﻿Psalm.
150.
Duuhia Tagi Maolunga! Duuhia de Maadua i dono mommee dabu; duuhia ono mahi i lo te moana i lunga. 
Duuhia ia i hiidinga o ana hegau ssauaa; duuhia ia i hiidinga dono maolunga mmao. 
Duuhia ia i de ili o de hanga manu; duuhia ia i de hagadangidangi i de lyre ma de harp. 
Duuhia ia i de tambourine ma de aanu; duuhia ia i denga mee hagadangidangi iai daula ma de flute, 
duuhia ia i de hagalongaa o denga cymbal; duuhia ia i leo o denga cymbal. 
Mee alodahi e mouli gi duuhia Tagi Maolunga. Duuhia Tagi Maolunga!
