﻿१ इतिहास.
7.
इस्‍साखारया प्‍यम्‍ह काय्‌पिं दु। इमिगु नां तोला, पूवा, याशूब व शिम्रोन खः। 
तोलाया काय्‌पिं – उज्‍जी, रपायाह, यरीएल, यहमै, यिब्‍साम व शमूएल खः। इपिं सकलें थथःगु परिवारया नायः व बहादुर सिपाइँत खः। दाऊद जुजुया पालय् इमि परिवारय् २२,६०० म्‍ह मनूत दु। 
उज्‍जीया काय् यिज्‍यहि खः। यिज्‍यहिया काय्‌पिं – मिखाएल, ओबदिया, योएल व यिश्‍याह खः। इपिं न्‍याम्‍हं हे नायःत खः। 
इमिगु वंशावलीकथं इमिके ३६,००० म्‍ह सिपाइँत दु। इमिगु परिवार तःधं छाय्‌धाःसा इमि यक्‍व मिस्‍त व मस्‍त दु। 
वंशावलीकथं इस्‍साखारया फुक्‍क वंशय् ८७,००० म्‍ह बल्‍लाःपिं सिपाइँत दु। 
बेन्‍यामीनया स्‍वम्‍ह काय्‌पिं – बेला, बेकेर व येदीएल खः। 
बेलाया न्‍याम्‍ह काय्‌पिं दु। इमिगु नां यसम्‍बोन, उज्‍जी, उज्‍जीएल, यरीमोत व ईरी खः। इपिं थथःगु परिवारयापिं मू मनूत खः। इमिगु वंशावलीकथं इमिके २२,०३४ म्‍ह सिपाइँत दु। 
बेकेरया काय्‌पिं – जमीरा, योआश, एजीएजर, एल्‍योएनै, ओम्री, यरेमोत, अबिया, अनातोत व आलेमत खः। इपिं सकलें बेकेरया काय्‌पिं खः। 
इमिगु वंशावलीया धलखय् परिवार परिवारयापिं नायःत व २०,२०० म्‍ह सिपाइँत च्‍वयातःगु दु। 
येदीएलया काय् बिल्‍हान खः। बिल्‍हानया काय्‌पिं – येऊश, बेन्‍यामीन, एहूद, केनाना, जेतान, तर्शीश व अहीशहर खः। 
थुपिं सकलें येदीएलया काय्‌पिं थःथः परिवारया मू मनूत खः। इमिके १७,२०० म्‍ह सिपाइँत दु। इपिं सकलें सेनानापं लडाइँलय् वनेत तयार दु। 
शुप्‍पी व हुप्‍पीत इरया सन्‍तान खः, अले हूशीत अहेरया सन्‍तान खः। 
नप्‍तालीया काय्‌पिं – यहसेल, गुनी, येसेर व शिल्‍लेम खः। थुपिं बिल्‍हाया सन्‍तान खः। 
थुपिं मनश्‍शेया सन्‍तान खः – मनश्‍शेया मथ्‍याःम्‍ह अरामी कलाःपाखें अस्रीएल धाःम्‍ह काय् दु। इमि माकीर धाःम्‍ह काय्‌नं दु। माकीर गिलादया बाः खः। 
माकीरं हुप्‍पी व शुप्‍पीतय् छम्‍ह मिसालिसें ब्‍याहा यात। माकीरया केहेँया नां माका खः। वया मेम्‍ह सन्‍तानया नां सलोफाद खः। सलोफादया म्‍ह्याय्‌पिं जक दु। 
माकीरया कलाः माकाया छम्‍ह काय् दु। माकां वयागु नां पेरेश तल। पेरेशया किजाया नां शेरेश खः। शेरेशया काय्‌पिं – ऊलाम व राकेम खः। 
ऊलामया काय् बदान खः। थुपिं गिलादया सन्‍तान खः। गिलाद माकीरया काय् मनश्‍शेया छय् खः। 
गिलादया केहेँ हम्‍मोलेकेतया काय्‌पिं – ईशोद, अबीएजेर व महला खः। 
शमीदाया काय्‌पिं – अहियन, शकेम, लिखी व अनीआम खः। 
