﻿Psalm.
123.
Se daahili ange gi de loage ⌊e hulo gi Jerusalem⌋ Luoogu mada e galo age gi de goe, go koe de ia e noho laa i de langi. 
Tilo, gimaadeu e bei de gau hai hegau e daumada ina laa delaadeu ia aamua, ma de hine hai hegau e daumada ina laa dono hahine aamua; e bei ai hogi, gimaadeu e daumada Tagi Maolunga, demaadeu Maadua, ga dae ai gi dono degi mai gi gimaadeu. 
Tagi Maolunga, degi mai gi gimaadeu, degi mai gi gimaadeu; go hiidinga gu kona mmao demaadeu hagangadi mee ina. 
Gu daulooloa mmao demaadeu hagadookaa ina i daho de gau hagamaolunga, ma de hagangadi mee ina i daho de gau lodo maolunga. 
