﻿Ezabbuli.
125.
Olwembo nʼotiina e Yerusaalemu. Abo abesiga Musengwa bali hyʼolusozi Sayuuni olu tatenga aye luliŋo emirembe nʼemirembe. 
Ngʼolu esozi jeswanigirihiise Yerusaalemu, ni Musengwa yeesi atyo po geswanigirisa atyo abaatu babe ohuŋwa hatyane ohwola emirembe nʼemirembe. 
Abahosi bʼebibi sibaja husigala ni baŋuga ehyalo hyʼabagwalaafu olwohuba abagwalaafu baŋanga ohutandiha ohubbenga. 
O Musengwa, holera abaatu abalaŋi ebiitu ebiraŋi, abo abagwalaafu mu myoyo jaawe. 
Aye abo abaŋaba baŋamba amagira amagodajami, Musengwa aja hubagudihisa ŋalala nʼabahola ebibi. Emiyaaya jibe hu Yisirayiri. 
