MAT 1:1 ዳዉተ ናአ አፍራመ ናአ ማቄዝ የሱስ ክርስቶሳ የለትꬅ።
MAT 1:2 አፍራመ እሳቃ የሌዛ፤ እሳቃ ያይቆባ የሌዛ፤ ያይቆባ ይሁዳራኔ ኤ እሽታ የሌዛ፤
MAT 1:3 ይሁዳ ትእማርፕ ፓረሳኔ ዛራ የሌዛ፤ ፓረሳ አስሮመ የሌዛ፤ አስሮማ ራመ የሌዛ፤
MAT 1:4 ራመ አምናዳባ የሌዛ፤ አምናዳባ ናአሶና የሌዛ፤ ናአሶና ሳልሞነ የሌዛ፤
MAT 1:5 ሳልሞና ራአብፐ ቦኤዛ የሌዛ፤ ቦኤዛ ኡርትፐ ኢዮቤደ የሌዛ፤ ኢዮቤደ ኢሳየ የሌዛ፤
MAT 1:6 ኢሳየ ካታ ዳውተ የሌዛ፤ ካት ዳውተ ኦርዮ ማቻትፐ ሶሎሞነ የሌዛ፤
MAT 1:7 ሶሎሞነ ሮብአማ የሌዛ፤ ሮብአመ አብያ የሌዛ፤ አብየ ኣሳፈ የሌዛ፤
MAT 1:8 ኣሳፈ ኢዮሳፈጸ የሌዛ፤ ኢዮሳፍጸ ኢዮራመ የሌዛ፤ ኢዮራመ ኦዛኔ የሌዛ፤
MAT 1:9 ኦዛኔ ኢዮአታመ የሌዛ፤ ኢዮአታመ አካዛ የሌዛ፤ አካዛ ህዝቃሳ የሌዛ፤
MAT 1:10 ህዝቃሳ ምናሰ የሌዛ፤ ምናሰ አሞጻ የሌዛ፤ አሞጻ ኢዮሳሳ የሌዛ፤
MAT 1:11 ኢዮሳሳ ኢኮናናራኔ ኤ እሽታ የሌዝ ያ ላይꬅተ እስሬለ አሳይ ድእንቲ ባብሎነ ቢታ Ꮊንጌዛ።
MAT 1:12 ባብሎነ ቢታ እስሬለ አሳይ ድእንቲ Ꮊንጌዛይፕ ጉዬ ኢኮናና ሳላትያለ የሌዛ። ሳላትያለ ዘሩባበላ የሌዛ፤
MAT 1:13 ዘሩባበላ አብድዩ የሌዛ፤ አብድዩ ኤልያቀመ የሌዛ፤ ኤልያቀመ ኣዞራ የሌዛ፤
MAT 1:14 ኣዞራ ሳዶቀ የሌዛ፤ ሳዶቀ አክመ የሌዛ፤ አክመ ኤልዩዳ የሌዛ፤
MAT 1:15 ኤልዩዳ አላዛራ የሌዛ፤ አላዛረ ማታነ የሌዛ፤ ማታነ ያይቆባ የሌዛ፤
MAT 1:16 ያይቆባ ዮሴፋ የሌዛ፤ ዮሴፋ ክርስቶሳ ግዝ የሱሳና የሌዝ ማይራሚ አዝና።
MAT 1:17 ይኬ፥ የለትꬅ አፍራመፕ ዳዉተ ሄሎዳይስ ታጶ ኦይደ። ዳዉተፕ Ꮊንጊ ባብሎነ ድአ ሄሎዳይስ ታጶ ኦይደ። ባብሎነ ድአይፕ Ꮊንጊ ክርስቶሳ ሄሎዳይስ ታጶ ኦይዲ የለትꬅ ማቅዛ።
MAT 1:18 የሱስ ክርስቶሳ የልንቶ ታርካይ Ꮊይፕ ካልዛ። ኤ እንዳት ማይራማ ዮሴፋስ ኦይጭንቲ የዛር ዮሴፋር ዎላ አቀካዛር ጌሻ አያናፕ ዎደጼዛ።
MAT 1:19 ዮሴፋ ጌሻ አስ ማቄዝ ግሾ እዞ አሲ ኦዶዳይ ጋርክ ኮየካዛይ ግሾስ ጌማር አሾዳይስ ቆፔዛ።
MAT 1:20 ኤ የ ቆፋል የዝን ጾሳ ኪታንቻይ አቡካር ኤስ በንቲ፥ «ዳዉተ ናአ፥ ዮሴፋ፥ ማይራማ ዎደጼዛይ ጌሻ አያናፕ ማቄዝ ግሾ እዞ ኤኮዳይስ ያሽትፐ» ዬጌዛ።
MAT 1:21 እዛ ꬍራꬅ ናአ የሎዳ፥ ኤ ዎይታ ኡ ናጋራይፕ አሽዛይ ግሾ ኤ ሱንꬃ ነ የሱሳ ግ ጼጎዳ።
MAT 1:22 ጎዳይ ናባይ ዶናር፥
MAT 1:23 «ይኬ ዉድርታ ዎደጾዳ፤ ꬍራꬅ ናአካ የሎዳ፤ ኤ ሱንꬃይ አማኑኤላ ግንትንቶዳ» ጌዛይ ፖልንቶዳይ ጋርክ Ꮊ ኡባይ ሀኔዛ። አማኑኤላ ጉሳይስ ብርሽꬃይ «ጾሳይ ኑር የዛ» ጉሲ።
MAT 1:24 ዮሴፋ ገንታፕ ባርኪ ጎዳይ ኪታንቻይ ኪቴዛይ ጋርክ ማይራሞ ፋ ካራ ካንጌዛ።
MAT 1:25 ዝን ፋ ባይራ ናአ የሎድ ጋꬆ እዞ ቦቼካያ፤ የልንቴዝ ናአካ የሱሳ ጊ ጼጌዛ።
MAT 2:1 ካት ሄሮዶሳ ዎደ የሱሳ ይሁዳ ቢታ ቤተለመ ካታማ የልንቴዛይፕ ጉየ ጾልንቶ ፍላግዝታይ አዋ ከስ ባጋፕ የሩሳላመ ይኢ፥
MAT 2:2 «የልንቴዝ አይሁድታይ ካታይ አባ የኔ? ኑ አዋ ከስ ባጋር ከዜዝ ጾልንቶ ብኢ ኤዝስ ጎይኖዳይስ የኤዛ» ዬጊ ኦይጬዛ።
MAT 2:3 ካት ሄሮዶሳ የያ ስኢ ዳጋሜዛ። የሩሳላመ የዝ አስ ኡባይካ ዳጋሜዛ።
MAT 2:4 ሄሮዶሳ ቄሰ ሀላቅታኔ ህገ አስታማርታ ፋኮ ጼጊ «ክርስቶሳ አባ የልንቶደሻ?» ዬጊ ኡንታን ኦይጬዛ።
MAT 2:5 ኡንትካ፥ «ይሁዳ ቤተለመ ናባይ፥
MAT 2:6 « ‹ይሁዳ የዝ ቤተለመ፥ ይሁዳ የዝ ጋደ አቅስዝታይፕ፥ ነ አባራካ ካዉዦያ። ታ ዎያ እስሬለ ሃርዛይ፥ ኔፕ ከዞዳ ኤካ ታ ዎያ እስሬለ ሄንግዛ ማቃዳ› ግ ጻፌዛ» ዬጌዛ።
MAT 2:7 የይፕ ጉየ፥ ሄሮዶሳ አዋ ከስ ባጋፕ የኤዝ አስታ ጌማር ጼጊ፥ ጾልንቶ ኡ በኤዝ ላይꬃ ኡንታፕ ሎእꬅ ኦይጪ ኤሬዛ።
MAT 2:8 ኤ ኡንታን ቤተለመ ዳክታር፥ «Ꮊንጊ የልንቴዝ ናአ ሚንꬂ ኮዦይታ፤ ኤዛ ይ ደንግኮ ታካ Ꮊንጊ ኤዝስ ጎይኖድ ጋርክ ማቅታር ታስ ኦዶይታ» ዬጌዛ።
MAT 2:9 ኡንትካ ካታይ ሄሮዶሳ ኦዴዛና ስኢ ቅቴዛ። ኡ አዋ ከስ ባጋር በኤዝ ጾልንታይ ኡንታን ካልꬂታር ናአይ የዛ አቃይድ ኤቆድ ሄሎዳይስ ካንጊ ሄልꬄዛ።
MAT 2:10 ኡ የ ጾልንታ ብኢ አቆፕ ኣꬎ ኡፋይስ ኡፋይቴዛ።
MAT 2:11 ካራ ገሊ ናአይ ፋ እንዳት ማይራምር የዛና በኤዛ። ኤስ ጹጉኒ ጎይኔዛ። ፋ ሳጽና ዶዪ ዎርቀራ፥ እጻነራኔ ካርበራ ኤስ እንጌዛ።
MAT 2:12 ኡ ሄሮዶሳኮ ጉየ ማቃማይ ጋርክ ጾሳይ አቡካር ኡንትስ ኦድን፥ ሀራ ኦገር ፋ ቢታ ማቄዛ።
MAT 2:13 አዋ ከስ ባጋፕ የኤዝ አሳይ ቅቴዛይፕ ጉየ፥ ጎዳይ ኪታንቻይ ዮሴፋስ አቡካር በንቲ፥ «ሄሮዶሳ ናአና ዎꬎዳይስ ኮይዝግሾስ ደንዶባ፤ ኤልሲ ናአይራ ናአይ እንዳትራ ኤኪ ግብጸ ቢታ Ꮊንጎባ። ነ ማቃድ ጋላሳ ኔስ ኦዶድ ጋꬆ ኤዛይድ ጋምኦባ» ዬጌዛ።
MAT 2:14 የይ ግሾስ፥ ዮሴፋ ቃማር ደንዲ፥ ናአይራ ናአይ እንዳትራ ኤኪ ግብጸ Ꮊንጌዛ።
MAT 2:15 ናበ ዶናር ጾሲ፥ «ታኒ፥ ታ ናአ፥ ግብጸ ቢታፕ ጼጌዛ» ግንትንቴዝ ቃላይ ፖልንቶድ ጋርክ ሄሮዶሳ Ꮊይቆድ ሄሎዳይስ ኤ ኤዛይድ ጋምኤዛ።
MAT 2:16 የይፕ ጉየ፥ አዋ ከስ ባጋፕ የኤዝ አሳይ ኤዛ ዶሼዛና ኤሪ ኢታ ይሎቴዛ። ኤ ቲና ኡንታፕ ስኤዛይ ጋርክ ቤተለመኔ የ ሄራ የዝ ናምኢ ላይꬅ ኩመዝታኔ ናምኢ ላይꬃፕ ሱለ የዝ ꬍራꬅ ናእታ ኡባ ፋ ዎታዳርታ ዳኪ ዎꬍሴዛ።
MAT 2:17 ናበ እርማሳ ዶናር፥ «ዬፎኔ ዘላልሲ፥ ራማ ስንቴዛ። እራሄላ ፋ ናእታይስ ዬክዛ፤ ኡ Ꮊይቄዝ ግሾስ ምንጎዳይስ ዳንዳኤካያ» ግ ኦዴዛይ ፖልንቴዛ።
MAT 2:19 ሄሮዶሳ Ꮊይቄዛይፕ ጉየ ጎዳ ኪታንቻይ ዮሴፋስ ግብጸ አቡካር በንቲ፥
MAT 2:20 «ናአ ዎꬎዳይስ ኮይዝታይ Ꮊይቄዝ ግሾስ ደንዲ ናአይራ ናአይ እንዳትራ ኤኪ እስሬለ ቢታ ማቆባ» ዬጌዛ።
MAT 2:21 ዮሴፋ ደንዲ ናአይራ ናአይ እንዳትራ ኤኪ እስሬለ ቢታ ማቄዛ።
MAT 2:22 ዝን አርክሎሳ ይሁዳል ፋ አዳይ ሄሮዶሳ አቆ ካዉቴዛና ስኢ የ አቃ Ꮊማዳይስ ያሽቴዛ። ጾሳይ አቡካር ኤዛ ቤዝን ጋልላ ቢታ Ꮊንጌዛ።
MAT 2:23 ናብታይ ዶናር፥ «ናዝረተ አስ ግንትንቶዳ» ግ ኦድንቴዛይ ፖልንቶድ ጋርክ ናዝረተ ካታማ Ꮊንጊ ኤዛይድ ጋምኤዛ።
MAT 3:1 የ ዎደ ጻማቅዛ ዋንሳ፥ «ጾስ ካተትꬂ ኡኬዝ ግሾስ ይ ናጋራይፕ ማቆይታ» ዬጊ ሳባክታር ይሁዳ ሊዦ ጋꬋር የኤዛ።
MAT 3:3 ናበ ኢሳያሳ ኦዴዛይ ዋንሳ ባጋ፥ «ሊዦ ጋꬋ፥ ፐቲ አꬋይ ፋ ቃላ ꬎቅ ኡዲ፥ ‹ጎዳይ ጎሳ ሎእꬆይታ። ኤ ኦጋ ፕትꬃካ ሉልሶይታ› ጌዛ» ዬግንቴዛይ ኤሲ ዬጌዛ።
MAT 3:4 ዋንሳ ግማለ እክሰፕ ዳድንቴዝ አፍላ ማእዛ። ፋ ጼሳይዳካ ዳፈ ዳንጭዛ። ኤ ሚዝ ካꬃይካ ቦለራኔ ደገራ ኤሳራ።
MAT 3:5 አሳይ የ ዎደ የሩሳላመ ካታማፐ፥ ይሁዳ ቢታ ኡባይፐራኔ ዮርዳኖሳ ቦርካ ሄራፐ ኤኮ ይእዛ።
MAT 3:6 ፋ ናጋራ ቡጽታር ዮርዳኖሳ ቦርካ ኤ ኩሸ ጻማቅንትዛ።
MAT 3:7 ኤዝካ፥ ጋመ ፈርሳውታይፐኔ ሳዱቃውታይፕ ጋምታይ ጻማቅንቶዳይስ ፋኮ ይእዝታ ብኢ፥ ኡንትኮ፥ «Ꮊ ሾሽ ናኡንꬆ፥ የኦድ ጾስ ካቻይፕ ቆስንቶዳይ ጋርክ ይንታን ዞሬዛይ ኦኖ?
MAT 3:8 ይኬ፥ ይንቲ፥ ይ ናጋራይፕ ማቄዛና ቤዝዛ ኣፈ ኣፎይታ።
MAT 3:9 ይ፥ ይ ዎዝናራ፥ ‹አፍራመ፥ ኑ አደ ግ ይ ቆፕዛይ ጋርክ› ይንትስ ማቅፐ። ሎእꬂ ስኦይታ! ጾሳይ Ꮊ ሹችታይፕ አፍራመስ ናአ ከሶዳይስ ዳንዳእዛ።
MAT 3:10 ጋንደ ምንጻይ ጻጳይድ ጊጊ በቴዛ፤ ሎኦ ኣፈ ኣፎዋ ምꬂ ኡባይ ጋችንቲ ታማ ጋንጨ ዎꬎዳ።
MAT 3:11 «ይ፥ ይ ናጋራይፕ ማቄዛና ኤርሶዳይስ ታ ይንታን ሃꬃር ጻማቅዛ። ዝን ታፕ ጉየር ይእዛይ ይንታን ጌሻ አያናራኔ ታማር ጻማቆዳ። ኤ ታፕ ሎእꬂ ሚንግዛ፤ ታ ሀራ አቶዝን ኤ ጫማ ቶኮዳይስ ቤዞያ።
MAT 3:12 ካꬃ ጌሽዝ ፕꬄ ኤ ኩሻይድ የዛ። ካꬃ ሎእꬂ ጌሽዛ፤ ግስታ ፋ ሻላይድ ኦሎዳ፥ ዝን ቡና ቶኦዋ ታማይድ ጹጎዳ» ዬጌዛ።
MAT 3:13 የ ዎደ የሱሳ ዋንሳ ኩሻይድ ጻማቅንቶዳይስ ጋልላፐ ዮርዳኖሳ ቦርካ Ꮊንጌዛ።
MAT 3:14 ዝን ዋንሳ ኤዛ ካዮዳይስ ኮዪ፥ «ታ ነ ኩሻይድ ጻማቅንቶዳይስ ቤዞዳር ነ ታኮ ይእኔ?» ዬጌዛ።
MAT 3:15 የሱሳ ማሂ፥ «ጾሲ ኑፐ ኮዥዝ ባዝ ኡባ ኑ ፖሎዳይስ ቤዝዛይ ግሾስ Ꮊት ታስ ኤሮ ጎባ» ዬጌዛ። ዋንሳ ኤዝስ ኤሮ ግ ኤዛ ጻማቄዛ።
MAT 3:16 የሱሳ ጻማቅንቴዛን ጋርክ ቦርካፕ ከዜዝ። እዝራካ ሳሎ ዶይንትን ጾሳ አያናይ ሆለ ጋርክ ይኢ ኤዛል ዎꬎዳር በኤዛ።
MAT 3:17 የ ዎደ «ታ ቃꬍዛ ናአይ፥ ታ ኡፋይትዛ ናአይ Ꮊያ» ዬግዝ ቃላ ሳሎፕ የኤዛ።
MAT 4:1 የይፕ ጉየ፥ ዳቡሎሳ የሱሳና ፋጮድ ጋርክ ጌሻ አያናይ የሱሳና ሊዦ ጋꬋ ካንጌዛ።
MAT 4:2 ኤዛይድ ኦይታም ቃማኔ ኦይታም ጋላስ ጾሜዛይፕ ጉየ ናይንቴዛ።
MAT 4:3 ፓጭዛይ የሱሳኮ ይኢ «ነ ጾስ ናአዛኮ፥ አን Ꮊ ሹቹንꬃን ቦራ ማቆዳይ ጋርክ አዛዞባ» ዬጌዛ።
MAT 4:4 የሱሳ ማሂ ኤኮ፥ « ‹አሲ ጾስ ዶናፕ ከዝዝ ቃላ ኡባይር የዝዛፕ አትን ቦራ ኣዳር የዞያ› ዬግንቲ ጾሳ ቃላይድ ጻፍንቴዛ» ዬጌዛ።
MAT 4:5 ኤዛይፕ ማቅካ፥ ዳቡሎሳ የሱሳና ጌሻ ካታማ ካንጊ፥ ጾስ ኬꬅ ኩስተል አፋ ከሲ፥
MAT 4:6 «ነ ጾስ ናአ ማቅኮ፥ አን ሱል ጉፒ ዎꬎባ።» አብስ ጊኮ፥ « ‹ነ ቶካይ ሹቻር ꬉብንታማይ ጋርክ፥ ፋ ኩሸር ነና ደንꬆዳይ ጋርክ፥ ጾሳይ ፋ ኪታንችታ ነ ግሾስ ኪቶዳ› ዬግንቲ ጾሳ ቃላይድ ጻፍንቴዛ» ዬጌዛ።
MAT 4:7 የሱሳ ኤኮ፥ «ማካ፥ ‹ጾሳ ቃላይድ ነ ጎዳ፥ ነ ጾሳ ፓጭፐ› ዬግንቲ ጻፍንቴዛ» ግ ማሄዛ።
MAT 4:8 ዉርስꬃል ዳቡሎሳ የሱሳና ፐቲ ዳማ አምባ ጼራል ከሲ አላመ ካተትꬅ ኡ ቦንቻይር ዎላ ቤዚ፥
MAT 4:9 «ነ ታስ ጹጉኒ ጎይንኮ ታ ኔስ Ꮊያ ኡባ እማዳ» ዬጌዛ።
MAT 4:10 የሱሳ ማሂ ኤኮ፥ «Ꮊ ጻላሃዮ፥ ታፕ ሃኮባ! ‹ነ ጎዳ፥ ነ ጾሳይስ ጎይኖባ፥ ኤዛ ኣዳ ጎይኖባ› ዬግንቲ ጾሳ ቃላይድ ጻፍንቴዛ» ዬጌዛ።
MAT 4:11 የይፕ ጉየ፥ ኤዛ ጻላሃይ አሺ ቅቴዛ፤ ኪታንችታይ ይኢ ኤዛ ማዴዛ።
MAT 4:12 የሱሳ፥ ዋንሳ አጭንቴዛና ስኢ ጋልላ ቢታ Ꮊንጌዛ።
MAT 4:13 ናዝረተ ካታማ አሺ ዛብሎናኔ ንፍታለመ ሄራ፥ አባ ላንቀ የዝ ቅፍርናሆመ ካታማ Ꮊንጊ ኤዛይድ ጋምኤዛ።
MAT 4:14 የይ ሀኔዛይ ናበ ኢሳያሳ ዶናር፥
MAT 4:15 «ዛብሎነ ቢታ፥ ንፍታለመ ቢታ፥ ዮርዳኖስ ቦርካፕ ሰኮ ፕኖ፥ አባኮ ካንግዝ ኦገ ጋጻ የዝ፥ አይሁደ ባ አሳይ ጋንጨ የዝ ጋልላ ቢታ፥
MAT 4:16 ꬉማ የዝ ዎያ፥ ዎልቃማ ፖኦ በኤዛ። Ꮊይቆ ኩያ በቴዝታይስካ፥ ፖኦ ከዜዝ» ዬጊ ኦድንቴዝ ቃላይ ፖልንቶድ ጋርከ።
MAT 4:17 የ ዎደፕ አይኪ የሱሳ፥ «ጾስ ካተትꬃይ ኡኬዝ ግሾስ ይ ናጋራፕ ማቆይታ» ዬጊ ቃላ ሳባኮ አይኬዛ።
MAT 4:18 የሱሳ ጋልላ አባ ላንቀር ኣꬊታር ናምኢ እሽታ፥ ጵጽሮሳ ግንትንትዝ ስሞናራኔ ኤ እሻ እንድራሰ በኤዛ። ኡንቲ ሞሎ አይክዝታ ማቄዝ ግሾስ ፋ ግታና አባ ጋንጨ ኦልዛና በኤዛ።
MAT 4:19 የሱሳ ኡንታን፥ «Ꮊና የኦይታ፤ ታና ካሎይታ! ሞሎ አይክዛይ ጋርክ፥ ታ ይንታን አስ አይꬅ ታማርሶዳ» ዬጌዛ።
MAT 4:20 ኡንትካ፥ ኤልሲ ፋ ግታና ኦሊ አሺ የሱሳና ካሎ አይኬዛ።
MAT 4:21 የሱሳ የይፕ ጽቃ ገደ ቲናል Ꮊንጊ ሀራ ናምኢ እሽታ፥ ዛብዶሳ ናእታ፥ ያይቆባራ ዋንሳራ በኤዛ። ፋ አዳ ዛብዶሳራ ዎላ ዎጎሎ ጋንጨ ፋ ግተ ሎእꬅዝን ብኢ ጼጌዛ።
MAT 4:22 ኡንትካ፥ ኤልሲ ፋ ዎጎሎ ጋንጨ ፋ አዳ አሺ የሱሳና ካሌዛ።
MAT 4:23 የሱሳ አይሁድታይ ዎሳ ኬꬃ ታማርስታር፥ ሳሎ ካተትꬅ ዎንግለ ኦድታራ ዱማ ዱማ ሀርገፕ አሳ ፓꬅታር ጋልላ ቢታ ኡባ ዩዬዛ።
MAT 4:24 የይፕ ደንዴዛይድ ኤ ዋራይ ሶራ ቢታ ኡባ ስእንቴዛ። ዱማ ዱማ ሀርገር ዎቤዝታኔ መትንትዝታ፥ ቱና አያና አይክንቴዝታ፥ ሾጪ ኦልዝ ሀርገር የዝታኔ፥ ስሌዝታ ኤዝኮ ካንጌዛ፤ ኤዝካ ኡንታን ፓꬄዛ።
MAT 4:25 አሳይ ጋልላፕ፥ ታጲ ካታምታይፕ፥ የሩሳላመፕ፥ ይሁዳፐራ ዮርዳኖሳፕ ሰኮ ፕኖ የዝ ቢታፕ የኤዝ ጋመ አሳይ ኤዛ ካሌዛ።
MAT 5:1 ጋመ ዎያ ሺቄዛና የሱሳ ብኢ አምባል አፋ ከዚ በቴዛ። ኤ ታማርታይ ኤዝኮ ሺቅን፥
MAT 5:2 Ꮊይ ጋርክ ዬጊ ታማርሴዛ፦
MAT 5:3 «አያናር ማንቅታይ አንጅንቴዝታ፥ ሳሎ ካተትꬃይ ኡንትሲ።
MAT 5:4 ዬክዝታይ አንጅንቴዝታ፥ ኡ ምንꬃꬆ ደማዳ።
MAT 5:5 ሃይታይ አንጅንቴዝታ፥ ኡ ሳአ ላቶዳ።
MAT 5:6 ጌሸትꬅ ናይንትዝታይኔ ሳምንትዝታይ አንጅንቴዝታ፥ ኡ ምዦዳ።
MAT 5:7 ማርዝታይ አንጅንቴዝታ፥ ኡ ማሮትꬅ ደማዳ።
MAT 5:8 ዎዝና ጌሽታይ አንጅንቴዝታ፥ ኡ ጾሳ በአዳ።
MAT 5:9 እግንꬅዝታይ አንጅንቴዝታ፥ ኡ ጾስ ናእታ ግንትንቲ ጼግንቶዳ።
MAT 5:10 ጌሽ ባዝስ ግ፥ ባይእንትዝታይ አንጅንቴዝታ፥ ሳሎ ካተትꬃይ ኡንትሲ።
MAT 5:11 «አሳይ ይንታን ታ ግሾስ ግ ጫዢ ባይኢ ይንታል አፋ ኢታ ባዝ ኡባ ዎርዶር ኦድኮ ይ አንጅንቴዝታ።
MAT 5:12 ይ ሳሎ Ꮊንጊ ኤኮድ ዎይታይ ዳማ ማቄዝ ግሾስ ኡፋይቶይታ፥ ሀባ ጎይታ። ይንታፕ ቲና የዝ ናብታ Ꮊይ ጋርክ ባይኤዛ።»
MAT 5:13 «ይ ቢታስ ማጽነ፤ ማጽነ ፋ ማጽነትꬅ አሽኮ፥ ፋ ማልኦትꬃ ዋይዚ ማሂ ደማዴ? ባለ ኦልን አሳር የꬍንቶዳይፕ አትን አብስካ ማዶያ።
MAT 5:14 «ይ ቢታስ ፖኦ፤ ደረል አፋ የዝ ካታምታ ጌሞዳይስ ዳንዳኦያ።
MAT 5:15 ጾምፐ አይꬂ ካራ የዝ አስ ኡባይስ ፖኦዳይ ጋርክ ꬎቃ አቆ ጋድዛፕ አትን ኦታ ጋንጨ ጋድዛይ ባያ።
MAT 5:16 የይ ጋርክ አሳይ ይ ሎኦ ኦሳ ብኢ፥ ሳሎ የዝ ይ አዳ ቦንቾዳይ ጋርክ ይ ፖአይ አስ ቲና ፖኦ።
MAT 5:17 «ታኒ ሙሰ ህጋኔ ናብታይ ቃላ ሻሮዳይስ የኤዛ ይንትስ ኣዝፐ። ታ፥ ፖሎዳይስ የኤዛፕ አትን ሻሮዳይስ የኤካያ።
MAT 5:18 ታ ይንትስ ቱሮ ኦድዛ፤ ሳሎኔ ሳአ ኣꬎድ ሄሎዳይስ ህገ ኡባይ ፖልንቶዳይፕ አትን ህጋይፕ ፐቲ ቃላ ዎይ ፕዳለ ጹቃካ ኣꬋሚ።
MAT 5:19 የይ ግሾስ፥ Ꮊ ኪትታይፕ ጽቅዛ ፐቲ ኪታ መንꬅዛ ኦንካ ማ Ꮊንክታ የይ ጋርክ ኦꬆድ ጋርክ ታማርስዛይ ኦንካ ሳሎ ካተትꬃ ኡባፕ ላፋ ማቆዳ። ዝን Ꮊ ኪታ ፖልዝታይኔ Ꮊንክታካ ፖሎድ ጋርክ ታማርስዛይ ሳሎ ካተትꬃ ኣꬎ ማቆዳ።
MAT 5:20 ታ ይንትስ ኦድዛ፤ ይ ጽሎትꬃይ ፈርሳውታይ ጽሎትꬃይፐኔ ህገ አስታማርታይ ጽሎትꬃይፕ ኣካ አትኮ፥ ሳሎ ካተትꬃ ይ የሻ ገላሚ።
MAT 5:21 «ይ ማይዝታይስ፥ ‹ዎꬍፓተ፤ ሸምፖ ዎꬍዝ ኦንካ ፕርድንቶዳ› ግንትንቴዛና ይ ስኤዛ።
MAT 5:22 ዝን ታ ይንትስ ኦድዛ፤ ፋ እሻይር ካጭንትዝ ኡባይ ፕርድንቶዳ። ፋ እሻ ጩርቃይ ግዝ ኦንካ ዳይና ቲና ፕርዳስ ሺቆዳ። ፋ እሻይኮ፥ ‹ቱላይ› ግዝ ኦንካ ጋናመ ታማ ፕርድንቶዳ።
MAT 5:23 «የይ ግሾስ፥ ኔኒ ነ ያርሻ ያርሾዳር ነ እሻ ሽፍሼዝ ባዝ ኔስ ቆፍንትኮ፥
MAT 5:24 ነ ያርሻ ያ አቃይድ አሺ ቅቶባ፤ ቲናቲ Ꮊንጊ ነ እሻይር ጊጎባ፤ ዬዚ ማቂ፥ ነ ያርሻ ጾስስ ያርሾባ።
MAT 5:25 «ነና ሞትዛይራ ፕርደ ኬꬅ Ꮊንግታር ኦገል አፋ ኤዛር ዳቦቶባ። የይ አቶ ጊኮ ኤ ነና ዳይና ቲና ካንጎዳ። ዳይናይ ነና አጭዛይስ ኣꬂ እማዳ፤ ኤ ነና ዎይነ ኦሎዳ።
MAT 5:26 ታ ቱሮ ኦድዛ፤ ሚሻይፕ ፐቲ ሳንትፈ አተካዝ ጭጊ ሃሶድ ሄሎዳይስ አች ኬꬃፕ ነ ኬዛሚ።
MAT 5:27 « ‹ላምፓተ› ግንትንቴዛና ይ ስኤዛ።
MAT 5:28 ዝን ታ ይንትስ ኦድዛ፥ ማች ብኢ፥ አሞቴዝ ኡባይ ፋ ዎዝና ጋንጨ እዝር ላሜዛ።
MAT 5:29 ነ ኡሻች ኣፋይ ነና ናጋራ ቤዝዛ ማቅኮ፥ ከሲ ኦሎባ። ነ አሻይ ኩንꬅዝን ጋናመ ታማ ጋንጨ ዎꬋዳይፕ ነ አሳተꬃይፐ ፐታይ ꬋብኮ ኔስ ሎኦ።
MAT 5:30 ነ ኡሻች ኩሻይ ነና ናጋራ ኦꬅስዛ ማቅኮ፥ እዞ ጋቺ ኦሎባ። ነ ጋላይ ኩንꬅዝን ጋናመ ታማ ጋንጨ ዎꬋዳይፕ ነ አሳተꬃይፐ ፐታይ ꬋብኮ፥ ኔስ ሎኦ።
MAT 5:31 «ፋ ማቻቶ ዳክዝ ኦንካ አንጆ ዋርቃተ እንጎ» ግንትንቴዛ።
MAT 5:32 ዝን ታ ይንትስ ኦድዛ፤ ፋ ማቻቶ ላግተካዝን ብልእዝ ኦንካ እዛ ላሞድ ጋርክ ኦꬅዛ። የይ ጋርከካ፥ አንጅንቴዝ አስቶ ኤክዛ ኡባይ ላምዛ።
MAT 5:33 «ይ ማይዝታይኮ፥ ‹ዎርዶር ጫቂፓተ፤ ይ ጾስ ቲና ጫቀዛና ፖሎይታ› ግንትንቴዛ ይ ስኤዛ።
MAT 5:34 ዝን ታ ይንትስ ኦድዛ፤ ኡባራካ ጫቂፓተ። ጾሳይ በትዛ ዙፋነ ማቄዝ ግሾስ ሳሎር ጫቂፓተ።
MAT 5:35 ኤ ቶካይ የꬍዝ አቆ ማቄዝ ግሾስ ሳአራካ ጫቂፓተ። ግታ ካት ካታማ ማቄዝ ግሾስ የሩሳላመራካ ጫቂፓተ።
MAT 5:36 ይ ብናናይፕ ፐታካ ቦꬅ ዎይ ካርꬅ ኡዶዳይስ ዳንዳኦዋ ግሾስ ይንቲ ይ ኡባራካ ጫቂፕፓተ።
MAT 5:37 የይ ግሾስ፥ ይ ቃላይ፥ ‹ኤ› ዎይ ‹ዋኣ› ማቆ። የይፕ አቴዛይ ኢታፕ ይእዛ።
MAT 5:38 « ‹ኣፈ ግሾስ ኣፈ፤ አች ግሾስ አች› ግንትንቴዛ ይ ስኤዛ።
MAT 5:39 ዝን ታ ይንትስ ኦድዛ፤ ይንታል አፋ ኢታ ባዝ ኦꬅዝ አꬃካ እጽፓተ። ኦንካ ነ ኡሻች ሻንጋላ ባቂኮ ነ ሀድርስ ሻንጋላካ ቤዞባ።
MAT 5:40 ፐቲ አሲ ነ ሻምዥቶ ኤኮዳይስ ነና ዳይናል ሞትኮ፥ ነ ኮታቶ ጉጂ እንጎባ።
MAT 5:41 ኦንካ አሲ ነና ዎልቃር ፋባዝ ቶሲ ፐቲ ክሎ ምትረ ባጋ ኦገ ፋር Ꮊንጎድ ጋርክ ነና ጭጵችኮ፥ ኤዛር ናምእ ዳኮ ኦገ Ꮊንጎባ።
MAT 5:42 ዎስዛ ኦስካ እንጎባ፤ ኔፐ ጋርጾዳይስ ኮይዝ ኦናካ ካይፐ።»
MAT 5:43 « ‹ነና ቃꬍዛና ቃꬎባ፤ ነና እጽዛና እጾባ› ግንትንቴዛና ይ ስኤዛ።
MAT 5:44 ዝን ታ ይንትስ ኦድዛ፤ ይ ሞርክታ ቃꬎይታ፤ ይንታን ቆህዝታይስ ዎሶይታ።
MAT 5:45 የይ ጋርክ ይ ኦꬅኮ፥ ሳሎ የዝ ይ አዳይስ ይ ናእታ ማቆዳ። ኤ ኢትታይስኔ ሎእታይስ አዋ ከስዛ፤ ጽልታይስኔ ናጋራንችታይስ ፋ እራ ቡክስዛ።
MAT 5:46 ይንታን ቃꬍዛ አስ ኣዳ ይ ቃꬍኮ፥ ይንትስ አባ ዎይቶ የኔ? ሀራ አቶዝን፥ ቃራጸ ጋችስዝታይካ ይኖ ኦꬆሳ?
MAT 5:47 ይንቲ፥ ይ እሽታይ ኣዳ ሳሮꬅኮ፥ Ꮊንክታይፕ አብ ሀራ ኣꬍዝባዝ ኦꬅኔ? ሀራ አቶዝን፥ ጾስ አማኖዋ አሳይካ ይኖ ኦꬆሳ?
MAT 5:48 ይኬ፥ ሳሎ የዝ ይ አዳይ ፎሎ ማቄዛይ ጋርክ ይንትካ ፎሎ ማቆይታ።»
MAT 6:1 «ጉጅካ የሱሳ Ꮊይ ጋርክ ዬጌዛ፤ አሲ ቦኦ ግ ይ ሎኦ ኦሳ አስ ቲና ኦꬃማይ ጋርክ ናግንቶይታ። የይፕ አትኮ ሳሎ የዝ ይ አዳይፕ ዎይቶ ደንጋሚ።
MAT 6:2 «ይንቲ ማንቅታይስ እንግታር አስ ቲና ቦንችንቶዳይስ ግ ጩቢታይ ኦገ ዶናይዳኔ አይሁድታይ ዎሳ ኬꬅታይድ ኦꬅዛይ ጋርክ አሲ ቦኦ ግ ቱልቱላ ፑግስፓተ። ታ ይንትስ ቱሮ ኦድዛ፤ ኡንቲ ፋ ዋጋ ኤኬዛ።
MAT 6:3 ዝን ይ ማንቅታይስ እንጎዳር ይ ኡሻች ኩሻይ ኦꬅዛና ይ ሀድርስ ኩሻይ ኤርፐ፤
MAT 6:4 ይኬ እማይ ጌማ ማቆ። ጌማ ኦꬅዛና ብእዛ ይ አዳይ ይንትስ ዎይቶ ፕ እማዳ።
MAT 6:5 «ዎሳ ዎስታር ጩቦ አሳይ ጋርክ ሀንፓተ። ኡ ፋና አሲ ቦኦ ግ አይሁድታይ ዎሳ ኬꬅ ጋንጨኔ ኦገ ዶናል ኤቂ ዎስዛና ዶስዛ። ታ ይንትስ ቱሮ ኦድዛ፤ ኡንቲ ፋ ኩንꬅ ጋተ ኤኬዛ።
MAT 6:6 ዝን ነ ዎስታር ነ ቆልአ ገሊ ጋዛራ ጎርዲ ጌማ የዝ ነ አዳይኮ ዎሶባ፤ ጌማ ኦስንቴዝ ባዝ ብእዛ ነ አዳይ ኔስ ነ ጋታ እማዳ።
MAT 6:7 ይ ዎስታር አማኖዋ አስ ጋርክ ጨረ ቃላ ማሂ ማሂ አዱስስ ዎስፓተ። ኡ አዱስስ ዎስኮ ጾሲ ስእዛ ግ ቆፕዛ።
MAT 6:8 የይ ግሾስ ኡንቲሳይ ጋርክ ሀንፓተ። አብስ ጊኮ ይ አዳይ ይንትስ አቢ ኮሽዛኮ ይ ዎሶዳይፕ ቲናቲ ኤርዛ።
MAT 6:9 ይኬ፥ ይ ዬጊ ዎሶይታ፦ « ‹ሳሎ የዝ ኑ አዳዮ፥ ነ ሱንꬃይ አንጅንቶ።
MAT 6:10 ነ ካተትꬃይ የኦ፥ ነ ሸናይ ሳሎ ሀኔዛይ ጋርክ ሳአላካ ሀኖ።
MAT 6:11 ጋላሳ ካꬃ Ꮊይኖ ኑስ እንጎባ።
MAT 6:12 ኑኒ ኑና ቆሄዝታይስ፥ አቶ ግዛይ ጋርክ፥ ኑስካ ኑ ቆሄዝ ባዝ አቶ ጎባ።
MAT 6:13 ኑና ኢታፕ አሾባፕ አትን ፓጨ ጋንጨ ገልስፐ። ካተትꬂ፥ ዎልቃኔ ቦንቾ መꬍናስ ኔሲ። አምንኤ።›
MAT 6:14 «ይ ይንታን ቆሄዝታይስ አቶ ጊኮ፥ ሳሎ የዝ ይ አዳይ ይ ቆሄዝ ባዝካ አቶ ጎዳ።
MAT 6:15 ዝን ይ ሀራ አስ ናጋራ አቶ ጋም እጽኮ ይ አዳይ ይ ናጋራ አቶ ጋሚ።»
MAT 6:16 «ይ ጾምታር ጩቢታይ ጋርክ ሹልፓተ። አብስ ጊኮ፥ ኡንቲ ጾምዛና አሲ ኤሮድ ጋርክ ፋ ስና ካይስዛ። ታ ቱሮ ኦድዛ፤ ኡንቲ ፋ ጋታ ኤኬዛ።
MAT 6:17 «ዝን ነ ጾምታር ነ አፋ ሜጮባ፥ ነ ኦማ ትዥንቶባ።
MAT 6:18 የይ ጋርክ ነ ኦꬅኮ ነ ጾምዛ ጾማይ አሳፕ ጌምዛ፥ ዝን ጌማ የዝ ነ አዳይ ኤርዛ ጾማ ማቃዳ። ጌማ ኦስንቴዝ ባዝ ብእዛ ነ አዳይ ኔስ ዎይቶ እማዳ።
MAT 6:19 «ብላኔ ዎሾ ꬋብስዛ አቆ፥ ካይዞ ቦኪ ኤክዛ አቆ፥ Ꮊ ሳአል፥ ይንትስ ሻሎ ሺሽፓተ።
MAT 6:20 ዝን ብላኔ፥ ዎሾ፥ ꬋብሶዋ፥ ካይዞ ቦኪ ኤኮዋ አቆ ሳሎ ይንትስ ሻሎ ሺሾይታ።
MAT 6:21 ነ ሻላይ የዛ አቆ ነ ዎዝናይካ ኤዛይድ የዞዳ።
MAT 6:22 «ኣፈ አሰትꬅ ኡባስ ጾምፐ። የይ ግሾስ፥ ነ ኣፋይ ፓꬅ ማቅኮ ነ ጋላይ ኡባይ ፖኦ ማቅዛ።
MAT 6:23 ነ ኣፋይ ሀርግንትዛ ማቅኮ ነ ኩንꬅ አሰትꬃይ ꬉማ ማቅዛ። ይኬ፥ ኔል የዝ ፖአይ ꬉማ ማቅኮ፥ ꬉማይ አብ ጋርክ ኣꬊ ꬉሞደሻ!
MAT 6:24 «ፐቲ አሲ ናምኢ ጎድታይስ ሞድንቶዳይስ ዳንዳኦያ። ፐታ ቃꬊኮ Ꮊንካ እጽዛ፤ ዎይ ፐታ ቦንችኮ Ꮊንካ ለቂዛ። ጾስስኔ ሚሸስ ሞድንቶዳይስ ዳንዳኦያ።
MAT 6:25 «ይኬ፥ ስኦይታ! ይ ሸምፓይስ፥ ‹አብ ማዴ? አብ ኡዦደ? አብ ማኦደ?› ግ ቆፕፓተ፤ ሸምፖ ካꬃፕ፥ ጋላ ማኦፕ ኣꬎሳኔ?
MAT 6:26 ሳሎ ካፍታ ቦኦይታ፤ ኡንቲ ዘሮያ፥ ቡጮያ፥ ሻለ ኦሎያ፥ ዝን ይ ሳሎ አዳይ ኡንታን ሙዝዛ። የዝን ይ ኡንታፕ ሎእꬂ ኣꬎሳኔ?
MAT 6:27 ይ ጋንጨፕ ኡንእንቲ ፋ ላይꬂል አፋ ፐቲ ጋላስ ጉጆዳይስ ዳንዳእዛይ የኔ?
MAT 6:28 «ማ ይንቲ ማእዛባዝስ አብስ ኡንእንትኔ? ዎራ የዝ ፉꬂታ ቦኦይታ፥ ኡ ኦሶር ዳቡሮያ ዎይ ሱቆያ።
MAT 6:29 ሀራ አቶዝን፥ ካት ሶሎሞነ ፋ ቦንቾ ኡባይር Ꮊ ፉꬂታይፕ ፐታይ ጋርክ ማኤካያ።
MAT 6:30 ይንታኖ፥ አማኖ ፓጬዝታዮ፥ ጾሳይ Ꮊይኖ በንቲ ዎንታ ታማ ጋንጨ ዎꬋዳይስ የዝ ማታ ዬዚ ማእስዛ ማቅኮ፥ ይንታን ኡንታፕ ኣꬂ ዋይዚ ማእሶሳ?
MAT 6:31 የይ ግሾስ፥ ‹አብ ማዴ? አብ ኡዦደ? አብ ማኦደ?› ግ ኡንእንትፐተ።
MAT 6:32 Ꮊያ ኡባ ጾስ አማኖዋ አሳይ ጋንꬂ ደንጎዳይስ ኡንእንትዛ። ይ ሳሎ አዳይ የ ኡባይ ይንትስ ኮሽዛና ኤርዛ።
MAT 6:33 ዝን ኡባፕ ቲን ጾስ ካተትꬅኔ ኤ ጽሎትꬅ ኮዦይታ፤ የ ኡባይ ይንትስ ጉዥንቶዳ።
MAT 6:34 የይ ግሾስ፥ ዎንታስ ቆፕታር ኡንእንትፓተ። ዎንታ ፓስ መትንቶ፤ ፐቲ ፐቲ ጋላሳይስ ኤ ኢታትꬃይ ግዶዳ።
MAT 7:1 «ይንታል አፋ ፕርድንታማይ ጋርክ ሀራ አሳል አፋ ፕርድፓተ።
MAT 7:2 አብስ ጊኮ፥ ሀራ አሳል አፋ ይ ፕርድዛይ ጋርክ ይንታል አፋ ፕርዶዳ ይ ሀራ አስስ ማኬዝ ባዛር ይንትስ ማሂ ማክንቶዳ።
MAT 7:3 ነ ኣፈ የዝ ቱሳ በኤካዛር ነ እሻይ ኣፈ የዝ ቡጻ አብስ በኤ?
MAT 7:4 ነ ኣፈ ቱስ የዝን ነ እሻይ ኣፈ የዝ ቡጻ ከሶ ጎዳይስ ዋይዚ ዳንዳኤ?
MAT 7:5 ነኖ ጩባዮ፥ ቲናቲ ነ ኣፋይድ የዝ ቱሳ ከሶባ። ኤዛይፕ ጉየ ነ እሻይ ኣፋይድ የዝ ቡጻ ከሶዳይስ ነ ምልጽ ኡዲ በአዳ።
MAT 7:6 «ጉየ ማቂ ይንታን ꬋቃማይ ጋርክ ጌሽ ባዝ ካንታይስ ኦልፓተ። ፋ ቶካይር የꬊ ኢሳማይ ጋርክ ይ አልኦ እንቁ ጉዱዳይልታይ ቲና ኦልፓተ።
MAT 7:7 «ዎሶይታ ይንትስ እንግንቶዳ፥ ኮዦይታ ይ ደማዳ ባለ ይኢ ጼጎይታ ይንትስ ዶይንቶዳ።
MAT 7:8 ዎስዛ ኦስካ እንግንቶዳ ኮይዝ ኦስካ በንቶዳ ባለ ይኢ ጼግዝ ኦስካ ዶይንቶዳ።
MAT 7:9 «ይንታፕ ናአ ዳቦ ዎስኮ ሹች እንግዛይ ኦኖ?
MAT 7:10 ዎይ ሞሎ ዎስኮ ሾሽ እንግዛይ የኔ?
MAT 7:11 የዝን ይ ኢትታይ ይ ናእታይስ ሎኦ ባዝ እሞ ኤርኮ ሳሎ የዝ ይ አዳይ ፋና ዎስዝታይስ ሎኦ ባዝ ዋይዚ ጋንꬂ እንጋሞ?
MAT 7:12 Ꮊንክታይ ይንትስ ኦꬆድ ጋርክ ይ ኮዥዝ ባዝ ኡባ ይንትካ ሀራ አስስ ኦꬆይታ። አብስ ጊኮ፥ ሙሰ ህጋይኔ ናብታይ ታማርስዛይ Ꮊያ።
MAT 7:13 «ኡንአ ፐንገር ገሎይታ፤ ꬋቦ ካንግዝ ኦጋይ ዳማ፥ ፐንጋይካ ዳልገ። ኤዛይር ገልዛ አሳይካ ጋመ።
MAT 7:14 ዝን ደኦኮ ካንግዝ ኦጋይኔ ፐንጋይ ኡንአ፤ ኤዛይር ገልዛ አሳይካ ጽቃ።
MAT 7:15 «አፋ ባጋር ዱረ ኣዚ ጋንጨር ፉገ ማቂ ቦንቆዳይስ ይ ጋንጨ ገልዛ ዎርዶ ናብታይፕ ናግንቶይታ።
MAT 7:16 ይ ኡንታን፥ ኡ ኣፋይር ኤሮዳ፤ አንጉꬂፕ ዎይኔ፥ ግጀፕ ባላሰ ማጽንቶያ።
MAT 7:17 የይ ጋርክ ሎኦ ምꬂ ኡባይ ሎኦ ኣፈ ኣፍዛ፤ ኢታ ምꬂ ኢታ ኣፈ ኣፍዛ።
MAT 7:18 ሎኦ ምꬂ ኢታ ኣፈ ኣፎያ፥ ማ ኢታ ምꬂ ሎኦ ኣፈ ኣፎዳይስ ዳንዳኦያ።
MAT 7:19 ሎኦ ኣፈ ኣፎዋ ምꬂ ኡቢታይ ጋችንቲ ታማ ጋንጨ ኦልንቶዳ።
MAT 7:20 የይ ግሾስ፥ ይ ኡንታን፥ ኡ ኣፋትር ኤሮዳ።
MAT 7:21 «ሳሎ የዝ ታ አዳይ አዛዞ ኦꬂዛ አꬃይ ሳሎ ካተትꬃ ገሎዳይፕ አትን ጨር ታና ‹ጎዳዮ፥ ጎዳዮ› ግዝ ኡባይ ሳሎ ካተትꬅ ገሎያ።
MAT 7:22 የ ዎደ ጋምታይ፥ ‹ጎዳዮ፥ ጎዳዮ፥ ነ ሱንꬃር ትንቢተ ኑ ኦደካሳ? ነ ሱንꬃር ቱና አያንታ ኑ ከሰካሳ? ነ ሱንꬃር ጋመ ማላታ ኑ ኦꬃካሳ?› ዬጎዳ።
MAT 7:23 የ ዎደ፥ ‹ታ ይንታን የሻ ኤሮያ፥ ይንቲ ዉጭታይ ታፕ ሃኮይታ› ዬጎዳ።
MAT 7:24 «ይኬ፥ Ꮊ ታ ቃላ ስኢ ኦꬅዛ ኦንካ ፋ ኬꬃ ዛላል አፋ ኬጼዝ ዎዛናማ አስ ጋርከ።
MAT 7:25 እራ ቡኬዛ፥ ድኦ ድኤዛ፥ ጫርኮካ ጫርኪ የ ኬꬃና ኡርቄዛ። ዝን ኬꬃይ ዛላል አፋ ኬጽንቴዝ ግሾስ ዎደካያ።
MAT 7:26 Ꮊ ታ ቃላ ስኢ ኦꬆዋ ኦንካ ፋ ኬꬃ ሻፈል አፋ ኬጼዝ ቦዞ አꬃይ ጋርከ።
MAT 7:27 እራ ቡኪ፥ ድኦ ድኢ፥ ጫርኮካ ጫርኪ፥ የ ኬꬃ ኡርቅን፥ የ ኬꬃይ ዎዴዛ፤ ኤ ዎድꬃይካ ዎልቃማ» ዬጌዛ።
MAT 7:28 የሱሳ ፋ ኦዳ ዉርሴዛይፕ ኤ ትምርታይ ህገ አስታማርታይ ጋርክ ማቀካ ማዉተር የዝ አሳይሳይ ጋርክ ማቅዝ ግሾስ አሳይ ኤ ትምርታ Ꮊይ ማላባዝ ጌዛ።
MAT 8:1 የሱሳ ደረላፕ ዎꬍዝ ዎደ ጋመ ዎያ ኤዛ ካሌዛ።
MAT 8:2 ፐቲ ቦርቆንቶር ሀርግንትዛይ ኤዝኮ ሺቂ፥ ኤ ቲናይድ ጹጉኒ፥ «ጎዳዮ፥ ነ ሸነ ማቅኮ ታና ጌሺ ፓꬆዳይስ ነ ዳንዳእዛ» ዬጌዛ።
MAT 8:3 የሱሳ ፋ ኩሻ ዳኪ ኤዛ ቦቺ፥ «ኤ ታ ሸነ፥ ጌዦባ» ዬጌዛ። አꬃይ ቦርቆንታይፕ እዝር ጌዢ አቴዛ።
MAT 8:4 የሱሳ ኤዝኮ፥ «ነ ፓጻ ኦስካ ኦድፐ። ዝን Ꮊንጊ ነ ጌዢ ፓጼዛና ቄሰ ቤዞባ። ነ ፓጼዛይስ ማርካ ማቆዳይ ጋርክ Ꮊንጊ ሙሰ ኪቴዝ ያርሻ ያርሾባ» ዬጌዛ።
MAT 8:5 የሱሳ ቅፍርናሆመ ግዝ ካታማ ሄሌዝ ዎደ ፐቲ ማቶ ሀላቃይ ኤዝኮ ሺቂ፥
MAT 8:6 «ጎዳዮ፥ ታ አይላይ ጋላይ ስልን ኢታ ሀርግንቲ ካራ ዎይኢ የዛ» ዬጊ ዎሴዛ።
MAT 8:7 የሱሳ ማሂ ኤዝኮ፥ «ታኒ Ꮊንጊ ኤዛ ፓꬆዳ» ዬጌዛ።
MAT 8:8 ዝን ማቶ ሀላቃይ ማሂ፥ «ጎዳዮ ነ ታ ካራ ገሎዳይስ ታ ቤዝዛ አስ ባያ፥ ዝን ነ Ꮊኔ በቲ ቃላ ኣዳ ኦዶባ ታ አይላይ ፓጾዳ።
MAT 8:9 ታፕ አፋር ታና ኪትዛ አሳይ የዛ፥ ማ ታፕ ኣሞር ታስ ኪትንትዝታይ የዛ። ኡንታፕ ፐታ፥ ‹ቅቶባ› ጊኮ ቅትዛ፤ ማ Ꮊንካና ‹Ꮊና የኦባ!› ጊኮ ይእዛ። ታ አይላ፥ ‹Ꮊኖ ኦꬆባ› ጊኮ ኦꬂዛ» ዬጌዛ።
MAT 8:10 የሱሳ የያ ስኢ ማላባዝ ግ፥ ፋና ካልዛ አሳይኮ፥ «ታ ይንትስ ቱሮ ኦድዛ፤ ታኒ Ꮊይ ጋርክ ጻላ አማኖ እስሬለ አሳይ ጋንጨካ በኤካያ።
MAT 8:11 ታ ይንትስ ኦድዛ፤ ጋምታይ አዋ ከስኔ አዋ ገሎ ባጋፕ ይኢ፥ ሳሎ ካተትꬅ አፍራመር፥ እሳቃራኔ ያይቆባራ ዎላ እማቶል በቶዳ።
MAT 8:12 ዝን ሳሎ ካተትꬅ ላቶዳይስ ቤዞዳር አቴዝታይ ባለ ꬉማ ኦልንቶዳ። ኤዛይድ ኡንትስ ዬፎኔ አች ጮንች ማቃዳ» ዬጌዛ።
MAT 8:13 የሱሳ ማቶ ሀላቃይኮ፥ «ነ ካራ ቅቶባ፥ ነ አማናቲ ጋርክ ኔስ ሀኖ» ዬጌዛ። ኤ አይላይ ያ ሳታተ ፓጼዛ።
MAT 8:14 የሱሳ ጵጽሮሳ ካራ ገሎዳር ጵጽሮሳ ማቻት እንዳት ኦጸ ምሻ ሀርገር ሀርግንቲ ዎይኢ የዛኖ በኤዛ።
MAT 8:15 የሱሳ እ ኩሻ ቦቼዛን ጋርክ ኦጻይኔ ምሻይ ኤቄዛ። ፓጺ ደንዲ ኤዛ ሞኬዛ።
MAT 8:16 የ ዎደ ኦማꬅ ቱና አያናር አይክንቴዝ ጋመ አስታ፥ አሳይ የሱሳኮ ከኤዛ። ኤዝካ ቱና አያንታ ፋ ቃላር ከሴዛ፥ ሀርግንቴዝታ ኡብታ ፓꬅዛ።
MAT 8:17 የይዳካ ናበ ኢሳያሳ፥ «ኤ ኑ ዳቡርሳ ፋስ ኤኬዛ፥ ኤ ኑ ሀርጋ ቶኬዛ» ጌዝ ቃላይ ፖልንቴዛ።
MAT 8:18 የሱሳ ጋመ አሳይ ኤ ካለ ኤቄዝታ ብኢ፥ አባፕ ሰኮ ፕኖ ፒንጎድ ጋርክ ፋ ታማርታ ኪቴዛ።
MAT 8:19 ህገ አስታማርታይፕ ፐታይ፥ «አስታማራዮ፥ ነ Ꮊንግዛ አቆ ኡባ ታ ካሎዳ» ዬጌዛ።
MAT 8:20 የሱሳ ኤዝኮ «ሻንታይስ ኦላ የዛ፥ ሳሎ ካፍታይስ ኬꬂ የዛ። ዝን አስ ናአይስ ፋ ኦማ ሸምፕስዛ አቆ ባያ» ዬጌዛ።
MAT 8:21 የሱሳ ካልዛ አስታይፕ ፐታይ፥ «ጎዳዮ፥ ታኒ ቲናቲ Ꮊንጊ ታ አዳ ሞጊ የኦዳ» ዬጌዛ።
MAT 8:22 ዝን የሱሳ፥ «Ꮊይቄዝታይ ፋ Ꮊይቂታ ሞጎ፤ ኔኒ ታና ካሎባ» ዬጌዛ።
MAT 8:23 የሱሳ Ꮊማዳይስ ዎጎሎ ጋንጨ ገሎዳር ኤ ታማርታይካ ኤዛር Ꮊማዳይስ ካሌዛ።
MAT 8:24 ኡንቲ ቆፐካ የዝን፥ ዎልቃማ ጎተ አባል አፋ ደንድን ዎጎላይ ምትንቶዳይስ ሄሌዛ። ዝን የሱሳ ገንቴዛ።
MAT 8:25 ኤ ታማርታይ ኤዝኮ ሺቂ ኤዛ ባርክꬂ፥ «ጎዳዮ፥ ኑ ꬋቦሆ ኑና አሾዬ» ዬጊ ደንꬄዛ።
MAT 8:26 የሱሳ ኡንትኮ፥ «ይንታኖ፥ አማኖ ፓጬዝታዮ፥ አብስ ያሽተ?» ዬጌዛ። ደንዲ፥ ጫርካኔ ጎታ ሴርን ኤልሲ ኡባ ባዝ ጭጭርክ ጌዛ።
MAT 8:27 ኤ ታማርታይ ማላባዝ ግ፥ «Ꮊይ፥ ሀራ አቶዝን፥ ጎተነ አባ ኪትንትዛይ ዋፋ አሶ?» ዬጌዛ።
MAT 8:28 የሱሳ አባፕ ሰኮ ፕኖ የዝ ገርገሶነ ግዝ ቢታ ሄሎዳር ቱና አያና አይኬዝ ናምኢ አስታይ ዱፎፕ ከዚ ኤዛ ሄሌዛ። ኡ ኢታ ያሽዝ አስታ ማቄዝ ግሾስ አሲ የ አቃይር ኣꬎዳይስ ዳንዳኦያ።
MAT 8:29 ኡንትካ፥ «ጾስ ናአዮ፥ ኑራኔ ኔራ አቢ ዎል ሄልꬂ? ኑ ቃማይ ሄለካዝን ኑና ፕርዶዳይስ ነ የኤኔ?» ግ ኡኬዛ።
MAT 8:30 ኡንታፕ ጋመ ሃከካዛር ጉዳይለ ዉደ ሄንግንትዝታይ የዛ።
MAT 8:31 ቱና አያንታይ የሱሳ፥ «ነ ኑና ከስዛ ባዝ ማቅኮ፥ ሰኮ ጉዳይለ ዉዳይ ጋንጨ ዳኮየ» ዬጊ ዎሴዛ።
MAT 8:32 የሱሳ፥ «Ꮊንጎይታ» ዬጌዛ። ቱና አያንታይ ከዚ ጉዳይልታይል ገሌዛ። ጉዳይልታይ ኡባይ ጋጋ ዶናር ድርጊ Ꮊንጊ አባ ጋንጨ ምትንቲ Ꮊይቄዛ።
MAT 8:33 ጉዳይለ ዉደ ሄንግዝታይ ቆስንቲ ካታማ Ꮊንጊ፥ ሀኔዝባዝኔ ቱና አያናይ አይኬዝ አሳይል አፋ ኦስንቴዝ ባዝ ኡብታ ኦዴዛ።
MAT 8:34 የዝን፥ ካታማ ጋንጨ የዝ አስ ኡቢታይ የሱሳ በአዳይስ ከዜዝ። ኡንቲ የሱሳ በኤዝ ዎደ ፋ ቢታፕ ከዚ ቅቶድ ጋርክ ዎሴዛ።
MAT 9:1 የይፕ ጉየ፥ የሱሳ ዎጎሎ ጋንጨ ገሊ፥ አባ ፒንጊ ፋ ካታማ Ꮊንጌዛ።
MAT 9:2 አሳይ ፐቲ ስላ አꬃ አርሳር ቶኪ የሱሳኮ ከኤዛ። የሱሳ ኡ አማና ብኢ፥ ስላ አꬃ፥ «ታ ናአዮ፥ ያሽትፐ! ነ ናጋራይ አቶ ግንትንቴዛ» ዬጌዛ።
MAT 9:3 የ ሳታይድ፥ አይሁድታይ ህገ አስታማርታይፕ ፐታይ ፐታይ፥ «Ꮊይ ጾስ ጫዥዛ» ዬጊ ኡ ፋ ዎዝናር ቆፔዛ።
MAT 9:4 የሱሳ ኡ ቆፋ ኤሪ፥ «ኢታ ባዝ ይ ዎዝናር አብስ ቆፔ? ዬጌዛ
MAT 9:5 ዝን፥ ‹ነ ናጋራይ አቶ ግንትንቴዛ› ግዛይፐነ ‹ደንዲ ቅቶባ› ግዛይፕ ኣይ ኣꬌ?
MAT 9:6 ዝን ቢታል አፋ ናጋራ አቶ ጎዳይስ አስ ናአይስ ማዉተ የዛና ታ ይንታን ኤርሶዳ» ዬጊ፥ ስላ አꬃይኮ፥ «ደንዲ ነ አርሳ ቶኪ፥ ነ ካራ Ꮊንጎባ» ዬጌዛ።
MAT 9:7 ስላ አꬃይ ደንዲ ፋ ካራ ቅቴዛ።
MAT 9:8 ዎያይ የያ ብኢ ማላባዝ ጌዛ። የይ ጋርክ ማዉተ አስስ እንጌዝ ጾሳ ጋላቴዛ።
MAT 9:9 የሱሳ የይፕ ደንዲ Ꮊንግታር ማቶሳ ግዝ አꬃይ ቃራጸ ጋችስዝ አቆ በቴዝን ብኢ፥ «ታና ካሎባ» ዬጌዛ። ኤዝካ ደንዲ ካሌዛ።
MAT 9:10 የሱሳ ማቶሳ ካራ ሙንታል አፋ በቴዝን፥ ቃራጸ ጋችዝ ጋመ አስታይኔ ናጋራ ኦꬅዝ አሳይ ይኢ ኤዛራኔ ኤ ታማርታይር ዎላ ማዳይስ በቴዛ።
MAT 9:11 ፐቲ ፐቲ ፈርሳወ አሳይ የያ ብኢ፥ የሱሳ ታማርታ፥ «ይ አስታማራይ ቃራጸ ጋችሽዝታይራኔ ናጋራ ኦꬅዝታይር አብስ ሜ?» ዬጌዛ።
MAT 9:12 የሱሳ የያ ስኢ፥ «አክመ ኮሽዛይ ሀርግንቴዝታይስፕ አትን ፓꬅታይስ ባያ።
MAT 9:13 ዝን ይ Ꮊንጊ፥ ‹ታኒ ይ ያርሻ ባዝን ማሮትꬅ ኮይዛ› ጉሳይ ዋጉስዛኮ ኤሮይታ። አብስ ጊኮ፥ ታ ናጋራ ኦꬅዝታ ጼጎዳይስ የኤዛፕ አትን ጽልታ ጼጎዳይስ የኤካያ» ዬጌዛ።
MAT 9:14 የ ዎደ ዋንሳ ታማርታይ የሱሳኮ ሺቂ፥ «ኑራኔ ፈርሳወ አሳይ ጾምዛ፥ ዝን ነ ታማርታይ አብስ ጾሞሳ?» ዬጊ ኦይጬዛ።
MAT 9:15 የሱሳ ማሂ ኡንትኮ፥ «ማቾ ኤክዛይ ኡንታር የዝን ላዛንꬅታይ አዛኖዳይስ ዳንዳእኔ? ማቾ ኤክዛይ ኡ አቻፕ ኤክንቶድ ዎደ የኦዳ፥ ኡ የ ዎደ ጾሞዳ።
MAT 9:16 «ኦሮꬅ ማኦፕ ፔꬃ ጭማ ማኦል አፋ ስክዛ ኦንካ ባያ። የይ ጋርክ ኦꬂኮ ኦሮꬃይ ጭማና ፐርእዛ። ፐርእꬃይካ ጉጂ ዳልግዛ።
MAT 9:17 ኦሮꬅ ዎይነ ጭማ ኦጎሮ ጋንጨ ዳኪ ጋድዛ ኦንካ ባያ። የይ ጋርክ ኦꬂኮ ኦሮꬅ ዎይናይ ጭማ ኦጎራ ꬉስዛ ዎይናይካ ላልንትዛ፤ ኦጎራይካ ናምአንꬆ አዶዋ ባዝ ማቅዛ። ዝን ኦሮꬅ ዎይነ ኦሮꬅ ኦጎሮ ጋንጨ ኦልንቶዳይስ ቤዝዛ። የይ ጋርክ ኦስንትኮ ናምእታይካ ኢተካዛር ናግንትዛ» ዬጌዛ።
MAT 9:18 የሱሳ የያ ኦዶል አፋ የዝን፥ አይሁደ ሀላቅታይፕ ፐታይ ኤዝኮ ይኢ፥ ኤ ቲናይድ ጹጉኒ፥ «ታ ናአታ Ꮊት Ꮊይቄዛ፥ ዝን እዛ ፓጾድ ጋርክ ነ ይኢ ነ ኩሻ እዝል አፋ ጋዶየ» ግ ዎሴዛ።
MAT 9:19 የሱሳ ደንዲ ኤዛር Ꮊንጌዛ፤ ኤ ታማርታይካ ካሌዛ።
MAT 9:20 ኤ Ꮊማዳር ታጶ ናምኢ ላይꬅ ኩንꬅ ሱꬂ ጎግ ዋይꬅዛ ፐቲ አስታ ጉየር ሺቂ የሱሳ አፍላ ማጫራ ቦቼዛ።
MAT 9:21 እዛ ፋ ዎዝናር፥ «ታ ኤ አፍላ ማጫርቶ ኣዳ ቦችዛኮ ፓጾዳ» ዬጊ ቆፔዛ።
MAT 9:22 የሱሳ ጉየ ማቂ እዞ ብኢ፥ «ታ ናአተ፥ ያሽትፐ! ነና ነ አማናይ ፓꬅዛ» ዬጌዛ። የ አስታ እዝር ፓጺ አቴዛ።
MAT 9:23 የሱሳ አይሁደ ሀላቃይ ካራ ሄሎዳር ድንከ ፑግዝታኔ ዬክዝታ ብኢ፥
MAT 9:24 «አን ሀልኦይታ፤ ጽቃ ናአታ ገንቴዛፕ አትን Ꮊይቀካያ» ዬጌዛ። ዝን አሳይ ኤዛል አፋ ሚጬዛ።
MAT 9:25 አሳ ባለ ከሴዛይፕ ጉየ ካራ ገሊ፥ ናአት ኩሻ አይክን፥ ናአታ ደንዲ ኤቄዛ።
MAT 9:26 የ ዋራይ የ ቢታ ኡባ ሄሌዛ።
MAT 9:27 የሱሳ ኤዛይር ገደ ቲና Ꮊንጎዳር ናምኢ ቶእታይ ፋ ቃላ ꬎቅ ኡዲ፥ «ዳዉተ ናአዮ፥ ኑና ማሮየ» ግ ኡክታር ኤዛ ካሌዛ።
MAT 9:28 የሱሳ ካራ ገሎዳር ቶእታይ ኤዛ ካል የኤዛ። የሱሳ ኡንትኮ፥ «ታኒ የያ ኦꬆዳይስ ዳንዳእዛና ይ አማንኔ?» ዬጌዛ። ኡንትካ፥ «ኤ፥ ጎዳዮ» ዬጊ ማሄዛ።
MAT 9:29 የይፕ ጉየ፥ የሱሳ ኡ ኣፋና ቦቺ ኡንትኮ፥ «ይንትስ፥ ይ አማናይ ጋርክ ሀኖ» ዬጌዛ።
MAT 9:30 ኡ ኣፋይካ ዶይንቴዛ። የሱሳ ኡንትኮ፥ «Ꮊያ ኦስካ ኦድፓተ» ዬጊ ሚንꬂ ኦዴዛ።
MAT 9:31 ዝን አስታይ Ꮊንጊ የሱሳ ኦሳ የ ቢታ ኡባይል ኦዴዛ።
MAT 9:32 ኡንቲ የይፕ ከሳዳር አሳይ ቱና አያናይ አይኬዝ ፐቲ ሙመ አስ የሱሳኮ ከኤዛ።
MAT 9:33 ቱና አያናይ ከዜዛይፕ ጉየ ሙመ አꬃይ ኦድንቴዛ፥ ዎይታይካ ማላባዝ ግ፥ «Ꮊይ ጋርክ ኦሮꬅ ባዝ እስሬለ ቢታል የሻ ሀነካ ባዝ» ዬጌዛ።
MAT 9:34 ዝን ፈርሳውታይ፥ «ቱና አያንታይ ሀላቃይር ቱና አያንታ ከስዛ» ዬጌዛ።
MAT 9:35 የሱሳ አይሁድታይ ዎሳ ኬꬃ ታማርስታር፥ ሳሎ ካተትꬅ ዎንግለ ሳባክታር፥ አሳ ሀርገ ኡባይፕ ፓꬅታር ካታምታይራኔ ሄራ ኡባይር ዩዬዛ።
MAT 9:36 ጋመ ዎያ፥ ሄንግዝ አስ ባ ዱር ጋርክ ኡንታን ብእዛ አስ ꬋብን ኡንእንቴዝታኔ ላልንቲ የዝታ ብኢ ኡንትስ ቃꬍንቴዛ።
MAT 9:37 ፋ ታማርታይኮ፥ «ሺቆድ ቶርቼ ካꬃይ ጋመ፥ ዝን ቶርቼ ካꬃ ሺሽዛ አሳይ ጽቃ።
MAT 9:38 የይ ግሾስ፥ ጎዳይ ቶርቼ ካꬃ ሺሾዳይስ ኦሶ አስታ ዳኮድ ጋርክ ቶርቼ ጎዳ ዎሶይታ» ዬጌዛ።
MAT 10:1 የሱሳ ታጶ ናምኢ ታማርታ ፋኮ ጼጊ፥ ቱና አያንታ ከሶድ ጋርከኔ ሀርገ ኡባ ፓꬆዳይ ጋርክ ኡንትስ ማዉተ እንጌዛ።
MAT 10:2 ታጶ ናምኢ ሀዋርታይ ሱንꬃ፦ ኡንትካ ጵጽሮሳ ግዝ ስሞናራኔ ኤ እሻ እንድራሰ፥ ዛብዶሳ ናአ ያይቆባራ ኤ እሻ ዋንሳ፥
MAT 10:3 ፍልጶሳ ባርቶሎሞሳ፥ ቶማሳ ቃራጸ ጋችስዝ ማቶሳ፥ ኢልፎሳ ናአ ያይቆባ፥ ታዶሳ፥
MAT 10:4 ቀነና ስሞናራኔ የሱሳ ኣꬃ እንጌዝ አስቆሮቶ ይሁዳ።
MAT 10:5 የ ታጶ ናምእታ የሱሳ ኪቲ ዳክታር፥ «አይሁደ ባዝታይኮ Ꮊንግፓተ፥ ማ ሳማርታይ ካታማ ገልፓተ።
MAT 10:6 ዝን እስሬለ ካራፕ ማቄዝ ሰክ ꬋቤዝ ዱርታይኮ Ꮊንጎይታ።
MAT 10:7 Ꮊንጊ፥ ‹ሳሎ ካተትꬃይ ኡኬዛ› ግ ኦዶይታ።
MAT 10:8 ሀርግንቴዝታ ፓꬆይታ፥ Ꮊይቄዝታ Ꮊይቆፐ ደንꬆይታ፥ ቦርቆንቶ ሀርገር የዝታ ጌሺ ፓꬆይታ፥ ቱና አያንታ ከሶይታ። ይ ጨር ኤኬዛና ጨር እንጎይታ።
MAT 10:9 ይ ኪሰ ዎርቀ፥ ዎይ ብራ ሳንተ አይክፓተ።
MAT 10:10 ይ ኦገስ ቁርቦ፥ ናምኢ አፍላ፥ ዎይ ጫማ ዎይ ጉፈ አይክፓተ፤ ኦሶ ኦꬆዝታይስ ካꬃ ኮሽዛ።
MAT 10:11 «ይ ካታማ ዎይ ሄራ ገሎዳር ይንታን ሞኪ ኤኮዳይስ ኡፋይትዛ አꬃ ኮዢ ኤ ካራ ሸምፖይታ፤ ይ ከዚ Ꮊማድ ጋላሳ ሄሎዳይስ ኤዛይድ ጋምኦይታ።
MAT 10:12 ማ ኦ ካራካ ገልታር ሳሮꬆይታ።
MAT 10:13 የ ኬꬃይ ይንታን ሞክኮ ይ ሳሮꬆዝ ሳራይ ኡንታን ሄሎ፥ ዝን ኡ ሞካም እጽኮ ይ ሳሮꬅዝ ሳራይ ይንትስ ጉየ ማቆ።
MAT 10:14 ኦንካ ይንታን ሞኮዋ ባዝ ማቅኮኔ ይ ኦዴዝባዝ ስአም እጽኮ የ ካርትፕ ዎይ የ ካታምትፕ ከዝታር ይ ቶከል የዝ ቡልአ ፕቲ ከዞይታ።
MAT 10:15 ታ ይንትስ ቱሮ ኦድዛ፤ ጾስ ፕርዳ ጋላስ የ ካታማትፐ ሶዶመስራኔ ጋሞራ ካታምታይስ ፕርዳይ ካዉዦዳ።
MAT 10:16 «ታ ይንታን ዱርታይ ጋርክ ፉግታይ ጋንጨ ዳኮዳ። የይ ግሾስ፥ ሾሽ ጋርክ ኤጭታ፥ ሆለ ጋርክ ሀይታ ማቆይታ።
MAT 10:17 አሳይ ይንታን ፕርዳ ዳይንታይስ ኣꬂ እማዳ፥ ማ አይሁድታይ ዎሳ ኬꬃይድ ይንታን አላንጎዳ። የይ ግሾስ፥ ኡንታፕ ናግንቶይታ።
MAT 10:18 ታ ግሾስ ግ ይንታን ጋደ አቅስዝታይ ቲናኔ ካትታይ ቲና ካንጎዳ። ኡ ቲናይዳኔ አይሁደ ባ ዎያ ቲና ኤቂ ይ ታባዝ ማርካቶዳ።
MAT 10:19 ዝን ይንታን ፕርዳስ ኣꬂ እንጎዳር ዋጎ አብ ማሆ ግ ኡንእንትፓተ፤ የ ሳተ ይ ጎድባዝ ጾስ ይንትስ እማዳ።
MAT 10:20 አብስ ጊኮ፥ ይንታር ማቂ ኦድዛይ ይ አዳይ አያናፕ አትን ይንታን ባያ።
MAT 10:21 «ኢሻይ ፋ እሻ፥ አዳይ ፋ ናአ፥ Ꮊይቆስ ኣꬂ እማዳ፥ ናእታይ ፋና የሌዝታይል አፋ ደንዲ ዎꬎዳ።
MAT 10:22 ታ ሱንꬃይ ግሾስ ግ አሲ ኡባይ ይንታን እጾዳ፥ ዝን ዉርስꬃይ ሄሎዳይስ ጋርዤዛይ አቶዳ።
MAT 10:23 ፐቲ ካታማፕ ይንታን ኡ ባይእኮ ሀራ ካታማ ቆስንቶይታ። ታኒ ይንትስ ቱሮ ኦድዛ፤ አስ ናአይ የኦድ ሄሎዳይስ፥ ይ እስሬለ ካታማ ኡባ ፖላሚ።
MAT 10:24 «ታማራይ ፋ አስታማራይፕ፥ አይላይ ፋ ጎዳይፕ ኣꬎያ።
MAT 10:25 ታማራይ ፋ አስታማራ፥ አይላይ ፋ ጎዳ ኣዝኮ ኤዝስ ግዶዳ። ካራ አዳ ብኤልዘቡላ ጊኮ ኤ ካራ አሳ ዋይዚ ኢሲ ጼጎዴ?
MAT 10:26 «ይኬ፥ አስስ ያሽትፓተ፥ ካምንቴዝ ባዝ ቆንጮዳ፥ ቆስንቴዝ ባዝ ፕ ከዘካዛር አታሚ።
MAT 10:27 ታ ይንትስ ꬉማ ኦድዛና ይ ፖኦ ኦዶይታ፤ ታ ይንትስ ሀየ ካለ ካልካሼዝ ባዝ ደረል አፋ ዎያስ አዋጆይታ።
MAT 10:28 አሾፕ አትን ሸምፖ ዎꬎዳይስ ዳንዳኦዝታይስ ያሽትፓተ። ዝን ሸምፖኔ አሾ ጋናመ ꬋብሶዳይስ ዳንዳእዛ ጾሳይስ ኣꬎ ያሽቶይታ።
MAT 10:29 ናምኢ ሱንታይ ፐቲ ባካና ባይዝንቶሳኔ? ዝን፥ ኡንታፕ ፐታካ ይ አዳይ ጌካዝን ሳአ ዎꬂ አቶያ።
MAT 10:30 ሀራ አቶዝን፥ ይ ኦማ ብናናይካ ፓይድንቲ የዛ።
MAT 10:31 ይኬ፥ ጋመ ሱንታይፕ ይ ኣꬂዝ ግሾስ ያሽትፓተ።
MAT 10:32 «አስ ቲና ታስ ማርካትዝ ኡባይስ ታንካ ሳሎ የዝ ታ አዳይ ቲና ማርካቶዳ።
MAT 10:33 ዝን አስ ቲና ታና ካድዛና ታንካ ሳሎ የዝ ታ አዳይ ቲና ኤዛ ካዶዳ።
MAT 10:34 «ታ ሳአል ሳሮ ኮኦዳይስ የኤዛ ይንትስ ኣዝፐ። ታ ኦላፕ አትን ሳሮትꬅ ኮኦዳይስ የኤካያ።
MAT 10:35 ታ የኤዛይ፥ «‹ናአ አዳይፕ ናአቶ እንዳትፕ፤ ናአይ ማቻቶ አዝናይ እንዳትፕ ሻኮዳይሲ።
MAT 10:36 አስስ ሞርኬ ኤ ካራ አስታ ማቃዳ።›
MAT 10:37 «ታፕ ኣꬂ ፋ ኣዳ ዎይ ፋ እንዳቶ ዶስዛይ፥ ታስ ማቆዳይስ ቤዞያ። ፋ ꬍራꬅ ናአ ዎይ ፋ ማች ናአቶ ታፕ ኣꬂ ዶስዛይ፥ ታባዝ ማቆዳይስ ቤዞያ።
MAT 10:38 ፋ ማዝቃለ ቶኪ ታና ካሎዋ ኦንካ ታባዝ ማቆዳይስ ቤዞያ።
MAT 10:39 ፋ ሸምፖ አሾዳይስ ኮይዛይ ꬋብሶዳ፥ ዝን ፋ ሸምፖ ታ ግሾስ ኣꬂ እንግዛይ አሾዳ።
MAT 10:40 «ይንታን ሞክዛይ ታና ሞክዛ፥ ታና ሞክዛይ ማ ታና ኪቴዝ ታ ኣዳ ሞክዛ።
MAT 10:41 ናባና ናበ ሱንꬃር ሞክዛይ፥ ናባይ ጋርክ ዎይትንቶዳ፤ ማ ጽላና ጽሎ ሱንꬃር ሞክዛይ፥ ጽልታይ ጋርክ ዎይትንቶዳ።
MAT 10:42 ታ ይንትስ ቱሮ ኦድዛ፤ Ꮊ ታ ታማርታይፕ ጽቅዛ ፐታይስ ታና ካልዛ ግሾስ ሀራ አቶዝን ሀለ ሃꬅ እርጻ እንግኮ ኤ ዎይታይ ꬋበና» ዬጌዛ።
MAT 11:1 የሱሳ ታጶ ናምኢ ታማርታይስ አዛዛ እንጌዛይፕ ጉየ ኤዛይፕ ደንዲ ታማርሶዳይስኔ ሳባኮዳይስ ጋልላ ካታምታይኮ ቅቴዛ።
MAT 11:2 ዋንሳ አች ካራ የዛር ክርስቶሳ ኦꬄዝ ባዝታ ስኢ፥ ፋ ታማርታይፕ ናምእታ ኤዝኮ ኪቲ፥
MAT 11:3 «የኦዳ ጊንትንቴዛይ ነናኔ? ኑ ሀራ ናጎ?» ዬጊ ኦይጬዛ።
MAT 11:4 የሱሳ ኡንትኮ ማሂ፥ «Ꮊንጊ ይ ስእዝባዝኔ ይ በኤዝ ባዝ ዋንሳስ ኦዶይታ።
MAT 11:5 ቶእታይ በአዳ፥ ሾልዝታይ የꬎዳ፥ ቦርቆንቶር ሀርግንቴዝ አስታይ ጌዦዳ፥ ቱልታይ ስኦዳ፥ Ꮊይቄዝታይ Ꮊይቆፕ ደንዶዳ፤ ማንቅታይስ ዎንግላይ ሳባክንቶዳ።
MAT 11:6 ታል ꬉብንተካዛይ አንጅንቴዛያ» ዬጌዛ።
MAT 11:7 ዋንሳ ታማርታይ ጉየ ማቂ ቅትን፥ የሱሳ ዎያይስ ዋንሳ ባዝ ኦድታር፥ «Ꮊ ሊዦ ጋꬋይድ አብ በአዳይስ ከዜኔ? ጫርኮ ኤንእስዛ ማቃ በአዳይስ የኤነኔ?
MAT 11:8 የዝን፥ አብ በአዳይስ ከዜኔ? ሎኦ አፍላ ማኤዝ አስ በአዳይሶኔ? ሎኦ አፍላ ማኤዝታይ ካትታይ ኬꬃ የዛ።
MAT 11:9 የዝን፥ አብ በአዳይስ ከዜኔ? ናበ በአዳይሶኔ? ዬዛኮ፥ ይ ናበፐካ ኣꬍዛና ብእዛ።
MAT 11:10 «ነ ኦጋ ነ ቲናይር ጊግስዛ ኪትንቴዛና ኔፕ ቲና ኪቶዳ» ዬግንቲ ጻፍንቴዛይ ኤሲ።
MAT 11:11 ታ ይንትስ ቱሮ ኦድዛ፤ ማቻፕ የልንቴዝታይ ጋንጨፕ ጻማቅዛ ዋንሳፕ ኣꬍዛይ ኦንካ ባያ፤ ሳሎ ካተትꬅ ኡባይፕ ጽቅዛይ፥ ኤዝፕ ኣꬎዳ፥
MAT 11:12 ጻማቅዛ ዋንሳ ዎደፕ አይኪ Ꮊይኖ ሄሎዳይስ ሳሎ ካተትꬃይ ጋመ ኡርቅንትዛ፥ ሚንጊ ቡትንቴዝታይ የ አቃ ገሎዳ።
MAT 11:13 ናብታይ ኡቢታይኔ ሙሰ ህጋይ ዋንሳ ዎደ ሄሎዳይስ ሀኖድ ባዝ ትንቢተ ኦዴዛ።
MAT 11:14 ይኬ፥ ይ ኡ ኪታ አማኖድ ማቅኮ፥ የኦድ ግንትንቴዝ ኤላሳ፥ የይ ኤ ዋንሳ።
MAT 11:15 ይኬ፥ ስእዝ ሀየር የዛይ ስኦ።
MAT 11:16 «ይኬ፥ Ꮊ ዎደ የለትꬃ አባራ ኣዝሶ? ጋበ ጋንጨ በቲ ዎል ጼጊ፥
MAT 11:17 « ‹ኑ ይንትስ እምፕልተ ፑግን፤ ይ የጾያ። ኑ ሳቢ ዘላልን፤ ይ ዬኮያ› ዬግዝ ናእታ ኣዝዛ።
MAT 11:18 ጻማቅዛ ዋንሳ ሜካዛራኔ ኡዠካዛር ይእን፥ ‹ቱና አያናር የዛ› ይ ዬጌዛ።
MAT 11:19 አስ ናአይ ሚታራኔ ኡዥታር ይእን፥ ‹ዥምባራኔ ኡሺ ዣረ፥ ቃራጸ ጋችስዝታይኔ ናጋራንችታይ ዳቦ› ዬጌዛ። ይኬ፥ ኤጨትꬅ ቱማትꬃይ ኤ ኦሳይር በንትዛ» ዬጌዛ።
MAT 11:20 የይፕ ጉየ፥ የሱሳ ጋመ ማላትታ ኦꬅዝ ካታምታይድ የዝ አሳይ ፋ ናጋራፕ ማቂ ማሮትꬅ ገላም እጼዝ ግሾስ ኡንታን፥
MAT 11:21 «አየ ኮራዝኔ ካታማስ፥ አየ ቤተሳይዳ ካታማስ፥ አብስ ጊኮ፥ ይ ጋንጨ ኦꬅንቴዝ ማላታይ ጽሮሳኔ ስዶና ኦꬅንቴዝ ማቄዛኮ፥ ኡ ብኒ ቡዶ ትዥንቲ፥ ካዮ አፍላ ማኢ ፋ ናጋራይፕ ማቂ አቶዳ።
MAT 11:22 ዝን ታ ይንትስ ኦድዛ፤ ፕርዳ ጋላስ ይንታፕ ኣꬅ ጽሮሳስኔ ስዶናስ ፕርዳይ ካዉዦዳ።
MAT 11:23 ማ Ꮊኔ ቅፍርናሆማ፥ ነ ፑደ ሳሎ ከዞዳይስ ኮይኔ? ሀናሚ! ኔኒ ስኦለ ዎꬎዳ። አብስ ጊኮ፥ ነ ጋንጨ ኦꬅንቴዝ ማላትታይ ሶዶማ ኦስንቴዛኮ ሶዶመ Ꮊይኖ ሄሎዳይስ የሳዳዝን።
MAT 11:24 ዝን ታ ኔስ ኦድዛ፤ ፕርዳ ጋላስ ኔፕ ኣꬅ ሶዶማስ ፕርዳይ ካዉዦዳ» ዬጊ ካጬዛ።
MAT 11:25 የ ዎደ የሱሳ፥ «አዳዮ፥ ሳሎኔ ሳአ ጎዳዮ፥ ኔኒ Ꮊያ ኤራንችታይፐኔ ኤጭታይፕ ቆሲ ዱደ ናእታይስ ቆንጭሴዝ ግሾስ ነና ታ ጋላትዛ።
MAT 11:26 ኤ፥ ታ አዳዮ፥ Ꮊይ ነ ሎኦ ሸናይ ጋርክ ሀኔዛ።
MAT 11:27 «ኡባይ ታስ ታ አዳይፕ እንግንቴዛ። አዳይፕ ሀራ ናአ ኤርዛይ ባያ፥ ናአይፐኔ ኤ ኡንትስ ቆንጭሶዳይስ ኮይዝታይፕ ሀራ ኣዳ ኤሮዳይስ ዳንዳእዛይ ባያ።
MAT 11:28 «ይንታኖ፥ ዳቡሬዝታዮ፥ ቶፎ ዴጼዝ ኡቢታዮ ታኮ Ꮊና የኦይታ፤ ታ ይንታን ሸምፕሶዳ።
MAT 11:29 ታኒ ታ ዎዝናር ኬሃኔ ሃዮ ማቄዝ ግሾስ ታ ቃምባራይድ ገሎይታ፥ ታፕ ታማሮይታ፤ ይንቲ፥ ይ ሸምፖስ ሸምፖ ደማዳ።
MAT 11:30 ታ ቃምባራይ ሊቃማ፥ ማ ታ ቶፋይካ ሻዉኮ» ዬጌዛ።
MAT 12:1 የይፕ ጉየ፥ ማላ ጋላስ፥ የሱሳ ጋደ ጋንጨር ኣꬍዛ። የሱሳ ታማርታይ ናይንቴዝ ግሾስ ባንጋ ትዣ ምርኪ ሙስ አይኬዛ።
MAT 12:2 ዝን ፈርሳውታይ የያ ብኢ የሱሳኮ፥ «Ꮊያ ቦኦባ፥ ነ ታማርታይ ማላ ጋላስ ኦꬆዳይስ ቤዞዋ ባዝ ኦꬅዛ» ዬጌዛ።
MAT 12:3 የሱሳ ኡንትኮ ማሂ፥ «ዳውተ ናይንቴዝ ዎደ ኤዛር የዝታይራ አብ ኦꬄዛኮ ይ ናባበካሳ?
MAT 12:4 ዳውተ ጾስ ኬꬃ ገሊ ቄስታይ ኣዳፕ አትን ኤዝኔ ኤዛር የዝታይስ ቤዞዋ ያርሽንቴዝ ዳቦ ሜዛ።
MAT 12:5 ካህንታይ ማላ ዎጋ ሻሪ ጾሳ ኬꬃ ማላ ጋላስ ኦሶ ኦꬅኮ ኡንትስ ናጋራ ማቆዛና ሙሰ ህጋይፕ ይ ናባበካሳ?
MAT 12:6 ዝን ስኦይታ! ጾስ ኬꬃፕ ኣꬍዛይ Ꮊይዳ የዛ።
MAT 12:7 ‹ታኒ ይ ያርሻ ባዝን ይ ሀራ አስ ማሮድ ጋርክ ኮይዛ› ግዝ ቃላይ ዋጉስዛኮ ይ ኤሬዛኮ ጌሽ አሳል አፋ ፕርዳሚ።
MAT 12:8 አስ ናአይ ማላስ ጎዳ» ዬጌዛ።
MAT 12:9 የሱሳ የይፕ Ꮊንጊ አይሁድታይ ዎሳ ኬꬃ ገሌዛ።
MAT 12:10 ኤዛይድ ኩሸ ስሌዝ ፐቲ አꬃይ የዛ። የሱሳና ሞቶዳይስ ሳንከ ኮይዝ አሳይ፥ «ማላ ጋላስ አስ ፓꬆዳይስ ቤዝነኔ ቤዞሳ?» ዬጊ ኦይጬዛ።
MAT 12:11 ኤ ኡንትኮ፥ «ይ ጋንጨፕ ፐታይስ ዱሪ ማላ ጋላስ ኦላ ዎꬍኮ፥ ጎቺ ከሶዛይ ኦኖ?
MAT 12:12 የዝን አሲ ዱራፕ ዋይዚ ሎእꬂ ኣꬎሳ? የይ ግሾስ፥ ማላ ጋላስ ሎኦ ባዝ ኦꬆዳይስ ቤዝዛ» ዬጌዛ።
MAT 12:13 የይፕ ጉየ፥ የሱሳ አꬃይኮ፥ «ነ ኩሻ ፕድ ኡዶባ» ዬግን፥ አꬃይካ ፕድ ኡዴዛ። ኤ ኩሻይ ፓጺ Ꮊንኮ ኩሻይ ጋርክ ሀኔዛ።
MAT 12:14 ዝን ፈርሳውታይ የይፕ ባለ ከዚ፥ የሱሳ ዋይዚ ዎꬎዳዛኮ ዎላ ቶቤዛ።
MAT 12:15 የሱሳ ኡ ቆፋ ኤሪ የ አቃ አሺ ሀራ አቆ ቅቴዛ። ጋመ አሲ ኤዛ ካሊ Ꮊንጌዛ፥ ሀርግንቴዝታ ኡባ ኤ ፓꬄዛ።
MAT 12:16 የሱሳ፥ «ታ ባጋ ኦስካ ኦድፓተ» ዬጊ ሚንꬂ ኦዴዛ።
MAT 12:17 የይካ ናበ ኢሳያሳ፥
MAT 12:18 «ይኬ ታ ማራጼዝ አይላይ፥ ታ ዶስዛይ፥ ታና ኡፋይስዛይ፥ ታኒ ታ አያና፥ ኤዛል አፋ ሸምፕሶዳ፤ ኤ፥ አይሁደ ባ ዎያስ ሉለ ፕርደባዝ አዋጆዳ።
MAT 12:19 ኤ ፓላሞያ ዎይ ካጮያ፤ ፋ ቃላካ ደንባል ጨር ስሶያ።
MAT 12:20 ሉለ ፕርዳር ጋሞድ ሄሎዳይስ፥ ሎሜዝ ማቃ መንꬆያ፥ ጩይዝ ሙቃዳ ቶእሶያ።
MAT 12:21 አይሁደ ባ ዎያ ኡቢታይ ኤል ኡፋይቶዳ» ዬጊ ኦድንቴዛይ ፖልንቶዳይ ጋርከ።
MAT 12:22 የይፕ ጉየ፥ ቱና አያና አይኬዝ ቶአኔ ሙመ አስ የዛና ኤዝኮ ከኤዛ። የሱሳ አꬃ ፓꬅን፥ አꬃይ በኤዛኔ ኦድንቴዛ።
MAT 12:23 ዎያ ኡባይ ማላባዝ ግ፥ «Ꮊይ ዳዉተ ናአ ማቃደሻ?» ዬጌዛ።
MAT 12:24 ዝን ፈርሳውታይ የያ ስኢ፥ «Ꮊ አꬃይ ቱና አያንታ ከስዛይ ቱና አያንታይ ሀላቃ ብኤልዘቡላ ዎልቃራ» ዬጌዛ።
MAT 12:25 የሱሳ ኡ ቆፋ ኤሪ፥ «ፐቲ ካተትꬂ ሻክንቲ ዎላል ኤቅንትዛ ማቅኮ የ ካተትꬃይ ዎꬎዳ፤ ማ ዎል ጋንጨ ሻኮትꬅ መꬍዝ ካታማ ዎይ ኬꬂ ሚንጊ ኤቆዳይስ ዳንዳኦያ።
MAT 12:26 ጻላሄ ጻለሄ ከስዛ ባዝ ማቅኮ ፋ ጋንጨ ሻግንቴዝ ጉሲ። የይ ጋርከ ሀንዛ ባዝ ማቅኮ ኤ ካተትꬃይ ዋይዚ ሚንጊ ኤቆዳይስ ዳንዳኤ?
MAT 12:27 ታኒ ቱና አያና ከስዛይ ብኤልዘቡላ ዎልቃር ማቅኮ ይንታን ካልዛ አሳይ ኦ ዎልቃር ከሶዴ? የይ ግሾስ፥ ይንታን ካልዛ አሳይ ይንታን ፕርዶዳ።
MAT 12:28 ዝን ታኒ ቱና አያንታ ከስዛይ ጾስ አያናር ማቅኮ፥ ጾስ ካተትꬃይ ይንትኮ የኤዛ።
MAT 12:29 «ዎይ ፐቲ አስ ዎልቃማ አስ ካራ ገሊ ኤ ሻላና ቦንቆዳይስ ኮይኮ ቲናቲ የ አꬃ አጨካ አትኮ ዋይዚ ቦንቆዳይስ ዳንዳኤ? አጬዛይፕ ጉየ ኤ ሻላና ቦንቆዳይስ ዳንዳእዛ።
MAT 12:30 «ታር ባዛይ ኦንካ ታና እጽዛ፤ ማ ታር ዎላ ሺሾዋ ኡባይ ላልዛ።
MAT 12:31 የይ ግሾስ፥ ስኦይታ፤ አሳይ ኦꬂዛ አባ ናጋራካ ጫሺ ኡባይ አቶ ግንትንቶዳ፥ ዝን ጌሻ አያና ጫዤዝ ኦስካ ኤ ናጋራይ አቶ ጊንትንታሚ።
MAT 12:32 ኦንካ አስ ናአል አፋ ኢታ ባዝ ኦድንትኮ ኤስ አቶ ግንትንቶዳ፥ ዝን ጌሻ አያናል አፋ ኢታ ባዝ ኦድንትዛ ኦስካ Ꮊ ሳአል ማቅን የኦድ አላማይላካ ኤ ናጋራይ አቶ ጊንትንታሚ።
MAT 12:33 «ሎኦ ምꬂ ሎኦ ኣፈ ኣፍዛ፤ ማ ኢታ ምꬂ ኢታ ኣፍዛ። ይኬ፥ ምꬂ ኤርንትዛይ ፋ ኣፋይራ።
MAT 12:34 ይንታኖ፥ ሾሽ ናኡንꬆ፥ ይ ኢታ ማቅታር ዋይዚ ሎኦ ባዝ ኦድንቶዳይስ ዳንዳእኔ? አሲ ፋ ዎዛና ጋንጨ ኩሚ ፑጬዝ ባዛፕ ዶናር ኦድንትዛ።
MAT 12:35 ሎኦ አሲ ፋ ዎዝና ጋንጨ ጋዴዝ ሎኦ ባዛፕ፥ ሎኦ ባዝ ከስዛ፤ ኢታ አሲ ፋ ዎዝና ጋንጨ ጋዴዝ ኢታ ባዛፕ፥ ኢታ ባዝ ከስዛ።
MAT 12:36 ዝን ስኦይታ፥ አሲ ኦድንትዛ ጨረ ኦዳ ኡባይስካ ፕርዳ ጋላስ ማልሰ እማዳ።
MAT 12:37 አብስ ጊኮ፥ ነ ኦድንትዛ ነቃላይር ጽሎዳ፤ ነ ኦድንትዛ ነ ቃላይ ኔል አፋ ፕርዶዳ» ዬጌዛ።
MAT 12:38 የይፕ ጉየ፥ ፐቲ ፐቲ ፈርሳውታይኔ ህገ አስታማርታይ የሱሳኮ፥ «አስታማራዮ፥ ኔኒ ማላታ ኦꬂ ኑና ቤዞዬ» ዬጌዛ።
MAT 12:39 ዝን የሱሳ ማሂ፥ «አማኖዝታይኔ ኢታ የለትꬂታይ ማላታ ኮይዛ። ዝን ናበ ዮናሳ ማላታፕ ሀራ ማላታ ኤስ እንግንቶያ።
MAT 12:40 ዮናሳ ግታ ሞሎ ኡሎ ጋንጨ ሀይꬒ ጋላስኔ ሀይꬒ ቃማ ጋምኤዛይ ጋርክ አስ ናአይ ሀይꬒ ጋላስኔ ሀይꬒ ቃማ ቢታ ጋንጨ ጋምኦዳ።
MAT 12:41 ነነወ አሳይ ፕርደ ጋላስ ደንዲ Ꮊ የለትꬃይል አፋ ፕርዶዳ፤ አብስ ጊኮ፥ ኡ ዮናሳ ስብካታ ስኢ ፋ ናጋራይፕ ማቄዛ። ይኬ፥ ዮናሳፕ ኣꬍዛይ Ꮊይዳ የዛ።
MAT 12:42 ፕርዳ ጋላስ ሱለ ባጋ ካታታ ደንዲ Ꮊ የለትꬃይር ዎላ ፕርዶዳ፤ አብስ ጊኮ፥ እዛ ሶሎሞነ ኤጨትꬃ ስኦዳይስ ቢታ ጋጻፕ የኤዛ። ዬዛኮ፥ ሶሎሞነፕ ኣꬍዛይ Ꮊይዳ የዛ።
MAT 12:43 «ቱና አያናይ አሳፕ ከዜዛይፕ ጉየ ፋስ ሸምፕዛ አቆ ኮዪ ሃꬂ ባ መላ አቆ ዳቡርዛ፥ ዝን ፋ ኮይዝ ሸምፖ ደንጎያ።
MAT 12:44 የይ ግሾስ፥ ‹ታ አሺ ከዜዝ ካራ ማቂ Ꮊማዳ› ዬግዛ። ኤ ማቂ የኦዳር ኬꬃይ ካይሳ ማቅዛኔ ፕትንቲ ጊጊ በቴዛና ደንግዛ።
MAT 12:45 ይኬ፥ ማቂ Ꮊንጊ፥ ፓፕ ኢታ ሀራ ላፑን ኢታ አያንታ ኤኪ ይእዛ፤ ኡንትካ አꬃይ ጋንጨ ገሊ የዝዛ። የ አꬃይስ ቲናሳይፕ ጉዬሳይ ኡሳ ኢትዛ። Ꮊ ኢታ የለትꬃይል የይ ጋርክ ባዝ ሀኖዳ» ዬጌዛ።
MAT 12:46 የሱሳ ዎያይስ ኦዳል አፋ የዝን ኤ እንዳትኔ ኤ እሽታይ ኤር ናሾዳይስ ኮዪ ባለ ኤቄዛ።
MAT 12:47 ፐቲ አሲ ኤዝኮ፥ «ነ እንዳትኔ ነ እሽታይ ኔር ናሾዳይስ ኮዪ ባለ ኤቄዛ» ዬጌዛ።
MAT 12:48 የሱሳ ማሂ፥ «ታ እንዳት ኦኖ? ታ እሽታይካ ኦናንታራ?» ዬጌዛ።
MAT 12:49 ፋ ኩሻይር ታማርታ ማልታር፥ «ቦኦይታ፥ ታ እንዳታነ ታ እሽታይ Ꮊይትታ።
MAT 12:50 ሳሎ የዝ ታ አዳይ ሸነ ኦꬂዛ ኡቢታይ ታ እሸ፥ ታ ምሾኔ ታ እንዶ» ዬጌዛ።
MAT 13:1 የ ጋላስ የሱሳ ካራፕ ከዚ አባ ካንታ በቴዛ።
MAT 13:2 ጋመ ዎያ ኤ ላንቀ ሺቅን አሳ አባ ጋጻ አሺ ዎጎሎ ጋንጨ ገሊ በቴዛ።
MAT 13:3 አሳይስ ጋመ ባዝ ኣዝሶር ዬጊ ኦዴዛ፦ «ፐቲ ቢታ ኦꬅዝ አꬃይ ዘርꬅ ዘሮዳይስ ከዜዝ።
MAT 13:4 ኤ ዘሮዳር ፐቲ ፐቲ ዘርꬃይ ኦገ ጋጻ ዎꬌዛ፤ ኡንታናካ ካፍታይ ይኢ ማጺ ሜዛ።
MAT 13:5 ፐቲ ፐቲ ዘርꬅታይ ስስልቆ ቢታል አፋ ዎꬌዛ። ጋመ ቢታ ባ ግሾስ ኤልሲ ዶሌዛ።
MAT 13:6 ዝን አዋ ኬዝን ሹሌዛ፤ ጻጶ ባዛይ ግሾስ መሌዛ።
MAT 13:7 ፐቲ ፐቲ ዘርꬃይ አንጉꬅ ጋንጨ ዎꬌዛ፤ አንጉꬃይ ድጪ የ ዶላ ጩሌዛ።
MAT 13:8 Ꮊንክታይ ማ እርኮ ቢታል አፋ ዎꬌዛ፤ ዶሊ ኣፈ ኣፌዛ። ፐታይ ጼት፥ ፐታይ ኡሱፑንታም፥ ፐታይ ማ ሀስታም ኣፌዛ።
MAT 13:9 ስእዝ ሀየር የዝ አꬃይ ስኦ» ዬጌዛ።
MAT 13:10 የሱሳ ታማርታይ ኤዝኮ ሺቂ፥ «አብስ ኔኒ ዎያይስ ኣዝሶር ኦዴ?» ዬጊ ኦይጬዛ።
MAT 13:11 ኤ ማሂ፥ «ይንትስ ሳሎ ካተትꬅ ጹራ እንግንቴዛ፥ ዝን ኡንትስ እንግንተካያ።
MAT 13:12 የዛ ኡባይስ ጉዥንቶዳ፥ ኤዝስ ጋንጎዳ፥ ዝን ባዛይፕ ሀራ አቶዝን ኤዝስ የዛናካ ኤክንቶዳ።
MAT 13:13 የይ ግሾስ፥ ታኒ ኡንቲ፥ ብእታር ደንጋማይ ጋርክ፥ ስእታር ስአም ጋርክ ዎይ አካካማይ ጋርክ ኡንትስ ኣዝሶር ኦድዛ።
MAT 13:14 «ኢሳያሳ ፋ ማጻፋይ ግዶ ኦዴዛይ ኡንታል አፋ ፖልንቴዛ። ኤ ኦድታር፥ « ‹ይ ስስ ስእዛ፥ ዝን አካኮያ፤ ይ ብእꬅ ብእዛ፥ ዝን ደንጎያ።
MAT 13:15 አብስ ጊኮ፥ Ꮊ አሳይ ዎዝናይ ኦርዴዛ፤ ፋ ሀያ ኤርታር ቱልሴዛ፥ ፋ ኣፋ ጎዜዛ። የይ ባዛኮ ኡ ፋ ኣፋትር ብኢ፥ ፋ ሀየር ስኢ፥ ፋ ዎዝናር አካኪ፥ ታኮ ማቆዳ፥ ታካ ኡንታን ፓꬆዳዝን› ዬጌዛ።
MAT 13:16 «ዝን ይ ኣፋይ ብእዛ ግሾ ይ ሀያይ ስእዝ ግሾስ ይ አንጅንቴዝታ።
MAT 13:17 ታ ይንትስ ቱሮ ኦድዛ፤ ጋመ ናብታይኔ ጌሽ አስታይ ይ በኤዛና በአዳይስነ ይ ስእዛና ስኦዳይስ አሞቴዛ፥ ዝን ኡንትስ ሀነካያ።
MAT 13:18 «ይኬ፥ Ꮊ ዘርꬅ ዘርዝ አꬃይ ኣዝሳ ስኦይታ።
MAT 13:19 ኦገ ጋጻ ዎꬌዝ ዘርꬅ ኣዝሳይ Ꮊያ፦ ሳሎ ካተትꬅ ቃላ ስኢ አካኮዋ አይ ዎዝናይፕ ጻላሄ ይኢ ኤ ዎዛና ጋንጨ የዝ ዘርꬅ ማጺ ሃሴዛ።
MAT 13:20 ስስልቆ ቢታል አፋ ዘርንቴዛይ ቤዝዛይ ቃላ ስኢ ኤልሲ ኡፋይሳር ኤክዝታ።
MAT 13:21 ዝን Ꮊተሳፕ አትን ጻጶ ዳከካያ። ቃላ ግሾ መቶ ዎይ ባይእꬂ ይእዛ ዎደ ኤልሲ ꬉብንትዛ።
MAT 13:22 አንጉꬅ ጋንጨ ዘርንቴዛይ Ꮊያ ቃላ ስኤዛ፥ ዝን Ꮊ አላመ የስስ ህርጋይኔ ዱረትꬅስ ቆፋይ ቃላ ጩልዛ ግሾስ ኣፈ ኣፈካዛር አትዛ።
MAT 13:23 ዝን አራዳ ቢታል ዘርንቴዝ ዘርꬃይ Ꮊያ አካካር ቃላ ስኤዝ አꬃ። ኤ ኣፈ ኣፍዛ፤ ፐታይ ጼት፥ ፐታይ ኡሱፑንታም ፐታይ ማ ሀስታም እንግዛ» ዬጌዛ።
MAT 13:24 የሱሳ ኡንትስ ሀራ ኣዝሶ ኦዴዛ፥ «ጾስ ካተትꬃይ ፋ ዎታ ጋንጨ ሎኦ ዘርꬅ ዘሬዝ አꬃ ኣዝዛ።
MAT 13:25 ዝን አስ ኡባይ ገንትን ኤ ሞርካይ ይኢ ግስተ ጋንጨ ሌሾ ዘሪ ቅቴዛ።
MAT 13:26 ግስታይ ድጪ ካእዝ ዎደ ሌሾካ ኤ ጋንጨ በንቴዛ።
MAT 13:27 «ጋደ ጎዳይ አይልታይ ጎዳይኮ Ꮊንጊ፥ ‹ጎዳዮ፥ ነ ዎታይድ ነ ሎኦ ዘርꬅ ዘረካሳ? የዝን፥ ሌሾ አናፕ የኤኔ?› ዬጌዛ።
MAT 13:28 «ኤ ኡንትኮ፥ ‹የያ ሞርከ ኦꬄዛ› ዬጌዛ። «አይልታይ ጎዳይኮ፥ ‹ኑ Ꮊንጊ ሌሻ ሾዶድ ጋርክ ነ ኮይኔ?› ዬጌዛ።
MAT 13:29 «ዝን ኤ፥ ‹አቶ ቦችፓተ፤ ይ ሌሻ ሾድዝ ጎዳር ግስተካ ሾድንቶዳ።
MAT 13:30 ቦችፓተ፤ ማጾ ዎደ ሄሎዳይስ ዎላ ድጮ። የ ዎደ ማጽዛ አስታይ ሌሻ ቲናቲ ማጺ ታማ ጋንጨ ጹጎዳይስ ምርቀር ምርቀር ምርቆይታ። ዝን ግስታ ሺሺ ታ ሻላይድ ኦሎይታ› ዬጎዳ» ዬጌዛ።
MAT 13:31 ማ ሀራ ኣዝሶ ዬጊ ኦዴዛ፤ «ሳሎ ካተትꬃይ ፐቲ አሲ ፋ ዎታ ጋንጨ ባኬዝ ሳናፍጨ ኣፈ ኣዝዛ።
MAT 13:32 የ ምꬃት ኣፋይ ሀራ ምꬅ ኣፍታይፕ ጽቃ፥ ዝን ዶሊ ድጪ ሀራ ምꬅ ኡባይፕ ኣꬃ ዳሚ ድጭዛ። እ ሻቅታይል አፋ ካፍታይ ኬጺ በቶድ ሄሎዳይስ ዳማ ምꬅ ማቅዛ» ዬጌዛ።
MAT 13:33 ማቅካ፥ የሱሳ ሀራ ኣዝሶ ኦዴዛ፤ «ሳሎ ካተትꬃይ ፐቲ ማቺ ሀይꬒ ጎንገ ꬍላ ኤኪ ሙኑቂ፥ ሙኑቃይ ደንዶዳይ ጋርክ ኤዛይድ ዳኬዝ እርሾ ኣዝዛ» ዬጌዛ።
MAT 13:34 የሱሳ ዎያይስ የ ኣዝሶ ኡባ ኦዴዛ። ኣዝሶ ባዝን ፐትባዝካ ኦደካያ።
MAT 13:35 ናባይ ፋ ማጻፋይ ጋንጨ፥ «ታኒ ታ ዶና፥ ኣዝሶር ዶዮዳ፤ ሳሎኔ ሳአ መꬍንቴዛይፐ፥ ጌመዛና ታ ኦድዛ» ዬጊ ኦዴዛይ የይድ ፖልንቴዛ።
MAT 13:36 የሱሳ ዎይታ አሺ ካራ ገሌዛ። ኤ ታማርታይ ኤዝኮ ሺቂ፥ «ዎታይድ የዝ ሌሻይ ብልꬃ ኑስ ኦዶባ» ዬጌዛ።
MAT 13:37 ኤ ማሂ፥ «ሎኦ ዘርꬅ ዘሬዛይ አስ ናአ፥
MAT 13:38 ዎታይ Ꮊ አላማ። ሎኦ ዘርꬃይ ሳሎ ካተትꬅ ናእታ። ሌሻይ ጻላሄ ናእታ።
MAT 13:39 ሌሾ ዘሬዛይ ሞርከ ጻላሄ፥ ማጾ ዎዳይ ዎደ ዉርስꬅ፥ ማጽዝታይ ኪታንችታ።
MAT 13:40 «ሌሻይ ማጽንቲ ታማ ጋንጨ ጹግንትዛይ ጋርክ ዎደ ዉርስꬃላ Ꮊይ ጋርክ ሀኖዳ።
MAT 13:41 አስ ናአይ ፋ ኪታንችታ ኪቶዳ። ኡ ናጋራስ ሳንከ ማቄዝታኔ ኢታ ኦꬅዝ ኡብታ ማጺ ኤ ካተትꬃይፕ ከሶዳ።
MAT 13:42 ማጺ ሺሺ ዬፎኔ አች ጮንቺ የዝ ቶኦዋ ታማ ጋንጨ ኦሎዳ።
MAT 13:43 የ ዎደ ጽልታይ ፋ አዳይ ካተትꬃይድ አዋ ጋርክ ፖኦዳ። ስእዝ ሀየ የዛይ ስኦ!
MAT 13:44 «ጾስ ካተትꬃይ ዎታ ጋንጨ ሞግንቴዝ ሚሸ ኣዝዛ። ፐቲ አሲ የ ሚሻ ደንጊ ማሂ ሞጌዛ። ጋመ ኡፋይቲ Ꮊንጊ ፓስ የዛ ባዝ ኡባ ባይዚ የ ጋዳት ዎንጌዛ።
MAT 13:45 «የይ ጋርክ፥ ማ ሳሎ ካተትꬃይ እንቆ ግዝ አልኦ ሹችታ ኮይዝ ዛልኤ አስ ኣዝዛ።
MAT 13:46 ጋመ አልኦ እንቆ ደንጊ Ꮊንጊ ፓስ የዛ ባዝ ኡባ ባይዚ ኤ ዎንጌዛ።
MAT 13:47 «ማ ጾስ ካተትꬃይ አባ ጋንጨ ኦልንቴዝ ዱማ ዱማ ሞሎ ኮች አይክዝ ግተ ኣዝዛ።
MAT 13:48 ሞሎ አይክዝ አሳይ ሞሎ ግታይድ ኩምን አባፕ ጋጻ ከሴዛ። ኤዛይድ በቲ ሎኣ ሎኣ ቁሪ ዳቾ ጋንጨ ኦሌዛ፥ ዝን ኢታ ሞልታ አላ ኦሌዛ።
MAT 13:49 ዎደ ዉርስꬃል የይ ጋርክ ሀኖዳ። ኪታንችታይ ይኢ ናጋራ ኦꬅዝታ ጽልታይፕ ቁሮዳ።
MAT 13:50 ዬፎኔ አች ጮንቺ የዛ ቶኦዋ ታማ ጋንጨ ኦሎዳ።
MAT 13:51 «Ꮊ ኡቢታይ ይንትስ ገሌኔ?» ዬጊ ኡንታን ኦይጬዛ። ኡ ማሂ፥ «ኤ» ዬጌዛ።
MAT 13:52 የሱሳ፥ «ይኬ፥ ሳሎ ካተትꬅ ጹራ ኤኪ ህገ ታማርስዛ ኡቢታይ፥ ፋ ምንጄዝ ሻላይፕ ኦሮꬅኔ ጭማ ከስዛ ሻሎ ጎዳ ኣዝዛ» ዬጌዛ።
MAT 13:53 የሱሳ Ꮊ ኣዝሳ ኦዲ ዉርሴዛይፕ ጉየ ኤዛይፕ ደንዲ ቅቴዛ።
MAT 13:54 ፋ የልንቴዝ ቢታ Ꮊንጊ አይሁድታይ ዎሳ ካራ ታማርሶ አይኬዛ። ኡ ማላ ባዝ ግ፥ «Ꮊ አꬃይ Ꮊ ኤጨትꬅኔ Ꮊ ማላታ ኦꬄዛ ዎልቃ አናፕ ኤኬኔ?
MAT 13:55 Ꮊይ አናጻይ ናአ ባሳኔ? ኤ እንዳቲ ሱንꬃይ ማይራሞ ባሳኔ? ኤ እሽታይ ያይቆባ፥ ዮሴፋ፥ ስሞናራኔ ይሁዳ ባሳኔ?
MAT 13:56 ኤ ምሹንꬅካ ኑር የዙንꬃና ባሳኔ? የዝን፥ Ꮊ አꬃይ Ꮊ ኡባ አናፕ ኤኬኔ?» ዬጌዛ።
MAT 13:57 የይ ግሾስ፥ ኤ ግዝ ባዛ ኤካም እጼዛ። ዝን የሱሳ፥ «ናበ ፋ የልንቴዝ ቢታይዳኔ ፋ ካራ አሳይ ካለ ቦንችንቶያ» ዬጌዛ።
MAT 13:58 ኡ አማናም እጼዝ ግሾስ ጋመ ማላታ የ አቃይድ ኦꬄካያ።
MAT 14:1 የ ዎደ ጋልላ አቅስዝ ሄሮድሳ የሱሳ ዋራ ስኤዛ።
MAT 14:2 ፋ አይልታይኮ፥ «Ꮊይ ጻማቅዛ ዋንሳ፤ ኤ Ꮊይቆፕ ደንዴዛ። የይ ግሾስ Ꮊ ኡባ ማላትታ ኤ ኦꬄዛ» ዬጌዛ።
MAT 14:3 ኤ የያ ጌዛይ ሄሮድሳ ፋ እሻ ፍልጶሳ ማቻት ሄሮድያዳ ግሾስ ዋንሳ አች ኬꬃ ገልሴዝ ግሾስ።
MAT 14:4 ዋንሳ ሄሮድሳ፥ «ነ እዞ ኤኮዳይስ ዎጋ ባያ» ዬጌዛ።
MAT 14:5 ሄሮድሳ ዋንሳ ዎꬎዳይስ ኮዬዛ፥ ዝን ዎያይ ዋንሳ ናበ ኡዲ ብእዝ ግሾስ ያሽቴዛ።
MAT 14:6 ሄሮድሳ ፋ የልንቴዝ ጋላሳ ቦንችዛ ዎደ ሄሮድያዳ ናአት አስ ቲና የꬃር ዶንጊ ኤዛ ኡፋይሴዛ።
MAT 14:7 የዝን፥ ኤ፥ «እዛ ኮይዝ ባዝ ኡባ ኢስ እማዳ ግ» ጫቄዛ።
MAT 14:8 ናአታ ፋ እንዳት ዞረ ስኢ ሄሮድሳኮ፥ «ጻማቅዛ ዋንሳ ቆꬋይፕ ጋቺ ኦማ ፍልኦ ጋንጨ ጋዲ ታስ እንጎባ» ዬጌዛ።
MAT 14:9 እዛ ዬግን ካታይ ቂራꬋዛ፥ ዝን ፋ ጫቃይ ግሾኔ ፓር የዝ እማꬂታይ ግሾስ ግ እ ኦይቻይ ፖልንቶድ ጋርክ አዛዜዛ።
MAT 14:10 ካታይ አስ ኪቲ ዋንሳ አች ኬꬃ የዝን ኤ ቆꬋ ጋችሴዛ።
MAT 14:11 ኤ ኦማ ፍልኦ ጋንጨ ኣꬃ ክኢ ናአትስ እንጌዛ፤ ናአታካ ኤኪ ፋ እንዳትስ ካንጌዛ።
MAT 14:12 ዋንሳ ታማርታይ ይኢ ኤ አሃ ካንጊ ሞጌዛ። ኤዛይፐ ጉየ ሀኔዝባዝ ኡባ Ꮊንጊ የሱሳስ ኦዴዛ።
MAT 14:13 የሱሳ ሀኔዝባዛና ስኢ ዎጎሎ ጋንጨ ገሊ የ በሳይፐ ፐቲ ጌምዛ አቆ ፋ ኣዳስ Ꮊንጌዛ። አሳይ የያ ስኢ ካታምታይፕ ደንዲ ቶከር ኤዛ ካሌዛ።
MAT 14:14 የሱሳ ዎጎሎፕ ዎꬊ ጋመ አሳ ብኢ ኡንትስ ቃꬍንቴዛ። ኡ ጋንጨ የዝ ሀርግንቴዝ አስታ ፓꬄዛ።
MAT 14:15 ሳአይ ኦማꬂታር Ꮊንግን የሱሳ ታማርታይ ኤዝኮ ሺቂ፥ «Ꮊ አቃይ ሊዦ፥ ሳአይካ ቃሜዛ። የይ ግሾስ፥ ሄራ Ꮊንጊ ፓስ ዎንጊ ማድ ጋርክ ዎያ ዳኮባ» ዬጌዛ።
MAT 14:16 ዝን የሱሳ ኡንትኮ፥ «ዎያይ ሜካዛር Ꮊማዳይስ ኮሾያ፤ ኡ ማድባዝ ይ እንጎይታ» ዬጌዛ።
MAT 14:17 ኡ ማሂ፥ «ኑስ Ꮊኔ እችን ሶሎራኔ ናምእ ሞሎፕ ሀራ ባያ» ዬጌዛ።
MAT 14:18 ኤዝካ፥ «አን እዞ Ꮊና ኮኦይታ» ዬጌዛ።
MAT 14:19 ማ ማቅካ፥ ዎያይ ማታል በቶዳይ ጋርክ ኦዴዛ። እችን ሶሎራ ናምእ ሞልታ ኤኪ፥ ሳሎ ብኢ ጋላቲ ማቂ፥ ሶላ ዱꬂ ፋ ታማርታይስ እንጌዛ፤ ኡንቲ ማ ዎያይስ እንጌዛ።
MAT 14:20 ኡባይ ም ምዤዛ። የሱሳ ታማርታይ ማዳር አቴዛና ታጶ ናምኢ ሌማተ ደንꬄዛ።
MAT 14:21 ካꬃ ሜዝ አሳይ ማችኔ ናአ አትን እችን ሙኩለ ማቅዛ።
MAT 14:22 የሱሳ ፋ ታማርታይ ዎጎሎ ጋንጨ ገሊ ፓፕ ቲናቲ አባይፕ ሰኮ ፍንꬂ ፒንጎዳይ ጋርክ ኪቲ ፋስ ዎያ ሞይዞዳይስ ጉየ አቴዛ።
MAT 14:23 ዎያ ሞይዚ ማቂ ፋ ኣዳስ ዎሶዳይስ ፐቲ ደረል አፋ ከዜዝ። ሳአ ቃምንካ ኤ ፋ ኣዳስ ኤዛይድ ጋምኤዛ።
MAT 14:24 የ ዎደ ዎጎላይ አባል አፋር Ꮊማዳር ቲና ባጋር ጫርኮ ደንድን ጎታይ ዎጎላና ጭጵቼዛ።
MAT 14:25 ዎንትማꬄላ የሱሳ አባል አፋ የꬍታር ፋ ታማርታይኮ የኤዛ።
MAT 14:26 ኤ ታማርታይ፥ ኤ አባል አፋ የꬍታር ኡንትኮ ይእዛና ብኢ ያሽቴዛ። ኡንትካ፥ «Ꮊይ ሜሸ» ግ ያሽቲ ኡኬዛ።
MAT 14:27 ዝን የሱሳ ኤልሲ፥ «አኮ ባያ! ያሽትፓተ! Ꮊይ ታና» ዬጌዛ።
MAT 14:28 ጵጽሮሳ ኤዝኮ፥ «ጎዳዮ፥ ነና ማቅኮ፥ ታ ሃꬃል አፋር የꬊ ኔኮ Ꮊንጎድ ጋርክ ታና አዛዞባ» ዬጌዛ።
MAT 14:29 የሱሳ ጵጽሮሳኮ፥ «Ꮊና የኦባ» ዬጌዛ። ጵጽሮሳ ዎጎሎፕ ዎꬊ ሃꬃይል አፋ የꬍታር የሱሳኮ Ꮊሞ አይኬዛ።
MAT 14:30 ዝን ጫርካይ ወልቃ ብኢ ያሽቴዛ። ሃꬃይ ኤዛ ምቶ አይክን «ጎዳዮ፥ ታና አሾዬ» ዬጊ ኡኬዛ።
MAT 14:31 የሱሳ ኤልሲ ፋ ኩሻ ዳኪ ኤዛ አይኪ፥ «ናት፥ አማኖ ፓጬዛዮ አብስ ስ» ዬጌዛ።
MAT 14:32 የሱሳራኔ ጵጽሮሳራ ዎጎሎ ጋንጨ ገልን ጫርካይ ጭጭርኪ ጌዛ።
MAT 14:33 ዎጎሎ ጋንጨ የዝ ኤ ታማርታይ፥ «ኔኒ ቱማካ ጾስ ናአ» ግ ጎይኔዛ።
MAT 14:34 ኡ አባ ፒንጊ ገንሳሬጸ ቢታ ሄሌዛ።
MAT 14:35 ያ ቢታይል የዝ አሳይ የሱሳና ኤሪ ፋ ሾሮ ሄራ የዝ ኡባይስ ኪታ ዳኬዛ። አሳይ ሀርግንቴዝ አስታ ኡባ ኤዝኮ ከኤዛ።
MAT 14:36 ሀርግንቴዝ አስታይ ኤ አፍላ ማንቻ ኣዳ ቦቾዳይስ ኤዛ ዎሴዛ። ቦቼዝ ኡቢታይካ ፓጼዛ።
MAT 15:1 የይፕ ጉየ፥ ፐቲ ፐቲ ፈርሳውታይኔ ህገ አስታማርታይ የሩሳላመፕ የሱሳኮ ይኢ፥
MAT 15:2 «ነ ታማርታይ አብስ ኑ አድታይ ዎጋ መንꬂ? ኡ ካꬃ ማዳይፕ ቲና ፋ ኩሻ ሜጭንቶያ» ዬጊ ኦይጬዛ።
MAT 15:3 የሱሳ ማሂ፥ «ይንቲ፥ ይ ዎጋ ግሾስ ጾሳ ኪታ ፖልዛና አብስ እጼ?
MAT 15:4 አብስ ጊኮ፥ ጾሳይ፥ ‹ነ አደኔ ነ እንዶ ቦንቾባ። ፋ አደ ዎይ ፋ እንዶ ጫዥዛይ Ꮊይቆ ጌካሳ?› ዬጌዛ።
MAT 15:5 ዝን ይ፥ ፐቲ አስ ፋ ኣዳ ዎይ ፋ እንዳት ማዶድ ባዝ የዝን፥ ‹Ꮊያ ታ ጾስስ ያርሼዛ ጊኮ፥
MAT 15:6 ፋ ኣዳ ዎይ ፋ እንዳት ቦንቾዳይስ ቤዞያ› ይ ዬግዛ። ዬዚ ይንቲ፥ ይ ዎጋ ፖሎዳይስ ጾሳ ቃላ መንꬂዛ።
MAT 15:7 ይንትኖ፥ ጩቢታዮ፥ ኢሳያሳ ይ ባዝ ቱሮ ኦዴዛ፥
MAT 15:8 « ‹Ꮊ አሳይ ታና ፋ ዶናር ቦንችዛ፥ ዝን ኡ ዎዝናይ ታፕ ሃኮ የዛ።
MAT 15:9 አሳይ ታና ጨር ጎይንዛ፤ ኡ አሲ መꬌዝ ዎጋ፥ ጾሳ ህገ ኣዝሲ ታማርስዛ› ጌዛ» ዬጌዛ።
MAT 15:10 የሱሳ ጋመ አስታ ፋኮ ጼጊ፥ «ስኦይታ! አካኮይታ!
MAT 15:11 አስ ቱንስዛ ባዛይ ዶናር ገልዝ ባዝ ባዝን ዶናፐ ከዝዝ ባዝ» ዬጌዛ።
MAT 15:12 የይፕ ጉየ፥ የሱሳ ታማርታይ ኤዝኮ ይኢ፥ «ፈርሳውታይ ኔኒ ኦዴዛ ስኢ ꬉብንቴዛና ነ ኤሬኔ?» ዬጌዛ።
MAT 15:13 ዝን የሱሳ ኡንትኮ ማሂ፥ «ሳሎ የዝ ታ አዳይ ቱከካ ምꬂ ኡባይ ሾድንቶዳ።
MAT 15:14 ኡ ባጋ ህርግፓተ፤ ኡ ቶአ ካልꬂዛይካ ቶእታ። ቶአይ ቶአ ካልꬂኮ፥ ናምእታይካ ጋጋ ቅትዛ» ዬጌዛ።
MAT 15:15 ጵጽሮሳ ማሂ፥ «Ꮊ ኣዝሳይስ ብልꬂ ኑስ ኦዶየ» ዬጌዛ።
MAT 15:16 የሱሳ ኡንትኮ፥ «ይንትስካ Ꮊኖ ሄሎዳይስ ገለካሳ?
MAT 15:17 ዶናር ገልዝ ባዝ ኡባይ ኡሎ ገሊ ባለ ከዝዛና ይ ኤሮሳ?
MAT 15:18 ዝን ዶናር ከዝዝ ባዝ ዎዝናፕ ከዝዛ። አስ ቱንስዛ ባዝታይ Ꮊይትታ።
MAT 15:19 ኡንትካ አስ ዎዝና ጋንጨፕ ከዝዝ ኢታ ቆፋ፥ ዎꬎ፥ ላግተ፥ ላመ፥ ካይዞ፥ ዎርዶ ማርካትꬂ፥ አስ ሱንꬂ ꬋብሶ፥ ጫሸ።
MAT 15:20 የያ ኣዝዝባዝታይ አስ ቱንስዛፕ አትን ሜጭንተካ ኩሸር ሚዛይ ቱንሶያ» ዬጌዛ።
MAT 15:21 የይፕ ጉየ፥ የሱሳ ኤዛይፕ ከዚ ጽሮሳኔ ስዶና ካታምታይ የዝ ቢታ Ꮊንጌዛ።
MAT 15:22 ፐቲ ካናኔ ቢታ አስታ የሱሳኮ ይኢ፥ ፋ ቃላ ꬎቂ ኡዲ፥ «ጎዳዮ፥ ዳዉተ ናአዮ፥ ታስ ቃꬍንቶየ፤ ታ ናአቶ ቱና አያና አይኪ ኢታ ዋይꬄዛ» ዬጌዛ።
MAT 15:23 ዝን የሱሳ ፐቲ ቃላካ ማሄካዛር ሲኤ አቴዛ። የሱሳ ታማርታይ ኤዝኮ ይኢ፥ «Ꮊ አስታ ኑ ላሳ ካልታር፥ ኡክዛ ግሾስ፥ ነ እዞ ሞይዞዬ» ዬጊ ዎሴዛ።
MAT 15:24 የሱሳ ማሂ፥ «ታኒ ዉደፕ ꬋቤዝ ዱር ጋርክ እስሬለ ካራፕ ꬋቤዝ አስታይ ኣዳስ ኪትንቴዛ» ዬጌዛ።
MAT 15:25 ዝን እዛ፥ ኤ ቲና ጹጉኒ፥ «ጎዳዮ፥ ታና ማዶየ?» ዬጌዛ።
MAT 15:26 ኤ ማሂ፥ «ናእታይ ካꬃ ኤኪ ካንታይስ ኦሎዳይስ ቤዞያ» ዬጌዛ።
MAT 15:27 እዛካ፥ «ጎዳዮ፥ የይ ቱማ፥ ዝን ሀራ አቶዝን ካንታይ ፋ ጎድታይ ማዳር፥ ጋይታፕ ዎꬍዝ ጉፋ ሚዛ» ዬጌዛ።
MAT 15:28 የሱሳ ማሂ፥ «አስት Ꮊኔ፥ ነ አማናይ ግታ፤ ነ ኮዬዛይ ጋርክ ኔስ ሀኖ» ዬጌዛ። እ ናአታ እዝር ፓጼዛ።
MAT 15:29 የሱሳ የይፕ ደንዲ ጋልላ አባ ላንቀ ቅቴዛ። አምባል አፋ ከዚ፥ ኤዛይድ በቴዛ።
MAT 15:30 ጋመ አሳይ ፋር፥ ዎብታ፥ ቶእታ፥ ስሌዝታ፥ ዶና ሙሜዝታኔ፥ ሀራ ጋመ ሀርግንቴዝ አስታ ኤኪ፥ ኤዝኮ ክኢ ኤ ቲናይድ ጋዴዛ። የሱሳ ኡንታን ፓꬄዛ።
MAT 15:31 የይ ግሾስ፥ ሙምታይ ናሾዳር፥ ስሌዝታይ ፓጾዳር፥ ዎብታይ የꬎዳር፥ ቶእታይ በአዳር አሳይ ብኢ Ꮊይ ማላባዝ ግ፥ እስሬለ ጾሳ ጋላቴዛ።
MAT 15:32 የሱሳ ፋ ታማርታ ፋኮ ጼጊ፥ «Ꮊ ጋመ አሳይ ታር ሀይꬒ ጋላስ ጋምኤዝ ግሾኔ ኡንትስ Ꮊት ሚዝባዝ ባዛይ ግሾስ ታ ኡንትስ ቃꬍንትዛ። ኡ ኦገል ዳቡሪ ፎካም ጋርክ አኮ ሙዘካ ኡንታን ጨር ዳኮዳይስ ታ ኮዮያ» ዬጌዛ።
MAT 15:33 ኤ ታማርታይ ማሂ፥ «ኑኒ Ꮊ ሊዣይድ Ꮊይ ጋርክ አሳይስ ግድዛ ካꬃ አናፕ ደማዴ?» ዬጌዛ።
MAT 15:34 የሱሳ ኡንትኮ፥ «ይንትስ ኣፑን ሶሎ የኔ?» ዬጊ ኦይጬዛ። ኡ ማሂ፥ «ላፑን ሶሎኔ ይሸ ሞልታይፕ ጽቃ የዛ» ዬጌዛ።
MAT 15:35 የሱሳ ዎይታ ሳአ በቶይታ ዬጊ አዛዜዛ።
MAT 15:36 የይፕ ጉየ፥ የ ላፑን ሶላይራ ሞላ ኤኪ ጾስ ጋላቴዛ። ዱስርꬂ ፋ ታማርታይስ እንጌዛ። ኤ ታማርታይ አሳይስ ግሼዛ።
MAT 15:37 አሳይ ኡባይ ም ምዤዛ። ኤ ታማርታይ፥ ማዳር አቴዝ ጉፋ ላፑን ግታ ሌማተ ኩንꬂ ደንꬄዛ።
MAT 15:38 ሜዝ አሳይ ማችኔ ናአ ፓይደካዝን ꬍራꬅ ኣዳ ኦይዲ ሙኩሎ።
MAT 15:39 የሱሳ ዎይታ ዳከዛይፕ ጉየ ዎጎሎ ጋንጨ ገሊ ማጋዶና ግዝ ቢታ ቅቴዛ።
MAT 16:1 ፈርሳውታይኔ ሳዱቃውታይ የሱሳኮ ይኢ። ኤዛ ፋጮዳይስ ኮዪ፥ ፋና ሳሎፕ ማላታ ቤዞ ግ ኦይጬዛ።
MAT 16:2 ዝን ኤ ኡንትኮ፥ «ሳአ ኦማꬆዳር ‹ሳሎ ዞቂ በንትኮ ዎንታ ሳአ ቦቃሎዳ› ይ ግዛ።
MAT 16:3 ዎንትታር ‹ሳሎ ዞቂ ሻራ አይክኮ Ꮊይኖ እራ ቡኮዳ› ይ ግዛ። የዝን ይ ሳሎ ብኢ ማሊ ኤርዝን ዎደ ብኢ ማሊ ኤሮዳይስ ዳንዳኤካያ።
MAT 16:4 ኢትታይኔ አማኖዋ የለትꬃይ ማላታ ኮይዛ። ዝን ኤስ ዮናሳ ማላታይፕ ሀራ ማላታ እንግንቶያ» ዬጌዛ። የይፕ ጉየ፥ ኡንታን ኤዛይድ አሺ ሀራ አቆ ቅቴዛ።
MAT 16:5 ኡ አባፕ ሰኮ ፕኖ ፒንጌዝ ዎደ ሶሎ ኤኪ የኦዳና ዶጌዛ።
MAT 16:6 የሱሳ ኡንትኮ፥ «ፈርሳውታይፐነ ሳዱቃውታይ እርሾፕ ናግንቶይታ» ዬጌዛ።
MAT 16:7 ኡንትካ ፋ ጋንጨ፥ «ኤ የያ ጌዛይ ኑ ሶሎ ኤኪ የኤካ ግሾስ ማቃዳ» ዬጌዛ።
MAT 16:8 የሱሳ ኡ ቆፋ ኤሪ፥ «ይንታኖ፥ አማኖ ፓጬዝታዮ! ሶሎ ኤከካ የኤዝ ግሾስ ይ ዎል ግዶ አብስ ኦድንቴ?
MAT 16:9 Ꮊተካ ይ አካኮሳ? እችን ሙኩለ አሳይስ እችን ሶሎ ግሼዛኔ ኡ ም ምዥን ይ ኣፑን ሌማተ ኩንꬅ ደንꬄዛኮ ይ ዶጌኔ?
MAT 16:10 የይ ጋርከካ፥ ላፑን ሶሎ ኦይዲ ሙኩለ አሳይስ ግሼዛኔ ኡ ም ምዥን፥ ይ ኣፑን ሌማተ ኩንꬅ ደንꬄዛካ ይ አካኮሳ?
MAT 16:11 ይኬ፥ ታኒ ፈርሳውታይኔ ሳዱቃውታይ እርሾፕ ናግንቶይታ ግ ኦድዛይ ሶሎባጋ ባዛና ይ አካኮሳ?» ዬጌዛ።
MAT 16:12 የዝን፥ ኤ ታማርታይ የሱሳ ኦድዛይ ሙኑቆ ደንꬆዳይስ ዎꬌዝ እርሾባጋ ባዝን ፈርሳውታይኔ ሳዱቃውታይ ትምርታይፕ ናግንቶ ባጋ ማቄዛና አካኬዛ።
MAT 16:13 የሱሳ ቅሳረ ፍልጶሳ ቢታ ሄሌዝ ዎደ ፋ ታማርታይኮ፥ «አሳይ፥ አስ ናአ ኦና ጌ?» ዬጊ ኦይጬዛ።
MAT 16:14 ኡንትካ፥ «ፐታይ ፐታይ ጻማቅዛ ዋንሳ፥ Ꮊንክታይ ኤላሳ፥ ማ Ꮊንክታይካ እርማሳ ዎይ ናብታይፕ ፐታ ግዛ» ዬጌዛ።
MAT 16:15 የሱሳ ማሂ፥ «የዝን፥ ይ ታና ኦና ጌ?» ግ ኡንታን ኦይጬዛ።
MAT 16:16 ስሞና ጵጽሮሳ ማሂ፥ «ኔኒ ክርስቶሳ፥ ደኦ ጾስ ናአ» ዬጌዛ።
MAT 16:17 የሱሳ ጵጽሮሳኮ፥ «ዮና ናአ ስሞና፥ ነ አንጅንቴዛያ! Ꮊያ ኔስ ቤዜዛይ ሳሎ የዝ ታ አዳይፕ አትን አስ ባያ።
MAT 16:18 ታ ኔስ ኦድዛ ጵጽሮሳ፥ ኔኒ ዛላ! ታኒ Ꮊ ዛላይል አፋ ታ ዎሳ ኬꬅ ኬጾዳ። Ꮊይቆ ዎልቃይካ እዞ ጋመና።
MAT 16:19 ሳሎ ካተትꬅ ቁልፕታ ታ ኔስ እማዳ። ሳአ ነ አጬዝ ባዝ ኡባ ሳሎ ጾስ ካለ አጭንቴዝ ባዝ ማቃዳ። ሳአ ኔኒ ብልኤዝ ባዝ ኡባይ ሳሎ ጾስ ካለ ብልንቴዝ ባዝ ማቃዳ» ዬጌዛ።
MAT 16:20 የይፕ ጉየ፥ ኤ፥ ክርስቶሳ ማቄዛና ኦስካ ኦዳማይ ጋርክ ፋ ታማርታ ሚንꬂ አዛዜዛ።
MAT 16:21 የ ዎደፕ አይኪ የሱሳ ፋ ታማርታይስ፥ «ታኒ የሩሳላመ Ꮊማዳይስ ቤዝዛ። ኤዛይድ ጋደ ጭምታይፕ፥ ቄሰ ሀላቅታይፐኔ ህገ አስታማርታይፕ ታ መቶ ኤኮዳይስ ቤዝዛ። ኡ ታና ዎꬎዳ፥ ዝን ታኒ ሃይꬒንꬃ ጋላስ Ꮊይቆፕ ደንዶዳ» ዬጊ ጌሺ ኦዴዛ።
MAT 16:22 ጵጽሮሳ የሱሳና ጋጻ ከሲ፥ «ጎዳዮ፥ የይ ሀነና! የይ ጋርክ ባዝ ነና የሻ ሄልፐ!» ዬጊ ጋይሌዛ።
MAT 16:23 የሱሳ ጵጽሮሳኮ ጉየ ማቂ፥ «Ꮊ ጻላሃዮ፥ ታፕ ሃኮባ! ኔኒ አስ ቆፋ ቆፕዛፕ አትን ጾስ ቆፋ ቆፖዋ ግሾስ ታስ ꬉበ ማቅዛ» ዬጌዛ።
MAT 16:24 የይፕ ጉየ፥ የሱሳ ፋ ታማርታይኮ፥ «ኦንካ ታና ካሎዳይስ ኮይዝ ባዝ ማቅኮ ፋና ካዶ፥ ፋ ማዝቃላ ቶኪ ታና ካሎ።
MAT 16:25 ፋ ሸምፖ አሾዳይስ ኮይዝ ኡቢታይ ꬋብስዛ። ዝን ፋ ሸምፖ ታ ግሾስ ግ ኣꬂ እንግዛይ አሽዛ።
MAT 16:26 አሲ አላመ ኩንꬃ ፋባዝ ኡዲ፥ ፋ ሸምፖ ꬋብስኮ ኤዛ አብ ማዴ? ዎይ አሲ ፋ ሸምፖ ዎዞዳይስ አብ እንጎዳይስ ዳንዳኤ?
MAT 16:27 አስ ናአይ ፋ አዳይ ቦንቻይር ፋ ኪታንችታይር የኦዳ። የ ዎደ ፐቲ ፐቲ አꬃይስ ኤ ኦሳት ጋርክ እማዳ።
MAT 16:28 ታ ቱሮ ኦድዛ፤ አስ ናአይ ካተትꬃይር ማቂ የኦዳር በአድ ሄሎዳይስ Ꮊይዳ ኤቄዝ አሳይፕ Ꮊይቃምዝታይ የዛ» ዬጌዛ።
MAT 17:1 ኡሱፑን ጋላሳፕ ጉየ የሱሳ ጵጽሮሳ፥ ያይቆባኔ ኤ እሻ ዋንሳ ፓር ኤኪ ኡ ኣዳ ዳማ አምባል አፋ ከዜዛ።
MAT 17:2 ኤዛይድ ኡ ቲና የሱሳ ማላይ ላምንቴዛ፤ ኤ ስናይካ አዋ ጋርክ ፖኤዛ። ኤ አፍላይካ ቦꬅ ፖኦ ጋርክ ፖጬዛ።
MAT 17:3 ይኬ፥ ሙሰኔ ኤላሳ ኤዛር ናሾዳር በኤዛ።
MAT 17:4 ጵጽሮሳ የሱሳኮ፥ «ኑኒ ነ ኮይኮ ፐቶ ኔስ፥ ፐቶ ሙሰሲ፥ ፐቶ ኤላሳስ Ꮊይዳ ሀይꬒ ሻቃራ አጮዳ» ዬጌዛ።
MAT 17:5 ጵጽሮሳ የያ ሀጋ ኦዶዳር ቦꬅ ሻራ ኡንታን ካሜዛ። ሻራይ ጋንጨ፥ «ታና ኡፋይስዛ፥ ታ ቃꬊዛ ናአይ Ꮊያ፥ ኤዛ ስኦይታ!» ዬግዝ ጊርꬂ የኤዛ።
MAT 17:6 የሱሳ ታማርታይ የያ ስኢ ዳጋሚ ፋ ስናይር ሳአ ጉጲንጌዛ።
MAT 17:7 ዝን የሱሳ ኡንትኮ ሺቂ ኡንታን ቦቺ፥ «ደንዶይታ፥ ያሽትፓተ!» ዬጌዛ።
MAT 17:8 ኡ ꬎቅ ግ በአዳር የሱሳፕ ሀራ ኦናካ በኤካያ።
MAT 17:9 ኡ አምባላፕ ዎꬎዳር የሱሳ ኡንትኮ፥ «አስ ናአይ Ꮊይቆፕ ደንዶድ ሄሎዳይስ Ꮊያ ይ በኤዝ ባዛና ኦስካ ኦድፓተ» ግ አዛዜዛ።
MAT 17:10 የሱሳ ታማርታይ፥ «የዝን፥ ህገ አስታማርታይ ኤላሳ ክርስቶሳፕ ቲናቲ የኦድ ጌዛይ አብሶ?» ዬጊ ኦይጬዛ።
MAT 17:11 የሱሳ ማሂ፥ «ኤ! ኤላሳ ቲናꬊ ይኢ ኡባ ባዝ ሎእꬆዳ።
MAT 17:12 ዝን ታ ይንትስ ቱሮ ኦድዛ፤ ኤላሳ ቲናቲ የኤዛ። ኡንትካ ኤዛል አፋ ኮዬዝ ባዝ ኦꬂዛይፕ አትን ኤዛ ሻኪ ኤረካያ። የይ ጋርክ አስ ናአይ ኡ ኩሸ መቶ ኤኮዳ» ዬጌዛ።
MAT 17:13 የ ዎደ የሱሳ ጌዛይ ጻማቅዛ ዋንሳ ባጋ ማቄዛና ኡ አካኬዛ።
MAT 17:14 ኡ አምባላፕ አሳይኮ ማቄዛን ጋርክ ፐቲ አꬃይ የሱሳ ቲና ቡንቅቲ፥
MAT 17:15 «ጎዳዮ፥ ማጋነ ታ ናአይስ ቃꬊንቶየ፤ ኤዛ አግናር አግናር ደንዲ ታማ ጋንጨኔ ሃꬅ ጋንጨ ሾጪ ኦልዝ ኢታ ሀርገ የዛ።
MAT 17:16 ነ ታማርታይኮ ታ ክእን፥ ኡ ፓꬆዳይስ ዳንዳኤካያ» ዬጌዛ።
MAT 17:17 የሱሳ ማሂ፥ «ይንታኖ፥ አማኖዋ ዡጫ የለትꬂታዮ አይደ ሄሎዳይስ ታ ይንታር የዞዴ? አይደ ሄሎዳይስ ታ ይንታን ዳንዳኦዴ? አን ናአ Ꮊና ኤኪ የኦይታ» ዬጌዛ።
MAT 17:18 የሱሳ ቱና አያና ቆድን፥ ቱና አያናይ ናአይፕ ከዜዝ፤ የ ሳታተ ናአይ ፓጼዛ።
MAT 17:19 የይፕ ጉየ፥ የሱሳ ታማርታይ ፋ ኣዳስ ኤዝኮ ሺቂ፥ «ኑኒ ቱና አያና ከሶዳይስ ዳንዳኤካዛይ አብሶ?» ዬጊ ኦይጬዛ።
MAT 17:20 ኤ ኡንትኮ፥ «ይንትስ አማኖ ጽቄዝ ግሾሲ። ታ ይንትስ ቱሮ ኦድዛ፤ ሳናፍጨ ኣፈ ጋርክ አማኖ ይንትስ የዛኮ ‹Ꮊ አምባ Ꮊይፕ ደንዲ ገደ ኣꬎባ› ጊኮ ይንትስ ኪትንቶዳ። ይንትስ ዳንዳእንቶዋ ባዝ ባያ።
MAT 17:21 [ዝን የይ ጋርከዛይ ዎሳፐኔ ጾማፕ አትን ሀራር ከዞያ]» ዬጌዛ።
MAT 17:22 የሱሳ ታማርታይ ጋልላ ቢታ ሺቂ የዝን የሱሳ ኡንትኮ፥ «አስ ናአይ አስ ኩሸ ኣ እንግንቶዳ።
MAT 17:23 ኡንቲ ኤዛ ዎꬎዳ፥ ዝን ኤ ሃይꬒንꬃ ጋላስ Ꮊይቆፕ ደንዶዳ» ዬጌዛ። ኤ ታማርታይካ ኢታ አዛኔዛ።
MAT 17:24 የሱሳራ ኤ ታማርታይራ ቅፍርናሆመ ካታማ ሄሌዝ ዎደ ጾሳ ኬꬃ ጊራ ኤክዝታይ ጵጽሮሳኮ ይኢ፥ «ይ አስታማራይ ዎሳ ኬꬃ ጊራ ጊርነኔ?» ዬጊ ኦይጬዛ።
MAT 17:25 ጵጽሮሳ ማሂ፥ «ጊርዛ» ዬጌዛ። ጵጽሮሳ ካራ ገሎዳር የሱሳ ቲናቲ፥ «ጵጽሮሳ፥ ኔስ አብ ኣዜ? Ꮊ ሳአ ካተትꬃይ ቃራጸኔ ጊራ ኦፕ ኤክኔ? ጋደ አሳይፐኔ አስ ጋደ አሳፕ?» ዬጊ ኦይጬዛ።
MAT 17:26 ጵጽሮሳ «አስ ጋደ አሳፔ» ግ ማሄዛ። የሱሳ ማሂ፥ «ጋደ አስ ጊራ ጊሮዋ ጉሶ?
MAT 17:27 ዝን ኡ ꬉብንታማይ ጋርክ አባ Ꮊንጊ ሞሎ አይክዝ ማንጻቆ ኦሎባ። ቲና ነ አይክዝ ሞላይ ዶና ዶዪ ጊራስ ግድዛ ሚሸ ኤኪ ነ ግሾኔ ታ ግሾስ ካንጊ ጊሮባ» ዬጌዛ።
MAT 18:1 የ ዎደ የሱሳ ታማርታይ ይኢ፥ «ሳሎ ካተትꬅ ኡባፕ ኣꬍዛይ ኦኖ?» ዬጊ ኦይጬዛ።
MAT 18:2 የሱሳ ፐቲ ዱደ ናአ ጼጊ ኡ ጋንጨ ኤሲ Ꮊይ ጋርከ ዬጌዛ።
MAT 18:3 «ታ ይንትስ ቱሮ ኦድዛ፤ ይ ላምንታምጽኮኔ ዱደ ናአ ጋርክ ሀናም እጽኮ ሳሎ ካተትꬅ ገሎዳይስ የሻ ዳንዳኦያ።
MAT 18:4 ይኬ፥ Ꮊ ዱደ ናአይ ጋርክ ፋና ካዉሽዛ ኦንካ ሳሎ ካተትꬅ ኡባፕ ኣꬍዛ ማቃዳ።
MAT 18:5 Ꮊይ ጋርክ ዱደ ናአ ታ ሱንꬃር ሞክዛ ኦንካ ታና ሞክዛ።
MAT 18:6 «ዝን ታና አማንዛ Ꮊ ጽቅታይፕ ፐታ ናጋራ ኦꬆድ ጋርክ ꬉበ ማቅዝ ኦንካ ዳማ ዎጻ ፋ ቆል አጪ ጪሞ አባ ጋንጨ ምትንትኮ ኤስ ሎኦ።
MAT 18:7 አላመል አሲ ናጋራ ኦꬆድ ጋርክ ኦꬅዛባዝ የዛ ግሾስ አላመ አየ። የይ ጋርክ ባዝ የኤካ አታሚ፥ ዝን ꬉበ ኤ ባጋር ይእዝ አꬃ አየ።
MAT 18:8 «ነ ኩሸ ዎይ ነ ቶኬ ነና ባልꬅኮ ኔፕ ጋቺ ኦሎባ። ኔኒ ናምኢ ኩሸር ዎይ ናምኢ ቶከር መꬍና ታማ ጋንጨ ዎꬋዳይፕ ኩሸ ዎይ ቶኬ ዱጻ ማቂ መꬍና ደኦ ደንግዛይ ኔስ ሎኦ።
MAT 18:9 ማ ነ ኣፋይ ነና ባልꬅኮ እዞ ዎጪ ከሲ ኦሎባ። ኔኒ ናምኢ ኣፈር ጋናመ ታማ ጋንጨ ዎꬋዳይፕ ፐቲ ኣፈር መꬍና ደኦ ገልዛኮ ኔስ ሎኦ።
MAT 18:10 «ታ ይንትስ ኦድዛ፤ ሳሎ የዝ ኡንታን ናግዝ ኪታንችታይ ኡባ ዎደ ሳሎ የዝ ታ አዳይ ቲና የዝ ግሾስ ይ Ꮊ ጽቅታይፕ ፐታካ ሌቃም ጋርክ ናግንቶይታ።
MAT 18:11 አስ ናአይ ꬋቤዝታ አሾዳይስ የኤዛ» ዬጌዛ።
MAT 18:12 ማ የሱሳ፥ «ይንትስ አብ ኣዜ? ፐቲ አꬃይስ ጼት ዱርታይ የዝታይፐ ፐታይ ꬋብኮ ኡዱፉን ታማኔ ኡዱፉንታ አምባል አፋ ኦሊ አሺ የ ꬋቤዛና ኮዮዳይስ Ꮊንጎሳ?
MAT 18:13 ታ ቱሮ ኦድዛ፤ ኤ ደንጌዝ ዎደ ኡዱፉን ታማኔ ኡዱፉንታይፕ ኣꬃ ꬋቢ በንቴዝ ፐቲ ዱራይል ኡፋይትዛ።
MAT 18:14 የይ ጋርከካ፥ ሳሎ የዝ ይ አዳይ Ꮊ ጽቅታይፕ ፐታይ ꬋቦድ ጋርክ ኮዮያ።
MAT 18:15 «ነ እሻይ ነና ቆህኮ ነ ኣዳስ ኤዝኮ Ꮊንጊ ኤ ቡታ ኤዝስ ኦዶባ። ኤ ነና ስእኮ ነ እሻ ኔስ ሻሎ ኡዶባ።
MAT 18:16 ዝን ኤ ነና ስአም እጽኮ፥ ናምኢ ዎይ ሀይꬒ አስ ማርካር ሞቲ ዎꬍዛ ግሾስ ፐቲ ዎይ ናምኢ አስ ኤኪ ኤዝኮ Ꮊንጎባ።
MAT 18:17 ኤ ኡንታን ስአም እጽኮ፥ ዎሳ ኬꬅስ ኦዶባ። ዎሳ ኬꬅ ግዝ ባዝ ስአም እጽኮ አማኖዋ አስ ጋርክ ዎይ ቃራጸ ጋችስዝ አስ ጋርክ ኤዛ ታይቦባ።
MAT 18:18 «ታ ይንትስ ቱሮ ኦድዛ፤ ሳአ ይ አጭዝ ባዝ ኡቢታይ ሳሎ ጾስ ካለ አጭንቴዝ ባዝ ማቃዳ። ሳአ ይ ብሌዝ ባዝ ኡቢታይ ሳሎ ጾስ ካለ ብልንቴዝ ባዝ ማቃዳ።
MAT 18:19 «ማካ ታ ይንትስ ኦድዛ፤ ሳአ ይንትፕ ናምእታይ ፐቲ ዎዝናር ማቂ ጾስ ዎስዛ ባዝ ማቅኮ ሳሎ የዝ ታ አዳይ ይንትስ ኦꬆዳ።
MAT 18:20 ታና ካልዝታይፕ ናምኢ ዎይ ሀይꬒ ማቂ ሺቅዛ በሳ ታ ኡ ጋንጨ በንቶዳ» ዬጌዛ።
MAT 18:21 የ ዎደ ጵጽሮሳ የሱሳኮ ይኢ፥ «ጎዳዮ፥ ታ እሻይ ታና ቆህኮ ኣፑን ቶኬ ታ አቶ ጎዳይስ ቤዝኔ? ላፑን ቶኬ ሄሎዳይሶኔ?» ግ ኦይጬዛ።
MAT 18:22 የሱሳ ማሂ፥ «የያ ባያ፥ ላፑን ታም ቶኬ ላፑንፕ አትን ላፑን ቶኬ ባያ።
MAT 18:23 «የይ ግሾስ፥ ጾስ ካተትꬃይ ፋ ኦሶ አስታይር ፋ ምሻይ ፓጨዛኮኔ ፉጬዛኮ በአዳይስ ቆፔዝ ካታ ኣዝዛ።
MAT 18:24 የ ካታይ ሚሻይ ፓጨዛኮኔ ፉጬዛኮ ብእዛ ዎደ ጋመ ሙኩለ አጮ የዝ ፐቲ አꬃ ኤዝኮ ከኤዛ።
MAT 18:25 ዝን የ አይላይ አጫ ጭጎዳይስ ጋምንትን ኤዛ፥ ኤ ማቻትራ፥ ኤ ናእታይራኔ ኤዝስ የዛ ባዝ ኡባይ ባይዝንቲ አጮ ጭግንቶድ ጋርክ ኤዛ ጎዳይ አዛዜዛ።
MAT 18:26 የዝን አይላይ ፋ ጎዳይ ቶካይል አፋ ዎꬊ፥ ‹ታ ጎዳዮ፥ ሀያና ጽቃስ ጋምኦዬ፥ ታ ኡባ ጭጎዳ› ዬጊ ዎሴዛ።
MAT 18:27 ካታይ ኤዝስ ቃꬍንቲ፥ ዳኪ አሼዛ፤ ኤ አጫካ ማሬዛ።
MAT 18:28 «ዝን የ አይላይ ከዚ Ꮊንጊ ፋ ላጌ ኦሶ አስታይፕ ፐታይ ኤዛፕ ጽቃ ሚሸ ታልኤዛና፥ ‹ኔል አፋ የዝ ታ ሚሻ ታስ ጭጎባ› ግ አꬃይስ ቆꬋት ጩሌዛ።
MAT 18:29 «የ ኤ ላጌ አይላይ ኤ ቶካይል ዎꬊ፥ ‹ሀያና ጽቃል ጋምኦዬ ታ ኔስ ኡባ ጭጎዳ› ዬጊ ዎሴዛ።
MAT 18:30 «ዝን እጺ ኤኪ ካንጊ ፋ ላጋይ ኣጫ ጭጎድ ሄሎዳይስ አች ኬꬃ ገልሴዛ።
MAT 18:31 የይ ግሾስ፥ ሀራ ላጌ ኦሶ አስታይ የያ ብኢ ኢታ ይሎቲ፥ Ꮊንጊ ፋ ጎዳይስ ኤ ኦꬄዝ ባዝታ ኡባ ኦዴዛ።
MAT 18:32 «የዝን ጎዳይ የ አይላ ጼግሲ፥ ‹Ꮊ ኢታ አይላዮ፥ ኔኒ ታና ዎሴዝ ግሾስ ታ ነ አጫ ኡባ ነና ማሬዛ።
MAT 18:33 የዝን፥ ታኒ ነ አጫ ማሬዛይ ጋርክ ኔኒ ነ ላጌ ማቄዝ አይላይ አጫ ማሮዳይስ ኔስ ቤዞሳ?› ዬጌዛ።
MAT 18:34 የይ ግሾስ፥ ጎዳይ ኢታ ይሎቲ፥ ኤ ፋ አጫ ኡባ ጭጎድ ሄሎዳይስ ፓꬅ ካእንቶዳይ ጋርክ አች ኬꬅስ ኣꬂ እንጌዛ።
MAT 18:35 «የይ ጋርከ፥ ይ ፐታይ ፐታይ ይ እሻ ዎዝናፕ ማራም እጽኮ ሳሎ የዝ ታ አዳይ ይንታን Ꮊይ ጋርክ ኦꬆዳ» ዬጌዛ።
MAT 19:1 የሱሳ የያ ኦዲ ሃሴዛይፕ ጉየ ጋልላፕ ደንዲ ዮርዳኖሳ ቦርካፕ ሰኮ ፕኖ የዝ ይሁዳ ቢታ ቅቴዛ።
MAT 19:2 ጋመ አሳይ ኤዛ ካሊ Ꮊንግን ኡ ጋንጨፕ ሀርግንቴዝ አስታ ፓꬄዛ።
MAT 19:3 ፈርሳወ አስታይ ኤዛ ፋጮዳይስ ኮዪ ኤዝኮ ይኢ፥ «ፐቲ አሲ አባባዝ ግሾስካ ፋ ማቻቶ ዳኮዳይስ ቤዝኔ?» ዬጊ ኦይጬዛ።
MAT 19:4 የሱሳ ማሂ፥ «ጾሲ ቲና ꬍራꬅኔ ማች ኡዲ መꬌዛና ይ ናባበካሳ?
MAT 19:5 ‹የይ ግሾስ፥ ፐቲ አሲ ፋ አደኔ ፋ እንዶ አሺ ፋ ማቻትር ፐቶ ማቅዛ፥ ናምእታይካ ፐቲ አሾ ማቅዛ›
MAT 19:6 የይ ግሾስ፥ ኡንቲ ፐቲ አሾ ማቆዳይፕ አትን ናምኤ ማቆያ። ይኬ፥ ጾሲ አጬዛና አሲ ብልፐ» ዬጌዛ።
MAT 19:7 ፈርሳወ አስታይ፥ «የዝን፥ ሙሰ ፐቲ አስ አንጆ ዋርቃተ እንጊ ፋ ማቻቶ ዳኮዳይ ጋርክ አብስ አዛዜኔ?» ዬጊ ኦይጬዛ።
MAT 19:8 የሱሳ ማሂ፥ «ይንቲ፥ ይ ማችታ ዳኮድ ጋርክ ሙሰ ይንታን አዛዜዛይ፥ ይ ዎዛና ምኖትꬃይ ግሾፕ አትን ቲናፕ የይ ጋርክ ባያ።
MAT 19:9 ታ ይንትስ ኦድዛ፤ ፋ ማቻት ላግተካዝን ዳኪ ሀራ ኤክዝ ኦንካ ላምዛ» ዬጌዛ።
MAT 19:10 ኤ ታማርታይ ኤዝኮ፥ «አዝንኔ ማቺ ባጋ የይ ጋርክ ማቅኮ ኤኮኔ ገሎ አትኮ ሎኦ» ዬጌዛ።
MAT 19:11 የሱሳ ማሂ፥ «የይ ጋርክ ትምርታይ ጾሲ ዳንዳአ እንጌዝታይሳፕ አትን አስ ኡቢታይስ ባያ።
MAT 19:12 ይኬ፥ የልንትታር ሲላ ማቂ የልንቴዝታይ የዛ፥ ማ አሲ ቃራቴዝታይ የዛ፥ ማ ሳሎ ካተትꬅ ግሾስ ዬጊ ፋና ሲሊሴዝታይ የዛ። የይ ግሾስ፥ Ꮊያ ኤኮዳይስ ዳንዳእዛ ኦንካ ኤኮ» ዬጌዛ።
MAT 19:13 የሱሳ ፋ ኩሻ ዱደ ናእታይል አፋ ጋዲ ኡንትስ ዎሶድ ጋርክ ፐቲ ፐቲ አሳይ ናእታ ኤዝኮ ከኤዛ። ዝን ኤ ታማርታይ አሳይል ካጭንቴዛ።
MAT 19:14 ዝን የሱሳ፥ «ጾስ ካተትꬃይ Ꮊይትታይ ጋርከዝታይስ ማቄዝ ግሾስ ዱደ ናእታይ ታኮ ይእዛና ካይፓተ፤ የኦ ጎይታ» ዬጌዛ።
MAT 19:15 ፋ ኩሻ ኡንታል አፋ ጋዴዛይፕ ጉየ የ አቃይፕ አሺ ቅቴዛ።
MAT 19:16 ፐቲ ጋላስ ፐቲ አꬃይ የሱሳኮ ይኢ፥ «አስታማራዮ፥ ታኒ መꬍና ደኦ ደንጎዳይስ አብ ሎኦ ባዝ ኦꬆ?» ዬጌዛ።
MAT 19:17 የሱሳ ኤዝኮ፥ «ሎኦ ባዝ ባጋ ነ ታና አብስ ኦይጨ? ፐቲ ጾሳፕ አትን ሀራ ሎኦ ባያ። ዝን ነ መꬍና ደኦ ኤኮዳይስ ኮይኮ አዛዝታ ናጎባ» ዬጌዛ።
MAT 19:18 አꬃይ ማሂ፥ «አዛዝታይ ኣይታ?» ዬጊ ኦይጬዛ። የሱሳ ማሂ፥ «ዎꬍፐ፥ ላምፐ፥ ካስትፐ፥ ዎርዶ ማርካትፐ፥
MAT 19:19 ነ አዳኔ ነ እንዳቶ ቦንቾባ፥ ነ ላጋ ነ ኡባይ ጋርክ ቃꬎባ» ዬጌዛ።
MAT 19:20 የ ፓንꬃይ፥ «ታኒ Ꮊይትታ ኡባ ናአትꬃፕ አይኪ ፖልታር የዛ። የዝን፥ ሀራ ታስ ፓጭዛባዝ አባ?» ዬጊ ኦይጬዛ።
MAT 19:21 የሱሳ ማሂ፥ «ነ ፎሎ ማቆዳይስ ኮይኮ Ꮊንጊ ኔስ የዛ ባዝ ባይዚ ማንቅታይስ እንጎባ፤ ኔኒ ሳሎ ዱርቶዳ። ዬዚ ማቂ ይኢ ታና ካሎባ» ዬጌዛ።
MAT 19:22 ዝን የ አꬃይ ዱረ ማቄዝ ግሾስ የያ ስኢ አዛንታር አሺ ቅቴዛ።
MAT 19:23 የይፕ ጉየ፥ የሱሳ ፋ ታማርታይር፥ «ታኒ ይንትስ ቱሮ ኦድዛ፤ ዱረ ሳሎ ካተትꬅ ገሎዳይ ጋመ መቶ።
MAT 19:24 ዱረ አሲ ጾስ ካተትꬅ ገሎዳይፕ ግማለ ናርፐ ሉኮር ኣꬎዳይ ካዉዥዛ» ዬጌዛ።
MAT 19:25 የሱሳ ታማርታይ የያ ስኢ ማላባዝ ግ፥ «የዝን፥ ኦኒ አቶዳይስ ዳንዳኤ?» ዬጊ ኦይጬዛ።
MAT 19:26 የሱሳ ኡንታን ዳኪ ብኢ፥ «Ꮊይ አስስ ዳንዳእንቶያ፥ ዝን ጾስስ ኡባይ ዳንዳእንትዛ» ዬጌዛ።
MAT 19:27 ጵጽሮሳ ማሂ፥ «ኑኒ ኡባ ባዝ አሺ ነና ካሌዛ። የዝን፥ ኑኒ አብ ደማዴ?» ዬጌዛ።
MAT 19:28 የሱሳ ኡንትኮ Ꮊይ ጋርከ ዬጌዛ፦ «ታኒ ይንትስ ቱሮ ኦድዛ፤ አስ ናአይ የኦድ አላማይድ ፋ ቦንቾ ዙፋነል በትዛ ዎደ ይ ታጶ ናምእታይ፥ ታና ካሌዝ፥ ታጶ ናምኢ ዙፋነል በቲ ታጶ ናምኢ እስሬለ ዘርꬂታይል አፋ ፕርዶዳ።
MAT 19:29 ታ ሱንꬃይ ግሾስ ኬꬂታ ዎይ እሽታ ዎይ ምሽታ፥ ዎይ አደ ዎይ እንዶ ዎይ ናእታ ዎይ ፋ ኦሶ ጋደ አሼዛይ ኦንካ ጼት ኩሸ ኤኮዳ። ማ መꬍና ደኦካ ኤኮዳ።
MAT 19:30 ዝን ጋምታይ ቲንታይ ጉይታ፥ ማ ጉይታይ ቲንታ» ማቃዳ ዬጌዛ።
MAT 20:1 «ጾስ ካተትꬃይ ፋ ዎይነ ጋንጨ ኦሶ አስታ ኦስሶዳይስ ዎንታ ጉራ ከዜዝ ጋደ ጎዳ ኣዝዛ።
MAT 20:2 ኤ የ ኦሶ አስታይስ ፐቲ ጋላስስ ፐቲ ዲናረ ጋቾዳይስ ኡንታር ጊጊ፥ ኡንታን ፋ ዎይነ ጋንጨ ዳኬዛ።
MAT 20:3 «ማ ዎንታፕ ሀይꬒ ሳተ ማቆዳር ከዚ ኦሶ ꬋብን ጋበል አፋ ኤቄዝ ሀራ አስታካ ደንጌዛ።
MAT 20:4 ኤ ኡንትኮ፥ ‹ይንትካ ታ ዎይነ ጋንጨ Ꮊንጊ ኦꬆይታ፥ ታ ይንትስ ቤዝዛ ዳሞዘ ጋቾዳ› ዬጌዛ።
MAT 20:5 ኡንትካ Ꮊንጌዛ። ማካ ኤ ኡሱፑን ሳተራኔ ኡዱፉን ሳተር ከዚ Ꮊይ ጋርክ ኦꬄዛ።
MAT 20:6 ታጶ ፐቲ ሳተ ማቅን ኤ ከሳዳር Ꮊንክታ ኤቄዝታ ደንጊ፥ ‹ይ ኦሶ ኦꬄካ ጋላስ ሙዳ Ꮊይዳ አብስ ኤቂ ፔዤኔ?› ዬጌዛ።
MAT 20:7 «ኡ ማሂ፥ ‹ኑና ኦስስዛ አሲ ꬋቤዝ ግሾስ› ዬጌዛ። «ኤዚ፥ ‹ይንትካ ታ ዎይነ ጋንጨ Ꮊንጊ ኦꬆይታ› ዬጌዛ።
MAT 20:8 «ሳአ ኦማꬅን፥ ዎይነ ጎዳይ ኦሶ አስታይ ሀላቃይኮ፥ ‹ኦሶ አስታ ጼጊ ጉየፕ ኦሶ ገለዝታይፕ አይኪ ቲና ገሌዝታ ሄሎዳይስ ኡንትስ ዳሞዘ ጋቾባ› ዬጌዛ።
MAT 20:9 ታጶ ፐቲ ሳተር ኦሶ አይኬዝታይ ይኢ፥ ኦማር ኦማር ፐቲ ፐቲ ድናረ ኤኬዛ።
MAT 20:10 ቲና ኦሶ አይኬዝታይ ይኢ፥ ፓስ ጋመ እንግንቶዳ ግ ቆፔዛ። ዝን ኡንትካ ኦማር ኦማር ፐቲ ፐቲ ድናረ ኤኬዛ።
MAT 20:11 ፋ ሚሻ ኤኪ ማቂ ጋደ ጎዳይል አፋ ኦሌዛ።
MAT 20:12 ‹Ꮊይትታይ ጉየፕ ይኢ ፐቲ ሳተ ኣዳ ኦꬄዛ። ዝን ጋላስ ሙዳ አዋ ምሻር ዳቡሪ ፔዤዝ ኑር ኡንቲ ዋይዚ ፐቶ ማቆደ› ዬጌዛ።
MAT 20:13 «ዎይኔ ቱኬዝ ጎዳይ ኦሶ አስታይፕ ፐታይኮ፥ ‹ታ እሻዮ፥ ታኒ ነና ቆሄካያ፤ ነ ታር ጊግንቴዛይ ፐቲ ዲናረስ ባሳ?
MAT 20:14 ነ ግሽቶ ኤኪ ነ ካራ ቅቶባ። ታ ኦማꬅ የኤዛይስካ ኔሳይ ጋርክ እማዳይስ ኮይዛ።
MAT 20:15 ታኒ ታ ሚሻይር ኮዬዝ ባዝ ኦꬆዳይስ ታስ ማዉተ ባሳ? ዎይ ታኒ ኬሃ ማቄዝ ግሾስ ነና ቅናትስኔ?› ዬጌዛ።
MAT 20:16 «የይ ጋርክ Ꮊተ ጉይታይ፥ ቲናቶዳ ማ ቲንታይ ጉይቶዳ» ዬጌዛ።
MAT 20:17 የሱሳ የሩሳላመ Ꮊንግታር፥ ታጶ ናምኢ ታማርታ ዱማ ጋጻ ከስ ኡንትኮ ዬጌዛ፦
MAT 20:18 «ዬዛኮ፥ ኑኒ Ꮊት የሩሳላመ Ꮊሞል አፋ የዛ። ኤዛይድ አስ ናአይ ቄሰ ሀላቅታይስኔ ህገ አስታማርታይስ ኣꬂ እንግንቶዳ። ኡንትካ ኤዛል አፋ Ꮊይቆ ፕርደ ፕርዶዳ።
MAT 20:19 ኤዛ አይሁደ ባ ዎያስ ኣꬂ እማዳ። ኡንቲ ኤዛ ካዉሾዳ፥ አላንጎዳ፥ ኤዛ ማዝቃለል አፋካ ሶቶዳ። ዝን ኤ ሃይꬒንꬆ ጋላስ Ꮊይቆፕ ደንዶዳ» ዬጌዛ።
MAT 20:20 የ ዎደ ዛብዶሳ ማቻት ፋ ናምኢ ꬍራꬅ ናእታይር የሱሳኮ ይኢ፥ ኤ ቲናይድ ቡንቂቲ ፐትባዝ ኤዛ ዎሴዛ።
MAT 20:21 የሱሳ እዝኮ፥ «ነ አብ ኮዬ?» ዬጌዛ። እዛ ማሂ፥ «ነ ካተትꬃይድ Ꮊ ታ ናምኢ ናእታይፕ ፐታይ ኔስ ኡሻቻ ፐታይ ነ ሀድርሳ በቶ ጎየ!» ዬጌዛ።
MAT 20:22 ዝን የሱሳ ማሂ፥ «ይ አብ ዎስዛኮ ኤሮያ፤ ታኒ ኡዦዳይስ የዝ መቶ ጹአ ኡዦዳይስ ዳንዳእኔ?» ዬጌዛ። ኡንትካ፥ «ኤ ኑ ዳንዳእዛ» ዬጌዛ።
MAT 20:23 የሱሳ፥ «ቱማ ታ ኡዦዳይስ የዝ ጹአይፐ ይንቲ ኡዦዳ። ዝን ታ ኡሻቻኔ ሀድርሳ በቶድታና ዶሬዛይ ታና ባያ። የ አቃይ እንግንትዛይ፥ ታ አዳይ እማዳይስ ጊግሴዝ አስታይሲ» ዬጌዛ።
MAT 20:24 አቴዝ ታጲ ኤ ታማርታይ የያ ስኢ ናምኢ እሽታይል አፋ ካጭንቴዛ።
MAT 20:25 ዝን የሱሳ ኡንታን ኡብታ ጼጊ Ꮊይ ጋርክ ዬጌዛ። «አይሁደ ባ አሳ አቅስዝታይ ፋ አሳል አፋ ጎዳትዛነ ኡንታን ካልꬅዝታይ ዎልቃር አቅስዛና ይ ኤርዛ።
MAT 20:26 ዝን ይ ጋንጨ Ꮊይ ጋርክ ማቅፐ። ይንትፕ ባይራትꬅ ኮይዝ ኦንካ ይንትስ አይለ ማቆ።
MAT 20:27 ይ ጋንጨ ኡባይፕ ኣꬅ ማቆዳይስ ኮይዝ ኦንካ ይንትስ አይለ ማቆዳይስ ቤዝዛ።
MAT 20:28 የይ ጋርከካ፥ አስ ናአይ አስ ማዶዳይስኔ ጋመ አስ ዎዞዳይስ ፋ ሸምፖ እማዳይስ የኤዛፕ አትን አሳር ማድንቶዳይስ የኤካያ» ዬጌዛ።
MAT 20:29 የይፕ ጉየ፥ የሱሳ ፋ ታማርታይር ኢያርኮፕ ከዚ Ꮊማዳር፥ ጋመ አሳይ ኡንታን ካሌዛ።
MAT 20:30 ኦገ ጋጻ በቴዝ ናምኢ ቶእታይ የሱሳ ኤዛይር ኣꬍዛና ስኢ፥ «ጎዳዮ፥ ዳዉተ ናአዮ፥ ኑስ ቃꬍንቶየ» ዬጊ ኡኬዛ።
MAT 20:31 ጋመ አሳይ ኡንታን፥ «ሀይዞይታ» ዬጊ ቆዴዛ። ዝን ኡንቲ፥ «ጎዳዮ፥ ዳዉተ ናአዮ፥ ሀያና ኑና ማሮየ» ግ ጉጂ ኡኬዛ።
MAT 20:32 የሱሳ ኤቂ፥ ኡንታን ጼጊ፥ «ታ ይንትስ አብ ኡዶድ ጋርክ ኮይኔ?» ዬጊ ኦይጬዛ።
MAT 20:33 ኡንትካ፥ «ጎዳዮ፥ ኑ ኣፋይ በአዳይ ጋርክ ኑ ኮይዛ» ዬጌዛ።
MAT 20:34 የሱሳ ኡንትስ ቃꬍንቲ፥ ኡ ኣፋ ቦቼዛ። ኤልሲ ኡ ኣፋይ ብእን፤ ኡ ኤዛ ካሊ ቅቴዛ።
MAT 21:1 የሱሳራ ኤ ታማርታይራ የሩሳላመ ኡኪ፥ ደብረ ዛይተ አምባል አፋ የዝ ቤተፋገ ግዝ ሄራ ሄልታር፥ የሱሳ ፋ ታማርታይፕ ናምእታ ፓፕ ቲና ኪቴዛ፦
MAT 21:2 «ይ ቲና የዝ ሄራ Ꮊንጎይታ። ኤዛይድ ፐቲ ሀረ አቻ የዛኖ እ ናአይራ ይ ኤልሲ ደማዳ። ኡንታን ብሊ Ꮊና ኤኪ የኦይታ።
MAT 21:3 ኦንካ ይንታን ኦይጭኮ፥ ‹ጎዳይ ኡንታን ኮይዛ› ዬጎይታ። ኤ ኡንታን ኤልሲ ዳኮዳ» ዬጌዛ።
MAT 21:4 ናባይ፥
MAT 21:5 «ጽዮነ ካታማ፥ ‹ይኬ፥ ነ ካታይ አሽከ ማቂ፥ ሀረል አፋኔ ሀረ ናአል አፋ በቲ፥ ኔኮ ይእዛ› ዬጎይታ» ዬጊ ጻፌዛይ ፖልንቶድ ጋርክ የይ ሀኔዛ።
MAT 21:6 ኤ ታማርታይ Ꮊንጊ የሱሳ ኡንታን አዛዜዛይ ጋርክ ኦꬄዛ።
MAT 21:7 ሀርቶኔ ሀረ ናአ ክኢ አፋር ማኤዝ ፋ አፍላ ኡ ዞካይል ኦሌዛ። የሱሳ አፍላይል አፋ በቴዛ።
MAT 21:8 ዎያይ ፋ አፍላ ኦገል ሂጼዛ። Ꮊንክታይ ሀራታ ሻቂ ኦገል ኦሌዛ።
MAT 21:9 የሱሳፕ ቲናር የꬍዝታይኔ ኤዛፕ ጉየር ካልዛ ዎይታይ፥ «ሆሳና! ዳዉተ ናአይ ጋላትንቶ! ጎዳይ ሱንꬃር ይእዛይ አንጅንቴዛያ! ቦንቾ ኡባፕ ꬎቃ ሳሎ ጾሳይስ ማቆ!» ዬጊ ኡኬዛ።
MAT 21:10 የሱሳ የሩሳላመ ካታማ ገሌዝ ዎደ የ ካታማ የዝ አስ ኡቢታይ፥ «Ꮊይ ኦኖ?» ዬጊ ሻርክሻርኬዛ።
MAT 21:11 አሳይ፥ «Ꮊይ ጋልላ ቢታ የዝ ናዝረተ ካታማፕ የኤዝ ናበ የሱሳበ» ዬጌዛ።
MAT 21:12 የሱሳ ጾስ ኬꬅ ገሊ፥ ኤዛይድ ባይዝዝታኔ ዎንግዝታ ኡባ ባይኢ ባለ ከሴዛ። ሚሸ ላምዝታይ ጻርጴዝታኔ ሆልታ ባይዝዝታይ ኦይዲታ ሽሪ ኦሌዛ።
MAT 21:13 ኤዝካ ኡንትኮ፥ «ጾስ ቃላይድ፥ ‹ታ ኬꬃይ ጾስ ዎስዛ ኬꬅ ግንትንቶዳ› ዬግንቲ ጻፍንቴዛ። ዝን ይ ፓንታይ ቆስንትዝ ኮምኦ ኡዴዛ» ዬጌዛ።
MAT 21:14 የሱሳ ጾስ ካራ ጋንጨ የዝን ቶእታይኔ ጉንዴዝታይ ኤዝኮ ይእን ኡንታን ፓꬄዛ።
MAT 21:15 ዝን ቄሰ ሀላቅታይኔ ህገ አስታማርታይ የሱሳ ኦꬄዝ ማላትታ ብእዝታይኔ ጽቃ ናእታይ ጾስ ኬꬅ ጋንጨ፥ «ዳዉተ ናአይ፥ ጋላትንቶ» ዬጊ ኡክዛና ስኢ ካጭንቴዛ።
MAT 21:16 ኡ የሱሳኮ፥ «Ꮊይትታይ ግዛ ነ ስእኔ?» ዬጌዛ። የሱሳ፥ «ኤ ስእዛ፥ ጾስ ቃላይድ፥ ‹ዱደ ናእታይ ዶናኔ ꬋንግዝ ናእታይ ዶና ጋላታ ኩንꬄዛ› ዬግንቲ ጻፍንቴዛና ይ ናባበካሳ?» ዬጌዛ።
MAT 21:17 ኡንታን እዘ አሺ ብታና ካታማ Ꮊንጊ አቄዛ።
MAT 21:18 የሱሳ ዎንታ ጉራ ካታማ ማቂ ይእታር ናይንቴዛ።
MAT 21:19 ኦገ ጋጻ ፐቲ ባላሰ ምꬃቶ ብኢ እዝኮ Ꮊንጌዛ። ዝን ሀየፕ አትን ሀራ አብካ ደንገካያ። የይ ግሾስ፥ እዞ፥ «Ꮊንፕ መꬍናስ ኔፕ ኣፈ በንትፐ!» ዬጌዛ። የ ባላሰ ምꬃታ እዝር መሌዛ።
MAT 21:20 ኤ ታማርታይ የያ ብኢ፥ «Ꮊ ባላሳት ዋይዚ ኤልሲ መላረ?» ዬጊ ማላባዝ ጌዛ።
MAT 21:21 የሱሳ ማሂ፥ «ታኒ ይንትስ ቱማ ኦድዛ፤ ይንትስ አማኖ ዬዛኮ፥ ማ ይ ስꬋምጽኮ ባላሰል አፋ ታኒ ኦꬄዛን ጋርክ ኣዳ ኦꬃሚ፥ ዝን ‹Ꮊ አምባ ሾድንቲ አባ ጋንጨ ዎꬎባ› ዬግኮ ይንትስ ሀኖዳ።
MAT 21:22 አማኒ ይ ዎስዛ ባዝ አባባዝ ማቅኮካ ይ ኤኮዳ» ዬጌዛ።
MAT 21:23 የሱሳ ጾሳ ኬꬃ ገሊ ታማርሶዳር፥ ቄሰ ሀላቅታይኔ አይሁደ ጭምታይ ኤዝኮ ይኢ፥ «ኔኒ Ꮊያ ኡባ አባ ማዉተር ኦꬄ? ኔስ Ꮊ ማዉታ እንጌዛይ ኦኖ?» ዬጊ ኦይጬዛ።
MAT 21:24 የሱሳ ኡንትኮ፥ «ታንካ ይንታን ፐትባዝ ኦይጭዛ፤ ይ ታስ እዞ ማህኮ፥ ታኒ አባ ማዉተር ኦꬄዛኮ ይንትስ ኦዶዳ።
MAT 21:25 ዋንሳ ጻማቆድ ጋርክ ማዉታይ አናፕ እንግንቴኔ? ጾሳፐኔ አሳፔ?» ዬጌዛ። ኡንቲ ዎል ጋንጨ ቶቢ፥ «ኑኒ፥ ‹ጾሳፕ› ጊኮ፥ ኤ ኑና፥ ‹የዝን አብስ አማነካሳ?› ጎዳ።
MAT 21:26 ኑኒ፥ ‹አሳፔ› ጊኮ፥ አሲ ኡባይ ዋንሳና ናበ ኡዲ ብእዛ ግሾስ ዎያይ ኑና ያሽዛ» ዬጌዛ።
MAT 21:27 የይ ግሾስ፥ «ኑኒ ኤሮያ» ዬጊ ማሄዛ። ኤዝካ፥ «ይኬ፥ ታንካ Ꮊያ አባ ማዉተር ኦꬄዛኮ ይንትስ ኦዳሚ» ዬጌዛ።
MAT 21:28 «የሱሳ ማቅካ Ꮊይ ጋርክ ዬጌዛ፦ ፐቲ አꬃይስ ናምኢ ꬊራꬅ ናእታይ የዛ። የ አꬃይ ባይራ ናአይኮ Ꮊንጊ፥ ‹ታ ናአዮ፥ Ꮊይኖ ዎይነ ጋንጨ Ꮊንጊ Ꮊንቶባ› ዬጌዛ።
MAT 21:29 ናአይ ማሂ፥ ‹ኢእኖ Ꮊንጋሚ› ዬጌዛ። ዝን ጉየፐ ፋ ዎዝናር ቆፒ ኤኪ Ꮊንቶዳይስ ቅቴዛ።
MAT 21:30 አዳይ ፋ ጉየ ናአይኮ Ꮊንጊ፥ ፋ ባይራ ናአይኮ ጌዛይ ጋርክ አዛዜዛ። ኤዝካ፥ ‹ኤሮ፥ ታ አዳዮ› ዬጌዛ። ዝን Ꮊንገካያ።
MAT 21:31 Ꮊ ናምኢ ናእታይፕ ፋ አዳይስ አዛዝንቴዛይ ኣያ?» ዬጌዛ። ኡንትካ፥ «ባይራ» ዬጌዛ። የሱሳ ኡንትኮ፥ «ታ ይንትስ ቱማ ኦድዛ፤ ቃራጸ ጋችሽዝታይኔ ላምዝታይ ይንትፕ ቲናቲ ጾስ ካተትꬃ ገሎዳ።
MAT 21:32 ጻማቅዛ ዋንሳ ሉሎ ኦገ ታማርስታር ይእን ኤ ግዛና ይ አማነካያ። ዝን ቃራጸ ጋችስዝታይኔ ላምዝታይ አማኔዛ። ይ ሀራ አቶዝን፥ ኡንታን ብእካ ይ ናጋራይፕ ማቂ አማነካያ» ዬጌዛ።
MAT 21:33 ማካ የሱሳ Ꮊይ ጋርክ ዬጌዛ፤ «ሀራ ኣዝሶ ስኦይታ፥ ዎይነ ቱኬዝ ፐቲ አꬃይ የዛ። የ ዎይነ ጋጻና ጋሴዛ። ዎይነ ቡልዝ ኦላካ ቦኬዛ። ዎይና ናጎዳይስ ሻኮካ ኮቼዛ። የይፕ ጉየ፥ ጋዳ ማታየ እንጊ ሀራ ጋደ ቅቴዛ።
MAT 21:34 ዎይነ አፋ ማጽዛ ዎደ ሄልን ፋና ሄልዛ ባጋ ኤኪ የኦድ ጋርክ ፋ አይልታ ኡንትኮ ዳኬዛ።
MAT 21:35 ማታየ ኤኬዝታይ ኤ አይልታ አይኪ ፐታ Ꮊꬌዛ፥ Ꮊንካ ዎꬌዛ ማ አቴዛና ሹቻር ሾጬዛ።
MAT 21:36 ዎይነ አታክልተ ጎዳይ ካሴስታይፕ ጋመ ሀራ አይልታ ኪቴዛ። ማታየ ኤኬዝታይ ኡንታል ጉጅካ Ꮊንክታይል አፋ ኦꬄዛይ ጋርክ ኦꬄዛ።
MAT 21:37 ዉርስꬃል ኤ፥ ‹ታ ናአ ኡ ቦንቾዳ!› ዬጊ ፋ ናአ ኡንትኮ ኪቴዛ።
MAT 21:38 «ዝን ማታየ ኤኬዝታይ ናአ ብኢ ዎል ጋንጨ ‹ጋዳ ላቶዳይ Ꮊያ፥ ኤዛ ዎꬊ ጋዳ ኑኒ ኤኮዳ!› ዬጌዛ።
MAT 21:39 ናአ አይኪ ዎይነ ጋንጨፐ ጋጻ ከሲ ዎꬌዛ።
MAT 21:40 «ይኬ፥ ዎይነ አታክልተ ጎዳይ ይኢ የ ማታየ ኤኬዝታ ዋይሳዴ?» ዬጊ ኦይጬዛ።
MAT 21:41 ኡ ማሂ፥ «ኤ የ ኢታ አሳ ኢታ ዎꬎ ዎꬊ፥ ዎይናይ ካእዝ ዎደ ኤዛ ሄልዝ ባጋ ዎደር ዎደር እንግዛ ሀራ አስስ እማዳ» ዬጌዛ።
MAT 21:42 የሱሳ ማሂ ኡንትኮ፥ ጾሳ ቃላይ፥ «‹ግምቢዝታይ ቦሪ እጼዝ ሹቻይ፥ ኬꬄ ሙመር ቶክዛ ክርክሮ ጋርክ፥ ኡባፕ ኣዝ ሹች ማቄዛ። Ꮊይ ጎዳይ ኦꬄዝ ባዝ፤ ኑ ኣፋይስካ ማላ ባዝ› ዬግንቲ ጻፍንቴዛና ይ ናባበካሳ?
MAT 21:43 «የይ ግሾስ፥ ታ ይንትስ ኦድዛ፤ ጾሳ ካተትꬃይ ይንትፕ ኤክንቲ ሎኦ ኣፈ ኣፍዝ አስታይስ እንግንቶዳ።
MAT 21:44 [Ꮊ ሹቻይል አፋ ዎꬌዝ ኡቢታይ መቅቶዳ። ማ የ ሹቻይ ኤዛል አፋ ዎꬌዝ አꬃይካ ጋጭንቶዳ]» ዬጌዛ።
MAT 21:45 ቄሰ ሀላቅታይኔ ፈርሳውታይ የሱሳ ኦዴዝ ኣዝሶ ፋና ኦዴዛና ኤሬዛ።
MAT 21:46 ኡ የሱሳ አይኮዳይስ ኮዬዛ፥ ዝን አሳይ የሱሳ ናበ ኡዲ ብእዛ ግሾስ አሳይስ ያሽቴዛ።
MAT 22:1 የሱሳ Ꮊተካ አሳይስ Ꮊይ ጋርክ ዬጊ ኣዝሶ ኦዴዛ።
MAT 22:2 «ሳሎ ካተትꬃይ ፋ ናአይስ ቦስ ማኬዝ ካታ ኣዝዛ።
MAT 22:3 የ ካታይ ቦስ የኦዳይ ጋርክ ኦዴዝ አሳ ጼጎዳይስ ፋ አይልታ ኪቴዛ። ዝን አሳይ የኦዳይስ ኮየካያ።
MAT 22:4 ማ ሀራ አይልታ ጼጊ፥ ጼግንቴዝ አስታይኮ Ꮊንጊ፥ ‹ታኒ ታ ሳንግታኔ ሞꬌዝ መህታ ሹኬዛ፤ ኡባ ባዝ ጊጌዛ። ታ ቦሳይኮ የኦይታ ዬጎይታ› ዬጊ ኪቴዛ።
MAT 22:5 ዝን ጼግንቴዝታይ ጼሳ እጺ፥ ፋ Ꮊንታስ Ꮊንታስ ቅቴዛ። ፐታይ ፋ ዎታስ፥ Ꮊንካይ ፋ ዛልኤስ ቅቴዛ።
MAT 22:6 Ꮊንክታይ ማ ካታይ አይልታ አይኪ፥ ካዉሽሽ Ꮊꬊ ዎꬌዛ።
MAT 22:7 «ካታይ ኢታ ሸንቲ፥ ፋ ዎታዳርታ ዳኪ ሸምፖ ዎꬍዝታ ዎꬍሴዛ፥ ኡ ካታምቶካ ጹጌዛ።
MAT 22:8 የይፕ ጉየ፥ ፋ አይልታይኮ፥ ‹ቦሳይ ጊጌዛ፥ ዝን ጼግንቴዝታይ ቦሳይስ ቤዝዛ አስታ ባያ።
MAT 22:9 የይ ግሾስ፥ ዳሞ ጎሳ አይኪ Ꮊንጊ፥ ደንጌዝ አስ ኡብታ ቦሳ የኦድ ጋርክ ጼጎይታ› ዬጌዛ።
MAT 22:10 አይልታይ ኦገል ከዚ ፋ ደንጌዝ አስ ኡባ ሎእታኔ ኢትታ ክኢ ቦሳ ሻቃራ ገልሲ ኩንꬄዛ።
MAT 22:11 «ዝን ካታይ ሙንታ ማዳይስ በቴዝ አሳ በአዳይስ ገሎዳር ቦስ አፍላ ማኤካ ፐቲ አስ ደንጌዛ።
MAT 22:12 ኤዝኮ፥ ‹ናት ነ ቦስ አፍላ ማኤካዛር ዋይዚ Ꮊይዳ ገሌኔ?› ዬጌዛ። ዝን አꬃይ ስኤ አቴዛ።
MAT 22:13 «ካታይ ፋ አይልታይኮ፥ ‹Ꮊ አꬃይስ ኩሻኔ ቶካ አጪ፥ ባለ ꬉማ ከሲ ኦሎይታ። ኤዛይድ ኤዝስ ዬፎኔ አች ጮንቺ ማቃዳ› ዬጌዛ።
MAT 22:14 «የይ ጋርክ፥ ጾስ ካተትꬃይስ ጼግንቴዝታይ ጋመ ዝን ዶርንቴዝታይ ጽቃ» ዬጌዛ።
MAT 22:15 የይፕ ጉየ፥ ፈርሳውታይ Ꮊንጊ፥ የሱሳ ዋይዚ ኦዳር አይኮዳዛኮ ቶቤዛ።
MAT 22:16 ፋ ታማርታኔ ሄሮዶሳ ባግታይፕ ፐታ ፐታ ኪቴዛ። ኡንትካ፥ «አስታማራዮ፥ ነ ቱሮ ኦድዛና ኑ ኤርዛ። ኔኒ አሳፕ አስ ሻኪ ኤሮያ፥ አሲ ዋጎዴ ግ አብካ ኦꬂ ኤሮያ፥ ጾስ ኦገ ቱሮራ ታማርስዛ።
MAT 22:17 አን ኑስ ኦዶባ፥ ኑኒ ኦሮመ ካታይስ ጊራ ጊሮዳይስ ቤዝነኔ ቤዞሳ?» ዬጌዛ።
MAT 22:18 ዝን የሱሳ ኡ ኢታ ቆፋ ኤሪ፥ «Ꮊ ጩቢታዮ፥ ታና አብስ ፓጬ?
MAT 22:19 ጊራ ጊርዛ ሚሽቶ ታና ቤዞይታ» ዬጌዛ። ኡንትካ ኤዝስ ድናረ ክኢ ቤዜዛ።
MAT 22:20 ኤ፥ «Ꮊ ሱንꬃይኔ ማላይ ኦ ባዞ?» ዬጌዛ።
MAT 22:21 ኡንቲ፥ «ሮመ ካታይሲ» ዬጌዛ። የሱሳ ኡንትኮ፥ «የዝን፥ ካታይስ ቤዝዛና ካታይስ፥ ጾስስ ቤዝዛና ጾስስ እንጎይታ» ዬጌዛ።
MAT 22:22 ኡ የያ ስኢ ማላ ባዝ ግ አሺ ቅቴዛ።
MAT 22:23 የ ጋላስ Ꮊይቆፕ ደንዶ ባያ ዬግዝ ሳዱቃውታይ የሱሳኮ ይኢ፥ ዬጊ ኤዛ ኦይጬዛ።
MAT 22:24 «አስታማራዮ፥ ‹ሙሰ፥ ፐቲ አሲ ማቾ ኤኪ ናአ የለካዛር Ꮊይቅኮ፥ የ Ꮊይቄዛይስ እሻይ ኤ ማቻቶ ኤኪ፥ ፋ እሻይስ ናአ የሎ› ዬጊ አዛዜዛ።
MAT 22:25 ኑ ኤርዛ ላፑን እሽታይ የዛ። ባይራይ ማቾ ኤኪ ናአ የለካዛር Ꮊይቄዛ። ኤ ማቻቶ ኤ ካሎ እሻይ ኤኬዛ።
MAT 22:26 የይ ጋርከካ፥ የ አስቶ ኤኬዝ ናምአንꬆይካ፥ ሃይꬒንꬃይካ፥ Ꮊንጊ ላፑንታይ ዉሮድ ጋꬆ ኡቢታይ Ꮊይቄዛ።
MAT 22:27 ኡባፕ ዉርስꬆል የ አስታካ Ꮊይቄዛ።
MAT 22:28 የዝን፥ ላፑንታይ ኡቢታይ እዞ ኤኬዝ ግሾስ Ꮊይቆፕ ደንድዛ ጋላስ፥ የ አስታ ላፑንታይፕ ኣያይስ ማቾ ማቃዴ?» ዬጌዛ።
MAT 22:29 የሱሳ ማሂ፥ «ይ ጾስ ቃላይ ታማርሴዝ ባዝ ዎይ ኤ ዎልቃ ኤሮዋ ግሾስ ባልንትዛ።
MAT 22:30 አሳይ Ꮊይቆፐ ደንድዛ ዎደ ሳሎ የዝ ኪታንችታይ ጋርክ ማቆዳይፕ አትን ኤኮያኔ ገሎያ።
MAT 22:31 ማ Ꮊይቄዝ አሳይ Ꮊይቆፕ ደንዶድ ባዝ ጾስ ይንትስ ኦዴዛና ይ ናባበካሳ?
MAT 22:32 ጾሳይ፥ ‹ታኒ አፍራመ ጾስ፥ እሳቃ ጾስ፥ ያይቆባ ጾስ› ዬጌዛ። የይ ግሾስ፥ ጾሳይ ፓꬂ የዝታይ ጾሳፕ አትን Ꮊይቄዝታይ ጾስ ባያ» ዬጌዛ።
MAT 22:33 ጋመ አሳይ የያ ስኢ፥ ኤ ትምርታ ማላባዝ ጌዛ።
MAT 22:34 የሱሳ ሳዱቃውታይስ ጎድባዝ ꬋብሴዛና ፈርሳውታይ ስኢ ዎላ ሺቄዛ።
MAT 22:35 ኡ ጋንጨፕ ፐቲ ህገ አስታማራይ የሱሳ ፓጨ ኦይች ኦይጬዛ።
MAT 22:36 «አስታማራዮ፥ ህገ ኡባይፕ ኣꬍዛይ ኣያ?» ዬጊ ኦይጬዛ።
MAT 22:37 የሱሳ ማሂ፥ «‹ነ ጎዳ፥ ነ ጾሳ፥ ነ ኩንꬅ ዎዝናይፕ፥ ነ ኩንꬅ ሸምፖፕ፥ ነ ኩንꬅ ቆፋፕ ቃꬎባ።
MAT 22:38 ኡባፕ ኣꬍዛይኔ ባይራ ኪታይ Ꮊያ።
MAT 22:39 ናምእንꬆ ኡባይፕ ኣꬍዝ ኪታይ፥ አስ ኡባ ነ ነና ዶስዛይ ጋርክ ዶሶባ› ዬግዛያ።
MAT 22:40 ሙሰ ህጋይኔ ናብታይ ትምርታይ ኡባይ Ꮊ ኪትታይል አፋ ካትዛ» ዬጌዛ።
MAT 22:41 ፈርሳውታይ ፐትፕ ሺቂ የዝን፥ የሱሳ ኡንታን፥
MAT 22:42 «ክርስቶሳ ባጋ ይ ዋጌ? ኤ ኦ ናአ?» ዬጊ ኦይጬዛ። ኡ፥ «ኤ ካታ ዳዉተ ናአ» ዬጊ ማሄዛ።
MAT 22:43 የሱሳ ኡንትኮ፥ «የዝን፥ ዳዉተ ጌሻ አያናር ማቂ ዋይዚ ክርስቶሳ፥ ‹ጎዳ› ግ ጼጌ? ዳዉተ ጊታር፥
MAT 22:44 « ‹ጾሳይ፥ ታ ጎዳይኮ፥ ነ ሞርክታ ነ ቶካይስ የꬍዝ አቆ ኦꬆድ ጋꬆ፥ Ꮊይዳ ታፕ ኡሻች ባጋር በቶባ› ጌዛ።
MAT 22:45 ይኬ፥ ዳዉተ ክርስቶሳ ጎዳ ግ ጼግኮ፥ ዋይዚ ክርስቶሳ ዳዉተ ናአ ማቄ?» ዬጌዛ።
MAT 22:46 የሱሳስ ፐቲ ቃላ ማሆዳይስ ዳንዳኤዝ አስ ኦንካ ባያ። ማ የ ጋላሳፕ አይኪ ሀራ ኦይች ኦይጮዳይስ ኦንካ ዳንዳኤካያ።
MAT 23:1 የይፕ ጉየ፥ የሱሳ ዎያስኔ ፋ ታማርታይስ Ꮊይ ጋርክ ዬጌዛ።
MAT 23:2 «ህገ አስታማርታይኔ ፈርሳወ አሳይ ሙሰ ህገ ታማርሶዳይስ ሙሰ ኦይደላ በቴዛ።
MAT 23:3 የይ ግሾስ፥ ኡ ይንታን አዛዝዛ ባዝ ኡብታ ኦꬆይታኔ ናጎይታ። ዝን ኡ ኦꬂዛይ ጋርከ ኦꬂፓተ። አብስ ጊኮ፥ ኡ ኦድዛይ ጋርክ ኦꬆያ።
MAT 23:4 ኡንቲ ቶክን ደንዶዋ ዴጾ ቶፎ አጪ አስ ቶስዛ። ዝን ፓስ ሀራ አቶዝን፥ የ ቶፋ አሳይ ቶኮዳር ፋ ኩሸ ግልአ ጼራር ቦቾዳይስ ኮዮያ።
MAT 23:5 «ዝን ኡ ፋ ኦሶ ኡባ አሲ በአዳይ ጋርክ ኦꬂዛ። ፋ ስኖላኔ ቀሴል አጭዝ ማጻፈ ጽቅሰ የዝ ኪታፐ ዳልግስዛ፥ ፋ አፍላ ማንቻ አዱስዛ።
MAT 23:6 ሞክንትዛ አቆ ቦንቾ አቆኔ አይሁድታይ ዎሳ ኬꬅ ጋመ ሎእዛ ኦይደ ዶስዛ።
MAT 23:7 አሳይ ጋበ ጋንጨ ኡንታን ቦንቾር ሳሮꬆዳናኔ ‹አስታማራዮ› ግ ጼጎድ ጋርክ ኮይዛ።
MAT 23:8 «ዝን ይ አስታማራይ ፐታይ ኣዳ ማቄዝ ግሾኔ ይ ኡቢታይ ኤ እሽታ ማቄዝ ግሾስ ‹አስታማራዮ› ግንትንቲ ጼግንትፓተ።
MAT 23:9 ይንትስ ሳሎ ፐቲ አዳይ ኣዳ የዝ ግሾስ Ꮊ ሳአ ኦናካ ‹አዳዮ› ግ ጼግፓተ።
MAT 23:10 ይንትስ ፐቲ ጎዳይ ክርስቶሳ ኣዳ የዛ ግሾስ ‹ጎዳ› ግንትንቲ ጼግንትፓተ።
MAT 23:11 ይንታፕ ኣꬍዛይ ይንትስ አይለ ማቆ።
MAT 23:12 ፋና ꬎቅ ኡድዝ ኦንካ ካዉዦዳ፤ ፋና ካዉዥስዛ ኦንካ ꬎቂ ጎዳ።
MAT 23:13 «ይንታኖ፥ ጩቢታዮ፥ ህገ አስታማርታይኔ ፈርሳዉታዮ፥ አስ ቲና ሳሎ ካተትꬅ ጎርድዝታዮ ይንታን አየ። ይንቲ፥ ይ ኡባስ ገላሚ ማ Ꮊንክታካ ገልሳሚ።
MAT 23:14 [«ይንታኖ ጩቢታዮ፥ ህገ አስታማርታይኔ፥ ፈርሳዉታዮ፥ አምእታይ ኬꬅ ይ ቦንቂታር፥ አሲ ቦኦ ግ ዎሳ አዱስዛ። የይ ግሾስ፥ ይንታን አየ። ኡባፕ ኣꬍዝ ፕርዳይ ይንታን ናግዛ።]
MAT 23:15 «ይንታኖ፥ ጩቢታዮ፥ ህገ አስታማርታይኔ ፈርሳዉታዮ፥ ይንቲ ፐቲ አꬃ አማንꬆዳይስ አባራኔ ሳአር ዩይዛ። ዝን ይ ኤዛ አማንꬄዝ ዎደ የ አꬃ ይንትፕ ኣꬃ ጋናመስ ጊግስዛ ኦሶ ኦꬍዛ ግሾስ ይንታን አየ።
MAT 23:16 «ኦንካ ጾስ ኬꬅ ጫቂኮ አኮካ ባያ። ዝን ጾስ ኬꬅ የዝ ዎርቃ ጫቂኮ፥ የ ጫቃይ ኤዝስ ጎሞዳ ግዝ ቶእታዮ፥ ይ ይ ኡባስ ቶኢ ሀራ አስ ካልꬅዝታዮ፥ ይንታን አየ።
MAT 23:17 ይንታኖ፥ ቦዝታዮ፥ ቶእታዮ፥ ዎርቃይ ኣꬍነኔ? ዎርቃ ጾሳይስ ዱማስዛ ጾስ ኬꬃይ ኣꬌ?
MAT 23:18 ማ ‹ኦንካ ያርሾ ያርሽዛ አቆ ጫቂኮ፥ አኮካ ባያ። ዝን ኦንካ ኤዛል አፋ የዛ ያርሻ ጫቂኮ፥ የ ጫቃይ ኤስ ጎሞዳ› ዬጊ ታማርስዛ።
MAT 23:19 ይንታኖ፥ ቱልታዮ ቶእታዮ፥ ያርሾ ኣꬍነኔ? ያርሾ ጾሳይስ ዱማስዛ አቃይ ኣꬌ?
MAT 23:20 የይ ግሾስ፥ ያርሾ አቃይር ጫቂዛ አꬃይ፥ የ ያርሾ በሳይዳነ ኤዛል አፋ የዛ ኡባባዛል ጫቂዛ።
MAT 23:21 ጾስ ኬꬅ ጫቂዛ አꬃይ፥ የ ጾስ ኬꬅ ግዶኔ ኤዛይድ የዛ ጾሳ ጫቂዛ።
MAT 23:22 ሳሎ ጫቂዛ አꬃይ ጾስ ዙፋናኔ የ ዙፋናይል አፋ በትዝ ጾሳ ጫቂዛ።
MAT 23:23 «ይንታኖ፥ ጩቢታዮ፥ ህገ አስታማርታዮኔ ፈርሳዉታዮ፥ ይንታን አየ። ይ ካርꬅ ጋላፕ፥ ሻሽንቸፐኔ ቦꬅ ጋላፕ አስራታ ከስዛ። ዝን ህጋይድ የዝ ኣ ኮሽዝታ አሽዛ፦ የይካ ሉለ ፕርደ፥ ቃꬌነ ኡባባዛል አማንንቶ። ሀራባዝታካ አሸካዛር Ꮊይትታ ይ ኦꬎዳይስ ቤዝዛ።
MAT 23:24 ይንትስ ቶኢ ሀራ አስ ካልꬅዝታዮ፥ ይ ኡሻፕ ዉኑኖ ከሲ ግማለ ምትዛ።
MAT 23:25 «ይንታኖ፥ ጩቢታዮ፥ ህገ አስታማርታዮኔ ፈርሳወ አሳዮ፥ ይንታን አየ። ይ ሻተስኔ ከረስ አፋ ባጋ ጌሽዛ። ዝን ጋንችጬ ባጋይ ቦንቃኔ ኡዛትꬂ ኩሜዛ።
MAT 23:26 ነኖ ቶአ ፈርሳዋዮ፥ ሻተስኔ ከረስ ጋንጫ ቲና ጌሾባ። የይፕ ጉየ፥ አፋ ባጋይካ ጌሺ ማቃዳ።
MAT 23:27 «ይንታኖ፥ ጩቢታዮ፥ ህገ አስታማርታዮኔ ፈርሳዉታዮ፥ ይንታን አየ። ይ አፋ ባጋር ቦርሾንቶር ትዥንት ሎእ፥ ጋንጨ መቀꬅኔ ዎቄዝባዝ ኩሜዝ ዱፎ ኣዝዛ።
MAT 23:28 የይ ጋርከካ፥ አፋ ባጋር አስስ ሎኦ ኣዝዛ። ዝን ይ ጋንጨ ጩቦትꬅኔ ኢታትꬂ ኩሜዛ።
MAT 23:29 «ይንታኖ፥ ጩቢታዮ፥ ህገ አስታማርታዮኔ ፈርሳውታዮ፥ ይንታን አየ። ይ ናብታይስ ዱፎ ግንቢዛ፥ ማ ጽልታይ ዱፋካ ሎእꬅዛ።
MAT 23:30 ማ ይንቲ፥ ‹ኑኒ ብኒ ኑ አድታይ ዎደ የዛ ባዝ ማቄዛኮ፥ ኡንታር ዎላ ናብታይ ሱꬂ ላላምዝን› ዬግዛ።
MAT 23:31 የይ ግሾስ፥ ይ ናብታ ዎꬌዝ አስ ናእታ ማቄዛና ይንቲ ይ ኡባስ ማርካትዛ።
MAT 23:32 ዬዛኮ፥ ይ አድታይ አይኬዛና ይ ፖሎይታ።
MAT 23:33 «Ꮊ ሾሹንꬆ፥ ጎፐ ናኡንꬆ፥ ይ ጋናመ ፕርዳፕ ዋይዚ አቶዴ?
MAT 23:34 የይ ግሾስ፥ ታ ኦድዛና ስኦይታ፤ ታኒ ናብታ፥ ኤጫ አስታኔ አስታማርታ ይንትኮ ኪቶዳ። ኡንታፕ ፐታ ፐታ ይ ዎꬎዳ ማዝቃለል አፋ ሶቶዳ። ባግታ አይሁድታይ ዎሳ ኬꬅ ገልሲ አላንጎዳ ካታማፕ ካታማ ባይኦዳ።
MAT 23:35 የይ ግሾስ፥ ጽላ አቤላ ዎꬌዝ ዎደፕ አይኪ፥ ጾስ ኬꬅስኔ ያርሾ አቆፕ ግዶ ይ ዎꬌዝ ባራክዩ ናአ ዛክሬሳ ሱꬅ ሄሎዳር Ꮊይቄዝ ጌሽ አስ ኡባይ ግሾስ ይ ሴርንቶዳ።
MAT 23:36 ታኒ ይንትስ ቱሮ ኦድዛ፤ ይንትኔ ይ አድታይ ኦꬄዝ ቡታይስ Ꮊ ፕርዳ ኡባይ Ꮊ የለትꬃይል አፋ ሄሎዳ።
MAT 23:37 «የሩሳላመ፥ የሩሳላመ፥ ናብታ ዎꬌዛኔ! ጾሳይ ኔኮ ኪቴዝታ ሹቻር ሾጭዛኔ! ሹጉላ ፋ ናእታ ፋ ቀፈር ሀጵዛይ ጋርክ ታኒ ነ ናእታ ታ ሺሾዳይስ ኣፑን ቶኬ ኮየኔ! ዝን ታና ነ ካዬዛ።
MAT 23:38 ይኬ፥ ይ ኬꬃይ ካይሳ ማቃዳ።
MAT 23:39 ታኒ ይንትስ ኦድዛ፤ ‹ጎዳይ ሱንꬃር ይእዛይ አንጅንቴዛያ› ይ ጎድ ጋꬆ Ꮊይፕ ጉየ ታና ይ በአሚ» ዬጌዛ።
MAT 24:1 የሱሳ ጾስ ኬꬃፕ ከዚ Ꮊማዳር፥ ኤ ታማርታይ ኤዝኮ ይኢ፥ ጾስ ኬꬃ ግምባ ቤዜዛ።
MAT 24:2 የሱሳ ኡንትኮ ማሂ፥ «ኤ! Ꮊያ ኡብታ ይ ብእኔ? ታኒ ይንትስ ቱሮ ኦድዛ፤ ሹች ሹቻል አፋ ግንቢንቴዛይ ላልንተካዛር አታሚ» ዬጌዛ።
MAT 24:3 የሱሳ ደብረዛይተ አምባል አፋ በቴዝን፥ ኤ ታማርታይ ፋ ኣዳስ ኤዝኮ ይኢ፥ «የይ አይደ ሀኖዳዛኮ ኑስ ኦዶባ። ማ ነ ይእꬃይስኔ ዎደ ዉርስꬃይስ ማላይ አባ?» ዬጊ ኦይጬዛ።
MAT 24:4 የሱሳ ማሂ፥ «ይንታን ኦንካ ባልꬃም ጋርክ ናግንቶይታ!
MAT 24:5 አብስ ጊኮ፥ ጋመ አሳይ ታ ሱንꬃር፥ ‹ታኒ ክርስቶሳ› ጊታር ታ ሱንꬃር ይኢ ጋመ አስ ባልꬆዳ።
MAT 24:6 ኦላኔ ኦላ ባዝ ናሾዳር ይ ስኦዳይስ የዛ። የይ ሀኖዳይስ ቤዝዛ ግሾስ ህርግፓተ። ዝን ዉርስꬃይ ሀጋ።
MAT 24:7 ዎያይ ዎያራ፥ ፐቲ ካተትꬃይ ሀራ ካተትꬃር ኦልንቶዳ። ናየኔ ቢታ ኤንኦ ጋመ አቆ ሀኖዳ።
MAT 24:8 የይ ኡባይ የሎ እቅꬅ ዞኬ አይꬅ ጋርከ።
MAT 24:9 «የ ዎደ አሳይ ይንታን መቶስ ኣꬂ እማዳ፥ ዎꬎዳ። ታ ሱንꬃይ ግሾስ አሲ ኡባይ ይንታን እጾዳ።
MAT 24:10 የ ዎደ ጋምታይ አማኖ አሾዳ። ፋ ጋንጨ ፐታይ ፐታ ኣꬂ እማዳ፥ ፐታይ ፐታ እጾዳ።
MAT 24:11 ማ ጋመ ዎርዶ ናብታይ ደንዲ ጋምታ ባልꬆዳ።
MAT 24:12 ዉጨትꬂ ጋንግዛይ ግሾስ ጋመ አሳይስ ሲቆ እርጾዳ።
MAT 24:13 ዝን ዉርስꬂ ሄሎዳይስ ጋርዥዛ አꬃይ አቶዳ።
MAT 24:14 አስ ኡባስ ማርካ ማቃድ ጋርክ ጾስ ካተትꬅ ዎንግላይ ቢታ ኡባይል ሳባክንቶዳ። የይፕ ጉየ፥ ዉርስꬃይ የኦዳ።
MAT 24:15 «የይ ግሾስ፥ ናበ ዳለነ ኦዴዝ ꬋብስዛ ቱና ኦሶ ጌሽ አቆ ኤቄዛና ይ በአዳ። ናባብዛይ አካኮ!
MAT 24:16 የ ዎደ ይሁዳ ቢታል የዝታይ አምባል ቆስንቶ።
MAT 24:17 ኬꬅ ኩስተል የዝ አꬃይ ፋ ካራ የዝ ባዝ ኤኮዳይስ ዎꬍፐ።
MAT 24:18 ጋደ ኦሶል የዛይ ፋ አፍላ ኤኮዳይስ ጉየ ማቅፐ።
MAT 24:19 የ አግናይድ ዎደꬅ ማችታይስኔ አምስዛ ማችታይስ ኢታ መቶ ማቃዳ።
MAT 24:20 ይ ቆስንታይ ባርጎር ዎይ ማላ ጋላስ ማቃም ጋርከ ጾሳ ዎሶይታ።
MAT 24:21 አብስ ጊኮ፥ ሳአ መꬍንቴዛይፕ Ꮊይኖ ሄሎዳይስ ሀነካ ባዝ፥ ማ ቲናስካ የሻ ሀናም መቶ የ ዎደ ሀኖዳ።
MAT 24:22 የ ጋላስታይ ፓይዳ ሃትሰካዛኮ አሾ ማኤዝ ኦንካ አታሚ። ዝን ኤ ፋ ዶሬዝ አሳይ ግሾስ የ ጋላስታይ ፓይዳ ሃትꬆዳ።
MAT 24:23 «የ ዎደ ኦንካ ይንታን፥ ‹Ꮊይሼ፥ ክርስቶሳ Ꮊይዳ› ዎይ ‹ሰንዳይዳ የዛ› ዬግኮ አማንፓተ።
MAT 24:24 አብስ ጊኮ፥ ዎርዶ ክርስቶስታይራኔ ዎርዶ ናብታይራ ደንዶዳ። ኡንትስ ዳንዳእንትኮ፥ ሀራ አቶዝን ጾሲ ዶሬዝታካ ባልꬆድ ሄሎዳይስ ማላኔ ማላባዝ ቤዞዳ።
MAT 24:25 አካኮይታ፥ ታኒ ይንትስ Ꮊያ ቲናቲ ኦዴዛ።
MAT 24:26 «የይ ግሾስ፥ አሳይ ይንትኮ፥ ‹ክርስቶሳ ሊዦ የዛ› ጊኮ፥ እዘ Ꮊንግፓተ፥ ዎይ ይንትኮ፥ ‹ቆልአ የዛ› ጊኮ፥ አማንፓተ።
MAT 24:27 አብስ ጊኮ፥ ዜልንꬂ ሳሎ ዜልንጊ፥ አዋ ከሳፕ አዋ ገሎ ሄሎዳይስ በንትዛይ ጋርክ፥ አሲ ናአ ይእꬃይ Ꮊይ ጋርክ ሀኖዳ።
MAT 24:28 «ጋዉጻ የዛ አቆ አንኮ ሺቅዛ።
MAT 24:29 «የ ዎደ የ መቶ ጋላስታይፕ ጉየ፥ ኤለ አዋ ꬉሞዳ፥ አግና ፋ ፖኦ ካዮዳ። ጾልንትታይ ሳሎፕ ዎꬎዳ፥ ማ ሳሎ የዝ ዎልቅታይካ ቡቅንቶዳ።
MAT 24:30 የ ዎደ አስ ናአ ማላይ ሳሎል አፋ በንቶዳ። ሳአ የዝ አስ ኡባይ ዬኮዳ። ማ አስ ናአይ፥ ዎልቃራኔ ግታ ቦንቾር ሳሎ ሻራ ጋንጨር የኦዳር ኡንቲ በአዳ።
MAT 24:31 ኤ ፋ ኪታንችታ ፑግዛ ዳማ ቱልቱላር ኪቶዳ። ኡ ሳአ ኦይዲ ዞዘ Ꮊንጊ፥ ጋጻፕ ጋጻ ሄሎዳይስ የዝ ኤስ ዶርንቴዝታ ሺሾዳ።
MAT 24:32 «በለሰ ምꬃፕ ታማሮይታ። እ ጼራይ ጪዥኮ ሀይታይ አጮ አይክኮ ቦነ ኡኬዛና ይ ኤርዛ።
MAT 24:33 የይ ጋርከካ፥ ይ Ꮊ ኡባ በአዳር አስ ናአይ ይእዛ ዎዳይ ፔንገል የዛና ኤሮይታ።
MAT 24:34 ታኒ ይንትስ ቱሮ ኦድዛ፤ Ꮊ ኡባ ባዝ ፖልንቶድ ሄሎዳይስ፥ Ꮊ የለትꬃይ ኣꬋሚ።
MAT 24:35 ሳሎኔ ሳአይ ኣꬎዳ፥ ዝን ታ ቃላይ ኣꬋሚ።
MAT 24:36 «የ ጋላሳትኔ የ ሳታቲ ባጋ ሳሎ የዝ ታ አዳይፕ አትን ሀራ ሳሎ ኪታንችታ ማቅን ዎይ ናአ ማቅን ኦንካ ኤሮያ።
MAT 24:37 አስ ናአ ይእꬃይ፥ ኖሄ ዎደ ሀኔዛይ ጋርክ ማቃዳ።
MAT 24:38 የ አግንተ ꬋቦ ሃꬃይ የኦዳይፕ ቲና ኖሄ ማርካበ ጋንጨ ገሎድ ሄሎዳይስ፥ አሳይ ሚታራኔ ኡዥታር፥ ኤክታራኔ ገልታር ጋምኤዛ።
MAT 24:39 ꬋቦ ሃꬃይ ይኢ፥ ኡንታን ኡባ ꬋብሶድ ሄሎዳይስ አካኬካያ። አስ ናአ ይእꬃይካ Ꮊይ ጋርክ ሀኖዳ።
MAT 24:40 «የ ዎደ ናምኢ አሳይ ጋደ ጋንጨ ኦꬆዳ። ኡንታፕ ፐታይ ኤክንቶዳ፥ Ꮊንካይ አቶዳ።
MAT 24:41 ናምኢ ማችታይ ዎላ ጋጮዳ። ኡንታፕ ፐታት ኤክንቶዳ Ꮊንካት አቶዳ።
MAT 24:42 «ይኬ፥ ይ ጎዳይ አባ ጋላስ የኦዳዛኮ ኤሮዋ ግሾስ ሚንጊ ናጎይታ።
MAT 24:43 ዝን ካይዞ ቃማፕ ኣፑን ሳተል የኦዳዛኮ ካራ አዳይ ኤርዛኮ፥ ፋ ካራ ቦክንታማይ ጋርክ ባርክ ናጎዳዝን።
MAT 24:44 የይ ጋርክ፥ አስ ናአይ ይ ቆፐካ ሳተ የኦድ ግሾስ ይንትካ ጊግንቲ የዞይታ።
MAT 24:45 «የዝን፥ ፋ ካራ አሳይስ ካꬃ ቤዝዛ ዎደር እማድ ጋርክ ኤ ጎዳይ ዶሬዝ አማንꬅዛይኔ ዎዛናማ አይላይ ኦኖ?
MAT 24:46 ኤ ፋ ጎዳይ አዛዜዛና ኦꬃዳር ኤ ጎዳይ ይኢ ደንግዛ አይላይ አንጅንቴዛያ።
MAT 24:47 ታኒ ይንትስ ቱሮ ኦድዛ፤ ጎዳይ የ አይላ ፋባዝ ኡባይል አፋ ሹሞዳ።
MAT 24:48 ኢታ አይላይ፥ ‹ታ ጎዳይ ጋምኢ የኦዳ› ዬጊ ፋ ዎዝናር ቆፒ፥
MAT 24:49 ፋ ኦሶ ላግታ Ꮊꬎ አይክኮ፥ ማꬅዝታይራ ሚኮኔ ኡዥኮ፥
MAT 24:50 የ አይላይ ጎዳይ ኤ ቆፐካ ጋላስኔ ኤ ኤረካ ሳተር፥
MAT 24:51 ይኢ ኤዛ ናምኢ ከሲ ጳልቆዳ። ኤ አንጃካ ጩቢታይር ኡዶዳ። ኤዛይድ ኤስ ዬፎኔ አች ጮንች ማቃዳ።
MAT 25:1 «የ ዎደ ሳሎ ካተትꬃይ ፋ ኩራዘ አይኪ፥ ማቾ ኮኦዳይስ Ꮊንጌዝ አꬃ ሞኮዳይስ ከዜዝ ታጲ ዉድርታ ኣዝዛ።
MAT 25:2 ኡንታፕ እችንታይ ቦዝታ፥ እችንታይ ኤጭታ።
MAT 25:3 ቦዝታይ ኩራዘ አይኬዛ፥ ዝን ሀራ ላምባ አይከካያ።
MAT 25:4 ዝን ኤጭታይ ፋ ኩራዛኔ ሀራ ጉጆ ላምባ አይኬዛ።
MAT 25:5 ማቾ ኤክዛ አꬃይ ጋምእን፥ የ ዉድርታይ ኡንታን ገንታ አይክን ገንቴዛ።
MAT 25:6 «ግዲ ብላሄ ማቆዳር ‹ማቻቶ ኤክዛይ የኤዛ፥ ኤዛ ሞኮዳይስ ከዞይታ› ዬግዝ ግታ ጫቦትꬂ ስንቴዛ።
MAT 25:7 «የ ዎደ የ ዉድርታይ ኡቢታይ ባርኪ፥ ፋ ኩራዛ ጊግሴዛ።
MAT 25:8 ቦዝታይ ኤጭታይኮ፥ ‹ኑ ጾምፓይ ቶኦድ ሀንዛ ግሾስ ይ ላምባይፕ ኑስ እንጎይታ› ዬጌዛ።
MAT 25:9 «ዝን ኤጭታይ ኡንትኮ ማሂ፥ ‹የይ ሀናሚ፥ ኑስኔ ይንትስ ግድዛ ላምባ ባያ። የይ ግሾስ፥ ይንትስ Ꮊንጊ ዎንጊ ኤኮይታ› ዬጌዛ።
MAT 25:10 ቦዞ ዉድርታይ ላምባ ዎንጎዳይስ ቅቴዝን፥ ማቻት ኤክዛ አꬃይ ፑት ጌዛ። ጊግንቲ በቴዝ እችን ዉድርታይ ኤዛር ዎላ ቦሳ ስብረል ገሌዛ፤ ፐንጋይካ ጎርድንቴዛ።
MAT 25:11 «ጉየፕ Ꮊንኮ ዉድርታይ ይኢ፥ ‹ጎዳዮ፥ ጎዳዮ፥ ኑስ ዶዮዬ› ዬጌዛ።
MAT 25:12 «ዝን ኤ ኡንትኮ ማሂ፥ ‹ታኒ ይንትስ ቱሮ ኦድዛ፤ ታ ይንታን ኤሮያ!›
MAT 25:13 «ይኬ፥ አስ ናአይ የኦድ ጋላሳ ዎይ ሳታ ይ ኤሮዋ ግሾስ ባርኪ ናጎይታ።
MAT 25:14 «ጾስ ካተትꬃይ ፋ አይልታ ጼጊ ፋስ የዛ ባዝ ኡንትስ ሀዳሪ ኦገ Ꮊማዳይስ ከዜዝ አꬃ ኣዝዛ።
MAT 25:15 ኡንትስ ኦማር ኦማር ኡ ዎልቃይ ጋርክ ፐታይስ እችን መክልተ ፥ ፐታይስ ናምኢ መክልተ ማ ፐታይስ ፐቲ መክልተ እንጊ ሀራ ጋደ ቅቴዛ።
MAT 25:16 እችን መክልተ ኤኬዝ አይላይ ኤለ Ꮊንጊ ዛልእ፥ ሀራ እችን መክልተ ትርፕሴዛ።
MAT 25:17 የይ ጋርከካ፥ ማ ናምኢ መክልተ ኤኬዝ አይላይ ሀራ ናምኢ መክልተ ትርፕሴዛ።
MAT 25:18 ዝን ፐቲ መክልተ ኤኬዛይ Ꮊንጊ፥ ኦላ ቦኪ፥ ፋ ጎዳይ ሚሻ ሞጌዛ።
MAT 25:19 «ጋመ ዎደፕ ጉየ የ አይልታይ ጎዳይ ይኢ፥ ፋ ሚሻ ኡንታን ኦይጬዛ።
MAT 25:20 እችን መክልተ ኤኬዝ አይላይ ይኢ፥ ሀራ እችን መክልተ ክኢ፥ ‹ታ ጎዳዮ፥ ነ ታስ እችን መክልተ እንጌዛ። ዝን ታ ሀራ እችን መክልተ ትርፕሴዛ› ዬጌዛ።
MAT 25:21 ኤ ጎዳይ፥ ‹ዛምባይ! ኔኒ ሎኦ አማንꬅዛ አይለ፤ ኔኒ ጽቃ ባዛል አማንቴዛ። ታኒ ነና ጋመ ባዛል ሹሞዳ፤ Ꮊና ነ ጎዳይ ኡፋይሳይድ ገሎባ› ዬጌዛ።
MAT 25:22 «ማ ናምኢ መክልተ ኤኬዛይ ይኢ፥ ‹ታ ጎዳዮ፥ ኔኒ ታስ ናምኢ መክልተ እንጌዛ። ዝን ታኒ ሀራ ናምኢ መክልተ ትርፕሴዛ› ዬጌዛ።
MAT 25:23 ኤ ጎዳይ፥ ‹ዛምባይ! ኔኒ ሎኦ አማንꬅዛ አይለ፤ ኔኒ ጽቃ ባዛል አማንቴዛ። ታኒ ነና ጋመ ባዛል ሹሞዳ፤ Ꮊና ነ ጎዳይ ኡፋይሳይድ ገሎባ› ዬጌዛ።
MAT 25:24 «ማ ፐቲ መክልተ ኤኬዛይ ይኢ፥ ‹ታ ጎዳዮ፥ ኔኒ ዘረካ አቆፕ ቡጭዝ ላለካ አቆፕ ማጽዝ ኢታ አስ ማቄዛና ታኒ ኤርዛ።
MAT 25:25 ታ ያሽቲ ነ መክልታ ቢታ ጋንጨ ሞጌዛ። ነ መክልታ Ꮊናሸ› ዬጌዛ።
MAT 25:26 «ኤ ጎዳይ ማሂ፥ ‹Ꮊ ኢታ አዛላ አይላዮ፥ ታኒ ዘረካ አቆፕ ቡጭዛኔ ላለካ አቆፕ ማጽዛ አስ ማቄዛ ነ ኤርኔ?
MAT 25:27 ይኬ፥ ኔኒ ታ ሚሽቶ ባንከ ጋዴዛኮ ዎር ኤኮዳኖ ነ ካዬዛ።
MAT 25:28 የይ ግሾስ፥ ሚሻ ኤፕ ኤኪ፥ ታጲ መክልተ የዛይስ እንጎይታ።
MAT 25:29 አብስ ጊኮ፥ የዛ ኡባይስ ጉጅንቶዳ ጋንጎዳ። ዝን ባዛይፕ ሀራ አቶዝን፥ የ ኤዝስ የዛ ጽቃታካ ኤክንቶዳ።
MAT 25:30 Ꮊ ማዶዋ አይላ ባለ ꬉማ ከሲ ኦሎይታ። ኤዛይድ ኤዝስ ዬፎኔ አች ጮንች ማቃዳ› ዬጌዛ።
MAT 25:31 «አስ ናአይ፥ ኪታንቾ ኡቢታይራ፥ ፋ ቦንቾር ይኢ ኤ ፋ ቦንቾ ካተትꬅ ዙፋናይል አፋ በቶዳ።
MAT 25:32 አስ ኮች ኡቢታይ ኤ ቲና ሺቆዳ። ሄንግዝ ናአይ ዱርታ ዴሽታይፕ ቁርዛይ ጋርክ ኤ የ አሳ ናምኢ አቆ ሻጎዳ።
MAT 25:33 ዱርታ ኡሻች ባጋር ዴሽታ ሀድርስ ባጋር ኤሶዳ።
MAT 25:34 «የ ዎደ፥ ካታይ ኡሻች ባጋር የዝታይኮ Ꮊይ ጋርክ ዬጎዳ፦ ‹ታ አዳይ አንጄዝታዮ፥ Ꮊና ይኢ ሳአ መꬍንቴዛይፕ አይኪ ይንትስ ጊጌዝ ካተትꬅ ላቶይታ።
MAT 25:35 አብስ ጊኮ፥ ታኒ ናይንትን ይ ታና ሙዜዛ፥ ሳምንትን ኡሼዛ፥ እማꬅ ማቂ Ꮊንግን ሞኬዛ፥
MAT 25:36 ካሎቲን ማእሴዛ፥ ሀርግንትን ኦይጬዛ፥ አጭንትን ታና ይ በኤዛ› ዬጎዳ።
MAT 25:37 «የይፕ ጉየ፥ ጽልታይ ማሂ፥ ‹ጎዳዮ፥ ኔኒ ናይንትን አይደ ብኢ ነና ኑ ሙዜኔ? ዎይ ኔኒ ሳምንትን አይደ ብኢ ነና ኑ ኡሼኔ?
MAT 25:38 ኔኒ እማꬅ ማቂ ይእን አይደ ብኢ ነና ኑ ሞከኔ? ዎይ ኔኒ ካሎቲን አይደ ነና ኑ ማእሴኔ?
MAT 25:39 ኔኒ ሀርግንትን ዎይ አጭንትን ኔኮ Ꮊንጊ አይደ ነና ኑ ኦይጬኔ?› ዬጎዳ።
MAT 25:40 ካታይ ማሂ፥ ‹ታኒ ይንትስ ቱሮ ኦድዛ፤ ይንቲ ታና ካልዛ Ꮊ ኡባይፕ ጽቅዛ እሽታይፕ ፐታይስ ኦꬍዛና ታስ ኦꬍዛ› ዬጎዳ።
MAT 25:41 «የ ዎደ ሀድርስ ባጋር የዝታይኮ፥ ‹Ꮊ ባድንቴዝታዮ፥ ታ ላንቃይፕ ሃኮይታ። ጻላሄስኔ ኤ ኪታንችታይስ ጊጌዝ መꬍና ታማ ጋንጨ Ꮊንጎይታ።
MAT 25:42 አብስ ጊኮ፥ ናይንትን ታና ይ ሙዘካያ፤ ሳምንትን ታና ይ ኡሸካያ።
MAT 25:43 ታኒ እማꬅ ማቂ Ꮊንግን ታና ይ ሞከካያ፥ ካሎቲን ማእሰካያ፥ ሀርግን አጭንትን ታና ኦይጨካያ› ዬጎዳ።
MAT 25:44 «የ ዎደ ኡንቲ፥ ‹ጎዳዮ፥ ኔኒ ናይንትን ዎይ ሳምንትን ዎይ እማꬅ ማቂ Ꮊንግን ዎይ ካሎቲን ዎይ ሀርግንትን ዎይ አጭንትን ብኢ ነና አይደ ማዳም እጼኔ?› ዬጊ ማሆዳ።
MAT 25:45 «የ ዎደ ካታይ ማሂ ኡንትኮ፥ ‹ታኒ ይንትስ ቱሮ ኦድዛ፤ ይንቲ ታና ካልዛ Ꮊ ኡባፕ ጽቅዝታይፕ ፐታ ማዳም እጼዛይ፥ ታና ማዳም እጼዛ› ዬጎዳ።
MAT 25:46 የይ ግሾስ፥ የ አሳይ መꬍና ፕርደስ ማ ጽልታይ መꬍና ደኦስ Ꮊማዳ» ዬጌዛ።
MAT 26:1 የሱሳ Ꮊ ትምርታ ኡባ ዉርሴዛይፕ ፋ ታማርታይኮ፥
MAT 26:2 «ናምኢ ጋላሳፕ ጉየ፥ ፓዝቃ ባለ ቦንችዛ ጋላስ ማቅዛና ይ ኤርዛ። የ ጋላስ አስ ናአይ ማዝቃለል አፋ ሶትንቶዳይስ አስ ኩሸ ኣꬊ እንግንቶዳ» ዬጌዛ።
MAT 26:3 የ ዎደ ቄሰ ሀላቅታይኔ ጋደ ጭምታይ፥ ቃያፋ ግዝ ቄሰ ሀላቃይ ካራ ሺቂ፥
MAT 26:4 አሲ ኤረካዝን የሱሳ አይኪ፥ ዎꬎዳይስ ቶቤዛ።
MAT 26:5 ዝን ኡንቲ፥ «አሳይ ጫቦታማይ ጋርክ ግ፥ ፓዝቃ ቦንችዛ ጋላስ የያ ኦꬃሚ» ዬጌዛ።
MAT 26:6 የሱሳ ብታና ካታማ ጋንጨ ቦርቆንቶ ሀርገር የዝ ስሞና ካራ የዛ።
MAT 26:7 የሱሳ ሙንትታል የዝን ፐቲ አስታ አልባስጽሮሳ ብልጋጸ ኩንꬃ ጋመ አልኦ ሽቶ ኤኪ ይኢ የሱሳ ኦማይል ቆሌዛ።
MAT 26:8 ዝን የሱሳ ታማርታይ የያ ብኢ ካጭንቲ፥ «Ꮊ ሽታ ጨረ ኢስዛይ አብሶ?
MAT 26:9 Ꮊ ሽታይ አልኦ ዋጋር ባይዝንቲ፥ ሚሻይ ማንቅታይስ እንግንቶዳይስ ዳንዳእንትዛዝን» ዬጌዛ።
MAT 26:10 የሱሳ ኡንቲ ጌዛና ኤሪ፥ ኡንትኮ፥ «Ꮊ አስቶ አብስ ዋይꬄ? እዛ ታስ ሎኦ ባዝ ኦꬂዛ።
MAT 26:11 ማንቅታይ ኡባ ዎደ ይንታር የዞዳ። ዝን ታኒ ይንታር ኡባ ዎደ የዛሚ።
MAT 26:12 እዛ Ꮊ ሽታ ታል አፋ ቆሌዛይ ታና ሞጎስ ጊግሴዛ።
MAT 26:13 ታኒ ይንትስ ቱሮ ኦድዛ፤ ቢታ ኡባይል Ꮊ ዎንግላይ ሳባክንትዛ አቆ አባ ማቅኮካ፥ አሳይ እዝስ ቆፕሶ ማቃዳይ ጋርክ ኦድንቶዳ» ዬጌዛ።
MAT 26:14 የ ዎደ ታጶ ናምኢ የሱሳ ታማርታይፕ ፐታይ፥ አስቆሮንቶ ይሁዳ ግንትንትዛይ ቄሰ ሀላቅታይኮ፥
MAT 26:15 Ꮊንጊ፥ «ታኒ ይንትስ የሱሳ ኣꬂ እንግኮ፥ ይ ታስ አብ እማዴ?» ዬጊ ኡንታን ኦይጬዛ። ኡንቲ ቶቢ ሀስታም ብራ እንጌዛ።
MAT 26:16 የይፕ ጉየ፥ ይሁዳ የሱሳ ኣꬂ እማዳይስ ጊጋ ጋላስ ኮይዛ።
MAT 26:17 ቦራ ባለ ቦንችዛ ቲና ጋላስ፥ የሱሳ ታማርታይ ኤዝኮ ይኢ፥ «ፓዝቃ ቦንችዛ ጋላስ ኔኒ ማድ ካꬃ ኑኒ አባ ማኮ?» ዬጌዛ።
MAT 26:18 የሱሳ ኡንትኮ፥ «ካታማ ይ ገሎዳር ሄሌዝ አꬃይኮ Ꮊንጊ፥ ‹አስታማራይ፥ ታስ ዎደ ሄሌዝ ግሾ ታ ታማርታይር ፓዝቃ ቦንችዛ ጋላሳ ነ ካራ ኣꬆዳ ዬጌዛ› ጎይታ» ጌዛ።
MAT 26:19 ኤ ታማርታይ የሱሳ ኪቴዛይ ጋርክ ኡዲ፥ ፓዝቃ ባለ ጋላስ ማድ ካꬃ ጊግሴዛ።
MAT 26:20 ሳአይ ኦማꬆዳር የሱሳ ታጶ ናምኢ ሀዋርታይር ካꬃ ማዳይስ በቴዛ።
MAT 26:21 ኡ ማዳር፥ የሱሳ ኡንትኮ፥ «ታኒ ይንትስ ቱሮ ኦድዛ፤ ይንታፕ ፐታይ ታና ኣꬂ እማዳ» ዬጌዛ።
MAT 26:22 ኡ ኢታ ዳጋሚ፥ ኦማር ኦማር፥ «ጎዳዮ፥ ቱሮ ታናሻ?» ግ ኤዛ ኦይጬዛ።
MAT 26:23 የሱሳ ማሂ፥ «ፋ ኩሻ ታር ዎላ ፍልኦ ጋንጨ ዳክዛይ ኤ ታና ኣꬂ እማዳ።
MAT 26:24 አስ ናአይ፥ ጾስ ቃላይድ ኤዝስ ጻፍንቴዛይ ጋርክ Ꮊይቆዳ። ዝን አስ ናአ ኣꬂ እንግዛ አꬃ አየ፤ የ አꬃይ የልንተካ አቴዛኮ ኤዝስ ሎኦዝን» ዬጌዛ።
MAT 26:25 ኤዛ ኣꬂ እማዳይስ የዝ ይሁዳ ማሂ፥ «አስታማራዮ፥ ነ ግዛይ ታናኔ?» ዬጌዛ። የሱሳ ማሂ፥ «ነ ጌዛይ ጋርክ» ዬጌዛ።
MAT 26:26 ኡንቲ ማዳር፥ የሱሳ ቦራ ኤኪ ጾሳ ጋላቴዛ። የ ቦራ ባጺ ፋ ታማርታይስ እንጊ፥ «Ꮊሽቴ፥ ሞይታ፥ Ꮊይ ታ አሾ» ዬጌዛ።
MAT 26:27 ጹአ ኤኪ፥ ጾሳ ጋላቴዛ። ኡንትስ እንጊ፥ «ኡባይ Ꮊይፕ ኡዦይታ።
MAT 26:28 Ꮊይ ጋመ አሳይ ናጋራይ አቶ እንትንቶዳይ ጋርክ ጎግዝ ኦሮꬅ ታ ጫቆ ሱꬂ።
MAT 26:29 ዝን ታኒ ይንትስ ኦድዛ፤ ታኒ ታ አዳይ ካተትꬃ ኦሮꬅ ዎይነ ኡሽ ይንታር ኡዦድ ጋላሳ ሄሎዳይስ Ꮊንፕ ገደ Ꮊ ዎይነ ኡሻ ኡዣሚ» ዬጌዛ።
MAT 26:30 ጋላታ ማዝሙረ የጼዛይፕ ጉየ ደብረ ዛይተ አምባል ቅቴዛ።
MAT 26:31 የ ዎደ የሱሳ ኡንትኮ፥ «‹ጾሳይ ሄንግዛና ሾጮዳ ዱርታይካ ላልንቶዳ› ግንትንቲ ጾስ ቃላይድ ጻፍንቴዛይ ጋርክ Ꮊይኖ ቃማ ይ ኡቢታይ ታል ꬉብንቶዳ።
MAT 26:32 ዝን ታኒ Ꮊይቆፕ ደንዴዛይፕ ጉየ ይንትፕ ቲናቲ ጋልላ Ꮊማዳ» ዬጌዛ።
MAT 26:33 ጵጽሮሳ ማሂ፥ «ኡንቲ ኡባይ ነና አሺ ꬋብኮካ፥ ታኒ ነና አሻሚ» ዬጌዛ።
MAT 26:34 የሱሳ ጵጽሮሳኮ፥ «ታኒ ኔስ ቱሮ ኦድዛ፤ Ꮊይኖ ቃማ ሹጉላ ኡኮዳይፕ ቲና ኔኒ ታና ሀይꬒ ቶኬ ካዶዳ» ዬጌዛ።
MAT 26:35 ጵጽሮሳ ማሂ፥ «ታኒ ኔር ዎላ Ꮊይቆፕ አትን ነና የሻ ካዳሚ» ዬጌዛ። Ꮊንኮ ኤ ታማርታይ ኡቢታይካ Ꮊይ ጋርክ ጌዛ።
MAT 26:36 ኤዛይፕ ጉየ፥ የሱሳ ፋ ታማርታይር ጌተሰማነ ግዝ አቆ Ꮊንጊ፥ ኡንትኮ፥ «ታኒ ሰንዳይድ Ꮊንጊ ጾስ ዎሶዳ፥ ይ Ꮊይዳ በቶይታ» ዬጌዛ።
MAT 26:37 ጵጽሮሳኔ ዛብዶሳ ናአ ናምእታ ፓር ኤኪ Ꮊንጊ አዛኖኔ ይሎ አይኬዛ።
MAT 26:38 ማካ ኡንትኮ፥ «ታኒ Ꮊይቆድ ሄሎዳይስ አዛኔዛ። Ꮊይዳ ጋምኦይታኔ ባርኪ ናጎይታ» ዬጌዛ።
MAT 26:39 ጽቃ ቲናል Ꮊንጊ ቢታል ፋ ስናይር ጹጉኒ፥ «ታ አዳዮ፥ ዳንዳእንትዛ ባዝ ማቅኮ Ꮊ መቶ ጹአይ ታፕ ኣꬂ። ዝን ነ ሸነ ሀኖፕ አትን ታ ሸናይ ሀንፐ» ዬጊ ጾሳ ዎሴዛ።
MAT 26:40 የሱሳ ፋ ታማርታይኮ ማቂ ይኢ ኡንቲ ገንቴዝን ደንጊ፥ ጵጽሮሳኮ፥ «ይንቲ ፐቲ ሳተዛኮኔ ገንተካዛር ታር ምንጎዳይስ ዳንዳኤካሳ?
MAT 26:41 ፓጨ ጋንጨ ይ ገላማይ ጋርክ ባርኪ ናጎይታኔ ጾሳ ዎሶይታ። አያናይ እንግንቲ የዝን አሾ ዳቡሬዛ» ዬጌዛ።
MAT 26:42 የሱሳ ማ ናምእንꬃ Ꮊንጊ ዎሲ፥ «ታ አዳዮ፥ ታኒ Ꮊ መቶ ጹአይፕ ኡዠካዝን ኣꬆዳይስ ዳንዳእንቶዋ ባዝ ማቅኮ ነ ሸናይ ሀኖ» ዬጊ ጾሳ ዎሴዛ።
MAT 26:43 ማካ ማቂ የኦዳር ኤ ታማርታይ ገንታ ጋምን፥ ዎይኤዝን ደንጌዛ።
MAT 26:44 ማካ ኡንታን አሺ Ꮊንጊ፥ ቲና ጌዝ ቃላቶ እዞ ማሂ ሃይꬒንꬆ ዎሴዛ።
MAT 26:45 የይፕ ጉየ፥ ፋ ታማርታይኮ ይኢ፥ «Ꮊኖ ሄሎዳይስ ገንታላኔ ሸምፖል የኔ? ይኬ ገንቶይታ። ይኬ፥ አስ ናአይ፥ ናጋራ ኦꬅዝታይ ኩሸ ኣꬊ እንግንትዛ ሳታይ ሄሌዛ።
MAT 26:46 ደንዲ የꬎይታ፥ ታና ኣꬂ እንግዛይ Ꮊይሼ ሄሌዛ» ዬጌዛ።
MAT 26:47 የሱሳ ሀጋ የያ ኦድንቶዳር፥ ታጶ ናምኢ ታማርታይፕ ፐታይ፥ ይሁዳ የኤዛ። ቄሰ ሀላቅታይኔ ጋደ ጭምታይ ኪቴዝ ጋመ አሳይ ማሻኔ ጉፈ አይኬዝታይ ኤዛር ዎላ የኤዛ።
MAT 26:48 የሱሳ ኣꬂ እንግዝ ይሁዳ የ ጋመ አሳይኮ፥ «ታኒ ዬርዛይ ይ ኮይዛይ ኤዛ፥ ኤዛ አይኮይታ» ዬጊ ማላ እንጊ ጋዴዛ።
MAT 26:49 ኤልሲ የሱሳኮ ሺቂ፥ «አስታማራዮ፥ ሳሮ ኔስ ማቆ» ዬጊ ኤዛ ዬሬዛ።
MAT 26:50 የሱሳ ኤዝኮ፥ «ታ ዳባዮ፥ ኔኒ አብስ የኤኔ» ዬጌዛ። የይፕ ጉየ፥ ሺቂ፥ ፋ ኩሻ የሱሳል ጋዲ አይኬዛ።
MAT 26:51 የሱሳር የዝታይፕ ፐታይ ፋ ማሻ ሾዲ ቄሰ ሀላቃይ አይላ ሾጪ፥ ኤ ሀያ ጋቺ ኦሌዛ።
MAT 26:52 ዝን የሱሳ፥ «ነ ማሻ ጉየ ሾካይድ ማሆባ። አብስ ጊኮ፥ ማሻ ሾድዝ ኡቢታይ ማሻር Ꮊይቆዳ።
MAT 26:53 ታ፥ ታ አዳና ዎስዛኮ ጋመ ሙኩሎ ፓይድንትዝ ኪታንችታ ዳኮዳይስ ዳንዳኦዋ ባዝ ኔስ ኣዝኔ?
