላለፓ አቶደስ ፈተስ ፈተስ ማቻ የሰ፤ ማህ ፈትስ ፈትስ አዝኒ የሰ።
1CO 7:3 አዝንዘ ፋ ማችትስ፥ ማችታን ፋ አዝንዘስ ኮሽዘ ባዝ ኩንꬆ።
1CO 7:4 ማችትስ ፋ አሽትላ አፋ ኢስ አደትꬅ ዎልቃ ባያ፥ የዝን አደትꬅ ዎልቃ እ አዝንዘስ። ይኒ ፋና፥ አዝንዘስ ኤ አሽትላ አፋ አደትꬅ ዎልቃ ባያ፥ የዝን አደትꬅ ዎልቃ ማችትስ።
1CO 7:5 ይን ዎሳራ ኤራꬅ ዎደ ጋምኦደስ ዞረራ ማቃንጽኮ፥ ፈተ ፈታ ካይፐተ። ይኒ ግሾ ይን ይንታና አሆደስ ጋምን፥ ጻላሄ ይንታና ፋታናመ ጋር ዎላ የዞተ።
1CO 7:6 የዝን ታኒ ይንታና ዞሮደስ Ꮉኖ ጋነ ፋትን ኪታ ባያ።
1CO 7:7 አስ ኡባ ታ ጋር ማቾ ኤክካይዛራ የዛኮ ካꬋነ፥ የዝን ጾዚ ፈተስ ፈተስ እንግደ ዱማ እሞ የነ። ፈተስ Ꮉኒ ፋና እሞ Ꮉንካይስ ይኒ ፋና እሞ የነ።
1CO 7:8 ማቾ ኤክካይዙንꬅስን አዝኒ ገልካይዙንꬅስን ማህ አዝኒ Ꮉይቂዱንꬅስ ታኒ ጋዛና፥ ታ ጋር ኤክካይዛራ ዎይ ገልካይዛራ የዞተ ጋእ ዞራነ።
1CO 7:9 የዝን አሞራ ኤጽንትዛንፓ ኤክዛናን ገልዛና ሎኦ ማቅደ ግሾ ኡን ፋና አሆደስ ዳንዳአንጽኮ፥ ኤኮን ገሎ።
1CO 7:10 ታኒ ኤክዱንꬃናን ገልዱንꬃና Ꮉንጋራ ጋእ ዞራነ፤ ታና ባይዝን ላꬂ ኪታነ፤ ማችታ ፋ አዝንዘፓ ሻክንትፐ።
1CO 7:11 የዝን ሻክንትኮ መለ አዝኒ ገልካይዛራ ፋስ የዞ ዎይ ፋ አዝንዘራ ጊጎ። አዝንዘ ፋ ማችቶ ብልፐ።
1CO 7:12 የዝን መሉንꬅስ ላꬂ ባይዝን ታኒ Ꮉንጋራ ጋነ። አማኖሰ ማቻ የዘ አማንዘ አዝኒ የዝኮ፥ ኤ ማችታ ኤራ ፈትላ የሳደስ ኮይኮ እዞ ዳክፐ።
1CO 7:13 ማህ አማኖሰ አዝኒ የዘ አማንዘ ማቻ የዝኮ፥ እ አዝንዘ ኢራ ፈትላ የሳደስ ኮይኮ ኤፓ ዳክንትፐ።
1CO 7:14 አማኖሰ አዝንዘ ፋ አማንዘ ማችት ባጋራ ጌዣነ፤ ማህ አማኖሰ ማችታ ፋ አማንዘ አዝንዘ ባጋራ ጌዣነ። ይና ባይዛኮ፥ ኡን ናኡንꬅ ቱና ማቃነ፥ የዝን Ꮉተ ኡን ጌሽ።
1CO 7:15 የዝን አማኖሰ አዝንዘ ዎይ ማችታ ብሎደስ ኮይኮ ብሎ። አማንዘ ማቻ ዎይ አዝኒ ይኒ ጋርዘ ባዛራ አጭንቶስ። ጾዚ ኑና ሳሮራ የሳደ ጋር ጼግዳ።
1CO 7:16 አማንዘ ማችተ፥ ኔኒ አማኖሰ ነ አዝንዛ አሾድ የዛኮ አኮ ኤረ? ዎይ አማንዘ አዝንዛዮ፥ ኔኒ አማኖሰ ነ ማችቶ አሾድ የዛኮ አኮ ኤረ?
1CO 7:17 ፈቲ ፈቲ አስ ላꬂ ኤስ እንግደ እሞትꬅተ ጾዚ ኤዛ ጼግዳን ጋር የዞ። ዎሳ ኬꬃ ኡባ ታኒ ታማርስደ ዎግታ Ꮉኖ።
1CO 7:18 ኦደን ጋራዝንቲ አማንዳ ማቅኮ፥ ጋራዝንትካይዘ ፋና ይእፐ። ጋራዝንቲ አማንደ ኦደን የዝኮ፥ ጋራዝንቶደስ ኮይፐ።
1CO 7:19 ጾዘ ኪቶ ፎሎደስ ቤዛነ ፋትን ጋራዝንትን ጋራዝንታንጽ አሽን አኮን ማዶስ።
1CO 7:20 ፈቲ ፈቲ አስ ጾዚ ኤዛ ጼግዘ ዎድተ የዛን ፋና የዞ።
1CO 7:21 ጾዚ ነና ጼግደ ዎድተ ኔኒ አሮ? አኮ ባያ ይንስ ኡንእንትፐ። የዝን ኔኒ አሮትꬃፓ ዋሎ ኬሳደስ ዳንዳእኮ ኔፓ አትፐ ከዞ።
1CO 7:22 አሮ ማቂ የዝተራ ላꬄ ግዳ ጼግንትደ አስ ላꬄ ግዳ አሮትꬃፓ ዋሎ ከዝዳ። ይኒ ጋር፥ አሮ ማቅካይዛራ የዝተራ፥ ላꬄ ግዳ ጼግንትደ አስ ክርስቶሳ አሮ።
1CO 7:23 ጾዚ ይንታና ሚሸራ ዎንግደ ግሾ አስ አሮ ማቅፐተ።
1CO 7:24 ታ እሹንꬆ፥ ይን ፈተ ፈተ ጼግንትደ ዎደ የዘ የስተ ጾዛራ ዎላ የዞተ።
1CO 7:25 ዉዱሩንꬅባዝ ላꬂ ታና ኪትደባዝ ባያ። የዝን ላꬂ ታስ እንግደ ማሮትꬅተ አማንንትዳያ ማቂ ታ ይንታና ዞራነ።
1CO 7:26 ይኬ፥ Ꮉተ ማꬍት ግሾ ኤክካይዛራ ዎይ ገልካይዛራ የሲ ታስ ሎኦ አዛነ።
1CO 7:27 ነ ማቾ ኤከዘባዝ ማቅኮ፥ ብሎደስ ኮይፐ። ነ ማቾ ኤክካይዘባዝ ማቅኮ፥ ኤኮደስ ኮይፐ።
1CO 7:28 የዝን ነ ማቾ ኤክኮ ናጋራ ባያ። ይኒ ጋር ዉዱርታን አዝኒ ገልኮ ናጋራ ባያ። የዝን ኤክዘን ገልዘ አሱንꬅስ Ꮉና ሳእተ ጋማ ማꬋ የዘ ግሾ ይንቲ ይንፓ አቶደ ጋር ታ ኮያነ።
1CO 7:29 ታ እሹንꬆ፥ ታ ጋዛና Ꮉኖ፤ ዎደ Ꮉልእዳ። ይኬፓ ቲኖ ማቻ የዘ ማቾ ኤክካይዘ ጋር የዞ።
1CO 7:30 ዬክዙንꬅ ዬኮሰ ጋር፥ ኡፋይትዙንꬅ ኡፋይቶሰ ጋር፥ ዎንግዙንꬅ አኮን ባይዙንꬅ ጋር ፋና ፋይዶ።
1CO 7:31 Ꮉና ሳአ ቆልተ ማድንትዙንꬅ ማድንቶሰ ፋና ዪእ የዞ። Ꮉና አላምት ብሽታ አꬎዳ።
1CO 7:32 ይን ይርጋ ባይꬅ የሳደ ጋር ታ ካꬋነ። ማቾ ኤክካይዘ ላꬃ ኡፋይሶደስ ኮይዘ ግሾ ላꬄ ባዝ ቆፓነ።
1CO 7:33 የዝን ማቾ ኤክዳይ ፋ ማችቶ ኡፋይሶደስ ኮይዘ ግሾ Ꮉና ሳእትባዝ ቆፓነ።
1CO 7:34 ኤ ቆፍታ ላምእ በሳ ሻክንታነ። አዝኒ ገልካይዘ ዉዱርታ ፋ አሽተን ፋ ሸምፕተ ጌዥ ላꬃ ኡፋይሶደስ ኮይዘ ግሾ ላꬂ ባዝ ቆፓነ። የዝን አዝኒ ገልዳና ፋ አዝንዛ ኡፋይሶደስ ኮይዘ ግሾ ሳአባዝ ቆፓነ።
1CO 7:35 ታኒ ይኖ ይንትስ ኦህዛና፥ ይን ማድንቶደ ጋር ጋእ ፋትን ይንታና ኡንእꬆደስ ባያ። የዝን ይን ቆፍታ ሻክንትካይዝን ዎጋራ የዚ ላꬃ ኡፋይስዘ ባዝ ይን ኦቾደ ጋር ታኒ ኦህነ።
1CO 7:36 ኦደን ፋ ኦጭደ ዉዱርትስ ገልዘ ዎደ አꬍዳ ጋእ እዞ አሾደስ ቆፕኮ፥ ይና ማህ ኢስ ሎኦ ማቆሳና ኤስ ስንትኮ፥ ፋ ኮይዳኖ ኦቾ፤ ኡን ኤኮን፥ ገሎን፤ ይነ ናጋራ ባያ።
1CO 7:37 የዝን ፈቲ አስ ኡንእꬅዘባዝ ꬋብን፥ ፋ ዎዝንተ ሚንግ፥ ፋና ናጊ፥ ፋ ኦጭደ ዉዱርቶ ኤካንጽ አሾደስ ኮይኮ ሎይꬅዳ።
1CO 7:38 ይኒ ግሾ፥ ዉዱርቶ ኤክዘ አꬄ ሎይꬅዳ፤ ማህ ኤኮሰ አꬄ ጋማ ሎይꬅዳ።
1CO 7:39 ማችታ ፋ አዝንዘ ፋጻ የዘ ዎደ ኡባ ኤራ አጭንትዳ። የዝን እ አዝንዘ Ꮉይቂኮ፥ ፋ ኮይደ አዝኒ ገሎደስ ዳንዳአነ። ማቆየዝን፥ እዛ ገልዘ ꬊራ አማንዘ አስ ማቃደስ ቤዛነ።
1CO 7:40 ታ ቆፋ ማቅኮ፥ እዛ ገልካይዛራ የዝኮ ኡፋይሳራ የሳዳ። ማህ ታስን፥ ታራ ጾዘ አያና የዛ አዛነ።
1CO 8:1 ኤቃስ ዣርሽንትደ ካꬃባዝ ማቅኮ ኑ ኡቡንꬅስ ኤራ የነ። ኤራትꬅ ኡቱርሳነ፥ የዝን ሲቆ ድቻነ።
1CO 8:2 ኦደን ፋና ኤራነ ጋእ ቆፕኮ፥ ኤ Ꮉጋ ኤሮደስ ቤዛኖ ኤርካያ።
1CO 8:3 የዝን ኦደን ጾዝ ካꬍኮ ኤ ጾዘ ካለ ኤርንትዳያ።
1CO 8:4 ይኒ ግሾ፥ ኤቃስ ዣርሽንትደ ካꬃ ሙእዘ ባዝ ማቅኮ Ꮉና አላምተ ላꬂ ፈቲ ጾዘፓ ፋትን መለ ባይዘ ግሾ ኤቃ ፋꬆሰ ባዝ ማቅዳኖ ኑኒ ኤራነ።
1CO 8:5 ጾዝ ማቅካይዝን ሳሎን ሳአን ጾዚ ጋእንት ጼግንትደ ጋማ ጾዙንꬅን ላꬁንꬅ የዝኮን፥
1CO 8:6 ኡባ ባዝ መꬍደ፥ ኑ ኤ ባዝ ማቅደ፥ ፈቲ ጾዚ፥ አደ፥ ኑስ የነ። ኡቡንꬅ ኤ ባጋራ መꬍንትዳ፥ ኑንን ኤ ባጋራ ደኦ ደንግዳ ፈቲ ላꬂ፥ የሱስ ክርስቶሳ ኑስ የነ።
1CO 8:7 የዝን Ꮉኖ ኤርዘ ኡባ ባያ። ፈቲ ፈቲ አሱንꬅ ኤቃ ጎይኖራ ኤርንትደ ግሾ ካꬃ ሙእዘ ዎደ ኤቃ ዣርሽንትደባዝ ማህ ኤካነ። የ ዎደ ኡን ዎዝንታ ቦዛ ማቅደ ግሾ ቱናነ።
1CO 8:8 የዝን ካꬃ ኑና ጾዛራ እግንꬆስ። ኑ ሙእካይዛራ አሽን አኮን ቆህንቶስ፤ ማህ ሙእ ዱማ ማድንቶስ።
1CO 8:9 የዝን ይን ኮይደባዝ ሞኦደስ ዋሎትꬅ ይንትስ የዝኮን ይና አማኖራ ሚንግካይዙንꬃና ꬉባመ ፋና ናግንቶተ።
1CO 8:10 ኔኒ ነና ኤራ ጋእ ኤቃ ዣርሽንትደ ካꬃ ሞኦደስ ኤቃ ኬꬃ በቴዝን፥ አማኖራ ሚንግካይዘ ነና ብእኮ ይና ኤዛ ኤቃስ ዣርሽንትደ ካꬃ ሞኦደ ጋር ደንꬅꬆሳ?
1CO 8:11 ይኬ፥ ነ ኤራትꬅት ባጋራ ክርስቶሳ ኤ ግሾ Ꮉይቂዳ፥ አማኖራ ሚንግካይዘ ነ እሸ፥ ꬋብዳ።
1CO 8:12 ይኒ ጋር ዪዚ፥ አማኖራ ሚንግካይዘ ይን እሹንꬃና ቆህተ ኡን ዎዝንቶ Ꮉርግዚ ክርስቶሳ ቆሃነ።
1CO 8:13 ይኒ ግሾ፥ ካꬃ ታ እሻ ꬉቢዘ ባዝ ማቅኮ፥ ኤ ꬉብንታመ ፋና አሾ ሙሎን ሞኦስ።
1CO 9:1 ታኒ ዋሎትꬃ የዘ አስ ባነ? ታ ሐዋረ ባነ? ታኒ ኑ ላꬃ የሱስ ክርስቶሳ ብእካ? ይን ላꬃራ ታ ዋየ ኣፈ ባነ?
1CO 9:2 ይን ላꬄ ባዝ ማቅደ ግሾ ታ መሉንꬅስ ሐዋረ ማቃንጽኮን፥ ይንትስ ሐዋረ ማቅዳንስ ይን ማርካ።
1CO 9:3 ታና ሐዋረ ባያ ጋዙንꬅስ ታ እንግዘ ማህታ Ꮉኖ።
1CO 9:4 ኑ ይንታፓ ሞኦደስን ኡሻደስን ቱሮ ኑስ አደትꬅ ዎልቃ ባ?
1CO 9:5 Ꮉንዛኮ ሐዋሩንꬅ ፋና፥ ላꬄ እሹንꬅ ፋናን ጴጥሮሳ ፋና፥ አማንዘ ኑ ማቹንꬃና ኤኪ የꬋደስ ኑስ አደትꬅ ዎልቃ ባ?
1CO 9:6 ዎይ ኦቺ ሞኦደስ ቤዝዘ ታናን ባርናባሳን ጻላላ?
1CO 9:7 ፋ ሚሸራ ዎታዳረትꬅ ኦችዘ ኦደ? ዎይ ዎይነ ቱኪ፥ እዝፓ ኣፈ ሞኦሰ ኦደ? ዎይ ዉደ የንግተራ፥ ይና ዉድትፓ ማꬅ ኡዦሰ ኦደ?
1CO 9:8 ታኒ ይኖ አስ ቆፋ ጋር ጋነነ? ህገ ይኖ ጋኦሳነ?
1CO 9:9 ሙሴ ህግተ፥ «ኡዱማ ካꬃ የꬍዘ ቦርዘ ዶንቶ አጭፐ» ጋእንት ጻፍንትዳ። ዬዝን ጾዚ ይኖ ቦራስ ቆፒ ጋይዳነ?
1CO 9:10 ጾዚ ይኖ ጋይዳና ኑስ ቆፒ ባነ? ዬ ኑ ግሾስ። ዎትዘን፥ ካꬃ ጌሽዘን ፋና የልዛኖ ኤኮዳ ጋእ ኡፋይሳራ ኦቾደስ ቤዛነ ጋእንት ቱሮ ኑ ግሾ ጻፍንትዳ።
1CO 9:11 ኑኒ ይን ግዳ አያና ቡዱꬅ ቡደዘባዝ ማቅኮ አሾስ ቤዘባዝ ኑ ይንታፓ ኤክኮ፥ ይና ዳማ ባዞነ?
1CO 9:12 መሉንꬅ ይኖ ይንታፓ ኤኮደስ ኡንትስ አደትꬅ ዎልቃ የዝኮ፥ ኑስ ኡንታፓ አꬍዘ አደትꬅ ዎልቃ የነ። የዝን ኑኒ ክርስቶሳ ዎንገለስ ꬉበ ማቃመ ጋር፥ ኡባነ ገንጫነ ፋትን ይና አደትꬅ ዎልቂትራ ማድንትካያ።
1CO 9:13 ጾዘ ኬꬃ ኦችዘ አሱንꬅ ፋ ካꬅቶ ጾዘ ኬꬃፓ ኤክዛኖ ኤሮሳነ? ማህ ዣርሾ በስተ ኦችዙንꬅ ዣርሽትፓ ኤክዛኖ ኤሮሳነ?
1CO 9:14 ይኒ ፋና፥ ዎንገለ ማርክꬍዙንꬅ የሲስ ኮሽዘ ባዝ ዎንገለፓ ኤኮደ ፋና ላꬂ ኪትዳ።
1CO 9:15 የዝን ታኒ Ꮉና አደትꬅ ዎልቅቶ ኡባ አኮን ማድንትካያ። ታኒ Ꮉኖ ጻፍዳና ታ አደተꬅ ዎልቅቶ ቦንችሳደስ ኮይ ባያ። ኦደን ታ ጬቅቶ Ꮉሪ አሾዳንፓ Ꮉይቆ ታስ ሎኦ።
1CO 9:16 ታኒ ዎንገለ ኦህዛና ታና ኪትደ ግሾ ፋትን ታና ጬቅዘባዝ ባያ። ዎንገለ ኦሃንጽኮ፥ ታና ባደ።
1CO 9:17 ታኒ ዎንገለ ካꬊ ሳባክኮ ታስ ዳሞዘ የነ። የዝን ታኒ ዎንገለ ካꬍካይዛራ ኪትን ሳባክዘባዝ ማቅኮ ይኖ ጾዚ ታስ Ꮉዳራ እንግዳ።
1CO 9:18 ዬዝን፥ ታ ዳሞዝታ አኮ? ታኒ ዎንገለ ሳባክዘ ዎደ ታ አደትꬅ ዎልቃ ማድንትካይዛራ ዎንገለ Ꮉሪ ሳባክዛና ታስ ዳሞዘ።
1CO 9:19 ታኒ ኦደስን አሮ ማቆስ፥ የዝን ጋሙንꬃና ኮኦደስ ኡቡንꬅስ አሮ ማቅዳ።
1CO 9:20 ታኒ አይሁዱንꬅ አቶደ ፋና ኡንታራ ኡንታና ማቅዳ። ታ ኦምተ ህገፓ ኦሞራ የዞስ፥ የዝን ህገፓ ኦሞራ የዙንꬅ አቶደ ፋና ህገፓ ኦሞራ የዘ አስ ማቅዳ።
1CO 9:21 ጾዘ ህገፓ ባለራ ከዝካይዛራ፥ ክርስቶሳ ህግትስ ኪትንትተ፥ ህገ ባይዙንꬅ አቶደ ፋና ህገ ባይዘ አስ ፋና ማቅዳ።
1CO 9:22 ታኒ አማኖራ ቦዙዱንꬅ አቶደ ፋና ቦዛ ማቅዳ። ታኒ ኤራꬁንꬅ አቶደ ፋና ኡንታር ኡንታና ማቅዳ።
1CO 9:23 ታኒ ዎንገለ ማባራ አስ ማቃደስን አንጅቶ ሻክንቶደስ፥ Ꮉኖ ኡባ ዎንገለ ግሾ ዪዝዳ።
1CO 9:24 ጋልጋደ ዎꬂ ኡቡንꬅ ዎጻነ፥ የዝን ፈተ ጻላላ ሽልማተ ኤክዛኖ ኤሮሳነ? ይኒ ፋና ይንትን ሽልማቶ ኤኮደስ ዎጾተ።
1CO 9:25 ጋልጋደ አስ ኡቡንꬅ ኡባባዝተ ፋና አሃነ። ኡን ይኖ ላቢዛና ꬋብዘ ዎርቃ ዛዉደ ኤኮደስ። የዝን ኑኒ ላቢዛና መዽና ꬋቦሰ ዎርቃ ዛዉደ ኤኮደስ።
1CO 9:26 ይኒ ግሾ፥ ታኒ ቆፋ ባይዘ አስ ፋና ዎጾስ። ባቆ ዡልትዘ አስ ፋና Ꮉሪ ኩሸ ደንꬆስ።
1CO 9:27 ይኒ ግሾ ታኒ መሉንꬅስ ዎንገለ ሳባክዳንፓ ሱባ ታ ኦምተ ኦልንትደ አስ ማቃመ ፋና ታ አሽቶ ዎልቃራ አህ ታስ ኪትንቶደ ፋና ዪዛነ።
1CO 10:1 ታ እሹንꬆ፥ ታኒ ይን Ꮉኖ ቲሮደ ፋና ኮያነ። ኑ አዱንꬅ ኡቡንꬅ ꬎነፓ ዬካራ የꬍዳ፤ ኡቡንꬅ አባ ፊንግዳ።
1CO 10:2 ኡን ሙሴራ ዎላ ማቃደስ ꬎነ ግዳን አባ ግዳ ጻማቅንትዳ።
1CO 10:3 ኡን ኡቡንꬅ ፈቲ አያና ካꬃ ሙእዳ።
1CO 10:4 ማህ ኡቡንꬅ ፈቲ አያና ኡሽ ኡዥዳ። ኡን ኡዥደን ኡንታና ካልተር የዘ የ አያና ላልዘፓ ኬዛያ፤ የ ላልዘን ክርስቶሳ።
1CO 10:5 የዝን ጾዚ ኡንታፓ ጋምተ ኡፋይትካይዘ ግሾ ኡን አህታ አኮ ባይዘ ሳአ ዎꬊ አትዳ።
1CO 10:6 ኡን ኢታ ባዝ አሙꬍዳን ጋር፥ ኑንን ኢታ ባዝ አሙꬋአመ ጋር ይና ኡባና ኑስ አዝዘ ማቅዳ።
1CO 10:7 ጌሽ ማጻፍተ፥ «አሱንꬅ ሞኦደስን ኡሻደስን በትዳ፤ ማህ የጾደስ ደንድዳ» ጋእንትዳን ጋር ኡንታፓ ፈተ ፈተ ኤቃ ጎይንዳን ጋር ይን ኤቃ ጎይንፐተ።
1CO 10:8 ኡንታፓ ፈተ ፈተ ኦላልዳን ጋር ኑ ኦላሎደስ ቤዞስ። ይኒ ግሾ ኡንታፓ ፈቲ ዎደ ላምእታም Ꮉይꬕ ሙኩል አስ Ꮉይቂዳ።
1CO 10:9 ኡንታፓ ፈተ ፈተ ላꬃ ፋታን ሾሻራ ꬋእንት Ꮉይቂዳን ጋር ኑ ላꬃ ፋታኖደስ ቤዞስ።
1CO 10:10 ኡንታፓ ፈተ ፈተ ዙዝንጊ Ꮉይቆ ክእዘ ኪታንቾራ ꬋብዳን ጋራ ይንትን ዙዝንግፐተ።
1CO 10:11 Ꮉና ኡንታላ አፋ የልዳና ሙሎ ኑ ናግንቶደ ጋር ኑስ አዝዘ ማቅዳ። ማህ ዎደ ዉርሱꬃላ አፋ የዘ ኑስ ትምርተ ማቃደ ጋር Ꮉና ኡባ ጻፍንትዳ።
1CO 10:12 ይኒ ግሾ፥ ታ ኤቅዳ ጋዘ ኦደን ጎልአመ ጋር ፋና ናጎ።
1CO 10:13 አስ ኡባ የልዘ ፋታና ፋትን ዱማ ፋታና ይንታና የልካያ። ይን ዎልቅታ ዳንዳእዛንፓ አꬍዘ ፋታና ይን ፋታንንታመ ጋር አꬂ እንጎሰ ጾዘ አማንንትዳያ። ይንታና ፋታና የልዘ ዎደ ይና ፋታንቶ ኤ ይንታና ዳንዳእሳዳ። ማህ ይና ፋታንትፓ ይን ኬሳደ ኦግቶ ኤ ጊግሳዳ።
1CO 10:14 ይኬ፥ ታ አልኦ እሹንꬆ፥ ኤቃ ጎይንዛንፓ Ꮉኮተ።
1CO 10:15 ይን ዎዝናማ አስ ማቅደ ግሾ ታ Ꮉኖ ኦህነ። ታኒ ጋዛና ቱሮ ማቅዳኖ ይን ይን ኦምተ ፍርዶተ።
1CO 10:16 ኑኒ ጾዝ ጋላቲ ግሽንትዘ አንጆ ጹእታ ክርስቶሳ ሱꬃራ ፈተትꬅ የዛኖ ባነ? ማህ ኑኒ ባጽዘ ዳብዘ ክርስቶሳ አሽትራ ፈተትꬅ የዛኖ ባነ?
1CO 10:17 ኑኒ ጋማ ማቅኮን ዳብዘ ፈቶ፥ ኑ የ ፈቲ ዳቦ ግሽንትዘ ግሾ ፈቲ አሾ።
1CO 10:18 አነ እስራኤለ አሱንꬅ ኦችዳኖ ቆፖተ። ዣርሽንትደ ዣርሽታ ሙዙንꬅስ ዣርሾ በሳራ ፈተትꬅ ባነ?
1CO 10:19 ታኒ አኮ ጋኦደስ ኮይ ጋኤ? ኤቃስ ዣርሽንትደ ካꬅታ ዎይ ኤቃ ማድዘ ባዝ ባያ።
1CO 10:20 ኡን ዣርሽዛና ጾዝስ ማቅካይዝን ቱና አያናስ። ይኒ ግሾ፥ ይንትስ ቱና አያናራ ፈተትꬅ የሳደ ጋር ታ ኮዮስ።
1CO 10:21 ይን ላꬄ ጹእትፓ ኡዥተራ፥ ማህ ቱና አያና ጹእትፓ ኡሻደስ ዳንዳኦስ። ላꬄ ሌማትፓ ሙእተራ ማህ ቱና አያና ሌማትፓ ሞኦደስ ዳንዳኦስ።
1CO 10:22 ኑ ይኖ ዪዚ ላꬃ ዥልሳነ? ኑ ኤፓ አꬍዘ ሚንꬆነ?
1CO 10:23 ይን፥ «ኡባ ባዝ ኦቻመ ጋር ካይዘባዝ ባያ» ጋነ፥ የዝኮን ኡባና ማዶስ። ይን፥ «ኡባ ባዝ ኦቻመ ጋር ካይዘባዝ ባያ» ጋነ፥ የዝን ኡባና ጻልዞስ።
1CO 10:24 ፈቲ ፈቲ አስ፥ መለ አስ ማድዘ ባዝ ቆፖደስ ቤዛነ ፋትን ፋና ማድዘ ባዝ ጻላላ ቆፕፐ።
1CO 10:25 ይን ዎዝንተ መꬍንትዘ ሶእቶ Ꮉሲ ጋበ ባይዝንትዘ አሾ ጨር ሞኦተ።
1CO 10:26 አኮስ ጋይኮ፥ «ሳአን ሳአላ የዘ ኡባ ላꬅስ።»
1CO 10:27 ፈቲ አማኖሰ አስ ይንታና ሞኮደስ ኮይ ጼግኮ Ꮉማደስ ኮይኮ Ꮉንጎተ። ይን ዎዝንተ ሶእካይዛራ ይን ቲኖ አꬅዳኖ ኡባ ሞኦተ።
1CO 10:28 የዝን ፈቲ አስ፥ «Ꮉና ኤቃስ ዣርሽንትደባዝ» ጋይኮ፥ የ ይንትስ ኦህደ አꬄ ግሾን ይን ዎዝንት ግሾ ይና ካꬅቶ ሙእፐተ።
1CO 10:29 ታኒ፥ ዎዝና ግሾ ጋዛና ይኖ ይንትስ ኦህደ አꬄ ዎዝንት ግሾ ፋትን ይን ዎዝንት ግሾ ባያ። መለ አስ ዎዝና ግሾ ጋእ ታኒ ታ ዋሎትꬃላ አኮስ ፍርዶደ?
1CO 10:30 ታኒ ሙእዘ ካꬅትስ ጾዝ ጋላቲ ሙእኮ አኮስ Ꮉልደ ፋና ጾዝ ጋላትዘ ባዛ ኦጭንተ?
1CO 10:31 ይኬ፥ ይን አኮ ሙእዛኮ አኮ ኡዥዛኮን፥ ዎይ አኮ ኦችዛኮ ኡባኖ ጾዘ ቦንቾስ ኦቾተ።
1CO 10:32 አይሁዱንꬃና ማቅን ግርኩንꬃናን ማቅን ዎይ ጾዘ ዎሳ ኬꬅተ ማቅን ኦደስን ꬉበ ማቅፈተ።
1CO 10:33 ታኒ ኡባ ዎደ ጋሙንꬅ አቶደ ፋና ኡን ማድንቶደ ኦገ ኮያነ ፋትን ታና ማዶደ ኦገ ኮዮስ።
1CO 11:1 ታኒ ክርስቶሳ አዚ ካልዛንፋና፥ ይንትን ታና ካሎተ።
1CO 11:2 ይን ኡባ ባዛ ታና ቆፕዘ ግሾን ታ ታማርስደ ትምርትቶ ምንꬂ አይክደ ግሾ ታ ይንታና ጋላታነ።
1CO 11:3 የዝን ክርስቶሳ ꬊራꬅ ኡባስ ኦማ፥ ꬊራꬅ ማችስ ኦማ፥ ማህ ጾዚ ክርስቶሳስ ኦማ ማቅዳኖ ይን ኤሮደ ፋና ታ ኮያነ።
1CO 11:4 ፋ ኦምቶ ጉሉንቲ ጾዝ ዎስዘ ዎይ ትንቢተ ኦህዘ ꬊራꬅ ኡባ ኦማ ማቅደ ክርስቶሳ ቶቻነ።
1CO 11:5 ፋ ኦምቶ ጉሉንትካይዛራ ጾዝ ዎስዘ ዎይ ትንቢተ ኦህዘ ማችታ ኦማ ማቅደ ፋ አዝንዛ ቶቻነ። ፋ ኦምቶ ጉሉንትካይዘ ማችታ ፋ ኦምቶ ሜድንትደ ማችት ፋና።
1CO 11:6 ማቻ ፋ ኦምቶ ጉሉንታንጽኮ፥ ፋ ኦምቶ ጩቅንቶ። የዝን ኢስ ኦምቶ ጩቂዛና ዎይ ሜድዛና ቦርስኮ ፋ ኦምቶ ጉልንቶ።
1CO 11:7 ꬊራꬅ ጾዝ አዚ ጾዘ ቦንቾ ማቅደ ግሾ ፋ ኦምቶ ጉልንቶደስ ቤዞስ፥ የዝን ማቻ ꬊራꬅ ቦንቾስ።
1CO 11:8 ማቻ ꬊራꬃፓ መꬍንትዳ ፋትን ꬊራꬅ ማችፓ መꬍንትካያ።
1CO 11:9 ማቻ ꬊራꬅስ መꬍንትዳ ፋትን ꬊራꬅ ማችስ መꬍንትካያ።
1CO 11:10 Ꮉኒ ግሾን ኪታንቹንꬅ ግሾ ማቻ ፋስ አደትꬅ ዎልቃ የዛኖ ቤዝዘ ማላ ፋ ኦምቶ ጉሉንቶደስ ቤዛነ።
1CO 11:11 የዝን ላꬄ ቆፋራ ማቻ ꬊራꬅ ባይዝን የዞስ፤ ꬊራꬅን ማቻ ባይዝን የዞስ።
1CO 11:12 ማቻ ꬊራꬃፓ መꬍንትዳን ፋና ꬊራꬅን ማችፓ የልንትዳ። የዝን ኡቡንꬅን ጾዛፓ መꬍንትዳ።
1CO 11:13 አነ ይን ፍርዶተ። ማቻ ፋ ኦምቶ ጉልንትካይዛራ ጾዝ ዎሶደስ ቤዛነ?
1CO 11:14 ꬊራꬅ ፋ ኦምቶ ድችኮ ኤስ ቦርሶ ማቅዳኖ መለ አቶ የዝን መትꬅ ይንታና ታማርሶሶ?
1CO 11:15 የዝን ማቻ ፋ ኦምቶ ድችኮ ኢስ ቦንቾ ባነ? ማችስ ኦማ እንግንትዳና እዛ ፋና ካሞደ ፋና።
1CO 11:16 ይኒ ግሾ Ꮉንላ ላሎደስ ኮይዘ አስ የዝኮ፥ ኑስ ማቅን ዎይ ጾዘ ዎሳ ኬꬅስ ማቅን Ꮉንፋ መለ ዎጋ ባያ።
1CO 11:17 ይን ፈትላ ሺቅዛና ሎኦስ ማቅካይዝን ቆሄስ ማቅደ ግሾ Ꮉተ ታ እንግዘ ኪተ ይንታና ናሾስ።
1CO 11:18 ታ ቲኖ ስእዳንና፥ ይን ዎሳ ኬꬅተ ሺቅዘ ዎደ ይን ግዳ ሻኮ የዛኖ። ይኖ ታ ስእዳንፓ ባግታ ቱሮ ማቅዳኖ አማናነ።
1CO 11:19 ይን ግዳ ፋ ኦችተ ቱሪ የዙንꬅ ኦና የዛኮ ኤርንቶደ ጋር ይን ግዳ ሻኮ የሳዳና አቶስ።
1CO 11:20 ይን ዎላ ሺቅዘ ዎደ ይን ሺቅዛና ላꬄ ካዎ ማደስ ባያ።
1CO 11:21 ይን ካꬃ ሙእዘ ዎደ ፈተ ፈታ ናግካይዛራ ፋስቶ ፋስቶ ሙእዘ ግሾ ፈታ ናያነ Ꮉንካይ ማህ ማꬅንታነ።
1CO 11:22 ቱሮ ይን ሞኦደስን ኡሻደስ ይንትስ ኬꬅ ባነ? ዎይ ጾዘ ዎሳ ኬꬅቶ ለቃነ? ዳሁንꬃና ዬልዛነ? ታ ይንታና ዋጎ? Ꮉንስ ታ ይንታና ናሾ? ሙሎን ናሾስ።
1CO 11:23 ታኒ ይንትስ እንግደ ትምርትቶ ላꬃፓ ኤክዳ። ላꬄ የሱሳ አꬊ እንግንትዘ ቃምተ ቦራ ኤኪ፥
1CO 11:24 ጾዝ ጋላትዳ። ቦርቶ ባጽ «Ꮉተ፤ ሞኦተ። Ꮉና ይንትስ እንግንትደ ታ አሽቶ። Ꮉኖ ሙእተራ ታና ቆፖተ» ያጋይዳ።
1CO 11:25 ይኒ ጋራ፥ ካዎ ሙእ ማቅን፥ ኡሽ ኤኪ፥ «Ꮉና ኡሽታ ታ ሱꬅተ ኤቅደ ክለ ጫቆ። ይን ኢፓ ኡዥደ ዎደ ኡባ ታና ቆፖተ» ያጋይዳ።
1CO 11:26 ይን Ꮉይ ቦርዛ ሙእዘ ዎደን Ꮉና ኡሽቶ ኡዥዘ ዎደፓ ደንꬅ ላꬂ የኦደ ዎንꬅስ ኤ Ꮉይቅቶ ኦሆዳ።
1CO 11:27 ይኒ ግሾ፥ ቤዞሰ ኦገራ ላꬄ ቦርቶ ሙእዘ ዎይ ላꬄ ኡሽቶ ኡዥዘ ኦደን ኤ አሽቶን ሱꬅቶን ቶችደ ግሾ ፋ ናጋርተ ኦጭንታነ።
1CO 11:28 ይኒ ግሾ አስ ፋና ፋታኖ። የይዝ ቦርቶ ሞኦ፤ ኡሽትፓን ኡዦ።
1CO 11:29 ላꬄ አሽትባዝ ሻኪ ኤሮሰ፥ ቦርትፓ ሙእዘን ኡሽትፓ ኡዥዘ፥ ፋላ አፋ ፍርዳ ሙነን ኡዣነ።
1CO 11:30 ይኒ ግሾ፥ ይን ግዳ ፋ ጋሙንꬅ ላቢዳ፤ Ꮉርግንትዳ፤ ማህ ኡንደና አሱንꬅ Ꮉይቂዳ።
1CO 11:31 የዝን ኑ ኑና ፋታኒ በኤዛኮ፥ ኑላ አፋ ፍርድንታማ የሻ።
1CO 11:32 አላመ ፍርድንትዘ ዎደ ኑ አላምትራ ፍርድንታመ ጋር Ꮉተ ላꬂ ኑና ካጫነ።
1CO 11:33 ይኒ ግሾ፥ ታ እሹንꬆ፥ ላꬄ ካዎ ማደስ ይን ሺቅዘ ዎደ ዎል የልꬅ ኤኮተ።
1CO 11:34 ይን ሺቅታ ፍርዳስ ማቃመ ጋር ናይꬍደ ኦደን የዝኮ፥ ፋ ካራ ሞኦ። አትደ ባዝቶ ታ እዘ Ꮉንግ ይንትስ ኦሆዳ።
1CO 12:1 ታ እሹንꬆ፥ ጌሽ አያና እሞትꬅባዝ ይን ኤሮደ ፋና ታ ኮያነ።
1CO 12:2 ይን ጾዝ አማኖሰ ዎደ ዶና ባይዘ ኤቁንꬃጎ ጎችንቲ፥ ይን ኤሮሰ ኦገ Ꮉንግዳኖ ይን ኤራነ።
1CO 12:3 ጾዘ አያና ካልꬅዘ አስ ኦደን፥ «የሱሳ ባድንቶ» ያጋኦስ። ማህ ጌሽ አያና ካልꬅካይዝን፥ ኦደን፥ «የሱሳ ላꬂ» ጋኦደስ ዳንዳኦሳኖ ይን ኤሮደ ፋና ኮያነ።
1CO 12:4 ዱማ ዱማ አያና እሞትꬅ የነ፥ የዝን እሞትꬅቶ እንግዘ አያንዘ ፈቶ።
1CO 12:5 ኑ ላꬄስ ዱማ ዱማ ኦቻ የነ፥ የዝን ላꬄ ፈቶ።
1CO 12:6 ኑ ላꬄስ ኦችዘ ዱማ ዱማ ኦገ የነ፥ የዝን ይና ኦግተ አስ ኡባራ ኦችዘ ጾዘ ፈቶ።
1CO 12:7 የዝን ፈተስ ፈተስ እንግንትደ እሞትꬅቶ መሉንꬃና ማዶደ ፋና ጌሽ አያና ቆንጫነ።
1CO 12:8 ጌሽ አያና ፈተስ ጭንጫትꬅ ኩምደ ቃላ እንጋነ፤ ማህ ፈተስ ኤራትꬅ ኩምደ ቃላ እንጋነ።
1CO 12:9 የ ጌሽ አያንዘ ፈተስ አማኖ፥ Ꮉንካይስ ማህ ፋꬅዘ እሞ እንጋነ።
1CO 12:10 ጌሽ አያና ፈተስ ክለ ባዝ ኦችዘ እሞ፥ ፈተስ ትንቢተ ኦህዘ እሞ እንጋነ። ፈተስ አያናፓ አያና ሻኪ ኤርዘ ዎልቃ፥ ፈተስ ዱማ ዱማ ዶናራ ኦህዘ እሞ፥ ማህ ፈተስ ዱማ ዱማ ዶናራ ኦህንትዳኖ ብልዘ እሞ እንጋነ።
1CO 12:11 ይኒ ግሾ Ꮉኖ ኡባ ኦችዘ የ ፈቲ ጌሽ አያንዛ። ኤ ኮይደ ፋና ፈተስ ፈተስ ዱማ ዱማ እሞ እንጋነ።
1CO 12:12 ፈቲ ጋልተ ጋማ ብልተ የነ፥ የዝን ይና ዱማ ዱማ ብልቱንꬅ ፈቲ ጋላ። ይኒ ፋና፥ ክርስቶሳ ዱማ ዱማ ብልቱንꬅ የዘ ፈቲ ጋላ ፋና።
1CO 12:13 ኑኒ አይሁደ ማቅን ግርኬ ማቅን አሮ ማቅን ዋሎ አስ ማቅን፥ ኡቡንꬅ ፈቲ ጋላ ማቃደስ ጌሽ አያናራ ጻማቅንትዳ። ማህ ኑ ኡቡንꬅ ፈቲ ጌሽ አያና ኡዥዳ።
1CO 12:14 ኑ ጋልተ ዱማ ዱማ ብልተ የነ ፋትን ፈቲ ጋላ ብልተ ባያ።
1CO 12:15 ቶሄ፥ «ታኒ ኩሸ ማቆሰ ግሾ ብልተ ባያ» ጋይኮ፥ ኤ ይኖ ጋይደ ግሾ ብልተ ማቅዛና አቶዳነ?
1CO 12:16 Ꮉየ፥ «ታኒ ኣፈ ማቆሰ ግሾ ጋላ ብልተ ባያ» ጋይኮ፥ ኤ ይኖ ጋይደ ግሾ ጋላፓ ፈቲ ብልተ ማቅዛና አቶዳነ?
1CO 12:17 ጋላ ኡባ ኣፈ ጻላላ ማቅዛኮ፥ ኑ አኮራ ስኦደ? ማህ ጋላ ኡባ Ꮉየ ጻላላ ማቅዛኮ ኑ አኮራ ስንጎደ?
1CO 12:18 የዝን ጾዚ ፋ ኮይዳን ጋራ፥ ጋላ ግዳ ዱማ ዱማ ብልቱንꬃና ጋድዳ።
1CO 12:19 ኡቡንꬅ ፈቲ ብልተ ማቅዛኮ ጋላ ዋይዝ የሳደ?
1CO 12:20 የዝን ብልቱንꬅ ጋማ ማቅኮን፥ ጋላ ፈቶ።
1CO 12:21 ኣፈ ኩሸጎ፥ «ነ ታስ ኮሾስ» ጋኦደስ ዳንዳኦስ። ዎይ ኦማ ቶሄጎ፥ «ነ ታስ ኮሾስ» ጋኦደስ ዳንዳኦስ።
1CO 12:22 የዝን ቦዛ አዝዘ ጋላ ብልቱንꬅ ኑስ አꬊ ኮሻነ።
1CO 12:23 ቦንቾ ኮሾስ ጋእ ኑ ቆፕዘ ብልቱንꬃፓ ባጉንꬃና ጋማ ቦንቻነ። ማህ ኑ ቦርስዘ ኑ ጋላ ብልቱንꬃና አꬂ ቦንቺ ናጋነ።
1CO 12:24 በአደራ ቦርሶሰ ጋላ ብልቱንꬅስ ቦንቾ ኮሾስ። የዝን ጾዚ ኑ ጋላ ብልቱንꬃና ዎል የልꬅ ቦርስዘ ብልቱንꬅስ አꬍዘ ቦንቾ እንግዳ።
1CO 12:25 ጋላ ብልቱንꬅ ፈተ ፈተራ ሻኮ መꬍካይዛራ ዎልስ ቆፖደ ጋር ማህ መꬍዳ።
1CO 12:26 ጋላ ብልቱንꬃፓ ፈተ Ꮉርግንትኮ ብልቱንꬅ ኡባ ኤራ Ꮉርግንታነ። ጋላ ብልቱንꬃፓ ፈተ ቦንችንትኮ ብልቱንꬅ ኡባ ኤራ ኡፋይታነ።
1CO 12:27 ይን ኡቡንꬅ ክርስቶሳ ጋላ፤ ማህ ይን ፈተ ፈተ ኤ ብልተ።
1CO 12:28 ዎሳ ኬꬅተ ጾዚ፥ ቲኖ ሐዋሩንꬃና፥ ላምእንꬃ ናቡንꬃና፥ Ꮉይꬓንꬆ አስታማሩንꬃና፥ ማህ ክለ ባዝ ኦችዙንꬃና፥ ፋꬅዙንꬃና፥ መሉንꬃና ማድዙንꬃና፥ ዎሳ ኬꬃ አህዙንꬃና፥ ዱማ ዱማ ዶናራ ኦህዙንꬃና ዶርዳ።
1CO 12:29 ኡቡንꬅ ሐዋረ? ኡቡንꬅ ናበ? ኡቡንꬅ አስታማረ? ኡቡንꬅ ክለ ባዝ ኦቻነ?
1CO 12:30 ኡቡንꬅስ ፋꬅዘ እሞ የነ? ኡቡንꬅ ዱማ ዱማ ዶናራ ኦህንታነ? ኡቡንꬅ ዱማ ዱማ ዶናራ ኦህዛኖ ብላነ?
1CO 12:31 ይኒ ግሾ ኡባፓ አꬍዘ እሞትꬅ ምንꬂ ኮዮተ። ማህ ኡባፓ አꬍዘ ኦግቶ ታ ይንታና ቤሳዳ።
1CO 13:1 ታኒ አስ ቃላራን ኪታንቾ ቃላ ኦህንቶደስ ዳንዳእኮን፥ ታስ ሲቆ ꬋብኮ፥ ጨር ግርዘ ሉለ ፋና።
1CO 13:2 ትንቢተ ኦህዘ እሞትꬅ ታስ የዝኮን፥ ጋꬅ ቆፋ ኡባ ኤርኮን፥ ኤራትꬅ ኡባ የዝኮን፥ ማህ ደረ ደንꬂ መለ በሳ ካንግዘ አማኖ ታስ የዝኮን፥ ሲቆ ꬋብኮ፥ ታና አኮን ማዶስ Ꮉር።
1CO 13:3 ታስ የዘ ባዝ ኡባ ዳሁንꬅስ እንግኮን፥ መለ አቶ የዝን፥ ታና ታማስ አꬂ እንግኮን፥ ሲቆ ꬋብኮ ታና አኮን ማዶስ።
1CO 13:4 ሲቆ ዳንዳአ። ሲቆ ኬሃ። ሲቆ ቃናቶስ። ሲቆ ጬቅንቶስ። ሲቆ ኡቱርቶስ።
1CO 13:5 ሲቆ ቤዞሰ ባዝ ኦቾስ። ሲቆ ቂርꬎስ። ሲቆ ዥልꬎስ። ሲቆ ፋ ቆህቶ ፋይዶስ።
1CO 13:6 ሲቆ ቱርራ ኡፋይታነ ፋትን ዎርዶራ ኡፋይቶስ።
1CO 13:7 ሲቆ ኡባ ዳንዳአነ፤ ኡባ አማናነ፤ ሎኦ ባዝ Ꮉኖዳ ጋእ፥ ኡፋይሳራ ናጋነ፤ ኡባ ገንጫነ።
1CO 13:8 ሲቆ ዉርሱꬅ የሎደስ ꬋቦስ። የዝን ትንቢተ አቶዳ፤ ዱማ ዱማ ዶናራ ኦህንትዛና አቶዳ፤ ኤራትꬅን አꬎዳ።
1CO 13:9 ኑ ኤራትꬃፓን ኤራꬅቶ ኤራነ፤ ትንቢተፓ ባግቶ ኦህነ።
1CO 13:10 የዝን ፎሎ ማቅደ የእዘ ዎደ ፎሎ ማቅካይዘ አቶዳ።
1CO 13:11 ታኒ ናአ የዘ ዎደ ናአ ጋር ኦህነ፤ ናአ ጋር ቆፓነ፤ ናአ ጋር ቁርቻነ። ታ ዎዛንትደ ዎደ ናአትꬅ Ꮉንቶ አሽዳ።
1CO 13:12 Ꮉተ ፎኦ ባይዘ በሳ ማስቶተራ በእዛንጋራ በእነ፥ የዝን የ ዎደ ኑ ጌሽ በአዳ። Ꮉተ ታ ኤራትꬃፓ ኤራꬅ ኤራነ፥ የዝን የ ዎደ ጾዚ ታና ኤርዛን ጋር ፎሊ ኤሮዳ።
1CO 13:13 ይኬ፥ አማኖ፥ ኡፋይስን ሲቆ፥ Ꮉንꬅ Ꮉይꬑንꬅ ሚንግ የሳዳ። የዝን Ꮉንሳፓ አꬍዘ ሲቆ።
1CO 14:1 ሲቆ ኮዮተ። አያና እሞትꬅ ምንꬂ ኮዮተ፤ ኡባፓ አꬂ፥ ትንቢተ እሞ ምንꬂ ኮዮተ።
1CO 14:2 ዱማ ዱማ ዶናራ ኦህንትዘ አስ ጾዝስ ኦህነ ፋትን አስስ ኦሆስ። የዝን አስስ በንትካይዘ ጋንጨ ቆፋ አያና ዎልቃራ ኦህዘ ግሾ ኦደን ኤ ኦህዛኖ ቲሮስ።
1CO 14:3 የዝን ትንቢተ ኦህዙንꬅ አስ አያናር ድቾደስ፥ ምንꬅꬆደስን ምንꬆደስ አስስ ኦህነ።
1CO 14:4 ዱማ ዱማ ዶናራ ኦህዘ አስ ፋና አያናር ድቻነ። የዝን ትንቢተ ኦህዘ አስ ዎሳ ኬꬅቶ አያናር ድቻነ።
1CO 14:5 ይን ኡቡንꬅ ዱማ ዱማ ዶናራ ኦህንትዛኮ ታ ካꬋነ፥ የዝን ትንቢተ ኦህዛኖ አꬂ ካꬋነ። ዱማ ዱማ ዶናራ ኦህንትዛኖ ዎሳ ኬꬂ ድቾደስ ብልዘ አስ ꬋብኮ፥ ዱማ ዱማ ዶናራ ኦህንትዛንፋ ትንቢተ ኦህዛና አꬋነ።
1CO 14:6 ይኬ ታ እሹንꬆ፥ ታኒ ይንታጎ Ꮉንግ ቆንጭꬃራ ዎይ ኤራትꬃራ ዎይ ትንቢተ ኦሄራ ዎይ ትምርተራ ማቃንጽ ዱማ ዱማ ዶናራ ኦህንትኮ ይንታና አኮ ማዶደ?
1CO 14:7 ዱማ ዱማ የꬅስ ፈቲ ኮች ኦꬅ የዝኮ፥ ሱሉንቀ ኦꬅን ዲꬅ ኦꬅ ዋይዝ ሻጊ ኤሮደ?
1CO 14:8 ማህ ሞይዘ ኦለ ሎይꬂ ኤርንታንጽኮ ኦላስ ጊግንቶደ ኦደ?
1CO 14:9 ይኒ ጋር፥ ዱማ ዱማ ዶናራ ይን ኦህዛና ጌሽ ማቃንጽኮ ይን ኦህዛኖ ኦደ ኤሮደ? ይና ባቆስ ኦህዘ ፋና።
1CO 14:10 አላመላ ጋማ ዶና የነ፤ ብልꬂ ባይዘ ዶና ባያ።
1CO 14:11 ይኬ ፈቲ አስ ኦህንትዘ ዶና ታኒ ኤራንጽኮ ኤ ታስ ዛቆ ማቃነ፤ ታንን ኤስ ዛቆ ማቃነ።
1CO 14:12 ይኒ ጋር፥ ጌሽ አያና እሞ ይን ኤኮደስ ምንꬂ ኮይዛኮ፥ ዎሳ ኬꬂ ድቾደስ ኡባፓ አꬍዘ እሞትꬅ ኮዮተ።
1CO 14:13 ዱማ ዱማ ዶናራ ኦህዘ አሱንꬅ ኦህቶ ብሎደስ ብልዘ እሞትꬅ እንግንቶደ ጋር ጾዝ ዎሶ።
1CO 14:14 ታኒ ዱማ ዱማ ዶናራ ጾዝ ዎስኮ፥ ታ አያንዘ ዎሳነ፥ የዝን ታ ቆፍትፓ አኮን ሻኪ ኤሮስ።
1CO 14:15 ዬዝን፥ ታ አኮ ኦቾደስ ቤዘ? ታኒ ታ አያንተ ዎሳነ፤ ታ ዎዝንተን ዎሳነ። ታኒ ታ አያንተ የጻነ፤ ታ ዎዝንተን የጻነ።
1CO 14:16 ይኖ ማቃንጽኮ ኔኒ ነ አያንተ ጾዝ ጋላትዘ ዎደ ይና በስተ ኔኒ ጋዛኖ ኤሮሰ አስ ነ ጋላትዛኖ ዋጊ፥ «አምንኤ» ጋዉደ?
1CO 14:17 ኔኒ ጾዝ ጋላትዛና ሎኦ፥ የዝን መለ አስ ማዶስ።
1CO 14:18 ታ ይን ኡባፓ አꬂ ዱማ ዱማ ዶናራ ኦህዛን ግሾ ጾዝ ጋላታነ።
1CO 14:19 የዝን ታኒ ዎሳ ኬꬃ መሉንꬃና ታማርሶደስ ዱማ ዱማ ዶናራ ታጵ ሙኩል ቃላ ኦሆዳንፓ ኤርንትዘ ዶናራ እችን ቃላ ኦህዛኖ ካꬋነ።
1CO 14:20 ታ እሹንꬆ፥ ይን ቆፋራ ናአ ፋና ማቅፐተ። ይን ኢታባዝስ ናአ ፋና ማቆተ ፋትን ይን ቆፋራ ዎዝናሙንꬃና ማቆተ።
1CO 14:21 ላꬂ፥ ጌሽ ማጻፍተ፥ «ታኒ Ꮉንꬅ አሱንꬅስ፥ ዱማ ዱማ ዶናራ ኦህዘ አስን ዛቆ እልአንꬃራ ኦህዘ አሳራ ኦሆዳ። የዝን ይኖ ማቅኮን ታና ስኦስ» ያጋነ።
1CO 14:22 ይኬ፥ ዱማ ዱማ ዶናራ ኦህዛና፥ አማኖሰ አሱንꬅስ ማላ ማቃነ ፋትን አማንዘ አስስ ባያ። ትንቢተ አማንዘ አስስ ማላ ማቃነ ፋትን አማኖሰ አሱንꬅስ ባያ።
1CO 14:23 ዎሳ ኬꬃ አሱንꬅ ፈትላ ሺቅዘ ዎደ ኡቡንꬅ ዱማ ዱማ ዶናራ ኦህንትኮ ኤሮሰ ዎይ አማኖሰ አሱንꬅ ይን ሺቅተ ይእ፥ «Ꮉንስ ዣሽታነ» ጋኦሳነ?
1CO 14:24 የዝን ኤሮሰ ዎይ አማኖሰ አሱንꬅ ዎሳ ኬꬃ የእዘ ዎደ አሱንꬅ ትንቢተ ኦሆደራ፥ ስእኮ ፋ ናጋርቶ ቲሮዳ፤ ማህ ኤ ስእደ ቃልተ ፍርድንቶዳ።
1CO 14:25 ኡን ኤ ዎዝንተ ጌንግደ ቆፍቶ ቆንጭሳዳ። ይኒ ጋር፥ «ቱሪ ጾዚ ይን ግዳ የነ» ያጋእ ማርክꬊ፥ ዙጊ ጾዝስ ጎይኖዳ።
1CO 14:26 ታ እሹንꬆ፥ ኑ አኮ ጋኦ? ይን ዎላ ሺቅዘ ዎደ ፈተስ ማዝሙረ የነ፤ ፈተስ ታማርሰ እሞትꬅ የነ፤ ፈተስ ቆንጭꬅ የነ፤ ፈተስ ዱማ ዱማ ዶናራ ኦህዘ እሞትꬅ የነ፤ ፈተስ ብልዘ እሞትꬅ የነ። ይና ኡባ ዎሳ ኬꬂ ድችዘባዝ ማቃደስ ቤዛነ።
1CO 14:27 ዱማ ዱማ ዶናራ ኦህዘ አሱንꬅ የዝኮ፥ ላምእ ዎይ ጋንግኮ Ꮉይꬕ ማቂ ታራር ታራር ኦሆደስ ቤዛነ። ኡን ኦህዛኖ መለ አስ ብሎ።
1CO 14:28 የዝን ብልዘ አስ ꬋብኮ፥ ዱማ ዱማ ዶናራ ኦህዘ ዎሳ ኬꬅተ ስእ ጋኦ። ፋስን ፋ ጾዘስን ኦሆ።
1CO 14:29 ትንቢተ ኦህዙንꬅ ላምእ ዎይ Ꮉይꬕ ማቂ ኦሆ። ማህ መሉንꬅ ኡን ጋዛኖ ሻጎ።
1CO 14:30 ይና ሺቅተ የዘ መለ አስስ ፈትባዝ ቆንጭኮ ቲኖ ኦህዘ ስእ ጋኦ።
1CO 14:31 ኡቡንꬅ ታማሮደ ጋራን ኡቡንꬅ ምንጎደ ጋር ታራር ታራር ትንቢተ ኦሆደስ ዳንዳአነ።
1CO 14:32 ናቡንꬅ አያና ናቡንꬅስ ኪትንታነ።
1CO 14:33 ጌሹንꬅ ዎሳ ኬꬃ ኡባ ላማድንትዳን ጋር ጾዚ ሳሮትꬅ ጾዝ ፋትን ዋጫምዘ ጾዝ ባያ።
1CO 14:34 ማቻ ዎሳ ኬꬃ ስእ ጋኦ። ሙሴ ህገ ጋዛን ፋና ኡን አቆ ፋትን ዎሳ ኬꬃ ኦሆደስ ኡንትስ አደትꬅ ዎልቃ ባያ።
1CO 14:35 ማቹንꬅ ዎሳ ኬꬃ ኦህዛና ቦርስዘባዝ ማቅደ ግሾ ፈትባዝ ኤሮደስ ኮይኮ ካራ ፋ አዝኑንꬃና ኦጮ።
1CO 14:36 ጾዘ ቃላ ቲኖ ይን ክእዳነ? ዎይ ጾዘ ቃላ ይን ጻላላጎ ይእዳነ?
1CO 14:37 ኦደን ፋና ናበ ዎይ ፋና ጾዘ አስ ጋእ ቆፕኮ፥ ታኒ ይንትስ ጻፍዛና ላꬄ ኪታ ማቅዳኖ ኤሮተ።
1CO 14:38 ይኒ ግሾ ኦደን ኤካንጽኮ ኑንን ኤዛ ኤኮስ።
1CO 14:39 ይኒ ግሾ፥ ታ እሹንꬆ፥ ትንቢተ ኦሆደስ ምንꬂ አሙꬎተ፤ ማህ ዱማ ዱማ ዶናራ ኦህዛኖ ካይፐተ።
1CO 14:40 የዝን ኡባናን ዎጋራን ታራር ማቀ።
1CO 15:1 ታ እሹንꬆ፥ ታ ይንትስ ማርክꬍደ ዎንገለ ይን ኤክዳነ ይን አማንተ ኤ ግዳ ኤቅዳኖ ይን ቆፖደ ጋር ኮያነ።
1CO 15:2 ታ ታማርስደ ዎንገለ ምንꬂ አይክኮ ይን ኤ ግዳ አቶዳ። ይኖ ይአንጽኮ ይን አማንታ Ꮉሪ ማቃዳ።
1CO 15:3 ታኒ ኤክደ ኡባፓ አꬍዘ ኪታ ቲንꬊ ይንትስ እንግዳ። ይናን፥ ጌሽ ማጻፍተ ጋዛን ጋራ፥ ክርስቶሳ ኑ ናጋርት ግሾ Ꮉይቂዳ፤
1CO 15:4 ሞግንትዳ፤ ጌሽ ማጻፍተ ጋዛን ጋራ፥ Ꮉይꬕንꬃ ቃማ Ꮉይቆፓ ደንድዳ፤
1CO 15:5 ጴጥሮሳስ በንትዳ፤ ይንፓ ሱባ፥ ታጶ ላምእ ሐዋሩንꬅስ በንትዳ፤
1CO 15:6 ይንፓ ሱባ፥ እችን ጼታፓ ጋንግዘ አሱንꬅስ ፈቲ ቶሄ በንትዳ፤ ኡንታፓ አꬍዘ ባግታ Ꮉተ የሎደስ ፋጻ የነ፥ የዝን ኤራꬁንꬅ Ꮉይቂዳ።
1CO 15:7 ይንፓ ሱባ፥ ያይቆባስ በንትዳ፤ ሱባፓ ፋ ሐዋሩንꬅስ ኡቡንꬅስ በንትዳ።
1CO 15:8 ማህ ዉርሱꬅተ ቦችንትደ ጋር የዘ ታስ ቆንጭዳ።
1CO 15:9 ታኒ የሱሳ ሐዋሩንꬅ ኡባፓ ላፋ። ታኒ ጾዘ ዎሳ ኬꬃ ባይእደ ግሾ የሱሳ ሐዋረ ጋእንት ጼግንቶደስ ቤዞሳያ።
1CO 15:10 የዝን ጾዘ አꬎ ኬሃትꬅተ ታ Ꮉተ የዛን ጋር ማቅዳ፤ ኤ ታስ እንግደ አꬎ ኬሃትꬅት Ꮉሪ አትካያ። ታኒ መሉንꬅ ሐዋሩንꬃፓ አꬊ ላቢዳ። የዝን ታራ የዘ ጾዘ አꬎ ኬሃትꬅትራ ፋትን ታና ባያ።
1CO 15:11 ይኬ፥ ታና ማቅን ኡንትን፥ ኑ ኡባይ ታማርስዛና ይኖ፤ ይንትን ይና ኪቶ አማንዳ።
1CO 15:12 ክርስቶሳ Ꮉይቆፓ ደንድዳኖ ኑ ሳባክዘ ዎደ ይንታፓ ፈተ ፈተ ዬዝን፥ ዋይዝ፥ «Ꮉይቆፓ ደንዶ ባያ» ያጋኤ?
1CO 15:13 Ꮉይቆፓ ደንዶ ባይዘ ባዝ ማቅኮ ክርስቶሳ Ꮉይቆፓ ደንድካያ ጋኤ።
1CO 15:14 ክርስቶሳ Ꮉይቆፓ ደንድካይዘ ባዝ ማቅኮ ኑ ትምርትታን ማቅን ይን አማንታን Ꮉሪ።
1CO 15:15 Ꮉይቆፓ ደንዶ ባይዝን፥ ኑኒ ጾዚ፥ «ክርስቶሳ Ꮉይቆፓ ደንꬅዝዳ» ያጋእ ሳባክተራ ጾዘ ዎርዳንቾ ማርካ ማቅዳ ጋኤ።
1CO 15:16 Ꮉይቂደ አሱንꬅ Ꮉይቆፓ ደንድካይዘ ባዝ ማቅኮ ይኬ፥ ክርስቶሳ Ꮉይቆፓ ደንድካያ።
1CO 15:17 ክርስቶሳ Ꮉይቆፓ ደንዶሰ ባዝ ማቅኮ፥ ይን አማንታ Ꮉሪ፤ ማህ ይን Ꮉይኖ የሎደስ ይን ናጋራራ የነ።
1CO 15:18 ይኬ፥ ክርስቶሳ አማኒ Ꮉይቂዱንꬅን ꬋብዳ ጋኤ።
1CO 15:19 ኑኒ Ꮉና አላምተ ደኦ ጻላላስ ክርስቶሳ ግዳ ኡፋይስ ኦችደባዝ ማቅኮ፥ Ꮉና አላምተ የዘ አስ ኡባፓ ኑ ባዝታ አꬍደ ኢታ።
1CO 15:20 የዝን ክርስቶሳ Ꮉይቂዱንꬅስ Ꮉይቆፓ ደንደራ አንግስ ማቂ ቱሮ ደንድዳ።
1CO 15:21 Ꮉይቆ ፈቲ አስ ባጋራ Ꮉና አላምተ ይእዳን ጋር Ꮉይቆፓ ደንዶን ፈቲ አስ ባጋራ ይእዳ።
1CO 15:22 አዳማ ባጋራ አስ ኡባ Ꮉይቂዳን ጋራ ክርስቶሳ ባጋራ አስ ኡባ ደኦ የሳዳ።
1CO 15:23 የዝን ፈተ ፈተ ፋ ታራር ደንዶዳ። ክርስቶሳ ኡባፓ ቲኒ ደንድዳ፤ ይንፓ ሱባ፥ ክርስቶሳ የእዘ ዎደ ኤሱንꬅ ደንዶዳ።
1CO 15:24 ይንፓ ሱባ፥ ክርስቶሳ ካእቱሞ፥ አደትꬅን ዎልቃ ኡባ ꬋብሲ፥ ካእቱሞ ጾዘ አደስ እንጎደራ ዎደ ዉርሱꬅ የኦዳ።
1CO 15:25 ጾዚ ኤ ሞርኩንꬃና ኡባ ኤ ቶህትፓ ኦሞራ የꬍሳደ ዎንꬅስ ክርስቶሳ አሆደስ ቤዛነ።
1CO 15:26 ዉርሱꬅተ ኤ ꬋብሶደስ የዘ ሞርክዘስ Ꮉይቆ።
1CO 15:27 ጌሽ ማጻፍተ፥ «ጾዚ ኡባ ባዝ ኤ አደትꬅ ዎልቃፓ ኦሞራ አህዛነ» ጋእንት ጻፍንትዳ። የዝን ኡባ ኤ አደትꬅ ዎልቃፓ ኦሞራ አሃነ ጋዛና፥ ኡባባዝቶ ኤ አደትꬅ ዎልቃፓ ኦሞራ አህደ ጾዛ አዳያ ጉጆስ።
1CO 15:28 ኡባ ባዝታ ክርስቶሳ አደትꬅ ዎልቃፓ ኦሞራ አቅዳንፓ ሱባ ጾዘ አደስ ኡባና ማቃደ ፋና ክርስቶሳ ማህ ፋ ኦምተ ኡባ ባዝ ጾዝስ አቅዝዳ። የ ዎደ ጾዚ ፋ ጻላላ ኡባ አሆዳ።
1CO 15:29 Ꮉይቂዱንꬅ ደንዶሰ ባዝ ማቅኮ ኡን ግሾ ጻማቅንትዘ አሱንꬅስ አኮ ትርፈ የዘ? Ꮉይቂዱንꬅ ደንዶሰ ባዝ ማቅኮ ዬዝን፥ አኮስ፥ አሱንꬅ Ꮉይቂዱንꬅ ግሾ ጻማቅንተ?
1CO 15:30 ዬዝን፥ ኑኒ አኮስ ኡባ ዎደ ኑና ማꬋስ አꬂ እንገ?
1CO 15:31 ታ እሹንꬆ፥ ታ ቃምተ ቃምተ Ꮉይቆስ አꬊ እንግንታነ። ይናን፥ ላꬄ ክርስቶስ የሱሳ ባጋራ ይንታላ የዘ ጬቅታ ቱሮ ማቅደ ግሾ።
1CO 15:32 አስ ቆፋ ጋር ማቅኮ፥ ታኒ ኤፈሶነ ግዳ ጾꬃራ ቡቱንትዳና ታና አኮ ማዶደ? Ꮉይቂዱንꬅ Ꮉይቆፓ ደንዶሰ ባዝ ማቅኮ፥ «ዎንታ ኑ Ꮉይቅዘ ግሾ Ꮉይኖ ማዳ ኡሻዳ» ያጋዘ አስ ፋና ማቃነ።
1CO 15:33 ጭምንትፐተ! ኢታ ላገትꬅ ሎኦ ዱሰ ኢሳነ።
1CO 15:34 ይን ዎዝንትጎ ማቆተ። ናጋራ ኦችፐተ። ይንታፓ ፈቲ ፈቲ አሱንꬅ ጾዝ ኤሮስ። ታ ይንታና ዬልሳደስ ይኖ ጋነ።
1CO 15:35 ፈቲ አስ፥ «Ꮉይቂደ አስ ዋይዝ ደንዶደ? ኡን አኮ ፋና የዘ ጋላራ የኦደ?» ያጋእ ኦጭዘ የዝካይዛራ አቶስ።
1CO 15:36 Ꮉይ ኤይዛዮ፥ ኔኒ ሳአላ ቡድዘ ቡዱꬅታ Ꮉይቂካይዛራ ዶሎስ።
1CO 15:37 ኔኒ ቡድዘ ዛርጋ ማቅን ዎይ መለ ካꬃ ኮች ኣፈ ፋትን ሱባፓ ዶልዘ ዶልቶ ባያ።
1CO 15:38 የዝን ጾዚ ቡዱꬅስ ፋ ካꬍደ ጋር ጋላ እንጋነ። ዱማ ዱማ ቡዱꬅስ ዱማ ዱማ ጋላ እንጋነ።
1CO 15:39 መꬎ ኡባስ አሾ ፈቶ ባያ። አስ አሾ ፈቶ፤ Ꮉርስ አሾ ዱማ፤ ላንዳ አሾ ዱማ፤ ማቂ ሞሎ አሾ ዱማ።
1CO 15:40 ሳሎ ጋላ የነ፤ ማህ ሳአ ጋላን የነ። የዝን ሳሎ ጋላስ ቦንችታ ፈቶ፤ ማቂ ሳአ ጋላስ ቦንችታን ዱማ።
1CO 15:41 አዋ ቦንቾ ፈቶ፤ አግና ቦንቾ ዱማ፤ ጾልንቶ ቦንቾ ዱማ፤ ፈቲ ጾልንትዘ Ꮉንካይ ጾልንትዘፓ ቦንቾራ ዱሙꬋነ።
1CO 15:42 Ꮉይቂዱንꬅ Ꮉይቆፓ ደንድዘ ዎደ ይኒ ጋራ ይአዳ። Ꮉይቅዘ ጋላ ቡዱንታነ፤ Ꮉይቆሰ ጋላ ማቂ ደንዶዳ።
1CO 15:43 ቶቸራ ቡዱንቲ፥ ቦንቾራ ደንዶዳ፤ ላብꬅሞር ቡዱንቲ፥ ዎልቃራ ደንዶዳ።
1CO 15:44 መትꬅ ጋላ ቡዱንቲ፥ አያና ጋላ ማቂ ደንዶዳ። መꬎ ጋላ የዝኮ፥ አያና ጋላ የነ።
1CO 15:45 ይኒ ጋር፥ ጌሽ ማጻፍተ፥ «ቲኖ አꬄ፥ አዳማ፥ ፋጻ የዘ መꬎ ማቅዳ» ያጋይዳ። የዝን ዉርሱꬅ አዳማ፥ ክርስቶሳ፥ ደኦ እንግዘ አያና ማቅዳ።
1CO 15:46 የዝን መትꬅ አስ ቲኖ ይእን፥ ሱባፓ አያና አስ ይእዳ ፋትን አያና አስ ቲኖ ይእካያ።
1CO 15:47 ቲኖ አዳማ ሳአፓ መꬍንትደ ሳአ አስ፤ ላምእንꬃ አዳማ ሳሎፓ ይእደ ሳሎ አስ።
1CO 15:48 ሳአፓ መꬍንትዱንꬅ ሳአፓ መꬍንትዳያ አዛነ። ሳሎፓ ማቅዱንꬅ ሳሎፓ ይእዳያ አዛነ።
1CO 15:49 ኑኒ ሳአፓ መꬍንትደ አꬃ አዛን ፋና ሳሎፓ ይእደ አꬃን አዞዳ።
1CO 15:50 ታ እሹንꬆ፥ ታ ጋዛና Ꮉኖ፤ Ꮉተ ኑ ማእደ ጋልታ ጾዘ ካእቱሞ ገሎደስ ዳንዳኦስ። ዎቅዘ ጋልታ ዎቆሰ ጋላ ላቶስ።
1CO 15:51 ታ ይንትስ ፈቲ ጋንጨ ቆፋ ኦሆዳ። ኑ ኡቡንꬅ Ꮉይቆስ፥ የዝን ዉርሱꬅተ ኡቡንꬅ ላምንቶዳ፤
1CO 15:52 ሞይዘ ኦልንትዘ ዎደ ኣፈ ቅጵ በአደስ ቆፕካይዝን ላምንቶዳ። Ꮉይቂደ አሱንꬅ ዎቆሰ አስ ማቂ ደንዶዳ፤ ኑንን ላምንቶዳ።
1CO 15:53 Ꮉይ ዎቂዛይ ዎቆሳያ፥ Ꮉይ Ꮉይቅዘ Ꮉይቆሳያ ማኦደስ ቤዛነ።
1CO 15:54 Ꮉይ ዎቂዛይ ዎቆሳያ፥ ማቂ Ꮉይ Ꮉይቅዘ Ꮉይቆሳያ ማእዘ ዎደ ጌሽ ማጻፍተ፥ «Ꮉይቆ ጋምንቲ ቆꬍንትዳ። ጋዘ ቃልታ ፎልንቶዳ።
1CO 15:55 ይኒ ጋር፥ «Ꮉይቆ፥ ነ ጋምዛና አባ የነ? Ꮉይቆ፥ ነ ጫድዘ ዎልቅታ አባ የነ?» ጋይደ ቃልታ ፎልንቶዳ።
1CO 15:56 Ꮉይቆ ጫድዘ ዎልቃ ናጋራ፤ ማህ ናጋራ ዎልቃ ህገ።
1CO 15:57 የዝን ኑ ላꬄ የሱስ ክርስቶሳ ባጋራ ኑስ ጋመ እንግዘ ጾዘስ ጋላታ ማቀ።
1CO 15:58 ይኒ ግሾ፥ ታ ሲቆ እሹንꬆ፥ ኤንእንታንጽ ሚንግ ኤቆተ። ላꬄ ኦችተ ይን ላቢዛና ጨር ባይዛኖ ኤሪ ኡባ ዎደ ላꬄ ኦችቶ አዛልእካይዛራ ኦቾተ።
1CO 16:1 አማንዘ አሱንꬅስ ሚሸ ሺሸባዝ ጋላትያ ዎሳ ኬꬅስ ታኒ ኪትዳን ፋና ይንትን ኦቾተ።
1CO 16:2 ሚሸ ሺሽታ ታ ይንታጎ Ꮉንግዘ ዎደ ማቃመ ፋና ፈቲ ፈቲ ሳምንታፓ ቲኖ ቃማ፥ ዎጋ ዎደ ዎጋ ዎደ ፋ ደንግዛንፓ ኬሲ ፋ ካራ ሺሾ።
1CO 16:3 ታኒ እዘ Ꮉንግደ ዎደ ሚሽቶ የሩሳላመ የልꬆደ ፋና ይን ዶርደ አሱንꬅስ ዳብዳበ እንግ ኡንታና የሩሳላመ ኪቶዳ።
1CO 16:4 ኡንታራ ታ Ꮉንግዛና ኮሽዘ ባዝ ማቅኮ ኡን ታራ Ꮉማደስ ዳንዳአነ።
1CO 16:5 ታኒ መቀዶንያራ አꬎደስ ቆፕደ ግሾ እዘ Ꮉንግ ይንታጎ የኦዳ።
1CO 16:6 ታ Ꮉንግዛና አባ ማቅኮን፥ ታ ቅትዛነ ይን ታና ሞይዞደ ጋር ይን ካለ ኤራꬅ ዎደ ጋምእካይዛራ አሾስ። ሴተ አግኑንꬃና ይን ካለ አꬅካይዛራ ዋይ አሾዳ።
1CO 16:7 ታኒ ኦገራ አꬍተራ ይንታና በአደስ ኮዮስ። ላꬂ ጋይኮ፥ ይን ካለ ኤራꬅ ዎደ ጋምኦደስ ቆፓነ።
1CO 16:8 የዝን ታኒ ጰንጠቆስጠ ባአለ የሎደስ ኤፈሶነ ጋምኦዳ።
1CO 16:9 ታስ ኦቻ ኩምደ ዳልጋ ፉርꬅ ቡጉንትዳ፥ የዝን ጋማ ኦልንትዘ ሞርኩንꬅ የነ።
1CO 16:10 ኤ ታ ጋር ላꬄ ኦቻ ኦችዘ አስ ማቅደ ግሾ ጢሞትዮሳ ይንታጎ Ꮉንግኮ፥ ይን ካለ ኤ ይርግካይዛራ የሳደ ጋር ዪዞተ።
1CO 16:11 ኦደን ኤዛ ለቂፐ። ኤ ታጎ ሳሮራ ማቃደ ጋር ኤዛ ማዲ ሞይዞተ። ታኒ ኤ Ꮉንኩꬅ አማንዙንꬃራ ማቃዳኖ ናጋነ።
1CO 16:12 ኑ እሸ አጵሎሳ Ꮉንኩንꬅ አማንዙንꬃራ ይንታጎ Ꮉማደ ጋር ታ ኤዛ ምንꬂ ዎሳነ። Ꮉተ ይንታጎ Ꮉማደስ ኮይካያ፥ የዝን ኤስ ዎትደ ዎደ ይንታጎ Ꮉማዳ።
1CO 16:13 ባርኮተ፤ አማኖራ ኤቆተ፤ ጻሎተ፤ ምንጎተ።
1CO 16:14 ኦችቶ ኡባ ሲቆራ ኦቾተ።
1CO 16:15 ታ እሹንꬆ፥ እስጢፋኖሳን ኤ ካራ አሱንꬅ አካያ ግዳ ኡን ቲኖ አማንዱንꬃና ማቅዳኖ አማንዙንꬃና ማዶደስ ፋና አꬂ እንግዳኖ ይን ኤራነ።
1CO 16:16 ይንትን ኡን ጋር አሱንꬅስን፥ ኡንታራ ኦቻራ ላቢዘ ኡቡንꬅስ ኪትንቶደ ጋር ታ ይንታና ዎሳነ።
1CO 16:17 እስጢፋኖሳ፥ ፈርዶናጽሳን አካይቆሳ ታጎ ይእዳና ታና ኡፋይስዳ። ይን ባይዘ በስተ ኡን ይንታና ማቂ ታ ፋጭቶ ኩንꬅዳ።
1CO 16:18 ኡን ይንታና ኡፋይስዳን ፋና ታናን ኡፋይስዳ። ይኒ ፋና አሱንꬃና ቦትፈተ።
1CO 16:19 እስያ ዎሳ ኬꬃ አሱንꬅ ይንታና ሳሮ ጋነ። አቂላን ጵርስቅላን ፋ ካራ ሺቅዘ ዎሳ ኬꬃ አሱንꬃራ ዎላ ይንታና ላꬄ ሱንꬅተ ዎዝናፓ ሳሮꬅዳ።
1CO 16:20 አማንዘ እሹንꬅ ኡቡንꬅ ይንታና ሳሮ ያጋይዳ። ጌሽ ዬርንተ ዬርንትተራ ፈተ ፈታ ሳሮꬆተ።
1CO 16:21 ታኒ፥ ጳዉሎሳ፥ Ꮉና ሳሮትꬅቶ ታ ኩሽትራ ጻፍዳ።
1CO 16:22 ላꬃ ካꬎኦሰ አስ የዝኮ፥ ባድንትዳያ ማቀ። ኑ ላꬃዮ፥ ዮኦ!
1CO 16:23 ላꬄ የሱስ ክርስቶሳ አꬎ ከሃትꬅታ ይንታራ ማቀ።
1CO 16:24 ታ ሲቅታ ክርስቶስ የሱሳ ግዳ የዘ ይን ኡቡንꬃራ ማቀ። አምንኤ።
2CO 1:1 ጾዘ ቆፋራ የሱስ ክርስቶሳ ሐዋረ ማቅደ ጳዉሎሳን፥ ኑ እሸ ጢሞትዮሳ፥ ቆሮንቶሳ ግዳ የዘ ጾዘ ዎሳ ኬꬅትስን አካያ ጋደ የዘ ጾዘ አስ ኡቡንꬅስ ጻፍደ ኪታ።
2CO 1:2 ጾዘ ኑ አደፓን ላꬄ የሱስ ክርስቶሳፓ፥ አꬎ ኬሃትꬅን ሳሮትꬅ ይንትስ ማቀ።
2CO 1:3 ማሮትꬅ አደስ፥ ኡባ ዎደ ኑና ምንꬅꬅዘ ጾዘስ፥ ኑ ላꬄ የሱስ ክርስቶሳ አደስ ጋላታ ማቀ።
2CO 1:4 ጾዚ ኑስ እንግደ ምንꬅꬅተ፥ ማꬋ የዙንꬃና ኑ ምንꬅꬆደ ፋና ጾዚ ኑና ኑ ማꬍተ ኡባ ምንꬅꬃነ።
2CO 1:5 ኑኒ ክርስቶሳራ ጋማ ማꬍተ ሻክንትዳን ጋራ ማህ ኑኒ ኤ ጋማ ምንꬅꬅተ ምንጎዳ።
2CO 1:6 ኑኒ ማꬋ ኤክኮ ይና ይንታና ምንꬅꬆደስን ይንታና አሾደስ። ማህ ኑኒ ሚንግኮ ኑኒ ገንጭደ ማꬍት ፋና ይንትን ገንጭ፥ ጾዚ ይንትስ እንግዘ ምንꬅꬅተ ምንጎዳ።
2CO 1:7 ይን ኑ ኤክደ ማꬍት ጋር ኤኪ፥ ኑ ምንꬅꬅተ ሻክንቶዳኖ ኑ ኤርዘ ግሾ ኑ ኡፋይስታ ይን ግዳ ምንꬅ።
2CO 1:8 ኑ እሹንꬆ፥ እስያ ጋደ ኑና የልደ ማꬍቶ ይን ኤሮደ ጋር ኮያነ። ይና ኑና የልደ ማꬍታ ኑ ዎልቂትፓ ዴጽን፥ Ꮉይቂካይዛራ አቶስ ጋእ ኡፋይስ ጋችዳ የሻ።
2CO 1:9 ኑኒ ኑላ Ꮉይቆ ፍርዳ ፍርድንትደ ፋና ቆፕዳ። የዝን ኑኒ ኑ ኦምተ ማቅካይዝን፥ Ꮉይቂዱንꬃና ደንꬅዘ ጾዘላ አማንንቶደ ጋር ይና ይእዳ።
2CO 1:10 ጾዚ ይኒ ጋር ኢታ Ꮉይቆፓ ኑና አሽዳ፤ Ꮉተን አሾዳ፤ ቲኖስን ኤ ኑና አሾዳ ጋእ ኤ ግዳ ኡፋይስ ጋዳነ።
2CO 1:11 ዎሳራ ኑና ማዶተ። ጋማ ዎሳ ባጋራ ጾዘ ማደ ኑ ደንግዘ ዎደ ጋማ አሱንꬅ ኑ ግሾ ጾዝ ጋላታነ።
2CO 1:12 ኑኒ ኑ ጌሽ ዎዝንተ ጬቅንታነ። ኑኒ Ꮉና አላምተ የዝደ የስተ አꬂ ኑ የዝደ የስተ ቱረትꬃራን ሱረትꬃራ ይንታራ የዝዳ። ይናን፥ Ꮉና አላመ ጭንጫትꬅተ ማቅካይዝን ጾዘ አꬎ ኬሃትꬅተ።
2CO 1:13 ኑ ይንትስ ጻፍደ ዳብዳብዛ ይን ናባቦደስን ቆፖደስ ዳንዳእዘባዝ ፋትን መለ ባያ። ይን ኤዛ ቆፖደስ ዳንዳእዛኖ ታ አማናነ።
2CO 1:14 Ꮉተ ይን ኑ ባዝ ኤራꬃር ኤራነ፥ የዝን ቲኖስ ሎይꬂ ኤሮዳኖ ታ አማንንታነ። ኑ ላꬄ የሱሳ ማቅዘ ዎደ ኑኒ ይን ግዳ ጬቅንትዳን ፋና ይንትን ኑ ግዳ ጬቅንቶዳ።
2CO 1:15 ይኖ ታኒ ሎይꬂ ኤርደ ግሾ ይን ላምእንꬃ ማድንቶደ ጋር ቲንꬊ ይንታጎ Ꮉማደስ ቆፋ አጭዳ።
2CO 1:16 ታኒ መቀዶንያ Ꮉንግ የይጋፓ ማቂ ይንታና በአዳ። ታኒ የይጋፓ ይሁዳ Ꮉንግዘ ዎደ ይን ታና ሞይዞዳ ጋእ ቆፕዳ።
2CO 1:17 ታኒ ይኖ ጋእተ አኮ ኦቾደስ ቤዛኮ ኤሮሰ አስ አዛነ? ዎይ ታኒ ታ ቆፍቶ አጭዘ ዎደ አስ ቆፋ ጋር፥ ፈቲ ቶሄ «ዬ» ማህ ፈቲ ቶሄ «አደ» ጋዘ አስ አዛነነ?
2CO 1:18 የዝን ጾዚ አማንንትዛያ ማቅደ ግሾ ኑ ይንትስ ኦህዘ ቃልታ «ዬ» ዎይ «አደ» ጋዛኖ ባያ።
2CO 1:19 ታንን፥ ስላሰን ጢሞትዮሳን ይንትስ ማርክꬍደ ጾዘ ናእ፥ የሱስ ክርስቶሳ ኡባ ዎደ «ዬ» ፋትን «ዬ» ራን «አደራ» ባያ።
2CO 1:20 ጾዚ እንጎዳ ጋይደ ኡባ ክርስቶሳ ባጋራ «ዬ» ማቃነ። ኑኒ ክርስቶሳ ባጋራ ጾዛ ቦንቾዳ፥ «አምንኤ» ጋዛና ይኒ ግሾ።
2CO 1:21 ኑንን ይን ክርስቶሳ ግዳ ሚንግ ኤቆደ ጋር ፋ ኦችትስ ዶርደ ጾዚ።
2CO 1:22 ኑኒ ኤ ባዝ ማቅዳኖ ኤርሶደስ ፋ ማህታምቶ ኑላ ጋድዳ፤ ማህ ፋ ጌሽ አያና ቃብደ ማህ ኑ ዎዝንተ ጋድዳ።
2CO 1:23 ታኒ ቆሮንቶሳ Ꮉንግካይዛራ አትዳና ይን አዛንካይዛራ አታመ ግሾስ፤ ይና ዎርዶ ማቅኮ ጾዚ ታ ሸምፕቶ ታፓ ኤኮ።
2CO 1:24 ይን፥ ይን አማንተ ሚንግ የዘ ግሾ ኑ ይንታና ኡፋይሶደስ ይንታራ ዎላ ኦችዙንꬃና ፋትን ይንታና ዎልቃራ አማንꬅዙንꬃና ባያ።
2CO 2:1 ታኒ ላምእንꬃ ይንታጎ Ꮉንጎስ ጋእ ቆፋ አጭዳና ይንታና አዛንꬅካይዛራ አታማ።
2CO 2:2 ታኒ ይንታና አዛንꬅኮን ታ አዛንꬅዱንꬅ ይንታፓ መለ ታና ኡፋይሶደስ የዘ ኦደ?
