﻿ሐዋሩንꬅ ኦቻ.
1.
ተዎፍሎሳ፥ የሱሳ ፋ ኦችቶ አይክደ ዎደፓ ሳሎ ቅቶደ ዎደ የሎደስ፥ ኦችዳኖን ታማርስዳኖን ኡባ ታኒ ታ ቲኖ ማጻፍተ ጻፍዳ። ሳሎ ኬሳዳንፓ ቲኖ ኤ ፋ ዶርደ ሐዋሩንꬃና ጌሽ አያናራ ኪትዳ። 
ኤ ፋ ማꬍትፕ ሱባ Ꮉይቆፓ ደንድዳኖ ደኦ ማቂ ኡንትስ ፋና ቤዝዳ። ኦይታም ቃማ ኡንትስ በንቲ ጾዘ ካእቱሞ ኡንታና ታማርስዳ። 
ፈቲ ኦደ ኡንታራ ዎላ ሙእተራ ኡንታና Ꮉንጋር ጋእ ኪትዳ፦ «ታ ይንትስ ኦህደ፥ ታ አዳይ እንጎዳ ጋይደ ኡፋይስ ቃልቶ ናጎተፕ አትን የሩሳላመፓ ኬዝፐተ። 
አኮስ ጋይኮ፥ ዋሐንሳ Ꮉꬃራ ጻማቅዳ፥ የዝን ኤራꬅ ዎደፓ ሱባ ጌሽ አያናራ ይን ጻማቅንቶዳ» ጋይዳ። 
ኡንትን ዎላ ሺቅደ ዎደ፥ «ላꬆ፥ እስራኤሉንꬅስ ካእቱምቶ ነ ማሆደ ዎድታ Ꮉኖ?» ያጋእ ኦጭዳ። 
የሱሳ ኡንታጎ፥ «ታ አዳይ ፋ አደትꬅ ዎልቂተ ኦችዘ ዎድቶን በርቶን ይን ኤሮደስ ዳንዳኦስ። 
የዝን ጌሽ አያና ይንታላ ዎꬍደ ዎደ ይን ዎልቃ ኤኮዳ። የይዝ ማቂ፥ የሩሳላመ፥ ይሁዳ ሳአ ኡባ፥ ሳማራን ሳአ ጋጻ የሎደስ ይን ታስ ማርካ ማቃዳ» ጋይዳ። 
ይኖ ጋይዳንፕ ማቂ ኡን በእዝን፥ ꬎቅ ꬎቅ ጋእ፥ ሳሎ ከዝን ꬎነ ኤዛ ኡን ኣፍትፓ ጌንꬅዳ። 
የሱሳ ቅቶደራ ኡን ሳሎ ማህ በአደራ፥ ቦꬅ ማኦ ማእደ ላምእ አሱንꬅ ቲርካይዝን ኡን ካለ ኤቂ፥ 
«ጋልላ አሱንꬆ፥ ሳሎ ብእተራ፥ ይን አኮስ ኤቅዶተ? Ꮉይ ይን በእዝን ሳሎ ቅትደ የሱሳ ይኒ ፋና ማቂ የኦዳ» ጋይዳ። 
ይንፓ ማቂ፥ ሐዋሩንꬅ ሻማሄ ደርዘፓ የሩሳላመ ማቅዳ። ሻማሄ ደርዘ የሩሳላመስ ፈቲ ክሎ መትረ ፋና የነ። 
ኡን የሩሳላመ ገሊ፥ ፋ የዘ ፎቀ ኬꬅትላ ከዝዳ። ኡንትን፦ ጴጥሮሳ፥ ዋሐንሳ፥ ያይቆባ፥ እንድራሰ፥ ፍልጶሳ፥ ቶማሳ፥ ባርቶሎምዮሳ፥ ማቶሳ፥ እልፍዮሳ ናአ ያይቆባ፥ ፋ ሳእትስ ይቅስንትዘ ስሞናራ ያይቆባ ናአ ይሁዳ። 
Ꮉንስ ኡቡንꬅ ማቹንꬃራ፥ የሱሳ እንታ ማይራምራን የሱሳ እሹንꬃራን ኡባ ፈቲ ዎዝና ማቂ ምንꬂ ዎሳነ። 
የ ዎደ ጴጥሮሳ ጼት ላምእታም ማቃደ አማንዘ አሱንꬅ ሺቅደ በስተ ደንዲ ኤቂ፥ Ꮉንጋር ጋይዳ፦ 
«አሱንꬆ፥ የሱሳ አይክዱንꬃና ካልꬅደ ይሁዳባዝ ጌሽ አያና ቲኖ ዳዉተ ዶንተ ኦህደ ጾዘ ቃልታ ፎልንቶደስ ቤዛነ። 
ይሁዳ ኑራ ዎላ Ꮉና ኦችቶ ኦቾደስ ዶርንትደ አስ።» 
የዝን ይሁዳ ፋ ገነ ኦችትራ ደንግደ ሚሸራ ጋደ ዎንግዳ። ኤ ቲኖር ጉጱንቲ ጎልእን፥ ኤ ሳዝታ ፌꬍንትዳ፤ ኤ መርቅታ ዉልእንትዳ። 
ይሁዳላ አፋ Ꮉንዳኖ የሩሳላመ የዘ አስ ኡቡንꬅ ስእዳ። ይኒ ግሾ፥ ይና ሳእቶ ፋ ዶናራ አኬልዳማ (ሱꬅ ጋደ) ጋእ ጼግዳ። 
«ይናን ማዝሙረ ማጻፍተ፥ «ኤ ኬꬅታ Ꮉሪ አቶ፤ ኦደን እዘ የዝፐ። ማህ ‹ኤ ሹማትꬅቶ መለ ኤኮ› ጋእንት ጻፍንትዳ። 
«ይኒ ግሾ፥ ላꬄ የሱሳ ኑ ግዳ ዉቲ Ꮉንትደ ዎደ ኡባ ኑራ የዙንꬃፓ፥ 
ማህ ጻማቅዘ ዋሐንሳ ዎድትፓ አይኪ ላꬄ የሱሳ ሳሎ ከዝደ ዎደ የሎደስ ኑራ የዙንꬃፓ ፈቲ አስ ኤ ደንድትስ ኑራ ማርካ ማቃደስ ቤዛነ» ያጋይዳ። 
ይኒ ግሾ፥ አሱንꬅ ዶርትስ ኢዮስጦሳ ጋዘ ባርሳባሳ ጋእንትዘ ዮሴፋን ማትያሳ ላምኡንꬃና ሺሽዳ። 
ይንፓ ሱባ፥ ጾዝ ዎስተራ፥ «አስ ኡባ ዎዝና ኤርዘ ላꬆ፥ Ꮉንꬅ ላምኡንꬃፓ ነ ኦና ዶረዛኮ ኑና ቤዞ። 
ይሁዳ ፋ በሳ ቅቲ፥ አሽደ ኦችተ ሐዋረትꬅ ኦቻ ኤኮደ ጋር Ꮉንሳፓ ኑስ ሻጎ» ጋይዳ። 
ኡንትስ እጻ ኦልዳ። እጽታን ማትያሳስ ዎꬍን ማትያሳ ታጶ ፈቲ ሐዋሩንꬃላ ጉጅንትዳ። 
