﻿Psalm.
82.
Se Psalm nii Asaph De Maadua e noho madali de hagabuulinga hagasaele dabu; go ia e hagamodu ina muna o denga maadua ange laa: 
“Dee hee maa taulooloa doodou dee hagamodu muna i de heohi, ma doodou hagabuni ange gi de gau baubau? Selah 
Koe gi daalaa hagadonu dagodo o olaadeu e baageaa ma gilaadeu e deai olaadeu damana; gai daalaa de heohi o de gau hagaau aloha ma gilaadeu e duasala. 
Hagaola ina gilaadeu e baageaa ma gilaadeu e duasala; hagaola ina gilaadeu mai i de gau baubau. 
Gilaadeu e dee iloo mee gai e dee tonu. Gilaadeu e seesee saele i lo te gohu; gai tagelo alodahi o henua i lalo gu dai baakuu. 
Au ne hagadaba, ‘Goodou ni maadua, gai goodou alodahi ni dama nii de Ia Maolunga Mmao laa.’  
Aagai goodou e maakau naa donu bei dagodo o dangada, gai e maakau bei dagodo o denga dagi.” 
De Maadua, hidi age hagamodu ina muna o henua i lalo; i hiidinga niiou denga huaahenua alodahi! 