2CO 2:3 ታኒ ይንትስ የ ዳብዳብዛ ጻፍዳና፥ ታ ይንታና በአደስ Ꮉንግዘ ዎደ ታና ኡፋይሶደስ ቤዝዘ አሱንꬃላ ታ አዛኖደስ ኮዮሰ ግሾ። ታ ኡፋይትዘ ዎደ ይን ኡቡንꬅን ኡፋይቶዳኖ ታ አማናነ።
2CO 2:4 ታኒ ጋማ ዋየን ኡንአን ማህ ጋማ አፉꬃራ ጻፍዳና፥ ይንታና አዛንꬆደስ ማቅካይዝን ታኒ ይንታና ኡባ አኮ ጋር ካꬍዛኮ ይንታና ኤርሶደ ፋና።
2CO 2:5 አስ አዛንꬅደ ኦደን የዝኮ ታ ኤላ አፋ ጋንꬆደስ ኮዮስ ፋትን ታና ማቅካይዝን ይንታፓ ጋሙንꬃና አዛንꬅዳ።
2CO 2:6 ይንታፓ ጋማ አሱንꬅ የ አꬃ ሴርደ ሴረꬅታ ኤስ ማቃዳ።
2CO 2:7 ይኒ ግሾ፥ የ አꬄ ጋማ አዛኒ፥ ኡፋይስ ጋቻመ ፋና ጨር ይን ኤዛ ማሮደስን ምንꬅꬆደስ ቤዛነ።
2CO 2:8 ይን ኤዛ ሲቅዛኖ ማህ ኤስ ቆንጭሳደ ፋና ታ ይንታና ዎሳነ።
2CO 2:9 ታ የ ዳብዳብዛ ይንትስ ጻፍዳና፥ ይን ፋታንንት፥ ኡባ ባዛ ታስ ኪትንትዛኖ ኤሮደስ ኮይደ ግሾ።
2CO 2:10 ይን ማርዘ አꬃ ታንን ማሮዳ። ታኒ ማሮደባዝ አኮ የዝኮን፥ ክርስቶሳ ቲኖ ይን ግሾ ጋእ ማርዳ።
2CO 2:11 ታ ይኖ ኦችዳና ጻላሄ ገነ ኦቻ ኑ ኤርዘ ግሾ ጻላሄ ጭማመ ፋና።
2CO 2:12 ታኒ ክርስቶሳ ዎንገለ ሳባኮደስ ጢሮአዳ Ꮉንግደ ዎደ ላꬂ እዘ ታስ ኦቻ ኦገ ጊግዚ ጋድዳ።
2CO 2:13 የዝን ታኒ ታ እሸ ትቶ እዘ ደንግካይዘ ግሾ ታ ዎዝንታ ሸምፕካያ። ይኒ ግሾ፥ እዘ የዘ አሱንꬃና ሳሮꬅ ኤዛ ኮዮደስ መቀዶንያ ቅትዳ።
2CO 2:14 የዝን ክርስቶሳ ባጋራ ኡባ ዎደ ኑና ጋመራ ካልꬅዛያን ሽቶ ፋና ሳውዘ ክርስቶሳ ባዝ ኑ ኤርዘ ትምርትቶ ኡባ በሳ የልꬆደ ጋር ኦችዘ ጾዛ ጋላታ የሎ።
2CO 2:15 ኑኒ አትዘ አሱንꬅ ግዳን ꬋብዘ አሱንꬅ ግዳ ክርስቶሳ ባጋራ ጾዝስ እንግንትደ ሳውዘ ሽቶ ፋና።
2CO 2:16 ꬋብዘ አሱንꬅስ Ꮉይቆስ ካንግዘ Ꮉይቆ ዜቆ፤ ማህ አትዘ አሱንꬅስ ደኦጎ ካንግዘ ደኦ ሳዎ፤ ዬዝን፥ ይኒ ጋርዘ ኦቻስ ቤዝዘ አስ ማቃደ ኦደ?
2CO 2:17 ኑኒ ጾዘ ቃላ ትርፈ ደንጎደስ ኮይ ቡቁꬅ ዛልእዘ ጋማ አሱንꬅ ጋር ባያ። የዝን ጾዚ ኪትደ ሉለ አሱንꬅ ፋና ክርስቶሳ ግዳ የዚ ጾዘ ቲንተ ቃላ ኦህነ።
2CO 3:1 ኑኒ ማህ ኑና ናሾነነ? ዎይ መለ አስ ጋር፥ ጋላታ ዳብዳብዛ ይንትስ ዳኮደስ ዎይ ይንታፓ ኤኮደስ ኑና ኮሻነነ?
2CO 3:2 አስ ኡባ ይንታና ኤሮደ ፋናን ናባቦደ ፋና ይን ኑ ዎዝንተ የዘ ዳብዳበ።
2CO 3:3 ይን ቃላመራ ማቅካይዝን ደኦ ጾዘ አያናራ፥ ሹቻላ አፋ ማቅካይዝን አስ ዎዝና ጻፍንትዱንꬃናን ኑራ ማድንትደ ክርስቶሳ ዳብዳበ ማቅዛኖ ቤዝዳ።
2CO 3:4 ኑ ይኖ ጋይዳና፥ ክርስቶሳ ባጋራ ጾዘ ግዳ አማኖ ኑስ የዘ ግሾ።
2CO 3:5 ኑ ይኖ ኦቾደስ ዳንዳእዳና ጾዘ ዎልቃራ ፋትን ኑኒ ኑ ዎልቃራ አኮን ኦቾደስ ዳንዳኦስ።
2CO 3:6 ኑ ክለ ጫቆስ ኪትንትዙንꬄና ማቃደ ፋና ኑና ዪዝዳ። ይና ክለ ጫቅታ ጌሽ አያናራ በንትዳ ፋትን ጻፍንትደ ህገ ግዳ ባያ። ህገ ዎꬋነ፥ የዝን ጌሽ አያና ደኦ እንጋነ።
2CO 3:7 ሹቻላ አፋ ጻፍንትደ ህግታ እንግንትደ ዎደ ጾዘ ቦንችታ ቆንጭዳ። ሙሴ ስንተ የዘ ቦንችታ ꬋብተር Ꮉንግዘባዝ ማቅኮን፥ እስራኤለ አሱንꬅ ኤ ስንቶ ዳኪ በአደስ ኡን ዳንዳእካያ። ይኬ፥ Ꮉይቆ ክእዘ ህገ ይኒ ጋር ቦንቾራ ቆንጭኮ፥
2CO 3:8 ዬዝን፥ ጌሽ አያናራ ኦችንትዘ ኦቻ ቦንችታ ዋይዝ አꬎሶ?
2CO 3:9 አሳላ አፋ ፍርዳ ክእዘ ህገ ቦንቾ ማቅኮ ዬዝን፥ አስ ጽልዘ ክለ ኦገ ዋይዝ አꬊ ቦንችንቶሳ?
2CO 3:10 ዛጋ ቦንቾ ማቅዳኖ Ꮉተ አꬍዘ ቦንቾራ የልꬅ በእዘ ዎደ ዛጋና ቦንቾ ባይዘ ባዝ ማቅዳ።
2CO 3:11 ኤራꬅ ዎደስ በንቲ ሱባፓ ꬋብዳና Ꮉኒ ፋና ቦንችንትኮ፥ መዽና የዛና ዋይዝ አꬊ ቦንችንቶሶ?
2CO 3:12 ኑስ Ꮉኒ ጋር ኡፋይስ የዘ ግሾ ዬልꬍካይዛራ ኦህነ።
2CO 3:13 ኑኒ፥ እስራኤለ አሱንꬅ ꬋብተር Ꮉንግዘ ቦንችት ፎልቶ ባአመ ጋር ፋ ስንቶ ጎዝደ ሙሴ ፋና ባያ።
2CO 3:14 የዝን ኡን ዎዝንታ ዶጭዳ። Ꮉይኖ የሎደስ ኡን ጋልአ ጫቆ ናባብዘ ዎደ ኡን ዎዝንታ ይና ጎዝꬅተ ጎዝንቲ የነ። ይና ጎዝꬅታ ክርስቶሳር ጻላላ ጋርንታነ።
2CO 3:15 የዝን Ꮉይኖ የሎደስ ኡን ሙሴ ማጻፈ ናባብዘ ዎደ ኡባ ይና ጎዝታ ኡን ዎዝንቶ ጎዛነ።
2CO 3:16 የዝን ኦደን ላꬃጎ ማቅዘ ዎደ አይደን ይና ጎዝታ ጋርንታነ።
2CO 3:17 ላꬂ አያና፤ ላꬄ አያና የዘ በስተ ዋሎትꬅ የነ።
2CO 3:18 ኑኒ ኡቡንꬅ ጎዝንትካይዘ ስኖራ ላꬄ ቦንችቶ በአዳ። ኑኒ አያና ማቅደ ላꬄ ብሽቶ አዞደስ ቦንቾፓ ቦንቾ ላምንቶዳ።
2CO 4:1 ይኬ፥ ጾዚ ፋ ማሮትꬅተ Ꮉና ኦችቶ ኑስ እንግደ ግሾ ኑኒ ኡፋይስ ጋቾስ።
2CO 4:2 ኑኒ ኣችቻን ዬልዘ ኦቻ ኡባ አሽዳ፤ ዉጨ ኦቻ ኦቾስ፤ ጾዘ ቃላ ዎርዶራ ዎርቆስ። ቱርቶ ቆንጨ ኦህተ፥ አስ ኡባ ዎዝና ኑና ኤኮደ ፋና ጾዘ ቲኖ ኑና ሺሾዳ።
2CO 4:3 ኑ ኦህዘ ዎንገልዘ ጌንግደ ባዝ ማቅኮን፥ ገንግዳና ꬋበ ኦገ የዘ አሱንꬅስ።
2CO 4:4 Ꮉና አላምቶ አህዘ ጾዘ አማኖሰ አሱንꬅ ዎዝንቶ ጎዝዳ። ኡን ጾዘ ብሻራ ቆንጭደ ክርስቶሳ ቦንቾ ዎንገለ ፎእቶ በአመ ጋር ካይዳ።
2CO 4:5 ኑኒ፥ የሱስ ክርስቶሳ ላꬂ ማቅዳኖን ኑ ኤ ግሾ ይን ኦቻንቾ ማቅዛኖ ኦህነ ፋትን ኑ ባዝ ኦሆስ።
2CO 4:6 «ፎኦ ꬉማ ግዳ ፎኦ» ጋይደ ጾዘ፥ ክርስቶሳ ስንቶ ፎእዘ ጾዘ ቦንችቶ ኤርዘ ፎእቶ እንጎደስ ፋ ፎእቶ ኑ ዎዝንተ ፎእዝዳ።
2CO 4:7 የዝን ኡባፓ አꬍዘ ዎልቃ ኑ ባዝ ማቅካይዝን ጾዘ ባዝ ማቅዛኖ ቤሳደስ Ꮉና ቦንቾ ቆልታ መቂዘ ሚሸ ፋና ኑ ግዳ የነ።
2CO 4:8 ኑ ኡባ ባጋራ ዋይንትዳ፥ የዝን መቂካያ። ኑስ ዎርክታ ማቅዳ፥ የዝኮን ኡፋይስ ጋችካያ።
2CO 4:9 ኑ፥ ሞርኩንꬃራ ባይእንትዳ፥ የዝን ላገ ꬋብካያ። ኑ ሞርኩንꬃራ ጉዱንቲ ጎልእዳ፥ የዝን ꬋብካያ።
2CO 4:10 የሱሳ የእታ ኑ ጋልተ ቆንጮደ ፋና ኤ Ꮉይቅቶ ኡባ ዎደ ኑ ጋልተ ቶኪ ዉታነ።
2CO 4:11 የሱሳ ደእታ Ꮉይቅዘ ኑ ጋልተ ቆንጮደ ጋር ፋጻ የዘ ኑኒ ኤ ግሾ ኡባ ዎደ Ꮉይቆስ አꬊ እንግንታነ።
2CO 4:12 ይኬ፥ Ꮉይቆ ኑ ግዳ ኦችዘ ዎደ ደኦ ይንግዳ ኦቻነ።
2CO 4:13 ጌሽ ማጻፍተ፥ «ታ አማንዳ፤ ይኒ ግሾ ኦህዳ» ያጋእንትዳ። ይኒ ፋና አማኖ ኑስ የዘ ግሾ ኦህነ።
2CO 4:14 ላꬄ የሱሳ Ꮉይቆፓ ደንꬅደ ጾዘ፥ ኑናን የሱሳራ Ꮉይቆፓ ደንꬆዳኖን ይንታራ ዎላ ፋ ቲኖ ሺሾዳኖ ኤራነ።
2CO 4:15 ይና ኡባ Ꮉንዳና ይን ግሾ። ጾዘ አꬎ ከሃትꬅታ ጋማ አሱንꬃና የልዘ ዎደ አሱንꬅ ጾዘ ቦንቾስ ጋላታ ጋንጎደ ፋና።
2CO 4:16 ይኒ ግሾ፥ ኑኒ ኡፋይስ ጋቾስ። ኑ በንትዘ ጋልታ ላቢተራ Ꮉንግዘባዝ ማቅኮን፥ ኑ አያና ጋልታ ቃምተ ቃምተ ክልꬋነ።
2CO 4:17 Ꮉተስ ኑ ማꬍንትዘ Ꮉና ላፋ ማꬍታ፥ ኡባፓ አꬊ ዳምዘ መዽና ቦንቾ ኑስ እንግሳዳ።
2CO 4:18 ኑኒ በንትዘ ባዝ ማቅካይዝን በንቶሰ ባዝ በእነ። በንትዘ ባዝ Ꮉተስ፥ የዝን በንቶሰ ባዝ መꬍናስ።
2CO 5:1 Ꮉተ ኑ የዘ ዱንካነ አዝዘ Ꮉና ሳአ አሽታ ዉልእንትኮን፥ አስ ኬጽካይዘ፥ ጾዚ ኬጽደ መዽና ኬꬂ ኑስ ሳሎ የዛኖ ኤራነ።
2CO 5:2 ሳሎ ጋላ ማኦደስ አሙꬍተራ Ꮉተ Ꮉና ሳእተ የዝተራ ሼንꬋነ።
2CO 5:3 ኑኒ ይኖ ማእደ ዎደ ካልꬎኦስ።
2CO 5:4 ዱንካነ አዝዘ Ꮉና ሳአ አሽተ ኑ የዝተራ ዴጽን ሼንꬋነ። Ꮉይቅዘ ኑ አሽታ ደኦር ላምንቶደ ፋና ሳሎ ጋላ ማኦደስ ኮያነ ፋትን አሾፓ ሻክንቶደስ ኮይ ባያ።
2CO 5:5 ኑና Ꮉንስ ጊግዝደ ጾዚ። ማህ ቲኖፓ ዮኦደ ባዝስ ቃብደ ማህ ፋ አያንቶ ኑስ እንግዳ።
2CO 5:6 ይኒ ግሾ፥ ኑኒ Ꮉና ሳአ አሽትራ የዘ ዎደ ኡባ ላꬃፓ Ꮉኪ የዛኖ ኤርኮን ኡባ ዎደ አማንንቲ የነ።
2CO 5:7 ኑኒ የዘ አማኖራ ፋትን በእዘ ባዛራ ባያ።
2CO 5:8 ኑ Ꮉና ሳአ አሽትፓ ሻክንት፥ ላꬃራ ዎላ የሳደስ አሙꬍዘ ግሾ አማንንቲ የነ።
2CO 5:9 ይኒ ግሾ፥ ኑ Ꮉና አሽትራ የዝን ዎይ Ꮉና አሽትፓ ሻክንትን፥ ኑ አሞትꬅታ ኤዛ ኡፋይሶደስ።
2CO 5:10 ኑኒ ፈተ ፈተ Ꮉና ሳእተ የዝተራ ሎኦ ማቅኮን ዎይ ኢታ ማቅኮን፥ ኦችደ ኦችትስ ቤዝዘ ፍርዳ ኤኮደስ ክርስቶሳ ፍርዳ ኦይዳ ቲኖ ሺቆዳ።
2CO 5:11 ይኬ፥ ኑኒ ላꬄስ ዣሽትዛና አኮስ የዛኮ ኤርዘ ግሾ አሱንꬅ ኑ ኦህዛኖ ኤኮደ ፋና ዞራነ። ጾዚ፥ ኑኒ ኦድ የዛኮ ኑና ኤራነ፤ ማህ ይንትን ይን ዎዝንተ ኑ ኦድ የዛኮ ኤራነ ያጋእ ቆፓነ።
2CO 5:12 ዎዝና ግዳ ማቅካይዝን ጨር Ꮉሪ ጬቅንትዘ አሱንꬅስ ማሄ ይን እማደስ ዳንዳኦደ ጋር ይን ኑ ግዳ ጬቅንቶደ ጋር ይንትስ ምክናተ ማቃደስ ኮያነ ፋትን ኑ ኑና ማህ ናሾደስ ኮዮስ።
2CO 5:13 ኑ ዣሽትዛ ማቅኮ ጾዘ ቦንቾስ፤ ዎዝናማ ማቅኮ ይንትስ።
2CO 5:14 ፈተ ኡቡንꬅስ Ꮉይቂዳያን ኡቡንꬅ ማህ ኤራ Ꮉይቂዳኖ ኑ ኤርዘ ግሾ ክርስቶሳ ሲቅታ ኑና አሃነ።
2CO 5:15 ደኦ የዙንꬅ ይኬፓ ሱባ ፋስ ማቅካይዝን ኡንትስ Ꮉይቅደስን Ꮉይቆፓ ደንድደስ የሳደ ፋና ክርስቶሳ አስ ኡባ ግሾ Ꮉይቂዳ።
2CO 5:16 ይኬፓ ሱባ፥ ኑኒ ኦናን አስ ቆፋራ ፍርዶስ። Ꮉንፓ ዛጋ ኑኒ ክርስቶሳን አስ ቆፋ ጋር ፍርድደ ባዝ ማቅኮን፥ ይኬፓ ይኒ ጋራ ፍርዶስ።
2CO 5:17 ይኒ ግሾ፥ ኦንን ክርስቶሳ ግዳ የዝኮ ክለ መꬎ፤ ጋልአ መትꬅታ አꬍዳ፤ ኡባ ክለ ማቅዳ።
2CO 5:18 ይኖ ኡባ ጾዚ ኦችዳ። ኤ ክርስቶሳ ባጋራ ኑና ፋራ ጊግዝዳ። ማህ መሉንꬃና ፋራ ጊግሳደ ጋር ኑስ ጊግዛ ኦቻ እንግዳ።
2CO 5:19 ጾዚ ክርስቶሳ ባጋራ አስ ኡባ ፋራ ጊግዛነ። ኡን ናጋርቶ ፋይድካያ፤ ማህ አስ ፋራ ጊግዘ ቃላ ኑስ እንግዳ።
2CO 5:20 ጾዚ አስማና ኑ ባጋራ ጼግዘ ግሾ ኑ ክርስቶሳስ ኪትንትደ አስ ጋር ጾዛራ ጊጎተ ጋእ ክርስቶሳ ግሾ ዎሳነ።
2CO 5:21 ኑኒ ጾዘ ጽሎትꬅ ክርስቶሳ ባጋራ ኤኮደ ጋር፥ ናጋራ ኤሮሳ ክርስቶሳ ኑ ግሾ ናጋራንቾ አስ ፋና ማህዳ።
2CO 6:1 ኑኒ ጾዛራ ዎላ ኦችዘ አስ ማቅዳን ጋር፥ ይን ኤክደ አꬎ ኬሃትꬅቶ ጨር ማሀመ ፋና ኑ ይንታና ዎሳነ።
2CO 6:2 ጾዚ፥ «ዎትደ ሳተ ታ ነና ስእዳ፤ አቶትꬅ ቃምተ ነና ማድዳ» ያጋነ። ይኬ፥ ስእዘ ዎድታ Ꮉተ፤ አቶትꬅ ቃምታ Ꮉይኖ።
2CO 6:3 ኦደን ኑ ኦችቶ ቦሮደ ጋራን ኑ ግዳ ꬉቡንቶደ ጋር ኮዮስ።
2CO 6:4 የዝን፥ ኑ ቱሪ ጾዘ ኦቻንቾ ማቅዳኖ ኑ ኦችዘ ኡባ ባዝተ ቤሳዳ፤ ጋማ ማꬋራ፥ ዋየራን፥ ኡንአራ፥
2CO 6:5 ጋራፍንተራ፥ አጭንተራ፥ እጽንተር ኩምደ ካቻራ፥ ኦች ላበራ፥ ገንቶ ꬋበራ፥ ናየራ፥
2CO 6:6 ጌሻትꬃራ፥ ኤራትꬃራ፥ ዳንዳአራ፥ ኬሃትꬃራ፥ ጌሽ አያናራ፥ ቱሪ ሲቆራ፥
2CO 6:7 ቱሪ ቃላራ ጾዘ ዎልቃራ ኑኒ ኤ ኦቻንቾ ማቅዳኖ ቤዝዳ። ማህ ጽሎትꬅ ኑስ ቶራን ጎንዳለ።
2CO 6:8 ኑኒ ቦንችንትዳን ቦርንትዳ፤ ጫዥንትዳን ጋላትንትዳ። ቱሮ ኦህነ፥ የዝን አሱንꬅ ኑና ባልꬅዙንꬃና ጋይዳ።
2CO 6:9 ኑ አስ ግዳ ኤርንትደ አስ፥ የዝን ኤርንቶሰ አስ ጋር ማቅዳ። Ꮉይቂዳ ጋእንትዳ፥ የዝን ፋጻ የነ፤ ጉድንትዳ፥ የዝን Ꮉይቂካያ።
2CO 6:10 ኑኒ አዛንኮን ኡባ ዎደ ኡፋይታነ። ኑ ዳሃ የሻ፥ የዝን ጋማ አሱንꬃና ዱርዛነ። ማህ አኮ ባይዘ አስ የሻ፥ የዝን ኡባና ኑ ባዝ።
2CO 6:11 ቆሮንቶሳ አሱንꬆ፥ ኑ ይንትስ ጌሽ ኦህዳ፤ ኑ ዎዝንቶ ይንታና ቤዝዳ።
2CO 6:12 ይን ኑና ይን ሲቅቶ ቤዛንጽ ካይዳፕ አትን ኑ ኑ ሲቅቶ ይንታና ካይካያ።
2CO 6:13 አደ ፋ ናኡንꬅስ ኦህዛንፋና ታ ይንትስ ኦህነ፤ ኑ ይንታና ኑ ዎዝንቶ ቤዝዳን ፋና፥ ይንትን ይን ዎዝንቶ ኑና ቤዞተ።
2CO 6:14 አማኖሰ አሱንꬃራ ቤዞሰ ኦገራ ዋጽንትፐተ። ጽሎትꬅስን ናጋራስን አኮ የልንተ የዘ? ፎኦስን ꬉማስን አኮ ፈተትꬅ የዘ?
2CO 6:15 ክርስቶሳን ጻላሄን የልꬅዘባዝ አኮ? ማህ አማንዛይን አማኖሳይን ዎላ ኮጽዘባዝ አኮ?
2CO 6:16 ጾዘ ኬꬅስን ኤቁንꬃራ አኮ ፈተትꬅ የዘ? ጾዚ፥ «ታ ኡን ግዳ የሳዳ፥ ታ ኡን ግዳ በንቶዳ። ታ ኡንትስ ጾዝ ማቃዳ፤ ኡንትን ታ ዎርዣ ማቃዳ» ጋይዳንጋራ፥ ኑኒ ደኦ ጾዘ ኬꬂ።
2CO 6:17 ይኒ ግሾ፥ ላꬂ፥ «ኡን ግዳፓ ሻክንት ከዞተ፤ ቱና ማቅደ ባዝ ቦችፐተ፤ ታ ይንታና ኤኮዳ።
2CO 6:18 ታ ይንትስ አደ ማቃዳ፤ ይን ታስ ꬊራꬅ ናኡንꬃናን ማች ናኡንꬃናን ማቃዳ፤ ያጋነ ኡባፓ ዎልቃማ ላꬃይ» ያጋይዳ።
2CO 7:1 ይኬ፥ ታ ሲቁንꬆ፥ Ꮉና ኡፋይስታ ኑስ ማቅደ ግሾ ኑ አሽቶን ኑ ሸምፕቶ ቱንዘ ባዝ ኡባፓ ኑና ጌሾዳ። ጾዝስ ዣሽቲ ኑ ጌሻትꬅቶ ፎሎ ማሆዳ።
2CO 7:2 ይን ዎዝንቶ ኑና ቤዞተ። ኑኒ ኦናን ቆህካያ፤ ኦደስን ኢስካያ፤ ኦናን ጭምካያ።
2CO 7:3 ታኒ ይኖ ይንታላ አፋ ፍርዶደስ ጋኦስ። Ꮉንፋ ቲኖ ታ ይንትስ ኦህዳን ጋራ፥ ይን ኑ ዎዝንተ የነ፤ ኑ ፋጻ የዝኮን Ꮉይቂኮን ይንታፓ ሻክንቶስ።
2CO 7:4 ይንታላ ታስ የዘ አማንታ ዳማ፤ ታ ይንታራ ምንጋነ፤ ኑ ማꬍተ ኡባ ዎደ ኡፋይታነ።
2CO 7:5 ኑኒ መቀዶንያ የልደ ዎደ ኡባ ባጋራ ዋይንትዳ ፋትን ሸምፕካያ። ባለራ ሞርኩንꬃራ፥ ኑ ግዳር ዣሽሞራ ኡንእንትዳ።
2CO 7:6 የዝን አዛንዱንꬃና ምንꬅꬅዘ ጾዘ፥ ትቶ የእተ ኑና ምንꬅꬅዳ።
2CO 7:7 ኑና ምንꬅꬅዘ ትቶ የእቶ ጻላላ ማቅካይዝን ይንትን ኤዛ ምንꬅꬅዳኖ ስእዳነ ጉጂ። ይን ታና አሙꬍዛኖ፥ ታስ አዛንዛኖ ታስ ቆፕዛኖ ታ ስእደ ዎደ ታና ጋማ ኡፋይስዳ።
2CO 7:8 ታ ዳብዳብዘ ይንታና አዛንꬅኮን አኮስ ታ ጻፍነ ጋእ ቂርꬎስ። ታ ቂርꬍዳና ታ ዳብዳብዘ ይንታና ኤራꬅ ዎደስ አዛንꬅደ ግሾ።
2CO 7:9 Ꮉተ ታኒ ኡፋይትዳና፥ ታ ይንታና አዛንꬅደ ግሾ ማቅካይዝን ይን አዛንታ ይንታና ይን ናጋርትፓ ማህደ ግሾ። ጾዚ ፋ ቆፍት ጋር ይንታና አዛንꬅዳ ፋትን ኑ ይንታና አኮ ባዛራን ቆህካያ።
2CO 7:10 ጾዚ ኮይዘ አዛኖ፥ አቶትꬃጎ የልꬅዘ ናጋራፓ ማቀ ከእነ፤ ኤ ግዳ ቂርዘባዝ ባያ። የዝን Ꮉና ሳአ አዛንታ Ꮉይቆ ከእነ።
2CO 7:11 ይን አዛንታ ይን ግዳ አፍዝደ ኣፍቶ ቦኦተ። ይና አዛንታ ይንታና አኮ ጋር ደንꬅዛኮ አኮ ጋር ማሄ እንገዛኮ፥ አኮ ጋር ኤልሲ ካጭዛኮ፥ አኮ ጋር ዣሽዘዛኮ፥ አኮ ጋር ሱክዘዛኮ፥ አኮ ጋር ታስ ቃናትዘዛኮ፥ አኮ ጋር ሴርꬅ ካልꬅዛኮ ቦኦተ። Ꮉና ኡባነ ይን ጌሽ ማቅዛኖ ማርክꬍዝዳ።
2CO 7:12 ይኒ ግሾ፥ ታኒ Ꮉይ ዳብዳቢዛ ይንትስ ጻፍዳና፥ ቆህዘ አꬃ ዎይ ናቂንትደ አꬄ ግሾ ባያ። የዝን ይን ኑስ አኮ ጋር ቆፕዛኮ ጾዘ ቲኖ ይን፥ ይንታና በአደ ጋር ጻፍዳ።
2CO 7:13 ኑኒ ሚንግዳንፓ አꬊ ትቶ ደንግዳነ ኡፋይትዳ። ኑ ኡፋይትዳና አꬊ፥ ይን ትቶ ኡፋይስዳነን ኤ ዎዝንቶ ሸምፕዝዳነ።
2CO 7:14 ታኒ ይንታና ናሺ ኤስ ኦህን ይን ታና ዬልዝካያ። ይኒ ግሾ ኑኒ ኡባ ዎደ ይንትስ ቱሮ ኦህነ፤ ይኒ ጋራ ኑኒ ትቶ ቲኖ ይንታና ናሽዳና ቱሮ ማቅዳ።
2CO 7:15 ይን ኤስ ዣሽሞራ ጎቂ፥ ኤዛ ሞክዳኖ ማህ ኤስ አኮ ጋር ኪትንተዛኮ ኤ ቆፕዘ ዎደ ይንትስ የዘ ሲቅታ ሚንግተ Ꮉንግዳ።
2CO 7:16 ታኒ ኡባ ባዛ ይን ግዳ አማንንትዘ ግሾ ኡፋይታነ።
2CO 8:1 ኑ እሹንꬆ፥ ጾዚ መቀዶንያ የዘ ዎሳ ኬꬁንꬅስ እንግደ አꬎ ኬሃትꬅቶ ይን ኤሮደ ጋር ኑ ኮያነ።
2CO 8:2 ኡን ዳማ ማꬋራ ፋታንንትዳ፥ የዝን ኡን ኡፋይስታ ዎልቃማ። ኡን ዳሃትꬅትስ ዉዙላ ባያ፥ የዝን አꬂ እንገራ ጋማ ዳልግዳ።
2CO 8:3 ኡን ፋ ዎልቂት ጋራን ፋ ዎልቂትፓ ኣꬍዛኖ ካꬊ እንግዳንስ ታ ማርካ።
2CO 8:4 ኡን ጾዝ አስ ማድዘ ሎኦ ኦቻ ኑራ ኦቾደስ ኮይ ኑና ጋማ ዎስዳ።
2CO 8:5 ኡን ኑኒ ቆፕዳንፓ አꬂ ኦችዳ። ቲንꬊ ፋና ላꬅስ እንግዳ፤ ካሊ፥ ጾዘ ቆፋ ጋር ኡን ፋና ኑስ እንግዳ።
2CO 8:6 Ꮉና ዳልጋ ኦችቶ አይክደ ትቶ ጉጂ ኦቾደ ጋራን ይንታና ማዲ፥ ይና ኦችቶ ፎልሳደ ጋር ኤዛ ዎስዳ።
2CO 8:7 የዝን ይን ኡባባዝተ፥ አማኖራ፥ ኦሄራ፥ ኤራትꬃራ፥ ዳማ አሞራ፥ ኑና ሲቆራን ኡባባዝተ ዱርꬍዳን ፋና Ꮉና ሎኦ ኦችተን ይን ዳልጋ ማቃደ ጋር ኑ ኮያነ።
2CO 8:8 ታኒ ይኖ ኪቶደስ ጋኦስ። የዝን መሉንꬅ ዳማ አሙቶ ይን ሲቆራ የልꬅ ብእ ይን አኮ ፋና ቱሮ የዛኮ ኤሮደስ ጋነ።
2CO 8:9 ይን ኑ ላꬄ የሱስ ክርስቶሳ አꬎ ኬሃትꬅቶ ኤራነ። ክርስቶሳ ዱረ ማቂ በቲ፥ ይን ኤ ዳሃትꬅተ ዱርꬋደ ጋር ይን ግሾ ዳህꬍዳ።
2CO 8:10 ታኒ Ꮉና ኦህተ ይንታና ማድዘ ዞረ ዞሮደስ ኮያነ። ይን ኦማ በረ እማደስ ጻላላ ማቅካይዝን ይኖ ኦቾደስ አሞትꬃራን ይን ቲናነ።
2CO 8:11 ይን ኦቾደስ አይክደ ኦችቶ Ꮉተ ፎሎተ። ይን ይንትስ የዛን ጋር እንግኮ፥ ይና ይን እንጎደስ ቆፕዳኖ ቱሮ ማህነ።
2CO 8:12 ፈቲ አስ እንጎደስ አሙꬍኮ፥ ኤ እሞታ ጾዘ ቲኖ ኤክንትዛና፥ ኤ ፋስ የዛን ፋና እንግኮ ፋትን ባይዘ ባዛፓ እንጎደስ ኡንእንትን ባያ።
2CO 8:13 ታኒ ይኖ ጋዛና፥ ይን ኡባና ፈቲ ልከ ማቃደ ጋር ጋእ ፋትን መሉንꬅ ማꬍትፓ ሸምፕን ይን ማꬍꬋደ ጋር ባያ።
2CO 8:14 ይን ማꬍꬍዘ ዎደ ኡንትስ ጋንግዳንፓ ይን ማꬍትስ ማቃደ ፋና Ꮉተ ይንትስ ጋንግዳና ኡን ማꬍትስ ፌዣነ። ይኒ ፋና ይን ግዳ ዎልከ ማቃዳ።
2CO 8:15 ጌሽ ማጻፍተ፥ «ጋማ ሺሽደስ ትርፍካያ፤ ኤራꬅ ሺሽደስ ፋጭካያ» ጋእንት ጻፍንትዳን ጋር።
2CO 8:16 ኑ ይንትስ ቆፕዛንጋራ ትቶን ይንትስ ቆፖደ ጋር ኦችደ ጾዘ ጋላትንቶ።
2CO 8:17 ትቶ ይንታጎ Ꮉንግዳና፥ ኑ ኤዛ ደንꬅꬅደ ግሾ ጻላላ ማቅካይዝን ኤ ፋ ቆፍተ Ꮉማደስ አሙꬍደ ግሾ።
2CO 8:18 ዎንገለ ማርክራ ዎሳ ኬꬃ ኡባነ ጋማ ኤርንትደ እሻ፥ ኑኒ ትቶራ ዳካነ።
2CO 8:19 ይንላ ኑኒ Ꮉና ዳልጋ እሞትꬅቶ ካንግዘ ዎደ ኑራ Ꮉማደ ጋር Ꮉና ዳልጋ ኦችትራ ላꬃ ቦንቾደስን መሉንꬃና ማዶደስ የዘ አሙቶ ቤሳደስ ኤ ዎሳ ኬꬅተ ዶርንትዳ።
2CO 8:20 Ꮉና እንግንትደ ዳልጋ እሞትꬅቶ፥ ኑ ኦቻላ ፌሽዘ ዎደ ኑና ቦራመ ፋና ናግንቶዳ።
2CO 8:21 ኑኒ ላꬄ ቲኖ ጻላላ ማቅካይዝን አስ ቲኖን ሎኦ ማቅደ ባዝ ኦቾዳ።
2CO 8:22 ማህ ጋማ ዎደ ፋታና ግዳ ሚንግ አꬍደ ኑ እሻ፥ ኡንታራ ይንታጎ ክትዳ። ኤ ይንግዳ ሎይꬂ አማንንትዘ ግሾ Ꮉተ ይንታና ማዶደስ ጋማ አሙꬋነ።
2CO 8:23 ትቶባዝ ኤሮደስ ኮይዛኮ፥ ኤ ይንታና ማዶደስ ታራ ኦችዘ ታ ኦቻ ላገ። መለ እሹንꬅባዝ ማቅኮ ዎሳ ኬꬁንꬅ ኪትዱንꬃና፤ ማህ አሱንꬅ ኡን የስቶ ብእ ክርስቶሳ ቦንቻነ።
2CO 8:24 ይኒ ግሾ፥ ዎሳ ኬꬅታ ይን ሲቅቶን ኑ ይንታና አማንንትዛና ቱሮ ማቅዳኖ ቤሳደስ ይን ሲቅቶ Ꮉንꬅ አሱንꬃና ቤዞተ።
2CO 9:1 አማንዘ አሱንꬅስ ኬስዘ ሚሸባዝ ታ ይንትስ ጻፎደስ ኮሾስ።
2CO 9:2 ይን ማዶደስ ሎይꬂ አሙꬍዛኖ ታ ኤራነ። ይን አካያ አሱንꬅ፥ ኦማ በረፓ አይኪ ማዶደስ ጊግንትዳኖ ታኒ መቀዶንያ አሱንꬅስ ዶና ኩንꬅ ኦህዳ። ይን ዳማ አሞትꬅታ ኡንታፓ ጋሙንꬃና ደንꬅꬅዳ።
2CO 9:3 Ꮉና ኦችተ ይን ግዳ ኑ ጬቅንትዘ ጬቅታ Ꮉሪ ማቃመ ጋር ቲኖ ይን ባዝ ታ ኦህዳን ጋራ ይን ጊግንቲ ናጎደ ጋር Ꮉንꬅ እሹንꬃና ይንታጎ ኪትዳ።
2CO 9:4 መቀዶንያ አሱንꬅ ታራ Ꮉንግ፥ ይን ጊግንትካይዛር የሳደር፥ ደንግኮ፥ ኑ ይን ግዳ ዬልꬋዳ፤ ማህ ይን ኑፓ አꬊ ዬልꬋዳ።
2CO 9:5 ይኒ ግሾ፥ Ꮉንꬅ እሹንꬅ ታፓ ቲንꬊ ይንታጎ Ꮉንግ፥ ይን እንጎዳ ጋይደ እሞትꬅቶ ቲንꬊ ጊግሳደ ጋር ታ ኡንታና ኪትዳ። ታ የእዘ ዎደ ይና እሞታ ጊጊ በቶ። የ ዎደ ይና ኬሃትꬅ እሞታ ዎልቃራ ማቅካይዝን ካራ ማቅዛኖ ኤርሳነ።
2CO 9:6 Ꮉኖ ቲሮተ፤ ኤራꬅ ቡድዘ ኤራꬅ ማጾዳ፤ ጋማ ቡድዘ ጋማ ማጾዳ።
2CO 9:7 ጾዚ ኡፋይሳራ እንግዘ አꬃ ካዽዘ ግሾ ዎልቃራ ዎይ ካꬎ ባይዝን ማቅካይዝን ፈቲ ፈቲ አስ ፋ ዎዝንተ ቆፕዳንጋራ ካራ እንጎደስ ቤዛነ።
2CO 9:8 ኡባ ዎደ ኡባ ባዛ ኮሽዘ ባዝ ኡባ ደንግ ሎኦ ኦቻ ኡባ ኦቾደስ ዳንዳኦደ ፋና ጾዚ ይንትስ ፋ አንጅቶ ጋንꬆዳ።
2CO 9:9 ጌሽ ማጻፍተ፥ «ኤ ፋ ቆልቶ ዳሁንꬅስ ላልዳ፤ ኤ ጽሎትꬅታ መꬍናስ የሳዳ» ያጋነ።
2CO 9:10 ቡድዘስ ቡዱꬅ፥ ማደስ ካꬃ እንግዘ ላꬄ፥ ይን ቡድዘ ቡዱꬅቶ ጋንꬅ እንጎዳ። ይን ጽሎትꬅ አፍቶን ጋንꬆዳ።
2CO 9:11 ጋማ አሱንꬅ ይን እንግዘ እሞትꬅቶ ኑፓ ኤኪ፥ ጾዝ ጋላቶደ ጋራ፥ ይን ኡባ ዎደ ጋንꬅ እንግዙንꬃና ማቃደ ጋር ጾዚ ይንታና ኡባ ባዛራ ዱርሳዳ።
2CO 9:12 Ꮉና ይን እንግዘ እሞታ አማንዘ አስ ፋጭቶ ኩን ጻላላ ማቅካይዝን አሱንꬅ ጾዝ ጋላቶደስ ምክናተ ማቃነ።
2CO 9:13 Ꮉና ይን ኦችታ ይን አማንቶ ኤርስዝ ክርስቶሳ ዎንገለ ይን አማኒ ኤስ ኪትንቲ ይንትስ የዘ ባዝ ኡንታራን መሉንꬃራ ሻክንትደ ግሾ ኡቡንꬅ ጾዝ ቦንቾዳ።
2CO 9:14 ጾዚ ይንትስ እንግደ አꬎ ኬሃትꬅት ግሾ ኡን ይንትስ ጾዝ ዎስተራ ይንታና በአደስ አሙꬋነ።
2CO 9:15 ዉዙላ ባይዘ ጾዘ እሞትꬅትስ ጾዚ ጋላትንቶ።
2CO 10:1 ታ ይንታራ የዘ ዎደ አዳ፥ ማህ ይንታፓ Ꮉክዘ ዎደ ኑላ አፋ ምንጋነ ያጋእንትዳ፥ ጳዉሎሳ፥ ኬሃን አሽከ ማቅደ ክርስቶሳ ሱንꬅተ ይንታና ዎሳነ።
2CO 10:2 ታኒ ይንታጎ Ꮉንግዘ ዎደ ኑና አሾ ቆፋራ Ꮉንትዘ አስ ማህ ቆፕዘ አሱንꬃላ አፋ ምንꬂ ቃላራ ኦህንቶደስ ቆፋ አጭዳ። ይንታላ አፋ ይኒ ጋራ ኦህንቶደ ጋር ይን ታና ቆፓመ ፋና ይንታና ዎሳነ።
2CO 10:3 ኑኒ Ꮉና ሳእተ የዝኮን ሳአ አስ ፋና ኦልንቶስ።
2CO 10:4 ኑ ኦላ ሚሽታ Ꮉና ሳአስቶ ባያ። የዝን ሹች ግንብቶ ላሎደስ ዎልቃር የዘ ጾዘ ቶራ። ቱሮራ ኦልንትዘ ላለን፥
2CO 10:5 ጾዝ ኤራመ ጋር ደንድዙንꬃናን ቱርራ ኦልንትዘ ኡቱራ ቆፋ ኡባ ኑ ላሎዳ። አስ ቆፋ ኡባ ድእ ክርስቶሳስ ኪትንቶደ ጋር ኑ ዪሳዳ።
2CO 10:6 ይን ኪትንትዛና ፎሎ ማቅዘ ዎደ ኑኒ ኪትንቶሱንꬃና ኡባ ሴሮደስ ጊግንቶዳ።
2CO 10:7 ይን በእዛና ባለራ በንትዘ ባዝ ጻላላ። ኦደን ፋና ክርስቶሳ ባዝ ጋእ ቆፕዘባዝ ማቅኮ፥ ኑንን ክርስቶሳ ባዝ ማቅዛኖ ኤሮ።
2CO 10:8 ላꬂ ታስ እንግደ አደትꬅ ዎልቂተ ጬቅንትኮን ይነ ዬልꬎኦስ። ይና አደትꬅ ዎልቅታ ታስ እንግንትዳና ይንታና ድቾደስ ፋትን ላሎደስ ባያ።
2CO 10:9 ታኒ ታ ዳብዳብተ ይንታና ይርግሳደስ ኮይ ጻፍደባዝ አዝፐ።
2CO 10:10 ፈቲ ፈቲ አሱንꬅ፥ «ጳዉሎሳ ዳብዳቢታ ዴጾን ዎልቃማ፥ የዝን ኤ ፋ ኦምትስ ኑራ የዘ ዎደ ቦዛ፤ ኤ ኦህታን ፋꬆስ» ያጋነ።
2CO 10:11 የንꬅ አሱንꬅ ኑ Ꮉኮ የዛራ ጻፍደ ዳብዳብዘ ካለ ይንታራ የዛራ ኦችዘ ኦችት ግዳ ዱማትꬅ ባይዛኖ ቆፖ።
2CO 10:12 ኑኒ ፋና ናሽዘ አሱንꬃራ ኑና ልክሳደስ ዎይ ዎልክሳደስ ኮዮስ። የዝን ኡን ፋና ፋራ ልክዚ ዎይ ዎልክዚ ብእተራ ኤያ።
2CO 10:13 የዝን ኑኒ ጾዚ ኑስ እንግደ ዉዝልተ ጬቅንቶዳ ፋትን ዉዙላ ፊንግ ጬቅንቶስ፤ ይና ዉዙልታ ይንታጎን የላነ።
2CO 10:14 ኑኒ ኮሽዛንፓ አꬂ ጬቅንቶስ፥ የዝን ክርስቶሳ ዎንገለ ቲኒ ይንታጎ የልꬅዳነ ጬቅንታነ።
2CO 10:15 ኑኒ ጾዚ ኤስደ ዉዙላፓ ፊንግ፥ መሉንꬅ ኦችደ ኦችተ ጬቅንቶስ። ማቆየዝን፥ ይን አማንታ ድጮደ ፋና ጾዚ እንግደ ዉዙልተ ይን ግዳ ኑ ኦችዘ ኦችታ ዳልጎዳ ጋእ ቆፓነ።
2CO 10:16 ኑኒ መለ አስ ፋ ዉዙልተ ኦችደ ኦችተ ገሊ ጬቅንቶስ፥ የዝን ይንታፓ ፊንግ መሉንꬅስ ዎንገለ ማርክꬋደስ ዳንዳአነ።
2CO 10:17 የዝን፥ ጌሽ ማጻፍተ፥ «ጬቂዘ ኡባ ላꬃላ ጬቆ» ጋእ ጻፍንትዳ።
2CO 10:18 ላꬂ ናሽዘ አꬃ ፋትን ፋና ፋስ ናሽዘ አꬄ ናሽንቶስ።
2CO 11:1 ታ ኤራꬅ ኤያትꬅቶ ይን Ꮉተን ዳንዳኦዳ ጋእ ቆፓነ፤ አደ ዳንዳኦተ።
2CO 11:2 ጾዚ ይንታና ቡዞ ማሆደስ ቆፕዳንጋራ፥ ታንን ይንትስ ቆፓነ። ታኒ ይንታና ጌሽ ዉዱርትጋራ ፈቲ ꬊራ፥ ክርስቶሳስ እንጎደስ ኦጪ ጋድዳ።
2CO 11:3 የዝን ሾሽ ፋ ገነራ ሄዋኖ ባልꬅዳንፋና ኦደ ኤርዘ ይን ዎዝንታ ኢቲ ክርስቶሳስ የዘ ይን ሱረትꬅቶን ጌሻትꬅቶ ላሞድ የሳነ ጋእ ይርጋነ።
2CO 11:4 ፈቲ አስ ይእ፥ ኑኒ ይንትስ ማርክꬍደ የሱሳፓ መለ የሱሳ ይንትስ ማርክꬍኮ፥ ዎይ ይን ኤክደ አያንዘፓን ዎንገልዘፓን መለ አያናን ዎንገለን ይንትስ ኦህኮ፥ ስእ ጋእ አꬃነ።
2CO 11:5 የዝን ታኒ የሱሳ «ዳማ ሐዋሩንꬃፓ» ላፋነ ጋእ ቆፖስ።
2CO 11:6 ታኒ ኦሄ ኤሮሰ አስ ማቅኮን፥ ኤራትꬅ ታስ የነ። ይኖ ታ ይንትስ ጋማ ኦገራን ጋማ ባዛራ ቆንጭዝዳ።
2CO 11:7 ታኒ ሚሸ ኦጭካይዛራ ጾዘ ዎንገለ ይንትስ Ꮉሪ ኦህዳናን ይንታና ꬎቅ ዪዚ ታና ቶችዳና ታስ ናጋራ ማቃነ?
2CO 11:8 ታኒ ይንትስ ኦቾደስ መለ ዎሳ ኬꬃፓ ሚሸ ቦንቂ ኤክዳ።
2CO 11:9 ታ ይንታራ የዘ ዎደ ታና ማꬍኮን ይንታፓ ፈቲ አስን ዋይስካያ። መቀዶንያፓ ይእደ አማንዙንꬅ ታና ኮሽዘ ባዝ ኡባ ማድዳ። Ꮉይኖ የሎደስ ታ ይንትስ ቶፎ ማቅካያ ቲኖስን ቶፎ ማቆስ።
2CO 11:10 ክርስቶሳ ቱረትꬅታ ታ ግዳ የዝን፥ ታ ጬቅቶ አካያ ጋደ ታና ኦደን ካዮስ።
2CO 11:11 ታ Ꮉኖ አኮስ ጋኤ? ይንታና ካꬎኦሰ ግሾስነ? ታኒ ይንታና ካꬍዛኖ ጾዚ ኤራነ።
2CO 11:12 «ኑንን ይን ፋና ኦቻነ» ጋእ ጬቂዘ Ꮉንኮ ሐዋሩንꬅ ጬቆ ምክናቶ ꬋብሶደስ Ꮉተ ታ ኦችዛኖ ቲኖስን ኦቾዳ።
2CO 11:13 Ꮉኒ ጋርዘ አሱንꬅ ክርስቶሳ ሐዋረ አዞደስ ፋና ላምዘ ዎርዳንቾ ሐዋሩንꬃናን ጭምዘ ኦቻንቾ።
2CO 11:14 ይና ዳማ ቆፍዘ ባዝ ባያ፤ አኮስ ጋይኮ፥ ጻላሄ ፎኦ ኪታንቾ ፋና ይአደስ ፋና ላማነ።
2CO 11:15 ይኒ ግሾ፥ ጻላሄ ኦቻንቹንꬅ ጽሎትꬅ ኦቻንቾ ፋና ይአደስ ፋና ላምኮ ይና ዳማ ባዝ ባያ። ኡን ዉርሱꬅተ ፋ ኦችትጋራ ኤኮዳ።
2CO 11:16 ኦደን ታና ኤያ ጋእ ቆፓመ ፋና ማህ ኦህነ። ታ ይንትስ ኤያ አዝኮን ታ ኤራꬅ ጬቅንቶደ ፋና ታና ኤያ ማህ ኤኮተ።
2CO 11:17 ታኒ Ꮉንጋራ ጬቅንቲ ኦህዘ፥ ላꬄ ኮይዛንጋራ ማቅካይዝን ኤያትꬃራ ኦህነ።
2CO 11:18 ጋማ አሱንꬅ Ꮉና ሳአ ባዝተ ጬቅንትዘ ግሾ ታንን ጬቅንቶዳ።
2CO 11:19 ይን ዎዝናማ ማቅደ ግሾ ኤያ አስ ባዝ ኡፋይሳራ ዳንዳአነ።
2CO 11:20 ኦደን ይንታና አርዝኮ ዎይ ይንታና ቦንቅኮ ዎይ ፋስ ማድንቶደስ ይንታጎ ሺቅኮ ዎይ ይንታላ አፋ ኡቱርትኮ ዎይ ይንታና ባቂኮ ይን ዳንዳአነ።
2CO 11:21 ኑኒ ይኖ ኦቾደስ ጋማ ቦዛ ማቅዛኖ ዬልꬍተራ ታ ኦህነ። የዝን ኦደን ሚንግ ጬቂንትኮ፥ ታንን ጬቂንቶደስ ምንጋነ። ታኒ ይኖ ኤያ አስ ፋና ኦህነ።
2CO 11:22 ኡን ዕብራዌ? ታንን ዕብራዌ። ኡን እስራኤለ? ታንን እስራኤለ። ኡን አብራሃማ ኮቾ? ታንን አብራሃማ ኮች።
2CO 11:23 ኡን ክርስቶሳ ኦቻንቾ? ታኒ ዣሽትዘ አስ ጋር ኦህነ፥ ኡንታፓ አꬍዘ ክርስቶሳ ኦቻንቾ። ታኒ ኦቻራ ጋማ ላቢዳ፤ ጋማ ዎደ አጭንትዳ፤ ጋራፍንትዳ፤ ጋማ ዎደ Ꮉይቆፓ አትዳ።
2CO 11:24 አይሁዱንꬅ ታና Ꮉስታም ኡዱፉን እችን ቶሄ ጋራፍዳ።
2CO 11:25 Ꮉይꬕ ቶሄ ጉፈራ ጉድንትዳ፤ ፈቲ ቶሄ ሹቻራ ꬎግንትዳ፤ ማርካበ Ꮉይꬕ ቶሄ መቂዳ፤ አባ ግዳ ፈቲ ቃማ ኩሙꬅ አቂ ፌዥዳ።
2CO 11:26 ታኒ ጋማ ኦገ ላቢ የꬍዳ። ክጻ Ꮉꬃፓን ፋኖፓ አትዳ። አይሁዱንꬅን አይሁደ ማቆሰ አሱንꬅ ታላ አፋ ማꬋ የልꬅዳ። ካታማ፥ አኮ ባይዘ ጋናሳ፥ አባ፥ ታና ዣሽዳ፤ አማንዘ ፋና አዝዘ አሱንꬅ ታና ዋይꬅዳ።
2CO 11:27 ታኒ ኦቻራ ላቢዳ ጫውዳ፥ ጋማ ቶሄ ገንቶ ꬋብዳ፥ ናይꬍዳ፥ ባርꬍዳ፥ ጭሽትዳ፥ ካልꬍዳ።
2CO 11:28 መለባዝ ኡባ ፋይድካይዛራ ኡባ ዎደ ታና ቆፍዛና ዎሳ ኬꬅ ባዝ።
2CO 11:29 ፈቲ አስ ላቢዘ ዎደ ኤራ ታ ላቢካ? ፈቲ አስ ናጋራራ ꬉቡንትዘ ዎደ ታ አይደ ሸንꬍካይዛራ አሽዶ?
2CO 11:30 ታ ጬቅንቶደስ ኮሽዘ ባዝ ማቅዛኮ ታኒ ላቢዳ ማቅዛኖ ኤርስዘ ባዛራ ጬቅንቶዳ።
2CO 11:31 መꬍናስ ቦንችንትደ ጾዘ፥ ኑ ላꬄ የሱስ ክርስቶሳ አዳይ፥ ታ ዎርድꬎኦሳኖ ኤራነ።
2CO 11:32 ዳማስቆ ካታማ አረታሳ ጋዘ ካትዘፓ ኦሞር አህዘ ታና አይꬆደስ ኮይ ዳማስቆ ካታማ ፉርꬅቶ ናግዛነ።
2CO 11:33 የዝን አሱንꬅ ታና ዳቾ ግዳ ኦሊ፥ ካታማ ሹች ግንብትስ ማስኮተራ ኬꬅን ታኒ ኤ ኩሽትፓ አትዳ።
2CO 12:1 ጬቅንተ ፋꬆሳኖ ታ ኤራነ። የዝን ጬቅንቶደስ ኮሽኮ፥ ላꬃፓ ኤክደ ቆንጭꬅተ ጬቆዳ።
2CO 12:2 ታጶ ኦይዲ በረፓ ቲኖ፥ ክርስቶሳ አማንዘ ፈቲ አꬄ Ꮉይꬓንꬆ ሳሎ ኤክንትዳኖ ታ ኤራነ። የ አꬄ አሾራ ዎይ አሾ ባይꬅ ቅተዛኮ ታ ኤሮስ፤ ጾዚ ኤራነ።
2CO 12:3 የ አꬄ ኤክንትዳኖ ኤራነ። የዝን ኤ አሾራ ዎይ አሾ ባይꬅ ኤክንተዛኮ ታ ኤሮስ፤ ጾዚ ኤራነ።
2CO 12:4 የ አꬄ ጋናተ ኤክንቲ አስ ቆንጭሳደስን አስ ኦሆደስ ዳንዳኦሰ ባዝ ስእዳ።
2CO 12:5 ታኒ የ አꬄራ ጬቅንቶዳ፥ ፋትን ታኒ ታ ላብꬅቶ ፋትን ታ ግዳ ጬቅንትዘ ባዝ ባያ።
2CO 12:6 ታኒ ቱርቶ ኦህንትዛን ግሾ ጬቅንቶደስ ኮይኮን ኤያ ባያ። የዝን አስ ታ ኦችዛኖ በእዛንፓን ስእዛንፓ አꬂ ቆፓመ ጋር ጋእ ጬቅንተ አሻነ።
2CO 12:7 ታስ ቆንጭደ ዳማ ቆንጭꬅተ ታ ኡቱርታመ ጋር ታና ዋይሶደስ ታ አሽቶ ዡልትዘ ጻላሄ ኪታንቾ ታስ እንግንትዳ።
2CO 12:8 Ꮉይ ዋይꬅዛያ ታፓ Ꮉሶደ ጋር ታኒ ላꬃ Ꮉይꬕ ቶሄ ዎስዳ።
2CO 12:9 የዝን ላꬂ፥ «ታ ዎልቅታ ነ ላብꬅትራ ቆንጭዘ ግሾ ታ አꬎ ከሃትꬅታ ኔስ ማቃዳ» ጋይዳ። ክርስቶሳ ዎልቅታ ታ ግዳ ቆንጮደ ጋር ታ ላብꬅተ ኡፋይትተራ ጬቅንታነ።
2CO 12:10 ታኒ ክርስቶሳ ግሾ ላቢዘ ዎደ፥ ጫዥንትዘ ዎደ፥ ዋይንትዘ ዎደ፥ ባይእንትዘ ዎደ፥ ማꬍንትዘ ዎደ ታ ላብꬅተ ኡፋይታነ። አኮስ ጋይኮ፥ ታ ላቢዘ ዎደ የ ዎደ ምንጋነ።
2CO 12:11 ታኒ ኤያ አስ ፋና ጬቅንትዳ። ይኒ ጋራ ታ ጬቅንቶደ ፋና ኦችደ ይንታና። ታ፥ ታ ኦምተ ኤርንቶሰ አስ ማቅኮን፥ «ዳማ ሐዋሩንꬃና» ጋእንትዙንꬃፓ ኤሮስ። ይኖ ታስ ማርክꬋደስ ቤዘ ይንታና የሻ።
2CO 12:12 ታ ይን ግዳ የዝተራ ዳንዳአራ ኦችደ ማላ ባዝታን ክለ ባዝታ ታ ቱሪ ሐዋረ ማቅዳኖ ቤዛነ።
2CO 12:13 ታ ይንትስ ቶፎ ማቅካይዛራ አትዳንፓ መለ ዎሳ ኬꬃፓ ይን አኮራ ኤርዶ? ይና ባላ ማቅኮ ታና ማሮተ።
2CO 12:14 ታኒ ይንታጎ Ꮉማደስ ጊግንቶደራ Ꮉና ታስ Ꮉይꬓንꬃ። ታ ይንታና ፋትን ይንትስ የዘ ባዝ ኮዮሰ ግሾ ይንታና ዋይꬆደስ ኮዮስ። የልዱንꬅ ፋ ናኡንꬅስ ቆሎ ምንጃነ ፋትን ናኡንꬅ ፋና የልዱንꬅስ ቆሎ ምንጆስ።
2CO 12:15 ታ ይን ግሾ ታስ የዘባዝቶን ታናን አꬂ እንግኮን ታና ኡፋይሳነ። ዬዝን፥ ታኒ ይንታና ይኒ ጋራ አꬂ ሲቅዘ ዎደ ይን ታና ኤራꬅ ሲቃነ?
2CO 12:16 ማቅኮን፥ ታ ይንትስ ቶፎ ማቅካያ፤ ዋይꬅካያ፤ የዝን ይንታና ጭመራን ገነራን አይክደባዝ ይንትስ አዝካይዛራ አታማ።
2CO 12:17 መለ አቶ የዝን፥ ታ ይንታጎ ኪትደ አሱንꬃፓ ይንታና ጭምደ አስ የነ?
2CO 12:18 ትቶ ይንታጎ ቅቶደ ጋር ታኒ ዎስዳ፤ ማህ አማንዘ እሻ ኤራ ዳክዳ። ዬዝን፥ ትቶ ይንታና ጭምዳ? ኑኒ ኑ ኦችቶ ፈቲ አያናራ ኦችካነ? ማህ ኑ Ꮉንታን ፈቶ ባነ?
2CO 12:19 ኑ ኡባ ዎደ ይን ቲኖ ኑና ጽልሳደስ ሞትንቶደባዝ ይንትስ አዛነ? ኑ ክርስቶሳ ግዳ የዚ ጾዘ ቲኖ Ꮉኖ የሎደስ ኦህነ። ኑ ሲቆ እሹንꬆ፥ ኑ Ꮉኖ ኡባ ኦችዛና ይንታና ድቾደስ።
2CO 12:20 ታ ይንታጎ Ꮉንግዘ ዎደ ኦደ ኤርደ ይን ታ ኮይዛንጋራ ይአንጽኮ፥ ማህ ታንን ይን ኮይዛንጋራ ይእ የልንታንጽኮ ጋእ ዣሽታነ። ማህ ኦደ ኤርደ ይን ግዳ ላለ፥ ቃናተ፥ ዥሎ፥ ፋና ካ፥ ዝግርስ፥ አስ ሱንꬅ ኢሰ፥ ኡቱራን ካችን የዛንጽ አታማ ጋእ ዣሽታነ።
2CO 12:21 ታኒ ላምእንꬃ ይንታጎ Ꮉንግዘ ዎደ ጾዚ ይን ቲኖ ታና ዬልሳዳ ጋእ ዣሽታነ። ዛጋ ናጋርቶ ኦቺ ይና ፋ ኦችደ ቱናትꬃፓ፥ ኦላለ Ꮉንታፋን ዬልዘ ኦቻፓ ማቅካይዘ አሱንꬃና ብእ አዛንካይዛራ አሾስ ጋእ ዣሽታነ።
2CO 13:1 ታ ይንታጎ Ꮉንጎደራ Ꮉና Ꮉይꬓንꬆ። አኮ ሞቶን ላምእ ዎይ Ꮉይꬕ ማርካራ ምንጋነ።
2CO 13:2 ታኒ ላምእንꬃ ይንታራ የልንትዘ ዎደ ይን ግዳ ቲኖ ናጋራ ኦችደ አꬃን መሉንꬃና ኡባ ሴርካይዛራ አሾስ ጋእ ኦህ ጋድዳ። Ꮉተ ታ Ꮉኪ የዝኮን ማቂ ይንታጎ Ꮉንግዘ ዎደ ኦደስን ይቅስንቶስ።
2CO 13:3 ታ ግዳ የዚ ኦህዘ ክርስቶሳ ማቅዛኖ ይን ኤሮደስ ኮያነ። ኤ ይንታራ ኦህንትዘ ዎደ ዎልቃማ ፋትን ይን ግዳ ቦዛ ባያ።
2CO 13:4 ክርስቶሳ ማስቃላላ አፋ ዋየራ ሱጽንትዳ፥ የዝን ጾዘ ዎልቂተ ደኦ የነ። ኤ ቦዛ ማቅዛንጋራ፥ ኑንን ቦዛ። የዝን ይንታና ማዳደስ ጾዘ ዎልቂተ ኤዛራ ደኦ የሳዳ።
2CO 13:5 አማኖራ ሚንግ የዛኮ ይንታና ይንትስ ፋታኒ ቦኦተ። ፋታንተ ይን ጎልአንጽ አትኮ፥ ክርስቶሳ ይን ግዳ የዛኖ ይን ኤራነ። የዝን ክርስቶሳ ይንታራ የዛንጽኮ ይን ጎልኦዳ።
2CO 13:6 ኑኒ ፋታናራ ጎልአማኖ ይን ኤራነ ጋእ ኑ አማናነ።
2CO 13:7 ይን ኢታ ባዝ ኦቻመ ፋና ኑኒ ጾዝ ዎሳነ። ኑኒ ምንꬂ ማቅዛኖ አስ በአደ ፋና ማቅካይዝን ኑኒ ምንꬂ ማቃንጽን፥ ይን ሎኦ ኦቾደ ጋር ኑኒ ዎሳነ።
2CO 13:8 ኑኒ ቱርስ ኦቻነ ፋትን ቱርራ እጽንትዘባዝ አኮ ባዝን ኦቾደስ ዳንዳኦስ።
2CO 13:9 ኑ ላቢዘ ዎደ ይን ማህ ሚንጎደራ ኑና ኡፋይሳነ። ይን ቦረ ባይዙንꬃና ማቃደ ጋር ኑ ይንትስ ጾዝ ዎሳነ።
2CO 13:10 ታኒ ይንታፓ Ꮉኪ የዝተራ ጻፍዳና ይኒ ግሾስ። ታኒ ይንታጎ Ꮉንግዘ ዎደ ላꬂ ታስ እንግደ አደትꬅ ዎልቂተ አማንንቲ ይንታላ አፋ ላꬅꬋደስ ኮዮስ። ላꬂ ታስ ዎልቃ እንግዳና፥ ይንታና ማዶደስ ፋትን ቆሆደስ ባያ።
2CO 13:11 ዉርሱꬅተ ታ እሹንꬆ፥ ሳሮ የዞተ። ቦረ ባይꬅ የዞተ፤ ታ ዞርቶ ስኦተ። ፈቲ ዎዝናራ ማቂ የዞተ፤ ሳሮራ የዞተ። ሲቆን ሳሮ እንግዘ ጾዘ ይንታራ ማቀ።
2CO 13:12 ጌሽ ዬርንተ ዬርንትተራ፥ ፈተ ፈታ ሳርꬆተ።
2CO 13:13 ጾዘ አሱንꬅ ኡባ ይንታና ሳሮ ሳሮ ያጋነ።
2CO 13:14 ላꬄ የሱስ ክርስቶሳ አꬎ ኬሃትꬅ፥ ጾዘ ሲቆ፥ ጌሽ አያና ፈተትꬅ ይን ኡቡንꬃራ ማቀ።
GAL 1:1 አሳፓ ዎይ አስ ባጋራ ማቅካይዝን የሱስ ክርስቶሳፓን ኤዛ Ꮉይቆፓ ደንꬅደ ጾዘ አደፓ ሐዋረ ማቃደ ጋር ኪትንትደ ታ ጳዉሎሳ፥
GAL 1:2 ታራ የዘ አማንዘ እሹንꬅ ኡባ፥ ጋላትያ የዘ ዎሳ ኬꬁንꬅስ።
GAL 1:3 ጾዘ ኑ አዳይን ኑ ላꬄ የሱስ ክርስቶሳፓ ይንትስ አꬎ ኬሃትꬅን ሳሮትꬅ ማቀ።
GAL 1:4 Ꮉና ኢታ ዎድትፓ ኑና አሾደስ፥ ኑ ላꬄን፥ ኑ አዳይ ቆፋ ፋና ክርስቶሳ ኑ ናጋርት ግሾ ፋና አꬂ እንግዳ።
GAL 1:5 ጾዝስ መꬍናፓ መዽና የሎደስ ቦንቾ ማቀ። አምንኤ።
GAL 1:6 ክርስቶሳ አꬎ ኬሃትꬅተ ይንታና ጼግደ ጾዛ አሺ፥ መለ ዎንገለጎ፥ ይን ኤልሲ፥ ዋይዝ ማቀዛኮ ታና ጋማ ቆፍዛነ።
GAL 1:7 ኤ ፋ ኦምተ መለ ዎንገለ ባያ። ይንታና ባልꬆደስን ክርስቶሳ ዎንገለ ዎቢሳደስ ኮይዘ ኤራꬅ አሱንꬅ የነ ፋትን ቱሪ ዎንገለ ፈቶ።
GAL 1:8 የዝን ኑና ማቅን ዎይ ሳሎ ኪታንቾ ማቅን ኑ ይንትስ ቲኖ ኦህደ ዎንገለፓ ዱሙዽዘ ዎንገለ ይንትስ ኦህዘ ባዝ ማቅኮ፥ ኤ ባድንትዳ ማቀ።
GAL 1:9 Ꮉንፓ ዛጋ ኑ ጋይዳንጋራ Ꮉተን ማህ ጋነ፤ ይን ኤክደ ዎንገለፓ ዱሙዽዘ ዎንገለ ኦደን ይንትስ ኦህኮ የ አꬄ ባድንትዳያ ማቀ።
GAL 1:10 ዬዝን፥ ታና አስ ዎይ ጾዚ ናሾደ ፋና ኮያነነ? ዎይ ታ አስ ኡፋይሶደስ ኮያነ? ታ አስ ኡፋይሶደስ ኮይዘ ባዝ ማቅኮ፥ ክርስቶሳ አሮ ማቆስ።
GAL 1:11 ታ እሹንꬆ፥ ታ ይንትስ ኦህዘ ዎንገልታ አሳፓ ማቆሳኖ ይን ኤሮደ ፋና ታ ኮያነ።
GAL 1:12 ታስ Ꮉይ ዎንገልዛ የሱስ ክርስቶሳ ቆንጭዝዳ ፋትን አሳፓ ኤክካያ ዎይ አስ ታና ታማርስካያ።
GAL 1:13 ታ ዛጋ አይሁደ አማኖ የዘ ዎደ ዋይዝ የዘዛኮ፥ ታኒ አማንዙንꬃና ይቅስሞ ባይꬅ ባይአደስን ꬋብሶደስ ቡቱንትዳኖ ይን ስእዳ።
GAL 1:14 አይሁደ አማኖ ናጎራ፥ ታ ዎደ የዘ አይሁደ እሹንሳፓ አꬋነ። ኑ አዱንꬅ ዎግትስን አꬊ ይቅስንታነ።
GAL 1:15 የዝን ታ Ꮉጋ ታ እንቲ ሳዝተ የዝን ጾዚ ታና ዶርዳ፤ ፋ አꬎ ኬሃትꬅተ ታና ጼግዳ።
GAL 1:16 አይሁደ ማቆሰ አሱንꬅስ ዎንገለ ኦሆደ ጋር ጾዚ ፋ ናአያ ታስ ቆንጭዝደ ዎደ ታ ኦደራን ዞርንትካያ።
GAL 1:17 ዎይ ታፓ ቲኖ ሐዋረ ማቅዱንꬃራ የልንቶደስ የሩሳላመ Ꮉንግካያ። የዝን ታ ቲንꬊ አራበ ጋደ ቅትዳ፤ ይንፓ ማቂ ዳማስቆ ካታማ ይእዳ።
GAL 1:18 Ꮉይꬕ በረፓ ሱባ፥ ጴጥሮሳራ የልንቶደስ የሩሳላመ Ꮉንግ ኤራ ታጶ እችን ቃማ ጋምእዳ።
GAL 1:19 የዝን ላꬄ እሸ ያይቆባ ፋትን Ꮉንኮ ሐዋሩንꬃፓ ኦናን ታ ብእካያ።
GAL 1:20 ታ ይንትስ ጻፍዳና ዎርዶ ማቆሳኖ ጾዘ ቲኖ ይንትስ ማርክꬋነ።
GAL 1:21 ይንፓ ሱባ፥ ታኒ ሶርያን ክልቅያ ጋደ ቅትዳ።
GAL 1:22 ይሁዳ የዘ ዎሳ ኬꬅ አሱንꬅ ታና ኤርካያ።
GAL 1:23 የዝን ኡን፥ «ዛጋ ኑና ባይእዘ አꬄ፥ Ꮉተ ይና ኤ ꬋብሶደስ ኮይዘ አማንቶ ሳባካነ» ያጋዛኖ ስእዳ።
GAL 1:24 ስእዱንꬅ ኡባ ታ ግሾ ጾዛ ጋላትዳ።
GAL 2:1 ታጶ ኦይዲ በረፓ ሱባ፥ ማህ ባርናባሳን ትቶ ኤኪ የሩሳላመ Ꮉንግዳ።
GAL 2:2 ታ Ꮉንግዳናን ጾዚ ታስ ቆንጭዝደ ኦገራ። Ꮉንፓ ቲኖ ዛጋ ታ ኦችዳናን Ꮉተ ታ ኦችዛና ጨር ማቃመ ፋና አይሁደ ማቆሰ አሱንꬅስ ሳባክዳ። ዎሳ ኬꬅ ካልꬅዙንꬃና ጋእ ጼግንትዙንꬃና ዱማ ሺሺ ኦህዳ።
GAL 2:3 መለ አቶ የዝን፥ ታራ የዘ ትቶ ግርኬ አስ ማቅኮን፥ ጋራዝንቶደ ጋር ጋእ ኡንእꬅካያ።
GAL 2:4 የዝን፥ አሮ ኑና ማሆደስን ክርስቶስ የሱሳ ግዳ የዘ ኑ ዋሎትꬅቶ ጌድተራ ኑ ግዳ አችንት ገልደ ዎርዶ እሹንꬅ የነ።
GAL 2:5 የዝን ቱሪ ዎንገለ ይን ግዳ ሚንግ ጻጲ የሳደ ጋር ኑኒ መለ አቶ የዝን፥ ፈቲ ሳተን ኡንትስ ኩሸ እንግካያ።
GAL 2:6 የዝን Ꮉላቃ አዝዘ አሱንꬅ ኦደትꬅታ ታስ አኮን ባያ። ጾዚ አስ ስኖ ብእ ፍርዶስ። Ꮉንꬅ አሱንꬅ ታ ማርክꬍዘ ዎንገለላ አፋ ፈቲ ባዝን ጉጅካያ።
GAL 2:7 የዝን ጴጥሮሳ፥ አይሁዱንꬅስ ዎንገለ ኦሆደ ፋና ጾዚ ኤስ Ꮉዳራ እንግዳንጋር ታስን አይሁደ ማቆሰ አሱንꬅስ ዎንገለ ኦሆደ Ꮉዳራ እንግዳኖ ኡን ሱባፓ ቲርዳ።
GAL 2:8 ይኬ፥ ጴጥሮሳ አይሁዱንꬅ ሐዋረ ማቃደ ፋና ኦችደ ጾዘ፥ ታናን አይሁደ ማቆሰ አሱንꬅስ ሐዋረ ማቃደ ፋና ኦችዳ።
GAL 2:9 ማህ ታስ እንግንትደ አꬎ ኬሃትꬅቶ ቆፕደ ቱስ ማቂ በንትዘ ያይቆባ፥ ጴጥሮሳን ዋሐንሳ፥ ኑና አይሁደ ማቆሰ አሱንꬃጎ፥ ኡን አይሁደ አሱንꬃጎ ቅቶደስ ታናን ባርናባሳን ማዶደስ ምዛቅ ኩሸ እንግዳ።
GAL 2:10 ኡን ኑና ምንꬂ Ꮉዳራ ጋይዳና፥ ኑኒ ዳሁንꬅስ ቆፖደ ፋና። ቲኖን ታ ይኖ ኦቾደስ አሙꬋነ።
GAL 2:11 ጴጥሮሳ አንጾክያ ካታማ ይእደ ዎደ ኤ ባልደ ግሾ ታኒ ኤ ቲንተ ኤቂ «ኔኒ ባልዳ» ጋይዳ።
GAL 2:12 ያይቆባ ኪትደ ፈቲ ፈቲ አሱንስ አንጾክያ ዮኦደፓ ቲኖ ኤ አይሁደ ማቆሰ አማንዙንꬃራ ሙእነ፥ የዝን ኡን ይእዳንፓ ሱባ፥ «አይሁደ ማቆሰ አሱንꬃፓ አማንዱንꬂ ጋራዝንቶደስ ቤዛነ» ጋዘ አሱንꬅስ ዣሽቲ ኡንታፓ ሻክንትዳ።
GAL 2:13 ፈቲ ፈቲ አማንደ አይሁዱንꬅ ጴጥሮሳ ኦችተ ካልዳ። መለ አቶ የዝን፥ ባርናባሳን ይና ቆፍተ ጊግዳ።
GAL 2:14 የዝን ኡን ዎንገለ ቱርራ ሉለ የꬎሳኖ ብእ፥ ጴጥሮሳ አስ ኡባ ቲኖ፥ «ኔኒ አይሁደ ማቅተራ፥ አይሁደ ዎጋ ፋና ማቅካይዝን አይሁደ ማቆሰ አሱንꬅ ፋና የነ፤ ዬዝን፥ ዋይዝ አይሁደ ማቆሱንꬃና፥ ‹አይሁደ ዎጋራ የዞተ› ጋእ ዎልቂ?» ያጋይዳ።
GAL 2:15 ኑኒ የልንተራ አይሁደ፥ የዝን ናጋራንቾ ማቅደ አይሁደ ማቆሰ አሱንꬅ ፋና ባያ።
GAL 2:16 የዝን አስ የሱስ ክርስቶሳ አማኒ ጽላነ ፋትን ህገ ናጊ ጽሎሳኖ ኤራነ። ኦደን አሾ ማእደ ኡባ ህገ ናጊ ጽሎሰ ግሾ ኑንን ህገ ናጊ ማቅካይዝን ክርስቶሳ ግዳ አማኒ ጽሎደስ ክርስቶስ የሱሳ አማንዳ።
GAL 2:17 ኑ አይሁዱንꬅን ክርስቶሳ ባጋራ ጽሎደስ ኮሻነ። ይኖ ማቅኮ ኑንን መለ አሱንꬅ ፋና ናጋራንቾ ማቅዛኖ በእነ። ዬዝን፥ ኑ ናጋራ ኦቾደ ፋና ደንꬅꬅዘ ክርስቶሳ ጋእንታነነ? ሙሎን ባያ!
GAL 2:18 ይኬ፥ ታ ዉልእዳኖ ማህ ኬጽዘባዝ ማቅኮ ታኒ ታ ኦምተ ህገ መንꬅዛያ ማቅዛኖ ማርክꬋነ።
GAL 2:19 ታኒ ጾዝስ ደኦ ማቂ የሳደ ፋና ህገ ባጋራ ህገስ Ꮉይቂዳ።
GAL 2:20 ታኒ ክርስቶሳራ ማስቃላላ አፋ ሱጹንትዳ። ታኒ ይኬፓ ታስ የዞስ፥ የዝን ክርስቶሳ ታ ግዳ የነ። ታ Ꮉተ አሾራ የዘ የስቶ፥ ታና ካꬊ ታ ግሾ ፋና አꬂ እንግደ ጾዘ ናአ አማኒ የነ።
GAL 2:21 ታኒ ጾዘ አꬎ ኬሃትꬅቶ ጨር አሾስ። ጽሎትꬅ አስስ ህገ ባጋራ በንትዘ ባዝ ማቅዛኮ፥ ክርስቶሳ Ꮉሪ Ꮉይቂዳ ጋኤ።
GAL 3:1 Ꮉንꬅ፥ ቆፖሰ ጋላትያ አሱንꬆ፥ ይን ኣፍት ቲንተ ክርስቶሳ ማስቃላላ ሱጹንትደ ስእለ ፋና ቆንጪ በንታነ። ዬዝን፥ ቱርስ ይን ኪትንታመ ፋና ይንታና ዶጭዝደ ኦደ?
GAL 3:2 ታ ፈትባዝ ኤሮደስ ኮያነ፤ ይን ጌሽ አያና ኤክዳና ህገ ናግነ ዎይ ዎንገለ ቃላ አማኒ ኤክዳተ?
GAL 3:3 ይን ይኒ ፋና ቆፖሱንꬃና? ይን ጾዘ አያናራ አይኪ፥ Ꮉተ አሾራ ፎሎደስ ኮያነ?
GAL 3:4 ይን ዎንገለ ባጋራ ጋማ ዋይዳና Ꮉሪ? ይና ዋይታ ኡባ ጨር ማቅዳ?
GAL 3:5 ጾዚ ይንትስ ጌሽ አያና እንግዳናን ይን ግዳ ክሌ ባዝ ኦችዛና፥ ይን ህገ ናግደ ግሾነ ዎይ ዎንገለ ስእ አማንደ ግሾ?
GAL 3:6 አነ አብራሃማ ቦኦተ፥ «ኤ ጾዝ አማንዳ፤ ጾዚ ኤስ ይኖ ጽሎትꬅ ማህ ፋይድዳ» ጋእንት ጻፍንትዳ።
GAL 3:7 ይኬ፥ አማንዙንꬅ አብራሃማ ናኡንꬃና ማቅዛኖ ኤሮተ።
GAL 3:8 ጾዚ አይሁደ ማቆሰ አሱንꬃና አማኖራ ጽልሳዳኖ ቲኖ ጌሽ ማጻፈ ብእ፥ «ዎርዣ ኡባ ኔራ አንጅንቶዳ» ያጋእ፥ ዎንገለ አብራሃማስ ቲንꬊ ኦህዳ።
GAL 3:9 ይኒ ግሾ፥ አማንዘ ኡባ አማንደ አብራሃመራ ዎላ አንጅንቶዳ።
GAL 3:10 ህገ ናጊ ጽሎዳ ጋዘ ኦደን ባድꬅ ግዳ የነ። አኮስ ጋይኮ፥ ጌሽ ማጻፍተ፥ «ህገ ማጻፍተ ጻፍንትዳነ ኡባ ሚንግ የዞሰን ኦቾሰ ኦደን ባድንትዳያ ማቆ» ጋእንት ጻፍንትዳ።
GAL 3:11 «ጽሎ አማኖራ የሳዳ» ጋእንት ጻፍንትደ ግሾ ኦደን ጾዘ ቲኖ ህገ ናጊ ጽሎሳና ኤርንትደባዝ።
GAL 3:12 ህገ አማኖፓ ባያ። የዝን፥ «ህግቶ ናግዘ ኦደን እዞ ካሎዳ» ያጋእንትዳ።
GAL 3:13 «ምንጻላ አፋ ሱጹንት Ꮉይቂደ ኦደን ባድንትዳያ» ጋእንት ጻፍንትዳ። ክርስቶሳ ኑ ግሾ ባድንተዛያ ማቂ፥ ኑና ህገ ባድꬃፓ ዎዝዳ።
GAL 3:14 ጾዚ አብራሃማስ እንግደ አንጅታ፥ የሱስ ክርስቶሳ ባጋራ አይሁደ ማቆሰ አሱንꬃና የሎደ ፋናን ጾዚ እንጎዳ ጋይደ ጌሽ አያና ኡፋይስ አማኖራ ኤኮደ ፋና ይኖ ኦችዳ።
GAL 3:15 ታ እሹንꬆ፥ ታ ይንትስ አስ ደኦ ዱሰ ማቂ የዘ ባዝ አዝዘ ማህ ኦህነ። አስ ጫቂደ ጫቅታ ሚንግዳንፓ ሱባ፥ ኦደን ይና ጫቅቶ ሻሮደስ ዎይ መለ ጉጆደስ ዳንዳኦስ።
GAL 3:16 ጾዚ ይና ኡፋይስ ቃልቶ አብራሃማስን ኤ ዛሩንꬅስ እንግዳ። ጌሽ ማጻፍተ፥ ጋማ አስስ ኦህዘ ፋና፥ «ነ ኮቹንꬅስ» ጋኦስ። የዝን ፈቲ አስስ ኦህዘ ፋና፥ «ነ ኮችትስ» ያጋይዳ፤ ኤዝን ክርስቶሳ።
GAL 3:17 ታኒ ጋዛና Ꮉኖ፤ ኦይዲ ጼት Ꮉስታም በረፓ ሱባ እንግንትደ ህግታ፥ ቲኖ ጾዚ ምንꬅደ ጫቅቶ ሻሪ ኡፋይስ ቃልቶ ꬋብሶደስ ዳንዳኦስ።
GAL 3:18 ጾዚ እንግዘ ላትታ ህገራ ኤክንትዘባዝ ማቅዛኮ ጾዚ እንግደ ኡፋይስ ቃላ ባጋራ ማቅዛና አታነ። የዝን ጾዚ ፋ አꬎ ኬሃትꬅተ ላታ አብራሃማስ ኡፋይስ ቃላ ባጋራ እንግዳ።
GAL 3:19 ዬዝን፥ ህገ አኮስ እንግንትዶ? ህገ እንግንትዳና፥ አብራሃማስ ኡፋይስ ቃላ እንግንትደ ኮችታ የኦደ ዎንꬅስ ኢታ ኦቻ አኮ የዛኮ ቤሳደስ። ህገ ኪታንቾ ባጋራ እንግንቲ፥ ግዳ ማቂ ጊግዘ ፈቲ አስ ባጋራ ኦቻላ አፋ ፌዥዳ።
GAL 3:20 ግዳ ማቂ ጊግዘ አꬄ ላምእ ዛላስ ኦቻነ ፋትን ፈተስ ባያ፥ የዝን ጾዚ ፈቶ።
GAL 3:21 ዬዝን፥ ህገ ጾዘ ኡፋይስ ቃላ እጻነነ? አደ! ህገ እንግንትዳና አስስ ደኦ እንጎደስ ማቅዛኮ፥ ቱሪ ጽሎትꬅ ህገ ባጋራ ማቃድየሻ።
GAL 3:22 የዝን የሱስ ክርስቶሳ አማንን በንትዘ ኡፋይስ ቃልቶ አማንዙንꬅስ እንግንቶደ ፋና ኩሙꬅ አላምታ ናጋራስ ኦሞራ የዛኖ ጌሽ ማጻፍተ ኦህነ።
GAL 3:23 የዝን አማኖ የኦዳንፓ ቲኖ ህገራ አጭንቲ የነ የሻ። ይና አማንታ ቆንጮደ ዎንꬅስ ህገራ ናግንቲ የዝዳ።
GAL 3:24 ይኒ ግሾ፥ ኑኒ አማኖራ ጽሎደ ፋና ክርስቶሳ የኦደ ዎንꬅስ ህገ መለ አስ ናአ ናግዘ አስ ፋና ኑና ናግዛያ ማቅዳ።
GAL 3:25 የዝን Ꮉተ አማኖ ይእደ ግሾ ህገ ይኬፓ ሱባ መለ አስ ናአ ናግዘ አስ ፋና ኑና ናግዛና አትዳ።
GAL 3:26 ይን ኡቡንꬅ የሱስ ክርስቶሳ አማኒ ጾዝስ ናኡንꬃና ማቅዳ።
GAL 3:27 ክርስቶሳራ ፈቶ ማቃደስ ጻማቅንትደ ኡቡንꬅ ክርስቶሳ ማእዳ።
GAL 3:28 ይን ኡቡንꬅ ክርስቶሳ ግዳ ፈቶ ማቅዘ ግሾ አይሁደ አሱንꬅ ግዳን ግርኬ አሱንꬅ ግዳ፥ አሮ ግዳን ቦንቾ አስ ግዳ፥ ꬊራꬅ ግዳን ማች ግዳ ዱማትꬅ ባያ።
GAL 3:29 ይኬ፥ ይን ክርስቶሳስ ማቅኮ ይን አብራሃማ ኮች። ጾዘ ኡፋይስ ቃልት ፋና ይን ላትዙንꬃና።
GAL 4:1 ታ ጋዛና Ꮉኖ። ላትዛይ ናአ ማቂ የዘ ዎደ፥ ኡባ ባዝስ ላꬂ ማቅኮን፥ አሮፓ አኮን ዱሙꬎስ።
GAL 4:2 የዝን ኤ አዳይ ጋይደ ዎደ የሎደ ዎንꬅስ ኤ Ꮉዳርቶ ኤክዱንꬅ ኩሸን ናግዙንꬅ ኩሸ የነ።
GAL 4:3 ይኒ ጋራ፥ ኑኒ ናአትꬃ የዘ ዎደ አላመ ቲኖ ዎጋስ Ꮉርንቲ አርꬊ የነ።
GAL 4:4 የዝን ዎድታ የልደ ዎደ ጾዝ ህገፓ ኦሞራ፥ ማችፓ የልንትደ ፋ ናአያ ኪትዳ።
GAL 4:5 ኤ ይኖ ኦችዳና፥ ህገስ Ꮉርንቲ የዙንꬃና ዎዞደስን ኑና ፋ ናአ ማሆደስ።
GAL 4:6 ኑ ጾዘ ናአ ማቅዘ ግሾ «አቦ፥ አባባ» ጋእ ጼግዘ ፋ ናአይ አያና ኑ ዎዝንት ግዳ ኪትዳ።
GAL 4:7 ይኒ ግሾ፥ ይኬፓ ኔኒ ጾዘ ናአ ፋትን አሮ ባያ። ኔኒ ኤ ናአ ማቅኮ፥ ክርስቶሳ ባጋራ ጾዝ ላትዛ ማቃነ።
GAL 4:8 ይን ዛጋ ጾዛ ኤሮሰ ዎደ ፋ Ꮉኖትꬅተ ጾዝ ማቆሱንꬅስ አሮ ማቂ አቅዳ።
GAL 4:9 የዝን Ꮉተ ይን ጾዛ ኤርዳ፤ አꬂ ጾዛራ ኤርንትዳ። ዬዝን ማህ ፋꬆሰን ማዶሰ አላመ ዎጋጎ ሱባ ዋይዝ ማቅዳተ? ዎꬊ ኤቂ፥ ዋይዝ ኡንትስ ማህ አሮ ማቃደስ ኮየተ?
GAL 4:10 ዱሙዽደ ቃማስ፥ አግናስ፥ ዎደስን በረስ ይን ዱሙዝ ሎይꬂ ቦንቾ እንጋነ።
GAL 4:11 ኦደ ኤርዘ Ꮉሪ ታ ይንትስ ላቢድ የሳነ ጋእ ዣሽታነ።
GAL 4:12 ታ እሹንꬆ፥ ታ ይን ፋና ማቅደ ግሾ ይንትን ታ ፋና ማቆተ ጋእ ይንታና ዎሳነ። ይን ታና ፈቲ ባዛራን ቆህካያ።
GAL 4:13 ታኒ ቲኖ Ꮉርግንትተራ ይንትስ ዎንገለ ኦህዳኖ ይን ኤራነ።
GAL 4:14 ታ Ꮉርግታ ይንትስ ፋታና ማቅኮን፥ ታና ቦርካያ፤ አንꬅንትካያ። የዝን ታና ጾዘ ኪታንቾ ዎይ ክርስቶስ የሱሳ ሞክዛንፋና ሞክዳ።
GAL 4:15 ይኬ፥ ይን ታና ኡፋይስዳና አነ? ይንትስ ዳንዳእንትዛኮ፥ ይን ታስ፥ ይን ኣፍቶ ኬሲ እንግዛኮ እጾሳኖ ታ ማርክꬋነ።
GAL 4:16 ዬዝን፥ ታ ይንትስ ቱርቶ ኦህደ ግሾ ይንትስ ሞርከ ማቅድ የሳነ?
GAL 4:17 የንꬅ አሱንꬅ ይንታና ምንꬂ ኮያነ፥ የዝን ሎኦስ ባያ። ምንꬂ ኮይዛና ይንታና ሻኮደስን ፋስ ቆፖደ ፋና ይሳደስ አሙꬋነ።
GAL 4:18 ሎኦ ባዝ ኦቾደስ ቤዝዱንꬃና ማቅኮ ሎኦ፥ የዝን ይና ታ ይንታራ የዘ ዎደ ጻላላ ማቅካይዝን ኡባ ዎደ ማቀ።
GAL 4:19 ታ ሲቆ ናኡንꬆ፥ ክርስቶሳ ይንግዳ ስእለ ፋና ይአደ ዎንꬅስ የሎስ ማቻ ꬋእንትዛን ጋራ ታ ይን ግሾ ꬋእንታነ።
GAL 4:20 ይን ባዝ ታስ ዎርክታ ማቅን ኡንእንታነ፤ Ꮉተ ይን ግዳ ታ በንቲ ዥልꬊ ኦህዛኮ አኮ ጋር ካꬋነ የሻ።
GAL 4:21 ህገስ Ꮉርንቲ የሳደስ ኮይዙንꬆ፥ አነ ታስ ኦሆተ፤ ህገ አኮ ጋዛኮ ስኦስተ?
