﻿Ezabbuli.
127.
Olwembo nʼotiina e Yerusaalemu. Olwembo lwa Sulemaani. Ohutusaho nga Musengwa njʼatongooye enyumba abayitongola bateganira wereere. Ohutusaho nga Musengwa njʼahuuma ehibuga, abahihuuma bateganira wereere. 
Hiŋuma mahulu ohuŋuuna ohuhataabana, era waalwa ohuja hu buliri olwʼohwendula ehyohulya. Aye aba Musengwa genda abaleetera ohulimba hwiro. 
Abaana hirabo ohuŋwa eyiri Musengwa, era njʼekabi eji husuna ohuŋwa eyi ali. 
Abaana aba muutu asaala mu buvubuka baba hyʼobusaale mu mihono jʼomusira. 
Gesiimire omuutu oyo ali nʼobusaale bungi sibaja huswala ni basoola nʼabalabe baawe. 
