﻿ዋሐንሳ ቆንጭꬅ.
3.
«ሳርዴሰ ዎሳ ኬꬃ ኪታንቾስ Ꮉንጋራ ያጋእ ጻፎ። ላፑን ጾዘ አያኑንꬃናን ላፑን ጾልንቱንꬃናን አይክዳይ Ꮉንጋራ ያጋነ፦ ታ ነ ኦችቶ ኤራነ፤ ሱንꬅስ ፋጻ፤ የዝን ነ Ꮉይቂዳ። 
ባርኮ! ኤራꬅ አትደባዝን Ꮉይቆደስ ኡክደባዝ ሚንꬆ። ነ ኦችታ ጾዘ ቲኖ ፎሎ ማቅካይዛኖ ደንግዳ። 
ይኬ፥ ነ ኤክደ ባዝቶን ስእደባዝቶን ቆፒ፤ ናጎ፤ ነ ናጋርትፓ ማቆ። ነ ባርካንጽኮ ታ ካይዞ ጋር ዮኦዳ፤ ታ አይደ የኦድየዛኮ ነ ኤሮስ። 
የዝን ፋ ማእቶ ቅትዝካይዘ ኤራꬅ አሱንꬅ ሳርዴሰ ግዳ የነ። ኡንትስ ኮሽዘ ባዝ ማቅደ ግሾ ቦꬅ ማኦ ማእ ታራ የꬋዳ። 
ጋምደ ኦደን ኡንትንጋራ ቦꬅ ማኦ ማኦዳ። ታ ኤ ሱንꬅቶ ደኦ ማጻፈፓ ኡጮስ። ታኒ ታ አዳይ ቲኖን ኤ ኪታንቹንꬅ ቲኖን ታ ኤ ባዝ ማርክꬋዳ። 
ጌሽ አያና ዎሳ ኬꬁንꬂስ ጋዘባዝ ስእዘ Ꮉየ የዘ ኦደን ስኦ። 
«ፍላደልፍያ ዎሳ ኬꬃ ኪታንቾስ Ꮉንጋራ ጋእ ጻፎ። ጌሽን ቱሮ ማቅዳይ፥ ዳዉተ ቁልፈ ፋ ኩሽተ አይክዳይ፥ Ꮉንጋራ ጋነ፦ ኤ ጎርድን ኦደን ቡጎደስ ዳንዳኦስ፤ ማህ ኤ ቡግን ኦደን ጎርዶደስ ዳንዳኦስ። 
«ታ ነ ኦችቶ ኤርዳ፤ ይኬ ታ ነ ቲኖ ኦደን ጎርዶደስ ዳንዳኦሰ ቡጉንትደ ፉርꬅ ጋድዳ። ነ ዎልቅታ ኤራꬅ ማቅኮን፥ ታ ቃልቶ ናግዳ፤ ታና ካድካያ። 
አይሁደ ማቅካይዛራ ፋና አይሁደ ጋዘ ዎርዱንꬃናን ጻላሄ ባጉንꬃና ኔጎ ኮኦዳ ነ ቲኖ ጉልባትሳዳ። ማህ ታ ነና ካꬍዛኖ ኡን ኤሮደ ፋና ዪሳዳ። 
ኔኒ፥ ‹ዳንዳአ አስ ማቆ› ጋእ ታ ኪትደ ኪቶ ናግደ ግሾ ኩሙꬅ አላምቶ ፋታኖደስ የእዘ ማꬋ ዎድትፓ ታኒ ነና ናጎዳ። 
ታ ኤልሲ ዮኦዳ፤ ኦደን ነ ዎርቃ ዛዉድቶ ኤካመ ጋር ኔስ የዛኖ ምንꬂ አይኮ። 
ጋምዳያ ታ ጾዘ ኬꬅተ ቱስ ማሆዳ፤ ኤ እዘ መꬍናስ የሳዳ። ታኒ ታ ጾዘ ሱንꬅቶን ታ ጾዘ ካታምቲ ሱንꬅቶ ኤላ አፋ ጻፎዳ፤ እዛን ታ ጾዘ ካለፓ ዎꬍዘ ክለ የሩሳላመ። ማህ ታ ታ ክለ ሱንꬅቶን ኤላ አፋ ጻፎዳ። 
ጌሽ አያና ዎሳ ኬꬁንꬂስ ጋዘባዝ ስእዘ Ꮉየ የዘ ኦደን ስኦ»። 
«ሎዶቅያ ዎሳ ኬꬃ ኪታንቾስ Ꮉንጋራ ጋእ ጻፎ። ‹አምንኤ› ማቅደ አማንንትደ ቱሮ ማርካ ማቅዳይ፥ ጾዚ መትꬅ ኡባስ በንተ ማቅዳይ Ꮉንጋራ ጋነ: 
ታኒ ነ ኦችቶ ኡባ ኤራነ፤ ኔኒ ቶያ ዎይ ምሻ ባያ፤ ኔኒ ላምኡንꬃፓ ፈታ ማቅዛኮ ሎኦ! 
ኔኒ ቶያ ዎይ ምሻ ማቅካይዝን ቦልአ ማቅደ ግሾ ታ ነና ታ ዶንትፓ ጩቶደስ ይእነ። 
ይኬ፥ ኔኒ፥ ‹ታኒ ዱረ፥ ቆሎራ የነ፥ ታስ አኮን ፋጭካያ› ጋነ። የዝን ኔኒ ዋይንታነ፥ ዳሃ፥ ቆቀን ካልꬍደ አስ ማቅዛኖ ነና ኤሮስ። 
ይኒ ግሾ፥ ነ ዱርꬎደስ ታማራ ጌዥደ ዎርቃ፥ ነና ዬልዘ ካልቶ አቾደስ ቦꬅ ማኦን ሎይꬂ በአደስ ማድዘ ኣፈ ጋላ ታፓ ዎንግ ትሻደ ፋና ነና ዞራነ። 
ታ ካꬍዙንꬃና ሴራነን ፍርጫነ፤ ይኬ ምንጎ፤ ነ ናጋርትፓ ማቆ። 
ይኬ፥ ታ ባለ ኤቂ ነና ጼጎዳ። ኦደን ታ ጼግዛኖ ስእ፥ ፉርꬅቶ ቡግኮ፥ ኤጎ ገሎዳ፤ ኤራ ዎላ ካዎ ሞኦዳ፤ ኤዝን ታራ ዎላ ሞኦዳ። 
ታ ጋሚ ደንዲ ታ አደራ ኤ አራታላ በትዳንፋና ጋምደ ታራ ታ አራታላ በቶደ ጋር አደትꬅ ዎልቃ እንጎዳ። 
ጌሽ አያና ዎሳ ኬꬁንꬂስ ጋዘባዝ ስእዘ Ꮉየ የዘ ኦደን ስኦ» ጋይዳ። 