GAL 4:22 ጌሽ ማጻፍተ፥ «አብራሃማስ አርትፓን ካራ እንትፓ የልንትደ ላምእ ናኡንꬅ የነ» ያጋነ።
GAL 4:23 አርቲ ናአይ አስ ናአ የልንትዘ ዎጋራ የልንትዳ፥ የዝን ካራ እንቲ ናአይ ጾዘ ኡፋይስ ቃላራ የልንትዳ።
GAL 4:24 Ꮉንꬅ ማቹንꬅ ላምእ ጫቁንꬅስ አዝዘ ማቂ ኤክንታነ። ኡንታፓ ፈታ፥ ሲና ደርዘፓ ይእዳና፥ ፋ ናኡንꬃና አሮትꬅስ የልዳ፤ እዛን አጋሮ።
GAL 4:25 አጋራ አራበ ሳአ የዘ ሲና ደረፓ። Ꮉተ የዘ የሩሳላመ አዛነ። እዛ ፋ ናኡንꬃራ አሮትꬃ የነ።
GAL 4:26 የዝን ሳሎ የሩሳላመ ዋሎትꬃ የዛኖ፤ እዛን ኑ ኡቡንꬅስ እንዶ።
GAL 4:27 ጌሽ ማጻፍተ፥ «ናእተ፥ የሎሰ ꬎንꬅተ ኡፋይቶ፤ ናእተ የሎ ꬋእ ኤሮሳነ እልሎ። አዝናራ የዘ ማችትፓ፥ አዝን ባይዘ ማችትስ ናኡንꬅ ጋማ» ያጋነ።
GAL 4:28 ታ እሹንꬆ፥ ኑኒ ይሳቃ ፋና ጾዘ ኡፋይስ ቃላራ የልንትደ ናአ።
GAL 4:29 የዝን የ ዎደ አስ ዎጋራ የልንትደ፥ አያና ዎልቃራ የልንትዳያ ባይꬅዳ። Ꮉይኖን ይኒ ፋና።
GAL 4:30 የዝን ጌሽ ማጻፍታ ዋገ? «አርቲ ናአይ ካራ እንቲ ናአይራ ፈትላ ላቶሰ ግሾ አርቶን እ ናአይራ ኬሲ ዳኮ» ያጋነ።
GAL 4:31 ይኒ ግሾ፥ ታ እሹንꬆ፥ ኑኒ ካራ እንቲ ናኡንꬃና ፋትን አርቲ ናኡንꬃና ባያ።
GAL 5:1 ኑኒ ዋሎትꬃ የሳደ ፋና ክርስቶሳ ኑና አሮትꬃፓ ከስዳ። ይኬ፥ ሚንግ ኤቆተ፤ ማህ አሮትꬅ ቃምባራ ዋጽንትፐተ።
GAL 5:2 ታኒ፥ ጳዉሎሳ፥ ጋዛኖ ስኦተ። ይን ጋራዝንትኮ፥ ክርስቶሳ ይንታና አኮን ማዶስ።
GAL 5:3 ጋራዝንትዘ ኦደን ህገ ኪትዛኖ ኡባ ፎሎደስ ቤዝዛኖ ፈተስ ፈተስ ማህ ኦህነ።
GAL 5:4 ህገ ናጊ ጽሎደስ ኮይዙንꬆ፥ ክርስቶሳፓ ሻክንት፤ ጾዘ አꬎ ኬሃትꬃፓ ጎልእዳ።
GAL 5:5 የዝን ኑኒ ጾዘ አያና ባጋራ አማኖራ ጽሎዳኖ ኡፋይሳራ ናጋነ።
GAL 5:6 ይኬ፥ ክርስቶስ የሱሳ ግዳ የዝኮ፥ ሲቆ ኦቻ ቆንጭዘ አማኖ ፋትን ጋራዝንትን፥ ጋራዝንታንጽን ኑና አኮን ማዶስ።
GAL 5:7 ሎኦ ዎጻነ የሻ፥ የዝን Ꮉተ ቱርስ ኪትንታመ ፋና ይንታና ካይደ ኦደ?
GAL 5:8 Ꮉኒ ፋና ኢታ ዞረ ይንታና ጼግደ ጾዘፓ ባያ።
GAL 5:9 ይናን፥ «ኤራꬅ እርሾ ቡካ ኡባ ደንꬅꬃነ» ጋእንትደ ፋና።
GAL 5:10 ይንትስ መለ ቆፋ ባይዛኖ ፎሎ ላꬄላ አማንንታነ። የዝን ይንታና ቡቅዘ ኦደን ጾዛፓ ፋ ፍርድቶ ኤኮዳ።
GAL 5:11 ታ እሹንꬆ፥ ታ Ꮉይኖ የሎደስ ጋራዝንተ ሳባክዘባዝ ማቅኮ፥ ዬዝን ታና አኮስ ባይኤ? ይኖ ሳባክዘ ባዝ ማቅኮ ክርስቶሳ ማስቃላባዝ አሱንꬅስ ꬉበ ማቅዛና አታነ የሻ።
GAL 5:12 ይንታና ቡቅዙንꬅ ጋራዝንተ ጻላላ ማቅካይዝን ፋ አጋስቶ ጋችዛኮን ታ ካꬋነ።
GAL 5:13 ታ እሹንꬆ፥ ይን ዋሎ የሳደስ ጼግንትዳ። ማቆየዝን፥ ይን ዋሎትꬅታ አሾ አሞትꬅ ፎሎደስ ይንትስ ኦገ ማቅፐ፤ ይንፓ አꬂ ፈታይ ፈታይስ ሲቆራ አሮ ፋና ማቆተ።
GAL 5:14 ህገ ኡባ፥ ፈቲ ቃላራ አጭንትዳ። ይናን «ነ ላግዛ ነ ኦምት ፋና ካꬎ» ጋዛኖ።
GAL 5:15 የዝን ይን ፈታይ ፈታይራ ሳጽንትዘባዝን ሙእንትዘባዝ ማቅኮ፥ ይን ዎል Ꮉሳመ ፋና ናግንቶተ።
GAL 5:16 ይኬ፥ ታ ይንትስ ኦህነ፤ አያናራ የዞተ፤ ይን አሾ አሙቶ ሙሎን ፎልፐተ።
GAL 5:17 አሾ አያናላ አያና አሾላ አሙꬋነ፤ ኡንትን ፈተ ፈተራ እጽንታነ። ይኒ ግሾ ይን ካꬍዘባዝ ኦቾደስ ዳንዳኦስ።
GAL 5:18 አያናራ ካልዘባዝ ማቅኮ ህገ ይንታና አሆስ።
GAL 5:19 አሾ ኦቹንꬅ ኤርንትዱንꬃና፤ ኡንትን፥ ኦላለ፥ ቱናትꬅ፥ ቃይጸ፥
GAL 5:20 ኤቃስ ጎይነ፥ ብታ፥ ሞርከትꬅ፥ ካች፥ ቃናተ፥ ዥሎ፥ ዛዛእንተ፥ ፋና ካ፥ ሻክንተ፥ ኢታ ዞረ
GAL 5:21 ገነ፥ ማꬄ፥ የꬂን ይኖ አዝዙንꬃና፤ ቲኖ ታ ይንትስ ኦህዳን ፋና Ꮉተን ታ ይንትስ ኦህነ። Ꮉኒ ፋና አዝዘባዝቶ ኦችዙንꬅ ጾዘ ካእቱሞ ገሎስ።
GAL 5:22 የዝን አያና ኣፈ፥ ሲቆ፥ ኡፋይስ፥ ሳሮትꬅ፥ ዳንዳአ፥ ኬሃትꬅ፥ ሎኦትꬅ፥ አማኖ፥
GAL 5:23 አዳትꬅ፥ ፋና አሄ። Ꮉኒ ፋና አዝዘባዝቶ እጽዘ ህገ ባያ።
GAL 5:24 ክርስቶስ የሱሳ ባዝ ማቅዱንꬅ ፋ አሽቶ ኢስ የዘ ኢታ ቆፍትራን እ አሞትꬅትራ ዎላ ማስቃላላ አፋ ሱጽዳ።
GAL 5:25 አያናራ የዘ ባዝ ማቅኮ፥ ኑኒ አያናር ካሎዳ።
GAL 5:26 አነ ፈተ ፈተላ ዥልꬍተራ ደንድተራን ቃናትተራን Ꮉፖ ጬቅንትዛኖ አሾዳ።
GAL 6:1 ታ እሹንꬆ፥ አስ አኮ ቆሄ ግዳ ጎልእኮ፥ አያናራ የዘ ይን የ አꬃ አሽከትꬃራ ሉልዞተ። የዝን ኔኒ ይኒ ጋርዘ ባዛራ ፋታንንታመ ጋር ነና ናጎ።
GAL 6:2 ይንታፓ ፈታይ ፈተ ቶፍቶ ቶኮ። የይዝተራ ክርስቶሳ ህገ ፎሎተ።
GAL 6:3 ፈተ አስ አኮን Ꮉንካይዝን፥ አኮን Ꮉንደ ፋና መሉንꬃፓ ሎኦ ጋእ ቆፕኮ፥ ኤ ፋና ጭማነ።
GAL 6:4 የዝን ፈተ ፈተ ፋ ኦማ ኦችቶ ፋታኖ። ይንፓ ሱባ፥ መሉንꬅስ Ꮉንካይዘ ባዝ ፋ ጻላላስ ጬቅንትዘ ባዝ ደማዳ።
GAL 6:5 ፈተ ፈተ ፋ ቶፍቶ ቶኮደስ ቤዛነ።
GAL 6:6 የዝን ጾዘ ቃላ ታማርዘ ታማርስዘራ ሎኦ ባዝ ኡባ ግሽንታነ።
GAL 6:7 ባልንትፐተ፥ ጾዚ ጭምንቶስ አስ ፋ ቡድዛኖ ማህ ማጾዳ።
GAL 6:8 ፋ አሾ አሞራ ቡድዘ ኦደን፥ ፋ አሾ አሞትꬅትፓ ዎቃ ማጾዳ። የዝን አያናራ ቡድዘ ኦደን አያናፓ መዽና ደኦ ማጾዳ።
GAL 6:9 አዛልአንጽኮ ኑ ዎደር ማጾዳ። ሎኦ ኦቻ ኦቾደስ አዛልኦስ።
GAL 6:10 ይኬ ዎትዘ ዎደ ደንግኮ፥ አስ ኡባስ፥ አꬂ አማንዘ አስስ ሎኦ ባዝ ኦቾዳ።
GAL 6:11 ታኒ ታ ኩሸራ፥ አኮ ጋር ዳማ ፍዳለራ ይንትስ ጻፈዛኮ ቦኦተ።
GAL 6:12 አስ ቲኖ ሎኦ ማቂ በንቶደስ ኮይዘ አሱንꬅ ይን ጋራዝንቶደ ፋና ኮያነ። የዝን ይኖ ኡን ኦችዛና፥ ክርስቶሳ ማስቃላ ግሾ ኡንታና ባይꬅ የላመ ፋና።
GAL 6:13 ኡን ይን ጋራዝንትዳነ ጬቅንቶደስ ኮይ «ይንታና ጋራዝንቶተ!» ጋነ ፋትን ጋራዝንትዱንꬅን ፋ ኦምተ ህገ ናጎስ።
GAL 6:14 የዝን አላመ ታስ ሱጽንትዳይፓን ታንን አላመስ ሱጹንትደ፥ ላꬄ የሱስ ክርስቶሳ ማስቃላፓ መለ ጬቅንተ ታፓ Ꮉኮ።
GAL 6:15 ይኬ፥ ጋራዝንትን ጋራዝንታንጽን አኮን ማዶስ። ክርስቶስ የሱሳራ ክለ መꬎ ማቀ ማዳነ።
GAL 6:16 Ꮉና ዎግቶ ካልዘ ኡቡንꬅስን ጾዘ ዎርዣ ማቅደ እስራኤሉንꬅስ ሳሮትꬅን ማሮትꬅን ማቀ።
GAL 6:17 ታኒ የሱሳ Ꮉርግደ ቤቶ ታ አሽተ ቶክዳ፥ ይኬፓ ታና አኮን ላቢዞስ።
GAL 6:18 ታ እሹንꬆ፥ ኑ ላꬄ የሱስ ክርስቶሳ አꬎ ኬሃትꬅ አያና ይንታራ ማቀ። አምንኤ።
EPH 1:1 ጾዘ ቆፋራ ክርስቶስ የሱሳ ሐዋረ ማቅደ ጳዉሎሳ፥ ኤፈሶነ የዘ ጌሹንꬅስን ክርስቶሳ የሱሳ አማንዙንꬅስ ጻፍንትደ ኪታ።
EPH 1:2 ጾዘ ኑ አደፓን ላꬄ የሱስ ክርስቶሳፓ አꬎ ኬሃትꬅን ሳሮትꬅ ይንትስ ማቀ።
EPH 1:3 ሳሎ የዘ አያና አንጆ ኡባ ክርስቶሳ ባጋራ ኑና አንጅዳ፥ ኑ ላꬄ የሱስ ክርስቶሳ አዳይ፥ ጋላትንቶ።
EPH 1:4 ኑኒ ኤ ቲኖ ጌሹንꬃናን ቦረ ባይዙንꬃና ማቆደ ፋና ጾዚ አላመ መꬍንቶዳንፓ ቲኖ ክርስቶሳ ባጋራ ፋ ሲቅተ ኑና ዶርዳ።
EPH 1:5 ጾዘ ፋ ሎኦ ቆፍተ ፋ ካꬍደ ጋር የሱስ ክርስቶሳ ባጋራ ኑና ፋ ናኡንꬃና ማሆደስ ቲኖ ቆፒ ጋድዳ።
EPH 1:6 ጾዘ ፋ ሲቅዘ ናአይ ባጋራ ኑስ Ꮉሪ እንግደ አꬎ ከሃትꬅታ ቦንችንቶደ ፋና ይኖ ኦችዳ።
EPH 1:7 አልኦ ናአይ ኤ አꬎ ኬሃትꬅትን ዳማትꬅት ፋና ኤ ሱꬅተ ዎዝንተ ደንግዳ፥ እዛን ኑ ናጋርት አቶትꬅ።
EPH 1:8 ፋ አꬎ ከሃትꬅታ ጭንጫትꬅን ቆፋ ኑስ ጋንꬅዳ።
EPH 1:9 ክርስቶሳ ባጋራ ኦቾደስ ካꬍደ ኤ ግዳ የዘ ሳዛ ቆፋ ኑና ኤርስዳ።
EPH 1:10 ዎደ ዉርሱꬅተ ጾዚ ፎሎደስ ቆፕደ ቆፍታ፥ ሳሎን ሳአ የዘ መትꬅ ኡባ ክርስቶሳራ ጻጾደስ።
EPH 1:11 ፋ ቆፋራ ኡባ ኦችዘ፥ ፋ ቆፍት ጋር ቲኒ ፋስ ቆፒ ጋድደ ክርስቶሳራ ማህ እርስተ ኤክዳ።
EPH 1:12 ይናን ክርስቶሳላ ቲኒ ኡፋይስ ጋድደ ኑኒ ኤ ቦንችቶ ጋላቶደ ፋናስ።
EPH 1:13 ይን ማህ ቱሪ ቃላ ይናን አቶትꬅ ዎንገለ፥ ስእደ ማህ ክርስቶሳ አማኒ ጌሽ አያናራ አታምንትዳ።
EPH 1:14 ኤ ቦንችትስ ጋላታ ማቃደ ፋና ጾዚ ፋስ ማቅዱንꬃና ዎዞደ ዎንꬅስ ኤዚ ኑስ ቃብደ ማህ እንግዳ።
EPH 1:15 ይኒ ግሾ፥ ላꬂ የሱሳ ይን አማንዛኖን ጌሹንꬅስ ኡባ የዘ ሲቅቶ ታ ስእ
EPH 1:16 ታ ዎስተ ይንታና ቆፕተራ ይን ግሾ ጾዛ ጋላትዛኖ አሽካያ።
EPH 1:17 ቦንቾ አዳይ ላꬄ የሱስ ክርስቶሳ፥ ኤዛ ኤርዘ ጭንጫትꬅን ቆንጭꬅ አያና ይንትስ እንጎደ ጋር ታኒ ዎሳነ።
EPH 1:18 ይናን ይን ዎዝና ኣፍታ ፎእዘ ዎደ ይን ጼግስት ኡፋይስታ አኮ ፋና የዛኮን ጌሹንꬅ ካለ የዘ እርስተ ቦንቾ ዱረትꬅታ አኮ የዛኮ አማንዙንꬅስ ኡባ አꬍደ ኤ ዎልቃ ዳማትꬅታ አኮ ጋር የዛኮ ይን ኤሮደ ፋናስ።
EPH 1:20 ክርስቶሳ Ꮉይቆፓ ደንꬅደ፥ Ꮉላቃትꬅ፥ አደትꬅ ዎልቃ፥ ዎልቃ፥ ላꬄትꬅ ኡባፓ ꬎቃ፥ Ꮉና አላምተ ጻላላ ባይዝን የኦደ አላምተ ማህ ጼግንቶደ ሱንꬃፓ ꬎቃ፥ ሳሎ ጾዛፓ ምዛቅ ዛላራ በትꬅደ ክርስቶሳ ኦችደ ኤ ምንꬂ ዎልቅቶ ቆንጭዛነ።
EPH 1:22 ጾዚ ኡባኖ ክርስቶሳ ቶህትፓ ኦሞራ Ꮉርዝዳ፤ ማህ ዎሳ ኬꬅስ ኡባ ኦማ ማቃደ ፋና ኤዛ ሹምዳ።
EPH 1:23 ዎሳ ኬꬅታ ክርስቶሳ ኩሙꬅ ኦችዘ ኤ ጋላ። ዎሳ ኬꬅታ ኤ ጋላ፥ ኡባ ባዝ ሙሎ ኩምደ ኤ ኩሙꬅ።
EPH 2:1 Ꮉንፓ ዛጋ ይን፥ ይን ናጋርትፓን ይን ቆህትፓ ደንዲ አያና ደእተ Ꮉይቂዱንꬃና።
EPH 2:2 ይንፓ ደንዲ ይን Ꮉና አላመ ኢታ ኦግቶ ካልዳ። ባቆላ አፋ የዘ አያኑንꬅ ዎልቃራ አህዘስ ኪትንታነ፥ ኤዝን ኪትንቶሰ አሱንꬃላ ኦችዘ ቱና አያና።
EPH 2:3 ኑ ኡቡንꬅ ዛጋ የሱንꬅ አሱንꬅ ግዳ ኑ አሾ አሞራ ኑ ዎዝና ቆፍቶ ካሊ የነ። መሉንꬅ ፋና ኑ መꬍተ ጾዘ Ꮉንቆ ኤኮደስ የዙንꬃና።
EPH 2:4 የዝን ጾዚ ፋ ማሮትꬅተ ዱረ ማቅደ ግሾ
EPH 2:5 ኑና ካꬍደ ዳማ ሲቅትፓ ድንድዳነ ኑ ቆህትራ Ꮉይቂዱንꬃና ማቅደ ዎደ ክርስቶሳራ ደኦ እንግዳ። ኤ አꬎ ኬሃትꬅተ አትዳ።
EPH 2:6 ጾዚ ኑና ክርስቶሳራ ባጋራ Ꮉይቆፓ ደንꬂ ሳሎ በሳ ኤራ ዎላ ጋድዳ።
EPH 2:7 ኤ ይኖ ኦችዳና፥ ክርስቶሳ የሱሳ ባጋራ ኑስ ቆንጭደ ፋ ኬሃትꬅቶን ልከ ባይዘ ፋ አꬎ ኬሃትꬅ ዱረትꬅቶ ዮኦደ በረ ኑና ቤዞደስ።
EPH 2:8 አꬎ ከሃትꬅታ አማኖራ አሽዳ። ይናን፥ ጾዘ እሞ ፋትን ይንታፓ ባያ።
EPH 2:9 ኦንን ጬቅንታመ ፋና ኦቻራ ባያ።
EPH 2:10 ኑኒ ጾዘ መꬎ፤ ኤ ኑስ ቲኒ ጊግዚ ጋድደ ሎኦ ኦቻ ኦቾደ ፋና ክርስቶስ የሱሳ ባጋራ ክለ መꬍንትዳ።
EPH 2:11 ይኒ ግሾ፥ ይን የልንተራ አይሁደ ማቆሱንꬆ፥ አሾራ ኩሸራ ጋራዝንትዱንꬅ ካለ፥ ጋራዝንትካያ ጋእንተዙንꬆ፥ ይኖ ቆፖተ።
EPH 2:12 የ ዎደ ይን ክርስቶሳፓ ሻክንት የዝዳ፥ እስራኤለ አሱንꬅስ አላጋ ማቂ የዝዳ፥ ጾዘ ኡፋይስ ቃላፓ Ꮉኪ የዝዳኖን Ꮉና አላምት ኡፋይስን ጾዚ ባይዝን የዙንꬃና ቆፖተ።
EPH 2:13 የዝን ይን ዛጋ Ꮉኪ የዙንꬃና፥ Ꮉተ ክርስቶስ የሱሳ የዘ ክርስቶሳ ሱꬅተ ካለ ሺቅዳ።
EPH 2:14 ክርስቶሳ ኑስ ሳሮ፤ ኤ አይሁደን አይሁደ ማቆሰ አሱንꬃና ፈቶ ማህ፥ ላምእ ሻኪ ጋድደ ሞርከትꬅ ዶቸ ላልዳ።
EPH 2:15 ላምእ ዎርዡንꬃፓ ኤ ፋራ የሳደ ፋና ፈቲ ክለ አስ መꬎደስ፥ ህገ ኪቶን ዎግቶ ፋ አሽተ ꬋብሲ ሳሮ እንግዳ።
EPH 2:16 ክርስቶሳ ማስቃላላ Ꮉይቂ ሞርከትꬅቶ ꬋብስዳ፤ ማህ ላምእ ዛሩንꬃና ፈቲ አስ ማህ ጾዛራ ጊግዝዳ።
EPH 2:17 ክርስቶሳ ይእ፥ ጾዛፓ Ꮉኪ የዘ ይንትስን፥ ማህ ኡከ የዘ አይሁዱንꬅስ ሳሮትꬅ ዎንገለ ኦህዳ።
EPH 2:18 ኑ ኡባ ኤ ባጋራ ፈቲ አያናራ አዳይ ቲኖ ሺቆዳ።
EPH 2:19 ይኬፓ ይን ዛቆን በተ አስ ባያ፥ የዝን ይን Ꮉተ ጌሹንꬃራ ጋደ አስን ጾዘ ካራ አስ።
EPH 2:20 ይን ሐዋሩንꬅን ናቡንꬅ ባስደ ባሳላ ኬጽንትዳ። ዶቸ ጻጶ ምንꬅዘ ሹችዘ ክርስቶስ የሱሳ።
EPH 2:21 ኤላ ኬꬅታ ኡባ አይክንቲ ላꬄ ግዳ ጌሽ ጾዘ ኬꬂ ማቃደ ዎንꬅስ ዳማነ።
EPH 2:22 ኤራ ይን ማህ ጾዘስ አቅዘ ኬꬂ ማቂ አያናራ ዎላላ ኬጽንቶዳ።
EPH 3:1 ይኒ ግሾ፥ ታኒ፥ ጳዉሎሳ፥ አይሁደ ማቆሰ ይን ግሾ ክርስቶስ የሱሳ አች አስ ማቅዳ።
EPH 3:2 ይንትስ ታና እንግደ ጾዘ አꬎ ኬሃትꬅ አስታማረ ታ ማቀዛኖ ይን ሎይꬂ ስእዳ።
EPH 3:3 ታ ይንትስ ዛጋ Ꮉታራ ጻፍዳን ፋና ጾዚ ፋ ሳዛ ቆፋ ታስ ቆንጭꬃራ ኤርስዳ።
EPH 3:4 ታ ጻፍዳኖ ይን ናባብዘ ዎደ ክርስቶሳ ሳዛ ቆፋ ታ አኮ ጋር አካኬዛኮ ይን በአደስ ዳንዳአነ።
EPH 3:5 ይና ሳዛ ቆፍታ ጾዘ አያናራ ጌሽ ሐዋሩንꬅስን ናቡንꬅስ Ꮉተ ቆንጭዳን ፋና ዛጋ ዎደ አሱንꬅስ ይኒ ጋር ቆንጭዝካያ።
EPH 3:6 ይናን ቤዛና አይሁደ ማቆሱንꬅ እስራኤሉንꬃራ ፈትላ ጾዘ አንጆ ላቶደስ ፈቲ አሳትꬅ ብልተ ማቂ፤ ጾዚ እንግዘ ኡፋይስ ዎንገለ ባጋራ የሱስ ክርስቶሳራ ሻክንትዙንꬃና ማቃደስ።
EPH 3:7 ጾዘ ፋ ዎልቃ ኦቻራ ፋ እንግደ አꬎ ኬሃትꬅት እሞ ባጋራ ዎንገለ ኦችዛያ ማቅዳ።
EPH 3:8 ታኒ ጌሹንꬅ ኡባፓ ላፋ ማቅኮን አይሁደ ማቆሰ አሱንꬅስ ዉዙላ ባይዘ ክርስቶሳ ዱረትꬅ ዎንገለ ኦሆደ ጋር አꬎ ኬሃትꬅ ታስ እንግንትዳ።
EPH 3:9 ማህ ዛጋ ዎደ ኡባ መꬍደ ጾዛራ አችንት የዘ ሳዛ ቆፋ፥ ጾዘ ቆፍታ አኮ የዛኮ ቆንጭሳደስ አꬎ ኬሃትꬅ ታስ እንግንትዳ።
EPH 3:10 ጾዚ ይኖ ኦችደ Ꮉተ ዎደ ዎሳ ኬꬂ አሱንꬅ ባጋራ ሳሎ የዘ Ꮉላቁንꬅስን አህዙንꬅስ ፋ ዱማ ዱማ ቆንጭꬅቶ ኤርሶደስ።
EPH 3:11 ይናን ክርስቶስ የሱሳ ባጋራ ኑ ላꬄ ፎልደ መዽና ቆፋ።
EPH 3:12 ኑ ክርስቶሳስ ማቅዳንራን ኤዛ አማንዳን ጋራ ጾዘ ቲኖ ሚንግ አማንንቲ ሺቆደስ ዳንዳአነ።
EPH 3:13 ታኒ ይን ግሾ ማꬋ ኤክዛና ኑስ ቦንቾ ይኒ ግሾ ታ የልዘ ማꬍቶ ብእ ኡፋይስ ጋችፈተ ጋእ ይንታና ዎሳነ።
EPH 3:14 ታኒ አዳይ ቲኖ ቡንቁንቲ ዎስዘ Ꮉኒ ግሾስ።
EPH 3:15 ሳሎ ሳአ የዘ ፈቲ ፈቲ ካራ አሱንꬅ ቱሪ ሱንꬅ ደንግዘ ጾዛፓ።
EPH 3:16 ጾዚ ፋ ቦንቾ ዱረትꬃፓ ይን ጋꬃ ቆፍቶ ምንꬅዘ ዎልቃ ፋ አያና ባጋራ እንጎደ ጋር ይንትስ ዎሳነ።
EPH 3:17 ማህ አማኖራ ክርስቶሳ ይን ዎዝንተ የሳደ ጋራን ይን ሲቆራ ጻጶ ዳኪ ሚንግ የሳደ ጋር ዎሳነ።
EPH 3:18 ይኒ ፋና፥ ክርስቶሳ ሲቆ አኮ ጋር ዳልጋ፥ ጳርጎ፥ ꬎቂን ጪሞ የዛኮ ጌሹንꬅ ኡቡንꬃራ አካኪ ኤሮደ ጋር ዎሳነ።
EPH 3:19 ይና አስ ኤራትꬃፓ ꬎቃ ማቅደ ክርስቶሳ ሲቆ ይን ኤሮደ ጋራን ጾዘ ፎሎ ኩሙꬅ ይን ኩሞደ ፋና ታ ዎሳነ።
EPH 3:20 ይኬ፥ ኑ ግዳ ኦችዘ ዎልቂት ባጋራ ኑኒ ዎስዛንፓ ዎይ ቆፕዛንፓ ኡባ አꬂ ኦቾደስ ዳንዳእዘስ፥
EPH 3:21 ኤስን ዎሳ ኬꬃ አሱንꬅስ ኡባ ክርስቶስ የሱሳ ዎደ ኡባ መꬍፓ መዽና የሎደስ ቦንቾ ማቀ። አምንኤ።
EPH 4:1 ይኬ፥ ላꬄስ አጭንትደ ታኒ፥ ይን ጼግንትደ ጼግስተ ቤዝዘ ደኦር የሳደ ፋና ዎሳነ።
EPH 4:2 ሲቆራ ፈታይ ፈታያ ዳንዳእተራ ኡባ ዎደ አዳትꬃራን ዳልጋትꬃራ ዎል ዳንዳእ የዞተ።
EPH 4:3 ሳሮትꬃራ አጭንትደ አያና ፈተትꬅ ናጎደስ ምንጎተ።
EPH 4:4 ይን ጼግንትዳና ፈቲ ኡፋይስ ጼግꬅ ማቅደ ግሾ ፈቲ አሳተꬅን ፈቲ አያና የነ።
EPH 4:5 ፈቲ ላꬂ፥ ፈቲ አማኖን ፈቲ ጽንቃተ የነ።
EPH 4:6 ኡባንፓ ꬎቃ ማቅደ፥ ኡባላ ኦችዘ ኡባ በሳ የዘ ፈቲ ጾዚ፥ ኡቡንꬅ አደ የነ።
EPH 4:7 የዝን ክርስቶሳ እንጎደስ ኮይዳን ፋና ኑስ ፈተስ ፈተስ ዱማ ዱማ እሞትꬅ እንግዳ።
EPH 4:8 ይኒ ግሾ፥ ጾዘ ቃልተ፥ «ኤ ኡደ ከዝደ ዎደ ድእንቶደስ የዙንꬃና ድእዳ፥ አሱንꬅስን እሞትꬅ እንግዳ» ያጋይዳ።
EPH 4:9 ሱለ ሳአ ኦሞ ዎꬍዳ ጋኤ ማቃንጽኮ ይና «ኡደ ከዝዳ» ጋዛና አኮ ጋኤ?
EPH 4:10 የ ሱለ ዎꬍዳይ፥ ማህ ኡባነ በንቶደ ዎንꬅስ ሳሎ ኡባስ ካታር ኬዝዳይ ኤዛ።
EPH 4:11 ኤ ፈታ ፈታ ሐዋሩንꬃና፥ ፈታ ፈታ ናበ፥ ዎንገለ ሳባኩንꬃና፥ ዎሳ ኬꬅ የንግዙንꬃናን፥ አስታማሩንꬃና ማህ እንግዳ።
EPH 4:12 ኤ ይኖ ኦችዳና ክርስቶሳ ጋላ ማቅደ ዎሳ ኬꬅታ ጌሻደ ፋናን አማንዘ አሱንꬃና ጾዘ ኦቻስ ጊግሳደስ።
EPH 4:13 ይኒ ፋና፥ ኑ ኡባ ጾዘ ናአ ኤሪ አማኖራ በንትዘ ፈተትꬃጎ የሊ፥ ክርስቶሳ ፎሎን ኩሙꬅ ማቅደ ፋና ኑንን ኩሙꬅ አስ ማቃደ ፋናስ።
EPH 4:14 ይኬፓ ሱባ፥ አሱንꬅ ገነ ጭሞራ ጊግደ ባልꬅዘ ዎርዶ ትምርተ ባቆራን ዙሉንተራ ጎደን Ꮉንካ ሾላለ ካእዘ ናኡንꬅ ፋና ማቆደስ ቤዞስ።
EPH 4:15 የዝን ኑኒ ቱሮ ሲቆራ አይꬅꬂ ኡባ ባዛራ ኤጎ ኦማ ማቅደ ክርስቶሳጎ ድቾዳ።
EPH 4:16 ኤፓ ደንዲ ጋላ ኡባ ብልተ ዎጋራ ኦቾደ ፋና አጭንትደ ጋላ ጻጶ ሻዣራ አይክንቲ ፋና ሲቆራ ኬጽተራ ፋ ጋልቶ ድቻነ።
EPH 4:17 ይኬፓ ቆፋ ባይዘ አይሁደ ማቆሰ አሱንꬅ ፋና የዝፐተ ጋእ ላꬄ ቲኖ ማርክꬋነ።
EPH 4:18 ኡን ቆፍታ ꬉምዳ፤ ፋ ዎዝንተ ꬉምዳ። ጾዚ እንግዘ ደኦፓን Ꮉክዳ።
EPH 4:19 ኡን ዬላ ጋዘባዝ ኤሮስ፤ ኡን ቱና ባዝ ኦቾደስን አሾ አሞትꬅስ ፋና አꬂ እንግዳ።
EPH 4:20 ይን ክርስቶሳ ባዝ ይኒ ጋር ታማርካያ።
EPH 4:21 ቱርፓ ይን ስእዳ። ማህ የሱሳ ግዳ ቱሪ የዛኖ ታማርዳ።
EPH 4:22 ይን ቲኖ የዝደ ዎግቶ አሾተ። ማህ ጭምዘ አሞራ ꬋብዘ ይን ጋልአ ቆፍቶ Ꮉሶተ።
EPH 4:23 ይን ዎዝና አያናራ ክልꬎተ።
EPH 4:24 ቱሪ ጽሎትꬃራን ጌሻትꬃራ ጾዚ አዚ መꬍንትደ ክለ አሳትꬅቶ ማኦተ።
EPH 4:25 ይኬ፥ ዎርዶ ኦህንትፐተ። ኑኒ ኡቡንꬅ ክርስቶሳ ጋላ ብልተ ማቅደ ግሾ አስ ኡባራ ቱሮ ኦህንቶተ።
EPH 4:26 ካጮተ፥ የዝን ይን ናጋራ ኦችፈተ። ይን ካቻራ የዝን አዋ ገልፐ።
EPH 4:27 ጻላሄስ በሲ እንግፈተ።
EPH 4:28 ካይስትዘ ይኬፓ ካይስትፐ። የዝን ዳሁንꬃና ማድዘ ባዝ የሳደ ፋና ፋ ኩሸራ ሎኦ ባዝ ኦቾ።
EPH 4:29 ይን ዶንትፓ ሙሎን ኢታ ቃላ ኬዝፐ። የዝን ስእዙንꬃና ኡፋይሶደስን ምንꬆደስ ቤዝዘ ሎኦ ቃላ ይን ዶንትፓ ከዞ።
EPH 4:30 ዎዞ ቃማስ አታሚ ጋድደ ጌሽ ጾዘ አያና አዛንꬅፈተ።
EPH 4:31 ሞርከትꬅ፥ ዥሎ፥ ካች፥ ኡፎ፥ ጫሽን ኢታ ኡባ ይንታፓ Ꮉሶተ።
EPH 4:32 አꬂ ፈታይ ፈታይስ ኬሃን ይቅስንትዙንꬃና ማቆተ። ጾዚ ክርስቶሳ ባጋራ ይንትስ አቶ ጋይዳን ፋና ይንትን ዎልስ አቶ ጋኦተ።
EPH 5:1 ይኬ፥ ጾዚ ካꬍንትደ ናኡንꬅ ፋና ጾዛ ካልዙንꬃና ማቆተ።
EPH 5:2 ክርስቶሳ ኑና ካꬊ ጾዛ ኡፋይስዘ ሎኦ ሳውዘ እሞን ዣርሾ ማህ ፋ ሸምፕቶ ኑስ አꬂ እንግዳን ፋና ይንትን ሲቆራ የዞተ።
EPH 5:3 አኮን ኦላለ Ꮉንታ፥ ዎይ ቱናትꬅ፥ ዎይ አሞትꬅ ጋርዘ ባዝ ሙሎን ይን ካለ ስንትፐ። ይና ጌሽ ማቅደ ጾዝ አስስ ቤዞስ።
EPH 5:4 ዬልዘ ባዝን ቦዛ ኦሄ ዎይ ቅ ይንትስ ቤዞሰ ግሾ የዝፐተ፤ አꬊ ጾዝ ጋላቶተ ፋትን።
EPH 5:5 Ꮉኖ ኤሮተ፤ ኦንን ኦላለ Ꮉንትዘ ዎይ ቱና ባዝ ኦችዘ ዎይ አሞꬍዘን ኤቃ ጎይንዘን ዣርꬍዘ ክርስቶሳራ ጾዘ ካእቱሞ ገሎደስ ዳንዳኦስ።
EPH 5:6 ይንፓ ደንድዳነ ጾዘ Ꮉንቆ ኪትንቶሰ አሱንꬃላ አፋ የኦደ ግሾ ኦንን ይንታና ፋꬆሰ ኦሄራ ጭምፐ።
EPH 5:7 ይኬ የንሳራ ዎላ ኢታ ባዝ ኦችዙንꬃና ማቅፈተ።
EPH 5:8 ዛጋ ይን ꬉማ የዝዳ፥ የዝን Ꮉተ ላꬄ ባጋራ ፎኦ የነ። ይኬ፥ ፎኦ የዘ አስ ፋና Ꮉንቶተ።
EPH 5:9 ሎኦትꬅ ኡባ፥ ጽሎትꬅን ቱሪ ኣፈ በንትዘ ፎኦ ግዳ።
EPH 5:10 ይኒ ግሾ ላꬃ ኡፋይስዘ ባዝ ኦቾደስ ኮዮተ።
EPH 5:11 ኣፈ ባይዘ ꬉማ ኦቻራ ፈቶ ማቅፈተ፥ አꬂ ቆንጭዞተ።
EPH 5:12 ኡን አችቻ ኦችዘ ግሾ መለ አቶ የዝን ኦሆደስን ዬልዛነ።
EPH 5:13 የዝን ኡባ ባዝ ፎኦ ከዝዘ ዎደ ቆንጪ በንታነ።
EPH 5:14 ቆንጪ በንትዘ ኡባ ፎኦ። ይኒ ግሾ፥ «ናተ ገንትዛዮ ባርኮ፤ Ꮉይቆፓ ደንዶ፤ ክርስቶሳ ኔስ ፎኦዳ» ያጋይዳ።
EPH 5:15 ይኬ፥ ይን ጭንጩንꬅ ፋና ማቆተ ፋትን ጭንጫትꬅ ባይዙንꬅ ፋና ማቂ የዛመ ፋና ሎይꬂ ናግንቶተ።
EPH 5:16 ቃምታ ኢታ ማቅደ ግሾ ዎድቶ ዎዞተ።
EPH 5:17 ይኒ ግሾ፥ ላꬄ ቆፍታ አኮ የዛኮ ቆፖተ ፋትን ኤዩንꬃና ማቅፈተ።
EPH 5:18 ጌሽ አያናራ ኩሞተ ፋትን ዎይነ ኡሻራ ማꬅንትፈተ፥ ይና ꬋብሰጎ ካንጋነ።
EPH 5:19 ማዝሙረራን፥ ሳባራ አያና የꬃራ፥ ፈታይ ፈታይራ ኦህንቶተ። ማህ ይን ዎዝንተ ዛማርተራን ሳቢተራ ላꬃ ጋላቶተ።
EPH 5:20 ኑ ላꬄ የሱስ ክርስቶሳ ሱንꬅተ ኡባ ባዝስ ጾዛ አዳያ ኡባ ዎደ ጋላቶተ።
EPH 5:21 ክርስቶሳ ቦንቾስ ጋእ ይንታፓ ፈታይ ፈታይስ አቆተ።
EPH 5:22 ማቹንꬆ፥ ላꬅስ Ꮉርንትዛን ፋና ይን አዝኑንꬅስ አቆተ።
EPH 5:23 ክርስቶሳ ዎሳ ኬꬅትስ ኦማ ማቅዳን ጋር አዝንን ፋ ማችትስ ኦማ። ማህ ክርስቶሳ ፋ ጋላ ማቅደ ዎሳ ኬꬅቶ አሽዛ።
EPH 5:24 የዝን ዎሳ ኬꬂ አሱንꬅ ክርስቶሳስ Ꮉርንትዛን ፋና ማቹንꬅ ፋ አዝኑንꬅስ ኡባ ባዛራ አቆተ።
EPH 5:25 አዝኑንꬆ፥ ክርስቶሳ ዎሳ ኬꬅቶ ካꬊ ፋና ኢስ እንግዳን ፋና ይንትን ይን ማቹንꬃና ካꬎተ።
EPH 5:26 ኤ ዎሳ ኬꬅቶ ፋ ቃልት ባጋራ Ꮉꬃራ ሜጭዘ ፋና ጌሻነ።
EPH 5:27 ꬎሃ ዎይ ስኖ ቱከ ዎይ ይኒ ጋርዘ ባዝ ባይዘ ጌሽን ቦረ ባይዛኖ ማህ ቦንችንትደ ዎሳ ኬꬅቶ ፋስ ሺሾደስ ኮይ ይኖ ኦችዳ።
EPH 5:28 ይኒ ፋና፥ አዝኑንꬂ ፋና ካꬍዛን ጋራ ፋ ማቹንꬃና ካꬎደስ ቤዛነ። ፋ ማችቶ ካዽዘ ፋና ካꬋነ።
EPH 5:29 ፋና እጽዘ አስ ኦንን ባያ፥ የዝን ክርስቶሳ ዎሳ ኬꬅስ ኦችዛንን ናግዛን ፋና ፋ ጋልቶ ሙዛነን ናጋነ።
EPH 5:30 ኑኒ ክርስቶሳ አሳትꬅት ብልተ።
EPH 5:31 «ይኒ ግሾ፥ አስ ፋ አዳያን ፋ እንቶ አሺ፥ ፋ ማችትራ ፈቶ ማቃነ፤ ኡን ላምኡንꬅ ፈቲ አሾ ማቃነ» ያጋይዳ።
EPH 5:32 ይና ዳማ ሳዛ ቆፍታ፥ የዝን ታኒ ይኖ ክርስቶሳስን ዎሳ ኬꬅስ አዝዘ ማህ ኦህነ።
EPH 5:33 የዝን፥ ይን ፈታይ ፈታይ ይን ማቹንꬃና ይኒ ፋና ካꬎተ። ማችታን ፋ አዝንዛ ቦንቾ።
EPH 6:1 ናኡንꬆ፥ ይንታና የልዱንꬅስ ላꬄ ግሾ ጋእ ኪትንቶተ፥ ይና ቤዝዘ ባዝ።
EPH 6:2 «ነ አዳያን ነ እንቶ ቦንቾ።» ይና ኡፋይስ ቃላ የዘ ቲኖ ኪታ።
EPH 6:3 «ነ ይኖ ኦችኮ ኡባ ባዝ ኔስ ጊጎዳ፤ ነ በርታ ሳአላ ጳርጎዳ»።
EPH 6:4 አዱንꬆ፥ ይን ናኡንꬃና ላꬄ ዞረራን ሴረራ ድቾተ ፋትን ኡንታና ዥልዝፐተ።
EPH 6:5 አሩንꬆ፥ ይን ክርስቶሳስ ኪትንትዛን ፋና ዣሽሞራን ጎቀራ፥ ይን ዎዝንተ ሱርተራ አሾስ ላꬂ ማቅዱንꬅስ ኪትንቶተ።
EPH 6:6 አስ ቲኖ ሳባ ደንጎደስ ኡን በእዘ ዎደ ጻላላ ኦችፍተ። የዝን ጾዘ ቆፋ ኦችዘ ክርስቶሳ አሩንꬃና ማቆተ።
EPH 6:7 አስስ ማቅካይዝን ላꬅስ ጋእ ይን ኩምꬅ ዎዝንትፓ ኦቾተ።
EPH 6:8 አሮ ማቅን ዎይ ላꬂ ማቅን ፈታይ ፈታይ ፋ ኦችደ ሎኦ ኦችትስ ላꬃፓ አንጆ ኩሸ ኤኮዳኖ ኤሮተ።
EPH 6:9 ይን ላꬁንꬆ፥ ማንድዛኖ አሺ ሎኦ ባዝ ኦቾተ፥ ይንታናን ኡንታናን አህዘ ላꬃይ፥ ሳሎ የዛይ አስ ስኖ ብእ ፍርዳ ደሽ ይዞሳኖ ይን ኤራነ።
EPH 6:10 አትዳነ፥ ላꬃራን ኤ ዳማ ዎልቂተ ሚንግዱንꬃና ማቆተ።
EPH 6:11 ጻላሄ ጭሞ እጺ ዳንዳኦደ ጋር ጾዘ ይንትስ እንግደ ኦላ ሚሸ ኡባ ማኦተ።
EPH 6:12 ኑ ኦልንትዛና ሱꬃራን አሾራ ባያ፤ ሳሎ የዘ ቱና አያና ኦላንቹንꬃራ፤ አደትꬅ ዎልቃ አዱንꬃራ፥ Ꮉላቁንꬃራን Ꮉና ꬉማ አላምቶ አህዙንꬃራ።
EPH 6:13 ይኒ ግሾ፥ ኢታ ቃማ እጾደስ ኡባኖ ፎሊ፥ ሚንግ ኤቆደስ ይን ዳንዳኦደ ጋር ጾዘ ኦላ ሚሸ ኡባ ማኦተ።
EPH 6:14 ይኬ ይን ቃዝንተ ቱሮትꬅ ዳንጪ፥ ጽሎትꬅ ጹሩረ ማእ፤ ሳሮትꬅ ዎንገለራ ጊግንቲ ይን ቶህተ ጫማ ፋና አꬂ ሚንግ ኤቆተ።
EPH 6:16 ኡባንላ ጉጂ፥ ጻላሄ ዳክዘ ኢታ ሎብዘ ታማ ዶንገ ኡባ ꬋብሶደስ ዳንዳእዘ አማኖ ጎንዳለ ደንꬆተ።
EPH 6:17 አቶትꬅ ብራታ ባርኔጻ ጋር ይን ኦምተ ጋዶተ፤ አያና ማሻ አይኮተ፤ ኤዝን ጾዘ ቃላ።
EPH 6:18 ዎሳራን መሉንꬅስ ዎሳራ ኡባ ዎደ አያናራ ዎሶተ። ይና ቆፍትራ ጌሹንꬅስ ዎስተራ ኡባ ዎደ ምንጎተ።
EPH 6:19 ታኒ ዎንገለ ጋꬅ ቆፋ ቆንጭዝ ኦሆደ ፋና ጾዚ ታስ ቃላ እንጎደ ፋና ዎሶተ።
EPH 6:20 ዎንገለ ኪታስ ሳንꬃላታራ አጭንትዳይ ኤ ግሾ ኦሆደስ ቤዝዘ ፋና ቆንጭዝ ኦሆደ ፋና ታስ ዎሶተ።
EPH 6:21 ታኒ ዋይዘ የዛኮን አኮ ኦችዛኮ ይን ኤሮደ ጋር ኑ ሲቆ እሻይ፥ ላꬄ ኦችተ አምንንትደ ኦቻንችዛይ፥ ትክቆሳ፥ ታ ባዝ ኡባ ይንትስ ኦሆዳ።
EPH 6:22 ኑ ባዝ ይን ኤሮደ ፋናን ይን ዎዝንቶ ምንꬅꬆደ ጋር ይንታጎ ኪትዳና ይኒ ግሾስ።
EPH 6:23 ጾዘ አደፓ፥ ላꬄ የሱስ ክርስቶሳፓ ሳሮትꬅን ሲቆ አማኖራ ዎላ አማንዘ ኡቡንꬅስ ማቀ።
EPH 6:24 ቶዮሰ ሲቆን ኑ ላꬄ የሱስ ክርስቶሳ ካዽዘ ኡቡንꬅስ አꬎ ኬሃትꬅ ማቀ፤ አምንኤ።
PHI 1:1 ክርስቶስ የሱሳራ ፈቶ ማቅደ ግሾ ጾዘ ባዝ ማቅደ፥ ፍልጵስዩሳ ካታማ የዘ ዎሳ ኬꬂ አህዙንꬅስን ዳቆናተስን ክርስቶሳ የሱሳራ የዘ ጌሹንꬅስ ኡቡንꬅስ። የሱስ ክርስቶሳ አሮ ማቅደ፥ ጳዉሎሳፓን ጢሞትዮሳፓ ዳክንትደ ኪታ።
PHI 1:2 ኑ አዳይ ጾዘፓን ላꬄ የሱስ ክርስቶሳፓ አꬎ ኬሃትꬅን ሳሮትꬅ ይንትስ ማቀ።
PHI 1:3 ታኒ ይንታና ቲርዘ ዎደ ኡባ፥ ታ ጾዝ ጋላታነ።
PHI 1:4 ታኒ ይን ኡቡንꬅስ ጾዝ ዎስዘ ዎደ ኡፋይሳራ ዎሳነ።
PHI 1:5 ይን ቲኖ ቃማፓ Ꮉይኖ የሎደስ፥ ዎንገለ ማርክꬍዛነ ታራ ዎላ ማቅደ ግሾ ጾዝ ጋላታነ።
PHI 1:6 ይን ግዳ ሎኦ ኦቻ አይክደ ጾዘ፥ ክርስቶስ የሱሳ ላምእንꬃ ማቂ የእዘ ቃምቶ የሎደስ፥ ፎሎዳኖ ሎይꬂ ኤራነ።
PHI 1:7 ይን ኡባ ዎደ ታ ዎዝንተ የነ። ታኒ ኡባ ዎደ ይን ግሾ ቆፖደስ ቤዛነ። Ꮉተ ታኒ አቻ የዝተራን አጭንቶዳንፓ ቲኖ ዎንገለ ናጎራን ዎንገለ ምንꬂ ኦሄ ጾዚ ታስ እንግደ አꬎ ኬሃትꬅቶ ታራ ግዥንትዳ።
PHI 1:8 ታኒ ይንታና ኡባ ክርስቶስ የሱሳ ሲቅተ አኮ ፋና ይቅስንትዛኮ ጾዚ ታስ ማርካ።
PHI 1:9 ይን ሲቅታ ቱሪ ኤራትꬃራን አካኬራ ዎላ ጉጂ ጉጂ ድጮደ ፋና ጾዝ ዎሳነ።
PHI 1:10 ይነ ይን ሎኦ ባዝ ሻጊ፥ ኤሮደ ፋናን፥ ክርስቶሳ ማቂ የእዘ ቃምተ ጌሹንꬃናን ቦረ ባይዙንꬃና ማቃዳ።
PHI 1:11 ይን ደእታ ጾዝስ ቦንቾን ጋላታ የሱስ ክርስቶሳ ባጋራ በንትዘ ጽሎትꬅ ኣፈ ኩሚ አፎደ ፋና።
PHI 1:12 ታ እሹንꬆ፥ ታና የልደ ዎንገለ ዳልጎደ ፋና ቱሮ ማድዳኖ ይን ኤሮደ ፋና ኮያነ።
PHI 1:13 ታኒ ክርስቶሳ ኦችዘ ግሾ አጭንትዳኖ፥ ካት ኬꬂ ናግዙንꬅን መሉንꬅ ኡባ ኤራነ።
PHI 1:14 ታ አጭንቲ ምክናተር ኑ እሹንꬃፓ ጋሙንꬅ ላꬃ ሎይꬂ አማንንትዳ። ይኒ ግሾ፥ ጾዘ ቃላ ዣሽሞ ባይዝን ካሰንፓ አꬊ ሚንግ ኦሆደ ፋና ምንꬅትሞ ኡን ደንግዳ።
PHI 1:15 ማቆ የዝን፥ ፈታይ ፈታይ ቃናተራን ላለራን ክርስቶሳ ባዝ ኦህነ፥ የዝን መሉንꬅ ሉለ ዎዝናፓ ኦህነ።
PHI 1:16 ሉለ ዎዝናፓ ኦህዙንꬅ፥ ጾዚ ታስ ዎንገለ ናጎ ኦቻ እንጎዳኖ ኤርዘ ግሾ ሲቆራ ኦህነ።
PHI 1:17 የዝን Ꮉንኩንꬅ ታ አችትላ አፋ መለ ማꬋ ኮኦደባዝ ኡንትስ አዝን ፋና ካፓ ደንዲ ክርስቶአባዝ ኦህነፕ አትን ቱሪ ዎዝናፓ ኦሆስ።
PHI 1:18 ይና አኮን ይኦስ። ቱሪ ዎዝናፓ ማቅን ዎይ ቱሪ ባይዘ ዎዝናፓ ማቅን ይና ኡባነ ክርስቶሳ ሳባክንታነ። ታና ይና ኡፋይሳነ።
PHI 1:19 ማህ መለ ታና ኡፋይስዘ ባዝ፥ ታኒ ይን ዎስተን የሱስ ክርስቶሳ አያና ማደራ ዋሎ ኬዝዳኖ ኤርዘ ግሾ ታና ኡፋይሳነ።
PHI 1:20 ታኒ ፎሎ ታ ኦችተ ዬልꬋማኖ ኡፋይሳራ ናጋነ። የዝን ኡባ ዎደ ኦችዛን ፋና፥ Ꮉተ ታኒ ፋጻ የዝን ዎይ Ꮉይቂን ዣሽትካይዛራ ታ ኩሙꬅ ጋልተ ክርስቶሳ ቦንችንቶዳ ጋእ ምንꬂ ኦህነ።
PHI 1:21 ታስ ደኦ ጋዛና ክርስቶሳስ የዘ፤ ማህ ታ Ꮉይቂኮን ታስ አꬍደ ትርፈ።
PHI 1:22 የዝን ታ ፋጻ የዝኮ ኣፈ የዘ ኦቻ ኦቾዳ። የዝን ፋጻ የዛንፓን Ꮉይቆፓ አያ ዶሮድ የዛኮ ታስ ኤርንቶስ።
PHI 1:23 ታኒ Ꮉንꬅ ላምኡንꬃፓ አያ ዶሮድ የዛኮ ኡንእንትዳ። Ꮉና ደእትፓ ሻግንት ክርስቶሳራ ዎላ የሳደስ አሙꬋነ፤ ክርስቶሳራ ዎላ የዛና ኡባፓ አꬊ ሎኦ።
PHI 1:24 የዝን ታኒ ፋጻ የዛና ይንትስ ጋማ ኮሽዘ ባዝ።
PHI 1:25 ይኖ ታኒ ጌሽ ኤራነ፤ ታኒ፥ ይን አማኖራ ድጮደ ፋናን ኡፋይቶደ ፋና ይንታራ ፋጻ የሳዳ።
PHI 1:26 ይኒ ግሾ፥ ታኒ ይንታጎ ማቂ የእዘ ዎደ ታ ባጋራ ክርስቶስ የሱሳላ የዘ ጬቅንታ ይንትስ ጋንጎዳ።
PHI 1:27 ኡባፓ አꬂ፥ ይን ክርስቶሳ ዎንገለስ ቤዝዘ ደኦ የዞተ። ታ ይንታና ብእን ዎይ በአንጽን ይን ፈቲ ቆፋራ ሚንግ ኤቂ፥ መሉንꬅ ዎንገለራ አማኖደ ፋና ፈቲ ዎዝናራ ማቂ ፈትላ ቡቱንትዛኖ ታ ስኦዳ።
PHI 1:28 ይን ሞርኩንꬅስ ዣሽትፐተ። ኡን ይንታራ ኤቅንትዛና ይና ኡንትስ ꬋበ ማላ ማቂ፥ ይንትስ ጾዛፓ ማቅደ አቶትꬅ ማላ።
PHI 1:29 ክርስቶሳስ ኦችዘ እሞትꬅ ይንትስ እንግንትዳና፥ ይን ኤዛ አማኖደ ፋና ጻላላስ ባይዝን ይን ኤ ግሾ ማꬋ ኤኮደ ፋና።
PHI 1:30 ይኒ ግሾ፥ Ꮉተ ይን ታራ ዋየ ግሽንትዙንꬃና ማቅዳ፤ ይና ዋይታ Ꮉንፓ ቲኖ ታና የልን ብእዳኖን Ꮉተን ታና የሊተራ የዛኖ ይን ስእተ የነ።
PHI 2:1 ክርስቶሳራ ይን የዘ የስታ ይንታና ሚንꬃነ፤ ማህ ኤ ሲቅታን ይንታና ምንꬅꬃነ። ጌሽ አያናራ ይንትስ ፈተትꬅ የነ፤ ይን መሉንꬅስ ዳልጋነን ይቅስንታነ።
PHI 2:2 ይኬ፥ ይን ፈቲ ቆፋራ፥ ፈቲ ሲቆራ፥ ፈቲ ዎዝናራን ፈቲ አያናራ ማቂ ታና ፎሎ ኡፋይሶተ።
PHI 2:3 ይንታና ካራ ዎይ ጬቅንትዘ ፋꬆሰ አሞራ ፈቲ ባዝን ኦችፐተ። የዝን ይን ፈታይ ፈታይፓ ዳማነ ያጋእ ቆፕካይዛራ ይንታና ካዉሾተ።
PHI 2:4 ይን ፈታይ ፈታያ፥ መሉንꬃና ማድዘ ባዝ ኮዮተ ፋትን ይንታና ማድዘ ባዝ ጻላላ ኮይፐተ።
PHI 2:5 ክርስቶስ የሱሳ የዘ ቆፍታ ይን ግዳ የሳደስ ቤዛነ።
PHI 2:6 ኤስ ኡባ ዎደ ጾዘ Ꮉኖትꬅ የነ። ይኖ ማቅኮን፥ ኤዛ ጾዛራ ፈቶ ማህዘ Ꮉኖትꬅቶ፥ ዎልቃራ ኤኮደስ ኮይካያ።
PHI 2:7 የዝን፥ ኤ ፋስ የዘ ቦንችቶ ኡባ አሺ፥ አሮ ማቅዳ፤ አስ ፋና የልንትዳ፤ አስ ማቂ ቆንጭዳ።
PHI 2:8 ኤ ፋና ካዉሽዳ፤ Ꮉይቆስ የሎደስ፥ መለ አቶ የዝን ማስቃላላ አፋ Ꮉይቆደስ ኪትንትዳ።
PHI 2:9 ይኒ ግሾ፥ ጾዚ ኤዛ ጋማ ꬎቅ ꬎቅ ዪዝዳ፤ ማህ ሱንꬅ ኡባፓ አꬍዘ ዳማ ሱንꬅ እንግዳ።
PHI 2:10 ይኒ ግሾ ሳሎን ሳአ፥ ሳአፓ ኦሞራ የዘ ኡባና፥ የሱሳ ሱንꬅት ቦንቾስ ቡንቅንቶዳ።
PHI 2:11 አስ ኡባ ፋ እልአንꬅተ፥ የሱስ ክርስቶሳ ላꬂ ጋእ፥ ጾዘ አዳይ ቦንቾስ ማርክꬎዳ።
PHI 2:12 ታ እሹንꬆ፥ ታኒ ይንታራ የዘ ዎደ ኡባ ይን ኪትንትደ ፋና፥ Ꮉተ ታ ይን ካለፓ Ꮉክኮን፥ ቲኖንፓ አꬂ፥ ኪትንቶደስ ቤዛነ። ጾዝስ ዣሽሞራን ጎቀራን ይን አቶትꬅቶ ቤዝዘ ኦቻ ኦቾተ።
PHI 2:13 ኤ ኮይዘ ቆፍቶ ኦቾደ ፋናን ኮዮደ ፋና ይን ግዳ ኦችዘ ጾዚ።
PHI 2:14 አኮ ኦቻን ኦችተራ ዙዝንግካይዛራ ዎይ ላልካይዛራ ኦቾተ።
PHI 2:15 ዎቦን ናጋራንቾ አሱንꬅ ግዳ ቦረ ባይꬅ፥ ጌሹንꬃናን ቦርሶ ባይዘ ጾዘ ናአ ማቆተ። ይን ኡን ግዳ ሳሎ ጾልንቶ ፋና ፎእተራ፥
PHI 2:16 ደኦ በንትዘ ቃላ አሽካይዛራ ምንꬂ አይኪ፤ ይኒ ፋና ታ ዎꬅታን ታ ኦችታ Ꮉሪ አቶሰ ግሾ ክርስቶሳ የእዘ ዎደ ታስ ጬቆ ማቃዳ።
PHI 2:17 የዝን ይን አማንተን ኦችተ ዣርሾ ጉጂ ታ ሸምፕታ ላንትዛኮን ታና ኡፋይሳነ። ይንትን ታራ ኡፋይቶዳ።
PHI 2:18 ይኒ ፋና ይንትን ኡፋይት ታናን ኡፋይሶደስ ቤዛነ።
PHI 2:19 ታኒ ይን የስት ባዝ ስእ ታ ኡፋይቶደ ፋና ጢሞትዮሳ ይንታጎ ኤልሲ ዳኮደ ፋና ላꬂ የሱሳ ታና ማዶዳኖ አማንንታነ።
PHI 2:20 ይን የስትስ ዎዝናፓ ቆፕዘ ኤ ጋርዘ አስ መለ ኦንን ባያ።
PHI 2:21 መሉንꬅ ፋና ማድዘ ባዝ ኮያነፕ አትን የሱስ ክርስቶሳ ኮይዘ ባዝ ኦቾስ።
PHI 2:22 ኤ ታራ ፈትላ ማቂ ናአ ፋ አዳይስ ኦችዛን ፋና ዎንገለ ኦቻ ኦችዳይን አማንንትደ አስ ማቅዛኖ ይን ኤራነ።
PHI 2:23 ይኒ ግሾ፥ ታ ባዝ ዋያድየዛኮ ብእ ኤልሲ ኤዛ ይንታጎ ዳኮዳ ጋእ ቆፓነ።
PHI 2:24 ታኒ፥ ታ ኦምተ ኡከ ዎደ ይንታጎ Ꮉንጎዳኖ ላꬃላ አማንንታነ።
PHI 2:25 ይን ጋራን፥ ታኒ፥ ታ እሻ ኤጳፍሮድቱሳ፥ ታራ ዎላ ታ ባጋ ማቂ ኦችዳያ፥ ኦልንትዳያን፥ ታና ማዶደስ ይንትስ ኪትንትድያ፥ ይንታጎ ኪቶደስ ቆፕዳ።
PHI 2:26 ኤ ይንታና ኡባ በአደስ ጋማ አሙꬋነ። ማህ ኤ Ꮉርግንትዳኖ ይን ስእደ ግሾ ፋ ዎዝንተ ጋማ ኡንእንታነ።
PHI 2:27 ኤ ቱሮ Ꮉርግንቲ Ꮉይቆስ ዪእ አትዳ። የዝን ጾዚ ኤዛ ማርዳ። ኤ ጻላላስ ባይዝን አዛኖ አዛኖላ አፋ ጉጁንታመ ፋና፥ ታስን ይቅስንትዳ።
PHI 2:28 ይኬ፥ ይን ኤዛ ማህ ብእ ኡፋይቶደ ፋና ታስን ታ ዎዝንተ ምችቶ ቶይሳደ ፋና ታ ኤዛ ኤልሲ ይንታጎ ዳኮደስ አሙꬋነ።
PHI 2:29 ላꬃ አማንዘ ግሾ ኡፋይሳራ ሞኮተ። ማህ ኤ ፋና የዘ አስ ኡባ ቦንቾተ።
PHI 2:30 ይን ታ ካለ ማቂ ኦቾደስ ዳንዳኦሰ ማደ ማዲ ክርስቶሳ ኦቻ ግሾ ፋ ሸምፕትስ ይቅስንታንጽ Ꮉይቆስ ዪእ አትዳ።
PHI 3:1 ይኬ፥ ታ እሹንꬆ፥ ይን ላꬄ ባዝ ማቅደ ግሾ ኡፋይቶተ። ታኒ ቲኖ ጻፍዳን ፋና ማህ ጻፎዳና ታና ዋይꬆስ፥ የዝን ይንታና ባልንተፓ ናጎደስ ዳንዳአነ።
PHI 3:2 ኢታ ባዝ ኦችዘ ካኑንꬃፓን፥ ማህ ጋራዝንቶደስ ቤዛነ ጋዘ ኢታ አሱንꬃፓ ናግንቶተ።
PHI 3:3 ኑኒ ጾዘ ጌሽ አያናራ ጎይንዘ ግሾን ኑ የስተ ክርስቶስ የሱሳራ ጬቅንትዘ ግሾ ቱሪ ጋራዝንተ ጋራዝንትዱንꬃና። ኑኒ አሳትꬃላ አፋ ኦችንትዘ ባዛላ ጬቅንቶስ።
PHI 3:4 ታ በንትዘ አሳትꬃላ ጬቅንቶደስ ቤዝኮ ታ ጋማ ባዛራ ጬቅንቶደስ ዳንዳአነ። አኮ አስን ፋ በንትዘ አሳትꬃላ ጬቅንትዘ ባዝ ፋስ የነ ጋእ ቆፕኮ፥ ታኒ ኤፓ ጋማ አꬊ ጬቅንትዘ ባዝ የነ።
PHI 3:5 ታኒ የልንትደ ኦስፉን ቃማራ ጋራዝንትዳ። ታኒ የልንተራ እስራኤለ፤ ብንያመ ኮች፤ ታኒ ዎርቂንተ ባይዘ አይሁደ አስ። አይሁደ ህገ ናገራ ማቅኮ ታኒ ፋርሳወ።
PHI 3:6 አይሁደ አማኖ ቅናተራ ማቅኮ ታ ዎሳ ኬꬃ አማንዙንꬃና ባይአነ። ፈቲ አስ ህገ ናጊ ጽልዘባዝ ማቅኮ፥ ታላ ቦረ በንትካያ።
PHI 3:7 የዝን ዛጋ ታና ማዳነ ጋእ ቆፕደባዝ ኡባ፥ ክርስቶሳ ግሾ ጋእ ማዶሰ ባዝ ማህ ፋይድዳ።
PHI 3:8 ይኖ ጻላላ ባይዝን ታኒ ታ ላꬄ ክርስቶስ የሱሳ ኤርዛና መለባዝ ኡባፓ ጋማ አꬍዘ ግሾ ይና ኡባኖ ትርፈ ባይዘ ፋና ፋይድዳ። ታኒ ኤ ግሾ ኡባነ ቆህንትዳ። ክርስቶሳ ደንጎደስ ኡባ ባዝ አላ ኦልንትደ ቡረ ፋና ፋይድዳ። ታኒ የሱሳራ ፈቶ ማቅዳ።
PHI 3:9 ይኖ ዪዛና ህገላ ማቅደ ታ ኦማ ጽሎትꬅ አሺ አማኖላ ማቅደ ጾዘ ጽሎትꬅ ክርስቶሳ አማኒ ደንጎደስን ኤራ ዎላ ማቃደስ።
PHI 3:10 ታኒ ክርስቶሳን ኤ ደንዶ ዎልቅቶ ኤሮደስ ኮያነ። ታኒ ኤ ዋይቶ ኤራ ግሽንቶደስ ኤ Ꮉይቅተ ኤ ደንድቶ አሙꬋነ።
PHI 3:11 ይኒ ጋር፥ Ꮉይቆፓ ደንዲ መዽና ደኦ የሳደስ ኡፋይታነ።
PHI 3:12 ታኒ Ꮉተ ቆፕደ በስቶ የልዳ ዎይ ታ ግዳ ባላ ባያ ጋኦስ። የዝን ክርስቶስ የሱሳ ታና አይክደ ግሾ ታኒ ታ ቲኖ የዘ ዎይቶ አይኮደስ ዎጻነን ቡቱንታነ።
PHI 3:13 ታ እሹንꬆ፥ ታኒ ይኖ ደንግዳ ጋእ ቆፖስ፥ የዝን ታኒ ፈቲ ባዝ ኦቾዳ። ታፓ ሱባራ የዛኖ ቦቲ ቲኖ የዛኖ አይኮደስ ሼልንቃነ።
PHI 3:14 ይኒ ግሾ፥ ታኒ ቆፕደ በስቶ የሎደስ ዎጻነ። ጾዘ ክርስቶስ የሱሳ ባጋራ ሳሎ የዘ መዽና ደኦስ ጼግደ ዎይቶ ኤኮደስ ኤልሳነ።
PHI 3:15 ይኬ፥ ኑኒ አያናራ ሚንግደ ኡቡንꬅ Ꮉኖ ቆፖደስ ቤዛነ። ይንታፓ ባጉንꬅስ ዱሙዽዘ ቆፋ የዝኮ፥ ይኖን ጾዚ ይንትስ ቆንጭሳዳ።
PHI 3:16 ማቅኮን፥ ጾዚ ኑስ ቆንጭዝደ ቱርተ፥ ቲኖ Ꮉማዳ።
PHI 3:17 ታ እሹንꬆ፥ ታና አዞተ፤ ይኒ ፋናን፥ ኑና አዚ ካልዘ መለ አሱንꬃና ቆፒ ቦኦተ።
PHI 3:18 ታኒ ይኖ ይንትስ ቲኖ ጋማ ቶሄ ኦህዳ፥ የዝን Ꮉተን ማህ አፉꬃራ ኦህነ። ፋ የስተ ክርስቶሳ ማስቃላስ ፋና ሞርከ ማህደ ጋማ አሱንꬅ የነ።
PHI 3:19 ኡን ፎልታ ꬋበ፤ ኡን ሳዝታ ኡንትስ ላꬂ። ዬልꬎደስ ቤዝዘ ባዛ ኡን ጬቅንታነ፤ ማህ Ꮉና ሳእትባዝ ጻላላ ቆፓነ።
PHI 3:20 ኑ ጋድታ ሳሎ። ሳሎፓ ይእ ኑና አሾደስ የዘ ላꬂ የሱስ ክርስቶሳ ናጋነ።
PHI 3:21 ክርስቶሳ ኡባባዝቶ ፋ አደትꬅ ዎልቃፓ ኦሞራ ማሆደስ ዳንዳእዘ ፋ ዎልቃራ ኑ ላቢꬅ አሳትꬅቶ ላሚ ፋ ቦንቾ አሳትꬅቶ አዞደ ፋና ዪሳዳ።
PHI 4:1 ታ እሹንꬆ፥ ታ ካꬍዙንꬆ፥ ታ አሙꬍዙንꬆ፥ ታና ኡፋይስዙንꬆን፥ ታና ጬቅዙንꬆ ይኬ ላꬃራ ሚንግ ኤቆተ።
PHI 4:2 ኤዎድን ስንጺካን፥ ይን ላምኡንꬅ፥ ፈቲ ቆፋራ ላꬃራ የሳደ ፋና ታ ይንታና ዞራነ።
PHI 4:3 ታራ ኦችዘ አማንꬅዛዮ፥ ኔኒ Ꮉንꬅ ማቹንꬃና ማዶደ ፋና ታ ነና ዎሳነ። Ꮉንꬅ ማቹንꬅ ታራ፥ ቀለምንጾሳራን ኡን ሱንꬅታ ጾዘ ደኦ ማጻፍተ ጻፍንትደ መሉንꬃራ ዎላ ዎንገለ ኡባ በሳ የልꬆደስ ላቢዳ።
PHI 4:4 ላꬃራ የዛነ ኡባ ዎደ ኡፋይቶተ። ታኒ ይኖ ጉጂ ኦህነ፤ ኡፋይቶተ።
PHI 4:5 አስ ኡባ ይን ሎኦትꬅቶ ኤሮ፤ ላꬂ ኡከራ ዮኦዳ።
PHI 4:6 ጾዝ ይን ዎስዘ ዎደ ኡባ ባዛራ ኤዛ ጋላትተራ፥ ይንታና ቤዝዘ ባዝ ኡባ ዎሶተፕ አትን አኮ ባዝስን ይርግፐተ።
PHI 4:7 አስ ኤራትꬅ ኡባፓ አꬍዘ ጾዘ ሳሮትꬅ፥ ይን ዎዝንቶን ይን ቆፍቶ ላꬂ የሱስ ክርስቶሳስ ማቅዳነ ናጎዳ።
PHI 4:8 ዉርሱꬅተ፥ ታ እሹንꬆ፥ ይን ዎዝንተ ሎኦ ባዝን ጋላትዘ ባዝ ቆፖተ። ቱሮ ማቅደ ባዝ ኡባ፥ ቦንቾ ባዝ ኡባ፥ ቆሄ ማቆሰ ባዝ ኡባ፥ ጌሽ ባዝ ኡባ፥ ሲቆባዝ ኡባ ኡፋይስዘ ባዝ ኡባ ቆፖተ።
PHI 4:9 ይን ታፓ ታማርዳኖ፥ ኤክዳኖ፥ ስእዳኖን ብእዳኖን ኡባ ኦቾተ። ሳሮትꬅ እንግዘ ጾዘ ይንታራ ዎላ ማቃዳ።
PHI 4:10 ጋማ ዎደፓ ሱባ፥ ይን ታ ባዝ ማህ ቆፋ አይክደ ግሾ ታኒ ላꬄ ግዳ ጋማ ኡፋይታነ። ይኖ ጋዛና፥ ታስ ቆፖደስ ይንትስ ዎታንጽደ ግሾፕ አትን ታስ ቆፍቶ አሽካያ።
PHI 4:11 ታኒ ይኖ ታና ማꬍደ ግሾ ጋኦስ፤ ታስ የዛና ማቃዳ ጋዛኖ ታማርዳ።
PHI 4:12 ታኒ ማꬍꬊ የዘ የሲን ኤራነ፤ ማህ ዱርꬊ የዘ የሲን ኤራነ። አባን ማቅን ማህ አኮ ዎደን ታኒ ምሽን ናየ፥ ፋጨን ኩመን ኡባነ ታስ የዛና ማቃዳ ጋዛኖ ታማርዳ።
PHI 4:13 ዎልቃ እንግዘ ክርስቶሳራ ኡባ ባዝ ኦቾደስ ዳንዳአነ።
PHI 4:14 ማቅኮን፥ ይን ታ ማꬍተ ማድዳነ ሎኦ ኦችዳ።
PHI 4:15 ፍልጵስዩሳ አሱንꬅ፥ ዎንገለ ቲኖ ኦሆደስ ታኒ መቀዶንያፓ ከዝዘ ዎደ እንግዘ ባዛን ኤክዘ ባዛ ይን ዎሳ ኬꬅትፋ መለ ዎሳ ኬꬂ ታና ማድካይዛኖ ይን ኤራነ።
PHI 4:16 ተሰሎንቄ የዘ ዎደን ታና ኮሽዘባዛ ማህ ማህ ማድዳ።
PHI 4:17 ታኒ፥ ይንታፓ እሞ ኤኮደስ ኮይ ባይዝን እሞፓ የእዘ አንጆ ይን ኤኮደ ፋና።
PHI 4:18 ታስ ኮሽዛኖን ኮሽዛንፓ አꬂ ይን ታስ ዳክደ እሞቶ ኤጳፍራድቱሳፓ ኤክዳ፤ ይናን ይን እሞታ ጾዚ ኤክዘ ሳዎ ቶንኩ ጋዘ፥ ኤ ካዽዘ፥ ኤ ኡፋይትዘ ዣርሾ ፋና።
PHI 4:19 ታ ጾዘ ፋ ዱረትꬅትፓ፥ ቦንቾ ክርስቶስ የሱሳ ባጋራ ይንትስ ኮሽዘ ባዝ ኡባ እንጎዳ።
PHI 4:20 ኑ አዳይ ጾዘስ መꬍናፓ መዽና የሎደስ ቦንቾ ማቀ። አምንኤ።
PHI 4:21 ክርስቶስ የሱሳ ባጋራ ጾዘ ባዝ ማቅደ ኡቡንꬃና ሳሮ ጋኦተ። ታራ የዘ እሹንꬅ ይንታና ሳሮ ጋነ።
PHI 4:22 ጾዝስ ማቅደ አሱንꬅ ኡባ፥ ኡባፓ አꬂ ካት ቄሳረ ኬꬃ የዙንꬅ ይንታና ሳሮ ጋነ።
PHI 4:23 ላꬄ የሱስ ክርስቶሳ አꬎ ከሃትꬅታ ይንታራ ማቀ።
COL 1:1 ጾዘ ቆፋ ክርስቶሳ የሱሳ ሐዋረ ማቅደ ጳዉሎሳን ኑ እሸ ጢሞትዮሳ፥
COL 1:2 ቆላስያሳ ካታማ የዘ ክርስቶሳ ግዳ አማንንትደ አሱንꬅስ ጻፍደ ኪታ። ጾዘ ኑ አደፓ አꬎ ኬሃትꬅን ሳሮትꬅ ይንትስ ማቀ።
COL 1:3 ኑኒ ይንትስ ዎስዘ ዎደ ጾዘ ኑ ላꬃ፥ የሱስ ክርስቶሳ አዳያ ኡባ ዎደ ጋላታነ።
COL 1:4 ኑ ክርስቶስ የሱሳ ግዳ የዘ ይን አማንቶን ጾዘ አሱንꬅስ ኡባ የዘ ይን ሲቅቶ ስእዳ።
COL 1:5 ይኖ ይን ኦችዳና ይን ኡፋይስታ ሳሎ ይንትስ ናግንትደ ግሾ። ይን ቱሪ ኪታ ማቅደ ዎንገለ ቲኖ አማንደ ዎደ ይና ኡፋይስቶ ስእዳ።
COL 1:6 ይን ዎንገለ ስእደ ዎደ ጾዘ አꬎ ኬሃትꬅ ቱርቶ ሻኪ ኤርደ ዎደፓ አይኪ ይን ግዳ Ꮉንዳን ፋና ሳአ ኡባ ድጭተራን ኣፍትራን የነ።
COL 1:7 ይን ይኖ ኑራ ዎላ ክርስቶሳስ ኦችዘ አማንንትደን፥ ካꬍንትደ ኤጳፍራፓ ታማርዳ።
COL 1:8 ኤ ይንላ አፋ ጉጂ ጌሽ አያና ይንትስ እንግደ ሲቆባዝ ኑስ ኦህዳ።
COL 1:9 ይኒ ግሾ፥ ኑ ይን ባዝ ስእደ ዎደፓ አይኪ፥ ጾዚ ፋ ቆፍቶ ይንታና ቤሳደ ፋናን፥ ጌሽ አያና እንግዘ ኤራትꬅን ጭንጫትꬅ ኡባ ይንታና ኩንꬆደ ጋር ኡባ ዎደ ይንትስ ጾዝ ዎሳነ።
COL 1:10 ይኒ ፋና፥ ላꬂ ኮይዛን ጋራ ይን የሳደ ጋር፥ ኡባ ዎደ ኤዛ ኡፋይሶደ ጋር፥ ሎኦ ኦቻ ኡባ ይን ኣፈ አፎደ ፋናን ጾዛ አꬊ ኤርተራ ድጮደ ጋር ጾዝ ዎሳነ።
COL 1:11 ጾዘ ቦንቾ ዎልቃ ይን ኡባ ባዛ ገንጮደ ፋናን ዳንዳኦደ ፋና ፋ ምንꬅትሞ እንግ ይንታና ኡፋይሶ።
COL 1:12 ማህ ጾዘ አሱንꬅ ፎኦ ካእቱሞ ላቶደ ጋር ይንታና ማህደ አዳያ ጋላቶተ።
COL 1:13 ኤ ኑና ꬉማ ዎልቃፓ አሺ ፋ ካዽዘ ናአይ ካእቱሞጎ ክእዳ።
COL 1:14 ኤ ባጋራ ዎዝንት ኤ ሱꬅተ ናጋራ ማሮትꬅ ደንግዳ።
COL 1:15 ክርስቶሳ በንቶሰ ጾዝስ ቱሪ አዝዘ። ኤ መꬍንትደ ባዝ ኡባፓ ቲኖን አንግስ።
COL 1:16 ኡባ ባዝ ኤ ባጋራ መꬍንትዳ። በንትዘባዝን በንቶሰ ባዝ፥ ዎልቃሙንꬅን ላꬁንꬅ፥ አህዙንꬅን አደትꬅ ዎልቃ አዱንꬅ፥ ሳሎን ሳአ የዘ ኡባና ኤስን ኤ ባጋራ መꬍንትዳ።
COL 1:17 ክርስቶሳ ኡባባዛፓ ቲኖ የነ። ኡባ ባዝ ኤ ባጋራ ፋ በስተ አይክንቲ ኤቅዳ።
COL 1:18 ኤ ፋ ጋላ ማቅደ ዎሳ ኬꬅትስ ኦማ። ኤ ኡባፓ ካታራ ማቃደስ Ꮉይቆፓ ደንዶራ ቲኖን አንግስ።
COL 1:19 ጾዘ ኩሙꬅ ዎልቅታ ናአይ ግዳ የሳደ ፋና ጾዘ አዳይ ኮይዳ።
COL 1:20 ማህ ማስቃላላ አፋ ላልደ ፋ ናአይ ሱꬅተ ሳሮትꬅ መꬊ ሳሎን ሳአ የዘ ኡባ ኤ ባጋራ ፋራ ጊግዝዳ።
COL 1:21 Ꮉንፓ ቲኖ ይን ቆፋ ኢታትꬅታ ይንታና ጾዛፓ ሻጊ ኤራ ሞርከ ማህዳ፤ ይን ኦችታን ኢታ።
COL 1:22 የዝን Ꮉተ ክርስቶሳ አሾራ Ꮉይቂደ Ꮉይቅት ባጋራ ጾዚ ይንታና ፋራ ጊግዝዳ፥ ጌሹንꬃና፥ ቦረ ባይዙንꬃናን ጽሉንꬃና ማህዳ።
COL 1:23 ይን፥ ይን አማንተ ኤንአንጽ ሚንግ የሳደስ ቤዛነ። ይን ዎንገለ ቃላ ስእደ ዎደ ኤክደ ኡፋይስቶ ምንꬂ አይኮተ። የ ዎንገልዘ ይን ስእዳያን ሳአ ኡባ ሳባክንትዳያ። ታ፥ ጳዉሎሳን Ꮉይ ዎንገልዘስ ኦቻንቾ ማቅዳ።
COL 1:24 ታ ይን ግሾ Ꮉተ ኤክዘ ዋይተ ኡፋይታነ። ክርስቶሳ ፋስ ጋላ ማቅደ ዎሳ ኬꬅትስ ኤክደ ዋይተ አትዳኖ ታኒ ታ አሽተ ፎላነ።
COL 1:25 ጾዘ ቃላ ይንትስ ፋዲ ኦሆደ ጋር ታስ እንግንትደ አደትꬅ ዎልቂተ ዎሳ ኬꬅስ ኦቻንቾ ማቅዳ።
COL 1:26 Ꮉይ ቃልዘ ዛጋ አꬍደ ዎደ የለቱንꬅ ኡባፓ አችንት የዝዳ። የዝን Ꮉተ ጾዚ Ꮉና ሳዛ ቆፍቶ አማንዘ ኡቡንꬅስ ቆንጭዝዳ።
COL 1:27 ጾዚ አይሁደ ማቆሰ አሱንꬅ ግዳ Ꮉና ሳዛ ቆፍቶ ቦንቾ ዱረትꬅታ አኮ ፋና ዳማ የዛኮ ቆንጭሳደስ። ኤዝን ቦንቾ ኡፋይስ ማቅደ ይን ግዳ የዘ ክርስቶሳ።
COL 1:28 ይኒ ግሾ፥ ፈቲ ፈቲ አስ ክርስቶሳ ግዳ ኩሙꬅ አስ ማህ ሺሾደስ ጭንጫትꬅ ኡባ አስ ታማርሰራን ዞረራ ክርስቶሳ ኡን ሳባካነ።
COL 1:29 ጾዚ ፋ ዳማ ዎልቂተ ታ ግዳ ኦችዘ ግሾ Ꮉኖ የሎደስ ኤ ዎልቂተ ዋይተራ ላባነ።
COL 2:1 ታ ይንትስን ሎዶቅያ ካታማ የዘ አሱንꬅስ፥ ይኒ ጋር ታና ኣፈራ ብእካይዘ አሱንꬅ ኡቡንꬅስ አኮ ጋር ኦልንትዛኮ ይን ኤሮደ ፋና ኮያነ።
COL 2:2 ታ ኦልንትዘ ምክናታን ኡን ፋ ዎዝንተ ሚንግ፥ ሲቆራ አጭንቲ፥ ፎሎ ማቅደ ኩሙꬅ ቆፋ ዱረትꬅ ደንግ ጾዘ ሳዛ ቆፍቶ ክርስቶሳ ኤሮደ ፋና።
COL 2:3 ኤ ግዳ አችደ ኤራን ጭንጫትꬅ ኡባ የነ።
COL 2:4 ታ ይኖ ኦደን ይንታና ጭሞ ቃላራ ባልꬃመ ጋር ኮይ ጋነ።
COL 2:5 ታ ይንታፓ Ꮉኪ የዝኮን አያናራ ይንታራ የነ። ይን የስ ዎግቶን ክርስቶሳ ይን ሚንግ አማንዳኖ ብእ ኡፋይታነ።
COL 2:6 ይን ላꬄ ክርስቶስ የሱሳ ኤክዳን ፋና ኤራ የዞተ።
COL 2:7 ኤ ግዳ ጻጶ ዳኮተ፤ ኤ ግዳ ኬጽንቶተ። ይን ታማርዳንፋና አማኖራ ምንጎተ፤ ጾዝስ ኩሚ ላንትዘ ጋላታ እንጎተ።
COL 2:8 ክርስቶሳፓ ማቅካይዝን አስ ዎጋራን Ꮉና አላመ ጨር ዎጋራ ኤቂ ትምርተራን አሳፓ ይእደ ኤራትꬃራ ኦደን ይንታና ጭሚ ባልꬂ ኤካመ ፋና ናግንቶተ።
COL 2:9 ጾዘ ጾዘትꬅታ ክርስቶሳ ጋልተ ኩሙꬅ ቆንጪ የነ።
COL 2:10 ይንትን አደትꬅ ዎልቃ ኡባስ ኦማ ማቅደ ክርስቶሳ ግዳ ኩምዳ።
COL 2:11 ይን ክርስቶሳ አማኒ ጋራዝንትዳ። ይናን አስ ኩሸ ማቅካይዝን ይንታና ኢታ ናጋራ Ꮉኖትꬃፓ ካይዘ ክርስቶሳራ ኦችንትደ ጋራዝንተ።
COL 2:12 ይን ጻማቅንትደ ዎደ ክርስቶሳራ ሞግንቲ፥ ክርስቶሳ Ꮉይቆፓ ደንꬅደ ጾዘ ዎልቃ አማኒ፥ ክርስቶሳራ ደንድዳ።
COL 2:13 ይን፥ ይን ናጋራ ግሾን ይን ናጋራ አሳትꬅታ ጋራዝንትካይዘ ግሾ Ꮉይቂዳ የሻ፥ ጾዚ ይን ናጋርቶ አቶ ጋይዳ። ክርስቶሳራ ይንትስ ደኦ እንግዳ።
COL 2:14 ኤ ኑና ሞቲ ኑራ ኦልንትዘ ህግቶ Ꮉሲ፥ ኑላ አፋ ጻፍንትደ ጋልቶ ፈርእ ማስቃላላ አፋ ሱጺ ኦገፓ Ꮉስዳ።
COL 2:15 ክርስቶሳ ዎልቂቶን አደትꬅቶ ማስቃላላ ጋሚ፥ ኡን ኦላ ማሣርቶ ብልዚ፥ የዝደ አስ ፋና ኦቺ ኡንታና ቆንጭዝ ቤዝዳ።
COL 2:16 ይኒ ግሾ፥ ሙእዘ ባዛራ ዎይ ኡዥዘ ባዛራ፥ ባአለ ዎደ ዎይ አግና ጼርዘ ቃማ ቦንቾራ ሳምባታ ቦንቾራ ኦደን ይንታላ አፋ ፍርድፐ።
COL 2:17 Ꮉንስ ቲኖፓ ዮኦደስ የዘ ባዝስ ዳሾ፥ የዝን ቱርዘ ክርስቶሳ።
COL 2:18 ዎዝናፓ ባይዝን አሽከትꬃራን ኪታንቾ ጎይኖራ ጨር ጬቅንተራ ኦደን ይንታና ፍርድፐ። ይኒ ፋና አስ ፋ ብእደ ቆንጭꬅተ ናሽንትተራ ፋ አሾ ቆፋራ Ꮉሪ ኡቱርታነ።
COL 2:19 የንꬅ ጋርዘ አስስ ኦማ ማቅደ ክርስቶሳራ የልንተ ባያ። ኤ ኡባ ጋልቶን ጋላ ጻጶራን ዎል የልꬅ ሙዚ ድቻነ። ጾዚ ይኒ ጋርዘ ኦገራ ጋላ ኡባስ ድች እንጋነ።
COL 2:20 ይን ክርስቶሳራ Ꮉይቂ Ꮉና አላምቶ አህዘ አያና ዎልቃፓ ዋሎ ከዝዳ። ዬዝን፥ አኮስ ሻክንትካይዘ አስ ፋና ማቂ Ꮉና ዎግትስ አቀተ?