MAT 26:54 የያ ማቅኮ፥ ጾሳ ቃላይድ Ꮊይ ጋርክ ሀኖዳይስ ቤዝዛ ግንትንትዛይ ዋይዚ ፖልንቶደ?» ዬጌዛ።
MAT 26:55 የ ሳተ፥ የሱሳ የ ሺቄዝ ጋመ ዎያይኮ፥ «ታና ፓኖ ማሂ አይኮዳይስ ማሻኔ ጉፈ አይኪ የኤኔ? ታኒ ጾስ ኬꬃ ጋላስ ጋላስ ታማርስታር ይንታር የዝ ዎደ ይ ታና አይክበኤካያ።
MAT 26:56 ዝን Ꮊይ ኡባይ ሀኔዛይ ናብታይ ጾስ ቃላይድ ጻፌዛይ ፖልንቶዳይ ጋርከ» ዬጌዛ። የ ዎደ ኤ ታማርታይ ኡቢታይ ኤዛ አሺ ቆስንቴዛ።
MAT 26:57 የሱሳ አይኬዝታይ ቄሰ ሀላቃ ቀያፋኮ ኤዛ ካንጌዛ። ኤዛይድ ህገ አስታማርታይኔ ቢታ ጭምታይ ሺቂ የዛ።
MAT 26:58 ዝን ጵጽሮሳ ቄሰ ሀላቃይ ዛባ ሄሎዳይስ ሃኮር ኤዛ ካሌዛ። ኤ ዉርስꬃ በአዳይስ ዛባ ገሊ ናግዝታይር በቴዛ።
MAT 26:59 ቄሰ ሀላቅታይኔ ሺቄዝ አስ ኡቢታይ የሱሳ ዎꬎዳይስ ኤዛል አፋ ዎርዶ ማርካ ኮዬዛ።
MAT 26:60 ጋምታይ ይኢ ኤዛል አፋ ዎርዶ ማርካ ማርካቴዛ፥ ዝን አብካ ደንገካያ። ጉየፕ ናምኢ አሳይ ይኢ፥
MAT 26:61 «Ꮊ አꬃይ፥ ‹ታኒ ጾሳ ኬꬃ ላሊ ሀይꬒ ጋላሳር ማሂ ኬጾዳይስ ዳንዳእዛ› ጌዛ» ዬጌዛ።
MAT 26:62 ቄስታይ ሀላቃይ ደንዲ ኤቂ የሱሳኮ፥ «Ꮊይትታይ ነና ሞትዛ ሞታይስ ኔኒ ማህዝባዝ ባሳ?» ዬጌዛ።
MAT 26:63 ዝን የሱሳ ስእ አቴዛ። ማካ ቄሰ ሀላቃይ፥ «ታኒ ነና ደኦ ጾሳ ሱንꬃር አይክዛ፤ ኔኒ ጾሳ ናአ ክርስቶሳ ማቅኮ ኑስ ኦዶባ» ዬጌዛ።
MAT 26:64 የሱሳ ማሂ፥ «የያ ነ ጌዛ። ዝን ታኒ ይንትስ ኦድዛ፤ Ꮊይፕ ጉየ፥ አስ ናአይ ዎልቃማ ጾሳ ኡሻች ባጋር በቴዝን፥ ሳሎ ሻራር የኦዳር ይ በአዳ» ዬጌዛ።
MAT 26:65 የ ዎደ ቄሰ ሀላቃይ ፋ አፍላ ፔꬊ፥ «Ꮊያ ቦኦይታ ጾስ ጫዤዛ! ኑና ሀራ ማርካ አብ ኮሼ? ኤ Ꮊት ጫዤዛና ይ ስኤዛ።
MAT 26:66 ይ ቆፋይ አባ?» ዬጌዛ። ኡንትካ፥ «ኤዝስ Ꮊይቆ ቤዝዛ» ዬጊ ማሄዛ።
MAT 26:67 የ ዎደ፥ ኡ ኤ ስናይድ ጩቲ ዡልቴዛ፥ Ꮊንክታይ ኤዛ ባቂ፥
MAT 26:68 «ክርስቶሳ! ነና ሾጬዛይ ኦኖ? አን ኑስ ትንቢተ ኦዶባ» ዬጌዛ።
MAT 26:69 ጵጽሮሳ ዛባይድ በቴዝን፥ ፐቲ ጋꬍንዳታ ኤዝኮ ይኢ፥ «ኔካ ጋልላ የሱሳር ዎላ የዛ ባሳ» ዬጌዛ።
MAT 26:70 ዝን ኤ ኡ ኡቢታይ ቲና የ ጋꬍንዳትኮ፥ «ነ ግዝ ባዛይ አብዛኮ ታ ኤሮያ» ዬጊ ካዴዛ።
MAT 26:71 ማ Ꮊንጊ ጋሰ ፐንገኮ ሄሎዳር Ꮊንካት ኤዛ ብኢ፥ እዘ የዛ አሳይኮ፥ «Ꮊ አꬃይ ናዝረተ የሱሳር የዛ» ዬጌዛ።
MAT 26:72 ጵጽሮሳካ ናምእንꬆ ጫቂ፥ «ታኒ የ አꬃ ኤሮያ!» ዬጌዛ።
MAT 26:73 ጽቃ ጋምኦዳር፥ እዘ ኤቄዝ አሳይ ጵጽሮሳኮ ይኢ፥ «ኔካ ቱሮ ኡንታር ዎላ የዛ ባይ፤ ኔኒ ነ ናሻይር ኤርንትዛ» ዬጌዛ።
MAT 26:74 የይፕ ጉየ፥ ጵጽሮሳ፥ «ታኒ የ አꬃ ኤሮያ!» ዬጊ፥ ፋና ባድꬅኔ ጫቆ አይኬዛ። የ ዎደ እዝር ሹጉላ ኡኬዛ።
MAT 26:75 የሱሳ ኤዝኮ፥ «ኔኒ ሹጉላ ኡኮዳይፕ ቲና ታና ሀይꬒ ቶኬ ካዶዳ» ጌዛና ጵጽሮሳስ ኤልቂ ግን፥ ባለ ከዚ ዱካ ሱꬅ ዬኬዛ።
MAT 27:1 ዎንታ ጉራ ቄሰ ሀላቅታይኔ ጋደ ጭምታይ ኡቢታይ የሱሳና ዎꬎዳይስ ቶቤዛ።
MAT 27:2 ኡንቲ የሱሳ አጪ ካንጊ ጋደ አቅስዝ ጵላጾሳስ ኣꬂ እንጌዛ።
MAT 27:3 የ ዎደ የሱሳና አይꬅዝ ይሁዳ፥ ጵላጾሳ የሱሳል አፋ ፕርዴዛና ብኢ፥ ቂራቲ፥ የ ሀስታም ብራ ቄሰ ሀላቅታይስኔ ጋደ ጭምታይስ ጉየ ማሄዛ።
MAT 27:4 «ታኒ ጌሽ አስ Ꮊይቆስ አꬂ እንጊ ናጋራ ኦꬂዛ» ዬጌዛ። ዝን ኡንቲ፥ «የይ ኑ መቶ ባያ ነ መቶ» ዬጌዛ።
MAT 27:5 ይሁዳ ምሽቶ ጾስ ኬꬃ ኦሊ አሺ ኡ ላንቃይፕ Ꮊንጊ፥ ሶትንቲ Ꮊይቄዛ።
MAT 27:6 ቄሰ ሀላቅታይ ሚሻ ኤኪ፥ «Ꮊ ሚሻይ ሱꬅ ሚሸ ማቄዝ ግሾስ ኑኒ ጾስ ካራ ሚሸር ዋላኮዳይስ ቤዞያ» ዬጌዛ።
MAT 27:7 የይፕ ጉየ፥ ዎላ ቶቢ፥ በተ አስ ሞጎዳይስ ዢጨ ቢታ ዎንጌዛ።
MAT 27:8 የይ ግሾስ፥ የ ጋዳይ Ꮊይኖ ሄሎዳይስ ሱꬅ ቢታ ግንትንቲ ጼግንትዛ።
MAT 27:9 የ ዎደ ናበ ኤርማሳ ጌዛይ ጋርክ «እስሬለ ናእታይ ዋቼዝ ኤ ጋታ ሀስታም ብራ ኤኬዛ
MAT 27:10 ጎዳይ ታና አዛዜዛይ ጋርክ ዢጨ ቢታ ዎንጎዳይስ እንጌዛ» ጌዛይ የ ዎደ ፖልንቴዛ።
MAT 27:11 የሱሳ ጋደ አቅስዛ ጵላጾሳ ቲና ሺቅን፥ ጵላጾሳ ኤዝኮ፥ «ኔኒ አይሁደ ካቶ» ዬጊ ኦይጬዛ። የሱሳ ማሂ፥ «ነ ጌዛ» ዬጌዛ።
MAT 27:12 ቄሰ ሀላቅታይኔ ጋደ ጭምታይ ኤዛ ሞቶዳር ኡንትስ አባ ማልሰካ ማሄካያ።
MAT 27:13 የ ዎደ ጵላጾሳ የሱሳኮ፥ «Ꮊይትታይ ነና ሞትዛ ሞታ ኡባ ነ ስኦሳ?» ዬጌዛ።
MAT 27:14 የሱሳ ሀራ አቶዝን፥ ፐቲ ቃላካ ማሃም እጽን፥ ጋደ አቅስዛይ Ꮊይ ማላባዝ ጌዛ።
MAT 27:15 ጋደ አቅስዛይ ላይꬃ ላይꬃ ፓዝቃ ባለ ቦንችዛ ጋላስ፥ ዎያይ ኮይዝ ፐቲ አስ አቻፕ ብልእዝ ዎጋ የዛ።
MAT 27:16 የ ዎደ ፐቲ ባርባና ግዝ ዳፋር ኤርንቴዝ ኢታ አሳይ አች ኬꬃ የዛ።
MAT 27:17 የይ ግሾስ፥ ጋመ አስ ሺቂ የዝን ጵላጾሳ፥ «ታኒ ይንትስ ባርባና፥ ብሎነ የሱሳ ግዝ ክርስቶሳና ብልኦ?» ዬጊ ዎያ ኦይጬዛ።
MAT 27:18 ኤ የያ ጌዛይ ኡ ቅናቲ የሱሳ ኣꬂ እንጌዛና ኤርዛ ግሾስ።
MAT 27:19 ጵላጾሳ ፕርደ ካራ በቴዝን፥ ኤ ማቻት፥ «ታኒ Ꮊይኖ ቃማ አቡካር ኤ ባጋ ኢታ ዋይታር አቄዝ ግሾስ የ ጌሽ አꬃይል አፋ አባባዝካ ኦꬂፐ» ዬጊ ኪቴዛ።
MAT 27:20 ዝን ቄሰ ሀላቅታይኔ ጋደ ጭምታይ ጵላጾሳ ባርባና ብልኢ፥ የሱሳ ዎꬎድ ጋርክ፥ ዎያይ ኤዛ ዎሶድ ጋርክ፥ ዎያ ዶሼዛ።
MAT 27:21 ጵላጾሳ ማሂ ኡንትኮ፥ «ታኒ ኡ ናምአይፕ ይንትስ ኦና ብሎድ ጋርክ ኮይኔ?» ዬጊ ኦይጬዛ። ኡ፥ «ባርባና ብሎድ ጋርክ ኑ ኮይዛ» ዬጌዛ።
MAT 27:22 ጵላጾሳ፥ «የዝን፥ የሱሳ ግዝ ክርስቶሳ አብ ኡዶ?» ዬጊ ኡንታን ኦይጬዛ። ኡባይ ማሂ፥ «ሶትንቶ» ዬጌዛ።
MAT 27:23 ጵላጾሳ ዎያይኮ፥ «አብሶ? ኤ አብ ኢታ ባዝ ኦꬅኔ?» ዬጊ ኦይጬዛ። ዝን አሳይ ቲናሳይፕ አꬂ፥ «ማዝቃለል አፋ ኤዛ ሶቶባ» ግ ኡኬዛ።
MAT 27:24 ጵላጾሳ ጫቦ ደንꬅꬆፕ ሀራ አባባዝካ ኦꬆዳይስ ዳንዳእንታምዛ ብኢ፥ ዉርሲ ሃꬃ ኤኪ፥ «Ꮊ አꬃይ Ꮊይቃይድ ታኒ ባያ። የያ ኦꬅዛይ ይንታን» ዬጊ ዎያ ቲና ፋ ኩሸ ሜጬዛ።
MAT 27:25 አስ ኡቢታይ ማሂ፥ «ኤ ሱꬃይ ኑላኔ ኑ ናእታይል አፋ ማቆ» ዬጌዛ።
MAT 27:26 የዝን፥ ጵላጾሳ ባርባና ኡንትስ ብልኢ፥ የሱሳ ጋራፊ፥ ማዝቃለል አፋ ሶትንቲ Ꮊይቆድ ጋርክ ኣꬂ እንጌዛ።
MAT 27:27 የይፕ ጉየ፥ ጵላጾሳ ዎታዳርታይ የሱሳና ጋደ አቅስዛይ ዛባ ካንግን፥ ዎታዳርታይ ኤ ካላይድ ሺቄዛ።
MAT 27:28 ኤ አፍላ ቃሪ ኤኪ ዞቆ አፍላ ማእሴዛ።
MAT 27:29 ማ አንጉꬅ ዛዉደ ኮቺ፥ ኤ ኦማይል ጋዴዛ። ኤ ኡሻች ኩሻይድ ሾምቦቆ ጉፈ አይꬂ፥ ኤ ቲናይድ ቡንቂቲ፥ «አይሁደ ካታዮ ሳሮ ኔስ ማቆ!» ዬጊ፥ ኤዛል አፋ ቃልዴዛ።
MAT 27:30 ኤዛል አፋ ጩቴዛ። የ ሾምቦቆ ጉፋ ኤኪ፥ ኤ ኦማይድ ሾጬዛ።
MAT 27:31 ኡንቲ ኤዛል አፋ ቃልዴዛይፕ ጉየ ዞቆ አፍላ ኤፕ ቃሪ ኤኪ፥ ኤ አፍላ ኤዛ ማእስ ሶቶዳይስ ኤኪ ካንጌዛ።
MAT 27:32 ኡንቲ ባለ ከዚ፥ ፐቲ ስሞና ግዝ ቀረና ቢታ አꬃ ደንጊ፥ የሱሳ ማዝቃላ ዎልቃር ቶሴዛ።
MAT 27:33 ጎልጎታ ግዝ አቆ ሄሌዛ። «ጎልጎታ» ጉሳይ «ኦማ ኦታ አቆ» ጉሲ።
MAT 27:34 የይድ ኡ ጭዠር ዋላክንቴዝ ዎይነ ኡሺ ኡዦ ግ ኤስ እንጌዛ። ዝን ኤ የያ ጋንጺ ብኢ፥ ኡዣም እጼዛ።
MAT 27:35 ኡንቲ ማዝቃለል አፋ ኤዛ ሶቴዛይፕ ጉየ ኤ አፍላ ሻኪ፥ እጻ ኦሊ ኤኬዛ።
MAT 27:36 የይፕ ጉየ፥ ኤዛይድ በቲ ኤዛ ናጌዛ።
MAT 27:37 ማ፥ «Ꮊይ አይሁደ ካት የሱሳ» ዬግዝ ኤ ዳፋ ቤዝዝ ሞቶ ጹፈ ኤ ኦማ አቻ ጋዴዛ።
MAT 27:38 የሱሳር የ ዎደ ናምኢ ፓንታይፕ ፐታ ኤፕ ኡሻች ባጋር፥ Ꮊንካ ኤፕ ሀድርስ ባጋር፥ ማዝቃለል አፋ ሶቴዛ።
MAT 27:39 ኦገር ኣꬅዝ አሳይ ፋ ኦማ ኤንእስታር የሱሳ ጫዥታር፥
MAT 27:40 «ጾስ ካራ ላሊ ሀይꬒ ጋላስ ጋንጨ ኬጽዛዮ፥ ነና አሾባ። ኔኒ ጾስ ናአ ማቅኮ፥ አን ማዝቃላይፕ ዎꬎባ» ዬጌዛ።
MAT 27:41 የይ ጋርከካ፥ ቄሰ ሀላቅታይ፥ ህገ አስታማርታይኔ ቢታ ጭምታይ ዎላ የሱሳል አፋ ቃልዴዛ። Ꮊይ ጋርክ ዬጌዛ፦
MAT 27:42 «ሀራ አሳ አሼዛ፥ ዝን ፋና አሾዳይስ ዳንዳኤካያ። ኤ እስሬለ ካት ማቅኮ፥ አን ማዝቃላይፕ Ꮊት ዎꬎ፥ ኑካ ኤዛ አማኖዳ።
MAT 27:43 ጾሳል ኤ አማንንትዛ፥ ጾሳይ ኤዛ አሾዳይስ ኮይኮ አን አሾ። አብስ ጊኮ፥ ኤ ፋና፥ ‹ታኒ ጾስ ናአ› ግዛ» ዬጌዛ።
MAT 27:44 ማ ሀራ አቶዝን፥ ኤዛር ማዝቃለል አፋ ሶትንቴዝ ፓንታይፕ ፐታይ Ꮊይ ጋርክ ግ ኤዛል አፋ ቃልዴዛ።
MAT 27:45 ኡሱፑን ሳተፕ Ꮊንጊ፥ ኡዱፉን ሳተ ሄሎዳይስ ቢታ ኡባይ ꬉሜዛ።
MAT 27:46 ኡዱፉን ሳተ ማቄዛን ጋርክ የሱሳ፥ «ኤሎሄ፥ ኤሎሄ፥ ላማ ሳባቅታኒ?» ግ ግታ ኡፎ ኡኬዛ። «ኤሎሄ፥ ኤሎሄ፥ ላማ ሳባቅታኒ?» ጉሳይስ ብርሽꬃይ «ታ ጾሳዮ፥ ታ ጾሳዮ፥ ታና አብስ አሻሬ?» ጉሲ።
MAT 27:47 ኤዛይድ ኤቄዝ አሳይፕ ፐታይ ፐታይ የያ ስኢ፥ «Ꮊ አꬃይ ኤላሳ ጼግዛ» ዬጌዛ።
MAT 27:48 እዝር ኡንታፕ ፐታይ ዎጺ Ꮊንጊ፥ ዛንዛር ጫላ ዎይነ ኡሽ ኤኪ። የያ ሾምቦቆ ጉፈ ጼራል ጋዲ ኡሾዳይስ ኤ ዶናይኮ ኡክꬅዛ።
MAT 27:49 ዝን Ꮊንክታይ፥ «አሾይታ፥ ኤላሳ ኤዛ አሾዳይስ የኦዳዛኮ አን ዎላ በአዳ» ዬጌዛ።
MAT 27:50 የሱሳ ናምእንꬆ ግታ ኡፎ ኡኪ፥ Ꮊይቄዛ።
MAT 27:51 የ ሳታይድ ጾስ ካራ ሶጽንቴዝ ማጋራዣይ ዎኮ ጼራፕ የኮ ጼራ ሄሎዳይስ ናምኢ ከዚ፥ ፐርእንቲ ዎꬌዛ። ቢታ ኤንኤዛ፥ ዛልታይካ ጳልቂንቴዛ።
MAT 27:52 ዱፍታይ ዶይንትን ጌሽ አስታይፕ ጋምታይ Ꮊይቆፕ ደንዴዛ።
MAT 27:53 የሱሳ Ꮊይቆፕ ደንዴዛይፕ ጉየ ኡንቲ ዱፎፕ ከዚ፥ ጌሽ ካታማ ቅቴዛ፤ ኤዛይድ ኡንደና አሳይስ በንቴዛ።
MAT 27:54 ማቶ ሀላቃይኔ ኤዛር የሱሳ ናግዛ ዎታዳርታይ ቢታይ ኤንኤዛኔ አቃይድ ሀኔዝባዛ በኤዝ ዎደ ጋመ ያሽቲ «ቱማ Ꮊይ ጾስ ናአ» ዬጌዛ።
MAT 27:55 የይድ ጋመ ማችታይ፥ ጋልላፕ አይኪ የሱሳ ማድታር ካሌዝታይ ሃኮር ኤቂ ብእዛ።
MAT 27:56 ኡ ጋንጨ ማግዴላ ማይራማ፥ ያይቆባራኔ ዮሴፋ እንዳት ማራማኔ ዛብዶሳ ናእታይ እንዳት የዛ።
MAT 27:57 ሳአ ለምእለምኦዳር ዮሴፋ ግዝ ፐቲ ዱረ አꬃይ፥ አርማታሳ ካታማፕ የኤዛ። ኤ ፋ ኡባስካ የሱሳ ካልዛ አሲ።
MAT 27:58 ዮሴፋ ጵላጾሳኮ Ꮊንጊ፥ የሱሳ አሃ ኤኮዳይስ ዎሴዛ። ጵላጾሳ አሃይ ዮሴፋስ እንግንቶድ ጋርክ አዛዜዛ።
MAT 27:59 የሱሳ አሃ ኤኪ፥ ጌሽ አፍላር ሳዋጼዛ።
MAT 27:60 ሹቻፕ ዎጬዝ ኦሮꬅ ዱፎ ጋንጨ አሃ ጋዴዛ። ማ የ ዱፋይ ዶናይድ ዳማ ሹች ጎልእሲ ጋዲ ቅቴዛ።
MAT 27:61 ማግዴላ ማይራምራ Ꮊንኮ ማይራማ የ ዱፋይኮ ማቂ በቴዛ።
MAT 27:62 ዎንትꬃ ማላ ጋላስ፥ ቄሰ ሀላቅታይኔ ፈርሳውታይ ጵላጾሳኮ ይኢ፥ Ꮊይ ጋርክ ዬጌዛ፦
MAT 27:63 «ጎዳዮ፥ Ꮊ ባልꬅዛይ ፓꬅ የዛር፥ ‹ታኒ ሀይꬒ ጋላሳፕ ጉየ Ꮊይቆፕ ደንዶዳ› ዬጌዛይ ኑስ ኤልቂ ጌዛ።
MAT 27:64 የይ ግሾስ፥ ኤ ሞግንቴዝ ዱፋ ሀይꬒ ጋላስ ሄሎዳይስ፥ ሚንꬂ ናጎድ ጋርክ አዛዞባ። የይ ሀናም እጽኮ፥ ኤ ታማርታይ Ꮊንጊ ኤ አሃ ካስቲ ꬋብሲ፥ ‹Ꮊይቆፕ ደንዴዛ› ዬጊ ዎያይስ ኦድኮ ናምእንꬆ ባልꬃይ ቲናሳይፕ ኡባ Ꮊና ኢቶዳ» ዬጌዛ።
MAT 27:65 ጵላጾሳ ኡንትኮ፥ «ይንትስ ናግዝታይ የዛ፤ Ꮊንጊ ይንትስ ዳንዳእንቴዛይ ጋርክ ናግሶይታ» ዬጌዛ።
MAT 27:66 የይ ግሾስ፥ ኡንቲ Ꮊንጊ ዱፋይ ቦችንታማይ ጋርክ ሹቻይል አፋ ማታመ አታሚ ዎታዳርታይር ዎላ ጎርዲ ናግሴዛ።
MAT 28:1 ማላ ጋላሳይ ኣꬌዝ ዎጋ ዎደ ጉራ፥ ማግዴላ ማይራምራ Ꮊንኮ ማይራማ የሱሳ ሞግንቴዝ ዱፋ በአዳይስ Ꮊንጌዛ።
MAT 28:2 ቆፐካ ዎልቃማ ቢታ ኤንኦ ሀኔዛ። ጎዳይ ኪታንቻይ ሳሎፕ ዎꬊ ዱፋይ ዶናይል የዝ ሹቻ ጎልእሲ ኤዛል አፋ በቴዛ።
MAT 28:3 ኤ ጭራይ ዜልንꬅ ኣዝዛ። ኤ አፍላይካ ሻች ጋርክ ቦꬅ።
MAT 28:4 ናግዝታይ ኪታንቻ ብኢ፥ ያሻር ኩኩሪ፥ Ꮊይቄዝ አስ ጋርክ ሀኔዛ።
MAT 28:5 ኪታንቻይ ማችታይኮ፥ «ያሽትፓተ ይ ማዝቃለል አፋ ሶትንቴዝ የሱሳ ኮይዛና ታ ኤርዛ።
MAT 28:6 ኤ ቲን ኦዴዛይ ጋርክ Ꮊይቆፕ ደንዴዛ፤ Ꮊይዳ ባያ። Ꮊና ይኢ ኤዛ ዎይꬄዝ አቃ ቦኦይታ።
MAT 28:7 ይ Ꮊት ኤልሲ Ꮊንጊ፥ ኤ ታማርታይስ፥ ‹የሱሳ Ꮊይቆፕ ደንዴዛ። ማ ኤ ይንትፕ ቲናቲ ጋልላ Ꮊማዳ፤ ይ ኤዛ ኤዛይድ በአዳ› ዬጊ ኦዶይታ። ታኒ ይንትስ Ꮊያ ኦዶዳይስ የኤዛ» ዬጌዛ።
MAT 28:8 ኡንቲ ያሽትታራኔ ጋመ ኡፋይትታር፥ ዱፋይ ላንቃይፕ ኤልሲ Ꮊንጊ፥ ኤ ታማርታይስ ኦዶዳይስ ዎጼዛ።
MAT 28:9 ቆፐካዝን የሱሳ ኡንታር ዎል ሄሊ ኡንትኮ፥ «ሳሮ ይንትስ ማቆ» ዬጌዛ። ኡንቲ ኤዝኮ ሺቂ፥ ኤ ቶካ አይኪ ኤዝስ ጎይኔዛ።
MAT 28:10 የ ዎደ የሱሳ ኡንትኮ፥ «ያሽትፓተ፤ Ꮊንጊ ታ ታማርታይ ጋልላ Ꮊማድ ጋርክ ኡንትስ ኦዶይታ። ኡ ኤዛይድ ታና በአዳ» ዬጌዛ።
MAT 28:11 የ ማችታይ Ꮊማዳር፥ ዱፋ ናግዛ ዎታዳርታይፕ ባግታይ ካታማ Ꮊንጊ፥ ሀኔዝባዛ ኡብታ ቄሰ ሀላቅታይስ ኦዴዛ።
MAT 28:12 ቄሰ ሀላቅታይኔ ጭምታይ ሺቂ ቶቢ፥ ዎታዳርታይስ ጋመ ሚሸ እንጌዛ።
MAT 28:13 «‹ኑኒ ገንቴዝን ኤ ታማርታይ ቃማ ይኢ፥ ኤ አሃ ካስቴዛ› ዬጎይታ።
MAT 28:14 Ꮊ ኦዳ ጋደ አቅስዛይ ስእኮ፥ የይ ይ ቡታ ባዛ ኑኒ ኤዛ ኦዲ አማንꬆዳ። ይንታን አብካ ህርግስፐ» ዬጌዛ።
MAT 28:15 ዎታዳርታይ ሚሸ ኤኪ፥ ኪትንቴዛይ ጋርክ ኡዴዛ። Ꮊ ኦዳይ አይሁድታይ ካለ Ꮊይኖ ሄሎዳይስ ኦድንትታር የዛ።
MAT 28:16 ታጶ ፐቲ ኤ ታማርታይ የሱሳ ኡንታን Ꮊንጎይታ ጌዝ ጋልላ ደረል አፋ Ꮊንጌዛ።
MAT 28:17 ኤዛይድ ኡንቲ ኤዛ በኤዝ ዎደ ኤዝስ ጎይኔዛ፥ ዝን ኡንታፕ ፐታይ ፐታይ ስꬌዛ።
MAT 28:18 የሱሳ ኡንትኮ ሺቂ፥ «ሳሎኔ ሳአ ማዉተ ኡባይ ታስ እንግንቴዛ።
MAT 28:19 ይኬ፥ ይንቲ ኡባ አቆ Ꮊንጊ፥ ዎንግላ ሳባኪ ታና ካልዝታ ማሆይታ፥ ኣዳ፥ ናአ፥ ጌሻ አያና ሱንꬃር ዎያ ኡባ ጻማቆይታ።
MAT 28:20 ታኒ ይንታን ኪቴዛ ኡባ ኡ ናጎድ ጋርክ ታማርሶይታ። ታኒ ዎደ ዉርስꬅ ሄሎዳይስ ኡባ ዎደ ታ ይንታር የዛ» ዬጌዛ።
MAR 1:1 Ꮊይ ጾስ ናአ የሱስ ክርስቶሳ ዎንግለ አይꬅ
MAR 1:2 ናበ ኢሳያሳ ጻፌዝ ማጻፋይ ጋንጨ ጾሳይ፥ «ዬዛኮ፥ ታኒ ታ ኪታ ናአ ኔፕ ቲና ዳኮዳ። ኤ ነ ኦጋ ፕጾዳ።
MAR 1:3 ፐታይ ሊዦ ጋꬋር ኡኪ ኦድታር፥ ‹ጎዳይስ ኦገ ፕጾይታ፤ ኤ የꬎዳይስ ጎሰ ኤዝስ ሉልሶይታ ጌዛ» ጊንቲ ጻፍንቴዛ።
MAR 1:4 ጻማቅዛ ዋንሳ አሳ ጻማቅታር፥ «ይ ናጋራይፕ ማቂ ጻማቅንቶይታ፤ ጾሳይ ይ ናጋራ ይንትስ አቶ ጎዳ» ዬጊ ቃላ ኦድታር ሊዦ ጋꬋፕ የኤዛ።
MAR 1:5 ይሁዳ ቢታ የዝ አስ ኡቢታይኔ የሩሳላመ ካታማ አስ ኡቢታይ ዋንሳኮ ይእዛ። ፋ ናጋራ ቡጽን፥ ዋንሳ ኡንታን ዮርዳኖሳ ቦርካ ጻማቅዛ።
MAR 1:6 ዋንሳ ግማለ እክሰፕ ዳድንቴዝ አፍላ ማእዛ። ፋ ጼሳይድ ዳፈ ዳንጭዛ፤ ማ ቦለራኔ ደገራ ኤሳራ ሚዛ።
MAR 1:7 ዋንሳ ቃላ ኦድታር፥ «ታፕ ጉየር ሎእꬂ ሚንግዛይ ይእዛ። ሀራ አቶዝን፥ ታ ኤ ጫማ ዎዶራ ዙጊ ብሎዳይስ ቤዞያ።
MAR 1:8 ታ ይንታን ሃꬃር ጻማቅዛ፥ ዝን ኤ ይንታን ጌሻ አያናር ጻማቆዳ» ዬጌዛ።
MAR 1:9 የሱሳ የ ዎደ ጋልላ ቢታ የዝ ናዝረተ ካታማፕ ይእን፥ ዋንሳ ዮርዳኖሳ ቦርካ ኤዛ ጻማቄዛ።
MAR 1:10 የሱሳ ሃꬃፕ ከዜዛን ጋርክ ሳሎ ዶይንትን፥ ጌሻ አያናይ ኤዛል አፋ ሆለ ጋርክ ዎꬋዳር በኤዛ።
MAR 1:11 ማካ፥ «ታ ቃꬊዛ ታ ናአይ ነና፤ ታ ኔል ኡፋይትዛ» ዬግዝ ግርꬂ ሳሎፕ የኤዛ።
MAR 1:12 እዝር ጌሻ አያናይ የሱሳ ሊዦ ጋꬋ ካንጌዛ።
MAR 1:13 የሱሳ ሊዦ ጋꬋ ጻላሄር ፓጭንትታር ኦይታም ጋላስ ጋምኤዛ። ዶእታይር የዜዛ፥ ዝን ኪታንችታይ ይኢ ኤዛ ማዴዛ።
MAR 1:14 ዋንሳ አጭንቴዛይፕ ጉየ የሱሳ ጾስ ካተትꬅ ዎንግለ ኦድታር ጋልላ ቢታ Ꮊንጌዛ።
MAR 1:15 «ላይꬃይ ሄሌዛ፤ ጾስ ካተትꬃይ ኡኬዛ። ይ ናጋራይፕ ማቂ፥ ዎንግላ አማኖይታ» ዬጌዛ።
MAR 1:16 የሱሳ ጋልላ አባ ላንቀር ኣꬊታር፥ ሞሎ አይክዝ፥ ስሞናራኔ ኤ እሻ እንድራሰራ፥ ፋ ግተ አባል አፋ ኦልዝታ በኤዛ።
MAR 1:17 ኡንትኮ፥ «ታና ካሎይታ፤ ታ ይንታን አስ አይክꬅ ታማርሶዳ» ዬጌዛ።
MAR 1:18 ኡንትካ እዝር ፋ ግትታ ኦሊ አሺ የሱሳና ካሎ አይኬዛ።
MAR 1:19 እዝፕ ጽቃል ቲን Ꮊንጊ፥ ናምኢ እሽታ ዛብዶሳ ናእታ፥ ያይቆባራኔ ዋንሳራ ዎጎሎ ጋንጨ ፋ ግተ ሎእꬅዝታ በኤዛ።
MAR 1:20 የሱሳ ኤልሲ ኡንታን ጼጌዛ። ኡንትካ ፋ ኣዳ ዛብዶሳ፥ ኤ ኦሶ አስታይር ዎጎሎ ጋንጨ ኦሊ አሺ ኤዛ ካሊ Ꮊንጌዛ።
MAR 1:21 ኡንቲ ቅፍርናሆመ ካታማ ገሌዛ። ማላ ጋላስ ሄሌዛን ጋርክ የሱሳ ኤልሲ አይሁደ ዎሳ ኬꬃ ገሊ ታማርሶ አይኬዛ።
MAR 1:22 ማዉተር የዝ አስ ጋርክ ታማርስዛፕ አትን ሀገ አስታማርታይ ጋርክ ታማርሶዋ ግሾስ አሳይ ኤ ትምርታ Ꮊይ ማላባዝ ጌዛ።
MAR 1:23 የ ዎደ ቱና አያና አይኬዝ ፐቲ አꬃይ አይሁድታይ ዎሳ ኬꬃ ገሊ ኡኪ፥
MAR 1:24 «ናዝረተ የሱሳ፥ ኔራኔ ኑር አባ አላለ የኔ? ኑና ꬋብሶዳይስ የኤኔ? ነ ኦኖዛኮ ታ ኤርዛ፤ ነ ጾሳ ጌሻ» ዬጌዛ።
MAR 1:25 የሱሳ ያ ቱና አያና፥ «ሀይዞባ፥ Ꮊ አꬃይፕ ከዞባ» ዬጊ አዛዜዛ።
MAR 1:26 ቱና አያናይ አꬃ ዛርድዛርድ ኡዲ፥ ጽላሲ ኡኪ ኤዛፕ ከዜዝ።
MAR 1:27 አሳይ ኡባይ ማላባዝ ግ፥ «Ꮊይ አባ? Ꮊ አꬃይ ፋ ማዉተር ሀራ አቶዝን ቱና አያንታካ አዛዝዛ። ኡንትካ ኤስ አዛዝንትዛ፤ Ꮊይ አባ ኦሮꬅ ትምርተ?» ዬጊ፥ ፋ ጋንጨር ፐታይ ፐታይ ዎል ኦይች አይኬዛ።
MAR 1:28 የሱሳ ዋራይ ኤልሲ ጋልላ አዉራጃ የዝ ሄራ ኡባ ከዜዝ።
MAR 1:29 የሱሳ የ ዎደ አይሁድታይ ዎሳ ኬꬃፕ ከዚ፥ ያይቆባራ ዋንሳራ ስሞና ካራኔ እንድራሰ ካራ ገሌዛ።
MAR 1:30 ስሞና ማቻቲ እንዳት ኦጸ ምሻ ሀርገር ዎይኢ የዝን የሱሳ እዘ ሄልን ኤዝስ ኦዴዛ።
MAR 1:31 ኤ እዝኮ ሺቂ፥ እ ኩሻ አይኪ፥ እዞ ደንꬂ ኤሴዛ። ኦጸ ምሻ ሀርጋይ ኤልሲ እዞ ዳክን እዛ ኡንታን ሞኬዛ።
MAR 1:32 ሀርግንቴዝ አሳ ኡብታኔ ቱና አያንታይ አይኬዝ አሳ ኡባ ኦማꬅ አዋ ገሊ ለምእለምኦዳር ኤዝኮ ከኤዛ።
MAR 1:33 ካታማ የዝ አስ ኡባይ ይኢ ኬꬃይስ ባለ ሺቄዛ።
MAR 1:34 የሱሳ ዱማ ዱማ ሀርገር አይክንቴዝ ጋመ አስታ ፓꬂ፥ ጋመ ቱና አያንታ ከሴዛ። ኤ ኦኖዛኮ ቱና አያንታይ ኤሬዛ። ዝን የሱሳ ኡንታን ናሾዳ ካዬዛ።
MAR 1:35 የሱሳ ዣባሮ ደንዲ፥ አሲ ባ አቆ ዎሶዳይስ Ꮊንጌዛ።
MAR 1:36 ስሞናራኔ ኤዛር የዝታይ ኤዛ ኮይታር Ꮊንጌዛ።
MAR 1:37 ኡንቲ ኤዛ ደንጊ፥ «አሳይ ኡቢታይ ነና ኮይዛ» ዬጌዛ።
MAR 1:38 የሱሳ ማ ኡንታን፥ «ሀራ አቆ ኡከ ሄርታ የꬎይታ። ታ የኤዛይ ዎንግለ ኦዶዳይስ ማቄዝ ግሾስ ኤዛይዳካ ቃላ ኦዶዳይስ ቤዝዛ» ዬጌዛ።
MAR 1:39 አይሁድታይ ዎሳ ኬꬅታይድ ቃላ ኦድታር፥ ቱና አያንታ ከስታር፥ ጋልላ ቢታ ኡባ ዉቴዛ።
MAR 1:40 ቦርቆንቶ ሀርገ አይኬዝ ፐቲ አꬃይ የሱሳኮ ይኢ፥ ኤ ቲናይድ ጹጉኒ፥ «ነ ቃꬊኮ ታና ጌሾዳይስ ዳንዳእዛ» ዬጊ ዎሴዛ።
MAR 1:41 የሱሳ ኤዝስ ቃꬊንቲ፥ ፋ ኩሻ ዳኪ ኤዛ ቦቺ፥ «ታ ኮይዛ፥ ጌዦባ» ዬጌዛ።
MAR 1:42 እዝር ቦርቆንታይ አꬃ ዳክን አꬃይ ኤልሲ ጌዤዛ።
MAR 1:43 የሱሳ አꬃይኮ ሚንꬂ ናግንቶባ ግ ሞይዜዛ።
MAR 1:44 የሱሳ ኤዛ፥ «ነና ኤሮባ፥ Ꮊኖ ኦስካ ኦድፐ። ዝን Ꮊንጊ ነ ጋላ ቄሰ ቤዞባ። ነ Ꮊት ጌሻ ማቄዛና አሳ ኤርሶዳይስ፥ ሙሰ ኪቴዝ ያርሾ ያርሾባ» ዬጊ ኪቴዛ።
MAR 1:45 ዝን አꬃይ Ꮊንጊ፥ ሄራ ኡባይድ አስስ ኦዴዛ። የይ ግሾስ፥ የሱሳ ቆንጨር፥ ካታማ ገሎዳይስ ዳንዳኤካያ። ዝን አሲ ባ አቆ ጋጻ የዜዛ፤ ማ አሲ ኡባ አቆፕ ኤዝኮ ይእዛ።
MAR 2:1 ጽቃ ጋላሳፕ ጉየ የሱሳ ቅፍርናሆመ ማቂ፥ ካራ የዛ ግዝ ዎረ ስንቴዛ።
MAR 2:2 ሺቄዝ አሳ ኬꬃይ ኤካም እጽን ሀራ አቶዝን ባላይካ ኡንኦድ ጋꬆ ጋመ አስ ሺቅን፥ የሱሳ ቃላ ታማርሴዛ።
MAR 2:3 ኦይዲ አስታይ ፐቲ ስላ አꬃ ቶኪ ኤዝኮ ከኤዛ።
MAR 2:4 አሳይ ጋንጌዝ ግሾስ አꬃ የሱሳኮ ሺሾዳይስ ኡንትስ ዳንዳእንታም እጽን፥ የሱሳ የዛ ባጋይር ኬꬃ ቃሪ፥ ሲትንጋ ቃዉጺ አꬃ ኤ ዎይኤዝ አርሳትራ ሱለ ዳኪ የሱሳ ቲናይድ ዎꬄዛ።
MAR 2:5 የሱሳ ኡ አማና ብኢ፥ ያ ስላ አꬃ፥ «ታ ናአዮ፥ ነ ናጋራይ አቶ ግንቴዛ» ዬጌዛ።
MAR 2:6 ህገ አስታማርታይፕ የ አቃይድ በንቴዝ ፐቲ ፐቲ አስታይ ፋ ዎዝናይር፥
MAR 2:7 «Ꮊ አꬃይ Ꮊይ ጋርክ ኢታ ባዝ ጾሳል አፋ አብስ ኦድንቴ? ጾስ ኣዳፕ አትን ሀራ ኦ ናጋራ አቶ ጎዳይስ ዳንዳኤ?» ዬጊ ቆፔዛ።
MAR 2:8 ኡ ፋ ዎዝናይድ የይ ጋርክ ቆፔዛና የሱሳ ኤልሲ ፋ አያናር ኤሪ፥ ኡንትኮ፥ «ይንቲ ይ ዎዝናይር አብስ Ꮊይ ጋርክ ቆፔ?
MAR 2:9 ስላ አꬃ፥ ‹ነ ናጋራይ አቶ ግንቴዛ› ግዛይ ሻዉክነኔ? ዎይ፥ ‹ደንዲ ኤቂ ነ አርሳ ቶኪ ቅቶባ› ግዛይ ሻዉከ?
MAR 2:10 ዝን ታስ፥ አስ ናአይስ፥ ሳአል አፋ የሳይ ናጋራ አቶ ጎዳይስ ዎልቃ የዛና ይ ኤሮድ ጋርክ» ዬጊ የ ስላ አꬃይኮ፥
MAR 2:11 «ታ ኔኮ Ꮊት ኦድዛ፥ ደንዲ ነ አርሳ ቶኪ ነ ካራ ቅቶባ» ዬጌዛ።
MAR 2:12 አꬃይ ኤልꬂ ደንዲ፥ ፋ አርሳ ቶኪ አስ ኡባይ ቲና ከዜዝ። አሳይ ኡባይ ማላባዝ ግ፥ «ኑኒ Ꮊይ ጋርክ ባዝ የሻ ብኢ ኤሮያ» ዬጊ ጾሳ ጋላቴዛ።
MAR 2:13 የሱሳ ማካ ጋልላ አባ ላንቀ Ꮊንጊ፥ ኤዝኮ የኤዝ አስ ኡብታ ታማርሴዛ።
MAR 2:14 ኤዛይር ኣꬎዳር፥ ኢልፎሳ ናአ ለወ ግንትንትዛይ ቃራጸ ጋችስዛ አቆ በቴዝን ብኢ፥ «ታና ካሎባ» ዬጌዛ። ለዋይ ደንዲ ኤዛ ካሌዛ።
MAR 2:15 የሱሳ ካꬃ ማዳይስ ለዋይ ካራ በቴዛ። ኤዛ ካልዛ አሳይ ጋመ ማቄዝ ግሾስ ቃራጸ ጋችስዛ ጋመ አሳይኔ ናጋራ ኦꬄዛ አሳይ ኤዛራኔ ኤ ታማርታይር ዎላ በቴዛ።
MAR 2:16 ህገ አስታማረ ማቄዝ ፐቲ ፐቲ ፈርሳወ አሳይ የሱሳ ናጋራ ኦꬄዝ አሳይራኔ ቃራጸ ጋችስዝታይር ካꬃ ማዳር ብኢ፥ «ኤ አብስ ናጋራ ኦꬄዝ አሳይራኔ ቃራጸ ጋችስዝታይር ካꬃ ሜ?» ዬጊ፥ ኤ ታማርታይር ዎል ኦይጬዛ።
MAR 2:17 የሱሳ ኡ ግዛና ስኢ፥ «አክመ ሀርግንትዝታይሳፕ አትን ፓꬅ አስስ ኮሾያ። ታኒ ናጋራ ኦꬄዝታ ጼጎዳይስ የኤዛፕ አትን ጽልታ ጼጎዳይስ የኤካያ» ዬጊ ኡንትስ ማሄዛ።
MAR 2:18 ጻማቅዛ ዋንሳ ታማርታይኔ ፈርሳውታይ ጾምዛዝን፥ ፐቲ ፐቲ አሳይ የሱሳኮ ይኢ፥ «ዋንሳ ታማርታይኔ ፈርሳውታይ ታማርታይ ጾምዛ፥ ዝን ነ ታማርታይ አብስ ጾሞሳ?» ዬጌዛ።
MAR 2:19 የሱሳ ኡንትኮ፥ «ማቾ ኤክዛይ ኡንታር የዝን ላዛንꬅታይ፥ ጾሞዳይስ ዳንዳእኔ? ማቾ ኤክዝ አꬃይ ኡንታር የዝን፥ ጾሞዳይስ ዳንዳኦያ።
MAR 2:20 ዝን ማቾ ኤክዛ አꬃይ ኡ ካለፕ ኤክንትዛ ቃማ የኦዳ፥ ኡ ያ ጋላስ ጾሞዳ።
MAR 2:21 «ጭማ አፍላል አፋ ኦሮꬅ እራፈ ጋዲ ስክዛ አሲ ባያ። ጋዲ ስክኮ፥ ኦሮꬃይ ጭማ አፍላና ፐርእዛ፤ ፐርእꬃይካ ቲናሳይፕ ዳልግዛ።
MAR 2:22 ማ ማልአንቶ ዎይነ ጭማ ኦጎሮ ጋንጨ ቡልዝ አሲ ባያ። ቡልዝ ማቅኮ፥ የ ዎይናይ ኦጎራና ꬉስዛ፥ ፋ ኡባስካ ላልንትዛ፥ ኦጎራይካ ኢትዛ። ዝን ማልአንቶ ዎይነ ኦሮꬅ ኦጎሮ ጋንጨ ቡልንትዛ» ዬጌዛ።
MAR 2:23 የሱሳ ፐቲ ማላ ጋላስ ባንጋ ጋደ ጋንጨር ኣꬎዳር፥ ኤ ታማርታይ ኤዛር ዎላ Ꮊንግታር ባንጋ ትዣ ምርኪ ሙስ አይኬዛ።
MAR 2:24 ፈርሳወ አሳይ የሱሳኮ፥ «የዝን፥ ነ ታማርታይ ማላ ጋላስ ዎጋ ባባዝ አብስ ኦꬄ?» ዬጌዛ።
MAR 2:25 የሱሳ ኡንትኮ፥ «ዳዉተ ናይንቲ፥ ሚዝ ባዝ ኮዤዝ ዎደ ፓር የዝታይር ኦꬄዛና ይ ናባበካሳ?
MAR 2:26 አብያታራ ቄሰ ሀላቃ ማቂ የዛ ዎደ ዳዉተ ጾሳ ኬꬃ ገሊ፥ ቄስታይ ኣዳ ማዳይስ በዝዛፕ አትን ኦንካ ማዳይስ ዎጋ ባባዝ ጎዳይ ቲና ጋዴዝ ያርሾ ሶሎ ሜዛ፥ ፓር የዝታይስካ እንጌዛ» ዬጌዛ።
MAR 2:27 ማካ የሱሳ ኡንትኮ፥ «ማላይ አስስ መꬍንቴዛፕ አትን አሲ ማላስ መꬍንተካያ።
MAR 2:28 የይ ግሾስ፥ አስ ናአይ፥ ሀራ አቶዝን ማላስካ ጎዳ» ዬጌዛ።
MAR 3:1 የሱሳ አይሁድታይ ዎሳ ኬꬅ ማቂ ገሌዛ። ኤዛይዳ ኩሸ ስሌዝ ፐቲ አꬃይ የዛ።
MAR 3:2 ፐቲ ፐቲ አሳይ የሱሳ ሞቶዳይስ ኮዪ፥ ኩሸ ስሌዝ አꬃ ማላ ጋላስ ኤ ፓꬆዳዛኮኔ አሾዳዛኮ በአዳይስ ኮዪ ሚንጊ ናግዛ።
MAR 3:3 የሱሳ ኩሸ ስሌዝ አꬃ፥ «ደንዲ Ꮊና ይኢ ኑ ጋንጨ ኤቆባ» ዬጌዛ።
MAR 3:4 የይፕ ጉየ፥ አስታይኮ፥ «ማላ ጋላስ ሎኦ ባዝ ኦꬅዛይ ዎጋኔ ኢታ ባዝ ኦꬅዛይ ዎጋ? አስ ሸምፖ አሾኔ ዎꬎ?» ዬጊ ኦይጬዛ። ዝን አሳይ ስኤ ጌዛ።
MAR 3:5 የሱሳ ሸንቲ ኡንታን ፋ ካላይር የዝታ ዳኪ ብኢ፥ ኡ ዎዝና ዶጬዝታ ማቄዝ ግሾስ ኡንታን ካጬዛ። ያ አꬃይኮ፥ «ነ ኩሻ ፕድ ኡዶባ» ዬጌዛ። አꬃይ ፕድ ኡድን ኤ ኩሽታይ ፓጼዛ።
MAR 3:6 ኤልሲ ፈርሳዋይ አይሁድታይ ዎሳ ኬꬃፕ ባለ ከዚ፥ የሱሳና ዋይዚ ዎꬎዳዛኮ ቶቦዳይስ ሄሮዶሳ ባግታይር ፐቲ ካራ ሺቄዛ።
MAR 3:7 የሱሳ ፋ ታማርታይር ጋልላ አባ ላንቀ Ꮊንጌዛ። ጋልላፐራ ይሁዳፕ የኤዝ ጋመ አሳይ ኤዛ ካሌዛ።
MAR 3:8 ማካ የሩሳላመፕ፥ ኤዶማሳፕ፥ ዮርዳኖሳ ሃꬅ ፕንꬃፐ፥ ጽሮሳ ካታማፐር ስዶና ግዝ ካታማፕ የሱሳ ኦꬄዝ ባዝታ ስኢ፥ ጋመ አሳይ ኤዝኮ የኤዛ።
MAR 3:9 ሺቄዝ አሳይ ጋመትꬃይፕ ደንዴዛይድ ኤዛ ዋይꬃም ጋርክ ኤ ታማርታይ ዎጎሎ ኤዝስ ሎእꬆዳይ ጋርክ አዛዜዛ።
MAR 3:10 ጋመ አስታ ኤ ፓꬄዝ ግሾስ ሀርግንትዛ አሳይ ኡቢታይ ኤዛ ቦቾዳይስ ኡርቅንትዛ።
MAR 3:11 ቱና አያና አይኬዝ አስታይ ኤዛ በኤዛን ጋርክ ኤ ቲና ጹጉኒ፥ ፋ ቃላ ꬎቅ ኡዲ፥ «ነ ጾስ ናአያ ባሳ?» ዬጌዛ።
MAR 3:12 የሱሳ ኡንታን ፋ ሱንꬃ ኦስካ ኦዳማይ ጋርክ ሚንꬂ አዛዜዛ።
MAR 3:13 የሱሳ ደረል አፋ ከዚ፥ ፋ ኮዤዝ አስታ ፋኮ ጼጌዛ፤ ኡንትካ ኤዝኮ Ꮊንጌዛ።
MAR 3:14 ኡንትካ ፓር የዞዳይ ጋርከኔ ቃላ ታማርሶዳይ ጋርክ ታጶ ናምእታ ዶሪ፥ ኡንታን፥ «ሀዋርታ» ግ ጼጌዛ።
MAR 3:15 ቱና አያንታካ ከሶዳይ ጋርክ ኡንትስ ማዉተ እንጌዛ።
MAR 3:16 ኤ ዶሬዝ ታጶ ናምእታይ Ꮊይትታ፦ ጵጽሮሳ ዬግንቲ ጼግንትዝ ስሞና፥
MAR 3:17 ቦአነርገሰ (ዳዳ ናእታ) ዬጊ ሱንꬅ ጋዴዝታ፥ ዛብዶሳ ናእታ ያይቆባራኔ ያይቆባ እሻ ዋንሳ፥
MAR 3:18 እንድራሰ፥ ፍልጶሳ፥ ባርቶሎሞሳ፥ ማቶሳ፥ ቶማሳ፥ ኢልፎሳ ናአ ያይቆባ፥ ታዶሳ፥ ካናነፕ ማቄዝ ስሞናራኔ፥
MAR 3:19 የሱሳ ኣꬂ እንጌዝ አስቆሮቶ ይሁዳ።
MAR 3:20 የይፕ ጉየ፥ የሱሳ ካራ ገሌዛ። ማ ጋመ አሳይ ሺቅን፥ ኤዛራ ኤ ታማርታይ ሀራ አቶዝን ካꬃ ማዳይስካ ዳንዳኤካያ።
MAR 3:21 አሳይ ኤዛ፥ «ኤይዛ» ግዝ ግሾስ ኤ ዳብታይ የያ ስኢ ኤዛ አይኮዳይስ Ꮊንጌዛ።
MAR 3:22 ህገ አስታማርታይፕ ፐታይ ፐታይ የሩሳላመፕ ይኢ፥ «ኤዛል አፋ ብኤልዘቡላ የዛ»፥ ኤ፥ «ጻላሄ ዎልቃር ጻላሄ አያንታ ከስዛ» ዬጊ ዎላ ኦድንቴዛ።
MAR 3:23 የሱሳ አስታ ፋኮ ጼጊ ኣዝሶ ኦዴዛ። «ጻላሄ ጻላሄ ዋይዚ ከሶዳይስ ዳንዳኤ?
MAR 3:24 ፐቲ ካተትꬃይ ፋ ጋንጨ ሻኮ ከስኮ ያ ካተትꬃይ ኤቆዳይስ ዳንዳኦያ።
MAR 3:25 የይ ጋርክ፥ ፐቲ ካራ አሳይካ ዎል ጋንጨ ሻኮ መꬍኮ ꬋቦዳይፕ አትን የዞዳይስ ዳንዳኦያ።
MAR 3:26 ይኬ፥ ጻላሄ ዎልር ሞርክንቲ ዱጽኮ ꬋቦዳይፕ አትን የዞዳይስ ዳንዳኦያ።
MAR 3:27 «ዝን ቲናቲ ዎልቃማ አꬃ አጨካዛር ኤ ካራ ገሊ፥ ኤ ሻላ ቦንቆዳይስ ዳንዳእዛ አሲ ባያ። አጪ ማቄዛይፕ ኤ ካራ ቦንቆዳይስ ዳንዳእዛ።
MAR 3:28 «ታ ይንትስ ቱሮ ኦድዛ፤ ጾሲ አስ ናእታይስ ናጋራ ኡባኔ ኡ ጫዤዝ ጫሽ ኡባ አቶ ጎዳ።
MAR 3:29 ዝን ጌሻ አያናል አፋ ኢታ ባዝ ኦድንትዛ ኦስካ መꬍናስ ናጋራ ማቆዳይፕ አትን ጾሲ ኡባራካ ኤዛ ማራሚ» ዬጌዛ።
MAR 3:30 የሱሳ የያ ጌዛይ፥ አሳይ፥ «ኤዛል አፋ ቱና አያና የዛ» ዬጌዝ ግሾሲ።
MAR 3:31 ኤ እንዳትኔ ኤ እሽታይ ይኢ ባለ ኤቂ፥ ኤዛ ጼግሴዛ።
MAR 3:32 ኤ ላንቀ በቴዝ ጋመ አስታይ፥ «ነ እንዳትራኔ ነ እሽታይር ባለ ኤቂ ነና ኮይዛ» ዬጌዛ።
MAR 3:33 የሱሳ ማሂ፥ «ታ እንዳት ኦኖ? ማ ታ እሽታይ ኣይታ?» ዬጌዛ።
MAR 3:34 ፋ ካለ በቴዝ አሳ ዩዪ ብኢ፥ «ታ እንዳትኔ ታ እሽታይ Ꮊይትታ።
MAR 3:35 ጾስ አዛዞ ኦꬅዝ ኡቢታይ ታ እሸ፥ ታ ምሾ ታ ኣዮ» ዬጌዛ።
MAR 4:1 የሱሳ ማካ ጋልላ አባ ካለ ታማርሶ አይኬዛ። አቆፕ ኣꬌዝ ጋመ አስታይ ኤ ላንቃይር ሺቅን፥ አባይል የዝ ዎጎላይ ጋንጨ ገሊ በቴዛ፥ አሳይ ኡቢታይ አባ ላንቀ የዛ።
MAR 4:2 ኤ ኡንታን ጋመ ባዝ ኣዝሶር ታማርሴዛ። ታማርስታር Ꮊይ ጋርክ ዬጌዛ፦
MAR 4:3 «ስኦይታ! ፐቲ አꬃይ ዘርꬅ ዘሮዳይስ ከዜዝ።
MAR 4:4 ኤ ዘሮዳር፥ ፐቲ ፐቲ ዘርꬃይ ኦገ አቻ ዎꬌዛ፤ ካፍታይ ይኢ ሜዛ።
MAR 4:5 ፐቲ ፐቲ ዘርꬃይ ስስንቆ ኣዳ የዝ ቢታል አፋ ዎꬌዛ። አፋር ቢታ ባዛይ ግሾስ የ ዘርꬃይ ኤልሲ ዶሌዛ።
MAR 4:6 ዝን አዋ ከዜዝ ዎደ ሹሌዛ። ሎእꬂ ጻጶ ዳከካ ግሾስ ኤልሲ መሌዛ።
MAR 4:7 ፐቲ ፐቲ ዘርꬅታይ አንጉꬅ ጋንጨ ዎꬌዛ። ዶሌዛኖ አንጉꬂ ድጪ ጩሌዝ ግሾስ ኣፈ ኣፋም እጼዛ።
MAR 4:8 ፐቲ ፐቲ ዘርꬅታይ አራዳ ቢታል ዎꬊ ዶሌዛ። ድጪ ፐታይ ሀስታም፥ ፐታይ ኡሱፑንታም ፐታይ ጼት ኣፌዛ» ዬጌዛ።
MAR 4:9 «ስእዝ ሀየር የዝ ኦንካ ስኦ» ዬጌዛ።
MAR 4:10 የሱሳ ካለር የዝ አስታይኔ ታጶ ናምኢ ታማርታይ የሱሳ ፋ ኣዳ የዝን፥ ኤዝኮ ሺቂ ያ ኣዝሳይስ ብልእꬃ ኦይጬዛ።
MAR 4:11 የሱሳ ኡንትኮ Ꮊይ ጋርክ ዬጌዛ፦ «ይንትስ ጾስ ካተትꬂ ጹራ ኤረትꬂ እንግንቴዛ። ዝን Ꮊንክታይስ ካተትꬃፕ ባለ የዝታይስ ኡባ ባዝ ኣዝሶር ኦድንትዛ።
MAR 4:12 የይካ፥ « ‹ኡ ቢእዛ፥ ዝን ደንጎያ። ስእዛ፥ ዝን አካኮያ። ኡ ደንግዛኮኔ አካክዛኮ፥ ጾስኮ ማቆዳ ኤዝካ ኡንታን ማሮዳዝኒ› » ዬጌዛ።
MAR 4:13 የሱሳ ኡንትኮ፥ «Ꮊ ኣዝሳይ ይንትስካ ገሎሳ? የዝን፥ Ꮊንኮ ኣዝስታ ኡባ ይ ዋይዚ አካኮዴ?
MAR 4:14 ዘርዛይ ጾስ ቃላ ዘርዛ።
MAR 4:15 ቃላይ ዘርንቶዳር ኦገ ካንታ ዎꬌዝታይ ቃላ ስኤዝታ። ዝን ጻላሄ እዝር ይኢ፥ ኡ ዎዝናይድ ዘርንቴዝ ቃላ ማጺ ኤኬዛ።
MAR 4:16 የይ ጋርክ፥ ስስንቆ የዝ ቢታይል ዘርንቴዛይ ቃላ ስኢ፥ ኤልሲ ኡፋይቲ ኤክዝታ።
MAR 4:17 ዝን ኡንትስ ጻጶ ባዛይ ግሾስ ጨረ Ꮊተሳፕ አትን ጋምኦያ። ጽቃ ዎደፕ ጉየ ቃላ ግሾ መቶ ዎይ ባይእꬂ ሄልኮ ኤልሲ ꬉብንትዛ።
MAR 4:18 አንጉꬅ ጋንጨ ዘርንቴዛይ ቃላ ስእዝታ።
MAR 4:19 ዝን Ꮊ ሳአ የስስ ህርጋ፥ ዱረትꬅ ቃኔ ሀራ ባዝ አሞትꬂ ኤ ዎዝናይድ ገሊ ቃላ ጩልዛ ግሾስ ኣፈ ኣፈካዛር አትዛ።
MAR 4:20 ዝን አራዳ ቢታል ዘርንቴዝታይ ቃላ ስኢ ኤክዝታ። ኡንትካ ፐታይ ሀስታም፥ ፐታይ ኡሱፑንታም ፐታይ ጼት ኣፍዛ» ዬጌዛ።
MAR 4:21 የሱሳ ጉጂ፥ «ጾምፐ አይꬂ፥ ኦታ ጋንጨ ዎይ አርሳ ኦሞ ጋድዝ አሲ የኔ? ꬎቃ አቆ ጋዶሳኔ?
MAR 4:22 ይኬ፥ ቆስንቴዝ ባዝ ኡቢታይ ከዘካዛር፤ ዙርንቴዝ ባዝ ኡባይ ፕ በንተካዛር አታሚ።
MAR 4:23 ስእዝ ሀየ የዝ ኦንካ ስኦ» ዬጌዛ።
MAR 4:24 ማ ኡንትኮ፥ «ይንቲ ስእዝ ባዝ አካኪ ስኦይታ! ጾስ ቃላ ይ ስእዛን ጋርክ ኤ ይንትስ አካካ እንጎዳ። ይ ማክዝ ባዛር ይንትስ ማኮዳ። ኤዛይፐካ ይንትስ ጋንꬂ እንጎዳ።
MAR 4:25 ፐቲ ባዝ የዛ አꬃይስ ጉጅንቲ እንግንቶዳ፥ ባዛይፕ ሀራ አቶዝን፥ የዛን እዛካ ኤፕ ኤክንቶዳ» ዬጌዛ።
MAR 4:26 የሱሳ ማሂ፥ «ጾሳ ካተትꬃይ ፋ ጋደ ዘርꬅ ዘርዝ አስ ጋርከ።
MAR 4:27 የ አꬃይ ቃማ ገንትዛ፤ ጉራ ጎዲ ደንድዛ። ኤ ዋይዛኮ ኤረካዝን ያ ዘርꬃይ ዶሊ ድጭዛ።
MAR 4:28 ቢታታ ፋ ኣዳስ ካꬃ እንግዛ። ቲና ጫረ፥ የይፕ ኣፎዳይስ ጋምቡጽዛ፥ ዉርስꬃላ ኩንꬅ ኣፈ ኣፍዛ።
MAR 4:29 ዝን ካꬃይ ማጾስ ሄልኮ አꬃይ ኤልሲ ማጾ አይክዛ» ዬጌዛ።
MAR 4:30 የሱሳ፥ «ኑኒ ጾስ ካተትꬂ አብ ኣዝዛ ጎደ? ዎይ አባር ኣዝሶዴ?
MAR 4:31 ጾስ ካተትꬃይ ሳናፍጨ ኣፈ ኣዝዛ። የ ምꬃቲ አፋ ዘሮዳር ሳአ የዝ ምꬂ ኣፈ ኡባይፕ ጽቅዛራ
MAR 4:32 ዘርኮ ዶሊ ድጪ ምꬅ ኡባይፕ ኣꬊዝ፤ ግታ ሻቆ ከስዛ። ሳሎ ካፍታይ እ ሻቃይል አፋ ኬጺ በቶድ ጋꬆ ዳዥዛ» ዬጌዛ።
MAR 4:33 የሱሳ Ꮊይ ጋርክ ኡንደና ኣዝሶ አስታይ አካኮዳይስ ዳንዳእዛይ ጋርክ ቃላ ኦዴዛ።
MAR 4:34 አሳይስ ኣዝሶ ባዝን ኦዶያ። ዝን የሱሳ ፋ ታማርታይር ኣዳ የዛ ዎደ ኡንትስ ብልኢ ኦዴዛ።
MAR 4:35 የ ጋላስ ሳአይ ኦማꬅን፥ የሱሳ ፋ ታማርታይኮ፥ «አባፕ ሰኮ ፕኖ ዎላ ፒንጎዳ» ዬጌዛ።
MAR 4:36 ኤ ታማርታይ ዎይታ ኦሊ አሺ፥ የሱሳ ቲና ገሊ በቴዝ ዎጎልተ ገሊ የሱሳና ፓር ካንጌዛ። ሀራ ዎጎልታይ ኤዛይድ የዛ።
MAR 4:37 ዎልቃማ ጎተካ ደንዲ፥ ዎጎላይ ጋንጨ ሃꬂ ኩሞድ ጋꬆ ዙላይ ሾጬዛ።
MAR 4:38 የ ዎደ የሱሳ ዎጎላይስ ጉየ ባጋር ቦርኮꬂ ገንቴዛ። ኤ ታማርታይ ኤዛ ደንꬂ፥ «አስታማራዮ፥ ኑኒ ꬋቦዳር ነ ስኤ ግ ብእኔ?» ዬጌዛ።
MAR 4:39 ኤ ባርኪ ጎታና፥ «ስኤ ጎባ» ዬጊ፥ አባናካ፥ «ሀይዞባ» ጌዛ። ጎታይካ ስኤ ግን ኡባ ባዝ ጭጭርክ ጌዛ።
MAR 4:40 የሱሳ ፋ ታማርታይኮ፥ «Ꮊይ ጋርክ ይንታን ያሾዳይ አባ? ይንትስ አማኖ አብስ ꬋቤኔ?» ዬጌዛ።
MAR 4:41 ኡንቲ ኢታ ያሻ ያሽቲ ዎል ጋንጨ፥ «Ꮊይ ሀራ አቶዝን፥ ጎተነ አባ አዛዝንትዛይ ኦኖ?» ዬጌዛ።
MAR 5:1 የሱሳራኔ ኤ ታማርታይ አባ ፒንጊ፥ ገርገሶና ግዝ ጋደ ሄሌዛ።
MAR 5:2 የሱሳ ዎጎላይፕ ዎꬌዛን ጋርክ ቱና አያና አይኬዝ ፐቲ አꬃይ ዱፎፕ ከዚ ኤዛ ሄሌዛ።
MAR 5:3 የ አꬃይ ዱፎ ጋንጨ አቅታር ፔዥታር የዛ። ኤዛ ኦንካ ሳንꬃላተር አጮዳይስ ዳንዳኦያ።
MAR 5:4 ኤ ጋመ ዎደ ዱኩልንቲ ሳንꬃላተር አጭንቲ የዛ። ዝን ሳንꬃላታ ዱስርꬅዛ፥ ዱꬃካ መንꬅርꬅዛ። ኤዛ ካዮዳይስ ዳንዳእዛ ኦንካ ባያ።
MAR 5:5 ኤ ቃማኔ ጋላስ ያ ዱፋይዳኔ ደረል አፋ ኡክዛ፥ ፋ ጋላካ ሹቻር ካርዛ።
MAR 5:6 የሱሳና ሃኮር ብኢ ዎጺ Ꮊንጊ ኤ ቲናይድ ጹጉኒ ጎይኔዛ።
MAR 5:7 የ አꬃይ ፋ ቃላ ꬎቅ ኡዲ፥ «ኡባይፕ ኣꬎ ጾሳ ናአ የሱሳ፥ ነናኔ ታና አባ ሄልꬅዛይ? ታና ꬋብሳማይ ጋርክ ታ ነና ጾሳ ሱንꬃር ዎስዛ» ዬጌዛ።
MAR 5:8 ኤ የያ ጌዛይ የሱሳ ኤዛ፥ «ናት Ꮊ ቱና አያናዮ፥ Ꮊ አꬃይፕ ከዞባ» ዬጊ ኪቴዝ ግሾሲ።
MAR 5:9 የሱሳ ኤዝኮ፥ «ነ ሱንꬃይ ኦኖ?» ዬጊ ኦይጬዛ። ኤ፥ «ኑኒ ጋመ ማቄዝ ግሾስ ታ ሱንꬃይ ሌጎና» ዬጌዛ።
MAR 5:10 ቱና አያንታይ ፋና ያ ጋዳይፕ ከሲ ዳካማይ ጋርክ የሱሳና ሚንꬂ ዎሴዛ።
MAR 5:11 የ ደራይል አፋ ጋመ ጉዳይለ ዉደ ሄንግንትዛ።
MAR 5:12 ቱና አያንታይ የሱሳኮ፥ «ኑና ሰኮ ጉዳይለ ዉዳይኮ ዳኮየ፥ ኡ ጋንጨ Ꮊንጊ ኑ ገሎዳ» ዬጊ ዎሴዛ።
MAR 5:13 የሱሳ ኡንትኮ፥ «ቅቶይታ» ዬጌዛ። ዬግን ቱና አያንታይ አꬃይፕ ከዚ ጉዳይልታይል ገሌዛ። ናምኢ ሙኩለ ማቆድ ጉዳይለ ዉዳይ ጋጋ ዶናር ድርጊ Ꮊንጊ አባ ጋንጨ ገሊ ምትንቴዛ።
MAR 5:14 ጉዳይለ ዉደ ሄንግዝታይ ያሽቲ Ꮊንጊ ሀኔዝባዛና ካታማስኔ ጋጻረስ ኦዴዛ። የይፐ አሳይ ሀኔዝባዛና በአዳይስ ከዜዝ።
MAR 5:15 አሳይ የሱሳኮ ይእታር ቱና አያናይ ኤፕ ከዜዝ አꬃ በኤዛ። ኤ ዎዝናይ ማቅን፥ አፍላ ማኢ፥ ኤዛይድ በቴዛና ብኢ ኡቢታይ ያሽቴዛ።
MAR 5:16 የያ በኤዝ አስታይ ቱና አያንታይ አይኬዛ አꬃይል አፋኔ ጉዳይልታይል አፋ ሀኔዝባዛና ኡባ አስስ ኦዴዛ።
MAR 5:17 የይ ግሾስ፥ አሳይ ፋ ቢታይፕ የሱሳ ከዚ ቅቶዳይ ጋርክ ዎሴዛ።
MAR 5:18 የሱሳ ዎጎላይል አፋ ከሳዳር ቲን ቱና አያና አይኪ ዳኬዝ አꬃይ፥ የሱሳር Ꮊማዳይስ ኤዛ ዎሴዛ።
MAR 5:19 ዝን የሱሳ እጺ ኤዝኮ፥ «ነ ካራ ማቂ፥ ጎዳይ ኔስ አብ ጋርክ ማሮትꬅ ኦꬄዛኮ ኔስ ዋፋ ኬሄዛኮ ነ ካራ አሳይስ ኦዶባ» ዬጌዛ።
MAR 5:20 አꬃይ Ꮊንጊ ታጲ ካታማ ግንትዝ አቆ ዩዪ፥ የሱሳ ኤዝስ አብ ጋርክ ማሮትꬅ ኦꬄዛኮ ኦዴዛ። ኤ ኦዴዛና ስኤዝ አስ ኡቢታይ ማላባዝ ጌዛ።
MAR 5:21 የሱሳ ማቂ፥ ዎጎሎ ጋንጨ ገሊ፥ አባ ፒንጌዛይፕ ጉየ ጋመ አሳይ አባ ጋጻ ኤ ካለ ሺቄዛ።
MAR 5:22 ኢያሮሳ ግዝ አይሁድታይ ዎሳ ኬꬅ ሀላቅታይፕ ፐታይ፥ የሱሳና በኤዝ ዎደ ኤዝኮ ይኢ ኤ ቶካይል አፋ ዎꬊ፥
MAR 5:23 «ታ ናአታ ሀርግንቲ Ꮊይቆድ ሀንዛ። እዛ ፓጾድ ጋርክ ይኢ ነ ኩሸ እዝል አፋ ጋዶዬ» ዬጊ የሱሳና ሚንꬂ ዎሴዛ።
MAR 5:24 የሱሳ ኢያሮሳር Ꮊንጌዛ። ኤ Ꮊማዳር ጋመ አስ ኤዛ ካልታር ኡርቅꬄዛ።
MAR 5:25 ታጶ ናምኢ ላይꬅ እዝላፕ ሱꬂ ጎጌዝ ፐቲ አስታ የዛ።
MAR 5:26 ጋመ አክምታይ እዞ አክሜዝን፥ እዛ ፓꬅ ኤቃ ካእንትዛ። እዛ ፋ ሚሻ ኡባ ዉርስንካ ኢስ Ꮊና ኢቴዛይፕ አትን አብካ እዞ ማደካያ።
MAR 5:27 የ አስታ የሱሳ ዋራ ስኤዝ፥ ግሾስ አሳይፕ ኣꬊ የሱሳስ ጉይጉꬃር ይኢ ኤ አፍላ ቦቼዛ።
MAR 5:28 እዛ፥ «ታ ሀራ አቶዝን ኤ አፍላ ማንቻቶ ቦቼዛኮ ፓጾዳ» ግ ቆፔዛ።
MAR 5:29 እዝፕ ጎግዝ ሱꬃይ እዝር ኤቂ አቴዛ። እዛ ፋ ዋያይፕ ፓጼዛና ፋ ጋላይል ኤሬዛ።
MAR 5:30 የሱሳ ኤልሲ ፓፕ ዎልቃ ከዜዛና ፋ ኡባስ ኤሪ፥ ጋመ አሳይ ጋንጨ ጉየ ማቂ፥ «ታ አፍላ ቦቼዛይ ኦኖ?» ዬጌዛ።
MAR 5:31 ኤ ታማርታይ፥ «አሳይ ነና ኡርቅዛ ብእታር፥ ‹ኦኖ ታና ቦቼዛይ ዬጊ ዋይዚ ኦይጨ?› » ዬጌዛ።
MAR 5:32 የሱሳ የያ ኦ ኦꬄዛኮ ኤሮዳይስ ዩዪ በኤዛ።
MAR 5:33 ዝን አስታ ፓስ ሀኔዝባዛና ኤሪ፥ ያሻር ኩኩርታር ይኢ የሱሳ ቲናይድ ጉጲንጊ፤ ፋ ጽላት ኡባ ኤስ ኦዴዛ።
MAR 5:34 ዬይን፥ የሱሳ እዝኮ፥ «ታናአተ፥ ነና ነ አማናይ ፓꬄዛ፥ ሳሮ Ꮊንጎባ፥ ነ ዋያይፐካ ፓጾባ» ዬጌዛ።
MAR 5:35 የሱሳ ሀጋ Ꮊያ ኦዶዳር፥ አይሁደ ዎሳ ኬꬅ ሀላቃይ ካራፕ ኪትንቴዝ አስታይ ይኢ፥ «ነ ናአታ Ꮊይቄዛ፥ Ꮊት አስታማራ አብስ ዳቡርሰ?» ዬጌዛ።
MAR 5:36 ዝን የሱሳ ኡ ግዛና ስኢ፥ አይሁድታይ ዎሳ ኬꬅ ሀላቃይኮ፥ «አማኖ ኣዳ አማኖባፕ አትን ያሽትፐ» ዬጌዛ።
MAR 5:37 የሱሳ ጵጽሮሳፕ፥ ያይቆባፐኔ ያይቆባ እሻ ዋንሳፕ ሀራ ኦንካ ፋና ካላማይ ጋርክ ካዬዛ።
MAR 5:38 ኡንቲ አይሁደ ዎሳ ኬꬅ ሀላቃይ ካራ ሄሎዳር የሱሳ አሳይ ዬኮዳር፥ ዘላሎዳራኔ ኡኮዳር በኤዛ።
MAR 5:39 ገሊ አስታይኮ፥ «Ꮊ ኡባ ዬፋይኔ ኡፋይ አብሶ? ናአታ ገንቴዛፕ አትን Ꮊይቀካያ» ዬጌዛ።
MAR 5:40 አሳይ ኤዛ ለቂ ሚጬዛ። ዝን አስ ኡብታ ባለ ከሲ፥ ናአቲ ኣዳ፥ እንዳቶኔ ሀይꬒ ታማርታ ፓር ኤኪ ናአታ የዛበሳ ገሌዛ።
MAR 5:41 የሱሳ ናአቲ ኩሻ አይኪ፥ «ጻልታ፥ ኩሚ» ጌዛ። ብልꬃይካ (ጽቃ ናአተ፥ ነና ግዛ ደንዶባ) ጉሲ።
MAR 5:42 እዛ ታጶ ናምኢ ላይꬅ ናአዛር እዝር ደንዲ ኤቂ የꬍꬅ አይኬዛ። የይካ ሀኔዛ ብኢ አሳይ ማላባዝ ጌዛ።
MAR 5:43 የሱሳ የያ ኡ ኦስካ ኦዳማይ ጋርክ ኡንታን ሚንꬂ አዛዜዛ። ናአትስ ሚዝ ባዝ እማድ ጋርክ ኦዴዛ።
MAR 6:1 የሱሳ የይፕ ከዚ፥ ፋ ታማርታ ካልꬂ፥ ፋ ካታማ ናዝረተ ቅቴዛ።
MAR 6:2 ማላ ጋላስ አይሁደ ዎሳ ኬꬃ ታማርሶ አይኬዛ። ኤ ታማርስዛና ስኤዝ ጋመ አሳይ Ꮊይ ማላባዝ ግ፥ «Ꮊይ Ꮊ ኡባ አናፕ ደንጌኔ? Ꮊይ ኤስ እንግንቴዝ ኤጨትꬃይ ዋፋ? Ꮊ ማላትታ ኦꬅዛ ማዉታይ ኤስ ዋይዚ እንግንቴነ?
MAR 6:3 Ꮊይ አናጻ ባሳ? ማይራሚ ናአ፥ ያይቆባ፥ ዮሳ፥ ይሁዳራኔ ስሞና እሻ ባሳ? ኤ ምሹንꬅካ ኑር Ꮊኔ የዙንꬁን ባሳኔ?» ዬጊ፥ ኤ ኦድዛና ኤካም እጼዛ።
MAR 6:4 የሱሳ የ አስታይኮ፥ «ናበ ፋ ጋደላ፥ ፋ ዳብታይዳኔ ፋ ካራ አስ ጋንጨ ቦንችንቶያፕ አትን Ꮊንክታይ ካለ ቦንችንትዛ» ዬጌዛ።
MAR 6:5 ኤ የ አቃይድ ፋ ኩሻ ሀርግንትዛ ጽቃ አስታይል አፋ ጋዲ ፓꬄዛይፕ አትን ሀራ ማላታ ባዝ ኦꬆዳይስ ዳንዳኤካያ።
MAR 6:6 አሳይ አማናም እጼዝ ግሾስ ፓላ ባዝ ጌዛ። የይፕ ጉየ፥ የሱሳ የ ሄራፕ ሀራ ሄራ ታማርሴዛ።
MAR 6:7 የሱሳ ታጶ ናምኢ ታማርታ ፋኮ ጼጊ፥ ናምኤ ናምኤ ዎል ሄልꬂ ኪቴዛ። ኡንትስ ቱና አያንታይል አፋ ማዉተ እንጌዛ።
MAR 6:8 ኡንታን፥ «ኦገስ ጉፈ ኣዳፕ አትን ካꬃ፥ ቁርቦ፥ ይ ኪሰ ሚሸ አባባዝካ አይክፓቴ።
MAR 6:9 ይ ቶኬ ጫማ ኣꬆይታ፥ ዝን ላመ አፍላካ አይክፓተ» ዬጌዛ።
MAR 6:10 ማካ፥ «ይንታን አሲ ሞኬዝ ካራ አባካ ማቅን የ አቃቶ አሺ ቅቶድ ጋꬆ የ ካርቴ ጋምኦይታ።
MAR 6:11 ይንታን አሲ ሞኮዋ ካራ ዎይ ይ ኦድዛ ባዝ ስኦዋ ካራ አባካ ማቅኮ፥ የ ቢታተ የዝ አሳይስ የይ ማርካ ማቃዳይ ጋርክ የ አቃይፕ ከዝታር፥ ይ ቶካይፕ ቡልአ ትቅሶይታ» ዬጌዛ።
MAR 6:12 ታጶ ናምኢ ታማርታይ Ꮊንጊ፥ አሳይ ፋ ናጋራይፕ ማቃዳይ ጋርክ ቃላ ኦዴዛ።
MAR 6:13 ኡንቲ አሳይፕ ጋመ ቱና አያንታ ከሴዛ። ጋመ ሀርግንቴዝታ ዛይተ ትዢ ፓꬄዛ።
MAR 6:14 የሱሳ ሱንꬃይ ኡባ አቆ ከዜዛይ ግሾስ ካታይ ሄሮዶሳ ኤ ባጋ ስኤዛ። ፐቲ ፐቲ አሳይ፥ «ጻማቅዛ ዋንሳ Ꮊይቆፕ ደንዴዛ፥ የይ ባጋር Ꮊ ማላትታ ኦꬅዛይ ኤዛ» ዬጌዛ።
MAR 6:15 ባግታይ፥ «Ꮊይ ኤላሳ» ዬጌዛ። Ꮊንክታይ ማ፥ «Ꮊይ ብኒ ዎደ ናብታይፕ ፐታይ ጋርክ ማቅꬅ አታሚ» ዬጌዛ።
MAR 6:16 ዝን ሄሮዶሳ የያ ስኢ «Ꮊይ ታ ቆ ጋችሴዝ ጻማቅዛ ዋንሳ ኤ Ꮊይቆፕ ደንዴዛ» ዬጌዛ።
MAR 6:17 ሄሮዶሳ ፋ እሻይ ፍልጶሳ ማቻቶ ሄሮዳዳ ኤኬዝ ግሾስ ዋንሳ አይꬂ አጭሴዛ።
MAR 6:18 ዋንሳ ሄሮዶሳ፥ «ነ ነ እሻይ ማቻቶ ኤኮዳይስ ቤዞያ» ዬጌዛ።
MAR 6:19 ሄሮዳዳ ዋንሳ ፋ ኡሎር ሞርኪ ኤዛ ዎꬍሶዳይስ ኮዬዛ፥ ዝን ዳንዳኤካያ።
MAR 6:20 ዋንሳ ጽሎኔ ጌሽ አስ ማቄዛና ሄሮዶሳ ኤሬዝ ባጋር ኤዝስ ያሽቲ ሚንꬂ ናጌዛ። ሄሮዶሳ ዋንሳ ናሻ ስኢ ኡፋይትዛራካ ሞርእዛ።
MAR 6:21 ሄሮዶሳ ፋ የልንቴዝ ጋላሳ ቦንቾዳይስ ጋደ አቅስዝታይስ፥ ሻላቅታይስኔ ጋልላ የዝ ዳማ አሳይስ እማቶ ጊግሴዛ። የይ ሄሮዳዳስ ሎኦ ጋላስ ማቄዛ።
MAR 6:22 ሄሮዳዳ ናአታ እማꬅ ሞክንትዛ አቃይድ ገሊ ዶንጊ፥ ሄሮዶሳኔ ኤ እማꬅታ ኡፋይሴዛ። ካታይ ናአትስ፥ «ነ ኮይዝ ባዝ አብ ማቅኮካ ታና ኦይጮባ፥ ታ ኔስ እማዳ» ዬጌዛ።
MAR 6:23 ማ እዝስ ጫቂ፥ «ነ ኦይጭዝ ባዝ አብ ማቅኮካ፥ ታ ኔስ እማዳ። ሀራ አቶዝን፥ ታ ካተትꬃይ ባጋ ማቅኮካ ታ ኔስ እማዳ» ዬጌዛ።
MAR 6:24 ናአታ ባለ ከዚ ፋ እንዳትኮ፥ «አብ እንጎባ ግ ኦይጮ?» ግ ኦይጬዛ። እ እንዳት፥ «ጻማቅዛ ዋንሳ ኦማ እንጎ ጎባ» ዬጌዛ።
MAR 6:25 ናአታ ኤልሲ ካታይኮ Ꮊንጊ፥ «ጻማቅዛ ዋንሳ ቆꬋትፕ ጋቺ ፕልኦ ጋንጨ ጋዲ Ꮊት ታስ እማዳይ ጋርክ ታ ኮይዛ» ዬጌዛ።
MAR 6:26 ዬግን ካታይ ኡንደና ቂራꬌዛ ዝን ፋ እማꬅታይ ግሾ እዝስ ጫቄዝ ፋ ጫቃ መንꬆዳይስ ኮየካያ።
MAR 6:27 የይ ግሾስ፥ ኤልሲ ናግዛ አꬃ ዋንሳ ኦማ ኮኦዳይ ጋርክ ኪቴዛ። ናግዛ አꬃይ አች ኬꬅ Ꮊንጊ ዋንሳ ቆꬋ ጋቼዛ።
MAR 6:28 የ ጋችንቴዝ ኦማ ፕልኦ ጋንጨ ጋዲ ክኢ ናአትስ እንጌዛ። ናአታካ ማ ፋ እንዳትስ እንጌዛ።
MAR 6:29 ዋንሳ ታማርታይ የያ ስኤዝ ዎደ Ꮊንጊ ኤ አሃ ኤኪ ካንጊ ሞጌዛ።
MAR 6:30 ሀዋርታይ ማቂ ይኢ የሱሳኮ ሺቂ ኡ ኦꬄዝባዝኔ ታማርሴዛ ባዝ ኡባ የሱሳስ ኦዴዛ።
MAR 6:31 ኡንትኮ ይእዛ አሳይኔ ቅትዛ አሳይ ጋንጌዝ ግሾስ የሱሳራኔ ኤ ታማርታይ፥ ሀራ አቶዝን ካꬃ ማዳይስካ ኡንትስ ዎደ ꬋቤዛ። ዬይን፥ የሱሳ ኡንትኮ፥ «ኑስካ ጽቃል ሸምፕ ኤኮዳይስ አሲ ባ አቆ የꬎይታ» ዬጌዛ።
MAR 6:32 የይ ግሾስ፥ ኡንቲ ፋ ኣዳስ ዎጎሎ ጋንጨ ገሊ አሲ ባ አቆ Ꮊንጌዛ።
MAR 6:33 ኡ Ꮊማዳር ጋመ አስታይ ኡንታን ብኢ ኤሬዛ። የዝን፥ ካታማ ኡባፕ አሲ ቶከር ዎጺ Ꮊንጊ ኡ Ꮊንግዛ አቃይድ ኡንታፕ ቲናቲ ሄሌዛ።
MAR 6:34 የሱሳ ዎጎሎፕ ዎꬊ ጋመ ዎያ በኤዛ። አሳይ ሄንግዝ አሲ ባ ዱር ጋርክ ማቄዛና ብኢ ኡንትስ ቃꬊንቲ ኡንታን ጋመ ባዝ ታማርሴዛ።
MAR 6:35 ሳአይ አዋ ኣꬎዳር የሱሳ ታማርታይ ኤዝኮ ይኢ፥ «Ꮊ አቃይ ሊዦ፤ Ꮊት ሳአይ ኦማꬄዛ።
MAR 6:36 አሳይ ሄራራኔ ካታማር Ꮊንጊ ፓስ ሚዝ ባዝ ዎንጎድ ጋርክ አሳ ዳኮባ» ዬጌዛ።
MAR 6:37 ዝን የሱሳ ማሂ ኡንትኮ፥ «አሳይስ ሚዝ ባዝ ይ እንጎይታ» ዬጌዛ። ኡ፥ የዝን «ኑኒ Ꮊንጊ ናምኢ ጼት ዲናረር ሶሎ ዎንጊ እማደኔ?» ዬጊ ኦይጬዛ።
MAR 6:38 የሱሳ ኡንትኮ፥ «ይንትስ ኣፑን ሶሎ የኔ? አን Ꮊንጊ ቦኦይታ» ዬጌዛ። ኡ ብኢ፥ «እችን ሶሎራኔ ናምኢ ሞሎር የዛ» ዬጌዛ።
MAR 6:39 የሱሳ ፋ ታማርታ አሳ ኡባ ጩጋር ጩጋር ሻኪ ማታል በትꬆዳይ ጋርክ ኪቴዛ።
MAR 6:40 አሳይ ባጋይ ጼት፥ ባግታይ እሻታም ማቂ ጩጋር ጩጋር ሻክንቲ በቴዛ።
MAR 6:41 የሱሳ እችን ሶሎራኔ ናምኢ ሞልታ ኤኪ፥ ሳሎ ብኢ ጾሳ ጋላቴዛ። ሶላ ዱꬂ አሳይስ ግሾዳይ ጋርክ ፋ ታማርታይስ እንጌዛ። ማ ናምኢ ሞልታ ኡ ኡቢታይስ ሻኬዛ።
MAR 6:42 አስ ኡቢታይ ም ምዤዛ።
MAR 6:43 አቴዝ ሶሎ ጉፋኔ ሞሎ ጉፋ፥ ኤ ታማርታይ ታጶ ናምኢ ሌማተ ኩንꬅ ደንꬄዛ።
MAR 6:44 ሶሎ ሜዝ ꬊራꬅ አስታይ ኣዳ እችን ሙኩለ ማቃዳ።
MAR 6:45 ኤልሲ የሱሳ ፋ ታማርታይ ዎጎሎ ጋንጨ ገሊ፥ አባፕ ሰኮፍኖ የዝ ቢታ ቤተሳይዳ Ꮊንጎዳይፕ ቲናቲ ቅቶዳይ ጋርክ ኪቴዛ።
MAR 6:46 አሳ ሞይዜዛይፕ ጉየ ጾስ ዎሶዳይስ ደረል አፋ ከዜዝ።
MAR 6:47 ሳአ ቃሞዳር ዎጎላይ አባ ጋንጨ የዝን፥ የሱሳ አባ ጋጻ ፋ ኣዳ የዛ።
MAR 6:48 ጫርኮ ኤ ታማርታይኮ ጫርክዝ ግሾስ አባ ፕꬊꬃይ ዋይꬅዛና የሱሳ በኤዛ። ዎንትማꬄ ሹጉላ ኡኮዳር ኤ አባል አፋር የꬍታር ኡንትኮ ይኢ፥ ኡንታን ኦሊ ኣꬎዳይስ ኮዬዛ።
MAR 6:49 ዝን ኤ አባል አፋ የꬎዳር፥ ኡ ብኢ፥ ኡንትስ ሜሸ ኣዝን ኡኬዛ።
MAR 6:50 ኡ ኡቢታይ ኤዛ ብኢ፥ ያሽቲ ዳጋሜዛ። ዝን የሱሳ ኤልሲ ኡንትኮ፥ «ታና፥ አኮ ባያ፤ ያሽትፓተ» ዬጌዛ።
MAR 6:51 የሱሳ ዎጎላይድ ገሊ ኡንታር ዎላ በትን ጫርካይ ስእ አቴዛ። ኡንቲ ግታ ማላ ባዝ ጌዛ።
MAR 6:52 ኡ ዎዝናይ ዶጬዝ ግሾስ ሶላይል ኦꬄዝ ማላታ ኡንቲ አካኬካያፕ አትን Ꮊይ ኡንትስ ማላባዝ ባቦናዝን።
MAR 6:53 ኡንቲ አባ ፒንጊ፥ ገንሳሬጼ ቢታ ሄሊ፥ ዎጎላ ጋጻል ሺሺ አጬዛ።
MAR 6:54 ኡ ዎጎላይፕ ዎꬎዳር አሳይ ኤልሲ የሱሳና ኤሬዛ።
MAR 6:55 ኡ ሄራ የዝ ቢታ ኡባ ዎጽቲ ሀርግንቴዝ አስታ ሀላር ቶኪ፥ «የሱሳ የዛ» ጌዝ አቃይድ ክእꬅ አይኬዛ።
MAR 6:56 አሳይ ኤ Ꮊንጌዝ ካራ ኡባ፥ ጋጻረ ማቅን፥ ካታማ፥ የዝ ሀርግንቴዝ አስታ ቡጫል ካንግዛ። ሀርግንቴዝ አስታይ ኤ አፍላ ማንቻ ማቅኮካ ቦቾድ ጋርክ አሳይ ኤዛ ዎሴዛ። ቦቼዝ ኡቢታይ ፓጼዛ።
MAR 7:1 የሩሳላመፕ የኤዝ ፈርሳውታይራ ፐቲ ፐቲ ህገ አስታማርታይ የሱሳ ካለ ሺቄዛ።
MAR 7:2 የሱሳ ታማርታይፕ ፐታይ ፐታይ ጌዠካ ኩሸር፥ የይካ ኩሸ ሜጭንተካዛር ካꬃ ሚዝታ በኤዛ።
MAR 7:3 ፈርሳውታይኔ አይሁድታይ አሲ ኡባይ ፋ አድታይ ዎጋይ ጋርክ ፋ ኩሸ ሎእꬂ ሜጭንተካዛር ሞያ።
MAR 7:4 የይ ጋርክ፥ ኡንቲ ጋበፕ ማቂ ሜጨካዛር ሞያ። ማ ኡንቲ ፋ አድታይፕ ኤኬዝ ሀራ ጋመ ዎጋ የዛ፦ የይካ ዋንጫ፥ ኦታ፥ ብራታ ሚሸራ አርሳ ሜጭዝ ዎጋ ናግዛ።
MAR 7:5 ፈርሳውታይራኔ ህገ አስታማርታይ የሱሳ፥ «ነ ታማርታይ አብሶ አድታይ ዎጋ መንꬂ ፋ ኩሸ ሜጭንተካዛር ካꬃ ሚዛይ?» ዬጊ ኦይጬዛ።
MAR 7:6 የሱሳ ኡንትኮ፥ «ናበ ኢሳያሳ ይንትስ ጩቢታይስ፥ « ‹Ꮊ አሳይ ታና ፋ እራንꬅ ኣዳር ቦንችዛ፥ ዝን ኡ ዎዝናይ ታፕ ሃኮ የዛ።
MAR 7:7 አሲ ኮቼዝ ዎጋ ጾስ ህገ ኣዝሲ ታማርስዛ ግሾ ኡ ታና ጨር ጎይንዛ› » ዬጊ ጻፌዛይ ቱሮ።
MAR 7:8 «ይንቲ ጾስ ኪታ አሺ አስ ዎጋ ናግዛ» ዬጌዛ።
MAR 7:9 ማካ የሱሳ፥ «ይንቲ ይ ዎጋ ናጎዳይስ ግ ጾስ ኪታ ኦሊ አሼዛ
MAR 7:10 ሙሰ፥ ‹ነ አደኔ ነ እንዶ ቦንቾባ›፥ ማ ‹ፋ አዳኔ ዎይ ፋ እንዶ ጫዥዛይ Ꮊይቆዳይስ ቤዝዛ› ዬጌዛ።
MAR 7:11 ዝን ይ ዬግዛ ፐቲ አꬃይ ፋ ኣዳ ዎይ ፋ እንዳቶ ማዶዳ አሺ፥ ‹Ꮊይ ጾሳ ያርሾ› ጊኮ፥
MAR 7:12 ኤ ፋ ኣዳ ዎይ ፋ እንዳቶ ማዳም ጋርክ ይ ኡድዛ።
MAR 7:13 የይ ጋርክ፥ ይ Ꮊንክታ ታማርሴዝ ይ ዎጋይድ ጾሳ ቃላ ለቄዛ። የይ ጋርክ ሀራ ጋመ ባዝ ኦꬅዛ» ዬጌዛ።
MAR 7:14 የሱሳ ጋመ አሳ ማካ ፋኮ ጼጊ፥ «ኡባይ ታ ኦድዛ ስኦይታኔ አካኮይታ።
MAR 7:15 አስ ዎዝናፕ ከዝዝ ባዝ አስ ቱንስዛፕ አትን ባለፕ አስ ኡሎ ገሊ አስ ቱንስዛ ባዝ አብካ ባያ።
MAR 7:16 ስእዝ ሀየር የዝ ኦንካ ስኦ» ዬጌዛ።
MAR 7:17 የሱሳ ጋመ አሳ ኦሊ አሺ ኬꬃ ገልን ኤ ታማርታይ የ ኣዝሳይ ባጋ ኤዛ ኦይጬዛ።
MAR 7:18 ኤ ኡንትኮ፥ «ይንትስካ ማ ገለካሳ? ባለፕ አስ ጋንጨ ገልዛ ባዝ አብካ አስ ቱንሶዳይስ ዳንዳኦዛና አካኮሳኔ?
MAR 7:19 አብስ ጊኮ፥ ካꬃ አስ ዶናር ኡሎ ጋንጨ ገሊ ኤዛይር ባለ ከዝዛይፕ አትን አስ ዎዝና ጋንጨ ገሎያ» ዬጌዛ። ኤዛይድ የሱሳ ካꬃ ኡባይ ጌሺ ማቄዛና ኤርሴዛ።
MAR 7:20 ጉጅካ፥ የሱሳ፥ «አስ ቱንስዛ ባዝ አስ ዎዝና ጋንጨፕ ከዝዝ ባዚ።
MAR 7:21 አስ ዎዝና ጋንጨፕ ከዝዝ ባዝ ዎቦ ቆፋ፥ ላግታ፥ ካስቶ፥ አስ ዎꬎ፥
MAR 7:22 ላመ፥ ኢታ አሞትꬂ፥ ኢታትꬂ፥ ገነ፥ ቃይጸ፥ ዶሻ፥ ቅናተ፥ ጫሸ፥ ኡትራኔ ቦዛትꬂ።
MAR 7:23 Ꮊ ኢታ ባዝ ኡባይካ አስ ዎዝና ጋንጨፕ ከዚ አስ ቱንስዛ» ዬጌዛ።
MAR 7:24 የሱሳ የይፕ ከዚ፥ ጽሮሳ ካታማ ካለ የዝ ጋደ Ꮊንጌዛ። ኤ ፐቲ ካራ ገሊ ኤዛይድ የዛና ኦንካ ኤሮድ ጋርክ ኮየካያ። ዝን ቆስንቲ ጋምኦዳይስ ዳንዳኤካያ።
MAR 7:25 ዝን እ ጽቃ ናአቶ ቱና አያና አይኬዝ ፐቲ አስታ የሱሳ ኦሳ ስኢ ኤልሲ ኤዝኮ ይኢ ኤ ቶካይል አፋ ዎꬌዛ።
MAR 7:26 እዛ ግርከ አሲ፤ የልንቴዛይ ስሮፍንቀ ግዝ ቢታ። እዛ፥ ፋ ናአትፕ ቱና አያና ከሶዳይ ጋርክ የሱሳ ዎሴዛ።
MAR 7:27 ዝን የሱሳ ማሂ፥ «ናእታይ ቲናቲ ካꬃ ምዦ፤ ናእታይ ካꬃ ኤኪ ካንታይስ ኦሎ ኮሾያ» ዬጌዛ።
MAR 7:28 አስታ ማቂ፥ «ታ ጎዳዮ የይ ቱማ፥ ዝን ሌማተ ካለ የዝ ካንታይ ናእታይፕ ዎꬍዝ ጉፋ ሚነባይ» ዬጊ ማሄዛ።
MAR 7:29 የሱሳ ማ እዝኮ፥ «Ꮊ ነ ቃላይ ግሾስ ነ ካራ ቅቶባ፤ ቱና አያና ነ ናአትፕ ከዜዝ» ዬጌዛ።
MAR 7:30 እዛካ ፋ ካራ Ꮊንጎዳር ቱና አያና እ ናአትፕ ኬዝን አርሳል ዎይኤዛኖ ደንጌዛ።
MAR 7:31 የሱሳ ማ ጽሮሳ ካታማፕ ከዚ፥ ስዶናራነ ታጲ ካታምታ ግዝ ቢታር ኣꬊ ጋልላ አባኮ Ꮊንጌዛ።
MAR 7:32 አሳይ ቱለኔ ደዳትዛ አስ የሱሳኮ ክኢ፥ ፋ ኩሸ ኤዛል አፋ ጋዶድ ጋርክ ኤዛ ዎሴዛ።
MAR 7:33 የሱሳ ኣዳ የ አꬃ ጋመ አሳይፕ ጋጻ ከሲ፥ ፋ ብራ ኤ ሀያይድ ዳኬዛ። ማ የይፕ ጩቺ ጩቲ ኤ እራንꬃ ቦቼዛ።
MAR 7:34 ሳሎ ፉደ ꬎቅ ግ ብኢ፥ ዎሲ፥ «ኤፍታህ» ጌዛ። ብልእꬃይካ «ዶይንቶባ» ጉሲ።
MAR 7:35 አꬃይ ሀያይ ኤልሲ ዶይንቴዛ፥ አጭንቴዝ እራንꬃይካ ብልእንቴዛ፥ አꬃይ ብልእንቲ ኦድንቴዛ።
MAR 7:36 የሱሳ አሳይኮ፥ «Ꮊያ ኦስካ ኦድፓተ» ዬጌዛ። ዝን ኤ ሎእꬂ ሚንꬂ ኦድፓተ ግን፥ አሳይ ኦዳ ገደ ዳልግሴዛ።
MAR 7:37 የያ ስኤዝ አስ ኡባይ ሎእꬂ ማላባዝ ግ፥ «ኡባ ባዝ ኤ ሎእꬂ ኦꬅዛ። ሀራ አቶዝን፥ ቱለ ስስዛ፥ ሙመ ኦድስዛ» ዬጌዛ።
MAR 8:1 ጽቃ ዎደፕ ጉየ፥ ጋመ አሳይ የሱሳኮ ሺቄዛ። አሳይስ ሚዝባዝ ꬋብን የሱሳ ፋ ታማርታ ፋኮ ጼጊ፥
MAR 8:2 «Ꮊ አሳይ ታር ሀይꬒ ጋላስ ሄሎዳይስ ጋምኢ፥ አብካ ሚዝ ባዝ ደንገካዛይ ግሾስ ታና አሳይ ቃꬊꬂዛ።
MAR 8:3 ታ አሳ ናየር ካራ ዳካሚ፥ አሳይ Ꮊንግታር ኦገላ ዳቡሪ ፖኮዳ፥ ባጋ አሳይ ሃኮፕ የኤዛ» ዬጌዛ።
MAR 8:4 የሱሳ ታማርታይ ማሂ፥ «Ꮊ ሊዣይድ Ꮊ አሳ ኡባ ሙዞዳይስ ግድዛ ካꬃ ደንጎዳይስ ዳንዳእዛይ ኦኖ?» ዬጌዛ።
MAR 8:5 የሱሳ ኡንትኮ፥ «ይንታር ኣፑን ሶሎ የኔ?» ዬጊ ኦይጬዛ። ኡ ማሂ፥ «ላፑን ሶሎ የዛ» ዬጌዛ።
MAR 8:6 የሱሳ አሳይ ሳአ በቶዳይ ጋርክ ኪቴዛ። ዬዜዛይፕ፥ ላፑን ሶሎ ኤኪ ጾስ ጋላቲ ማቂ የ ሶላ ዱꬅርꬂ፥ አሳይስ ግሾድ ጋርክ ፋ ታማርታይስ እንጌዛ። ኤ ታማርታይ አሳይስ ግሼዛ።
MAR 8:7 ኡንትስ ማ ጽቃ ይሸ ሞልታይ የዛ። የሱሳ የ ሞልታይ ግሾስ ጾስ ጋላቲ፥ አሳይስ ግሾድ ጋርክ ፋ ታማርታ ኪቴዛ።
MAR 8:8 አሳይ ኡቢታይ ም ምዤዛ። ኤ ታማርታይ አቴዝ ጉፋ ላፑን ሌማተ ኩንꬅ ደንꬄዛ።
MAR 8:9 ካꬃ ሜዝ አሳይ ታይባይ ኦይዲ ሙኩለ ማቆዳ። የይፕ ጉየ፥ የሱሳ አሳ ዳኬዛ።
MAR 8:10 ኤ ማ ፋ ታማርታይር ኤልꬂ ዎጎሎ ጋንጨ ገሊ ዳልማኑታ ግንትዝ ቢታ ቅቴዛ።
MAR 8:11 ፈርሳወ አስታይ ይኢ የሱሳ ፓጮዳይስ ኮዪ፥ ሳሎፕ ኡ ፋና ማላ ቤዞዳይ ጋርክ የሱሳር ፓላማ አይኬዛ።
MAR 8:12 የሱሳ ሼምቲ፥ «Ꮊ ዎደ አሳይ አብስ ማላ ኮዬ? ታ ይንትስ ቱማ ኦድዛ፤ Ꮊ ዎደ አስስ አባ ማላካ እንግንቴና» ዬጌዛ።
MAR 8:13 ኤ ኡንታን እዘ ኦሊ አሺ ማቂ ዎጎሎ ጋንጨ ገሊ አባይፕ ሰኮ ፕኖ ፒንጌዛ።
MAR 8:14 ኤ ታማርታይ ካꬃ ኤኪ Ꮊሞ ዶጌዛ፤ ኡንትስ ዎጎላይ ጋንጨ ፐቲ ሶሎፕ ሀራ ካꬃ ባያ።
MAR 8:15 የሱሳ ኡንትኮ፥ «ይንታን ኤሮይታ። ፈርሳውታይ እርሾፐኔ ሄሮዶሳ እርሾፕ ናግንቶይታ» ዬጊ አዛዜዛ።
MAR 8:16 ኡንቲ ዎል ጋንጨ፥ «ኤ Ꮊያ ግዛይ ኑስ ሶሎ ባዛይ ግሾስ» ዬጌዛ።
MAR 8:17 የሱሳ ኡ ግዛና ኤሪ ኡንትኮ፥ «ይንትስ ሶሎ ባዛይ ግሾስ አብስ ኦድንቴ? Ꮊተካ ይ ኤሮሳ? ዎይ ይ አካኮሳ? ይ ዎዝናይ ዶጬኔ?
MAR 8:18 ይንትስ ኣፈ የዝን ቦኦሳ? ሀየ የዝን ስኦሳ? ይንትስ ዋይዚ አካክንቶሳ?
MAR 8:19 ታ እችን ሶሎ እችን ሙኩለ አስስ ፔꬌዝ ዎደ ኣፑን ሌማተ ኩንꬅ ጉፋ ደንꬄኔ?» ዬጌዛ። ኡንትካ፥ «ታጶ ናምኢ ሌማተ ኩንꬅ» ዬጌዛ።
MAR 8:20 «የይ ጋርክ፥ ታ ላፑን ሶሎ ኦይዲ ሙኩለ አስስ ፔꬊን ኣፑን ሌማተ ኩንꬅ ጉፋ ደንꬄኔ?» ዬጌዛ። ኡንቲ፥ «ላፑን ሌማተ ኩንꬅ ደንꬄዛ» ዬጌዛ።
MAR 8:21 የዝን፥ «Ꮊተካ ይንትስ ቆፍንቶሳ?» ዬጌዛ።
MAR 8:22 ኡንቲ ቤተሳይዳ ካታማ Ꮊንጌዛ። ጽቃ አስታይ ቶአ አꬃ የሱሳኮ ክኢ የ አꬃ ቦቾድ ጋርክ ኤዛ ዎሴዛ።
MAR 8:23 የሱሳ ቶአ አꬃይ ኩሻ አይኪ ካታማፕ ጋጻ ከሴዛ። ኤ ኣፋተ ጩቲ ፋ ኩሻ ኤዛል አፋ ጋዲ፥ «ኔስ አኮ በንትኔ?» ዬጊ ኦይጬዛ።
MAR 8:24 አꬃይ ꬎቅ ግ ብኢ፥ «ታስ አሳይ በንትዛ፥ ዝን አሳይ የꬍታር ምꬂ ኣዝዛ» ዬጌዛ።
MAR 8:25 የይፕ ጉየ፥ የሱሳ ማሂ፥ አꬃይ ኣፋይል ፋ ኩሸ ጋዴዛ። አꬃይ ሎእꬂ በኤዛ፥ ኤ ኣፋይ ፓጼዛ፥ ኡባ ባዝ ምልጽ ኡዲ በኤዛ።
MAR 8:26 የሱሳ አꬃይኮ፥ «ነ ካራ ቅቶባ፥ ካታማ Ꮊንግፐ» ዬጊ ኪቴዛ።
MAR 8:27 የሱሳ ፋ ታማርታይር ቅሳረ ፍልጶሳ ካለ የዝ ሄራ Ꮊንጌዛ። ኡ Ꮊማዳር ኦገል አፋ የሱሳ፥ «ታና አሳይ ኦና ግነሻ?» ዬጊ ፋ ታማርታ ኦይጬዛ።
MAR 8:28 ኤ ታማርታይ፥ «ፐቲ ፐቲ አሳይ ነና፥ ‹ጻማቅዛ ዋንሳ› ግዛ፤ Ꮊንክታይ፥ ‹ኤላሳ ግዛ› ማ Ꮊንክታይ፥ ‹ናብታይፕ ፐታ› ግዛ» ዬጌዛ።
MAR 8:29 የሱሳ ኡንትኮ፥ «የዝን ይ ታና ኦና ጌ?» ዬጊ ኦይጬዛ። ጵጽሮሳ፥ «ነ ክርስቶሳ» ዬጊ ማሄዛ።
MAR 8:30 የሱሳ፥ «ታባጋ ኦስካ ኦዳማይ ጋርክ ናግንቶይታ» ዬጊ ኡንታን አዛዜዛ።
MAR 8:31 የሱሳ ፋ ታማርታይኮ፥ «አስ ናአይ፥ ጋመ መቶ ኤኮዳይስ ቤዝዛ፤ ጭምታይ፥ ቄሰ ሀላቅታይኔ ህገ አስታማርታይ ኤዛ እጾዳይስ ቤዝዛ። ኡንቲ ኤዛ ዎꬎዳይስኔ ሀይꬒ ጋላሳፕ ጉየ፥ ኤ Ꮊይቆፕ ደንዶዳይስ ቤዝዛ» ዬጊ ኡንታን ታማርሴዛ።
MAR 8:32 ኤ የያ ኡንትስ ጌሺ ኦዴዛ። ጵጽሮሳ ኣዳ ፐቲ ባጋ ኣꬂ ካጬዛ።
MAR 8:33 ዝን የሱሳ ጉየ ማቂ፥ ፋ ታማርታ ብኢ፥ ጵጽሮሳር ካጭንቲ፥ «Ꮊ ጻላሃዮ፥ ታፕ ሃኮባ። ነ አሲ ዶስዝባዝ ቆፕዛፕ አትን ጾስ ዶስዝባዝ ቆፖያ» ዬጌዛ።
MAR 8:34 ማካ የሱሳ ጋመ አስታይራ ፋ ታማርታ ፋኮ ጼጊ፥ «ታና ካሎዳይስ ኮይዝ ኦንካ ፋና ካዶ፤ ፋ ማዝቃላና ቶኪ ታና ካሎ።
MAR 8:35 ፋ ሸምፖ አሾዳይስ ኮይዝ አꬃይ ꬋብስዛ። ዝን ታ ግሾኔ ዎንግለ ግሾስ ፋ ሸምፖ ꬋብስዛ አꬃይ አሽዛ።
MAR 8:36 አሲ ሳአል የዝ ሻሎ ኡባ ደንጊ ፋ ሸምፖ ꬋብስኮ ኤዛ አብ አዶዴ?
MAR 8:37 አሲ ፋ ሸምፖ ዎዞዳይስ አብ እንጎዳይስ ዳንዳኤ?
MAR 8:38 ጾስ አማኖዋ Ꮊ ኢታ የለትꬃይድ፥ አሲ ታላኔ ታ ቃላይድ ዬላትኮ፥ አስ ናአይ፥ ፋ አዳይ ቦንቻይር ጌሽ ኪታንችታይር ይእታር ኤ ባጋር ዬላቶዳ» ዬጌዛ።
MAR 9:1 የሱሳ ኡንትኮ፥ «ታ ይንትስ ቱሮ ኦድዛ፤ ጾስ ካተትꬃይ ዎልቃር ይእዛና በኤካዛር Ꮊይቃም ፐቲ ፐቲ አሳይ Ꮊይዳ የዛ» ዬጌዛ።
MAR 9:2 የሱሳ ኡሱፑን ጋላሳፕ ጉየ፥ ፓር ጵጽሮሳራ፥ ያይቆባራ ዋንሳራ ኣዳ ኤኪ ዳማ አምባል አፋ ከሲ ኡ ቲናይድ ላምንቴዛ።
MAR 9:3 ኤ አፍላይካ ፎጭዛ፤ ሳአ አፍላ ሜጭዛ ኦንካ ጌሾዳይስ ዳንዳኦዛይ ጋርክ ሙልጽ ግ ቦጼዛ።
MAR 9:4 የ ዎደ ኤላሳራ ሙሰራ የሱሳር ዎላ ናሾዳር በኤዛ።
MAR 9:5 ጵጽሮሳ የሱሳኮ፥ «አስታማራዮ፥ ኑኒ Ꮊይዳ የዜዛኮ ኑስ ሎኦ፤ ኑ ሀይꬒ ሻቃራ ፐታ ኔስ፥ ፐታ ሙሰስ፥ ማ ፐታ ኤላሳስ አጮዳ» ዬጌዛ።
MAR 9:6 Ꮊንክታይ ኢታ ያሽቴዝ ግሾ ጵጽሮሳ አብ ግዛኮካ ኤረካያ።
MAR 9:7 የይፕ ጉየ፥ ሻራ ይኢ ኡንታን ጎልን ሻራይ ጋንጨፕ፥ «Ꮊይ ታ ቃꬍዛ፥ ታ ናአያ፥ ኤ ግዝ ባዝ ስኦይታ» ግዝ ቃላ የኤዛ።
MAR 9:8 ኤልሲ ኡ ዩዪ በአዳር የሱሳፕ አትን ሀራ ኦናካ ፋ ካለ ኡ በኤካያ።
MAR 9:9 ኡንቲ አምባላፕ ዎꬎዳር፥ የሱሳ ኡንትኮ፥ «አስ ናአይ፥ Ꮊይቆፕ ደንዶድ ጋꬆ፥ ይ በኤዝ ባዝ ኦስካ ኦድፓተ» ዬጊ አዛዘዛ።
MAR 9:10 ኤ አዛዜዛና ኡ፥ «ኤሮ» ዬጊ፥ «Ꮊ Ꮊይቆፕ ደንዶ ጉሳይ አብ ጉሶ» ዬጊ፥ ፋ ጋንጨር ዎላ ኦድንቴዛ።
MAR 9:11 ኡ ማቂ፥ «ህገ አስታማርታይ፥ ‹ኤላሳ ቲናቲ የኦዳይስ ቤዝዛ› አብስ ጌ?» ዬጊ ኦይጬዛ።
MAR 9:12 የሱሳ ማሂ «ኤላሳ ቲናቲ ይኢ፥ ኡባ ባዝ ሎእꬅዛ፤ የዝን፥ አብስ ጌሻ ማጻፋይ፥ ‹አስ ናአይ ዴጾ መቶ ኤኮዳኔ ለቅንቶዳ› ዬጊ ጻፌዛይ ዋፋ?
MAR 9:13 ዝን ታ ይንትስ ኦድዛ፤ ኤላሳ ካሰ የኤዛ፤ ማ ኤ ባጋ ጌሻ ማጻፋይድ ጻፍንቴዛይ ጋርክ፥ አሳይ ኤዛል አፋ ፋ ኮዬዝ ባዝ ኡባ ኦꬄዛ» ዬጌዛ።
MAR 9:14 የሱሳራኔ ሀይꬒ ኤ ታማርታይ አቴዝታይኮ ማቂ የኦዳር ጋመ አስ ኡ ላንቃይድ በቴዝታኔ ህገ አስታማርታይ ኡንታር ፓላምዛና በኤዛ።
MAR 9:15 የ ጋመ አሳይ የሱሳ በኤዝ ዎደ ዳጋማር ማላባዝ ግ፥ ኤልሲ ኤዝኮ ላሲ ይኢ፥ ኤዛ ሳሮꬄዛ።
MAR 9:16 የሱሳ ህገ አስታማርታይኮ፥ «ኡንታር ፓላምዛይ አብሶ?» ዬጊ ኦይጬዛ።
MAR 9:17 የ ዎይታይ ጋንጨፕ ፐቲ አꬃይ ማቂ፥ «አስታማራዮ፥ ታ ናአይል አፋ ፖጎዳ ካይዝ ቱና አያና የዛ ግሾስ ኤዛ ታ ኔኮ ከኤዛ።
MAR 9:18 ያ አያናይ ደንዴዝ ዎደ፥ ኤዛ ሾጪ ኦሊ፤ ዶናይር ጋፑንቶ ክኢ፤ አች ጮንቺ፤ ጋላ ዛብሲ ጋምን ከሶዳይ ጋርክ ነ ታማርታይስ ኦድን፥ ኡ ከሶዳይስ ዳንዳኤካያ» ዬጌዛ።
MAR 9:19 የሱሳ ማሂ ኡንትኮ፥ «አማኖዋ Ꮊ ላይꬃ አስታዮ! ታኒ ይንታር አይደ ሄሎዳይስ የዞዴ? ማ ይንታን አይደ ሄሎዳይስ ዳንዳኦዴ? ናአ ታኮ Ꮊና ኤኪ የኦይታ» ዬጌዛ።
MAR 9:20 ኡንቲ ናአ ኤዝኮ ከኤዛ፤ የ ቱና አያናይ የሱሳ በኤዛን ጋርክ ናአ ኩኩርሲ፤ ፖክሲ፥ ዶናር ጋፑንቶ ክእꬅ አይኬዛ።
MAR 9:21 የሱሳ የ ናአይ አዳይኮ፥ «Ꮊ ነ ናአ አይኬዛይፕ ኣፑን ላይꬅ ማቆደ?» ዬጊ ኦይጬዛ። ናአይ አዳይ፥ «ኤ ዱደዝን አይኬዛ።
MAR 9:22 ኤዛ ዎꬎዳይስ ጋመ ዎደ ታማ ጋንጨኔ ሃꬂ ጋንጨ ኦልዛ፥ ዝን ነ ዳንዳእኮ፥ ኑስ ቃꬎየ፥ ኑና ማዶየ» ዬጌዛ።
MAR 9:23 የሱሳ፥ « ‹ነ ዳንዳእኮ ግኔ?› አማንዛ ኦስካ ኡባ ባዝ ዳንዳእንትዛ» ዬጌዛ።
MAR 9:24 ኤልሲ ናአይ አዳይ ፋ ቃላ ꬎቅ ኡዲ፥ «ታ አማንዛ፥ ዝን ጉጂ አማኖዳይ ጋርክ ታና ማዶየ» ዬጌዛ።
MAR 9:25 የሱሳ አሳይ ጋንጊ ጋንጊ Ꮊንግዛና ብኢ፥ ቱና አያና፥ «Ꮊ ቱለኔ ሙመ አያናዮ፥ Ꮊ ናአይፕ ከዞባ ነና ታ አዛዝዛ፤ ማ ናምእንꬆ ማቂ ኤዛል ገልፐ» ዬጌዛ።
MAR 9:26 የ ቱና አያናይ ኡኪ፥ ናአ ኢታ ኩኩርሲ፥ ኤዛፕ ከዜዝ። ናአይ Ꮊይቄዛ ኣዝን፥ ጋመ አሳይ፥ «ናአይ Ꮊይቄዛ» ዬጌዛ።
MAR 9:27 ዝን የሱሳ ናአይ ኩሻ አይኪ ደንꬅን፥ ናአይ ደንዲ ኤቄዛ።
MAR 9:28 የሱሳ ካራ ገሌዛይፕ ጉየ ኤ ታማርታይ፥ «ኑኒ የ ቱና አያና ከሶዳይስ አብስ ዳንዳኤካሳ?» ዬጊ የሱሳ ኣዳ ኦይጬዛ።
MAR 9:29 የሱሳ ማሂ፥ «የይ ጋርከዛይ ዎሳራኔ [ጾማራፕ] አትን ሀራባዛር ከዞዳይስ ዳንዳኦያ» ዬጌዛ።
MAR 9:30 ኡንቲ የ በሳይፕ ደንዲ፥ ጋልላር ኣꬊ Ꮊንጌዛ፤ የሱሳ ፋ የዛበሳ ኦንካ ኤሮድ ጋርክ ኮየካያ።
MAR 9:31 ኤ ፋ ታማርታይኮ፥ «አስ ናአ፥ አሲ አስታይ ኩሸ ኣꬂ እማዳኔ ዎꬎዳ፤ ኤ ሀይꬒ ጋላሳፕ ጉየ፥ Ꮊይቆፕ ደንዶዳ» ዬጊ ታማርሴዛ።
MAR 9:32 ዝን ኡንትስ ኤ ጌዛይ ገለካያ፤ ማ ኤዛ ኦይጮዳይስካ ያሽቴዛ።
MAR 9:33 ኡንቲ ቅፍርናሆመ ካታማ Ꮊንጊ ካራ ገሌዛይፕ ጉየ የሱሳ ኡንትኮ፥ «ኦገል ይ አብስ ፓላምንቴ?» ዬጊ ኦይጬዛ።
MAR 9:34 ዝን ኡ፥ «ኑ ጋንጨ ኡባፕ ኣꬎዳይ ኦኖ?» ዬጊ ፓላሜዝ ግሾስ ስኤ ጌዛ።
MAR 9:35 የሱሳ በቲ፥ ታጶ ናምኢ ታማርታ ጼጊ፥ «ኦንካ ቲና ኣꬎዳይስ ኮይኮ፥ ኡባፕ ጉየ ኣꬊ፥ ኡባይስ አይለ ማቆዳይስ ቤዝዛ» ዬጌዛ።
MAR 9:36 ፐቲ ጽቃ ናአ ኤኪ፥ ኡ ጋንጨ ኤሴዛ፤ የ ጽቃ ናአ እድንጊ ኡንትኮ፥
MAR 9:37 «Ꮊይ ጋርክ ጽቃ ናእታይፕ ፐታ ታ ሱንꬃይር ሞክዛ ኦንካ ታና ሞክዛ፤ ማ ታና ሞክዛ ኦንካ ታና ኪቴዛናካ ሞክዛፕ አትን ታ ኣዳ ሞኮያ» ዬጌዛ።
MAR 9:38 ዋንሳ፥ «አስታማራዮ፥ ፐቲ አሲ ነ ሱንꬃር ቱና አያንታ ከሶዳር ኑ ብኢ፥ ኑ ባጋ ማቀካ ግሾስ ኤዛ ካዬዛ» ዬጌዛ።
MAR 9:39 ዝን የሱሳ፥ «ኦንካ ታ ሱንꬃር ጾሲ ኦꬅዝ ማላታ ባዝ ኦꬂ፥ ኤልሲ ታል አፋ ኢታ ባዝ ኦድንቶዳይስ ዳንዳእዛይ ባ ግሾስ ካይፓተ።
MAR 9:40 ኑባዝ እጾዋ ኡቢታይ ኑ ባጋ።
MAR 9:41 ታ ይንትስ ቱሮ ኦድዛ፤ ይ ታስታ ማቄዝ ግሾስ ኦንካ ይንትስ ታ ሱንꬃር ሀለ ሃꬂ ኡዦዳይስ እንግኮካ፥ ፋ ጋተ ꬋባሚ።
MAR 9:42 «ታና አማንዛ Ꮊ ጽቅታይፕ ፐታ ባልꬆዳይፕ ኦንካ፥ ዳማ ዎጻ ፋ ቆꬌል አጪ፥ አባ ጋንጨ ዎꬍዛኮ ኤስ ሎኦዳ።
MAR 9:43 ነ ኩሻይ ነና ባልꬅኮ፥ ጋቺ ኦሎባ። ኔኒ ናምኢ ኩሸር ቶኦዋ ጋናመ ታማ ጋንጨ ዎꬍዛይፕ፥ ዱጻ ኩሸር መꬍና ደኦ ገሎ ኔስ ሎኦዳ።
MAR 9:44 ጋናመ ጉጽነካ Ꮊይቆዋ፥ ታማይካ ቶኦዋ አቆ።
MAR 9:45 ነ ቶካይ ነና ባልꬅኮ፥ ጋቺ ኦሎባ። ነ ናምኢ ቶከር ጋናመ ታማ ጋንጨ ዎꬍዛይፕ፥ ዎቦ ማቂ ደኦ ገልዛኮ ኔስ ሎኦ።
MAR 9:46 ጋናመ ጉጽነ Ꮊይቆዋ፥ ታማይካ ቶኦዋ አቆ።
MAR 9:47 ነ ኣፋይ ነና ባልꬅኮ፥ ዎጪ ከሲ ኦሎባ። ነ ናምኢ ኣፈር ጋናመ ታማ ጋንጨ ዎꬍዛይፕ፥ ፐቲ ኣፈር ጾስ ካተትꬂ ገልዛኮ ኔስ ሎኦ።
MAR 9:48 ጋናመ ጉጽናይ Ꮊይቆዋ፥ ታማይካ ቶኦዋ አቆ።
MAR 9:49 «ያርሾ ማጽነር ኦꬅንትዛይ ጋርክ አሲ ኡባይ ታማር ሀርቅንቶዳ።
MAR 9:50 ማጽነ ሎኦ፥ ዝን ማልአም እጽኮ፥ ማቂ ዋይዚ ማልእꬆደ? ይንታር ማጽነ የዞ። ዬዚ ፐታይ ፐታይር ሳሮ የዞይታ» ዬጌዛ።
MAR 10:1 የሱሳ የይፕ ደንዲ፥ ይሁዳ ቢታ Ꮊንጊ ዮርዳኖሳ ቦርካ ፒንጌዛ። ጋመ አሳይ ማቂ ኤዝኮ ሺቅን፥ ካሴሳይ ጋርክ ያ አሳ ታማርሴዛ።
MAR 10:2 ፈርሳወ አሳፕ ፋጮዳይስ ኮዪ የሱሳ፥ «ፐቲ አስ ፋ ማቻቶ አንጆድ ጋርክ ሙሰ ህጋይ ኪትኔ?» ዬጊ ኤዛ ኦይጬዛ።
MAR 10:3 ኤ ማሂ፥ «ሙሰ ይንታን ካሰ ዋጊ ኪቴኔ?» ዬጌዛ።
MAR 10:4 ኡንቲ፥ «ሙሰ፥ ‹ፐቲ አሲ ፋ ማቻትስ አንጆ ዋርቃተ እንጊ ዳኮ› ጌዛ» ዬጌዛ።
MAR 10:5 የሱሳ ማሂ፥ ኡንታን «ይ ዎዝናይ ሚንꬂ ማቄዝ ግሾስ ሙሰ Ꮊ አዛዛ ይንትስ ጻፌዛ።
MAR 10:6 ዝን ጾሳይ ቲና መꬍታር ꬊራꬃራ ማቻር ኡዲ፥ መꬌዛ።
MAR 10:7 የይ ግሾስ፥ ፐቲ አሲ ፋ አደኔ ፋ እንዶ አሺ፥ ፋ ማቻትር ዎላ ማድንትዛ።
MAR 10:8 ኡ ናምእታይ ፐቲ አሾ ማቅዛ፤ Ꮊይፕ፥ ኡ ፐቲ አሾ ማቆዳይፕ አትን ናምኤ ማቆያ።
MAR 10:9 የይ ግሾስ፥ ጾሳይ ዎላል ዋጼዛና አሲ ሻክፐ» ዬጌዛ።
MAR 10:10 ኡ ካራ ማቄዝ ዎደ ኤ ታማርታይ Ꮊ ኦዳይ ባጋ የሱሳ ናምእንꬆ ኦይጬዛ።
MAR 10:11 የሱሳ ኡንትኮ፥ «ፋ ማቻቶ አንጂ ሀራ ኤክዝ ኦንካ ላምዛ።
MAR 10:12 ማ ማቻታካ ፋ አዝናይፕ ከዚ ሀራ ኣዝን ገልኮ ላምዛ» ዬጌዛ።
MAR 10:13 የሱሳ ዱደ ናእታ ቦቾድ ጋርክ፥ ፐቲ ፐቲ አሳይ ናእታ ኤዝኮ ክእዛ፥ ዝን ኤ ታማርታይ የ አስታ ካጬዛ።
MAR 10:14 የሱሳ የያ ብኢ፥ ፋ ታማርታ ጋይሌዛ፤ ኡንትኮ፥ «ዱደ ናእታይ ታኮ ይእዛና ካይፓተ፤ ጾስ ካተትꬃይ Ꮊይትታይ ጋርከዝታይሲ።
MAR 10:15 ታ ይንትስ ቱሮ ኦድዛ፤ ጾስ ካተትꬃ ዱደ ናአ ጋርክ ኤኮዋ አስ ኦንካ የ ካተትꬃ ኡባራካ ገላሚ» ዬጌዛ።
MAR 10:16 የይፕ ጉየ ዱደ ናእታ እድንጊ፥ ፋ ኩሸ ኡንታል አፋ ጋዲ አንጄዛ።
MAR 10:17 የሱሳ Ꮊንጎዳይስ ከዞዳራ ፐቲ አꬃይ ላሲ ይኢ፥ ኤ ቲናይድ ቡንቂትድነ፥ «ኬሃ አስታማራዮ፥ መꬍናስ ደኦ ላቶዳይስ ታ አብ ኦꬆ?» ዬጊ ኦይጬዛ።
MAR 10:18 የሱሳ፥ «አብስ ታና ኬሃዮ ግ ጼጌ? ጾስ ኣዳፕ አትን ሀራ ኬሃ ኦንካ ባያ።
MAR 10:19 ጾሳ ኪታይ፥ ዎꬍፐ፤ ላምፐ፤ ካስትፐ፤ ዎርዶ ማርካትፐ፤ ዶሽፐ፤ ነ አደኔ ነ እንዶ ቦንቾባ ዬግዛና ነ ኤርዛ» ዬጌዛ።
MAR 10:20 አꬃይ፥ «አስታማራዮ፥ ታ Ꮊይትታ ኡባ ናአትꬃፕ አይኪ Ꮊኖ ሄሎዳይስ ናግዛ» ዬጌዛ።
MAR 10:21 የሱሳ አꬃ ዳኪ ብኢ ቃꬌዛ፤ «ኔስ ፐትባዚ ፓጭዛ፤ Ꮊንጊ ኔስ የዛ ባዝ ኡባ ባይዚ፥ የ ሚሻ ማንቅታይስ እንጎባ፤ ነ ሳሎ ዱርቶዳ። ዬዚ ማቂ ታና ካሎባ» ዬጌዛ።
MAR 10:22 ዝን አꬃይ የያ ስኢ፥ ኤ ቱቄዝ ዱረ ማቄዝ ግሾስ ፋ ስና ቱኬዛ፥ ኡፋይተካዛር አሺ ቅቴዛ።
MAR 10:23 የሱሳ ፋ ታማርታ ዩዪ ብኢ፥ «ዱረ አስ ጾሳ ካተትꬂ ገሎዳይ ዋይዚ መቶደሻ!» ዬጌዛ።
MAR 10:24 ኤ ታማርታይ ኤ ትምርታ ስኢ ማላባዝ ጌዛ። ዝን የሱሳ ማካ ኡንትኮ፥ «ናእቶ፥ ጾሳ ካተትꬂ ገሎዳይ ዋይዚ መቶደሻ!
MAR 10:25 ዱረ አስ ጾስ ካተትꬂ ገሎዳይፕ፥ ግማለ ናርፐ ሉኮር ኣꬎዳይ ሻዉክዛ» ዬጌዛ።
MAR 10:26 ኤ ታማርታይ Ꮊይ ማላባዝ ግ፥ «የዝን፥ ኦኒ አቶዴ?» ዬጊ፥ ፐታይ ፐታ ኦይጬዛ።
MAR 10:27 የሱሳ ኡንታን ዳኪ ብኢ፥ «Ꮊይ ጾስስ ዳንዳእንትዛፕ አትን አስስ ዳንዳእንቶያ፤ ጾስስ ኡባ ባዝ ዳንዳእንትዛ» ዬጌዛ።
MAR 10:28 ጵጽሮሳ የሱሳኮ፥ «ዬዛኮ፤ ኑኒ ኑባዝ ኡባ አሺ፥ ነና ካሌዛ» ዬጌዛ።
MAR 10:29 የሱሳ «ታ ይንትስ ቱሮ ኦድዛ፤ ታ ግሾኔ ዎንግለ ግሾስ ፋ ካራ ዎይ እሽታ ዎይ ምሽታ ዎይ አደ ዎይ እንዶ ዎይ ማቾ ዎይ ናእታ ዎይ ጋደ አሼዛይ ኦንካ፥
MAR 10:30 Ꮊት Ꮊ ዎዳይድ ባይእꬃር ፋ ካራ፥ እሽታ፥ ምሽታ፥ እንድታ፥ ናእታ፥ ጋደ፥ ጼት ኩሸ ኤኮዳ። ቲናስ የኦድ አላመ መꬍና ደኦ ኤኮዳ።
MAR 10:31 ዝን ጋምታይ ቲናቴዝታይ ጉይቶዳ፥ ማካ ጋምታይ ጉይቴዝታይ ቲናቶዳ» ዬጌዛ።
MAR 10:32 የሱሳራኔ ኤ ታማርታይር የሩሳላመ Ꮊማዳር፥ የሱሳ ፋ ታማርታይፕ ቲን ቲን የꬍዛ። ኡ የያ ማላባዝ ጌዛ። ኤዛ ካልዝታይካ ያሽቴዛ። ናምእንꬆ፥ ታጶ ናምኢ ታማርታ ጋጻ ከሲ፥ ፋና ሄሎድ ባዛ ዱማ ኡንትስ Ꮊይ ጋርክ ዬጊ ኦዴዛ።
MAR 10:33 «ዬዛኮ፥ ኑኒ የሩሳላመ Ꮊት ዎላ ኬሳል የዛ። የይዳ አስ ናአ፥ ቄሰ ሀላቅታይስኔ ህገ አስታማርታይስ ኣꬂ እንግንቶዳ። ኡ ኤዛል አፋ Ꮊይቆ ፕርዳ ፕርዶዳ፤ ማ አይሁደ ባ ዎያስ ኤዛ ኣꬂ እማዳ።
MAR 10:34 የ አይሁደ ባ ዎያይ ኤዛ ቶቾዳ፥ ኤዛል አፋ ጩቶዳ፥ ልሶር ጋራፎዳኔ ዎꬎዳ። ኤ ሀይꬒ ጋላሳፕ ጉየ፥ Ꮊይቆፕ ደንዶዳ» ዬጌዛ።
MAR 10:35 ዛብዶሳ ናእታይ ያይቆባራኔ ዋንሳር የሱሳኮ ይኢ፥ «አስታማራዮ፥ ኑኒ ነና ዎስዛ ኡባ ባዝ ኑስ ኦꬆዳይ ጋርክ ኮይዛ» ዬጌዛ።
MAR 10:36 ኤ ኡንትኮ፥ «ታኒ ይንትስ አብ ኦꬆ?» ዬጌዛ።
MAR 10:37 ኡንቲ፥ «ኔኒ ነ ቦንቾ ካተትꬃ በትዛ ጋላስ ኑፕ ፐታ ኡሻች ባጋር ማ ፐታ ሀድርስ ባጋር በትꬆየ» ዬጌዛ።
MAR 10:38 ዝን የሱሳ ኡንትኮ፥ «ይ አብ ዎስዛኮ ኤሮያ፥ ታ ኡዦዳይስ የዝ ጹአ ኡዦዳይስ ዳንዳእኔ? ማ ታ ጻማቅንቶዳይስ የዝ ጽንቃታ ጻማቅንቶዳይስ ዳንዳእኔ?» ዬጌዛ።
MAR 10:39 ኡ ማሂ፥ «ኤ ኑ ዳንዳእዛ» ዬጌዛ። የሱሳ ማካ፥ «ቱማ ታ ኡዦዳይስ የዝ ጹአ ይ ኡዦዳ፥ ታ ጻማቅንቶዳይስ የዝ ጽንቃታ ይ ጻማቅንቶዳ።
MAR 10:40 ዝን ታፕ ኡሻች ባጋራኔ ሀድርስ ባጋር በቶድታ ዶሮ ታ ዎልቃ ባያ፥ ዝን የ አቃይ ጾሳይ እማዳይስ ጊግሲ ጋዴዝታይሲ» ዬጌዛ።
MAR 10:41 Ꮊንኮ ታጲ ታማርታይ የያ ስኢ ያይቆባላኔ ዋንሳል ጋይልንቴዛ።
MAR 10:42 የሱሳ ኡንታን ኡባ ፋኮ ጼጊ፥ «አይሁደ ባ አስታይስ ሀላቅታይ ጋደ አቅስዝታ ግንትንቲ ጼግንትዝታይ ሞድዝታይስ ፋ አስታይል አፋ ማዉተ የዛና ይ ኤርዛ።
MAR 10:43 ዝን ይ ጋንጨ የይ ጋርክ ባያ፤ ይንቲ ይ ጋንጨ ባይራꬎዳይስ ኮይዝ ኦንካ ይንትስ አይለ ማቆዳይስ ቤዝዛ።
MAR 10:44 ማ ይ ጋንጨ ኡባፕ ꬎቃ ማቆዳይስ ኮይዝ ኦንካ ይ ኡባይስ አይለ ማቆዳይስ ቤዝዛ።
MAR 10:45 ሀራ አቶዝን፥ አስ ናአይካ፥ አስስ ኦꬆዳይስኔ ጋምታ ዎዞዳይስ ፋ ሸምፖ ኣꬂ እማዳይስ የኤዛፕ አትን አሲ ኤዝስ ኦꬆድ ጋርክ የኤካያ» ዬጌዛ።
MAR 10:46 ኡንቲ ኢያርኮ ካታማ Ꮊንጌዛ። የሱሳ ፋ ታማርታይራኔ ጋመ አስታይር ኢያርኮፕ ከሳዳር፥ ጽሞሳ ናአይ፥ ቶአይ፥ ባርጽሞሳ ግንትንትዛይ፥ ኦገ ጋጻ በቲ ዎስዛ።
MAR 10:47 ባርጽሞሳ፥ ኤ የ ኦጋይር ኣꬍዛይ ናዝረተ የሱሳ ማቄዛና ስኢ ፋ ቃላ ꬎቅ ኡዲ፥ «ዳዉተ ናአ የሱሳ፥ ታና ማሮየ!» ዬግታር ኡፎ አይኬዛ።
MAR 10:48 ጋመ አሳይ ኤዛ፥ «ሀይዞባ!» ዬጊ ቆዴዛ። ዝን፥ ኤ ፋ ቃላ ቲናሳይፕ ኣꬂ፥ «ዳዉተ ናአዮ፥ ታና ሀያና ማሮየ!» ዬጌዛ።
MAR 10:49 የሱሳ ኤቂ፥ «ኤዛ Ꮊና ጼጎይታ» ዬጌዛ። ኡንቲ ቶአይኮ፥ «አኮ ባያ፥ ደንዲ ኤቆባ፥ ነና ጼግዛ» ዬጌዛ።
MAR 10:50 ቶአይ ፋ አፍላ ꬎጊ ኦሊ፥ ጉፒ ደንዲ ኤቂ፥ የሱሳኮ Ꮊንጌዛ።
MAR 10:51 የሱሳካ፥ «ታ ኔስ አብ ኡዶድ ጋርክ ነ ኮዬ?» ዬጌዛ። ቶአይ፥ «አስታማራዮ፥ ታ በአዳይስ ኮይዛ» ዬጌዛ።
MAR 10:52 የሱሳ ኤዛ፥ «ቅቶባ፥ ነ አማናይ ነና ፓꬄዛ» ዬጌዛ። እዝር ኤ ኣፋይ ብእን፥ ኦገር የሱሳ ላሳ ካሌዛ።
MAR 11:1 ኡ የሩሳላመ ኡክታር፥ ደብረ ዛይተ ደረ ላንቀ የዝ ቤተፋገኔ ብታና ካታማ ሄሌዛ። የሱሳ ፋ ታማርታይፕ ናምእታ ቲና ኪቲ፥
MAR 11:2 «ይንታፕ ቲና የዝ ሄራ Ꮊንጎይታ፤ እዘ ሄሌዛን ጋርክ ኦንካ ቶጊ በኤካ አቻ የዝ ሀረ ናአ ይ ደማዳ፥ ኤዛ ብሊ፥ Ꮊና ኤኪ የኦይታ።
MAR 11:3 ኦንካ ይንታን፥ ‹Ꮊያ አብሶ ዋይዘ?› ዬጊ ኦይጭኮ፥ ‹ጎዳይ ኤዛ ኮይዛ፥ ዬጎይታ ኤ ኤልሲ Ꮊና ዳኮዳ› ዬጎይታ» ዬጌዛ።
MAR 11:4 ኡ Ꮊንጊ፥ ሀረ ናአይካ ባለ ኦገ ካለ አጭንቲ የዛና ደንጊ ብሌዛ።
MAR 11:5 የ አቃይድ ኤቄዝ ፐቲ ፐቲ አሳይ ኡንትኮ፥ «ሀረ ናአ ዋይሳዳይስ ብሌ?» ዬጌዛ።
MAR 11:6 ኤ ታማርታይ ኤ ኡንታን አዛዜዛና ኦድን፥ አሳይ ዳኪ አሼዛ።
MAR 11:7 ኡ ሀረ ናአ የሱሳኮ ክኢ፥ ፋ አፍልታ ኤ ዞካይል ሂጽን የሱሳ ያ ሀረ ናአ ቶጌዛ።
MAR 11:8 ጋመ አሳይ ፋ አፍላ ኦገል ሂጼዛ፤ ማ አቴዝ አሳይ ምꬅ ሀየ ሻቂ፥ ኦገል አፋ ሂጼዛ።
MAR 11:9 የሱሳፕ ቲናር የዝታኔ ኤዛ ጉየር ካልዝ አስታይ ፋ ቃላ ꬎቅ ኡዲ፥ «ሆሳና! ጎዳይ ሱንꬃር ይእዛይ አንጅንቴዛያ።
MAR 11:10 ይእዛና፥ ኑ ኣዳ ዳዉተ ካተትꬃት እዛ አንጅንቴዛኖ። ሆሳና! ኡባፕ ኣꬎ ሳሎ» ዬግታር ኡኬዛ።
MAR 11:11 የሱሳ የሩሳላመ Ꮊንጊ፥ ጾሳ ኬꬃ ገሌዛ። ማ ኡባ ባዝ ዩዪ በኤዛይፕ ጉየ፥ ሳአይ ቃሜዛይስ ታጶ ናምኢ ታማርታይር ብታና ካታማ Ꮊንጌዛ።
MAR 11:12 ዎንትꬃ ጋላስ ኡንቲ ብታናፕ ከዚ Ꮊማዳር፥ የሱሳ ናይንቴዛ።
MAR 11:13 ሃኮር ፐቲ ባላሰ ምꬃቶ ሀየ ቶኪ የዛኖ ብኢ፥ እዝል አፋ ኣፈ በንቶደሻ ግ፥ በአዳይስ እዝኮ Ꮊንጌዛ፥ ዝን እዝኮ ኤ Ꮊንጎዳር ሀየ ኣዳፕ አትን ፐቲ ኣፈካ ደንገካያ፤ አብስ ጊኮ፥ ባላሰ ካእዝ ዎደ ሄለካያ።
MAR 11:14 የሱሳ የ ባላሳቶ፥ «ይኬ፥ ኔፕ መꬍናስ አሲ ኣፈ ሚፐ» ዬጌዛ። ኤ ታማርታይ ኤ ግዛ ስኤዛ።
MAR 11:15 ኡ የሩሳላመ Ꮊንጌዛ፤ የሱሳ ጾሳ ኬꬅ ገሊ፥ ኤዛይድ ባይዝዝታኔ ዎንግዝታ ባለ ባይእꬂ አይኬዛ፤ ማ ሚሸ ላምዝታይ ጻርጴዛናኔ ሆለ ባይዝዝታይ ኦይዳ ሽሪ ኦሌዛ፥
MAR 11:16 አሲ አባባዝካ ቶኪ፥ ጾሳ ኬꬅ ጋንጨር ኣꬋማይ ጋርክ ካዬዛ።
MAR 11:17 የሱሳ አስታ Ꮊይ ጋርክ ዬጊ ታማርሴዛ፦ «ጌሻ ማጻፋይድ፥ ‹ታ ካራይ አስ ኡባይ ጾሳ ዎስዛ ካራ ማቃዳ› ዬግንቲ ጻፍንተካሳ? ዝን ይ ኤዛ ፓንታይ ቆስንትዛ ኮምኦ ማሄዛ» ዬጌዛ።
MAR 11:18 ቄሰ ሀላቅታይኔ ህገ አስታማርታይ የያ ስኢ፥ ኤዛ ዎꬎዳይስ ኦገ ኮሽ አይኬዛ። ዝን ዎያ ኡባይ ኤ ትምርታ ማላባዝ ግዝ ግሾስ ኤዝስ ያሽቴዛ።
MAR 11:19 ሳአ ለምእለምኦዳር የሱሳራኔ ኤ ታማርታይ ካታማፕ ጋጻ ከዜዝ።
MAR 11:20 ኡንቲ ዎንትꬃ ጋላስ የ ኦጋይር ኣꬊታር፥ የ ባላሳታ ጻጶር መሌዛኖ በኤዛ።
MAR 11:21 ጵጽሮሳስ ኤልቂ ግን፥ «አስታማራዮ፥ ይናሸ፥ ነ ባዴዝ ባላሳት መሌዛ» ዬጌዛ።
MAR 11:22 የሱሳ ማሂ፥ «ጾሳ አማኖይታ።
MAR 11:23 ታ ይንትስ ቱሮ ኦድዛ፤ ኦንካ ፋ ዎዝናይድ ስካዛር ጌዝባዚ ሀኖዳና ፋ ዎዝናር አማኒ፥ Ꮊ አምባ፥ ‹ሾድንቲ አባ ጋንጨ ዎꬎባ› ዬግኮ ኤዝስ ሀኖዳ።
MAR 11:24 የይ ግሾስ፥ ታ ይንትስ ኦድዛ፤ ጾሳ ይ ዎስዛባዝኔ ኦይጭዝ ባዝ አብ ማቅኮ ኤኬዛይ ጋርክ አማኖይታ፥ ይ ኤኮዳ።
MAR 11:25 ጾስ ዎሶዳይስ ይ ኤቆዳር ሳሎ የዝ ይ አዳይ ይ ናጋራ አቶ ጎዳይ ጋርክ፥ ኦንካ ይንታን ናቄዝ ባዝ ፐታካ የዝኮ፥ ኤዝስ አቶ ጎይታ። [
MAR 11:26 ዝን አስ ናጋራ ይ አቶ ጋም እጽኮ፥ ሳሎ የዝ ይ አዳይካ ይ ናጋራ ይንትስ አቶ ጋሚ» ዬጌዛ።]
MAR 11:27 ኡ ማቅካ የሩሳላመ ቅቴዛ። የሱሳ ጾሳ ኬꬃ የꬎዳር፥ ቄሰ ሀላቅታይ፥ ህገ አስታማርታይኔ ጭምታይ ኤዝኮ ይኢ፥
MAR 11:28 «ነ Ꮊይትታ ኦꬆዳይስ ኔስ አባ ማዉተ የኔ? ዎይ ኔስ Ꮊ ማዉታ እንጌዛይ ኦኖ?» ዬጌዛ።
MAR 11:29 የሱሳካ ማሂ ኡንትኮ፥ «ታ ይንታን ፐትባዝ ኦይጮዳ፥ ታስ ኦዶይታ። ታ ማ Ꮊያ አባ ማዉተር ኦꬅዛኮ፥ ይንትስ ኦዶዳ።
MAR 11:30 ዋንሳ ጽንቃታይ ጾሳፐኔ አሳፔ? ታስ ኦዶይታ» ዬጌዛ።
MAR 11:31 ኡ ዎል ጋንጨ ፓላማ አይኪ፥ «ኑ፥ ‹ጾሳፕ› ጊኮ፥ ኤ ኑኮ፥ ‹የዝን፥ ዋንሳ ኦዴዛና አብስ አማነካሳ?› ዬጎዳ።
MAR 11:32 ‹አሳፔ ጊኮ› ኡባ አስ ዋንሳ ናበ ማቄዛ ኤርዛ።» የይ ግሾስ ዎያይስ ያሽቴዛ።
MAR 11:33 የይ ግሾስ፥ ኡ የሱሳኮ፥ «ኑ ኤሮያ» ዬጊ ማሄዛ፤ የሱሳካ፥ «ታንካ Ꮊያ አባ ማዉተር ኦꬅዛኮ፥ ይንትስ ኦዳሚ» ዬጌዛ።
MAR 12:1 የሱሳ ኡንትስ ኣዝሶር ዬጊ ኦዳ አይኬዛ፤ «ፐቲ አꬃይ ዎይነ ምꬂ ቱኪ፥ ዩሻ ጋሴዛ። ማ ዎይነ ቡልዝ ኦላካ ቦኬዛ። ናጎዳይስ አዱስ ሻኮ ሻክሴዛ። የይፕ ጉየ፥ ማታየ Ꮊንትዝ አሳይስ እንጊ፥ ሀራ ቢታ ቅቴዛ።
MAR 12:2 ዎይነ ኣፈ ማጽዛ ዎደ ሄልን፥ ፋና ሄልዛና ኤኪ የኦድ ጋርክ፥ ፐቲ ፋ አይላ ማታየ ኤኬዝታይኮ ኪቴዛ።
MAR 12:3 ማታየ ኤኬዝታይ ኤ አይላ አይኪ Ꮊꬊ፥ ካሎ ኩሸ ዳኬዛ።
MAR 12:4 ናምአንꬆ ሀራ አይለ ኡንትኮ ኪትን፥ ኡንቲ የ አይላ ሹቻር ቃዉጺ ዬላꬂ ዳኬዛ።
MAR 12:5 ዎይነ አታክልተ ጎዳይ ማካ ሀራ አይለ ኪቴዛ። ያ አይላ ዎꬌዛ፥ ማ ሀራ ጋምታ ዳክን የይ ጋርክ፥ ፐታ ፐታ Ꮊꬊ፥ ባግታ ዎꬌዛ።
MAR 12:6 «ዎይነ አታክልተ ጎዳይስ ኪቶዳይስ ኡባፕ ዉርስꬃል ኤ ሎእꬂ ቃꬍዛ ናአይ ኣዳ አቴዛ። ኤ፥ ‹ኡ ታ ናአ ቦንቼካ አሻሚ› ዬጊ፥ ፋ ናአ ኡንትኮ ኪቴዛ።
MAR 12:7 «ዝን ማታየ ኤኬዝታይ ፋ ጋንጨር፥ ‹ላቶዳይ Ꮊያ፤ የꬎይታ ኤዛ ዎላ ዎꬎዳ፤ ኤ ጋዳይ ኑስ ማቆዳ!› ዬጌዛ።
MAR 12:8 ናአ አይኪ ዎꬊ፥ ኤ አሃ ዎይነ አታክልተ ጋንጨፕ ጋጻ ከሲ ኦሌዛ።
MAR 12:9 «ይኬ፥ ዎይነ አታክልተ ጎዳይ ዋይሳዴ? ይኢ የ ማታየ ኤኬዝታ ዎꬊ፥ ዎይና ኦꬅዛ ሀራ አሳይስ እማዳ።
MAR 12:10 « ‹ግምቢዝታይ ቦሪ እጼዝ ሹቻይ ኬꬅ ሙመር ቶክዛ ክርክሮ ጋርክ፤ ኡባፕ ኣꬊዝ ሹች ማቄዛ። Ꮊይ ጎዳይ ኦꬄዝ ባዝ፤ ማ ኑ ኣፋይስካ ማላ ባዝ› ዬግዛና ጌሻ ማጻፈፕ ናባበካሳ?» ዬጌዛ።
MAR 12:12 ቄሰ ሀላቅታይ፥ ህገ አስታማርታይኔ ጭምታይ የሱሳ የ ኣዝሳ ኡ ፋል አፋ ኣዝሴዛና ኤሬዝ ግሾስ ኤዛ አይኮዳይስ ኮዬዛ፥ ዝን አሳይስ ያሽቲ፥ አሺ ቅቴዛ።
MAR 12:13 ፈርሳውታይፐኔ ሄሮዶሳ ባግታይፕ ጽቃ አስታይ ኤ ኦዳይፕ ቡታ ደንጊ፥ ኤዛ አይኮዳይስ ኮዪ፥ ኤዝኮ ኪቴዛ።
MAR 12:14 ኡ ኤዝኮ ይኢ፥ «አስታማራዮ፥ ነ ቱሮ ኦድንትዛኔ አሳፕ አሰ ሻጎዛና ኑ ኤርዛ። ነ አሰ ሻጎያ፤ ማ ጾስ ኦገ ቱማር ታማርስዛ። ኑ ኦሮመ ቢታ ካት ቄሳረስ ጊራ ጋችዛይ ዎጋኔ ዎጋ ባሳ? ጊራ ጋቾኔ አሾ?» ዬጌዛ።
MAR 12:15 ዝን ኡ ጩቦትꬃ የሱሳ ኤሪ፥ «ታና አብስ ፋጮዳይስ ኮዬ? አን ፐቲ ሳንተ Ꮊና ክኢ ታና ቤዞይታ» ዬጌዛ።
MAR 12:16 ኡንቲ ኤዝስ ከኤዛ፥ «Ꮊ ማላይኔ ሱንꬃይ ኦሶ?» ዬጊ ኡንታን ኦይጬዛ። ኡንቲ፥ «ቄሳረስ» ዬጌዛ።
MAR 12:17 የሱሳ ማሂ፥ «ዬዛኮ፥ ቄሳሬሳና ቄሳረስ፥ ጾሲሳ ጾስስ እንጎይታ» ዬግን ኡ ኤ ኦዳ Ꮊይ ማላ ባዝ ጌዛ።
MAR 12:18 Ꮊይቄዝ አሲ ደንዶያ ግዝ ሳዱቃውታይፕ ፐቲ ፐቲ አሳይ የሱሳኮ ይኢ፥ Ꮊይ ጋርክ ዬጊ፥ ኤዛ ኦይጬዛ።
MAR 12:19 «አስታማራዮ፥ ሙሰ ኑስ ህገ ጻፍታር፥ ‹ማቾ ኤኬዝ አꬃይ ናአ የለካ Ꮊይቅኮ፥ የ Ꮊይቄዛይስ እሻይ ኤ ማቻቶ ኤኪ፥ ፋ እሻይስ ናአ የሎዳይስ ቤዝዛ› ዬግዛና ጻፌዛ።
MAR 12:20 ብኒ ዎደ ላፑን እሽታይ የዝታይፕ ባይራይ ማቾ ኤኪ፥ ናአ የለካዛር Ꮊይቄዛ።
MAR 12:21 ናምእንꬃይ እዞ ኤኬዛ፥ ኤዝካ ናአ የለካዛር Ꮊይቄዛ። ሃይꬒንꬃይካ የይ ጋርክ ሀኔዛ።
MAR 12:22 ላፑንታይካ የይ ጋርክ እዞ ኤኪ፥ ናአ የለካዛር Ꮊይቄዛ። ኡባፕ ጉየ፥ ማ የ አስታካ Ꮊይቄዛ።
MAR 12:23 የዝን፥ ላፑንታይ እዞ ኤኬዝ ግሾስ Ꮊይቄዝ አሳይ Ꮊይቆፕ ደንድዛ ጋላስ፥ እዛ ኡንታፕ ኣያይስ ማቾ ማቆደ?» ዬጌዛ።
MAR 12:24 የሱሳ ማሂ፥ «ይ ባልንትዛይ፥ ጌሻ ማጻፍታ ዎይ ጾስ ዎልቃ ኤረካ ግሾስ ባሳ?
MAR 12:25 Ꮊይቄዝ አሳይ Ꮊይቆፕ ደንድዛ ጋላስ፥ ሳሎ የዝ ኪታንችታይ ጋርክ ማቆዳይፕ አትን ꬊራꬅ አሳይ ኤኮያ፤ ማቺ አስታይ ገሎያ።
MAR 12:26 ዝን Ꮊይቄዝታይ ደንዶ ባጋ ማቅኮ፥ ጾሲ ሙሰኮ ቱሻ ጋንጨ ኤጽዝ ታማፕ ዋጌዛኮ ሙሰ ማጻፋይፕ ይ ናባበካሳ? የይካ ‹ታኒ፥ አፍራመ ጾሲ፥ እሳቃ ጾሲ፥ ያይቆባ ጾሲ› ዬጌዛያ
MAR 12:27 የይ ግሾስ፥ ኤ፥ ፓꬅ የዝታይ ጾሳፕ አትን Ꮊይቄዝታይ ጾስ ባያ። ይ አቆፕ ኣꬊ ባልንትዛ» ዬጌዛ።
MAR 12:28 ህገ አስታማርታይፕ ፐታይ ኡ ፓላምዛና ሺቂ ስኤዛ። ማ የሱሳ ኡንትስ ሎእꬂ ማሄዛና ስኢ፥ «ኪታ ኡባፕ ኣꬊዝ ኪታይ ኣያ?» ዬጊ የሱሳና ኦይጬዛ።
MAR 12:29 የሱሳ ማሂ፥ ኤዝኮ Ꮊይ ጋርክ ዬጌዛ፦ «ኪታ ኡባፕ ኣꬊዝ ኪታ ስኦይታ፤ ‹እስሬለ አሳይስ፥ ጎዳይ ኑ ጾሳይ ፐቲ ጎዳ።
MAR 12:30 ነ ጎዳ ነ ጾሳ ነ ኩንꬅ ዎዝናፕ፥ ነ ኩንꬅ ሸምፖፕ፥ ነ ኩንꬅ ቆፋፕ፥ ነ ኩንꬅ ዎልቃፕ ቃꬎባ› ዬጌዛ።
MAR 12:31 ማ ኪታ ኡባፕ ኣꬊዝ ናምእንꬆ ኪታይ Ꮊያ፤ ‹ነ ላጋ ነ ኡባይ ጋርክ ቃꬎባ› ዬግዛ፤ Ꮊይትታይፕ ኣꬊዝ ሀራ ኪታ ባያ» ዬጌዛ።
MAR 12:32 ህገ አስታማራይ የሱሳኮ፥ «አስታማራዮ፤ ‹ጾሳይ ፐቶ። ኤዛፕ አትን ሀራ ባያ› ነ ጌዛይ ቱሮ።
MAR 12:33 ጾሳ ኩንꬅ ዎዝናፕ፥ ኩንꬅ ቆፋፐኔ ኩንꬅ ዎልቃፕ ቃꬍዛይኔ ማ አስ ኡባ ፋ ኡባይ ጋርክ ቃꬍዛይ ጹግዝ ያርሾፐኔ ሀራ ያርሾ ኡባይፕ ኣꬍዛ» ዬጌዛ።
MAR 12:34 የሱሳ ህገ አስታማራይ ማህꬃይ ኣꬎ ኤራ አስ ማልሰ ማቄዛና ብኢ፥ «ነ ጾስ ካተትꬃፕ ሃከካያ» ዬጌዛ፤ የይፕ ጉየ፥ የሱሳና ሀራ ባዝ ኦይጮዳይስ ኦንካ ምንገካያ።
MAR 12:35 የሱሳ ጾስ ኬꬃ ታማርስታር፥ Ꮊይ ጋርክ ዬጌዛ፦ «ህገ አስታማርታይ ክርስቶሳ ዋጊ ፋና ዳዉተ ናአ ጌ?
MAR 12:36 ዳዉተ ጌሻ አያና ደንꬅꬅን፥ « ‹ጎዳይ፥ ታ ጎዳይኮ፥ «ታኒ ነ ሞርክታ ነ ቶኬ የꬍዝ አቆ ኡዶድ ጋꬆ፥ Ꮊይዳ ታ ኡሻቻ በቶባ» ጌዛ ዬጌዛ።
MAR 12:37 ዳዉተ ፋ ኡባስ ክርስቶሳና፥ «ጎዳ ግ ጼግኮ፥ የዝን፥ ክርስቶሳ ዋይዚ፥ ዳዉተ ናአ ማቄ» ዬጌዛ። ዎያይ የሱሳ ግዛና ኡፋይቲ ስኤዛ።
MAR 12:38 የሱሳ ታማርስታር፥ Ꮊይ ጋርክ ዬጌዛ፦ «ህገ አስታማርታይፕ ናግንቶይታ፤ ኡ አዱስ አፍላ ማኢ ዩይዝታኔ ጋበላካ አሳይ ኡንታን ቦንቺ ሳሮꬅዛና ዶስዛ።
MAR 12:39 ኡንቲ አይሁድታይ ዎሳ ኬꬃ ጋመ ሎኦ ኦይደ ዶስዛ፤ ማካ አሲ ፋና ሞክዛ አቆካ ቦንቾ አቆ ዶስዛ።
MAR 12:40 ኡ አሲ በኦ ግ ዎሳ አዱስስታር፥ አምእታይ ኬꬃ ቦንቂዛ፤ ኡ ኡባፕ ኣꬊዝ ፕርዳ ኤኮዳ» ዬጌዛ።
MAR 12:41 የሱሳ ጾስ ኬꬅ ጋንጨ ሙጻታ ኦልዛ ሳጽነ ካለ በቲ፥ አሳይ ፋ ሚሻ የ ሳጽናይድ ኦልዛና በኤዛ፤ ጋመ ዱረ አሳይ ጋመ ሚሸ የ ሳጽናተ ኦልዛ።
MAR 12:42 ፐቲ ማንቆ አምአት ይኢ፥ ናምኢ ስክና የ ሳጽንተ ኦሌዛ።
MAR 12:43 የሱሳ ፋ ታማርታ ጼጊ፥ «ታ ይንትስ ቱሮ ኦድዛ፤ ሙጻታ ሳጽነ ጋንጨ ኦሌዝ አስ ኡባፕ Ꮊ ማንቆ አምአት ኣꬂ ኦሌዛ።
MAR 12:44 አብስ ጊኮ፥ Ꮊንክታይ ኡቢታይ ፓስ ፑጬዝ ሚሻይፕ ኦሌዛ። ዝን እዛ ፋ ፓጫትፕ፥ ፓስ የዛኖ ኡባር ኦሌዛ» ዬጌዛ።
MAR 13:1 የሱሳ ጾስ ኬꬃፕ ከሳዳር፥ ኤ ታማርታይፕ ፐታይ፥ «አስታማራዮ፥ Ꮊይ ዋፋ ሎኦ ሹችኔ ዋፋ ሎኦ ሹች ኬꬅዛኮ ነ ቦኦባ!» ዬጌዛ።
MAR 13:2 የሱሳ ማሂ፥ «Ꮊ ዳማ ሹች ኬꬃ ነ ብእኔ? Ꮊ ኬꬃይ ሹቺ ሹቻል አፋ ግምቢንቴዛይ ጋርክ ላልንተካዛር አታሚ፤ ፐቲ ሹችካ አተካዛር ኡቢታይ ላልንቶዳ» ዬጌዛ።
MAR 13:3 የሱሳ ጾስ ኬꬃፕ ቲና ባጋር ደብረ ዛይተ አምባል አፋ በቴዝን፥ ጵጽሮሳ፥ ያይቆባ፥ ዋንሳኔ እንድራሰራ ዎላ ኤዝኮ ይኢ፥
MAR 13:4 «Ꮊይ አይደ ሀኖዳዛኮ፥ ኑስ ኦዶባ፤ Ꮊ ኡቢታይ ፖልንቶድ ዎዳ ኤርስዛ ማላይ አባ?» ዬጊ ኦይጬዛ።
MAR 13:5 የሱሳ ማካ ኡንትስ Ꮊይ ጋርክ ዬጊ ኦዴዛ፦ «ይንታን ኦንካ ባልꬃማይ ጋርክ ናግንቶይታ።
MAR 13:6 ጋመ አሳይ ታ ሱንꬃር፥ ‹ታኒ ክርስቶሳ› ዬግታር ይኢ፥ ጋመ አስታ ባልꬆዳ።
MAR 13:7 ኦላኔ ኦላ ዎረ ይ ስኤዝ ጋላስ ዳጋምፓተ። የይ ጋርክ ባዝ ሀኖዳይ አታሚ፥ ዝን ዉርስꬃይ ሀጋ።
MAR 13:8 ፐቲ ዎያ ሀራ ዎያር ኦልንቶዳ፤ ማ ፐቲ ካተትꬃይ ሀራ ካተትꬃር ኦልንቶዳ፤ ቢታ ኤንኦ ኡባ አቆ ሀኖዳ፤ ናየ ደንዶዳ፥ ዝን የይ ኡባይ የሎስ ማቺ እቅንትዝ ዞኬ ጋርከ።
MAR 13:9 «ዝን ይ፥ ይ ኡባስ ናግንቶይታ። አብስ ጊኮ፥ አሲ ይንታን አይኪ፥ ፕርደ ኬꬅስ ኣꬂ እማዳ፤ ማ አይሁድታይ ዎሳ ኬꬅታይዳካ ይንታን አላንጋር አላንጎዳ፤ ጋደ አቅስዝታይ ቲናኔ ካትታይ ቲና ታ ግሾስ ይ ማርካቶዳይስ ኤቆዳ።
MAR 13:10 ዉርስꬂ ሄሎዳይፕ ቲና ዎንግለ አስ ኡባይስ ኦድንቶዳይስ ቤዝዛ።
MAR 13:11 ኡ ይንታን ፕርደ ኬꬅ ክእዛ ዎደኔ ኣꬂ እንግዛ ዎደ ዋጊ ኦዶደ ዬጊ ህርግፓተ፤ የ ሳታተ ጾሳይ ይንትስ እንግዛ ባዝ ኦዶይታ። ጌሻ አያናይ ኦድንትዛፕ አትን ይንታን ባያ።
MAR 13:12 «ኢሻይ ፋ እሻ፥ አዳይ ፋ ናአ ኣꬂ እማዳ። ናእታይ ፋና የሌዝታይል አፋ ደንዲ፥ ኡንታን ዎꬎዳ።
MAR 13:13 አሲ ኡባይ ይንታን ታ ሱንꬃይ ግሾስ እጾዳ፥ ዝን ዉርስꬂ ሄሎዳይስ ጋርዤዛይ አቶዳ።
MAR 13:14 «ዝን ꬋብስዛ ቱና ኦሶ ኤቆዳይስ ቤዞዋ አቆ ኤቄዝን ይ በአዳ።» የይ ዋጉስዛኮ ናባብዛይ አካኮ! «ይሁዳ ቢታ የዝታይ የ ዎደ አምባ ጉየ ቆስንቶ።
MAR 13:15 ኬꬃል የዝ አꬃይካ ፐትባዝ ኤኮዳይስ፥ ፋ ካራ ገልፐ።
MAR 13:16 ጋደ ኦꬆል የዛይ ፋ አፍላ ኤኮዳይስ ጉየ ማቅፐ።
MAR 13:17 የ ዎደ ዎደꬅ ማችታይስኔ ꬋንꬅዛ ማችታ ኡንታን አየ።
MAR 13:18 ዝን Ꮊይ ኡቢታይ ሀኖዳር ዎዳይ ባርጎ ማቃማይ ጋርክ፥ ጾስ ዎሶይታ።
MAR 13:19 አብስ ጊኮ፥ ጾሲ አላመ መꬌዝ ዎደፕ አይኪ፥ Ꮊኖ ሄሎዳይስ ሀንበኤካ መቶ ቲናፐካ ሀናም መቶ አሳል አፋ የ ዎደ ሀኖዳ።
MAR 13:20 ጎዳይ የ ጋላስታይ ታይባ ሃትꬆዛኮ፥ አስ ግዝ ኦንካ አታሚ። ዝን ኤ ፋ ዶሬዝ አሳይ ግሾስ የ ጋላስታይ ታይባ ቃንꬅሴዛ።
MAR 13:21 «የ ዎደ ኦንካ ይንታን፥ ‹Ꮊያ ቦኦይታ፥ ክርስቶሳ Ꮊይዳ የዛ ዎይ ክርስቶሳ ሰንዳይዳ የዛ› ዬግኮ፥ የያ አማንፓተ።
MAR 13:22 ዎርዶ ክርስቶስታይራኔ ዎርዶ ናብታይ ደንዲ ኡንትስ ዳንዳእንትኮ፥ ሀራ አቶዝን ጾሳይ ማራጼዝታካ ባልꬆዳይስ ማላኔ ማላባዝ ቤዞዳ።
MAR 13:23 ዝን ይ ናግንቶይታ፤ ታ ይንትስ ኡባ ባዝ ቲናቲ ኦዴዛ።
MAR 13:24 «ዝን የ ዎደ የ ዋያይፕ ጉየ፥ « ‹አዋ ꬉሞዳ፤ አግና ፋ ፎአ ካዮዳ፤
MAR 13:25 ጾልንትታይ ሳሎፕ ጉፎዳ፤ ማ ሳሎ የዝ ዎልቅታይካ ኤንኦዳ።›
MAR 13:26 የ ዎደ አስ ናአይ፥ ኣꬎ ዎልቃራኔ ቦንቾራ ሻራ ጋንጨር የኦዳር ኡባይ በአዳ።
MAR 13:27 የ ዎደ ኤ ኪታንችታ ኪቶዳ፤ ኡንትካ ኦይዲ ጎንተ Ꮊንጊ ሳአ ጋጻፕ ሳሎ ጋጻ ሄሎዳይስ፥ ጾሲ ዶሬዝ አስታ ሺሾዳ።
MAR 13:28 «ኣዝሶ ባላሰ ምꬃፕ አካኮይታ፤ ባላሳታ ፉርጮዳራኔ እ ሀያይ ብልእꬅ አይክኮ ቦነ ኡኬዛና ይ ኤርዛ።
MAR 13:29 የይ ጋርከካ፥ ይ የ ኡባ ባዝ ሀንዛና ብእኮ ዎዳይ ኡኪ ፐንገ ሄሌዛና ኤሮይታ።
MAR 13:30 ታ ይንትስ ቱሮ ኦድዛ፤ Ꮊ ኡባባዛይ ሀኖድ ጋꬆ Ꮊ የለትꬅ ኡቢታይ ኣꬋሚ።
MAR 13:31 ሳሎኔ ሳአ ኣꬎዳ፥ ዝን ታ ቃላይ ኡባራካ ኣꬋሚ።
MAR 13:32 «ዝን የ ጋላሳኔ የ ሳታ አዳይ ኣዳፕ አትን ሀራ አቶዝን ሳሎ የዝ ኪታንችታ ማቅን ዎይ ናአ ማቅን ኦንካ ኤርዛይ ባያ።
MAR 13:33 የ ጋላሳይ አይደ ማቆዳዛኮ ይ ኤሮዋ ግሾስ ናግንቶይታ፥ ምንጎይታኔ ዎሶይታ።
MAR 13:34 ታ ይእꬃይ ፋ ካራ አሺ፥ ኦገ Ꮊንግዛ አꬃይ ጋርከ። አꬃይ ፋ አይልታ ኦማር ኦማር ኦꬆ አይꬂ ኡንትስ ፋ ኦሳይስ ማዉተ እንጌዛ፤ ማ ናግዛናካ ሚንꬂ ናጎድ ጋርክ ኪቴዛ።
MAR 13:35 «የይ ግሾስ፥ ሚንጎይታ። አብስ ጊኮ፥ ካራ አዳይ ኦማꬅ ማቆ ዎይ ግዲ ብላሄ ማቆ ዎይ ሹጉላ ኡፎ ማቆ ዎይ ዎንትማꬄ ማቆ አይደ የኦዳዛኮ፥ ይ ኤሮያ።
MAR 13:36 ይ አካኬካዝን ኤ ይኢ ይንታን ይ ገንቲ የዝን ደንጋማይ ጋርክ ሚንጎይታ።
MAR 13:37 ታ ይንትስ ኦድዛን ጋርክ አስ ኡባስ፤ ሚንጎይታ» ዬጌዛ።
MAR 14:1 ፓዝቃ ባለ ቦንችዛ ጋላስኔ ቦራ ባለ ቦንችዛ ጋላስ ሄሎዳይስ ናምኢ ጋላሲ አቴዛ። ቄሰ ሀላቅታይኔ ህገ አስታማርታይ ጩቦትꬃር የሱሳና አይኪ ዎꬍዛ ኦገ ኮይዛ።
MAR 14:2 «አሳይ ካች ከሳማይ ጋርክ ፓዝቃ ቦንችዝ ጋላስ ኦꬃሚ» ዬጌዛ።
MAR 14:3 የሱሳ ብታና ካታማ ቦርቆንቶ ሀርገር የዝ ስሞና ካራ ስብረል አፋ በቴዝን፥ ፐቲ አስታ አልባስጽሮሳ ግንትዝ ብልጋጸ ኩንꬅ ናርዶሰ ግንትዝ ጋመ አልኦ ሽቶ ኤኪ የኤዛ። የ ብልጋጻቶ መንꬂ ሽታ የሱሳ ኦማይል ሁልኤዛ።
MAR 14:4 የ አቃይድ የዝ አሳይፕ ፐታይ ፐታይ ካጭንቲ፥ «Ꮊ ሽታይ ጨር ኢትዛይ አብሶ?
MAR 14:5 Ꮊ ሽታና ሀይꬒ ጼት ድናረ ጋተ ከሶዳያ ባይዚ፥ ሚሻ ማንቅታይስ እማዳይስ ዳንዳእንትዛዝን» ዬጊ ፋ ጋንጨር ዎላ ኦድንቴዛ። ዬዚ፥ የ አስቶ ቦሬዛ።
MAR 14:6 ዝን የሱሳ «Ꮊ አስቶ አሾይታ፤ እዞ አብስ ዋይꬄ? እዛ ታስ ሎኦ ባዝ ኦꬄዛ።
MAR 14:7 ማንቅታይ ኡባ ዎደ ይንታር የዛ። ይ ኮዤዝ ጋላስ አይደካ ኡንታን ማዶዳይስ ዳንዳእዛ፥ ዝን ታ ኡባ ዎደ ይንታር የዛሚ።
MAR 14:8 እዛ ፓስ ዳንዳእንቴዛይ ጋርክ ኦꬄዛ፤ ማ ታና ሞጎስ ጊግሶዳይስ ቲናቲ ሽቶ ትዤዛ።
MAR 14:9 ታ ይንትስ ቱሮ ኦድዛ፤ ሳአ ኡባይል ዎንግለ ኦድንትዛ አባ ማቅኮካ፥ አሳይ እዞ ሀሳዮዳይ ጋርክ Ꮊ እዛ ኦꬄዛይ ኦድንቶዳ» ዬጌዛ።
MAR 14:10 ታጶ ናምኢ ታማርታይፕ ፐታይ አስቆሮቶ ይሁዳ ግንትንትዛይ የሱሳና ቄሰ ሀላቅታይስ ኣꬂ እማዳይስ ኡንትኮ Ꮊንጌዛ።
MAR 14:11 ኡ የያ ስኢ ኡፋይቲ፥ «ኑ ኔስ ሚሸ እማዳ» ዬጌዝ ግሾስ፤ ይሁዳ የሱሳና ኣꬂ እንጎዳይስ ጊጋ ጋላስ ኮዬዛ።
MAR 14:12 ቦራ ባለ ቦንችንትዛይፕ ቲና ጋላስ፥ ፓዝቃ ካꬃ ማዳይስ ዱር ሹክዛ ጋላስ የሱሳ ታማርታይ ኤዝኮ፥ «ፓዝቃ ቦንችዛ ጋላስ ነ ማድ ካꬃ ኑ ኣይድ Ꮊንጊ ማኮ?» ግ ኦይጬዛ።
MAR 14:13 የሱሳ ፋ ታማርታይፕ ናምእታ Ꮊይ ጋርክ ዬጊ ኪቴዛ፦ «ካታማ Ꮊንጎይታ፤ ይ Ꮊማዳር፥ ኦታር ሃꬅ ቶኬዝ ፐቲ አꬃይ ይንታን ሄሎዳ፤ ኤዛ ካሎይታ።
MAR 14:14 ኤ Ꮊንጊ ገልዛ ኬꬃቲ ጎዳይኮ፥ ‹አስታማራይ ኔኮ፥ ታኒ ታ ታማርታይር ፓዝቃ ማዳይስ እማꬅ ኬꬂ አባ የኔ? ዬጌዛ› ዬጎይታ።
MAR 14:15 ካራ ጎዳይ ይንታን ፖቄል አፋ ሂጽንቲ ጊጊ የዝ ዳልገ ክፍለ ቤዞዳ፤ የ አቃይድ ማኮይታ» ዬጌዛ።
MAR 14:16 የ ታማርታይ ከዚ፥ ካታማ Ꮊንጌዛ፤ የሱሳ ኡንትስ ኦዴዛይ ጋርክ ደንጊ፥ ፓዝቃ ካꬃ ማኬዛ።
MAR 14:17 ሳአ ኦማꬆዳር የሱሳ ታጶ ናምኢ ታማርታይር የ አቃ Ꮊንጌዛ።
MAR 14:18 ኡ በቲ ካꬃ ማዳር፥ የሱሳ ኡንትኮ፥ «ታ ይንትስ ቱሮ ኦድዛ፤ ይንታፕ ፐታይ ታር ሚዛይ፥ ታና ኣꬂ እማዳ» ዬጌዛ።
MAR 14:19 ኤ ታማርታይ ዳጋሚ፥ ፋ ኦማስ ኦማስ፥ «ቱማ ታናሻ?» ዬጊ ኤዛ ኦይጬዛ።
MAR 14:20 የሱሳ ማሂ፥ «የ አꬃይ ይ ታጶ ናምእታይፕ ፐታ፤ ኤ ታር ዎላ ፍልኦ ጋንጨ ኩሸ ዳክዛያ።
MAR 14:21 አስ ናአይ፥ ጌሻ ማጻፋይድ Ꮊይቆዳ ጌዛይ ጋርክ Ꮊይቆዳ፥ ዝን አስ ናአ፥ ኣꬂ እንግዛ አꬃ ኤዛ አየ። የ አꬃይ የልንተካ አቴዛኮ ኤስ ሎኦዝን» ዬጌዛ።
MAR 14:22 ኡ ማዳር፥ የሱሳ ቦራ ኤኪ፥ ጾስ ጋላቴዛ፤ የ ቦራ ባጺ፥ ፋ ታማርታይስ እንግታር፥ «Ꮊሽተ፥ Ꮊይ ታ አሾ» ዬጌዛ።
MAR 14:23 ጹአ ደንꬂ፥ ጾስ ጋላቲ፥ ኡንትስ እንግን ኡቢታይካ የ ጹአይፕ ኡዤዛ።
MAR 14:24 የሱሳ፥ «Ꮊይ ጋመ አሳይስ ጎግዝ ኦሮꬅ ጫቆ ታ ሱꬂ።
MAR 14:25 ታ ይንትስ ቱሮ ኦድዛ፤ ታኒ ጾስ ካተትꬃ ኦሮꬅ ዎይነ ኡዦድ ጋላሳይ ሄሎድ ጋꬆ ማቂ Ꮊ ዎይናይፕ ኡዣሚ» ዬጌዛ።
MAR 14:26 ማዝሙረ የጼዛይፕ ጉየ ደብረ ዛይተ አምባል አፋ ከዜዝ።
MAR 14:27 የሱሳ ኡንትኮ፥ «ይ ኡቢታይ ታና ኦሊ አሺ ላሲ ꬋቦዳ፤ « ‹ጾሲ ሄንግዛና ሾጮዳ፥ ዱርታይ ኡባይ ላልንቶዳ› ዬግንቲ ጻፍንቴዛይ ጋርከ። ዬጌዛ።
MAR 14:28 ዝን ታ Ꮊይቆፕ ደንዴዛይፕ ጉየ ይንታፕ ቲናቲ ጋልላ ኣꬎዳ» ዬጌዛ።
MAR 14:29 ጵጽሮሳ ማሂ፥ «ኡ ኡቢታይ ነና ኦሊ አሽኮካ፥ ታ ነና አሻሚ» ዬጌዛ።
MAR 14:30 የሱሳ ጵጽሮሳኮ፥ «ታ ኔስ ቱሮ ኦድዛ፤ Ꮊይኖ ቃማ ሹጉላ ናምኢ ቶክ ኡኮዳይፕ ቲና ነ ታና ሀይꬒ ቶኬ ካዶዳ» ዬጌዛ።
MAR 14:31 ዝን ጵጽሮሳ ቲናሳይፕ ሚንꬂ፥ «ታ ሀራ አቶዝን፥ ኔር ዎላ Ꮊይቅዛኮካ፥ ነና ካዳሚ» ዬጌዛ። Ꮊንክታይ ኡቢታይካ የይ ጋርክ ጌዛ።
MAR 14:32 የሱሳ ፋ ታማርታይር ጌተሰማነ ግንትዝ አቆ Ꮊንጊ፤ ፋ ታማርታይኮ፥ «ታ ጾሳ ዎሲ ማቆድ ጋꬆ ይ Ꮊይዳ በቶይታ» ዬጌዛ።
MAR 14:33 የሱሳ ጵጽሮሳ፥ ያይቆባራኔ ዋንሳ ፓር ኤኪ ቅቴዛ፤ ዋይንቴዛኔ ኡንእንቴዛ።
MAR 14:34 ማ ኡንትኮ፥ «ታ ሸምፓታ Ꮊይቆድ ጋꬆ አዛኔዛ፥ Ꮊይዳ ጋምኦይታኔ፤ ሚንጎይታ» ዬጌዛ።
MAR 14:35 ጽቃ ቲና ሺቂ፥ ሳአ ጹጉኒ፥ ዳንዳእንትዛ ባዝ ማቅኮ፥ Ꮊ ዋየ ሳታይ ፓፕ ኣꬎዳይ ጋርክ፥ ጾስ ዎሴዛ።
MAR 14:36 ማ፥ «አቦ፥ አባቦ፥ ኡባ ባዝ ኔስ ዳንዳእንትዛ፥ Ꮊ ዋየ ጹአ ታፕ ሃሶባ። ዝን ነ ሸነ ሀኖፕ አትን ታ ሸነ ሀንፔ» ዬጌዛ።
MAR 14:37 የሱሳ ማቂ ይኢ፥ ኡ ገንቴዝን ደንጊ፥ ጵጽሮሳኮ፥ «ስሞና፥ ገንቴኔ? ሀራ አቶ ነ ፐቲ ሳተካ ባርኪ ናጎዳይስ ዳንዳኤካሳ?
MAR 14:38 ፓጨ ጋንጨ ይ ገላማይ ጋርክ ባርኪ ናጎይታኔ ጾሳ ሚንጊ ዎሶይታ። አያናይ፥ ጊግንቴዝን አሻይ ዳቡራ» ዬጌዛ።
MAR 14:39 ማካ Ꮊንጊ ቲናሳይ ጋርክ ጾሳ ዎሴዛ።
MAR 14:40 Ꮊተካ ኤ ጉየ ማቂ ኡንትኮ የኦዳር ገንቴዝን ደንጌዛ። ኡ አፋ ገንታ ጎዚ ጋዴዝ ግሾስ ኤዝኮ አብ ማሆዳዛኮካ ኤረካያ።
MAR 14:41 ሃይꬒንꬆ ኡንትኮ ይኢ፥ «Ꮊኖ ሄሎዳይስካ ገንታላኔ ሸምፖል የኔ? ይኬ፥ ግዶዳ፤ ሳታት ሄሌዛ፤ ቦኦይታ! አስ ናአይ፥ ናጋራንቾ አሳይስ ኣꬊ እንግንቶድ ዎዳይ ሄሌዛ።
MAR 14:42 ይኬ ደንዶይታ የꬎይታ፤ ቦኦይታ፥ ታና ኣꬂ እንግዛ አꬃይ ሄሌዛ» ዬጌዛ።
MAR 14:43 የሱሳ የያ ሀጋ ኦዶዳር፥ ኤ ታጶ ናምኢ ታማርታይፕ ፐታይ፥ ይሁዳ፥ ኤልሲ ሄሌዛ። ማ ቄሰ ሀላቅታይ፥ ህገ አስታማርታይኔ ጭምታይ ኪትን፥ ማሻኔ ጉፈ አይኬዝ ጋመ አሳይ ኤዛር ዎላ የኤዛ።
MAR 14:44 የሱሳና ኣꬂ እንጎዳይ የ ጋመ አሳይስ፥ «ታ ዬርዛይ ኤዛ፤ ኤዛ አይኪ፥ ሎእꬂ ናጊ፥ ኤኪ ካንጎይታ» ዬጊ ማላ ኦዲ ጋዴዛ።
MAR 14:45 ይሁዳ ሄሌዛን ጋርክ የሱሳኮ ሺቂ፥ «አስታማራዮ» ዬጊ የሱሳ ዬሬዛ።
MAR 14:46 የ ጋመ አሳይ የሱሳና አይኬዛ።
MAR 14:47 ኤ ታማርታይፕ ፐታይ ፋ ማሻ ሾዲ ቄሰ ሀላቃይ አይላ ሾጪ፥ ኤ ሀይቶ ቃꬊ ኦሌዛ።
MAR 14:48 የሱሳ ማሂ፥ አሳይኮ፥ «ይ ታና ፓኖ አይክዛይ ጋርክ አይኮዳይስ ማሻኔ ጉፈ አይኪ የኤኔ?
MAR 14:49 ታ ጾስ ካራ ጋንጨ ታማርስታር፥ ጋላስ ጋላስ ይንታር የዝን ታና አይከካዛር፥ ጌሻ ማጻፋይ ጌዛይ ፖልንቶዳይስ ቤዝዛ» ዬጌዛ።
MAR 14:50 ኤ ታማርታይ ኡቢታይ ኤዛ ኦሊ አሺ ላሲ ꬋቤዛ።
MAR 14:51 ላጻና ኣዳ ማኤዝ ፐቲ የላጋ አꬃይ የሱሳ ካሎ አይኬዛ።
MAR 14:52 ዝን የ አꬃይ ላጻና ኦሊ አሺ፥ ጺራ ካሎ ላሲ ꬋቤዛ።
MAR 14:53 አሳይ የሱሳ ቄሰ ሀላቃይ ካራ ካንጌዛ። ኤዛይድ ቄሰ ሀላቅታይ፥ ጭምታይኔ ህገ አስታማርታይ ሺቂ የዛ።
MAR 14:54 ጵጽሮሳ ቄሰ ሀላቃይ ዛባ ሄሎዳይስ ሃኮር ኤዛ ካሊ Ꮊንጊ ኤዛይድ ናግዝታይር በቲ ታማ ካዥዛ።
MAR 14:55 ቄሰ ሀላቅታይኔ ፕርደ ሻንግታይ ኡቢታይ የሱሳ ዎꬎዳይስ ኤዛል አፋ ማርካ ኮዬዛ፥ ዝን አብካ ደንገካያ።
MAR 14:56 ጋመ አሳይ ኤዛል አፋ ዎርዶ ማርካቴዛ፥ ዝን ኡ ማርክተꬃይ ፐቲ ቃላ ባያ።
MAR 14:57 ፐቲ ፐቲ አስታይ ደንዲ ኤቂ የሱሳል አፋ፥ «ኤ፥ ‹ታኒ አሲ ኬጼዝ Ꮊ ጾሳ ኬꬅ ላሊ፥ አሲ ኩሸ ኬጽንተካ ሀራ ጾስ ኬꬅ ሀይꬒ ጋላሳ ጋንጨ ኬጾድ› ጎዳር ኑ ስኤዛ» ዬጊ ዎርዶ ማርካቴዛ።
MAR 14:59 ማቆዝን፥ ኡ ማርከትꬃይ ፐቶ ባያ።
MAR 14:60 ቄሰ ሀላቃይ አስ ኡቢታይ ቲናይድ ደንዲ ኤቂ፥ «Ꮊይታይ ነና ሞትዛ ሞታይስ ነ ማህዝባዝ ባሳ?» ዬጊ የሱሳና ኦይጬዛ።
MAR 14:61 ዝን የሱሳ ስኤ ጌዛ፤ አብካ ማሄካያ። ቄሰ ሀላቃይ፥ «አንጅንቴዝ ጾስ ናአይ፥ ክርስቶሳ ነናኔ?» ዬጊ ማሂ ኦይጬዛ።
MAR 14:62 የሱሳ ማሂ፥ «ኤ ታና፥ ይ አስ ናአይ፥ ዎልቃማ ጾሳፕ ኡሻች ባጋር በቴዝንኔ ሳሎ ሻራር የኦዳር በአዳ» ዬጌዛ።
MAR 14:63 ቄሰ ሀላቃይ ሸነር ፋ አፍላ ፔꬊ፥ «ኑና ሀራ አብ ማርካ ኮሼ?
MAR 14:64 ይ ኤ ጫሻ ስኤዛ፤ ይንትስ አብ ኣዜ?» ዬጌዛ። ኡንቲ ኡቢታይ፥ «ኤ Ꮊይቆዳይስ ቤዝዛ» ዬጊ ኤዛል አፋ ፕርዴዛ።
MAR 14:65 ኡንታፕ ፐታይ ፐታይ ኤዛል አፋ ጩቲ ኤ አፋ ጎሊ ዡልትታር፥ «ነና Ꮊꬌዛይ ኦኖ? አን ኑስ ኦዶባ!» ዬጌዛ። ናግዝታይ ኤዛ ጋራፍታር ኤኪ Ꮊንጌዛ።
MAR 14:66 ጵጽሮሳ ቄሰ ሀላቃይ ዛባይድ ዬክ ባጋር የዝን፥ ቄሰ ሀላቃይ ጋꬊንድታይፕ ፐታት እዘ የኤዛ።
MAR 14:67 ጵጽሮሳ ታማ ካዦዳር እዛ ዳኪ ብኢ፥ «ኔካ ናዝረተ የሱሳር የዛ ባይ» ዬጌዛ።
MAR 14:68 ዝን ጵጽሮሳ፥ «ነ ግዛይ አብዛኮ ታ ኤሮያ፥ ታስ አካክንቶያ» ዬጊ ካዴዛ። ዬጊ ማቂ ኤ ባለ ከዜዛን ጋርክ ሹጉላ ኡኬዛ ።
MAR 14:69 የ ጋꬊንዳታ ጵጽሮሳ ብኢ፥ እ ላንቀ ኤቄዝ አስታይኮ፥ «Ꮊ አꬃይካ ኡንታር የዛ» ግ ማሂ ኦዴዛ።
MAR 14:70 ዝን ጵጽሮሳ ማካ ካዴዛ። ጽቃ ጋምኦዳር፥ ላንቀ ኤቄዝ አስታይ ማካ ጵጽሮሳኮ፥ «ነ ጋልላ ቢታ አስ ማቄዝ ግሾስ ቱማ ኡንታር የዛ» ዬጌዛ።
MAR 14:71 ዝን ጵጽሮሳ፥ «ታ ይ ግዝ አꬃ ኤሮያ!» ዬጊ ፋና ባድꬅኔ ጫቆ አይኬዛ።
MAR 14:72 እዝር ሹጉላ ናምእንꬆ ኡኬዛ። ጵጽሮሳ የሱሳ ኤዝኮ፥ «ነ ሹጉላ ናምኢ ቶክ ኡኮዳይፕ ቲና ሀይꬒ ቶክ ታና ካዶዳ» ኤዝኮ ጌዛይ ኤልቂ ግን ዬኬዛ።
MAR 15:1 ዎንት ጉር ኤልሲ ቄሰ ሀላቅታይ፥ ጭምታይ፥ ህገ አስታማርታይኔ ፕርደ ሻንጎ ኡቢታይ ሺቂ ቶቤዛ። ኡ የሱሳና አጪ ካንጊ ጵላጾሳስ ኣꬂ እንጌዛ።
MAR 15:2 ጵላጾሳ ኤዝኮ፥ «ነ አይሁድታይስ ካቶ?» ዬጊ ኦይጬዛ። የሱሳ ማሂ፥ «ነ ጌዛ» ዬጌዛ።
MAR 15:3 ቄሰ ሀላቅታይ የሱሳና ጋመ ባዛ ሞቴዛ።
MAR 15:4 ዝን ጵላጾሳ ማሂ የሱሳኮ፥ «ኔስ ማህዝባዝ ባሳ? ኡ ኔል አፋ አብ ጋርክ ሞቶ ክእዛኮ በአሞ?» ዬጌዛ።
MAR 15:5 ዝን የሱሳ ሀራ ባዝ ማሃም እጽን፥ ጵላጾሳ ማላባዝ ጌዛ።
MAR 15:6 ጵላጾሳስ ፓዝቃ ባለ ቦንችዛ ጋላስ አስታይ ኮይዝ ፐቲ አꬃ አቻፕ ብልእዝ ዎጋ የዛ።
MAR 15:7 የ ዎደ ፐቲ ባእርባና ግዝ አꬃይ ዳፋ ከሲ ሸምፖ ዎꬌዝ አስታይር ዎላ አች ካራ የዛ።
MAR 15:8 ጋመ አስታይ ጵላጾሳክ ይኢ ካሴሳይ ጋርክ ኦꬆድ ጋርክ ኤዛ ኦይጬዛ።
MAR 15:9 ጵላጾሳ አሳና ማሂ፥ «ታ ይንትስ አይሁድታይ ካታ ብልኦዳና ኮይኔ?» ዬጊ ኦይጬዛ።
MAR 15:10 Ꮊ ኤ ጌዛይ፥ ቄሰ ሀላቅታይ የሱሳ ቅናተ ኣꬂ እንጌዛና ኤርዝ ግሾሲ።
MAR 15:11 ዝን ቄሰ ሀላቅታይ ባእርባና ብሎዳይ ጋርክ፥ የ ሺቄዝ አስታይ ጵላጾሳ ዎሶዳይ ጋርክ አስታ ደንꬅꬄዛ።
MAR 15:12 ጵላጾሳ ማሂ፥ «የዝን፥ ይ አይሁደ ካተ ግዛና ዋይሳዳይ ጋርክ ኮዬ?» ዬጌዛ።
MAR 15:13 አስታይ ጵላጾሳል አፋ ኡኪ፥ «ማዝቃለል አፋ ኤዛ ሶቶባ» ዬጌዛ።
MAR 15:14 ጵላጾሳ አሳይኮ፥ «አብሶ? ኤ አብ ኢታ ባዝ ኦꬄኔ?» ዬጌዛ። ዝን አሳይ ቲናሳይፕ ጉጂ ኡኪ፥ «ማዝቃለል አፋ ኤዛ ሶቶባ» ዬጌዛ።
MAR 15:15 ጵላጾሳ አሳ ኡፋይሶዳይስ ኮዪ፥ ባእርባና አሳይስ ብልኤዛ፤ የይፕ የሱሳና አላንጊ፥ ማዝቃለል አፋ ሶቶዳይ ጋርክ ኣꬂ እንጌዛ።
MAR 15:16 የይፕ ጉየ፥ ዎታዳርታይ የሱሳ ፕራይቶራ ግንትዝ ዎታዳርታይ ዛባ ኤኪ ካንጊ፥ ሀራ ዎታዳርታ ኡባ ጼግሴዛ።
MAR 15:17 ማ ዞቆ አፍላ ኤዛ ማእሴዛ፤ አንጉꬅ ዛዉደ ኮቺ፥ ኤ ኦማይድ ጋዴዛ።
MAR 15:18 የይፕ ጉየ፥ ኤዝኮ፥ «አይሁድታይ ካታዮ ሳሮ» ዬጊ፥ ኤስ ኩሸ ደንꬄዛ።
MAR 15:19 ኤ ኦማይድ ጉፈር ሾጬዛ፤ ማ ኤዛል አፋ ጩቴዛ፤ ጹጉኒ ኤስ ጎይኔዛ።
MAR 15:20 ኤዛ ለቄዛይፕ ጉየ ዞቆ አፍላ ኤፕ ቃሪ ኤኪ፥ ኤ አፍላ ኤዛ ማእስ ማዝቃለል አፋ ኤዛ ሶቶዳይስ ኤኪ ካንጌዛ።
MAR 15:21 ኡ Ꮊንግታር፥ ኢስክንድረራኔ ሩፎሳ ኣዳ፥ ስሞና ግዝ ቀረና ጋደ አስ፥ ጋጻረፕ ካታማ ይእዛና ሄሊ፥ የሱሳ ማዝቃላና ዎልቃንꬂ ቶሴዛ።
MAR 15:22 ዬዚ ጎልጎታ ግዝ አቆ የሱሳ ካንጌዛ። «ጎልጎታ» ጉሳይ «ኦማ ኦታ» ጉሲ።
MAR 15:23 ካርበ ግዝ ꬋለር ዋላክንቴዝ ዎይነ ኡዦ ግ ኤስ እንጌዛ። ዝን ኤ ኡዣም እጼዛ።
MAR 15:24 ኡ ማዝቃለል አፋ ኤዛ ሶቴዛይፕ ጉየ ኦና አቢ ሄሎዳዛኮ ግ ኤ አፍላይል ዎላ እጻ ኦሊ ሻግንቲ ኤኬዛ።
MAR 15:25 ኡ ማዝቃለል አፋ ኤዛ ሶቶዳር ዎንታፕ ሀይꬒ ሳተ።
MAR 15:26 ኡንቲ፥ «አይሁድታይ ካታ» ዬጊ ኤዛ ሞትዛ ጹፈ ጻፊ ጋዴዛ።
MAR 15:27 የሱሳር ናምኢ ፓንታ ፐታ ኤዝፕ ኡሻች ባጋር Ꮊንካ ኤዝፕ ሀድርስ ባጋር ማዝቃለል አፋ ሶቴዛ።
MAR 15:28 ጌሻ ማጻፈ፥ «ኢታ ባዝ ኦꬄዝ አስታይር ኤ ታይብንቴዛ» ዬግንቴዛይ ፖልንቴዛ።
MAR 15:29 ኦገር ኣꬊዝ አሳይ የሱሳ ቶቺ፥ ፋ ኦማ ኤንእሲ ጫዤዛ፤ «የዝን! ጾስ ካራ ላሊ ሀይꬒ ጋላሳ ጋንጨ ኬጽዛዮ፥
MAR 15:30 አን ማዝቃላይፕ ሱለ ዎꬊ ነና አሾባ» ዬጌዛ።
MAR 15:31 የይ ጋርከካ፥ ቄሰ ሀላቅታይ ህገ ታማርስዝታይር ዎላ የሱሳ ቶቺ «Ꮊንክታ አሼዛ፥ ዝን ፋና አሾዳይስ ዳንዳኦያ፤
MAR 15:32 ኑ ብኢ አማኖድ ጋርክ ክርስቶሳ፥ ኤ እስሬለ ካትዛኮ፥ አን ማዝቃላይፕ Ꮊት ዎꬎ» ዬጌዛ። ማ ሀራ አቶዝን፥ ኤዛር ማዝቃለል አፋ ሶትንቴዝታይካ ኤዛ ቶቼዛ።
MAR 15:33 ኡሱፑን ሳተፕ አይኪ፥ ኡዱፉን ሳተ ሄሎዳይስ ቢታ ኡባይ ꬉሜዛ።
MAR 15:34 ኡዱፉን ሳተል የሱሳ ፋ ቃላ ꬎቅ ኡዲ፥ «ኤሎሄ፥ ኤሎሄ፥ ላማ ሳባቅታኒ?» ዬጊ ኡኬዛ። የያ ጉሳይ፥ «ታ ጾሳዮ፥ ታ ጾሳዮ፥ ታና አብስ አሼነ?» ጉሲ።
MAR 15:35 ያ አቃይድ ኤቄዝ አሳይፕ ፐታይ ፐታይ የያ ስኢ፥ «ዬዛኮ፥ ኤላሳ ጼግዛ» ዬጌዛ።
MAR 15:36 የ አሳይፕ ፐታይ ላሲ፥ ዛንዛር ጫላ ዎይነ ኩንꬅ፤ ጉፈ ጼራል ጋዲ፥ «ናጎይታ፤ ኤላሳ ማዝቃላይፕ ኤዛ ዎꬆዳይስ የኦዳዛኮ አን ዎላ በአዳ» ዬጊ የሱሳ ዶናይኮ ኡሾዳይስ ሺሼዛ።
MAR 15:37 የሱሳ ፋ ቃላ ꬎቅ ኡዲ ኡኪ፥ Ꮊይቄዛ።
MAR 15:38 ጾስ ካራ ሶትንቴዝ ማጋራዣይ ኣፋፕ ሳአ ሄሎዳይስ፥ ናምኢ ከዚ ፐርእንቲ ዎꬌዛ።
MAR 15:39 ማዝቃላይፕ ቲና ባጋር ኤዛይድ ኤቄዝ ፐቲ ማቶ ሀላቃይ፥ የሱሳ ዋይዚ Ꮊይቄዛኮ ብኢ «Ꮊ አꬃይ ቱማ ጾስ ናአ» ዬጌዛ።
MAR 15:40 ያ ሃኮር ኤቂ ብእዛ ማችታይ የዛ። ኡ ጋንጨ ማግዴላ ማይራማ፥ ጌዶ ናአ ያይቆባስኔ ዮሳ እንዳት ማይራምራኔ ሳሎምራ የዛ።
MAR 15:41 የ ማች አስታይ የሱሳ ጋልላ ቢታ የዝ ዎደ ኤዛ ካለዝታኔ ኤዛ ሞኬዝታ። ማ የሱሳር ዎላ የሩሳላመ Ꮊንጌዝ ሀራ ጋመ ማች አስታይ ኤዛይድ የዛ።
MAR 15:42 ሳአይ ኦማርሴዝ ግሾስ ሺቄዝ አሳይ ጋንጨ ቦንችንቴዝ አይሁደ ሻንግታይፕ ፐታይ፥ ዮሴፋ ግዝ አꬃይ፥ ጾስ ካተትꬃይ የኦዳ ጊታር የዛይ፥ አርማታሳ ካታማ አሳይ የኤዛ። ዎንትꬃ ማላ ዎንትዛ ጋላስ ማቄዝ ግሾ ዮሴፋ ሚንጊ ጵላጾሳክ Ꮊንጊ፥ የሱሳ አሃ ኤኮዳይስ ዎሴዛ።
MAR 15:44 ጵላጾሳካ የሱሳ Ꮊይቃ ስኢ ማላባዝ ጌዛ፤ ማቶ ሀላቃ ጼጊ፥ «ኤ Ꮊይቂ ጋምኤነኔ?» ዬጊ ኦይጬዛ።
MAR 15:45 ጵላጾሳ የሱሳ Ꮊይቃ ማቶ ሀላቃይፕ ስኢ ኤ አሃ ዮሴፋስ እንጌዛ።
MAR 15:46 ዮሴፋ ሞጎ አፍላ ዎንጊ፤ የሱሳ አሃ ማዝቃላይፕ ዎꬂ፥ አፍላር ጻጺ፥ ዛላፕ ዎጭንቴዝ ዱፎ ጋንጨ ሞጌዛ። ማ የ ዱፋይ ዶናይድ ዳማ ሹች ጎልእሲ ጋዴዛ።
MAR 15:47 ማግዴላ ማይራምራ ዮሳ እንዳት ማይራምራ የሱሳ አሃ ኡንቲ አባ ጋድዛኮ ብእዛ።
MAR 16:1 ማላ ጋላሳይ ኣꬌዛይፕ ጉየ ማግዴላወ ማይራሞ፥ ያይቆባ እንዳት ማይራማኔ ሳሎመ Ꮊንጊ፥ የሱሳ አሃ ትዦዳይስ ሽቶ ዎንጌዛ።
MAR 16:2 ዎጋ ጋላስ ጉራ ዠርክዠርኮ ጻልቀ ከሳዳር፥ ዱፎ Ꮊንጌዛ።
MAR 16:3 ኡ ፋ ጋንጨ ፐታቲ ፐታትራ፥ «ዱፋይ ዶናፕ ኑስ ሹቻ ኦኖ ጎልእሲ ሃሶዳይ?» ዬጊ ዎላ ኦድንቴዛ።
MAR 16:4 ኡ በአዳር የ ዳም አቴዝ ሹቻይ ጎልአልኢ ሀልኤዛና በኤዛ።
MAR 16:5 የሱሳ ሞግንቴዝ ዱፋይ ጋንጨ ገሎዳር ፐቲ የላጋ አꬃይ ቦꬅ አፍላ ማኢ፥ ኡሻች ባጋር በቴዛና ብኢ ዳጋሜዛ።
MAR 16:6 ዝን ኤ ኡንትኮ፥ «ዳጋምፓተ፤ ማዝቃለል አፋ ሶትንቴዝ፥ ናዝረተ የሱሳ ይ ኮይዛና ታ ኤርዛ። ኤ Ꮊይድ ባያ፥ Ꮊይቆፕ ደንዴዛ። ኡ ኤዛ ሞጌዝ አቃ Ꮊያ ቦኦይታ።
MAR 16:7 Ꮊት Ꮊንጊ የሱሳ ታማርታይስኔ ጵጽሮሳስ፥ ‹የሱሳ ይንታፕ ቲናቲ ጋልላ ኣꬍዛ። ኤ ይንትስ ኦዴዛይ ጋርክ ይ ኤዛ ኤዛይድ በአዳ› ዬጊ ኦዶይታ» ዬጌዛ።
MAR 16:8 ማችታይ ያሻር ኩኩርታር ዱፋይፕ ከዚ ላሲ ቅቴዛ። ማ ኡ ያሽቴዝ ግሾስ የያ ኦስካ አብካ ኦደካያ።
MAR 16:9 የሱሳ Ꮊይቆፕ ደንዴዛይፕ ጉየ ዎጋ ጋላስ ጉራ፥ ላፑን ቱና አያንታ እዝፕ ኤ ከሴዝ ማግዴላ ማይራምስ ቲናቲ በንቴዛ።
MAR 16:10 እዛ Ꮊንጊ ቲና ኤዛር የዝታይስ፥ ኡ አዛንታራኔ ዬክታር የዝን ኦዴዛ።
MAR 16:11 ዝን የሱሳ ፓꬅ የዛናኔ እዝስ በንቴዛና ኡ ስኤዝ ዎደ እዛ ግዛ አማነካያ።
MAR 16:12 የይፕ ጉየ፥ ኡንታፕ ናምእታይ ካታማፕ ከዚ Ꮊማዳር፥ ኦገላ የሱሳ ቲናሳይፕ ዱማቲ ኡንትስ በንቴዛ።
MAR 16:13 ኡ ጉየ ማቂ፥ ሀራ አሳይስ ኦዴዛ፥ ዝን ሀራ አሳይካ ኡ ኦዳ ቱማ ጌካያ።
MAR 16:14 ጉየፕ ታጶ ፐቲ ኤ ታማርታይ ካꬃ ማዳር፥ የሱሳ ኡንትስ በንቴዛ። ኡንትስ አማኖ ባዛይ ግሾኔ Ꮊይቆፕ ኤ ደንዴዛና በኤዝ አሳይ ኦድን ኡ አማናም እጼዛይስ ኤ ኡንታን ቦሬዛ።
MAR 16:15 ኤ ኡንትኮ፥ «ቢታ ኡባይል Ꮊንጊ አስ ኡባይስ ዎንግለ ኦዶይታ።
MAR 16:16 አማኔዛይኔ ጻማቅንቴዛይ አቶዳ፥ ዝን አማነካዛይ ፕርድንቶዳ።
MAR 16:17 አማንዝታይስ Ꮊ ማላትታይ እንግንቶዳ። ኡ ታ ሱንꬃይር ቱና አያንታ ከሶዳ፥ ኦሮꬅ ዶና ናሾዳ።
MAR 16:18 ኡ ሾሽ አይክኮ ዎይ ዎꬍዛ ባዝ ኡዥኮካ ኡንታን ቆሃሚ። ማ ኡ ፋ ኩሸ ሀርግንቴዝታይል አፋ ጋዲ ኡንታን ፓꬆዳ» ዬጌዛ።
MAR 16:19 ጎዳ የሱሳ ታማርታይራ ናሼዛይፕ ጉየ ፑደ ደንዲ ሳሎ ከዜዝ፤ ጾሳፕ ኡሻች ባጋር በቴዛ።
MAR 16:20 ኤ ታማርታይ Ꮊንጌዝ አቆ ኡባይድ ቃላ ኦዴዛ። ጎዳይካ ኡንታር ዎላ ኦꬅዛ። ኡ ኦድዛ ቃላይ ቱማ ማቄዛ ጾሳይ ኡንትስ እንግዛ ማላይር ፋ ቃላ ሚንꬄዛ።
LUK 1:1 ቦንቾ ቶፍሎሳ፥ ኑ ጋንጨ ፖልንቴዝ ባዛ ጋምታይ፥ ፓስ ዳንዳእንቴዛይ ጋርክ ጻፌዛ።
LUK 1:2 የ ታርካ ኡ ጻፌዛይ ቲናፕ አይኪ ኣፈ ማርክታይኔ ቃላ ኦዲ ማድዝታይ ኑስ ኦዴዛ።
LUK 1:3 ታካ ታ ባጋር ቲናፕ አካኪ በኤዛይፕ ጉየ የ ታርካይ ሀና ሎእꬂ ኔስ ቶፍሎሳስ ጻፋይ ታስ ሎኦ ማቂ በንቴዛ።
LUK 1:4 የይካ፥ ነ ታማሬዝ ባዛይ ቱማ ማቄዛና ኤርሶዳይሲ።
LUK 1:5 ይሁዳ ካት ሄሮዶሳ ዎደ አብያ ባጋፕ ማቄዝ ዛክሬሳ ግዝ አይሁደ ቄሳይ የዛ። ኤ ማቻታካ ኣሮና ሼሽፐ። እ ሱንꬃይካ ኤልሳቤጾ።
LUK 1:6 ናምአይካ ጎዳይ ዎጋኔ አዛዛ ኡባ ናጊ ቦርሶ ባይꬅ ጾስ ቲና ጽሎትꬃር የዝዛ።
LUK 1:7 ኤልሳቤጻ ꬎንꬅ ማቄዝ ግሾ ኡንትስ ናአ ባያ። ናምአይካ ጭሜዛ።
LUK 1:8 ፐቲ ጋላስ ዛክሬሳ ፋ ታራር ጾስ ቲና ቄሰትꬃ ኦꬅዛ።
LUK 1:9 ቄሰትꬅ ዎጋር ጾስ ካራ ገሊ እጻኔ ጩይሾዳይስ ኤዛ እጻ ሄሌዛ።
LUK 1:10 ኤ እጻኔ ጩይሾዳር አሳይ ባለ ኤቂ ዎስዛ።
LUK 1:11 ጎዳይ ኪታንቻይ ያርሾ ያርሽዛ አቃይፕ ኡሻች ባጋር ኤቂ በንቴዛ።
LUK 1:12 ዛክሬሳ ኪታንቻና ብኢ ዳጋሚ ኢታ ያሽቲ ፖኬዛ።
LUK 1:13 ዝን ኪታንቻይ ኤኮ፥ «ዛክሬሳ ያሽትፐ፤ ነ ዎሳይ ስንቴዛ። ነ ማቻት ኤልሳቤጻ ꬊራꬅ ናአ የሎዳ፥ ኤ ሱንꬃካ ነ ዋንሳ ጎዳ።
LUK 1:14 ኤ የልንታይ ኔስ ኡፋይስኔ ጊጋ ማቆዳ፤ ጋምታይ ኤ የልንታይድ ኡፋይቶዳ።
LUK 1:15 ጎዳይ ቲና ኤ ኡባይፕ ግታ ማቆዳ፤ ዎይነ ኡሺ ማቅን ሀራ ማꬅስዝ ኡሺ ኡዣሚ። ፋ እንዳት ኡሎ የዛር ጌሻ አያናር ኩሞዳ።
LUK 1:16 እስሬለ አስታይፕ ጋምታ ኡ ጎዳ ጾሳይኮ ማሆዳ።
LUK 1:17 አድታይ ዎዝና ናእታይኮ ማሆዳ፥ ኪትንቶዝታ ጽልታይ ኤጨትꬃይኮ ማሆዳይ ጋርክ፥ ጎዳይስ ቤዝዛ አሳ ጊግሶዳይስ ኤላሳ አያናራኔ ዎልቃር ጎዳይ ቲናር Ꮊማዳ» ዬጌዛ።
LUK 1:18 ዛክሬሳ ኪታንቻይኮ፥ «ታ የያ አባር ኤሮዴ? ታራኔ ታ ማቻትር ጭሜዛ» ዬጌዛ።
LUK 1:19 ኪታንቻይ ማሂ፥ «ታ ጾስ ቲና ኤቅዛ ጋብሬለ። Ꮊ ምሽራቻ ኔስ ኦዶዳይስ ጾሳፕ ኪትንቴዛ።
LUK 1:20 ይኬ፥ ዎዳይ ሄልን ፖልንትዛ ታ ቃላ ነ አማናም እጼዝ ግሾ Ꮊይ ፖልንቶድ ሄሎዳይስ ነ ሙመ ማቆዳ፥ ኦድንቶዳይስካ ዳንዳኣሚ» ዬጌዛ።
LUK 1:21 የ ዎደ ዛክሬሳ ጾስ ካራ ገሊ ጋምኤዝ ግሾ አብ ሀኔዛኮ ግ አሳይ ባለ ናግታር ጋምኤዛ።
LUK 1:22 ኤ ባለ ከዚ ኡንታር ናሾዳይስ ዳንዳኤካያ። ኩሸር ማሊ ቤዞፐ አትን ኦድንቶዳይስ ዳንዳኦዛና ብኢ አቡካ በኤዛይ ጋርክ ቆፔዛ።
LUK 1:23 ዛክሬሳ ያርሾ ዎዳ ዉርሲ ፋ ካራ ማቄዛ።
LUK 1:24 የይፐ ጉየ፥ ኤ ማቻት ኤልሳቤጻ ዎደጼዛ። እችን አግና ሙመ ኬꬃፕ ከዘካዛር ጋምኤዛ።
LUK 1:25 እዛ፥ «ጎዳይ ፋ ማሮትꬃይር ታ ቦርንታ አሳይ ጋንጨፕ ቃሮዳይስ ኮዪ Ꮊያ ኦꬄዛ» ዬጌዛ።
LUK 1:26 ኤልሳቤጻ ዎደጽን ኡሱፑንꬆ አግናር፥ ጾሲ ኪታንቻ ጋብሬለና ጋልላ ቢታ የዝ ናዝረተ ካታማ ኪቴዛ።
LUK 1:27 ኤዚ ዉድርትኮ ዳዉተ ሼሻፕ ማቄዝ ዮሴፋ ግዝ አꬃይስ ኡሽንቴዝ ማይራምኮ ኪትንቴዛ።
LUK 1:28 ኪታንቻይ እዝኮ Ꮊንጊ፥ «ኣꬎ ኬሃትꬃር ኩሜዛኔ፥ ሳሮ ኔስ ማቆ፥ ጾስ ኔር የዛ» ዬጌዛ።
LUK 1:29 ማይራማ ኤ ኦዳይድ ኢታ ዳጋሚ፥ «Ꮊይ ዋፋ ሳሮꬆ» ግ ቆፔዛ።
LUK 1:30 ኪታንቻይ ማሂ፥ «ማይራመ፥ ያሽትፐ፤ ነ ጾስ ቲና ሳባ ደንጌዛ።
LUK 1:31 ይኬ ነ ዎደጾዳ ꬊራꬅ ናአ የሎዳ፥ ኤ ሱንꬃካ የሱሳ ግ ሱንꬆዳ።
LUK 1:32 ኤ ግታ ማቆዳ፥ ኡባይፕ ኣꬎ ጾስ ናአ ግንትንቲ ጼግንቶዳ። ጾሳይ ኤ አዳይ ዳዉተ ዙፋና ኤስ እንጎዳ።
LUK 1:33 ኤ ያይቆባ ሼሻል አፋ መꬍናስ ካዉቶዳ፤ ኤ ካተትꬃይስ ዛዋ ባያ» ዬጌዛ።
LUK 1:34 ማይራማ ኪታንቻይኮ፥ «ታ ꬊራꬅ ኤሮያ የይ ዋይዚ ሀኖዳይስ ዳንዳኤ?» ዬጌዛ።
LUK 1:35 ኪታንቻይ ማሂ፥ «ጌሻ አያና ኔል አፋ ዎꬎዳ፥ ኡባፕ ኣꬎ ጾስ ዎልቃይ ኔል አፋ ኩያቶዳ። የይ ግሾ፥ የልንትዛ ናአይ ጌሻ፥ ጾስ ናአካ ግንትንቶዳ።
LUK 1:36 ይኬ፥ ነ ዳባት ኤልሳቤጻ ፋ ጭማትꬅ ላይꬃር ꬊራꬅ ናአ ዎደጼዛ። እዛ ꬎንꬅ ግንትንቴዛኖ፥ ዝን Ꮊተ ኡሱፑንꬃ አግና አይኬዛ።
LUK 1:37 ጾሳ ጋምዝባዝ ባያ» ዬጌዛ።
LUK 1:38 ማይራማ፥ «ዬዛኮ፥ ታስ ጎዳይ አይላትስ፥ ነ ቃላይ ጋርክ ሀኖ» ዬጌዛ። የይፐ ጉየ፥ ኪታንቻይ ኢፐ ሻክንቴዛ።
LUK 1:39 ማይራማ የ ሳምንታተ ደንዲ ይሁዳ ቢታ የዝ ፐቲ ገዘ ካታማ Ꮊንጌዛ።
LUK 1:40 ዛክሬሳ ካራ ገሊ ኤልሳቤጾ ሳሮꬄዛ።
LUK 1:41 ኤልሳቤጻ ማይራሚ ሳሮꬃ ስኤዛን ጋርክ እኡሎ የዝ ናአይ ኡፋይሳር ዶንጌዛ። ኤልሳቤጻ ጌሻ አያናር ኩሚ፥
LUK 1:42 ፋ ቃላ ꬎቅ ኡዲ፥ «ኔኒ ማችታይ ጋንጨፐ አንጅንቴዛኖ፥ ነ ዎደጼዝ ናአይካ አንጅንቴዛያ።
LUK 1:43 ሀኖ ዝን፥ ታ ጎዳይ እንዳቴ፥ ነ ታኮ የኦዳይስ ታ ኦኖ?
LUK 1:44 ዬዛኮ ነ ሳሮꬃ ታ ስእን ታ ኡሎ የዝ ናአይ ኡፋይሳር ዶንጌዛ።
LUK 1:45 ጎዳይ ፖሎድ ግ እንጌዝ ቃላ አማኔዛና፥ እዛ አንጅቴዛኖ» ዬጌዛ።
LUK 1:46 ማይራማ Ꮊይ ጋርክ ዬጌዛ፦ «ታ ሸምፓታ ጎዳ ቦንቼዛ፥
LUK 1:47 ታ አያናይ ታ ꬋለ ጾሳይል ኡፋይትዛ።
LUK 1:48 ኤ ፋ አይላቲ ካዉሻትꬃ በኤዛ። Ꮊይኖፐ አይኪ የለትꬅ ኡባይ ታና አንጅቴዛኖ ጎዳ።
LUK 1:49 ዎልቃማ ማቄዝ ኤ፥ ታስ ዳማባዝ ኦꬄዛ። ኤ ሱንꬃይካ ጌሻ።
LUK 1:50 ኤዛ ቦንችዝታይል አፋ፥ ኤ ማሮትꬃይ መꬊናፕ መꬍና ሄሎዳይስ የዝዛ።
LUK 1:51 ፋ ሚንꬅ ቀሳይር ፋ ዎልቃ ቤዜዛ፥ ፋ ዎዝናር ኡትርትዝታ ላሌዛ።
LUK 1:52 ዎልቃንꬅዛ ካትታ ኡ ዙፋናይፕ ዎꬍሴዛ፤ ፋና ቶቼዝታ ꬎቅ ኡዴዛ።
LUK 1:53 ናይንቴዝታ ሎኦ ባዛር ምሼዛ፥ ዱርታ ካሎ ኩሸ ዳኬዛ።
LUK 1:54 ፋ ማሮትꬃ ቆፒ፥ ፋ አይላ እስሬለ ማዴዛ።
LUK 1:55 የይካ ኑ አድታይስ ኦዴዝ ቃላ፥ አፍራመስኔ ኤ ሼሻይስ ጌዛና መꬍናስ ፖሎዳይሲ» ዬጌዛ።
LUK 1:56 ማይራማ ኤልሳቤጽ ላንቀ ሀይꬒ አግና ጋምኢ ፋ ካራ ማቄዛ።
LUK 1:57 ኤልሳቤጽስ የሎ ቃማይ ሄልን ꬊራꬅ ናአ የሌዛ።
LUK 1:58 እ ሾርታይኔ እ ዳብታይ ጎዳይ ጋመ ማሮትꬅ ኦꬄዛና ስኢ፥ እዝር ዎላ ኡፋይቴዛ።
LUK 1:59 ሆስፑንꬃ ጋላስ ዱደ ናአና ዶካሎዳይስ የኤዛ። ናአና አዳይ ሱንꬃይር ዛክሬሳ ግ ጼጎዳይስ ኮዬዛ።
LUK 1:60 ዝን እንዳት፥ «የይ ሀነና ዋንሳ ጊንትንቶዳይስ ቤዝዛ» ዬጌዛ።
LUK 1:61 ኡንትካ፥ «ነ ዳብታይፕ Ꮊ ሱንꬃይር ጼግንቴዛይ ኦንካ ባያ» ዬጌዛ።
LUK 1:62 ኤ አዳይ ኦና ግ ሱንꬅ ጋዶዳዛኮ ኤሮዳይስ ኮዢ ኤዛ ማላር ኦይጬዛ።
LUK 1:63 ኤ ጻፍዛ ባዝ ኦይጪ ኤኪ፥ «ኤ ሱንꬃይ ዋንሳ» ግ ጻፌዛ። ኡባይ ኤ ጻፈዛና ብኢ ማላባዝ ጌዛ።
LUK 1:64 እዝር ዛክሬሳ እራንꬃይ ብልንቴዛ፥ ጾስ ጋላትታር ኦድንቶ አይኬዛ።
LUK 1:65 ሾርታይ ኡቢታይ ያሻር ኩሜዛ። Ꮊ ሀኔዝባዛይ ꬎቅ ጌዝ ይሁዳ ጋደ ኡባይድ ኦድንቴዛ።
LUK 1:66 የያ ስኤዝ ኡባይ፥ «Ꮊ ናአይ አብ ሀኖደሻ» ግ ዎል ጋንጨ ኦድንቴዛ። ጎዳይ ኩሻይ ኤዛር የዛ።
LUK 1:67 ዋንሳ አዳይ ዛክሬሳ ጌሻ አያናር ኩሚ Ꮊይ ጋርክ ዬጊ ትንቢተ ኦዴዛ።
LUK 1:68 «እስሬለ ጎዳይ ጾሳይ ጋላትንቶ፥ ይኢ ፋ አሳ ዎዜዛ።
LUK 1:69 ፋ አይላይ ዳዉተ ካራ አቶትꬅ ካጨ ደንꬄዛ።
LUK 1:70 የይካ ብኒ ዎደ ጌሻ ናብታይ ዶናይድ ኦድንቴዛይ ጋርክ፥
LUK 1:71 ኤዚ ኑና ኑ ሞርክታይፐኔ ኑር ኤቅንትዛ ኡቢታይ ኩሸፐ አሾዳ።
LUK 1:72 የያ ኤ ኦꬄዛይ ኑ አድታይስ ፋ ማሮትꬅ ቤዞዳይስኔ፥ ፋ ጌሻ ጫቃ ናጎዳይስ።
LUK 1:73 ኑ አዳ አፍራመስ ጫቄዝ ጫቃ ቆፖዳይስኔ፥
LUK 1:74 ኑ ሞርክታይ ኩሸፕ ከሲ፥ ያሻ ባይꬅ ኤዝስ ኦꬆዳይ ጋርከሲ።
LUK 1:75 ኑ ላይꬅ ኡባይድ ጌሸትꬃራኔ ጽሎትꬃር ፋ ቲና ኑና ኤሶዳይሲ።
LUK 1:76 ማ ታ ናአዮ፥ ነ ኡባፕ ኣꬎ ጾስ ናበ ግንትንቶዳ። ጎዳይስ ኦገ ሎይꬆዳይስ ነ ኤ ቲና Ꮊማዳ።
LUK 1:77 ኡንቲ አቶትꬅ ኤረትꬅ ደማዳና፥ ኡ ናጋራይ አቶ ግንትንትን፥ ነ ጎዳይ ዎያይስ ኦዶዳ።
LUK 1:78 ኑ ጾሳይ ፋ ኬሃ ማሮትꬃይር ዎንታ ጻልቀ ኑስ ሳሎፕ ከሶዳ።
LUK 1:79 የይካ ꬉማ ጋንጨኔ፥ Ꮊይቆ ኩያ ኦሞ የዝታይስ ፖእሶዳይስ፥ ኑ ቶካካ ሳሮ ኦገኮ ማሆዳ» ዬጌዛ።
LUK 1:80 ናአይካ ድጬዛ፥ አያናራካ ሚንጌዛ፥ እስሬለ አሳይስ በንቶድ ጋꬆ ሊዦ ደምባ የዜዛ።
LUK 2:1 የ ዎደ ኦሮመ ቢታ የዝ አስ ኡቢታይ ታይብንቶድ ጋርከኔ ሱንꬃይ ጻፍንቶድ ጋርክ ካት አዉግስጾሳ አዛዜዛ።
LUK 2:2 የይካ ቀረኖሳ ሶረ ቢታ አቅስዛ ዎደ ሀኔዝ ቲና ዎያ ታይባ።
LUK 2:3 የይ ግሾስ፥ ፐቲ ፐቲ አሲ ፋ ሱንꬅ ጻፍሶዳይስ ፋ የልንቴዝ ቢታ Ꮊንጌዛ።
LUK 2:4 ዮሴፋካ ዳዉተ ካራፐኔ ኮቻፕ ማቄዝ ግሾስ ጋልላ ናዝረተ ካታማፕ ደንዲ ዳዉተ ካታማ ግንትዝ ቤተለመ Ꮊንጌዛ።
LUK 2:5 ኤ ኦይጪ ጋዴዝ ዎልቃ ኢታ፥ ማይራምር ዎላ ጻፍንቶዳይስ Ꮊንጌዛ።
LUK 2:6 ኡንትካ ኤዛይድ የዝን ኢስ የሎ ዎደ ሄሌዛ።
LUK 2:7 ፋ ባይራ ናአ የሌዛ። ቃንጾራ ጻጺ እማꬂ አቅዛ አቆ አቆ ꬋቤዝ ግሾስ መሄ ጋላ ሙዝዝ ጎና ጋንጨ ዎይꬄዛ።
LUK 2:8 የ ጋዳይድ ቃማ ዉደ ሄንግታር ቃኤል አቅዝ መሄ ሄንግዝታይ የዛ።
LUK 2:9 ጎዳ ኪታንቻይ ይኢ ኡንትስ በንቴዛ። ጎዳይ ቦንቾ ፖአይ ኡ ላንቃይር ፖኤዛ፤ ኡንትካ ዎልቃማ ያሻ ያሽቴዛ።
LUK 2:10 ኪታንቻይ ኡንትኮ፥ «ያሽትፓተ! ይኬ አስ ኡባይስ ማቅዝ ግታ ኡፋይሳ ምሽራቾ ታ ኤኪ የኤዛ።
LUK 2:11 የይካ፥ ዳዉተ ካታማ አሽዛይ ይንትስ Ꮊይኖ የልንቴዛ። ኤ ጎዳ ክርስቶሳ።
LUK 2:12 የይስካ ማላይ Ꮊያ። ጽቃ ናአይ ቃንጾር ጻጽንቲ ጎና ጋንጨ ዎይኤዛና ይ ደማዳ» ዬጌዛ።
LUK 2:13 ቆፐካዝን ጋመ ሳሎ ኪታንችታይ ኪታንቻይር ዎላ በንቲ፥ ጾሳ ጋላትታር፥
LUK 2:14 «ቦንቾ ጾስስ ꬎቀ ሳሎ፥ ሳሮ ቢታል አፋ ጾሲ ቃꬍዛ አሳይስ ማቆ» ዬጌዛ።
LUK 2:15 ኪታንችታይ ኡንታፕ ሻክንቲ ሳሎ ከዜዛይፕ ጉየ መሄ ሄንግዝታይ፥ «አን ጎዳይ ኑስ ቆንጭሴዝ ባዛኔ ሀኔዝ ባዛ በአዳይስ ቤተለመ ዎላ Ꮊማዳ» ዬጌዛ።
LUK 2:16 ኡንትካ ኤልሲ Ꮊንጌዛ። ማይራሞ፥ ዮሴፋ፥ የይፐ ጽቃ ናአይ ጎና ጋንጨ ዎይኤዛ ደንጌዛ።
LUK 2:17 ብኢ ማቂ ናአይ ባጋ ኡንትስ ኦድንቴዛና የ አቃይድ የዝ አሳይስ ጌሺ ኦዴዛ።
LUK 2:18 የያ ስኤዝ ኡባይ መሄ ሄንግዝታይ ኦዴዝ ኦዳ ማላባዝ ጌዛ።
LUK 2:19 ማይራማ ሀኔዝባዛ ኡባ ፋ ዎዝናር ቆፕታር የዛ።
LUK 2:20 መሄ ሄንግዝታይ ኡንትስ ኦድንቴዛይ ጋርክ ሀንን በኤዛ። የይ ግሾ፥ ኡ ፋ ስኤዝ ባዝስኔ በኤዝ ባዝ ኡባይስ ጾሳ ቦንችታራኔ ጋላትታር ማቄዛ።
LUK 2:21 ሆስፑንꬃ ጋላስ፥ ዶካልንቶዳይስ ቃማ ሄልን፥ ኤዛ ዎደጾዳይፕ ቲና ኪታንቻይ ጋዴዝ ሱንꬃይር የሱሳ ግንቴዛ።
LUK 2:22 ሙሰ ህጋይ ጋርክ ኡንቲ ሻግሸ ዎደ ፖልንቴዛይፕ ጉየ ዮሰፋራኔ ማይራምር ናአ ፋ ጎዳይስ እማዳይስ የሩሳላመ Ꮊንጌዛ።
LUK 2:23 የይካ፥ ጎዳይ ህጋይድ፥ «ꬊራꬅ ማቄዝ ባይራ ናአ ኡባይ ጎዳይስ ሻክንቴዛ ማቆ» ዬግንቲ ጻፍንቴዛይ ፖሎዳይሲ።
LUK 2:24 ማ ጎዳይ ህጋይድ፥ ናምኢ ሄሮ ዎይ ሆሌ ጌዛይ ጋርክ ያርሾዳይስ ካንጌዛ።
LUK 2:25 የ ዎደ ጌሽኔ አማኖር ሚንꬅ ማቄዝ ስሞና ግንትንትዝ አꬃይ የሩሳላመ የዛ። ኤ እስሬልታይ አቶትꬅ ናግታር የዛ። ጌሻ ኣያናይካ ኤዛል አፋ የዛ።
LUK 2:26 ማ ጾሲ ዶሬዝ ክርስቶሳ በኤካዛር Ꮊይቃማና ጌሻ አያናይ ኤስ ቤዝን ኤሪ የዛ።
LUK 2:27 ኤዛ የ ጋላስ አያና ካልꬅን ጾስ ካራ Ꮊንጌዛ። አዳይራኔ እንዳትራ ዎጋ ፖሎዳይስ ናአና ኤኪ ገሌዝ ዎደ
LUK 2:28 ስሞና ሞኪ ኤኪ ናአና እድንጊ፥ ጾሳ ጋላትታር።
LUK 2:29 «ጎዳዮ ነ ታስ ገሌዝ ቃላይ ጋርክ፥ Ꮊተ ነ አይላ ሳሮ ሞይዞባ።
LUK 2:30 ታ ኣፋይ አስ ኡባይ ቲና ነ ጊግሴዝ፥
LUK 2:31 ነ አቶትꬃ በኤዛ።
LUK 2:32 የይካ አይሁደ ባ አስ ኡባይስ፥ ጾስ ቱማትꬅ ቤዝዛ ፖኦ፥ ነ አሳይስ እስራኤልታይስካ ቦንቾ» ዬጌዛ።
LUK 2:33 ዮሰፋራኔ ማይራምራ ኤ ባጋ ኦድንቴዛና ማላባዝ ጌዛ።
LUK 2:34 ስሞና ኡንታን አንጄዛ። እንዳትኮ ማይራምኮ፥ «እስሬለ የዝ ጋምታይስ ኡ ፖክꬃይስኔ ደንዳይስ ጾሳፕ ዶርንቴዛ። ማ እጽዝታይስ ማላ ማቃዳ
LUK 2:35 ነ ሸምፓይራካ አዛኖ ማሻ ኣꬎዳ» ይኬ ጋመ አሳይ ዎዛና ጌሜዝ ቆፋይ በንቶዳይ ጋርክ የያ ጌዛ።
LUK 2:36 ማ አሴረ ኮቻፕ ማቄዝ ፋኑኤላ ናአታ ሃና ግንትንትዝ ናባታ የዛ። እዛ ኢታ ጭሜዛ፤ እዛ ፋ አዝናይር ላፑን ላይꬅ በቴዛ።
LUK 2:37 እ አዝናይ Ꮊይቂን ሆስፑን ታማኔ ኦይዲ ላይꬅ ማቆድ ጋꬆ ቃማኔ ጋላስ ፓጨ ባይꬅ ዎሳራኔ ጾማር ጾስ ኬꬃ ኦꬅዛ።
LUK 2:38 እዛ የ ሳታይድ Ꮊንጊ ጾሳ ጋላቴዛ፤ የሩሳላመ ዎዝንታ ናግዛ ኡባይስ ናአይ ባጋ ማርካቴዛ።
LUK 2:39 ዮሰፋራኔ ማይራምራ ጎዳይ ህጋይድ አዛዝንቴዝ ዎጋ ኡብታ ፖሌዛይፕ ጉየ ጋልላ ቢታ የዝ ፋ ካታማ ናዝረተ ማቄዛ።
LUK 2:40 ናአይ ድጭታራኔ አያናር ምንግታር Ꮊንጌዛ። ኤጨትꬃር ኩሜዛ፤ ጾስ ኣꬎ ኬሄትꬃይ ኤዛል አፋ የዛ።
LUK 2:41 ዮሰፋራኔ ማይራምር ፋዝቃ ባለ ቦንቾዳይስ ላይꬃር ላይꬃር የሩሳላመ Ꮊንግዛ።
LUK 2:42 የሱሳስ ታጶ ናምኢ ላይꬅ ማቄዝ ዎደ ካሰፕ ኦꬅዛይ ጋርክ ባላ ቦንቾዳይስ Ꮊንጌዛ።
LUK 2:43 ባላ ቦንቼዛይፕ ጉየ ካራ ማቆዳር ናአይ የሱሳ የሩሳላመ አቴዛ። ዝን ዮሰፋራኔ ማይራምር ኤ የሩሳላመ አቴዛና ኤረካያ።
LUK 2:44 ኤ ካራ ማቅዝ አሳይር ዎላ የዛ ኣዝን ኡንቲ ፐቲ ጋላሳ ኦገ Ꮊንጌዛ። ኤ ባዛና ኤሬዛይፕ ጉየ ፋ ዳብታይኔ ፋ ላግታይ ላንቀ ኮዬዛ።
LUK 2:45 ኤ ኤዛይድ ꬋብን ኮይታር ጉየ የሩሳላመ ሄሎዳይስ Ꮊንጌዛ።
LUK 2:46 ሀይꬒ ጋላሳፕ ጉየ ጾስ ኬꬃ አስታማርታይ ጋንጨ በቲ ኡ ኦድዛና ስእታራኔ ኡንታን ኦይጭታር የዝን ደንጌዛ።
LUK 2:47 ኤዛ ስእዝ ኡቢታይ ኤ አካካኔ ኤ ማህዝ ማልሳ ማላባዝ ጌዛ።
LUK 2:48 ካራ አሳይ ኤዛ ደንጌዝ ዎደ Ꮊይ ማላባዝ ጌዛ። ኤ እንዳታካ፥ «ታ ናአዮ፥ አብስ ኑና Ꮊይ ጋርክ ኦꬄኔ? ነ አዳይራኔ ታራ ነና ኮይታር ዳቡሬዛ» ዬጌዛ።
LUK 2:49 የሱሳ ኡንትኮ፥ «ታና አብስ ኮዬ? ታ፥ ታ አዳይ ካራ የዞዳይስ ቤዝዛና ይ ኤሮሳ» ዬጌዛ።
LUK 2:50 ዝን ኤ ኡንትኮ ጌዛና ኡንቲ አካኬካያ።
LUK 2:51 የይፐ ጉየ፥ ኡንታር ዎላ ናዝረተ ካታማ Ꮊንጌዛ። ኡንትስ ኪትንትታር የዜዛ። ኤ እንዳት የ ኡብታ ፋ ዎዛና ጋዲ ናጌዛ።
LUK 2:52 የሱሳ፥ ኤጨትꬃር፥ ኤቃማር፥ ዴቴር ጾስ ቲናኔ አስ ቲና ድጬዛ።
LUK 3:1 ካታይ ጽባሮሳ ኦሮመ ቢታል ካዉትን፥ ታጶ እችንꬆ ላይꬃር፥ ጰንጸ ጵላጾሳ ይሁዳ አቅስዛ ላይꬅ ሄሮዶሳ ጋልላ አቅስዛ ላይꬅ ኤ እሻ ፍልጶሳ ኢጹራሳኔ ጽራኮንዶሳ አቅስዛ ዎደ ልሳኖሳ አብላንሳና አቅስዛ ዎደ
LUK 3:2 ሃናራኔ ቃያፋራ ቄሰ ሀላቃ ማቂ የዝን፥ ጾስ ቃላይ ዛክሬሳ ናአ ዋንሳኮ ሊዦ ጋꬋ የኤዛ።
LUK 3:3 ዋንሳ፥ «ይ ናጋራይፕ ማቆይታኔ ጻማቅንቶይታ። ጾሳይ ይ ናጋራ አቶ ጎዳ» ዬጊ ታማርስታር ዮርዳኖሳ ቦርካ ሄራ የዝ ቢታ ኡባ Ꮊንጌዛ።
LUK 3:4 የይካ ናበ ኢስያሳ ፋ ማጻፋይድ፥ «ሊዦ ጋꬋ ፋ ቃላ ꬎቅ ኡዲ፥ ኡክዛ አꬃይ ቃላይ፥ ‹ጎዳይስ ኦገ ሎእꬆይታ፥ ጎሳካ ፕድ ኡዶይታ።
LUK 3:5 ሎጳ ኡቢታይ ኩሞ፥ አምባይኔ ደራይ ዝቂ ጎ። ዎቦ ኦጋይ ሉሎ፥ ጊገካ ጎሳይ ቅንጺ ጎ።
LUK 3:6 አሾ ማኤዝ አስ ኡብታይ፥ ጾሲ አሽዛና ቦኦ› » ግ ጻፍንቴዛይ ሀኔዛ።
LUK 3:7 ዋንሳ፥ ኤ ኩሸ ጻማቅንቶዳይስ የኤዝ ጋመ አሳይኮ፥ «ይንታኖ፥ ሾሽ ናኡንꬆ የኦዳይስ የዝ ቦቻይፕ ቡቶድ ጋርክ ይንታን ዞሬዛይ ኦኖ?
LUK 3:8 ይኬ፥ ይ ማቅꬃ ቤዝዛ ሎኦ ኦሶ ኦꬆይታ፥ ይ ዎዝናር፥ ‹ኑስ፥ ኑ አዳይ አፍራመ የዛ ግ ጋይርፓተ።› Ꮊና ስኦይታ፥ Ꮊ ሹችታይፕ ጾሳይ አፍራመስ ናአ ከሶዳይስ ዳንዳእዛ።
LUK 3:9 ዬዛኮ፥ ጋንደ ምንጻይስ ጻጳይድ የዛ። ይኬ፥ ሎኦ ኣፈ ኣፎዋ ምꬅ ኡቢታይ ጋችንቲ ታማ ጋንጨ ዎꬎዳ» ዬጌዛ።
LUK 3:10 አሳይ፥ «የዝን ኑኒ አብ ኦꬆ?» ዬጊ ኦይጬዛ።
LUK 3:11 ዋንሳ ማሂ፥ «ናምኢ አፍላ የዛ አሲ ባዛይስ እንጎ። ካꬃ የዛይ ባዛይስ ሻጎ» ዬጌዛ።
LUK 3:12 ቃራጸ ጋችስዝታይ ጻማቅንቶዳይስ ይኢ፥ «አስታማራዮ፥ ኑ አብ ኡዶ?» ዬጌዛ።
LUK 3:13 ኤ ማሂ፥ «ይንታን ኪቴዛንፕ ኣꬂ ኤክፓተ» ዬጌዛ።
LUK 3:14 ማ ዎታዳርታይ ይኢ፥ «ኑ አብ ኡዶ» ዬጊ ኦይጬዛ። ዋንሳ፥ «ኦባዝካ ዎልቃር ዳፍ ኤክፓተ፥ ኦናካ ዎርዶር ሞትፓተ፥ ይ ዳሞዛይ ይንትስ ግዶዳ» ዬጌዛ።
LUK 3:15 አሳይ ክርስቶሳ ኡፋይሳር ናግታር የዛ ግሾ ዋንሳና፥ «ኤ ክርስቶሳ ማቃደሻ?» ዬጊ ኡ ፋ ዎዝናይድ ቆፕዛ።
LUK 3:16 ዋንሳ ኡብታይስ ማሂ፥ «ታኒ ይንታን ሃꬃር ጻማቅዛ፥ ዝን ታፕ ኣꬊ ዎልቃምዛይ የኦዳ። ታኒ ኤ ጫማይ ዎዶራ ብሎዳይስ ቤዞዋ አሲ። ኤ ይንታን ጌሻ አያናራኔ ታማር ጻማቆዳ።
LUK 3:17 ዉዱማ የዝ ካꬃ ጌሾዳይስ ፕꬃይ ኤ ኩሻይድ የዛ። ጌዤዝ ካꬃ ፋ ሻላይድ ቆሎዳ፤ ቡናና ꬋቦዋ ታማር ጹጎዳ» ዬጌዛ።
LUK 3:18 ማ ዋንሳ አሳ ጋመ ዞረ ዞሪ ዎንግለ ሳባኬዛ።
LUK 3:19 ዝን ዋንሳ ሄሮዶሳ ፋ እሻይ ማቻት፥ ሄሮድያዳ፥ ኤኬዝ ግሾኔ ሀራ ኢታ ኦስታ ኦꬄዝ ግሾስ ካጬዝ ዎደ
LUK 3:20 ሄሮዶሳ ካሰሳይል አፋ ሀራ ኢታ ባዝ ኡባ ጉጂ ዋንሳና ዎይነ ገልሴዛ።
LUK 3:21 ዎያይ ኡባይ ጻማቅንቴዛይፕ ጉየ፥ የሱሳካ ማ ጻማቅንቴዛ። ኤ ዎሶዳር ሳሎ ዶይንቴዛ፥
LUK 3:22 ጌሻ አያናይ ሆለ ጋርከ ማቂ ኤዛል አፋ ዎꬌዛ። ሳሎፕ «ታኒ ቃꬍዛ ናአይ ነና፤ ነ ታና ኡፋይስዛ ዬግዝ» ቃላ የኤዛ።
LUK 3:23 የሱሳ ታማርሶ አይኮዳር ኤስ ሀስታም ላይꬅ ዝን፥ አሳይ ኤዛ ዮሴፋ ናአ ግ ቆፔዛ። ዮሴፋ ኤለ ናአ፥
LUK 3:24 ኤለ ማተ ናአ፥ ማተ ለወ ናአ፥ ለወ ምልካ ናአ፥ ምልካ ዮና ናአ፥ ዮና ዮሴፋ ናአ፥
LUK 3:25 ዮሴፋ ማታተ ናአ፥ ማታተ አሞጸ ናአ፥ አሞጸ ናሆመ ናአ፥ ናሆመ አስሊመ ናአ፥ አስሊመ ናገ ናአ፥
LUK 3:26 ናገ ማአተ ናአ፥ ማአተ ማታትየ ናአ፥ ማታትየ ሳማየ ናአ፥
LUK 3:27 ሳማየ ዮሴፋ ናአ፥ ዮሴፋ ዮዳ ናአ፥ ዮዳ ዮናነ ናአ፥ ዮናነ ራሰ ናአ፥ ራሰ ዘሩባበላ ናአ፥ ዘሩባበላ ሳላትያለ ናአ፥ ሳላትያለ ኔራ ናአ፥
LUK 3:28 ኔራ ምልካ ናአ፥ ምልካ ሃደ ናአ፥ ሃደ ቆሳመ ናአ፥ ቆሳመ ኤልሞዳኔ ናአ፥ ኤልሞዳኔ ኤረ ናአ፥
LUK 3:29 ኤረ ዮሴኤ ናአ፥ ዮሴኤ አላዛራ ናአ፥ አላዛረ ዮራመ ናአ፥ ዮራመ ማጻተ ናአ፥ ማጻተ ለወ ናአ፥
LUK 3:30 ለወ ስሞነ ናአ፥ ስሞና ይሁዳ ናአ፥ ይሁዳ ዮሴፋ ናአ፥ ዮሴፋ ዮናነ ናአ፥ ዮናነ ኤልያቀመ ናአ፥
LUK 3:31 ኤልያቀመ ማልየ ናአ፥ ማልየ ማይናነ ናአ፥ ማይናነ ማጻተ ናአ፥ ማጻተ ናታነ ናአ፥ ናታነ ዳዉተ ናአ፥
LUK 3:32 ዳዉተ ኢሳየ ናአ፥ ኢሳየ ኢዮቤደ ናአ፥ ኢዮቤደ ቦኤዛ ናአ፥ ቦኤዛ ሳልሞና ናአ፥ ሳልሞና ናአሶና ናአ፥
LUK 3:33 ናአሶና አምናዳባ ናአ፥ አምናዳባ ራመ ናአ፥ ራመ አርና ናአ፥ አርነ አስሮመ ናአ፥
LUK 3:34 አስሮመ ፓረሰ ናአ፥ ፓረሰ ይሁዳ ናአ፥ ይሁዳ ያይቆባ ናአ፥ ያይቆባ እሳቃ ናአ፥ ይሳቃ አፍራመ ናአ፥ አፍራመ ታር ናአ፥
LUK 3:35 ታር ናኮረ ናአ፥ ናኮረ ሳሩገ ናአ፥ ሳሩገ ረሁ ናአ፥ ረሁ ፋላቃ ናአ፥ ፋላቃ ኤቤራ ናአ፥ ኤቤሮ ሴላ ናአ፥
LUK 3:36 ሴላ ቃይናመ ናአ፥ ቃይናመ አርፋክሳዳ ናአ፥ አርፋክሳደ ሴመ ናአ፥ ሴመ ኖሄ ናአ፥ ኖሄ ላመ ናአ፥
LUK 3:37 ላመሄ ማቱሳላ ናአ፥ ማቱሳላ እኖኬ ናአ፥ ሄኖኬ ያረደ ናአ፥ ያረደ ማላልኤላ ናአ፥ ማላልኤላ ቃይናነ ናአ፥
LUK 3:38 ቃይናነ ሄኖሳ ናአ፥ ሄኖሰ ሴተ ናአ፥ ሴተ አዳማ ናአ፥ አዳማ ጾስ ናአ።
LUK 4:1 የሱሳ ጌሻ አያናር ኩሚ ዮርዳኖሳ ቦርካፕ ማቆዳር ጌሻ አያናይ ኤዛ ሊዦ ጋꬋ ካንጌዛ።
LUK 4:2 ኤዛይድ ኦይታም ጋላስኔ ኦይታም ቃማ ጻላሄር ፓጭንቴዛ። የ ጋላስታ አብካ ሜካዛር ጋምኤዝ ግሾስ ዉርስꬃል ናይንቴዛ።
LUK 4:3 ጻላሄ ኤዝኮ፥ «ነ ጾስ ናአ ማቅኮ አን Ꮊ ሹቻ ሶሎ ማቆ ግ አዛዞባ» ዬጌዛ።
LUK 4:4 የሱሳ ማሂ፥ «አሲ ጾስ ቃላራፕ አትን ሶሎ ኣዳር የዞያ ግንትንቲ ጌሻ ማጻፋይድ ጻፍንቴዛ» ዬጌዝ።
LUK 4:5 የይፕ ጉየ፥ ጻላሃይ የሱሳ አዱሰ ደረል አፋ ከሲ Ꮊ አላመ ካተትꬃ ኤልሲ ቤዜዛ።
LUK 4:6 ጻላሄ፥ «Ꮊ ኡቢታይል ማዉተኔ ቦንቾ ታስ እንግንቴዛ። ታኒ ቃꬌዝ ኦስካ እንግዛ ግሾስ ኔስ እማዳ።
LUK 4:7 የይ ግሾስ፥ ኔኒ ታስ ጎይንኮ ኡቢታይ ኔስ ማቆዳ» ዬጌዛ።
LUK 4:8 የሱሳ ማሂ፥ «ነ ጎዳ፥ ነ ጾሳይስ፥ ኣዳ ጎይኖባ፥ ኤዛ ኣዳ አጋዞባ ዬግንቲ ጌሻ ማጻፋይድ ጻፍንቴዛ» ዬጌዛ።
LUK 4:9 ዉርስꬃል ጻላሃይ የሱሳ የሩሳላመ ካንጊ ጾስ ኬꬅስ ኩስተል አፋ ኤሲ፥ «ኔኒ ጾሳ ናአ ማቅኮ አን ሱለ ሳአ ጉፒ ዎꬎባ።
LUK 4:10 አብስ ጊኮ፥ « ‹ነና ናግዝ ፋ ኪታንችታ፥ ጾሳይ ነ ግሾስ ኪቶዳ።
LUK 4:11 ነ ቶካይ ሹቻር ꬉብንታማይ ጋርክ፥ ኡ ፋ ኩሻይር ነና ደንꬆዳ› ዬግንቲ ጻፍንቴዛ» ዬጌዛ።
LUK 4:12 የሱሳ ማሂ፥ «ነ ጎዳ ጾሳ ፓጭፐ ግንትንቲ ጌሻ ማጻፋይድ ጻፍንቴዛ» ዬጌዛ።
LUK 4:13 ጻላሃይ የሱሳ ፓጭታ ኡባ ዉርሴዛይፕ ጉየ ሀራ ጊጋ ዎደ ደማድ ጋꬆ ኤዝፕ ሻክንቴዛ።
LUK 4:14 የሱሳ ጌሻ አያና ዎልቃር ኩሚ ጋልላ ማቄዛ። ኤ ዋራይ ሄራ የዝ ቢታ ኡባይል ስእንቴዛ።
LUK 4:15 ኤ አይሁድታይ ዎሳ ኬꬃ ገሊ ታማርሴዛ፤ አሲ ኡባይ ኤዛ ጋላቴዛ።
LUK 4:16 የይፕ ፋ ድጬዝ ካታማ ናዝረተ የኤዛ። ቲን ኦꬅዛይ ጋርክ ማላ ጋላስ አይሁድታይ ዎሳ ኬꬃ ገሌዛ። ናባቦዳይስካ ደንዴዛ።
LUK 4:17 ናበ ኢሳያሳ ማጻፋይ ኤዝስ እንግንትን፥ ጻꬃ ብሊ፥ Ꮊይ ጋርከ ዬጊ ጻፍንቴዛና ደንጌዛ፦
LUK 4:18 «ጎዳ አያናይ ታል አፋ የዛ፥ ማንቅታይስ ዎንግለ ኦዶድ ጋርክ ጾሳይ ታና ትዤዛ። አጭንቴዝታይስ ብልꬅ፥ ቶእታይ በአድ ጋርክ ኡንእንቴዝታ ብልኦድ ጋርክ፥
LUK 4:19 ጾሳይ ኬሆዳይስ ቆፔዝ ላይꬃ ኦዶድ ጋርክ ታና ኪቴዛ» ዬጌዛ።
LUK 4:20 የይፕ ጉየ፥ ማጻፋ ጻጺ አጋዝዛይስ እንጊ በቴዛ። አይሁድታይ ዎሳ ኬꬃ የዛ አሳይ ኡባይ ዳኪ በኤዛ።
LUK 4:21 ኤ፥ «Ꮊይ ይ ሀየር ስእዝ Ꮊ ማጻፈ ቃላይ Ꮊይኖ ፖልንቴዛ» ዬጌዛ።
LUK 4:22 ኡብታይ ኤ ባጋ ሎኦ ኦድንትዛ። ማ ኤ ዶናፕ ከዝዝ ኣꬎ ኬሃትꬃር ኩሜዝ ቃላር ማላባዝ ጊታር፥ «Ꮊይ ዮሴፋ ናአ ባሳኔ?» ዬጌዛ።
LUK 4:23 ኤ፥ ኡንትኮ « ‹ነኖ ኣክማዮ ነና አሾባ፥ ዬግዝ ኣዝሶ ናሻ ታ ስአሚ የይ ጋርክ ቅፍርናሆመ ነ ኦꬄዝ ባዝ ኑ ስኤዛና ማ Ꮊይዳ ነ ካታማይድ ኦꬆባ› » ዬጌዛ።
LUK 4:24 ማካ ታ፥ «ቱማ ኦድዛ፤ ናበ ፋ የልንቴዝ ቢታ ቦንችንቶያ ዬጌዛ።
LUK 4:25 «ታ ይንትስ ቱሮ ኦድዛ፤ ናበ ኤላሳ ላይꬅ ሀይꬒ ላይꬅኔ ባጋ ሳሎ ጎርድንትን ኢታ ናየ ቢታ ኡባይል የዝ ዎደ ጋመ አዝኒ ባ ማችታይ እስሬለ የዛ።
LUK 4:26 ኤላሳ ኡ ኡብታይስ ኪትንተካያ። ዝን ሰራፕታ ጋደ የዛ አዝኒ ባ ፐቲ አስትኮ ኪትንቴዛ።
LUK 4:27 ናበ ኤልሳኤ ዎደ እስሬለ ጋመ ቦርቆንቶ ሀርገር የዝ አሳይ የዛ። ዝን ሶረ አꬃ ንእማነፕ አትን ኦንካ ጌዠካያ» ዬጌዛ።
LUK 4:28 አይሁድታይ ዎሳ ኬꬅ የዝ አስ ኡቢታይ የያ ስኤዝ ዎደ ጋመ ካጬዛ።
LUK 4:29 ፋ በቴዝ አቃይፕ ደንዲ አምባል አፋ ኬጽንቴዝ ካታማፕ ጋጻ ከሲ ኡርቂ ዳኮዳይስ አምባ ጼራ ካንጌዛ።
LUK 4:30 ዝን ኤ ኡ ጋንጨር ኣꬊ ቅቴዛ።
LUK 4:31 ኤዛይፕ ጋልላ ቢታ የዝ ቅፍርናሆመ ካታማ Ꮊንጌዛ። ኤዛይድ ማላ ጋላስ አሳ ታማርሴዛ።
LUK 4:32 ኤ ቃላ ታማርስዛይ ማዉተር የዝ አስ ጋርክ ማቄዝ ግሾስ ኡቢታይ ኤ ትምርታ ማላባዝ ጌዛ።
LUK 4:33 አይሁድታይ ዎሳ ኬꬃ ቱና አያና አይኬዝ አꬃይ የዛ። ኤዚ ፋ ቃላ ꬎቅሲ ኡክታር
LUK 4:34 «ናዝረተ የሱሳ ኔስ ኑር አቢ የኔ? ኑፕ ሃኮባ፤ ነ የኤዛይ ኑና ꬋብሶዳይሶኔ? ኔኒ ኦናዛኮ ታኒ ኤርዛ። ኔኒ ጾሳፕ የኤዝ ጽላያ» ዬጌዛ።
LUK 4:35 የሱሳ ቱና አያናይኮ፥ «ስኤ ግ Ꮊ አꬃይፕ ከዞባ» ዬጊ ካጬዛ። ቱና አያናይ አꬃ አስ ኡቢታይ ቲና ሾጪ ኦሊ አብካ ቆሄካዛር አሺ ከዜዝ።
LUK 4:36 አስ ኡቢታይ ማላባዝ ግ። ዎልኮ፥ «ሀኖስ፥ Ꮊይ አባ ትምርቴ? ቱና አያንታ ማዉተራኔ ዎልቃር ኪትዛ፤ ኡንትካ ከዝዛ» ዬጌዛ።
LUK 4:37 ኤ ዋራይ ሄራ ኡባይል ከዜዝ።
LUK 4:38 የይፐ ጉየ፥ የሱሳ አይሁድታይ ዎሳ ኬꬃፕ ከዚ ስሞና ካራ ገሌዛ። ስሞና ማቻት እንዳታ ኢታ ኦጸ ምሻ ሀርገር ሀርግንቴዛ። እዞ ፓꬆዳይ ጋርክ የሱሳና ዎሴዛ።
LUK 4:39 እ ሂጻይኮ ሺቂ ዙጊ እ ሀርጋ ካጬዛ። ምሻይ አሽን ኤልሲ ደንዲ ኡንታን ሞኬዛ።
LUK 4:40 አዋ ገሎድ ሀኖዳር ዱማ ዱማ ሀርጋይር አይክንቴዝ አሳ ኤዝኮ ከኤዛ። ኤ ፐታይል ፐታይል አፋ ፋ ኩሻ ጋዲ ፓꬄዛ።
LUK 4:41 ቱና አያንታይ ማ፥ «ኔኒ፥ ጾስ ናአ» ዬጊ ኡክታር ጋመ አሳይፕ ከዜዝ። ዝን ኤ ኡንታን ካጬዛ። ኤ ክርስቶሳ ማቄዛና ኡንቲ ኤርዛ ግሾስ ፐትባዝካ ኦዶድ ጋርክ ኮየካያ።
LUK 4:42 ሀጋ ሳአ ዎንቶዳር የሱሳ ፐቲ ጌማ አቆ Ꮊንጌዛ። አሳይ ኮይታር ኤ የዛ አቃ የኤዛ። ኡንታፕ ኤ ሻክንቲ Ꮊንጋም ጋርክ ኤዛ ዎሴዛ።
LUK 4:43 ዝን ኤ፥ «ታኒ ሀራ ካታምታይድ Ꮊንጊ ጾሳ ካተትꬂ ዎንግለ ማርካቶዳይስ ቤዝዛ። ታ ኪትንቴዛይ የይ ግሾሲ» ዬጌዛ።
LUK 4:44 ይሁዳ ቢታል የዝ አይሁድታይ ዎሳ ኬꬃ ኡባ ዉቲ ሳባኬዛ።
LUK 5:1 ፐቲ ጋላስ የሱሳ ገንሳሬጸ አባ ላንቀ ኤቄዝን ጋመ አሳይ ኤ ካንታ ኡኪ፥ ኤ ታማርስዛ ጾሳ ቃላና ስኦዳይስ ኡርቅንትዛ።
LUK 5:2 ኤዛይድ አባይ ጋጻ የዝ ናምኢ ዎጎልታ በኤዛ። ሞሎ አይክዝ አስታይ ዎጎልታይፕ ዎꬊ ፋ ግታ ሜጭዛ።
LUK 5:3 የ ዎጎልታይፕ ስሞናረ ገሊ ቢታፕ ጽቃል ገድ አባይ ጋንጨል ሺሾዳይ ጋርክ ኦይጬዛ። ዬዚ፥ የ ዎጎላታይድ በቲ አሳ ዎንግለ ታማርሴዛ።
LUK 5:4 ፋ ታማርሳ ዉርሴዛይፕ ጉየ ስሞናኮ፥ «ገደ ጪማይኮ ሺሺ ሞሎ አይኮዳይስ ይ ግታ ኦሎይታ» ዬጌዛ።
LUK 5:5 ስሞና ማሂ፥ «አስታማራዮ፥ ቃማ ሙዳ ዳቡርታር አቅ አብካ አይከካያ፥ ዝን ነ ጊኮ ነቃላይር ግታ ኑ ኦሎዳ» ዬጌዛ።
LUK 5:6 ኡ ግታ ኦሌዝ ዎደ ግታይ ፔꬊንቶድ ጋꬆ ጋመ ሞሎ አይኬዛ።
LUK 5:7 ሀራ ዎጎሎ ጋንጨ የዝ ፋ ዣምታይ ይኢ፥ ፋና ማዶድ ጋርክ ዉቲ ጼጌዛ። ኡ ይኢ ናምኢ ዎጎልታ፥ ሃꬃይ ጋንጨ ምትንቶድ ጋꬆ ሞሎ ኩንꬄዛ።
LUK 5:8 ስሞን ጵጽሮሳ የያ በኤዝ ዎደ የሱሳ ቲና ጹጉኒ፥ «ጎዳዮ፥ ታኒ ናጋራንቾ አስ ማቄዝ ግሾስ ታፕ ሻክንቶባ» ዬጌዛ።
LUK 5:9 የያ ኤ ጌዛይ ኤዝኔ ኤዛር የዝታይ አይኬዝ ሞላይ ጋመትꬃይ ማላባዝ ማቄዝ ግሾስ።
LUK 5:10 ማ ስሞና ዣመ ማቄዝ ዛብዶሳ ናእታይ ያይቆባራኔ ዋንሳራ ማላባዝ ጌዛ። የሱሳ ስሞናኮ፥ «ያሽትፐ! Ꮊንፕ ገድ ኔኒ አስ አይክዝ አስ ማቆዳ» ዬጌዛ።
LUK 5:11 ኡ ዎጎልታ ጋጻ ሺሼዛይፕ ጉየ ኡብታ አሺ የሱሳና ካሎ አይኬዛ።
LUK 5:12 የሱሳ ካታምታይፕ ፐታይድ ማቂ የዝን ፐቲ ቦርቆንቶ ሀርገር አይክንቴዝ አሲ የ ካታማይድ የዛ። የ አꬃይ የሱሳ ብኢ ኤ ቲናይድ ጹጉኒ፥ «ጎዳዮ፥ ነ ሸነ ማቅኮ ታና ጌሾዳይስ ነ ዳንዳእዛ» ግ ዎሴዛ።
LUK 5:13 የሱሳ ፋ ኩሻ ዳኪ ቦቺ፥ «ኤ፥ ታ ሸነ፤ ጌዦባ» ዬጌዛ። እዝር አꬃይ ጌዤዛ።
LUK 5:14 የሱሳ፥ «Ꮊያ ኦስካ ኦድፐ፥ ዝን Ꮊንጊ ነናትꬃ ቄሳ ቤዞባ። ነ ጌዤዛይስ ማርካ ማቃዳይ ጋርክ ሙሰ ኪቴዝ ያርሻና ያርሾባ» ግ ኪቴዛ።
LUK 5:15 ማቆዝን፥ የሱሳ ዋራይ ካሰሳይፕ ኣꬊ ዳልግታር Ꮊንጌዛ። ጋመ አሳይ ኤ ኦድዛ ባዝ ስኦዳይስኔ ፋ ሀርገፕ ፓጾዳይስ ይእዛ።
LUK 5:16 ዝን ኤዚ ኡባ ዎደ ፋ ኣዳስ ጌማ አቆ Ꮊንጊ ዎስዛ።
LUK 5:17 ፐቲ ጋላስ የሱሳ ታማርሶዳር ጋልላፐራ ይሁዳ ሄራ ኡባይፐ ማ የሩሳላመፐካ የኤዝ ፈርሳውታይራ ህገ አስታማርታይ ኤዛይድ በቴዛ። አሳ ፓꬅዛ ጎዳይ ዎልቃይካ ኤዛር የዛ።
LUK 5:18 የ ዎደ አሳይ ፐቲ ስላ አስ ሀላር ቶኪ ከኤዛ። ካራ ገልሲ ኤ ቲናይድ ጋዶዳይስ ኮዬዛ።
LUK 5:19 ዝን አስ ዳሮትꬃይፕ ካራ ገልሶዳይስ ጋምንቲ ኬꬃል አፋ ከዚ፥ ሲትንጋ ቃዉጺ፥ ሀርግንቴዝ አꬃ ሀላር አሳ ሻጊ የሱሳ ቲና ዎꬄዛ።
LUK 5:20 የሱሳ ኡ አማና ብኢ፥ «ናት አꬃዮ፥ ነ ናጋራይ አቶ ግንትንቴዛ» ዬጌዛ።
LUK 5:21 ህገ አስታማርታይኔ ፈርሳወ አሳይ፥ «Ꮊይ ጾስ ጫዥዛይ ኦኖ? ፐቲ ጾሳፕ አትን ሀራ ናጋራ አቶ ጎዳይስ ዳንዳእዛይ ኦኖ?» ዬጊ ቆፔዛ።
LUK 5:22 የሱሳ ኡ ቆፋ ኤሬዝ ግሾስ ኡንትኮ፥ «ይ ዎዝና ጋንጨ የይ ጋርክ አብስ ቆፔ?
