﻿Ezabbuli.
3.
Ezabbuli ya Dawudi. Olu gaduluma omusaani Abbusolomu. O Musengwa, nga ndi nʼabalabe bangi! Era nga bangi abanjesoomera. 
Bangi bandoma baati, “Hatonda saaja humununula.” 
Aye Musengwa, ndiiwe engabo yange, ndiiwe owuupa obuŋangusi era wangobosamo amaani. 
Ndiririra Musengwa ni nenda obuyeedi, era ganjeeda ohuŋwa hu lusozi olwawufu. 
Penyuha bulaŋi weene era nasisimuha ni buhyeye olwohuba Musengwa gakuuma. 
Sinja hutya abalabe eduuli abanjeswanigirihise enjuyi josijosi. 
O Musengwa, nja wunoŋole, O Hatonda wange! Hubba abalabe bange obabbwagemo ageeno. 
Musengwa, ogima hwaŋangula, leha ekabi jijo jibe hu baatu babo. 