COL 2:21 Ꮉና ዎግታ፥ «አይክፐ፤ ላእፐ፤ ቦችፐ» ጋእንትዙንꬃና።
COL 2:22 Ꮉና ኡባ አስ ዎጋን ትምርተ ማቅደ ግሾ ኦቻላ አፋ ፌዥደፓ ሱባ ꬋቦዳ።
COL 2:23 Ꮉንꬅ ኪቱንꬅ ፋ ቆፋፓ ደንድደ ጎይኖን ጋማ አዳ፥ አሳትꬅ ዋይꬅዛን ግሾ ጭንጫ የዘ ባዝ አዛነ፥ የዝን ኑ ኢታ አሞትꬅትላ አፋ ዎልቃ ኡንትስ ባያ።
COL 3:1 ይኬ፥ ይን ክርስቶሳራ Ꮉይቆፓ ደንድዳን ፋና፥ ጾዛፓ ምዛቅ ዛላራ በትደ ክርስቶሳ የዘ በስተ፥ ሳሎ የዘ ባዝ ኮዮተ።
COL 3:2 ሳሎ የዙንꬃላ አፋ ይን ቆፍቶ ጋዶተ ፋትን ሳአ የዘባዛላ አፋ ጋድፐተ።
COL 3:3 ይን Ꮉይቆራ ሻክንትደ ፋና Ꮉና አላመ ናጋራ ኦቻፓ ሻክንትዳ። ይን ደእታ ክርስቶሳር ዎላ ጾዘ ግዳ አችንትዳ።
COL 3:4 ይንትስ ደኦ ማቅደ ክርስቶሳ ቆንጭዘ ዎደ የ ዎደ ይንትን ኤራ ቦንቾር ቆንጮዳ።
COL 3:5 ይኒ ግሾ፥ ይን ግዳ የዘ አላመ አሞትꬅቶ ዎꬎተ። የንስን ኦላለ፥ ቱናትꬅ፥ ኦላሎደስ አሙ፥ ኤቃ ጎይኖ ፋና ማቅደ ቂር።
COL 3:6 Ꮉንስ ባጋራ ጾዘ ባድꬅ ኪትንቶሰ አሳላ አፋ የኦዳ።
COL 3:7 ይንትን ዛጋ ይና ኢታ ኦግተ Ꮉንትተራ Ꮉንሳና ኦችተራ የሻ።
COL 3:8 Ꮉተ ይን Ꮉንሳና ባድꬅ፥ እጻ፥ ካች፥ ዝግርስ፥ ቦርስዘ ኦሄ ይንታፓ Ꮉሶተ።
COL 3:9 ጋልአ አሞትꬅቶ እ ኦችትራ ይንታፓ ጋርደ ግሾ ፈተ ፈተስ ዎርድꬍፐተ።
COL 3:10 ጾዘ መꬎ አዝዘ፥ ኤራትꬃራ ላምንትደ ክለ Ꮉኖትꬅ ማኦተ።
COL 3:11 Ꮉና ክለ መትꬅተ፥ ግርኬ አስ ዎይ አይሁደ አስ፥ ጋራዝንትደ ዎይ ጋራዝንትካይዘ፥ ባርባረ አስ ዎይ እስኩተ አስ አሮ ዎይ ቦንቾ አስ ባያ። ክርስቶሳ ኡባ፤ ኤ ኡባነ የነ።
COL 3:12 ይኒ ግሾ፥ ጾዛራ ዶርንትደ አስ ፋና ጌሹንꬃናን ካꬍንትዱንꬃና ማቂ፥ ማሮትꬅ፥ ኬሃትꬅ፥ አሽከትꬅን ዳንዳአ ማኦተ።
COL 3:13 ፈታይ ፈታ ዳንዳኦተ። ኦደን ላገ ቆህደ የዝኮ ኤስ አቶ ጋኦ። ላꬂ ይንትስ አቶ ጋእዳን ጋራ ይንትን ዎልስ አቶ ጋኦተ።
COL 3:14 ይና ኡባንላ አፋ ኡባኖ ፈትላ ሺሺ አጭዘ ሲቆ ማኦተ።
COL 3:15 ጾዚ ይንታና ፈቲ አስ ማህ ጼግዳና፥ ሳሮትꬅስ ማቅደ ግሾ ክርስቶሳ ሳሮትꬅታ ይን ዎዝንቶ አሆ፤ ጋላትዙንꬃናን ማቆተ።
COL 3:16 ክርስቶሳ ቃላ ይን ዎዝንተ ኩሚ የዞ። ጭንጫትꬅ ኡባ ፈተ ፈታያ ታማርሶተን ዞሮተ። ማዝሙረራ፥ ናሸራ አያና የꬃራ ጾዛ ዎዝናፓ ጋላትተራ የጾተ።
COL 3:17 ጾዘ አዳይ የሱሳ ባጋራ ጋላትተራ ይን ኦህንትዘባዝ ዎይ ኦችዘባዝ ኡባ ላꬄ የሱሳ ሱንꬅተ ኦቾተ።
COL 3:18 ማቹንꬆ፥ አማንዘ አስስ በዝዘ ባዝ ማቅደ ግሾ ይን አዝኑንꬅስ አቆተ።
COL 3:19 አዝኑንꬆ፥ ይን ማቹንꬃና ካꬎተ፤ ኡንትስ ኢትፐተ።
COL 3:20 ናኡንꬆ፥ ይንታና የልዱንꬅስ ኡባ ባዛ ኪትንቶተ፤ ይና ላꬂ ኡፋይስዘ ባዝ።
COL 3:21 አዱንꬆ፥ ይን ናኡንꬅ ኡፋይስ ጋቻመ ጋር ኡንታና ዥልዝፐተ።
COL 3:22 አሩንꬆ፥ ሳአ ይንትስ ላꬂ ማቅዱንꬅስ ኡባ ባዛ ኪትንቶተ። ላꬂ ቦንችተራ ሉለ ዎዝናፓ ኪትንቲ ኡንታና ኡፋይሶተ ፋትን አስ ቦኦ ጋእ ኦችፐተ።
COL 3:23 ይን ኦችዘ ኦችቶ ኡባ አስስ ማቅካይዝን ላꬅስ ኦችዘ ፋና ዎዝናፓ ኦቾተ።
COL 3:24 ላꬃፓ ላታ ዎይቶ ይን ኤኮዳኖ ኤሮተ፤ ይን ላꬄ ክርስቶሳስ ኦቻነ።
COL 3:25 ጾዚ አስ ስኖ ብእ ፍርዶሰ ግሾ ኦደን ኢታ ኦቻ ኦችኮ ፋ ኢታ ኦችት ግሾ ኩሸ ማሄ ኤኮዳ።
COL 4:1 ላꬁንꬆ፥ ይንትስን ማህ ሳሎ ላꬂ የዛኖ ኤሪ፥ ይን አሩንꬅስ ጽሎትꬃራ ፈታ ፈተፓ ሻክካይዛራ ኮሽዘ ባዝ ኦቾተ።
COL 4:2 ጾዛ ባርክ ጋላትተራ ጋችካይዛራ ዎሶተ።
COL 4:3 ጾዚ ፋ ቃልትስ ፉርꬅቶ ቡጎደ ፋናን ታኒ ይኒ ምክንያተር አቻ የዘ ክርስቶሳ ሳዛ ቆፍቶ አዋጆደ ፋና ኑስን ዎሶተ።
COL 4:4 ማህ ታንን ቤዛን ፋና ቃላ ቆንጭዝ ኦሆደ ፋና ታስ ጾዝ ዎሶተ።
COL 4:5 ዎትዘ ዎደ ኡባ ማድንቲ አማኖሰ አስ ካለ ጭንጫትꬃራ የዞተ።
COL 4:6 ይን አስ ኡባስ ኮሽዘ ማሄ እንገ ኤሮደ ፋና ይን ኦህታ ኡባ ዎደ አꬎ ኬሃትꬃራ ኩምዳን ሶገር ማልእዛ ማቃደስ ቤዛነ።
COL 4:7 ኑ ሲቆ እሸ ትክቆሳ፥ ታራ ዎላ ላꬄ ኦችተ አሮ ማቅደ፥ አማንꬅዘ ኦቻንቾ፥ ታ የስት ባዝ ይንትስ ኦሆዳ።
COL 4:8 ታኒ ኤዛ ይንታጎ ኪትዳና፥ ኑ ዋይዝ የዛኮ ይንትስ ኦህ ይንታና ምንꬅꬆደ ፋና።
COL 4:9 አናስሞሳ፥ አማንꬅዘ ሲቆ እሸ፥ ይን ባጋ፥ ኤራ ይንታጎ Ꮉንጋነ። ኡን Ꮉነ Ꮉንዘባዝ ኡባ ይንትስ ኦሆዳ።
COL 4:10 ታራ አጭንተዘ አርስጥሮኮሳን ባርናባሳ እሸ ናአይ ማርቆሳ፥ ይንታና ሳሮ ጋነ። ታ ይንትስ ዛጋ ኦህዳን ፋና ማርቆሳ ይንታጎ Ꮉንግኮ ኤዛ ሞኮተ።
COL 4:11 ኢያሱ ጋዘ ኢዮስጦሳ ይንታና ሳሮ ሳሮ ጋነ። ጾዘ ካእቱሞ ግሾ ታራ ኦችዘ አሱንꬅ ግዳፓ አይሁደ ማቅዱንꬅ፤ ታና ጋማ ምንꬅꬅዳ።
COL 4:12 ይን ባግዘ፥ ክርስቶስ የሱሳ አርዘ፥ ኤጳፍራ ይንታና ሳሮ ሳሮ ጋነ። ኤ ይን ጾዘ ቲኖ ሚንግ ኤቆደ ፋናን ጾዘ ቆፋ ኤሪ ፎሎደ ፋና ኡባ ዎደ ጾዚ ይን ግሾ ዎሳነ።
COL 4:13 ኤ ይን ግሾን ሎዶቅያን ህራፖሊሰ ካታማ የዘ አሱንꬅ ግሾ ጋማ ላቢዳኖ ታ ማርክꬋነ።
COL 4:14 ኑ ሲቆ እሸ አክምዘ ሉቃሳን ዴማሳ፥ ይንታና ሳሮ ሳሮ ጋነ።
COL 4:15 ሎዶቅያ የዘ ኑ እሹንꬅስ፥ ንምፋሳን እ ኬꬅተ ሺቅዘ አሱንꬅስ ኑ ሳሮትꬅቶ ኦሆተ።
COL 4:16 Ꮉይ ዳብዳቢዛ ይን ናባብዳንፓ ሱባ፥ ሎዶቅያ ዎሳ ኬꬃ ናባብዞተ። ይንትን ሎዶቅያ ዎሳ ኬꬅታ ይንትስ ዳክዘ ዳብዳብቶ ናባቦተ።
COL 4:17 ማህ አርክጳሳ፥ «ላꬂ ኔስ እንግደ ኦችቶ ፎሎዳኖ ቦትፐ» ጋእ ቆፍዞተ።
COL 4:18 ታኒ፥ ጳዉሎሳ፥ Ꮉና ሳሮትꬅቶ ታ ኩሽትራ ጻፍዳ። ታ አችቶ ቆፖተ። ጾዘ አꬎ ከሃትꬅታ ይንታራ ማቀ።
1TH 1:1 ጳዉሎሳ ስላሰን ጢሞትዮሳ ተሰሎንቄ ዎሳ ኬꬃ የዘ አሱንꬅስ፥ ጾዘ አደስን ላꬄ የሱስ ክርስቶሳስ ማቅደ አሱንꬅስ ጻፍደ ኪታ። አꬎ ኬሃትꬅን ሳሮ ይንትስ ማቀ።
1TH 1:2 ኑኒ ጾዝ ዎስዘ ዎደ ኡባ ይንታና ቆፕተራ ይን ግሾ ኡባ ዎደ ጾዛ ጋላታነ።
1TH 1:3 ጾዘ ኑ አዳይ ቲኖ አማኖራ ይን ኦችደ ኦቻ፥ ሲቆራ ይን ላብደ ላብꬅቶ የሱስ ክርስቶሳራ የዘ ኡፋይስቶ ኤኮደስ ይን ሚንግ ኤቅደ ኤቅቶ ኡባ ዎደ ቆፓነ።
1TH 1:4 ኑ እሹንꬆ፥ ጾዚ ይንታና ካꬍዛኖን ፋ ባዝ ማህ ይንታና ዶርዳኖ ኤራነ።
1TH 1:5 አኮስ ጋይኮ፥ ኑኒ ዎንገለ ዶናራ ጻላላ ባይዝን ዎልቃራ፥ ጌሽ አያናራን ዎንገለ ምንꬂ አማኖራ ይንትስ ክእዳ። ኑኒ ይንታራ ጋምእደ ዎደ ኡባ ይን ግሾ ዋይዝ የዘዛኮ ይን ኤራነ።
1TH 1:6 ይን ጋማ ማꬋ ኤክኮን ጌሽ አያና እንግዘ ኡፋይሳራ ኪቶ ኤክዳ፤ ኑናን ኑ ላꬃ አዝዙንꬃና ማቅዳ።
1TH 1:7 ይኒ ግሾ፥ መቀዶንያን አካያ አዉራጃ የዘ አማንዘ ኡቡንꬅስ አዝዘ ማቅዳ።
1TH 1:8 ላꬄ ቃላ ይንታፓ ኬዚ፥ መቀዶንያን አካያ ጻላላስ ባይዝን ጾዛ ይን አማንዛና ኡባ በሳ ስንትዳ። ይኬ፥ ኑ ጋዉደ ባዝ አኮን ባያ።
1TH 1:9 ኑኒ ይንታጎ Ꮉንግደ ዎደ ይን ኑና ሞክደ ሞክተ ይን፥ ይን ኤቅቶ አሺ ቱሮን ደኦ ጾዛ ማዶደስ ይን ማቅዳኖ ኡን ፋ ኦምተ ኦህነ።
1TH 1:10 ማህ ጾዘ ናአያ፥ የሱሳ፥ ጾዚ Ꮉይቆፓ ደንꬅዳኖ፥ ቲኖፓ ዮኦደስ የዘ ጾዘ Ꮉንቆፓ ኑና አሾዳያ፥ ሳሎፓ ዮኦዳያ ይን ናግዛኖ ማርክꬋነ።
1TH 2:1 ታ እሹንꬆ፥ ኑኒ ይንታጎ Ꮉንግዳና Ꮉሪ ባይዛኖ ይን፥ ይን ኦምተ ኤራነ።
1TH 2:2 የዝን ኑኒ ይንታጎ ተሰሎንቄ ዮኦደፓ ቲኖ ፍልጵስዩሳ ካታማ ዋይንተዛኖን ጫዥንትዳኖ ይን ኤራነ። ጋማ ኑና እጽዘ የዝኮን ይንትስ ኤ ዎንገለ ኦሆደ ፋና ጾዚ ኑስ ምንꬅትሞ እንግዳ።
1TH 2:3 ኑኒ ይንታና ዞርደ ባልራ ዎይ ጭሞራ ዎይ ገነራ ባያ።
1TH 2:4 የዝን ጾዚ ኑና ቤዙንꬃና ጋእ ፋይድደ ግሾ ዎንገለ ኦሆደ ፋና ኑስ Ꮉዳራ እንግደ ግሾ ኦህነ። ኑ ይኖ ኦችዘ ኑ ዎዝንቶ በእዘ ጾዛ ኡፋይሶደስ ፋትን አስ ኡፋይሶደስ ባያ።
1TH 2:5 ኑ ሚሸ ዥምባሪ ዎርዶ ይንታና ሳብተራ ይንታጎ ይእካይዛኖ ሎይꬂ ኤራነ፤ ጾዚ ኑስ ማርካ።
1TH 2:6 ኑኒ ይንታፓ ማቅን ዎይ መለ አስ ኦደፋን ቦንቾ ኮይካያ።
1TH 2:7 ኑኒ ክርስቶሳ ሐዋረ ማቅዳን ፋና ኑስ ኮሽዘ ባዝ እንጎተ ጋእ ኤኮደስ ዳንዳአነ፥ የዝን እንታ ፋ ናኡንꬃና ድችዛን ፋና ይን ግዳ አሽከ ማቅዳ።
1TH 2:8 ኑ ይንታና ካꬍደ ግሾ ጾዘ ዎንገለ ይንትስ ሻከ ጻላላ ባይዝን ኑ ሸምፕቶ ይንትስ እንጎደስ ጊግዳ። ይን ኑስ ጋማ አልኦ።
1TH 2:9 ኑ እሹንꬆ፥ ኑ ኦችቶን ኑ ላብꬅቶ ኤራነ። ይንትስ ጾዘ ዎንገለ ኦህተራ፥ ይንታና ዋይꬃመ ፋና ቃማን አዋራ ኦችዳ።
1TH 2:10 ኑ የስታ ይን አማንዙንꬅ ካለን ጾዘ ቲኖ ጌሽ፥ ጽሎን ቦርንቶሱንꬃና ማቅዛንስ ይንትን ጾዝን ማርካ።
1TH 2:11 ኑኒ ይንትስ ኦምተ ኦምተ የልዱንꬅ ፋ ናኡንꬅስ ኦችዛን ፋና ኦቾዳኖ ኤራነ።
1TH 2:12 ኑ ይንታና ዞርዳ፥ ምንꬅꬅዳ። ማህ ፋ ካእቱምቶን ፋ ቦንችቶ ግሽንቶደስ ይንታና ጼግደ ጾዛ ኡፋይስዘ ደኦ ይን የሳደ ፋና ይንትስ ምንꬅ ኦህዳ።
1TH 2:13 ይንትስን ኑኒ ጾዘ ቃላ ኦህደ ዎደ አስ ቃላ ፋና ባይዝን ጾዘ ቃላ ፋና ስእ ኤክደ ግሾ ኑኒ ኡባ ዎደ ጾዛ ጋላታነ። ኤ ቱሪ ጾዘ ቃላ፤ ጾዘ ቃላ አማንዘ ይን ግዳ ኦቻነ።
1TH 2:14 ታ እሹንꬆ፥ ይን ይሁዳ ሳአ የዘ ዎሳ ኬꬅተን የይጋ ክርስቶሳ የሱሳ ካልዘ አሱንꬅ ፋና Ꮉንዳ። ኡን አይሁዱንꬅ ዋይꬅዛንፋና ይንታናን ይን ሳአ የዘ አሱንꬅ ዋይꬅዳ።
1TH 2:15 የንꬅ አይሁዱንꬅ ላꬄ የሱሳን ናቡንꬃና ዎꬍዳ፤ ማህ ኑና ባይእዳ። ኡን ጾዛ ኡፋይሶሱንꬃናን አስ ኡባ እጽዙንꬃና።
1TH 2:16 ኡን መለ አቶ የዝን፥ አይሁደ ማቆሰ አሱንꬅን አቶደ ፋና ኑኒ ኡንትስ ቃላ ኦህዛኖ ካያነ። ይኒ ጋር ዪዚ ኡን ናጋርት ጹእታ ኩሞደ የሎደስ ኡባ ዎደ ናጋራ ኦቻነ። ዉርሱꬅተ፥ ጾዘ ካች ኡንታላ አፋ ዎꬋነ።
1TH 2:17 የዝን ኑ እሹንꬆ፥ ኑኒ ኑ አያናራ ባይዝን አሾራ ይንታፓ ሻክንት ኤራꬅ ዎደ ጋምእዳነ ይንታና ጋማ አሙꬊ በአደስ ኮይዳ።
1TH 2:18 ኑ ማቂ ይንታጎ Ꮉንጎደስ ኮይዳ። ታኒ ታ ኦምተ ይንታጎ Ꮉንጎደስ ኮይዳ፥ የዝን ጻላሄ ኑና ካይዳ።
1TH 2:19 ይኬ፥ ኑ ላꬄ የሱስ ክርስቶሳ የእዘ ዎደ ኑ ኡፋይስታ ዎይ ኑ ጬቅንትዘ ኑ ዎይቱንꬅ ኦደ? ይንታና ባነ?
1TH 2:20 ቱሮ ይን ኑስ ቦንቾን ኑስ ኡፋይስ።
1TH 3:1 ይኒ ግሾ፥ ኑ ይንታና በአንጽዳነ ኑስ ገንጮደስ ዳንዳእንታንጽን፥ አቴና ካታማ ኑ ጻላላ አቶደስ ቆፋ አጭዳ።
1TH 3:2 ይንታና ዞሮደ ፋና አማኖራ ይንታና ምንꬅꬆደ ፋና ኑራ ዎላ ጾዝስ ኦችዛን ክርስቶሳ ዎንገለ ኦህዘ ኑ እሻይ ጢሞትዮሳ ይንታጎ ዳክዳ።
1TH 3:3 ይናን ይንታና የልደ ዋይተ ይንታፓ ኦደን ሱብ ማቅፈ። ይና ዋይታ ኑስ ጾዘ ቆፋ ማቅዳኖ ይን፥ ይን ኦምተ ኤራነ።
1TH 3:4 ኑ ይንታራ የዘ ዎደ ዋየ ኑና የሎዳኖ ይንትስ ቲንꬊ ኦህዳ። ይን ኤርዛን ፋና Ꮉንዳ።
1TH 3:5 ይኒ ግሾ፥ ታስ ገንጮደስ ዳንዳእንታንጽን፥ «ኦደ ኤርዘ ጻላሄ ኡንታና ፋታኒ ኑ ላቢꬅቶ ጨር አሽካይዛራ አታማ» ጋእ ይን አማንትባዝ ኤሮደስ ጢሞትዮሳ ይንታጎ ኪትዳ።
1TH 3:6 Ꮉተ ጢሞትዮሳ ይን ካለፓ ይእ፥ ይን አማንትባዝ ይን ሲቅትባዝ ሎኦ ዎረ ኦህዳ። ማህ ይን ኡባ ዎደ ኑስ ሎኦ ቆፕዛኖን ኑኒ ይንታና በአደስ አሙꬍዛኖ ይን ኑና በአደስ አሙꬍዛኖ ኤ ኑስ ኦህዳ።
1TH 3:7 ታ እሹንꬆ፥ ኑና የልዘ ዋይተን ማꬍተ ማቅኮን ይን አማንቲ ግሾ ምንግዳ።
1TH 3:8 ይን ላꬃራ ሚንግ የዝኮ ኑስን ደኦ።
1TH 3:9 ይኬ፥ ኑኒ ይን ባጋራ ደንግደ ኡፋይስትስ ጾዛ ዋይዝ ጋላቶደ?
1TH 3:10 ኑኒ ይንታና በአደስን ይን አማንተ ፋጭደባዝ ኩንꬆደስ ቃማን አዋራ ኑ ኩሙꬅ ዎዝንተ ጾዝ ዎሳነ።
1TH 3:11 ጾዘ ኑ አዳይ ፋ ኦምተ ኑ ላꬄ የሱስ ኑ ይንታጎ Ꮉንጎደ ኦግቶ ጊግዞ።
1TH 3:12 ኑ ይንታና ጋማ ካꬍዛን ፋና ላꬂ ይንታና ፈታያ ፈታያ ሲቅዘ ሲቅተ አስ ኡባ ሲቆ ይንትስ ጋንꬅ ጉጆ።
1TH 3:13 ኑ ላꬄ የሱስ ክርስቶሳ ፋ ጌሹንꬃራ ይእዘ ዎደ ጾዘ፥ ኑ አዳይ ቲኖ ይን ዎዝንታ ጌሽን ቦረ ባይዛ ማህ ኤ ይንታና ምንꬅꬆ።
1TH 4:1 ዉርሱꬅተ፥ ታ እሹንꬆ፥ ጾዛ ኡፋይሶደስ ይን ዋይዝ የሳደስ ቤዝዛኮ ኑፓ ታማርዳ። ይኖ ይን ቲኖፓ የዝደ የስ፥ የዝን Ꮉተ ይን ቲኖስትፓ አꬂ ኦቾደ ፋና ላꬄ የሱሳ ቲኖ ይንታና ዎሳነን ዞራነ።
1TH 4:2 ኑ ላꬄ የሱሳ ሱንꬅተ አኮ ኪታ እንገዛኮ ኤራነ።
1TH 4:3 ጾዚ፥ ይን ጌሽ ማቃደ ፋናን ኦላለ Ꮉንታመ ፋና ኮያነ።
1TH 4:4 ይን ፈታይ ፈታይ፥ ይን ማቹንꬃራ ጌሻትꬃራን ቦንቾራ የሳደስ ቤዛነ።
1TH 4:5 ጾዛ ኤሮሰን አማኖሰ አስ ፋና ኦላለ Ꮉንተራ አሞራ ኤጽንትፐተ።
1TH 4:6 ኑ ዛጋ ይንትስ ኦህዳን ፋና ምንꬂ ዞሪዳንፋና ላꬂ ይኒ ፋና ኦችዛ ኡባ ፍርድዘ ግሾ ኦንን Ꮉንሳራ ፋ አማንዘ እሻያ ቆሆደስን ጭሞደስ ቤዞስ።
1TH 4:7 ጾዚ ኑኒ ጌሻትꬃራ የሳደ ፋና ፋትን ቱኒ የሳደ ፋና ጼግካያ።
1TH 4:8 ይኒ ግሾ፥ Ꮉና ትምርትት ቆፍቶ እጽዘ ኦደን ይንትስ ጌሽ አያና እንግደ ጾዘ ቆፋ እጻነ ፋትን አስ ባያ።
1TH 4:9 ይን ፈታይ ፈታይ ዋይዝ ሲቆድየዛኮ ጾዚ ይንታና ታማርስደ ግሾ Ꮉተ ሲቆባዝ ኑ ይንትስ ጻፎደስ ቤዞስ።
1TH 4:10 ማህ መቀዶንያ የዘ አማንዙንꬃና ኡባ ቱሮ ይን ካꬋነ። የዝን ኑ እሹንꬆ፥ Ꮉተን ይን ኡንታና አꬂ ካꬎደ ፋና ይንታና ዎሳነ።
1TH 4:11 ኑኒ ቲኖ ይንትስ ኦህዳን ፋና ዎፑ ጋይደ የስ የዞተ። ይን፥ ቤዝዘ ኦቻ ኦቺ ይንትስ የሳደስ ኮሽዘ ባዝ ደንጎተ።
1TH 4:12 ይኒ ፋና Ꮉንኮ፥ አማኖሰ አሱንꬅ ካለ ይን ቦንችንቶዳ፤ ማህ ይንታና ኮሽዘ ባዝስ ኦደስን አዳሻማ።
1TH 4:13 ኑ እሹንꬆ፥ አማኒ Ꮉይቅደ አሱንꬅ Ꮉኖደባዝ ይን ኤሮደ ፋና ኮያነ። ይን ኡን ግሾ ኡፋይስ ባይዘ አስ ፋና አዛንፈተ።
1TH 4:14 ኑኒ፥ የሱሳ Ꮉይቅዳኖን ማህ Ꮉይቆፓ ደንድዳኖ አማናነ። ይኒ ጋር፥ ጾዚ የሱሳ አማኒ Ꮉይቅዱንꬃና ኤራ ዎላ ኮኦዳኖ አማናነ።
1TH 4:15 ላꬂ ኑስ ኦህዳን ፋና ላꬂ የእዘ ቃማ ኤራ የልንቶደስ ኑኒ ፋጻ የዙንꬅ፥ Ꮉይቅዱንꬃፓ ቲኖስ።
1TH 4:16 ላꬂ ዳማ ኪታ ኦꬃራ፥ ኪታንቹንꬅ Ꮉላቃ ኦꬃራ፥ ጾዘ ሞይዘ ኦለራ፥ ሳሎፓ ዎꬎዳ። ክርስቶሳ አማኒ Ꮉይቅዱንꬅ ቲኒ Ꮉይቆፓ ደንዶዳ።
1TH 4:17 ይንፓ ሱባ፥ የ ዎደ ኑኒ ፋጻ የዙንꬅ፥ ላꬃራ ꬎነላ የልንቶደስ ኡንታራ ዎላ ሳሎ ኤክንቶዳ። ይንፓ ሱባ፥ ኑኒ ላꬃራ ዎላ መꬍናስ የሳዳ።
1TH 4:18 ይኒ ግሾ፥ Ꮉና ቃልተ ፈታይ ፈታያ ምንꬅꬆተ።
1TH 5:1 ታ እሹንꬆ፥ Ꮉና Ꮉኖደ ዎደን አግና ይንትስ ጻፎደስ ኮሾስ።
1TH 5:2 ላꬄ ቃምታ ካይዞ ቃማ የእዛን ፋና ዮኦዳኖ ይን ሎይꬂ ኤራነ።
1TH 5:3 አሱንꬅ፥ «ሳአ ሳሮ፥ አኮን Ꮉኖስ» ያጋዝን፥ ማቾ የሎ ꬋኤ አይክዛን ፋና ꬋበ ኡን ቆፕካይዝን ኡንታላ አፋ ዮኦዳ። ኡን አኮ ኦገራን ከስ ኤካማ።
1TH 5:4 የዝን ኑ እሹንꬆ፥ ይና ቃምታ ይንትስ ካይዞ የእዛን ፋና ዮኦደስ ይን ꬉማ ባያ።
1TH 5:5 ይን ኡባ ፎኦ አስን አዋራ የዘ አስ፤ ኑኒ ቃማ አስ ዎይ ꬉማ አስ ባያ።
1TH 5:6 ይኒ ግሾ፥ ኑኒ መሉንꬅ ገንትዛን ፋና ገንቶደስ ቤዞስ፤ ኑኒ ባርኮደስን ጊጊ የሳደስ ቤዛነ።
1TH 5:7 ገንትዙንꬅ ቃማ ገንታነ፤ ማꬅንትዙንꬅ ቃማ ማꬅንታነ።
1TH 5:8 የዝን ኑኒ አዋራ አስ ማቅደ ግሾ ጊጊ የሳደስ ቤዛነ። አማኖን ሲቆ ጹሩረ ፋና ማእ፥ አቶትꬅ ኡፋይስ ኦማ ጋድዘ ኦላ መቆ ባርኔጻ ጋዲ የሳደስ ቤዛነ።
1TH 5:9 ጾዚ ኑና ኑ ላꬄ የሱስ ክርስቶሳ ባጋራ ኩሙꬅ አቶትꬅ ኤኮደ ፋና ዶርዳ ፋትን ካችስ ዶርካያ።
1TH 5:10 ኑኒ ፋጻ የዝኮ ዎይ Ꮉይቂኮ፥ ክርስቶሳ የእዘ ዎደ ኤራ ዎላ የሳደ ፋና ክርስቶሳ ኑ ግሾ Ꮉይቂዳ።
1TH 5:11 ይኒ ግሾ፥ ይን ቲኖ ኦችዛን ፋና፥ ፈታይ ፈታይራ ዞርንቶተን ምንꬅꬆተ።
1TH 5:12 ኑ እሹንꬆ፥ ይን ግዳ ኦቺ ላብዙንꬃና፥ ላꬄ ሱንꬅተ ይንታና ካልꬆደ ፋናን ዞሮደ ፋና ዶርዱንꬃና ቦንቾደ ፋና ይንታና ዎሳነ።
1TH 5:13 ኡን ኦችዘ ኦችት ግሾ ኡንታና ጋማ ቦንቾተን ሲቆተ። ፈታይ ፈተራ ሳሮራ የዞተ።
1TH 5:14 ኑ እሹንꬆ፥ ኑኒ ይንታና ዞራነ። ቦዙንꬃና ካጮተ፤ ዣሽትዙንꬃና ምንꬅꬆተ፤ ላብዱንꬃና ማዶተ፤ አስ ኡባ ዳንዳኦተ።
1TH 5:15 ኦደን ኢታ ግሾ ኢታ ማሀመ ፋና ናግንቶተ። ይን ዎልስን አስ ኡባስ ሎኦ ባዝ ኦቾደስ ምንጎተ።
1TH 5:16 ኡባ ዎደ ኡፋይቶተ።
1TH 5:17 ኡባ ዎደ ጾዝ ዎሶተ።
1TH 5:18 ኡባ ባዛ ጋላቶተ። ክርስቶስ የሱሳ ባጋራ ጾዚ ይንታፓ ኮይዛና ይኖ።
1TH 5:19 ጌሽ አያና ታማ ꬋብስፐተ።
1TH 5:20 ትንቢተ ቃላ ለቅፐተ።
1TH 5:21 ኡባ ባዝ ፋታኖተ፤ ሎኦ ባዝ ኤኮተ።
1TH 5:22 ኢታ ባዝ ኡባፓ Ꮉኮተ።
1TH 5:23 ሳሮ እንግዘ ጾዘ ፋ ኦምተ ይንታና ጌሾ። ኑ ላꬄ የሱስ ክርስቶሳ ዮኦደ ቃማስ፥ ጾዚ ይን አያና፥ ይን ሸምፕቶን ይን ኩሙꬅ ጋልቶ ቦረ ባይꬅ ናጎ።
1TH 5:24 ይንታና ጼግዘ አማንንትዳያ ማቅደ ግሾ ይኖ ኤ ፎሎዳ።
1TH 5:25 ኑ እሹንꬆ፥ ኑስ ጾዝ ዎሶተ።
1TH 5:26 አማንዘ አሱንꬃና ኡባ ጌሽ ዬርንተራ ሳርꬆተ።
1TH 5:27 ይን Ꮉና ኪቶ አማንዘ አስ ኡቡንꬅስ ናባቦደ ፋና ላꬄ ሱንꬅተ ይንታና ዎሳነ።
1TH 5:28 ኑ ላꬄ የሱስ ክርስቶሳ አꬎ ኬሃትꬅ ይንታራ ማቀ። አምንኤ።
2TH 1:1 ጳዉሎሳ፥ ስላሰን ጢሞትዮሳ ተሰሎንቄ ዎሳ ኬꬃ የዘ፥ ጾዘ አዳይ ባዝን ላꬄ የሱስ ክርስቶሳ ባዝ ማቅደ አሱንꬅስ ጻፍደ ኪታ።
2TH 1:2 ጾዘ ኑ አዳይፓን ላꬄ የሱስ ክርስቶሳፓ አꬎ ኬሃትꬅን ሳሮትꬅ ይንትስ ማቀ።
2TH 1:3 ኑ እሹንꬆ፥ ይን አማኖራ ይን ፈታይ ፈታያን መሉንꬃና ሲቅዘ ሲቅታ ጋማ ድጭዘ ግሾ ኑኒ ይንስ ጾዛ ኡባ ዎደ ጋላቶደስ ቤዛነ።
2TH 1:4 ይንታና የልደ ባይእተን ማꬋ ኡባነ ገንጨራን አማኖራ ሚንግ ኤቅደ ግሾ ኑኒ ኑ ኦምተ ጾዘ ዎሳ ኬꬃ ይን ባዝ ማርክꬍተራ ይንታላ ጬቅንታነ።
2TH 1:5 ይን ኤ ግሾ ጋእ ማꬋ ኤክዘ ጾዘ ካእቱሞስ ቤዝዙንꬃና ማቂ ፋይድንቶደ ፋና ጾዘ ጽሎ ፍርዳስ Ꮉና ማላ።
2TH 1:6 ጾዚ ቱሪ ፍርዳ ፍርዶዳ። ጾዚ ይንታና ዋይꬄዙንꬃላ አፋ ዋየ ኮኦዳ።
2TH 1:7 ላꬄ የሱሳ ፋ ዎልቃማ ኪታንቹንꬃራ፥ ሳሎፓ የእዘ ዎደ ዋይንትዘ ይንታናን ኑና ሸምፕሳዳ።
2TH 1:8 ማህ ጾዚ ፋና ኤሮሱንꬃናን ኑ ላꬄ የሱስ ክርስቶሳ ዎንገለስ ኪትንቶሱንꬃና ታማ ሎጸራ ፍርዶዳ።
2TH 1:9 ኡን ላꬄ ቲኖፓን ኤ ቦንቾ ዎልቃፓ ሻክንት መዽና ꬋበ ፍርድንቶዳ።
2TH 1:10 ይና ቃምተ፥ ይን ኑ ማርካትꬅቶ ኤኪ አማንዙንꬅ ኤ ቦንችንቶደስን ሳብንቶደስ የእዘ ዎደ ኑ ይንትስ ኦህደ ኪቶ ይን አማንደ ግሾ ይን ኤዛ ቦንችዙንꬅ ግዳን ሳብዙንꬅ ግዳ የሳዳ።
2TH 1:11 ኑኒ ይንትስ ኡባ ዎደ ጾዝ ዎስዛና ይንስ። ኑ ጾዘ ይንታና ጼግደ ደኦስ ቤዝዙንꬃና ማቂ ፋይድንቶደ ፋና ኑኒ ዎሳነ። ይን ሎኦ ባዝ ኦቾደስ አሙꬍዘ አምቶን ይን አማኖ ኦችቶ ኤ ፋ ዎልቃራ ፎሎ።
2TH 1:12 ይነ ኑ ጾዛን ኑ ላꬄ የሱስ ክርስቶሳ አꬎ ኬሃትꬅተ፥ ላꬄ የሱሳ ሱንꬅቶ ይን ቦንቾዳ፤ ይንታናን ኤ ቦንቾዳ።
2TH 2:1 ኑ እሹንꬆ፥ ኑ ላꬄ የሱስ ክርስቶሳ ላምእንꬃ የእትባዝ ኑ ኤራ የልንቶደ ባዝስን ሺቆደ ባዝስ ኑ ይንታና ዎሳነ።
2TH 2:2 ትንቢተራ ዎይ መለ አሳፓ ስእደ ቃላራ ዎይ ኑፓ ኤክደ ኪታ ፋና ማህ፥ «ላꬂ ማቂ ይእዳ» ጋእ ይን ዎዝንታ ይርግፐን ሶእፐ።
2TH 2:3 ይንታና ኦደን አኮ ኦገራን ባልꬅፈ። ቲኒ ባልꬅዘ ቆንጭካይዝን ገነ አꬄ ኤዝን ꬋበ ናአይ ይእካይዝን፥ ላꬄ ላምእንꬃ የኤ ቃማ የሎስ።
2TH 2:4 አስ ጎይንዘ ባዝን ጾዝ ማህዘባዝ ኡባ እጺ ፋና ꬎቅ ዪሳዳ። መለ አቶ የዝን፥ ጾዘ ኬꬃ ገሊ በቲ፥ «ታኒ ጾዝ» ያጋዉዳ።
2TH 2:5 ታኒ ይንታራ የዝተራ ይንትስ ኦህዳኖ ቆፖስ የሳነ?
2TH 2:6 የ ገነ አꬄ ኤ ፋ ቃማ ዮኦዳ ፋትን Ꮉተ የአመ ፋና አኮ ኤዛ ተቅዛኮ ይን ኤራነ።
2TH 2:7 አሱንꬅስ ቆንጭካይዘ ገነትꬅ ሳዛ ቆፋ Ꮉተን ኦቻነ፥ የዝን Ꮉተ ኤዛ ተቂዘ የነ። ኤዛ ተቅዘ ኦገፓ Ꮉልእደ ዎደ ኤ ቆንጮዳ።
2TH 2:8 ይንፓ ሱባ፥ ገነ አꬄ ቆንጮዳ፥ የዝን ላꬄ የሱሳ ፋ ዶንትፓ ከዝዘ ካሶራ ፋ ቦንቾ የእተ ኤዛ ዎꬎዳ።
2TH 2:9 ገነ አꬄ ጻላሄ ዎልቃራ ይእ ዎርዶ ክለ ባዝን ጋማ ቆፍዘ ማላ ባዝ ኦቾዳ።
2TH 2:10 ይኒ ፋናን፥ ꬋበስ የዘ አሱንꬃና ዱማ ዱማ ጭምዘ ኢታ ኦቻራ ባልꬆዳ። ኡን ꬋብዳና አሽዘ ቱርዛ ካꬊ ኤካንጽደ ግሾስ።
2TH 2:11 ይኒ ግሾ፥ ኡን ዎርዶ ማቅዘ ባዝ አማኖደ ፋና ጾዚ ዎልቃማ ባል ኡንታላ ዳኮዳ።
2TH 2:12 ይናን፥ ቱሮ አማኖሰ አሱንꬅ፥ ናጋራ ኦቻ ኡፋይትዙንꬅ ኡባ ፍርድንቶደ ፋና።
2TH 2:13 ላꬃ ካዽዘ ኑ እሹንꬆ፥ ኑኒ ጾዛ ይን ግሾ ኡባ ዎደ ጋላቶደስ ቤዛነ። ይን አቶደ ፋና ጾዚ ጌሽ አያና ዎልቃራ ይንታና ጌሽዳነን ይንትን ቱሮ አማንዳነ ኤ ይንታና አንግስ ፋና ዶርዳ።
2TH 2:14 ጾዚ፥ ኑ ይንትስ ኦህዘ ዎንገለ ባጋራ ይንታና ጼግደ፥ ይን ኑ ላꬄ የሱስ ክርስቶሳራ ዎላ ቦንችቶ ሻክንቶደ ፋና።
2TH 2:15 ይኬ፥ ኑ እሹንꬆ፥ ሚንግ ኤቆተ። ኑኒ ይንታና ኑ ዶናራ ማቅን ዎይ ዳብዳበራ ማቅን ታማርስደ ትምርትቶ አይኮተ።
2TH 2:16 ኑ ላꬄ የሱስ ክርስቶሳን ኑና ካꬍደ ፋ አꬎ ኬሃትꬅተ መዽና ምንꬅራ ሎኦ ኡፋይስ እንግደ ጾዘ ኑ አዳይ ኑ ዎዝንቶ ምንꬅꬆ፤ ሎኦ ኦቻራን ቃላራ ኡባ ምንꬅꬆ።
2TH 3:1 ዉርሱꬅተ ኑ እሹንꬆ፥ ላꬄ ቃላ ይን ግዳ ኤልስ ዳልጎደ ፋናን ቦንችንቶደ ፋና ኑስ ዎሶተ።
2TH 3:2 ይኒ ፋናን፥ ቃላ ስእደ ኡባ አማኖሰ ግሾ ጾዚ ገኑንꬃፓን ኢታ አሱንꬃፓ ኑና አሾደ ፋና ኑስ ዎሶተ።
2TH 3:3 የዝን ላꬂ አማንንትዳያ፤ ኤ ይንታና ምንꬅꬆዳን ጻላሄፓ ናጎዳ።
2TH 3:4 ኑኒ ይንታና ኪትዛኖ Ꮉተን ቲኖፓን ይን ኦቾደ ፋና ላꬃላ ኑኒ አማንንታነ።
2TH 3:5 ላꬂ ይን ዎዝንቶ ጾዘ ሲቆጎን ክርስቶሳ ዳንዳአጎ ካልꬆ።
2TH 3:6 ኑ እሹንꬆ፥ ይን ኑፓ ኤክደ ኪቶ ካሎሱንꬃፓን ኦቻ አሺ አዛልአ አማንዘ አሱንꬃፓ ይን ሻክንቶደ ፋና ላꬄ የሱስ ክርስቶሳ ቲኖ ይንታና ኪታነ።
2TH 3:7 ኑ ፋና Ꮉኒ የሳደስ ቤዝዛኖ ይን፥ ይን ኦምተ ኤራነ። ኑኒ ይንታራ የዘ ዎደ ኦቻ አሽካያ።
2TH 3:8 ኑኒ ኦደፓን ካꬃ Ꮉሪ ሙእካያ። ኑስ ዳንዳእንትደ ፋና ቃማን አዋራ ኦቺ ላቢ የዝዳ ፋትን ኦደስን ቶፎ ማቅካያ።
2TH 3:9 ኑኒ ይኖ ኦችዳና፥ ይንትስ አዝዘ ማቃደስ ፋትን ይንታፓ ማደ ኦጮደስ ኑስ አደትꬅ ዎልቃ ꬋብን ባያ።
2TH 3:10 ኑ ይንታራ የዘ ዎደን፥ «ኦቾደስ ኮዮሰ አስ ኦደን ሙእፐ» ያጋእ ኪትዳ።
2TH 3:11 ኑኒ ይኖ ጋይደ፥ ይን ግዳ ፈቲ ፈቲ አዛልኡንꬅ የዛኖ ስእደ ግሾስ። የንꬅ አሱንꬅ ገልꬆሰ ባዛ ገሊ መሉንꬃና ኦቻ ብልዛነ ፋትን አኮን ኦቾስ።
2TH 3:12 ኑኒ የንስ ፋና አሱንꬅ ዎጋ የስ የሳደ ፋናን ኮሽዘ ባዝ ኦቺ ደንጎደ ፋና ላꬄ የሱስ ክርስቶሳ ቲኖ ኡንታና ኪታነን ዞራነ።
2TH 3:13 የዝን ኑ እሹንꬆ፥ ሎኦ ኦቻ ኦቾደስ አዛልእፐተ።
2TH 3:14 Ꮉተ ኑኒ Ꮉይ ጻፍንትደ ዳብዳብዘስ ኪትንቶሰ አስ ኦደን የዝኮ የ አꬃ ኤሮተ። ኤ ዬልꬋደ ፋና ኤፓ ሻክንቶተ።
2TH 3:15 የዝን ኤዛ እሸ ፋና ሴሮተ ፋትን ሞርከ ፋና ብእፐተ።
2TH 3:16 ሳሮ እንግዘ ላꬄ፥ ፋ ኦምተ ይንትስ ኡባ ዎደን ኡባ ባጋራ ሳሮ እንጎ። ላꬄ ይን ኡቡንꬃራ ማቀ።
2TH 3:17 ታኒ ጳዉሎሳ፥ Ꮉይ ሳርꬅዛ ታ ኩሸራ ጻፍዳ። ታ ኪታ ኡባንስ ማልታ Ꮉኖ፤ ታ ጻፍዛናን Ꮉኒ ፋና።
2TH 3:18 ኑ ላꬄ የሱስ ክርስቶሳ አꬎ ኬሃትꬅ ይን ኡቡንꬃራ ማቀ።
1TI 1:1 ኑና አሽዘ ጾዘ ኑ ኡፋይት ናግዘ ክርስቶሳ የሱስ ኪታ፥ የሱስ ክርስቶሳ ሐዋረ ማቅደ፥ ጳዉሎሳፓ፥
1TI 1:2 አማኖራ ታስ ቱሪ ናአ ማቅደ ጢሞትዮሳስ። ጾዘፓ ኑ አዳይፓን፥ ኑ ላꬄ የሱስ ክርስቶሳፓ አꬎ ኬሃትꬅ፥ ማሮትꬅን ሳሮትꬅ ኔስ ማቀ።
1TI 1:3 ታኒ መቀዶንያ Ꮉንግተራ ነና Ꮉዳርዳን ፋና፥ ፈቲ ፈቲ አሱንꬅ ዎርዶ ትምርተ ታማርስዛኖ ካዮደስ ነ ኤፈሶነ ጋምኦደ ጋር ኮይዳ።
1TI 1:4 ኡን ማደ ባይዘ ቶሴ ኦሄን ፋ ኮች ፋይደ አሾደ ፋና ኦሆ። ይኒ ፋና የዘ ባዝ ላለ መꬋነ ፋትን አማኖራ ኦችንትዘ ጾዘ ኦቻ ማዶስ።
1TI 1:5 Ꮉይ ኪትዘስ ኣፈ ቆፍታ ጌሽ ዎዝናፓን፥ ሎኦ ቆፋፓ ቱሪ አማኖፓ በንትዘ ሲቆ።
1TI 1:6 ፈቲ ፈቲ አሱንꬅ Ꮉኖ አሺ፥ ፋꬆሰ ላለጎ ማቅዳ።
1TI 1:7 ኡን ጾዘ ህገ አስታማረ ማቆደስ ኮያነ። የዝን ኡን አኮ ኦህዛኮ ዎይ ቱርታ አኮ የዛኮን ኤሮስ።
1TI 1:8 አስ ቤዝዘ ፋና ህግተ ማድንትኮ ህገ ሎኦ ማቅዛኖ ኤራነ።
1TI 1:9 ፈቲ ባዝ ቆፖደስ ቤዛና ህገ ሎኦ አሱንꬅስ መꬍንትካያ። የዝን ህገ፥ ህገ መንꬅዙንꬃና፥ ጾዛ ጎይኖሱንꬅስ፥ ሸምፖ ዎꬍዙንꬃና፥ ናጋራንቹንꬃና፥ ጌሻትꬅ ባይዙንꬃና፥ ቱኑንꬃና፥ መለ አቶ የዝን ፋ እንቶ ዎይ አዳያ ዎꬍዙንꬃና፥
1TI 1:10 ኦላለ Ꮉንትዙንꬃና፥ ꬊራꬅ ꬊራꬃራ ኦላለ Ꮉንትዙንꬃና፥ አስ ባይዝዙንꬃና፥ ዎርዶ ኦህዙንꬃና፥ ዎርዶራ ጫቂዙንꬃና፥ ዎይ ቱሪ ትምርተራ የልንቶሰ አኮ ኦቻን ኦችዙንꬅስ።
1TI 1:11 ቱሪ ትምርተ በንትዘ ቦንቾን አንጅንትደ ጾዛ ታኒ አዋጆደ ጋር ታስ Ꮉዳራ እንግደ ዎንገለ ግዳ የነ።
1TI 1:12 ታኒ ኦችዘ ኦችተ ታስ ዎልቃ እንግደ ኑ ላꬄ ክርስቶሳ የሱሳ ጋላታነ። ታና ፋ ኦችትስ ሹሚ ይና ኦችትስ ቤዛነ ጋእ ፋይድደ ግሾ ኤዛ ጋላታነ።
1TI 1:13 ታኒ Ꮉንፓ ቲኖ ኤዛ ጫዥዛ፥ ኤዛ ካልዙንꬃና ባይእዛያን ዋይꬅዛ ማቅኮን ታኒ ይኖ ኤርካይዛራን አማንካይዛራ ኦችደ ግሾ ጾዚ ታና ማርዳ።
1TI 1:14 ኑ ላꬄ ፋ አꬎ ኬሃትꬅቶ ታላ አፋ ጉሲ፥ ይና አꬎ ኬሃትꬅቶ አማኖራን ሲቆራ ክርስቶሳ የሱሳ ባጋራ ታስ እንግዳ።
1TI 1:15 «ክርስቶሳ የሱሳ ናጋራንቹንꬃና አሾደስ Ꮉና አላምተ ይእዳ» ጋዘ ቃልታ አማንንታነ አስ ኡባ ኤኮደስ ቤዛነ። ኡባፓ አꬍደ ናጋራንችዘ ታና።
1TI 1:16 የዝን መዽና ደኦ ኤኮደስ ኤዛ አማንዘ አሱንꬅስ ታኒ አዝዘ ማቃደ ጋር የሱስ ክርስቶሳ ጋማ ዳንዳእዳ። ታኒ ኡባፓ አꬍደ ናጋራንችዘስ ጾዚ ፋ ማሮትꬅቶ ጋንꬅዳ።
1TI 1:17 ኣፈር በንቶሰስ፥ ፈቲ ጾዘስ፥ Ꮉይቆሰስ፥ መዽና ካትዘስ፥ መꬍናፓ መዽና የሎደስ ጋላታን ቦንቾን ማቀ። አምንኤ።
1TI 1:18 ጢሞትዮሳ፥ ታ ናአዮ፥ ዛጋ ነባዝ ናቡንꬅ ኦህደ ቃልትላ አፋ ኤቅደ Ꮉና ኪታ Ꮉዳርቶ ኔስ እንጋነ። ነ ይና ቃልቶ ካልኮ ሎኦ ኦላ ኦልንቶዳ።
1TI 1:19 አማኖን ሎኦ ቆፋ ኔስ የዞ። ፈቱንꬅ ፈቱንꬅ ፋ ዎዝንቶ ꬋብሲ ማርካበ እዥዘ ባይꬅ ꬋብዛን ፋና አማኖፓ ꬋብዳ።
1TI 1:20 ይኖ Ꮉንዱንꬅ ግዳ ሄመነዮሳን እስክንድረ የነ። ኡን ታማሪ ጾዛ ጫዥዛኖ አሾደ ፋና ታኒ ጻላሄስ ኡንታና አꬂ እንግዳ።
1TI 2:1 ኡባፓ ቲኒ፥ ጾዝ ጎይኖራ ቦንቾ ኩምደ ደኦር ዎሶደስ፥ መሉንꬅስ ዎሶደስን ጋላቶደስ ቤዛኖ ታኒ ነና ቆፍዛነ።
1TI 2:2 ኑ ቱሪ አያና ደኦ ጌሻትꬃራ ጾዛ ጎይንተራ ሳሮትꬃራ ዎፑ ጋእ የሳደ ጋር ካቱንꬅስን ሹሙንꬅ ኡቡንꬅስ ዎሶተ።
1TI 2:3 ይኒ ጋር ዎስዘ ኑና አሽዘ ጾዘ ቲኖ ሎኦን ኡፋይስዘ ባዝ።
1TI 2:4 ጾዚ አስ ኡባ አቶደ ፋናን ቱርቶ ኤሮደ ፋናን ኮያነ።
1TI 2:5 ፈቲ ጾዚ የነ። ጾዛፓን አሳፓ ግዳ ማቂ ጭምꬍዘ ፈተ የነ፤ ኤዝን አስ ማቅደ ክርስቶስ የሱሳ።
1TI 2:6 ኤዚ አስ ኡባ ዎዞደስ ፋና አꬂ እንግዳ። ጾዚ ፋ ዎድተ አሱንꬃና ኡባ ዎዞደስ ኮይዛኖ ቤዝዘ ማርካትꬅታ Ꮉኖ።
1TI 2:7 ጾዚ ታና ዎንገለስ አስታማረን ሐዋረ ማህ ዶርዳና ይንስ። ታኒ ቱሮ ኦህነ፤ ዎርድꬎስ፤ አማኖን ቱሪ ቃላ አይሁደ ማቆሰ አሱንꬃና ታማርሶደ ፋና ጾዚ ታና ሹምዳ።
1TI 2:8 ይኒ ግሾ፥ ኡባ በሳ የዘ ꬊራꬁንꬂ፥ ፋና ጾዝስ ዱሙዚ፥ ካችን ላለን አሺ፥ ፋ ኩሽቶ ኡደ ደንꬂ ጾዛ ዎሶደ ጋር ኮያነ።
1TI 2:9 ይኒ ፋናን ማቹንꬅ ፋና አህዛኖ ቆንጭዘ፥ ቦንቾራን ዎጋራ የዘ አፉላ ማአደስ ቤዛነ። ኡን ዎጋ ባይዘ ኦማ ዳꬂን፥ ዎርቃራ ዎይ እንቆራ፥ ዎይ አልኦ አፉላራ መሉንꬃፓ ፋና ዱሙዝፐ።
1TI 2:10 የዝን ጾዝስ ጎይናነ ጋዘ ማቹንꬅ ፋስ ቤዝዛን ፋና ሎኦ ባዝ ኦቾ።
1TI 2:11 ማቻ ኪትንተራ ስእ ጋእ ታማሮ።
1TI 2:12 ታኒ ማቻ ታማርሶደ ፋና ዎይ ꬊራꬃላ አድꬎደ ፋና ባይዝን ስእ ጋእ የሳደ ፋና ኮያነ።
1TI 2:13 አዳማ ቲኖ መꬍንትዳ፤ ሱባፓ ሄዋና መꬍንትዳ።
1TI 2:14 ማህ ጭምንት ጾዘ ህገ መንꬅደ ማችቶ ፋትን አዳማ ባያ።
1TI 2:15 የዝን ማቻ አማኖራ፥ ሲቆራን ጌሻትꬃራ ፋና ናጊ የዝኮ ናአ የለራ አቶዳ።
1TI 3:1 ኦንን፥ «ዎሳ ኬꬂ ካልꬅዘ አስ ማቃደስ ኮይኮ ሎኦ ባዝ አሙꬋነ» ጋዘ ኦህታ ቱሮ።
1TI 3:2 ዎሳ ኬꬂ ካልꬅዘ አስ ቦርንቶሳያ፥ ፈቲ ማቻ ጻላላ የዛያ፥ ዎጋራ የዛያ፥ ፋና ናግዛያ፥ ቤዛን ፋና ኦችዛያ፥ ዛቆ ሞክዛያ፥ ታማርሶደስ ዳንዳእዛያ፥
1TI 3:3 ማꬅንቶሳያ፥ ካጭንቶሳያ፥ ላሎሳያ፥ ብራ ይቅስንቶሳያ፥
1TI 3:4 ኤ ናኡንꬅ ኤስ ኪትንትዙንꬃናን ቦንችዙንꬃና፥ ፋ ኬꬅቶ አሆደስ ዳንዳእዛያ ማቃደስ ቤዛነ።
1TI 3:5 ፈቲ አስ ፋ ኬꬅቶ አሆደስ ዳንዳአንጽኮ፥ ጾዘ ዎሳ ኬꬅቶ ዋይዝ አሆደስ ዳንዳኤ?
1TI 3:6 ኡቱራራ ኩሚ፥ ጻላሄ ጾዘ ፍርዳራ ጎልእደ ፋና ጎልአመ ፋና፥ አማኖር ሚንግካይዘ አስ ማቆደስ ቤዞስ።
1TI 3:7 ቦረራን ጻላሄ ጽኬ ገላመ ጋር የ አꬄ አማኖሰ አስ ካለ ሎኦ ማርካትꬅ የሳደስ ቤዛነ።
1TI 3:8 ይኒ ፋና ማህ ዎሳ ኬꬂ ዳቆናቱንꬅ ቦንችንትዱንꬃና፥ ላምእ ዶና ኦህንቶሱንꬃና፥ ጋማ ማꬅዘ ኡሽ ኡዦሱንꬃና፥ ብራ ይቅስንቶሱንꬃና፥
1TI 3:9 አማኖ ሳዛ ቆፋ ጌሽ ዎዝናራ ናግዙንꬃና ማቃደስ ቤዛነ።
1TI 3:10 ኡን ቲኖ ፋታንንቶደስ ቤዛነ፤ ኡንታላ አፋ ቦረ ባይዛ ማቅኮ፥ ዎሳ ኬꬃ ዳቆነ ማቂ ኦቾ።
1TI 3:11 ይኒ ፋናን፥ ኡን ማቹንꬅ ቦንችንትዱንꬃና፥ ዝግሮሱንꬃና፥ ዎጋራ የዙንꬃና፥ ኡባ ባዛ አምንንትዱንꬃና ማቃደስ ቤዛነ።
1TI 3:12 ዎሳ ኬꬃ ዳቆናቱንꬅ ፈቲ ማቻ ጻላላ የዙንꬃና ማቆ። ፋ ናኡንꬃናን ፋ ኬꬅቶ ሎይꬂ አህዙንꬃና ማቃደስ ቤዛነ።
1TI 3:13 ዎሳ ኬꬃ ዳቆነ ማቂ፥ ሎኦ ኦቻ ኦችዙንꬅ፥ ኡንትስ ዳማ ቦንቾን ክርስቶሳ የሱሳ ግዳ የዘ አማኖ ባዝ ኦሆደስ ምንꬅትሞ ደንጎዳ።
1TI 3:14 ታኒ Ꮉና ኪቶ ኔስ ጻፍተራ፥ ኤልሲ ኔጎ Ꮉንጎዳ ጋእ ኡፋይስ ጋዳነ።
1TI 3:15 የዝን ታኒ Ꮉንጋንጽ ጋምእኮ፥ ጾዘ ኬꬃ አሱንꬅ ዋይዝ የሳደስ ቤዝዛኮ ኤሮደ ፋና Ꮉኖ ኔስ ጻፍዳ። ደኦ ጾዘ ኬꬅታ ቱረትꬅስ ቱስን ባሳን።
1TI 3:16 ኑ አማንትስ ሳዛ ቆፍታ ሶኤ ባይꬅ ዳማ። ክርስቶሳ አሾር ቆንጭዳ፤ ኤ ቱረትꬅቶ ጌሽ አያና ማርክꬍዳ። ኪታንቹንꬅስ በንትዳ፤ ኤ ካእቱምታ ዎርዣ ኡባስ ሳባክንትዳ። አላመ የዘ አሱንꬅ አማንዳ፤ ቦንቾር ሳሎ ኤክንትዳ።
1TI 4:1 ዉርሱꬅ ዎደ ባልꬅዘ አያናን ቱና አያና ትምርትቶ ካሊ፥ ፈቲ ፈቲ አሱንꬅ አማኖ ካዶዳኖ ጌሽ አያና ቆንጭዝ ኦህዳ።
1TI 4:2 ይኒ ፋና ትምርተ ኡን ዎዙንታ ዶጭን፥ አሱንꬃና ባልꬅዘ ዎርዶ አስታማሩንꬃፓ የእነ።
1TI 4:3 የንꬅ ፋና የዘ አሱንꬅ ኤከን ገለ ካያነ፤ ማህ ፈቲ ፈቲ ካꬃ ማአመ ፋና ጋእ ካያነ። የዝን አማንዙንꬅን ቱሮ ኤርዙንꬅ ጾዛ ጋላቲ ዎሲ ማአደ ፋና ጾዚ ካꬃ መꬍዳ።
1TI 4:4 ጾዘ መꬍደ ኡባ ባዝ ሎኦ። ጾዝ ጋላት ኤክኮ አላ ዎꬍዘ አኮን ባያ።
1TI 4:5 ኡባ ባዝ ጾዘ ቃላራን ዎሳራ ጌሽ ማቃነ።
1TI 4:6 ይኒ ግሾ፥ ነ Ꮉና ትምርትቶ አማንዙንꬃና ታማርስኮ፥ ክርስቶሳ የሱሳ ሎኦ አሮ ማቃዳ። ነ ካልዘ ሎኦ ትምርትተ ቃላ ታማርኮ ድጮዳ።
1TI 4:7 የዝን ማደን ቱሪ ባይዘ ኦሄፓን ጭማ ማቹንꬅ ቶሰፓ Ꮉኮ። ጾዛ አዞደስ ነና ዱስዞ።
1TI 4:8 አስ ፋ ጋልቶ ምንꬆደስ ኦችዘ ኦቻ ኤራꬅ ዎደ ማዳነ። የዝን ጾዝ አዘ ዱስዛና Ꮉተን መዽና ደኦ እንግዘ ኡፋይስ የዘ ግሾ ኡባ ባዝስ ማዳነ።
1TI 4:9 Ꮉይ ቃልዘ አስ ኡባ ኤኮደስ ቤዝዘ ቱሪ ቃላ።
1TI 4:10 ኑኒ አስ ኡባ፥ ኡባፓ አꬂ አማንዙንꬃና አሽዘ ደኦ ጾዛ ኡፋይሳራ ናግዘ ግሾ፥ ይንስ ኑኒ ኦቻራ ላባነን ቡቱንታነ።
1TI 4:11 Ꮉና ኪትቶ ታማርሶ።
1TI 4:12 ነ ይꬎ ማቅደ ግሾ ነና ኦንን ቦርፐ። የዝን አማንዙንꬅስ ኔኒ ኦሄራ፥ ኦቻራ፥ ሲቆራ፥ አማኖራን ጌሻትꬃራን አዝዘ ማቆ።
1TI 4:13 ታኒ ዮኦደ ዎንꬅስ አሱንꬅስ ጌሽ ማጻፍቶ ናባበራ፥ ሳባኬራን ታማርሰራ ምንጎ።
1TI 4:14 ትንቢተ ኔስ ኦህንትን፥ ጭሙንꬅ ፋ ኩሽቶ ኔላ አፋ ጋድደ ዎደ ነ ኤክደ፥ ነ ግዳ የዘ ጌሽ አያና እሞትꬅ ቦርፐ።
1TI 4:15 ነ ድችታ አሱንꬅ ኡቡንꬅስ ቆንጮደ ፋና ይኖ ምንꬂ ቆፖ፤ Ꮉኖ ኡባ ዎደ ኦቾ።
1TI 4:16 ነ ኦምትስን ነ ትምርትስ ናግንቶ። ነ ይኖ ኡባ ዎደ ኦችኮ ነናን ነና ስእዙንꬃና አሾዳ።
1TI 5:1 ጭማ ነ አዳይ ፋና ቦንቾፕ አትን ካጭፐ። ይꬉንꬃና ነ እሸ ፋና ማህ ቦኦ።
1TI 5:2 ማች ጭሙንꬃና ነ እንቲ ፋና፥ ዉዱሩንꬃና ነ ምሹንꬅ ፋና፥ ፎሎ ጌሻትꬃራ አይኮ።
1TI 5:3 አዝኒ Ꮉይቂደ ቱሪ ቡዳኑንꬃና ማዲ ቦንቾ።
1TI 5:4 የዝን ቡዳንትስ ናኡንꬅ ዎይ ናኡንꬅ ናአ የዝኮ፥ የንꬅ ናኡንꬅ ቱሪ አያና የስ የዛኖ ቤሳደ ፋና የልዱንꬃናን፥ ፋ አፍቶን ማይዛያን ማዲ ኩሸ ማሄ ታማሮ። ይና ጾዝ ኡፋይስዘ ባዝ።
1TI 5:5 ፋ ፋስ የዘ ቱሪ ቡዳንታ ጾዘፓ ማደ ደንጎደስ ኡፋይሳራ ናጋነ። አዋራን ቃማ ጾዚ ፋና ማዶደ ፋና ዎሳራ ምንጋነ።
1TI 5:6 የዝን Ꮉና አላምተ ሎኦ የስ ጻላላ ኮይዘ ቡዳንታ ፋጻ የዛራ Ꮉይቂዳኖ።
1TI 5:7 ኦንን ኡንታና ቦራመ ፋና Ꮉና ትምርትቶ ኡንትስ እንጎ።
1TI 5:8 የዝን ፋ እግኑንꬅስ፥ ኡባፓ አꬂ ፋ ካራ አሱንꬅስ ቆፖሰ ኦንን ፋ አማንቶ ካድዳያ፤ አማኖሰ አሳፓን ወዝ ኢታ።
1TI 5:9 በረ እዝፑንታም ኩምካይዘ ቡዳንትስ ሱንꬅቶ ማዝጋበ ጻፍፐ። ማህ ይንላ አፋ እዛ ፋ አዝንዘስ አማንንትዳኖ ማቆደስ ቤዛነ።
1TI 5:10 ናኡንꬃና ድቼራ፥ ዛቆ ሞከራ፥ ጌሹንꬅስ ቶሄ ሜጨራ፥ ማꬍꬍደ አስ ማደራ፥ ሎኦ ኦቻ ኡባስ ፋና አꬂ እንግዳኖን ሎኦ ኦቻራ ኤርንትዳኖ ማቃደስ ቤዛነ።
1TI 5:11 የዝን ናአትꬅ ማቅደ አዝኒ ባይዙንꬅ ሱንꬅቶ ማዝጋበ ጻፍፐ። ኡንታና አዝኒ ገለ ገሎ ጋዘ አሾ አሞ አይክዘ ዎደ ክርስቶሳ አሾዳ።
1TI 5:12 ኡን ቲኖ ገልደ ቃልቶ መንꬅደ ግሾ ፍርድንቶዳ።
1TI 5:13 ይንላ አፋ ኡን ኦቻ ꬋብን ኬꬃፓ ኬꬂ ዉቶዳ። ዉተ ጻላላ ባይዝን ዝግርስን ፋና ገልꬆሰ ባዛ ገሊ ቤዞሰ ባዝ ኦህንታነ።
1TI 5:14 ይኒ ግሾ፥ ኑ ሞርኩንꬅ ኑላ አፋ ኦህንትዘ ኢታ ባዝ ደንጋመ ፋና ናአትꬅ ማቅደ አዝኒ ባይዙንꬅ አዝኒ ገሊ፥ ናአ የሊ፥ ፋ ኬꬅቶ አሆደ ፋና ዞራነ።
1TI 5:15 Ꮉንፓ ዛጋ ኤርꬅ አዝኒ ባይዙንꬅ ጻላሄ ካሎደስ ሱብ ማቅዳ።
1TI 5:16 ፈቲ አማንዘ ማችታ ካራ አሱንꬅ ግዳ አዝኒ ባይዛና የዝኮ እዛ ኡንታና ማዶደስ ቤዛነ። ይኒ ጋር ኦችኮ፥ ዎሳ ኬꬅስ ቶፎ ፎላነ። የ ዎደ ዎሳ ኬꬅታ ማደ ቤዝዘ ቱሪ አዝኒ ባይዙንꬃና ማዶደስ ዳንዳእነ።
1TI 5:17 ዎሳ ኬꬂ ሎይꬂ የንግዘ ጭሙንꬅ፥ ኡባፓ አꬂ፥ ቃላ ሳባኬራ ታማርሰራ ላቢዙንꬅ ዳኮ ቦንቾ ኤኮደስ ቤዛነ።
1TI 5:18 ጌሽ ማጻፈ፥ «ቆይዳ ባሃ የꬍዘ ቦራ ዶና አጭፈ» ይኒ ፋና፥ «ኦችዘ ፋ ዳሞዘ ኤኮደስ ቤዛነ» ያጋይዳ።
1TI 5:19 ላምእ ዎይ Ꮉይꬕ ማርካ ባይዝን፥ ዎሳ ኬꬂ ጭማ ሞትዘባዝ ስእፐ።
1TI 5:20 መሉንꬅ ዣሽቶደ ፋና ናጋራ ኦችዘ ኦናን አስ ኡባ ቲኖ ሴሮ።
1TI 5:21 ኔኒ አስ ስኖ ብእካይዛራ፥ ፈታያ ፈታይፓ ዱሙዝካይዛራ Ꮉና ኪቶ ናጎደ ፋና ጾዘ፥ ላꬄ የሱሳ ክርስቶሳን ዶርንትደ ኪታንቹንꬅ ቲኖ ታ ነና ዞራነ።
1TI 5:22 ኦደላን አፋ ነ ኩሽቶ ጋዲ ሹሞደስ ኤልስፐ። መሉንꬅ ናጋራ ገልፐ፤ ነና ጌሻትꬃራ ናጎ።
1TI 5:23 ኔኒ ኡባ ዎደ Ꮉርግንትዘ ግሾን ነ ሳዛ Ꮉርግት ግሾ Ꮉꬅ ጻላላ ኡዥፐ፤ ኤራꬅ ዎይነ ኡዦ።
1TI 5:24 ፈቲ ፈቲ አሱንꬅ ናጋርታ ቆንጨ፤ ባጉንꬅ ናጋርታ ኡንታና ፍርዶደስ ኡንታፓ ቲኒ ኤርንታነ፥ የዝን መሉንꬅ ናጋርታ ሱባፓ ጋምእ ቆንጫነ።
1TI 5:25 ይኒ ጋር፥ ሎኦ ኦቻን ቆንጨ፤ ቆንጫንጽ እጽኮን ገንጎደስ ዳንዳኦስ።
1TI 6:1 ጾዘ ሱንꬅታን ኑ ትምርትታ ጫዥንታመ ፋና አሮትꬃ የዙንꬅ ፋና አህዘ ላꬁንꬃና ቦንቾ።
1TI 6:2 አማንዘ ላꬁንꬅ የዘ አሩንꬂ፥ ኡን ላꬁንꬅ ኡንትስ እሸ ማቅዘ ግሾ ኡንታና ቦርፐ። ኡን ኦችተ ማድንትዘ ላꬁንꬅ፥ አማንዙንꬃናን ካꬍንትዱንꬃና ማቅደ ግሾ ኡን ቲኖስትፓ አꬂ ኦቾደስ ቤዛነ። ኔኒ Ꮉኖ ታማርሶደስን ኡን ኦቾደ ጋር ዞሮደስ ቤዛነ።
1TI 6:3 ኦንን ዱማ ትምርተ ታማርስኮ፥ ኑ ላꬄ የሱስ ክርስቶሳ ቱሪ ቃላራን ኑ አማኖ ትምርተራ ጊጎስ።
1TI 6:4 የ አꬄ ኡቱራራ ኡርቂንታነ ፋትን አኮን ኤሮስ። ኡንትስ ፈቲ ቆፋላ አፋ ላሎደስን ካጭንቶደስ ኢታ አሞትꬅ የነ። ይናን ቅናተ፥ ካች፥ ጫሽ፥ ኢታ ሶኤ፥
1TI 6:5 የንስ ጊጎሰ ላለ ካልꬃነ። ማህ ኡንትስ ኢታ ዎዝና የነ፤ ቱርን ꬋብዳ፤ ኡን ጾዝ አማንዛና ዱረትꬅስ ኦገ ጋእ ቆፓነ።
1TI 6:6 የዝን ታስ የዛና ማቃዳ ጋዘ አስስ ጾዝ ጎይንዛና ዳማ ትርፈ።
1TI 6:7 ኑኒ Ꮉና አላምተ አኮን ክእካያ፤ ማህ ኢፓ አኮን ኤኪ ቅቶስ።
1TI 6:8 ኑስ ካꬃን ማኦ የዝኮ ይና ማቃዳ።
1TI 6:9 የዝን ዱርቱሞ ኮይዙንꬅ ፋታና ግዳን ጽኬን ገላነ። ማህ ኡንታና ሱለ ዳፍዘን ꬋብስዘ ኤያትꬃን ቆህዘ አሞትꬃ ጎልአነ።
1TI 6:10 ሚሸ ሲቆ ኢታትꬅ ኡባስ ጻጶ። ፈታይ ፈታያ ሚሸ አሙꬍተራ አማኖፓ ባልንቲ ጋማ አዛኖን ማꬋ ግዳ ፋና ኦልዳ።
1TI 6:11 የዝን ናተ፥ ጾዘ አꬃዮ፥ ይንፓ Ꮉኮ። ጽሎትꬅ፥ ጾዝ አዘ፥ አማኖ፥ ሲቆ፥ ዳንዳአን ዳልጋትꬅ ካሎ።
1TI 6:12 አማኖ ኦላ ሎይꬂ ኦልንቶ። ጋማ አሱንꬅ ቲኖ ኔስ ማርክꬍደ ነ አማንትባዝ፥ ጾዘ ነና ይንስ ጼግደ መዽና ደኦ አይኮ።
1TI 6:13 ኡባ ባዝስ ደኦ እንግዘ ጾዘ ቲኖን፥ ጰንጠ ጵላጦሳ ቲኖ ሎኦ ማርካ ማርክꬍደ ክርስቶሳ የሱሳ ቲኖ ታ ነና ኪታነ።
1TI 6:14 ኑ ላꬄ የሱስ ክርስቶሳ ቆንጮደ ዎንꬅስ Ꮉኖ ኪቶ ባልንትካይዛራ ቦረ ባይዝን ናጎ።
1TI 6:15 ፋ ጻላላ ኡባ አህዘ ቦንቾ ጾዘ፥ ካቱንꬅ ካታይ፥ ላꬁንꬅ ላꬄ፥ ፋ ቆፕደ ቃምተ የሱስ ክርስቶሳ ማህ ኪቶዳ።
1TI 6:16 ፈተ ኤ ጻላላ Ꮉይቆስ። ኦደን ሺቆደስ ዳንዳኦሰ ፎኦ የነ። ኦደን ኤዛ ብእካያ፤ ማህ ቦኦደስን ዳንዳኦስ። ቦንቾን መዽና ዎልቃ ኤስ ማቀ። አምንኤ።
1TI 6:17 Ꮉና አላመ ዱሩንꬅ ጨር ꬋብዘ ቆሎራ ኡቱራመ፥ ጬቃመን ኡፋይስ ጋዳመ ፋና ኦሆ። ኑስ ኮሽዘ ባዝ ጋንꬅ እንግዘ ኑና አንጅዘ፥ ዱረ ጾዘ ግዳ አማንንቶደ ፋና ኡንታና ኪቶ።
1TI 6:18 ኑኒ ሎኦ ኦቻ ኦቾደ ፋና ሎኦ ኦቻራ ዱርꬎደ ፋና፥ ዳልጋን መሉንꬅስ ግሽዙንꬃና ማቃደ ፋና ኪቶ።
1TI 6:19 ይና ኡንትስ ቲኖስ ምንꬂ ባሳ ማቃደ ግሾ የ ዎደ ኡን ቱሪ ደኦ አኮ አዝዛኮ ኤሮዳ።
1TI 6:20 ጢሞትዮሳ፥ ነኒ ፈቲ ፈቲ አሱንꬅ፥ «ኤራትꬅ» ባይዘ ቦዛ ላለፓን ማዶሰ ኦሄፓ Ꮉኮ፤ ኔስ እንግንትደ Ꮉዳርቶ ናጎ።
1TI 6:21 ፈተ ፈተ ኑስ ኤራትꬅ የነ ያጋእተራ አማኖ አሽዳ። ጾዘ አꬎ ኬሃትꬅ ይን ኡቡንꬃራ ማቀ።
2TI 1:1 ጾዘ ቆፋ፥ የሱስ ክርስቶሳራ የዘ ኡፋይስ እንግደ ባጋራ የሱሳ ክርስቶሳ ሐዋረ ማቅደ ጳዉሎሳፓ ኪትንትደ፥
2TI 1:2 ታ ካዽዘ ናአይ ጢሞትዮሳስ። ጾዘ አዳይፓን ኑ ላꬂ ክርስቶሳ የሱሳፓ አꬎ ኬሃትꬅ፥ ማሮትꬅን ሳሮትꬅ ኔስ ማቀ።
2TI 1:3 ታኒ፥ ታ ዎስተ ቃማን አዋራ ነና ቆፓነ። ታኒ ዎስዘ ዎደ ታ አዱንꬅ ጾዛን ታኒ ሎኦ ዎዝናራ ማድዘ ጾዛ ነ ግሾ ጋላታነ።
2TI 1:4 ታኒ ነ አፉꬅቶ ቆፓነ፤ ነና ብእ ኡፋይቶደስ ጋማ አሙꬍዳ።
2TI 1:5 ማህ ኔስ የዘ ቱሪ አማኖ ኤራነ። ይኒ ፋና አማንታ ዛጋ ነ ኣፍቲ ሎይድራን ነ እንት ኤዉንቀራ የዘ አማንት ፋና።
2TI 1:6 ይኒ ግሾ፥ ታኒ ታ ኩሽቶ ኔላ አፋ ጋድደ ዎደ ጾዚ ኔስ እንግደ እሞ ኔኒ ማህ ኤꬆደ ዎይ ደንꬅꬆደ ፋና ቆፍዛነ።
2TI 1:7 አኮስ ጋይኮ፥ ጾዚ ኑስ ዎልቃ፥ ሲቆን ኑ ኦምቶ አህዘ አያና እንጋነ ፋትን ዣሽትዘ አያና እንግካያ።
2TI 1:8 ይኬ፥ ኑ ላꬄስ ማርክꬋደስ ዬልꬍፐ፤ ማህ ኤ ግሾ አጭንትደ ታ ግዳን ዣሽትፐ። የዝን ጾዚ ኔስ እንግዘ ዎልቂተ ዎንገለ ግሾ ታራ ማꬋ ኤኮ።
2TI 1:9 ጾዘ ፋ ቆፍቶን ፋ አꬎ ኬሃትꬃራ ኑና አሺ፥ ፋ ጌሽ ዎርዣ ማሆደስ ኑና ዶርዳ ፋትን ኑኒ ኦችደ ኦቻ ግሾ ባያ። ይና አꬎ ከሃትꬅታ ክርስቶሳ የሱሳ ባጋራ አላመ መꬍንቶዳንፓ ቲኖ ኑስ እንግንትዳ።
2TI 1:10 Ꮉተ Ꮉይ አꬎ ኬሃትꬅዘ ኑና አሽዘ ክርስቶሳ የሱሳ የእተ ቆንጭዳ። ኤ Ꮉይቆ ዎልቃ ꬋብሲ፥ ዎንገለ ባጋራ ꬋቦሰ ደኦ ኑስ ቆንጭዝዳ።
2TI 1:11 ታኒ ዎንገለ ሳባክዘ፥ ሐዋረን አስታማረ ማቆደ ጋር ጾዚ ታና ዶርዳ።
2TI 1:12 ታኒ ይኒ ግሾ Ꮉና ማꬍቶ ኤካነ፤ የዝን ታ አማንዘ ኦና የዛኮ ኤርዘ ግሾ ዬልꬎኦስ። ታስ እንግንትደ Ꮉዳርቶ ይና ክርስቶሳ የኤ ቃማ የሎደስ ኤ ናጎደስ ዳንዳእዛኖ ኤራነ።
2TI 1:13 ታኒ ነና ታማርስደ ቱሪ ቃላ አዝዘ ማህ አይኪ ክርስቶሳ የሱሳ ባጋራ የዘ አማንተን ሲቅተ የዞ።
2TI 1:14 ኑ ግዳ የዘ ጌሽ አያና ዎልቃራ ኔስ እንግንትደ ሎኦ Ꮉዳርቶ ናጎ።
2TI 1:15 እስያ አዉራጃ የዘ ኡቡንꬅ ታፓ Ꮉክዳኖ ኤራነ፤ ኡን ግዳ ፍገሉሳን ሄርሞገኔሳ የነ።
2TI 1:16 አነስፎራ ታና ጋማ ዎደ ምንꬅꬅደ ግሾ ላꬂ ኤ ካራ አሱንꬅስ ይቅስንቶ። ታ አጭንትንን ኤ ዬልꬍካያ።
2TI 1:17 ይንላ አፋ ኤ ሮመ ካታማ ይእደ ጋር ታና ምንꬂ ኮይ ደንግዳ።
2TI 1:18 ዉርሱꬅ ቃምተ ላꬂ ይቅስንቶደ ፋና ታኒ ላꬃ ዎሳነ። ኤፈሶነ ካታማ ኤ ታና አኮ ጋር ማደዛኮ ነ ሎይꬂ ኤራነ።
2TI 2:1 ይኬ፥ ታ ናአዮ፥ ክርስቶሳ የሱሳ ግዳ የዘ አꬎ ኬሃትꬅተ ምንጎ።
2TI 2:2 ጋማ ማርኩንꬅ ቲኖ ታኒ ነና ታማርስደ ትምርትቶ፥ መሉንꬃና ታማርሶደስ ዳንዳእዘ አማንንትደ አሱንꬅስ Ꮉዳራ እንጎ።
2TI 2:3 የሱስ ክርስቶሳ ሎኦ ዎታዳረ ማቂ ታራ ማꬋ ኤኮ።
2TI 2:4 ኦላ ዎታዳረ ፋ Ꮉላቅዛ ኡፋይሶደስ ጊግንታነ ፋትን መለ ኦቻላ ፋና ፌሾስ።
2TI 2:5 ይኒ ጋራ፥ ጋልጋደ ዎጽዘ ኦንን ቤዝዘ ኦገራ ዎጻንጽኮ ዎይቶ ኤኮስ።
2TI 2:6 ዎታራ ላቢዘ ጋደ አዳይ ፋ ላቢዳን ኣፍትፓ ሙእዘ ቲኖ አስ ማቃደስ ቤዛነ።
2TI 2:7 ላꬂ ኔስ ኡባ ባዛ አካኬ እንግዘ ግሾ ታ ኔስ ኦህዛኖ ነ ዎዝንተ ናጎ።
2TI 2:8 ታኒ ማርክꬍዘ ዎንገለ ፋና Ꮉይቆፓ ደንድደ፥ ዳዉተ ኮች ማቅደ የሱስ ክርስቶሳ ቆፖ።
2TI 2:9 ታኒ ዎንገለ ኦህዘ ግሾ ኢታ ባዝ ኦችደ አስ ፋና፥ አጭንቲ ማꬋ ኤክዳ። የዝን ጾዘ ቃላ አጭንቶስ።
2TI 2:10 ይኒ ግሾ፥ ጾዘ ዶርደ አሱንꬅ ክርስቶስ የሱሳ ግዳ የዘ አቶትꬅ ባጋራ መዽና ቦንቾ ኤኮደ ፋና ኡን ግሾ ኡባ ባዛ ምንጋነ።
2TI 2:11 Ꮉንፋና ያጋዘ ቱሪ ቃላ የነ፤ «ኑ ኤራ Ꮉይቅኮ፥ ኤራ ዎላ የሳዳ።
2TI 2:12 ኑ ገንጭኮ፥ ኤራ ዎላ ካእቶዳ። ኑ ኤዛ ካድኮ፥ ኤ ኑና ካዶዳ።
2TI 2:13 ኑ አማንንታንጽኮን፥ ኤ አማንንትዳያ ማቂ የሳዳ። አኮስ ጋይኮ፥ ኤ ፋና ካዶደስ ዳንዳኦስ» ያጋይዳ።
2TI 2:14 ኔኒ ኡንታና Ꮉኖ ቲርዞ፤ ኡን ቃላ ግሾ ላላመ ፋና፥ ጾዘ ቲኖ ኡንታና ዞሮ። ይና ስእዙንꬃና ꬋብሳነ ፋትን አኮን ማዶስ።
2TI 2:15 ኔኒ ቱሪ ቃላ ሉለራ ታማርስዛን ዬሊዞሰ ኦቻንቾ ማቂ፥ ጾዘ ቲኒ ኡፋይስዘ አስ ፋና፥ ነናትꬅቶ ኤስ ሺሾደስ ምንጎ።
2TI 2:16 የዝን Ꮉና አላምትስ ጊግዘ ማዶሰ ኦሄፓ Ꮉኮ። ይኒ ፋና ኦህዘ አስ ጾዛፓ Ꮉክዛነ።
2TI 2:17 ይኒ ፋና ትምርተ ጋላ ሙእ Ꮉስዘ ፋጾሰ ጭቶ Ꮉርገ ፋና። ይኒ ፋና ኦሄ ኦህንትዙንꬅ ግዳ ፋ ሄመነዮሳን ፍልጾሳ የነ።
2TI 2:18 Ꮉንꬅ አሱንꬅ ቱሪ ኦገ አሺ፥ «Ꮉይቂደ አሱንꬅ Ꮉይቆፓ ዛጋ ደንድዳ» ያጋእ ኤራꬅ አሱንꬅ አማንቶ ꬋብስዳ።
2TI 2:19 ማቆ የዝን፥ ጾዚ ምንꬂ ባሳ ዪጺ ማታመ የዘ ኤንእንቶደስ ዳንዳኦስ። እዝላን አፋ፥ «ላꬂ ፋ አሱንꬃና ኤራነ። ላꬄ ሱንꬅቶ ጼግዘ ኦንን ኢታ ኦቻፓ Ꮉኮ» ያጋዘ ቃላ ጻፍንትዳ።
2TI 2:20 ፈቲ ዳማ ኬꬃ ዎርቃፓ ዎይ ብራፓ ኦችንትደ ሚሸ ጻላላ ባይዝን ምንጻፓ ዎይ ሎቃፓ ኦችንትደ ሚሸ የነ። የንሳፓ ባጉንꬅ ቦንቾስ፥ ማህ ባጉንꬅ ቦርንትደ ኦቻስ ፌዣነ።
2TI 2:21 ይኒ ግሾ፥ ኦንን ኢታ ኡባ አሺ ፋና ጌሽኮ፥ ቦንቾ ኦቻስ ማቅዘ ሚሸ ማቃዳ። ኡን ደእተ ጌሽን ላꬃ ኡፋይስዘ ኦቻ ኡባ ኦቾደስ ዳንዳእዙንꬃና ማቃዳ።
2TI 2:22 ናእቱሞ ኢታ አሞፓ Ꮉኮ። ጌሽ ዎዝናራ ላꬃ ጼግዘ አሱንꬃራ ዎላ፥ ጽሎትꬅ፥ አማኖ፥ ሲቆን ሳሮትꬅ ካሎ።
2TI 2:23 የዝን ካች መꬍዛ ኤሪ ቦዛትꬅን ማደ ባይዘ ላለፓ Ꮉኮ።
2TI 2:24 ላꬄ ኦቻንቾ አስ ኡባስ ኬሃ፥ ሎኦ ታማርስዛን ዳንዳአንቾ ማቃደስ ቤዛነ ፋትን ካጭንቶደስ ቤዞስ።
2TI 2:25 ኤ ፋራ ኤቅንትዙንꬃና ኬሃትꬃራ ሴርዛ ማቃደስ ቤዛነ። ኡን ፋ ናጋርትፓ ማቂ ቱሮ ኤሮደ ፋና ጾዚ ኦቾድየዛኮ ኦደ ኤርዘ።
2TI 2:26 ኡን ፋ ዎዝናጎ ማቂ ፋ ቆፋ ኦቾደ ፋና ኡንታና አይክደ ጻላሄ ጽኬፓ ኬሲ ኤኮዳ።
2TI 3:1 ዉርሱꬅ ቃማ ኡንእꬅዘ ዎደ ዮኦዳኖ ኤሮ።
2TI 3:2 አሱንꬅ ፋና ካꬍዙንꬃና፥ ሚሸ ሲቅዙንꬃና፥ ጬቅንትዙንꬃና፥ ኡቱርዙንꬃና፥ ጫዥዙንꬃና፥ ፋና የልዱንꬅስ ኪትንቶሱንꬃና፥ ጋላቶሱንꬃና፥ ጌሻትꬅ ባይዙንꬃና፥
2TI 3:3 ሲቆ ባይዙንꬃና፥ ማሮትꬅ ኦቾሱንꬃና፥ ዝግርዙንꬃና፥ ፋና አሆሱንꬃና፥ ይቅስንትሞ ባይዙንꬃና፥ ሎኦ ካꬎኦሱንꬃና፥
2TI 3:4 ሞርከስ አꬂ እንግዙንꬃና፥ ቆፋ ባይዙንꬃና፥ ኡቱራራ ኩምዱንꬃና፥ ጾዛፓ አꬂ አሾ ኡፋይሶደስ ካꬍዙንꬃና ማቃዳ።
2TI 3:5 ኡን አማንዘ አስ አዛነ ፋትን ጾዘ ዎልቃ ካድዳ፤ ነ የንꬅ ፋና የዘ አሱንꬃፓ Ꮉኮ።
2TI 3:6 ኡንታፓ ፈተ ፈተ አስ ኬꬃ ገሊ ናጋራራ አይክንትዱንꬃና ዱማ ዱማ አሞራ አይክንትደ አማኖ ላፋ ማቹንꬃና አይካነ።
2TI 3:7 የንꬅ ማቹንꬅ ኡባ ዎደ ታማራነ፥ የዝን ቱሮ ኤሮደስ ዳንዳኦስ።
2TI 3:8 ያነሳን ያምባሬሳ ሙሴራ ኤቅንትዳን ፋና Ꮉንꬅ አሱንꬅ ዎዝና ኦቾሱንꬃናን አማኖራ ጎልእደ አሱንꬃና ማቅደ ግሾ ቱርራ ኤቅንታነ።
2TI 3:9 የዝን ያነሳን ያምባሬሳ ኤያትꬅታ ቆንጭዳን ጋር ኡን ኤያትꬅታ አስ ኡባ ቲኖ ቆንጮደ ግሾ ኡንትስ Ꮉኖስ።
2TI 3:10 የዝን ነ ታ ትምርትቶ፥ ታ የስቶ፥ ታ ቆፍቶ፥ ታ አማንቶ፥ ታ ዳንዳእቶ፥ ታ ሲቅቶ፥ ታ ገንጭቶ፥
2TI 3:11 ታ ባይእንቶ ታ ዋይቶ ኤራነ። አንጾክያ፥ እቆንዮነ፥ ልስጥራ ካታማ ታና የልደ ባዝን ታ ዳንዳእደ ዋይቶ ኤራነ፤ ላꬂ ታና ይና ኡባንፓ አሽዳ።
2TI 3:12 ክርስቶስ የሱሳ ግዳ ጾዛ ኡፋይስዘ የስ የሳደስ ኮይዘ ኡቡንꬅ ባይእንቶዳ።
2TI 3:13 ኢታ አሱንꬅን ባልꬅዙንꬅ ፋስ ባልንትተራ መሉንꬃና ባልꬅተራ ቲኖስትፓ ኢቲ ኢቲ Ꮉንጎዳ።
2TI 3:14 የዝን ነ ታማርዳነን ነ አማንደ ቱርተ ኤቆ። ነ ኦደፓ ታማረዛኮ ኤራነ።
2TI 3:15 ኔኒ ነ ናአትꬃፓ ዳንꬂ ክርስቶስ የሱሳ አማኒ አቶትꬅ በንትዘ ጭንጫትꬅ እንጎደስ ዳንዳእዘ ጌሽ ማጻፈ ኤርዳ።
2TI 3:16 ጌሽ ማጻፈ ኡባ ጾዘ አያና ካልꬅን ጻፍንትደ ቃላ። የ ማጻፍዘ ቱሮ ታማርሶደስ፥ ባልዱንꬃና ሴሮደስ፥ ሉልሳደስን ጽሎትꬅ የስ ኮሽዘ ዞረ እንጎደስ ማዳነ።
2TI 3:17 ጾዘ አስ ፎሎን ሎኦ ኦቻ ኡባስ ጊግዳያ ማቃደ ፋና ማዳነ።
