﻿Ezabbuli.
4.
Yʼomutangirisi wʼabembi. Nʼebivuga ebyʼewaaya. Ezabbuli ya Dawudi. O Hatonda omutukuvu, ngobolemo ni kusunga. Wanjeeda ni naali mu bigosi. Kusunga wupambire ehisa, oŋulire ohusaba hwange. 
Baatu enywe mulyosa ŋeena ohuswasa? Mulyosa ŋeena ohwenda ebinambulamo, nʼohuholera hu byʼobudulingi nʼohujumirya abahatonda obʼobudulingi? 
Aye muhimanye muuti Musengwa getobolera abaatu abahola ebiruŋamu ohuba ababe, Musengwa aja huŋulira ohusaba hwange. 
Ŋanabaŋo ehibaluŋia mwehuumenga ohutabaleetera huhola hibi. Nʼoba hu buliri wuwo, maŋoleeye ŋeeganga hu bibono bino. 
Muŋengayo eŋongo eyisaana era mwesigenga Musengwa. 
Bangi basaba baati, “O Musengwa, tuŋe ekabi era tulage ehyere.” 
Wupaaye esangaalo eryʼamaani ohuhiraho eryabo abali nʼemere embitiirifu ko nʼomwenge epiiraŋo. 
Nja huŋenyuha ni puma ehineralihirisa olwohuba Musengwa wukuuma. 
