﻿Ezabbuli.
122.
Olwembo nʼotiina e Yerusaalemu. Olwembo lwa Dawudi. Nasangaala olu bandoma baati, “Nja hutiine mu nyumba ya Musengwa.” 
O Yerusaalemu hatyane huli ŋano, hwemereeye mu miryango jijo. 
Yerusaalemu hibuga ehi batongola ni behoota, eŋuma aŋanga ohuhijagiija. 
Era eyo peyi biha bya Yisirayiri bitiina ohujumirya Musengwa ngʼolu egambi lirye libalagira. 
Mu hibuga ehyo pomuli etebe ya Dawudi eyʼobuŋugi ohu beehala basala emisango. 
Sabira Yerusaalemu ohubaamo emiyaaya ti, “Abo abahwenda babe bulaŋi. 
Ha emiyaaya jibe mu bisenge bibyo, obuhuumi mu lubiri lulwo.” 
Olwʼabalebe nʼabameeri bange nja huloma Yerusaalemu ti, “Emiyaaya jibe mu ewe!” 
Olwʼenyumba ya Musengwa Hatonda weefe, kusabira ohulahulane. 
