﻿Nehemiah.
7.
Gai de masavaa huu ne lava ai de buibui, gai au gu hagabigibigi ange ono abaaba ma de hili ange dangada e hagaloosia denga haitoga, ma de gau daahili, aama denga daane de aamuli o Levi. 
Gai au ne hili dogu daina daane go Hanani, ma Hananiah tagi o de hale dagitilo gi dagina Jerusalem, go hiidinga ia se daane e hai hegau i de muna abodonu ma de madagu i de Maadua, gai e deai ange donu se daane e bei ono dagodo. 
Gai au ne hai ange gi gilaau, “Gooluu e dee hhuge denga haitoga o Jerusalem ga dae ai gi de masavaa e hagavvela ai de laa. Gai de masavaa o de gau hagaloosi goi hai hegau ai, gai gilaadeu gi bonodia denga abaaba ma gi hagamakaga ina. Gai hilia hogi de gau hagaloosi mai i dangada e nnoho laa donu i Jerusalem, dahi ma dahi gi duu gi hagaloosia gaogao dono hale donu.” 
Gai de masavaa laa gai de aduhale gu lahalaha ma de laumalie, gai e sogoisi donu dangada e nnoho ai, tigi ai hogi hale ne hagatuu. 
Gai dogu Maadua ne gaamai gi ogu lodo de hagabuni de gau aamua, ma denga dagi ma de gau ange laa gi siia olaadeu ingoo ma olaadeu atangada. Gai au ne gidee dahi beebaa e daohi ai ingoo o dangada, ne aahe mai laa gi de henua i taamada, gai au ne gidee mee ne sisi i ono lodo: 
Aanei de gau de henua a Nebuchadnezzar, de hodooligi o Babylon, ne kave laa gi Babylon. (Gilaadeu ne aahe mai gi Jerusalem ma Judah, dahi ma dahi ne ahe ga hano gi dono aduhale donu; 
gilaadeu ne loomai madali Zerubbabel, ma Jeshua, ma Nehemiah, ma Azariah, ma Raamiah, ma Nahamani, ma Mordecai, ma Bilshan, ma Mispereth, ma Bigvai, ma Nehum, aama Baanah). Aanei ingoo o de gau Israel ne daohi: 
de hagadiilinga o Parosh se 2,172 
de hagadiilinga o Shephatiah se 372 
de hagadiilinga o Arah se 652 
de hagadiilinga o Pahath-Moab, go dangada i huaabodu o Jeshua ma Joab, se 2,818 
de hagadiilinga o Elam se 2,254 
de hagadiilinga o Zattu se 845 
de hagadiilinga o Zaccai se 760 
de hagadiilinga o Binnui se 648 
de hagadiilinga o Bebai se 628 
de hagadiilingaa o Azgad se 2,322 
de hagadiilinga o Adonikam se 667 
de hagadiilinga o Bigvai se 2,067 
de hagadiilinga o Adin se 655 
de hagadiilinga o Ater (mai i Hezekiah) se 98 
de hagadiilinga o Hashum se 328 
de hagadiilinga o Bezai se 324 
de hagadiilinga o Hariph se 112 
de hagadiilinga o Gibeon se 95 
dangada o Bethlehem ma Netophah se 188 
dangada o Anathoth se 128 
dangada o Beth Azmaveth se 42 
dangada o Kiriath Jearim, ma Kephirah, aama Beeroth se 743 
dangada o Ramah ma Geba se 621 
dangada o Mikmash se 122 
dangada o Bethel ma Ai se 123 
dangada o Nebo ange laa se 52 
dangada o Elam ange laa se 1,254 
dangada o Harim se 320 
dangada o Jericho se 345 
dangada o Lod, ma Hadid aama Ono se 721 
dangada o Senaah se 3,930 
De gau haimeedabu: de hagadiilinga o Jedaiah, mai i de huaabodu o Jeshua, se 973 
de hagadiilinga o Immer se 1,052 
de hagadiilinga o Pashhur se 1,247 
de hagadiilinga o Harim se 1,017 
De aamuli o Levi: de hagadiilinga o Jeshua, (mai i Kadmiel ma Hodaviah) se 74 
De gau daahili: de hagadiilinga o Asaph se 148 
De gau hagaloosi haitoga: de hagadiilinga o Shallum, ma Ater, ma Talmon, ma Akkub, ma Hatita, aama Shobai se 138 
De gau e hai hegau o de hale daumaha: go hagadiilinga o Ziha, ma Hasupha, ma Tabbaoth, 
ma Keros, ma Sia, ma Padon, 
ma Lebana, ma Hagaba, ma Shalmai, 
ma Hanan, ma Giddel, ma Gahar, 
ma Reaiah, ma Rezin, ma Nekoda, 
ma Gazzam, ma Uzza, ma Paseah, 
ma Besai, ma Meunim, ma Nephussim, 
ma Bakbuk, ma Hakupha, ma Harhur, 
ma Bazlith, ma Mehida, ma Harsha, 
ma Barkos, ma Sisera, ma Temah, 
ma Neziah, aama Hatipha. 
