﻿भजन.
87.
कोरह वंशयापिनिगु भजन परमप्रभुं पवित्र पर्वत सियोनय् थःगु शहर दय्‌कादिल। 
इस्राएलया मेमेगु शहरयात स्‍वयाः वय्‌कलं यरूशलेम शहरयात अप्‍वः माया यानादी। 
हे परमेश्‍वरया शहर, परमेश्‍वरं छंगु बारे धयादीगु बांलाःगु खँ न्‍यँ – सेला 
“जिगु आज्ञा पालन याइगु देशतय्‌गु धलखय् मिश्र व बेबिलोनया नां नं दइ। पलिश्‍त, टुरोस व कूशयापिं मनूतय्‌त यरूशलेमयापिं मनूतलिसें ल्‍याः खाइ।” 
सियोनया बारे थथे धाइ, “फुक्‍क मनूत अनया नागरिकता दयाः याउँक च्‍वनी” अले दक्‍वसिबय् तःधंम्‍हं वयात बल्‍लाकादी। 
परमप्रभुं जाति जातियापिं मनूतय्‌गु छगू नां धलः दय्‌कादी अले उपिं सकसिगुं नां यरूशलेमय् च्‍वंपिं मनूत कथं च्‍वयादी। सेला 
इपिं प्‍याखं ल्‍हुइ अले म्‍ये हाली, “जिमिगु फुक्‍क सुवाःया मुहान सियोनय् दु।” 