LUK 5:23 ‹ነ ናጋራይ ኡጭንቴዛ ግዛይፐነ ደንዲ የꬎባ ግዛይፕ ኣይ ሎኦ?›
LUK 5:24 ዝን ታ የያ ጌዛይ አስ ናአይ ቢታል አፋ ናጋራ ኡጮዳይስ ማዉተ የዛና ይ ኤሮድ ጋርከ።» የይፕ ማቂ፥ ስላ አꬃይኮ፥ «ደንዲ፤ ነ አርሳ ቶኪ ነ ካራ Ꮊንጎባ» ዬጌዛ።
LUK 5:25 ኤ ኤልꬂ ደንዲ ኡ ቲና ኤቄዛ፤ ኤ ቶክንቲ የኤዝ አርሳ ቶኪ ጾሳ ጋላትታር ፋ ካራ Ꮊንጌዛ።
LUK 5:26 የ ዎደ ኡቢታይካ ማላባዝ ጌዛ። ጾሳ ጋላትታር፥ «Ꮊይኖ ኑ ዳማ ማላታ በኤዛ» ዬጊ ያሽቴዛ።
LUK 5:27 የይፕ ጉየ፥ የሱሳ የይፕ ከዚ Ꮊንግታር። ለወ ግንትንትዝ ፐቲ ቃራጸ ጋችስዛይ ቃራጸ ጋችስዛ አቆ በቴዛና ብኢ፥ «ታና ካሎባ» ዬጌዛ።
LUK 5:28 ኤ ኡባ ባዝ አሺ ደንዲ ኤዛ ካሌዛ።
LUK 5:29 የ ለዋይ ፋ ካራ ዳሞ ስብረ ጊግሴዛ። ጋመ ቃራጸ ጋችሽዝታይኔ ሀራ አሳይ ካꬃ ማዳይስ በቴዛ።
LUK 5:30 ፈርሳውታይራ ህገ አስታማርታይ፥ «ቃራጸ ጋችስዝታይራኔ ናጋራ ኦꬅዝታይር አብስ ም ኡዤ?» ዬጊ የሱሳ ታማርታይል ኤዛ ዝግሬዛ።
LUK 5:31 የሱሳ ኡንትኮ፥ «ሀርግንቴዝታይፕ አትን ፓꬅ አስስ አክመ ኮሾያ።
LUK 5:32 ታኒ ናጋራ ኦꬅዝታ ማሮትꬅኮ ማሆዳይስፕ አትን ጌሽታ ጼጎዳይስ የኤካያ» ዬጊ ማሄዛ።
LUK 5:33 ኡ የሱሳኮ፥ «ዋንሳ ታማርታይ ጋመ ጾምዛ፥ ማ ፈርሳውታይ ታማርታይካ የይ ጋርክ ኦꬅዛ። ዝን ኔስታይ ኡባ ዎደ ሚዛይ ኡዥዛይ አብሶ» ዬጌዛ።
LUK 5:34 የሱሳ ኡንትኮ፥ «ማቾ ኤክዛይ ኡንታር የዝን ላዛንꬅታይ ጾሞዳይ ጋርክ ኦꬆዳይስ ዳንዳእኔ?
LUK 5:35 ዝን ማቾ ኤክዛይ ኡንታፕ ሻክንቶድ ጋላስ የኦዳ፥ የ ዎደ ኡንቲ ጾሞዳ።»
LUK 5:36 ማ ዬጊ ኣዝሶ ኦዴዛ፤ «ኦሮꬅ ማኦፕ ፔꬊ ጭማ አፍላል አፋ ስክዛ ኦንካ ባያ። የይ ጋርክ ኦꬅኮ ኦሮꬅ አፍላ ፐርእዛ፥ ኦሮꬃይ ጭማይስ ጊጎያ።
LUK 5:37 ማልአንቶ ዎይነ ጭማ ኦጎሮ ጋንጨ ቡልዝ ኦንካ ባያ። የያ ኦꬅኮ፥ ማልአንቶ ዎይናይ ጭማ ኦጎራ ꬉስዛ፤ ዎይናይ ላልንትዛ ኦጎራይካ አዶያ።
LUK 5:38 የይ ግሾስ፥ ማልአንቶ ዎይነ ኦሮꬅ ኦጎሮ ጋንጨ ቡልንቶዳይስ ቤዝዛ።
LUK 5:39 ይኬ፥ ካኤዛይ ሎኦ ግዝ ግሾስ ካኦ ዎይነ ኡዢ ማቂ ማልአንቶ ኮይዛይ ኦንካ ባያ» ዬጌዛ።
LUK 6:1 ፐቲ ማላ ጋላስ የሱሳ ጋደ ጋንጨር ኣꬍዛ። የሱሳ ታማርታይ ባንጋ ትዣ ዱꬂ ፋ ኩሸር ምርኪ ሚዛ።
LUK 6:2 ዝን ፈርሳውታይ ጋንጨፕ ፐታይ ፐታይ፥ «ማላ ጋላስ ኦꬆዳይስ ኑ ህጋይድ ቤዞዋ ባዝ አብስ ኦꬄ?» ዬጌዛ።
LUK 6:3 የሱሳ ኡንትኮ ማሂ፥ «ዳዉተ ናይንቴዝ ዎደ ፓር የዝታይራ ዎላ ኦꬅዛና ይ ናባበካሳ?
LUK 6:4 ጾስ ኬꬃ ገሊ አይሁድታይ ቄስታይ ኣዳስ ቤዝዛ ዳቦ ሜዛ፤ ፓር የዝታይስካ እንጌዛ» ዬጌዛ።
LUK 6:5 ማ የሱሳ፥ «አስ ናአይ ማላስ ጎዳ» ዬጌዛ።
LUK 6:6 ሀራ ማላ ጋላስ የሱሳ አይሁድታይ ዎሳ ኬꬅ ገሊ ታማርስዛ። የ አቃይድ ኡሻች ኩሸ ስሌዝ ፐቲ አሲ የዛ።
LUK 6:7 ህገ አስታማርታይኔ ፈርሳወ አሳይ ኤዛ ሞቶዳይስ ሳንከ ኮዢ ማላ ጋላስ ፓꬅኮ በአዳ ግ ናግዛ።
LUK 6:8 ዝን የሱሳ ኡ ቆፋ ኤሪ ኩሻይ ስሌዝ አꬃይኮ፥ «ደንዲ አሳይ ጋንጨ ኤቆባ» ዬጌዛ፥ አꬃይካ ደንዲ ኤቄዛ።
LUK 6:9 የሱሳ፥ «አን ታ ይንታን ፐትባዝ ኦይጭዛ፤ ማላ ጋላስ ኦꬆዳይስ ቤዝዛይ ሎኦ ባዞኔ ኢታባዞ? ሸምፖ አሾኔ ꬋብሶ?» ዬጌዛ።
LUK 6:10 ማ የሱሳ ኤ ላንቃይር የዝ አሳ ኡባ ዩዪ ብኢ አꬃይኮ፥ «ነ ኩሻ ፕድ ኡዶባ» ዬጌዛ፥ አꬃይካ ኤ ጌዛን ጋርክ ኡድን ኩሻይ ፓጼዛ።
LUK 6:11 ዝን ህገ አስታማርታይኔ ፈርሳወ አሳይ ኢታ ይላꬌዛ። የሱሳል አፋ አብ ኡዶ ግ ዎላ ቶቤዛ።
LUK 6:12 የ ዎደ ጋላስታይፕ ፐቲ ጋላስ የሱሳ ዎሶዳይስ ደረል አፋ ከዜዛ። ቃማ ሙዳ ጾሳ ዎስታር አቄዛ።
LUK 6:13 ዎንትꬃ ፋ ታማርታ ጼጊ ኡ ጋንጨፕ ታጶ ናምእታ ዶሪ፥ ኡንታን፥ «ሀዋርታ» ግ ጼጌዛ።
LUK 6:14 ኡንትካ፥ ጵጽሮሳ ግ ጼግዝ ስሞና፥ ኤ እሻ እንድራሰ፥ ያይቆባ፥ ዋንሳ፥ ፍልጶሳ፥ ባርቶሎሞሳ፥
LUK 6:15 ማቶሳ፥ ቶማሳ፥ እልፎሳ ናአ ያይቆባ፥ ፋ ቢታይስ ምጭንትዝ ስሞና፥
LUK 6:16 ያይቆባ ናአ ይሁዳራኔ የሱሳ ኣꬂ እንጌዝ አስቆሮንቶ ይሁዳ።
LUK 6:17 የሱሳ ሀዋርታይር ዎላ ደረላፕ ዎꬊ ደንባ አቆ ኤቄዛ። ኤ ታማርታይፕ ጋምታይ የ አቃይድ የዛ። ይሁዳ ቢታ ኡባፐ የሩሳላመፐ፥ ጽሮሳፐኔ ስዶና አባ ጋጻፐ ጋመ አሳይ ኤ ታማርስዛ ባዝ ስኦዳይስኔ ፋ ሀርገፕ ፋጾዳይስ የኤዛ።
LUK 6:18 ቱና አያናር መትንትዛ አስታይካ ይኢ ፓጼዛ።
LUK 6:19 ፓꬅዛ ዎልቃ ኤዝፕ ከዚ አሲ ኡባ ፓꬅዛ ግሾስ አሳይ ኤዛ ቦቾዳይስ ኮይዛ።
LUK 6:20 ፋ ታማርታይኮ ብኢ Ꮊይ ጋርከ ዬጌዛ፦ «ይንታኖ፥ ማንቅታዮ፥ ይ አንጅንቴዝታ፤ ጾስ ካተትꬃይ ይንትሲ።
LUK 6:21 ይ Ꮊት ናይንትዝታይ አንጅንቴዝታ፥ ይ ምዦዳ። ይ Ꮊት ዬክዝታይ አንጅንቴዝታ ይ ሚጮዳ።
LUK 6:22 አሳይ ይንታን ታ ግሾ፥ አስ ናአይ ግሾስ እጽዛ ዎደ ይንታን ፕልዛ ዎደ ይንታን ኡ ቶችዛ ዎደኔ፥ ኢታ ሱንꬅ ኡ ይንትስ እንግዛ ዎደ ይ አንጅንቴዝታ።
LUK 6:23 «ዬዛኮ፥ ይ ጋታይ ሳሎ ዳማ ማቄዝ ግሾስ የ ዎደ ኡፋይሳር ጉፖይታ። አብስ ጊኮ፥ ብኒ ኡ አድታይ ናብታይል አፋ Ꮊይ ጋርክ ኡዴዛ።
LUK 6:24 «ዝን ዱርታዮ ይንታን አየ፤ ይ Ꮊት ሎኦ የስ ኤኬዝታ።
LUK 6:25 Ꮊት ምዤዝታዮ ይንታን አየ፤ ይ ናይንቶዳ። Ꮊት ሚጭዝታዮ አቦ ይንታኖሾ ይ ካያꬎዳኔ ዬኮዳ።
LUK 6:26 አሲ ኡባይ ይ ሎኦትꬃ ኣዳ ኦድዝ ዎደ ይንታን አየ። ኡ አድታይ ብኒ ዎርዶ ናብታይል አፋ Ꮊይ ጋርክ ኦꬄዛ።
LUK 6:27 «ዝን ታና ስእዝ ይንትስ ታ ኦድዛ፤ ይ ሞርክታ ሲቆይታ፤ ይንታን እጽዝታይስ ሎኦ ባዝ ኦꬆይታ።
LUK 6:28 ይንታን ባድዝታ አንጆይታ፥ ይንታን ናቅዝታይስ ዎሶይታ።
LUK 6:29 ፐቲ ባጋ ሻንጋላ ባቅዝታይስ Ꮊንኮ ባጋካ ቤዞባ። ነ ኮታ ኤኮዳ ግዛይስ ነ ሻምዣካ ጉጂ እንጎባ።
LUK 6:30 ነና ዎስዛ ኡባይስ እንጎባ፤ ኔፕ ኤኬዝ ኦናካ ማሆ ግ ኦይጭፐ።
LUK 6:31 አሳይ ይንትስ ኦꬆድ ጋርክ ይ ኮይዝ ባዝ ኡባ ይንትካ አስስ ኦꬆይታ።
LUK 6:32 «ይ ይንታን ቃꬍዛ አሳ ኣዳ ቃꬍኮ፥ አባ ጋላታ ይንትስ የኔ? ሀራ አቶዝን፥ ናጋራንችታይካ ፋና ሲቅዝታ ሲቅዛ።
LUK 6:33 ይንትስ ሎኦ ባዝ ኦꬅዝታይስ ኣዳ ሎኦ ባዝ ኦꬅኮ ይንትስ አባ ጋላታ የኔ? ናጋራንችታይካ Ꮊይ ጋርክ ኦꬅዛ።
LUK 6:34 ታልኤ ማሆድ አስስ ኣዳ ይ ታልእኮ አብ ዱማ ጋላትንትኔ? ናጋራንችታይካ ጉየ ማሆድ አሲ ብኢ ታልእዛ።»
LUK 6:35 «ዝን ይ ሞርክታ ሲቆይታ፤ ኡንትስ ሎኦ ባዝ ኦꬆይታ። ጉየ ኤኮዳይስ ቆፐካዛር ታልኦይታ። የይድ ይ ኤኮድ ጋታይ ዳማ ማቆዳ። ይ ኡባይፕ ኣꬎ ጾስ ናእታ ማቆዳ። ኤ ፋና ጋላቶዝታይስኔ ኢትታይስካ ኬሃ።
LUK 6:36 ይ አዳይ ማርዛ ማቄዛይ ጋርከ ይንትካ ማርዝታ ማቆይታ።
LUK 6:37 «አሳል አፋ ፕርድፓተ፤ ይንታል አፋ ፕርድንታሚ። ይ ቦርንታማይ ጋርክ ኦናካ ቦርፓተ። አቶ ጎይታ፤ ጾሳይ ይንትስ አቶ ጎዳ።
LUK 6:38 እንጎይታ፤ ይንትስ እንግንቶዳ። ይ ማኬዝ ባዛር ይንትስ ማሂ ማክንቶዳ፥ ኡባራካ ሎኦ ማክዝ ባዛር ባቂ፥ ሱዲ ኩንꬂ፥ ላልንቶዳር ይንትስ ማክንቲ እንግንቶዳ» ዬጌዛ።
LUK 6:39 ማካ የሱሳ ዬጊ ኡንትስ ኣዝሶ ኦዴዛ፤ «ቶአይ ቶአ ካልꬆዳይስ ዳንዳእኔ? ካልꬅኮ ናምእታይካ ዎል ኤኪ ጋጋ ቅቶሳኔ?
LUK 6:40 ታማራይ አስታማራይፕ ኣꬎያ። ዝን ሎእꬂ ታማሬዝ አꬃይ ፋ አስታማራይ ጋርክ ሀንዛ።
LUK 6:41 ነ እሻይ ኣፋይድ የዛ ቡጻ አብስ ነ ብእኔ? ነ ኣፋይድ የዛ ቱስ ኣዝዛና አብስ ቦኦሳ?
LUK 6:42 ነ ኣፋይድ የዛ ቱስ ኣዝዛና በኤካዛር ነ እሻይኮ፥ ‹ታ እሻዮ ነ ኣፋይድ የዝ ቡጻ ከሶ› ጎዳይስ ዋይዚ ዳንዳኤ? ነኖ ጩባዮ፥ ቲናቲ ነ ኣፋይድ የዝ ቱስ ኣዝዛና ከሶባ። የይፕ ጉየ፥ ነ እሻይ ኣፋይድ የዝ ቡጻ ከሶዳይስ ነ ጌሺ በአዳ።
LUK 6:43 «ሎኦ ምꬂ ኢታ ኣፈ ኣፎያ፤ የይ ጋርከካ ኢታ ምꬂ ሎኦ ኣፈ ኣፎያ።
LUK 6:44 ኣፈ ኣፍዝ ምꬅ ኡባይ ፋ ኣፈር ኤርንትዛ። አንጉꬅፐ ባላሰ ኣፈ ማጽንቶያ ማ ጎምኦረፐ ዎይነ ኣፋይ ማጽንቶያ።
LUK 6:45 ሎኦ አስ ፋ ዎዛና ጋንጨ ኩሜዝ ሎኦ ባዛፕ ሎኦ ባዝ ከስዛ። ኢታ አሲ ፋ ዎዝናይድ ኩሜዝ ኢታ ባዛፕ ኢታ ባዝ ከስዛ። አሲ ፋ ዎዝና ኩሚ ፉጬዛይፕ ፋ ዶናር ኦድዛ።
LUK 6:46 «ታ ግዛና ኦꬆዋዛር፥ አብስ ታና፥ ‹ጎዳዮ፥ ጎዳዮ፥ ጌ?›
LUK 6:47 ታኮ ይእዛይኔ ታ ቃላ ስኢ ፖልዛ ኡቢታይ ኦና ኣዝዛኮ ታ ይንታን ቤሳዳ።
LUK 6:48 ኤ ኬꬅ ኬጾዳይስ ዎꬍሲ፥ ኦላ ቦኪ፥ ኦሞ የዝ ዛላይል አፋ ኬꬅ ኤሴዝ ኤጫ አꬃ ኣዝዛ። ድኦ ድኢ የ ኬꬃ ኡርቄዛ፥ ዝን ሚንꬂ ኬጼዝ ግሾስ ኤንኦዳይስ ዳንዳኤካያ።
LUK 6:49 ዝን ታ ቃላ ስኢ ኦꬆዛይ ፋ ኬꬃ ሻፈል አፋ ኬጼዝ አꬃ ኣዝዛ። ድኦ ድኢ የ ኬꬃ ኡርቄዝ ዎደ ኤልሲ ዎዴዛ። የ ኬꬃይ ዎድꬃይካ ዎልቃማ ማቄዛ» ዬጌዛ።
LUK 7:1 የሱሳ የያ ኡባ አስ ቲና ታማርሲ ዉርሴዛይፕ ጉየ፥ ቅፍርናሆማ ካታማ Ꮊንጌዛ።
LUK 7:2 የ አቃይድ ፐቲ ማቶ ሀላቃይ የዛ። ኤ ጋመ ቃꬍዛ አይላይ ሀርግንቲ Ꮊይቆስ ሄሌዛ።
LUK 7:3 ኤ የሱሳ ባጋ ስኤዝ ዎደ ፋ አይላ ፓꬆዳይ ጋርክ ኤዛ ዎሶ ግ አይሁድታይ ጭምታ የሱሳኮ ኪቴዛ።
LUK 7:4 ኪትንቴዝታይ፥ የሱሳኮ Ꮊንጊ፥ «ነ ኤስ Ꮊያ ኦꬆዳይስ ቤዝዛ።
LUK 7:5 አብስ ጊኮ፥ Ꮊ አꬃይ ኑ አሳ ቃꬍዛ፥ አይሁድታይስ ዎሳ ኬꬃካ ኬጼዛ» ግ ሚንꬂ ዎሴዛ
LUK 7:6 የሱሳካ ኡንታር Ꮊንጌዛ። ማቶ ሀላቃይ ካራኮ ኡኮዳር ፋ ላግታ ኤዝኮ ኪቲ፥ «ጎዳዮ፥ ታ ኬꬃይድ ነ ገሎዳይስ ታስ ቤዘካ ግሾስ ዳቡርፐ።
LUK 7:7 ታካ ታና ነ ቲና ሺቆዳይስ ቤዝዛ አስ ግ ቆፖያ። ዝን ነ Ꮊን እዘ ኤቂ ፐቲ ቃላ ኦዶባ፤ ታ አይላይ ፓጾዳ።
LUK 7:8 ታስ ታፕ አፋር ሀላቃይ የዛ፥ ታፕ ኦሞር ታ ኪትዛ ዎታዳርታይ የዛ። ፐታ፥ ‹ቅቶባ› ጊኮ ቅትዛ፥ Ꮊንካ፥ ‹Ꮊና የኦባ› ጊኮ ይእዛ። ታ አይላይኮ፥ ‹Ꮊኖ ኦꬆባ› ጊኮ ኦꬅዛ» ዬጌዛ።
LUK 7:9 የሱሳ የያ ስኤዝ ዎደ ማላባዝ ጌዛ። ጉየ ማቂ Ꮊንጊ አሳይኮ፥ «ታ ይንትስ ቱሮ ኦድዛ፤ ሀራ አቶዝን አስራኤለ ጋንጨካ Ꮊይ ጋርክ ግታ አማኖ ታ ደንገካ» ዬጌዛ።
LUK 7:10 ኪትንቴዝታይ ካራ ማቃዳር አይላይ ፓጽን ደንጌዛ።
LUK 7:11 ዎንትꬃ ጋላስ የሱሳ ናይነ ካታማ Ꮊንጌዛ። ኤ ታማርታይራኔ ሀራ ጋመ አሳይ ኤዛር Ꮊንጌዛ።
LUK 7:12 ኤ ካታማ ገሎድ ሀኖዳር አሃ ቶኬዝ ጋመ አሳይ ካታማፕ ከዜዝ። Ꮊይቄዝ ናአይ ፋ እንዳትስ ፐቶ፥ እዛካ አምኦ። ካታማ አሳይፕ ጋምታይ እዝር የዛ።
LUK 7:13 ጎዳይ እዞ ብኢ ቃꬊንቲ፥ «ዬክፐ» ዬጌዛ።
LUK 7:14 ሺቂ ሀላ ቦችን ቶኬዝ አሳይ ኤቄዛ። የሱሳ፥ «ናት፥ የላጋዮ ደንዶባ» ዬጌዛ።
LUK 7:15 Ꮊይቄዛይ ደንዲ በቲ ናሻ አይኬዛ። የሱሳ ናአ ደንꬂ እንዳትስ እንጌዛ።
LUK 7:16 አስ ኡቢታይ ያሽቲ፥ «ኡባፕ ኣꬍዝ ናበ ኑ ጋንጨ ደንዴዛ፤ ጾሳይ ፋ አስታ በኤዛ» ዬጊ ጾሳ ጋላቴዛ።
LUK 7:17 ኤ ዋራይ ይሁዳንነ የ ሄራይድ የዝ ቢታ ኡባይል ስንቴዛ።
LUK 7:18 ጻማቅዛ ዋንሳ ታማርታይ የያ ኡብታ ዋንሳስ ኦዴዛ። ኤ ኡ ጋንጨፕ ናምእታ ጼጊ፥
LUK 7:19 «የኦድ ጊንትንቴዛይ ነናኔ? ዎይ ሀራ ናጎ?» ዬጊ ኦይጮይታ ግ ጎዳይኮ ኪቴዛ።
LUK 7:20 አሳይ የሱሳኮ Ꮊንጊ፥ ጻማቅዛ ዋንሳ፥ «የኦድ ጊንትንቴዛይ ማሳይ ነናኔ? ዎይ ሀራ ኑ ናጎ?» ጎይታ ግ ኑና ኔኮ ኪቴዛ ዬጌዛ።
LUK 7:21 የ ሳታተ የሱሳ ጋመ አሳ ሀርገፕ ፓꬄዛ። ቱና አያንታ ከሴዛ፥ ጋመ ቶኤዝ አስ ኣፍታካ ብእሴዛ።
LUK 7:22 ዋንሳ ካንታፕ ኪትንቲ የኤዝታይኮ፥ «Ꮊንጊ ይ በኤዛናኔ ስኤዛና ዋንሳስ ኦዶይታ። ኣፈ ቶእታይ ብእዛ፥ ጉንድታይ ብልእንቲ የꬍዛ፥ ቦርቆንቶር የዝታይ ጌዥዛ፥ ቱልታይ ስእዛ፥ Ꮊይቄዝታይ Ꮊይቆፕ ደንድዛ፥ ማንቅታይስ ዎንግላይ ሳባክንትዛ።
LUK 7:23 ታል ꬉብንቶዋ ኦንካ አንጅንቴዛያ።»
LUK 7:24 ዋንሳ ኪቴዝታይ Ꮊንጌዛይፕ ጉየ የሱሳ ዎያይስ ዋንሳ ባጋ ዬጊ ኦዴዛ፦ «ይ አብ በአዳይስ ሊዦ ከዜኔ? ጫርኮ ኤንእስዛ ማቃ በአዳይሶኔ?
LUK 7:25 የዝን፥ አብ በአዳይስ ከዜኔ? ቦንቾ አፍላ ማኤዝ አሳ በአዳይስነ? ቦንቾ አፍላ ማኤዝታይኔ ሳአ ጊጌዝ አሳይ ካት ኬꬃ የዛ።
LUK 7:26 የዝን፥ አብ በአዳይስ ከዜኔ? ናበ በአዳይሶኔ? ኤ፥ ታ ዬግዛ፦ ይ በአዳይስ ከዜዛይ ናበፕ ኣꬍዛና።
LUK 7:27 «‹ነ ኦገ ነ ቲና ጊግስዛ ታ ኪታንቻ ኔፕ ቲና ታ ኪቶዳ› ዬግንቲ ጻፍንቴዛይ Ꮊይስ ኤዝሲ።
LUK 7:28 ታ ይንትስ ኦድዛ፤ ማቻፕ የልንቴዝታይ ጋንጨፕ ዋንሳፕ ኣꬍዛይ ባያ። ጾስ ካተትትꬃ ኡባፕ ጽቅዛይ፥ ኤ ኡባፕ ዳማ ማቆዳ» ዬጌዛ።
LUK 7:29 ሀራ አቶዝን፥ የሱሳ ቃላ ስኤዝ ቃራጸ ጋችዝታይኔ አስ ኡባይ ዋንሳ ኩሸ ጻማቅንቴዝታይ ጾሳይ ጌሽ ማቅዛ ቆንጭሴዛ።
LUK 7:30 ዝን ፈርሳውታይኔ ህገ አስታማርታይ ዋንሳ ኩሸ ጻማቅንታም እጺ ጾስ ቆፋ ለቄዛ።
LUK 7:31 የሱሳ ማቂ Ꮊይ ጋርከ ዬጌዛ፦ «ይኬ፥ Ꮊ ዎደ የለትꬃ አባር ኣዝሶዴ? ኡንትካ ኦና ኣዜ?
LUK 7:32 ጋበ ጋንጨ በቲ ዎል ጼጊ፥ ‹ኑ ይንትስ እምፕልተ ፑግን፥ ይ የጾያ። ኑ ሳቢ ዘላልን፥ ይ ዬኮያ› ዬግዝ ናእታ ኣዝዛ።
LUK 7:33 ጻማቅዛ ዋንሳ ሶሎ ሜካዛራኔ ዎይነ ኡዠካዛር ይእን፥ ‹ኢታ አያናይር የዛ ይ ጌዛ።›
LUK 7:34 አስ ናአይ ሚታራኔ ኡዥታር ይእን፥ Ꮊ አꬃይ ‹ዥንባራኔ ኡሺ ዶስዛ፥ ቃራጸ ጋችስዝታኔ ናጋራ ኦꬅዝታይ ዳቦ› ጌዛ።
LUK 7:35 ኤጨትꬂ ቱሮ ማቅዛይ ፋ ናአትራ ኤርንትዛ» ዬጌዛ።
LUK 7:36 ፈርሳውታይፕ ፐታይ የሱሳ ካꬃ ሙዞዳይስ ፋ ካራ ጼጌዛ። ኤ ፈርሳዋይ ካራ Ꮊንጊ ሌማተል አፋ በቴዛ።
LUK 7:37 የ ካታማ ጋንጨ ፐቲ ናጋራንቾ ማች የዛና የሱሳ ፈርሳዋይ ካራ ስብረል አፋ የዛና ስኤዝ ዎደ ሎእꬂ አልኦ አልባስጽሮሳ ብልጋጸ ሽቶ ኤኪ የኤዛ።
LUK 7:38 የሱሳስ ጉየ ባጋር፥ ኤ ቶካይ ካለ ኤቂ ዬክታር ኤ ቶካ ፋ አፉꬃር ላክꬄዛ። ፋ ብናናይር ኤ ቶካ ኡጭታራኔ ዬርታር ሽቶ ትዤዛ።
LUK 7:39 ስብራና ማኬዝ ፈርሳዋይ የያ ብኢ ፋ ዎዝናር፥ «Ꮊይ ናበ ማቄዛኮ Ꮊ አስታ ኤዛ ቦችዛና ኦናዛኮ ማ እዛ ዋፋ ናጋራንቾ ማቄዛኮ ኤ ኤሮዳዝን» ዬጌዛ።
LUK 7:40 የሱሳ፥ «ስሞና፥ ታ ኔስ ኦድዛ ባዝ የዛ» ዬጌዛ። ኤ፥ «አስታማራዮ፥ ታስ ኦዶባ» ዬጌዛ።
LUK 7:41 የሱሳ ኤዝኮ፥ «ናምኢ አሳይ ፔቲ አꬃይፕ ሚሸ ታልኤዛ። ፐታይ እችን ጼት ድናረ Ꮊንካይ ማ እሻታም ድናረ ታልኤዛ።
LUK 7:42 ናምእታይካ ታልኤ ጭጎዳይስ ጋምንትን፥ ናምእታይስካ ታልኤዛና ማሬዛ። ይኬ፥ Ꮊ ናምእታይፕ የ አꬃ ሎእꬂ ዶሶዳይ ኔስ ኣያ ኣዜ» ዬጌዛ።
LUK 7:43 ስሞና፥ «ጋመ አጮ ማርንቴዝ አꬃይ ጋመ ቃꬎዳ ኣዝዛ» ዬጌዛ። የሱሳ፥ «ነ ቱማ ፕርዴዛ» ዬጌዛ።
LUK 7:44 የይፐ ጉየ፥ የሱሳ አስትኮ ማቂ ብኢ፥ ስሞናኮ፥ «Ꮊኖ አስቶ ነ ብእኔ? ታኒ ነ ካራ ገልን ሀራ አትን ነ ታስ ቶኬ ሃꬅ እንገካያ፥ ዝን እዛ ታ ቶካ ፋ አፉꬃር ላክꬂ ፋ ብናናይር ኡጬዛ።
LUK 7:45 ነ ታና ዬሪ ኤከካያ፥ ዝን እዛ ታ ነ ካራ ገሌዛይፕ አይኪ ታ ቶኬ ዬሮ አሸካያ።
LUK 7:46 ኔኒ ታ ኦማይል ዛይተ ትዠካያ፥ ዝን እዛ ታ ቶካ ሽቶ ትዤዛ።
LUK 7:47 እዛ ታና ጋመ ቃꬌዝ ግሾስ እ ጋመ ናጋራይ አቶ ግንትንቴዛ። ኤ ጽቃ ናጋራይ አቶ ጊንትንቴዛይ ጽቃል ቃꬌዛ።»
LUK 7:48 የሱሳ አስትኮ፥ «ነ ናጋራይ አቶ ግንትንቴዛ» ዬጌዛ።
LUK 7:49 ኤዛር ዎላ በቲ ሚዝታይ፥ «ናጋራ አቶ ዬግዛይ፥ ኤ Ꮊይ ኦኖ?» ዬጊ ፋ ዎዝናር ቆፔዛ።
LUK 7:50 የሱሳ አስትኮ፥ «ነ አማናይ ነና አሼዛ፤ ሳሮ ቅቶባ» ዬጌዛ።
LUK 8:1 የይፐ ጉየ፥ የሱሳ ጾሳ ካተትꬂ ዎንግለ ሳባክታር ካታማራኔ ሄራር ኣꬌዛ። የ ዎደ ታጶ ናምእታይ ኤዛር የዛ።
LUK 8:2 ማ ቱና አያናፐኔ ዱማ ዱማ ሀርገፕ ፓጼዝ ፐቲ ፐቲ ማችታይ ኤዛር የዛ። ኡንትካ፥ ላፑን ቱና አያንታይ ከዜዝ ማግዴላ ማይራሞ፥
LUK 8:3 ሄሮዶሳ ሹማይ ኩዛ ማቻት ዮሃና፥ ሶስናራኔ ማ ሀራ ጋምታይ ኡንታን ሚሸር ማድዝታይ የዛ።
LUK 8:4 ጋመ አሳይ ዱማ ዱማ ካታማፕ ኤዝኮ ሺቅን ኣዝሶር ኡንትስ ኦዴዛ።
LUK 8:5 «ፐቲ ቢታ ኦꬂ አቅዛይ ዘርꬅ ዘሮዳይስ ከዜዝ። ኤ ዘሮዳር ፐቲ ፐቲ ዘርꬃይ ኦገል ዎꬊ የꬍንቴዛ፥ ሳሎ ካፍታይ ሜዛ።
LUK 8:6 Ꮊንክታይ ስስንቆ ኦሞር የዛ ቢታል አፋ ዎꬌዛ። ሀጋ ዶሌዛኒ ጋርክ ቢታይ ላኮ ባዛይ ግሾስ ሚጬዛ።
LUK 8:7 ሀራ ዘርꬃይ ማ አንጉንꬅ ጋንጨ ዎꬌዛ። አጉንꬃር ዎላ ድጬዝ ግሾስ አንጉꬃይ ጩሊ አቃይድ አሼዛ።
LUK 8:8 Ꮊንክታይ ሎኦ ቢታል አፋ ዎꬌዛ። ዶሌዝ ዎደ ጼት ኩሸ ኣፌዛ።» የያ ኦዲ ሃሲ፥ ፋ ቃላ ꬎቅ ኡዲ፥ «ስእዝ ሀየ ዬዚ ኡቢታይ ስኦ» ዬጌዛ።
LUK 8:9 ኤ ታማርታይ፥ «Ꮊ ኣዝሳይስ ብርሽꬃይ አባ?» ዬጊ ኦይጬዛ
LUK 8:10 ኤ፥ «ጾሳ ካተትꬃ ጹራ ባዝ ኤሮድ ጋርክ ይንትስ እንግንቴዛ። ዝን ሀራ አሳይ ብእታር ደንጋም ጋርክ፥ ስእታር አካካማይ ጋርክ ኣዝሶር ኦድዛ።
LUK 8:11 «ይኬ፥ Ꮊ ኣዝሳይስ ብርሽꬃይ Ꮊይ፦ ዘርꬅ ዬግንቴዛይ ጾስ ቃላ።
LUK 8:12 ኦገ ጋጻ ዎꬌዝ ዘርꬃይ ቃላ ስእዝታ። ማቆዝን፥ ኡንቲ አማኒ አታም ጋርክ ጻላሃይ ቃላ ኡ ዎዝናይፕ ማጺ ሃስዛ።
LUK 8:13 ስስልቆ የዝ ቢታል አፋ ዎꬌዝ ዘርꬃይ ቃላ ስኢ ኡፋይሳር ኤክዝታ። ኡ Ꮊተስ አማንዛፕ አትን ጻጶ ባ ግሾስ ፓጨ ሄልዛ ዎደ ኤልሲ ካድዛ።
LUK 8:14 አንጉꬅ ጋንጨ ዘርንቴዝታይ ቃላ ስእዝታ። ኡንትካ አላመ ቆፋር፥ ዱረትꬃራኔ ሳአ የስ ሀንን ጩልንቲ ቤዝዛይ ጋርክ ኣፈካያ።
LUK 8:15 ሎኦ ቢታል ዎꬌዝ ዘርꬃይ ሎኦኔ ሉለ ዎዝናር ቃላ ስኢ ናግዝታኔ ዳንዳአር ሚንጊ ኣፈ ኣፍዝታ።
LUK 8:16 «ጾምፐ ጾምፒ፥ ኦታ ጋንጨ ዎይ አርሳፕ ኦሞር ጋድዛይ ባያ። ገልዛ አሲ በአድ ጋርክ ꬎቀ አቆ ጋድዛ።
LUK 8:17 «የይ ግሾስ፥ ቆስንቴዛይ ፕ ከዘካዛር፥ ካምንቴዝ ባዝ፥ በንተካዛር አታሚ።
LUK 8:18 «ይኬ፥ ይ ቃላ ዋይዚ ስእዛኮ ናግንቶይታ። የዛ ኡባይስ ጉዥንቲ እንግንቶዳ፥ ባዛይስ ሀራ አቶዝን ኤዝስ የዛ ጽቃታካ ኤዛፕ ኤክንቶዳ» ዬጌዛ።
LUK 8:19 የሱሳ እንዳትራኔ እሽታይራ ኤዝኮ የኤዛ። ዝን አስታይ ጋመትꬃይፕ ደንዴዛይድ ኤዛ ደንጎዳይስ ዳንዳኤካያ።
LUK 8:20 ፐቲ አሲ የሱሳኮ፥ «ነ እንዳትራ ነ እሽታይራ ነና ኮዪ ባለ ናግዛ» ዬጌዛ።
LUK 8:21 የሱሳ ማሂ፥ «ጾስ ቃላ ስኢ ኦሶል ፔሽዝታይ ኡባይ ታስ እንዶኔ ታስ እሸ» ዬጌዛ።
LUK 8:22 ፐቲ ጋላስ የሱሳራኔ ኤ ታማርታይራ ዎላ ዎጎሎ ጋንጨ ገሊ፥ «አባ ፒንጎዳ» ዬጌዛ። ኡንትካ Ꮊማዳይስ ደንዴዛ።
LUK 8:23 አባል አፋር ኡንቲ ፒንጎዳይስ Ꮊማዳር የሱሳ ገንቴዛ። ቆፐካዝን ዎልቃማ ጫርኮ አባል አፋ ደንዴዛ። ሃꬃይ ዎጎሎ ጋንጨ ገልን ዎጎላይ ምትንቶ አይክን ኡባይ ያሽቴዛ።
LUK 8:24 ኤ ታማርታይ ኤዝኮ ሺቂ፥ «ኑ ጎዳዮ፥ ኑ ꬋቦሆ ዬጊ» የሱሳ ደንꬄዛ። የሱሳ ደንዲ ጫርካኔ ጎታ ሴሬዛ። ኤልሲ ጫርካይኔ ጎታይ ሀይዚ ጭጭርክ ጌዛ። ሳሮትꬃይካ ማቄዛ።
LUK 8:25 የሱሳ ፋ ታማርታይኮ፥ «ይ አማናይ አባ የኔ» ዬጌዛ። ኡንትካ፥ ያሽትታራኔ ማላባዝ ጊታር ፐታይ ፐታይኮ፥ «ጫርኮኔ ሃꬂ አዛዝንትዛይ፥ ኤ Ꮊይ ኦኖ» ዬጌዛ።
LUK 8:26 አባ ፒንጊ ጋልላ ባጋር የዝ ገርገሶነ ቢታ ሄሌዛ።
LUK 8:27 የሱሳ ዎጎሎፕ ከዚ ሳአ ዎꬎዳር ቱና አያናር አይክንቴዝ አꬃይ ካታምትፕ ከዚ ኤዛ ሄሌዛ። ጋመ ላይꬅ አፍላ ማኤካዛር ካሎ ዱፎ ጋንጨ የዛይፕ አትን ካራ ገሎያ።
LUK 8:28 የሱሳና በኤዝ ዎደ ኤ ቲናይድ ጹጉኒ፥ ፋ ቃላ ꬎቅ ኡዲ፥ «ኡባፕ ኣꬎ ጾስ ናአ የሱሳ ኔር ታስ አባ ፐትፐተꬅ የኔ? ሀያና ታና Ꮊት ብጽስፐ» ዬጌዛ።
LUK 8:29 የይ ኤ ጌዛይ፥ ቱና አያናይ አꬃይፕ ከዞዳይ ጋርክ የሱሳ ካጬዝ ግሾስ። ጋመ ዎደ ቱና አያናይ ኤዛ ሞዴዝ ግሾስ ሳንꬃላተራኔ ቶኬ አጭዝ ብራታር አጭንቲ ናግንትዛ። ዝን አቻ ዱꬂ ቱና አያናር ላግንቲ ሊዦ ገልዛ።
LUK 8:30 የሱሳ፥ «ነ ሱንꬃይ ኦኖ?» ዬጊ ኦይጬዛ። ኤ፥ ጋመ ቱና አያንታይ ኤዛ አይኬዝ ግሾስ ፋና፥ «ሌጎና» ጌዛ።
LUK 8:31 ቱና አያንታይ ፋና ጪሞ ኪታም ጋርክ ዎሴዛ።
LUK 8:32 የ አቃይድ ደረል አፋ ሚዝ ጉዳይለ ዉደ ሄንግንትዛ። Ꮊ ጉዳይልታይል ኑ ገሎ ግ ዎሴዛ፥ ኤዝካ «ገሎይታ» ጌዛ።
LUK 8:33 ቱና አያንታይ አꬃይፕ ከዚ ጉዳይልታይል ገሌዛ። ዉዳይ ደረላፕ ሱለ ጉርጉጺ አባ ጋንጨ ገሌዛ።
LUK 8:34 ሄንግዝታይ ሀኔዛና ብኢ ዎጺ Ꮊንጊ፥ ካታማኔ ሄራ ኡባይል ኦዴዛ።
LUK 8:35 አሳይ ሀኔዝባዛ በአዳይስ ከዚ የሱሳኮ የኤዛ። ቱና አያናይ ከዜዝ አꬃይ አፍላ ማኢ፥ ኤ ዎዝናይ ማቅን፥ የሱሳ ቶኬ ካለ በቴዛና ደንጊ ያሽቴዛ።
LUK 8:36 ኤዛ በኤዝ አሳይ ቱና አያናር አይክንቴዝ አꬃይ ዋይዚ ፓጼዛኮ ኦዴዛ።
LUK 8:37 ገርገሶነ ላንቃይድ የዝ አሳይ ጋመ ያሻ ያሽቲ የሱሳ ፋ ጋዳይፕ Ꮊንጎድ ጋርክ ዎሴዛ። ኤ ዎጎሎ ጋንጨ ገሊ ጉየ ማቄዛ።
LUK 8:38 ቱና አያናይ ከዜዝ አꬃይ የሱሳር የዞዳይስ ዎሴዛ።
LUK 8:39 ዝን የሱሳ ኤዝኮ፥ «ነ ካራ ማቆባ፥ ጾሳይ አብ ጋርክ ዳማባዝ ኔስ ኦꬄዛኮ ኦዶባ» ዬጊ ሞይዜዛ። አꬃይካ የሱሳ አብ ጋርክ ዳማባዝ ኤዝስ ኦꬄዛኮ ካታማ ኡባይድ ማርካትታር ቅቴዛ።
LUK 8:40 አሳይ ናጊ ጋምኤዝ ግሾስ የሱሳ ማቅዝ ዎደ ሞኪ ኤኬዛ።
LUK 8:41 አይሁድታይ ዎሳ ኬꬅ ሀላቃ ማቄዝ ኢያሮሳ ግዝ አꬃይ ፋ ካራ የኦድ ጋርክ የሱሳ ቶካይል አፋ ዎꬊ ዎሴዛ።
LUK 8:42 ኤስ ታጶ ናምኢ ላይꬅ ማቄዝ ፐቲ ማች ናአ የዛና ሀርግንቲ Ꮊይቆስ ሄሊ የዛ። የሱሳ Ꮊንጎዳር አሳይ ኤዛ ኡንእꬄዛ።
LUK 8:43 ታጶ ናምኢ ላይꬅ ሱꬂ ጎግታር ጋምኤዝ አስታ የዛ። እዛ ፓስ ዬዚ ሻላ ኡባ አክምታይስ እንጊ ዉርሴዛ። ዝን ፓጾዳይስ ዳንዳኤካያ።
LUK 8:44 እዛ የሱሳስ ጉየ ባጋር ሺቂ፥ ኤ አፍላ ማንቻቶ ቦቼዛ፥ እዝራ ጎግዝ ሱꬃይ ኤቂ አቴዛ።
LUK 8:45 የሱሳ፥ «ታና ቦቼዛይ ኦኖ?» ዬጌዛ። ኡባይ «ኑ ቦቼካያ» ዬግን፥ ጵጽሮሳ፥ «አስታማራዮ፥ ጋመ አሳይ ካሎዳራኔ ኡርቅꬆዳር ብእታር ዋይዚ፥ [‹ታና ቦቼዛይ ኦኖ?› ጌ]» ዬጌዛ።
LUK 8:46 ዝን የሱሳ፥ «ፐቲ አሲ ታና ቦቼዛ፤ አብስ ጊኮ፥ ዎልቃ ታፕ ከዜዛይ ታስ ኤርንቴዛ» ዬጌዛ።
LUK 8:47 የ አስታ፥ እባዝ ቆስንተካዛና ኤሪ ኩኩርታር ይኢ የሱሳ ቶካይል አፋ ዎꬌዛ። አብስ ቦቼዛኮኔ ዋይዚ ኤልሲ ፓጼዛኮ አስ ኡቢታይ ቲና ማርካቴዛ።
LUK 8:48 ኤ፥ «ታ ናአተ፥ ነ አማናይ ነና ፓꬄዛ፤ ሳሮ ቅቶባ» ዬጌዛ።
LUK 8:49 የሱሳ ናሻ ዉርሰካዝን፥ አይሁድታይ ዎሳ ኬꬅ ሀላቃይ፥ ኢያሮሳ ካራፕ ፐቲ አሲ ይኢ፥ «ኢያሮሳ፥ ነ ናአታ Ꮊይቄዛ፤ ይኬ አስታማራ ጨረ ዳቡርስፐ» ዬጌዛ።
LUK 8:50 ዝን የሱሳ የያ ስኢ ኢያሮሳኮ፥ «ያሽትፐ! አማኖባፕ አትን፥ ነ ናአታ ፓጾዳ» ዬጌዛ።
LUK 8:51 የሱሳ ኢያሮሳ ካራ ሄሌዛን ጋርክ ጵጽሮሳ፥ ዋንሳ፥ ያይቆባ፥ ናአቲ አዳይፐኔ እንዳትፐ አትን ሀራ አስ ገሎድ ጋርክ ኮየካያ።
LUK 8:52 የ አቃይድ የዝ አሳይ ኡቢታይ ናአትስ ዎ ዎ ግ ዬኮዳር፥ የሱሳ፥ «ዬክፓተ! ናአታ ገንቴዛፕ አትን Ꮊይቀካያ» ዬጌዛ።
LUK 8:53 አሳይ ናአታ Ꮊይቄዛና ኤርዛ ግሾስ ኤ ኦዳ ለቂ ሚጬዛ።
LUK 8:54 ዝን የሱሳ ናአቲ ኩሻ አይኪ፥ «ቡሽተ ደንዶባ» ዬጌዛ።
LUK 8:55 ናአትስ ሸምፓይ ማቅን ኤልሲ ፑꬁክ ግ ደንዲ ኤቄዛ። የሱሳ ኡንትኮ፥ «እዝስ ሚዝባዝ እንጎይታ» ዬጌዛ።
LUK 8:56 ናአቲ አዳይራኔ እንዳትር ማላባዝ ጌዛ። ዝን የሱሳ Ꮊያ፥ «ኦስካ ኦድፓተ» ዬጌዛ።
LUK 9:1 የሱሳ ታጶ ናምኢ ሀዋርታ ፋኮ ጼጊ፥ ቱና አያንታ ከሶድ ጋርከኔ ሀርገ ኡባ ፓꬆዳይ ጋርክ ዎልቃኔ ማዉተ እንጌዛ።
LUK 9:2 ጾስ ካተትꬂ ባዝ ማርካቶድ ጋርክ ሀርግንቴዝታ ፓꬆዳይ ጋርክ ኪቴዛ።
LUK 9:3 ኤ ኡንትኮ፥ «ጉፈ ማቅን ቁርቦ ማቅን ካꬃ ማቅን ሚሸ ማቅን ላሚ ማእዛ አፍላ ማቅን ኦገስ ግ አብካ አይክፓተ።
LUK 9:4 የ ካታማፕ ይ ከዞድ ጋꬆ እማꬄትꬃር ይ ገሌዝ አቆ ጋምኦይታ።
LUK 9:5 ኦንካ ይንታን ሞካም እጽኮ የ ካታማፕ ከዝታር ኡንትስ ኤርስዛ ማርካ ማቃዳይ ጋርክ ይ ቶኬ የዝ ቡልአ ፕቲ ከዞይታ።»
LUK 9:6 ኡንትካ ኪትንቴዛይ ጋርክ ከዚ ዎንግለ ኦድታር ዱማ ዱማ ሄራ ሀርግንቴዝታ ፓꬅታር ኣꬌዛ።
LUK 9:7 ጋልላ ቢታ አቅስዛ ሄሮዶሳ የሱሳ ኦꬄዝ ባዝ ኡባ ስኢ ዳጋሜዛ። አብስ ጊኮ፥ ፐቲ ፐቲ አሳይ ዋንሳ Ꮊይቆፕ ደንደካ አተና ዬግዛ።
LUK 9:8 ባግታይ፥ «ኤላሳ በንቴዛ» ግዛ፤ Ꮊንክታይ ማ፥ «ብኒ ናብታይፕ ፐታይ Ꮊይቆፕ ደንዴዛ» ዬጊ ኦድንትዛ።
LUK 9:9 ዝን ሄሮዶሳ፥ «ዋንሳ ቆ ታ ጋችሲ ዎꬌዛ። የዝን፥ Ꮊይ ጋርክ ዬግንቲ ኤ ባጋ ኦድንትዛይ፥ ኤ ኦኖ?» ዬጊ የሱሳና ፋ ኣፈር በአዳይስ ኮይዛ።
LUK 9:10 ታጶ ናምኢ ሀዋርታይ ጉየ ማቂ ይኢ፥ ኡንቲ ኦꬄዝ ባዝ ኡባ የሱሳስ ኦዴዛ። ኤ ኡንታን ኤኪ ቤተሳይዳ ካታማ ላንቀ የዝ አቆ ካንጌዛ።
LUK 9:11 ዝን ጋመ አሳይ የሱሳ ማቄዛና ኤሪ ኤዛ ካሌዛ። ኤ ኡንታን ሞኪ ኤኪ ጾስ ካተትꬅ ባጋ ታማርሴዛ፤ ፓጾዳይስ ኮይዝታይካ ፓꬄዛ።
LUK 9:12 ሳአ ኦማꬆዳር ታጶ ናምኢ ሀዋርታይ ኤዝኮ ሺቂ፥ «ኑ የዛይ ሊዦ ማቄዝ ግሾስ አሳይ ዱማ ዱማ ሄራራኔ ካታምታ Ꮊንጊ፥ ካꬃኔ አቅዛ ካራ ኮዮድ ጋርክ አሳ ሞይዞባ» ዬጌዛ።
LUK 9:13 ዝን የሱሳ፥ «ኡንትስ ሚዝባዝ ይ እንጎይታ» ዬጌዛ። ኡንቲ፥ «ኑስ የዛይ እችን ሶሎኔ ናምኢ ሞሎ ማቄዝ ግሾስ Ꮊ አሳይስ ግድዛ ካꬃ ኑኒ Ꮊንጊ ዎንጋም እጽኮ ግዳሚ» ዬጌዛ።
LUK 9:14 የ አቃይድ እችን ሙኩለ ማቅዝ ꬊራꬅታይ የዛ። የሱሳ ፋ ታማርታይኮ፥ «ኢሻታም እሻታም ሻኪ ሻኪ አሳ በትꬆይታ» ዬጌዛ።
LUK 9:15 ኤ ታማርታይ፥ ኤ ኪቴዛይ ጋርክ አስታ በትꬄዛ።
LUK 9:16 ኤ እችን ሶሎራኔ ናምኢ ሞልታ ኤኪ፥ ሳሎ ብኢ፥ ጾሳ ጋላቲ፥ መንꬂ አሳ ኡባ ሄልꬆድ ጋርክ ፋ ታማርታይስ እንጌዛ።
LUK 9:17 ኡባይ ም ምዤዛ። ኡንታፕ አቴዝ ጉፋይ ታጶ ናምኢ ሌማተ ኩንꬅ ማቄዛ።
LUK 9:18 የሱሳ ፋ አዳ ዎሶዳር፥ ኤ ታማርታይ ኤዝኮ የኤዛ። ፐቲ ጋላስ ኤ፥ «አሳይ ታና ኦና ጌ?» ግ ኦይጬዛ።
LUK 9:19 ኡንቲ ማሂ «ፐታይ ፐታይ፥ ‹ጻማቅዛ ዋንሳ፥ ባግታይ ኤላሳ፥ Ꮊንክታይ ማ፥ ብኒ ናብታይፕ ፐታይ Ꮊይቆፕ ደንዴዛ› ዬግዛ» ግ ማሄዛ።
LUK 9:20 ኤ ማሂ፥ «የዝን ይ ታና ኦና ጌ» ዬጌዛ። ጵጽሮሳ፥ «ኔኒ ጾሳፕ ትዥንቴዝ ክርስቶሳ» ዬጊ ማሄዛ።
LUK 9:21 የሱሳ Ꮊያ ኦስካ ኦድፓተ ግ ሚንꬂ ኦዴዛ።
LUK 9:22 ማካ የሱሳ፥ «አስ ናአይ ጋመ መቶ ኤኮዳ። ጋደ ጭምታይር፥ ቄሰ ሀላቅታይር፥ ህገ አስታማርታይር እጽንቶዳ። ኡንቲ ኤዛ ዎꬎዳ፥ ዝን ኤ ሃይꬓንꬆ ጋላስ Ꮊይቆፕ ደንዶዳ» ዬጌዛ።
LUK 9:23 የሱሳ አስ ኡባይኮ፥ «ታና ካሎዳይስ ኮይዛይ ኦንካ የዝኮ ፋና ካዶ፥ ፋ ማዝቃላ ጋላስ ጋላስ ቶኪ ታና ካሎ።
LUK 9:24 ፋ ሸምፓቶ አሾዳይስ ኮይዝ ኡባይ እዞ ꬋብስዛ፥ ፋ ሸምፓቶ ታ ግሾስ ግ ꬋብስዛ ኦንካ እዞ አሽዛ።
LUK 9:25 አሲ አላመል የዛ ባዝ ኡባ ሞዲ፥ ፋ ሸምፓቶ ꬋብስዛ ባዝ ዎይ ቆህዛ ባዝ ማቅኮ ኤዛ አብ ማዴ?
LUK 9:26 ኦንካ ታላኔ ታ ቃላይል ዬላትኮ አስ ናአይ ፋ ቦንቾር፥ ፋ አዳይ ቦንቻይራኔ ጌሽ ኪታንችታይ ቦንቾር ይእዛ ዎደ ኤ ቲና ዬላቶዳ።
LUK 9:27 ታ ይንትስ ቱሮ ኦድዛ፤ Ꮊይዳ ኤቄዝታይ ጋንጨፐ ጾሳ ካተትꬃ በኤካዛር Ꮊይቃም ፐቲ ፐቲ አሳይ የዛ» ዬጌዛ።
LUK 9:28 የሱሳ የ ኦዳ ኦድን፥ ሆስፑን ጋላሳፕ ጉየ ጵጽሮሳ፥ ያይቆባራኔ ዋንሳ ፓር ኤኪ ዎሶዳይስ ደረል አፋ ከዜዝ።
LUK 9:29 ኤ ዎሳል አፋ የዝን ኤ ጭራይ ላምንቴዛ፤ አፍላይካ አዋ ጋርክ ፎጪ ቦጺ ፎጬዛ።
LUK 9:30 ናምኢ አሳይ፥ ኡንትካ ሙሰራኔ ኤላሳራ ኡንታር ናሽዛ
LUK 9:31 ቦንቾር በንቲ የሩሳላመ ፖልንቶዳይስ የዛ ባዝ፥ የይካ፥ ኤ Ꮊ አላማይፕ ሻክንቶድ ባዝ ኤዛር ኦድንትዛ።
LUK 9:32 ጵጽሮሳራኔ ኤዛር የዝታ ገንታ ኦልን፥ ኡ ገንታፕ ባርኪ ኤ ቦንቻኔ ኤዛር ኤቄዝ ናምኢ አስታ በኤዛ።
LUK 9:33 አሳይ የሱሳፕ ሻክንቲ ቅቶድ ሀኖዳር፥ ጵጽሮሳ የሱሳኮ፥ «ጎዳዮ፥ Ꮊይዳ የስ ኑስ ሎኦ! ፐቶ ኔስ፥ ፐቶ ሙሰስ፥ ፐቶ ኤላሳስ ሀይꬒ ጋባ ጋቢሶዳ» ዬጌዛ። ዝን ኤ ፋ ግዝ ባዝ ኤሮያ።
LUK 9:34 ኤ ዬጊ ናሾዳር ሻራ ይኢ ኡንታን ካሜዛ። ኤ ታማርታይ የ ሻራይ ጋንጨ ገልታር ያሽቴዛ።
LUK 9:35 ሻራይ ጋንጨፐ፥ «ታ ዶሬዝ ናአይ Ꮊያ ኤዛ ስኦይታ» ዬግዝ ቃላ ስንቴዛ።
LUK 9:36 የ ቃላይ ስንቴዛይፕ ጉየ የሱሳ ፋ ኣዳስ የዛር በንቴዛ። የ ጋላስ ኡንቲ በኤዝ ባዝ ኦስካ ኦደካዛር፥ ፋ ዎዝና አይኪ ስእ ግ አቴዛ።
LUK 9:37 ዎንትꬃ ኡንቲ ደረላፕ ዎꬎዳር ጋመ አሳይ ይኢ ኤዛ ሄሌዛ።
LUK 9:38 የ ዎደ ዎይታይፕ ፐቲ አሲ ኡክታር፥ «አስታማራዮ፥ ታ ናአይ ፐቶ ኤዛ ፓꬆዳይ ጋርክ ታ ነና ዎስዛ።
LUK 9:39 ቱና አያና ቆፐካዝን አይኪ ኡክስዛ፤ አፋፕ ኦሊ ጋፑንትሲ ቃክትስዛ፥ ጋላ ማዱꬅስዝ ኡንእꬅ ዳክዛ።
LUK 9:40 ነ ታማርታይ ከሶዳይ ጋርክ ዎሴዛ፥ ዝን ኡ ዳንዳኤካያ» ዬጊ ዎሴዛ።
LUK 9:41 የሱሳ፥ «አማኖ ባ ዡጫ የለትꬁንꬆ፥ አይደ ሄሎዳይስ ታ ይንታር የዞዴ፥ አይደ ሄሎዳዪስ ይንታን ዳንዳኦዴ? ነ ናአ Ꮊና ኤኪ የኦባ» ዬጌዛ።
LUK 9:42 ናአ ኤኪ የኦዳር ቱና አያናይ ሾጪ ኦሊ ኩኩርሴዛ። ዝን የሱሳ ቱና አያና ካጪ ናአይፕ ከሲ ፓꬄዛ። ናአናካ ናአይ አዳይስ እንጌዛ።
LUK 9:43 አሳይ ኡባይ ጾሳይስ የዝ ዳሞ ዎልቃ ብኢ ማላባዝ ጌዛ። ኡንቲ ኤ ኦꬄዝ ባዛር ማላባዝ ጊታር፥ የሱሳ ታማርታይኮ፥
LUK 9:44 «Ꮊያ ታ ይንትስ ኦድዛና ሎእꬂ ስኦይታ፤ አስ ናአይ ሞርክታይ ኩሸ ኣꬊ እንግንቶዳ» ዬጌዛ።
LUK 9:45 ዝን ኤ ጌዝባዛይ ኡንታፕ ቆስንቴዝ ግሾስ መልክ ጌዛ። የይ ግሾስ፥ ማሂ ኦይጮዳይስ ያሽቴዛ።
LUK 9:46 የሱሳ ታማርታይ፥ «ኑ ጋንጨ ኡባፕ ኣꬎ ማቃዳይ ኦኖ?» ግ ፓላማ አይኬዛ።
LUK 9:47 የሱሳ ኡ ዎዝና ቆፋ ኤሪ ዱደ ናአ ፋ ካለ ኤሲ፥
LUK 9:48 «Ꮊ ዱደ ናአ ታ ሱንꬃር ሞክዛ ኦንካ ታና ሞክዛ፥ ታና ሞክዛይ ታና አዛዜዛና ሞክዛ፥ ይ ኡባይፕ ጽቅዛይ፥ ኤ ኣꬎ ማቃዳ» ዬጌዛ።
LUK 9:49 ዋንሳ ማሂ «ጎዳዮ ፐቲ አꬃይ ነ ሱንꬃር ጻላሄ ከሶዳር ኑ በኤዛ። ዝን ኤ ኑ ባጋ ማቀካ ግሾስ ኑ ኤዛ ካዬዛ።»
LUK 9:50 የሱሳ ማሂ «ይንታን እጾዋ ኡባይ ይንታር የዛ ካይፓተ» ዬጌዛ።
LUK 9:51 የሱሳ ሳሎ Ꮊንግዛ ዎዳይ ኡኬዝ ግሾስ የሩሳላመ Ꮊማዳይስ ሙርቲ ደንዴዛ።
LUK 9:52 ሳማረ ቢታ የዝ ፐቲ ሄራ Ꮊንጊ፥ ኡባ ባዝ ኤዝስ ጊግሶዳይ ጋርክ አሳ የ አቃ ኪቴዛ።
LUK 9:53 ዝን ኤ Ꮊንግዛይ የሩሳላመ ማቅዛና ኡ ኤርዛ ግሾስ ሞኪ ኤከካያ።
LUK 9:54 የሱሳ ታማርታይ ያይቆባራ ዋንሳራ የያ ብኢ፥ «ጎዳዮ፥ ሳሎፕ ታማ ዎꬊ ኡንታን ሙየ ጎድ ጋርክ ነ ኮይኔ?» ዬጌዛ።
LUK 9:55 ዝን የሱሳ ጉየ ማቂ ኡንታን ካጪ፥ ይንታል አባ አያና የዛኮ ይ ኤሮያ። [«ይንታል አፋ አባ አያና የኔ። Ꮊ ቆፋይ ፐቲ ፐቲ ማጻፍታይድ ባያ አስ ናአይ አስ አሾዳይስ የኤዛይፕ አትን ꬋብሶዳይስ ባያ»] ዬጌዛ።
LUK 9:56 ኤዛይፕ ደንዲ ሀራ ሄራ Ꮊንጌዛ።
LUK 9:57 የሱሳራ ኤ ታማርታይራ ኦገር Ꮊማዳር፥ ፐቲ አሲ፥ «ጎዳዮ ነ Ꮊንግዛ አቆ ኡባ ታ ካሎዳ» ዬጌዛ።
LUK 9:58 የሱሳ ማሂ፥ «ሻንታይስ ኦላ፥ ሳሎ ካፍታይስ ኬꬅ የዛ፥ ዝን አስ ናአይ ፋ ኦማ ሸምፕስዛ አቆ ባያ» ዬጌዛ።
LUK 9:59 Ꮊንካይኮካ፥ «ኔኒ ታና ካሎባ» ዬጌዛ። ዝን አꬃይ፥ «ጎዳዮ፥ ቲናቲ Ꮊንጊ ታ ታ ኣዳ ሞጊ የኦዳ» ዬጌዛ።
LUK 9:60 ዝን የሱሳ፥ «Ꮊይቄዝታይ Ꮊይቄዝታ ሞጎድ ጋርክ ኡንትስ አሺ አሾባ፤ ኔኒ Ꮊንጊ ጾሳ ካተትꬃ ሳባኮባ» ዬጌዛ።
LUK 9:61 ማ ሀራ አሲ፥ «ጎዳዮ፥ ታ ነና ካሎዳ፥ ዝን ቲናቲ ታ ካራ አሳ ሳሮꬅ የኦዳ» ዬጌዛ።
LUK 9:62 የሱሳ ማሂ፥ «ኮጸ አይኪ ጉየ ብእዝ ኦንካ ጾሳ ካተትꬃይስ ቤዞያ» ዬጌዛ።
LUK 10:1 የይፕ ጉየ፥ ጎዳይ ሀራ ላፑን ታማኔ ናምኢ አስታ ዶሬዛ። ኤ Ꮊማዳይስ ቆፔዝ ካታማኔ ሄራ ኡባ ቲናቲ Ꮊማድ ጋርክ ናምኤ ናምኤ ኡዲ ኪቴዛ።
LUK 10:2 የሱሳ ኡንትኮ፥ «ይኬ ሺቆድ ቶርቼ ካꬃይ ጋመ ዝን ቶርቼ ኦሶ አሳይ ጽቃ። ዬዬዝ ግሾስ፥ ቶርቼ ካꬃ ጎዳይ ኦሶ አስታ ኪቶዳ ጋርክ ዎሶይታ።
LUK 10:3 ይኬ፥ Ꮊንጎይታ፥ ዱርታይ ጋርክ ፉግታይ ጋንጨ ይንታን ታ ዳኮዳ።
LUK 10:4 ይ Ꮊንግታር ኦገስ Ꮊይትታ አይክፓተ፥ ሚሸ ማቅን ካꬃ ማቅን ጫማ አይክፓተ። ኦገል አፋ ኦናካ ሳሮꬅታር ዎዴ ኣꬅፓተ።
LUK 10:5 ይ ገልዛ ኬꬃ ኡባ ቲናቲ፥ ‹ሳሮ Ꮊ ኬꬃይስ ማቆ› ዬጎይታ።
LUK 10:6 ሳሮ ቃꬍዛ አስ የ አቃይድ የዝኮ፥ ይ ሳራይ ኤዛይድ አቆዳ፤ እጽኮ ይ ሳራይ ይንትስ ማቆዳ።
LUK 10:7 ኦሶ አስስ ዳሞዘ ቤዝዛ ግሾስ ይ ገሌዝ ኬꬃ ይንትስ ሺሼዝ ባዝ ኡባ ሚታራኔ ኡዥታር ኤዛይድ ጋምኦይታ። ፐታይ ካራፕ ፐታይ ካራ ዩይፓተ።
LUK 10:8 አባ ካታማካ ይ ገሎዳር አሳይ ይንታን ሞኪ፥ ይንትስ ሺሼዝ ባዝ ኡባ ሞይታ።
LUK 10:9 የ ካታማ ጋንጨ የዝ ሀርግንቴዝታ ፓꬅታር፥ ‹ጾሳ ካተትꬃይ ይንትኮ ኡኬዛ› ዬጊ ኦዶይታ።
LUK 10:10 ዝን ፐቲ ካታማ ገሎዳር አሳይ ይንታን ሞካም እጽኮ ዞዘል ከዚ Ꮊይ ጋርከ ጎይታ:
LUK 10:11 ‹ኑ ቶካይል አፋ የዝ ይ ካታማይ ቡልአ ኑ ፕቶዳ፥ ዝን ጾስ ካተትꬃይ ይንትኮ ኡኬዛና ኤሮይታ›
LUK 10:12 ፕርዳ ጋላስ Ꮊ ካታማትፕ ሶዶመ ካታማስ ፕርዳይ ካዉሻ ማቃዳና ታ ይንትስ ኦድዛ» ዬጌዛ።
LUK 10:13 ማ ማቅካ፥ የሱሳ፥ «ነኖ ኮራዝኔ፥ ነኖ ቤተሳይዳ፥ አየ፥ ይንታል ኦስንቴዝ ማላትታይ ጽሮሳኔ ስዶና ኦስንቴዛኮ ኤዛይድ የዝ አሳይ ካዮ አፍላ ማኢ፥ ቡዶል አፋ በቲ ብኒ ማሮተꬅ ገሊ አቶዳዝን።
LUK 10:14 የይ ግሾስ፥ ይንትፕ ኣꬂ ጽሮሳስኔ ስዶናስ ጾስ ፕርዳይ ካዉዦዳ።
LUK 10:15 Ꮊኔ ቅፍርናሆመ፥ ሳሎ ሄሎዳይስ ነ ꬎቅ ጌኔ? ነ ሱል ስኦለ ዎꬎዳ» ዬጌዛ።
LUK 10:16 ማካ የሱሳ ፋ ታማርታይኮ፥ «ይንታን ስእዛይ ታና ስእዛ፥ ይንታን ኤኮዛይ ታና ኤኮያ፥ ታና ኤኮዛይ ታና አዛዜዛና ኤኮያ» ዬጌዛ።
LUK 10:17 ላፑን ታማኔ ናምኢ ታማርታይ ኪትንቴዝ አቃይፕ ሎእꬂ ኡፋይትታር ማቄዛ። የሱሳኮ ሺቂ፥ «ጎዳዮ፥ ነ ሱንꬃር ቱና አያንታይካ ኑስ አዛዝንቴዛ» ዬጌዛ።
LUK 10:18 የሱሳ ኡንትኮ፥ «ጻላሄ ሳሎፕ ዳዳ ጋርክ ዎꬎዳር ታ በኤዛ።
LUK 10:19 ዬዛኮ፥ ሾሽኔ Ꮊንጋርጮ የꬎድ ጋርከኔ ሞርከ ዎልቃር ኤቅንቶድ ጋርክ ይንትስ ታ ማዉተ እንጌዛ። ይንታን ቆሆድ ባዝ አኮካ ባያ።
LUK 10:20 ማቆዝን፥ ይ ሱንꬃይ ሳሎ ማዝጋባይድ ጻፍንቴዝ ግሾስ ኡፋይቶይታፕ አትን ቱና አያንታይ ይንትስ ኪትንቴዝ ግሾስ ኡፋይትፓተ» ዬጌዛ።
LUK 10:21 የ ዎደ የሱሳ ጌሻ አያናር ኡፋይቲ፥ «ሳሎ ሳአ ጎዳዮ፥ Ꮊያ ኤጭታይፐኔ ኤራንችታይፐ ቆሲ ዱደ ናእታይስ ቤዜዝ ግሾስ ታ ነና ጋላትዛ። ኤ ታ አዳዮ፥ የያ ነ ኦꬆዳይስ ሎኦ ሸነ ማቄዛ።
LUK 10:22 «ኡባ ባዝ ታ አዳይፕ ታስ እንግንቴዛ። ናአይ ኦናዛኮ አዳይፕ አትን ሀራ ዎይ ናአይ ቆንጭሶዳይስ ኮይዛይፕ ሀራ ኦንካ ኣዳ ኤርዛይ ባያ» ዬጌዛ።
LUK 10:23 ማ ማቅካ፥ የሱሳ ዱማ ፋ ታማርታይኮ፥ «ይ በኤዛና ብእዝታይ አንጅንቴዝታ።
LUK 10:24 ቱማ ጋመ ናብታይኔ ካትታይ ይ ብእዛኔ ስእዛና በአዳይስኔ ስኦዳይስ አሞቴዛ፥ ዝን ኡ በኤካያ፥ ስኤካያ» ዬጌዛ።
LUK 10:25 ዬዛኮ፥ ፐቲ ጋላስ ሙሰ ህገ ኤርዛ ፐቲ አꬃይ ደንዲ የሱሳ ዬጊ ፓጨ ኦይች ኦይጬዛ። «አስታማራዮ፥ መꬍናስ ደኦ ላቶዳይስ ታኒ አብ ኡዶ?» ዬጌዛ።
LUK 10:26 የሱሳ፥ «ሙሰ ማጻፋይድ ጻፍንቴዛይ ዋጌ? ነ ዋይዚ ናባብ አካኬ?» ዬጌዛ።
LUK 10:27 አꬃይ ማሂ፥ « ‹ነ ጎዳ ነ ጾሳ፥ ነ ኩንꬅ ዎዝናፐ፥ ነ ኩንꬅ ሸምፖፕ፥ ነ ኩንꬅ ዎልቃፐኔ ነ ኩንꬅ ቆፋፕ ቃꬎባ። ማካ ነ ላጋ ነ ኡባይ ጋርክ ቃꬎባ› ዬግዛ» ዬጌዛ።
LUK 10:28 የሱሳ ኤዝኮ፥ «ኔኒ ይኖ ልኬ ማሄዛ፥ ኔካ Ꮊይ ጋርክ ኦꬆባ። ነ መꬍናስ ደኦ የዞዳ» ዬጌዛ።
LUK 10:29 ዝን አꬃይ ፋና ጌሽ ኦꬆዳይስ ኮዢ፥ «ሀኖስ ኤ ታ ላጋይ ኦኖ?» ዬጌዛ።
LUK 10:30 ኤ ኦይቻይስ የሱሳ ዬጊ ማልሰ እንጌዛ፥ «ፐቲ አሲ የዛይ የሩሳላመ ካታማፐ ሱለ ኢያርኮ ካታማ Ꮊማዳር ኦገል አፋ ፓንታይ ከዚ ሾጬዛ። ኤ አፍላ ቃሪ ኤኪ Ꮊይቆፐኔ ፓꬃፕ ጋንጨ ኦሊ ቅቴዛ።
LUK 10:31 ጉየፕ፥ አይሁደ ቄሰ ፐታይ የ ኦጋይር ፋ Ꮊሞ Ꮊንግታር አꬃ ብኢ ደሽ ግ ኣꬌዛ።
LUK 10:32 ማካ ፐቲ ለዋይ የ አቃ ሄልታር አꬃ ብኢ ሀራ ኦገር ኣꬊ ቅቴዛ።
LUK 10:33 ዝን፥ ፐቲ ሳማረ ቢታ አስ የዛይ የ ኦጋይር ይእታር አꬃ ብኢ ኤስ ቃꬊንቴዛ
LUK 10:34 ኤዝኮ ሺቂ፥ ኤ ማዶꬃይል አፋ ዛይተኔ ዎይነ ቆል አጬዛ። ፋ ሀረል አፋ በትꬂ እማꬂ አቅዝ ኬꬃ ካንጌዛ። የ አቃይድ ኤዝስ ኮሽዛ ባዝ ኡባ ኦꬄዛ።
LUK 10:35 ዎንትꬃ ናምኢ ዲናረ ማሂ እማꬅ ካራ አዳይስ እንጊ፥ ‹ሀያና Ꮊ አꬃ ሎእꬂ ቦኦባ። ታኒ ኔስ እንጌዛይፕ አፋር ነ ከስዛ ባዝ ኡብታ ታ ኔስ ጭጎዳ› ዬጌዛ።
LUK 10:36 «ይኬ፥ Ꮊ ሀይꬒ አስታይፕ ፓንታይ ሾጬዝ አꬃይስ ላጌ ማቄዛይ ኔስ ኦና ኣዜ?»
LUK 10:37 አꬃይ ማሂ፥ «ኤዝስ ቃꬊንቴዛያ» ዬጌዛ። የሱሳ፥ «ኔካ Ꮊንጊ Ꮊይ ጋርክ ኦꬆባ» ዬጌዛ።
LUK 10:38 የሱሳ ፋ ታማርታይር ኦገ Ꮊንግታር ፐቲ ሄራ ሄሌዛ። ኤዛይድ ማርታ ግንትንትዝ ፐቲ አስታ ኤዛ ፋ ካራ ሞኬዛ።
LUK 10:39 እዝስካ ማይራሞ ግዝ ምሽታ የዛ፥ ማይራማ ቃላ ስእታር ጎዳይ ቶኬ ካለ በቴዛ።
LUK 10:40 ዝን ማርታ ጋመ ኦሶር ኡንእንቲ የሱሳኮ ሺቂ፥ «ጎዳዮ፥ ታ ምሽታ ኦሶ ታ ኣዳስ አሺ በቲ አትን ታ ዳቡሮዳር ነ ብእታር ስኢ ግኔ? እዛ ታና ማዶድ ጋርክ ኦዶሳ» ዬጌዛ።
LUK 10:41 ዝን ጎዳይ Ꮊይ ጋርክ ግ ማሄዛ፥ «ማርታ፥ ማርታ፥ ነ ጋመባዛር ቱርቱሪ መትንትዛ።
LUK 10:42 ማቆዝን፥ ኮይንትዛይ ፐትባዝ ኣዳ። ማይራማ ሎኦ ባዝ ዶሬዛ፥ የይካ እዝፐ ኤክንታሚ» ዬጌዛ።
LUK 11:1 ፐቲ ጋላስ የሱሳ ፐቲ አቆ ዎስዛ። ዎሳ ዉርሴዛይፕ ጉየ ኤ ታማርታይፕ ፐታይ፥ «ጎዳዮ፥ ዋንሳ ፋ ታማርታ ዎሳ ታማርሴዛይ ጋርክ ኔካ ኑና ዎሳ ታማርሶባ» ዬጌዛ።
LUK 11:2 የሱሳ፥ «Ꮊይ ጋርከ ዬጊ ዎሶይታ፦ «‹ሳሎ የዝ ኑ አዳዮ ነ ጌሽ ሱንꬃይ አንጅንቶ፤ ነ ካተትꬃይ የኦ።
LUK 11:3 ኑስ ጋላሳ ካꬃ Ꮊይኖ ኑስ እንጎባ።
LUK 11:4 ኑና ቆሄዝታ ኑኒ አቶ ግዛይ ጋርክ፥ ኑ ናጋራ አቶ ጎባ፤ ፓጨ ጋንጨ ኑና ገልስፐ› ዬጎይታ» ዬጌዛ።
LUK 11:5 ማቅካ፥ የሱሳ ፋ ታማርታይኮ ዬጌዛ፦ «ኣዝሶስ ይንትፕ ፐታይስ ላጌ የዛ። ኤ ግዲ ብላሄ ፋ ላጋይ ካራ Ꮊንጊ፥ ‹ታ ላጋዮ፥ ሀይꬒ ሶሎ ታስ ታልኦየ።
LUK 11:6 ታስ ላጌ ማቄዝ ፐቲ አሲ ኦገፕ ይእን፥ ኤዝስ ኣꬆድ ባዝ ታና ꬋቤዛ› ዬግኮ፥
LUK 11:7 «ኤ ላጋይ ኬꬃ ጋንጨ የዚ፥ ‹ሀያና ታና ዋይꬅፐ፥ ፐንጋይ ኮብንቴዛ። ታ ናእታይካ ታር አርሳል አፋ ዎይኤዛ። የይ ግሾስ፥ ደንዲ ነ ኮዬዝ ባዛ እንጎዳይስ ዳንዳኦያ› ዬግነኔ?
LUK 11:8 ታ ይንትስ ኦድዛ፤ ላገትꬃይ ግሾስ ደንዲ እማዳይስ ኮየካ ማቅኮካ ዎሳር ዋይꬄዝ ግሾስ ደንዲ ኮይዝ ባዝ ኡባ እንግዛ።
LUK 11:9 «የይ ግሾስ፥ ታኒ ይንትስ ኦድዛ፤ ዎሶይታ ይንትስ እንግንቶዳ፤ ኮዦይታ ይ ደንጎዳ፤ ባለ ይኢ ጼጎይታ ይንትስ ዶይንቶዳ።
LUK 11:10 ዎስዛ ኡባይ ኤክዛ፤ ኮይዛይ ደንግዛ፤ ባለ ይኢ ጼግዛይስ ዶይንቶዳ።
LUK 11:11 «ይንታኖ፥ አድታዮ ይ ጋንጨፕ ናአ ቦራ ዎስኮ ሹች እንግዛይ ኦኖ? ሞሎ ዎስኮ ሾሺ እንግዛይ ኦኖ?
LUK 11:12 ዎይ ጱጱለ ዎስኮ Ꮊንጋርጮ እንግኔ?
LUK 11:13 ይ ኢትታ ማቅታር ይ ናእታይስ ሎኦ ባዝ እሞ ኤርኮ፥ ሳሎ የዝ ይ አዳይ ዎስዝታይስ ጌሻ አያና ዋይዚ ኣꬂ እንጋሞ?» ዬጌዛ።
LUK 11:14 ፐቲ ጋላስ የሱሳ ዶና ሙምሴዝ ቱና አያና ፐቲ አꬃይፕ ከሴዛ። ቱና አያናይ ከዜዛን ጋርክ ሙመ አꬃይ ኦድንቴዛ። ዎያይካ ማላባዝ ጌዛ።
LUK 11:15 ዝን ፐታይ ፐታይ፥ «ቱና አያና ሀላቃ፥ ብኤልዘቡላ ዎልቃር ቱና አያንታ ከስዛ» ዬጌዛ።
LUK 11:16 Ꮊንክታይ ማ ፋጮዳይስ ሳሎፕ ማላ ቤዞዳይ ጋርክ ኮዬዛ።
LUK 11:17 ዝን የሱሳ ኡ ቆፋ ኤሪ ኡንትኮ፥ «ዎል ጋንጨ ሻክንትዛ ካተትꬂ ኡቢታይ ꬋብዛ፤ ዎል ጋንጨ ሻክንትዛ ኬꬅ ዎድዛ።
LUK 11:18 ጻላሄ ካተትꬃይ ሻክንትኮ ኤ ካተትꬃይ ዋይዚ ሚንጊ ኤቆዴ? ይ ታና፥ ‹ኤ ቱና አያንታ ብኤልዘቡላ ዎልቃር ከስዛ› ግዛ።
LUK 11:19 ይኬ፥ ታኒ ቱና አያና ብኤልዘቡላ ዎልቃር ከስዛ ባዝ ማቅኮ ይንታን ካልዝታይ ኦ ዎልቃር ከሶደሻ? የይ ግሾስ፥ ኡንቲ ይንታል አፋ ፕርድዝታ ማቆዳ።
LUK 11:20 ዝን ታኒ ቱና አያንታ ጾስ ዎልቃር ከስዛ ባዝ ማቅኮ ይኬ ጾሳ ካተትꬃይ ይንትኮ ኡኬዛና ኤሮይታ።
LUK 11:21 «ሚንꬅ አስ ዳንጭንቲ ፋ ኬꬃ ናግዝ ማቅኮ፥ ኤ ሻላይ ቦችንተና።
LUK 11:22 ሀኖ ዝን፥ ኤዝፕ ኣꬊ ሚንꬅ ማቄዝ አስ ይኢ፥ ኤዛ ጋሚ ኤ አማንንቲ ዳንጬዝ ዳንጫ ብልሲ፥ ኤ ሻላና ቦንቂ ሻግዛ።
LUK 11:23 «ታር ዎላ ማቀካዛይ ታና እጽዛ፤ ታር ሺሾዛይካ ላልዛ።
LUK 11:24 «ቱና አያናይ አሳፕ ከዜዝ ዎደ ሸምፕዛ አቆ ኮዪ ሃꬂ ባ አቆር ዩይዛ። ሸምፕዛ አቆ ꬋቤዝ ዎደ ‹ማቂ ታ ከዜዝ ካርቴ Ꮊማዳ› ዬግዛ።
LUK 11:25 ኤ ማቅዝ ዎደ ኬꬃይ ፕትንቲ ሎእ የዝን ደንጌዛ።
LUK 11:26 የይፕ ጉየ፥ Ꮊንጊ ኤዝፕ ኣꬊ ኢቴዝ ሀራ ላፑን ቱና አያንታ ኤኪ ይእዛ። ኤዛል ገሊ የስ አይክዛ። የ አꬃይስ ቲናሳይፕ ጉዬሳይ ኣꬊ ኢታ ማቅዛ» ዬጌዛ።
LUK 11:27 የሱሳ የያ ኦዳል አፋ የዝን ፐቲ አስታ ዎያ ጋንጨፕ ደንዲ፥ ፋ ቃላ ꬎቅ ኡዲ፥ «ነና ቶኬዝ ኡላይኔ ነ አሜዝ አምታይ አንጅንቴዛ» ዬጌዛ።
LUK 11:28 ዝን ኤ፥ «አንጅንቴዝታይ ጾስ ቃላ ስኢ ኪትንትዝታ» ዬጌዛ።
LUK 11:29 ጋመ አሳይ ሺቄዝ ዎደ የሱሳ፥ «Ꮊ የለትꬃይ ኢታ፤ ማላ ኮይዛ። ዝን ዮናሳ ማልታይፕ አትን ሀራ ኡንትስ እንግንቶያ።
LUK 11:30 ዮናሳ ናናወ አሳይስ ማላ ማቄዛይ ጋርክ አስ ናአይካ Ꮊ የለትꬃይስ ማላ ማቃዳ።
LUK 11:31 ካታታ ሳባ ፕርደ ጋላስ Ꮊ የለትꬃይራ ደንዲ ፕርዶዳ። አብስ ጊኮ፥ እዛ ሶሎሞነ ኤጨትꬃ ስኦዳይስ ቢታ ጋጻፕ ደንዲ የኤዛ። ዬዛኮ ሶሎሞነፕ ኣꬍዛይ Ꮊይዳ የዛ
LUK 11:32 ናናወ አሳይ ፕርደ ጋላስ Ꮊ የለትꬃይራ ደንዲ ኡንታል አፋ ፕርዶዳ። አብስ ጊኮ ዮናሳ ስብካተር ማሮትꬅ ገሌዛ። ዬዛኮ፥ ዮናሳፕ ኣꬍዛይ Ꮊይዳ የዛ» ዬጌዛ።
LUK 11:33 «ጾምፐ ጾምፒ ቆሶ አቆ ዎይ ኦታ ጋንጨ ጋድዛ አሲ ባያ። አሲ ፖአና በአድ ጋርክ ꬎቀ አቆ ጋድዛ።
LUK 11:34 ነ ጋላ ኡባይስ ፖአይ ነ አፋ። ነ ኣፋይ ሎኦ ማቅኮ፥ ነ ኩንꬅ ጋላይ ፖእዛ። ነ ኣፋይ ሀርግኮ ነ ጋላይ ኡባይ ꬉምዛ።
LUK 11:35 የይ ግሾስ፥ ነ ጋንጨ የዝ ፖአይ ꬉማም ጋርክ ናግዛ።
LUK 11:36 ይኬ፥ ነ ኩንꬅ ጋላይ ፖኦ ማቅኮ፥ ነ አሰትꬃይዳካ ሀራ ꬉማ አቆ ꬋብኮ፥ ነ ጋላ ኩንꬃይ ዋዢ ጌዝ ፖኦ ጋርክ ማቅዛ» ዬጌዛ።
LUK 11:37 የሱሳ ፋ ናሻ ዉርሴዛን ጋርክ ፐቲ ፈርሳዋይ ፓር ካꬃ ማዳይ ጋርክ ጼጌዛ። ኤ ኤዛር ዎላ ገሊ ስብረል አፋ በቴዛ።
LUK 11:38 ፈርሳዋይ የሱሳ ካꬃ ማዳይፕ ቲና ኩሸ ሜጨካዛ ብኢ ማላባዝ ጌዛ።
LUK 11:39 ጎዳይ ኤዝኮ፥ «ይንቲ ፈርሳውታይ ዋንጫስኔ ከረስ አፋ ባጋ ሜጭዛ። ዝን ይ ጋንጫይ ቦንቃኔ ኢታትꬃር ኩሜዛ።
LUK 11:40 ይንታኖ፥ ቦዝታዮ፥ ባለ ባጋ መꬌዛይ ጋንጨ መꬌዝ ጎዳይ ኤዛ ባሳኔ?
LUK 11:41 ዝን ዋንጫኔ ኬሬ የዛና ማንቅታይስ እንጎይታ። የ ዎደ ይንትስ ኡባ ባዝ ጌሽ ማቃዳ።
LUK 11:42 «ፈርሳውታዮ ይንታን አየ፥ ሳዎፐ፥ ጻሎተፐ፥ የይ ጋርክ ባዝፐ አስራታ ከስዛ። ዝን ጽሎትꬅኔ ጾስ ቃ ይንታር ባያ። Ꮊንክታ አሸካዛር Ꮊይትታካ ኦꬆዳይስ ቤዝዛ፥ ዝን ይ አሼዛ።
LUK 11:43 «ፈርሳውታዮ ይንታን አየ፥ አይሁድታይ ዎሳ ኬꬃ ቦንቾ ኦይደ፥ ጋበ ጋንጨ ቦንቾ ሳሮꬆ ይ ዶስዛ።
LUK 11:44 «ሊላሚ ꬋብን አሳይ ኤረካዛር አፋር የꬍዝ ዱፎ ኣዝዝታዮ ይንታን አየ» ዬጌዛ።
LUK 11:45 ህገ አስታማራይ ማቂ፥ «አስታማራዮ፥ ነ የያ ጊታር ኑና ጫዥዛ» ዬጌዛ።
LUK 11:46 የሱሳ፥ «ይንታኖ፥ ህገ አስታማርታዮ፥ ይንታናካ አየ፥ አሲ ቶኮዳይስ ዳንዳኦዋ ዴጾ ቶፎ ቶስዛ፥ ዝን ይንቲ ይ ኡባስ ሀራ አቶዝን ብራ ጼራራካ ቦቾያ።
LUK 11:47 «ይ አድታይ ዎꬌዝ ናብታይ ዱፋ ይ ጊግስዛይ ግሾስ ይንታን አየ።
LUK 11:48 ይኬ፥ ይ አድታይ ኦሳ ምንꬆዳይስ ኡ ዎꬌዝ ናብታይ ዱፋ ይ ሎእꬅዛ ግሾስ ኡ ኢታ ኦሳይስ ይ ማርካ።
LUK 11:49 የይ ግሾስ፥ ጾሳይ ፋ ኤጨትꬃር፥ ‹ናብታኔ ሀዋርታ ታ ይንትስ ኪቶዳ፥ ዝን ይ ባግታ ዎꬎዳ፤ Ꮊንክታ ባይኦዳ› ዬጌዛ።
LUK 11:50 የይ ግሾስ፥ Ꮊ የለትꬅታይ አላማይ መꬍንቴዛይፐ Ꮊኖ ሄሎዳይስ ላልንቴዝ ናብታይ ኡቢታይ ሱꬃይስ ኦይጭንቶዳ።
LUK 11:51 አቤላፕ አይኪ ያርሾ አቆስኔ ጾስ ኬꬃፐ ጋንጨር ላልንቴዝ ዛክሬሳ ሱꬃይ ግሾስ Ꮊ የለትꬃይ ኦይጭንቶዳ።
LUK 11:52 «ህገ አስታማርታዮ፥ ይንታን አየ፥ ኤረትꬅ ቁልፓ ይ ኩሸ ይ አይኬዛ፥ ዝን ይንትስ ገሎያ Ꮊንክታካ ገልሶያ» ዬጌዛ።
LUK 11:53 የሱሳ የይፕ Ꮊማዳይስ ከሳዳር ህገ አስታማርታይኔ ፈርሳውታይ ኤዛር ኤቅንቲ ኦይቻር ዋይꬄዛ።
LUK 11:54 ኤ ዶናፕ ከዝዝ ቃላር ኤዛ አይኮዳይስ ኮዪ የያ ኦꬄዛ።
LUK 12:1 የ ዎደ ጋመ ሙኩለር ታይብንትዛ አሳይ ዎላል አፋ የꬍንቶድ ጋꬆ አሲ አሳል አፋ ሺቂ የዝን፥ የሱሳ ፋ ታማርታይኮ፥ «ፈርሳውታይ እርሾፕ ናግንቶይታ። የይካ ጩቦትꬅ።
LUK 12:2 በንተካ ቆስንቲ፥ ኤርንተካ ካምንት አትዝባዝ አኮካ ባያ።
LUK 12:3 ይኬ፥ ይ ꬉማ ኦዴዝባዛይ ኡባይ ፖኦ ስእንቶዳ፥ ቆልአ ሀየ ካልካሼዝ ባዝ ዎያስ ኦድንቶዳ።
LUK 12:4 «ታ ባጉንꬆ፥ ታ ኦድዛና ስኦይታ፤ አሾ ዎꬍዛፕ አትን ሀራ አብካ ኦꬆዳይስ ዳንዳኦዝታይስ ያሽትፓተ።
LUK 12:5 ሀኖ ዝን፥ ይ ያሽቶዳይስ ቤዝዛና ታ ይንትስ ቤሳዳ። የይካ ዎꬌዛይፐ ጉየ ጋናመ ኦሎዳይስ ማዉተ የዛይስ ኤዝስ ያሽቶይታ። ኤ፥ ቱማ ግዛ፤ ኤስ ኣዳ ያሽቶይታ።
LUK 12:6 እችን ሱንታይ ፐቲ ሳንትፈስ ባይዝንቶሳኔ? ሀኖፕ አትን ኡንታፕ ፐታታካ ጾስ ቲና ዶግንተና።
LUK 12:7 ሀራ አቶዝን፥ ይ ኦማ ብናናይካ ፓይድንቲ የዛ። ይኬ፥ ያሽትፓተ፤ ጋመ ሱንታይፕ ይ ኣꬍዛ።
LUK 12:8 «ታ ኦድዛ ስኦይታ፤ አስ ቲና ታ ባዝ ማርካትዝ ኡባይስ አስ ናአይ ጾስ ኪታንችታይ ቲና ማርኮቶዳ።
LUK 12:9 አስ ቲና ታና ካድዛና ጾስ ኪታንችታይ ቲና ታ ኤዛ ካዶዳ።
LUK 12:10 አስ ናአል አፋ ለቆ ቃላ ኦድዝ ኡቢታይ ማሮትꬅ ደማዳ፥ ዝን ጌሻ አያና ጫዥዝታይ ማርንተና።
LUK 12:11 «አሲ ይንታን አይኪ አይሁድታይ ዎሳ ኬꬃ፥ ዳይንታይ ቲናኔ ካትታይ ቲና ጎሽችዛ ዎደ አብ ኦዶዳዛኮኔ ዋጊ ማሆዳዛኮ ህርግፓተ።
LUK 12:12 የ ዎደ ይ ኦዶድ ባዝ ጌሻ አያናይ ይንታን ታማርሶዳ» ዬጌዛ።
LUK 12:13 ዎይታይፕ ፐቲ አሲ የሱሳኮ ይኢ፥ «ታ እሻይ ታስ ኑ አዳይ ኬኬፕ ሻኮድ ጋርክ ኤዝስ ኦዶባ» ዬጌዛ።
LUK 12:14 የሱሳ ማሂ፥ «ናት አꬃዮ፥ ይንታል አፋ ታና ዳይንኔ ኬኬ ሻክዝ ጭማ ኦꬄዛይ ኦኖ?» ዬጌዛ።
LUK 12:15 ማካ የሱሳ፥ «አስ የሳይ ሻሎ ጋመትꬃር ባዛይ ግሾስ ዣረ አሺ ሚንꬂ ይንታን ናጎይታ» ዬጌዛ።
LUK 12:16 ማቅካ ኣዝሶር፥ «ጋዳይ ጋመ ካꬃ እንግዝ ፐቲ ዱረ አꬃይ የዛ።
LUK 12:17 የ አꬃይ፥ ‹ታ ካꬃ ታኒ ሺሾዳይስ አቆ ጽቄዝ ግሾስ አብ ኦꬆ?› ዬጊ ፋ ዎዝናር ቆፔዛ።
LUK 12:18 Ꮊንፐ የሳዳ፤ ቲን የዛ ሻልታ ሁሊ ሀራ ዳልገ ሻለ ኬጾዳ። ካꬃኔ ታስ የዛ ባዝ ኡባ ኤዛይድ ኦሎዳ።
LUK 12:19 ፋ ሸምፓትኮ፥ ‹ታ ሸምፓተ፥ ጋመ ላይꬅስ ኔስ ግድዛ ሻሎ ሺሼዛ። ይኬ፥ ሸምፕ ሞባ፥ ኡዦባ፥ ኡፋይቶባ› ዬጎዳ።
LUK 12:20 «ዝን ጾሳይ፥ ‹ናት፥ ቦዞ አꬃዮ፥ Ꮊይኖ ቃማ ነ ሸምፓታ ኔፕ ኤክንትዛ። ይኬ፥ ነ ሺሼዛይ ኦስ ማቆደ?› ዬጌዛ።
LUK 12:21 «የይ ግሾስ፥ ፓስ ዱረትꬂ ሳአል ሺሽዛ አስስ፥ ጾስ ካለ ዱረ ማቀካ አስስ ዉርስꬃይ Ꮊ አꬃይሳይ ጋርከ» ዬጌዛ።
LUK 12:22 የይፐ ጉየ፥ የሱሳ ፋ ታማርታይኮ፥ «ይኬ፥ ታ ኦድዛ ባዝ ስኦይታ፥ ይ ሸምፖስ አብ ማዴ ይ ጋላሳስ አብ ማአዴ ዬጊ ኡንእንትፓተ።
LUK 12:23 ሸምፖ ካꬃፕ ጋላ አፍላፕ ኣꬍዛ።
LUK 12:24 ካፍታ ቦኦይታ ዘሮያ፥ ማጾያ፥ ሻለካ ባያ። ዝን ጾሳይ ኡንታን ሙዝዛ። ይ ካፍታይፕ ሎእꬂ ኣꬍዛ።
LUK 12:25 ሀኖ ዝን፥ ይንትፕ ኡንእንቲ ፋ ላይꬃል አፋ ፐቲ ቃማ ጉጆዳይስ ዳንዳእዛይ ኦኖ?
LUK 12:26 ይኬ፥ Ꮊ ጽቃባዝ ኦꬆዳይስ ዳንዳኦዋ ይ ሀራባዝስ አብስ ኡንእንቴ?
LUK 12:27 አን ፉꬍታይ ዋይዚ ድጭዛኮ ቦኦይታ። ዋዮያ ሱቆያ። ሀራ አቶዝን፥ ሶሎሞነ ፓስ የዝ ቦንቾ ኡባይር ኡንታፕ ፐታይ ጋርከካ ማኢ በኤካያ።
LUK 12:28 ይንታኖ፥ አማኖ ፓጬዝታዮ፥ ይኬ፥ ጾሳይ Ꮊይኖ በንቲ ዎንታ ታማ ጋንጨ ዎꬎድ ፉꬍታ Ꮊይ ጋርከ ማእስኮ፥ ይንታን ዋይዚ ኣꬂ ማእሶሳ?
LUK 12:29 የይ ግሾስ፥ አብ ሞሻ ዎይ አብ ኡዦሻ ግ ይ ዎዝናር ኡንእንትፓተ።
LUK 12:30 የ ኡባ ጾሳ አማኖዋ አሳይ ኮይዛ። ዝን ይ አዳይ ጾሳይ የይ ኡቢታይ ይንትስ ኮሽዛና ኤርዛ።
LUK 12:31 ኡባፕ ኣꬂ ጾስ ካተትꬃ ኮዦይታ የይ ኡቢታይ ይንትስ ጉጂ እንግንቶዳ።
LUK 12:32 «ይንታኖ፥ ጽቃ ዎይታዮ፥ ይ አዳይ ጾሳይ ካተትꬃ ይንትስ እማዳይስ ኤ ሎኦ ሸነ ማቄዛ ያሽትፓተ።
LUK 12:33 ይንትስ የዛ ባዝ ባይዚ ማንቅታይስ እንጎይታ። ካይዞ ኤኮዋ፥ ብላ ሞዋ አቆ፥ ጭሞዋ ቁርቦ ጋንጨ፥ ዉሮዋ ሻላና ሳሎ ሺሾይታ።
LUK 12:34 ይ ዎዝናይ ይ ሻላይ የዛ አቆ ማቃዳ።
LUK 12:35 «ይ ጼሳይ ዳንጭንቴዛ፥ ይ ጾምፓይ ፖኤዛ ማቆ።
LUK 12:36 ፋ ጎዳይ ቦሳይፕ ማቃድ ጋꬆ ባርኪ ናግዝታይ ጋርክ፥ ጎዳይ ይኢ ጼግዝ ዎደ ኤልሲ ዶዮዳይስ ጊጌዝ አስታ ኣዞይታ።
LUK 12:37 ፋ ጎዳይ ማቅዝ ዎደ ገንተካዛር ናግዝታይ አንጅንቴዝታ። ታ ቱሮ ግዛ፤ ጎዳይ ሃታር ዳንጪ ሌማተ ላንቃይድ በትꬅ ሞክዛ።
LUK 12:38 ጎዳይ ግዲ ብላሄ ማቅን ዎይ ዎንትማꬄ ማቅን ይኢ፥ የይ ጋርክ ገንተካዛር ናጎዳር ደንግዛ የ አይልታይ አንጅንቴዝታ።
LUK 12:39 ዝን Ꮊያ ኤሮይታ፤ ካይዞ አይደ የኦዳዛኮ ካራ አዳይ ኤርዛኮ ኬꬃይ ቦክንታምዝን።
LUK 12:40 ይንትካ ጊጊ ናጎይታ፤ አስ ናአይ ይ ቆፐካ ዎደ የኦዳ» ዬጌዛ።
LUK 12:41 ጵጽሮሳካ፥ «ጎዳዮ Ꮊ ኣዝሳ ኑ ኣዳስ ኦድነኔ አስ ኡባሶ?» ዬጌዛ።
LUK 12:42 ጎዳይ ማሂ፥ «ይኬ፥ ካꬃ ሙዞዳይስ ቤዝዛ ዎደር እማድ ጋርክ ጎዳይ ፋ አይልታይል አፋ ሹሜዝ አማንꬅዛይኔ ዎዛናማይ ኦኖ?
LUK 12:43 ጎዳይ ማቆዳር የይ ጋርክ ኦꬅታር በንትዝ አይላይ ኤ አንጅንቴዛያ
LUK 12:44 ታ ይንትስ ቱሮ ኦድዛ፤ ፋ ጎዳይስ የዝ ሻሎ ኡባይል አፋ ኤ ሹምንቶዳ።
LUK 12:45 ዝን የ አይላይ፥ ‹ታ ጎዳይ ኤልꬂ የኤና› ዬጊ ፋ ዎዝናር ቆፒ፥ ጋꬊንድታኔ ጋችታ Ꮊꬍኮ፥ ማ ፓስ ኮዤዝ ጋርክ ሚታራኔ ኡዥታር ማꬅኮ፥
LUK 12:46 የ አይላይ ጎዳይ ኤ ቆፐካ ጋላሳኔ ህርገካ ዎደ የኦዳ። ይኢ ኤዛ ጋሽቺ፥ ኤ አንጃ አማኖዋ አስታይር ኡዶዳ።
LUK 12:47 «ጎዳይ ሸናይ ጋርክ ጊጎዛይኔ ኤ ጎዳይ አብ ቃꬍዛኮ ኤርታር ኦꬆዋ አይላይ ጋመ ጋራፍንቶዳ።
LUK 12:48 ዝን ፋ ጎዳይ ሸና ኤረካ አቲ ጋራፍንቶዳይስ ቤዝዛና ኦꬄዛይ ጽቃል ጋራፍንቶዳ። አብስ ጊኮ ጋመ እንግንቴዛይፕ ጋመ ኮይንትዛ፥ ጋመ ሀዳራ ኤኬዛይፐካ ጋመ እማድ ግ ናግንትዛ።»
LUK 12:49 «ታኒ የኤዛይ ቢታል አፋ ታማ አይꬆዳይስ። Ꮊት ታማይ አይክዛኮ ታና ዋይዚ ኡፋይሶደሻ!
LUK 12:50 ሀኖ ዝን፥ ታ Ꮊት ጻማቅንትዛ ጽንቃታይ የዛ። ኤ ፖልንቶድ ጋꬆ ታ ዋፋ ኡንእንቶደሻ።
LUK 12:51 ሳአል አፋ ሳሮትꬅ ኮኦዳይስ የኤዛ ይንትስ ኣዝኔ? የያ ባያ፥ ታ የኤዛይ ሻኮዳይስ።
LUK 12:52 Ꮊተፕ አይኪ ዎል ጋንጨ ሻክንቴዝ እችን አሳይ ፐቲ ኬꬃ ዎላ የዛ። ናምእታይ ሃይꬒታይል አፋ፥ ሀይዝታይካ ናምእታይል አፋ፥ ደንዲ ሻክንቶዳ።
LUK 12:53 አዳይ ናአይል አፋ፥ ናአይካ አዳይል አፋ፥ እንዳት ናአትል አፋ፥ ናአታ እንዳትል አፋ፥ አዝናይ እንዳት ናአይ ማቻትል አፋ፥ ናአይ ማቻት አዝናይ እንዳትል አፋ፥ ደንዲ ሻክንቶዳ።»
LUK 12:54 ማካ አሳይኮ፥ «አዋ ገሎ ባጋር ሳሎ ሻራትዛ ዎደ ብኢ፥ ኤልሲ፥ ‹እራ የኦዳ› ይ ዬግዛ፥ የይ ጋርከካ ሀንዛ።
LUK 12:55 ሱለ ባጋ ጫርኮ ጫርክዛ ዎደ ‹ሳአይ አዎዳ› ይ ዬግዛ፥ የይ ጋርከካ ሀንዛ» ዬጌዛ።
LUK 12:56 ይንታኖ፥ ጩብታዮ፥ ሳሎባዝኔ ሳአባዝ ሻኪ ኤርዝን Ꮊ ዎዳ ሻኪ ኤሮዳይ ይንታን ዋይዚ ጋሜኔ?
LUK 12:57 «የዝን፥ ይ ኡባስ አብስ ቱማ ፕርዶሳ?
LUK 12:58 ነ ሞርካይር ዎላ ዳይና ቲና ኤቆዳይስ Ꮊንግታር ኦገል አፋ ጊጎዳይስ ኮዪ ነ ጊገካ አትኮ ጎሽች ዳይና ቲና ነና ካማዳ። ዳይናይ ነና ፖልሴስ ኣꬂ እማዳ። ኤ ነና ዎይነ ኦሎዳ።
LUK 12:59 ስኦይታ፥ ፐቲ ባካና አተካዝን ጭግ ሃሶድ ጋꬆ ነ እዝፕ ኬዛምዛኖ ኤሮባ» ዬጌዛ።
LUK 13:1 የ ዎደ የሱሳኮ አሳይ ይኢ ጋልላ አሳይ ያርሾ ያርሾዳር ኡንታን ጵላጾሳ ዎꬊ ኡ ሱꬃ ያርሾር ዋላኬዝ ባዛ ኦዴዛ።
LUK 13:2 ኤ Ꮊይ ጋርከ ዬጊ ማሄዛ፤ «የዝን Ꮊ ጋልላ አሳይ Ꮊ ኢታ Ꮊይቆ Ꮊይቄዝ ግሾስ ጋልላ የዝ አስ ኡባይፕ ኣꬎ ናጋራ ኦꬅዛ ኣዝኔ?
LUK 13:3 የያ ባያ! ይንትካ ማሮተꬃር ማቃም አትኮ፥ ኡቢታይ Ꮊይ ጋርክ ꬋቦዳ።
LUK 13:4 ዎይ ማ ሳልሆመ ግዝ በሳይድ ግምባይ ዎዲ ዎꬌዝ ታጶ ሆስፑን አሳይ የሩሳላመ የዝ አስ ኡባፕ ኣꬌዝ ናጋራ ኦꬅዛ ኣዝኔ?
LUK 13:5 የያ ባያ! ዝን ይንትካ ማሮትꬃር ማቃም አትኮ ኡባይ Ꮊይ ጋርክ ꬋቦዳ።»
LUK 13:6 ማካ የሱሳ Ꮊይ ጋርከ ግ ኣዝሶ ኦዴዛ፦ «ፐቲ አꬃይስ ዎይነ ጋደ ቱክንቴዝ ባላሰ ምꬃት የዛ። ኤ ኢፐ ኣፈ ኮዪ ይኢ አብካ ደንገካያ።
LUK 13:7 ጋደ ጎዳይ ዎይነ ኦሶ አሳይኮ፥ ‹ኣፈ ደንጎዳይስ ኮዪ ሀይꬒ ላይꬅ ማቂ ማቂ ይኢ አብካ ደንገካያ። የይ ግሾስ፥ ጋቺ ሀልእሶባ፤ አብስ ቢታ መልሴ?› ዬጌዛ።
LUK 13:8 «ዝን ኦሶ አꬃይ፥ ‹ጎዳዮ፥ እ ጋጻ ኦꬂ ኦሻ ኦሎድ ጋꬆ ሀበረስ አሾዬ።
LUK 13:9 ይእዛ ላይꬅ ኣፍኮ ሎኦ፥ አትኮ ጋቺ አሾባ› » ዬጊ ማሄዛ።
LUK 13:10 የሱሳ ማላ ጋላስ አይሁድታይ ዎሳ ኬꬃ ታማርስዛ።
LUK 13:11 የ በሳይድ ታጶ ሆስፑን ላይꬅ ቱና አያና ዞኮ ኩንሴዝ ፐቲ አስታ የዛ። እዛ ኩኔዛይ ግሾስ ሉለ ኤቆዳይስ ዳንዳኦያ።
LUK 13:12 የሱሳ እዞ በኤዝ ዎደ ጼጊ፥ «Ꮊን አስቴ፥ ነ ሀርጋይፕ ፓጼዛ» ዬጌዛ።
LUK 13:13 ፋ ኩሻ እዝል አፋ ጋድን፥ እዛ ኤለር ሉሊ ኤቄዛ። ጾሳካ ጋላቴዛ።
LUK 13:14 ዝን አይሁድታይ ዎሳ ኬꬅ ሀላቃይ ይሎቲ አሳይኮ፥ «ኦሶ ኦꬅዝ ኡሱፑን ጋላስታይ የዛ። የይ ግሾስ፥ የ ጋላስታይድ ይኢ ፓጾይታፕ አትን ማላ ጋላስ ባያ» ዬጌዛ።
LUK 13:15 ጎዳይ፥ «ጩብታዮ፥ ይ ጋንጨፕ ገማተ ዎይ ሀረ ማላ ጋላስ ዛዳሎፕ ብሊ ሃꬅ ኡሾዳይስ ካንጎዛይ ኦኖ?
LUK 13:16 የዝን፥ Ꮊ አስታ አፍራመ ናአ ማቅታር ጻላሄር አጭንቲ ታጶ ሆስፑን ላይꬅ ኩንꬅ የዜዛንስ ማላ ጋላስ ብልንቶዳይስ ቤዞሳ?» ዬጊ ኦይጬዛ።
LUK 13:17 ኤ የያ ኦዴዝ ዎደ ኤቅንትዝታይ ኡቢታይ ዬላቴዛ። ዝን አስ ኡባይ ኤ ኦꬄዝ ማላታ ኦሶ ኡባይድ ኡፋይቴዛ።
LUK 13:18 የይፐ ጉየ፥ የሱሳ Ꮊይ ጋርከ ዬጌዛ፥ «ጾስ ካተትꬃይ አብ ኣዝኔ? እዞ አባር ኣዝሶ?
LUK 13:19 ጾስ ካተትꬃይ ፐቲ አስ ፋ ጋደ ጋንጨ ቱኬዝ ሳናፍጨ ኣፈ ጋርከ። እዛ ድጪ ዳማ ምꬅ ማቄዛ። ካፍታይ እ ሻቃይል አፋ ሸምፔዛ።»
LUK 13:20 ማ፥ «ጾስ ካተትꬃ አባር ኣዝሶ?
LUK 13:21 ፐቲ አስታ ጋመ ꬊላር ዋላኪ ሙኑቄዝ ጽቃ እርሾ ኣዝዛ» ዬጌዛ።
LUK 13:22 የይፐ ጉየ፥ የሱሳ የሩሳላመ Ꮊንግታር ኤ ኣꬊዝ ኦገል የዝ ካታምታይዳኔ ሄራ ታማርስታር ኣꬌዛ።
LUK 13:23 ፐቲ አስ የሱሳኮ፥ «ጎዳዮ፥ አቶዳይ ጽቃ አስ አዳኔ?» ዬጊ ኦይጬዛ። የሱሳ ኡንትኮ፥
LUK 13:24 «ስኦይታ፥ ጹንꬅ ፐንገር ገሎዳይስ ቡትቶይታ። ጋምታይ ገሎዳይስ ኮይዛ ዝን ኡንትስ ሀናሚ።
LUK 13:25 ኬꬅ ጎዳይ ደንዲ ፐንገ ጎርደዛይፐ ጉየ ‹ኑስ ዶዮዬ› ዬግታር ባለ ኤቂ ጼስ አይኮዳ። ዝን ኤ፥ ‹ይ ኦናዛኮኔ አናፕ የኤዛኮ ታ ኤሮያ› ግ ማሆዳ።
LUK 13:26 የ ዎደ ይ፥ ‹ኔር ዎላ ሜዛ፥ ኡዤዛ፥ ኑ ደንባይዳካ ነ ታማርሴዛ› ዬጎዳ።
LUK 13:27 «ኤ ማሂ፥ ‹ይ ኦናዛኮኔ አናፕ የኤዛኮ ታ ኤሮያ። ይንታኖ፥ ኢታ ባዝ ኦꬅዝታዮ ታፕ ሃኮይታ› ዬጎዳ።
LUK 13:28 አፍራመ፥ እሳቃ፥ ያይቆባራኔ ናብታ ኡብታ ጾሳ ካተትꬃይድ ይ በአዳ፥ ዝን ይ ባለ ዎꬊ አትኮ ይንትስ ዬፎኔ አች ጮንቺ ማቃዳ።
LUK 13:29 አሳይ አዋ ከሳፐ፥ አዋ ገሎፐ፥ ፑደ ባጋፐ ሱለ ባጋፐ ይኢ ጾስ ካተትꬃ ሙንታል አፋ በቶዳ።
LUK 13:30 የይ ግሾስ፥ ጉየቴዝታይፕ ቲና ማቆድታይ፥ ቲኔዝታይፕ ጉየ ማቆድታይ የዛ» ዬጌዛ።
LUK 13:31 የ ዎደ ፈርሳውታይፕ ፐታይ ፐታይ ይኢ፥ «ሄሮዶሳ ነና ዎꬎዳይስ ኮይዝ ግሾስ Ꮊ በሳፕ ደንዲ ቅቶባ» ጌዛ።
LUK 13:32 ኤ ማሂ፥ «Ꮊንጊ፥ የ ዎርካንታይስ ዬዛኮ፥ ‹Ꮊይኖኔ ዎንታ ቱና አያንታ ከሶዳ፥ ሀርግንቴዝታ ፓꬆዳ፥ ሃይꬓንꬆ ጋላሳር ሃሶዳ› ዬጌዛ ጎይታ።
LUK 13:33 ሀኖፕ አትን፥ ናባይ የሩሳላመፕ ሀራ አቆ Ꮊይቆዳይስ ቤዞያ። የይ ግሾስ፥ Ꮊይኖ፥ ዎንታኔ ዎንቲ ፔዢ የ በሳ Ꮊማዳይስ ደንዴዛ።
LUK 13:34 «የሩሳላመ፥ የሩሳላመ፥ ናብታ ዎꬍዛኔ፥ ኔኮ ኪትንቴዝታ ሹቻር ሾጭዛኔ፥ ሹጉላ ፋ ናእታ ፋ ቀፋይፕ ኦሞር ሺሽዛይ ጋርክ ነ ናእታ ታ ታ ሹጳይፕ ኦሞር ኣፑን ቶኬ ሺሾዳይስ ኮየኔ፥ ዝን ይ እጼዛ ጌዛ።
LUK 13:35 ታ ይንትስ ኦድዛ፤ ይ ኬꬃይ ካይሳቶዳ። ጎዳይ ሱንꬃር ይእዛይ አንጅንቴዛያ ይ ጎድ ጋꬆ ታና ደንጋሚ» ዬጌዛ።
LUK 14:1 ማላ ጋላስ የሱሳ ፐቲ ፈርሳውታይ ሀላቃይ ካራ ካꬃ ማዳይስ ገሎዳር አሳይ ኤ አብ ኡድዛክ በአዳይስ ናግዛ።
LUK 14:2 የ አቃይድ ሻዉሄ ሀርገር መትንትዛ ፐቲ አስ ኤዝስ ቲና ባጋር ዎይኤዛ።
LUK 14:3 የሱሳ ፈርሳዉታይኮኔ ህገ አስታማርታይኮ፥ «ማላ ጋላስ ሀርግንቴዝ አስ ፓꬅዛይ ዎጋኔ ዎጋ ባሳ?» ዬጊ ኦይጬዛ።
LUK 14:4 ኡ ስእ አቴዛ። የሱሳ ሀርግንትዛ አꬃ ቦቺ ፓꬅ ሞይዜዛ።
LUK 14:5 «ማካ ይንታፕ ፐታይስ ናአ ዎይ ገማተ ማላ ጋላስ ሆቦ ዎꬍኮ ኤልሲ ከሶዛይ ኦኖ» ዬጊ ኦይጬዛ።
LUK 14:6 ኡ ፐትባዝካ ማሆዳይስ ዳንዳኤካያ።
LUK 14:7 የሱሳ እማቶስ ጼግንቴዝታይ ቦንቾ አቆ ዶሮዳር ብኢ፥ Ꮊ ኣዝሳ ኦዴዛ፦
LUK 14:8 «ፐቲ አሲ ነና ቦስ ካራ ጼግኮ ቦንቾ አቆ በትፐ። ኔፕ ኣꬊ ቦንችንትዛ አሲ ጼግንቶዳይስ ዳንዳእዛ።
LUK 14:9 ይንታን ናምእታካ ጼጌዛይ ይኢ፥ ‹ነ አቃ Ꮊ እማꬃይስ ዳኮባ› ዬግዝ ዎደ ነ ዬላትታር ሱል ዎꬋዳ።
LUK 14:10 ማቆዝን፥ ነ ጼግንቴዝ ዎደ ቲናቲ ዝቃ አቆ ብኢ በቶባ። ጼጌዛይ ይኢ፥ ‹ታ ላጋዮ፥ Ꮊ ቦንቾ አቃይድ በቶባ› ዬጎዳ። የ ዎደ ኔር ዎላ ጼግንቴዝ አሳ ኡባይ ቲና ነ ቦንችንቶዳ።
LUK 14:11 ፋና ሾክ ሾክ ኡድዝ ኡቢታይ ካዉዦዳ፤ ፋና ዝቅ ዝቅ ኡድዝ ኡቢታይ ሾክ ሾክ ጎዳ።»
LUK 14:12 ማካ የሱሳ ኤዛ ሞኬዝ ካራ አዳይኮ፥ «ቁማ ዎይ ካሆ እማቶ ጼግዝ ዎደ ኔኒ ኩሸ ማሆ ጼጋማይ ጋርክ ነ ላግታ ዎይ ነ እሽታ ዎይ ነ ዳብታ ዎይ ነ ዱረ ሾርታ እማቶ ጼግፐ።
LUK 14:13 ማቆዝን፥ ነ እማቶ ማኬዝ ዎደ ማንቅታ፥ ዎብታ፥ ስልታኔ ቶእታ ጼጎባ፤ ነ አንጅንቶዳ።
LUK 14:14 Ꮊይትታይ ኩሸ ማሆዳይስ ዳንዳኦዋ ግሾስ ኩሸ ማህꬃይ ጌሽታይ ደንዶ ጋላስ ጾሲ ኔስ ማሆዳ» ዬጌዛ።
LUK 14:15 የሱሳር ዎላ እማቶል አፋ በቴዝታይ ጋንጨፐ ፐታይ የያ ስኢ፥ «ጾሳ ካተትꬃይድ እማቶል አፋ በቴዛይ አንጅንቴዛያ» ዬጌዛ።
LUK 14:16 የሱሳ፥ «ፐቲ አስ ዳማ እማቶ ጊግሲ ጋመ አስታ ጼጌዛ።
LUK 14:17 እማቶ ሞክንትዛ ሳታት ሄልዝ ዎደ ጼግንቴዝ እማꬅታ፥ ‹ዬዛኮ ኡባ ባዝ ጊጌዛ፥ Ꮊና የኦይታ› ዬጊ ጼጎድ ጋርክ ፋ አይላ ኪቴዛ።
LUK 14:18 «ዝን ኡቢታይካ ፋ ሳላምበ ሳላምበ መꬌዛ። ፐታይ፥ ‹Ꮊት ታ ሀጋ ጋደ ዎንጌዝ ግሾስ Ꮊንጊ በአዳይስ ኮሽዛ ሀያና ታና አሾዬ› ዬጌዛ።
LUK 14:19 Ꮊንካይ፥ ‹እችን ዋጻ ገማተ ዎንጌዛ ኡንታን ዋጺ ፋጪ በአድ ግሾስ ሀያና ታል ላንጭፐ› ዬጌዛ።
LUK 14:20 ማ Ꮊንካይ፥ ‹ታኒ ሀጋ መዳል የዝ ግሾስ የኦዳይስ ታስ ዳንዳእንታሚ› ዬጌዛ።
LUK 14:21 «አይላይ ማቂ ይኢ የያ ኡባ ፋ ጎዳይስ ኦዴዛ። የ ዎደ ቦስ ጎዳይ ካጭንቲ አይላይኮ፥ ‹ኤልሲ ካታማ የዝ ጎስታይላኔ ሁሳ ኦግታይል Ꮊንጊ፥ ማንቅታ፥ ዎብታ፥ ቶእታኔ ጉንዴዝታ Ꮊና ኮኦባ› ዬጌዛ።
LUK 14:22 «አይላይ፥ ‹ታ ጎዳዮ፥ ነ ኪቴዛይ ኡቢታይ ፖልንቴዛ፥ ዝን Ꮊተካ አቆ የዛ› ዬጌዛ።
LUK 14:23 «ጎዳይ አይላይኮ፥ ‹ጎስታይል አፋኔ፥ ካራ ጋንጨ ኦገል ከዞባ፥ ታ ኬꬃይ ኩሞድ ጋꬆ በንቴዝ ኡቢታይ የኦድ ጋርክ ኡዶባ።
LUK 14:24 ታ ይንትስ ኦድዛ፤ እማትንቲ አቴዝታይፕ ኦንካ ታ አታላይፕ ማምዛና ኤሮይታ› ጌዛ» ዬጌዛ።
LUK 14:25 ጋመ አሳይ ኤዛር ዎላ Ꮊማዳር የሱሳ ኡንትኮ ጉየ ማቂ፥
LUK 14:26 «ታኮ ይእዝ ኡቢታይ ፋ አዳኔ ፋ እንዶ፥ ፋ ማቻቶኔ ፋ ናእታ፥ ፋ እሽታኔ ፋ ምሽታ፥ ሀራ አቶዝን ፋ ሸምፖ እጾዛይ ታ ታማረ ማቆዳይስ ዳንዳኦያ።
LUK 14:27 ፋ ማዝቃለ ቶኪ ታና ካሎዋ ኦንካ ታ ታማረ ማቆዳይስ ዳንዳኦያ።
LUK 14:28 «ይንታፕ ፐቲ አሲ ሹች ኬꬅ ኬጾዳይስ ኮይኮ፥ ኬꬅ ኬጺ ዉርሶዳይስ አብ ጋርክ ሚሸ ኮሽዛኮ ቲናቲ ኤሮዳይስ ቆፖዛይ ኦኖ?
LUK 14:29 የያ ማቀካ አትኮ፥ Ꮊ አꬃይ ባሶል ሹች ሂጽን ዉርሶ ጋምኮ፥
LUK 14:30 ብእዛ ኡባይ፥ ‹Ꮊ አꬃይ ግምብꬅ አይክን ዉርሶዳይስ ኤዛ ጋሜዛ› ዬጊ ቦርዛ።
LUK 14:31 «ዎይ ፐቲ ካታይ ሀራ ካታር ኦልንቶዳይስ ደንድታር ላታም ሙኩለ ኦላንችታ ኤኪ የ በሳ ካታይር ታጲ ሙኩለ ኦላንችታር ኤቅንቶዳይስ ዳንዳኦዳናኔ ዳንዳአምዛ ቲናቲ በቲ ዞርንቶዛይ ኦኖ?
LUK 14:32 ኤቅንቶዳይስ ዳንዳእንቶዋ ባዝ ማቅኮ፥ የ ሀራ ካታይር ሃኮር የዝን ዳቦቶዳይስ ቲናቲ ጭማ ዳኪ ኦይጭሽዛ።
LUK 14:33 የይ ጋርከ፥ ይንታፕ ኦንካ ፓስ የዛ ባዝ ኡብታ አሻም እጽኮ ታ ታማረ ማቆዳይስ ዳንዳኦያ።
LUK 14:34 «ማጽነ ሎኦ፥ ዝን ማጽነ ፋ ማልአ አሽኮ፥ ዋይዚ ማጽነ ጊንትንቶዳይስ ዳንዳእኔ?
LUK 14:35 ቢታስካ አራድሶስካ ማዶዋ ባዝ ማቅዝ ግሾስ አላ ኦልንቶዳ። ይኬ፥ ስእዝ ሀየር የዝ አስ ስኦ» ዬጌዛ።
LUK 15:1 ፐቲ ጋላስ ቃራጸ ጋችሽዝታይኔ ናጋራ ኦꬅዝ አሳይ የሱሳ ትምርታ ስኦዳይስ ኤ ላንቃይር ሺቄዛ።
LUK 15:2 ዝን ፈርሳውታይራኔ ህገ አስታማርታይ፥ «Ꮊ አꬃይ ናጋራንችታ ሺሺ ኤክዛ፥ ኡንታር ዎላ ሚዛ» ዬጊ ዝግሬዛ።
LUK 15:3 የሱሳ ዬጊ Ꮊ ኣዝሳ ኡንትስ ኦዴዛ፦
LUK 15:4 «ይ ጋንጨፐ ፐታይስ ጼት ዱርታይ የዛ ባዝ ማቅኮ ኡንታፕ ፐታይ ꬋብኮ ኡዱፉን ታማኔ ኡዱፉንታ ዎራ አሺ ꬋቤዛና ደንጎድ ጋꬆ ኮዮዛይ ኦኖ?
LUK 15:5 ደንጌዝ ዎደ ኡፋይቲ ፋ ጋናል ቶኪ፥
LUK 15:6 ፋ ካራ ማቅዛ። ፋ ላግታኔ ሾርታ ዎላ ጼጊ፥ ‹ꬋቤዝ ታ ዱራ ደንጌዛ፥ ታር ዎላ ኡፋይቶይታ› ዬግዛ።
LUK 15:7 የይ ጋርከካ፥ ማሮትꬅ ገሎዋ ኡዱፉን ታማኔ ኡዱፉን ጽልታይፕ ፋ ናጋራስ ማሮተꬅ ገልዝ ፐቲ አꬃይ ግሾስ ሳሎ ዳሞ ኡፋይስ ማቅዛ።
LUK 15:8 «ዎይ ታጲ ሹቻ ብራ የዛ ፐቲ አስታ ታጵፕ ፐታት ꬋብኮ ደንጎድ ሄሎዳይስ ጾምፐ አይꬂ ኬꬅ ፕቲ ሚንꬂ ኮዮዛይ ኦኖ?
LUK 15:9 ደንጌዝ ዎደ ፋ ላግታኔ ፋ ሾርታ ጼጊ ‹ꬋቤዝ ታ ሹቻ ብርቶ ደንጌዝ ግሾስ ታር ኡፋይቶይታ› ዬግዛ።
LUK 15:10 ስኦይታ፥ የይ ጋርክ ፐቲ ማሮትꬅ ገልዝ ናጋራንቻይር ጾሳ ኪታንችታይ ቲና ኡፋይስ ማቅዛ» ዬጌዛ።
LUK 15:11 ማቂ የሱሳ፥ «ፐቲ አꬃይስ ናምኢ ናእታይ የዛ።
LUK 15:12 ኡንታፕ ጌዶ ናአይ ፋ አዳይኮ፥ ‹ታ አዳዮ፥ ነ ሻላይፕ ታ ባጋ ታስ እንጎባ› ዬጌዛ። አዳይ ፋ ሻላና ፋ ናእታይስ ሻጌዛ።
LUK 15:13 ጽቃ ጋላሳፕ ጉየ ጌዶ ናአይ ፋ ባጋ ኡብታ አጪ ኤኪ ሃኮ ጋደ Ꮊንጌዛ። ኤዛይድ ኤኪ Ꮊንጌዝ ሻላና ቶቺ ዉርሴዛ።
LUK 15:14 ኤ ፓስ የዛ ባዝ ኡብታ ዉርሴዛይፕ ጉየ የ ጋዳይድ ኡባይል ሚንꬅ ናየ ገልን መትንቴዛ።
LUK 15:15 የይ ግሾስ፥ የ ጋደ አሳይፕ ፐታይ ካራ ጋታ ገሌዛ። አꬃይ ኤዛ ጉዳይለ ሄማድ ጋርክ ፋ ሞꬃ ዳኬዛ።
LUK 15:16 ጉዳይልታይ ሚዝ ሀርቃይፕ ማዳይስ አሞቴዛ፥ ዝን እዞካ ኤዝስ እንግዛ አሲ በንተካያ።
LUK 15:17 ፋ ዎዝናር፥ ‹ኣፑን ታ አዳይ አይልታይስ ካꬃ አላ አትን ታ Ꮊይዳ ናየር Ꮊይቀ?›
LUK 15:18 ደንዲ ታ አዳይኮ Ꮊንጊ፥ ‹ታ አዳዮ፥ ሳሎ ጾሳ፥ ሳአ ነና ታ ቆሄዛ።
LUK 15:19 Ꮊንፕ ነ ናአ ግንትንቲ ጼግንቶዳይስ ታስ ቤዞዋ ግሾስ ነ ካራ የዝ አይልታይፕ ፐታይ ጋርክ ኡዲ ታና ታይቦባ› ዬጎዳ» ዬጌዛ።
LUK 15:20 የይ ግሾስ፥ ደንዲ ፋ አዳይኮ Ꮊንጌዛ። «ሀኖ ዝን፥ ኤ ሀጋ ሃኮር የዝን አዳይ ቃꬊንቲ፥ ኤዝኮ ዎጺ Ꮊንጊ እድንጊ ዬሬዛ።
LUK 15:21 ናአይካ፥ ‹ታ አዳዮ ሳሎ ጾሳ፥ ሳአ ነና ታ ቆሄዛ። Ꮊንፕ ገደ ነ ናአ ግንትንቲ ጼግንቶዳይስ ታስ ቤዞያ› ዬጌዛ።
LUK 15:22 «ኤ አዳይ አይልታ ጼጊ፥ ‹ኤልሲ ኡባፕ ሎኦ ማቄዝ አፍላ ክኢ ኤዛ ማእሲ፤ ኤ ብራꬋይዳካ ምግዶ፥ ኤ ቶካይድ ጫማ ኣꬆይታ።
LUK 15:23 ሞꬎ መሄ ክኢ ሹኮይታ፥ ማዳ፥ ኡፋይቶዳ።
LUK 15:24 ታ ናአይ Ꮊይ Ꮊይቄዛ፥ ዝን Ꮊቴ ፓጼዛ፤ ꬋቤዛ፥ ዝን በንቴዛ› ዬጌዛ። የይፐ ጉየ፥ ኡፋይትꬂ አይኬዛ።
LUK 15:25 «የ ዎደ ባይራ ናአይ ዎታ ጋደ የዛ። ኤዛይፕ ይእታር ካራ ኡኮዳር የꬅኔ ዶንꬅ ጊርꬅ ስኤዛ።
LUK 15:26 አይልታይፕ ፐታ ጼጊ ሀንዛይ አብዛኮ ኤሮዳይስ ኦይጬዛ።
LUK 15:27 አይላይ፥ ‹ነ እሻይ ሳሮ የኤዝ ግሾስ ነ አዳይ ሞꬎ መሄ ኤዝስ ሹኬዛ› ዬጌዛ።
LUK 15:28 «ባይራ እሻይ ካጭንቲ ካራ ገሎዳይስካ ኮየካያ። አዳይ ባለ ከዚ ካራ ገሎዳይ ጋርክ ኤዛ ዎሴዛ።
LUK 15:29 ዝን ኤ ፋ አዳይኮ፥ ‹ዬዛኮ፥ Ꮊይ ጋርክ ላይꬅ ታ ኔስ አይለት ነ ኪታፐ ፐቶካ ፓጭንቸካዛር ኔስ ኪትንትን ታ ታ ላግታይር ኡፋይቶድ ጋርክ ሀራ አቶዝን ፐቲ ሆጎ ዴሽ ታስ እንገካያ።
LUK 15:30 ዝን፥ Ꮊይ ነ ናአይ ነ ሻላና ላምዝታይር ዶንጊ ዉርሲ ይእን ሞꬎ መሄ ሹኬነ ባይ› » ዬጌዛ።
LUK 15:31 «አዳይካ፥ ‹ታ ናአዮ፥ ነ ኡባ ዎደ ታር የዛ፥ ታባዝ ኡባይ ኔስ።
LUK 15:32 Ꮊይ ነ እሻይ Ꮊይቄዛ፥ ዝን ፓጼዛ፤ ꬋቤዛ፥ ዝን በንቴዛ። የይ ግሾስ፥ ጋመ ኡፋይቶዳይስ ቤዝዛ› ዬጎዳ» ዬጌዛ።
LUK 16:1 የሱሳ ፋ ታማርታይኮ፥ «ፐቲ ዱረ አꬃይስ ኤዝፕ ኦሞር ፐቲ ሹማይ የዛ። የ ሹማይ ፋ ጎዳይ ሻላና ቶቼዛ ዬጊ ሞቴዛ።
LUK 16:2 ሻሎ ጎዳይ ሹማ ጼግሲ፥ ‹ታኒ ዋግዝን ስአሬ? Ꮊንፕ ነ ታ ኬꬅስ ሹም ማቂ ኦꬆዳይስ ዳንዳኦዋ ግሾስ ታ ሻላና ታና ሄልꬆባ› ዬጌዛ።
LUK 16:3 «የ ሹማይካ ፋ ዎዝናር Ꮊይ ጋርከ ዬጊ ቆፔዛ። ‹ታ ጎዳይ ታና ሹመትꬃይፕ ዎꬆድ ሀንዛ፥ ዎቲ አቆዳይስ ዎልቃ ባያ፥ ዎሲ ማዳይስ ዬላꬅዛ፤ የዝን ታ ዋይዞ?
LUK 16:4 ሹማትꬃፕ ታና ዎꬍስኮ ዎደ አሳይ ታና ሞኮድ ጋርክ ኦꬆድ ባዝ ታ ኤርዛ› ዬጌዛ።
LUK 16:5 «የይ ግሾስ፥ ኤ ጎዳይ አጮ የዝ አሳ ፐታ ፐታ ጼጊ ክኢ ቲና አꬃይኮ፥ ‹ኔል አፋ ታ ጎዳይ አጮ ኣፑኒ የኔ?› ዬጊ ኦይጬዛ።
LUK 16:6 «ኤ፥ ‹ጼት ኦታ ዛይተ አጮ የዛ› ዬጌዛ። «ሹማይ፥ ‹ዉለ ዋርቃታ Ꮊይሼ፥ ኤልሲ፥ እሻታም ኦታ ዛይተ አጮ የዛ ግ ጻፎባ› ዬጌዛ።
LUK 16:7 «የይፐ ካል ናምእንꬃይኮ፥ ‹ኔስ ኣፑኒ የኔ?› ዬጌዛ። «ኤ፥ ጼት ጆንያ ‹ግስተ አጮ የዛ› ዬጌዛ። «ሹማይ፥ ‹ነ ዉለ ዋርቃታ Ꮊይሸ፥ ኤልሲ፥ ሆስፑን ታም ጆንያ ዬጊ ጻፎባ› ዬጌዛ።
LUK 16:8 ሻሎ ጎዳይ አማንንቶዋ ሹማይ ኤ ብላማትꬃይስ ናሽቼዛ። Ꮊ አላማይ ናእታይ አስ አይꬃር ፖኦ ናእታይፕ ኣꬌዝ ዎዛናምታ።
LUK 16:9 «የይ ግሾስ፥ ታ ይንትስ ኦድዛ፤ Ꮊ ዎርዶ ሚሻይ ዎርዶር በንቴዝ ዎዳይድ መꬍና ኬꬃ ይንታን ሞኮዳይ ጋርክ ሚሻይር ይንትስ ላግታ ዎንጎይታ።
LUK 16:10 ኡባይፕ ጽቃ ባዛል አማንንቴዛይ ጋመ ባዛል አማንንቴዛያ ማቅዛ። ማ ኡባፕ ጽቃ ባዛል አማንንቶዋዛይ ጋመ ባዛል አማንንቶያ።
LUK 16:11 ይኬ፥ Ꮊ አላመ ሚሸል ይ አማንንታም እጽኮ ቱማ ሚሸ ይንትስ ኦኒ ሀዳራ እማደ?
LUK 16:12 ይንቲ ሀራ አስ ሚሸል አማንንታም እጽኮ፥ ይ ቡዞ ሚሸ ይንትስ ኦኒ እማደ?
LUK 16:13 «ፐቲ አይላይ ናምኢ ጎድታይስ ሞድንቶዳይስ ዳንዳኦያ። ፐታ እጽኮ Ꮊንካያ ቃꬍዛ ዎይ ፐታይኮ ሺቅኮ Ꮊንካያ ለቂዛ። የይ ጋርክ፥ ይ ጾስስኔ ሚሸስ ሞድንቶዳይስ ዳንዳኦያ።»
LUK 16:14 ሚሸ ቃꬍዛ ፈርሳውታይ የያ ስኢ የሱሳና ቃልዴዛ።
LUK 16:15 ኤ፥ «ይንቲ ይንታን አስ ቲና ጽልስዛ፥ ዝን ጾሳይ ይ ዎዝና ኤርዛ። አስ ቲና ቦንችንቴዛይ ጾስ ቲና ቦርንቴዛ።
LUK 16:16 «ሙሰ ህጋይኔ ናብታይ ኪታይ ዋንሳ ሄሎዳይስ ይንትስ ኦድንትታር ጋምኤዛ። የይፐ ጉየ፥ ጾሳ ካተትꬃ ዎንግላይ ኦꬅታር ጋምኤዛ። አሲ ኡባይ የ አቃ ገሎዳይስ ዳፍንትዛ።
LUK 16:17 ማቆዝን፥ ህጋይፕ ፐቲ ላፋ ፕዳለ አቶዳይፕ ሳሎራኔ ሳአር ኣꬍዛይ ሻዉክዛ።
LUK 16:18 «ፋ ማቻቶ ዳኪ ሀራ ኤክዛ ኡባይ ዎድረ ላምዛ። ፋ አዝናይፕ አንጅቴዛኖ ኤኬዛይካ ዎድረ ላምዛ» ዬጌዛ።
LUK 16:19 «አልኦኔ ቡቁሮ አፍላ ማእዛ፥ ሳአ ሀንን ጋላስ ጋላስ ኡፋይሳር የዝ ፐቲ ዱረ አስ የዛ።
LUK 16:20 ሀራ ማ ጋላይ ሙመር ማዱንጼዝ ፐቲ አላዛራ ግንትንትዝ ማንቃይ የ ዱረ አꬃይ ባለ ዶግንቲ አቴዛይ የዛ።
LUK 16:21 ናየፕ ደንዴዛይድ ዱረ አꬃይ ሌማተፕ ዎꬍዝ ጉፋ ማዳይስ አሞትታር የዛ። ሀራ አቶዝን፥ ካንታይ ይኢ ኤ ማዶꬃ ላእዛ።
LUK 16:22 «የ ማንቃይ Ꮊይቄዛ፤ ኪታንችታይ ኤዛ አፍራመ ክኦ ካንጌዛ። ማ ዱረ አꬃይካ Ꮊይቂ ሞግንቴዛ።
LUK 16:23 ስኦለ ኡንእንቲ የዝታር ꬎቅ ግ ሃኮር አፍራመኔ ኤ ክኦ የዝ አላዛራ በኤዛ።
LUK 16:24 ኤ፥ ‹አዳዮ አፍራመ፥ ታስ ቃꬍንቶየ፤ Ꮊ ላꬅ ታማይ ጋንጨ ኤጽታር የዝ ግሾስ አላዛረ ፋ ብራ ጼራቶ ሃꬃ ዳኪ ታ እራንꬃቶ ላክꬆድ ጋርክ ሀያና ኤዛ ዳኮየ› ዬጊ ኡኬዛ።
LUK 16:25 «ዝን አፍራመ ኤዝኮ፥ ‹ታ ናአዮ፥ ነ ሳአ የሳይድ ሎኦ ባዝ ኤኬዛናኔ፥ ማ አላዛረ ኢታ ባዝ ኤኬዛና አካኮባ። ዝን Ꮊት ኤ Ꮊይዳ ኡፋይትዛ፥ ማ ኔኒ ዋይታር የዛ› ዬጌዛ።
LUK 16:26 Ꮊ ኡባፕ ኣꬊ፥ ‹Ꮊይፐ ይንትኮ፥ ይንፐ Ꮊና ኑኮ ኣꬎዳይስ ኮይዝታይ ፒንጋም ጋርክ ኑስኔ ይንትስ ጋንጨ ዳማ ጋጋ የዛ› ዬጌዛ።
LUK 16:27 «ዱረ አꬃይ፥ ‹ታ አዳዮ፥ ዬዛኮ አላዛራ ታ አዳይ ካራ ኪቶድ ጋርክ ታ ነና ዎስዛ።
LUK 16:28 ታስ እችን እሽታይ የዛ፥ ኡንትካ Ꮊ መቶ አቃ የአማይ ጋርክ ኡንትስ Ꮊንጊ ማርካቶ› ዬጌዛ።
LUK 16:29 «ዝን አፍራመ፥ ‹ኡንትስ ሙሰራኔ ናብታይር የዛ፤ ኡንቲ ኦዴዝ ባዝ ስኦ› ዬጌዛ።
LUK 16:30 «ዱረ አꬃይ፥ ‹አዳዮ አፍራመ፥ የይ ጋርክ ባያ፤ ፐቲ አሲ Ꮊይቆፕ ደንዲ Ꮊንግኮ ኡንቲ ማሮትꬅ ገሎዳ› ዬጌዛ።
LUK 16:31 «አፍራመ፥ ‹ሙሰኔ ናብታ ስአም እጽኮ፥ ሀራ አቶዝን Ꮊይቆፕ ፐቲ አሲ ደንዲ ኦድኮካ አማነና› ዬጌዛ።»
LUK 17:1 የሱሳ ፋ ታማርታይኮ፥ «አስ ꬉብꬂ ናጋራ ገልስዛባዝ ይእꬃይ አተና። ማቆዝን፥ ናጋራ ገሎድ ጋርክ ኦꬅዛ አꬃይ አየ» ዬጌዛ።
LUK 17:2 የ አꬃይ ጽቅታይፕ ፐታ ባልꬆዳይፕ ዎጻ ፋ ቆል አጪ አባ ጋንጨ ቅትኮ ኤዝስ ሎኦ።
LUK 17:3 የይ ግሾስ ናግንቶይታ። «ነ እሻይ ናጋራ ኦꬅኮ ካጮባ፤ ቂራꬊ ማሮትꬃር ማቅኮ፥ ኤዝስ አቶ ጎባ።
LUK 17:4 ፐቲ ጋላስ ላፑን ቶኬ ቆህ፥ ላፑን ቶኬ፥ ‹ታኒ ታ ቡታ ኤሬዛ ታና ማሮባ› ዬጊ ይእኮ ኤዝስ አቶ ጎባ።»
LUK 17:5 ሀዋርታይ ጎዳይኮ፥ «አማኖ ኑስ ጉጆየ» ዬጌዛ።
LUK 17:6 ጎዳይ፥ «ሳናፍጨ ኣፈ ጋርክ አማኖ ይንትስ የዝኮ ‹Ꮊ ዋላ ሾድንቲ አባ ጋንጨ ቱክንቶባ› ዬግኮ ይንትስ ኪትንቶዳ» ዬጌዛ።
LUK 17:7 ጉጅካ የሱሳ፥ «ይ ጋንጨፐ ፐታይስ ዎትዛ ዎይ ዱረ ሄንግዝ አይለ የዝኮ ኦሶ ጋደፕ ዎይ ዉደፕ ካራ ማቃዳር ‹ኤለ ካꬃ ማዳይስ Ꮊና ይኢ በቶባ› ዬግዛይ የኔ?
LUK 17:8 ባያ፥ ‹ታስ ካሆ ጊግሶባ፤ ታ ም፥ ኡዢ አሾድ ጋꬆ ኤቂ ሙዞባ። የይፕ ጉየ፥ ነ ማ ማዳኔ ኡዦዳ› ዬግንባሳ?
LUK 17:9 ይኬ ጎዳይ አይላይ ኪታ ፖሌዝ ግሾስ አንጅኔ?
LUK 17:10 የይ ግሾስ፥ ይንትካ ኪታ ኡብታ ፖሌዝ ዎደ ‹ኑ ፓꬆዋ አይልታይ፤ ኦꬆዳይስ ቤዝዛ ኦሶ ፖሌዛ› ዬጎይታ» ዬጌዛ።
LUK 17:11 የሱሳ የሩሳላመ Ꮊንግታር ሳማረስኔ ጋልላ ቢታስ ጋንጨር ቆእ ኣꬌዛ።
LUK 17:12 ፐቲ ሄራ ገሎዳር ቦርቆንቶ ሀርገር አይክንቴዝ ታጲ አስታይ ኤዛና ደንጌዛ። ኡንትካ ሃኮ ኤቂ፥
LUK 17:13 «ጎዳ የሱሳ፥ ኑስ ቃꬍንቶየ» ዬጊ ኡኬዛ።
LUK 17:14 ኤ ኡንታን ብኢ «Ꮊንጊ ይ ጋላ አይሁድታይ ቄሰ ቤዞይታ» ዬጌዛ። ኡ ኦገር Ꮊንግታር ጌዤዛ።
LUK 17:15 ኡንታፕ ፐታይ ፋ ጌዥꬃ ብኢ ꬎቅ ጌዝ ቃላር ጾሳ ቦንችታር የሱሳኮ ማቄዛ።
LUK 17:16 ኤዚ ሳማረ ቢታ አስ፥ ዝን የሱሳ ቶካይል አፋ ጹጉኒ ኤዛ ጋላቴዛ።
LUK 17:17 የሱሳ፥ «ጌዤዛይ ታጲ አስታ ባሳ? የዝን፥ ኡዱፉንታይ አባ የኔ?
LUK 17:18 Ꮊ አላጋ አꬃይፕ አትን ሀራ ማቂ ጾሳ ጋላትዛ አስ በንተካያ» ዬጌዛ።
LUK 17:19 አꬃይኮ፥ «ነ አማናይ ነና ጌሼዛ፤ ደንዲ ቅቶባ» ዬጌዛ።
LUK 17:20 ፈርሳወ አስታይ፥ «ጾስ ካተትꬃይ አይደ የኦዴ?» ግ የሱሳና ኦይጬዛ። ኤ፥ «ጾስ ካተትꬃይ ናጎር የኦያ።
LUK 17:21 ማካ እዞ፥ ‹Ꮊኔ ዎይ ይነ ዬጎዳይስ ዳንዳኦያ። አብስ ጊኮ ጾስ ካተትꬃይ ይ ጋንጨ የዛ› » ዬጊ ማሄዛ።
LUK 17:22 የሱሳ ፋ ታማርታይኮ፥ «አስ ናአይ ጋላስታይፕ ፐታ በአዳይስ ይ አሞትዝ ዎዳይ የኦዳ፥ ዝን ይ በአሚ።
LUK 17:23 አሳይ፥ ‹ኤ የይድ የዛ› ዎይ፥ ‹Ꮊይዳ የዛ› ዬጎዳ፥ ዝን ኡንታን ካሊ Ꮊንግፓተ።
LUK 17:24 ዜልንꬂ ዜልንጊ ሳሎ ጋጻፕ ጋጻ ፖእስዛይ ጋርክ አስ ናአይ ይእꬅ ጋላሳይ የይ ጋርክ ሀኖዳ።
LUK 17:25 ዝን የይ ሀኖዳይፕ ቲና አስ ናአይ ጋመ ዋዮዳይስኔ Ꮊ የለትꬃይድ እጽንቶዳይስ ቤዝዛ።
LUK 17:26 ኖሄ ዎደ ሀኔዛይ ጋርክ አስ ናአይ ዎዳይዳካ የይ ጋርክ ሀኖዳ።
LUK 17:27 ኖሄ ማርካበ ገሌዝ ቃማ ሄሎዳይስ አሳይ ሚታራኔ ኡዥታር፥ ኤክታራኔ ገልታር የዝን ꬋብስዛ ሃꬃይ ይኢ ኡብታ ꬋብሴዛ።
LUK 17:28 ሎጸ ላይꬃካ የይ ጋርክ ሀኔዛ። አሳይ ሚታራኔ ኡዥታር፥ ዎንግታራኔ ባይዝታር፥ ቱክታራኔ ኬጽታር፥ ጋምኤዛ።
LUK 17:29 ሎጸ ሶዶማፐ ከዜዝ ጋላስ ዲነ ግንትንትዝ ጹግዝ ታማ ሳሎፕ ቡኪ ኡባ ባዝ ꬋብሴዛ።
LUK 17:30 አስ ናአይ በንትዝ ዎደካ የይ ጋርክ ሀኖዳ።
LUK 17:31 «የ ጋላስ ኦንካ ባለ የዛይ ኬꬃል የዛይካ ጋንጨ የዝ ባዝ ኤኮዳይስ ካራ ገልፐ። የይ ጋርከ፥ ጋደ የዝ አሲ አብስካ ካራ ማቅፐ።
LUK 17:32 ሎጸ ማቻቶ አካኮይታ፤
LUK 17:33 ፋ ሸምፓቶ አሾዳይስ ኮይዝ አሲ ኦንካ ꬋብሶዳ፤ ፋ ሸምፓቶ ኣꬂ እንግዝ ኦንካ አሾዳ።
LUK 17:34 ታ ይንትስ ኦድዛ፤ የ ጋላስ ናምኢ አሳይ ፐቲ አርሳል ዎይአዳ። ፐታይ ኤክንቶዳ፥ Ꮊንካይ አቶዳ።
LUK 17:35 ናምኢ ማችታይ ዎላ ጋጮዳር ፐታት ኤክንቶዳ፥ Ꮊንካት አቶዳ።
LUK 17:36 [ናምኢ አሳይ ዎላ ጋደ ዎትዝታይፕ ፐታይ ኤክንቶዳ፥ Ꮊንካይ አቶዳ» ዬጌዛ።]
LUK 17:37 ኡንቲ፥ «ጎዳዮ አና ኤክንቶዴ?» ዬጊ ኦይጬዛ። ኤ፥ «ጋዉጻ የዝ በሳ አንኮ ሺቅዛ» ዬጌዛ።
LUK 18:1 የሱሳ ፋ ታማርታ አዛለካ ኡባ ዎደ ዎሶድ ጋርክ ታማርሶዳይስ ኮዢ ዬጊ ኣዝሶ ኦዴዛ፦
LUK 18:2 «ፐቲ ካታማ ጾስስ ያሽቶዋ አስስካ ዬላቶዋ ፐቲ ዳይናይ የዛ
LUK 18:3 የ ካታማ ጋንጨ ፐቲ አምአት የዛ። እዛካ፥ ‹ታስኔ ታ ሞርካይ ጋንጨ የዝ ሞታ ፕርዶባ› ዬጊ ኡባ ዎደ የ ዳይናካ ዳቡርስዛ።
LUK 18:4 ዳይናይ ጽቃ ዎደስ እ ኦዳ ስአም እጼዛ፥ ዝን ጉየፕ ፋ ዎዝናር ቆፕ፥ ‹ታኒ ጾስስ ያሽታም፥ አስስ ዬላታም እጽኮካ፥
LUK 18:5 Ꮊ አምአት ታና ኡባ ዎደ ዋይꬅዛ ግሾስ እዝስ ፕርዶዳ፤ ዬጊ ቆፔዛ» ዬጌዛ።
LUK 18:6 ጎዳይካ፥ «ዉጨ ዳይናይ ጌዛና ይ ስኦይታ፤
LUK 18:7 ጾሳይ ቃማኔ ጋላስ ኤዝኮ ኡክዛ ፋ ማራጼዝታይስ ፕርዶሳ? ኡንታን ማዶዳይስ ጋምእኔ?
LUK 18:8 ታ ይንትስ ኦድዛና ስኦይታ፥ ኤልሲ ፕርዶዳ። ማቆዝን፥ አስ ናአይ ይእዛ ዎደ ሳአል አማኖ ደማደሻ?» ዬጌዛ።
LUK 18:9 ማ ማሂ፥ የሱሳ፥ ፋና ጌሻ አስ ጋርክ ኡዲ ጬቅንትዝታይስኔ Ꮊንክታ ቦርዝታይስ Ꮊይ ጋርከ ዬጊ ኣዝሶ ኦዴዛ፦
LUK 18:10 «ናምኢ አስታይ ዎሶዳይስ ጾስ ካራ Ꮊንጌዛ። ፐታይ ፈርሳወ Ꮊንካይ ማ ቃራጸ ጋችስዝ አስ።
LUK 18:11 ፈርሳዋይ ኤቂ ፓስ ዎስታር፥ ‹ጾሳዮ ታኒ Ꮊንክታይ ጋርክ ቦንቂዛ፥ ዡጫኔ ላምዛ አስ፥ ኡባራካ ማ Ꮊ ቃራጸ ጋችስዝ አꬃይ ጋርክ ባ ግሾስ ነና ታ ጋላትዛ።
LUK 18:12 ሳምንታፕ ናምኢ ቶኬ ጾምዛ፥ ታ ደንግዝባዝ ኡባይፕ አስራታ ከስዛ› ዬጌዛ።
LUK 18:13 «ዝን ቃራጸ ጋችስዛይ ማ ሃኮር ኤቂ ሀራ አቶዝን ሳሎ ꬎቅ ግ በአዳይስ ያሽቲ ፋ ትራ ቆጽታር ‹ጾሳዮ፥ ታና ናጋራንቻና ማሮየ› ዬጊ ዎሴዛ።
LUK 18:14 ታ ይንትስ ኦድዛና ስኦይታ፤ ፈርሳዋይ Ꮊይ ቃራጸ ጋችስዛይ ጾስ ቲና ጌሽ ማቂ ፋ ካራ ማቄዛ። አብስ ጊኮ፥ ፋና ꬎቅ ꬎቅ ኡድዛ አስ ካዉዦዳ፥ ፋና ካዉሽዛ አስ ꬎቅ ꬎቅ ጎዳ» ዬጌዛ።
LUK 18:15 የሱሳ ዱደ ናእታይል አፋ ፋ ኩሻ ጋዲ አንጆዳይ ጋርክ አሳይ ኤኮ ክእዛ። የሱሳ ታማርታይ የያ ብኢ አብስ የሱሳኮ ክእኔ ዬጊ ካጬዛ።
LUK 18:16 ዝን የሱሳ ናእታ ፋኮ ጼጊ፥ «ናእታይ ታኮ የኦዳና ካይፐቴ፤ የኦ ጎይታ። አብስ ጊኮ፥ ጾስ ካተትꬃይ Ꮊይትታይ ጋርክ ሀኔዝታይስ።
LUK 18:17 ታ ይንትስ ቱሮ ኦድዛ፤ ጾስ ካተትꬃ ዱደ ናእታይ ጋርክ ኤኮዛይ ኦንካ ኤዛይድ ገላሚ» ዬጌዛ።
LUK 18:18 አይሁደ ሀላቅታይፕ ፐታይ፥ «ኬሃ አስታማራዮ፥ መꬍና ደኦ ደንጎዳይስ አብ ኦꬆ?» ዬጊ ኦይጬዛ።
LUK 18:19 የሱሳ ኤዝኮ፥ «አብስ ታና ኬሃዮ ዬጊ ጼጌ? ፐቲ ጾሳፕ አትን ሀራ ኬሃ ባያ።
LUK 18:20 ላምፐ፥ ዎꬍፐ፥ ካስትፐ፥ ዎርዶ ማርካትፐ፥ ነ አዳኔ ነ እንዳት ቦንቾባ ዬግዝ አዛዞ ኤርኔ» ዬጊ ኦይጬዛ።
LUK 18:21 አꬃይካ፥ «የይትታ ኡባ ታ ናአትꬃፕ አይኪ ናግታር ጋምኤዛ» ዬጌዛ።
LUK 18:22 የሱሳ የያ ስኢ «ዬዛኮ፥ ኔስ ፐትባዝ ፓጭዛ፤ ኔስ የዝ ባዝ ኡባ ባይዚ ማንቅታይስ እንጎባ፤ ሳሎ ነና ሻሎ ናግዛ። ዬዚ ማቂ ታና ካሎባ» ዬጌዛ።
LUK 18:23 ዝን አꬃይ የያ ስኢ ኤዝስ ጋመ ሻሎ የዛ ግሾስ ኢታ ቂራቴዛ።
LUK 18:24 የሱሳ አꬃ ብኢ፥ «ዱረ አስስ ጾስ ካተትꬅ ገሎ ዋይዚ ኡንኦደሻ!
LUK 18:25 ዱረ ጾስ ካተትꬃ ገሎዳይፐ ግማለ ናርፐ ሉኮር ኣꬍዛይ ሻዉክዛ» ዬጌዛ።
LUK 18:26 የያ ስኤዝ አስታይ፥ «የያ ማቅኮ ኦ አቶዴ!» ዬጌዛ።
LUK 18:27 የሱሳ፥ «አስስ ዳንዳእንቶዋ ባዝ ጾስስ ዳንዳእንትዛ» ዬጌዛ።
LUK 18:28 ጵጽሮሳ፥ «ዬዛኮ ኑ ኑባዝ ኡባ አሺ ነና ካሌዛ» ዬጌዛ።
LUK 18:29 «የሱሳ ቱማ ታ ይንትስ ኦድዛ፤ ጾስ ካተትꬃይስ ግ ፋ ካራ ዎይ ፋ ማቻቶ ዎይ ፋ እሽታ ዎይ ፋ አዳኔ ፋ እንዳት ዎይ ፋ ናእታ አሼዛይ፤
LUK 18:30 Ꮊ ዎዳይድ ጋመ ዳኮ፥ የኦድ አላማይድ መꬍና ደኦ ኤኮዛይ ኦንካ ባያ» ዬጌዛ።
LUK 18:31 የሱሳ ታጶ ናምእታ ፋኮ ጼጊ፥ «አን የሩሳላመ ዎላ Ꮊማዳ፥ ናብታይ አስ ናአይ ባጋ ጻፌዝባዝ ኡቢታይ ኤዛይድ ፖልንቶዳ።
LUK 18:32 ኤ አይሁደ ባ አሳይስ ኣꬊ እንግንቶዳ። ኡ ኤዛ ቶቾዳ፥ ጫዦዳኔ ኤዛል አፋ ጩቶዳ።
LUK 18:33 ኤዛ ጋራፌዛይፕ ጉየ ዎꬎዳ፥ ዝን ሃይꬓንꬆ ጋላስ ኤ Ꮊይቆፕ ደንዶዳ» ዬጌዛ።
LUK 18:34 ዝን ኤ ታማርታይ ያ ኡባይፕ ፐትባዝካ አካኬካያ። ኤ ጹራይ ኡንትስ ቆስንቴዝ ግሾስ ኤ ዋጌዛኮ ኤረካያ።
LUK 18:35 የሱሳ ኢያርኮ ኡኮዳር ፐቲ ቶአ አꬃይ ኦገ ጋጻ በቲ ዎስዛ።
LUK 18:36 ቶአ አꬃይ አስታይ የ አቃይር ኣꬎዳር ስኢ፥ «የይ አባ?» ግ ኦይጬዛ።
LUK 18:37 ኡ፥ «ናዝረተ የሱሳ Ꮊይር ኣꬍዛ» ዬጌዛ።
LUK 18:38 ኤ፥ «ዳዉተ ናአዮ፥ የሱሳ፥ ታና ማሮየ» ዬጊ ኡኬዛ።
LUK 18:39 ቲን ቲን Ꮊንግዝታይ፥ «ሀይዞባ» ግ ቆዴዛ። ዝን ኤ፥ «ዳዉተ ናአዮ፥ ታና ማሮየ» ዬጊ ዳርሲ ኡኬዛ።
LUK 18:40 የሱሳ ኤቂ አꬃ ፋኮ ኮኦድ ጋርክ ኪቴዛ። አꬃይካ፥ ኤኮ ሺቅን፥
LUK 18:41 «ታ ኔስ አብ ኡዶድ ጋርክ ኮዬ?» ዬጊ ኦይጬዛ። ቶአይ፥ «ጎዳዮ ታ በአዳይስ ኮይዛ» ዬጌዛ።
LUK 18:42 የሱሳ፥ «ቦኦባ፥ ነ አማናይ ነና ፓꬄዛ» ዬጌዛ።
LUK 18:43 አꬃይ እዝር ብኢ አቴዛ። ጾሳ ቦንችታር የሱሳ ካሌዛ። አስ ኡባይ የያ ብኢ ጾሳ ጋላቴዛ።
LUK 19:1 የሱሳ ኢያርኮ ገሊ ኣꬍዛ።
LUK 19:2 ኤዛይድ ዛኮሳ ግንትንትዝ ቃራጸ ጋችስዝታይ ሀላቃይ የዛ። ኤ ጋመ ዱረ።
LUK 19:3 ኤ የሱሳ ኣያዛኮ በአዳይስ ኮዬዛ። ኤ ሃታ ማቄዝ ግሾስ አስ ዳሮትꬃይፕ ደንዴዛይድ የሱሳ በአዳይስ ዳንዳኤካያ።
LUK 19:4 የሱሳና በአዳይስ ኮዢ ኤ Ꮊንግዛ ኦጋይስ ቲና ዎጺ Ꮊንጊ ፐቲ ጋሳረ ምꬃል አፋ ከዜዝ።
LUK 19:5 የሱሳ የ አቃ ሄልታር ꬎቅ ግ ብኢ፥ «ዛኮሳ፥ Ꮊይኖ ታ ነ ካራ ፔዦዳይስ ቤዝዛ ግሾስ ኤልꬂ ዎꬎባ» ዬጌዛ።
LUK 19:6 ኤ ኤልሲ ዎꬊ ኡፋይሳር የሱሳና ሞኬዛ።
LUK 19:7 የ አቃይድ የዝ አስ ኡባይ የያ ብኢ፥ «ናጋራንቾ ካራ ገሊ ሞክንቶዳይስ ሀንዛ» ዬጊ ዝግሬዛ።
LUK 19:8 ማቆዝን፥ ዛኮሳ ኤቂ ጎዳይኮ፥ «ጎዳዮ፥ ዬዛኮ ታስ የዝ ሻሎ ኡባይፕ ባጋ ማንቅታይስ እማዳ። አሳፕ አብካ ዎርዶር ባልꬂ ኤኬዝባዝ ማቅኮ ኦይዲ ኩሸ ማሆዳ» ዬጌዛ።
LUK 19:9 የሱሳ ማ፥ «Ꮊ አꬃይ አፍራመ ናአ ማቄዝ ግሾስ Ꮊይኖ አቶትꬅ Ꮊ ካራ የኤዛ።
LUK 19:10 አስ ናአይ የኤዛይ ꬋቤዛና ኮዮዳይስኔ አሾዳይስ» ዬጌዛ።
LUK 19:11 አሳይ የያ ስእታር የዝን የሱሳ የሩሳላመ ኡኬዝ ግሾስ ጾሳ ካተትꬃይ Ꮊት ኡኬዛ ኣዜዝ ግሾስ ኡንትስ ኣዝሶ ኦዴዛ።
LUK 19:12 የይ ግሾስ፥ የሱሳ፥ «ፐቲ ዳማ አሲ የዛይ ፋስ ካተትꬂ ማዉተ ኤኪ የኦዳይስ ሀራ ቢታ Ꮊንጌዛ።
LUK 19:13 ኤዝስ ኦꬅዝ አይልታይፕ ታጵታ ጼጊ ታጲ ምናኔ እንጊ ‹ታ ማቂ የኦድ ጋꬆ Ꮊ ሚሻይር ዛልኦይታ› ዬጌዛ።
LUK 19:14 «የ ጋደ አሳይ ኤዛ እጽዛ ግሾስ Ꮊ አꬃይ ኑል አፋ ካዉቶዳይ ጋርክ ኑ ኮዮያ ዬጊ አስ ኤ ጉየር ኪቴዛ።
LUK 19:15 «ማቆዝን፥ የ አꬃይ ካት ማቂ ፋ ቢታ ማቄዛ። የ ታጲ አይልታይ ኤ እንጌዝ ሚሻይር አብ ጋርክ ዛልእ ዎꬍሴዛኮ ኤሮዳይስ ኮዢ ኡንታን ጼግሴዛ።
LUK 19:16 «ቲናይ ይኢ፥ ‹ጎዳዮ፥ ነ ታስ እንጌዝ ሚሻይል ሀራ ታጶ ዎꬍሴዛ› ዬጌዛ።
LUK 19:17 «ኤ ጎዳይ፥ ‹ነኖ አማንንትዛ አይላዮ ነ ሎኦ ኦꬄዛ። ኔኒ ጽቃ ባዛል አማንንትዛ ግሾስ ኔስ ታጲ ካታምታይል አፋ ማዉተ እንጌዛ› ዬጌዛ።
LUK 19:18 «ናምአንꬃይካ ይኢ፥ ‹ጎዳዮ፥ ነ ታስ እንጌዝ ሚሻይ ሀራ እችን ዎꬌዛ› ዬጌዛ።
LUK 19:19 «ጎዳይ ኤዝኮ፥ ‹ነስካ ማ እችን ካታምታይል አፋ ማዉተ እንጌዛ› ዬጌዛ።
LUK 19:20 «ዬዛኮ ሃꬓንꬃይ ይኢ፥ ‹ጎዳዮ፥ ታ ቃንጾር ጻጺ ናጌዝ ነ ሚሽታ Ꮊናሾ።
LUK 19:21 አብስ ጊኮ፥ ነ ጋደካ ባዝ ኤክዛናኔ ነ ዘረካባዝ ማጽዝ ኢታ አስ ማቅዝ ግሾስ ኔስ ታ ያሽቴዛ› ዬጌዛ።
LUK 19:22 «ኤ ጎዳይ ማሂ፥ ‹ነኖ ኢታ አይላዮ ነ ዶናቲ ጋርክ ታ ነና ፕርዶዳ። ታ ጋደካ ባዝ ኤክዛናኔ ዘረካባዝ ማጽዝ ኢታ አስ ማቄዛ ነ ኤርኮ፥
LUK 19:23 ታ ይኢ ታ ሚሻ ዎር ኤኮድ ጋርክ ዛልእዛ አስስ አብስ እንገካሳ?›
LUK 19:24 «ኤ ጎዳይ የ አቃይድ ኤቄዛይኮ፥ ‹ኤዛር የዝ ሚሻ ኤኪ ታጶ ዎꬍሴዛይስ እንጎይታ› ዬጌዛ።
LUK 19:25 «ኡንቲ፥ ‹ጎዳዮ፥ ኤዝስ ብንካ ታጲ ምናናይ የዛ› ዬጌዛ።
LUK 19:26 «ጎዳይ፥ ታ ይንትስ ኦድዛ፤ ‹የዛ ኡባይስ ሀራ ጉዥንቶዳ፥ ዝን ባዛይፕ ሀራይ አቶ ኤዝስ የዛናካ ኤክንቶዳ።
LUK 19:27 ማቆዝን፥ ታ ኡንታል አፋ ካዉታማይ ጋርክ ኮዬዝታ የ ታ ሞርክታ Ꮊና ታ ቲና ክኢ ዎꬎይታ› ጌዛ» ዬጌዛ።
LUK 19:28 የሱሳ የያ ኦዴዛይፕ ጉየ ኡንታፕ ቲና ኣꬊ የꬍታር የሩሳላመ Ꮊንጌዛ።
LUK 19:29 ደብሬዘይተ አምባል አፋ የዝ ቤተፋገኔ ብታና ኡክታር ፋ ታማርታይፕ ናምእታ ዬጊ ኪቴዛ፦
LUK 19:30 «ይ ቲና የዝ ሄራ Ꮊንጎይታ፥ ይ እዘ ሄሎዳር ኦንካ ቶግበኤካ አጭንቲ የዝ ሀረ ናአ ይ ደማዳ። ኤዛ ብሊ Ꮊና ኤኪ የኦይታ።
LUK 19:31 ኦንካ፥ ‹አብስ ብሌ?› ግ ኦይጭኮ፥ ‹ጎዳይ ኤዛ ኮይዛ› ዬጎይታ» ዬጌዛ።
LUK 19:32 ኪትንቴዝታይ Ꮊንጊ ኤ ጌዛይ ጋርክ ሀንን በኤዛ።
LUK 19:33 ኡንትካ ሀረ ናአ ብሎዳር ጎድታይ ብኢ፥ «ሀረ ናአ አብስ ብሌ?» ዬጌዛ።
LUK 19:34 ኡንቲ ማሂ፥ «ጎዳይስ ኤ ኮሽዛ» ዬጌዛ።
LUK 19:35 ኤዛይፕ ሀረ ናአ የሱሳኮ ከኤዛ። ፋ አፍላ ሀረ ናአይ ዞካይል ህጺ የሱሳና ቶግሴዛ።
LUK 19:36 አሳይካ ኤ Ꮊንግዛ ኦጋይል አፋ ፋ አፍላ ሂጼዛ።
LUK 19:37 ደብሬዘይተ ደረል ሱለꬅ የሩሳላመ ዎꬍስዝ ኦገኮ ኡኮዳር ታይቦር ጋመ አሳይ ኡንቲ በኤዝ ማላታይስ ኡፋይቲ ፋ ቃላ ꬎቅ ኡዲ፥ ጾሳ ጋላታ አይኬዛ።
LUK 19:38 «ጎዳይ ሱንꬃር ይእዛ ካታይ አንጅንቴዛያ ሳሎ ሳሮ፥ ኡባፕ ꬎቀ ሳሎ ቦንቾ፥ ጾሳይስ ማቆ» ዬጊ ጾሳ ጋላቴዛ።
LUK 19:39 አሳይ ጋንጨፐ ፐቲ ፐቲ ፈርሳወ አሳይ የሱሳኮ፥ «አስታማራዮ፥ ነ ታማርታ ሀይዝሶባ» ዬጌዛ።
LUK 19:40 ኤ ኡንትኮ፥ «ኡንቲ ስኤ ጊኮ ሹችታይ ኡኮዳ» ዬጌዛ።
LUK 19:41 የሱሳ የሩሳላመ ኡክታር ካታማ ብኢ እዝስ ዬኬዛ።
LUK 19:42 «ነ ሳራይስ ማቃዳና Ꮊይኖ ነ ኤረካያ፥ Ꮊተካ ነ ኣፋይፕ ቆስንቴዛ።
LUK 19:43 ነ ሞርክታይ ነ ካላ ጋሲ ፋ ኦገር ኦገር ነና ማር ኡንእꬅዛ ዎደ የኦዳ።
LUK 19:44 ነናኔ ነ ጋሰ ግዶ የዝ ነ ናእታ ꬋብሶዳ። ፐቲ ፐቲ ሹች ደንꬂ ላሎዳ፥ አብስ ጊኮ ጾሳይ ነና አሾዳይስ ይእዝ ዎዳ ነ ኤረካዛይ ግሾስ» ዬጊ እዝስ ዬኬዛ።
LUK 19:45 የይፐ ጉየ፥ የሱሳ ጾሳ ኬꬅ ገሊ ዛልእዝታ ኤዛይፕ ባይኤዛ።
LUK 19:46 ማ፥ «‹ታ ኬꬃይ ጾሳ ዎስዛ ኬꬅ ማቃዳ› ግ ጻፍንቴዛ፥ ዝን ይ ታ ኬꬃ ፓንታይ ኮምኦ ኡዴዛ» ዬጌዛ።
LUK 19:47 ጋላስ ጋላስ ጾሳ ኬꬃ ታማርስዛ። ቄሰ ሀላቅታይ፥ ህገ አስታማርታይኔ ጋደ ጭምታይ ኤዛ ዎꬎዳይስ ኦገ ኮይዛ።
LUK 19:48 ማቆዝን፥ አሲ ኡባይ ኤ ትምርታ ፋ ዎዝናስ ኣꬂ ስእዝ ግሾስ ኡንትስ ኦꬆድ ባዝ ꬋቤዛ።
LUK 20:1 ፐቲ ጋላስ የሱሳ ጾሳ ኬꬅ ጋንጨ አሳ ታማርሶዳራኔ ዎንግለ ማርካቶዳር፥ ቄሰ ሀላቅታይ፥ ህገ አስታማርታይኔ ጋደ ጭምታይ ዎላ ኤዝኮ ይኢ፥
LUK 20:2 «ነ Ꮊይትታ አባ ማዉተር ኦꬅዛኮ ኑስ ኦዶባ። Ꮊ ማዉታ ኔስ እንጌዛይ ኦኖ?» ዬጊ ኦይጬዛ።
LUK 20:3 ኤ ኡንትኮ፥ «ታካ ይንታን ፐትባዝ ኦይጮዳ፥ አን ታስ ማሆይታ።
LUK 20:4 ጻማቅዛ ዋንሳ ጽንቃታይ ጾሳፐነ አሳፔ?» ዬጌዛ።
LUK 20:5 ኡ ዎል ጋንጨ ዬጊ ቶቤዛ፦ «ጾሳፕ ጊኮ የዝን፥ አብስ አማነካሳ?» ዬጎዳ።
LUK 20:6 «አሳፕ ጊኮ፥ አሲ ኡባይ ዋንሳ ናበ ማቅዛና አማንዛ ግሾስ ኑና ሹቻር ሾጮዳ።»
LUK 20:7 የይ ግሾስ፥ «አናፐዛኮ ኑ ኤሮያ» ዬጊ ማሄዛ።
LUK 20:8 የሱሳ ማሂ፥ «ይኬ፥ ታካ አባ ማዉተር Ꮊይትታ ኦꬅዛኮ ይንትስ ኦዳሚ» ዬጌዛ።
LUK 20:9 የይፕ ጉየ፥ የሱሳ ዬጊ Ꮊ ኣዝሳ አሳይስ ኦዴዛ፦ «ፐቲ አሲ ዎይነ ቱኬዛ። ዎትዝታይስ ማታየ እንጊ ጋመ ዎደ ጋምኢ የኦዳይስ ሀራ ጋደ Ꮊንጌዛ።
LUK 20:10 ዎይነ ኣፋ ማጽዛ ዎዳይ ሄልን ዎይነ ኣፋይፕ ኤዝስ ዳኮድ ጋርክ ቢታ ዎትዝታይኮ ፋ አይላ ኪቴዛ። ዝን ዎትዝታይ የ አይላ አይኪ Ꮊꬊ ካሎ ኩሸ ዳኬዛ።
LUK 20:11 ማ ማቅካ ሀራ አይላ ኪቴዛ። ማ ቢታ ዎትዝታይ ኤዛ Ꮊꬊ፥ ቶቺ ካሎ ኩሸ ዳኬዛ።
LUK 20:12 Ꮊተካ ማሂ ሃይꬓንꬆ አይላ ኪቴዛ። ዎትዝታይ ኤዛካ Ꮊꬊ ማዱንꬂ ዎይኔ ጋንጫይፕ ጋጻ ከሲ ኦሌዛ።
LUK 20:13 «ዎይነ ጎዳይ፥ ‹የዝን ታ አብ ኦꬆ? አን ማ ታ ቃꬍዛ ታ ናአ ዳኮዳ፤ ኦኒ ኤሬ ኡ ኤዛ ቦንቼካ አሻሚ› ዬጌዛ።
LUK 20:14 «ዝን ቢታ ዎትዝታይ አꬃይ ናአ ብኢ ‹Ꮊይ ኤዛ ላቶዳያ፥ Ꮊና የኦይታ ኤዛ ዎላ ዎꬎዳ፥ ዬዝኮ ላታይ ኑስ ማቃዳ› ዬጊ ቶቤዛ።
LUK 20:15 ዎይነ ጋንጨፕ ጋጻ ከሲ ዎꬌዛ። የዝን፥ ዎይነ ጎዳይ የ አስታ ዋይሳዴ?
LUK 20:16 ይኢ የ ቢታ ዎትዙንꬃን ዎꬎዳ፥ ዎይነ ጋዳና ሀራ አሳይስ እማዳ። አሳይ የያ ስኤዝ ዎደ ‹ሽንቻለ የይ ጋርክ ባዝ ሀንፔ» ዬጌዛ።
LUK 20:17 የሱሳ ኡንታን ዳኪ ብኢ፥ «የዝን ‹ግምበ ኬጽዛ አሳይ ቦሬዝ ሹቻይ፥ ኬꬅ ሙመር ቶኪ አይክዝ ክርክሮ ጋርክ ኡባፕ አጵዝ ሹች ማቄዛ› ግንትንቲ ጻፍንቴዛይስ ብርሽꬃይ አባ?
LUK 20:18 የ ሹቻይል አፋ ዎꬍዝ ኡባይ ጋጭንቶዳ፥ ሹቻይ ኤዛል አፋ ዎꬍዝ ኡቢታይካ ጋጭንቶዳ» ዬጌዛ።
LUK 20:19 ህገ አስታማርታይኔ ቄሰ ሀላቅታይ Ꮊ ኣዝሳይ ኦድንቴዛይ ኡንታል አፋ ማቄዛና ኤሪ የ ዎደ ኤዛ አይኮዳይስ ኮዬዛ፥ ዝን ዎያይስ ያሽቴዛ።
LUK 20:20 የይ ግሾስ፥ የሱሳ ጋደ አቅስዛ ኦሮመ ካታይስ ኣꬂ እማዳይስ ኮዪ ኤ ዶናፕ ቡታ ቃላ ናግዛ። የያ ፖልሶዳይስ ጌሽ አስ ኣዚ ቆህዝ አስታ ኤዝኮ ኪቴዛ።
LUK 20:21 ኪትንቲ Ꮊንጌዝ አሳይ፥ «አስታማራዮ፥ ኔኒ ኦድዛይኔ ታማርስዛይ ልከ ማቄዛ፥ ማ ጾስ ኦገ ቱማትꬃር ታማርስዛኔ ኦናካ ሻኮዛና ኑ ኤርዛ።
LUK 20:22 ሀኖ ዝን፥ ኦሮመ ካታይስ ጊራ ጊሮዳይስ ቤዝነኔ ቤዞሳ?» ዬጊ ኤዛ ኦይጬዛ።
LUK 20:23 ዝን ኤ ኡ ዎዛና ኢታትꬃ ኤሬዝ ግሾስ
LUK 20:24 «አን ታና ፐቲ ሳንተ ቤዞይታ፥ ኤዛል አፋር የዝ ምስላይኔ ሱንꬃይ ኦ ባዞ?» ዬጌዛ። ኡ ማሂ፥ «ቄሳሬሲ» ዬጌዛ።
LUK 20:25 ኤ ማሂ፥ «ዬዛኮ፥ ቄሳሬሳ ቄሳረስ፥ ጾሲሳ ጾስስ እንጎይታ» ዬጌዛ።
LUK 20:26 የይ ግሾስ፥ ኤ ማሄዝ ማልሳይፕ ዎያይ ቲና ቡታ ደንጎዳይስ ዳንዳኤካያ። ኡ ኤ ማህዝ ማልሳ ማላባዝ ግ ስኤ ጌዛ።
LUK 20:27 Ꮊይቆፕ ደንዶ ባያ ዬግዝ ሳዱቃውታይፐ ፐታይ ፐታይ የሱሳኮ ይኢ፥
LUK 20:28 «አስታማራዮ፥ ፐቲ አሲ ማቾ ኤኪ ናአ የለካዛር Ꮊይቅኮ፥ ኤ እሻይ የ ማቻቶ ኤኪ ናእታ የሊ ፋ እሻይስ ኮቺ አሾዳይ ጋርክ ሙሰ ጻፌዛ።
LUK 20:29 ዬዛኮ ላፑን እሽታይ የዛ። ባይራይ ማቾ ኤኪ ናአ የለካዛር Ꮊይቄዛ።
LUK 20:30 ኤ ካላይ እዞ ኤኪ ናአ የለካዛር Ꮊይቄዛ።
LUK 20:31 ሃይꬓንꬃይካ የይ ጋርክ ሀኔዛ። ላፑንታይ ኡባይ Ꮊይ ጋርክ ሀኒ እዞ ኤኬዛ፥ ዝን ናአ የለካዛር Ꮊይቄዛ።
LUK 20:32 ዉርስꬃል አስታካ Ꮊይቄዛ።
LUK 20:33 ይኬ፥ ላፑን እሽታይ እዞ ኤኬዝ ግሾስ Ꮊይቆፕ ደንድዛ ዎደ እዛ ኦ ማቾ ማቃዴ?» ዬጊ ኦይጬዛ።
LUK 20:34 የሱሳ ማሂ፥ «አሳይ Ꮊ አላማይል ኤክዛኔ ገልዛ።
LUK 20:35 ዝን Ꮊይቆፕ ደንዲ የኦድ አላማይል የዞዳይስ በዝዛ አሳይ ኤኮያኔ ገሎያ።
LUK 20:36 ኡንቲ ኪታንቾ ጋርክ ማቅዝ ግሾስ ቲናፕ Ꮊይቀና። Ꮊይቆፕ ደንዴዝ ግሾስ ኡንቲ ጾስ ናእታ።
LUK 20:37 ሙሰ ጎዳና፥ ‹አፍራመ ጎዳ፥ እሳቃ ጎዳ፥ ያይቆባ ጎዳ› ማቂ ቱሻ ዎራ ጋንጨ ጹግዝ ታማ ታርካ ጻፌዛይድ Ꮊይቄዝ አሳይ ደንድዛና ቤዝዛ።
LUK 20:38 ኡባይ ኤዝስ ፓꬅ የዛ ማቅዝ ግሾስ ኤ ፓꬅ የዝታይ ጎዳይፕ አትን Ꮊይቄዝታይ ጎዳ ባያ» ዬጊ ማሄዛ።
LUK 20:39 ህገ አስታማርታይፕ ፐታይ ፐታይ፥ «አስታማራዮ፥ ሎኦ ባዝ ነ ኦዴዛ» ዬጌዛ።
LUK 20:40 የይፐ ጉየ፥ ሀራ ኦይች ኦይጮዳይስ ያሽቴዛ።
LUK 20:41 ኤዛይፕ ማቂ የሱሳ ኡንትኮ፥ «አሳይ ክርስቶሳ ዋይዚ ዳዉተ ናአ ዬጌ?
LUK 20:42 አብስ ጊኮ፥ ዳዉተ ፋ ኡባስ ፋ ማዝሙረ ማጻፋይድ፥ «ጾሳይ ታ ጎዳይኮ ‹ታ ነ ሞርክታ፤ ነ ቶካይ የꬌዝ በሰ ኦꬆድ ጋꬆ፥ ታፕ ኡሻች ባጋር በቶባ› ጌዛ» ዬጌዛ።
LUK 20:44 «ይኬ፥ ዳዉተ ክርስቶሳ፥ ‹ጎዳ ግ ጼግታር ኤዝስ ናአ ዋይዚ ማቄ?› » ዬጌዛ።
LUK 20:45 ዎያ ኡቢታይ ስኦዳር ፋ ታማርታይኮ፥
LUK 20:46 «አዱስ አፍላ ማኢ ዩሸ ዶስዝታይፕ፥ ጋበ ጋንጨ ቦንቾ ሳሮꬆ፥ አይሁድታይ ዎሳ ኬꬃ ቦንቾ ኦይደ፥ ሞክንትዛ ካራካ ቦንቾ አቆ ኮይዝ ህገ አስታማርታይፕ ናግንቶይታ።
LUK 20:47 ኡንትካ አምእታይ ካራ ካሎስዛ፥ ጌሽ አስ ኣዚ አስ ቤዞዳይስ ዎሳ አዱስዛ። ኡ ኢታ ፕርደ ኤኮዳ» ዬጌዛ።
LUK 21:1 ዱረ አሳይ ጾስ ኬꬃ ሙጻታ ሳጽነ ኦሎዳር የሱሳ ꬎቅ ግ አሳ በኤዛ።
LUK 21:2 ማ ፐቲ ማንቆ አምአት ናምኢ ስክና ኦሎዳር ብኢ፥
LUK 21:3 «ታ ይንትስ ቱሮ ኦድዛ፤ Ꮊ ማንቆ አምአት ኡባፕ ኣꬂ እንጌዛ።
LUK 21:4 አብስ ጊኮ፥ Ꮊ አሳይ ኡቢታይ ፋስ የዛ ባዛፕ እንጌዛ፥ ዝን እዛ ፋ ፓጫትፕ፥ ፓስ የዝ አቆ ፐሽ ኡባ እንጌዛ» ዬጌዛ።
LUK 21:5 የሱሳ ታማርታይፕ ፐታይ ፐታይ ጾስ ኬꬃይ ጋመ ሎእዛ ሹቻራኔ አሳይ ጾስስ እንጌዝ እሞታር ሎኤዛና ኦድንትዛ።
LUK 21:6 ዝን የሱሳ፥ «Ꮊ ይ ብእዛ ባዛይ ኡቢታይ ላልንተካዛር፥ ሹች ሹቻል አፋ ግምቢንቴዛይ ጋርክ አታም ዎደ የኦዳ» ዬጌዛ።
LUK 21:7 ኡንትካ፥ «አስታማራዮ፥ Ꮊ ኡቢታይ ሀኖዳይ አይደ? ማ Ꮊይ ሀኖዳይስ ማላይ አባ?» ዬጊ ኦይጬዛ።
LUK 21:8 የሱሳ ዬጊ ኡንትስ ማልሰ እንጌዛ፦ «ባልንታማይ ጋርክ ናግንቶይታ። ጋምታይ፥ ‹ታኒ ክርስቶሳ፥ ዎዳይ ኡኬዛ› ዬግታር ታ ሱንꬃይር የኦዳ፥ ዝን ይ ኡንታን ካልፓተ።
LUK 21:9 ይ ኦላ ባጋኔ ጫቦ ስኤዝ ዎደ ዳጋምፓተ። የይ ቲናቲ ሀኖዳይ አቶዋ ባዝ ማቅዝ ግሾስ ዎደ ዉርስꬃይ ኤልሲ የኦያ» ዬጌዛ።
LUK 21:10 ማካ፥ «ዎያይ ዎያል አፋ፥ ካተትꬃይ ካተትꬃል አፋ ደንዶዳ።
LUK 21:11 ግታ ቢታ ኤንኦ ሀኖዳ፥ ናየኔ ጋዶ ዱማ ዱማ በሳ ዳሮዳ፥ ያሽዝባዝኔ ጋመ ማላትታይ ሳሎፕ በንቶዳ።
LUK 21:12 ዝን Ꮊ ኡባይ ሀኖዳይፕ ቲና ታ ሱንꬃይ ግሾስ ግ አሳይ ይንታን ባይኦዳኔ አይኮዳ። አይሁድታይ ዎሳ ኬꬅ ጋንጨኔ አች ኬꬃ ይንታን ዳኮዳ። ካትታይ ቲናኔ ጋደ አቅስዝታይ ቲና ይንታን ካማዳ።
LUK 21:13 የይካ ታ ባጋ ይ ኡንትስ ማርካቶዳይስ ሎኦ ኦገ ማቃዳ።
LUK 21:14 የይ ግሾስ፥ ይ ኦይጭንትዝ ዎደ ዋጊ ማልሰ እማደ ግ ይ ዎዝናር ኡንእንታም ጋርክ አካኮይታ።
LUK 21:15 አብስ ጊኮ፥ ይ ሞርክታይ ይንታር ኤቅንቶዳይስኔ ፓላሞዳይስ ዳንዳኦዋ ዶናኔ ኤጨትꬂ ታ ይንትስ እማዳ።
LUK 21:16 ሀራ አቶዝን፥ ይንታን የሌዝታይ፥ ይ እሽታይ፥ ይ ዳብታይኔ ላግታይ ይንታን ኣꬂ እማዳ። ይ ጋንጨፕ ፐታ ፐታ ዎꬎዳ።
LUK 21:17 ታ ሱንꬃይ ግሾስ አሲ ኡቢታይ ቲና ይ እጽንቴዝታ ማቃዳ።
LUK 21:18 ዝን ሀራ አቶዝን፥ ይ ጭምባይፐ ፐቲ ብናናካ ꬋበና።
LUK 21:19 ይ፥ ዳንዳአር፥ ይ ሸምፖ አሾዳ።»
LUK 21:20 «የሩሳላመ ካታማይ ዎታዳርታይር ማርንቲ በቴዝን ይ ብእኮ እዝስ ꬋቦ ኡኬዛና ኤሮይታ።
LUK 21:21 የ ዎደ ይሁዳ ግዶ የዝ ኡቢታይ አምባ ጉየ ቆስንቶ፥ ካታማ የዝታይ የይፕ ከዞ፥ ጋጻረ የዝታይ ካታማ ገልፐ።
LUK 21:22 አብስ ጊኮ፥ Ꮊ ጻፍንቴዝባዝ ፖልንቶድ ጋርክ የይ ጾሳይ ኩሸ ከስስ ዎደ።
LUK 21:23 ሳአል አፋ ዳማ መቶ የኦዳ፥ የ ሳአይዳካ አሳል አፋ ጾስ ካቺ የኦዳ። የይ ግሾስ፥ ዎደጸዝታኔ ꬋንꬅዝታ አየ።
LUK 21:24 ኡ ማሻር Ꮊይቃዳ፥ አሲ ኡቢታይ አላጋ ቢታ ድእንቶዳ። አይሁደ ማቀካ አስታ ዎዳይ ፖልንቶድ ጋꬆ የሩሳላመ ኡንታር የꬍንቴዛ ማቃዳ።
LUK 21:25 «አዋ፥ አግናራኔ፥ ጾልንትታይል አፋ ማላትታይ ሀኒ በንቶዳ። አባፐኔ ዙሎ ሾቻይፕ ደንዴዛይድ ቢታል የዝ አሳይ ያሽቲ ኡንእንቶዳ።
LUK 21:26 ሳሎ ዎልቅታይካ ቡቅንቶዳይ ግሾስ አሳይ ያሻራኔ ቢታል አፋ አብ ሀነነሻ ግ ናጎር ፋና ዶጎዳ።
LUK 21:27 የ ዎደ አስ ናአይ ዎልቃራኔ ጋመ ቦንቾ ሻራር የኦዳር ኡ በአዳ።
LUK 21:28 ይ አቶትꬃይ ኡኬዝ ግሾስ Ꮊ ሀንታይ ፖልንቶ አይክዝ ዎደ ጊግንቲ ኤቆይታ፥ ꬎቅ ግ ቦኦይታ» ዬጌዛ።
LUK 21:29 ማ ማቅካ፥ Ꮊይ ጋርክ ግ ኣዝሶ ኦዴዛ፦ «ባላሰ ምꬅኔ ሀራ ምꬂ ኡባ ቦኦይታ።
LUK 21:30 ኡ ሀያይ ፉርጮዳር ቦነ ኡኬዛ ይ ኤርዛ።
LUK 21:31 የይ ጋርክ Ꮊ ሀንታይ ፖልንቶዳር ይ ብእኮ ጾስ ካተትꬃይ ኡኬዛና ኤሮይታ።
LUK 21:32 «ታ ይንትስ ቱሮ ኦድዛ፤ Ꮊ ኡባይ ፖልንቶድ ጋꬆ Ꮊ የለትꬅታይ ኣꬋሚ።
LUK 21:33 ሳሎኔ ሳአ ኣꬎዳ፥ ዝን ታ ቃላይ ኣꬋሚ።
LUK 21:34 «ይኬ፥ ይ ኡሺ ዳሮራኔ፥ ማꬄር የስስ ኡንእንቲ ይ ዎዝናይ አይክንታም ጋርከኔ የ ቃማይ አካኬካዝን ጽኬ ጋርክ ይንታል አፋ ሄላማይ ጋርክ ናግንቶይታ።
LUK 21:35 የ ቃማይ ቢታል የዝ ኡባይል አፋ ሄሊ ጽክሲ አይኮዳ።
LUK 21:36 የይ ግሾስ፥ ይእዛ ኢታይፕ አቶዳይስኔ አስ ናአይ ቲና ኤቆዳይስ ዳንዳኦድ ጋርክ ኡባ ዎደ ሚንጊ ዎሶይታ» ዬጌዛ።
LUK 21:37 ጋላስ ጋላስ የሱሳ ጾስ ኬꬃ ታማርስታር፥ ቃማ ቃማ ደብሬዘይተ አምባል አፋ ከዚ አቅዛ።
LUK 21:38 አሳይ ኡቢታይ ኤዛ ስኦዳይስ ዎንት ጉራ ኤዝኮ ጾሳ ኬꬃ ይእዛ።
LUK 22:1 የ ዎደ ፋዝቃ ዬግንትዝ ቦራ ባለ ኡኬዛ።
LUK 22:2 ቄሰ ሀላቅታይኔ ህገ አስታማርታይ አሳይስ ያሽቴዝ ግሾስ ዋይዚ የሱሳ ፋ ጋንጨፕ ꬋብሶዳዛኮ ኦገ ኮይዛ።
LUK 22:3 ጻላሄ ታጶ ናምእታይፕ ፐታ ማቄዝ አስቆሮንቶ ይሁዳ ግንትንትዛይ ጋንጨ ገሌዛ።
LUK 22:4 ይሁዳ ቄሰ ሀላቅታይኮራ ጾሳ ካራ ናግዝታይስ ሀላቅታይኮ Ꮊንጊ የሱሳ ዋይዚ ኣꬂ እንጎዳዛኮ ኡንታር ማቅንቴዛ።
LUK 22:5 ኡንትካ የይድ ኡፋይቲ ሚሸ እንጎዳይስ ኤዛር ቶቤዛ።
LUK 22:6 ኤዝካ የ ዞራይድ ጊጌዛ። ኡንትስ አሲ ኤረካዝን ኣꬂ እማዳይስ ጊጋ ዎደ ናግታር የዛ።
LUK 22:7 የይፐ ጉየ፥ ፋዝቃ ዱር ሹክንትዛ ቦራ ባለ ሄሌዛ።
LUK 22:8 የሱሳ፥ «ፋዝቃ ካሆ ማዳይ ጋርክ Ꮊንጊ ኑስ ጊግሶይታ» ዬጊ ጵጽሮሳኔ ዋንሳ ኪቴዛ።
LUK 22:9 ኡ፥ «ኑ አባ ጊግሶድ ጋርክ ነ ኮዬ» ዬጊ ኦይጬዛ።
LUK 22:10 ኤ ኡንትኮ፥ «ዬዛኮ ይ ካታማ ገሎዳር ሃꬅ ኦታ ቶኬዝ አꬃይ ይንታን ሄሎዳ። ኤ Ꮊንጊ ገልዛ ካራ ኤዛ ካል ገሎይታ።
LUK 22:11 የ ካራ አዳይኮ አስታማራይ፥ ‹ታ ታ ታማርታይራ ዎላ ፋዝቃ ካሆ ማዳይስ እማꬂ ሸምፕዛ ካራ አባ የኔ? ዬጌዛ› ጎይታ።
LUK 22:12 ኤ ፖቄል አፋ ሂጽንቲ ጊጊ የዝ ዳልገ ክፍለ ይንታን ቤዞዳ፥ ኤዛይድ ማኮይታ» ዬጌዛ።
LUK 22:13 ኡ Ꮊንጊ የሱሳ ጌዛይ ጋርክ ሀንን ደንጌዛ። ፋዝቃ ባለ ካሆ ኤዛይድ ጊግሴዛ።
LUK 22:14 ሳታይካ ሄሌዝ ዎደ የሱሳ ሀዋርታይር ዎላ ካሆል አፋ በቴዛ።
LUK 22:15 ኤ ኡንትኮ፥ «ታ ዋየ ኤኮዳይፕ ቲና Ꮊ ካሃ ይንታር ማዳይስ ሎእꬂ አሞቴዛ።
LUK 22:16 ይኬ፥ ስኦይታ! ጾስ ካተትꬃ Ꮊይስ ብርሽꬃይ ፖልንቶድ ጋꬆ Ꮊይኖፕ ጉየ Ꮊ ካሃ ማሂ ማሚ» ዬጌዛ።
LUK 22:17 ኡሻ ኤኪ ጋላቲ ማቂ፥ «Ꮊሽተ Ꮊያ ይ ጋንጨ ሻግንቶይታ።
LUK 22:18 ስኦይታ! ጾስ ካተትꬃይ የኦድ ጋꬆ Ꮊይኖፕ አይኪ Ꮊ ዎይነ ኡሻይፕ ማቂ ታ ኡዣሚ» ዬጌዛ።
LUK 22:19 ቦራ ደንꬂ ኤኪ፥ ጋላቲ ማቂ፥ «Ꮊይ ይንትስ እንግንትዛ ታ አሾ። Ꮊያ ኦꬅታር ታና ቆፖይታ» ዬጊ ኡንትስ ባጺ እንጌዛ።
LUK 22:20 የይ ጋርከካ፥ ካሆፕ ጉየ ኡሻ ኤኪ፥ «Ꮊ ኡሻይ ይንትስ ላልንቴዝ ታ ሱꬅ ማቅዝ ኦሮꬅ ጫቆ።
LUK 22:21 ማቆዝን፥ ታና ኣꬂ እንጎድ አꬃይ ኩሻይ ታር ዎላ ፕልኦ ጋንጨ የዛ።
LUK 22:22 አስ ናአይ ኤዝስ ጊንትንቴዛይ ጋርክ Ꮊይቆዳይስ የዛ፥ ዝን ኤዛ ኣꬂ እንግዝ አꬃያ አየ» ዬጌዛ።
LUK 22:23 ኡ ፋ ጋንጨ፥ «Ꮊያ ኦኒ ኦꬆዴ» ግ ዎል ኦይጭቼዛ።
LUK 22:24 ማ ኡ ጋንጨ ኣꬎ ማቃዳይ ኦኖ ግዝ ፓላማ መꬍንቴዛ።
LUK 22:25 የሱሳ ኡንትኮ፥ «ጋደ ካትታይ ፋ አስታ ዎልቃር ሞድዛ፤ ፋ ጋደል አፋ ጎዳትዝታይካ ፋና፥ ‹ሎኦ ኦꬅዝታ› ዬግንትዛ።
LUK 22:26 ዝን ይ ጋንጨ የይ ጋርክ ማቅፐ። ይ ጋንጨ ባይራትዛይ ካሎ ጋርክ ሀኖ፤ ካልꬅዛይ ካልዛይ ጋርክ ሀኖ።
LUK 22:27 ሀኖ ዝን፥ ሞክዛይፐኔ ሞክንትዛይፕ ኣይ ኣꬌ? ሞክንትዛ ባሳ? ዝን ታኒ ይ ጋንጨ ሞክዛይጋርኬ።
LUK 22:28 ይንትካ ታ መታይር ታፕ ሻክንቶዋ ታር ሚንጊ ኤቄዝታ።
LUK 22:29 ይ ታ ሌማተፕ ማድ ጋርክ፥ ኡዦድ ጋርከኔ ዙፋንታይል አፋ በቲ ታጶ ናምኢ እስሬለ ሼሽታይል አፋ ፕርዶድ ጋርክ ታ አዳይ ታና ሹሜዛይ ጋርክ ታካ ይንታን ታ ካተትትꬃይል ሹሞዳ» ዬጌዛ።
LUK 22:31 ማቅካ የሱሳ፥ «ስሞና፥ ስሞና፥ ጻላሄ ይንታን ግስተ ጋርከ ሀርቆዳይስ ዎሴዛ።
LUK 22:32 ዝን ታኒ ነ አማናይ ꬋባም ጋርክ ኔስ ዎሴዛ። ኔካ ማቄዝ ዎደ ነ እሽታ ምንꬃꬆባ» ዬጌዛ።
LUK 22:33 ስሞና፥ «ጎዳዮ፥ ታኒ ኔር አጭንቶዳይስኔ Ꮊይቆዳይስ ጊግንቴዛ» ዬጌዛ።
LUK 22:34 የሱሳ ጵጽሮሳኮ፥ «ታ ኔስ ኦድዛ፤ Ꮊይኖ ሹጉላ ኡኮዳይፕ ቲና ነ ታና ሀይꬒ ቶኬ ካዶዳ» ዬጌዛ።
LUK 22:35 ማ ማቅካ፥ የሱሳ ኡንትኮ፥ «ታኒ ይንታን ኮሮጆ፥ ቁርቦኔ ጫማ ባዝን ኪቴዝ ዎደ ይንትስ ፓጬዝ ባዝ የኔ?» ዬጊ ኦይጬዛ። ኡ ማሂ፥ «አኮካ ፓጨካያ» ዬጌዛ።
LUK 22:36 ኤ ኡንትኮ፥ «Ꮊት ኮሮጆኔ ቁርቦ የዛይ አይኮ፤ ማሻ ባዛይ ፋ አፍላ ባይዚ ማሻ ዎንጎ።
LUK 22:37 Ꮊና ስኦይታ! ‹ዡጭታይር ታይብንቴዛ› ግንትንቲ ጻፍንቴዛይ ታል ፖልንቶዳይስ ቤዝዛ። ኤ፥ ታ ግሾስ ጻፍንቴዝባዝ ፖልንትዛይ ቱማተዛ» ዬጌዛ።
LUK 22:38 ኤ ታማርታይ፥ «ጎዳዮ Ꮊይዳ ናምኢ ማሻ የዛ» ዬጌዛ። ኤ፥ «ግዶዳ» ዬጌዛ።
LUK 22:39 የሱሳ ካሴሳይ ጋርክ ደንዲ ደብሬዘይተ አምባል አፋ ከዜዝ። ኤ ታማርታይ ኤዛ ካሌዛ።
LUK 22:40 የ አቃ ሄሌዝ ዎደ ይ «ፓጨ ጋንጨ ገላማይ ጋርክ ዎሶይታ» ዬጌዛ።
LUK 22:41 ኡንታፕ ሹች ꬎግን ሄልዛ አቆ ጋርክ ሃኪ ቡንቂቲ ዎሴዛ።
LUK 22:42 «ታ አዳዮ፥ ነ ሸነ ማቅኮ Ꮊ መቶ ጹአ ታፕ ኣꬆባ። ዝን ታ ሸነ ማቅፐ ነ ሸናይ ሀኖ» ዬጊ ዎሴዛ።
LUK 22:43 ምንꬃꬅዛ። ኪታንቻይ ሳሎፕ በንቴዛ።
LUK 22:44 ጋመ ኡንእንቲ ሚንꬂ ዎስዛ። ኤ ጫዋይካ ሱꬂ ጾክዛይ ጋርክ ሳአ ጾኬዛ።
LUK 22:45 የሱሳ ዎሳ ዉርሲ ፋ ታማርታይኮ የኤዛ። ኡ፥ አዛኖፐ ደንዴዛይድ ዳቡሪ ገንቴዝን ደንጊ፥
LUK 22:46 «አብስ ገንቴ? ይ ፓጨ ጋንጨ ገላም ጋርክ ደንዲ ዎሶይታ» ዬጌዛ።
LUK 22:47 ኤ ሀጋ ኦዳል አፋ የዝን ጋመ አሳይ የኤዛ። ታጶ ናምእታይፕ ፐታይ ይሁዳ ግንትንትዛይ ኡንታን ካልꬅዛ። ኤ የሱሳ ዬሮዳይስ ላንቀ ሺቄዛ።
LUK 22:48 ዝን የሱሳ፥ «ይሁዳ፥ አስ ናአ ዬሪ ኣꬂ እማደ?» ዬጌዛ።
LUK 22:49 የሱሳ ታማርታይ የ ሀና ብኢ፥ «ጎዳዮ ኑ ማሻር ጋቾ?» ዬጌዛ።
LUK 22:50 ኡ ጋንጨፕ ፐታይ ቄሰ ሀላቃይ አይላይስ ሾጪ ኡሻች ሀይቶ ጋቺ ኦሌዛ።
LUK 22:51 ዝን የሱሳ፥ «አሾባ!» ዬጌዛ። አꬃይ ሀያ ቦቺ ፓꬄዛ።
LUK 22:52 የይፕ ጉየ፥ የሱሳ ፋና አይኮዳይስ የኤዝ ቄሰ ሀላቅታይኮ፥ ጾስ ኬꬅ ናግዝታ ሹምታይኮኔ ጭምታይኮ፥ «ፓኖ አይክዝ አስ ጋርክ ማሻኔ ጉፈ አይኪ የኤኔ?
LUK 22:53 ኡባ ጋላስ ጾስ ኬꬅ ጋንጨ ታ ይንታር የዝ ዎደ ታል አፋ ኩሸ ጋደካያ ዝን Ꮊይ ꬉማ ካተትꬃይ ሞዴዝ ዎደኔ ይ ዎደ» ዬጌዛ።
LUK 22:54 የይፐ ጉየ፥ የሱሳና አይኪ ቄሰ ሀላቃይ ዛባ ካንጌዛ። ጵጽሮሳ ሃኮር የሱሳና ካልዛ።
LUK 22:55 አሳይ ቄሰ ሀላቃይ ዛባይድ ታማ ኤꬂ ዎላ በቴዝን ጵጽሮሳ ኡንታር ዎላ በቴዛ።
LUK 22:56 ፐቲ ጋꬊንዳታ ጵጽሮሳ ታማ ላንቀ በቴዛና ታማ ፎአይር ዳኪ ብኢ፥ «Ꮊ አꬃይ ኤዛር የዛ» ዬጌዛ።
LUK 22:57 ዝን ጵጽሮሳ፥ «Ꮊን አስቴ ታ የ አꬃ ኤሮያ» ዬጊ ካዴዛ።
LUK 22:58 ጽቃ ሳተፕ ጉየ ፐቲ ሀራ አꬃይ ኤዛ ብኢ፥ «ኔካ ኡንታፕ ፐታባይ» ዬጌዛ። ዝን ጵጽሮሳ፥ «Ꮊ አꬃዮ ታና ባያ» ዬጌዛ።
LUK 22:59 ፐቲ ሳተ ጋርክ ጋምኤዛይፕ ጉየ ፐቲ ሀራ አꬃይ ትልሲ፥ «Ꮊ አꬃይ ጋልላፕ ማቅዝ ግሾስ ስ ባይꬅ ኤዛር የዛ» ዬጌዛ።
LUK 22:60 ዝን ጵጽሮሳ፥ «Ꮊ አꬃዮ፥ ነ ግዛና ታ ኤሮያ» ዬጌዛ። ኤ የ ኦዳ ዉርሰካዝን ሹጉላ ኡኬዛ።
LUK 22:61 ጎዳይ ጉየ ሽርንቲ ኤቂ ጵጽሮሳ በኤዛ። ጵጽሮሳ፥ «Ꮊይኖ ሹጉላ ኡኮዳይፕ ቲና ነ ታና ሀይꬒ ቶኬ ካዶዳ» ዬጊ፥ ጎዳይ ኦዴዝ ቃላይ ኤዝስ ኤልቂ ጌዛ።
LUK 22:62 ጵጽሮሳስ ባለ ከዚ ዱካ ሱꬅ ዬኬዛ።
LUK 22:63 የሱሳ ናግዝ አሳይ ኤዛ ላቃሶኔ Ꮊꬎ አይኬዛ።
LUK 22:64 ኤ አፋ ጎዚ «አን ነ ናበዛኮ ኤሮባ፤ ነና ሾጬዛይ ኦኖ?» ዬጊ ኦይጭዛ።
LUK 22:65 ሀራ ጋመ ጫሺ ጫዢ ካዉሽሴዛ።
LUK 22:66 ሳአ ዎንትዛ ዎደ አይሁደ ጋደ ጭምታይ፥ ቄሰ ሀላቅታይኔ ህገ አስታማርታይ ሺቂ፥ የሱሳና ፋ ቲና ሺሼዛ።
LUK 22:67 ኡ፥ «ነ ክርስቶሳ? አን ኑስ ኦዶባ?» ዬጊ ኦይጬዛ። የሱሳ፥ «ታ ኦድዛኮን ይ አማናሚ።
LUK 22:68 ታ ኦይጭዛኮ ይ ማሃሚ።
LUK 22:69 ዝን አስ ናአይ Ꮊይፕ ገደ ዎልቃማ ጾስ ኡሻች ባጋር በቶዳ» ዬጌዛ።
LUK 22:70 የ ዎደ ኡቢታይ፥ «የዝን፥ ነ ጾሳ ናአ?» ዬጌዛ። ኤ፥ «ታ ጾስ ናአ ማቄዛና ይ ጌዛ» ዬጌዛ።
LUK 22:71 ኡ፥ «ይኬ፥ ሀራ ማርካ አብ ኮሼ? ኤ ፋ ዶናር ኦዶዳር ኑ ስኤዛ» ዬጌዛ።
LUK 23:1 የ አቃይድ ሺቄዝ ኡቢታይ ደንዲ የሱሳና ጵላጾሳኮ ካንጌዛ።
LUK 23:2 «Ꮊ አꬃይ ኑ አስታ ባለꬅታር፥ ኦሮመ ካታይስ ጊራ ጊራማይ ጋርክ ካይታራኔ ማ፥ ‹ታኒ ክርስቶሳ ይ ካታ› ዬጎዳር ኑ ደንጌዛ» ዬጊ ሞቴዛ።
LUK 23:3 ጵላጾሳ የሱሳና፥ «ኔኒ አይሁድታይ ካቶኔ?» ዬጊ ኦይጬዛ። የሱሳ፥ «ኤ፥ ነ ጌዛይ ጋርከ» ዬጌዛ።
LUK 23:4 ጵላጾሳ ቄሰ ሀላቅታይኮኔ አሳይኮ፥ «Ꮊ አꬃይል አፋ ታ ፐቲ ቡታካ ደንገካያ» ዬጌዛ።
LUK 23:5 ዝን ኡንቲ፥ «Ꮊ አꬃይ ጋልላፐ Ꮊያ ሄሎዳይስ ይሁዳ ሙመር ኢታ ባዝስ ደንꬅꬅዛ» ዬጊ ሚንꬂ ኦዴዛ።
LUK 23:6 ጵላጾሳ የያ ስኤዝ ዎደ የሱሳ ጋልላ አሶ ዬጊ ኦይጬዛ።
LUK 23:7 የሱሳ ሄሮዶሳ ጋደፕ የኤዝ አስ ማቄዛና ጵላጾሳ ኤሬዛይፕ ጉየ ሄሮዶሳ የ ዎደ የሩሳላመ የዝ ግሾስ ኤዝኮ ዳኬዛ።
LUK 23:8 ሄሮዶሳ የሱሳ በአዳይስ ጋመ ዎደፐ ኮይታር የዝ ግሾ ኤዛ በኤዝ ዎደ ጋመ ኡፋይቴዛ። አብስ ጊኮ፥ ኤባዝ ስኤዝ ግሾ ማላባዝ ኡድን በአዳይስ አሞትታር የዛ።
LUK 23:9 ሄሮዶሳ የሱሳና ጋመ ኦይች ኦይጬዛ፥ ዝን ኤ አብካ ማሄካያ።
LUK 23:10 ቄስታይ ሀላቅታይኔ ህገ አስታማርታይ ኤዛይድ ኤቂ ሚንꬂ ኤዛ ሞትዛ።
LUK 23:11 ሄሮዶሳራኔ ኤ ዎታዳርታይር የሱሳ ላቃሰር ለቄዛ። ቡቁሮ አፍላ ማእሲ ጵላጾሳኮ ማሂ ዳኬዛ።
LUK 23:12 ሄሮዶሳራኔ ጵላጾሳር ቲን ሞርከዝን የ ጋላስ ዎላ እግንቴዛ።
LUK 23:13 ጵላጾሳ ቄሰ ሀላቅታ፥ ጋደ አቅስዝታኔ ዎይታ ጼጊ፥
LUK 23:14 « ‹Ꮊ አꬃይ ኢታ ባዝስ ደንꬅꬅዛ› ግ ታኮ ይ ከኤዛ። ታካ ይ ቲና ፕላጊ ብእን ይ ሺሼዝ ሞታይስ አባ ቡታካ ኤል ደንገካያ።
LUK 23:15 ሄሮዶሳ፥ የይ ጋርክ አባ ቡታካ ኤዛል አፋ ደንገካ ግሾስ ኑኮ ዳኬዛ። ቱማ Ꮊ አꬃይ Ꮊይቆስ ሄልꬅዝ አባ ቡታካ ኦꬄካያ።
LUK 23:16 የይ ግሾስ፥ ኤዛ ጋራፊ ብሊ ዳኮዳ» ዬጌዛ።
LUK 23:17 [የያ ኤ ጌዛይ ፋዝቃ ባለ ዎደ ፐቲ አስ አቻፕ ኡንትስ ብልዛይ ኤዝስ አቶዋ ባዝ ማቄዝ ግሾስ።]
LUK 23:18 ዎያ ኡቢታይ ፐትፕ፥ «Ꮊ አꬃ ገደ ሀልእሶባ፥ ኑስ ባርባና ብሎባ» ዬጊ ኡኬዛ።
LUK 23:19 ባርባና ካታማ ጋንጨ አስ ኢታ ባዝስ ደንꬅꬂ አስ ዎꬊ አጭንቴዝ አሲ።
LUK 23:20 ጵላጾሳ የሱሳና ብልኦዳይስ ኮዪ አሳይስ ማሂ ኦዴዛ።
LUK 23:21 ማቆዝን፥ አሳይ፥ «ሶቶባ! ሶቶባ!» ዬጊ ኡኬዛ።
LUK 23:22 ጵላጾሳ ሃይꬒንꬆ፥ «Ꮊ አꬃይ ቆሄዝ ባዛይ አባ? ዎꬎስ ሄልꬅዝ ቡታ ታ ደንገካያ። የይ ግሾስ፥ ጋራፊ ዳኮዳ» ዬጌዛ።
LUK 23:23 ኡ ፋ ቃላ ꬎቅ ኡዲ፥ «ሶትንቶዳይስ ቤዝዛ» ግ ሚንꬂ ኡኬዛ። ኡ ኡፋይካ ኡሳ ዳሬዛ።
LUK 23:24 ኡ ኦይቻይ ግሾስ ግ ጵላጾሳ ኤዛል አፋ ፕርዴዛ።
LUK 23:25 አሳ ኢታ ባዝስ ደንꬅꬅዛኔ አስ ዎꬊ አጭንቴዛና ብሎድ ጋርክ ዎሴዝ፥ የ አꬃ ኡንትስ ብልኤዛ። ዝን የሱሳ ኡንቲ ኮዬዝ ባዝ ኦꬆድ ጋርክ ኡንትስ አꬂ እንጌዛ።
LUK 23:26 የሱሳና አይኪ ካማዳር ስሞና ግዝ ቀረና ቢታ አꬃይ ጋጻረፕ የኦዳር፥ ደንጊ ማዝቃላ ቶሲ የሱሳ ካሊ Ꮊማድ ጋርክ ጭጵቼዛ።
LUK 23:27 ጋመ አሳይኔ ኡ ጋንጨፕ ፋ ትራ ቆጽታር ዬክዛ ማችታይ ኤ ጉያይር ካልዛ።
LUK 23:28 ዝን የሱሳ ኡንትኮ ጉየ ማቂ፥ «ይንታኖ፥ የሩሳላመ ማችታዮ፥ ይ ኡባይስኔ ይ ናእታይስ ዬኮይታፕ አትን ታስ ዬክፓተ።
LUK 23:29 ‹የዛኮ ꬎንꬅታይ፥ የለካ ኡልታይኔ አምሰካ አምታይ አንጅንቴዛ› ይ ዬጎድ ጋላሳይ የኦዳ።
LUK 23:30 የ ዎደ አምብታካ፥ ‹ኑል አፋ ዎዶይታ›፥ ደርታካ፥ ‹ኑና ቆሶይተ› ዬጎዳ።
LUK 23:31 ይኬ፥ እርጻ ምንጻ የይ ጋርክ ኦꬅኮ መላ ምንጻ ዋይሳደሻ?» ዬጌዛ።
LUK 23:32 ኤዛር ዎላ ዎꬎዳይስ ሀራ ናምኢ ፓንታ ካንጌዛ።
LUK 23:33 ቄራንዮ ግንትንትዝ አቆ ሄልꬂ ሶቴዛ። ፓንታይፕ ፐታ ኡሻች ባጋር Ꮊንካ ሀድርስ ባጋር ሶቴዛ።
LUK 23:34 የሱሳ፥ «ታ አዳዮ፥ ኡ አብ ኦꬅዛኮ ኤሮዋ ግሾስ ኔኒ ኡንትስ አቶ ጎባ» ዬጌዛ። ኡ ኤ አፍላይል አፋ እጻ ኦሊ ሻክንቲ ኤኬዛ።
LUK 23:35 አሳይ ኤቂ በአዳር፥ ጋደ ሞድዝታይ፥ «ኤ ሀራ አሳ አሼዛ፤ ጾሳይ ማራጼዝ ክርስቶሳ ኤዛ ማቅኮ አን ፋና አሾ» ዬጊ ለቄዛ።
LUK 23:36 ዎታዳርታይ ኤዝኮ ሺቂ፥ ጫላ ዎይነ ኡሽ እንጌዛ።
LUK 23:37 ዬዚ፥ «ኔኒ አይሁድታይ ካት ማቅኮ አን ነ ኡባ አሾባ» ዬጊ ለቄዛ።
LUK 23:38 ኤዝስ ኦማ ባጋር፥ «Ꮊይ አይሁድታይ ካት» ዬግዝ ጹፈ ግርክꬆራ፥ ኦሮምꬆራ፥ እብራይስጽꬆራ ጻፊ ጋዴዛ።
LUK 23:39 ሶትንቴዝ ፓኖ ፐታይ ጫሸ ሳአር ጎችታር፥ «አን ኔኒ ክርስቶሳ ማቅኮ፥ ነናካ ኑናካ አሾባ» ዬጌዛ።
LUK 23:40 ዝን Ꮊንኮ ፓናይ፥ «ነ Ꮊይ ጋርክ ፕርዳር የዛር ሀራ አቶዝን፥ ጾስስ ያሽታሞ?
LUK 23:41 ኑኒ ኑ ቡታይስ ቤዝዛ ፕርደ ኤክዛ፥ ዝን Ꮊ አꬃይ ፐቲ ኢታባዝካ ኦꬄካያ» ዬጊ ካጭንቴዛ።
LUK 23:42 ማካ፥ «የሱሳ፥ ነ ነ ካተትꬃር ይእዝ ዎደ ታና ቆፖባ» ዬጌዛ።
LUK 23:43 የሱሳ፥ «ታ ኔስ ቱሮ ኦድዛ፤ Ꮊይኖ ነ ታር ጋናተ የሳዳ» ዬጌዛ።
LUK 23:44 የ ጋላስ ኡሱፑን ሳተፕ Ꮊንጊ ኡዱፉን ሳተ ጋꬆ አዋ ፖኦ ካዬዝ ግሾስ ቢታ ኡባይል አፋ ꬉማ ማቄዛ። ጾስ ኬꬅ ማጋራዣይ ፐርእንቲ ናምኢ አቆ ሻክንቴዛ።
LUK 23:46 የሱሳ፥ ቃላ ꬎቅ ኡዲ፥ «ታ አዳዮ፥ ታ ታ ሸምፓቶ ነ ኩሻይድ እንጌዛ» ዬጊ Ꮊይቄዛ።
LUK 23:47 ማቶ ሀላቃይ፥ ሀኔዛያ ብኢ፥ «Ꮊ አꬃይ ቱማካ ጌሻ» ዬጊ ጾስ ጋላቴዛ።
LUK 23:48 Ꮊ ሀንዛባዛ በአዳይስ የ አቃይድ ሺቄዝ አስ ኡባይ ሀኔዝባዛ ብኢ ፋ ትራ ቆጽታር ፋ ካራ ማቄዛ።
LUK 23:49 ማቆዝን፥ የሱሳ ላንቀ ኤርዛ አስ ኡባይ፥ የይ ጋርከካ ጋልላፐ ካል የኤዝ ማችታይ የያ ብእታር ሃኮር ኤቄዛ።
LUK 23:50 አይሁደ ሻንግታይፕ ፐታይ፥ ዮሴፋ ግንትንትዝ አꬃይ የዛ። ኤ አርማትያሳ ግንትንትዝ ይሁዳ ካታማፕ የኤዛ። ኤ ሎኦኔ ጌሽ አስ ማቅዝ ግሾስ ጾሳ ካተትꬃይ ይእꬃና ናግዛ። ሻንግታይፕ ፐታ ማቅታር ኡ ዞረትꬃራኔ ኦሳይር ባያ።
LUK 23:52 የ አꬃይ ጵላጾሳኮ Ꮊንጊ፥ የሱሳ አሃ ሞጎዳይስ ታስ እንጎባ ግ ዎሴዛ።
LUK 23:53 የሱሳ አሃ ዎꬍሲ አፍላር ጻጼዛ። ዛላ ዎጪ ከሴዝ ሀራ አስ ሞግንተካ ኦሮꬅ ዱፎ ጋንጨ ጋዴዛ።
LUK 23:54 ማላ ገሎድ ሀንዛ ግሾስ የ ጋላሳይ ጊግንቶ ቃማ።
LUK 23:55 ጋልላፐ ደንዲ የሱሳ ካሊ የኤዝ ማችታይ ዮሴፋር ዎላ Ꮊንጊ ኤ አሃ ዋይዚ ሞግዛኮ ዱፋ አካኪ በኤዛ።
LUK 23:56 ኤዛይፕ ማቂ ሽቶኔ ቅባተ ጊግሴዛ። ህገ ኪትዛይ ጋርክ ማላ ጋላስ ሸምፕ ፔዤዛ።
LUK 24:1 ሳምንታፕ ቲና ጋላስ፥ ዎጋ ዎደ ጉራ የጭየጮ፥ ማችታይ ፋ ጊግሴዝ ሽቶ ኤኪ ዱፋይኮ Ꮊንጌዛ።
LUK 24:2 ኡ እዘ ሄሎዳር ዱፋይ ዶና የዝ ሹቻይ ጎልኣልኢ ሀልኤዛና ደንጌዛ።
LUK 24:3 ኡ ዱፋ ሄሊ ገሌዛ፥ ዝን ጎዳ የሱሳ አሃ ደንጌካያ።
LUK 24:4 ኡ ኤዛይድ ኤቂ አቢ ሀነኔ ግ ቆፖዳር አካከካዝን ቦꬅ ፖጭዝ አፍላ ማኤዝ ናምኢ አስታይ ኡ ካለ ኤቄዛ።
LUK 24:5 ማችታይ ያሽቲ ፋ ኦማ ሳአ ዝቂ ኡዲ የዝን፥ አስታይ ኡንትኮ፥ «ፓꬃና Ꮊይቅታይ ጋንጨ አብስ ኮዬ?
LUK 24:6 ኤ Ꮊይዳ ባያ፤ Ꮊይቆፕ ደንዴዛ፥ ‹አስ ናአይ ናጋራ ኦꬅዝታይ ኩሸ ኣꬊ እንግንቶዳ፤ ኡንትካ ኤዛ ሶቶዳ። ኤ ሃይꬓንꬆ ጋላስ Ꮊይቆፕ ደንዶዳ› ዬጊ፥ ኤ ይንታር ጋልላ ቢታ የዝታር ይንትስ ኦዴዝ ቃላ ቆፖይታ» ዬጌዛ።
LUK 24:8 ማችታይ የ ዎደ ኤ ቃላ ቆፔዛ።
LUK 24:9 ማችታይ ዱፋይፕ ማቂ ሀኔዝባዛ ኡብታ ታጶ ፐትታይስኔ Ꮊንክታይስካ ኦዴዛ።
LUK 24:10 የያ ሀዋርታይስ ኦዴዛይ ማግዴላ ማይራሞ፥ ዮሃና፥ ያይቆባ እንዳት ማይራምራኔ ኡንታር የዝ ሀራ ማችታ።
LUK 24:11 ዝን ኡንትስ ማችታይ ኦዴዛይ ኤልሞ ኣዝን አማነካያ።
LUK 24:12 ዝን ጵጽሮሳ ደንዲ ዎጺ ዱፎ Ꮊንጌዛ። የ አቃ ሄሊ ዙጊ በአዳር ሞጎ አፍላ ኣዳ በኤዛ። ሀኔዝ ባዛይስ ማላባዝግታር ፋ ካራ ማቄዛ።
LUK 24:13 የ ጋላስ ካልዛ ታማርታይፕ ናምእታይ የሩሳላመፕ ታጶ ናምኢ ክሎ ምትረ ሃክዛ ኤማሁሰ ሄራ Ꮊንግዛ።
LUK 24:14 ኡ ዎላ ሀኔዝባዛ ኡብታ ኦድንትዛ።
LUK 24:15 ኡ የ ሀናይ ባጋ ቆፕታራኔ ኦድንትታር Ꮊንጎዳር የሱሳ ኡንትኮ ሺቂ ኡንታር ዎላ Ꮊንግዛ።
LUK 24:16 ሀኖ ዝን፥ ኡንቲ ኤዛ ኤራም ጋርክ ኡ ኣፋይ አይክንቴዛ።
LUK 24:17 ኤ፥ «ይ ዎላ ኦገል አፋ ኦድንትዛይ አባ?» ዬጌዛ። ኡ አዛኒ ስኤ ግ ኤቄዛ።
LUK 24:18 ኡንታፕ ፐታይ ቀልዮጳ ግንትንትዛይ፥ «Ꮊ ቃምታይ ጋንጨ የሩሳላመ ሀኔዝባዛ ኤሮዛይ፥ ነ ቢታስ እማꬆኔ?» ዬጌዛ።
LUK 24:19 ኤ ማሂ፥ «ኤ ሀኔዛይ አባ?» ዬጊ ኦይጬዛ። ኡንቲ፥ «ጾስ ቲናኔ አስ ቲና ኦሶራኔ ኦዳር ሚንꬂ ናበ ማቄዝ ናዝረተ የሱሳ ባጋ።
LUK 24:20 ኤዛ ቄሰ ሀላቅታይኔ ኑና አቅስዝታይ Ꮊይቆ ፕርደስ ኣꬂ እንጊ፥ ሶቴዛ።
LUK 24:21 ኑኒ እስሬለ አሳ ዎዞደ ግ ኡፋይቲ ናጌዝን Ꮊይ ሀንን Ꮊይኖ ሃይꬓንꬆ ቃማ።
LUK 24:22 ማ ኑ ጋንጨፕ ፐቲ ፐቲ ማችታይ ኑና ዶና ኣይꬄዛ። ኡንቲ Ꮊይኖ ዎንታ ጉራ ዱፎ Ꮊንጌዛ።
LUK 24:23 ኤ አሃይ ꬋብን ማቂ ይኢ፥ ‹ኤ ፓꬅ የዛ› ዬግዛና ኪታንችታይ ቆንጭስን በኤዛ ዬጊ ኦዴዛ።
LUK 24:24 ኑ ጋንጨፐካ ፐታይ ፐታይ ዱፋ Ꮊንጊ ማችታይ ኦዴዛይ ሀንን በኤዛ፥ ዝን ኤዛ ኡ በኤካያ» ዬጌዛ።
LUK 24:25 ኤ ኡንትኮ፥ «ይንታኖ፥ አካኮዋ አስታዮ፥ ይ ዎዝናይ ናብታይ ኦዴዝ ባዝ ኡብታ አማኖዳይስ ጋምእዝታዮ፥
LUK 24:26 ክርስቶሳ Ꮊ መታ ኤኮዳይስነ ፋ ቦንቻይር ገሎዳይስ ቤዞሳ?» ዬጌዛ።
LUK 24:27 ሙሰፐኔ ናብታይ ኡባይፕ ደንዲ ጌሻ ማጻፋይድ ኤባጋ ጻፍንቴዛና ኡባ ኡንትስ ፓቴዛ።
LUK 24:28 ኡንቲ Ꮊንግዛ ጉታይኮ ኡኮዳር የሱሳ አꬊ ሃኮ አቆ Ꮊንግዛ ኣዝን፥
LUK 24:29 ኡንቲ፥ «ሳአይ ቃሜዝ ግሾስ ኑር አቆባ» ዬጊ ሚንꬂ ዎሴዛ። የይ ግሾስ፥ ኡንታር አቆዳይስ ገሌዛ።
LUK 24:30 ኡንታር ዎላ ሙንታል አፋ በቲ፥ ቦራ፥ ደንꬂ አንጂ ኡንትስ ባጺ እንጌዛ።
LUK 24:31 የ ዎደ ኡንቲ ኤሮዳይ ጋርክ ኡ አፋይ ዶይንቴዛ። ኡንትካ ኤሬዛ። ዝን ኤ ኡ ኣፋይፕ ꬋቤዛ።
LUK 24:32 ኡንቲ፥ «ኑ ኦገል አፋ የዝን ኤ ኑስ ጌሻ ማጻፋ ብልታራኔ ኑር ናሾዳር ኑ ዎዝናይ ጹግንተካሳ?» ዬጌዛ።
LUK 24:33 የ ዎደ ደንዲ ጉየ የሩሳላመ የኤዛ። ታጶ ፐትታይራ Ꮊንክታይ ፐትፕ ሺቂ የዝን ደንጌዛ።
LUK 24:34 ኡንቲ፥ «ጎዳይ ቱማ ደንዴዛ፤ ስሞናስ በንቴዛ» ዬጌዛ።
LUK 24:35 የ ናምኢ ታማርታይ ኤማሁሰ ኦገል አፋ የዝን ሀነዛናኔ ቦራ ሜዝ ዎደ ዋይዚ ኤዛ ኤሬዛኮ ኡንትስ ኦዴዛ።
LUK 24:36 ናምኢ ታማርታይ የ ኦዳይል አፋ የዝን፥ የሱሳ ኡ ጋንጨ ኤቂ፥ «ሳሮ ይንትስ ማቆ» ዬጌዛ።
LUK 24:37 ማቆዝን፥ ኡንቲ ዳጋሚ፥ ሜሸ በኤዛ ኣዝን ያሽቴዛ።
LUK 24:38 ኤ ኡንትኮ፥ «አብስ ዳጋሜኔ? አብስ ስ ይ ዎዝናይድ ገሌኔ?
LUK 24:39 ታ ኩሻኔ ታ ቶካ ቦኦይታ፤ ታ ታና። ማካ አይኪ ቦኦይታ፤ ታል ይ ብእዛይ ጋርክ፥ ሜሸስ አሾኔ መቀꬂ ባያ» ዬጌዛ።
LUK 24:40 ዬጊ፥ ፋ ቶካኔ ፋ ኩሻ ኡንታን ቤዜዛ።
LUK 24:41 ኡ ኡፋይሳፕ ደንዴዛይድ አማነካዛር ማላባዝ ጉሳል የዝን፥ የሱሳ ኡንትኮ፥ «Ꮊይዳ ይንትስ ሚዝባዝ የኔ?» ዬጌዛ።
LUK 24:42 ኡ ጽቃ ምችንቴዝ ሞሎ ኤዝስ እንጌዛ።
LUK 24:43 ኤ ኤኪ ኡ ቲናይድ ሜዛ።
LUK 24:44 ኤ፥ «ታ ይንታር ጋምኤዝ ዎደ ኡባይድ ሙሰ ህገ ማጻፍታይድ፥ ናብታይ ማጻፍታይዳኔ ማዝሙረ ማጻፍታይድ፥ ታ ግሾ ጻፍንቴዝባዝ ኡቢታይ ፖልንቶዳይስ ቤዝዛ ዬጊ ታ ይንትስ ኦዴዝ ቃላይ Ꮊያ» ዬጌዛ።
LUK 24:45 የ ዎደ ጌሻ ማጻፍታ አካኮድ ጋርክ ካሃ ኡንትስ ዶዬዛ።
LUK 24:46 የይ ጋርከካ፥ «ክርስቶሳ ዋየ ኤኮዳ፥ ሃይꬓንꬆ ቃማ Ꮊይቆፕ ደንዶዳ ዬጊ ጻፍንቴዛ።
LUK 24:47 የሩሳላመፐ ደንዲ አስ ኡባይስ ናጋራይፕ ማሮትꬃይኔ አቶትꬅ ኤ ሱንꬃይር ማርካቶዳ።
LUK 24:48 ይ የይስ ማርክታ።
LUK 24:49 ዬዛኮ፥ ታካ ታ አዳይ እንጌዝ ኡፋይሳ ይንትስ ዳኮዳ። ይ ሳሎፕ ዎልቃ ማኦድ ጋꬆ የሩሳላመ ካታማ ጋምኦይታ» ዬጌዛ።
LUK 24:50 የይፐ ጉየ፥ ብታና ካታማ ኡንታን ኤኪ ቅቴዛ። ፋ ኩሻ ደንꬂ አንጄዛ።
LUK 24:51 ኡንታን አንጅታር ኡንታፕ ሻክንቲ ኡዴ ሳሎ ኤክንቴዛ።
LUK 24:52 ኡ ዙጊ ጎይኒ ጋመ ኡፋይሳር የሩሳላመ ማቄዛ።
LUK 24:53 ጾሳ ኡባ ዎደ ጋላትታር ጾስ ኬꬃ ጋምኤዛ።
JOH 1:1 ቃላ ቲናፕ የዛ። ቃላይካ ጾሳር የዛ፤ የ ቃላይ ጾሰ።
JOH 1:2 ቲና ቃላይ ጾሳር የዛ።
JOH 1:3 ጾሳይ ኡባ ባዝ ቃላ ባጋር መꬌዛ። መꬍንቴዝ ባዛፕ ፐቲ ባዝካ ኤ ባጋር መꬍንተካባዝ ባያ።
JOH 1:4 ኤዛር ደኦ የዛ፤ የ ደአይ አስስ ፖኦ።
JOH 1:5 ፖአይ ꬉማ ፖእዛ፤ ꬉማይ ፖአና ጋመካያ።
JOH 1:6 ጾሲ ኪቴዝ፥ ፐቲ ዋንሳ ግዝ አሲ የዛ።
JOH 1:7 አሲ ኡባይ ኤ ባጋር ፖአ አማኖድ ጋርክ ኤ ፖኦስ ማርካ ማቂ የኤዛ።
JOH 1:8 ኤ ፖኦ ባጋ ማርካቶዳይስ የኤዛፕ አትን ፋ ኡባስ ፖኦ ባያ።
JOH 1:9 አስ ኡባስ ፖእስዛ ቱማ ፖአይ አላመ ይእዛ።
JOH 1:10 ኤዝካ አላመል የዛ። አላማይካ መꬍንቴዛይ ኤ ባጋራ፥ ዝን አላማይካ ኤዛ ኤረካያ።
JOH 1:11 ኤ ፋስታይኮ የኤዛ፥ ዝን ኤስታይ ኤዛ ኤከካያ።
JOH 1:12 ዝን ኤ ፋና ኤኬዝታይስንኔ ኤ ሱንꬃ አማኔዝታይስ ጾስ ናእታ ማቃድ ጋርክ ማዉተ እንጌዛ።
JOH 1:13 ኡንትካ ጾሳፕ የልንቴዛፕ አትን አሲ የልንትዛ ዎጋይ ጋርክ ꬊራꬅ ሸነፕ ዎይ አሾፐኔ ሱꬅ ሸነር የልንተካያ።
JOH 1:14 ቃላይ አስ ማቄዛ፤ አꬎ ኬሄትꬃኔ ቱማትꬅ ኩሚ ኑ ጋንጨ የዜዛ። ኤ ፋ አዳይስ ፐቲ ናአ ማቂ ኤኬዝ ኤ ቦንቻ ኑ በኤዛ።
JOH 1:15 ዋንሳ ኤ ባጋ ማርካቴዛ። ፋ ቃላ ꬎቅ ኡዲ፥ «ታኒ፥ ‹ታፕ ጉየር ይእዛይ ታፕ ቲን የዛ ግሾስ ታፕ ኣꬍዛ› ግ ማርካቴዛይ Ꮊያ» ዬጌዛ።
JOH 1:16 ኑኒ ኡቢታይ ኤ አꬎ ኬሄትꬅ ኩንꬃይፕ አንጆል አፋ አንጆ ኤኬዛ።
JOH 1:17 ጾሳይ ህገ ሙሰ ባጋር እንጌዛ፥ ዝን አꬎ ኬሄትꬅኔ ቱማትꬂ የሱሳ ክርስቶሳ ባጋር የኤዛ።
JOH 1:18 ጾሳ ኣፈር በኤዝ አስ ኦንካ ባያ፤ ፋ አዳይ ላንቀ የዝ ፐቲ ናአይ ኣዳ ኤ ፋ ኡባስ ጾስ ማቄዛይ ኤዛ ቆንጨ ኦዴዛ።
JOH 1:19 የሩሳላመ የዝ አይሁድታይ ሀላቅታይ፥ ቄስታይኔ ለዊታይ፥ «ኔኒ ኦኖ?» ግ፥ ዋንሳ ኦይጮድ ጋርክ ኤዝኮ ኪትን፥ ዋንሳ ኡንትስ ማርካቴዝ ማርካትꬃይ Ꮊያ።
JOH 1:20 ዋንሳ፥ «ታኒ ክርስቶሳ ባያ» ዬጊ፥ ምልጽ ኡዲ ማርካቴዛፕ አትን ካድበኤካያ።
JOH 1:21 ኡንትካ፥ «የዝን፥ ነ ኦኖ? ነ ኤላሳኔ?» ዬጊ ኦይጬዛ። ዋንሳ ማሂ፥ «ታ ኤላሳ ባያ» ዬጌዛ። ማ ኡንቲ፥ «ነ የኦድ ግንትንቴዝ ናባይ ነናኔ?» ዬጊ ኦይጬዛ። ዋንሳ፥ «ዋኣ» ግ ማሄዛ።
JOH 1:22 የዝን፥ «ነ ኦኖ? ኑኒ ኑና ኪቴዝታይስ ኦዶድ ጋርክ ነ ነና ኦና ጌ?» ዬጌዛ።
JOH 1:23 ዋንሳ ማሂ፥ «ናበ እሳያሳ ጌዛይ ጋርክ፥ «‹ጎዳይስ ኦገ ሉልሶይታ!› ግ ሊዦ ደምባ ኡክዛ አꬃይ ቃላይ ታና» ዬጌዛ።
JOH 1:24 ማ ፈርሳወ አስታይ ኪቴዝ አሳይ
JOH 1:25 ዋንሳኮ፥ «ነ ክርስቶሳ ዎይ ኤላሳ ዎይ ናበ ባ እጽኮ፥ የዝን አብስ ጻማቄ?» ግ ኦይጬዛ።
JOH 1:26 ዋንሳ ማሂ፥ «ታኒ ሃꬃር ጻማቅዛ፥ ዝን ይ ኤሮዋ አሲ ይ ጋንጨ ኤቄዛ።
JOH 1:27 ኤ ታፕ ጉየር ይእዛ። ታኒ ሀራ አቶዝን ኤ ጫማ ዎዶሮ ብሎዳይስ ቤዞያ» ዬጌዛ።
JOH 1:28 የይ ኡባይ ዮርዳኖሳ ቦርካፕ ሰኮ ፕኖ፥ ብታና ካታማ፥ ዋንሳ ጻማቅዛ አቃይድ ሀኔዛ።
JOH 1:29 ዋንሳ ዎንትꬃ ጋላስ የሱሳ ኤኮ የኦዳር ብኢ፥ «አላመ ናጋራ ባራንችዛ ጾስ ዱራይ Ꮊያ!
JOH 1:30 ታኒ፥ ‹ታፕ ጉየር ፐቲ አሲ የኦዳ። ኤ ታፕ ቲን የዛ ግሾስ ታፕ ኣꬍዛ ግ ኦዴዛይ Ꮊያ።
JOH 1:31 ኤ ኦናዛኮ ታኒ ኤሮያ። ዝን እስሬለ አሳይስ ኤዛ ቆንጨ ከሶዳይስ ሃꬃር ጻማቅታር የኤዛ» ዬጌዛ።
JOH 1:32 ዋንሳ Ꮊይ ጋርክ ዬጊ ማርካቴዛ፦ «ጌሻ አያናይ ሳሎፕ ሆለ ጋርክ ዎꬎዳራኔ ኤዛል ሸምፖዳር ታ በኤዛ።
JOH 1:33 የይ ሀኖዳይፕ ቲና ታ ኤዛ ኤሮያ። ዝን ሃꬃር ጻማቆዳይስ ታና ኪቴዝ ጾሳይ፥ ‹ጌሻ አያናይ ዎꬊ ኤዛር የዝን ኔኒ በአዳይኔ ጌሻ አያናር ጻማቆዳይ ኤዛ› ዬጊ ታስ ኦዴዛ።
JOH 1:34 ታ የይ ሀኖዳር ብኢ፥ ኤ ጾስ ናአ ማቄዛና ማርካትዛ» ዬጌዛ።
JOH 1:35 ማ ዎንትꬃ ጋላስ ዋንሳ ፋ ታማርታይፕ ናምእታይር ዎላ ኤቄዛ።
JOH 1:36 የሱሳ ኣꬎዳር ዋንሳ ብኢ፥ «ጾስ ዱራይ Ꮊይሸ!» ዬጌዛ።
JOH 1:37 ናምኢ ዋንሳ ታማርታይ ዋንሳ ግዛና ስኢ የሱሳና ካሌዛ።
JOH 1:38 የሱሳ ፋና ካልዝታ ጉየ ሽርንቲ ብኢ፥ «ይ አብ ኮይኔ?» ዬጊ ኦይጬዛ። ኡንቲ ማቂ፥ «አስታማራዮ፥ ነ አባ የሳዴ?» ዬጌዛ።
JOH 1:39 የሱሳ ኡንትኮ፥ «Ꮊና ይኢ ቦኦይታ» ዬጌዛ። ኡንቲ Ꮊንጊ ኤ የዛ አቃ በኤዛ። የ ጋላስ ሳአይ ታጲ ሳተ ሄራ ማቅዝ ግሾስ ኤ ላንቀ ፔዤዛ።
JOH 1:40 ዋንሳ ጌዛና ስኢ፥ የሱሳና ካሌዝ ናምኢ ታማርታይፕ ፐታይ፥ ስሞን ጵጽሮሳ እሻ እንድራሰ።
JOH 1:41 እንድራሰ ቲና ፋ እሻ ስሞናር ዎልሄሊ፥ «ኑኒ ክርስቶሳ ደንጌዛ» ዬጌዛ።
JOH 1:42 እንድራሰ ስሞና የሱሳኮ ከኤዛ። የሱሳ ስሞና ብኢ፥ «ኔኒ ዮና ናአ ስሞና፤ ነ ሱንꬃይ ኬፋ ግ ጼግንቶዳ» ዬጌዛ።
JOH 1:43 ዎንትꬃ ጋላስ የሱሳ ጋልላ ቢታ Ꮊማዳይስ ሙርቴዛ። ኤ ፍልጶሳና ደንጊ፥ «ታና ካሎባ!» ዬጌዛ።
JOH 1:44 ፍልጶሳ፥ እንድራሰኔ ጵጽሮሳ የዜዝ ቤተሳይዳ ግዝ ካታማፕ የኤዝ አሲ።
JOH 1:45 ፍልጶሳ ናትናኤላና ሄሊ፥ «ሙሰ ህገ ማጻፋይ ጋንጨ፥ ማ ናብታይካ ኤባዝ ጻፌዝ ዮሴፋ ናአ ናዝረተ የሱሳ ኑ ደንጌዛ» ዬጌዛ።
JOH 1:46 ናትናኤላ ማሂ፥ «ናዝረተ ካታማፕ ሎኦ ባዝ ከዞዳይስ ዳንዳእኔ?» ዬጌዛ። ፍልጶሳ፥ «ይኢ ቦኦባ» ዬጌዛ።
JOH 1:47 የሱሳ ናትናኤላ ፋኮ ይእዛና ብኢ፥ «ገነ ባ ቱማ እስሬለ አስ Ꮊያ!» ዬጌዛ።
JOH 1:48 ናትናኤላ የሱሳኮ፥ «ኔኒ ታና አባ ኤሬ?» ዬጌዛ። የሱሳ ማሂ፥ «ፍልጶሳ ነና ጼጎዳይፕ ቲና፥ ኔኒ ባላሰ ምꬂ ኦሞ የዝን ታኒ ነና በኤዛ» ዬጌዛ።
JOH 1:49 ናትናኤላ ማሂ፥ «አስታማራዮ፥ ኔኒ ጾስ ናአ! ኔኒ እስሬለ ካተ!» ዬጌዛ።
JOH 1:50 የሱሳ ኤኮ፥ «ታ ነና ባላሰ ምꬂ ኦሞ በኤዛ ጌዝ ግሾስ ነ አማንኔ? ኔኒ Ꮊይፕ ኣꬅባዝ በአዳ!» ዬጌዛ።
JOH 1:51 ማ የሱሳ፥ «ታኒ ይንትስ ቱሮ ኦድዛ፤ ሳሎ ዶይንትን፥ ጾስ ኪታንችታይ አስ ናአ አፋ ከዞዳራኔ ዎꬎዳር ይ በአዳ» ዬጌዛ።
JOH 2:1 ሃይꬒንꬃ ጋላስ ጋልላ ቢታ ቃና ካታማ ቦስ የዛ። የሱሳ እንዳት የ ቦሳይድ የዛ።
JOH 2:2 የሱሳካ ፋ ታማርታይር ዎላ የ ቦሳይድ ጼግንቴዛ።
JOH 2:3 ዎይነ ኡሺ ዉርን፥ የሱሳ እንዳት የሱሳኮ፥ «ኡንትስ ዎይነ ኡሺ ዉሬዛ» ዬጌዛ።
JOH 2:4 የሱሳ ማሂ፥ «ታ እንዳቴ፥ ነ Ꮊይዳ ገልፐ? ታ ዎዳይ ሀጋ ሄለካያ» ዬጌዛ።
JOH 2:5 የሱሳ እንዳት ኦሶ አስታይኮ፥ «ኤ ይንትስ ኦዴዝባዝ አባባዝ ማቅኮካ ኦꬆይታ» ዬጌዛ።
JOH 2:6 አይሁድታይ ፋ ሻግሸ ዎጋስ ማድንትዛ ኡሱፑን ሹች ጋንታይ የ አቃይድ የዛ። ፐቲ ፐቲ ጋናይ ናምኢ ዎይ ሀይꬒ ጹጋ አይክዛ።
JOH 2:7 የሱሳ ኦሶ አስታይኮ፥ «ጋንታይድ ሃꬄ ኩንꬆይታ» ዬጌዛ። ኡንቲ ጋንታይስ ዶና ሄሎዳይስ ሃꬄ ኩንꬄዛ።
JOH 2:8 የሱሳ ኡንትኮ፥ «Ꮊት ዱቂ ቦስ ጎዳይስ እንጎይታ» ዬጌዛ። ኡንቲ ኤዝስ እንጌዛ።
JOH 2:9 ቦስ ጎዳይስ ዎይነ ኡሽኮ ላምንቴዝ ሃꬃ ጋንጺ ብኢ አናፕ የኤዛኮ ኤረካ፥ ዝን ሃꬄ ኩንꬄዝ ኦሶ አስታይ ኤርዛ። ቦሳ ጎዳይ ማቾ ኤክዛና ጼጊ፥
JOH 2:10 «ኦንካ ሎኦ ዎይነ ኡሺ አሳ ቲናቲ ኡሽዛ። የይተ አሳይ ኡዢ አሌዛይፕ ጉየ ሃጾ ኡሽ እንግዛ። ዝን ኔኒ ሎኦ ዎይነ ኡሺ Ꮊኖ ሄሎዳይስ ጋዴዛ» ዬጌዛ።
JOH 2:11 የሱሳ Ꮊ ቲና ማላታ ጋልላ ቢታ ቃና ካታማ ኦꬄዛ፤ የይዳ ፋ ቦንቻ ቤዜዛ። ኤ ታማርታይ ኤዛ አማኔዛ።
JOH 2:12 የይፕ ጉየ፥ የሱሳ ፋ እንዳትራ፥ ፋ እሽታይራኔ ፋ ታማርታይር ዎላ ቅፍርናሆመ ካታማ Ꮊንጊ ጽቃ ጋላስ ጋምኤዛ።
JOH 2:13 አይሁድታይ ቦንችዛ ፓዝቃ ባላይ ኡክን የሱሳ የሩሳላመ Ꮊንጌዛ።
JOH 2:14 Ꮊንጊ ጾስ ካራ ጋንጨ ገማትታ፥ ሀርታ፥ ዱርታኔ ሆልታ ባይዝዝታኔ ፋ ኦይደል በቲ ሚሸ ላምዝታ ደንጌዛ።
JOH 2:15 ኤ ጹርቃፈር ኡብታ ኡ መህታይር ጾስ ካራፕ ባይኢ ባለ ከሴዛ። ሚሸ ላምዝታይ ጻርጴዝታካ ሽሪ ኦሊ ኡ ሚሻ ላሌዛ።
JOH 2:16 ሆለ ባይዝዝታና፥ «Ꮊ ሆልታ Ꮊይፕ ከሶይታ፤ ታ አዳይ ካራ ጋበ ማህፓተ» ዬጌዛ።
JOH 2:17 ኤ ታማርታይ ጌሻ ማጻፋይድ፥ «ታኒ ነ ካራይስ ምጭንትዛ ምሻይ ታና ታማ ጋርክ ምችዛ ግዛ» ግንትንቲ ጻፍንቴዛና አካኬዛ።
JOH 2:18 የይፕ ጉየ፥ አይሁድታይ ማሂ፥ «ነ Ꮊያ ኦꬆዳይስ ኔስ ማዉተ የዛይስ ኑና አባ ማላታ ኦꬂ ቤዞዴ?» ዬጌዛ።
JOH 2:19 የሱሳካ፥ «Ꮊ ጾስ ካራ ላሎይታ፤ ታኒ ሀይꬒ ጋላሳር ማሂ ደንꬆዳ» ዬጌዛ።
JOH 2:20 ማካ አይሁድታይ፥ «Ꮊ ጾሳ ካራ ኬጾዳይስ ኦይታማነ ኡሱፑን ላይꬅ ኤኬዛ፥ ዝን ኔኒ ሀይꬒ ጋላሳር ደንꬆደ?» ዬጌዛ።
JOH 2:21 ዝን የሱሳ ኦድዛ ጾሳ ካራይ ፋ አሳተꬅባጋ።
JOH 2:22 የይ ግሾስ፥ የሱሳ Ꮊይቆፕ ደንዴዛይፕ ጉየ ኤ ታማርታይ ኤ የያ ጌዛና አካኬዛኔ ጌሻ ማጻፋይድ ጻፍንተዛኔ የሱሳ ኦዴዛና አማኔዛ።
JOH 2:23 የሱሳ ፓዝቃ ቦንችዛ ጋላስ የሩሳላመ የዝን፥ ኤ ኦꬄዝ ማልታ ብኢ ጋመ አሳይ ኤዛ አማኔዛ።
JOH 2:24 ዝን የሱሳ አስ ኡባ ኤርዛ ግሾስ ኡንታን አማነካያ።
JOH 2:25 አስ ዎዝና የዛ ባዝ ኤ ፋ ኡባስ ኤርዛ ግሾስ አስባዝ ኦንካ ኤዝስ ኦዶዳይ ጋርክ ኮየካያ።
JOH 3:1 ፈርሳውታይ ባጋፕ ማቄዝ፥ አይሁድታይ ሀላቃይ፥ ንቆድሞሳ ግዝ ፐቲ አꬃይ የዛ።
JOH 3:2 ንቆድሞሳ ቃማ የሱሳኮ ይኢ፥ «አስታማራዮ፥ ኔኒ ጾሳይ ኪቴዝ አስታማረ ማቄዛና ኑ ኤርዛ። አብስ ጊኮ፥ ጾሳይ ኤዛር የዛም እጽኮ Ꮊ ነ ኦꬅዛ ማልታ ኦꬆዳይስ ዳንዳእዛ አሲ ባያ» ዬጌዛ።
JOH 3:3 የሱሳ ማሂ፥ «ታኒ ኔስ ቱሮ ኦድዛ፤ ኦንካ ማቂ የልንታም እጽኮ ጾስ ካተትꬃ በአዳይስ ዳንዳኦያ» ዬጌዛ።
JOH 3:4 ንቆድሞሳ፥ «አስ ጭሚ ዋይዚ ማቂ የልንቶዳይስ ዳንዳኤ? ፋ እንዳት ኡሎ ማቂ ገሊ ማሂ የልንቶዳይስ ዳንዳእኔ?» ዬጌዛ።
JOH 3:5 የሱሳ ማሂ፥ «ታኒ ኔስ ቱሮ ኦድዛ፤ ኦንካ ሃꬃፐኔ ጌሻ አያናፕ የልንታም እጽኮ፥ ጾስ ካተትꬅ ገሎዳይስ ዳንዳኦያ።
JOH 3:6 አሾፕ የልንቴዛይ አሾ፤ አያናፕ የልንቴዛይ አያና።
JOH 3:7 ታኒ፥ ‹ይ ማቂ የልንቶዳይስ ቤዝዛ› ግ ይንትስ ኦዴዛይ ግሾስ ኔኒ ማላባዝ ጊፐ።
JOH 3:8 ጫርኮ ፋ ኮዤዝ ባጋ ጫርክዛ። ኔኒ ጊርꬃ ስእነፕ አትን አያይፕ ይእዛኮ ዎይ አያ Ꮊንግዛኮ ኤሮያ። አያናፕ የልንቴዝ ኡቢታይ የይ ጋርክ» ዬጌዛ።
JOH 3:9 የዝን ንቆድሞሳ፥ «የይ ዋይዚ ሀኖዳይስ ዳንዳኤ?» ዬጊ ኦይጬዛ።
JOH 3:10 የሱሳ ማሂ፥ «ኔኒ እስሬልታይ አስታማረ ማቅታር Ꮊያ ኤሮሳ?
JOH 3:11 ታኒ ኔስ ቱሮ ኦድዛ፤ ኑ ኤርዛ ባዝ ኦድዛኔ በኤዝ ባዝ ማርካትዛ፥ ዝን ኑ ማርከትꬃ ይ ኤኮያ።
JOH 3:12 ታኒ ይንትስ ሳአባዝ ኦድን ይ አማኖዋባዝ ማቅኮ ሳሎባዝ ኦድን ዋይዚ አማኖዴ?
JOH 3:13 ሳሎፕ ዎꬌዝ አስ ናአይፕ አትን ሳሎ ከዜዛይ ኦንካ ባያ፤ [ሳሎ የዝ አስ ናአይ ታና]» ዬጌዛ።
JOH 3:14 ሙሰ ሊዦ ደንባል ናሰ ሾሽ ሶቴዛይ ጋርክ ኤዛ አማኔዝ ኡቢታይ መꬍና ደኦ ኤኮዳይ ጋርክ አስ ናአይ ሶትንቶዳይስ ቤዝዛ።
JOH 3:16 ጾሳይ Ꮊ አላመ ቃꬌዝ ግሾስ ፋ ናአ ፐታ ኣꬅ እንጎድ ሄሎዳይስ ጨር ዶሴዛይ ኤዛ አማንዛ ኡቢታይ መꬍና ደኦ ላቶዳይ ጋርከፕ አትን ꬋባማይ ጋርከ።
JOH 3:17 ጾሳይ ፋ ናአ Ꮊ አላመ ኪቴዛይ አላመ ፕርዶዳይስ ባዝን አላማ ኤ ባጋር አሾዳይሲ።
JOH 3:18 ኤዛ አማንዛ ኦንካ ፕርድንታሚ፥ ዝን ኤዛ አማኖዋ ኦንካ ፐቲ ጾስ ናአ አማነካ ግሾስ Ꮊት ፕርድንቴዛ።
JOH 3:19 ፕርዳይካ Ꮊያ፤ ፖኦ፤ አላመል የኤዛ፥ ዝን አስ ኦሶ ኢታ ማቄዝ ግሾስ አሳይ ፖኦፕ ኣꬂ ꬉማ ዶሴዛ።
JOH 3:20 ኢታ ባዝ ኦꬅዛ ኦንካ ፖኦ እጽዛ። አብስ ጊኮ፥ ፋ ኦሶ ፕ ኬዛማይ ጋርክ ፖኦኮ የኦያ።
JOH 3:21 ዝን ቱማ ኦꬅዝ ኦንካ ጾሳይ ኪቴዛይ ጋርክ ኤ ኦꬄዛና ፖኦ ቤዞዳይ ጋርክ ፖኦኮ ይእዛ።
JOH 3:22 የይፕ ጉየ፥ የሱሳ ፋ ታማርታይር ዎላ ይሁዳ ቢታ Ꮊንጌዛ። ኤዛይድ ጻማቅታር ኡንታር ጽቃ ዎደ ጋምኤዛ።
JOH 3:23 ማ ዋንሳ ሳሌመ ላንቀ የዝ ሄኖነ ዬግዝ አቆ ጋመ ሃꬅ የዛ ግሾስ አሳ ኤዛይድ ጻማቅዛ። አሳይካ የ አቃ Ꮊንጊ ጻማቅንትዛ።
JOH 3:24 የ ዎደ ዋንሳ ሀጋ አጭንተካያ።
JOH 3:25 የይፕ ጉየ፥ ዋንሳ ታማርታይኔ አይሁደ አሳይ ሻግሸ ዎጋ ባጋ ፓላሜዛ።
JOH 3:26 ዋንሳ ታማርታይ ዋንሳኮ Ꮊንጊ፥ «አስታማራዮ፥ ዮርዳኖሳ ቦርካፕ ሰኮ ፕኖ ኔር የዛይ፥ ኔኒ ኤባጋ ማርካቴዛይ፥ የዛኮ ጻማቅዛ። አሳይ ኡቢታይካ ኤዝክ Ꮊንግዛ» ዬጌዛ።
JOH 3:27 ዋንሳ ማሂ፥ «ጾሳይ እንገካ አሲ አባባዝካ ኤኮዳይስ ዳንዳኦያ።
JOH 3:28 ‹ታኒ ክርስቶሳ ባያ፥ ዝን ኤፕ ቲና ኪትንቴዛ› ማቄዝ ግሾ ይ፥ ይ ኡባስ ታስ ማርካ።
JOH 3:29 ገሎስ ጊጌዛና ኤኮዳይስ ጊጌዝ አꬃይሲ። ኤክዛይስ ላዛንꬃይ ካለ ኤቂ ኤ ግዛ ስኤዝ ዎደ ሎእꬂ ኡፋይትዛ። የይ ግሾስ፥ Ꮊይ ታ ኡፋይሳይ ፖልንቴዛ።
JOH 3:30 ኤ ግታቶዳይስ ታኒ ጽቆዳይስ ቤዝዛ» ዬጌዛ።
JOH 3:31 አፋፕ ይእዛይ ኡባይፕ ኣꬅ። ሳአፕ በንቴዛይ ሳአባዝ። ኤ ሳአባዝ ኦድዛ። ሳሎፕ ይእዛይ ኡባይፕ አፋ።
JOH 3:32 ኤ ፋ በኤዝባዝኔ ስኤዝባዝ ማርካትዛ፥ ዝን ኤ ማርከትꬃ ኤክዛይ ባያ።
JOH 3:33 ኤ ማርከትꬃ ኤክዛ ኦንካ ጾሳይ ቱማ ማቅዛና ቤዝዛ።
JOH 3:34 ጾሳይ ፋ ጌሻ አያና ኤስ ማከካ እንግዝ ግሾስ ጾሳይ ኪቴዛይ ጾስ ቃላ ኦድዛ።
JOH 3:35 አዳይ ፋ ናአ ዶሲ ኡባ ባዝ ኤ ኩሻይድ ጋዴዛ።
JOH 3:36 ናአ አማንዛ አꬃይስ መꬍና ደኦ የዛ። ዝን ናአ አማኖዋ አꬃይል አፋ ጾስ ካቺ የዛይፕ አትን ኤ ደኦ ደንጋሚ።
JOH 4:1 የሱሳ ዋንሳስታይፕ ጋንግዛ ካልዝታ ፋኮ ሺሽዛኔ ጻማቅዛና ፈርሳውታይ ስኤዛ።
JOH 4:2 ማቅኮካ የሱሳ ታማርታይ ጻማቄነፕ አትን የሱሳ ኦናካ ጻማቀካያ።
JOH 4:3 የሱሳ አሳይ ኤባዝ ግዛ ስኢ ይሁዳፕ ደንዲ ጋልላ Ꮊንጌዛ።
JOH 4:4 ጋልላ Ꮊንግታር ሳማረራ አꬎዳይ ኤዝስ አታምባዝ ማቄዛ።
JOH 4:5 የይ ግሾስ፥ ያይቆባ ፋ ናአ ዮሴፋስ እንጌዝ ጋደ ላንቀ የዝ ስካረ ግዝ ሳማረ ካታማ Ꮊንጌዛ።
JOH 4:6 የ አቃይድ ያይቆባስ ሃꬅ ኦላ የዛ። የሱሳ የꬍታር ዳቡሪ የ ሃꬅ ኦላቲ ላንቀ በቴዛ። የ ዎደ ሳአይ ኡሱፑን ሳተ ሄራ።
JOH 4:7 ፐቲ ሳማረ አስታ የ ኦላይፕ ሃꬅ ትኮዳይስ የኤዛ። የሱሳ የ አስትኮ፥ «ታና ሃꬄ ኡሾየ» ዬጌዛ።
JOH 4:8 የ ዎደ የሱሳ ታማርታይ ሚዝ ባዝ ዎንጎዳይስ ካታማ Ꮊንጌዛን።
JOH 4:9 የ አስታ ማሂ፥ «ኔኒ አይሁደ አስ ማቅታር፥ ሳማረ ማች ማቅዝ ታና ዋይዚ ሃꬄ ኡሾባ ጌ?» ዬጌዛ። የያ እዛ ጌዛይ አይሁድታይ ሳማርታይር ዎልሄሎዋ ግሾስ።
JOH 4:10 የሱሳ ማሂ፥ «ኔኒ ጾስ እሞታኔ ሃꬄ ታና ኡሾየ ግዛይ ኦናዛኮ ነ ኤሬዛኮ ኤዛ ነ ዎሶዳዝን፤ ኤዝካ ኔስ ደኦ እንግዛ ሃꬂ እማዳዝን» ዬጌዛ።
JOH 4:11 የ አስታ ማሂ፥ «ጎዳዮ፥ ኔስ ዱቅዛባዝ ባያ፤ ኦላይካ ጪሞ። የዝን፥ ደኦ እንግዝ ሃꬅ ነ አናፕ ደንጎዴ?
