﻿Psalm.
136.
Hagaahe ange de abodonu gi Tagi Maolunga, go hiidinga ia e danuaa. 
Hagaahea ange de abodonu gi de Maadua o denga maadua. 
Hagaahe ange de abodonu gi de Ia Aamua o denga dagi. 
Go ia donu huu e haia denga hegau hagalele mouli, 
go ia ne haia de langi i dono donu ange, 
go ia ne hoolaa henua i lalo i honga denga vai, 
go ia ne haia denga mee hagamaalama nnui — 
de laa gi dagina de laangi, 
gai de maasina ma denga heduu gi dagina de boo; 
Ange gi de ia ne daia ga maakau denga dama daane maatua a Egypt, 
gai ga hagassao mai de gau Israel i olaadeu magavaa, 
i dono lima mmahi gu hagaabo laa; 
go de ia ne vaaea lua Tai Mmea, 
gai ne hai Israel gi seesee i lo te dai laa, 
aagai ne tili ange Pharaoh ma dono hagabuulinga hebagi gi lo te Dai Mmea; 
go ia ne dagina mai ono dangada laa lodo henua; 
go ia ne hagadee kii ina denga hodooligi mmahi, 
ma de daa ga maakau denga hodooligi mmahi: 
go Sihon, de hodooligi o de gau Amor, 
ma Og, de hodooligi o Bashan, 
gai ne bolo ange olaau henua 
gi Israel, dono dangada hai hegau. 
Ia ne manadua mai gidaadeu i de masavaa odaadeu ne hagangadi mee ina ai, 
gai ne hagaola gidaadeu mai i odaadeu hagadaumee. 
Mee alodahi e mouli, go ia e gaavange alaadeu gai, 
Hagaahe ange de abodonu gi de Maadua o de langi. 
