﻿Ehitabo hyʼEzabbuli.
1.
Gesiimire oyo ataholera hu magesi gʼabahosi bʼebibi oba ohuŋamba engira yʼabahola ebibi oba ohwihala ŋalala nʼabanyooma Hatonda. 
Aye ehimusangaasa njʼohugonderanga amagambi ga Musengwa era agaŋeegaho omuusi nʼowiire. 
Omuutu oyo ali hyʼomusaala ogu baahoma ohuupi nʼesulo jʼamaaji, ogwama ebibala mu hiseera era amahoose gaagwo sigaŋotoha. Ahulahulana mu hiisi ehi ahola. 
Aye abahosi bʼebibi sibali baatyo, bali hyʼomuhuuji ogu punga efuuŋa gwadumuuha. 
Olwʼehyo abahosi bʼebibi sibaliŋunuha hubasalira musango, era sibaja hweŋimba mu luhumbaano lwʼabagwalaafu. 
Hiri hiityo olwohuba Musengwa alabirira abagwalaafu, ne abahosi bʼebibi baja husihiiriha. 