JOH 4:12 ኑስ Ꮊ ሃꬅ ኦላ እንጌዝ ኑ አዳይ ያይቆባፕ ኔኒ አꬊኔ? ኤዝኔ፥ ኤ ናእታይኔ ኤ መህታይ Ꮊ ኦላይፕ ኡዤዛ» ዬጌዛ።
JOH 4:13 የሱሳ፥ «Ꮊ ሃꬃይፕ ኡዤዝ ኦንካ ማቂ ሳምንቶዳ።
JOH 4:14 ዝን ታኒ እንጎድ ሃꬃ ኡዥዝ ኦንካ ኡባራካ ሳምንታሚ። ታኒ እማድ ሃꬃይ ኤ ጋንጨ መꬍናስ ደኦ እንግዝ ጎግዝ ፑልቶ ማቃዳ» ዬጌዛ።
JOH 4:15 የ አስታ ማሂ፥ «ጎዳዮ፥ ታኒ ሳምንታማይ ጋርከኔ ሃꬅ ትኮዳይስ Ꮊ አቃ የኣማይ ጋርክ ታስ የ ሃꬃ እንጎባ» ዬጌዛ።
JOH 4:16 የሱሳ እዝኮ፥ «Ꮊንጊ ነ አዝና ጼጊ የኦባ» ዬጌዛ።
JOH 4:17 የ አስታ ማሂ፥ «ታስ አዝኒ ባያ» ዬጌዛ። የሱሳ እዝኮ፥ «ታስ ኣዝኒ ባያ ጉሳይድ ኔስ ቡታ ባያ።
JOH 4:18 ኔስ ቲን እችን አዝንታይ የዛ። Ꮊት ኔር የዛ አꬃይ ነ አዝነ ባያ። ኔኒ Ꮊት ቱሮ ኦዴዛ» ዬጌዛ።
JOH 4:19 የ አስታ ማሂ፥ «ጎዳዮ፥ ኔኒ ናበ ማቅዛና ታኒ ኤሬዛ።
JOH 4:20 ኑ አድታይ Ꮊ ደራይል አፋ ጾስ ጎይኔዛ። ዝን ይ አይሁድታይ አሲ ጾስ ጎይኖዳይስ ቤዝዛ አቃይ የሩሳላመ ግዛ» ዬጌዛ።
JOH 4:21 የሱሳ፥ «Ꮊን አስተ ታና አማኖባ፤ Ꮊ ደራይል አፋ ዎይ የሩሳላመ አዳይስ ጎይናም ዎደ የኦዳ።
JOH 4:22 ይ ሳማርታይ ይ ኤሮዋዛይስ ጎይንዛ። ዝን ኑኒ አቶትꬂ አይሁደፕ ይእዝ ግሾስ ኑ ኤርዛይስ ጎይንዛ።
JOH 4:23 ዝን አዳ ቱማር ጎይንዝታይ አያናራኔ ቱማር ጎይኖድ ዎደ ኡኬዛ፤ Ꮊተካ ሄሌዛ። ይኬ፥ አዳይ ኮይዛይ Ꮊይ ጋርክ ኦገር ጎይንዝታ።
JOH 4:24 ጾሳይ አያና፤ ኤዝስ ጎይንዝታይ አያናራኔ ቱማትꬃር ጎይኖዳይስ ቤዝዛ» ዬጌዛ።
JOH 4:25 የ አስታ ማሂ፥ «ክርስቶሳ ግንትዝ ‹ማሳይ› የኦዳና ታኒ ኤርዛ። ኤ ይኢ ኑስ ኡባ ባዝ ኦዶዳ» ዬጌዛ።
JOH 4:26 የሱሳ፥ «Ꮊ ኔር ናሽዛይ ታኒ ኤዛ» ዬጌዛ።
JOH 4:27 ኡንቲ ናሾዳር፥ የሱሳ ታማርታይ Ꮊንጌዝ አቃይፕ ማቄዛ። የሱሳ ማቻር ዎላ ናሾዳር ኡ ብኢ ማላባዝ ጌዛ። ዝን አስትኮ፥ «አብ ኮዬ?» ዎይ የሱሳኮ፥ «እዝር አብስ ኦድንቴ?» ጌዛይ ኦንካ ባያ።
JOH 4:28 የይፕ ጉየ፥ አስታ ፋ ሃꬅ ኦታና አሺ ጉየ ካታማ Ꮊንጊ አስታይኮ፥
JOH 4:29 «ታኒ ኦꬄዝ ባዝ ኡባ ታስ ኦዴዝ አꬃ በአዳይስ የꬎይታ። ኤ ክርስቶሳ ማቃደሻ?» ዬጌዛ።
JOH 4:30 አሳይ ካታማፕ ከዚ የሱሳኮ Ꮊንጌዛ።
JOH 4:31 የይ ሀኖዳር፥ ኤ ታማርታይ የሱሳኮ፥ «አስታማራዮ ጽቃ ሙንታ ሞየ» ዬጊ ዎሴዛ።
JOH 4:32 ዝን ኤ፥ «ታስ ይ ኤሮዋ ካꬃ ታ ሚዛይ የዛ» ዬጌዛ።
JOH 4:33 የይ ግሾስ፥ ኤ ታማርታይ ዎል ጋንጨ፥ «ኤዝስ ሚዝባዝ አሲ ኮኦ አተና?» ዬጌዛ።
JOH 4:34 የሱሳ ኡንትኮ፥ «ታ ሙንታይ ታና ኪቴዛይ ሸና ኦꬆኔ ኤ ኦሶ ፖሎዳያ።
JOH 4:35 ይ፥ ‹ኦይዲ አጌናፕ ጉየ ካꬃይ ማጾስ ሄሌዛ› ጎሳ? ዝን ታኒ ይንትስ ኦድዛ፤ ካꬃይ ካጺ ሺሾስ ሄሌዛያ ሎእꬂ ቦኦይታ።
JOH 4:36 ዘርዛይኔ ማጽዛይ ዎላ ኡፋይቶድ ጋርክ ማጽዛይ ዳሞዘ ኤክዛ ማ ካꬃካ መꬍና ደኦስ ሺሽዛ።
JOH 4:37 ይኬ፥ ‹ፐታይ ዘርዛ፤ Ꮊንካይ ማ ማጽዛ› ግዝ ኦዳይ ቱማ።
JOH 4:38 ይንቲ ዳቡረካዛና ሺሾዳይ ጋርክ ታኒ ይንታን ኪቴዛ። Ꮊንክታይ ኦꬂ ዳቡሬዝ አቆ ገሊ ይ ኡ ዳቡርስ አፋ ኤኬዝታ» ዬጌዛ።
JOH 4:39 የ አስታ፥ «ኤ፥ ታኒ ኦꬄዝ ኡባ ባዝ ኦዴዛ» ግ ማርካቴዝ ግሾስ የ ካታማ የዝ ሳማረ አሳይፕ ጋምታይ የሱሳ አማኔዛ።
JOH 4:40 ሳማረ አሳይ የሱሳኮ ይኢ፥ ፋ ካለ ጋምኦዳይ ጋርክ የሱሳ ዎስን ኤ ኤዛይድ ናምኢ ጋላስ በቴዛ።
JOH 4:41 ኤ ኦድዛ ቃላይ ግሾስ ቲናሳይፕ ጋመ አሳይ አማኔዛ።
JOH 4:42 ማ ኡንቲ አስትኮ፥ «Ꮊት ኑ አማንዛይ ኑ ኡባስ ኤ ግዛ ስኤዝ ግሾሳፕ አትን ኔኒ ማርካቴዝ ግሾስ ባያ። ማ ኤ ቱማ Ꮊ አላመ አሽዛ ማቅዛና ኑኒ ኤሬዛ» ዬጌዛ።
JOH 4:43 ናምኢ ጋላሳፕ ጉየ፥ የሱሳ የይፕ ከዚ ጋልላ ቢታ ቅቴዛ።
JOH 4:44 የሱሳ ፋ ኡባስ፥ «ናበ ፋ ቢታል ቦንችንቶያ» ዬጊ ቲናቲ ኦዴዛ።
JOH 4:45 የሱሳ ጋልላ ሄሌዝ ዎደ ጋልላ አሳይ ኤዛ ሞኬዛ። አብስ ጊኮ፥ ፓዝቃ ባለ ቦንችዛ ጋላስ ኡንቲ የሩሳላመ የዝ ግሾስ ኤ ኦꬄዝ ባዝ ኡብታ በኤዛ።
JOH 4:46 የሱሳ ሃꬄ ዎይነ ኡሽኮ ላሜዝ አቆ፥ ጋልላ የዝ ቃና ካታማ ቅቴዛ። ቅፍርናሆመ ካታይ ካራ ኦꬅዝ ፐቲ ሹማይስ ናአይ ሀርግንቴዛ።
JOH 4:47 የሱሳ ይሁዳፕ ጋልላ የኤዛና የ ሹማይ ስኢ ኤዝኮ የኤዛ። Ꮊይቆዳይስ ኡኬዝ ፋ ናአ Ꮊንጊ ፓꬆዳይ ጋርክ የሱሳና ዎሴዛ።
JOH 4:48 የሱሳ ሹማይኮ፥ «ጾሳይ ኦꬅዛ ማላባዝኔ ማላ በአምጽኮ ይ ኡባራ አማናም» ዬጌዛ።
JOH 4:49 ሹማይ ማሂ፥ «ጎዳዮ፥ ታ ናአይ Ꮊይቀካ የዝን ታር የꬎዬ» ዬጌዛ።
JOH 4:50 የሱሳ፥ «ነ ካራ ቅቶባ፤ ነ ናአይ ፓጾዳ» ዬጌዛ። የ ሹማይ የሱሳ ጌዛና አማኒ ፋ ካራ Ꮊንጌዛ።
JOH 4:51 ኤ ፋ ካራ Ꮊማዳር ኤ አይልታይ ኤዝኮ ይእታር ኤዛ ኦገል ሄሊ፥ «ነ ናአይ ፓጼዛ» ጌዛ።
JOH 4:52 ኤ አይልታ ፋ ናአይስ አፑን ሳተር ሎኤዛኮ ኦይጬዛ። ኡንቲ ማሂ፥ «ዝቅን ላፑን ሳተር ምሻይ አቴዛ» ዬጌዛ።
JOH 4:53 ናአይ አዳይ የሱሳ ፋኮ፥ «ነ ናአይ ፓጾዳ» ጌዛይ የ ሳተ ማቄዛና አካኬዛ። የይ ግሾስ፥ ኤዝኔ ኤ ካራ አስ ኡቢታይ አማኔዛ።
JOH 4:54 የይ የሱሳ ይሁዳፕ ጋልላ ይኢ ኦꬄዝ ናምእንꬆ ማላ።
JOH 5:1 የይፕ ጉየ፥ የሱሳ አይሁድታይ ቦንችዛ ባላይስ የሩሳላመ Ꮊንጌዛ።
JOH 5:2 የሩሳላመ ዱርታይ ፐንገ ካለ እብራይስጸ ዶናር ቤተሳይዳ ግዝ ዴለ የዛ። የ ሃꬃይ ላንቀ እችን ሸምፖ በስታይ የዛ።
JOH 5:3 [የይድ ሃꬃይ ኤንኦዳና ናግዛ ጋመ ሀርግንቴዝታይ፥ ቶእታይ፥ ዎብታይኔ ጉንድታይ ዎይእዛ።
JOH 5:4 አብስ ጊኮ፥ ፐቲ ፐቲ ቶኬ ጎዳ ኪታንቻይ ሃꬃ ዎꬊ ኤንእስዛ። ሃꬃይ ኤንኦዳር ቲን ገሌዝ አꬃይ ፋና አይኬዝ አባ ሀርገፐካ ፓጽዛ።]
JOH 5:5 የ አቃይድ ሀስታማኔ ሆስፑን ላይꬅ ሀርግንቴዝ ፐቲ አꬃይ የዛ።
JOH 5:6 የሱሳ የ አꬃ ብኢ፥ ማ ጋመ ዎደ ሀርግንቴዛና ኤሪ አꬃይኮ፥ «ፓጾዳይስ ኮይኔ?» ዬጌዛ።
JOH 5:7 ሀርግንቴዝ አꬃይ ማቂ፥ «ጎዳዮ፥ ሃꬃይ ኤንኦዳር ታና ሃꬃይ ጋንጨ ኦልዛ አሲ ባያ። ታኒ ገሎድ ሀኖዳር ሀራይ ታፕ ቲናቲ ገልዛ» ዬጌዛ።
JOH 5:8 የሱሳ ኤዝኮ፥ «ደንዲ ኤቆባ፤ ነ አርሳ ቶኪ ቅቶባ» ዬጌዛ።
JOH 5:9 አꬃይ እዝር ኤልሲ ፓጼዛ፤ ፋ አርሳ ቶኪ ቅቴዛ። የይ ማላ ጋላሳር ሀኔዛ።
JOH 5:10 የይ ግሾስ፥ አይሁድታይ ፓጼዝ አꬃይኮ፥ «Ꮊይኖ ሳአይ ማላ፤ ኔኒ ነ አርሳ ቶክዛይ ዎጋ ባያ» ዬጌዛ።
JOH 5:11 ዝን አꬃይ፥ «ታና ፓꬄዛይ፥ ነ አርሳ ቶኪ ቅቶባ ጌዛ» ዬጊ ማሄዛ።
JOH 5:12 ኡንቲ ኤዝኮ፥ «ነና፥ ነ አርሳ ቶኪ ቅቶባ ጌዛይ ኤ ኦኖ?» ዬጊ ኦይጬዛ።
JOH 5:13 ዝን የሱሳ የ አቃይድ ጋመ አስ ጋንጨር ኤርሰካዛር ኣꬊ ቅቴዝ ግሾስ አꬃይ ፋና ፓꬄዛይ ኦናዛኮ ኤሮያ።
JOH 5:14 የሱሳ ጉየፕ የ አꬃ ጾስ ኬꬃ ደንጊ፥ «Ꮊት፥ ኔኒ ፓጼዛ፤ Ꮊይፕ ኢታ ባዝ ነና ሄላማይ ጋርክ ማቂ ናጋራ ኦꬅፐ» ዬጌዛ።
JOH 5:15 የይፕ ጉየ፥ አꬃይ Ꮊንጊ ፋና ፓꬄዛይ የሱሳ ማቄዛና አይሁድታይስ ኦዴዛ።
JOH 5:16 የሱሳ የያ ማላ ጋላስ ኦꬄዝ ግሾስ አይሁድታይ የሱሳና ባይእꬅ አይኬዛ።
JOH 5:17 የሱሳ ማቂ፥ «ታ አዳይ ኡባ ዎደ ኦꬅዛ፤ ታካ ኦꬆዳይስ ቤዝዛ» ዬጌዛ።
JOH 5:18 የሱሳ ማላ ቦንቼካ ግሾስ ኣዳ ባዝን ጾሳ ፋ አደ ግ ፋና ጾሳር ኡኩልሴዝ ግሾስ አይሁድታይ ኤዛ ዎꬎዳይስ ቲናሳይፕ አꬂ ኮይዛ።
JOH 5:19 የሱሳ ማሂ፥ «ታኒ ይንትስ ቱሮ ኦድዛ፤ ናአይ ፋ ኣዳስ አብካ ኦꬆዳይስ ዳንዳኦያ። ኤ ፋ አዳይ ኦꬆዳር በኤዛና አዳ ኦꬅዛ። አዳይ ኦꬅዛና ናአይካ ኦꬅዛ።
JOH 5:20 አዳይ ፋ ናአ ቃꬍዛ ግሾስ ኤ ኦꬅዝ ኦꬆ ኡባ ፋ ናአ ቤዝዛ። ይ ማላባዝ ጎዳይ ጋርክ ኤ Ꮊይፕ አꬊዝ ኦሶ ፋ ናአ ቤዞዳ።
JOH 5:21 አዳይ Ꮊይቄዝታ Ꮊይቆፕ ደንꬂ ኡንትስ ደኦ እንግዛይ ጋርክ ናአይካ ፋ ኮይዝታይስ ደኦ እንግዛ።
JOH 5:22 አዳይ ናአይስ ፕርደ ማዉተ ኡባ እንጌዛፕ አትን ኤ ኦናካ ፕርዶያ።
JOH 5:23 አሳይ ኡቢታይ አዳ ቦንችዛይ ጋርክ ናአካ ቦንቾዳ። ናአ ቦንቾዋ ኦንካ ናአ ኪቴዝ አዳካ ቦንቾያ።
JOH 5:24 «ታኒ ይንትስ ቱሮ ኦድዛ፤ ታ ቃላ ስእዝታይኔ ታና አዛዜዛና አማንዛይ መꬍና ደኦ የዛ። ኤ Ꮊይቆፕ ደኦ ፒንጌዝ ግሾስ ፕርድንታሚ።
JOH 5:25 ታኒ ይንትስ ቱሮ ኦድዛ፤ Ꮊይቄዝ አሳይ ጾስ ናአ ቃላ ስእዝ ዎደ የኦዳ፤ የይካ Ꮊተ። የ ቃላ ስእዛይ ደኦር የዞዳ።
JOH 5:26 አዳይስ ኤስ ደኦ የዛይ ጋርክ ናአይስካ ኤስ ደኦ የዞዳይ ጋርክ እንግንቴዛ።
JOH 5:27 አስ ናአ ማቅዝ ግሾስ አዳይ ናአይስ ፕርደ ማዉተ እንጌዛ።
JOH 5:28 «ዱፎ የዝታይ ኤ ቃላ ስኢ ደንዶድ ዎደ የኦድ ግሾስ Ꮊያ ማላባዝ ጊፓተ።
JOH 5:29 ሎኦ ኦꬄዝታይ ደኦር የዞዳይስ ማ ኢታ ኦꬄዝታይ ፕርደ ኤኮዳይስ ዱፎፕ ደንዶዳ።
JOH 5:30 «ታኒ ታ ማዉተር አባባዝካ ኦꬆዳይስ ዳንዳኦያ። ጾሳይ ታስ ኦዴዛይ ጋርክ ፕርድዛ። ታኒ ታና ኪቴዛይ ኮይዝ ባዝ ኦꬅዛፕ አትን ታ ኮይዝ ባዝ ኦꬆዋ ግሾስ ታ ፕርዳይ ቱማ።
JOH 5:31 «ታኒ ታባዝ ማርካትኮ ታ ማርካትꬃይ ቱማ ባያ።
JOH 5:32 ታ ባጋ ማርካትዛይ ሀራ የዛ፤ ኤ ታባዝ ማርካትዛይ ቱማ ማቅዛና ታኒ ኤርዛ።
JOH 5:33 «ይ ዋንሳኮ አስ ኪትን ኤ ቱማስ ማርካቴዛ።
JOH 5:34 ታኒ የያ ይንትስ ኦድዛይ፥ ይ አቶድ ጋርክ ጌዛፕ አትን አስ ማርካትꬂ ታስ ኮሼዝ ግሾ ባያ።
JOH 5:35 ዋንሳ ሙቃዳ ጋርክ ኤጽታር ፖኤዛ። ይ ጽቃ ዎደስ ኤ ፖአይድ ኡፋይቴዛ።
JOH 5:36 «ዝን ታስ ዋንሳፕ ኣꬊዝ ማርካ የዛ። ታኒ ኦꬆድ ጋርክ ታ አዳይ ታስ እንጌዝ ኦስታይ ታ ባጋ ማርካትዛ፤ አዳይ ታና አዛዜዛና ቤዝዛ።
JOH 5:37 «ማ ታና ኪቴዝ አዳይ ፋ ኡባስ ታባዝ ማርካትዛ። ይ ኤ ቃላ ኡባራካ ስኤካ ዎይ ኤ ማላ ብእቤኤካያ።
JOH 5:38 ኤ አዛዜዛና ይ አማኖዋ ግሾስ ኤ ቃላይ ይ ዎዝና ጋንጨ ባያ።
JOH 5:39 «ጌሻ ማጻፍታይፕ መꬍና ደኦ ደማድባዝ ይንትስ ኣዝን ኡንታን ይ ፕላግዛ፤ ኡንቲ ታባዝ ማርካትዛ።
JOH 5:40 ዝን ይ ደኦ ደንጎዳይስ ታኮ የኦዳይስ ኮዮያ።
JOH 5:41 «አሳፕ ታኒ ቦንቾ ኮዮያ።
JOH 5:42 ዝን ታኒ ይ ዎዝና ጋንጨ ጾስስ ቃ ባዛ ኤርዛ።
JOH 5:43 ታኒ ታ አዳይ ማዉተር የኤዛ፥ ዝን ታና ሞከካያ። ሀራይ ፋ ማዉተር ይእዛ ዎደ ኤዛ ሞክዛ።
JOH 5:44 ይ ፐታይ ፐታይፕ ቦንቾ ኮይዝታይ፥ ፐቲ ጾሳፕ ይእዝ ጋላታ ኤኮዳይስ ኮዮዝታይ፥ ዋይዚ ታና አማኖዳይስ ዳንዳኤ?
JOH 5:45 «ታኒ ታ አዳይ ቲና ይንታን ሞትዛባዝ ይንትስ ኣዝፐ። ይንታን ሞቶዳይ ይ ኡፋይሳር ናግዝ ሙሰ።
JOH 5:46 ይ ሙሰ አማኔዝ ባዝ ማቄዛኮ ኤ ታ ባጋ ጻፌዝ ግሾስ ታናካ አማኖዳዝን።
JOH 5:47 ዝን ይ ኤ ጻፌዛና አማናም እጽኮ ታ ቃላ ዋይዚ አማኖዴ?» ዬጌዛ።
JOH 6:1 የይፕ ጉየ፥ የሱሳ ጽብራዶሳ ግዝ ጋልላ አባፕ ሰኮ ፕኖ ፒንጌዛ።
JOH 6:2 ኤ ሀርግንቴዝታ ፓꬆር ኦꬄዝ ማላ በኤዝ ግሾስ ጋመ አሳይ ኤዛ ካሌዛ።
JOH 6:3 የሱሳ ደረል አፋ ከዚ፥ ኤዛይድ ፋ ታማርታይር ዎላ በቴዛ።
JOH 6:4 አይሁድታይ ቦንችዛ ፓዝቃ ባለ ጋላሳይ ሄሌዛ።
JOH 6:5 የሱሳ ጋመ አሳይ ፋኮ ይእዛና ብኢ ፍልጶሳኮ፥ «Ꮊ አሳ ኡብታ ሙዞዳይስ ግድዛ ካꬃ አናፕ ዎማዴ?» ዬጌዛ።
JOH 6:6 ኤ የያ ፍልጶሳ ፋጮዳይስ ጌዛፕ አትን ኤ ፋ ኡባስ አብ ኦꬆዳዛኮ ኤርዛ።
JOH 6:7 ፍልጶሳ ማሂ የሱሳኮ፥ «ሀራ አቶዝን፥ ኦማር ኦማር፥ ፐቲ ፐቲ ባꬊꬅ ሄልꬆዳይስ፥ ናምኢ ጼት ዲናረር ሶሎ ዎንግኮካ ግዳሚ» ዬጌዛ።
JOH 6:8 ማ የሱሳ ታማርታይፕ ፐታይ፥ ስሞን ጵጽሮሳ እሻይ እንድራሰ፥
JOH 6:9 «እችን ባንጋ ሶሎራ ናምኢ ሞሎ አይኬዝ ፐቲ ናአይ Ꮊይዳ የዛ፥ ዝን Ꮊ አስ ኡባይስ የይ አብ ማዶዴ?» ዬጌዛ።
JOH 6:10 የሱሳ ፋ ታማርታይኮ፥ «አሳ በትꬆይታ» ዬጌዛ። የ አቃይድ ጋመ ማታ የዛ፤ አሳይ ኡቢታይ በቴዛ። ꬊራꬅ አስታይ ታይባይ እችን ሙኩሎ ማቃዳ።
JOH 6:11 የሱሳ ሶላ ኤኪ ጾስ ጋላቲ ማቂ ኤዛይድ በቴዝ አሳይስ ግሼዛ። ሞላካ ኤኪ Ꮊይ ጋርክ ኡዲ እንግን፥ አሳይ ፋ ኮዬዛይ ጋርክ ሜዛ።
JOH 6:12 ኡ ኡቢታይ ምዤዛይፕ ጉየ የሱሳ ፋ ታማርታይኮ፥ «ፐቲ ባዝካ ኢታም ጋርክ አቴዝ ጉፋ ሺሾይታ» ዬጌዛ።
JOH 6:13 የይ ግሾስ፥ ኡ ኡባ ሺሼዛ። አሳይ ሚን አቴዝ ባንጋ ሶሎ ጉፋ ሺሺ ታጶ ናምኢ ሌማተ ኩንꬄዛ።
JOH 6:14 አሳይ የሱሳ ኦꬄዝ ማላ ብኢ «Ꮊይ ቱማ Ꮊ አላመ የኦድ ግንትንቴዝ ናበ» ዬጌዛ።
JOH 6:15 የሱሳ ኡ ኤዛ አይኪ ዎልቃር ካዉትሶዳይስ ቆፔዛና ኤሪ፥ ፋ ኣዳስ ደረል አፋ ማቂ ከዜዝ።
JOH 6:16 ሳአይ ኦማꬆዳር የሱሳ ታማርታይ አባኮ ዎꬌዛ።
JOH 6:17 ሳአይ ቃሜዝ ግሾስ የሱሳ ሀጋ ኡንትኮ የኤካ ግሾስ ኤ ታማርታይ ዎጎሎ ጋንጨ ገሊ አባ ፒንጊ ቅፍርናሆማ Ꮊማዳይስ ደንዴዛ።
JOH 6:18 ዎልቃማ ጫርኮ ጫርኬዝ ግሾስ አባይ ኤንእዛ።
JOH 6:19 እችን ዎይ ኡሱፑን ክሎ ምትረ ማቆዳይ ጋርክ ኡ አባ ፕꬊ Ꮊንጌዛይፕ ጉየ የሱሳ አባል አፋር የꬍታር ይእዛና ብኢ ያሽቴዛ።
JOH 6:20 ዝን ኤ፥ «ያሽትፋተ፥ ታናበ» ዬጌዛ።
JOH 6:21 ኡንቲ ኡፋይቲ ኤዛ ዎጎሎ ጋንጨ ገልሴዛ፤ እዝር ዎጎላይ ኡ Ꮊንግዛ አባ ጋጻ ሄሌዛ።
JOH 6:22 ዎንትꬃ ጋላስ አባፕ ሰኮ ፕኖ አቴዝ ጋመ አሳይ ፐቲ ዎጎሎ አዳ የዛና በኤዝ ግሾስኔ የሱሳ ፋ ታማርታይር ዎጎሎ ጋንጨ ገሊ፥ ኡንታር Ꮊንጎዛኔ ኡ ፋ ኣዳስ Ꮊንጌዛና አካኬዛ።
JOH 6:23 ዝን ጽባራዶሳፕ ሀራ ዎጎልታይ የሱሳ ጾስ ጋላትን፥ አሳይ ሶሎ ሜዝ አቃ የኤዛ።
JOH 6:24 አሳይ የሱሳ ዎይ ኤ ታማርታይ ኤዛይድ ባዛና ብኢ፥ የሱሳ ኮዮዳይስ ዎጎልታይድ ገሊ ቅፍርናሆማ Ꮊንጌዛ።
JOH 6:25 አሳይ የሱሳ አባፕ ሰኮ ፕኖ ደንጌዝ ዎደ «አስታማራዮ፥ Ꮊይድ አይድ የኤኔ?» ዬጌዛ።
JOH 6:26 የሱሳ ማሂ፥ «ታኒ ይንትስ ቱሮ ኦድዛ፤ ይ ታና ኮይዛይ ሶሎ ም ምዤዝ ግሾስፕ አትን ማላ በኤዝ ግሾስ ባያ።
JOH 6:27 ꬋብዛ ካꬃስ ኦꬅፓተ፥ ዝን መꬍናስ ደኦ እንግዝ ካꬃስ ኦꬆይታ። ጾስ አዳይ ኤ ኦꬆድ ጋርክ ኤዝስ ማዉተ እንጌዝ ግሾስ የ ካꬃ አስ ናአይ ይንትስ እማዳ ኤርሴዛ» ዬጌዛ።
JOH 6:28 የዝን ኡንቲ፥ «ኑኒ ጾስ ኦꬆ ኦꬆዳይስ አብ ኦꬆዴ?» ዬጊ የሱሳ ኦይጬዛ።
JOH 6:29 የሱሳ ማሂ፥ «ይ ኦꬆድ ጋርክ ጾሳይ ኮይዝ ኦሳይ Ꮊያ፤ ኤ አዛዜዛና አማኖይታ» ዬጌዛ።
JOH 6:30 ኡንቲ ማሂ፥ «ኑኒ ብኢ፥ ነና አማኖድ ጋርክ አባ ማላ ነ በሳደ? ነ አብ ኦꬆዴ?
JOH 6:31 ጌሻ ማጻፋይድ፥ ‹ኡ ማድ ጋርክ ሶሎ ሳሎፕ እንጌዛ› ግንትንቲ ጻፍንቴዛይ ጋርክ ኑ አድታይ ሊዦ ደንባ ማና ሜዛ» ዬጌዛ።
JOH 6:32 የሱሳ፥ «ታኒ ይንትስ ቱሮ ኦድዛ፤ ይንትስ ሳሎፕ ቱማ ሶሎ እንጌዛይ ታ አዳይፕ አትን ሙሰ ባያ።
JOH 6:33 ይኬ፥ ጾሳይ እንግዝ ሶላይ ሳሎፕ ዎꬌዛይ አላማይስ ደኦ እንግዛ» ዬጌዛ።
JOH 6:34 ኡንቲ ማሂ፥ «ጎዳዮ፥ ኑስ የ ሶላ ኡባ ጋላስ እንጎባ» ዬጌዛ።
JOH 6:35 የሱሳ፥ «ታኒ ደኦ እንግዛ ሶሎ፤ ታኮ ይእዝ ኦንካ ኡባራካ ናይንተና። ማ ታና አማንዛ አꬃይ ኡባራካ ሳምንተና።
JOH 6:36 ዝን ታኒ ይንትስ ኦዴዛ፤ ይ ታና በኤዛ፥ ዝን አማኖያ።
JOH 6:37 ታ አዳይ ታስ እንግዝ ኡቢታይ ታኮ የኦዳ፤ ማ ታኮ ይእዝ ኦናካ ባለ ዳካሚ።
JOH 6:38 ታኒ ታ ኮይዝ ባዝ ኦꬆዳይስ ባዝን ታና ኪቴዛይ ኮይዝ ባዝ ኦꬆዳይስ ሳሎፕ የኤዛ።
JOH 6:39 ታና ኪቴዛይ ኮይዛይ Ꮊያ፦ ታኒ ኤ ታስ እንጌዝ ኡብታካ ዉርስꬅ ጋላስ Ꮊይቆፕ ደንꬆዳይ ጋርከፕ አትን ፐታካ ꬋብሶድ ጋርክ ኮዮያ።
JOH 6:40 ይኬ፥ ታ አዳይ ኮይዛይ የያ ናአ ብኢ አማንዛ ኡቢታይ መꬍና ደኦ ኤኮዳ፤ ታኒ የ ኡብታ ዉርስꬅ ጋላስ መꬍና ደኦስ Ꮊይቆፕ ደንꬆዳ» ዬጌዛ።
JOH 6:41 የሱሳ፥ «ታኒ ሳሎፕ ዎꬌዝ ሶሎ» ጌዝ ግሾስ አይሁድታይ ኤዛ ዝግሬዛ።
JOH 6:42 ኡንቲ፥ «Ꮊይ ኑኒ ኤ አዳኔ ኤ እንዳት ኤርዛ ዮሴፋ ናአ የሱሳ ባሳኔ? የዝን፥ ኤ ዋይዚ፥ ‹ታኒ ሳሎፕ ዎꬌዛ› ጎዳይስ ዳንዳእኔ?» ዬጌዛ።
JOH 6:43 የሱሳ ማሂ፥ «ፐታይ ፐታይራ ዝግርዛ አሾይታ።
JOH 6:44 ታና ኪቴዝ ታ አዳይ ታኮ ክእዛ አሳፕ አትን ታኮ የኦዳይስ ዳንዳእዛ ኦንካ ባያ። ታኒ ዉርስꬂ ጋላስ ኤዛ መꬍና ደኦስ Ꮊይቆፕ ደንꬆዳ።
JOH 6:45 ናብታይ፥ ‹ጾሳይ አስ ኡባ ታማርሶዳ› ዬጊ ጻፌዛ። ኣዳ ስእዛይኔ ኤዝፕ ታማርዛ ኦንካ ታኮ ይእዛ።
JOH 6:46 ጾስ አዳ በኤዛይ ኦንካ ባያ፤ ኤ አዳይ አዳ በኤዛ።
JOH 6:47 «ታኒ ይንትስ ቱሮ ኦድዛ፤ ታና አማንዛ ኦስካ መꬍና ደኦ የዛ።
JOH 6:48 ታኒ ደኦ እንግዝ ሶሎ።
JOH 6:49 ይ አድታይ ሊዦ ደምባ ማኖ ሜዛ፥ ዝን Ꮊይቄዛ።
JOH 6:50 ሳሎፕ ይእዝ ሶላይ Ꮊያ፤ የ ሶላ ሚዝ ኦንካ Ꮊይቃሚ።
JOH 6:51 ሳሎፕ የኤዝ ደኦ ሶላይ ታና። ኦንካ Ꮊ ሶላ ሚኮ መꬍናስ የዞዳ። ማ Ꮊ አላማይ ደኦር የዞድ ጋርክ ታኒ ይንትስ እማድ ሶላይ ታ አሾ» ዬጌዛ።
JOH 6:52 አይሁድታይ፥ «Ꮊ አꬃይ ፋ አሾ ኑ ማድ ጋርክ ኑስ ዋይዚ እማዳይስ ዳንዳኤ?» ዬጊ ዎል ጋንጨ ፓላሜዛ።
JOH 6:53 የይ ግሾስ፥ የሱሳ ኡንትኮ፥ «ታኒ ይንትስ ቱሮ ኦድዛ፤ አስ ናአ አሾ፥ ይ ማም እጽኮ፥ ኤ ሱꬃ ይ ኡዣም እጽኮ፥ ይንትስ ደኦ ባያ።
JOH 6:54 ታ አሾ ሚዝ አꬃይስኔ ታ ሱꬃ ኡዥዝ አꬃይስ መꬍና ደኦ የዛ። ታኒ ዉርስꬅ ጋላስ ኤዛ Ꮊይቆፕ ደንꬆዳ።
JOH 6:55 ታ አሻይ ቱማ ሙንታ፤ ታ ሱꬃይካ ቱማ ኡሺ።
JOH 6:56 ታ አሾ ሚዝ አꬃይኔ ታ ሱꬃ ኡዥዝ አꬃይ ታር የዝዛ፤ ታካ ኤዛር የዝዛ።
JOH 6:57 ደኦ አዳይ ታና ኪትን፥ ታኒ ኤ ባጋር ደኦር የዛይ ጋርክ፥ ታና ሚዝ አꬃይካ ታ ባጋር ደኦር የዞዳ።
JOH 6:58 ሳሎፕ ዎꬌዝ ሶላይ Ꮊያ፦ ይ አድታይ ም Ꮊይቄዝ ማናይ ጋርክ ባያ፤ Ꮊ ሶላ ሚዝ አꬃይ መꬍናስ የዞዳ» ዬጌዛ።
JOH 6:59 የሱሳ ቅፍርናሆማ ካታማ አይሁድታይ ዎሳ ኬꬃ Ꮊያ ታማርሴዛ።
JOH 6:60 የሱሳ ታማርታይፕ ጋመ ባጋይ የያ ስኢ «Ꮊይ ገሎዋ ትምርተ፤ Ꮊይ ኦስ ገሌ?» ዬጌዛ።
JOH 6:61 የሱሳ ፋ ታማርታይ የይስ ዝግሬዛና ኤሪ፥ «Ꮊይ ይንታን ꬉቢኔ?
JOH 6:62 የዝን፥ አስ ናአይ ቲን የዛበሳ ፑደ ከሳዳር ይ ብኢ ዋጎደሻ?
JOH 6:63 አያናይ ደኦ እንግዛ፤ አስ ዎልቃ አብካ ማዶያ። ታ ይንትስ ኦድዛ ቃላይ ደኦ እንግዝ ጌሻ አያናፕ ይእዛ።
JOH 6:64 ዝን ይ ጋንጨ አማኖዝታይ የዛ» ዬጌዛ። አማኖዝታይ ኦናንታዛኮ የሱሳ ቲናፕ አይኪ ኤርዛ። ማ ፋና ኣꬂ እማዳይ ኦናዛኮ ኤርዛ።
JOH 6:65 ማካ የሱሳ፥ «አዳይ Ꮊንጎባ ጌካ ኦንካ ታኮ የኦዳይስ ዳንዳኦያ ግ ታኒ ኦዴዛይ የይ ግሾስ» ዬጌዛ።
JOH 6:66 የይ ግሾስ፥ የሱሳና ካልዝታይፕ ጋምታይ ኤዛ አሺ ጉየ ማቄዛ፤ ማቂ ኤዛ ካልበኤካያ።
JOH 6:67 የሱሳ ታጶ ናምኢ ፋ ታማርታ፥ «ይንትካ አሺ Ꮊማዳይስ ኮይኔ?» ዬጊ ኦይጬዛ።
JOH 6:68 ስሞን ጵጽሮሳ ማሂ፥ «ጎዳዮ፥ ኑኒ ኦክ Ꮊማዴ? ነ መꬍና ደኦ እንግዝ ቃላር የዛ።
JOH 6:69 ኔኒ ጌሻ ጾሳይ ናአ ማቄዛና ኑኒ አማንዛኔ ኤርዛ» ዬጌዛ።
JOH 6:70 የሱሳ ኡንትኮ፥ «ታኒ ይንታን ታጶ ናምእታ ማራጸካሳ? ዝን ይንትፕ ፐታይ ጻላሄ» ዬጌዛ።
JOH 6:71 የሱሳ የያ ጌዛይ ስሞና ናአ አስቆሮቶ ይሁዳስ። ይሁዳ የሱሳና አꬂ እማዳይስ የዝ ታጶ ናምኢ ታማርታይፕ ፐታ።
JOH 7:1 የይፕ ጉየ፥ አይሁድታይ የሱሳ ዎꬎዳይስ ኮይዝ ግሾስ ኤ ይሁዳ አሺ ጋልላር ዩዬዛ።
JOH 7:2 አይሁድታይ ቦንችዛ ዳሰ ባለ ቦንችንቶዳይስ ኡኬዛ።
JOH 7:3 የይ ግሾስ፥ የሱሳ እሽታይ፥ «ነ ታማርታይ ኔኒ ኦꬅዝ ማልታ በአድ ጋርክ Ꮊይፕ ደንዲ ይሁዳ ቢታ ቅቶባ።
JOH 7:4 ፓስ ኤርንቶዳይስ ኮይዝ አስ ኦንካ ፋ ኦሳ ቆሶያ። ኔኒ Ꮊይትታ ኦꬂ ነ ባጋ አላማ ኤርሶባ» ዬጌዛ።
JOH 7:5 ኤ እሽታይ የያ ጌዛይ ኤዛል አማናም እጼዝ ግሾስ።
JOH 7:6 የሱሳ ኡንትኮ፥ «ታስ ዎዳይ ሄለካያ፥ ዝን ይንትስ ኡባ ዎዳይ ጊጋ።
JOH 7:7 አላማይ ይንታን እጾዳይስ ዳንዳኦያ፥ ዝን ታኒ አላማይ ኦሳይ ኢታ ማቅዛና ማርካትዝ ግሾስ ታና እጽዛ።
JOH 7:8 ይ ባላ Ꮊንጎይታ፤ ታ ዎዳይ ሄለካዛይ ግሾስ ታኒ ባላ Ꮊንጋሚ» ዬጌዛ።
JOH 7:9 ኤ የያ ግ ጋልላ አቴዛ።
JOH 7:10 ኤ እሽታይ ባላ ቦንቾዳይስ Ꮊንጌዛይፕ ጉየ የሱሳ ኦናካ ኤርሰካዛር ቆሶር የ አቃ Ꮊንጌዛ።
JOH 7:11 አይሁድታይ ባላ ቦንችዛ አቃይድ፥ «ኤ አባ የኔ?» ዬጊ ኤዛ ኮዬዛ።
JOH 7:12 አሳይ ካልካሺ ኤባጋ ኦድንቶዳር ባግታይ፥ «ኤ ሎኦ አስ» ጎዳር አቴዝ አሳይ ማ፥ «ዋኣ፥ ኤ ዎያ ባልꬅዛ» ዬግዛ።
JOH 7:13 ዝን አይሁደ ሀላቅታይስ ያሽቴዝ ግሾስ ኦንካ ኤባጋ ጌሻ ኦድንቶዳይስ ዳንዳኤካያ።
JOH 7:14 ባላ ቦንቺ ጋባ ሄልꬆዳር የሱሳ ጾሳ ኬꬅ Ꮊንጊ ታማርሶ አይኬዛ።
JOH 7:15 አይሁድታይ፥ «Ꮊ አꬃይ ትምርተ ታማረካዛር Ꮊያ ኡባ ዋይዚ ኤሬኔ?» ዬጊ ማላባዝ ጌዛ።
JOH 7:16 የሱሳ ማሂ፥ «ታ ታማርስዛ ትምርታይ ታና ኪቴዝ ጾሳፕ ይእዝ ትምርተፕ አትን ታባዝ ባያ።
JOH 7:17 ጾስ አዛዞ ኦꬆዳይስ ኮይዝ ኦንካ Ꮊ ትምርታይ ጾሳፕ ይእዛኮኔ ዎይ ታኒ ታፕ ኦድዛኮ ኤሮዳ።
JOH 7:18 ፓፕ ኦድዝ ኦንካ ፋ ኡባ ቦንቾ ኮይዛ። ዝን ፋና ኪቴዛይ ቦንቾ ኮይዝ ኦንካ ኤ ቱማንቾ፤ ኤዛር ዎርዶ ባያ።
JOH 7:19 ሙሰ ይንትስ ህገ እንጌዛ፥ ዝን ይንትፕ ኦንካ ህገ ናገካያ። የዝን አብስ ታና ዎꬎዳይስ ኮዬ?» ዬጌዛ።
JOH 7:20 አሳይ ማሂ፥ «ኔል ጻላሄ የዛ፤ ነና ዎꬎዳይስ ኦኖ ኮይዛይ?» ዬጌዛ።
JOH 7:21 የሱሳ፥ «ታኒ ፐቲ ማላ ኡድን ይ ኡቢታይ ማላባዝ ጌዛ።
JOH 7:22 ይንቲ፥ ይ ናእታ ዶካሎድ ጋርክ ሙሰ ኪቴዛ። ዝን ዶካሎ ይ ማይዝታይ ኡዶ አይኬዛፕ አትን ሙሰ ባያ። የይ ግሾስ፥ ይ ማላ ጋላስ ꬊራꬅ ናእታ ዶካልዛ።
JOH 7:23 ሙሰ ህጋይ ኪቴዝ ግሾስ ይ ማላ ጋላስ ዶካልዛባዝ ማቅኮ፥ ታኒ ፐቲ አሲ ኩንꬅ ጋላ ፓꬄዝ ግሾስ ታር አብስ ካጬ?
JOH 7:24 ቱማ ፕርደ ፕርዶይታፕ አትን አስ ኣፈ ብኢ ፕርድፓተ» ዬጌዛ።
JOH 7:25 የሩሳላመ አሳይፕ ፐታይ ፐታይ፥ «ኡ ዎꬎዳይስ ኮይዝ አꬃይ Ꮊያ ባሳ?
JOH 7:26 ዬዛኮ፥ ኤ ፕ ኦድዛ፤ ኡንቲ ኤዛ አብካ ጎያ። ኤ ክርስቶሳ ማቅዛና ሀላቅታይ ቱማ ኤርነሻ?
JOH 7:27 ክርስቶሳ ይእዛ ዎደ ኤ አናፕ ይእዛኮ ኦንካ ኤሮያ፥ ዝን ኤ አናፕ የኤዛኮ ኑ ኤርዛ» ዬጌዛ።
JOH 7:28 የሱሳ ጾስ ኬꬃ ታማርስታር ፋ ቃላ ꬎቅ ኡዲ፥ «ቱማ ይ ታኒ ኦናዛኮኔ ታ አናፕ የኤዛኮ ኤርኔ? ታኒ ታ ማዉተር የኤካያ፥ ዝን ታና ኪቴዛይ ቱማ፤ ይ ኤዛ ኤሮያ።
JOH 7:29 ዝን ታኒ ኤ ኪትን ኤ ላንቀፕ የኤዝ ግሾስ ኤዛ ኤርዛ» ዬጌዛ።
JOH 7:30 የይ ግሾስ፥ ኡንቲ ኤዛ አይኮዳይስ ኮዬዛ። ዝን ኤ ዎዳይ ሀጋ ሄለካዛይ ግሾስ ኦንካ ኤዛል አፋ ኩሸ ጋደካያ።
JOH 7:31 ዝን ጋመ አሳይ የሱሳ አማኒ፥ «ክርስቶሳ የኦዳር Ꮊ አꬃይ ኦꬄዝ ማልታይፕ ጋንግዛ ማልታ ኦꬆደኔ?» ዬጌዛ።
JOH 7:32 ፈርሳወ አሳይ ጋመ አሳይ የሱሳ ኦሳይ ባጋ ካልካሾዳር ስኤዛ። ቄሰ ሀላቅታይኔ ፈርሳወ አሳይ ኤዛ አይኪ አጭሾዳይስ ጾስ ኬꬃ ናግዝታ ኪቴዛ።
JOH 7:33 የሱሳ፥ «ታኒ ይንታር ጽቃ ዎደ ጋምኦዳ፤ የይፕ ጉየ ታና ኪቴዛይኮ Ꮊማዳ።
JOH 7:34 ይ ታና ኮዮዳ፥ ዝን ደንጋሚ። ታኒ የዛ አቃ ይ የኦዳይስ ዳንዳኦያ» ዬጌዛ።
JOH 7:35 አይሁድታይ ፐታይ ፐታይራ፥ «Ꮊይ ኑኒ ደንጎዋ አቆ አባ Ꮊማድ ሀኔ? ግርከ ካታማ ጋንጨ የዝ አይሁድታይኮ Ꮊንጊ ግርክታ ታማርሶዳይስ ሀንነኔ?
JOH 7:36 ‹ይ ታና ኮዮዳ፥ ዝን ደንጋሚ› ማ፥ ‹ታኒ የዛበሳ ይ የኦዳይስ ዳንዳኦያ› ጉሳይ አብ ጉሶ?» ዬጌዛ።
JOH 7:37 ባላ ቦንችዛ ጋላስታይፕ ዎልቃማነ ዉርስꬅ ጋላስ የሱሳ ደንዲ፥ ፋ ቃላ ꬎቅ ኡዲ፥ «ሳምንቴዝ ኦንካ ታኮ ይኢ ኡዦ።
JOH 7:38 ታና አማንዛ ኦንካ ጌሻ ማጻፈ ጌዛይ ጋርክ ደኦ እንግዝ ፑልቶ ሃꬃይ ኤ ጋንጨፕ ጎጎዳ» ዬጌዛ።
JOH 7:39 ኤ የያ ጌዛይ ኤዛ አማኔዝታይ ኤኮዳይስ የዝ ጌሻ አያናባጋ። የሱሳ ሀጋ ቦንችንተካ ግሾስ የ ዎደ ጌሻ አያናይ እንግንተካያ።
JOH 7:40 የ አሳይፕ ጋምታይ ኤ ግዛ ስኢ፥ «ቱማ Ꮊይ ናበ» ዬጌዛ።
JOH 7:41 Ꮊንክታይ ማ፥ «Ꮊይ ክርስቶሳ» ዬጌዛ። ዝን አቴዝ አሳይ ማ፥ «ክርስቶሳ ጋልላፕ የኦደኔ?
JOH 7:42 ጌሻ ማጻፋይ፥ ‹ክርስቶሳ ዳውተ ሼሻፕ ዳውተ የዜዝ ቤተለመ ካታማፕ የኦዳ› ዬጎሳኔ?» ዬጌዛ።
JOH 7:43 ዝን፥ የሱሳ ግሾስ አሳይ ዎል ጋንጨ ሻክንቴዛ።
JOH 7:44 የ አሳይፕ ፐታይ ፐታይ ኤዛ አይኮዳይስ ኮዬዛ፥ ዝን ኦንካ ኤዛል አፋ ኩሸ ጋደካያ።
JOH 7:45 ጾሳ ኬꬅ ናግዝታይ ቄሰ ሀላቅታይኮራኔ ፈርሳውታይኮ ጉየ ማቂ ይእን ኡንቲ፥ «አብስ ኤዛ ከኤካሳ?» ዬጊ ኦይጬዛ።
JOH 7:46 ጾሳ ኬꬅ ናግዝታይ ኡንትኮ፥ «Ꮊ አꬃይ ኦድዛይ ጋርክ ኦንካ ኦድንቶያ» ዬጊ ማሄዛ።
JOH 7:47 ፈርሳወ አሳይ ማሂ፥ «ኤ ይንታናካ ባልꬄኔ?
JOH 7:48 አይሁደ ሀላቅታይፕ ዎይ ፈርሳወ አሳይፕ ኤዛ አማኔዝ አስ የኔ?
JOH 7:49 ሙሰ ህገ ኤሮዋ Ꮊ አሳይ ባድቴዛ» ዬጌዛ።
JOH 7:50 ፈርሳውታይፕ ፐታይ ቃማ የሱሳኮ Ꮊንጌዝ ንቆድሞሳ ኡንትኮ፥
JOH 7:51 «ፐቲ አሲ ግዝ ባዝ ስኤካዛር ዎይ ኤ አብ ኦꬄዛኮ ኤረካዛር ቲናቲ ኤዛል አፋ ፕርድዛይ ኑ ህጋይድ የኔ?» ዬጌዛ።
JOH 7:52 ኡንቲ ማቂ፥ «ኔካ ማ ጋልላ ቢታ አሶ? ጋልላ ቢታፕ ናበ ኬዛምዛ ጌሻ ማጻፋይፕ ፕላጊ ደንጎባ» ዬጌዛ።
JOH 7:53 ኡቢታይ ፋ ካራ ፋ ካራ ቅቴዛ።
JOH 8:1 የሱሳ ደብረ ዛይተ ደረል አፋ ቅቴዛ።
JOH 8:2 ማ ዎንትꬃ ጋላስ ጉራ ጾሳ ኬꬅ ማቄዛ። ጋመ አሳይ ኤዝኮ ይእን በቲ ኡንታን ታማርሴዛ።
JOH 8:3 ህገ አስታማርታይኔ ፈርሳወ አሳይ ላግቶዳር አይኬዝ ፐቲ አስቶ ኤዝኮ ከኤዛ። ኡ አስ ኡባይ ቲና እዞ ኤሲ፥
JOH 8:4 «አስታማራዮ፥ Ꮊ አስታ ላግቶዳር ኑ አይኬዝ።
JOH 8:5 ሙሰ ህጋይ Ꮊን ጋርክ አስታ ሹቻር ጫድንቲ Ꮊይቆድ ጋርክ ኪትዛ። የዝን፥ ኔኒ ዋጌ?» ዬጌዛ።
JOH 8:6 ኡ የያ ጌዛይ የሱሳና ፓጪ ኤዛ ሞትዛባዝ ደማዳይሲ። ዝን የሱሳ ዙጊ ፋ ብራር ሳአል ጻፌዛ።
JOH 8:7 ኡ ኤዛ ማሂ ማሂ ኦይጪ አሻሚ እጽን፥ ፑደ ꬎቅ ግ፥ «ይ ጋንጨ ናጋራ ኦꬄካ አስ ቲናቲ እዞ ሹቻር ሾጮ» ዬጌዛ።
JOH 8:8 ማካ ዙጊ ሳአል ጻፌዛ።
JOH 8:9 ኡንቲ የያ ስኤዝ ዎደ ጭምታይፕ አይኪ ፐታይ ፐታይ ከዝታር ዉሬዛ። የሱሳ ኣዳ የ አቃይድ ኤቄዝ አስትር አቴዛ።
JOH 8:10 ኤ ፑደ ꬎቅ ግ አስትኮ፥ «Ꮊን አስተ፥ አሳይ አና Ꮊንጌኔ? ኔል ፕርዴዝ ኦንካ ባሳ?» ዬጌዛ።
JOH 8:11 ያ አስታ፥ «ጎዳዮ፥ ኦንካ ባያ» ዬጌዛ። የሱሳ ማሂ፥ «ታንካ ኔል አፋ ፕርዳሚ። ቅቶባ፤ Ꮊንፕ ማቂ ናጋራ ኦꬅፐ» ዬጌዛ።
JOH 8:12 ማካ የሱሳ አሳይኮ፥ «ታኒ አላመስ ፖኦ። ታና ካልዛ ኦንካ ደኦ እንግዝ ፖአና ደንጎዳይፕ አትን ꬉማ ጋንጨ ዉተና» ዬጊ ኦዴዛ።
JOH 8:13 ፈርሳወ አሳይ፥ «ነ ነባዝ ማርካትዛ፥ ዝን ነ ማርካትꬃይ ቱማ ባያ» ዬጌዛ።
JOH 8:14 የሱሳ ማሂ፥ «ታኒ ታባዝ ማርካትኮካ ታ ማርካትꬃይ ቱማ። አብስ ጊኮ፥ ታኒ አናፕ የኤዛኮ ማ አና Ꮊንግዛኮ ኤርዛ፥ ዝን ይ ኤሮያ።
JOH 8:15 ይ አስ ቆፋል ፕርድዛ፤ ታኒ ፐቲ አሳላካ ፕርዳሚ።
JOH 8:16 ታኒ ፕርድዛ ባዝ ማቅኮካ ታ ፕርዳይ ቱማ። አብስ ጊኮ፥ ታና ኪቴዝ ታ አዳይ ታር የዛይፕ አትን ታኒ ታ ኣዳስ ባያ።
JOH 8:17 ናምኢ አስ ማርካትꬂ ሚንግዛ የይ ይ ህጋይድ ጻፍንቴዛ።
JOH 8:18 ታኒ ታባዝ ታ ኡባስ ማርካትዛ፤ ማ ታና ኪቴዝ ታ አዳይ ታባዝ ማርካትዛ» ዬጌዛ።
JOH 8:19 ኡንቲ፥ «ነ አዳይ አባ የኔ?» ዬጊ ኤዛ ኦይጬዛ። የሱሳ ማሂ፥ «ይ ታና ዎይ ታ አዳ ኤሮያ። ታና ኤርዛ ማቄዛኮ፥ ይ ታ አዳካ ኤሮዳዝን» ዬጌዛ።
JOH 8:20 የሱሳ ጾሳ ኬꬅ ሙጻታ ሚሸ ኦልዝ ሳጽነ የዝ በሳ የያ ታማርሴዛ። ኤ ቃማይ ሀጋ ሄለካዛይ ግሾስ ኦንካ ኤዛ አይከካያ።
JOH 8:21 ማካ የሱሳ ኡንትኮ፥ «ታኒ Ꮊማዳዝን፤ ይ ታና ኮዮዳ፥ ዝን ይ አቶትꬅ ደንጋሚ ይ ናጋራራ Ꮊይቆዳ። ታኒ Ꮊንግዛ አቆ Ꮊማዳይስ ይ ዳንዳኦያ» ዬጌዛ።
JOH 8:22 አይሁደ ሀላቅታይ፥ «ኤ፥ ‹ታኒ Ꮊንግዛ አቆ ይ Ꮊማዳይስ ዳንዳኦያ› ዬጌዛ። ኤ ፋና ፋ ኣዳስ ዎꬎዳይሶኔ?» ዬጌዛ።
JOH 8:23 የሱሳ ማሂ፥ «ይ ሳአፐ፤ ታ አፋፐ። ይ Ꮊ አላማይፐ፥ ታ Ꮊ አላማይፕ ባያ።
JOH 8:24 ይ አቶትꬅ ደንጋም ይ ናጋራራ Ꮊይቆድ ግ ታ ይንትስ ኦደዛይ Ꮊይሲ። ታኒ ታና ይ አማናም እጽኮ ይ አቶትꬅ ደንጋሚ ይ ናጋራራ Ꮊይቆዳ» ዬጌዛ።
JOH 8:25 ኡንቲ፥ «ኔኒ ኦኖ?» ዬጊ ኦይጬዛ። የሱሳ ማሂ፥ «ታኒ፥ ቲናፕ ይንትስ ኦዴዛይ ታና።
JOH 8:26 ታኒ ይ ባዝ ኦዲ ፕርድዛ ባዝ ጋመ ባዝ የዛ። ዝን ታና ኪቴዛይ ቱማንቾ፤ ማ ታ ኤፕ ስኤዛን ኣዳ አላማይስ ኦድዛ» ዬጌዛ።
JOH 8:27 የሱሳ ፋ አዳይባጋ ኦድዛና ኡ አካኬካያ።
JOH 8:28 የይ ግሾስ፥ የሱሳ ኡንትኮ፥ «ይ አስ ናአ ፑደ ꬎቅ ኦꬅዛ ዎደ ታኒ ታና ማቄዛና ይ ኤሮዳ። ማካ ታኒ ታ ስልጻነር አብካ ኦꬆዳኔ ታ አዳይ ታና ታማርሴዛና ኦድዛ ይ ኤሮዳ።
JOH 8:29 ታና ኪቴዛይ ታር የዛ። ታኒ ኡባ ዎደ ኤዛ ኡፋይስዛ ባዝ ኦꬅዛ ግሾስ ኤ ታና ታ ኡባስ አሸካያ» ዬጌዛ።
JOH 8:30 የሱሳ የያ ኦዶዳር ስኤዝ ጋመ አሳይ ኤዛ አማኔዛ።
JOH 8:31 የሱሳ ፋና አማኔዝ አስታይኮ፥ «ይ ታ ትምርታይስ ኪትንትኮ ቱማ ታና ካልዝታ።
JOH 8:32 ይ ቱማ ኤሮዳ፤ ቱማይካ ይንታን ዎዚ ኤኮዳ» ዬጌዛ።
JOH 8:33 ኡንቲ ማሂ፥ «ኑኒ አፍራመ ሼሺ፤ ኑኒ ኦስካ አይልትበኤካያ። ነ ዋጊ፥ ‹ይ ዎዝንቶዳ ጌ?» ዬጌዛ።
JOH 8:34 የሱሳ ማሂ፥ «ታኒ ይንትስ ቱሮ ኦድዛ፤ ናጋራ ኦꬅዝ ኦንካ ናጋራ አይለ።
JOH 8:35 አይለ መꬍናስ ካራ አሳር የዞያ፥ ዝን ናአይ መꬍናስ ካራ አሳር የዝዛ።
JOH 8:36 ናአይ ይንታን ዎዝኮ ይ ቱማ ዎዝንቶዳ።
JOH 8:37 ይ አፍራመ ሼሽ ማቄዛና ታኒ ኤርዛ። ዝን ታ ቃላይ ይ ዎዝና ጋንጨ ባዛይ ግሾስ ታና ዎꬎዳይስ ኮይዛ።
JOH 8:38 ታኒ ታ አዳይ ታና ቤዜዛና ኦድዛ፥ ዝን ይንትካ ይ አዳይፕ ስኤዛን ኦꬅዛ» ዬጌዛ።
JOH 8:39 ኡንቲ ማሂ፥ «ኑ አዳይ አፍራመ» ዬጌዛ። የሱሳ ኡንትኮ፥ «ይ አፍራመ ናእታ ማቄዛኮ ኤ ኦꬄዛና ኦꬆዳ።
JOH 8:40 ዝን ጾሳፕ ስኤዝ ቱማ ኦዴዝ ታና ይ ዎꬎዳይስ ኮይዛ። አፍራመ Ꮊይ ጋርክ ኦꬄካያ።
JOH 8:41 ይንቲ፥ ይ አዳይ ኦꬄዛና ኦꬅዛ» ዬጌዛ። ኡንቲ ማሂ፥ «ኑኒ ላግተር የልንቴዝ ናእታ ባያ፤ ኑስ ፐቲ አዳይ ጾሳይ ኣዳ የዛ» ዬጌዛ።
JOH 8:42 የሱሳ ኡንትኮ፥ «ጾሳይ ቱማ ይ አደ ማቄዛኮ ይ ታና ቃꬎዳ፤ አብስ ጊኮ፥ ታ ጾስ ላንቀፕ ይኢ Ꮊይዳ የዛ። ታና ኤ ኪቴዛፕ አትን ታኒ ታ ማዉተር የኤካያ።
JOH 8:43 ታኒ ግዛ ይ ስኦዳይስ ኮዦዋ ግሾስ ታ ግዝ ባዝ ይንትስ ገሎያ።
JOH 8:44 ይንቲ፥ ይ አዳይ ጻለሃይ ናእታ። ማ ይንቲ፥ ይ አዳይ አሞትዝባዝ ኦꬆዳይስ ኮይዛ። ኤ ቲናፕ አይኪ ሸምፖ ዎꬍዛያ። ቱማ ኤዛር ባዛይ ግሾስ ኤ ቱማ እጽዛ። ዎርዶ ኤዝስ መꬎ ማቄዝ ግሾኔ ኤ ዎርዶ አደኔ ዎርዶ ኦድንትታር ፓፕ ኦድንትዛ።
JOH 8:45 ታኒ ቱሮ ኦድዛ፥ ዝን ይ ታና አማኖያ።
JOH 8:46 ይንታፕ፥ ‹ኔኒ ናጋራ ኦꬆዳር ታ በኤዛ› ጎዳይስ ዳንዳእዛይ ኦኖ? ታኒ ቱሮ ኦድንትዛባዝ ማቅኮ ታና አብስ ይ አማኖሳ?
JOH 8:47 ጾስ አሲ ጾሳይ ግዝ ባዝ ስእዛ። ይ ጾስ አስ ማቀካ ግሾስ ጾሳይ ግዝ ባዝ ስኦያ» ዬጌዛ።
JOH 8:48 አይሁድታይ ማሂ፥ « ‹ኔኒ ሳማረ አሲ፤ ኔል ቱና አያና የዛ› ጉሳይድ ቡታ የኔ?» ዬጌዛ።
JOH 8:49 የሱሳ ኡንትኮ «ታል አፋ ቱና አያና ባያ። ታኒ ታ አዳ ቦንችዛ፥ ዝን ይ ታና ካዉሽዛ።
JOH 8:50 ታኒ ታ ኡባስ ቦንቾ ኮዮያ፤ ታኒ ቦንችንቶድ ጋርክ ኮይዛይኔ ታስ ፕርድዛይ የዛ።
JOH 8:51 ታኒ ይንትስ ቱሮ ኦድዛ፤ ታ ቃላ ናግዝ ኦንካ Ꮊይቃሚ» ዬጌዛ።
JOH 8:52 አይሁድታይ ማሂ፥ «ኔል አፋ ቱና አያና የዛና ኑኒ Ꮊት ኤሬዛ። አፍራመ Ꮊይቄዛ፤ ናብታይካ Ꮊይቄዛ። ዝን ኔኒ፥ ‹ታ ቃላ ናግዝ ኦንካ Ꮊይቃሚ› ዬግዛ።
JOH 8:53 ኔኒ Ꮊይቄዝ ኑ ኣዳ አፍራመፕ ኣꬊኔ? ናብታይካ ማ Ꮊይቄዛ። ኔኒ ነና ኦና ግ ቆፔ?» ዬጌዛ።
JOH 8:54 የሱሳ፥ «ታኒ ታና ቦንችኮ ታ ቦንቻይ ጨረ። ይ፥ ‹ኑ ጾሳ› ግዝ ታ አዳይ ኤ ታና ቦንችዛ።
JOH 8:55 ይ ኤዛ ኤራም እጽኮ ታኒ ኤዛ ኤርዛ። ታኒ ኤዛ ኤሮያ ጊኮ ይ ጋርክ ዎርዶትዛ። ዝን ታኒ ኤዛ ኤርዛ፤ ማ ኤ ቃላካ ታ ናግዛ።
JOH 8:56 አዳይ አፍራመ ታ ይእꬅ ጋላሳ ብኢ ኡፋይቶዳይስ አሞቴዛ፤ ብእካ ኡፋይቴዛ» ዬጌዛ።
JOH 8:57 አይሁድታይ ማሂ፥ «ሀራ አቶዝን፥ ኔስ እሻታም ላይꬅ ኩመካዝን ዋይዚ አፍራመ በኤዛ ጌ?» ዬጌዛ።
JOH 8:58 የሱሳ ኡንትኮ፥ «ታኒ ይንትስ ቱሮ ኦድዛ፤ አፍራመ የልንቶዳይፕ ቲን ታኒ የዛ» ዬጌዛ።
JOH 8:59 የይ ግሾስ፥ ኡንቲ የሱሳ ሾጮዳይስ ሹች ኤኬዛ። ዝን የሱሳ ኡንታፕ ጌሚ ጾሳ ኬꬃፕ ከዚ ቅቴዛ።
JOH 9:1 የሱሳ Ꮊንግታር የልንቴዛይፕ ቶአ ማቂ የዝ ፐቲ አꬃ በኤዛ።
JOH 9:2 ኤ ታማርታይ፥ «አስታማራዮ፥ Ꮊ አꬃይ ቶአ ማቂ የልንቶድ ጋርክ ናጋራ ኦꬄዛይ ኦኖ? ኤ ኦꬄነኔ ኤዛ የሌዝታይ ኦꬄኔ?» ዬጊ ኦይጬዛ።
JOH 9:3 የሱሳ፥ «ጾሳ ኦሶ ኤዛል አፋ በንቶድ ጋርከፕ አትን ኤ ዎይ ኤዛ የሌዝታይ ናጋራ ኦꬄዝ ግሾስ ባያ።
JOH 9:4 ጋላሳ የዝን ታና ኪቴዛይ ኦሳ ታ ኦꬆዳይስ ቤዝዛ። ኦንካ ኦꬆዳይስ ዳንዳኦዋ ቃማይ ይእዛ።
JOH 9:5 ታኒ አላማይድ የዛር አላማይስ ፖኦ» ዬጌዛ።
JOH 9:6 የሱሳ የያ ግ ሳአ ጩቴዛ። ፋ ጩቻይር ላፋ ቢታ ላክꬂ የ ኡርቃይር ቶአ አꬃይ አፋ ትዤዛ።
JOH 9:7 ዬዚ፥ «Ꮊንጊ ሳልሆመ ግዝ ተቅንቴዝ ሃꬃ ነ አፋ ሜጭንቶባ» ዬጌዛ። (ሳላሆመ ጉሳይ ኪትንቴዛ ጉሲ) የይ ግሾስ፥ አꬃይ Ꮊንጊ ፋ አፋ ሜጭንቲ ብእታር ማቄዛ።
JOH 9:8 አꬃይ ሾርታይኔ አꬃይ ቲን ዎሶዳር በኤዝ አሳይ፥ «Ꮊይ በቲ ዎስዛ አꬃ ባሳ?» ዬጌዛ።
JOH 9:9 ፐቲ ፐቲ አሳይ፥ «Ꮊይ ኤዛ» ዬጌዛ። Ꮊንክታይ ማ፥ «ዋአ፥ Ꮊይ ኤዛ አዝዛፕ አትን ኤዛ ባያ» ዬጌዛ። ዝን አꬃይ፥ «ኤ፥ ታና» ዬጌዛ።
JOH 9:10 ኡንቲ ኤዝኮ፥ «የዝን ነ ኣፋይ ዋይዚ በኤኔ?» ዬጊ ኦይጬዛ።
JOH 9:11 ኤ ማሂ፥ «የሱሳ ግዝ አꬃይ ጽቃ ኡርቃ ላክꬂ ታ አፋ ትዢ፥ ‹ሳልሆመ Ꮊንጊ ነ አፋ ሜጭንቶባ› ዬግን፥ ታኒ Ꮊንጊ ሜጭንቲ ብኢ አቴዛ» ዬጌዛ።
JOH 9:12 ኡንቲ ኤዝኮ፥ «ኤ አባ የኔ?» ዬጊ ኦይጬዛ። አꬃይ፥ «ታኒ ኤሮያ» ዬጌዛ።
JOH 9:13 ኡንቲ ቲን ቶአ፥ ዝን Ꮊት በኤዝ አꬃ ፈርሳውታይኮ ካንጌዛ።
JOH 9:14 የሱሳ ኡርቃ ላክꬂ አꬃይ አፋ ፓꬄዝ ጋላሳይ ማላ ጋላሲ።
JOH 9:15 የይ ግሾስ፥ አꬃይ ዋይዚ በኤዛኮ ፈርሳወ አሳይ ኤዛ ማሂ ኦይጬዛ። አꬃይ ኡንትኮ፥ «ኤ ታ ኣፋተ ጽቃ ኡርቃ ትዤዛ። ታ ኣፋ ሜጭንቲ Ꮊት ብእዛ» ዬጌዛ።
JOH 9:16 ፈርሳውታይፕ ፐታይ ፐታይ፥ «Ꮊያ ኦꬄዝ አꬃይ ማላ ህገ ናጎዋ ግሾስ ጾሳፕ የኤካያ» ዬጌዛ። ዝን Ꮊንክታይ፥ «ናጋራንቾ አሲ Ꮊይ ጋርክ ማልታ ዋይዚ ኦꬆዳይስ ዳንዳኤ?» ዬጊ ዎል ጋንጨ ሻክንቴዛ።
JOH 9:17 የይ ግሾስ፥ ፈርሳወ አሳይ አꬃይኮ፥ «ኤ ነ አፋ ብእሴዝ ግሾስ ነ ኤባዝ ዋጌ?» ዬጌዛ። አꬃይ፥ «ኤ ናበ» ዬጌዛ።
JOH 9:18 አይሁደ ሀላቅታይ፥ ኤ እንዳቶኔ አዳ ጼጊ ኦይጮድ ጋꬆ፥ አꬃይ ቲን ቶአ ማቄዛኔ Ꮊት ኤ ብእዛና አማነካያ።
JOH 9:19 ኡንቲ ኤ እንዳትኔ ኤ አዳይኮ፥ «ይ ‹ቶአ ማቂ የልንቴዛ› ግዝ ይ ናአይ Ꮊያ? የዝን፥ Ꮊት ዋይዚ በኤኔ?» ዬጊ ኦይጬዛ።
JOH 9:20 ኤዛ የሌዝታይ፥ «Ꮊይ ኑ ናአ ማቄዛኔ ቶአ ማቂ ኤ የልንቴዛና ኑ ኤርዛ።
JOH 9:21 ዝን Ꮊት ኤ ዋይዚ በኤዛኮ ማ ኤ አፋ ኦኒ ፓꬄዛኮ ኑኒ ኤሮያ። ኤዛ ኦይጮይታ። ኤ ፋና ኤሬዝ አስ ማቄዝ ግሾስ ፋባዝ ኦዶዳይስ ዳንዳእዛ» ዬጌዛ።
JOH 9:22 ኤዛ የሌዝታይ የያ ጌዛይ አይሁድታይስ ያሽቴዝ ግሾስ። አብስ ጊኮ፥ አይሁድታይ፥ የሱሳና ኤ ክርስቶሳ ዬጊ ማርካትዝ አሲ የዛኮ የ አꬃ አይሁድታይ ዎሳ ኬꬃፕ ባይኦዳይስ ቆፋ አጬዛ።
JOH 9:23 ኤዛ የሌዝታይ፥ «ኤ ፋና ኤሬዝ አሲ፤ ኤዛ ኦይጮይታ» ዬጌዛይ Ꮊያ።
JOH 9:24 የይ ግሾስ፥ ቶአ ማቂ የልንቴዝ አꬃ ኡንቲ ማሂ ጼጊ፥ «ቱማ ኦዶዳይስ ጾሳ ቦንቾባ፤ Ꮊ አꬃይ ናጋራንቾ ማቅዛና ኑ ኤርዛ» ዬጌዛ።
JOH 9:25 አꬃይ ማሂ፥ «ኤ ናጋራንቾ ማቄዛና፥ ታ ኤሮያ። ታኒ ቶአ ማቄዛናኔ Ꮊት ብእዛና ኣዳ ኤርዛ» ዬጌዛ።
JOH 9:26 ኡንቲ ማሂ፥ «ኤ ኔስ አብ ኦꬄኔ? ኤ ነ ኣፋ ዋይዚ ፓꬄኔ?» ዬጌዛ።
JOH 9:27 ኤ ኡንትኮ፥ «ታኒ ይንትስ ኦዴዛ፥ ዝን ይ ስኤካያ። አብስ ማቂ ማቂ ስኦዳይስ ኮይኔ? ይንትካ ኤ ታማረ ማቆዳይስ ኮይኔ?» ዬጌዛ።
JOH 9:28 ኡንቲ ኤዛ ጫዢ፥ «ነ የ አꬃይ ታማረ፤ ኑኒ ሙሰ ታማረ ጌዛ።
JOH 9:29 ጾሳይ ሙሰስ ኦዴዛና ኑኒ ኤርዛ፥ ዝን Ꮊ አꬃይ ኤ አናፕ የኤዛኮካ ኑ ኤሮያ» ዬጌዛ።
JOH 9:30 አꬃይ ኡንትኮ፥ «ኤ አናፕ የኤዛኮ ይንቲ ኤሮዛይ ማላባዝ፥ ዝን ኤ ታ ኣፋ ፓꬄዛ።
JOH 9:31 ጾሳ ቦንችዛኔ ኤ ኮይዝ ባዝ ኦꬅዛ አꬃ ጾስ ስኤዛፕ አትን ናጋራ ኦꬅዝታ ስኦያ።
JOH 9:32 ሳሎ ሳአ መꬊንቴዛይፕ ቶአ ማቂ የልንቴዝ አስ ኣፈ ፓꬄዛይ ኦንካ ባያ።
JOH 9:33 Ꮊ አꬃይ ጾሳፕ ኪትንተካዛኮ ፐትባዝካ ኦꬆዳይስ ዳንዳኦያ» ዬጌዛ።
JOH 9:34 ኡንቲ ማቂ፥ «ኔኒ ናጋራራ የልንቲ ድጬዛይ ኑና ታማርሶዳይስ ኮይኔ?» ዬጌዛ። ኡ ኤዛ አይሁድታይ ዎሳ ኬꬃፕ ከሴዛ።
JOH 9:35 የሱሳ ኡንቲ አꬃ ባለ ከሴዛና ስኢ ኤዛ ሄሊ፥ «አስ ናአ ነ አማንኔ?» ዬጊ ኦይጬዛ።
JOH 9:36 አꬃይ የሱሳኮ፥ «ጎዳዮ፥ ታ ኤዛ አማኖድ ጋርክ ኤ ኦኖ? ታስ ኦዶየ?» ዬጌዛ።
JOH 9:37 የሱሳ አꬃይኮ፥ «ነ ኤዛ በኤዛ፤ Ꮊ ኔር ኦድንትዛይ ኤዛ» ዬጌዛ።
JOH 9:38 አꬃይ ማሂ፥ «ጎዳዮ፥ ታ አማንዛ» ዬጊ የሱሳስ ጎይኔዛ።
JOH 9:39 የሱሳ፥ «ቶእታይ በአድ ጋርክ ብእዝታይ ቶኦዳይ ጋርክ ፕርዶዳይስ Ꮊ አላመ ታ የኤዛ» ዬጌዛ።
JOH 9:40 ኤዛር የዝ ጽቃ ፈርሳወ አስታይ የያ ስኢ፥ «ኑ ቶአኔ?» ዬጊ ዎል ኦይጭቼዛ።
JOH 9:41 የሱሳ፥ «ይ ቶእታ ማቄዛኮ ይንትስ ናጋራ ባያ። ዝን Ꮊት ይ ብእዛ ግዝ ግሾስ ይ፥ ይ ናጋራራ የዛ» ዬጌዛ።
JOH 10:1 የሱሳ፥ «ታኒ ይንትስ ቱሮ ኦድዛ፤ ዱር ካለ ጋንጨ ፐንገር ባዝን ሀራ ኦገር ገልዝ ኦንካ ካይዞኔ ፓኖ።
JOH 10:2 የያ ማቆዝን ፐንገር ገልዛይ ዱርታ ሄንግዛያ።
JOH 10:3 ፐንገ ናግዛይ ኤዝስ ፐንጋ ዶይዛ፤ ዱርታይካ ኤ ቃላ ስእዛ። ኤ ፋ ዱርታ ኡ ሱንꬃይር ሱንꬃይር ጼግዛ፤ ኡንታን ካልꬂ ባለ ከስዛ።
JOH 10:4 ኤ ኦꬄዝ ፋስታ ባለ ከሴዛይፕ ጉየ ኡ ቲና ቲና የꬍዛ። ኡንትካ ኤ ቃላ ኤርዛ ግሾስ ኤዛ ካልዛ።
JOH 10:5 ሀራ አስ ቃላ ኡንቲ ኤሮዋ ግሾስ ኤፕ ሃክዛፕ አትን ኤ ላሳ ካሎያ» ዬጌዛ።
JOH 10:6 የሱሳ ኡንትስ Ꮊ ኣዝሳ ኦዴዛ፥ አብ ኦዴዛኮ ኡንቲ አካከካያ።
JOH 10:7 ማሂ የሱሳ ኡንትኮ፥ «ታኒ ይንትስ ቱሮ ኦድዛ፤ ታ ዱርታይስ ፐንገ።
JOH 10:8 ታፕ ቲን የኤዝ ኡቢታይ ካይዞኔ ፓኖ፥ የያ ማቃዳር ዱርታይ ኡንታን ስኤካያ።
JOH 10:9 ፐንጋይ ታና፤ ታ ባጋር ገልዛ ኦንካ አቶዳ። ኤ ታ ባጋር ገሎዳኔ ከዞዳ፤ ሎኦ ሄንግንትዝ አቆ ደማዳ።
JOH 10:10 ካይዞ ካስቶዳይስ፥ ሹኮዳይስኔ ꬋብሶዳይስ ይእዛፕ አትን ሀራባዝስ የኦያ። ታኒ ኡንትስ ደኦ የዞድ ጋርከራኔ ኩሚ ፉጮድ ጋርክ የኤዛ።
JOH 10:11 «ታኒ ሎኦ ሄንꬃንቾ፤ ሎኦ ሄንꬃንቻይ ፋ ዱርታይ ግሾስ ፋ ሸምፖ ኣꬂ እንግዛ።
JOH 10:12 ከራ ሄንግዝ አስ ዱርታይ ጎዳነ ሄንꬃንቾ ባዛይ ግሾስ ፉገ ይእኮ ብኢ ዱርታ አሺ ሀልእዛ። የይ ግሾስ፥ ሱꬉመ ዱርታ አይኪ ላልዛ።
JOH 10:13 ከራ ሄንግዛይ ሚሸስ ሄንግዝ ግሾኔ ዱርታይባዝ ኤዛ ቆፍሶዋ ግሾስ ዱርታ አሺ ላስዛ።
JOH 10:14 «ታኒ ሎኦ ሄንꬃንቾ። ታ አዳይ ታና ኤርዛይ ጋርክ ታንካ ታ አዳ ኤርዛ። የይ ጋርከካ፥ ታ ታ ዱርታ ኤርዛ፤ ታ ዱርታይካ ታና ኤርዛ። ታኒ ታ ዱርታይ ግሾስ ታ ሸምፖ ኣꬂ እንግዛ።
JOH 10:16 Ꮊ ዉዳይድ ባ ሀራ ዱርታይ ታስ የዛ። ታኒ ኡንታናካ ኮኦዳይስ ቤዝዛ። ኡንቲ ታ ቃላ ስኦዳ፤ ኡንቲ ፐቲ ዉደ ማቃዳ፤ ሄንꬃንቻይካ ፐታ።
JOH 10:17 «ታኒ ታ ሸምፖ ኣꬂ እንጊ ማሂ ኤክዝ ግሾስ ታ አዳይ ታና ዶሴዛ።
JOH 10:18 ታ ዶስዛ ታ ሸምፖ ኣꬂ እንግዛይፕ አትን ታፕ ኦንካ ኤከና። ታ ታ ሸምፖ ኣꬂ እማዳይስኔ ማሂ ኤኮዳይስ ስልጻኔ ታስ የዛ። ታኒ ኦꬆድ ጋርክ ታ አዳይ ታና ኪቴዛይ Ꮊያ» ዬጌዛ።
JOH 10:19 የያ ኤ ጌዝ ግሾስ አይሁድታይ ጋንጨ ማካ ሻኮተꬂ መꬍንቴዛ።
JOH 10:20 ኡንታፕ ጋመ ባጋይ፥ «ኤዛር ቱና አያና የዛ! ኤ ኤይዛ! ኤ ግዝ ባዝ አብስ ስእኔ?» ዬጌዛ።
JOH 10:21 Ꮊንክታይ ማ፥ «ጻላሄ አይኬዝ አስ Ꮊይ ጋርክ ኦድንቶያ። ቱና አያና ቶአ ኣፈ ቤዞዳይስ ዳንዳእኔ?» ዬጌዛ።
JOH 10:22 የሩሳላመ ጾሳ ኬꬅ ኦሮꬄዝ ጋላስታይ ቦንችዛ ባለ ሄሌዛ፤ የ ዎደ ሳአ ባርጎ።
JOH 10:23 የሱሳ ጾሳ ኬꬅ ሶሎሞነ ባራንዳር ዩይዛ።
JOH 10:24 አይሁድታይ የሱሳ ላንቃይድ ሺቂ ኤቂ፥ «ኔኒ ኑና አይደ ሄሎዳይስ ስር ጋዶዴ? ኔኒ ክርስቶሳ ማቅኮ አን ኑስ ጌሺ ኦዶባ» ዬጌዛ።
JOH 10:25 የሱሳ ማቂ ኡንትኮ፥ «ታኒ ይንትስ ኦዴዛ፤ ዝን ይ ታና አማኖያ። ታኒ ታ አዳይ ታስ እንጌዝ ማዉተር ኦꬅዛ ኦሳይ ታባዝ ማርካትዛ።
JOH 10:26 ዝን ታኒ ይንትስ ኦዴዛይ ጋርክ ይ ታ ዱረ ማቀካ ግሾስ አማኖያ።
JOH 10:27 ታ ዱርታይ ታ ቃላ ስኦዳ። ታ ኡንታን ኤርዛ፤ ኡንትካ ታና ካልዛ።
JOH 10:28 ታኒ ኡንትስ መꬍና ደኦ እንግዛ፤ ኡንቲ ኡባራካ ꬋባሚ። ኦንካ ታ ኩሸፕ ኡንታን ቦንቂ ኤኮዳይስ ዳንዳኦያ።
JOH 10:29 ኡንታን ታስ እንጌዝ ታ አዳይ ኡባፕ ኣꬍዛ ኦንካ ታ አዳይ ኩሸፕ ኡንታን ቦንቂ ኤኮዳይስ ዳንዳኦያ።
JOH 10:30 ታኔ ታ አዳይ ፐቶ» ዬጌዛ።
JOH 10:31 አይሁድታይ የሱሳ ሾጮዳይስ ማካ ሹች ደንꬄዛ።
JOH 10:32 የሱሳ ኡንትኮ፥ «ታኒ ኦꬆድ ጋርክ ታ አዳይ ታስ እንጌዝ ጋመ ሎኦ ኦስታ ይንታን ኦꬂ ቤዝዛ። የይትታይፕ ኣያይ ግሾስ ታና ሹቻር ሾጮዳይስ ኮይኔ?» ዬጌዛ።
JOH 10:33 አይሁድታይ ማሂ፥ «ኑኒ ነና ነ ሎኦ ኦሶ ግሾስ ሹቻር ሾጮዳይስ ኮዮያ። ዝን ኔኒ ጾስ ጫዤዝ ግሾኔ አስ ማቅታር ነ ነና ጾስ ግዝ ግሾስ» ዬጌዛ።
JOH 10:34 የሱሳ ማሂ፥ «ጌሻ ማጻፋይድ ጾሳይ፥ ‹ይ ጾስታ› ጌዛይ ጻፍንተካሳ?
JOH 10:35 ጌሻ ማጻፋይ መꬍናስ ላምንታሚ። ጾሳይ ፋ ቃላ እንጌዝ አስታ፥ ‹ጾስታ› ግ ጼግኮ፥
JOH 10:36 ታ ታና ጾስ ናአ ጌዛይስ፥ አዳይ ማራጺ Ꮊ አላመ ኪቴዝ ታና ጾስ ናአ ዋይዚ ‹ጾሳ ነ ጫዥዛ› ዬጌ?
JOH 10:37 ታኒ ታ አዳይ ኦꬅዛና ኦꬃም እጽኮ ታና አማንፓተ።
JOH 10:38 ዝን ታኒ ኦꬅዛባዝ ማቅኮ ይንቲ ታና አማናም እጽኮካ፥ ታ አዳይ ታር የዛኔ ታካ ታ አዳይር የዛና ይ ኤሮድ ጋርክ ታ ኦሳ አማኖይታ» ዬጌዛ።
JOH 10:39 ማካ ኡንቲ ኤዛ አይኮዳይስ ኮዬዛ፥ ዝን ኤ ኡንታፕ ቡቲ ከዜዝ።
JOH 10:40 ዋንሳ ቲን ጻማቅዛ አቃ፥ ዮርዳኖሳ ቦርካፕ ሰኮ ፕኖ የሱሳ ፒንጊ ኤዛይድ ጋምኤዛ።
JOH 10:41 ጋመ አሳይ የሱሳኮ ይኢ፥ «ዋንሳ ማላታ ኦꬄካያ፥ ዝን ኤ Ꮊ አꬃያባዝ ኦዴዝባዛይ ኡባይ ቱማ» ዬጌዛ።
JOH 10:42 ኤዛይድ ጋመ አሳይ የሱሳ አማኔዛ።
JOH 11:1 ብታና ሄራ አላዛራ ግዝ ፐቲ አꬃይ ሀርግንቴዛ። ብታና ማይራምራኔ እ ምሽት ማርታራ የዛ ሄራ።
JOH 11:2 ማይራማ ጎዳይ ቶካ ሽቶ ትዤዝ ፋ ብናናይራካ ኤ ቶካ ኡጬዛኖ። ሀርግንቴዛይ እ እሻ አላዛራ።
JOH 11:3 የይ ግሾስ፥ ምሹንꬅካ፥ «ጎዳዮ፥ ነ ዶስዛይ ሀርግንቴዛ» ግ የሱሳኮ ኪቴዛ።
JOH 11:4 የሱሳ የያ ስኢ «Ꮊ ሀርጋይ፥ ጾሳይኔ ኤ ናአይ ቦንችንቶድ ጋርከፕ አትን Ꮊይቆስ ሄልꬅዝ ሀርገ ባያ» ዬጌዛ።
JOH 11:5 የሱሳ ማርታ፥ እ ምሽቶኔ አላዛራ ቃꬍዛ።
JOH 11:6 ዝን አላዛረ ሀርግንቴዛ ግን የሱሳ ስኢ ፋ የዛ አቆ ናምኢ ጋላስ ጋምኤዛ።
JOH 11:7 የይፕ ጉየ፥ የሱሳ ፋ ታማርታይኮ፥ «ማሂ ይሁዳ ቢታ ዎላ Ꮊማዳ» ዬጌዛ።
JOH 11:8 ኤ ታማርታይ ማሂ፥ «አስታማራዮ፥ ጽቃ ዎደፕ ቲን አይሁድታይ ነና ሹቻር ሾጪ ዎꬎዳይስ ኮዬዛኔ፤ Ꮊተካ ገደ Ꮊማዴ?» ዬጌዛ።
JOH 11:9 የሱሳ፥ «ፐቲ ጋላሳ ጋንጨ ታጶ ናምኢ ሳት ባሳኔ? ጋላስ የꬍዝ አሲ Ꮊ አላመ ፖአ ብእዛ ግሾስ ꬉብንታሚ።
JOH 11:10 ዝን ቃማ የꬍዝ ኦንካ ፖኦ ባዛይ ግሾስ ꬉብንትዛ» ዬጌዛ።
JOH 11:11 የሱሳ የያ ጌዛይፕ ጉየ ኡንትኮ፥ «ኑ ቃꬍዛ አላዛረ ገንቴዛ፥ ዝን ኤዛ ደንꬆዳይስ ታኒ Ꮊማዳ» ዬጌዛ።
JOH 11:12 ኤ ታማርታይ ማሂ፥ «ጎዳዮ፥ ኤ ገንቴዝባዝ ማቅኮ ኤስ ሎኦዳ» ዬጌዛ።
JOH 11:13 የሱሳ አላዛረ Ꮊይቄዛይ ግሾስ የያ ኦዴዛ፥ ዝን ኡንትስ ጨር ገንታ ኣዝዛ።
JOH 11:14 የይ ግሾስ፥ የሱሳ ቆንጭሲ ኡንትኮ፥ «አላዛረ Ꮊይቄዛ።
JOH 11:15 ይ አማኖድ ጋርክ ታኒ የ አቃይድ ባ ማቄዛይስ ይ ግሾስ ታና ኡፋይስዛ። አን የꬎይታ፤ ኤዝኮ ዎላ Ꮊማዳ» ዬጌዛ።
JOH 11:16 የይፕ ጉየ፥ ድድሞሳ ግንትንትዝ ቶማሳ ፋ ላገ ታማርታይኮ፥ «አስታማራይር Ꮊይቆዳይስ ኑካ ዎላ Ꮊማዳ» ዬጌዛ።
JOH 11:17 የሱሳ ብታና ሄሎዳር አላዛረ ሞግንትን ኦይዲ ጋላስ ማቄዛ።
JOH 11:18 ብታና የሩሳላመፕ ሀይꬒ ክሎ ምትረ ጋርክ ሃክዛ።
JOH 11:19 ጋመ አይሁድታይ ማርታኔ ማይራሞ ኡ እሻይ Ꮊይቄዛይስ ምንꬃꬆዳይስ የኤዛ።
JOH 11:20 ማርታ የሱሳ የኤዛና ስኢ ኤዛ ሞኮዳይስ ከዜዝ፥ ዝን ማይራማ ኬꬃ አቴዛ።
JOH 11:21 ማርታ የሱሳኮ፥ «ጎዳዮ፥ ኔኒ Ꮊይዳ የዛ ማቄዛኮ ታ እሻይ Ꮊይቃም።
JOH 11:22 ዝን Ꮊት ማቅኮካ ኔኒ ዎስዛ ባዝ ጾሳይ ኔስ እማዳና ታኒ ኤርዛ» ዬጌዛ።
JOH 11:23 የሱሳ፥ «ነ እሻይ Ꮊይቆፕ ደንዶዳ» ዬጌዛ።
JOH 11:24 ማርታ ኤዝኮ፥ «ዉርስꬅ ጋላስ ኤ Ꮊይቆፕ ደንዶዳና ታ ኤርዛ» ዬጌዛ።
JOH 11:25 የሱሳ እዝኮ፥ «ታኒ ደንዶኔ ደኦ፤ ታና አማንዛ ኦንካ Ꮊይቅኮካ ደኦር የዞዳ።
JOH 11:26 ማ ደኦር የዛይኔ ታና አማንዛ ኦንካ Ꮊይቃም። የያ ነ አማንኔ?» ዬጌዛ።
JOH 11:27 ማርታ ማሂ፥ «ጎዳዮ፥ ኤ ታኒ አማንዛ! ኔኒ ጾስ ናአ፥ አላመ የኦዳይስ የዛ ክርስቶሳ ማቅዛና ታኒ አማንዛ» ዬጌዛ።
JOH 11:28 ማርታ የያ ጌዛይፕ ጉየ፥ Ꮊንጊ ፋ ምሽቶ ጌማ ጼጊ፥ «አስታማራይ ይኢ ነና ኮይዛ» ዬጌዛ።
JOH 11:29 ማይራማ የያ ስኢ ኤልሲ ደንዲ የሱሳኮ Ꮊንጌዛ።
JOH 11:30 የ ዎደ የሱሳ ማርታ ኤዛ ሞኬዝ አቆ የዛ፤ ሀጋ ሄራ ሄለካያ።
JOH 11:31 ማይራሞ ምንꬃꬅታር እዝር ካራ የዝ አይሁድታይ፥ እዛ ደንዲ ኤልሲ ባለ ከዜዛያ ብኢ፥ ዱፎ Ꮊንጊ ዬኮዳይስ ሀንዛ ኣዝን እዞ ካሊ ከዜዝ።
JOH 11:32 ማይራማ የሱሳ የዛ አቃ Ꮊንጊ ኤዛ ብኢ ኤ ቶካይል አፋ ጉጲንጊ፥ «ጎዳዮ፥ ኔኒ Ꮊይዳ የዛ ማቄዛኮ ታ እሻይ Ꮊይቃምዝን» ዬጌዛ።
JOH 11:33 የሱሳ ማይራምኔ ኢር የዝ፥ አይሁድታይ ዬክዛና ብኢ፥ ፋ ዎዝናር ኢታ ምጭንቲ፥
JOH 11:34 «አባ ሞጌኔ?» ዬጊ ኦይጭን፥ «ጎዳዮ፥ ይኢ ቦኦባ» ዬጊ ማሄዛ።
JOH 11:35 የሱሳ አፉጼዛ።
JOH 11:36 የይ ግሾስ፥ አይሁድታይ፥ «ኤ አላዛራ አብ ጋርክ ቃꬍዛኮ ቦኦይታ» ዬጌዛ።
JOH 11:37 ዝን ኡንታፕ ፐታይ ፐታይ፥ «Ꮊይ ቶአ ብእሴዛይ Ꮊ አꬃይ Ꮊይቃም ጋርክ ኦꬆዳይስ ዳንዳአሞኔ?» ዬጌዛ።
JOH 11:38 ማካ የሱሳ ምጭንቲ፥ አላዛረ ሞግንቴዝ ዱፋ ቅቴዛ። የ ዱፋይ ሹቻር ጎርድንቴዝ ኮምኦ።
JOH 11:39 የሱሳ፥ «ሹቻ ደንꬆይታ» ዬጊ ኪቴዛ። ማርታ፥ «ጎዳዮ፥ ኤ Ꮊይቄዛይፕ ኦይዲ ጋላስ ማቄዝ ግሾስ Ꮊት ዜቆዳ» ዬጌዛ።
JOH 11:40 የሱሳ ማርታኮ፥ «ነ አማንዛባዝ ማቅኮ ጾስ ቦንቾ በአዳና ታኒ ኔስ ኦደካሳ?» ዬጌዛ።
JOH 11:41 ኡንቲ ሹቻ ደንꬅን የሱሳ ሳሎ ፑደ ብኢ፥ «አዳዮ፥ ታና ነ ስኤዝ ግሾስ ነና ጋላትዛ።
JOH 11:42 ነ ኡባ ዎደ ታና ስእዛና ታኒ ኤርዛ። ዝን Ꮊይዳ ኤቄዝ አሳይ ኔኒ ታና አዛዜዛና አማኖዳይ ጋርክ ታኒ ኡ ግሾስ Ꮊያ ግዛ» ዬጌዛ።
JOH 11:43 የሱሳ የያ ጌዛይፕ ጉየ፥ ፋ ቃላ ꬎቅ ኡዲ፥ «አላዛራ፥ Ꮊና ከዞባ!» ዬጌዛ።
JOH 11:44 Ꮊይቄዝ አꬃይ ዝꬍꬃትር ኩሻይኔ ቶካይ ሻሎር አጭንቲ የዝን ኤ ኣፈ ባጋይ ጎዝንቴዝን ዱፋይፕ ከዜዝ። የሱሳ ኡንታን፥ «ብሎይታ! Ꮊመ ጎይታ!» ዬጌዛ።
JOH 11:45 የይ ግሾስ፥ ማይራምኮ የኤዝ አይሁድታይፕ ጋምታይ የሱሳ ኦꬄዛና ብኢ ኤዛ አማኔዛ።
JOH 11:46 ዝን ኡንታፕ ፐታይ ፐታይ ፈርሳውታይኮ Ꮊንጊ የሱሳ ኦꬄዛና ኡንትስ ኦዴዛ።
JOH 11:47 የይፕ ጉየ፥ ቄሰ ሀላቅታይኔ ፈርሳወ አሳይ ሻንጎ ሺሺ፥ «Ꮊ አꬃይ ጋመ ማላ ኦꬅዝ ግሾስ ኑ አብ ኡዶ?
JOH 11:48 ኑኒ ኤዛ ስእ ግ አሽኮ አስ ኡባይ ኤዛ አማኖዳ። ማ ኦሮመ ቢታ አሳይ ይኢ ኑ ጾሳ ካራኔ ኑ ጋዳ ꬋብሶዳ» ዬጌዛ።
JOH 11:49 ኡንታፕ ፐታይ ቃያፋ ግዛይ፥ የ ላይꬅ ቄሰ ሀላቃ ማቄዛይ፥ «ይ አብካ ኤሮያ!
JOH 11:50 አሳይ ኡቢታይ ꬋብዛይፕ አስ ኡባይ ግሾስ ፐቲ አስ Ꮊይቅዛይ ሎኦ ማቅዛና ይ ኤሮሳ?» ዬጌዛ።
JOH 11:51 ኤ የያ ፓፕ ጌካያ። ዝን (የ ላይꬅ ቄሰ ሀላቃ ማቅዝ ግሾስ የሱሳ አይሁደ አስ ግሾስ Ꮊይቆዳይስ ቤዝዛና ትንቢተ ኦዴዛ።
JOH 11:52 ማ የሱሳ አይሁደ አስ ኣዳስ ባዝን ላልንቲ የዝ ጾሳ አሲ ኡባ ዎላል ሺሾዳይስኔ ፐቲ አሲ ኦꬆዳይስ Ꮊይቆዳ።)
JOH 11:53 የ ጋላሳፕ አይኪ ኡንቲ ኤዛ ዎꬎዳይስ ቶቤዛ።
JOH 11:54 የይ ግሾስ፥ የሱሳ አይሁድታይ ጋንጨ ጌሻር ዩየካያ። ዝን ሊዦ ደንባ ላንቀ የዝ ኤፍሬመ ሄራ Ꮊንጌዛ። ፋ ታማርታይር የ አቃይድ ጋምኤዛ።
JOH 11:55 አይሁድታይ ቦንችዛ ፓዝቃ ጋላሳይ ኡኬዛ። ማ ጋመ አሳይ ፋና ቃሾዳይስ ፓዝቃ ቦንችዛ ጋላሳይ ሄሎዳይፕ ቲና የ ቢታፕ የሩሳላመ ቅቴዛ።
JOH 11:56 ኡንቲ ጾሳ ኬꬃ ኤቂ የሱሳ ይእꬃ ናግዛ ግሾስ «አብ ቆፔ? የሱሳ ባላ ቦንቾዳይስ የኦሳ?» ዬጊ ፐታይ ፐታ ኦይጬዛ።
JOH 11:57 ቄሰ ሀላቅታይኔ ፈርሳወ አሳይ የሱሳ አይኮዳይስ፥ ኤ የዛበሳ ኤርዛ ኦንካ ፓስ ኦዶድ ጋርክ ኪቴዛ።
JOH 12:1 ፓዝቃ ቦንችዛ ጋላስፕ ኡሱፑን ጋላስ ቲናቲ፥ የሱሳ Ꮊይቆፕ ደንꬄዝ አላዛረ የዝ ሄራ፥ ብታና ቅቴዛ።
JOH 12:2 የ አቃይድ ኡንቲ ኤስ ካሆ ጊግሴዛ። አላዛረ የሱሳር ዎላል ሙንታል በቴዝን ማርታ ኡንታን ሞክዛ።
JOH 12:3 ማይራማ ናርዶሳ ግዝ ጋመ አልኦ ጌሽ ሽቶ ክኢ የሱሳ ቶካ ትዤዛ። ፋ ብናናይር ኤ ቶካ ኡጬዛ፤ ኬꬃ ኡባይ ሽቶ ሳዎር ቶንክ ጌዛ።
JOH 12:4 ዝን የሱሳ ታማርታይፕ ፐታይ፥ የሱሳ ኣꬂ እንጎዳይ፥ አስቆሮቶ ይሁዳ፥
JOH 12:5 «አብስ Ꮊ ሽታይ ሀይꬒ ጼት ድናረ ባይዝንቲ፥ ሚሻይ ማንቅታይስ እንግንቶሳ?» ዬጌዛ።
JOH 12:6 (ኤ ካይዞ ማቄዝ ግሾስ የያ ጌዛፕ አትን ማንቅታይስ ቃꬊንቲ ጌካያ። ኤ ሚሸ ቁርቦ አይክዛ ማቄዝ ግሾስ ኡባ ዎደ ኤዛይፕ ፓስ ኤክዛ።)
JOH 12:7 የሱሳ፥ «እዛ ፓስ የዛ ባዝ ታ ሞጎ ጋላስስ ምንጄዝ ግሾስ እዞ አሾይታ።
JOH 12:8 ማንቅታይ ኡባ ዎደ ይንታር የዞዳ፥ ዝን ታኒ ኡባ ዎደ ይንታር የዛሚ» ዬጌዛ።
JOH 12:9 የ ዎደ ጋመ አሳይ የሱሳ ብታና የዛና ስኢ ገደ Ꮊንጌዛ። ኡንቲ የሱሳ ኣዳ ባዝን ኤ Ꮊይቆፕ ደንꬄዝ አላዛራካ በአዳይስ Ꮊንጌዛ።
JOH 12:10 የይ ግሾስ፥ ቄሰ ሀላቅታይ አላዛራካ ማ ዎꬎዳይስ ቶቤዛ።
JOH 12:11 አብስ ጊኮ፥ አላዛራ ባጋር ጋመ አይሁድታይ ኡንታን እጺ የሱሳና አማንዛ።
JOH 12:12 ዎንትꬃ ጋላስ ፓዝቃ ቦንችዛ አቆ የኤዝ ዎያ የሱሳ የሩሳላመ Ꮊንግዛ ስኢ፥
JOH 12:13 ዛምባ ሀየ ኤኪ ኤዛ ሞኮዳይስ ከዜዝ። ፋ ቃላ ꬎቅ ኡዲ፥ «ሆሳና! ጾሳይ ጋላትንቶ! ጎዳይ ሱንꬃር ይእዛይ አንጅንቶ! ጾሳ እስሬለ ካታይ አንጅንቶ!» ዬጌዛ።
JOH 12:14 ጌሻ ማጻፋይድ፥ «ጽዮነ ካታምትስ፥ ያሽትፐ! ዬዛኮ፥ ነ ካታይ ሀረ ናአል አፋ በቲ ይእዛ» ጊንትንቴዛይ ጋርክ የሱሳ ሀረ ናአ ደንጊ ኤዛ ቶጌዛ።
JOH 12:16 የሱሳ ታማርታይ የያ ቲን አካኬካያ። ዝን የሱሳ ቦንችንተዛይፕ ጉየ ኡንቲ የያ ኡባ አካኬዛ። የይ ኡባይ ጌሻ ማጻፋይ ጌዛይ ጋርክ ሀኔዛ።
JOH 12:17 የሱሳ አላዛራ ዱፎፕ ጼጊ፥ Ꮊይቆፕ ደንꬄዝ ዎደ ኤዛር የዝ ጋመ አሳይ የሱሳ ኦሳ ማርካቴዛ።
JOH 12:18 ጋመ አሳይ ኤዛ ሞኮዳይስ ከዜዛይ፥ ኤ የ ማልታ ኦꬄዛና ስኤዝ ግሾሲ።
JOH 12:19 የይ ግሾስ፥ ፈርሳወ አሳይ ፐታይ ፔታይኮ፥ «ኑ አብካ ኦꬆዳይስ ዳንዳኦዛ ቦኦይታ፤ ዎያ ኡባይ ኤዛ ካልዛ» ዬጌዛ።
JOH 12:20 ፓዝቃ ቦንችዛ ጋላስ ጎይኖዳይስ የሩሳላመ Ꮊንጌዝታይ ጋንጨ ፐቲ ፐቲ ግርከ አሳይ የዛ።
JOH 12:21 ኡንቲ ጋልላ ቢታ ቤተሳይዳ ካታማፕ የኤዝ ፍልጶሳኮ Ꮊንጊ፥ «ጎዳዮ፥ ኑኒ የሱሳ በአዳይስ ኮይዛ» ዬጊ ዎሴዛ።
JOH 12:22 ፍልጶሳ Ꮊንጊ እንድራሰስ ኦድን ናምእታይ Ꮊንጊ፥ የሱሳስ ኦዴዛ።
JOH 12:23 የሱሳ ኡንትኮ፥ «አስ ናአይ፥ ቦንችንትዛ ዎደ ሄሌዛ።
JOH 12:24 ታኒ ይንትስ ቱሮ ኦድዛ፤ ፐቲ ግስተ ኣፈ ቢታ ጋንጨ ዎꬊ ዎቀካ አትኮ ፋ ኣዳስ አትዛ። ዝን የ ግስተ ኣፋይ ዎቅኮ ጋመ ኣፈ ኣፍዛ።
JOH 12:25 ፋ ሸምፖ ቃꬍዛ ኦንካ ꬋብስዛ፤ ፋ ሸምፖ Ꮊ አላማይድ እጽዛ ኦንካ መꬍናስ ደኦስ ናግስዛ።
JOH 12:26 ታኒ የዛ አቆ ታር የዞድ ጋርክ ታስ ኦꬆዳይስ ኮይዝ ኦንካ ታና ካሎዳይስ ቤዝዛ። ታስ ኦꬅዛ ኦናካ ታ አዳይ ቦንቾዳ።
JOH 12:27 «Ꮊት ታ ሸምፓይ ጋመ ኡንእንቴዛ፤ የዝን ዋጎ? ‹ታ አዳዮ፥ ታና Ꮊ ሳታይፕ አሾዬ› ዬጎ? ዋኣ፥ ታኒ የኤዛይ መቶ ኤኮዳይሲ።
JOH 12:28 ታ አዳዮ፥ ነ ሱንꬃ ቦንቾባ» ዬጌዛ። የይፕ ጉየ ሳሎፕ፥ «ታኒ ታ ሱንꬃ ቦንቼዛ፤ ጉጅካ ቦንቾዳ» ዬግዝ ቃላ የኤዛ።
JOH 12:29 የ አቃይድ ኤቄዝ ጋመ አሳይ የ ቃላ ስኢ፥ «የይ ዳዳ» ዬጌዛ። Ꮊንክታይ ማ፥ «ኪታንቻይ ኤስ ኦዴዛ» ዬጌዛ።
JOH 12:30 የሱሳ ማሂ ኡንትኮ፥ «Ꮊ ቃላይ ይ ግሾስ የኤዛይፕ አትን ታ ግሾስ ባያ።
JOH 12:31 Ꮊ አላማይ ፕርድንትዛ ዎዳይ Ꮊተ፤ Ꮊ አላማ አቅስዛና Ꮊት ባለ ኦሎዳ።
JOH 12:32 ማ ታኒ ሳአፕ ꬎቅ ጌዝ ዎደ አስ ኡባ ታኮ ኮኦዳ» ዬጌዛ።
JOH 12:33 ኤ የያ ጌዛይ አብ ጋርክ Ꮊይቆ Ꮊይቆዳዛኮ ኡንትስ ኤርሶዳይሲ።
JOH 12:34 ጋመ አሳይ ማሂ፥ «ኑ ህጋይ ክርስቶሳ መꬍናስ የዛና ኦድዛ። የዝን፥ ኔኒ ዋጊ፥ አስ ናአይ ꬎቅ ጎዳይስ ቤዝዛ ጌ? ኤ፥ አስ ናአይ ኦኖ?» ዬጌዛ።
JOH 12:35 የሱሳ፥ «ፖአይ ይንታር ጽቃ ዎደ ጋምኦዳ። ይንትስ ꬉማም ጋርክ ፖኦ የዝን፥ ፖአይር የꬎይታ። ꬉማር የꬍዝ አስ አና Ꮊንግዛኮ ኤሮያ።
JOH 12:36 ፖኦ ናእታ ማቃዳይ ጋርክ ፖኦ የዝን ፖአና አማኖይታ» ዬጌዛ። የሱሳ የያ ኦዴዛይፕ ጉየ Ꮊንጊ ኡንታፕ ጌሜዛ።
JOH 12:37 ኤ የይ ጋርክ ማልታ ኡ ቲናይድ ኦꬅንካ አማነካያ።
JOH 12:38 ናበ ኢሳያሳ፥ «ጎዳዮ፥ ኑ ማርከትꬅ ኦኒ አማኔኔ? ጎዳይ ዎልቃይ ኦስ ቤንቴኔ?» ጌዛይ ቱማ ማቃዳይ ጋርክ ኡንቲ ኤዛ አማነካያ።
JOH 12:39 ማካ ኢሳያሳ፥ «ኡ ኣፋይ በኣማይ ጋርክ፥ ኡ ዎዝናይ አካካማይ ጋርክ፥ ኡንቲ ጾስኮ ማቅን፥ ኤ ኡንታን ፓꬃማይ ጋርክ፥ ጾሳይ ኡ አፋ ቶእሴዛ። ኡ ዎዛና ሚንꬄዛ» ጌዝ ግሾስ ኡንቲ አማኖዳይስ ዳንዳኤካያ።
JOH 12:41 ኢሳያሳ የያ ጌዛይ፥ የሱሳ ቦንቾ በኤዝ ግሾኔ ኤባዝ ኦዴዛ።
JOH 12:42 ማቅኮካ፥ አይሁድታይ ሀላቅታይፐካ ጋምታይ የሱሳና አማኔዛ። ዝን ፈርሳወ አስታይ ፋና አይሁድታይ ዎሳ ኬꬃፕ ከስዛ ግ ያሽቴዝ ግሾስ አማኔዝ ግ ጌሻ ማርካተካያ።
JOH 12:43 የያ ኡንቲ ኦꬄዛይ፥ ጾሳር ኤርንቶዳይፕ ኣꬂ አሳር ኤርንቶዳና ዶሴዝ ግሾስ።
JOH 12:44 የሱሳ ፋ ቃላ ꬎቅ ኡዲ፥ «ታና አማንዛ ኦንካ ታና ኪቴዛናካ አማኔዛይፕ አትን ታና ኣዳ አማኖያ።
JOH 12:45 ታና ብእዛ ኦንካ ታና ኪቴዛናካ ብእዛ።
JOH 12:46 ታና አማንዛ ኡባይ ꬉማ ጋንጨ የዛም ጋርክ ፖኦ ማቂ አላመ ታኒ የኤዛ።
JOH 12:47 ታ ቃላ ስኢ ኪትንቶዋ ኦናካ ታኒ ፕርዳሚ። አብስ ጊኮ፥ ታኒ አላመ አሾዳይስ የኤዛይፕ አትን ፕርዶዳይስ የኤካያ።
JOH 12:48 ታና እጽዛኔ ታ ቃላ ኤኮዋ ኦናካ ፕርድዛይ የዛ። ታኒ ኦዴዝ ቃላይ ዉርስꬅ ጋላስ የ አꬃ ፕርዶዳ።
JOH 12:49 አብስ ጊኮ፥ ታኒ የያ ታፕ ኦደካያ፥ ዝን ታና ኪቴዝ ታ አዳይ ታኒ አብ ጎዳዛኮነ አብ ኦዶዳዛኮ ኪቴዛ።
JOH 12:50 ማ ኤ ኪታይ መꬍናስ ደኦ ማቅዛና ታኒ ኤርዛ። የይ ግሾስ፥ ታኒ ኦድዛይ ታ አዳይ ታና ኦዶባ ጌዛና» ዬጌዛ።
JOH 13:1 ፓዝቃ ቦንችዛ ጋላሳይ ሄሎዳይፕ ቲናቲ Ꮊ አላመ አሺ አዳይኮ Ꮊንግዛ ዎደ ሄሌዛና የሱሳ ኤሬዛ። Ꮊ አላማይድ የዝ ፋስታ ኡባ ዎደ ዶሴዛ፤ ፎሎ ሲቆራካ ኡንታን ዶሴዛ።
JOH 13:2 የሱሳራ ኤ ታማርታይር ዎላ ካሆ ማዳር ጻላሄ ስሞና ናአ አስቆሮቶ ይሁዳ የሱሳ ኣꬂ እማዳይ ጋርክ ኤ ዎዝና ጋንጨ ኢታ ቆፋ ጋዴዛ።
JOH 13:3 የሱሳስ አዳይ ኡባ ባዝ ኤ ኩሸ ጋዴዛና፥ ኤ ጾሳፕ የኤዛናኔ ማቂ ኤዝኮ Ꮊማዳና ኤሬዛ።
JOH 13:4 የሱሳ ካሆ ም ደንዲ ፋ ጉላንታ ቃሪ ጋዲ፥ ፖጻ ፋ ጼሳ ዳንጬዛ።
JOH 13:5 የይፕ ጉየ፥ ጋባተ ጋንጨ ሃꬅ ቆል፥ ፋ ታማርታይ ቶኬ ሜጬዛ፤ ማ ፋ ጼሳይዳ ዳንጬዝ ፖጻይር ኡጬዛ።
JOH 13:6 የሱሳ ስሞን ጵጽሮሳኮ የኦዳር ጵጽሮሳ፥ «ጎዳዮ፥ ነ ታ ቶካ ሜጮዴ?» ዬጌዛ።
JOH 13:7 የሱሳ ማሂ ኤዝኮ፥ «ታኒ ኦꬅዛና ነ Ꮊት ኤሮያ፥ ዝን ጉየፕ አካኮዳ» ዬጌዛ።
JOH 13:8 የዝን፥ ጵጽሮሳ፥ «ነ ታ ቶካ ኡባራካ ሜጮዳይስ ዳንዳኦያ» ዬጌዛ። የሱሳ ኤዝኮ፥ «ታኒ ነ ቶኬ ሜጨካ አትኮ ኔስኔ ታስ ፐትፐተꬂ ባያ» ዬጌዛ።
JOH 13:9 ጵጽሮሳ የሱሳኮ፥ «ጎዳዮ፥ ዬዛኮ፥ ታ ቶካይ ኣዳ ባዝን ታ ኩሻኔ ታ ኦማ ሜጮባ» ዬጌዛ።
JOH 13:10 የሱሳ ማሂ፥ «ጋላ ሜጭንቴዝ ኦንካ ቶከፕ ሀራ ባዝ ሜጭንቶዳይስ ቤዞያ፤ ኤ ኡባይ ጌሺ። ይ ጌሺ፥ ዝን ኡባ አሲ ጌሺ ባያ» ዬጌዛ።
JOH 13:11 የሱሳ ፋና ኣꬂ እማድ አꬃይ ኦናዛኮ ኤርዛ ግሾስ «ይ ኡቢታይ ጌሺ ባያ» ዬጌዛ።
JOH 13:12 ኡ ቶኬ ሜጬዛይፕ ጉየ የሱሳ ፋ አፍላ ማሂ ማኤዛ። ማቂ ሙንታል አፋ በቲ ኡንትኮ፥ «ታኒ ይንትስ ኦꬄዛና አካክኔ?
JOH 13:13 ይ ታና አስታማረኔ ጎዳ ግዛ፤ ታኒ ይ ግዛ ማቄዝ ግሾስ ሎኦ ጌዛ።
JOH 13:14 ታኒ ይንትስ ጎዳነ አስታማረ ማቅታር ይ ቶኬ ሜጭኮ ይንትካ ፐታይ ፐታይስ Ꮊይ ጋርክ ኦꬆዳይስ ቤዝዛ።
JOH 13:15 ይኬ፥ ታኒ ይንትስ ኦꬄዛይ ጋርክ ይንትካ ኦꬆድ ጋርክ ይንትስ ኣዝሶ ማቄዛ።
JOH 13:16 ታኒ ይንትስ ቱሮ ኦድዛ፤ አይላይ ፋ ጎዳይፕ፥ ኪትንቴዛይ ኪቴዛይፕ ኣꬎያ።
JOH 13:17 ይ የያ ኤሪ ኦꬅዛባዝ ማቅኮ አንጅንቴዝታ።
JOH 13:18 «ታኒ ይንታን ኡብታ ጎያ፤ ታኒ ማራጼዝታ ታ ኤርዛ። ዝን ጌሻ ማጻፋይድ፥ ‹ታፕ ሜዛይ ታል አፋ ፋ ቶካ ደንꬄዛ› ግንትንትዛይ ቱማ ማቆዳይስ ቤዝዛ።
JOH 13:19 ታኒ ታና ማቄዛና ይ አማኖድ ጋርክ የይ ሀኖዳይፕ ቲናቲ ይንትስ ኦድዛ።
JOH 13:20 ታኒ ይንትስ ቱሮ ኦድዛ፤ ታኒ ኪቴዝ ኦናካ ሞክዛ አꬃይ ታና ሞክዛ። ታና ሞክዝ ኦንካ ታና አዛዜዛና ሞክዛ» ዬጌዛ።
JOH 13:21 የሱሳ የያ ኦዴዛይፕ ጉየ ፋ ዎዝናር ጋመ ኡንእንቲ፥ «ታኒ ይንትስ ቱሮ ኦድዛ፤ ታና ይንትፕ ፐታይ አꬂ እማዳ» ግ ቆንጭሲ ኦዴዛ።
JOH 13:22 ኤ ኦ ባጋ ኦድዛኮ ኤ ታማርታይስ ኤርንታም እጽን ፐታይ ፐታ በኤዛ።
JOH 13:23 ኤ ታማርታይፕ ፐታይ፥ የሱስ ዶስዛይ፥ የሱሳ ካለ በቴዛ።
JOH 13:24 የይ ግሾስ፥ ስሞን ጵጽሮሳ ኤዛ ቃምኦቲ፥ «ኤ ኦና ግዛኮ አን ኦይጮባ» ዬጌዛ።
JOH 13:25 የይ ግሾስ፥ የ ታማራይ የሱሳኮ ሀየ ካለ ሺቂ፥ «ጎዳዮ፥ ኤ ኦኖ?» ዬጌዛ።
JOH 13:26 የሱሳ ማሂ፥ «ታኒ ሶሎ ዱሺ ባርስዛያ» ዬጌዛ። ማ ሶሎ ዱꬂ ኤኪ፥ ዱሺ፥ ስሞና ናአ አስቆሮቶ ይሁዳ ባርሴዛ።
JOH 13:27 ይሁዳና ሶሎ ባሬዛይፕ ጉየ ጻላሄ ኤልሲ ይሁዳ ጋንጨ ገሌዛ። የሱሳ ኤኮ፥ «ነ ኦꬆዳይስ ቆፔዛኖ ኤልሲ ኦꬆባ» ዬጌዛ።
JOH 13:28 ዝን ሙንታል አፋ በቴዝታይፕ ኦንካ የሱሳ የያ አብስ ጌዛኮ ኤረካያ።
JOH 13:29 ይሁዳ ሚሸ አይክዝ ግሾስ ኤ ታማርታይፕ ፐታይ ፐታይ የሱሳ ኤ፥ «ፓዝቃ ቦንችዛ ጋላስስ ፓስ ኮሽዛ ባዝ ዎንጎባ ዎይ ማንቅታይስ ሙጻታ እንጎባ ጌዛ» ዬጊ ቆፔዛ።
JOH 13:30 ይሁዳ ሶሎ ባሬዛን ጋርክ እዝራ ባለ ከዜዝ። የ ዎደ ሳአ ቃማ።
JOH 13:31 ይሁዳ ባለ ከዜዛይፕ ጉየ፥ የሱሳ፥ «Ꮊት አስ ናአይ ቦንችንቴዛ፤ ጾሳይካ ኤ ባጋር ቦንችንቴዛ።
JOH 13:32 ጾሳይ ኤ ባጋር ቦንችንትኮ ኤ ፋ ኦማስ አስ ናአ ቦንቾዳ፤ ማ ኤ የያ ኤልሲ ኦꬆዳ።
JOH 13:33 ታ ናኡንꬆ፥ ታኒ ይንታር ጋመ ዎደ ጋምአሚ። ይ ታና ኮዮዳ፥ ዝን ታኒ አይሁድታይስ ኦዴዛን ጋርክ፥ ‹ይ ታኒ Ꮊንግዛ አቆ Ꮊማዳይስ ዳንዳኦያ›
JOH 13:34 ታኒ ይንትስ እንግዝ ኦሮꬅ ኪታይ Ꮊያ፤ ፐታይ ፐታ ቃꬎይታ። ታኒ ይንታን ቃꬌዛይ ጋርክ ይ ፐታይ ፐታ ቃꬎዳይስ ቤዝዛ።
JOH 13:35 ይ ፐታይ ፐታይራ ዶስንትኮ ይ ታ ታማረ ማቅዛና አሲ ኡባይ ኤሮዳ» ዬጌዛ።
JOH 13:36 ስሞን ጵጽሮሳ የሱሳኮ፥ «ጎዳዮ፥ ነ አና Ꮊንጌ?» ዬጌዛ። የሱሳ ማሂ፥ «ታኒ Ꮊንግዛ አቆ ኔኒ Ꮊት ካሎዳይስ ዳንዳኦያ፥ ዝን ጉየፕ ታና ካሎዳ» ዬጌዛ።
JOH 13:37 ጵጽሮሳ፥ «ጎዳዮ፥ ታኒ ነና Ꮊት ካሎዳይስ አብስ ዳንዳኦሳ? ታኒ ነ ግሾስ Ꮊይቆዳይስ ጊግ በቴዛ» ዬጌዛ።
JOH 13:38 የሱሳ ማሂ፥ «ታ ግሾስ Ꮊይቆዳይስ ቱማ ጊግ በቴኔ? ታኒ ኔስ ቱሮ ኦድዛ፤ ሹጉላ ኡኮዳይፕ ቲና ኔኒ ታና ሀይꬒ ቶክ ካዶዳ» ዬጌዛ።
JOH 14:1 የሱሳ ፋ ታማርታይኮ፥ «ይ ዎዝናይ ኡንእንትፐ፥ ጾሳ አማኖይታ፥ ታናካ አማኖይታ።
JOH 14:2 ታ አዳይ ካራ ጋመ አቆ የዛ። ታኒ ይንትስ በስ ጊግሶዳይስ Ꮊንግዛ። የያ ማቀካዛኮ ታኒ ይንትስ ኦዶድዝን።
JOH 14:3 ታኒ Ꮊንጊ በስ ጊግሴዛይፕ ጉየ ታኒ የዛ አቆ ይ የዞድ ጋርክ ማቂ ይኢ ይንታን ታኮ ካንጎዳ።
JOH 14:4 ይ ታኒ Ꮊንግዛ አቆ ካንግዝ ኦገ ይ ኤርዛ» ዬጌዛ።
JOH 14:5 የዝን፥ ቶማሳ፥ «ጎዳዮ፥ ኔኒ Ꮊንግዛ አቆ ኑኒ ኤሮያ፤ ኦጋ ዋይዚ ኤሮዳይስ ዳንዳኦዴ?» ዬጌዛ።
JOH 14:6 የሱሳ ማሂ፥ «ኦገ፥ ቱማይኔ ደኦ ታና። ታ ባጋር ማቃም እጽኮ ኦንካ ታ አዳይኮ Ꮊማዳይስ ዳንዳኦያ።
JOH 14:7 ይ ታና ኤርዛ ባዝ ማቄዛኮ፥ ታ አዳካ ኤሮዳ። ዝን Ꮊይፕ አይኪ ይ ኤዛ ኤርዛኔ ኤዛ በኤዛ» ዬጌዛ።
JOH 14:8 ፍልጶሳ የሱሳኮ፥ «ጎዳዮ፥ አዳ ኑና ቤዞባ፤ የይ ኑስ ግዶዳ» ዬጌዛ።
JOH 14:9 የሱሳ ማሂ፥ «ታኒ Ꮊይ ጋርክ ዎደ ይንታር የዝንካ ታና ኤሮሳ? ታና በኤዝ አꬃይ አዳካ በኤዛ። የዝን፥ ኔኒ ዋጊ፥ ‹ኣዳ ኑና ቤዞዬ› ጌ?
JOH 14:10 ታኒ አዳይር የዛኔ አዳይካ ታር የዛና ኔኒ አማኖሳኔ? ታኒ ይንትስ ኦድዝ ቃላ ታኒ ታፕ ኦዶያ፥ ዝን ታር የዛ አዳይ ፋ ኦꬆ ኦꬅዛ።
JOH 14:11 ታኒ አዳይር የዛናኔ አዳይካ ታር የዛና ይ አማኖይታ። የያ አማናምጽኮ ታ ኦꬄዝ ማላ ባዝታይል ታና አማኖይታ።
JOH 14:12 «ታኒ ይንትስ ቱሮ ኦድዛ፤ ታና አማንዛ አꬃይ ታኒ ኦꬅዛ ኦሶ ኦꬆዳ። ታኒ አዳይኮ Ꮊንግዛ ግሾስ ታና አማንዛ ኦንካ Ꮊይፕ ኣꬊዝ ኦስታ ኦꬆዳ።
JOH 14:13 አዳይ ናአይ ባጋር ቦንችንቶድ ጋርክ ታ ሱንꬃር ይ ዎስዛ ባዝ ኡባ ታ ይንትስ ኦꬆዳ።
JOH 14:14 ታ ሱንꬃር አባባዝካ ይ ኦይጭኮ ታ ይንትስ ኦꬆዳ።
JOH 14:15 «ይ ታና ቃꬍኮ ታ ኪታ ናጎዳ።
JOH 14:16 ታኒ አዳ ዎሶዳ፤ ይንታር መꬍናስ የዞድ ጋርክ ምንꬃꬅዛ ይንትስ እማዳ።
JOH 14:17 Ꮊ አላመ አሳይ ኤዛ በኤካዛይ ግሾኔ ኤሮዋ ግሾስ ኤዛ ኤኮዳይስ ዳንዳኦያ ቱማ አያና። ዝን ኤ ይንታር የዛ ግሾኔ ይ ጋንጨ የዞድ ግሾስ ይ ኤዛ ኤሮዳ።
JOH 14:18 «ታኒ ይንታን እንዳ አደ ባ ናአ ጋርክ ይ ኣዳ አሻሚ፤ ማቂ ይንትኮ የኦዳ።
JOH 14:19 ጽቃ ዎደፕ ጉየ አላማይ ታና ማሂ በኤና፥ ዝን ይ በአዳ። ታኒ ደኦር የዛ ግሾስ ይንትካ ደኦር የሳዳ።
JOH 14:20 ታኒ ታ አዳይር፥ ይ ታር፥ ማ ታኒ ይንታር የዛና ይ የ ጋላስ ኤሮዳ።
JOH 14:21 «ታ ኪታ ኤኪ ናግዛይ ታና ቃꬍዛ። ታና ቃꬍዛና ታ አዳይካ ቃꬍዛ፤ ታንካ ኤዛ ቃꬍዛ፤ ታኒ ኤስ በንቶዳ» ዬጌዛ።
JOH 14:22 አስቆሮቶ ይሁዳ ባዝን Ꮊንኮ ይሁዳ የሱሳኮ፥ «ጎዳዮ፥ ኔኒ ዋይዚ አላማይስ ባዝን ኑስ ነና ቤዞዴ?» ዬጌዛ።
JOH 14:23 የሱሳ ማሂ፥ «ታና ቃꬍዛ ኦንካ ታ ቃላይስ ኪትንቶዳ። ታ አዳይ ኤዛ ቃꬎዳ። ማ ታ አዳይራ ታራ ኤዝኮ ይኢ ኤዛር የዞዳ።
JOH 14:24 ታና ዶሶዋ ኦንካ ታ ቃላይስ ኪትንቶያ። ይ ስእዝ ቃላይ ታና ኪቴዝ አዳይ ባዛፕ አትን ታባዝ ባያ።»
JOH 14:25 «ታኒ ይንታር Ꮊት የዛር የያ ይንትስ ኦዴዛ።
JOH 14:26 ዝን አዳይ ታ ሱንꬃር ኪቶዳ ምንꬃꬅዛ ጌሻ አያናይ፥ ይንታን ኡባ ባዝ ታማርሶዳ። ታኒ ይንትስ ኦዴዝ ኡባ ኤ ይንታን ሀሳይሶዳ።
JOH 14:27 ሳሮትꬅ ይንትስ አሾዳ። ታኒ ታ ሳሮትꬃ ይንትስ እማዳ። ታ እንግዝ ሳሮትꬃይ አላማይ እንግዝ ሳሮትꬃይ ጋርክ ባያ። የይ ግሾስ፥ ኡንእንትፓተ፥ ያሽትፓተ።
JOH 14:28 «ታኒ Ꮊማዳ፥ ማቂ ይንትኮ የኦዳ» ጌዛና ይ ስኤዛ። ይ ታና ቱማ ዶስዝባዝ ማቄዛኮ ታ አዳይ ታፕ ኣꬊዝ ግሾስ ታኒ ኤዝኮ Ꮊንግዛይድ ይ ኡፋይቶዳ።
JOH 14:29 የይ ሀኖዳር ይ አማኖድ ጋርክ የይ ሀነካዝን ቲናቲ ታኒ ይንትስ ኦዴዛ።
JOH 14:30 Ꮊ አላማ አቅስዛይ ይእዛ ግሾስ Ꮊይፕ ጉየ ይንታር ጋመ ኦድንታሚ። ታና ኤ አብካ ኦꬆዳይስ ዳንዳኦያ።
JOH 14:31 ዝን ታኒ አዳ ቃꬍዛና አላማይ ኤሮድ ጋርክ ታ አዳይ ታና አዛዜዛና ኡባ ኦꬅዛ። ደንዶይታ፤ Ꮊይፕ ዎላ Ꮊማዳ።
JOH 15:1 «ታኒ ዎይነስ ቱማ ኡባ። ኦስዛይ ታ አዳ።
JOH 15:2 ታል አፋ የዚ ኣፈ ኣፎዋ ሻቆ ኡባ ኤ ካርዛ። ኣፍዝ ሻቆ ቲናሳይፕ ኣꬊ ኣፎዳይ ጋርክ የ ሻቃ ኤ ጊግሶዳ።
JOH 15:3 ታኒ ይንትስ ኦዴዝ ቃላይ ግሾስ ይ ጌሽታ።
JOH 15:4 ታር የዞይታ፤ ታንካ ይንታር የዞዳ። ዎይኔ ሻቃይ ኡባይር የዘካ አትኮ የ ሻቃይ ፋ ኣዳስ ኣፈ ኣፎዳይስ ዳንዳኦያ። የይ ጋርከካ፥ ይንትካ ታል የዘካ አትኮ ኣፈ ኣፎዳይስ ዳንዳኦያ።
JOH 15:5 «ታኒ ዎይነስ ኡባ፤ ይ ሻቂታ። ታር የዝዛይኔ ታኒ ኤዛር የዝዛይ፥ ኤ ጋመ ኣፈ ኣፎዳ። ታ ባዝን ይ ይ ኡባስ አብካ ኦꬆዳይስ ዳንዳኦያ።
JOH 15:6 ታር የዞዋዛይ ሻቆ ጋርክ ባለ ኦልንቲ መሎዳ። ኡንታን ሺሺ ታማ ኦሎዳ፥ ኤጾዳ።
JOH 15:7 ይ ታር የዝኮ፥ ታ ቃላይካ ይንታር የዝኮ፥ ይ ኮይዝ ባዝ አብ ማቅኮካ ዎሶይታ፤ ይ ኤኮዳ።
JOH 15:8 ይ ጋመ ኣፈ ኣፍኮኔ ታ ታማረ ማቅኮ፥ የይድ ታ አዳይ ቦንችንቶዳ።
JOH 15:9 አዳይ ታና ቃꬍዛይ ጋርክ ታንካ ይንታን ቃꬍዛ፤ ታ ሲቃይር የዞይታ።
JOH 15:10 ታኒ ታ አዳይ ኪታ ናጊ ኤ ሲቃይድ የዜዛይ ጋርክ ይንትካ ታ ኪታ ናግኮ ታ ሲቃይድ የዞዳ።
JOH 15:11 «ታ ኡፋይሳይ ይንታር ማቃዳይ ጋርከኔ ይ ኡፋይሳይ ፎሎ ማቃድ ጋርክ ታኒ ይንትስ የያ ኦዴዛ።
JOH 15:12 ታ ኪታይ Ꮊያ፤ ታኒ ይንታን ቃꬌዛይ ጋርክ ይንትካ ዎል ዎል ቃꬎይታ።
JOH 15:13 ፋ ሸምፖ ፋ ላጋይስ ኣꬂ እንግዛይፕ ኣꬊዝ ዳማ ሲቆ ባያ።
JOH 15:14 ታኒ ይንታን ኪቴዝ ኡብታ ይ ኦꬅኮ ይ ታ ዳብታ።
JOH 15:15 «አይለ ፋ ጎዳይ ኦꬅዛባዝ ኤሮዋ ግሾስ ታኒ ይንታን Ꮊይፕ ጉየ አይልታ ጋሚ። ዝን ታ አዳይፕ ስኤዝ ኡብታ ታኒ ይንትስ ኦዴዝ ግሾስ ይንታን ዶስንቴዝታ ጌዛ።
JOH 15:16 ታኒ ይንታን ዶሬዛይፕ አትን ይ ታና ዶረካያ። ይ Ꮊንጊ ꬋቦዋ ኣፈ ኣፎድ ጋርክ ታኒ ይንታን ሹሜዛ። ዬዛኮ ታ አዳይ ይ ታ ሱንꬃር ዎሴዝባዝ ኡባ ይንትስ እማዳ።
JOH 15:17 ታ ኪታይ Ꮊያ፦ ዎል ዎል ቃꬎይታ።
JOH 15:18 «አላማይ ይንታን እጽኮ ቲናቲ ታና እጼዛ ኤሮይታ።
JOH 15:19 ይ አላመ ባዝ ማቄዛኮ አላማይ ፋባዝ ጋርክ ይንታን ቃꬎዳ። ዝን ታኒ ይንታን አላመፕ ሻጊ ዶሬዝ ግሾኔ ይ አላመ ባዝ ባ ግሾስ አላማይ ይንታን እጽዛ።
JOH 15:20 ‹አይለ ፋ ጎዳይፕ ኣꬎያ› ግ ታኒ ይንትስ ኦዴዛና ቆፖይታ። ኡንቲ ታና ባይኤዝ ባዝ ማቅኮ ይንታናካ ባይኦዳ። ኡንቲ ታ ቃላ ናጌዝባዝ ማቅኮ ይ ቃላካ ናጎዳ።
JOH 15:21 ዝን ኡንቲ ታና አዛዜዛና ኤሮዋ ግሾስ Ꮊ ኡባ ታ ባጋር ይንታል አፋ ኦꬆዳ።
JOH 15:22 ታኒ ይኢ ኦደካባዝ ማቄዛኮ ኡንትስ ናጋራ ማቀና። ዝን Ꮊት ኡንቲ ኦꬄዝ ናጋራይስ ኦዶድ ሳላምበ ባያ።
JOH 15:23 ታና እጽዛይ ታ አዳካ እጽዛ።
JOH 15:24 ኦንካ ኦꬄካ ኦሶ ታ ኡ ጋንጨ ኦꬅበኤካባዝ ማቄዛኮ ኡንትስ ናጋራ ማቃም ዝን Ꮊት ኡንቲ ታኒ ኦꬄዛ ብኢ ታናካ ታ አዳካ እጼዛ።
JOH 15:25 ዝን ኡ ህጋይድ፥ ‹ታና ጨር እጼዛ› ግንትንቲ ጻፍንቴዛይ ፖልንቶድ ጋርክ የይ ሀኔዛ።
JOH 15:26 «አዳይፕ ይእዝ ቱማ ቤዝዛ አያና ታ ይንትስ ኪቶዳ። ኤ ይንታን ምንꬃꬆዳ፥ ታባዝ ማርኮቶዳ።
JOH 15:27 ይንትካ ቲናፕ አይኪ ታር የዛ ግሾስ ታባዝ ማርኮቶዳ።
JOH 16:1 «ታኒ የያ ይ አማናይ ꬋባም ጋርክ ይንትስ ኦዴዛ።
JOH 16:2 ኡ ይንታን አይሁድታይ ዎሳ ኬꬅታይፕ ከሲ ዳኮዳ። የይ ጋርከካ፥ ይንታን ዎꬍዛ ኦንካ ጾሲ ኮይዝ ባዝ ኦꬅዛ አዝዛ ዎደ የኦዳ።
JOH 16:3 ኡንቲ የያ ይንታል አፋ ኦꬅዛይ ታና ዎይ አዳ ኤሮዋ ግሾስ።
JOH 16:4 ዝን ኡንቲ የያ ይንታል አፋ ኦꬅዛ ዎደ ሄሎዳር ታኒ ይንትስ ኦዴዛና ይ አካኮድ ጋርክ ታኒ ይንትስ Ꮊያ ኦዴዛ። ቲናቲ ታኒ Ꮊያ ይንትስ ኦደካ ጋምኤዛይ ታ ይንታር የዛ ግሾስ።
JOH 16:5 «ዝን Ꮊት ታኒ ታና ኪቴዛይኮ Ꮊንግዛ፤ ይንታፕ ኦንካ፥ ‹አና Ꮊንጌ?› ግ ታና ኦይጭዛይ ባያ።
JOH 16:6 ዝን ታኒ የያ ኦዴዝ ግሾስ ይ ዎዝናይ አዛኖር ኩሜዛ።
JOH 16:7 ዝን ታኒ ይንትስ ቱሮ ኦድዛ፤ ታኒ Ꮊንግኮ ይንትስ ሎኦ። አብስ ጊኮ፥ ታኒ Ꮊንጋም እጽኮ ምንꬃꬅዛይ ይንትኮ የኤና። ዝን ታኒ Ꮊንጊ ኤዛ ይንትኮ ዳኮዳ።
JOH 16:8 ምንꬃꬅዛይ ይኢ፥ ናጋራባጋ፥ ጽሎትꬅ ባጋኔ ፕርዳ ባጋ Ꮊ አላመ አሳ ኤርሶዳ።
JOH 16:9 ናጋራባጋይ፥ አሳይ ታና አማኖዋ ግሾስ።
JOH 16:10 ጽሎትꬅባጋይ፥ ታኒ አዳይኮ Ꮊንግዛ ግሾኔ ይ ታና ማቂ ቦኦዋ ግሾሲ።
JOH 16:11 ፕርዳባጋይ፥ ማ አላመ አቅስዛይ ፕርድንቴዝ ግሾሲ።
JOH 16:12 «ታኒ ይንትስ ኦድዛ ጋመ ባዝ የዛ፥ ዝን Ꮊት ይንትስ ገሎያ።
JOH 16:13 ቱማ አያና ይኢ ይንታን ቱማትꬂ ኡባይኮ ካልꬆዳ። ኤ ስኤዝ ባዝ ኦድዛፕ አትን ፓፕ አባባዝካ ኦዶያ። ማ ቲናፕ የኦድባዝ ይንትስ ኤ ኦዶዳ።
JOH 16:14 ኤ ታስ የዛይፕ ኤኪ ይንትስ ኦድዛ ግሾስ ኤ ታና ቦንቾዳ።
JOH 16:15 አዳይስ የዛ ባዝ ኡቢታይ ታባዝ፤ ‹አያናይ ታስ የዛይፕ ኤኪ ይንትስ ኦዶዳ› ታኒ ጌዛይ የይ ግሾሲ።
JOH 16:16 «ጽቃ ዎደፕ ጉየ ይ ታና በኣሚ፤ ማካ ጽቃ ዎደፕ ጉየ ይ ታና በአዳ» ዬጌዛ።
JOH 16:17 ኤ ታማርታይፕ ፐታይ ፐታይ ዎል ጋንጨ፥ «ጽቃ ዎደፕ ጉየ ይ ታና በኣሚ፤ ማ ጽቃ ዎደፕ ጉየ ይ ታና በአዳ፤ ማካ ታኒ አዳይኮ Ꮊንግዛ ጉሳይ ዋጉሶ?» ዬጌዛ።
JOH 16:18 «ጽቃ ዎደፕ ጉየ ዋጉሶ? ኤ አብ ኦድንትዛኮ ኑስ ኤርንቶያ» ዬጌዛ።
JOH 16:19 ኡንቲ ፋና ኦይጮዳይስ ኮይዛና የሱሳ ኤሪ፥ «ታኒ፥ ‹ጽቃ ዎደፕ ጉየ ይ ታና በኣሚ፤ ማ ጽቃ ዎደፕ ጉየ ይ ታና በአዳ› ዬጌዝ ግሾ ይ ዎል ዎል ኦይጭኔ?
JOH 16:20 ታኒ ይንትስ ቱሮ ኦድዛ፤ ይ ዬኮዳኔ አፉጾዳ፥ ዝን Ꮊ አላማይ ኡፋይቶዳ። Ꮊት ይ አዛኖዳ፥ ዝን ይ አዛናይ ኡፋይሳ ላምንቶዳ።
JOH 16:21 ዎደꬅ አስታ ናአ የሎድ ሀኖዳር ፋ የሎ ዎዳይ ሄሌዝ ግሾስ ህርግዛ። ዝን ናአ የሌዛይፕ ጉየ ናአ Ꮊ አላማይል የልንቴዛይ ኡፋይስዛ ግሾስ ፋ መታ እዛ ዶግዛ።
JOH 16:22 የይ ጋርክ፥ ይንትካ ይ ዎዝናር አዛንዛ፥ ዝን ታኒ ይንታን ማቂ በአዳ። ይ ዎዝናይ ሎእꬂ ኡፋይቶዳ፤ የ ኡፋይሳ ኦንካ ይንታፕ ኤከና።
JOH 16:23 «የ ጋላስ ይ ታና አባባዝካ ዎሴና። ታኒ ይንትስ ቱሮ ኦድዛ፤ ይ ታ ሱንꬃር ዎስዛ ባዝ ኡባ አዳይ ይንትስ እማዳ።
JOH 16:24 Ꮊኖ ሄሎዳይስ ታ ሱንꬃር አባባዝካ ይ ዎሰካያ። ይ ኡፋይሳይ ፎሎ ማቃድ ጋርክ ጾሳ ዎሶይታ፤ ይ ኤኮዳ።
JOH 16:25 «ታኒ Ꮊኖ ሄሎዳይስ ይንትስ ኣዝሶር ኦዴዛ፥ Ꮊይፕ ታኒ ኣዝሶር ኦዶዋ ዎደ የኦዳ። ዝን አዳይባጋ ታኒ ይንትስ ቆንጭሲ ኦዶዳ።
JOH 16:26 የ ጋላስ ይ ታ ሱንꬃር አዳ ዎሶዳ፤ ይ ግሾስ ታኒ አዳ ዎሳሚ።
JOH 16:27 አብስ ጊኮ፥ አዳይ ፋ ኡባስ ይንታን ቃꬍዛ። ይ ታና ቃꬍዛ ግሾኔ ታኒ አዳ ላንቀፕ የኤዛና ይ አማኔዝ ግሾስ ኤ ይንታን ቃꬍዛ።
JOH 16:28 ታኒ አዳይ ላንቀፕ Ꮊ አላመ የኤዛ፤ ማ አላመ አሺ አዳይኮ Ꮊማዳ» ዬጌዛ።
JOH 16:29 ኤ ታማርታይ ማቂ፥ «ዬዛኮ፥ Ꮊት ኔኒ ቆንጨ ኦድዛ፤ ኣዝሶር አብካ ኦዶያ።
JOH 16:30 ኔኒ ኡባ ባዝ ኤርዛና ኑኒ Ꮊት ኤርዛ፤ ማ ነና ኦንካ ኦይጮድ ጋርክ ኔኒ ኮዮያ። የይ ኑና ኔኒ ጾሳፕ ኪትንቴዝ አስ ማቄዛይ አማንꬅዛ» ዬጌዛ።
JOH 16:31 የዝን፥ የሱሳ ማሂ ኡንትኮ፥ «Ꮊት አማንኔ?
JOH 16:32 ዬዛኮ፥ ይ፥ ይ ካራ ላልንትዝ ዎዳይኔ ታ ኡባስ ኦሊ አሺ ቆስንትዛ ዎዳይ የኦዳ፤ Ꮊተካ ይኢ ሄሌዛ። ዝን አዳይ ታር የዛ ግሾስ ታ ታ ኣዳ ባያ።
JOH 16:33 ይ ታር የዝኮ ሳሮ ይንትስ የዞዳይ ጋርክ ታኒ የያ ኦዴዛ። አላመል የዝታር ይ መትንቶዳ። ዝን ሚንጎይታ፤ ታኒ አላማ ጋሜዛ» ዬጌዛ።
JOH 17:1 የሱሳ የያ ኦዴዛይፕ ጉየ ፑደ ሳሎ ብኢ፥ Ꮊይ ጋርክ ዬጌዛ፦ «አዳዮ፥ ሳታይ ሄሌዛ፤ ነ ናአይ ነና ቦንቾድ ጋርክ ኔኒ ነ ናአ ቦንቾባ።
JOH 17:2 ኔኒ ኤዝስ እንጌዝ ኡባይስ ኤ መꬍናስ ደኦ እማዳይ ጋርክ አስ ኡባይል አፋ ኤዝስ ማዉተ እንጌዛ።
JOH 17:3 መꬍና ደኦካ ነና፥ ፐቲ ቱማ ጾሳኔ ነ ኪቴዝ የሱስ ክርስቶሳ ኤሮ።
JOH 17:4 ነ ታ ኦꬆድ ጋርክ እንጌዝ ኦሳ ፖሊ ነና ሳአል ቦንቼዛ።
JOH 17:5 Ꮊተካ፥ አዳዮ፥ አላመ መꬊንቶዳይፕ ቲና ነ ካለ ታስ የዝ ቦንቻይር ታና ቦንቾባ።
JOH 17:6 «አላመ አሳይፕ ኔኒ ታስ እንጌዝታ ነና ኤርሴዛ። ኡንቲ ኔስታ፤ ኔኒ ኡንታን ታስ እንጌዛ። ኡንቲ ነ ቃላይስካ ኪትንቴዛ።
JOH 17:7 ኔኒ ታስ እንጌዝ ኡባ ባዝ ኔፕ የኤዛና ኡንቲ Ꮊት ኤርዛ።
JOH 17:8 ኔኒ ታስ እንጌዝ ቃላ ታኒ ኡንትስ እንጌዛ፤ ኡንትካ የ ቃላ ኤኬዛ። ታኒ ነ ላንቀፕ የኤዛይ ቱማ ማቅዛና ኤሪ ኔኒ ታና ኪቴዛናካ አማኔዛ።
JOH 17:9 «ታኒ ኡንትስ ዎስዛ። ኡ ኔስታ ማቄዝ ግሾስ ኔኒ ታስ እንጌዝ አሳይስ ዎስዛይፕ አትን አላማይስ ዎሳሚ።
JOH 17:10 ታስ የዛ ኡባባዛይ ነባዝ፤ ኔስ የዝ ኡቢታይካ ታባዝ። ታኒ ኡ ባጋር ቦንችንቴዛ።
JOH 17:11 ታኒ Ꮊይፕ ጉየ አላመል የዛሚ፤ ኡንቲ አላመል የዛ። ታኒ Ꮊት ኔኮ Ꮊንግዛ። ጌሻ አዳዮ፥ Ꮊ ኔኒ ታስ እንጌዝታይ ኔራኔ ታራ ፐቶ ማቄዛይ ጋርክ ኡንቲ ፐቶ ማቃድ ጋርክ ኡንታን ነ ታስ እንጌዝ ነ ሱንꬃይር ናጎባ።
JOH 17:12 ታኒ ኡንታር ሳአል የዛር፥ ነ ታስ እንጌዝ ነ ሱንꬃይ ዎልቃር ኡንታን ናጌዛ። ጌሻ ማጻፋይ ጌዛይ ፖልንቶድ ጋርክ ꬋቦዳይስ ቤዝዛ አꬃይፕ አትን ኡንታፕ ሀራ ኦንካ ꬋበካያ።
JOH 17:13 «Ꮊት ታ ኔኮ Ꮊንግዛ። ታ ኡፋይሳይ ኡ ዎዝና ጋንጨ ፎሎ ማቃድ ጋርክ Ꮊያ ታኒ አላመል የዛር ኦድዛ።
JOH 17:14 ታኒ ኡንትስ ነ ቃላ እንጌዛ። ታኒ አላመፕ ማቀካዛይ ጋርክ፥ ኡንትካ አላመፕ ማቀካ ግሾስ አላመ ኡንታን እጼዛ።
JOH 17:15 ኔኒ ኢታፕ ኡንታን ናጎድ ጋርከፕ አትን አላመፕ ከሶዳይ ጋርክ ዎሳሚ።
JOH 17:16 ታኒ አላመፕ ማቀካዛይ ጋርክ ኡንትካ አላመፕ ባያ።
JOH 17:17 ኔኒ ነ ቱማትꬃር ኡንታን ነባዝ ኦꬆባ፤ ነ ቃላይካ ቱማ።
JOH 17:18 ኔኒ ታና አላመ ኪቴዛይ ጋርክ ታንካ ኡንታን አላመ ኪቴዛ።
JOH 17:19 ማ ኡንቲ ቱማ ጌሽ ማቃድ ጋርክ ታኒ ታ ኡባ ኡ ግሾስ ታና ታ ጌሽ ኡድዛ።
JOH 17:20 «ታኒ ኡ ኣዳስ ባዝን ኡንቲ ቃላ ኦድን፥ ታና አማኖድ አስታይስካ ዎስዛ።
JOH 17:21 ኡንቲ ኡቢታይ ፐቶ ማቃድ ጋርክ ታኒ ዎስዛ። አዳዮ፥ ነ ታር የዛይ ጋርክ፥ ማ ታ ኔር የዛይ ጋርክ ኡንቲ ኑር የዞድ ጋርክ ዎስዛ። የ ዎደ ኔኒ ታና አዛዜዛና አላማይ አማኖዳ።
JOH 17:22 ኔኔ ታኔ ፐቶ ማቄዛይ ጋርክ፥ ኡንቲ ፐቶ ማቃድ ጋርክ፥ ኔኒ ታና ቦንቼዛይ ጋርክ፥ ታንካ ኡንታን ቦንቼዛ።
JOH 17:23 ታኒ ኡ ጋንጨ፥ ኔኒ ታር የዛይ ጋርክ ኡንቲ ፎሎ ፐቶ ማቃድ ጋርክ ነና ዎስዛ። የይካ፥ ነ ታና ኪቴዛናኔ ነ ታና ቃꬌዝ ቃꬋይር ኡንታን ቃꬌዛና አላመ ኤሮድ ጋርከ።
JOH 17:24 «አዳዮ፥ ኔኒ ታስ እንጌዝታይ ታኒ የዛ አቆ ታር የዞዳይ ጋርክ ኮይዛ። አላማይ መꬊንቶዳይፕ ቲና ኔኒ ታና ቃꬌዝ ግሾስ ታስ እንጌዝ ታ ቦንቻ ኡንቲ በአዳ።
JOH 17:25 «ጌሻ አዳዮ፥ አላመ ነና ኤሮያ፥ ዝን ታን ነና ኤርዛ። ማ ኔኒ ታና አዛዜዛና Ꮊይትታይ ኤርዛ።
JOH 17:26 ኔኒ ታና ሲቄዝ ሲቃይ ኡንታር የዞድ ጋርክ፥ ማ ታኒ ኡንታር ማቃድ ጋርክ፥ ታኒ ነ ሱንꬃ ኡንታን ኤርሴዛ፤ ቲናስካ ኤርሶዳ» ዬጌዛ።
JOH 18:1 የሱሳ ዎሳ ዉርሰዛይፕ ጉየ ፋ ታማርታይር ቀድሮና ሎጳ ፒንጊ፥ የ በሳይድ የዝ ዎይራ ጋደ ጋንጨ ገሌዛ።
JOH 18:2 የሱሳ ጋመ ዎደ ፋ ታማርታይር ኤዛይድ ሺቅዛ ግሾስ የሱሳ ኣꬂ እንጌዝ ይሁዳ የ አቃት ኤርዛ።
JOH 18:3 የይ ግሾስ፥ ይሁዳ ፓኖሰ፥ ዣበ፥ ቶራራኔ ጎንዳለራ አይኬዝ ጋመ ዎታዳርታ፥ ቄሰ ሀላቅታይኔ ፈርሳወ አሳይ ኪቴዝ ጾሳ ኬꬅ ናግዝ ፖልስታ ካልꬂ ኤኪ፥ የ አቆ Ꮊንጌዛ።
JOH 18:4 የሱሳ ፋና ሄሎድ ሀንዛ ባዝ ኡባ ኤሪ፥ ጋጻ ከዚ፥ «ኦና ኮዬ?» ዬጌዛ።
JOH 18:5 ኡንቲ ማሂ፥ «ናዝረተ የሱሳ ኮይዛ» ዬጌዛ። ኤ ማሂ፥ «ታና» ዬጌዛ። የሱሳ ኣꬂ እንጌዝ ይሁዳ ኤዛይድ ኡንታር ኤቄዛ።
JOH 18:6 ኤ፥ «ታና» ጌዝ ዎደ ኡንቲ ጉየ ሺቂ፥ ፎኬዛ።
JOH 18:7 የሱሳ ማካ፥ «ኦና ኮይኔ?» ዬጊ ኦይጬዛ። ኡንቲ፥ «ናዝረተ የሱሳ ኮይዛ» ዬጌዛ።
JOH 18:8 ኤ ማሂ፥ «ታና ማቄዛና ታ ይንትስ ኦዴዛ። ይኬ፥ ይ ታና ኮይዝ ባዝ ማቅኮ Ꮊይትታ ዳኮይታ» ዬጌዛ።
JOH 18:9 ኤ የያ ጌዛይ፥ «አዳዮ፥ ኔኒ ታስ እንገዝታይፕ ሀራ አቶዝን ፐታካ ꬋብሰካ» ጌዝ ቃላይ ፖልንቶድ ጋርከ።
JOH 18:10 ስሞን ጵጽሮሳ ማሻ አይኬዛ ግሾስ ፋ ማሻ ሾዲ ቄሰ ሀላቃ አይላይስ ኡሻች ሀይቶ፥ ቃꬊ ኦሌዛ። የ አይላይ ሱንꬃይ ማልኮሳ።
JOH 18:11 የሱሳ ጵጽሮሳኮ፥ «ነ ማሻ ሾካይድ ማሆባ። ታ አዳይ ታስ እንጌዝ ጹአይፕ ታ ኡዣማ ኔስ አዝኔ?» ዬጌዛ።
JOH 18:12 አይሁደ ዎታዳርታይር ኡ ሀላቃይ ጾሳ ኬꬅ ናግዝ ፖልስታይራ ዎላ የሱሳ አይኪ አጬዛ።
JOH 18:13 ቲና የሱሳና ሃናኮ ካንጌዛ። ሃና የ ላይꬅ ቄሰ ሀላቃ ማቅዝ ቃያፋ ቦለ።
JOH 18:14 ቃያፋ፥ «ዎያ ግሾስ ፐቲ አሲ Ꮊይቅኮ ሎኦ» ግ ቲና አይሁድታና ዞሬዛያ።
JOH 18:15 ስሞን ጵጽሮሳኔ ሀራ ፐቲ ታማራይ የሱሳ ካሊ ቅቴዛ። ቄሰ ሀላቃይ የ Ꮊንኮ ታማራ ሎእꬂ ኤርዛ። የይ ግሾስ፥ ኤ የሱሳር ቄሰ ሀላቃይ ዛባ ገሌዛ።
JOH 18:16 ዝን ጵጽሮሳ ባለር ጋሰ ፐንገል ኤቄዛ። ቄሰ ሀላቃይ ኤርዛ ሀራ ታማራይ ባለ ከዚ፥ ፐንገ ናግዛ አስትስ ኦድን፥ ጵጽሮሳ ገልሴዛ።
JOH 18:17 ፐንገ ናግዝ አስታ ጵጽሮሳኮ፥ «ኔኒ፥ የ አꬃይ ታማርታይፕ ፐታ ባሳ?» ዬጌዛ። ጵጽሮሳ ማሂ፥ «ዋኣ» ዬጌዛ።
JOH 18:18 ሳአይ ሜግዛ ግሾስ አይልታይራኔ ናግዝታይ ጺፈ ታማ ኤꬂ፥ ማሪ ኤቂ ካዥዛ። ጵጽሮሳካ ኡንታር ኤቂ ታማ ካዥዛ።
JOH 18:19 ቄሰ ሀላቃይ የሱሳ፥ ኤ ታማርታይባጋኔ ኤ ትምርታይባጋ ኦይጬዛ።
JOH 18:20 የሱሳ ማሂ፥ «ታኒ አስ ኡባስ ጌሻ ኦዴዛ። ታኒ አይሁደ ኡቢታይ ሺቅዛ አይሁድታይ ዎሳ ኬꬃ ግዶኔ ጾሳ ኬꬃ ኡባ ዎደ ታማርሴዛ። ጌማ አብካ ኦደካያ።
JOH 18:21 የዝን፥ ኔኒ ታና አብስ ኦይጨ? ታ ኦዶዳር ስኤዝ አሳ ኦይጮባ። የ አሳይ ታኒ ኦዴዛና ኤርዛ» ዬጌዛ።
JOH 18:22 የሱሳ የያ ጌዝ ዎደ የ በሳይድ ኤቄዝ ዎታዳርታይፕ ፐታይ የሱሳ ባቂ፥ «ቄሰ ሀላቃይስ Ꮊይ ጋርክ ዬጊ ማህኔ?» ዬጌዛ።
JOH 18:23 የሱሳ ማሂ፥ «ታኒ ኢታ ባዝ ኦድንቴዝ ማቅኮ ማርካ ኮኦባ። ዝን ታኒ ቱሮ ኦድንቴዝ ማቅኮ ታና አብስ ባቄ?» ዬጌዛ።
JOH 18:24 የይ ግሾስ፥ ሃና፥ የሱሳ አጭንቴዛን ጋርክ ቄሰ ሀላቃ ቃያፋኮ ዳኬዛ።
JOH 18:25 ጵጽሮሳ ኤዛይድ ኤቂ፥ ታማ ካዦዳር፥ አቴዝ አሳይ ኤዝኮ፥ «ኔኒ Ꮊ አꬃይ ታማርታይፕ ፐታ ባሳ?» ዬጌዛ። ጵጽሮሳ ማሂ፥ «ዋኣ፥ ታኒ ኤ ታማረ ባያ» ዬጊ ካዴዛ።
JOH 18:26 ቄሰ ሀላቃይ አይልታይፐ ፐታይ፥ ጵጽሮሳ ሀያ ጋቼዝ አꬃይ ዳባይ፥ ጵጽሮሳኮ፥ «ታኒ ነና ኤዛር አታክልታይ ጋንጨ በኤካሳኔ?» ዬጊ ኦይጬዛ።
JOH 18:27 ጵጽሮሳ ማካ ካዴዛ። ኤ የያ ጌዛን ጋርክ ሹጉላ ኡኬዛ።
JOH 18:28 ዎንታ ጉራ፥ ኡንቲ የሱሳና ቃያፋ ካራፕ ጋደ አቅስዛይ ኦሶ ኬꬃ ካንጌዛ። አይሁድታይ ፓዝቃ ባለ ካꬃ ማዳይስ ፋና ቱንሳማይ ጋርክ ጋደ አቅስዛይ ኦሶ ኬꬃ ገለካያ።
JOH 18:29 የይ ግሾስ፥ ጵላጾሳ ኡንትኮ ባለ ከዚ፥ «Ꮊ አꬃ አብስ ሞቴ?» ዬጌዛ።
JOH 18:30 ኡንቲ፥ «ኤ ኢታ ኦꬄካባዝ ማቄዛኮ ኑኒ ኤዛ ኔኮ ከኣሚ» ዬጌዛ።
JOH 18:31 ጵላጾሳ ማሂ፥ «ይ ኤዛ ኤኪ ካንጊ፥ ይ ህጋይ ግዛይ ጋርክ ኤዛል አፋ ፕርዶይታ» ዬጌዛ። አይሁድታይ፥ «ኦናካ ዎꬍዛ ማዉተ ኑስ ባያ» ዬጌዛ፤
JOH 18:32 የይ ሀኔዛይ የሱሳ አብ ጋርክ Ꮊይቆ Ꮊይቆዳዛኮ ኤርሶዳይስ ኦዴዝ ቃላይ ፖልንቶዳይሲ።
JOH 18:33 ጵላጾሳ ፋ ኦሶ ኬꬃ ማቂ ገሊ፥ የሱሳ ጼጊ፥ «ኔኒ አይሁደ ካቶ?» ዬጊ ኦይጬዛ።
JOH 18:34 የሱሳ ጵላጾሳኮ፥ «Ꮊ ኦይቻ ኔኒ ኔፕ ኦይጭነኔ ዎይ ሀራ አሲ ኔስ ታባዝ ኦዴኔ?» ዬጌዛ።
JOH 18:35 ጵላጾሳ ማሂ፥ «ታ አይሁደ አሶ? ነ አሳይራ ቄሰ ሀላቅታይ ነና ታስ ኣꬂ እንጌዛ። ነ አብ ኦꬄኔ?» ዬጌዛ።
JOH 18:36 የሱሳ፥ «ታ ካተትꬃይ Ꮊ አላማይድ ባያ። ኤ Ꮊይዳ ማቄዛኮ ታ አይሁድታይ ሀላቅታይስ ኣꬊ እንግንቶድ ጋርክ ታ አይልታይ ታስ ኦልንቶዳ። ዝን ታ ካተትꬃይ Ꮊ አላማይድ ባያ» ዬጌዛ።
JOH 18:37 የይ ግሾስ፥ ጵላጾሳ የሱሳኮ፥ «የዝን፥ ኔኒ ካቶኔ?» ዬጊ ኦይጬዛ። የሱሳ ማሂ፥ «ቱማ ታ ካተ ማቅዛና ነ ጌዛ። ታኒ የልንቴዛይኔ Ꮊ አላመ የኤዛይ ቱማትꬅስ ማርካቶዳይስ። ቱማ ባጋ ማቄዝ ኦንካ ታኒ ግዛ ስእዛ» ዬጌዛ።
JOH 18:38 ጵላጾሳ፥ «ቱማ አባ ባዞ?» ዬጌዛ። ጵላጾሳ የያ ጌዛይፕ ጉየ አይሁድታይኮ ባለ ከዚ፥ «ታኒ ኤፕ አባ ኢታካ ደንገካያ።
JOH 18:39 ዝን ፓዝቃ ባለ ጋላስ፥ ፐቲ አሲ ይንትስ አቻፕ ብልእዝ ዎጋ የዛ። ታኒ ይንትስ አይሁድታይ ካታ ብሎድ ጋርክ ኮይኔ?» ዬጌዛ።
JOH 18:40 ኡንቲ ማሂ፥ ፋ ቃላ ꬎቅ ኡዲ፥ «ባርባና ብሎባፕ አትን ኤዛ ባያ» ዬጌዛ። ዝን ባርባና ፓኖ።
JOH 19:1 የይፕ ጉየ፥ ጵላጾሳ የሱሳና ጋራፍሴዛ።
JOH 19:2 ዎታዳርታይ አንጉንꬅ ዛዉደ መꬊ ኤ ኦማይል ጋዴዛ። ማ ዞቆ አፍላ ኤዛ ማእሴዛ።
JOH 19:3 ኤዝኮ ሺቂ፥ «አይሁደ ካታዮ፥ መꬍናስ ካዉቶባ» ዬጊ ኤዛ ባቄዛ።
JOH 19:4 ጵላጾሳ ማካ ባለ ከዚ፥ አይሁድታይኮ፥ «ዬዛኮ፥ ታኒ ኤፕ አባ ኢታካ ደንገካዛ ይ ኤሮድ ጋርክ ኤዛ ይንትኮ ባለ ከሶዳ» ዬጌዛ።
JOH 19:5 የይፕ ጉየ፥ የሱሳ አንጉንꬅ ዛዉደ ፋ ኦማል ጋዲ፥ ዞቆ አፍላ ማኢ፥ ባለ ከዜዝ። ጵላጾሳ አይሁድታይኮ፥ «አꬃ Ꮊያ ቦኦይታ» ዬጌዛ።
JOH 19:6 ቄሰ ሀላቅታይኔ ጾሳ ኬꬅ ናግዝታይ ኤዛ በኤዝ ዎደ ፋ ቃላ ꬎቅ ኡዲ፥ «ማዝቃለል አፋ ሶቶባ! ሶቶባ!» ዬጌዛ። ጵላጾሳ ኡንትኮ፥ «ይ ኤዛ ካንጊ፥ ማዝቃለል አፋ ሶቶይታ። ታኒ ኤፕ አባ ኢታካ ደንገካያ» ዬጌዛ።
JOH 19:7 አይሁድታይ ማሂ፥ «ኑስ ህጋይ የዛ። ኤ ፋና ጾስ ናአ ኦꬄዝ ግሾስ ኑ ህጋይ ጋርክ ኤ Ꮊይቆዳይስ ቤዝዛ» ዬጌዛ።
JOH 19:8 ጵላጾሳ የያ ስኤዝ ዎደ ቲናሳይፕ ኢታ ያሽቴዛ።
JOH 19:9 ማካ ጵላጾሳ ፋ ኦሶ ኬꬅ ማቂ ገሊ የሱሳኮ፥ «ኔኒ አናፕ የኤኔ?» ዬጊ ኦይጬዛ። ዝን የሱሳ ኤዝስ አብካ ማሄካያ።
JOH 19:10 የይ ግሾስ፥ ጵላጾሳ፥ «ታስ ኦዶሳ? ነና ብሎዳይስ ዎይ ማዝቃለል አፋ ሶቶዳይስ ታስ ማዉተ የዛና ኤሮሳ?» ዬጌዛ።
JOH 19:11 የሱሳ፥ «ጾሳይ ኔስ ስልጻኔ እንገካባዝ ማቄዛኮ ታል አፋ ስልጻኔ ኔስ ባቦናዝን። የይ ግሾስ፥ ታና ኔስ ኣꬂ እንጌዛይ ኣꬊዝ ናጋራ ኦꬄዛ» ዬጌዛ።
JOH 19:12 ጵላጾሳ የያ ስኤዝ ዎደ የሱሳ ብሎዳይስ ኦገ ኮዬዛ። ዝን አይሁድታይ ፋ ቃላ ꬎቅ ኡዲ፥ «ኔኒ ኤዛ ብልዝባዝ ማቅኮ ካታይ ቄሳረ ባጋ ባያ። ፋና ካተ ግዝ ኦንካ ቄሳረስ ሞርከ» ዬጌዛ።
JOH 19:13 ጵላጾሳ የያ ስኢ የሱሳ ባለ ከሲ «ሎቼ ሹች» ዬግዝ ቤስ ፕርደ ኦይደል በቴዛ። እብራይስጸ ቃላይር የ አቃይ «ገበታ» ጉሲ።
JOH 19:14 የ ጋላሳይ ፓዝቃ ባለ ቦንቾዳይስ ጊግንቶ ጋላስ። የ ዎደ ሳአ ኡሱፑን ሳተ ሄራ። ጵላጾሳ አይሁድታይኮ፥ «ይ ካታ Ꮊያ ቦኦይታ» ዬጌዛ።
JOH 19:15 አይሁድታይ ፋ ቃላ ꬎቅ ኡዲ፥ «ꬋብሶባ! ꬋብሶባ! ማዝቃለል አፋ ሶቶባ» ዬጌዛ። ጵላጾሳ ማሂ፥ «ይ ካታ ታኒ ማዝቃለል አፋ ሶቶዳይስ ኮይኔ?» ዬጊ ኦይጬዛ። ቄሰ ሀላቅታይ፥ «ቄሳረፕ ሀራ ካት ኑስ ባያ» ዬጌዛ።
JOH 19:16 የይፕ ጉየ፥ ኡንቲ የሱሳ ማዝቃለል አፋ ሶቶድ ጋርክ ጵላጾሳ ኡንትስ ኣꬂ እንጌዛ። ኡንቲ የሱሳ አይኪ ካንጌዛ።
JOH 19:17 የሱሳ ፋ ማዝቃላ ቶኪ፥ «ኦማ ኦታ» ግዝ አቆ Ꮊንጌዛ። «ኦማ ኦታ» ጉሳይ እብራይስጸ ቃላይር «ጎልጎታ» ጉሲ።
JOH 19:18 ኡንቲ የ አቃይድ ማዝቃለል አፋ የሱሳ ሶቴዛ። ማ ኤዛር ሀራ ናምኢ አስታ፥ ፐታ ገደ ባጋር Ꮊንካ Ꮊና ባጋር ማዝቃለል አፋ ሶቴዛ።
JOH 19:19 ጵላጾሳ፥ «አይሁድታይ ካት፥ ናዝረተ የሱሳ» ዬግዝ ጹፈ ጻፊ ማዝቃለል አፋ ጋዴዛ።
JOH 19:20 የሱሳ ማዝቃለል አፋ ሶትንቴዝ አቃይ ካታማስ ካለ የዝ ግሾስ ጋመ አይሁድታይ የ ጹፋ ናባቤዛ። ጹፋይ ጻፍንቴዛይ እብራይስጸ ዶናር፥ ላትኔ ዶናራኔ ግርከ ዶናራ።
JOH 19:21 የይ ግሾስ፥ ቄሰ ሀላቅታይ ጵላጾሳኮ፥ «‹Ꮊ አꬃይ ፋና አይሁደ ካት ዬጌዛ› ግ ጻፎባፕ አትን ‹አይሁደ ካት› ግ ጻፍፐ» ዬጌዛ።
JOH 19:22 የዝን፥ ጵላጾሳ፥ «ታ ጻፌዛና ጻፌዛ» ዬጊ ማሄዛ።
JOH 19:23 ዎታዳርታይ ማዝቃለል አፋ ኤዛ ሶቴዛይፕ ጉየ ኤ አፍላ ኤኪ፥ ኦይዲ አቆ ዎላ ቆእንቲ፥ ፐቶ ፐቶ ኤኬዛ። ኤ አፋር ኦሊ ማእዛ አዱሰ አፍላ ኤኬዛ።
JOH 19:24 ዎታዳርታይ፥ «ኦና ሄሎዳዛኮ፥ እጻ ኦሎዳይፕ አትን አፍላ ፐርአሚ» ዬጌዛ። የይ ሀኔዛይ ጌሻ ማጻፋይድ፥ «ታ አፍላ ሻኪ ኤኬዛ፤ ታ አዱሰ አፍላ ጉጅካ እጻ ኦሌዛ» ግንትንትዛይ ፖልንቶድ ጋርከ። የይ ግሾስ፥ ዎታዳርታይ የያ ኦꬄዛ።
JOH 19:25 ዝን የሱሳ ማዝቃለ ካለ ኤ እንዳት፥ ኤ እንዳት ምሽት፥ ቀልዮጰ ማቻት ማይራምራ ማግዴላ ማይራማ ኤቄዛ።
JOH 19:26 የሱሳ ፋ እንዳትኔ ኤ ቃꬍዛ ታማራይ ኤዛይድ ኤቄዝታ ብኢ፥ ፋ እንዳትኮ፥ «ታ እንዳቴ፥ ነ ናአ Ꮊያ ቦኦባ» ዬጌዛ።
JOH 19:27 የይፕ ጉየ፥ የ ታማራይኮ፥ «ነ እንዳት Ꮊኖ ቦኦባ» ዬጌዛ። የ ታማራይ እዞ የ ዎደፕ አይኪ ፋ ካራ ካንጌዛ።
JOH 19:28 የይፕ ጉየ፥ የሱሳ ኡባይ Ꮊት ፖልንቴዛና ኤሪ፥ ጌሻ ማጻፋይድ ጻፍንቴዛይ ፖልንቶድ ጋርክ «ታና ሳምዛ» ዬጌዛ።
JOH 19:29 የ አቃይድ ፐቲ ጹጋ ኩንꬅ ጫላ ዎይነ የዛ። ኡንቲ ዛንዛ የ ዎይናይድ ኦሊ፥ ህሶጰ ምꬂ ጼራል ጋዲ፥ የሱሳ ዶናይኮ ሺሼዛ።
JOH 19:30 የሱሳ ዎይና ጋንጺ ብኢ፥ «ፖልንቴዛ» ዬጌዛ። የይፕ ጉየ፥ ፋ ሞርጋ ዝቅ ኡዲ ፋ ሸምፓ እንጌዛ።
JOH 19:31 የ ጋላስ ጊግንቶ ጋላስ ማቅዝ ግሾኔ ዎንትꬃ ጋላሳይ ቦንቾ ማላ ማቅዝ ግሾስ አሳይ አሃይ ማዝቃለል አፋ ማላ ጋላስ ፔዣም ጋርክ ኡንታን ቶካ መንꬂ፥ ማዝቃላይፕ ዎꬍሶዳይ ጋርክ አይሁድታይ ጵላጾሳ ዎሴዛ።
JOH 19:32 የይ ግሾስ፥ ዎታዳርታይ Ꮊንጊ፥ የሱሳር ሶትንቴዝ ናምኢ አሳይ ቶካ መንꬄዛ።
JOH 19:33 ዝን የሱሳኮ የኤዝ ዎደ ኤ Ꮊይቄዛ ብኢ፥ ኤ ቶካ መንꬄካያ።
JOH 19:34 ዝን ዎታዳርታይፕ ፐታይ ኤ ምያ ቶራር ጫድን ኤለ ሱꬅኔ ሃꬂ ጎጌዛ።
JOH 19:35 ይ አማኖድ ጋርክ የያ በኤዛይ ማርካቴዛ። ኤ ማርካትꬃይካ ቱማ። ማ የይፕ ኤ ኦሳ ኦድዛይ ቱማ ማቄዛ ኤርዛ።
JOH 19:36 የይ ሀኔዛይ ጌሻ ማጻፋይ፥ «ኤ መቀꬅታይፕ ፐቲ ባዝካ መቀና» ጌዛይ ፖልንቶድ ጋርከ።
JOH 19:37 ማካ ጌሻ ማጻፋይ ሀራ አቆ፥ «ኡንትካ ፋ ጫዴዛና በአዳ» ዬጌዛ።
JOH 19:38 የይፕ ጉየ፥ አርማታሳ ግዝ ካታማፕ የኤዝ ዮሴፋ የሱሳ አሃ ኤኮዳይስ ጵላጾሳ ዎሴዛ። ዮሴፋ አይሁድታይስ ያሽቴዝ ግሾስ ቆሶር የሱሳ ካልዛ። ጵላጾሳ፥ «ኤኮባ» ዬጌዛ። የይ ግሾስ፥ ዮሴፋ ሺቂ የሱሳ አሃ ኤኬዛ።
JOH 19:39 ማ የይፕ ንቆድሞሳ፥ Ꮊይፕ ቲን የሱሳኮ ቃማ የኤዛይ፥ ካርበኔ ጎዳረ ኡꬃራ ዋላክንቴዝ ፐቲ ክሎ ግራመ ማቅዝ ሽቶ ኤኪ ዮሴፋር ዎላ የኤዛ።
JOH 19:40 የ ናምኢ አስታይ የሱስ አሃ ኤኪ፥ አይሁድታይ አሃ ዚꬍꬅ ዎጋር፥ ሽቶራ፥ ሞጎ አፍላር ሳዋጼዛ።
JOH 19:41 የሱሳ ሶትንቴዝ አቃይ አታክልተ ጋደ። የ አታክልተ ጋንጨ ሹቻፕ ዎጭንት ጊጌዝ ቲና ኦንካ ሞግንተካ ኦሮꬅ ዱፋይ የዛ።
JOH 19:42 የ ዱፋይ ላንቀ የዝ ግሾኔ አይሁድታይ ማላስ ጊግንትዛ ጋላስ ማቄዝ ግሾስ የሱሳ አሃ ሞጌዛ።
JOH 20:1 ያ ሳምንታትስ ቲና ጋላስ ሳአ ጌዠካዝን፥ ማግዴላ ማይራማ፥ የሱሳ ሞግንቴዝ ዱፋይኮ Ꮊንጊ ሹቻይ የ ዱፋይ ዶናይፕ ሀልኤዛና በኤዛ።
JOH 20:2 እዛ ስሞን ጵጽሮሳኮኔ የሱሳ ቃꬍዛ Ꮊንኮ ታማራይኮ ዎጺ Ꮊንጊ፥ «ዱፋይፕ ጎዳ ኤኪ ꬋብሴዛ፤ ኤዛ አባ ጋዴዛኮ ኑ ኤሮያ» ዬጌዛ።
JOH 20:3 የይ ግሾስ፥ ጵጽሮሳኔ Ꮊንኮ ታማራይ ከዚ ዱፎ Ꮊንጌዛ።
JOH 20:4 ናምእታይካ ዎላ ዎጼዛ፤ ዝን Ꮊንኮ ታማራይ ጵጽሮሳፕ ኣꬊ ቲናቲ ዱፎ ሄሌዛ።
JOH 20:5 የ ታማራይ ዙጊ፥ ሞጎ አፍላ በኤዛ፥ ዝን ዱፎ ጋንጨ ዎካያ።
JOH 20:6 ስሞን ጵጽሮሳ ኤዛ ካሊ ይኢ፥ ዱፎ ዎꬊ ሞጎ አፍላይ ኤዛይድ የዛና በኤዛ።
JOH 20:7 ማ የሱሳ ኦማስ ጻጽንቴዝ አፍላይ ዳክንꬅንቲ ዱማ ፐቲ አቆ የዛና በኤዛ። የ አፍላይ ዱማ የዛይፕ አትን ሞጎ አፍላይር ዎላ ባያ።
JOH 20:8 የ ዎደ ቲናቲ ዱፎ ሄሌዝ Ꮊንኮ ታማራይ ገሊ ብኢ አማኔዛ።
JOH 20:9 የሱሳ Ꮊይቆፕ ደንዶ ቤዝዛና ኦድዛ ጌሻ ማጻፈ ቃላ ኡንቲ ሀጋ አካከካያ።
JOH 20:10 የይፕ ጉየ፥ ኤ ታማርታይ ፋ ካራ ማቂ Ꮊንጌዛ።
JOH 20:11 ዝን ማይራማ የ ዱፋይ ዶናይድ ኤቂ ዬክታር ዙጊ ዱፋይ ጋንጨ በኤዛ።
JOH 20:12 ቦꬅ አፍላ ማኤዝ ናምኢ ኪታንችታይ የሱሳ አሃይ ዎይኤዝ አቃይድ ፐታይ ኦማ አቻራ Ꮊንካይ ቶኬ አቻራ በቴዝታ በኤዛ።
JOH 20:13 ኡንቲ ኢኮ፥ «Ꮊን አስተ፥ አብስ ዬኬ?» ዬጊ ኦይጬዛ። እዛ፥ «ኡንቲ ታ ጎዳ ኤኪ ꬋቤዛ፤ ኡንቲ አባ ጋዴዛኮ ታኒ ኤሮያ» ዬጌዛ።
JOH 20:14 የያ ጌዛይፕ ጉየ፥ እዛካ ጉየ ማቂ በአዳር የሱሳ ኤዛይድ ኤቄዛና በኤዛ። ዝን ኤ የሱሳ ማቄዛና ኤረካያ።
JOH 20:15 የሱሳ እዝኮ፥ «Ꮊን አስተ፥ አብስ ዬኬ? ኦና ኮዬ?» ዬጊ ኦይጬዛ። ማይራማ አታክልተ ናግዛ አሲ ኣዝን፥ «ጎዳዮ፥ ነ ኤኬዝባዝ ማቅኮ፥ ኤዛ አባ ጋዴዛኮ ታስ ኦዶየ። ታኒ ኤዛ ኤኮዳ» ዬጌዛ።
JOH 20:16 የሱሳ እዝኮ፥ «ማይራመ» ዬጌዛ። እዛ ኤዝኮ ማሂ፥ እብራይስጸ ዶናር «ረቡኒ» ዬጌዛ። የይስ ብርሽꬃይ «አስታማራዮ» ጉሲ።
JOH 20:17 የሱሳ እዝኮ፥ «ታኒ ሀጋ ታ አዳይኮ Ꮊንገካ ግሾስ ታና አይኪ አሾዳይስ ኮይፐ። ዝን ታ እሽታይኮ Ꮊንጊ፥ ‹ታኒ ታ አዳይኮኔ ይ አዳይኮ፥ ታ ጾሳይኮኔ ይ ጾሳይኮ፥ Ꮊማዳ ጌዛ› ግ ኡንትስ ኦዶባ» ዬጌዛ።
JOH 20:18 ማግዴላ ማይራማ ጎዳ በኤዛናኔ እዝስ የያ ኤ ኦዴዛና Ꮊንጊ ኤ ታማርታይስ ኦዴዛ።
JOH 20:19 ሳምንታይፕ ቲና ጋላስ ኦማርሰ፥ ኤ ታማርታይ አይሁድታይስ ያሽቲ እብꬅ ጎርዲ ሺቂ በቴዝን፥ የሱሳ ይኢ፥ ኡ ጋንጨ ኤቂ፥ «ሳሮ ይንትስ ማቆ» ዬጌዛ።
JOH 20:20 የያ ግ ማቂ ፋ ኩሻኔ ፋ ምያ ኡንታን ቤዜዛ። ኤ ታማርታይ ጎዳ ብኢ ጋመ ኡፋይቴዛ።
JOH 20:21 የሱሳ ማሂ ኡንትኮ፥ «ሳሮ ይንትስ ማቆ፤ ታ አዳይ ታና ኪቴዛይ ጋርክ ታንካ ይንታን ኪትዛ» ዬጌዛ።
JOH 20:22 የያ ጌዛይፕ ጉየ፥ ኡንታል አፋ ኡፍ ግ ፑጌዛ። ማ፥ «ጌሻ አያና ኤኮይታ።
JOH 20:23 ይንቲ አቶ ጌዝ አሳይ ናጋራይ አቶ ግንትንቶዳ። ይ አቶ ጌካዝታይስ ናጋራይ አቶ ጊንትንታሚ» ዬጌዛ።
JOH 20:24 ዝን ታጶ ናምኢ ታማርታይፕ ፐታይ፥ ድድሞሳ ግንትንትዝ ቶማሳ፥ የሱሳ የኤዝ ዎደ ኡንታር ባያ።
JOH 20:25 የይ ግሾስ፥ Ꮊንኮ ኤ ታማርታይ ቶማሳኮ፥ «ኑኒ ጎዳ በኤዛ» ዬጌዛ። ዝን ቶማሳ ኡንትኮ፥ «ምስማረር ኤ ጫድንቴዝ ኤ ኩሻይድ የዝ ቤታ በኤካዛር የ ቤታ ታ ብራር ቦቼካዛር፥ ማ ታ ኩሻ ኤ ምያይድ ዳኪ በኤካዛር አማናሚ» ዬጌዛ።
JOH 20:26 ሳምንታፕ ጉየ፥ የሱሳ ታማርታይ ማካ ካራ ሺቂ በቴዛ፤ ቶማሳካ ኡንታር የዛ። እብꬂ ጎርድንቲ የዝን የሱሳ ይኢ፥ ኡ ጋንጨ ኤቂ፥ «ሳሮ ይንትስ ማቆ» ዬጌዛ።
JOH 20:27 የይፕ ጉየ፥ የሱሳ ቶማሳኮ፥ «ታ ኩሻ ነ ብራር ቦቺ ቦኦባ። ማ ነ ኩሻ ታ ምያይድ ዳኪ ቦኦባ፤ ስꬊፐ፥ አማኖባ» ዬጌዛ።
JOH 20:28 ቶማሳ ማሂ፥ «ታ ጎዳዮ፥ ታ ጾሳዮ» ዬጌዛ።
JOH 20:29 የዝን የሱሳ፥ «ኔኒ ታና በኤዝ ግሾስ አማኔዛ፥ ዝን ታና በኤካዛር አማኔዝታይ አንጅንቴዝታ» ዬጌዛ።
JOH 20:30 የሱሳ Ꮊ ማጻፋይ ጋንጨ ጻፍንቴዝ ባዝ ሀራ ጋመ ማልታ ፋ ታማርታይ ቲና ኦꬄዛ።
JOH 20:31 ዝን የሱሳ ኤ ክርስቶሳ፥ ጾሳ ናአ ማቅዛና ይ አማኖድ ጋርክ አማኒ ኤ ሱንꬃይር ደኦ ደማዳይ ጋርክ Ꮊይ ጻፍንቴዛ።
JOH 21:1 የይፕ ጉየ፥ የሱሳ ጽባሮሳ አባ ካለ ፋ ታማርታይስ ማቂ በንቴዛ። ኤ ኡንትስ Ꮊይፕ ካሊ የዝ ሀኖር በንቴዛ።
JOH 21:2 ስሞን ጵጽሮሳ፥ ድድሞሳ ግንትንትዝ ቶማሳ፥ ቃና ጋልላፕ የኤዝ ናትናኤላ፥ ዛብዶሳ ናእታይኔ የሱሳ ታማርታይፕ ሀራ ናምእታይ ዎላ የዛ።
JOH 21:3 ስሞን ጵጽሮሳ ኡንትኮ፥ «ታኒ ሞሎ አይኮዳይስ Ꮊንግዛ» ዬጌዛ። ኡንቲ፥ «ኑካ ኔር Ꮊማዳ» ዬጊ፥ ዎጎሎ ጋንጨ ገሌዛ። ዝን ኡንቲ የ ቃማ አባ ሞሎካ አይከካያ።
JOH 21:4 ዎንታ ጉራ ጻልቀ ዶሎዳይፕ ቲና፥ የሱሳ አባ ጋጻ ኤቄዛ፥ ዝን ኤ ታማርታይ የሱሳ ማቄዛና ኤርበኤካያ።
JOH 21:5 የሱሳ ኡንትኮ፥ «ታ ላጊታዮ፥ ሞሎ አይከካሳ?» ዬጌዛ። ኡንቲ ማሂ፥ «አኮካ አይከካያ» ዬጌዛ።
JOH 21:6 ኤ ማሂ፥ «ይ ግታ ዎጎላይፕ ኡሻች ባጋር ኦሎይታ፤ ይ ሞሎ አይኮዳ» ዬጌዛ። የይ ግሾስ፥ ኡንቲ ፋ ግታና ኡሻች ባጋር ኦሌዛ። ጋመ ሞሎ አይከዝ ግሾስ ጎቺ ከሶዳይስ ጋምንቴዛ።
JOH 21:7 የሱሳ ቃꬍዛ ታማራይ ጵጽሮሳኮ፥ «Ꮊይ ጎዳ ባይ!» ዬጌዛ። ስሞን ጵጽሮሳ ኤ ጌዛና ስኢ ካሎ የዝ ግሾስ ፋ አፍላ ማኢ አባ ግዶ ጉፒ ገሌዛ።
JOH 21:8 ዝን ዎጎሎ ግዶ አቴዝ Ꮊንኮ ታማርታይ ሞሎ ኩሜዝ ግታ ጎቺ፥ አባፕ ጋጻ ከዜዝ። ኡ አባፕ ናምኢ ጼት Ꮊꬋ ጋርክ ሃክዛ ዝን።
JOH 21:9 ኡንቲ አባፕ ጋጻ ከዜዝ ዎደ ጺፈ ቃቃር ሞሎ የዛኔ ሶሎ በኤዛ።
JOH 21:10 የሱሳ ኡንትኮ፥ «Ꮊት ይ አይኬዝ ሞላይፕ ጽቃ Ꮊና እንጎይታ» ዬጌዛ።
JOH 21:11 ስሞን ጵጽሮሳ ዎጎልተ ገሊ፥ ጼት እሻታማኔ ሀይꬒ ዳሞ ሞልታይ ኩሜዝ ግታ ጎቺ አባፕ ጋጻ ከሰዛ። ሞላይ የይ ጋርክ ጋመ ማቅኮኔ ግታይ ፌꬍንተካያ።
JOH 21:12 የሱሳ ኡንትኮ፥ «Ꮊና ይኢ ሞይታ» ዬጌዛ። ኤ ጎዳ ማቄዛና ኡንቲ ኤሬዝ ግሾስ ኤ ታማርታይፕ ፐታይካ፥ «ኔኒ ኦኖ?» ግ ኤዛ ኦይጮዳይስ ይባቴዛይ ባያ። ኤ ጎዳ ማቄዛና ኡቢታይ ኤሬዛ
JOH 21:13 የሱሳ ይኢ፥ ሶሎ ኤኪ ኡንትስ እንጌዛ፤ ሞላካ የይ ጋርክ እንጌዛ።
JOH 21:14 የሱሳ Ꮊይቆፕ ደንዲ ፋ ታማርታይስ በንቶዳር Ꮊይ ሃይꬓንꬆ።
JOH 21:15 ኡ ሜዛይፕ ጉየ፥ የሱሳ ስሞን ጵጽሮሳኮ፥ «ዮና ናአ ስሞና፥ ታና Ꮊይትታይፕ ኣꬂ ቃꬊኔ?» ዬጌዛ። ስሞን ጵጽሮሳ፥ «ኤ ጎዳዮ፥ ታኒ ነና ቃꬍዛና ነ ኤርዛ» ዬጌዛ። የሱሳ ኤዝኮ፥ «ታ ዱር ናኡንꬃን ሄንጎባ» ዬጌዛ።
JOH 21:16 የሱሳ ናምአንꬆ፥ «ዮና ናአ ስሞና፥ ታና ቃꬍኔ?» ዬጌዛ። ስሞን ጵጽሮሳ፥ «ኤ ጎዳዮ፥ ታኒ ነና ቃꬍዛና ነ ኤርዛ» ዬጌዛ። የሱሳ፥ «ታ ሆግታ ሄንጎባ» ዬጌዛ።
JOH 21:17 የሱሳ ሃይꬓንꬆ፥ «ዮና ናአዮ ስሞና፥ ታና ቃꬍኔ?» ዬጌዛ። የሱሳ ሃይꬓንꬆ ስሞን ጵጽሮሳኮ፥ «ታና ቃꬍኔ?» ዬጊ ኦይጬዝ ግሾስ ጵጽሮሳ አዛኒ፥ «ጎዳዮ፥ ኔኒ ኡባ ባዝ ኤርዛ፤ ታኒ ነና ቃꬍዛና ነ ኤርዛ» ዬጌዛ። የሱሳ፥ «ታ ዱርታ ሄንጎባ።
JOH 21:18 ታኒ ኔስ ቱሮ ኦድዛ፤ ኔኒ ናአትꬃር የዝ ዎደ ነ ኣዳስ ዳንጭንቲ፥ ነ ኮዤዝ በስ Ꮊንግዛ። ዝን ነ ጭሜዝ ዎደ ነ ኩሻ ምጪ ቤዞዳ። ሀራይ ዳንጭሶዳ፤ ነ አቆ በስ ካንጎዳ» ዬጌዛ።
JOH 21:19 የሱሳ የያ ጵጽሮሳ አብ ጋርክ Ꮊይቆ Ꮊይቂ፥ ጾሳ ቦንችሶዳዝኮ ኤርሶዳይስ ጌዛ። የያ ጌዛይፕ ጉየ፥ የሱሳ ጵጽሮሳኮ፥ «ታና ካሎባ» ዬጌዛ።
JOH 21:20 ጵጽሮሳ ጉየ ማቂ፥ የሱሳ ቃꬍዛ ታማራይ ፋፕ ጉየር ይእዛና በኤዛ። የ ታማራይ፥ ካሆ ሚዝ አቆ የሱሳኮ ሺቂ፥ «ጎዳዮ፥ ነና ኣꬂ እማዳይ ኦኖ?» ጌዛና።
JOH 21:21 ጵጽሮሳ የ ታማራ ብኢ፥ «ጎዳዮ፥ Ꮊ አꬃይ ማ ዋያዴ?» ዬጊ የሱሳ ኦይጬዛ።
JOH 21:22 የሱሳ ኤዝኮ፥ «ታኒ የኦዳ ሄሎዳይስ ኤ ሸምፖር የዞድ ጋርክ ታኒ ኮይኮ፥ የይ ነና አብ መተኔ? ኔኒ ታና ካሎባ» ዬጌዛ።
JOH 21:23 የይ ግሾስ፥ የ ታማራይ Ꮊይቃም ግዝ ኦዳይ ኤ እሽታ ኡብታ ሄሌዛ። ዝን የሱሳ፥ «ታኒ የኦድ ጋꬆ፥ ኤ የዞድ ጋርክ ታኒ ኮይኮ ነና አብ መተኔ?» የጌዛይፕ አትን «Ꮊይቀና» ጌካያ።
JOH 21:24 Ꮊ ኦዳይ ባጋ ማርካተዛይነ Ꮊያ ጻፌዛይ የ ታማራ። ኤ ማርካትꬃይ ቱማ ማቅዛና ኑኒ ኤርዛ።
JOH 21:25 የሱሳ ኦꬄዝ ሀራ ጋመ ባዝ የዛ። ታ ቆፕን፥ ኡባ ባዝ ኦማር ኦማር ጻፍንቴዛኮ፥ ጻፍንትዛ ማጻፍታይስ ኩንꬅ አላማይ ግዶድባዝ ኣዞያ።
ACT 1:1 ቶፍሎሳ፥ የሱሳ ፋ ኦሳ አይኬዝ ዎደፕ ሳሎ Ꮊንጌዝ ጋላስ ሄሎዳይስ፥ ኦꬄዝባዝኔ ታማርሴዝባዝ ኡባ ታኒ ታ ቲና ማጻፋይድ ጻፌዛ። ሳሎ Ꮊንጎዳይፕ ቲና ኤ ፋ ዶሬዝ ሀዋርታ ጌሻ አያናር አዛዜዛ።
ACT 1:3 ኤ ፋ ኢታ ዋያ ኤኬዛይፕ ጉየ Ꮊይቆፕ ደንዴዛና ጋመ ማርካትꬃር ስ ባይꬅ ቆንጭሲ ኡንትስ ፋና ቤዜዛ። ኦይታም ጋላስ ኡንትስ ቆንጪ ጾስ ካተትꬅባጋ ኡንታን ታማርሴዛ።
ACT 1:4 ፐቲ ዎደ ኡንታራ ዎላ የዛር ኡንታን Ꮊይ ጋርክ ዬጊ ኪቴዛ፦ «ታ ይንትስ ኦዴዛ፥ ታ አዳይ እማድ ጌዝ ኡፋይስ ቃላ ናጎይታፕ አትን የሩሳላመፕ ኬዝፓተ።
ACT 1:5 አብስ ጊኮ፥ ዋንሳ ሃꬃር ጻማቄዛ፥ ዝን ጽቃ ዎደፕ ጉየ ጌሻ አያናር ይ ጻማቅንቶዳ» ዬጌዛ።
ACT 1:6 ሀዋርታይ የሱሳና ሄሊ ኤኮ፥ «ጎዳዮ፥ እስራኤልታይስ ነ ካተትꬃ ማህዝ ዎዳይ Ꮊያኔ?» ዬጊ ኦይጬዛ።
ACT 1:7 የሱሳ ኡንትኮ፥ «ታ አዳይ ፋ ማዉተር ኦꬅዛ ዎዳኔ ላይꬃ ይ ኤሮዳይስ ዳንዳኦያ።
ACT 1:8 ዝን ጌሻ አያናይ ይንታል አፋ ዎꬍዝ ዎደ ይ ዎልቃ ኤኮዳ። የይፕ፥ ጉየ የሩሳላመ፥ ይሁዳ ጋደ ኡባይል፥ ሳማረራኔ ቢታ ጋጻፕ ጋጻ ሄሎዳይስ ይ ታስ ማርክታ ማቆዳ» ዬጌዛ።
ACT 1:9 የያ ጌዛይፕ ጉየ ኡንቲ በአዳር፥ ꬎቅ ꬎቅ ግ፥ ሳሎ ኬዝን ሻራካ ኤዛ ኡ ኣፋይፕ ጌንꬄዛ።
ACT 1:10 የሱሳ Ꮊማዳር ኡንቲ ሳሎ ፉደ በአዳር፥ ቦꬅ ማኦ ማኤዝ ናምኢ አስታይ ቆፐካዝን ኡ አቻ ኤቂ፥
ACT 1:11 «ጋልላ አሳዮ፥ ሳሎ ብእታር፥ ይ አብስ ኤቄኔ? Ꮊ ይ በአዳር ሳሎ ቅቴዝ የሱሳ Ꮊኒ ጋርክ ማቂ የኦዳ» ዬጌዛ።
ACT 1:12 የይፕ ጉየ፥ ሀዋርታይ ዳብረ ዛይተ አምባላፕ የሩሳላመ ማቄዛ። ዳብረ ዛይተ አምባይ የሩሳላመፕ ማላ ጋላሳ የꬍꬅ ጋርክ ሃክዛ።
ACT 1:13 ኡንቲ የሩሳላመ ገሊ፥ ፎቄል አፋ ከዜዛ። ኡንትካ ፦ ጵጽሮሳ፥ ዋንሳ፥ ያይቆባ፥ እንድራሰ፥ ፍልጶሳ፥ ቶማሳ፥ ባርቶሎሞሳ፥ ማቶሳ፥ ኢልፎሳ ናአ ያይቆባ፥ ቃናትዛ ስሞናኔ ያይቆባ ናአ ይሁዳ።
ACT 1:14 Ꮊይትታይ ኡባይ ማችታይር፥ የሱሳ እንዳት ማራምራኔ የሱሳ እሽታይራ ኡባይ ፐቲ ዎዝናር ማቂ ኡባ ዎደ ሚንጊ ዎስዛ።
ACT 1:15 የ ዎደ ጵጽሮሳ ጼታኔ ላታም ማቅዝ አማንዛ አሳይ ሺቄዝ አቆ ደንዲ ኤቂ፥ Ꮊይ ጋርክ ዬጌዛ፦
ACT 1:16 «ታ እሹንꬆ፥ የሱሳና አይኬዝታ ካልꬄዝ ይሁዳ ባጋ ጌሻ አያናይ ቲና ዳዉተ ዶናር ኦዴዝ ጾስ ቃላይ ፖልንቶዳይስ ቤዝዛ።
ACT 1:17 ይሁዳ ኑር ዎላ Ꮊ ኦሳ ኦꬆዳይስ ማራጽንቴዝ አሲ።»
ACT 1:18 ዝን ይሁዳ ኢታ ኦሶር ደንጌዝ ሚሻይር ጋደ ዎንጌዛ። ኤ ስኖር ፖክን፥ ኤ ኡላይ ፔꬊንትን፤ ኤ ማራጫይ ዛዝንቴዛ።
ACT 1:19 ይሁዳል አፋ ሀኔዝባዛ የሩሳላመ የዝ አስ ኡባይ ስኤዛ። የይ ግሾስ፥ የ ጋዳ ፋ ጋደ ዶናር «አካልዳማ» ጌዛ። አኬልዳማ ጉሳይ ሱꬅ ቢታ ጉሲ።
ACT 1:20 «የይካ ማዝሙረ ማጻፋይድ፥ «‹ኤ ካራይ ካሎ አቶ፤ ኦንካ ኤዛይድ የዝፔ። ማ ኤ ሹማትꬃ ሀራይ ኤኮ› ግንትንቲ ጻፍንቴዛ።»
ACT 1:21 «የይ ግሾስ፥ ጎዳ የሱሳ ኑ ጋንጨ ዩዜዝ ዎደ ኡባይድ ኑር የዝታይፐ፥
ACT 1:22 ማ ጻማቅዛ ዋንሳ ዎዳይፕ አይኪ ጎዳ የሱሳ ሳሎ Ꮊንጌዝ ጋላስ ሄሎዳይስ ኑር የዝታይፕ ፐቲ አሲ ኤ ደንዳይስ ኑር ማርካ ማቆዳይስ ቤዝዛ» ዬጌዛ።
ACT 1:23 የይ ግሾስ፥ አሳይ ዶሮዳይስ ዮስጾሳ ግዝ ባርሳባሳ ግንትንትዛ ዮሴፋኔ ማታሳ ናምእታ ሺሼዛ።
ACT 1:24 የይፕ ጉየ፥ ጾስ ዎስታር፥ «አስ ኡባ ዎዝና ኤርዛ ጎዳዮ፥ Ꮊ ናምእታይፕ ነ ኦና ዶሬዛኮ ኑና ቤዞባ።
ACT 1:25 ይሁዳ ፋ አቃ ቅቲ፥ አሼዝ ኦሳኔ ሀዋረትꬅ ኦሳ ኤኮዳይ ጋርክ Ꮊይትታይፕ ኑና ቤዞባ» ዬጌዛ።
ACT 1:26 ኡንታል አፋ እጻ ኦልን ኢጻይ ማታሳል አፋ ዎꬍን ማታሳ ታጶ ፐቲ ሀዋርታይል አፋ ጉዥንቴዛ።
ACT 2:1 ጰንጸቆስጸ ግዝ ጋላሳይ ሄሌዝ ዎደ አማንዛ አስ ኡባይ ፐቲ አቆ ሺቂ የዛ።
ACT 2:2 ቆፐካዝን ዎልቃማ ጎተ ጋርክ ጉምዝ ጉምꬃይ ሳሎፕ ይኢ ኡንቲ የዝ ኬꬃ ኩሜዛ።
ACT 2:3 ታማ ላꬅ ኣዝዝ እራንꬅታይ ኡንትስ በንትታር፥ ሻግንቲ ሻግንቲ ኡንታል ኡባይል አፋ በቴዛ።
ACT 2:4 ኡንቲ ኡባይ ጌሻ አያናር ኩሚ ዱማ ዱማ ዶናር ኦድንቶዳይ ጋርክ ጌሻ አያናይ ኡንታን ኡድን ኦድንቶ አይኬዛ።
ACT 2:5 የ ዎደ ቢታ ኡባፕ የኤዝ ጾስስ Ꮊሽትዝ አይሁድታይ የሩሳላመ የዛ።
ACT 2:6 የ ጉምꬃ ስኢ ጋመ አሳይ ሺቄዛ። አማንዛ አሳይ ኡ ጋደ ዶናር ኦድንቶዳር ስኤዝ ግሾስ
ACT 2:7 Ꮊይ ማላባዝ ግ፥ «Ꮊ ኦድንትዛ አስ ኡባይ ጋልላ አስ ባሳ?
ACT 2:8 የዝን፥ ኑኒ፥ ኑ የልንቴዝ ቢታ ዶናር ኡንቲ ኦድንቶዳር ዋይዚ ስኦዳይስ ዳንዳኤኔ?
ACT 2:9 ኑኒ ጳርጸ፥ ሜደ፥ ኤላመ፥ መሶጶታመ የዝታይ፥ ይሁዳ፥ ቃጳዶቃ፥ ጳንጾሳ፥ ኢስያ፥
ACT 2:10 ጵርገ፥ ጵንፍለ፥ ግብጸ፥ ቃርና አቻ የዝ ሊባ የዝታ። ኑፕ ባግትይካ ኦሮመፕ የኤዝ አስታ።
ACT 2:11 አይሁድታይኔ አይሁደትꬃ አማኖ ገሌዝ አስታይ፥ ቃርጼሳኔ አራበ አስታይ፥ ጾሲ ኦꬄዝ ግታ ኦሳ ኑ ቃላይር ኦዶዳር ስእዛ» ዬጌዛ።
ACT 2:12 ኡባይ ማላባዝ ግ፥ ጎድባዝ ꬋብን ዎልኮ፥ «Ꮊይ አብ ማቆደሻ?» ዬጌዛ።
ACT 2:13 ዝን Ꮊንክታይ፥ «የይትታይ ኡዢ ማꬄምባይ» ዬጊ ኡንታል አርኤዛ።
ACT 2:14 ዝን ጵጽሮሳ፥ ታጶ ፐቲ ሀዋርታይራ ደንዲ ኤቂ፥ ፋ ቃላ ꬎቅ ኡዲ፥ ኡንትኮ Ꮊይ ጋርክ ዬጊ ኦዴዛ፦ «አይሁድታዮ፥ የሩሳላመ የዝ ኡቢታዮ፥ ታኒ ኦድዛ ስኦይታ።
ACT 2:15 ዎንታፕ ሀይꬒ ሳተ ማቄዝ ግሾስ ይ ቆፕዛይ ጋርክ Ꮊ አስታይ ማꬄካያ፤ የይ ይንትስ ኤርንቶ።
ACT 2:16 ዝን Ꮊይ ሀኔዛይ ናበ ኢዩኤላ ኦዴዛይ ፖልንቶዳይ ጋርከስ
ACT 2:17 «‹ጾሲ፥ ዎደ ዉርስꬃ Ꮊይ ጋርክ ሀኖዳ ዬግዛ፦ ታኒ አስ ኡባይል አፋ ታ አያና ጎግሶዳ። ይ ꬊራꬅ ናእታይኔ ማች ናእታይ፥ ትንቢተ ኦዶዳ። ይ ፓንꬅታይ ቆንጭꬅ በአዳ፤ ይ ጭምታይ አሁሞ አሁሞዳ።
ACT 2:18 የ ጋላሳታይድ ታና አማንዛ ꬊራꬅ አይልታይል አፋኔ ማች አይልታይል አፋ ታኒ ታ አያና ጎግሶዳ፤ ኡንቲ ትንቢተ ኦዶዳ።
ACT 2:19 ማ ታኒ አፋ ሳሎር ኦሮꬅ ባዝ፥ ኦሞ ሳአራካ ማላ ቤዞዳ። ሱꬂ፥ ታማኔ ዎልቃማ ጩያ ፉሎ በንቶዳ።
ACT 2:20 ግታኔ ቦንቾ ማቄዝ ጎዳይ ጋላሳይ ሄሎዳይፕ ቲና አዋ ꬉሞዳ፤ አጌናካ ሱꬂ ኣዞዳ።
ACT 2:21 የ ዎደ Ꮊይ ጋርክ ሀኖዳ፤ ጎዳይ ሱንꬅ ጼግዝ ኦንካ አቶዳ› ዬጌዛ።
ACT 2:22 «እስሬለ አሳዮ፥ Ꮊ ቃላ ስኦይታ። ናዝረተ የሱሳ ኦናትꬃይ፥ ጾሲ ይ ጋንጨ ኦꬄዝ ዎልቃማ ኦሳይራኔ ማላትታይር ይንትስ ቆንጭዛ ይ፥ ይ ኡባስ ኤርዛ።
ACT 2:23 ጾስ ቲና ፋ ኤራራኔ ፋ ሸናይር የሱሳ ይንትስ አꬊ እንግንቴዛ። ይ ኤዛ ህገ ባ አስታይ ኩሸር ማዝቃለል አፋ ሶትስ ይ ዎꬌዛ።
ACT 2:24 ዝን ጾስ Ꮊይቆ ዎልቃ ꬋብሲ ኤዛ ደንꬄዛ። የይ ግሾስ፥ Ꮊይቆ ኤዛ አይኮዳይስ ዳንዳኤካያ።
ACT 2:25 ዳዉተ ኤ ባጋ ኦድታር፥ «‹ታኒ ዳጋማማይ ጋርክ፥ ጎዳይ ታ ኡሻቻ የዛ። ጎዳ ኡባ ዎደ ታ ታ ቲና ብእዛ።
ACT 2:26 የይ ግሾስ፥ ታ ዎዝናይ ኡፋይቴዛ፤ ታ ዶናይ ኡፋይሳር ኩሜዛ፤ Ꮊይቅዝ ታ አሰትꬃይ ኡፋይሳር የዞዳ።
ACT 2:27 አብስ ጊኮ፥ ታ ሸምፓ ስኦለ አሻሚ። ማ ነ ጽላይ አሃ ዎቅꬃም።
ACT 2:28 ኔኒ ታና ደኦ ኦጋ ኤርሴዛ። ነ ታር የዛይ ግሾስ ታ ኡፋይሳይ ኩንꬅ ማቅዛ› ዬጌዛ።
ACT 2:29 «ታ እሹንꬆ፥ ኑ አዳ ዳዉተ ባጋ ታ ይንትስ ጌሺ ኦዶዳ። ዳዉተ Ꮊይቂ ሞግንቴዛ፤ ኤ ዱፋይ Ꮊይኖ ሄሎዳይስ ኑ ካለ የዛ።
ACT 2:30 ዳዉተ ናበ ማቄዝ ግሾስ ጾስ ኤ ሼሻይፕ ፐታ ኤ ካተትꬃ ዙፋናይል አፋ በትꬆዳይስ ኤስ ጫቄዝ ጫቃ ኤርዛ።
ACT 2:31 የይ ግሾስ፥ ክርስቶሳ ደንዳ ቲና ብኢ፥ ‹ኤ ሸምፓይ ስኦለ አተካያ፤ ኤ አሰትꬃይካ ዎቀካያ› ግ ኦዴዛ።
ACT 2:32 «ጾሲ፥ Ꮊ የሱሳ Ꮊይቆፕ ደንꬄዛይስ ኑኒ ኡባይ ማርካ።
ACT 2:33 የይ ግሾስ፥ ጾሲ ፋ ኡሻቻ ኤዛ ꬎቅ ꬎቅ ኡዲ፥ ኤስ እንጎድ ግንትንቴዝ ጌሻ አያናይ ኡፋይሳ ፋ ጾስ አዳይፕ ኤኪ፥ Ꮊያ ይ Ꮊት ብእዛኔ ስእዛ ኑል አፋ ጎግሴዛ።
ACT 2:34 የይካ፥ ዳዉተ ፋ ኦማስ ሳሎ Ꮊንገካያ ዝን፦ «‹ጎዳይ፥ ታ ጎዳ፥ «ታኒ ነ ሞርክታ ነ ቶከስ የꬍꬅ አቆ ኡዶድ ሄሎዳይስ Ꮊይዳ ታፕ ኡሻች ባጋ በቶባ ጌዛ» ዬጌዛ።
ACT 2:36 «የይ ግሾስ፥ Ꮊ ይ ማዝቃለል አፋ ሶቴዝ የሱሳ፥ ጾሲ ኤዛ ጎዳኔ ክርስቶሳ ማሄዛና እስሬለ አስ ኡባይ ቱማፕ ኤሮ» ዬጌዛ።
ACT 2:37 አሳይ ጵጽሮሳ ጌዛ ስእን ኡ ዎዝናይ ቦችንትን ጵጽሮሳኔ Ꮊንኮ ሀዋርታይኮ፥ «ኑ ኢሹንꬆ፥ የዝን ኑኒ አብ ኡዶ?» ዬጌዛ።
ACT 2:38 ጵጽሮሳ ኡንትኮ፥ «ይ ናጋራይ አቶ ግንትንቶዳይ ጋርክ ናጋራይፕ ማቂ፥ ይ ፐታይ ፐታይ የሱስ ክርስቶሳ ሱንꬃር ጻማቅንቶይታ። ጾስ እንግዛ ጌሻ አያና ይ ኤኮዳ።
ACT 2:39 የይካ ጾሲ እንጎድ ጌዝ ኡፋይስ ቃላይ ይንትሲ፥ ይ ናእታይስኔ ጎዳይ ኑ ጾሳይ ፋክ ጼግዝ ሃኮ የዝ ኡቢታይስ» ዬጌዛ።
ACT 2:40 ጵጽሮሳ ኡንትስ ሀራ ቃላካ ጉጂ ማርካቲ፥ «Ꮊ ዎደ ዡጫ አሳይል አፋ የኦዳይስ የዝ ፕርዳይፕ ይንታን አሾይታ» ዬጊ ዞሬዛ።
ACT 2:41 ጵጽሮሳ ኦዴዛና ኤኬዝታይ ጻማቅንቴዛ። የ ጋላስ ሀይꬒ ሙኩለ ማቅዝ አሳይ አማኒ ጉጅንቴዛ።
ACT 2:42 ኡንቲ ሀዋርታይ ትምርታይድ፥ ፐትፐተꬃር፥ ካꬃ ዎላ ሙሳራኔ ጾስ ዎሳር ሚንጌዛ።
ACT 2:43 ሀዋርታይ ኩሸ ጋመ ኦሮꬅባዝኔ ማላባዝ ሀኔዛይ ግሾስ አስ ኡባይ ያሽቴዛ።
ACT 2:44 አማኔዝ ኡቢታይ ዎላ የዝዛ፤ ፓስ የዛ ባዝ ኡባ ፐትፕ ሻግንቴዛ።
ACT 2:45 ኡንቲ ፓስ የዛ ባዝ ባይዚ ሚሸ ፐታይስ ፐታይስ ኮሽዛይ ጋርክ ሻግዛ።
ACT 2:46 ኡባ ጋላስ ፐቲ ዎዝናር ማቂ ጾስ ካራ ሺቅዛ። ፋ ካራ ፐታይ ፐታ ጼጊ ኡፋይሳራኔ አሽከ ዎዝናር ካꬃ ሚዛ።
ACT 2:47 ጾስ ጋላትታር አስ ኡባይር ሳብንቴዛ። ጎዳይ አማኒ አትዝታ ጋላስ ጋላስ ኡንታል አፋ ጉጅዛ።
ACT 3:1 ፐቲ ጋላስ ጵጽሮሳኔ ዋንሳ ጾስ ዎሶዳይስ ኡዱፉን ሳተር ጾስ ካራ Ꮊንጌዛ።
ACT 3:2 የልንቴዝ ጋላሳፕ አይኪ ቶኬ ስሌዝ ፐቲ አꬃይ ጾስ ካራ ገልዛ አሳይፕ ሚሸ ዎሶዳይ ጋርክ ኡባ ዎደ ሎኦ ግዝ ጾስ ካራ ፐንገ ጋላስ ጋላስ ክኢ ጋድዛዝን።
ACT 3:3 የ ቶኬ ስሌዝ አꬃይ ጵጽሮሳኔ ዋንሳ ጾስ ካራ ገሎድ ሀኖዳር ብኢ ኡንታን ሚሸ ዎሴዛ።
ACT 3:4 ኡንትካ ኤዛ ዳኪ ብኢ፥ ጵጽሮሳ «ኑኮ Ꮊና ቦኦባ» ዬጌዛ።
ACT 3:5 ቶኬ ስላ አꬃይ ኡንታፕ አኮ ባዝ ደማዳ ኣዝን ኡንታን በኤዛ።
ACT 3:6 ዝን ጵጽሮሳ ኤዝኮ፥ «ታስ ብራኔ ዎርቃ ባያ፥ ዝን ታስ የዛ ባዝ ታ ኔስ እማዳ። ናዝረተ የሱስ ክርስቶሳ ሱንꬃር ደንዲ የꬎባ» ዬጌዛ።
ACT 3:7 የይፕ ጉየ፥ ስላ አꬃይስ ኡሻች ኩሻ አይኪ ደንꬄዛ። ኤልሲ ኤ ቶካይኔ ቅልጫይ ሚንጊ አቴዛ።
ACT 3:8 አꬃይ ጉፒ ደንዲ ኤቄዛ። ገደኔ Ꮊና የꬅ አይኬዛ። የይፕ ጉየ፥ የꬍታራኔ፥ ጉፕታር ጾስ ጋላትታር ኡንታር ዎላ ጾስ ካራ ገሌዛ።
ACT 3:9 ኤ የꬎዳራኔ ጾስ ጋላቶዳር አሲ ኡባይ ኤዛ በኤዛ።
ACT 3:10 በኤዝ ኡቢታይካ ሚሸ ዎሶዳይስ ሎኦ ግዝ ጾስ ካራ ፐንገል በቴዛይ ኤዛ ማቄዛ ኤሬዛ፤ ኤ ሀኔዝባዛ ብኢ ማላባዝ ጌዛ።
ACT 3:11 አꬃይ ጵጽሮሳፐኔ ዋንሳፕ ዱጻም ግ አይኪ የዝን አሲ ኡባይ ማላባዝ ግ፥ ሶሎሞነ ባራንዳ ግዝ አቆ ዎላ ኡንትኮ ዎጼዛ።
ACT 3:12 ጵጽሮሳ አሳ ብኢ አሳይኮ፥ «እስሬለ አሳዮ፥ አብስ Ꮊያ ማላባዝ ጌ? ዎይ አብስ ኑና ዳኪ በኤ? ኑኒ ኑ ዎልቃር ዎይ ኑ ሎኦትꬃይር Ꮊ አꬃ የꬄዝባዝ ይንትስ ኣዝኔ?
ACT 3:13 አፍራመ፥ እሳቃ፥ ያይቆባ ጾሳይ፥ ኑ አድታይ ጾሳይ፥ ፋ ናአ የሱሳ ቦንቼዛ። ዝን ይ Ꮊይቆስ ኣꬂ እንጌዛ ጵላጾሳ ብልኦዳይስ ኮይኮካ ይ ኤ ቲና፥ ‹ኑኒ ኤዛ ኮዮያ› ዬጌዛ።
ACT 3:14 ይ ጌሻኔ ጽላ፥ ካዲ፥ ሸምፖ ዎꬌዛ ይንትስ ብሎዳይ ጋርክ ጵላጾሳ ዎሴዛ።
ACT 3:15 ደኦ እንግዛ ይ ዎꬌዛ፥ ዝን ጾሲ Ꮊይቆፕ ኤዛ ደንꬄዛ። የይስ ኑኒ ማርካ።
ACT 3:16 Ꮊ ይ ብእዛይኔ ኤርዛ አሳይ ፓጺ ምንጌዛይ የሱሳ ሱንꬃር አማኔዝ ግሾ። Ꮊ ይ ኡባይ ቲና ኤዛ Ꮊይ ጋርክ ፓꬄዛይ ኤ የሱሳ አማኔዝ ግሾስ።
ACT 3:17 «Ꮊተካ ታ እሹንꬆ፥ ይንትካ ይንታን ካልꬅዝታይካ፥ ኤረካዛር ኦꬄዛና ታኒ ኤርዛ።
ACT 3:18 ዝን ጾሲ ብኒ ናብታይ ኡባ ዶናር፥ ‹ክርስቶሳ ዋየ ኤኮዳይስ ቤዝዛ› ዬጌዛይ ፖልንቶዳይ ጋርክ ኡዴዛ።
ACT 3:19 ይኬ፥ ጾሲ ይ ናጋራ አቶ ጎዳይ ጋርክ ማሮቶꬅ ገሊ ጎዳይኮ ማቆይታ።
ACT 3:20 ጎዳይ ካለፕ ምንꬃꬆ ዎደ ይንትስ የኦዳ። ጎዳይ ቲናቲ ዶሬዝ ክርስቶሳ ይንትስ ዳኮዳ።
ACT 3:21 ጾሲ ፋ ጌሽ ናብታይ ዶናር ብኒ ኦዴዛይ ጋርክ ኡባ ባዝ ኦሮጽዛ ዎደ ሄሎዳይስ Ꮊ የሱሳ ሳሎ ጋምኦዳይስ ቤዝዛ።
ACT 3:22 ሙሰ፥ ‹ጎዳ ጾሳይ ታና ደንꬄዛይ ጋርክ ይ ጋንጨፕ ይንትስ ናበ ደንꬆዳ። ይ ኤ ግዛ ኡባ ስኦይታ።
ACT 3:23 የ ናባይ ኦዳ ስኦዋ አስ ኦንካ አስ ጋንጨፕ ሻክንቲ ꬋቦ› ዬጌዛ።
ACT 3:24 «ማ ሳምኤላፕ አይኪ የዝ ናብታይ ኡቢታይ Ꮊ ዎደ ባጋ ኦዴዛ።
ACT 3:25 ይ ናብታይ ናእታ፤ ማ ጾስ አፍራመስ፥ ‹ሳአል የዝ አስ ኡባ ታኒ ነ ሼሻይ ባጋር አንጆዳ› ዬጊ ኑ አድታይስ ገሌዝ ቃላ ጫቆ ላትዛ ናእታ።
ACT 3:26 ጾስ ይንታን ኡባ ይ ኢታ ኦጋይፕ ማሂ አንጆዳይ ጋርክ ፋ ናአ ደንꬂ ይንትስ ቲና ዳኬዛ» ዬጌዛ።
ACT 4:1 ጵጽሮሳኔ ዋንሳ አሳይስ ኦዶዳር ቄስታይ፥ ጾስ ካራ ናግዝታይ ሀላቃይኔ ሳዱቃውታይ ኡንትኮ የኤዛ።
ACT 4:2 ኡንቲ የሱሳ Ꮊይቆፕ ደንዴዛኔ የይፕ ደንዴዛይድ Ꮊይቆፕ ደንዶ የዛና ዎያ ታማርሴዝ ግሾስ ይሎቴዛ።
ACT 4:3 የይ ግሾ፥ ኡንታን አይኪ ሳአ ኦማꬄዛይፕ ዎንቶድ ሄሎዳይስ አች ካራ ገልሴዛ።
ACT 4:4 ዝን ቃላ ስኤዝታይፕ ጋምታይ አማኔዛ። አማኔዝ ꬊራꬅ አሳይ ታይባይ እችን ሙኩለ ሄሌዛ።
ACT 4:5 ዎንትꬃ ጋላስ ካልꬅዝታይ፥ ጭምታይኔ፥ ህገ አስታማርታይ የሩሳላመ ሺቄዛ።
ACT 4:6 የ አሳይ ጋንጨ ቄሰ ሀላቃ ሃና፥ ቃያፋ፥ ዋንሳ፥ ኢስክንድረኔ ቄሰ ሀላቃይ ካራ አስታይ ኡባይ የዛ።
ACT 4:7 ሀዋርታ ፋ ቲና ኤስ፥ «አባ ዎልቃር ዎይ ኦ ሱንꬃር Ꮊያ ይ ኦꬄኔ?» ዬጊ ኦይጬዛ።
ACT 4:8 የ ዎደ ጵጽሮሳ ጌሻ አያናር ኩሚ፥ «ዎያ ሀላቅታዮኔ፥ ጭምታዮ፥
ACT 4:9 Ꮊይኖ Ꮊ ዎቦ አꬃይስ ኦስንቴዝ ሎኦ ኦሳይል ኤ ዋይዚ ፓጼዛኮ ይ ኑና ኦይጭኮ፥
ACT 4:10 ማዝቃለል አፋ ይ ሶጽን፥ ጾሲ Ꮊይቆፕ ደንꬄዝ ናዝረተ የሱስ ክርስቶሳ ሱንꬃይር Ꮊ አꬃይ ፓጺ ይ ቲና ኤቄዛይ ይንትስኔ እስሬለ አስ ኡባይስ ኤርንቶ።
ACT 4:11 «‹ይንቲ ግምቢዝታይ ቦሪ እጼዝ ሹቻይ፥ ኬꬄ ሙመር ቶኪ አይክዝ ክርክሮ ጋርከ፥ ኡባይፕ ኣꬊዝ ሹች ማቄዛ፤ የ ሹቻይ የሱሳ።›
ACT 4:12 የይ ግሾስ፥ አቶትꬂ ኤ ባጋራፕ አትን ሀራ ኦ ባጋራካ ባያ። ኑኒ ኤ ሱንꬃር አቶድ ጋርክ አስ ኡባይስ ጾሲ ሳሎፕ ኦሞር እንጌዝ ሀራ ሱንꬂ ባያ» ዬጌዛ።
ACT 4:13 ሺቄዝ አሳይ ጵጽሮሳኔ ዋንሳ ያሻ ባይꬅ ቆንጨ ኦዴዛና ብኢ ዎደ ኡንቲ ታማረካ ጨረ አስ ማቄዛና አካኪ ማላባዝ ጌዛ፤ ኡንቲ የሱሳር የዛያና ኤሬዛ።
ACT 4:14 ማ ፓጼዝ አꬃይ ጵጽሮሳራኔ ዋንሳራ ኤቄዛና አሳይ ብእን ጎድባዝ ꬋቤዛ።
ACT 4:15 ዝን ጵጽሮሳኔ ዋንሳ ባለ ከዞዳይ ጋርክ ኡዲ ፋ ጋንጨ፥
ACT 4:16 «Ꮊ አስታ ኑ አብ ኡዶ? ኡ ኩሸ ኦስንቴዝ ግታ ማላ ባዛይ የሩሳላመ የዝ ኡባይስ በንትዛ። ኑኒ የያ ኤሮዋ ጎዳይስ ዳንዳኦያ።
ACT 4:17 ዝን Ꮊ ኦዳይ አስ ጋንጨ ላልንታማይ ጋርክ ይከፕ ጉየ Ꮊ አስታይ የሱሳ ሱንꬃይር ኦስካ ኦዳማይኔ ታማርሳማይ ጋርክ ሚንꬂ ኦዲ» ዬጊ ዞርንቴዛ።
ACT 4:18 ኡንታን ጼጊ፥ የሱሳ ሱንꬃይር Ꮊንፕ ገደ የሻ ኦዳማይ ጋርከኔ ታማርሳማይ ጋርክ ኪቴዛ።
ACT 4:19 ዝን ጵጽሮሳኔ ዋንሳ ኡንትኮ ማሂ፥ «ጾስስ ኪትንቶዳይፐኔ ይንትስ ኪትንቶዳይፕ ጾስ ቲና ኣይ ሎኦዛኮ አን ይ ፕርዶይታ።
ACT 4:20 ኑኒ በኤዝ ባዝኔ ስኤዝባዝ ኦዳ አሾዳይስ ዳንዳኦያ» ዬጌዛ።
ACT 4:21 ዎያ ጭምታይኔ ካልꬅዝታይ ካሴሳይፕ ሚንꬂ ናግሲ ኡንታን ዳኪ አሼዛ። አሳይ ሀኔዝባዛይስ ጾስ ጋላትዛ ግሾስ ኡንታን ሴሮዳይስ ዳንዳእበኤካያ።
ACT 4:22 የ ማላታይር ሀርገፕ ፓꬄዝ አꬃይስ ላይꬃይ ኦይታማፕ ኣꬎ።
ACT 4:23 ጵጽሮሳኔ ዋንሳ ብልእንቲ ኡንታር አማንዛ ዳብታይኮ Ꮊንጊ፥ ቄሰ ሀላቅታይኔ ጭምታይ ፋኮ ጌዝባዝ ኡባ ኡንትስ ኦዴዛ።
ACT 4:24 ኡንቲ የያ ስኤዝ ዎደ ፐቲ ዎዝናር ማቂ ጾሳ Ꮊይ ጋርክ ዬጊ ዎሴዛ፦ «ኡባ ሞድዝ ጎዳዮ፥ ሳሎ፥ ሳአ፥ አባኔ ኡ ጋንጨ የዝ ኡባ ባዝ መꬌዛዮ፥
ACT 4:25 ኔኒ ነ አይላና፥ ኑ አደ ዳዉተ ዶና ጌሻ አያናር፥ «‹ዎያ አብስ ይሎቴኔ? አሳይ አብስ ጨረ ቶቤኔ?
ACT 4:26 ሳአ ካትትይኔ ጋደ ሀርዝታይ ፐትፕ ጎዳይል አፋኔ ኤ ክርስቶሳል አፋ ደንዴዛ› ዬጌዛ።
ACT 4:27 «ቱማካ፥ ሄሮዶሳኔ ጰንጸ ጵላጾሳ አይሁደ ባ አሳይራኔ እስሬለ አሳይራ ነ ትዤዝ ነ ጌሻ ናአ የሱሳል አፋ ደንዶዳይስ Ꮊ ካታማይ ሺቄዛ።
ACT 4:28 ማ ነ ዎልቃይዳኔ ነ ሸናይድ ኡዶድ ግ ቆፕ በቴዛ ኡባ ኡንቲ ፖሌዛ።
ACT 4:29 Ꮊተካ ጎዳዮ፥ ኡ ማንድꬃ ቦኦባ፤ ኑኒ ነ አይልታይ ነ ቃላ ኩንꬅ ዎዝናር ኦዶዳ ጋርክ ኑና ዳንዳእሶባ።
ACT 4:30 ነ ጌሻ ኦሳንቾ የሱሳ ሱንꬃር ሀርጋንችታ ፓꬆዳይስ፥ ኦራꬅባዝኔ ማላትታይ ኦስንቶዳይ ጋርክ ነ ኩሸ ምጮባ» ግ ዎሴዛ።
ACT 4:31 ኡንቲ ጾስ ዎሴዛይፕ ጉየ የ ኡንቲ ሺቄዝ አቃይ ኤንኤዛ። ኡ ኡባይ ጌሻ አያናር ኩምን ጾስ ቃላ ጎብ ኦዴዛ።
ACT 4:32 አማንዝታይ ኡባይ ቆፋራኔ ዎዝናር ፐቶ ማቄዛ። ኡንቲ ፓስ የዛ ባዝ ታባዝ ጌካዛር ፐትፕ ሻክንትዛ።
ACT 4:33 ሀዋርታይ ጎዳ የሱሳ Ꮊይቆፕ ደንꬄዝ ግታ ዎልቃር ማርካትዛ። ጾስ ኡንትስ ኡባይስ ኣꬎ ኬሃትꬃይፕ ጋንꬂ እንጌዛ።
ACT 4:34 ቢታ ዎይ ካምፓ የዝታይ ኡባይ ባይዚ ኤኬዝ ሚሻ ክእዛ ግሾስ አማንዝታይ ጋንጨ መትንቴዛይ ፐታካ ባያ።
ACT 4:35 ሚሸ ክኢ ሀዋርታይስ እንግዛ፤ የ ሚሻ ፐታይስ ፐታይስ ኮሽዛይ ጋርክ ሻጊ ሻጊ እንግዛ።
ACT 4:36 ቆጲሮሳ ግዝ አቆ የልንቴዝ ዮሴፋ ግዝ ለወ ሼሻይፕ ማቄዝ ፐታይ የዛ። ኤ ሱንꬃ ሀዋርታይ ባርናባሳ ጌዛ። ባርናባሳ ጉሳይ ምንꬃꬆ ናአ ጉሲ ጌዛ።
ACT 4:37 ባርናባሳ ፓስ የዝ ቢታ ባይዚ ሚሻ ክኢ ሀዋርታይስ እንጌዛ።
ACT 5:1 ፐቲ ሀናና ግዝ አꬃይ ፋ ማቻት ሳጵርር ዎላ ጋደ ባይዜዛ።
ACT 5:2 የ ባይዜዝ ሚሻይፕ ፋ ማቻት ኤሮዳር ሻጊ አሺ፥ አቴዛና ክኢ ሀዋርታይ ቶኬ ካለ ጋዴዛ።
ACT 5:3 ዝን ጵጽሮሳ ሀናናኮ፥ «ኔኒ ጌሻ አያና ዶሾዳይ ጋርኬኔ ቢታ ባይዜዝ ሚሻይፕ ሻጊ አሾዳይ ጋርክ ጻላሄ ነ ዎዛና አብስ ገሌኔ?
ACT 5:4 ኔኒ ባይዞዳይፕ ቲና ቢታይ ኔስ ባሳኔ? ማ ነ ባይዝ ማቅንካ ሚሻይ ኔስ ባሳኔ? የዝን፥ የይ ጋርክ ኦꬆዳይስ አብስ ነ ዎዝናር ቆፔኔ? ኔኒ ጾሳል አፋ ዎርዶቴነፕ አትን አሳል አፋ ዎርዶተካያ» ዬጌዛ።
ACT 5:5 ሀናኔ የ ቃላ ስኤዛን ጋርክ ፖኪ Ꮊይቄዛ፤ የያ ስኤዝ ኡባይ ኢታ ያሽቴዛ።
ACT 5:6 ናአትꬃ አስታይ ደንዲ ኤ አሃ ዚꬊ አፍላር ጻጺ ካንጊ ሞጌዛ።
ACT 5:7 ሀይꬒ ሳተፕ ጉየ ሀናና ማቻት የያ ኤረካዛር ጵጽሮሳ የዛ አቆ ገሌዛ።
ACT 5:8 ጵጽሮሳ ኢኮ፥ «ይ ቢታ Ꮊኒ ጋርክ ሚሸስ ባይዜኔ? አን ታስ ኦዶባ» ዬጌዛ። እዛካ፥ «ኤ፥ Ꮊይ ጋርክ ሚሸስ ባይዜዝ» ዬጌዛ።
ACT 5:9 ጵጽሮሳ ኢኮ፥ «ኔራኔ ነ አዝናይራ ጎዳ አያና ፋጮዳይስ አብስ ዞርንቴኔ? ዬዛኮ፥ ነ አዝና ሞጌዝ አሳይ ባለር የዛ፤ ነናካ ኡንቲ ባለ ከሶዳ» ዬጌዛ።
ACT 5:10 እዛካ እዝር ጵጽሮሳ ቶኬ አቻ ፖኪ Ꮊይቂ አቴዛ፤ ናአትꬅታይ ገሎዳር Ꮊይቄዛኖ ደንጊ ባለ ከሲ፥ እ አዝናይ ካለ ሞጌዛ።
ACT 5:11 ዎሳ ኬꬅ ኡባይኔ የያ ስኤዝ ሀራ አስ ኡባይ እታ ያሽቴዛ።
ACT 5:12 ሀዋርታይ ጋመ ማላትታኔ ኦሮꬃባዝታ አስ ጋንጨ ኦꬄዛ። አማንዛ ኡባይ ሶሎሞነ ባራንዳ ፐትፕ ሺቄዛ።
ACT 5:13 ሀራ አሳይፕ ፐቲ አስካ ኡንታን ሄሎዳይስ ምንገካያ፥ ዝን አሳይ ኡንታን ቦንችዛ።
ACT 5:14 አማንዛ ꬊራꬅታይኔ ማችታይ ታይባይ ካሴሳይፕ ጋንግታር ጋግታር ቅቴዛ።
ACT 5:15 የይ ግሾስ፥ አሳይ ሀርጋንችታ ሀላራኔ አርሳር ቶኪ ጵጽሮሳ ኣꬎዳር ኤ ኩያይ ኡንታፕ ፐታይል ፐታይል አፋ ሸምፖዳይ ጋርክ ኦገ ዶና ከሲ ጋዴዛ።
ACT 5:16 ማ ጋመ አሳይ የሩሳላመ ካለ የዝ ካታምታይፕ ሀርጋንችታኔ ቱና አያና ዋይስዛ አስታ ኤኪ ይእዛ፤ ኡባይካ ፓጼዛ።
ACT 5:17 ቄሰ ሀላቃይኔ ኤዛር የዝ ሳዱቃውታይ ኡባይ ቅናተር ኩሚ ሀዋርታይል አፋ ደንዴዛ።
ACT 5:18 ሀዋርታና አይኪ ዎያ አች ካራ ኦሌዛ።
ACT 5:19 ዝን ጎዳ ኪታንቻይ ቃማ አች ካራ ፐንጋ ዶዪ ሀዋርታ ባለ ከሲ፥
ACT 5:20 «Ꮊንጊ፥ ጾስ ካራ ኤቂ Ꮊ ደኦ ቃላ አስ ኡባይስ ኦዶይታ» ዬጌዛ።
ACT 5:21 ሀዋርታይ የያ ስኤዝ ዎደ ዎንት ጉራ ጾስ ካራ ገሊ ታማርሶ አይኬዛ። ቄስታይ ሀላቃይኔ ኤዛር የዝታይ ይኢ፥ እስሬለ ጭምታ ኡባ ጼጊ ሺሺ ሀዋርታ ፋ ቲና ኮኦዳይ ጋርክ ዎታዳርታ አች ካራ ኪቴዛ።
ACT 5:22 ዝን ዎታዳርታይ አች ካራ Ꮊንጊ ሀዋርታ ደንገካያ። ጉየ ማቂ ይኢ ዎያስ፥
ACT 5:23 «ኑኒ Ꮊንጎዳር አች ካራ እብꬃይ ሚንꬂ ጎርደትን፥ ናግዝታይ ፐንገል ኤቄዝታ ደንጌዝ። ዝን ኑኒ ፐንጋ ዶዮዳር ጋንጨ ሀራ አቶዝን ፐቲ አስካ ባያ» ዬጌዛ።
ACT 5:24 የይ ግሾስ፥ ጾስ ካራ ዎታዳርታ ኪትዛይኔ ቄሰ ሀላቅታይ የያ ስኤዝ ዎደ «ሀዋርታይል አፋ አብ ሀነኔ?» ዬጊ ታዌዛ።
ACT 5:25 የ ዎደ ፐቲ አꬃይ ኡንትኮ ይኢ፥ «አች ካራ ይ ገልሴዝ አስታይ ጾስ ካራ ኤቂ አሳ ታማርስዛ» ዬጊ ኡንትስ ኦዴዛ።
ACT 5:26 ጾስ ካራ ዎታዳርታ ኪትዛይ ፋ ዎታዳርታይራ Ꮊንጊ ሀዋርታ ከኤዛ። ዝን ኡንቲ ፋና አሳይ ሹቻር ሾጮዳ ግ ያሽቴዝ ግሾስ ኡንታን አዳሺ ከኤዛ።
ACT 5:27 ኡንቲ ሀዋርታ ክኢ፥ ሺቄዝ ሻንጎ ቲና ክእን ቄሰ ሀላቃይ ኡንትኮ፥
ACT 5:28 «ይንታን ኑኒ ያ አꬃይ ሱንꬃር ታማርሳማይ ጋርክ ሚንꬂ ኪተካሳ? ዬዛኮ፥ ይ ትምርታ ይ የሩሳላመ ካታማ ኡባ ሄልꬄዛ። የ አꬃይ ሸምፖይስ ኑና ኦይጭሾዳይስ ይ ቆፕነ?» ዬጊ ኦይጬዛ።
ACT 5:29 ጵጽሮሳኔ Ꮊንኮ ሀዋርታይር ኡንትስ ማህታር፥ «ኑኒ አስስ ኪትንቶዳይፕ ጾስስ ኪትንቶዳይስ ኑስ ቤዝዛ።
ACT 5:30 ማዝቃለል አፋ ይ ሶቲ ዎꬌዝ የሱሳ ኑ አድታይ ጾሳይ Ꮊይቆፕ ደንꬄዛ።
ACT 5:31 እስሬልታይ ናጋራይፕ ማቆዳይ ጋርከኔ ኡ ናጋራይ አቶ ግንትንቶዳይ ጋርክ ጾሲ የሱሳ ሃርዛኔ አሽዛ ኡዲ ቦንቾር ፋፐ ኡሻች ባጋር በትꬄዛ።
ACT 5:32 የይስ ኑኒ ማርካ፤ ማ ጾሲ ፋስ ኪትንትዝታይስ እንጌዝ ጌሻ አያናይካ ማርካ» ዬጌዛ።
ACT 5:33 ሺቄዝ አሳይ የያ ስኤዝ ዎደ ኢታ ይሎቲ፥ ሀዋርታ ዎꬎዳይስ ቆፔዛ።
ACT 5:34 ዝን አስ ኡባይድ ሎኦ ቦንችንቴዝ፥ ህገ አስታማራይ፥ ጋማላለ ግዝ ፐቲ ፈርሳዋይ ደንዲ ኤቂ ሀዋርታ ጽቃ ዎደስ ባለ ከሶዳይ ጋርክ አዛዘዛ።
ACT 5:35 የይፕ ጉየ፥ ሺቄዝ አሳይኮ፥ «እስሬለ አሳዮ፥ Ꮊ አስታይል አፋ ይ ኡዶዳይስ ቆፕዛባዝፕ ናግንቶይታ።
ACT 5:36 አብስ ጊኮ፥ Ꮊይፕ ቲና ተዎዳሳ ፋና፥ ‹ታኒ ዳማ› ግ ደንድን፥ ኦይዲ ጼት ማቅዝ አስታይ ኤዛር ማእንቴዛ። ዝን ኤዛ ዎꬍን፥ ኤዛ ካሌዝ ኡባይ ላልንቲ ፓꬆዋ አስታ ማቄዛ።
ACT 5:37 የይፕ ጉየ፥ አሳይ ታይብንትዛ ዎደ ጋልላ የዝ ይሁዳ ደንዲ ጋመ አስ ፓንጋ ማሂ ካልꬄዝ፥ ዝን ኤዛካ ዎꬍን ኤዛ ካሌዝ አስ ኡባይ ላልንቴዛ።
ACT 5:38 Ꮊተካ ታ ይንትስ ኦድዛ፤ Ꮊ አስታይፕ ሻክንቶይታ፤ ኡንታን ቦችፓተ። አብስ ጊኮ፥ Ꮊ ቆፋኔ Ꮊ ኦሳ አሲ ኦꬅዛባዝ ማቅኮ ꬋቦዳ።
ACT 5:39 ዝን Ꮊ ቆፋይኔ Ꮊ ኦሳይ ጾሳፕ የኤዝ ባዝ ማቅኮ፥ ይ ኡንታን ꬋብሶዳይስ ዳንዳኦዋ። ዬይታር ይ ጾሳር ካጭንቶዳ» ዬጊ ኦዴዛ። የይ ግሾስ፥ ሺቄዝ አሳይ ጋማላለ ዞርዛ ኤኬዛ።
ACT 5:40 ሀዋርታ ካራ ጼጊ ገልሲ አላንጋር ጋራፌዛ። የይፕ ጉየ፥ ኡንትኮ፥ «የሱሳ ሱንꬃ ናምእንꬆ ደንꬅፓተ» ግ ብልእ ዳኬዛ።
ACT 5:41 የሱሳ ሱንꬃይ ግሾስ ኡንቲ ካዉዦዳይ ቤዝዛ ባዝ ማቄዛና ኤሬዝ ግሾስ ሻንግታይ ቲናፕ ኡፋይትታር ከዜዝ።
ACT 5:42 ኡንቲ ኡባ ዎደ ጾስ ኬꬃኔ አስ ካራ የሱሳ ኤ ክርስቶሳ ማቄዛና ታማርስዛናኔ ሳባክዛና አሸካያ።
ACT 6:1 የ ዎደ ካልዝታይ ታይባይ ጋንጊ ጋንጊ Ꮊንጎዳር፥ ግርኬ ዶና ኦድንትዛ አይሁድታይ ይሁዳ የልንቲ የዝ አይሁድታይል አፋ ኦሌዛ። አብስ ጊኮ፥ ግርኬ ዶና ኦድንትዛ አይሁድታይ፥ «ጋላስ ጋላስ እንግንትዛ ካꬃይፕ አዝኒ Ꮊይቄዝ ማችታ ኡ ዶግዛይ ግሾስ» ዬጌዛ።
ACT 6:2 ታጶ ናምኢ ሀዋርታይ ዎሳ ኬꬅ አስ ኡባ ጼጊ፥ «ኑኒ ጾስ ቃላ ኦድዛና አሺ ካꬃ ግሾዳይስ ኑስ ቤዞያ።
ACT 6:3 ይኬ፥ ኑ እሹንꬆ፥ ሎኦ አስታ፥ ጌሻ አያናራኔ ኤጨትꬃር ኩሜዝ ላፑን አስታ ይ ጋንጨፕ ዶሮይታ፤ ኑኒ ኡንታን Ꮊ ኦሳይስ ሹሞዳ።
ACT 6:4 ዝን ኑኒ፥ ኑ ኩንꬅ ዎደ ጾሳ ዎሳላኔ ቃላ ታማርሶል ፔሾዳ» ዬጌዛ።
ACT 6:5 ሀዋርታይ ኦዴዝ ኦዳይ አስ ኡባ ኡፋይሴዛ። የይ ግሾስ፥ አማኖራኔ ጌሻ አያናር ኩሜዝ ኢስጽፋኖሰ፥ ፍልጶሳ፥ ጵሮኮሮሳ፥ ንቃሮነ፥ ጽሞና፥ ጳርሜናኔ አይሁደ አማኖ ገሊ ማቄዝ አንጾካ ንቆሎሳ ማራጼዛ።
ACT 6:6 ኡንታን ሀዋርታይ ቲና ክእን፥ ሀዋርታይ ኡንታል አፋ ኩሸ ጋዲ ጾስ ዎሴዛ።
ACT 6:7 ጾስ ቃላይ ዳልግታር ዳልግታር Ꮊንጌዛ። የሩሳላመ የዝ አማንዝታይ ታይባይ ጋንጊ ጋንጊ ቅቴዛ፤ ቄስታይፐካ ጋምታይ አማኔዛ።
ACT 6:8 ኢስጸፋኖሰ አꬎ ኬሃተꬃይራኔ ዎልቃር ኩሚ አስ ጋንጨ ኦሮꬅባዝታኔ ማላባዝታ ኡድዛ።
ACT 6:9 አይለትꬃፕ ከዝዝታይስ ግንትንተዝ አይሁደ ዎሳ ኬꬅ አሳይ ቀረናፐኔ ኢስክንድረፐ ክልቀፐኔ ኢስያፕ የኤዝ ፐቲ ፐቲ አስታይ ደንዲ ኢስጽፋኖሳር ፓላሜዛ።
ACT 6:10 ዝን ኢስጽፋኖሰ ኦድንትታር የዝ ኤጨትꬃኔ አያና ኡንቲ ኤቅንቶዳይስ ዳንዳኤካያ።
ACT 6:11 የ ዎደ ኡንቲ፥ «ሙሰናኔ ጾሳ ኤ ጫዦዳር ስኤዛ» ግዝ ዎርዶ ማርክታ ደንꬅꬄዛ።
ACT 6:12 የይ ጋርክ ኡዲ ዎያ ጋደ ጭምታኔ ህገ አስታማርታ ኤዛል አፋ ደንꬅꬅሴዛ። ኢስጽፋኖሰና አይኪ ሻንጎ ቲና ካንጌዛ።
ACT 6:13 ኤዛል አፋ ፓይዴዝ ዎርዶ ማርክታይ፥ «Ꮊ አꬃይ Ꮊ ጾስ ካራኔ ሙሰ ህጋ ማሂ ማሂ ጫዥዛ።
ACT 6:14 ኤ፥ ‹Ꮊይ ናዝረተ የሱሳ፥ Ꮊ ጾስ ካራ ላሎዳ፤ ማ ሙሰ ኑስ እንጌዝ ህጋ ላሞዳ› ዬጎዳር ኑኒ ስኤዝ» ዬጌዛ።
ACT 6:15 ሻንጎ ሺቆል በቴዝ አስ ኡባይ ኢስጽፋኖሰ ዳኪ በአዳር ኤ ስናይ ኪታንቾ ስኖ ኣዝዛ።
ACT 7:1 ቄስታይ ሀላቃይ ኢስጽፋኖሰኮ፥ «Ꮊ ሞታይ ቱማ?» ዬጊ ኦይጬዛ።
ACT 7:2 ኢስጽፋኖሰ፥ «ታ እሹንꬆ፥ ታ አድታዮ፥ ስኦይታ! ኑ አዳ አፍራመ ካራነ የዞዳይስ Ꮊንጎዳይፕ ቲና ማሰጰጾመ የዝን፥ ቦንቾ ጾሳይ ኤስ ቆንጪ፥
ACT 7:3 ‹ነ ጋዳይፐኔ ነ ዳብታይፕ ሻክንቲ ታኒ ነና ቤዝዛ ቢታ ቅቶባ› ዬጌዛ።
ACT 7:4 የ ዎደ አፍራመ ካላዳውታይ ቢታፕ ከዚ ካራነ የዞዳይስ ቅቴዛ። ኤ አዳይ Ꮊይቄዛይፕ ጉየ ጾሲ ኤዛ Ꮊ ቢታ Ꮊት ይ የዝ ጋዳ ከኤዛ።
ACT 7:5 ኤ ሀራ አቶዝን ቶካይ የꬍዝ አቆካ አፍራመስ እንገካ። ዝን ናአ ኤስ ባ ዎደ ጾስ Ꮊ ቢታ ኤስኔ ኤ ሼሻይስ ላታ ኡዲ እንጎዳና ቃላ ገሌዛ።
ACT 7:6 ጾሲ አፍራመኮ፥ ‹ነ ሼሻይ ሀራ ቢታ እማꬄትꬃር የዞዳ፤ ኤዛይድ ኦይዲ ጼት ላይꬅ ኡንቲ አይለትꬃ ሃርንቶዳ።
ACT 7:7 ዝን ታኒ ነ ሼሻ ሞድዝ ጋዳይል አፋ ፕርዶዳ። የይፕ ጉየ፥ ኡንቲ የ ቢታይፕ ከዚ Ꮊይዳ ታስ ጎይኖዳ› ዬጌዛ።
ACT 7:8 ጾሲ አፍራመ ሼሻይ ዶካልንቶዳይ ጋርክ ኤዛር ጫቂን፥ እሳቃ የልንቴዝ ሆስፑንꬃ ጋላሳር ዶካሌዛ። እሳቃ ያይቆባና ዶካሌዛ፤ ማ ያይቆባ ፋ ታጶ ናምኢ ናእታ፥ ኑ አድታይ ማይዝታ ዶካሌዛ።
ACT 7:9 «ያይቆባ ናእታይ ዮሴፋና ቅናቲ ግብጸ ቢታ አይለትꬅስ ባይዜዛ፥ ዝን ጾሲ ኤዛር የዛ።
ACT 7:10 ኤዛ፥ ኤ ዋየ ኡባይፕ ከሴዛ። ግብጸ ካት ፓሮና ቲና ዴተኔ ኤጨትꬅ ኤስ እንጌዛ። ግብጸ ካታይ ዮሴፋስ ግብጸ ቢታኔ ፋ ካራ ኡባ አቅሶድ ሀላቃትꬅ እንጌዛ።
ACT 7:11 «ግብጸ ቢታይዳኔ ካንአነ ጋደ ኡባይድ ናየ ገሊ ጋመ አሳ ኡንእꬄዛ። የ ዎደ ኑ ማይዝታይ ካꬃ ደንጎዳይስ ዳንዳእበኤካያ።
ACT 7:12 ያይቆባ ግብጸ ቢታ ካꬃ የዛና ስኢ ኑ አድታይ ቲና ገድ ኤዛ ዳኬዛ።
ACT 7:13 ናምእንꬅ Ꮊማይር ዮሴፋ ፋ እሽታይስ ፋና ኤርሴዛ። ግብጸ ካት ፋሮና ዮሴፋ ሼሻና ኤሬዛ።
ACT 7:14 ዮሴፋ ፋ አደ ያይቆባኔ ፋ ዳቦ ኡባ፥ ላፑን ታማን እችን አሳይ ፋኮ የኦዳይ ጋርክ ኪቲ ክእሴዛ።
ACT 7:15 ያይቆባ ግብጸ ቢታ ዎꬌዛ፤ ኤነ ኤ ናእታይ ኤዛይድ Ꮊይቄዛ።
ACT 7:16 ኡ መቀꬃ የ አቃይፕ ሴኬመ ቶክንቲ Ꮊንጊ፥ ኤዛይድ አፍራመ ሀሞረ ናእታይፕ ጋም ብራር ዎንጌዝ ዱፋይድ ሞጌዛ።
ACT 7:17 «ዝን ጾሳይ አፍራመስ እንጎድ ጌዛ ፖልዛ ላይꬅ ሄሎዳይስ ሄሌዝ ዎደ ግብጸ ቢታይድ የዝ ኑ አሳይ ጋንጊ ጋንጊ ቅቴዛ።
ACT 7:18 የይፕ ጉየ፥ ዮሴፋ ኤሮዋ ሀራ ካት ግብጸ ቢታይድ ካዉቶድ ሄሎዳይሲ።
ACT 7:19 የ ካታይ ኑ ዘርꬃ ገኒ ጽቃ ናእታይ Ꮊይቆዳይ ጋርክ ኡንታን ባለ ከሲ ኦሎዳይ ጋርክ ኑ አድታ ኡንእꬄዛ።
ACT 7:20 «የ ዎደ ሙሰ የልንቴዝ፤ ኤ ጾስ ቲና ኡሳ ሎኦ ናአ። ፋ አዳይ ካራ ሀይꬒ አግና ሄሎዳይስ ድጬዛ።
ACT 7:21 ሙሰ ዎራ ጋዴዝ ዎደ ግብጸ ካታይ ናእታ ደንጊ ኤኪ ፋ ናአ ኡዲ ኤዛ ድቼዛ።
ACT 7:22 ሙሰ ግብጽታይ ኤጨትꬅ ኡባ ታማሪ ኦዳራኔ ኦሶር ምኖ አስ ማቄዛ።
ACT 7:23 «ሙሰስ ላይꬃይ ኦይታም ኩሜዝ ዎደ ፋ እሽታ፥ እስራኤልታ በአዳይስ ፋ ዎዝናይድ ቆፔዛ።
ACT 7:24 እስራኤልታይፕ ፐታያ ግብጸ አስ ፐታይ ቆሆዳር ብኢ የ እስሬለ አꬃ ማዲ፥ የ ቆሄዝ ግብጸ አꬃ ዎꬊ ኩሸ ማሄዛ።
ACT 7:25 ሙሰ ፋ እሽታ ፋ ባጋር ጾሲ አሾዳይስ ሀንዛና ኡንቲ አካኮዳ ግ ቆፔዛ፥ ዝን ኡንቲ አካኬካ።
ACT 7:26 «ዎንትꬃ ጋላስ ናምኢ እስሬለ አስታይ ፐታይ ፐታይር Ꮊꬊንቶዳር ደንጌዛ ኡንታን ዳቦꬆዳይስ ከዚ፥ ‹አሱንꬆ፥ ይ እሽታ፤ አብስ ፐታይ ፐታ ቆህነ?› ዬጌዛ።
ACT 7:27 «ዝን ፐታይ ፋ ላጋ ቆህዛይ ሙሰኮ፥ ‹ነና ኑል አፋ ሃርዛኔ ዳይና ኦꬄዛይ ኦኖ?
