﻿Ezabbuli.
137.
Hu njabi jʼe Bbabbulooni hwihala ŋaasi hwalira amasiga ni hwahebulira Sayuuni. 
Ngʼaŋo huŋaniha obutongooli weefe hu misaala ejaali aŋaapi 
olwohuba abatuŋamba batuloma ohubembera. Abatubonyaabonyanga batulagira hubembere enyembo ejʼesangaalo. Batuloma baati, “Mutwembere enyembo ejiŋamba hu Sayuuni.” 
Huŋanga huutye ohwemba enyembo ejiŋamba hu Musengwa ni huli mu hyalo ehitali hyefe? 
Ni nibiriranga Yerusaalemu, omuhono gwange omulungi gwibiriranga ohuhubba ogutongooli. 
Era ni kwibiriranga, olulimi lwange lweŋambanga ŋamugulu wʼomunwa, ni kwibiriranga ewe Yerusaalemu ohusinga byosibyosi ebisangaasa. 
O Musengwa, hebulira ehi baatu bomu Edomu baahola hu ludaalo olu eŋe lyʼe Bbabbulooni lyaŋamba ehibuga hyʼe Yerusaalemu, baloma baati, “Muhisihiirise, muhisihiirise hiŋwereŋo erala!” 
Ewe Bbabbulooni baja huhusihiirisa. Ali nʼekabi ahwesasusa ebyo ebi watuhola. 
Ali nʼekabi oyo aŋamba abaana babo abaŋere gabaminiangulira hu mabaale! 
