﻿Ezabbuli.
67.
Yʼomutangirisi wʼabembi. Ebifuga ebyʼewaaya. Ezabbuli. Olwembo. O Hatonda, tuŋambire ehisa otuŋe ekabi otuhejeho nʼesangaalo. 
Abaatu hu hyalo bamanye amagira gago obunoŋosi wuwo mu mawanga gosigosi. 
O Hatonda, abaatu bahujumiryenga abaatu bosibosi bahujumiryenga. 
Abaatu basangaale era bembe olwʼesangaalo olwohuba oŋuga abaatu nʼotehubbira era otangirira amawanga hu hyalo. 
O Hatonda, abaatu bahujumiryenga abaatu bosibosi bahujumiryenga. 
Eroba lija hutuleetera amakungula mangi era Hatonda, Hatonda weefe aja hutuŋa ekabi. 
Hatonda aja hutuŋa ekabi era abaatu bosibosi hu hyalo bamuŋenga eŋono. 
