﻿ዋሐንሳ ጻፍደ ቲኖ ኪታ.
1.
ኑ ቲኖፓ ደንꬂ የዘ፥ ኑ Ꮉይትራ ስእዳ፥ ኣፍተ ብእዳ፥ ኑ ኩሽተ ቦችዳ አንጆ ቃላባዝ ይንትስ ጻፋነ። 
ይና ደኦ እንግዘ ቆንጭን፥ ኑኒ ኤዛ ብእ፥ ኤ ባዝ ማርክꬋነ። አዳይ ካለ የዘ ኑስ ቆንጭን፥ መዽና ደኦባዝ ይንትስ አዋጃነ። 
ኑራ ይንትስ ፈተትꬅ የሳደ ፋና ኑ ብእዳኖን ስእዳኖ ይንትስ ኦህነ። ኑስ ፈተትꬅ የዛን ፋና አዳይራን ኤ ናአ የሱስ ክርስቶሳራ ፈተትꬅ የነ። 
ኑ ኡፋይስታ ሙሎ ማቃደ ፋና ይኖ ይንትስ ጻፎዳ። 
ኑኒ ኤፓ ስእደ፥ ይንትስ ኦህዘ ኪታ Ꮉኖ፦ «ጾዚ ፎኦ፤ ኤ ግዳ ꬉማ ባያ» ጋዛኖ። 
ኑ ኤራ ፈተትꬃ የነ ያጋእተራ ꬉማ የዝኮ፥ ኑ ኦህተን ኑ ኦችተ ዋርድꬋነ ቱረትꬅ ባያ። 
የዝን ፎኦ ኤ ማቅዳን ፋና፥ ኑንን ፎኦ የዝኮ፥ ኑስ ዎል ግዳ ፈተትꬅ የነ። ኤ ናአይ፥ የሱስ ሱꬅታ ናጋራ ኡባፓ ኑና ጌሻነ። 
ኑኒ፥ ኑራ ናጋራ ባያ ጋይኮ ኑ ኑና ጭማነ፤ ኑራ ቱረትꬅ ባያ። 
የዝን ጾዝስ ኑ ናጋርቶ ቡጽኮ፥ ኤ ኑ ናጋርቶ አቶ ጋዉደስን ኑ ባላ ኦቻ ኡባንፓ ኑና ጌሾደስ፥ አማንንትዳያን ጽሎን። 
ኑኒ ናጋራ ኦችካያ ጋይኮ ጾዛ ዎርዶ ማህነ፤ ኤ ቃልታን ኑ ግዳ ባያ። 
