﻿भजन.
124.
दाऊदया भजन, यरूशलेमय् थाहां वनेत हाःगु म्‍ये परमप्रभु झीपाखे मदीगु जूसा, इस्राएलं आः धायेमा, 
परमप्रभु झीपाखे मदीगु जूसा, मनूतय्‌सं झीत हमला याःबलय् 
झीपिं खनाः इपिं मि थें तं चाःबलय्, इमिसं झीत म्‍वाःम्‍वाकं नुनाछ्वये धुंकीगु। 
खुसिबालं झीत त्‍वपुये धुंकीगु, अले लःधाः झीगु म्‍हया च्‍वय्‌नं न्‍ह्याये धुंकीगु। 
छ्वाःगु लखं झीत चुइकायंके धुंकीगु। 
झीत इमिगु वाया शिकार जुइके बिया मदीम्‍ह परमप्रभुया प्रशंसा जुइमा। 
शिकारीया जालं झंगः बचय् जूगु थें झीपिं बचय् जुइ धुंकल। इमिगु जाः गुत अले झीपिं बचय् जुल। 
झीगु ग्‍वाहालि स्‍वर्ग व पृथ्‍वी सृष्‍टि यानादीम्‍ह परमप्रभुया नामय् दु। 
