﻿Ezabbuli.
100.
Ezabbuli eyʼohweyaasa. Abaatu hu hyalo hyosihyosi muhubbire Musengwa ehigalagala nʼejanjaasi eryaŋamugulu. 
Muŋeerese Musengwa nʼesangaalo, muuje mu moni jije nʼenyembo ejʼohusaŋalya. 
Mumanye muuti Musengwa nje Hatonda. Njʼowatutonda era huli babe. Huli baatu babe, etaama eji alabirira. 
Mwingire mu nyumba yiye nʼohweyaasa nomu lunya lulwe nʼohumutendereza era mumweyaase. 
Hiri hiityo olwohuba Musengwa mulaŋi era ohwenda huhwe hwʼemirembe nʼemirembe, owesigwa wuwe wʼemirembe josijosi. 