ACT 7:28 ኔኒ ዝቅን ግብጸ አꬃ ዎꬌዛይ ጋርክ ታና ዎꬎዳይስ ኮይኔ?› ዬጊ ሙሰና ኡርቂ ዳኬዛ።
ACT 7:29 ሙሰ የያ ስኢ ግብጸፕ በቲ ሚዳመ ቢታ በተ አስ ማቂ የዝታር ናምኢ ꬊራꬅ ናእታ የሌዛ።
ACT 7:30 «ጎዳይ ኪታንቻይ ኦይታም ላይꬃፕ ጉየ ሲና አምባ ካለ የዝ ሊዦ ቱሸ ጋንጨ ኤጽዝ ታማ ላጮ ጋንጨ ሙሰስ በንቴዛ።
ACT 7:31 ሙሰ ፋ በኤዛይድ ማላባዝ ግ፥ ሎእꬂ በአዳይስ ቱሻይኮ ሺቂ የዝን፥ ጎዳ፥
ACT 7:32 ‹ታኒ ነ አድታይ፥ አፍራመ ጾስ፥ እሳቃ ጾስ፥ ያይቆባ ጾስ› ዬግታር ሙሰኮ የኤዛ። ሙሰ ያሻር ኩኩሪ በአዳይስ ዳንዳኤካ።
ACT 7:33 «ጎዳይ ሙሰኮ፥ ‹ኔኒ ኤቄዝ ቢታይ ጌሽ ማቄዝ ግሾስ ነ ቶካይድ የዝ ጫማ ከሶባ።
ACT 7:34 ታኒ ግብጸ የዝ ታ አሳይ ኡንእንታ በኤዛ። ኡ ኡፋ ስኢ ኡንታን አሾዳይስ ዎꬌዛ። Ꮊት Ꮊና የኦባ! ታኒ ነና ግብጸ ኪቶዳ› ዬጌዛ።
ACT 7:35 «እስሬልታይ ሙሰ፥ ‹ነና ኑና ሃርዛኔ ዳይና ኦꬄዛይ ኦኖ?› ዬጊ እጼዛ። ዝን ሙሰ ቱሸ ጋንጨ ኤስ በንቴዝ ኪታንቻይ ባጋር ሃርዛኔ አሽዛ ኡዲ ጾሲ ኪቴዛ።
ACT 7:36 የ ሙሰ እስራኤልታ ግብጸ ቢታይር ዞቆ አባኔ ሊዦ ቢታር ኦይታም ላይꬅ ማላባዝታኔ ኦሮꬃባዝታ ኦꬅታር ኡንታን ካልꬅ ከሴዛ።
ACT 7:37 «እስሬለ አሳይኮ፥ ‹ጾሲ ታና ደንꬄዛይ ጋርክ ይ ሼሻይ ጋንጨፕ ታ ጋርክ ናበ ይንትስ ደንꬆዳ› ዬጌዛይ Ꮊ ሙሰ።
ACT 7:38 ሊዦ ቢታ ሺቄዝ እስሬለ አሳይራ የዜዛይ፥ ኑ አድታይራኔ ሲና አምባል አፋ ኤስ ኦዴዝ ኪታንቻይራ የዜዝ። የ ሙሰ ደኦ ቃላ ኑስ እንጎዳይስ ኤኬዛ።
ACT 7:39 «ዝን ኑ ማይዝታይ ሙሰስ አዛዝንቶዳይስ ኮየካያ፤ ኤዛ እጺ ጉየ ግብጸ ማቆዳይስ አሞቴዛ።
ACT 7:40 ማ አሮናኮ፥ ‹ኑና ካልꬅዛ ጾስታ ኑስ ኦꬆባ። አብስ ጊኮ፥ Ꮊይ ኑና ግብጸፕ ከኤዝ ሙሰ፥ ዋዬዛኮ ኑኒ ኤሮያ› ዬጌዛ።
ACT 7:41 የ ዎደ ኦጎና አዝዝ ኤቃ ኦꬄዛ። የ ኤቃይስ ያርሾ ያርሼዝ ፋ ኩሸር ኦꬄዝ ኦሳይር ኡፋይቴዛ።
ACT 7:42 ዝን ጾሲ ኡንትስ ዞኮ ማሄዛ። ኡንቲ ሳሎ ጾልንትታ ጎይኖዳይ ጋርክ ኡንታን አሺ አሼዛ። ናብታይ ማጻፋይድ፥ «‹እስሬለ አስታዮ፥ ኦይታም ላይꬅ ኩንꬅ ሊዦ ቢታ ሹኬዝ መሄኔ ያርሼዝ ያርሻ ታስ ያርሼነኔ?
ACT 7:43 ይ፥ ይንትስ ጎይኖዳይስ ኮቼዝ ኤቃነ ሞሎኬ ዱንካና ረፋና ግዝ ይ ጾሳ ጾልንቶ ምስላ ቶኬዛ። ታኒ ይንታን ባብሎነፕ ሰኮ ባጋ ዳኮዳ› ግንትንቲ ጻፍንቴዛ።
ACT 7:44 «ኑ አድታይስ ሊዦ ቢታ ማርካ ዱንካናይ የዛ። ኤዛካ ጾሲ ሙሰ አዛዜዛኔ ኤ ቤዜዛይ ጋርክ ኦꬄዛ።
ACT 7:45 ማ ኑ አድታይ የ ዱንካና ፋ አድታይፕ ኤኪ ጾስ ቲና ባይእꬄዝ አይሁደ ማቀካ አሳይ ቢታ አይኬዝ ዎደ ኢያሱር ዎል ኤኪ ገሌዛ። የ ዱንካናይ ዳዉተ ዎደ ሄሎዳይስካ የ ጋዳይድ የዜዛ።
ACT 7:46 ዳዉተ ጾሳር ሳብንቴዛ። ማ ያይቆባ ጾሳይስ ኬꬅ ኬጾዳይስ ጾሳ ዎሴዛ።
ACT 7:47 ዝን ኤስ ኬꬅ ኬጼዛይ ሶሎሞነ።
ACT 7:48 «ሀኖ ዝን፥ ኡባይፕ አፋ ጾሳይ አሲ ኬጼዝ ኬꬃ የዞያ። ናበ ጌዛይ ጋርክ፥
ACT 7:49 «‹ሳሎ ታ ዙፋነ፥ ሳአይካ ታ ቶካይ የꬍዝ አቆ። የዝን፥ ታስ ይ አብ ጋርክ ኬꬅ ኬጾደ? ዎይ ታኒ ሸምፕዛ አቃይ አባ የኔ?
ACT 7:50 Ꮊ ኡባ ኦꬄዛይ ታ ኩሸ ባሳ?› ዬግዛ ጎዳይ።
ACT 7:51 «ይ ዋይዚ ስኦዋ አሶ? ይ ዎዝናይ ጾስ ቃላ ኤኮዳይስ አብስ እጼኔ? ይ ሀያይ አብስ ቱሌኔ? ይ፥ ይ አድታይካ ኡባ ዎደ ጌሻ አያናራ ኤቅንትዛ።
ACT 7:52 ናብታይ ጋንጨፕ ይ አድታይ ባይኤዛይ ኦኖ? ጽላይ የኦዳና ቲናቲ ኦዴዛና ዎꬌዛ። Ꮊት ይ ኤዛ ኣꬂ እንጊ ዎꬌዛ።
ACT 7:53 ይ ኪታንቻ ኩሸፕ ጾስ ህጋ ኤኬዛ፥ ዝን ኪትንተካያ» ዬጌዛ።
ACT 7:54 ኡንቲ የያ ስኤዝ ዎደ ፋ ዎዝናይድ ኢስጽፋኖሰል አፋ ጋመ ይሎቲ፥ ፋ አች ꬋቂ ማንዴዛ።
ACT 7:55 ዝን ኢስጽፋኖሰ ጌሻ አያናር ኩሚ፥ ሳሎ ኡዴ ብኢ፥ ጾስ ቦንቾኔ የሱሳ ጾስ ኡሻች ባጋር ኤቄዛና በኤዛ።
ACT 7:56 «ዬዛኮ፥ ታኒ ሳሎ ዶይንትን፥ አስ ናአይ፥ ጾሳ ኡሻቻ ኤቄዛ በኤዛ» ዬጌዛ።
ACT 7:57 ቃላ ꬎቅ ኡዲ ኡክታር፥ ፋ ሀያ ቱጪ ዎላ ኤኮ ዎጼዛ
ACT 7:58 ኤዛ ካታማይፕ ጋጻ ከሲ፥ ሹቻር ጫዴዛ። ማርካቲ ፋ ማአ ፐቲ ሳኦላ ግዝ ናአትꬃይ ካለ ጋዴዛ።
ACT 7:59 ኢስጽፋኖሰ፥ «ታ ጎዳ የሱሳ፥ ታ ሸምፓ ኤኮባ» ዬጊ ጼጎዳር ኡንቲ ኤዛ ሹቻር ጫዴዛ።
ACT 7:60 ቡንቅቲ፥ ፋ ቃላ ꬎቅ ኡዲ፥ «ታ ጎዳዮ፥ Ꮊ ናጋራ ኡንትስ አቶ ጎባ» ዬጌዛ። የያ ጌዛፕ ማቂ Ꮊይቄዛ።
ACT 8:1 ሳኦላ ኢስጽፋኖሰ Ꮊይቃይድ ማእንቴዛ። የ ጋላስ የሩሳላመ የዝ ዎሳ ኬꬃ ግታ ባይእꬅ ደንዴዛ። ሀዋርታይ አትን አማንዝታይ ኡባይ ይሁዳ ቢታኔ ሳማረ ቢታ ላልንቴዛ።
ACT 8:2 ፐቲ ፐቲ ጾስ አስታይ ኢስጽፋኖሰ ሞጌዛ፤ ማ ኤስ ኢታ ዬኬዛ።
ACT 8:3 ዝን ሳኦላ ዎሳ ኬꬅ ꬋብሶዳይስ ኮይዛ። ካራ ካራ ዩዪ ገሊ፥ አማንዛ ꬊራꬅታኔ ማችታ ጎቺ ጎቺ ከሲ አች ካራ ገልሴዛ።
ACT 8:4 ላልንቴዝ አማንዝታይ Ꮊንጌዝ አቆ ኡባይድ ቃላ ኦዴዛ።
ACT 8:5 ፍልጶሳ ሳማረ ካታማ Ꮊንጊ ክርስቶሳ ባጋ አሳይስ ኦዴዛ።
ACT 8:6 ጋመ አሳይ ፍልጶሳ ጌዛ ስኤዝ ዎደኔ ኤ ኦꬅዛ ማላባዝታ በኤዝ ዎደ ኤዛ አካኪ ስኤዛ።
ACT 8:7 ቱና አያንታይ ኡኪ ጋመ አሳይፕ ከዜዝ፤ ማ ጋመ ጉንድታይኔ ዎብታይ ብልእንቴዛ።
ACT 8:8 የ ካታማይድ የዝ አሳይ ጋመ ኡፋይቴዛ።
ACT 8:9 ዝን ስሞና ግዝ ፐቲ አꬃይ የ ካታምተ የዛ። ኤ፥ «ታኒ ግታ ግታ አስ» ግ ሳማረ አሳ ካዮር Ꮊይ ማላባዝየግስታር ጋምኤዛ።
ACT 8:10 ጽቃፕ አይኪ ዳማ ሄሎዳይስ የዝ አስ ኡባይ፥ «ዳማ ጾሳ ዎልቃይ Ꮊያ» ግ ኤዛ ስኤዛ።
ACT 8:11 ጋመ ዎደፕ አይኪ ካዮር ሳማረ አሳ ማላባዝ ግሴዝ ግሾስ አሳይ ኤዛ ስኤዛ።
ACT 8:12 ዝን ፍልጶሳ ጾሳ ካተትꬃኔ የሱስ ክርስቶሳ ሱንꬅባጋ ꬊራꬅታይስነ ማችታይስ ኦድን፥ ኡንቲ ኤባዝ አማኒ ጻማቅንቴዛ።
ACT 8:13 ማ ስሞናካ አማኒ ጻማቅንቲ ፍልጶሳራ ዎላ Ꮊንጊ በኤዝ ባዝ ኡባይዳኔ ኦስንቴዝ ግታ ማላትታ ብኢ ማላባዝ ጌዛ።
ACT 8:14 የሩሳላመ የዝ ሀዋርታይ ሳማረ አሳይ ጾስ ቃላ ኤኬዛ ስኢ ጵጽሮሳኔ ዋንሳ ኡንትኮ ዳኬዛ።
ACT 8:15 ጵጽሮሳኔ ዋንሳ Ꮊንጊ፥ አማንዝታይ ጌሻ አያና ኤኮዳይ ጋርክ ኡንትስ ጾሳ ዎሴዛ።
ACT 8:16 አብስ ጊኮ፥ ሳማረ አስታይ ጎዳ የሱሳ ሱንꬃር ኣዳ ጻማቅንቴነፕ አትን ኡንታፕ ፐታይል አፋካ ጌሻ አያና ሀጋ ዎካ።
ACT 8:17 የ ዎደ ጵጽሮሳኔ ዋንሳ ፋ ኩሸ ኡንታል አፋ ጋድን፥ ኡንቲ ጌሻ አያና ኤኬዛ።
ACT 8:18 ሀዋርታይ ፋ ኩሸ ኡንታል አፋ ጋድን፥ ኡንትስ ጌሻ አያናይ እንግንቴዛ ስሞና በኤዝ ዎደ ጵጽሮሳስኔ ዋንሳስ ሚሸ ክኢ፥
ACT 8:19 «ታንካ ታ ኩሸ ጋዴዝ ኡባይ ጌሻ አያና ኤኮዳይ ጋርክ Ꮊ ማዉተ ታስካ እንጎይተ» ዬጌዛ።
ACT 8:20 ዝን ጵጽሮሳ ኤኮ፥ «ኔኒ ጾስ እሞታ ሚሸር ዎንጎዳይስ ቆፔዛይ ግሾስ ነ ሚሽትር ነና ኤኪ ꬋቦ።
ACT 8:21 ነ ዎዝናይ ጾስ ቲና ሉሎ ማቀካ ግሾስ ኔስ Ꮊይዳ ሻጎ ዎይ ቃዳ ባያ።
ACT 8:22 ይኬ፥ Ꮊ ነ ዎዝና ኢታትꬃይ ግሾስ ናጋራይፕ ማቆባ። ነ ዎዛና የዝ ኢታ ቆፋ ጾሲ አቶ ጎዳይ ጋርክ ጎዳ ዎሶባ።
ACT 8:23 ነ ኢታ ጫሞ ቅናተራኔ ናጋራ አቻ የዛያ ታኒ ብእዛ» ዬጌዛ።
ACT 8:24 ስሞና ማሂ፥ «ይ ጌዛይፕ ፐታካ ታና ሄላማይ ጋርክ ታስ ጎዳ ዎሶይታ» ዬጌዛ።
ACT 8:25 ጵጽሮሳኔ ዋንሳ ማርካቴዛይፐኔ ጎዳ ቃላ ኦዴዛይፕ ጉየ የሩሳላመ ማቄዛ። ሳማረ የዝ ጋመ ሄራ ዎንግለ ኦዴዛ።
ACT 8:26 ጎዳ ኪታንቻይ ፍልጶሳኮ፥ «ደንዲ ሱለ ባጋር የሩሳላመፕ ጋዛ ካንግዛ ሊዦ ቢታ ኦጋይኮ Ꮊንጎባ» ዬጌዛ።
ACT 8:27 ፍልጶሳ ደንዲ ቅቴዛ። ህንደኬ ግዝ ቶጰ ካታትስ እ ሚሻ ኡባ ናግዛ ቶጰ አስ የዛ። ኤካ ጎይኖዳይስ የሩሳላመ ቅቴዛ።
ACT 8:28 ጋረል በቲ፥ የሩሳላመፕ ፋ ቢታ ማቅታር ናበ ኢስያሳ ማጻፈ ናባብዛ።
ACT 8:29 ጌሻ አያናይ ፍልጶሳኮ፥ «የ ጋራይኮ Ꮊንጊ ካለ ሺቆባ» ዬጌዛ።
ACT 8:30 የዝን ፍልጶሳ ዎጺ Ꮊንጊ ሄሎዳር ዣንዳርባይ ናበ ኢስያሳ ማጻፈ ናባቦዳር ስኢ፥ «ነ ናባብዛይ ኔስ ገልኔ?» ዬጌዛ።
ACT 8:31 ዣንዳርባይ፥ «ታና ታማርስዛ አስ ባዝን ዋይዚ ገሎደ?» ዬጌዛ። ጋረል ከዚ በቶዳይ ጋርክ ፍልጶሳ ዎሴዛ።
ACT 8:32 ዣንዳርባይ ናባብዛ ማጻፋይ ክፍላይ Ꮊያ፥ «ኤ ዱር ጋርክ ሹክንቶዳይስ ላግንቴዛ፤ ዱር ናአ ፋ እክሳ ሜድዝታይ ቲና ስእ ግዛይ ጋርክ፥ ኤካ ፋ ዶና ዶየካያ።
ACT 8:33 ኤ ካዉዤዛ፤ ኤስ ጽሎ ፕርዳካ ꬋቤዛ። ኤ የሳይ Ꮊ ሳአይፕ ጋችንቴዝ ግሾስ ኤ ሼሽባጋ ኦኖ ኦዶዳይ?» ዬግዛ።
ACT 8:34 ዣንዳርባይ ማሂ ፍልጶሳኮ፥ «ናበ ኦባዝ ኦዴ? ፋ ባጋ ኦድነኔ ሀራ አስባዝ ኦዴ? ታስ ኦዶየ» ዬጌዛ።
ACT 8:35 ፍልጶሳ ማሂ፥ ጾስ ቃላ የ አቃይፕ አይኪ፥ የሱሳ ባጋ ኦድዛ ዎንግለ ኤስ ኦዴዛ።
ACT 8:36 ኡንቲ Ꮊንግታር ሃꬂ የዛ አቆ ሄሌዛ። ዣንዳርባይ፥ «ሃꬄ Ꮊያ ቦኦባ፤ ታ ጻማቅንታማይ ጋርክ አቢ ካየ?» ዬጌዛ።
ACT 8:37 ፍልጶሳ ኤኮ፥ «ኔኒ ነ ኩንꬅ ዎዝናይፕ አማንኮ ዳንዳእዛ» ዬጌዛ። ኤ ማሂ፥ «የሱስ ክርስቶስ ጾሳ ናአ ማቄዛና ታኒ አማንዛ» ዬጌዛ።
ACT 8:38 ጋራይ ኤቆድ ጋርክ ዣንዳርባይ ኪትን፥ ናምአይ ዎꬊ ሃꬃ ገሌዛ፤ ፍልጶሳ ኤዛ ጻማቄዛ።
ACT 8:39 ኡንቲ ሃꬃፕ ጋጻ ከዜዛን ጋርክ ጎዳ አያናይ ፍልጶሳ ቆፐካዝን ኤኬዛ። ናምእንꬃ ዣንዳርባይ ፍልጶሳ በኤካያ፥ ዝን ፋ ኦጋ ኡፋይትታር ቅቴዛ።
ACT 8:40 ፍልጶሳ አዛጾና ኦሌዛ። ማ ቅሳረ የኦድ ሄሎዳይስ ካታምታይር ዩዪ ዎንግለ ማርካቴዛ።
ACT 9:1 የ ዎደ ሳኦላ ጎዳ ካልዝታ ዎꬎዳይስ ማንድታር ቄሰ ሀላቅታይኮ Ꮊንጌዛ።
ACT 9:2 ጎዳይ ኦገ ካልዛ ꬊራꬅታኔ ማችታ ደንግኮ፥ አጪ የሩሳላመ ኮኦዳይስ፥ ዳማስቆ የዝ አይሁደ ዎሳ ኬꬅታይስ ዳብዳበ ጻፍንቶዳይ ጋርክ ኤዛ ዎሴዛ።
ACT 9:3 ኤ Ꮊንጊ፥ ዳማስቆ ካታማ ሄሎዳይስ ኡኮዳር፥ ቆፐካ ሳሎፕ ዎልቃማ ፖኦ ኤ ዩሻይር ፖኤዛ።
ACT 9:4 ኤ ሳአ ፖኬዛዝን፥ «ሳኦላ፥ ሳኦላ፥ አብስ ታና ባይꬅኔ?» ግዝ ቃላ ስኤዛ።
ACT 9:5 ሳኦላ፥ «ጎዳዮ፥ ነ ኦኖ?» ዬጊ ኦይጬዝ። «ታኒ፥ ነ ባይእꬅዝ የሱሳ» ዬጌዛ።
ACT 9:6 ጎዳይ ኤኮ፥ «ደንዲ ካታማ ገሎባ፤ ነ ኦꬆዳይስ ቤዝዛባዛይ ኤዛይድ ኔስ ኦድንቶዳ» ዬጌዛ።
ACT 9:7 ሳኦላራ ኦገ Ꮊንግዝ አስታይ አኮካ ኦድንተካ ኤቂ አቴዛ። ጊርꬂ ስእንትዛ፥ ዝን ኦንካ በንቶያ።
ACT 9:8 ሳኦላ ፖኬዝ አቃይፕ ደንዲ በአዳር ኤ ኣፋይ ደንጋም እጼዛ። የይ ግሾስ፥ ኡንቲ ኤ ኩሻ አይኪ ካልꬂ ዳማስቆ ገልሴዛ።
ACT 9:9 ሀይꬒ ጋላስ ሄሎዳይስ ኤ በአዳይስ ዳንዳኤካያ፤ አኮካ ሜካያ፤ ኡዠካያ።
ACT 9:10 ዳማስቆ ፐቲ ሀናና ግዝ የሱሳ ታማራይ የዛ። ጎዳይ ቆንጭꬃር፥ «ሀናና» ዬጊ ጼጌዛ። ሀናኔ ማሂ፥ «ታ ጎዳዮ፥ ታ Ꮊይዳ የዛ» ዬጌዛ።
ACT 9:11 ጎዳይ ኤኮ፥ «ደንዲ ሉሎ ግንትንትዝ ኦገ Ꮊንጊ፥ ይሁዳ ካራ ሳኦላ ግዝ ጸርሰሰፕ የኤዝ ዎስ ዎስዝ አꬃ ኮዮባ።
ACT 9:12 ማ ሀናና ግንትዝ አꬃይ ገሊ፥ ሳኦላ ናምእንꬆ በአዳይ ጋርክ ፋ ኩሸ ኤዛል አፋ ጋዶዳር ቆንጭꬃር በኤዛ» ዬጌዛ።
ACT 9:13 ሀናና ማሂ፥ «ጎዳዮ፥ የሩሳላመ ነ ጌሽ አሳይል አፋ የ አꬃይ አብ ጋርክ ኢታ ባዝ ኦꬄዛኮ ታኒ ጋመ አሳይፕ ስኤዛ።
ACT 9:14 ማ ዳማስቆ ነ ሱንꬃ ጼግዝታ ኡባ አጮዳይስ፥ ቄሰ ሀላቅታይ ኤስ ማዉተ እንጌዛ» ዬጌዛ።
ACT 9:15 ዝን ጎዳይ ኤኮ፥ «ሳኦላ አይሁደ ማቀካ አሳይ ቲና፥ ካትታይ ቲናኔ እስሬለ አሳይ ቲና፥ ታ ሱንꬃ ኤርሶዳይስኔ ታስ ኦꬆዳይስ ማራጽንቴዝ ሚሻ ማቄዝ ግሾስ ነ ኤኮ Ꮊንጎባ።
ACT 9:16 አብስ ጊኮ፥ ታ ሱንꬃይ ግሾስ ኤ ዋፋ ዋየ ኤኮዳይስ ቤዝዛኮ ታኒ ኤዛ ቤዞዳ» ዬጌዛ።
ACT 9:17 ሀናኔ Ꮊንጊ፥ ካራ ገሊ፥ ፋ ኩሸ ሳኦላል አፋ ጋዲ፥ «ታ እሻ ሳኦላ፥ ነ የኤዝ ኦጋይል ኔስ በንቴዝ ጎዳ የሱሳ፥ ነ በአዳይ ጋርከኔ ጌሻ አያናር ኩሞዳይ ጋርክ ታና ኪቴዛ» ዬጌዛ።
ACT 9:18 ኤልሲ፥ ሳኦላ ኣፋይፕ ፐቲ ፑቆ ጋርከዝ ባዛይ ዎꬍን፥ ሳኦላ ናምእንꬆ በኤዛ። ማ ደንዲ ጻማቅንቴዛ።
ACT 9:19 ካꬃ ም ሚንጌዛ፥ ዳማስቆ የዝ አማንዝታይር ጽቃ ጋላስ ጋምኤዛ።
ACT 9:20 ኤልሲ ሳኦላ፥ «የሱሳ ጾስ ናአ» ዬጊ ዳማስቆ የዝ አይሁደ ዎሳ ኬꬅታይድ ቃላ ታማርሴዛ።
ACT 9:21 የያ ስኤዝ ኡባይ ማላባዝ ግ፥ «Ꮊይ የሩሳላመ የሱሳ ሱንꬃ ጼግዝታ ꬋብስዛ ባሳኔ? ማ Ꮊና የኤዛይ ኡንታን አጪ፥ ቄሰ ሀላቅታይ ቲና ካንጎዳይስ ባሳኔ?» ዬጌዛ።
ACT 9:22 ዝን ሳኦላ ቃላ ኦዶር ምንግታር ምንግታር Ꮊንጌዛ። የሱሳ፥ ኤ ክርስቶሳ ማቄዛና ምልጽ ኡዲ ኦዴዝ ግሾስ ዳማስቆ የዝ አይሁድታይ ኤስ ማሆድባዝ ꬋቤዛ።
ACT 9:23 ጋመ ጋላሳፕ ጉየ አይሁድታይ ሺቂ፥ ሳኦላ ዎꬎዳይስ ቶቤዛ።
ACT 9:24 ዝን አይሁድታይ ፋና ዎꬎዳይስ ቆፔዛ ሳኦላ ስኤዛ። ኡንቲ ኤዛ ዎꬎዳይስ ቃማኔ ጋላስ ካታማ ፐንገ ናግዛ።
ACT 9:25 ዝን ኤ ታማርታይ ኤዛ ቃማ ካንጊ፥ ግምበ ጋሰ ሉኮር ዳቾራ ዎꬍሴዛ።
ACT 9:26 ሳኦላ የሩሳላመ ሄሌዝ ዎደ አማንዝታይር ዋላክንቶዳይስ ኮዬዛ። ዝን ኤ ክርስቶሳ አማኔዛይ ኡንትስ ቱማ ኣዛም እጽን ኤስ ያሽቴዛ።
ACT 9:27 ዝን ባርናባሳ ሳኦላ ሀዋርታይኮ ካንጌዝ። ኦገል ጎዳይ ዋይዚ ቆንጬዛኮኔ ናሼዛኮ፥ ማ ሳኦላ ዳማስቆ የሱሳ ሱንꬃይር ያሽተካ ዋይዚ ቃላ ኦዴዛኮ ኡንትስ ጌሺ ኦዴዛ።
ACT 9:28 ሳኦላ የሩሳላመ ዉቲ ጎዳይ ሱንꬃይር ያሽተካ ቃላ ኦድታር፥ ሀዋርታይራ ዎላ የዛ።
ACT 9:29 ማ ሳኦላ ግርኬ ቃላ ኦዴዝ አይሁድታይራ ኦድንትታር ፓላምዛ። ዝን ኡንቲ ኤዛ ዎꬎዳይስ ኮዬዛ።
ACT 9:30 አማንዛ አስታይ የያ ስኢ፥ ሳኦላ ቅሳረ ካንጊ ተርሰሰ ዳኬዛ።
ACT 9:31 ይሁዳ፥ ጋልላራኔ ሳማረ ኡባይድ የዝ ዎሳ ኬꬅታይ ሳሮር የዜዛ። ማ ሚንጌዛ፤ ጎዳይስ Ꮊሽትታር ጌሻ አያና ምንꬃꬆር ጋንጊ ጋንጊ Ꮊንጌዛ።
ACT 9:32 ጵጽሮሳ ጋደ ኡባ ዩይታር ሊዳ የዝ አማንዛ አስታይኮ ሄሌዛ።
ACT 9:33 ኤዛይድ ሆስፑን ላይꬅ ሙዳ ስሊ አርሳል ዎይኢ የዝ ኤንያ ግዝ አꬃ ደንጌዛ።
ACT 9:34 ጵጽሮሳ፥ «ኤንያ፥ የሱስ ክርስቶሳ ነና ፓꬄዛ፤ ደንዲ ነ ሂጻ ደንꬆባ» ዬጌዛ። ኤካ ኤልሲ ደንዲ ኤቄዛ።
ACT 9:35 ሊዳራኔ ሳሮና የዝ አስ ኡባይ ኤንያ ብኢ፥ ጎዳይኮ ማቄዛ።
ACT 9:36 ዮጰ ካታማ ፐቲ ጻብቶ ግንትዝ አማንዛ አስታ የዛ። (ጻብቶ ጉሳይ ገንኤ ጉሲ) እዛ ፋ የዛ ዎደ ኡባይድ ሎኦ ባዝ ኦꬅታራኔ ማንቅታ ማድታር የዜዛ።
ACT 9:37 የ ዎደ እዛ ሀርግንቲ Ꮊይቂን፥ አሳይ እ አሃ ሜጪ፥ ፖቄል አፋ ከሲ ዎይꬄዛ።
ACT 9:38 ሊዳ ዮጰስ ካለ የዛ። አማንዝታይ ጵጽሮሳ ሊዳ የዛ ስኢ፥ «ሀያና ኑኮ ኤልሲ የኦባ» ዬግዝ ኪታ ናምኢ አስታ ኤኮ ኪቴዛ።
ACT 9:39 የይ ግሾስ፥ ጵጽሮሳ ደንዲ፥ ኡንታራ Ꮊንጌዛ። ሄሊ፥ ፖቄል አፋ የዝ ክፍለ ኤዛ ገልሴዛ። አምእታይ ጵጽሮሳ ካላይር ኤቂ ዬክታር ዶርቃ ኡንታራ ፓጻ የዛር ኦꬄዝ ቃምስታኔ አፍልታ ኡባ ጵጽሮሳ ቤዜዛ።
ACT 9:40 ጵጽሮሳ ኡንታን ኡባ ባለ ከሲ፥ ጉልባቲ ጾሳ ዎሴዛ። ማ አሃይኮ ማቂ፥ «ጻብተ፥ ደንዶባ» ዬጌዛ። ጻብታ ፋ አፋ ዶዪ ጵጽሮሳ ብኢ፥ ደንዲ በቴዛ።
ACT 9:41 ጵጽሮሳ እዞ ፋ ኩሸር ማዲ ደንꬅ ኤሴዛ። የይፕ ጉየ፥ አማንዝታኔ አምእታ ጼጊ፥ ደንዴዛኖ ኡ ቲና ከኤዛ።
ACT 9:42 Ꮊ ኦዳይ ዮጰ ካታማ ኡባ ሄሌዛ። ጋመ አሳይ ጎዳ አማኔዛ።
ACT 9:43 ጵጽሮሳ ዮጰ ስሞና ግዝ ደገላይ ካራ ኡንደና ጋላስ ጋምኤዛ።
ACT 10:1 ቅሳረ፥ «ጻለ ኦላ አስታይ ጩጋ» ግንትንትዝ ኦላ አስታይ ጋንጨ ፐቲ ቆርነሎሳ ግንትንትዝ ማቶ ሀላቃይ የዛ።
ACT 10:2 ቆርነሎሳ ፋ ካራ አሳይራ ጾሳ ሚንꬂ አማንዛ አስኔ ጾሳ ጎይንዛ አስ። አይሁደ ማንቅታካ ጋመ ማድዛ፥ ማ ጾሳ ኡባ ዎደ ዎስዛ።
ACT 10:3 ፐቲ ጋላስ ኡዱፉን ሳተ ሄራ ጾስ ኪታንቻይ ኤኮ ይኢ፥ «ቆርነሎሳ» ግ ጼጎዳር ኤ ቆንጭꬃር ጌሺ በኤዛ።
ACT 10:4 ቆርነሎሳ ዳጋሚ ኪታንቻ ቶል ኡዲ ብኢ፥ «ጎዳዮ፥ አባ?» ዬጌዛ። ኪታንቻይ ማሂ፥ «ነ ዎሳኔ ማንቅታ ነ ማድዛይ ጾስ ቲና ቆፍንቴዛ።
ACT 10:5 Ꮊት ዮጰ አስ ኪቲ፥ ጵጽሮሳ ግዝ ስሞና ክእሶባ።
ACT 10:6 ጵጽሮሳ አባ ካለር ደገላ ስሞና ካራ እማꬄትꬅ በቴዛ» ዬጌዛ።
ACT 10:7 ቆርነሎሳ ፓስ ኦዴዝ ኪታንቻይ Ꮊንግን፥ ፋ አይልታይፕ ናምእታኔ ጾስ ጎይንዛ ፋ ካለ ዎታዳርታይፕ ፐታ ጼጊ፥
ACT 10:8 ኡንትስ ኡባ ባዝ ኦዲ ዮጰ ኪቴዛ።
ACT 10:9 ዎንትꬃ ጋላስ ኡንቲ Ꮊንጊ፥ ዮጰ ካታማ ኡኮዳር ኡሱፑን ሳተ ሄራ ጾስ ዎሶዳይስ ጵጽሮሳ ፖቄል አፋ ከዜዝ።
ACT 10:10 ኤ ናይንቲ ካꬅ ማዳይስ ኮዬዝ፥ ዝን ካꬃ ካጾዳር ኤ አሁሞ በኤዛ።
ACT 10:11 ሳሎ ዶይንትን፥ ዳማ አፍላ ኣዝዛባዝ ኦይዲ ባጋር አይክንቲ ዎꬎዳር ኤ በኤዛ።
ACT 10:12 ኤዛይድ ኦይዲ ቶከር የዝ መህታይ፥ ዎራ ዶእታ፥ ኡሎራ ጎችንትዛ መትꬃይኔ ሳሎ ካፍታ ኡባይ የዛ።
ACT 10:13 የ ዎደ «ጵጽሮሳ፥ ደንዲ ኤቂ ሹኪ ሞባ» ግዝ ቃላ ኤኮ የኤዝ።
ACT 10:14 ዝን ጵጽሮሳ፥ «ጎዳዮ፥ ዋኣ! ታ ቱና ባዝ ኡባራካ ም ኤሮያ» ዬጌዛ።
ACT 10:15 ማ፥ «ጾሳይ ጌሼዛ ኔኒ ቱና ጊፐ» ግዝ ቃላ ናምእንꬆ ኤኮ የኤዝ።
ACT 10:16 የይካ፥ ሀይꬒ ቶኬ ሀኔዛይፕ ጉየ የ ግታ አፍላ ኣዝዛይ ኤልሲ ኡዴ ሳሎ ኤክንቴዛ።
ACT 10:17 ጵጽሮሳ ፋ በኤዝ ቆንጭꬃይስ ብልእꬃይ፥ «አብ ማቃደሻ?» ግ ፋ ዎዝናር ቆፖዳር፥ ቆርነሎሳ ኪቴዝ አስታይ ስሞና ካራ ኦይጭች ደንጊ ባለር ኤቄዛ።
ACT 10:18 ፋ ቃላ ኡ ꬎቅ ኡዲ፥ «ጵጽሮሳ ግንትዝ ስሞና እማꬃይ Ꮊይዳ የኔ?» ዬጊ ኦይጬዛ።
ACT 10:19 ጵጽሮሳ ቆንጭꬃር በኤዝ ባዛ ቆፕꬃል አፋ የዝን፥ ጌሻ አያና ኤኮ፥ «ዬዛኮ፥ ሀይꬒ አስታይ ነና ኮይዛ።
ACT 10:20 ደንዲ ዎꬎባ፥ ታኒ ኡንታን ኪቴዝ ግሾስ ሰኤካ ኡንታር Ꮊንጎባ» ዬጌዛ።
ACT 10:21 ጵጽሮሳ አስታይኮ ዎꬊ፥ «ይ ኮይዛይ ታናኔ፤ ይ አብስ የኤኔ?» ዬጌዛ።
ACT 10:22 ኡንቲ ማሂ፥ «ኑና ማቶ ሀላቃይ ቆርነሎሳ ኪቴዛ። ኤ ጌሻ፥ ጾሳ ጎይንዛ አስኔ አይሁደ አስ ኡባይድ ጋመ ቦንችንቴዝ አስ። ቆርነሎሳ፥ ነና ፋ ካራ ካንጊ ቃላ ኔፕ ስኦዳይ ጋርክ ጌሻ ኪታንቻይ ኤስ ኦዴዛ» ዬጌዛ።
ACT 10:23 ጵጽሮሳ አስታ ካራ ገልሲ ሞኬዛ። ዎንትꬃ ጋላስ፥ ደንዲ ኡንታራ ቅቴዛ። ዮጰ ካታማ የዝ አማንዝታይፕ ፐታይ ፐታይ ኤዛር ዎላ Ꮊንጌዛ።
ACT 10:24 ዎንትꬃ ጋላስ፥ ቅሳረ ሄሌዛ። ቆርነሎሳ ፋ እግንታኔ ፋ ላግታ ፐትፕ ጼጊ ሺሺ፥ ጵጽሮሳ ናግዛ።
ACT 10:25 ጵጽሮሳ ካራ ገሎድ ሀኖዳር፥ ቆርነሎሳ ኤዛ ሄሊ ኤ ቲና ጹጉኒ ኤስ ጎይኖዳይስ ኮዬዛ።
ACT 10:26 ዝን ጵጽሮሳ፥ «ደንዶባ፥ ታካ ታ ኦማስ ነ ጋርክ አስ» ዬጊ ኤዛ ደንꬄዛ።
ACT 10:27 ጵጽሮሳ ቆርነሎሳር ኦድንትታር ካራ ገሎዳር ጋማይ አሳይ ሺቄዛ ደንጌዛ።
ACT 10:28 ኤ አሳይኮ፥ «አይሁደ አስ ሀራ ጋደር ፐትፖዳይስ ዎይ ዎል ሄሎዳይስ ዎጋ ባዛ ይ ኤርዛ። ዝን ታኒ ኦናካ ቱና ዎይ ጌሽ ባያ ጋማይ ጋርክ ጾስ ታና ቤዜዛ።
ACT 10:29 የይ ግሾስ፥ ይ ታኮ ኪትን እጾ ባይꬅ የኤዛ። Ꮊት ታና አብስ ጼግሴዛኮ ታስ ኦዶይታ» ዬጌዛ።
ACT 10:30 ቆርነሎሳ፥ «ታኒ Ꮊይኖ ኦይዲ ጋላሳፕ ቲና Ꮊኖንተ ኡዱፉን ሳተ ዎሳ ዎሶዳር፥ ፎጭዝ ማኦ ማኤዝ አስ ታ ቲና ኤቄዛ።
ACT 10:31 ኤ ታኮ፥ ‹ቆርነሎሳ፥ ጾሲ ነ ዎሳ ስኤዛ፥ ኔኒ ማንቅታ ማዴዛናካ ቆፔዛ።
ACT 10:32 ይኬ፥ አስ ዮጰ ኪቲ፥ ስሞን ጵጽሮሳ ግዛ ጼግሶባ። ኤ፥ ስሞና ግዝ ደገላ አꬃይ ካራ አባ ዶናር በቴዛ› ዬጌዛ።
ACT 10:33 የይ ግሾስ፥ ታኒ ኔኮ ኤልሲ ኪቴዛ፤ ነ ይእꬃይር ሎኦ ኦꬄዛ። ይኬ፥ ጾሲ ነና ኪቴዝባዝ ኡባ ስኦዳይስ Ꮊት ኑኒ ኡባይ Ꮊይዳ ጎዳይ ቲና የዛ» ዬጌዛ።
ACT 10:34 ካልካ፥ ጵጽሮሳ፥ «ጾሲ አስ ኣፈ ብኢ አሳፕ አሰ ሻኮያ።
ACT 10:35 ዝን ዱማ ዱማ ቢታ አስ ኡባ ኦና ማቅኮካ ፓስ ያሽትዛኔ ጽሎ ኦሶ ኦꬅዛይድ ጾሲ ኡፋይትዛ ታኒ ቱማ አካኬዛ።
ACT 10:36 ጾሳይ፥ ኡባ ጎዳ ማቄዝ የሱስ ክርስቶሳ ባጋር ሳሮትꬅ ኦድታር Ꮊ ዎንግላ እስሬለ አሳይስ ኪቴዛ ይ ኤርዛ።
ACT 10:37 ዋንሳ ጽንቃተባጋ ሳባኬዛይፕ አይኪ ጋልላፕ አይኪ ይሁዳ ቢታ ኡባ ሄሎዳይስ ሀኔዝባዛ ይ ኤርዛ።
ACT 10:38 ጾሲ ናዝረተ የሱሳና ጌሻ አያናር ትዤዛኔ ዎልቃ እንጌዛ። ጾሲ ኤዛር የዝ ግሾስ ሎኦ ባዝ ኦꬅታር ሀርግንቴዝታ ፓꬅታራኔ ጻላሄ ኩሸ ሃርንቴዝ ኡባ ከስታር ዩዬዛ።
ACT 10:39 «አይሁደ ቢታኔ የሩሳላመ ኤ ኦꬄዝ ኡባ ባዛይስ ኑኒ ማርክታ። ኡንቲ ማዝቃለል አፋ ሶቲ ኤዛ ዎꬌዛ።
ACT 10:40 ዝን ጾሲ ሃይꬒንꬃ ጋላስ Ꮊይቆፕ ኤዛ ደንꬂ አሳይስ በንቶዳይ ጋርክ ኡዴዛ።
ACT 10:41 የ በንትꬃይ ጾስ ቲና ማራጼዝ ኤስ ማርካ ማቄዝ ኑስ ማርካትዛፕ አትን አስ ኡባይስ ባያ። ኤ Ꮊይቆፕ ደንዴዛይፕ ጉየ ኑር ሜዛኔ ኡዤዛ።
ACT 10:42 ኑኒ ዎንግለ አሳይስ ኦዶዳይ ጋርከኔ ፓጻ የዝታይል አፋኔ Ꮊይቄዝታይል አፋ ፕርዶዳይስ ጾሲ ሹሜዛይ የሱሳ ማቄዛና ማርካቶዳይ ጋርክ ኑና ኪቴዛ።
ACT 10:43 ጾስ አማንዛ ኡባይ ናጋራይ፥ ኤ ሱንꬃይር አቶ ግንትንትዛ ናብታይ ማርካትዛ» ዬጌዛ።
ACT 10:44 ጵጽሮሳ ሀጋ ኦዳ ሃሰካዝን ቃላ ስኦዳር ኡባይል አፋ ጌሻ አያና ጎጌዛ።
ACT 10:45 ጵጽሮሳር ዮጰፕ የኤዝ አማንዛ ዶካልንቴዝ አይሁደ ኡባይ፥ አይሁደ ባዝታይላካ ጌሻ ሻያና ጎጌዝ ግሾስ ማላባዝ ጌዛ።
ACT 10:46 የያ ጎዳይስ ዳንዳኤዛ፥ ኡንቲ ዱማ ዱማ ዶናር ናሽታራኔ ጾሳ ጋላቶዳር ስኤዝ ግሾስ። የ ዎደ ጵጽሮሳ ማሂ፥
ACT 10:47 «የይትታይ ማ ኑ ጋርክ ጌሻ አያና ኤኬዝታይ ሃꬃር ጻማቅንታማይ ጋርክ ካዮዳይስ ዳንዳእዛይ ኦኖ?» ዬጌዛ።
ACT 10:48 ኡንቲ የሱስ ክርስቶሳ ሱንꬃይር ጻማቅንቶዳይ ጋርክ ኡንታን አዛዜዛ። የይፕ ጉየ፥ ኡንቲ ፓር ጽቃ ጋላስ በቶዳይ ጋርክ ጵጽሮሳና ዎሴዛ።
ACT 11:1 ሀዋርታይኔ ይሁዳ የዝ አማንዝታይ፥ አይሁደ ባዝታይካ ጾሳ ቃላ ኤኬዛ ስኤዛ።
ACT 11:2 ጵጽሮሳ የሩሳላመ Ꮊንጌዝ ዎደ ዶካልንቴዝ አማንዝታይ፥
ACT 11:3 ኤኮ፥ «ኔኒ ዶካልንተካዝትይኮ ገሊ ኡንታራ ካꬃ አብስ ሜኔ?» ዬጊ ፋላሜዛ።
ACT 11:4 ዝን ጵጽሮሳ ሀኔዝባዝ ቲናፕ አይኪ ማራር ኦዴዛ፦
ACT 11:5 «ታኒ ዮጰ ካታማ ጾስ ዎስታር አጁታ በኤዛ። ዳማ አፍላ ኣዝዛባዝ ኦይዲ ባጋር አይክንቲ ሳሎፕ ዎꬍታር ታኮ የኤዝ።
ACT 11:6 ታኒ ዳኪ በአዳር ኦይዲ ቶከር የዝ መህታ፥ ዎራ ዶእታ፥ ኡሎራ ጎችንትዛ መትꬅታኔ ሳሎ ካፍታ በኤዛ።
ACT 11:7 ‹ጵጽሮሳ፥ ደንዶባ፥ ሹኪ ሞባ› ግዝ ቃላ ስኤዛ።
ACT 11:8 «ዝን ታኒ፥ ‹ጎዳዮ፥ ዋኣ፥ ቱና ባዝ ዎይ ጌዠካባዝ ኡባራካ ታ ዶናኮ ሄሊ ኤሮያ› ዬጌዛ።
ACT 11:9 «‹ጾሳይ ጌሼዛ ኔኒ ቱና ጊፐ› ዬግዝ ቃላ ናምእንꬆ ሳሎፕ የኤዝ።
ACT 11:10 «የይ ሀይꬒ ቶኬ ሀኔዛ፥ ማሂ ኡባይ ሳሎ ፉድ ኤክንቴዛ።
ACT 11:11 የ ሳታተካ ሀይꬒ አስታይ ቅሳረፕ ታኮ ኪትንቲ ታኒ የዝ ካራ ሄሌዛ።
ACT 11:12 ስካዛር ኡንታራ Ꮊማዳይ ጋርክ አያና ታስ ኦዴዛ። ማ Ꮊ ኡሱፑን እሽታይ ዮጰፕ ታራ ቅሳረ Ꮊንጌዝታይር ቆርነሎሳ ካራ ገሌዛ።
ACT 11:13 ኪታንቻይ ኤ ካራ ጋንጨ ኤቂ፥ ‹ዮጰ ኪቲ ጵጽሮሳ ግንትንትዝ ስሞና ጼግሶባ።
ACT 11:14 ነናኔ ነ ካራ አስ ኡባ አሽዛ ቃላ ኤ ኔስ ኦዶዳ› ጌዛና ቆርነሎሳ ኑስ ኦዴዛ።
ACT 11:15 «ታኒ ናሻ አይኮዳር ጌሻ አያና ቲን ኑል አፋ ዎꬌዛይ ጋርክ ኡንታል አፋካ ዎꬌዛ።
ACT 11:16 የ ዎደ ‹ዋንሳ ሃꬃር ጻማቄዝ፥ ዝን ይ ጌሻ አያናር ጻማቅንቶዳ› ዬጌዝ ጎዳ ቃላይ ታስ ቆፕንቴዛ።
ACT 11:17 ጾሳይ ኑስ ጎዳ የሱስ ክርስቶሳ አማኔዝታይስ እንጌዝ እሞታ እዞ አይሁደ ባዝታይስካ እንግኮ፥ የዝን ጾሳ ካዮዳይስ ታኒ ኦኖ?» ዬጌዛ።
ACT 11:18 ኡንቲ የያ ስኤዝ ዎደ ፋ ፓላማ አሺ፥ «የያ ማቅኮ፥ ጾሳይ አይሁደ ባዝታይካ ናጋራፕ ማቂ ደኦ የዞዳይ ጋርክ ማሮተꬅ እንጌዛ» ዬጊ ጾስ ጋላቴዛ።
ACT 11:19 እስጸፋኖሳና Ꮊይቆስ ሄልꬄዝ ባይእꬃይፕ ደንዴዛይድ ላልንቴዝ አማንዝታይ ቃላ አይሁድታይ ኣዳስ ኦድታር ፕንቀ፥ ቆጲሮሳኔ አንጾካ ሄሎዳይስ ዩዬዛ።
ACT 11:20 ዝን ቆጲሮሳፐኔ ቀረናፕ የኤዝ ፐቲ ፐቲ አማንዛ አስታይ አንጾካ Ꮊንጊ፥ ጎዳ የሱሳ ዎንግለ ግርኬ አሳይስካ ኦዴዛ።
ACT 11:21 ጎዳ ዎልቃይ ኡንታራ የዛ፤ ማ ጋመ አሳይ አማኒ ጎዳይኮ ማቄዛ።
ACT 11:22 የ ኦዳ የሩሳላመ የዝ ዎሳ ኬꬃይ ስኤዝ ግሾስ ባርናባሳና አንጾካ ኪቴዛ።
ACT 11:23 ባርናባሳ አንጾካ Ꮊንጌዝ ዎደ ጾሲ ፋ ኣꬎ ኬሄትꬃይፕ ፋ ዎያይስ ዋይዚ እንጌዛኮ ብኢ ኡፋይቴዛ። ኡንቲ ኡባይ ፋ ኩንꬅ ዎዝናር ጎዳይል ሚንጊ የዞዳይ ጋርክ ኡንታን ዞሬዛይ፦
ACT 11:24 ባርናባሳ ጌሻ አያናራኔ አማኖር ኩሜዝ ኬሃ አስ ማቄዝ ግሾሲ። ጋመ አሳይካ ጎዳ አማኔዛ።
ACT 11:25 የይፕ ጉየ፥ ባርናባሳ ሳኦላ ኮዮዳይስ ጸርሴሰ ቅቴዛ።
ACT 11:26 ኤዛይድ ሳኦላ ደንጊ አንጾካ ኤኪ የኤዛ። ባርናባሳኔ ሳኦላ ዎሳ ኬꬃ አሳይራ ላይꬅ ሙዳ በቲ ጋመ አሳ ታማርሴዛ። አማንዝታይ አንጾካ «ክርስታነ» ግንትንቲ ቲና ጼግንቴዛ።
ACT 11:27 የ ዎደ ፐቲ ፐቲ ናብታይ የሩሳላመፕ አንጾካ ዎꬌዛ።
ACT 11:28 ኡ ጋንጨፕ አጋቦሳ ግዛይ ደንዲ ጋደ ኡባይል ኢታ ናየ ደንዶዳና አያና ዎልቃር ትንቢተ ኦዴዛ። የይ ሀኔዛይ ኦሮመ ካታይ ቃላዉዶሳ ዎዳይዳ።
ACT 11:29 አማንዝታይ ኦማር ኦማር ፋ ዎልቃ ጋርክ ሚሸ ከሲ ይሁዳ የዝ አማንዝታይስ ማዴ ዳኮዳይስ ቆፋ አጬዛ።
ACT 11:30 ኡንቲ የይ ጋርክ ኡዲ፥ ሚሻ ባርናባሳላኔ ሳኦላል ዎሳ ኬꬅ ጭምታይስ ዳኬዛ።
ACT 12:1 የ ዎደ ካታይ ሄሮዶሳ ዎሳ ኬꬅ አሳይፕ ባጋ ባይእꬅ አይኬዛ።
ACT 12:2 ዋንሳ እሻ ያይቆባ ማሻር ዎꬍሴዛ።
ACT 12:3 የይ አይሁድታ ኡፋይሴዛና ብኢ፥ ጉጂ ጵጽሮሳካ አይስሴዛ። የይ ሀኔዛይ ቦራ ባለ ቦንችዛ ጋላስታይዳ።
ACT 12:4 ጵጽሮሳና አይኪ አጬዛ። ፓዝቃ ቦንችዛ ጋላስታይፕ ጉየ ዎያ ቲና ኤዛ ከሶዳይስ ቆፒ፥ ኦይዲ ኦይዲ ዎታዳርታይ ኦይዲ አቆ ናግዝታይ ኤዛ ናጎዳይ ጋርክ ኣꬂ እንጌዛ።
ACT 12:5 የይ ግሾስ፥ ጵጽሮሳ አች ካራ ናግንትዛ። ዝን ዎሳ ኬꬅ አሳይ ኤስ ሚንꬂ ጾስ ዎስዛ።
ACT 12:6 ሄሮዶሳ ጵጽሮሳና ዎያ ቲና ሺሾዳይፕ ቲና ቃማ ጵጽሮሳ ናምኢ ባጋር ናምኢ ዎታዳርታይ ጋንጨ ሳንꬃላተር አጭንቲ ገንቴዛ። ናግዝታይ አች ካራይ ፐንግታይድ ኤቂ ናግዛ።
ACT 12:7 ቆፐካዝን ጎዳ ኪታንቻይ ቆንጬዛ። አች ካራይድ ፖኦ ፖኤዛ። ኪታንቻይ ጵጽሮሳ ምያ ቦቺ ባርክꬂ «ኤለ ደንዶባ» ዬጌዛ። እዝራካ ሳንꬃላታይ ኤ ኩሻይፕ ዎꬌዛ።
ACT 12:8 ኪታንቻይ ኤኮ፥ «ነ ማአ ማኦባ፥ ነ ጫማካ ኣꬆባ» ዬጌዛ። ጵጽሮሳ የይ ጋርክ ኦꬄዛ፤ ኪታንቻይ፥ «ነ አፋር ማእዝ ማአ ማኢ ታና ካሎባ» ዬጌዛ።
ACT 12:9 ጵጽሮሳ አች ካራፕ ከዚ ኪታንቻ ካሌዛ። ኤስ አሁሞ ብእዛይ ጋርክ ኣዝዛፕ አትን ኪታንቻይ ኦꬅዛባዛይ ቱማ ኣዘካያ።
ACT 12:10 ኪታንቻይራኔ ጵጽሮሳራ ቲናሳኔ ናምእንꬆ ዎታዳራ ኣꬊ ካታማ ካንግዛ ብራታ ፐንጋይኮ ሄሌዛ። ፐንጋይካ ኡንትስ ፋ ኣዳስ ዶይንቴዛ። ኡንቲ ከዚ ፐቲ ሁሳ ኦገል ከዘዛን ጋርክ ቆፐካዝን ኪታንቻይ ጵጽሮሳፕ ሻክንቴዛ።
ACT 12:11 ጵጽሮሳስ ዎዝናይ ማቅን፥ «ታ ጎዳይ ፋ ኪታንቻ ኪቲ፥ ሄሮዶሳ ኩሸፐኔ ናጊ በቴዝ አይሁደ አስ ኡባይፕ አሼዛና Ꮊት ቱማ ታ ኤሬዛ» ዬጌዛ።
ACT 12:12 ኤ የያ አካኬዝ ዎደ ጋመ አሳይ ፐትፕ ሺቂ ጾሳ ዎስዛ አቃ፥ ማርቆሳ ግዝ ዋንሳ እንዳት ማይራሚ ካራ Ꮊንጌዛ።
ACT 12:13 ኤዛይድ ባለር ኤቂ ጼጌዛ። ፐቲ ሮዳ ግዝ ኦሶ አስታ ፐንጋ ኤስ ዶዮዳይስ የኤዛ።
ACT 12:14 ሮዳ ጵጽሮሳ ቃላ ማቄዛና ኤሪ ኡፋይሳር ኩሚ ጋዛራ ዶዮዳ አሺ ጉየ ዎጺ Ꮊንጊ፥ «ጵጽሮሳ ባለ ኤቄዛ» ዬጊ አሳይስ ኦዴዛ።
ACT 12:15 አሳይ ኢኮ፥ «ኔኒ ኤይኔ!» ዬጌዛ። ሮዳ ጵጽሮሳ ማቄዛ ጌሺ ኦዴዛ። ኡንቲ፥ «የይ ኤ ኪታንቻ» ዬጌዛ።
ACT 12:16 ዝን ጵጽሮሳ ባለር ኤቂ ጼስ አሻም እጽን አሳይ ጋዛራ ዶዪ ኤዛ ብኢ ማላባዝ ጌዛ።
ACT 12:17 ዝን ኡንቲ ስእ ጎዳይ ጋርክ ጵጽሮሳ ፋ ኩሻይር ማሊ ጎዳይ አች ኬꬃይፕ ኤዛ ዋይዚ ከሴዛኮ ኡንትስ ቆንጭሲ ኦዲ፥ «Ꮊያ ያይቆባስኔ አማንዛ አሳይስ ኦዶይታ» ግ ኤዛይፕ ከዚ ሀራ አቆ ቅቴዛ።
ACT 12:18 ሳአ ዎንቶዳር «ጵጽሮሳ አና ቅቴኔ» ግ ዎታዳርታይ ዎል ጋንጬ ጋመ ዋላሴዛ።
ACT 12:19 ሄሮዶሳ ጵጽሮሳ ኮይን በንተካዛይ ግሾስ ናግዝታ ቁሪ፥ ኡንታን ዎꬎዳይ ጋርክ አዛዜዛ። የይፕ ጉየ፥ ሄሮዶሳ ይሁዳፕ ቅሳረ ዎꬊ ኤዛይድ ጽቃ ዎደ በቴዛ።
ACT 12:20 ሄሮዶሳ ጽሮሳ አሳይራኔ ስዶና አሳይር ዎላ ሞርከ። ኡንቲ ቢታይ ካꬃ ሄሮዶሳ ቢታፕ ደንግዛ ግሾስ ኡንቲ ፐትፕ ማቂ ኤ ዣንዳርባ ብላስጾሳ ፓስ ጭማ ኡዲ ዳቦቶዳይስ ሄሮዶሳኮ Ꮊንጌዛ።
ACT 12:21 ሄሮዶሳ ሱንꬄዝ ጋላስ ፋ ካተትꬅ አፍላ ማኢ፥ ዙፋናይል አፋ በቲ አሳይስ ኦዴዛ።
ACT 12:22 አሳይ፥ «የይ ጾስ ቃላ፥ አስ ቃላ ባያ» ዬጊ ኡኬዛ።
ACT 12:23 ሄሮዶሳ ጾሳ ቦንቼካ ግሾስ እዝራ ጎዳ ኪታንቻይ ኤዛ ሾጭን ጉጽነር ምንትንቲ Ꮊይቄዛ።
ACT 12:24 ዝን ጾስ ቃላይ ድጭታራኔ ዳልግታር ኪቴዛ።
ACT 12:25 ባርናባሳኔ ሳኦላ ፋ ኦሳ ፖሊ ማርቆሳ ግዝ ዋንሳ ፓር ኤኪ የሩሳላመፕ ማቄዛ።
ACT 13:1 አንጾካ የዝ ዎሳ ኬꬃ ናብታይኔ አስታማርታይ የዛ። ኡንቲ ባርናባሳ፥ ካርꬅ ግንትንትዝ ስሞና፥ ቀረናፕ የኤዝ ሉኮሳ፥ ካታይ ሄሮድሳራ ድጬዝ ምናሄኔ ሳኦላ።
ACT 13:2 ኡንቲ ጎዳ ጎይንታራኔ ጾምታራኔ ጌሻ አያናይ፥ «ታኒ ጼጌዝ ኦሳይስ ባርናባሳኔ ሳኦላ ታስ ሻጎይታ» ዬጌዛ።
ACT 13:3 የይ ግሾስ፥ ኡንቲ ጾሜዛፐኔ ዎሴዛይፕ ጉየ ፋ ኩሻ ኡንታል አፋ ጋዲ ዎሲ ዳኬዛ።
ACT 13:4 የይ ግሾስ፥ ጌሻ አያና ኡንታና ኪቴዛ። ሰለዉቀ Ꮊንጌዛ፤ ኤዛይፕ ማርካበ ገሊ ቆጲሮሳ ሃꬃር ተቅንቴዝ ቢታ Ꮊንጌዛ።
ACT 13:5 ኡንቲ ስልማና ሄሊ አይሁደ ዎሳ ኬꬅታይድ ጾስ ቃላ ኦዴዛ። ዋንሳ ማድታር ኡንታር የዛ።
ACT 13:6 ኡንቲ ቆጲሮሳ ሃꬃር ተቅንቴዝ ቢታ ካንꬂ ጳፉ ሄልዛ ዎደ ፐቲ ዎርዶ ናበ ባር-የሱሳ ግዝ አይሁደ አምታ ደንጌዛ።
ACT 13:7 አቅስዝ ሳርጎሳ ጳዉሎሳ ግዝ ዎዛናማ አꬃይራ የዛ። ሳርጎሳ ጳዉሎሳ ባርናባሳነ ሳኦላ ፋኮ ጼጊ ጾስ ቃላ ስኦዳይስ ኮዬዛ።
ACT 13:8 ዝን ግርኬ ዶናር አምታይ ሱንꬃይ «ኤልማሳ» ብልꬃይ ጋደ ሃርዛይ አማናማይ ጋርክ ካዮዳይስ ኮዪ ባርናባሳራኔ ጳዉሎሳር ኤቅንቴዛ።
ACT 13:9 ዝን ጳዉሎሳ ግዝ ሳኦላ ጌሻ አያናር ኩሚ አምታና ዳኪ ብኢ፥
ACT 13:10 «ናት፥ ጻላሄ ናአዮ፥ ኢታትꬅ ኡባይ ኩሜዛዮ፥ ጽሎትꬅ ኡባይስ ሞርካዮ፥ ሉለ ጎዳ ኦጋ ምርቅዛ አሻሞ?
ACT 13:11 ዬዛኮ፥ Ꮊት ጎዳይ ካች ኩሻይ ኔል አፋ የዛ። ኔኒ ቆቀ ማቆዳ፤ ጽቃ ዎደስ አዋ ፖኦ በአሚ» ዬጌዛ። እዝር ጫጋናኔ ꬉማ ኤ አፋ ጎዝን፥ ፋ ኩሻ አይኪ ካልꬅዛ አስ ኮይታር ዩዬዛ።
ACT 13:12 ጋደ ሃርዛይ የያ በኤዝ ዎደ ጎዳባዝ ታማርስዛይድ ማላባዝ ግ አማኔዛ።
ACT 13:13 ጳዉሎሳኔ ኤዛር የዝታይ ጳፉፕ ደንዲ፥ ጵንፍላ የዝ ጰርገ ማርካበር Ꮊንጌዛ። ዋንሳ ኡንታፕ ሻክንቲ የሩሳላመ ማቄዛ።
ACT 13:14 ዝን ኡንቲ ጰርገፕ ኣꬊ ጵስዳ የዝ አንጾካ ሄሌዛ። ማላ ጋላስ ጋላስ አይሁደ ዎሳ ኬꬅ ገሊ በቴዛ።
ACT 13:15 ሙሰ ህጋይድ ናብታይ ማጻፋይ ናባብንቴዛይፕ ጉየ አይሁደ ዎሳ ኬꬅ ሀላቅታይ፥ «ኑ እሹንꬆ፥ አስ ምንꬃꬅዛ ቃላ ይንትስ የዛኮ አሳይስ ኦዶይተ» ዬጊ ኡንትኮ ኪቴዛ።
ACT 13:16 ጳዉሎሳ ደንዲ ኤቂ ፋ ኩሸር ማሊ፥ «እስሬለ አስታኔ፥ ጾሳ ጎይንዛ አይሁደ ማቀካ አሳዮ፥ ስኦይታ።
ACT 13:17 Ꮊ እስሬለ አሳ ጾሳይ፥ ኑ ማይዝታ ዶሬዛ። ግብጸ ቢታ እማꬃትꬃር ኡንቲ የዝን፥ ኡንታን ጋንꬂ ፋ ግታ ዎልቃር ግብጸ ቢታፕ ከሴዛ።
ACT 13:18 ሊዦ ቢታ ኦይታም ላይꬅ ማቆዳ ኡንታን ዳንዳኤዛ።
ACT 13:19 ካንአነ ቢታ አይሁደ ማቀካ ላፑን ካተትꬅታ ሃሲ ኡ ቢታ ፋ አሳ ላትሴዛ።
ACT 13:20 የይ ኡባይ ኦይዲ ጼታኔ እሻታም ማቃድ ላይꬅ ጋንጨ ሀኔዛ። የይፕ ጉየ ናበ ሳምኤላ ዎደ ሄሎዳይስ ዳይንታይ አቅሶዳይ ጋርክ እንጌዛ።
ACT 13:21 «የይፕ ጉየ፥ ኡንቲ ፓስ ካት እንጎዳይ ጋርክ ዎስን፥ ጾሲ ቢናመ ሼሻይፕ ቂሰ ናአ፥ ሳኦላ ኦይታም ላይꬅ ካዉቶዳይ ጋርክ ኡንትስ እንጌዛ።
ACT 13:22 ጾሳይ ሳኦላ ሻሬዛይፕ ጉየ ኡንታል አፋ ዳዉተ ካዉትሴዛ። ጾሳይ ዳዉተ ባጋ ማርካትታር፥ ‹ታኒ ታ ሸነ ኡባ ኦꬅዝ ታ ዎዝና ማቄዝ ኢሳየ ናአ ዳዉተ ደንጌዛ› ዬጌዛ።
ACT 13:23 «ጾሳይ፥ ‹ታኒ ዳዉተ ሼሻይፕ እስሬለ አሽዛ ኮኦዳ› ግ ቃላ ገሌዛይ ጋርክ የሱሳና ከኤዛ።
ACT 13:24 የሱሳ የኦዳይፕ ቲና እስሬለ አስ ኡባይ ፋ ናጋራይፕ ማቂ ጻማቅንቶዳይ ጋርክ ዋንሳ ቃላ ኦዴዛ።
ACT 13:25 ማ ዋንሳ ፋ ኦሳ ዉርሶድ ሀንታር አሳይኮ፥ ‹ታና ይ ኦና ግ ቆፔ? ታኒ ይ ናግዛ ክርስቶሳ ባያ፥ ዝን ታኒ ኤ ጫማ ብሎዳይስ ታስ ቤዞዋዛይ ታፕ ጉየር ይእዛ› ዬጌዛ።
ACT 13:26 «ኑ ኢሹንꬆ፥ አፍራመ ሼሹንꬆ፥ ማ Ꮊይዳ አይሁደ ባዝን ጾስስ ያሽትዝታዮ፥ Ꮊ አቶትꬃ ቃላይ ኑስ ኪትንቴዛ።
ACT 13:27 አብስ ጊኮ፥ የሩሳላመ የዝ አሳይኔ ኡ ሀላቅታይ የሱሳና ኤረካያ። ማላ ጋላስ ኡባይድ ናባብንትዛ ናብታይ ቃላ አካኬካ ግሾስ ኤዛል አፋ ፕርዲ ናብታይ ኦዴዝ ቃላ ፖሌዛ።
ACT 13:28 የሱሳ ዎꬍሶዳይስ ፐቲ ሳንከካ ꬋብን ጵላጾሳ ኤዛ ዎꬎዳይ ጋርክ ዎሴዛ።
ACT 13:29 ኡንቲ የሱሳባዝ ጌሻ ማጻፋይድ ጻፍንቴዝባዝ ኡባ ፖሌዝ ዎደ ማዝቃለፕ ኤዛ ዎꬍሲ ሞጌዛ ።
ACT 13:30 ዝን ጾሳይ Ꮊይቆፕ የሱሳ ደንꬄዛ።
ACT 13:31 የይፕ ጉየ፥ ኤ ፓር ጋልላፕ የሩሳላመ የኤዝታይስ ኡንደና ጋላስ በንቴዛ። ኡንቲ Ꮊት ኤባዝ አሳይስ ማርካትዛ።
ACT 13:32 «ጾሲ ኑ አድታይስ እማድ ጌዝ ዎንግለ ኑኒ ይንትስ ኦድዛ።
ACT 13:33 ዳዉተ ፋ ማዝሙረ ማጻፋይድ ናምእንꬆ ሸምፓይድ፥ « ‹ኔኒ፥ ታ ናአ፥ ታኒ Ꮊይኖ ነና የሌዛ› ጊንትንቴዛይ ጻፍንቴዛ የሱሳ፥ ጾሲ Ꮊይቆፕ ደንꬂ ኑ ማይዝታይስ እንጎድ ጌዛ ኑስ ኡ ናእታይስ ፖሌዛ።
ACT 13:34 ኤ ዎቃማይ ጋርክ ጾሳይ Ꮊይቆፕ ኤዛ ደንꬆር ኤርሶዳይስ፥ « ‹ታኒ ዳዉተስ እንጎድ ጌዝ አማንንቴዝ ጌሽ አንጆ ይንትስ እንጎዳ› ዬጊ ኦዴዛ።
ACT 13:35 የይ ግሾስ፥ ማዝሙረ ማጻፋይድ ሀራ አቆ ማ ‹ነ ጽላይ አሃ ዎቅሳሚ ዬግዛ።›
ACT 13:36 «ዳዉተ ፋ ዎደ ጾሳ ቆፋ ፖሌዛይፕ ጉየ Ꮊይቂ ፋ አድታይር ሞግንቲ ዎቄዛ።
ACT 13:37 ዝን ጾሳይ Ꮊይቆፕ ደንꬄዛይ ዎቀካያ።
ACT 13:38 «የይ ግሾስ፥ ታ እሹንꬆ፥ ናጋራ አቶትꬃይ የሱሳ ባጋር ቲናቲ ይንትስ ኦድንቴዛ ኤሮይታ። ሙሰ ህጋይ ናጋራፕ ጽልሶዳይስ ዳንዳኦያ።
ACT 13:39 ዝን የሱሳ አማንዛ ኡባይ ናጋራፕ ጽልዛ።
ACT 13:40 የይ ግሾስ፥ ናብታይ ጌዛይ ይንታል አፋ ሄላማይ ጋርክ ናግንቶይታ።
ACT 13:41 « ‹ጾሳይ ጌዝባዝ ሌቅስዙንꬆ! ቦኦይታ! ማላባዝ ጎይታ! ꬋቦይታ! ኦንካ ኦድን፥ ይ አማኖዋ ኦሳ ታኒ ይ ዎደ ኦꬆዳ› » ዬጌዛ።
ACT 13:42 ጳዉሎሳኔ ባርናባሳ አይሁደ ዎሳ ኬꬃፕ ከሳዳር፥ ካልዛ ማላ ጋላሳይድ የያ ጉጂ ኦዶዳይ ጋርክ አሳይ ኡንታን ዎሴዛ።
ACT 13:43 ሺቆ ላልንቴዛይፕ ጉየ ጋመ አይሁድታይኔ አይሁድታይ አማናይድ ገሊ ጾሳ ጎይንዛ ጋምታይ ጳዉሎሳኔ ባርናባሳ ካሌዛ። አማኔዝታይ ጾስ ኣꬎ ኬሃትꬃይድ ሚንጊ የዞዳይ ጋርክ ኡንታን ዞሬዛ።
ACT 13:44 ካልዛ ማላ ጋላስ ካታማ የዝ አሳይፕ ኦንክ አተካ ጎድ ሄሎዳይ ጋምታይ ጾስ ቃላ ስኦዳይስ ሺቄዛ።
ACT 13:45 ዝን አይሁድታይ ጋመ አሳ በኤዝ ዎደ ጳዉሎሳ ቅናቲ ኤ ናሻ እጺ ኤዛ ጫዤዛ።
ACT 13:46 ጳዉሎሳኔ ባርናባሳ ያሽተካያ፥ «ጾሳ ቃላይ ቲናቲ ይንትስ ኦድንቶዳይስ ኮሽዛ። ዝን ይ ቃላ እጺ መꬍና ደኦ ኤኮዳይስ ኑስ ቤዞያ ግ ይ፥ ይ ኦማስ ፕርዴዝ ግሾስ ይኬ ኑኒ አይሁደ ባዝታይኮ ማቆዳ።
ACT 13:47 የይካ ጎዳይ፥ « ‹አላመ ኩንꬃይ ነ ባጋር አቶዳይ ጋርክ፥ ታኒ ነና አይሁደ ባ ዎያስ ፖኦ ኦꬄዛ ዬጊ ኑና ኪቴዛ› » ዬጌዛ።
ACT 13:48 አይሁደ ባዝታይ የያ ስኢ ኡፋይቲ ጾስ ቃላ ቦንቼዛ። ማ መꬍና ደኦስ ማራጽንቴዝ ኡባይ አማኔዛ።
ACT 13:49 ጎዳ ቃላይ የ ጋደ ኡባ ሄሌዛ።
ACT 13:50 ዝን አይሁድታይ፥ አይሁደ ባዛር ጾሰ ጎይንዛ ቦንችንቴዝ ማችታኔ ካታማ የዝ ግታ አስታ ጳዉሎሳል አፋኔ ባርናባሳል አፋ ደንꬅꬄዛ። የ አስታይ ኡንታን ባይእꬅ አይኪ ፋ ቢታፕ ከሴዛ።
ACT 13:51 ዝን ጳዉሎሳራኔ ባርናባሳራ እጽዝታይስ ማላ ማቆዳይ ጋርክ ፋ ቶኬ ቡልአ ትቅሲ ኢቆኖኔ ካታማ Ꮊንጌዛ።
ACT 13:52 ማ አንጾካ የዝ አማንዝታይ ጌሻ አያናራኔ ኡፋይሳር ኩሜዛ።
ACT 14:1 ካሴሳይ ጋርክ፥ ጳዉሎሳኔ ባርናባሳ ኢቆኖነ አይሁድታይ ዎሳ ኬꬅ ገሊ ጋመ አይሁድታይኔ አይሁደ ባዝታይ አማኖድ ሄሎዳይስ ቃላ ኦዴዛ።
ACT 14:2 ዝን አማነካ አይሁድታይ፥ አይሁደ ባዝታይ ዎዛና ላሚ እሽታይል አፋ ደንꬅꬄዛ።
ACT 14:3 ሀዋርታይ ኤዛይድ ጋመ ዎደ ጋምኤዛ። ኡንቲ ያሽተካ ጎዳይ ባጋ ኦዴዛ። ጎዳይ ማላትታኔ ኦርꬃባዝ ኡንቲ ኦꬆዳይ ጋርክ ኡንትስ ማዉተ እንጊ ፋ ኣꬎ ኬሄትꬅ ቃላይ ቱማ ማቄዛና ቤዜዛ።
ACT 14:4 ዝን የ ካታማ አሳይ ሻክንቲ፥ ባጋይ አይሁድታይር ባጋይ ማ ሀዋርታይር ማቄዛ።
ACT 14:5 አይሁደ ባዝታይኔ አይሁድታይ ፋ ሀላቅታይር ዎላ ማቂ ሀዋርታ ቆሆዳይስኔ ሹቻር ሾጮዳይስ ኮዬዛ።
ACT 14:6 ሀዋርታይ የያ ኤሪ፥ ልስጽራኔ ደርበ ግዝ ልቃኦነ ካታምታኔ ኡ ሄራ የዝ ቢታ ቆስንቴዛ።
ACT 14:7 ኤዛይድ ዎንግለ ኦዴዛ።
ACT 14:8 የልንቴዛይፕ አይኪ ናምእ ቶክታይ ስሌዝ የꬊ ኤሮዋ ፐቲ አꬃይ ልስጽራ የዛ።
ACT 14:9 የ አꬃይ ጳዉሎሳ ኦዶዳር በቲ ስእዛዝን። ጳዉሎሳ ኤዛ ዳኪ በአዳር ፓጾዳይስ ኤስ አማኖ የዛ ብኢ፥
ACT 14:10 ፋ ቃላ ꬎቅ ኡዲ፥ «ስት ግ ነ ቶካይር ኤቆባ» ዬጌዛ። የዝን፥ ፑꬁክ ግ ደንዲ ኤቂ የꬅ አይኬዛ።
ACT 14:11 ጳዉሎሳ ኦꬄዛ አሳይ ብኢ ኡ ፋ ቃላ ꬎቅ ኡዲ ልቃኦነ ዶናር፥ «ጾስታይ አስ ኣዚ ኑኮ ዎꬌዛ» ዬጌዛ።
ACT 14:12 ባርናባሳና፥ «ድያ» ግ፥ ጳዉሎሳ Ꮊይዳ ኦዳር ኤርንቴዛያ ማቄዝ ግሾስ ኤዛ፥ «ሄርሜሳ» ግ ሱንꬄዛ።
ACT 14:13 ካታማይፕ ጋጻ የዝ ድያ ግዝ ኤቃ ካራ ካህናይ ኮርምታኔ ፉ ዶስታ ሀዋርታይስ ያርሾዳይስ ከዚ ካታማ ጋጻ ከኤዛ።
ACT 14:14 ዝን ባርናባሳኔ ጳዉሎሳ የያ ስኢ ፋ ማአ ፔꬌዛ። አሳይ ጋንጨ ዎጺ ገሊ፥
ACT 14:15 ፋ ቃላ ꬎቅ ኡዲ፥ «አሳዮ፥ Ꮊያ አብስ ኦꬄ? ኑንካ ይ ጋርክ አሰ። Ꮊ ፓꬆዋባዛይፕ ሳሎኔ ሳአ፥ አባኔ ኡ ጋንጨ የዝ ኡባ ባዝ መꬌዝ ደኦ ጾሳይኮ ይ ማቆዳይ ጋርክ ይንትስ ኑኒ ዎንግለ ኦዶዳ።
ACT 14:16 ኤ ብኒ አሳይ ፋ ኦገ ፋ ኦገ Ꮊማዳይ ጋርክ ዳኪ አሼዛ።
ACT 14:17 ዝን እራ ሳሎፕ ቡክሴዛ፥ ካꬃካ ዎደር ዎደር እንጌዝ፥ ካꬅ እንጊ ይንታን ጋመ ኡፋይሴዛ፥ ዬዚ ይንትስ ሎኦ ባዝ ኡዲ ፓስ ማርካ ꬋብሰካ» ዬጌዛ።
ACT 14:18 ሀዋርታይ የያ ግ ፓስ አሳይ ያርሻማይ ጋርክ ዋየር ካይሴዛ።
ACT 14:19 አንጾካፐኔ ኢቆኖነፐ የኤዝ አይሁድታይ፥ አሳ ፋ ባጋ ማሂ ሹቻር ጳዉሎሳ ጫዴዛ። ኡንትስ ኤ Ꮊይቄዝባዝ ኣዝን ካታማፕ ጋጻ ጎቺ ካንጊ ኦሌዛ።
ACT 14:20 ዝን አማንዝታ ይኢ፥ ኤ ዩሻይድ ጋልቺ ኤቄዛዝን ኤ ደንዲ ካታማ ገሌዛ። ዎንትꬃ ጋላስ ባርናባሳር ፐትፕ ደርበ ቅቴዛ።
ACT 14:21 ኡንቲ ደርበ ካታማ ዎንግለ ኦዲ ጋምታ አማንꬄዛይፕ ጉየ ልስጽራ፥ ኢቆኖነኔ ጵስዳ አንጾካ ማቄዛ።
ACT 14:22 የ ካታምታይድ የዝ አማንዝታ ምህꬅታራ ኡንቲ አማኖር ምንጎድ ጋርክ ዞርታር፥ «ጾሳ ካተትꬃ ገሎዳይስ ኑኒ ጋመ ዋየ ኤኮዳይስ ቤዝዛ» ዬጊ ታማርሴዛ።
ACT 14:23 ማ ዎሳ ኬꬅታይስ ኦማስ ኦማስ ጭምታ ዶሬዛ። ጾሜዛይፐኔ ዎሴዛይፕ ጉየ ኡንቲ አማኔዝ ጎዳይስ ኡ ሀዳራ እንጌዛ።
ACT 14:24 ጵስዳ ቢታ ካንꬂ ኣꬊ ጵንፍለ Ꮊንጌዛ።
ACT 14:25 ጰርገ ቃላ ኦዴዛይፕ ጉየ አጻላ Ꮊንጌዛ።
ACT 14:26 የይፕ ኡንቲ ፋ ፖሌዝ ኦሳይስ ጾስ ኣꬎ ኬሃትꬃይስ ኡንታን ሀዳራ እንጌዝ አንጾካ ማርካበር ማቄዛ።
ACT 14:27 አንጾካ ሄሊ ዎሳ ኬꬅ አሳ ሺሺ ጾሳይ ኡንታራ ኦꬄዝ ኦሳ ኡባይኔ አይሁደ ማቀካ አሳይ አማኖዳይ ጋርክ ኡንትስ ዋይዚ ኦገ ዶዬዛኮ ኦዴዛ።
ACT 14:28 ኤዛይድ አማንዝታይር ጋመ ዎደ ጋምኤዛ።
ACT 15:1 ፐቲ ፐቲ አሳይ ይሁዳፕ አንጾካ Ꮊንጊ፥ «ሙሰ ዎጋይ ጋርክ ይ ዶካልንታም እጽኮ አቶዳይስ ዳንዳኦያ» ግ አማንዝታ ታማርሶ አይኬዛ።
ACT 15:2 የይ ጳዉሎሳኔ ባርናባሳ ኡንታር ጋመ ፓላሞዳይ ጋርከኔ ዋጮዳይ ጋርክ ኦꬄዛ። የይ ግሾስ፥ አንጾካ የዝ ፐቲ ፐቲ አሳይ ጳዉሎሳራኔ ባርናባሳራ የሩሳላመ Ꮊንጊ ሀዋርታይራኔ ጭምታይር ዎል ሄሊ የ ኦዳ ብሎዳይ ጋርክ ቆፋ አጬዛ።
ACT 15:3 ዎሳ ኬꬃይ ኡንታን ኪትን Ꮊንጌዛ። ኡንቲ ፍንቀ ሳማረራ ኣꬊታር አይሁደ ባዝታይ ጾስኮ ዋይዚ ማቄዛኮ ኦዴዛ። የይ አማንዝታ ኡባ ጋመ ኡፋይሴዛ።
ACT 15:4 ኡንቲ የሩሳላመ ሄልን ዎሳ ኬꬃይ፥ ሀዋርታይኔ ጭምታይ ኡንታን ሞኬዛ። ጾሳይ ኡንታር ኦꬄዝ ባዝታ ኡባ ኡ ኦዴዛ።
ACT 15:5 ዝን ፈርሳውታይ ባጋፕ አማኔዝ ፐቲ ፐቲ አሳይ ደንዲ ኤቂ፥ «አይሁደ ባዛር አማኔዝ አሳይ ዶካልንቶዳይስኔ ሙሰ ህጋ ናጎዳይስ ቤዝዛ» ዬጌዛ።
ACT 15:6 ሀዋርታይኔ ጭምታይ የያ ቶቦዳይስ ሺቄዛ።
ACT 15:7 ጋመ ኦድንቴዛይፕ ጉየ፥ ጵጽሮሳ ደንዲ ኤቂ፥ «ታ እሹንꬆ፥ አይሁደ ባዝታይ ዎንግለ ቃላ ታ ዶናይፕ ስኢ አማኖዳይ ጋርክ ቲናቲ ታና ጾሲ ይ ጋንጨፕ ዶሬዛና ይ ኤርዛ።
ACT 15:8 አስ ዎዝና ኤርዛ ጾሳይ ጌሻ አያና ኑስ እንጌዛይ ጋርክ ኡንትስካ እንጌዛና ማርካቴዛ።
ACT 15:9 አማኖር ኡ ዎዝና ጌሼዝ ግሾስ ኑ ጋንጨኔ ኡ ጋንጨ ዱማትꬅ ጋደካያ።
ACT 15:10 የይ ግሾስ፥ ኑ አድታይኔ ኑኒ ቶኮዳይስ ዳንዳእንቶዋ ቃምባራ አማንዝታይ ሞርጋይል ጋዲ Ꮊት አብስ ጾሳ ፓጨ?
ACT 15:11 ጎዳ የሱሳ ኣꬎ ኬሃትꬃይድ ኡንቲ አቴዛይ ጋርክ ኑካ አቴዛና አማኖዳ» ዬጌዛ።
ACT 15:12 አሳይ ስእ ግ፥ ባርናባሳኔ ጳዉሎሳ አይሁደ ማቀካ አሳይ ጋንጨ ፋ ባጋር ጾሲ ኦꬄዝ ማላትታኔ ኦሮꬅባዝ ኡባ ኦዶዳር ስኤዛ።
ACT 15:13 ኡንቲ ናሻ ሃሴዛይፕ ጉየ ያይቆባ፥ «ኢሹንꬆ፥ ታ ግዛ ስኦይታ።
ACT 15:14 ጾሲ አይሁደ ባዝታይ ጋንጨፕ ፋ አስ ዶሮዳይስ ከዚ ኡንታን ቲን ዋይዚ ቆፔዛኮ ስሞና ኦዴዛ።
ACT 15:15 ናብታይ ቃላይ Ꮊይር ቃርዛ። ጌሻ ማጻፋይድ፥
ACT 15:16 «‹Ꮊይፕ ጉየ፥ ታኒ ማቆዳ፥ ዎꬌዝ ዳዉተ ኬꬃ ደንꬆዳ። ላልንቴዝ ኬꬃካ ታ ማሂ ኤሶዳ።
ACT 15:17 አቴዝ አስ ኡባይ ታኮ የኦዳ፥ ታኒ ጼጌዝ አይሁደ ማቀካ አስ ኡባይ ታና ኮዮዳ።
ACT 15:18 ብንፕ አይኪ የይ ኤርንቶዳይ ጋርክ ኡዴዝ ጎዳይ፥ ታና› ዬግዛ።
ACT 15:19 «የይ ግሾስ፥ ታ ቆፋይ ጾስኮ ማቄዝ አይሁደ ባዝታ ኑኒ ዋይꬃማይ ጋርከ።
ACT 15:20 ዝን ኡንቲ ኤቃስ ያርሽንቲ ቱኔዝባዝ ማማይ ጋርክ፥ ላግታማይ ጋርክ፥ ባዉታ ማማይ ጋርከኔ ሱꬂ ኡዣምኔ ማማይ ጋርክ ኡንትስ ኑኒ ዳብዳበ ጻፎዳይስ ኮሽዛ።
ACT 15:21 ሙሰ ህጋይ ብንፕ አይኪ ማላጋላስ አይሁደ ዎሳ ኬꬅ ናባብንትዛ ካታማ ኡባይድ ሳባክንትዛ» ዬጌዛ።
ACT 15:22 የይፕ ጉየ፥ ሀዋርታይኔ ጭምታይ ዎሳ ኬꬅ አስ ኡባይር ዎላ ፋ ጋንጨፕ ጽቃ አስታ ዶሪ ጳዉሎሳራኔ ባርናባሳራ አንጾካ ዳኮዳይስ ቆፋ አጬዛ። ኡንቲ ኡንደና ኤርንቴዝ ካልꬅዛ ናምኢ አስታ ባርሳባሳ ግንትንትዛ ኤ ይሁዳኔ ስላሰ ዶሬዛ።
ACT 15:23 Ꮊይ ጋርክ ግንትንቲ ጻፍንቴዝ ዳብዳባ ኡንታል አፋ ዳኬዛ፦ «ኑኒ ሀዋርታይኔ ጭምታይ ይ እሽታይ፥ አንጾካ፥ ሶራራኔ ክልቀ የዝ አይሁደ ማቀካ እሽታይስ ኑ ሳሮꬃ ኪቶዳ።
ACT 15:24 «ኑኒ ኪተካ አስታይ ኑ ጋንጨፕ Ꮊንጊ፥ ‹ይ ዶካልንቶዳይስኔ ህገ ናጎዳይስ ቤዝዛ ግ› ይንታን ዋይꬄዛኔ ይሎꬄዛ ኑ ስኤዛ።
ACT 15:25 ኑኒ ዶስዛ ባርናባሳኔ ጳዉሎሳ ዶርንቴዝ አሳይር ዎላ ይንትኮ ኪቶዳይስ ፐቲ ዎዝናር ኑ ሙርቴዛ።
ACT 15:26 ኡንቲ ኑ ጎዳ የሱስ ክርስቶሳ ግሾስ ፋ ሸምፖ ኣꬂ እንጌዛ።
ACT 15:27 የይ ግሾስ፥ ኑኒ ጻፌዛና ኡንቲ ፋ ዶናራካ ጉጂ ይንትስ ኦዶዳይ ጋርክ ኤ ይሁዳኔ ስላሰ ኪቴዛ።
ACT 15:28 «Ꮊ ኮሽዝታይፕ አትን ሀራ ቶፎ ይንታን ቶሳማይ ጋርክ ኑኔ ጌሻ አያናይ ሎኦ ቆፋ ማቄዛና በኤዛ
ACT 15:29 ኤቃስ ያርሽንት ቱኔዝባዝ ሚፓተ፥ ሱꬅ ኡዥፓተ፥ ባዉታ ሚፓተ፥ ላግተ አይክፓተ። Ꮊ ኡባይፕ ይ፥ ይንታን ናግኮ ሎኦ ባዝ ኡድዛ። ሳሮ የዞይታ» ዬጌዛ።
ACT 15:30 የይ ግሾስ፥ ኪትንቴዝታይ ሞይዝንቲ አንጾካ Ꮊንጊ አማንዛ አስታ ሺሺ፥ ዳብዳበ እንጌዛ።
ACT 15:31 ኡንቲ የ ምንꬃꬆ ዳብዳባ ናባቤዛይፕ ኡፋይቴዛ።
ACT 15:32 ማ ኤ ይሁዳኔ ስላሰ ኡ ፋ ኦማስ ናብታ ማቄዝ ግሾስ አማንዝታ ሎእꬂ ዞሪ ምንꬃꬄዛ።
ACT 15:33 ኡንቲ አንጾካ ጽቃ ጋላስ በቴዛይፕ ጉየ እሽታይ ሎኦር ሞይዝን ፋና ኪቴዝታይኮ ማቄዛ።
ACT 15:34 [ዝን ስላሰ ኤዛይድ አቶዳይስ ኮዬዛ።]
ACT 15:35 ማ ጳዉሎሳራኔ ባርናባሳር ሀራ ጋመ አስታይር ዎላ ጎዳይ ቃላ ታማርስታራኔ ዎንግለ ኦድታር አንጾካ ጋምኤዛ።
ACT 15:36 ጽቃ ጋላሳፕ ጉየ ጳዉሎሳ ባርናባሳኮ፥ «ኑኒ ጎዳይ ቃላ ኦዴዝ ካታማ ኡቢታይድ አማንዝታይ ዋፋ የዛኮ ጉየ ማቅታር ዎላ በአዳኔ ኤሮዳ» ዬጌዛ።
ACT 15:37 ባርናባሳ ማርቆሳ ግንትንትዛ ዋንሳ ፓር Ꮊንጎዳይ ጋርክ ኮዬዛ።
ACT 15:38 ዝን ጳዉሎሳ ማርቆሳ ፓር Ꮊንጎዳይ ጋርክ ኮየካያ። የይካ፥ ኤ ጵንፍላ ሻክንቲ ኡንታር ኦꬆዳይስ Ꮊንገካ ግሾስ።
ACT 15:39 ኡ ጋንጨ ኢታ ካቺ ኬዝን ፐታይ ፐታይፕ ሻክንቴዛ። ባርናባሳ ማርቆሳ ኤኪ ማርካበር ቆጲሮሳ ከዜዝ።
ACT 15:40 ዝን ጳዉሎሳ ስላሰና ዶሬዛ፤ አማንዝታይ ጳዉሎሳ ጾስ ኣꬎ ኬሃትꬃይስ ሀዳራ እንጌዛይፕ ጉየ ኤ ቅቴዛ።
ACT 15:41 ዬዚ፥ ዎሳ ኬꬅታ ምንꬃꬅታር ሶራራኔ ክልቃራ ኣꬌዛ።
ACT 16:1 ጳዉሎሳ ደርበኔ ልስጽራ ሄሌዛ። ኤዛይድ ጽማቶሳ ግዝ አማንዛ አስ የዛ። ኤ እንዳታካ አማንዛ አይሁደ ማች፥ ኤ አዳይ ግርኬ አሲ።
ACT 16:2 ልስጽራራኔ ኢቆኖነ የዝ አምዝታይ ጽማቶሳ ባጋ ሎእꬂ ማርካቴዛ።
ACT 16:3 ጳዉሎሳ ጽማቶሳ ፓር ካንጎዳይስ ኮዬዛ፥ ኤ አዳይ ግርኬ አስ ማቄዛ የ አቆ የዝ አይሁደ ኡባይ ኤርዛ ግሾስ ኤዛ ዶካሌዛ።
ACT 16:4 ኡንቲ ካታምታይራ Ꮊንግታር የሩሳላመ የዝ ሀዋርታይኔ ጭምታይ አጬዝ ቆፋ አማንዝታይ ናጎዳይ ጋርክ ኡንትስ ኦድታር ኣꬌዛ።
ACT 16:5 የይ ግሾስ፥ ዎሳ ኬꬅታይ አማኖር ምንግታር፥ ፓይዶራካ ጋላስ ጋላስ ጋንጊ ጋንጊ Ꮊንጌዛ።
ACT 16:6 ኢስያ ቃላ ኦዳማይ ጋርክ ጌሻ አያናይ ኡንታን ካዬዝ ግሾስ ጵርገራኔ ጋላትያ ቢታር ኣꬌዛ።
ACT 16:7 ኡንቲ ሚሳ ዛዋ ሄሌዝ ዎደ ብታና Ꮊማዳይስ ቡትንቴዛ። ዝን የሱሳ አያናይ ኡንታን ካዬዛ።
ACT 16:8 የይ ግሾስ፥ ኡንቲ ሚሳ ካንታር ኣꬊታር ጽሮአዳ ዎꬌዛ።
ACT 16:9 ጳዉሎሳ ቃማ ቆንጭꬃር ፐቲ ማቃዶና አስ ፋኮ፥ «ማቃዶና ፒንጊ ኑና ማዶየ» ዬግታር ኤቂ ዎሶዳር በኤዛ።
ACT 16:10 አጁታ ኤ በኤዛይፕ ጉየ ኤልሲ ኑኒ ማቃዶና Ꮊማዳይስ ኮዬዛ። የይካ፥ ዎንግለ ኤዛይድ የዝ አሳይስ ኦዶዳይስ ጾሳይ ኑና ጼጌዝ አዜዛ።
ACT 16:11 ጽሮአዳፕ ደንዲ ማርካበ ገሊ ሳሞትራቀ Ꮊንጌዛ፥ ዎንትꬃ ጋላስ ናጱለ Ꮊንጌዛ።
ACT 16:12 የይፕ ደንዲ ማቃዶና ቢታ የዝ ፍልጲሶሳ ግዝ ኤርንቴዝ ዎራዳ ካታማ Ꮊንጌዛ። ማ ፍልጲሶሳ ኦሮመ ካታይ ኦላር ሞዴዝ ካታማ። ኑኒ የ ካታማይድ ጽቃ ጋላስ በቴዛ።
ACT 16:13 ማላ ጋላስ ካታማይፕ ጋጻ ቦርካ ካለ አይሁድታይ ጾስ ዎስዛ አቆ የዛና ቆፒ ገድ Ꮊንጌዛ። የ አቃይድ ሺቄዝ ማችታይስ ቃላ ኦዴዛ።
ACT 16:14 ኑና ስእዝ አሳይፕ ፐቲ ሊዳ ግንትንትዛና ትያትሮና ካታማፕ የኤዛ፥ ጾስ አማኔዛ ዞቆ አፍላ ዛልእዛ፥ አስታ የዛ። ጳዉሎሳ ኦድዛ እዛ ስኦዳ ጋርክ ጎዳይ እ ዎዝና ዶዬዛ።
ACT 16:15 ሊዳ ፋ ካራ አሳይር ፐትፕ ጻማቅንቴዛይፕ ጉየ ኑኮ፥ «ይ ታና ጎዳ ቱማ አማኔዛ ጊኮ ታ ካራ ይኢ የዞይታ» ግ ሚንꬂ ዎሴዛ።
ACT 16:16 ኑኒ ጾሳ ዎስዛ አቃ Ꮊማዳር ኢታ አያና ኢል አፋ የዛና ካዮር ፋ ጎድታይ ጋመ ሚሸ ክእዝ ፐቲ አይላታ ኑና ሄሌዛ።
ACT 16:17 ጳዉሎሳኔ ኑና ካሊ፥ «Ꮊይትታይ ኡባይፕ አፋ ጾስ አይልታ! ኡንቲ ይ አቶዳ ኦጋ ኦድዝታ» ግ ኡኬዛ።
ACT 16:18 ኡባ ጋላስ የይ ጋርክ ግዛ። ዝን ጳዉሎሳ ይሎቲ ጉየ ማቂ፥ የ አያና፥ «የሱስ ክርስቶሳ ሱንꬃይር እዝፐ ከዞባ» ግ ኪቴዛ። እዝራካ ኢታ አያናይ እዝፐ ከዜዝ።
ACT 16:19 ዝን እ ጎድታይ ኡ ሚሸ ደንግዝ ኦጋይ ꬋቤዛ ብኢ፥ ጳዉሎሳኔ ስላሰ አይኪ፥ አዉዳረ ዳይንታይ ቲና ጎቺ ካንጌዛ።
ACT 16:20 ዳይንታይ ቲና ኡ ካንጊ፥ «Ꮊይትታይ አይሁደ አስ ማቅታር ኑ ካታማ አሳ ኢታ ዋይꬅዛ።
ACT 16:21 ኑኒ ኦሮመ ጋደ አስ ማቆዳር ኤኮዳይስኔ ኦꬆዳይስ ዎጋ ባባዝ ታማርስዛ» ዬጌዛ።
ACT 16:22 አሳይ ፐቲ ባጋ ማቂ፥ ጳዉሎሳል አፋኔ ስላሰል አፋ ደንዴዛ። ዳይንታይ ኡ አፍላ ቃሪ ጉፈር ኡንታን ሾጮዳይ ጋርክ ኪቴዛ።
ACT 16:23 ኡንታን ጋመ Ꮊꬌዛይፕ ጉየ አች ካራ ገልሴዛ። አች ኬꬃ ናግዛይ ኡንታን ሚንꬂ ናጎድ ጋርክ ኪቴዛ።
ACT 16:24 አች ካራ ናግዛይ የ ኪታ ኤኪ፥ ጳዉሎሳኔ ስላሰ አች ካራይስ ቆልአ ገልሴዛ። ኡ ቶካ ዱꬃር ዱጼዛ።
ACT 16:25 ዝን ግዲ ብላሄ ማቆዳር ጳዉሎሳራኔ ስላሰራ ዎስታራኔ ማዝሙረ የጽታር ጾሳ ጋላትዛ። አች ካራ የዝ ሀራ አስታይካ ኡንቲ ግዝባዝ ስእዛ።
ACT 16:26 ቆፐካ አች ካራ ባሳይ ኤንኦድ ሄሎዳይስ ቢታ ኤንኦ ማቄዛ። የ ሳታተካ ፐንገ ኡባይ ዶይንቴዛ፤ አጭንቴዝ አስ ኡባ ሳንꬃላታይ ብልንቲ ዎꬌዛ።
ACT 16:27 አች ካራ ናግዛይ ገንታፕ ባርኮዳር አች ካራ ፐንገ ኡባይ ዶይንቴዛ ብኢ አች አሳይ ከዚ ቅቴዛ ኣዝን ፋና ዎꬎዳይስ ማሻ ኤኬዛ።
ACT 16:28 ዝን ጳዉሎሳ ቃላ ꬎቅ ኡዲ «ኑ ኡባይ Ꮊይዳ የዛ ነና ቆህፐ» ዬጌዛ።
ACT 16:29 አች ካራ ናግዛይ ጾምፐ ዎሲ ኤኪ ኤልሲ ጋንጨ ላሲ ኩኮርታር ጳዉሎሳ ቲናኔ ስላሰ ቲና ጹጉኔዛ።
ACT 16:30 ኡንታን ባለ ከሲ፥ «ታ ጎድታዮ፥ ታኒ አቶዳይስ አብ ኡዶዳይስ ቤዜ?» ዬጌዛ።
ACT 16:31 ጳዉሎሳራኔ ስላሰር ኤዝኮ፥ «ጎዳ የሱስ ክርስቶሳ አማኖባ፤ ኔራኔ ነ ካራ አሳይራ አቶዳ» ዬጌዛ።
ACT 16:32 ኡንቲ ኤስኔ ኤ ካራ የዝ ኡባይስ ጎዳይ ቃላ ኦዴዛ።
ACT 16:33 ቃማ የ ሳታተካ አች ካራ ናግዛይ ኡንታን ካንጊ ኡ ሳምባራ ሜጬዛ። ኤልሲ ፋ ካራ አስ ኡባይር ጻማቅንቴዛ።
ACT 16:34 ጳዉሎሳኔ ስላሰ ፋ ካራ ካንጊ ኡንትስ ካꬃ ኣꬄዛ። ኤ ፋ ካራ አስ ኡባይር ጾስ አማኔዝ ግሾስ ኡፋይቴዛ።
ACT 16:35 ሳአይ ዎንትን ዳይንታይ፥ «የ አስታ ብልኦባ» ዬጊ ፖልሰ ሀላቅታ ኤዝኮ ኪቴዛ።
ACT 16:36 አች ካራ ናግዛይ፥ «ይ ብልንቶዳይ ጋርክ ዳይንታይ አዛዜዛ። ይኬ፥ ከዚ ሳሮ Ꮊንጎይታ» ዬጊ የ ኪታ ጳዉሎሳስ ኦዴዛ።
ACT 16:37 ዝን ጳዉሎሳ የ ፖልሰ ሀላቅታይኮ፥ «ኑኒ ኦሮመ አስ ማቃዳር ኡንቲ ኑና ፕርዳ ባጋ አሳይ ቲና Ꮊꬊ፥ አች ካራ ኦሌዛ። Ꮊት ኑና ጌማር ከዚ ቅቶ ግኔ? ሀነና፥ ኡንቲ ፋ ኦማስ ይኢ ኑና ከሶ» ዬጌዛ።
ACT 16:38 ፖልሰ ሀላቅታይ ዳይናይስ የያ ኦድን፥ ጳዉሎሳራኔ ስላሰራ ኦሮመ ጋደ አስ ማቄዛ ስኤዝ ዎደ ያሽቴዛ።
ACT 16:39 የይ ግሾስ፥ ዳይንታይ ይኢ ኡንትኮ፥ «ኑኒ ይንታን ቆሄዛ» ጌዛ። አች ካራፕ ባለ ኡንታን ከሲ፥ ካታማይፕ ከዚ ቅቶዳይ ጋርክ ዎሴዛ።
ACT 16:40 ጳዉሎሳራኔ ስላሰራ አች ካራፕ ከዚ ሊዳ ካራ Ꮊንጌዛ። ኤዛይድ አማንዝታ ሄሊ ኡንታን ምንꬃꬂ ከዚ ቅቴዛ።
ACT 17:1 ጳዉሎሳራኔ ስላሰራ አምፍጶሊናራኔ አጶሎናር ኣꬊ ተሰሎንቀ Ꮊንጌዛ። ኤዛይድ አይሁደ ዎሳ ኬꬅ የዛ።
ACT 17:2 ጳዉሎሳ ካሴሳይ ጋርክ ኤዛይድ ገሌዛ። ኤዛይድ ሀይꬒ ሳምንታ ጾስ ቃላፕ አሳይስ ኦዴዛ።
ACT 17:3 ክርስቶሳ ዋየ ኤኮዳይስኔ Ꮊይቆፕ ደንዶዳይስ ቤዝዛና ኡንትስ ቆንጨር ኦድታር፥ «የሱሳ Ꮊ ታኒ ይንትስ ኦድዛይ ክርስቶሳ» ዬጌዛ።
ACT 17:4 ኡንታፕ ፐታይ ፐታይ ኦዳይ ቱማ ማቄዛና ማኢ ጳዉሎሳራኔ ስላሰራ ቶቤዛ። የይ ጋርከካ፥ ጾሳ ጎይንዛ ጋመ ግርኬ አሳይኔ ጋመ ቦንችንቴዝ ማችታይካ ኡንታር ቶቤዛ።
ACT 17:5 ዝን አይሁድታይ ቅናቲ አዛልዛ ኢታ አስታ ጋበ ኦገፕ ሺሼዛ። ካታማ ጋንጨ ጫቦ መꬌዛ፤ ጳዉሎሳኔ ስላሰ አሳይስ ኣꬂ እማዳይስ ከዚ ያሶነ ካራ ኤልሲ ቅቴዛ።
ACT 17:6 ጳዉሎሳኔ ስላሰ ኡንትስ በንታም እጽን፥ ያሶነኔ እሽታይፕ ፐቲ ፐቲ አማንዝታ ካታማ ሀላቅታይኮ ጎቺ ካንጊ፥ «የይትታይ ቢታ ኡባ ቡቂዝታይ Ꮊት ማ ኑኮ የኤዛ።
ACT 17:7 ያሶነ ኡንታን ፋ ካራ ጋዴዛ። Ꮊይትታይ፥ ‹የሱሳ ግዝ ሀራ ካታይ የዛ› ግ ቄሳረ ኪታ እጽዝታ» ዬጊ ኡኬዛ።
ACT 17:8 ሺቄዝ አሳይኔ ካታማ ሀላቅታይ የያ ስእን ኤዝስ ሀኖድ ባዝ ꬋቤዛ።
ACT 17:9 ሀላቅታይ ያሶናኔ ሀርታ ዋሰር ብልኤዛ።
ACT 17:10 አማንዝታይ ጳዉሎሳኔ ስላሰ ቃማር ቤራ ዳኬዛ። ቤራ ሄሊ፥ አይሁደ ዎሳ ኬꬅ ገሌዛ።
ACT 17:11 ቤራ አስታይ ተሰሎንቀ አስታይፕ ኣꬌዝ ዎዝና ሉልታ። ኡንቲ ቃላ ኩንꬅ ዎዝናፕ ኤኬዛ፤ ጋላስ ጋላስ ጌሻ ማጻፍታ ናባብታር ጳዉሎሳ ጌዛይ ቱማ ማቄዛና ሻኪ ኤሬዛ።
ACT 17:12 የይ ግሾስ፥ ኡንታፕ ጋምታይ፥ ግርክታይፐካ ቦንችንቴዝ ጽቃ ማችታይኔ ꬊራꬅታይ አማኔዛ።
ACT 17:13 ዝን ተሰሎንቀ የዝ አይሁድታይ ጳዉሎሳ ጾስ ቃላ ቤራ ጋደካ ኦዴዛና ስኢ ቤራ ይኢ አሳ ቡቄዛ።
ACT 17:14 የይፕ ጉየ፥ አማንዝታይ ኤልሲ ጳዉሎሳ አባ ካለ ዳኬዛ። ዝን ስላሰኔ ጽማቶሳ ቤራ አቴዛ።
ACT 17:15 ጳዉሎሳና ሞይዜዝ አሳይ አቴና ሄልꬂ አሼዛ። የ አሳይ ስላሰኔ ጽማቶሳ ኡንትስ ዳንዳእንትኮ ኤልሲ ፋኮ የኦድ ጋርክ ጳዉሎሳ ኪቴዝ ኪታ ኤኪ ቤራ ማቄዛ።
ACT 17:16 ጳዉሎሳ አቴና ስላሰናኔ ጽማቶሳ ናግታር፥ ካታማይ ኤቃር ኩሜዛና ብኢ ሸንቴዛ።
ACT 17:17 የይ ግሾስ፥ አይሁደ ዎሳ ኬꬃ አይሁድታይራኔ ጾሳ ጎይንዛ አይሁደ ማቀካ አሳይር ማ ጋበላካ ፋና ሄሌዝ አሳይር ኡባ ዎደ ፓላምዛ።
ACT 17:18 ኤጲቆሮሳ ባጋፐኔ ኢስቶይካንታ ግንትንትዝ ኤራንችታይፕ ፐታይ ፐታይ ጳዉሎሳር ፓላሜዛ። ኡንታፕ ፐታይ ፐታይ፥ «Ꮊ ዶናንቻይ አብ ኦዶዳይስ ኮይነሻ?» ዬጌዛ። Ꮊንክታይ ጳዉሎሳ የሱሳኔ Ꮊይቆፕ ደንዶ ባጋ ኡንትስ ኦዴዝ ግሾስ «ኦሮꬅ ኤቅታይ ባጋ ኦድዝ ኣዝዛ» ዬጌዛ።
ACT 17:19 ጳዉሎሳ አይኪ አርዮስፓጎሳ ግንትዝ ሺቆ አቃ ካንጊ፥ «Ꮊ ኔኒ ታማርስዛ ኦሮꬅባዛይ አብዛኮ ኑና ኤርሳሞ?
ACT 17:20 አብስ ጊኮ፥ ኔኒ ኑስ ኦሮꬅባዝ ኦድዛይ፤ አብዛኮ ኑኒ ኤሮዳይስ ኮይዛ» ዬጌዛ።
ACT 17:21 አቴና አስ ኡባይኔ ኤዛይድ የዝ እማꬅታይ ኦሮꬅባዝ ኦድንተካዛራኔ ስኤካ ፔዦያ።
ACT 17:22 ጳዉሎሳ አርዮስፓጎሳ ሺቄዝ አሳይ ቲና ኤቂ፥ «አቴና አሳዮ፥ ይ ጾስታይስ ኡባ ባዛር ጋመ ያሽትዛ ታኒ ብእዛ።
ACT 17:23 ታኒ ይ ካታማይር ዩይታር ይ ጎይንዛ አቅታ በአዳር ‹ኤርንቶዋ ጾስስ› ግንትንቲ ጻፍንቴዝ ያርሾ አቆ ደንጌዛ። Ꮊ ይ ኤረካዛር ጎይንዛና ታኒ ይንትስ ኦድዛ።
ACT 17:24 ሳአኔ ሳአል የዝ ኡባ ባዝ መꬌዝ ጾሳይ፥ ሳሎኔ ሳአ ጎዳይ፥ አሲ ኬጼዝ ኬꬃ የዞያ።
ACT 17:25 ኤ ደኦኔ፥ ሸምፖኔ ኡባ ባዝ አስ ኡባይስ እንግዛ ግሾስ ፓጨ የዝ አስ ጋርክ አስ ማዴ ኮዮያ።
ACT 17:26 አሲ የዞድ ዎዳይስኔ አቃይስ ዛዋ እንጌዛ። ጾሳይ አስ ዘርꬅ ኡባ ፐቲ አꬃይፕ መꬊ ቢታ ኡባይድ ጋዴዛ።
ACT 17:27 ኤ የያ ኦꬄዛይ አሲ ኤዛ ኮዮዳይ ጋርከኔ ኮዪ ደማዳይ ጋርከሲ። ሀንኮካ ኤ ኑፕ ሃከካያ።
ACT 17:28 ይንትፕ ፐቲ ፐቲ የጽዝታይ፥ ‹ኑኒ ኤ ናእታ› ጌዛይ ጋርክ፥ ኑኒ ኤዛይድ ፓꬅ የዚ፥ ኤንእዛ።
ACT 17:29 ይኬ፥ ኑኒ ጾስ ናእታ ማቅዝ ግሾስ ‹ጾሳይ አስ ኤጨትꬃራኔ ቆፋር ዎርቃፕ ዎይ ብራፕ ዎይ ሹቻፕ ኦስንቴዝባዝ ኣዝዛ› ዬጊ ቆፖዳይስ ቤዞያ።
ACT 17:30 የይ ግሾስ፥ ጾሲ ቲና አሳይ ኤረካ ኦꬄዛና አሺ ኣꬌዛ፥ ዝን Ꮊት ኡባ አቆ የዝ አስ ኡባይ ናጋራፕ ማቆዳይ ጋርክ አዛዝዛ።
ACT 17:31 አብስ ጊኮ፥ ጾሲ ፋ ዶሬዝ አꬃይር ሳአል የዝ አስ ኡባይል አፋ ጽሎ ፕርዳ ፕርዶዳይስ ቃማ ጊግሲ ጋዴዛ። ኤዛ Ꮊይቆፕ ደንꬂ የያ አስ ኡባይስ ቱማሴዛ» ዬጌዛ።
ACT 17:32 ኡንታፕ ፐቲ ፐቲ አስታይ Ꮊይቆፕ ደንዶ ባጋ ጳዉሎሳፕ ስኢ፥ ኤዛል አፋ አርኤዛ። ዝን Ꮊንክታይ፥ «ኑኒ የያ ኔፕ ጉጂ ስኦዳይስ ኮይዛ» ዬጌዛ።
ACT 17:33 የይ ግሾስ፥ ጳዉሎሳ ኡ ጋንጨፕ ከዜዝ።
ACT 17:34 ዝን ፐቲ ፐቲ ꬊꬅታይ ጳዉሎሳ ሄሊ አማኔዛ። ኡ ጋንጨፕ አርዮስፓጎሳ ፕርደ ዳይና ድዮናሶሳ ግንትዝ አስታ፥ ዳማርሶ ግንትዝ ፐቲ አስትኔ Ꮊንክታይ የዛ።
ACT 18:1 የይፕ ጉየ፥ ጳዉሎሳ አቴናፕ ከዚ፥ ቆሮንቶሳ ቅቴዛ።
ACT 18:2 ኤዛይድ አቂላ ግንትዝ ጳንጾሳ የልንቴዝ ፐቲ አይሁደ አስ ደንጌዛ። አይሁደ አስ ኡባይ ኦሮመፐ ከዞዳይ ጋርክ ካታይ ቃላዉዶሳ ኪቴዝ ግሾስ ጽቃ ዎደፕ ቲና ኤ ፋ ማቻት ጵርስቅላር ኢጻለፕ የኤዛ። ጳዉሎሳ ኡንታን ሄሎዳይስ የኤዛ።
ACT 18:3 ኤ ኦሳይ ኡንቲሳይ ጋርክ ዱንካነ ስኮ ማቄዝ ግሾስ ኡንታር በቲ ዎላ ኦꬄዛ።
ACT 18:4 ጳዉሎሳ ማላ ጋላስ ኡባይድ አይሁድታኔ ግርክታ አማንꬆዳይስ አይሁደ ዎሳ ኬꬃ ኡንታር ኦድንትዛ።
ACT 18:5 ስላሰኔ ጽማቶሳ መቅዶናፕ ይእን ጳዉሎሳ ፋ ዎደ ኡባ እንጊ አይሁድታይስ የሱሳ ኤ፥ ክርስቶሳ ግ አዛላ ባይꬅ ማርካትታር ቃላ ኦዴዛ።
ACT 18:6 ዝን ኡንቲ ጳዉሎሳና እጺ ኤዛ ጫዥን ጳዉሎሳ ፋ አፍላይፕ ቡልአ ትቂስታር፥ «ይ ሱꬃይስ ይንታን ኦይጮ፤ ታኒ Ꮊንፕ ጌሽ። Ꮊንፕ ማቂ፥ ታኒ አይሁደ ማቀካ አሳይኮ Ꮊማዳ» ዬጌዛ።
ACT 18:7 የይፕ ከዚ ጾስ ጎይንዛ ትቶሳ ዮስጾሳ ግዝ አꬃይ ካራ Ꮊንጌዛ። ዮስጾሳ ካራይ አይሁደ ዎሳ ኬꬃይ ካለ የዛ።
ACT 18:8 አይሁደ ዎሳ ኬꬅ ሀላቃይ ቃርስጶሳ ፋ ካራ አስ ኡባይር ጎዳ አማኔዛ። ቆሮንቶሳ አስታይፐካ ጋምታይ ጾስ ቃላ ስኤዝ ዎደ አማኒ ጻማቅንቴዛ።
ACT 18:9 ጎዳይ ፐቲ ቃማ ጳዉሎሳስ ቆንጭꬃር ይኢ፥ «ያሽትፐ፤ ኦዶባፕ አትን ስእ ጊፐ።
ACT 18:10 ታኒ ኔር የዛ። ታስ Ꮊ ካታማይድ፥ ጋመ አስ የዝ ግሾስ ነና ቆህ ኢታ ባዝ ኦꬆድ አስ ኦንካ ባያ» ዬጌዛ።
ACT 18:11 የይ ግሾስ፥ ጳዉሎሳ ጾስ ቃላ አሳ ታማርስታር ፐቲ ላይꬅኔ ኡሱፑን አጌና ኡንታር በቴዛ።
ACT 18:12 ጋሎሳ አካያ ቢታ አቅሶዳር አይሁድታይ ፐትፕ ጳዉሎሳል አፋ ደንዲ ፕርደ ኬꬅ ካንጊ፥
ACT 18:13 «Ꮊ አꬃይ ህገ እጺ፥ አሳይ ጾስ ጎይኖዳይ ጋርክ ኡድዛ» ዬጌዛ።
ACT 18:14 ጳዉሎሳ ናሾድ ሀኖዳር፥ ጋሎሳ አይሁድታይኮ፥ «አይሁድታዮ፥ የይ ኢታ ኦሶ ዎይ ናቆ ማቄዛኮ ታኒ ይ ባጋ ዳንዳእ ስኦዳይስ ቤዝዛ።
ACT 18:15 ዝን ቃላስ፥ ይ ሱንꬃይስኔ ይ ህጋይስ ይ ፓላምዛ ባዝ ማቅኮ ይ፥ ይንትስ ብሎይታ፤ የያ ታኒ ፕርዳሚ» ዬጌዛ።
ACT 18:16 ዬዚ፥ ኡንታን ፕርዳ ኬꬃይፕ ባለ ከሴዛ።
ACT 18:17 የይፕ ጉየ፥ አስ ኡባይ አይሁደ ዎሳ ኬꬅ ሀላቃ ሶስቴንሳ አይኪ ፕርደ ኬꬅ ቲና Ꮊꬌዛ። ዝን ጋሎሳስ የይ አብካ ኣዘካያ።
ACT 18:18 ጳዉሎሳ ጋመ ጋላስ ቆሮንቶሳ በቴዛይፕ ጉየ አማንዛ አሳ ሳሮꬅ፥ ጵርስቅልራኔ አቂላራ ማርካበር ሶራ Ꮊንጌዛ። ዝን ኤ Ꮊንጎዳይፕ ቲና ኤስ ጋꬆ የዝ ግሾስ ክንክሮሳ ካታማይድ ፋ ኦማ ሜዴዛ።
ACT 18:19 ኡንቲ ኤፈሶነ ሄሊ ጳዉሎሳ ጵርስቅላኔ አቂላ ኤዛይድ አሼዛ። ዝን ፓስ አይሁደ ዎሳ ኬꬅ ገሊ አይሁድታይራ ኦድንቴዛ።
ACT 18:20 ኡንቲ ፓር ጋመ ዎደ በቶዳይ ጋርክ ጳዉሎሳና ዎሴዛ ዝን ኤ እጼዛ።
ACT 18:21 ኡንታፕ ሻክንቲ፥ «ጾሲ ጊኮ ይንትኮ ማቂ የኦዳ» ዬጊ ኤፍሶነፕ ማርካበር ደንዴዛ።
ACT 18:22 ቅሳረ ሄሊ የሩሳላመ Ꮊንጊ ዎሳ ኬꬅ አሳይ ሳሮꬄዛይፕ ጉየ አንጾካ ቅቴዛ።
ACT 18:23 ኤዛይድ ጽቃ ዎደ ጋምኤዛይፕ ጉየ ታማርታ አስታ ኡባ ምንꬃꬅታር ጋላትያራኔ ጵርገር ኣꬌዛ።
ACT 18:24 ኢስክንድረ የለታ ማቄዝ ፐቲ አጵሎሳ ግዝ አይሁደ አስ ኤፈሶነ ቅቴዛ። ኤ ኦዳ ኤርዛ አስኔ ጾስ ቃላ ሎእꬂ ኤርዛ አሲ።
ACT 18:25 ኤ ጎዳ ኦጋ ታማሪ፥ አያናር ጹግንቲ የሱሳ ባጋ ሉለ ኦድዛኔ ታማርስዛ። ሀኖ ዝን፥ ዋንሳ ጽንቃታ ኣዳ ኤርዛ።
ACT 18:26 ኤ አይሁደ ዎሳ ኬꬃ ያሽተካዛር ታማርሴዛ። ጵርስቅላኔ አቂላ ኤ ኦድዛና ስኢ ኤዛ ፓር ካራ ካንጊ ጾሳ ኦጋ ቲናሳይፕ ኣꬂ ኤስ ኦዴዛ።
ACT 18:27 አጵሎሳ አካዛ Ꮊማዳይስ ኮይን ኤፈሶና የዝ አማንዛ አሳይ ኤ ቆፋ ኤኪ አካያ የዝ አማንዝታይ ኤዛ ሞኮዳይ ጋርክ ኡንትስ ዳብዳበ ጻፌዛ። ኤ ኤዛይድ ሄሊ ጾስ ኣꬎ ኬሄትꬃር የሱስ ክርስቶሳ አማኔዝታ ጋመ ማዴዛ።
ACT 18:28 የሱሳ ኤ ክርስቶሳ ማቄዛና አይሁድታይስ ጾስ ቃላይፕ ቆንጭሲ ዎያ ኡባይ ቲና ሚንꬂ ታማርሴዛ።
ACT 19:1 አጵሎሳ ቆሮንቶሳ የዝን፥ ጳዉሎሳ ዎክ ባጋ ጋደር ኣꬊ ኤፈሶነ ሄሌዛ። ኤዛይድ ፐቲ ፐቲ አማንዛ አስታ ደንጌዛ።
ACT 19:2 ኡንታናካ፥ «ይ አማኔዝ ዎደ ጌሻ አያና ኤኬኔ?» ዬጊ ኦይጬዛ። ኡንቲ፥ «ዋኣ፥ ኤከካያ፤ ሀራ አቶዝን፥ ጌሻ አያና የዛናካ ኑ ስኤካያ» ዬጌዛ።
ACT 19:3 ጳዉሎሳ ኡንትኮ፥ «የዝን፥ ይ አባር ጻማቅንቴኔ?» ዬጌዛ። ኡንቲ፥ «ኑኒ ዋንሳ ጽንቃታ ጻማቅንቴዛ» ዬጊ ማሄዛ።
ACT 19:4 ጳዉሎሳ፥ «ዋንሳ ፓፕ ጉየር ይእዝ የሱስና አሳይ አማኖዳይ ጋርክ አሳይስ ኦድታር፥ ማሮትꬅስ ቤዝዛ ጽንቃታ ጻማቄዛ» ዬጌዛ።
ACT 19:5 ኡንቲ የያ ስኢ ጎዳ የሱሳ ታማርታ ማቆዳይስ ኤ ሱንꬃር ጻማቅንቴዛ ጋላስ ጋላስ ጌሻ ማጻፍታ ናባብዛ።
ACT 19:6 ጳዉሎሳ ፋ ኩሻ ኡንታል አፋ ጋድን ጌሻ አያና ኡንታል አፋ ዎꬍን፥ ዱማ ዱማ ዶናር ኦድንቴዛ፤ ማ ትንቢተ ኦዴዛ።
ACT 19:7 የ አቃይድ ታጶ ናምኤ ማቅዝ አስታይ የዛ።
ACT 19:8 ጳዉሎሳ አይሁደ ዎሳ ኬꬅ ገሊ፥ ጾስ ካተትꬂ ባጋ ያሽተካዛር ፓላምታራኔ ሎእꬂ ቆንጭስታር ኡንታር ሀይꬒ አጌና ሄሎዳይስ ጋምኤዛ።
ACT 19:9 ዝን ኡንታፕ ፐታይ ፐታይ ꬉበ ማቂ ጋመ አሳይ ቲና ጎዳይ ኦጋ ጫዢ አማናም እጼዛ። ጳዉሎሳ አማንዝታ ኡንታፕ ሻጊ ኤኪ ጽራኖሳ ግዝ ትምርተ ኬꬃ ኡባ ዎደ ኡንታን ታማርሴዛ።
ACT 19:10 ጳዉሎሳ ናምኢ ላይꬅ ሄሎዳይስ ቃላ ኦዴዛ። የይ ግሾስ፥ ኢስያ የዝ አስ ኡባይ፥ አይሁድታይኔ አይሁደ ባዝታይ ጎዳይ ቃላ ስኤዛ።
ACT 19:11 ጾሳይ ጳዉሎሳ ኩሸ ዎልቃማ ማላባዝታ ኦꬄዛ።
ACT 19:12 የይ ግሾስ፥ አሳይ ኤ ጋላ ቦቼዝ ማራበ ዎይ ማኦ ሀርግንቴዝ አሳይስ ካንግዛ። ኡንትካ ፓጽዛ፤ ቱና አያንታይካ ኡንታፕ ከዝዛ።
ACT 19:13 ቱና አያንታ ከስታር ዩይዛ አይሁድታይፕ ፐታይ ፐታይ፥ «ጳዉሎሳ ሳባክዛ የሱሳ ሱንꬃይር ከዞይታ ግ ይንታን አዛዝዛ» ዬጊ፥ ቱና ጋለንታይ አይኬዝ አስታይል አፋ ጎዳ የሱሳ ሱንꬃ ጼጌዛ
ACT 19:14 አይሁደ ቄሰ ሀላቅታይፕ ፐታ ማቄዝ አስቄዋ ግንትዝ አꬃይስ የያ ኦꬅዛ ላፑን ꬊራꬅ ናእታይ የዛ።
ACT 19:15 ዝን ቱና አያናይ ኡንትኮ፥ «ታኒ የሱሳካ ጳዉሎሳ ባጋካ ኤርዛ፥ ዝን ይንቲ ኦናንታራ?» ዬጌዛ።
ACT 19:16 ቱና አያና አይኬዝ አꬃይ ኡንታል አፋ ዶንጊ ዎꬊ፥ ኡንታል ማዶꬅ ከሲ፥ የ ካርትፕ ካሎ ላሲ ꬋቦድ ሄሎዳይስ ዎልቃሚ ጋሜዛ።
ACT 19:17 ኤፈሶና የዝ አይሁድታይኔ አይሁደ ባዝታይ ኡባይ የያ ስኢ ኢታ ያሽቴዛ። ጎዳ የሱሳ ሱንꬃይ ጋመ ቦንችንቴዛ።
ACT 19:18 አማንዝታይፕ ጋምታይ ፋ ኦꬄዝ ኢታ ኦሳ ቡጽታራኔ ቆንጨ ኦድታር ይእዛ።
ACT 19:19 ሙሩንታይፕ ጋምታይ ፋ ማጻፍታ ሺሺ አስ ኡባይ ቲና ምቼዛ። የ ማጻፍታይ ዋጋይ ዋጋይ እሻታም ሙኩለ ብራ ማቄዛ።
ACT 19:20 የይ ጋርክ ሀኒ ጾስ ቃላይ ዎልቃር ድጭታራኔ ዳልግታር ቅቴዛ።
ACT 19:21 የይ ፖልንቴዛፕ ጉየ ጳዉሎሳ፥ «ታኒ የሩሳላመ ማቂ ኦሮመ Ꮊማዳይስ ቤዝዛ» ዬጊ ማቃዶናራኔ አካያራ ኣꬊ የሩሳላመ Ꮊማዳይስ ቆፋ አጬዛ።
ACT 19:22 ማ ፋና ማድዝታይፕ ናምእታ ጽማቶሳኔ ኤራስጾሳ ማቃዶና ኪቲ፥ ፓስ ኢስያ ጽቃ ዎደ ጋምኤዛ።
ACT 19:23 የ ዎደ Ꮊ ኦጋይ ግሾስ ኢታ ካቺ ከዜዝ።
ACT 19:24 ፐቲ ብራ ኦꬅዝ ድመጽሮሳ ግንትዝ አꬃይ አርጸምሳ ኤቃ ካራ ምስለ ብራፕ መꬊ ጋመ ዎ ደንግዛዝን።
ACT 19:25 የይ ግሾስ፥ የይ ጋርክ ኦሶ ኦꬅዝታ ፐትፕ ሺሺ፥ «አሳዮ፥ ኑ ዱረትꬃይ Ꮊ ኦሳይፕ ማቄዛና ይ ኤርዛ።
ACT 19:26 ጳዉሎሳ፥ Ꮊይ ‹አስ ኩሸ ኦስንቴዝታይ ጾስ ባያ› ዬጊ፥ ኤፈሶናራኔ ጽቃ ቢትታይፕ አትን ሙመ ኢሳ ቢታ ኡባይል የዝ ጋመ አሳይስ ኦዲ አማንꬄዛኔ ማሄዛ ይ በኤዛኔ ስኤዛ።
ACT 19:27 መቶ ማቄዛይ፥ ኑ ኦሳይ ለቅንቴዝታ ኣዳ ባዝን ኢሳኔ ጋደ ኡባይል የዝ አስ ጎይንዛ ግታ ጾስኔ አርጸምሳ ካራይ ኦድንተካ አቶዳይኔ ኤ ዳሞትꬃይካ ዎꬎዳይ ያሽዛ» ዬጌዛ።
ACT 19:28 አሳይ የያ ስኢ ሸነር ኩሚ፥ «ኤፍሶና አርጸምሳ ባይራ» ዬጊ ኡኬዛ።
ACT 19:29 የ ኡፋይ ካታማ ኡባ ሄሌዛ። ጳዉሎሳ ላግታ ማቃዶና አስታ፥ ጋዮሳኔ አርስጽሮኮሳ ኡንታር ዎላ ዳፍ ኤኪ ካእዛ አቃ ዎጼዛ።
ACT 19:30 ጳዉሎሳካ አሳይ ሺቄዝ አቆ ገሎዳይስ ኮዬዛ፥ ዝን አማኔዝታይ ኤዛ ካዬዛ።
ACT 19:31 ኢሳ ቢታ ሀላቅታይፕ ጳዉሎሳስ ዣመ ማቄዝ ፐታይ ፐታይ ጳዉሎሳኮ ኪቲ፥ «ካእዛ አቆ ቆንጨር ከዚ በንትፐ» ግ ኤዛ ዎሴዛ።
ACT 19:32 ሺቄዝ አሳይስ ሀኖድ ባዝ ꬋቤዛ፤ ጋንግዛ ባጋ አሳይ ሀራ አቶዝን አብስ ሺቄዛኮ ኤረካዛይ ግሾስ ፐታይ ፐትባዝ ግ ኡክዛ ማ Ꮊንክታይ ሀራ ባዝ ግ ኡክዛ።
ACT 19:33 አይሁድታይ ኢስክንድሮሰ ግዝ አꬃ ዎያ ጋንጨፕ ቲና ኡርቄዝ፥ ፐቲ ፐቲ አሳይ ኤ ጎድባዛ ኦድን ኤዚ አሳይ ስእ ጎዳይ ጋርክ ፋ ኩሻይር ማሊ ቤዚ፥ አሳይስ ሞትንቶዳይስ ኤቄዛ።
ACT 19:34 ዝን ኢስክንድረ አይሁደ አስ ማቄዝ አሳይ ኤሪ ናምኢ ሳተ ማቆድ ሄሎዳይስ ኡባይ ፐቲ ቃላር፥ «ኤፈሶና አርጸምሳ ዳማ» ዬጊ ኡኬዛ።
ACT 19:35 ዉርስꬃ የ ካታምቲ ጻፋይ ዎያ ስኢ ኡዲ፥ «ኤፈሶና አሶ! ኤፈሶና ካታማይ ግታ አርጸሚሳስ ኤቃ ካራኔ ሳሎፕ ዎꬌዝ፥ ግታ ሹች ናግዛ ማቄዛና ኤሮዋ አስ ኦኖ?
ACT 19:36 Ꮊያ ላህዛ አስ ባ ማቅኮ ይ ስእ ጎዳይስነ ኤልሲ እታ ባዝ ኦꬆፕ ናግንቶዳይስ ቤዝዛ።
ACT 19:37 ይ Ꮊ አስታ፥ ኤቃ ኬꬅ ሚሸ ካስተካዝታኔ ኑ ጾስታ ጫዢ በኤካዝታ ከኤዛ።
ACT 19:38 የይ ግሾስ፥ ድመጽሮሳኔ ኤዛር የዝ ኦሳንችታይ ኦራካ ሞትንቶ ኮይኮ፥ ፕርደ ኬꬅ የዛ፤ ዳይንታይካ የዛ፤ ኡ ሞቶዳይስካ ዳንዳእዛ።
ACT 19:39 ዝን ይ ሀራ ኦዳ ኮይኮ፥ ሻንጎ ሺቆል ኦዳይ ብእንቶ።
ACT 19:40 የይ ማቃም እጽኮ Ꮊይኖ ሀኔዝባዛይስ ኦሮመ ካተትꬃይ ኑና ኦይጮዳ። Ꮊ ቡቅꬃይስ ጋሶ ባ ግሾስ ኑኒ ማልሰ ማሆዳይስ ዳንዳኦያ»
ACT 19:41 ዬጊ ሺቃ ላሌዛ።
ACT 20:1 ጫቦትꬃይ ሀይዜዝን ጳዉሎሳ አማንዛ አስታ ጼግሲ ኡንታን ምንꬃꬄዛይፕ ጉየ ሳሮꬅ ማቃዶና Ꮊማዳይስ ከዜዝ።
ACT 20:2 ኤ ኣꬊዝ ቢታይድ የዝ አማንዛ አሳይስ ዞረ ቃላ ኦዲ ምንꬃꬄዛይፕ ጉየ ግርኬ ጋደ ቅቴዛ።
ACT 20:3 ኤ ኤዛይድ ሀይꬒ አጌና በቲ፥ ማርካበር ሶራ Ꮊማዳይስ ሙርቲ የዝን፥ አይሁድታይ ኤዛ ዎꬎዳይስ ኮዥዛና ኤሪ ማቃዶናር ጉየ ማቆዳይስ ኮዤዛ።
ACT 20:4 ጳዉሎሳ ሞይዜዛ ቤራፐ ጳርሁሳ ናአ ሶጳጽሮሳ፥ ተሰሎንቀፕ አርስጽሮኮሳኔ ስኮንዱሳ፥ ደርበፕ ጋዮሳ፥ ኢስያፕ ትክቆሳ፥ ጽሮፍሞሳኔ ጽማቶሳ።
ACT 20:5 የይትታይ ቲና Ꮊንጊ ኑና ጽሮአዳል ናግዛ።
ACT 20:6 ኑኒ ቦራ ባለ ቦንቼዛይፕ ጉየ ፕልጲሶሳፕ ማርካበር ደንዲ፥ እችንꬃ ጋላስ ኡንታን ጽሮአዳ ሄሊ ኤዛይድ ላፑን ጋላስ ጋምኤዛ።
ACT 20:7 ሳምንታፕ ቲና ጋላስ ኑኒ ቦራ ዎላ ማዳይስ ሺቂ የዝን፥ ጳዉሎሳ ዎንትꬃ Ꮊማዳይስ ቆፔዝ ግሾስ ኡንትስ ቃላ ኦድታር ግዲ ብላሄ ሄሎዳይስ ኦዳ አዱስሴዛ።
ACT 20:8 ኑኒ ሺቂ በቴዝ ፖቃይል ፖኦ ዋዢ ጌዝን።
ACT 20:9 ኤዉጽኮሳ ግንትዝ ፐቲ ፓንꬃይ ማስኮተል አፋ በቲ፥ ፋና ዶጊ ገንቴዛ። ጳዉሎሳ ኦዳ አዱሴዛይፕ ኤዉጽኮሳ ገንታ ኣፈር ሃይꬒንꬆ ፖቃይፕ ዎꬊ Ꮊይቄዛና አሳይ ደንꬄዛ።
ACT 20:10 ዝን ጳዉሎሳ ዎꬊ፥ ኤዛል አፋ ጹጉኒ። ኤዛ እድንጊ፥ «ኤ Ꮊይቀካያ፥ ህርግፓተ» ዬጌዛ።
ACT 20:11 የይፕ ጉየ፥ ፉደ ፖቄል አፋ ከዚ ቦራ ባጺ ሜዛ። ሳአ ዎንቶድ ሄሎዳይስ አሳይስ ኦዴዛይፕ ጉየ ደንዲ ቅቴዛ።
ACT 20:12 የ ፓጼዝ ፓንꬃ ካራ ካንጊ ጋመ ኡፋይቴዛ።
ACT 20:13 ዝን ጳዉሎሳ ፋና ኤዛይፕ ሞኮዳይ ጋርክ ኑስ ኦዴዛይ ግሾስ ኑ ቲናቲ ማርካበኮ Ꮊንጊ፥ አሶና Ꮊማዳይስ ደንዴዛ። አብስ ጊኮ፥ ኤ ቶከር Ꮊማዳይስ ቆፔዝ ግሾስ ኑና የይ ጋርክ ኪቴዛ።
ACT 20:14 ኤ ኑና አሶና ሄልን ማርካበር ኤዛ ኤኪ ምጽልነ የኤዛ።
ACT 20:15 ዎንትꬃ ጋላስ ኤዛይፕ ደንዲ ማርካበር ክዮሳስ ቲና ባጋር የዝ አቃ ሄሌዛ፤ ማ ዎንትꬃ ጋላስ ሳሞሳ ፒንጊ ካልዛ ጋላስ ምልጸ ሄሌዛ።
ACT 20:16 ጳዉሎሳ ኢስያ ጋመ ጋምኦዳይስ ኮየካ ግሾስ ኤፈሶነ ካንታር ኣꬎዳይስ ቆፔዛ። ፓስ ዳንዳእንትኮ ጰንጸቆስጸ ባለ ጋላስ የሩሳላመ ሄሎዳይስ ኤልስዛ።
ACT 20:17 ጳዉሎሳ ምሊጸፕ ኤፈሶና ኪቲ ዎሳ ኬꬅ ጭምታ ጼግሴዛ።
ACT 20:18 ዎሳ ኬꬅ ጭምታይ ኤዝኮ ይእን፥ ኡንትኮ Ꮊይ ጋርክ ዬጌዛ፦ «ታኒ ኢሳ ገሌዝ ቲና ጋላሳፕ አይኪ ይንታር የዜዝ ዎደ ኡባይድ ዋይዚ የዜዛኮ ይ ኤርዛ።
ACT 20:19 አይሁድታይ ማቅንቲ ታል አፋ መቶ ሄልꬅኮካ ታኒ ሃዮትꬃራኔ ጋመ አፉꬃር ጎዳይስ ኦꬄዛ።
ACT 20:20 አይደካ ይ ካራ ካራ ይንታን ታማርስታር ይንታን ማዴዛይፕ ፐትባዝካ ፓጭንቸካያ።
ACT 20:21 ታኒ አይሁድታይስኔ አይሁደ ባዝታይስ ናጋራፕ ጾስኮ ማቆዳይ ጋርከኔ ኑ ጎዳ የሱሳ አማኖዳይ ጋርክ ማርካቴዛ።
ACT 20:22 «ኤዛይድ ታና አብ ሄሎዳዛኮ ኤሮያ፥ Ꮊት ታኒ ጌሻ አያናስ ኪትንቲ የሩሳላመ Ꮊንግዛ፦
ACT 20:23 ዝን ጌሻ አያናይ አችኔ ዋየ ታና ናግዛና ካታማ ኡባይድ ታስ ማርካቴዛ።
ACT 20:24 ዝን ታ ላሶ ፖሎዳይስኔ ጎዳ የሱሳፕ ኤኬዝ ኦሳ፥ ጾስ ኣꬎ ኬሃትꬅ ዎንግለ ማርካትዛ ፖልዛ ታ ሸምፓቶ ፓꬆዋ ባዝ ጋርክ ፓይድዛ።
ACT 20:25 «ታኒ Ꮊተካ ጾስ ካተትꬅ ማርካትታር ይ ኡቢታይ ጋንጨር ዩዬዛ። ይከፕ ጉየ ይንትፕ ኦንካ ታና በአማና ኤርዛ።
ACT 20:26 የይ ግሾስ፥ ይንትፕ ፐቲ አስ ꬋብኮካ ታ ኦይጭንታማና Ꮊይኖ ይንትስ ምልጽ ኡዲ ኦድዛ።
ACT 20:27 ጾስ ዞረ ኡባ ይንትስ አብካ አሸካዛር ኦዴዛ።
ACT 20:28 «ፋ ኣዳስ ፋ ሱꬃር ዎዜዝ ጾሳ ዎሳ ኬꬃ ናጎይታ። ጌሻ አያናይ ይንታን ዉደ ሄንግዝታ ኡዲ ሹሜዝ ዉዳይስኔ ይ ኡባይስ ናግንቶይታ።
ACT 20:29 ታኒ Ꮊንጌዛይፕ ጉየ፥ ዉዳይስ ቃꬊንቶዋ ኢታ ፑግታይ ይ ጋንጨ ገሎዳና ታ ኤርዛ።
ACT 20:30 አማንዝታ ፋ ላሳ ካልꬅዛ ዎርዶ አስታማርታይ ይ ጋንጨፕ ደንዶዳ።
ACT 20:31 የይ ግሾስ፥ ታኒ ሀይꬒ ላይꬅ ቃማኔ ጋላስ አፉꬃር ይንታን ኦማስ ኦማስ ምንꬃꬄዛ ቆፕታር ናግንቶይታ።
ACT 20:32 «Ꮊተካ ይንታን ምንꬆዳይስ ጌሽ አሳይር ላትሶዳይስ ዳንዳእዛ ጾስስኔ ኤ ኣꬎ ኬሃተꬅ ቃላይስ ይንታን ሀዳራ እንግዛ።
ACT 20:33 «ታኒ ኦፐካ ብራ ዎይ ዎርቃ ዎይ አፍላ አሞተካያ።
ACT 20:34 ታኒ ታ ኩሸር ኦꬂ ታናኔ ታር የዝታ ኮሽዛ ባዝ ማዴዛ ይ፥ ይ ኦማስ ኤርዛ።
ACT 20:35 ይ Ꮊይ ጋርክ ዳቡሪ ኦꬅታር ዳቡሬዝታ ማዶዳያኔ ጎዳ የሱሳ፥ ‹ኤክዛይፕ እንግዛይ አንጅንቴዛ› ጌዝ ቃላ ይ ቆፖዳይስ ቤዝዛ ታኒ ይንታን ኡባ ባዛር ቤዜዛ» ዬጌዛ።
ACT 20:36 ጳዉሎሳ የያ ኦዲ ሃሲ ኡ ኡቢታይራ ጉልባቲ ጾሳ ዎሴዛ።
ACT 20:37 ኡ ኡቢታይካ ጳዉሎሳና እድንጊ ዬክታር ዬሬዛ።
ACT 20:38 ኤ ማሂ፥ «Ꮊይኖፕ ጉየ ታና ይ በኣሚ» ዬጌዝ ቃላይ ኡንታን ኢታ አዛንꬄዛ። ኡንቲ ማርካባ ሄሎዳይስ ኤዛ ሞይዜዛ።
ACT 21:1 ኑኒ ኤፈሶና ጭምታይፕ ሻክንቴዛን ጋርክ ማርካበር ቆሰ Ꮊንጌዛ። ዎንትꬃ ጋላስ ሩደ ሄሊ ኤዛይፕ ጳጽራ Ꮊንጌዛ።
ACT 21:2 ፕንቀ ፒንግዝ ማርካበ ደንጊ ኤዛይድ ገሊ Ꮊማዳይስ ደንዴዛ።
ACT 21:3 ኑኒ ቆጲሮሳ በኤዛን ጋርክ፥ ሀድርስ ባጋ አሺ ሶራ Ꮊንጌዛ። ማርካባይ ፋ ጫና ኤዛይድ ዎꬆዳይስ ኮዬዝ ግሾስ ጽሮሳ Ꮊንጌዛ።
ACT 21:4 ኤዛይድ አማንዛ አስታ ደንጌዛ ኡንታር ላፑን ጋላስ በቴዛ። ጳዉሎሳ የሩሳላመ Ꮊንጋማይ ጋርክ ኡንቲ ኤስ አያናር ኦዴዛ።
ACT 21:5 ኑኒ ኡንታር በትዛ ዎዳይ ዉርን ከዚ Ꮊንጌዛ። ኡንቲ ኡባይ ፋ ማችታይራኔ ፋ ናእታይር ፐቲ ካታማፕ ጋጻ ከሲ ኑና ሞይዜዛ። ኑኒ አባ ላንቀ ቡንቂቲ ጾሳ ዎሴዛ።
ACT 21:6 የይፕ ጉየ፥ ዎል ሳሮꬂ ኑ ማርካባይድ ገሌዛ፤ ኡንትካ ፋ ካራ ማቄዛ።
ACT 21:7 ኑኒ አባል አፋር ኦጋ ሃሲ፥ ጽሮሳፕ ጰጸለማሳ ሄሌዛ። ኤዛይድ አማንዛ አስታ ሳሮꬂ፥ ኡ ካለ ፐቲ ጋላስ ፔዤዛ።
ACT 21:8 ዎንትꬃ ጋላስ ከዚ፥ ቅሳረ Ꮊንጌዛ። ሳባኬ ፍልጶሳ ካራ ሄሊ ኤ ካለ በቴዛ። ኤ የሩሳላመ ቲን ዶርንቴዝ ላፑንታይፕ ፐታ።
ACT 21:9 ፍልጶሳስ ናበ ማቄዝ ኦይዲ ዉድር ናእታይ የዛ።
ACT 21:10 ኑኒ ኡንደና ጋላስ ኤዛይድ በቲ የዝን አጋቦሳ ግዝ ናባይ ይሁዳፕ ቅሳረ የኤዛ።
ACT 21:11 ኑኮ ይኢ ጳዉሎሳፕ ሳቃ ኤኪ ፋ ኩሻኔ ፋ ቶካ አጪ፥ «ጌሻ አያናይ Ꮊ ሳቃይ ጎዳ፥ የሩሳላመ አይሁድታይ Ꮊይ ጋርክ አጪ፥ አይሁደ ማቀካ አሳይስ ኣꬂ እማዳ ዬግዛ» ዬጌዛ።
ACT 21:12 ኑኒ የያ ስኢ ኑኔ ኤዛይድ የዝ አስታይ ጳዉሎሳ የሩሳላመ Ꮊንጋማይ ጋርክ ዎሴዛ።
ACT 21:13 ዝን ጳዉሎሳ ማሂ፥ «ይ Ꮊይ ጋርክ ዬክታር አብስ ታ ዎዝና ሹግሸ? ታኒ፥ ጎዳ የሱሳ ሱንꬃይ ግሾስ አች ኣዳ ባዝን የሩሳላመ Ꮊይቆዳይስካ ጊግንቴዛ» ዬጌዛ።
ACT 21:14 ኑ ዞራ ኤ ኤካም እጽን፥ «ጎዳይ ሸነ ማቆ» ዬጊ ስኢ ጌዛ።
ACT 21:15 ኤዛይድ ጽቃ ዎደ ጋምኤዛይፕ ጉየ ጊግንቲ የሩሳላመ Ꮊማዳይስ ከዜዝ።
ACT 21:16 ቅሳረ የዝ አማንዛ አስታይፕ ጽቅታይ ኑር Ꮊንጎይታ ጌዛ። ኡንቲ ኑኒ ሸምፖዳይስ ምናሶና ግዝ ቆጲሮሳ አꬃይ ካራ ካንጌዛ። ምናሶና ቲን አማኔዝ አሳይፕ ፐታ።
ACT 21:17 ኑኒ የሩሳላመ ሄልን አማንዛ አሳይ ኑና ኡፋይሳር ሞኬዛ።
ACT 21:18 ዎንትꬃ ጋላስ ጳዉሎሳ ኑር ዎላ ያይቆባኮ Ꮊንጌዛ። ዎሳ ኬꬅ ጭምታይ ኡቢታይካ ኤዛይድ የዛ።
ACT 21:19 ጳዉሎሳ ኡንታን ሳሮꬄዛይፕ ጉየ አይሁደ ማቀካ አሳይ ጋንጨ ፋ ባጋር ጾሲ ኦꬄዝ ባዝታ ኡባ ኡንትስ ኦዴዛ።
ACT 21:20 ኡንቲ የያ ስኢ ጾሳ ጋላቲ ጳዉሎሳኮ Ꮊይ ጋርክ ዬጌዛ፦ «ኑ እሻዮ፥ አይሁድታይ ጋንጨ ኣፑን ሙኩልታይ ጾሳ አማኔዛኮ ነ ብእዛ፤ ኡንቲ ኡባይካ ህጋ ሚንꬂ ናግዛ።
ACT 21:21 ኔኒ አይሁደ ባዝታይ ቢታ የዝ አይሁደ ኡባይ ፋ ናእታ ዶካላማይ ጋርክ፥ አይሁድታይ ዎጋ ካላማይ ጋርከኔ ሙሰ ህጋ እጾዳይ ጋርክ ኔኒ ታማርስዛና የሩሳላመ የዝ አይሁድታይ ስኤዛ።
ACT 21:22 የዝን አቢ ሎኦ? ኔ ይእꬃ ቱማካ ኡ ስኦዳ።
ACT 21:23 «የይ ግሾስ፥ ኑኒ ኔስ ኦድዛና ስኦባ፤ ጋꬆ የዝ ኦይዲ አስታይ ኑ ካለ የዛ።
ACT 21:24 ኡንታን ኤኪ ኡንታራ ጌዦባ፤ ማ ኡንቲ ፋ ኦማ ሜድንቶዳይ ጋርክ ኡንትስ ሚሸ እንጎባ። ኡንቲ ቲና ነ ባጋ ስኤዛይ ቱማ ባዛኔ ኔኒ ነ ኡባስካ ህገ ናግዛ አስ ማቄዛና ኡባይ ኤሮዳ።
ACT 21:25 «ዝን አማኔዝ አይሁደ ማቀካ አስታ ማቅኮ፥ ኡንቲ ኤቃስ ያርሽንቴዝ ባዝ ማማይ ጋርክ፥ ሱꬅ ኡዣማይ ጋርክ፥ ባዉታ ማማይ ጋርከኔ ላግታማይ ጋርክ፥ ኑኒ ኦዳ አጪ፥ ኡንትስ ዳብዳበ ጻፌዛ» ዬጌዛ።
ACT 21:26 የይፕ ጉየ፥ ጳዉሎሳ ዎንትꬃ ጋላስ አስታ ኤኪ፥ Ꮊንጌዛ። ኤ ፋ ጌዥዝ ጋላሳይ አይደ ፖልንቶዳዛኮ ኤርሶዳይስኔ ፋ ያርሾ አይደ ያርሾዳዛኮ ኤርሶዳይስ ጾስ ኬꬃ ገሌዛ።
ACT 21:27 ላፑን ጋላሳይ ዉሮድ ሀኖዳር፥ ኢሳፕ የኤዝ አይሁድታይ ጾስ ኬꬃ ጳዉሎሳ ብኢ፥ አስ ኡባ ደንꬅꬂ ጳዉሎሳ አይኬዛ።
ACT 21:28 «እስሬለ አሳዮ፥ ኑና ማዶይታ፤ Ꮊ አꬃይ፥ ኑ ህጋኔ Ꮊ ጾስ ካራና እጾዳይ ጋርክ አስ ኡባ ኡባ አቆ ታማርስዛ አꬃይ Ꮊያ። የይካ ግዳም እጽን አይሁደ ባዝታ ጾስ ካራ ገልሲ፥ Ꮊ ጌሽ አቃ ቱንሴዛ» ዬጊ ኡኬዛ።
ACT 21:29 ኡንቲ የያ ጌዛይ ቲና ኤፈሶና ጽሮፍሞሳና ጳዉሎሳር ዎላ ካታማይድ በኤዝ ግሾስ Ꮊት ጳዉሎሳ ጾስ ካራ ኤዛ ኤኪ ገሌዝባዝ ኡንትስ ኣዜዛ።
ACT 21:30 ካታማ ኡባይ ሻርክሻርኬዛ፤ አሲ ኡባይ ሺቂ ጳዉሎሳ አይኪ ጾስ ካራፕ ጎቺ ባለ ከሴዛ። ጾስ ካራ ፐንግታይ ኤልሲ ጎርድንቴዛ።
ACT 21:31 አሳይ ጳዉሎሳ ዎꬎድ ሀኖዳር፥ «የሩሳላመ ካታማ ኩንꬃይ ቡቂንቴዛ» ግዝ ኦዳይ ኦሮመ ሻላቃይኮ ሄሌዛ።
ACT 21:32 ሻላቃይ ዎታዳርታኔ ማቶ ሀላቅታ ኤኪ ላስታር የኤዛ። አሳይ ሻላቃኔ ዎታዳርታ ብኢ ጳዉሎሳ Ꮊꬍዛና አሼዛ።
ACT 21:33 የ ዎደ ሻላቃይ ሺቂ፥ ጳዉሎሳ አይኪ፥ ናምኢ ሳንꬃላተር አጭንቶዳይ ጋርክ ኪቴዛ። ዬዚ፥ ኤ ኦናዛኮኔ አብ ኡዴዛኮ አሳ ኦይጬዛ።
ACT 21:34 አሳይፕ ባጋይ Ꮊያ ግ ኡኮዳር Ꮊንክታይ የያ ግ ኡክዛ። ጫቦታይ ዳሬዝ ግሾስ ሻላቃይ ቱማ ሻኮዳይስ ዳንዳእንታም እጽን፥ ዎታዳርታይ ጳዉሎሳ ፋ የዛ አቆ ካንጎዳይ ጋርክ አዛዜዛ።
ACT 21:35 ጳዉሎሳ የꬊ ከዜዝ ደꬃ ሄሎዳር አስ ኡርቅꬃይ ግሾስ ዎታዳርታይ ኤዛ ቶኬዛ።
ACT 21:36 ጋመ አሳይ፥ «ኤ Ꮊይቆ!» ዬጊ ኡክታር ካልዛ።
ACT 21:37 ዎታዳርታይ ጳዉሎሳ ፋ የዛ አቆ ገልሶድ ሀኖዳር፥ ጳዉሎሳ ሻላቃይኮ፥ «ታ ኔስ ፐትባዝ ኦዶዳይ ጋርክ ኡዶዴ?» ዬጌዛ። ኤ ጳዉሎሳኮ፥ «ኔኒ ግርኬ ዶና ኤርኔ?
ACT 21:38 ኔኒ Ꮊይፕ ቲና ቡቅꬅ መꬊ ሸምፖ ዎꬌዝ ኦይዲ ሙኩለ አስታ ኤኪ ሊዦ ጋꬋ ገሌዝ ግብጸ አꬃይ ነና ባሳ?» ዬጌዛ።
ACT 21:39 ዝን ጳዉሎሳ፥ «ታኒ፥ ክልቃ የዝ ኤርንቴዝ ተርሰሰ ካታማ አስ ማቄዝ አይሁደ አሲ። ሀያና ታና አሳይስ ኦድሶየ?» ዬጌዛ።
ACT 21:40 ሻላቃይ ኤዝኮ፥ «ኦዶባ» ዬግን ጳዉሎሳ ደꬃል አፋ ኤቂ፥ አሳይ ስእ ጎዳይ ጋርክ ፋ ኩሸር ማሌዛ። አሳይ ስእ ግን እብራይስጸ ዶናር Ꮊይ ጋርክ ዬጌዛ፦
ACT 22:1 «ታ እሹንꬆ፥ ታ አዱንꬆ፥ ታኒ Ꮊት ይንትስ እንግዛ ማልሳ ስኦይታ።»
ACT 22:2 ጳዉሎሳ ኡንትስ እብራይስጸ ዶናር ኦድዛ ስኢ ካሴሳይፕ አꬂ ስኢ አቴዛ። ኤ ዬጌዛ፥
ACT 22:3 «ታኒ ክልቃ የዝ ጸርሴሰ የልንቲ Ꮊ ካታማይድ ድጬዛ። ታ አስታማረይካ ጋማላለ፤ ታኒ ኑ አድታይ ህጋ ሚንꬂ ታማሬዛ፥ Ꮊይኖ ይ ኡባይ ሀንዛይ ጋርክ ጾሳይስ ምሽንትዛ አይሁደ አሲ።
ACT 22:4 ታኒ Ꮊ ኦጋ ካልዛ ማችታይኔ ꬊራꬅታ አይኪ አች ኬꬃ ኦልታራኔ ኡንታን ዎꬍሶድ ሄሎዳይስ መቶ ቤዜዝ አሲ።
ACT 22:5 የይ ጋርከካ፥ ቄሰ ሀላቃይኔ ሻንጎ ኡባይ ታባዝ ማርካቶዳይስ ዳንዳእዛ። ታኒ ዳማስቆ የዝ ኡ እሽታይስ ኡንታፕ ዳብዳበ ኤኪ ኤዛይድ የዝ አስታይ አጭንቲ ሴርንቶድ ጋርክ የሩሳላመ ኮኦዳይስ Ꮊንጌዛ።»
ACT 22:6 «ታኒ Ꮊንጊ ዳማስቆ ሄሎዳር ሴታ ጋላስ ቆፐካ ሳሎፕ ግታ ፖኦ ታ ካላይር ፖኤዛ።
ACT 22:7 ታኒ ሳአ ፖኪ የዝን፥ ‹ሳኦላ፥ ሳኦላ፥ ታና አብስ ባይእኔ?› ግዝ ቃላ ስኤዛ።
ACT 22:8 ታኒ ማሂ፥ ‹ጎዳዮ፥ ኔኒ ኦኖ?› ዬጌዛ። «ኤ ማሂ፥ ‹ታኒ፥ ነ ባይእꬅዝ ናዝረተ የሱሳ› ዬጌዛ።
ACT 22:9 ታር የዝታይ ፖአ በኤዛይፕ አትን ታስ ኦድዛ ቃላ ስኤካያ።
ACT 22:10 «ታኒ፥ ‹ጎዳዮ፥ ታ አብ ኡዶ?› ዬጌዛ። «ጎዳይ ታኮ፥ ‹ደንዲ ዳማስቆ Ꮊንጎባ። ነ ኡዶዳይ ጋርክ ጾስ ቆፔዝባዝ ኡባ ባዝ ኤዛይድ ኔስ ኦድንቶዳ› ዬጌዛ።
ACT 22:11 የ ዎልቃማ ፖአይፕ ደንዴዛይድ ታ ኣፋይ በአም እጽን፥ ታር የዝ አስታይ ታ ኩሻ አይኪ፥ ታና ጎችን ዳማስቆ ሄሌዛ።
ACT 22:12 «ዳማስቆ የዝ አይሁደ ኡባይ ኡንደና ቦንችዛ ፐቲ ሀናና ግዝ አꬃይ፥ ኑ ህጋ ቦንችዛይኔ ጾሳ ሚንꬂ ዎስዛይ የዛ።
ACT 22:13 ሀናና ታኮ ይኢ፥ ታ ካለ ኤቂ፥ ‹ታ እሻዮ ሳኦላ፥ ቦኦባ› ዬጌዛ። ኤልሲ ታኒ ኤዛ በኦ አይኬዛ።
ACT 22:14 «ኤ ታኮ፥ ‹ኑ አድታይ ጾሳይ ኔኒ ኤ ሸነ ኤሮዳይ ጋርክ፥ ጽላ በአዳይ ጋርከኔ ኤ ዶናፕ ቃላ ስኦዳይ ጋርክ ቲናቲ ነና ዶሬዛ።
ACT 22:15 ነ በኤዝባዝኔ ስኤዝ ባዝ አስ ኡባ ቲና ኤስ ማርካ ማቆዳ።
ACT 22:16 Ꮊት አብስ ጋምኤ? ደንዲ ጻማቅንቶባ፤ ኤ ሱንꬃ ጼግታር ነ ናጋራይፕ ሜጭንቶባ› ዬጌዛ።
ACT 22:17 «ታኒ ጉየ የሩሳላመ ማቂ ጾስ ኬꬃ ዎሶዳር፥ ታስ ቆንጭꬂ በንቴዛ።
ACT 22:18 ቆንጭꬃር ጎዳይ ታኮ፥ ‹ነ ታስ ማርካትዝ ማርካትꬃ አሳይ ኤከካ ግሾስ ኤልሲ የሩሳላመፕ ከዞባ› ዬጎዳር ታ በኤዛ።
ACT 22:19 «ታኒ፥ ‹ጎዳዮ፥ አይሁደ ዎሳ ኬꬅ ኡባይድ ነና አማንዝታ አይኪ Ꮊꬌዛኔ አች ካራ ኦሌዛ ኡንቲ ኤርዛ።
ACT 22:20 ኡንቲ ነ ማርካ ኢስጽፋኖሰ ዎꬎዳር ታኒ የ ኦዳይድ አሳይር ቶቤዛ። ማ ኡ ካለ ኤቂ ኤዛ ዎꬌዝታይስ ማኦ ናግዛ› ዬጌዛ።
ACT 22:21 «ጎዳይ ታኮ፥ ‹ታኒ ነና አይሁደ ማቀካ አሳይኮ ሃኮ አቆ ኪቴዛይ ግሾስ ደንዲ ቅቶባ› » ዬጌዛ።
ACT 22:22 ጳዉሎሳ የ ቃላ ኦዲ ሃሶድ ሄሎዳይስ አሳይ ኤ ግዛ ስእዛ። የይፕ ጉየ፥ ፋ ቃላ ꬎቅ ኡዲ፥ «Ꮊያ ቢታይፕ ꬋብሶባ! ኤ ሸምፖር የዞዳይስ ቤዞያ» ዬጌዛ።
ACT 22:23 ኡንቲ ኡክታራኔ፥ ፋ ማኦ አፋ ዳክታራኔ ባና አፋ ደንꬆዳር፤
ACT 22:24 ሻላቃይ ብኢ ዎታዳርታይ ጳዉሎሳና ኡ ፋ የዛ አቆ ካንጎዳይ ጋርክ ኪቴዛ። ማ አሳይ አብስ የይ ጋርክ ኡክዛኮ ኤሮዳይስ ኮዪ ጳዉሎሳ አላንጋር ጋራፊ ፕላጎዳይ ጋርክ ኡንታን ኪቴዛ።
ACT 22:25 ዝን ዎታዳርታይ ጳዉሎሳ ዳፈር ሚንꬂ አጪ ጋራፎድ ሀኖዳር ጳዉሎሳ ፋ ካለ ኤቄዝ ማቶ ሀላቅታይኮ፥ «ኦሮመ አስ ፕርዳ ባይꬅ ጋራፍዛይ ይንትስ ዎጋ?» ዬጌዛ።
ACT 22:26 ማቶ ሀላቃይ የያ ስኢ ሻላቃይኮ Ꮊንጊ፥ «Ꮊ አꬃይ ኦሮመ አሲ። ኔኒ አብ ኦꬆዳይስ ቆፔኔ?» ዬጊ ኦይጬዛ።
ACT 22:27 ሻላቃይ ጳዉሎሳኮ ሺቂ፥ «ኔኒ ኦሮመ አሶ? አን ታስ ኦዶባ» ዬጌዛ። ጳዉሎሳ፥ «ኤ» ዬጌዛ።
ACT 22:28 ሻላቃይ ማሂ፥ «ታኒ Ꮊ ጋደትꬃ ጋመ ሚሸር ዎንጌዛ» ዬጌዛ። ዝን ጳዉሎሳ፥ «ታ Ꮊ ጋደትꬃ የለትꬃር ደንጊ ኤኬዛ» ዬጌዛ።
ACT 22:29 የይ ግሾስ፥ ጳዉሎሳ ፕላጎዳይስ ቆፔዝታይ እዝር ኤፕ ሻክንቴዛ። ሻላቃይ ኦሮመ አስ ማቄዛና ኤሪ አጭሴዛይስ ያሽቴዛ።
ACT 22:30 ዎንትꬃ ጋላስ ሻላቃይ፥ አይሁድታይ ጳዉሎሳ አብስ ሞቴዛኮ ጌሺ ኤሮዳይስ ኮዬዛ። ቄሰ ሀላቅታይኔ ሻንጎ ኡባይ ሺቆዳይ ጋርክ አዛዜዛ፤ ማ ጳዉሎሳ አቻፕ ብልእሲ ኡ ቲና ኤሴዛ።
ACT 23:1 ጳዉሎሳ ሻንጋና ዳኪ ብኢ፥ «ታ እሹንꬆ፥ ታኒ Ꮊይኖ ሄሎዳይስ ጾስ ቲና ታ የስ ኡባይድ ሎኦ ዎዝናር የዛ» ዬጌዛ።
ACT 23:2 ቄሰ ሀላቃይ ሀናና፥ ጳዉሎሳ ዶናተ ባቆዳይ ጋርክ ኤ ካለ ኤቄዛና ኪቴዛ።
ACT 23:3 የ ዎደ ጳዉሎሳ ኤኮ፥ «ናት ነ ቦርሾንቶ ትዤዝ ጋባራ ኣዝዛዮ፥ ጾሳይ ነና ባቆዳ። ኔኒ ታል አፋ ህገ ጋርክ ፕርዶዳይስ በቲ ህገ መንꬅ ታና ባቆዳይ ጋርክ ኪትኔ?» ዬጌዛ።
ACT 23:4 ጳዉሎሳ ካንታ ኤቄዝታይ ኤኮ፥ «ነ ጾስ ቄሰ ሀላቃ ጫዥኔ?» ዬጌዛ።
ACT 23:5 ጳዉሎሳ፥ «ታ እሹንꬆ፥ ኤ ቄሰ ሀላቃ ማቄዛ ታ ኤረካያ፤ አብስ ጊኮ ጾስ ቃላይድ፥ ‹ነ ዎያ አቅስዛይል አፋ ኢታ ቃላ ኦድፐ› ግንትንቲ ጻፍንቴዛ» ዬጌዛ።
ACT 23:6 ዝን ጳዉሎሳ የ አቃይድ የዝ አሳይፕ ባግታይ ሳዱቃውታ፥ ባግታይ ፈርሳውታ ማቄዛና ኤሪ፥ «ታ እሹንꬆ፥ ታኒ ፈርሳወኔ ፈርሳወ ናአ፤ ‹Ꮊይቄዝታይ Ꮊይቆፕ ደንዶዳ› ግ ታኒ ኡፋይሳር ናግዛ ግሾስ ኡንቲ ታል አፋ ፕርድዛ» ዬጊ ኦዴዛ።
ACT 23:7 ጳዉሎሳ የያ ጌዝ ዎደ ፈርሳውታይ ጋንጨኔ ሳዱቃውታይ ጋንጨ ካቺ ኬዝን ሻክንቴዛ።
ACT 23:8 አብስ ጊኮ፥ ሳዱቃውታይ፥ «Ꮊይቄዝ አስ ደንዶያ፤ ኪታንቾካ አያንካ ባያ» ዬግዛ። ዝን ፈርሳውታይ ኡባካ አማንዛ።
ACT 23:9 ኦላ ኡፎ ከሴዛ፤ ፈርሳውታይ ባጋ ማቄዝ ህገ አስታማርታይ ደንዲ ኤቂ፥ «Ꮊ አꬃይል አፋ አባ ቡታካ ደንጌካያ፤ ኤስ አያና ዎይ ኪታንቻይ ኦዶ አተና» ዬጊ ፓላሜዛ።
ACT 23:10 ካቻይ ሜእꬅ አይክን አሳይ ጳዉሎሳ ሻቅርቻማይ ጋርክ ግ፥ ሻላቃይ ፋ ዎታዳርታይ ዎꬊ ኡንታን ጋንጨፕ ኤዛ ኤልሲ ከሲ ኡ ፋ የዛ አቆ ካንጎዳይ ጋርክ ኪቴዛ።
ACT 23:11 የ ቃማ ጎዳይ ጳዉሎሳ ካለ ኤቂ፥ «ጳዉሎሳ፥ ኔኒ ታስ የሩሳላመ ማርካቴዛ ኦሮመካ ማርካቶዳይስ ቤዝዛ፤ ምንጎባ፤ አኮ ባያ» ዬጌዛ።
ACT 23:12 ዎንትꬃ ጋላስ አይሁድታይ፥ «ጳዉሎሳና ዎካዛር ካꬃ ማሚ ሃꬅ ኡዣሚ» ግ ጫቄዛ።
ACT 23:13 ጳዉሎሳል አፋ የያ ማቅንቴዝ አስታይ ኦይታማፕ ጋመ።
ACT 23:14 ኡንቲ ቄሰ ሀላቅታይኮኔ ጋደ ጭማታይኮ Ꮊንጊ፥ «ኑኒ ጳዉሎሳ ዎካዛር ካꬃ ግዝባዝ ማሚ ግ ጫቄዝ።
ACT 23:15 ይኬ፥ ይንታን ሻንጋይ ኤባዝ ጌሺ ፕላጎድባዝ የዝ ኣዝሲ፥ ጳዉሎሳ ይንትኮ ኮኦዳይ ጋርክ ሻላቃ ኦይጮይታ። ኑኒ ኤ Ꮊ ሺቆ ሄሎዳይፕ ቲና ኤዛ ዎꬎዳይስ ጊጊ በቴዛ» ዬጌዛ።
ACT 23:16 ዝን ጳዉሎሳ ምሺ ናአይ የ ማቅንታ ስኢ Ꮊንጊ ዎታዳርታይ የዛ አቆ ገሊ፥ ጳዉሎሳስ ኦዴዛ።
ACT 23:17 ጳዉሎሳ ማቶ ሀላቅታይፕ ፐታ ጼጊ፥ «Ꮊ ናአይ ሻላቃይስ ኦድዛ ባዝ የዛ ግሾስ ኤዛ ሻላቃይኮ ካንጎባ» ዬጌዛ።
ACT 23:18 ማቶ ሀላቃይ ናአ ሻላቃይኮ ካንጊ፥ «አች ካራ የዝ ጳዉሎሳ ታና ፋኮ ጼጊ፥ Ꮊ ናአይ ኔስ ኦድዛ ባዝ የዝ ግሾስ ኤዛ ኔኮ ኮኦዳይ ጋርክ ታና ዎሴዛ» ዬጌዛ።
ACT 23:19 ሻላቃይ ናአይ ኩሻ አይኪ፥ ዱማ ባለ ከሲ፥ «ኔኒ ታስ ኦዶድባዛይ አባ?» ዬጊ ኦይጬዝ።
ACT 23:20 ናአይ ሻላቃይኮ፥ «አይሁድታይ ጳዉሎሳ ባጋ ካሰፕ ሚንꬂ ፕላጎዳይስ ኮዬዝ ባዝ ኣዝሲ ኔኒ ዎንታ ኤዛ ሺቆ ኮኦዳይ ጋርክ ነና ዎሶዳይስ ዞረ አጬዛ።
ACT 23:21 ዝን ኔኒ ኡንቲ ግዝባዝ ስእፐ። አብስ ጊኮ፥ ኦይታማፕ ጋመ አስታይ ጳዉሎሳ ዎካዛር ‹ካꬃ ማሚ፥ ሃꬄ ኡዣሚ› ግ ጫቂ፥ ቆስንቲ ኤዛ ናግዛ። Ꮊት ነ ግዝባዝ ኣዳ ስኦዳይስ ናግዛ» ዬጌዛ።
ACT 23:22 ሻላቃይ ማሂ፥ «Ꮊያ ነ ታስ ኦዴዛና ሀራ ኦስካ ኦድፐ» ዬጊ ናአ ጉየ ዳኬዛ።
ACT 23:23 ሻላቃይ ማቶ ሀላቅታይፕ ናምእታ ጼጊ፥ «ቃማፕ ሀይꬒ ሳተር ቅሳረ Ꮊንጎዳይስ፥ ናምኢ ጼት ዎታዳርታ፥ ላፑን ታም ፋራ አስታኔ ናምእ ጼት ቶራንችታ ጊግሶይታ።
ACT 23:24 ጋደ አቅስዛ ፍልክሳኮ ጳዉሎሳ ሳሮር ሄሎዳይ ጋርክ ቶጋ መህታ ጊግሶይታ» ዬጊ ኡ ኪቴዛ።
ACT 23:25 ሻላቃይ ፍልክሳስ Ꮊይ ጋርክ ግዝ ዳብዳበ ጻፌዛ፦
ACT 23:26 «ቃላዉዶሳ ሉሶሳፐ ጋደ አቅስዛ ቦንቾ ፍልክሳስ፥ ሳሮ ኔስ ማቆ።
ACT 23:27 አይሁድታይ Ꮊ አꬃ አይኪ ዎꬎድ ሀኖዳር፥ ኤ ኦሮመ ጋደ አስ ማቄዛያ ኤሪ ዎታዳርታይራ ሄሊ ኤዛ አሼዛ።
ACT 23:28 ታ ኡንቲ ኤዛ አብስ ሞትዛኮ ኤሮዳይስ ኮዪ ኡንታን ኡ ሻንግታይኮ ኤዛ ሺሼዛ።
ACT 23:29 ኡንቲ ፋ ህጋይስ ኤዛ ሞቴዛይፕ አትን ኤዛ ዎꬍስዛባዝ ዎይ አጭስዝባዝ ባዛ ታ ደንጌዛ።
ACT 23:30 ኡንቲ Ꮊ አꬃይል አፋ ማቅንቴዝ ዝግርሳይ ታና ሄልን፥ ታኒ ኤልሲ ኤዛ ኔኮ ዳኬዛ። ኤዛ ሞትዝታይ ነ ቲና Ꮊንጊ ሞቶዳይ ጋርክ አዛዜዛ» ዬጌዛ።
ACT 23:31 የይ ግሾስ፥ ዎታዳርታ አዛዜዛይ ጋርክ ጳዉሎሳ ኤኪ፥ ቃማ አንትጳጽርሳ ሄልꬄዛ።
ACT 23:32 ዎንትꬃ ጋላስ ፓር አስታይ ኤዛ ኤኪ Ꮊማዳይ ጋርክ አሺ ቶኬ አስታይ ጉየ ማቄዛ።
ACT 23:33 ቶጋር የዝ አሳይ ቅሳረ ሄሊ ዳብዳበ ጋደ አቅስዛይስ እንጊ፥ ጳዉሎሳና ኤ ቲና ሺሼዛ።
ACT 23:34 ጋደ አቅስዛይ ዳብዳባ ናባቤዛይፕ ጉየ «ጳዉሎሳ፥ ነ አባ አዉራጃ አሶ?» ግ ኤዛ ኦይጬዛ። ኤ ክልቃ አስ ማቄዛያ ኤሪ
ACT 23:35 «ታኒ ነና ሞትዝታይ ይእኮ ነ ግዛ ስኦዳ» ዬጌዛ። ዎታዳርታይ ጳዉሎሳ ሄሮዶሳ ዛባ ናግንቶዳይ ጋርክ አዛዜዛ።
ACT 24:1 እችን ጋላሳፐ ጉየ ቄሰ ሀላቃይ ሀናኔ፥ ጭምታይራኔ ጸርጸሉሳ ግዝ ፐቲ አፋካታይር ዎላ ቅሳረ ቅቴዛ። ኡንቲ ጋደ አቅስዛይል አፋ ጳዉሎሳና ሞቴዛ።
ACT 24:2 ጳዉሎሳ ጼግንቲ ገሌዝ ዎደ ጸርጸሉሳ ኤዛ Ꮊይ ጋርክ ዬጊ ሞቴዛ፦ «ቦንቾ ፍልክሳ፥ ኑኒ ነ ባጋር ኡንደና ሳሮትꬅ ደንጌዛ፥ ነ ሎኦ አቅሳይድ ኑ ቢታይ ኡንደና ላምንቴዛ።
ACT 24:3 ቦንችንቴዝ ፍልክሳ፥ ኑኒ አባካ አይደካ ማቅን ኡንደና ጋላታር የያ ኤኮዳ።
ACT 24:4 ታኒ ነና ጋምእሰካዛር ኔኒ ነ ኬሄትꬃይር ኑባዝ ኤለር ስኦድ ጋርክ ነና ዎስዛ።
ACT 24:5 Ꮊ አꬃይ ꬉበ ማቂ ጋደ ኡባይድ የዝ አይሁድታይ ጋንጨ ጫቦ መꬊ ናዝራውታይ ባጋ አሳ ካልꬅዛ ማቄዛና ኑ ኤሬዛ።
ACT 24:6 ሀራ አቶዝን፥ ጾስ ካራ ቱንሶድ ሀኖዳር ኑ ኤዛ አይኬዛ፤ ኑ ህጋይ ግዛይ ጋርክ ኤዛል አፋ ፕርዶዳይስ ቆፔዛ።
ACT 24:7 ዝን ሻላቃ ሉስዮሳ ይኢ፥ ዎልቃር ኑ ኩሸፐ ኤዛ ከሲ ኤኬዛ።
ACT 24:8 ኤዛር ሞትንትዝታይካ ኔኮ የኦድ ጋርክ ኪቴዛ። ኔኒ ነ ኦማስ Ꮊ አꬃ ፕላጊ ኑ ኤዛ ሞትዛ ሞታ ኡባ ኤሮዳይስ ዳንዳእዛ» ዬጌዛ።
ACT 24:9 አይሁድታይካ፥ «Ꮊ ኦዳይ ቱማ» ግ ኤ ቆፋ ማኤዛ።
ACT 24:10 ጋደ አቅስዛይ ጳዉሎሳ ኦዶድ ጋርክ ማልን ጳዉሎሳ Ꮊይ ጋርክ ዬግ ማሄዛ፦ «ኔኒ ኡንደና ዎደፕ አይኪ፥ Ꮊ አሳይስ ፕርድታር የዛና ኤሪ ታኒ ኦዳይስ ኡፋይሳር ማህꬅ እንግዛ።
ACT 24:11 ታኒ ጎይኖዳይስ የሩሳላመ ኬዝን ታጶ ናምኢ ጋላሳፕ ኣꬎዛና ኔኒ ነ ኦማስ ኤሮዳይስ ዳንዳእዛ።
ACT 24:12 አይሁድታይ ታና ጾስ ካራ ማቅን አይሁደ ዎሳ ካራ ማቅን ካታማ ማቅን ኦራካ ፓላሞዳር ዎይ አስ ሺሺ ሳሮ ꬋብሶዳይስ ቶቦዳር ፐቲ አስካ ታና ደንገካያ።
ACT 24:13 Ꮊተካ ኡንቲ ታና ሞትዛባዛይስ ማርካ ደንጎዳይስ ዳንዳኦያ።
ACT 24:14 «ዝን ታኒ ፐትባዝ አማንዛ፤ ታኒ ህገር የዛባዝኔ ናብታይ ጻፌዝ ኡባ ባዝ አማኒ፥ ኑ አድታይ ጾሳ፥ ኡንትካ ዎርዶ ግዝ ኦጋይር ታ ጎይንዛ።
ACT 24:15 ኡንቲ ፋ ኣዳስ አማንዛይ ጋርክ ጽልታይኔ ጽሎባዝታይካ Ꮊይቆፕ ደንዶዳና ታካ አማንዛ።
ACT 24:16 የይ ግሾስ፥ ታኒ ጾስ ቲናኔ አስ ቲና ኡባ ዎደ ሎኦኔ ካሃማ ዋዝና ታስ የዞዳይ ጋርክ ሚንግዛ።
ACT 24:17 «ታኒ የሩሳላመፐ ከዜዛይፕ ኡንደና ላይꬃፕ ጉየ ታ ዳቦ ማንቅታይስ ማዴ እማዳይስኔ ያርሾ ያርሾዳይስ የሩሳላመ Ꮊንጌዛ።
ACT 24:18 ታኒ ጾስ ካራ የያ ኡዲ ቃሾ ዎጋ ፖሊ ማቅን ታና ደንጌዛ። የ ዎደ ታራ ጋመ ዎያ ባያ፥ ካችካ ከዘካያ።
ACT 24:19 ዝን ኢሳፕ የኤዝ ፐቲ ፐቲ አይሁድታይ ኤዛይድ የዛ፤ ኡንቲ ታል አፋ ኦዳ ኮይኮ ይኢ ታና ኔል አፋ ሞቶዳይስ ዳንዳእዛ።
ACT 24:20 ዎይ ታኒ ሻንጎ ቲና ሺቄዝ ዎደ ኦꬄዝ ቡታ የዝኮ Ꮊይትታይ ነ ቲና የዝታይ ኦዶ።
ACT 24:21 ‹ታኒ ኡ ጋንጨ ኤቂ፥ Ꮊይቄዝታይ ደንዶዳ› ግ ኡኪ ኦዴዝ ግሾስ Ꮊይኖ ይ ቲና ፕርዳስ ሺቄዛ፥ የይፕ ሀራ ባዝ ኦꬄካያ» ዬጌዛ።
ACT 24:22 ዝን ፍልክሳ ጎዳይ ኦጋይ ባጋ ጌሺ ኤሬዝ ግሾስ «ታኒ ይ ኦዳ ጋቼዛ» ዬጊ ዎዳ አዱስሴዛ።
ACT 24:23 ማቶ ሀላቃይ ጳዉሎሳና ናግታር ማዶድ ጋርከኔ ኤ ዳብታይፕ ኦንካ ኦይጮዳይስ የኦዳር ካያማይ ጋርክ ማቶ ሀላቃይስ ኪቴዛ።
ACT 24:24 ጽቃ ጋላሳፕ ጉየ፥ ፍልክሳ አይሁደ ባጋ ማቄዝ ፋ ማቻት ድሩስላራ ይኢ ጳዉሎሳ ኪቲ ክእሲ ክርስቶሳ የሱስ አማኖ ባጋ ኤፕ ስኤዛ።
ACT 24:25 ጳዉሎሳ ጽሎትꬅ ባጋ፥ ፋ ኡባ አቅሶ ባጋኔ የኦዳይስ የዝ ፕርዳ ባጋ ኦዶዳር፥ ፍልክሳ ያሽቲ፥ «ኔኒ Ꮊተስ ቅቶባ ታስ ጊጌዝ ዎደ ነና ጼግሶዳ» ዬጌዛ።
ACT 24:26 የ ዎደ ጳዉሎሳፕ ጉቦ ኤኮዳይስ ቆፒ ኤዛ ማሂ ማሂ ጼጊ ኤሪ ኦድንትዛ።
ACT 24:27 ናምኢ ላይꬃፕ ጉየ፥ ፍልክሳ አቃና ጶርቂዮዳ ፍስጾሳ ኤኬዝ። ፍልክሳ አይሁድታ ኡፋይሶዳይስ ከዚ ጳዉሎሳ ብለካ አሼዛ።
ACT 25:1 ፍስጾሳ ፋ አቅስዛ አዉራጃ ገሊ ሃይꬒንꬆ ጋላሳፕ ጉየ ቅሳረፕ የሩሳላመ ከዜዝ።
ACT 25:2 ኤዛይድ ቄሰ ሀላቅታይኔ አይሁድታይ ባይርታይ ጳዉሎሳ ሞቴዛ።
ACT 25:3 ጳዉሎሳና የሩሳላመ ኮኦር ፓስ ሎኦ ባዝ ኦꬆዳይ ጋርክ ግ ፍስጾሳና ኡ ዎሴዛ። የያካ ጌዛይ ኦገል ቆስንቲ ኤዛ ዎꬎዳይስ ኡንትስ ጊጎዳይ ጋርከ
ACT 25:4 ፍስጾሳ ኡንትኮ፥ «ጳዉሎሳ፥ ቅሳረ አች ካራ የዛ፤ ታኒ ታ ኡባስካ ኤልሲ ገድ ጉየ ማቃድ ሀንዛ።
ACT 25:5 ኤ ቡቴዝባዝ የዛኮ ይ ጋንጨ ማዉተር የዝታይ ታር ቅሳረ Ꮊንጊ ኤዛ ሞቶ» ዬጊ ማሄዛ።
ACT 25:6 ፍስጾሳ ኡ አቻ ሆስፑን ዎይ ታጲ ጋላስ ጋርክ ጋምኤዛይፕ ጉየ ቅሳረ ቅቴዛ። ዎንትꬃ ጋላስ ፕርዳ ኦይደል በቲ ጳዉሎሳ ኮኦዳይ ጋርክ ኪቴዛ።
ACT 25:7 ኤ ይእን የሩሳላመፕ የኤዝ አይሁድታይ ኤ ካላይድ ኤቂ ኡንቲ ላꬆዳይስ ዳንዳኦዋ ዴጾ ሞቶ ሺሼዛ።
ACT 25:8 ጳዉሎሳ ማሂ፥ «ታኒ አይሁደ ህጋ ማቅን ጾስ ካራ ዎይ ኦሮመ ካታ ቄሳረካ ቆሄካያ» ዬጌዛ።
ACT 25:9 ዝን ፍስጾሳ አይሁድታ ኡፋይሶዳይስ ከዚ ጳዉሎሳኮ፥ «የሩሳላመ Ꮊንጊ Ꮊ ሞታይባጋ ኤዛይድ ታ ቲና ፕርድንቶዳይስ ኮይኔ?» ዬጊ ኦይጬዝ።
ACT 25:10 ዝን ጳዉሎሳ፥ «ታኒ ፕርድንቶዳይስ ቤዝዛ ቄሳረ ፕርደ ኬꬃ ኤቄዛ። ኔኒ ሎእꬂ ኤርዛይ ጋርክ ታኒ አይሁድታ አባራካ ቆሄካያ።
ACT 25:11 ይኬ፥ ታኒ ቆሄዝባዝ Ꮊይቆስካ ሄልꬅዛ ባዝ ቡታ ኦꬄዝባዝ ማቅኮ Ꮊይቆፕ ታና አሾባ ጋሚ። ዝን ኡንቲ ታና ሞትዛ ሞታይ ጨረ ማቅኮ ኦንካ ታና ኡንትስ አꬂ እንጎዳይስ ዳንዳኦያ። ቄሳረ ታባዝ ፕርዶ ግ ኦይጭዛ» ዬጌዛ።
ACT 25:12 የ ዎደ ፍስጾሳ ፋ ዞራንችታይራ ዞርንቲ፥ «ኔኒ ቄሳረ ታባዝ ፕርዶባ ግ ኦይጬዛ፤ ቄሳረኮ Ꮊንግዛ» ዬጊ ማሄዛ።
ACT 25:13 ጽቃ ጋላሳፕ ጉየ ካታይ አግርጳኔ ባርኒቀ ፍስጾሳ ሳሮꬆዳይስ ቅሳረ Ꮊንጌዛ።
ACT 25:14 ኤዛይድ ኡንቲ ኡንደና ጋላስ ጋምእን፥ ፍስጾሳ ካዋይስ ጳዉሎሳባጋ Ꮊይ ጋርክ ዬጊ ኦዴዛ፤ «ፍልክሳ ብለካ አሺ Ꮊንጌዝ ፐቲ አꬃይ Ꮊይዳ የዛ።
ACT 25:15 ታኒ የሩሳላመ Ꮊንጌዝ ዎደ ቄሰ ሀላቅታይኔ አይሁደ ጭምታይ ኤዛል አፋ ፕርዶዳይ ጋርክ ታና ዎሲ ኤባዝ ታስ ኦዴዛ።
ACT 25:16 ታኒ፥ ‹ሞትንትዛ አꬃይ ታና ሞትዝታይ ቲና ኤቂ ፋና ሞቴዝባዛይስ ማህꬅ እንገካዝን፥ ኦና ማቅኮካ ኣꬊ እንግንትዛይ ኦሮመ ዎጋ ባያ› ዬጊ ኡንትስ ማሄዛ።
ACT 25:17 «የይ ግሾስ፥ ኡንቲ Ꮊይዳ ሺቄዝ ዎደ ታኒ ጋምኤካ ዎንትꬃ ጋላስ ፕርደ ኬꬅ ገሊ ጳዉሎሳ ኮኦዳይ ጋርክ ኪቴዛ።
ACT 25:18 ኤዛ ሞትዝታይ ኤ ካንታር ማር ኤቂ፥ ኢታባዛር ኤዛ ሞተካ አሸና ግ ታኒ ቆፔዛይ ጋርክ ኤዛ ሞተካያ።
ACT 25:19 ዝን ኡንቲ ፋ አማኖ ባጋኔ ጳዉሎሳ፥ ‹ኤ ፓꬅ የዛ› ግዝ Ꮊይቄዝ የሱሳ ግንትንትዝ አꬃይ ባጋ ኤዛር ፓላምዛዛ።
ACT 25:20 ታካ Ꮊ ኦዳ ሻኮዳይስ መትꬄዝ ግሾስ ጳዉሎሳ የሩሳላመ Ꮊንጊ፥ ኤዛይድ ፕርድንቶዳይስ ኮይዛኮ ግ ኤዛ ኦይጬዛ።
ACT 25:21 ዝን ጳዉሎሳ ፋ ኦዳ ቄሳረ ብሎድ ሄሎዳይስ አች ኬꬃ ጋምኦዳይስ ኦይጬዛ። ታኒ ኤዛ ቄሳረኮ ዳኮድ ሄሎዳይስ ኤ አጭንቶዳይ ጋርክ ኪቴዛ» ዬጌዛ።
ACT 25:22 የይ ግሾስ፥ አግርጳ ፍስጾሳኮ፥ «ታኒ ታ ኡባስካ የ አꬃይ ግዝባዝ ስኦዳይስ ኮይዛ» ዬጌዛ። ፍስጾሳ ኤኮ፥ «ኔኒ ዎንታ ኤ ግዝባዝ ስኦዳ» ዬጌዛ።
ACT 25:23 ዎንትꬃ ጋላስ አግርጳኔ ባርንቀ ግታ ቦንቾር ሻላቅታይራኔ ካታማ የዝ ዎልቃማ አስታይር ይኢ ፕርደ ኬꬃ ገሌዛ። ፍስጾሳ ጳዉሎሳ ጼግሲ ከኤዛ።
ACT 25:24 ፍስጾሳ፥ «ካት አግርጳ፥ Ꮊይዳ ኑር የዝ አስታዮ፥ አይሁድታይ የሩሳላመካ Ꮊይ ጋርክ ኡኪ፥ ‹ኤ ይከፕ ጉየ ፓꬅ የዞዳይስ ቤዞያ› ዬጊ፥ ታና ዎሴዝ አꬃ Ꮊያ ይ ብእዛ።
ACT 25:25 ዝን ኤዛ Ꮊይቆስ ሄልꬅዛ ባዝ አብካ ታኒ ደንገካያ። ኤ ፋ ኦማስ፥ ‹ቄሳረ ታባዝ ፕርዶ ዬጊ ኦይጬዛ› ጌዝ ግሾስ ቄሳረኮ ኤዛ ዳኮዳይስ ቆፋ አጬዛ።
ACT 25:26 ታኒ ኤባዝ ታ ካት ቄሳረስ ጻፍስዛ ኦገ አብካ ባያ። የይ ግሾስ፥ ኤባዝ ይ ብእኮ ታ ጻፍዛይ በንቶዳዛኮ ግ ይ ቲና ኡባራካ ካት፥ አግርጳ፥ ነ ቲና ኤዛ ከኤዛ።
ACT 25:27 አብስ ጊኮ፥ አጭንቴዝ አስ ꬎቃ ዳይናስ ኣꬅታር ኤ አብስ ሞትንቴዛኮ ኤርሰካዛር አሽዛይ ታስ ቦዘትꬅ ኣዝዛ» ዬጌዛ።
ACT 26:1 አግርጳ ጳዉሎሳኮ፥ «ኔኒ ነ ባጋ ኦዶዳይስ ዳንዳእዛ» ዬጌዛ። የ ዎደ ጳዉሎሳ ፋ ኩሸ ደንꬂ Ꮊይ ጋርክ ዬጌዛ፦
ACT 26:2 «ካት፥ አግርጳ፥ አይሁድታይ ታና ሞቴዝ ባዝ ኡባይስ ማህꬅ እንጎዳይስ Ꮊይኖ ነ ቲና ኤቂታር ታ አንጃይ ሎኦ ግ ቆፕዛ።
ACT 26:3 የይካ ኔኒ አይሁደ ዎጋኔ ፓላማ ኡባ ሎእꬂ ኤርዛ የይ ግሾስ ታና ዳንዳአር ስኦዳይ ጋርክ ታ ነና ዎስዛ።
ACT 26:4 «ታኒ ናአትꬃፕ አይኪ ታ አሳይ ጋንጨራኔ የሩሳላመ የዜዝ ታ የሳ አይሁደ ኡባይ ኤርዛ።
ACT 26:5 ታኒ ቲናፕ አይኪ፥ ኑ አማኖ ዎጋ ሚንꬂ ናግዛ ፈርሳውታይ ባጋይፕ ማቄዛና ኡንቲ ማርካቶዳይስ ኮይኮ ኤርዛ።
ACT 26:6 Ꮊተካ ታኒ ጾስ ኑ አድታይስ እንጎድ ጌዝ ኡፋይሳ ናግዛ ግሾስ ሞትንቲ Ꮊይዳ ኤቄዛ።
ACT 26:7 ማ ታጶ ናምኢ ኑ አድታይ ሼሻይ ጾሳ ቃማኔ ጋላስ ሚንꬂ ጎይንታር ጾስ እንጎድ ጌዛ ኤኮዳይስ ኡፋይሳር ናግዛ። ካት አግርጳ፥ አይሁድታይ ታና ሞትዛይ ታኒ ኡፋይሳር የያ ናግዛ ግሾስ።
ACT 26:8 ጾስ Ꮊይቄዝታ ደንꬅዛያ ማቄዛይ ይ ካንታ አብስ አማንንቶሳ?
ACT 26:9 «ብኒ ታኒ ታ ኡባስካ ናዝረተ የሱሳ ሱንꬃ እጽዛ ዳንዳእንቴዝባዝ ኡባ ኦꬆዳይስ ቤዝዛ ግ ቆፔዛ።
ACT 26:10 ታኒ የሩሳላመ ኦꬄዛይ Ꮊያ። ቄሰ ሀላቅታይፕ ማዉተ ኤኪ ጾሳ አስታይፕ ጋምታ አጭሴዛ። ኡንታን ዎꬎዳር ኡ Ꮊይቆዳና ታ ዶሴዛ።
ACT 26:11 ጋመ ዎደ አይሁደ ዎሳ ኬꬅ ኡባይድ ኡንቲ ሴርንቶዳይ ጋርከኔ የሱሳና ጫዦዳይ ጋርክ ታ ዎጽቴዛ። ታኒ አቆፕ ኣꬂ ኡንታን ካጬዛ ሀራ አቶዝን፥ ሀራ ቢታ ካታምታ ሄሎዳይስ Ꮊንጊ ታ ኡንታን ባይእꬄዛ።
ACT 26:12 «ታኒ Ꮊ ኦዳይስ ቄሰ ሀላቅታፕ ማዉተኔ ኪታ ኤኪ ዳማስቆ Ꮊንግዛ።
ACT 26:13 ካታዮ፥ ታኒ ሴታ ጋላስ ኦገል የዝን አዋ ፖኦፕ ሎእꬂ ኣꬊዝ ፖኦ ታ ዩሻይራኔ ታራ Ꮊንግዝታይ ዩሻይር ሳሎፕ ፖኦዳር በኤዛ።
ACT 26:14 ኑኒ ኡባይካ ሳአ ፖኬዝን እብራይስጸ ዶናር፥ ‹ሳኦላ፥ ሳኦላ፥ ታና አብስ ባይꬅኔ? ኔኒ ነና ጫድዛ ብራታ ቃክኮ ነና ቆህዛ› ዬጊ ታስ ኦዶዳር ስኤዛ።
ACT 26:15 «ታኒ፥ ‹ጎዳዮ፥ ኔኒ ኦኖ?› ዬጌዛ። «ጎዳይ፥ ‹ታኒ፥ ኔኒ ባይእꬅዝ የሱሳ፤
ACT 26:16 ዝን ደንዶባ። Ꮊይኖ ኔኒ በኤዛይፐኔ ቲናፕ ታ ነና ቤዞዳና ሀራስ ማርካቶዳይ ጋርክ ታስ ኦሳንቾ ኡዲ ነና ሹሞዳይስ ኔስ ታ በንቶዳ።
ACT 26:17 እስሬለ አስታይፐኔ ታኒ ነና ኡንትኮ ኪትዛ አይሁደ ባዝታይፕ ነና አሾዳ።
ACT 26:18 ኔኒ ኡ አፋ ዶዮዳይ፥ ꬉማፕ ፖኦኮ፥ ጻላሄ ኩሸፕ ጾስኮ ኡንታን ማሆዳ። ኡንቲ ታና አማኒ ናጋራ አቶትꬅ ኤኮዳ። ጾስ ጌሼዝ አሳይ ጋንጨ ፋ ላታ ደንጎዳ› ዬጌዛ።
ACT 26:19 «ካት አግርጳ፥ የይ ግሾስ፥ ታስ ሳሎፕ በንቴዝ ቆንጭꬃይስ ኪትንቴዛ።
ACT 26:20 ዝን ታኒ ቲናቲ ዳማስቆ የዝታይ የይፕ ጉየ የሩሳላመኔ ይሁዳ ቢታ ኡቢታይድ የዝታይኔ አይሁደ ባዝታይካ ፋ ናጋራፕ ጾስኮ ማቆዳይ ጋርከኔ ናጋራይፕ ማቆዳይስ ቤዝዛ ኦሶ ኦꬆድ ጋርክ ቃላ ኦዴዛ።
ACT 26:21 የይ ግሾስ፥ አይሁድታይ ታና ጾስ ካራ አይኪ ዎꬎዳይስ ኮዬዛ።
ACT 26:22 Ꮊይኖ ሄሎዳይስ ጾስ ማዴ ታፕ ሻክንተካያ፤ የይ ግሾስ፥ ጽቅታይስኔ ዳምታይስ ማርካትታር Ꮊይዳ ኤቄዛ። ናብታይኔ ሙሰ ሀኖዳ ግ ኦዴዛይፕ ሀራ ፐትባዝካ ታኒ ኦዴዝባዝ ባያ።
ACT 26:23 የይካ፥ ‹ክርስቶሳ ዋየ ኤኮዳይስ ቤዝዛ፤ ማ Ꮊይቆፕ ቲና ደንዲ አይሁድታይስኔ አይሁደ ባዝታይስ ፖኦ ቤዞዳይስ ኤስ ቤዝዛ› ጌዛ» ዬጌዛ።
ACT 26:24 ጳዉሎሳ የያ ዬጊ ማሆዳር፥ ፍስጾሳ ፋ ቃላ ꬎቅ ኡዲ፥ «ጳዉሎሳ፥ ነ ኤዬዛ፤ ነ ጋመ ትምርታይ ነና ኤይሶስ ሄልꬄዛ» ዬጌዛ።
ACT 26:25 ዝን ጳዉሎሳ፥ «ቦንቾ ፍስጾሳ፥ ታኒ ቱማባዝኔ ቤዝዛ ባዝ ኦድዛፕ አትን ኤየካያ።
ACT 26:26 ታኒ ቆንጨ ኦድዛ ኦዳ ካታይ ኤርዛ። Ꮊ ኦዳይ ጌማ ኦስንተካ ግሾስ ፐታካ ኤፕ ቆስንቲ አታማያ ታኒ ሎእꬂ ኤርዛ።
ACT 26:27 «ካት አግርጳ፥ ኔኒ ናብታ አማንኔ? ኔኒ ኡንታን አማንዛና ታኒ ኤርዛ» ዬጌዛ።
ACT 26:28 ካታይ አግርጳ፥ ጳዉሎሳኮ፥ «Ꮊ ጽቃ ሳታይድ ታና ክርስታኔ ማሆዳይስ ኮይኔ?» ዬጌዛ።
ACT 26:29 ጳዉሎሳ፥ «ጋመ ዎደ ማቅን ጽቃ ዎደ ነ ኣዳ ባዝን Ꮊይኖ ታ ኦዳ ስእዝ ኡባይ Ꮊ አቻይፕ አትን ታ ጋርክ ማቆዳይ ጋርክ ታ ጾስ ዎስዛ» ዬጌዛ።
ACT 26:30 የይፕ ጉየ፥ ካት አግርጳ፥ ጋደ አቅስዝ ፍስጾሳ፥ ባርንቀኔ ኡንታር በቴዝ ኡቢታይካ ደንዴዛ።
ACT 26:31 የይፕ ከዚ Ꮊንግታር ፐታይ ፐታይር፥ «Ꮊ አꬃይ Ꮊይቆስ ዎይ አችስ ሄልꬅዛ ባዝ አኮካ ኦꬄካያ» ዬጊ ኦድንቴዛ።
ACT 26:32 አግርጳ ፍስጾሳኮ፥ «Ꮊ አꬃይ ‹ቄሳረ ታባዝ ፕርዶ› ጌካዛኮ ብልንቶዳይስ ዳንዳእዛዝን አቴዛ» ዬጌዛ።
ACT 27:1 ኑኒ ማርካበር ኢጻለ ዳኮዳይስ ኡ ሙርቴዝ ዎደ ካትታይ ካት ዎታዳርታ ግንትንትዝታይፕ ፐቲ ዩልዮሳ ግዝ ማቶ ሀላቃይስ ጳዉሎሳኔ ሀራ ጽቃ አች አስታ እንጌዛ።
ACT 27:2 ኢሳ ላንቀ የዝ ሄርታ Ꮊንጎዳር አድራምጾሳ ማርካበ ገሊ ደንዴዛ። ማቃዶና አስ ማቄዝ ተሰሎንቀ አርስጽሮኮሳ ኑር የዛ።
ACT 27:3 ዎንትꬃ ጋላስ ኑኒ ስዶና ሄሎዳር፥ ዩሎሳ ጳዉሎሳስ ቃꬊንቲ ፋ ላግታይኮ Ꮊንጊ ኮሽዛ ባዝ ማድንቶዳይ ጋርክ ኡንትኮ ዳኬዛ።
ACT 27:4 የይፕ ደንዲ ኑ ቲናር ጫርክዛ ግሾስ ሃꬃር ተቅንቴዝ ቢታ፥ ቆጲሮሳር ምይꬂ ኣꬌዛ።
ACT 27:5 ክልቃኔ ጵንፍላ የዝ አባ ፒንጊ ሉቃ የዝ ሙራ ሄሌዛ።
ACT 27:6 ኤዛይድ ማቶ ሀላቃይ ኢጻለ Ꮊንግዝ ኢስክንድረ ማርካበ ደንጊ፥ እዘ ኑና ገልሴዛ።
ACT 27:7 ኑኒ ጋመ ጋላስ ሎደራ Ꮊንጊ፥ ጋመ ኡንአር ቃንዶሳ ካታማ ካለ ሄሌዛ። ኤዛይር Ꮊንጎዳይስ ኑና ጫርኮ ካይን ሳልሞናር ኣꬊ ሃꬃር ተቅንቴዝ ቢታ፥ ቃርጼሳ ምይꬂ ኣꬌዛ።
ACT 27:8 ጋመ መቶር ጋጻ ጋጻ አይኪ ላሳ ካታማስ ኡከ የዝ ሎኦ ግንትንትዝ ማርካበ ሸምፕዛ ሄራ ከዜዝ።
ACT 27:9 ኑኒ ኤዛይድ ኡንደና ዎደ ጋምኤዛይፕ ጉየ ጾማ ዎደ ኣꬌዝ ግሾ፥ ማርካበር Ꮊሞ መትዛ ግሾስ ጳዉሎሳ ኡንታን ዞሬዛ።
ACT 27:10 «ይንታኖ አስታዮ፥ ኑ Ꮊማይ ግታ ꬋቦኔ ጋመ ቆሆ የዛይ ታስ በንትዛ፤ ቆሀይ ጫናል አፋኔ ማርካበል አፋ ኣዳ ባዝን ኑ ሸምፓይል አፋካ ሄሎዳ» ዬጌዛ።
ACT 27:11 ዝን ማቶ ሀላቃይ ጳዉሎሳ ጌዛይፕ ኣꬂ ማርካባ ላግዛይኔ ማርካባ ጎዳይ ግዛ አማኔዛ።
ACT 27:12 የ አባ ዶና የዝ ካታማይ ባልጎ አግና አꬆዳይስ ኡንትስ ጊገካ ግሾስ ጋመ አስታይ ፓስ ዳንዳእንትኮ ፍንቀ ካታማ ሄሊ ባልጎ አጌና ኤዛይድ አꬆዳይስ ዞርንቴዛ። ፍንቀ አዋ ገሎስ ፑደ ባጋፐኔ አዋ ገሎፕ ሱለ ባጋስ ጋንጨ አባ ካንታ የዝ ማርካበ ኤቂ ጫን ዎꬍስዝ አቆ።
ACT 27:13 ካዉሻ ሱለ ጫርኮ ሎዳር ጫርኬዝ ዎደ ፋ ቆፔዛይ ጋርክ ሀኔዝባዝ ኣዝን ደንዲ፥ ማርካበ ኤንአማይ ጋርክ አይክዝ ብራታ ኡዴ ኤኪ ቃርጼሳ ካንታር ኣꬌዛ።
ACT 27:14 ዝን ጋመ ጋምኤካዛር «አዉራቅሳ» ግዝ ዎልቃማ ጎተ ሃꬃር ተቅንቴዝ ቢታፕ ሱለ ኡንታል አፋ ደንዴዛ።
ACT 27:15 የ ጎታይ ማርካባ ኡርቂ Ꮊሞ ካዬዝ ግሾስ ጫርካይ ማርካባይ ፋ ዶሴዝ ኦገ ካንጎዳይ ጋርክ አሺ አሼዛ።
ACT 27:16 ኑኒ ቄዳ ግዝ ሃꬃር ተቅንቴዝ ቢታ ምይꬅ Ꮊንግታር ጋመ መትንቲ ማርካብት ዎጎልቶ አይኪ አሾዳይስ ዳንዳኤዛ።
ACT 27:17 ኡንቲ ዎጎላ ፑደ ከሴዛይፕ ጉየ ዎዶሮር ማርካባይል አፋ ጻጺ፥ ሚንꬂ አጬዛ። ስርቲሳ ግዝ ሻፈል ዶምእንቶዳ ግ ህርጊ፥ ማርካበ ሻራ ዎꬂ ማርካባይ ጨረ ላግንቶድ ጋርክ ዳኪ አሼዛ።
ACT 27:18 ጎታይ ዎልቃምታር Ꮊንግን ዎንትꬃ ጋላስ ጫናይፕ ባጋ አባ ጋንጨ ኦሎ አይኬዛ።
ACT 27:19 ሃይꬒንꬆ ጋላስ ማርካበ ሚሸ ኤኪ ኑ ኩሻይር ꬉጌዛ።
ACT 27:20 ኑኒ ጋመ ጋላስ አዋኔ ጾልንቶ በኤካዛይ ግሾኔ ዎልቃማ ጫርኮ ኑል አፋ ምንጌዝ ግሾስ ቲናፕ ሸምፖር አቶዳ ግ ቆፐካያ።
ACT 27:21 የ ዎደ ኡንቲ ኡንደና ጋላስ ካꬃ ሜካ ጋምኤዝ ግሾስ ጳዉሎሳ ኡ ጋንጨ ደንዲ ኤቂ፥ «አስታዮ፥ ይ ታ ዞራ ኤኪ ቃርጼሰፕ ደንደካዛኮ Ꮊ መታይኔ ቆሀይ ኑና ሄላምዝን።
ACT 27:22 ዝን ታኒ ይንታን ያሽትፓተ ግ ዞርዛ፤ አብስ ጊኮ፥ Ꮊ ማርካባይ ꬋቦዳይፕ አትን ይንትፕ ፐቲ አስ ሸምፖካ ꬋበና።
ACT 27:23 ዝን ቃማ ታ ኤባዝ ማቄዛይኔ ታ ጎይንዛ ጾሳይ ኪቴዝ ኪታንቻይ ታ ካለ ኤቂ፥
ACT 27:24 ‹ጳዉሎሳ፥ ያሽትፐ፤ ኔኒ ኦሮመ ካታይ ቄሳረ ቲና ኤቆዳይስ ቤዝዛ። ዬዛኮ ጾስ ነ ግሾስ ኔር Ꮊንግዝታ ኔስ እንጌዛ› ዬጌዛ።
ACT 27:25 የይ ግሾስ፥ አስታዮ፥ ያሽፓተ። የ ኪታንቻይ ታስ ኦዴዛይ ሀኖዳና ታኒ ጾሳል አማንንትዛ።
ACT 27:26 ዝን ጫርኮ ኑና ካንጊ ፐቲ ሃꬃር ተቅንቴዝ ቢታ ጋጻ ኦሎዳ» ዬጌዛ።
ACT 27:27 ታጶ ኦይዳንꬆ ቃማ አድራ አባ ኑና ጫርካይ ገደኔ Ꮊና ኡርቆዳር፥ ግዲ ብላሄ ማቄዝ ዎደ ማርካበ ኦꬅዝታይስ ቢታኮ ኡኬዛ አዜዛ።
ACT 27:28 ኡንቲ ጪሞትꬃ ኤሮዳይስ ኮዪ ዎዶሮ ጼራ ዴጽዛባዝ አጪ አባ ጋንጨ ኦልን፥ አባይ ሆስፑን ታም Ꮊꬋ ማቄዛ። ጽቃ ጋምኢ፥ ማሂ ኦልን ኡሱፑንታም Ꮊꬋ ማቄዛ።
ACT 27:29 ኡንቲ አባ ጋጻ የዝ ሹቻር ዶምእንታማይ ጋርክ ያሽቲ፥ ማርካባይ Ꮊንጋማይ ጋርክ አይክዝ ኦይዲ ብራትታ ማርካባይፕ ጉየር አባ ኦሊ፥ ሳአ ዎንቶዳይ ጋርክ ጾስ ዎስዛ።
ACT 27:30 ማርካበል ኦꬅዝታይ ማርካባይፕ ዎጺ ከዚ፥ ማርካባይ Ꮊንጋማይ ጋርክ አይክዝ ብራትታ ማርካባይፕ ቲና ባጋር አባ ኦልዛ ኣዝን ዎጎላ አባ ጋንጨ ኦሌዛ።
ACT 27:31 ጳዉሎሳ ማቶ ሀላቃይኮኔ ዎታዳርታይኮ፥ «የይትታይ ማርካባይድ ሸምፒ በታም እጽኮ ይ አቶዳይስ ዳንዳኦዋ» ዬጌዛ።
ACT 27:32 የይ ግሾስ፥ ዎታዳርታይ ዎጎላይ አጭንቴዝ ዎዶራ ጋቺ ዳኪ አሼዛ።
ACT 27:33 ሳአ ዎንቶድ ሀኖዳር ኡቢታይ ካꬃ ማዳይ ጋርክ ጳዉሎሳ አሳይኮ፥ «ይ ካꬃ ሜካ ናግታር Ꮊይኖር ታጶ ኦይዲ ጋላስ ጋምኤዛ።
ACT 27:34 የይ ግሾስ፥ ጽቃ ካꬃ ይ ማዳይ ጋርክ ታ ይንታን ዎስዛ። ይንትስ ሎኦ ማቃዳ፤ ሀራ አቶዝን ይ ኦማ ብናናይፕ ፐታካ ꬋባሚ» ዬጌዛ።
ACT 27:35 ጳዉሎሳ የያ ግ ቦራ ኤኪ ኡባይ ቲና ጾስ ጋላቴዛ፤ ባጺ ሙንታ አይኬዛ።
ACT 27:36 ኡባይ ሚንጊ ፋ ኡባስ ካꬃ ኤኪ ሜዛ።
ACT 27:37 ኑኒ ማርካባይድ የዝታይ ናምኢ ጼታኔ ላፑን ታም ኡሱፑን።
ACT 27:38 ኡንቲ ም ምዤዝ ዎደ ጫኔዝ ግስታ አባ ጋንጨ ኦሊ ማርካባይ ዴጻ ሻዉክሴዛ።
ACT 27:39 ሳአ ዎንትን ማርካባ ኦሳንችታይ አባ ሄሌዛኮ ኤረካዛር፥ አባ ጋጻ የዝ ሻፈኔ ስልማ በኤዛ። ፓስ ዳንዳእንትኮ ማርካባ የ ስልማይኮ ሺሾዳይስ ቆፔዛ።
ACT 27:40 ዬዚ፥ ማርካባይ Ꮊንጋማይ ጋርክ አይክዝ ብራትታ ብልእ አባ ጋንጨ ኦሌዛ። የ ዎደ ላግዛ ምꬃ አጭዝ ዎዶራ ብልኤዛ። የይፕ ጉየ፥ ጫርካይ ማርካባ ቲና ኡርቆዳይ ጋርክ ማርካባ ካንግዛ ሻራ ቲና ባጋር ꬎቅ ኡዲ Ꮊሞ አይኬዛ።
ACT 27:41 ዝን ማርካባይ ሻፈ ደꬃር ዶምእንቲ ምትንቴዛ። ማርካባይስ ቲና ባጋይ ሞግንቲ ኤንአም እጽን፥ ጉየ ባጋይ ዙሎ ኡርቅꬃይፕ ደንዲ መቅቶ አይኬዛ።
ACT 27:42 ዎታዳርታይ አች አሳይፕ ፐታካ ሃꬃ Ꮊꬊ ኬዛማይ ጋርክ ኡንታን ዎꬎዳይስ ቶቤዛ።
ACT 27:43 ዝን ማቶ ሀላቃይ ጳዉሎሳ አሾዳይስ ቆፕ ዎታዳርታይ ቶባ እጼዛ። ሃꬄ Ꮊꬎ ኤርዛ ኡባይ ማርካባይፕ ሃꬃይድ ዶንጊ ዶንጊ ዎꬊ ቲናቲ ጋጻ ከዞዳይ ጋርክ ኪቴዛ።
ACT 27:44 አቴዝታይ ሳንቃል አፋኔ፥ ማርካበ መቃይል አፋ ከዞዳይ ጋርክ ኪቴዛ ኡባይ ጋጻ ሳሮር ከዜዝ።
ACT 28:1 ኑኒ ጋጻ ሳሮ ከዜዝ ዎደ ሄሌዝ ሃꬃር ተቅንቴዝ ቢታይ ማላጻ ግንትንትዛና ኤሬዛ።
ACT 28:2 ማላጻ አሳይ ኑና ቃꬊ ኡፋይሳር ኤኬዛ። እራ ቡክዛ ግሾኔ ሜግዛ ግሾስ ታማ ኤꬂ ኑና ኡባ ሞኬዛ።
ACT 28:3 ጳዉሎሳ ጋመ አፍራ ሺሺ ታማ ጋዶዳር፥ ሾሺ ታማይ ምቼዝ ግሾስ ከዚ ኤ ኩሻይል አፋ ጻጽንቲ ኤዛ ዱኬዛ።
ACT 28:4 ማላጻ አሳይ ሾሺ ጳዉሎሳ ኩሻይል ጻጽንቴዛ ብኢ ፐታይ ፐታይኮ፥ «ቱማ Ꮊ አꬃይ ሸምፖ ዎꬌዝ አስ፤ ሀራ አቶዝን አባፕ ኤ አትንካ ጾሳ ፕርዳይፐ አቲ ፓꬅ የዞዳይስ ዳንዳኤካያ» ዬጌዛ።
ACT 28:5 ዝን ጳዉሎሳ ፋ ኩሻይፕ ሾሻ ዉጻርኪ፥ ታማ ኦሌዛ፤ ኤዛ አኮካ ቆሄካ።
ACT 28:6 ኡንቲ፥ «ኤ አሰትꬃይ አይደፕ አይደ፥ ኤልዛ ዎይ ፖኪ Ꮊይቅዛ» ግ ናግዛ። ዝን ኡንደና ዎደ ናጌዝን ኤ አሰትꬃይል አብካ ላምንቴዝባዝ ꬋብን፥ «Ꮊይ ቱማ ጾሰ» ዬጊ ፋ ቆፋ ላሜዛ።
ACT 28:7 የ ሄራ ሃꬃር ተቅንቴዝ ቢታይስ ሀላቃ፥ ፑፕሎሳ ግዛይስ ጋደ የዛ፤ ሀይꬒ ጋላስ ሄሎዳይስ ኤ ኑና ሲቆር ሞኬዛ።
ACT 28:8 ፑፕሎሳ አዳይ ኦጸ፥ ምሻራኔ ጉሶር ሀርግንቲ ዎይኢ የዛ። ጳዉሎሳ ኤ ካራ ገሊ ኤስ ጾሳ ዎሴዛ፤ ፋ ኩሻ ኤዛል አፋ ጋዲ ፓꬄዛ።
ACT 28:9 የይፕ ጉየ፥ ማላጻ የዝ ሀርግንትዛ ሀራ አስታይካ ይኢ ፓጼዛ።
ACT 28:10 ኡንቲ ኑና ጋመ ቦንቼዛ፤ ኑኒ ማርካበር Ꮊንጎዳይስ ደንዴዝ ዎደ ኦገስ ቤዝዛ ባዝ ኑስ እንጌዛ።
ACT 28:11 ሀይꬒ አጌናፕ ጉየ፥ ማላጻ ባልጎ ኣꬂ ኢስክንድረ ማርካበር Ꮊማዳይስ ደንዴዛ። የ ማርካባይል አፋ ድዮስቆሮሳ ግዝ መንተ ኤቅታይ ምስለ የዛ።
ACT 28:12 ስራኩሰ ካታማ ገሊ ኤዛይድ ሀይꬒ ጋላስ በቴዛ።
ACT 28:13 የይፕ ደንዲ ረግዩመ ካታማ ሄሌዛ። ፐቲ ጋላሳፕ ጉየ፥ ሱለ ባጋ ጫርካይ ጫርክን፥ ዎንትꬃ ጋላስ ፑትዮለ ካታማ ሄሌዛ።
ACT 28:14 ኤዛይድ ኑኒ ፐቲ ፐቲ አማንዛ አስታ ደንግን፥ ፓር ሳምንታ ጋምኦድ ጋርክ ኑና ዎሴዛ። የይፕ ጉየ፥ ኦሮመ Ꮊንጌዛ።
ACT 28:15 ኦሮመ የዝ አማንዛ አስታይ ኑ ባጋ ስኢ፥ ኣፎሳ ፋሩስናኔ፥ ሀይꬒ አቅዛ አቆ ግዝ አቆ ሄሎዳይስ ኑና ሞኮዳይስ የኤዛ። ጳዉሎሳ ኡንታን ብኢ ጾሳ ጋላቴዛ ኤ ዎዝናይካ ሚንጌዛ።
ACT 28:16 ኑኒ ኦሮመ ገሌዝ ዎደ ጳዉሎሳ ፋና ናግዛ ዎታዳርታይር ፋ ኣዳስ በቶድ ጋርክ ግንትንቴዛ።
ACT 28:17 ሀይꬒ ጋላሳፕ ጉየ፥ ጳዉሎሳ አይሁድታይ ሀላቅታ ፋኮ ጼግሴዛ። ኡንቲ ሺቄዝ ዎደ ኡንትኮ፥ «ታ እሹንꬆ፥ ታኒ ኑ አሳይ ዎይ ኑ አድታይ ዎጋል አፋ አባ ቆሆካ ኦꬄካያ፥ ዝን ታና የሩሳላመ አጪ ኦሮመ አሳይስ ኣꬂ እንጌዛ።
ACT 28:18 ኡንቲ ታ ሞታ ብኢ Ꮊይቆስ ሄልꬅዛ ባዝ ታል አፋ አብካ ደንገካ ግሾስ ታና ብልኦዳይስ ቆፔዛ።
ACT 28:19 ዝን አይሁድታይ የያ እጽን ‹ታባዝ ቄሳረ ፕርዶ› ዬጌዛፕ አትን ታኒ ታ ጋድታ ሞትዛባዝ የዝን ባያ።
ACT 28:20 ታኒ ይንታን ጼግሴዛይ ይንታን በአዳይስኔ ይንትስ Ꮊያ ኦዶዳዳይሲ። ታኒ Ꮊ ሳንꬃላታይር አጭንቴዛይ እስሬለ አሳይ ናግዛ ኡፋይሳይ ግሾስ» ዬጌዛ።
ACT 28:21 አይሁደ ሀላቅታይ ጳዉሎሳኮ፥ «ኑስ ይሁዳፕ ኔስ ጻፍንቴዝ ዳብዳበ ሄለካያ። የይፕ የኤዝ አስታይፕ ፐታካ ኔስ ኢታ ኦዴዛይ ባያ።
ACT 28:22 ዝን Ꮊ ነ ካልዛ አማና ዱማ ዱማ አቆ አሳይ እጽዛና ኑኒ ኤርዛ ግሾስ ነ ቆፋ ስኦዳይስ ኮይዛ» ዬጌዛ።
ACT 28:23 ኡንቲ ፋ የኦድ ጋላስ ጳዉሎሳስ ቃማ ኤኪ፥ የ ጋላስ ጋንጊ ኤ የዛ አቆ የኤዛ። ኤ ዎንታፕ ኦማꬅ ሄሎዳይስ ጾስ ካተትꬂ ባጋ ኡንትስ ማርካቴዛ። ማ ኡንቲ የሱሳ ባጋ አማኖዳይ ጋርክ ሙሰ ህገኔ ናብታይ ማጻፍታ ሎእꬂ ታማሬዛ።
ACT 28:24 ፐታይ ፐታይ ጳዉሎሳ ጌዛና አማኔዛ፥ ዝን Ꮊንክታይ አማነካያ።
ACT 28:25 ኡንቲ ዎል ጋንጨ ኦዳይል ማኣም እጼዛይፕ ጳዉሎሳ ፐትባዝ ጌዛይፕ ጉየ Ꮊንጌዛ። ኤ Ꮊይ ጋርክ ዬጌዛ፦ «ጌሻ አያናይ ኑ አድታይስ ናበ ኢስያሳ ዶናር ኦዴዛይ ቱማ።
ACT 28:26 «‹ኔኒ Ꮊ አሳይኮ Ꮊንጊ፥ ይ ስስ ስእዛ፥ ዝን አካኮያ፤ ይ በኦ ብእዛ፥ ዝን ደንጎያ።
ACT 28:27 Ꮊ አሳይ ዎዝናይ ሙሜዛ፤ ኡ ሀያይ ቱሌዛ፤ ኡ ኣፋይካ ጎዝንቴዛ። የይ ባዛኮ፥ ኡንቲ ፋ ኣፋይር ብኢ፥ ፋ ሀያይር ስኢ፥ ፋ ዎዛናይር አካኪ፥ ታኮ ማቆዳዝን፤ ታካ ኡንታን ፓꬆዳዝን› ዬጎባ» ዬጌዛ።
ACT 28:28 «ይኬ፥ Ꮊይ ጾስ አቶትꬅ ኪታይ አይሁደ ባዝታይስ ማቄዛና ኤርዛ። ኡንትካ ስኦዳ» ዬጌዛ።
ACT 28:29 ጳዉሎሳ የያ ጌዛይፕ ጉየ አይሁድታይ ዎል ጋንጨ ዳሮ ፓላምታር ከዚ ቅቴዛ።
ACT 28:30 ጳዉሎሳ ከራ ኬꬃ ናምኢ ላይꬅ ሙዳ በቴዛ፤ ኤዛይድ የዛር ፋኮ የኤዝታ ኡባ ሞክዛ።
ACT 28:31 ያሻ ባይꬅኔ ኦካ ካየካዝን ጾስ ካተትꬅባዝ ሳባኬዛ፤ ጎዳ የሱስ ክርስቶሳ ባጋ ምልጽ ኡዲ ታማርሴዛ።
ROM 1:1 የሱስ ክርስቶሳ አይለ ማቄዝ፥ ሀዋረ ማቃዳይስ ጼግንቴዛይፐኔ ጾሳ ዎንግለ ሳባኮዳይ ጋርክ ሻክንቴዝ ጳዉሎሳ ኪቴዝ ኪታ።
ROM 1:2 ጾሳይ ጋመ ዎደፕ ቲና ፋ ናብታይ ባጋር እማድ ጌዝ ጾስ ዎንግላይ ጌሻ ማጻፍታይድ ጻፍንቴዛ።
ROM 1:3 የ ዎንግላይ አሾር ዳዉተ ሼሻፕ የልንቴዝ፥ ጾስ ናአ፥ ኑ ጎዳ የሱስ ክርስቶሳ ባጋ ኦድዛ።
ROM 1:4 ማ ኤ ፋ ጌሻ አያናር Ꮊይቆፕ ደንዲ፥ ጾስ ናአ ማቅዛና ዳማ ዎልቃር ቤዜዛ።
ROM 1:5 ኤ ባጋር አይሁደ ባዝታይ ኡቢታይ፥ አማኒ ኪትንቶድ ጋርክ ክርስቶሳ ሱንꬃይ ግሾስ ጾሳይ ኣꬎ ኬሃትꬃር ሀዋረትꬅ ማዉተ ኑስ እንጌዛ።
ROM 1:6 የሱስ ክርስቶሳስ ማቃድ ጋርክ ጼግንቴዝታይፕ ባግታይ ይንታና።
ROM 1:7 ኦሮመ ጋንጨ የዝ፥ ጾሳይ ቃꬊዝታይስኔ ኤ ጌሽ ዎያ ማቃድ ጋርክ ማራጼዝታይስ፦ ጾሳ ኑ አዳይፐኔ ጎዳ የሱስ ክርስቶሳፕ ኣꬎ ኬሄትꬅኔ ሳሮትꬃይ ይንትስ ማቆ።
ROM 1:8 ኡባፕ ቲናቲ፥ ይ አማናይ ቢታ ኡባይል ስንቴዝ ግሾስ የሱስ ክርስቶስ ባጋር ይ ግሾስ ታ ጾሳ ጋላትዛ።
ROM 1:9 ታኒ ኤ ናአይ ዎንግላይ ባጋ ኩንꬅ ዎዝናር ኦድዛ ጾሳይ፥ ታኒ ታ ዎሳይድ ኡባ ዎደ ይንታን ቆፕዛይስ ኤ ማርካ።
ROM 1:10 ዉርስꬃል፥ ጾስ ሸነ ማቅኮ፥ ታኒ ይንትኮ Ꮊማዳይስ ኦጋይ ታስ ኡሻቾድ ጋርክ ኡባ ዎደ ዎስዛ።
ROM 1:11 ታኒ ይንትስ አያና እሞትꬅ ሻጎዳይስኔ ይንታን በአዳይስ ላሞትዛ።
ROM 1:12 የይካ፥ ታኒ ይ አማናይር፥ ማ ይ ታ አማናይር ሚንጎዳይ ጋርከ።
ROM 1:13 ታ እሹንꬆ፥ ታኒ አይሁደ ባ አሳይፕ ኣፈ ደንጌዛይ ጋርክ፥ ይንታፐካ ኣፈ ደንጎዳይስ ይንትኮ Ꮊማዳይስ ቆፔዛ፥ ዝን ታና ካዬዛ።
ROM 1:14 ግርኬ አሳይስኔ ታማረካ አሳይስ ማ ኤጭታይስኔ ቦዝታይስ ታስ አጮ የዛ።
ROM 1:15 የይ ግሾስ፥ ኦሮመ ጋንጨ የዝ ይንትስካ ዎንግለ ኦዶዳይስ ታ አሞትዛ።
ROM 1:16 ዎንግላይር ዬላታም፥ ቲናቲ አይሁደ፥ ኤዛይፕ ግርኬ አሳይስ አማንዝታ ኡባ አሾዳይስ ዎንግላይ ጾስ ዎልቃ።
ROM 1:17 ጽሎ አማኖር ደኦ የዞዳ ግንትንቲ ጻፍንቴዛ። ጾስ ጽሎትꬃይ በንቴዛ፤ ቲናፕ ዉርስꬂ ሄሎዳይስ አሲ ጽልዛይ አማኖራ።
ROM 1:18 ቱማይ ኤርንታም ጋርክ ፋ ኢታ ኦሶር ካይዛ አሳል አፋኔ ናጋራ ኡባይል አፋ፥ ጾስ ሴራ ሳሎፕ ዎꬍዛ።
ROM 1:19 ጾሳይ ኡንትስ በንቶዳይስ ቤዝዛ ባዝ ቆንጭሴዝ ግሾስ ኡንቲ ጾስባዝ ኤርዛ።
ROM 1:20 አላመ መꬊንቴዛይፕ አይኪ፥ አስስ በንቶዋ ጾስ ሀኖታ፥ የይካ ኤ መꬍና ዎልቃኔ ጾሳትꬃይ ኤ መትꬃይር በንቲ የዛ ግሾስ አሳይ ፋ ኢታትꬅስ ሳላምቦድባዝ ባያ።
ROM 1:21 ኡንቲ ጾሳ ኤርታር፥ ኤዛ ቦንቼካያኔ ጋላተካያ። ኡ ቆፋይ ማዶዋ ባዝ ማቄዛ፤ ኡ አካኮዋ ዎዝናይ ꬉሜዛ።
ROM 1:22 ኡንቲ ፋና ኤጭታ ግዛ፥ ዝን ቦዝታ።
ROM 1:23 ꬋቦዋ ጾሳ ጎይኖዳና አሺ፥ Ꮊይቅዝ አስ ምስለ፥ ካፍታይ ምስለ፥ ዶእታይ ምስለኔ ኡሎር ጎችንትዛ ባዝታ ኣዝሲ ኦꬄዝ ምስልታ ጎይኔዛ።
ROM 1:24 የይ ግሾስ፥ ኡንቲ ፐታይ ፐታይር ቦርሶ ባዝ ኦꬂ፥ ፋ ጋላ ቶቾድ ጋርክ ጾሳይ ኡንታን ኡ ዎዝናይ አሞትዝ ቱና ኦሶስ ኣꬂ እንጌዛ።
ROM 1:25 የይ ሀኔዛይ ኡንቲ ጾስ ቱሮትꬃ ዎርዶር ላሜዝ ግሾኔ መꬌዝ ጾሳ አሺ፥ መትꬂ ጎይኔዝ ግሾስ። ጾሳይ መꬍናስ ጋላትንቴዛያ። አምንኤ።
ROM 1:26 የይ ግሾስ፥ ጾሳይ ኡንታን ኡ ቦርሶ አሞትꬃይስ ኣꬂ እንጌዛ። ኡ ማችታይ ፓስ ቤዝዛ ꬊራꬃር አቆዳ አሺ፥ ቤዞዋ ባዝ ሀኒ ማቺ ማቻር ዎላ አቄዛ።
ROM 1:27 የይ ጋርክ፥ ꬊራꬅታይ ፓስ ቤዝዛ ማቻር አቅዛ አሺ፥ ꬊራꬅ ꬊራꬃር ዎላ አቄዛ። ꬊራꬅ ፐታይ ፐታይር አሞትꬃር ጹግንቲ፥ ቦርሶ ባዝ ኦꬄዛ። ፋ ኦꬄዝ ቡታይስ ቤዝዛ ፕርደ ኤኬዛ።
ROM 1:28 ኡንቲ ጾሳ ኤሮዳይስ እጼዝ ግሾስ ቤዞዋ ባዝ ኦꬆድ ጋርክ ጾሳይ ኡ ካሃ ፓꬃም ቆፋስ ኣꬂ እንጌዛ።
ROM 1:29 ኡንታር ዡጫትꬅ፥ ኢታትꬂ፥ ኡዛትꬂ፥ ገነ፥ ቅናተ፥ ሸምፖ ዎꬎ፥ ፓላማ፥ ዶሻኔ ኢታ አሞ ኩሜዛ። ኡንቲ ዝግርዝታ፥
ROM 1:30 አስ ሱንꬅ ኢስዝታ፥ ጾስ እጽዝታ፥ ጫዥዝታ፥ ኡትርትዝታ፥ ጬቅንትዝታ፥ ኢታ ባዝ ኦꬆዳይስ ኮይዝታኔ ፋ እንድስኔ ፋ አዴስ ኪትንቶዝታ፥
ROM 1:31 አካኮዝታ፥ ጫቆ መንꬅዝታ፥ ሲቆ ባዝታ፥ ቃ ባዝታ።
ROM 1:32 የይትታይ ጋርክ ኦꬅዝታይስ Ꮊይቆ ቤዝዛ ግዝ ጾሳ ህገ ኤርታር፥ Ꮊይትታ ኦꬅዛ። ኡ ፓስ ኦሶ ኣዳ ባዝን ኦꬅዛ Ꮊንክታካ ሳቢዛ።
ROM 2:1 የይ ግሾስ፥ ነኖ ሀራ አሳል አፋ ፕርድዛዮ፥ ኔኒ ሳንከ ሽሽዛባዝ ባያ። ኔኒ ሀራ አሳል አፋ ፕርድታር፥ የ ነ ፕርድዛ አꬃይ ጋርክ ኦꬅኮ፥ ነ፥ ኔል አፋ ፕርድዛ።
ROM 2:2 የይ ጋርክ ኦꬅዝታይል አፋ ጾሲ ጽሎ ፕርዳ ፕርድዛ ኑ ኤርዛ።
ROM 2:3 ነኖ፥ የይ ጋርክ ኦሶ ኦꬅዝታይል አፋ ፕርድዛዮ፥ ኡንቲ ኦꬅዛኒ ጋርክ ኦꬅዛዮ፥ ኔኒ ጾስ ፕርዳፕ አቶድባዝ ኣዝኔ?
ROM 2:4 ዎይ ጾስ ኬሄትꬃ፥ ጋርዦኔ ዳንዳአ ዱረትꬃ ነ ለቅኔ? ጾሲ ኔስ ኬሄዛይ ነና ናጋራፕ ማሆዳይስ ማቅዛና ኤሮሳኔ?
ROM 2:5 ዝን ይንትስ ምኖኔ ማሮተꬅ ገሎዋ ዎዝና የዛ። የይ ግሾስ፥ ጾስ ሴራይኔ ጽሎ ፕርዳይ በንትዝ ጋላስ፥ ኔል አፋ ፕርዳይ ኩሮድ ጋርክ ኡድዛ።
ROM 2:6 ጾሳይ ፐታይስ ፐታይስ ኤ ኦሳት ጋርክ እማዳ።
ROM 2:7 ሎኦ ኦሶር ሚንጊ፥ ጋላታ፥ ቦንቾኔ ꬋቦዋ ደኦ ኮይዝታይስ ጾሳይ መꬍና ደኦ እማዳ።
ROM 2:8 ዝን ፋና ሲቅዝታ፥ ቱማ እጽዝታኔ ኢታ ባዝ ኦꬆዳይስ ኮይዝታይል አፋ ጾስ ሴራኔ ጋዶ የኦዳ።
ROM 2:9 ኢታ ባዝ ኦꬅዝ አስ ኡብታ፥ ቲናቲ አይሁድታ፥ ኤዛይፕ ግርኬ አሳ መቶኔ ኡንአ ሄሎዳ።
ROM 2:10 ዝን ጾስ ሎኦ ኦሶ ኦꬅዝ ኡባይስ፥ ቲናቲ አይሁድታይስ፥ ካሊ ግርኬስ ጋላታ፥ ቦንቾኔ ሳሮትꬅ እማዳ።
ROM 2:11 ጾሳይ አስ ኣፈ ብኢ ሻኮያ።
ROM 2:12 ህገ ባ ናጋራ ኦꬄዝ ኡቢታይ ህገ ባ ꬋቦድ። ህገ የዝን፥ ናጋራ ኦꬄዝ ኡባይ ህገር ፕርድንቶዳ።
ROM 2:13 ጾስ ቲና ጽልዝታይ ህገ ናግዝታይፕ አትን ህገ ስስ ኣዳ ስእዝታ ባያ።
ROM 2:14 ህገ ባ አይሁደ ባ አሳይ መꬎር ህገ ኪትዛ ኦꬅዛ። ኡንትስ ህጋይ ባ እጽኮካ ኡንቲ ፋ ዎዝናር ህገ ኤርዛ።
ROM 2:15 ኡ ሀኖታይ፥ ህገ ኪታይ ኡ ዎዝናይድ ጻፍንቴዛና ቤዝዛ። ማ ኡ ካሃይ ኡንታል አፋ ማርካትዛ። ኡ ቆፋይ ፐቲ ፐቲ ቶኬ ኡንታል ቡታ ግ ሞትዛ፤ ፐቲ ፐቲ ቶኬ ኡንታን ሉለ ግዛ።
ROM 2:16 ታ ታማርሴዝ ዎንግለ ጋርክ ጾሳይ የሱሳ ክርስቶሳ ባጋር አስ ዎዝና ጋንጨ ቆስንቴዝ ቆፋ ፕርድዛ ዎደ የይ ኤርንቶዳ።
ROM 2:17 ዝን ነ ነና አይሁደ ግዛ፤ ህገል ካትዛ፤ ጾሳር የዝ የሳይድ ነ ጋይርዛ።
ROM 2:18 ነ ኦꬆድ ጋርክ ጾሲ ኮይዝ ባዝ አብዛኮ ኤርዛ። ህገ ታማሬዝ ግሾስ ቱማ ማቅዝባዝ ሻጊ ኤርዛ።
ROM 2:19 ኔኒ ቶእታ ካልꬅዛ፥ ማ ꬉማ የዝታይስ ፖኦ ማቅዛና ሻኪ ኤርዛ።
ROM 2:20 ኔኒ ህጋይፕ ደንጌዝ ኤረትꬃይራኔ ቱማትꬃይር ቦዝታ ኤርስዛኔ ዱድታ ታማርስዛ ማቅዛና ኤርዛ።
ROM 2:21 የዝን፥ ነ ሀራ አስ ታማርስዛይ ነ ነና አብስ ታማርሶሳ? ኔኒ፥ «ካስትፐ» ግ ሳባክታር፥ ኔኒ ነ ኡባስ ካስትኔ?
ROM 2:22 ኔኒ፥ «ላምፐ» ጊታር፥ ኔኒ ነ ኡባስ ላምኔ? ኔኒ ኤቃ እጽታር፥ ኤቃር የዝ ካራ ቦንቂኔ?
ROM 2:23 ኔኒ ጾስ ህጋይድ ጬቅንትዛ፥ ዝን ህጋይስ ኪትንታም እጺ ጾሳ ዬላꬅኔ?
ROM 2:24 ጌሻ ማጻፋይድ፥ «ይ ሳንከር ጾሳ ሱንꬃይ አይሁደ ባ አሳይር ጫዥንትዛ» ግንትንቲ ጻፍንቴዛ።
ROM 2:25 ነ ህገስ ኪትንትኮ፥ ነ ዶካልንታይ አድዛ፥ ዝን ኔኒ ህገስ ኪትንታም እጽኮ ነ ዶኮልንተካዛይ ጋርክ ማቅዛ።
ROM 2:26 አይሁደ ማቀካ አስ ዶካልንተካ የዛር፥ ህገስ ኪትንትኮ፥ ጾሳይ ኤዛ ዶካልንቴዝ ጋርክ ፓይዶሳ?
ROM 2:27 ይ፥ አይሁደ አሳይ፥ ይንትስ ጻፍንቴዝ ህጋይኔ ዶኮልንቲ የዝን፥ ይ ህገስ ኪትንታም እጽኮ፥ አይሁደ ባ አሳይ ዶካልንታም እጽኮካ ህገስ ኪትንቲ፥ ይንታል አፋ ፕርዶዳ።
ROM 2:28 ይኬ፥ ሱንꬃር አይሁደ ማቄዝ ኡቢታይ ቱማ አይሁደ ባያ። በንትዝ አሾ ዶካልንታይ ቱማ ዶኮልንቶ ባያ።
ROM 2:29 ዝን ቱማ አይሁደትꬅ ጋንጨ ባጋር አይሁደ ማቅዛ። ቱማ ዶካልንታይ ጾስ አያናር ሀንዝ ዎዝና ዶካልንቶፕ አትን ጻፍንቴዝ ህጋይድ ሀንዝ ጋላ ጋቾ ባያ። የ አꬃይ ጋላታ ጾሳፕ ኤክዛፕ አትን አሳፕ ባያ።
ROM 3:1 የዝን፥ አይሁደትꬅ አብስ ማዴ? ዎይ ዶካልንቶስ አባ ማዴ የኔ?
ROM 3:2 ቱማ አይሁደ ማቅꬃይ ጋመ ኦገር ማድዛ። ኡባፕ ቲን ጾሳይ ፋ ቃላ ሀዳራ አይሁድታይስ እንጌዛ።
ROM 3:3 የዝን፥ ኡንታፕ ፐታይ ፐታይ ቃላ አማናም እጽኮ፥ ኡ እጻይ ጾስ ጌሸትꬃ ካይነኔ?
ROM 3:4 ካዮያ! አስ ኡባይ ዎርዶ ማቅኮካ ጾሳይ ቱማ ማቆ። ጌሻ ማጻፋይድ፥ «ነቃላይር ነ ጽሎዳ፤ ነና ሞትዛና ፕርዳር ላꬆዳ» ግንትንቲ ጻፍንቴዛ።
ROM 3:5 የዝን፥ ኑ ዎርዣይ ጾሳይ ጌሻ ማቅዛና ቤዝዛ ባዝ ማቅኮ፥ ኑ ዋጎዴ? ጾሳይ ኑ ናጋራ ግሾስ ኑል አፋ ፕርድኮ፥ ሉሎ ባሳኔ? Ꮊያ ታኒ አስ ቆፋ ጋርክ ግዛ።
ROM 3:6 የያ ባያ። የይ ጋርክ ሀንኮ፥ ጾሲ Ꮊ አላማይል አፋ ዋይዚ ፕርዶደ?
ROM 3:7 ዝን ታ ዎርዶትꬃይ ጾስ ቱማ ቆንጭሲ፥ ኤ ቦንቻ ዳምሲ ቤዝዛ ባዝ ማቅኮ፥ የዝን፥ አብስ ታል አፋ ናጋራንቾ ጋርክ ፕርድኔ?
ROM 3:8 ፐቲ ፐቲ አሳይ፥ «ሎኦ ባዝ የኦድ ጋርክ ኢታ ኦꬅዛ» ዬጊ ታማርስዛይ ጋርክ ኡዲ ታና ሞትዛ። የይ ጋርክ አሳል ይእዛ ጾስ ፕርዳይ ቤዝዛያ።
ROM 3:9 የዝን፥ ኑኒ ዋጎዴ? ኑ ኣꬆኔ? የያ ባያ! አይሁደ ማቅን፥ ግርኬ ማቅን ኡቢታይ ናጋራ ኦሞ የዛና ታኒ ቲናቲ ይንትስ ኦዴዛ።
ROM 3:10 ጌሻ ማጻፋይድ፥ «ጽሎ አስ ፐታካ ባያ።
ROM 3:11 አካክዛ አስ ባያ፥ ጾስ ኮይዝ ኦንካ ባያ።
ROM 3:12 ኡቢታይ ባልንቴዛ ፐትፐ አዶዝታ ማቄዛ ሃዮትꬅ ኦꬅዛይ ባያ። ፐቲ አስካ ባያ።
ROM 3:13 ኡ ዶናይ ዶይንቴዝ ዱፎ፥ ፋ እራንꬃይር ዶሽዛ። ኡ ዶናይፕ፥ ሾሺ ማርዘ ከዝዛ።
ROM 3:14 ኡ ዶናይድ ጫሞ ኦዳኔ ባድꬂ ኩሜዛ።
ROM 3:15 ኡ ቶካይ ሱꬅ ላሎዳይስ ኤልስዛ።
ROM 3:16 ኡ ኦጋይድ ꬋቦኔ ዳቡርስ የዛ።
ROM 3:17 ኡንቲ ሳሮትꬅ ኦገ ኤሮያ።
ROM 3:18 ፋ የሳይድ ጾስስ ያሽቶያ» ግንትንቲ ጻፍንቴዛ።
ROM 3:19 አስ ኡባ ዶና አይꬆዳይስኔ አላማ ሙመር ጾስ ፕርደፕ ኦሞር ሺሾዳይስ፥ ህገ እንግንቴዛይ ህገፕ ኦሞ አቅዝታይስ ማቄዛና ኑ ኤርዛ።
ROM 3:20 የይ ግሾስ፥ ኦንካ ህገስ ኪትንቲ ጾስ ቲና ጽሎዳይስ ዳንዳኦያ። ህገ አስ ኡቢታይ ናጋራንቾ ማቄዛና ቤዝዛ።
ROM 3:21 ዝን Ꮊት ህገኔ ናብታይ ማርካቴዝ ጾስ ጽሎትꬃይ ህገ ባዝን ቆንጬዛ።
ROM 3:22 Ꮊ ጽሎትꬃ፥ ጾስ የሱስ ክርስቶሳ አማኖ ባጋር አስ ኡባስ ሻኮ ባዝን እንግዛ።
ROM 3:23 አሲ ኡባይ ናጋራ ኦꬄዛ፤ ጾሲ ኡንትስ እንጌዝ ቦንቻይፕ ፋጨዛ።
ROM 3:24 ዝን ኡንቲ ጾስ ኣꬎ ኬሃትꬃር፥ ዎዝዛ ክርስቶስ የሱሳ ባጋር ጨር ጽሌዛ።
ROM 3:25 ጾሳ የሱስ ክርስቶሳ ያርሾ ኡዲ እንጌዛይ፥ ኤዛ አማንዛ ኡቢታይ ኤ ሱꬃይር ናጋራ ማሮትꬅ ደማድ ጋርከ። ጾሳይ የያ ኦꬄዛይ ፋ ዳንዳአይር ቲን ናጋራ ታይበካ አሺ፥ ፋ ጽሎትꬅ ቤዞዳይስ።
ROM 3:26 Ꮊ ዎዳይድ የሱሳ አማንዛ ኡባ ጽልሶር፥ ጾሳይ ፋ ኡባስ ጽሎ ማቄዛና ቤዝዛ።
ROM 3:27 የዝን፥ ኑ ጬቅንታይ አባ የኔ? የይካ አቴዛ። ኑኒ ጬቅንትዛይ ህገስ ኪትንትዛ ግሾኔ? ዋኣ! አማኖ ህገራፕ አትን።
ROM 3:28 ጾሲ አስ ጽልስዛይ አማኖራፕ አትን ህገ ናጎር ባዛና ኑ ኤርዛ።
ROM 3:29 ዎይ ጾሳይ አይሁድታይስ ኣዳ ጾሶኔ? አይሁደ ባዝታይስ ጾስ ባሳኔ? ቱማ፥ አይሁደ ባዝታይስካ ኤ ጾሰ።
ROM 3:30 ጾሲ ፐቶ፤ አይሁድታኔ አይሁደ ባዝታይስካ አማኖር ጽልስዛይ ኤዛ።
ROM 3:31 የዝን፥ ኑኒ ህገ አማኖ ግሾስ ሻሮዳ ጉሶኔ? የያ ባያ! ህገ ምንꬆዳይፕ አትን።
ROM 4:1 የዝን፥ ኑ አሾ አደ አፍራመ አብ ደንጌኔ?
ROM 4:2 አፍራመ ኦሶር ጽሌዝባዝ ማቄዛኮ፥ ኤ ጬቅንትዛባዝ የዛ፥ ማቆዝን፥ ጾስ ቲና ጬቅንቶዳይስ ዳንዳኦያ።
ROM 4:3 ጌሻ ማጻፋይ፥ «አፍራመ ጾሳ አማኔዛ፤ ጾሳይ የያ ኤዝስ ጽሎትꬅ ኡዲ ኤኬዛ» ዬጌዛ።
ROM 4:4 ኦꬅዛ አꬃይ ኤክዛ ዳሞዛይ፥ ኤ ኦሶ ዎልቃስ ጭግንትዛ አጮፕ አትን ኤዝስ እሞታ ባያ።
ROM 4:5 ዝን ኦሶ ኦꬆዋ ኦንካ ናጋራንቻና ጽልስዛ ጾሳ አማንኮ፥ ኤ አማናይ ኤዝስ ጽሎትꬅ ማቂ ፓይድንትዛ።
ROM 4:6 ጌሻ ማጻፋይድ ዳዉተ፥ ኦሶ ባዝን ጾሲ ጽልስዛ አꬃይ አብ ጋርክ አንጅንቴዛኮ Ꮊይ ጋርክ ዬጊ ቆንጭሲ ቤዝዛ፦
ROM 4:7 «ኡ ቡታይ አቶ ግንትንትዝታይኔ ኡ ናጋራይ ኡጭንቴዝታይ አንጅንቴዝታ።
ROM 4:8 ጎዳይ ኤ ናጋራ ፓይደካ አሲ አንጅንቴዛያ» ዬጌዛ።
ROM 4:9 የዝን፥ ዳዉተ ኦዴዝ አንጆ ዶካልንቴዝ አስ ኣዳሶኔ? ዎይ ዶካልንተካ አስሶ? ኑኒ፥ «ጌሻ ማጻፋይ፥ አፍራመ ጾሳ አማኔዛ፤ ጾሳይ የያ ኤዝስ ጽሎትꬅ ኡዲ ኤኬዛ ዬጌዛ»።
ROM 4:10 የዝን፥ የይ አይደ ሀኔ? አፍራመ ዶካልንትነኔ? ዎይ ዶካልንተካ የዝን? ዶካልንቶዳይፕ ቲን ሀኔዛፕ አትን ጉየ ባያ።
ROM 4:11 አፍራመ ዶካልንቶዳይፕ ቲና ኤ አማናይ ኤዝስ ጽሎትꬅ ማታመ ማቂ ፓይድንቴዛና ኤርሶዳይስ፥ ኤ ዶካሎስ ማላ ማቄዛ። የይ ግሾስ፥ አፍራመ ዶካልንተካ አማንዝታይስኔ አማኖር ጽልዝታይስ ኡቢታይስ አደ ማቄዛ።
ROM 4:12 ኤ ዶካልንቴዝታይስካ አደ። አፍራመ ኡንትስ አደ ማቄዛይ ኡንቲ ዶካልንቴዝ ግሾስ ኣዳ ባዝን ኤ ዶካልንቶዳይፕ ቲን አማኔዝ አማና ኡንቲ ካሌዝ ግሾስ።
ROM 4:13 አፍራመስኔ ኤ ሼሻይስ፥ «አላመ ታ ይንትስ እማድ» ዬጌዝ ኡፋይሳይ፥ አፍራመ አማኖር ጽሌዝ ግሾስፕ አትን ህገ ናጊ ፖሌዝ ግሾስ ባያ።
ROM 4:14 ህገስ ኪትንቴዝታይ ጾሳይ እማድ ጌዝ ኡፋይሳ ኤክዝታ ማቅኮ፥ አስ አማኖ ጨረ፤ ጾስ ኡፋይሳይካ ሻርንቴዛ።
ROM 4:15 ህገ መንꬆ ጾስ ካች ክእዛ፥ ዝን ህገ ባ አቆ ህገ መንꬆካ ባያ።
ROM 4:16 የይ ግሾስ፥ ጾሲ እንጌዝ ኡፋይሳይ አማኖር ኤክንትዛ። Ꮊ ኡፋይሳይ አፍራመ ሼሽ ኡባስ ጾስ ኣꬎ ኬሄትꬅ ባጋር እንግንቴዛና ቤዝዛ። የይካ ህገ ናግዝታይ ኣዳስ ባዝን አፍራመ ጋርክ አማኔዝ ኡቢታይስ። አፍራመ ኑ ኡባይስ አደ።
ROM 4:17 ጌሻ ማጻፋይድ፥ «ታ ነና ጋመ ዎይታይስ አደ ማሄዛ» ግንትንቲ አፍራመ ግሾስ ጻፍንቴዛ። Ꮊ ኡፋይሳይ አፍራመስ እንግንቴዛይ Ꮊይቄዝታይስ ደኦ እንግዛይኔ ኦሮꬅባዝ ኦꬅዛ ጾሳይ ኤዛ ማቅዛና ኤ አማኔዝ ግሾስ።
ROM 4:18 ጾሳይ አፍራመስ ጋመ ዘርꬅ እማዳና ጫቄዛ። ኡፋይስ ኦꬆዳይስ አብካ ዳንዳእንቶዋ ዎደ አፍራመ ጾሳ አማኔዝ ግሾኔ ኡፋይስ ኦꬄዝ ግሾስ ጋመ ዎይታይስ አደ ማቄዛ።
ROM 4:19 አፍራመስ ጼት ላይꬅ ኩሞድ ሀንኮካ፥ ዳቡሬዝ ꬊራꬄትꬃኔ ሳራ ናአ የሎዳይስ ዳንዳኦዛ ኤርታር ፋ አማናይር ዳቡረካያ።
ROM 4:20 ማቆዝን፥ ኤ ፋ አማናይር ሚንጊ ጾሳይስ ቦንቾ እንጌዛፕ አትን ጾሳይ እንጌዝ ኡፋይሳ አማናም እጺ፥ ስካያ።
ROM 4:21 አፍራመ፥ ጾሳይ ጫቄዝ ጫቃ ፖሎዳና ፋ ኩንꬅ ዎዝናር አማኔዛ።
ROM 4:22 የይ ግሾስ፥ ጾሲ ኤ አማና ጽሎትꬅ ኡዲ ፓይዴዛ።
ROM 4:23 ዝን፥ «ኤዝስ ጽሎትꬃ ታይቤዛ» ግዝ ቃላይ አፍራመ ኣዳስ ጻፍንተካያ።
ROM 4:24 የ ቃላይ ኑ የሱሳ Ꮊይቆፕ ደንꬄዝ ጾሳ አማንዛ ኑስካ ኑ አማኖ ጽሎትꬃር ታይብንቶዳይ ጋርክ ጻፍንቴዛይ
ROM 4:25 ኑ ናጋራ ግሾስ Ꮊይቆስ አꬂ እንጌዛ፤ ኤ ኑና ጽልሶዳይስ Ꮊይቆፕ ደንዴዛ።
ROM 5:1 ይኬ፥ ኑ አማኖር ጽሌዝ ግሾስ ኑ ጎዳ የሱስ ክርስቶሳ ባጋር ጾስ ባጋር ኑስ ሳሮትꬅ አይኮዳ።
ROM 5:2 ኑኒ ኤ ባጋር Ꮊት ኑ ኤቄዝ ኣꬎ ኬሄትꬃይ ጋንጨ አማኖር ገሌዛ። የይ ግሾስ፥ ኑ ጾሳይ ቦንቻ ሻክንቶዳይስ የዝ ኡፋይሳይር ጬቅንትዛ።
ROM 5:3 የይ ኣዳ ባዝን መቶ ዳንዳአ ክእዛና ኑ ኤርዛ ግሾስ ኑ መቶ ጋንጨራካ ጬቅንትዛ።
ROM 5:4 ዳንዳአ ፋጨ ጋንጨ ጋርዦ ጋርዦካ ኡፋይስ እንግዛና ኑ ኤርዛ።
ROM 5:5 ጌሻ አያናይ ባጋር ጾሳይ ፋ ቃꬋ ኑ ዎዝና ጋንጨ ጋዴዝ ግሾስ የ ኡፋይሳይ ኑና ዬላꬆያ።
ROM 5:6 ኑኒ ሀጋ ዳቡሬዝታ ማቂ የዝን፥ ጾስ ዎደ ሄልን፥ ክርስቶሳ ናጋራ ኦꬄዝታይ ግሾስ Ꮊይቄዛ።
ROM 5:7 ጌሽ አስ ግሾስ Ꮊይቆድ አስ ዋዪ ደማዳ፥ ዝን ኬሃ አስ ግሾስ Ꮊይቆድ አስ ኦኒ ኤሬ በንተካ አታሚ።
ROM 5:8 ዝን ኑኒ ሀጋ ናጋራንቾ ማቂ የዝን፥ ክርስቶሳ ኑ ግሾስ Ꮊይቄዛ። ጾሳይ ኑና አብ ጋርክ ቃꬍዛኮ ኤ ቃꬋ ቤዝዛ።
ROM 5:9 ይኬ፥ ኑኒ ክርስቶሳ ሱꬃይር ጽሌዝባዝ ማቅኮ፥ ኡባይፕ ኣꬂ ኤ ባጋር ጾስ ሴራይፕ አቶዳ።
ROM 5:10 ኑኒ ቲና ጾሳር ሞርክታ፥ ዝን ኤ ናአይ Ꮊይቆ ባጋር ኤዛር እግንቴዛ። የይፕ ኣꬂ፥ Ꮊት ኑኒ ጾሳር ዳቦቴዝ ኤ ናአይ ደኦ ባጋር ኑኒ አቶዳ።
ROM 5:11 የይ ኣዳ ባዝን Ꮊት ኑና ጾሳር ዳቦꬄዝ ኑ ጎዳ የሱስ ክርስቶሳ ባጋር ኑ ጾሳር ጬቅንትዛ።
ROM 5:12 ዝን ፐቲ አꬃይ ባጋር ናጋራ Ꮊ አላማ ገሌዛ። የ ናጋራይ ባጋር Ꮊይቆ የኤዛ። አሲ ኡቢታይ ናጋራ ኦꬄዝ ግሾስ Ꮊይቆ አስ ኮች ኡባ ሄሌዛ።
ROM 5:13 ህገ እንግንቶዳይፕ ቲና አላመል ናጋራ የዛ፥ ዝን ህገ ባ ዎደ ናጋራ ናጋራ ማቂ ፓይድንተካያ።
ROM 5:14 ዝን አዳመፐ ሙሰ ሄሎዳይስ Ꮊይቆ አስ ኡባ ሞዴዛ። ሀራ አቶዝን፥ አዳማ ጋርክ ህገስ ኪትንታም እጺ፥ ናጋራ ኦꬄካዝታይስ ጉጅካ Ꮊይቆ ካዉቴዛ። አዳማ የኦዳይስ የዛይስ ኣዝሶ።
ROM 5:15 ዝን ጾስ ኣꬎ ኬሃትꬃይ ፐቲ አꬃይ ናጋራይ ጋርክ ባያ። ፐቲ አስ ናጋራ ባጋር ጋመ አሳይ Ꮊይቄዛ። ዝን የሱስ ክርስቶሳ ባጋር ጾስ ኣꬎ ኬሄትꬃይ ጋምታይስ ኣꬊ ጋንጊ እንግንቴዛ።
ROM 5:16 ፐቲ አꬃይ ናጋራይ ጋንጨኔ ጾስ እሞታይ ጋንጨ ጋመ ዱማትꬂ የዛ። ፐቲ አስ ናጋራ ባጋር ጾሲ ፕርዳ ከኤዛ። ዝን አሳይ ጋመ ናጋራ ኦꬅኮካ ጾስ ኣꬎ ኬሄትꬃይ ጽሎትꬅ ከኤዛ።
ROM 5:17 ፐቲ አሳይ ናጋራ ባጋር Ꮊይቆ ካዉቴዛ። ዝን የሱስ ክርስቶሳ ባጋር ፑጬዝ ጾስ ኣꬎ ኬሄትꬅኔ ጽሎትꬅ እሞታ ኤክዛ ኡባይ፥ ጋሚ ደኦር የዞዳ።
ROM 5:18 ይኬ፥ ፐቲ አሲ ናጋራ ኦꬄዝ ባጋር አስ ኡባይል አፋ ፕርዳ የኤዛይ ጋርክ ፐቲ አሲ ጽሎ ኦꬄዝ ባጋር፥ ጾስ አስ ኡባ ጽልሲ ደኦ እንጌዛ።
ROM 5:19 ፐቲ አሲ ኪትንታም እጼዝ ባጋር፥ ጋመ አሳይ ናጋራንቾ ማቄዛይ ጋርክ ፐቲ አስ ኪትንትꬃር ጋመ አሳይ ጽሎ ማቆዳ።
ROM 5:20 አሳይ ናጋራ ዎልቃ ኤሮድ ጋርክ ህገ የኤዛ፥ ዝን ናጋራ ዎልቃይ ጋንጌዝ ዎደ ጾስ ኣꬎ ኬሄትꬃይ ኣꬊ ጋንጌዛ።
ROM 5:21 ናጋራ Ꮊይቆ ዎልቃር ካዉቴዛይ ጋርክ ጾስ ኣꬎ ኬሄትꬃይ ጽሎትꬅ ዎልቃር ካዉቲ፥ ኑ ጎዳ የሱስ ክርስቶሳ ባጋር ኑና መꬍናስ ደኦኮ ካልꬅዛ።
ROM 6:1 የዝን፥ ኑኒ ዋጎዴ? ጾስ ኣꬎ ኬሄትꬃይ ጋጎዳይ ጋርክ ናጋራራ ሚንጊ ዎላ የዞደነ?
