﻿ዕብራዌ አሱንꬅስ ጻፍንትደ ኪታ.
1.
ዛጋ ጾዚ፥ ኑ አዱንꬅስ ናቡንꬅ ባጋራ ዱማ ዱማ ኦገራ ጋማ ዎደ ኦህዳ። 
የዝን Ꮉና ዉርሱꬅ ዎድተ ኡባኖ ኤዛ ላትዝደ ማህ አላምቶ ኤ ባጋራ መꬍደ ፋ ናአይ ባጋራ ኑስ ኦህዳ። 
ናአይ ጾዘ ቦንቾ ፎእዘን ኩሙꬅ ጾዘ ጾዘትꬅቶ ኤኪ፥ ፋ ዎልቃ ቃላራ Ꮉና አላምቶ ካቲ አይክዳ። አሱንꬃና ኡን ናጋራፓ ጌሽዳንፓ ሱባ ኡባፓ ካታራ ጾዘ ምዛቅ ዛላራ ሳሎ በትዳ። 
ኤስ እንግንትደ ሱንꬅታ ኪታንቹንꬅ ሱንꬃፓ ካታራ ማቅዳን ፋና ኤ ኡንታፓ ካታራ። 
ይኬ፥ ጾዚ ኪታንቹንꬃፓ ኦደጎ፥ «ኔኒ ታ ናአ፤ ታ Ꮉይኖ ኔስ አደ ማቅዳ» ጋይዶ? ዎይ ማህ ኦደጎ፥ «ታኒ ኤስ አደ ማቃዳ፤ ኤዝን ታስ ናአ ማቃዳ» ጋይዶ? 
ማህ ጾዚ ፋ አንግስ ናአያ Ꮉና አላምተ ኪትተራ፥ «ጾዘ ኪታንቹንꬅ ኡባ ኤስ ጎይኖ» ያጋይዳ። 
ጾዚ ኪታንቹንꬅ ባዝ ኦህተራ፥ «ጾዚ ፋ ኪታንቹንꬃና አያና፥ ፋ አሩንꬃና ታማ ሎጸ ማህነ» ያጋይዳ። 
የዝን ፋ ናአይ ባዝ ኦህተራ፥ «ጾዛዮ፥ ነ ካእቱምታ መꬍናስ የነ። ነ ካእቱምቶ ነ ጽሎትꬃራ አሆ። 
ኔኒ ጽሎትꬅ ካꬍዳ፤ ኢታ እጽዳ። ጾዚ፥ ነ ላꬄ፥ ነና ነ ላጉንꬃፓ አꬂ ዶርዳ፥ ኡፋይስ ዛይተ ነና ትዥዳ» ያጋይዳ። 
ጾዚ ማህ፥ «ላꬃዮ፥ ቲኖ ኔኒ ሳአ መꬍዳ፤ ሳሉንꬅ ነ ኩሸ ኦቻ። 
የንስ ኡባ ꬋቦዳ፤ የዝን ነ የሳዳ። ኡን ኡባ አፉላ ፋና Ꮉልኦዳ። 
ነ ማጋራጃ ፋና ጻጾዳ፤ ማህ ኡን አፉላ ፋና ጭንጎዳ። የዝን ኔኒ ኡባ ዎደ ነና፤ ነ በርታን Ꮉልኦስ» ያጋይዳ። 
የዝን ጾዚ ኪታንቹንꬃፓ ኦደጎ፥ «ታኒ ነ ሞርኩንꬃና ነ ቶህታ የꬍዘ በሲ ማሆደ ዎንꬅስ፥ Ꮉነ ታፓ ምዛቅ ዛላራ በቶ» ጋይዶ? 
ኪታንቹንꬅ ኡባ አቶትꬅ ደንጎደስ የዘ አሱንꬃና ማዶደስ ጾዚ ኪትደ አያኑንꬃና ባነ? 
