﻿Ezabbuli.
124.
Olwembo nʼotiina e Yerusaalemu. Olwembo lwa Dawudi. Singa Musengwa sigaali hu luuyi lwefe, leha Yisirayiri yigobolemo yiiti, 
singa Musengwa sigaali hu luuyi lwefe olu baatu batulumba 
nʼehiruŋi ehyʼamaani, hani batumira balamu. 
Hani amataba gatuŋira, hani amaaji gatumira, 
hani amaaji agefuhisa hwefuhisa gatuhenaŋo. 
Musengwa gebasiwe ataleha abalabe beefe hutunawulanawula nʼameeno gaawe. 
Huŋunuhire hyʼenyuni eŋooye mu lubanjo, oluhumbeeri luhapuhire hwaŋunuha. 
Obuŋonere weefe buŋwa eyiri Musengwa owatonda egulu nʼehyalo. 
