﻿Psalm.
125.
Se daahili ange gi de loage ⌊e hulo gi Jerusalem⌋ Gilaadeu e hagadonusia Tagi Maolunga e bei de mounga go Zion, e dee maua laa gi baguu gai e duu ga hano ai. 
Tagi Maolunga e duuli ono dangada, mai iainei ga hano ai, bei de duuli a denga mounga luu baasi o Jerusalem. 
De laagau a de gau baubau e dagi ai e dee maua donu gi dagodo daulooloa i honga de henua o olaadeu e heohi, gai gi dee haia ai e de gau heohi de baubau. 
Tagi Maolunga, haia ange tanuaa gi gilaadeu e danuaa, aama gilaadeu e hai hegau i de heohi i olaadeu lodo. 
Aagai gilaadeu e haia hegau dee heohi, Tagi Maolunga e alualu naa gilaadeu gi hulo madali dangada e haia de baubau. De baba gi dagodo i Israel! 