ROM 6:2 ዋኣ፥ ኑኒ ናጋራስ Ꮊይቄዝባዝ ማቅኮ፥ የዝን፥ ኑኒ Ꮊይፕ ዋይዚ ናጋራራ የዞዴ?
ROM 6:3 ኑ ኡቢታይ የሱስ ክርስቶሳር ፐቶ ማቃዳይስ ጻማቅንቲ ኤ Ꮊይቃይድ ኤዛር ፐቶ ማቃዳይስ ጻማቅንቴዛና ኤሮሳ?
ROM 6:4 ኑ ጻማቅንቴዝ ዎደ ክርስቶሳር Ꮊይቂ ሞግንቴዛ። ክርስቶሳ ጾስ አዳይ ቦንቾ ዎልቃር Ꮊይቆፕ ደንዴዛይ ጋርክ ኑካ ኦሮꬅ የስ የዞዳ።
ROM 6:5 ኑ ኤ Ꮊይቃይድ ኤዛር ፐቶ ማቅኮ፥ የይ ጋርከካ፥ ኤ ደንዳይድ ኤዛር ዎላ ፐቶ ማቃዳ።
ROM 6:6 ኑ Ꮊይፕ ጉየ ናጋራስ አይለ ማቃም ጋርከኔ ኑ ናጋራንቾ አሾ ዎልቃይ ꬋቦድ ጋርክ ኑ ጭማ አሰትꬃይ ክርስቶሳር ሶትንቴዛና ኤርዛ።
ROM 6:7 ፐቲ አስ Ꮊይቅዝ ባዝ ማቅኮ፥ ኤ ናጋራ ዎልቃፕ ዎዝንቲ ከዝዛ።
ROM 6:8 ኑኒ ክርስቶሳር Ꮊይቅኮ፥ ኤዛር ደኦ የዞዳና አማንዛ።
ROM 6:9 ክርስቶሳ Ꮊይቆፕ ደንዴዝ ግሾስ ማቂ ኤ Ꮊይቃምዛኔ Ꮊይቆ ቲናፕ ኤዛ ሞዳምዛና ኑ ኤርዛ።
ROM 6:10 ኤ Ꮊይቄዝ ዎደ ፐቲ ቶኬ ዉርሲ Ꮊይቄዛ፥ ዝን Ꮊት ደኦ ጾስስ የዝዛ።
ROM 6:11 የይ ጋርከካ፥ ይ ናጋራስ Ꮊይቂ፥ ጎዳ የሱስ ክርስቶሳ ባጋር ጾስስ ደኦ የዛና ቆፖይታ።
ROM 6:12 የይ ግሾስ፥ ይንቲ፥ ይ አሾ እናስ ኪትንታም ጋርክ Ꮊይቅዝ ይ አሻይል ናጋራ ካዉትፐ።
ROM 6:13 ማ ይ አባ አሰትꬅ ክፍለ ናጋራ ኦꬆዳይስ ዎርዠ ሚሸ ኡዲ እንግፓተ። ዝን ይ Ꮊይቆፕ ደንዲ፥ ደኦ የዛ አስ ጋርክ ይ አሾ ጾስስ እንጎይታ። ማ ይ ኩንꬅ አሾ ጽሎ ኦሶ ሚሸ ኡዲ ጾስስ ኣꬂ እንጎይታ።
ROM 6:14 ይ ጾስ ኣꬎ ኬሄትꬃይ ኦሞር የዛፕ አትን ህገፕ ኦሞር ባ ግሾስ ናጋራ ይንታን ሞዶዳይስ ቤዞያ።
ROM 6:15 የዝን፥ ኑ ዋጎዴ? ህገፕ ኦሞር ባዝን ጾስ ኣꬎ ኬሄትꬃይ ኦሞር የዛ ግሾስ ናጋራ ዎላ ኦꬆኔ? ዋኣ!
ROM 6:16 ይ ኪትንቶዳይስ ይንታን አይለ ኡዲ እንግዝ ዎደ የ ይ ኪትንትዛይስ አይለ ማቅዛና ይ ኤርዛ። የይ ጋርከካ፥ ይ ናጋራስ ኪትንትኮ፥ ይንትስ Ꮊይቆ ክእዝ ናጋራስ አይለ ማቅዛ። ዎይ ይ ጾስስ ኪትንትኮ ጽሎትꬅ ክእዝ ጾሳይስ አይለ ማቅዛ።
ROM 6:17 ካሰ ይ ናጋራስ አይለ፥ ዝን Ꮊት ይ ይንታን ኣꬂ እንጌዝ ቱማ ትምርታይስ ኩንꬅ ዎዝናፕ ኪትንቴዝ ግሾስ ጾስስ ጋላታ ማቆ።
ROM 6:18 ይ ናጋራ አይለትꬅ አቻፕ ብልንቲ ጽሎትꬅስ አይለ ማቅዛ።
ROM 6:19 ይንቲ ይ ቆፋር ዳቡራ ማቄዝ ግሾስ ታኒ ኦስካ ገልዛ ኦገር ኦድዛ። ካሰ ይንቲ፥ ይ አሰትꬅ ክፍለ ኡባ ቱናኔ ኢታ ባዝ ኦꬆዳይስ አይለ ኡዲ እንጌዛይ ጋርክ Ꮊት ይ አሰትꬅ ክፍለ ኡባ ጌሽ ማቃድ ጋርክ ጽሎትꬅ አይለ ኡዲ እንጎይታ።
ROM 6:20 ይ ናጋራስ አይለቲ የዛ ዎደ ጽሎትꬅስ ሃኮር የዛ።
ROM 6:21 ይንታን Ꮊት ዬላꬅዛ ቢን ይ ኢታ ኦሳይፕ አባ ኣፈ ደንጌኔ? የይስ ዉርስꬃይ Ꮊይቆ።
ROM 6:22 ዝን ይ ናጋራ አይለትꬅ አቻፕ ብልንት፥ ጾስስ አይለ ማቅዛ። የይ ይንታን ጽሎ ኣፈ አፍስዛ ኤ ዉርስꬃይ መꬍና ደኦ።
ROM 6:23 ናጋራስ ዳሞዛይ Ꮊይቆ። ዝን ጾሳይ፥ ኑ ጎዳ ክርስቶስ የሱሳ ባጋር እንግንትዛይ መꬍና ደኦ።
ROM 7:1 ታ እሹንꬆ፥ ታኒ ኦድዛይ ህገ ኤርዛ አሳይሲ። ህገ ፐቲ አሲ ፓꬅ የዛ ዎደ ኡባይድ ኤዛ ሞድዛ።
ROM 7:2 ኣዝሶስ፥ አዝን ገሌዝ አስታ እ አዝናይ ፓꬅ የዛ ዎደ ህገር ኤዛር አጭንቴዛ። ዝን እ አዝናይ Ꮊይቅኮ ኤዛር እዛ ጫቄዝ ጫቃይ እዞ ሞዶያ።
ROM 7:3 የይ ግሾስ፥ እዛ ፋ አዝናይ ፓꬅ የዝን፥ ሀራ ꬊራꬅ ገልኮ፥ እዛ ላሜዛኖ ግንትትዛ። ዝን እ አዝናይ Ꮊይቅኮ፥ ጫቃይ እዞ ሞዶዋ ግሾስ እዛ ሀራ አዝን ገልኮ፥ እዛ ላሜዛኖ ጊንትንቶያ።
ROM 7:4 የይ ግሾስ፥ ታ እሹንꬆ፥ ይ ክርስቶሳ አሾ ባጋር ህገ ዎልቃስ Ꮊይቂ፥ ጾስስ ኣፈ ኣፎዳይስ Ꮊይቆፕ ደንዴዝ ክርስቶሳስ ማቅዛ።
ROM 7:5 ኑ አሾ አሞ ኑና ሞድን፥ ኑ የዝን ህገ ጉጂ ናጋራ ኦꬆድ ጋርክ ኑና ደንꬅꬅዛ። ኑ አሾ ጋንጨ ኢታ አሞትꬂ የዛ ግሾስ ኑኒ Ꮊይቆ ኣፈ ኣፎድ ጋርክ ኦꬄዛ።
ROM 7:6 ዝን Ꮊት ኑኒ ኑና አጬዝ ህጋይስ Ꮊይቄዝ ግሾስ ኑኒ ህገ አቻፕ ብልንቴዛ። የይ ግሾስ፥ ኦሮꬅዛ አያና ኦገል ጾስስ ኪትንትዛፕ አትን ጻፍንቴዝ ጭማ ህገስ ኪትንታሚ።
ROM 7:7 ዬዝን፥ ኑ ዋጎዴ? ህገ ናጋራኔ? የያ ባያ! ዝን ህገ ናጋራ አብዛኮ ታና ኤርሴዛ። ህገ፥ «አሞትፐ» ጎዛኮ፥ አሞትꬂ አብዛኮ ታ ኤራምዝኒ።
ROM 7:8 ዝን ታ ኡባ ባዝ አሞቶድ ጋርክ ናጋራ ህገ ባጋር ታል ኦገ ደንጌዛ። ህገ ባዛኮ ናጋራ Ꮊይቄዛ።
ROM 7:9 ካሰ ህገ ባ ዎደ ታ ፓꬅ፥ ዝን ህገ እንግንቴዝ ዎደ ናጋራ ፓጽን ታ ማ Ꮊይቄዛ።
ROM 7:10 ታኒ ደኦር የዞድ ጋርክ ጾሳይ እንጌዝ ህጋይ ታስ Ꮊይቆ ከኤዛ።
ROM 7:11 ናጋራ ህገ ባጋር ታና ዶሽዛ ኦገ ደንጊ፥ ዎꬌዛ።
ROM 7:12 የይ ግሾስ፥ ህገ ጌሺ፤ ኤዛር ጻፍንቴዝ ኪታይካ ጌሺ፥ ጽሎኔ ሎኦ።
ROM 7:13 የዝን፥ ሎኦ ማቄዝ ባዝ ታል አፋ Ꮊይቆ ከኤነኔ? አኣ! ዝን ናጋራ ናጋራ ማቅዛይ በንቶድ ጋርክ ሎኦ ባዛር ማድንቲ ታስ Ꮊይቆ ከኤዛ። የይ ግሾስ፥ ናጋራ ናጋራትꬃይ ህገ ባጋር ኣꬊ ኤርንቴዛ።
ROM 7:14 ኑኒ ህገ አያና ባዝ ማቅዛና ኤርዛ። ዝን ታኒ ናጋራስ ባይዝንቴዝ አሾ ኣሲ።
ROM 7:15 ታኒ ኦꬅዛባዝ አካኮያ፤ ታኒ ዶስዛባዝ ኦꬆዳና አሺ ታ እጽዛባዝ ኦꬅዛ።
ROM 7:16 ታ እጽዛባዝ ኦꬅዛባዝ ማቅኮ፥ ህገ ሎኦ ማቅዛና ታ ማእዛ።
ROM 7:17 የያ ማቅኮ፥ የ ኦሳ ታር የዛ ናጋራይ ኦꬅዛፕ አትን ታ ኦꬆያ።
ROM 7:18 ታር፥ የይካ ታ አሾር ሎኦ ባዝ ባዛና ታ ኤርዛ። ሎኦ ባዝ ኦꬅዛ አሞትꬂ ታር የዛ፥ ዝን ሎኦ ባዝ ኦꬆዳይስ ዳንዳኦያ።
ROM 7:19 ታኒ እጽዛ ኢታ ባዝ ኦꬅዛፕ አትን ታ ቃꬍዛ ሎኦ ኦꬆ ባያ።
ROM 7:20 ታኒ እጽዛባዝ ኦꬅዛባዝ ማቅኮ፥ የያ ታር የዛ ናጋራይ ኦꬅዛፕ አትን ኦꬅዛይ ታና ባያ።
ROM 7:21 ይኬ፥ ታ ሎኦ ባዝ ኦꬆዳይስ ዶሶዳር፥ ኢታ ባዝ ኦሶ ህገ ማቅዛና ደንጌዛ።
ROM 7:22 ታኒ ታ ዎዝናር ጾስ ህጋይድ ኡፋይትዛ።
ROM 7:23 ዝን ታ አሾ ጋንጨ የዛ ታ ካሃ ህገር ኦልንትዛ ዱማ ህገ ብእዛ። የ ህጋይ ታ አሾ ጋንጨ ኦꬅዛ ናጋራ ህገስ ታና ድኢ አይለ ኡዴዛ።
ROM 7:24 ታኒ ዋይዚ ሶንቄዝ አሶ? Ꮊይቆስ ካንግዝ Ꮊ አሳትꬃይፕ ታና አሾዳይ ኦኖ?
ROM 7:25 ኑ ጎዳ የሱስ ክርስቶሳ ባጋር ጾስስ ጋላታ ማቆ። ይኬ፥ ታኒ ታ ቆፋር ጾስ ህገስ ሞድንቴዛ፤ ዝን ታ አሻይር ናጋራ ህገስ ሞድንቴዛ።
ROM 8:1 የይ ግሾስ፥ ክርስቶስ የሱሳር የዝታይስ Ꮊት ፕርዳ ባያ።
ROM 8:2 ክርስቶስ የሱሳ ባጋር ኑስ ደኦ እንግዝ ጌሻ አያና ህጋይ፥ ታና ናጋራኔ Ꮊይቆ ህገ አይለትꬃፕ ከሴዛ።
ROM 8:3 ኑ ናጋራ አሻይ ባጋር፥ ህጋይ ዳቡሬዝ ማቄዝ ግሾስ ኑና አሾዳይስ ዳንዳኤካያ። ጾሳይ ፋ ናአ ናጋራንቾ አስ ኣዝሶር ናጋራስ ያርሾ ማቃድ ጋርክ ኪቲ የያ ኦꬄዛ። ዬዚ፥ ጾሳይ ክርስቶሳ አሻይ ባጋር ናጋራ፥ ናጋራንቾ አስ ጋንጨ ፕርዴዛ።
ROM 8:4 ጾሳይ የያ ኦꬄዛይ፥ ኑ አሾ አሞ ኮይዛይ ጋርክ ባዝን ጌሻ አያናይ ኮይዛይ ጋርክ የዛ ኑል አፋ ህገ ጌሽ ኪታይ ፖልንቶድ ጋርከ።
ROM 8:5 ፋ አሾ አሞ ጋርክ የዝታይ ፋና ኡፋይስዝ ባዝ ቆፕዛ። ዝን ጌሻ አያና ሸነ ጋርክ የዝታይ ጌሻ አያና ባዝ ቆፕዛ።
ROM 8:6 አሾ ቆፋይ Ꮊይቆ፥ ዝን አያና ባጋ ቆፖ ደኦኔ ሳሮትꬅ።
ROM 8:7 አሾ ባጋ ቆፋ ጾስ ካንታ ሞርከትꬅ ጾስ ህገስ ኪትንቶያ ኪትንቶዳይስ ዳንዳኦዋ።
ROM 8:8 ፋ አሾ አሞስ ሞድንትዝታይ ጾስ ኡፋይሶዳይስ ዳንዳኦያ።
ROM 8:9 ዝን ጾስ አያናይ ይንታር የዝኮኔ ይንታን ሞድኮ፥ ይ አያና ሸነር የዛፕ አትን አሾ አሞስ ሞድንቴና። ክርስቶሳ አያናይ ባ ኦንካ ክርስቶሳ ባዝ ባያ።
ROM 8:10 ዝን ክርስቶሳ ይንታር የዝኮ፥ ይ አሻይ ናጋራ ባጋር Ꮊይቄዛ። ዝን ይ አያናይ ጽሎትꬅ ባጋር ደኦ የዛ።
ROM 8:11 ዝን የሱሳ Ꮊይቆፕ ደንꬄዝ ጾስ አያናይ ይንታር የዝኮ፥ ክርስቶሳ Ꮊይቆፕ ደንꬄዝ ጾሳይ፥ ይንታር የዝ ፋ ጌሻ አያናይር Ꮊይቅዝ ይ አሻይስ ደኦ እማዳ።
ROM 8:12 ይኬ፥ ታ እሹንꬆ፥ ኑል አጮ የዛ ኑ አሾ ሸነስ የዞዳይስ ኑ አሾስ ባያ።
ROM 8:13 ይንቲ፥ ይ አሾ አሞስ የዝኮ Ꮊይቆዳይስ የዛ፥ ዝን ጌሻ አያና ዎልቃር ናጋራ ኦሶ ዎꬍኮ ይ ደኦር የዞዳ።
ROM 8:14 ጾሳ አያናይ ካልꬅዛ ኡባይ ጾስስ ናእታ።
ROM 8:15 ኑኒ፥ «ኣቦ፥ አዳዮ» ዬጊ ጼግዝ፥ ጾስስ ናእታ ኡድዛ ጌሻ አያና ኤኬዛይፕ አትን ማቂ ያሻር የዞዳይስ አይለ ኡድዝ አያና ኤከካያ።
ROM 8:16 ጾስ አያናይ ኑ አያናይር ማቂ ኑ ጾስስ ናእታ ማቅዛ ማርካትዛ።
ROM 8:17 ኑኒ ኤ ናእታ ማቅኮ ጾሳ ላትዝታ፤ ክርስቶሳር ዎላ የያ ላቶዳ። ማ ኑኒ ክርስቶሳር መቶ ኤክኮ ኤዛር ዎላ ኤ ቦንቻ ሻክንቶዳ።
ROM 8:18 ኑኒ Ꮊት ዋይንትዛ ዋያ፥ ቲናፕ ኑስ በንቶድ ቦንቻይር ዎልሄልꬅ በአዳር፥ አብካ ኣዚ በንቶዛ ታ ቆፕዛ።
ROM 8:19 መትꬂ ኡቢታይ ጾስ ናእታይ ቆንጭꬃ ጋመ ላሞꬃር ናግዛ።
ROM 8:20 መትꬂ ኡቢታይ ጨረ ባዝስ ሞድንቴዛ፤ የይካ፥ መትꬂ ዶሮር ባዝን ኡፋይስስ ሞድንቶድ ጋርክ ኦꬄዝ ጾስ ሸነር ሀኔዛ።
ROM 8:21 መትꬃይ ፋ ኦማር ꬋብስዛ አይለትꬃፕ ዎዝንቲ፥ ጾስ ናእታይር ዎላ ቦንቾ ዎዞ ሻክንቶዳ።
ROM 8:22 መትꬃይ ኡባይ Ꮊኖ ሄሎዳይስ እቅꬅ አይኬዝ ማች ጋርክ ኦለራኔ መቶር የዛና ኑ ኤርዛ።
ROM 8:23 ማ መትꬅ ኣዳ ባዝን ጌሻ አያና ባይራ እሞታ ጋርክ ኤኬዝ ኑኒ፥ ኑ ኡባስ ኑ አሻይስ ዎዞ ማቄዝ ጾስ ናእታ ማቃድ ኡፋይስ ናግታር ኑ አሻይር ኦልዛ።
ROM 8:24 Ꮊ ኡፋይሳይር ኑኒ ፓጼዛ። ዝን ኑኒ ኡፋይስ ጋድዛባዛይ በንትዝ ማቅኮ የያ ኦኒ ኡፋይስ ኡዴ?
ROM 8:25 ዝን ኑ በኤካ ባዝ ደማዳ ግ ኡፋይሳር ናግኮ የያ ዳንዳአር ናግዛ።
ROM 8:26 የይ ጋርክ ጌሻ አያናይ ኑ ዳቡርሳ ማድዛ። ኑኒ ጾሳ ዋይዚ ዎሶዳይስ ቤዝዛኮ ኤሮያ፥ ዝን አያናይ ፋ ኡባስ፥ አሲ ኦዶዳይስ ዳንዳእንቶዋ ቃላር ኑስ ጋናትዛ።
ROM 8:27 ማ አስ ዎዝና ኤርዛ ጾሳይ፥ ጌሻ አያና ቆፋይ አብዛኮ ኤርዛ። ጌሻ አያናይ ጾስ ሸናይ ጋርክ ጌሽታይስ ጋናትዛ።
ROM 8:28 ጾሳ ቃꬍዝታይስኔ ኤ ሸናይ ጋርክ ጼግንቴዝታይስ ጾሳይ ኡባ ባዝ ሎኦስ ኦꬅዛና ኑ ኤርዛ።
ROM 8:29 ጾሳይ ቲናቲ ኤሬዝታ ፋ ናአ ኣዞድ ጋርከራ ናአይካ ጋመ እሽታይ አማንዝታይ ጋንጨ ባይራ ማቃድ ጋርክ ኡንታን ዱማሲ ጋዴዛ።
ROM 8:30 ጾሳይ ቲናቲ ቆፒ ጋዴዚታ ዝታ ጼጌዛ፤ ጼጌዝታ ጽልሴዛ፤ ጽልሴዝታ ማ ቦንቼዛ።
ROM 8:31 የዝን፥ ኑ Ꮊ ኡባይስ ዋጎዴ? ጾሳይ ኑ ባጋ ማቅኮ ኑር ኦኖ ኤቅንቶዳይ?
ROM 8:32 ኤ ሀራ አቶዝን፥ ፋ ናአይስ ቃካዛር፥ ኑ ግሾስ ኣꬂ እንጌዛ። የዝን፥ ፋ ጋዛ ናአ ኑስ ኣꬂ እንጌዛይ ዋይዚ ኡባ ባዝ ጨር እንጋሞ?
ROM 8:33 ጾስ ዶሬዝታ ሞቶዳይ ኦኖ? ጽልስዛይ ጾሰ የዝን ፕርዶዳይ ኦኖ?
ROM 8:34 Ꮊይቄዛይ Ꮊይቆፐካ ደንዲ ጾስ ኡሻቻ በቴዝ፥ ክርስቶስ የሱሳ፥ ኤ ኑስ ጋናትዛ።
ROM 8:35 ይኬ፥ ኑና ክርስቶሳ ሲቆፕ ሻኮዳይ ኦኖ? መቶነ ዎይ ዋየነ ዎይ ባይእꬆነ ዎይ ናየነ ዎይ ካሎትꬆኔ ዎይ ያሻነ ዎይ ኦላነ?
ROM 8:36 ጌሻ ማጻፋይድ፥ «ኑ ነ ግሾስ ኡባ ጋላስ ቡትንትዛ፤ ሹክንትዛ ዱርታይ ጋርከካ ታይብንቴዛ» ግንትንቲ ጻፍንቴዛይ ጋርክ ማቄዛ።
ROM 8:37 ዝን ኑ Ꮊ ኡባይድ ኑና ቃꬌዝ ክርስቶሳር ጋምዝ ኡቢታይፕ ኣꬍዛ።
ROM 8:38 የይ ግሾስ፥ Ꮊይቆ ማቅን የስ ማቅን ኪታንችታ ማቅን ሞድዝታ ማቅን Ꮊት የዛና ማቅን ቲናፕ የኦዳ ማቅን ዎልቃምታ ማቅን፥
ROM 8:39 ꬎቀካ ማቅን ዝቀካ ማቅን አባ መትꬂ ማቅን ኑ ጎዳ፥ ክርስቶሳ የሱሳር የዛ ጾስ ሲቃይፕ ኑና ሻኮዳይስ ዳንዳኦዛና ታኒ ኤርዛ።
ROM 9:1 ታኒ ክርስቶሳር ማቂ ቱሮ ኦድዛ፥ ዎርዶቶያ። ጌሻ አያናይ ካልꬅዛ ታ ካሃይ ታኒ ዎርዶቶዛና ታስ ማርካትዛ።
ROM 9:2 ታ ዎዝናር እስራኤልታይስ ጋመ ቆፋራኔ ዱጾዋ ኡንአራ ቃማ ጋላስ ታ ቆፕዛ።
ROM 9:3 ታኒ፥ ታስ አሾር ዳቦ ማቄዝ ታ እሽታይ ግሾስ ክርስቶሳፕ ሻክንቲ ጾስ ባድꬅ ጋንጨ የዜዛኮ ዶስዛዝን።
ROM 9:4 ኡንቲ እስራኤልታ፥ ጾሳይ ኡንታን ፋ ናእታ ኡዴዛ፥ ፋ ቦንቻ ኡንትስ ቆንጨ ኦዴዛ። ኡንታር ጫቄዛ፤ ህገ ኡንትስ እንጌዛ። ኡ ጾሳ ጎይኖድ ቱማ ኦጋ ቤዜዛ፤ ጾሳይ ኡፋይስ ቃላ ኡንትስ እንጌዛ።
ROM 9:5 ኡ የለትꬃይድ ማይዝታይ ኮች፤ ማ ክርስቶሳ አሾር ኮቼ ማቂ የኤዛ። ኡባይፕ ኣꬎ ማቄዝ ጾሳይ መꬍናስ ጋላትንቶ። አምንኤ!
ROM 9:6 ማቆዝን፥ ጾሳ ቃላይ ፖልንተካ አቴዛ ጉስ ባያ። እስራኤለፕ የልንቴዝ አስ ኡቢታይ እስሬለ ባያ።
ROM 9:7 ማ አፍራመ ዛረ ኡቢታይ አፍራመ ናእታ ባያ። ጾሳይ አፍራመስ፥ «ነ ሼሻይ እሳቃ ባጋር ጼግንቶዳ» ዬጌዛ።
ROM 9:8 የያ ጉሳይ አሾር የልንቴዝ ናእታይ ኡቢታይ ጾስ ናእታ ባያ። ዝን ቱማ እስሬለ ናእታይ ጾሳይ ገሌዝ ቃላይ ጋርክ የልንቴዝ ናእታ።
ROM 9:9 እንጎዳ ግ ገሌዝ ቃላይ፥ «ታኒ ላይꬅ ዎደ Ꮊኖደ የኦዳ፤ ሳራካ ꬊራꬅ ናአ የሎዳ» ዬጌዛኖ።
ROM 9:10 የይ ኣዳ ባዝን እርብቃ ማ ፐቲ ኑ አዳ እሳቃስ ዎደጼዝ ዎደ፤
ROM 9:11 መንተ ናእታይ የልንቶዳይፕ ዎይ ኢታ ዎይ ሎኦ ኡደካዝን ጼግዛይፕ አትን ኦሶፕ ባዝን ዶሮ ጾሳ ቆፋይ ሚንጎዳይ ጋርከ
ROM 9:12 «ባይራይ ጌዳይስ ሃርንቶዳ» ዬጊ ጎዳይ ኢስ ኦዴዛ።
ROM 9:13 የይካ ጌሻ ማጻፋይድ፥ «ያይቆባ ዶሲ፥ ኤሳወ ታ እጼዛ» ግንትንቲ ጻፍንቴዛ።
ROM 9:14 የዝን፥ ኑኒ ዋጎዴ? ጾሳይ አሰ አሳፕ ቁርኔ? ጾሲ ቁርዛ ጎዳይስ ኑ ዳንዳኦያ!
ROM 9:15 ጎዳይ ሙሰኮ፥ «ታ ማሮዳይስ ኮዬዝታና ማሮዳ፤ ታ ቃꬊንቶዳይስ ኮይዛይስ ቃꬊንቶዳ» ዬጌዛ።
ROM 9:16 ይኬ፥ ጾስ ዶሮ አስ ሸነር ዎይ አስ ኦሶር ባዝን ኤ ማሮትꬃይራ።
ROM 9:17 ጌሻ ማጻፋይድ፥ ግብጸ ካታይኮ፥ «ታኒ፥ ታ ዎልቃ ኔል ቤዞዳይስኔ ታ ሱንꬃይ አላመ ኡባይል ኤርንቶድ ጋርክ የይስ ነና ካዉትሴዛ» ግንትንቲ ጻፍንቴዛ።
ROM 9:18 ይኬ፥ ጾሳይ ማሮዳይስ ኮይዛና ማርዛ፤ ዎዝና ሙምሶዳይስ ኮይዛይ ዎዝና ሙምስዛ።
ROM 9:19 ይንትፕ ፐታይ፥ «የዝን፥ ጾሳይ አስ አብስ ቦሮ? ጾስ እጽዛይ ኦኖ?» ዬጊ ኦይጮዳይስ ዳንዳእዛ።
ROM 9:20 ዝን ነኖ አሶ፥ ጾሳር ፓላሞዳይስ ነ ኦኖ? ኦሶ ፋና ኦꬄዛይኮ፥ «ታና Ꮊይ ጋርክ ኡዲ አብስ ኦꬄኔ?» ግ ኦይጮዳይስ ዳንዳእኔ?
ROM 9:21 ዎይ ኡርቃ መꬌዛይ ፐቲ ኡርቃፕ ፐታ ቦንቾ ሚሸ፥ Ꮊንካ ማ ቶሸ ሚሸ ኡዲ መꬎዳይስ ማዉተ ባሳኔ?
ROM 9:22 ጾሳይ ፋ ሴራ ቤዞዳይስኔ ፋ ዎልቃ ኤርሶዳይስ ኮይ ꬋቦስ ጊግሴዝ ሴራ ሚሽታ ጋመ ጋርዦር ዳንዳኤዛኮ አብ ኤሬ?
ROM 9:23 ኤ የያ ኦꬄዛይ ዳማ ቦንቾስ ጊግሴዝ፥ ፋ ዶሬዝ ናእታይስ ፋ ቦንቻ ኤርሶዳይሲ።
ROM 9:24 አይሁደ ማቅን፥ ዎይ አይሁደ ባ አስ ኡብታ ጾሲ ዶሬዛ።
ROM 9:25 ናበ ሆሳኤ ማጻፋይ ጋንጨ፥ «ታ ታ ዎያ ባዝታካ፥ ‹ታ ዎያ› ግ ጼጎዳ። ዶስንተካ ዎይታካ፥ ‹ዶስንቴዝታ› ግ ጼጎዳ።
ROM 9:26 ኡንቲ ‹ታ ዎያ ባያ› ግንትንቲ ጼግንቴዝ አቃይድ፥ ‹ደኦ ጾስ ናእታ› ግንትንቲ ጼግንቶዳ» ዬጌዛ።
ROM 9:27 ናበ ኢስያሳ እስሬለ አስ ባዝ፥ «እስሬለ አስ አባ ሻፈ ጋርክ ጋንግኮካ፥ ኡንታፕ ጽቃ አስ አቶዳ።
ROM 9:28 ጎዳይ ቢታ ኡባይል አፋ ኤልሲ ሙርቲ ኡከር Ꮊያ ኡዶዳ።»
ROM 9:29 ማካ ኢስያሳ፥ «ኡባፕ ዎልቃማ ጎዳይ ኑስ ጽቃ ዘርꬅ አሸካዛኮ፥ ኑኒ ሶዶማኔ ጋሞራ ካታማ ጋርክ ꬋቦዳዝን» ዬጊ ቲናቲ ኦዴዛ።
ROM 9:30 የዝን፥ ኑ ዋጎዴ? ጽሎትꬅ ኮይበኤካ አይሁደ ባ አሳይ አማኖር ጽሎትꬅ ደንጌዛ።
ROM 9:31 ዝን ጽሎትꬃይኮ ሄልꬅዝ ህገ የዛ እስሬለ አሳይ ጽሎትꬅ ደንገካያ።
ROM 9:32 አብስ ደንገካሳ? ኡንቲ ጽሎትꬅ አማኖር ባዝን ኦሶር ኤኮዳይስ ኮዤዝ ግሾስ። የይ ግሾስ፥ ኡንቲ፥ «ꬉቢዛ ሹቻር» ꬉብንቴዛ።
ROM 9:33 ማጻፋይድ፥ «ቦኦይታ ታኒ ጽዮነ ꬉበ ሹችኔ ፎክስዝ ዛላ ጋዶዳ። ኤዛ አማንዛ ኦንካ ዬላተና» ግንትንቲ ጻፍንቴዛ።
ROM 10:1 ታ እሹንꬆ፥ ታ ኩንꬅ ዎዝናር ታ አሞትዛይኔ ጾሳ ዎስዛይ እስሬልታይ አቶድ ጋርከ።
ROM 10:2 ኡንቲ ጾስስ ምጭንትዛዝን፥ ቱማ ኤረትꬅ ꬋቦር ምጭንቶዛና ታ ማርካትዛ።
ROM 10:3 ኡንቲ ጾስ ጽሎትꬅ ኦገ ኤራም እጺ፥ ፋ ኣዳ ጽሎትꬅ ካሌዛፕ አትን ጾስ ጽሎትꬅ ኮየካያ።
ROM 10:4 አስ ኡባይ አማኖር ጽሎድ ጋርክ ክርስቶሳ ህገስ ፎሎ ማቄዛ።
ROM 10:5 ሙሰ አስ ህገ ናጊ ኤክዝ ጽሎትꬅባዝ፥ «ህገ ናግዝ ኦንካ የ ህጋ ናጌዛይ ጋርክ ደኦ የዞዳ» ዬጌዛ።
ROM 10:6 ዝን አማኖር ኤክዝ ጽሎትꬅ ባጋ ጊንትንቴዛይ Ꮊያ፦ «ነ ዎዝናር፥ ‹ኦኒ ሳሎ ከዞዴ?» ዬግፐ፤ የይ ክርስቶሳ ዎꬆዳይስ።
ROM 10:7 ዎይ፥ «ሱለ ሳአ ኦሞ ዎꬎዳይ ኦኖ?» ጊፐ፤ የይ ክርስቶሳ ዱፎፕ ከሶዳይስ።
ROM 10:8 ዝን ዬጊ ጻፍንቴዝ፦ «ቃላይ ነ ካለ የዛ፤ ነ ዶና ጋንጨኔ ነ ዎዝና ጋንጨ የዛ» ኑኒ ይንትስ ኦድዝ አማኖ ቃላይ Ꮊያ።
ROM 10:9 «የሱሳ ጎዳ» ግ ነ ዶናር ማርካትኮኔ ጾሳይ ኤዛ Ꮊይቆፕ ደንꬄዛና ነ ዎዝናር አማንኮ፥ ነ አቶዳ።
ROM 10:10 አሲ ፋ ዎዝናር አማኒ ጽልዛ፤ ፋ ዶናር ማርካቲ አትዛ።
ROM 10:11 ማጻፋይ፥ «ኤዛ አማንዛ ኦንካ ዬላተና» ዬጌዛ።
ROM 10:12 ፐቲ ጾሳይ ኡቢታይ ጎዳ ማቄዝ ግሾስ አይሁድታይ ጋንጨኔ አይሁደ ባ አስ ጋንጨ ዱማትꬂ ባያ። ኤ ፋና ጼግዝ ኡባይስ ጋመ ኬሃ።
ROM 10:13 ጎዳ ሱንꬅ ጼግዝ ኦንካ አቶዳ።
ROM 10:14 የዝን፥ ኡንቲ አማነካ የዝታር ዋይዚ ኤዛ ጼጎዳይስ ዳንዳኤ? ኡ ኤባዝ ስኤካ የዝታር ዋይዚ ኤዛ አማኖዳይስ ዳንዳእኔ? ማ ኡንትስ ቃላ ኦድዝ አስ ባዝን፥ ዋይዚ ስኦዳይስ ዳንዳእኔ?
ROM 10:15 ኪትንቴዝ አሲ ባዝን ቃላይ ዋይዚ ኦድንቶዳይስ ዳንዳኤ? ማጻፋይድ፥ «ኡፋይስ ዎንግለ ኦድዝ አስስ ቶክታይ ዋፋ ሎእነሻ» ዬጊ ጻፍንቴዛ።
ROM 10:16 ዝን ኢስያሳ፥ «ጎዳዮ፥ ኑ ማርካትꬅ ኦኒ አማኔኔ?» ዬጌዛይ ጋርክ፥ ኡቢታይ ዎንግለ አማነካያ።
ROM 10:17 የይ ግሾስ፥ አማናይ ስሳፕ ይእዛ፤ ስስ ክርስቶሳ ቃላፕ ይእዛ።
ROM 10:18 ማቆዝን፥ ኡ ቃላ ስኤካ ጉሶኔ? ዋኣ ስኤዛ። ማጻፋይድ፥ «ኡ ኦዳይ ቢታ ኡባይል ስንቴዛ፥ ኡ ቃላይ ሳአ ጋጻ ሄሌዛ» ዬግንቴዛ።
ROM 10:19 ዝን እስሬለ አሳይ ኤረካያ ጉሶኔ? ሙሰ ቲና፥ «ታኒ ይንታን ለቂንቴዝ አሳይ ጋንጨ ቂርሶዳ፤ ማ አካኮዋ አሳይ ጋንጨ ይንታን ይሎሶዳ» ዬጌዛ።
ROM 10:20 ማ ኢስያሳ፥ «ታና ኮየካ አሳይስ ታ በንቴዛ፤ ታና ኦይጨካ አሳይስ ታ ታና ቤዜዛ» ዬጊ ያሽተካዛር ኦዴዛ።
ROM 10:21 ዝን ኢሳያሳ እስሬልታይ ባጋ ኦድታር፥ «ጋላስ ሙዳ ኪትንቶዋ አሳይስኔ ታና እጽዛ አሳይስ ታ ኩሸ ሚጬዛ» ዬጌዛ።
ROM 11:1 አን ታ ኦይጭዛ፦ የዝን፥ ጾሳይ ፋ ዎያ ኦሊ አሸነኔ? አሸካያ! ታኒ ታ ኡባስ እስሬለ፤ አፍራመ ሼሺ፤ ቢናማ ኮቼ።
ROM 11:2 ጾሳይ ቲን ዶሬዝ አስታ ኦሎያ። ማጻፋይድ፥ ኤላሳ እስራኤልታ ጾስ ቲና ዋይዚ ሞቴዛኮ፥ ይ ኤሮሳኔ?
ROM 11:3 ኤላሳ፥ «ጎዳዮ፥ ኡንቲ ነ ናብታ ዎꬌዛ፥ ነ ያርሾ አቃካ ላሌዛ። ታ ታ ኣዳስ አቴዛ፤ ኡንቲ ታናካ ዎꬎዳይስ ኮይዛ» ዬጌዛ።
ROM 11:4 ጾሳይ ኤኮ ዋጊ ማሄኔ? «ባኣለ ግዝ ኤቃስ ጎይነካ ላፑን ሙኩለ አሲ ታስ አሼዛ» ዬጌዛ።
ROM 11:5 የይ ጋርከካ፥ Ꮊ ዎዳይድ ጾሳይ ፋ ኣꬎ ኬሃትꬃር ማራጼዝ ጽቅታይ [እስሬለ] የዛ።
ROM 11:6 ኤ ኡንታን ዶሬዛይ ፋ ኣꬎ ኬሄትꬃይራፕ አትን ኡ ኦሶር ባያ። ዶራይ ኦሶር ማቅኮ፥ ኤ ኣꬎ ኬሄትꬃይ ጨረ አቴዛ።
ROM 11:7 የዝን፥ ዋየኔ? እስሬልታይ ፋ ኮይዝ ባዝ ደንገካያ፥ ዝን ጾሲ ዶሬዝ ጽቅታይ ደንጌዛ። አቴዝታይ ፋ ዎዛና ሙምሴዛ።
ROM 11:8 የይካ፥ ማጻፋይድ፥ «ኡ ኣፋይ ቦኦያ ሀያይካ ስኦያ፥ Ꮊኖ ሄሎዳይስ ኡንትስ፤ ጾሳይ አዛላ አያና እንጌዛ» ግንትንቲ ጻፍንቴዛይ ጋርክ ሀኔዛ።
ROM 11:9 ማ ዳዉተ፥ «ኡ ሚዝ ሌማታይ ኡንታን ጽኬኔ ኦላ አይኮ፤ ኡንታን ጎልእስዛ ጋጋ ማቆ፤ ኡ ኢታትꬃይ ኡንታን ሄሎ።
ROM 11:10 ኡ በአማይ ጋርክ ኡ ኣፋይ አይክንቶ፤ ኡባ ዎደ መቶ ኡንታን ኩንሶ» ዬጌዛ።
ROM 11:11 የዝን፥ ꬉብንቴዝታይ ፖኮድ ጋርከኔ? የያ ባያ! ኡ ዎꬍꬃይ አይሁደ ባ አሳይ አቶድ ጋርክ ሳንከ ማቄዛ። የይካ አይሁድታይ ኡንታል አፋ ቅናታማይ ጋርክ ኡዴዛ።
ROM 11:12 አይሁድታይ ናጋራይ አላማይስ ጋመ አንጆ ከኤዛ፤ ማ ኡ ጋምንትꬃይ አይሁደ ባ አሳይስ ጋመ አንጆ ማቄዛ። የዝን፥ ዶርንቴዝ አይሁድታይ ኩንꬅ አትዝ ዎደ አንጆ አብ ጋርክ ዳሮደሻ?
ROM 11:13 ታኒ፥ ይንትስ አይሁደ ባ አሳይስ ኦድዛ። አይሁደ ባ አሳይስ ሀዋረ ማቂ ኦꬅዛይራ ታኒ ጋመ ጬቅንትዛ።
ROM 11:14 ታ የያ ኦꬄዛይ ታስ አሾ ዳቦ ማቄዝ እስሬልታ ቂርሲ ኡንታፕ ጽቅታ አሾዳይሲ።
ROM 11:15 ጾሳይ ኡንታን ኦሊ አሼዝ ዎደ Ꮊ አላማይ ጾሳር ዳቦቴዛ። ጾሳይ ኡንታን ሺሺ ኤክዛ ዎደ Ꮊይቄዝ አሲ Ꮊይቆፕ ደንዳይ አብ ጋርክ ማቆዳይስ ዳንዳኤ?
ROM 11:16 ቲና ኦሌዝ ሙኑቃይ ሎኦ ማቅኮ Ꮊንካይካ ጌሺ። ምꬅስ ጻጶ ጌሺ ማቅኮ፥ ሻቃይካ ጌሺ ማቅዛ።
ROM 11:17 ጋደ ቱኬዝ ዎይራ ሻቆ ካርንትን፥ ይንቲ ዎራ ዶሌዝ ዎይራ ሻቆ ማቄዝታይ ኡ አቃይድ ꬋንꬅስንቲ ጻጶር ከዝዝ ዛይተ ሻክንቴዛ።
ROM 11:18 ይኬ፥ ይንቲ ሻቆ ጋርክ ካርንቲ ዎꬌዛይል አፋ ኡትርትፓተ። ይ ኡትርትዛባዝ ማቅኮ፥ ጻጳይ ይንታን ቶኬዛፕ አትን ይ ጻጳ ቶከካዛ አካኮይታ።
ROM 11:19 ኔኒ፥ «የ ሻቅታይ ካርንቴዛይ፥ ታኒ ኡ አቃይድ ꬋንድንቶዳይ ጋርከ» ይ ጎዳይስ ዳንዳእዛ።
ROM 11:20 የይ ቱማ። ኡንቲ አማናም እጼዝ ግሾስ ካርንቴዛ። ኔኒ አማኔዝ ግሾስ የ አቃይድ ኤቄዛ። ነ ያሽቶዳይስ ቤዝዛፕ አትን ኡትርቶዳይስ ቤዞያ።
ROM 11:21 ጾሳይ መꬍንቶ ሻቆ ማቄዝ አይሁድታይስ ቃꬊንታም እጽኮ ይንትስካ ቃና።
ROM 11:22 ይኬ፥ ጾሲ አብ ጋርክ ኬሃዛኮኔ አብ ጋርክ ምንꬅዛኮ ቦኦይታ። ኤ ምንꬃትꬃይ ፎኬዝታይስ፥ ማ ኤ ኬህዛይ ይንትሲ። ሚንጊ ኤቃም እጽኮ ይንትካ ጋችንቶዳ።
ROM 11:23 ኡንቲ አማንኮ፥ ቲን ፋ የዛ አቃ ማቆዳ። ጾሳይ ዎልቃማ ኡንታን ማሂ፥ ጋዶዳይስ ዳንዳእዛ።
ROM 11:24 ይንታን ዎራ የዝ ዎይራ ማቄዝታ ጋቺ፥ ካራቻ ቱክንቴዝ ዎይራይል አፋ ይንታን ቱክኮ፥ መꬍንቶ ጋደ ዎይራ ማቄዝታ ቲና አቃይድ ማሂ ቱኮዳይስ ዋይዚ ዳንዳእንቶሳ?
ROM 11:25 ታ እሹንꬆ፥ ይ ይንታን ኤራ ግ ጋይርፓተ። ታ ይንትስ ፐቲ ኦድዛ ጹሮድ ባዝ የዛ። የይካ እስራኤልታይፕ ባግታይ ዎዝና ሚንꬂ ስኣም እጼዛይ ዉርስꬂ ሄሎዳይስ ባዝን አቶዳይስ የዝ አይሁደ ባ አስታይ ኡባይ ኩንꬃር ጾስኮ የኦዳይ ጋርከ።
ROM 11:26 የይ ጋርከ፥ እስሬለ አስታይ ኡቢታይ አቶዳ። ማጻፋይድ፦ «ኑና ዎዝዛይ ጽዮነፕ የኦዳ፤ ያይቆባ ዘርꬃፕ ኢታ ኡባ ꬋብሶዳ።
ROM 11:27 ታኒ ኡ ናጋራ አቶ ግዛይ ኡንታር ጫቆድ ጫቃይ Ꮊያ» ግንትንቲ ጻፍንቴዛ።
ROM 11:28 ዎንግለ ኤካም እጺ፥ ይ ግሾስ ሞርከ ማቄዛ። ማቆዝን፥ Ꮊተካ ኡንቲ ዶርንቴዝታ፥ ጾሲ ኡ አድታይ ግሾስ ኡንታን ቃꬌዛ።
ROM 11:29 ጾሲ ፋ እማይራኔ ፋ ጼሳይር ቂራቶያ።
ROM 11:30 ይንቲ ቲን ጾሳይስ ኪትንተካ፤ ዝን Ꮊት አይሁድታይ ኪትንታም እጽን፥ ይ ጾስ ማሮትꬅ ኤኬዝታ።
ROM 11:31 የይ ጋርከ፥ ይ ኤኬዝ ማሮትꬃ አይሁድታይ ኤኮድ ጋርክ Ꮊት ኡ ጾስስ ኪትንታም እጼዛ።
ROM 11:32 ጾሲ አስ ኡብታ ፋ ማሮትꬃ ቤዞዳይስ ኮይ፥ አሲ ኡቢታይ ኪትንታም እጾዳይ ጋርክ ጎርዴዛ።
ROM 11:33 ጾስ ዱረትꬃ፥ ኤጨትꬃኔ ኤረትꬃ አካኪ ኦዶዳይ ኦኖ? ኤ ፕርዳይ ፕላግንቶያ፥ ኤ ኦጋይ ኤርንቶያ።
ROM 11:34 ማጻፋይድ፥ «ጾስ ካሃ ኤርዛይ ኦኖ? ኤዛ ዞሮዳይስ ዳንዳእዛይ ኦኖ?
ROM 11:35 ጾስስ ታልእዛይኔ ታልኤ ማሂ ኤክዛይ ኦኖ?» ዬጌዛ።
ROM 11:36 ኡባይ ኤፕ፤ ኤዛራኔ ኤሲ፤ ኤስ መꬍናስ ቦንቾ ማቆ። አምንኤ።
ROM 12:1 ይኬ፥ ታ እሹንꬆ፥ ይንቲ፥ ይ አሰትꬃ ጾስ ኡፋይስዛ፥ ፓꬅኔ ጌሻ ያርሾ ኡዲ፥ እማድ ጋርክ ታ ይንታን ጾስ ከሃትꬃይር ዎስዛ። ጾሳ ይ ጎይኖዳይስ ቤዝዛ ቱማ ኦጋይ የያ።
ROM 12:2 ሎኦ፥ ኡፋይስዛኔ ፎሎ ማቄዝ ጾሳ ኪታ ይ ሻኪ ኤሮዳይስ ይ ቆፋር ላምንቶይታፕ አትን Ꮊ አላማ ኣዝፓተ።
ROM 12:3 ጾሲ ይንትስ ፐታይስ ፐታይስ እንጌዝ አማናይ ጋርክ ካሃር የዝ አስ ጋርክ ቆፖይታ። ቆፖዳይስ በዝዛይፕ ኣꬂ ይንታን ዱማሲ፥ ኡትራር ቆፕፓተ ግ ታስ እንግንቴዝ ኣꬎ ኬሃትꬃይር ይንትስ ኦድዛ።
ROM 12:4 ኑ ፐቲ አሰትꬃይል አፋ ዱማ ዱማ ክፍልታይ የዛ፤ የ ዱማ ዱማ ክፍልታይስ ዱማ ዱማ ኦሶ የዛ።
ROM 12:5 የይ ጋርክ፥ ኑኒ ጋመ አስ ማቅኮካ ክርስቶሳር ፐቲ አሾ ማቄዛ። ኑኒ ፐቲ አሾ ማቂ ዱማ ዱማ ክፍልታይ ፐታይ ፐታይራ አይክንቴዛ።
ROM 12:6 ኑስ እንግንቴዝ ኣꬎ ኬሃትꬃር ዱማ ዱማ እሞትታይ የዛ። ኑ እሞትꬃይ ትንቢተ ኦዶ ማቅኮ፥ ኑስ የዝ አማናይ ጋርክ ኦዶዳይስ ቤዝዛ።
ROM 12:7 ኑ እሞትꬃይ ሀራ አስ ማዴ ማቅኮ፥ የ ኦሳይር ምንጎዳይስ ቤዝዛ፤ ታማርሶ ማቅኮ፥ የ ታማርሳይር ምንጎዳይስ ቤዝዛ።
ROM 12:8 ኑ እማይ ሀራ አስ ዞርꬅ ማቅኮ፥ ሚንጊ ዞሮዳይስ ቤዝዛ። ኑ እሞትꬃይ ኑስ የዛ ባዛፕ ሀራ አስስ እሞ ማቅኮ፥ ዎዝናፕ እንጎዳይስ ቤዝዛ። ኑ እሞትꬃይ አቅሶ ማቅኮ፥ ሚንጊ አቅሶዳይስ ቤዝዛ። ኑ እሞትꬃይ ሀራ አስስ ኬህꬅ ማቅኮ፥ ኡፋይሳር ኬሆዳይስ ቤዝዛ። ኑ እሞትꬃይ ማሮ ማቅኮ ኡፋይሳር ማሮዳይስ ቤዝዛ።
ROM 12:9 ይ ሲቃይ ቆፕ ቆሞ ማቆዳይስ ቤዞያ። ኢታ ባዝ እጾይታ፤ ሎኦ ባዝ ሚንꬂ አይኮይታ።
ROM 12:10 ፐታይ ፐታይራ ዎል እሸ ጋርክ ዶስንቶይታ፤ ፐታይ ፐታ ቦንቾይታ።
ROM 12:11 ኦሶር አዛልፓተ ሚንጎይታ፤ ይ አያናር ጹግንቲ ጎዳይስ ሞድንቶይታ።
ROM 12:12 ጾሲ እንጌዝ ኡፋይሳይር ኡፋይቶይታ፤ መቶ ዳንዳኦይታ፤ ኡባ ዎደ ጾሳ ዎሶይታ።
ROM 12:13 አማንዛ ጌሽታ ኮሽዛ ባዛር ማዶይታ፤ እማꬅታ ሞኮዳይስ ሚንጎይታ።
ROM 12:14 ይንታን ባይእዝታ አንጆይታ፤ አንጆይታፕ አትን ባድፓተ።
ROM 12:15 ኡፋይትዝታይር ኡፋይቶይታ፤ ዬክዝታይር ዬኮይታ።
ROM 12:16 ፐታይ ፐታይር ፐቲ ቆፋር የዞይታ። ኡትራ ቆፋ አሺ፥ ሃዮትꬃር የዞዳይስ ሚንጎይታ። ይ ይንታን ኤጫ ግ ቆፕፓተ።
ROM 12:17 ኦንካ ይንትስ ኢታ ባዝ ኦꬅኮ፥ የ አꬃይስ ኢታ ባዝ ማህፓተ ኡባ አስ ቲና ሳቢስዛ ሎኦ ኦሶ ኦꬆይታ።
ROM 12:18 ይንትስ ዳንዳእንትኮ ኡባ አሳር ሳሮ የዞይታ።
ROM 12:19 ታ እሹንꬆ፥ ይንቲ፥ ይ ኡባስ አስስ ኩሸ ከስፓተ። ጾሲ ኩሸ ከሶዳይ ጋርከ ኤዝስ አሺ አሾይታ። ጌሻ ማጻፋይድ፥ «ታ ኩሸ ከሶዳ፤ ታኒ ኩሸ ማሆዳ» ዬጌዛ ጎዳይ፥ ግንትንቲ ጻፍንቴዛ።
ROM 12:20 ዝን ጌሻ ማጻፋይድ፥ «ነ ሞርካይ ናይንትኮ ሙዞባ፤ ኤ ሳምንትኮ ኡሾባ። ነ የያ ኦꬅኮ ኤ ኦማይል ታማ ቃቃ ካችዛ» ግንትንቲ ጻፍንቴዛ።
ROM 12:21 ኢታ ሎኦር ጋሞይታፕ አትን ኢታር ጋምፓተ።
ROM 13:1 አባ ማውተካ ጾስ ሸነር እንግንትዛ ግሾስነ Ꮊት ማዉተር የዝታይካ ጾስ ሸነር ማዉተ ኤኬዝ ግሾስ አሲ ኡባይ ጋደ አቅስዝታይስ አዛዝንቶዳይስ ቤዝዛ።
ROM 13:2 የይ ግሾስ፥ ማዉተር የዝታይስ ኪትንታም እጽዛ ኦንካ ጾስ አዛዞ እጽዛ። ኪትንታም እጽዛ ኦንካ ፋል አፋ ፕርዳ ክእዛ።
ROM 13:3 አቅስዝታይ ኢታ ባዝ ኦꬅዝታፕ አትን ሎኦ ኦꬅዝታ ያሽሶያ። አቅስዝታይስ ያሽታማይስ ኮይኔ? የዛኮ ሎኦ ባዝ ኦꬆባ፤ ነና ጋላቶዳ።
ROM 13:4 ኡንቲ ኔስ ሎኦ ባዝ ኦꬆዳይስ ሹምንቴዝ ጾስ አይለ። ዝን ኔኒ ኢታ ባዝ ኦꬅኮ፥ ኡንቲ ኢታ ባዝ ኦꬄዛና ሴርዛ ግሾስ ኤዝስ ያሽቶባ ኡንቲ ቃዋ አይኬዛይ ጨረ ባያ። ኡንቲ ኢታ ባዝ ኦꬅዝታ ሴሪ፥ ጾሲ ካጭዛና ቤዝዛ ጾስ አይለ።
ROM 13:5 የይ ግሾስ፥ ጾስ ካች ኣዳስ ባዝን ይ ካሃይ ማርካትዝ ግሾስ ጋደ አቅስዝታይስ ኪትንቶዳይስ ቤዝዛ።
ROM 13:6 ይ ጊራ ጊርዛይካ የይ ግሾሲ። ጋደ አቅስዝታይ የ ኦሳ ኦꬅዛይ፥ ኡንቲ ጾስ አይሊታ ማቄዝ ግሾስ።
ROM 13:7 ኡባይስ ቤዝዛና እንጎይታ። ጊራ ቤዝዝታይስ ጊሮይታ፤ ቃራጸ ቤዝዝታይስ ቃራጸ ጋቾይታ፤ ያሽቶዳይስ ቤዝዝታይስ ያሽቶይታ፤ ቦንቾ ቤዝዛና ቦንቾይታ።
ROM 13:8 ፐታይ ፐታይር ሲቅንቶይታ። ሲቆ አጮፕ አትን ይንታል አፋ ሀራ አጮ የዝፐ። አስ ዶስዛ ኦንካ ህጋይ ግዛና ፖሌዛ።
ROM 13:9 «ላምፐ፤ ዎꬍፐ፤ ካስትፐ፤ ዎርዶ ማርካትፐ፥ አሞትፐ» ግዝ አዛዛይኔ ሀራ አዛዞ ኡባይ፥ «ነ ዣማ ነ ኡባይ ጋርክ ቃꬎባ» ግዝ አዛዞር አጭንቴዛ።
ROM 13:10 ሲቆ ፋ ዣማይል አፋ ኢታ ባዝ ኦꬆያ። የይ ግሾስ፥ ሲቆ ህገስ ፎሎ።
ROM 13:11 ገንታፕ ይ ባርክዛ ዎዳይ Ꮊት ሄሌዝ ማቄዛይስ ላይꬃ ኤሮይታ። ኑ አቶትꬅ ዎዳይ ቲና ኑ አማኔዝ ዎደፕ ኣꬂ Ꮊት ኑኮ ኡኬዛ።
ROM 13:12 ቃማይ ኣꬌዛ፤ ጋላሳይ ኡኬዛ። ይኬ፥ ኑኒ ꬉማ ኦሶ አሺ ፖኦ ኦላ ሚሸ ዎላ አይኮዳ።
ROM 13:13 አን ጋላሳ ፖኦ የዝ አስ ጋርክ ዎላ ማራር የዞዳ። የꬃራኔ ማꬄራ፥ ላመራኔ ቃይጸራ ፓላማራኔ ቅናተራ ማቅፐ።
ROM 13:14 ጎዳ የሱስ ክርስቶሳና ማኦይታ፤ ይ ናጋራ ኦꬅዝ አሻይ ፋ እና ፖሎድ ጋርክ ኤዝስ ቆፕፓተ።
ROM 14:1 አማኖር ዳቡሬዝ ኦናካ ሺሺ ኤኮይታፕ አትን ኤ ቆፋይል አፋ ፕርድፓተ።
ROM 14:2 ኣዝሶስ፥ አማኖር ምንጌዝ ፐቲ አስ አባ ካꬃካ ማዳይስ ዳንዳእዛ። ዝን አማኖር ሚንገካ አስ አታክልተ ኣዳ ሚዛ።
ROM 14:3 ሚዝ አስ ሞዋ አꬃ ቦርፐ። ሞዋ አስ ሚዝ አꬃይል ፕርድፐ። ጾሲ ኡብታ ኤኬዛ።
ROM 14:4 ሀራ አስ አይለል አፋ ፕርድዛይ ኔኒ ኦኖ? ኤ ዳቡርን ዎይ ምንግን ፋ ጎዳይሲ። ጎዳይ ኤዛ ኤሶዳይስ ዳንዳእዛ ግሾስ ኤ ሚንጊ ኤቆዳ።
ROM 14:5 ማ «ፐቲ ጋላሲ Ꮊንኮ ጋላሳፕ ኣꬍዛ» ዬጊ ቆፕዛ አሲ የዛ። ሀራይ ማ፥ «ጋላስታይ ኡቢታይ ዎል ጋርክ ግና ቦንቾር የዛ» ግ ቆፕዛ። ዝን ፐታይ ፐታይ ፋ ቆፋ አካኪ አጮ።
ROM 14:6 ጋላስ ቦንችዝ ኦንካ ጎዳይስ ግ ቦንችዛ። ኡባ ካꬃ ሚዝ አሲ ጎዳይ ቦንቾስ ግ ሚዛ። ኤ ሚዝ የ ካꬃት ግሾስ ጾሳ ጋላትዛ። ኡባ ካꬃ ሞዋ አሲ ጎዳይ ቦንቾስ ሞያ፤ ማ ሜካ አሾራካ ጾሳ ጋላትዛ።
ROM 14:7 ኑፕ ኦንካ ፓስ ባያ፤ ማ ኑ ጋንጨፕ ኦንካ ፓስ Ꮊይቃም።
ROM 14:8 ኑ ሸምፖር የዝኮ ጎዳይስ የዞዳ፤ ማ Ꮊይቅኮካ ጎዳይስ Ꮊይቆዳ። ይኬ፥ ኑ ሸምፖር የዝን ዎይ Ꮊይቂን ጎዳይሲ።
ROM 14:9 ክርስቶሳ Ꮊይቂ Ꮊይቆፕ ደንዴዛይ፥ ደኦር የዝታይስኔ Ꮊይቄዝታይስ ጎድ ማቃዳይሲ።
ROM 14:10 የዝን፥ ኔኒ ነ እሻይል አፋ አብስ ፕርዴ? ዎይ ኔኒ ነ እሻ አብስ ለቄ? ኑኒ ኡቢታይ ጾስ ፕርዳ ዙፋነ ቲና ኤቆዳ።
ROM 14:11 ጌሻ ማጻፋይድ ጎዳይ፥ «ታኒ ፓꬅ የዛ፤ አስ ኡቢታይ ታ ቲና ቡንቂቶዳ፤ ታኒ ጾስ ማቄዛና እንጻርስ ኡባይ ማርካቶዳ» ዬጊ ጻፍንቴዛ።
ROM 14:12 ይኬ፥ ኑ ኦꬄዝ ባዝስ ኑ ኦማር ኦማር ጾስ ቲና ሺቂ ማህꬅ እማዳ።
ROM 14:13 የይ ግሾስ፥ ኑኒ ፐታይ ፐታይል አፋ ፕርድዛና ዎላ አሾዳ። ዝን ይ እሻ ꬉብꬅዛ ዎይ ቃጽꬅዛ ባዝ ኦꬃማይ ጋርክ ናግንቶይታ።
ROM 14:14 ጎዳ የሱሳ አማንዛ አስ ጋርክ፥ ፋ ኡባስ ቱና ማቄዝ ባዝ ባዛና ታኒ ጌሺ ኤርዛ። ዝን ፐቲ አሲ ፐትባዝ ቱና ግ ቆፕኮ የይ ኤዝስ ቱና ማቅዛ።
ROM 14:15 ነ ሚዝ ካꬃ ግሾስ ነ እሻ ꬉቢዛባዝ ማቅኮ፥ ክርስቶሳር የዛ ነ እሻ ቃꬎያ። ክርስቶሳ ኤ ግሾስ Ꮊይቄዝ አꬃ ነ ሚዝ ካꬃ ግሾስ ኤዛ ꬋብስፐ።
ROM 14:16 ይኬ፥ ይንትስ የዝ ሎኦ ባዛ Ꮊንክታይ ቦሮድ ጋርከ ኦꬅፓተ።
ROM 14:17 ጾስ ካተትꬃይ ጌሻ አያናይር በንትዝ ጽሎትꬅ፥ ሳሮትꬅኔ ቱማ ኡፋይሳፕ አትን ሙስ ባጋኔ ኡሽ ባጋ ባያ።
ROM 14:18 የይ ጋርክ ክርስቶሳስ ሞድንትዝ አስ ጾስ ኡፋይስዛ፤ አሳይ ጋንጨካ አንጅንትዛ።
ROM 14:19 የይ ግሾስ፥ አን ኑኒ ሳሮትꬅ በንትዝ ኦገኔ ዎል አማኖር ሚንꬅዛ ኦገ ካልዛ።
ROM 14:20 ካꬃ ግሾስ ግ ጾሳ ኦሶ ꬋብስፐ። ኡባ ካꬃ ጌሺ፥ ዝን ሀራ አስ ሰእስዛ ካꬃ ሙሲ ኢታ።
ROM 14:21 ነ እሻይ ꬉብንታም ጋርክ አሾ ማም ዎይ ኡሽ ኡዣም ዎይ ꬉቢዛ ሀራ ባዝ ኦꬃምንጽኮ ሎኦ።
ROM 14:22 ይኬ፥ Ꮊ ነ አማና ኔስኔ ነ ጾሳይ ጋንጨ ናጎባ። ልኬ ግ ቆፔዝባዝ ኦꬅዛ ዎደ ኤ ካሃይ ሞቶዋ አꬃይ አንጅንቴዛ።
ROM 14:23 ዝን ስꬊታር ሚዝ አꬃይስ ኤ ሙሳይ አማኖር ማቀካ ግሾስ ፕርድንትዛ። አማኖ ባይꬅ ኦꬅንቴዝ ኦሶ ኡቢታይ ናጋራ።
ROM 15:1 ኑ ምንꬅታይ ዳቡሬዝታይ ዳቡራ ቶኮዳይስ ቤዝዛ። ኑኒ ኑና ኡፋይሶዳይስ ቤዞያ።
ROM 15:2 ኑኒ ዎል ምንꬆዳይስ ዣምታ ማዶዳይስኔ ኡፋይሶዳይስ ቤዝዛ።
ROM 15:3 ክርስቶሳ ፋና ኡፋይስበኤካያ። ዝን ጌሻ ማጻፋይድ፥ «አሳይ ነና ጫዤዝ ጫሻይ ታና ሄሌዛ» ግንትንቲ ጻፍንቴዛይ ጋርክ ሀኔዛ።
ROM 15:4 ጌሻ ማጻፋይ እንግዛ ጋርዦራኔ ምንꬃꬆራ ኑ ኡፋይሳ ኤኮድ ጋርክ ጌሻ ማጻፋይድ ጻፍንቴዝ ኡቢታይ ኑና ታማርሶዳይስ ጻፍንቴዛ።
ROM 15:5 ጋርዦኔ ምኖትꬅ እንግዛ ጎዳይ ይንቲ የሱሳ ክርስቶሳ ካሎዳር ፐትፐተꬅ ይንትስ እንጎ።
ROM 15:6 የይካ፥ ኑ ጎዳ የሱስ ክርስቶሳ ኣዳ፥ ጾሳ፥ ፐቲ ዎዛናራኔ ፐቲ ቃላር ይ ቦንቾድ ጋርከ።
ROM 15:7 ክርስቶሳ ይንታን ኤኬዛይ ጋርክ ጾስ ቦንቾስ ፐታይ ፐታ ኤኮይታ።
ROM 15:8 ጾሲ ብኒ አድታይስ እንጌዝ ኡፋይሳይ ፖልንቶድ ጋርክ ኤ ቱማትꬃይ ኤርንቶዳይ ጋርክ ክርስቶሳ ዶካልንቶ አይለ ማቂ የኤዛና ታ ይንትስ ኦድዛ።
ROM 15:9 ክርስቶሳ ዶካልንቶስ አይለ ማሄዝ ባዛይ ማ አይሁደ ባ አሳይ ጾሳ ኤ ማሮትꬃይ ግሾስ ጋላቶድ ጋርከ። ጌሻ ማጻፋይድ፥ «ታ ነና አይሁደ ባ አስ ጋንጨ ጋላቶዳ፤ ነ ሱንꬃ ሳቦዳ» ግንትንቲ ጻፍንቴዛይ ጋርክ ሀኔዛ።
ROM 15:10 ማ፥ «አይሁደ ባ አሳይስ፥ ጾስ ዎያይራ ኡፋይቶይታ» ዬግንቴዛ።
ROM 15:11 ማ ማሂ፥ «አይሁደ ባ አሳይ ኡባይ፥ ጎዳ ጋላቶይታ፤ ካተትꬂ ኡቢታይ ኤዛ ሳቦይታ» ዬግንቴዛ።
ROM 15:12 የይ ጋርክ ኢስያሳ፥ «ኢሳየ ጻጶፕ የልንቴዝ ፐታይ የኦዳ፤ ኤ ፋ ካተትꬃ ኡብታ አቅሶዳ። ኡ ፋ ኡፋይሳ ኤዛል አፋ ጋዶዳ» ዬጌዛ።
ROM 15:13 ጌሻ አያና ዎልቃር ይ ድጮድ ጋርክ ኡፋይስ እንግዝ ጾሳይ፥ ይ አማናይ ባጋር ይንትስ ኡፋይሳራ ሳሮትꬃር ኩንꬅ እንጎ።
ROM 15:14 ታ እሹንꬆ ይንት ሎኦትꬅኔ ኤረትꬂ ኩሜዛና ማ ፐታይ ፐታ ዞሮዳይስ ዳንዳእዛና ታ ጌሺ ኤርዛ።
ROM 15:15 ታኒ ይንታን ፐቲ ፐትባዝ ጉጂ አካክሶዳይስ ኮይ ያሽተካዛር Ꮊ ዳብዳባ ይንትስ ጻፌዛ።
ROM 15:16 ታኒ ክርስቶስ የሱሳ አይለ ማቂ፥ አይሁደ ማቀካ አሳይስ ቄሰ ጋርክ ኦꬂ፥ ዎንግለ ኦዶድ ጋርከ ጾሳይ ታስ ኣꬎ ኬሄትꬅ እንጌዛ። አይሁደ ባ አሳይ ጌሻ አያናር ጌዢ፥ ጾስ ኡፋይስዛ ያርሾ ማቃድ ጋርክ ጾሳይ የያ ኦꬄዛ።
ROM 15:17 ታኒ ክርስቶስ የሱሳር ማቂ ጾስስ ኦꬅዛ ኦሶር ጬቅንትዛ።
ROM 15:18 አይሁደ ባ አሳይ ጾሳይስ ኪትንታ ማቃዳይ ጋርክ፥ ክርስቶሳ ታ ቃላኔ ታ ኦሶ ባጋር ኦꬄዝ ኦሳይፕ አትን ሀራ ታ ጬቅንትዛባዝ ባያ።
ROM 15:19 ጾስ የያ ማላታራኔ ጌሻ አያና ዎልቃር ዋይዚ ኦꬄዛኮ ታ ይንትስ ኦዶዳ። ታኒ የሩሳላመፕ አይኪ፥ ኢልዋርቆኔ ሄሎዳይስ ክርስቶሳ ዎንግለ ሳባኬዛ።
ROM 15:20 ታኒ ሀራ አስ ባሴዝ አቃይድ ኬጾዳይስ ኮዮያ። ክርስቶሳ ሱንꬃይ ጼግንተካ አቆ ዎንግለ ሳባኮዳይስ አሞትዛ።
ROM 15:21 ጌሻ ማጻፋይድ፥ «ኤባጋ ኦድንተካ አሳይ ኤዛ በአዳ፤ ኤ ባጋ ስኤካ አሳይ አካኮዳ» ግንትንቲ ጻፍንቴዛ።
ROM 15:22 የይ ባጋር፥ ታኒ ጋመ ዎደ ይንትኮ የኦዳይስ ኮይን ዳንዳእንተካያ።
ROM 15:23 ዝን ታኒ Ꮊተ Ꮊ ሄራር የዝ አቆ ኡባ ሄሌዝ ግሾስ ጋመ ላይꬃፕ አይኪ ይንታን በአዳይስ ላሞቴዝ ግሾስ
ROM 15:24 ታኒ ኢስጴኔ Ꮊንግታር ይንታን በአዳይስ ቆፔዛ። ማ ጽቃ ዎደ ይንታር ኡፋይቴዛይፕ ጉየ ኢስጴኔ Ꮊንጎዳር ይ ታ ኦጋይስ ታና ማዶድ ጋርክ ኮይዛ።
ROM 15:25 ዝን Ꮊተ ታኒ ጾሳ አስታ ማዶዳይስ የሩሳላመ Ꮊንግዛ።
ROM 15:26 ማቃዶናራኔ አካያ የዝ ጾስ አስታይ፥ የሩሳላመ ጌሽታይ ጋንጨ የዝ ማንቅታ ሚሸር ማዶዳይስ ኮዬዛ።
ROM 15:27 ኡንቲ ማንቅታ ማዶዳይ ኡንትስ አቶዋ ባዝ ማቄዝ ግሾስ ፋ ኡባስ የያ ኦꬆዳይስ ቆፋ አጬዛ። አይሁድታይ አይሁደ ባዝታይራ አያና አንጆ ሻግንትኮ፥ ኡንቲ ማ ፓስ የዛባዛር አይሁድታ ማዶዳይስ ቤዝዛ።
ROM 15:28 የይ ግሾስ፥ ታኒ የ ሺቄዝ ሚሻ ኡንትስ እንገዛይፐኔ ኤኬዛና ኤሬዛፕ ጉየ ኢስጴኔ Ꮊንግታር ይ ላንቀር ኣꬎዳ።
ROM 15:29 ታኒ ይንትኮ Ꮊንግዛ ዎደ ክርስቶሳ አንጆ ኩንꬃር Ꮊማዳና ታ ኤርዛ።
ROM 15:30 ታ እሹንꬆ፥ ታስ ጾስ ዎስታር ታ ቡትንቶዳር ታር ኤቆድ ጋርክ ጎዳ የሱስ ክርስቶሳራኔ ጌሻ አያና ሲቃይር ይንታን ዎስዛ።
ROM 15:31 ጾሳይ ታና ይሁዳ ጋንጨ የዝ አማኖዋ አስታይፕ አሾድ ጋርከኔ የሩሳላመ ታ ኦꬆድ ኦሶ ጾስ አሳይ ላንቀ ኤክንቶድ ጋርክ ታስ ዎሶይታ።
ROM 15:32 ማ ጾስ ጊኮ፥ ታኒ ይንትኮ Ꮊንጊ ኡፋይሳር ይንታር ሸምፖድ ጋርክ ታስ ዎሶይታ።
ROM 15:33 ሳሮትꬅ ጾሳይ ይንታር ኡባይር ማቆ። አምንኤ።
ROM 16:1 ክንክራ ካታማ ጋንጨ የዝ ዎሳ ኬꬃ ኦꬅዛ ኑ ምሽት ፌበና ሎኦ ማች ማቅዛና ይ ኤሮድ ጋርክ ታ ኮይዛ።
ROM 16:2 ይ እዞ አማንዛ አስታይ ጎዳይ ሱንꬃር ሞኮዳይስ ቤዝዛ አማንዛ አስታይፕ ፐታይ ጋርክ ሞኮይታ። እዛ ይንታፕ ኮይዝ ባዝ ኡባ እዞ ማዶይታ። እዛ ፋ ኡባስ ጋመ አስ ማዴዛ፤ ማ ታና ታ ባጋር ኡንደና ማዴዛ።
ROM 16:3 ክርስቶሳ የሱሳ ኦሳ ታር ዎላ ኦꬅዝ ጵርስቅላራኔ አቅላ ታ ቆ ሳሮ ጎይታ።
ROM 16:4 ኡንቲ ታ ግሾስ ፋ ሸምፖ Ꮊይቆስ ኣꬂ እንጌዛ። ታ ኣዳ ባዝን አይሁደ ባ አሳይ ዎሳ ኬꬅታይ ኡቢታይ ኡንታን ጋላትዛ።
ROM 16:5 ኡ ካራ ሺቅዝ አማንዛ አሳ ታ ቆ ሳሮ ጎይታ። ኢስያ ቢታ ክርስቶሳና ቲን አማኔዛኔ፥ ታ ቃꬍዛ ኤጳነጾሳስ ታ ሳሮꬃ ኦዶይታ።
ROM 16:6 ይ ግሾስ ኦሶር ጋመ ዳቡሬዝ ማይራሞ ሳሮ ጎይታ።
ROM 16:7 ታር አች ካራ ጋምኤዝታ አይሁደ ዳብታ አንድሮንቆሳራኔ ዩልያናራ ሳሮ ጎይታ። ኡንቲ የሱሳ ሀዋርታይ ጋንጨ ኤርንቴዝታ። ማ ኡንቲ ክርስቶሳ ታፕ ቲና አማኔዛ።
ROM 16:8 ጎዳ አማንዛ ታ ሲቆ ላጋ፥ አምጲልያጾሳ ሳሮ ጎይታ።
ROM 16:9 ክርስቶሳ ኦሳ ኑር ዎላ ኦꬅዝ ኡርባኖሰራ ታ ቃꬍዛ እስታኩሳ ሳሮ ጎይታ።
ROM 16:10 ክርስቶሳር የሳይ ማርካትንቴዝ አጸልሳስ ታ ሳሮꬃ ኦዶይታ። አርስጻቡሎ ካራ አሳይስ ታ ሳሮꬃ ኦዶይታ።
ROM 16:11 ታ አይሁደ ላጋ ሄሮድዮና ሳሮ ጎይታ። ናርስሳራ ኤ ካራ አሳይፕ ክርስቶሳ አማኔዝታ ሳሮ ጎይታ።
ROM 16:12 ጎዳይ ኦሶር ዳቡርዝ ማች ጽሩፋይናራኔ ጽሩፎሳ ሳሮ ጎይታ። ማ ጎዳይስ ጋመ ዳቡሪ ኦꬅዝ፥ ታ ቃꬍዛ ጸርስሶ ሳሮ ጎይታ።
ROM 16:13 ጎዳይ ኦሶር ሎእꬂ ኤርንቴዝ ሩፎሳሳራኔ ታና ፋ ናአ ጋርክ ብእዛ ኤ እንዳትስ ታ ሳሮꬃ ኦዶይታ።
ROM 16:14 አስቂርጾሳ፥ ፍለሶንጻ፥ ሄርመንሳ፥ ጳትሮባሳስራ ኡንታር የዝ አማንዛ እሽታ ኡባይስ ታ ሳሮꬃ ኦዶይታ።
ROM 16:15 ፍሎሎጉሳ፥ ዩልያ፥ ኔራ፥ ኤ ምሽቶ፥ ኦሉምፖሳራ ኡንታር የዝ ጌሽታ ኡብታ ሳሮ ጎይታ።
ROM 16:16 ጌሽ ዬራ ዬርንትታር፥ ፐታይ ፐታ ሳሮꬆይታ። ክርስቶሳ ዎሳ ኬꬅ ኡቢታይ ይንታን ሳሮ ዬግዛ።
ROM 16:17 ታ እሹንꬆ፥ ይ ታማሬዝ ትምርታ እጺ፥ ይ ጋንጨ ሻክንቶኔ መቶ መꬍዝ አስታይፕ ናግንቶይታ። ኡንታፕ ሃኮይታ።
ROM 16:18 የይ ጋርክ አሳይ ፋ ኡሎስ ኦꬅዛፕ አትን ኑ ጎዳ ክርስቶሳስ ኦꬆያ። ፋ ሊቆ ዶናራኔ ዎርዶ ቃላር ሃዮ ዎዛና ባልꬅዛ።
ROM 16:19 ዎንግላይስ ይ ኪትንቴዛና አስ ኡቢታይ ስኤዛይ ታና ኡፋይስዛ። ዝን ይ ሎኦ ባዝስ ኤጫ ኢታ ባዝስ ቦዞዳና ታ ኮይዛ።
ROM 16:20 ሳሮ ጾሳይ ጻላሃና ይ ቶካይፕ ኦሞር ኤልሲ ጋጮዳ። ኑ ጎዳ የሱስ ክርስቶሳ ኣꬎ ኬሄትꬃይ ይንታር ማቆ።
ROM 16:21 ታር ኦꬅዝ ጽማቶሳ፥ ታ ዳብታይ ሉቅዮሳ፥ ያሶነራ ሶስጲጽሮሳ ይንታን ሳሮ ዬግዛ።
ROM 16:22 Ꮊ ዳብዳባ ጻፌዝ ታኒ፥ ጻርጽዮሳ፥ ይንታን ጎዳይ ሱንꬃር ሳሮ ዬግዛ።
ROM 16:23 ታና ሞኬዛይኔ ዎሳ ኬꬅ ኡቢታይ ሞክዛ ጋዮሳ፥ ይንታን ሳሮ ጌዛ። ካታማ ሚሸ አይክዝ ኤራስጾሳራ ኑ እሻ ቃርጾሳ ይንታን ሳሮ ዬግዛ።
ROM 16:24 [ኑ ጎዳ የሱስ ክርስቶሳ ኣꬎ ኬሄትꬃይ ይ ኡባይር ማቆ። አምንኤ።]
ROM 16:25 ጾስስ ጋላታ ማቆ። ታኒ፥ የሱስ ክርስቶሳ ባዝ ኦድዝ ዎንግለ ቃላይር ብኒ ዎደፕ አይኪ ቆስንቲ ጋምኤዝ ቱማትꬃር፥ ጾሳይ ይንታን አማኖር ሚንꬂ ኤሶዳይስ ዳንዳእዛ።
ROM 16:26 ዝን Ꮊት የ ቱማይ በንቴዛ። ካተትꬂ ኡቢታይ አማኒ ኪትንቶዳይ ጋርክ መꬍና ጾሳ ኪታር ናብታይ የ ቱማባዝ ጻፌዛ።
ROM 16:27 የሱስ ክርስቶሳ ባጋር ኤጨትꬂ ኤ ኣዳስ የዛ፥ ፐቲ ጾሳይስ መꬍናስ ቦንቾ ማቆ። አምንኤ።
1CO 1:1 ጾስ ሸነር የሱስ ክርስቶሳስ ሀዋረ ማቆዳይስ ጼግንቴዝ ጳዉሎሳኔ፥ ኑ እሻ ሶስተናሳ፥
1CO 1:2 ቆሮንቶሳ የዝ ጾስ ዎሳ ኬꬅስ፥ የሱስ ክርስቶሳር ጌዤዝታኔ ጌሽ ማቆዳይ ጋርክ ጼግንቴዝታይስ፤ ማ ኡንትስኔ ኑስ ጎድ ማቄዝ ኑ ጎዳ የሱስ ክርስቶሳ ሱንꬃ ኡባ አቆ ጼግዝ ኡባይስ፤
1CO 1:3 ጾስ፥ ኑ አዳይፐኔ ኑ ጎዳ የሱስ ክርስቶሳፕ ኣꬎ ኬሄትꬅኔ ሳሮትꬅ ይንትስ ማቆ።
1CO 1:4 ጾሳይ ክርስቶሳ የሱሳ ባጋር ይንትስ እንጌዝ ኣꬎ ኬሃትꬃይ ግሾስ ታኒ ኡባ ዎደ ጾሳ ጋላትዛ።
1CO 1:5 ኤዛይድ ኦዳራኔ ኤራትꬅ ኡባይር ይ ዱርቴዛ።
1CO 1:6 ታኒ ክርስቶሳ ባጋ ማርካቴዛይ ቱማ ማቄዛይ ይንታል ሚንጌዛ።
1CO 1:7 የይ ግሾስ፥ ይ ኑ ጎዳ የሱስ ክርስቶሳ ይእꬃ ናግታር የዝን፥ አባ አያና እሞካ ይንትስ ፓጨና።
1CO 1:8 ኑ ጎዳ የሱስ ክርስቶሳ ማቅዝ ዎደ ይ ቦሮኔ ቦርሶ ባይꬅ ዉርስꬂ ሄሎዳይስ ይንታን ሚንꬂ ናጎዳ።
1CO 1:9 ፋ ናአ፥ ኑ ጎዳ የሱስ ክርስቶሳር ፐትፐተꬃይ የዞዳይ ጋርክ ይንታን ጼጌዝ ጾሳይ አማንንትዛያ።
1CO 1:10 ታ እሹንꬆ፥ ይ ጋንጨ ሻክንቶ የዛማይ ጋርክ ይ ፐቲ ዎዛናራኔ ፐቲ ቆፋር ፐቶ ማቂ፥ የዞድ ጋርክ ኑ ጎዳ የሱስ ክርስቶሳ ሱንꬃይር ታ ይንታን ዎስዛ።
1CO 1:11 ታ እሹንꬆ፥ ቀሎኤ ካራ አሳይ ይ ጋንጨ እጾ የዛና ታስ ኦዴዛ።
1CO 1:12 ታ ግዛይ ይንታፕ ፐታይ ፐታይ፥ «ታኒ ጳዉሎሳስ፤ ታኒ አጵሎሳስ፤ ታኒ ጵጽሮሳስ፤ ታኒ ክርስቶሳስ» ዬግዛ።
1CO 1:13 ክርስቶሳ ሻክንቴኔ? ይ ግሾስ ማዝቃለል አፋ ሶትንቴዛይ ጳዉሎሳኔ? ዎይ ይ ጳዉሎሳ ሱንꬃይር ጻማቅንቴነኔ?
1CO 1:14 ታኒ ቃርስጶሳኔ ጋዮሳፕ አትን ይንትፕ ኦናካ ጻማቀካ ግሾስ ጾሳ ጋላትዛ።
1CO 1:15 የይ ግሾስ፥ ኦንካ ይንታን ታ ሱንꬃይር ጻማቅንቴዛ ጎዳይስ ዳንዳኦያ። [
1CO 1:16 ማ ኢስጼፋኖሳ ካራ አሳካ ታ ጻማቄዛ፥ ዝን ሀራ ኦና ጻማቄዛኮ ታስ ቆፕንቶያ።]
1CO 1:17 ክርስቶሳ ታና ኪቴዛይ ዎንግለ ኦዶዳይ ጋርከፕ አትን ጻማቆዳይ ጋርክ ባያ። ክርስቶሳ ማዝቃለል አፋ Ꮊይቄዛይ ጨረ ማቃም ጋርክ ታኒ አስ ኤጨትꬅ ቃላር ባያ።
1CO 1:18 ክርስቶሳ ማዝቃለል አፋ Ꮊይቄዛና ኦድዛ ቃላይ ꬋብዝታይስ ቦዞትꬂ፥ ዝን ኑስ አትዝታይስ ጾስ ዎልቃ።
1CO 1:19 ጌሻ ማጻፋይድ፥ «ታኒ ኤጭታይ ኤጨትꬃ ꬋብሶዳ፤ አካካንችታይ አካካ ባልꬆዳ» ዬግዛ።
1CO 1:20 የዝን፥ ኤጫ አባ የኔ? ህገ አስታማረ አባ የኔ? ዎይ Ꮊ ሳአ ኤራንቻይ አባ የኔ? ጾሲ Ꮊ ሳአ ኤጨትꬃ ኤያትꬅ ኦꬄካሳ?
1CO 1:21 Ꮊ ሳአ አሳይ ፋ ኤጨተꬃር ጾሳ ኤራማይ ጋርክ ጾሲ ፋ ኤጨትꬃር ካይ፥ ቦዛትꬃር ፓይድንትዛ፥ ኑኒ ኦድዛ ቃላይድ አማንዝታ አሾዳይስ ጾሳ ሸነ ማቄዛ።
1CO 1:22 አይሁድታይ ማላታ በአዳይስ ኮይዛ፤ ማ ግርክታይ ኤጨትꬅ ኮይዛ።
1CO 1:23 ዝን ኑኒ ማዝቃለል አፋ ሶትንቴዝ ክርስቶሳ ሳባክዛ። የይ አይሁድታይስ ꬉበ፤ ማ ግርክታይስ ቦዘትꬂ።
1CO 1:24 ዝን ጾሳይ ጼጌዝታይስ፥ አይሁደ ማቅን፥ ግርኬ ማቅን ክርስቶሳ ጾስ ዎልቃኔ ኤ ኤጨትꬂ።
1CO 1:25 ጾሳ ቦዘትꬃይ አስ ኤጨትꬃይፕ ኣꬍዛ፤ ማ ጾስ ዳቡራይ አስ ምኖትꬃይፕ ሚንግዛ።
1CO 1:26 ይኬ፥ ታ እሹንꬆ፥ ጾሳይ ይንታን ጼጎዳር ይ አብ ጋርክ አስዛኮ ቆፖይታ። አስ ቆፋር ይ ጋንጨ ጋምታይ ኤጭታይ፥ ዎልቃምታይኔ ꬎቃ ኮችታይ ባያ።
1CO 1:27 ዝን ጾሳይ ኤጭታ ዬላꬆዳይስ አላመል የዝ ቦዝታ ዶሬዛ፤ ማ ምንꬅታ ዬላꬆዳይስ አላመል የዝ ዳቡሬዝታ ዶሬዛ።
1CO 1:28 ጾሳይ Ꮊ አላመል ግታ ግንትንቴዝባዝ ꬋብሶዳይስ፥ Ꮊ ሳአ ካዉዤዝባዝ፥ እጽንቴዝባዝኔ ፓꬆዋባዝ ዶሬዛ።
1CO 1:29 ኦንካ ጾስ ቲና ጬቅንታማይ ጋርክ የያ ኦꬄዛ።
1CO 1:30 ዝን ጾሳይ ይንትስ ክርስቶሳ የሱሳር ፐትፐተꬃር የዞድ ጋርክ ኦꬄዛ። ኤ ኑስ ጾሳፕ ኤጨትꬂ፥ ጽሎትꬅ፥ ጌሸትꬅኔ ዋሎትꬅ ማቄዛ።
1CO 1:31 የይ ግሾስ፥ ጌሻ ማጻፋይድ፥ «ጬቅንትዛ ኦንካ ጎዳይል ጬቆ» ዬግዛ።
1CO 2:1 ታ እሹንꬆ፥ ታኒ ቲና ጾሳ ቃላ ይንትስ ኦድታታር የኤዝ ዎደ ዶና ቢላሞትꬃራኔ ኤጨትꬃር የኤካያ።
1CO 2:2 ታኒ ይንታር የዛ ዎደ ማዝቃለል አፋ ሶትንቴዝ የሱስ ክርስቶሳፕ አትን ሀራ ባዝ ኤራም ግ ታ ሙርቴዛ።
1CO 2:3 ታ ይንታር የዝ ዎደ ዳቡራር፥ ያሻራኔ ኩኩርሳር የዛ።
1CO 2:4 ታ ኪታኔ ታ ትምርታ ዶና ቢላሞትꬃራኔ ኤጨትꬃር ባዝን ጌሻ አያና ዎልቃ ቆንጭስꬃራ።
1CO 2:5 የይካ፥ ይ አማናይ ጾሳ ዎልቃይራፕ አትን አስ ኤጨትꬃል ካታማይ ጋርከሲ።
1CO 2:6 አያና ደኦር ድጬዝታይስ ኑኒ ኤጨትꬅ ቃላር ኦድዛ። ዝን Ꮊ ኤጨትꬃይ፥ Ꮊ ሳአ ኤጨትꬅ ዎይ ꬋቦስ የዝ Ꮊ ሳአ ሀርዝታይ ኤጨትꬅ ባያ።
1CO 2:7 ዝን ኑኒ ኦድዛ ኤጨትꬃይ፥ ጋመ ዎደፕ ቲና ጾሳይ ኑ ቦንቻይስ ጊግሴዛኔ ጌማ የዝ ጹራ ኤጨትꬂ።
1CO 2:8 Ꮊ ሳአ ሀርዝታይፕ ፐታካ Ꮊ ኤጨትꬃ ኤረካያ። ኡንቲ ኤሬዝባዝ ማቄዛኮ፥ ቦንቾ ጎዳ ማዝቃለል አፋ ሶታምዝን።
1CO 2:9 ዝን ጌሻ ማጻፋይድ፥ «ኣፈ በኤካ ባዝ፥ ሀየ ስኤካባዝ፥ ዎዝና ቆፐካባዝ፥ ጾሳይ ፋ ዶስዝታይስ ጊግሴዛ» ዬግዛ።
1CO 2:10 ጾሳይ ፋ ጹራ ፋ አያና ባጋር ኑስ ቆንጭሴዛ። ጌሻ አያናይ ሀራ አቶዝን ጌሜዝ ጾስ ጹራ ኡባ ፕላግዛ።
1CO 2:11 አስ ጋንጨ የዝ አስ አያናፕ አትን አስባዝ ኦካ ኤሮያ። የይ ጋርከካ፥ ጾስ ባዝ ጾስ አያናፕ አትን ኦካ ኤሮያ።
1CO 2:12 ጾሳይ ኑስ ጨረ እንጌዝባዝ ኑ ኤሮዳይ ጋርክ ጾሳ አያና ኤኬዛፕ አትን Ꮊ ሳአ አያና ኤከካያ።
1CO 2:13 ኑኒ አያና ባዝ፥ አያና አሳይስ አስ ኤጨትꬃር ባዝን ጾስ አያናይ እንግዛ ኤጨትꬃር ታማርስዛ።
1CO 2:14 ዝን ጌሻ አያና ባ አስ ጾስ አያና እሞትታ ኤካሚ። የይ ኤስ ቦዘትꬂ፤ ኡባይ ጌሻ አያናር ፕላግንትዝ ግሾስ ኤ ኤሮዳይስ ዳንዳኦያ።
1CO 2:15 ዝን ጌሻ አያና የዝ አሲ ኡባ ባዝ ፕላግዛ፥ ዝን ኤዛ ኦካ ፕላጎያ።
1CO 2:16 ጌሻ ማጻፋይድ፥ «ጎዳ ዎዝና ኤርዛይ ኦኖ? ኤዛ ዞሮዳይስ ዳንዳእዛይ ኦኖ?» ግንትንቲ ጻፍንቴዛይ ጋርከ። ኑስ ክርስቶሳ ዎዝና የዛ።
1CO 3:1 ታ እሹንꬆ፥ ይ አሾ አስኔ ክርስቶሳር ሀጋ ኦቼካ ዱደ ናአ ጋርክ የዝ ግሾስ ታኒ አያና ባዝ ይንትስ ኦዶዳይስ ዳንዳኤካያ።
1CO 3:2 ይ ሚንꬅ ካꬃ ማዳይስ ዳንዳኤካ ግሾስ ታኒ ይንታን ማꬅ ፓኬዛ፤ Ꮊተካ ይ ዳንዳኤካያ።
1CO 3:3 Ꮊተካ ይ አማኖዋ አስ ጋርክ የዛ። ይ ጋንጨ የዝ ቅናታይኔ ዎል እጻይ አማኖዋ አስ ጋርክ የዛና ኤርሶሳ? ይ አማኖዋ አስ ጋርክ ሀንዛ።
1CO 3:4 ይንታፕ ፐታይ፥ «ታኒ ጳዉሎሳስ» ሀራይ ማ፥ «ታኒ አጵሎሳስ» ጊኮ፥ አማኖዋ አስ ጋርክ ባሳኔ?
1CO 3:5 የዝን፥ አጵሎሳ አባ? ጳዉሎሳ አባ? ኑኒ ይንታን አማንꬄዝ ጾስ ኦሳንችታ። ጾሳይ ፐታይስ ፐታይስ እንጌዝ ኦሳይ ጋርክ ኦꬅዛ ኦሳንችታ ባሳኔ?
1CO 3:6 ታ ቱኬዛ፤ አጵሎሳ ሃꬅ ኡሼዛ፥ ዝን ድቼዛይ ጾሰ።
1CO 3:7 የይ ግሾስ፥ ድቼዝ ጾሳይፕ አትን ቱክዛይካ ሃꬅ ኡሽዛይካ አኮካ ባያ።
1CO 3:8 ቱክꬅኔ ሃꬄ ኡሾ ዎል ጋርከ፥ ዝን ፐታይ ፐታይ ፋ ኦሳይ ጋርክ ጾሳይ እንግዛ ዎይታ ኤኮዳ።
1CO 3:9 ኑኒ ፐትፕ ጾሳይስ ኦꬅዛ ኤዝ ኦሳንችታ ማቄዝ ግሾስ ይ ጾስ ኦሶ ጋደ፤ ጾስ ኬꬄ።
1CO 3:10 ጾሳይ ታስ እንጌዝ ኣꬎ ኬሃትꬃይ ጋርክ ሂላንቾ አናጸ ጋርክ ባሶ ባሴዛ። ሀራይ ኤዛል አፋ ኬጽዛ። ዝን ኤዛል አፋ ኬጽዛ ኦንካ ዋይዚ ኬጽዛኮ፥ ፋሳ ናግንቶ።
1CO 3:11 ፐቲ ቶኬ ባስንቴዝ ባሳይፕ ሀራ ባሶ ባሶዳይስ ኦንካ ዳንዳኦያ። የ ባሳይካ የሱስ ክርስቶሳ።
1CO 3:12 ዝን Ꮊ ባሳይል አፋ ኦንካ ዎርቃር ዎይ ብራር ማቅን፥ አልኦ ሹቻር ዎይ ምꬃር ማቅን፥ ማታር ዎይ ሀዉለር ኬጽኮ፥
1CO 3:13 ፐቲ ፐቲ አስ የ ባሳይል አፋ አባር ኬጼዛኮ ፕርዳ ጋላስ ታማር ፓጭንት ኤርንቶዳ።
1CO 3:14 ኦንካ የ ባሳይል አፋ ኬጼዝ ኬꬃይ ታማር ጹግንተካ አትኮ፥ ፋ ዎይታ ኤኮዳ።
1CO 3:15 ዝን ኦ ኦሶይካ ታማር ጹግንትኮ፥ የ አꬃይስ ዎይቶ ባያ። ሀኖ ዝን፥ ኤ ፋ ኦማስ ታማፕ ቡቲ ከዜዝ አስ ጋርክ አቶዳ።
1CO 3:16 ይ ጾስ ኬꬅ ማቄዛኔ ጾስ አያናይ ይንታራ የዛና ኤረካሳ?
1CO 3:17 ኦንካ ጾስ ኬꬃ ላልኮ፥ ጾስካ ኤዛ ላሎዳ። ጾስ ኬꬃይ ጌሺ፤ የ ኬꬃይካ ይንታና።
1CO 3:18 ኦንካ ፋና ዶሽፐ። Ꮊ ሳአ ኤጨተꬃር ፋና ኤጫ ኡዲ ኤክዝ ኦንካ ጾስ ቲና ኤጫ ማቆዳይስ ቦዞ ማቆ።
1CO 3:19 Ꮊ ሳአ ኤጫትꬃይ ጾስ ቲና ቦዘትꬂ። ጌሻ ማጻፋይድ፥ «ጾሲ ኤጭታ ኡ ገነ ቆፋይር አይኮዳ» ዬግንቴዛ።
1CO 3:20 ማ፥ «ኤጭታይ ቆፋይ ማዶዋባዝ ማቄዛና ጎዳይ ኤርዛ» ዬጌዛ።
1CO 3:21 የይ ግሾስ፥ ኡባይ ይንትስ ማቄዝ ግሾስ ኦንካ አሳል ጬቅንትፕ።
1CO 3:22 ጳዉሎሳ ማቆ፥ አጵሎሳኔ ጵጽሮሳ ማቆ፥ Ꮊ አላማ ማቆ፥ ደኦ ማቆ፥ Ꮊይቆ ማቆ፥ Ꮊት የዛያ ማቅን፥ ቲናፕ የኦድ ኡባይ ይንትሲ።
1CO 3:23 ይ ክርስቶሳሲ፤ ክርስቶሳካ ጾስሲ።
1CO 4:1 አሳይ ኑና ክርስቶሳ አይለ ጾስ ጹረ ቆንጭሶዳይስ ሀዳራ እንግንቴዝ አስ ጋርክ ኡዲ ቆፖ።
1CO 4:2 የ ሀዳራ ኤኬዝ አስታይ ፋ ጎዳይስ አማንንቴዝታ ማቆዳይስ ቤዝዛ።
1CO 4:3 ዝን ይንቲ ዎይ ሀራይ ታና ፕርድኮ፥ ታስ አኮካ ባያ። ሀራይ አቶ፥ ታካ ታል አፋ ፕርዳሚ።
1CO 4:4 ታ ኤርዛይ ጋርክ ማቅኮ ታ ካሃይ ካጮያ፥ የይካ ታ ፎሎ ጌሽ ማቄዛና ቤዞያ። ታል አፋ ፕርዶዳይ ጎዳይ ኣዳ።
1CO 4:5 የይ ግሾስ፥ ዎደ ሄለካዝን፥ ጎዳይ የኦዳይፕ ቲና ኦላካ ፕርድፓተ። ኤ ꬉማ ጌንጌዝ ጹራ ፖኦ ከሶዳ፤ አስ ዎዛና ቆስንቴዝ ቆፋ ቆንጭሶዳ። የ ዎደ ፐታይ ፐታይ ጾሳይፕ ጋላታ ኤኮዳ።
1CO 4:6 ታ እሹንꬆ፥ ይ ግሾስ ግ አጵሎሳናኔ ታና ኣዝሶ ኡዲ ይንትስ ኦዴዛ። የያ ታ ኦꬄዛይ፥ «ጻፍንቴዛይፕ ኣꬊፐ» ዬጊ ዞርዛና ይ ኑፕ ታማሮዳይ ጋርከሲ። የይ ግሾስ፥ ኦንካ ፐታ ጋይርንቶር Ꮊንካ ካꬎዳይስ ቤዞያ።
1CO 4:7 ነ Ꮊንክታይፕ አባር ኣꬊኔ? ኔኒ ኤከካባዝ አቢ የኔ? የዝን፥ ኔኒ ኤኬዝባዝ ሀራ አሳይፕ ኤኬዝ ማቅኮ፥ ኤከካ አስ ጋርክ አብስ ጬቅንትኔ?
1CO 4:8 Ꮊት ይንትስ ቤዝዛ ባዝ ኡባ ይ ኤኬዛ። Ꮊት ይ ዱርቴዛ። ኑ ባይꬅ ይ ኣዳ ካዉቴዛ። ይ ቱማ ካዉቴዝባዝ ማቄዛኮ፥ ኑካ ይንታር ካዉቶዳዝን።
1CO 4:9 ጾሳይ ኑና ሀዋርታ፥ Ꮊይቆስ ፕርድንቴዝ አስ ጋርክ አስ ኡባፕ ኑና ጉየ ኣꬄዛ ታስ ኣዝዛ። ኑኒ Ꮊ አላማይስ፥ ኪታንችታይስኔ አሳይስ ካስባዝ ማቄዛ።
1CO 4:10 ኑኒ ክርስቶሳ ግሾስ ቦዞ ማቄዛ፥ ዝን ይ ክርስቶሳር ኤጭታ ማቄዛ። ኑኒ ዳቡራ፥ ዝን ይ ሚንꬅ ማቄዛ። ይ ቦንችንቴዛ፥ ዝን ኑኒ ቶሽንቴዛ።
1CO 4:11 Ꮊኖ ሄሎዳይስ ኑ ናይንትዛ፥ ሳምንትዛ፥ ካሎትዛ፥ Ꮊꬊንትዛ፤ የዞድ ካምፓ ꬋብን ካእንትዛ።
1CO 4:12 ኑኒ ኑ ኩሸ Ꮊንታር አቆድ ግ ዳቡርዛ። ኑና አሲ ባዶዳር ኑ አንጅዛ፤ ኑና ባይእꬆዳር ኑ ጋርዥዛ።
1CO 4:13 ኑል አፋ ኢታ ባዝ ኦድንትዛ ዎደ ሎኦ ቃላ ኑ ማህዛ። ኑ Ꮊኖ ሄሎዳይስ Ꮊ አላመ ፕጻባዝኔ ዎራ ዎꬌዝ ቡሬ ማቄዛ።
1CO 4:14 ታኒ የያ ጻፍዛይ፥ ታ ሲቅዛ ናእታይ ጋርክ፥ ይንታን ዞሮዳይስ ጻፈዛይፕ አትን ዬላሶዳይስ ባያ።
1CO 4:15 ክርስቶሳር ይንታን ካልꬅዛ ፓይዶፕ ኣꬂ የዝኮካ፥ ጋመ አድታይ ባያ። ታ ይንታን ክርስቶሳ የሱሳ ዎንግላይር የሌዛ።
1CO 4:16 ይኬ፥ ይ ታና ኣዝሶ ኡዲ ካሎድ ጋርክ ይንታን ዎስዛ።
1CO 4:17 የይ ግሾስ፥ አማንንቴዝ፥ ታ ሲቅዛ፥ ጎዳይ ባጋር ታ ናአ፥ ጽማቶሳ ይንትኮ ኪቴዛ። ኤ ዱማ ዱማ አቆ የዝ ዎሳ ኬꬃ ታ ታማርሴዝ፥ ክርስቶሳ የሱሳር የዝ ታ ኦጋ ይንታን ቆፍሶዳ።
1CO 4:18 ታኒ ይንትኮ የአምባዝ ኣዝን፥ ኡትርትዛ ፐቲ ፐቲ አስታይ የዛ።
1CO 4:19 ዝን ጎዳይ ጊኮ፥ ኡከራ ታኒ ይንትኮ የኦዳ። የ ዎደ ኡትራንችታይ ኦዳ ኣዳ ባዝን ኡንትስ አባ ዎልቃካ የዛኮ ታ ኤሮዳ።
1CO 4:20 ጾስ ካተትꬃይ ኦዳ ኣዳ ባዝን ጾስ ዎልቃ።
1CO 4:21 ታኒ ይንትኮ ጉፈራ Ꮊንጎነ ሲቆራኔ ሃዮ አያናራ Ꮊንጎ? ይ ኣያ ዶርኔ?
1CO 5:1 ይ ጋንጨ ላግተ የዛይ ዝግርንትዛ። የይ ጋርክ ላግታ ሀራ አቶዝን፥ አማኖዋ አሳይካ ኦꬆያ። ይ ጋንጨ ፋ አደ ማችራ ቱኔዝ አሲ የዛ።
1CO 5:2 የዝን ይ ቂራꬎዳይስኔ ዬላቶዳይስ ቤዝዛ፥ ዝን ኡትርትዛ። የይ ጋርክ ቦርሶ ባዝ ኦꬄዝ አꬃ ይ ጋንጨፕ ከሶዳይስ ቤዞሳ?
1CO 5:3 ታኒ አሾር ይንታር የዛም እጽኮካ አያናር ታ ይንታር የዛ። ታኒ ይንታር የዝ አስ ጋርክ ሀኒ የይ ጋርክ ኦሳ ኦꬄዝ አꬃይል አፋ ፕርዴዛ።
1CO 5:4 ኑ ጎዳ የሱስ ክርስቶሳ ሱንꬃር ይ ሺቆዳር ታኒ አያናር ይንታር የዞዳ። ኤዛይድ ጎዳ የሱስ ክርስቶሳ ዎልቃይ ይንታር ማቆዳ።
1CO 5:5 የ አꬃይ ናጋራ አሻይ ꬋብን፥ ኤ አያናይ ጎዳ የሱሳ ፕርዳ ጋላስ አቶዳይ ጋርክ ኤ ጻላሄስ ኣꬊ እንግንቶ።
1CO 5:6 ይ ጋይርንታይ ሎኦ ባያ። ጽቃ እርሾ ሙኑቆ ኡባ ደንꬅዛና ይ ኤሮሳ?
1CO 5:7 ይ Ꮊት እርሾ ባ ሙኑቆ ማቆዳይ ጋርክ፥ ናጋራ እርሾ ይንታፕ ከሶይታ። ኑስ ፓዝቃ ዱር ማቄዝ ክርስቶሳ ያርሽንቴዛ።
1CO 5:8 የይ ግሾስ፥ ገነኔ ኢታትꬂ የዝ እርሾር ባዝን ቱማትꬃራኔ ጌሻትꬅ የዝ ቦራር ኑ ባለ ቦንቾዳ።
1CO 5:9 ታ ቲና ጻፌዝ ዳብዳባይድ ይ ላግትዛ አሳና ሄላማይ ጋርክ ይንትስ ኦዴዛ።
1CO 5:10 የያ ጉሳይ Ꮊ አላመል የዝ ላግትዝታ ዎይ ናጋራስ ተንቶትዝታ ዎይ ሱቃትዝታ ዎይ ቦንቂዝታ ዎይ ኤቃስ ጎይንዝታ ኡባር ሄልፓተ ጉስ ባያ። የያ ማቅኮ፥ Ꮊ አላማይፕ ይ ከዞዳይስ ቤዝዛ ዝን አቴዛ።
1CO 5:11 ዝን አማንዛ ጊንቲ ላግትዝታ ዎይ ተንቶትዛ ዎይ ኤቃስ ጎይንዝታይር ዎይ ጫዥዝታይር ዎይ ማꬅዝታይር ዎይ ቦንቂዝታይር ወል ሄልፓተ ግ ይንትስ ኦድዛ። የይ ጋርክ አሳይራ ሀራ አቶዝን፥ ካꬃካ ሚፓተ።
1CO 5:12 ዎሳ ኬꬃፕ ባለር የዝታይል አፋ ፕርዶዳይስ ታና አብ ሄልꬄ? ዎሳ ኬꬃ የዝታይል አፋ ይ ፕርዶሳኔ?
1CO 5:13 ዝን ባለራ የዝታይል አፋ ጾስ ፕርዶዳ። የ ኢታ ባዝ ኦꬅዝ አꬃ ይ ጋንጨፕ ከሶይታ።
1CO 6:1 ይ ጋንጨፕ ፐታይ ፐታይር ሞቶ የዛኮ፥ የያ አማንዛ አሳይ ቲና ፕርድንቶዳና አሺ አማኖዋ አስ ቲና ፕርድንቶዳይስ ዋይዚ ቤዜ?
1CO 6:2 ጌሽታይ አላመል አፋ ፕርዶዳና ይ ኤሮሳ? የዝን፥ ይ አላመል አፋ ፕርድዛ ባዝ ማቅኮ፥ Ꮊይ ጋርክ ጽቃባዝ ፕርዶዳይስ ዋይዚ ዳንዳእንቶሳ?
1CO 6:3 ኑኒ ኪታንችታይል አፋ ፕርዶዳና ይ ኤሮሳ? የዝን፥ Ꮊ ሳአ የሳል አፋ ፕርዶዳይስ ይንታን ዋይዚ ጋመ?
1CO 6:4 የዝን፥ የይ ጋርክ መቶ ይ ጋንጨ መꬍንትኮ፥ ዎሳ ኬꬅ ፐትፐተꬃፕ ባለር የዝታይኮኔ ቦርንቴዝ አሳይ ቲና ፕርድንቶዳይስ ዋይዚ ካንጌ?
1CO 6:5 ታኒ ይንታን ዬላሶዳይስ የያ ግዛ። ይ ጋንጨ ካጭንቴዝ አስታ እንግꬆዳይስ ዳንዳእዛ አካክዛ አሲ ባሳ?
1CO 6:6 የዝን፥ ፐቲ አማንዛ እሻይ Ꮊንኮ አማንዛ እሻና ፕርዳ ኬꬅ አማኖዋ አሳይ ቲና ሞቶዳይስ ቤዝኔ?
1CO 6:7 ይኬ፥ ይ ፐታይ ፐታ ሞትዛባዝ ማቅኮ የይ ይ ፖክꬃ ቤዝዛ። የይፕ ይ ቆህንትኮኔ ዶሽንትኮ ሎኣሞ?
1CO 6:8 ዝን ይ ዎል ጋንጨ አማንዝታይ ፐታይ ፐታ ቆህዛኔ ዶሽዛ፥ የይካ ይ እሽታ።
1CO 6:9 ዎርዥታይ ጾስ ካተትꬃ ላታማና ይ ኤሮሳ? ይንታን ዶሽፓተ፤ ተንቶትዝታይኔ ላግትዝታይ ዎይ ኤቃ ጎይንዝታይ ዎይ ቃይጽንትዝታይ ዎይ ꬊራꬂ ꬊራꬃር ፔዥዝታይ፥
1CO 6:10 ዎይ ካይዝታይ ዎይ ኡዝታይ ዎይ ማꬅዝታይ ዎይ ጫዥታይ ዎይ ቦንቅዝታይ ጾስ ካተትꬃ ላታሚ።
1CO 6:11 ይንታፕ ፐቲ ፐቲ አሳይ ቲና የይ ጋርከ። ዝን ይ Ꮊት ጎዳ የሱስ ክርስቶሳ ሱንꬃራኔ ጾስ አያናር ሜጭንቴዛ፤ ጌዤዛ፤ ጽሌዛ።
1CO 6:12 «ታስ ኡባ ባዝ እንግንቴዛ» ዝን ኡባይ ታና አዳሚ። «ታስ ኡባ ባዝ እንግንቴዛ»፥ ዝን አብካ ታና ሃራሚ።
1CO 6:13 «ካꬃ ኡሎስ፤ ኡሎካ ካꬃስ» ዝን ጾሳይ ኡሎካ ካꬃካ ꬋብሶዳና ታ ይንትስ ኦድዛ። ኑ አሰትꬃይ ጎዳይስፕ አትን ላግታስ ባያ። ጎዳይካ ኑ አሰትꬃይስ።
1CO 6:14 ጾሳይ ጎዳ Ꮊይቆፕ ደንꬄዛይ ጋርክ፥ ኑናካ Ꮊይቆፕ ፋ ዎልቃር ደንꬆዳ።
1CO 6:15 ይ አሰትꬃይ ክርስቶሳ አሰትꬃይፕ ባጋ ማቄዛና ኤሮሳኔ? የዝን፥ ታኒ ክርስቶሳ አሰትꬃይፕ ባጋ ካንጊ ላግታ አሰትꬅ ማቆዳይ ጋርክ ኡዶ? ሀነና!
1CO 6:16 ላግትዛ አꬃይ ኤ ፔዥዝ አስትራ ፐቲ አሰትꬅ ማቄዛና ይ ኤሮሳ? ጌሻ ማጻፋይድ፥ «ኡንቲ ናምአይ ፐቲ አሰትꬅ ማቆዳ» ግንትንት ጻፍንቴዛ።
1CO 6:17 ዝን ጎዳይራ ፐትፕዛ አꬃይ ኤዛር አያናራካ ፐቶ ማቅዛ።
1CO 6:18 ላግታፕ ሃኮይታ። ፐቲ አꬃይ ኦꬅዝ ሀራ ናጋራ ኤ አሰትꬃፕ ባለራ ኦስንትዛ፥ ዝን ላግትዛ አስ ፋ አሰትꬃይል ናጋራ ኦꬅዛ።
1CO 6:19 ይ አሰትꬃይ ጾሳይ ይንትስ እንጌዝ ይንታር የዝ ጌሻ አያና ካራ ማቄዛና ይ ኤሮሳኔ? ይ ይንትስ ባያ።
1CO 6:20 ጾሳይ ይንታን ጋተር ዎንጌዛ። የይ ግሾስ፥ ይ አሰትꬃይር ጾስ ቦንቾይታ።
1CO 7:1 ይ ታስ ጻፌዝ ዳብዳባይ ባጋ አሲ ማች ቦቻምንጽኮ ሎኦ።
1CO 7:2 ዝን ላግታፕ አቶዳይስ ፐታይ ፐታይ ማቾ ፓስ ኤኮ፤ ማ ፐቲ ፐቲ ማችስካ አዝኒ የዞ።
1CO 7:3 አዝናይ ፋ ማችስ፥ ማ ማቻት ፋ አዝናይስ ቤዝዛ ባዝ ኡዶ።
1CO 7:4 ማቻት ፋ አሰትꬃይል አፋ ኢስ ማዉተ ባያ፥ ዝን ማዉተ እ አዝናይስ። የይ ጋርከካ፥ አዝናይስ ኤ አሰትꬃይል አፋ ማዉተ ባያ፥ ዝን ማዉታይ ማቻትስ።
1CO 7:5 ይ ዎሳር ጽቃ ዎደ ጋምኦዳይስ ዞረር ማቃም እጽኮ፥ ፐታይ ፐታ ካይፓተ። የይፕ ደንዴዛይድ ይንትናትꬃ ሃሮዳይስ ጋምንትን፥ ጻላሄ ይንታን ፓጫማይ ጋርክ ዎላ የዞይታ።
1CO 7:6 ዝን ታኒ ይንታን ዞሮዳይስ Ꮊያ ጌዛይፕ አትን አዛዞ ባያ።
1CO 7:7 አሲ ኡባይ ታ ጋርክ ማቾ ኤከካ የዝዛኮ ታ ዶስዛ፥ ዝን ጾሳይ ፐታይስ ፐታይስ እንጌዝ ዱማ ዱማ እሞታይ የዛ። ፐታይስ Ꮊይ ጋርክ Ꮊንካይስ ሀራ እሞታይ የዛ።
1CO 7:8 ማቾ ኤከካዝታይስኔ አዝን ገለካዝታይስ ማ አምእታይስ ታኒ ግዛይ፥ ታ ጋርክ የዞይታ ግ ዞርዛ።
1CO 7:9 ዝን አሞር ጹግንቶዳይፕ ኤክዛይኔ ገልዛይ ሎኦ ማቄዝ ግሾስ ኡንቲ ፋና ሃሮዳይስ ዳንዳአም እጽኮ፥ ኤኮነ ገሎ።
1CO 7:10 ታኒ ኤኬዝታይስኔ ገሌዝታይስ Ꮊይ ጋርክ ግ ዞርዛ፤ ታና ባያ ጎዳይ አዛዝዛ፤ ማቻት ፋ አዝናይፕ ሻክንትፐ።
1CO 7:11 ዝን ሻክንትኮ ሀራ አዝን ገለካ ፋ ኡባስ የዞ ዎይ ፋ አዝናይራ ጊጎ። አዝናይ ፋ ማቻት ብልፐ።
1CO 7:12 ዝን Ꮊንክታይስ ጎዳ ባዝን ታኒ Ꮊይ ጋርክ ግዛ። አማኖዋ ማቻ የዝ አማንዛ አዝናይ የዚኮ፥ ማቻት ኤዛር ፐትፕ የዞዳይስ ኮይኮ እዞ ብልፐ።
1CO 7:13 ማ አማኖዋ አዝኒ የዝ አማንዛ ማቻ የዚኮ፥ እ አዝናይ ኢር ፐትፕ የዞዳይስ ኮይኮ ኤፕ ብልንትፔ።
1CO 7:14 አማኖዋ አዝናይ ፋ አማንዛ ማቻት ባጋር ጌዥዛ፤ ማ አማኖዋ ማቻት ፋ አማንዛ አዝናይ ባጋር ጌዥዛ። የያ ባዛኮ፥ ይ ናእታይ ቱና ማቅዛ፥ ዝን Ꮊት ኡንቲ ጌሺ።
1CO 7:15 ዝን አማኖዋ አዝና ዎይ ማቻት ብሎዳይስ ኮይኮ ብሎ። አማንዛ ማቻ ዎይ አዝናይ የይ ጋርክ ባዛር አጭንትፐ። ጾሳይ ኑና ሳሮትꬃር የዞዳይ ጋርክ ጼጌዛ።
1CO 7:16 አማንዛ አስተ፥ አማኖዋ ነ አዝናይ ነ ባጋር አማኖዳዛኮ ነ ኤርኔ? ዎይ አማንዛ አꬃዮ፥ አማኖዋ ነ ማቻት ነ ባጋር አማኖዳዛኮ ነ ኤርኔ?
1CO 7:17 ፐቲ ፐቲ አስ ጎዳይ ኤስ እንጌዝ እሞታይ ጋርከኔ ጾሳይ ኤዛ ጼጌዛይ ጋርክ የዛ። ዎሳ ኬꬅ ኡባይድ ታኒ ታማርሴዝ ዎጋይ Ꮊያ።
1CO 7:18 ኦንካ ዶካልንቲ ጼግንቴዝባዝ ማቅኮ፥ ዶካልንቴካዛይ ጋርክ ሀንፔ። ዶካልንተካ አማኔዝ ኦንካ የዝኮ፥ ዶካልንቶዳይስ ኮይፐ።
1CO 7:19 ጾስ ኪታ ፖሎዳይስ ቤዝዛይፕ አትን ዶካልንትን ዶካልንታም እጽን አኮስካ አዶያ።
1CO 7:20 ፐቲ ፐቲ አስ ጾሳይ ፋና ጼጌዝ ዎደ የዛን ጋርክ የዛ።
1CO 7:21 ጾሳይ ነና ጼጌዝ ዎደ ኔኒ አይለ? አኮካ ባያ የይስ ኡንእንትፐ። ዝን ኔኒ አይለትꬃፕ ዎዝንቶዳይስ ዳንዳእኮ ዎዝንቶባ።
1CO 7:22 አይለ ማቂ የዛር ጎዳር ጼግንቴዝ አስ ጎዳይፕ ደንዴዛይድ አይለትꬃፕ ዎዝንቴዛ። የይ ጋርከካ፥ አይለ ማቀካ የዛር፥ ጎዳይር ጼግንቴዝ አስ ክርስቶሳ አይለ።
1CO 7:23 ጾሳይ ይንታን ጋተ ጭግ ዎንጌዝ ግሾስ አስ አይለ ማቅፓተ።
1CO 7:24 ታ እሹንꬆ፥ ይ ፐታይ ፐታይ ጼግንቴዝ ዎደ የዝ የሳይር ጾሳር ዎላ የዞይታ።
1CO 7:25 ዉድርታይኔ ፓንꬅታይ ባጋ ጎዳይ ታና አዛዜዝ ባዝ ባያ። ዝን ጎዳይ ታስ እንጌዝ ማሮትꬃይ ጋርክ ታኒ ይንታን ዞርዛ።
1CO 7:26 ይኬ፥ Ꮊ ዎዳይድ የዝ መታይ ግሾስ ኤከካ ዎይ ገለካ የስ ታስ ሎኦ ኣዝዛ።
1CO 7:27 ነ ማቾ ኤኬዝ ባዝ ማቅኮ፥ አንጆዳይስ ኮይፐ። ነ ማቾ ኤከካባዝ ማቅኮ፥ ኤኮዳይስ ኮይፐ።
1CO 7:28 ዝን ነ ማቾ ኤክኮ ናጋራ ባያ። የይ ጋርክ ዉድርታካ አዝን ገልኮ ናጋራ ባያ። ዝን ኤክዛ ገልዛ አሳይስ Ꮊ ሳአ ኢታ መቶ የዛ ግሾስ ይ የይፕ አቶዳይ ጋርክ ታ ኮይዛ።
1CO 7:29 ታ እሹንꬆ፥ ታ ግዛይ የያ፤ ዎደ ዉሬዛ። ይከፕ ቲና ማቻ የዛይ ማቾ ኤከካዛይ ጋርክ የዞ።
1CO 7:30 ዬክዝታይ ዬኮዝታይ ጋርክ ማቆ፥ ኡፋይትዝታይ ኡፋይቶዚታይ ጋርክ፥ ዎንግዝታይ አኮካ ባዚታይ ጋርክ ፋና ፓይዶ።
1CO 7:31 Ꮊ ሳአ ሻሎር ማድንትንትዝታይ ማድንቶዚታይ ጋርክ ማቆ። Ꮊ አላመ ማላይ ኣꬎዳ።
1CO 7:32 ይ ህርጋ ባይꬅ የዞዳይ ጋርክ ታ ዶስዛ። ማቾ ኤከካዛይ ጎዳ ኡፋይሶዳይስ ኮይዝ ግሾስ ጎዳይባዝ ቆፕዛ።
1CO 7:33 ዝን ማቾ ኤኬዛይ ፋ ማቻቶ ኡፋይሶዳይስ ኮይዝ ግሾስ Ꮊ ሳአባዝ ቆፕዛ።
1CO 7:34 ኤ ቆፋይ ናምእ አቆ ሻክንትዛ። አዝን ገለካ ዉድርታ ፋ አሰትꬃይራኔ ፋ ሸምፓይድ ጌዢ ጎዳ ኡፋይሶዳይስ ኮዬዝ ግሾስ ጎዳይ ባዝ ቆፕዛ። ዝን ኣዝን ገሌዛና ፋ አዝና ኡፋይሶዳይስ ኮይዝ ግሾስ ሳአባዝ ቆፕዛ።
1CO 7:35 ታኒ የያ ይንትስ ኦዴዛ፥ ይ ማድንቶዳይ ጋርከፕ አትን ጽኬ ጋንጨ ገሊ ይ ኡንእንቶዳይ ጋርክ ባያ። ዝን ይ ቆፋይ ላልንተካ ማራር የዚ ጎዳ ኡፋይስዛ ባዝ ይ ኡዶድ ጋርክ ታኒ ኦድዛ።
1CO 7:36 ኦንካ ፋ ኦይጬዝ ዉድርቶ ገሎ ዎደ ኣꬌዛ ግ እዞ አሾዳይስ ቆፕኮ፥ የይ ማ ኢስ ሎኦ ባዛይ ስእንትኮ፥ ፋ ኮዬዛ ኦꬆ፤ ኡ ዎል ኤክኮ፥ ገልኮ፤ የይ ናጋራ ባያ።
1CO 7:37 ዝን ፐቲ አስ ኡንእꬅዛ ባዝ ꬋብኮ፥ ፋ ዎዝናይር ሚንጊ፥ ፋና ሃሪ፥ ፋ ኦይጬዝ ዉድርቶ ኤከካ አሾዳይስ ኮይኮ ሎኦ ኡዴዛ።
1CO 7:38 የይ ግሾስ፥ ዉድርቶና ኤኬዝ አꬃይ ሎኦ ኦꬄዛ፤ ማ ኤከካ አꬃይ ኡባር ሎኦ ኦꬄዛ።
1CO 7:39 ማቻታ አዝናይ ፓጻ የዝ ዎደ ኡባይድ ኤዛር አጭንቴዛኖ። ዝን እ አዝናይ Ꮊይቅኮ፥ ፋ ዶሴዝ አዝና ገሎዳይስ ዳንዳእዛ። ሀኖ ዝን፥ እዛ ገልዛ አꬃይ አማንዛ አስ ማቆዳይስ ቤዝዛ።
1CO 7:40 ታ ቆፋር ማቅኮ፥ እዛ ገለካ የዝኮ ኡፋይሳር የዞዳ። ማ ታስ፥ ታር ጾሳ አያና የዛ ኣዝዛ።
1CO 8:1 ኤቃስ ያርሽንቴዝ ካꬃ ባጋ ማቅኮ ኑ ኡባይ ኤርዛ። ኤራትꬂ ኡትርስዛ፥ ዝን ሲቆ ድችዛ።
1CO 8:2 ኦንካ ፋና ኤርዛ ግ ቆፕኮ፥ ኤ ሀጋ ኤሮዳይስ ቤዝዛይ ጋርክ ሀጋ ኤረካያ።
1CO 8:3 ዝን ኦንካ ጾስ ሲቅኮ ኤ ጾስ ካንታ ኤርንቴዛያ።
1CO 8:4 የይ ግሾስ፥ ኤቃስ ያርሽንቴዝ ካꬃ ሙስባጋ ማቅኮ Ꮊ አላመል ጎዲ ፐቲ ጾሳይፕ አትን ሀራ ባ ግሾስ ኤቃ ፓꬆዋ ባዝ ማቄዛና ኑኒ ኤርዛ።
1CO 8:5 ጾስ ባዛር ሳሎራኔ ሳአር ጾሰ ግንትንቲ ጼግንትዝ ጋመ ጾስታይኔ ጎድታይ የዝኮካ፥
1CO 8:6 ኡባ ባዝ መꬌዝ፥ ኑ ኤ ባጋ ማቄዝ፥ ፐቲ ጾሳይ፥ አዳይ ኣዳ፥ ኑስ የዛ። ኡባይ ኤ ባጋር መꬍንቴዛ፥ ኑካ ኤ ባጋር የዝዝ ፐቲ ጎዳይ፥ የሱስ ክርስቶሳ ኑስ የዛ።
1CO 8:7 ዝን የያ ኤርዝታይ ኡብታ ባያ። ፐቲ ፐቲ አሳይ ኤቃ ጎይንዛ ግሾስ ካꬃ ሚዝ ዎደ ኤቃስ ያርሽንቴዝ ባዝ ኡዲ ኤክዛ። የ ዎደ ኡ ካሃይ ዳቡራ ማቄዝ ግሾስ ቱንዛ።
1CO 8:8 ዝን ካꬃ ኑና ጾሳር ዳቦꬆያ። ኑ ማም እጽኮ አኮካ ቆህንታሚ፤ ማ ሚኮካ ማዳሚ።
1CO 8:9 ዝን ይ ኮዬዝ ባዝ ማዳይስ ማዉተ ይንትስ የዝኮካ የይ አማኖር ምንገካዝታ ꬉባማይ ጋርክ ናግንቶይታ።
1CO 8:10 ኔኒ ነና ኤራንቾ ግ ኤቃስ ያርሽንቴዝ ካꬃ ማዳይስ ኤቃ ካራ በቴዝን፥ አማኖር ምንጌካዛይ ነና ብእኮ የይ ኤዛ ኤቃስ ያርሽንቴዝ ካꬃ ማዳይ ጋርክ ደንꬅꬆሳኔ?
1CO 8:11 ይኬ፥ ነ ኤራትꬃይፕ ደንዴዛይድ ክርስቶሳ ኤ ግሾስ Ꮊይቄዝ፥ አማኖር ምንገካ ነ እሻይ፥ ꬋብዛ።
1CO 8:12 የይ ጋርክ ኡዲ፥ አማኖር ምንገካ ይ እሽታ ቆህታራኔ ኡ ካሃ ሱꬅታር ክርስቶሳና ቆህዛ።
1CO 8:13 የይ ግሾስ፥ ካꬃ ታ እሻ ꬉቢዛባዝ ማቅኮ፥ ኤ ꬉብንታማይ ጋርክ አሾ የሻ ታ ማሚ።
1CO 9:1 ታኒ ማዉተር የዛ አስ ባሳኔ? ታ ሀዋረ ባሳኔ? ታኒ ኑ ጎዳ የሱስ ክርስቶሳ በኤካሳኔ? ጎዳይር ይ ታ ዳቡራ ኣፈ ባሳኔ?
1CO 9:2 ይ ጎዳይባዝ ማቄዝ ግሾስ ታ Ꮊንክታይስ ሀዋረ ማቃም እጽኮካ፥ ይንትስ ሀዋረ ማቅꬃይስ ይ ማርካ።
1CO 9:3 ታና ሀዋረ ባያ ግዝ አሳይስ ታ እንግዛ ማህꬃይ Ꮊያ።
1CO 9:4 ኑ ማዳይስኔ ኡዦዳይስ ቱማ ኑስ ማዉተ ባሳኔ?
1CO 9:5 Ꮊንኮ ሀዋርታይ ጋርከኔ፥ ጎዳይ እሽታይ ጋርክ፥ ጵጽሮሳ ጋርክ፥ አማንዛ ኑ ማችታ ኤኪ የꬎዳይስ ኑስ ማዉተ ባሳ?
1CO 9:6 ዎይ ኦꬆር አቆዳይስ ቤዝዛይ ታራኔ ባርናባሳ ኣዳ?
1CO 9:7 ፋ ሚሻይር ዎታዳረትꬅ ኦꬅዛይ ኦኖ? ዎይ ዎይነ ቱኪ፥ ኤዛይፕ ኣፈ ሞዛይ ኦኖ? ዎይ ዉደ ሄንግታር፥ የ ዉዳይፕ ማꬅ ኡዦዛይ ኦኖ?
1CO 9:8 ታኒ የያ አስ ቆፋ ጋርክ ግነነ? ህገ የያ ግን ባሳ?
1CO 9:9 ሙሰ ህጋይድ፥ «ዉዱማ ካꬃ ቡክዛ ገማተ ዶና አጭፐ» ግንትንት ጻፍንቴዛ። የዝን ጾሳይ የያ ገማታይስ ቆፒ ጌኔ?
1CO 9:10 ጾሳይ የያ ጌዛይ ኑስ ቆፒ ባሳኔ? ኤ ኑ ግሾሲ። ቢታ ኦꬅዛይካ፥ ካꬃ ጌሽዛይካ ፋና ሄልዛ ግሻ ኤኮድ ግ ኡፋይሳር ኦꬆዳይስ ቤዝዛ ጊንትንቴዛይ ቱማ ኑ ግሾስ ጻፍንቴዛ።
1CO 9:11 ኑኒ ይ ጋንጨ አያና ዘርꬅ ዘሬዝ ማቅኮ አሾስ ቤዝዛ ባዝ ኑ ይንትፕ ማጽኮ፥ የይ ዳማ ባዞኔ?
1CO 9:12 Ꮊንክታይ የያ ይንትፕ ኤኮዳይስ ኡንትስ ማዉተ የዝኮ፥ ኑስ ኡንቲሳይፕ ኣꬅ ማዉተ የዛ። ዝን ኑኒ ክርስቶሳ ዎንግለስ ꬉበ ማቃም ጋርክ፥ ኡባ ጋርዥነፕ አትን የ ማዉታይር ማድንተካያ።
1CO 9:13 ጾስ ካራ ኦꬅዛ አስታይ ፋ ካꬃ ጾስ ካራፕ ኤክዛኔ ማ ያርሾ አቆ ኦꬅዝታይ ያርሾላፕ ኤኪ ሚዛና ይ ኤሮሳኔ?
1CO 9:14 የይ ጋርከካ፥ ዎንግለ ማርካትዝታይ የስስ ቤዝዛ ባዝ ዎንግላይፕ ኤኮዳይ ጋርክ ጎዳይ አዛዜዛ።
1CO 9:15 ዝን ታኒ Ꮊ ማዉተ ኡቢታይድ አኮካ ማድንተካያ። ታኒ Ꮊያ ጻፌዛይ ታ ማዉተ ቦንችሶዳይስ ኮዪ ባያ። ኦንካ ታ ጬቃ ጨረ አሾዳይፕ Ꮊይቆ ታስ ሎኦ።
1CO 9:16 ታኒ ዎንግለ ኦድዛይ ኪትንቴዝ ግሾሳፕ አትን ታና ጬቅስዛባዝ ባያ። ዎንግለ ኦዳም እጽኮ፥ ታና አየ።
1CO 9:17 ታኒ ዎንግለ ዶሶር ሳባክኮ ታስ ዎይቶ የዛ። ዝን ታኒ ዎንግለ ዶሰካ አዛዝንቲ ሳባክዛባዝ ማቅኮ የያ ታ ሀዳራ ፖሌነፕ አትን ሀራ ታ ኦꬄዝ ባዝ ባያ።
1CO 9:18 የዝን፥ ታ ዎይታይ አባ? ታኒ ዎንግለ ሳባክዛ ዎደ ታ ማዉተር ማድንተካ ዎንግለ ዳሞዘ ባይꬅ ጨረ ሳባክዛይ ታስ ዎይቶ።
1CO 9:19 ታኒ ኦስካ አይለ ባያ፥ ዝን ጋምታ አሾዳይስ ኡባይስ አይለ ማቄዛ።
1CO 9:20 ታኒ አይሁድታ አሾዳይስ ኡንታር ኡንታን ማቄዛ። ታ ኦማስ ህገፕ ኦሞር ባያ፥ ዝን ህገፕ ኦሞር የዝታ አሾዳይስ ህገፕ ኦሞ የዝ አስ ማቄዛ።
1CO 9:21 ጾስ ህጋይፕ ባለ ከዘካ፥ ክርስቶሳ ህጋይስ ኪትንትታር፥ ህገ ባዝታ አሾዳይስ ህገ ባ አስ ጋርክ ታ ማቄዛ።
1CO 9:22 ታኒ ዳቡሬዝታ አሾዳይስ ዳቡራ ማቄዛ። ታኒ ጽቃ አስታ አሾዳይስ ኡባይር ኡባ ማቄዛ።
1CO 9:23 ታኒ ዎንግለ አንጆ ሻክንቶዳይስ፥ Ꮊ ኡባ ዎንግለ ግሾስ ሀኔዛ።
1CO 9:24 ላሶ ኣላልዝ ኡባይ ላስዛ፥ ዝን ፐታይ ኣዳ ዎይቶ ኤክዛና ኤሮሳኔ? የይ ጋርክ ይንትካ ዎይታ ኤኮዳይስ ላሶይታ።
1CO 9:25 ላስዛ አስ ኡባይ ኡባ ባዛር ፋና ሃርዛ። ኡንቲ የያ ዳቡርዛይ ꬋቦድ ዛዉደ ዎይቶ ኤኮዳይሲ። ዝን ኑኒ ዳቡርዛይ መꬍና ዛዉደ ዎይታ ኤኮዳይሲ።
1CO 9:26 የይ ግሾስ፥ ታኒ ቆፋ ባ አስ ጋርክ ላሳም። ጫርኮ ዡልትዝ አስ ጋርክ ጨረ ኩሸ ዳካሚ።
1CO 9:27 ዝን ታኒ ሀራይስ ዎንግለ ሳባኬዛይፕ ጉየ ታ ኦማስ ዎꬌዝ አስ ማቃማይ ጋርክ ታ አሰትꬃ ዎልቃር ዡልትታር ታስ አዛዝንቶዳይ ጋርክ ኡድዛ።
1CO 10:1 ታ እሹንꬆ፥ ታኒ ይ Ꮊያ አካኮዳይ ጋርክ ኮይዛ። ኑ አድታይ ኡባይ ሻራ ካልꬅን ሻራ ኦሞራ የꬌዛ፤ ኡባይ አባ ፒንጌዛ።
1CO 10:2 ኡንቲ ሙሰራ ፐትፖዳይስ ሻራራኔ አባ ጻማቅንቴዛ።
1CO 10:3 ኡንቲ ኡባይ ፐቲ አያና ካꬃ ሜዛ።
1CO 10:4 ማ ኡባይ ፐቲ አያና ኡሽ ኡዤዛ። ኡንታን ካልዛ አያና ዛላፕ ፑልቴዝ ኡሻ ኡዤዛ፤ የ ዛላይካ ክርስቶሳ።
1CO 10:5 ዝን ጾሳይ ኡንታፕ ጋምታይል ኡፋይተካዛይ ግሾስ ኡ አሃይ ሊዦ ደምባ ዎꬊ አቴዛ።
1CO 10:6 ኡንቲ ኢታ ባዝ አሞቴዛይ ጋርክ፥ ኑካ ኢታ ባዝ አሞታማይ ጋርክ የይ ኡባይ ኑስ ኣዝሶ ማቄዛ።
1CO 10:7 ጌሻ ማጻፋይድ፥ «አሳይ ማዳይስኔ ኡዦዳይስ በቴዛ፤ ማ የጾዳይስ ደንዴዛ» ግንትንቴዛይ ጋርክ ኡንታፕ ፐታይ ፐታይ ኤቃ ጎይኔዛይ ጋርክ ይ ኤቃ ጎይንፓተ።
1CO 10:8 ኡንታፕ ፐታይ ፐታይ ላሜዛይ ጋርክ ኑካ ናጋራ ኦꬆ። የይፕ ደንዴዛይድ ኡንታፕ ፐቲ ጋላስ ላታማኔ ሀይꬒ ሙኩሎ አስ Ꮊይቄዛ።
1CO 10:9 ኡንታፕ ፐታይ ፐታይ ጎዳ ፓጪ ሾሻር ዱክንቲ Ꮊይቄዛይ ጋርክ ኑ ጎዳ ፋጮዳይስ ቤዞያ።
1CO 10:10 ኡንታፕ ፐታይ ፐታይ ኦሊ Ꮊይቆ ክእዝ ኪታንቻይር ꬋቤዛይ ጋርክ ይንትካ ኦልፓተ።
1CO 10:11 Ꮊ ኡንታል አፋ ሄሌዝ ኡባይ ኑ ናግንቶዳይ ጋርክ ኑስ ኣዝሶ ማቄዛ። ማ ዎደ ዉርስꬃል አፋ የዝ ኑስ ትምርተ ማቆዳይ ጋርክ Ꮊ ኡባይ ጻፍንቴዛ።
1CO 10:12 የይ ግሾስ፥ ኤቄዛ ኣዝዝ ኦንካ ፖካማይ ጋርክ ፋና ናጎ።
1CO 10:13 አስ ኡባ ሄልዛ ፓጨፕ አትን ዱማ ፓጨ ይንታን ሄለካያ። ይ ዎልቃይ ዳንዳእዛይፕ ኣꬅ ፓጨር ይ ፓጭንታማይ ጋርክ ኣꬂ እንጎዋ ጾሳይ አማንንቴዛያ። ይንታን ፓጨ ሄልዛ ዎደ የ ፓጫይድ ኤ ይንታን ዳንዳእሶዳ። ማ የ ፓጫይፕ ይ ከዞድ ኦጋ ኤ ጊግሶዳ።
1CO 10:14 ይኬ፥ ታ አልኦ እሹንꬆ፥ ኤቃ ጎይኖፕ ሃኮይታ።
1CO 10:15 ይ ካሃማ አስ ማቄዝ ግሾስ ታ Ꮊያ ኦድዛ። ታኒ ግዛይ ቱማ ማቄዛና ይ ይ ኡባስ ፕርዶይታ።
1CO 10:16 ኑኒ ጾስ ጋላቲ ሻክንትዛ አንጆ ጹአይ ክርስቶሳ ሱꬃር ፐትፐተꬂ የዛ ባሳኔ? ማ ኑኒ ሚዝ ቦራይ ክርስቶሳ አሻይራ ፐትፐተꬂ የዛ ባሳኔ?
1CO 10:17 ኑኒ ጋመ ማቅኮካ ቦራይ ፐቶ፥ ኑ የ ፐቲ ቦራ ሻክንትዛ ግሾስ ፐቲ አሰትꬂ።
1CO 10:18 አን እስሬለ አሳይ ኦꬄዛ አካኮይታ። ያርሽንቴዝ ያርሾ ሚዝታይስ ያርሾ በሳይራ ፐትፐተꬂ ባሳኔ?
1CO 10:19 ታኒ አብ ጎዳይስ ኮዪ ግኔ? ኤቃስ ያርሽንቴዝ ካꬃይ ዎይ ኤቃይ ፓꬅዛባዝ ጉሶኔ?
1CO 10:20 ዋኣ፥ ኡንቲ ያርሽዛይ ጾስስ ባዝን ቱና አያንታይሲ። የይ ግሾስ፥ ይንትስ ቱና አያንታይራ ፐትፐተꬂ የዞዳይ ጋርክ ታ ኮዮያ።
1CO 10:21 ይ ጎዳይ ጹአይፕ ኡዥታር፥ ማ ቱና አያንታይ ጹአይፕ ኡዦዳይስ ይ ዳንዳኦያ። ጎዳ ጋይታይፕ ሚታር ማ ቱና አያንታይ ጋይታይፕ ማዳይስ ዳንዳኦዋ።
1CO 10:22 ኑ የያ ኡዲ ጎዳ ሸንꬆ? ኑ ምኖትꬃር ኤፕ ኣꬊነኔ?
1CO 10:23 ይ «ኡባ ባዝ ኑስ እንግንቴዛ» ዝን ኡባይ አዶያ። «ኡባ ባዝ ኑስ እንግንቴዛ» ግዛ ዝን ኡባ ባዝ አዶያ።
1CO 10:24 ፐቲ ፐቲ አስ፥ ሀራ አስ ማድዛ ባዝ ቆፖዳይስ ቤዝነፕ አትን ፋና ማድዛ ባዝ ኣዳ ቆፕፐ።
1CO 10:25 ይ ካሃይድ ስ መꬍዛ ሃሲ ጋበል ባይዝንትዛ አሾ ስእ ግ ሞይታ።
1CO 10:26 አብስ ጊኮ፥ «ሳአኔ ሳአል የዝ ኡባይ ጎዳይሲ።»
1CO 10:27 ፐቲ አማኖዋ አስ ይንታን እማቶስ ኮይ ጼግኮ Ꮊንጎዳይስ ኮይኮ Ꮊንጎይታ። ይ ካሃይድ ስካ ይ ቲና ኣꬅዛባዝ ኡባ ሞይታ።
1CO 10:28 ዝን ፐቲ አስ፥ «Ꮊይ ኤቃስ ያርሽንቴዝ ባዚ» ጊኮ፥ የ ይንትስ ኦዴዝ አꬃይ ግሾኔ ኤ ካሃይ ግሾስ የ ካꬃ ሚፓተ።
1CO 10:29 ታኒ፥ ካሃ ግሾስ ግ ይንትስ ኦድዛይ አꬃይ ካሃ ግነፕ አትን ይ ካሃ ባያ። ሀራ አስ ካሃ ግሾስ ግ ታኒ ታ ዋሎትꬃይል አብስ ፕርዶ?
1CO 10:30 ታኒ ሚዝ ካꬃ ጾስ ጋላቲ ሚኮ ባልንቴዛያ ጋርክ አብስ ቦርንቶዴ?
1CO 10:31 ይኬ፥ ይ አብ ሚኮ አብ ኡዥኮ፥ ዎይ አብ ኦꬅኮካ ኡባ ባዝ ጾስ ቦንቾስ ኦꬆይታ።
1CO 10:32 አይሁድታ ማቅን ግርክታ ማቅን ዎይ ጾስ ዎሳ ኬꬃ ማቅን ኦስካ ꬉበ ማቅፓተ።
1CO 10:33 ታኒ ኡባ ዎደ ጋምታ አሾዳይስ ኡንቲ ማድንትዛ ኦገ ኮይነፕ አትን ታና ማድዛ ኦገ ኮዮያ።
1CO 11:1 ታኒ ክርስቶሳ ኣዝዛይ ጋርክ፥ ይንትካ ታና ኣዞይታ።
1CO 11:2 ይ ኡባ ባዛር ታና ቆፕዛ ግሾኔ ታ ታማርሴዝ ትምርትታ ሚንꬂ ናጌዝ ግሾስ ታ ይንታን ጋላትዛ።
1CO 11:3 ዝን ክርስቶሳ ꬊራꬅ ኡቢታይስ ኦማ፥ ꬊራꬂ ማችስ ኦማ፥ ማ ጾሳይ ክርስቶሳስ ኦማ ማቄዛና ይ ኤሮዳይ ጋርክ ታ ኮይዛ።
1CO 11:4 ፋ ኦማ ጉላንቲ ጾስ ዎስዛ ዎይ ትንቢተ ኦድዛ ꬊራꬂ ኡባይ ኦማ ማቄዝ ክርስቶሳ ቶችዛ።
1CO 11:5 ፋ ኦማ ቃጨካ ጾስ ዎስዝ ዎይ ትንቢተ ኦድዝ ማቻት ኦማ ማቄዝ ፋ አዝና ቶችዛ። ፋ ኦማ ቃጨካ ማቻት ፋ ኦማ ሜድንቴዝ ማች አስ ጋርክ ፋይድንትዛ።
1CO 11:6 ማች አሲ ፋ ኦማ ቃጫም እጽኮ፥ ፋ ኦማ ጋችንቶ። ዝን ኢስ ኦማ ጋቾ ዎይ ሜዶ ቦርሶ ባዝ ማቅኮ ፋ ኦማ ቃጮ።
1CO 11:7 ꬊራꬂ ጾስ ኣዝሶኔ ጾስ ቦንቾ ማቄዝ ግሾስ ፋ ኦማ ቃጮዳይስ ቤዞያ፥ ዝን ማቺ ꬊራꬅ ቦንቾ።
1CO 11:8 ማቺ ꬊራꬃፕ መꬊንቴዛፕ አትን ꬊራꬂ ማቻፕ መꬍንተካያ።
1CO 11:9 ማች አስ ꬊራꬅስ መꬍንቴነፕ አትን ꬊራꬂ ማችስ መꬍንተካያ።
1CO 11:10 Ꮊይ ግሾኔ ኪታንችታይ ግሾስ ማች አሲ ፓስ ማዉተ የዛና ቤዝዛ ማላ ፋ ኦማ ቃጮዳይስ ቤዝዛ።
1CO 11:11 ዝን ጎዳይ ቆፋይድ ማች አሲ ꬊርꬅ ባይꬅ የዛሚ፤ ꬊራꬅካ ማች ባይꬅ የዛም።
1CO 11:12 ማች አሲ ꬊራꬃፕ መꬍንቴዛይ ጋርክ ꬊራꬅካ ማቻፕ የልንቴዛ። ዝን ኡባይካ ጾሳፕ መꬍንቴዛ።
1CO 11:13 አን ይ ፕርዶይታ። ማች ፋ ኦማ ቃጨካ ጾስ ዎሶዳይስ ቤዝኔ?
1CO 11:14 ꬊራꬂ ፋ ኦማ ድችኮ ኤስ ቦርሶ ማቄዛና ሀራ አቶዝን መትꬂ ታማርሶሳኔ?
1CO 11:15 ዝን ማች ፋ ኦማ ድችኮ ኢስ ቦንቾ ባሳኔ? ማችስ ኦማ እንግንቴዛይ እዛ ፋና ካሞዳይ ጋርከ።
1CO 11:16 ዝን Ꮊይል አፋ ፓላሞዳይስ ኮዬዝ አስ የዝኮ፥ ኑስ ማቅን ዎይ ጾስ ዎሳ ኬꬅታይስ ማቅን Ꮊይፕ ሀራ ዎጋ ባያ።
1CO 11:17 ይ ፐትፕ ሺቅዛይ ማድዛ ባዝ ባዝን ቆህዛ ማቄዝ ግሾስ Ꮊት ታ እንግዛ አዛዛይድ ይንታን ናሽቻሚ።
1CO 11:18 ታ ቲና ስኤዛይ፥ ይ ዎሳ ኬꬃ ሺቆዳር ይ ጋንጨ ሻኮትꬂ የዛ። የያ ታ ስኤዛይፕ ባጋይ ቱማ ማቄዛና ታ አማንዛ።
1CO 11:19 ይ ጋንጨፕ ቱማር የዝታይ ኦናንታዛኮ ኤርንቶዳይ ጋርክ ይ ጋንጨ ሻኮ የስ አታሚ።
1CO 11:20 ይ ፐትፕ ሺቅዛ ዎደ ይ ሺቂ ሚዛይ ጎዳይ ካሆ ባያ።
1CO 11:21 ይ ካꬃ ሚዝ ዎደ ፐታይ ፐታ ናገካ ፓሳ ፓሳ ሚዝ ግሾስ ፐታይ ናይንትዛ Ꮊንካይ ማ ማꬅዛ።
1CO 11:22 ቱማ ይ ማዳይኔ ኡዦዳይስ ይንትስ ካራ ባሳ? ዎይ ጾስ ዎሳ ኬꬅ ካꬊኔ? አኮካ ባ ማንቅታ ዬላꬆዳይሶኔ? ታ ይንታን ዋጎ? Ꮊይር ታ ይንታን ናሽቾ? ናሽቻሚ።
1CO 11:23 ታኒ ይንትስ እንጌዝ ትምርትታ ጎዳይፕ ኤኬዛ። ጎዳ የሱሳ ኣꬊ እንግንትዝ ቃማ ቦራ ኤኪ፥
1CO 11:24 ጾስ ጋላቲ። ቦራ ባጺ «Ꮊሽተ፤ ሞይታ። Ꮊይ ይንትስ እንግንትዛ ታ አሾ። Ꮊያ ሚታር ታና ቆፖይታ» ዬጌዛ።
1CO 11:25 የይ ጋርከካ፥ ካሃ ም ማቅን፥ ጹአ ኤኪ፥ «Ꮊ ጹአይ ታ ሱꬃር ጫቅዝ ኦሮꬅ ጫቆ። ይ ኤዛይፕ ኡዥታር ኡባ ዎደ ታና ቆፖይታ» ዬጌዛ።
1CO 11:26 ይ Ꮊ ቦራ ሚዝ ዎደኔ Ꮊ ጹአ ኡዥዝ ዎደ ኡባይድ ጎዳይ የኦድ ሄሎዳይስ ኤ Ꮊይቃ ኦዶዳ።
1CO 11:27 የይ ግሾስ፥ ቤዞዋ ኦገር ጎዳይ ቦራ ሚዝ ዎይ ጎዳይ ጹአ ኡዥዝ ኦንካ ኤዝ አሻኔ ሱꬃ ቶቼዝ ግሾስ ፋ ናጋራይስ ኦይጭንትዛ።
1CO 11:28 ዝን አስ ፋና ፋጮ። ዬዚ ቦራ ሙዬ፤ ጹአይፐካ ኡዦ።
1CO 11:29 ጎዳይ አሻይ ባጋ ሻኪ ኤረካ፥ ቦራ ሚኮኔ ጹአይፕ ኡዥኮ፥ ፋል አፋ ፕርዳ ሺሽዛ።
1CO 11:30 የይ ግሾስ፥ ይ ጋንጨፕ ጋምታይ ዳቡሬዛ፤ ሀርግንቴዛ፤ ማ ጋመ አስታይ Ꮊይቄዛ።
1CO 11:31 ዝን ኑ ኑና ፓጪ በኤዝ ባዝ ማቄዛኮ፥ ኑል አፋ ፕርድንታሚ።
1CO 11:32 አላመ ፕርድንትዛ ዎደ ኑ አላማይራ ፕርድንታማይ ጋርክ Ꮊት ጎዳይ ኑና ሴርዛ።
1CO 11:33 የይ ግሾስ፥ ታ እሹንꬆ፥ ጎዳይ ካሆ ማዳይስ ይ ሺቅዛ ዎደ ዎል ናጎይታ።
1CO 11:34 ይ ሺቃይ ፕርዳስ ማቃማይ ጋርክ ናይንቴዝ ኦንካ የዝኮ፥ ፋ ካራ ሙየ። አቴዝባዝ ታኒ ገድ Ꮊንጊ ይንትስ ኦዶዳ።
1CO 12:1 ታ እሹንꬆ፥ ጌሻ አያና እሞትታይ ባዝካ ይ ኤሮዳይ ጋርክ ታ ኮይዛ።
1CO 12:2 ይ ጾስ አማኖዋ ዎደ ዶና ባ ኤቃኮ ጎሽንት፥ ይ ኤሮዋዝታይራካ Ꮊንጌዛና ይ ኤርዛ።
1CO 12:3 ጾስ አያናይ ካልꬅዛ አስ ኦንካ፥ «የሱስ ቃንግንቶ» ዬጎያ። ማ ጌሻ አያናይ ካልꬄካዝን፥ ኦንካ፥ «የሱስ ጎዳ» ጎዳይስ ዳንዳኦዛና ይ ኤሮዳይ ጋርክ ታ ኮይዛ።
1CO 12:4 ዱማ ዱማ አያና እሞትታይ የዛ፥ ዝን እሞትታ እንግዛ አያናይ ፐታ።
1CO 12:5 ኑ ጎዳይስ ኦꬅዛ ዱማ ዱማ ኦስታይ የዛ፥ ዝን ጎዳይ ፐታ።
1CO 12:6 ኑ ጎዳይስ ኦꬅዛ ዱማ ዱማ ኦግታይ የዛ፥ ዝን የ ኦጋይር አስ ኡባይር ኦꬅዝ ጾሳይ ፐታ።
1CO 12:7 ዝን ፐታይስ ፐታይስ እንግንቴዝ ቆንጭꬅ እሞትታይ ዎላ ማድንቶዳይ ጋርክ።
1CO 12:8 ጌሻ አያናይ ፐታይስ ኤጨትꬂ ኩሜዝ ቃላ እንግዛ፤ ማ ፐታይስ ኤራትꬂ ኩሜዝ ቃላ እንግዛ።
1CO 12:9 የ ጌሻ አያናይ ፐታይስ አማኖ፥ Ꮊንካይስ ማ ፓꬅዛ ዎልቃ እንግዛ።
1CO 12:10 ጌሻ አያናይ ፐታይስ ማላታ ኦꬅዛ ዎልቃ፥ ፐታይስ ትንቢተ ኦድዛ ዎልቃ እንግዛ። ፐታይስ አያናፕ አያና ሻኪ ኤርዛ ዎልቃ፥ ፐታይስ ዱማ ዱማ ዶናር ኦድዛ ዎልቃ፥ ማ ፐታይስ ዱማ ዱማ ዶናር ኦድንቴዛና ብልዝ ዎልቃ እንግዛ።
1CO 12:11 ዝን Ꮊ ኡባ ኦꬅዛይ የ ፐቲ ጌሻ አያና። ኤ ኮዬዛይ ጋርክ ፐታይስ ፐታይስ ዱማ ዱማ እሞታ እንግዛ።
1CO 12:12 ፐቲ አሰትꬃል ጋመ ብልትታይ የዛ፥ ዝን የ ዱማ ዱማ ብልትታይ ፐቲ አሰትꬅ ማቅዛ። የይ ጋርከካ፥ ክርስቶሳ ዱማ ዱማ ብልትታይ የዝ ፐቲ አሰትꬅ ጋርከ።
1CO 12:13 ኑኒ አይሁደ ማቅን ግርኬ ማቅን አይለ ማቅን ዎማኖ ማቅን፥ ኡባይ ፐቲ አሰትꬅ ማቆዳይስ ጌሻ አያናር ጻማቅንቴዛ። ማ ኑ ኡባይ ፐቲ ጌሻ አያና ኤኬዛ።
1CO 12:14 ኑ አሰትꬃል ዱማ ዱማ ብልትታይ የዛፕ አትን ፐቲ ብልተ ኣዳ ባያ።
1CO 12:15 ቶካይ፥ «ታኒ ኩሸ ማቀካ ግሾስ ብልተ ባያ» ጊኮ፥ ኤ የያ ጌዝ ግሾስ ብልተትꬃይ አትኔ?
1CO 12:16 ሀየ፥ «ታኒ ኣፈ ማቀካ ግሾስ ብልተ ባያ» ጊኮ፥ ኤ የያ ጌዝ ግሾስ አሰትꬃፕ ፐቲ ብልተ ማቅꬃይ አትነኔ?
1CO 12:17 አሰትꬅ ኡባይ ኣፈ ኣዳ ማቅኮ፥ ኑ አባር ስኦዴ? ማ አሰትꬅ ኡባይ ሀየ ኣዳ ማቅኮ ኑ አባር ስንጎደ?
1CO 12:18 ዝን ጾሳይ ፋ ኮዬዛይ ጋርክ፥ አሰትꬅ ጋንጨ ዱማ ዱማ ብልትታ ጋዴዛ።
1CO 12:19 ኡባይ ፐቲ ብልተ ማቄዛኮ አሰትꬂ አናፕ በንቶደ?
1CO 12:20 ዝን ብልትታይ ጋመ ማቅኮካ፥ አሰትꬃይ ፐቶ።
1CO 12:21 ኣፈ ኩሸኮ፥ «ነ ታስ ኮሾያ» ጎዳይስ ዳንዳኦያ፥ ዎይ ኦማ ቶሄኮ፥ «ነ ታስ ቤዞያ» ጎዳይስ ዳንዳኦያ።
1CO 12:22 ዝን ዳቡራ ኣዝዝ አሰትꬅ ብልትታይ ኑስ ኡሳ ኮሽዛ።
1CO 12:23 ቦንቾ ኮሾዋ ግ ኑ ቆፕዛ ኑ ብልትታ ሎእꬂ ቦንቾዳ። ማ ኑ ቦርስንትዛ ኑ አሰትꬅ ብልትታ ኣꬂ ቦንቺ ናጎዳ።
1CO 12:24 ኑ ብእን ቦርሶዋ አሰትꬅ ብልታይስ ቦንቾ ኮሾያ። ዝን ጾሳይ ኑ አሰትꬅ ብልትታ ዎል ሄልꬂ ቦርስዛ ብልታይስ ኣꬊዝ ቦንቾ እንጌዛ።
1CO 12:25 አሰትꬅ ብልትታይ ፐታይ ፐታይር ሻኮ መካ ዎል ቆፖዳይ ጋርክ ኡዲ መꬌዛ።
1CO 12:26 አሰትꬅ ብልትታይፕ ፐታይ ሀርግንትኮ ብልትታይ ኡባይ ኤዛር ሀርግንትዛ። አሰትꬅ ብልትታይፕ ፐታይ ቦንችንትኮ ብልትታይ ኡባይ ኤዛር ኡፋይትዛ።
1CO 12:27 ይ ኡባይ ክርስቶሳ አሰትꬅ፤ ማ ይ ፐታይ ፐታይ ኤ ብልትታ።
1CO 12:28 ዎሳ ኬꬃ ጾሳይ፥ ቲና ሀዋርታ፥ ናምእንꬆ ናብታ፥ ሃይꬒንꬃ አስታማርታ፥ ካሊ ማላትታ ኦꬅዝታ፥ ፓꬅዝታ፥ Ꮊንክታ ማድዝታ፥ ዎሳ ኬꬅ አቅዝታኔ፥ ዱማ ዱማ ዶናር ኦድዝታ ጋዴዛ።
1CO 12:29 ኡባይ ሀዋረ? ኡባይ ናበ? ኡባይ አስታማረ? ኡባይ ማላታ ኡድነ?
1CO 12:30 ኡባይ ፓꬅኔ? ኡባይ ዱማ ዱማ ዶናር ኦድንትኔ? ኡባይ ዱማ ዱማ ዶናር ኦድንትዛና ብልእኔ?
1CO 12:31 ዝን ኡባይፕ ኣꬊዝ እሞታ ሚንꬂ ኮዮይታ። ማ ኡባይፕ ኣꬊዝ ኦጋ ታ ይንታን ቤዞዳ።
1CO 13:1 ታኒ አስ ዶናራኔ ኪታንቾ ዶናር ኦድንቶዳይስ ዳንዳእኮካ፥ ታስ ሲቆ ꬋብኮ፥ ጊርዝ ዳላ ዎይ ኦሽዝ ዎርለ ጋርከ።
1CO 13:2 ትንቢተ ኦድዝ እሞታ ታስ የዝኮካ፥ ጹራ ኡባ ኤርኮካ፥ ኤራትꬂ ኡባይ የዝኮካ፥ ማ አምባ ደንꬂ ሀራ አቆ ካንግዛ አማኖ ታስ የዝኮካ፥ ሲቆ ꬋብኮ፥ ታ ጨር ሀንዛ።
1CO 13:3 ታስ የዛ ባዝ ኡባ ማንቆስ እንግኮካ፥ ሀራ አቶዝን፥ ታና ታማስ ኣꬂ እንግኮካ፥ ሲቆ ꬋብኮ ታና አኮካ አዳሚ።
1CO 13:4 ሲቆ ዳንዳእዛ። ሲቆ ኬሃ። ሲቆ ቃናቶያ። ሲቆ ጬቅንቶያ። ሲቆ ኡትርቶያ።
1CO 13:5 ሲቆ ቤዞዋባዝ ኦꬆያ። ሲቆ ኡዛቶያ። ሲቆ ይሎቶያ። ሲቆ ቆሆ ፓይዶያ።
1CO 13:6 ሲቆ ቱማር ኡፋይትነፕ አትን ዎርዠር ኡፋይቶያ።
1CO 13:7 ሲቆ ኡባ ዳንዳእዛ፤ ኡባ አማንዛ፤ ሎኦ ባዝ ሀኖዳ ግ፥ ኡፋይሳር ናግዛ፤ ኡባ ባዛር ሚንግዛ።
1CO 13:8 ሲቆ ዉርስꬂ ሄሎዳይስ ꬋቦያ። ዝን ትንቢተ አቶዳ፤ ዱማ ዱማ ዶናር ኦድንትዛይ አቶዳ፤ ኤራትꬃይካ ኣꬎዳ።
1CO 13:9 ኑ ኤራትꬃፕ ላፋ ኤርዛ፤ ትንቢተፕ ባጋ ኦድዛ።
1CO 13:10 ዝን ፎሎ ማቄዛይ የኤዝ ዎደ ፎሎ ባዛይ አቶዳ።
1CO 13:11 ታኒ ናአዛር ናአ ጋርክ ናሽዛ፤ ናአ ጋርክ ቆፕዛ፤ ናአ ጋርክ አካክዛ። ታ ዎዛናማ ማቄዝ ዎደ ናአትꬅ ሀና አሼዛ።
1CO 13:12 Ꮊት ፖኦ ባ አቆ ማስቶተር ብእዛይ ጋርክ ኑ ብእዛ፥ ዝን የ ዎደ ኑ ቆንጨር በአዳ። Ꮊት ኑ ኤረትꬃፕ ጽቃ ኤርዛ፥ ዝን የ ዎደ ጾሳይ ኑና ኤርዛይ ጋርክ ፎሎ ኤሮዳ።
1CO 13:13 ይኬ፥ አማኖ፥ ኡፋይስኔ ሲቆ፥ Ꮊ ሃይꬒታይ ኤቂ የዞዳ። ዝን Ꮊይትታይፕ ኣꬍዛይ ሲቆ።
1CO 14:1 ሲቆ ካሎይታ። አያና እሞትታ ሚንꬂ ኮዮይታ፤ ኡባፕ ኣꬂ፥ ትንቢተ እሞታ ሚንꬂ ኮዮይታ።
1CO 14:2 ዱማ ዱማ ዶናር ኦድንትዛ አሲ ጾሳይስ ኦድዛፕ አትን አስስ ኦዶያ። ዝን አስስ ቆንጨካ ጹራ አያና ዎልቃር ኦድንትዛ ግሾስ ኦንካ ኤ ኦድንትዛና አካኮያ።
1CO 14:3 ዝን ትንቢተ ኦድዝታይ አስ ድቾዳይስ፥ ምንꬃꬆዳይስኔ ጻልሶዳይስ አስስ ኦድዛ።
1CO 14:4 ዱማ ዱማ ዶናር ኦድዛ አስ ፋና ድችዛ። ዝን ትንቢተ ኦድዛ አስ ዎሳ ኬꬅ ድችዛ።
1CO 14:5 ይ ኡባይ ዱማ ዱማ ዶናር ኦድንትዛኮ ታ ዶስዛ፥ ዝን ትንቢተ ኦድዛኮ ታ ኡሳ ዶስዛ። ዱማ ዱማ ዶናር ኦድንትዛና ዎሳ ኬꬅ ድችስ ብልእዝ አስ ꬋብኮ፥ ዱማ ዱማ ዶና ኦድንትዛይፕ ትንቢተ ኦድዛይ ኣꬍዛ።
1CO 14:6 ዝን ታ እሹንꬆ፥ ታኒ ይንትኮ Ꮊንጊ ቆንጭꬃር ዎይ ኤራትꬃር ዎይ ትንቢተ ኦዶር ዎይ ትምርተ ባይꬅ ዱማ ዱማ ዶናር ኦደንትኮ ይንታን አብ ማዶዴ?
1CO 14:7 ዱማ ዱማ የꬅ ሚሻይስ ፐቲ ግርꬂ የዝኮ፥ ሹልሹሎ ግርስነ ዲꬅ ግርስ ዋይዚ ሻኪ ኤሮዴ?
1CO 14:8 ማ ቱልቱሎ ፑጎ ሻኪ ኤርንታም እጽኮ ኦላስ ጊግንትዛይ ኦኖ?
1CO 14:9 የይ ጋርከካ፥ ዱማ ዱማ ዶናር ይ ኦድንትዛይ ቆንጨ ማቃም እጽኮ ይ ኦድዛ ኦኒ ኤሮዴ? የይ ጫርኮር ኦድንትዛይ ጋርከ።
1CO 14:10 Ꮊ አላመል ጋመ ዶንታይ የዛ፤ የ ኡባይስ ብልእꬂ የዛ።
1CO 14:11 ዝን ፐቲ አሲ ኦድንትዛ ዶና ታኒ ኤራም እጽኮ ኤ ታስ እማꬄ ማቅዛ፤ ታካ ኤስ እማꬄ ማቅዛ።
1CO 14:12 የይ ጋርከካ፥ ጌሻ አያና እሞታ ይ ኤኮዳይስ ሚንꬂ ኮይኮ፥ ዎሳ ኬꬅ ድቻይስ ኡባፕ ኣꬊዝ እሞታ ኮዮይታ።
1CO 14:13 ዱማ ዱማ ዶናር ኦድንትዛ አስ ፋ ኦዳ ብሎዳይስ ብርሽꬅ እሞታይ እንግንቶዳይ ጋርክ ጾሳ ዎሶ።
1CO 14:14 ታኒ ዱማ ዱማ ዶናር ጾስ ዎስኮ፥ ታ አያናይ ዎስዛ፥ ዝን ታ ዎዝናይ አኮካ ማድንቶያ።
1CO 14:15 የዝን፥ ታ አብ ኦꬆዳይስ ኮሼ? ታኒ ታ አያናር ዎስዛ፤ ታ ካሃይራካ ዎስዛ። ታኒ ታ አያናር የጽዛ፤ ታ ካሃይራካ የጽዛ።
1CO 14:16 የያ ማቃም እጽኮ ኔኒ ነ አያናር ጾስ ጋላትዛ ዎደ የ አቃይድ ኔኒ ግዛ ኤረካ አስ ነ ጋላትዛ ዎደ፥ «አምንኤ» ጎደ?
1CO 14:17 ኔኒ ጾስ ጋላትዛይ ሎኦ፥ ዝን ሀራ አስ ማዶያ።
1CO 14:18 ታ ይ ኡባይፕ ኣꬂ ዱማ ዱማ ዶናር ኦድንትዛ ግሾስ ጾስ ጋላትዛ።
1CO 14:19 ዝን ታኒ ዎሳ ኬꬃ ሀርታ ታማርሶዳይስ ዱማ ዱማ ዶናር ታጲ ሙኩሎ ቃላ ኦድንትዛይፕ ኤርንትዛ ዶናር እችን ቃላ ኦዶ ዶስዛ።
1CO 14:20 ታ እሹንꬆ፥ ይ ኢታ ቆፋስ ናእታይ ጋርክ ማቆይታፕ አትን ቆፓር ናአ ማቅፓተ ዎዛናምታ ማቆይታ።
1CO 14:21 ጎዳይ፥ ጌሻ ማጻፋይድ፥ «ታኒ Ꮊ አሳይስ፥ ዱማ ዱማ ዶናር ኦድንትዛ አሳይራኔ እማꬅ ዶናር ኦድንትዛ አሳይር ኦድዛ። ዝን የይ ሀንንካ ታና ስኦያ» ዬግዛ።
1CO 14:22 ይኬ፥ ዱማ ዱማ ዶናር ኦዳይ፥ አማኖዋ አሳይስ ማላ ማቅነፕ አትን አማንዛ አሳይስ ባያ። ትንቢተ አማንዛ አሳይስ ማላ ማቅነፕ አትን አማኖዋ አሳይስ ባያ።
1CO 14:23 ዎሳ ኬꬅ አሳይ ፐትፕ ሺቄዝ ዎደ ኡባይ ዱማ ዱማ ዶናር ኦድንትኮ ኤሮዋ ዎይ አማኖዋ አሳይ ይ ሺቆ ይኢ፥ «Ꮊይትታይ ኤይዛ» ጎሳነ?
1CO 14:24 ዝን ኤሮዋ ዎይ አማኖዋ አሳይ ዎሳ ኬꬅ ገልዛ ዎደ አሳይ ትንቢተ ኦዶዳር፥ ስእኮ ፋ ናጋራ አካኮዳ፤ ማ ኤ ስኤዝ ቃላይድ ፕርድንቶዳ።
1CO 14:25 ኡንቲ ኤ ዎዛና ጌሜዝ ቆፋ ቆንጭሶዳ። የይ ጋርከካ፥ «ቱማ ጾሳይ ይ ጋንጨ የዛ» ዬጊ ማርካቲ፥ ጹጉኒ ጾሳይስ ጎይኖዳ።
1CO 14:26 ታ እሹንꬆ፥ ኑ ዋጎ? ይ ፐትፕ ሺቅዛ ዎደ ፐታይስ ማዝሙረ የዛ፤ ፐታይስ ታማርሶ እሞታይ የዛ፤ ፐታይስ ቆንጭꬂ የዛ፤ ፐታይስ ዱማ ዱማ ዶናር ኦድንቶ የዛ፤ ፐታይስ ብልእዝ እሞታይ የዛ። የ ኡባይ ዎሳ ኬꬃና ድችዛባዝ ማቆዳይስ ቤዝዛ።
1CO 14:27 ዱማ ዱማ ዶናር ኦድንትዛ አስታይ የዝኮ፥ ናምኤ ዎይ ጋንግኮ ሀይዝ ማቅኮ ማራር ማራር ናግንቲ ኦዶዳይስ ቤዝዛ። ኡንቲ ኦድንትዛና ሀራ አስ ብሎ።
1CO 14:28 ዝን ብልዝ አስ ꬋብኮ፥ ዱማ ዱማ ዶናር ኦድንትዛይ ዎሳ ኬꬃ ስእ ጎ። ፋስኔ ፋ ጾሳይስ ኦዶ።
1CO 14:29 ትንቢተ ኦድዝታይ ናምኤ ዎይ ሀይዝ ማቂ ኦዶ። ማ Ꮊንክታይ ኡንቲ ግዝባዝ ሻኮ።
1CO 14:30 የ ሺቃይድ የዝ ሀራ አስስ ፐትባዝ ቆንጭኮ ቲና ኦድንትዛይ ስእ ጎ።
1CO 14:31 ኡባይ ታማሮዳይ ጋርከኔ ኡባይ ሚንጎዳይ ጋርክ ማራር ማራር ትንቢተ ኦዶዳይስ ዳንዳእዛ።
1CO 14:32 ናብታይ አያናይ ናብታይስ አዛዝንትዛ።
1CO 14:33 ጾሳይ ሳሮትꬅ ጾሳፕ አትን ጫቦ ጾስ ባያ። ጌሽታይ ዎሳ ኬꬅታይ ኡባይ የይጋርከ።
1CO 14:34 ማችታይ ዎሳ ኬꬅ ሺቆ ስእ ጎ። ህገ ግዛይ ጋርክ ኡንቲ ሃርንቶፕ አትን ዎሳ ኬꬃ ኦዶዳይስ ኡንትስ ማዉተ ባያ።
1CO 14:35 ማችታይ ዎሳ ኬꬃ ኦድንቶ ቦርሶ ማቄዝ ግሾስ ፐቲ ፐትባዝ ኤሮዳይስ ኮይኮ ካራ ፋ አዝና ኦይጮ።
1CO 14:36 ጾስ ቃላ ቲና ይ ከኤኔ? ዎይ ጾስ ቃላይ ይ ኣዳኮ የኤኔ?
1CO 14:37 ኦንካ ፋና ናበ ዎይ ፋና ጾስ አስ ግ ቆፕኮ፥ ታኒ ይንትስ ጻፌዛይ ጎዳይ አዛዞ ማቄዛና አካኮ።
1CO 14:38 ዝን ኦንካ ኤራም እጽኮ ኤካ ኤርንትፐ።
1CO 14:39 የይ ግሾስ፥ ታ እሹንꬆ፥ ትንቢተ ኦዶዳይስ ሚንꬂ አሞቶይታ፤ ማ ዱማ ዱማ ዶናር ኦድንታካ ካይፓተ።
1CO 14:40 ዝን ኡባይካ ዎጋራኔ ማራር ማቆ።
1CO 15:1 ታ እሹንꬆ፥ ታ ይንትስ ማርካቴዝ ዎንግለ ይ ኤኬዛኔ ይ አማናይድ ሚንጊ ኤቄዛና ይ አካኮዳይ ጋርክ ታ ኮይዛ።
1CO 15:2 ታ ታማርሴዝ ዎንግለ ሚንꬂ አይክኮ ይ ኤዛይር አቶዳ። የይ ሀናም እጽኮ ይ አማናይ ጨረ ማቃዳ።
1CO 15:3 ታኒ ኤኬዝ ኡባይፕ ኣꬊዝ ኪታ ቲናቲ ይንትስ እንጌዛ። የይካ፥ ጌሻ ማጻፋይ ግዛይ ጋርክ፥ ክርስቶሳ ኑ ናጋራ ግሾስ Ꮊይቄዛ።
1CO 15:4 ሞግንቴዛ፤ ጌሻ ማጻፋይ ግዛይ ጋርክ፥ ሃይꬒንꬃ ጋላስ Ꮊይቆፕ ደንዴዛ።
1CO 15:5 ጵጽሮሳስ ቆንጬዛ። የይፕ ጉየ፥ ታጶ ናምኢ ሀዋርታይስ በንቴዛ።
1CO 15:6 እችን ጼታፕ ጋንግዛ አማንዝታይስ ፐቲ ቶኬ በንቴዛ። ኡንታፕ ጋምታይ Ꮊኖ ሄሎዳይስ ፓጻ የዛ፥ ዝን ጽቅታይ Ꮊይቄዛ።
1CO 15:7 የይፕ ጉየ፥ ያይቆባስ በንቴዛ፤ ጉየፐካ ፋ ሀዋርታይስ ኡባይስ በንቴዛ።
1CO 15:8 ማ ዉርስꬃ ቡልꬅ ጋርክ ማቄዝ ታስ በንቴዛ።
1CO 15:9 ታኒ የሱሳ ሀዋርታይ ኡባይፕ ላፋ። ታኒ ጾስ ዎሳ ኬꬅ ባይእꬄዝ ግሾስ የሱሳ ሀዋረ ግንትንቲ ጼግንቶዳይስ ቤዞዋዛ።
1CO 15:10 ዝን ጾስ ኣꬎ ኬሃትꬃይድ Ꮊት ማቄዛይ ታና፤ ኤ ታስ እንጌዝ ኣꬎ ኬሃትꬃይ ጨር አተካያ። ታኒ Ꮊንኮ ሀዋርታይፕ ኣꬂ ዳቡሬዛ። ዝን ታራ የዝ ጾስ ኣꬎ ኬሃትꬃይ ኦꬄነፕ አትን ታና ባያ።
1CO 15:11 ይኬ፥ ታና ማቅን ኡንቲ፥ ኑ ኡባይ ታማርስዛይ የያ፤ ይንትካ የ ኪታ አማኔዛ።
1CO 15:12 ክርስቶሳ Ꮊይቆፕ ደንዴዛና ኑ ሳባክዛ ዎደ ይንትፕ ፐታይ ፐታይ የዝን፥ ዋይዚ፥ «Ꮊይቆፕ ደንዶ ባያ» ዬግኔ?
1CO 15:13 Ꮊይቆፕ ደንዶ ባባዝ ማቅኮ ክርስቶሳ Ꮊይቆፕ ደንደካ ጉሲ።
1CO 15:14 ክርስቶሳ Ꮊይቆፕ ደንደካባዝ ማቅኮ ኑ ትምርታይካ ይ አማናይካ ጨረ።
1CO 15:15 Ꮊይቆፕ ደንዶ ባዝን፥ ኑኒ ጾሳይ፥ «ክርስቶሳና Ꮊይቆፕ ደንꬄዛ» ዬጊ ሳባክታር ዎርዶ ጾስ ማርክታ ማቄዝ ጉሲ።
1CO 15:16 Ꮊይቄዝ አሳይ Ꮊይቆፕ ደንዶዋባዝ ማቅኮ ይኬ፥ ክርስቶሳ Ꮊይቆፕ ደንደካያ።
1CO 15:17 ክርስቶሳ Ꮊይቆፕ ደንደካባዝ ማቅኮ፥ ይ አማናይ ጨረ፤ ማ ይ Ꮊኖ ሄሎዳይስ ይ ናጋራራ የዛ።
1CO 15:18 ይኬ፥ ክርስቶሳ አማኒ Ꮊይቄዝታይካ ꬋቤዛ ጉሲ።
1CO 15:19 ኑኒ Ꮊ አላመ የስ ኣዳስ ክርስቶሳር ኡፋይሳ ኦꬄዝባዝ ማቅኮ፥ Ꮊ ሳአል የዝ አስ ኡባይፕ ኑባዝ ኣꬎ አዛንꬅዛባዝ ማቃዳ።
1CO 15:20 ዝን ክርስቶሳ Ꮊይቄዝታይስ Ꮊይቆፕ ደንዶር ባይራ ማቂ ቱማ ደንዴዛ።
1CO 15:21 Ꮊይቆ ፐቲ አስ ባጋር Ꮊ አላመ የኤዛይ ጋርክ Ꮊይቆፕ ደንዶካ ፐቲ አስ ባጋር የኤዛ።
1CO 15:22 አዳመ ባጋር አስ ኡባይ Ꮊይቄዛይ ጋርክ ክርስቶሳ ባጋር አስ ኡባይ ደኦ የዝዛ።
1CO 15:23 ዝን ፐታይ ፐታይ ፋ ሙራር ሙራር ደንዶዳ። ክርስቶሳ ኡባይፕ ባይራቲ ደንዴዛ፤ የይፕ ጉየ፥ ክርስቶሳስታይ ኤ ይእዛ ዎደ ደንዶዳ።
1CO 15:24 የይፕ ጉየ፥ ክርስቶሳ ሀርዝታ፥ ማዉተኔ ዎልቃ ኡባ ꬋብሲ፥ ካተትꬃ ጾስ አዳይስ እንግዛ ዎደ ዎደ ዉርስꬃይ የኦዳ።
1CO 15:25 ጾሳይ ኤ ሞርክታ ኡባ ኤ ቶኬ ኦሞ ኦሎድ ሄሎዳይስ ክርስቶሳ ካዉቶዳይስ ቤዝዛ።
1CO 15:26 ዉርስꬃል ኤ ꬋብሶዳይስ የዝ ሞርካይ Ꮊይቆ።
1CO 15:27 ጌሻ ማጻፋይድ፥ «ጾሳይ ኡባ ባዝ ኤ ማዉተ ኦሞ ሃርሴዛ» ግንትንቲ ጻፍንቴዛ። ዝን ኡባ ኤ ማዉታይፕ ኦሞ ሃርሴዛ ግዛይ፥ ጾስ አዳይ ኣዳ አትኮ ኡባ ባዝ ኤ ማዉታይፕ ኦሞ ሃርሴዛ።
1CO 15:28 ኡባ ባዝ ክርስቶሳ ማዉታይፕ ኦሞ ሃርንቴዛይፕ ጉየ ክርስቶሳ ማ ፋ ኦማስ ኡባ ባዝ ፓስ ሃርሴዝ ጾሳይስ ሃርንቶዳ። የ ዎደ ጾሳይ ፋ ኣዳ ኡባ ሃሮዳ።
1CO 15:29 Ꮊይቄዝታይ ደንዶዋባዝ ማቅኮ ኡ ግሾስ ጻማቅንትዛ አሳይ አብስ ዋይኔ? Ꮊይቄዝታይ ደንዶዋባዝ ማቅኮ የዝን፥ አብስ፥ አሳይ Ꮊይቄዝታይ ግሾስ ጻማቅንትኔ?
1CO 15:30 የዝን፥ ኑኒ አብስ ኡባ ዎደ ኑናትꬃ መቶስ ኣꬂ እንግኔ?
1CO 15:31 ታ እሹንꬆ፥ ታ ጋላስ ጋላስ Ꮊይቆስ ኣꬊ እንግንትዛ። የይካ፥ ጎዳ የሱስ ክርስቶሳል የዝ ደኦ ፐትፐተꬃይድ ይንታል ጬቅዛ ግሾስ።
1CO 15:32 አስ ቆፋ ጋርክ ማቅኮ፥ ታኒ ኤፈሶነ ዶአራ ቡትቴዛይ ታና አብ ማዴ? Ꮊይቄዝታይ Ꮊይቆፕ ደንዶዋባዝ ማቅኮ፥ «ዎንቲ ኑ Ꮊይቅዝ ግሾስ Ꮊይኖ ማዳ ኡዦዳ» ዬግዝ አሳይ ጋርክ ማቅዛ።
1CO 15:33 ባልንትፓተ! ኢታ ዣመትꬂ ሎኦ ሀኖ ኢስዛ።
1CO 15:34 ይ ካሃይኮ ማቆይታ። ናጋራ ኦꬅፓተ። ይንታፕ ፐቲ ፐቲ አሳይ ጾስ ኤሮያ። ታኒ ይንታን ዬላꬆዳይስ የያ ግዛ።
1CO 15:35 ፐቲ አስ፥ «Ꮊይቄዝ አሳይ ዋይዚ ደንዴ? ኡንቲ አብ ጋርክ አሰትꬃራ የኦዴ?» ዬግꬅ አታሚ።
1CO 15:36 ነኖ ቦዛዮ፥ ኔኒ ቢታል ዘርዝ ዘርꬃይ Ꮊይቀካ ዶሎያ።
1CO 15:37 ኔኒ ዘርዛይ ግስተ ማቆ ዎይ ሀራ ካꬃ ዎቆዋ አፋ ኣዳ ዘርነፕ አትን ዶሌዝ ዶላ ባያ።
1CO 15:38 ዝን ጾሳይ ዘረꬅታይስ ፋ ዶሴዛይ ጋርክ መትꬂ እንግዛ። ዱማ ዱማ ዘርꬅታይስ ዱማ ዱማ አሰትꬅ እንግዛ።
1CO 15:39 መትꬅ ኡባይ አሾ ፐቶ ባያ። ዝን አስ አሾ ፐቶ፤ መሄ አሾ ሀራ፤ ካፍታይ አሾ ሀራ፤ ማ ሞሎ አሾካ ሀራ።
1CO 15:40 ሳሎ አሰትꬅ የዛ፤ ማ ሳአ አሰትꬅካ የዛ። ዝን ሳሎ አሰትꬅ ቦንቾ ፐቲ ማላ፤ ማ ሳአ አሳተꬅ ቦንቾ ሀራ።
1CO 15:41 አዋ ቦንቾ ሀራ፤ አጌና ቦንቾ ሀራ፤ ጾልንትታይ ቦንቾ ሀራ፤ ፐቲ ጾልንታይ ሀራ ጾልንቶፕ ቦንቾር ዱማትዛ።
1CO 15:42 Ꮊይቄዝታይ Ꮊይቆፕ ደንድዛ ዎደ የይ ጋርክ ሀኖዳ። ዎቅዛ አሰትꬃይ ዘርንትዛ፤ ዎቆዋ አሰትꬅ ማቂ ደንድዛ።
1CO 15:43 ቶቼር ዘርንቲ፥ ቦንቾር ደንዶዳ፤ ዳቡርሳር ዘርንቲ፥ ዎልቃር ደንዶዳ።
1CO 15:44 መትꬅ አሰትꬃር ዘርንቲ፥ አያና አሰትꬅ ማቂ ደንዶዳ። መታ አሰትꬅ የዝኮ፥ አያና አሰትꬅ የዛ።
1CO 15:45 የይ ጋርከካ፥ ጌሻ ማጻፋይድ፥ «ቲና አꬃይ፥ አዳማ፥ ፓꬅ የዝ አስ ማቂ መꬍንቴዛ» ዬግዛ። ዝን ጉየ አዳማ፥ ክርስቶሳ፥ ደኦ እንግዛ አያና ማቄዛ።
1CO 15:46 ዝን መታ አስ ቲና ይእን፥ ጉየፕ አያና አስ የኤነፕ አትን አያና አስ ቲና የኤካያ።
1CO 15:47 ቲና አዳም ቢታፕ መꬍንቴዝ ቢታ አስ፤ ናምእንꬆ አዳማ ሳሎፕ የኤዛ።
1CO 15:48 ቢታፕ መꬍንቴዝታይ ቢታይፕ መꬍንቴዛና ኣዝዛ። ሳሎስታይ ሳሎፕ የኤዛና ኣዝዛ።
1CO 15:49 ኑኒ ቢታፕ መꬍንቴዝ አꬃ ኣዝዛይ ጋርክ ሳሎፕ የኤዝ አꬃካ ኣዝዛ።
1CO 15:50 ታ እሹንꬆ፥ ታ ግዛይ የያ፤ አሾኔ ሱꬂ ጾስ ካተትꬅ ላቶዳይስ ዳንዳኦያ። ዎቅዛ አሰትꬃይ ዎቆዋ አሰትꬃ ላቶያ።
1CO 15:51 ታ ይንትስ ፐቲ ጹረ ኦዶዳ። ኑ ኡባይ Ꮊይቃሚ፥ ዝን ዉርስꬃል ኡባይ ላምንቶዳ።
1CO 15:52 ቱልቱሎ ፑግንቶዳር ኣፈ ቅጲ በአዳይስ ቆፐካ ላምንቶዳ። Ꮊይቄዝ አሳይ ዎቃም አስ ማቂ ደንዶዳ፤ ኑካ ላምንቶዳ።
1CO 15:53 Ꮊይ ዎቅዛይ ዎቃማና፥ Ꮊይ Ꮊይቅዛይ Ꮊይቃማና ማኦዳይስ ቤዝዛ።
1CO 15:54 Ꮊይ ዎቅዛይ ዎቃማና፥ ማ Ꮊይ Ꮊይቅዛይ Ꮊይቃማና ማእዛ ዎደ ጌሻ ማጻፋይድ፥ «Ꮊይቆ ጋምꬃር ምትንቴዛ» ግዝ ቃላይ ፖልንቶዳ።
1CO 15:55 የይ ጋርከካ፥ «Ꮊይቆ፥ ነ ጋምꬃይ አባ የኔ? Ꮊይቆ፥ ነ ዪሻይ አባ የኔ?»
1CO 15:56 Ꮊይቆ ዱክዛ ዪሻይ ናጋራ፤ ማ ናጋራ ዎልቃይ ህገ።
1CO 15:57 ዝን ኑ ጎዳ የሱስ ክርስቶሳ ባጋር ኑስ ጋምꬅ እንግዛ ጾሳና ጋላታ ሄሎ።
1CO 15:58 የይ ግሾስ፥ ታ ሲቆ እሹንꬆ፥ ኤንኤካ ሚንጊ ኤቆይታ። ጎዳይ ኦሳይድ ይ ዳቡርዛይ ጨረ ባዛና ኤሪ ኡባ ዎደ ጎዳይ ኦሳ አዛለካዛር ኦꬆይታ።
1CO 16:1 አማንዛ አሳይስ ሚሻ ሺሾ ባጋ ጋላትያ ዎሳ ኬꬅታይስ ታኒ አዛዜዛይ ጋርክ ይንትካ ኦꬆይታ።
1CO 16:2 ሚሸ ሺሾ ታ ይንትኮ Ꮊንጎዳር ማቃማይ ጋርክ ፐታይ ፐታይ ሳምንታፕ ቲና ጋላስ፥ ዎጋ ዎደ ዎጋ ዎደ ፋ ደንግዛ ባዛፕ ከሲ ፋ ካራ ጋንꬆ።
1CO 16:3 ታኒ ገድ Ꮊንጌዝ ዎደ ሚሸ የሩሳላመ ሄልꬆዳይ ጋርክ ይ ዶሬዝ አሳይስ ዳብዳበ እንጊ ኡንታን የሩሳላመ አዛዞዳ።
1CO 16:4 ኡንታር ታና Ꮊሞ ቤዝዛ ባዝ ማቅኮ ኡንቲ ታራ Ꮊንጎዳይስ ዳንዳእዛ።
1CO 16:5 ታኒ ማቃዶናር ኣꬎዳይስ ቆፔዝ ግሾስ ገድ Ꮊንጊ ይንትኮ የኦዳ።
1CO 16:6 ታ Ꮊንግዛ አቆ አና ማቅኮካ፥ ታ Ꮊማይድ ይ ታና ማዶዳይ ጋርክ ይ ካለ ጽቃ ዎደ ጋምኤካ አታሚ። ባርጎ አግንታ ይ ካለ ኣꬆ ዋዪ አሾዳ።
1CO 16:7 ታኒ ኦገራ ኣꬊታር ይንታን በአዳይስ ኮዮያ። ጎዳይ ጊኮ፥ ይ ካለ ኡንደና ዎደ ካታምኦዳይስ ቆፕዛ።
1CO 16:8 ዝን ታኒ ጰንጸቆስጸ ባለ ሄሎዳይስ ኤፈሶና ጋምኦዳ።
1CO 16:9 ታስ ኦሶ ኩሜዛ ዳልገ ፔንጋይ ዶይንቴዛ፥ ዝን ጋመ ኤቅንትዛ ሞርክታይ የዛ።
1CO 16:10 ኤ ታ ጋርክ ጎዳ ኦሶ ኦꬅዛ አስ ማቄዝ ግሾስ ጽማቶሳ ይንትኮ Ꮊንግኮ፥ ይ ካለ ኤ ያሽተካዛር የዞዳይ ጋርክ ኦꬆይታ።
1CO 16:11 ኦንካ ኤዛ ካꬊፐ። ኤ ታኮ ሳሮ ማቆዳይ ጋርክ ኤዛ ማዲ ሞይዞይታ። ታኒ ኤ Ꮊንኮ አማንዝታይር ማቆዳና ናግዛ።
1CO 16:12 ኑ እሻ አጵሎሳ Ꮊንኮ አማንዝታይር ይንትኮ Ꮊማዳይ ጋርክ ታ ኤዛ ሚንꬂ ዎሴዛ። Ꮊት ይንትኮ Ꮊንጎዳይስ ኮየካያ፥ ዝን ኤስ ጊጌዝ ዎደ ይንትኮ Ꮊማዳ።
1CO 16:13 ባርኮይታ፤ አማኖር ኤቆይታ፤ ጻሎይታ፤ ሚንጎይታ።
1CO 16:14 ኦሶ ኡባ ሲቆር ኦꬆይታ።
1CO 16:15 ታ እሹንꬆ፥ ኢስጽፋኖሰኔ ኤ ካራ አሳይ አካያ ቢታ ኡንቲ ቲና አማኔዝታ ማቄዛኔ አማንዝታ ማዶዳይስ ፋና ኣꬂ እንጌዛና ይ ኤርዛ።
1CO 16:16 ይንትካ ኡ ጋርክ አስስኔ፥ ኡንታራ ኦሶር ዳቡርዛ ኡባይስ ኪተንቶዳይ ጋርክ ታ ይንታን ዎስዛ።
1CO 16:17 እስጸፋኖሳ፥ ፍርዶናጽሰኔ አካይቆሳ ታኮ የኤዛይ ታና ኡፋይሴዛ። ይ ባ አቆ ኡንቲ ይንታን ማቂ ታ ፓጫ ኩንꬄዛ።
1CO 16:18 ኡንቲ ይንታን ኡፋይሴዛይ ጋርክ ታናካ ኡፋይሴዛ። የይ ጋርክ አስታ ደንꬅꬆይታ።
1CO 16:19 ኢሳ ዎሳ ኬꬅ አሳይ ይንታን ሳሮ ግዛ። አቅላኔ ጵርስቅላ ፋ ካራ ሺቅዛ ዎሳ ኬꬅ አሳይራ ፐትፕ ይንታን ጎዳይ ሱንꬃይር ሳሮꬄዛ።
1CO 16:20 አማንዛ እሽታይ ኡባይ ይንታን ሳሮ ዬግዛ። ጌሽ ዬርንቶ ዬርንትታር ዎል ሳሮꬆይታ።
1CO 16:21 ታኒ፥ ጳዉሎሳ፥ Ꮊ ሳሮꬃ ታ ኩሸር ጻፌዛ።
1CO 16:22 ጎዳ ዶሶዋ አስ የዝኮ፥ ባድንቴዛ ማቆ። ኑ ጎዳዮ፥ Ꮊና የኦባ!
1CO 16:23 ጎዳ የሱስ ክርስቶሳ ኣꬎ ኬሃትꬃይ ይንታር ማቆ።
1CO 16:24 ታ ሲቃይ ክርስቶሳ የሱሳር የዝ ይ ኡባይራ ማቆ። አምንኤ።
2CO 1:1 ጾስ ሸነር የሱስ ክርስቶሳ ሀዋረ ማቄዝ ጳዉሎሳኔ፥ ኑ እሻ ጽማቶሳ፥ ቆሮንቶሳ የዝ ጾስ ዎሳ ኬꬅስኔ አካያ ቢታ የዝ ጾስ አሳይር ፐትፕ ጾስ አስ ማቄዝታይስ ጻፌዝ ኪታ።
2CO 1:2 ጾስ ኑ አዳይፐኔ ጎዳ የሱስ ክርስቶሳፕ፥ ኣꬎ ኬሃተꬅኔ ሳሮትꬅ ይንትስ ማቆ።
2CO 1:3 ማሮትꬅ አዳይስ፥ ኡባ ዎደ ኑና ሚንꬄꬅዛ ጾሳይስ፥ ኑ ጎዳ የሱስ ክርስቶሳ አዳይስ ጋላታ ማቆ።
2CO 1:4 ጾሳይ ኑስ እንጌዝ ምንꬃꬆር፥ መቶር የዝታ ኑ ምንꬃꬆዳይ ጋርክ ጾሳይ ኑና ኑ መቶ ኡባይድ ምንꬃꬅዛ።
2CO 1:5 ክርስቶሳ ጋመ ዋያይ ኑል ጋንጌዛይ ጋርክ ማ ክርስቶሳ ባጋር ኤ ምንꬃꬃይ ጋንጎዳ።
2CO 1:6 ኑኒ ዋይንትኮ የይ ይንታን ምንꬃꬆዳይስኔ ይንታን አሾዳይሲ። ማ ኑኒ ምንግኮ ኑኒ ዋያይድ ጋርዤዛይ ጋርክ ይንትካ ጋርዢ፥ ጾሳይ ይንትስ እንግዛ ምንꬃꬆር ምንጎዳ።
2CO 1:7 ይ ኑ ኤኬዝ መታይ ጋርክ ኤኪ፥ ኑ ምንꬃꬃ ሻክንቶዳና ኑ ኤርዛ ግሾስ ኑ ይንታል ጋዴዝ ኡፋይሳይ ምኖ።
2CO 1:8 ኑ እሹንꬆ፥ ኢሳ ቢታ ኑና ሄሌዝ መታ ይ ኤሮዳይ ጋርክ ኑ ኮይዛ። የ ኑና ሄሌዝ መታይ ኑ ዎልቃይፕ አꬊን፥ ሸምፖር አቶድባዝካ ኑስ ኤርንተካዝን።
2CO 1:9 ኑኒ ኑል አፋ Ꮊይቆ ፕርዳ ፕርድንቴዛይ ጋርክ ቆፔዛ። ዝን ኑኒ ኑ ኦማስ ባዝን፥ Ꮊይቄዝታ ደንꬅዛ ጾሳይል አማንንቶዳይ ጋርክ የይ ሀኔዛ።
2CO 1:10 ጾሳይ የይ ጋርክ ኢታ Ꮊይቆፕ ኑና አሼዛ፤ Ꮊተካ አሽዛ፤ ቲናፐካ ኤ ኑና አሾዳ ግ ኤዛል ኡፋይስ ጋድዛ።
2CO 1:11 ዎሳር ኑና ማዶይታ። ጋመ አሳይ ዎሳፕ ደንዴዛይድ ጾስ እሞታ ኑ ደንግዛ ዎደ ጋመ አሳይ ኑ ግሾስ ጾሳ ጋላትዛ።
2CO 1:12 ኑ ጬቃይ Ꮊያ። ኑኒ Ꮊ አላመል የዜዝ የሳይድ ኡባራካ ይንታር የዜዝ የሳይድ ጾሳፕ ማቄዝ ጽሎትꬃራኔ ሉለትꬃር ይንታር የዜዛና ኑ ካሃይ ማርካትዛ። የይካ፥ Ꮊ አላመ ኤጨትꬃር ባዝን ጾስ ኣꬎ ኬሃትꬃይ ጋርከ።
2CO 1:13 ኑ ይንትስ ጻፌዝ ዳብዳበ ይ ናባቦዳይስኔ አካኮዳይስ ዳንዳኦዋ ባዝ ኑ ይንትስ ጻፓሚ። ይ ኤዛ አካኮዳይስ ዳንዳእዛያ ታ አማንዛ።
2CO 1:14 Ꮊት ይ ኑና ዉርሲ ኤሮያ፥ ዝን ቲናፕ ዉርሲ ኤሮዳያ ታ አማንንትዛ። ኑ ጎዳ የሱሳ ማቅዛ ዎደ ኑ ይንታል ጬቅንትዛይ ጋርክ ይንትካ ኑል ጬቅንቶዳ።
2CO 1:15 የያ ታኒ ሎእꬅ ኤሬዝ ግሾስ ይ ናምእንꬆ ማድንቶዳይ ጋርክ ይንትኮ Ꮊንጎዳይስ ቆፋ አጬዛ።
2CO 1:16 ታኒ ማቃዶና Ꮊንግታራኔ ኤዛይፕ ማቅታር ይንታን በአዳ። ታኒ ኤዛይፕ ይሁዳ Ꮊንጎዳር ይ ታና ታ ኦጋይድ ማዶዳ ግ ቆፔዛ።
2CO 1:17 ታኒ የያ ጊታር አብ ኦꬆዳይስ ቤዝዛኮ ኤረካ አስ ኣዝኔ? ዎይ ታኒ ታ ቆፋ አጭዝ ዎደ አስ ቆፋ ጋርክ፥ ፐቲ ቶኬ «ኤ» ማ ፐቲ ቶኬ «ዋኣ» ግዝ አስ ጋርከኔ?
2CO 1:18 ዝን ጾሳይ አማንንቴዛ ማቄዝ ግሾስ ኑ ይንትስ ኦድዛ ቃላይ «ኤ» ዎይ «ዋኣ» ግዛ ዋላካ ባያ።
2CO 1:19 ታራ፥ ስላሰራኔ ጽማቶሳር ይንትስ ማርካቴዝ ጾስ ናአይ፥ የሱስ ክርስቶሳ ኡባ ዎደ «ኤፕ» አትን «ኤ» ኔ «ዋኣ» ባያ።
2CO 1:20 ጾሳይ እንጎድ ጌዝ ኡባይ ክርስቶሳ ባጋር «ኤ» ማቅዛ። ኑኒ ክርስቶሳ ባጋር ጾስ ቦንቾስ፥ «አምንኤ» ግዛይ የይ ግሾስ።
2CO 1:21 ኑራኔ ይንታራ ክርስቶሳር ሚንጊ ኤቆዳይ ጋርክ ኡዴዛይኔ ፋ ኦሳይስ ዶሬዛይ ጾሰ።
2CO 1:22 ኑኒ ኤባዝ ማቄዛና ኤርሶዳይስ ፋ ማታማ ኑል አፋ ጋዴዛ፤ ማ ፋ ጌሻ አያና ሳꬅ ኡዲ ኑ ዎዛና ጋዴዛ።
2CO 1:23 ታኒ ቆሮንቶሳ Ꮊንገካ አቴዛይ ይ አዛናማይ ጋርከሲ፤ የይ ዎርዶ ማቅኮ ጾስ ታስ ማርካ።
2CO 1:24 ይ፥ ይ አማናይድ ሚንጊ የዝ ግሾስ ኑ ይንታን ኡፋይሶዳይስ ይንታር ዎላ ኦꬅዝታይፕ አትን ይንታን ይ አማናይል ዎልቃንꬆያ።
2CO 2:1 ታኒ ማቂ ይንትኮ የአም ግ ቆፋ አጬዛይ ይንታን አዛንꬃማይስ።
2CO 2:2 ታኒ ይንታን አዛንꬅኮካ ታ አዛንꬄዝ ይንትፕ ሀራ ታና ኡፋይሶዳይስ የዛይ ኦኖ?
2CO 2:3 ታኒ ይንትስ የ ዳብዳባ ጻፌዛይ፥ ታ ይንታን በአዳይስ Ꮊንጎዳር ታና ኡፋይሶዳይስ ቤዝዛ አሳይር ታ አዛኖዳይስ ኮዮዋ ግሾስ። ታ ኡፋይሳይ ይ ኡባይ ኡፋይስ ማቅዛና ታ አማንዛ።
2CO 2:4 ታኒ ጋመ ዋየራኔ ኡንአር ማ ጋመ አፉꬃር ጻፌዛይ፥ ይንታን አዛንꬆዳይስ ባዝን ታኒ ይንታን ኡባ ዋፋ ጋርክ ዶስዛኮ ይንታን ኤርሶዳይሲ።
2CO 2:5 አስ አዛንꬄዝ ኦንካ የዝኮ ታ ኤ ቡታ ሱቅꬅ ማቅፐፕ አትን ታና ባዝን ይንትፕ ጋምታ አዛንꬄዛ።
2CO 2:6 ይንትፕ ጋመ አሳይ የ አꬃ ሴሬዝ ሴራይ ኤስ ግዶዳ።
2CO 2:7 የይ ግሾስ፥ የ አꬃይ ኢታ አዛኒ፥ ኡፋይስ ጋቻማይ ጋርክ ይ ኤዛ ማሮዳይስኔ ምንꬃꬆዳይስ ቤዝዛ።
2CO 2:8 ይ ኤዛ ሲቅዛና ማሂ ኤዛ ቤዞዳይ ጋርክ ታ ይንታን ዎስዛ።
2CO 2:9 ታ የ ዳብዳባ ይንትስ ጻፌዛይ፥ ይ ፓጭንት፥ ኡባ ባዛር ታስ ኪትንትዛ ኤሮዳይስ ኮዬዝ ግሾሲ።
2CO 2:10 ይ ማርዛ አስ ታካ ማሮዳ። ታኒ ማሮድባዝ አቢ የዛኮካ፥ ክርስቶሳ ቲና ይ ግሾስ ግ ማሬዛ።
2CO 2:11 ታኒ የያ ኦꬄዛይ ጻላሄ ዶሻ ኦሳ ኑ ኤርዛ ግሾስ ጻላሄር ዶሽንታማይ ጋርከሲ።
2CO 2:12 ታኒ ክርስቶሳ ዎንግለ ሳባኮዳይስ ጽሮአዳ Ꮊንጌዝ ዎደ ጎዳይ ኤዛይድ ታስ ኦሶ ፐንገ ዶዪ ጋዴዛ።
2CO 2:13 ዝን ታኒ ታ እሻ ትቶ ኤዛይድ ደንገካ ግሾስ ታ ዎዝናይ ሸምፐካያ። የይ ግሾስ፥ ኤዛይድ የዝ አሳ ሳሮꬅ ኤዛ ኮዮዳይስ ማቃዶና Ꮊንጌዛ።
2CO 2:14 ዝን ክርስቶሳ ባጋር ኡባ ዎደ ኑና ጋምዝታ ኡዲ ካልꬅዛይኔ ሽቶ ጋርክ ቶንክ ግ ሳዉዛ ክርስቶሳ ባጋ ኑ ኤርዛ ኤራትꬃ ኡባ አቆ ሄልꬆዳይ ጋርክ ኡዴዛ ጾሳ ጋላታ ሄሎ።
2CO 2:15 ኑኒ አቶድ አሳይስኔ ꬋቦድ አሳይ ጋንጨ ክርስቶሳ ባጋር ጾስስ እንግንቴዝ ሳዉዛ ሽቶ ጋርከ።
2CO 2:16 ꬋቦድ አሳይስ Ꮊይቆክ ካንግዝ Ꮊይቆ ሳዎ፤ ማ አትዝ አሳይስ ደኦኮ ካንግዛ ደኦ ሳዎ፤ የዝን፥ የይ ጋርክ ኦሳይስ ማቃዳይ ኦኖ?
2CO 2:17 ኑኒ ጾስ ቃላ ዎ ደንጎዳይስ ኮዪ ዋላኪ ዛልእዝ ጋመ አሳይ ጋርክ ባያ። ዝን ጾሳይ ኪቴዝ ሉለ አስታይ ጋርክ ክርስቶሳር የዚ ጾስ ቲና ቃላ ኦዶዳ።
2CO 3:1 ኑኒ ማሂ ኑና ሳቦ አይኮደኔ? ዎይ ሀራ አስ ጋርክ፥ ጋላታ ዳብዳበ ይንትስ ዳኮዳይስ ዎይ ይንታፕ ኤኮዳይስ ኑና ኮሽኔ?
2CO 3:2 አሲ ኡባይ ይንታን ኤሮድ ጋርከኔ ናባቦዳይ ጋርክ ይ ኑ ዎዝናይድ ጻፍንቲ የዝ ኑ ዳብዳበ።
2CO 3:3 ይ ቃላመር ባዝን ጾስ አያናር፥ ሹቻል አፋ ባዝን አስ ዎዝና ጻፍንቴዝታኔ ኑ ኦሶር በንቴዝ ክርስቶሳ ዳብዳበ ማቄዛና ቤዜዛ።
2CO 3:4 ኑ የያ ጌዛይ፥ ክርስቶሳ ባጋር ጾሳል አማኖ ኑስ የዛ ግሾሲ።
2CO 3:5 ኑ የያ ኦꬆዳይስ ዳንዳኤዛይ ጾስ ዎልቃራፕ አትን ኑኒ ኑ ዎልቃር አኮካ ኡዶዳይስ ዳንዳኦያ።
2CO 3:6 ኑ ኦሮꬅ ጫቆ ኦሳንችታ ማቆዳይ ጋርክ ጾሳይ ኑና ኡዴዛ። የ ኦሮꬅ ጫቃይ ጌሻ አያናር በንቴዛይፕ አትን ጻፍንቴዝ ህገር ባያ። ህገ ዎꬍዛ፥ ዝን ጌሻ አያናይ ደኦ እንግዛ።
2CO 3:7 ሹቻል አፋ ጻፍንቴዝ ህገ እንግንትዛ ዎደ ጾስ ቦንቾ በንቴዛ። ሙሰ ስናይል የዝ ቦንቻይ ꬋብታር Ꮊንግዛባዝ ማቅኮካ፥ እስሬለ አሳይ ኤ ስና ꬎቅ ግ በአዳይስ ዳንዳኤካያ። ይኬ፥ Ꮊይቆ ክእዝ ህገ የይ ጋርክ ቦንቾር በንትኮ፥
2CO 3:8 የዝን፥ ጌሻ አያናር ኦስንቴዝ ኦሳይ ቦንቻይ ዋይዚ ኣꬊ በንቶዴ?
2CO 3:9 አሳል አፋ ፕርዳ ክእዝ ህገ ቦንቾ ማቅኮ የዝን፥ አስ ጽልስዛ ኦሮꬅ ኦጋይ ዋይዚ ኣꬊ ቦንችንቶሳ?
2CO 3:10 ጉየ ቦንቻይ ኡባፕ ኣꬅ ማቄዛይፕ ደንዴዛይድ ቲና ቦንቻይ አኮካ ባዛይ ጋርክ ፓይድንቴዛ።
2CO 3:11 ጽቃ ዎደስ በንቲ ጉየፐ ꬋቤዛይ የይ ጋርክ ቦንችንትኮ፥ መꬍናስ የዛይ ዋይዚ ኣꬎ ቦንችንቶሳ?
2CO 3:12 ኑስ Ꮊይ ጋርክ ኡፋይሳይ የዛ ግሾስ ዬላተካ ኦድንቶዳ።
2CO 3:13 ሙሰ ꬋብታር Ꮊንግዝ ኤ ስኖ ፖጭꬃይ ደስኬሞድ ሄሎዳይስ እስራኤልታይ በአማይ ጋርክ ፋ አፋ ጎዝዛ። ኑና ማቅኮ ኤ ጋርክ ባያ።
2CO 3:14 ዝን ኡ ዎዝናይ ዶጬዛ። Ꮊይኖ ሄሎዳይስ ጭማ ጫቃ ናባቦዳር ኡ ዎዝናይ የ ካማይር ካምንት የዛ። የ ካማይ ክርስቶሳ ኣዳር ሀልእዛ።
2CO 3:15 ዝን Ꮊይኖ ሄሎዳይስካ ሙሰ ማጻፋ ናባቦዳር ኡባይድ የ ካማይ ኡ ዎዝናይል ካምንቲ የዛ።
2CO 3:16 ዝን ኦንካ ጎዳይኮ ማቄዝ ዎደ አይደካ የ ካማይ ሀልእዛ።
2CO 3:17 ጎዳይ አያና፤ ጎዳ አያናይ የዝ አቆ ዋሎትꬂ የዛ።
2CO 3:18 ኑኒ ኡባይ ካምንተካ ስኖ ማስቶተር ብእዛይ ጋርክ ጎዳይ ቦንቻ በአዳ። ኑኒ አያና ማቄዝ ጎዳይ ማላ ኣዞዳይስ ቦንቾፕ ቦንቾኮ ላምንቶዳ።
2CO 4:1 ይኬ፥ ጾሳይ ፋ ማሮተꬃር Ꮊ ኦሳ ኑስ እንጌዝ ግሾስ ኑኒ ኡፋይስ ጋቻሚ።
2CO 4:2 ኑኒ ዬላꬅዛ ጌማ ኦሶ ኡባ አሺ፤ ገነ ኦሶ ኦꬃሚ፤ ጾስ ቃላ ዎርዶር ዋላካሚ። ቱማ ቆንጨር ናሽታር፥ አስ ኡባይ ካሃይ ኑና ኤኮዳይ ጋርክ ጾስ ቲና ኑና ሺሾዳ።
2CO 4:3 ኑ ኦድዛ ዎንግላይ ካምንቴዝ ባዝ ማቅኮካ፥ ካምንቴዛይ ꬋቦ ኦገል የዝ አሳይሲ።
2CO 4:4 Ꮊ አላማ ሃርዛ ጾሳይ አማኖዋ አሳይ ዎዝና ጎዜዛ። ኡንቲ ጾስ ኣዚ በንቴዝ ክርስቶሳ ቦንቾ ዎንግለ ፖአ በኣማይ ጋርክ ካዬዛ።
2CO 4:5 ኑኒ፥ የሱስ ክርስቶሳ ጎዳ ማቄዛኔ ኑ ኤ ግሾስ ይ አይልታ ማቄዛና ኦድነፕ አትን ኑባዝ ባያ።
2CO 4:6 «ፖኦ ꬉማ ጋንጨ ፖኦ» ጌዝ ጾሳይ፥ ክርስቶሳ ቲና ፖእዛ ጾስ ቦንቾ ኤራትꬅ ፖአ እንጎዳይስ ፋ ፖአ ኑ ዎዝናይድ ፖኦዳይ ጋርክ ኡዴዛ።
2CO 4:7 ዝን ኡባይፕ ኣꬊዝ ዎልቃይ ኑፕ ባዝን ጾሳፕ ማቄዛና ቤዝዛ Ꮊ ቦንቾ ሚሻይ ቢታፕ መꬍንቴዝታ ማቄዝ ኑ ጋንጨ የዛ።
2CO 4:8 ኑ ኡባ ባጋር ኡርቅንትዛ ዝን ጋምንታሚ። ኑስ ሀድርስ ማቄዛ፥ ዝን ኡፋይስ ጋቻሚ።
2CO 4:9 ኑ ባይእንትዛ፥ ዝን ዶግንታሚ። ኑ ፖክዛ፥ ዝን ꬋባሚ።
2CO 4:10 የሱሳ ደአይ ኑ አሳተꬃይድ በንቶዳይ ጋርክ ኤ Ꮊይቃ ኡባ ዎደ ኑ አሳተꬃይድ ቶኪ ዩይዛ።
2CO 4:11 የሱሳ ደአይ Ꮊይቅዝ ኑ አሳተꬃይድ በንቶዳይ ጋርክ ፓꬅ የዝ ኑኒ ኤ ግሾስ ኡባ ዎደ Ꮊይቆስ ኣꬊ እንግንቶዳ።
2CO 4:12 ይኬ፥ Ꮊይቆ ኑል ኦꬅዛ፥ ዝን ደኦ ይንታል ኦꬅዛ።
2CO 4:13 ጌሻ ማጻፋይድ፥ «ታ አማኔዛ፤ የይ ግሾስ ኦዴዛ» ዬግንቴዛ። የይ ጋርከካ ፐቲ አማኖ አያና ኑስ የዛ ግሾስ ኑ አማንዛ፤ የይ ግሾስ ኦዴዛ።
2CO 4:14 ጎዳ የሱሳና Ꮊይቆፕ ደንꬄዝ ጾሳይ፥ ኑናካ የሱሳር ደንꬆዳኔ ይንታር ዎላ ሺሾዳና ታ ኤርዛ።
2CO 4:15 የይ ኡባይ ሀኔዛይ ይ ግሾስ። ፑጬዝ ኣꬎ ኬሃትꬃይ ጋመ አሳ ሄሌዛይ ጋርክ አሳይ ጾስ ቦንቾስ ማቅዝ ጋላታ ጋንጎዳይ ጋርከ።
2CO 4:16 የይ ግሾስ፥ ኑኒ ኡፋይስ ጋቻሚ። በንትዝ ኑ አሰትꬃይ ዳቡርታር Ꮊንግዛባዝ ማቅኮካ፥ ኑ አያና አሰትꬃይ ጋላስ ጋላስ ኦሮጽዛ።
2CO 4:17 Ꮊተስ ኑኒ ዋይንትዛ Ꮊ ካዉሻ ዋያይ፥ ኡባፕ ሎእꬆ ኣꬊዝ መꬍና ቦንቻ ኑስ እንግሶዳ።
2CO 4:18 ኑኒ በንትዝባዝ ባዝን በንቶዋባዛ ብእዛ። በንትዝባዛይ Ꮊተስ፥ ዝን በንቶዋባዛይ መꬍናሲ።
2CO 5:1 Ꮊት ኑ የዝ ዱንካነ ኣዝዝ Ꮊ ሳአ አሰትꬃይ ላልንትኮካ፥ አስ ኬጸካ፥ ጾሲ ኬጼዝ መꬍና ካራይ ኑስ ሳሎ የዛና ኤርዛ።
2CO 5:2 ሳሎ አሰትꬃ ማኦዳይስ አሞትታር Ꮊት Ꮊ ሳአ የሳር ቡትትዛ።
2CO 5:3 ኑኒ የያ ማኤዝ ዎደ ካሎታም።
2CO 5:4 ዱንካነ ኣዝዝ Ꮊ ሳአ አሰትꬃይድ ኑ የዛር ዴጽን ሸምትዛ። Ꮊይቅዝ ኑ አሰትꬃይ ደኦ ላምንቶዳይ ጋርክ ሳሎ አሰትꬃ ማኦዳይስ ኮይነፕ አትን ካሎቶዳይስ ባያ።
2CO 5:5 ኑና Ꮊይስ ጊግሴዛይ ጾሰ። ኤዝካ ሳꬅ ኡዲ ፋ አያና ኑስ እንጌዛ።
2CO 5:6 የይ ግሾስ፥ ኑኒ Ꮊ ሳአ አሰትꬃር የዝ ዎደ ኡባይድ ጎዳይፕ ሃኪ የዛና ኤርኮካ ኡባ ዎደ አማንንቲ የዛ።
2CO 5:7 ኑኒ የዝዛይ ጎዳ አማኖራፕ አትን ኤዛ ብእꬃር ባያ።
2CO 5:8 ኑ Ꮊ ሳአ አሰትꬃፕ ሻክንቲ፥ ኑ ካራ Ꮊንጊ ጎዳይር ፐትፕ የዞዳይስ አሞትዝ ግሾስ አማንንቲ የዛ።
2CO 5:9 የይ ግሾስ፥ ኑ Ꮊ አሰትꬃይር የዝን ዎይ Ꮊ አሰትꬃፕ ሻክንትን፥ ኑ አማይ ኤዛ ኡፋይሶዳያ።
2CO 5:10 ኑኒ ፐታይ ፐታይ Ꮊ ሳአ የሳር ሎኦ ማቅን ኢታ ማቅን፥ ኦꬄዝ ኦሳይስ ቤዝዛ ፕርዳ ኤኮዳይስ ክርስቶሳ ፕርዳ ዙፋናይ ቲና ሺቆዳይስ ቤዝዛ።
2CO 5:11 ይኬ፥ ኑኒ ጎዳ ያሽትꬂ አብ ጉስዛኮ ኤርዛ ግሾስ አሳይ ኑ ኦድዛ ኤኮዳይ ጋርክ ዞሮዳ። ጾሳይ፥ ኑኒ ኦናዛኮ ኑና ኤርዛ፤ ማ ይንትካ ይ ካሃይድ ኑ ኦናዛኮ ኤርዛ ግ ኑ ቆፕዛ።
2CO 5:12 ዎዛና ጋንጨ የዝ ባዛር ባዝን ማላር ጬቅንትዛ አሳ ዶና አይꬆዳይስ ይ ኑር ጬቅንቶዳይ ጋርክ ይንትስ ኦገ ማቆዳይስ ኮይነፕ አትን ኑ ኑና ማሂ ናሾዳይስ ኮዮያ።
2CO 5:13 ኑ ኤይታ ማቅኮ ጾስ ቦንቾስ፤ ካሃምታ ማቅኮ ይ ግሾሲ።
2CO 5:14 ፐታይ ኡባይስ Ꮊይቄዛኔ ኡባይ ማ ኤ Ꮊይቃ ሻክንቴዛና ኑ ኤርዛ ግሾስ ክርስቶሳ ሲቃይ ኑና ሃርዛ።
2CO 5:15 ደኦር የዝታይ ይከፕ ጉየ ፓስ ባዝን ኡንትስ Ꮊይቄዛይስኔ Ꮊይቆፕ ደንዴዛይስ የዞዳይ ጋርክ ክርስቶሳ አስ ኡባይ ግሾስ Ꮊይቄዛ።
2CO 5:16 ይከፕ ጉየ፥ ኑኒ ኦናካ አሾ ኣፈር በኣሚ። Ꮊይፕ ቲና ኑኒ ክርስቶሳናካ አሾ ኣፈር በኤዝ ባዝ ማቅኮካ፥ ይከፕ Ꮊይ ጋርክ በኣሚ።
2CO 5:17 የይ ግሾስ፥ ኦንካ ክርስቶሳር የዝኮ ኦሮꬅ መትꬂ፤ ጭማ መትꬃይ ኣꬌዛ፤ ኡባይካ ኦሮꬅ ማቄዛ።
2CO 5:18 የያ ኡባ ጾሳይ ኦꬄዛ። ኤ ክርስቶሳ ባጋር ኑና ፓር ዳቦꬄዛ። ማ Ꮊንክታ ፓር ዳቦꬆዳይ ጋርክ ኑስ ዳቦꬆ ኦሶ እንጌዛ።
2CO 5:19 ጾሳይ ክርስቶሳ ባጋር አስ ኡባ ፓር ዳቦꬅዛ። ኡ ናጋራ ፓይዶያ፤ ማ አሳ ፓር እግንꬅዛ ቃላ ኑስ እንጌዛ።
2CO 5:20 ጾሳይ አሳ ኑ ባጋር ጼግዝ ግሾስ ኑ ክርስቶሳስ ኪትንትዝታይ አሳ ጾሳር እግንቶ ግ ክርስቶሳ ግሾስ ዎስዛ።
2CO 5:21 ኑኒ ጾስ ጽሎትꬅ ክርስቶሳ ባጋር ኤኮዳይ ጋርክ፥ ናጋራ ኤሮዋ ክርስቶሳ ኑ ግሾስ ናጋራንቾ አስ ጋርክ ማቄዛ።
2CO 6:1 ኑኒ ጾሳር ዎላ ኦꬅዛ አስ ማቄዛይ ጋርክ፥ ይ ኤኬዝ ኣꬎ ኬሃትꬃ ጨረ ማሃማይ ጋርክ ኑ ይንታን ዎስዛ።
2CO 6:2 ጾሳይ፥ «ታ ነና ስኦድ ዎደ ስኤዛ፤ አቶትꬅ ጋላስ ነና ማዴዛ» ዬግዛ። ዬዛኮ፥ ታ ስኦድ ዎዳይ Ꮊተ፤ አቶትꬅ ጋላሳይካ Ꮊይኖ።
2CO 6:3 ኦንካ ኑ ኦሳ ቦራማይ ጋርከኔ ኑር ꬉብንቶዳይ ጋርክ ኮዮያ።
2CO 6:4 ሀኖ ዝን፥ ኑ ቱማ ጾስ ኦሳንችታ ማቄዛና ኑ ኦꬅዛ ኡባ ባዛር ቤዜዛ። ጋመ ጋርዦር፥ ዋዬር፥ መቶር፥ ኡንኣር፥
2CO 6:5 ጋራፍንትꬃር፥ አቻር፥ ጫቦትꬃር፥ ኦꬆር ዳቡራር፥ ገንታ ꬋቦር፥ ጾማር፥
2CO 6:6 ጌሸትꬃር፥ ኤራትꬃር፥ ዳንዳአር፥ ኬሃትꬃር፥ ጌሻ አያናር፥ ቱማ ሲቆር፥
2CO 6:7 ቱማ ኦዳራኔ ጾስ ዎልቃር ኑኒ ኤ ኦሳንችታ ማቄዛና ቤዜዛ። ማ ጽሎትꬃይ ኑስ ቶራኔ ጎንዳለ።
2CO 6:8 ኑኒ ቦንችንቶዳይስ ቶሽንቶዳይስ፤ ጫዥንቶዳይስኔ ጋላትንቶዳይሲ ጊግንቴዛ። ቱማ ናሼዝታ፥ ዝን አሳይ ኑና ዎርዶትዝታ ጌዛ።
2CO 6:9 ኑ ኤርንቶዋ አስ ኣዝታር ኤርንቴዝታ ማቄዛ። Ꮊይቄዝታ ዬግንቴዝታ፥ ዝን ፓጻ የዛ፤ ሾጭንቴዛ፥ ዝን Ꮊይቀካያ።
2CO 6:10 ኑኒ አዛንኮካ ኡባ ዎደ ኡፋይትዛ። ኑኒ ማንቆ ኣዝዛ፥ ዝን ጋመ አሳ ዱርሴዛ። ማ አኮካ ባ አስ ኣዜዛ፥ ዝን ኡባይ ኑባዝ።
2CO 6:11 ይንትኖ ቆሮንቶሳ አሳዮ፥ ኑ ይንትስ ጌሺ ኦዴዛ፤ ኑ ኡላ ይንታን ዉርሲ ቤዜዛ።
2CO 6:12 ይ ኑና ይ ሲቆ ቤዞዋ ካየነፕ አትን ኑ ኑ ሲቆ ይንታን ካየካያ።
2CO 6:13 አደ ፋ ናእታይስ ኦድዛይ ጋርክ ታ ይንትስ ኦድዛ፤ ኑ ይንታን ኑ ኡላ ቤዜዛይ ጋርክ፥ ይንትካ ይ ኡላ ኑና ቤዞይታ።
2CO 6:14 አማኖዋ አሳይር ቤዞዋ ኦገር ዋጽንትፓተ። ጽሎትꬅኔ ናጋራ አብ ዎል ሄልꬄ? ፖኦስኔ ꬉማስ አባ ፐትፐተꬂ የኔ?
2CO 6:15 ክርስቶሳኔ ጻላሄ ዎል ሄልꬅዛ ባዝ አባ? ማ አማንዛይኔ አማኖዋዛይ ፐትፕ ኮጽዛባዝ አባ?
2CO 6:16 ጾስ ኬꬃይስ ኤቅታይር አባ ፐትፐተꬂ የኔ? ጾሳይ፥ «ታኒ ኡ ጋንጨ የሳዳ፥ ኡ ጋንጨር የꬎዳ። ታኒ ኡ ጾስ ማቆዳ፤ ኡንትካ ታ ዎያ ማቃዳ» ጌዛይ ጋርክ፥ ኑኒ ደኦ ጾስ ኬꬄ።
2CO 6:17 የይ ጋርከካ፥ ጎዳይ፥ «ኡንቲ ጋንጨፕ ሻክንቲ ከዞይታ፤ ቱና ማቄዝ ባዝ ቦችፓተ፤ ታ ይንታን ኤኮዳ።
2CO 6:18 ታ ይንትስ አደ ማቃዳ፤ ይ ታስ ዲርꬅ ናእታኔ ማች ናእታ ማቃዳ፤ ዬግዛ ኡባፕ ዎልቃማ ጎዳይ» ዬጌዛ።
2CO 7:1 ይኬ፥ ታ ዳብታዮ፥ Ꮊ ኡፋይሳይ ኑስ የዝ ግሾስ ኑ አሻኔ ኑ ሸምፖ ቱንስዛ ባዝ ኡባይፕ ኑና ናጎዳ። ጾሳይስ ያሽቲ ኑ ጌሻትꬃ ዎላ ፎሎ ኡዶዳ።
2CO 7:2 ይ ዎዝናፕ ኑና ኤኮይታ። ኑኒ ኦናካ ናቀካያ፤ ኦናካ ቆሄካያ፤ ኦናካ ዶሸካያ።
2CO 7:3 ታኒ የያ ይንታል አፋ ፕርዶዳይስ ጎያ። Ꮊይፕ ቲና ታ ይንትስ ኦዴዛይ ጋርክ፥ ይ ኑ ዎዝናይድ የዛ፤ ኑ ፓጻ የዝንካ Ꮊይቅንካ ይንትፕ ሻክንታሚ።
2CO 7:4 ይንታል አፋ የዝ ታ አማናይ ዳማ፤ ታ ይንታል አፋ ጬቅንትዛይ ዳማ፤ ኑ ዋየ ኡባይድ ኑ ኡፋይትዛ፤ ማ ምንꬃꬅንትዛ።
2CO 7:5 ኑኒ ማቃዶና Ꮊንጌዝ ዎደ ጋመ ኦገር ዋይንቴዛፕ አትን አባ ሸምፎካ ደንገካያ። ባለራ ሞርከር፥ ጋንጨራ ያሻር ኡንእንቴዛ።
2CO 7:6 ዝን አዛኔዝታ ምንꬃꬅዛ ጾሳይ፥ ትቶ ይእꬃይር ኑና ምንꬃꬄዛ።
2CO 7:7 ኑና ምንꬃꬄዛይ ትቶ ይእꬃይድ ኣዳ ባዝን ይንትካ ኤዛ ምንꬃꬄዛ። ይ ታና ላሞቴዛያ፥ ታስ አዛንዛኔ ታስ ቆፕዛና ታ ስኤዝ ዎደ ታና ኡሳ ኡፋይሴዛ።
2CO 7:8 ታ ጻፔዝ ኪታይ ይንታን አዛንꬅኮካ አብስ ጻፌነሻ ግ ቂራꬋሚ። ታ ቂራꬌዛይ ታ ጻፌዝ ኪታይ ይንታን ጽቃ ዎደስ አዛንꬄዝ ግሾስ።
2CO 7:9 Ꮊት ታኒ ኡፋይቴዛይ፥ ታ ይንታን አዛንꬄዝ ግሾስ ባዝን ይ አዛናይ ይንታን ይ ናጋራይፕ ማሄዝ ግሾስ። ጾሳይ ፋ ሸነ ጋርክ ይንታን አዛንꬄነፕ አትን ኑ ይንታን አባራካ ቆሄካያ።
2CO 7:10 ጾስ ሸነ ማቄዝ አዛናይ፥ አቶትꬅኮ ሄልꬅዛ ናጋራፕ ማቅꬅኮ ክእዛ፤ የይካ ቂርሶያ። ዝን Ꮊ ሳአ አዛናይ Ꮊይቆ ክእዛ።
2CO 7:11 Ꮊይ ጾስ ሸነ ጋርክ ማቄዝ አዛናይ አብ ጋርክ ደንꬅꬆ፥ አብ ጋርክ ማህꬅ፥ አብ ጋርክ ካቺ፥ አብ ጋርክ ያሻ፥ አብ ጋርክ ላሞꬅ፥ አብ ጋርክ ቅናተ፥ አብ ጋርክ ኩሸ ከሶ ይ ጋንጨ ከኤዛኮ ሎእꬂ ቦኦይታ። Ꮊ ኡባ ባዛር ይ ጌሽ ማቄዛና ማርካሴዛ።
2CO 7:12 የይ ግሾስ፥ ታኒ Ꮊ ዳብዳባ ይንትስ ጻፌዛይ፥ ቆሄዝ አꬃ ዎይ ቆህንቴዝ አꬃይ ግሾስ ባያ። ዝን ይ ኑስ አብ ጋርክ ቆፔዛኮ ጾስ ቲና ይ፥ ይንታን በአዳይ ጋርክ ጻፌዛ።
2CO 7:13 ኑኒ ኡፋይቴዛይ የይ ግሾሲ። ኑ ኡፋይሳይፕ ኣꬊ ኑና ሎእꬅ ኡፋይሴዛይ፥ ይ ትቶ ኡፋይሴዛይዳኔ ኤ ዎዝና ሸምፕሴዛይዳ።
2CO 7:14 ታኒ ይንታን ናሽቺ ኤስ ኦድን ይ ታና ዬላሰካያ። ዝን ኑኒ ኡባ ዎደ ይንትስ ቱሮ ኦዴዛ፤ Ꮊይ ጋርክ ኑኒ ትቶ ቲና ይንታን ናሼዛይ ቱማ ማቄዛ።
2CO 7:15 ይ ኤስ ያሻር ኩኩሪ፥ ኤዛ ሞኬዛኔ ማ ኤስ አብ ጋርክ ኪትንቴዛኮ ኤ ቆፒ ኤ ይንትስ የዝ ሲቃይ ምንግታር ቅቴዛ።
2CO 7:16 ታኒ ኡባ ባዛር ይንታን አማንንትዛ ግሾስ ኡፋይትዛ።
2CO 8:1 ኑ እሹንꬆ፥ ጾሳይ ማቃዶና የዝ ዎሳ ኬꬅታይስ እንጌዝ ኣꬎ ኬሃትꬃ ይ ኤሮዳይ ጋርክ ኑ ኮይዛ።
2CO 8:2 ኡንቲ ኢታ መቶር ፓጭንቴዛ፥ ዝን ኡ ኡፋይሳይ ዎልቃማ። ኡ ማንቆትꬃይስ ዛዋ ባያ፥ ዝን ኡ ፋ እሞ ዱረትꬃ ጋንꬄዛ።
2CO 8:3 ኡንቲ ፋ ዎልቃይ ጋርከኔ ፋ ዎልቃይፕ ኣꬅ ቃꬊ እንጌዛይስ ታ ማርካ።
2CO 8:4 ኡንቲ ጾስ አሳይ ማድዛ ሎኦ ኦሶ ኑራ ኦꬆዳይስ ኮዪ ኑና ሚንꬂ ዎሴዛ።
2CO 8:5 ኡንቲ ኑ ቆፔዛይፕ ኣꬂ ኦꬄዛ። ቲናቲ ጾስ ሸነ ጋርክ ኡ ፋና ጎዳይስ እንጌዛ፤ ማ የይፕ፥ ፋና ኑስካ እንጌዛ።
2CO 8:6 Ꮊ ሎኦ ኦሳ ቲናቲ አይኬዛይ ትቶ ማቄዝ ግሾስ Ꮊተካ የ ኦꬆዳይድ ይንታን ማዲ፥ የ ኦሳ ፖልሶዳይ ጋርክ ኤዛ ኑ ዎሴዛ።
2CO 8:7 ዝን ይ ኡባ ባዛር፥ አማኖር፥ ኦዳር፥ ኤረትꬃር፥ አዛላ ባይꬅ፥ ኑና ሲቆራኔ ኡባ ባዛር ይ ኣꬍዛይ ጋርክ Ꮊ ሎኦ ኦሳይዳካ ይ ኬሃ ማቆዳይ ጋርክ ኑ ኮይዛ።
2CO 8:8 ታኒ የያ ይንታን አዛዞዳይስ ጎያ። ዝን Ꮊንክታይ አዛላ ባይꬅ እንግዛና ይ ሲቃይር ሄልꬂ ብኢ ይ አብ ጋርክ ቱማዛኮ ኤሮዳይስ ታ ግዛ።
2CO 8:9 ይ ኑ ጎዳ የሱስ ክርስቶሳ ኣꬎ ኬሄትꬃ ኤርዛ። ክርስቶሳ ዱረዛር፥ ይ ኤ ማንቆትꬃይር ዱርቶዳይ ጋርክ ይ ግሾስ ማንቄዛ።
2CO 8:10 ታኒ Ꮊ ኦዳይድ ይንታን ማድዛ ዞረ ዞሮዳይስ ኮይዛ። ይ ዝቅነበረ እንጎዳይስ ኣዳ ባዝን የያ ኦꬆዳይስ ይ ቲና አሞቴዛ።
2CO 8:11 ይ ኦꬆዳይስ አይኬዝ ኦሳ Ꮊት ፖሎይታ። ይ ይንትስ የዛይ ጋርክ እንግኮ፥ የይ ይ እንጎዳይስ ጋመ አሞትዛና ቤዝዛ።
2CO 8:12 ፐቲ አስ እንጎዳይስ አሞትኮ፥ ኤ እማይ ጾስ ቲና ኤክንትዛይ፥ ኤ ፓስ የዛይ ጋርክ እንግኮፕ አትን ባዛይፕ እንጎዳይስ ኡንእንትን ባያ።
2CO 8:13 ታኒ የያ ግዛይ፥ ይ ኡባይ ፐቲ ቃራ ማቆዳይ ጋርከፕ አትን Ꮊንክታይ ጋመ ዋያይፕ ሸምፕን ይ ዋይንቶዳ ጋርከስ ባያ።
2CO 8:14 ይ መትንቴዝ ዎደ ኡ ፑጫይ ይ ፓጫ ኩንꬆዳይ ጋርክ Ꮊት ይ ፑጫይ ኡ ፓጫ ኩንꬆ። ኤዛይድ ይ ፐቲ ቃራ ማቆዳ።
2CO 8:15 ጌሻ ማጻፋይድ፥ «ጋመ ሺሼዛይስ ፑጨካያ፤ ጽቃ ሺሼዛይስካ ፓጨካያ» ግንትንቲ ጻፍንቴዛይ ጋርክ።
2CO 8:16 ኑ ይንትስ ቆፕዛይ ጋርክ ትቶካ ይንትስ ቆፖድ ጋርክ ኦꬄዝ ጾሳይ ጋላትንቶ።
2CO 8:17 ትቶ ይንትኮ Ꮊንጌዛይ፥ ኑ ኤዛ ደንꬅꬄዝ ግሾስ ባዝን ኤ ፋ ሸነር Ꮊንጎዳይስ አሞቴዝ ግሾስ።
2CO 8:18 ዎንግለ ማርካትꬃር ዎሳ ኬꬅ ኡባይድ ሎእꬂ ኤርንቴዝ እሻ፥ ኑኒ ትቶራ ፐትፕ ኪቶዳ።
2CO 8:19 የይል አፋ ኑኒ Ꮊ ኬሃ እማ ካንጎዳር ኤ ኑራ Ꮊማዳይ ጋርክ Ꮊ ሎኦ ኦሳይድ ጎዳ ቦንቾዳይስኔ Ꮊንክታ ማዶዳይስ የዝ አማ ቤዞዳይስ ዎሳ ኬꬃ ኤ ዶርንቴዛ።
2CO 8:20 Ꮊ እንግንቴዝ ኬሃ እማ፥ ኑ ኦሶል አፋ ፔሽታር ቦርንታማይ ጋርክ ናግንቶዳ።
2CO 8:21 ኑኒ ጎዳይ ቲና ኣዳ ባዝን አስ ቲናካ ሎኦ ማቄዝ ባዝ ኦꬆዳ።
2CO 8:22 ማ ጋመ ዎደ ፓጭንቲ ምኖ ማቂ በንቴዝ ኑ እሻ፥ ኡንታራ ይንትኮ ኪቴዛ። ኤ ይንታል ሎእꬅ አማንንትዛ ግሾስ Ꮊት ይንታን ማዶዳይስ ጋመ አሞትዛ።
2CO 8:23 ትቶ ባጋ ኤሮዳይስ ኮይኮ፥ ኤ ይንታን ማዶዳይስ ታራ ኦꬅዝ ታ ኦሶ ዣመ። Ꮊንኮ እሽታይ ባጋ ማቅኮ ዎሳ ኬꬅታይ ኪቴዝታ፤ ማ አሳይ ኡ የሳ ብኢ ክርስቶሳና ቦንችዛ።
2CO 8:24 የይ ግሾስ፥ ዎሳ ኬꬅታይ ይ ሲቃኔ ኑ ይንታን ናሽዛይ ቱማ ማቄዛና ቆንጭሶዳይስ ይ ሲቆ Ꮊ አስታ ቤዞይታ።
2CO 9:1 አማንዛ አሳይስ ከስዛ ሚሽያባጋ ታ ይንትስ ጻፎዳይስ ኮሾያ።
2CO 9:2 ይ ማዶዳይስ ሎእꬅ አሞትዛና ታ ኤርዛ። ይ አካያ አሳይ፥ ዝቅነበረፕ አይኪ ማዶዳይስ ጊግንቴዛና ታኒ ማቃዶና አሳይስ ዶና ኩንꬅ ኦዴዛ። ይ ግታ አማይካ ኡንታፕ ጋምታ ደንꬅꬄዛ።
2CO 9:3 Ꮊ ኦሳይድ ይንታል ኑ ጬቅንትዛ ጬቃይ ጨረ ማቃማይ ጋርክ ቲና ይ ባጋ ታ ኦዴዛይ ጋርክ ይ ጊግንቲ ናጎዳይ ጋርክ Ꮊ እሽታ ይንትኮ ኪቴዛ።
2CO 9:4 ማቃዶና አሳይ ታራ ይኢ፥ ይ ጊግንተካዝን፥ ደንግኮ፥ ኑ ይንታል ዬላቶዳ፤ ማ ይ ኑፐ ኣꬎ ዬላቶዳ።
2CO 9:5 የይ ግሾስ፥ Ꮊ እሽታይ ታፕ ቲናቲ ይንትኮ Ꮊንጊ፥ ይ እንጎድ ጌዝ እሞ ቲናቲ ጊግሶድ ጋርክ ታ ኡንታን ኪቴዛ። ታኒ ሄሎዳር ያ እማይ ጊጊ በትዛ። የ ዎደ የ ኬሃትꬃር እማይ ዎልቃር ባዝን ዶሶር ማቄዛና ኤርስዛ።
2CO 9:6 ጽቃ ዘሬዛይ ጽቃ ሺሾዳ፤ ጋመ ዘሬዛይ ጋመ ቡጮዳ ዬግዛያ አካኮይታ።
2CO 9:7 ጾስ ኡፋይሳር እንግዛ አꬃ ዶስዛ ግሾስ ዎልቃር ዎይ ሞርኤር ባዝን ፐቲ ፐቲ አስ ፋ ዎዛናይር ቆፔዛይ ጋርክ ዶሶር እንጎዳይስ ቤዝዛ።
2CO 9:8 ኡባ ዎደ ኡባ ባዛር ይንታን ዳንዳእ ሎኦ ኦሶ ኡባይስ ፔሾዳይስ ይንትስ ግዶዳይ ጋርክ ጾሳይ ይንትስ ፋ አንጆ ጋንꬆዳ።
2CO 9:9 ጌሻ ማጻፋይድ፥ «ኤ ፋ ሻላ ማንቅታይስ ላሌዛ፤ ኤ ጽሎትꬃይ መꬍናስ የዝዛ» ዬግዛ።
2CO 9:10 ዘርዛይስ ዘረꬅ፥ ማዳይስ ካꬃ እንግዛ ጎዳይ፥ ይ ዘርዝ ዘርꬃ ጋንꬂ እንጎዳ። ይ ጽሎትꬅ ኣፋካ ጋንꬆዳ።
2CO 9:11 ጋመ አሳይ ይ እንግዛ እማ ኑፕ ኤኪ፥ ጾስ ጋላቶዳይ ጋርክ፥ ይ ኡባ ዎደ ጋንꬂ እንግዝታ ማቆዳይ ጋርክ ጾሳይ ይንታን ኡባ ባጋር ዱርሶዳ።
2CO 9:12 Ꮊ ይ እንግዛ እማይ አማንዛ አሳይ ፓጨ ኩንꬆ ኣዳ ባዝን አሳይ ጾሳ ጋላትዛ ኦገ ማቅዛ።
2CO 9:13 Ꮊ ይ ኦሳይ ይ አማና ኤርሲ ክርስቶሳ ዎንግለ ይ አማኔዛኔ ኤስ ኪትንቲ ይንትስ የዛ ባዝ ኡንታራኔ Ꮊንክታይር ሻክንቴዝ ግሾስ ኡባይ ጾሳ ቦንቾዳ።
2CO 9:14 ጾሳይ ይንትስ እንጌዝ ኣꬎ ኬሃትꬃይ ግሾስ ኡ ይንትስ ጾሳ ዎስታር ይንታን በአዳይስ ላሞትዛ።
2CO 9:15 ዛዋ ባ ጾስ እማይስ ጾሳይ ጋላትንቶ።
2CO 10:1 ታ ይንታር የዛ ዎደ ሃዮ፥ ማ ይንትፕ ሃክን ኑል አፋ ሚንግዛ ዬግንቴዝ፥ ጳዉሎሳ፥ ኬሃኔ አሽከ ማቄዝ ክርስቶሳ ሱንꬃር ይንታን ዎስዛ።
2CO 10:2 ታኒ ይንትኮ Ꮊንጎዳር ኑና አሾ ቆፋር ዩይዛ አስ ኡዲ ቆፕዛ አሳይል አፋ ምኖ ቃላር ኦድንቶዳይስ ቆፔዛ። ይንታል አፋ የይ ጋርክ ኦድንቶዳይ ጋርክ ይ ታና ኦꬃማይ ጋርክ ይንታን ዎስዛ።
2CO 10:3 ኑኒ Ꮊ ሳአል የዝኮካ Ꮊ ሳአ አስ ጋርክ ኦልንታም።
2CO 10:4 ኑ ኦላ ሚሻይ Ꮊ ሳአሳ ባያ። ዝን ምሽገ ላሎዳይስ ዎልቃር የዝ ጾስ ቶራ።
2CO 10:5 ጾስ ኤራትꬃል አፋ ꬉበ ማቂ ደንድዝ ፓላማኔ ኡትራ ቆፋ ኡባ ላሎዳ። አስ ቆፋ ኡባ ድኢ ክርስቶሳስ አዛዝንቶዳይ ጋርክ ኦꬆዳ።
2CO 10:6 ይ ኪትንታይ ፎሎ ማቄዝ ዎደ ኑኒ ኪትንቶ እጾ ኡባ ሴሮዳይስ ጊግንቴዛ።
2CO 10:7 ይ ብእዛይ አሾ ኣፋይር በንትዛያ። ኦንካ ፋና ክርስቶሳ ባጋ ግ አማንንቲ ቆፕዛባዝ ማቅኮ፥ ኑካ ክርስቶሳ ባጋ ማቄዛና ኤሮ።
2CO 10:8 ጎዳይ ታስ እንጌዝ ማዉተር ጬቅንትኮካ የይድ ዬላታሚ። የ ማዉታይ ታስ እንግንቴዛይ ይንታን ድቾዳይሳፕ አትን ቆሆዳይስ ባያ።
2CO 10:9 ታኒ ታ ጻፌዝ ኪትታይድ ይንታን ያሽሾዳይስ ኮዪ ጻፌዝ ባዝ ይንትስ ኣዝፐ።
2CO 10:10 ፐቲ ፐቲ አሳይ፥ «ጳዉሎሳ ጻፌዝ ኪታይ ዴጾኔ ዎልቃማ፥ ዝን ኤዛ በአዳር ኤ ዳቡራንቻ፤ ኤ ኦዳይካ ፓꬆዋ ባዝ» ዬግዝ ኣዝዛ።
2CO 10:11 የ አስታይ ኑ ሃኮ የዛር ጻፍዛ ዳብዳባይራኔ ኡከ ይንታር የዛር ኦꬅዛ ኦሳይ ጋንጨ ዱማትꬂ ባዛና አካኮ።
2CO 10:12 ኑኒ ፋና ሳብዛ አስታይር ኑና ፓይዶዳይስ ዎይ ቃራሶዳይስ ኮዮያ። ዝን ኡንቲ ፋና ፓር ሄልꬂ ዎይ ቃራስ ብእታር የዛይር ኡንትስ አካኬዛ ኣዝፐ።
2CO 10:13 ዝን ኑኒ ጾሳይ ኑስ እንጌዝ ꬋሳይድ ጬቅንትነፕ አትን ዛዋ ኣꬊ ጬቅንቶያ፤ የ ዛዋይ ይንትኮካ ሄልዛ።
2CO 10:14 ኑኒ ቤዝዛይፕ ኣꬂ ጬቅንቶያ፥ ዝን ክርስቶሳ ዎንግለ ይንትኮ ሄልꬄዛይድ ጬቅንቶዳ።
2CO 10:15 ኑኒ ጾሳይ ኤሴዝ ዛዋ ፒንጊ፥ Ꮊንክታይ ኦꬄዝ ኦሶር ጬቅንታሚ። ሀኖ ዝን፥ ይ አማናይ ድጮዳይ ጋርክ ጾሳይ እንጌዝ ዛዋይድ ይ ጋንጨ ኑ ኦꬅዛ ኦሳይ ዳልጎዳ ግ ቆፕዛ።
2CO 10:16 ኑኒ ሀራ አስ ፋ ዛዋይል ኦꬄዝ ኦሶል ገሊ ጬቅንተካር ይንትፕ ፒንጊ ሀራስ ዎንግለ ማርካቶዳይስ ዳንዳእዛ።
2CO 10:17 ዝን፥ ጌሻ ማጻፋይድ፥ «ጬቅዛ ኡባይ ጎዳይል ጬቆ» ዬጊ ጻፍንቴዛ።
2CO 10:18 ጎዳይ ናሽዛ አꬃይፕ አትን ፋና ፓስ ናሽዛ አꬃይ ናሽንቶያ።
2CO 11:1 ታ ጽቃ ቦዘትꬃ ይ ጋርዦዳና ታ አሞትዛ፤ ሀያና ዳንዳኦይታ።
2CO 11:2 ጾሳይ ይንትስ ቆፔዛይ ጋርክ፥ ታካ ይንትስ ቆፕዛ። ታኒ ይንታን ፋና ናጌዝ ዉድርቶ ፐቲ ፓንꬃይ ማእስዛይ ጋርክ፥ ክርስቶሳስ እንጎዳይስ ኦይጪ ጋዴዛ።
2CO 11:3 ዝን ሾሺ ፋ ገናይር ህዋኖ ባልꬄዛይ ጋርክ ኦ ኤሬ ይ ዎዝናይ ኢቲ ክርስቶሳስ የዝ ይ ሉለትꬃኔ ጌሸትꬃ ይ አሾደሻ ግ ታ ህርግዛ።
2CO 11:4 ፐቲ አስ ይኢ፥ ኑኒ ይንትስ ማርካቴዝ የሱሳፕ ሀራ የሱሳ ይንትስ ማርካትኮ፥ ዎይ ይ ኤኬዝ አያናይፐኔ ዎንግላይፕ ሀራ አያናኔ ዎንግለ ይንትስ ኦድኮ፥ ይ ስእ ግ ኤክዛ።
2CO 11:5 ዝን ታኒ ኡንቲ ፋና «ኑ ዳማ ሀዋርታ» ግዝታይፕ ታ ታና ጽቅዛ ግ ቆፓሚ።
2CO 11:6 ታኒ ኦዳ ኤሮዋ አስ ማቅኮካ፥ ኤራትꬂ ታስ የዛ። የያ ታ ይንትስ ጋመ ኦገር ቤዜዛ።
2CO 11:7 ታኒ ሚሸ ኦይጨካ ጾስ ዎንግለ ይንትስ ጨረ ኦዴዛኔ ይንታን ꬎቅ ኡዲ ታና ቶቼዛይ ታስ ናጋራ ጋርክ ፓይድንቶደሻ?
2CO 11:8 ታኒ ይንታን ማዶዳይስ ሀራ ዎሳ ኬꬅታይፕ ሚሸ ቦንቂ ኤኬዛ።
2CO 11:9 ታ ይንታር የዝ ዎደ ታና መትንካ ይንትፕ ፐቲ አስካ ዋይꬄካያ። ማቃዶናፕ የኤዝ እሽታይ ታና ኮሽዛ ባዝ ኡባይድ ማዴዛ። Ꮊይኖ ሄሎዳይስ ታ ይንትስ ቶፎ ማቀካያ ቲናስካ ቶፎ ማቃሚ።
2CO 11:10 ክርስቶሳ ቱማትꬃይ ታል የዝን፥ ታ ጬቃ አካያ ቢታ ታና ኦንካ ካየና።
2CO 11:11 ታ Ꮊያ አብስ ግኔ? ይንታን ዶሶዋ ግሾሶነ? ታኒ ይንታን ዶስዛና ጾስ ኤርዛ።
2CO 11:12 Ꮊንኮ ሀዋርታይ «ኑካ ኡ ጋርክ ኦꬆዳ» ዬጊ ጬቅዛ ኡ ጬቃይስ ኦገ ꬋብሶዳይስ Ꮊት ታ ኦꬅዛና ቲናስካ ኡዶዳ።
2CO 11:13 Ꮊይ ጋርክ አስታይ ክርስቶሳ ሀዋረ ኣዞዳይስ ፋና ላምዛ ዎርዶ ሀዋርታኔ ዶሻ ኦሳንችታ።
2CO 11:14 የይ ማላባዝ ባያ፤ አብስ ጊኮ፥ ጻላሄ ፖኦ ኪታንቾ ኣዞዳይስ ፋና ላምዛ።
2CO 11:15 የይ ግሾስ፥ ጻላሄ ኦሳንችታይ ጽሎትꬅ ኦሳንችታ ኣዞዳይስ ፋና ላምኮ የይ ዳማባዝ ባያ። ኡንቲ ዉርስꬃል ፋ ኦሳይ ጋርክ ኤኮዳ።
2CO 11:16 ኦንካ ታና ቦዞ ግ ቆፓማይ ጋርክ ማህካ ኦድዛ። ታ ይንትስ ቦዞ ኣዝኮካ ታ ላፋር ጬቅንቶዳይ ጋርክ ታና ቦዞ ኡዲ ኤኮይታ።
2CO 11:17 ታኒ Ꮊይ ጋርክ ጬቅንቲ ኦድንታይ፥ ጎዳይ ኮይዝ ጋርክ ባዝን ቦዘትꬃር ኦድዛ።
2CO 11:18 ጋመ አሳይ Ꮊ ሳአባዛር ጬቅንትዛ ግሾስ ታካ ጬቅንቶዳ።
2CO 11:19 ይ ዎዛናማ ማቄዝ ግሾስ ቦዞ አስባዝ ኡፋይሳር ዳንዳእዛ።
2CO 11:20 ኦንካ ይንታን አይለ ኡድኮ ዎይ ይንታን ቦንቂኮ ዎይ ፓስ ማድንቶዳይስ ይንትኮ ሺቅኮ ዎይ ይንታል አፋ ኡትርትኮ ዎይ ይንታን ባቂኮ ይ ዳንዳእዛ።
2CO 11:21 ኑኒ የያ ኦꬆዳይስ ጋመ ዳቡራ ማቄዛና ዬላትታር ታ ኦድዛ። ዝን ኦንካ ሚንጊ ጬቅንትኮ፥ ታካ ሚንጊ ጬቅንቶዳ። ታኒ የያ ቦዞ አስ ጋርክ ኦድንትዛ።
2CO 11:22 ኡንቲ እብራወ? ታካ እብራወ። ኡንቲ እስሬለ? ታካ እስሬለ። ኡንቲ አፍራመ ሼሾ? ታካ አፍራመ ሼሺ።
2CO 11:23 ኡንቲ ክርስቶሳ ኦሳናቾ? ታኒ ኤያ አስ ጋርክ ኦድዛ፥ ኡንታፕ አꬊዝ ክርስቶሳ ኦሳንቾ። ታኒ ኦሶር ጋመ ዳቡሬዛ፤ ኡንደና ዎደ አጭንቴዛ፤ ጋራፍንቴዛ፤ ጋመ ዎደ Ꮊይቆስ ሄሌዛ።
2CO 11:24 አይሁድታይ ታና ሀስታማኔ ኡዱፉን እችን ቶኬ ጋራፌዛ።
2CO 11:25 ሀይꬒ ቶኬ ጉፈር ሾጭንቴዛ፤ ፐቲ ቶኬ ሹቻር ሾጭንቴዛ፤ ማርካበ ሀይꬒ ቶኬ መቄዛ፤ አባ ጋንጨ ፐቲ ቃማ ኩንꬅ አቅ ፔዤዛ።
2CO 11:26 ታኒ ጋመ ኦገ ዳቡራር የꬌዛ። ክጻ ሃꬅ ድኦፐኔ ፓኖፕ ዋየ ታና ሄሌዛ። አይሁድታይኔ አይሁደ ማቀካ አሳይ ታል አፋ መቶ ሄልꬄዛ። ካታማ፥ ሊዦ፥ አባ፥ ታና ያሼዛ፤ አማንዛ ኣዝዛ አስታይ ታና ዋይሴዛ።
2CO 11:27 ታኒ ኦሶር ዳቡረዛኔ ጫዌዛ፥ ጋመ ቶኬ ገንታ ꬋቤዛ፥ ናይንቴዛ፥ ሳምንቴዛ፥ ጋመ ቶኬ ጾሜዛ፥ ሜግንቴዛ፥ ካሎቴዛ።
2CO 11:28 ሀራ ባዝ ኡባ ፓይዳምጽኮካ ኡባ ዎደ ታና ዎሳ ኬꬃታይባዝ ቆፍስዛ።
2CO 11:29 ፐቲ አስ ዳቡሮዳር ኤዛር ታ ዳቡረካዛይ አይደ? ፐቲ አስ ናጋራራ ꬉብንትን ታ አይደ ካጨካ አሼነ?
