﻿नहेम्‍याह.
10.
बचं भ्‍वँतय् सही याःपिं थुपिं हे खः – हकल्‍याहया काय् राज्‍यपाल नहेम्‍याह, सिदकियाह, 
सरायाह, अजर्याह, यर्मिया, 
पशहूर, अमर्याह, मल्‍कियाह, 
हत्तूश, शबन्‍याह, मल्‍लूक, 
हारीम, मरेमोत, ओबदिया, 
दानिएल, गिन्‍नतोन, बारूक, 
मशुल्‍लाम, अबिया, मियामीन, 
माज्‍याह, बिल्‍गै व शमायाह। थुपिं पुजाहारीत खः। 
लेवीत – अजन्‍याहया काय् येशूअ, हेनादादया वंशयाम्‍ह बिन्‍नूई, कादमीएल, 
व इमि थःनापं ज्‍या याइपिं लेवीत शबन्‍याह, होदियाह, कलीता, पलयाह, हानान, 
मीयका, रहोब, हशब्‍याह, 
जक्‍कूर, शरेबियाह, शबन्‍याह, 
होदियाह, बानी व बनीनू। 
मनूतया नायःत – परोश, पहत-मोआब, एलाम, जत्तू, बानी, 
बुन्‍नी, अज्‍गाद, बेबै, 
अदोनियाह, बिग्‍वै, आदीन, 
आतेर, हिजकिया, अज्‍जूर, 
होदियाह, हाशूम, बेजै, 
हारीप, अनातोत, नेबै, 
मग्‍पीआस, मशुल्‍लाम, हेजीर, 
मशेजेबेल, सादोक, यदूअ, 
पलत्‍याह, हानान, अनायाह, 
होशिया, हनन्‍याह, हश्‍शूब, 
हल्‍लोहेश, पिल्‍हा, शोबक, 
रेहूम, हशब्‍ना, मासेयाह, 
अहिया, हानान, आनान, 
मल्‍लूक, हारीम व बानाह। 
मेपिं मनूत - पुजाहारीत, लेवीत, ध्‍वाखा पिवाःत, म्‍ये हालीपिं, देगलय् सेवा याइपिं, थः कलाः व सीके थुइके फुपिं मस्‍तनापं व थः भारदार दाजुकिजापिंनापं इपिं फुक्‍कसिनं परमेश्‍वरया व्‍यवस्‍था मानय् यायेत देश देशयापिं मनूतपाखें अलग च्‍वनेत 
मिलय् जुयाः थथे धकाः पाफल, परमेश्‍वरया दास मोशापाखें बियादीगु परमेश्‍वरया व्‍यवस्‍थाकथं जुये अले इपिं परमप्रभुयागु फुक्‍क आज्ञा, बिधि व नियम बांलाक मानय् याये। 
“जिमिसं थःम्‍ह्याय्‌पिं मेगु जातियापिं मनूतलिसें ब्‍याहा यानाबी मखु अथवा जिमि काय्‌पिनिगु लागि इमि म्‍ह्याय्‌पिं हये नं मखु। 
“उपिं मेगु जातियापिन्‍सं शबाथ खुन्‍हु वा मेगु पवित्र न्‍हिखुन्‍हु मी हःगु अन्‍न वा मेगु सामान जिमिसं न्‍याये मखु। न्‍हय्‌गूगु दँ पतिकं जिमिसं बुँइ अन्‍न पी मखु अले फुक्‍क त्‍यासा त्‍वःताबी। 
“दँय्‌दसं जिमि परमेश्‍वरया देगलय् खर्च यायेत जिपिं सकसिनं ४ ग्राम वहः बी। 
जिमि परमेश्‍वरया देगःया सेवाया निंतिं पवित्रगु मरि, न्‍हियान्‍हिथंया अन्‍नबलि व होमबलिया निंतिं पशुत, शबाथ, अमाइ व मेगु नखःचखःबलय् माःगु देछात, इस्राएलया प्रायश्‍चितया निंतिं पापबलि, अले जिमि परमेश्‍वरया देगःया ज्‍याया निंतिं छु छु माःगु मेगु नं जिमिसं बी। 
“जिपिं पुजाहारीत, लेवीत व मनूतय्‌सं व्‍यवस्‍थाय् च्‍वया तः थें परमप्रभु जिमि परमेश्‍वरयागु वेदीइ छ्वय्‌केत दँय्‌दसं क्‍वःछिनातःगु इलय् पालंपाः परिवार परिवार यानाः जिमि यागु देगलय् सिँ हयेत चिट्ठा तयागु दु। 
“दँय्‌दसं थःगु बुँइ मुनागु न्‍हापांगु अन्‍न व सिमाय् सःगु न्‍हापांगु फलफुल जिमि परमप्रभुया देगलय् छाये। 
“जिमिगु परिवारय् न्‍हापां बूम्‍ह काय् परमेश्‍वरया व्‍यवस्‍थाय् क्‍वःछिनातःथें परमप्रभु जिमि परमेश्‍वरया देगलय्, अन सेवा याइपिं पुजाहारीतय्‌थाय् छाये हये। थुकथं हे सा द्वहंया न्‍हापाम्‍ह मचा व फैच्‍वलय्‌चा न्‍हापांम्‍ह मचा जिमिसं छाये। 
“दँय्‌दसं थःगु बुँयागु न्‍हापांगु अन्‍नया न्‍हायातःगु छ्वचुं व जिमिसं छायेमाःगु छ्वचुं व जिमिसं छायेमाःगु फुक्‍क कथंयागु फलफुल, न्‍हूगु दाखमद्य, जैतूनया चिकं जिमि परमेश्‍वरया देगःया धुकुतिइ पुजाहारीतय्‌थाय् हये। “अले लेवीतय् थाय् जिमिगु बुँयागु झिब्‍वय् छब्‍व हयेत जिमिसं बचं बी। शहरय् झिब्‍वय् छब्‍व मुनेत वःपिं लेवीतय्‌त जिमिसं थःगु बुँइ सःगु अन्‍नया झिब्‍वय् छब्‍व बी। 
झिब्‍वय् छब्‍व मुंगु इलय् हारून वंशयापिं पुजाहारी छम्‍ह लेवीतनापं दइ। थुकथं मुंगु झिब्‍वय् छब्‍वयागु नं झिब्‍वय् छब्‍व लिकयाः उपिं लेवीतय्‌सं जिमि परमेश्‍वरया देगःया धुकुतिइ हयेगु याइ। 
इस्राएलीत व लेवीतय्‌सं देछाया अन्‍न, न्‍हूगु दाखमद्य व चिकं पवित्र थासय् छ्यलेगु थलबल दुगु धुकुतिइ हयेमाः। थ्‍व हे सेवा याइपिं पुजाहारी, देगलय् पिवाः च्‍वनिपिं व म्‍ये हालीपिं च्‍वनीगु थाय् खः। “जिमिसं थः परमप्रभु परमेश्‍वरयागु देगः बांलाक स्‍वये।” 