2TI 4:1 ታኒ ነና ጾዘ ቲኖን፥ ካት ማቂ አሆደስ ቆንጭዘ ዎደ ፋጹንꬃናን Ꮉይቂዱንꬃና ፍርዶደስ የዘ ክርስቶስ የሱሳ ቲኖ ዞራነ።
2TI 4:2 ቃላ ኦሆ፤ ዎደ ጊግን ጊጋንጽን ምንꬂ ኦሆ። ጋማ ዳንዳአራን ታማርሰራ አሱንꬃና ዞሮ፥ ሴርተራ ምንꬅꬆ።
2TI 4:3 አሱንꬅ ቱሪ ትምርተ ስአንጾደ ዎደ ዮኦዳ። ኡን ፋ አሞትꬅ ካሊ፥ ፋስ ስኦደስ ኡፋይስዘ ባዝ ኦህዘ አስታማሩንꬃና ሺሻነ።
2TI 4:4 ኡን ቱርባዝ ኦህዘ ትምርተ አሺ፥ ቱሮ ማቆሰ ቶሴ ስኦደስ ፋ Ꮉይቶ ማሀነ።
2TI 4:5 የዝን ኔኒ ኡባ ባዛራ ነና አሆ። ማꬋ ዳንዳኦ። ዎንገለ ማርካትꬅ ኦችቶ ኦቾ። ኔስ እንግንትደ ጾዘ ኦችቶ ኡባ ፎሎ።
2TI 4:6 ታኒ ዣርሾ ፋና ዣርሽንቶደ ዎደ የልዳ፤ Ꮉና አላምቶ አሺ ቅትዘ ዎደ ኡክዳ።
2TI 4:7 ታኒ ሎኦ ኦላ ኦልንትዳ፤ ዎꬅቶ Ꮉስዳ፤ አማኖ ናግዳ።
2TI 4:8 ቲኖፓ ጽሎትꬅ ዎርቃ ዛዉደ ታና ናጋነ። ይኖ ጽሎ ፍርዳ ፍርድዘ ላꬄ ይኖ ላምእንꬃ የኤ ቃምተ ታስ እንጎዳ። ይኖ ታ ጻላላስ ባይዝን ኤ ቆንጭꬅቶ አሙꬍዘ ኡቡንꬅስ እንጎዳ።
2TI 4:9 ኤልሲ ይእ ታና ቦኦ።
2TI 4:10 ዴማሳ Ꮉና አላምተ የዘ ባዝ ካꬊ፥ ታና አሺ፥ ተሰሎንቄ ካታማ ቅትዳ። ቀርቅሳ ጋላትያ ሳአ፥ ማህ ትቶ ድልማጠ ሳአ ቅትዳ።
2TI 4:11 ሉቃሳ ጻላላ ታራ የነ። ማርቆሳ ጾዘ ኦቻ ታና ማዶደስ ዳንዳእዘ ግሾ ኔራ ኤኪ ዮኦ።
2TI 4:12 ታኒ ትክቆሳ ኤፈሶነ ካታማ ዳክዳ።
2TI 4:13 ኔኒ ይእተር፥ ጢሮአዳ ካታማ ካርፖሳ ካለ አሺ ይእደ ታ ኮትዛን ማጻፍቶ ታስ ኤኪ ዮኦ። ኡባፓ አꬂ ቆለራ ጻፍንትደ ማጻፍቶ ኤክካይዛራ ይእፐ።
2TI 4:14 መቆ ቆጽዘ እስክንድረ ታና ጋማ ቆህዳ፤ ላꬂ ኤ ኦችት ፋና ኤስ ማሆዳ።
2TI 4:15 ኤ ኑ ትምርትቶ ጋማ እጽዘ ግሾ ኤፓ ነና ናጎ።
2TI 4:16 ቲኖ ታ ሞትንትዘ ዎደ ኡባና አሺ ቅትዳ ፋትን ኦንን ታና ማድካያ። ጾዚ ይና ባልቶ ኡንትስ ፋይድፐ።
2TI 4:17 የዝን ታኒ ሙሎ ኪታ አይሁደ ማቆሰ አሱንꬅ ኡቡንꬅስ ማርክꬍን፥ ኡን ስኦደ ፋና ላꬂ ታ ካለ ኤቂ ታስ ዎልቃ እንግዳ። ማህ ጋሞ ፋና ዶና ሻቅንግደ Ꮉይቆፓ ታና አሽዳ።
2TI 4:18 ላꬂ ታና ኢታ ኡባፓ አሺ ፋ ሳሎ ካእቱሞ ሳሮራ የልꬆዳ። ኤስ መꬍናፓ መዽና የሎደስ ቦንቾ ማቀ። አምንኤ።
2TI 4:19 ጵርስቅላስ፥ አቂላስን አነስፎራ ካራ አሱንꬅስ ታ ሳሮትꬅቶ ኦሆ።
2TI 4:20 ኤራስጾሳ ቆሮንቶሳ ካታማ አትዳ። ጥሮፍሞሳ Ꮉርግንትደ ግሾ ምሊጠ ካታማ አሽዳ።
2TI 4:21 ባርጎ ገሎደፓ ቲኒ ኤልሲ ዮኦ። ኤዉቡሉሳ፥ ጱዴሳ፥ ልኑሳ፥ ቅላደያን መለ አማንዘ አሱንꬅ ኡቡንꬅ ነና ሳሮ ሳሮ ጋነ።
2TI 4:22 ላꬄ የሱስ ክርስቶሳ ኔራ ማቀ። ጾዘ ማሮትꬅታ ይን ኡቡንꬃራ ማቀ።
TIT 1:1 የሱስ ክርስቶሳ ሐዋረን ጾዘ አሮ፥ ጳዉሎሳ፥ ጻፍደ ኪታ። ጾዚ ዶርደ አሱንꬅ አማኖ ድቾደ ጋራን ቱሪ አያና ደኦ ዋይዝ የሳደ የዛኮ ቱሪ ኤራጎ ኡንታና ካልꬆደስ ታ ኪትንትዳ።
TIT 1:2 ይና አማንታን ኤራትꬅታ መዽና ደኦ ኡፋይሳላ አፋ ካትዳ። ይኖ ጋማ ዎደፓ ቲኖ ዎርዶ ኦሆሰ ጾዘ ኑስ እንጎዳ ጋእ ቃላ ገልዳ።
TIT 1:3 ኑና አሽዘ ጾዘ ፋ ዎድተ Ꮉኖ ኪቶ ኦሆደ ፋና ታስ Ꮉዳራ እንግ ፋ ቃልቶ ቆንጭዝዳ።
TIT 1:4 ኑ ኮꬄ አማኖ ታ ቱሪ ናአ ማቅደ ትቶ፥ ጾዚ አዳይፓ ኑና አሽዘ የሱስ ክርስቶሳፓ አꬎ ኬሃትꬅ፥ ማሮትꬅን ሳሮትꬅ ኔስ ማቀ።
TIT 1:5 ታኒ ነና ቃርጼሰ አሺ ይእዳና፥ ነ አትደባዝ ጊግሳደ ፋናን ታኒ ኪትዳን ፋና ካታማ ኡባነ ዎሳ ኬꬃ ጭሙንꬃና ዶሮደ ፋና።
TIT 1:6 ዎሳ ኬꬅ ጭማ ቦርንቶሳ፥ ፈቲ ማች አዝን፥ ዎጋ ባለራ ዎይ ኪትንታንጸራ አስ ቦሮሰ አማንዘ ናኡንꬅ የዘ አስ ማቃደስ ቤዛነ።
TIT 1:7 ዎሳ ኬꬂ ጭማ ጾዘ ኦቻ Ꮉዳራ ኤክደ ግሾ ቦርንቶሳ፥ ኡቱርቶሳ፥ ኤልስ ዥልꬎሳ፥ ማꬅንቶሳ፥ ኦሄ መꬎሳ፥ ቤዞሰ ባዝስ ዳፍንቶሳ ማቆደስ ቤዛነ።
TIT 1:8 የዝን ዛቆ ሞክዛ፥ ሎኦ ባዝ ኡባ ካꬍዛ፥ ቆፋራ የዛያ፥ ጽሎ፥ ጌሽን ፋና አህዛያ ማቃደስ ቤዛነ።
TIT 1:9 መሉንꬃና ቱሪ ትምርተራ ምንꬅꬆደስን ይና ትምርትቶ እጽዙንꬃና ማሆደስ ፋ ታማርደ አማንꬅዘ ቃልተ ሚንግ ኤቆደስ ቤዛነ።
TIT 1:10 ኪትንቶሱንꬅ፥ ፋꬆሰ ኦሄ ኦህንትዙንꬅ፥ ጭምዙንꬅ አꬂ ጋራዝንተ ዎጋ ናግዘ ጋማ አሱንꬅ የነ።
TIT 1:11 ኡን ቤዞሰ ኦገራ ሚሸ ደንጎደስ ኮይ፥ ታማርሶደስ ቤዞሰ ባዝ ታማርስተራ ካራ አሱንꬃና ኡባ ኢስዘ ግሾ ኡን ትምርትቶ ተቆደስ ቤዛነ።
TIT 1:12 ኡን ናቡንꬃፓ ፈታይ፥ «ቃርጼሰ አሱንꬅ ኡባ ዎደ ዎርዶ ኦህንታነ፤ ኢታ ጾꬁንꬃና፥ አዛልአ ዥምባራ» ያጋይዳ።
TIT 1:13 Ꮉና ማርካትꬅታ ቱሪ ማርካትꬅ። ይኒ ግሾ፥ ኡንትስ ቱሪ አማኖ የሳደ ፋና ኡንታና ሴሮ።
TIT 1:14 ቱሮ እጽዘ አሱንꬅ ትምርትቶን አይሁዱንꬅ ፋꬆሰ ቶሴ ስአመ ፋና ኡንታና ሴሮ።
TIT 1:15 ጌሹንꬅስ ኡባና ጌሽ፥ የዝን ቱኑንꬅስን አማኖሱንꬅስ ኡን ቆፍታን ዎዝንታ ቱንደ ግሾ ኡንትስ አኮን ጌሽ ማቆስ።
TIT 1:16 ኡን ኑ ጾዝ ኤራነ ጋእነ፥ የዝን ፋ ኦችተ ኤዛ ካዳነ። ኡን እጽንትዱንꬃና፥ ኪትንቶሱንꬃናን ሎኦ ኦቻ ኡባስ ማቆሱንꬃና።
TIT 2:1 የዝን ኔኒ ሉለ ትምርተ ታማርሶደስ ቤዛነ።
TIT 2:2 ጭማ ꬊራꬁንꬂ ፋና አህዙንꬃና፥ ዎፑ ጋይዱንꬃና፥ ቦንችንትዱንꬃና፥ አማኖራ፥ ሲቆራን ዳንዳአራ፥ ምንꬂ ማቃደ ፋና ዞሮ።
TIT 2:3 ይኒ ጋራን፥ ጭማ ማቹንꬅ ፋ የስተ ጌሹንꬃና፥ ዙዝንጎሱንꬃና፥ ኡሽ አሞትꬅ ባይዙንꬃና ሎኦ ባዝ ታማርስዙንꬃና ማቃደ ፋና ታማርሶ።
TIT 2:4 ኡን ይኒ ፋና Ꮉንኮ ናአትꬅ ማቹንꬅ ፋ አዝኑንꬃናን ፋ ናኡንꬃና ሲቆደ ፋና ታማርሶደስ ቤዛነ።
TIT 2:5 ጾዘ ቃላ ቦሩንታመ ጋር ፋና አህዙንꬃና፥ ጌሹንꬃና፥ ፋ ካራ ኦችዙንꬃና፥ ካራ ፋ አዝኑንꬅስ ኪትንትዙንꬃና ማቃደ ፋና ናአትꬅ ማቹንꬃና ታማርሶ ዞሮ።
TIT 2:6 ይኒ ጋር፥ ይꬎ ꬊራꬁንꬂ ፋ ኦምቶ አሆደ ፋና ዞሮ።
TIT 2:7 ኔኒ ነ ኦምተ ሎኦ ኦቻ ኡባነ ኡንትስ አዝዘ ማቆ። ኔኒ ነ ትምርትተ ቱሮን አማንንትዳያ ማቆ።
TIT 2:8 ኑ ሞርኩንꬅ ኑና ዝግሮደስ ምክናተ ማቅዘ ባዝ ኡንትስ ꬋብን ኡን ዬልꬎደ ፋና ነ ቦሩንቶሰ ሎኦ ኦሄ ኦህንቶ።
TIT 2:9 አሩንꬂ ኡባ ባዛ ፋ ላꬁንꬅስ ኪትንቶደ ፋና፥ ኡንታና ኡፋይሶደ ፋናን ኡንታራ ላላመ ፋና ዞሮ።
TIT 2:10 ኡን ፋ ላꬁንꬃፓ ሚሸ ካይስትፐ። ይናን፥ ኑና አሽዘ ጾዘ ትምርተ፥ ኡባ ኦገራ ካꬍንትዳያ ማቃደ ፋና ፋ ኦችዘ ኦችተ አምንንትዱንꬃና ማቅዛኖ ቤዞደ ፋና ኡንታና ዞሮ።
TIT 2:11 አስ ኡባ አሽዘ ጾዘ አꬎ ኬሃትꬅ ቆንጭዳ።
TIT 2:12 የ አꬎ ኬሃትꬅዘ፥ ኑ ናጋርቶን Ꮉና አላመ አሙቶ አሺ፥ Ꮉና ዎድተ ኑ ኦምቶ ናጊ፥ ቱሪ አያና የሳራን ጽሎትꬃራ የሳደ ፋና ኑና ታማርሳነ።
TIT 2:13 ይኒ ፋና ኑኒ አንጅንትደ ኡፋይስ ማቅደ ዳማ ጾዛን ኑና አሽዘ የሱስ ክርስቶሳ ቦንቾ ቆንጭꬅቶ ናጋነ።
TIT 2:14 ኢታ ኦቻ ኡባፓ ኑና ዎዞደስን ሎኦ ባዝ ኦቾደስ አሙꬍዘ ፋ ጌሽ አስ ኬሶደስ ኑ ግሾ ፋና አꬂ እንግዳ።
TIT 2:15 ኔኒ Ꮉኖ ታማርሶ፤ ኩሙꬅ አደትꬅ ወልቃራ ዞሮ፥ ሴሮ፤ ኦደን ነና ለቂፐ።
TIT 3:1 አሱንꬅ ዎርዣ አህዙንꬅስ፥ አደትꬅ ዎልቃ የዙንꬅስ አዳትꬃራ ኪትንቶደ ፋና፥ ሎኦ ኦቻ ኡባ ኦቾደስ ጊግንትዱንꬃና ማቃደ ፋና ቆፕዞ።
TIT 3:2 ማህን ኡን ኦደላን ኢታ ኦህንታመ ፋና፥ ሳሮ አስ ማቃደ ፋና፥ ዳልጋን አስ ኡባስ አዳ ማቃደ ፋና ዞሮ።
TIT 3:3 ኑ ዛጋ ኤዩንꬃና፥ ኪትንቶሱንꬃና፥ ባልንትዙንꬃና፥ ዱማ ዱማ አሾ ኡፋይስስን አሞስ አሮ ፋና ማቅዱንꬃና። ኑ ኢታትꬃራን ቅናተራ ኩምዱንꬃና፤ ኑኒ አስ እጽዙንꬃና፥ አስን ኑና እጽዙንꬃና።
TIT 3:4 የዝን አሽዘ ጾዘ ኬሃትꬅን ሲቆ ቆንጭደ ዎደ
TIT 3:5 ኑ ኦችደ ጽሎ ኦቻ ግሾ ባይዝን ፋ ማሮትꬅት ግሾ ኑና አሽዳ። ኑና ኤ አሽዳና፥ ላምእንꬃ የልንተ ሜጭንተራን ጌሽ አያና ባጋራ እንግደ ክለ ደኦር።
TIT 3:6 የ አያንዛ፥ ጾዚ ኑና አሽዘ የሱስ ክርስቶሳ ባጋራ ኑላ አፋ ጋንꬅ ጉስዳ።
TIT 3:7 ፋ አꬎ ኬሃትꬅት ባጋራ ኑና ጽልዚ መዽና ደኦ ላታ ኡፋይስ አይኮደ ፋና ይኖ ኦችዳ።
TIT 3:8 Ꮉይ ቃልዘ አምንንትደ ቃላ። ጾዛ አማንዙንꬅ ሎኦ ኦቻ ኦቾደስ ጊግዱንꬃና ማቃደ ፋና ነ Ꮉና ቃልቶ ምንꬂ ኦሆደ ፋና ታ ኮያነ። Ꮉንስ አስ ኡባስ ሎኦን ማድዘ ባዝ።
TIT 3:9 የዝን ኤያትꬅ ላለፓን፥ ኮች ፋይደፓ፥ ካቻፋን ህገ ምክናተራ ደንድዘ ላለፓ ናግንቶ። ይና ማደን ትርፈ ባይዘ ባዝ።
TIT 3:10 ሻክንተ መꬍዘ አꬃ ቲኖ ዞሮ፤ ላምእንꬃ ካጮ ይንፓ ሱባ ኤፓ Ꮉኮ።
TIT 3:11 ይኒ ጋርዘ አስ ዎቦን ናጋራንቾ፤ ኤ ፋላ አፋ ፍርድዛኖ ኤሮ።
TIT 3:12 ታኒ ስላ የይጋ ኣꬆደስ ቆፕደ ግሾ አርጤማሳ ዎይ ትክቆሳ ኔጎ ኪትዘ ዎደ ነ ታጎ ንቆጵልዮና ካታማ ዮኦደስ ኤልሶ።
TIT 3:13 ህገ ኤራንቻ ዜናሳን አጵሎሳ ኦገ Ꮉንግዘ ዎደ ኡንትስ ኮሽዘ ባዝ ፋጫመ ፋና ኡንታና ማዶ።
TIT 3:14 ኑ አሱንꬅን ፋꬆሰ አስ ማቂ አታመ ፋና ፋስ ኮሽዘ ባዝ ደንጎደ ፋና ሎኦ ኦቻ ኦቾደስ ሚንግ ታማሮ።
TIT 3:15 ታራ የዘ ኡቡንꬅ ነና ሳሮ ጋነ፤ አማኖራ ኑና ሲቅዘ አሱንꬃና ሳሮ ጋኦ። ጾዘ አꬎ ከሃትꬅታ ይን ኡቡንꬃራ ማቀ። አምንኤ።
PHM 1:1 ታኒ ጳዉሎሳ፥ የሱስ ክርስቶሳ ግሾ አቻ የዛይን ኑ እሸ ጢሞትዮሳ፥ ኑራ ኦችዘ ኑኒ ካዽዘ ፍልሞናስ፥
PHM 1:2 ይኒ ፋና ነ ካራ ሺቅዘ አማንዙንꬅስ፥ ኑ ምሽታ አፍብያሳስን ኑራ ዎላ የዘ ዎታዳረ አርክጳሳስ ጻፍደ ኪታ።
PHM 1:3 ጾዘ ኑ አደፓን ኑ ላꬄ የሱስ ክርስቶሳፓ አꬎ ኬሃትꬅን ሳሮትꬅ ይንትስ ማቀ።
PHM 1:4 ኔኒ ጌሹንꬃና ካꬍዛኖን ላꬄ የሱሳ አማንዛኖ ታኒ ስእደ ግሾ ጾዛ ዎስተራ ነና ቆፕዘ ዎደ ኡባ ታ ጾዝ ጋላታነ።
PHM 1:6 ኔኒ ነ አማንቶ መሉንꬅስ ሻክዛና ኑስ ክርስቶስ የሱሳ ባጋራ የእዘ ሎኦ ባዝ ኡባ ኤሮደ ፋና ታኒ ጾዝ ዎሳነ።
PHM 1:7 አማንዙንꬅ ዎዝንታ ነ ኦችተ ሸምፕደ ግሾ ታ እሻዮ፥ ታኒ ነ ሲቅተ ጋማ ኡፋይስን ምንꬅትሞ ደንግዳ።
PHM 1:8 ይኒ ግሾ፥ ኔኒ ኦቾደስ ቤዘባዝ ኦቾደ ፋና ነና ኪቶደስ ክርስቶሳ ባጋራ ታስ ምንꬂ ቆፋ የነ።
PHM 1:9 ታኒ፥ ጭምዘ ጳዉሎሳ፥ ክርስቶስ የሱሳስ Ꮉተን አች ኬꬃ የዛይ፥ ሲቆራ ነና ዎሳነ።
PHM 1:10 ታኒ አች ኬꬃ የዝተራ ክርስቶሳራ ታስ ናአ ማቅደ አናስሞሳ ግሾ ነና ዎሳነ።
PHM 1:11 ኤ ዛጋ ነና ማዶስ፥ የዝን Ꮉተ ነናን ታናን ቱርፓ ማዶደ አስ።
PHM 1:12 ታኒ ዎዝናፓ ካዽዘ አናስሞሳ ኔጎ ዳክዳ። ታኒ ዎንገለ ግሾ አጭንቲ የዝን፥ ነ ግሾ ማህ ታና ማዶደ ፋና ታ ካለ ኤዛ አሾደስ ኮይዳ።
PHM 1:14 የዝን ነ ቆፋ ጋር ኦቾደስ ኮይዳፕ አትን ኔራ ዞርንትካይዛራ ዎልቃራ አኮን ኦቾደስ ኮዮስ።
PHM 1:15 አናስሞሳ ኤራꬅ ዎደ ኔፓ ሻክንትደ፥ ኦደ ኤሮደ ማቂ ኡባ ዎደ ኔራ የዝካይዛራ አታማ።
PHM 1:16 ይኬ፥ Ꮉንፓ ሱባ አናስሞሳ አሮ ባይዝን አሮፓ ኤ ጋማ አꬋነ። ኤ ታስ አኮ ጋር ሲቆ እሸ! ማህ ኤ ኔስ አሾ ባጋራን ላꬄ ባጋራ አꬍደ እሸ።
PHM 1:17 ይኬ፥ ኔኒ ታና ኔስ ላገ ጋዘባዝ ማቅኮ ታና ሞክዛንፋና ኤዛ ሞኮ።
PHM 1:18 ኤ ነና ቆህደ ባዝ ዎይ ኤስ ጋለ የዝኮ ታፓ ኤኮ።
PHM 1:19 ይና አጭቶ ታ ጭጋዳ ጋእ ታኒ፥ ጳዉሎሳ፥ ታ ኩሽተ ጻፋነ። ኔኒ ታስ ነ ሸምፕቶ ጋልꬊ በትዳያ ታኒ ነና ቲርሳደስ ኮሾስ።
PHM 1:20 ታ እሻዮ፥ ላꬄ ባጋራ ኔፓ ማደ ደንጎደስ ኮይዳ። ክርስቶሳ ባጋራ ታና ምንꬅꬆ።
PHM 1:21 ታኒ ጋይዳንፋ ጋማ ነ ኦቾዳኖ ኤሪ ማህ ነ ታስ ኪትንቶዳኖ አማኒ Ꮉኖ ጻፋነ።
PHM 1:22 ጾዚ ይን ዎስቶ ስእ ታና ይንታጎ ሱብ ማሆዳ ጋእ ቆፕዘ ግሾ ታስ አቅዘ ኬꬅ ጊግዞ።
PHM 1:23 ክርስቶስ የሱሳ ግሾ ታራ አቻ የዘ ኤጳፍራ ነና ሳሮ ሳሮ ጋነ።
PHM 1:24 ማህ ታራ ዎላ ኦችዘ ማርቆሳ፥ አርስጥሮኮሳ፥ ዴማሳን ሉቃሳ ነና ሳሮ ሳሮ ጋነ።
PHM 1:25 ላꬄ የሱስ ክርስቶሳ አꬎ ከሃትꬅታ ይንታራ ማቀ።
HEB 1:1 ዛጋ ጾዚ፥ ኑ አዱንꬅስ ናቡንꬅ ባጋራ ዱማ ዱማ ኦገራ ጋማ ዎደ ኦህዳ።
HEB 1:2 የዝን Ꮉና ዉርሱꬅ ዎድተ ኡባኖ ኤዛ ላትዝደ ማህ አላምቶ ኤ ባጋራ መꬍደ ፋ ናአይ ባጋራ ኑስ ኦህዳ።
HEB 1:3 ናአይ ጾዘ ቦንቾ ፎእዘን ኩሙꬅ ጾዘ ጾዘትꬅቶ ኤኪ፥ ፋ ዎልቃ ቃላራ Ꮉና አላምቶ ካቲ አይክዳ። አሱንꬃና ኡን ናጋራፓ ጌሽዳንፓ ሱባ ኡባፓ ካታራ ጾዘ ምዛቅ ዛላራ ሳሎ በትዳ።
HEB 1:4 ኤስ እንግንትደ ሱንꬅታ ኪታንቹንꬅ ሱንꬃፓ ካታራ ማቅዳን ፋና ኤ ኡንታፓ ካታራ።
HEB 1:5 ይኬ፥ ጾዚ ኪታንቹንꬃፓ ኦደጎ፥ «ኔኒ ታ ናአ፤ ታ Ꮉይኖ ኔስ አደ ማቅዳ» ጋይዶ? ዎይ ማህ ኦደጎ፥ «ታኒ ኤስ አደ ማቃዳ፤ ኤዝን ታስ ናአ ማቃዳ» ጋይዶ?
HEB 1:6 ማህ ጾዚ ፋ አንግስ ናአያ Ꮉና አላምተ ኪትተራ፥ «ጾዘ ኪታንቹንꬅ ኡባ ኤስ ጎይኖ» ያጋይዳ።
HEB 1:7 ጾዚ ኪታንቹንꬅ ባዝ ኦህተራ፥ «ጾዚ ፋ ኪታንቹንꬃና አያና፥ ፋ አሩንꬃና ታማ ሎጸ ማህነ» ያጋይዳ።
HEB 1:8 የዝን ፋ ናአይ ባዝ ኦህተራ፥ «ጾዛዮ፥ ነ ካእቱምታ መꬍናስ የነ። ነ ካእቱምቶ ነ ጽሎትꬃራ አሆ።
HEB 1:9 ኔኒ ጽሎትꬅ ካꬍዳ፤ ኢታ እጽዳ። ጾዚ፥ ነ ላꬄ፥ ነና ነ ላጉንꬃፓ አꬂ ዶርዳ፥ ኡፋይስ ዛይተ ነና ትዥዳ» ያጋይዳ።
HEB 1:10 ጾዚ ማህ፥ «ላꬃዮ፥ ቲኖ ኔኒ ሳአ መꬍዳ፤ ሳሉንꬅ ነ ኩሸ ኦቻ።
HEB 1:11 የንስ ኡባ ꬋቦዳ፤ የዝን ነ የሳዳ። ኡን ኡባ አፉላ ፋና Ꮉልኦዳ።
HEB 1:12 ነ ማጋራጃ ፋና ጻጾዳ፤ ማህ ኡን አፉላ ፋና ጭንጎዳ። የዝን ኔኒ ኡባ ዎደ ነና፤ ነ በርታን Ꮉልኦስ» ያጋይዳ።
HEB 1:13 የዝን ጾዚ ኪታንቹንꬃፓ ኦደጎ፥ «ታኒ ነ ሞርኩንꬃና ነ ቶህታ የꬍዘ በሲ ማሆደ ዎንꬅስ፥ Ꮉነ ታፓ ምዛቅ ዛላራ በቶ» ጋይዶ?
HEB 1:14 ኪታንቹንꬅ ኡባ አቶትꬅ ደንጎደስ የዘ አሱንꬃና ማዶደስ ጾዚ ኪትደ አያኑንꬃና ባነ?
HEB 2:1 ይኒ ግሾ፥ ኑኒ ስእደ ቱርፓ መለ በሳ ኤክንታመ ጋር ይና ስእዳኖ ምንꬂ ናጎደስ ቤዛነ።
HEB 2:2 ይኬ፥ ኪታንቹንꬅ ባጋራ ኦህንትደ ቃልታ ቱሮ ማቅኮ፥ ኤዛ ቆሄን ኪትንታንጽ እጸ ፍርዳ ክእዘባዝ ማቅኮ፥
HEB 2:3 ዬዝን፥ ኑኒ Ꮉኒ ጋር ዳማ አቶትꬅ ኮዮስ ጋይኮ፥ ዋይዝ አቶደ? ቲኖ ላꬂ ፋ ኦምተ ይና አቶትꬅቶ ኦህዳ፤ ማህ ኤፓ ስእዱንꬅ ኑስ ጌሽ ማርክꬍዳ።
HEB 2:4 ማህ ጾዚ ማላራን፥ ክለባዛራ፥ ዱማ ዱማ ክሌ ባዝ ፋ ቆፍት ጋር እንግደ ጌሽ አያና እሞትꬃራ ማርካትꬅቶ ምንꬅዳ።
HEB 2:5 ጾዚ Ꮉና ኑኒ ኦህዘ ቲኖፓ የኦደ አላምቶ፥ ኪታንቹንꬅስ አህዝካያ።
HEB 2:6 ጌሽ ማጻፍተ ፈቲ በሳ Ꮉንጋራ ያጋይዳ፦ «ኔኒ አስስ ቆፖደስ አስ አኮ? ዎይ ኔኒ ኤዛ ናጎደስ አስ ናአይ አኮ?
HEB 2:7 ነ ኤ ኪታንቹንꬃፓ ጽቅና ኤራꬅዳ፤ ኤ ኦምተ ቦንቾን ናሾ ባርኔጻ ጋድዳ።
HEB 2:8 ማህ ኡባባዝቶ ኤ ቶህትፓ ኦሞራ ጋድዳ» ያጋይዳ። ጾዚ ኡባባዝቶ ኤስ አህዘ ዎደ ኤስ አቅካይዘ ባዝ አኮን ባያ። የዝን Ꮉተ ኡባ ባዝ ኤስ አቆደራ ኑኒ Ꮉጋ ብእካያ።
HEB 2:9 የዝን ኑኒ ኪታንቹንꬃፓ ጽቅና ኤርደ የሱሳ በእነ። ጾዘ አꬎ ኬሃትꬅት ባጋራ የሱሳ አስ ኡባስ Ꮉይቂዳ። ኤ ዋየ Ꮉይቆ Ꮉይቂደ ግሾ ቦንቾን ናሾ ባርኔጻ ኤ ኦምተ ጋድዳ።
HEB 2:10 ኡባ ባዝ ኤስን ኤ ባጋራ መꬍንትደ ጾዚ፥ ጋማ ናኡንꬃና ፋራ ቦንችሳደስ ኡን አቶትꬅትስ ኦማ፥ የሱሳ ዋይቶ ፎሎ ማሆደስ ኤስ ቤዛነ።
HEB 2:11 የሱሳን የንꬅ ኤ ጌሽደ አሱንꬅ ኡባ ፈቲ አደ ናኡንꬃና። የሱሳ ኡንታና፥ «ታ እሹንꬃና» ጋእ ጼጎደስ ዬልꬎሳና ይንስ።
HEB 2:12 የሱሳ፥ «ታኒ ነ ሱንꬅቶ ታ እሹንꬅስ አዋጆዳ፤ ዎርዣ ሺቅተ ነና ጋላቶዳ» ያጋይዳ።
HEB 2:13 ማህ ኤ፥ «ታኒ ታ አማንቶ ኤላ አፋ ጋዶዳ» ማህን፥ «ጾዚ ታስ እንግደ ናኡንꬃራ ታ Ꮉነ የነ» ያጋነ።
HEB 2:14 ናኡንꬅ አሾን ሱꬅ የዙንꬃና ማቅደ ግሾ የሱሳን ኡን ፋና አስ ማቅዳ። ኤ ይኖ ኦችዳና፥ Ꮉይቆላ አፋ ዎልቃ የዘ ጻላህዛ ፋ Ꮉይቅተ ꬋብሶደስ።
HEB 2:15 ማህ ፋ የዘ በርተ ኡባ Ꮉይቆ ዣሽሞራ አርꬊ የዙንꬃና አሮትꬃፓ ኬሶደስ።
HEB 2:16 ቱሮ የሱሳ ይእዳና አብራሃማ ኮች ማዶደስ ፋትን ኪታንቹንꬃና ማዶደስ ባያ።
HEB 2:17 አስ ናጋራ አቶ ጋእንቶደ ፋና ጾዘ ቲኖ ዱርዘ አማንንትደ ካህኑንꬅ Ꮉላቃ ማቅዳ። ይኒ ግሾ፥ ኤ ኡባባዝተ ፋ እሹንꬃና አዞደስ ቤዛነ።
HEB 2:18 ኤ ፋ ኦምተ ፋታናራ ዋይንትደ ግሾ ፋታንንትዙንꬃና ማዶደስ ዳንዳአነ።
HEB 3:1 ይኒ ግሾ፥ ጾዚ ጼግደ ጌሽ እሹንꬆ፥ ኑ አማኖራ ላꬆ ጋእ ጼግዘ ሐዋረን ካህኑንꬅ Ꮉላቃ የሱሳ ቦኦተ።
HEB 3:2 ሙሴ ጾዘ ኬꬃ ኡባ አማንንትዳን ፋና የሱሳን ፋና ዶርደ ጾዘስ አማንንትዳያ።
HEB 3:3 ኬꬂ ኬጽዛይ ኬꬅትፋ አꬊ ቦንችንትዛን ፋና የሱሳ ሙሴፓ አꬍዘ ቦንቾ ኤኮደስ ቤዛነ።
HEB 3:4 ፈታ ፈታ ኬꬅዛ ኬጽደ አስ የነ፥ የዝን ኡባኖ ጊግዝደ ጾዚ።
HEB 3:5 ሙሴ ጾዘ ኬꬃ ኡባነ አማንንትደ አሮ ማቂ፥ ጾዚ ቲኖፓ ጋዉደባዝስ ማርካ ማቅዳ።
HEB 3:6 የዝን ክርስቶሳ ጾዘ ኬꬅተ ናአ ፋና አማንንትዳያ። ኑኒ ኤኮዳ ጋእ ናግዘ ኡፋይስቶ ምንꬂ ናግኮ ጾዘ ኬꬂ ማቃነ።
HEB 3:7 ይኒ ግሾ፥ ጌሽ አያና ጋዛንፋና፥ «Ꮉይኖ ይን ጾዚ ጋዛኖ ስእዘ ዎደ
HEB 3:8 አኮ ባይዘ ሳአ ፋታንዘ ቃማ፥ ይን አዱንꬅ ገነ Ꮉንትዳን ፋና፥ ይን ዎዝንቶ ምንꬅፐተ።
HEB 3:9 ይን አዱንꬅ ታና ፋታንዳ፤ ኦይታም በረ ታ ኦችቶ ብእዳ።
HEB 3:10 ይኒ ግሾ፥ ታ ይና የለቱንꬃና ካጭ፥ ‹ኡን ኡባ ዎደ ፋ ዎዝንተ ባላነ፤ ታ ኦግቶ ኤርካያ› ያጋይዳ።
HEB 3:11 ይኒ ግሾ፥ ታኒ ዥሎራ ጫቂ፥ ‹ታ ሸምፖ በስቶ ሙሎን ገሎስ› ያጋይዳ» ያጋነ።
HEB 3:12 ታ እሹንꬆ፥ ይንታፓ ኦደን፥ ደኦ ጾዘፓ ይንታና ሻክዘ ኢታን አማኖሰ ዎዝና የዛመ ጋር ናግንቶተ።
HEB 3:13 ይንታፓ ኦደን ናጋራ ባልꬅን፥ ፋ ዎዝንቶ ምንꬃመ ጋር «Ꮉይኖ» ጋእንት ጼግንቶደራ ቃምተ ቃምተ ፈተ ፈተራ ዞርንቶተ።
HEB 3:14 ኑ ቲኖ አማንቶ ኑኒ ዉርሱꬅ የሎደስ ምንꬂ ናግኮ፥ ክርስቶሳራ ዎላ ሻክንትዙንꬃና።
HEB 3:15 ጌሽ ማጻፍተ፥ «Ꮉይኖ ጾዚ ጋዛኖ ይን ስእዘ ዎደ የ ዎደ ኡን ጩቦራ Ꮉንዳን ፋና፥ ይን ዎዝንቶ ምንꬅፐተ» ያጋይዳ።
HEB 3:16 ጾዚ ጋዘባዝ ስእ ጩቡꬍዱንꬅ ኦደ? ሙሴ ግብጸፓ ካልꬅ ኬስደ ኡቡንꬃና።
HEB 3:17 ጾዚ ኦይታም በረ ኦና ካጭዶ? ናጋራ ኦችዱንꬃናን ኡን አህታ አኮ ባይዘ ሳአ ዎꬊ አትደ አሱንꬃና ባነ?
HEB 3:18 ማህ ጾዚ፥ «ታ ሸምፖ በስቶ ገሎስ» ያጋእ ጫቂዳና፥ ኤስ ኪትንታንጽደ አሱንꬃና ባነ?
HEB 3:19 ይኬ፥ ኡን ይና ሸምፖ በስቶ ገላንጽዳና አማንካይዘ ግሾ ማቅዳኖ ኑ በእነ።
HEB 4:1 ይኬ፥ ጾዚ ኑና ፋ ሸምፖ በስቶ ገልꬆዳ ጋይደ ቃልታ Ꮉጋ ቲኖ የዘ ግሾ ይንታፓ ኦደን ይና ሸምፖ በስቶ ገላንጽ አታመ ፋና ናግንቶዳ።
HEB 4:2 ኡንትስ ምስራቾ ቃላ ሳባክንትዳንፋና፥ ኑስን ሳባክንትዳ። የዝን ኡን ስእደ ቃልቶ አማኒ ኤክካይዘ ግሾ ኡንታና ማድካያ።
HEB 4:3 ማቅኮን፥ አላመ መꬍንትዳንፓ አይኪ ጾዘ ኦችታ ፎልንትዳ ማቅኮን፥ ጾዚ፥ «ታኒ ታ ዥሎራ ጫቅ፥ ታ ሸምፖ በስቶ ሙሎን ገሎስ» ጋይዳንጋራ፥ ኑኒ አማንዱንꬅ ኤ ሸምፖ በስቶ ገሎዳ።
HEB 4:4 ላፑንꬆ ቃማባዝ ፈቲ በስተ፥ «ጾዚ ላፑንꬆ ቃምተ ፋ ኦቻ ኡባንፓ ሸምፕዳ» ያጋይዳ።
HEB 4:5 ማህን ይና በስተ፥ «ኡን ታ ሸምፖ በስተ ሙሎን ገሎስ» ያጋይዳ።
HEB 4:6 ቲኖ ምስራቾ ቃላ ስእ ኪትንታንጽ ሸምፖ በስቶ ገልካያ። የይኮን፥ Ꮉተ ይና ሸምፖ በስቶ ገሎደ ፈቲ ፈቲ አሱንꬅ የነ።
HEB 4:7 ይኒ ግሾ፥ ጾዚ፥ «Ꮉይኖ» ጋእ ጼግተራ ፈቲ ቃማ ኑስ ቃጣሮ እንግ ኤርስዳ። ጋማ ዎደፓ ሱባ ጾዚ ዳዉተ ባጋራ፥ «ጾዚ ጋዘባዝ Ꮉይኖ ይን ስእዘ ዎደ ይን ዎዝንቶ ምንꬅፐተ» ያጋእ ኦህዳ።
HEB 4:8 እያሱ ኡንትስ ሸምፖ እንግደባዝ ማቅዛኮ፥ ጾዚ መለ ቃማባዝ ሱባፓ ኦሆስ የሻ።
HEB 4:9 ይኬ፥ ጾዝ አስስ ሳምባታ ሸምፖ Ꮉጋ ናግንቲ የነ።
HEB 4:10 ጾዘ ሸምፖ በስቶ ገልዘ ኦደን፥ ጾዚ ፋ ኦችትፓ ሸምፕዳንፋና ኤዝን ፋ ኦችትፓ ሸምፖዳ።
HEB 4:11 ይኒ ግሾ፥ ኦደን የንꬅ አሱንꬅ ኪትንታንጽ እጽዳኖ ካሊ፥ ጎልአመ ፋና ጾዘ ሸምፖ በስቶ ገሎደስ ምንጎዳ።
HEB 4:12 ጾዘ ቃላ ደኦን ኦችዛያ። ላምእ ዛላራ ሌፍንትደ ማሻፓ አꬊ ኦጮ። ኤ ሸምፖ፥ አያና፥ ሻዣን ኮልዘን የሎደስ ገሊ ጫዳነ። ማህ አስ ዎዝንተ የዘ አችንትደ ቆፋን አሙቶ ሻኪ ፍርዳነ።
HEB 4:13 ጾዘ ቲኖ አችንትደ አኮ መትꬅን ባያ። ኤ ኣፍት ቲኖ ኡባ ባዝ ቆንጨን ካሎ የነ። ኑኒ ማሄ እንጎደስ ቤዘ ኤ ቲኖ።
HEB 4:14 ይኬ፥ ሳሎ ከዝደ ዳማ ካህኑንꬅ Ꮉላቅዘ፥ ጾዘ ናአይ የሱሳ፥ ኑስ የዘ ግሾ ኑ አማንቶ ምንꬂ ናጎዳ።
HEB 4:15 ኑ ካህኑንꬅ Ꮉላቅዘ ኑ ላብዘ ዎደ ኑስ ይቅስንቶደስ ዳንዳእዛያ። ኤ ናጋራ ኦችካያ፥ የዝን ኑ ፋና ኡባ ባዛ ፋታንንትዳ።
HEB 4:16 ይኬ፥ ማሮትꬅ ኤኮደስን ማደ ኮሽዘ ዎደ አꬎ ኬሃትꬅ ደንጎደስ አꬎ ከሃትꬅታ የዘ በሳ ጾዘ ካእቱሞ አራታጎ ዣሽሞ ባይꬅ ሺቆዳ።
HEB 5:1 ፈቲ ፈቲ ካህኑንꬅ Ꮉላቃ አሱንꬅ ግዳፓ ዶርንት፥ ጾዛራ የልꬅዘ ባዛ አስ ግሾ እሞን ናጋራ ዣርሾ ዣርሾደስ ሹሙንታነ።
HEB 5:2 ኤ ፋ ኦምተ ላብꬅ ማቅደ ግሾ ኤሮሱንꬅስን ባልንትዱንꬅስ ይቅስንቶደስ ዳንዳአነ።
HEB 5:3 ኤ ፋ ናጋራ ግሾን አስ ኡባ ናጋራ ግሾ ዣርሾ ዣርሾደስ ቤዛና ይንስ።
HEB 5:4 ኦደን Ꮉና ቦንችቶ ፋስ ኤኮደስ ዳንዳኦስ፥ የዝን አሮና ካህኑንꬅ Ꮉላቃ ማቃደስ ጼግንትዳን ፋና ጾዛራ ጼግንቶደስ ቤዛነ።
HEB 5:5 ይኒ ፋና፥ ክርስቶሳ ካህኑንꬅ Ꮉላቃ ማቅዘ ቦንችቶ ፋስ ኤክካያ። የዝን ጾዚ ኤዛ፥ «ኔኒ ታ ናአ። Ꮉይኖ ታ ኔስ አደ ማቅዳ» ያጋይዳ።
HEB 5:6 ማህ መለ በሳ፥ «መልከጻድቀ ካህነ ሹማ ማቅዳን ጋራ፥ ኔኒ መꬍናስ ካህነ ማቃዳ» ያጋይዳ።
HEB 5:7 የሱሳ አስ ማቂ Ꮉና አላምተ የዘ ዎደ ፋና Ꮉይቆፓ አሾደስ ዳንዳእዘ ጾዛ ጋማ ዬፎራን አፉꬃራ ዎስዳ። ኤ፥ ጾዝ ቦንቺ ኪትንትደ ግሾ ጾዚ ኤ ዎስቶ ስእዳ።
HEB 5:8 የሱሳ ጾዘ ናአ ማቅኮን ኤክደ ማꬍተ ኪትንተ ታማርዳ።
HEB 5:9 ይነን፥ የሱሳ ፋ ኦችቶ ፎልዳንፓ ሱባ ፋስ ኪትንትዘ ኡባ መዽና አቶትꬅ ደማደ ፋና ኦገ ማቅዳ።
HEB 5:10 ይናን ጾዚ መልከጻድቀ ሹማ ፋና ካህኑንꬅ Ꮉላቃ ማህ ኤዛ ሹምዳ።
HEB 5:11 Ꮉና ኑ ኦህትላ አፋ ጉጂ ኦሆደባዝ ጋማ ባዝ የነ፥ የዝን ይን ቆፍታ ኤራꬅ ማቅደ ግሾ ይንትስ ኦህ ገልꬆደስ ዋይꬃነ።
HEB 5:12 ይን Ꮉኒ ዎደ አስታማረ ማቃደስ ቤዛነ፥ የዝን ጾዘ ቃላ ቲኖ ትምርተ ይንታና ማህ ታማርስዘ መለ አስ ኮሻነ። ይን ምንꬂ ካꬃ ማደስ ዳንዳኦሰ ግሾ ማꬅ ኮሻነ።
HEB 5:13 ማꬅ ሽችንትዘ ኦደን ዦጋ ናአ ማቅደ ግሾ ሎኦን ኢታ ሻኪ ኤሮስ።
HEB 5:14 የዝን ምንꬂ ካꬃ ኮሽዘ ሎኦን ኢታ ሻክዘ ኤራ የዘ ዎዝናማ አስስ።
HEB 6:1 ይኬ፥ ክርስቶሳ ባዝ ታማርስዘ ቲኖ ትምርትቶ አሺ ክርስቶሳ ግዳ ዎዝናሙንꬅ ትምርተጎ የꬎተ። Ꮉይቆ ካልꬅዘ ኦቻፓ ማቅዘ ባዝን ጾዝ አማነባዝ ቲኖ ትምርተጎ ሱባ ማቆስ።
HEB 6:2 ይኒ ፋና፥ ጽንቃተ ባዝ፥ ኩሸ ጋደባዝ፥ Ꮉይቆፓ ደንዶ ባዝን መዽና ፍርዳባዝ ማህ ታማሮስ።
HEB 6:3 ጾዚ ጋይኮ ኑ ይኖ ኦቾዳ።
HEB 6:4 ፈቲ ቶሄ ፎኦ ፎእዱንꬃና፥ ሳሎ እሞ ኤክዱንꬃና፥ ጌሽ አያናፓ ግሽንትዱንꬃና፥
HEB 6:5 ሎኦ ጾዘ ቃላን ቲኖፓ የኦደ አላምት ዎልቃ ብእዱንꬃና፥
HEB 6:6 ሱባፓ ካድዱንꬃና ናጋራፓ ላምእንꬃ ማሆደስ ዳንዳእንቶስ። አኮስ ጋይኮ፥ ኡን ፋ ꬋበስ ጾዘ ናአያ ማህ ሱጽዘ ፋና ማስቃላላ አፋ ኤዛ ሱጻነን አስ ቲኖ ካዉሻነ።
HEB 6:7 ኡባ ዎደ ኤላ አፋ ቡክዘ እራ ኡዢ፥ ዎትዘ አꬃ ማድዘ ካꬃ እንግዘ ሳእታ ጾዛራ አንጅንትዳኖ።
HEB 6:8 የዝን አንጋꬅን ክንችከሎ ዶልዘ ሳእታ አኮ ባዝን ማዶስ፤ ኢስ ባድꬅ ኡክዳ፤ ዉርሱꬅተ ምችንቶዳ።
HEB 6:9 ኑ ሲቆ እሹንꬆ፥ ኑኒ Ꮉኒ ጋር ኦህዘ ባዝ ማቅኮን፥ ይንታና አቶትꬃጎ ካልꬅዘ ሎኦ ባዝ ይንትስ የዛኖ ኤራነ።
HEB 6:10 ጾዚ ሉለ ፍርድዛያ። ጾዚ፥ ይን ኦችደ ኦችቶን ዛጋ ማቅን Ꮉተ አማንዙንꬃና ማዲ፥ ኤስ የዘ ሲቅቶ ቤዝዳኖ ቦቶስ።
HEB 6:11 ይን ኡባ ኡፋይሳራ ናግዛኖ ደንጎደ ዎንꬅስ Ꮉና ምንꬅቱምቶ ፎሎ የሎደስ ቤዞደ ጋር ኑ አሙꬋነ።
HEB 6:12 ይን አማኖራን ዳንዳአራ ናግዘ ኡፋይስቶ ላትዘ አስ ማቃደ ጋር ፋትን አዛልአ ማቃደ ጋር ኮዮስ።
HEB 6:13 ጾዚ አብራሃማስ እንጎዳ ጋእ ጫቂደ ዎደ ፋፓ አꬍዘ መለ ዳማ ባይዘ ግሾ ፋ ኦምተ ጫቂዳ።
HEB 6:14 ኤጎ፥ «ታኒ ነና አንጆዳ፤ ነ ዛርቶ ጋንꬆዳ» ያጋይዳ።
HEB 6:15 አብራሃማ ዳንዳአራ ናጊ ጾዚ እንጎዳ ጋይደ ኡፋይስቶ ኤክዳ።
HEB 6:16 አስ ጫቂተራ ፋፓ ዳምዘ አሳራ ጫቃነ፤ ይና ጫቅታ ጋእንትደባዝ ምንꬂ፥ ላለ ኡባ Ꮉሳነ።
HEB 6:17 ይኒ ግሾ፥ ጾዚ ፋ ላምንቶሰ ቆፋ ኡፋይስ ቃላ ላትዙንꬅስ ቆንጭሳደስ ኮይደ ግሾ ጫቆራ ምንꬅዳ።
HEB 6:18 ጾዚ ዎርድꬎስ። ኤ ኡፋይስ ቃልታን ጫቅታ፥ ላምኡንꬅን ላምንቶስ። Ꮉና ላምእ ባዝተ ኑ ቲኖ የዘ ኡፋይስቶ አይኮደስ ዳንዳኦደ ፋና ካተ ደንጎደስ ኤጎ አችንትደ ኑኒ፥ ዳማ ምንꬅትሞ ደንጎዳ።
HEB 6:19 Ꮉና ኡፋይስታ ኑ ሸምፕትስ፥ ማርካበ ኤንእንታመ ፋና ምንꬂ አይክዘ መቆ ፋና። ይና ኡፋይስታ ማጋራጃፋ ሱባ ዛላራ የዘ ጌሽ በሳ ገልዳ።
HEB 6:20 የሱሳ መልከጻድቀ ሹማትꬅት ፋና መꬍናስ ካህኑንꬅ Ꮉላቃ ማቂ፥ ኑ ግሾ ኑፓ ቲኒ ይና በስቶ ገልዳ።
HEB 7:1 መልከጻድቀ፥ ሳለመ ካት፥ ኡባፓ ካታራ ጾዘ ካህነ። የ መልከጻድቀ አብራሃማ ካቱንꬃና ኦሊ ጋሚ ማቃደራ ኤራ የልንት ኤዛ አንጅዳ።
HEB 7:2 አብራሃማ ፋ ድእደባዝ ኡባፓ ኤስ አስራታ ኬሲ እንግዳ። መልከጻድቀ ሱንꬅታ ቲኖ «ጽሎትꬅ ካት»፥ ላምእንꬃ፥ «ሳለመ ካት» ብልꬅታ፥ «ሳሮትꬅ ካት» ጋኤ።
HEB 7:3 መልከጻድቀስ እንዳ ዎይ አደ ዎይ ኮች ፋይዶ ባያ። ኤ የለትꬅትስ ደንዶ ዎይ ኤ የስትስ ፋድꬅ ባያ፥ የዝን ጾዘ ናአ አዝዘ ማቂ መꬍናስ ካህነ ማቃነ።
HEB 7:4 መልከጻድቀ አኮ ጋር ዳማ የዛኮ ቦኦተ። ኑ አዱንꬅ ማይዘ፥ አብራሃማ፥ ፋ ድእደባዛፓ ኤስ አስራታ እንግዳ።
HEB 7:5 ካህነ ማቅደ ሌወ ኮች እስራኤለ አሳፓ፥ የንስን አብራሃማ ኮች ማቅደ ፋ እሹንꬃፓ አስራታ ኤኮደ ጋር ህግታ ኪታነ።
HEB 7:6 መልከጻድቀ ሌወ ኮች ማቃንጽኮን አብራሃመፓ አስራታ ኤክዳ፤ ኡፋይስ ቃላ የዘ አብራሃማ አንጅዳ።
HEB 7:7 ጌዛይ አንግሰፓ አንጅንትዛና ላልዞስ።
HEB 7:8 ፈቲ ባጋራ፥ አስራታ ኤክዙንꬅ Ꮉይቅዘ አሱንꬃና፥ የዝን መለ ባጋራ አስራታ ኤክዙንꬅ ደኦ የነ ያጋእ ኦህንትዳ።
HEB 7:9 ይኬ፥ አስራታ ኤክዘ ሌወ፥ አብራሃማ ባጋራ አስራታ እንግዳ ጋዉደስ ዳንዳእንታነ።
HEB 7:10 አኮስ ጋይኮ፥ መልከጻድቀ አብራሃማራ የልንትዘ ዎደ ሌወ የልንትካይዘባዝ ማቅኮን፥ ፋ ማይዘ አብራሃማ ቡንቅተ የነ።
HEB 7:11 እስራኤለ አሱንꬅስ ህገ ሌወ ካህነትꬅ ባጋራ እንግንትዳ። Ꮉና ሌወ ካህነትꬅታ ፎሎ ማቅደ ባዝ የዛኮ አሮናን ፋና ማቅካይዝን፥ መልከጻድቀ ፋና መለ ካህነ ሹሞደስ አኮስ ኮሽዶ?
HEB 7:12 ይኬ፥ ካህኑንꬅ ላምንትዘ ዎደ ህግታን ማህ ላምንቶደስ ቤዛነ።
HEB 7:13 Ꮉይ ኑ ኤ ባዝ ኦህዘ አꬄ መለ ኮች፤ ኤ ኮችትፓ ኦደን ዣርሾ በሳ ካህነትꬃ ኦችካያ።
HEB 7:14 ኑ ላꬄ ይሁዳ ኮቻፓ ይእዳና ኤርንትዛኖ። ማቆ የዝን፥ ሙሴ ካህኑንꬅባዝ ኦህተራ ይሁዳ ኮች ባዝ አኮን ኦህካያ።
HEB 7:15 መልከጻድቀ ፋና መለ ካህኑንꬅ ይእደባዝ ማቅዛኮ Ꮉና ኑ ኦህዛና አꬊ ቆንጮዳ።
HEB 7:16 ኤ ካህነ ማቅዳና ꬋቦሰ ደኦ ዎልቂተ ፋትን ኤ ማይዘ ህግተን ዎግተ ባያ።
HEB 7:17 ጌሽ ማጻፍዘ፥ «መልከጻድቀ ካህነትꬅ ፋና፥ ኔኒ መꬍናስ ካህነ» ያጋእ ማርክꬋነ።
HEB 7:18 ቲኖ ህግታ ላብደ ባዝን ማዶሰ ባዝ ማቅደ ግሾ ሻርንትዳ።
HEB 7:19 ሙሴ ህገ አኮራን ፎሎ ኦቾደስ ዳንዳእካያ። የዝን ኑኒ ኤ ባጋራ ጾዛጎ ሺቅዘ ኡባፓ አꬍዘ ኡፋይስ ቃላ ኑስ እንግንትዳ።
HEB 7:20 ክርስቶሳ ካህነ ማቅዘ ዎደ ጾዚ ጫቂዳ፥ የዝን መሉንꬅ ካህነ ማቅዘ ዎደ ይኒ ፋና ጫቆ ባያ።
HEB 7:21 የዝን የሱሳ ጫቆራ ካህነ ማቅዳ። ጾዝ ጋእ ጫቂዳ፤ «ላꬂ ጫቂዳ፤ ኤ ፋ ቆፍቶ ላሞስ፤ ‹ኔኒ መዽና ካህነ› » ያጋይዳ።
HEB 7:22 Ꮉና ጫቅቲ ባጋራ የሱሳ ኑስ ኡባፓ አꬍዘ ቃላ ጫቅትስ ዋሰ ማቅዳ።
HEB 7:23 ካህነትꬅ መꬍናስ ኦቻመ ፋና Ꮉይቆ ኡንታና ካይደ ግሾ ቲኖ ካህኑንꬅ ፋይድታ ጋማ።
HEB 7:24 የዝን የሱሳ መꬍናስ የዘ ግሾ ኤ ካህነትꬅቶ መለ ላቶስ።
HEB 7:25 ይኒ ግሾ፥ ኤ ኡባ ዎደ ኡን ግሾ ዎሶደስ መዽና የዘ ግሾ ጾዛጎ ኤ ባጋራ የእዙንꬃና ፎሎ አሾደስ ዳንዳአነ።
HEB 7:26 ይኬ፥ ኑስ ኮሽዘ ባዝ እንግዘ፥ ጌሽ፥ ቦረን ቱና ባይዙንꬅ፥ ናጋራንቹንꬃፓ ሻክንትዳይን ሳሎፓ አꬊ ꬎቃ የዘ ካህኑንꬅ Ꮉላቃ ኑስ ኮሻነ።
HEB 7:27 ኤ Ꮉንኮ ካህኑንꬅ Ꮉላቁንꬅ ጋር ቲኖ ፋ ናጋርት ግሾ ካሊ አስ ናጋርት ግሾ ቃምተ ቃምተ ዣርሾ ዣርሾደስ ኮሾስ። ኤ ፋና ዣርሽደ ዎደ ላምእንꬆሰ ኦገራ ፈቲ ቶሄ ፋና ዣርሽዳ።
HEB 7:28 ሙሴ ህግታ ላቢꬅ አስ ካህኑንꬅ Ꮉላቃ ማህ ሹማነ። የዝን ህገፋ ሱባ ይእደ ጫቆ ቃልታ መዽና ፎሎ ማቅደ ጾዘ ናአያ ሹምዳ።
HEB 8:1 ኑኒ ኦህዘ ዳማ ባዝታ Ꮉኖ። ሳሎ ኡባፓ ካታራ ጾዘ አራታፓ ምዛቅ ባጋራ በትደ Ꮉይ ፋና የዘ ካህኑንꬅ Ꮉላቃ ኑስ የነ።
HEB 8:2 ኤ አሳራ ማቅካይዝን ላꬃራ ኤቅደ ቱሪ ዱንካንተ ጾዘ ኬꬃ ኦቻነ።
HEB 8:3 ካህኑንꬅ Ꮉላቃ ኡባና እሞን ዣርሾ ዣርሾደስ ሹሙንታነ። ይኒ ግሾ ማህ፥ የ ካህንዘ ዣርሾደስ ፈትባዝ የሳደስ ኮሻነ።
HEB 8:4 ህገ ኪትዛንፋና ዣርሽዘ ካህኑንꬅ የዘ ግሾ ክርስቶሳ ሳአ የዘ ባዝ ማቅዛኮ ካህነ ማቆስ።
HEB 8:5 ኡን ካህነትꬃ ኦችዘ ዱንካንታ ሳሎ የዘስ አዝዘን ዳሾ። ሙሴ ዱንካነ ኤስዘ ዎደ ጾዚ ኤጎ፥ «ታኒ ነና ደረላ አፋ ቤዝደ አዝዘ ካሊ ኦቾ» ያጋይዳ።
HEB 8:6 የዝን የሱሳ እግንꬅዘ ግዳ ማቅደ ጫቆ፥ ቲኖ ጫቆፓ አꬍዛንፋና ኤ ኤክደ ኦችታ ኡንትስትፓ አꬋነ። ይና ኤቅዳና አꬍዘ ጫቆ ቃላራ።
HEB 8:7 ቲኖ ጫቅተ ባላ ባይዘ ባዝ ማቅዛኮ ላምእንꬃ ጫቆ ኮሾስ።
HEB 8:8 የዝን ላꬂ ኡንታና ቦሪ፥ Ꮉንጋራ ያጋይዳ፦ «ታኒ እስራኤለ አሱንꬃራን ይሁዳ አሱንꬃራ ክለ ጫቆ ጫቂዘ ዎደ የኦዳ።
HEB 8:9 ይና ጫቅታ ታ ኡን አዱንꬃና ግብጸ ሳአፓ ኩሽቶ አይክ፥ ጎች ኬስደ ዎደ ኡንታራ ጫቂደ ጫቅት ጋር ባያ። ኡን ታ ጫቅተ አማንንትካይዘ ግሾ ታኒ ኡንታና ኦሊ አሽዳ ያጋይዳ ላꬂ።
HEB 8:10 የዝን ይኬፓ ሱባ እስራኤለ አሱንꬃራ ታ ጫቆደ ጫቅታ Ꮉኖ ያጋይዳ ላꬂ። ታኒ ታ ህግቶ ኡን ጉግተ ጋዶዳ፤ ኡን ዎዝንተ ጻፎዳ። ታኒ ኡን ጾዚ ማቃዳ፤ ኡንትን ታ አስ ማቃዳ።
HEB 8:11 ኡንታፓ ኦደን ፋ ዶꬅዛ ዎይ ፋ እሻ፥ ‹ላꬂ ኤሮ› ያጋእ ታማርሶስ። ኡን ኤራꬃፓ ዳማ የሎደስ ኡቡንꬅ ታና ኤሮዳ።
HEB 8:12 ታኒ ኡን ቆህዳኖ አቶ ጋዉዳ፤ ኡን ናጋርቶ ማህ ቆፖስ» ያጋይዳ።
HEB 8:13 ጾዚ Ꮉይ ጫቅዛ «ክለ» ጋእ ጼግተራ ቲኖሳያ ጋልእዝዳ። ይኬ፥ ጋልእዘን ጭንግደ ꬋብዘ ዎደ የልዳ።
HEB 9:1 ቲኖ ጫቅትስ ጾዝ ጎይንዘ ዎጋን ሳአ ጾዘ ኬꬂ የነ።
HEB 9:2 ዱንካነ ኤቅዳ። እዘ ጾምፐ ጋድዘ በሲ፥ ጣርጰዛን ላꬄ ቲኖ ጋድዘ ቦራ የነ፤ ይና በስታ ጌሽ በሲ ጋእንታነ።
HEB 9:3 ላምእንꬃ ማጋራጃፋ ሱባ ዛላራ የዘ በስታ ኡባፓ ጌሽ በሲ ጋእንታነ።
HEB 9:4 እ ግዳ እጻነ ጩግዘ ዎርቃ ሳጥነን ዎርቃራ ጎዝንትደ ጫቆ ታቦተ የነ። የ ጫቆ ታቦትዘ ግዳ ማና የዘ ዎርቃ ጻሮ፥ አጭደ አሮና ጉፈን ሙሴ ህገ ጻፍንትደ ላምእ ሎቼ ሹቹንꬅ የነ።
HEB 9:5 የ ታቦትዘፓ ካታ ዛላራ ማሮትꬅ ጎዝꬅ ፋ ቀፍተ አችዘ ቦንቾ ክሩበለ የነ። የዝን Ꮉተ Ꮉና ኡባኖ ቆንጭዝ ኦሆደስ ዳንዳኦስ።
HEB 9:6 Ꮉና ኡባና Ꮉንጋራ ጊግዳንፓ ሱባ፥ ካህኑንꬅ ኡባ ዎደ ፋ ኦችቶ ኦቾደስ ዱንካንትስ ቲኖ ክፍልተ ገላነ።
HEB 9:7 የዝን ካህኑንꬅ Ꮉላቃ ጻላላ ዱንካንትስ ላምእንꬃ ክፍልተ በረፓ ፈቲ ቶሄ ገላነ። ኤ የይጋ ገልተራ ፋ ናጋርት ግሾን አሱንꬅ ኤርካይዛራ ኦችደ ናጋርት ግሾ ሱꬅ ዣርሾ ኤክካይዛራ ገሎስ።
HEB 9:8 ቲኖ ዱንካነ ኤቂ የዝን፥ ኡባፓ ጌሽ በሲ ካንግዘ ኦግታ Ꮉጋ ቡጉንትካይዛኖ ጌሽ አያና ይነ ቤዛነ።
HEB 9:9 ይና Ꮉና ዎድትስ አዝዘ፤ ጾዘስ እንግንትዘ እሞታን ዣርሽታ ጎይንዘ አꬄ ዎዝንቶ ጌሾደስ ዳንዳኦሳኖ Ꮉና ቤዛነ።
HEB 9:10 የንስ ሙንታ ባዝ፥ ኡሽባዝ ዱማ ዱማ ሜች ዎግቶ ኦህዙንꬃና። ኡን ክለ ዎጋ የኦደ ዎንꬅስ ኦችንትዘ ባለ ዎጋ።
HEB 9:11 የዝን ክርስቶሳ Ꮉተ ኑ ደንግደ ሎኦ ባዝስ ካህኑንꬅ Ꮉላቃ ማቂ ይእዳ። ኤ ገልደ ዱንካንታ ዳማን ፎሎ። ይና ዱንካንታ አስ ኩሸራ ኦችንትካያ ማህ Ꮉና አላምትባዝ ባያ።
HEB 9:12 ክርስቶሳ ኡባፓ ጌሽ በሲ ገልዘ ዎደ ዴሽ ሱꬅን ዱሮ ሱꬅ ኤኪ ገልካያ። የዝን መዽና አቶትꬅ እንጎደስ ፋ ሱꬅቶ ኤኪ ላምእንꬆሰ ኦገራ ፈቲ ቶሄ ገልዳ።
HEB 9:13 ዴሽ ሱꬅን ኮርማ ሱꬅ፥ ምችንትደ ኦካ ቡዶ፥ ቱንደ አሱንꬃላ አፋ ዉጹርክን ኡንታና ጌሽዘባዝ ማቅኮ፥
HEB 9:14 መዽና ጌሽ አያና ባጋራ ቦረ ባይዝን ዣርሾ ኦቺ፥ ጾዝስ ፋና እንግደ ክርስቶሳ ሱꬅታ፥ ደኦ ጾዝ ጎይኖደ ፋና Ꮉይቆ ካልꬅዘ ኦቻፓ ኑ ዎዝንቶ ዋይዝ አꬂ ጌሾሳ?
HEB 9:15 ይኒ ግሾ፥ ጼግንትዱንꬅ ጾዚ እንግደ መዽና ላታ ኤኮደ ጋር ክርስቶሳ ክለ ጫቆስ ግዳ ማቂ እግንꬅዛያ ማቅዳ። ይና Ꮉንዳና አሱንꬅ ቲኖ ጫቆፓ ኦሞራ የዘ ዎደ ኦችደ ናጋራፓ ኡንታና አሾደስ ኤ Ꮉይቂዳ።
HEB 9:16 ይኬ፥ ኬከ የዝኮ፥ የ ኬክደ አꬄ Ꮉይቅታ ኤርንቶደስ ኮሻነ።
HEB 9:17 ኬክደ አꬄ Ꮉይቂኮ ኤ ኬክታ ምንጋነ። ኬክደ አꬄ Ꮉይቃንጽ አትኮ ኤ ኬክታ ኦቾስ።
HEB 9:18 መለ አቶ የዝን፥ ቲኖ ጫቅታን ሱꬅ ባይዝን ሚንግካያ።
HEB 9:19 ሙሴ ህገ ኪታ ኡባ አስስ ኦህዳንፓ ሱባ ዱሮ ሱꬅን ዴሽ ሱꬅ Ꮉꬃራ ዎርቂ፥ ዞቆ ዱሮ እስንን ህሶጰ ታሸ ኤኪ፥ ማጻፍዘ ጋልቶን አሱንꬅ ጋልቶ ዉጹርካነ።
HEB 9:20 ሙሴ አሱንꬃጎ፥ «ይን ናጎደ ጋር ጾዚ ኪትደ ሱꬅ ጫቅታ Ꮉኖ» ያጋይዳ።
HEB 9:21 ይኒ ጋራ፥ ዱንካንዘ ጋልቶን ኦችዘ ሚሸ ኡባን ጋልቶ ሱꬅ ዉጹርካነ።
HEB 9:22 ቱሮን ህግታ ጋዛን ፋና ኤራꬅባዝ ፋትን ኡባ ባዝ ሱꬃራ ጌዣነ። ሱꬅ ላንትካይዝን ማሮትꬅ ባያ።
HEB 9:23 ሳሎ ባዝስ አዝዘ ማቅዱንꬅ ኡባ Ꮉርስ ዣርሾራ ጌሻደስ ኮሻነ። የዝን ሳሎ ባዝታ ፋ ኦምተ ይንፓ አꬍዘ ዣርሾራ ጌሻደስ ኮሻነ።
HEB 9:24 ክርስቶሳ ቱሪ ጾዘ ኬꬅስ አዝዘ ማቅደ፥ አስ ኩሸራ ኦችንትደ ኡባፓ ጌሽ በሳ ገልካያ። የዝን ኤ Ꮉተ ኑ ግሾ ጾዘ ቲኖ በንቶደስ ሳሎ ገልዳ።
HEB 9:25 ካህኑንꬅ Ꮉላቅዘ በርተ በርተ ፋ ሱꬅ ማቅካይዛኖ ኤኪ፥ ኡባፓ ጌሽ በሳ ገላነ። የዝን ክርስቶሳ ጋማ ቶሄ ፋና ዣርሾደስ ሳሎ ገልካያ።
HEB 9:26 ይኒ ጋራ Ꮉንደ ባዝ ማቅዛኮ፥ ክርስቶሳ አላመ መꬍንትዳንፓ አይኪ ጋማ ቶሄ ዋይንቶደስ ኮሻነ የሻ። የዝን Ꮉተ ዎደ ዉርሱꬅተ ናጋራ Ꮉሶደስ ፋና ዣርሺ ላምእንꬆሰ ኦገራ ፈቲ ቶሄ በንትዳ።
HEB 9:27 አስ ኡባ ፈቲ ቶሄ Ꮉይቆደስ ይንፓ ሱባ ፍርድንቶደስ ቤዛነ።
HEB 9:28 ይኒ ፋና፥ ክርስቶሳ ጋማ አሱንꬅ ናጋራ Ꮉሶደስ ፈቲ ቶሄ ዣርሽንትዳ። የዝን ኤ ናጋራ ቶኮደስ ማቅካይዝን ፋና ናግዙንꬃና አሾደስ ላምእንꬃ በንቶዳ።
HEB 10:1 ሙሴ ህገ ዮኦደስ የዘ ሎኦ ባዝስ ዳሾ ፋትን ፋ ኦምተ ዋና ባያ። ይኒ ግሾ፥ በርተ በርተ ፋጨ ባይዝን ዣርሽንትዘ ዣርሽታ ጎይኖደስ ሺቅዘ አሱንꬃና ፎሎ ማሆደስ ዳንዳኦስ።
HEB 10:2 ህገ ኡንታና ፎሎ ማሆደስ ዳንዳእደባዝ ማቅዛኮ ኡን ዣርሾ ዣርሽዛኖ አሾዳ የሻ። ማህ ጎይኖደስ ሺቅዘ አሱንꬅ ፋ ናጋርትፓ ጌሻዳ፤ ኡን ዎዝንታን ኡንታና ባላ ጋእ ሞቶስ።
HEB 10:3 የዝን ይና ዣርሹንꬅ በርተ በርተ ናጋራ ቆፍዛነ።
HEB 10:4 አኮስ ጋይኮ ኮርማ ሱꬅን ዴሽ ሱꬅ ናጋራ ꬋብሶደስ ዳንዳኦስ።
HEB 10:5 ይኒ ግሾ፥ ክርስቶሳ Ꮉና አላምተ ይእደ ዎደ Ꮉንጋራ ያጋይዳ: «ኔኒ ዣርሾን እሞ ኮይካያ፤ የዝን ታስ አሾ ጊግዝዳ።
HEB 10:6 ኔኒ ኤጽዘ ዣርሾን ናጋራ ዣርሽተ ኡፋይትካያ።
HEB 10:7 የ ዎደ ‹ታ ግሾ ማጻፍተ ጻፍንትዳንጋራ፥ ላꬆ፥ ታኒ ነ ቆፍቶ ኦቾደስ ይእዳ› ጋይዳ» ያጋነ።
HEB 10:8 ዣርሽታ ዣርሽንቶደ ጋር ህገ ኪትዘባዝ ማቅዛኮ፥ ክርስቶሳ ቲኖ፥ «ኔኒ ዣርሾን እሞ፥ ኤጽዘ ዣርሾን ናጋራ ዣርሾ ኮይካያ፤ ኡንታራ ኡፋይትካያ» ያጋይዳ።
HEB 10:9 ካልን ኤ፥ «ላꬆ፥ Ꮉይቼ ታኒ ነ ቆፍቶ ኦቾደስ ይእዳ» ያጋይዳ። ይኒ ግሾ፥ ክርስቶሳ ላምእንꬃ ኤሶደስ ቲኖሳያ ሻርዳ።
HEB 10:10 የሱስ ክርስቶሳ ጾዘ ቆፋ ኦቺ፥ ላምእንꬆሰ ኦገራ ፈቲ ቶሄ ፋ አሽቶ ዣርሽደ ግሾ ኑኒ ጌዥዳ።
HEB 10:11 ካህኑንꬅ ኡባ፥ ናጋራ Ꮉሶደስ ዳንዳኦስ ይና ዣርሽቶ ቃምተ ቃምተ ዣርሽተራ ኤቂ ፋ ኦችቶ ኦቻነ።
HEB 10:12 የዝን ክርስቶሳ ኡባ ዎደስ ማቅዘ ፈቲ ናጋራ ዣርሾ ዣርሺ፥ ጾዛፓ ምዛቅ ዛላራ በትዳ።
HEB 10:13 የ ዎደፓ አይኪ ኤ ሞርኩንꬅ ኤ ቶህታ የꬍዘ በሲ ማሆደ ዎንꬅስ ናጋነ።
HEB 10:14 ኤ ላምእንꬆሰ ኦገራ ፈቲ ቶሄ ፋና ዣርሽደ ዣርሽተ ጌሹንꬃና መꬍናስ ፎሎ ኦችዳ።
HEB 10:15 ማህ ጌሽ አያና ኑስ Ꮉኖ ማርክꬋነ። ቲኖ Ꮉንጋራ ያጋይዳ፦
HEB 10:16 «ይና ቃምትፓ ሱባ፥ ታኒ ኡንታራ ጫቂዘ ጫቅታ Ꮉኖ፦ ላꬂ ታ ህግቶ ኡን ዎዝንተ ጋዶዳ፤ ኡን ጉግተ ጻፎዳ» ያጋይዳ።
HEB 10:17 ካሊ፥ «ታኒ ኡን ናጋርቶን ኡን ኢታ ኦችቶ ማህ ቆፖስ» ያጋይዳ።
HEB 10:18 ይኬ፥ ናጋራ አቶ ጋእንትዳንፓ ሱባ ናጋራስ ዣርሽንትዘ ዣርሾ ኮሾስ።
HEB 10:19 ይኬ፥ ታ እሹንꬆ፥ ኑኒ የሱሳ ሱꬅት ባጋራ ኡባፓ ጌሽ በሲ ገሎደስ ኑስ አማንꬅዘ የነ።
HEB 10:20 ኑ ገሎዳና ክርስቶሳ ፋ ማጋራጅቶ፥ ይናን ፋ አሽቲ ባጋራ ኑስ ቡግደ ክለን ደኦ ማቅደ ኦገ።
HEB 10:21 ኑስ ጾዘ ኬꬃ ካታራ ሹሙንትደ ዳማ ካህኑንꬅ Ꮉላቃ የነ።
HEB 10:22 ይኒ ግሾ ኑኒ ኢታ ቆፋፓ ጌሻደስ ኑ ዎዝንተ ዉጹርክንት፥ ኑ ጋልቶ ጽሎ Ꮉꬃራ ሜጪ፥ ሉለ ዎዝናራን ፎሎ አማኖራ ጾዛጎ ሺቆዳ።
HEB 10:23 ኑስ ኡፋይስ ቃላ እንግደ ጾዘ አማንንትዳያ ማቅደ ግሾ ኑ ማርክꬍዘ ኡፋይስቶ ምዛቅ ዎርክታ ጋይካይዛራ ምንꬂ አይኮዳ።
HEB 10:24 ፈታይ ፈታ ሲቆስን ሎኦ ኦቻስ ዋይዝ ደንꬅꬆድ የዛኮ አነ ቆፖዳ።
HEB 10:25 ፈተ ፈተ ልምደ ማህ ሺቅዛኖ አሽዳን ፋና ኑኒ ዎላ ሺቅዛኖ አሾስ። የዝን ላꬄ ቃምታ ኡክዳኖ ይን በእዘ ግሾ ይኖ ዛጋንፓ አꬂ ኦቾተ።
HEB 10:26 ኑኒ ቱሪ ኤራትꬅ ኤክዳንፓ ሱባ ኤሪተ ናጋራ ኦቾስ፥ ይኬፓ ኑ ናጋራ ግሾ ዣርሽንቶደ ዣርሾ ባያ።
HEB 10:27 የዝን ይኬ አትዳና ዣሽዘ ፍርዳን ጾዘ ሞርኩንꬃና ምቾደስ ጊግደ ዳማ ታማ።
HEB 10:28 ሙሴ ህግቶ ኪትንታንጽደ ኦደን ላምእ ዎይ Ꮉይꬕ አስ ኤላ አፋ ማርክꬍኮ ይቅስሞ ባይꬅ Ꮉይቃነ።
HEB 10:29 ዬዝን፥ ጾዘ ናአያ ቶችዳይ፥ ፋና ጌሽደ ጾዘ ጫቆ ሱꬅቶ ቱንዝደ፥ ማህ አꬎ ኬሃትꬅ አያና ጫዥዳይ፥ አኮ ጋር ኢታ ፍርዳ ኤኮደስ ቤዝዛኮ አነ ቆፖተ።
HEB 10:30 ይኬ፥ «ኩሸ ማሄ ታ ባዝ፥ ታ ኩሸ ማሆዳ» ጋይዳኖ ኑ ኤራነ። ማህን፥ «ላꬂ ፋ አሱንꬃና ፍርዶዳ» ያጋይዳ።
HEB 10:31 ደኦ ጾዘ ኩሽተ ጎልኤ ጋማ ዣሻነ።
HEB 10:32 ይንትስ ጾዘ ፎኦ ፎእዳንፓ ሱባ ይን ጋማ ዋየራ፥ ዳማ ኦላራ ገንጭደ ዛጋ ዎድቶ ቆፖተ።
HEB 10:33 ፈቲ ፈቲ ቶሄ ይን አስ ቲኖ ጫዥንትዳ፤ ባይእንትዳ፤ ፈቲ ፈቲ ቶሄ ይኒ ፋና ዋየ የልደ አሱንꬃራ ዎላ ዋይንትዳ።
HEB 10:34 አቻ የዘ አሱንꬅስን ይቅስንትዳ። ይንትስ ሎኦን ꬋቦሰ ቆሎ ሳሎ የዛኖ ይን ኤርደ ግሾ ይን ቆልታ ቦንቅንትዘ ዎደ ኡፋይሳራ ዳንዳእዳ።
HEB 10:35 ይኒ ግሾ፥ ዳማ አንጆ የዘ ይን አማንንትዳያ ኦልፐተ።
HEB 10:36 ጾዘ ቆፋ ፎሊ፥ ኤ ይንትስ እንጎዳ ጋይደ ኡፋይስቶ ኤኮደ ዎንꬅስ ገንጮደስ ኮሻነ።
HEB 10:37 ይኬ፥ ጌሽ ማጻፍተ፥ «ኤ፥ የኦዳ ጋይዳይ ኤራꬅ ዎደፓ ሱባ የኦዳ፤ ጋምኦስ።
HEB 10:38 የዝን ጽልዘ፥ አማኖራ የሳዳ፤ ኦደን ሱብ ማቅኮ ታና ኡፋይሶስ» ያጋይዳ።
HEB 10:39 ኑኒ አማኒ አትዘ አሱንꬅ ባጋ ፋትን ሱባ ማቂ ꬋብዘ አሱንꬅ ባጋ ባያ።
HEB 11:1 አማኖ ጋዛና፥ ደንጎዳ ጋእ ኡፋይሳራ አማንንቲ ናግዘ ባዝን ኑ ብእካይዘ ባዝ ብእደ ፋና ማህ ኤክዘባዝ።
HEB 11:2 ዛጋ አዱንꬅ አማኖራ ጾዛፓ ማርካትꬅ ኤክዳ።
HEB 11:3 አላመ ጾዘ ቃላራ መꬍንትዳኖ ኑ አማኖራ ኤራነ። ማህ በንትዘ ባዝ በንቶሰ ባዛፓ መꬍንትዳ።
HEB 11:4 አቤላ ቃኤላፓ አꬍዘ ዣርሾ ጾዝስ ዣርሽዳና አማኖራ። ጾዚ አቤላ እሞትꬅቶ ኡፋይት ኤክደ ዎደ ኤ ጽሎ ማቅዳኖ ማርክꬍዳ። አቤላ መለ አቶ የዝን፥ Ꮉይቂን ኤ አማንታ Ꮉይኖ የሎደስ ኦህንታነ።
HEB 11:5 ሄኖካ Ꮉይቂካይዛራ ሳሎ ኤክንትዳና አማኖራ። ጾዚ ኤዛ ኤክደ ግሾ ኦደን ኤዛ በአደስ ዳንዳእካያ። ሄኖካ ሳሎ ኤክንቶዳንፓ ቲኖ ኤ ጾዘ ኡፋይስደ አስ ማቅዛና ኦህንትዳ።
HEB 11:6 አማኖ ባይዝን ኦደን ጾዝ ኡፋይሶደስ ዳንዳኦስ። ጾዛጎ የእዘ ኦደን ጾዚ የዛኖን ፋና ኮየዙንꬅስ አንጆ እንግዛኖ አማኖደስ ኮሻነ።
HEB 11:7 ኖሄ Ꮉጋ በንቶሰ ባዝስ ጾዚ ኤስ ኦህደ ዎደ ጾዝስ ዣሽቲ፥ ፋናን ፋ ካራ አሱንꬃና አሾደስ አማኖራ ማርካበ ኬጽዳ። የይዝ ፋ አማንትራ አላምቶ ፍርድ፥ አማኖራ በንትዘ ጽሎትꬅ ጾዛፓ ኤክዳ።
HEB 11:8 አብራሃማ ላታ ማህ ኤኮደ ሳአ ቅቶደ ጋር ጾዚ ኤዛ ጼግደ ዎደ መለ አቶ የዝን፥ ኤ አባ ቅትዛኮ ኤራንጽኮን ኪትንትዳና አማኖራ።
HEB 11:9 አብራሃማ ጾዚ ኤስ እንጎዳ ጋይደ ሳእተ በተ አስ ፋና የዝዳና አማኖራ። ጾዚ የ እንጎዳ ጋይዳኖ ኤራ ዎላ ላቶደስ የዘ ይሳቃራን ያይቆባራ ዱማ ዱማ ዱንካነ ግዳ የዝዳ።
HEB 11:10 ኤ፥ ጾዚ ቆፒ ኬጽደ ጻላ ባሳ የዘ ካታማ ናጋነ።
HEB 11:11 ሳራ ፋ ኦምተ ጭንግዳኖ ማቅኮን ኡፋይስ እንግደ ጾዘ አማንንትዳያ ማቅዳኖ ኤርደ ግሾ ዎዳጾደስ ዎልቃ ደንግዳና አማኖራ።
HEB 11:12 ይኒ ግሾ፥ Ꮉይቂደ አስ አዝዘ ፈቲ ꬊራፓ ሳሎ ጾልንቶ ጋራን አባ ጋጻ የዘ ፋይዶ ባይዘ ሻፈ ፋና ኮች የልንትዳ።
HEB 11:13 የንꬅ አሱንꬅ ኡባ ፋስ ጋእንትደ ኡፋይስ ቃላ ኤክካይዛራ አማኖራ Ꮉይቂዳ። የዝን Ꮉኮራ ይኖ ብእ፥ ደንግደ ፋና ማህ፥ ኡፋይሳራ ኤክዳ። ማህ ኡን ሳአላ ዛቆን በተ አስ ማቅዛኖ ኤርዳ።
HEB 11:14 ይኒ ፋና ጋዘ አሱንꬅ ፋ ሳእቶ ናግዛኖ ቆንጨ ቤዛነ።
HEB 11:15 ኡን አሺ ከዝደ ሳእቶ ሱባ ቆፕደባዝ ማቅዛኮ ሱባ ማቃደስ ዳንዳአነ።
HEB 11:16 የዝን Ꮉተ አꬍዘ ሳሎ ጋደ አሙꬋነ። ይኒ ግሾ፥ ጾዚ ኡንትስ ካታማ ጊግዝደ ግሾ «ኡን ጾዝ» ጋእንት ጼግንቶደስ ዬልꬎኦስ።
HEB 11:17 አብራሃማ ፋታንንትደ ዎደ ይሳቃ ዣርሽዳና አማኖራ። ያና ኡፋይስ ቃልቶ ኤክደ አብራሃማ ፋ ፈቲ ናአ ዣርሾደስ ጊግዳ።
HEB 11:18 ጾዚ አብራሃማጎ፥ «ነ ዛርታ ይሳቃ ባጋራ ጼግንቶዳ» ያጋእ ኦህዳ።
HEB 11:19 ጾዚ Ꮉይቆፓ ደንꬆደስ ዳንዳእዛኖ አብራሃማ አማንደ ግሾ ይሳቃ Ꮉይቆፓ ፋጺ ደንድደ ፋና ማህ ኤክዳ።
HEB 11:20 ይሳቃ ዎደፓ Ꮉኖደባዝ ኤሪ ያይቆባን ኤሳዎ አንጅዳና አማኖራ።
HEB 11:21 ያይቆባ Ꮉይቆደስ ይእተ፥ ፈታ ፈታ ዮሰፋ ናኡንꬃና አንጅዳናን ጉፈላ ካቲ ጎይንዳና አማኖራ።
HEB 11:22 ዮሰፋ Ꮉይቆደስ ኡክደ ዎደ እስራኤለ አሱንꬅ ግብጸፓ ኬዞዳኖ ኦህዳና ፋ መቃꬅቶ ይሳደባዝ ኡንታና ኪትዳና አማኖራ።
HEB 11:23 ሙሴ የልንትዳንፓ ሱባ ኤ እንታን ኤ አዳይ ብሽታ ሎኦ ናአ ማቅዳኖ ብእ Ꮉይꬕ አግና አችዳና አማኖራ፤ ኡን ካት አዋጀስ ዣሽትካያ።
HEB 11:24 ሙሴ ድጭዳንፓ ሱባ ግብጸ ካት ኡርት ናአ ጋእንቶዳኖ እጽዳና አማኖራ።
HEB 11:25 ሙሴ ናጋራራ ኤራꬅ ዎደስ ኡፋይቶዳንፓ፥ ጾዘ አሳራ ማꬋ ኤኮዳኖ ዶርዳ።
HEB 11:26 ኤ ቲኖፓ ደንጎደ አንጅቶ ጵርጭ ዪዚ ብእደ ግሾ ግብጸ ቆሎፓ አꬂ ክርስቶሳ ግሾ ቦርንቶዳኖ ጋማ አꬍዘ ዱረትꬅ ማቅዳኖ ኤርዳ።
HEB 11:27 ሙሴ ካት ካች ዣሽትካይዛራ፥ ግብጸፓ ኬዝዳና አማኖራ። በንቶሰ ጾዛ ብእደ አስፋና ዪእ ፋ ቆፍተ ገንጭዳ።
HEB 11:28 Ꮉይቆ ክእዘ ኪታንቹንꬅ እስራኤለ አሱንꬅ አንግስ ናኡንꬃና ዎꬋመ ጋር ሙሴ ፋስካን ሱꬅ ዉጹርኬ ዎጋ ኦችዳና አማኖራ።
HEB 11:29 እስራኤለ አሱንꬅ መላ ሳአራ የꬍዘ ፋና የꬊ፥ ዞቆ አባ ፊንግዳና አማኖራ። የዝን ግብጸ አሱንꬅ ገሎደስ ፋታኒ በአደራ Ꮉꬅታ ኡንታና ቆꬍዳ።
HEB 11:30 እስራኤለ አሱንꬅ እያርኮ ካታማ ሹች ጋሰ ላፑን ዎደ ዉቲ፥ ጎልእዝዳና አማኖራ።
HEB 11:31 ኦላለራ ኤርንትዳና ረአባ ጋደ ጌድዙንꬃና ሞክደ ግሾ ኪትንቶሰ አሱንꬃራ Ꮉይቃንጽ አትዳና አማኖራ።
HEB 11:32 ይኬ፥ መለ ታ አኮ ጋኦ? ጌድዮና ባዝ፥ ባራቀ ባዝ፥ ሳምሶና ባዝ፥ ዮፍታሄ ባዝ፥ ዳዉተ ባዝ፥ ሳሙኤላ ባዝ፥ ማህ ናቡንꬅ ባዝ ኦሆደስ ታስ ዎደ ማቆስ።
HEB 11:33 ኡን አማኖራ ካእቱምቶ ጋምዳ፤ ጽሎትꬃራ አህዳ፤ ጾዚ እንጎዳ ጋይደ ኡፋይስቶ ኤክዳ፤ ጋሙንꬅ ዶና ጎርድዳ፤
HEB 11:34 ታማ ዎልቃ ዎꬍዳ፤ ሞርኩንꬅ ማሻፓ አትዳ፤ ፋ ላቢስተ ምንግዳ፤ ኦላራ ዎልቃማ ማቅዳ፤ አላጋ ቶራንቹንꬃና ባይእዳ።
HEB 11:35 ማቹንꬅ ኡን እግኑንꬅ Ꮉይቂዱንꬅ Ꮉይቆፓ ፋጽን ኤክዳ። ማህ መሉንꬅ አꬍዘ Ꮉይቆፓ ደንዶ ኤኮደስ ኮይ ዱማ ዱማ ዋየ ኤክዳ፤ አቻፓ ብልንቶዳኖ እጽዳ።
HEB 11:36 መሉንꬅ አሳራ ቦርንቲ አላንጋራ ጋራፍንትዳ፤ መሉንꬅ ሳንꬃላታራ አጭንቲ አች ኬꬃ ኦልንትዳ።
HEB 11:37 ኡን ሹቻራ ꬎግንትዳ፤ ማጋዘራ ላምእ ኬዚ ጳልቂንትዳ፤ ፋታንንትዳ፤ ማሻራ Ꮉይቂዳ፤ ኡንትስ ኡባ ባዝ ꬋብን ማꬍꬍዳ። ዱሮ ሞኦን ዴሽ ሞኦ ማእ Ꮉንትዳ።
HEB 11:38 ኡንትስ Ꮉና አላምታ ጊጋንጽ እጽን አኮ ባይዘ ሳአን፥ ደረላ አፋ፥ ዎምኦን ኦላ ግዳን ውትዳ።
HEB 11:39 ጾዚ ኡን አማንትባዝ ማርክꬍኮን፥ ይና ኡባ ጋእንትደ ኡፋይስ ቃልቶ ኤክካያ።
HEB 11:40 ጾዚ ኑስ ሎኦ ባዝ ቆፕዳ፤ ይኒ ግሾ ኡን ኑ ባይꬅ ፎሎ ማቆስ።
HEB 12:1 ይኬ፥ ꬎነ ፋና ኑ ካንቶ ዉቲ ጋንግ Ꮉኒ ፋና ማርኩንꬅ ኑ ካለ የዘ ግሾ ኑና ꬉቢዘ ኡባኖን አይክንቲ የዘ ናጋራ Ꮉሲ፥ ኑ ቲኖ የዘ ጋልጋደ ዎꬅቶ ገንጭ ዎጾዳ።
HEB 12:2 ኑ አማንትስ ኦገ ቡግዳያን ኑና ፎሎ የልꬅዘ የሱሳላ አፋ ኑ ኣፍቶ ጋዶዳ። የሱሳ ቲኖፓ የዘ ኡፋይስት ግሾ ማስቃላላ ዋየ ዳንዳእ፥ ዬላ Ꮉይቆ ለቂ፥ ጾዛፓ ምዛቅ ዛላራ በትዳ።
HEB 12:3 ይኬ፥ ይን ዶጪ ኡፋይስ ጋቻመ ፋና ናጋራንቹንꬅ እጻ ዳንዳእደ የሱሳ ቆፖተ።
HEB 12:4 ናጋራራ የዘ ቡተ Ꮉጋ ሱꬅ ላሎደ ዎንꬅስ ኤቅንትካያ።
HEB 12:5 ጾዚ ፋ ቃልተ፥ ፋ ናኡንꬅ ፋና ይንታና ዞሪዳኖ ቦትዳ። «ታ ናአዮ፥ ጾዘ ሴረ ለቂፐ፤ ኤ ነና ሴርዘ ዎደ ኡፋይስ ጋችፐ።
HEB 12:6 ላꬂ ፋ ካዽዘ አꬃ ሴራነ፤ ማህ ፋ ናአ ፋና ኤክዛ ኡባ ጋራፋነ» ያጋይዳ።
HEB 12:7 ጾዚ ይንታና ፋ ናኡንꬅ ፋና ሴርዘ ዎደ ገንጮተ፤ አዳይ ሴሮሰ ናአይ ኦደ?