2CO 11:30 ታ ጬቅንቶዳይስ ቤዝዛ ባዝ ማቅኮ ታኒ ዳቡራ ማቄዛና ኤርስዛባዛር ጬቅንቶዳ።
2CO 11:31 መꬍናስ ቦንችንቴዝ ጾሳይ፥ ኑ ጎዳ የሱስ ክርስቶሳ ኣዳ፥ ታ ዎርዶቶዛና ኤርዛ።
2CO 11:32 ዳማስቆ ካታማይድ አረታሳ ግዝ ካታይፕ ኦሞር ሃርዛይ ታና አይꬆዳይስ ከዚ ዳማስቆ ካታማ ፐንጋ ናግሴዛ።
2CO 11:33 ዝን አሳይ ታና ዳቾ ጋንጨ ኦሊ፥ ካታማ ጋሰ ማስኮተር ዎꬍስን ታኒ ኤ ኩሸፕ አቴዛ።
2CO 12:1 ጬቅንቶ አብካ አዶያ። ዝን ጬቅንታይ ኮሽኮ፥ ጎዳይፕ ኤኬዝ ቆንጭꬃይር ጬቆዳ።
2CO 12:2 ታጶ ኦይዲ ላይꬃፕ ቲና፥ ክርስቶሳ አማንዛ ፐቲ አꬃይ ሃይꬓንꬆ ሳሎ Ꮊንጌዛና ታ ኤርዛ። የ አꬃይ Ꮊንጌዛይ አሾር ማቆ ዎይ አሾር ማቃምንጾ ታ ኤሮያ፤ ጾሲ ኤርዛ።
2CO 12:3 የ አꬃይ ሃይꬒንꬃ ሳሎ ኤክንቴዛና ታ ኤርዛ። ዝን ኤ ኤክንቴዛይ አሾር ዎይ አሾር ማቃምንጾ ታ ኤሮያ፤ ጾሲ ኤርዛ።
2CO 12:4 የ አꬃይ ገነተ ኤክንቲ አሲ ቆንጭሶዳይስኔ አሲ ኦዶዳይስ ዳንዳኦዋ ባዝ ስኤዛ።
2CO 12:5 ታኒ የ አꬃያ ባዛይ ግሾስ ጬቅንቶዳ፥ ዝን ታኒ ታ ዳቡራይፕ አትን ታል ጬቅንትዛባዝ ባያ።
2CO 12:6 ታኒ ቱሮ ኦድንትዝ ግሾስ ጬቅንቶዳይስ ኮይኮካ ቦዞ ባያ። ዝን አሲ ታ ኦꬅዛና ብእዛይፐኔ ስእዛይፕ ኣꬂ ቆፓም ጋርክ ግ ጬቅንቶፕ ናግንቶዳ።
2CO 12:7 ታስ ቆንጬዝ ዳማ ቆንጭꬃር ታ ኡትርታማይ ጋርክ ታና ኡንእስዛ ታ አሻይድ ጫድዛ ጻላሄ ኪታንቻይ ታስ እንግቴዛ።
2CO 12:8 Ꮊ ኡንእꬅዛ ባዝ ታፕ ሃሶዳይ ጋርክ ታኒ ጎዳ ሀይꬒ ቶኬ ዎሴዛ።
2CO 12:9 ዝን ጎዳይ፥ «ታ ዎልቃይ ነ ዳቡራር በንትዝ ግሾስ ታ ኣꬎ ኬሃትꬃይ ኔስ ማቆዳ» ዬጌዛ። ክርስቶሳ ዎልቃይ ታል በንቶዳይ ጋርክ ታ ዳቡራር ኡፋይትታር ጬቅንትዛ።
2CO 12:10 ታኒ ክርስቶሳ ግሾስ ዳቡርዛ ዎደ ጫዥንትዛ ዎደ ዋይዛ ዎደ ባይእንትዝ ዎደ መትንትዛ ዎደ ታ ዳቡርሳይር ኡፋይትዛ። አብስ ጊኮ፥ ታ ዳቡርዛ ዎደ የ ዎደ ሚንግዛ።
2CO 12:11 ታኒ ቦዞ አሲ ጋርክ ኦዴዛ። የይ ጋርክ ታ ጬቅንቶዳይ ጋርክ ኦꬄዛይ ይንታና። ታ፥ ታ ኡባስ ኤርንቶዋ አስ ማቅኮካ፥ «ዳሞ ሀዋርታይፕ» አባራካ ላፎያ። የያ ታስ ማርካቶዳይስ ቤዝዛይ ይንታና።
2CO 12:12 ታ ይ ጋንጨ የዛር ዳንዳአር ኦꬄዝ ማላባዝታኔ ማሊታይ ዎልቃ ኦስታይ ታ ቱማ ሀዋረ ማቄዛና ቤዝዛ።
2CO 12:13 ታ ይንትስ ቶፎ ማቀካ አቴዛይፕ አትን Ꮊንኮ ዎሳ ኬꬅታይፕ ይ አባር ጽቄኔ? የይ ባላ ማቅኮ ታና ማሮይታ።
2CO 12:14 ታኒ ይንትኮ Ꮊንጎዳይስ ጊግንቶዳር Ꮊይ ታስ ሃይꬒንꬆ። ታ ይንታፕ አትን ይንትስ የዛ ባዝ ኮዮዋ ግሾስ ይንታን ዋይሶዳይስ ኮዮያ። የሌዝታይ ፋ ናእታይስ ሻሎ ምንጅነፕ አትን ናእታይ ፋና የሌዝታይስ ሻሎ ምንጆያ።
2CO 12:15 ታ ይ ግሾስ ታስ የዛባዝኔ ታና ኣꬂ እንግኮካ ታና ኡፋይስዛ። የዝን፥ ታኒ ይንታን Ꮊይ ጋርክ ዎልቃማ ሲቆ ሲቅዛ ዎደ ይ ታና ላፋር ሲቅነኔ?
2CO 12:16 ሀኖፕ አትን፥ ታ ይንትስ ቶፎ ማቀካያ፤ ዋይሰካያ፤ ዝን ይንታን ዶሻራኔ ገነር አይኬዝባዝ ይንትስ ኣዞ አታሚ።
2CO 12:17 ሀራ አቶዝን፥ ታ ይንትኮ ኪቴዝ አስታይፕ ይንታን ዶሼዝ አስ የኔ?
2CO 12:18 ትቶ ይንትኮ Ꮊንጎዳይ ጋርክ ታ ዎሴዛ፤ ማ አማንዛ እሻካ ኤዛር ዳኬዛ። የዝን፥ ትቶ ይንታን ዶሽኔ? ኑኒ ኑ ኦሳ ፐቲ አያናር ኦꬄካሳ? ማ ኑ ሀናይራካ ፐቶ ባሳኔ?
2CO 12:19 ኑ ኡባ ዎደ ይ ቲና ኑና ጽልሶዳይስ ሞትንትዛባዝ ይንትስ ኣዝኔ? ኑ ክርስቶሳር የዚ ጾስ ቲና Ꮊኖ ሄሎዳይስ ኦድዛ። ኑ ሲቆ እሹንꬆ፥ ኑ Ꮊ ኡባ ኦድዛይ ይንታን ድቾዳይሲ።
2CO 12:20 ታ ይንትኮ Ꮊንግዛ ዎደ ኦኒ ኤሬ ይ ታ ኮይዛይ ጋርክ ሀነካ፥ ማ ታካ ይ ኮይዛይ ጋርክ ሀነካዛር ዎል ሄሎ አታሚ ግ ያሽትዛ። ማ ኦኒ ኤሬ ይ ጋንጨ ፓላማ፥ ቅናተ፥ ካቺ፥ ፋና ቃ፥ ሀዎዛ አስ ሱንꬅ ኢሶ ኡትራኔ ጫቦቶ የሰ አታሚ ግ ታ ያሽትዛ።
2CO 12:21 ታኒ ናምእንꬆ ይንትኮ Ꮊንጎዳር ጾሳይ ይ ቲና ታና ካዉሾዳ ግ ታ ያሽትዛ። ብኒ ናጋራ ኦꬂ ፋ ኦꬄዝ ቱናትꬃይፕ፥ ላግታ ቃይጸ ዬላꬅዛ ኦሶፕ ማቀካ አስታ ብኢ አዛኖ አሻሚ ግ ህርግዛ።
2CO 13:1 ታ ይንትኮ የኦዳር Ꮊይ ሃይꬒንꬆ። አባ ሞቶካ ናምአር ዎይ ሀይꬒ ማርካር ሚንግዛ።
2CO 13:2 ታኒ ናምእንꬆ ይንታን ሄሌዝ ዎደ ይ ጋንጨ ቲና ናጋራ ኦꬄዝ አꬃኔ Ꮊንክታ ኡባ ሴሮ አሻሚ ግ ኦዳይል ጉጄዛ። Ꮊት ታ ሃኪ የዝኮካ ማቂ ይንትኮ Ꮊንጌዝ ዎደ ኦስካ ቃꬊንታሚ።
2CO 13:3 ታር የዝ ኦድዛይ ክርስቶሳ ማቄዛና ይ ኤሮዳይስ ኮይዛ። ኤ ይንታር ኦድታር ዎልቃማፕ አትን ይ ጋንጨ ዳቡራ ባያ።
2CO 13:4 ክርስቶሳ ማዝቃለል አፋ ዳቡራር ሶትንቴዛ፥ ዝን ጾስ ዎልቃር ደኦ የዝዛ። ኑካ ኤዛር ዳቡርታ ማቄዛ። ዝን ይንታር ኦꬅዛ ኦሳይር ጾስ ዎልቃር ደኦ የዞዳ።
2CO 13:5 አማኖር ሚንጊ የዛኮ ይንታን ይንትስ ፓጪ ቦኦይታ። ፓጨር ይ ፖከካ አትኮ፥ ክርስቶሳ ይንታር የዛና ይ ኤርዛ። ዝን ክርስቶሳ ይንታር የዛም እጽኮ ይ ፖኮዳ።
2CO 13:6 ኑኒ ፓጨር ፖኮዋዛና ይ ኤርዛ ግ አማንዛ።
2CO 13:7 ይ ኢታ ባዝ ኦꬃማይ ጋርክ ኑኒ ጾስ ዎስዛ። ኑኒ ምኖ ማቄዛና አሳይ በአዳይ ጋርክ ባዝን ኑኒ ምኖ ማቃም እጽኮካ፥ ይ ሎኦ ባዝ ኡዶድ ጋርክ ኑኒ ዎስዛ።
2CO 13:8 ኑኒ ቱማስ ኦꬅነፕ አትን ቱማር ኤቅንትዛባዝ አብካ ኦꬃሚ።
2CO 13:9 ኑ ዳቡሮዳር ይ ማ ምንግኮ ኑና ኡፋይስዛ። ይ ቦሮ ባዝታ ማቆዳይ ጋርክ ኑ ይንትስ ጾሳ ዎስዛ።
2CO 13:10 ታኒ ይንትፕ ሃኮ የዛር ጻፌዛይ የይ ግሾስ። ታኒ ይንትኮ Ꮊንጌዝ ጋላስ ጎዳይ ታስ እንጌዝ ማዉታይል አንክቲ ይንታል አፋ ጎዳቶዳይስ ኮዮያ። ጎዳይ ታስ ማዉተ እንጌዛይ፥ ይንታን ሚንꬆዳይሳፕ አትን ላሎዳይስ ባያ።
2CO 13:11 Ꮊይፕ ገደ ታ እሹንꬆ፥ ሳሮ የዞይታ። ቦሮ ባይꬅ የዞይታ፤ ታ ዞራ ስኦይታ። ፐቲ ዎዛና ማቂ የዞይታ፤ ሳሮትꬃር የዞይታ። ሲቆኔ ሳሮ እንግዝ ጾሳይ ይንታር ማቆዳ።
2CO 13:12 ጌሽ ዬራ ዬርንቶር፥ ዎል ሳሮꬆይታ።
2CO 13:13 ጾሳ አሳይ ኡባይ ይንታን ሳሮ ሳሮ ዬግዛ።
2CO 13:14 ጎዳ የሱስ ክርስቶሳ ኣꬎ ኬሃትꬃይ፥ ጾስ ሲቃይ፥ ጌሻ አያና ፐትፐተꬃይ ይ ኡባይር ማቆ።
GAL 1:1 አሳፕ ዎይ አስ ባጋር ባዝን የሱስ ክርስቶሳፕ ኤዛ Ꮊይቆፕ ደንꬄዝ ጾስ አዳይፕ ሀዋረ ማቃድ ጋርክ ኪትንቴዝ ታ ጳዉሎሳ፥
GAL 1:2 ታር የዝ አማንዛ እሽታይ ኡቢታይፕ፥ ጋላትያ ጋደ የዛ ዎሳ ኬꬅታይስ ኪትንቴዝ ኪታ።
GAL 1:3 ጾስ ኑ አዳይፐ ኑ ጎዳ የሱስ ክርስቶሳፐ ይንትስ ኣꬎ ኬሃትꬅኔ ሳሮትꬂ ማቆ።
GAL 1:4 Ꮊ ኢታ አላማይፕ ኑና አሾዳይስ፥ ኑ ጾሳይኔ ኑ አዳይ ሸነር ክርስቶሳ ኑ ናጋራ ግሾስ ፋና ኣꬂ እንጌዛ።
GAL 1:5 ጾሳይስ መꬊናፕ መꬍና ሄሎዳይስ ቦንቾ ማቆ። አምንኤ።
GAL 1:6 ክርስቶሳ ኣꬎ ኬሃትꬃር ይንታን ጼጌዝ ጾሳ አሺ፥ ሀራ ዎንግላይኮ ይ ኤልሲ ዋይዚ ማቄዛኮ ታስ ማላባዝ ማቄዛ።
GAL 1:7 ይንታን ባልꬅታራኔ ክርስቶሳ ዎንግለ ዎብሶዳይስ ኮይዝ ፐቲ ፐቲ አስታይ የዛፕ አትን ቱማ ዎንግላይ ፐቶ።
GAL 1:8 ዝን ኑና ማቅን ዎይ ሳሎ ኪታንቾ ማቅን ኑን ይንትስ ቲና ኦዴዝ ዎንግላይፕ ዱማትዛ ሀራ ዎንግለ ይንትስ ኦዴዝባዝ ማቅኮ፥ ኤ ጫዥንቴዛ ማቆ።
GAL 1:9 Ꮊይፕ ቲና ታኒ ጌዛይ ጋርክ Ꮊተካ ማሂ ግዛ። ይ ኤኬዝ ዎንግላይፕ ዱማትዛ ዎንግለ ኦንካ ይንትስ ኦድኮ የ አꬃይ ጫዥንቴዛ ማቆ።
GAL 1:10 የዝን፥ ታና አሲ ናሽቾድ ጋርክ ኮይነኔ? ጾሲ ናሽቾድ ጋርኬ? ታ አስ ኡፋይሶዳይሶኔ? ታ አስ ኡፋይሶዳይስ ኮይዝ ባዝ ማቅኮ፥ ክርስቶሳ አይለ ማቃምዝን።
GAL 1:11 ታ እሹንꬆ፥ ታ ይንትስ ኦዴዝ ዎንግላይ አሳፕ ሀነካዛ ይ ኤሮድ ጋርክ ታ ኮይዛ።
GAL 1:12 ታስ Ꮊ ዎንግላ የሱስ ክርስቶሳ ዶዬዛፕ አትን አሳፕ ኤከካያ ዎይ አሲ ታና ታማርሰካያ።
GAL 1:13 ታ ቲና አይሁድታይ አማናይድ የዝ ዎደ ዋይዚ የዜዛኮ፥ ይ ስኤዛ። ታ ጾሳ ዎሳ ኬꬅ ባይኦዳይስኔ ꬋብሶዳይስ ቡትቴዛ።
GAL 1:14 አይሁድታይ አማና ናጎር ታኒ፥ ታ ዎዳይድ የዝ ጋመ አይሁደ ዳብታይፕ ኣꬍዛ። ኑ አድታይ ዎጋይስካ ኡባፕ ኣꬂ ምጭንትዛ።
GAL 1:15 ዝን ታ ሀጋ የልንቶዳይፕ ቲና ጾሳይ ታና ዶሬዛ፤ ፋ ኣꬎ ኬሃትꬃራ ታና ጼጌዛ።
GAL 1:16 አይሁደ ባ አሳይስ ዎንግለ ኦዶድ ጋርከ ጾሳይ ፋ ናአ ታስ ቆንጭሶዳይስ ኮዬዝ ዎደ ታ ኦራካ ዞርንተካያ።
GAL 1:17 ዎይ ታፕ ቲና ሀዋረ ማቄዝታይር ዎል ሄሎዳይስ የሩሳላመ Ꮊንገካያ። ዝን ታ ቲናቲ አራበ ቢታ Ꮊንጌዛ፤ የይፕ ማቂ ዳማስቆ ካታማ የኤዛ።
GAL 1:18 ሀይꬒ ላይꬃፕ ጉየ፥ ኬፋ ግንትዝ ጵጽሮሳ ሄሎዳይስ የሩሳላመ Ꮊንጊ ኤዛር ዎላ ታጶ እችን ቃማ በቴዛ።
GAL 1:19 ዝን ጎዳይ እሻ ያይቆባፕ አትን Ꮊንኮ ሀዋርታ ታ በኤካያ።
GAL 1:20 ታ ይንትስ ጻፍዛይ ዎርዶ ባዛና ጾስ ቲና ይንትስ ኦድዛ።
GAL 1:21 የይፕ ጉየ፥ ታኒ ሶራ ቢታኔ ክልቃ ቢታ Ꮊንጌዛ።
GAL 1:22 ይሁዳ ጋንጨ የዝ ዎሳ ኬꬅ አሳይ ታና ብኢ ኤረካያ።
GAL 1:23 ዝን ኡንቲ፥ «ካሰ ኑና ባይእꬅዝ አꬃይ፥ Ꮊት ኤ ꬋብሶዳይስ ኮይዝ አማናይ ባጋ ሳባክዛ» ዬግዛና ስኤዛ።
GAL 1:24 ስኤዝ ኡባይ ታ ባጋስ ጾሳ ጋላቴዛ።
GAL 2:1 ታጶ ኦይዲ ላይꬃፕ ጉየ፥ ባርናባሳር ማቂ የሩሳላመ ታ Ꮊንጌዛ። የ ዎደ ትቶና ታ ታር ኤኪ Ꮊንጌዛ።
GAL 2:2 ጾሳይ ታስ ቆንጭሴዝ ቆንጭꬃይር ኤዛይድ Ꮊንጊ አይሁደ ባ አስ ጋንጨ ታ ሳባክዛ ዎንግላ ኡንትስ ቆንጨ ከሴዛ። ቲና ታ ዎጼዝ ዎꬃይኔ Ꮊተካ ታ ዎጽዛ ዎꬃይ ጨረ ማቃም ጋርክ ግ ካልꬅዝታ ዱማ ሺሺ ኡንትስ ኦዴዛ።
GAL 2:3 ሀራ አቶዝን፥ ታር የዝ ትቶ ግርከ አስ ማቅኮካ፥ ዶካልንቶ ግ ኤዛ ጪጲቸካያ።
GAL 2:4 ማቆዝን፥ አማንዛ እሽታ ኣዚ ኑ ጋንጨ ገሌዝ ፐታይ ፐታይ ኤ ዶካልንቶድ ጋርክ ኮዬዛ። የ አስታይ ክርስቶስ የሱሳር ኑስ የዝ ዋሎትꬃ ቦንቂ ኤኮዳይስ ዙርቅንቲ ኑ ጋንጨ ገሊ ማሂ ኑና አይልꬆዳይስ ኮይዛ።
GAL 2:5 ዝን ቱማ ዎንግላይ ይንታር ሚንጊ የዞድ ጋርክ ኑኒ ሀራ አቶዝን፥ ጽቃ ዎደስካ ኡንትስ ኩሸ እንገካያ።
GAL 2:6 ዝን አቅስዝታ ኣዝዝ አሳይ ኦናትꬃይ ታስ አብካ ማቀካያ። ጾሲ አስ ኣፈ ብኢ ፕርዶያ። Ꮊ አስታይ ታ ማርካትዝ ዎንግላይል አፋ ጉጄዝ ባዝ ባያ።
GAL 2:7 ዝን ጵጽሮሳ፥ አይሁድታይስ ዎንግለ ኦዶ ግ ጾሳይ ኤዝስ ሀዳራ እንጌዛይ ጋርክ ታስካ አይሁደ ባ አሳይስ ዎንግለ ኦዶድ ሀዳራ እንጌዛና ኡንቲ ጉየፕ ኤሬዛ።
GAL 2:8 ይኬ፥ ጵጽሮሳ አይሁድታይ ሀዋረ ማቃዳይ ጋርክ ኦꬄዝ ጾሳይ፥ ታናካ አይሁደ ባ አሳይስ ሀዋረ ማሄዛ።
GAL 2:9 ማ ቱስ ኣዚ በንትዝ ያይቆባ፥ ጵጽሮሳኔ ዋንሳ፥ ታስ እንግንቴዝ ኣꬎ ኬሄትꬃ ብኢ ኑር ማድንቶዳይስ ታስኔ ባርናባሳስ ፋ ኡሻች ኩሻ እንጌዛ። ኑኒ አይሁደ ባ አሳይኮ፥ ማ ኡንትካ አይሁደ አስታይኮ Ꮊማዳይስ ማእንቴዛ።
GAL 2:10 ኡ ኑና ሚንꬂ ሀዳራ ጌዛይ፥ ኑኒ ማንቅታይስ ቆፖዳና። ካሰካ ታ የያ ኦꬆዳይስ አሞትዛይሲ።
GAL 2:11 ጵጽሮሳ አንጾካ ካታማ Ꮊንጊ ባልንቴዝ ግሾስ ታኒ ኤ ቲና «ኔኒ ባልንቴዛ» ግ ጋይሌዛ።
GAL 2:12 ያይቆባ ኪቲ ዳኬዝ ጽቃ አሳይ የኦዳይፕ ቲና ኤ አይሁደ ባ አስታይር ዎላ ሚዛ፥ ዝን ኡንቲ የኤዛይፕ ጉየ፥ «አይሁደ ባ አሳይፕ አማኔዝታይ ዶካልንቶዳይስ ቤዝዛ» ግዝ አሳይስ ያሽቲ ኡንታፕ ሻክንቴዛ።
GAL 2:13 ማ Ꮊንኮ አማኔዝ አይሁድታይ ጵጽሮሳ ሀና ካሌዛ። ሀራ አቶዝን፥ ባርናባሳካ ኤ ቆፋይድ ገሌዛ።
GAL 2:14 ዝን ኡንቲ ዎንግለ ቱማትꬃር ሉለ የꬎዛና ታ ብኢ፥ ጵጽሮሳና አስ ኡቢታይ ቲና፥ «ኔኒ አይሁደ ማቅታር፥ አይሁደ ዎጋይ ጋርክ ባዝን አይሁደ ባ አስ ጋርክ የዝዛ፤ የዝን፥ ዋይዚ አይሁደ ባዝታይስካ፥ አይሁደ ዎጋይድ የዞይታ ግ ነ ዎልቃቴ?» ዬጌዛ።
GAL 2:15 ኑኒ የልንቶ አይሁደ፥ ዝን ናጋራ ኦꬅዝ አይሁደ ባ አስ ጋርክ ባያ።
GAL 2:16 ዝን አሲ የሱስ ክርስቶሳ አማኒ ጽልዛፕ አትን ህገ ናጊ ጽሎዛና ኑ ኤርዛ። ኦንካ ህገ ናጊ ጽሎዋ ግሾስ ኑካ ህገ ናጎር ባዝን ክርስቶሳ አማኒ ጽሎድ ጋርክ ክርስቶስ የሱሳና አማኔዛ።
GAL 2:17 ክርስቶሳ ባጋር ጽሎዳይስ ኮይታር፥ ኑካ ናጋራ ኦꬅዛባዝ ማቅኮ የዝን፥ ኑ ናጋራ ኦꬆድ ጋርክ ደንꬅꬅዛይ ክርስቶሳ ጉሶኔ? ዋኣ!
GAL 2:18 ይኬ፥ ታ ላሌዛና ህገ ዎጋ ማሂ ኬጽዛ ማቅኮ ታኒ ታ ኡባስ ህገ መንꬅዛ ማቄዛና ቤዝዛ።
GAL 2:19 ታኒ ጾስስ ፓꬅ የዞዳይ ጋርክ ህገ ባጋር ህገስ Ꮊይቄዛ።
GAL 2:20 ታኒ ክርስቶሳር ዎላ ሶትንቴዛ። ታኒ Ꮊይፕ ታስ የዛሚ፥ ዝን ክርስቶሳ ታር የዛ። ታ Ꮊት የዝ የሳ፥ ታና ቃꬊ ታ ግሾስ ፋና ኣꬂ እንጌዝ ጾስ ናአ አማኒ የዛ።
GAL 2:21 ታኒ ጾስ ኣꬎ ኬሄትꬃ ጨረ ኡዳሚ። ጽሎትꬂ አስስ ህገ ባጋር በንትዝ ባዝ ማቄዛኮ፥ ክርስቶሳ ጨር Ꮊይቄዝ ጉሲ።
GAL 3:1 ይንታኖ፥ አካካ ባ ጋላትያ አስታዮ፥ ይ ኣፋይ ቲናይድ ክርስቶሳ ማዝቃለል አፋ ሶትንቴዛይ ጋርክ ምስልንቲ ፕ በንትዛ። የዝን፥ ቱማስ ይ ኪትንታማይ ጋርክ ይንታን ብቴዛይ ኦኖ?
GAL 3:2 ፐት ባዝ ታ ኤሮዳይስ ኮይዛ፤ ይ ጌሻ አያና ኤኬዛይ ህገ ናጎራኔ ዎይ ይ ስኤዝ ዎንግላ አማኖራ?
GAL 3:3 ይ Ꮊይ ጋርክ ቦዞ? ይ ጾስ አያናር አይኪ፥ Ꮊት አሾር ፖሎዳይስ ኮይኔ?
GAL 3:4 ይ ዎንግለ ባጋር ጋመ ዳቡሬዛይ ጨሬ? የ መቶ ኡባይ ጨረ ማቃሬ?
GAL 3:5 ጾሳይ ይንትስ ጌሻ አያና እንግዛይኔ ይ ጋንጨ ማላ ባዝ ኦꬅዛይ፥ ይ ህገ ናጌዛይ ግሾኔ? ዎንግለ ስኢ አማኔዝ ግሾሶ?
GAL 3:6 አን አፍራመና ቦኦይታ፥ «ኤ ጾሳና አማኔዛ፤ ጾሳይ ኤዝስ የያ ጽሎትꬅ ማሂ ታይቤዛ» ዬግንቲ ጻፍንቴዛ።
GAL 3:7 ይኬ፥ አማንዝታይ አፍራመ ናእታ ማቅዛና ኤሮይታ።
GAL 3:8 ጾሳይ አይሁደ ባ አስ አማኖር ጽልꬆዳና ጌሻ ማጻፋይ ቲና ብኢ፥ «ዎያ ኡባይ ነ ባጋር አንጅንቶዳ» ዬጊ፥ ምሽራቾ ቃላ አፍራመስ ቲናቲ ኦዴዛ።
GAL 3:9 የይ ግሾስ፥ አማንዛ ኡባይ አማኔዝ አፍራመር ዎላ አንጅንቴዛ።
GAL 3:10 ህገ ናጊ ጽሎድ ግዝ ኦንካ ጫዥንቴዛ። አብስ ጊኮ፥ ጌሻ ማጻፋይድ፥ «ህገ ማጻፋይ ጋንጨ ጻፍንቴዝ ኡባ ናጎዋ ኦንካ ጫዥንቴዛ ማቆ» ግንትንቲ ጻፍንቴዛ።
GAL 3:11 «ጽሎ አስ አማኖር የዞዳ» ግንትንቲ ጻፍንቴዝ ግሾስ ኦንካ ጾስ ቲና ህገ ናጊ ጽሎዛይ ኤርንቴዝ ባዚ።
GAL 3:12 ህገ አማኖር ዎላ Ꮊንጎያ። ዝን፥ «ህገ ህገር የዞዳይስ ዳንዳእዛይ ህገ አዛዞ ኡባ ፖልኮ» ዬጌዛ።
GAL 3:13 «ምꬃል አፋ ሶትንቲ Ꮊይቅዝ ኦንካ ጫዥንቴዛ» ግንትንቲ ጻፍንቴዝ ግሾስ ክርስቶሳ ኑ ግሾስ ጫዥንቴዛ ማቂ፥ ኑና ህገ ጫሻፕ ዎዜዛ።
GAL 3:14 ጾሳይ አፍራመስ እንጌዝ አንጆ፥ የሱስ ክርስቶሳ ባጋር አይሁደ ባ አስ ሄሎድ ጋርከኔ ጾሳይ እማድ ጌዝ ጌሻ አያና ኑኒ አማኖር ኤኮድ ጋርክ የያ ኦꬄዛ።
GAL 3:15 ታ እሹንꬆ፥ ታ ይንትስ አስ የሳር ጋምእ የዛ ባዝ ኣዝሶ ኡዲ ኦድዛ። አሲ ጫቄዝ ጫቆ ቃላይ ምንጌዛይፕ ጉየ፥ ኦንካ የ ጫቆ ቃላ ሻሮዳይስ ዎይ ኤዛል አፋ ሀራ ጉጆዳይስ ዳንዳኦያ።
GAL 3:16 ጾሳይ የ ኡፋይስ ቃላ አፍራመስኔ ኤ ሼሻይስ እንጌዛ። ጌሻ ማጻፋይ፥ ጋመ አስስ ኦድዛይ ጋርክ፥ «ነ ሼሽታይስ» ጎያ። ዝን ፐቲ አስስ ኦድዛይ ጋርክ፥ «ነ ሼሻይስ» ዬግዛ፤ ኤዝካ ክርስቶሳ።
GAL 3:17 ታኒ ግዛይ Ꮊያ፤ ኦይዲ ጼታኔ ሀስታም ላይꬃፕ ጉየ እንግንቴዝ ህጋይ፥ ቲና ጾሳይ ምንꬄዝ ጫቆ ቃላ ሻሪ ኡፋይስ ቃላ ꬋብሶዳይስ ዳንዳኦያ።
GAL 3:18 ጾሳይ እንግዝ ላታይ ህገር ኤክንትዛባዝ ማቄዛኮ ጾሳይ እንጌዝ ኡፋይሳይ ባጋር ማቅዛይ አትዛ። ዝን ጾሳይ ፋ ኣꬎ ኬሃትꬃር ላታ አፍራመስ ኡፋይስ ቃላ ባጋር እንጌዛ።
GAL 3:19 የዝን፥ ህጋይ አብስ እንግንተኔ? ህገ እንግንቴዛይ፥ አፍራመስ ኡፋይስ ቃላ እንግንቴዝ ዘርꬃይ የኦድ ጋꬆ ኢታ ኦሶ አብዛኮ ኤርሶዳይሲ። ህገ ኪታንችታይ ባጋር እንግንቲ፥ ጋንጨ ማቂ ዳቦꬅዛ ፐቲ አስ ባጋር ኦሶል አፋ ፔዤዛ።
GAL 3:20 ጋንጨ ማቂ ዳቦꬅዛ አꬃይ ፐቲ ባጋ ኣዳፕ ባያ፥ ዝን ጾሳይ ፐቶ።
GAL 3:21 የዝን፥ ህጋይ ጾስ ኡፋይስ ቃላ እጽነኔ? እጾያ! ህገ እንግንቴዛይ ደኦ እማዳይስ ማቄዛኮ፥ ጽሎትꬂ ህገ ባጋር በንቶዳዝን።
GAL 3:22 ዝን የሱስ ክርስቶሳ አማንን በንትዝ ኡፋይስ ቃላይ አማንዝታይስ እንግንቶድ ጋርክ አላማይ ኩንꬃይ ናጋራ አቻ የዛና ጌሻ ማጻፋይ ኦድዛ።
GAL 3:23 ዝን አማኖ የኦዳይፕ ቲና ህገ ኑና አጪ ጋዴዛ። የ አማናይ በንቶድ ጋꬆ ህጋይ ኑል አፋ ጎርዲ ጋዴዛ።
GAL 3:24 የይ ግሾስ፥ ኑኒ አማኖር ጽሎዳይ ጋርክ ክርስቶሳ የኦድ ጋꬆ ህጋይ ናአ ናግዝ አስ ጋርክ ኑና ናግዛያ ማቄዛ።
GAL 3:25 ዝን Ꮊተ አማኖ የኤዝ ግሾስ ህገ Ꮊይፕ ጉየ ናአ ናግዝ አስ ጋርክ ማቄዝ ህጋይ ኦሞር አቅꬅ አቴዛ።
GAL 3:26 ይ ኡቢታይ የሱስ ክርስቶሳና አማኒ ጾስ ናእታ ማቄዛ።
GAL 3:27 ክርስቶሳር ፐቶ ማቆዳይስ ጻማቅንቴዝ ኡቢታይ ክርስቶሳና አፍላ ጋርክ ማኤዛ።
GAL 3:28 ይ ኡቢታይ ክርስቶሳር ፐቶ ማቄዝ ግሾስ አይሁደ አስ ጋንጨኔ ግርኬ አስ ጋንጨ፥ አይለ ጋንጨኔ ዎማኖ ጋንጨ፥ ꬊራꬅ ጋንጨኔ ማች ጋንጨ ዱማትꬂ ባያ።
GAL 3:29 ይኬ፥ ይ ክርስቶሳስ ማቅኮ ይ አፍራመ ኮቺ። ጾስ ኡፋይስ ቃላይ ጋርክ ይ ላትዝታ።
GAL 4:1 Ꮊተካ ታ ግዛይ Ꮊያ። ላትዛ ናአይ ዱደትꬃ የዛ ዎደ፥ ሻሎ ኡባይ ኤባዝ ማቅኮካ፥ ኤ አይለፕ አባራካ ዱማቶያ።
GAL 4:2 ዝን ኤ አዳይ ጌዝ ዎዳይ ሄሎዳይስ ኤ ሀዳራ ኤኬዝታይ ኩሸኔ ናግዝታይ ኩሸ የዝዛ።
GAL 4:3 የይ ጋርክ፥ ኑኒ አያና ባዝስ ዱደ ማቂ የዝ ዎደ አላመ ዎጋስ አይልቴዛ።
GAL 4:4 ዝን ዎዳይ ሄልን ጾሳይ ማቻፕ የልንቴዝ ፋ ናአና ኪቴዛ። ኤዝካ ህገስ አዛዝንቴዛያ ማቄዛ።
GAL 4:5 ኤ የያ ኦꬄዛይ፥ ህገስ ሃርንቲ የዝታ ዎዞዳይስኔ ኑና ፋ ናእታ ኦꬆዳይሲ።
GAL 4:6 ኑ ጾስ ናእታ ማቄዝ ግሾስ «አቦ፥ ታ አዳዮ» ዬጊ ጼግዝ ፋ ናአይ አያና ኑ ዎዛና ጋንጨ ኪቴዛ።
GAL 4:7 የይ ግሾስ፥ Ꮊይፕ ኔኒ ጾስ ናአፕ አትን አይለ ባያ። ኔኒ ኤ ናአ ማቅኮ፥ ጾሳ ላትዛ አስ ማቅዛ።
GAL 4:8 ይ ቲና ጾስ ኤሮዋ ዎደ ጾስ ባዝታይስ አይለ ማቂ ሃርንቴዛ።
GAL 4:9 ዝን Ꮊት ይ ጾስ ኤሬዛ፤ ኡባራካ ጾሳር ኤርንቴዛ። የዝን ፓꬆዛይኮኔ ማዶዋ አላመ ዎግታይኮ ጉየ ዋይዚ ማቄ? ዎꬊ ኤቂ፥ ዋይዚ ኡንትስ አይለ ማቆዳይስ ኮዬ?
GAL 4:10 ዱማ ማቄዝ ጋላስታ፥ አግንታ፥ ዎድታኔ ላይꬅታ ይ ሎእꬂ ቦንችዛ።
GAL 4:11 ታ ይ ጋንጨ ይንትስ ዳቡሬዛይ ጨረ አቶደሻ ግ ታ ያሽቴዛ።
GAL 4:12 ታ እሹንꬆ፥ ታ ይ ጋርክ ሀኔዝ ግሾስ ይንትካ ታ ጋርክ ሀኖይታ ግ ይንታን ዎስዛ። ይ ታና አባራካ ቆሄካያ።
GAL 4:13 ታኒ ቲና ሀርግንትታር ይንትስ ዎንግለ ኦዴዛና ይ ኤርዛ።
GAL 4:14 ታ ሀርጋይ ይንትስ ፓጨ ማቅኮካ፥ ይ ታና ሳልንተካያ፤ እጸካያ። ዝን ታና ጾስ ኪታንቾ ዎይ ክርስቶስ የሱሳ ሞክዛይ ጋርክ ሞኬዛ።
GAL 4:15 የዝን፥ የ ይንትስ የዛ ኡፋይሳይ ኡባይ አና Ꮊንጌኔ? ይንትስ ዳንዳእንቴዛኮ፥ ይ ይ ኣፋ ከሲ ታስ እንግዛኮ እጻምዛና ታ ማርካትዛ።
GAL 4:16 የዝን፥ ታ ይንትስ ቱማ ኦዴዝ ግሾስ ይንትስ ሞርከ ማቃረኔ?
GAL 4:17 የ አሳይ ይንታን ፋኮ ማሆዳይስ ኮይዛ፥ ዝን ኡ ቆፋይ ሎኦስ ባያ። ኡ ቆፋይ ይንታን ሻጎዳይስኔ ይ ኡንትስ ቆፖድ ጋርክ ኦꬆዳይሲ።
GAL 4:18 ሎኦ ባዝ ኦꬆዳይስ አሞትኮ ሎኦ፥ ዝን የይ ታ ይንታር የዝ ዎደ ኣዳ ባዝን ኡባ ዎደ ማቆ።
GAL 4:19 ታ ሲቆ ናኡንꬆ፥ ክርስቶሳ ይንታል ምስልንቶድ ጋꬆ የሎስ ማች እቅንትዛይ ጋርክ ታ ይ ግሾ ማካ እቅንትዛ።
GAL 4:20 ካሴሳይፕ ታ ቆፋ ላሞዳይስ ኮዬዛዝን ታስ ኤርንታም እጽን ታ መትንቴዛ።
GAL 4:21 ህገስ ሃርንቲ የዞዳይስ ኮይዝታዮ፥ አን ታስ ኦዶይታ፤ ህጋይ ዋግዛኮ ይ ኤሮሳ?
GAL 4:22 ጌሻ ማጻፋይ፥ «አፍራመስ ጋꬊንዳትፐኔ ጎዳታትፕ የልንቴዝ ናምኢ ናእታይ የዛ» ዬግዛ።
GAL 4:23 ጋꬊንዳቲ ናአይ አስ ናአ የልንትዛይ ጋርክ የልንቴዛ፥ ዝን ጎዳታቲ ናአይ ጾስ ኡፋይሳ ቃላር የልንቴዛ።
GAL 4:24 Ꮊ ማችታይ ናምኢ ጫቅታይስ ኣዝሶ ማቂ ኤክንትዛ። ኡንታፕ ፐታት፥ ሲና ደረላፐ የኤዛና፥ ፋ ናእታ አይለትꬅስ የሌዛ፤ እዛካ አጋሮ።
GAL 4:25 አጋራ አራበ ቢታል የዝ ሲና ደረር ኣዝስንቲ Ꮊት የዝ የሩሳላመ ኣዝዛ። አብስ ጊኮ፥ እዛ ፋ ናእታይራ አይለትꬃ የዛ።
GAL 4:26 ዝን ሳሎፕ ማቄዝ የሩሳላመ አይለትꬃር የዞያ፤ እዛ ኑስ ኡባይስ እንዶ።
GAL 4:27 ጽሎ ማጻፋይ፥ «ቡሽተ፥ የለካ ꬎንꬃቴ ኡፋይቶባ፤ ቡሽተ እቅንት ኤሮዛኔ እልሶባ። አዝናር የዝ ማቻትፕ፥ አዝኒ ባ ማቻትስ ናእታይ ጋመ» ዬግዛ።
GAL 4:28 ታ እሹንꬆ፥ ይ እሳቃ ጋርክ ጾስ ኡፋይስ ቃላር የልንቴዝ ናእታ።
GAL 4:29 ዝን የ ዎደ አስ ዎጋር የልንቶዳይስ፥ አያና ዎልቃር የልንቴዛና ባይኤዛ። Ꮊይኖካ የይ ጋርከ።
GAL 4:30 ዝን ጌሻ ማጻፋይ ዋጌ? «ጋꬊንዳቲ ናአይ ጎዳታቲ ናአይራ ዎላ ላቶዋ ግሾ ጋꬊንዳቶ እ ናአይራ ዎላ ከሲ ዳኮባ» ዬግዛ።
GAL 4:31 የይ ግሾ፥ ታ እሹንꬆ፥ ኑኒ ጎዳታቲ ናእታይፕ አትን ጋꬊንዳቲ ናእታ ባያ።
GAL 5:1 ኑኒ ዋሎትꬃር የዞዳይ ጋርክ ክርስቶሳ ኑና አይለትꬃፕ ከሴዛ። ይኬ፥ ሚንጊ ኤቆይታ፤ ማቂ አይለትꬅ ቃምባራይድ ገልፓተ።
GAL 5:2 ታ፥ ጳዉሎሳ፥ ግዛ ስኦይታ። ይ «ዶካልንቶ ማድዛ» ግ ይ ዶካልንቶዳይስ ኮይኮ፥ ክርስቶሳ ይንታን አብካ ማዶያ።
GAL 5:3 ዶካልንትዛ ኦንካ ህጋይ ኪትዛ ኡብታ ፖሎዳይስ ቤዝዛና ማሂ ታ ኦድዛ።
GAL 5:4 ህገ ናጊ ጽሎዳይስ ኮይዝታይ፥ ክርስቶሳፕ ሻክንቴዛ፤ ጾስ ኣꬎ ኬሃትꬃይፕ ይ ሃኬዛ።
GAL 5:5 ዝን ኑኒ ጾስ አያና ባጋር አማኖር ጽሎዳይስ ኡፋይሳር ናግዛ።
GAL 5:6 ይኬ፥ ክርስቶስ የሱሳር የዝኮ፥ ሲቆር በንትዝ አማኖፕ አትን ዶካልንትን፥ ዶካልንተካ አትን ኑና አብካ ማዶያ።
GAL 5:7 ቲና ይ ሎኦ ዎጽዛ፥ ዝን Ꮊት ቱማስ አዛዝንታማይ ጋርክ ይንታን ካዬዛይ ኦኖ?
GAL 5:8 Ꮊይ ጋርክ ኢታ ዶሻይ ይንታን ጼጌዝ ጾሳይፕ የኤካያ።
GAL 5:9 የይካ፥ «ጽቃ እርሾ ሙኑቆ ኡባ ደንꬅዛ» ግንትንቲ ጻፍንቴዛይ ጋርክ።
GAL 5:10 ይንትስ ሀራ ቆፋ ባዛይስ ታ ጎዳይል አማንንትዛ። ዝን ይንታን ቡቅዝ ኦንካ ጾሳፕ ፋ ፕርዳ ኤኮዳ።
GAL 5:11 ታ እሹንꬆ፥ ታ Ꮊያ ሄሎዳይስ ዶካልንቶ ሳባክዛባዝ ማቅኮ፥ የዝን ታና አብስ ባይኤ? የይ ቱማ ማቄዛኮ ክርስቶሳ ማዝቃላይ ባጋ ታማርሳይ አስስ ꬉበ ማቃምዝን።
GAL 5:12 ይንታን ቡቅዝታይ ፋና ዶካልꬅ ኣዳ ባዝን ፋና ቃራትዛኮካ ታ ዶስዛ።
GAL 5:13 ታ እሹንꬆ፥ ይ ዋሎ የዞዳይስ ጼግንቴዛ። ማቆዝን፥ ይ ዋሎትꬃይ አሾ አሞትꬅ ፖሎዳይስ ይንትስ ሳንከ ማቅፐ፤ የይፕ ኣꬂ ፐታይ ፐታ ሲቆር ማዶይታ።
GAL 5:14 ህገ ኡባይ፥ «አስ ነ ኡባይ ጋርክ ቃꬎባ» ዬግዝ ፐቲ ቃላር አጭንትዛ።
GAL 5:15 ዝን ይ ፐታይ ፐታይር ሳጽንትዝባዝኔ ሚንትንትዝባዝ ማቅኮ፥ ይ ዎል ዉርሳማይ ጋርክ ናግንቶይታ።
GAL 5:16 ይኬ፥ ታ ይንትስ ኦድዛ፤ አያናር የዞይታ፤ ይ አሾ አሞ የሻ ፖልፓተ።
GAL 5:17 አሾ አሞ አያና አሞር ሞርከ፤ ማ አያና አማይካ አሾ አሞራ ሞርከ። ኡንቲ ፐታይ ፐታይር እጽንትዛ ግሾስ ይ ዶስዛባዝ ኦꬆዳይስ ዳንዳኦያ።
GAL 5:18 ዝን አያናይ ይንታን ካልꬅዛ ባዝ ማቅኮ ህገ ይንታን ሃሮያ።
GAL 5:19 አሾ ኦስታይ ኤርንቴዝታ፤ ኡንትካ፥ ላግተ፥ ቱና ኦꬆ፥ ቃይጸ፥
GAL 5:20 ኤቃስ ጎይኖ፥ ቢታ፥ ሞርክንቶ፥ ካቺ፥ ቅናተ፥ ጫሺ፥ ፋና ዶስꬂ፥ ሻክንቶ፥ ኢታ ቶባ
GAL 5:21 ገነ፥ ማꬄ፥ የꬅኔ የይትታ ኣዝዝታ። ቲና ታ ይንትስ ኦዴዛይ ጋርክ Ꮊተካ ታ ይንትስ ኦድዛ። Ꮊይ ጋርክ ባዝታ ኦꬅዝታይ ጾስ ካተትꬂ ላቶያ።
GAL 5:22 ዝን አያና ኣፋይ፥ ሲቆ፥ ኡፋይሲ፥ ሳሮትꬂ፥ ምንꬃꬆ፥ ሃዮትꬂ፥ ሎኦትꬂ፥ አማኖ፥
GAL 5:23 አሽከትꬂ፥ ፋና ሃሮ። Ꮊይ ጋርክ ባዝታ እጽዛ ህገ ባያ።
GAL 5:24 ክርስቶሳ የሱሳስ ማቄዝታይ ፋ አሾ ኤ ኢታ ቆፋይራኔ ኤ አማይራ ዎላ ማዝቃለል አፋ ሶቴዛ።
GAL 5:25 ኑ አያናር የዛ ባዝ ማቅኮ፥ ኑና አያናይ ካልꬆ።
GAL 5:26 አን ፐታይ ፐታ ይሎስታራኔ ቅናትታር ጨር ጬቅንትꬃ ዎላ አሾዳ።
GAL 6:1 ታ እሹንꬆ፥ አሲ ባልንቲ ቡታ ባዝ ኦꬅኮ፥ አያናር የዝ ይ የ አꬃ አሽከትꬃር ሉልሶይታ። ዝን ኔኒ የይ ጋርከ ባዛር ፓጭንታም ጋርክ ነና ናጎባ።
GAL 6:2 ፐታይ Ꮊንካይ ዴጾ ቶፋ ቶኮ፥ ዬዝኮ ክርስቶሳ ህጋ ይ ፖልዛ።
GAL 6:3 ፐቲ አሲ አኮካ ባዝን፥ ፋና Ꮊንክታይፕ ሎኦ ግ ቆፕኮ፥ ኤ ፋና ዶሽዛ።
GAL 6:4 ዝን ፐቲ ፐቲ አሲ ፋ ኦሳ ፋጮ። የይፕ ጉየ፥ ሀራ አሳር ፋና ቄልꬅዛ አሺ ፓስ ጬቅንትዛ ባዝ ደንግዛ።
GAL 6:5 ፐቲ ፐቲ አሲ ፋ ቶፎ ፓስ ቶኮዳይስ ቤዝዛ።
GAL 6:6 ጾስ ቃላ ታማርዛ ኦንካ ሎኦ ባዝ ኡባ ፋ አስታማራይራ ግሽንትዛ።
GAL 6:7 ይ፥ ይንታን ባልꬅፓተ። አሲ ፋ ዘሬዛኖ ማሂ ማጽዛ ግሾ ጾሳ ዶሽፓተ።
GAL 6:8 ፋ አሾ አሞ ኩንꬆዳይስ ዘርዝ ኦንካ፥ ፋ አሾ እናፕ Ꮊይቆ ማጾዳ። ዝን አያና ኡፋይሶዳይስ ዘርዝ ኦንካ አያናፕ መꬍና ደኦ ማጾዳ።
GAL 6:9 አን ሎኦ ኦሶ ኦꬆዳይስ አዛልዛና ዎላ አሾዳ። ኑኒ አዛላም እጽኮ ዎዳይ ሄሌዝ ዎደ ኑ ዘሬዛና ማጾዳ።
GAL 6:10 ኑ ጊጋ ዎደ ደንግኮ፥ አስ ኡባይስ፥ ኣꬅካ አማንዛ አስስ ሎኦ ባዝ ኦꬆዳ።
GAL 6:11 ታኒ ታ ኩሻይር፥ አብ ጋርክ ዳማ ፕዳለር ይንትስ ጻፌዛኮ ቦኦይታ።
GAL 6:12 አስ ቲና ሎኦ ማቂ በንቶዳይስ ኮይዝ አሳይ ይ ዶካልንቶድ ጋርክ ኮይዛ። ዝን የያ ኡንቲ ኦꬅዛይ፥ ክርስቶሳ ማዝቃለ ግሾ ኡንታን ባይእꬂ ሄላማይ ጋርከ።
GAL 6:13 ኡንቲ ይ ዶካልንታይር ጬቅንቶዳይስ ኮዪ ይንታን ዶካልንቶ ግዛፕ አትን ዶካልንቴዝታይካ ፋ ኡባስ ህገ ናጎያ።
GAL 6:14 ዝን ኑ ጎዳ የሱስ ክርስቶሳ ማዝቃላይፕ አትን ሀራ አላማይ ታስ ሶትንቴዛይኔ ታንካ አላማይስ ሶትንቴዝ ጬቅንታይ ታፕ ሃኮ።
GAL 6:15 ይኬ፥ ዶካልንትን ዶካልንተካ አትን አብካ ማዶያ። ማድዛይ የሱስ ክርስቶሳር ኦሮꬅ መትꬂ ማቅꬂ።
GAL 6:16 Ꮊ ዎጋ ካልዛ ኡቢታይስኔ ጾስስ ዎያ ማቄዝ እስራኤለስ ሳሮትꬅኔ ማሮትꬂ ማቆ።
GAL 6:17 ታኒ የሱሳስ ሾጭንቴዝ ታ አሻይል የዝ ቤታይ ታ የሱሳስ አይለ ማቄዛና ቤዝዛ ግሾ Ꮊይፕ ገደ ታና ኦንካ ዋይꬅፐ።
GAL 6:18 ታ እሹንꬆ፥ ኑ ጎዳ የሱስ ክርስቶሳ ኣꬎ ኬሃትꬃይ ይንታር ማቆ። አምንኤ።
EPH 1:1 ጾስ ሸነር ክርስቶሳ የሱሳ ሀዋረ ማቄዝ ጳዉሎሳፕ፥ ኤፍሶነ የዝ ጌሽታይስኔ ክርስቶሳ የሱሳ አማንዝታይስ ጻፍንቴዝ ኪታ።
EPH 1:2 ጾስ ኑ አዳይፐኔ ጎዳ የሱስ ክርስቶሳፕ ኣꬎ ኬሃትꬅኔ ሳሮትꬅ ይንትስ ማቆ።
EPH 1:3 ሳሎ የዝ አያና አንጆ ኡባይር ክርስቶሳ ባጋር ኑና አንጄዝ፥ ኑ ጎዳ የሱስ ክርስቶሳ አዳይ፥ ጾሳይ ጋላትንቶ።
EPH 1:4 ኑኒ ኤ ቲና ገሸትꬃር ቦሮ ባዝታ ማቆዳይ ጋርክ ጾሲ አላመ መꬊንቶዳይፕ ቲና ክርስቶሳ ባጋር ፋ ሲቆር ኑና ዶሬዛ።
EPH 1:5 ጾሲ ፋ ሸናይድ ፋ ዶሴዛይ ጋርክ የሱስ ክርስቶሳ ባጋር ኑና ፋ ናእታ ኡዶዳይስ ቲናቲ ቆፒ ጋዴዛ።
EPH 1:6 ጾሲ ፋ ሲቅዛ ናአይ ባጋር ኑስ ጨረ እንጌዝ ቦንችንቴዝ ኣꬎ ኬሃትꬃይ ጋላትንቶዳይ ጋርክ የያ ኡዴዛ።
EPH 1:7 ጾሳ ኣꬎ ኬሃትꬅ ዱረትꬃይ ጋርክ ክርስቶሳ ሱꬃር ዎዝንቲ ናጋራስ አቶትꬅ ኑ ደንጌዛ።
EPH 1:8 ፋ ኣꬎ ኬሃትꬃ ኤጨትꬃራኔ ኤራትꬃር ጋንꬂ ኑስ እንጌዛ።
EPH 1:9 ጾሳይ ፋ ቆፒ ጋዴዛይ ጋርክ ክርስቶሳ ባጋር ኤ ሸነ ጹራ ኑ ኤሮዳይ ጋርክ ኦꬄዛ።
EPH 1:10 ዎደ ሄሎዳር ጾሲ ፖሎዳይስ ቆፔዝ ቆፋይ፥ ሳሎኔ ሳአ የዝ መትꬅ ኡባ ክርስቶሳፕ ኦሞ ኡዶዳይሲ።
EPH 1:11 ኡባ ባዝ ፋ ሸነ ጋርክ ኦꬅዛ ጾሳይ፥ ቲናቲ ፋ ቆፒ ጋዴዛይ ጋርክ ክርስቶሳ ባጋር ኑኒ ኤ እርስታ ላቶዳይ ጋርክ ኑና ዶሬዛ።
EPH 1:12 የይ ሀኔዛይ፥ ክርስቶሳል ኡፋይስ ጋዲ ናጎር ቲና ማቄዝ ኑኒ ጾስ ቦንቻ ጋላታር ቆንጭሶዳይ ጋርከሲ።
EPH 1:13 ይንትካ ይ አቶትꬅ ዎንግለ፥ የይካ ቱማ ቃላ ስኤዝ ዎደ ክርስቶሳ አማኔዛ። ጾሳይ ይንትስ እንጎድ ጌዝ ጌሻ አያና ማታመ ይንታል ጋዴዛ።
EPH 1:14 የይካ ጾስ ቦንቻይ ጋላትንቶዳይ ጋርክ ጾሳይ ፋ አሳ ዎዞድ ጋꬆ ጌሻ አያና ኑ ላቶድ ጋዳይስ ኑስ ሳꬅ ኡዲ እንጌዛ።
EPH 1:15 የይ ግሾስ፥ ጎዳ የሱሳል ይንትስ የዝ አማናኔ ጌሽታይስ የዝ ይ ሲቃ ታ ስኢ
EPH 1:16 ታ ዎሳይር ይንታን ቆፕታር ይ ግሾስ ጾሳ ጋላትዛና አሸካያ።
EPH 1:17 ኑ ጎዳ የሱስ ክርስቶሳ ጾሳ፥ ቦንቾ ኣዳ ይ ኣꬂ ኤሮዳይ ጋርክ ኤጨትꬅኔ ቆንጭꬅ አያና ይንትስ እማዳይ ጋርክ ታ ዎስዛ።
EPH 1:18 ጾሳይ ይንታን ጼጌዝ ኡፋይሳይኔ ጌሽታይ ላትዛ ቦንቾ ላታይ አብ ጋርክ ጋሜዛኮ ይ ኤሮዳይስ ጾሳይ ይ ዎዝና አፋ ዶዮድ ጋርክ ታኒ ጾሳ ዎስዛ።
EPH 1:19 ማ ኤዛ አማንዛ ኑር ኦꬅዛ ኤ ዎልቃይ አብ ጋርክ ኣꬎ ዳማዛኮ ይ ኤሮዳይ ጋርክ ታ ዎስዛ።
EPH 1:20 ክርስቶሳ Ꮊይቆፕ ደንꬂ፥ ሳሎ ፋ ኡሻች ባጋር በትꬄዝ ክርስቶሳር ኦꬄዝ ግታ ዎልቃ።
EPH 1:21 ኤ ሱንꬃይ፥ አቅስዝታይፐነ ማዉተር የዝታይፕ፥ ሞድዝታይፐኔ ጎድታይፕ፥ ኣꬅ ማቂ Ꮊ አላማይል ኣዳ ባዝን ቲናፕ የኦድ አላማይዳካ ሀራ ሱንꬅ ኡቢታይፕ ኣꬎ ቦንቾ ሱንꬅ እንጌዛ።
EPH 1:22 ጾሳይ ኡባ ባዝ ክርስቶሳ ቶኬ ኦሞ ሃርሴዛ፤ ማ ዎሳ ኬꬅስ ኡባ ባዛር ኩስተ ማቃዳይ ጋርክ ኤዛ ሹሜዛ።
EPH 1:23 ዎሳ ኬꬃይ ክርስቶሳስ አሰትꬂ። እዛካ ክርስቶሳ ኡባባዛር ኩንꬅዝ ኤስ እዛ ኤ ኩንꬃቶ።
EPH 2:1 Ꮊይፕ ቲና ይ፥ ይ ናጋራይራኔ ይ ቆሀይር Ꮊይቄዝታ።
EPH 2:2 የ ዎደ ይ Ꮊ አላማይ ኢታ ኦጋ ካሌዛ። ጫርኮል አፋ የዝ ዎልቂታይ ሀላቃይስኔ Ꮊተካ ጾሳይስ አዛዝንቶዋ ናእታይር ኦꬅዝ አያናስ ይ አዛዝንቴዛ።
EPH 2:3 ኑ ኡባይካ ቲና የ አስታይ ጋንጨ ኑ አሾ አሞኔ ኑ ዎዝና ሸነ ካሊ የዜዛ። ኑንካ Ꮊንክታይ ጋርክ ኑ መትꬃር ፕርዳ ኤኮዳይስ የዜዝታ።
EPH 2:4 ዝን ጾሳ ግታ ማሮትꬃይፐኔ ኑስ የዝ ኤ ግታ ሲቃይፕ ደንዴዛይድ፥
EPH 2:5 ሀራ አቶዝን ኑኒ ኑ ቆሆፕ ደንዴዛይድ Ꮊይቂ የዝን ክርስቶሳ ባጋር ኑስ ደኦ እንጌዛ። ጾስ ኣꬎ ኬሃትꬃይር ይንትካ አቴዛ።
EPH 2:6 ጾሲ ኑና ክርስቶሳ የሱሳር ፐትፕ Ꮊይቆፕ ደንꬂ ሳሎ ኤዛር ዎላ ጋዴዛ።
EPH 2:7 ኤ የያ ኦꬄዛይ፥ ክርስቶሳ የሱሳ ባጋር ኑስ ቆንጭሴዝ ፋ ኬሄትꬅኔ ዛዋ ባ ፋ ኣꬎ ኬሄትꬅ ዱረትꬃ የኦድ ላይꬅታይድ ኑና ቤሳዳይስ የያ ኦꬄዛ።
EPH 2:8 ይ ፓጼዛይ አማኖ ባጋር ኤ ኣꬎ ኬሃትꬃይራ። የይካ፥ ጾስ እሞታፕ አትን ይ ኦሶር በንተካያ።
EPH 2:9 ኦንካ ጬቅንታማይ ጋርክ ፓጾትꬅ ኣꬎ ኬሃትꬃይ በንቴዛይ አስ ኦሶር ባያ።
EPH 2:10 ጾሲ ኑስ ቲናቲ ጊግሲ ጋዴዝ ሎኦ ኦስታ ኦꬆዳይ ጋርከኔ ኤዛይር የሳዳይስ ክርስቶስ የሱሳ ባጋር ማቂ መꬍንቴዝ ጾስ መትꬅታ፤
EPH 2:11 የይ ግሾስ፥ ይንታኖ ስሳ ይ የልንቶ አይሁደ ባዝታዮ፥ አይሁድታይ ፋና አስ ኩሸር ዶካልንቴዝታ ግ ጋይርታር፥ ይንታን ማ ዶካልንተካዝታ ግ ቦርዛና አካኮይታ።
EPH 2:12 የ ዎደ ይ ክርስቶሳፕ ሻክንቲ የዜዛና፥ እስሬለ አሳይስ አላጋ ማቂ የዜዛና፥ ጾስ ቃላ ጫቃይስ ሃኪ የዜዛኔ Ꮊ አላመል ኡፋይስኔ ጾሲ ባይꬅ የዜዛና አካኮይታ።
EPH 2:13 ዝን ይ ቲና ሃኪ የዜዝታይ፥ Ꮊት ክርስቶሳ የሱሳር የዝ ኤ ሱꬃይ ባጋር ጾስኮ ኡኬዛ።
EPH 2:14 ናምኤ ሻኪ ጋዴዝ ሞርከትꬅ ጋባራ ፋ አሻይር ላሊ አይሁደኔ አይሁደ ባ አሳ ትሚ ፐቶ ኡዴዛይ ክርስቶሳ ሳሮትꬃ።
EPH 2:15 ኤ ፓር Ꮊ ናምኢ ዛርታይፕ ፐቲ ኦሮꬅ አስ መꬎዳይስ፥ ህገ አዛዛኔ ዎግታ ፐትፕ ፋ አሻይር ꬋብሲ ሳሮትꬅ እንጌዛ።
EPH 2:16 ክርስቶሳ ማዝቃለል አፋ Ꮊይቂ ሞርክንቶ ꬋብሴዛ፤ ማ ናምኢ ኮችታ ፐቲ አሾ ኡዲ ጾሳር እግንꬄዛ።
EPH 2:17 ክርስቶሳ ይኢ፥ ጾሳፕ ሃኪ የዝ ይንትስ፥ ማ ኡኪ የዝ ኡንትስ ሳሮትꬅ ዎንግለ ኦዴዛ።
EPH 2:18 ኑ ኡባይ ኤ ባጋር ፐቲ አያናር አዳይ ቲና ሺቆዳይስ ዳንዳኤዛ።
EPH 2:19 Ꮊይፐ ይ አላጋ ዎይ እማꬅታ ባያ፥ ዝን ይ Ꮊት ጌሽታይር ጋደ አስኔ ጾስስ ካራ አስታ።
EPH 2:20 ይንቲ ሀዋርታይኔ ናብታይ ባሴዝ ባሳይል አፋ ኬጽንቴዛ። ኬꬃ ሙመር ቶኪ አይኬዝ ክርክሮ ጋርክ ሹቻይ ክርስቶሳ የሱሳ።
EPH 2:21 ኤዛል ኬꬅ ኡባይ ፐትፕ አይክንቲ ጎዳይል ጌሻ ጾስ ካራ ማቆዳይስ ድጭዛ።
EPH 2:22 ይ ማ ጾሲ ፋ አያናር የዝዛ ኬꬅ ማቆዳይስ ክርስቶሳር ፐትፕ ኬጽንትዛ።
EPH 3:1 የይ ግሾስ፥ ታኒ፥ ጳዉሎሳ፥ አይሁደ ባ ማቄዝ ይ ግሾስ ክርስቶሳ የሱሳር አች አስ ማቄዛ።
EPH 3:2 ታ ይንታን ማዶዳይ ጋርክ ጾሲ ፋ ኣꬎ ኬሃትꬃይር ታስ እንጌዝ Ꮊ ኦሳይ ባጋ ይ ሎእꬂ ስኤዛ።
EPH 3:3 ታ ይንትስ ቲና ሃታር ጻፌዛይ ጋርክ ጾሲ ፋ ጹራ ቆንጭꬃር ታስ ቤዜዛ።
EPH 3:4 ታ ጻፌዛና ይ ናባብዛ ዎደ ክርስቶሳ ጹራ ታ አብ ጋርክ ኤሬዛኮ ይ አካኮዳይስ ዳንዳእዛ።
EPH 3:5 Ꮊ ጹራይ ጌሻ ሀዋርታይስኔ ናብታይስ Ꮊት አያና ባጋር ቆንጭሴዛይ ጋርክ ብኒ ዎደ አሳይስ Ꮊይ ጋርክ ቆንጭሰካያ።
EPH 3:6 Ꮊ ጹራይ ቤዝዛይ፦ አይሁደ ማቀካ አሳይ ዎንግለ ባጋር እስራኤልታይራ ፐትፕ ጾስ እርስተ ላትዛ። እስራኤልታይር ፐቲ አሰትꬅ ማቅዛ፤ ክርስቶሳ የሱሳ ባጋር ጾስ ኡፋይስ ቃላ ኤክዛ።
EPH 3:7 ጾሲ ፋ ኦꬅዛ ዎልቃይ ባጋር ታስ እንጌዝ ኣꬎ ኬሄትꬃይድ ታ Ꮊ ዎንግላይስ ኦሳንቾ ማቄዛ።
EPH 3:8 ታኒ ጌሽታይ ኡባይፕ ላፋ ማቅኮካ አይሁደ ማቀካ አሳይስ ዛዋ ባ ክርስቶሳ ዱረትꬅ ዎንግለ ኦዶዳይ ጋርክ Ꮊ ኣꬎ ኬሃትꬃይ ታስ እንግቴዛ።
EPH 3:9 ማ ብኒ ዎደ ኡባ መꬌዝ ጾሳር ቆስንቲ የዝ ጹራይስ፥ ጾሳ ቆፋይ አብዛኮ ኡባይስ ቆንጭሶዳይስ ኣꬎ ኬሃትꬃይ ታስ እንግንቴዛ።
EPH 3:10 ጾሲ የያ ኦꬄዛይ Ꮊተ ዎደ ዎሳ ኬꬃይ ባጋር ሳሎ የዝ ሀላቅታይስኔ ማዉተር የዝታይስ ፋ ዱማ ዱማ ኤጨትꬃ ኤርሶዳይሲ።
EPH 3:11 ጾሲ ፋ መꬍና ቆፋ ኑ ጎዳ ክርስቶሳ የሱሳ ባጋር ፖሎዳይስ የያ ኡዴዛ።
EPH 3:12 ኑ አማኖር ያሻ ባይꬅ ጾስኮ ሺቆዳይ ጋርክ ክርስቶሳ ኑስ ምኖተꬅኔ ማዉተ እንጌዛ።
EPH 3:13 ታኒ ይ ባጋ ኤክዛ መታይ ይንትስ ቦንቾ። የይ ግሾስ ይ ታን መትንትዛና ብኢ ኡፋይስ ጋቻማይ ጋርክ ይንታን ዎስዛ።
EPH 3:14 ታኒ ጾስ አዳይ ቲና ቡንቂንቲ ዎስዛይ የይ ግሾስ።
EPH 3:15 ሳሎኔ ሳአ የዝ መትꬅ ኡባይስ ሱንꬂ ጾሳፕ እንግንትዛ።
EPH 3:16 ጾሲ ፋ ቦንቾ ዱረትꬃይፕ ይ ጋንጨ አሰትꬃ ምንꬅዛ ዎልቃ ፋ አያና ባጋር እንጎድ ጋርክ ይንትስ ዎስዛ።
EPH 3:17 ማካ አማኖር ክርስቶሳ ይ ዎዝናይድ የሳዳይ ጋርከኔ ይ ሲቆር ጻጶ ዳኪ ሚንጊ የዞዳይ ጋርክ ታ ዎስዛ።
EPH 3:18 የይ ጋርከካ፥ ክርስቶሳ ሲቃይ ዋፋ ጋርክ ዳልጌዛኮ፥ አዱስዛኮ፥ ꬎቃዛኮኔ ጪሞዛኮ ጌሽታይ ኡባይራ ኤርዛ ዎልቃ ይ አካኮዳይ ጋርክ ታ ዎስዛ።
EPH 3:19 ኤራትꬃፕ ኣꬊዝ ክርስቶሳ ሲቆ ይ ኤሮዳይ ጋርክ እንግዛ ጾሳፕ ማቄዝ ኩንꬃትꬃይር ይ ኩሞድ ጋርክ ታ ዎስዛ።
EPH 3:20 ይኬ፥ ኑ ጋንጨ ኦꬅዛ ፋ ዎልቃይ ባጋር ኑኒ ዎስዛይፕ ዎይ ቆፕዛይፕ ኣꬂ ኦꬆዳይስ ዳንዳእዛ ጾሳይስ፥
EPH 3:21 ዎሳ ኬꬃኔ ክርስቶሳ የሱሳ ባጋር ጾስስ መትꬅ ኡባይፕ ዎደ ኡባይድ መꬊናፕ መꬍና ሄሎዳይስ ቦንቾ ማቆ። አምንኤ።
EPH 4:1 ይኬ፥ ጎዳይ ግሾስ አጭንቴዝ ታኒ፥ ይ ጼግንቴዝ ጼግንትꬃይድ ቤዝዛ የስ የዞዳይ ጋርክ ይንታን ዎስዛ።
EPH 4:2 ይ ኡባ ዎደ አዳኔ ሃዮ ማቆይታ፤ ፐታይ ፐታ ዳንዳኦይታኔ ሲቆር የዞይታ።
EPH 4:3 ሳሮትꬃር አጭንቲ አያና ፐትፐተꬃ ናጎዳይስ ሚንጎይታ።
EPH 4:4 ጾሲ ይንታን ጼጌዝ ዎደ ፐቲ ኡፋይሳስ ጼጌዛይ ጋርክ ፐቲ አሰትꬅኔ ፐቲ አያና የዛ።
EPH 4:5 ፐቲ ጎዳ፥ ፐቲ አማኖኔ ፐቲ ጽንቃተ የዛ።
EPH 4:6 ኡባፕ አꬃይ፥ ኡባይር ኦꬅዛይኔ ኡባይ ጋንጨ የዝዝ ፐቲ ጾስ፥ ኡባይስ አደ የዛ።
EPH 4:7 ዝን ክርስቶሳ እንጎዳይስ ኮዬዝ እሞታይ ጋርክ ኑ ፐታይስ ፐታይስ ኣꬎ ኬሃትꬂ እንግንቴዛ።
EPH 4:8 የይ ግሾስ፥ ጾስ ቃላይ፥ «ኤ ኡዴ ከዜዝ ዎደ ድኢ ጋምታ ፓር ኤኪ ቅቴዛ፤ አሳይስካ እሞትታ እንጌዛ» ዬግዛ።
EPH 4:9 የዝን፥ «ኡዴ ከዜዝ» ጉሳይ ኤ ቲና ሱለ፥ ሳአ ዝቃ አቆ ዎꬌዛ ጉስ ማቃም እጽኮ አብ ጉሶ?
EPH 4:10 Ꮊ ሱለ ዎꬌዛይ፥ ኡባ ኩንꬆዳይስ ኡባፕ ꬎቃ ሳሎ ከዜዛይ ኤዛ።
EPH 4:11 ኤ ፐትታ ፐትታ ሀዋረ፥ ፐትታ ፐትታ ናበ፥ ፐትታ ፐትታ ዎንግለ ሳባክታ፥ ፐትታ ፐትታ ዎሳ ካራ አቅስዝታኔ አስታማርታ ማቃዳይ ጋርክ እሞታ እንጌዛ።
EPH 4:12 ኤ የያ ኡዴዛይ ክርስቶሳስ አሰትꬅ ማቄዝ ዎሳ ኬꬃ ድቾዳይስኔ አማንዛ አሳ ጾስ ኦሶስ ጊግሶዳይሲ።
EPH 4:13 የይ ጋርከካ፥ ኑ ኡባይ ጾስ ናአ ኤሪ አማኖር በንትዝ ፐትፐተꬅኮ ሄሊ፥ ክርስቶሳ አያና ደኦ ኩንꬄትꬅይኮ ሄሊ ፎሎ አስ ማቂ ድጮዳይ ጋርከሲ።
EPH 4:14 ይከፕ ጉየ፥ አሳይ ዶሻ ገነር ማቄዝ ባልꬅዛ ዎርዶ ትምርተ ጫርኮራኔ አባ ጎተራ ገደኔ Ꮊና ኩሎ ካእዛ ዱድታይ ጋርክ ማቆዳይስ ቤዞያ።
EPH 4:15 ዝን ኑኒ ቱማና ሲቆር ኦድታር ኡባ ባዛር አሰትꬅስ ኩስተ ማቄዝ ክርስቶሳኮ ድጮዳ።
EPH 4:16 ኩንꬅ አሰትꬃይ ክርስቶሳር አይክንትዛ ማ ዱማ ዱማ አሰትꬅ ብልትታይ ፐታይ ፐታይር አይክንቲ በቴዛ። ፐቲ ፐቲ አሰትꬅ ክፍላይ ፋ ኦሶ ኦꬆዳር ኩንꬅ አሰትꬃይ ሲቆር ሚንጎዳይ ጋርክ አሰትꬃ ድችዛ።
EPH 4:17 Ꮊይፕ ገደ ካሃ ꬋብን ጨረ ቆፋር አማኖዋ አስ ጋርክ የዝፓተ፥ ታኒ Ꮊያ ይንትስ ጎዳይ ሱንꬃይር ኦድዛኔ ማርካትዛ።
EPH 4:18 ኡ ቆፋይ ꬉሜዛ፤ ኡ ፋ ዎዝና ሙምሴዛ። ኡንቲ ኤረትꬅ ꬋቦራኔ እጾራ ጾሲ እንግዛ ደአይፕ ሃኬዛ።
EPH 4:19 ኡንቲ ዬላ ግዝባዝ ኤሮዋ፤ ኡንቲ ቱና ኦሶ ኡባ ፖሎዳይስ ዥምባሮስኔ አሾ አሞስ ፋና ኣꬂ እንጌዛ።
EPH 4:20 ዝን ይ ክርስቶሳ ባጋ ታማሬዛይ የይ ጋርክ ኦገር ባያ።
EPH 4:21 ኤ ባዝ ቱማ ስኤዛ። ማ የሱሳር የዝ ቱማ ይ ኤፕ ታማሬዛ።
EPH 4:22 ይ ቲና የዜዝ ኦጋ አሾይታ። ማ ዶሺ አሞር ꬋብስዛ ይ ጭማ አꬃ ቃሪ ኦሎይታ።
EPH 4:23 ይ ዎዝና ቆፋይር ኦሮጾይታ።
EPH 4:24 ቱማ ጽሎትꬃራኔ ጌሸትꬃር ጾስ ኣዝሶር መꬍንቴዝ ኦሮꬅ አሰትꬃ ማኦይታ።
EPH 4:25 ይክ፥ ዎርዶ ኦድንትፓተ። ኑኒ ኡባይ ክርስቶሳ አሰትꬅ ብልትታ ማቄዝ ግሾስ አስ ኡባይራ ቱሮ ኦድንቶዳ።
EPH 4:26 ጋይልንቶይታ ዝን ይ ጋይላይር ናጋራ ኦꬅፓተ። ይ ጋይልንቲ የዝን አዋ ይንታል ገልፐ።
EPH 4:27 ዳቡሎሳስ ኦገ ዶይፓተ።
EPH 4:28 ካስትዛ አꬃይ ይከፕ ጉየ ካስትፐ። ዝን ማንቅታ ማድዛ ባዝ ኤስ የዞዳይ ጋርክ ፋ ኩሸር ሎኦ ባዝ ኦꬆ።
EPH 4:29 ይ ዶናይፕ ኢታ ቃላ ከዝፐ። ዝን ስእዝታይስ ማዶዳይ ጋርከኔ Ꮊንክታ ምንꬃꬆስ ኮሽዛ ሎኦ ቃላ ይ ዶናይፕ ከዞ።
EPH 4:30 ጾሲ ይንታን ዎዜዛና ኤርሶዳይስ የ ጋላስስ ይንታናል አታሚ ጋዴዝ ጾስ አያና አዛንꬅፓተ።
EPH 4:31 ጫንግንቶ፥ ይሎ፥ ካቺ፥ ኡፎ፥ ጫሸኔ ኢታትꬅ ኡባ ይንትፕ ሃክꬆይታ።
EPH 4:32 አꬂ ዎልስ ኬሃኔ ቃꬊንትዝታ ማቆይታ። ጾስ ክርስቶሳ ባጋር ይንትስ አቶ ጌዛይ ጋርክ ይንትካ ዎልስ አቶ ጎይታ።
EPH 5:1 ይኬ፥ ጾሲ ዶስዛ ናእታይ ጋርክ ኤዛ ኣዞይታ።
EPH 5:2 ክርስቶሳ ኑና ዶሲ ፋና ኑ ግሾስ ጾስስ ቶንክ ግ ሳዉዛ እሞኔ ያርሾ ኡዲ እንጌዛይ ጋርክ ይንትካ ሲቆር የዞይታ።
EPH 5:3 ዝን ላሞ፥ ቱናትꬅኔ ኡዘትꬂ አማንዛ አሳይስ ቤዞዋ ግሾስ ይ ጋንጨ ኡባራካ ስእንትፐ።
EPH 5:4 ጾስ ጋላቶይታፐ አትን ዬላꬅዛ ባዝ ቦዞትꬅ ናሻ ዎይ አርኤ ይንትስ ቤዞዋዛይ ግሾስ ይ ጋንጨ ኡባራካ የዝፐ።
EPH 5:5 Ꮊያ ኤሮይታ፤ ኦንካ ላመ ዎይ ቱና ባዝ ኦꬆ ዎይ ኡዛቶ ኤቃስ ጎይኖስ ተንተቶ ክርስቶሳ ካተትꬅኔ ጾስ ካተትꬃ ላቶዳይስ ዳንዳኦያ።
EPH 5:6 Ꮊይትታይፕ ደንዴዛይድ ጾስ ካቺ አዛዝንቶዋ አሳይል አፋ የኦድ ግሾስ ኦንካ ይንታን ፓꬆዋ ኦዳር ዶሽፐ።
EPH 5:7 የይ ጋርክ አሳይር ፐትፐተꬂ ኦꬅፓተ።
EPH 5:8 ብኒ ይ ꬉማ፥ ዝን Ꮊት ጎዳይ ባጋይር ፖኦ። ይኬ፥ ፖኦ አስ ጋርክ ፖኦር የꬎይታ።
EPH 5:9 ፖኦ ሎኦትꬅ፥ ጽሎትꬅኔ ቱማትꬅ ኣፍዛ።
EPH 5:10 ጎዳ ኡፋይስዝ ባዝ ኦꬆዳይስ ኮዮይታ።
EPH 5:11 ኣፈ ባ ꬉማ ኦሶ ቆንጭሶይታፕ አትን ኤዛር ማቅንትፓተ።
EPH 5:12 ኡንቲ ጌማ ኦꬅዛ ኦሳይ ሀራ አቶዝን ኦዶዳይስካ ዬላꬅዛ።
EPH 5:13 ዝን ኡባ ባዝ ፖኦል ከዜዝ ዎደ ቆንጨር በንትዛ።
EPH 5:14 ፖኦ ኡባ ባዝ ቆንጨር ቤዝዛ። የይ ግሾስ፥ «ናት ገንትዛዮ ባርኮባ፤ Ꮊይቆፕ ደንዶባ፤ ክርስቶሳ ኔስ ፖእዛ» ዬግንቴዛ።
EPH 5:15 ይኬ፥ ይ ዋይዚ የዝዛኮ አካኪ ቦኦይታ። ኤጭታ ማቆይታፕ አትን ቦዝታ ማቅፓተ።
EPH 5:16 ጋላስታይ ኢታ ማቄዝ ግሾስ ላይꬃ ዎዞይታ።
EPH 5:17 የይ ግሾስ፥ ጎዳይ ሸናይ አብዛኮ አካኮይታፕ አትን ቦዝፓተ።
EPH 5:18 ጌሻ አያናር ኩሞይታፕ አትን ꬋቦኮ ይንታን ካልꬅዝ ዎይነ ኡሻር ማꬅፓተ።
EPH 5:19 ማዝሙረር፥ ሳባራኔ አያና የꬃር፥ ፐታይ ፐታይር ኦድንቶይታ። ማ ይ ዎዛናይር ማዝሙርታራነ ሳቢታር ጎዳ ጋላቶይታ።
EPH 5:20 ኑ ጎዳ የሱስ ክርስቶሳ ሱንꬃይር ኡባ ዎደ ጾስ ኣዳ ኡባባዝስ ጋላቶይታ።
EPH 5:21 ክርስቶሳ ቦንቾስ ግ ፐታይ ፐታይስ ሃርንቶይታ።
EPH 5:22 ማችታዮ፥ ጎዳይስ ሃርንትዛይ ጋርክ ይ አዝንታይስካ ሃርንቶይታ።
EPH 5:23 ክርስቶሳ ዎሳ ኬꬅስ ኩስተ ማቄዛይ ጋርክ አዝናይካ ፋ ማችስ ኩስተ። ማ ክርስቶሳ ፋ አሰትꬅ ማቄዝ ዎሳ ኬꬅ አሽዛያ።
EPH 5:24 ዝን ዎሳ ኬꬃይ ክርስቶሳስ ሃርንትዛይ ጋርክ ማችታይ ፋ አዝንታይስ ኡባ ባዛር ሃርንቶዳይስ ቤዝዛ።
EPH 5:25 አዝንታዮ፥ ክርስቶሳ ዎሳ ኬꬅ ዶሲ እ ግሾስ ፋና እንጌዛይ ጋርክ ይንትካ ይ ማችታ ዶሶይታ።
EPH 5:26 ኤ የያ ኦꬄዛይ ዎሳ ኬꬅ ጌሾዳይስ ኮዪ ኡዴዛ፥ ጌሼዛይካ ፋ ቃላይ ባጋር ሃꬃር ሜጪ።
EPH 5:27 ክርስቶሳ ዎሳ ኬꬅ ቅታ ዎይ ስኖ ቱክꬅ ዎይ የይ ጋርከዝ ባዝ ባይꬅ ኤ ኩንꬅ ቦንቾር ጌሽኔ ቦርንቶዛኖ ኡዲ ፋኮ ሺሾዳይስ ኮዪ የያ ኡዴዛ።
EPH 5:28 የይ ጋርከካ፥ አዝንታይ ፋና ዶስዛይ ጋርክ ፋ ማችታ ዶሶዳይስ ቤዝዛ። ፋ ማቻት ዶስዛይ ፋና ዶስዛ።
EPH 5:29 ፋና እጽዛ አስ ኦንካ ባያ፥ ዝን ክርስቶሳ ዎሳ ኬꬅስ ኦꬅዛይ ጋርክ ፋ አሰትꬃ ሙዝዛኔ ናግዛ።
EPH 5:30 ኑኒ ክርስቶሳ አሰትꬅ ብልትታ።
EPH 5:31 ጾስ ቃላይ፥ «የይ ግሾስ፥ አሲ ፋ አዳኔ ፋ እንዳቶ አሺ፥ ፋ ማቻትር ዎላ የሳዳ፤ ኡንቲ ናምእታይካ ፐቲ አሾ ማቅዛ» ዬጌዛ።
EPH 5:32 Ꮊይ ግታ ጹራ፥ ዝን ታኒ የያ ክርስቶሳ ባጋኔ ዎሳ ኬꬅባጋ ኣዝሶ ኡዲ ኦድዛ።
EPH 5:33 የይ ጋርከካ፥ ይ ፐታይ ፐታይ ፋ ማቻት፥ ፋና ዶስዛይ ጋርክ ዶሶ። ማቻካ ፋ አዝና ቦንቾዳይስ ቤዝዛ።
EPH 6:1 ናእታዮ፥ ጎዳይ ግሾ ግ ይንታን የሌዝታይስ አዛዝንቶይታ። የይ ይንትስ ቤዝዛ ባዚ።
EPH 6:2 «ነ አዳኔ ነ እንዳቶ ቦንቾባ።» የይ ኡፋይሳ ቃላ የዝ ቲና አዛዞ።
EPH 6:3 «ነ የያ ፖልዛባዝ ማቅኮ ኡባይ ኔስ ሀኖዳ፤ ነ ላይꬃይካ ሳአል አፋ አዱቆዳ።»
EPH 6:4 የሌዝታዮ፥ ይ ናእታ ጎዳይ ቃላር ታማርሶራኔ ኡንታን ካልꬆር ድቾይታፕ አትን ኡንታን ይሎꬅፓተ።
EPH 6:5 አይልታዮ፥ ክርስቶሳስ አዛዝንትዛይ ጋርክ አሾ ጎድታይስ ያሻራ፥ ቦንቾራኔ ሉለ ዎዝናር አዛዝንቶይታ።
EPH 6:6 ክርስቶሳ አይለ ጋርክ ጾስ ሸነ ዎዝናፕ ፖሎይታፕ አትን ጋላታ ደንጎዳይስ ኡ ቲና ኣዳ ኦꬅፓተ።
EPH 6:7 አስስ ባዝን ጎዳይስ ኦꬅዛይ ጋርክ ይ ኩንꬅ ዎዝናይፕ ኦꬆይታ።
EPH 6:8 አይለ ማቅን ጎድ ማቅን ፐታይ ፐታይ ፋ ኦꬅዝ ሎኦ ኦꬃይስ ጎዳይፕ ዎይቶ ኤኮዳና ኤርዛ።
EPH 6:9 ጎድታዮ፥ አስ ኣፈ ዞቆ ብኢ ፕርዶዋ ይንትስኔ ኡንትስ ጎዳይ፥ ሳሎ የዛና ይ ኤርዛ። የይ ግሾስ፥ ይ አይልታ ማንድዛ አሺ ኡንቲ ይንትስ ኪትንትዛይ ጋርክ ይ ኡንትስ ሎኦ ባዝ ኦꬆይታ።
EPH 6:10 ይከ Ꮊይፐ፥ ጎዳይራኔ ኤ ዳማ ዎልቃይር ሚንጎይታ።
EPH 6:11 ዳቡሎሳ ዶሻ ኤቅንቶዳይስ ዳንዳኦድ ጋርክ ጾሲ ይንትስ እንጌዝ ኦላ ሚሸ ኡባ ዳንጮይታ።
EPH 6:12 ኑ ኦላይ አሳር ባዝን ሳሎ የዝ ቱና አያንታይር ኦልዝታይራ፥ ማዉተ አድታይር፥ ሃርዝታይራኔ Ꮊ ꬉማ አላመ ዎልቅታይራ።
EPH 6:13 የይ ግሾስ፥ ኢታ ጋላስ ሞርከ ተቆዳይስኔ ኡባ ፖሊ፥ ሚንጊ ኤቂንቶዳይስ ይ ዳንዳኦዳይ ጋርክ ጾስ ኦላ ሚሽታ ኡባ ዳንጮይታ።
EPH 6:14 ቱማ፥ ጼሳል ዝናረ ጋርክ ዳንጪ፥ ጽሎትꬅ ጹሩረ ጋርክ ትራል ጋዲ፥
EPH 6:15 ሳሮትꬅ ዎንግለ ይ ቶኬ ጫማ ጋርክ ኣꬂ ሚንጊ ኤቆይታ።
EPH 6:16 የ ኡባይፕ ኣꬂ፥ ጻላሄ ዳክዝ ላጽዝ ታማ ዶንገ ኡባ ቶእሶዳይስ ዳንዳእዛ አማኖ ኡባ ዎደ ጎንዳለ ጋርክ አይኮይታ።
EPH 6:17 ጾስ አቶትꬃና ብራታ ባርኔጻ ጋርክ ይ ኦማይል ጋዶይታ፤ ማ ጌሻ አያና ማሻ፥ የይካ ጾስ ቃላ አይኮይታ።
EPH 6:18 ዎሳ አሽፓተ፤ Ꮊንክታይስካ ጉሮይታ፤ ኡባ ዎደ አያናር ዎሶይታ። ኤዛይድ፥ ጌሽታይስ አዛለካዛር ሚንጊ ኡባ ዎደ ዎሶይታ።
EPH 6:19 ታኒ ዎንግለ ጹራ ያሻ ባይꬅ ቆንጭሲ ኦዶዳይ ጋርክ ጾሲ ታስ ቃላ እንጎድ ጋርክ ዎሶይታ።
EPH 6:20 ታኒ የያ ኦꬆዳይስ ኪትዛይኔ Ꮊተካ አቻ የዛይ የ ዎንግላይ ግሾስ። የይ ግሾስ፥ ታኒ ያሻ ባይꬅ ቤዝዛይ ጋርክ ኦዶዳይ ጋርክ ታስ ዎሶይታ።
EPH 6:21 ታኒ ዋይዚ የዛኮኔ አብ ኦꬅዛኮ ይ ኤሮድ ጋርክ ኑ ሲቆ እሻይ፥ ጎዳይ ኦሶር አማንንቴዝ ኦሳንቻይ፥ ትክቆሳ፥ ታ ባዝ ኡባ ይንትስ ኦዶዳ።
EPH 6:22 ኑኒ ኡባይ ዋይዚ የዛኮ ይንትስ ኦዶዳይ ጋርከኔ ይ ዎዛና ምንꬃꬆድ ጋርክ ታኒ ኤዛ ይንትኮ ኪቴዛ።
EPH 6:23 ጾስ አዳይፕ፥ ጎዳ የሱስ ክርስቶሳፕ ሳሮትꬅኔ ሲቆ አማኖር ዎላ ኑ እሽታይ ኡቢታይስ ማቆ።
EPH 6:24 እርጾዋ ሲቆር ኑ ጎዳ የሱስ ክርስቶሳ ዶስዛ ኡባይራ ጾስ ኣꬎ ኬሃትꬃይ ማቆ።
PHI 1:1 ክርስቶስ የሱሳስ ማቄዝ፥ ፍልጲሶሳ ካታማ የዝ ዎሳ ኬꬅ ጭምታይስ ዳቆንታይስኔ የሱስ ክርስቶሳር የዝ ጌሽታይስ ኡባይስ የሱስ ክርስቶሳ አይለ ማቄዝ፥ ጳዉሎሳፐኔ ጽማቶሳፕ ኪትንቴዝ ኪታ።
PHI 1:2 ኑ አዳ ኑ ጾሳይፐኔ ጎዳ የሱስ ክርስቶሳፕ ኣꬎ ኬሄትꬅኔ ሳሮትꬅ ይንትስ ማቆ።
PHI 1:3 ታኒ ይንታን ቆፕዛ ዎደ ኡባይድ፥ ታ ጾሳ ጋላትዛ።
PHI 1:4 ታኒ ይ ኡባይስ ጾሳ ዎስታር ኡፋይሳር ዎስዛ።
PHI 1:5 ይ ብንፕ Ꮊይኖ ሄሎዳይስ፥ ዎንግለ ማርካትታር ታር ዎላ ማቂ፥ ታና ማዴዝ ግሾ ታ ጾሳ ጋላትዛ።
PHI 1:6 ይንታር ሎኦ ኦሶ አይኬዝ ጾሳይ፥ የሱስ ክርስቶሳ ማቅዝ ጋላሳይ ሄሎዳይስ፥ ፖሎዳና ታ ሎእꬅ ኤርዛ።
PHI 1:7 ታኒ አቻ ገሎዳይፕ ቲናኔ Ꮊት አቻ የዝንካ ዎንግለ ናጎራኔ ዎንግለ ሚንꬂ አይꬃር ጾሳይ ታስ እንጌዝ ኣꬎ ኬሄትꬃ ይንትካ ታር ሻግንቴዛ። ይ ኡባ ዎደ ታ ዎዝና ጋንጨ የዛ። ታኒ ይንትስ ኡባ ዎደካ ሎኦ ቆፕዛ።
PHI 1:8 ታ ይንታን ኡብታ የሱስ ክርስቶሳ ሲቃይር አብ ጋርክ ላሞትዛኮ ጾሳይ ታስ ማርካ።
PHI 1:9 ይ ሲቃይ ቱማ ኤረትꬃራኔ አካካር ጉጂ ጉጂ ድጮድ ጋርክ ታ ጾሳ ዎስዛ።
PHI 1:10 የይካ ይ ሎኦ ባዝ ሻኪ ኤሪ ክርስቶሳ ማቂ የኦዳር ጌሽታኔ ቦርንቶዝታ ማቃዳይ ጋርከ።
PHI 1:11 ይ የሳይ የሱስ ክርስቶሳ ባጋር በንትዝ ጽሎትꬅ ኣፈር ኩሚ ጾስ ቦንቾኔ ጋላታ ክእዝታ ማቃዳ።
PHI 1:12 ታ እሹንꬆ፥ ታና ሄሌዝ ባዛይ ዎንግለ ዳልጎድ ጋርክ ቱማ ማዴዛና ይ ኤሮዳይ ጋርክ ኮይዛ።
PHI 1:13 ታኒ ክርስቶሳስ ኦꬅዝ ግሾ አጭንቴዛና፥ ካት ካራ ናግዝታይኔ Ꮊንክታይ ኡቢታይ ኤርዛ።
PHI 1:14 ታ አቻይ ባጋር ኑ እሽታይፕ ጋምታይ ጎዳይል ሎእꬂ አማንንቴዛ። የይ ግሾ፥ ጾሳ ቃላ ያሻ ባይꬅ ቲናሳይፕ ኣꬂ ሚንጊ ኦዶድ ጋርክ ኡ ምኖትꬅ ደንጌዛ።
PHI 1:15 ማቆዝን፥ ፐታይ ፐታይ ቅናተራኔ ፓላማር ክርስቶሳ ባዝ ኦድዛ፥ ዝን Ꮊንክታይ ሉለ ዎዝናፕ ኦድዛ።
PHI 1:16 ሉለ ዎዝናፕ ኦድዝታይ፥ ጾሳይ ታስ ዎንግለ ናጎ ኦሶ እንጌዛና ኤርዛ ግሾ ሲቆር ኦድዛ።
PHI 1:17 ዝን የይትታይ ክርስቶሳ ባጋ ዎብꬅ ሳባክዝታይ ታ አቻይል አፋ ሀራ መቶ ኮኦዳይስ ፋና ዶሲ ክርስቶሳ ባዝ ኦድዛፕ አትን ቱማ ዎዝናፕ ኦዶያ።
PHI 1:18 የ ኡባይድ ታና ኡፋይስዛ። ቱማ ዎዝናር ማቅን ዎይ ዎርዶ ዎዝናር ማቅን የ ኡባይር ክርስቶሳ ሳባክንትዛይ የይ ታና ኡፋይስዛ። ማ ቲናስካ ታና ኡፋይስዛ ባዛይ፥
PHI 1:19 ታኒ ይ ዎሳራኔ የሱስ ክርስቶሳ አያና ማደር አቻፕ ከዞዳና ታ ኤርዛ ግሾስ ታና ኡፋይስዛ።
PHI 1:20 ታ ግታ አሞትꬃራኔ ኡፋይሳር ታ ኦሶ ኡባይራ ታ ዬላታማና ናግዛ። ዝን ኡባ ዎደ ኦꬅዛይ ጋርክ፥ Ꮊተካ ታኒ ፓꬅ የዝን ዎይ Ꮊይቂን ያሽተካዛር ታ ኩንꬅ አሰትꬃይድ ክርስቶሳ ቦንችንቶዳ ግ ምኖትꬃር ኦድዛ።
PHI 1:21 ታስ ደኦ ጉሳይ ክርስቶሳ ኣዳስ የሰ፤ ማ ታ Ꮊይቅኮካ ታስ ኡሳ ሎኦ።
PHI 1:22 ዝን ታ ፓꬅ የዝኮ ኣፈር በንትዝ ኦሶ ኦꬆዳ። የያ ማቅኮካ ፓꬅ የዛይፐኔ Ꮊይቆፕ ኣያ ዶሮዳዛኮ ታስ ኤርንቶያ።
PHI 1:23 ታኒ Ꮊ ናምእታይፕ ኣያ ዶሮዳዛኮ ታና ዋይꬄዛ። Ꮊ የሳይፕ ሻክንቲ ክርስቶሳር ዎላ የዞዳይስ ታ አሞትዛ፤ ክርስቶሳር ዎላ የዝዛይ ኡሳ ሎኦ።
PHI 1:24 ሀራ ባጋር ታኒ ይ ግሾስ ፓꬅ የዝዛይ ይንትስ ኡሳ ሎኦ።
PHI 1:25 ታኒ፥ ይ አማኖር ድጮድ ጋርከኔ ኡፋይቶድ ጋርክ ይንታር ፓꬅ የዝዛ። የያ ታኒ ሎእꬂ ኤርዛ
PHI 1:26 የይ ግሾስ፥ ታኒ ይንትኮ ማቂ የኦዳር ታ ባጋር ክርስቶሳ የሱሳር የዝ ይ የሳይድ ይ ጬቅንታይ ጋንጎዳ።
PHI 1:27 ኡባፕ ኣꬂ፥ ይ ክርስቶሳ ዎንግላይስ ቤዝዛ የስ የዞይታ። ታ ይ ይንታን ብእን በአም እጽን ይ ፐቲ ቆፋር ሚንጊ ኤቂ፥ ሀራ አሳይ ዎንግላ አማኖድ ጋርክ ፐቲ ዎዛና ማቂ ፐትፕ ዎላ ቡትትዛና ታ ስኦዳ።
PHI 1:28 ይ ሞርክታይስ ያሽትፓተ። የይ ይ ምኖትꬃይ ኡንትካ ይንታር ኤቅንትዛባዝ ማቅኮ ይንትስ አቶትꬅስ ኡንትስ ꬋቦስ ጾሳፕ ማቄዝ ማላ ጋርከ።
PHI 1:29 ክርስቶሳስ ኦꬅዝ አንጃይ ይንትስ እንግንቴዛይ፥ ይ ኤዛ አማኖድ ጋርክ ኣዳ ባዝን ይ ኤ ግሾ መቶ ኤኮድ ጋርከ።
PHI 1:30 የይ ግሾ፥ ይ ታ ዋያ ቲና በኤዛ፤ Ꮊተካ ታ መቶትዛና ይ ስእዛ። ይንትካ ታ መታይ ጋርክ መትንትዛ ።
PHI 2:1 ክርስቶሳር ይንትስ ምኖትꬂ የዝኮ፤ ማ ኤ ሲቃይራካ ይ ምንꬃꬅንቴዝባዝ ማቅኮ፥ ጌሻ አያናር ይንትስ ፐትፐተꬂ የዝኮ፤ ይ ዎልስ ኬህኮኔ ቃꬊንትኮ፥
PHI 2:2 ይኬ ይ ፐቲ ቆፋር፥ ሲቆር፥ ፐቲ ዎዛናራኔ አያናር ፐቶ ማቂ ታና ፎሎ ኡፋይሶይታ።
PHI 2:3 ይንታን ዶሶር ዎይ ጬቅንታር ፐትባዝካ ኦꬅፓተ። ዝን ይ ፐታይ ፐታይፕ ታ ኣꬍዛ ዬጊ ቆፐካዛር ይንታን ዝቂ ኡዶይታ።
PHI 2:4 ይ ፐታይ ፐታይ፥ ሀራ አስ ማድዛ ባዝ ኮዮይታፕ አትን ይንታን ማድዛ ባዝ ኣዳ ኮይፓተ።
PHI 2:5 ክርስቶስ የሱሳር የዝ ቆፋይ ይንታር የዞዳይስ ቤዝዛ።
PHI 2:6 ኤዝስ ኡባ ዎደ ጾሳትꬅ ሃኖትꬂ የዛ። ማቆፕ አትን፥ ኤዛ ጾሳር ፐቶ ኡድዝ ጾሳትꬅ ሀኖታ፥ ዎልቃር ኤኮዳይስ ኮየካያ።
PHI 2:7 ማቆዝን፥ ኤ ፋስ የዛ ቦንቻ ኡባ አሺ፥ አይለ ጋርክ ማቂ አስ ኣዚ በንቴዛ፤ አስ ጋርክ የልንቴዛ።
PHI 2:8 ኤ ፋና ላፍꬄዛ፤ Ꮊይቆድ ጋꬆ፥ ሀራ አቶዝን ማዝቃለል አፋ Ꮊይቆድ ሄሎዳይስ ኪትንቴዛ።
PHI 2:9 የይ ግሾ፥ ጾሳይ ኤዛ ኣꬂ ꬎቅ ꬎቅ ኡዴዛ፤ ማ ሱንꬅ ኡባፐካ ኣꬊዝ ꬎቀ ሱንꬅ እንጌዛ።
PHI 2:10 ሳሎኔ ሳአል፥ ሳአፕ ኦሞር የዝ ኡቢታይ፥ የሱሳ ሱንꬃይ ቦንቻይስ ቡንቂቶዳ።
PHI 2:11 አስ ኡባይ ፋ እራንꬃይር፥ የሱስ ክርስቶሳ ጎዳ ዬጊ ማርካቲ፥ ጾስ አዳይስ ቦንቾ እንጌዛ።
PHI 2:12 ታ እሹንꬆ፥ ታኒ ይንታር የዛ ዎደ ኡባይድ ይ ኪትንቴዛይ ጋርክ፥ Ꮊት ታኒ ይ ላንቃይፕ ሃክኮካ፥ ቲናሳይፕ ኣꬂ፥ ኪትንቶዳይስ ቤዝዛ። ጾሳይስ ያሻራኔ ኩኩርሳር ይ አቶትꬃ ቤዝዛ ኦሶ ኦꬆይታ።
PHI 2:13 ጾሳይ፥ ይ ሀኖድ ጋርክ ኤ ኮይዝ ባዝ ይ ኮዮዳይ ጋርከኔ ኦꬆዳይ ጋርክ ኡባ ዎደ ይ ጋንጨ ኦꬅዛ።
PHI 2:14 አባ ኦሶ ኦꬅታራካ ዝግረካዛራኔ ፓላመካዛር ኦꬆይታ።
PHI 2:15 ዡጫኔ ናጋራ ኦꬅዝ አስ ጋንጨ ቦርንቶዝታ፥ ቦርሶ ባዝታኔ ጌሻ ጾስ ናእታ ማቆይታ። ይ ኡ ጋንጨ ሳሎ ጾልንቶ ጋርክ ፖኦዳ።
PHI 2:16 የይካ ሀንዛይ ደኦ እንግዝ ቃላ ሚንꬅ አይክꬃራ። የ ዎደ ታ ዳቡርሳይ ታ ኦሳይ ጨረ አተካ ግሾስ ክርስቶሳ ይእዛ ጋላስ ታ ይንታል ጬቅንቶዳ።
PHI 2:17 ሀኖ ዝን ይ ጾስስ አማኖር እንግዝ ያርሻይላኔ ኦሳይል አፋ ታካ ጉጅንቲ ያርሽንትዛኮ ታና ኡፋይስዛ። ይንትካ ታር ኡፋይቶዳ።
PHI 2:18 የይ ጋርክ ይንትካ ኡፋይቲ ታናካ ይንታር ኡፋይሶዳይስ ቤዝዛ።
PHI 2:19 ታኒ ይ የስ ባጋ ስኢ ኡፋይቶዳይስ ጽማቶሳ ይንትኮ ኤልሲ ዳኮዳይ ጎዳ የሱሳ ሸነ ማቆዳና ታ አማንዛ።
PHI 2:20 ይንትስ ዎዝናፕ ቆፕዝ ኤ ጋርከ አስ ሀራ ኦንካ ታስ ባያ።
PHI 2:21 Ꮊንክታይ ፋና አድዛ ባዝ ኮዥዛፕ አትን የሱስ ክርስቶሳ ኮይዝ ባዝ ኦꬆያ።
PHI 2:22 ኤ ታራ ዎላ ማቂ ናአ ፋ አደስ ኦꬅዛይ ጋርክ ዎንግለ ኦሶ ኦꬄዛኔ አማንንትዛ አስ ማቄዛና ይ ኤርዛ።
PHI 2:23 የይ ግሾ፥ ታባዚ አብ ሀኖዳዛኮ ብኢ ኤልሲ ኤዛ ይንትኮ ዳኮዳ ግ ታ ቆፕዛ።
PHI 2:24 ታኒ፥ ታ ኡባስ ኡከር ይንትኮ Ꮊማዳና ጎዳይል አማንንትዛ።
PHI 2:25 ኡባራካ፥ ታኒ፥ ታ እሻ ኤጳፍሮድቱሳ፥ ታር ዎላ ታ ባጋ ማቂ ኦꬄዛና፥ ዎታዳረ ማቄዛኔ፥ ታና ማዶዳይስ ይ አዛዜዛና፥ ይንትኮ ኪቶዳይስ ቆፔዛ።
PHI 2:26 ኤ ይንታን ኡብታ በአዳይስ ኢታ ላሞትዛ። ማ ኤ ሀርግንቴዛና ይ ስኤዝ ግሾስ ፋ ዎዝናር ሎእꬂ ኡንእንቴዛ።
PHI 2:27 ኤ ቱማ ሀርግንቲ Ꮊይቂ ዉሪ አቴዛ። ዝን ጾሳይ ኤዝስ ቃꬊንቴዛ። ኤ ኣዳስ ባዝን አዛናይ አዛኖል አፋ ጉዥንታም ጋርክ፥ ታስካ ቃꬊንቴዛ።
PHI 2:28 ይኬ፥ ይ ኤዛ ማሂ ብኢ ኡፋይቶድ ጋርክ ታስካ ታ ዎዛና ጹሳይ እርጾድ ጋርክ ታኒ ኤዛ ኤልሲ ይንትኮ ዳኮዳይስ አሞትዛ።
PHI 2:29 ጎዳ አማንዛ አስ ጋርክ ኤዛ ኩንꬅ ኡፋይሳር ሞኮይታ። ማ ኤ ጋርክ አስ ኡብታካ ቦንቾይታ።
PHI 2:30 ይ ታ ላንቀ ማቂ ኦꬆዳይስ ዳንዳኦዋ ማዴ ማዲ ክርስቶሳ ኦሳይ ግሾስ ፋ ሸምፖስ ምጭንተካዛር Ꮊይቂ ዉሪ አቴዛ።
PHI 3:1 ይከፕ ገደ፥ ታ እሹንꬆ፥ ይ ጎዳይል ኡፋይቶይታ። ታኒ ቲን ጻፌዛና ማሂ ጻፎዳይ ታና አዛልሶያ፥ ዝን ይንታን ቡታፕ ናጎዳይስ ዳንዳእዛ።
PHI 3:2 ኢታ ባዝ ኦꬅዝ ካንታይፐኔ ዶካልንቶዳይስ ኮሽዛ ግዝ ኢታ አስታይፕ ናግንቶይታ።
PHI 3:3 ኑኒ ጾሳ ጌሻ አያናር ጎይንዝ ግሾኔ ኑ የሳይር ክርስቶስ የሱሳል ጬቅንትዛ ግሾስ ቱማ ዶካልንቶ ዶካልንቴዝታ። ኑኒ አፋር አሾ ጋላል አፋ ኦስንትዝባዛር ጬቅንቶያ።
PHI 3:4 ታ አሾር ጬቅንቶዳይስ ኮሽኮ ታ ጋመባዛር ጬቅንቶዳይስ ዳንዳእዛ። አባ አስካ አሾር ጬቅንትዛባዝ ፓስ የዛ ግ ቆፕኮ፥ ታኒ ኤዛፕ ኣꬎ ኡባፕ ኣꬂ ጬቅንትዛባዝ የዛ።
PHI 3:5 ታኒ የልንቴዝ ሆስፑንꬃ ቃማር ዶካልንቴዛ። ታኒ የልንቶር ትላ እስሬለ፤ ታኒ ቢናማ ኮቺ፤ ታኒ ዋላካ ባ እብራወ አሲ። አይሁደ ህገ ናጎር ማቅኮ ታኒ ፈርሳወ።
PHI 3:6 አይሁደ አማኖ ህገስ ቅናተር ማቅኮ ታኒ ዎሳ ኬꬅ ባይእዛያ። ፐቲ አሲ ህገ ናጊ ጽልዛባዝ ማቅኮ፥ ታል ቦሮ በንተካያ።
PHI 3:7 ዝን ቲን ታና ማድዛ ግ ቆፔዝባዝ ኡባ፥ ክርስቶሳ ግሾስ ግ ማዶዋ ባዝ ኡዲ ታይቤዛ።
PHI 3:8 የይ ኣዳ ባዝን ታኒ ታ ጎዳ ክርስቶስ የሱሳ ኤርዛይ ሀራ ባዝ ኡባፕ ሎእꬂ ኣꬊዝ ግሾስ የ ኡባ ዎ ባባዝ ጋርክ ታይቤዛ። ታኒ ኤ ግሾስ ኡባ ባዝ ቆህንቴዛ። ክርስቶሳ ደንጎዳይስ ኡባ ባዝ አላ ዎꬌዝ ቡረ ጋርክ ታይቤዛ። ታኒ የሱሳር ፐቶ ማቄዛ።
PHI 3:9 ታኒ ህገ ናጊ ደንግዝ ታ ጽሎትꬃ አሺ ክርስቶሳ አማንን በንትዝ ጽሎትꬃይ፥ ጾስ ላንቀፕ ይእዝ ጽሎትꬃይ Ꮊት ታስ የዛ።
PHI 3:10 ታኒ ክርስቶሳኔ ኤ ደንዶ ዎልቃ ኤሮዳይስ ኮይዛ። ታኒ ኤ መታ ኤዛር ሻክንቶዳይስኔ ኤ Ꮊይቃይር ኤዛ ኣዞዳይስ አሞትዛ።
PHI 3:11 ኡባራካ፥ Ꮊይቆፕ ደንዲ መꬍናስ ደኦር የዞዳና ኡፋይስ ጋዴዛ።
PHI 3:12 ታኒ Ꮊት ጋጻ ሄሌዛ ዎይ ታር ባላ ባያ ጎያ። ዝን ክርስቶስ የሱሳ ታና አይኬዝ ግሾስ ታኒ ታ ቲና የዝ ዎይታ አይኮዳይስ ዎጽዛኔ ቡትንትዛ።
PHI 3:13 ታ እሹንꬆ፥ ታኒ የያ ሄሌዛ ግ ቆፖያ፥ ዝን ታኒ ፐትባዝ ኡዶዳ። ታፕ ጉየር የዛና ዶግታር ቲና የዛና አይኮዳይስ ዛቱርዛ።
PHI 3:14 የይ ግሾስ፥ ታኒ ፎሎ ሄሎዳይስ ላስዛ። ጾሳይ ክርስቶስ የሱሳ ባጋር ሳሎ ጼጊ እማድ ዎይታይ ሳሎ ደኦ። ይን እዞ ኤኮዳይስ ዳቡርዛ።
PHI 3:15 ይኬ፥ ኑኒ አያናር ምንጌዝ ኡባይ የያ ቆፖዳይስ ቤዝዛ። ይንታፕ ባግታይስ ዱማትዛ ቆፋ የዛኮ፥ የያካ ጾሳይ ይንትስ ምልጽ ኡዲ ቤሳዳ።
PHI 3:16 ማቅኮካ፥ ኑኒ Ꮊኖ ሄሎዳይስ ጾስስ ቤዝዛ የሳይር፥ አን ቲና ዎላ Ꮊማዳ።
PHI 3:17 ታ እሹንꬆ፥ ታና ኣዞይታ፤ የይ ጋርከካ፥ ኑ ኣዝሳ ካልዛ አስታ አካኪ ቦኦይታ።
PHI 3:18 ታኒ Ꮊይፕ ቲና ማሂ ማሂ ኦዴዛ፥ ዝን Ꮊተካ ማሂ አፉꬃር ኦድዛ። ፋ የሳር ክርስቶሳ ማዝቃላይስ ፋና ሞርክታ ማሄዝ ጋመ አሳይ የዛ።
PHI 3:19 ኡ ዉርስꬃይ ꬋቦ፤ ኡ ኡላይ ኡንትስ ጾሰ። ዬላꬅዛ ባዝ ኡንትስ ቦንቾ፤ ማ ኡ Ꮊ ሳአባዝ ኣዳ ቆፕዛ።
PHI 3:20 ኑ ጋዳይ ሳሎ የዛ። ሳሎፕ የኦድ ꬋለ ጎዳ የሱስ ክርስቶሳ ኑ ላሞꬃር ናግዛ።
PHI 3:21 ክርስቶሳ ኡባ ባዝ ፋ ዎልቃይፕ ኦሞ ኡዶዳይስ ዳንዳእዛ ፋ ዎልቃይር ካዉዤዝ ኑ አሻ ላሚ ፋ ቦንቾ አሾ ኡዶዳ።
PHI 4:1 ታ እሹንꬆ፥ ታ ቃꬍዙንꬆ፥ ታ ላሞትዙንꬆ፥ ታ ኡፋይስታይኔ ታ ኦሶ አክልሉንꬆ ይኬ ጎዳይል ሚንጊ ኤቆይታ።
PHI 4:2 ኤዎዳራነ ስንጺካ፥ ይ ናምእታይ፥ ፐቲ ቆፋር ጎዳይ ባጋር ዎልስ ምሽታ ማቂ የዞድ ጋርክ ታኒ ይንታን ዞርዛ።
PHI 4:3 ታር ኦꬅዝ አማንꬅዛዮ፥ ኔኒ Ꮊ ማችታ ማዶድ ጋርክ ታ ነና ዎስዛ። Ꮊ ማችታይ ታር፥ ቀለምንጾሳራ ኡ ሱንꬃይ ጾስ ደኦ ማጻፋይ ጋንጨ ጻፍንቴዝ ሀራ አሳይር ዎላ ዎንግለ ኡባ አቆ ሄልꬆዳይስ ዳቡሬዛ።
PHI 4:4 ኡባ ዎደ ጎዳይር ኡፋይቶይታ። ታኒ የያ ጉጅካ ኦድዛ፤ ኡፋይቶይታ።
PHI 4:5 አስ ኡቢታይ ይ ሃዮትꬃ ኤሮ፤ ጎዳይ ኡከር የኦዳ።
PHI 4:6 ጾሳ ይ ዎስታር ኡባ ዎደ ኤዛ ጋላትታር፥ ይንታን ኮሽዛ ባዝ ኡባይስ ዎሶይታፕ አትን አባባዝስካ ህርግፓተ።
PHI 4:7 አስ ኤረትꬅ ኡባይፕ ኣꬊዝ ጾስ ሳሮትꬃይ፥ ይ ዎዛናኔ ይ ቆፋ ጎዳ የሱስ ክርስቶሳ ባጋር ናጎዳ።
PHI 4:8 ዉርስꬃል፥ ታ እሹንꬆ፥ ይ ካሃይራ ሎኦ ባዝኔ ጋላትስዛባዝ ቆፖይታ። ቱማ ማቄዝባዝ ኡባ፥ ቦንቾ ማቄባዝ ኡባ፥ ቆሆ ማቆዋ ባዝ ኡባ፥ ጌሽ ባዝ ኡባ፥ ሲቆ ባዝ ኡባኔ ኡፋይስዛ ባዝ ኡባ ቆፖይታ።
PHI 4:9 ይንቲ ታፕ ታማሬዝ ባዝ፥ ኤኬዝባዝ፥ ስኤዝባዝኔ በኤዝ ባዝ ኡባ ኦꬆይታ። ሳሮትꬅ እንግዝ ጾሳይ ይንታር ዎላ ማቃዳ።
PHI 4:10 ጋመ ዎደፕ ጉየ፥ ይ ታባዝ ማሂ ቆፕꬅ አይኬዝ ግሾስ ታኒ ጎዳይል ሎእꬂ ኡፋይትዛ። የያ ጉሳይ፥ ታስ ቆፖዳይስ ይንትስ ሀናም እጼዛይፕ አትን ታስ ቆፖያ ጉስ ባያ።
PHI 4:11 ታኒ የያ ግዛይ መቴዝ ግሾስ ጎያ፤ ታስ የዛ ባዝ ግዶድ ጉሳ ታ ታማሬዛ።
PHI 4:12 ታኒ መትንቲ የዝዛ የሳ ኤርዛ፤ ደሞካ ꬋቦካ ኤርዛ። አባ ማቅን ማ አባ ዎደካ ታኒ ምሽስ ናየስ፥ ፓጨስካ ኩንꬅስካ የዝ ጹራ ታ ታማሬዛ።
PHI 4:13 ዎልቃ እንግዝ ክርስቶሳር ኡባ ባዝ ታ ኦꬆዳይስ ዳንዳእዛ።
PHI 4:14 ማቅኮካ፥ ይ ታ መቶ ታር ሻክንቴዛይድ ሎኦ ኦꬄዛ።
PHI 4:15 ፍልጲሶሳ አሳዮ፥ ዎንግለ ቲና ኦዶዳይስ ታኒ ማቃዶናፕ ከዝዝ ዎደ እሞር ማቅን ኤኮራካ ይ ዎሳ ኬꬃፕ አትን ሀራ ኦንካ ታና ማደካዛ ይ ኤርዛ።
PHI 4:16 ተሰሎንቀ ታ የዛ ዎደካ ይ ታና ማቂ ማቂ ማዴዛ።
PHI 4:17 ታኒ፥ ይንታፕ ይ እሞታ ኤኮዳይስ ኮዪ ባዝን እሞፕ ይእዝ አንጆ ይ ኤኮዳይ ጋርኬ።
PHI 4:18 ታኒ፥ ይ እንጌዝ ኡባባዝታኔ ግዲ ፉጭዛባዝ ኤኬዛ። ይ ዳኬዝ ኡብታ ኤጳፍራድቱሳፕ ኤኬዛ፤ ኮሽዛ ባዝ ኡባይ ታስ የዛ። ይ ታስ ዳኬዝ እማይ ጾስስ ቶንክ ግዝ ሳዎ፥ ኤ ቃꬍዛ፥ ኤ ኡፋይትዛ ያርሾ ጋርከ።
PHI 4:19 ታ ጾሳይ ፋ ቦንቾ ዱረትꬃይ ጋርክ፥ የሱስ ክርስቶሳ ባጋር ይንትስ ኮሽዛ ባዝ ኡባ እማዳ።
PHI 4:20 ኑ አዳይስኔ ኑ ጾሳይስ መꬊናፕ መꬍና ሄሎዳይስ ቦንቾ ማቆ። አምንኤ።
PHI 4:21 ክርስቶስ የሱሳ ባጋር ጾስ አማንዝታ ኡብታ ሳሮ ጎይታ። ታር የዝ እሽታይ ይንታን ሳሮ ግዛ።
PHI 4:22 ጾስ አማኔዝ አሳይ ኡባይ፥ ኡባፕ ኣꬂ ካት ቄሳረ ኬꬃ የዝታይ ይንታን ሳሮ ግዛ።
PHI 4:23 ጎዳ የሱስ ክርስቶሳ ኣꬎ ኬሃትꬃይ ይንታር ማቆ።
COL 1:1 ጾስ ሸነር ክርስቶሳ የሱሳ ሀዋረ ማቄዝ ጳዉሎሳፐኔ ኑ እሻ ጽማቶሳፕ፥
COL 1:2 ቆላስያሳ ካታማ የዝ ክርስቶሳስ አማንንቴዝ ጌሽታይስ ጻፌዝ ኪታ። ጾሳ ኑ አዳይ ኣꬎ ኬሃትꬃይኔ ሳሮትꬃይ ይንትስ ማቆ።
COL 1:3 ኑኒ ይንትስ ዎስታር ጾሳ ኑ ጎዳ፥ የሱስ ክርስቶሳ ኣዳ ኡባ ዎደ ጋላትዛ።
COL 1:4 ኑኒ ክርስቶሳ የሱሳር የዝ ይ አማናኔ ጌሽታይስ ኡባይስ የዝ ይ ሲቃ ስኤዛ።
COL 1:5 ይ ቱማ ኪታ ማቄዝ ዎንግለ ቲና አማኔዝ ዎደ የ ኡፋይሳ ስኤዛ። የያ ይ ኦꬄዛይ ይ ኡፋይሳይ ሳሎ ይንትስ ናግንቴዝ ግሾሲ።
COL 1:6 ይ Ꮊ ዎንግላ ስኤዝ ዎደኔ ጾስ ኣꬎ ኬሃትꬅ ቱማትꬃ ሻኪ ኤሬዝ ዎደፕ አይኪ ይ ጋንጨ ሀኔዛይ ጋርክ ቢታ ኡባይድ ዳልግታራኔ ኣፍታር የዛ።
COL 1:7 ይ የያ ኑር ዎላ ክርስቶሳስ ኦꬅዛ አማንንቴዛኔ፥ ዶስንቴዝ ኤጳፍራፕ ታማሬዛ።
COL 1:8 ኤ የይል አፋ ጉጂ አያናይ ይንትስ እንጌዝ ሲቆር ይ ዎል ቃꬍዛና ኑስ ኦዴዛ።
COL 1:9 የይ ግሾስ፥ ኑኒ ይ ባዝ ስኤዝ ጋላሳይፕ አይኪ፥ ጾሳይ ፋ ሸና ይንታን ቤዞዳይ ጋርከ፥ ጌሻ አያናይ እንግዛ ኤራትꬅራኔ ኤጨትꬅ ኡባይር ይንታን ኩንꬆዳይ ጋርክ ኡባ ዎደ ይንትስ ጾስ ዎስዛና አሻሚ።
COL 1:10 የይ ጋርከካ፥ ጎዳይ ኮይዛይ ጋርክ ይ የዞድ ጋርክ፥ ኡባ ዎደ ኤ ኡፋይቶዳይ ጋርክ፥ ሎኦ ኦሶ ኡባይድ ይ ኣፈ ኣፎድ ጋርከኔ ጾሰ ኣꬂ ኤርታር ድጮዳይ ጋርክ ጾሳ ዎስዛ።
COL 1:11 ጾሳይ ፋ ግታ ዎልቃይር ምኖትꬅ ኡባ ይንትስ እንጎ። ይ ዳንዳአራካ ጋርዦዳይ ጋርክ ኡፋይሳር ጊግንቴዝታ ማሆ።
COL 1:12 ማ ጾስ አስታ ፖኦ ካተትꬃ ላቶዳይ ጋርክ ይንታን ኦꬄዝ ጾስ ኣዳ ጋላቶይታ።
COL 1:13 ኤ ኑና ꬉማ ዎልቃፕ ሻኪ አሺ ፋ ዶስዛ ናአይ ካተትꬃ ገሎዳይ ጋርክ ኡዴዛ።
COL 1:14 ኤ ዎዝን ኑ ኑ ናጋራይስ አቶትꬅ ደንጌዛ።
COL 1:15 ክርስቶሳ በንቶዋ ጾሳይስ ቱማ ኣዝሶ። ኤ መትꬅ ኡቢታይፕ ኣꬎ ግታ ባይራ።
COL 1:16 ኡባ ባዝ ኤ ባጋር መꬍንቴዛ። በንትዝባዝታይኔ በንቶዋባዝታይኔ፥ ዎልቅታይኔ ጎድታይ፥ ሞድዝታይኔ ማዉተ አድታይ፥ ሳሎኔ ሳአ የዝ ኡብታ ጾሲ ኤ ባጋራኔ ኤስ መꬌዛ።
COL 1:17 ኤ ኡባባዛፕ ካሰ የዛ። ኡባ ባዝ ክርስቶሳ ባጋር ፋ አቆ አቆ አይክንቲ ኤቄዛ።
COL 1:18 ኤ ፋ አሰትꬅ ማቄዝ ዎሳ ኬꬃይስ ኩስተ። ኤ ኡባይፕ ኣꬅ ማቆዳይስ Ꮊይቆፕ ደንዶር ቲናኔ ባይራ።
COL 1:19 ጾሲ ፋ ኩንꬅ ጾሳትꬃይ ፋ ናአይ ጋንጨ የዞዳና ኮዬዛይ ጾስ አዳይ ሸነ ማቄዝ ግሾስ የይካ ሀኔዛ።
COL 1:20 ማ ማዝቃለል አፋ ላሌዝ ፋ ናአ ሱꬃይር ሳሮትꬅ መꬊ ሳሎኔ ሳአ የዝ ኡባ ኤ ባጋር ፓር ዳቦꬄዛ።
COL 1:21 Ꮊይፕ ቲና ይ ቆፋይኔ ይ ኦሶ ኢታትꬃይ ይንታን ጾሳፕ ሻጌዛኔ ኤስ ሞርክታ ኡዴዛ።
COL 1:22 ዝን Ꮊት ክርስቶሳ አሾር Ꮊይቄዝ Ꮊይቃይ ባጋር ጾሲ ይንታን ፓር እግንꬂ፥ ጌሽታ፥ ቦሮ ባዝታኔ ጽልታ ኡዴዛ።
COL 1:23 ይ፥ ይ አማኖር ኤንኤካ ሚንጊ ጻጲ የዞዳይስ ቤዝዛ። ይ ዎንግለ ቃላ ስኤዝ ዎደ ኤኬዝ ኡፋይሳ ሚንꬂ አይኮይታ። የ ዎንግላ ይ ስኤዛኔ አላመ ኡባይል ሳባክንቴዛ። ታ፥ ጳዉሎሳካ Ꮊ ዎንግላይስ ኦሳንቾ ማቄዛ።
COL 1:24 ታኒ ይ ግሾስ Ꮊት ኤክዝ መታይ ታና ኡፋይስዛ። ክርስቶሳ ኤ አሰትꬅ ማቄዝ ዎሳ ኬꬃትስ ኤኮዳር ፋጬዝ መታ ታኒ ታ አሻይል ፖሎዳ።
COL 1:25 ጾሳ ቃላ ይንትስ ዉርሲ ኦዶዳይ ጋርክ ታስ እንግንቴዝ ማዉታይር ዎሳ ኬꬅስ ኦሳንቾ ማቄዛ።
COL 1:26 Ꮊ ቃላይ ብኒ ኣꬌዝ ላይꬅታይድ የለትꬅ ኡባይፕ ጌንጊ ጋምኤዛ። ዝን Ꮊት ጾሲ Ꮊ ጹራ አማንዛ ኡባይስ ቆንጭሴዛ።
COL 1:27 ጾሲ አይሁደ ማቄዝ አሳይ ጋንጨ Ꮊ ጹራ ቦንቾ ዱረትꬃ ቆንጭሴዛ። ኤካ ቦንቾ ኡፋይስ ማቄዝ ይ ጋንጨ የዝ ክርስቶሳ።
COL 1:28 የይ ግሾስ፥ ፐቲ ፐቲ አሳ ክርስቶሳር ኩንꬅ አስ ኡዲ ሺሾዳይስ ኤጨትꬅ ኡባይር አሳ ታማርሶራኔ ዞረር ክርስቶሳ ባጋ ሳባክዛ።
COL 1:29 ጾሲ ፋ ዳማ ዎልቃር ታል ኦꬅዛ ግሾስ Ꮊኖ ሄሎዳይስ ኤ ዎልቃር ቡትትዛኔ ዳቡርዛ።
COL 2:1 ታ ይንትስኔ ሎዶቃ ካታማ የዝ አሳይስ፥ Ꮊይ ጋርክ ታና ኣፈር በኤካ አስ ኡባይስ አብ ጋርክ ቡትትዛኮ ይ ኤሮድ ጋርክ ታ ኮይዛ።
COL 2:2 ታ ቡትትዛይካ ኡንቲ ፋ ዎዛናይር ሚንጊ፥ ሲቆር አጭንቲ፥ ፎሎ ማቄዝ ኩንꬅ አካካ ዱረትꬅ ደንጊ ጾስ ጹራ ክርስቶሳ ኤሮድ ጋርከሲ።
COL 2:3 ኤረተꬅኔ ኤጨትꬅ ሻሎ ኡባይ ቆስንቲ የዛይ ክርስቶሳራ።
COL 2:4 ታ የያ ግዛይ ኦንካ ይንታን ዶሻ ቃላር ባልꬃም ጋርከሲ።
COL 2:5 ታ ይንትፕ ሃኪ የዝኮካ አያናር ይንታር የዛ። ይ የሳይ ዎጋኔ ክርስቶሳ ይ ሚንጊ አማንዛና ብእን ታና ኡፋይስዛ።
COL 2:6 ይ ጎዳ ክርስቶሳ የሱሳ ኤኬዛን ጋርክ ኤዛር የዞይታ።
COL 2:7 ኤዛል ጻጶይታ፤ ኤዛል ኬጽንቶይታ። ይ ታማሬዛን ጋርክ አማኖር ሚንጎይታ፤ ጾሳይስ ኩሚ ፑጬዝ ጋላታ እንጎይታ።
COL 2:8 ክርስቶሳፕ ባዝን አስ ዎጋራኔ Ꮊ አላማይ ጨረ ዎጋል ኤቄዝ አስ ኤረትꬃር መꬊ ከሴዝ ትምርታይራኔ ጨረ ዶሻር ኦንካ ይንታን ባልꬂ ድኣማይ ጋርክ ናግንቶይታ።
COL 2:9 ጾስ ጾሰትꬅ ፎሎ ኩንꬄትꬃይ አሰትꬃር ቆንጭ የዝዛይ ክርስቶሳራ።
COL 2:10 ይንትካ ማዉተስኔ ዎልቃ ኡባይስ ኩስተ ማቄዝ ክርስቶሳር ኩንꬅ ደኦ ደንጌዛ።
COL 2:11 ይ ክርስቶሳና አማኖር ዶካልንቴዛ። የይካ አስ ኩሸር ባዝን ይ ኢታ ናጋራራ ኩሜዝ ሀኖትꬅ ሃስዝ ክርስቶሳር ኦስንቴዝ ዶካልንቶ።
COL 2:12 ይ ጻማቅንቴዝ ዎደ ክርስቶሳር ዎላ ሞግንቲ፥ ክርስቶሳ Ꮊይቆፕ ደንꬄዝ ጾስ ዎልቃ አማኒ፥ ክርስቶሳር ዎላ ደንዴዛ።
COL 2:13 ይ፥ ይ ናጋራ ግሾኔ ይ ጬጋ አሰትꬃ ዶካልንተካ ግሾስ Ꮊይቂ የዝን፥ ጾሲ ይ ናጋራ አቶ ጌዛ። ክርስቶሳር ይንትስ ደኦ እንጌዛ።
COL 2:14 ኤ ኑ ሞታኔ ኑር ኤቅንትዛ፥ ኑል አፋ ጻፍንቴዝ አጮ ጹፋ ፔꬊ ማዝቃለል አፋ ምክንቲ ኦገፕ ታጌዛ።
COL 2:15 ክርስቶሳ ዎልቂታኔ ማዉተ አድታ ማዝቃለል ጋሚ፥ ኡ ዳንጫ ብልእሲ፥ ድእንቴዝ አስ ጋርክ ኡዲ ኡንታን ቆንጨ ከሲ ቤዜዛ።
COL 2:16 የይ ግሾስ፥ ሚዝባዛር ዎይ ኡዥዝ ባዛር፥ አጌና ጼርዛ ቃማ ዎይ ማላ ቦንቾ ባጋ ኦንካ ይንታል አፋ ፕርድፐ።
COL 2:17 የይትታይ ቲናፕ የኦዳይስ የዛ ባዝታይስ ኤሾ፥ ዝን ኡባይ ክርስቶሳ።
COL 2:18 ቆፕ ቆሞ ሃዮትꬅኔ ኪታንቾስ ጎይኖር ጬቅንትዛ ኦንካ ይንታን ይ ዎይታይፕ አሽፐ። የይ ጋርክ አሲ ፋ በኤዝ ቆንጭꬃር ሳብንትታር ፋ አሾ ቆፋር ጨረ ኡትርትዛ።
COL 2:19 የይ ጋርክ አሳይስ ኩስተ ማቄዝ ክርስቶሳኮ ሺቆ ባያ። ኤ አሰትꬃ ኡባ ሻሻራኔ ዎል ሄልꬂ አይꬂ ሙዚ ድችዛ። ጾሲ የይ ጋርክ ኦገር አሰትꬃ ኡባ ድችዛ።
COL 2:20 ይ ክርስቶሳር Ꮊይቂ Ꮊ አላማ ሃርዛ አያንታይ ዎልቃፕ ዎዝንቴዛ። የዝን፥ አብስ ሻክንተካ አስ ጋርክ ማቂ Ꮊ ዎግታይስ ሞድንቴ?
COL 2:21 Ꮊ ዎግታይ፥ «አይክፐ፤ ላእፐ፤ ቦችፐ» ግንትንትዝታ።
COL 2:22 Ꮊ ኡባይ አስ ዎጋኔ ትምርተ ማቄዝ ግሾስ ኦሶል አፋ ፔዤዛይፕ ጉየ ꬋቦዳይስ የዛ።
COL 2:23 Ꮊ አዛዝታይ አሲ ፋ ኡባ ቆፋፕ መꬌዝ ጎይኖ፥ አቆፕ ኣꬌዝ ሃዮትስኔ አሰትꬃ ቆሆር ኤርንቶ ኡንትስ ኤጨትꬂ ኣዝዛ፥ ዝን ኑ ኢታ አሞትꬅ ሃሮዳይስ ኡንትስ ዎልቃ ባያ።
COL 3:1 ይኬ፥ ይ ክርስቶሳር Ꮊይቆፕ ደንዴዛይ ጋርክ፥ ጾሳይፕ ኡሻች ባጋ በቴዝ ክርስቶሳ የዝ አቆ፥ ሳሎ የዛባዝታ ኮዮይታ።
COL 3:2 ሳሎ የዝታይል አፋ ይ ቆፋ ጋዶይታፕ አትን ሳአ የዝባዝታይል አፋ ጋድፓተ።
COL 3:3 Ꮊይቆር ሻግንትዛይ ጋርክ ይ Ꮊ አላመ ኢታ ሀኖፕ ሻክንቴዛ። ይ ደአይ ክርስቶሳር ዎላ ጾስ ጋንጨ ቆስንቴዛ።
COL 3:4 ይንትስ ደኦ ማቄዝ ክርስቶሳ ቆንጭዝ ዎደ የ ዎደ ይንትካ ኤዛር ቦንቾር ቆንጮዳ።
COL 3:5 የይ ግሾስ፥ ይንታል የዝ Ꮊ ሳአ አሾ ቆፍታ ዎꬎይታ። የይትታይካ ላግተ፥ ቱናትꬂ፥ ላግተስ ተንትቶ፥ ኤቃስ ጎይኖ ጋርከ ማቄዝ አሞትꬂ።
COL 3:6 የይፕ ደንዴዛይድ ጾስ ካቻይ አዛዝንቶዋ አሳይል አፋ የኦዳ።
COL 3:7 ይንትካ ቲና የ ኢታ ኦጋይር የꬍታር Ꮊይትታ ኦꬄዛ።
COL 3:8 Ꮊት ማቅኮ ይ የይትታ ኦꬅፓተ። የይትታይክ ካቺ፥ ይሎ፥ ገነኔ ቦርሶ ናሻ ይንትፕ ሃሶይታ።
COL 3:9 ጬጋ ሀኖትꬃ ኤ ኦሳይር ይንትፕ ቃሬዝ ግሾስ ዎልስ ዎርዶትፓተ።
COL 3:10 መꬊዛያ ኣዝዝ፥ ኤረትꬃር ላምንቴዝ ኦሮꬅ ሀኖትታ ማኦይታ።
COL 3:11 Ꮊ ኦሮꬅ መትꬃይር፥ ግርኬ አስ ዎይ አይሁደ አስ፥ ዶካልንቴዛይ ዎይ ዶካልንተካዛይ፥ ታማሬዝ አስ ዎይ ታማረካ አስ አይለ ዎይ ጎዲ ባያ። ክርስቶሳ ኡባ፤ ኤ ኡባይዳካ የዛ።
COL 3:12 የይ ግሾስ፥ ጾሲ ማራጼዝ አስ ጋርክ ገሸትꬃር ዶስንቴዝታ ማቂ፥ ማሮትꬅ፥ ቃ፥ አሽከትꬅ፥ ሃዮትꬅ ኬሃትꬅኔ ዳንዳአ ማኦይታ።
COL 3:13 ዎል ዳንዳኦይታ። ኦንካ ፋ ላጋይፕ ቆህንቴዝ ባዝ ዬዝኮ ኤስ አቶ ጎይታ። ጎዳይ ይንትስ አቶ ጌዛይ ጋርክ ይንትካ ዎልስ አቶ አቶ ጎይታ።
COL 3:14 የ ኡባይል አፋር ኡባ ባዝ ዎላል ሺሺ አጭዝ ሲቆ ማኦይታ።
COL 3:15 ጾሲ ይንታን ፐቲ አስ ኡዲ ጼጌዛይ፥ ሳሮተꬅስ ማቄዝ ግሾስ ክርስቶሳ ሳሮትꬃይ ይ ዎዝና ሃሮ። ጋላታር ኩሜዝታ ማቆይታ።
COL 3:16 ክርስቶሳ ቃላይ ይ ዎዝናይድ ኩሚ የዞ። ኤጨትꬅ ኡባር ዎል ታማርሶይታኔ ዞሮይታ። ማዝሙረር፥ ሳባራኔ አያና የꬃር ጾሳ ዎዝናፕ ጋላትታር የጾይታ።
COL 3:17 ጾስ አዳ የሱሳ ባጋር ጋላትታር ይ ኦድንትዛ ዎይ ኦꬅዛ ባዝ ኡባ ጎዳ የሱሳ ሱንꬃይር ኦꬆይታ።
COL 3:18 ማችታዮ፥ ጎዳይ ቲና ቤዝዛ ባዝ ማቄዝ ግሾስ ይ አዝንታይስ አዛዝንቶይታ።
COL 3:19 አዝንታዮ፥ ይ ማችታ ዶሶይታ፤ ኡንትስ ኢትፓተ።
COL 3:20 ናእታዮ፥ ይንታን የሌዝታይስ ኡባ ባዛር አዛዝንቶይታ፤ የይ ጎዳ ኡፋይስዛባዚ።
COL 3:21 የሌዝታዮ፥ ይ ናእታይ ኡፋይስ ጋቻማይ ጋርክ ኡንታን ይሎስፓተ።
COL 3:22 አይልታዮ፥ ሳአል አፋ ይንትስ ጎድ ማቄዝታይስ ኡባ ባዛር አዛዝንቶይታ። ጎዳ ቦንችታር ሉለ ዎዝናፕ ኪትንቲ ኡንታን ኡፋይሶይታፕ አትን አሲ ቦኦ ግ ኦꬅፓተ።
COL 3:23 ይ ኦꬅዛ ኦሶ ኡባ አስስ ባዝን ጎዳይስ ኦꬅዛይ ጋርክ ዎዝናፕ ኦꬆይታ።
COL 3:24 ጎዳይፕ ሳሎ ቢታ ዎይቶ ኡዲ ናጎዳና ኤሮይታ፤ ይ ጎዳ ክርስቶሳስ ኦꬅዛ።
COL 3:25 ጾሲ አስ ኣፈ ዞቆ ብኢ ፕርዶዋ ግሾስ ኦንካ ኢታ ኦሶ ኦꬅኮ ፋ ኢታ ኦሳይ ግሾስ ማህꬅ ኤኮዳ።
COL 4:1 ጎድታዮ፥ ይንትስካ ማ ሳሎ ጎድ የዛና ኤሪ፥ ይ አይልታይስ ጽሎትꬃራኔ ፐታ ፐታይፕ ሻከካዛር አቅሶይታ።
COL 4:2 ጾሳ ሚንጊ ጋላትታር ጋቼካዛር ዎሶይታ።
COL 4:3 ጾሲ ፋ ቃላ ፐንጋ ዶዮዳይ ጋርከኔ ታኒ ኤ ግሾስ አጭንቴዝ ክርስቶሳ ጹራ ማርካቶድ ጋርክ ኑስካ ዎሶይታ።
COL 4:4 ማ ታካ ቤዝዛይ ጋርክ ቃላ ቆንጭስ ኦዶዳይ ጋርክ ታስ ጾሳ ዎሶይታ።
COL 4:5 ዎዳ ዎዝታር አማኖዋ አሳይ ላንቀ ኤጨትꬃር የዞይታ።
COL 4:6 ይ አስ ኡባይስ ኮሽዛ ማህꬅ ኤሮድ ጋርክ ይ ናሻይ ኡባ ዎደ ኣꬎ ኬሄትꬃር ኩሜዛኔ ማጽነ ጋርክ ማልእዛ ባዝ ማቆዳይስ ቤዝዛ።
COL 4:7 ኑ ሲቆ እሻይ ትክቆሳ፥ ታር ዎላ ጎዳይ ኦሳይድ አይለ ማቄዝ፥ አማንንቴዝ ኦሳንቻይ፥ ታ የስ ባጋ ይንትስ ኦድዛ።
COL 4:8 ታኒ ኤዛ ይንትኮ ኪቴዛይ፥ ኑ ዋይዚ የዛኮ ይንትስ ኦዲ ይንታን ምንꬃꬆዳይ ጋርከሲ።
COL 4:9 አናስሞሳ፥ አማንንትዛ ሲቆ እሻይ፥ ይ ባጋይ፥ ኤዛ ይንትኮ ኪቴዛ። ኡንቲ Ꮊይዳ ሀንዛ ባዝ ኡባ ይንትስ ኦዶዳ።
COL 4:10 ታር ዎላ አጭንቴዝ አርስጽሮኮሳኔ ባርናባሳ እሻይ ናአይ ማርቆሳ፥ ይንታን ሳሮ ዬግዛ። ታ ይንትስ ቲና ኦዴዛይ ጋርክ ማርቆሳ ይንትኮ Ꮊንግኮ ኤዛ ሞኮይታ።
COL 4:11 ኢያሱ ግዝ ያስጾሳ ይንታን ሳሮ ዬግዛ። ጾስ ካተትꬅ ግሾስ ታር ኦꬅዛ አሳይ ጋንጨፕ አይሁደ ማቄዝታይ ኡ ኣዳ። ኡንትካ ታና ምንꬃꬄዛ።
COL 4:12 ይ ዳቦ፥ ክርስቶስ የሱሳ አይለ፥ ኤጳፍራ ይንታን ሳሮ ዬግዛ። ኤ ይ ጾስ ቲና ሚንጊ ኤቆድ ጋርከኔ ጾስ ሸነ ኤሪ ፖሎዳይ ጋርክ ኡባ ዎደ ጾሳ ይ ግሾስ ዎስዛ።
COL 4:13 ኤ ይ ግሾስ ሎዶቃኔ ህራፖልሳ ካታማ የዝ አሳይ ግሾስ ኢታ ዳቡሬዛና ታ ማርካትዛ።
COL 4:14 ኑ ሲቆ እሻይ አክመ ሉቃሳኔ ዴማሳ፥ ይንታን ሳሮ ዬግዛ።
COL 4:15 ሎዶቃ የዝ ኑ እሽታይሲ፥ ንምፋስኔ እ ካራ ሺቅዛ አሳይስ ኑ ሳሮꬃ ኦዶይታ።
COL 4:16 Ꮊ ዳብዳባ ይ ናባቤዛይፕ ጉየ፥ ሎዶቃ ዎሳ ኬꬃ ናባብሶይታ። ይንትካ ሎዶቃ ዎሳ ኬꬃይ ይንትስ ዳክዝ ዳብዳባ ናባቦይታ።
COL 4:17 ማ አርክጳሳና፥ «ጎዳይ ኔስ እንጌዝ ኦሳ ፖሎዳና ዶግፐ» ዬጊ ቆፍሶይታ።
COL 4:18 ታኒ፥ ጳዉሎሳ፥ Ꮊ ሳሮꬃ ታ ኩሸር ጻፌዛ። ታ አቻ የዛና ቆፖይታ። ጾስ ኣꬎ ኬሃትꬃይ ይንታር ማቆ።
1TH 1:1 ጳዉሎሳ ስላሰኔ ጽማቶሳ ተሰሎንቀ ዎሳ ኬꬃ የዝ አማንዛ አስታይስ፥ ጾሳ አዳይ ባጋኔ ጎዳ የሱስ ክርስቶሳ ባጋ ማቄዝ አሳይስ ጻፌዝ ኪታ። ኣꬎ ኬሃተꬃይኔ ሳሮ ይንትስ ማቆ።
1TH 1:2 ኑኒ ኡባ ዎደ ጾስ ዎስታር ይንታን ቆፕታር ይ ግሾስ ኡባ ዎደ ጾሳ ጋላትዛ።
1TH 1:3 ኑ ጎዳኔ አዳይ ቲና አማኖር ይ ኦꬄዝ ኦሳ፥ ሲቆር ይ ዳቡሬዝ ዳቡራኔ የሱስ ክርስቶሳር የዝ ይ ኡፋይሳ ሚንጊ ኤቄዝ ኤቃ ኡባ ዎደ ቆፕዛ።
1TH 1:4 ጾሳ ዶሴዝ ኑ እሹንꬆ፥ ጾሲ ይንታን ዶሬዛና ኑ ኤርዛ።
1TH 1:5 አብስ ጊኮ፥ ኑኒ ዎንግለ ዶና ኣዳር ባዝን ዎልቃር፥ ጌሻ አያናራኔ ዎንግለ ቱማትꬃር ይንትስ ከኤዛ። ኑኒ ይንታር ጋምኤዝ ዎደ ኡባይድ ይ ግሾስ ዋይዚ የዜዛኮ ይ ኤርዛ።
1TH 1:6 ይ ጋመ መቶ ኤክኮካ ጌሻ አያናይ እንግዛ ኡፋይሳይ ባጋር ኪታ ኤኬዛ፤ ኑናኔ ጎዳይ ኣዝሳ ካልዝታ ማቆይታ።
1TH 1:7 የይ ግሾስ፥ ማቃዶናኔ አካያ ቢታ የዝ አማንዛ ኡባይስ ሎኦ ኣዝሶ ማቄዛ።
1TH 1:8 ጎዳ ቃላይ ይንትፕ ከዚ፥ ማቃዶናራኔ አካያ ኣዳ ባዝን ጾሳ ይ አማንዛይ ኡባ አቆ ስንቴዛ። ይኬ፥ ኑኒ ጎድባዝ አኮካ ባያ።
1TH 1:9 ኑኒ ይንትኮ Ꮊንጌዝ ዎደ ይ ኑና ሞኬዝ ሞካኔ ይ፥ ይ ኤቃ አሺ ቱማኔ ደኦ ጾሳይስ ኦꬆዳይስ ይ ዋይዚ ማቄዛኮ ኡንቲ ፋ ኦማስ ኦድዛ።
1TH 1:10 ማ ጾስ ናአይ፥ የሱሳ፥ ጾሲ Ꮊይቆፕ ደንꬄዛይ፥ ቲናፕ የኦድ ጾስ ካቻይፕ ኑና አሾዳይ፥ ሳሎፕ የኦዳና ይ ዋይዚ ናግዛኮ ኡንቲ ማርካትዛ።
1TH 2:1 ታ እሹንꬆ፥ ኑኒ ይንትኮ Ꮊንጌዛይ ጨረ ባዛና ይ፥ ይ ኦማስ ኤርዛ።
1TH 2:2 ዝን ኑኒ ይንትኮ ተሰሎንቀ የኦዳይፕ ቲና ፍልጲሶሳ ካታማይድ መትንቴዛኔ ጫዥንቴዛ ይ ኤርዛ። ጋመ እጾ የዝኮካ ይንትስ ዎንግለ ኦዶድ ጋርክ ጾሲ ኑስ ምኖትꬂ እንጌዛ።
1TH 2:3 ኑኒ ይንታን ዞሬዛይ ባልꬆር ዎይ ቱና ቆፋር ዎይ ገነር ባያ።
1TH 2:4 ዝን ጾሲ ኑል አማንቲ ፋ ዎንግለ ኦዶዳይ ጋርክ ኑስ ሀዳራ እንጌዝ ጋርክ ኦዶዳ። ኑ የያ ኦꬄዛይ ኑ ዎዝና ብእዛ ጾሳ ኡፋይሶዳይስፕ አትን አስ ኡፋይሶዳይስ ባያ።
1TH 2:5 ኑ ሚሸ ዶሲ ዎርዶር ይንታን ሳቆꬅታር ይንትኮ የኤካዛና ይ ሎእꬂ ኤርዛ፤ ጾስካ ኑስ ማርካ።
1TH 2:6 ኑኒ ይንታፕ ማቅን ዎይ ሀራ ኦፐካ ቦንቾ ኮየካያ።
1TH 2:7 ኑኒ ክርስቶሳ ሀዋረ ማቄዛይ ጋርክ ኑስ ቤዝዛ ባዝ እንጎይታ ግ ኤኮዳይስ ዳንዳእዛዝን እንዳ ፋ ናእታ ድችዛይ ጋርክ ይ ጋንጨ ኑ አሽከትꬃር ዩዬዛ።
1TH 2:8 ኑ ይንታን ዶሴዝ ግሾስ ጾስ ዎንግለ ይንትስ ሻኮ ኣዳ ባዝን ኑ ሸምፓካ ይንትስ እንጎዳይስ ጊጊ በቴዛ። ይ ኑር ጋመ ዶስንትዝታ።
1TH 2:9 ኑ እሹንꬆ፥ ኑ ኦሳኔ ኑ ዳቡርሳ ይ ኤርዛ። ይንትስ ጾስ ዎንግለ ኦድታር፥ ይንታን ዋይꬃማይስ ቃማኔ ጋላስ ኦꬄዛ።
1TH 2:10 ኑ ደአይ ይ አማንዝታይ ካለኔ ጾስ ቲና ጌሺ፥ ጽሎኔ ቦርንቶዋዝታ ማቂ የዜዛይስ ጾስኔ ይንቲ ማርካ።
1TH 2:11 ኑኒ ይንትስ ኦማስ ኦማስ አደ ፋ ናእታይስ ሀንዛይ ጋርክ ሀኔዛና ይ ኤርዛ።
1TH 2:12 ኑ ይንታን ዞሬዛ፥ ምንꬄꬄዛ። ማ ኤ ካተትꬃኔ ኤ ቦንቻ ይ ሻክንቶዳይስ ይንታን ጼጌዝ ጾስ ኡፋይስዛ የስ ይ የዞዳይ ጋርክ ይንትስ ሚንꬂ ኦዴዛና ይ ኤርዛ።
1TH 2:13 ማካ ኑ ይ ባጋ ጋቼካዛር ጾስ ጋላትዛ ባዝ የዛ፥ የይካ ይ ኑፕ ስኤዝ ጾስ ቃላ ይ ኤኬዝ ዎደ ይንታር አማንዝታይር ኦꬅዛ Ꮊ ቃላ ይ አስ ቃላ ጋርክ ባዝን ቱማ ጾስ ቃላ ጋርክ ኤኬዛ። የይካ ቱማ ጾስ ቃላ።
1TH 2:14 ታ እሹንꬆ፥ ይ ይሁዳ ቢታ የዝ ዎሳ ኬꬅታኔ ኤዛይድ ክርስቶሳ የሱሳ ካልዛ አሳይ ጋርክ ሀኔዛ። ኡንታን አይሁድታይ ዋይꬄዛይ ጋርክ ይንታናካ ይ ቢታ አሳይ ዋይꬄዛ።
1TH 2:15 የ አይሁድታይ ጎዳ የሱሳኔ ናብታ ዎꬌዛ፤ ማ ኑናካ ባይእꬅ ቢታፕ ከሴዝታ። ኡንቲ ጾስ ኡፋይሶዝታኔ አስ ኡባ እጽዝታ።
1TH 2:16 ኡንቲ ሀራ አቶዝን፥ አይሁደ ማቀካ አሳይ አቶዳይ ጋርክ ኑ ኡንትስ ቃላ ኦድዛናካ ካይዛ። የይ ጋርክ ሀኒ ኡ ኡባ ዎደ ናጋራ ናጋራል ኦꬄዝ ግሾስ፥ ዉርስꬃል፥ ጾስ ካቻይ ኡንታል አፋ ዎꬌዛ።
1TH 2:17 ዝን ኑ እሹንꬆ፥ ኑኒ አያናር ባዝን አሾር ይንትፕ ሻክንቲ ጽቃ ዎደ ጋምኤዛይድ ይንታን ኢታ ላሞቲ አሾር በአዳይስ ኮዬዛ።
1TH 2:18 ኑ ማቂ ይንትኮ Ꮊንጎዳይስ ኮዬዛ። ታኒ ታ ኦማስ ይንትኮ Ꮊንጎዳይስ ኮዬዛ፥ ዝን ጻላሄ ኑና ካዬዛ።
1TH 2:19 የዝን፥ ኑ ጎዳ የሱስ ክርስቶሳ ይእዛ ዎደ ኑ ኡፋይሳይ ዎይ ኑ ጬቅንትዛ ኑ ዛዉዳይ ኦኖ? ይንታን ባሳኔ?
1TH 2:20 ቱማ ይ ኑ ቦንችታኔ ኑ ኡፋይስታ።
1TH 3:1 የይ ግሾስ፥ ይንታን በኤካ ጋርዦ ኑስ ዳንዳእንታም እጽን፥ አቴና ካታማ ኑ ኣዳስ አቶዳይስ ቆፋ አጬዛ።
1TH 3:2 ይንታን ዞሮድ ጋርከኔ አማኖር ምንꬃꬆድ ጋርከ ኑራ ዎላ ጾስስ ኦꬅዛኔ ክርስቶሳ ዎንግለ ኦድዛ ኑ እሻ ጽማቶሳ ይንትኮ ኪቴዛ።
1TH 3:3 የይካ ይንታን ሄሌዝ መታይድ ይንትፕ ኦንካ ጉየ ማቅፐ። የ ባይእꬃይ ኑስ ጾስ ሸነ ማቄዛና ይ፥ ይ ኦማስ ኤርዛ።
1TH 3:4 ኑ ይንታር የዝ ዎደ ባይእꬅ ሄሎዳና ይንትስ ቲናቲ ኦዴዛ። ይ ኤርዛይ ጋርክ ሀኔዛ።
1TH 3:5 የይ ግሾስ፥ ታስ ጋርዦዳይስ ዳንዳእንታም እጽን፥ «ኦኒ ኤሬ ጻላሄ ኡንታን ፓጪን ኑ ዳቡርሳይ Ꮊር አቶደሻ» ግ ይ አማናይ ባጋ ኤሮዳይስ ጽማቶሳና ይንትኮ ኪቴዛ።
1TH 3:6 Ꮊት ጽማቶሳ ይ ካለፕ ይኢ፥ ይ አማኖ ባጋኔ ይ ሲቆ ባጋ ሎኦ ዎረ ኦዴዛ። ማ ይ ኡባ ዎደ ኑስ ሎኦ ቆፕዛኔ ኑኒ ይንታን በአዳይስ ላሞትዛይ ጋርክ ይንትካ ኑና በአዳይስ ላሞቴዛና ኤ ኑስ ኦዴዛ።
1TH 3:7 ታ እሹንꬆ፥ ኑኒ ዋያይ ጋንጨኔ መቶ ጋንጨ የዝኮካ ይ አማናይ ግሾስ ኑ ሚንጌዛ።
1TH 3:8 ይ ጎዳይል ሚንጊ የዝኮ ኑ ፋጻት ይኖ።
1TH 3:9 ይኬ፥ ኑኒ ይንትፕ ደንዴዛይድ ደንጌዝ ኡፋይሳይስ ጾሳ ጋላትዛ።
1TH 3:10 ኑኒ ይንታን ኣፈር በአዳይስነ ይ አማናይድ ፓጬዝ ባዝ ኩንꬆዳይስ ቃማኔ ጋላስ ኑ ኩንꬅ ዎዝናር ጾሳ ዎስዛ።
1TH 3:11 ጾስ ኑ ጎዳይኔ ኑ አዳይ ኤ ኑ ጎዳይ የሱስ ክርስቶሳካ ፋ ኦማስ ኑ ይንትኮ Ꮊንግዛ ኦጋ ጊግሶ።
1TH 3:12 ኑ ይንታን ሎእꬂ ዶስዛይ ጋርክ ይ ዎል ሲቅዛ ሲቃኔ አስ ኡባ ሲቅዛ ሲቃ ጎዳይ ይንትስ ጋንꬆኔ ጉጆ።
1TH 3:13 ኑ ጎዳይ የሱስ ፋ ጌሽታይር ይእዛ ዎደ ጾሳይ፥ ኑ አዳይ ቲና ይ ዎዝና ጌሽኔ ቦሮ ባዛ ኡዲ ኤ ይንታን ምንꬃꬆዳ።
1TH 4:1 ዉርስꬃ፥ ታ እሹንꬆ፥ ጾሳ ኡፋይሶዳይስ ይ ዋይዚ የዞዳይስ ቤዝዛኮ ኑፐ ይ ታማሬዛ። Ꮊተካ ይ Ꮊይ ጋርክ የዝዛ፥ ዝን Ꮊት ይ ካሴሳይፕ ኣꬂ ኦꬆዳይ ጋርክ ጎዳ የሱሳ ሱንꬃይር ኑ ይንታን ዎስዛኔ ዞርዛ።
1TH 4:2 ኑኒ ጎዳ የሱሳ ማዉተር ይንታን አዛዜዝ ህጋይ ኣያዛኮ ይ ኤርዛ።
1TH 4:3 ጾሳይ፥ ይ ጌሽ ማቆዳይ ጋርከኔ ላግታፕ ሃኮዳይ ጋርክ ኮይዛ።
1TH 4:4 ይ ፐታይ ፐታይ፥ ይ ማችታይራ ጌሻትꬃራኔ ቦንቾር የዞዳይስ ቤዝዛ።
1TH 4:5 ጾስ ኤሮዋኔ አማኖዋ አስ ጋርክ ላግታስ ተንትቶር የዝፓተ።
1TH 4:6 ኑ ቲና ይንትስ ኦዴዛይ ጋርከኔ ሚንꬂ ዞሬዛይ ጋርክ ጎዳይ የይ ጋርክ ኦꬅዛ ኡባ ፕርድዛ ግሾስ ኦካ Ꮊይ ጋርክ አማንዛ ኦናካ ናቆዳይስኔ ዶሾዳይስ ቤዞያ።
1TH 4:7 ጾሲ ኑኒ ጌሸትꬃር የዞዳይ ጋርከፕ አትን ቱናትꬃር የዞዳ ጋርክ ጼገካያ።
1TH 4:8 የይ ግሾስ፥ Ꮊ ትምርታ እጽዛ ኦንካ ይንትስ ጌሻ አያና እንግዛ ጾሳ እጽነፕ አትን አሰ ባያ።
1TH 4:9 ይ ዎል ዋይዚ ዶሶዳዛኮ ጾሲ ይንታን ታማርሴዝ ግሾስ Ꮊት ዶሶ ባጋ ኑ ይንትስ ኦዶዳይስ ኮሾያ።
1TH 4:10 ማ ማቃዶና ቢታ የዝ አማንዝታ ኡባ ቱማ ይ ዶስዛ። ዝን ኑ እሹንꬆ፥ ዬዝካ ይ ኡንታን ኡሳ ዶሶዳይ ጋርክ ኑ ይንታን ዎስዛ።
1TH 4:11 ኑኒ ቲና ይንትስ ኦዴዛይ ጋርክ ዳጭ ግ የዞይታ። ይ፥ ይ ኩሸር ኦꬂ ይ የስስ ቤዝዛ ባዝ ደንጎይታ።
1TH 4:12 የይ ጋርክ ሀንኮ፥ አማኖዋ አስታይ ካንታይድ ይ ቦንችንቶዳ፤ ማ ይንታን ኮሽዛባዝስ ኦናካ ኣዳሻሚ።
1TH 4:13 ኑ እሹንꬆ፥ ኡፋይሲ ባ አስ ጋርክ ይ ካያꬋማይ ጋርከኔ Ꮊይቄዝ አሳይ ባጋ የዝ ቱማ ይ ኤሮዳይ ጋርክ ታ ኮይዛ።
1TH 4:14 ኑኒ፥ የሱሳ Ꮊይቄዛናኔ Ꮊይቆፕ ደንዴዛና አማንዛባዝ ማቅኮ፥ ጾሲ የሱሳና አማኒ Ꮊይቄዝታ ኤዛር ዎላ ኮኦዳ።
1TH 4:15 ጎዳይ ኑስ ኦዴዛይ ጋርክ ኑ ይንትስ ግዛይ Ꮊያ። ጎዳይ የኦድ ጋላስ ሄሎዳይስ ኑኒ ፓጻ የዝታይ፥ Ꮊይቄዝታይፕ ቲናታሚ።
1TH 4:16 ጎዳይ ዎልቃማ አዛዞር፥ ኪታንችታይ ሀላቃ ግርꬃራ፥ ቱልቱሎ ፑጊ አዋጆር ጾሲ፥ ሳሎፕ ዎꬎዳ። ክርስቶሳ አማኒ Ꮊይቄዝታይ ቲናቲ Ꮊይቆፕ ደንዶዳ።
1TH 4:17 የይፕ ጉየ፥ የ ዎደ ኑኒ ሸምፖር የዝታይ፥ ጎዳ ጫርኮል ሞኮዳይስ ሻራር ኤክንቶዳ። የይፕ ጉየ፥ ኑኒ ጎዳይራ ዎላ መꬍናስ የዞዳ።
1TH 4:18 የይ ግሾስ፥ Ꮊ ቃልታይድ ዎል ምንꬃꬆይታ።
1TH 5:1 ታ እሹንꬆ፥ Ꮊይትታይ ሀኖድ ላይꬅታይኔ አግንታይ ባጋ ይንትስ ጻፎዳይስ ኮሾያ።
1TH 5:2 ጎዳይ ጋላሳይ ካይዞ ቃማ ይእዛይ ጋርክ የኦዳና ይ ሎእꬂ ኤርዛ።
1TH 5:3 አሳይ፥ «ሳአ ሳሮ፥ አኮካ ባያ» ዬጎዳር፥ ማች እቅꬂ አይክዛይ ጋርክ ꬋቦ ኡንቲ ቆፐካዝን ኡንታል አፋ የኦዳ። ኡንቲ አባ ኦገርካ የሻ ቡታሚ።
1TH 5:4 ዝን ኑ እሹንꬆ፥ የ ጋላሳይ ይንትስ ካይዞ ይእዛይ ጋርክ የኦዳይስ ይ ꬉማ ባያ።
1TH 5:5 ይ ኡባይ ፖኦ አስኔ ጋላሳ የዝ አሲ፤ ኑኒ ቃማ አስ ዎይ ꬉማ አስ ባያ።
1TH 5:6 የይ ግሾስ፥ ኑኒ Ꮊንክታይ ገንትዛይ ጋርክ ገንቶዳይስ ቤዞያ፤ ኑኒ ባርኮዳይስኔ ጊጊ የዞዳይስ ቤዝዛ።
1TH 5:7 ገንትዝታይ ቃማ ገንትዛ፤ ማꬅዝታይካ ቃማ ማꬅዛ።
1TH 5:8 ዝን ኑኒ ፖኦ አስ ማቄዝ ግሾስ ቤዝዛይ ጋርክ የዞዳይስ ቤዝዛ። አማኖኔ ሲቆ ጹሩረ ጋርክ ትራል ማኢ፥ አቶትꬅ ኡፋይሳ ኦማ ኦላ ብራታ ባርኔጻ ጋርክ ጋዲ የዞዳይስ ቤዝዛ።
1TH 5:9 ጾሲ ኑና ኑ ጎዳ የሱሳ ባጋር ኩንꬅ አቶትꬅ ኤኮዳይ ጋርክ ዶሬዛፕ አትን ካችስ ዶረካያ።
1TH 5:10 ኑኒ ፓꬅ የዝን ዎይ Ꮊይቂን፥ ክርስቶሳር የዜዝ ዎደ ኤዛር ፐትፕ የዞዳይ ጋርክ ክርስቶሳ ኑ ግሾስ Ꮊይቄዛ።
1TH 5:11 የይ ግሾስ፥ ይ ቲና ኦꬄዛይ ጋርክ፥ ፐታይ ፐታ ምንꬃꬆይታኔ ድቾይታ።
1TH 5:12 ኑ እሹንꬆ፥ ይ ጋንጨ ኦꬅዝታ፥ ይንታን ካልꬆዳይ ጋርከኔ ዞሮዳይ ጋርክ ጎዳይ ዶሬዝታ ቦንቾዳይ ጋርክ ይንታን ታ ዎስዛ።
1TH 5:13 ኡንቲ ኦꬅዛ ኦሳይ ግሾስ ኡንታን ኡሳ ቦንቾይታኔ ሲቆይታ። ዎላ ሳሮር የዞይታ።
1TH 5:14 ኑ እሹንꬆ፥ ቦዝታ ካጮይታ፤ ያሽትዝታ ምንꬆይታ፤ ዳቡሬዝታ ማዶይታ፤ አስ ኡባ ዳንዳኦይታ የጊ ኑኒ ይንታን ዞርዛ።
1TH 5:15 ኦንካ ኢታ ግሾስ ኢታ ማሃማይ ጋርክ ናግንቶይታ። ይ ዎልስኔ አስ ኡባይስ ሎኦ ባዝ ኦꬆዳይስ ሚንጎይታ።
1TH 5:16 ኡባ ዎደ ኡፋይቶይታ።
1TH 5:17 ኡባ ዎደ ጾሳ ዎሶይታ።
1TH 5:18 ኡባ ባዛር ጋላቶይታ። ክርስቶሳ የሱሳ ባጋር ጾሲ ይንታፕ ኮይዛይ የያ።
1TH 5:19 ጌሻ አያና ኦሳ ዱጭፓተ።
1TH 5:20 ትንቢተ ለቅፓተ።
1TH 5:21 ኡባ ባዝ ፋጮይታ፤ ሎኦ ባዛ ኤኮይ።
1TH 5:22 ኢታ ኦሶ ኡባይፕ ሃኮይታ።
1TH 5:23 ሳሮ እንግዛ ጾሳይ ፋ ኦማስ ይንታን ፎሎ ጌሾ። ኑ ጎዳይ የሱስ ክርስቶሳ የኦድ ጋላስስ፥ ጾሲ ይ አያና፥ ይ ሸምፓኔ ይ ኩንꬅ አሰትꬃ ቦሮ ባይꬅ ናጎ።
1TH 5:24 ይንታን ጼግዛይ አማንንቴዛያ ማቄዝ ግሾስ የያ ኤ ፖሎዳ።
1TH 5:25 ኑ እሹንꬆ፥ ኑስ ጾሳ ዎሶይታ።
1TH 5:26 አማንዛ አስ ኡባ ጌሽ ዬራር ሳሮꬆይታ።
1TH 5:27 ይ Ꮊ ኪታ አማንዛ አስ ኡባይስ ናባቦዳይ ጋርክ ጎዳይ ሱንꬃይር ይንታን ታ ዎስዛ።
1TH 5:28 ኑ ጎዳ የሱስ ክርስቶሳ ኣꬎ ኬሃትꬃይ ይንታር ዎላ ማቆ።
2TH 1:1 ጳዉሎሳፐ፥ ስላሰፐኔ ጽማቶሳፐ ተሰሎንቀ ዎሳ ኬꬃ የዝ አማንዛ አሳይስ፥ ጾሳ አዳይባጋኔ ጎዳ የሱስ ክርስቶሳ ባጋ ማቄዝ አሳይስ ጻፌዝ ኪታ።
2TH 1:2 ጾሳ ኑ አዳይፐኔ ጎዳ የሱስ ክርስቶሳፕ ኣꬎ ኬሃትꬃይኔ ሳሮትꬃይ ይንትስ ማቆ።
2TH 1:3 ኑ እሹንꬆ፥ ይ አማናኔ ይ ዎል ሲቅዛ ሲቃይ ሎእꬂ ድጭዛ ግሾስ ኑኒ የይስ ጾሳ ኡባ ዎደ ጋላትዛ፥ ጋላቶዳይስካ ቤዝዛ
2TH 1:4 ይንታን ሄሌዝ ባይእꬃይዳኔ ዋየ ኡባይድ ጋርዦራኔ አማኖር ሚንጊ ኤቄዝ ግሾስ ኑኒ ኑ ኦማስ ጾስ ዎሳ ኬꬃ ይ ባጋ ማርካትታር ይንታል ጬቅንትዛ።
2TH 1:5 ይ ኤ ግሾስ ግ መቶ ኤክዝ ጾስ ካተትꬃይስ ቤዝዝታ ማቂ ታይብንቶዳይ ጋርክ ጾስ ጌሽ ፕርዳይስ Ꮊይ ማላ።
2TH 1:6 ጾሲ ቱማ ፕርዳ ፕርዶዳ። ጾሲ ይንታን ዋይስዝታይል አፋ ዋየ ክኢ ኡ ጋታ ጭጎዳ።
2TH 1:7 ጎዳ የሱሳ ፋ ዎልቃማ ኪታንችታይራ ይኢ Ꮊት ዋይንትዛ ይንታናኔ ኑና ሸምፕሶዳ።
2TH 1:8 ኤ ላጽዝ ታማር በንቶዳ፥ ማ ጾሲ ፋና ኤሮዋዝታኔ ኑ ጎዳ የሱስ ክርስቶሳ ዎንግላይስ ኪትንቶዋዝታ ኤጽዝ ታማር ፕርዶዳ።
2TH 1:9 ኡንቲ ጎዳይ ቲናፐኔ ኤ ቦንቾ ዎልቃፕ ሻክንቲ መꬍና ꬋቦር ፕርድንቶዳ።
2TH 1:10 የ ጋላስ፥ ኤ ፋስታይራኔ ፋና አማንዝታይል ኡባይል ቦንችንቶዳይስኔ ሳብንቶዳይስ የኦዳር ኑ ይንትስ ኦዴዝ ኪታ ይ አማኔዝ ግሾስ ይ ኤዛ ቦንችዝታይ ጋንጨኔ ሳቢዝታይ ጋንጨ ፓይድንቶዳ።
2TH 1:11 ኑኒ ይንትስ ኡባ ዎደ ቆፋ ጋቼካዛር ጾስ ዎስዛይ የይሲ። ኑ ጾሲ ይንታን ጼጌዝ ጼግꬃይስ ቤዝዝታ ማቂ ፓይድንቶዳይ ጋርክ ዎስዛ። ይ ሎኦ ባዝ ኦꬆዳይስ አሞትዝ አማኔ ይ አማኖ ኦሳ ኤ ፋ ዎልቃር ፎሎ።
2TH 1:12 ኤዛይድ ኑ ጾሳኔ ኑ ጎዳ የሱስ ክርስቶሳ ኣስ ኬሃትꬃይድ፥ ጎዳ የሱሳ ሱንꬃ ይ ቦንቾዳ፤ ይንትካ ኤር ቦንችንቶዳይ ጋርክ ኑ ዎስዛ።
2TH 2:1 ኑ እሹንꬆ፥ ኑ ጎዳ የሱስ ክርስቶሳ ይእꬅ ባጋኔ ኑ ኤዛ ሄሎዳይስ ሺቆባጋ ኑ ይንታን ዎስዛ።
2TH 2:2 ትንቢተር ዎይ ቃላ ስኤዛይ ጋርክ ዎይ ኑፐ ኤኬዝ ኪታ ኡዲ፥ «ጎዳይ ጋላሳይ ሄሌዛ» ዬጊ ይ ዎዝናይ ዳጋምፐኔ ꬋብፐ።
2TH 2:3 ይንታን ኦንካ አባ ኦገራካ ባልꬅፐ። ቲናቲ አሳይ ጾሳ ካዶ አይከካዝን ዉጨ አꬃይ ዡጫትꬃይ ቆንጨካኔ ꬋቦስ ቤዝዛ አꬃይ የኤካዝን፥ ጎዳይ ጋላሳይ ሄላሚ።
2TH 2:4 Ꮊ ዉጨ አꬃይ ጎድ ጊንቲ ጎይንትዛ ኡባይፕ ኣꬂ ፓና ꬎቅ ኡዶዳ። ሀራ አቶዝን ያሻ ባይꬅ፥ ጾስ ካራ ገሊ በቲ፥ «ታኒ ጾሰ» ጎዳ።
2TH 2:5 ታኒ ይንታር የዛር ይንትስ ኦዴዛና አካኮሳኔ?
2TH 2:6 Ꮊ ዉጨ አꬃይ ፋ ጋላሳር የኦዳይፕ አትን Ꮊት የአማይ ጋርክ አቢ ኤዛ ካይዛኮ ይ ኤርዛ።
2TH 2:7 አሳይስ በንተካዛር ዉጨ አꬃይ ዎልቃይ Ꮊተካ ጌማር ኦꬅዛ፥ ማቆዝን Ꮊት ኤዛ ካይዛይ የዛ። ኤዛ ካይዛይ ኦገላፕ ሀልኦድ ሄሎዳይስ ኤ በንታሚ።
2TH 2:8 የይፕ ጉየ፥ ዉጨ አꬃይ በንቶዳ፥ ዝን ጎዳ የሱሳ ፋ ዶናይፕ ከዝዝ ፔናይራኔ ፋ ይእꬃይ ዴታይር ኤዛ ꬋብሶዳ።
2TH 2:9 ዉጨ አꬃይ ጻላሄ ዎልቃር ይኢ ባልꬅዛ ማልታኔ ማላባዝታ ኡዶዳ።
2TH 2:10 የይ ጋርከካ፥ ꬋቦስ የዝ አስታ ዱማ ዱማ ዶሽዛ ኢታ ኦሶር ባልꬆዳ። ኡንትካ ꬋብዛይ አሽዛ ቱማና ዶሲ ኤካም እጼዝ ግሾሲ።
2TH 2:11 የይ ግሾስ፥ ኡንቲ ዎርዶ አማኖዳይ ጋርክ ጾሲ ኢታ ባልꬆ ዎልቃ ኡንታል አፋ ዳኮዳ።
2TH 2:12 የይካ፥ ቱማ አማናም ግ፥ ናጋራ ኦሶር ኡፋይትዛ ኡባይ ፕርድንቶዳይ ጋርከሲ።
2TH 2:13 ጎዳይ ዶስዛ ኑ እሹንꬆ፥ ኑኒ ጾሳ ይ ግሾስ ኡባ ዎደ ጋላቶዳይስ ቤዝዛ። ጋላትዛይካ ይ አቶዳይ ጋርክ ጌሻ አያና ዎልቃር ይንታን ጌሼዛኔ ይንትካ ቱማ አማኒ አቶዳይ ጋርክ ኤ ይንታን ባይራꬂ ዶሬዛ።
2TH 2:14 ጾሲ፥ ኑ ይንትስ ኦዴዝ ዎንግላይ ባጋር ይንታን ጼጌዛይ፥ ይ ኑ ጎዳ የሱስ ክርስቶሳር ዎላ ቦንችንቶዳይ ጋርከ።
2TH 2:15 ይኬ፥ ኑ እሹንꬆ፥ ሚንጊ ኤቆይታ። ኑኒ ይንታን ዶናር ዎይ ዳብዳበር ታማርሴዝ ትምርታ ሚንꬂ አይኮይታ።
2TH 2:16 ኤ ኑ ጎዳ የሱስ ክርስቶሳኔ ኑና ቃꬊ ኑስ ፋ ኣꬎ ኬሄትꬃር መꬍና ምንꬃꬆኔ ሎኦ ኡፋይስ ጾስ አዳይ ኑስ እንጌዛ።
2TH 2:17 ይ ኡባ ዎደ ሎኦ ባዝ ኦꬆዳይስኔ ኦድንቶዳይስ ኤ ምንꬃꬆዳይ ጋርከኔ ማዶዳይ ጋርክ ኑ ጎዳ ጾሳ ኑ አዳ ዎሶዳ።
2TH 3:1 ዉርስꬃል ኑ እሹንꬆ፥ ጎዳይ ቃላይ ይ ጋንጨ ኤልሲ ዳልጎዳይ ጋርከኔ ቦንችንቶዳይ ጋርክ ኑስ ዎሶይታ።
2TH 3:2 የይ ጋርከካ፥ ቃላ ስእዝ አስ ኡባይ አማንዝታ ባያ: የይ ግሾስ ጾሲ ዡጭታይፐኔ ኢታ አስታይፕ ኑና አሾዳይ ጋርክ ኑስ ዎሶይታ።
2TH 3:3 ዝን ጎዳይ አማንንትዛያ፤ ኤ ይንታን ምንꬃꬆዳኔ ጻላሄፕ ናጎዳ።
2TH 3:4 ኑኒ ይንታን ኪትዛይ Ꮊተካ ቲናፐካ ይ ኦꬆዳያ ጎዳይል ኑ ይንታል አማንንቴዛ።
2TH 3:5 ጎዳይ ይ ዎዝና ጾስ ሲቆኮኔ ክርስቶሳ ዳንዳአይኮ ካልꬆ።
2TH 3:6 ኑ እሹንꬆ፥ ይ ኑፕ ኤኬዝ ኪታ ካሎዝታይፐኔ ኦሶ ዶሶዋ አዛላ አማንዛ አስታይፕ ይ ሻክንቶዳይ ጋርክ ጎዳ የሱስ ክርስቶሳ ሱንꬃይር ይንታን ኑ አዛዝዛ።
2TH 3:7 ኑ ኣዝሶ ጋርክ ሀኒ የዞዳይስ ቤዝዛና ይ፥ ይ ኦማስ ኤርዛ። ኑኒ ይንታር የዝ ዎደ ኦሶ ብልኤካያ።
2TH 3:8 ኑኒ ኦፐካ ካꬃ ጨረ ሜካያ። ኑስ ዳንዳእንቴዛይ ጋርክ ቃማኔ ጋላስ ዳቡርታር የነፕ አትን ኦስካ ቶፎ ማቀካያ።
2TH 3:9 ኑኒ የያ ኦꬄዛይ፥ ይንትስ ኣዝሶ ማቆዳይስፕ አትን ይንትፕ ማዴ ኦይጮዳይስ ኑስ ማዉተ ꬋብን ባያ።
2TH 3:10 ኑ ይንታር የዛ ዎደካ፥ «Ꮊንቶዳይስ ኮዮዋ አስ ኦንካ ሚፐ» ዬጊ አዛዜዛ።
2TH 3:11 ኑኒ የያ ጌዛይ፥ ይ ጋንጨ ፐቲ ፐቲ አዛልታይ የዛ ስኤዝ ግሾስ። የ አስታይ ገልሶዋ አቆ ገሊ ሀርታ ኦሶ ብልስነፕ አትን አባ ኦꬆካ ኦꬆያ።
2TH 3:12 ኑኒ የይ ጋርክ አስታይ ሸምፕ ዎጋር የሳዳይ ጋርከኔ ፓስ ቤዝዛ ባዝ ፋ ኩሸር ኦꬂ ደማዳይ ጋርክ ጎዳ የሱስ ክርስቶሳ ሱንꬃር ኡንታን አዛዝዛኔ ዞርዛ።
2TH 3:13 ዝን ኑ እሹንꬆ፥ ኑ ዳቡሬዛ ግ ሎኦ ኦሶ ኦꬆዳይስ አዛልፓተ።
2TH 3:14 Ꮊት ኑኒ Ꮊ ዳብዳባይድ ኪቴዝ ኪታይስ ኪትንቶዋ አስ ኦንካ የዝኮ የ አꬃ ኤሮይታ። ኤ ዬላቶዳይ ጋርክ ኤፕ ሻክንቶይታ።
2TH 3:15 ዝን ኤዛ እሸ ጋርክ ሴሮይታፕ አትን ሞርከ ጋርክ ብእፓተ።
2TH 3:16 ሳሮ ጎዳይ፥ ፋ ኦማስ ይንትስ ኡባ ዎደኔ ኡባ ባጋር ሳሮ እንጎ። ጎዳይ ይንታር ኡቢታይር ማቆ።
2TH 3:17 ታኒ ጳዉሎሳ፥ Ꮊ ሳሮꬃ ታ ኩሸር ጻፌዛ። ታ ኪታ ኡባይስ ማላይ Ꮊያ፤ ታኒ የይ ጋርክ ጻፍዛ።
2TH 3:18 ኑ ጎዳ የሱስ ክርስቶሳ ኣꬎ ኬሃትꬃይ ይንታር ኡቢታይር ማቆ።
1TI 1:1 ኑና አሽዛ ጾሳይኔ ኑ ኡፋይሳ ማቄዝ የሱስ ክርስቶሳ አዛዞር፥ የሱስ ክርስቶሳ ሀዋረ ማቄዝ፥ ጳዉሎሳፕ፥
1TI 1:2 አማኖር ታስ ቱማ ናአ ማቄዝ ጽማቶሳስ። ጾሳ ኑ አዳይፕ፥ ኑ ጎዳ የሱስ ክርስቶሳ ኣꬎ ኬሃትꬃይ፥ ማሮተꬃይኔ ሳሮትꬃይ ኔስ ማቆ።
1TI 1:3 ታኒ ማቃዶና Ꮊንግታር ነና ሀዳሬዛይ ጋርክ፥ ፐቲ ፐቲ አስታይ ዎርዶ ትምርተ ታማርስዛና ካዮዳይስ ነ ኤፈሶነ ጋምኦዳይ ጋርክ ታ ኮይዛ።
1TI 1:4 ኡንቲ ማዶዋ ቶሰ ኦዶኔ ዉርስꬂ ባ ፋ ኮቺ ፓይዶ አሾዳይ ጋርክ ኦዶባ። የይ ጋርከዝ ባዝ ፓላማ ካልꬅነፕ አትን አማኖር ኦስንትዝ ጾስ ኦሳይስ ማዶያ።
1TI 1:5 Ꮊ አዛዛይ ኣፈ ቆፋይ ጌሽ ዎዝናፕ፥ ሎኦ ካሃፐኔ ቱማ አማኖፕ በንትዝ ሲቆ።
1TI 1:6 ፐቲ ፐቲ አስታይ Ꮊያ አሺ፥ ፓꬆዋ ጨረ ፓላማኮ ማቄዛ።
1TI 1:7 ኡንቲ ጾስ ህገ አስታማረ ማቆዳይስ ኮይዛ። ዝን ኡንቲ አብ ኦድዛኮ ዎይ ኑሳይ ቱማ ግ ኦድዛናካ ኤሮያ።
1TI 1:8 አሲ ቤዝዛይ ጋርክ ህገር ማድንትኮ ህገ ሎኦ ማቄዛና ኑ ኤርዛ።
1TI 1:9 አካኮዳይስ ቤዝዛይ ህገ ሃዮ አሳይስ መꬍንተካዛ ኑ ኤርዛ፥ ዝን ህገ፥ ህገ መንꬄዝታ፥ ዳፋ ኦꬅዝታ፥ ጾሰ ያሽቶዝታ፥ ሸምፖ ዎꬍዝታ፥ ናጋራንችታ፥ ጌሻትꬂ ባዝታ፥ ቱንታ፥ ሀራ አቶዝን ፋ እንዶ ዎይ አደ ዎꬍዝታ፥
1TI 1:10 ላምዝታ፥ ꬊራꬂ ꬊራꬃር ላምዝታ፥ አስ ባይዝዝታ፥ ዎርዳንችታ፥ ዎርዶር ጫቂዝታ፥ ዎይ ቱማ ትምርተራ ዎል ሄሎዋ አባ ኦሶ ኡባ ኦꬅዝታይሲ።
1TI 1:11 Ꮊ ቱማ ትምርታይ ቦንቾኔ አንጅንቴዝ ጾሳይ ታ አዋጆዳይ ጋርክ ታስ ሀዳራ እንጌዝ ዎንግለ ጋንጨ የዛ።
1TI 1:12 ታና ፋ ኦሶስ ሹሚ የ ኦሳይስ ቤዝዛ ግ ፓይዲ ታ ኦꬅዛ ኦሳይስ ታስ ዎልቃ እንጌዝ ኑ ጎዳ ክርስቶሳ የሱሳና ታ ጋላትዛ።
1TI 1:13 ታኒ Ꮊይፕ ቲና ጫዥዛያ፥ ባይእዛኔ ካውሽሴዛ ማቅኮካ ታኒ የያ ኤረካኔ አማነካ ኦꬄዝ ግሾስ ጾሲ ታና ማሬዛ።
1TI 1:14 ኑ ጎዳይ ፋ ኣꬎ ኬሃትꬃይፕ ታል አፋ ጎግሲ፥ የ ኣꬎ ኬሄትꬃር አማኖኔ ሲቆ ክርስቶሳ የሱሳ ባጋር ታስ እንጌዛ።
1TI 1:15 «ክርስቶሳ የሱሳ ናጋራንችታ አሾዳይስ Ꮊ አላመ የኤዛ» ግዝ ቃላይ አማንꬅዛኔ አስ ኡባይ ኤኮዳይስ ቤዝዛያ። ኡባፕ ኣꬌዝ ናጋራንቻይ ታና።
1TI 1:16 ዝን መꬍና ደኦ ኤኮዳይስ ኤዛ አማንዛ አሳይስ ታኒ ኣዝሶ ማቆዳይ ጋርክ የሱስ ክርስቶሳ ታና ጋመ ዳንዳኤዛ። ታስ ኡባይፕ ኣꬊዝ ናጋራንቻይስ ጾሲ ፋ ማሮትꬅ ጋንትꬄዛ።
1TI 1:17 ኣፈር በንቶዋዝታይስ፥ ፐቲ ጾሳይስ፥ Ꮊይቆዋዛይስ፥ መꬍና ካታይስ፥ መꬊናፕ መꬍና ሄሎዳይስ ጋላታኔ ቦንቾ ማቆ። አምንኤ።
1TI 1:18 ታ ናአ ጽማቶሳ፥ ካሰ ነባጋ ናብታይ ኦዴዝ ቃላይል አፋ ኤቂ Ꮊ ኪታ ሀዳራ ኔስ እንግዛ። ነ የ ቃላ ካሊ ሎኦ ኦላ ኦልንቶባ።
1TI 1:19 አማኖኔ ሎኦ ካሃ ኔስ የዞ። ፐታይ ፐታይ ካሃይ ግዛያ እጺ ማረ ባ ማርካበ ꬋብዛይ ጋርክ ፋ አማና ꬋብሴዛ።
1TI 1:20 ያ አስታይ ጋንጨ ሄመኔሳኔ ኢስክንድረ የዛ። ኡንቲ ታማሪ ጾሳ ጫሸ አሾዳይ ጋርክ ታኒ ጻላሄስ ኡንታን ኣꬂ እንጌዛ።
1TI 2:1 ጾስ ጎይኖኔ ቦንቾ ኩሜዝ ደኦር አሳይስ፥ ዎሶዳይስ፥ ጉሮዳይስኔ ጋላቶዳይስ ቤዝዛና ታኒ ነና ዞርዛ።
1TI 2:2 ኑኒ ሎኦ አያና የሳራኔ ጌሸትꬃር ጾስ ጎይንታር ሳሮትꬅራኔ ዳጭ ጌዝ የስ የዞዳይ ጋርክ ካትታይስኔ ሹምታይ ኡባይስ ዎሶይታ።
1TI 2:3 የይ ጋርክ ዎሳይ ኑና አሽዛ ጾሳይ ቲና ሎኦኔ ኡፋይስዛባዚ።
1TI 2:4 ጾሲ አስ ኡባይ አቶዳይ ጋርከኔ ቱማ ኤሮዳይ ጋርክ ኮይዛ።
1TI 2:5 ፐቲ ጾስ የዛ። ጾስስኔ አስስ ጋንጨ ማቂ ዳቦꬅዛ ፐታይ የዛ፤ ኤካ አስ ማቄዝ ክርስቶሳ የሱሳ።
1TI 2:6 ኤ አስ ኡባ ዎዞዳይስ ፋና ኣꬂ እንጌዛ። ጾሲ ፋ ዎደር አስ ኡባ ዎዞዳይስ ኮይዛና ቤዝዛ ማርካይ Ꮊያ።
1TI 2:7 ጾሲ ታና ዎንግለስ አስታማረኔ ሀዋረ ኡዲ ዶሬዛይ የይሲ። ታኒ ቱማ ኦድዛ፤ ዎርዶቶያ፤ አማኖኔ ቱማ ቃላ አይሁደ ማቀካ አሳይስ ታማርሶዳይ ጋርክ ጾሲ ታና ሹሜዛ።
1TI 2:8 የይ ግሾስ፥ ኡባ አቆ የዝ ꬊራꬅታይ፥ ፋና ጾሳይስ ዱማሲ፥ ዋችኔ ካች አሺ፥ ፋ ጌዤዝ ኩሽታ አፋ ደንꬂ ጾስ ዎሶዳይ ጋርክ ታ ኮይዛ።
1TI 2:9 የይ ጋርከካ ማችታይ ፋ ኦማ ዳꬃራ ዎይ ዎርቃራ ዎይ እንቆ ዎርቃራ ዎይ አልኦ አፍላር ፋና ቡቁሮር ባዝን፥ ያሻትꬃራኔ ሃዮትꬃር ቤዝዛ ዎማኖትꬅ አፍላ ማኦ።
1TI 2:10 ዝን ጾሳይስ ታ ጎይንዛ ግዝ ማችታይ ፓስ ቤዝዛይ ጋርክ ሎኦ ባዝ ኦꬆ።
1TI 2:11 ማቺ ኡባ ባዛር ኪትንትꬃር ስእ ግ ታማሮ።
1TI 2:12 ታኒ ማችታይ ታማርሶዳይ ጋርክ ዎይ ꬊራꬃል አፋ ማዉተ ኤኮዳይ ጋርክ ባዝን ስእ ግ የዞዳይ ጋርክ ኮይዛ።
1TI 2:13 አዳማ ቲና መꬍንቴዛ፤ ጉየፐ ህዋና መꬍንቴዛ።
1TI 2:14 ዶሽንቴዛናኔ ጾስ ህጋ መንꬄዛን ማቻትፕ አትን አዳማ ባያ።
1TI 2:15 ዝን ማቺ አማኖር፥ ሲቆራኔ ጌሻትꬃር ፋና ሃሪ የዝኮ ናእታ የሎር አቶዳ።
1TI 3:1 ኦንካ፥ «ዎሳ ኬꬅ ካልꬅዛ አስ ማቆዳይስ ኮይኮ ሎኦ ባዝ አሞትዛ» ግዝ ኦዳይ ቱማ።
1TI 3:2 ዎሳ ኬꬅ ካልꬅዛ አስ ቦርንቶዋዛ፥ ፐቲ ማቾ ኣዳ ኤኬዛያ፥ ማራር የዛያ፥ ፋና ሃርዛያ፥ ቤዝዛይ ጋርክ ኦꬅዛያ፥ እማꬄ ሞክዛያ፥ ታማርሶ ዳንዳእዛያ፥
1TI 3:3 ማꬆዋዛ፥ ዋላሶዋዛ፥ ፓላሞዋዛ፥ ሃዮ፥ ሚሸ ሲቆዋዛ፥
1TI 3:4 ኤ ናእታይ ኤስ ኪትንትዛኔ ቦንችዝታያ፥ ፋ ካራ አሳ አቅሶ ዳንዳእዛያ ማቆዳይስ ቤዝዛ።
1TI 3:5 ፐቲ አስ ፋ ካራ አቅሶዳይስ ዳንዳኣም እጽኮ፥ ጾስ ዎሳ ኬꬅ ዋይዚ አቅሶዳይስ ዳንዳኤ?
1TI 3:6 ኡትራር ኩሚ፥ ዳቡሎሳ ፕርድንቴዛይ ጋርክ ፕርድንታማይ ጋርክ፥ ሀጋ አማኔዝ አስ ማቆዳይስ ቤዞዋ።
1TI 3:7 ቦርንታማይ ጋርከኔ ጻላሄ ጽኬ ጋንጨ ገላማይ ጋርክ የ አꬃይ አማኖዋ አስ ካለ ሎኦ ማርካትꬂ የዛ አስ ማቆዳይስ ቤዝዛ።
1TI 3:8 የይ ጋርከካ ማ ዎሳ ኬꬅ ዳቆንታይ ቦንችንቴዝታ፥ ናምኢ እንጻርስ ኦድንቶዋዝታ፥ ማꬅስዝ ኡሽ ኡዦዝታ፥ ሚሸ ዶሶዝታ፥
1TI 3:9 አማኖ ጹራ ጌሻ ካሃር ናግዝታ ማቆዳይስ ቤዝዛ።
1TI 3:10 ኡንቲ ቲናቲ ፓጭንቶዳይስ ኮሽዛ፤ ኡንታል አፋ ቦረ ባዝታ ማቅኮ፥ ዎሳ ኬꬅ ዳቆነ ማቂ ኦꬆ።
1TI 3:11 የይ ጋርከካ፥ ማችታይ ቦንችንቴዝታ፥ ዝግሮዝታ፥ ማራር የዝታ፥ ኡባ ባዛር አማንንትዝታ ማቆዳይስ ቤዝዛ።
1TI 3:12 ዎሳ ኬꬅ ዳቆንታይ ፐቲ ማቻ ኣዳ የዛ ማቆ። ፋ ናእታኔ ፋ ካራ ሎእꬂ አቅስዝታያ ማቆዳይስ ቤዝዛ።
1TI 3:13 ዎሳ ኬꬅ ዳቆነ ማቂ፥ ሎኦ ኦሶ ኦꬅዝታይስ፥ ኡንትስ ግታ ቦንቾ ቤዝዛ ማ ክርስቶሳ የሱሳል ፓስ የዝ አማኖ ባጋ ኦዶዳይስ ምኖትꬅ ደንጎዳ።
1TI 3:14 ታኒ Ꮊ ኪታ ኔስ ጻፍታር፥ ኤልሲ ኔኮ የኦዳ ግ ኡፋይስ ጋድዛ።
1TI 3:15 ዝን ታኒ የኤካ ጋምእኮ፥ ጾስ ካራ አሳይ ዋይዚ የዞዳይስ ቤዝዛኮ ኤሮድ ጋርክ Ꮊያ ኔስ ጻፍዛ። ደኦ ጾስ ካራይ ቱማትꬅስ ቱስኔ ባሶ።
1TI 3:16 ኑ አማኖ ጹራይ ስ ባይꬅ ግታ። ክርስቶሳ አስ ማቂ በንቴዛ፤ ኤ ቱማትꬃ ጌሻ አያናይ ማርካቴዛ። ኪታንቾስ በንቴዛ፤ ኤ ካተትꬃይ ኡባይስ ሳባክንቴዛ። አላመል የዝ አሳይር አማንንቴዛ፤ ቦንቾር ሳሎ ኤክንቴዛ።
1TI 4:1 ዉርስꬅ ዎደ ባልꬅዛ አያናታኔ ቱና አያንታይ ትምርታ ካሊ፥ ፐቲ ፐቲ አሳይ አማና ካዶዳና ጌሻ አያናይ ቆንጭሲ ኦዴዛ።
1TI 4:2 የይ ጋርክ ትምርተ ኡ ካሃይ ዶጭን፥ አሳ ባልꬅዛ ዎርዶ አስታማርታይፕ ይእዛ።
1TI 4:3 የይ ጋርክ አስታይ ኤኮኔ ገሎ ካይዛ፥ አማንዝታይኔ ቱማ ኤርዛ አስታይ ኤዛ ጋላትታር ማዳይ ጋርክ ጾሲ መꬌዝ ካꬃ «ሚፓተ» ግ ካይዛ።
1TI 4:4 ጾሲ መꬌዝ ባዝ ኡባይ ሎኦ። ጾሳ ጋላቲ ኤክኮ አላ ዎꬍዛባዝ አብካ ባያ።
1TI 4:5 ኡባ ባዝ ጾሳ ቃላራኔ ዎሳር ጌሽ ማቅዛ።
1TI 4:6 Ꮊ ትምርታ አማንዛ አሳ ታማርስኮ የሱስ ክርስቶሳስ ሎኦ አይለ ነ ማቃዳ። አማኖ ቃላኔ ነ ካልዛ ሎኦ ትምርታ ታማርኮ ነ ድጫይ ኤርንቶዳ
1TI 4:7 ዝን ማዴ ባ ቱማ ማቀካ ኦዳፐኔ ጭማ ማችታይ ካእዛ ቶሴፕ ሃኮባ። ጾስ ኣዞር ነና ሎህሶባ።
1TI 4:8 አሲ ፋ አሰትꬃ አሾ ኦሶስ ሎህሶ ጽቃ ዎደስ ማድዛ። ዝን ጾስ ኣዞ ሎህሳይ Ꮊተካ የኦድ ደኦስ ኡፋይስ የዝ ግሾስ ኡባባዝስ ማድዛ።
1TI 4:9 Ꮊ ቃላይ አስ ኡባይ ኤኮዳይስ ቤዝዛ ቱሮ ኦዳ።
1TI 4:10 ኑኒ አስ ኡባ፥ ኡባፕ ኣꬂ አማንዝታ አሽዛ ደኦ ጾሳይፕ ኤኮድ ግ ኡፋይሳር ናግዛ ግሾስ፥ ኑኒ ኦሶር ዳቡርዛኔ ቡትትዛ።
1TI 4:11 Ꮊያ አዛዞባኔ ታማርሶባ።
1TI 4:12 ኔኒ ናአ ማቄዝ ግሾስ ነና ኦንካ ለቂፐ። ዝን አማንዝታይስ ኔኒ ኦዳር፥ ኦሶር፥ ሲቆር፥ አማኖራኔ ጌሸትꬃር ኣዝሶ ማቆባ።
1TI 4:13 ታኒ የኦድ ሄሎዳይስ አሳይስ ጌሻ ማጻፋ ናባቦር፥ ሳባኮራኔ ታማርሶር ምንጎባ።
1TI 4:14 ትንቢተ ኦዶራኔ፥ ጭምታይ ፋ ኩሸ ኔል አፋ ጋዴዝ ዎደ ኔኒ ኤኬዝ፥ ኔል የዝ ጌሻ አያና እምታ ለቂፐ።
1TI 4:15 ነ ድጫይ አስ ኡባይስ ቆንጮዳይ ጋርክ የያ ሚንꬂ ቆፖባ፥ Ꮊያ ኡባ ዎደ ኦꬆባ።
1TI 4:16 ነ ኦማስኔ ነ ትምርታይስ ናግንቶባ። ኔኒ የያ ኡባ ዎደ ኦꬅኮ ነናኔ ነና ስእዝታ አሾዳ።
1TI 5:1 ꬊራꬅ ጭምታ ነ አደ ጋርክ ቦንቾር ዞሮባፕ አትን ካጭፐ። የላጋ ꬊራꬅታ ነ እሸ ኡዲ ቦኦባ።
1TI 5:2 ጭማ ማችታ ነ እንዲ ጋርክ፥ የላጋ ማችታ ነ ምሺ ጋርክ፥ ፎሎ ጌሸትꬃር ቦኦባ።
1TI 5:3 አዝኒ Ꮊይቄዝታ ቱማ ማዴ ኮሽዛ አምእታ ቦንቾባ።
1TI 5:4 ዝን አምእታይ ናእታይ ዎይ ናአ ናእታይ የዝኮ፥ የ ናእታይ ጾስ ኣዞ ቤዞዳይስ ፋና የሌዝትይስኔ፥ ፋ ዎጋ ኣይስኔ ዎጋ አደ ማዲ ኩሸ ማህꬅ ታማሮ። የይ ጾስ ኡፋይስዛ ባዚ።
1TI 5:5 ፋ ኡባስ የዝ ቱማ አምአት ጾሳፕ ማዴ ደንጎዳይስ ኡፋይሳር ናግዛ። ጋላሳኔ ቃማ ጾሲ ፋና ማዶዳይ ጋርክ ዎስዛኔ ኦይጭዛ።
1TI 5:6 ዝን Ꮊ አላመል ሎኦ የስ ኣዳ ኮይዝ አምአት ፓꬅ የዛር Ꮊይቄዛኖ።
1TI 5:7 ኦንካ ኡንታን ቦራማይ ጋርክ Ꮊ ኪታ አስታ ታማርሶይታ።
1TI 5:8 ዝን ፋ ዳቦስ፥ ኡባይፕ ኣꬂ ፋ ካራ አሳይስ ቆፖዋ ኦንካ ፋ አማና ካዴዛ፤ አማኖዋ አሳፐካ ኣꬌዝ ኢታ።
1TI 5:9 ላይꬂ ኡሱፑን ታም ኩመካ አዝኒ Ꮊይቄዝ ማችታ አምኤ ሱንꬅ ማዝጋባል ጻፍፐ። ማ የይል አፋ ፐቲ አዝና የዛኖ ማቆዳይስ ኮሽዛ።
1TI 5:10 ናእታ ድሾር፥ እማꬄ ሞኮር፥ ጌሽታይ ቶኬ ሜቻር፥ መትንትዛ አሳ ማደር፥ ሎኦ ኦሶ ኡባይስ ፋና ኣꬂ እንጌዛኖ ሎኦ ኦሶር ኤርንቴዛኖ ማቆዳይስ ቤዝዛ።
1TI 5:11 ዝን አዝንታይ Ꮊይቄዝ ናአትꬅ ማችታይ ሱንꬃ ማዝጋባ ጻፕፐ። ኡንታን አዝን ገሎ ገሎ ግዝ አሾ አማይ አይክዝ ዎደ ክርስቶሳ ካዶዳ።
1TI 5:12 ኡንቲ ቲና ገሌዝ ቃላ መንꬄዝ ግሾስ ፕርድንቶዳ።
1TI 5:13 የይል አፋ ኡንቲ ኦሶ ꬋብን ኬꬃፕ ኬꬅ ዩዮዳ። ዩሻ ኣዳ ባዝን ሀዎዛራኔ ፋና ገልሶዋ አቆ ገሊ ቤዞዋባዚ ኦድንትንትዛ።
1TI 5:14 የይ ግሾስ፥ ኑ ሞርክታይ ኑል አፋ ኦድንትዛ ኢታ ባዝ ደንጋም ጋርክ ናአትꬅ ማችታይ አዝን ገሊ፥ ናአ የሊ፥ ፋ ኬꬅ አቅሶዳይ ጋርክ ታ ዞርዛ።
1TI 5:15 Ꮊይፕ ቲና ፐቲ ፐቲ አዝኒ Ꮊይቄዝ ማችታይ ጻላሄ ካሊ አማኖ ኦገፕ ባለ ከዜዝ።
1TI 5:16 ፐቲ አማንዛ ማች አስታ ፋ ካራ ማችታይ የዝኮ እዛ ኡንታን ማዶዳይስ ቤዝዛ። የይ ጋርክ ኦꬅኮ፥ ዎሳ ኬꬅስ ቶፓይ ሻዉክዛ። የ ዎደ ዎሳ ኬꬃይ ማዴ ቤዝዛ ቱማ ማችታ ማዶዳይስ ዳንዳእዛ።
1TI 5:17 ዎሳ ኬꬅ ሎእꬂ ሄንግዝ ጭምታይ፥ ኡባይፕ ኣꬂ፥ ቃላ ሳባኮራኔ ታማርሶር ዳቡርዝታይ ዳኮ ቦንቾ ኤኮዳይስ ቤዝዛ።
1TI 5:18 ጌሻ ማጻፋይ፥ «ዉዱማ ካꬃ የꬍዝ ገማታይ ዶና አጭፐ» Ꮊይ ጋርክ፥ «ኦሳንቻይ ፋ ዳሞዛ ኤኮዳይስ ቤዝዛ» ዬግዛ።
1TI 5:19 ናምኢ ዎይ ሀይꬒ ማርካ ማርካተካዝን፥ ዎሳ ኬꬅ ጭማል አፋ ሺቄዝ ሞቶ ስእፐ።
1TI 5:20 Ꮊንክታይ ያሽቶዳይ ጋርክ ናጋራ ኦꬅዛ ኦናካ አስ ኡባይ ቲና ጋይሎይታ።
1TI 5:21 ኔኒ አስ ስኖ በኤካ፥ ፐታ ፐታይፕ ሻከካ Ꮊ ኪታ ናጎድ ጋርክ ጾሳ፥ ጎዳ የሱስ ክርስቶሳኔ ማራጽንቴዝ ኪታንችታይ ቲና ታ ነና ዞርዛ።
1TI 5:22 ኦል አፋካ ነ ኩሸ ጋዲ ሹሞዳይስ ኤለስፐ። ሃርታይ ናጋራይድ ገልፐ፤ ነና ጌሸትꬃር ናጎባ።
1TI 5:23 ኔኒ ኡባ ዎደ ሀርግንትዛ ግሾኔ ነ ኡሎ ሀርጋይ ግሾስ ሃꬅ ኣዳ ኡዥፐ፤ ጽቃ ዎይነ ኡዦባ።
1TI 5:24 ፐቲ ፐቲ አስታይ ናጋራይ ቆንጨ፤ ኡ ናጋራይ ኡንታን ፕርዶዳይስ ኡንታፕ ቲና ኣꬍዛ፥ ዝን Ꮊንክታይ ናጋራይ ጉየፐ ጋምኢ ቆንጭዛ።
1TI 5:25 የይ ጋርክ፥ ሎኦ ኦሳይካ ቆንጨ፤ ቆንጨር ኦꬃም እጽኮካ ጌሞዳይስ ዳንዳኦያ።
1TI 6:1 ጾስ ሱንꬃይኔ ኑ ትምርታይ ጫዥንታማይ ጋርክ አይለትꬃ የዝታይ ፋና ሃርዛ ጎድታ ቦንቾ።
1TI 6:2 አማንዛ ጎድታይ የዝ አይልታይ፥ ኡ ጎድታይ ኡንትስ እሸ ማቄዝ ግሾስ ኡንታን ለቂፐ። ኡ ኦሳይድ ማድንትዛ ጎድታይ፥ አማንንቴዝታኔ ዶስንቴዝታ ማቄዝ ግሾስ ኡንቲ ካሴሳይፕ ኣꬂ ኦꬆዳይስ ቤዝዛ። ኔኒ Ꮊያ ታማርሶዳይስኔ ኡ ኡዶድ ጋርክ ዞሮዳይስ ቤዝዛ።
1TI 6:3 ኦንካ ዱማ ትምርተ ታማርስኮ፥ ኑ ጎዳ የሱስ ክርስቶሳ ቱማ ቃላራይኔ ኑ አማኖ ትምርታይር ዎል ሄሎያ።
1TI 6:4 የ አꬃይ ኡትራር ዳፕንትነፕ አትን አኮካ ኤሮያ። ኡንትስ ፐቲ ቆፋል አፋ ፓላሞዳይስኔ ካጮዳይስ ኢታ አሞ የዛ። የይ ቃናተ፥ ዋላሰ፥ ጫሸ፥ ኢታ ስኔ፥
1TI 6:5 ጊጎዋ ፓላማ ካልꬅዛ። ማ ኡንትስ ዡጫ ዎዝና የዛ፤ ቱማካ ባሌዛ፤ ኡንቲ ጾስ ጎይኖ ዱረትꬅ ደንጎዳይስ ኦገ ግ ቆፕዛ።
1TI 6:6 ዝን ታስ የዛና ግዶዳ ግዝ አስስ ጾሳ ጎይኖ ግታ ዎ።
1TI 6:7 ኑኒ Ꮊ አላማ አብካ ኤኪ የኤካያ። ማ ኤፕ አኮካ ኤኪ Ꮊንጋሚ።
1TI 6:8 ኑስ ካꬃኔ ማኦ የዝኮ የይ ግዶዳ።
1TI 6:9 ዝን ዱረትꬂ ኮይዝታይ ፓጨኔ ጽሄ ጋንጨ ገልዛ። አስ ቦዝꬅዛኔ ቆህዛ ኢታ አሞር ፖክዛ።
1TI 6:10 ሚሸ ሲቆ ኢታትꬅ ኡባይስ ፑልቶ። ፐታይ ፐታይ ሚሸ አሞትታር አማኖፕ ባልንቲ ጋመ ኡንአኔ አዛኖ ጋንጨ ፋና ኦሌዛ።
1TI 6:11 ጾሳ አሶ፥ ኔኒ የይፕ ሃኮባ። ጽሎትꬅ፥ ጾስ ጎይኖ፥ አማኖ፥ ሲቆ፥ ዳንዳአኔ ሃዮትꬂ ካሎባ።
1TI 6:12 አማኖ ቡተ ሎእꬅ ቡትቶባ። ነ ጼግንቴዝ ዎደ ጋመ አሳይ ቲና ነ ሉለ ማርካቴዝ መꬍና ደአና አይኮባ።
1TI 6:13 ኡባይስ ደኦ እንግዝ ጾስ ቲናኔ፥ ጰንጸ ጵላጾሳ ቲና ሎኦ ማርካ ማርካቴዝ ክርስቶስ የሱሳ ቲና ታ ነና አዛዝዛ።
1TI 6:14 ኑ ጎዳ የሱስ ክርስቶሳ ቆንጮድ ሄሎዳይስ Ꮊ አዛዛ ቡታኔ ቦሮ ባይꬅ ናጎባ።
1TI 6:15 ፋ ኣዳ ኡባ ሃርዛ ቦንቾ ጾሳይ፥ ካትታይ ካታይ፥ ጎድታይ ጎዳይ፥ ፋ ቆፔዝ ቃማ የሱስ ክርስቶሳና ማሂ ኪቶዳ።
1TI 6:16 ፐቲ ኤ ኣዳይ Ꮊይቆዋዛ። ኦንካ ሺቆዳይስ ዳንዳኦዋ ፖኦ የዛ። ኦንካ ኤዛ በኤካያ፤ ማ በአዳይስካ ዳንዳኦያ። ቦንቾኔ መꬍና ዎልቃይ ኤስ ማቆ። አምንኤ።
1TI 6:17 Ꮊ አላመ ዱርታይ ጨረ ꬋብዝ ሻሎር ኡፋይስ ጋዳማይ ጋርከኔ ጬቃማይ ጋርክ ኦዶይታ። ኑስ ቤዝዛ ባዝ ፑጭሲ እንግዛ ኑና አንጅዛ፥ ዱረ ጾሳይል አማንንቶዳይ ጋርክ ኡንታን አዛዞዳ።
1TI 6:18 ኡንቲ ሎኦ ኦሶ ኦꬆዳይ ጋርክ ሎኦ ኦሶር ዱርቶዳይ ጋርክ፥ ኬህታኔ ሀራስ ሻክዝታ ማቆዳይ ጋርክ አዛዞባ።
1TI 6:19 የይ ኡንትስ ቲናስ ምኖ ባሶ ማቄዝ ግሾስ የ ዎደ ኡንቲ ቱማ ደአይ አብ ኣዝዛኮ ኤሮዳ።
1TI 6:20 ጽማቶሳ፥ ፐቲ ፐቲ አሳይ፥ «ኤራትꬂ» ግዝ ቦዞ ፓላማፐኔ ጨረ ኦዳይፕ ሃኮባ፤ ኔስ እንግንቴዝ ሀዳራ ናጎባ።
1TI 6:21 ፐታይ ፐታይ ኑስ ኤራትꬂ የዛ ዬግታር አማና አሼዛ። ጾስ ኣꬎ ኬሃትꬃይ ይንታር ኡባይር ማቆ።
2TI 1:1 ጾስ ሸነር፥ የሱስ ክርስቶሳፕ በንቴዝ ደኦ ኡፋይሳፕ ደንዴዛይድ የሱስ ክርስቶሳስ ሀዋረ ማቄዝ ጳዉሎሳፕ፥
2TI 1:2 ታ ዶስዛ ናአ ጽማቶሳስ፤ ጾስ አዳይፐኔ ኑ ጎዳ ክርስቶሳ የሱሳፐ ኣꬎ ኬሄትꬅ፥ ማሮትꬅኔ ሳሮትꬅ ማቆ።
2TI 1:3 ታኒ፥ ታ ዎሳይድ ቃማኔ ጋላስ ነና ቆፕዛ። ታኒ ዎስዛ ዎደ ታ አድታይ ጋርክ ታ ሎኦ ካሃር ኤስ ኦꬅዛ ጾሳ ነ ግሾስ ጋላትዛ።
2TI 1:4 ታኒ ነ አፉꬃ ቆፕዛ፤ ነና ብኢ ኡፋይትዛና ጋመ ላሞትዛ።
2TI 1:5 ማ ኔስ የዝ ቱማ አማና ኤርዛ። የ አማናይ ብኒ ነ ዎጋ እንዳት ሎይድራኔ ነ እንዳት ኤዉንቀስ የዝ አማናይ ጋርከ።
2TI 1:6 የይ ግሾስ፥ ታኒ ታ ኩሻ ኔል አፋ ጋዴዝ ዎደ ጾሲ ኔስ እንጌዝ እሞታ ኔኒ ማሂ ኤꬆዳይ ጋርክ ታ ነና ቆፍስዛ።
2TI 1:7 አብስ ጊኮ፥ ጾሲ ኑስ ዎልቃ፥ ሲቆኔ ኑ ኡባ ሃርዛ ጌሻ አያና እንጌዛፕ አትን ያሻ አያና እንገካያ።
2TI 1:8 ይኬ፥ ኑ ጎዳይስ ማርካቶዳይስ ዬላትፐ፤ ማ ኤ ግሾስ አጭንቴዝ ታ ባጋራካ ዬላትፐ። ዝን ጾሲ ኔስ እንግዛ ዎልቃር ዎንግለ ግሾስ ታር መቶ ኤኮባ።
2TI 1:9 ጾሲ ፋ ሸነራኔ ፋ ኣꬎ ኬሄትꬃይር ኑና ዱማሲ፥ ፋ ጌሻ ዎያ ኡዶዳይስ ኑና ዶሬዛፕ አትን ኑኒ ኦꬄዝ ኦሶ ግሾስ ባያ። Ꮊ ኣꬎ ኬሃትꬃ ክርስቶሳ የሱሳ ባጋር አላመ መꬊንቶዳይፕ ቲን ኑስ እንጌዛ።
2TI 1:10 Ꮊት Ꮊ ኣꬎ ኬሄትꬃይ ኑና አሽዛ ክርስቶስ የሱሳ ይእꬃይር በንቴዛ። ኤ Ꮊይቆ ዎልቃ ꬋብሲ፥ ዎንግለ ባጋር Ꮊይቆዋ ደኦ ኑስ ቆንጭሴዛ።
2TI 1:11 ታኒ ዎንግለ ሳባኬ፥ ሀዋረኔ አስታማረ ማቃዳይ ጋርክ ጾሲ ታስ ማዉተ እንጌዛ።
2TI 1:12 ታኒ የይ ግሾስ Ꮊ መታ ኤክዛ፤ ዝን ታ አማኔዛይ ኦናዛኮ ኤርዛ ግሾስ ዬላታሚ። ታስ እንግንቴዝ ሀዳራ የሱሳ ማቂ የኦድ ጋላሳይ ሄሎዳይስ ኤ ናጎዳይስ ዳንዳእዛና ታ ኤርዛ።
2TI 1:13 ታኒ ነና ታማርሴዝ ቱማ ቃላ ኣዝሶ ኦሳ አይኪ ክርስቶሳ የሱሳር የዝ አማናይራኔ ሲቃይር የዞባ።
2TI 1:14 ኑ ጋንጨ የዝ ጌሻ አያና ዎልቃር ኔስ እንግንቴዝ ሎኦ ሀዳራ ናጎባ።
2TI 1:15 ኢሳ አዉራጃ የዝ ኡባይ ታፕ ሃኬዛና ነ ኤርዛ፤ ኡ ጋንጨ ፍገሉሳራኔ ሄርሞገኔሳራ የዛ።
2TI 1:16 አነስፎራ ታና ኡንደና ዎደ ምንꬃꬄዝ ግሾስ ጎዳይ ኤ ካራ አሳይስ ቃꬊንቶ። ታኒ አች ካራ የዝ ዎደ ኤ ታ አቻይዳካ ዬላተካያ።
2TI 1:17 የይል አፋ ኤ ኦሮመ ካታማ የኤዛን ጋርክ ታና ሚንꬂ ኮይ ደንጌዛ።
2TI 1:18 ዉርስꬅ ጋላስ ጎዳይ ኤስ ቃꬊንቶዳይ ጋርክ ታኒ ጎዳ ዎስዛ። ኤፈሶና ካታማ የዝ ዎደ ኤ ታና አብ ጋርክ ማዴዛኮ ነ ሎእꬂ ኤርዛ።
2TI 2:1 ይኬ፥ ታ ናአዮ፥ ክርስቶሳ የሱሳር የዝ ኣꬎ ኬሄትꬅይር ምንጎባ።
2TI 2:2 ጋመ ማርክትꬃር ቲና ታኒ ነና ታማርሴዝ ትምርታ፥ ሀራ ታማርሶዳይስ ዳንዳእዛ አማንንቴዝ አሳይስ ሀዳራ እንጎባ።
2TI 2:3 የሱስ ክርስቶሳስ ሎኦ ዎታዳረ ማቂ ታር ዎላ መቶ ኤኮባ።
2TI 2:4 ዎታዳረ ፋና አዛዜዝ ፋ ሀላቃ ኡፋይሶዳይስ ጊግንትዛይፕ አትን ሀራ ኦሶር ፋና ግቶያ።
2TI 2:5 የይ ጋርከካ፥ ኣላሎ ዎጽዛ ኦንካ ህጋይስ ቤዝዛ ኦገር ዎጻም እጽኮ ጋምꬅ ዎይቶ ኤኮያ።
2TI 2:6 ቢታ ዎታር ዳቡርዛ ኦሶ አꬃይ ፋ ዳቡራ ኣፋይፕ ሚዝ ቲና አስ ማቆዳይስ ቤዝዛ።
2TI 2:7 ጎዳይ ኡባባዛር ኔስ አካካ እንጎድ ግሾስ ታ ኔስ ኦዴዝባዛና ነ ዎዝናይድ ናጎባ።
2TI 2:8 ታኒ ማርካትዝ ዎንግላይ Ꮊያ፥ Ꮊይቆፐ ደንዴዝ፥ ዳዉተ ዘረꬅ ማቄዝ የሱስ ክርስቶሳ ቆፖባ።
2TI 2:9 ታኒ ዎንግለ ኦድዛ ግሾስ ዳፋ ኦꬄዝ አስ ጋርክ፥ አጭንቲ መቶ ኤኬዛ። ዝን ጾሳ ቃላይ አጭንቶያ።
2TI 2:10 የይ ግሾስ፥ ጾሲ ማራጼዝ አስታይ ክርስቶሳ የሱሳፕ ደንጌዝ አቶትꬃይ ባጋር መꬍና ቦንቾ ኤኮዳይ ጋርክ ኡ ግሾስ ኡባ ባዛር ታ ዋይዛ።
2TI 2:11 Ꮊይ ጋርክ ዬግዝ ቃላይ አማንንቴዛያ፤ «ኑኒ ኤዛር Ꮊይቄዝ ባዝ ማቅኮ፥ ኤዛር ዎላ ደኦር የዞዳ።
2TI 2:12 ኑኒ ጋርዦር ምንግኮ፥ ኤዛር ዎላ ካዉቶዳ። ኑኒ ኤዛ ካድኮ፥ ኤዝካ ኑና ካዶዳ።
2TI 2:13 ኑኒ አማንንታም እጽኮ፥ ኤ አማንንቴዛያ ማቂ የዞዳ። አብስ ጊኮ፥ ኤ ፋና ካዶዳይስ ዳንዳኦያ» ዬግዛ።
2TI 2:14 ኔኒ ኡንታን Ꮊያ ቆፕሶባ፤ ኡ ቃላይፕ ደንዴዛይድ ፓላማማይ ጋርክ፥ ጾስ ቲና ኡንታን ዞሮባ። የይ ስእዝታ ꬋብስዛፕ አትን አኮካ ማዶያ።
2TI 2:15 ኔኒ ቱማ ቃላ ሉለትꬃር ታማርስዛኔ ዬላꬆዋ ኦሶ አስ ማቂ፥ ጾሳር ዶስንቴዝ አስ ጋርክ፥ ነናትꬃ ኤስ እንጎዳይስ ምንጎባ።
2TI 2:16 ዝን Ꮊ አላማይስ ሀንዛ ማዶዋ ባልቡቂꬅ ኦዳይፕ ሃኮባ። የይ ጋርክ ኦዳይ አስ ጾሳፕ ሃክꬅዛ።
2TI 2:17 የይ ጋርክ ትምርታይ አሰትꬅ ም ሃስዝ ጭቶ ክጻ ጋርከ። የይ ጋርክ ኦዳ ኦድንትዝታይ ጋንጨፕ ሄመኖሳራኔ ፍልጾሳር የዛ።
2TI 2:18 Ꮊ አስታይ ቱማ ኦጋ አሺ፥ «Ꮊይቄዝ አሳይ Ꮊይቆፐ ብኒ ደንዴዛ» ዬጊ ፐቲ ፐቲ አስታይ አማና ꬋብሴዛ።
2TI 2:19 ሀኖ ዝን፥ «ጎዳይ ኤስ ማቄዝታ ኤርዛ» ኡባራክ «ጎዳይ ሱንꬅ ጼግዝ ኦንካ ኢታ ኦሶፕ ሃኮ» ዬግዝ ማታመር የዝ ኤንኦዋ ጾስ ባሳይ ሚንጊ የዞዳ።
2TI 2:20 ፐቲ ዳማ ኬꬃ ዎርቃፕ ዎይ ብራፕ ኦስንቴዝ ሚሸ ኣዳ ባዝን ምꬃፐኔ ዢጨ ቢታፕ ኦስንቴዝ ሚሽታይካ የዛ። የይትታይፕ ባግታይ ቦንቾ ኦሶስ፥ ማ ባግታይ ቶሽንትዛ ኦሶስ ፔዥዛ።
2TI 2:21 የይ ግሾስ፥ ኦንካ ኢታ ኡባ አሽኮኔ ፋና ጌሽኮ፥ ቦንቾ ኦሶ ኦꬅዛ ሚሸ ማቆዳ። ኡ የሳይ ጌሽኔ ጎዳ ኡፋይስዝ ባዝ፥ ማ ኡንቲ ሎኦ ኦሶ ኡባ ኦꬆዳይስ ዳንዳእዝታ ማቆዳ።
2TI 2:22 ናአትꬅ ኢታ አሞትꬃፐ ሃኮባ። ጌሽ ዎዝናር ጎዳ ጼግዝ አሳይር ፐትፕ፥ ጽሎትꬅ፥ አማኖ፥ ሲቆኔ ሳሮትꬅ ካሎባ።
2TI 2:23 ዝን ካች መꬍዛና ኤሪ ቦዘትꬅኔ ጨረ ፓላማፕ ሃኮባ።
2TI 2:24 ጎዳ ኦሳንቻይ አስ ኡባይስ ኬሃ፥ ሎኦ ታማርስዛኔ ዳንዳአንቾ ማቆዳይስ ቤዝዛፕ አትን ካጭንቶዳይስ ቤዞያ።
2TI 2:25 ኤ ፓር ኤቅንትዝታ አሽከትꬃር ሴርዛ ማቆዳይስ ቤዝዛ። ኡንቲ ፋ ናጋራይፕ ማቂ ቱማ ኤሮዳይ ጋርክ ጾሲ ኦꬆዳዛኮ ኦኒ ኤረ።
2TI 2:26 ኡንቲ ፋ ዎዛናኮ ማቂ ፋ ሸነ ኡዶድ ጋርክ ኡንታን አይኬዝ ጻላሄ ጽካይፕ ቡቶዳ።
2TI 3:1 ዉርስꬅ ጋላስ ኡንእꬅዛ ዎደ የኦዳና ኤሮባ።
2TI 3:2 አሳይ ፋና ዶስዝታ፥ ሚሸ ዶስዝታ፥ ጬቅንትዝታ፥ ኡትርትዝታ፥ ጫዥዝታ፥ ፋና የሌዝታይስ ኪትንቶዝታ፥ ጋላቶዝታ፥ ጌሸትꬂ ባዝታ፥
2TI 3:3 ሲቆ ባዝታ፥ ማሮዝታ፥ ዝግርዝታ፥ ፋና ሃሮዝታ፥ ቃ ባዝታ፥ ሎኦ ዶሶዝታ፥
2TI 3:4 ካድዝታ፥ ኤልስዝታ፥ ኡትራር ዳፍንትዝታ፥ ጾሳፕ ኣꬂ አሾ ኡፋይሶዳይስ ዶስዝታ ማቆዳ።
2TI 3:5 ኡንቲ ጾስ ጎይንዝታ ኣዝዛፕ አትን ኤ ዎልቃ ካድዝታ፤ ኔኒ የይ ጋርክ አሳይፕ ሃኮባ።
2TI 3:6 ኡንታፕ ፐታይ ፐታይ አስ ካራ ዙርቅንቲ ገሊ ጋመ ናጋራ ዶርንቴዝታኔ ዱማ ዱማ አሞር ጹግንትዝ አያና ዳቡሬዝ ማችታ ባልꬅዝታይ ጋርከ።
2TI 3:7 የ ማችታ ኡባ ዎደ ታማርስዛ፥ ዝን ቱማ ኤሮዳይስ ዳንዳኦያ።
2TI 3:8 ያነሳኔ ያምባሬሳ ሙሰር ኤቅንትቴዛይ ጋርክ Ꮊ አስታይ ካሃ ኦꬆዝታኔ አማኖር ዳቡሬዝ አስታ ማቄዝ ግሾስ ቱማር ካዝንትዛ።
2TI 3:9 ዝን ኢያነሳኔ ኢያምብሬሳ ቦዘትꬃይ ቆንጬዛይ ጋርክ ኡ ቦዘትꬃይካ አስ ኡባይ ቲና ቆንጮድ ግሾስ ኡንትስ ሀነና።
2TI 3:10 ዝን ኔኒ ታ ትምርታ፥ ታ የሳ፥ ታ ቆፋ፥ ታ አማና፥ ታ ዳንዳአ፥ ታ ሲቃ፥ ታ ጋርዣ፥
2TI 3:11 ታ ባይእንትꬃኔ ታ መታ ነ ኤርዛ። አንጾካ፥ ኢቆኖነ፥ ልስጽራ ካታምታይድ ታና ሄለዝባዝኔ ታኒ ዳንዳኤዝ መታ ነ ኤርዛ፤ ጎዳይ ታና የ ኡባይፕ አሼዛ።
2TI 3:12 ክርስቶሳ የሱሳር ጾስ ኡፋይስዛ የስ የዞዳይስ ኮይዝ ኡባይ ባይእንቶዳ።
2TI 3:13 ኢታ አሳይኔ ባልꬅዝታይ ፓስ ባልንትታራኔ ሀርታ ባልꬅታር ካሴሳይፕ ኣꬂ ኢትታር ኢትታር Ꮊማዳ።
2TI 3:14 ዝን ነ ታማሬዛይዳኔ ነ አማኔዝ ቱማይድ ሚንጊ ኤቆባ። ነ ኦፕ ታማሬዛኮ ነ ኤርዛ።
2TI 3:15 ኔኒ ነ ናአትꬃፕ አይኪ ክርስቶሳ የሱሳ አማኒ አቶትꬅ ደንግዝ ኤጨትꬅ እንጎዳይስ ዳንዳእዛ ጌሻ ማጻፍታ ታማሪ ኤሬዛ።
2TI 3:16 ጌሻ ማጻፈ ኡባይ ጾስ አያና ጻፎድ ባዝ እንግን ጻፕንቴዝ ቃላ። የ ማጻፋይ ቱማ ታማርሶዳይስ፥ ባልንቴዝታ ሴሮዳይስ፥ ቡታ ሉልሶዳይስኔ ጽሎትꬅ የስስ ኮሽዛ ባዝ ዞሮዳይስ ማድዛ።
2TI 3:17 ጾስ አሲ ፖሎኔ ሎኦ ኦሶ ኡባይስ ጊግንቴዛ ማቆዳይ ጋርክ ማድዛ።
2TI 4:1 ታኒ ነና ጾስ ቲና፥ ፓꬅ የዝታይላኔ Ꮊይቄዝታይል ፕርዶዳይስ የዝ ክርስቶሳ የሱሳ ቲና ኤ ቆንጭꬃይራኔ ኤ ካተትꬃይር ዞርዛ።
2TI 4:2 ቃላ ሳባኮባ፤ ዎደ ጊግን ጊገካ አትን ሚንጊ ማርካቶባ። ጋመ ዳንዳአራኔ ታማርሶር አሳ ዞሮባ፥ ሴሪ ሉልሶባኔ ደንꬅꬆባ።
2TI 4:3 አሳይ ቱማ ትምርተ ስኣም እጾድ ዎደ የኦዳ። ኡንቲ ፋ አሞ ካሊ፥ ፓስ ስኦዳይስ ኡፋይስዝ ባዝ ኦድዝ አስታማርታ ሺሾዳ።
2TI 4:4 ኡንቲ ቱማ ባጋ ኦድዝ ትምርተ አሺ፥ ቱማ ማቀካ ኦዳ ስኦዳይስ ፋ ሀየ ማሆዳ።
2TI 4:5 ዝን ኔኒ ኡባ ባዛር ናግንቶባ። መቶ ዳንዳኦባ። ዎንግለ ማርካትꬃ ኦሶ ኡዶባ። ኔስ እንግንቴዝ ጾስ ኦሶ ኡባ ፖሎባ።
2TI 4:6 ታኒ ያርሾ ያርሽዛይ ጋርክ ያርሽንቶዳይስ ዎዳይ ሄሌዛ፤ Ꮊ አላማ አሺ Ꮊንግዛ ዎዳይ ሄሌዛ።
2TI 4:7 ታኒ ሎኦ ኦላ ኦልንቴዛ፤ ታ ኣላሎ ላሳ ሃሴዛ፤ አማና ናጌዛ።
2TI 4:8 Ꮊይፕ ጉየስ ጽሎትꬅ ዛዉደ ታና ናግዛ። የያ ጌሽ ፕርዳ ፕርድዝ ጎዳይ የ ጋላስ ታስ እንጎዳ። የይ ታ ኣዳስ ባዝን ኤ ማቂ ይእꬃ አሞትዝ ኡባይስ እንጎዳ።
2TI 4:9 ኤልሲ ታኮ የኦዳይስ ምንጎባ።
2TI 4:10 ዴማሳ Ꮊ አላማ ዶሲ፥ ታና አሺ፥ ተሰሎንቀ ካታማ ቅቴዛ። ቀርቅስማ ጋላትያ፥ ትቶኔ ድልማጻ ቢታ ቅቴዛ።
2TI 4:11 ሉቃሳ ኣዳ ታር የዛ። ማርቆሳ ጾስ ኦሶር ታና ማዶዳይስ ዳንዳእዛ ግሾስ ኔር ኤኪ የኦባ።
2TI 4:12 ታኒ ትክቆሳና ኤፈሶና ካታማ ኪቴዛ።
2TI 4:13 ኔኒ ይእታር፥ ጽሮአዳ ካታማ ካርፖሳ ላንቀ አሺ የኤዝ ታ ኮታኔ ማጻፍታ ታስ ኤኪ የኦባ። ኡባይፐካ ጻꬅ ማጻፍታ ኤከካዛር ይእፐ።
2TI 4:14 ጻርቂማለ ኦꬅዝ ኢስክንድረ ታና ኢታ ቆሄዛ፤ ጎዳይ ኤ ኦሳይ ጋርክ ኤስ ጭጎዳ።
2TI 4:15 ኤ ኑ ትምርታ እጽዛ ግሾስ ኤፕ ነና ናጎባ።
2TI 4:16 ቲና ታ ሞትንቴዝ ዎደ ኡባይ አሺ ቅቴዛፕ አትን ኦንካ ታና ማደካያ። ጾሲ የ ቡታ ኡንትስ ታይብፐ።
2TI 4:17 ዝን ታኒ ኩንꬅ ኪታ አይሁደ ባ አስ ኡባይስ ማርካትን፥ ኡንቲ ስኦዳይ ጋርክ ጎዳይ ታ ካንታ ኤቂ ታስ ዎልቃ እንጌዛ። ማ ጋሞ ጋርክ ዶና ዶዬዝ Ꮊይቆፕ ታና አሼዛ።
2TI 4:18 ጎዳይ ታና ኢታ ኡባይፕ አሺ ሳሎ ካተትꬅ ሳሮር ሄልꬆዳ። ኤስ መꬊናፕ መꬍና ሄሎዳይስ ቦንቾ ማቆ። አምንኤ።
2TI 4:19 ጵርስቅላስ፥ አቂላስኔ አነስፎራ ካራ አሳይስ ታ ሳሮꬃ ሄልꬆባ።
2TI 4:20 ኤራስጾሳ ቆሮንቶሳ ካታማ አቴዛ። ጽሮፍሞሳ ሀርግንቴዝ ግሾስ ምልጸ ካታማ ኤዛ አሼዛ።
2TI 4:21 ባርጎ ገሎዳይፕ ቲና ኤልሲ የኦባ። ኤዉቡሎሳ፥ ጱዴሳ፥ ልኖሳ፥ ቅላደኔ ሀራ አማንዛ አስታይ ኡባይ ነና ሳሮ ሳሮ ግዛ።
2TI 4:22 ጎዳ የሱስ ክርስቶሳ ኔር ማቆ። ጾስ ኣꬎ ኬሄትꬃይ ይንታር ኡባይር ማቆ።
TIT 1:1 የሱስ ክርስቶሳ ሀዋረኔ ጾስ አይለ ማቄዝ፥ ጳዉሎሳ፥ ጻፌዝ ዳብዳበ። ጾሲ ዶሬዝ አሳይ አማና ድቾድ ጋርከኔ ቱማ አያና የስ ዋይዚ የሳዳዛኮ ቤዝዛ ቱማ ኤረትꬅኮ ኡንታን ካልꬆዳይስ ታኒ ኪትንቴዛ።
TIT 1:2 የ አማናይ መꬍና ደኦ ኡፋይሳል አፋ ኤቄዛ። የይ ጋመ ዎደፕ ቲና ዎርዶቶዋ ጾሳይ ኑስ እንጎድ ግ ቃላ ገሌዛያ።
TIT 1:3 ኑና አሽዛ ጾሳይ ፋ ዎደ ሄልን Ꮊ ኪታ ኦዶዳይ ጋርክ ታስ ሀዳራ እንጌዛ።
TIT 1:4 ኑስ ኮꬄ ማቄዝ አማናይድ ታስ ቱማ ናአ ማቄዝ ትቶስ፥ ጾስ አዳይፐኔ ኑና አሽዛ የሱስ ክርስቶሳፕ ኣꬎ ኬሄትꬃይ፥ ማሮትꬃይኔ ሳሮትꬃይ ኔስ ማቆ።
TIT 1:5 ታኒ ነና ቃርጼሳ አሼዛይ፥ ኔኒ አቴዝ ባዝ ሎእꬆድ ጋርከኔ ታኒ ኪቴዛይ ጋርክ ካታማ ኡባይድ ዎሳ ኬꬅ አቅስዝታ ዶሮድ ጋርከሲ።
TIT 1:6 ዎሳ ኬꬅ ጭማ ቦርንቶዛ፥ ፐቲ ማቻት አዝን፥ የዳ የሳር ዎይ ኪትንቶ እጾር አሲ ቦሮዋ አማንዛ ናእታይ የዝ አስ ማቆዳይስ ቤዝዛ።
TIT 1:7 ዎሳ ኬꬅ አቅስዝታይ ጾስ ኦሶ ሀዳራ ኤኬዝ ግሾስ ቦርንቶዛ፥ ኡትርቶዛ፥ ኤልሲ ይሎቶዛ፥ ማꬆዛ፥ ኦዳ ኮዮዛኔ ቤዞዋ አዳስ ኩኩሮዛ ማቆዳይስ ቤዝዛ።
TIT 1:8 ዝን እማꬅ ሞክዛያ፥ ሎኦ ባዝ ኡባ ቃꬍዛያ፥ አካካር የዛያ፥ ሱረ፥ ጌሽኔ ፋና ሃርዛያ ማቆዳይስ ቤዝዛ።
TIT 1:9 ቱማ ትምርተ ታማርሶራ፥ ዞረራኔ የ ትምርታ እጽዝታይስ ማህꬅ እንጎዳይስ ፋ ታማሬዝ አማንꬅዛ ቃላይል ሚንጊ ኤቆ።
TIT 1:10 ኪትንቶዝታይ፥ ፓꬆዋ ኦዳ ኦድንትዝታይ፥ ዶሽዝታይ ኡባራካ ዶካልንቶ ዎጋ ናግዛ ጋመ አስታይ የዛ።
TIT 1:11 ኡንቲ ቤዞዋ ኦገር ሚሸ ደንጎዳይስ ኮዪ፥ ቤዞዋ ባዝ ታማርስታር ካራ አስ ኡባ ቡቂዝ ግሾስ ኡ ትምርታ ተቆዳይስ ቤዝዛ።
TIT 1:12 ኡንታፕ ፐታይ ኡንትስ ናበ ማቄዛይ፥ «ቃርጼሳ አሳይ ኡባ ዎደ ዎርዶ ኦድንትዝታ፤ ኢታ ዶእታኔ አዛላ ናፍሳምታ» ዬጌዛ።
TIT 1:13 Ꮊ ማርካትꬃይ ቱማ። የይ ግሾስ፥ ኡንትስ ቱማ አማኖ የዞዳይ ጋርክ ኡንታን ካጮይታ።
TIT 1:14 ቱማ እጽዛ አሳይ ትምርታኔ አይሁድታይ ፓꬆዋ ቶሳ ስአማይ ጋርክ ኡንታን ሚንꬂ ሴሮባ።
TIT 1:15 ጌሽታይስ ኡባ ባዝ ጌሺ፥ ዝን ቱንታይስኔ አማኖዝታይስ ኡ ቆፋይኔ ካሃይ ቱኔዝ ግሾስ ኡንትስ አብካ ጌሺ ባያ።
TIT 1:16 ኡንቲ ኑ ጾስ ኤርዛ ግዛ፥ ዝን ፋ ኦሳይር ኤዛ ካድዛ። ኡንቲ ጾሳር እጽንቴዝታ፥ ኪትንቶዋዝታኔ ሎኦ ኦሶ ኡባ ኦꬆዳይስ ፒልዝታ።
TIT 2:1 ዝን ኔኒ ደኦ እንግዝ ትምርታ ቤዝዛይ ጋርክ ታማርሶባ።
TIT 2:2 ዎዛንቶ ꬊራꬅታይ ፋና ሞድዝታ፥ ጊጋር የዝዝታ፥ ቦንችንቴዝታ፥ አማኖር፥ ሲቆራኔ ዳንዳአር፥ ምንጎድ ጋርክ ዞሮባ።
TIT 2:3 የይ ጋርከካ፥ ዎዛንቶ ማችታይ ፋ የሳይድ ጌሽታ፥ ሀዎዞዋዚታ፥ ኡሽ ዣሮዝታኔ ሎኦ ባዝ ታማርዝታ ማቆዳይ ጋርክ ታማርሶባ።
TIT 2:4 ኡንቲ Ꮊይ ጋርክ ሀንኮ የላጋ ማችታይ ፋ አዝንታኔ ፋ ናእታ ሲቆዳይ ጋርከ።
TIT 2:5 ጾስ ቃላይ ቦርንታማይ ጋርክ ፋና ሞድዝታ፥ ጌሽታ፥ ፋ ካራ ካርስዝታ፥ ኬህታኔ ፋ አዝንስ ኪትንትዝታ ማቃድ ጋርክ የላጋ ማችታ ታማርሶ።
TIT 2:6 የይ ጋርከካ፥ ፓንꬅታይ ፋና ሃሮዳይ ጋርክ ዞሮባ።
TIT 2:7 ኔኒ ነ ኦማስ ሎኦ ኦሶ ኡባይር ኡንትስ ኣዝሶ ማቆባ። ኔኒ ነ ትምርታይር ኤቆራኔ አማንንቶር ነና ቤዞባ።
TIT 2:8 ኑ ሞርክታይ ኑና ዝግርዝ ኦገ ꬋብን ኡንቲ ዬላቶዳይ ጋርክ ኔኒ ቦርንቶዋ ሎኦ ኦሶ ኦꬆባ።
TIT 2:9 አይልታይ ኡባ ባዛር ፋ ጎድታይስ ኪትንቶዳይ ጋርክ፥ ኡንታን ኡፋይሶድ ጋርከኔ ኡንታር ፓላማም ጋርክ ዞሮባ።
TIT 2:10 ኡንቲ ፋ ጎድታይፕ ሚሸ ካስታማይ ጋርክ ዞሮባ። የይካ፥ ኑና አሽዛ ጾሳይ ትምርተ፥ ኡባ ኦገር ቦንችንቴዛ ማቃዳይ ጋርክ ፋ ኦꬅዛ ኦሳይድ ፎሎ አማንንትዝታ ማቄዛና ቤዞዳይ ጋርክ ኡንታን ዞሮባ።
TIT 2:11 አስ ኡባ አሽዛ ጾስ ኣꬎ ኬሄትꬃይ ቆንጬዛ።
TIT 2:12 የ ኣꬎ ኬሃትꬃይ፥ ኑኒ ናጋራኔ Ꮊ አላማይ አሞ አሺ፥ Ꮊ ዎዳይድ ኑና ሞዲ፥ ቱማ አያና የስስኔ ጽሎትꬃር የዞድ ጋርክ ኑና ታማርስዛ።
TIT 2:13 ኑኒ አንጅንቴዝ ኡፋይስ ማቄዝ ግታ ጾሳኔ ኑና አሽዛ የሱስ ክርስቶሳ ቦንቾ ቆንጭꬃ ናጎል የዛ።
TIT 2:14 ኢታ ኦሶ ኡባይፕ ኑና ዎዞዳይስኔ ሎኦ ባዝ ኦꬆዳይስ አሞትዝ ፓስ ጌሽ ዎያ ማሆዳይስ ፋና ኑ ግሾስ ኣꬂ እንጌዛ።
TIT 2:15 ኔኒ Ꮊያ ታማርሶባ፥ ኩንꬅ ማዉተር ዞሮባ፥ ሴሮባ ኦንካ ነና ለቂፐ።
TIT 3:1 አሳይ ጋደ አቅስዝታይስኔ፥ ማዉተር የዝታይስ ሞድንቶድ ጋርክ፥ ሃዮትꬃር ኪትንቶዳይስኔ ሎኦ ኦሶ ኡባ ኦꬆዳይስ ጊግንቴዝታ ማቆዳይ ጋርክ ቆፕሶባ።
TIT 3:2 ማ ኡንቲ ኦላካ ኢታ ኦድንታማይ ጋርክ፥ ሳሮ አስ ማቃዳይ ጋርክ፥ አሽክታኔ አስ ኡባይስ ኬህዝታ ማቃዳይ ጋርክ ዞሮባ።
TIT 3:3 ኑኒ ቲና ቦዝታ፥ ኪትንቶዝታ፥ ባልንቴዝታ፥ ዱማ ዱማ አሾ ኡፋይስስኔ አሞስ አይልቴዝታ። ኑኒ ኢታትꬃራኔ ቅናተር ኩሜዝታ፤ ኑ አስ እጽዝታ፥ አስካ ኑና እጽዝታ።
TIT 3:4 ዝን ꬋለ ማቄዝ ጾስ ኬሄትꬃኔ ሲቃይ ቆንጬዝ ዎደ
TIT 3:5 ኑ ኦꬄዝ ጌሽ ኦሳይ ግሾስ ባዝን ፋ ማሮትꬃይ ግሾስ ኑና አሼዛ። ኤ ኑና አሼዛይ፥ ናምአንꬆ የልንቶ ሜቻራኔ ጌሻ አያና ባጋር እንጌዝ ኦሮꬅ የሳራ።
TIT 3:6 የ አያና፥ ጾሲ ኑና አሽዛ የሱስ ክርስቶሳ ባጋር ኑል አፋ ጋንꬂ ጎግሴዛ።
TIT 3:7 ፋ ኣꬎ ኬሄትꬃይ ባጋር ኑና ጽልሲ መꬍና ደኦ ላታ ኡፋያሳ ኤኮድ ጋርክ የያ ኦꬄዛ።
TIT 3:8 Ꮊ ቃላይ አማንንቴዛያ። ጾስ አማንዝታይ ሎኦ ኦሶ ኦꬆዳይስ ጊጌዝታ ማቃዳይ ጋርክ ነ Ꮊ ቃላ ሚንꬂ ኦዶድ ጋርክ ታ ኮይዛ። የይትታይ አስ ኡባይስ ሎኦኔ ማድዝታ።
TIT 3:9 ዝን ቦዝታይ ፓላማይፐ፥ ኮቼ ታይቦፕ፥ ካቻፐኔ ህገፕ ደንዴዛይድ ደንድዛ ጫቻፕ ናግንቶባ። የይ ማዶዋ ዎ ባ ባዝ።
TIT 3:10 ጳልቂꬅ መꬍዛ አꬃ ፐቲ ቶኬ ዎይ ናምኢ ቶኬ ዞሪ የይፕ ጉየ የይ ጋርክ አꬃይፕ ሃኮባ።
TIT 3:11 የይ ጋርክ አስ ዡጫኔ ናጋራንቾ፤ ኤ ፋል አፋ ፕርዴዛና ኤሮባ።
TIT 3:12 ታኒ ባልጎ ኤዛይድ ሻጮዳይስ ቆፔዝ ግሾስ አርጸማሳ ዎይ ትክቆሳ ኔኮ ኪትዛ ዎደ ነ ታኮ ንቆጲሎና የኦዳይስ ምንጎባ።
TIT 3:13 ህገ ኤርዝ ዜናሳኔ አጵሎሳ ኦገ Ꮊንጎዳር ኡንትስ ኮሽዛ ባዝ ፓጫማይ ጋርክ ኡንታን ማዶባ።
TIT 3:14 ኑ አሳይካ ፓꬆዋ አስ ማቂ አታማይ ጋርክ ፓስ ቤዝዛ ባዝ ደንጎዳይ ጋርክ ሎኦ ኦሶ ኦꬆዳይስ ሚንጊ ታማሮ።
TIT 3:15 ታራ የዝ ኡባይ ነና ሳሮ ግዛ፤ አማኖር ኑና ሲቅዛ አስታ ሳሮ ጎባ። ጾስ ኣꬎ ኬሃትꬃይ ይ ኡባይራ ማቆ። አምንኤ።
PHM 1:1 የሱስ ክርስቶሳስ አጭንቴዝ ታ ጳዉሎሳፐኔ ኑ እሻ ጽማቶሳፕ ዶስንቴዝ ኑር ዎላ ኦꬅዝ ፍልሞናስ
PHM 1:2 ኑ ምሽቲ ኣፍብያስኔ ኑር ክርስቶሳስ ዎታዳረ ማቄዝ ኣርክጳሳስኔ ነ ካራ ሺቅዛ አማንዛ አስ ኡባይስ
PHM 1:3 ጾሳ ኑ አዳይፐኔ ኑ ጎዳ የሱስ ክርስቶሳ ኣꬎ ኬሃትꬃይኔ ሳሮትꬃይ ይንትስ ማቆ።
PHM 1:4 ታ ዎሳይድ ኡባ ዎደ ነና ቆፕ ታ ጾሳ ጋላትዛ።
PHM 1:5 ጎዳ የሱሳል የዝ ነ አማናኔ አማንዛ አሳይስ የዝ ነ ቃꬋ ታ ስኤዛ።
PHM 1:6 ኔኒ ነ አማና ሀራ አስስ ሻግዛይ ኑስ ክርስቶስ የሱሳ ባጋር ይእዛ ሎኦ ባዝ ኡባይ ኤርንቶድ ጋርክ ታኒ ጾሳ ዎስዛ።
PHM 1:7 ታ እሻዮ አማንዝታይ ዎዝናይ ነ ኦሳይር ሼምፔዝ ግሾስ ነ ሲቃይር ጋመ ኡፋይስኔ ምንꬃꬆ ታ ደንጌዛ።
PHM 1:8 የይ ግሾስ ነ ኦꬆዳይስ ቤዝዛ ባዝ ኦꬆባ ግ ክርስቶሳ ባጋር ያሻ ባይꬅ ኪቶዳዝን፥
PHM 1:9 ኡባር Ꮊይ ጋርክ ሀኔዝ ታ ጳዉሎሳ ጭማይ፥ Ꮊተካ ማ የሱስ ክርስቶሳስ አች ማቄዛይ፥ ሲቆ ባጋ ዎስዛ።
PHM 1:10 ካሰ ነና ማደካ አትኮካ Ꮊት ማቅኮ ነናካ ታናካ ማድዛ ግሾስ ታ አቻ የዛር ክርስቶሳ ባጋር የሌዝ ታ ናአ አናስሞሳ ግሾ ዎስዛ።
PHM 1:12 ታ ኤዛ ኔኮ ማሂ ዳኮዳ፥ ኔኒ ታ ዎዝናይ ጋርክ ኔኮ ዳኬዛይ ጋርክ ኡዲ ኤኮባ።
PHM 1:13 ታ ዎንግለ ግሾስ አጭንቲ የዝን ኤ ነ አቆ ታና ማዶድ ጋርክ ታ ኤዛ አሾድ ጌዝን።
PHM 1:14 ዝን ነ ሎኦትꬃይ ዎልቃንꬆር ባዝን ዶሶር ማቃድ ጋርከ ግ ኔር ዞርንተካዛር አሾዳይስ ታኮየካያ።
PHM 1:15 ኤ ኔፕ ሻግንቲ ጋምኤዛይ ኡባ ዎደ ኔር የዞድ ግሾስ ማቃዳ።
PHM 1:16 Ꮊይፕ ጉየ ኔር የዞዳይ አይለ ጋርክ ባዝን አይለፕ ኣꬎ ዶስንቴዝ እሸ ጋርከ፥ ኤ ታስ ዶስንቴዝ እሸ ማቅኮ ኔስ አሾራኔ አያናር ሲቆ እሸ ዋይዚ ማቆሳ?
PHM 1:17 ይኬ ታና ኔስ እሸ ኡዲ ኤክኮ ኤዛካ ታ ጋርክ ኡዲ ኤኮባ።
PHM 1:18 አባባዝካ ነና ቆሄዝ ባዝ የዝኮኔ አጮ ኤዛል የዝኮ ታል ኦሎባ።
PHM 1:19 ታ ጳዉሎሳ ታ ኩሸር ኤ አጫ ጭጎዳ ግ ኔስ ጻፌዛ፥ ነ ነ ኡባስ ታ አጮር የዛና ታ ቆፕሳሚ።
PHM 1:20 ይኬ ታ እሻዮ Ꮊ ሎኦ ኦሳ ነ ታስ ኦꬆድ ጋርክ ታ ነና ዎስዛ። ሀያና ታ ዎዝና ጎዳይ ባጋር ሸምፕሶባ
PHM 1:21 ታ ኔስ ጌዛይፕ ኣꬂ ነ ኦꬅዛይ ግሾስነ አዛዝንትዛ ግሾስ ታ ኤሪ ኦድዛ።
PHM 1:22 የይዳካ ጾሳይ ይ ዎሳ ስኢ ታና ይንትኮ ካማዳና ታ ኡፋይትዛ ግሾስ ታስ ሸምፕዛ አቆ ጊግሶይታ።
PHM 1:23 የሱስ ክርስቶሳ ግሾ ታር አጭንቴዝ ኤጳፍራ ሳሮꬆ ሺሽዛ።
PHM 1:24 ታር ዎላ ኦꬅዛ ማርቆሳራ አርስጽሮኮሳ ዴማሳ ሉቃሳካ ሳሮꬃ ሺሽዛ።
PHM 1:25 ጎዳ የሱስ ክርስቶሳ ኣꬎ ኬሄትꬃይ ይንታር ማቆ።
HEB 1:1 ብኒ ብንኮ ጾስ፥ ኑ አድታይስ ናብታይ ባጋር ዱማ ዱማ ኦገር ጋመ ዎደ ኦዴዛ።
HEB 1:2 ዝን Ꮊ ዉርስꬅ ዎደ ኡባ ባዝ ኤዛ ላትሴዝ፥ ማ አላማካ ኤ ባጋር መꬌዝ ፋ ናአይ ባጋር ኑስ ኦዴዛ።
HEB 1:3 ናአይ ጾስ ቦንቾ ፖጭꬅኔ ሀናይር ሙመር ጾስ ኣዚ ኩንꬅ ጾስ ጾሳትꬅ ኤኪ፥ ፋ ማዉተ ቃላይር Ꮊ አላማ ሚንꬂ አይኬዛ። አሳ ኡ ናጋራይፕ ሻግሼዛይፕ ጉየ ኡባፕ አፋ ጾስ ኡሻች ሳሎ በቴዛ።
HEB 1:4 ኤስ እንግንቴዝ ሱንꬃይ ኪታንችታይ ሱንꬃይፕ ኣꬅ ማቄዛይ ጋርክ ኤ ኡንታፕ ሎእꬂ ኣꬊዝ ግሾሲ።
HEB 1:5 ይኬ፥ ጾስ ኪታንችታይፕ ኦኮ፥ «ኔኒ ታ ናአ፤ ታ Ꮊይኖ ኔስ አደ ማቄዛ» ዬጌኔ? ዎይ ኦኮ፥ «ታኒ ኤስ አደ ማቆዳ፤ ኤካ ታስ ናአ ማቆዳ» ዬጌኔ?
HEB 1:6 ማ ጾሲ ፋ ባይራ ናአ Ꮊ አላመ ኪትታር፥ «ጾስ ኪታንችታይ ኡባይ ኤስ ጎይኖ» ዬጌዛ።
HEB 1:7 ጾስ ኪታንችታይ ባጋ ኦድታር፥ «ጾሲ ፋ ኪታንችታ ጫርክታ፥ ፋ አይልታ ታማ ላꬅ ኡድዛ» ዬግዛ።
HEB 1:8 ዝን ፋ ናአይ ባጋ ኦድታር፥ «ጾሶ፥ ነ ካተትꬃይ መꬍናስ የዝዛ። ነ ካተትꬃ ነ ጽሎትꬃር አቅሶዳ።
HEB 1:9 ኔኒ ጽሎትꬅ ዶሴዛ፤ ኢታትꬅ እጼዛ። ጾሳይ፥ ነ ጎዳይ፥ ነና ነ ዣምታይፕ ኣꬂ ዶሬዛ፥ ኡፋይስ ዛይተ ነና ትዤዛ» ዬግዛ።
HEB 1:10 ጾሲ ማሂ፥ «ጎዳዮ፥ ቲና ኔኒ ሳአ መꬌዛ፤ ሳልታይ ነ ኩሸ ኦስታ።
HEB 1:11 የይትታይ ኡባይ ꬋቦዳ፤ ዝን ኔኒ የዞዳ። ኡንቲ ኡባይ አፍላ ጋርክ ዉሮዳ።
HEB 1:12 ኔኒ ኡንታን ሳልነ ጋርክ ጻጾዳ፤ ማ ኡንቲ አፍላ ጋርክ ላምንቶዳ። ዝን ኔኒ ኡባ ዎደ ነና፤ ነ ላይꬅታይስካ ዉርስꬂ ባያ» ዬግዛ።
HEB 1:13 ዝን ጾሲ ኪታንችታይፕ ኦኮ፥ «ታኒ ነ ሞርክታ ነ ቶካይ የꬍዝ አቆ ኡዶድ ሄሎዳይስ፥ Ꮊይዳ ታፕ ኡሻች ባጋር በቶባ» ዬጌኔ?
HEB 1:14 ኪታንችታይ ኡባይ አቶትꬅ ደንጎዳይስ የዝ አስታ ማዶዳይስ ጾስ ኪቴዝ አያንታ ባሳኔ?
HEB 2:1 የይ ግሾስ፥ ኑኒ ስኤዝ ቱማይፕ ሀራ ባዝ ኑና ኤካማይ ጋርክ የ ኑ ስኤዛና ሚንꬂ ናጎዳይስ ቤዝዛ።
HEB 2:2 ይኬ፥ ኪታንችታይ ባጋር ኦድንቴዝ ቃላይ ቱማ ማቅኮ፥ ኤዛ ለቆኔ ኪትንታም እጻይ ፕርዳ ክእዛባዝ ማቅኮ፥
HEB 2:3 የዝን፥ ኑኒ Ꮊይ ጋርክ ግታ አቶትꬃ እጽኮ፥ ዋይዚ ቡቲ አቶዴ? ቲና ጎዳይ ፋ ኦማስ የ አቶትꬃ ኦዴዛ፤ ማ ኤፕ ስኤዝታይ ኑስ ጌሺ ማርካቴዛ።
HEB 2:4 ማ ጾሲ ማልታይር፥ ኦሮꬅባዝታይር፥ ዱማ ዱማ ማላ ባዝታይዳኔ ፋ ሸነ ጋርክ እንጌዝ ጌሻ አያና እሞትꬅታይር ማርካትꬃ ሚንꬄዛ።
HEB 2:5 ጾሲ Ꮊ ኑኒ ኦድዛ ቲናፕ የኦድ አላማ፥ ኪታንችታይስ ሞድሰካያ።
HEB 2:6 ጌሻ ማጻፋይ ፐቲ አቆ Ꮊይ ጋርክ ዬግዛ፦ «ኔኒ አስስ ቆፖዳይስ አስ ናአ አባ ባዞ? ዎይ ኔኒ ኤዛ ናጎዳይስ አስ ናአ አባ ባዞ?
