﻿Psalm.
54.
Ange gi tagi o taahili; e hua madali denga mee hagadangidangi iai daula. Se Maskil nii David, i de masavaa a taane Ziph ne hano ai ga tala ange gi a Saul, “David e mmuni i omaadeu daha” De Maadua, hagaola ina ngau i ssauaa o doo ingoo, gai gi daalaa bolo au e heohi i doo sauaa. 
De Maadua, hagalaangona dagu dalodalo; gai hagalaangona agu muna. 
De gau henua gee gu hebagi mai gi de au, de gau alasala gu ssala de hai e daa ai au gi magau; gilaadeu e dee hagadubu de Maadua. Selah 
Ni muna abodonu, go de Maadua e balea mai au; gai go de Ia Aamua e daohia gi dee baguu au. 
Ia e sui ange naa hegau baubau a ogu hagadaumee; daia gilaadeu gi maakau i hiidinga koe e hai hegau i de mee abodonu. 
Au e ngadi gaavadu gi de goe dahi sigidaumaha; Tagi Maolunga, au e tuhi doo ingoo, go hiidinga doo ingoo e danuaa. 
Go hiidinga ia gu hagaola mai au i ogu hai ngadaa, gai au gu gidee tee kii o ogu hagadaumee. 
