﻿Psalm.
133.
Se daahili nii David ange gi de loage ⌊e hulo gi Jerusalem⌋ Tilo, se mee danuaa ma de mahamaha de nnoho hagabuni o denga hai daina! 
Gai e bei de lolo hagamogomogo e llingi ange laa gi honga de biho o Aaron, ga sali iho gi honga dono gumigumi, ma de loiho gi honga de kala o dono malo. 
Gai e bei de mee maluulu o Hermon, e hano iho laa gi honga de mounga go Zion. Go kilaa a Tagi Maolunga e hagamanuuia ai; go kilaa hogi iai de mouli e dee ngado mai. 