एफ्राइमया सन्‍तान थुपिं खः। एफ्राइमया काय् शूतेहल खः। शूतेहलया काय् बेरद खः। बेरेदया काय् तहत खः। तहतया काय् एलादा खः। एलादाया काय् तहत खः। 
तहतया काय् जाबाद खः। जाबादया काय् शूतेहल खः। एफ्राइमया मेपिं काय्‌पिं – एसेर व एलादयात गादयापिं मनूतय्‌सं इमि सा द्वहं खुयाकायेत वंबलय् स्‍यानाबिल। 
अथे जुयाः इमि बाः एफ्राइम तःन्‍हु तक इमिगु लागि नुगः मछिंका च्‍वन। अले वयात ह्येकेत वयाः थःथितित वल। 
अनंलि एफ्राइम थः कलाःलिसे द्यन। अले वया कलाःया प्‍वाथय् दत। वं छम्‍ह काय् बुइकल। थःगु परिवारय् विपत्ति वःगु जुयाः एफ्राइमं उम्‍ह काय्‌या नां बरीआ धकाः तल। 
वया शेराह धाःम्‍ह छम्‍ह म्‍ह्याय् दु। शेराहं क्‍वय् व च्‍वय्‌च्‍वंगु बेथ-होरोन अले उज्‍जेन-शेराह शहरयात पलिस्‍था यात। 
रपाह एफ्राइमया काय् खः। रेशेप रपाहया काय् खः। तेलह रेशेपया काय् खः। तहन तेलहया काय् खः। 
लादान तहनया काय् खः। अम्‍मीहूद लादानया काय् खः। एलीशामा अम्‍मीहूदया काय् खः। 
नून एलीशामाया काय् खः। यहोशू नूनया काय् खः। 
इमिगु देश व इपिं च्‍वनीगु थाय् बेथेल व उकिया जःखः च्‍वंगु शहर अले पुर्बय् नारान व पच्‍छिमय् गेजेर व उकिया जःखः च्‍वंगु शहर, हानं उत्तरय् शकेम व उकिया जःखः च्‍वंगु शहर, अय्‌याह व उकिया जःखः च्‍वंगु शहर तक खः। 
मनश्‍शेया इलाकाया सिमानाय् बेथ-शान, तानाक, मगिद्दो व डदोर शहर उमिगु जःखः च्‍वंगु गां दु। थुपिं शहरय् इस्राएलया काय् योसेफया सन्‍तान च्‍वनीगु खः। 
आशेरया काय्‌पिं – यिम्‍ना, यिश्‍वा, यिश्‍वी व बरीआ खः। इमि केहेँ सेरह खः। 
बरीआया काय्‌पिं – हेबेर व मल्‍कीएल खः। मल्‍कीएल बिर्जेतया बाः खः। 
हेबेर, यप्‍लेत, शोमेर, होताम व इमि केहेँ शूअया बाः खः। 
यप्‍लेतया काय्‌पिं – पासक, बिम्‍हाल व अश्‍वात खः। थुपिं यप्‍लेतया काय्‌पिं खः। 
शोमेरया काय्‌पिं – अही, रोहगा, हूब्‍बा व अराम खः। 
वया किजा हेलेमया काय्‌पिं – सोपह, यिम्‍न, शेलेश व आमाल खः। 
सोपहया काय्‌पिं – सूह, हर्नेपेर, शूआल, बरी, यिम्राह, 
बेसेर, होद, शामा, शिल्‍शा, यित्रान व बीरा खः। 
येतेरया काय्‌पिं – यपुन्‍ने, पिस्‍पा व अरा खः। 
उल्‍लाया काय्‌पिं – आरा, हन्‍नीएल व रिसिया खः। 
थुपिं सकलें आशेरया सन्‍तान खः। इपिं परिवार परिवारया नायः, ल्‍ययातःपिं मनूत व बहादुर सिपाइँत खः। अले तःधंपिं नायःत खः। वंशावलीकथं इमिके २६,००० म्‍ह सिपाइँ दु। 