HEB 12:8 ጾዚ ፋ ናኡንꬃና ኡባ ሴራነ፤ ይን ሴርንታንጽኮ ቱሪ ኤ ናአ ባይዝን ባላኮ ናአ።
HEB 12:9 ማህ ኑና የልደ ኑ አዱንꬅ ኑና ሴራነ፤ ኑንን ኡንታና ቦንቻነ። ዬዝን፥ ኑኒ ደኦ የሳደስ ኑ አያና አደስ ዋይዝ አꬊ አቆሶ?
HEB 12:10 ይኬ፥ ኑ አዱንꬅ ፋስ ሎኦ የሳደ ፋና ኤራꬅ ዎደስ ኑና ሴርዳ። የዝን ጾዚ ኑ ማደስ፥ ኑ ኤ ጌሻትꬅቶ ግሽንቶደ ፋና ሴራነ።
HEB 12:11 ኑ ሴርንትዘ ዎደ ዥልዛነ ፋትን ኡፋይሶስ። የዝን ሱባፓ ሴረꬅቶ ኤክደ አስስ ሴርꬅታ፥ ሳሮ ኩምደ ጽሎትꬅ ኣፈ አፍዛነ።
HEB 12:12 ይኬ፥ ይን አርጋጭደ ኩሽቶን ይን ላቢደ ቡንቅቶ ምንꬆተ።
HEB 12:13 ዎቢደ ፋጾደ ጋር ፋትን አꬊ መቃመ ጋር ይን ቶህትስ ሉለ ኦገ ጊግዞተ።
HEB 12:14 አስ ኡባራ ሳሮ የሳደስን ጌሻትꬃራ የሳደስ ምንጎተ፤ ጌሻትꬅ ባይዝን ኦደን ላꬂ በአደስ ዳንዳኦስ።
HEB 12:15 ይንታፓ ኦደስን ጾዘ አꬎ ከሃትꬅታ ፋጫመ ፋና፥ ማህ ጫሞ ኣፈ ኣፍዘ ጻጶ ዶሊ ጋማ አስ ቱንዘን ꬋብስዘ ቡዱꬅ ፋና ማቃመ ጋር ናግንቶተ።
HEB 12:16 ይን ግዳ ኦላልዘ አስ ዎይ ፈቲ ቶሄ ሙእዘ ካꬃስ ፋ አንግስትሞ ለቂ ባይዝደ ኤሳዎ ፋና አስ የዛመ ጋር ናግንቶተ።
HEB 12:17 ሱባፓ ኤሳዎ ይና አንጅቶ ኤኮደስ ኮይዘ ዎደ ካይዳኖ ኤራነ። ኤ ይና አንጅቶ አፉꬃራ ሚንግ ኮይኮን፥ ደንጎደስ ዳንዳእካያ፤ ኤ ናጋራፓ ማቃደስ እጻ ደንግካያ።
HEB 12:18 ይን ኩሽተ ቦችንትዘ ሲና ደረጎ፥ ኤጽዘ ታማጎ፥ ꬉማጎ፥ ቃይቃዮጎን፥ ጎተጎ፥
HEB 12:19 ሞይዘ ኦለ ዎይ ቃላ ስንትዘ በሳጎ ይእካያ። ይና ቃልቶ ስእደ አሱንꬅ መለ ጉጃ ቃላ ስአመ ፋና ዎስዳ።
HEB 12:20 አኮስ ጋይኮ፥ «መለ አቶ የዝን፥ ጾꬂ የ ደርዛ ቦችኮ፥ ሹቻራ ꬎግንቲ Ꮉይቆ» ያጋእ ኪታ ኡን ቶኮደስ ዳንዳእካያ።
HEB 12:21 ይና Ꮉንዘ ባዝታ ጋማ ዳጋንꬅዘ ባዝ ማቅደ ግሾ ሙሴ፥ «ታኒ ዣሽሞራ ጎቅዳ» ያጋይዳ።
HEB 12:22 የዝን ይን ጽዮነ ደርዘጎ፥ ደኦ ጾዚ የዘ የሩሳላመ ካታማ፥ ፈትላ ሺቂ ኡፋይትዘ ጋማ ሙኩል ኪታንቹንꬃጎ ሳሎ ይእዳ።
HEB 12:23 ኡን ሱንꬅታ ሳሎ ጻፍንትደ ዎሳ ኬꬅስ አንግስ ናኡንꬃጎ፥ አስ ኡባ ፍርድዘ ጾዛጎ፥ ፎሎ ማቅደ ጽሎ አሱንꬅ አያናጎ ይእዳ።
HEB 12:24 ክለ ጫቅትስ ግዳ ማቂ እግንꬅዘ የሱሳጎ፥ አቤላ ሱꬃፓ አꬍዘባዝ ኦህዘ ዉጹርክንትደ ሱꬃጎ ይእዳ።
HEB 12:25 ይንትስ ኦህዘ አꬄ ቃልቶ ስኦስ ጋአመ ጋር ናግንቶተ። ዛጉንꬅ ሳአፓ ኦህደ ኪቶ ስአንጽ እጺ አትካይዘባዝ ማቅኮ ዬዝን፥ ሳሎፓ ኦህዘ ቃልቶ ኑኒ ኮዮስ ጋይኮ ዋይዝ አቶደ?
HEB 12:26 የ ዎደ ኤ ቃልታ ሳአ ኤንእዝዳ። የዝን Ꮉተ ታኒ፥ «ሳአ ጻላላ ማቅካይዝን ፈቲ ቶሄ ማህ ሳሎ ኤንእሳዳ» ያጋይዳ።
HEB 12:27 «ፈቲ ቶሄ ማህ» ጋዘ ቃልታ ኤንእንቶሰባዝ ሚንግ የሳደ ጋር ኤንእንትዘ መꬍንትደ ባዝታ ꬋቦዳኖ ቤዛነ።
HEB 12:28 ኑኒ ኤንኦደስ ዳንዳኦሰ ካእቱሞ ኤክዘ ግሾ ጾዛ ጋላታነ፤ ጾዛ ኡፋይስዘ ኦገራ ቦንቾራን ዣሽሞራን ኤዛ ጎይኖዳ።
HEB 12:29 ይኬ፥ ኑ ጾዘ ቱርፕ ምችዘ ታማ።
HEB 13:1 አማንዘ አስ ፋና ፈታይ ፈተራ ፎሎ ሲቅንቶተ።
HEB 13:2 ዛቆ ሞክዛኖ ቦትፈተ። ፈቲ ፈቲ አሱንꬅ ይኒ ጋራ ኦችተራ ኤርካይዛራ ኪታንቹንꬃና ሞክዳ።
HEB 13:3 አቻ የዙንꬃና ይንትን ኡንታራ ዎላ አቻ የዘፋና ማህ ኡንታና ቆፖተ። ማꬋ ኤክዘ አሱንꬃራ ዎላ ይንትን ማꬋ ኤክዘፋና ማህ ኡንታና ቆፖተ።
HEB 13:4 ማቾ ኤከን ገለን አስ ኡባ ካለ ቦንችንትደባዝ ማቀ። ማህ ጾዚ ኦላለ Ꮉንትዙንꬃናን ላምዙንꬃና ፍርዶደስ የዘ ግሾ አዝንዘን ማችታ ፈታይ ፈተስ አማንንቶደስ ቤዛነ።
HEB 13:5 ብራ ሲቆፓ ይንታና ናጎተ፤ ይንትስ የዛና ማቃዳ። ጾዚ፥ «ታኒ ነና ሙሎራን ኦሎስ ዎይ አሾስ» ያጋይዳ።
HEB 13:6 ይኒ ግሾ፥ ኑኒ አማንንቲ፥ «ላꬂ ታና ማድዛያ፤ ዣሽቶስ፤ አስ ታና አኮ ይሳደ?» ጋዉዳ።
HEB 13:7 ጾዘ ቃላ ቲኖ ይንትስ ኦህደ ይንታና ካልꬅዙንꬃና ቆፖተ። ኡን ዋይዝ የዘዛኮ ኡን የስቶ ብእ ኡን አማንቶ ካሎተ።
HEB 13:8 የሱስ ክርስቶሳ ኦማን Ꮉይኖን መꬍናስ ላምንቶስ።
HEB 13:9 ዱማ ዱማ ክለ ትምርተራ መለ በሳ ቅቲ ꬋብፐተ፤ ቅትፐተ። ኑ ዎዙንታ ጾዘ አꬎ ኬሃትꬅተ ምንጎደስ ቤዛነ ፋትን ሙእን ማዶሰ ካꬃራን ዎጋ ፎለራ ማቅፈ።
HEB 13:10 ኑስ ዣርሾ በሲ የነ። የዝን ዱንካነ ግዳ ኦችዘ ካህኑንꬅ ይና ዣርሾ ካꬅትፋ ማአደስ ኡንትስ አደትꬅ ዎልቃ ባያ።
HEB 13:11 ካህኑንꬅ Ꮉላቅዘ ናጋራ ዣርሾስ Ꮉርስ ሱꬅ ኤኪ ዣርሾደስ ኡባፓ ጌሽ በሳ ገላነ። የዝን የ Ꮉርስዘ አሽቶ ጋሰፓ ባለ ምቻነ።
HEB 13:12 ይኒ ፋና፥ የሱሳ አሱንꬃና ናጋራፓ ፋ ሱꬅተ ጌሾደስ ካታማ ፉርꬃፋ ባለራ ዋይንትዳ።
HEB 13:13 ይኬ፥ ኑኒ ኤ ቦርቶ ቶኪ ጋሰፓ ባለ ኤጎ የꬎተ።
HEB 13:14 ይኬ፥ ኑስ Ꮉነ መꬍናስ የዘ ካታማ ባያ፥ የዝን ኑኒ የኦደ ካታምቶ ናጋነ።
HEB 13:15 ይኬ፥ የሱሳ ባጋራ ኡባ ዎደ ኤ ሱንꬅትስ ማርክꬍዘ ዶና ጋላታ ዣርሾ ጾዝስ እንጎዳ።
HEB 13:16 ሎኦ ባዝ ኦቼን ይንትስ የዘ ባዛፓ መለ አስስ እንገ ቦትፈተ። ይኬ፥ ይኒ ፋና የዘ ዣርሾ ጾዝ ኡፋይሳነ።
HEB 13:17 ይንታና ካልꬅዙንꬅስ ኪትንቶተ፤ ኡን ጋዘባዝ ኦቾተ። ኡን ፋ ኦችዘ ባዝትስ ጾዘ ቲኖ ኦጭንቶደስ የዘ ግሾ ይንታና የንጋነ። ይን ኡንትስ ኪትንትኮ፥ ፋ ኦችቶ ኡፋይት ኦቾዳ፤ ይና Ꮉናንጽኮ፥ ኡን አዛኖራ ኦቾዳ፤ ይና ይንታና አኮ ባዝን ማዶስ።
HEB 13:18 ኑስ ጾዝ ዎሶተ። ኑ ዎዝንታ ጌሽ፤ ኑ ኡባ ዎደ ሎኦ ባዝ ኦቾደስ ኮያነ።
HEB 13:19 ታኒ ይንታጎ ኤልሲ የኦደ ፋና ይን ታስ ምንꬂ ጾዝ ዎሶደ ፋና ታ ይንታና Ꮉዳራ ጋነ።
HEB 13:20 ሳሮትꬅ ጾዘ፥ ዱሮ የንግዘ ኑ ላꬄ የሱሳ፥ ፋ መዽና ጫቆ ሱꬅተ Ꮉይቆፓ ደንꬅዳይ፥
HEB 13:21 ኤ ቆፍቶ ኦቾደ ፋና ሎኦ ባዝ ኡባነ ኤ ይንታና ዳንጭዞ። ኤዛ ኡፋይስዘ ባዝ የሱስ ክርስቶሳ ባጋራ ኑ ግዳ ጾዚ ኦቾ። የሱስ ክርስቶሳ ባጋራ ጾዝስ መꬍናፓ መዽና የሎደስ ቦንቾ ማቀ። አምንኤ።
HEB 13:22 ታ እሹንꬆ፥ ታ Ꮉይ ጻፍደ ኪትዛ ይንትስ Ꮉታራ ጻፍደ ግሾ ይን ታ ዞርቶ አዛልእካይዛራ ኤኮደ ፋና ታ ይንታና ዎሳነ።
HEB 13:23 ኑ እሸ፥ ጢሞትዮሳ አቻፓ ብልንትዳኖ ኤሮተ። ኤ ኤልሲ ታጎ ይእኮ ታ ኤራ ይንታና Ꮉንግ በአዳ።
HEB 13:24 ይንታና ካልꬅዙንꬃናን አማንዙንꬃና ኡባ ሳሮ ጋኦተ። ጻለፓ ይእደ አማንዘ አሱንꬅ ይንታና ሳሮ ያጋነ።
HEB 13:25 ጾዘ አꬎ ከሃትꬅታ ይን ኡቡንꬃራ ማቀ። አምንኤ።
JAM 1:1 ጾዘን ላꬄ የሱስ ክርስቶሳ አሮ፥ ያይቆባ፥ ሳአ ኡባ ላልንትደ ታጶ ላምእ ኮቹንꬅስ ኪትደ ኪታ። ሳሮ ይንትስ ማቀ።
JAM 1:2 ታ እሹንꬆ፥ ይንታና ዱማ ዱማ ፋታና የልዘ ዎደ ይን ሎኦ ባዝ ደንግደ ፋና ኩሙꬅ ኡፋይሳራ ኤኮተ።
JAM 1:3 ይን አማንቶ ፋታንዛና ዳንዳአ ይንትስ እንግዛኖ ኤራነ።
JAM 1:4 ይን ዉርሱꬅ የሎደስ ዳንዳእኮ አኮ ፋጨ ባይዝን ፎሎን ኩሙꬅ ማቃደ ፋና ኦችዛ ማቀ።
JAM 1:5 ይንታፓ ኦደስን ጭንጫትꬅ ꬋብኮ ጾዝ ዎሶ። ኤስ እንግንቶዳ። ጾዚ ኦደን ቦርካይዛራ ኡቡንꬅስ ኬሃትꬃራ እንግዘ ጾዚ።
JAM 1:6 የዝን ኤ ዎስዘ ዎደ ሶእካይዛራ አማኖራ ጾዝ ዎሶ። ሶእዘ ኦደን ባቆ ኡርቂን ኤንእዘ አባ ጋር።
JAM 1:7 ላምእ ቆፋ የዘን ፋ ኦግተ ኤቆሰ ኦደን ላꬃፓ አኮን ደንጎዳ ጋእ ቆፕፐ።
JAM 1:9 አማንዘ ዳሁንꬅ፥ ጾዚ ኡንታና ꬎቅ ኦችዘ ዎደ ኡፋይቶ።
JAM 1:10 ማህ አማንዘ ዱሩንꬅ ጾዚ ኡንታና ዝቂ ኦችዘ ዎደ ኡፋይቶ። ዱረ አሱንꬅ ፉ ፋና ꬋቦዳ።
JAM 1:11 አዋ ፋ ምሻራ ከዛነ ማቶ መልዛነ፥ ፉꬍታን ጉፋነ፤ ኤ ሎኦትꬅታን ꬋባነ። ይኒ ፋና፥ ዱረ አሱንꬅ ፋ ኦችተ ጨር ላልተራ ꬋቦዳ።
JAM 1:12 ማꬋ ጋሚ ኣꬍዳንፕ ሱባ፥ ጾዚ ፋና ሲቅዙንꬅስ እንጎዳ ጋእ ቃላ ገልደ ደኦ ዎርቃ ዛዉደ ኤኮደ ግሾ ማꬍተ ገንጭዘ አስ አንጅንትዳያ።
JAM 1:13 ኦደን ፋታንንትዘ ዎደ «ታና ጾዚ ፋታናነ» ጋይፐ። ጾዚ ኢታራ ፋታኖስ፤ ማህ ኤ ኦደን ፋታኖስ።
JAM 1:14 የዝን ፈቲ ፈቲ አስ ፋ ኢታ አሞራ ጎችንትዘ ዎደን ጭምንትዘ ዎደ ፋታንንታነ።
JAM 1:15 ይንፓ ሱባ፥ አሞትꬅ ዎዳጺ ናጋራ የላነ፤ ማህ ናጋራ ድጪ Ꮉይቆ የላነ።
JAM 1:16 ታ ሲቆ እሹንꬆ፥ ጭምንትፐተ።
JAM 1:17 ሎኦ እሞን ኩሙꬅ አንጆ ኡባ ሳሎፓን ሳሎ ፎእቶ መꬍደ ጾዘ አደፓ የእነ። ጾዚ ዳሾ ፋና ኡባ ዎደ ላምንቶስ።
JAM 1:18 ኑኒ፥ ኤ መꬍደ ባዝስ አንግስ ማቃደ ፋና ኑና ቱሪ ቃላራ ቆፒ የልዳ።
JAM 1:19 ታ ሲቆ እሹንꬆ፥ Ꮉኖ ቆፖተ። አስ ኡባ ስኦደስ ኤልሶ፥ የዝን ኦሆደስን Ꮉንቆደስ ኤልስፐ።
JAM 1:20 አስ Ꮉንቆ ጾዘ ኮይዘ ጽሎትꬅ ኮኦስ።
JAM 1:21 ይኒ ግሾ፥ ቱና ኦቻን ኢታ ባዝ ኡባ Ꮉሲ፥ ጾዚ ይን ዎዝንተ ቱክደ ይን ሸምፕቶ አሾደስ ዳንዳእዘ ቃላ አዳትꬃራ ኤኮተ።
JAM 1:22 የዝን ጾዘ ቃላ ኦቻላ ፌሾተፕ አትን ይን ኦምተ ባልንትተራ ስእዙንꬃና ጻላላ ማቅፈተ።
JAM 1:23 ቃላ ስእ ኦቾሰ አስ፥ ኤ ፋ ስንቶ ማስቶተራ በእዘ አꬄ ፋና።
JAM 1:24 ኤ ፋ ስንቶ ብእ ቅታነ፥ የዝን ኤ አኮ አዝዛኮ ኤልሲ ቦታነ።
JAM 1:25 የዝን ኦደን ናጋራ አሮትꬃፓ ኬስዘ ፎሎ ህገ ቆፒ ብእ፥ ሚንግ ኤቅዘ፥ ስእዳኖ ቦትካይዛራ ኦቻላ ፌሽዘ አꬃይ፥ ፋ ኦቻ ኡባነ አንጅንቶዳ።
JAM 1:26 ፋ እልአንꬅቶ ናግካይዛራ ጎይናነ ጋዘ አꬃይ ፋና ጭማነ፤ ኤ ጎይንታ Ꮉሪ።
JAM 1:27 ጾዘ አዳይ ቲኖ ቦረ ባይዘ ጌሽ ጎይኖ Ꮉኖ፦ እንዳን አደን ባይዘ ናኡንꬃናን አዝኒ ባይዙꬃና ኡን ማꬍተ ማደን አላመ ቱናፓ ፋና ናገ።
JAM 2:1 ታ እሹንꬆ፥ ይን ኑ ቦንቾ ላꬄ የሱስ ክርስቶሳ አማንዘባዝ ማቅኮ፥ አስ ስኖ ብእ አስ ቦንችፐተ።
JAM 2:2 አዝዘስ፥ ዎርቃ ምግዶ አꬂ፥ ሎኦ ማኦ ማእደ ዱረ አስ ይን ሺቅተ ይእዳ። ማህ ጩርቃ ማኦ ማእደ ዳሃ አስን ይእዳ።
JAM 2:3 ሎኦ ማኦ ማእደ አꬃ ይን አꬂ ቦንቺ፥ «ነ Ꮉነ ሎእዘ ኦይዳላ በቶ» ጋእ፥ ማህ ዳሃ አꬃ፥ «ነ የይጋ ኤቆ ዎይ Ꮉነ ታ ቶህት ካለ ሳእተ በቶ» ጋነ።
JAM 2:4 ዬዝን፥ ይን፥ ይን ግዳ ሻኮ መꬍዙንꬃና ኢታ ቆፋራ የዘ ዳይኑንꬅ ፋና ባነ?
JAM 2:5 ታ ሲቆ እሹንꬆ፥ ስኦተ። አማኖራ ዱረ ማቃደ ፋናን ፋና ሲቅዙንꬅስ እንጎዳ ጋይደ ሳሎ ካእቱሞ ላቶደ ጋር Ꮉና ሳእተ የዘ ዳሁንꬃና ጾዚ ዶርካነ?
JAM 2:6 የዝን ይን ዳሁንꬃና ቶቻነ። ይንታና ኡንእꬅዙንꬅን ፍርዳ ኬꬃ ጎችዙንꬅ ዱሩንꬃና ባነ? ይንታና ዳይና ቲኖ ጎችዙንꬅ ኡንታና ባነ?
JAM 2:7 ይን ጼግንትዘ ይና ሎኦ ሱንꬅቶ ጫዥዙንꬅ ኡንታና ባነ?
JAM 2:8 የዝን ጌሽ ማጻፍተ፥ «አስ ኡባ ነና ነ ካꬍዛን ጋራ ካꬎ» ጋእንት ጻፍንትደ ጾዘ ካእቱሞ ህግቶ ይን ፎልኮ ሎኦ ኦቻነ።
JAM 2:9 የዝን ይን አስ ስኖ ብእ ቦንችኮ፥ ናጋራ ኦቻነ፤ ማህ ህገን ይንታና ህገ መንꬅደ አስ ፋና ፍርዶዳ።
JAM 2:10 ኦደን ጾዘ ህገ ኡባፓ ፈታ መንꬂ፥ አትዳኖ ኡባ ናግኮ ኡባኖ መንꬅደ ፋና ፋይድንታነ።
JAM 2:11 «ላምፐ» ጋይደ ላꬄ፥ ማህ «ዎꬍፐ» ጋይዳ። የዝን ነ ላማንጽ አሺ ዎꬍደ ባዝ ማቅኮ፥ ህገ መንꬅዳ።
JAM 2:12 አሮትꬃፓ ኬስዘ ህገ ቲኖ ፍርዳ ኤኮደስ የዘ አስ ፋና ኦህንቶተን ኦቾተ።
JAM 2:13 አስ ማሮሳ ኦናን ጾዚ ማርካይዛራ ፍርዶዳ። የዝን ማሮትꬅ ፍርዳ ጋማነ።
JAM 2:14 ታ እሹንꬆ፥ ይንታፓ ፈቲ አስ ታስ አማኖ የነ ጋእ፥ ፋ አማንቶ ኦቻራ ቤዛንጽኮ ኤዛ አኮ ማዶደ? ኤ አማንታ ኤዛ አሾደስ ዳንዳአነ?
JAM 2:15 አዝዘስ ፈቲ እሻይ ዎይ ፈቲ ምሽታ ካልꬍኮን ኡንትስ ሙእዘባዝ ꬋብኮ፥
JAM 2:16 ይንታፓ ፈቲ አስ ኡንታጎ፥ «ሳሮ ቅቶተ! ይንታና ታማ ካዦተ! ምዦተ!» ጋእ፥ ኮሽዘ ባዝ ኡንትስ እንጋንጽኮ ኡንታና አኮ ማደ?
JAM 2:17 ይኒ ግሾ፥ ኦቻ ባይዘ አማኖ ፋ ኦምተ Ꮉይቂዳያ።
JAM 2:18 የዝን ፈቲ አስ፥ «ኔስ አማኖ የነ፤ ማህ ታስ ኦቻ የነ። ኔኒ ነ አማንቶ ነ ኦችትፓ ሻጊ ታና ቤዞ፤ ታንን ታ አማንቶ ታ ኦችተ ነና ቤሳዳ» ጋዉዳ።
JAM 2:19 ኔኒ፥ ፈቲ ጾዚ የዛኖ አማናነ፤ ይና ሎኦ። ቱና አያኑንꬅን አማናነ፤ ዣሽሞራ ጎቃነ።
JAM 2:20 ናተ ቦዛዮ! አማኖ ኦቻፓ ሻክንት ማዶሳኖ ኤሮደስ ኮያነ?
JAM 2:21 ኑ አዳይ አብራሃማ፥ ፋ ናአ ይሳቃ ዣርሾ በሳላ ጋድደ ዎደ ፋ ኦችትራ ጽልካነ?
JAM 2:22 ኤ አማንታን ኤ ኦችታ ዎላ ትምንትዳኖ ቦኦሳ? ኤ አማንታ ኤ ኦችተ ፎልንትዳ።
JAM 2:23 ጌሽ ማጻፍታ፥ «አብራሃማ ጾዝ አማንዳ። ጾዚ ይኖ ኤስ ጽሎትꬅ ማህ ፋይድዳ» ጋይዳና ፎልንትዳ። ማህ ኤ ጾዘ እግና ጋእንት ጼግንትዳ።
JAM 2:24 አስ አማኖ ጻላላራ ማቅካይዝን ኦቻራ ጽልዛኖ በእነ።
JAM 2:25 ይኒ ፋና፥ ኦላለ Ꮉንትዘ ረአባ እስራኤለፓ ኪትንትዱንꬃና ሞኪ መለ ኦገራ ኡንታና ሞይዝደ ዎደ ፋ ኦችተ ጽልካነ?
JAM 2:26 ሸምፖ ሻክንትደ አሾ Ꮉይቆ ማቅዛንፋና፥ ኦቻ ሻክንትደ አማኖን Ꮉይቆ።
JAM 3:1 ታ እሹንꬆ፥ ይንታፓ ጋሙንꬅ አስታማረ ማቅፈ። ኑ፥ አስታማሩንꬅ መሉንꬃፓ አꬍዘ ፍርዳ ኤኮዳኖ ይን ኤራነ።
JAM 3:2 ኑ ኡባና ጋማ ባዛራ ባልንታነ። ፋ ኦህተ ባልንቶሰ ኦደን ፋናትꬅቶ ናጎደስ ዳንዳእዘ ፎሎ አስ።
JAM 3:3 ፋራዚ ኑስ ኪትንቶደ ፋና ሉጋመ ባርሲ ኑ ኮይዘ በሳ ኡባ ካንታነ።
JAM 3:4 ማርካበ አኮ ፋና ዳማ ማቂ ዳማ ባቆራ ኡርቂንትኮን፥ ኤዛ እዥዘ አꬄ ፋ ኮይዘ ዛላ ማህ ኤራꬅ እዥዘ ባዛራ እዢ ቅታነ።
JAM 3:5 ይኒ ፋና እልአንꬂ ጋላ ግዳፓ ኤራꬅ ማቅኮን ጋማ ዳማ ባዛ ጬቅንታነ። ኤራꬅ ታማ ዳማ ጉርደ ምቻነ።
JAM 3:6 እልአንꬂ ታማ ፋና። እልአንꬂ ኑ አሽቲ ግዳ ኢታራ ኩምደ አላመ፤ ጋላ ኡባ ቱንዛነ። ጋናመፓ ከዝዘ ታማ ጋር ኑ ደኦ የስቶ ኡባ ምቻነ። ፋ ኦምትስን ጋናመ ምችንቶዳ።
JAM 3:7 ጾꬅን ላንዳን፥ ሳዛር ጎቹንትዙንꬅን አባ የዘ መꬍንትደ ባዝ ኡባ አስ Ꮉራነ፤ ኡንትን Ꮉርንታነ።
JAM 3:8 የዝን ኦደን እልአንꬅ Ꮉሮደስ ዳንዳእካያ። እልአንꬂ ዎꬍዘ ማርዘ ኩምደ አቆሰ ኢታ መꬎ።
JAM 3:9 ኑ እልአንꬅተ፥ ኑ፥ ላꬅን አደ ማቅደ ኑ ጾዛ ጋላታነ። ማህ እራ ጾዝ አዚ መꬍንትደ አስ ባዳነ።
JAM 3:10 ፈቲ ዶናፓ ጋላታን ባድꬅን ከዛነ። ታ እሹንꬆ፥ ይኒ ጋራ ይአደስ ቤዞስ።
JAM 3:11 Ꮉꬅ ኣፈ ፈቲ ዶቻፓ ማልእዘ Ꮉꬅን ጫንግዘ Ꮉꬂ ከሳደስ ዳንዳአነ?
JAM 3:12 ታ እሹንꬆ፥ በለሰ ምንጻፓ ሻማሄ አፎደስ ዳንዳአነ? ዎይ ዎይነ ምንጻ በለሰ ምንጻ ኣፈ አፎደስ ዳንዳአነ? ጫሞ Ꮉꬅ ኣፈፓ ማልኦ Ꮉꬅ ኬሳደስ ዳንዳኦስ።
JAM 3:13 ይን ግዳ ጭንጫን አካክዘ ኦደ? ፋ ሎኦ የስቶ፥ አሽከትꬃራን ጭንጫትꬃራን የዚ ቤዞ።
JAM 3:14 የዝን ይን ዎዝንተ ጫሞ ቃናተን ፋና ካꬍዘባዝ የዝኮ ይና ጭንጫትꬅተ ጬቅንትፐተ፤ ቱርላ አፋ ዎርድꬍፐተ።
JAM 3:15 ይኒ ጋርዘ ጭንጫትꬅ ሳሎፓ ይእደባዝ ማቅካይዝን ይና አሳፓ፥ አላመፓ፥ ጻላሄፓ።
JAM 3:16 ቃናተን ፋና ካꬍዘባዝ የዘ በሳ ካችን ኢታ ኦቻ ኡባ የነ።
JAM 3:17 የዝን ሳሎፓ የእዘ ጭንጫትꬅ ኡባፓ ቲኖ ጌሽ። ማህ ሳሮትꬅ፥ ሎኦትꬅ፥ ኪትንተ፥ አስ ማረ፥ ሎኦ ኣፈ ኩምዳያ፥ አስ ሻጎሳን ጩቦትꬅ ባይዛያ።
JAM 3:18 ሳሮትꬅ ካꬍዙንꬅ ሳሮትꬅ ቡድ ጽሎትꬅ ኣፈ ማጻነ።
JAM 4:1 ኦላን ካች ይን ግዳ አባፓ የኤ? ኡን የእዛና ይን አሽቶ Ꮉሮደስ ኦልንትዘ ይን አሾ አሞፓ ባነ?
JAM 4:2 ይን አሙꬋነ፥ የዝን ደንጎስ፤ ይኒ ግሾ፥ አስ ዎꬋነ። ምንꬂ ኮያነ፥ የዝን ደንጎደስ ዳንዳኦስ፤ ይኒ ግሾ፥ ካጭንታነን ኦልንታነ። ይን ጾዝ ዎሶሰ ግሾ ኮይዘ ባዝ ደንጎስ።
JAM 4:3 ይን ዎሳነ፥ የዝን ደንጎስ። ይን አሾ አሙቶ ፎሎደስ ዎቦ ኦገ ዎስዘ ግሾ ደንጎስ።
JAM 4:4 ይን፥ አማንንቶሱንꬆ! Ꮉና አላምቶ ካዽዘ ጾዛራ ሞርከ ማቅዛኖ ኤሮሳ? Ꮉና አላምትራ እግንꬆደስ ኮይዘ ኦደን ጾዛራ ሞርከ።
JAM 4:5 ጌሽ ማጻፍተ፥ «ጾዚ ኑ ግዳ የሳደ ፋና ጋድደ አያንዘ፥ ኑ ኤስ ቡዞ ማቃደ ፋና ዳማ አሙꬋነ» ጋይዳና ጨር ጋይደባዝ አዛነ?
JAM 4:6 የዝን ጌሽ ማጻፍተ፥ «ጾዚ ኡቱርትዙንꬃና እጻነ፥ የዝን ፋና ቶችዙንꬅስ አꬎ ኬሃትꬅ እንጋነ» ያጋዘ ግሾ ጾዚ አꬎ ኬሃትꬅ ጋንꬂ እንጋነ።
JAM 4:7 ይኒ ግሾ፥ ጾዝስ አቆተ፤ ጻላሄራ እጽንቶተ፤ ኤ ይንታፓ Ꮉኮዳ።
JAM 4:8 ጾዛጎ ሺቆተ፤ ኤ ይንታጎ ሺቆዳ። ይን፥ ናጋራንቹንꬆ፥ ይን ኩሽቶ ሜጮተ፤ ላምእ ቆፋ የዙንꬆ፥ ይን ዎዝንቶ ጌሾተ።
JAM 4:9 አዛኖተ፥ ዬኮተን አፉጾተ። ይን ሚችታ ዬፎራ፥ ይን ኡፋይስታ አዛኖራ ላምንቶ።
JAM 4:10 ላꬄ ቲኖ ይንታናትꬅቶ ዝቂ ዪዞተ፤ ኤ ይንታና ꬎቅ ꬎቅ ዪሳዳ።
JAM 4:11 ታ እሹንꬆ፥ ፈታይ ፈታያ ጫዥፐን ዝግርፐተ። ፋ እሻ ዝግርዛይ ኤላ አፋ ፍርድዘ ህገ ዝግራነን ህገላ አፋ ፍርዳነ። ነ ህገላ አፋ ፍርድኮ ህገላ አፋ ፍርድዛያ ማቃነፕ አትን ህገ ፎልዛያ ማቆስ።
JAM 4:12 ህገ እንግዘን ፍርድዘ ጾዛ ጻላላ። አሾደስን ꬋብሶደስ ዳንዳእዘ ኤዛ። ዬዝን፥ አሳላ አፋ ፍርድዛይ ነ ኦደ?
JAM 4:13 ይን፥ «ኑ Ꮉይኖ ዎይ ዎንታ ሰኮ ካታማ ዎይ Ꮉንኮ ካታማ ቅቶዳ፤ እዘ ፈቲ በረ ጋምኦዳ፤ ዛልእ ትርፍሳዳ» ያጋእዙንꬆ፥ ስኦተ።
JAM 4:14 ዎንታ አኮ Ꮉኖድ የዛኮ ይን ኤሮስ። ይን ደእታ ዋያድ የዛኮ ኤርዘ ኦደ? ይን ኤራꬅ ዎደ በንቲ ꬋብዘ ቃይቃዮ ፋና።
JAM 4:15 ይኖ አሺ፥ «ላꬂ ጋይኮ ኑኒ የሳዳ፤ Ꮉኖ ዎይ ይኖ ኦቾዳ» ጋዉደስ ቤዛነ።
JAM 4:16 የዝን ይን Ꮉተ ኡቱራነን ጬቅንታነ። ይኒ ጋርዘ ጬቆ ኡባ ኢታ።
JAM 4:17 ይኒ ግሾ፥ ሎኦ ባዝ ኦቾደስ ኤሪተ ኦቾሰ አꬄስ ይና ናጋራ።
JAM 5:1 ይን፥ ዱሩንꬆ፥ ይንታላ አፋ ኢታ ማꬋ የእዘ ግሾ ኡኮተን ዬኮተን።
JAM 5:2 ይን ቆልታ ቡቂዳ፤ ይን አፉልታን ብላራ ሙእንትዳ።
JAM 5:3 ይን ዎርቅታን ይን ብርታ ብርዳ። ይና ብርዳና ይንታላ አፋ ማርካ ማቃዳ። ኤ ይን አሽቶ ታማ ጋር ምቾዳ። ይን Ꮉና Ꮉልእደ ቃምተ ይንትስ ቆሎ ሺሽዳ።
JAM 5:4 ይን ጋድተ ኦቺ ፌዥደ አሱንꬅ ክራ ብርቶ ጭግካያ። ይና ይንታላ አፋ ኡካነ። የንꬅ ካꬃ ማጽዘ አሱንꬅ ኡክትታ ዎልቃራ የዘ ላꬄ Ꮉይተ ስንትዳ።
JAM 5:5 Ꮉና ሳእተ ይን ሳዛ ጻላላስ ቆፒ፥ ጊግን የዝዳ። ሹፎስ ጊግንትደ Ꮉርስፋና ይንታና ꬊክዳ።
JAM 5:6 ይንታራ ኤቅንቶደስ ዳንዳኦሰ ጽሎ አሳላ አፋ ፍርዳነ፤ ኤዛን ዎꬍዳ።
JAM 5:7 ታ እሹንꬆ፥ ላꬂ ዮኦደ ዎንꬅስ ገንጮተ። ሳአ ኦችዘ ቶርቼ እራን ሴተ እራ ዮኦደ ዎንꬅስ ገንጭ አልኦ ካꬃ ናጊ ዋይዝ የልꬅ ኤክዛኮ ቆፖተ።
JAM 5:8 የ ሳአ ኦችዛይ ፋና ይንትን ገንጮተ። ላꬄ የእታ ኡክደ ግሾ ኡፋይሳራ ናጎተ።
JAM 5:9 ታ እሹንꬆ፥ ጾዚ ይንታላ አፋ ፍርዳመ ጋር ፈታይ ፈተላ አፋ ዙዝንግፐተ። ፍርድዛይ ፉርꬃ ኤቅዳ።
JAM 5:10 ታ እሹንꬆ፥ ላꬄ ሱንꬅተ ኦህደ ናቡንꬅ ማꬋ ዳንዳአራ ኤኪ አዝዘ ማቅዱንꬃና ቦኦተ።
JAM 5:11 ዳንዳአራ ገንጭዱንꬃና ኑኒ አንጅንትዱንꬃና ጋነ። እዮባ ዋይዝ ገንጨዛኮ ይን ስእዳ። ላꬂ ዉርሱꬅተ ኤዛ ዋይዝ ማደዛኮን ብእዳ። ኤ ማሮትꬅን ይቅስሞ ኩምደ ላꬂ ማቅደ ግሾ ይኖ ኦችዳ።
JAM 5:12 የዝን ኡባፓ ቲኖ፥ ታ እሹንꬆ፥ ሳሎራን ማቅን ዎይ ሳአራን ማቅን ዎይ መለ አኮ ባዛራን ጫቂፐተ። ጾዘ ፍርዳ ይን ገላመ ፋና ይን ኦህታ ዬ ማቅኮ፥ «ዬ» ጋኦተ፤ አደ ማቅኮ፥ «አደ» ጋኦተ።
JAM 5:13 ይን ግዳ ማꬋ ኤክዘ ኦደን የዝኮ ጾዝ ዎሶ። ኡፋይትዘ ኦደን የዝኮ ጋላታራ የጾ።
JAM 5:14 ይንታፓ Ꮉርግንትዘ ኦደን የዝኮ ዎሳ ኬꬂ ጭሙንꬃና ጼጎ። ኡን ላꬄ ሱንꬅተ ዛይተ ትዢ ኤስ ጾዝ ዎሶ።
JAM 5:15 አማኖራ ዎስደ ዎስታ Ꮉርግንትዛ ፋꬆዳ። ላꬂ ኤዛ፥ Ꮉርግትፓ ደንꬆዳ፤ ኤ ናጋራ ኦችደባዝ ማቅኮን ላꬂ ኤዛ ማሮዳ።
JAM 5:16 ይኒ ግሾ፥ ይን ፋጾደ ጋር ይን ናጋርቶ ፈታይ ፈተስ ፋጾተን ፈተ ፈተስ ዎሶተ። ጽሎ አስ ዎስታ ዳማን ዎልቃማ ኦቻ ኦቻነ።
JAM 5:17 ኤልያሳ ኑ ፋና አስ። እራ ሳአላ ቡካመ ጋር ምንꬂ ጾዝ ዎስን Ꮉይꬕ በረን እዝፑን አግና ሳአላ እራ ቡክካያ።
JAM 5:18 ማህ ኤ ጾዝ ዎስን ሳሎፓ እራ ቡክዳ፤ ሳእታን ካꬃ እንግዳ።
JAM 5:19 ታ እሹንꬆ፥ ይንታፓ ኦደን ቱሪ ኦገፓ ባልንትኮ፥ መለ አስ ኤዛ ቱርጎ ማህኮ፥
JAM 5:20 ናጋራንችዛ ኤ ኢታ ኦግትፓ ማህዘ ኦደን፥ ኤ ሸምፕቶ Ꮉይቆፓ አሽዛያን ኤ ጋማ ናጋርትስ ማሮትꬅ እንግዛኖ ኤሮ።
1PE 1:1 ታኒ፥ የሱስ ክርስቶሳ ሐዋረ ጴጥሮሳ፤ ጳንጦሰ፥ ጋላትያ፥ ቃጳዶቅያ፥ እስያን ብቲንያ ጋደ ላልንቲ በተ የዘ ጾዚ ዶርደ፥ አሱንꬅስ Ꮉይ ዳብዳቢዛ ጻፍዳ።
1PE 1:2 ጾዚ አደ ቲኒ ቆፕደ ባጋራ ዶርንትዱንꬅስ የሱስ ክርስቶሳስ ኪትንቶደስን ኤ ሱꬅተ ዉጹርክንትዱንꬃና ጌሽ አያናራ ጌዥዱንꬅስ፥ አꬎ ኬሃትꬅን ሳሮትꬅ ማቀ።
1PE 1:3 የሱስ ክርስቶሳ Ꮉይቆፓ ደንꬅደ ባጋራ ፋ ዳማ ማሮትꬅ ክለ የልንተራ ꬋቦሰ ኡፋይስ እንግደ ኑ ላꬄ የሱስ ክርስቶሳ አዳይ፥ ጾዘ ጋላትንቶ።
1PE 1:4 ማህ ጾዚ ይንትስ ꬋቦሰ፥ ኢቶሰን ቡቆሰ አንጆ ሳሎ ጊግዝዳ።
1PE 1:5 ይና አንጅታ ዎደ ዉርሱꬅተ ቆንጮደስ የዘ አቶትꬅትስ ጾዘ ዎልቃራ አማኖራ ይንትስ ናግንቲ የነ።
1PE 1:6 Ꮉተ ኤራꬅ ዎደ ይን ዱማ ዱማ ፋታና ኡንእንትኮን ይነ ኡፋይቶተ።
1PE 1:7 ይና ፋታንታ ይንታና የልዳና፥ ታማ ኦልን ꬋብዘ ዎርቃፓ ይን አማንታ አꬎን ቱሮ ማቅዛኖ ቤሳደስ። ይና ፋታንትደ አማንተ የሱስ ክርስቶሳ ላምእንꬃ ቆንጭዘ ዎደ ጋላታ፥ ቦንቾን ናሾ ይን ኤኮዳ።
1PE 1:8 ይን የሱሳ ብእካያ፥ የዝን ኤዛ ካꬋነ። ይን Ꮉተ ኤዛ ብእካይዘ ባዝ ማቅኮን፥ ኤዛ አማናነ። ማህ ኦሄራ ቆንጭሳደስ ዳንዳእንቶሰ ኡፋይሳራን ቦንቾራ ኩምዳ።
1PE 1:9 ይን አማኖራ ናግዘ ይን ሸምፕት አቶትꬅ ደንጎዳ።
1PE 1:10 ጾዛፓ ማቅደ አꬎ ኬሃትꬅ ባጋራ ይንትስ ማቅደ Ꮉና አቶትꬅትባዝ ናቡንꬅ ኤሮደስ ጋማ ቁርቸራ ምንꬂ ኮይዳ።
1PE 1:11 ኡን ግዳ የዘ ክርስቶሳ አያና ኤ ዋይት ባዝን ይንፓ ሱባ ዮኦደ ቦንችትባዝ ቲኒ ማርክꬍተራ፥ አይደ ዎይ ዋይዝ Ꮉኖደ የዛኮ ቆፒ ቁርችዳ።
1PE 1:12 ናቡንꬅ ኦህደ ትንቢታ ፋ ኦማስ ባይዝን ይንትስ ማቅዳኖ ጾዚ ይንትስ ቆንጭዝዳ። Ꮉተ አሱንꬅ ይንትስ ኦህደ ዎንገለ ሳሎፓ ኪትንትደ ጌሽ አያና ዎልቃራ ይንትስ ኦህዳ። ኪታንቹንꬅን ይኖ በአደስ አሙꬍዳ።
1PE 1:13 ይኒ ግሾ፥ ኦቻስ ይንታና ጊግዞተ፤ ይንታና አሆተ። የሱስ ክርስቶሳ ማህ ቆንጭዘ ዎደ ይን ኤኮደ ዳማ አቶትꬅ አꬎ ኬሃትꬅ አንጆ ኡፋይሳራ ካፎተ።
1PE 1:14 ጾዘ ናኡንꬅ ፋና ኤስ ኪትንቶተ፤ ይን ቲኖ ኤርካይዛራ ኦችደ ኢታ አሞ ካልፐተ።
1PE 1:15 የዝን ይንታና ጼግደ ጾዘ ጌሽ ማቅዳን ፋና ይንትን ይን የስተ ኡባ ጌሽ ማቆተ።
1PE 1:16 ጌሽ ማጻፍተ፥ «ታኒ ጌሽ ማቅደ ግሾ ይንትን ጌሽ ማቆተ» ጋእንት ጻፍንትዳ።
1PE 1:17 አስስ ስኖ ብእካይዛራ ኤ ኦችት ፋና ፍርድዘ ጾዛ፥ «ኑ አዳዮ» ጋእ ጼግዘባዝ ማቅኮ፥ Ꮉነ ሳአ ዛቆትꬅ የስተ ዣሽሞራ የዞተ።
1PE 1:18 ይን፥ ይን አዱንꬃፓ ላትደ ፋꬆሰ የሳፓ ዎዝንትደ፥ ꬋብዘ ብራራ ዎይ ዎርቃራ ባይዛኖ ኤራነ።
1PE 1:19 የዝን ይን ዎዝንትዳና ቦረ ዎይ ሳንከ ባይዘ ጌሽ ዱሮ ሱꬅ ፋና አልኦ ማቅደ ክርስቶሳ ሱꬅተ።
1PE 1:20 ጾዚ አላመ መꬍንቶዳንፓ ቲኖ ክርስቶሳ ዶርዳ፥ የዝን ይና ዉርሱꬅ ዎድተ ክርስቶሳ ይን ግሾ ቆንጭዳ።
1PE 1:21 ይን አማንታን ይን ኡፋይስታ ጾዛራ ማቃደ ፋና ኤዛ Ꮉይቆፓ ደንꬂ፥ ቦንችደ ክርስቶሳ ባጋራ ጾዘ ግዳ አማናነ።
1PE 1:22 ይን ቱርስ ኪትንትተራ ጩቦ ባይዘ እሽቱሞ ካ ይን ሸምፕተ ምንꬂ ፈታይ ፈታያ ዎዝናፓ ዎል ካꬎተ።
1PE 1:23 ይን ላምእንꬃ የልንትዳና ꬋብዘ ኮቻፓ ባይዝን መዽና የዘ ጾዘ ቃላ ꬋቦሰ ኮቻፓ የልንትዳ።
1PE 1:24 ጾዘ ቃላ፥ «አስ ኡባ ማታ ፋና፤ ኤ ቦንችታ ኡባ ፉ ፋና። ማታ መላነ፥ ፉꬍታን ጉፋነ።
1PE 1:25 የዝን ላꬄ ቃላ መዽና የነ» ያጋይዳ። ይንትስ ኦህንትደ ዎንገለ ቃልታ Ꮉኖ።
1PE 2:1 ይኬ፥ ኢታትꬅ ኡባ፥ ጭሞ ኡባ፥ ጩቦትꬅ ቅናተን ዝግርስ ኡባ ይንታፓ Ꮉሶተ።
1PE 2:2 ላꬂ ዳልጋ ማቅዳኖ ይን ኤርዛን ፋና Ꮉተ የልንትደ ዦጋ ናኡንꬅ ፋና ይን አቶትꬅተ ኤ ግዳ ድጭተራ Ꮉንጎደስ ጾዘ ጌሽ ቃላ ማꬅቶ ኡባ ዎደ አሙꬎተ።
1PE 2:4 አሳራ ቦርንቲ ጾዛራ ዶርንትደ ቦንቾ ማቅደ ደኦ ሹች፥ ላꬄ የሱሳጎ ሺቆተ።
1PE 2:5 ይን አያና ኬꬅ ኬጽንትዘ ደኦ ሹቹንꬃና። ይን የሱስ ክርስቶሳ ባጋራ ጾዚ ኡፋይስዘ አያና ዣርሾ ዣርሽዘ ጌሽ ካህኑንꬃና።
1PE 2:6 ጌሽ ማጻፍተ፥ «Ꮉይቼ፥ ታኒ ጽዮነ ካታማ፥ ዶርንትደ፥ ቦንቾ ማይዘነ ሹች ጋድዳ፤ ኤዛ አማንዘ ሞሎን ዬልꬎስ» ያጋይዳ።
1PE 2:7 Ꮉይ ሹችዘ ይንትስ አማንዙንꬅስ ቦንቾ፥ የዝን አማኖሱንꬅስ፥ «ኬጽዙንꬅ ቦሪ አሽደ ሹችዘ ኡባፓ አꬍዘ ማይዘነስ ኦማ ሹች ማቅዳ።»
1PE 2:8 ማህን፥ ጌሽ ማጻፍተ፥ «Ꮉይ ሹችዘ አስ ꬉቢዘ ሹችን አስ ጎልእዘ ላላ» ያጋይዳ። ኡን ይንስ ጋእንትደ ግሾ ጾዘ ቃላስ ኪትንታንጽ ꬉቡንታነ።
1PE 2:9 የዝን ጾዚ ꬉማፓ ጋማ ቆፍዘ ፋ ፎኦጎ ይንታና ጼግደ፥ ይን ኤ ሎኦትꬅቶ መሉንꬅስ ኦሆደስ ዶርንትደ ኮች፥ ካት ካህነን፥ ጌሽ ዎርዣን ጾዝስ ዱማ ዎርዣ።
1PE 2:10 ይን ዛጋ ጾዘ ዎርዣ ባያ፥ የዝን Ꮉተ ይን ኤ ዎርዣ። ይን ዛጋ ማሮትꬅ ደንግካያ፥ የዝን Ꮉተ ማሮትꬅ ደንግዳ።
1PE 2:11 ታ እሹንꬆ፥ ይን Ꮉነ ሳእተ ዛቆን በተ ማቅዳን ፋና ይን አያና ደእቶ ኦልዘ አሾ አሞፓ Ꮉኮደ ፋና ታኒ ይንታና ዎሳነ።
1PE 2:12 አማኖሰ አሱንꬅ ይንታና ኢታ ኦችዘ አስ ፋና ዝግርዘ ዎደ ጾዚ ኑና በአደስ የእዘ ቃማ፥ ኡን ይን ሎኦ ኦችቶ ብእ ጾዝ ጋላቶደ ፋና ይንትስ ሎኦ የስ የዞ።
1PE 2:13 ላꬄ ግሾ ጋእ አህዘ አሱንꬅስ አቆተ፤ ኡባፓ ካታራ ማቅደ ግሾ ካትስን አቆተ።
1PE 2:14 ኡን ኢታ ኦችዙንꬃና ሴሮደስን ሎኦ ኦችዙንꬃና ናሾደስ ካትዘፓ ኪትንትደ ግሾ ዎርዥቶ አህዙንꬅስ አቆተ።
1PE 2:15 ይን ሎኦ ኦችተራ ኤሮሰ ቦዛ አሱንꬅ ኦህቶ ስእ ዪዝዘ ጾዘ ቆፋ።
1PE 2:16 ጾዘ አሮ ፋና ማቂ ዋሎትꬃ የዞተፕ አትን ይን ዋሎትꬅታ ኢታ ኦቻስ ኣችቸ ማህፐተ።
1PE 2:17 አስ ኡባ ቦንቾተ፤ አማንዘ አሱንꬃና ካꬎተ፤ ጾዝስ ዣሽቶተ፤ ካት ቦንቾተ።
1PE 2:18 አሩንꬆ፥ ሎኦ ላꬁንስስን ዳልጋ ላꬁንꬅስ ጻላላ ባይዝን ኢቱንꬅስን ቦንቾራ አቆተ።
1PE 2:19 አስ ጾዝ ግሾ ጋእ ገነር ማꬋ ኤኪ ዳንዳእኮ ጾዚ ኤዛ አንጆዳ።
1PE 2:20 የዝን ይን ናጋራ ኦችን ይንታና ሴርዘ ዎደ ይን ዳንዳእኮ ይንትስ አኮ ጋላታ የዘ? የዝን ሎኦ ባዝ ኦቺ ማꬋ ዳንዳእኮ ጾዚ ይንታና ይንስ አንጆዳ።
1PE 2:21 ጾዚ ይንታና ጼግደ ይኒ ግሾስ፤ ክርስቶሳ ይንትስ ዋይንትዳ፤ ይን ኤዛ ካሎደ ፋና፥ ይንትስ አዝዘ ማቅዳ።
1PE 2:22 ኤ ናጋራ ኦችካያ፤ ኤ ዶንተ ጭሞ በንትካያ።
1PE 2:23 ኡን ኤዛ ጫዣደር ማህ ጫዥካያ። የዝን ማꬋ ኤክተራ ጽሎ ፍርድዘ ጾዘስ ፍርዳ አሽዳ ፋትን ማንድካያ።
1PE 2:24 ኑኒ ናጋራስ Ꮉይቂ ጽሎትꬅስ የሳደ ፋና ክርስቶሳ ፋ አሽተ ኑ ናጋርቶ ማስቃላላ አፋ ቶክዳ፤ ይን ኤዛ ጋራፍን Ꮉርግደ በስትራ ፋጽዳ።
1PE 2:25 ዛጋ ይን ኦገ ባል ꬋብደ ዱሮ ፋና፥ የዝን Ꮉተ ይን ሸምፖ የንግዘጎን ናግዘጎ ማቅዳ።
1PE 3:1 ይኒ ፋና፥ ማቹንꬆ፥ ይን አዝኑንꬃፓ ጾዘ ቃላስ ኪትንቶሱንꬅ የዝኮ ዣሽሞራ የዘ ይን ጌሽ የስቶ ብእ ጾዘ ቃላ ባይꬅ ፋ ማቹንꬅ የስተ አማኖደ ፋና ኡንትስ ሎኦተ።
1PE 3:3 ይን፥ ይን ኦማ ዳደራን ዎርቃ አራ ዎይ ሎኦ አፉላ ማኤራ ማቅፈ።
1PE 3:4 የዝን ይን ዎዝንተ የዘ ሎኦትꬅታ ጾዘ ቲኖ ይንትስ ጋማ አልኦ ማቅደ ꬋቦሰ፥ ዳልጋን ዎፑ ጋይደ አያና ማቀ።
1PE 3:5 ጾዚ እንጎዳ ጋይዳኖ አማንደ ጌሽ ማቹንꬅ ዛጋ ዎደ ፋ አዝኑንꬅስ ኪትንት፥ ፋና ይኒ ጋር ጋማ ቦንችዝዳ።
1PE 3:6 ይኒ ጋራን ሳራ አብራሃማጎ፥ «ላꬆ» ጋእ ጼጊ፥ ኤስ ኪትንትዳ፤ ይንትን አኮን ዣሽትካይዛራ ሎኦ ባዝ ኦችኮ እ ናኡንꬃና።
1PE 3:7 ይንትን አዝኑንꬆ፥ ይን ማቹንꬅ ይንታፓ ዎልቃ ባይዘ መꬎ ማቅዳኖ ኤሪ፥ ኡንታና ቦንቾተ፤ ይን ዎስትስ ꬉበ ማቃመ ፋና ጾዚ እንግደ ደኦ ኡን ይንታራ ዎላ ላትዘ ግሾ ኡንታና ቦንቾተ.
1PE 3:8 ዉርሱꬅተ፥ ኡቡንꬅ ፈቲ ቆፋራ የዞተ። ዎል ካꬎተ፥ እሸ ፋና ዎል ካꬎተ፤ ማህ ፈታይ ፈታይስ ዳልጋን አዳ ማቆተ።
1PE 3:9 ኢታ ግሾ ኢታ ዎይ ጫሽ ግሾ ጫዥ ማህፐተ፤ ይኖ አሺ፥ ጾዚ ይንትስ አንጆ እንጎደስ ይንታና ጼግደ ግሾ አንጆተ።
1PE 3:10 አኮስ ጋይኮ፥ ጌሽ ማጻፍተ፥ «ደኦ ካꬍዘን ሎኦ ቃማ በአደስ ኮይዘ ኦና የዝኮን ፋ እልአንꬅተ ኢታ ባዝ ኦህዛኖ አሾ፥ ዶንታን ገነ ኦሃመ ፋና ተቆ።
1PE 3:11 ኢታ ባዝ ኦችዛኖ አሺ ሎኦ ባዝ ኦቾ፤ ሳሮትꬅ ኮዮን ካሎ።
1PE 3:12 ላꬄ ኣፈ ጽሉንꬃና በእነ፤ ማህ ኤ ኡባ ዎደ ኡን ዎስቶ Ꮉይዛነ። የዝን ላꬂ ኢታ ባዝ ኦችዙንꬃና ፋ ካች ስንቶ ቤዛነ» ያጋይዳ።
1PE 3:13 ይን ሎኦ ባዝ ኦቾደስ አሙꬍኮ ይንታና ካዮደ ኦደ?
1PE 3:14 መለ አቶ የዝን፥ ጽሎትꬅ ግሾ ይን ማꬍꬍኮ አንጅንትዱንꬃና። አስስ ዣሽትፐተን ይርግፐተ።
1PE 3:15 ክርስቶሳ ይን ዎዝንተ ቦንቾተ፤ ይን ደእተ ላꬅ ማሆተ። ጾዚ ይንትስ እንግደ ኡፋይስቶ ኦጭዘ ኦደስን ማሄ እንጎደስ ኡባ ዎደ ጊጊ የዞተ፥ የዝን ይናን አዳትꬃራን ዣሽሞራ ማቀ።
1PE 3:16 ማህ ክርስቶሳ ግዳ የዘ ሎኦ የስቶ ጫዥዘ አሱንꬅ ኢታ ባዝ ኦችደ ፋና፥ ይንታና ዝግርዛነ ኡን ዬልꬋደ ፋና ሎኦ ዎዝና የሰ።
1PE 3:17 ጾዘ ቆፋ ማቅኮ ኢታ ባዝ ኦቺ ማꬋ ኤክዛንፓ ሎኦ ባዝ ኦቺ ማꬋ ኤክዛና ሎኦ።
1PE 3:18 ክርስቶሳ ኑና ጾዛጎ ሺሾደስ ፋስ ጽሎ ማቂ የዝተራ፥ ናጋራንቹንꬅ ግሾ ፈቲ ቶሄ ናጋራ ኡባስ Ꮉይቂዳ፤ ኤ አሾራ Ꮉይቂዳ፥ የዝን ጌሽ አያናራ ደኦ ማቅዳ።
1PE 3:19 ማህ የ አያንዘራ ኤ Ꮉንግ አች ኬꬃ የዘ ሸምፑንꬅስ ቃላ ኦህዳ።
1PE 3:20 ኖሄ ማርካበ ኬጽዘ ዎደ የንꬅ ሸምፑንꬅ ጾዝስ ኪትንታንጽዳ፥ የዝን ጾዚ ኡንታና ዳንዳእዳ። ኦስፉን አስ ጻላላ ማርካበ ገሊ፥ ꬋብሰ Ꮉꬅትፓ አትዳ።
1PE 3:21 የ ꬋብሰ Ꮉꬅዘ Ꮉተ ይንታና አሽዘ ጽንቃተ አዝዘ ማቅዳ። ይና ጽንቃታ ጋላ ꬎሃ ሜጨ ባይዝን ሎኦ ቆፋ ጾዛፓ ኤኮደስ ኡፋይስ ገልዘ ኦገ ማቂ፥ ክርስቶሳ ደንድት ባጋራ ይንታና አሻነ።
1PE 3:22 ኤ ሳሎ ኡዲ ጾዘ ምዛቅተ በትን፥ ኪታንቹንꬅን፥ ዎልቃ አዱንꬅ ኤስ Ꮉርንትዳ።
1PE 4:1 ይኒ ግሾ፥ ክርስቶሳ ፋ አሽተ ኑስ ማꬋ ኤክደ ግሾ ይንትን ይና ቆፍተ ሚንግ ጊግንቶተ። ክርስቶሳ ግሾ ጋእ ፋ አሽተ ማꬋ ኤክዘ አꬄ ናጋራ ኦቾስ ጋእ ጋቺ አሽዳ።
1PE 4:2 ይኬፓ አትደ ዎድተ ጾዘ ቆፋ ኦቾደስ ኮዮ ፋትን ኢታ አሾ አሞ ፎሎደስ ባያ።
1PE 4:3 ቲኖ ይን አማኖሰ አሱንꬅ የዛን ፋና የዝዳ። ይን ኢታ አሞራ፥ ቃይጸራ፥ ማꬄራ፥ ቱናትꬅ ደንꬅꬅዘ የꬃራ፥ ቦርስዘ ኤቃ ጎይነራ ዛጋ የዝደ የስታ ማቃዳ።
1PE 4:4 አማኖሰ አሱንꬃራ ይን ጌሻትꬅ ባይዘ ኦቻ ኦቾሰ ግሾ ጋማ ቆፒ ይንታና ጫዣነ።
1PE 4:5 የዝን ኡን ፋጹንꬃላን Ꮉይቂደ አሱንꬃላ አፋ ፍርዶደስ የዘ ጾዘስ ማሄ እንጎዳ።
1PE 4:6 Ꮉይቂደ አሱንꬅስ ዎንገለ ሳባክንትደ Ꮉኒ ግሾስ። ኡን አስ ፋና ፋ አሽተ ፍርድንቶዳ ማህ ፋና አያናራ ጾዘ ፋና ደኦ የሳዳ።
1PE 4:7 ይኬ፥ ኡባ ባዝስ ዉርሱꬅታ ኡክዳ። ይኒ ግሾ፥ ሚንግ ዎሶደስ ዳንዳእንቶደ ፋና ዎፑ ጋይደ ዎዝና የሰ፤ ዎጋራ የዞተ።
1PE 4:8 ሲቆ ጋማ ናጋራ ጌንꬅዘ ግሾ ኡባፓ አꬂ ፈታይ ፈታያ ዎዝናፓ ሲቅንቶተ።
1PE 4:9 ዙዝንግካይዛራ ፈታይ ፈታያ ዛቆትꬃራ ሞኮተ።
1PE 4:10 ይን ጾዛፓ ዱማ ዱማ አꬎ ኬሃትꬅ እሞ ኤክዳን ፋና ይን ፈታይ ፈታያ ይና እሞቶ ቤዛን ፋና አይኪ ፈታይ ፈታያ ማዶ።
1PE 4:11 የሱስ ክርስቶሳ ባጋራ ኡባ ባዛ ጾዚ ጋላትንቶደ ፋና ኦንን ኦህዘ ጾዛፓ ቃላ ኤክዳን ፋና ኦሆ። ማህ ኦደን ማድዘ ጾዚ ኤስ እንግደ ዎልቂት ፋና ማዶ። ቦንቾን ዎልቃን መꬍናፓ መዽና የሎደስ ኤስ ማቀ። አምንኤ።
1PE 4:12 ታ ባጉንꬆ፥ ይንታና ታማ ፋና ፋታንዘ ማꬋ ግዳራ አꬍዘ ዎደ ክሌ ባዝ Ꮉንደ ፋና አꬂ ቆፕፐተ።
1PE 4:13 የዝን ኤ ቦንችታ ማህ ቆንጭዘ ዎደ ይን ኡፋይስታ ዳማ ማቃደ ፋና ክርስቶሳ ማꬍቶ ይን ኤክዛነ ኡፋይቶተ።
1PE 4:14 ክርስቶሳ ሱንꬅት ግሾ አስ ይንታና ጫዥዘ ዎደ ጾዘ ቦንቾ አያና ይንታላ አፋ ሸምፕዘ ግሾ ይን አንጅንትዱንꬃና።
1PE 4:15 ይንታፓ ኦንን ማꬋ ኤክዘ ሸምፖ ዎꬍዘ ፋና ዎይ ካይስትደ ፋና ዎይ ኢታ ኦችደ ፋና ዎይ ቤዞሰ ባዛ ገልዘ አስ ፋና ዪእ ማꬋ ኤክፐ።
1PE 4:16 ማቆ የዝን፥ ክርስታነ ማቂ ማꬍꬍኮ ክርስቶሳ ሱንꬅት ግሾ ጾዛ ጋላቶ ፋትን ዬልꬍፐ።
1PE 4:17 ፍርዳ ጾዘ አሳላ ደንድዘ ዎደ የልዳ። ይኬ፥ ይና ፍርድታ ቲኒ ኑላ አፋ ደንድዘ ባዝ ማቅኮ፥ ጾዘ ዎንገለስ ኪትንቶሰ አሱንꬅ ዉርሱꬅታ አኮ ማቃደ?
1PE 4:18 ጽሎ ኡንእንት አትዘባዝ ማቅኮ፥ ገኑንꬅን ናጋራንቹንꬅ ዬዝን ዋያደ?
