﻿Psalm.
131.
Se daahili nii David ange gi de loage ⌊e hulo gi Jerusalem⌋ Tagi Maolunga, au e dee lodo maolunga, gai luoogu mada e dee llodo gi lunga; au e dee hagasaele de hai hanu hegau nnui, aabe ni mee e dee maua e au i de hai. 
Aagai au gu dee manavasaa ma de baba ogu lodo; bei de gaagaa e unuunu laa i de gaanuunu o dono dinana, dogu hagasaalunga gu bei de gaagaa gu bosu. 
Israel, koe gi tali hagalodolodo ange gi Tagi Maolunga, mai iainei ga hano ai e dee ngado mai. 
