﻿Ezabbuli.
70.
Yʼomutangirisi wʼabembi. Ya Dawudi. Ohwegayirira. O Hatonda, yinyoheramo wununule O Musengwa, yanguŋaho wunjeede. 
Leha abenda ohunjita baswale leha abo abasangaalira ohufafaagana hwange bagameyo ni bawomboŋaaye. 
Leha abo abandoma baati, “A a! Hwahulomera!” Bagameyo ni baswaye. 
Aye leha abo bosibosi abahwendula basangaale era basaŋalye olwʼewe era leha abo abenda obunoŋosi wuwo balomerenga ŋamugulu baati, “Nga Hatonda wʼamaani!” 
Aye ndi mugadi era ndi mu wetaavu, O Hatonda, nja mangumangu. Ndiiwe Musengwa obunjeeda era obununula, otalwa hunjeeda. 