Hagadiilinga o de gau hai hegau o Solomon: go dana a Sotai, ma Sophereth, ma Perida, 
ma Jaala, ma Darkon, ma Giddel, 
ma Shephatiah, ma Hattil, ma Pokereth-Hazzebaim, aama Amon. 
Gai de gau hai hegau o de hale daumaha ma hagadiilinga o de gau hai hegau o Solomon se 392 
Gai aanei dangada mai i Tel Melah, ma Tel Harsha, ma Kerub, ma Addon, aama Immer, aagai gilaadeu tee maua i de hai gi too donu bolo olaadeu dubuna madagidagi ma olaadeu hagadiilinga ni dangada Israel donu: 
go hagadiilinga o Delaiah, ma Tobiah, aama Nekoda se 642 
Gai mai i de gau haimeedabu: go de hagadiilinga o Hobaiah, ma Hakkoz, ma Barzillai (go taane ne hai bodu ange laa gi dahi damaa hine a Barzillai, taane Gilead, gai ia ne kave de ingoo o dono saulaba). 
De gau nei ne ssala olaadeu ingoo i lodo beebaa e sisi ai laa ingoo, gai tee gidee e gilaadeu; deelaa ai, gilaadeu gu dee gilimalali ma tee dau madali de gau haimeedabu. 
Gai de goobenaa ne hai ange gilaadeu gi dee gaina gai dabu, ga dae ai gi de dahi dangada haimeedabu e hagamodu ina mee nei i de Urim ma de Thummim. 
Taelodo o dangada alodahi se 42,360, 
gai olaadeu daane ma haahine hai hegau se 7,337; olaadeu daane ma haahine daahili se 245. 
Alaadeu hoosa se 736, alaadeu mule se 245. 
Alaadeu gamelo se 435, alaadeu donkey se 6,720. 
Gai hanu dagi o denga hagadiilinga ne daohi age hanu mee e hai ai de hegau. De goobenaa ne daohi age e mano daric goolo, e madalima boolo, ma e matolu malo ange gi de gau haimeedabu, aama e limalau mina selevaa. 
Gai hanu dagi o denga hagadiilinga ne daohi age e luasemada daric goolo, ma e 2,200 mina selevaa. 
Gai dangada ange laa ne daohi age e luasemada daric goolo, ma e luamano mina selevaa, aama e madaono ma hidu malo ange gi de gau haimeedabu. 
Gai de gau haimeedabu, ma de aamuli o Levi, ma de gau hagaloosi haitoga, ma de gau daahili, ma hanu mai i magavaa o dangada, ma de gau e haia hegau i de hale daumaha, ma de gau Israel alodahi ne hulo ga nnoho i olaadeu aduhale donu. Gai ga dae mai huu de hidu malama, gai de gau Israel gu nnoho i olaadeu aduhale donu. 