1PE 4:19 ይኒ ግሾ፥ ጾዘ ቆፋ ፋና ማꬋ ኤክዙንꬅ ፋ ሸምፖ Ꮉዳርቶ ፋና መꬍደ፥ አማንꬅዘ ጾዘስ እንግ ሎኦ ባዝ ኦቾ።
1PE 5:1 ይኬ፥ ዎሳ ኬꬃ ጭሙንꬃራ ጭማ ማቅደ፥ ክርስቶሳ ማꬍቶ ማርክꬍዘ ቆንጮደስ የዘ ቦንቾ ሻክንቶደስ የዘ ታኒ፥ ይን ግዳ የዘ ጭሙንꬃና ዞራነ።
1PE 5:2 ይንትስ አደትꬃራ እንግንትደ ጾዘ ዉድቶ የንጎተ። ጾዚ ኮይዛን ፋና ካራ ፋትን ኡንእራ የንግፐተ። ማህ ሚሸ ኮይ ባይዝን ካꬊ ማዶዳ ጋእ ሎኦ ቆፋራ የንጎተ።
1PE 5:3 ይን አደትꬃፓ ኦሞራ የዘ ዉዱንꬅስ አዝዘ ማቆተ ፋትን ላꬂ ማቅፈተ።
1PE 5:4 የንግዙንꬅ አዳይ ቆንጭዘ ዎደ ꬋቦሰ ቦንቾ ዎርቃ ዛዉደ ይን ኤኮዳ።
1PE 5:5 ይኒ ፋናን፥ ናአትꬁንꬆ፥ ጭሙንꬅስ አቆተ። ይን ፈታይ ፈታይስ አዳ ማቆተ። ጌሽ ማጻፍተ፥ «ጾዚ ኡቱርትዙንꬃና እጻነ፥ የዝን አዱንꬅስ አꬎ ኬሃትꬅ እንጋነ» ያጋይዳ።
1PE 5:6 ጾዚ ፋ ዎደ ይንታና ቦንቾደ ፋና ዳማ ጾዘ ኩሸፋ ኦሞራ ይንታና ዝቂ ዪዞተ።
1PE 5:7 ኤ ይንትስ ቆፕዘ ግሾ ይንታና ይርግዘባዝ ኡባ ኤላ አፋ ኦሎተ።
1PE 5:8 ይን ሞርክዘ ጻላሄ፥ ቆꬍዘባዝ ኮይ፥ ጋሞ ፋና ꬋዝተራ ይን ካለራ ዉትዘ ግሾ ይንታና ናጎተን ባርኮተ።
1PE 5:9 አላመ የዘ ይን እሹንꬅ ይኒ ጋር ማꬋ ኤክዛኖ ኤሪ፥ አማኖራ ሚንግ፥ ጻላሄ እጾተ።
1PE 5:10 ፋ መዽና ቦንቾስ ክርስቶሳ የሱሳ ባጋራ ይንታና ጼግደ አꬎ ኬሃትꬅ ኡባ ጾዘ፥ ኤራꬅ ዎደስ ይን ማꬋ ኤክደፓ ሱባ፥ ኤ ፋ ኦምተ ይንታና አሾዳ፥ ካትሳዳ፥ ምንꬂ ኤሶዳ፥ ጻልሳዳ።
1PE 5:11 መꬍናፓ መዽና የሎደስ ጾዚ ካእቶ። አምንኤ።
1PE 5:12 አማንንትደ እሸ ጋእ ታ ኤክዘ ስላሰ ባጋራ Ꮉይ ኪትዛ ይንትስ Ꮉታራ ጻፍዳ። ታ ይኖ ይንትስ ጻፍዳና፥ ይንታና ዞሮደስን ጾዘ አꬎ ከሃትꬅታ ቱሮ ማቅዛኖ ማርክꬋደስ። ይና አꬎ ኬሃትꬅተ ሚንግ ኤቆተ።
1PE 5:13 ይንታራ ዎላ ዶርንትደ ባብሎነ የዘ ዎሳ ኬꬃ አሱንꬅን ታ ናአይ ማርቆሳ ይንታና፥ «ሳሮ ሳሮ» ያጋነ።
1PE 5:14 ሲቆ ዬርንተ ዬርንትተራ፥ ፈታይ ፈታያ ሳርꬆተ። ክርስቶሳ ግዳ የዘ ይን ኡቡንꬅስ ሳሮ ማቀ። አምንኤ።
2PE 1:1 የሱስ ክርስቶሳ ሐዋረን ኤ አሮ፥ ታኒ፥ ስሞን ጴጥሮሳ፥ ኑ ጾዘን ኑና አሽዘ የሱስ ክርስቶሳ ጽሎትꬅት ባጋራ ኑ ጋር አልኦ አማኖ ኤክዱንꬅስ Ꮉይ ኪትዛ ጻፍዳ።
2PE 1:2 ጾዛን ኑ ላꬃ የሱሳ ኤረራ አꬎ ኬሃትꬅን ሳሮ ይንትስ ኩሞ።
2PE 1:3 ፋ ቦንችተን ሎኦትꬅተ ኑኒ ሻክንቶደ ፋና ጼግደ ኤዛ ኤርዳነ ጾዘትꬅ ዎልቃ ኑኒ ጾዛ አዚ የሳደስ ኮሽዘ ባዝ ኡባ ኑስ እንግዳ።
2PE 1:4 ይን ኢታ አሞ ባጋራ መꬍንትዘ Ꮉና አላምተ የዘ ꬋብሰፓ ኬሲ ኤኮደ ፋናን ጾዘ ጾዘትꬅቶ ሻክንቶደ ፋና፥ Ꮉና እሞትꬅት ባጋራ ጋማ አልኦን ዳማ ኡፋይስ ኑስ እንግዳ።
2PE 1:5 ይኒ ግሾ፥ ሚንግ፥ ይን አማንትላ አፋ ሎኦትꬅ፥ ሎኦትꬃላ አፋ ኤራትꬅ፥
2PE 1:6 ኤራትꬃላ አፋ ፋና ናገ፥ ፋና ናገላ አፋ ገንጨ፥ ገንጨላ አፋ ጾዛ ኡፋይስ የስ የዘ፥
2PE 1:7 ጾዛ ኡፋይስ የዘሳላ አፋ እሽትሞ ካ፥ እሽትሞ ካላ አፋ አስ ኡባ ሲቀ ጉጆተ።
2PE 1:8 Ꮉንስ ይንትስ ጋንግ የዝኮ፥ ላꬂ የሱስ ክርስቶሳ ኤረራ ማድዘ አስን ኣፈራ የዘ አስ ማቆዳ።
2PE 1:9 የዝን Ꮉንስ ባይዘ ኦንን ኡከ የዘ ባዝ ጻላላ በእዘ ቆቀ። ኤ ፋ ቲኖ ናጋርትፓ ጌዥዳኖ ቦትዳ።
2PE 1:10 ይኒ ግሾ፥ ታ እሹንꬆ፥ ይን ጼግንቶን ይን ዶርንቶ ምንꬆደስ ካሰንፓ አꬂ ምንጎተ። ይን Ꮉንሳና ኦችዘባዝ ማቅኮ፥ ꬉቡንታማ።
2PE 1:11 ይነ ኑ ላꬃን ኑና አሽደ የሱስ ክርስቶሳ መዽና ካእቱሞ ገልዘ ኩሙꬅ ዎልቃ ይንትስ እንግንቶዳ።
2PE 1:12 ይኒ ግሾ፥ ይን Ꮉንሳና ኤርዘ ባዝን ይና አይክደ ቱርተ ሚንግ የዘ ባዝ ማቅኮ፥ ታኒ Ꮉንሳና ኡባ ዎደ ይንታና ቆፍዘ አሾስ።
2PE 1:13 ታኒ ሸምፖራ የዘ ዎደ ኡባ ይንታና ቆፍዛና ኮሽዘ ባዝ ጋእ ቆፓነ።
2PE 1:14 ኑ ላꬄ የሱስ ክርስቶሳ ታስ ቆንጭዝዳን ፋና ታኒ Ꮉና Ꮉይቅዘ ጋልቶ ጋሪ ኦሊ ቅቶዳኖ ኤራነ።
2PE 1:15 ታኒ ይንታፓ ሻክንትኮን ይን Ꮉንሳና ኡባ ዎደ ቆፖደ ፋና ታስ ዳንዳእንትዘ ባዝ ኡባ ኦቾዳ።
2PE 1:16 ኑኒ ላꬄ ክርስቶሳ ዎልቃን ኤ የእቶ ይንትስ ኦህዘ፥ ኤ ዳማ ቦንችቶ ኑ ኣፍተ ብእዳ ፋትን መꬊ ኬስደ ቶሴ ባያ።
2PE 1:17 ዳማ ዎልቃማ ቦንቾፓ፥ «ታና ኡፋይስዘ፥ ታ ካዽዘ ናአይ Ꮉያ» ጋዘ ቃላ ኦꬅ ይእደ ዎደ ጾዘ አደፓ ቦንቾን ጋላታ ኤክዳ።
2PE 1:18 ኑኒ ጌሽ ደረላ አፋ ኤራ የዘ ዎደ ይና ቃላ ኦꬅ ሳሎፓ የእዝን ስእዳ።
2PE 1:19 ኑስ Ꮉንፋ አꬍዘ አማንንትደ ትንቢተ ቃላ የነ። ሳአ ዎንቶደ ዎንꬅስን ጎልጸ ይን ዎዝንተ ዶሎደ ዎንꬅስ፥ ꬉማ በሳ የዘ ፎኦስ አስ ናግንትዘ ፋና፥ ይን Ꮉና ቃልቶ ናግኮ ሎኦ ኦቻነ።
2PE 1:20 ኡባፓ ቲኖ Ꮉኖ ኤሮተ። ጌሽ ማጻፍተ ጻፍንትደ ትንቢተ ቃላ ኦደን ፋ ኮይደ ፋና ብሎደስ ዳንዳኦስ።
2PE 1:21 ትንቢተ ኡባ፥ ጾዘ ኪትደ አሱንꬅ ጌሽ አያና ካልꬅን፥ ኦህዳ ፋትን አስ ቆፋራ ኦህካያ።
2PE 2:1 የዝን ዎርዶ ናቡንꬅ ዛጋ ዎደ አሱንꬅ ግዳ የዛን ፋና Ꮉተን ዎርዶ አስታማሩንꬅ ይን ግዳ ደንዶዳ። ኡን ፋና ዎዝደ፥ ላꬃ ካዲ፥ ꬋብስዘ ዎርዶ ትምርተ ኮኦዳ። ይነ ኡን ፋላ አፋ ኤልሲ ꬋበ ከእነ።
2PE 2:2 ጋማ አሱንꬃና ዬልዘ ኡን ኢታ ኦገ ካሎዳ፤ ኡን ባጋራ ቱሪ ኦገ ጫዥንቶዳ።
2PE 2:3 ዎርዶ አስታማሩንꬅ ሚሸ ዥምባርት ፋ ፋስ መꬊ ኬስደ ታሪከር ይንታና ቦንቆዳ። ዛጋፓ ደንꬂ ኡንትስ ፍርዳ ጊጊ በቲ የነ፤ ኡንታና ꬋበ ናጊ በትዳ።
2PE 2:4 ናጋራ ኦችደ ኪታንቹንꬅስ ጾዚ ይቅስንታንጽ፥ ፍርዳ ቃማ የሎደስ ጋናመ ꬉማ ዶቻ ኡንታና ኦልዳ።
2PE 2:5 ይኒ ፋናን፥ ጾዚ ጽሎትꬅባዝ ኦህዘ ኖሄን መለ ላፑን አሱንꬃና አሺ፥ ጾዛ ጎይኖሰ አሱንꬅ የዘ ዛጋ አላምቶ ይቅስንታንጽ ꬋበ Ꮉꬃር ꬋብሲ ማርካያ።
2PE 2:6 ናጋራ ኦችዙንꬅስ አዝዘ ማቃደ ፋና ሶዶማን ጋሞራ ካታምቶ ቡዶ ማህ ኤꬂ ꬋብስዳ።
2PE 2:7 ህገስ ኪትንቶሰ ኦላለ Ꮉንትዘ አሱንꬅ ግዳ ዋይንት የዝደ ጽሎ ሎጠ ጾዚ አሽዳ።
2PE 2:8 የ ጽሎ አꬄ ኡን ግዳ የዝተራ፥ ኡን ኦችዘ ኢታ ኦችቶ ኡባ ዎደ ብእደ ዎደን ስእደ ዎደ ኤ ሎኦ ዎዝንታ ኡንእንታነ።
2PE 2:9 ይኖ ማቅኮ፥ ላꬂ፥ ፋና ጎይንዘ አሱንꬃና ፋታናፓ ዋይዝ አሾድ የዛኮ፥ ማህ ናጋራንቹንꬃና ፍርዳ ቃማ የሎደስ ዋይዝ ሴርተራ ናግሳድየዛኮ ኤራነ።
2PE 2:10 ኡባፓ አꬂ ቱና አሞራ አሾ ቆፋ ካልዙንꬃናን ጾዘ አደትꬅ ዎልቃ ቦርዙንꬃና፥ ፍርዳ ቃማ የሎደስ ላꬂ ናግዝዳ። የንꬅ አሱንꬅስ ዎዝና ምንꬅን ኡቱርትዙንꬃና ማቅደ ግሾ ሳሎ መቱንꬃናን ጫዥተራ ዣሽቶስ።
2PE 2:11 የዝን ኪታንቹንꬅ ዎርዶ አስታማሩንꬃፓ ዎልቃራን ጻላትꬃራ ጋማ አꬋነ የዝን ላꬄ ቲኖ አደትꬅ ዎልቃ የዘ ሳሎ መቱንꬃና ጫዦስ።
2PE 2:12 የዝን የንꬅ አሱንꬅ ፋ ኤሮሰ ባዛ ገሊ ጫዣነ። ኡን አይክንቶደስን Ꮉይቆደስ ጊግንትደ፥ ዎዝና ባይዘ ጾꬅ ፋና Ꮉናነ፤ ኡንትን ጾꬅ ፋና ጨር ꬋቦዳ።
2PE 2:13 ኡን ናጋራ ኦችደ ግሾ ፋ ኦችቶ ኤኮዳ። አዋራራ ማꬅንት የጽተራ ዶልዛኖ ኡፋይስ ባዝ ጋእ ቆፓነ። ኡን ቦርንቲ ቱና ማቂ ይንታራ የዝተራ ይንታራ ሻክንትዘ ሲቆ ሞክተራ ኡፋይታነ።
2PE 2:14 ኦላለ Ꮉንታ ኩምደን ናጋራ አሾሰ ኣፈ የነ፤ ማህ ናጋራ ኦችዛኖ አሾስ። አማኖራ ምንግካይዘ አሱንꬃና ጭማነ። ኡንትስ ኡባ ዎደ አሙꬍዘ ዎዝና የነ፤ ኡን ባድንትዱንꬃና።
2PE 2:15 ኡን ሉለ ኦገ አሺ፥ ገነ ሚሸ ይቅስንቲ ባልደ፥ ብኦራ ናአ ባላማ ኦገ ካልዳ።
2PE 2:16 ኤ ፋ ናጋርት ግሾ ሴርንትዳ፤ ኦሆደስ ዳንዳኦሰ Ꮉርታ አስ ፋና ኦህ ናብዘ ኤያትꬅቶ ተቂዳ።
2PE 2:17 የንꬅ አሱንꬅ መልደ Ꮉꬅ ኣፈ ፋናን ዡባ ቶኪ ካንግዘ ꬎነ ፋና፤ ኡንታና ናግዘ ልንጽ ዪደ ꬉማ።
2PE 2:18 ኡን ጨር ኡቱራ ቃላ ኦህንትተራ ኢታ ባዝ ኦቺ የዘ አሱንꬅ ግዳፓ ኬዚ Ꮉጋ ሚንግካይዘ አሱንꬃና ኦላለ Ꮉንታራን አሾ አሞራን ጭሚ ባልꬃነ።
2PE 2:19 ኡን ፋስ ꬋበ አሮትꬃ የዝተራ መሉንꬃጎ፥ «ይን አሮትꬃፓ ኬሳዳ» ያጋነ። አኮስ ጋይኮ፥ አስ ፋ ጋምንትደ ባዝ ኡባስ አሮ።
2PE 2:20 ኡን አሽዘ ኑ ላꬄ የሱስ ክርስቶሳ ኤሪ Ꮉና አላመ ቱናትꬅትፓ ኬሲ ኤክደፓ ሱባ፥ ማህ ቃጽንት ጋምንትኮ ቲኖ የዘ የስትፓ ሱባና ኡንትስ ዎዝ ኢታ ማቃዳ።
2PE 2:21 ኡን ጽሎትꬅ ኦገ ኤሪ ማቂ አሽዛንፓ ቲኖ ጌሽ ኪቶ ኤርካይዛኮ ኡንትስ ሎኦ የሻ።
2PE 2:22 «ካና ፋ ጮሻጎ ሱብ ማቃነ» ማህ፥ «ሜጭንትደ ጉዳይለ ሱብ ማቂ ሎቃ ግዳ ጎልእንታነ» ጋዘ አዝዘ ቱሮ ማቅዛና ኡንታላ አፋ ፎልንትዳ።
2PE 3:1 ታ ሲቁንꬆ፥ Ꮉይ ታ ይንትስ ጻፍደ ዳብዳብዘ ላምእንꬃ። ታኒ Ꮉንꬅ ላምእ ዳብዳቡንꬃና ይንትስ ጻፍደ፥ ይን ሉለ ቆፋ ቆፖደ ፋና ይንታና ደንꬅꬆደስ።
2PE 3:2 ማህ ጌሽ ናቡንꬅ ዛጋ ኦህደ ቃላራን ኑና አሽዘ ላꬄ፥ ሐዋሩንꬅ ባጋራ ኪትንትደ ኪቶ ይን ኦቾደ ፋና ኮያነ።
2PE 3:3 ኡባፓ ቲንꬊ፥ ዎደ ዉርሱꬅተ ፋ አምቶ ካልዙንꬅን ቦርዙንꬅ ቦርተራ ዮኦዳኖ ኤሮተ።
2PE 3:4 ኡን፥ «ላꬂ የሱሳ ዮኦዳ ጋይዳና አባ የነ? ኑ አዱንꬅ Ꮉይቂዳ፥ የዝን ኡባ ባዝ ሳአ መꬍንትደፓ ደንꬂ የዛን ፋና የነ» ያጋነ።
2PE 3:5 ጋማ ዎደፓ ቲኖ ሳሎ ጾዘ ቃልተ መꬍንትዳኖ፤ ማህ ሳአ Ꮉꬃፓ መꬍንትዳኖን Ꮉꬅ ግዳ መꬍንትዳኖ ኤርተራ ካዳነ።
2PE 3:6 ይና ዎድተ የዘ ሳእታ Ꮉꬃራ ቆꬍንት ꬋብዳ።
2PE 3:7 የዝን Ꮉተ የዘ ሳልታን ሳእታን፥ ጾዘስ ጎይኖሱንꬅ ፍርድንትዘ ቃማን ꬋቦደ ቃማ የሎደስ ይና ቃልተ ታማስ ናግንቲ የነ።
2PE 3:8 የዝን ታ ሲቁንꬆ፥ ላꬄ ካለ ፈቲ ቃማ ሙኩል በረ ፋና ማቅዛኖ ሙኩል በረ ፈቲ ቃማ ፋና ማቅዛኖ Ꮉኖ ፈቲ ባዝ ቦትፐተ።
2PE 3:9 ፈተ ፈተ ጋምእዳ ጋእ ቆፕዛኒ ፋና፥ ላꬂ ፋ ኡፋይስ ቃልት ግሾ ጋምኦስ። የዝን ኦደን ꬋባመ ፋና ኮይ ኡቡንꬅ ፋ ናጋርትፓ ማቃደ ፋና ይን ግሾ ጋእ ዳንዳአነ።
2PE 3:10 የዝን ላꬄ ቃምታ ካይዞ ፋና ዮኦዳ። ይና ቃምተ ሳሎ ዳማ ꬎገራ ꬋቦዳ፤ ሳሎ መቱንꬅ ታማራ ኤጽንቶዳ፤ ሳአን እዝላ አፋ የዘ ኡባና ꬋቦዳ።
2PE 3:11 ይኬ፥ ኡባ ባዝ ይኒ ጋር ዪእ ꬋብዘባዝ ማቅኮ ይን ዋኮ የዘ አስ ማቃደስ ቤዘ? ይን ጌሽን ጾዚ ኡፋይስዘ የሲ የሳደስ ቤዛነ።
2PE 3:12 ይን ቲኖራ የእዘ ጾዘ ቃምቶ ናግተራ ይንትስ ዳንዳእንትዘ ባዝ ኡባ ኦቺ ይና ቃምቶ ኤልስዞተ። ይና ቃምተ ሳሎን እዘ የዘ ባዝ ታማራ ኤጽንቶዳ፤ ዳማ ታማ ምቻራ ትልኦዳ።
2PE 3:13 የዝን ኑኒ ጽሎትꬅ የዘ ክለ ሳሎን ክለ ሳአ ጾዘ ኡፋይስ ቃልት ጋር ናጎዳ።
2PE 3:14 ይኒ ግሾ፥ ታ ሲቁንꬆ፥ ኑ ይና ቃምቶ ናግዘ ግሾ ዬላን ቦረ ባይዙንꬃና ማቂ፥ ላꬃራ ሳሮራ የሳደስ ምንጎተ።
2PE 3:15 ይን አቶደ ፋና ኮይ ላꬂ ዳንዳኤዛኖ ቦትፐተ። ማህ ኑ ሲቆ እሻይ፥ ጳዉሎሳ፥ ጾዚ ኤስ እንግደ ጭንጫትꬃራ ይኒ ፋና ይንትስ ጻፍዳ።
2PE 3:16 ኤ ፋ ኪትተ ኡባ የንꬅ ባዝቶ ጻፍዳ። ኤ ዳብዳብት ግዳ ቆፖደስ ዋይꬅዘ ቆፋ የነ። ታማርካይዘን ሚንግካይዘ አሱንꬅ መለ ጾዘ ቃልቶ ዎቢዛን ፋና Ꮉና ኪቶን ፋስ ꬋቦደስ ማች ዎቢዛነ።
2PE 3:17 ይኒ ግሾ፥ ታ ሲቁንꬆ፥ ይን ይኖ ኤርዘ ግሾ ገኑንꬅ ባላራ ጭምንቲ፥ ꬋባመ ፋናን ሚንግ የዘ ባስትፓ ጎልአመ ፋና ናግንቶተ።
2PE 3:18 የዝን ኑና አሽዘ ኑ ላꬄ፥ የሱስ ክርስቶሳ አꬎ ኬሃትꬃራን ኤራትꬃራን ድጮተ። ኤስ Ꮉተን መꬍናን ቦንቾ ማቀ። አምንኤ።
1JO 1:1 ኑ ቲኖፓ ደንꬂ የዘ፥ ኑ Ꮉይትራ ስእዳ፥ ኣፍተ ብእዳ፥ ኑ ኩሽተ ቦችዳ አንጆ ቃላባዝ ይንትስ ጻፋነ።
1JO 1:2 ይና ደኦ እንግዘ ቆንጭን፥ ኑኒ ኤዛ ብእ፥ ኤ ባዝ ማርክꬋነ። አዳይ ካለ የዘ ኑስ ቆንጭን፥ መዽና ደኦባዝ ይንትስ አዋጃነ።
1JO 1:3 ኑራ ይንትስ ፈተትꬅ የሳደ ፋና ኑ ብእዳኖን ስእዳኖ ይንትስ ኦህነ። ኑስ ፈተትꬅ የዛን ፋና አዳይራን ኤ ናአ የሱስ ክርስቶሳራ ፈተትꬅ የነ።
1JO 1:4 ኑ ኡፋይስታ ሙሎ ማቃደ ፋና ይኖ ይንትስ ጻፎዳ።
1JO 1:5 ኑኒ ኤፓ ስእደ፥ ይንትስ ኦህዘ ኪታ Ꮉኖ፦ «ጾዚ ፎኦ፤ ኤ ግዳ ꬉማ ባያ» ጋዛኖ።
1JO 1:6 ኑ ኤራ ፈተትꬃ የነ ያጋእተራ ꬉማ የዝኮ፥ ኑ ኦህተን ኑ ኦችተ ዋርድꬋነ ቱረትꬅ ባያ።
1JO 1:7 የዝን ፎኦ ኤ ማቅዳን ፋና፥ ኑንን ፎኦ የዝኮ፥ ኑስ ዎል ግዳ ፈተትꬅ የነ። ኤ ናአይ፥ የሱስ ሱꬅታ ናጋራ ኡባፓ ኑና ጌሻነ።
1JO 1:8 ኑኒ፥ ኑራ ናጋራ ባያ ጋይኮ ኑ ኑና ጭማነ፤ ኑራ ቱረትꬅ ባያ።
1JO 1:9 የዝን ጾዝስ ኑ ናጋርቶ ቡጽኮ፥ ኤ ኑ ናጋርቶ አቶ ጋዉደስን ኑ ባላ ኦቻ ኡባንፓ ኑና ጌሾደስ፥ አማንንትዳያን ጽሎን።
1JO 1:10 ኑኒ ናጋራ ኦችካያ ጋይኮ ጾዛ ዎርዶ ማህነ፤ ኤ ቃልታን ኑ ግዳ ባያ።
1JO 2:1 ታ ናኡንꬆ፥ ናጋራ ይን ኦቻመ ፋና ታኒ Ꮉኖ ይንትስ ጻፋነ። የዝን ኦንን ናጋራ ኦችኮ አደ ካለ ኑስ ጻባቀ ጽሎ የሱስ ክርስቶሳ የነ።
1JO 2:2 ኑ ናጋርታ ክርስቶሳ ባጋራ አቶ ጋእንትዳ። ኤ ኑ ናጋርት ጻላላስ ባይዝን አስ ኡባ ናጋራስ።
1JO 2:3 ኑኒ ጾዘ ኪታ ፎልኮ፥ ሶኤ ባይꬅ፥ ቱሮ ኑ ኤዛ ኤራነ።
1JO 2:4 ኦንን፥ «ታ ኤዛ ኤራነ» ጋእተራ፥ ኤ ኪቶ ፎላንጽኮ የ አꬄ ዎርዶ፤ ቱረትꬅ ኤ ግዳ ባያ።
1JO 2:5 የዝን ኤ ቃልትስ ኦንን ኪትንትዘባዝ ማቅኮ የ አꬄ ጾዘ ሲቅታ ኤ ግዳ ፎሎ ማቃነ። ኑኒ ጾዛራ የዛንስ ይና ፋ ኦምተ ቱሪ ማርካ።
1JO 2:6 ታኒ፥ «ጾዛር የነ» ያጋዘ ኦንን ክርስቶሳ የዝዳን ፋና የሳደስ ቤዛነ።
1JO 2:7 ታ ሲቆ እሹንꬆ፥ ታኒ ይንትስ ቲኖፓ የዘ ጋልአ ኪታ ጻፋነ ፋትን ክለ ኪታ ጻፎስ። ይናን ይን ስእደ ጋልአ ኪታ።
1JO 2:8 ማቅኮን፥ ክርስቶሳ ግዳን ይን ግዳን ቱሮ ማቂ የዘ፥ ክለ ኪታ ጻፋነ። ꬉማ አꬍን፥ Ꮉተ ቱሪ ፎኦ ፎአነ።
1JO 2:9 «ፎኦ የነ» ጋእተራ ፋ እሻያ እጽዘ ኦንን፥ Ꮉተን ꬉማ የነ።
1JO 2:10 ፋ እሻያ ካዽዘ ኦደን ፎኦ የነ። የ አꬃ መለ ኤዛ ꬉብዘ ባዝ ባያ።
1JO 2:11 የዝን ፋ እሻያ እጽዘ ኦደን ꬉማ የነ፤ ꬉማ Ꮉንታነ። ꬉማ ኤ ኣፍቶ ጎዝደ ግሾ አባ Ꮉንግዛኮን ኤሮስ።
1JO 2:12 ታ ናኡንꬆ፥ ክርስቶሳ ሱንꬅት ባጋራ ይን ናጋርታ ማሮትꬅ ደንግደ ግሾ ታኒ ይንትስ ጻፋነ።
1JO 2:13 አዱንꬆ፥ ቲኖፓ የዘ፥ ኤዛ ይን ኤርደ ግሾ ይንትስ ጻፋነ። ናአትꬁንꬆ፥ ጻላሄ ይን ጋምደ ግሾ ይንትስ ጻፋነ።
1JO 2:14 ናኡንꬆ፥ ጾዛ ይን ኤርደ ግሾ ይንትስ ጻፋነ። አዱንꬆ፥ ቲኖፓ የዘ ኤዛ ይን ኤርደ ግሾ ይንትስ ጻፋነ። ናአትꬁንꬆ፥ ይን ጎባ ማቅደ ግሾ ጾዘ ቃላ ይንታራ የዘ ግሾን ጻላሄ ይን ጋምደ ግሾ ይንትስ ጻፋነ።
1JO 2:15 አላመ ዎይ አላመ የዘ ባዝ ካꬍፐተ። አላመ ካዽዘ ኦንን ጾዘ አዳያ ካꬎኦስ።
1JO 2:16 አላመ የዘ ኡባና፥ አሾ አሞትꬅ፥ ኣፈ ብእ አሙꬍዘ ባዝን ሚሸራ ጬቅንተ አላመ ባዝ ፋትን ጾዛፓ ባያ።
1JO 2:17 አላመን አላመ አስ አሞ ኡባ አꬎዳ፥ የዝን ጾዘ ቆፋ ኦችዘ ኦደን መዽና የሳዳ።
1JO 2:18 ታ ናኡንꬆ፥ ዎደ ዉርሱꬅታ ኡክዳ። ክርስቶሳ እጽዘ ቲኖፓ ዮኦዳኖ ይን ስእዳን ፋና መለ አቶ የዝን፥ Ꮉተን ኤ ሞርኩንꬅ ጋሙንꬅ ደንድዳ። ይኒ ግሾ፥ ዎደ ዉርሱꬅታ ኡክዳኖ ኑኒ ይነ ኤራነ።
1JO 2:19 የንꬅ ሞርኩንꬅ ኑ ባጋ ማቆሰ ግሾ ኑ ግዳፓ ከዝዳ። ኡን ኑ ባጋ የዛኮ ኑ ግዳ የሳዳ፥ የዝን ኡንታፓ ኦንን ኑ ባጋ ማቆሳና ኤርንቶደ ፋና ኑ ግዳፓ ከዝዳ።
1JO 2:20 የዝን ክርስቶሳ ይንታላ አፋ ጌሽ አያና ጉስዳ፤ ማህ ይን ኡቡንꬅ ቱርቶ ኤራነ።
1JO 2:21 ቱርቶ ይን ኤርዘ ግሾን ቱሪ ግዳ አኮን ዎርዶ ባይዛኖ ይን ኤርዘ ግሾ ታኒ ይንትስ ጻፋነ ፋትን ቱርቶ ይን ኤሮሰ ግሾ ባያ።
1JO 2:22 የሱሳ፥ ጾዚ ትዥዳያ ባያ ጋእ ካድዘ አሱንꬃፓ መለ ዎርዶ ኦህዘ ኦደ? ኤዚ ክርስቶሳ እጽዛ። ኤ ናአያ ካድኮ አዳያን ካዳነ።
1JO 2:23 ናአያ ካድዘ ኦደስን አዳይ ባያ፤ ማህ ናአይስ ማርክꬍዘ ኦደስን አዳይ የነ።
1JO 2:24 ይኒ ግሾ፥ ቲኖ ይን ስእዘ ቃልቶ ይን ዎዝንተ ምንꬂ ናጎተ። ቲኖ ስእዳኖ ይን ናግኮ ይንትስ ናአይራን አዳይራን ፈተትꬅ የሳዳ።
1JO 2:25 ይናን ክርስቶሳ እንግደ መዽና ደኦ።
1JO 2:26 ይንታና ባልስዘ አሱንꬅ ግሾ ታኒ Ꮉኖ ይንትስ ጻፍዳ።
1JO 2:27 የዝን ክርስቶሳፓ ኤክደ አያና ይን ግዳ የዘ ግሾ መለ አስታማረ ኮሾስ፥ ኤ ኡባ ባዝ ታማርሶዳ፥ ታማርስዛናን ቱሮ ፋትን ዎርዶ ባያ። ይኒ ግሾ ጌሽ አያና ይንታራ የዘ ግሾ ኦንን ይንታና ታማርሰ ቤዞስ። የዝን ኤ አያና ትዠ ኡባ ባዝ ይንታና ታማርስዛን ፋና ቱሮ ፋትን ዎርዶ ባያ። ይኒ ግሾ ጌሽ አያና ይንታና ታማርስዳን ፋና ክርስቶሳ ግዳ የዞተ።
1JO 2:28 ይኬ፥ ታ ናኡንꬆ፥ ኤ ቆንጭዘ ዎደ ኑኒ ዣሽሞ ባይꬅ ኤ የእዘ ቃማ ኤ ቲኖ ኑ ዬላራ አችንታመ ፋና ኤር የዞተ።
1JO 2:29 ክርስቶሳ ጽሎ ማቅዛኖ ይን ኤርኮ ጽሎ ኦችዘ ኡባ ጾዘ ናአ ማቅዛኖ ኤሮተ።
1JO 3:1 ኑ ጾዘ ናኡንꬃና ጋእንት ጼግንቶደ ፋና ጾዚ ኑና አኮ ፋና ካꬍዛኮ ቦኦተ። ኑ ቱሮ ጾዘ ናኡንꬃና። Ꮉና አላምታ ጾዛ ኤሮሰ ግሾ ኑናን ኤሮስ።
1JO 3:2 ታ ሲቁንꬆ፥ Ꮉተ ኑ ጾዘ ናአ፤ ኑ ዋያድየዛኮ Ꮉጋ ኤርንትካያ። የዝን ክርስቶሳ ቆንጭዘ ዎደ ኑ ኤ ፋና Ꮉኖዳኖ ኤራነ። ኤ ቱርታ የዛኖ ኑኒ በአዳ።
1JO 3:3 ክርስቶሳ በአዳ ጋእ ኡፋይሳር ናግዘ ኦንን፥ ክርስቶሳ ጌሽ ማቅዛንፋና ፋ ኦምቶ ጌሻነ።
1JO 3:4 ናጋራ ህገ ላለ ማቅዘ ግሾ ናጋራ ኦችዘ ኡባ ጾዘ ህግቶ ላላነ።
1JO 3:5 ክርስቶሳ አስ ናጋራ ꬋብሶደስ ቆንጭዳኖ ይን ኤራነ፤ ኤዛራ ናጋራ ባያ።
1JO 3:6 ክርስቶሳ የዘ ኦንን ናጋራራ የዞስ። ማህ ናጋራራ የዘ ኦንን ኤዛ ብእካያ ዎይ ኤርካያ።
1JO 3:7 ታ ናኡንꬆ፥ ይንታና ኦንን ባልꬅፐ። ክርስቶሳ ጽሎ ማቅዳን ፋና ጽሎ ኦችዘ ኦንን ጽሎ።
1JO 3:8 ጻላሄ ቲኖፓ ናጋራ ኦችዘ ግሾ ናጋራ ኡባ ዎደ ኦችዘ ኦንን ጻላሄ እግና። ይኒ ግሾ፥ ጾዘ ናአይ ጻላሄ ኦቻ ꬋብሶደስ ቆንጭዳ።
1JO 3:9 ጾዘ ናኡንꬃና ማቅደ ኦንን ጾዘ አያና ኤዛር የዘ ግሾ ኤ ኡባ ዎደ ናጋራራ የዞስ። ጾዚ ኤስ አደ ማቅደ ግሾ ናጋራራ የዞስ።
1JO 3:10 ጾዘ ናኡንꬅን ጻላሄ ናኡንꬅ ዱማተꬅታ Ꮉነ ኤርንታነ፤ ጽሎ ኦቾሰ አስ ዎይ ፋ እሻያ ካꬎኦሰ አስ ጾዘ ናአ ማቆስ።
1JO 3:11 ቲኖፓ ይን ስእደ ኪታ፥ «ፈተ ፈታያ ካꬎደስ ቤዛነ» ጋዘ ኪታ።
1JO 3:12 ኑኒ ቃኤላ ፋና ማቆደስ ቤዞስ። ቃኤላ ጻላሄ እግና ማቂ ፋ እሻያ ዎꬍዳ። ኤ ፋ እሻያ አኮስ ዎꬍዶ? ኤ ኦችታ ኢታ ማቅደ ግሾን ኤ እሻይ ኦችታ ሎኦ ማቅደ ግሾ ዎꬍዳ።
1JO 3:13 ታ እሹንꬆ፥ Ꮉና አላመ አሱንꬅ ይንታና እጽኮ ጋማ ቆፕፐተ።
1JO 3:14 ኑኒ ኑ እሹንꬃና ሲቅዘ ግሾ Ꮉይቆፓ ደኦ ፊንግዳኖ ኤራነ። ፋ እሻያ ካꬎኦሰ ኦንን Ꮉይቆ ዳሾ ግዳ የዛነ።
1JO 3:15 ፋ እሻያ እጽዘ ኦንን ሸምፖ ዎꬍዛያ። ማህ ሸምፖ ዎꬍዘ ኦደስን መዽና ደኦ ባይዛኖ ይን ኤራነ።
1JO 3:16 ክርስቶሳ ፋ ሸምፕቶ ኑ ግሾ አꬂ እንግዳነ ሲቆ አኮ የዛኮ ኑ ኤርዳ። ኑንን ኑ እሹንꬅ ግሾ ኑ ሸምፕቶ አꬂ እንጎደስ ቤዛነ።
1JO 3:17 የዝን Ꮉና አላምተ ቆሎ የዘ ኦንን ማꬍꬍዛ ብእተራ፥ ኤስ ይቅስንታንጽኮ ፋ ዎዝንተ ጾዘ ሲቆ የነ ጋዉደስ ዋይዝ ዳንዳኦደ?
1JO 3:18 ታ ናኡንꬆ፥ ኑ ኦቻራን ቱረትꬃራ ኑ ሲቅቶ ቆንጭሳደስ ቤዛነ ፋትን Ꮉሪ ኦሄ ጻላላራ ዎይ ዶና ጻላላራ ሲቅንቶደስ ቤዞስ።
1JO 3:19 ኑኒ ፈተ ፈታያ ሲቅኮ፥ ይነ ኑኒ ቱሪ ባጋ ማቅዛኖ ኤራነ፤ ይንስ ጾዘ ቲኖ ዬልꬎስ።
1JO 3:20 ኑ ዎዝንታ ኑላ አፋ ፍርድዛ ማቅኮ፥ ጾዘ ኑ ዎዝንትፓ ዳማ ማቅዛኖ ኤራነ፤ ኤ ኡባ ባዝ ኤራነ።
1JO 3:21 ታ ሲቁንꬆ፥ ኑ ዎዝንታ ኑላ አፋ ፍርድዛ ማቅኮ ኑኒ ጾዘ ቲኖ ዣሽቶስ።
1JO 3:22 ኑኒ ኤ ኪቶ ናግዘ ግሾን ኤዛ ኡፋይስዘ ባዝ ኦችዘ ግሾ ዎስዘ ባዝ ኡባ ኤፓ ኤካነ።
1JO 3:23 ክርስቶሳ ኑና ኪትዳን ፋና ጾዘ ናአያ የሱስ ክርስቶሳ አማኖደ ጋራን ፈተ ፈታያ ሲቆደ ፋና ጾዚ ኑና ኪትዳ።
1JO 3:24 ጾዘ ኪታ ናግዘ ኦንን ጾዛራ የነ፤ ጾዝን ኤራ የነ። ጾዚ ኑስ እንግደ ጌሽ አያና ባጋራ ኤ ኑራ የዛኖ ኤራነ።
1JO 4:1 ታ ሲቁንꬆ፥ አያና ኡባ አማንፐተ፥ የዝን ኡን ጾዛፓ የዛኮ ቁርች ቦኦተ። አኮስ ጋይኮ፥ ጋማ ዎርዶ ናቡንꬅ አላመላ ደንድዳ።
1JO 4:2 የሱስ ክርስቶሳ አስ ማቂ ይእዳኖ አማንዘ አስ ኡባ ጾዘ አያና፤ ጾዘ አያና ማቅዛኖ ይን ይነ ኤሮዳ።
1JO 4:3 ክርስቶሳ አስ ማቂ ይእዳኖ አማኖሰ አስ ግዳ ጾዘ አያና ባያ። የይኒ ክርስቶሳ እጽዘ አያና። ይን የ አያንዘ የኦዳኖ ቲኖ ስእዳ፤ ኤ መለ አቶ የዝን Ꮉተን አላመ የነ።
1JO 4:4 ታ ናኡንꬆ፥ ይን ጾዝስ። ይን ግዳ የዘ ጌሽ አያና አላመ የዘ አያናፓ ዳማ ዎልቃማ ማቅደ ግሾ ዎርዶ ናቡንꬃና ይን ጋምዳ።
1JO 4:5 ኡን Ꮉና አላምት አስ ማቅደ ግሾ Ꮉና አላምትባዝ ኦህነ፤ Ꮉና አላምት አስ ኡን ኦህቶ ስእነ።
1JO 4:6 ኑኒ ጾዛፓ፤ ጾዛ ኤርዘ ኦንን ኑና ስእነ። ጾዛ ኤሮሰ ኦንን ኑና ስኦስ። ኑኒ ቱሪ አያናን ዎርዶ አያና ይነ ሻካነ።
1JO 4:7 ታ ሲቁንꬆ፥ ሲቆ ጾዛፓ ይእዘ ግሾ አነ ፈታይ ፈታይራ ሲቅንቶተ። ሲቅዘ ኦንን ጾዘ ናአ፤ ኤ ጾዛ ኤራነ።
1JO 4:8 ጾዚ ሲቆ ማቅዘ ግሾ ሲቆሰ ኦንን ጾዛ ኤሮስ።
1JO 4:9 ኑኒ ክርስቶሳ ባጋራ ደኦ ደንጎደ ፋና ጾዚ ፋ ፈቲ ናአያ Ꮉና አላምተ ኪትዳ። ጾዚ ኑና ፋ ሲቅቶ ይነ ቤዝዳ።
1JO 4:10 ቱሪ ሲቆ ጋዛና ይኬ፦ ኑኒ ጾዛ ሲቅደ ግሾ ባይዝን ጾዚ ኑና ሲቅደ ግሾን ኑ ናጋርት ግሾ ዣርሽንት ኑና ማሮደስ ፋ ናአያ ኪትደ ግሾ።
1JO 4:11 ታ ሲቁንꬆ፥ ጾዚ ኑና Ꮉኒ ጋር ሲቅኮ፥ ኑንን ፈተ ፈታያ ሲቆደስ ቤዛነ።
1JO 4:12 ጾዛ ብእደ ኦንን ባያ። ኑ ፈተ ፈታያ ሲቅኮ ጾዚ ኑራ የነ፤ ኤ ሲቅታን ኑላ ፎሎ ማቃነ።
1JO 4:13 ጾዚ ፋ ጌሽ አያና ኑስ እንግደ ግሾ ኑኒ ጾዛራ የዛኖን ኤዝን ኑራ የዛኖ ኤራነ።
1JO 4:14 አዳይ ፋ ናአያ፥ Ꮉና አላምቶ አሾደ ፋና ኪትዳኖ ኑኒ ብእ ማርክꬋነ።
1JO 4:15 የሱሳ ጾዘ ናአ ማቅዛኖ አማኒ ማርክꬍዘ ኦደራን ጾዚ የነ፤ ኤዝን ጾዛራ የነ።
1JO 4:16 ጾዚ ኑና ሲቅዛኖ ኑኒ ኤራነን አማናነ። ጾዚ ሲቆ። ሲቆ የዘ ኦንን ጾዛራ የነ፤ ጾዝን ኤራ የነ።
1JO 4:17 ኑ የስታ Ꮉና አላምተ ክርስቶሳ የዝዳን ፋና ማቅዘ ግሾ ፍርዳ ቃማ ዣሽትካይዛራ ኤ ቲኖ ሺቆደስ ኤ ሲቅታ ኑ ግዳ ፎሎ ማቃነ።
1JO 4:18 ሲቆ ግዳ ዣሽሞ ባያ፥ ቱሪ ሲቆ ዣሽሞ ኬሲ ኦላነ። ዣሽሞ ሴርꬃራ ዎላ Ꮉንግዘ ግሾ ዣሽትዘ አꬄ ሲቅታ ፎሎ ማቆስ።
1JO 4:19 ጾዚ ቲኖ ኑና ሲቅደ ግሾ ኑንን ሲቃነ።
1JO 4:20 ኦንን፥ «ጾዛ ሲቃነ» ጋእትራ ፋ እሻያ እጽኮ፥ ኤ ዎርዶ። አኮስ ጋይኮ፥ በእዘ ፋ እሻያ ሲቆሰ ኦንን ብእካይዘ ጾዛ ሲቆደስ ዋይዝ ዳንዳኤ?
1JO 4:21 ክርስቶሳ ኑስ እንግደ ኪታ Ꮉኖ፤ «ጾዛ ሲቅዘ ኦንን ፋ እሻያ ሲቆደስ ቤዛነ» ጋዛኖ።
1JO 5:1 የሱሳ፥ ኤ ክርስቶሳ ጋእ፥ አማንዘ ኦንን ጾዘ ናአ። አዳያ ሲቅዘ ኦንን ኤ ናአያን ሲቃነ።
1JO 5:2 ኑኒ ጾዛ ሲቅዘ ግሾን ኤ ኪቶ ናግዘ ግሾ ጾዘ ናኡንꬃና ሲቅዛኖ ይነ ኤራነ።
1JO 5:3 ኑኒ ጾዛ ሲቅኮ፥ ኤ ኪቶ ናገነ። ኤ ኪታ ዴጽዘባዝ ባያ።
1JO 5:4 አኮስ ጋይኮ፥ ጾዘ ናአ ማቅደ ኦንን Ꮉና አላምቶ ጋሞደስ ዳንዳአነ። ኑኒ Ꮉና አላምቶ ጋሞዳና አማኖራ።
1JO 5:5 አላመ ጋሞደስ ዳንዳእዘ ኦደ? የሱሳ ጾዘ ናአ ማቅዳኖ አማንዘ አስ ጻላላ ጋሞዳ።
1JO 5:6 የሱስ ክርስቶሳ ጽንቃተ ቤዝዘ Ꮉꬃራን Ꮉይቆ ቤዝዘ ሱꬃራ ይእዳ። ኤ፥ Ꮉꬃራን ሱꬃራ ይእዳ ፋትን Ꮉꬅ ጻላላራ ይእካያ። ጌሽ አያና ቱሮ ማቅደ ግሾ ይና ቱሮ ማቅዛኖ ማርክꬋነ።
1JO 5:7 Ꮉይꬕ ማርኩንꬅ የነ።
1JO 5:8 የንስ፥ ጌሽ አያና፥ Ꮉꬅን ሱꬅ። Ꮉንꬅ Ꮉይꬑንꬅ ማርካትꬅታ ፈቶ።
1JO 5:9 ኑ አስ ማርክꬍዛኖ ኤካነ። የዝን ጾዘ ማርካትꬅታ አሳንፓ ጋማ አꬋነ። ጾዚ ፋ ናአይስ ማርክꬍዳና Ꮉኖ።
1JO 5:10 ጾዘ ናአያ አማንዘ አꬄ ዎዝንተ Ꮉና ማርካትꬅታ የነ። ጾዛ አማኖሰ ኦንን ጾዘ ፋ ናአይስ ማርክꬍደ ማርካትꬅቶ አማንካይዘ ግሾ ጾዛ ዎርዶ ማህነ።
1JO 5:11 ይኬ፥ ማርካትꬅታ Ꮉኖ፤ ጾዚ ኑስ መዽና ደኦ እንግዳ፤ ይና ደእታን ኤ ናአይራ የነ።
1JO 5:12 ጾዘ ናአይ የዘ ኦደስን ደኦ የነ። ጾዘ ናአይ ባይዘ ኦደስን ደኦ ባያ።
1JO 5:13 ጾዘ ናአ አማንዘ ይንትስ መዽና ደኦ የዛኖ ይን ኤሮደ ፋና Ꮉኖ ይንትስ ጻፍዳ።
1JO 5:14 ጾዘ ቆፋ ጋር አኮ ባዝን ኤዛ ዎስኮ፥ ኤ ስእዛኖ ኑኒ ኤርዘ ግሾ ኤዛ አማንንታነ።
1JO 5:15 ኑኒ ዎስደባዝ ኡባ ኤ ስእዛኖ ኤርኮ፥ ኑኒ ዎስዘ ባዝ ኡባ ኤ እንጎዳኖ ኤራነ።
1JO 5:16 ኦንን ፋ እሻያ Ꮉይቆ ቤዞሰ ናጋራ ኦችዝን ብእኮ፥ ጾዝ ኤስ ዎሶደስ ቤዛነ። Ꮉይቆ ቤዞሰ ናጋራ ኦችዱንꬅስ ጾዚ ደኦ እንጋነ። Ꮉይቆ ቤዝዘ ናጋራ የነ። ታኒ ይንታና ይንስ ጾዝ ዎሶተ ጋኦስ።
1JO 5:17 ኢታ ኦቻ ኡባ ናጋራ፥ የዝን Ꮉይቆ ቤዞሰ ናጋራ የነ።
1JO 5:18 ጾዘ ናአይ ኡንታና ናግዘ ግሾ ጾዘ ናኡꬃና ማቅደ ኦንን ናጋራ ኦቾሳኖ ኑኒ ኤራነ። ጻላሄ ኡንታና ቆሆደስ ዳንዳኦስ።
1JO 5:19 ኑኒ ጾዝስ ማቅዳኖ Ꮉና ኩሙꬅ አላምታ ጻላሄስ አቅዛኖ ኤራነ።
1JO 5:20 ኑኒ ቱሪ ጾዛ ኤሮደ ፋና ጾዘ ናአይ ይእዳኖን ኑስ ቆፕዘ ዎዝና እንግዳኖ ኤራነ። ኑኒ ኤ ናአ፥ የሱስ ክርስቶሳ ባጋራ ቱሪ ጾዛራ የነ። ኑኒ ቱሪ ጾዛራን ናአይ የሱስ ክርስቶሳራ ፈተትꬅ የነ።
1JO 5:21 ታ ናኡንꬆ፥ ኤቁንꬃፓ Ꮉኮተ።
2JO 1:1 ታ ጭምዘ ዶርንትደ ካራ እንትስን እ ናኡንꬅስ ኪትንትደ ኪታ። ታ ጻላላ ባይዝን ቱርቶ ኤርዘ ኡቡንꬅ ካꬋነ።
2JO 1:2 የ ቱርዘ ኑራ የዘ ግሾን መዽና ኑራ የሳደ ግሾ ታኒ ይንታና ቱሮ ካꬋነ።
2JO 1:3 ጾዘ ኑ አዳይ ኤ ናአይ የሱስ ክርስቶሳ አꬎ ከሃትꬅታ፥ ማሮትꬅታን ሳሮትꬅታን ቱርራን ሲቆራን ዎላ ኑራ ማቀ።
2JO 1:4 አዳይ ኑና ኪትዳን ፋና፥ ነ ናኡንꬃፓ ባጉንꬅ፥ ቱርስ ኪትንትዛኖ ብእ ታኒ ጋማ ኡፋይትዳ።
2JO 1:5 ካራ እንተ፥ Ꮉተን ኑኒ ኡባ ፈተ ፈታያ ሲቆደ ጋር ታኒ ነና ዎሳነ። የ ኪትዘ ቲኖፓ ኑራ የዘ ኪታ ፋትን ታኒ ኔስ ክለ ኪታ ጻፎስ።
2JO 1:6 ቱሪ ሲቆ ኑ ጾዘ ኪታ ናጊ የሳዳኖ። ማህ ቲኖፓ ይን ስእዳን ፋና ኤ ኪታ፥ ይን ኡቡንꬅ «ሲቆራ የዞተ» ጋዛኖ።
2JO 1:7 የሱስ ክርስቶሳ አስ ማቂ ይእዳኖ አማኖሰ፥ ጋማ ባልꬅዘ አሱንꬅ፥ አላምተ ደንድዳ። ይኒ ጋርዘ አስ ኦንን ባልꬅዛን ክርስቶሳ እጽዛን።
2JO 1:8 ይን ኦችደ ኩሙꬅ ዋግቶ ኤኮደስ ምንጎተ። ይን ኦችዳና ꬋባመ ፋና ናግንቶተ።
2JO 1:9 ክርስቶሳ ትምርትተ ሚንግ የዞሰስን ኤ ትምርትትፓ Ꮉኪ የዘ አꬄስ ጾዚ ባያ። ክርስቶሳ ትምርትተ የዘ አꬄስ አዳይን ናአይን የነ።
2JO 1:10 ኦንን ይንታጎ ይእተራ Ꮉና ትምርትቶ ኤክካይዛር ይእኮ፥ ይን ካራ ገልꬅፐተ፤ ሳሮን ጋይፐተ።
2JO 1:11 ኤዛ ሳሮ ጋዘ ኦንን ኤ ኢታ ኦችተ ኤራ ሻክንታነ።
2JO 1:12 ታኒ ይንትስ ጻፎደስ ኮይደ ጋማ ባዝ የነ፥ የዝን ዎርቃተራን ቃላመራ ጻፎደስ ኮዮስ። ኑ ኡፋይስታ ፎልንቶደ ፋና ይንታራ ስኖ የልንት ኦህንቶደስ ይንታጎ Ꮉማዳ ጋእ ቆፓነ።
2JO 1:13 ጾዚ ዶርደ ነ ምሽት ናኡንꬅ ነና ሳሮ ጋነ።
3JO 1:1 ታኒ ዎሳ ኬꬅ ጭምዘ፥ ቱሮ ካዽዘ ጋዮሳስ ኪትደ ኪታ።
3JO 1:2 ታ ሲቅዛዮ፥ ነ የስታ ኡባ ጊጎደ ፋና፥ ቆነ የሳደ ፋናን አያና ሸምፖ ነ ደንጎደ ፋና ዎሳነ።
3JO 1:3 ፈቲ ፈቲ አማንዘ አሱንꬅ ይእ፥ ኡባ ዎደ ነ ቱርስ አማንንቲ የዛኖን ነ ቱርባዝ ማርክꬍደ ዎደ ታኒ ጋማ ኡፋይትዳ።
3JO 1:4 ታ ናኡንꬅ ቱረትꬃራ የዛኖ ስእዛንፓ አꬍዘ፥ ታና ኡፋይስዘ ባዝ ባያ።
3JO 1:5 ታ ሲቅዛዮ፥ ኡን ኔስ ዛቆ ማቅኮን፥ ነ አማንዘ አሱንꬅስ አማንንተ ኦቻ ኦቻነ።
3JO 1:6 ኡን ነ ሲቅትባዝ ዎሳ ኬꬃ ማርክꬋነ። Ꮉተን ኡን Ꮉንግዘ ኦግተ ጾዚ ካꬍዛን ፋና ኦቺ ኡንታና ማድኮ ሎኦ ኦቻነ።
3JO 1:7 ኡን ክርስቶሳስ ኦቾደስ ከዝተራ፥ አማኖሰ አሱንꬃፓ አኮን ኤክካያ።
3JO 1:8 ኑኒ ቱሪ ኦቻ ኡንታራ ዎላ ኦቾደስ Ꮉንꬅ ፋና የዘ አሱንꬃና ማዶደስ ቤዛነ።
3JO 1:9 ታኒ ዎሳ ኬꬅትስ ኪታ ጻፍዳ፥ የዝን ዎሳ ኬꬅስ ጭማ ማቆደስ ኮይዘ ድዮትራፊሳ ኑ ጋዛኖ ኤኮስ።
3JO 1:10 ይኒ ግሾ፥ ታኒ እዘ Ꮉንግዘ ዎደ ኤ ኑላ አፋ ኦህደ ኢታ ኦህቶን ኤ ኦችደ ኦችቶ ኡባ ኦሆዳ። ኤ ይኖ ኤርዳ ጋእ፥ ኑ እሹንꬅ የእዘ ዎደ ሞኮስ። መለ አቶ የዝን፥ ኡንታና ሞኮደስ ኮይዙንꬃና ካይ ዎሳ ኬꬃፓ ከሳነ።
3JO 1:11 ታ ሲቅዛዮ፥ ሎኦ ባዝ አዞፕ አትን ኢታ ባዝ አዝፐ። ሎኦ ባዝ ኦችዘ ኦንን ጾዘ አስ፥ የዝን ኢታ ባዝ ኦችዘ ኦንን ጾዛ ብእካያ።
3JO 1:12 ድሜጥሮሳ ሎኦ አስ ማቅዳኖ አስ ኡባ ማርክꬋነ። ቱርታ ፋ ኦምተ ኤ ባዝ ማርክꬋነ፤ ኑንን ኤ ባዝ ማርክꬋነ፤ ኑ ማርካትꬅታን ቱሮ ማቅዛኖ ይን ኤራነ።
3JO 1:13 ታኒ ኔስ ጻፎደስ ኮይደ ጋማ ባዝ የነ፥ የዝን ቃላመር ዋርቃተላ ጻፎደስ ኮዮስ።
3JO 1:14 የዝን ታኒ ኡከራ ኔራ የልንቶደስ ኮያነ፤ የ ዎደ ኔራ ኦህንቶዳ።
3JO 1:15 ሳሮ ኔስ ማቀ። ነ ላጉንꬅ ነና ሳሮ ጋነ። ኑ ላጉንꬃና ኡባ ኡን ሱንꬅቶ ሱንꬅቶ ጼጊ ታና «ሳሮ ጋይዳ» ጋኦ።
JUD 1:1 ታኒ ይሁዳ፥ የሱስ ክርስቶሳ አርዘ፥ ያይቆባ እሻይ፤ ጾዚ ጼግዱንꬅስ፥ ጾዘ አዳይ ካꬍዙንꬅን የሱስ ክርስቶሳስ ናግንትዱንꬅስ Ꮉይ ኪትዛ ጻፍዳ።
JUD 1:2 ማሮትꬅ፥ ሳሮትꬅን ሲቆን ይንትስ ጋንጎ።
JUD 1:3 ታ ሲቆ እሹንꬆ፥ ኑኒ ዎላ ሻክንትዘ አቶትꬅት ባዝ ይንትስ ጻፎደስ ታኒ ጋማ አሙꬍዳ። የዝን አማንዘ አሱንꬅስ ፈቲ ቶሄን ላምእንꬃመስ እንግንትደ አማኖ ግሾ ኦልንቶደ ጋር ይንታና ዞርተራ ጻፎዳና ታስ ኮሽዘ ባዝ ማቅዳ።
JUD 1:4 ጋማ ዎደፓ ቲኖ ኡን ፍርድታ ጻፍንት በትደ፥ ፈቲ ፈቲ አሱንꬅ ኦንን ኤርካይዝን አችንት ይን ግዳ ገልዳ። ኡን ጾዛ ኤሮሱንꬃና፥ ኡን ኑ ጾዘ አꬎ ኬሃትꬅቶ ቱና ኦቻ Ꮉንቶደስ ማድንትዘ ኦገ ማህ ኤካነ። ፋ ጻላላ ካት ማቅደ፥ ኑ ላꬄ የሱስ ክርስቶሳ ካዳነ።
JUD 1:5 የዝን ይን Ꮉኖ ኡባ ኤርዘባዝ ማቅኮን፥ ላꬂ እስራኤለ አሱንꬅ ግብጸ ሳአፓ ዋይዝ ኬሰዛኮ፥ ማህ ሱባፓ አማኖሱንꬃና ꬋብሰዛኮ ታ ይንታና ቆፍሳደስ ኮያነ።
JUD 1:6 ፋ የዘ በስቶ አሺ፥ ፋስ እንግንትደ አደትꬅ ዎልቅቶ ናግካይዘ ኪታንቹንꬃና፥ ዳማ ፍርዳ ቃማ የሎደስ ጾዚ ኡንታና ꬉማፓ ኦሞራ መዽና ሳንꬃላታራ አጪ ጋድዳ።
JUD 1:7 ይኒ ጋር፥ ሶዶማን ጋሞራ አሱንꬅ ኡን ካለ የዘ ካታማ አሱንꬃራ ኦላለ Ꮉንትዳ፤ ኡን መꬎ ዎጋ ባይዘ ኦላለ ኦችዳ። ኡን መዽና ታማር ፍርድንቶዱንꬅስ አዝዘ ማቅዳ።
JUD 1:8 ይኒ ፋናን፥ የንꬅ አሱንꬅ አቡኮራ ፋ ጋልቶ ቱንዛነ፤ አደትꬅ ዎልቃራ የዙንꬃና ቦራነ፤ ሳሎ ቦንቾ የዙንꬃናን ጫዣነ።
JUD 1:9 የዝን ኪታንቹንꬅ Ꮉላቃ ሚካኤለ ሙሴ አሃስ ጻላሄራ ላልደ ዎደ «ላꬂ ነና ሴሮ» ያጋይዳ ፋትን ኤላ አፋ ጫሽ ቃላ ኦህ ሞቶደስ ኮይካያ።
JUD 1:10 የዝን Ꮉንꬅ አሱንꬅ ፋስ ኤሮሰ ባዝ ኡባ ጫዣነ፤ ማህ ኡን ዎዝና ባይዘ Ꮉርስ ፋና መꬎ ቆፋራ ኤርዘባዝ የዝኮን፥ እዛ ኡንታና ꬋብሶዳ።
JUD 1:11 ኡንታና ባደ! ኡን ቃኤላ ኦገ Ꮉንግዳ። ሚሸ ኮይ ባላማ ባልዳነ ጎልእዳ። ቆረ እጽዳን ፋና ኡንትን ጾዛላ ደንዲ ꬋብዳ።
JUD 1:12 Ꮉንꬅ አሱንꬅ፥ ሲቆ ዣጋና በሳ ይንታራ በትዘ ዎደ ዬላ ባይዘ ቦርንትዱንꬃና። ኡን ፋና ጻላላ የንግዙንꬃና። ኡን ዡባ ካንግዘ እራ ባይዘ ꬎነ ፋና። ማህ ኣፈዘ ዎደ ኣፈ ባይዘ፥ ጻጶራ ሾድንትደ፥ ላምእ ቶሄ መልደ ምንጻ ፋና።
JUD 1:13 ኡን ምንꬅ አባ ዙሉንተ ጋር ፋ ዬላ ኦቻር ꬉብዙንꬃና። ኡን መዽናስ ልንጽ ዪደ ꬉማ ናግዘ ዋይንትዘ ጾልንቱንꬃና።
JUD 1:14 አዳማፓ ደንꬂ፥ ላፑንꬃ የለትንታ ማቅደ ሄኖካን፥ Ꮉንꬅ አሱንꬅባዝ ትንቢተ ኦህተራ፥ «ይኬ፥ ላꬂ፥ ፋ ጋማ ሙኩል ጌሹንꬃራ የኦዳ።
JUD 1:15 አሱንꬃና ኡባ ፍርዶዳ፤ ገኑንꬃና ኡባ ኡን ኦችደ ኢታ ኦችት ኡባ ግሾን ገነትꬃራ ኡን ጾዘላ አፋ ኦህንትደ ኢታ ኦህት ኡባ ግሾ ፍርዶዳ» ጋይዳ።
JUD 1:16 የንꬅ አሱንꬅ ኡባ ዎደ ዙዝንግዙንꬃናን ኦሄ ኮይዙንꬃና። ማህ ፋ ኢታ አሞትꬅቶ ካላነ፤ ፋና ጬቃነን ፋና ማድዘ ባዝ ደንጎደስ መሉንꬃና ናሻነ።
JUD 1:17 የዝን ታ እሹንꬆ፥ ኑ ላꬄ የሱስ ክርስቶሳ ሐዋሩንꬅ ዛጋ ይንትስ ኦህደ ቃልቶ ቆፖተ።
JUD 1:18 ኡን፥ «ዉርሱꬅ ዎድተ፥ ጾዘ ቆፋ አሺ ፋ ኢታ አሞትꬅ ካሊ ጾዝ ቶችዙንꬅ የኦዳ» ጋይዳ።
JUD 1:19 የንꬅ አሱንꬅ አስ ግዳ ሻኮ መꬍዙንꬃና፥ ፋ አሾ አሞꬅስ አቅዙንꬃና ጌሽ አያና ባይዙንꬃና።
JUD 1:20 የዝን ታ እሹንꬆ፥ ጌሽ ማቅደ ይን አማንተ ይንታና አያናር ድቾደስ ምንጎተ፤ ማህ ጌሽ አያና ዎልቃ ዎሶተ።
JUD 1:21 ይንታና መዽና ደኦ የልꬅዘ ኑ ላꬄ የሱስ ክርስቶሳ ማሮትꬅ ናግተራ ይንታና ጾዘ ሲቅተ ናጎተ።
JUD 1:22 ሶእዘ አሱንꬅስ ይቅስንቶተ።
JUD 1:23 ፈቲ ፈቲ አሱንꬃና ታማፓ ኬሲ ኤኮተ። መሉንꬅስ ናጋራራ ቱንደ ኡን ጋልቶ ቦችደ አፉልቶ እጽተራ ዣሽሞራ ማሮተ።
JUD 1:24 ይን ጎልአመ ፋና ናጎደስን ቦረ ባይዙንꬃና ማህ ዳማ ኡፋይሳራ ኩምደ ቲኖ ሺሾደስ ዳንዳእዘ፥
JUD 1:25 ኑና አሽዘ ፈቲ ጾዘ፥ ኑ ላꬄ የሱስ ክርስቶሳ ባጋራ ቦንቾን፥ ዳማተꬅ፥ ዎልቃን አደትꬅ ዎልቃ፥ ዛጋፓ አይኪ፥ Ꮉተን፥ መዽና ኤስ ማቀ። አምንኤ።
REV 1:1 ኤለራ ይአደስ የዘ ባዝ ፋ አሩንꬃና ቤሳደ ፋና ጾዚ የሱስ ክርስቶሳስ እንግደ ቆንጭꬅታ Ꮉኖ። የሱሳ ፋ ኪታንቾ ኪቲ፥ ፋ አርዘ ዋሐንሳስ ቆንጭꬅቶ ቤዝዳ።
REV 1:2 ዋሐንሳ ጾዘ ቃላን፥ የሱስ ክርስቶሳ ማርካትꬅ ብእዳኖን ኦችዳኖ ኡባ ማርክꬍዳ።
REV 1:3 Ꮉና ኡባ ይአደስ ዎደ ኡክደ ግሾ Ꮉና ትንቢተ ቃልቶ ናባብዘ ኦደን አንጅንትዳያ፤ ማህ Ꮉና ቃልቶ ስእዙንꬅን ጻፍንትደ ቃልቶ ናግዘ ኡቡንꬅ አንጅንትዱንꬃና።
REV 1:4 Ꮉይ ዳብዳብዛ፥ ዋሐንሳፓ፥ እስያ ሳአ የዘ ላፑን ዎሳ ኬꬁንስስ ጻፍንትዳ። ዛጋን፥ Ꮉተን የዘ፥ ቲኖስን ዮኦደስ የዘ ጾዛፓ፥ ማህ ኤ አራትዘ ቲንተ የዘ ላፑን አያኑꬃፓ፥ ይኒ ፋና፥ Ꮉይቆፓ ደንዶራ ቲኖ ማቅደፓ፥ ሳአ ካቱንꬃና አህዘ አማንꬅዘ ማርካ ማቅደ የሱስ ክርስቶሳፓ፥ አꬎ ኬሃትꬅን ሳሮትꬅ ይንትስ ማቀ። የሱሳ ኑና ሲቃነ፥ ማህ ፋ ሱꬅትራ ናጋራ አሮትꬃፓ ኑና ዋሎ ከስዳ።
REV 1:6 ኑኒ ጾዘ ኤ አዳይስ ኦቾደ ጋር ኑና ካእቱምተ ካህኑንꬃና ማህዳ። ኤስ መꬍናፓ መዽና የሎደስ ቦንቾን ዎልቃን ማቀ። አምንኤ።
REV 1:7 ይኬ፥ የሱሳ ꬎነራ ዮኦዳ። አስ ኡቡንꬅ መለ አቶ የዝን፥ ኤዛ ጫድደ አሱንꬅ ኡባ ኤዛ በኦዳ። ሳአ የዘ አስ ኡባ ኤ ግሾ ዬኮዳ። ይና ቱሮ Ꮉኖዳ! አምንኤ።
REV 1:8 ዛጋን፥ Ꮉተን የዛይ፥ ቲኖስን የኦደ ላꬄ፥ ኡባፓ ዳማ ጾዚ፥ «አልፋን ኦመጋ ታና» ያጋነ ላꬂ ጾዘ።
REV 1:9 ታኒ፥ ዋሐንሳ፥ ይን እሻይ፥ ይንታራ ዎላ የሱሳራ ማꬋ፥ ኤ ካእቱምቶን ኤ ዳንዳእቶ ብእዳ። ታኒ ጾዘ ቃላ ግሾን የሱሳ ባዝ ማርክꬍደ ግሾ ፋጥሞ ጋዘ Ꮉꬃራ ተቅንትደ ሳአ የነ።
REV 1:10 ላꬄ ቃማ ታ ጌሽ አያናራ ማቂ የነ፤ ታፓ ሱባራ ሞይዘ ኦለ ፋና ዳማ ኦꬅ ስእዳ።
REV 1:11 የ ኦꬅዘ ታና፥ «ነ በኤዛኖ ማጻፍተ ጻፊ፥ እስያ የዘ ላፑን ዎሳ ኬꬁንስስ፥ ኤፈሶነ፥ ሰምርኔሰ፥ ጰርጋሞነ፥ ትያትሮነ፥ ሳርዴሰ፥ ፍላደልፍያን ሎዶቅያ ዳኮ» ያጋይዳ።
REV 1:12 ታኒ ታስ ኦህዘ ኦꬅቶ በአደስ ሱብ ማቂ ጾምፐ ጋድዘ ላፑን ዎርቃ ጾምፐ ጋድዘ በስቶ ብእዳ።
REV 1:13 የንꬅ ጾምፐ ጋድዘ በሱንꬅ ግዳ አስ ናአ አዝዛያ ብእዳ። ኤ ጳርጎ አፉላ ፋ ቶህቶ የልꬅ ማእዳ፥ ዎርቃ ዳንጮራ ፋ ዳዳብቶ አጭዳ።
REV 1:14 ኤ ኦምታን ኤ ኦማ እስንꬅታ ቦꬅ ዱሮ እስን ፋናን ሻች ፋና ቦꬅ፤ ኤ አፉንꬂ ታማ ሎጸ አዛነ።
REV 1:15 ኤ ቶህታ ታማ ቴሊ ዞቅደ ናሰ መቆ አዛነ፤ ኤ ኦꬅታ ዳማ ሶሶ Ꮉꬅ ግርሰ ፋና።
REV 1:16 ኤ ፋ ምዛቅ ኩሽትራ ላፑን ጾልንቶ አይክዳ። ኤ ዶንትፓ ላምእ ዛላራ ሌፍንትደ ማሻ ከዛነ። ኤ ስንታ አዋራ ፎእዘ አዋ ኣፈ አዛነ።
REV 1:17 ታ ኤዛ በእዘ ዎደ Ꮉይቂደ አስ ፋና ዪእ ኤ ቶህት ካለ ጎልእዳ። ኤ ፋ ምዛቅ ኩሽቶ ታላ አፋ ጋዲ፥ «ዣሽትፐ፤ ቲንዘን ፎልዘ ታና።
REV 1:18 ታኒ ደኦ የነ፤ ታኒ Ꮉይቂዳ፥ የዝን Ꮉይቼ መꬊ መꬍናስ ደኦ የነ። Ꮉይቆን ስኦለ ቁልፈ ታ ኩሽተ የነ።
REV 1:19 ይኬ፥ Ꮉተ Ꮉንዳኖን ቲኖፓ ይአደባዝ ነ ብእዳኖ ጻፎ።
REV 1:20 ኔኒ ታ ምዛቅ ኩሽተ ብእደ ላፑን ጾልንቱንꬃናን ላፑን ዎርቃ ጾምፐ ጋድዘ በስቲ ብልꬅታን Ꮉኖ፦ ላፑን ጾልንቱንꬅ ላፑን ዎሳ ኬꬁንꬅ ኪታንቹንꬃና፤ ላፑን ዎርቃ ጾምፐ በሱንꬅ ላፑን ዎሳ ኬꬁንꬃና።»
REV 2:1 «ኤፈሶነ ዎሳ ኬꬃ ኪታንቾስ Ꮉኒ ጋር ጋእ ጻፎ። ፋ ምዛቅ ኩሽተ ላፑን ጾልንቶ አይክዳይን ላፑን ዎርቃ ጾምፐ ጋድዘ በስ ግዳራ Ꮉንትዛይ Ꮉንጋራ ያጋነ፦
REV 2:2 ታኒ ነ ኦችቶ፥ ነ ላቢꬅቶን ነ ገንጭቶ ኤራነ። ኔኒ ኢታ አሱንꬅባዝ ገንጮደስ ዳንዳእካይዛኖ ኤራነ። ማህ ሐዋረ ማቅካይዛራ ፋና፥ ሐዋረ ጋዙንꬃና ቁርች ኤሪ ኡን ዎርዳንቾ ማቅን ደንግዳኖ ታ ኤራነ።
REV 2:3 ኔኒ ገንጭዳ፤ ታ ሱንꬅት ግሾ ማꬋ ዳንዳእዳ፤ ጋምንትካያ።
REV 2:4 ማቅኮን፥ Ꮉተ ታ ነና ቦርዘባዝ የነ፤ ይናን ኔኒ ቲኖ ሲቅቶ አሽዳ።
REV 2:5 ይኬ፥ ነ አኮ ጋር ꬎቃ በሳፓ ጎልኤዛኮ ቆፖ! ነ ናጋርትፓ ማቆ፤ ኔኒ ቲኖ ኦችዘ ኦችቶ ኦቾ። ኔኒ ነ ናጋርትፓ ማቃንጽኮ፥ ታ ኔጎ ዮኦዳ፥ ነ ጾምፐ ጋድዘ በስቶ እዛ በስትፓ ኤኮዳ።
REV 2:6 Ꮉተ ታ ነና ናሽዘ ፈቲ ባዝ የነ፤ ታ እጽዘ ንቆላዉንꬅ ኦችቶ ኔንን እጽዳ።
REV 2:7 ጌሽ አያና ዎሳ ኬꬁንꬂስ ጋዘባዝ ስኦደስ Ꮉየ የዘ ኦደን ስኦ። ጋሚ ደንድደ ኦደን ጾዘ ጋናተ የዘ ደኦ ምንጻ ኣፈፓ ማአደ ፋና አደትꬅ ዎልቃ እንጎዳ።
REV 2:8 «ሳምርኔሳ ዎሳ ኬꬃ ኪታንቾስ Ꮉንጋር ጋእ ጻፎ። ቲኖን ዉርሱꬅዘ፥ Ꮉይቅደን Ꮉይቆፓ ደንድዳይ Ꮉንጋራ ያጋነ:
REV 2:9 ታኒ ነ ዋይቶን ነ ዳሃትꬅቶን ኤራነ፤ ማቅኮን ነ ዱረ። አይሁደ ባይዛራ ፋና አይሁደ ጋዙንꬅ ጫዥዘ ጫሽቶ ታ ኤራነ፥ የዝን ኡን ጻላሄ ማባራ የነ።
REV 2:10 ኔኒ ኤኮደስ የዘ ማꬍቶ ዣሽትፐ። ጻላሄ ይንታፓ ፈታያ ፈታያ ፋታኖደስ አች ኬꬃ ኦሎዳ፤ ታጵ ቃማ የሎደስ ይን ማꬍꬎዳ። Ꮉይቆደ ዎንꬅስ አማንንትዳያ ማቆ፤ ታ ኔስ ደኦ ባርኔጻ እንጎዳ።
REV 2:11 ጌሽ አያና ዎሳ ኬꬁንꬅስ ጋዘባዝ ስኦደስ Ꮉየ የዘ ኦደን ስኦ። ጋምደ ኦደን ላምእንꬃ Ꮉይቆ ቆህንቶስ።
REV 2:12 «ጰርጋሞና ዎሳ ኬꬃ ኪታንቾስ Ꮉንጋር ጋእ ጻፎ። ላምእ ዛላራ ሌፍንትደ ማሻ የዛይ Ꮉንጋራ ያጋነ፦
REV 2:13 ታኒ ነ የዘ በስቶ ኤራነ፤ ነ ጻላሄ አራታ የዘ በሳ የነ፤ ታ ሱንꬅቶ ምንꬂ ናግዳ። መለ አቶ የዝን፥ ጻላሄ የዘ ይን ካታምተ Ꮉይቂደ ታስ አማንንትደ ማርካ፥ አንትጳሳ፥ የዘ ዎደን አማኖ ካድካያ።
REV 2:14 ማቅኮን፥ ታ ነና ቦርዘ ኤራꬅ ባዝ የነ። ይናን እስራኤለ አሱንꬅ ኤቃስ ዣርሽንትደ ካꬃ ሙእ ቱኖደ ፋናን ጎመ ዎይኤ ናጋራ ኦቾደ ፋና ባላቃ ማና ዞርደ ባላማ ትምርትቶ ኤክደ ፈቲ ፈቲ አሱንꬅ ኔራ የነ።
REV 2:15 ይኒ ፋና፥ ንቆላዉንꬅ ትምርትቶ ታማርዘ አሱንꬅ ኔራ የነ።
REV 2:16 ይኒ ግሾ፥ ኔኒ ነ ናጋርትፓ ማቆ። ይና Ꮉናንጽኮ፥ ታ ኔጎ ኤለራ ይእ የንꬅ አሱንꬃና ታ ዶንትፓ ከዘ ማሻራ ጫዶዳ።
REV 2:17 ጌሽ አያና ዎሳ ኬꬁንꬂስ ጋዘባዝ ስኦደስ Ꮉየ የዘ ኦደን ስኦ። ጋምደ ኦደስን አችቻ የዘ ማናፓ እንጎዳ። ማህ ኤክዘ አꬃፕ አትን መለ አስ ኤሮሰ ክለ ሱንꬅ ጻፍንትደ ቦꬅ ሹች ታ ኤስ እንጎዳ።
REV 2:18 «ትያትሮነ ዎሳ ኬꬃ ኪታንቾስ Ꮉንጋር ጋእ ጻፎ። ታማ ሎጸ አዝዘ ኣፈ የዛይ፥ ማህ ታማራ ቴልደ ናሰ መቆ አዝዘ ቶሄ የዛይ፥ ጾዘ ናአይ፥ Ꮉንጋር ጋነ፦
REV 2:19 ታኒ ነ ኦችቶ፥ ነ ሲቅቶ፥ ነ አማንቶ፥ ነ ኦችቶን ነ ገንጭቶ ኤራነ። ነ ቲኖ ኦችዛንፓ Ꮉተ አꬂ ኦችዛኖ ኤራነ።
REV 2:20 ማቅኮን፥ ታ ነና ቦርዘ ፈትባዝ የነ፤ ፋና ናበ ጋዘ ማችቶ፥ ኤልዛበሎ፥ ስእ ጋእ ብእ አኮን ጋይካያ። ይና ማችታ ኤቃስ ዣርሽንትደ ካꬃ ሙእ አሙꬎደ ፋና ቱኖደ ፋናን ኦላሎደ ፋና ኦቺ ታ አሩንꬃና ባልꬅዳ።
REV 2:21 እዛ ፋ ናጋርትፓ ማቃደ ጋር ታ ኢስ ዎደ እንግዳ፥ የዝን እዛ ማቃደስ ኮይካያ።
REV 2:22 ኡን እ ባላ ኦግትፓ ማቃንጽኮ፥ ታ እዞ ኢታ Ꮉርገላ ኦሎዳ፤ ኢራ ኦላለ Ꮉንትዙንꬅን ኢታ ዋየ ዋይንቶዳ።
REV 2:23 ታ እ ናኡንꬃና ዎꬎዳ፤ ማህ ዎሳ ኬꬃ ኡባ ታ አስ ቆፋን አስ ዎዝና ኤርዛ ማቅዳኖ ኤሮዳ። ታ ፈተስ ፈተስ ይን ኦችትጋራ ኦችትጋራ እንጎዳ።
REV 2:24 የዝን ትያጥሮነ የዘ መሉንꬃና፥ ይና ኢታ ትምርትቶ ኤክካይዙንꬃና፥ «ጻላሄ ዳማ ጋꬅ ቆፋ» ጋእንትዘ Ꮉና ትምርትቶ ታማርካይዘ ይንታና መለ ዴጾ ቶፎ ቶሶስ።
REV 2:25 ማቆየዝን፥ ታ የኦደ ዎንꬅስ ይንትስ የዘ ባዝ ምንꬂ ናጎተ።
REV 2:26 ጋምደስን ዉርሱꬅ የሎደስ ታስ ኪትንትደ ኦደስን ካእቱምቶ አሆደ ጋር አደትꬅ ዎልቃ እማዳ።
REV 2:27 «ኤ ኡንታና መቆ ጉፈራ አሆዳ፤ ሳአፓ መꬍዘ Ꮉይቅዘ ሚሸ ፋና ትንቾዳ።» ይና አደትꬅ ዎልቅታ ታኒ ታ አደፓ ኤክደ ዎልቂት ፋና።
REV 2:28 ማህ ታ ኤስ ጎልጸ ጾልንቶ እማዳ።
REV 2:29 ጌሽ አያና ዎሳ ኬꬁንꬂስ ጋዘባዝ ስእዘ Ꮉየ የዘ ኦደን ስኦ።
REV 3:1 «ሳርዴሰ ዎሳ ኬꬃ ኪታንቾስ Ꮉንጋራ ያጋእ ጻፎ። ላፑን ጾዘ አያኑንꬃናን ላፑን ጾልንቱንꬃናን አይክዳይ Ꮉንጋራ ያጋነ፦ ታ ነ ኦችቶ ኤራነ፤ ሱንꬅስ ፋጻ፤ የዝን ነ Ꮉይቂዳ።
REV 3:2 ባርኮ! ኤራꬅ አትደባዝን Ꮉይቆደስ ኡክደባዝ ሚንꬆ። ነ ኦችታ ጾዘ ቲኖ ፎሎ ማቅካይዛኖ ደንግዳ።
REV 3:3 ይኬ፥ ነ ኤክደ ባዝቶን ስእደባዝቶን ቆፒ፤ ናጎ፤ ነ ናጋርትፓ ማቆ። ነ ባርካንጽኮ ታ ካይዞ ጋር ዮኦዳ፤ ታ አይደ የኦድየዛኮ ነ ኤሮስ።
REV 3:4 የዝን ፋ ማእቶ ቅትዝካይዘ ኤራꬅ አሱንꬅ ሳርዴሰ ግዳ የነ። ኡንትስ ኮሽዘ ባዝ ማቅደ ግሾ ቦꬅ ማኦ ማእ ታራ የꬋዳ።
REV 3:5 ጋምደ ኦደን ኡንትንጋራ ቦꬅ ማኦ ማኦዳ። ታ ኤ ሱንꬅቶ ደኦ ማጻፈፓ ኡጮስ። ታኒ ታ አዳይ ቲኖን ኤ ኪታንቹንꬅ ቲኖን ታ ኤ ባዝ ማርክꬋዳ።
REV 3:6 ጌሽ አያና ዎሳ ኬꬁንꬂስ ጋዘባዝ ስእዘ Ꮉየ የዘ ኦደን ስኦ።
REV 3:7 «ፍላደልፍያ ዎሳ ኬꬃ ኪታንቾስ Ꮉንጋራ ጋእ ጻፎ። ጌሽን ቱሮ ማቅዳይ፥ ዳዉተ ቁልፈ ፋ ኩሽተ አይክዳይ፥ Ꮉንጋራ ጋነ፦ ኤ ጎርድን ኦደን ቡጎደስ ዳንዳኦስ፤ ማህ ኤ ቡግን ኦደን ጎርዶደስ ዳንዳኦስ።
REV 3:8 «ታ ነ ኦችቶ ኤርዳ፤ ይኬ ታ ነ ቲኖ ኦደን ጎርዶደስ ዳንዳኦሰ ቡጉንትደ ፉርꬅ ጋድዳ። ነ ዎልቅታ ኤራꬅ ማቅኮን፥ ታ ቃልቶ ናግዳ፤ ታና ካድካያ።
REV 3:9 አይሁደ ማቅካይዛራ ፋና አይሁደ ጋዘ ዎርዱንꬃናን ጻላሄ ባጉንꬃና ኔጎ ኮኦዳ ነ ቲኖ ጉልባትሳዳ። ማህ ታ ነና ካꬍዛኖ ኡን ኤሮደ ፋና ዪሳዳ።
REV 3:10 ኔኒ፥ ‹ዳንዳአ አስ ማቆ› ጋእ ታ ኪትደ ኪቶ ናግደ ግሾ ኩሙꬅ አላምቶ ፋታኖደስ የእዘ ማꬋ ዎድትፓ ታኒ ነና ናጎዳ።
REV 3:11 ታ ኤልሲ ዮኦዳ፤ ኦደን ነ ዎርቃ ዛዉድቶ ኤካመ ጋር ኔስ የዛኖ ምንꬂ አይኮ።
REV 3:12 ጋምዳያ ታ ጾዘ ኬꬅተ ቱስ ማሆዳ፤ ኤ እዘ መꬍናስ የሳዳ። ታኒ ታ ጾዘ ሱንꬅቶን ታ ጾዘ ካታምቲ ሱንꬅቶ ኤላ አፋ ጻፎዳ፤ እዛን ታ ጾዘ ካለፓ ዎꬍዘ ክለ የሩሳላመ። ማህ ታ ታ ክለ ሱንꬅቶን ኤላ አፋ ጻፎዳ።
REV 3:13 ጌሽ አያና ዎሳ ኬꬁንꬂስ ጋዘባዝ ስእዘ Ꮉየ የዘ ኦደን ስኦ»።
REV 3:14 «ሎዶቅያ ዎሳ ኬꬃ ኪታንቾስ Ꮉንጋራ ጋእ ጻፎ። ‹አምንኤ› ማቅደ አማንንትደ ቱሮ ማርካ ማቅዳይ፥ ጾዚ መትꬅ ኡባስ በንተ ማቅዳይ Ꮉንጋራ ጋነ:
REV 3:15 ታኒ ነ ኦችቶ ኡባ ኤራነ፤ ኔኒ ቶያ ዎይ ምሻ ባያ፤ ኔኒ ላምኡንꬃፓ ፈታ ማቅዛኮ ሎኦ!
