﻿भजन.
123.
यरूशलेमय् थाहां वनेत हाःगु म्‍ये हे स्‍वर्गया सिंहासनय् च्‍वनादीम्‍ह परमप्रभु, जिं छिपाखे थःगु मिखा ब्‍वये। 
गथे दासं थः मालिकपाखे मिखा ब्‍वइ, अले दासीं थः मालिकनीपाखे मिखा ब्‍वइ, अथे हे छिं जिमित दया माया यानामदीतले जिमिसं छि परमप्रभु जिमि परमेश्‍वरपाखे मिखा ब्‍वयाच्‍वने। 
जिमित दया यानादिसँ, हे परमप्रभु, जिमित दया यानादिसँ। जिपिं तसकं हे क्‍वह्यंकाः च्‍वनेमाःगु दु। 
तःमिपिनिगु पाखें जिमिसं हेबाय्‌चबाय् याकाच्‍वने माःगु दु। अले तःधंछुया जुइपिनिपाखें हिस्‍याका च्‍वनेमाःगु दु। 
