﻿ማርቆሳ ጻፍደ የሱስ ክርስቶሳ ዎንገለ.
1.
Ꮉይ ጾዘ ናአ የሱስ ክርስቶሳ ዎንገለ ደንꬄ። 
ናበ ኢሳያሳ ጻፍደ ማጻፍተ ጾዚ፥ «ይኬ፥ ታኒ ታ ኪታንቾ ኔፓ ቲኖ ዳኮዳ። ኤ ነ ኦግቶ ጊግሳዳ። 
ፈታይ አኮ ባይዘ ጋናሳ ፋ ቃልቶ ꬎቅ ዪዚ፥ ‹ላꬄ ኦግቶ ጊግዞተ፤ ኤ የꬋደ ዉስቶ ኤስ ጊግዞተ ጋይዳ› » ያጋይዳ። 
ጻማቅዘ ዋሐንሳ አሱንꬃና ጻማቅተራ፥ «ይን ናጋርትፓ ማቂ ጻማቅንቶተ፤ ጾዚ ይን ናጋርቶ አቶ ጋኦዳ» ያጋእ ቃላ ኦህተራ አኮ ባይዘ ጋናሳራ ይእዳ። 
ይሁዳ ሳአ የዘ አሱንꬅ ኡባን የሩሳላመ ካታማ አሱንꬅ ኡባ ዋሐንሳጎ የእነ። ፋ ናጋርቶ ፋጽን፥ ዋሐንሳ ኡንታና ዮርዳኖሳ ቦርካ ጻማቅዳ። 
ዋሐንሳ ግማለ እስንፓ ዳድንትደ አፉላ ማእዳ። ፋ ቃዝንተ ሳቀ ዳንጭዳ፤ ማህ ቦለን ደከራ ሽዳ ሙእዳ። 
ዋሐንሳ ቃላ ኦህተራ፥ «ታፓ ሱባራ ዳማ ሚንግዘ የእነ። መለ አቶ የዝን፥ ታኒ ኤ ጫማ ጋድዛ ዙጊ ብሎደስ ቤዞስ። 
ታኒ ይንታና Ꮉꬃራ ጻማቃነ፥ የዝን ኤ ይንታና ጌሽ አያናራ ጻማቆዳ» ያጋይዳ። 
የሱሳ የ ዎደ ጋልላ አዉራጃ የዘ ናዝረተ ካታማፓ ይእን፥ ዋሐንሳ ዮርዳኖሳ ቦርካ ጻማቅዳ። 
የሱሳ Ꮉꬅትፓ ከዘ ዎደ ሳሎ ቡጉንትን፥ ጌሽ አያና ኤላ አፋ ዎለ ጋራ ዎꬎደራ ብእዳ። 
ማህ ሳሎፓ፥ «ታኒ ካዽዘ ታ ናአይ ነና፤ ታ ኔላ ኡፋይታነ» ያጋዘ ቃላ ይእዳ። 
ኢራ ጌሽ አያና የሱሳ አኮ ባይዘ ጋናሳ ካንግዳ። 
የሱሳ አኮ ባይዘ ጋናሳ ጻላሄራ ፋታንንትተራ ኦይታም ቃማ ጋምእዳ። ጾꬃራ የዝዳ፥ የዝን ኪታንቹንꬅ ይእ ኤዛ ማድዳ። 
ዋሐንሳ አጭንትዳንፓ ሱባ የሱሳ ጾዘ ካእቱሞ ዎንገለ ኦህተራ ጋልላ አዉራጃ ቅትዳ። 
እዘ፥ «ዎደ የልዳ፤ ጾዘ ካእቱሞ ኡክዳ። ይን ናጋርትፓ ማቂ፥ ዎንገለ አማኖተ» ያጋይዳ። 
የሱሳ ጋልላ አባ ካለራ አꬍተራ፥ ሞሎ አይክዘ፥ ስሞናራን ኤ እሸ እንድራሰራ፥ ፋ ግትቶ አባ ኦልዙንꬃና ብእዳ። 
ኡንታጎ፥ «ታና ካሎተ፤ ታ ይንታና አስ አይፎ ታማርሶዳ» ያጋይዳ 
ኡንቲ ኢራ ፋ ግትቶ ኦሊ አሺ የሱሳ ካልዳ። 
የሱሳ ኤራꬅ ቲኖ Ꮉንግ፥ ላምእ እሹንꬃና ዛብዶሳ ናኡንꬃና፥ ያይቆባራን ዋሐንሳራ ጎንገ ግዳ ፋ ግትቶ ጊግዙንꬃና ብእዳ። 
ኤ ኡንታና ብእደ ጋር ጼግዳ። ኡን ፋ አዳያ ዛብዶሳን፥ ኤስ ኦችዙንꬃራ ጎንገ ግዳ ኦሊ አሺ የሱሳ ካሊ ቅትዳ። 
ኡንቲ ቅፍርናሆመ ካታማ የልዳ። ሳምባታ ገልደ ጋር የሱሳ ኤልሲ አይሁደ ዎሳ ኬꬃ ገሊ ታማርሰ አይክዳ። 
አደትꬅ ዎልቃራ የዘ አስ ፋና ታማርሳነፕ አትን ህገ አስታማሩንꬅ ፋና ታማርሶሰ ግሾ አሱንꬅ ኤ ትምርትተ ጋማ ቆፕዳ። 
