﻿Ezabbuli.
130.
Olwembo nʼotiina e Yerusaalemu. Mu bugosi owʼamaani kuliririra Musengwa. 
O Musengwa ŋulira ohulira hwange, tegere ohutwi wupambire ehisa wunjeede. 
O Musengwa, obanga ni weŋambirira, njʼani owahaŋunuhire ohumusalira omusango? 
Aye ewe otusoniŋa, olwʼehyo abaatu bahutya. 
Kumirira Musengwa ohunjeeda, omwoyo gwange guhuhuumirira era nesiga ehibono hihye. 
Omwoyo gwange guhuumirira Musengwa ohusinga abahuumi ngʼolu bahuumirira owiire ohuhya, ohusinga abahuumi ngʼolu bahuumirira owiire ohuhya. 
Yisirayiri wesigenga Musengwa olwohuba ali nʼohwenda ohubitiirifu, era niye njʼali nʼamaani ohuhununula. 
Niye omwene aja hununula Abayisirayiri ohuŋwa mu bibi byawe byosibyosi. 
