﻿Psalm.
121.
Se daahili ange gi de loage ⌊e hulo gi Jerusalem⌋ Au e dangage age ga galo age gi denga mounga. Go hee e humai ai dogu bale? 
Dogu bale e humai i daho Tagi Maolunga, go de ia ne haia de langi ma henua i lalo. 
Ia e daohi luoo vae gi dee baguu ai goe; de ia e dagidiiloo adu goe e dee seni donu. 
Tilo, de ia e dagidiiloo ange Israel e dee dai seni donu aabe seni. 
Go Tagi Maolunga e dagitilo adu goe; Tagi Maolunga go doo mee hagalilo i doo baasi madau; 
de laa e dee hagalagohia goe i de laangi, gai de maasina e dee hagammae hogi goe i de boo. 
Tagi Maolunga e hagaloosi naa goe mai i mee baubau alodahi; ia e hagaloosi naa doo mouli. 
Tagi Maolunga e hagaloosi goe i mommee alodahi oou e hano aagena, mai iainei ga hano ai e dee ngado mai. 