የ ዎደ ቱና አያና አይክደ ፈቲ አꬄ አይሁደ ዎሳ ኬꬃ ገሊ ፋ ቃልቶ ꬎቅ የይዝ፥ 
«ናዝረተ የሱሳ፥ ኔኒ ኑፓ አኮ ኮየ? ኑና ꬋብሶደስ ነ ይእዳ? ነ ኦና የዛኮ ታ ኤራነ፤ ነ ጾዘ ጌሽ።» ያጋይዳ። 
የሱሳ የ ቱና አያንዛ፥ «Ꮉይዞ፥ Ꮉይ አꬄፓ ከዞ» ጋእ ሴርዳ። 
ቱና አያና አꬃ ላቢዚ፥ ዉይስዚ ኤዛፓ ከዝዳ። 
አሱንꬅ ኡባ ጋማ ቆፒ፥ «Ꮉና አኮ? Ꮉይ አꬄ ፋ አደትꬅ ዎልቃራ መለ አቶ የዝን ቱና አያናን ኪታነ። ኡንቲ ኤስ ኪትንታነ፤ Ꮉና አኮ ክለ ትምርተ?» ያጋእ፥ ፋ ግዳ ፈተ ፈታ ኦጭዳ። 
የሱሳ ማርካትꬅታ ኤልሲ ጋልላ ሳአ የዘ ጉታ ኡባ ከዝዳ። 
የሱሳ አይሁደ ዎሳ ኬꬃፓ ኬዚ፥ ያይቆባራን ዋሐንሳራን ስሞና ካራን እንድራሰ ካራ ቅትዳ። 
ስሞና ማችት እንታ ዳማ ኦꬂ ምቻራ Ꮉርግንቲ ዎይእዳኖ የሱሳ እዘ የልን ኤስ ኦህዳ። 
ኤ ኢጎ ሺቂ፥ እ ኩሽቶ አይኪ፥ እዞ ደንꬂ ኤስዳ። ኦꬂ ምችታ አሽን እዛ ኡንታና ሞክዳ። 
Ꮉርግንትደ አሱንꬃናን ቱና አያና አይክደ አሱንꬃና ኡባ ኡጉረ አዋ ገልን ኤጎ ክእዳ። 
ካታምተ የዘ አሱንꬅ ኡቡንꬅ ይና ኬꬅት ባለ ሺቅዳ። 
የሱሳ ዱማ ዱማ Ꮉርገራ አይክንትደ ጋማ አሱንꬃና ፋꬂ፥ ጋማ ቱና አያኑንꬃና ከስዳ። ኤ ኦደ የዛኮ ቱና አያኑንꬅ ኤርደ ግሾ ኡንታና ኦሃመ ፋና ካይዳ። 
የሱሳ ዎንት ማ ደንዲ፥ አስ ባይዘ በሳ Ꮉንግ፥ እዘ ጾዝ ዎስዳ። 
ስሞናራን ኤራ የዙንꬅ ኤዛ ኮይተራ ቅትዳ። 
ኡንቲ ኤዛ ደንግ፥ «አስ ኡባ ነና ኮያነ» ያጋይዳ። 
የሱሳ ማህ ኡንታና፥ «ይና ጉቱተ የዘ ሰኮ ካታምተ የꬎተ። ታኒ ይእዳና ዎንገለ ኦሆደስ ማቅደ ግሾ እዘ የዘ ጉታ ኦሆደስ ቤዛነ» ያጋይዳ። 
አይሁደ ዎሳ ኬꬃ ቃላ ኦህተራን ቱና አያኑንꬃና ከስተራ፥ ጋልላ ሳአ ኡባ ዉትዳ። 
ቁርሱማ Ꮉርገ አይክደ ፈቲ አꬄ የሱሳጎ ይእ፥ ኤ ቲንተ ቡንቁንቲ፥ «ኔኒ ኮይኮ ታና ጌሾደስ ዳንዳአነ» ያጋእ ዎስዳ። 
የሱሳ ኤስ ይቅስንቲ፥ ፋ ኩሽቶ ዳኪ ኤዛ ቦቺ፥ «ታኒ ካꬋነ፥ ጌዦ» ያጋይዳ። 
ኢራ ቁርሱምታ አꬃ ዳክን አꬄ ጌዥዳ። 
የሱሳ አꬃ ምንꬂ ናግንቶ ጋእ ኬሲ ዳክዳ። 
የሱሳ ኤዛ፥ «ነና ኤሮ፥ Ꮉኖ ኦደስን ኦህፐ። የዝን Ꮉንግ ነ ጋልቶ ካህነ ቤዞ። ኔኒ Ꮉተ ጌሽ ማቅዳኖ አሱንꬃና ኤርሶደስ፥ ሙሴ ኪትደ ዣርሽቶ ዣርሾ» ያጋይዳ። 
የዝን አꬃይ Ꮉንግ፥ ካራ ጋንጨ አስ ኡቡንꬅስ ኦህዳ። ይኒ ግሾ፥ የሱሳ በንቲ ኬዚ፥ ካታማ ገሎደስ ዳንዳእካያ። የዝን አስ ባይዘ በሳ ጋጻ የዝዳ፤ ማህ አሱንꬅ ኡባ ፋ የዘ በሳፓ ኤጎ የእነ። 