REV 3:16 ኔኒ ቶያ ዎይ ምሻ ማቅካይዝን ቦልአ ማቅደ ግሾ ታ ነና ታ ዶንትፓ ጩቶደስ ይእነ።
REV 3:17 ይኬ፥ ኔኒ፥ ‹ታኒ ዱረ፥ ቆሎራ የነ፥ ታስ አኮን ፋጭካያ› ጋነ። የዝን ኔኒ ዋይንታነ፥ ዳሃ፥ ቆቀን ካልꬍደ አስ ማቅዛኖ ነና ኤሮስ።
REV 3:18 ይኒ ግሾ፥ ነ ዱርꬎደስ ታማራ ጌዥደ ዎርቃ፥ ነና ዬልዘ ካልቶ አቾደስ ቦꬅ ማኦን ሎይꬂ በአደስ ማድዘ ኣፈ ጋላ ታፓ ዎንግ ትሻደ ፋና ነና ዞራነ።
REV 3:19 ታ ካꬍዙንꬃና ሴራነን ፍርጫነ፤ ይኬ ምንጎ፤ ነ ናጋርትፓ ማቆ።
REV 3:20 ይኬ፥ ታ ባለ ኤቂ ነና ጼጎዳ። ኦደን ታ ጼግዛኖ ስእ፥ ፉርꬅቶ ቡግኮ፥ ኤጎ ገሎዳ፤ ኤራ ዎላ ካዎ ሞኦዳ፤ ኤዝን ታራ ዎላ ሞኦዳ።
REV 3:21 ታ ጋሚ ደንዲ ታ አደራ ኤ አራታላ በትዳንፋና ጋምደ ታራ ታ አራታላ በቶደ ጋር አደትꬅ ዎልቃ እንጎዳ።
REV 3:22 ጌሽ አያና ዎሳ ኬꬁንꬂስ ጋዘባዝ ስእዘ Ꮉየ የዘ ኦደን ስኦ» ጋይዳ።
REV 4:1 ይንፓ ሱባ፥ ታኒ ሳሎ በእዘ ዎደ ቡጉንትደ ፉርꬅ ብእዳ። ማህ ታ ቲኖ ስእደ ሞይዘ ኦለ ጋርዘ ኦꬅ ታጎ፥ «Ꮉንካ ከዞ፤ Ꮉንፓ ሱባ፥ ይአደስ የዘ ባዝ ታ ነና ቤሳዳ» ጋይዳ።
REV 4:2 የ ዎደ ታ አያና ቆፋራ የነ። ይኬ፥ ሳሎ አራታ ብእዳ፤ አራትዘላ አፋ ፈተ በትዳያ ብእዳ።
REV 4:3 የ በትዳይ ብሽታ እያስጰደን ሳርድዮነ ጋዘ አልኦ ሹች ፋና። ኤ አራትዘ ካንቶ ዉቲ አልኦ ሹች አዝዘ ዙላ የነ።
REV 4:4 የ አራትዘ ካንቶ ዉቲ ላምእታም ኦይዲ አራቱንꬅ የነ፤ ኡንታላ አፋ ቦꬅ ማኦ ማእ፥ ኦምተ ዎርቃ ዛዉደ ጋድደ ላምእታም ኦይዲ ጭሙንꬅ በትዳ።
REV 4:5 አራትዘፓ ዳዳ፥ ዘልንꬅን ꬎገ ከዛነ። አራትዘ ቲንተ ላፑን ፎእዘ ጾምፑንꬅ የነ፤ ኡን ላፑን ጾዘ አያኑꬃና።
REV 4:6 አራትዘ ቲኖ ብርለ አዝዘ ፎእዘ ቡርጩቆ አዘ አባ የነ። ቲኖራን ሱባራ ኣፈ ኩምደ ኦይዲ ጾꬅ መቱንꬅ አራትዘ ካንተ የነ።
REV 4:7 ቲኖ ጾꬅዘ ብሽታ ጋሞ አዛነ፤ ላምአንꬅዘ ቦራ አዛነ፤ Ꮉይꬓንꬅዘ አስ ስኖ አዝዘ ስኖ የነ፤ ማህ ኦይዳንꬅዘ ፍርዘ አንኮ አዛነ።
REV 4:8 ኦይዲ ጾꬁንꬅ ኡቡንꬅስ እዝፑን ቀፈ የነ፤ ኡን ጋልተ ኡባነ ቀፍትስ ካታራን ኦምታ ኡባ ኣፈራ ኩምዳ። ኡን ቃማን አዋራን አሽካይዛራ፥ «ጌሻዮ፥ ጌሻዮ፥ ጌሻዮ፥ ላꬃዮ፥ ኡባፓ ዎልቃማ ጾዛዮ፥ ዛጋን፥ Ꮉተን የዛዮ፥ ቲኖስ ዮኦዳዮ» ያጋነ።
REV 4:9 የ ጾꬁንꬅ አራታላ በትዳይስን መዽና የዘስ ናሾ፥ ቦንቾን ጋላታ እንግደ ዎደ
REV 4:10 ላምእታም ኦይዲ ጭሙንꬅ አራታላ በትዳይስ መዽና የዛይስ ቲንተ ዙጊ ጎይንዳ፤ ፋ ዎርቃ ዛዉዱንꬃና ቲንተ ጋዲ፥
REV 4:11 «ኑ ላꬃዮ፥ ኑ ጾዛዮ፥ ኔኒ ቦንቾ፥ ናሾን ዎልቃ ኤኮደስ ቤዛነ። ነ ኡባ መꬍዳ፤ ኡባ ባዝ ነ ቆፍት ጋር Ꮉንዳ፥ መꬍንትዳ» ያጋይዳ።
REV 5:1 ይንፓ ሱባ፥ አራትዘላ አፋ በትዳይ ምዛቅ ኩሸራ ጋንጨራን ካታራ ጻፍንትደ ላፑን ማታመራ ጎርዱንትደ ጻጽንትደ ማጻፈ ብእዳ።
REV 5:2 ፈቲ ምንꬅ ኪታንችዘ ፋ ቃልቶ ꬎቅ ዪዚ፥ «ማህታምዛ ብሎደስን ማጻፍዛ ቡጎደስ ዳንዳእዘ ኦደ?» ያጋእ አዋጆደራ ብእዳ።
REV 5:3 የዝን ሳሎ ማቅን ሳአ ዎይ ሳአፓ ኦሞራ ማቅን የ ጻጽንትደ ማጻፍዛ ብሎደስን ጋንጭቶ በአደስ ዳንዳእዘ ኦደን በንትካያ።
REV 5:4 ጻꬅ ማጻፍዛ ብሎደስን ኤ ጋንጭቶ በአደስ ቤዝዘ አስ በንትካይዘ ግሾ ታ ጋማ ዬክዳ።
REV 5:5 ዬዝን፥ ጭሙንꬃፓ ፈታይ ታጎ፥ «ዬክፐ! ይኬ፥ ይሁዳ ባጋ ማቅደ ጋሞ፥ ዳዉተ ኮች፥ ላፑን ማህታምቶ ብሎደስን ማጻፍዛ ቡጎደስ ዳንዳአነ» ጋይዳ።
REV 5:6 ይንፓ ሱባ፥ ሹክንትደ ዱርዛይ አራትዘላ፥ ኦይዲ ሸምፖራ የዘ መቱንꬅስን ጭሙንꬅስ ግዳ፥ ኤቅዳያ ብእዳ። ኤስ ላፑን ጉሙርን ላፑን አፉንꬅ የነ። የንስ አላመ ኡባስ ኪትንትደ ጾዘ ላፑን አያኑꬃና።
REV 5:7 የ ዱርዛይ Ꮉንግ፥ አራትዘላ አፋ በትዳይ ምዛቅ ኩሸፓ ጻጽንትደ ማጻፍዛ ኤክዳ።
REV 5:8 ኤ የ ጻጽንትደ ማጻፍዛ ኤክደ ዎደ ኦይዲ ሸምፖራ የዘ መቱንꬅስን ላምእታም ኦይዲ ጭሙንꬅ ዱርዘ ቲኖ ጎልእዳ። ኡን ፈተ ፈተ ዲꬅን ጌሹንꬅ ዎሳ ማቅደ እጻነ ኩምደ ዎርቃ ሻተ አይክዳ።
REV 5:9 ኡን፥ «ጻጽንትደ ማጻፍዛ ኤኮደስ፥ ማህታምዛ ብሎደስ ኔስ ቤዛነ። አኮስ ጋይኮ፥ ኔኒ ሹክንትዳ፤ ኮች ኡባፓ፥ ዱማ ዱማ ዶናፓ፥ ኮቹንꬃፓ ካእቱሞ ኡባፓ ነ ሱꬅተ ጾዝስ ዎዝዳ።
REV 5:10 ኡን ኑ ጾዘ አደስ ኦቾደ ፋና ኡንታና ካህኑንꬅ ካእቱሞ ማህዳ። ኡንትን ሳአ ኡባ ካእቶዳ» ያጋእ ክለ ማዝሙረ የጽዳ።
REV 5:11 ታ ብእደ ዎደ ሙኩል ቶሄ ሙኩልን ታጶ ሙኩል ቶሄ ታጶ ሙኩል ማቃደ ኪታንቹንꬅ ኦꬅ ስእዳ። ኡንትን አራትዘስ፥ ኦይዲ ሸምፖራ የዘ መቱንꬅን፥ ጭሙንꬅ ካንቶ ዉትዳ።
REV 5:12 የንꬅ ኪታንቹንꬅ ꬎቅ ጋይደ ቃላራ፥ «ሹክንትደ ዱርዛይ ዎልቃ፥ ዱርቱሞ፥ ጭንጫትꬅን ምንꬅትሞ፥ ቦንቾ፥ ሳባን ጋላታ ኤኮደስ ቤዛነ» ጋይዳ።
REV 5:13 ይንፓ ሱባ፥ ሳአን፥ ሳሎ፥ ሳአፓ ኦሞራ አባ ግዳ የዘ መትꬅ ኡባ፥ «አራትዘላ አፋ በትዳይስን ዱርዘስ፥ ጋላታ፥ ቦንቾ፥ ሳባን ዎልቃ መꬊ መꬍናስ ማቀ» ጋእ የጾደራ ስእዳ።
REV 5:14 ኦይዲ ሸምፖራ የዘ መቱንꬅ፥ «አምንኤ» ያጋይዳ፤ ማህ ጭሙንꬅ ስኖራ ዙጊ ጎይንዳ።
REV 6:1 ዱርዘ ላፑን ማህታሙንꬃፓ ፈታ ቡጎደራ ብእዳ። ማህ ኦይዲ ሸምፖራ የዘ መቱንꬃፓ ፈተ፥ ዳዳ ꬎገ ፋና ኦꬃራ፥ «ዮኦ!» ያጋዝን ስእዳ።
REV 6:2 ይኬ ቦꬅ ፋራ ብእዳ። የ ፋራዛ ቶግደ ዶንገ አይክዳ፤ ኤስ ዎርቃ ዛዉደ እንግንትዳ። ኤዝን ጋሚ ደንድዳያ ማቂ ጋሞደስ ከዝዳ።
REV 6:3 ማህ ዱርዘ ላምእንꬃ ማህታምዛ ቡግደ ዎደ ላምእንꬃ ሸምፖራ የዘ መትꬅዘ፥ «ዮኦ!» ጋዝን ስእዳ።
REV 6:4 ማህ መለ ሱꬅ ዞቆ ፋራዛ ከዝዳ። የ ፋራዛ ቶግደስ ሳአፓ ሳሮ ꬋብሶደ ጋራን አሱንꬅ ዎል Ꮉሶደ ጋር ዎልቃን ዳማ ማሻ እንግንትዳ።
REV 6:5 ዱርዘ Ꮉይꬕንꬃ ማህታምዛ ቡግደ ዎደ Ꮉይꬕንꬃ ሸምፖራ የዘ መትꬅዘ፥ «ዮኦ!» ጋዝን ስእዳ። ይኬ ካርꬅ ፋራ ብእዳ፤ ኤዝን ፋ ኩሽተ ምዛነ አይክዳ።
REV 6:6 ኦይዲ ሸምፖራ የዘ መቱንꬅ ግዳፓ፥ «ፈቲ ዎደ ኦቻስ ዳሞዘ፥ ባጋ ክሎ ዛርጋ፤ ማህ ፈቲ ዎደ ኦቻስ ዳሞዘ፥ ፈቲ ክሎን ባጋ ባንጋ ማቀ። የዝን ዛይተን ዎይነ ቆህፐ» ጋዝን ስእዳ።
REV 6:7 ዱርዘ ኦይድንꬃ ማህታምዛ ቡግደ ዎደ ኦይድንꬃ ሸምፖራ የዘ መትꬅዘ፥ «ዮኦ!» ጋዝን ስእዳ።
REV 6:8 Ꮉይቼ ቦꬅ ፋራ ብእዳ። የ ፋራዛ ቶግደ ሱንꬅታ Ꮉይቆ፤ ኤ ሱብተ ስኦለ ካላነ። ኡንትስ ሳአ ኦይዲ ኩሸፓ ፈቲ ኩሸ ኦላራ፥ ናየራ፥ ባይኤራን ጾꬃራ ዎዽሳደ ፋናን አደትꬅ ዎልቃ እንግንትዳ።
REV 6:9 ዱርዘ እችንꬃ ማህታምዛ ቡግደ ዎደ ኡን ጾዘ ቃላ ኦህደ ግሾን ፋ ማርካትꬅተ አማንንትደ ግሾ ሹክንትደ አሱንꬅ ሸምፕቶ ዣርሾ በስትፓ ኦሞራ ብእዳ።
REV 6:10 ኡን ፋ ቃልቶ ꬎቅ ዪዚ፥ «ኡባኖ አህዘ ላꬃዮ፥ ጌሻዮ፥ ቱርዛዮ፥ ሳአ የዘ አሳላ አፋ ነ ፍርዶሳና ኑ ሱꬅት ግሾ ኩሸ ማሆሳና አይደ የሎደስ?» ጋይዳ።
REV 6:11 ኡን ፈተስ ፈተስ ቦꬅ ጳርጎ ማኦ እንግንትዳ። ኡንትን ፋና ዪእ Ꮉይቆደስ ቤዝዘ ኡን ላጉንꬅ ፋይድታ ኩሞደ ዎንꬅስ ኤራꬅ ዎደ ሸምፖደ ፋና ኡንትስ ኦህዳ።
REV 6:12 ዱርዘ እዝፑንꬆ ማህታምዛ ቡግደ ዎደ ታ ብእዳ፤ ዳማ ሳአ ኤንኤ Ꮉንዳ። አዋ ኣፈ ካርቲ አዛኖ ማኦ አዝዳ። አግናን ዞቂ ሱꬅ አዝዳ።
REV 6:13 ምንꬅ ባቆ ባቂ በለሰ ምንጻ ቃምኤ ኣፍቶ ጉፉዛን ፋና ሳሎ ጾልንቱንꬅ ሳአ ጉፍዳ።
REV 6:14 ሳሎ ጻጽንትደ ማጻፈ ፋና ጻጽንት Ꮉልእዳ፤ ደረን Ꮉꬃራ ተቅንትደ ሳእታ ፋ በስትፓ ꬋብዳ።
REV 6:15 ጋደ ካቱንꬅ፥ ዎርዣ አህዙንꬂ፥ ኦላ ካልꬅዙንꬅ፥ ዱሩንꬅ፥ ዎልቃሙንꬅ፥ አሩንꬅን፥ ላꬁንꬅ ዎምኦን ደረላ አፋ የዘ ላላ ዎምኦን አችንትዳ።
REV 6:16 ኡንትን ደረጎን ላላጎ፥ «ኑላ አፋ ዎꬎተ፤ ኑና ጌንꬆተ፤ አራትዘላ በትዳይ አፍትፓን ዱርዘ Ꮉንቅትፓ ኑና አቾተ።
REV 6:17 ይኬ፥ ዳማ Ꮉንቆ ቃማ የልዳ፤ ኦኒ ዳንዳእ ኤቆደ?» ያጋይዳ።
REV 7:1 ይንፓ ሱባ፥ ኦይዲ ኪታንቹንꬅ ኦይዲ ሳአ ጋጻ ኤቅዱንꬃና ብእዳ። የንꬅ ኪታንቹንꬅ ሳአላ ዎይ አባላ ዎይ ምንጻላ አፋ አኮን ባቆ ኦይዲ ሳአ ጋጻፓ ባቃመ ጋር ተቂዳ።
REV 7:2 ማህ ደኦ ጾዘ ማህታመ አይክደ መለ ኪታንቾ አዋ ኬስ ዛላፓ ኬዛያ ብእዳ። የ ኪታንችዘ ፋ ቃልቶ ꬎቅ ዪዚ፥ ሳአን አባ ቆሆደስ ዎልቃ እንግንትደ ኦይዲ ኪታንቹንꬃና፥
REV 7:3 ጼጊ፥ «ኑኒ ጾዘ አሩንꬅ ስኖላ ማታመ ጋዶደ ዎንꬅስ ሳአ ዎይ አባ ዎይ ምንጻ ቆህፐተ» ጋይዳ።
REV 7:4 ታኒ ጾዘ ማህታመ ስኖላ ጋድዱንꬅ ፋይድቶ ስእዳ። እስራኤለ ኮች ኡባፕ ጼት ኦይታም ኦይዲ ሙኩል አሱንꬅስ ስንተ ማህታመ ጋድዳ።
REV 7:5 ይሁዳ ኮቻፓ ታጶ ላምእ ሙኩል፥ ሮበላ ኮቻፓ ታጶ ላምእ ሙኩል፥ ጋደ ኮቻፓ ታጶ ላምእ ሙኩል፥
REV 7:6 አሴረ ኮቻፓ ታጶ ላምእ ሙኩል፥ ንፍታለመ ኮቻፓ ታጶ ላምእ ሙኩል፥ ምናሰ ኮቻፓ ታጶ ላምእ ሙኩል፥
REV 7:7 ስሞና ኮቻፓ ታጶ ላምእ ሙኩል፤ ሌወ ኮቻፓ ታጶ ላምእ ሙኩል፥ ይሳኮረ ኮቻፓ ታጶ ላምእ ሙኩል፥
REV 7:8 ዛብሎነ ኮቻፓ ታጶ ላምእ ሙኩል፥ ዮሰፋ ኮቻፓ ታጶ ላምእ ሙኩል፥ ብንያመ ኮቻፓ ታጶ ላምእ ሙኩል፥ አሱንꬅ ስንተ ማህታመ ጋድዳ።
REV 7:9 ይንፓ ሱባ፥ ኮች ኡባፓ፥ ካእቱሞ ኡባፓ፥ ዎርዣ ኡባፓን ዱማ ዱማ ዶናፓ ፋይዶ ባይዘ ጋማ አሱንꬃና ብእዳ። የንꬅ አሱንꬅ ቦꬅ ጳርጎ ማኦ ማእ፥ ቂለ Ꮉየ ፋ ኩሽተ አይኪ፥ አራትዘ ቲኖን ዱርዘ ቲኖ ኤቅዳ።
REV 7:10 ኡን ፋ ቃልቶ ꬎቅ ዪዚ፥ «አቶትꬅ አራታላ በትደ ኑ ጾዘፓን ዱርዘፓ የእነ» ጋይዳ።
REV 7:11 ኪታንቹንꬅ ኡባ፥ አራትዘን፥ ጭሙንꬅን ኦይዲ መቱንꬅ ካንቶ ዉቲ ኤቅዳ። ኡን አራትዘ ቲኖ ዙጊ ጾዝ ጎይንዳ።
REV 7:12 «አምንኤ! አንጆ፥ ቦንቾ፥ ጭንጫትꬅ፥ ጋላታ፥ ሳባ ዎልቃን፥ ምንꬅትሞ መꬊ መꬍናስ ኑ ጾዘስ ማቀ። አምንኤ!» ጋይዳ።
REV 7:13 ጭሙንꬃፓ ፈታይ ታጎ፥ «Ꮉና ቦꬅ ማእቶ ማእደ አሱንꬅ ኡን ኦደ የሳ? ኡን አባፓ ይእዶ?» ጋእ ኦጭዳ።
REV 7:14 ታኒ ማህ፥ «ላꬆ፥ ነ ኤራነ» ጋይዳ። ኤዝን ታጎ፥ «Ꮉንስ ጋማ ዋየ ዋይ አꬍዱንꬃና። ኡን ፋ ማእቶ ዱርዘ ሱꬅተ ሜጪ ቦꬅዳ።
REV 7:15 ይኒ ግሾ፥ «ኡን ጾዘ አራትዘ ቲንተ ቃማን አዋራ ኤ ኬꬅተ ኦቻነ። ማህ አራታላ በትደ ኡንትስ ዱንካነ ማቃዳ።
REV 7:16 ይኬፓ ሱባ፥ ኡን ናይꬋአማ፥ ባርꬋማ። አዋ ዎይ ምቻ ኡንታና ደንጋማ።
REV 7:17 አራትዘላ በትደ ዱርዘ ኡንትስ ዉደ አዳያ ማቃዳ። ደኦ Ꮉꬅ ኣፈጎ ኡንታና ካልꬆዳ። ጾዚ ኡን ኣፍትፓ አፉꬅቶ ኡባ ኡጮዳ» ጋይዳ።
REV 8:1 ዱርዘ ላፑንꬆ ማታመ ቡግደ ዎደ ባጋ ሳተ ማቃደ ፋና ሳሎ ስእ ጋይዳ።
REV 8:2 ይንፓ ሱባ፥ ታኒ ላፑን ሞይዘ እንግንትደ ላፑን ኪታንቹንꬃና ጾዘ ቲኖ ኤቅዙንꬃና ብእዳ።
REV 8:3 እጻነ ጩግዘ ዎርቃ ሻተ አይክደ መለ ኪታንቾ ይእ፥ ዣርሾ በስት ካለ ኤቅዳ። ኤ አራትዘ ቲኖ የዘ ዎርቃ ዣርሾ በስትላ ጌሹንꬅ ኡባ ዎሳራ ጉጂ ዣርሾደ ፋና ኤስ ጋማ እጻነ እንግንትዳ።
REV 8:4 እጻንዘ ጩግታ ጌሹንꬅ ዎሳራ ዎላ ኪታንቾ ኩሸፓ ኡደ ጾዛጎ ከዝዳ።
REV 8:5 ይንፓ ሱባ፥ ኪታንችዘ እጻነ ጩግዘ ሻትዛ ኤኪ፥ እዘ ዣርሾ በስትፓ ቃቃ ታማ ኩሙꬅ ሳአ ሱለ ኦልዳ። የይ ማቅን፥ ዳዳ ꬎገን፥ ዘልንꬅን ሳአ ኤንኤ Ꮉንዳ።
REV 8:6 ይንፓ ሱባ፥ ላፑን ኪታንቹንꬅ ፋ ሞይዝቶ ኦሎደስ ጊግንትዳ።
REV 8:7 ቲኖ ኪታንችዘ ፋ ሞይዛ ኦልዘ ዎደ ሻቻራን ሱꬃራ ዎርቂንትደ ታማ ሳሎፓ ቡክዳ። ሳአ Ꮉይꬓፓ ፈቲ ኩሸ ኤጽንትዳ፤ ምንጻ Ꮉይꬓፓ ፈቲ ኩሸ ኤጽንትዳ፤ ዥልኦ ማታ ኡባ ኤጽንትዳ።
REV 8:8 ላምእንꬃ ኪታንችዘ ፋ ሞይዛ ኦልደ ዎደ ዳማ ደረ አዝዘ ባዝ ታማ ኤጽተራ አባ ኦልንትዳ። የይን፥ አባ Ꮉይꬓፓ ፈቲ ኩሸ ሱꬅ ማቅዳ።
REV 8:9 አባ ግዳ ሸምፖራ የዘ መትꬅ Ꮉይꬓፓ ፈቲ ኩሸ Ꮉይቂዳ፤ ማርካቡንꬅ Ꮉይꬓፓ ፈቲ ኩሸ ꬋብዳ።
REV 8:10 Ꮉይዝንꬃ ኪታንችዘ ፋ ሞይዛ ኦልደ ዎደ ጾምፐ ፋና ኤጽዘ ዳማ ጾልንትዘ ቦርካ Ꮉይꬓፓ ፈቲ ኩሸላን Ꮉꬅ ኣፈላ አፋ ሳሎፓ ዎꬍዳ።
REV 8:11 የ ጾልንትዘ ሱንꬅታ ጫሞ ጋእንታነ። Ꮉꬅ Ꮉይꬓፓ ፈቲ ኩሻ ጫንግዝዳ፤ Ꮉꬅታ ጫንግደ ግሾ ጋማ አሱንꬅ ይና Ꮉꬅቶ ኡዢ Ꮉይቂዳ።
REV 8:12 ኦይድንꬃ ኪታንቾ ፋ ሞይዛ ኦልዳ። አዋፓ፥ አግናፓን ጾሉንቱንꬃፓ Ꮉይꬓፓ ፈቲ ኩሸ ጉድንትዳ፤ ኡን ፎእት Ꮉይꬓፓ ፈቲ ኩሸ ꬉምዳ። አዋራ Ꮉይꬓፓ ፈቲ ኩሸን፥ ቃማ Ꮉይꬓፓ ፈቲ ኩሸ ꬉምዳ።
REV 8:13 ፈቲ አንኮ ሳሎ ꬎቅ ጋእ፥ አሎደራ ብእዳ። የ አንክዘ ፋ ቃልቶ ꬎቅ ዪዚ፥ «አትደ Ꮉይꬕ ኪታንቹንꬅ ፋ ሞይዝቶ ኦሎደስ የዘ ግሾ ሳአ የዘ አሱንꬃና ባደ! ባደ! ባደ!» ጋዝን ስእዳ።
REV 9:1 ይንፓ ሱባ፥ እችንꬃ ኪታንችዘ ፋ ሞይዝዛ ኦልን ሳሎፓ ሱለ ሳአ ዎꬍደ ጾልንቶ ብእዳ። ኤስ ዳማ ዶቺ ቡግዘ ቁልፈ እንግንትዳ።
REV 9:2 ጾልንትዘ ዳማ ዶችቶ ቡግደ ዎደ ዳልጋ ጮጨፓ ከዝዘ ጩጋ ፋና ጩግዘ ይና ዶችትፓ ከዝዳ። ይና ዶችትፓ ከዝደ ጩግትፓ አዋን ሳሎን ꬉምዳ።
REV 9:3 ይና ጩግትፓ ቦሉንꬅ ሳአ ከዝዳ። ሳአ የዘ ማስማሱንꬅስ የዘ ዎልቃ ፋና ዎልቃ ቦሉንꬅስ እንግንትዳ።
REV 9:4 ጾዘ ማታመ ስንተ ባይዘ አሱንꬃን ጻላላፕ አትን ሳአ የዘ ዎልቃ ዎይ ምንጻ ዎይ አኮ ዥልኦ ባዝ ማቅን ቆሀመ ጋር ቦሉንꬅስ ኦህንትዳ።
REV 9:5 ቦሉንꬅ አስማና እችን አግና የሎደስ ፋጻ ኡንእꬆደ ፋና ዎልቃ እንግንትዳፕ አትን አስ ዎꬎደ ፋና ባያ። ማስማሶ አስ ꬋእን Ꮉዥዛን ጋር ቦለ ꬋእን Ꮉዣነ።
REV 9:6 ይና ቃምተ አሲ Ꮉይቆ ኮዮዳ፥ የዝን ደንጎስ። ኡን Ꮉይቆደስ አሙꬎዳ፥ የዝን Ꮉይቆ ኡንታፕ Ꮉኮዳ።
REV 9:7 ቦሉንꬅ ኦላስ ጊጊ በትደ ፋሩንꬃና አዛነ። ኡን ኦምታ ዎርቃ ዛዉደ አዛነ፤ ኡን ስንታን አስ ስኖ አዛነ።
REV 9:8 ኡን ኦማ እስንꬅታን ማች ኦማ እስን ፋና ጳርጎ። ኡን አችታን ጋሞ አች አዛነ።
REV 9:9 ኡንትስ ዳዳብትላ አፋ ጋድዘ መቆ ጹሩረ የነ፤ ኡን ቀፍት ኦꬅታ ኦልንቶደስ ጋላብዘ ፋራን ፋራ ጋረ ኦꬅ አዛነ።
REV 9:10 ኡንትስ ማስማሶ ኡንኮ ፋና የዘ ኡንኮን ዻእ Ꮉዥዘ ዪሺ የነ። ይና ኡንክተ እችን አግና አስማና ቆሆደ ፋና አደትꬅ ዎልቃ እንግንትዳ።
REV 9:11 ኡንታና አህዘ ካት የነ፤ የ ካትዘ ዳማ ዶችት ኪታንቾ። ኤ ሱንꬅታ እብራይስጠ ዶናራ አብዶና፤ ማህ ግርኬ ዶናራ አጶልዮና ጋእንታነ። ኤ ሱንꬅት ብልꬅታን «ꬋብስዛ» ጋእንታነ።
REV 9:12 ቲኖ ባድዘ አꬍዳ፤ ይኬ፥ መለ ላምእ ባዱንꬅ Ꮉጋ የኦዳ።
REV 9:13 እዝፑንꬃ ኪታንችዘ ፋ ሞይዛ ኦልዳ። ጾዘ ቲኖ ኤቅደ፥ ዎርቃ ዣርሾ በስተ የዘ ኦይዲ ጉሙሩንꬃፓ ፈቲ ኦꬅ ስእዳ።
REV 9:14 የ ኦꬅዘ ሞይዘ አይክደ እዝፑንꬃ ኪታንችዘጎ፥ «ኤፍራጺሰ ጋዘ ዳማ ቦርካ አጭንትደ ኦይዲ ኪታንቹንꬃና ብሎተ» ያጋይዳ።
REV 9:15 ሳአላ የዘ አሳፓ Ꮉይꬕ ኩሽቶ ዎꬎደ ጋር ይና ሳትስ፥ ይና ቃምትስ፥ ይና አግንትስ ይና በርትስ ጊጊ በትደ ኦይዲ ኪታንቹንꬅ ብልንትዳ።
REV 9:16 ኦላ ፋራ ቶግደ ኦላንቹንꬅ ፋይድታ ላምእ ጼት ምሎነ ማቅዛኖ ስእዳ።
REV 9:17 ማህ ታ ቆንጭꬅተ ፋሩንꬃናን የንꬅ ፋሩንꬃና ቶግደ አሱንꬃና ብእዳ። የንꬅ አሱንꬅ ዳዳብተ ጋድዘ መቆ ጹሩረ ታማ ቦንቆ ፋና ዞቆ፥ ያክንተ ፋና፥ ካርꬅ ሳሎ ፋናን ዲነ ፋና ጭልሎ። ፋሩንꬅስ ኦምታ ጋሞስ ቲኖ ዛልቶ አዛነ፤ ኡን ዶንትፓ ታማ፥ ጩጋን ዲነ ከዝዳ።
REV 9:18 ፋሩንꬅ ዶንትፓ ከዝዘ ታማ፥ ጩጋን ዲነ ይና Ꮉይꬕ Ꮉንቅተ ሳአ የዘ አሳፓ Ꮉይꬓፓ ፈቲ ኩሽታ Ꮉይቂዳ።
REV 9:19 የንꬅ ፋሩንꬅስ ዎልቅታ ኡን ዶንቲ ግዳን ኡንክተ የነ። ኡን ኡንክታን ሾሽ ኦማ ፋና የነ፤ ኡን ኢራ አስ ቆሃነ።
REV 9:20 Ꮉና Ꮉንቅትፓ አትዱንꬅ ፋ ኩሸ ኦችትፓ አሺ ማቅካያ። ኡን ቱና አያናራ ዎርቃፓ፥ ብራፓ፥ ናሰ መቆፓን ሹቻፓን ምንጻፓ ኦችንትደ ኤቃስ ጎይናነ። በአደስ፥ ስአደስ፥ የꬋደስ ዳንዳኦሰ ኤቁንꬅስ ጎይንዛኖ አሽካያ።
REV 9:21 አስ ዎꬍዛኖ፥ ብትዛኖ፥ ኦላልዛኖ ካይስትዛኖ አሺ ማሮትꬅ ኦጭካያ።
REV 10:1 ይንፓ ሱባ፥ ታ መለ ምንꬅ ኪታንቾ ሳሎፓ ሳአ ዎꬎደራ ብእዳ። ኤ ꬎነ ማእዳ፤ ኤ ኦምትላ አፋ ዙላ የነ። ኤ ስንታ አዋ ፋና፤ ኤ ቶህታ ታማ ቱስ ፋና።
REV 10:2 የ ኪታንችዘ ቡጉꬅ የዘ ፈቲ ኤራꬅ ጻጽንትደ ማጻፈ ፋ ኩሽተ አይኪ፥ ፋ ምዛቅ ቶህዛ አባላ አፋ፥ ፋ ዎርክታ ቶህዛ ሳአላ አፋ ኤስዳ።
REV 10:3 ꬋዝዘ ጋሞ ፋና ፋ ቃልቶ ꬎቅ ዪዚ ኡክዳ። ኤ ኡክደ ዎደ ላፑን ዳዱንꬅ ፋ ꬎግቶ ስስዳ።
REV 10:4 ላፑን ዳዱንꬅ ፋ ꬎግቶ ስስደ ዎደ ታ ጻፎደስ ጊግንትዳ። የዝን ሳሎፓ፥ «ላፑን ዳዱንꬅ ኦህዳኖ ማታመራ ጎርዶፕ አትን ጻፍፐ» ያጋዘ ኦꬅ ስእዳ።
REV 10:5 ይንፓ ሱባ፥ አባላ አፋን ሳአላ አፋ ኤቅደ፥ ታ ብእደ ኪታንችዘ፥ ፋ ምዛቅ ኩሽቶ ሳሎ ኡደ ምጭዳ።
REV 10:6 ኤ ሳሎን እ ግዳ የዘ ባዝ ኡባ፥ ሳአን እ ግዳ የዘ ባዝ ኡባ፥ አባን እ ግዳ የዘ ባዝ ኡባ መꬍደ፥ መዽና የዘ ጾዘ ሱንꬅተ ጫቂ፥ «ይኬፓ ሱባ፥ ጾዚ ጋምአማ።
REV 10:7 የዝን ላፑንꬆ ኪታንችዘ ፋ ሞይዛ ኦልደ ዎደ ጾዚ ፋ አሮ ማቅደ ናቡንꬅ ባጋራ ቆንጭዝደ ጋꬅ ቆፍታ ፎልንቶዳ» ጋይዳ።
REV 10:8 ይንፓ ሱባ፥ አባላ አፋን ሳአላ አፋ ኤቂ፥ «ኤ ኩሽተ ቡጉንቲ የዘ ጻጽንትደ ማጻፍዛ ኪታንችዘ ኩሽትፓ ኤኮ» ያጋእ ላምእንꬃ ሳሎፓ ታስ ኦሆደራ ስእዳ።
REV 10:9 ታኒ የ ኪታንችዘጎ Ꮉንግ፥ ኤራꬅ ጻጽንትደ ማጻፍዛ እንጎ ጋእ ኦጭዳ። ኤ ታጎ፥ «ኤኪ ሞኦ፤ እዛ ነ ሳዝተ ጫንጎዳ፥ የዝን ነ ዶንተ ሽዳ ፋና ማልኦዳ» ጋይዳ።
REV 10:10 ታኒ ኪታንችዘ ኩሸፓ የ ኤራꬅ ጻጽንትደ ማጻፍዛ ኤኪ ሙእዳ፤ ታ ዶንተ ሽዳ ፋና ማልእዳ፥ የዝን ታ ሳዝተ ጫንግዳ።
REV 10:11 ይንፓ ሱባ፥ ታጎ፥ «ኔኒ ኮች ኡባስ፥ ዎርዣ ኡባስ፥ ዱማ ዱማ ዶናራ ኦህንትዙንꬅስን ካቱንꬅስ ትንቢተ ማህ ኦሆደስ ቤዛነ» ያጋይዳ።
REV 11:1 ጉፈ አዝዘ Ꮉꬍዘ ባዝ ታስ እንግዳ፥ «Ꮉንግ ጾዘ ኬꬅቶን ዣርሾ በስቶ Ꮉꬎ፤ እዘ ጎይንዘ አሱንꬃናን ፋይዶ።
REV 11:2 የዝን ጾዘ ኬꬃ ባለ ቡጭታ አይሁደ ማቆሰ አሱንꬅስ እንግንትደ ግሾ ምጽፔ አሺ አꬎ። ኡንትን ኦይታም ላምእ አግና ጌሽ ካታማ አሆዳ።
REV 11:3 ታኒ ላምእ ማርኩንꬅ አዛኖ ማኦ ማእ 1,260 ቃማ ትንቢተ ኦሆደ ፋና ዎልቃ እንጎዳ»።
REV 11:4 የንስ አላመ ላꬄ ቲኖ ኤቅዘ ላምእ ሻማሄ ምንጻን ላምእ ጾምፐ ጋድዘ ኮጩንꬃና።
REV 11:5 ኦደን ኡንታና ቆሆደስ ኮይኮ ኡን ዶንትፓ ታማ ከሳዳ፥ ኡን ሞርኩንꬃና ሞኦዳ። ኦደን ቆሆደስ ኮይኮ ይኒ ፋና Ꮉይቆ Ꮉይቆዳ።
REV 11:6 ኡን ትንቢተ ኦህዘ ይና ቃምተ እራ ቡካመ ፋና ሳሎ ጎርዶደስ ኡንትስ አደትꬅ ዎልቃ የነ። ኡንትስ Ꮉꬅ ሱꬅ ላሞደስን፥ ማህ ኡን ኮይደ ዎደ ኡባ ፋ ኮይደ Ꮉንቆራ ሳእቶ ꬋብሶደስ ኡንትስ አደትꬅ ዎልቃ የነ።
REV 11:7 ኡን ፋ ማርካትꬅቶ Ꮉስዳንፓ ሱባ፥ ዶቻፓ ከዝዘ ጾꬅዘ ኡንታራ ኦልንት፥ ጫዶዳ፥ ጋሞዳ፥ ዎꬎዳ።
REV 11:8 ኡን ላꬄ ማስቃላላ አፋ ሱጽንትደ ዳማ ካታማ ኦግትላ አፋ ኡን አህታ ኦልንቶዳ። ይና ካታምታ አዝዘራ ሶዶመ ዎይ ግብጸ ጋእንት ጼግንታነ።
REV 11:9 ማህ ባጋ ኡባፓ፥ ኮች ኡባፓ፥ ዱማ ዱማ ዶናፓን ዎርዣ ኡባፓ ይእደ አሱንꬅ ኡን አህቶ Ꮉይꬕ ቃማን ባጋ የሎደስ በአዳ። ኡን አህታ ሞግንታመ ፋና አሱንꬅ ካዮዳ።
REV 11:10 Ꮉንꬅ ላምእ ናቡንꬅ ሳአ የዘ አሱንꬃና ኡንእꬅደ ግሾ አሱንꬅ ኡን Ꮉይቅተ ኡፋይቶዳ። ፋ ኡፋይስትስ ባአለ ኦቾዳ ፈተ ፈተስ እሞን እንጎዳ።
REV 11:11 Ꮉይꬕ ቃማ ባገፓ ሱባ፥ ደኦ አያና ጾዘ ካለፓ ይእ ኡን ግዳ ገልን፥ ኡን ደንዲ ኤቅዳ። ኡንታና ብእደ ኡባ ዳማ ዣሽሞ ዣሽትዳ።
REV 11:12 ይንፓ ሱባ፥ የንꬅ ላምእ ናቡንꬅ፥ «ኡደ ከዞተ» ጋዘ ቃላ ሳሎፓ ስእዳ። ኡን ሞርኩንꬅ ኡንታና ቤዝን፥ ꬎነ ግዳ ገሊ ኡደ ሳሎ ከዝዳ።
REV 11:13 ይና ሳተ ሳአ ዳማ ኤንኤ ኤንእን፥ ካታማፓ ታጵ ኩሸ ማቃደ ꬋብዳ። ማህ ሳአ ኤንእተ ላፑን ሙኩል አስ Ꮉይቂዳ። አትደ አሱንꬅ ጋማ ጎቂ ዣሽቲ፤ ሳሎ ጾዝስ ቦንቾ እንግዳ።
REV 11:14 ላምእንꬃ ባድዘ አꬍዳ፥ የዝን Ꮉይቼ Ꮉይꬒንꬃ ባድዘ ኤልሲ ዮኦዳ።
REV 11:15 ላፑንꬃ ኪታንችዘ ፋ ሞይዛ ኦልዳ። ሳሎፓ፥ «ሳአ ካእቱሞ ኑ ላꬄስን ክርስቶሳስ ማቅዳ፤ ኤ መꬍናፓ መዽና የሎደስ ካእቶዳ» ጋዘ ዳማ ግርሱንꬅ ስንትዳ።
REV 11:16 ጾዘ ቲኖ፥ ፋ አራቱንꬃላ በትደ ላምእታም ኦይዲ ጭሙንꬅ ዙጊ፥ ጾዘስ ጎይኒ፥
REV 11:17 «የዘን የዝደ፥ ላꬆ፥ ኡባፓ ዳማ ጾዛዮ፥ ኔኒ ዳማ ዎልቃ አይክዳ። ኔኒ ካእትደ ግሾ ኑኒ ነና ጋላታነ።
REV 11:18 አይሁደ ማቆሰ አሱንꬅ Ꮉንቅንትዳ፥ የዝን ነ Ꮉንቅታን ይእዳ። Ꮉይቂዱንꬃላ ነ ፍርድዘ ዎደ ይእዳ። ኔኒ ኔስ ኦችዙንꬅስ፥ ናቡንꬅስ ጌሹንꬅስን ነ ሱንꬅትስ ዣሽትዙንꬅስ፥ ኤራꬁንꬅስን ዳሙንꬅስ፥ ኡን ኦችት ጋር እንግዘ ዎደ የልዳ። አላመ ꬋብስዙንꬃና ꬋብስዘ ዎደ ይእዳ» ያጋይዳ።
REV 11:19 ሳሎ የዘ ጾዘ ኬꬅታ ቡጉንትዳ፤ እ ግዳ ጾዘ ጫቆ ታቦተ በንትዳ። ማህ ዜልንꬅ ዜልንግዳ፥ ꬎገ ꬎግዳ፤ ዳዳ ꬉቂዳ፤ ሳአ ኤንእዳ፤ ሻች ቡክዳ።
REV 12:1 ይንፓ ሱባ፥ ሳሎ ዳማ ማላ በንትዳ። አዋ ማእደ፥ አግናላ ኤቅደ፥ ታጶ ላምእ ጾልንቶ ዎርቃ ዛዉደ ፋ ኦምተ ጋድደ፥ ፈቲ ማችታ የነ።
REV 12:2 ይና ማችታ ዎዳꬅ የዝን፥ እዞ የሎ ꬋኤ አይክን ኡንእንት ኡክዳ።
REV 12:3 ማህ መለ ማላ ሳሎ በንትዳ። ላፑን ኦማን ታጵ ጉሙር የዘ ዳማ ዞቆ ዳዋ በንትዳ። ኤ ፋ ኦሙንꬃላ አፋ ላፑን ዎርቃ ዛዉዱንꬃና ጋድዳ።
REV 12:4 የ ዳውዘ ፋ ኡንክተ ጾሉንቶ Ꮉይꬓፓ ፈቲ ኩሽቶ ሳሎፓ ጎች ሳአ ኦልዳ። የ ዳውዘ ናአይ የልንት ዎꬍደ ፋና ቆꬎደስ ኮይ፥ የሎደስ ꬋእንትዘ ማችት ቲንተ ኤቅዳ።
REV 12:5 ይና ማችታ ካእቱሞ ኡባ መቆ ጉፈራ አሆደስ የዘ ꬊራꬅ ናአ የልዳ። ናአይ ጾዛጎን ኤ አራትዘጎ ሳሎ ኤክንትዳ።
REV 12:6 ማችታ 1,260 ቃማ የሎደስ እዞ ናጎደ ፋና ጾዚ ኢስ ጊግዚ ጋድደ በሳ አኮ ባይዘ ሳአ አችንትዳ።
REV 12:7 ሳሎ ኦላ መꬍንትዳ። ሚካኤለ ፋ ኪታንቹንꬃራ ዎላ ዳዋራ ኦልንትዳ፤ ዳውዘ ፋ ኪታንቹንꬃራ ማቂ ማህ ኦልንትዳ።
REV 12:8 የዝን ዳውዘ ጋምንትን ሳሎ ኡንትስ የዘ በሲ ꬋብዳ።
REV 12:9 ዳማ ዳውዘ፥ ዛጋ ሾሸ፥ ሳአ ኦልንትዳ። ኤዝን ዳቡሎሳ ዎይ ጻላሄ ጋእንትዘ አላመ ባልꬅዛያ። ኤ ፋ ኪታንቹንꬃራ ዎላ ሱለ አላመ ኦልንትዳ።
REV 12:10 ይንፓ ሱባ፥ ሳሎ Ꮉንጋራ ያጋዘ ቃላ ስእዳ። «Ꮉተ አቶትꬅ፥ ዎልቃን ካእቱሞ፥ ኑ ጾዘስ፤ አደትꬅ ዎልቃ ክርስቶሳስ ማቅዳ። ይኬ፥ ቃማን አዋራ ጾዘ ቲንተ፥ ኑ እሹንꬃና ሞትዛይ ሳሎፓ ሱለ ኦልንትዳ።
REV 12:11 ኡን ዱርዘ ሱꬅተን ፋ ማርካትꬅ ቃልተ፥ ኤዛ ኦሊ ጋምዳ። ኡን ፋ ሸምፕትስ ይቅስንትካይዛራ ፋና Ꮉይቆስ አꬂ እንግዳ።
REV 12:12 ይኒ ግሾ፥ ሳሎን ኤ ግዳ የዙንꬆ ኡፋይቶተ። የዝን ሳአን አባን ባደ! ይኬ፥ ዳቡሎሳ ፋስ ኤራꬅ ዎደ አትዳኖ ኤርደ ግሾ ዳማ Ꮉንቆራ ይንታጎ ዎꬍዳ» ያጋይዳ።
REV 12:13 ማህ ዳውዘ ፋና ሳአ ኦልዳኖ ብእደ ዎደ ꬊራꬅ ናአ የልደ ማችቶ ባይእዳ።
REV 12:14 ማችቶ ሾሸ ቆሀመ ጋር Ꮉይꬕ በረን ባጋ ሙእተራን ኡዥተራ እዛ ናግንትዘ በሲ አኮ ባይዘ ጋናሳ ፍሪ ቅቶደ ጋር ላምእ ዳማ አንኮ ቀፈ ኢስ እንግንትዳ።
REV 12:15 የይዝ፥ ማችቶ Ꮉሮ ጎጊ ሾኪ ኤኮደ ፋና ዳውዘ ቦርካ Ꮉꬅ ፋና ፋ ዶናፓ ማችት ሱባራ ጮዥዳ።
REV 12:16 የዝን ሳእታ ማችቶ ማድዳ፤ ሳእታ ፋ ዶንቶ ቡጊ ዳውዘ ዶናፓ ከዝደ Ꮉꬅቶ ቆꬍዳ።
REV 12:17 የ ዳውዘ ማችትላ አፋ ጋማ ሸንꬊ፥ እ ዛሩንꬃና፥ ጾዘ ኪታ ናግዙንꬃናን የሱሳ ቆንጭዝደ ቱረትꬅትስ አማንትዱንꬃና ኦሎደስ Ꮉንግ፥
REV 12:18 ዳውዘ አባ ጋጻ የዘ ሻፍተ ኤቅዳ።
REV 13:1 ይንፓ ሱባ፥ ፈቲ ጾꬅዘ አባፕ ከሳደራ ብእዳ። ኤስ ታጵ ጉሙርን ላፑን ኦማ የነ። የንꬅ ታጵ ጉሙሩንꬃላ አፋ ታጵ ዛዉዱንꬅ የነ። የ ኦሙንꬃላ አፋ ባድꬅ ጫሽ ሱንꬅ የነ።
REV 13:2 ታ ብእደ ጾꬅዘ ዎርባ አዛነ፤ ኤ ቶህታን ባባንꬅ ቶሄ አዛነ፤ ኤ ዶንታን ጋሞ ዶና አዛነ። ዳውዘ ፋ ዎልቅቶ፥ ፋ አራትዛን ፋ አደትꬅቶ የ ጾꬅዘስ እንግዳ።
REV 13:3 የ ጾꬅዘ ኦምትፓ ፈተ Ꮉይቆስ የልꬅዘ Ꮉርግዘ በሲ የዛኖ ብእዳ፥ የዝን ይና Ꮉርግዘ በስታ ፋጽዳ። አላመ ኡባ ጋማ ቆፒ የ ጾꬅዛ ካልዳ።
REV 13:4 ዳውዘ ፋ አደትꬅቶ ጾꬅዘስ እንግደ ግሾ አስ ኡባ ዳውዘስ ጎይንዳ። ማህ አሱንꬅ፥ «ጾꬅዛ አዝዘ ኦደ? ኤዛራ ኦልንቶደስ ዳንዳእዘ ኦደ?» ያጋእ ጾꬅዘስ ጎይንዳ።
REV 13:5 የ ጾꬅዘስ ኡቱርቶደ ጋራን ጫሻደ ጋር ዶና እንግንትዳ፤ ኦይታም ላምእ አግና አሆደ ጋር ዎልቃ ኤስ እንግንትዳ።
REV 13:6 የ ጾꬅዘ ጾዛ፥ ኤ ሱንꬅቶ፥ ኤ የዘ በስቶን ሳሎ የዙንꬃና ጫሽ አይክዳ።
REV 13:7 የ ጾꬅዘ ጌሹንꬃና ኦሊ፥ ጋሞደ ጋር ዎልቃ ኤስ እንግንትዳ። ኮች ኡባ፥ ዎርዣ ኡባ፥ ዱማ ዱማ ዶና ኦህዘ ኡባን ዎርዣ ኡባላ አፋ አደትꬅ ኤስ እንግንትዳ።
REV 13:8 አላመ መꬍንትዳንፓ አይኪ፥ ሹክንትደ ዱርዘ ደኦ ማጻፍተ ኡን ሱንꬅታ ጻፍንትካይዘ Ꮉና ሳእተ የዘ አስ ኡባ የ ጾꬅዘስ ጎይኖዳ።
REV 13:9 ስእዘ Ꮉየ የዘ አስ ስኦ።
REV 13:10 ኦደን ድእንቶደስ የዘ ድእንቶዳ። ማሻራ Ꮉይቆደስ የዘ ማሻራ Ꮉይቆዳ። ጌሹንꬅ ዳንዳእታን አማኖራ ኤርንቶደ ይነ።
REV 13:11 ማህን፥ መለ ጾꬅ ሳአፓ ከሳደራ ብእዳ። ኤስ ዱሮ ጉሙር አዝዘ ላምእ ጉሙር የነ፤ ኤ ኦህዛና ዳውዘ ፋና።
REV 13:12 ኤ ቲኖ ጾꬅዘ አደትꬅ ዎልቃራ ኦቻነ። ኤን Ꮉይቆስ የልꬅዘ Ꮉርግዘ በሳፓ ፋጽደ ቲኖ ጾꬅዘስ፤ ሳአ የዘ ኡባ ጎይኖደ ጋር ዪዛነ።
REV 13:13 የ ላምእንꬃ ጾꬅዘ መለ አቶ የዝን፥ ታማ ሳሎፓ አስ ኡባ ቲኖ ከꬆደ ዎንꬅስ ዳማ ክለ ባዝ ኦችዳ።
REV 13:14 ቲኖ ጾꬅዘ ቲንተ ኦቾደ ፋና፥ ኤስ እንግንትደ ክለ ባዝ ሳአ የዘ አስ ኡባ ባልꬅዳ። ማሻራ Ꮉርግዝደ በሲ ፋጽደ ጾꬅዘ ቦንቾስ ምስለ ጊግሳደ ፋና ኡንታና ኪትዳ።
REV 13:15 ላምእንꬃ ጾꬅዘ ቲኖ ጾꬅዘ ምስልዘስ ሸምፖ እንግ ኦህንቶደ ፋናን ኤስ ጎይኖሱንꬅ Ꮉይቆደ ፋና ኦችዘ አደትꬅ እንግንትዳ።
REV 13:16 የ ላምእንꬃ ጾꬅዘ ዳማን ኤራꬅ፥ ዳሃን ዱረ፥ ላꬅን አሮ ፋ ምዛቅ ኩሽተ ዎይ ፋ ስንተ ማላ ጋዶደ ፋና ዪዝዳ።
REV 13:17 የ ጾꬅዘ ሱንꬅታ ዎይ ኤ ሱንꬅት ፋይድት ማላ ባይዘ አስ ኦደን ባይዞደስን ዎንጎደስ ዳንዳኦስ።
REV 13:18 ጭንጫትꬅ ኮሽዘ Ꮉነ። ቆፋ የዘ ኦደን የ ጾꬅዘ ፋይድት ብልꬅቶ ኤሮ፤ ይና ፋይድታን አስ ፋይዶ። ይና ፋይድታ እዝፑን ጼት እዝፑንታም እዝፑን።
REV 14:1 ዱርዘ ጽዮነ ደርዘላ አፋ ኤቀዝን ብእዳ። ኤራ ኤ ሱንꬅታን ኤ አዳይ ሱንꬅታ ኡን ስንተ ጻፍንትደ፥ 144,000 አሱንꬅ የነ።
REV 14:2 ሳሎፓ ዳማ Ꮉꬅ ጉመን ዳዳ ꬎገ ኦꬅ አዝዛ ስእዳ። ማህ ታ ስእደ ይና ኦꬅታን ዲꬅ ዲጾደራ ስንትዘ ግርስ ፋና።
REV 14:3 አትደ 144,000 አሱንꬅ አራትዘ ቲኖ፥ ኦይዲ መቱንꬅ ቲኖን ጭሙንꬅ ቲኖ ኤቅደ ኡንታፓ መለ ኦደን ታማሮደስ ዳንዳኦሰ ክለ ማዝሙረ የጽዳ።
REV 14:4 የንስ ማችራ ፋና ቱንዝካይዛራ ናግደ ጌሹንꬃና። ኡን ዱርዘ Ꮉንግዘ በሳ ኡባ ካላነ። ኡን ጾዘስን ዱርዘስ አንግስ ማቂ፥ ሺቆደስ ሳአ አስ ግዳፓ ዎዝንትዳ።
REV 14:5 ኡንታላ ዎርዶን ቦረ ባያ።
REV 14:6 ይንፓ ሱባ፥ መዽና ዎንገለ ሳአላ አፋ የዘ ካእቱሞ ኡባስ፥ ኮች ኡባስ፥ ዱማ ዱማ ዶና ኡባስን ዱማ ዱማ ባጋ ኡባስ ማርክꬋደስ ሳሎራ ፍርዘ መለ ኪታንቾ ብእዳ።
REV 14:7 የ ኪታንችዘ ፋ ቃልቶ ꬎቅ ዪዚ፥ «ጾዚ አላመ ፍርድዘ ሳታ የልደ ግሾ ጾዝስ ዣሽቶተ፤ ኤዛ ቦንቾተ። ሳሎ፥ ሳአ፥ አባን Ꮉꬅ ኣፈ መꬍደ ጾዛ ጎይኖተ» ጋይዳ።
REV 14:8 ቲኖያ ካሊ መለ ላምእንꬃ ኪታንችዘ፥ «ዎርዣ ኡባ ቱናራ ማꬅዘ ዎይነ ኡሽደ፥ ዳማ ባብሎነ ጎልእዳ! ጎልእዳ!» ያጋእ ኡክዳ።
REV 14:9 Ꮉይꬕንꬃ ኪታንችዘ ኡንታና ካሊ፥ ፋ ቃልቶ ꬎቅ ዪዚ፥ «ጾꬅዛን ኤ ምስልቶ ጎይንዘ ማህ ኤ ማልቶ ፋ ስንተ ዎይ ፋ ኩሽተ ጋድደ ኦደን የዝኮ፥
REV 14:10 ኤ Ꮉንቆ ጹአ ኩምደ ጾዘ Ꮉንቆ ዎይነ ኡሻዳ። ኡን ጌሽ ኪታንቹንꬅ ቲኖን ዱርዘ ቲኖ ኤጽዘ ዲነ ታማ ዋይንቶዳ።
REV 14:11 ኡን ዋይንትዘ ታምት ጩግታ መꬊ መꬍናስ ጩግተራ የሳዳ። ጾꬅዛን ኤ ምስልቶ ጎይንዘን ማህ የ ጾꬅዘ ሱንꬅት ማላ የዘ ኦደን ቃማን አዋራ ሸምፖ ባይꬅ ካእንቶዳ» ያጋይዳ።
REV 14:12 ጾዘ ኪታ ናግዙንꬅን የሱሳ አማኒ ገንጭዙንꬅ ጌሹንꬅ ዳንዳእታ ይነ።
REV 14:13 ይንፓ ሱባ፥ «ይኬፓ ላꬃራ Ꮉይቅዙንꬅ አንጅንትዱንꬃና» ያጋዘ ቃላ ሳሎፓ ስእዳ፤ Ꮉኖ ጻፎ። አያና፥ «ዬ ቱሮ፥ ኡን ኦችታ ኡንታና ካልደ ግሾ ኡን ፋ ዋይትፓ ሸምፖዳ» ያጋነ።
REV 14:14 ይንፓ ሱባ፥ ቦꬅ ꬎነላ አፋ በትደ አስ ናአ አዝዛያ ብእዳ። ኤ ፋ ኦምተ ዎርቃ ዛዉደ ጋድዳ፤ ማህ ፋ ኩሽተ ኦጮ ባጫ አይክዳ።
REV 14:15 መለ ኪታንቾ ጾዘ ኬꬃፓ ከዚ፥ ꬎነላ አፋ በተዘጎ ፋ ቃልቶ ꬎቅ ዪዚ፥ «ባሀ ሺሽዘ ዎደ የልደ ግሾ ነ ባጫ ኤኪ ባህቶ ማንኦ፤ ጋድተ የዘ ባህታ ቦትዳ» ጋይዳ።
REV 14:16 ꬎነላ አፋ በትደ ፋ ባጫ ጋደ ዳኪ፥ ጋደ የዘ ባህቶ ማንእዳ።
REV 14:17 ማህን ሳሎ የዘ ጾዘ ኬꬃፓ መለ ኪታንቾ ከዝዳ፤ ኤስን ኦጮ ባጫ የነ።
REV 14:18 ታማላ አፋ አደትꬅ ዎልቃ የዘ መለ ኪታንቾ ዣርሾ በሳፓ ከዝዳ። ኤ ፋ ቃልቶ ꬎቅ ዪዚ ኦጮ ባጫ አይክደ ኪታንችዘጎ፥ «ዎይነ ኣፍታ ዲልደ ግሾ ነ ኦጮ ባጭዛ ኤኪ፥ ጋደ የዘ ዎይንትፓ ዣንግቶ ጋቾ» ያጋይዳ።
REV 14:19 የ ኪታንችዘ ፋ ባጭዛ ኤኪ፥ ጋደ የዘ ዎይንትፓ ጋቺ፥ ጾዘ ዳማ Ꮉንቆ ጭጭዘ በስተ ኦልዳ።
REV 14:20 ይና ዎይነ ኣፈ ጭጭዘ በስታ ካታማፓ ጋጻ የꬍንትዳ። ሱꬅ ዎይነ ጭጭዘ በሳፓ ከዚ Ꮉይꬕ ጼት ክሎ ምትረ ፋና Ꮉኪ፥ ፋራ ብጻለ የሎደ ፋና ኤሊ ꬎቅ ጋይዳ።
REV 15:1 ታኒ ሳሎ መለ ዳማን ጋማ ቆፍዘ ማላ ብእዳ። ጾዘ ዉርሱꬅ Ꮉንቆ ቆንጭዘ ላፑን ቦሹንꬃና አይክደ ላፑን ኪታንቹንꬃና ብእዳ።
REV 15:2 ማህ ታማራ ዎርቂንትደ ቡርጩቆ አባ አዝዛ ብእዳ። ይና አባ ጋጽተ ጾꬅን፥ ኤ ምስልቶን ኤ ሱንꬅት ፋይድቶ ጋምዱንꬃና ብእዳ። ጾዚ ኡንትስ እንግደ ባጋና አይኪ ኤቅዳ።
REV 15:3 ኡን ጾዘ አርዘ ሙሴ ማዝሙረን ዱርዘ ማዝሙረ Ꮉኒ ጋር ያጋእ የጺዳ። «ላꬆ፥ ኡባፓ ዳማ ጾዛዮ፥ ነ ኦችታ ዳማን ጋማ ቆፍዘ ባዝ። ዎርዣ ኡባ ካታዮ፥ ነ ኦግታ ጽሎን ቱሮ።
REV 15:4 ጌሽ ነ ጻላላ ማቅደ ግሾ ላꬆ፥ ኔስ ዣሽቶሰን ነ ሱንꬅቶ ቦንቾሰ ኦደ? ነ ጽሎ ኦችታ ቆንጭደ ግሾ ካእቱሞ ኡባ ነ ቲኖ ይእ ጎይኖዳ» ያጋእ የጻነ።
REV 15:5 ይንፓ ሱባ፥ ሳሎ ቡጉንትን ጾዘ ኬꬃ፥ ማርካትꬅ ዱንካነ ብእዳ።
REV 15:6 ላፑን ቦሹንꬃና አይክደ ላፑን ኪታንቹንꬅ ጾዘ ኬꬃፓ ከዝዳ። ኡን ጌሽን ፎጭዘ ሊኖ ማኦ ማእዳ፤ ፋ ዳዳብተ ዎርቃ ሳቀ ዳንጭዳ።
REV 15:7 ኦይዲ መቱንꬃፓ ፈታይ፥ መꬍናስ የዘ ጾዘ Ꮉንቆ ኩምደ ላፑን ዎርቃ ጹኡቶ ላፑን ኪታንቹንꬅስ እንግዳ።
REV 15:8 ጾዘ ቦንቾፓን ኤ ዎልቂትፓ ደንድዳነ ጾዘ ኬꬅታ ጩጋራ ኩምዳ። ላፑን ኪታንቹንꬅ አይክደ ላፑን ቦቹንꬅ ፎልንቶደ ዎንꬅስ ጾዘ ኬꬃ ኦደን ገሎደስ ዳንዳእካያ።
REV 16:1 ይንፓ ሱባ፥ ጾዘ ኬꬃፓ ላፑን ኪታንቹንꬃጎ፥ «Ꮉንግ ጾዘ Ꮉንቆ ላፑን ጹኡንꬃፓ ሳአ ጉሶተ» ያጋእ፥ ኦህዘ ꬎቅ ጋይደ ቃላ ስእዳ።
REV 16:2 ቲኖ ኪታንችዘ Ꮉንግ፥ ፋ ጹእተ የዛኖ ሳአ ላልን፥ ጾꬅዘ ማላ የዙንꬃላ አፋን ኤ ምስልቶ ጎይንዱንꬃላ አፋ ኢታ Ꮉዢ Ꮉርግዘ በሲ ከዝዳ።
REV 16:3 ላምእንꬃ ኪታንችዘ ፋ ጹእተ የዛኖ አባ ላልን፥ አብዘ Ꮉይቂደ አስ ሱꬅ ላንትደ ባዝ አዝዳ። ማህ አባ የዘ መትꬅ ኡባ Ꮉይቂዳ።
REV 16:4 Ꮉይꬕንꬃ ኪታንችዘ ፋ ጹእተ የዛኖ ቦርካን Ꮉꬅ ኣፈላ ላልን፥ Ꮉꬅታ ሱꬅ ማቅዳ።
REV 16:5 ይንፓ ሱባ፥ Ꮉꬅትላ አፋ አደትꬅ የዘ ኪታንቾ Ꮉኒ ጋር ያጋዝን ስእዳ። «Ꮉተን ዛጋን የዛይ ጌሽዛዮ፥ Ꮉኒ ጋር ነ ፍርድደ ግሾ ነ ጽሎ።
REV 16:6 ኡን ጌሹንꬅ ሱꬅን ናቡንꬅ ሱꬅ ላልደ ግሾ ኡን ሱꬅ ኡሻደ ጋር ዪዳ። ኡን ቤዝዘ ፍርዳ ኤክዳ» ያጋይዳ።
REV 16:7 ዣርሾ በሳፓ፥ «ዬ፥ ኡባ አህዘ ላꬅ ጾዛዮ፥ ነ ፍርድታ ቱሮን ጽሎ» ያጋዘ ቃላ ስእዳ።
REV 16:8 ኦይድንꬃ ኪታንችዘ ፋ ጹእተ የዛኖ አዋላ ላልን፥ አዋ ፋ ምቻራ አሱንꬃና ምጭሳደ ፋና አዋስ ዎልቃ እንግንትዳ።
REV 16:9 አሱንꬅ ዳማ ቴላር ምችንትዳ፥ ይና ቦቹንꬃላ አፋ አደትꬅ የዘ ጾዘ ሱንꬅቶ ባድዳ፤ ፋ ናጋርትፓ ማርንቲ ጾዛ ቦንችካያ።
REV 16:10 እችንꬃ ኪታንችዘ ፋ ጹእተ የዛኖ ጾꬅዘ አራትዘላ አፋ ላልን፥ የ ጾꬅዘ ካእቱምታ ꬉምዳ። አሱንꬃና ኡንእደ ግሾ ፋ እልአንꬅቶ ꬋአነ።
REV 16:11 ማህ አሱንꬃና ኡንእደ ግሾን Ꮉርግዘ በስቲ ግሾ ሳሎ ጾዛ ጫዥዳ፤ ፋ ኦችደ ናጋርትፓ ማቅካያ።
REV 16:12 እዝፑንꬃ ኪታንችዘ ፋ ጹእተ የዛኖ ዳማ ኤፍራጥሰ ቦርካ ላልን፥ አዋ ኬስ ዛላፓ የኦደ ካቱንꬅስ ኦግታ ጊጎደ ጋር Ꮉꬅታ መልዳ።
REV 16:13 ይንፓ ሱባ፥ ኦናቀ አዝዘ Ꮉይꬕ ቱና አያኑንꬅ ዳውዘ ዶናፓ፥ ጾꬅዘ ዶናፓን ዎርዶ ናብዘ ዶናፓ ከዝን ብእዳ።
REV 16:14 የንስን ማላ ኦችዘ ቱና አያኑንꬃና። የንስ Ꮉይꬕ ቱና አያኑንꬅ ኡባፓ ዎልቃማ ጾዘ ቃምተ Ꮉኖደስ የዘ ኦላስ ሺሾደስ አላመ ኡባ ካቱንꬃጎ ከዞዳ።
REV 16:15 «ይኬ፥ ታ ካይዞ ጋር ዮኦዳ! ካልꬋመ ፋናን ቦርሱንታመ ፋና ባርክ፥ ፋ ማእቶ ናግዘ አꬄ አንጅንትዳያ!» ያጋይዳ።
REV 16:16 የንꬅ ቱና አያኑንꬅ ካቱንꬃና እብራይስጠ ዶናራ አርማገዶነ ጋዘ በሳ ሺሽዳ።
REV 16:17 ላፑንꬃ ኪታንችዘ ፋ ጹእተ የዛኖ ጫርኮላ አፋ ላልን፥ ጾዘ ኬꬃ የዘ አራትዘፓ፥ «ፎልንትዳ» ያጋዘ ዳማ ቃላ ከዝዳ።
REV 16:18 ይንፓ ዜልንꬅ ዜልንግዳ፤ ዳዳ ꬎግዳ፥ ሳአ ኤንእዳ። አስ ሳአላ መꬍንትደፓ Ꮉኖ የሎደስ ይኒ ፋና ኤንኤ ኤንእካያ። ኡባፓ አꬍዳ።
REV 16:19 ዳማ ካታምታ Ꮉይꬕ ኬዚ ሻክንትዳ፤ ሳአ የዘ ካታምታ ኡባ ꬋብዳ። ጾዚ ዳማ ካታምቶ ባብሎነ ቆፒ፥ ፋ ኢታ Ꮉንቆ ዎይነ ኡሽ ኩምደ ጹእዛ ኡሻደ ጋር እንግዳ።
REV 16:20 Ꮉꬃር ተቅንትደ ሳእታ ꬋብዳ፤ ደሩንꬅን በንትካያ።
REV 16:21 አሳላ አፋ እችንታም ክሎ ጊራመ ፋና ዳማ ሻች ሳሎፓ ቡክዳ። Ꮉንቅታ ጋማ ኢታ ማቅደ ግሾ አሱንꬅ ይና ሻች Ꮉንቅት ግሾ ጾዛ ጫዥዳ።
REV 17:1 ላፑን ጹእቶ አይክደ ላፑን ኪታንቹንꬃፓ ፈታይ ታጎ ይእ፥ «ዮኦ፤ ጋማ Ꮉꬃላ አፋ በትደ ዳማ ኦላልትላ ዮኦደስ የዘ ፍርዳ ታ ነና ቤሳዳ።
REV 17:2 አላመ ካቱንꬅ ኢራ ኦላልዳ፤ አላመ የዘ አሱንꬅ እ ኦላለ ዎይንዛ ኡዢ ማꬅንትዳ» ያጋይዳ።
REV 17:3 የ ኪታንችዘ ታና ጌሽ አያናራ አኮ ባይዘ ሳአ ካንግዳ። የይጋ ፈቲ ማችታ ጫሽ ሱንꬅ ኩምደ፥ ላፑን ኦማን ታጵ ጉሙር የዘ ዞቆ ጾꬅ ቶግዳኖ ብእዳ።
REV 17:4 ይና ማችታ ቦንቾ ማኦን ዞቆ ማኦ ማእዳ፤ እዛ ዎርቃራ፥ ቦንቾ ሹቻራን እንቆ ጋዘ አልኦ ሹቻራ ሹርንትዳ። እዛ ፋ ኩሽተ ቦርስዘባዝን ኦላለ ቱናራ ኩምደ ዎርቃ ጹአ አይክዳ።
REV 17:5 እ ስንተ አችንትደ ሱንꬅ፥ «ዳማ ባብሎነ፥ ኦላለስን ሳአ የዘ ቱና ባዝ ኡባስ እንዶ» ያጋዘ ጹፈ ጻፍንት የነ።
REV 17:6 ማህ ይና ማችታ ጌሹንꬅ ሱꬅን የሱሳስ ማርክꬍተራ Ꮉይቂዱንꬅ ሱꬅቶ ኡዢ ማꬅንትዳኖ ታ ብእ ጋማ ቆፕዳ።
REV 17:7 ኪታንችዘ ታጎ፥ «ኔኒ አኮስ ጋማ ቆፐ? ታኒ ኔስ ማችት ጋꬅ ቆፋን እዛ ቶክደ ላፑን ኦማን ታጵ ጉሙር የዘ ጾꬅዘስ ጋꬅ ቆፋ ኦሆዳ።
REV 17:8 ኔኒ ብእደ ጾꬅዘ ቲኖ የነ፥ Ꮉተ ባያ። የ ጾꬅዘ ዳማ ኦላፓ ከዚ ꬋቦደስ ቅቶዳ። ሳአ መꬍንትዳንፓ አይኪ፥ ደኦ ማጻፍተ ኡን ሱንꬅታ ጻፍንትካይዘ ሳአ የዘ አሱንꬅ ጾꬅዛ ብእ ጋማ ቆፕዳ። ይኬ፥ ኤ ቲኖ የነ፤ Ꮉተ ባያ፥ የዝን ቲኖስ ዮኦዳ።
REV 17:9 «ጭንጫትꬅን ቆፋ ኮሽዘ Ꮉነ። ላፑን ኦሙንꬅ ማችታ በትደ ላፑን ደሩንꬃና፤ የንስ ማህ ላፑን ካቱንꬃና።
REV 17:10 ኡንታፓ እችን ካቱንꬅ ጎልእዳ። ፈታይ Ꮉይኖ የሎደስ አሃነ፤ Ꮉንካይ Ꮉጋ ይእካያ። ኤ ይእ ኤራꬅ ዎደ ጋምኦደስ ቤዛነ።
REV 17:11 ቲኖ የዝደ ጾꬅዘ፥ Ꮉተ ባይዛይ፥ ኤ ፋ ኦምተ ኦስፉንꬃ ጾꬅ። ኤ ላፑን ጾꬁንꬃፓ ፈታያ፤ ኤ ꬋቦደስ ቅታነ።
REV 17:12 «ኔኒ ብእደ ታጵ ጉሙሩንꬅ አሄ አይክካይዘ ታጵ ካቱንꬃና። የዝን ኡን ጾꬅዘራ ዎላ ፈቲ ሳተ ካእት አሆደስ ኡንትስ አደትꬅ ዎልቃ እንግንቶዳ።
REV 17:13 ኡን ኡቡንꬅስ ፈቲ ቆፋ የነ፤ ኡን ፋ ዎልቂቶን ፋ አደትꬅ ዎልቅቶ ጾꬅዘስ እንጎዳ።
REV 17:14 ኡን ዱርዘራ ኦልንቶዳ፥ የዝን ዱርዘ ላꬁንꬅ ላꬃያ ካቱንꬅ ካታያ ማቅደ ግሾ ኤ ጼግዱንꬅ፥ ዶርዱንꬅን አማንንትዱንꬂ የንꬅ ካቱንꬃና ኤራ ጋሞዳ» ያጋይዳ።
REV 17:15 ኪታንችዘ ማህ ታጎ፥ «ኦላልታ በትደ የ ኔኒ ብእደ Ꮉꬅታ ዎርዡንꬅ፥ አሱንꬅ፥ ኮችን ዱማ ዱማ ዶናራ ኦህዙንꬃና።
REV 17:16 ማህ ነ ብእደ ታጵ ጉሙሩንꬅን ጾꬅዘ ኦላለ ማችቶ እጾዳ። ኡን ኢስ የዘ ኡባባዝቶ ኤኮዳ። ማህ እዞ Ꮉሪ አሾዳ እ አሽቶ ሞኦዳ፤ ይንፓ እዞ ታማ ምቾዳ።
REV 17:17 ይኬ፥ ጾዘ ቃልታ ፎልንቶደ ዎንꬅስ ኡን ቆፍታ ፈቶ ማቃደ ፋና ካእቱሞ አደትꬅ ዎልቅቶ ጾꬅዘስ እንጎደ ፋና ጾዚ ቆፕዳኖ ኡን ኦቾደ ፋና ኡን ዎዝንተ ጾዚ አሞተꬅ ጋድዳ።
REV 17:18 የ ነ ብእደ ማችታ ሳአ ካቱንꬃላ ካእትዘ ዳማ ካታምቶ» ያጋይዳ።
REV 18:1 ይንፓ ሱባ፥ ዳማ ዎልቃ የዘ መለ ኪታንቾ ሳሎፓ ዎꬎደራ ታ ብእዳ። ኤ ቦንችትፓ ደንዲ ሳአ ፎእዳ።
REV 18:2 ꬎቃ ኦꬃራ፥ «ዳማ ባብሎነ ጎልእዳ! ጎልእዳ! ቱና አያኑንꬅ አቅዘ በሲ ማቅዳ። ኢታ አያኑንꬅስ ኬꬂ ማቅዳ፤ ቱናን እጽንትደ ላንዱንꬅስ ሸምፕዘ በሲ ማቅዳ።
REV 18:3 ዎርዣ ኡባ እዛ ፋ ኦላለ Ꮉንቆ ዎይነ ኡሽዳ። ሳአ ካቱንꬅ ኢራ ኦላልዳ። ኢስ ዎትዳንፓ ደንዲ ሳአ የዘ ዛልእዙንꬅ ዱርꬍዳ» ያጋይዳ።
REV 18:4 ይንፓ ሱባ፥ ታ ሳሎፓ Ꮉኒ ጋር ያጋዘ መለ ቃላ ስእዳ። «እ ናጋርቶ ኢራ ኮጻመ ፋናን፥ እዛ ኤኮደስ የዘ Ꮉንቆ ይን ኤካመ ፋና፥ ታ ዎርዡንꬆ እ ካለፓ ከዞተ።
REV 18:5 ይኬ፥ እ ናጋርታ ሳሎ የሎደስ ዶርንትዳ። ጾዚ እ ቆህቶ ቆፕዳ።
REV 18:6 እዛ እንግዳን ፋና ላምእ ኩሸ ኢስ እንጎተ። እዛ ኦችደ ኦችትስ ላምእ ኩሸ ኢስ ማሆተ። እዛ ጊግዝደ ኡሽትላ አፋ ይን ላምእ ኩሸ ማꬅዘ ኡሽ እ ጹእተ ዎርቆተ።
REV 18:7 እዛ ቦንችንትዳን ፋናን ኢስ ጊግዳን ፋና፥ እዞ ዋይꬆተን አዛንꬆተ። እዛ ፋ ዎዝንተ፥ ‹ታኒ ካት ማቂ በቶዳ፤ ታኒ አዝኒ ባይዘ ማቾ ማቆስ፤ ታኒ አዛኖን ማህ አዛኖስ› ጋይዳ።
REV 18:8 ይኒ ግሾ፥ Ꮉንቆ፥ Ꮉርገ፥ አዛኖን ናየ እዞ ፈቲ ቃማር አይኮዳ። ማህ እዛ ታማር ሙእንቶዳ፤ አኮስ ጋይኮ፥ ኢላ አፋ ፍርድዘ ላ ጾዘ ምንꬅ» ጋይዳ።
REV 18:9 «ኢራ ኦላለ Ꮉንትዱንꬅን ኢስ ዎትደ የስተ የዝደ፥ አላመ ካቱንꬅ ይና ካታምታ ሙእንትን ከዝዘ ጩግቶ ብእደ ዎደ ኢስ ኡክ ዬኮዳ።
REV 18:10 ኡን ይና ካታምት ዋይቶ ብእ ዣሽትደ ግሾ Ꮉኪ ኤቂ፥ « ‹Ꮉና ዳማ ካታምተ! ዎልቃራ የዛነ! ባብሎነ፥ ነና ባደ! ባደ! ነና ፈቲ ሳተ ግዳ ፍርዳ የልዳ› ጋዉዳ።
REV 18:11 «ኡን ማርካብተ የዘ ጫንቶ ይኬፓ ጎደ ዎንግዘ አስ ባይዘ ግሾ ሳአ የዘ ዛልእዙንꬅ ይና ካታምትስ ዬኮዳ አዛኖዳ፤
REV 18:12 ኡን ዎርቃ፥ ብራ፥ ቦንቾ ሹች፥ እንቆ ጋዘ አልኦ ሹች፥ ቦንቾ ማኦ፥ ሊኖ ማኦ፥ ሀር ማኦ፥ ዞቆ ማኦ፥ ዱማ ዱማ ሳዎ ምንጻ፥ ዳንጋርስ አች፥ አልኦን ቦንቾ ምንጻ፥ ናሰ፥ መቆን፥ እብነ በረደፓ መꬍንትደ ሚሸ ኡባ፥
REV 18:13 ቀረፋ፥ ቅማመ፥ ሳውዘ ምንጻ፥ ካርበ፥ እጻነ፥ ዎይነ፥ ዛይተ፥ ሊቆ ꬊላ፥ ዛርጋ፥ Ꮉር፥ ዱሮ፥ ፋራ፥ ፋራ ጋረ፥ አሮን መለ አሱንꬅን የነ።
REV 18:14 «ዛልእዙንꬅ፥ ‹ኔኒ አሙꬍደ ሎኦ ባዝ ኡባ ኔፓ አꬍዳ። ነ የስታን ነ ፋልሞ ሚሽታ ኡባ ኔፓ Ꮉክዳ። አሱንꬅ ይኬፓ ማህ ይኖ ደንጋማ› ያጋይዳ።
REV 18:15 ይኖ ዛልእ ዱርꬍደ ኡባ ዬክተራን አዛንተራ፥
REV 18:16 « ‹ሊኖ ማኦ፥ ሌኦ ማኦን ዞቆ ማኦ ማእ፥ ዎርቃራ፥ ቦንቾ ሹችን እንቆ ጋዘ አልኦ ሹቻራ ቦንችንትዳና አꬊ ሎእዳ፥ ይና ዳማ ካታምቶ ባደ! ባደ!
REV 18:17 Ꮉኒ ፋና ዳማ ዱረተꬅ!› «ፈቲ ሳተ ꬋብዳ ያጋእ Ꮉንቅቶ ዣሽትዳንፓ ደንዲ Ꮉኮ ኤቅዳ። «ማርካብዛ እዥዘ ኡባ፥ ማርካብዘራ ቅትዘ ኡባ፥ ማርካብዘላ አፋ ኦችዘ ኡባ አባላ ዛልእዘ ኡባ Ꮉኪ ኤቅዳ።
REV 18:18 ይና ካታምታ ኤጽን ከዝዘ ጩግቶ ብእደ ዎደ ‹Ꮉና ዳማ ካታምቶ አዝዘ መለ ካታማ የነ የሳነ?› ያጋእ ኡክዳ።
REV 18:19 ኡን ፋ ኦምተ ቡልአ ጉሲ፥ ዬክተራን ካይꬍተራ፥ « ‹አባላ ማርካበ የዘ ኡባ፥ ፋ ዱረትꬅትፓ ደንዲ ዱረ ማህደ፥ ዳማ ካታምተ ባደ! ባደ! ፈቲ ሳተ ꬋብዳ ያጋእ› ኡክዳ።
REV 18:20 ሳልተ፥ ጌሹንꬆ፥ ሐዋሩንꬆ፥ ናቡንꬆ፥ ጾዚ ይን ግሾ ኢላ አፋ ፍርድደ ግሾ ኡፋይቶተ» ያጋይዳ።
REV 18:21 ፈቲ ምንꬅ ኪታንቾ ዎጻ አዝዘ ዳማ ሹች ደንꬂ አባ ꬎጊ፥ «ዳማ ካታምተ ባብሎነ Ꮉንጋራ ኡርቂንት ጎልኦዳ፤ ይኬፓ ሱባ ሙሎን በንቶስ።
REV 18:22 ባጋና ጉድዙንꬅን ማዝሙረ የጽዙንꬅ፥ ሱሉንቀን ሞይዘ ኦልዙንꬅ፥ ይኬፓ ሱባ ነ ግዳ ሙሎን ስንቶስ። አኮ ባዝን ኩሸ ብላተር ኦችዘ አስን ነ ግዳ በንቶስ። ዎጻ ኦꬅ ይኬፓ ሱባ ነ ግዳ ሙሎን ስንቶስ።
REV 18:23 ጾምፐ ፎኦ ማህ ነ ግዳ ፎኦስ። ማቾ ኤክዘን አዝኒ ገልዘ ኡፋይስ ቃላ ይኬፓ ሱባ ነ ግዳ ሙሎን ስንቶስ። ዛልእዙንꬅ ሳአ ኤርንትደ ግሾ ነ ብትትራ ካእቱሞ ሙሎ ባልꬅዳ» ጋይዳ።
REV 18:24 ናቡንꬅ ሱꬅ፥ ጌሹንꬅ ሱꬅታን ሳአላ አፋ Ꮉይቂደ አሱንꬅ ኡቡንꬅ ሱꬅታ እ ግዳ በንትዳ።
REV 19:1 ይንፓ ሱባ፥ ሳሎ ጋማ አሱንꬅ፥ «ጾዘ ጋላትንቶ! አቶትꬅ፥ ቦንቾን ዎልቃ ኑ ጾዘስ ማቀ።
REV 19:2 ኤ ፍርድታ ቱሮን ጽሎ። ሳአ ቱንዝደ ዳማ ኦላልቶ ጾዚ ፍርድደ ግሾን ፋ አሩንꬅ ሱꬅቶ ኢፓ ማህዳ» ያጋዝን ስእዳ።
REV 19:3 ማህን ፋ ቃልቶ ꬎቅ ዪዚ፥ «ጾዛ ጋላታ የሎ። ጩግታን መꬍፓ መዽና የሎደስ ጩጎዳ» ያጋይዳ።
REV 19:4 ላምእታም ኦይዲ ጭሙንꬅን ኦይዲ መቱንꬅ አራትዘላ በትደ ጾዘስ ቡንቅቲ፥ «አምንኤ! ጾዛ ጋላታ የሎ» ያጋእ ጎይንዳ።
REV 19:5 ይንፓ ሱባ ኦꬃራ፥ «አሩንꬆ፥ ኤዛ ዣሽትዙንꬆ ኤራꬁንꬆ ዳሙንꬆ፥ ኑ ጾዛ ጋላቶተ» ያጋዘ ቃላ አራትዘፓ ከዝዳ።
REV 19:6 ጋማ አሱንꬅ ኦꬅ ፋና፥ ዳማ ጎግዘ ቦርካ Ꮉꬅ ጉመ ፋና፥ ዳዳ ፋና ꬎግዘ ኦꬃራ፥ «ጾዛ ጋላታ የሎ፤ ኡባ አህዘ ኑ ላꬄ፥ ካእትዳ።
REV 19:7 ኑ ኡፋይቶዳ፥ ጋላቶዳ ኤዛ ቦንቾዳ። አኮስ ጋይኮ ዱርዘ ሳርገ የልደ ግሾን ኤዛ ገልዛና ጊግደ ግሾ።
REV 19:8 ገሎደስ ጊግዳና ፎጭዛን ጌሽ ማቅደ ሊኖ ማኦ ማኦደ ፋና ኢስ እንግንትዳ» ጋዉደራ ታ ስእዳ። (ሊኖ ማኦ ጌሹንꬅ ጽሎ ኦቻ አዝዘ።)
REV 19:9 ይንፓ ሱባ፥ ኪታንችዘ ታጎ፥ «ዱርዘ ሳርግቶ ጼግንትዱንꬅ አንጅንትዱንꬃና» ጋእ ጻፎ። ማህን፥ «Ꮉና ጾዘ ቱሪ ቃላ» ያጋይዳ።
REV 19:10 የ ዎደ ታ ኤስ ጎይኖደስ ኤ ቶህትላ አፋ ጎልእዳ። የዝን ኤ፥ «ይኖ ኦቻመ ፋና ናግንቶ! ታኒ የሱሳ ባዝ ማርክꬍዘ ነ ፋናን ነ እሹንꬅ ፋና አሮ። ነ ጾዘስ ጎይኖ» ያጋይዳ። ይኬ፥ የሱሳ ማርካትꬅታ ናበትꬅ አያና።
REV 19:11 ሳሎ ቡጉንትን ብእዳ፥ Ꮉይቼ ቦꬅ ፋርዛ ቶግዳይ አማንንትዳያን ቱሪ አስ ጋእንታነ። ኤ ጽሎትꬃራ ፍርዳነን ኦልንታነ።
REV 19:12 ኤ ኣፍታ ታማ ሎጸ ፋና፤ ኤ ኦምተ ጋማ ዎርቃ ዛዉደ የነ። ኤፓ አትን መለ ኦደን ኤሮሰ ጻፍንትደ ሱንꬅ የነ።
REV 19:13 ኤ ሱꬃር ዉጹርክንትደ ማኦ ማእዳ፤ ኤ ሱንꬅታን ጾዘ ቃላ ጋእንትዳ።
REV 19:14 ፎጭዛን ጌሽ ማቅደ ሊኖ ማኦ ማእደ ሳሎ ኦላንቹንꬅ ቦꬅ ፋሩንꬃና ቶጊ ኤ ሱብቶ ካላነ።
REV 19:15 ዎርዥቶ ጋችዘ ማሻ ኤ ዶንትፓ ከዛነ። ኤ መቆ ጉፈራ አሱንꬃና አሃነ። ኤዝን ኡባፓ ዳማ ጾዘ Ꮉንቆ ዎይነ ኡሽቶ ጉምእዘ በስቶ ኤ የꬎዳ።
REV 19:16 ኤ ማእትላን ኤ ማጋꬅትላ አፋ፥ «ካቱንꬅ ካት ላꬁንꬅ ላꬂ» ያጋዘ ሱንꬅ ጻፍንትዳ።
REV 19:17 ይንፓ ሱባ፥ ፈቲ ኪታንችዘ አዋላ አፋ ኤቅዳያ ብእዳ። ኤዝን ሳሎራ ፍርዘ ላንዳ ኡቡንꬅስ ፋ ቃልቶ ꬎቅ ዪዚ፥ «Ꮉይጋ ዮኦተ! ጾዘ ድግሳ ማአደስ ፈቲ በሳ ሺቆተ።
REV 19:18 ይእ ካቱንꬅ አሾ፥ ሻላቁንꬅ አሾ፥ ዎታዳሩንꬅ አሾ፥ ፋሩንꬅ አሾ፥ ፋሩንꬃና ቶግዙንꬅ አሾ፥ አስ ኡባ አሾ፥ አሩንꬅ አሾ፥ ላꬁንꬅ አሾ፥ ዳሙንꬅን ኤራꬁንꬅ አሾ ሞኦተ» ጋይዳ።
REV 19:19 ፋርዛ ቶግዳይራን ኦልንትዙንꬃራ ኦልንቶደስ ሳአ ካቱንꬅን ኡንትስ ኦልንትዘ ኦላንቹንꬅ ፈቲ በሳ ሺቀዝን ብእዳ።
REV 19:20 የዝን ጾꬅዘን ኤ ሱንꬅተ ክሌ ባዝ ኦችደ ጾꬅዘ ማላ ኤክደን ኤ ምስልቶ ጎይንዱንꬃና ባልꬅደ ዎርዶ ናብዘ ኤራ ዎላ አይክንትዳ። ላምኡንꬅን ዲነ ኤጽዘ ታማ አባ ፋጻ ኦልንትዳ።
REV 19:21 አትዱንꬅ ፋራ ቶግዳይ ዶናፓ ከዝዘ ማሻራ Ꮉይቂዳ። ላንዱንꬅ ኡባ ኡን አሽቶ ሙእ ምዥዳ።
REV 20:1 ውርሱꬅ ባይዘ ኦላ ቁልፈን ዳማ ሳንꬃላታ ፋ ኩሽተ አይክደ ፈቲ ኪታንችዘ ሳሎፓ ዎꬎደራ ብእዳ።
REV 20:2 ኤ ዳውዛ አይኪ ሙኩል በረስ አጭዳ። የ ዳውዘን ዛጋ ሾሻ፥ ዳቡሎሳ ዎይ ጻላሄ።
REV 20:3 ኪታንችዘ ውርሱꬅ ባይዘ ኦላ ኤዛ ኦሊ፥ ሙኩል በረ Ꮉልኦደ ዎንꬅስ ዎርዣ ማህ ባልꬃመ ፋና ጎርዲ አታምዳ። ይንፓ ሱባ፥ ዳውዘ ኤራꬅ ዎደስ ብልንቶደስ ቤዛነ።
REV 20:4 ይንፓ ሱባ፥ አራቱንꬃና ብእዳ። ኡንታላ አፋ በትዱንꬅስ አደትꬅ ዎልቃ እንግንትዳ። የሱሳ ማርካትꬅስን ጾዘ ቃላ ግሾ ፋ ኦምቶ ጋችንትደ አሱንꬅ ሸምፖ፥ ጾꬅዘስ ዎይ ጾꬅዘ ምስልቶ ጎይንካይዙንꬃናን ማላ ፋ ስንተ ዎይ ፋ ኩሽተ አይክካይዙንꬃና ብእዳ። ኡንትን ኤራ Ꮉይቆፓ ደንዲ ክርስቶሳራ ዎላ ሙኩል በረ ካእትዳ።
REV 20:5 ይና ቲኖ ደንዶ፤ አትደ Ꮉይቂዱንꬅ ሙኩል በረ Ꮉልኦደ ዎንꬅስ Ꮉይቆፓ ደንድካያ።
REV 20:6 ቲኖ ደንደስ እጻ የዙንꬅ አንጅንትዱንꬃናን ጌሹንꬃና። ኡንታላ አፋ ላምእንꬃ Ꮉይቆ አደትꬅ ዎልቃ ባያ። ኡን ጾዘስን ክርስቶሳስ ካህኑንꬃና ማቃዳ፤ ኤራ ዎላ ሙኩል በረ ካእቶዳ።
REV 20:7 ሙኩል በረ Ꮉልእዳንፓ ሱባ ጻላሄ አቻፓ ብልንቶዳ።
REV 20:8 ኦይዲ ሳአ ዛላ የሎደስ የዘ ዎርዣ፥ ኡንትን፥ ጎገን ማጎገ ጋእንትዙንꬃና ባልꬂ ኦላስ ሺሾደስ ከሳዳ። ኡን ፋይድታ አባ ጋጻ የዘ ሻፈ ፋና።
REV 20:9 ኡን ሳአ ኡባ ኬዚ፥ ጌሹንꬅ ጉታን ጾዚ ካꬍደ ካታምቶ ዉቲ አይክዳ። የዝን ታማ ሳሎፓ ዎꬊ ኡንታና ሙእዳ።
REV 20:10 ኡንታና ባልꬅደ ጻላህዘ፥ ጾꬅዘን ዎርዶ ናብዘ ኦልንትደ ታማን ኤጽዘ ዲነ አባ ኦልንትዳ። ኡን ቃማን አዋራ መꬍናስ ፋጻ ካእንቶዳ።
REV 20:11 ይንፓ ሱባ፥ ዳማ ቦꬅ አራታላ አፋ በትዳያ ብእዳ። ሳአን ሳሎን ኤ ቲኖፓ አችንትዳ፤ ማህ በንትካያ።
REV 20:12 Ꮉይቂዱንꬅ፥ ዳሙንꬅን ኤራꬁንꬅ አራትዘ ቲኖ ኤቀዝን ብእዳ፤ ማጻፈን ቡጉንትዳ፤ ማህ መለ ማጻፈን ቡጉንትዳ ኤዝን ደኦ ማጻፈ፥ Ꮉይቂዱንꬅ ማጻፍተ ጻፍንት የዛን ፋና ፋ ኦችትጋራ ፍርዳ ኤክዳ።
REV 20:13 አባ ፋ ግዳ የዘ Ꮉይቂዱንꬃና እንግዳ፤ Ꮉይቆን ስኦለ ፋ ግዳ የዘ Ꮉይቂዱንꬃና እንግዳ። ፈተ ፈተ ፋ ኦችትጋራ ፍርዳ ኤክዳ።
REV 20:14 Ꮉይቆን ስኦለ ታማ አባ ኦልንትዳ። ይናን ታማ አቢታ ላምእንꬃ Ꮉይቆ።
REV 20:15 ደኦ ማጻፍተ ኤ ሱንꬅታ ጻፍንትካይዘ ኦደን ታማ አባ ኦልንትዳ።
REV 21:1 ታኒ ክለ ሳሎን ክለ ሳአ ብእዳ። ቲኖ ሳሎን ቲኖ ሳአ ኣꬍዳ፤ አባን ይኬፓ ጎደ የዞስ።
REV 21:2 ጌሽ ካታምታን፥ ክለ የሩሳላመ፥ አዝኒ ገሎደስ ፋና ሎይꬂ ጊጊ የዘ ማች ፋና ሳሎፓ ጾዘ ካለፓ ዎꬍዝን ብእዳ።
REV 21:3 አራትዘፓ Ꮉንጋራ ያጋእ፥ ኦህዘ ዳማ ቃላ ስእዳ፤ «ጾዘ ኬꬅታ አሱንꬅ ግዳ የነ፤ ኡንታራ ዎላ አቆዳ፥ ኡንትን ኤ ዎርዣ ማቃዳ፤ ጾዚ ፋ ኦምተ ኡንታራ የሳዳ፤ ኤ ኡንትስ ጾዝ ማቃዳ።
REV 21:4 ጾዚ ኡን ኣፍትፓ አፉꬅቶ ኡባ ኡጮዳ። ይኬፓ Ꮉይቆ ዎይ አዛኖ ዎይ ዉይሰ ዎይ ዋየ የዞስ። ቲኖ ዎግታ ኡባ አꬍዳ» ጋይዳ።
REV 21:5 አራትዘላ በትደ፥ «ታኒ ኡባኖ ክለ ማሆዳ» ያጋይዳ። ማህ ታጎ፥ «ታኒ ኦህዳና አማንꬅዛኖን ቱሮ ማቅደ ግሾ ጻፎ» ያጋይዳ።
REV 21:6 ማህ ታጎ፥ «ፎልንትዳ! ታኒ አልፋን ኦመጋ፤ ቲኖን ዉርሱꬅ። ባርꬍደ ኦደስን ደኦ Ꮉꬅ ኣፈፓ ታ Ꮉሪ ኡሾዳ።
REV 21:7 ጋምደ ኦደን ይኖ ኡባ ላቶዳ፤ ታኒ ኤስ ጾዝ ማቃዳ፤ ኤዝን ታስ ናአ ማቃዳ።
REV 21:8 የዝን ዣሽትዙንꬅን፥ አማኖሱንꬅ፥ ቱኑንꬅ፥ ሸምፖ ዎꬍዙንꬅ፥ ኦላልዙንꬅ፥ አሙꬍዙንꬅ፥ ብትዙንꬅ፥ ኤቃ ጎይንዙንꬅን ዎርድꬍዙንꬅ ኡቡንꬅ እጽታ ዲነ ኤጽዘ ታማ አባ ማቃዳ። ይና ላምእንꬃ Ꮉይቆ» ያጋይዳ።
REV 21:9 ላፑን ዉርሱꬅ Ꮉንቆ ኩምደ ላፑን ጹኡቶ አይክደ ላፑን ኪታንቹንꬃፓ ፈታይ ታጎ ይእ፥ «ዮኦ፥ ገሎደስ ጊግደ ዱርዘ ማችቶ ቤሳዳ» ያጋይዳ።
REV 21:10 ኪታንችዘ ታና ዳማ ꬎቃ ደረ ኦማ አያናራ ኬሲ፥ ጌሽ ካታማ፥ የሩሳላመ፥ ሳሎ ጾዘ ካለፓ ዎꬎደራ ቤዝዳ።
REV 21:11 ይና ካታምታ ጾዘ ቦንቾራ ፎአነ። ፎእታን እያስጲደ ጋዘ አልኦ ሹቼ ፋናን፤ ክለ ጌሽ ብርለ ፋና።
REV 21:12 ዳማን ꬎቃ ጋሰ የነ። ይና ጋስትስ ታጶ ላምእ ፉርꬅ የነ። ይና ፉርꬅቶ ናግዘ ታጶ ላምእ ኪታንቹንꬅ የነ። ፉርꬁንꬃላ አፋ ታጶ ላምእ እስራኤለ ዛሩንꬅ ሱንꬅታ ጻፍንት የነ።
REV 21:13 አዋ ኬስ ዛላራ Ꮉይꬕ ፉርꬁንꬅ፥ ዎካ ዛላራ Ꮉይꬕ ፉርꬁንꬅ፥ ዬካ ዛላር Ꮉይꬕ ፉርꬁንꬅን አዋ ገሎ ዛላራ Ꮉይꬕ ፉርꬁንꬅ የነ።
REV 21:14 ካታማ ጋስትስ ታጶ ላምእ ባሳ የነ። ኡንታላ አፋ ታጶ ላምእ ዱርዘ ሐዋሩንꬅ ሱንꬅታ ጻፍንት የነ።
REV 21:15 ታስ ኦህዘስ ኪታንችዘስ፥ ካታምቶን፥ እ ፉርꬅቶን እ ጋስቶ Ꮉꬍዘ ዎርቃ ጉፈ የነ።
REV 21:16 ካታምትስ ኦይዲ ዛላ የነ፤ ጳርጎትꬅታን እ ዳልጋትꬅት ፋና። ካታምቶ ፋ ጉፍዘራ Ꮉꬍን፥ ላምእ ሙኩል ኦይዲ ጼት ክሎ ምትረ ማቅዳ፤ ጳርጎትꬅታ፥ ዳልጋትꬅታን ꬎቃትꬅታ ዎልከ።
REV 21:17 ጋስቶ Ꮉꬍን፥ አስ ኩሸራ ፈቲ ጼት ኦይታም ኦይዲ Ꮉꬋ ማቅዳ ይናን ኪታንቾ Ꮉꬋስ ኤክዛኖ።
REV 21:18 ጋስታ እያስጲደ ጋዘ ሹቻራ ጋስንትዳ። ካታምታ ቡርጩቆ ፋና ጌሽ ዎርቃራ ኦችንትዳ።
REV 21:19 ካታምት ጋስታ ባሳራን ቦንቾ ሹቻራ ኡባ ሎእዳ። ቲኖ ባስዘ እያስጲደ፥ ላምእንꬅዘ ሳንፔረ፥ Ꮉይꬓንꬅዘ ኬልቀዶነ፥ ኦይዳንꬅዘ መረግድ፥
REV 21:20 እችንꬅዘ ሳርዶንክሰ፥ እዝፑንꬅዘ ሳርድዮነ፥ ላፑንꬅዘ ክርስትሎበ፥ ኦስፑንꬅዘ ብርለ፥ ኡዱፉንꬅዘ ዉራዉረ፥ ታጵንꬅዘ ክርስጵራስሰ፥ ታጶ ፈትንꬅዘ ያክንተ፥ ታጶ ላምአንꬅዘ አመተስጥኖሰ።
REV 21:21 ታጶ ላምእ ፉርꬁንꬅስ ታጶ ላምእ እንቆ የነ። ፉርꬁንꬅ ፈተ ፈተ እንቆራ ኦችንትዳ። ካታምት ፉርꬅታ ቡርጩቆ ፋና ፎእዘ ጌሽ ዎርቃፓ ኦችንትዳ።
REV 21:22 ኡባ አህዘ ላꬅ ጾዘ ዱርዘ ጾዘ ኬꬅ፥ ይነ ጾዘ ኬꬂ ብእካያ።
REV 21:23 ጾዘ ቦንችታ ይና ካታምትስ ፎእዘ ግሾን ዱርዘ ኢስ ጾምፐ ማቅደ ግሾ ካታምትስ አዋ ዎይ አግና ፎኦ ኮሾስ።
REV 21:24 ወርꬕታ ካታምት ፎእተ Ꮉንቶዳ፤ ሳአ ካቱንꬅን ፋ ቦንችቶ Ꮉንካ ኢጎ ኮኦዳ።
REV 21:25 ቃማ እዘ ባይዘ ግሾ ካታምት ፉርꬁንꬅ ኡባ ዎደ ቡጉꬅ ማቃዳ፤ ጎርድንቶስ።
REV 21:26 ካእቱሞ ሳባን ቦንቾ ኢጎ ኮኦዳ።
REV 21:27 ዱርዘስ ማቅደ ደኦ ማጻፍተ ሱንꬅታ ጻፍንትዱንꬃና ጻላላ ፋትን ቱና ባዝ ዎይ ዬልዘ ባዝ ኦችዘ ዎይ ዎርዳንቾ ኦደን ይና ካታምተ ሙሎ ገሎስ።
REV 22:1 ይንፓ ሱባ፥ ኪታንችዘ ታና ጾዘፓን ዱርዘ አራትዘፓ ከዝዘ ቡርጩቆ ፋና ፎእዘ ደኦ Ꮉꬅ ቦርካ ቤዝዳ።
REV 22:2 የ Ꮉꬅዘ ካታማ ኦግትስ ግዳራ ጎጋነ፤ ቦርክትስ ሴካን Ꮉንካ ዛላ አግና አግና አፊ በረ ታጶ ላምእ ቶሄ ኣፈ እንግዘ ደኦ ምንጻ የነ። የ ምንጽዘ Ꮉይታ Ꮉርገፓ ፋꬃነ።
REV 22:3 ይኬፓ ጎደ ባድꬅ የዞስ። ጾዘን ዱርዘ አራትዘ እዘ ማቃዳ። አሩንꬂ ጾዘስ ጎይኖዳ።
REV 22:4 ኤዛን በአዳ፤ ኤ ሱንꬅታ ኡን ስንተ ማቃዳ።
REV 22:5 ይኬፓ ቃማ ባያ፤ ላꬄ ጾዘ ኡንትስ ጾምፐ ማቅደ ግሾ ኡንትስ ጾምፐ ዎይ አዋ ፎኦ ኮሾስ። ኡን መꬍ መꬍናስ ካእቶዳ።
REV 22:6 ኪታንችዘ ታጎ፥ «Ꮉና ታ ኦህዘ ቃልታ አማንንትዳኖን ቱሮን። ላꬄ ጾዘ ጌሽ አያና ፋ ናቡንꬅስ እንግደ፥ ኤለራ Ꮉኖደባዝ ፋ አሩንꬃና ቤሳደስ ፋ ኪታንቾ ኪትዳ» ጋይዳ።
REV 22:7 የሱሳ፥ «ይኬ ታ ኤልሲ ዮኦዳ፤ Ꮉና ማጻፍተ የዘ ትንቢተ ቃልቶ ናግዘ ኦደን አንጅንትዳያ» ያጋይዳ።
REV 22:8 ታኒ፥ ዋሐንሳ፥ ይኖ ስእዳ፤ ብእዳ። ታኒ ይኖ ስእደ ዎደን ብእደ ዎደ ታና ቤዝደ ኪታንችዘስ ጎይኖደስ ኤ ቶህትላ አፋ ጎልእዳ።
REV 22:9 የዝን ኤዝን ታጎ፥ «ይኖ ዪዝፐ! ታኒ ነ ፋና፥ ናቡንꬅ ፋናን ነ እሹንꬅ ፋና Ꮉና ማጻፍተ የዘ ቃላ ናግዘ አሱንꬃራ ዎላ አሮ፤ ጾዘስ ጎይኖ» ያጋይዳ።
REV 22:10 ኪታንችዘ ታጎ፥ «ዎደ ኡክዳ Ꮉና ማጻፍተ ጻፍንትደ ትንቢተ ቃልቶ ማታመራ ጎርድፐ።
REV 22:11 ይኬፓ ኢታ ኦችዘ ጉጂ ኢታ ኦቾ፤ ቱንዘ ጉጂ ቱኖ። ጽልዘን ጉጂ ጽሎ፤ ጌዥዛይ ጉጂ ጌዦ» ያጋይዳ።
REV 22:12 «ይኬ፥ ታኒ ኤለራ ዮኦዳ። ፈተስ ፈተስ ኤ ኦችት ጋር እማደስ ዋጋ ታራ የነ።
REV 22:13 አልፋን ኦመጋን፤ ቲንዘን ውርሱꬅዘን ደንꬅዘን ፎልዘን፤ ታና።
REV 22:14 «ደኦ ምንጻጎ የሎደስ አደትꬅ ዎልቃ የሳደ ፋናን፥ ፉርꬃራ ካታምቶ ገሎደስ ፋ ማእቶ ሜጭዙንꬅ አንጅንትዱንꬃና።
REV 22:15 የዝን ካኑንꬅ፥ ብትዙንꬅ፥ ኦላለ ኦችዙንꬅ፥ ሸምፖ ዎꬍዙንꬅ፥ ኤቃ ጎይንዙንꬅ፥ ዎርዶ ዶስዙንꬅን ኦችዙንꬅ ኡባ ባለ የነ።
REV 22:16 «ታኒ፥ የሱሳ፥ Ꮉና ማርካትꬅቶ ይንትስ፥ ዎሳ ኬꬁንꬅስ ኦሆደ ፋና ታ ኪታንችዛ ኪትዳ። ታኒ ዳዉተ ጻጶን ኮች። ታኒ ፎእዘ ዎንታ ጎልጸ» ያጋይዳ።
REV 22:17 ጌሽ አያናን ገሎደስ ጊግደ ማችታ፥ «ዮኦ» ጋኦ። ስእዘ «Ꮉንካ ዮኦ» ባርꬍደ Ꮉንካ ዮኦ፤ ኮይዘ ኦደን ደኦ Ꮉꬅ Ꮉሪ ኤኮ።
REV 22:18 Ꮉና ማጻፍተ ጻፍንትደ ትንቢተ ቃልቶ ስእዘ ኦደስን ታ ማርክꬋዳ። ኦደን Ꮉና ቃልትላ አፋ ፈትባዝ ጉጅኮ፥ ጾዚ Ꮉና ማጻፍተ ጻፍንትደ Ꮉንቅቶ ኤላ አፋ ጉጆዳ።
REV 22:19 ኦደን Ꮉና ትንቢተ ማጻፍተ ጻፍንትደ ቃላፓ ፈትባዝ ፋጭዝኮ፥ ጾዚ Ꮉና ማጻፍተ ጻፍንትደ ደኦ ምንጻ አፍትፓን ጌሽ ካታምትፓ ኤ እጽቶ ፋጭሳዳ።
REV 22:20 Ꮉና ኡባ ማርክꬍዘ፥ «ቱሮ፥ ታኒ ኤለራ ዮኦዳ» ያጋነ። አምንኤ፤ ላꬅ የሱሳ፥ ዮኦ።
REV 22:21 ላꬅ የሱስ ክርስቶሳ አꬎ ከሃትꬅታ ይን ኡቡንꬃራ ማቀ። አምንኤ።
