MAR 4:35 Wurdamayena nina Djisas wakana baberrawa djawirna. “Ngurrbidjeba kanawa belbaya ngakaliyarra.”
MAR 4:36 Karr-bakorrawa banabawana nina djawirna bakaya Djisas kana kabbala yingawa narr-munga kabbala bakakaya bardayika.
MAR 4:37 Nadjorra wunamirla djaba balbala wunamirla nayaka. Kuka bonganjana kana kabbala. Kabbala mankirdiyana.
MAR 4:38 Djisas yurda kana kabbala bila belbana yurda. Djawirna bakulkiya bawakana liyawa, “Djabba, nangarda njeyaba njeyurda? Njeyaba korla keydjama anjekarkaya nguberrabba. Nguberrabba korlaba ngubumarnkirriya.”
MAR 4:39 Djisas karamarda wakana lorr balbala kuka, “Baddiyana, marawaka!” Kanaba yingawa balbala baddiyana maburlarr nina.
MAR 4:40 Djisas wakana baberrawa djawirna “Nangarda liyawa njeyaba njawarakuma liyawa balbala? Ngarabba ngakadjawiya kendjarra. Korla nganakalewa ngarabba?
MAR 4:41 Bawakana baberrawa kanawa nguyawa “Kara njinka wunakelaya? Nangarda liyawa balbala yingawa baddiyana nguburrkeleya liyawa nakabba?” Baberrabba kunara balilibeyana liyawa bawar-kumada liyawa.
MAR 16:2 Barramarngada nina Sunday, nabbena kididjana. Kawarr-kakardabba ngardawa-niya nawara barribana kana wunaddakala. Ba-berrabba barribana beneya Djisas. Barawabba Djisas djormarda. Nawara yinmiya Mary Magdalene, kunjma Salomi, mubba Mary yinmiya mangaya James.
MAR 16:3 Ba-berrabba ba-diyaka, ba-wakana ba-berrama, “Nginka wunaddakala wunamila yakaka mardda ngu-berraba ngu-bidjeba kana mera wunaddakala?”
MAR 16:4 Nawara bokkolarna, ba-nana wunaddakala warranbiyana.
MAR 16:5 Ba-berrabba ba-bonganjana wunaddakala. Ba-nana wunakelaya nina kana nakkayel. Na-kabba nebbeya karrbardana kakaya. Kunara balilibeyana.
MAR 16:6 Na-kabba wakana ba-berrawa, “Korla nganjawarakuma. Nu-berrabba ngangada ngurrbadjarrakindja? Na-kabba Djisas kana na-keyniya Nazareth. Na-kabba ba-burda Djisas kardanjayana yuna. Djisas na-kabba karamarda. Na-kabba korla kakkana. Na. Neyana kana ba-bangiya wunaddakala. Korla na-kabba kakkana.”
JOH 3:16 Bakama Namarndjarra barn-ngangiya nguberrawa Nakabba djawa Bokamarda nakundadjingiya. Marda marra idawa liyawa Bokmardaba, kola ngurr-badjorama garra ngurr-baninja ngurrbiworkaya.