HEB 2:7 ነ ኤዛ ኪታንችታይፕ ጽቃር ላፍꬄዛ፤ ኤ ኦማይል ቦንቾኔ ጋላታ ዛዉደ ጋዴዛ።
HEB 2:8 ማ ኡባ ባዝ ኤ ቶኬ ኦሞ ጋዴዛ» ዬግዛ። ጾሲ ኡባ ባዝ ኤስ ሞድሴዝ ዎደ ኤስ ሞድንቴካ አብካ ባያ። ዝን Ꮊት ኡባ ባዝ ኤስ ሃርንቶዳር ኑኒ ሀጋ በኤካያ።
HEB 2:9 ዝን ኑኒ ኪታንችታይፕ ጽቃር ላፌዛ የሱሳ ጾስ ኣꬎ ኬሃትꬃይፕ ደንዴዛይድ የሱሳ አስ ኡባይስ Ꮊይቄዛ። ኤ ዋየ Ꮊይቆ Ꮊይቄዝ ግሾስ ቦንቾኔ ጋላታ ዛዉደ ኤ ኦማይል ጋድን በአዳ።
HEB 2:10 ኡባ ባዝ ኤፐኔ ኤስ መꬍንቴዛይ፥ ጋመ ናእታ ፓር ቦንቾኮ ኮኦዳይስ ኡንትስ አቶትꬅ ኩስተኔ ዋዬር ፎሎ ማቃዳይ ጋርክ ኦꬆዳይስ ኤስ ቤዝዛ።
HEB 2:11 የሱሳኔ Ꮊ ኤ ጌሼዝ አሳይ ኡባይ ፐቲ አዳይ ናእታ። የሱሳ ኡንታን፥ «ታ እሹንꬆ» ግ ጼጎዳይስ ዬላተካዛይ የይሲ።
HEB 2:12 የሱሳ፥ «ታኒ ነ ሱንꬃ ታ እሽታይስ አዋጆዳ፤ ዎያ ጋንጨ ነና የꬃር ጋላቶዳ» ዬግዛ።
HEB 2:13 ማ ኤ፥ «ታኒ ኤዛል አፋ አማንቶዳ» ዬግዛ። ማካ፥ «ታኔ ጾሲ ታስ እንጌዝ ናእታይር ታ Ꮊይዳ የዛ» ዬግዛ።
HEB 2:14 ይኬ ናእታይ አሾኔ ሱꬂ የዝታ ማቄዝ ግሾስ የሱሳካ ኡ ጋርክ አስ ማቄዛ። ኤ የያ ኡዴዛይ፥ Ꮊይቆል አፋ ዎልቃ የዝ ጻላሄ ፋ Ꮊይቃይር ሻሮዳይሲ።
HEB 2:15 ማ ፋ የዛ ላይꬅ ኡባይድ Ꮊይቆስ ያሻር አይልቲ የዝታ አይለትꬃፕ ዎዞዳይሲ።
HEB 2:16 የሱሳ የኤዛይ አፍራመ ዘረꬅ ማዶዳይሳፕ አትን ኪታንችታ ማዶዳይስ ባያ።
HEB 2:17 አስ ናጋራስ ያርሽንቶዳይስ ጾስ ቲና ማርዛኔ አማንንቴዝ ቄሰ ሀላቃ ማቄዛ። የይ ግሾስ፥ ኤ ኡባ ባዛር ፋ እሽታ ኣዞዳይስ ቤዝዛ።
HEB 2:18 ኤ ፋ ኦማስ ፓጭንት ዋየ ኤኬዝ ግሾስ ፓጭንትዝታ ማዶዳይስ ዳንዳእዛ።
HEB 3:1 የይ ግሾስ፥ ጾስ ጼስ ሻግንቴዝ ጌሽ እሹንꬆ፥ ኑ አማኖስ ጎዳ ግ ጼግዝ ሀዋረኔ ቄሰ ሀላቃ የሱሳ ቦኦይታ።
HEB 3:2 ሙሰ ጾስ ካራ ኡባይድ አማንንቴዛይ ጋርክ የሱሳካ ፋና ሹሜዝ ጾሳይስ አማንንቴዛያ።
HEB 3:3 ኬꬅ ኬጽዛይ ኬꬃይፕ ኣꬊ ቦንችንትዛይ ጋርክ የሱሳ ሙሰፕ ኣꬊዝ ቦንቾ ኤኮዳይስ ቤዝዛ።
HEB 3:4 ፐቲ ፐቲ ኬꬅስ ኬጼዝ አሲ የዛ፥ ዝን ኡባ ሀንሴዛይ ጾሰ።
HEB 3:5 ሙሰ ጾስ ካራ ኡባይድ አማንንቴዝ አይለ ማቂ፥ ጾሲ ቲናፕ ጎድባዛይስ ማርካ ማቄዛ።
HEB 3:6 ዝን ክርስቶሳ ጾስስ ናአ ጋርክ አማንንቴዛያ። ኑኒ ኤኮዳ ግ ያሻ ባይꬅ ጬቆር ናግዛ ኡፋይሳ ሚንꬂ ናግኮ ኑ ኤ ካራ።
HEB 3:7 የይ ግሾስ፥ ጌሻ አያናይ ግዛይ ጋርክ፥ «Ꮊይኖ ይ ጾሳይ ግዛ ስእኮ
HEB 3:8 ሊዦ ቢታ ይ ታና ፓጬዝ ጋላስ፥ ይ ዎርዣቴዛይ ጋርክ፥ ይ ዎዝና ምንꬅፓተ።
HEB 3:9 ኤዛይድ ይ አድታይ ታና ፓጬዛ፤ ኦይታም ላይꬅ ታ ኦሳ በኤዛ።
HEB 3:10 የይ ግሾስ፥ ታ የ የለትꬃ ሴሬዛ፥ ‹ኡንቲ ኡባ ዎደ ፋ ዎዛናይር ባልንትዛ፤ ታ ኦጋ ኤረካያ› ታ ዬጌዛ።
HEB 3:11 የይ ግሾስ፥ ‹ታ ሸምፖ አቃ ኡባራካ ገላሚ› ዬጊ፥ ታኒ ታ ሴራይድ ጫቄዛ፥ ዬጌዛ» ዬግዛ።
HEB 3:12 ታ እሹንꬆ፥ ይንትፕ ኦ ጋንጨካ፥ ደኦ ጾሳይፕ ይንታን ሻክዛ ኢታኔ አማኖዋ ዎዝና የዛማይ ጋርክ ናግንቶይታ።
HEB 3:13 ይንትፕ ኦናካ ናጋራ ባልꬅን፥ ፋ ዎዝና ምንꬃማይ ጋርክ «Ꮊይኖ» ዬግንቲ ጼግንቶዳር ጋላስ ጋላስ ዎልር ዞርንቶይታ።
HEB 3:14 ኑ ቲና አማና ኑኒ ዉርስꬂ ሄሎዳይስ ሚንꬂ ናግኮ፥ ክርስቶሳር ፐትፕ ላቶዳ።
HEB 3:15 ጌሻ ማጻፋይድ፥ «Ꮊይኖ ጾስ ግዛ ይ ስእዝ ዎደ የ ዎደ ኡንቲ ዎርዠትꬃር ሀኔዛይ ጋርክ፥ ይ ዎዝና ሚንꬅፓተ» ዬጌዛ።
HEB 3:16 ጾስ ግዝባዝ ስኢ ዎርዠቴዝታይ ኦናንታራ? ሙሰ ግብጸፕ ካልꬂ ከሴዝ ኡብታ ባሳኔ?
HEB 3:17 ጾስ ኦይታም ላይꬅ ኦና ሴሬኔ? ናጋራ ኦꬄዝታኔ ኡ አሃይ ሊዦ ቢታ ዎꬊ አቴዝ አስታ ባሳኔ?
HEB 3:18 ማ ጾስ፥ «ታ ሸምፖ አቃ ኡ ገላሚ» ዬጊ ጫቄዛይ፥ ኤስ ኪትንታም እጼዝ አሳይሳፕ አትን ኦሶ?
HEB 3:19 ይኬ፥ ኡንቲ የ ሸምፖ አቃ ገለካ አቴዛይ አማነካ ግሾስ ማቄዛና ኑ ቦኦዳ።
HEB 4:1 ይኬ፥ ጾሲ ኑና ፋ ሸምፖ አቆ ገልሶዳ ጌዝ ቃላይ ሀጋ ቲናፕ የዝ ግሾስ ይንትፕ ኦንካ የ ሸምፖ አቃ ገለካ አታማይ ጋርክ ዎላ ናግንቶዳ።
HEB 4:2 ኡንትስ ዎንግላይ ሳባክንቴዛይ ጋርክ፥ ኑስካ ሳባክንቴዛ። ዝን ኡንቲ ስኤዝባዝ አማኖር ኤከካ ግሾስ ኡንታን ማደካያ።
HEB 4:3 ሀኖ ዝን፥ አላመ መꬊንቴዛይፕ አይኪ ጾሳ ኦሳይ ፖልንቴዝ ማቅኮካ፥ ጾሲ፥ «ታኒ ታ ካቻይድ ጫቄዛ፥ ታ ሸምፖ አቆ ኡባራካ ኡ ገላሚ» ጌዛይ ጋርክ፥ ኑኒ አማኔዝታይ ኤ ሸምፖ አቆ ገሎዳ።
HEB 4:4 ላፑንꬃ ጋላስባጋ ፐቲ አቆ፥ «ጾሲ ላፑንꬃ ጋላሳ ፋ ኦሶ ኡባይፕ ሸምፔዛ» ዬጌዛ።
HEB 4:5 ማካ የ አቃይድ፥ «ኡንቲ ታ ሸምፖ አቃ ኡባራካ ገላሚ» ዬግዛ።
HEB 4:6 ቲና ዎንግለ ስኤዝታይ ኪትንታም እጺ ሸምፖ አቃ ገለካያ። የያ ማቅኮካ፥ Ꮊተካ የ ሸምፖ አቃ ገሎ ግንትንቴዝ ፐቲ ፐቲ አስታይ የዛ።
HEB 4:7 የይ ግሾስ፥ ጾሲ፥ «Ꮊይኖ» ግ ጼጎዳር ፐቲ ጋላስ ኑስ ቃማ ጋዴዛ። ጋመ ዎደፕ ጉየ ጾሲ ዳዉተ ባጋር፥ «ጾሲ ግዝባዝ Ꮊይኖ ይ ስእዝ ዎደ ይ ዎዝና ምንꬅፓተ» ዬጊ ኦዴዛ።
HEB 4:8 ኢያሶ ኡንትስ ሸምፖ እንጌዝባዝ ማቄዛኮ፥ ጾሲ ሀራ ጋላሰ ባጋ ጉየፐ ኦዳምዝን።
HEB 4:9 ይኬ፥ ጾስ አሳይስ ማላ ጋላስ ሸምፖ ጋርክ ሸምፓይ ናግንቲ የዛ።
HEB 4:10 ጾስ ሸምፖ አቃ ገልዛ ኦንካ፥ ጾሲ ፋ ኦሳይፕ ሸምፔዛይ ጋርክ ኤካ ፋ ኦሳይፕ ሸምፖዳ።
HEB 4:11 የይ ግሾስ፥ ኦንካ የ አሳይ ኪትንቶ እጻ ካሊ፥ ፖካማይ ጋርክ ዎላ ጾስ ሸምፖ አቃ ገሎዳይስ ምንጎዳ።
HEB 4:12 ጾስ ቃላይ ደኦር የዛኔ ኦꬅዛያ። ናምኢ ባጋር ሌፍንቴዝ ማሻፕ ኣꬊ ኦጮ። ኤ ሸምፖ፥ አያና፥ ጻጶኔ ኮልእዘ ሄሎዳይስ ሳትሲ ጫድዛ። ማ አስ ዎዛና የዝ ቆስንቴዝ ቆፋኔ አሞ ሻኪ ፕርድዛ።
HEB 4:13 ጾስ ቲናፕ ቆስንቴዝ አባ መትꬅካ ባያ። ኤ ኣፈ ቲና ኡባ ባዝ ቆንጨኔ ካሎ የዛ። ኑኒ ማህꬅ እንጎዳይስ ቤዝዛይ ኤ ቲናይዳ።
HEB 4:14 ይኬ፥ ሳልታይል አፋ ከዜዝ ኡባይፕ ኣꬅ ቄሰ ሀላቃይ፥ ጾስ ናአ የሱሳ፥ ኑስ የዛ ግሾስ ኑ አማና ሚንꬂ ናጎዳ።
HEB 4:15 ኑ ቄሰ ሀላቃይ ኑ ዳቡሮዳር ኑስ ቃꬊንቶዳይስ ዳንዳእዛያ። ኤ ናጋራ ኦꬄካ፥ ዝን ኑ ጋርክ ኡባ ባዛር ፓጭንቴዛ።
HEB 4:16 ይኬ፥ ማሮትꬅ ኤኮዳይስኔ ማዴ ኮሽዛ ዎደ ኣꬎ ኬሃትꬃይፕ ደንጎዳይስ ኣꬎ ኬሃትꬃይ የዛ አቆ ጾስ ዙፋናይኮ ያሽተካ ሺቆዳ።
HEB 5:1 ፐቲ ፐቲ ቄስታይ ሀላቃ አሳይ ጋንጨፕ ማራጽንቲ፥ ጾሳር ሄልꬅዛ ባዛ አሳይ ግሾስ እሞታራኔ ናጋራ ያርሾ ያርሾዳይስ ሹምንትዛ።
HEB 5:2 ኤ ፋ ኦማስ ዳቡራ ማቄዝ ግሾስ ኤሮዝታይስኔ ባልንትዝታይስ ቃꬊንቶዳይስ ዳንዳእዛ።
HEB 5:3 ኤ ፋ ናጋራ ግሾኔ አስ ኡባ ናጋራ ግሾስ ያርሾ ያርሾዳይስ ቤዝዛይ የይሲ።
HEB 5:4 ኦንካ Ꮊ ቦንቻ ፓስ ኤኮዳይስ ዳንዳኦዋ፥ ዝን ኣሮና ቄስታይ ሀላቃ ማቆዳይስ ጼግንቴዛይ ጋርክ ጾሳር ጼግንቶዳይስ ቤዝዛ።
HEB 5:5 የይ ጋርከካ፥ ክርስቶሳ ቄስታይ ሀላቃ ማቅꬅ ቦንቻ ታስ ቤዝዛ ግ ፋ ኦማስ ኤከካያ። ዝን ጾሲ ኤዛ፥ «ኔኒ ታ ናአ። Ꮊይኖ ነና ታ የሌዛ» ኤኮ ዬግዛ።
HEB 5:6 ማ ሀራ አቆ፥ «ማልከጻድቀ ቄሰ ማቄዛይ ጋርክ፥ ኔኒ መꬍናስ ቄሰ ማቆዳ» ዬግዛ።
HEB 5:7 የሱሳ አስ ማቂ Ꮊ አላመል የዝ ዎደ ፋና Ꮊይቆፐ አሾዳይስ ዳንዳእዛ ጾሳ ጋመ ዬፎራኔ አፉꬃር ዎሴዛ። ኤ፥ ኤዛ ቦንቺ ኪትንቴዝ ግሾስ ጾስ ኤ ዎሳ ስኤዛ።
HEB 5:8 የሱሳ ጾስ ናአ ማቅኮካ ፋ ዋይንቴዝ ዋያይድ ኪትንታ ታማሬዛ።
HEB 5:9 የይዳካ፥ የሱሳ ፎሎ ማቄዛይፕ ጉየ ፓስ ኪትንትዛ ኡባይ መꬍና አቶትꬃ ደንጎዳይ ጋርክ ኦገ ማቄዛ።
HEB 5:10 ጾስ ማልከጻድቀ ቄሰትꬅስ ሹሜዛይ ጋርክ ቄስታይ ሀላቃ ኡዲ ኤዛ ሹሜዛ።
HEB 5:11 ያ ኑ ኦዳይል አፋ ጉጂ ናሾድ ጋመ ባዝ የዛ፥ ዝን ይ አካካይ ጽቃ ማቄዝ ግሾስ ይንትስ ኦዲ ገልሶዳይ ዋይꬅዛ።
HEB 5:12 ይ Ꮊኖንተ አስታማረ ማቆዳይስ ቤዝዛ፥ ዝን ጾስ ቃላ ቲና ትምርታ ይንታን ማሂ ታማርስዛ ሀራ አስ ኮሽዛ። ይ ምኖ ካꬃ ማዳይስ ዳንዳኦዛይ ግሾስ ማꬅ ኮሽዛ።
HEB 5:13 ማꬅ ፓክንትዛ ኦንካ ዱደ ናአ ማቄዝ ግሾስ ሎኦኔ ኢታ ሻኪ ኤሮያ።
HEB 5:14 ዝን ምኖ ካꬃ ሎኦኔ ኢታ ሻኪ ኤሮር ሎሄዝ አሳይሲ።
HEB 6:1 ይኬ፥ ክርስቶሳ ባጋ ታማርስዛ ቲና ትምርታ አሺ ክርስቶሳር ፎሎኮ Ꮊማዳ። Ꮊይቄዝ ኦሶፕ ገሎኔ ጾስ አማኖ ባጋ ቲና ትምርታይኮ ጉየ ማቂ ማሂ ባሳሚ።
HEB 6:2 የይትታይካ፥ ጽንቃትታይ ባጋ፥ ኩሸ ጋዶ ባጋ፥ Ꮊይቆፕ ደንዶ ባጋኔ መꬍና ፕርዳ ባጋ ማሂ ታማራም።
HEB 6:3 ጾስ ጊኮ ኑ የያ ኡዶዳ።
HEB 6:4 ፐቲ ቶኬ ፖኦ ኡንትስ ፖኤዝታ፥ ሳሎ እሞታ ኤኬዝታ፥ ጌሻ አያናር ሻክንቴዝታ፥
HEB 6:5 ሎኦ ጾስ ቃላኔ ቲናፕ የኦድ አላማይ ዎልቃ በኤዝታ፥
HEB 6:6 ጉየፐ ካዴዝታ ናጋራይፕ ናምእንꬆ ማሆዳይስ ዳንዳእንቶያ። አብስ ጊኮ፥ ኡንቲ ፋ ꬋቦስ ጾስ ናአ ማሂ ሶትዛይ ጋርክ ማዝቃለል አፋ ኤዛ ሶቴዛ ዎያ ቲና ካዉሽዛ።
HEB 6:7 ኡባ ዎደ ኢል አፋ ቡክዛ እራ ኡዢ፥ ዎቴዝ አꬃ ማድዛ ካꬅ እንግዛ ቢታይ ጾስ አንጄዛኖ።
HEB 6:8 ዝን አንጉንꬅኔ ግጀ ዶልዝ ቢታት አብካ አዳሚ፤ ኢስ ቃንግꬂ ኡኬዛ፤ ዉርስꬃል እዛ ጹግንቶዳ።
HEB 6:9 ኑ ሲቆ እሹንꬆ፥ ኑኒ Ꮊይ ጋርክ ኦድዛ ባዝ ማቅኮካ፥ ይንታን አቶትꬅኮ ካልꬅዛ ሎኦ ባዝ ይንትስ የዛና ኤርዛ።
HEB 6:10 ጾስ ሉለ ፕርድዛ። ጾስ፥ ይ ኦꬄዝ ኦሶኔ ቲና ማቅን Ꮊተካ አማንዝታ ማዲ፥ ኤስ የዝ ሲቆ ቤዜዛና ዶጎያ።
HEB 6:11 ይ ኡባይ ኡፋይሳር ናግዛና ደንጎድ ሄሎዳይስ Ꮊ ምኖትꬃ ዉርስꬂ ሄሎዳይስ ቤዞዳይ ጋርክ ኑ አሞትዛ።
HEB 6:12 ይ አማኖራኔ ዳንዳአር ናግዛ ኡፋይሳ ላትዛ አሳ ኣዞዳይ ጋርከፐ አትን አዛላ ማቆዳና ኑ ኮዮያ።
HEB 6:13 ጾሲ አፍራመስ ኡፋይስ ቃላ እንጎድ ግ ጫቆዳር ፋፐ ኣꬊዝ ሀራ ግታ ባ ግሾስ ፋ ኦማስ ጫቄዛ።
HEB 6:14 ኤኮ፥ «ታኒ ነና አንጆዳ፤ ነ ዘርꬃካ ጋንꬆዳ» ዬጌዛ።
HEB 6:15 አፍራመ ዳንዳአር ናጌዝ ጾሳይ እንጎድ ጌዝ ኡፋይሳ ኤኬዛ።
HEB 6:16 አሲ ጫቂታር ፋፕ ዳምዛ አꬃይር ጫቂዛ፤ ኡ ፋ ኦዳ ጫቆር ሚንꬂ፥ ዎል ጋንጨ የዝ ፓላማ ኡባ ተቅዛ።
HEB 6:17 የይ ግሾስ፥ ጾስ ፋ ላምንቶዋ ቆፋ ኡፋይስ ቃላ ላትዝታይስ ቆንጭሶዳይስ ኮዬዝ ግሾስ ጫቆር ኡንትስ ሚንꬄዛ።
HEB 6:18 ጾስ ላምንቶዋዝታኔ ዎርዶቶዋ ናምኢ ባዝታ ጉሳይ ኡፋይስኔ ጫቃ ኑስ እንጌዛ። Ꮊ ናምኢ ባዝታይፕ ደንዴዛይድ ኑ ቲናይድ የዝ ኡፋይሳ ሚንꬅ አይኮዳይስ ዳንዳኦዳይስ ዘምፖ ደንጎዳይስ ኤኮ ቆስንቴዝ ኑኒ ዎልቃማ ምንꬃꬆ ደንጎዳ።
HEB 6:19 ያ ኡፋይሳይ ኑ ሸምፖስ፥ ማርካበ ኤንአማይ ጋርክ ሚንꬂ አይክዝ ዎዶሮ ጋርከ። የ ኡፋይሳይ ማጋራዣፕ ጉየ ባጋ የዝ ጌሽ አቃ ገልዛ።
HEB 6:20 የሱሳ ማልከጻድቀ ሹማተꬃይ ጋርክ መꬍናስ ቄስታይ ሀላቃ ማቂ፥ ኑ ግሾስ ኑፕ ቲናቲ የ አቃ ገሌዛ።
HEB 7:1 ማልከጻድቄ፥ ሳሌመ ካታይ፥ ኡባፕ ኣꬅ ጾስ ቄሰ። የ ማልከጻድቀ አፍራመ ካትታና ኦሊ ጋሚ ማቆዳር ኤዛ ሄሊ አንጄዛ።
HEB 7:2 አፍራመ ፋ የዛ ባዝ ኡባይፕ ኤስ አስራታ ከሲ እንጌዛ። ማልከጻድቀ ሱንꬃይ ቲና «ጽሎትꬅ ካት»፥ ናምእንꬆ፥ «ሳሌመ ካት» ብልእꬃይ፥ «ሳሮትꬅ ካት» ጉሲ።
HEB 7:3 ማልከጻድቀስ እንዳ ዎይ አደ ዎይ ዛረ ታይቦ ባያ። ኤ ላይꬃይስ ደንዶ ዎይ ኤ ላይꬃይስ ዉርስꬂ ባያ፥ ዝን ጾስ ናአ ኣዚ መꬍናስ ቄሰ ማቄዛ።
HEB 7:4 ማልከጻድቀ አብ ጋርክ ዳማዛኮ ቦኦይታ። ኑ አድታይስ ማይዛይ፥ አፍራመ፥ ፋ የዛ ባዛይፕ ኤስ አስራታ እንጌዛ።
HEB 7:5 ቄሰ ማቄዝ ለወ ዛራይ እስሬለ አሳይፕ፥ የይካ አፍራመ ዘረꬅ ማቄዝ ፋ እሽታይፕ አስራታ ኤኮዳይ ጋርክ ህገ ኪትዛ።
HEB 7:6 ማልከጻድቀ ለወ ዛረ ማቃም እጽኮካ አፍራመፕ አስራታ ኤኬዛ፤ ኡፋይስ ቃላ የዝ አፍራመና አንጄዛ።
HEB 7:7 ጽቃይ ዳማይር አንጅንትዛይ ፓላምꬆያ።
HEB 7:8 ፐቲ ባጋር፥ አስራታ ኤክዝታይ Ꮊይቅዝ አስታ፥ ዝን ሀራ ባጋር አስራታ ኤክዛይ Ꮊይቀካ የዛ ዬጊ ኦድንቴዝ መልከጻድቀ።
HEB 7:9 ይኬ፥ አስራታ ኤክዝ ለወ፥ አፍራመ ባጋር አስራታ እንጌዝ ጎዳይስ ዳንዳእንትዛ።
HEB 7:10 አብስ ጊኮ፥ ማልከጻድቀ አፍራመር ዎል ሄሎዳር ለወ ሀጋ የልንተካ ማቅኮካ፥ ፋ ማይዛ አፍራመ ጉልባታይድ የዛ።
HEB 7:11 እስሬለ አሳይስ ህገ ለወ ቄሰትꬃይ ባጋር እንግቴዛ። የ ለወ ቄሰትꬃይ ፎሎ ማቄዝ ባዝ ማቄዛኮ ኣሮናሳይ ጋርክ ባዝን፥ ማልከጻድቀ ጋርክ ሀራ ቄሰ ሹሞዳይስ ኮሻምዝን።
HEB 7:12 ይኬ፥ ቄስታይ ላምንቶዳር ህጋይካ ማ ላምንቶዳይስ ቤዝዛ።
HEB 7:13 የያ ኑ ኤባዝ ኦድዛ አꬃይ ሀራ ዛረ፤ ኤ ሼሻይፕ ኦንካ ያርሾ አቆ ቄሰትꬅ ኦꬄካያ።
HEB 7:14 ኑ ጎዳይ ይሁዳ ሼሻይፕ የኤዛይ ኤርንቴዛያ። ሀኖ ዝን፥ ሙሰ ቄስታይ ባጋ ኦድታር ይሁዳ ኮች ባጋ አብካ ኦደካያ።
HEB 7:15 ማልከጻድቀ ጋርክ ሀራ ቄሰ የኤዝባዝ ማቄዛኮ Ꮊ ኑ ኦድዛባዛይ ኣꬊ ቆንጮዳ።
HEB 7:16 ኤ ቄሰ ማቄዛይ ꬋቦዋ ደኦ ዎልቃይራፕ አትን ኤ ማይዛ ህገራኔ ዎጋይር ባያ።
HEB 7:17 ጌሻ ማጻፋይ፥ «ማልከጻድቀ ቄሰትꬃይ ጋርክ፥ ኔኒ መꬍናስ ቄሰ» ዬጊ ማርካትዛ።
HEB 7:18 ቲና ህጋይ ዳቡራኔ ማዳማ ማቄዝ ግሾስ ሻርንቴዛ።
HEB 7:19 ሙሰ ህጋይ አባራካ ፎሎ ማቆዳይስ ዳንዳኤካያ። ዝን ኑኒ Ꮊት ጾስኮ ሺቆዳይስ ኡባይፕ ኣꬊዝ ኡፋይስ ቃላይ ኑስ እንግንቴዛ።
HEB 7:20 ክርስቶሳ ቄሰ ማቄዝ ዎደ ጾሲ ጫቄዛ፥ ዝን Ꮊንክታይ ቄሰ ማቄዝ ዎደ የይ ጋርክ ጫቃይ ባያ።
HEB 7:21 ዝን የሱሳ ቄሰ ማቄዛይ ጾስ ጫቆራ፤ «ጎዳይ ኤኮ ‹ኔኒ መꬍና ቄሰ› ዬጊ ጫቄዛ፤ ኤ ፋ ቆፋ ላሞያ» ዬጌዛ።
HEB 7:22 ያ ጫቃይፕ ደንዴዛይድ የሱሳ ኑስ ኡባይፕ ኣꬊዝ ቃላ ጫቃይስ ዋሰ ማቄዛ።
HEB 7:23 ቲና ቄስታይ ታይባይ ጋመ ዝን ቄሰትꬅ ኦꬃማይ ጋርክ Ꮊይቆ ኡንታን ካዬዛ።
HEB 7:24 ዝን የሱሳ መꬍናስ የዝዛ ግሾስ ኤ ቄሰትꬃይ ላምንቶያ።
HEB 7:25 የይ ግሾስ፥ ኤ ኡባ ዎደ ኡ ግሾስ ጉሮዳይስ መꬍናስ የዝ ግሾስ ጾስኮ ኤ ባጋር ይእዝታ ፎሎ አሾዳይስ ዳንዳእዛ።
HEB 7:26 ይኬ፥ ኑስ ቤዝዛ ባዝ እንግዛ፥ ጌሻይ፥ ቦሮኔ ቱና ባዛይ፥ ናጋራንችታይፐ ሻክንቴዛይኔ ሳሎፕ ኣꬊ ꬎቄዝ ቄሰ ሀላቃይ ኑስ ኮሽዛ።
HEB 7:27 ኤ Ꮊንኮ ቄሰ ሀላቅታይ ጋርክ ቲና ፋ ናጋራ ግሾስ ካሊ አስ ናጋራ ግሾስ ጋላስ ጋላስ ያርሾ ያርሾዳይስ ኮሾያ። ኤ ፋና ያርሼዝ ዎደ Ꮊያ ላማማይስ ፐቲ ቶኬ ዉርሲ አሼዛ
HEB 7:28 ሙሰ ህጋይ ዳቡራ አሳ ቄሰ ሀላቃ ኡዲ ሹምዛ። ዝን ህጋይፕ ጉየ የኤዝ ጫቆ ቃላይ መꬍናስ ፎሎ ማቄዝ ጾስ ናአና ሹሜዛ።
HEB 8:1 ኑኒ ኦዴዝ ባዛይፕ ኣፈ ቆፋይ የያ። ሳሎ ኡባፕ አፋ ጾስ ዙፋናይፕ ኡሻች ባጋ በቴዝ Ꮊይ ጋርክ ቄሰ ሀላቃይ ኑስ የዛ።
HEB 8:2 ኤ ኦꬅዛይ ቱማ ዱንካነ ማቄዝ ጌሽ አቆ፥ የ ዱንካናት ቱክንቴዛና አስ ኩሸር ባዝን ጎዳይ ኩሸራ።
HEB 8:3 ቄሰ ሀላቃ ኡባይ ሙጻታስኔ ያርሾ ያርሾዳይስ ሹምንትዛ። የይ ግሾስ፥ Ꮊ ቄሳይ ያርሾዳይስ ፐትባዚ የዞዳይስ ኮሽዛ።
HEB 8:4 ህገ ኪትዛይ ጋርክ ያርሽዛ ቄስታይ የዝ ግሾስ ክርስቶሳ ሳአ የዛ ባዝ ማቄዛኮ ቄሰ ባያ።
HEB 8:5 ኡንቲ ቄሰትꬅ ኦꬅዛ ዱንካናይ ሳሎ የዛይስ ኣዝሶኔ ኤሾ። ሙሰ ዱንካና ኤስዛ ዎደ ጾሲ ኤኮ፥ «ታኒ ነና ደረል አፋ ቤዜዝ ኣዝሳ ካሊ ናግንቶር ኦꬆባ» ዬጌዛ።
HEB 8:6 Ꮊት ማቅኮ የሱሳ ጋንጨ ገሊ ዳቦꬅዛ ቃላ ጫቃይ፥ ቲና ቃላ ጫቃይፕ ኣꬍዛይ ግሾስ ኤ ኤኬዝ ኦሳይ ኡንቲሳይፕ ኣꬍዛ። የይ ኤቄዛይ ኣꬊዝ ኡፋይስ ቃላይዳ።
HEB 8:7 ቲና ቃላ ጫቃይድ ቦሮ ባ ማቄዛኮ ናምእንꬅ ቃላ ጫቆ ኮሾያ።
HEB 8:8 ዝን ጎዳይ ኤዛ ቦሪ፥ Ꮊይ ጋርክ ዬጌዛ፦ «ታኒ እስሬለ አሳይራኔ ይሁዳ አሳይራ ኦሮꬅ ቃላ ጫቆ ጫቂዛ ዎደ የኦዳ።
HEB 8:9 የ ቃላ ጫቃይ ታ ኡ አድታይ ግብጸ ቢታፕ ኩሸ አይኪ፥ ጎቺ ከሴዝ ዎደ ኡንታር ጫቄዝ ጫቃይ ጋርክ ባያ። ጎዳይ ኡንቲ ታ ጫቃይድ አማንንተካዛይ ግሾስ ታኒ ኡንታን ኦሊ አሼዛ ዬግዛ።
HEB 8:10 ዝን ይከፕ ጉየ እስሬለ አሳይራ ታ ጫቆድ ጫቃይ Ꮊያ ዬግዛ ጎዳይ። ታኒ ታ ህጋ ኡ ካሃይድ ጋዶዳ፤ ኡ ዎዝናይዳካ ጻፎዳ። ታኒ ኡ ጾሳ ማቆዳ፤ ኡንትካ ታ ወያ ማቆዳ።
HEB 8:11 ኡንታፕ ኦንካ ፋ ሾራ ዎይ ፋ እሻ፥ ‹ጎዳ ኤሮባ› ዬጊ ታማርሳሚ። ኡንቲ ጽቃፕ ዳማ ሄሎዳይስ ኡባይ ታና ኤሮዳ።
HEB 8:12 ታኒ ኡ ናቃ አቶ ጎዳ፤ ኡ ቆሃ ማሂ ቆፓሚ» ዬግዛ።
HEB 8:13 ጾሲ Ꮊ ጫቃ «ኦሮꬅ ቃላ ጫቆ» ጉሳይ ቲናሳ ጭማ ማሄዛ። ይኬ፥ ጭማይኔ ጬጋይ ꬋብዛ ዎደ ሄሌዛ።
HEB 9:1 ቲና ጫቃይስ ጾስ ጎይኖ ዎጋይኔ ሳአ ዱንካናይ የዛ።
HEB 9:2 ቲና ዱንካናይ ጊጌዛ። ኤዛይድ ጾምፐ ጋድዝ ኮች፥ ጻርጴዛኔ ያርሾ ቦራ የዛ፤ የ አቃይ ጌሺ ግንትትዛ።
HEB 9:3 ናምአንꬆ ማጋራዣይፕ ጉየ ባጋር የዝ አቃይ ኡባይፕ ኣꬎ ጌሽ አቆ ግንትንትዛ።
HEB 9:4 ኤ ጋንጨ እጻኔ ጩይሽዝ ዎርቃ ቀንደለኔ ዎርቃር ጎልንቴዝ ቃላ ጫቆ ታቦታይ የዛ። የ ጫቆ ታቦታይድ ማና የዝ ዎርቃ ጻሮ፥ አጬዝ ኣሮና ጉፋይኔ ሙሰ ህገ ጻፍንቴዝ ናምኢ ሎቼ ሹችታይ የዛ።
HEB 9:5 የ ታቦታይል አፋ ባጋር አቶትꬅ ካመ ፋ ቀፋይድ ካምዛ ቦንቾ ክሩቤልታይ የዛ። ዝን Ꮊት የ ኡባ ቆንጭሲ ኦዶዳይስ ዳንዳኦያ።
HEB 9:6 ያ ኡባይ Ꮊይ ጋርክ ጊጌዛይፕ ጉየ፥ ቄስታይ ኡባ ዎደ ፋ ኦሳ ኦꬆዳይስ ዱንካናይስ ቲና ባጋ ክፍላ ገልዛ።
HEB 9:7 ዝን ቄሰ ሀላቃይ ኣዳ ዱንካናይስ ናምእንꬆ ክፍለ ላይꬃፕ ፐቲ ቶኬ ገልዛ። ኤ የያ ገልታር ፋ ናጋራ ግሾኔ አሳይ ኤረካ ኦꬄዝ ናጋራ ግሾስ ሱꬅ ያርሾ ኤከካ ገሎያ።
HEB 9:8 ቲና ዱንካናይ ኤቂ የዝን፥ ኡባፕ ጌሽ አቆ ካንግዛ ኦገ ሀጋ ዶይንተካዛ ጌሻ አያናይ የያ ኤርስዛ።
HEB 9:9 የይ Ꮊ ዎዳይስ ኣዝሶ፤ ጾስስ እንግንትዛ እማኔ ያርሻይ ጎይንዛ አꬃይ ካሃ ጌሾዳይስ ዳንዳኦዛና Ꮊይ ቤዝዛ።
HEB 9:10 የይትታይ ሙስ ባጋ፥ ኡሽ ባጋ ዱማ ዱማ ሜች ዎግታይ ኦድዝታ። ኡንቲ ኦሮጽዛ ዎደ የኦድ ሄሎዳይስ ኦስንትዛ ባለ ዎግታ ባጋ።
HEB 9:11 ዝን ክርስቶሳ Ꮊት ኑ ደንጌዝ ሎኦ ባዝታይስ ቄስታይ ሀላቃ ማቂ የኤዛ። ኤ ገሌዝ ዱንካናይ ዳማኔ ፎሎ ማቄዛ። የ ዱንካናይ አስ ኩሸር ኦስንተካዛኔ Ꮊ አላማይፕ መꬍንቴዛኖ።
HEB 9:12 ክርስቶሳ ኡባፕ ጌሽ አቆ ገልታር ዴሽ ሱꬅኔ ኦጎና ሱꬅ ኤኪ ገለካያ። ዝን መꬍና አቶትꬃ እንጎዳይስ ፋ ሱꬅ ኤኪ ላማማይስ ፐቲ ቶኬ ገሌዛ።
HEB 9:13 ዴሽ ሱꬅኔ ዎፋኖ ሱꬅ፥ ጹግንቴዝ ኡስ ቡዶ፥ ቱኔዝ አሳይል አፋ ꬋርጭንቲ ኡንታን ጌሽዛባዝ ማቅኮ፥
HEB 9:14 መꬍና አያና ባጋር ቦሮ ባ ያርሾ ኡዲ፥ ጾሳይስ ፋና እንጌዝ ክርስቶሳ ሱꬅ፥ የዛ ደኦ ጾስ ጎይኖዳይ ጋርክ Ꮊይቆ ካልꬅዛ ኦሳይፕ ኑ ካሃ ዋይዚ ኣꬂ ጌሾሳ?
HEB 9:15 የይ ግሾስ፥ ጼግንቴዝታይ ጾሲ እንጌዝ መꬍና ላታ ኤኮዳይ ጋርክ ክርስቶሳ ኦሮꬅ ጫቃይስ ጋንጨ ገሊ ዳቦꬅዛ ማቄዛ። የይ ሀኔዛይ አሳይ ቲና ጫቃይፕ ኦሞ የዝ ዎደ ኦꬄዝ ናጋራይፕ ኡንታን ዎዞዳይስ ኤ Ꮊይቃይዳ።
HEB 9:16 ይኬ፥ ኬኬ ዬዝኮ፥ የ ኬኬዝ አꬃይ Ꮊይቅꬃይ ኤርንቶዳይስ ኮሽዛ።
HEB 9:17 ኬኬዝ አꬃይ Ꮊይቅኮ ኤ ኬካይ ሚንግዛ። ኬኬዝ አꬃይ Ꮊይቀካ አትኮ ኤ ኬካይ ኦꬆያ።
HEB 9:18 ሀራ አቶዝን፥ ቲና ጫቃይካ ሱꬂ ባይꬅ ምንገካ።
HEB 9:19 ሙሰ ህገ አዛዝታ ኡባ አሳይስ ኦዴዛይፕ ጉየ ኦጎና ሱꬅኔ ዴሽ ሱꬂ ሃꬃር ዋላኪ፥ ዞቆ ዱር እክሰኔ ህሶጰ ኤኪ፥ ማጻፋይል አፋኔ አሳይል አፋ ዉርጼዛ።
HEB 9:20 ሙሰ አሳይኮ፥ «ይ ናጎዳይ ጋርክ ጾሲ ኪቴዝ ሱꬅ ጫቃይ Ꮊያ» ዬጌዛ።
HEB 9:21 የይ ጋርከካ፥ ዱንካናይዳኔ ኦꬅዛ ሚሸ ኡባይል አፋ ሱꬅ ዉርጼዛ።
HEB 9:22 ቱማካ ህጋይ ግዛይ ጋርክ ጽቃባዝታይፕ አትን ኡባ ባዝ ሱꬃር ጌዥዛ። ሱꬂ ላልንተካዝን ናጋራ ባራንችንቶያ።
HEB 9:23 ሳሎባዝ ኣዝሶ ማቄዝታይ ኡባይ መሄ ያርሾር ጌዦዳይስ ኮሽዛ። ዝን ሳሎባዝታይ ፋ ኦማስ የይፕ ኣꬊዝ ያርሾር ጌዦዳይስ ኮሽዛ።
HEB 9:24 ክርስቶሳ ቱማ ጾስ ኬꬃይስ ኣዝሶ ማቄዛ፥ አስ ኩሸር ኦስንቴዝ ኡባፕ ጌሽ አቆ ገለካያ። ዝን ኤ Ꮊት ኑ ግሾስ ጾስ ቲና በንቶዳይስ ሳሎ ገሌዛ።
HEB 9:25 ቄሰ ሀላቃይ ላይꬃ ላይꬃ ፋ ሱꬂ ባዛ ኤኪ፥ ኡባይፕ ኣꬊዝ ጌሽ አቆ ገልዛይ ጋርክ ክርስቶሳ ጋመ ቶኬ ፋና ያርሾዳይስ ማቂ ማቂ ገለካያ።
HEB 9:26 የይ ጋርክ ሀኔዝባዝ ማቄዛኮ፥ ክርስቶሳ አላመ መꬊንቴዛይፕ አይኪ ጋመ ቶኬ ዋይንቶዳይስ ኮሽዛ። ዝን Ꮊተ ዎደ ዉርስꬃ ናጋራ ꬋብሶዳይስ ፋና ያርሼዝ ላምሶዋ ኦገር ፐቲ ቶኬ በንቴዛ።
HEB 9:27 አስ ኡባይስ ፐቲ ቶኬ Ꮊይቆዳይስ የይፕ ጉየ ፕርድንቶዳይስ ቤዝዛ።
HEB 9:28 የይ ጋርከካ፥ ክርስቶሳ ጋመ አሳይ ናጋራ ꬋብሶዳይስ ፐቲ ቶኬ ያርሽንቴዛ። ማቅካ ኤ ናጋራ ቶኮዳይስ ባዝን ፋና ናግዝታ አሾዳይስ ናምእንꬆ ቆንጮዳ።
HEB 10:1 ሙሰ ህጋይ የኦዳይስ የዝ ሎኦ ባዝታይስ ኤሾፕ አትን ጋማ ባያ። የይ ግሾስ፥ ላይꬃ ላይꬃ ፓጨ ባይꬅ ያርሽንትዝ ያርሻይ ጎይኖዳይስ ሺቅዛ አሳይ ፎሎ ኦꬆዳይስ ዳንዳኦያ።
HEB 10:2 ህገ ኡንታን ፎሎ ኦꬆዳይስ ዳንዳኤዛኮ ኡንቲ ያርሾ ያርሽዛ አሾዳዝን። ማ ጎይኖዳይስ ሺቅዛ አሳይ ፋ ናጋራይፕ ጌዦዳ፤ ኡ ካሃይካ ኡንታን ባላ ግ ሞታሚ።
HEB 10:3 ዝን የ ያርሽታይ ላይꬃ ላይꬃ ናጋራ ቆፍስዛ።
HEB 10:4 አብስ ጊኮ፥ ዎፋኖ ሱꬅኔ ዴሽ ሱꬂ ናጋራ ካዮዳይስ ዳንዳኦያ።
HEB 10:5 የይ ግሾስ፥ ክርስቶሳ Ꮊ አላመ የኤዝ ዎደ Ꮊይ ጋርክ ዬጌዛ፦ «ኔኒ ያርሾኔ እሞ ኮየካያ፤ ዝን ታስ አሾ ጊግሴዛ።
HEB 10:6 ኔኒ ጹግንትዝ ያርሻይዳኔ ናጋራ ያርሻይድ ኡፋይተካያ።
HEB 10:7 የ ዎደ ‹ታ ግሾስ ማጻፋይድ ጻፍንቴዛይ ጋርክ፥ ጎዳዮ፥ ታኒ ነ ሸነ ኦꬆዳይስ የኤዛ› ዬጌዛ።»
HEB 10:8 ያርሾ ያርሽንቶዳይ ጋርክ ህገ ኪትዛባዝ ማቅኮካ፥ ክርስቶሳ ቲና፥ «ኔኒ ያርሾኔ ሙጻታ፥ ጹግንትዝ ያርሾኔ ናጋራ ያርሾ ኮየካያ፤ ኡንታል ኡፋይተካያ» ዬጌዛ።
HEB 10:9 ካልካ ኤ፥ «ጎዳዮ፥ ዬዛኮ ታኒ ነ ሸነ ኦꬆዳይስ የኤዛ» ዬጌዛ። የይ ግሾስ፥ ክርስቶሳ ናምአንꬃና ኤሶዳይስ ቲናሳ ሻሬዛ።
HEB 10:10 የሱስ ክርስቶሳ ጾስ ሸነ ኡዲ፥ ላማማይስ ፐቲ ቶኬ ፋ አሾ ያርሼዝ ግሾስ ኑኒ ጌዤዛ።
HEB 10:11 ቄሰ ኡባይ፥ ናጋራ ꬋብሶዳይስ ዳንዳኦዳይ የ ያርሽታ ጋላስ ጋላስ ያርሽታር ኤቂ ፋ ኦሳ ኦꬅዛ።
HEB 10:12 ዝን ክርስቶሳ መꬍናስ ማቄዝ ፐቲ ናጋራ ያርሾ ያርሼዝ፥ ጾሳይፕ ኡሻች ባጋ በቴዛ።
HEB 10:13 የ ዎዳይፕ አይኪ ኤ ሞርክታይ ኤ ቶካይስ የꬍዝበሳ ኡዶድ ሄሎዳይስ ናግዛ።
HEB 10:14 ኤ ፐቲ ቶኬ ፋና ያርሼዝ ያርሻይድ ጌሽታ መꬍናስ ፎሎ ኡዴዛ።
HEB 10:15 ማ ጌሻ አያናይ ኑስ Ꮊይስ ማርካትዛ። ቲና Ꮊይ ጋርክ ዬጌዛ፦
HEB 10:16 «የ ጋላስታይፕ ጉየ፥ ታኒ ኡንታር ጫቂዛ ጫቃይ Ꮊያ፦ ታኒ ታ ህጋ ኡ ካሃይድ ጋዶዳ፤ ኡ ዎዝናይድ ጻፎዳ» ዬግዛ።
HEB 10:17 ካልካ፥ «ታኒ ኡ ናጋራኔ ኡ ኢታ ኦሳ ማሂ ቆፓሚ» ዬግዛ።
HEB 10:18 ይኬ፥ ናጋራ አቶ ግንትንቴዛይፕ ጉየ ናጋራስ ያርሽንትዛ ያርሻይ ኮሾያ።
HEB 10:19 ይኬ፥ ታ እሹንꬆ፥ ኑኒ የሱሳ ሱꬅ ባጋር ኡባፕ ጌሽ አቆ ገሎዳይስ ኑስ አማንꬅዛባዝ ደንጌዛ።
HEB 10:20 ኑ ገሎዳና ክርስቶሳ ፋ ማጋራዣ፥ የይካ ፋ አሾ ባጋር ኑስ ዶዬዝ ኦሮꬅኔ ደኦ ማቄዝ ኦጋይራ።
HEB 10:21 ኑስ ጾስ ካራል አፋ ሹምንቴዝ ግታ ቄሰ የዛ።
HEB 10:22 ኑኒ ኢታ ካሃይፕ ጌዦዳይስ ኑ ዎዝና ዉርጽንቲ፥ ኑ አሰትꬃ ጽሎ ሃꬃር ሜጭንቲ፥ ሉለ ዎዝናራኔ ፎሎ አማኖር ጾስኮ ሺቆዳ።
HEB 10:23 ኑስ ኡፋይስ ቃላ እንጌዝ ጾሳይ አማንንቴዛይ ግሾስ ኑ ማርካትዝ ኡፋይሳ ኡሻች ሀድርስ ጌካ ሚንꬂ አይኮዳ።
HEB 10:24 ፐታይ ፐታ ሲቆራኔ ሎኦ ኦሶር ኑ ዋይዚ ባርክ የዞዳይስ ቤዝዛኮ ቆፕሶ።
HEB 10:25 ፐታይ ፐታይ ካሴ ሺቅዝ ሺቃ አሸካዛይ ጋርክ ኑኒ ፐትፕ ሺቅ ዞርንትዛና አሻሚ። ማቅካ ጎዳ ጋላሳይ ኡኬዛያ ይ ብእዛ ግሾስ የያ ካሴሳይፕ ኣꬂ ኦꬆይታ።
HEB 10:26 ኑኒ ቱማ ኤራትꬅ ኤኬዛይፕ ጉየ ኤርታር ናጋራ ኦꬅኮ፥ ይከፕ ኑ ናጋራ ግሾስ ያርሽንቶድ ያርሻይ ባያ።
HEB 10:27 ይኬ አቴዛይ ያሽዝ ፕርዳኔ ጾስ ሞርክታ ጹጎዳይስ ማቄዝ ዎልቃማ ታማ።
HEB 10:28 ሙሰ ህጋ ኪትንታም እጼዝ ኦንካ ናምኢ ዎይ ሀይꬒ አስ ኤዛል አፋ ማርካትኮ ማሮትꬅ ባይꬅ Ꮊይቅዛ።
HEB 10:29 የዝን፥ ጾስ ናአ ካꬌዝ አꬃይ፥ ፋና ጌሼዝ ጾስ ቃላ ጫቆ ሱꬃ ቱና ባዝ ጋርክ ቆፔዝ አꬃይ፥ ማ ኣꬎ ኬሃትꬅ አያና ጫዤዝ አꬃይ፥ አብ ጋርክ ኢታ ፕርዳ ኤኮዳይስ ቤዝዛኮ አን ቆፖይታ።
HEB 10:30 ይኬ፥ «ኩሸ ከሶ ታባዝ፥ ታ ኩሸ ከሶዳ» ጌዛ ኑ ኤርዛ። ማካ፥ «ጎዳይ ፋ አሳይ ፕርዶዳ» ዬጌዛ።
HEB 10:31 ደኦ ጾስ ኩሸ ፖክꬂ ኢታ ያሽዛ።
HEB 10:32 ይንትስ ጾስ ፖኦ ፖኤዛይፕ ጉየ ይ ጋመ ዋዬር፥ ግታ ቡተር ጋርዤዝ ብኒ ዎደ ቆፖይታ።
HEB 10:33 ፐቲ ፐቲ ቶኬ ይ አስ ቲና ጫዥንቴዛ፤ ባይእንቴዛ፤ ፐቲ ፐቲ ቶኬ የይ ጋርክ ዋየ ሄሌዝ አሳይር ፐትፕ ዋዬዛ።
HEB 10:34 ኣꬎዋኔ ኡባ ዎደ የዝዝ ሚሸ ይንትስ ሳሎ የዛና ኤሬዛይግሾስ አቻ የዝ አሳይስ ታ ቃꬌዛ፥ ይ ሻላይ ኤክንቶዳራካ ዳንዳአር የያ ይ ኡፋይሳር ኤኬዛ።
HEB 10:35 ግታ ዎይቶ የዛ ግሾስ ይ ጎበትꬃ ኦልፓተ።
HEB 10:36 ጾስ ሸነ ኦꬂ ይንትስ እንግንቴዝ ኡፋይስ ቃላ ይ ደማድ ጋርክ ይባቲ ናጎዳይስ ኮሽዛ።
HEB 10:37 ሀጋ ጽቃ ዎደ የዛ፥ «የኦዳይስ የዛይ የኦዳ ጋምኤና።
HEB 10:38 ጌሽ አሲ አማኖር የዝዛ፥ ጉየ ሶልእኮ ታ ሸምፓታ ኤዛል ኡፋይቶያ።»
HEB 10:39 ኑና ማቅኮ ፋ ሸምፖ አሾዳይስ አማንዛ አሳይር የዛፕ አትን ꬋቦስ ጉየ ሶልእዝ አሳይር ባያ።
HEB 11:1 አማኖ ጉሳይ ኡፋይስ ጋዲ በኤካ ባዝ በኤዛይ ጋርክ ኡዲ ቤዝዛ ባዝ።
HEB 11:2 ብኒ አሳይ ባዝ ማርካትንቴዛይ አማኖራ።
HEB 11:3 አላማይ ጾስ ቃላር መꬍንቴዛና ኑ ኤርዛይ አማኖራ፥ የይ ግሾስ በንትዝ ባዝ ኡባይ በንቶዋ ባዛፕ ሀኔዛና ኑ ኤርዛ።
HEB 11:4 አቤላ ቃኤላሳይፕ ኣꬊዝ ያርሾ ሺሼዛይ አማኖራ። ጾሳይ አቤላ ያርሻ ኡፋይሳር ኤክን አቤላ ፋ አማናይር ጌሽ ማቄዛይ ማርካትንቴዛ፥ ኤ Ꮊይቄዝባዝ ማቅኮካ ኤ አማናይ ባጋር Ꮊተካ ኦድታር የዛ።
HEB 11:5 እኖኬ Ꮊይቆ በአማይ ጋርክ ፉደ ኤክንቴዛይ አማኖራ፥ ጾሲ ኤዛ ኤኬዝ ግሾስ በንተካያ፥ ኤ ኤክንቶዳይፕ ቲና ኤ ጾስ ኡፋይሴዛይ ኤስ ማርካትንቴዛ።
HEB 11:6 አማኖ ባይꬅ ጾሳ ኡፋይሶዳይስ ዳንዳኦያ፥ ጾስኮ ሺቅዛ ኣꬂ ጾስ የዛናኔ ኤዛ ኮይዝ አሳይስ እሞታ እንግዛ ማቄዛና አማኖዳይስ ቤዝዛ።
HEB 11:7 ኖሄ ሀጋ ኣፈር በንቶዋ ባዝታይስ ጾሲ ኤዛ ናግንቶዳይ ጋርክ ኤርሴዝ ዎዳ ጾስስ ያሽትታር ፋ ካራ አሳ አሾዳይስ አማኖር ማርካበ ኮቼዛ፥ ኖሄ አማናይር አላማይ ናጋራንቾ ማቄዛይ ኤርንትን ፕርድንቴዛ፥ ኖሄ አማኖር በንትዝ ጽሎትꬅ ላቴዛ።
HEB 11:8 አፍራመ ኤስ ኦድንቴዛና ፋ ጋደ ኡዲ ኤኮዳይስ ከዞ ግ ጼግን አና Ꮊንግዛኮ ኤረካዛር ከዜዛይ አማኖራ።
HEB 11:9 ኤዛር ዎላ ኡፋይሳ ቃላ ላትዝታ ማቄዝታይ እሳቃራኔ ያይቆባር ዎላ በተትꬅ ጋደ እማꬅ ማቂ ዱንካነ የዜዛይ አማኖራ
HEB 11:10 ባሶር የዛኖ ጾሲ መꬌዛኖኔ ኮቼዝ ካታምቶ ኤኮዳይስ ናግታር የዛ።
HEB 11:11 ሳርስ ኡፋይስ እንጌዝ ጾሳይ አማንንትዛ ማቄዛና ኤሬዝ ግሾስ ላይꬅ ዉርኮካ ዎደጾዳይስ ዎልቃ ደንጌዛይ አማኖራ።
HEB 11:12 የይ ግሾስ Ꮊይቄዝ አስ ጋርክ ታይብንቴዝ ፐቲ አፍራመፕ ሳሎ ጾልንቶ ጋርከኔ ሳአ ሻፈ ጋርክ ኮቺ በንቴዛ።
HEB 11:13 Ꮊይትታይ ኡቢታይ አማኖር የዛር Ꮊይቄዛ፥ ጾሳይ ኡንትስ እማዳይስ ቃላ ገሌዛኖካ ደንገካያ፥ ማቆዝን ሃኮር ብኢ ደንጌዛይ ጋርክ ኡዲ ኡፋይሳር ኤኬዛ። ቢታል አፋ ኡ እማꬅኔ በተ ማቄዛናካ ኤሬዛ።
HEB 11:14 Ꮊይ ጋርክ ዬግዝ አሳይ ፓስ ማቅዝ ጋደ ናግዛና ቲሺ ኡዲ ቤዝዛ።
HEB 11:15 ኡ ፋ ከዜዝ ጋዳ ቆፔዛኮ ገድ ጉየ ማቆዳይስ ዳንዳኦዳዝኒ።
HEB 11:16 Ꮊት ማቅኮ ኣꬊዝ ሳሎ የዝ ጋዳ ላሞትዛ፥ የይ ግሾስ ጾስ ኡንትስ ካታማ ጊግሴዝ ግሾስ ኑ ጎዳ ግ ጼጎዳይስ ዬላꬆያ።
HEB 11:17 አፍራመ ፓጭንቴዝ ዎደ እሳቃና ያርሾስ ሺሼዛይ አማኖራ። ኤ ኡፋይስ ቃላ ኤኬዛይ ፋ ምጺ ናአ ያርሾዳይሲ።
HEB 11:18 የዝን ጾሲ እሳቃ ኮቻር ጼግንትዛ ጌዝን።
HEB 11:19 ጾሳይ Ꮊይቆፕ ደንꬆዳይስ ዳንዳእዛና አፍራመ አማኔዝ ግሾስ Ꮊይቄዝ ኣዝዝ አፍራመ እሳቃ ደንጌዛ።
HEB 11:20 እሳቃ ቲናፕ ሀኖድ ባዝ ብኢ ያይቆባኔ ኤሳወ አንጄዛይ አማኖራ።
HEB 11:21 ያይቆባ Ꮊይቆስ ሄሊ ጉፈር ኤቂ ዮሴፋ ናእታ አንጄዛይ አማኖራ።
HEB 11:22 ዮሴፋካ Ꮊይቆስ ሄሊ አማኖር እስሬለ ናእታይ ከሲ ባጋ ቆፔዛ። ፋ መቀꬃይ ባጋካ ኬኬዛ።
HEB 11:23 ሙሰ የልንቴዝ ዎደ ካራ አሳይ የገልስ ናአ ማቄዛና ብኢ ሀይዝ አግና ቆሴዛይ አማኖራ። ካታይ አዋጃይስካ ያሽተካያ።
HEB 11:24 ሙሰካ ድጬዛይፕ ጉየ ፋሮናስ ናአ ናአ ግንቶዳና እጼዛይ አማኖራ።
HEB 11:25 የይ ግሾስ ኤዚ ናጋራራ በንትዝ ኡፋይሳፕ ኣꬂ ጾስ ዎያር መቶ ኤኮዳና ዶሬዛ።
HEB 11:26 ቲናስካ ፋ ኤኮድ ጋታ ትሽ ኡዲ በኤዝ ግሾስ ግብጸ ሻሎፕ ክርስቶሳ ግሾስ ካዉዥዛይ ኣꬎ ማቄዛና ቆፔዛ።
HEB 11:27 ካታይ ካቻይስ ያሽተካዛር ግብጸፕ ከዜዛይ አማኖራ፥ ኣፈር በኤካ ጎዳካ በኤዛይ ጋርክ ኡዲ ፋ ቆፋይድ ሚንጌዛ።
HEB 11:28 ባይራ ናእታ ዎꬎዳይስ ኪትንቴዝ ኪታንችታይ እስሬልታይ ካራ ገላማይ ጋርክ ፓዝቃ ኡዴዛይኔ ሾንችታ ሱꬂ ትዤዛይ አማኖራ።
HEB 11:29 እስሬልታይ መላ ቢታር ፒንጎዳይ ጋርክ ኡድን ዞቆ አባ ፒንጌዛይ አማኖራ፥ ግብጸ አሳይ ኡንቲሳይ ጋርክ ቁሊ ገሊ ምትንቴዛ።
HEB 11:30 እስሬልታይ ኢያርኮ ጋሰ ካለር ላፑን ጋላስ ዉቴዛይፕ ጉየ ኬꬃይ ዎዴዛይ አማኖራ።
HEB 11:31 ዉሹምዛ ራአባ አዉዥዝታ ሳሮር ሞኬዝ ግሾስ አዛዝንቶዋ አሳይር Ꮊይቀካ አቴዛይ አማኖራ።
HEB 11:32 ይክ ታ ሀራ አብ ጎ ጌዶና ባጋ፥ ባረቃ ባጋ፥ ሳምሶኔ ባጋ፥ ዮፍታሄ ባጋ፥ ዳዉተ ባጋ፥ ሳምኤላ ባጋ፥ ናብታይ ባጋ ታ ቶሳማይ ጋርክ ታስ ዎዳይ ሃቴዛ
HEB 11:33 ኡንቲ አማኖር ካተትꬅታ ላꬄዛ ጽሎ ኦሶካ ኦꬄዛ፥ ኡንትስ እንግንቴዝ ኡፋይስ ቃላ ደንጌዛ ጋምታይ ዶናካ ጎርዴዛ።
HEB 11:34 ታማ ዎልቃ ꬋብሴዛ፥ ማሻ ኦጮፐ ቡቴዛ፥ ዳቡርሳፕ ምኖትꬃ ላምንቴዛ፥ ኦላር ቃርታ ማቄዛ፥ አላጋ ኦላንችታ ባይኤዛ።
HEB 11:35 ማችታይ Ꮊይቄዝ ኡ ዳብታይ ደንድን በኤዛ፥ ባግታይ አቶትꬅ ደንገካዛር ቲናፕ ደንዶዳይስ ቆፕ ዱማ ዱማ መቶ ኤኬዛ።
HEB 11:36 Ꮊንክታይ ካስ ባዝ ማቂ ሾጭንቲ የይፕ ኣꬎ አቻር ዱጽንቲ ዎይነ ዎꬌዛ።
HEB 11:37 ሹቻር ሾጭንቲ፥ ማጋዘር ቆእንቴዛ፥ ማሻር ጋችንቲ Ꮊይቄዛ፥ ኡባ ባዝ ꬋብን መትንቴዛ፥ ማንቆነ በተ አስ ጋርክ ዋዬዛ፥ ዴሽ ማኦኔ ዱር ማኦ ማኢ ዩዬዛ።
HEB 11:38 ሊዦ ጋꬋራ፥ አምባ ጼራራ፥ ቢታ ኦላ ጋንጨራ ኮምኦር ዩዬዛ። የይ ጋርክ Ꮊን አላማት ኡንትስ ቤዝዛ አቆ ማቀካያ።
HEB 11:39 Ꮊይትታይ ኡቢታይ ኡ አማናይ ባጋ ማርካትኮካ ኡንትስ እንግንቴዝ ኡፋይሳ ሀጋ ደንጌካያ።
HEB 11:40 ኑ ባይꬂ ኡ ፎሎ ማቃማይ ጋርክ ጾሳይ ኑስ ኡባፕ ኣꬎ ባዝ ብኢ ጋዴዛ።
HEB 12:1 ይኬ Ꮊይትታ ኣዝዝ ማርክታይ ሻራ ጋርክ ኑ ላንቃይር የዝኮ ኑካ ቶፎ ኡባ ኤልሲ ኑና ማርዛ ናጋራ ኑፕ ሃሲ፥ ኑ አማናይስ ኦማኔ ፎሎ ማቅዝ የሱሳና ብኢ ኑ ቲናይድ የዝ ዎꬃ ዳንዳአር ዎላ ዎጾዳ።
HEB 12:2 ኤዚ ኢታ ባዝ ኡባ ለቂ ፋ ቲናይድ የዝ ኡፋይሳይስ ማዝቃለል ጋርዢ ጾስ ዙፋነ ኡሻቻ በቴዛ።
HEB 12:3 ይኬ ይ አዛለካዛራኔ ዳቡረካዛር ናጋራንችታይፕ ኤዛ ሄሌዝ እጾ ኡባ ጋርዤዝ የሱሳና ቦኦይታ።
HEB 12:4 ይ ናጋራራ ቡትንትታር ሀጋ ሱꬂ ላልንቶድ ጋꬆ እጸካያ።
HEB 12:5 ጾሲ ፋ ናአ ጋርክ ይንታን፥ ዬጊ ዞሬዛና ይ ዶጌዛ። «ታ ናአዮ ጎዳይ ሴራ ለቂፐ፥ ኤ ነና ካጭዝ ዎደ ዳቡርፐ፥
HEB 12:6 ጎዳይ ፋ ቃꬍዛ ናአ ካጭዛ» ፋ ናአ ጋርኪ ኡዲ ቢኢዛና ሴሪዛ።
HEB 12:7 ጾሲ ፋ ናአ ግ ይንታን ሴርዛ ግሾስ ዳንዳኦይታ። አደ ሴሮዋ ናአ ኦኖ?
HEB 12:8 ናአ ማቄዝ ኡቢታይ ኤክዛ ሴራ ይንትካ ኤካም እጽኮ አደ ኤርንቶዋ ናእታፕ አትን ናእታ ባያ።
HEB 12:9 የይፐካ ኣꬅ ኑና ሴርዛ አሾ አድታይስ ኑካ ያሽትዛ፥ የዝን ሸምፖር የዞዳይስ አያና አደ ማቄዛይስ አዛዝንቶዳይስ ዋይዚ ቤዞሳ?
HEB 12:10 ኡንቲ ፓስ ሎኤዛይ ጋርክ ጽቃ ዎደስ ኑና ሴሬዛ፥ ኤዛ ማቅኮ ኑና ኤ ጽሎትꬃ ግሽንቶድ ጋርክ ኑና አዶዳይስ ሴርዛ።
HEB 12:11 ሴራ ኡባይ የ ሳታይድ አዛንꬅዛ ባዛፕ አትን ኡፋይስዛ ኣዞያ፥ ጉየፕ ኤሪ ዉርኮ ሳሮትꬅ ኩሜዝ ጽሎትꬅ ኣፈ ቤዝዛ።
HEB 12:12 የይ ግሾስ ዶልኤዝ ኩሽታኔ ልቄዝ ይ ቡንቂታ ምንꬆይታ።
HEB 12:13 ሾልዛይ ፓጾድ ጋርከፕ አትን ቡርቃማይ ጋርክ ይ ቶካይስ ሉለ ኦገ ኦꬆይታ።
HEB 12:14 ጌሸትꬅ ባይꬂ አሲ ጾሳ በአዳይስ ዳንዳኦዋ ግሾስ አስ ኡባር ሳሮ የዞይታ፥ ጌሸትꬃር የዞዳይስ ሚንጎይታ።
HEB 12:15 ይንትፕ ኦስካ ጾስ ኣꬎ ኬሄትꬅ ፓጫማይ ጋርክ ናግንቶይታ የይ ጋርከካ አባ ጫሞ ኣፈ ኣፍዝ ጻጶ ይ ጋንጨ ዶላማይ ጋርከኔ ይንትፕ ጋምታ ዋይꬃማይ ጋርክ፥ ቱንሳማይ ጋርክ ይ ጋንጨ የዛማይ ጋርክ ናግንቶይታ።
HEB 12:16 ተንቶትዛኔ ፐቲ ቶኬ ሙስስ ግ ፋ ባይራትꬅ ባይዜዝ ኤሳወ ጋርክ ማቃማይ ጋርክ ናግንቶይታ።
HEB 12:17 ኤሳወ ጉየፕ አንጆ ኤኮዳይስ ኮይንካ አንጆ ካይንቴዛና ይ ኤርዛ፥ ዬኪ አፉጽ ሚንጊ ኮይንካ ደማዳይስ ዳንዳኤካያ፥ ማሮትꬅስካ ዎደ ደንገካያ።
HEB 12:18 ኩሸር አይክንቶዳይስ ዳንዳእንትዛ ኤጽዝ ታማይኮ፥ ሻራይኮ፥ ꬉማይኮ፥ ጎታይኮ፥ ናሳይኮ፥
HEB 12:19 የ ቱልቱላ ጊርꬃይኮ ዎይ ኦድንትዛ ቃላ ስእንትዛይኮ ይ ሄለካያ፥ ያ ቃላ ስኤዝ አሳይ ሀራ ቃላ ኑስ ጉጅንትፐ ግ ዎሴዛ።
HEB 12:20 «ሀራ አቶዝን ዶአ የ አምባቶ ቦችኮ ሹቻር ሾጭንቲ Ꮊይቆ» ዬግዝ አዛዛይ ዴጼዝ ግሾስ ጋርዦዳይስ ዳንዳኤካያ።
HEB 12:21 ሙሰካ «ታ ያሽትዛ ታ ኩኩርዛ» ጎድ ጋꬆ በንትዝ ባዝ ኡባይ ጋመ ያሽዝ ባዝ።
HEB 12:22 ይንታን ማቅኮ ጽዮነ አምባኮ ኡኬዛ፥ እዛካ ደኦ ጾሳይስ ካታማ ሳሎ የዝ የሩሳላማቶ፥ ይንቲ ፓይዶባ ኪታንችታይኮ ኡኬዛ።
HEB 12:23 ኡ ሱንꬃይ ሳሎ ጻፍንቴዝ፥ ዎሳ ኬꬅስ ባይራ ናአ ማቄዝ አማንዛ አሳይ ሺቆ፥ ኡባይስ ፕርድዝ ጎድ ማቄዛይኮ፥ ፎሎ ደንጌዝ ጌሽ ሸምፕታይኮ ይ ኡኬዛ።
HEB 12:24 ኦሮꬅ ጫቆስ ግዶ ማቄዝ የሱሳኮ፥ አቤላ ሱꬃይፕ ኣꬊ ኦድዝ ዉርጽንቴዝ ሱꬃይኮ ይ ኡኬዛ።
HEB 12:25 የ ኦድዛና ይ ኤካሚ ጋማይ ጋርክ ናግንቶይታ፥ የይትታይ ሳአ አሲ ኦዴዝ ባዝ ስኤካ አቲ ቡተካዝን ኑኒ ሳሎፕ ኦድንቴዝ ባዝ ኤካም እጺ ዋይዚ ቡቶደ?
HEB 12:26 የ ዎደ ኤ ጊርꬃይ ቢታ ኤንእሴዛ፥ Ꮊት ማቅኮ «ታ ሳአ ኣዳ ባዝን ፐቲ ቶኬ ማሂ ሳሎካ ኤንእሶዳ» ዬጊ ቃላ ገሌዛ።
HEB 12:27 ሀኖ ዝን ፐቲ ቶኬ ታ ማሂ ግዛይ ኤንኦዋ ባዝታይ ጻጲ የዞዳይ ጋርክ ኤንእዛ ባዝታይ መꬍንቴዝ ባዝ ማቄዛይስ ꬋቦዳና ቤዝዛ።
HEB 12:28 ይኬ ኑኒ ኤንኦዋ ካተትꬅ ኤኮድ ግሾስ ጾሳ ቦንችታራኔ ያሻር ጾሳ ኡፋይስታር ጎይንዛ አያና ዎላ አይኮዳ።
HEB 12:29 ኑ ጾሳይ ጹግዝ ታማ።
HEB 13:1 ኡባ ዎደ እሸትꬅ ሲቆ ይንትስ የሰ።
HEB 13:2 እማꬅ ሞኮ ዶግፓተ ፐቲ ፐቲ አሳይ እማꬅ ሞክታር ኤረካዛር ፐቲ ጋላስ ኪታንቾ ሞኬዛ።
HEB 13:3 ኡንታር ዎላ አጭንቴዝ አስ ጋርክ አጭንቴዝ አሳ ዶግፓተ፥ መቶ ኡንታር ዎላ ኤክዛ አስ ማቂ መትንቴዝ አሳ ቆፖይታ።
HEB 13:4 ገሎኔ ኤኮ ኡባ አስ ካለ ቦንችንቴዛ ሂጻይካ ጌሽ ማቆ፥ ናጋራስ ተንቶትዝታ ላምዝታ ጾሳይ ፕርዶዳ፥ ማችኔ አዝኒ አማንንታም እጺ ገሎኔ ኤኮ ቱንስፐ።
HEB 13:5 ሚሸ ዣረፕ ሃኮይታ፥ ይንትስ የዛና ግዶ፥ ጾስ «ታ ኡባር ነና አሻሚ ኡባራካ ኦላሚ» ዬጌዛ።
HEB 13:6 የይ ግሾስ ኤዛል አማንንቲ «ጎዳይ ታና ማዶዳ ታ ያሽታሚ፤ አሲ ታና አብ ኡዶዴ?» ኑ ዬግዛ።
HEB 13:7 ይንትስ ቲና ጾሳ ቃላ ኦዴዝ ዋንታ አስታ ቆፖይታ፥ ኡ የሳኔ ኡ ኦሳይ አፋ ብኢ ቆፒ አማኖር ኣዞይታ።
HEB 13:8 የሱስ ክርስቶሳ ዝቅነኔ Ꮊይኖ መꬍና ሄሎዳይስካ ኤ ኤዛ።
HEB 13:9 ዱማ ዱማ ኦሮꬅ ትምርተር ኤክንትፓተ፥ ይ ዎዝናይ ሙስ ዎጋር ባዝን ጾስ ኣꬎ ኬሃትꬃር ጻጲኮ ሎኦ፥ ሙስ ዎጋ ካሌዝ አሳይ ማድንተካያ።
HEB 13:10 ኑስ ያርሾ አቆ የዛ፥ ማቅኮካ ዱንካነ ጋንጨ ኦꬅዛ ቄስታይ ያርሾ አቆ ካꬃ ኤኪ ማዳይስ ዳንዳኦያ።
HEB 13:11 አይሁደ ቄስታይ ሀላቃይ ናጋራ ባራንቾዳይስ መሄ ሱꬅ ኤኪ ጾስ ካራ ቆልአ ገልዛ፥ አሻና ሄራፕ ጋጻ ከሲ ጹግዛ።
HEB 13:12 የሱሳ የይ ጋርክ ፋ ጋዛ ሱꬃይር አሳ ጌሾዳይስ ካታማይፕ ጋጻ ከዚ መቶ ኤኬዛ።
HEB 13:13 ኑካ ሄራፕ ከዚ ዎላ ኤኮ Ꮊማዳ፥ ኤ ካዉሻትꬃካ ዎላ ሻግንቶዳ።
HEB 13:14 ኑኒ ሀጋ የኦዳይስ የዝ ካታምቶ ናግነፕ አትን ሚንጊ የዝዝ ካታማ Ꮊ ሳአል ኑስ ባያ።
HEB 13:15 ይኬ የሱስ ክርስቶሳ ባጋር ጋላታ ያርሾ ኡባ ዎደ ጾስስ ዎላ ሺሾዳ፥ የይካ ኤ ሱንꬃይስ ማርካትዝ መተርሽታይፕ ሺቅዛ ጋላታ ያርሾ።
HEB 13:16 ሎኦ ባዝ ኦꬆኔ የዛ ባዛፕ ሀራስ ሻጎ ዶግፓተ፥ ጾስ ኡፋይስዛይ የይ ጋርክ ያርሾ።
HEB 13:17 ይንታን አቅስዝታይስ ኪትንቶይታ፥ ኡ ማዉታይፐካ ኦሞር የዞይታ፥ ኡንቲ ኦይጭንትዝ ማዉተ የዛ ግሾ ይ ሸምፓይስ ዋይዛ፥ ይ ኡንትስ ኪትንትኮ ኡ ፋ ኦሳ ኡፋይሳር ኦꬆዳ፥ የይፕ አትኮ አዛንታር ኦꬅዛ፥ የይ ይንታን ማድዛ ባዝ ባያ።
HEB 13:18 ኑስ ዎሶይታ፥ ኡባ ባዛር ኑ ሎኦር የዞዳይ ጋርክ ኑስ ሎኦ ካሃ ኑስ የዛና ኑ ኤሬዛ።
HEB 13:19 ኡባራካ ታ ይንትኮ ኤልሲ ማቃዳይ ጋርክ ሚንጊ ዎሶይታ።
HEB 13:20 መꬍና ጫቆ ሱꬃር ባይራ ዱርታይስ ሄንꬃንቾ ማቄዝ ኑ ጎዳ የሱሳና Ꮊይቆፕ ደንꬄዝ ሳሮትꬅ ጎዳ
HEB 13:21 ኤ ሸና ፖሎድ ጋርክ ሎኦ ኦሶ ኡባር ይንታን ዳንጭሾ፥ ኤዛ ኡፋይስዛ ባዝ የሱስ ክርስቶሳ ባጋር ኑል ኦꬆ፥ የሱስ ክርስቶሳስ መꬊናፕ መꬍና ሄሎዳይስ ቦንቾ ማቆ አምንኤ።
HEB 13:22 ታ እሹንꬆ Ꮊና ታ ጻፌዛና ሃታ ኪታ ማቄዝ ግሾስ ታ ዞረ ቃላቶ ዳንዳአር ናጎድ ጋርክ ሚንꬂ ታ ይንታን ዎስዛ።
HEB 13:23 ኑ እሻ ጽማቶሳ አቻፕ ብልእንቴዛና ኤሮይታ። ኤ ኤልሲ Ꮊና ይእኮ ታ ኤዛር ዎላ ይንታን በአዳይስ Ꮊማዳ።
HEB 13:24 ይንታን አቅስዛ አሳይስኔ ጌሽ አስ ኡባይስ ሳሮꬃ ሺሾይታ፥ ጻላነፕ ይኢ Ꮊይዳ የዝ አማኔዝ አሳይ ሳሮꬆ ይንትስ ሺሽዛ።
HEB 13:25 ኣꬎ ኬሄትꬂ ኑር ኡባይር ማቆ አምንኤ።
JAM 1:1 ጾሳ ጎዳ የሱስ ክርስቶሳ አይላይ፥ ያይቆባ፥ አላመ ኡባይል ላልንቴዝ ታጶ ናምኢ ሼሽታይስ ኪቴዝ ኪታ። ሳሮ፥ ይንትስ ማቆ።
JAM 1:2 ታ እሹንꬆ፥ ይንታን ዱማ ዱማ ፓጨ ሄልኮ ይ ሎኦ ባዝ ደንጌዛይ ጋርክ ኡዲ ኩንꬅ ኡፋይሳር ኤኮይታ።
JAM 1:3 ይ አማናይ ፓጭንታይ ይንትስ ጋርዦ እንግዛና ይ ኤርዛ።
JAM 1:4 ይ ዉርስꬅ ሄሎዳይስ ይባታር ዳንዳእኮ አብካ ፓጨካ ይንታን ፖሎኔ ኩንꬅ ማሆ።
JAM 1:5 ይንታፕ ኦስካ ኤጨትꬂ ꬋብኮ ጾስ ዎሶ። ኤ ይንትስ እንጎዳ። ጾሳይ ኦናካ ቦረካዛር ኡባይስ ኬሃትꬃር እንግዛ ጾስ።
JAM 1:6 ዝን ዎስታር አማኖር ሰኤካዛር ጾሳ ዎሶ። ሰእዛ ኦንካ ጫርኮ ኤንእስን ኤንእዛ አባ ዙሎ ጋርከ።
JAM 1:7 ናምኢ ቆፋ የዛይነ ፋ ኦጋይል ኤቆያ ኦንካ ጎዳይፕ አብካ ደማዳ ኣዝፐ።
JAM 1:9 አማንዛ ማንቆ አሳይ፥ ጾሳይ ኡንታን ꬎቅ ኡዶድ ግሾ ኡፋይቶ።
JAM 1:10 አስ ዱረትꬂ ፉ ጋርክ ꬋብዛ ግሾስ አማንዛ ዱረ አሳይ ጾሳይ ኡንታን ዝቂ ኡድኮካ ኡፋይቶ።
JAM 1:11 አዋይ ፋ ምሻር ከዚ ማታ መልስዛ፥ ፉꬋ ጉፍስዛ፤ ኤ ሎኦትꬃይካ ꬋብዛ። የይ ጋርከካ፥ ዱረ አሳይ ፋ ኦሶር ዳቡርታር ꬋቦዳ።
JAM 1:12 መቶ ጋሚ ኣꬌዛይፕ ጉየ፥ ጾሳይ ፋና ቃꬊዝታይስ እማድ ግ ቃላ ጫቆ ገሌዝ ደኦ ዛዉደ ኤኮድ ግሾስ መቶር ጋርዥዛ አስ አንጅንቴዛያ።
JAM 1:13 ኦንካ ፓጭንትዛ ዎደ «ታና ጾሳይ ፓጬዛ» ጊፐ። ጾሳይ ኢታር ፋጮያ፤ ማ ኤ ኦናካ ፋጮያ።
JAM 1:14 ዝን ፐቲ ፐቲ አስ ፋ ኢታ አሞትꬃር ጎሽንትታራነ ዶሽንትታር ፓጭንትዛ።
JAM 1:15 የይፐ ጉየ፥ አሞትꬅ ዎደጺ ናጋራ የልዛ፤ ማ ናጋራ ድጪ Ꮊይቆ የልዛ።
JAM 1:16 ታ ሲቆ እሹንꬆ፥ ዶሽንትፓተ።
JAM 1:17 ሎኦ እሞኔ ኩንꬅ አንጆ ኡቢታይ ሳሎፕ ይእዛ። የይካ ኩያ ጋርክ ኡባ ዎደ ዉቶዋ ዎይ ላምንቶዋ ፖእታይ አዳይ ጾሳይፕ ይእዛ።
JAM 1:18 ኑኒ፥ ኤ መትꬅስ ባይራ ማቃድ ጋርክ ኑና ቱማ ቃላር ፋ ሸነር የሌዛ።
JAM 1:19 ታ ሲቆ እሹንꬆ፥ Ꮊያ ዶግፓተ። አስ ኡባይ ስኦዳይስ ኤልሶ፥ ዝን ኦድንቶዳይስኔ ካጭንቶዳይስ ኤልስፐ።
JAM 1:20 አስ ካቺ ጾሳይ ጽሎትꬃ ኮኦያ።
JAM 1:21 የይ ግሾስ፥ ቱና ሀኖኔ ኢታትꬅ ኡባ ꬋብሲ፥ ጾሳይ ይ ዎዝና ጋንጨ ቱኬዝ ይ ሸምፖ አሾዳይስ ዳንዳእዛ ቃላ ሃዮትꬃር ኤኮይታ።
JAM 1:22 ዝን ጾስ ቃላ ኦሶል ፔሾይታፕ አትን ስእꬅ ኣዳር ይንታን ዶሽፓተ።
JAM 1:23 ቃላ ስኢ ኦꬆዋ አሲ፥ ኤ ፋና ማስቶተር ብእዝ አስ ጋርከ።
JAM 1:24 ኤ ፋና ብኢ ማቂ ቅትዛ፥ ዝን ኤ አብ ኣዝዛኮ ኤልሲ ዶግዛ።
JAM 1:25 ዝን ኦንካ ዋሎ ከስዛ ፎሎ ህገ አካካር ብኢ፥ ካሊ ናግዛይ፥ ስኤዛና ዶገካ ኦሶል ፔሽዛ አꬃይ፥ ፋ ኦሶ ኡባይር አንጅንቶዳ።
JAM 1:26 ፋ እራንꬃ ናገካዛር ጎይንዛ ግዝ አꬃይ ፋና ዶሽዛ፤ ኤ ጎይናይ ጨረ።
JAM 1:27 ጾስ አዳይ ቲና ቦሮ ባ ጌሽ ጎይናይ Ꮊያ፦ ዥኦ ናእታኔ አምእታ ኡ መታይድ ማደኔ አላመ ቱናፕ ፋና ናጎ።
JAM 2:1 ታ እሹንꬆ፥ ይ ኑ ቦንቾ ጎዳ የሱስ ክርስቶሳ አማንዛ ማቅኮ፥ አስ ኣፈ ብኢ አስ ቦንችፓተ።
JAM 2:2 ኣዝሶስ፥ ዎርቀ ምግዶ ኣꬂ፥ ሎኦ አፍላ ማኤዝ ዱረ አስ ይ ሺቃይድ የኤዛ። ማ ጩርቃ አፍላ ማኤዝ ማንቆ አስካ የኤዛ።
JAM 2:3 ሎኦ አፍላ ማኤዝ አꬃ ይ ኣꬂ ቦንቺ፥ «ነ Ꮊኔ ሎእዛ ኦይዳትል በቶባ» ግ፥ ማ ማንቆ አꬃ፥ «ነ ኤዛይድ ኤቆባ ዎይ Ꮊኔ ታ ቶኬ ላንቃተ ሳአ በቶባ» ይ ዬግዛ።
JAM 2:4 የዝን፥ ይንቲ፥ ይ ጋንጨ ሻኮ መꬌዝታኔ ኢታ ቆፋር የዝ ዳይንታይ ጋርክ ባሳኔ?
JAM 2:5 ታ ሲቆ እሹንꬆ፥ ስኦይታ። አማኖር ዱረ ማቃድ ጋርክ ፋና ቃꬍዝታይስ እማድ ጌዝ ሳሎ ካተትꬂ ላቶድ ጋርክ Ꮊ ሳአል ዬዚ ማንቅታ ጾሳይ ዶረካሳኔ?
JAM 2:6 ዝን ይ ማንቅታ ቶችዛ። ይንታን ጪጵችዝታይኔ ፕርደ ኬꬅ ጎችዝታይ ዱርታ ባሳኔ? ይንታን ዳይና ቲና ጎችዝታይ ኡንታን ባሳኔ?
JAM 2:7 ይ ጼግንቴዝ ቦንቾ ሱንꬃ ጫዥዝታይ ኡንታን ባሳኔ?
JAM 2:8 ዝን ጌሻ ማጻፋይድ፥ «አስ ኡባ ነና ነ ቃꬍዛይ ጋርክ ቃꬎባ» ግንትንቲ ጻፍንቴዝ ጾስ ካተትꬅ ህጋ ይ ፖልኮ ሎኦ ባዝ ኦꬅዛ።
JAM 2:9 ዝን ይ አስ ኣፈ ብኢ ቦንችኮ፥ ናጋራ ኦꬅዛ፥ ማ ህጋይ ይንታን ህገ መንꬄዝ አስ ጋርክ ፕርዶዳ።
JAM 2:10 ኦንካ ጾስ ህገ ኡባፕ ፐታ አሺ፥ አቴዝታ ኡባ ናግኮ ኡባና መንꬄዛይ ጋርክ ታይብንትዛ።
JAM 2:11 «ላምፐ» ጌዝ ጎዳይ፥ ማ «ዎꬍፐ» ጌዛ። ዝን ኔኒ ላመካ አቲ ዎꬌዝ ማቅኮ፥ ህገ መንꬄዛ።
JAM 2:12 ዋሎ ከስዛ ህገ ቲና ፕርደ ኤኮዳይስ የዝ አስ ጋርክ ኦድንቶይታነ ኦꬆይታ።
JAM 2:13 አስ ማሮዋ ኦናካ ጾሲ ፕርዶዳ ማሮትꬅ ባይꬅ ፕርዶዳ። ማቆዝን ማሮትꬅ ፕርዳ ጋምዛ።
JAM 2:14 ታ እሹንꬆ፥ ይንትፕ ፐቲ አሲ ታስ አማኖ የዛ ግ፥ ፋ አማኖ ኦሶር ቤዘካ አትኮ ኤዛ አብ ማዶዴ? ኤ አማናይ ኤዛ አሾዳይስ ዳንዳእኔ?
JAM 2:15 ኣዝሶስ ፐቲ እሻይ ዎይ ፐቲ ምሽታ ካሎትኮኔ ኡንትስ ሚዝባዝ ꬋብኮ፥
JAM 2:16 ይንትፕ ፐቲ አሲ ኡንትኮ፥ «ሳሮ Ꮊንጎይታ! ይንታን ሆኦ! ም ምዦይታ!» ግ፥ ኮሽዛ ባዝ ኡንትስ እንገካ አትኮ ኡንታን አብ ማዴ?
JAM 2:17 የይ ግሾስ፥ ኦሶ ባ አማኖ ፋ ኣዳስ Ꮊይቆ።
JAM 2:18 ዝን ፐቲ አሲ፥ «ኔስ አማኖ የዛ፤ ማ ታስ ኦሶ የዛ። ነ ነ አማና ነ ኦሳይፕ ሻኪ ታና ቤዞባ፤ ታካ ታ አማና ታ ኦሶር ነና ቤዞዳ» ዬግዛ።
JAM 2:19 ኔኒ፥ ፐቲ ጾሲ የዛና አማንዛ፤ የይ የሰ። ቱና አያንታይካ አማንዛ፤ ያሻር ኩኩርዛ።
JAM 2:20 ነኖ ቦዛዮ! አማኖ ኦሶፕ ሻክንቲ Ꮊይቆ ማቄዛና ኤሮዳይስ ኮይኔ?
JAM 2:21 ኑ አዳይ አፍራመ፥ ፋ ናአ እሳቃ ያርሾ አቆል አፋ ጋዴዝ ዎደ ጽሌዛይ ፋ ኦሶር ባሳ?
JAM 2:22 ኤ አማናኔ ኤ ኦሳይ ዎላ ኦꬄዛኔ ኤ አማናይ ኦሶር ፖልንቴዛና ቦኦሳ?
JAM 2:23 ጌሻ ማጻፋይ፥ «አፍራመ ጾስ አማኔዛ። ጾሳይ የያ ኤዝስ ጽሎትꬅ ኡዲ ታይቤዛ» ጌዛይ ፖልንቴዛ። ማ ኤ ጾስ ዳቦ ግንትንቲ ጼግንቴዛ።
JAM 2:24 አሲ አማኖ ኣዳር ባዝን ኦሶር ጽልዛና ነ ብእኔ።
JAM 2:25 የይ ጋርከ፥ ዉሹምዛና ራአባ እስራኤለፕ ኪትንቴዝታ ሞኪ ሀራ ኦገር ኡንታን ሞይዜዝ ዎደ ፋ ኦሶር ጽለካሳ?
JAM 2:26 ሸምፖፕ ሻክንቴዝ አሻይ Ꮊይቆ ማቄዛይ ጋርክ፥ ኦሶፕ ሻክንቴዝ አማናይካ Ꮊይቄዝባዝ።
JAM 3:1 ታ እሹንꬆ፥ ይንታፕ ጋምታይ አስታማረ ማቅፐ። ኑ፥ አስታማርታይ Ꮊንክታይፕ ኣꬊዝ ፕርዳ ኤኮዳና ይ ኤርዛ።
JAM 3:2 ኑ ኡቢታይ ጋመባዛር ባልንትዛ። ፋ ኦዳይር ባልንቶዋ ኦንካ ፋናትꬃ ናጎዳይስ ዳንዳእዛ ፎሎ አስ።
JAM 3:3 ፓርታይ ኑስ ኪትንቶድ ጋርክ ብጻላ ባርሲ ኑ ኮይዝ አቆ ኡባ ካንግዛ።
JAM 3:4 ማርካበ አብ ጋርክ ግታ ማቅኮካ ዎልቃማ ጫርኮር ኡርቅንትኮካ፥ ላግዛይ ፋ ኮይዝ አቆል ማሂ ላግዛ ጽቃ ምꬃር ላግንቲ Ꮊንግዛ።
JAM 3:5 የይ ጋርክ እራንꬅ አሰትꬅ ክፕለፕ ጽቃት ማቅኮካ ጋመ ዳማባዛል ጬቅንትዛ። ጽቃ ታማ ዳማ ዎራ ጹግዛ።
JAM 3:6 እራንꬂ ታማ ጋርከ። እራንꬅ ኑ አሰትꬅ ጋንጨ የዝ ኢታ አላመ፤ አሰትꬅ ኡባ ቱንስዛ። ጋናመፕ ከዝዝ ታማ ጋርክ ኑ ደኦ ላሶ ኡባ ጹግዛ። ፋ ኦማስካ ጹግንቶዳ
JAM 3:7 ቢታ ዶእታኔ ካፍታ፥ ኡሎር ጎሽንትዝታኔ አባ የዝ መትꬅታካ ኡባ አሲ ሞድዛ፤ ኡንትካ ሞድንቴዛ።
JAM 3:8 ዝን ኦንካ እራንꬅ ሞዶዳይስ ዳንዳኤካያ። እራንꬂ ዎꬍዛ ማርዘ ኩሜዝ ሞድንቶዋ ኢታ መትꬂ።
JAM 3:9 ኑ እራንꬃር ኑ ጎዳነ ኑ ኣዳ ጾሳ ጋላትዛ። ማ ኤዛር ጾስ ኣዚ መꬍንቴዝ አስ ባድዛ።
JAM 3:10 ፐቲ ዶናፐ ጋላታኔ ባድꬂ ከዝዛ። ታ እሹንꬆ፥ Ꮊይ ጋርክ ሀኖዳይስ ቤዞያ።
JAM 3:11 ፐቲ ኦላፕ ማልእዛ ሃꬅኔ ጫንግዛ ሃꬂ ፑልቶዳይስ ዳንዳእኔ?
JAM 3:12 ታ እሹንꬆ፥ ባላሰ ምꬂ ዎይራ ኣፎዳይስ ዳንዳእኔ? ዎይ ዎይነ ምꬂ ባላሰ ምꬅ ኣፈ ኣፎዳይስ ዳንዳእኔ? ጫሞ ሃꬃፕ ማልእዛ ሃꬂ በንቶዳይስ ዳንዳእኔ።
JAM 3:13 ይ ጋንጨ ኤጫኔ አካክዛይ ኦኖ? ፋ ሎኦ የሳር፥ ሃዮትꬃር ኤጨትꬃር ፋ ኦꬄዝ ኦሳ ቤዞ።
JAM 3:14 ዝን ይ ዎዝናይድ ጫንግዛ ቅናተኔ ፋና ቃꬍዝ ኤጨትꬂ የዝኮ ጋይርንትፓተ፤ ቱማል አፋ ዎርዶትፓተ።
JAM 3:15 የይ ጋርክ ኤጨትꬃይ ሳሎፕ የኤዝ ባዝ ባዝን የይ አሾፐ፥ አላመፐኔ፥ ጻላሄፐ።
JAM 3:16 ቅናተኔ ፋና ዶሶ የዝ አቆ ካችኔ ኢታ ኦሶ ኡቢታይ የዛ።
JAM 3:17 የያ ማቆዝን ኣፋፕ ይእዝ ኤጨትꬃይ ኡባይፕ ቲና ጌሺ። ማ የይፐ ሳሮትꬅ፥ ሎኦትꬅ፥ ስኢ ኤክዛ፥ ቃꬊንትዛ፥ ሎኦ ኣፈ ኩሜዛኔ፥ አስ ሻጎዝታኔ ጩቦተꬅ ባዛያ።
JAM 3:18 ሳሮትꬅ ዶስዝታይ ሳሮትꬅ ዘሪ ጽሎትꬅ ማጽዛ።
JAM 4:1 ካችኔ ኦላ ይ ጋንጨ አናፕ የኤኔ? የይትታይ ይ አሰትꬅታይ ጋንጨ ኦልንትዛ ይ አሾ እናፕ ባሳኔ?
JAM 4:2 ይንቲ አሞትዛ፥ ዝን ደንጋሚ፤ የይ ግሾስ ዎꬍዛ። ሚንꬂ ኮይዛ፥ ዝን ደንጎዳይስ ዳንዳኦያ፤ የይ ግሾስ ካጭንትዛኔ ኦልንትዛ። ይ ጾሳ ዎሶዋ ግሾስ ኮይዝ ባዝ ደንጋም።
JAM 4:3 ይ ዎስዛ፥ ዝን ደንጋሚ። ይ አሾ አሞ ፖሎዳይስ ዡጫ ኦገር ዎስዛ ግሾስ ደንጋሚ።
JAM 4:4 ይንታኖ፥ ካድዝታዮ! Ꮊ አላመ ዶስዛይ ጾሳር ሞርከ ማቅዛና ይ ኤሮሳ? Ꮊ አላማይር ዳቦቶዳይስ ኮይዝ ኦንካ ጾሳር ሞርከ።
JAM 4:5 ጌሻ ማጻፋይ፥ «ጾሳይ ኑር የዞድ ጋርክ ኦꬄዝ አያናይ፥ ኑኒ ኤዝስ ቡዞ ማቃድ ጋርክ ሎእꬂ አሞትዛ» ጌዛይ ጨረ ኦድዝባዝ ኣዝኔ?
JAM 4:6 ዝን ጌሻ ማጻፋይ፥ «ጾሳይ ኡትርትዛ አስታ እጽዛ፥ ዝን ሀይታይስ ኣꬎ ኬሄትꬅ እንግዛ» ዬግዝ ግሾስ ጾሳይ ኣꬎ ኬሄትꬅ ጋንꬂ እንግዛ።
JAM 4:7 የይ ግሾስ፥ ጾስስ ሞድንቶይታ፤ ዳቡሎሳር ኤቅንቶይታ፤ ኤ ይንታፕ ሃኮዳ።
JAM 4:8 ጾስኮ ሺቆይታ፤ ኤ ይንትኮ ሺቆዳ። ይንታኖ፥ ናጋራንችታዮ፥ ይ ኩሻ ሜጮይታ፤ ናምኢ ቆፋር የዝታዮ፥ ይ ዎዝና ጌሾይታ።
JAM 4:9 ካያቶይታ፥ ዬኮይታኔ አፉጾይታ። ይ ሚቻይ ዬፎር፥ ይ ኡፋይሳይ አዛኖር ላምንቶ።
JAM 4:10 ጎዳይ ቲና ይ ኡባ ዝቃ ኡዶይታ፤ ኤ ይንታን ꬎቅ ꬎቅ ኡዶዳ።
JAM 4:11 ታ እሹንꬆ፥ ፐታይ ፐታ ዝግርፓተ። ፋ እሻ ዝግርዛይኔ ኤዛል አፋ ፕርድዛይ ህገ ዝግርዛኔ ህገል አፋ ፕርድዛ። ኔኒ ህገል አፋ ፕርድኮ ህገል አፋ ፕርድዛ ማቅዛፕ አትን ህገ ፖልዛ አስ ነ ማቆያ።
JAM 4:12 ህገ እንግዛይኔ ፕርድዛይ ጾስ ኣዳ። አሾዳይስኔ ꬋብሶዳይስ ዳንዳእዛይ ኤዛ። የዝን፥ አሳል አፋ ፕርድዛይ ነ ኦኖ?
JAM 4:13 ይ፥ «ኑኒ Ꮊይኖ ዎይ ዎንታ የ ካታማ ዎይ Ꮊ ካታማ Ꮊማዳ፤ ኤዛይድ ላይꬅ በቶዳ፤ ዛልእ ዎꬍሶዳ» ዬግዝታዮ፥ ስኦይታ።
JAM 4:14 ዎንታ አቢ ሀኖዳዛኮ ይ ኤሮያ። ይ የሳይ ዋያዳዛኮ ኤርዛይ ኦኖ? ይንቲ ጽቃ ዎደ በንቲ ꬋብዛ ሻራ ጋርከ።
JAM 4:15 የያ አሺ፥ «ጎዳይ ጊኮ ኑኒ የዞዳ፤ Ꮊያ ዎይ የያ ኦꬆዳ» ዬጎዳይስ ቤዝዛ።
JAM 4:16 ዝን ይ Ꮊተ ኡትርትዛኔ ጬቅንትዛ። የይ ጋርክ ጬቅንታ ኡባይ ኢታ።
JAM 4:17 የይ ግሾስ፥ ሎኦ ባዝ ኦꬆዳይስ ኤርታር ኦꬆዋ አꬃይስ የይ ናጋራ።
JAM 5:1 Ꮊተካ ይንታኖ፥ ዱርታዮ፥ ይንታል አፋ ኢታ መታይ ይእዛ ግሾስ ዎ ዎ ግ ዬኮይታ።
JAM 5:2 ይ ሻላይ ቡቄዛ፤ ይ አፍላይካ ብላር ሚንትንቴዛ።
JAM 5:3 ይ ዎርቃይኔ ይ ብራይ ባልቴዛ። የ ባልትꬃይ ይንትስ ማርካ ማቃዳ። የይካ ይ አሻ ታማ ጋርክ ማዳ። ይ Ꮊ ዉሬዝ ቃምታይድ ይንትስ ሻሎ ጋንꬄዛ።
JAM 5:4 ይንቲ ጋደ ኦꬂ ፔዤዝ አሳይ ከራ ሚሸ ይ ጭግበኤካያ። የይ ይንታል አፋ ኡክዛ። የ አሳይ ኡፋይ ዎልቃማ ጎዳይ ሀየ ስንቴዛ።
JAM 5:5 Ꮊ ሳአል ይንትስ ጊግን ኡፋይሳር የሳዳይስ ቆፒ፥ ሹኮስ ጊግንቴዝ መሄ ጋርክ ይንታን ꬊክ ኦርድሴዛ።
JAM 5:6 ይንታር ኤቅንቶዋዝን ጽላያ ይ ፕርዴዛ፤ ኤዛ ዎꬌዛ።
JAM 5:7 ታ እሹንꬆ፥ ጎዳይ ይእꬃ ጋርዢ ናጎይታ። ዎታር አቅዝ አꬃይ ቶርቼል ቲና እራኔ ጉየ እራ የኦድ ጋꬆ ጋርዢ አልኦ ካꬃ ቢታፕ ዋይዚ ናጊ ሄልꬂ ኤክዛኮ ቆፖይታ።
JAM 5:8 ይንትካ ጋርዦይታ። ጎዳ ይእꬃይ ኡኬዝ ግሾስ ኡፋይሳር ናጎይታ።
JAM 5:9 ታ እሹንꬆ፥ ጾሳይ ይንታል አፋ ፕርዳም ጋርክ ፐታይ ፐታይል አፋ ዝግርፓተ። ፕርድዛይ ፐንገል ኤቄዛ።
JAM 5:10 ታ እሹንꬆ፥ ዋዬር ጋርዤዝ፥ ጎዳይ ሱንꬃር ኦዴዝ ናብታ ኣዝሶ ኡዲ ኤኮይታ።
JAM 5:11 ዳንዳአር ጋርዤዝታ ኑኒ አንጅንቴዝታ ግዛ። ኢዮባ ዋይዚ ጋርዤዛኮ ይ ስኤዛ። ጎዳይ ዉርስꬃል ኤዛ ዋይዚ ማዴዛኮ ይ በኤዛ። ኤ ማሮትꬅኔ ቃ ኩሜዝ ጎዳ ማቄዝ ግሾስ የያ ኦꬄዛ።
JAM 5:12 ዝን ኡባፕ ቲና፥ ታ እሹንꬆ፥ ሳሎር ማቅን ዎይ ሳአር ማቅን ዎይ ሀራ አባራካ ጫቂፓተ። ጾስ ፕርዳ ይ ገላማይጋርከ ይ ኦዳይ ኤ ማቅኮ፥ «ኤ» ጎይታ፤ ዋኣ ማቅኮ፥ «ዋኣ» ጎይታ።
JAM 5:13 ይ ጋንጨ መቶ ኤክዛ ኦንካ የዝኮ ጾሳ ዎሶ። ኡፋይትዛ ኦንካ የዝኮ ጋላታር የጾ።
JAM 5:14 ይንትፕ ሀርግንቴዝ ኦንካ የዝኮ ዎሳ ኬꬅ ጭምታ ጼጎ። ኡ ጎዳይ ሱንꬃር ዎይራ ዛይተ ትዢ ኤዝስ ጾሳ ዎሶ።
JAM 5:15 አማኖር ዎሴዝ ዎሳይ ሀርገር የዛና ፓꬅዛ። ጎዳይ ኤዛ፥ ሀርገፕ ደንꬅዛ፤ ኤ ናጋራ ኦꬄዝ ባዝ ማቅኮካ ጎዳይ ኤዛ ማርዛ።
JAM 5:16 የይ ግሾስ፥ ይ ፓጾድ ጋርክ ይ ናጋራ ፐታይ ፐታይስ ፓጾይታኔ ፐታይ ፐታይስ ዎሶይታ። ጽሎ አስ ዎሳይ ዎልቃማ ኦሶ ኦꬅዛ።
JAM 5:17 ኤላሳ ኑ ጋርክ አስ ዝን እራ ሳአል ቡካማይ ጋርክ ሚንꬂ ጾስ ዎስን ሀይꬒ ላይꬅኔ ኡሱፑን አግና ሳአል እራ ቡከካያ።
JAM 5:18 ማቂ ኤ ጾሳ ዎስን ሳሎፕ እራ ቡኬዛ፤ ሳአይካ ካꬃ ዶልሴዛ።
JAM 5:19 ታ እሹንꬆ፥ ይንታፕ ኦንካ ቱማ ኦገፐ ቡትኮ፥ ሀራይ ኤዛ ቱማኮ ማህኮ፥
JAM 5:20 ናጋራ ኦꬅዛና የ ቡታ ኦገፐ ማህዝ ኦንካ፥ ኤ ሸምፖ Ꮊይቆፕ አሽዛኔ ኤ ጋመ ናጋራይስ ማሮትꬅ እንግዛና ኤሮ።
1PE 1:1 ታኒ፥ የሱስ ክርስቶሳ ሀዋራይ ጵጽሮሳ፤ ጳንጾሳ፥ ጋላትያ፥ ቃጳዶቃ፥ ኢሳኔ ብታና ጋደ በተ አስ ጋርክ ላልንቲ የዝ ጾሲ ዶሬዝ፥ አሳይስ Ꮊ ዳብዳባ ጻፌዛ።
1PE 1:2 የሱስ ክርስቶሳስ ይ ኪትንቶድ ጋርከኔ ኤ ሱꬃይር ጌዦዳይ ጋርከ፥ ጾስ አዳይ ፋ ቲና ኤራር ዶሬዝታይስኔ ጌሻ አያናር ጌዤዝ፥ ይንትስ ኣꬎ ኬሃትꬅኔ ሳሮትꬅ ማቆ።
1PE 1:3 የሱስ ክርስቶሳና Ꮊይቆፕ ደንꬂ ፋ ግታ ማሮትꬃይር ናምአንꬆ የልንታይር ꬋቦዋ ኡፋይስ እንጌዝ ኑ ጎዳ የሱስ ክርስቶሳ አዳይ፥ ጾሳይ ጋላትንቶ።
1PE 1:4 ማ ጾሲ ይንትስ ꬋቦዋ፥ ኢቶዛኔ ቡቆዋ ጋደ ሳሎ ጊግሴዛ።
1PE 1:5 የ ላታይ ዎደ ዉርስꬃ ቆንጮዳይስ የዝ አቶትꬅስ ጾስ ዎልቃር አማኖር ይንትስ ናግንቲ የዛ።
1PE 1:6 Ꮊት ጽቃ ዎደስ ይ ዱማ ዱማ ፓጨር ኡንእንትኮካ የይድ ኡፋይቶይታ።
1PE 1:7 የ ፓጫይ ይንታን ሄሌዛይ፥ ታማ ኦልን ꬋብዛ ዎርቀፕ ይ አማናይ ኣꬎኔ ቱማ ማቄዛና ቤዝዛ። የ ፓጭንቴዝ አማናይድ የሱስ ክርስቶሳ ማቂ የኦዳር ጋላታ፥ ቦንቾኔ ሳባ ይ ኤኮዳ።
1PE 1:8 ይ የሱሳ በኤካያ፥ ዝን ኤዛ ሲቅዛ። ይ Ꮊት ኤዛ በኤካ ባዝ ማቅኮካ፥ ኤዛ አማንዛ። ማ ኦዳር ቆንጭሶዳይስ ዳንዳእንቶዋ ኡፋይሳራኔ ቦንቾር ኩሜዛ።
1PE 1:9 ይ አማኖር ናግዛ ይ ሸምፖ አቶትꬃ ኤኮዳ።
1PE 1:10 ኣꬎ ኬሄትꬃይ ባጋር ይንትስ ማቄዝ Ꮊ አቶትꬃይ ባጋ ናብታይ ኤሮዳይስ ሎእꬂ ፕላጊ ኮዬዛ።
1PE 1:11 ኡ ጋንጨ የዝ ክርስቶሳ አያናይ ኤዛ ሄሎድ ዋያኔ የይፕ ጉየ የኦድ ቦንቾ ባጋ ቲናቲ ማርካትታር፥ አይደ ዎይ ዋይዚ ሀኖዳዛኮ አካካር ፕላጊ ኮዬዛ።
1PE 1:12 ናብታይ ኦዴዝ ትንቢታይ ፓስ ባዝን ይንትስ ማቄዛና ጾሲ ኡንትስ ቆንጭሴዛ። Ꮊት አሳይ ይንትስ ኦዴዝ ዎንግለ ሳሎፕ ኪትንቴዝ ጌሻ አያና ዎልቃር ይንትስ ኦዴዛ። ኪታንችታይካ የያ በአዳይስ አሞትዛ።
1PE 1:13 የይ ግሾስ፥ ይ ዎዝና ባርክꬂ ኦሶስ ጊግንቲ፤ ይንታን ሞዲ የሱስ ክርስቶሳ ማቂ የኦዳር ይ ኤኮድ ኣꬎ ኬሃትꬃ ኡፋይሳር ናጎይታ።
1PE 1:14 ኪትንትዛ ናእታ ኣዚ ኤረካዛር ቲና ይ የዜዝ ኢታ አሞ ካልፓተ።
1PE 1:15 ዝን ይንታን ጼጌዝ ጾሳይ ጌሺ ማቄዛይ ጋርክ ይንትካ ይ የሳ ኡባይድ ጌሽታ ማቆይታ።
1PE 1:16 ጌሻ ማጻፋይድ፥ «ታኒ ጌሽ ማቄዝ ግሾስ ይንትካ ጌሽታ ማቆይታ» ግንትንቲ ጻፍንቴዛ።
1PE 1:17 አስ ስኖ በኤካዛር ፐታይስ ፐታይስ ኤ ኦሳይ ጋርክ ፕርድዛ ጾሳ፥ «አደ» ግ ጼግዝ ባዝ ማቅኮ፥ Ꮊ ሳአ እማꬃትꬅ የሳ ያሻር የዞይታ።
1PE 1:18 ይ፥ ይ አድታይፕ ላቴዝ ፓꬆዋ የሳይፕ ዎዝንቴዛይ፥ ꬋብዛ ብራር ዎይ ዎርቃር ባዛና ይ ኤርዛ።
1PE 1:19 ቦሮ ዎይ ቦርሶ ባ ዱር ማቄዝ አልኦ ክርስቶሳ ሱꬃር ይ ዎዝንቴዛ።
1PE 1:20 ኤ አላመ መꬊንቶዳይፕ ቲና ኤርንቴዛ፥ ዝን Ꮊ ዉርስꬅ ዎደ ይ ግሾስ ቆንጬዛ።
1PE 1:21 ይ አማናይኔ ይ ኡፋይሳይ ጾሳል ማቆዳይ ጋርክ ጾሲ ኤዛ Ꮊይቆፕ ደንꬂ፥ ቦንቼዝ ክርስቶሳ ባጋር ጾሳል አማንንቶዳ።
1PE 1:22 ይ ቱማስ አዛዝንትታር ኡትራባይꬅ እሸትꬅ ሲቆር ሚንꬂ ዎልር ዎዝናፕ ሲቆይታ።
1PE 1:23 ይ ናምአንꬆ የልንቴዛይ ꬋብዛ ዘርꬃፕ ባዝን መꬍናስ የዝ ጾስ ቃላይድ ꬋቦዋ ሼሻፕ የልንቴዛ።
1PE 1:24 ጾስ ቃላይ፥ «አሾ ማኤዝ ኡባይ ማታ ጋርከ፤ ኤ ቦንቻይ ኡባይካ ማታ ፉ ጋርከ። ማታይ መልዛ፥ ፉꬍታይካ ጉፍዛ።
1PE 1:25 ዝን ጎዳይ ቃላይ መꬍናስ ሚንጊ የዞዳ» ዬግዛ። ይንትስ ኦድንቴዝ ዎንግለ ቃላይ Ꮊያ።
1PE 2:1 ይኬ ኢታትꬅ ኡባ፥ ዶሻ ኡባ፥ ጩቦትꬅ ቅናተኔ ዝግርስ ኡባ ይንትፕ ሃሶይታ።
1PE 2:2 ጎዳይ ኬሃ ማቄዛና ይ ኤሬዛይ ጋርክ Ꮊት የልንቴዝ ጽቃ ናእታይ ጋርክ ይ አቶትꬃር ድጮዳይስ ገነ ባ ቃላ ማስ ኡባ ዎደ አሞቶይታ።
1PE 2:4 አሳር ቦርንቲ ጾሳር ዶርንቴዝ ቦንቾ ማቄዝ ሹች፥ ጎዳ የሱሳኮ ሺቆይታ።
1PE 2:5 ይ ደኦ ሹችታ ማቂ፥ የሱስ ክርስቶሳ ባጋር ጾስ ኡፋይስዛ አያና ያርሾ ያርሽዛ ጌሽ ቄስታ ማቆዳይ ጋርክ አያና ኬꬅ ማቂ ኬጽንቶይታ።
1PE 2:6 ጌሻ ማጻፋይድ፥ «ዬዛኮ፥ ታኒ ጽዮነ ካታማ ኬꬃ ሙመር ቶኪ አይክዝ ክርክሮ ጋርክ፥ ዶርንቴዝ፥ ቦንቾ ሹች ጋዶዳ፤ ኤዛ አማንዛ ኦንካ የሻ ዬላታሚ» ዬግዛ።
1PE 2:7 Ꮊ ሹቻይ ይንትስ አማንዝታይስ ቦንቾ፥ ዝን አማኖዋዝታይስ፥ «ግምቢዝታይ ለቂ እጼዝ ሹቻይ ኬꬃ ሙመር ቶኪ አይክዝ ክርክሮ ጋርክ፥ ኡባይፕ ኣꬊዝ ሹች ማቄዛ።»
1PE 2:8 ማካ፥ «Ꮊ ሹቻይ አስ ꬉቢዛ ሹችኔ አስ ፖክስዝ ዛላ» ዬግዛ። ኡንቲ የይስ ቃድንቴዝ ግሾስ ጾስ ቃላ ኪትንታም እጺ ꬉብንቴዛ።
1PE 2:9 ዝን ጾሲ ꬉማፕ ማላልስዛ ፋ ፖአይኮ ይንታን ጼጌዛይ፥ ይ ኤ ሎኦትꬃ ሀርታይስ ኦዶዳይስ ዶርንቴዝ ኮች፥ ካት ቄሰ፥ ጌሻ የለትꬅኔ ጾስ ዱማ ዎያ።
1PE 2:10 ይ ቲና ጾስ ዎያ ባያ፥ ዝን Ꮊት ይ ኤ ዎያ። ይ ቲና ማሮትꬅ ደንገካዝታ፥ ዝን Ꮊት ማሮትꬅ ደንጌዛ።
1PE 2:11 ታ እሹንꬆ፥ ይ Ꮊ ሳአ እማꬅኔ በተ አስ ማቄዛይ ጋርክ ይ ሸምፖ ኦልዛ አሾ አሞፕ ሃኮድ ጋርክ ታኒ ይንታን ዎስዛ።
1PE 2:12 አማኖዋ አሳይ ይንታን ኢታ ኦꬅዝ አስ ጋርክ ዝግርኮ ጾሲ ኑና በአዳይስ ይእዛ ጋላስ፥ ኡንቲ ይ ሎኦ ኦሳ ብኢ ጾስ ጋላቶዳይ ጋርክ ይንትስ ሎኦ ደኦ የዞ።
1PE 2:13 ጎዳይ ግሾስ ግ ማዉተር የዝ አሳይስ ሃርንቶይታ፤ ኡባይፕ አፋ ማቄዝ ግሾስ ካታይስካ ሞድንቶይታ።
1PE 2:14 ኡንቲ ኢታ ኦꬅዝታ ሴሮዳይስኔ ሎኦ ኦꬅዝታ ሳቦዳይስ ካታይፕ ኪትንቴዝ ግሾስ ጋደ አቅዝታይስ ሃርንቶይታ።
1PE 2:15 ይ፥ ይ ሎኦ ኦሶር ኤሮዋ ቦዞ አሳይ ናሻ ዶና አይꬆዳይ ጾስ ሸነ።
1PE 2:16 ጾስ አይለ ማቂ ዋሎ የዞይታፕ አትን ይ ዋሎትꬃ ኢታ ኦሶስ ካመ ኡድፓተ።
1PE 2:17 አስ ኡባ ቦንቾይታ፤ አማንዛ አሳ ሲቆይታ፤ ጾስስ ያሽቶይታ፤ ካት ቦንቾይታ።
1PE 2:18 አይሉንꬆ፥ ሎኦ ጎድታይስኔ ኬሃ ጎድታይስ ኣዳ ባዝን ኢትታይስካ ቦንቾር ሃርንቶይታ።
1PE 2:19 አሲ ጾስ ግሾስ ግ ቤዞዋ ዋየ ኤክኮ ጾሲ ኤዛ አንጆዳ።
1PE 2:20 ዝን ይ ናጋራ ኦꬅን ይንታን Ꮊꬍን ይ ዳንዳእኮ ይንትስ አባ ጋላታ የኔ? ዝን ሎኦ ባዝ ኡዲ ዋየ ዳንዳእኮ ጾሲ ይንታን የይስ አንጆዳ።
1PE 2:21 ጾሲ ይንታን ጼጌዛይ የይ ግሾስ፤ ክርስቶሳ ይንትስ ዋይንቴዛ፤ ይ ኤዛ ካሎዳይ ጋርክ፥ ይንትስ ኣዝሶ ማቄዛ።
1PE 2:22 ኤ ናጋራ ኦꬄካያ፤ ኤ ዶናይዳካ ጩቦትꬅ በንተካያ።
1PE 2:23 ኡንቲ ኤዛ ጫዥዝን ኤ ማሂ ጫዠካያ። ዝን ዋየ ኤክታር ጽሎ ፕርድዛ ጾሳይስ ፋ ፕርዳ አሺ አሸነፕ አትን ማንደካያ።
1PE 2:24 ኑኒ ናጋራስ Ꮊይቂ ጽሎትꬅስ የዞዳይ ጋርክ ክርስቶሳ ፋ አሻይድ ኑ ናጋራ ማዝቃለል አፋ ቶኬዛ፤ ይ ኤ ማዶꬃይር ፓጼዛ።
1PE 2:25 ብኒ ይ ኦገ ባሊ ላልንቲ ꬋቤዝ ዱር ጋርከ፥ ዝን Ꮊት ይ ሸምፖ ሄንግዛይኮኔ ናግዛይኮ ማቄዛ።
1PE 3:1 ማካ፥ ማችታዮ፥ ይ አዝንታይስ አዛዝንቶይታ። የይ ጋርክ ፐታይ ፐታይ ጾስ ቃላ አማኖዝታ ማቅኮካ ፋ ማችታይ ሀና ብኢ ቃላ ኦደካዝን አማኖዳይስ ዳንዳእዛ።
1PE 3:2 አማኖዳይስ ዳንዳእዛይ ያሻትꬃራኔ ይ ጌሽ የሳ ብኢ።
1PE 3:3 ይ፥ ይ ኦማ ዳꬃራኔ ዎርቀ ኣꬆር ዎይ ሎኦ ማኦር ቡቁርንቶር ይ አሲ ቤዞር ማቅፐ።
1PE 3:4 ዝን ይ ዎዝናይ ጋንጨ የዝ የገልሳትꬃይ ጾስ ቲና ይንትስ ጋመ አልኦ ማቂ ꬋቦዋ፥ አሽከኔ ዳጭ ጌዝ አያና ማቆ።
1PE 3:5 ጾሲ እንጎድ ጌዛና አማኔዝ ጌሽ ማችታይ ብኒ ዎደ ፋ አዝንታይስ ሃርንቲ፥ ፋና የይ ጋርክ ኡሳ ሎእꬄዛ።
1PE 3:6 የይ ጋርክ ሳራ አፍራመና፥ «ታ ጎዳዮ» ዬጊ ጼግታር፥ ኤስ ኪትንቴዛ፤ አኮካ ያሽተካር ሎኦ ባዝ ኦꬅኮ ይንትካ እ ናእታ።
1PE 3:7 አዝንታዮ፥ ይ ማችታይ ይንትፕ ዳቡራ መꬎ ማቄዛና ኤሪ፥ ኡንታን ቦንቾይታ፤ ይ ዎሳ ꬉባማይ ጋርክ ጾሲ እንጌዝ ደኦ ኡንቲ ይንታር ዎላ ላትዛ ግሾስ ኡንታን ቦንቾይታ።
1PE 3:8 Ꮊንፕ ጉየ፥ ኡቢታይ ፐቲ ቆፋር የዞይታ። Ꮊንክታይ መታይ ይንታን ሄሌዛይ ጋርክ ኡዶይታ፥ እሸትꬅ ሲቆር ዎል ሲቆይታ፤ ማ ፐታይ ፐታይስ ኬህታኔ አሽክታ ማቆይታ።
1PE 3:9 ኢታ ግሾስ ኢታ ዎይ ጫሽ ግሾስ ጫዢ ማህፓተ፤ የያ አሺ፥ ጾሲ ይንትስ አንጆ እንጎዳይስ ይንታን ጼጌዝ ግሾስ አንጆይታ።
1PE 3:10 አብስ ጊኮ፥ ጌሻ ማጻፋይ፥ «ደኦ ዶስዛይኔ ሎኦ ጋላስታ በአዳይስ ኮይዝ ኦና ማቅኮካ ፋ እንጻርሳ ኢታባዝኔ መተርሻ ዎርዶ ኦድንትዛና ካዮ።
1PE 3:11 ኢታ ባዛፕ ሃኮ ሎኦ ባዝ ኦꬆ፤ ሳሮትꬅካ ኮዮኔ ካሎ።
1PE 3:12 ጎዳይ ኣፍታይ ጽልታ ብእዛ፤ ኤ ሀይታይካ ኡባ ዎደ ኡ ዎሳ ስኦዳይስ ዶይንቲ የዛ። ዝን ጎዳይ ኢታ ባዝ ኦꬅዝታ ፋ ሸነ ኣፈር ብእዛ» ዬግዛ።
1PE 3:13 ይ ሎኦ ባዝ ኦꬆዳይስ አሞትኮ ይንታን ካዮዳይ ኦኖ?
1PE 3:14 ሀራ አቶዝን፥ ጽሎትꬅ ግሾስ ይ ዋይንትኮ አንጅንቴዝታ። አስስ ያሽቲፓተኔ ህርግፓተ።
1PE 3:15 ክርስቶሳና ይ ዎዝናፕ ቦንቾይታኔ ጎድ ማሆይታ። ይንትስ እንጌዝ ኡፋይሳ ኦይጭዝ ኦስካ ማህꬅ እንጎዳይስ ኡባ ዎደ ጊጊ በቶይታ፥ ዝን የያ ሃዮትꬃራኔ ያሻር ኡዶይታ።
1PE 3:16 ማ ክርስቶሳር ይ የዝ ሎኦ የሳ ኢታ ባዝ ኦꬄዛይ ጋርክ፥ ይንታን ጫዥዛ አሳይኔ ሀዎዝዝታይ ዬላቶዳይ ጋርክ ይ ካሃይ ጌሽ ማቆ።
1PE 3:17 ጾስ ሸነ ማቅኮ ኢታ ባዝ ኦꬂ ዋየ ኤክዛይፕ ሎኦ ባዝ ኦꬂ ዋየ ኤክዛይ ሎኦ።
1PE 3:18 ክርስቶሳ ኑና ጾስኮ ሺሾዳይስ ፋ ኡባስ ጌሽ ማቂ የዛር፥ ናጋራንችታይስ ኡቢታይስ ላማማይስ ፐቲ ቶኬ ናጋራ ግሾስ Ꮊይቄዛ፤ ኤ ፋ አሰትꬃይር Ꮊይቄዛር፥ ዝን አያናር ፓꬅ።
1PE 3:19 ማ የ አያናይር ኤ Ꮊንጊ አች ካራ የዝ ሸምፕታይስ ቃላ ኦዴዛ።
1PE 3:20 ኖሄ ማርካበ ኬጾዳር የ ሸምፕታይ ጾስስ ኪትንታም እጼዛ፥ ዝን ጾስ ኡንታን ዳንዳኤዛ። ሆስፑን አስ ኣዳ ማርካበ ገሊ፥ ፕርዳ ሃꬃፕ አቴዛ።
1PE 3:21 የ ፕርዳ ሃꬃይ Ꮊት ይንታን አሽዛ ጽንቃተ ኣዝሶ ማቄዛ። Ꮊ ጽንቃታይ ጋላ ቅታ ሜጮ ባዝን ሎኦ ካሃር ጾስ ቲና ቃላ ገሎ፥ ክርስቶሳ ደንዶ ባጋር ይንታን አሽዛ።
1PE 3:22 ኤ ሳሎ Ꮊንጊ ጾስ ኡሻቻ በቴዛ፥ ኪታንችታይ፥ ማዉተ አድታኔ ዎልቃምታ ሃርዛ።
1PE 4:1 ክርስቶሳ ፋ አሾር ኑስ መቶ ኤኬዝ ግሾስ ይንትካ ኦላ ሚሸ ዳንጬዝ አስ ጋርክ የ ቆፋይር ሚንጊ ኤቆይታ። ክርስቶሳ ግሾስ ግ ፋ አሾር ዋየ ኤኬዝ አꬃይ ናጋራ ኦꬃም ግ ሙርቴዝ አሲ።
1PE 4:2 የ አꬃይ ፋ አቴዝ ላይꬃ ጾስ ሸነ ኦꬆዳይስ ኮይነፕ አትን ኢታ አሾ አሞ ፖሎዳይስ ባያ።
1PE 4:3 ብኒ ይ አማኖዋ አሳይ የዜዛይ ጋርክ የዜዛ። ይ ቃይጸር፥ ኢታ አሾ አሞር፥ አቆፕ ኣꬅ ኡሻር፥ ማꬄር፥ ቱና ኦꬆ ደንꬅꬅዛ የꬃር፥ የላꬅዛ ኤቃ ጎይኖር ቲና የዜዝ የሳይ ግዶዳ።
1PE 4:4 አማኖዋ አሳይራ ይ የይ ጋርክ ባዛር ቃይጽንቲ ላሶዋ ግሾስ ማላባዝ ግ ይንታን ጫዥዛ።
1PE 4:5 ዝን ኡንቲ ፓጽታይላኔ Ꮊይቄዝታይል አፋ ፕርዶዳይስ የዝ ጾሳይስ ማህꬅ እንጎዳ።
1PE 4:6 Ꮊይቄዝታይስካ ዎንግላይ ሳባክንቴዛይ Ꮊይ ግሾስ። ኡንቲ አሳይሳይ ጋርክ ፋ አሾር ፕርድንቶዳ ማ ፋ አያናር ጾሳይ ጋርክ ደኦ የዞዳ።
1PE 4:7 ይኬ፥ ኡባባዝስ ዉርስꬃይ ኡኬዛ። የይ ግሾስ፥ ዎሶዳይስ ዳንዳእንቶድ ጋርክ ዳጭ ጌዝ ዎዝና ማራራ የዞይታ።
1PE 4:8 ሲቆ ጋመ ናጋራ ካምዛ ግሾስ ኡባይፕ ኣꬂ ዎልር ዎዝናፕ ሲቅንቶይታ።
1PE 4:9 ኦሌካዛር ዎል እማꬃትꬃር ሞኮይታ።
1PE 4:10 ይ ጾሳይፕ ኣꬎ ኬሃትꬃይፕ ዱማ ዱማ እሞታ ኤኬዛይ ጋርክ ይ ፐታይ ፐታይ የ እማ ቤዝዛይ ጋርክ አይኪ ዎል ማዶይታ።
1PE 4:11 የሱስ ክርስቶሳ ባጋር ኡባ ባዛር ጾሲ ጋላትንቶዳይ ጋርክ ኦንካ ኦድዛ ባዝ ማቅኮ ጾሳፕ ቃላ ኤኬዛይ ጋርክ ኦዶ። ማ ኦንካ ማድዛ ባዝ ማቅኮ ጾሲ ኤስ እንግዛ ዎልቃይ ጋርክ ማዶ። ቦንቾኔ ዎልቃይ መꬊናፕ መꬍና ሄሎዳይስ ኤስ ማቆ። አምንኤ።
1PE 4:12 ታ ባጉንꬆ፥ ይ ታማ ጋርክ ጹግዝ ዋየ ፓጨ ጋንጨር ኣꬎዳር ኦሮꬅባዝ ሀኔዛይ ጋርክ ማላባዝ ጊፓተ።
1PE 4:13 ዝን ኤ ፋ ቦንቻይር ማቂ የኦዳር ይ ኡፋይሳይ ኡሳ ጉጆዳይ ጋርክ ክርስቶሳ ዋየ ይ ኤክዛይድ ኡፋይቶይታ።
1PE 4:14 ክርስቶሳ ሱንꬃይ ግሾስ አሲ ይንታን ጫዥኮ ጾስ ቦንቾ አያናይ ይንታል አፋ ሸምፕዛ ግሾስ ይ አንጅንቴዝታ።
1PE 4:15 ይንታፕ መቶ ኤክዝ ኦንካ ሸምፖ ዎꬌዝታይ ጋርክ ዎይ ካስቴዝ ዎይ ኢታ ኦꬄዛይ ጋርክ ዎይ ገልሶዋ አቆ ገሌዛይ ጋርክ ሀኒ መቶ ኤክፐ።
1PE 4:16 ሀኖ ዝን፥ ክርስታኔ ማቄዝ ግሾስ መቶ ኤክኮ ክርስቶሳ ሱንꬃይ ግሾስ ጾሳ ጋላቶፕ አትን ዬላትፐ።
1PE 4:17 ፕርዳ ጾስ አሳይፕ አይክዝ ዎደ ሄሌዛ። ይኬ፥ የ ፕርዳይ ቲና ኑል አይክዝባዝ ማቅኮ፥ ጾስ ዎንግላይስ ኪትንቶዋ አሳይ ዉርስꬃይ አብ ማቆዴ?
1PE 4:18 ጽሎ ኡንአር አትዝባዝ ማቅኮ፥ ዡጭታይኔ ናጋራንችታይ የዝን ዋዮደ?
1PE 4:19 የይ ግሾስ፥ ጾስ ሸነ ጋርክ መቶ ኤክዝታይ ፋ ሸምፖ ሀዳራ ፋና መꬌዝ፥ አማንꬅዛ ጾሳይስ እንግታር ሎኦ ባዝ ኦꬆ።
1PE 5:1 ይኬ፥ ዎሳ ኬꬅ አቅስዛ ጭማ ማቄዝ ታ፥ ክርስቶሳ ኤኬዝ መታይስ ማርካ ማቄዛኔ ቆንጮዳይስ የዝ ቦንቻ ሻግንቶዳይስ የዝ ታኒ፥ ይ ጋንጨ የዝ ዎሳ ኬꬅ አቅስዛ ጭምታ ዞርዛ።
1PE 5:2 ይ አደትꬃይስ ኦሞር የዝ ጾስ ዉዳ ሄንጎይታ። ጾስ ሸነ ጋርክ ቃራኔ ዶሶራፕ አትን ዎልቃንꬆር ሄንግፓተ። ማ ሚሸ ኮሻር ባዝን ሎኦ ቆፋር ሄንጎይታ።
1PE 5:3 ይ አደትꬃፕ ኦሞር የዝ ዉደስ ሎኦ ኣዝሶ ማቆይታፕ አትን ጎዳትፓተ።
1PE 5:4 ሄንግዝታይ ሀላቃይ ማቂ የኦዳር ኣꬎዋ ቦንቾ ዛዉደ ይ ኤኮዳ።
1PE 5:5 የይ ጋርከካ፥ የላግታዮ፥ ጭምታይስ ኪትንቶይታ። ይ ዎልስ ሃዮ ማቆይታ። ጌሻ ማጻፋይድ፥ «ጾስ ኡትርትዝታ እጽዛ፥ ዝን ሀይታይስ ኣꬎ ኬሃትꬃፕ እንግዛ» ዬግዛ።
1PE 5:6 ይኬ ጾሲ ፋ ዎደ ይንታን ቦንቾዳይ ጋርክ ዎልቃማ ጾስ ኩሸፕ ኦሞር ይንታን ካዉሾይታ።
1PE 5:7 ኤ ይንትስ ቆፕዛ ግሾስ ይንታን ህርግስዛ ባዝ ኡባ ኤዛል አፋ ኦሎይታ።
1PE 5:8 ይ ሞርከ ዳቡሎሳ፥ ምቶዳና ኮዪ፥ ጋሞ ጋርክ ጻግታር ይ ካንታር ዩይዛይ ግሾስ ይንታን ሃሮይታኔ ባርኮይታ።
1PE 5:9 አላመል የዝ ይ እሽታይ የይ ጋርክ መቶ ኤኮዳና ኤሪ፥ አማኖር ሚንጊ፥ ጻላሄር ኤቅንቶይታ።
1PE 5:10 ፋ መꬍና ቦንቻይስ ክርስቶሳ የሱሳ ባጋር ይንታን ጼጌዝ ኣꬎ ኬሃትꬅ ኡባይ ጾሳይ፥ ጽቃ ዎደስ ይ መቶ ኤኬዛይፕ ጉየ፥ ኤ ፋ ኦማስ ይንታን ፎሎ ኡዶዳ፥ ካትሶዳ፥ ሚንꬂ ኤሶዳ፥ ጻጵሶዳ።
1PE 5:11 መꬊናፕ መꬍና ሄሎዳይስ ቦንቾኔ ዎልቃ ኤስ ማቆ። አምንኤ።
1PE 5:12 አማንንቴዝ እሸ ግ ታ ኤክዝ ስላሰ ባጋር Ꮊ ዳብዳባ ይንትስ ሃታር ጻፌዛ። ታ የያ ይንትስ ጻፌዛይ፥ ይንታን ዞሮዳይስኔ ጾስ ኣꬎ ኬሃትꬃይ ቱማ ማቄዛና ማርካታቶዳይሲ። የ ኣꬎ ኬሃትꬃይድ ሚንጊ ኤቆይታ።
1PE 5:13 ይንታር ዎላ ዶርንቴዝ ባብሎነ ግንትንትዝ ኦሮመ የዝ ዎሳ ኬꬅ ታ ናአ ማርቆሳ ይንታን፥ «ሳሮ ሳሮ» ዬግዛ።
1PE 5:14 ሲቆ ዬራ ዬርንትታር፥ ዎል ሳሮꬆይታ። ክርስቶሳር የዝ ይንትስ ኡባይስ ሳሮ ማቆ። አምንኤ።
2PE 1:1 የሱስ ክርስቶሳ ሀዋረኔ ኤ አይላይ ታኒ ስሞን ጵጽሮሳ፥ ኑ ጾሳኔ ኑና አሽዛ የሱስ ክርስቶሳ ጽሎትꬅ ባጋር ኑሳይ ጋርክ አልኦ አማኖ ደንገዝታይስ፤
2PE 1:2 ጾሳኔ ኑ ጎዳ የሱሳ ኤሮር ኣꬎ ኬሄትꬅኔ ሳሮ ይንትስ ጋንጎ።
2PE 1:3 ፋ ቦንቾራኔ ሃዮትꬃር ኑና ጼጌዝ ኤዛ ኤሮር ደኦስኔ ጾስ ኡፋይስዛ የስ የዞዳይስ ኮሽዛ ባዝ ኡባ ጾሲ ፋ ዎልቃር ኑስ እንጌዛ።
2PE 1:4 ኤ ቦንቻይዳኔ ኤ ኬሃትꬃይድ ቦንቾ ጋተ የዝ ኡባፕ ግታ ማቄዝ ኡፋይስ ደንጌዛ፥ Ꮊይትታይባጋር ይ ኢታ አሞፕ ደንዴዝ Ꮊ አላመል የዝ ꬋቦፕ ቡቲ ጾሳትꬅ ሀና ሻክንቴዛ።
2PE 1:5 የይፕ ካሊ የዝታይ ይንትስ ጉጅንቶዳይ ጋርክ ሚንጎይታ፥ ይ አማናይል አፋ ሎኦትꬅ፥ ሎኦትꬃል አፋ ኤራትꬂ፥
2PE 1:6 ኤረትꬃል አፋ ፋና ሞዶ፥ ፋና ሞድꬃል አፋ ጋርዦ፥ ጋርዦል አፋ ጾስ ኡፋይስዛ የሲ፥
2PE 1:7 ጾስ ኡፋይስዛ የሳል አፋ እሸትꬅ ቃ፥ እሸትꬅ ቃꬌል አፋ ሲቆ ጉጆይታ።
2PE 1:8 የይትታይ ይንትስ ጋንጊ የዛ ባዝ ማቅኮ፥ ጎዳ የሱስ ክርስቶሳ ኤሮር ማድዛ አስኔ ኣፈ ኣፍዝ አስ ይንታን ኡዶዳ።
2PE 1:9 ዝን የይትታይ ባ ኦንካ ካንታ የዛ ባዝ ኣዳ ብእዝ ቶአ። ኤ ፋ ቲና ናጋራይፕ ጌዤዛና ዶጌዛ።
2PE 1:10 የይ ግሾስ፥ ታ እሹንꬆ፥ ይ ጼሳነ ይ ዶርንታ ምንꬆዳይስ ካሴሳይፕ ኣꬂ ሚንጎይታ። ይ የይትታ ኦꬅዛባዝ ማቅኮ፥ ꬉብንታሚ።
2PE 1:11 ኤዛይድ ኑ ጎዳነ ኑና አሽዛ የሱስ ክርስቶሳ መꬍና ካተትꬃ ገልዛ ኩንꬃር ይንትስ እንግንቶዳ።
2PE 1:12 የይ ግሾስ፥ ይ Ꮊይትታ ኤርዛ ባዝኔ ይ አይኬዝ ቱማይድ ሚንጊ የዛ ባዝ ማቅኮካ፥ ታኒ Ꮊይትታ ኡባ ዎደ ይንታን ቆፍሶ አሻሚ።
2PE 1:13 ታኒ ሸምፖር የዜዝ ዎደ ኡባይድ ይንታን ቆፕሶዳይ ቤዝዛ ባዝ ግ ታ ቆፕዛ።
2PE 1:14 ኑ ጎዳ የሱስ ክርስቶሳ ታስ ቆንጭሴዛይ ጋርክ ታኒ Ꮊ Ꮊይቅዝ አሻ ጋመኤካዛር ቃሪ ኦሊ Ꮊማዳና ኤርዛ።
2PE 1:15 ታኒ Ꮊት ቡትንትዛይ ታ ይንትፕ Ꮊይቂ ሻግንትኮካ ይ Ꮊይትታ ኡባ ዎደ አካኮድ ጋርክ ታስ ዳንዳእንቴዝባዝ ኡባ ኡዶዳ።
2PE 1:16 ኑኒ ጎዳ ክርስቶሳ ዎልቃኔ ኤ ይእꬅ ባጋ ይንትስ ኦዴዛይ፥ ኤ ግታ ዴታ ኑ ኣፈር ብእፕ አትን መꬊ ከሴዝ ቶሰ ባያ።
2PE 1:17 «ታኒ ኡፋይትዛ፥ ታ ዶስዛ ናአ Ꮊያ» ዬግዝ ቃላይ ዎልቃማ ቦንቻይፕ የኤዝ ዎደ ጾስ አዳይፕ ቦንቾኔ ጋላታ ኤኬዛ።
2PE 1:18 ኑኒ ኤዛር ዎላ ጌሽ አምባል የዛር የ ቃላ ጊርꬅ ሳሎፕ የኦዳር ስኤዛ።
2PE 1:19 ኑስ የይፕ ኣꬊዝ አማንንቴዝ ትንቢተ ቃላ የዛ። ሳአ ዎንቶድ ጋꬆኔ ባካላ ጾልንቶ ይ ዎዝናይድ ዶሎድ ጋꬆስ፥ ꬉማ ጋንጨ ፖእዛ ፖአይስ ናግንትዛይ ጋርክ፥ ይ የ ቃላ ናግኮ ሎኦ ኡድዛ።
2PE 1:20 ኡባፕ ቲናቲ Ꮊያ ኤሮይታ። ጌሻ ማጻፋይድ ጻፍንቴዝ ትንቢተ ቃላ ኦንካ ፋ ዶሴዛይ ጋርክ ብሎዳይስ ዳንዳኦያ።
2PE 1:21 ትንቢተ ኡባይ የሻ አስ ሸነር ኦድንተካያ። ዝን ትንቢተ ጌሻ አያናይ ካልꬅዝ አሳይ ጾሲ ኪቴዝ አስታይ፥ ኦዴዛይፕ አትን።
2PE 2:1 ዝን ዎርዶ ናብታይ ቲና አሳይ ጋንጨ የዛይ ጋርክ Ꮊተካ ዎርዶ አስታማርታይ ይ ጋንጨ የሳዳ። ኡንቲ ፋና ዎዜዝ፥ ጎዳ ካዲ፥ ꬋብስዛ ዎርዶ ትምርታ ኮኦዳ። ኤዛይድ ኡንቲ ፋል አፋ ኤልሲ ꬋቦ ክእዛ።
2PE 2:2 ጋመ አሳይ ዬላꬅዛ ኡ ኢታ ኦጋ ካሎዳ፤ ኡንታፕ ደንዴዛይድ ቱማ ኦገ ጫዥንቶዳ።
2PE 2:3 ዎርዶ አስታማርታይ ሚሸ ዶሲ ፓስ መꬊ ከሴዝ ቶሰር ይንታን ቦንቆዳ። ብንፕ አይኪ ኡንትስ ፕርዳይ ጊጊ በቴዛ፤ ኡ ꬋባይካ ኡንታን ናጊ በቴዛ።
2PE 2:4 ናጋራ ኦꬄዝ ኪታንችታይስ ጾስ ቃꬊንተካዛር፥ ፕርዳ ጋላስ ሄሎዳይስ ጋናመ ꬉማ ኦላ ኡንታን አጪ ኦሌዛ።
2PE 2:5 የይ ጋርከካ፥ ጾስ ጽሎትꬅ ባዝ ኦድዛ ኖሄኔ ሀራ ላፑን አስታ ቁሪ አሼዛ፥ ጾስ ጎይኖዋ አሳይ የዝ ብኒ አላማ ቃꬊንተካዛር ꬋቦ ሃꬃር ꬋብሴዛ።
2PE 2:6 ጾሳ ጎይኖዋ አሳይስ ኣዝሶ ማቆዳይ ጋርክ ጾሲ ሶዶመኔ ጋሞራ ካታምታ ቡዶ ኡዲ ጹጊ ꬋብሴዛ።
2PE 2:7 ህገስ ኪትንቶዋ ዉሹምዛ አስታይ ጋንጨ ዋይታር የዜዝ ጌሽ ሎጸና ጾሲ አሼዛ።
2PE 2:8 የ ጌሽ አꬃይ ኡ ጋንጨ የዛር፥ ኡንቲ ኦꬅዛ ኢታ ኦሳ ጋላስ ጋላስ በኤዝ ዎደኔ ስኤዝ ዎደ ኤ ሎኦ ዎዝናይ ኡንእንትዛ።
2PE 2:9 የያ ማቅኮ፥ ጎዳይ፥ ፋና ጎይንዛ አስታ ፓጨፕ ዋይዚ አሾዳዛኮ፥ ማ ናጋራንችታ ፕርዳ ጋላስ ሄሎዳይስ ዋይዚ ሴርታር ናግሶዳዛኮ ኤርዛ።
2PE 2:10 ኡባፕ ኣꬂ ቱና አሞር አሾ ቆፋል ካልዝታኔ ቦንቾ የዝ ማዉተ አድታ ለቂዝታ፥ ፕርዳ ጋላስ ሄሎዳይስ ጎዳይ ናግሴዛ። የ አስታይ ጋንጀ ምኖኔ ኦቶራንቾ ማቄዝ ግሾስ ሳሎ መትꬅታ ጫዥታር ያሽቶያ።
2PE 2:11 ዝን ኪታንችታይ ዎርዶ አስታማርታይፐ ዎልቃራኔ ምኖትꬃር ሎእꬂ ኣꬍዛ ዝን ጎዳይ ቲና ሳሎ መትꬅታ ጫዦያ።
2PE 2:12 ዝን የ አስታይ ፋ ኤሮዋ ባዝ ጋንጨ ገሊ ጫዥዛ። ኡንቲ አይክንቶዳይስኔ Ꮊይቆዳይስ የልንቴዛ፥ ዎዝና ባ ዶአ ጋርክ ሀንዛ፤ ኡንትካ ዎራ ዶአ ጋርክ ጨር ꬋቦዳ።
2PE 2:13 ኡንቲ ቆሄዝ ቆሀይ ጋርክ ማሂ ቆህንቶዳ። ሴታ ጋላስ ቃይጽንትታር አቆፕ ኣꬊ ጉፕታር ኡፋይስዝ ባዝ ግ ቆፕዛ። ኡንቲ ካዉሽታኔ ቱንታ ማቂ የዛር ይንታር ሻግንትዛ ሲቆ እማቶ ኡፋይትዛ።
2PE 2:14 ላግተ ማች ብኢ አሾዋ ኣፈ ኡንትስ የዛ፤ ማ ናጋራ ኦꬅዛ አሾያ። አማኖር ምንገካ አሳ ዶሽዛ። ኡንትስ ኡባ ዎደ አሞትዝ ዎዝና የዛ፤ ኡንቲ ባድንቴዝታ።
2PE 2:15 ኡ ሉለ ኦገ አሺ፥ ኢታ ኦꬂ ሚሸ ቃꬊ ባልንቴዛ፥ ብኦራ ናአ ባላማ ኦጋ ካሌዛ።
2PE 2:16 ኤ ፋ ናጋራይፕ ደንዴዛይድ ሴርንቴዛ፤ ኦዶዳይስ ዳንዳኦዋ ሀረ አስ ጋርክ ናሽ ናባይ ኤያትትꬃ ተቄዛ።
2PE 2:17 የ አስታይ መሌዝ ፑልቶ ጋርከኔ ጫርኮ ቶኪ ካንግዛ ሻራ ꬎኔ ጋርክ፤ ኡንታን ናግዛይ ልንጽ ጌዝ ꬉማ።
2PE 2:18 ኡንቲ ጨረኔ ኡትራ ኦዳ ኦድንትንታር ቡታር የዝ አሳይ ጋንጨፕ ከሲ ኤኪ ሀጋ ምንገካ አስታ ላግታ አሾ አሞር ዶሺ ባልꬅዛ።
2PE 2:19 ኡንቲ ፓስ ꬋቦ አይለትꬃ የዛር Ꮊንኪታ፥ «ይ አይለትꬃፕ ከዞዳ» ዬግዛ። አብስ ጊኮ፥ አሲ ፋና ጋሜዝ ባዝ ኡባይስ አይለ።
2PE 2:20 ኡንቲ አሽዛ ኑ ጎዳ የሱስ ክርስቶሳ ኤሪ Ꮊ አላማ ቱናትꬃፕ ቡቴዛይፐ ጉየ፥ ማቂ አይክንቲ ጋምንትኮ ቲና የዝ የሳይፐ ጉዬሳይ ኡንትስ ኢታ ማቆዳ።
2PE 2:21 ኡንቲ ጽሎትꬅ ኦገ ኤሪ ማቂ አሽዛይፕ ቲናቲ ጌሽ ኪታ ኤረካዛኮ ኡንትስ ሎኦዝን።
2PE 2:22 «ካና ፋ ጮሽኮ ጉየ ማቅዛ» ማ፥ «ሜጭንቴዝ ጉዱንꬃይ ጉየ ማቂ ኡርቃ ጎልአልእዛ» ግዝ ኣዝሳይ ቱማ ማቄዛይ ኡንታል አፋ ሀኔዛ።
2PE 3:1 ታ ሲቆ እሹንꬆ፥ Ꮊይ ታ ይንትስ ጻፌዝ ዳብዳበ ናምእንꬆ ኪታ። ታኒ Ꮊ ናምኢ ዳብዳቢታካ ይንትስ ጻፌዛይ፥ ይ ሉለ ቆፋ ቆፖድ ጋርክ ይንታን ደንꬅꬆዳይሲ።
2PE 3:2 ማ ጌሽ ናብታይ ብኒ ኦዴዝ ቃላኔ ኑና አሽዛ ጎዳይ፥ ሀዋርታይ ባጋር ኪቴዝ ኪታ ይ ቆፖዳይ ጋርክ ኮይዛ።
2PE 3:3 ኡባፕ ቲናቲ፥ ዎደ ዉርስꬃ ፋ አሞ ካሊ አስ ቶችዝታይ የኦዳና ኤሮይታ።
2PE 3:4 ኡንትስ፥ «ጎዳ የሱሳ ይእዛ ግ እንጌዝ ኡፋይስ ቃላይ አባ የኔ? ኑ አድታይ Ꮊይቄዛ፥ ዝን ኡባ ባዝ ሳአ መꬊንቴዛይፕ አይኪ የዛይ ጋርክ የዛ» ዬግዛ።
2PE 3:5 ጋመ ዎደፕ ቲና ሳላይ ጾስ ቃላር መꬍንቴዛ፤ ማ ሳአ ሃꬃፐኔ ሃꬃር መꬍንቴዛና ኤርታር ካድዛ።
2PE 3:6 የ ዎደ የዝ አላማይ ሃꬃር ምትንቲ ꬋቤዛ።
2PE 3:7 ዝን Ꮊት የዝ ሳላይኔ ሳአይ፥ ጾስ ጎይኖዝታይ ፕርድንትዛ ጋላስኔ ꬋቦድ ጋላሳይ ሄሎዳይስ የ ቃላይር ታማስ ናግንቲ የዛ።
2PE 3:8 ዝን ታ ሲቆ እሹንꬆ፥ ይንታን ማቅኮ ጎዳይ ካለ ፐቲ ጋላሲ ሙኩለ ላይꬅ ማቄዛናኔ ሙኩለ ላይꬅ ፐቲ ጋላሳ ማቄዛና Ꮊ ፐቲ ባዝ ዶግፓተ።
2PE 3:9 ፐታይ ፐታይ ጋምኤዛ ግ ቆፕዛይ ጋርክ፥ ጎዳይ ፋ ኡፋይስ ቃላይ ግሾስ ጋምኤና። ዝን ኦንካ ꬋባማይ ጋርክ ኮዪ፥ ኡባይ ፋ ናጋራፕ ማቆዳይ ጋርክ ይ ግሾስ ግ ጋርዥዛ።
2PE 3:10 ዝን ጎዳይ ጋላሳይ ካይዞ ጋርክ የኦዳ። የ ጋላስ ሳልታይ ዎልቃማ ጉምꬃር ꬋቦዳ፤ ሳሎ መትꬅታይ ታማር ጹግንቶዳ፤ ሳአኔ ሳአል አፋ የዝ ኡባይ ꬋቦዳ።
2PE 3:11 ይኬ፥ ኡባ ባዝ የይ ጋርክ ሀኒ ꬋብዛ ባዝ ማቅኮ ይ ዋያዳይስ ቤዜ? ይ ጌሽኔ ጾስ ኣዝዛ የስ የዞዳይስ ቤዝዛ።
2PE 3:12 ይ ጾስ ጋላሳ ይእꬃ ላሞꬃኔ ኤለር ሄሎዳይ ጋርክ ጽሎትꬅ ኦꬆ ኦꬆይታ። የ ጋላስ ሳሎኔ ኤዛይድ የዛ ባዝ ታማር ጹግንቶዳ፤ ዎልቃማ ምሻር ትልኦዳ።
2PE 3:13 ዝን ኑኒ ጽሎትꬅ የዝዝ ኦሮꬅ ሳሎኔ ኦሮꬅ ሳአ ጾስ ኡፋይስ ቃላር ናግዛ።
2PE 3:14 የይ ግሾስ፥ ታ ሲቆ እሹንꬆ፥ ኑ የ ጋላሳ ናግዛ ግሾስ ጎዳይ ይ ቦርሶኔ ቦሮ ባዝታ ማቂ፥ ሳሮር የዝን ደንጎዳይ ጋርክ ሚንጎይታ።
2PE 3:15 ጎዳይ ጋምኤዛይ ይ አቶዳይ ጋርክ ማቄዛና ዶግፓተ። ማ ኑ ሲቆ እሻይ፥ ጳዉሎሳ፥ ጾስ ኤስ እንጌዝ ኤጨትꬃር Ꮊይ ጋርክ ይንትስ ጻፌዛ።
2PE 3:16 ኤ ፋ ጻፌዝ ኪትታ ኡባይድ የይትታይ ባዝ ጻፌዛ። ኤ ጻፌዝ ኪትታይ ጋንጨ አካኮዳይስ ዋይስዛ ቆፍታይ የዛ። ታማረካኔ ምንገካ አስታይ ሀራ ጾስ ቃላ ምርቅዝታይ ጋርክ Ꮊ ኪትታካ ꬋብሶዳይስ ማቺ ምርቅዛ።
2PE 3:17 የይ ግሾስ፥ ታ ሲቆ እሹንꬆ፥ ይ የያ ቲና ኤርዛ ግሾስ ዡጭታይ ባልꬃይር ዶሽንቲ፥ ꬋባማይ ጋርከኔ ሚንጊ የዝ አቃይፕ ፖካማይ ጋርክ ናግንቶይታ።
2PE 3:18 ኡባራካ ይ ኑና አሽዛ ኑ ጎዳ፥ የሱስ ክርስቶሳ ኣꬎ ኬሃትꬃይራኔ ኤራትꬃር ድጮይታ። ኤስ Ꮊተካ መꬍናስካ ቦንቾ ማቆ። አምንኤ።
1JO 1:1 ቲናፕ አይኪ የዝ፥ ደኦ ቃላይ ባጋ ኑ ይንትስ ጻፍዛ። Ꮊ ደኦ ቃላይ ኑ ኑ ሀየር ስኤዝ፥ ኑ ኣፈር በኤዝ፥ ኑ ኩሸር አይኬዛያ።
1JO 1:2 የ ደኦ እንግዛይ ቆንጭን፥ ኑኒ ኤዛ ብኢ፥ ኤባዝ ማርካትዛ። አዳይ ካለ የዛይ ኑስ ቆንጬዝ፥ መꬍና ደኦባጋ ይንትስ ኦዶዳ።
1JO 1:3 ኑራ ይንትስ ፐትፐትꬂ የዞዳይ ጋርክ ኑኒ በኤዛናኔ ስኤዛና ይንትስ ኦዶዳ። ኑ ፐትፐትꬃይ አዳይራኔ ኤ ናአ የሱስ ክርስቶሳር ዎላ።
1JO 1:4 ኑ ኡፋይሳይ ፎሎ ማቆዳይ ጋርክ Ꮊያ ይንትስ ኑ ጻፎዳ።
1JO 1:5 ኑኒ ኤፕ ስኢ፥ ይንትስ ኦድዛ ኪታይ፦ «ጾሲ ፖኦ፤ ኤዛር ꬉማ የሻ ባያ» ዬግዛያ።
1JO 1:6 ኑስ ኤዛር ፐትፐተꬂ የዛ ዬግታር ኑ ꬉማ የዝኮ፥ ኑኒ ዎርዶትዛ። ቱማካ ኑር ባያ።
1JO 1:7 ዝን ኤ ፖኦ የዛይ ጋርክ፥ ኑካ ፖኦ የዝኮ፥ ኑስ ዎል ጋንጨ ፐትፐተꬂ የዛ። ኤ ናአ፥ የሱሳ ሱꬃይ ናጋራ ኡባይፕ ኑና ጌሽዛ።
1JO 1:8 ኑኒ፥ ኑር ናጋራ ባያ ጊኮ ኑ ኑና ዶሽዛ፤ ኑር ቱማትꬅካ ባያ።
1JO 1:9 ዝን ጾሳይስ ኑ ናጋራ ቡጽኮ፥ ኤ ኑ ናጋራ አቶ ጎዳይስኔ ኑ ቆሆ ኦሶ ኡባይፕ ኑና ጌሾዳይስ፥ አማንንቴዛያኔ ጌሻ።
1JO 1:10 ኑኒ ናጋራ ኦꬄካ ጊኮ ጾሳና ዎርዶ ከስዛ፤ ኤ ቃላይካ ኑር ባያ።
1JO 2:1 ታ ናኡንꬆ፥ ናጋራ ይ ኦꬃማይ ጋርክ ታኒ Ꮊያ ይንትስ ጻፍዛ። ዝን ኦንካ ናጋራ ኦꬅኮ ጾስ አዳይ ካንታ ኑ አፋካታይ፥ ኤካ ጽላይ፥ የሱስ ክርስቶሳ፥ የዛ።
1JO 2:2 ኑ ናጋራይ ክርስቶሳ ባጋር አቶ ግንትትዛ። ኤ ኑ ናጋራ ኣዳ ባዝን አላመ ኡባይ ናጋራስ ያርሽንቴዛ።
1JO 2:3 ኑኒ ጾስ ኪታ ናግኮ፥ ስ ባይꬅ፥ ቱማ ኑ ኤዛ ኤርዛ።
1JO 2:4 ኦንካ፥ «ታኒ ኤዛ ኤርዛ» ዬግታር፥ ኤ አዛዛ ናጋም እጽኮ የ አꬃይ ዎርዶ፤ ቱማትꬂ ኤዛር ባያ።
1JO 2:5 ዝን ኤ ቃላይስ ኑ አዛዝንትዛ ኡባይስ ጾሳይስ የዝ ሲቃይ ፎሎ ማቅዛ። ኑኒ ጾሳር የዝ የሳይስ የይ ፓስ ቱማ ማርካ።
1JO 2:6 ታኒ፥ «ጾሳር የዛ» ግዝ ኦንካ ክርስቶሳ የዜዛይ ጋርክ የዞዳይስ ቤዝዛ።
1JO 2:7 ታ ሲቆ እሹንꬆ፥ ታኒ ይንትስ ቲናፕ የዝ አዛዛ ጻፍነፕ አትን ኦሮꬅ ኪታ ጻፋሚ። የይካ ይ ስኤዝ ብኒ አዛዛ።
1JO 2:8 ማቆፕ አትን፥ ክርስቶሳራኔ ይ የሳይድ ቱማ ማቂ የዝ፥ ኦሮꬅ አዛዛ ጻፍዛ። ꬉማይ ሀልእን፥ Ꮊት ቱማ ፖአይ ፖእዛ።
1JO 2:9 «ታ ፖኦ የዛ» ጊታር ፋ እሻ እጽዛ ኦንካ፥ Ꮊኖ ሄሎዳይስ ꬉማ የዛ።
1JO 2:10 ፋ እሻ ቃꬍዛ ኦንካ ፖኦ የዛ። የ አꬃይር ሀራ አስ ꬉቢዛባዝ ባያ።
1JO 2:11 ዝን ፋ እሻ እጽዛ ኦንካ ꬉማ የዛ፤ ꬉማር የꬍዛ። ꬉማ ኤ አፋ ቶእሴዝ ግሾስ አና Ꮊንግዛኮ ኤሮያ።
1JO 2:12 ታ ናኡንꬆ፥ ክርስቶሳ ሱንꬃይ ባጋር ይ ናጋራይ አቶ ግንትንቴዝ ግሾስ ታኒ ይንትስ ጻፖዳ።
1JO 2:13 አዱንꬆ፥ ቲናፕ የዛና፥ ይ ኤሬዝ ግሾስ ይንትስ ጻፎዳ። የላግታዮ፥ ጻላሄ ይ ጋሜዝ ግሾስ ይንትስ ጻፎዳ።
1JO 2:14 ናኡንꬆ፥ ጾስ ኣዳ ይ ኤሬዝ ግሾስ ይንትስ ጻፌዛ። አዱንꬆ፥ ቲናፕ የዝ ኤዛ ይ ኤሬዝ ግሾስ ይንትስ ጻፌዛ። ናኡንꬆ፥ ይ ምኖ ማቄዝ ግሾስ ጾስ ቃላይ ይንታር የዛ ግሾኔ ጻላሄና ይ ጋሜዝ ግሾስ ይንትስ ጻፌዛ።
1JO 2:15 አላመ ዎይ አላመ ባዝ ኡባ ዶስፓተ። አላመ ዶስዛ ኦንካ ጾስ ኣዳ ዶሶያ።
1JO 2:16 አላመል የዝ ኡባይ፥ አሾ አሞትꬂ፥ ኣፈስ ሎእዝ ባዝ አሞትꬅኔ ሚሸር ጬቅንትꬂ አላመባዛፕ አትን ጾሳፕ ባያ።
1JO 2:17 አላመኔ አሞትꬅ ኡባይ ኣꬎዳ፥ ዝን ጾስ ሸነ ፖልዛ ኦንካ መꬍናስ የሳዳ።
1JO 2:18 ታ ናኡንꬆ፥ ዎደ ዉርስꬃይ ኡኬዛ። ክርስቶሳ እጽዛይ ቲናፕ የኦዳና ይ ስኤዛይ ጋርክ ሀራ አቶዝን፥ Ꮊተካ ኤዛ እጽዝታይ ጋምታይ ደንዴዛ። የይ ግሾስ፥ ዎደ ዉርስꬃይ ኡኬዛያ Ꮊይር ኑኒ ኤርዛ።
1JO 2:19 የ ጽዝታይ ኑ ባጋ ማቀካ ግሾስ ኑ ጋንጨፕ ከዜዝ። ኡንቲ ኑ ባጋ ማቄዛኮ ኑራ ጋርዢ የዞዳ፥ ዝን ኡንታፕ ኦንካ ኑ ባጋፕ ባዛይ ኤርንቶዳይ ጋርክ ኑ ጋንጨፕ ከዜዝ።
1JO 2:20 ዝን ክርስቶሳ ይንታን ፋ ጌሻ አያናር ትዤዛ፤ የይ ግሾስ ይ ኡባይ ኡባ ባዝ ኤርዛ።
1JO 2:21 ቱማ ይ ኤርዛ ግሾኔ ቱማር አባ ዎርዶካ ባዛያ ይ ኤርዛ ግሾስ ታኒ ይንትስ ጻፍነፕ አትን ቱማ ይ ኤሮዋ ግሾስ ባያ።
1JO 2:22 የሱሳና፥ ጾስ ዶሬዛ ባያ ግ ካድዛ አሳይፕ ሀራ ዎርዳንቻይ ኦኖ? የይ ጋርክ አስ ክርስቶሳ ሞርከ። ናአ ካድኮ አዳካ ካድዛ።
1JO 2:23 ናአ ካድዛ ኦስካ አደ ባያ፤ ማ ናአይስ ማርካትዝ ኦስካ አደ የዛ።
1JO 2:24 የይ ግሾስ፥ ቲና ይ ስኤዝ ቃላ ይ ዎዝናይድ ሚንꬂ ናጎይታ። ቲና ስኤዝ ቃላይድ ሚንጊ የዝኮ ይንትስ ናአይራኔ አዳይራ ፐትፐተꬂ የዞዳ።
1JO 2:25 Ꮊይካ ክርስቶሳ ኑስ እንጌዝ ኡፋይሳይ መꬍና ደኦ።
1JO 2:26 ይንታን ባልꬅዛ አሳይ ግሾስ ታኒ Ꮊያ ይንትስ ጻፌዛ።
1JO 2:27 ክርስቶሳፕ ይ ኤኬዝ አያናይ ይ ጋንጨ የዝዛይ ግሾስ ሀራ አስታማረ ኮሾያ። ኤ ይንታን ኡባ ባዝ ታማርሶዳ አያናይ ይንታን ቱማ ታማርስነፕ አትን ዎርዶ ባያ። የይ ግሾስ ጌሻ አያናይ ይንታን ታማርሴዛይ ጋርክ ክርስቶሳር የዞይታ።
1JO 2:28 ይኬ፥ ታ ናኡንꬆ፥ ኤ ቆንጭዝ ዎደ ኑኒ ያሻ ባይꬅኔ ኤ ማቂ ይእዛ ጋላስ ኤ ቲና ኑ ዬላታማይ ጋርክ ኤዛር የዞይታ።
1JO 2:29 ክርስቶሳ ጌሽ ማቄዛና ይ ኤርኮ ጌሽ ኦሶ ኦꬅዛ ኡባይ ጾሳፕ የልንቴዛ ማቄዛና ኤሮይታ።
1JO 3:1 ኑኒ ጾስ ናእታ ግንትንቲ ጼግንቶድ ጋርክ ጾሲ ኑና አብ ጋርክ ዶሴዛኮ ቦኦይታ። ኑኒ ቱማካ ጾስ ናእታ። Ꮊ አላማይ ጾሳ ኤረካ ግሾስ ኑናካ ኤሮያ።
1JO 3:2 ታ ሲቆ እሹንꬆ፥ Ꮊት ኑኒ ጾስ ናእታ፤ ኑኒ ሀሮንተስ አብ ሀኖዳዛኮ ሀጋ ኤርንተካያ። ዝን ክርስቶሳ ቆንጭዝ ዎደ ኑኒ ኤዛር የዞዳና ኤርዛ። ኤ ቱማ የዛና ኑኒ በአዳ።
1JO 3:3 ክርስቶሳ ቦኦዳ ግ ኡፋይሳር ናግዛ ኦንካ፥ ክርስቶሳ ጌሽ ማቄዛይ ጋርክ ፋና ጌሽዛ።
1JO 3:4 ናጋራ ህገ መንꬆ ማቄዝ ግሾስ ናጋራ ኦꬅዛ ኡባይ ጾስ ህገ መንꬅዛ።
1JO 3:5 ክርስቶሳ አሳይ ናጋራ ꬋብሶዳይስ ቆንጬዛና ይ ኤርዛ፤ ኤዛር ናጋራ ባያ።
1JO 3:6 የይ ግሾስ ክርስቶሳር የዝ ኦንካ ናጋራራ ኦꬆያ። ማ ናጋራራ የዝ ኦንካ ኤዛ በኤካያ ዎይ ኤረካያ።
1JO 3:7 ታ ናኡንꬆ፥ ይንታን ኦንካ ባልꬅፐ። ክርስቶሳ ጌሽ ማቄዛይ ጋርክ ጌሽ ኦꬅዛ ኦንካ ጌሺ።
1JO 3:8 ዳቡሎሳ ቲናፕ አይኪ ናጋራ ኦꬄዝ ግሾስ ናጋራ ኡባ ዎደ ኦꬅዛ ኦንካ ዳቡሎሳ ዳቦ። የይ ግሾስ፥ ጾስ ናአይ ዳቡሎሳ ኦሶ ላሎዳይስ ቆንጬዛ።
1JO 3:9 ጾሳፕ የልንቴዝ ኦንካ ጾስ አያናይ ኤዛል የዝ ግሾስ ኤ ኡባ ዎደ ናጋራራ ኦꬆያ። ጾሳፕ የልንቴዝ ማቄዝ ግሾስ ናጋራራ ኦꬆያ ኦꬆዳይስ ዳንዳኦያ።
1JO 3:10 ጾስ ናእታይኔ ጻላሄ ናእታይ የዝ ዱማትꬃይ Ꮊይር ኤርንትዛ፤ ጌሽ ኦꬆዋዛይኔ ዎይ ፋ እሻ ዶሶዋ አስ ጾስ ናአ ባያ።
1JO 3:11 ስሳፕ ይ ስኤዝ ኪታይ፥ «ዎል ዶሶዳይስ ቤዝዛ» ዬግዝ ኪታ።
1JO 3:12 ኑኒ ቃኤላ ጋርክ ማቆዳይስ ቤዞያ። ቃኤላ ጻላሄ ዳቦ ማቂ ፋ እሻ ዎꬌዛ። ኤ ፋ እሻ አብስ ዎꬌኔ? ኤ ኦሳይ ኢታ ማቄዝ ግሾኔ ኤ እሻይ ኦሳይ ሎኦ ማቄዝ ግሾስ ዎꬌዛ።
1JO 3:13 ታ እሹንꬆ፥ Ꮊ አላማይ ይንታን እጽኮ ማላባዝ ጊፐተ።
1JO 3:14 ኑኒ ኑ እሽታ ዶስዛ ግሾስ Ꮊይቆፕ ደኦ ፒንጌዛና ኤርዛ። ፋ እሻ ዶሶዋ ኦንካ Ꮊይቆ ኩያ የዛ።
1JO 3:15 ፋ እሻ እጽዛ ኦንካ ሸምፖ ዎꬍዛያ። ማ ሸምፖ ዎꬍዝ ኦስካ መꬍና ደኦ ባዛና ይ ኤርዛ።
1JO 3:16 ክርስቶሳ ፋ ሸምፓ ኑ ግሾስ ኣꬂ እንጌዛይድ ሲቆ አብዛኮ ኑኒ ኤሬዛ። ኑካ ኑ እሽታይ ግሾስ ኑ ሸምፓ ኣꬂ እንጎዳይስ ቤዝዛ።
1JO 3:17 ዝን ሀራ ማዶዳይስ ሳሎ የዝ ኦንካ መትንቴዛና ብእታር፥ ኤስ ቃꬊንታም እጽኮ ፋ ዎዛናይር ጾስ ዶስዛ ጎዳይስ ዋይዚ ዳንዳኤ?
1JO 3:18 ታ ናኡንꬆ፥ ኑኒ ኦሶራኔ ቱማትꬃር ኑ ሲቆ ቤዞዳይስ ቤዝዛፕ አትን ጨረ ኦዳ ኣዳር ዎይ ዶና ማልእꬆ ኣዳር ሲቅንቶዳይስ ቤዞያ።
1JO 3:19 Ꮊይራካ ቱማ አስታ ማቄዝታኔ ጾስ ቲና ህራ ባይꬅ አማንንቲ ሺቆዳይስ ዳንዳእዛና ኤርዛ።
1JO 3:20 ኑ ዎዝናይ ኑል አፋ ፕርድዛ ባዝ ማቅኮካ፥ ጾሲ ኑ ዎዝናይፕ ግታ ማቄዝ ግሾስ ኤ ኡባ ባዝ ኤርዛ።
1JO 3:21 ታ ሲቆ እሹንꬆ፥ ኑ ዎዝናይ ኑል አፋ ፕርዶዋ ባዝ ማቅኮ ኑና ጾስ ቲና ያሽዝ ባዝ ባያ።
1JO 3:22 ኑኒ ኤ አዛዛ ናግዛ ግሾኔ ኤዛ ኡፋይስዝ ባዝ ኦꬅዛ ግሾስ ኑ ዎስዛ ኡባ ኤፕ ኤኮዳ።
1JO 3:23 ክርስቶሳ ኑና አዛዜዛይ ጋርክ ጾስ ናአ የሱስ ክርስቶሳ ሱንꬃይር አማኖዳይ ጋርከኔ ዎል ሲቆዳይ ጋርክ ጾሲ ኑና አዛዜዛ።
1JO 3:24 ጾስ አዛዛ ናግዛ ኦንካ ጾሳር የዛ፤ ጾሳይካ ኤዛር የዛ። ጾሲ ኑስ እንጌዝ ጌሻ አያናይ ባጋር ኤ ኑር የዛና ኤርዛ።
1JO 4:1 ታ ሲቆ እሹንꬆ፥ ዎርዶ ናብታይ አላመል ደንዴዝ ግሾስ አያና ኡባ አማንፓተ፥ ዝን Ꮊ አያንታይ ጾሳፐዛኮኔ ሀራፐባዛኮ ፓጪ ቦኦይታ።
1JO 4:2 ጾሲ አያና ማቄዛና ይ Ꮊይር ኤሮዳ፤ «የሱስ ክርስቶሳ አስ ማቂ አሾ ማኢ የኤዛና ማርካትዝ» አያና ኡባይ ጾሳፕ ይእዛ።
1JO 4:3 ክርስቶሳ አስ ማቂ የኤዛና አማኖዋ አያና ኡባይ ጾሳፕ ባያ። የይ ክርስቶሳር ኤቅንትዛ አያና። ይ የ አያናይ የኦዳና ቲና ስኤዛ፤ ኤ ሀራ አቶዝን Ꮊተካ አላመል የዛ።
1JO 4:4 ታ ናኡንꬆ፥ ይ ጾስሲ። ይ ጋንጨ የዝ ጌሻ አያናይ አላመል የዝ አያናይፕ ዎልቃማ ማቄዝ ግሾስ ዎርዶ ናብታ ይ ጋሜዛ።
1JO 4:5 ዎርዶ ናብታይ Ꮊ አላማይ አስ ማቄዝ ግሾስ Ꮊ አላማይ ባጋ ኦድዛ፤ Ꮊ አላማይ አሳይ ኡ ኦዳ ስእዛ።
1JO 4:6 ኑኒ ጾስሲ፤ ጾስ ኤርዛ ኦንካ ኑና ስእዛ። ጾስስ ማቀካዝታይ ኑና ስኦያ። ኑኒ ቱማ አያናኔ ዎርዶ አያና ሻጊ ኤርዛይ የይራ።
1JO 4:7 ታ ሲቆ እሹንꬆ፥ ሲቆ ጾሳፕ ማቄዝ ግሾስ ዎላ ሲቅንቶዳ። ሲቅዛ ኦንካ ጾስ ናአ፤ ኤ ጾሳካ ኤርዛ።
1JO 4:8 ጾሲ ሲቆ ማቄዝ ግሾስ ሲቅንቶዋ ኦንካ ጾስ ኤሮያ።
1JO 4:9 ኑኒ ክርስቶሳ ባጋር ደኦ ደንጎዳይ ጋርክ ጾሲ ፋ ፐቲ ናአ Ꮊ አላማይል ዳኬዛ። ጾሲ ኑና ፋ ሲቃ የይር ቤዜዛ።
1JO 4:10 ቱማ ሲቆ ጉሳይ Ꮊያ፦ ኑኒ ጾስ ሲቄዝ ግሾስ ባዝን ጾሲ ኑና ሲቄዝ ግሾኔ ኑ ናጋራይስ ያርሽንቲ ኑና ማሮዳይስ ፋ ናአ ኪቴዝ ግሾሲ።
1JO 4:11 ታ ሲቆ እሹንꬆ፥ ጾሲ ኑና Ꮊይ ጋርክ ሲቅኮ፥ ኑንካ ዎል ሲቆዳይስ ቤዝዛ።
1JO 4:12 ኦንካ ጾስ በኤዛይ ባያ። ኑኒ ዎል ሲቅኮ ጾሲ ኑር የዛ፤ ኤ ሲቃይካ ኑር ፎሎ ማቅዛ።
1JO 4:13 ጾሲ ፋ አያና ኑስ እንጌዝ ግሾስ ኑኒ ጾሳር የዛኔ ኤካ ኑር የዛና ኑ ኤርዛ።
1JO 4:14 አዳይ ፋ ናአ፥ Ꮊ አላማ አሽዛያ ኡዲ አዛዜዛና ኑኒ በኤዛኔ ማርካትዛ።
1JO 4:15 የሱሳ ጾስ ናአ ማቄዛና አማንዛ ኦ ጋንጨካ ጾሲ የዛ፤ ኤካ ጾሳር የዛ።
1JO 4:16 ጾሲ ኑና ሲቅዛና ኑኒ ኤርዛኔ አማንዛ። ጾሲ ሲቆ፤ ሲቆር የዝ ኦንካ ጾሳር የዛ፤ ጾሳይካ ኤዛር የዝዛ።
1JO 4:17 ኑ የሳይ አላመል ክርስቶሳ የዜዛይ ጋርክ ማቄዝ ግሾስ ፕርዳ ጋላስ ያሻባይꬅ ኤ ቲና ሺቆዳይስ ኤ ሲቃይ ኑር ፎሎ ማቅዛ።
1JO 4:18 ፎሎ ሲቆ ያሻ ከሲ ኦልዛፕ አትን ሲቆር ያሻ። ያሻ ሴራር ፐትፕ Ꮊንግዛ ግሾስ ያሽትዝ አꬃይ ሲቃይ ፎሎ ባያ።
1JO 4:19 ጾሲ ቲና ኑና ሲቄዝ ግሾስ ኑካ ሲቆዳ።
1JO 4:20 ኦንካ፥ «ጾስ ሲቅዛ» ጊታር ፋ እሻ እጽኮ፥ ኤ ዎርዶ። አብስ ጊኮ፥ ብእዛ ፋ እሻ ሲቆዋ ኦንካ በኤካ ጾሳ ዋይዚ ሲቆዳይስ ዳንዳኤ?
1JO 4:21 ክርስቶሳ ኑስ እንጌዝ ኪታይ Ꮊያ፤ «ጾስ ዶስዛ ኦንካ ፋ እሻ ሲቆዳይስ ቤዝዛ» ዬጌዛ።
1JO 5:1 የሱሳ፥ ኤ ክርስቶሳ ዬጊ፥ አማንዛ ኦንካ ጾስ ናአ። አዳ ሲቅዛ ኦንካ ኤ ናአካ ሲቅዛ።
1JO 5:2 ኑኒ ጾስ ሲቅዛ ግሾኔ ኤ አዛዛ ናግዛ ግሾስ ጾስ ናእታ ሲቅዛና ኤርዛ።
1JO 5:3 ጾስ ዶስዛ ጉሳይ፥ ኤ አዛዛ ናጎ። ኤ አዛዛይካ ዴጾ ባያ።
1JO 5:4 ጾስ ናአ ማቄዛ ኦንካ Ꮊ አላማ ጋሞዳይስ ዳንዳእዛ። ኑኒ Ꮊ አላማ ጋሞዳይ ኑ አማናይራ።
1JO 5:5 የሱሳ ጾስ ናአ ማቄዛና አማንዛ አስ ኣዳፕ አትን ሀራ Ꮊ አላማ ጋሞዳይስ ዳንዳእዛይ ኦኖ?
1JO 5:6 የሱስ ክርስቶሳ ጽንቃታ ቤዝዝ ሃꬃራኔ ፋ Ꮊይቆ ቤዝዝ ሱꬃር የኤዛ። ኤ፥ ሃꬃራኔ ሱꬃር የኤነፕ አትን ሃꬅ ኣዳር የኤካያ። ጌሻ አያናይ ቱማ ማቄዝ ግሾስ የይ ቱማ ማቄዛና ማርካትዛ።
1JO 5:7 ሀይꬒ ማርክታይ የዛ።
1JO 5:8 የይትታይ፥ አያና፥ ሃꬅኔ ሱꬂ። Ꮊ ሃይꬒታይ ማርካትꬃይ ፐቶ።
1JO 5:9 ኑ አስ ማርካትꬃ አማንዛ፥ ዝን ጾስ ማርካትꬃይ አሳይሳይፕ ሎእꬅ ኣꬍዛ። ጾሲ ፋ ናአይስ ማርካቴዝ ማርካትꬃይ Ꮊያ።
1JO 5:10 ጾስ ናአ አማንዛ አስ ዎዝናይድ Ꮊ ማርካትꬃይ የዛ። ጾሳ አማኖዋ ኦንካ ጾሲ ፋ ናአይስ ማርካቴዝ ማርካትꬃ አማነካ ግሾስ ጾሳና ዎርዶ ኡድዛ።
1JO 5:11 ይኬ፥ ማርካትꬃይ Ꮊይ፤ ጾሲ ኑስ መꬍና ደኦ እንጌዛ፤ የ ደአይካ ኤ ናአይር የዝ ዬግዛያ።
1JO 5:12 ጾስ ናአይ የዝ ኦስካ ደኦ የዛ። ጾስ ናአይ ባ ኦስካ ደኦ ባያ።
1JO 5:13 ጾስ ናአይ ሱንꬃ አማንዛ ይንትስ መꬍና ደኦ የዛና ይ ኤሮዳይ ጋርክ Ꮊያ ይንትስ ታ ጻፌዛ።
1JO 5:14 ጾስ ሸነ ጋርክ አብካ ኤዛ ኑ ዎስኮ፥ ኤ ስእዛና ኑ አማንዛ።
1JO 5:15 ኑኒ ዎስዛ ኡባ ኤ ስእዛ ኤርኮ፥ ኑኒ ዎስዛ ባዝ ኤ እንጎዳና ኤርዛ።
1JO 5:16 ኦንካ ፋ እሻ Ꮊይቆስ ሄልꬆዋ ናጋራ ኦꬆዳር ብእኮ፥ ጾስ ኤስ ዎሶዳይስ ቤዝዛ። Ꮊይቆ ሄልꬅዛ ናጋራ ኦꬄዛይስ ጾስ ደኦ እንጎዳ። Ꮊይቆ ሄልꬅዛ ናጋራ የዛ። ታኒ ይንታን የይስ ጾስ ዎሶይታ ጋሚ።
1JO 5:17 ኢታ ኦሶ ኡባይ ናጋራ፥ ዝን Ꮊይቆ ሄልꬆዋ ናጋራ የዛ።
1JO 5:18 ጾስ ናአይ የሱስ ክርስቶሳ ኤዛ ናግዛይ ግሾስ ጾስ ናአ ማቄዝ ኦንካ ናጋራራ ኡባ ዎደ የዞዋዛ ኑኒ ኤርዛ። ጻላሄ ኤዛ ቆሆዳይስ ዳንዳኦያ።
1JO 5:19 ኑኒ ጾስስ ማቄዛኔ Ꮊ ኩንꬅ አላማይ ጻላሄስ ሃርንትዛና ኤርዛ።
1JO 5:20 ኑኒ ቱማ ጾሳ ኤሮዳይ ጋርክ ጾስ ናአይ የኤዛኔ ኑስ አካካ እንጌዛና ኑ ኤርዛ። ኑኒ ኤ ናአ፥ የሱስ ክርስቶሳራኔ ቱማ ጾሳር ፐትፐትꬅ የዛ። የሱሳ ቱማ ጾስኔ መꬍና ደኦ።
1JO 5:21 ታ ናኡንꬆ፥ ኤቅታይስ ጎይኖፕ ይ ሃኮይታ።
2JO 1:1 ታ ጭማይ ማራጽንቴዝ ጎዳታትስኔ እ ናእታይስ ኪቴዝ ኪታ። ታ ኣዳ ባዝን ቱማ ኤርዝታይ ኡባይ ይንታን ዶስዛ።
2JO 1:2 Ꮊ ቱማይ ኑር የዛ ግሾኔ ቲናስ መꬍናስካ ኑር የዞዳይ ግሾስ ታኒ ይንታን ቱሮ ዶስዛ።
2JO 1:3 ጾስ አዳይፕ ኤ ናአ የሱስ ክርስቶሳፕ ኣꬎ ኬሃትꬃይ፥ ማሮትꬃይኔ ሳሮትꬃይ ቱማራኔ ሲቆር ዎላ ኑር ማቆ።
2JO 1:4 አዳይ ኑና አዛዜዛይ ጋርክ፥ ነ ናእታይፕ ፐታይ ፐታይ፥ ቱማር ሚንጊ ኤቄዛና ብኢ ታኒ ሎእꬅ ኡፋይቴዛ።
2JO 1:5 ጎዳቴ፥ Ꮊተካ ኑኒ ኡባይ ፐታይ ፐታ ሲቆዳይ ጋርክ ታኒ ነና ዎስዛ። Ꮊ አዛዛይ ቲናፕ ኑር የዛ አዛዞፕ አትን ታኒ ኔስ ጻፍዛይ ኦሮꬅ አዛዞ ባያ።
2JO 1:6 ቱማ ሲቃይ ኑኒ ጾስ አዛዛ ፎሎ። ማ ቲናፕ ይ ስኤዛይ ጋርክ ኤ አዛዛይ፥ ይ ኡባይ ሲቆር የዞዳይ ጋርከስ።
2JO 1:7 የሱስ ክርስቶሳ አስ ማቂ የኤዛና አማኖዋ፥ ባለꬅዛ ጋመ አስታይ፥ አላመል ደንዴዛ። የይ ጋርክ አስ ኦንካ ባለꬅዛያኔ ክርስቶሳ ሞርከ።
2JO 1:8 ይ ኦꬄዝ ኩንꬅ ዎይታ ኤኮዳይስ ሚንጎይታ። ይ ኦꬄዛይ ꬋባማይ ጋርክ ናግንቶይታ።
2JO 1:9 ክርስቶሳ ትምርታይድ ሚንጊ ኤቆዛይራኔ ኤ ትምርታይፕ ሃክታር Ꮊንግዛ አꬃይር ጾሲ ባያ። ክርስቶሳ ትምርታይድ ሚንጊ ኤቄዛይር አዳይኔ ናአይ የዛ።
2JO 1:10 ኦንካ ይንትኮ ይእታር Ꮊ ትምርታ ኤከካ ይእኮ፥ ይ ካራ ገልስፓተ፤ ሳሮካ ጊፓተ።
2JO 1:11 ኤዛ ሳሮ ግዝ ኦንካ ኤ ኢታ ኦሳይድ ኤዛር ሻክንትዛ።
2JO 1:12 ታኒ ይንትስ ጻፎዳይስ ኮዬዝ ጋመ ባዝ የዛ፥ ዝን ዎርቃተር ጻፎዳይስ ኮዮያ። ኑ ኡፋይሳይ ፖልንቶዳይ ጋርክ ይንታር ዎል ሄሊ ኦድንቶዳይስ ይንትኮ Ꮊንጎዳ ግ ቆፕዛ።
2JO 1:13 ጾሲ ዶሬዝ ነ ምሽቲ ናእታይ ነና ሳሮ ዬግዛ።
3JO 1:1 ታኒ ዎሳ ኬꬅ ጭማ፥ ቱማ ዶስዛ ጋዮሳስ ኪቴዝ ኪታ።
3JO 1:2 ታ ሲቃዮ፥ ኔኒ ነ ሸምፓይር ሎኦ የዛና ታ ኤሬዛይ ጋርክ ኔስ ጋላይ ሎኦ የዞዳ ጋርከኔ ነ ኦꬅዛባዛይ ሱሮዳይ ጋርክ ኔስ ጾስ ዎስዛ።
3JO 1:3 ፐቲ ፐቲ አማንዛ አስታይ ይኢ፥ ኡባ ዎደ ኔኒ ቱማር የዛኔ ነ ቱማትꬃይባጋ ማርካቴዝ ዎደ ታኒ ጋመ ኡፋይቴዛ።
3JO 1:4 ታ ናእታይ ቱማትꬃር የዛ ስእዛይፕ ኣꬅ፥ ታና ኡፋይስዛ ባዝ ባያ።
3JO 1:5 ታ ሲቃዮ፥ ኡንቲ ኔስ እማꬄ ማቅኮካ፥ ኔኒ አማንዛ አሳይስ አማንꬅዛ ኦሶ ኦꬅዛ።
3JO 1:6 ኡንቲ ነ ሲቃይባጋ ዎሳ ኬꬃ ማርኬዛ። Ꮊተካ ኡንቲ Ꮊንጎዳር ኦገ ጾስ ዶስዛይ ጋርክ ኡዲ ኡንታን ማድኮ ነ ሎኦ ኦꬅዛ።
3JO 1:7 ኡንቲ ክርስቶሳስ ኦꬆዳይስ ከዚ፥ አማኖዋ አስታይፕ አኮካ ኤከካያ።
3JO 1:8 ኑኒ ቱማ ኦሳ ኡንታራ ፐትፕ ኦꬆዳይስ Ꮊይ ጋርክ አስታ ማዶዳይስ ቤዝዛ።
3JO 1:9 ታኒ ዎሳ ኬꬅታይስ ዳብዳበ ጻፌዛ፥ ዝን ኡንታል ሀላቃ ማቆዳይስ ኮዬዝ ድዮትራፊሳ ኑኒ ግዛ ኤከካያ።
3JO 1:10 የይ ግሾስ፥ ታኒ ገድ Ꮊንጎዳር ኤ ኑል አፋ ኦድንትዛ ኢታ ኦዳኔ ኤ ኦꬄዝ ኦሳ ኦዶዳ። ኤ የይ ጉጽዝ ግ፥ ኑ እሽታይ Ꮊማዳ ሞኮያ። ሀራ አቶዝን፥ ኡንታን ሞኮዳይስ ኮይዝታካ ካይ ዎሳ ኬꬃይፕ ከሴዛ።
3JO 1:11 ታ ሲቃይ፥ ሎኦ ባዝ ኣዞባፕ አትን ኢታ ባዝ ኣዝፐ። ሎኦ ባዝ ኦꬅዛ ኦንካ ጾስ አስ፥ ዝን ኢታ ባዝ ኦꬅዛ ኦንካ ጾስ ኤሮያ።
3JO 1:12 ድመጽሮሳ ሎኦ አስ ማቄዛና አስ ኡባይ ማርካትዛ። ቱማይ ፋ ኦማስ ኤባዝ ማርካትዛ፤ ኑካ ኤባዝ ማርካቶዳ፤ ኑ ማርካትꬃይ ቱማ ማቄዛና ይ ኤርዛ።
3JO 1:13 ታኒ ኔስ ጻፎዳይስ ኮዬዝ ጋመ ባዝ የዛ፥ ዝን ዎርቃተር ጻፎዳይስ ኮየካያ።
3JO 1:14 ዝን ታኒ ኡከር ዎል ሄሊ በአዳይስ ቆፕዛ፤ የ ዎደ ኑኒ ኦድንቶዳይ።
3JO 1:15 ሳራይ ኔስ ማቆ። ነ ዳብታይ ነና ሳሮ ዬግዛ። ኑ ዳብታ ኡባ ኡ ሱንꬃ ሱንꬃ ጼጊ «ሳሮ ጌዛ» ዬጎባ።
JUD 1:1 ታ ይሁዳ፥ የሱስ ክርስቶሳ አይላይ፥ ያይቆባ እሻይ፤ ጾሲ ጼጌዝታይስ፥ ጾስ አዳይ ዶስዝታይስኔ የሱስ ክርስቶሳር ናግንተዝታይስ፥
JUD 1:2 ማሮትꬂ፥ ሳሮትꬅኔ ሲቆ ይንትስ ኩሞ።
JUD 1:3 ታ ሲቆ እሽታዮ፥ ኑ ፐትፕ ዎላ ሻግንትዛ ፋጾትꬃይ ባጋ ይንትስ ጻፎዳይስ ታ ኢታ አሞቴዛ ዝን አማንዛ አሳይስ ላማማይስ ፐቲ ቶኬ እንግንቴዝ አማናይስ ኦልንቶዳይ ጋርክ ይንታን ዞርታር ጻፎዳይስ ታስ ኮሽዛ ባዝ ማቄዛ።
JUD 1:4 ኡ ፕርዳይ ብንፕ ጻፍንቲ በቴዝ ፐቲ ፐቲ አስታይ ኦካ ኤረካዝን ይ ጋንጨ ዙርቅንቲ ገሌዛ። ኡንቲ ጾስ ኤሮዝታ፥ ኡ ኑ ጾሳይ ኣꬎ ኬሄትꬃ ጋሰ ኡዲ ጋንጨር ቱና ባዝ ኡድዛ። ፋ ኣዳስ ካትኔ ጎዳ ማቄዝ፥ የሱሳ ክርስቶሳ ካድዛ።
JUD 1:5 Ꮊ ኡባ ፐቲ ቶኬ ኤርዛ ባዝ ማቅኮካ፥ ጎዳይ እስሬለ አሳ ግብጸ ቢታፕ ዋይዚ ከሴዛኮ፥ ማ ጉየፕ አማኖዝታ ꬋብሴዛ ታ ይንታን አካክሶዳይስ ኮይዛ።
JUD 1:6 ፋ የዛበሳ አሺ፥ ፓስ እንግንቴዝ ማዉታ ናገካ ኪታንችታ፥ ግታ ፕርደ ጋላስ ሄሎዳይስ ጾሳይ ኡንታን ꬉማ ጋንጨ መꬍናስ ሳንꬃላተር አጪ ጋዴዛ።
JUD 1:7 የይ ጋርክ፥ ሶዶማኔ ጋሞራ አስታይኔ ኡ ላንቀ የዝ ካታምታይድ የዝ አስታይ ላግቴዛ፤ ላግታር ዎላ ቱና ቤዞዋ ባዝ ኦꬄዛ። ኡንቲ መꬍናስ ታማ ጋንጨ ሴርንትዝታይስ ኣዝሶ ማቄዛ።
JUD 1:8 የይ ጋርከካ፥ Ꮊ ኤልሞትዝታይ ፋ አሻ ቱንሴዛ፤ ማዉተር የዝ አድታ ለቂዛ፤ ሳሎ የዝ ቦንችንቴዝ መትꬅታካ ጫዥዛ።
JUD 1:9 ኪታንችታይ ሀላቃ ምካኤለካ ሙሰ አሃይስ ዳቡሎሳር ፓላሜዝ ጋላስ «ጎዳይ ነና ሴሮ» ዬጌዛፕ አትን ኤዛል አፋ ጫዦዳይስ ኮየካያ።
JUD 1:10 ዝን Ꮊ አስታይ ፓስ ኤሮዋ ባዝ ኡባ ጫዥዛ፤ ማ ኡንቲ ዎዝና ባ መሄ ጋርክ መትꬃይር ኤርኮካ፥ እዛ ኡንታን ꬋብሶዳ።
JUD 1:11 ኡንታን አየ! ኡ ቃኤላ ኦገ Ꮊንጌዛ። ሚሸ ኮዪ ባላማ ጋርክ ቡታ ጋንጨ ዎꬌዛ። ቆረ ጾሳል አፋ ደንዴዛይ ጋርክ ኡ ጾሳል ደንዲ ꬋቤዛ።
JUD 1:12 Ꮊ አሳይ፥ ዬላ ባይꬅ ይ ሲቆ እማቶ ሚዝ አቆ ይንታር ማዳይስ በቲ ቃይጽንትዛ ላፍታ። ኡ ፋባዝ ኣዳስ ቆፕዝታ። ኡ ጫርኮ ጋርከኔ እራ ባ ሻራ ጋርከ። ማ ኣፍዝ ዎደ ኣፈ ኣፈካዛር፥ ጻጶር ሾድንቲ፥ ናምኢ ቶኬ መሌዝ ምꬅ ጋርከ።
JUD 1:13 ኡ ኤንእዛ አባ ዙሎ ጋርክ ፋ ዬላስ ጋፑንትዝታ። ኡንቲ መꬍናስ ልንጽ ጌዝ ꬉማ ናግዝ ዳቡርዛ ጾልንትታ።
JUD 1:14 አዳመፕ አይኪ፥ ላፑንꬃ የለትꬅ ማቄዝ ሄኖኬ፥ Ꮊ አሳይ ባዝ ትንቢተ ኦድታር፥ «ዬዛኮ፥ ጎዳይ፥ ፋ ጋመ ሙኩለ ጌሽታይር የኦዳ።
JUD 1:15 አስ ኡባ ፕርዶዳ፤ ኡባ ኡ ኦꬄዝ ኢታ ኦꬆ ኡባይ ግሾኔ ኤርታር ኡ ጾሳል ኦድንቴዝ ኢታ ኦዳይ ኡባይ ግሾ ፕርዶዳ» ዬጌዛ።
JUD 1:16 የ አሳይ ኡባ ዎደ ዝግርዝታኔ ኦዳ ኮይዝታ። ማ ፋ ኢታ አሞ ካልዛ፤ ፓስ ጬቅንትዛ ፋና አድዛ ባዝ ደንጎዳይስ ሀራ አስታ ገሽንትዛ።
JUD 1:17 ዝን ታ ሲቅታዮ፥ ኑ ጎዳ የሱሳ ክርስቶሳ ሀዋርታይ ቲን ይንትስ ኦዴዝ ቃላ አካኮይታ።
JUD 1:18 ኡ፥ «ዉርስꬅ ዎደ፥ ጾስ ሸነፕ ሃኪ ፋ አሞ ካሊ ቶችዝታይ የኦዳ» ዬጌዛ።
JUD 1:19 የ አሳይ አስ ጋንጨ ጳልቂꬅ መꬍዝታ፥ ፋ አሾ አሞስ ሞድንትዝታኔ ጌሻ አያና ባዝታ።
JUD 1:20 ዝን ታ እሹንꬆ፥ ጌሽ ማቄዝ ይ አማናትር ድጮዳይስ ምንጎይታ፤ ማ ጌሻ አያና ዎልቃር ዎሶይታ።
JUD 1:21 ይንታን መꬍና የዝዝ የስኮ ሄልꬆድ ኑ ጎዳ የሱሳ ክርስቶሳ ማሮትꬃ ናግታር ይንታን ጾሳይ ሲቃይር ናጎይታ።
JUD 1:22 ሰእዛ አሳይስ ቃꬎይታ።
JUD 1:23 ፐቲ ፐቲ አሳ ታማፕ ከሲ ኤኮይታ። ማ የይፕ ኢታ አሞር ቱኔዝ ኡ አፍላ እጽታር ሀራ አሳይስ ያሻር ማሮይታ።
JUD 1:24 ይ ፎካማይ ጋርክ ኦꬆዳይስኔ ቦሮ ባዝታ፥ ኡፋይሳር ኩሜዝታ ኡዲ ፋ ቦንቾ ቲና ይንታን ሺሾዳይስ ዳንዳእዛ፥
JUD 1:25 ኑና አሽዛ ፐቲ ጾሳይስ፥ ኑ ጎዳ የሱሳ ክርስቶሳ ባጋር ቦንቾ፥ ዴታይ፥ ዎልቃይ፥ ማዉታይ፥ ብንካ፥ Ꮊተካ፥ መꬍናስካ ኤስ ማቆ። አምንኤ።
REV 1:1 ኤለራ ሀኖዳይስ የዛ ባዝ ፋ አይልታ ቤዞዳይ ጋርክ ጾሲ ኤስ እንጌዝ የሱስ ክርስቶሳ ቆንጭꬃይ Ꮊያ። የሱሳ ፋ ኪታንቻ ኪቲ፥ ፋ አይለ ዋንሳስ ቆንጭሴዛ።
REV 1:2 ዋንሳ ጾሳ ቃላ፥ የሱስ ክርስቶሳ ኦꬄዝባዝኔ ፓ በኤዝ ባዝ ኡባ ማርካቴዛ።
REV 1:3 Ꮊ ኡባይ ሀኖዳይስ ዎደ ሄሌዝ ግሾስ Ꮊ ትንቢተ ቃላ ናባብዛ ኦካ አንጅንቴዛያ። ማ Ꮊ ቃላ ስእዝታይኔ ጻፍንቴዝ ኪታ ናግዛ ኡባይ አንጀቴዝታ።
REV 1:4 Ꮊ ዳብዳባይ፥ ዋንሳፕ፥ ኢሳ ቢታ የዝ ላፑን ዎሳ ኬꬅታይስ ጻፍንቴዛ። ብንካ፥ Ꮊተካ የዝ፥ ቲናፐካ የኦዳይስ የዝ ጾሳይፕ፥ ማ ኤ ዙፋናይ ቲና የዝ ላፑን አያናታይፕ፥ Ꮊይ ጋርክ፥ Ꮊይቆፐ ደንዶር ቲና ማቄዛይፕ፥ ሳአ ካትታ ሞድዛ አማንንቴዝ ማርካ ማቄዝ የሱስ ክርስቶሳፕ፥ ኣꬎ ኬሃትꬅኔ ሳሮትꬅ ይንትስ ማቆ። የሱሳ ኑና ዶስዛ፥ ማ ፋ ሱꬃር ናጋራ አይለትꬃፕ ኑና ዎዚ ከሴዛ።
REV 1:6 ኑኒ የሱስ ክርስቶሳ አዳይስ ጾሳይስ ኦꬆዳይ ጋርክ ኑና ካተትꬅታኔ ቄስታ ማሄዝ ኤስ መꬊናፐ መꬍና ሄሎዳይስ ቦንቾኔ ዎልቃ ማቆ። አምንኤ።
REV 1:7 ይኬ፥ የሱሳ ሻራራ የኦዳ። አስ ኡባይ ሀራ አቶዝን፥ ኤዛ ጫዴዝ አሳይካ ኤዛ በአዳ። ሳአል የዝ አስ ኡባይ ኤ ግሾስ ዬኮዳ። የይ ቱማ ሀኖዳ! አምንኤ።
REV 1:8 ብንካ፥ Ꮊተካ የዛይ፥ ቲናፐካ የኦድ ጎዳይ፥ ኡባፕ ዎልቃማ ጾሳይ፥ «አልፋኔ ኦመጋ ታና» ዬግዛ ጎዳይ ጾሳይ።
REV 1:9 ታኒ፥ ዋንሳ፥ ይ እሻይ፥ ይንታር ፐትፕ የሱሳር ኤ መቶ፥ ኤ ካተትꬃኔ ኤ ዳንዳአ በኤዛ። ታኒ ጾስ ቃላ ግሾኔ የሱሳባዝ ማርካቴዝ ግሾስ ፕጽሞ ግዝ ሃꬃር ማርንቴዝ ቢታል ታ የዛ።
REV 1:10 ጎዳይ ጋላስ ታ አያናር የዛ፤ ታፕ ጉየር ቱቱሎ ፑጎ ጋርክ ግታ ጊርꬅ ታ ስኤዛ።
REV 1:11 የ ጊርꬃይ ታና፥ «ነ ብእዛና ማጻፋይድ ጻፊ፥ ኢሳ የዝ ላፑን ዎሳ ኬꬅታይስ፥ ኤፈሶነስ፥ ሳምርኔሳስ፥ ጰርጋሞናስ፥ ትያትሮናስ፥ ሳርዴሳስ፥ ፍላደልፋስኔ ሎዶቃስ ዳኮባ» ዬጌዛ።
REV 1:12 ታኒ ታስ ኦድዛ ጊርꬃ በአዳይስ ጉየ ማቂ ጾምፐ ጋድዝ ላፑን ዎርቃ ኮችታ በኤዛ።
REV 1:13 የ ኮችታይ ጋንጨ አስ ናአ ኣዝዛና ታ በኤዛ። ኤ አዱስ አፍላ ፋ ቶኬ ሄልꬂ ማኤዛ፥ ዎርቃ ዳንጮር ፋ ትራ ዳንጬዛ።
REV 1:14 ኤ ኦማይኔ ኤ ብናናይ ቦꬅ ዱር እክሰ ጋርከኔ ሻች ጋርከ፤ ኤ ኣፋይካ ታማ ላꬅ ኣዝዛ።
REV 1:15 ኤ ቶካይ ታማር ቴሌዝ ዞቄዝ ናሰ ብራታ ኣዝዛ፤ ኤ ግርꬃይካ ግታ ጋመ ሃꬅታይ ኦሽች ጋርከ።
REV 1:16 ኤ ፋ ኡሻች ኩሸር ላፑን ጾልንትታ አይኬዛ። ኤ ዶናይፕ ናምኢ ባጋር ሌፍንቴዝ ኦጮ ማሻ ከዜዝ። ኤ ስናይ ሴታ ጋላሳ አዋ ኣፈ ኣዝዛ።
REV 1:17 ታኒ ኤዛ በኤዝ ዎደ Ꮊይቄዝ አስ ጋርክ ሀኒ ኤ ቶኬ አቻ ፖኬዛ። ኤ ፋ ኡሻቻ ኩሻ ታል አፋ ጋዲ፥ «ያሽትፐ፤ ቲናይ ዉርስꬃይ ታና።
REV 1:18 ታኒ የዛያ፤ ታኒ Ꮊይቄዛ ዝን መꬊ መꬍናስካ ፓꬅ የዛ። Ꮊይቆኔ ስኦለ ቁልፐ ታ ኩሸ የዛ።
REV 1:19 ይኬ፥ Ꮊት ሀንዛባዝኔ ቲናፕ ሀኖድ ባዝ ነ በኤዝ ባዝ ጻፎባ።
REV 1:20 ኔኒ ታ ኡሻች ኩሻይድ በኤዝ ላፑን ጾልንትታኔ ላፑን ዎርቃ ኮችታይ ብልእꬃይ Ꮊይ፦ ላፑን ጾልንትታይ ላፑን ዎሳ ኬꬅታይ ኪታንችታ፤ ላፑን ዎርቃ ኮችታይ ላፑን ዎሳ ኬꬅታ።»
REV 2:1 «ኤፈሶና ዎሳ ኬꬅ ኪታንቻይስ Ꮊይ ጋርክ ዬጊ ጻፎባ። ፋ ኡሻች ኩሸር ላፑን ጾልንትታ አይኬዛይኔ ላፑን ዎርቃ ኮችታይ ጋንጨር የꬍዛይ Ꮊይ ጋርክ ዬግዛ፦
REV 2:2 ታኒ ነ ኦሳ፥ ነ ዳቡራኔ ነ ጋርዣ ኤርዛ። ኔኒ ኢታ አስታይባጋ ጋርዦዳይስ ዳንዳኤካዛ ታ ኤርዛ። ማ ሀዋረ ባዝር ፋና፥ ሀዋረ ግዝታ ፕላጊ ኤሪ ኡንቲ ዎርዳንቾ ማቄዛና ደንጌዛና ታ ኤርዛ።
REV 2:3 ኔኒ ጋርዦር ሚንጌዛናኔ ታ ሱንꬃይ ግሾስ ዶልኤካዛር መቶ ኤኬዛና ታ ኤርዛ።
REV 2:4 ሀኖ ዝን፥ Ꮊት ታ ነና ቦርዛባዝ የዛ፤ የይካ ኔኒ ነ ቲና ሲቃ አሼዛ።
REV 2:5 ይኬ፥ ነ ኣብ ጋርክ ꬎቃ አቆፕ ፖኬዛኮ ቆፖባ! ማሮትꬅ ገሎባ፤ ኔኒ ካሰ ኦꬅዛ ኦሳ ኦꬆባ። የያ ኡባ ነ ኦꬃም እጽኮ ታ ኔኮ የኦዳ። ኔኒ ማሮትꬅ ገላም እጽኮ፥ ነ ጾምፓ ጋድዛ ኮቻ ያ አቃይፕ ኤኮዳ።
REV 2:6 Ꮊት ታ ነና ናሽችዛ ፐትባዝ የዛ፤ ታ እጽዛ ንቆላዉታይ ኦሳ ኔካ እጼዛ።
REV 2:7 አያናይ ዎሳ ኬꬅታይስ ግዝባዝ ስኦዳይስ ሀየ የዝ ኦንካ ስኦ። ጋሜዝ ኦንካ ጾስ ገነተ የዝ ደኦ ምꬅ ኣፈፕ ማዳይ ጋርክ ማዉተ እማዳ።
REV 2:8 «ሳምርኔሳ ዎሳ ኬꬅ ኪታንቻይስ Ꮊይ ጋርክ ዬጊ ጻፎባ። ቲናይኔ ዉርስꬃይ፥ Ꮊይቄዛይነ Ꮊይቆፕ ደንዴዛይ Ꮊይ ጋርክ ዬግዛ፦
REV 2:9 ታኒ ነ መታኔ ነ ማንቆትꬃ ኤርዛ፤ ማቆዝን ኔኒ ዱረ። ጻላሄ ማባራ የዝታይ፥ አይሁደ ባዛር ፋና አይሁደ ግዝታይ ነና ጫዥዛ ጫሻ ታ ኤርዛ።
REV 2:10 ኔኒ ኤኮዳይስ የዝ መታ ያሽትፐ። ዳቡሎሳ ይንትፕ ፐትታ ፐትታ ፋጮዳይስ አች ኬꬅ ገልሶዳይ፤ ታጲ ጋላስ ሄሎዳይስ ይ መትንቶዳ። Ꮊይቆድ ሄሎዳይስ አማንንቴዛ ማቆባ፤ ታ ኔስ ደኦ ዛዉደ እንጎዳ።
REV 2:11 አያናይ ዎሳ ኬꬅታይስ ግዝባዝ ስእዝ ሀየ የዝ ኦንካ ስኦ። ጋምዝ ኦንካ ናምእንꬆ Ꮊይቆር ቆህንተና።
REV 2:12 «ጰርጋሞኔ ዎሳ ኬꬅ ኪታንቻይስ Ꮊይ ጋርክ ዬጊ ጻፎባ። ናምኢ ባጋር ሌፕንቴዝ ማሻ የዛይ Ꮊይ ጋርክ ዬግዛ፦
REV 2:13 ታኒ ነ የዝ አቃ ኤርዛ፤ ኔኒ ጻላሄ ዙፋናይ የዝ አቆ የዛ፤ ታ ሱንꬃ ነ ሚንꬂ አይኬዛ። ሀራ አቶዝን፥ ጻላሄ የዝ ይ ካታማይ Ꮊይቄዝ ታስ አማንንቴዝ ማርካይ፥ አንትጳሳ፥ የዝ ዎደካ አማና አሸካያ።
REV 2:14 ሀኖ ዝን፥ ታ ነና ቦርዛ ፐትባዚ የዛ። የይካ እስሬለ አሳይ ኤቃስ ያርሽንቴዝ ካꬃ ም ቱኖዳይ ጋርከኔ ኢታ ኦሶስ ዥምባሮ ናጋራ ኦꬆድ ጋርክ ባላቃና ታማርሴዝ ባላማ ትምርታ ኤኬዝ ፐቲ ፐቲ አስታይ ኔራ የዛ።
REV 2:15 የይ ጋርከካ፥ ንቆላውታይ ትምርታ ታማርዛ አስታይ ኔራ የዛ።
REV 2:16 የይ ግሾስ፥ ኔኒ ነ ናጋራይፕ ማቆባ። የይ ሀናም እጽኮ፥ ታ ኔኮ ኤልሲ ይኢ የ አስታ ታ ዶናይፕ ከዝዝ ቃላ ማሻይር ኦሎዳ።
REV 2:17 አያናይ ዎሳ ኬꬅታይስ ግዝባዝ ስእዝ ሀየር የዝ ኦንካ ስኦ። ጋምዝ ኦስካ ቆስንቲ የዝ ማና እማዳ። ኦሮꬅ ሱንꬃይ ጻፍንቴዝ ቦꬅ ሹቻ ታ ኤስ እማዳ። የያ ኤክዛይፕ አትን ሀራ ኦንካ ኤሮያ።
REV 2:18 «ትያጽሮና ዎሳ ኬꬅ ኪታንቻይስ Ꮊይ ጋርክ ዬጊ ጻፎባ። ታማ ላꬅ ኣዝዝ ኣፈ የዛይ፥ ማ ታማር ቴሌዝ ናሰ ብራታ ኣዝዝ ቶክ የዛይ፥ ጾስ ናአይ፥ Ꮊይ ጋርክ ዬግዛ፦
REV 2:19 ታኒ ነ ኦሳ፥ ነ ሲቃ፥ ነ አማና፥ ነ ጾስስ ኦꬅዛያኔ ነ ጋርዣ ኤርዛ። ኔኒ ቲና ኦꬅዛይፕ Ꮊት ኣꬎ ኦꬅዛናካ ታ ኤርዛ።
REV 2:20 ሀኖ ዝን፥ ታ ነና ቦርዛ ፐትባዚ የዛ፤ ፋና ናበ ግዝ አስት፥ ኤልዛበሊ ባጋ፥ ሸናኮ ግ አሼዛ። የ አስታ ኤቃስ ያርሽንቴዝ ካꬃ ም ቱኖዳይ ጋርከኔ ላግቶድ ጋርክ ኡዲ ታ አይልታ ባልꬄዛ።
REV 2:21 እዛ ፋ ናጋራይፕ ማቆዳይ ጋርክ ታ ኢስ ዎደ እንጌዛ፥ ዝን እዛ ማቆዳይስ ኮየካያ።
REV 2:22 የይ ግሾስ ታ እዞ ኢታ ሀርገር አርሳል ኦሎዳ። ኢር ላግትዝታይካ ፋ ኢታ ኦሳይፕ ማቃም እጽኮ፤ ኢታ መቶል ኦሎዳ።
REV 2:23 ታኒ እ ናእታካ ዎꬎዳ፤ ማ ዎሳ ኬꬅ ኡባይ ታ አስ ቆፋኔ አስ ዎዝና ኤርዛያ ማቄዛና ኤሮዳ። ታ ፐታይስ ፐታይስ ኤ ኦሳይ ጋርክ እማዳ።
REV 2:24 ትያትሮና የዝ Ꮊንክታ፥ የ ኢታ ትምርታ ኤከካዝታይኔ፥ «ጻላሄ ግታ ጹራ» ግንትንትዝ Ꮊ ትምርታ ታማረካ ይንታን ሀራ ዴጾ ቶፎ ቶሳሚ።
REV 2:25 ሀኖ ዝን፥ ታ የኦድ ሄሎዳይስ ይንትስ የዛ ባዝ ሚንꬂ ናጎይታ።
REV 2:26 ጋምዛይኔ ዉርስꬅ ሄሎዳይስ ታስ ኪትንትዛ ኦስካ ዎያ ኡባይል ማዉተ እማዳ።
REV 2:27 «‹ኤ ኡንታን ብራታ ጉፈራ ሃሮዳይ፤ ዢጨፕ ኦꬅንቴዝ ሚሸጋርከካ ትንቺ ልቅሶዳ።› የ ማዉታ ታኒ ታ አዳይፕ ኤኬዝ ማዉታይ ጋርከ።
REV 2:28 ማ ታ ኤስ ባካላ ጾልንቶ እማዳ።
REV 2:29 አያናይ ዎሳ ኬꬅታይስ ግዝባዝ ስእዝ ሀየ የዝ ኦንካ ስኦ።
REV 3:1 «ሰርዴሰ ዎስ ኬꬅ ኪታንቻይስ Ꮊይ ጋርክ ዬጊ ጻፎባ። ላፑን ጾስ አያንታኔ ላፑን ጾልንትታ አይኬዛይ Ꮊይ ጋርክ ዬግዛ፦ ታኒ ነ ኦሳ ኤርዛ፤ ሱንꬅስ ነ ፓꬅ የዛ ዝን፥ ነ Ꮊይቄዛ።
REV 3:2 ባርኮባ! Ꮊይቆዳይስ ሄሌዝታኔ አቴዝ ጽቃ ዎልቃ ምንꬆባ። ነ ኦሳይ ታ ጾሳይ ቲና ፎሎ ማቂ በንተካያ።
REV 3:3 ይኬ፥ ነ ኤኬዝባዝኔ ስኤዝባዝ አካኮባ፤ ናጎባ፤ ነ ናጋራይፕ ማቆባ። ኔኒ ባርካም እጽኮ ታ ነ ቆፐካዝን ካይዞ ጋርክ ኔኮ የኦዳ፤ ታ አባ ዎደ የኦዳዛኮ ነ ኤሮያ።
REV 3:4 ዝን ፋ ማኦ ቅትሶዋ ጽቃ አስታይ ሳርዴሳ የዛ። ኡንትስ ቤዝዛ ባዝ ማቄዝ ግሾስ ቦꬅ ማኦ ማኢ ታር የꬎዳ።
REV 3:5 ጋምዝ ኦንካ ኡንቲሳይ ጋርክ ቦꬅ ማኦ ማኦዳ። ታኒ ኤ ሱንꬃ ደኦ ማጻፋይፕ ኡጫሚ። ታኒ ታ አዳይ ቲናኔ ታ አዳይ ኪታንችታይ ቲና ኤ ታባዝ ማቄዛና ማርካቶዳ።
REV 3:6 አያናይ ዎሳ ኬꬅታይስ ግዝባዝ ስእዝ ሀየር የዝ ኦንካ ስኦ።
REV 3:7 «ፍላደልፋ ዎሳ ኬꬅ ኪታንቻይስ Ꮊይ ጋርክ ዬጊ ጻፎባ። ጌሽኔ ቱማንቻይ፥ ዳዉተ ቁልፐ ፋ ኩሸ አይኬዛይ፥ Ꮊይ ጋርክ ዬግዛ፦ ኤ ጎርድን ኦንካ ዶዮዳይስ ዳንዳኦያ፤ ማ ኤ ዶይን ኦንካ ጎርዶዳይስ ዳንዳኦዋ።
REV 3:8 ታኒ ነ ኦሳ ኤርዛ፤ ይኬ ታ ነ ቲና ኦንካ ጎርዶዳይስ ዳንዳኦዋ ዶያ ፐንገ ጋዴዛያ። ነ ዎልቃይ ጽቃ ማቅኮካ፥ ታ ቃላ ናጌዛ፤ ታና ካደካ።
REV 3:9 አይሁደ ባዛር ፋና አይሁደ ግዝ ዎርድታኔ ጻላሄ ባግታ ኔኮ ኮኦዳኔ ነ ቲና ጹጉንꬆዳ። ታ ነና ዶስዛያ ኡንታን ኤርሶዳ።
REV 3:10 ኔኒ፥ ‹ጋርዦባ› ግ ታ ኪቴዝ ኪታ ናጌዝ ግሾስ ኩንꬅ አላማ ፋጮዳይስ የኦድ ዋየ ዎዳይፕ ታኒ ነና ናጎዳ።
REV 3:11 ታኒ ኤልሲ የኦዳ፤ ኦንካ ነ ዛዉዳ ኤካማይ ጋርክ ኔስ የዛ ባዝ ሚንꬂ አይኮባ።
REV 3:12 ጋሜዛና ታ ጾስ ካራ ቱስ ኡዶዳ፤ ኤ ኤዛይድ መꬍናስ የዞዳ። ታኒ ታ ጾሳይ ሱንꬃኔ ታ ጾሳይ ካታማይ ሱንꬃ ኤዛል አፋ ጻፎዳ፤ እዛካ ታ ጾስ ካለፕ ዎꬍዝ ኦሮꬅ የሩሳላመ። ማ ታ ታ ኦሮꬅ ሱንꬃካ ኤዛል አፋ ጻፎዳ።
REV 3:13 አያናይ ዎሳ ኬꬅታይስ ግዝባዝ ስእዝ ሀየ የዝ ኦንካ ስኦ።»
REV 3:14 «ሎዶቃ ዎሳ ኬꬃ ኪታንቻይስ Ꮊይ ጋርክ ዬጊ ጻፎባ። ‹አምንኤ› ማቄዝ አማንንቴዝ ቱማ ማርካይ፥ ጾስ መትꬅ ኡባ ሃርዛይ Ꮊይ ጋርክ ዬግዛ:
REV 3:15 ታኒ ነ ኦሳ ኡባ ኤርዛ፤ ኔኒ እርጻ ዎይ ምሻ ማቀካያ፤ ኔኒ ናምአይፕ ፐታ ማቄዛኮ ኔስ ሎኦ ዝኒ!
REV 3:16 ኔኒ እርጻ ዎይ ምሻ ባ ቦልኦ ማቄዝ ግሾስ ታ ነና ታ ዶናይፕ ጩቶዳይስ ሀንዛ።
REV 3:17 ይኬ፥ ኔኒ፥ ‹ታኒ ዱረ፥ ጋመ ሻሎር የዛ፥ ታስ አብካ ፓጨካያ› ነ ዬግዛ። ዝን ኔኒ ሶንቄዛ፥ ማንቆ፥ ቶአኔ ካሎቴዛ ማቄዛና ኤሮያ።
REV 3:18 የይ ግሾስ፥ ነ ዱርቶዳይስ ታማር ጌዤዝ ዎርቃ፥ ነ ዬላ ካሎ ካሞዳይስ ቦꬅ ማኦኔ ሎእꬅ በአዳይስ ማድዛ ኣፈ ꬋለ ታፕ ዎንጎዳይ ጋርክ ታ ነና ዞርዛ።
REV 3:19 ታ ታ ዶስዝታ ካጭዛኔ ሴርዛ፤ ይኬ ሉሎባ፤ ነ ናጋራይፕ ማቆባ።
REV 3:20 ዬዛኮ፥ ታ ባለር ኤቂ ጼጎዳ። ኦንካ ታ ጼሳ ስኢ፥ ጋዛራ ዶይኮ፥ ታ ኤኮ ገሎዳ፤ ኤዛር ፐትፕ ካꬃ ማዳ፤ ኤካ ታራ ፐትፕ ማዳ።
REV 3:21 ታ ጋሚ ታ አዳይራ ኤ ዙፋናይል በቴዛይ ጋርክ ጋሜዛይ ታራ ታ ዙፋነል በቶዳይ ጋርክ ማዉተ እንጎዳ።
REV 3:22 አያናይ ዎሳ ኬꬅታይስ ግዝባዝ ስእዝ ሀየር የዝ ኦንካ ስኦ» ዬጌዛ።
REV 4:1 የይፕ ጉየ፥ ታኒ በኤዛ፥ ሳሎ ዶይንቴዝ ፐንገ የዛ። ማ ታ ቲና ስኤዝ ቱልቱሎ ግርስ ጋርከዛይ ታኮ፥ «Ꮊንካ ከዞባ፤ Ꮊይፕ ጉየ፥ ሀኖዳይስ የዛ ባዝ ታ ነና ቤዞዳ» ዬጌዛ።
REV 4:2 የ ዎደ ታ አያናር ኩሚ የዛ። ይኬ፥ ሳሎ ዙፋነ ታ በኤዛ ዙፋናይል አፋ ፐታ በቴዛና በኤዛ።
REV 4:3 የ በቴዛይ ማላይ እያስጰደኔ ሳርድዮና ግዝ አልኦ ሹቻይጋርከ። ኤ ዙፋናይ ዩሻይድ አልኦ መርገደ ሹች ኣዝዝ ዙላይ የዛ።
REV 4:4 የ ዙፋናይ ዩሻይድ ላታማኔ ኦይዲ ዙፋንታይ የዛ፤ ኡንታል አፋ ቦꬅ ማኦ ማኢ፥ ኦማል ዎርቃ ዛዉደ ጋዴዝ ላታማኔ ኦይዲ ጭምታይ በቴዛ።
REV 4:5 ዙፋናይፕ ዜልንꬅ፥ ዳዳ ጉምꬅኔ ሳርꬃ ከዝዛ። ዙፋነ ቲና ላፑን ፖእዛ ታማ ጾምፕታይ የዛ፤ ኡንቲ ላፑን ጾስ አያንታ።
REV 4:6 ዙፋናይ ቲና ብርለ ኣዝዛ ፎጭዝ ቡርጩኮ አባይ የዛ። ቲናራኔ ጉየር ኣፈ ኩሜዝ ሸምፖር የዝ ኦይዲ መትꬅታይ ዙፋናይ ዩሻይራኔ ዙፋናይ ጋንጨ የዛ።
REV 4:7 ቲና መትꬃይ ጋሞ ኣዝዛ፤ ናምእንꬃይ ገማተ ኣዝዛ፤ ሃይꬓንꬃይ ቲናይር አስ ኣዝዛ፤ ማ ኦይድንꬃይ ፕራꬍዛ አንኮ ኣዝዛ።
REV 4:8 ኦይዲ መተꬅታይ ፐታይስ ፐታይስ ኡሱፑን ቀፍታይ የዛ፤ የ ቀፍታይ አፋ ባጋራኔ ኦሞ ባጋር ኣፈ ኩሜዛ። ኡንቲ ቃማኔ ጋላስ ጋቼካዛር፥ «ጌሻዮ፥ ጌሻዮ፥ ጌሻዮ፥ ጎዳዮ፥ ኡባ ሃርዛ ጾሳዮ፥ ብንካ፥ Ꮊተካ የዛዮ፥ ቲናፕ የኦዳዮ» ዬግዛ።
REV 4:9 የ መተꬅታይ ዙፋናይል በቴዛይኔ መꬍናስ የዛይስ ሳባ፥ ቦንቾኔ ጋላታ እንጌዝ ዎደ
REV 4:10 ላታማኔ ኦይዲ ጭምታይ ዙፋነል በቴዛኔ መꬍናስ የዛይ ቲና ጹጉኒ ጎይኔዛ፤ ፋ ዛዉደ ዙፋናይ ቲና ጋዲ፥
REV 4:11 «ኑ ጎዳዮ፥ ኑ ጾሳዮ፥ ኔኒ ኡባ መꬌዛ፤ ኡባ ባዝ ነ ሸነ ጋርክ ሀኔዛይ ጋርክ ኔኒ ቦንቾ፥ ቴማኔ ዎልቃ ኤኮዳይስ ቤዝዛ» ዬጌዛ።
REV 5:1 የይፕ ጉየ፥ ዙፋናይል አፋ በቴዛይ ኡሻች ኩሻይድ ጋንጨራኔ አፋር ጻፍንቲ ላፑን ማታመር ጎርድንቴዝ ጻꬅ ማጻፍቶ ታ በኤዛ።
REV 5:2 ፐቲ ምኖ ኪታንቻይ ፋ ቃላ ꬎቅ ኡዲ፥ «ማታማ ብሎዳይስኔ ማጻፍቶ ዶዮዳይስ ቤዝዛይ ኦኖ?» ዬጊ አዋጆዳር በኤዛ።
REV 5:3 ዝን ሳሎ ማቅን ሳአ ዎይ ሳአፕ ኦሞ ማቅን የ ጻꬅ ማጻፍቶ ዶዮዳይስኔ ጋንጫ በአዳይስ ዳንዳኤዝ ኦንካ ባያ።
REV 5:4 ጻꬅ ማጻፍቶ ዶዮዳይስኔ እ ጋንጫ በአዳይስ ቤዝዛ አስ ꬋቤዝ ግሾስ ታ ኢታ ዬኬዛ።
REV 5:5 የ ዎደ፥ ጭምታይፕ ፐታይ ታኮ፥ «ዬክፐ! ይሁዳ ዘረꬅ ማቄዝ ጋማይ፥ ዳዉተ ሼሻይ፥ ላፑን ማታምታ ብሎዳይስኔ ማጻፍቶ ዶዮዳይስ ዳንዳኤዛ» ዬጌዛ።
REV 5:6 የይፕ ጉየ፥ ዙፋናይል ኦይዲ መተꬅታይስኔ ጭምታይስ ጋንጨ፥ ሹክንቴዝ ዱር ጋርክ ኤቄዛና ታ በኤዛ። ኤስ ላፑን ካጭታይኔ ላፑን ኣፍታይ የዛ። የይትታይ ሳአ ኡባይል ኪትንቴዝ ጾስ አያና ላፑንታ።
REV 5:7 የ ዱራይ ይኢ፥ ዙፋናይል አፋ በቴዛይ ኡሻች ኩሸፕ ጻꬅ ማጻፍቶ ኤኬዛ።
REV 5:8 ኤ የ ጻꬅ ማጻፍቶ ኤኬዝ ዎደ ኦይዲ መትꬅታይኔ ላታማኔ ኦይዲ ጭምታይ ዱራይ ቲናይድ ጉጲንጌዛ። ኡንቲ ፐታይ ፐታይ ዲꬅኔ ጌሽታይ ዎሳ ማቄዝ እጻኔ ኩሜዝ ዎርቃ ሻተ አይኬዛ።
REV 5:9 ኡንቲ፥ «ጻꬅ ማጻፍቶ ኤኮዳይስ፥ ማታመ ብልኦዳይስ ኔስ ቤዝዛ። አብስ ጊኮ፥ ኔኒ ሹክንቴዛያ፤ ዘረꬅ ኡባይፕ፥ ዱማ ዱማ ዶናፕ፥ ያርታይፐኔ ካተትꬅ ኡባይፕ፥ ነ ሱꬃይር ጾሳይስ ዎዜዛ።
REV 5:10 ኑ ጾሳይስ ካተትꬅኔ ቄሰ ማቃዳይ ጋርክ ኡዴዛ ኡንቲ ቢታል አፋ ካዉቶዳ። ኡንትካ ጋደ ኡባ ሞዶዳይ» ዬጊ ኦሮꬅ ማዝሙረ የጼዛ።
REV 5:11 ታ በአዳር ዙፋናይ፥ ኦይዲ መትꬅታይኔ ጭምታይ ዩሻይድ ጋመ ኪታንችታይ የዛ። ኡ ጋመትꬃይ ሙኩሎ ቶኬ ሙኩሎኔ ታጲ ሙኩሎ ቶኬ ታጲ ሙኩሎ ማቄዝ ጊርꬃ ስኤዛ።
REV 5:12 የ ኪታንችታይ ꬎቅ ጌዝ ቃላር፥ «ሹክንቴዝ ዱራይ ዎልቃ፥ ዱረትꬂ፥ ኤጨትꬅኔ ምኖትꬂ፥ ቦንቾ፥ ሳባኔ አንጆ ኤኮዳይስ ቤዝዛ» ዬጌዛ።
REV 5:13 የይፕ ጉየ፥ ሳአ፥ ሳሎ፥ ሳአፕ ኦሞራኔ አባ ጋንጨ የዝ መትꬂ ኡባይ፥ «ዙፋነል አፋ በቴዛይስኔ ዱራይስ፥ ጋላታ፥ ቦንቾ፥ ሳባኔ ዎልቃ መꬊፐ መꬍናስ ማቆ» ዬጊ የጾዳር ስኤዛ።
REV 5:14 ኦይዲ መትꬅታይካ፥ «አምንኤ» ዬጌዛ፤ ማ ጭምታይካ ጹጉኒ ጎይኔዛ።
REV 6:1 ዱራይ ላፑን ማታምታይፕ ፐታ ዶዮዳር በኤዛ። ማ ኦይዲ መትꬅታይፕ ፐታይ፥ ዳዳ ጋርክ ጉምꬃር፥ «Ꮊና የኦባ!» ዬጎዳር ታ ስኤዛ።
REV 6:2 የይፕ ቦꬅ ፋራ ታ በኤዛ። የ ፋራ ቶጌዛይ ዶንገ አይኬዛ፤ ኤ ኦማይስ ዛዉደ እንግንቴዛ። ኤካ ጋምዛያ ማቂ ጋምꬃፕ ጋምꬅኮ Ꮊማዳይስ ከዜዝ።
REV 6:3 ማ ዱራይ ናምእንꬆ ማታማ ዶዬዝ ዎደ ናምእንꬃ መትꬃይ፥ «Ꮊና የኦባ!» ዬጎዳር ስኤዛ።
REV 6:4 ማ ሀራ ስሃ ዞቆ ፋራ ከዜዝ። የ ፋራ ቶጌዛይስ ቢታላፕ ሳሮ ꬋብሶዳይ ጋርከኔ አሳይ ዎል ዉርሶዳይ ጋርክ ማዉተኔ ግታ ማሻ እንግንቴዛ።
REV 6:5 ዱራይ ሀይꬒንꬃ ማታማ ዶዬዝ ዎደ ሃይꬒንꬃ መትꬃይ፥ «Ꮊና የኦባ!» ዬጎዳር ታ ስኤዛ። የይፕ ካርꬅ ፋራ ታ በኤዛ፤ ፓራይል በቴዛይ ፋ ኩጬ ምዛነ አይኬዛ ።
REV 6:6 ኦይዲ መትꬅታይ ጋንጨፕ ከዜዝ ጊርꬅ፥ «ባጋ ክሎ ግስተ፤ ፐቲ ድናረ፥ ማካ ፐቲ ክሎኔ ባጋ ባንጋ ፐቲ ድናረ ማቆ። ዝን ዛይተኔ ዎይነ ቆህፐ» ዬጎዳር ስኤዛ።
REV 6:7 ዱራይ ኦይድንꬆ ማታማ ዶዬዝ ዎደ ኦይድንꬆ መትꬃይ፥ «Ꮊና የኦባ!» ዬጎዳር ስኤዛ።
REV 6:8 የይፕ ጫምፓ ፋራ ታ በኤዛ። የ ፋራ ቶጌዛይ ሱንꬃይ Ꮊይቆ፤ ኤ ላሳ ስኦለ ካልዛ። ኡንትስ አላማይስ ስካ ኦላ፥ ናየ፥ ጋዶራኔ ዶአር ዎꬍሶዳይ ጋርክ ማዉተ እንግንቴዛ።
REV 6:9 ዱራይ እችንꬃ ማታማ ዶዬዝ ዎደ ኡንቲ ጾስ ቃላ ኦዴዝ ግሾኔ ፋ ማርካትꬃይር አማንንቴዝ ግሾስ ሹክንቴዝ አሳይ ሸምፕታይ ያርሾ አቆፕ ኦሞ የዛና ታ በኤዛ።
REV 6:10 ኡንቲ ፋ ቃላ ꬎቅ ኡዲ፥ «ኡባ ሞድዝ ጎዳዮ፥ ጌሻዮ፥ ቱማንቻዮ፥ ሳአ የዝ አሳይል አፋ ነ ፕርዶዳይኔ ኑ ሱꬃይ ግሾስ ኩሸ ከሶዳይ አይዴ?» ዬጌዛ።
REV 6:11 ኡንትስ ፐታይስ ፐታይስ ቦꬅ አዱስ ማኦ እንግንቴዛ። ኡ ጋርክ ሀኒ Ꮊይቆዳይስ ቤዝዛ ኡ አይልታይ ዣምታይኔ እሽታይ ታይባይ ኩሞድ ሄሎዳይስ ጽቃ ዎደ ሸምፖዳይ ጋርክ ኡንትስ ኦድንቴዛ።
REV 6:12 ዱራይ ኡሱፑንꬃ ማታማ ዶዬዝ ዎደ ታ በኤዛ፤ ቢታ ዎልቃማ ኤንኦ ኤንኤዛ። አዋ ኣፋይ ካርቲ ካያ አፍላ ኣዝዛ። አግናይካ ዞቂ ሱꬅ ማቄዛ።
REV 6:13 ዎልቃማ ጫርኮ ጫርኪ ባላሰ ምꬅ ኤንእስን ቃምኤ ኣፋይ ጉፍዛይ ጋርክ ሳሎ ጾልንትታይ ሳአል ጉፌዛ።
REV 6:14 ሳላይ ጻꬅ ማጻፈ ጋርክ ጻጽንቲ ኣꬌዛ፤ አምብታይኔ ሃꬃር ማርንቴዝ ቢትታይ ፋ አቃይፕ ꬋቤዛ።
REV 6:15 ጋደ ካትታይ፥ ጋደ ሀርዝታይ፥ ኦላ ካልꬅዝታይ፥ ዱርታይ፥ ዎልቃምታይ፥ አይልታይኔ፥ ዎማንታይ ኮምእታይዳኔ አምባል አፋ የዝ ዛልታይ ጋንጨ ቆስንቴዛ።
REV 6:16 ኡንትካ አምብታይኮኔ ዛልታይኮ፥ «ኑል አፋ ዎꬎይታ፤ ኑና ቆሶይታ፤ ዙፋነል አፋ በቴዛይ አፋይፐኔ ዱራይ ካቻይፕ ኑና ገንꬆይታ።
REV 6:17 ኡ ግታ ካቺ ጋላሳይ የኤዛ፤ ኦኖ ዳንዳኢ ኤቆዳይ?» ኡ ዬጌዛ።
REV 7:1 የይፕ ጉየ፥ ኦይዲ ኪታንችታይ ኦይዲ ሳአ ጎንትታይል ኤቄዝታ በኤዛ። የ ኪታንችታይ ሳአል አፋ ዎይ አባል አፋ ዎይ አባ ምꬃላካ አፋ ጫርካይ ኦይዲ ሳአ ጋጻፕ ጫርካማይ ጋርክ አይኬዛ።
REV 7:2 ማ ደኦ ጾስ ማታመ የዝ ሀራ ኪታንቻይ አዋ ከስ ባጋፕ ከሳዳር ታ በኤዛ። የ ኪታንቻይ ፋ ቃላ ꬎቅ ኡዲ፥ ሳአኔ አባ ቆሆዳይስ ዎልቃ እንግንቴዝ ኦይዲ ኪታንችታይኮ፥
REV 7:3 «ኑኒ ጾስ አይልታይ ስናይድ ማታመ ጋዶድ ሄሎዳይስ ቢታ ዎይ አባ ዎይ ምꬃ ቆህፓተ» ዬጌዛ።
REV 7:4 የዝን፥ ታኒ ጾስ ማታመ ስኖል ጋድንቴዝታይ ፓይዳ ስኤዛ። እስሬለ ኮች ኡባይፕ ጼታኔ ኦይታማነ ኦይዲ ሙኩሎ አሳይስ ስናይል ማታመ ጋዴዛ።
REV 7:5 ይሁዳ ኮቻፕ ታጶ ናምኢ ሙኩሎ፥ ሮቤላ ኮቻፕ ታጶ ናምኢ ሙኩሎ፥ ጋደ ኮቻፕ ታጶ ናምኢ ሙኩሎ፥
REV 7:6 ኣሴራ ኮቻፕ ታጶ ናምኢ ሙኩሎ፥ ንፍታለመ ኮቻፕ ታጶ ናምኢ ሙኩሎ፥ ምናሰ ኮቻፕ ታጶ ናምኢ ሙኩሎ፥
REV 7:7 ስሞና ኮቻፕ ታጶ ናምኢ ሙኩሎ፤ ለወ ኮቻፕ ታጶ ናምኢ ሙኩሎ፥ ይሳኮሬ ኮቻፕ ታጶ ናምኢ ሙኩሎ፥
REV 7:8 ዛብሎነ ኮቻፕ ታጶ ናምኢ ሙኩሎ፥ ዮሴፋ ኮቻፕ ታጶ ናምኢ ሙኩሎ፥ ቢናማ ኮቻፕ ታጶ ናምኢ ሙኩሎ፥ አሳይ ስናይል ማታመ ጋዴዛ።
REV 7:9 የይፕ ጉየ፥ ዘረꬅ ኡባይፕ፥ ካተትꬃ ኡባይፕ፥ ኮች ኡባይፐኔ ዱማ ዱማ ዶና ኦድንትዝታይፕ ዛዋ ባ ጋመ ዎያ ታ በኤዛ። የ አሳይ ቦꬅ አዱስ ማኦ ማኢ፥ ዛምባ ሀየ ፋ ኩሸ አይኪ፥ ዙፋናይ ቲናኔ ዱራይ ቲና ኤቄዛ።
REV 7:10 ኡንቲ ፋ ቃላ ꬎቅ ኡዲ፥ «አቶትꬂ ዙፋናይል በቴዝ ኑ ጾሳይፐኔ ዱራይፕ ይእዛ» ዬጌዛ።
REV 7:11 ኪታንችታይ ኡባይ፥ ዙፋናይስኔ፥ ጭምታይስኔ ኦይዲ መትꬅታይ ዩሻይር ማር ኤቄዛ። ኡንቲ ዙፋናይ ቲና ጹጉኒ ጾሳይስ ጎይኔዛ።
REV 7:12 «አምንኤ! አንጆ፥ ቦንቾ፥ ኤጨትꬅ፥ ጋላታ፥ ሳባ ዎልቃ፥ ምኖትꬂ መꬊናፕ መꬍና ሄሎዳይስ ኑ ጾሳይስ ማቆ። አምንኤ!» ዬጌዛ።
REV 7:13 ጭምታይፕ ፐታይ ታኮ፥ «Ꮊ ቦꬅ ማአ ማኤዝ አስታይ ኦናንታራ? ኡንቲ አናፕ የኤኔ?» ዬጊ ታ ኦይጬዛ።
REV 7:14 ታንካ ማሂ፥ «ጎዳዮ፥ ነ ኤርዛ» ዬጌዛ። ኤካ ታኮ፥ «የይትታይ ጋመ ዋየ ኣꬊ የኤዝታ። ኡንቲ ፋ ማአ ዱራይ ሱꬃር ሜጪ ቦꬅ ኡዴዛ።
REV 7:15 የይ ግሾስ፥ «ኡንቲ ጾስ ዙፋናይ ቲና የዝ ቃማኔ ጋላስ ኤ ኬꬃ ኤዛ ጎይኔዛ። ማ ዙፋናይል አፋ በቴዛይ ኡንትስ ካምፓ ማቆዳ።
REV 7:16 ይከፕ ጉየ፥ ኡንቲ ናይንታሚ፥ ሳምንታሚ። አዋ ምቻካ ኡንታን ሾጫሚ።
REV 7:17 ዙፋንታይ ግዶ በቴዝ ዱራይ ኡንታን ሄንጎዳ። ደኦ ፑልቶ ሃꬅኮ ኡንታን ካልꬆዳ። ጾሲ ኡ ኣፋይፕ አፉꬅ ኡባ ኡጮዳ» ዬጌዛ።
REV 8:1 ዱራይ ላፑንꬃ ማታማ ዶዬዝ ዎደ ባጋ ሳተ ማቆዳና ሳሎ ጭጭርክ ጌዛ።
REV 8:2 የይፕ ጉየ፥ ታኒ ላፑን ቱልቱልታይ እንግንቴዝ ላፑን ኪታንችታይ ጾስ ቲና ኤቄዛና በኤዛ።
REV 8:3 እጻኔ ጩይሽዝ ዎርቃ ቀንደለ አይኬዝ ሀራ ኪታንቻይ ይኢ፥ ያርሾ አቃይ ካላይድ ኤቄዛ። ኤ ዙፋናይ ቲና የዝ ዎርቃ እቃይል ያርሾ አቃይል አፋ ጌሽታይስ ኡባይስ ዎሳራ ጉጂ ያርሾድ ጋርክ ኤስ ጋመ እጻኔ እንግንቴዛ።
REV 8:4 እጻኔ ጩያይ ጌሽታይ ዎሳር ፐትፕ ኪታንቻ ኩሸፕ ኡዴ ጾስኮ ከዜዝ።
REV 8:5 የይፕ ጉየ፥ ኪታንቻይ እጻኔ ጩይሽዝ ቀንደላ ኤኪ፥ ኤዛይድ ያርሾ አቃይፕ ቃቃ ታማ ኩንꬅ ሳአ ሱለ ꬉጌዛ። የይፕ ዳዳ፥ ዳዳ ሳርꬅ፥ ዜልንꬅኔ ቢታ ኤንኦ ሀኔዛ።
REV 8:6 የይፕ ጉየ፥ ላፑን ኪታንችታይ አይኬዝ ላፑን ቱቱልታ ፑጎዳይስ ጊግንቴዛ።
REV 8:7 ቲና ኪታንቻይ ፋ ቱልቱሎ ፑግን ሻችኔ ሱꬃር ዋላክንቴዝ ታማ ማቂ ሳአል ዎꬌዛ። ሳአስ ሀይꬒ ኩሸፕ ፐታይ ጹግንቴዛ፤ ምꬃፕ ሀይꬒ ኩሸፕ ፐታይ ጹግንቴዛ፤ ጭልኦ ማታ ኡባይ ጹግንቴዛ።
REV 8:8 ናምእንꬆ ኪታንቻይ ፋ ቱልቱላ ፑጌዝ ዎደ ዎልቃማ አምባ ኣዝዝባዝ ታማር ኤጽታር አባ ኦልንቴዛ። የይፐ፥ አባይፕ ሀይꬒ ኩሸፕ ፐታይ ሱꬅ ማቄዛ።
REV 8:9 አባ ሸምፖር የዝ መትꬅታይፕ ሀይꬒ ኩሸፕ ፐታይ Ꮊይቄዛ፤ ማርካብታይፐክ ሀይꬒ ኩሸፕ ፐታይ ꬋቤዛ።
REV 8:10 ሃይꬒንꬆ ኪታንቻይ ፋ ቱልቱሎ ፑጌዝ ዎደ ዣበ ጋርክ ኤጽዝ ዎልቃማ ጾልንታይ ሃꬅታይፕ ሀይꬒ ኩሸፕ ፐታይል አፋኔ ፑልትታይል አፋ ሳሎፕ ዎꬌዛ።
REV 8:11 የ ጾልንታይ ሱንꬃይ ጫሞ ግንትዛ። ሃꬃይፕ ሀይꬒ ኩሸፕ ፐታይ ጫንግሴዛ፤ ሃꬃይ ጫንጌዝ ግሾስ ጋመ አሳይ የ ሃꬃ ኡዢ Ꮊይቄዛ።
REV 8:12 ኦይድንꬆ ኪታንቻይ ፋ ቱልቱላ ፑጌዛ። አዋፕ፥ ኣግናፐኔ ጾልንትታይፕ ሀይꬒ ኩሸፕ ፐታይ ሾጭንቴዛ፤ ኡ ፖአይፕ ሀይꬒ ኩሸፕ ፐታይ ꬉሜዛ። ጋላሳይፕ ሀይꬒ ኩሸፕ ፐታይ፥ ቃማፐካ ሀይꬒ ኩሸፕ ፐታይ ꬉሜዛ።
REV 8:13 የይፕ ፐቲ ጎሎ ሳሎል ꬎቅ ግ፥ ፕራꬎዳር በኤዛ። የ ጎላይ ፋ ቃላ ꬎቅ ኡዲ፥ «አቴዝ ሀይꬒ ኪታንችታይ ፋ ቱልቱሎ ፑጎዳይስ የዝ ግሾስ ሳአ የዝ አሳይኮ አየ! አየ! አየ!» ዬጎዳር ስኤዛ።
REV 9:1 የይፕ ጉየ፥ እችንꬃ ኪታንቻይ ፋ ቱልቱሎ ፑግን ሳሎፕ ሱል ሳአ ፖኬዝ ጾልንታ ታ በኤዛ። ኤስ ዎልቃማ ጪሞ ኦላ ዶይዛ ቁልፐ እንግንቴዛ።
REV 9:2 ኤዚ ጪሞ ኦላ ዶይን ዳልገ ታማ ኦላፕ ከዝዝ ጩያ ጋርክ ጩያይ የ ኦላይፕ ከዜዝ። ያ ኦላይፕ ከዝዝ ጩያይር አዋኔ ሳላይ ꬉሜዛ።
REV 9:3 የ ጩያይፕ ቦልታይ ቢታል ከዜዛ። ሳአ የዝ Ꮊንጋርጮስ የዛ ዎልቃይ ጋርክ ዎልቃ ቦልታይስ እንግንቴዛ።
REV 9:4 ጾስ ማታመ ስኖል ባ አሳይ ኣዳፕ አትን ሳአ የዝ ማታ ዎይ ምꬂ ዎይ አባ ጭልኦ ባዝ ማቅን ቆሃማይ ጋርክ ቦልታይስ ኦድንቴዛ።
REV 9:5 ቦልታይ አሳ እችን አግና ሄሎዳይስ ፓጻ ካኦዳይ ጋርክ ማዉተ እንጌዛይፕ አትን አሳ ዎꬎዳይ ጋርክ ባያ። Ꮊንጋርጮ አስ ዱክን ዛምዛይ ጋርክ ቦልታይካ ዱኪ ዛምስዛ።
REV 9:6 የ ጋላስታይድ አሳይ Ꮊይቆ ኮዮዳ፥ ዝን ደንገና። ኡንቲ Ꮊይቆዳይስ አሞቶዳ፥ ዝን Ꮊይቆ ኡንታፕ ሃኮዳ።
REV 9:7 ቦልታይካ ኦላስ ጊጊ በቴዝ ፋራ ኣዝዛ። ቦልታይ ኦማይል ዎርቃ ዛዉደ ኣዝዛ ባዝ የዛ፤ ኡ ኣፋይራይካ አስ ኣዝዛ።
REV 9:8 ኡ ብናናይ ማች ብናና ጋርክ ኣዱሰ። ኡ አቻይካ ጋሞ አች ኣዝዛ።
REV 9:9 ኡንትስ ትራል ጋድዛ ብራታ ጹሩረ የዛ፤ ኡ ቀፍታይ ጊርꬃይ ኦላስ ጋላብዛ ፋራኔ ፋራ ጋረ ጊርꬅ ጋርክ።
REV 9:10 ኡንትስ Ꮊንጋርጮ ጎይኖ ኣዝዝ ጎይኖኔ ዱክዛ ዪሺ የዛ። የ ጎይናይር እችን አግና አሳ ቆሆዳይ ጋርክ ዎልቃ እንግቴዛ።
REV 9:11 ኡንትስ ካቲ የዛ፤ የ ካታይ ጪሞ ኦላ ኪታንቻ። ኤ ሱንꬃይ እብራይስጸ ዶናር አብዶና፤ ማ ግርኬ ዶናር አጶሎና ግንትትዛ።
REV 9:12 ቲና ኣያይ ኣꬌዛ፤ ይኬ፥ ሀጋ ሀራ ናምኢ አይታይ ይእዛ።
REV 9:13 ኡሱፑንꬃ ኪታንቻይ ፋ ቱልቱላ ፑጌዛ። ጾስ ቲና ኤቄዝ፥ ዎርቀ ያርሾ አቆ የዝ ኦይዲ ካጭታይፕ ፐቲ ጊርꬅ ታ ስኤዛ።
REV 9:14 የ ጊርꬃይ ቱልቱላ አይኬዝ ኡሱፑንꬃ ኪታንቻይኮ፥ «ኤፍራጺሰ ግዝ ዳማ ሃꬃ አጭንቴዝ ኦይዲ ኪታንችታ ብልኦባ» ዬጌዛ።
REV 9:15 አሳይፕ ሀይꬒ ኩሸፕ ፐታ ዎꬎዳይ ጋርክ የ ሳታይስ፥ የ ጋላሳይስ፥ የ አግናይስኔ የ ላይꬃይስ ጊጊ በቴዝ ኦይዲ ኪታንችታይ ብልእንቴዛ።
REV 9:16 ኦላ ፋራ ቶግዛ ኦላንችታይ ታይባይ ናምኢ ጼት ምሎነ ማቄዛና ታ ስኤዛ።
REV 9:17 ማ ታ ቆንጭꬃር ፓርታኔ የ ፓርታ ቶጌዝ አሳ በኤዛ። የ አሳይ ትራል ጋድዛ ብራታ ጹሩራይ ታማ ቃቃ ጋርክ ዞቆ፥ ያክንተ ጋርክ ካርꬅ ጩሉኮኔ እርደ ኣዝዝ ዲኔ ኣዝዛ። ፓርታይ ኦማይ ጋሞ ኦማይ ጋርከ፤ ኡ ዶናይፐካ ታማ፥ ጩያኔ ዲኔ ከዜዛ።
REV 9:18 ፓርታይ ዶናይፕ ከዜዝ ታማይራ፥ ጩያይራኔ ዲናይር ያ ሀይꬒ ጋድታይር ሳአ የዝ አሳይፕ ሀይዚ ኩሸፕ ፐታይ Ꮊይቄዛ።
REV 9:19 ያ ፓርታይ ዎልቃይ ኡ ዶናይዳኔ ኡ ጎይናይል የዛ። ኡ ጎይናይካ ሾሽ ኦማ ጋርክ፤ ኡ የይር አሳ ቆህዛ።
REV 9:20 Ꮊ ጋድታይር Ꮊይቀካ አቴዝታይ ፋ ኩሸ ኦሳይፕ ማሂ ማሮትꬅ ገለካያ። ኡንቲ ቱና አያናስኔ ዎርቃፕ፥ ብራፕ፥ ናሰ ብራታፕ ሹቻፐኔ ምꬃፕ፥ ኦስንቴዝ ኤቃስ ጎይንዛ። በአዳይስ፥ ስኦዳይስ፥ የꬎዳይስ ዳንዳኦዋ ኤቃይስ ጎይንꬃ አሸካያ።
REV 9:21 አሳይ ኡ ሸምፖ ዎꬌዛይስ፥ ብቴዛይስ፥ ላግቴዛይስኔ ካስቴዛይስ ማሮትꬅ ገለካያ።
REV 10:1 የይፕ ጉየ፥ ሻራ ማኤዛ ሀራ ምኖ ኪታንቻይ ሳሎፕ ሳአ ዎꬎዳር ታ በኤዛ። ኤ ኦማይል አፋ ዙላ የዛ። ኤ ስናይ አዋ ጋርከ፤ ኤ ቶክታይ ታማ ቱስታይ ጋርከ።
REV 10:2 የ ኪታንቻይ ዶያ የዝ ፐቲ ጽቃ ጻꬅ ማጻፍቶ ፋ ኩሸር አይኪ፥ ፋ ኡሻቻ ቶካ አባል አፋ፥ ፋ ሀድርሳ ቶካ ቢታል አፋ ኤሴዛ።
REV 10:3 ጻግዛ ጋሞ ጋርክ ፋ ቃላ ꬎቅ ኡዲ ኡኬዛ። ኤ ኡኬዝ ዎደ ላፑን ዳድታይ ፋ ጉምꬃ ስሴዛ።
REV 10:4 ላፑን ዳድታይ ኦድንቴዝ ዎደ ታ ጻፎዳይስ ጊግንቴዛ። ዝን ሳሎፕ፥ «ላፑን ዳድታይ ኦድንቴዛና ማታመር ጎርዶባፕ አትን ጻፍፐ» ዬግዝ ጊርꬂ ታ ስኤዛ።
REV 10:5 የይፕ ጉየ አባል አፋኔ ቢታል አፋ ኤቂ፥ ታ በኤዝ ኪታንቻይ፥ ፋ ኡሻቻ ኩሸ ሳሎ ኡዴ ሚጬዛ።
REV 10:6 ኤ ምጪ ሳሎኔ ሳሎ የዝ ኡባ፥ ሳአኔ ሳአል የዝ ኡባ፥ አባኔ ኤ ጋንጨ የዝ ኡባ መꬌዝ መꬍናስ የዝ ጾሳይ ሱንꬃይር ጫቂ፥ «Ꮊይፕ ጉየ፥ ጋምኤና!
REV 10:7 ዝን ላፑንꬃ ኪታንቻይ ፋ ቱልቱላ ስስዛ ዎደ ጾሲ ፋ አይለ ማቄዝ ናብታይ ባጋር ቆንጭሴዝ ጹራ ቆፋይ ፖልንቶዳ» ዬጌዛ።
REV 10:8 የይፕ ጉየ፥ «አባል አፋኔ ቢታል አፋ ኤቄዛይ ኪታንቻይ ኩሸ ዶይንቲ የዝ ጻꬅ ማጻፍቶ ኤኮባ» ዬጊ ናምእንꬆ ሳሎፕ ታስ ኦዶዳር ታ ስኤዛ።
REV 10:9 ታኒ የ ኪታንቻይኮ Ꮊንጊ፥ ጽቃ ጻꬅ ማጻፍቶ እንጎባ ግ ኦይጬዛ። ኤ ታኮ፥ «ኤኪ እዞ ሞባ፤ እዛ ነ ኡላይድ ጫንጎዳ፥ ዝን ነ ዶናይድ ኤስ ጋርክ ማልኦዳ» ዬጌዛ።
REV 10:10 ታኒ ኪታንቻይ ኩሸፕ የ ጽቃ ጻꬅ ማጻፍቶ ኤኪ ሜዛ፤ ታ ዶናይድ ኤስ ጋርክ ማልኤዛ፥ ዝን ታ ሜዛይፕ ጉየ ታ ኡላይድ ጫንጌዛ።
REV 10:11 የይፕ ጉየ፥ ታኮ፥ «ኔኒ ጋመ ኮችታይስ፥ ዎያስ፥ ዱማ ዱማ ዶናር ኦድንትዝታይስኔ ካትታይስ ትንቢተ ማሂ ኦዶዳይስ ቤዝዛ» ዬጌዛ።
REV 11:1 የይፕ ጉየ፥ Ꮊꬋስ ማድዝ ጉፈ እንጊ፥ «Ꮊንጊ ጾስ ካራኔ ያርሾ አቃይ ኣፑን Ꮊꬋዛኮ Ꮊꬎባ፤ ኤዛይድ ጎይንዝታካ ፓይዶባ።
REV 11:2 ዝን ጾስ ኬꬅ ድርሳፕ ጋጻ የዛይ አይሁደ ማቀካ አሳይስ እንግንቴዝ ግሾስ Ꮊካዛር አሺ አሾባ። አይሁደ ባ አሳይ ጌሽ ካታምቶ ኦይታማኔ ናምኢ አግናስ የꬊ ሃሮዳ።
REV 11:3 ታኒ ካዮ አፍላ ማኤዝ ታ ናምኢ ማርክታ ኪቶዳ፤ ኡንቲ ፐቲ ሙኩሎኔ ናምኢ ጼትኔ ኡሱፑንታም ጋላስ ትንቢተ ኦዶዳይ ጋርክ ታ ኡንትስ ዎልቃ እንጎዳ» ዬጌዛ።
REV 11:4 የ ናምኢ ማርክታይ አላመ ጎዳይ ቲና ኤቂዛ ናምኢ ዎይራ ምꬅታኔ ናምኢ ጾምፐ ጋድዝ ኮችታ።
REV 11:5 ኦንካ ኡንታን ቆሆዳይስ ኮይኮ ኡ ዶናይፕ ታማ ከዚ፥ ኡ ሞርክታ ጹግዛ። ኡንታን ቆሆዳይስ ኮዬዝ ኦንካ Ꮊይ ጋርክ ሀኒ Ꮊይቆዳ።
REV 11:6 ኡንቲ ትንቢተ ኦድዛ ዎደ እራ ቡካማይ ጋርክ ሳሎ ጎርዶዳይስ ኡንትስ ማዉተ የዛ። ኡባራካ ሃꬄ ሱꬅ ላሞዳይስ፥ ማካ ኡ ፋ ኮዬዛይ ጋርክ ቢታ ዱማ ዱማ ጋዶር ꬋብሶዳይስ ኡንትስ ማዉተ የዛ።
REV 11:7 ኡንቲ ፋ ማርካትꬃ ሃሴዛይፕ ጉየ፥ ጪሞ ኦላፕ ከዜዝ ዶአይ ኡንታር ኦልንቲ ኡንታን ጋሞዳ፤ ዎꬎዳ።
REV 11:8 ኡ አሃይ ኣዝሶር ሶዶመ ዎይ ግብጸ ግንትንቲ ጼግንትዝ ግታ ካታማ ኦጋይል አፋ ኦልንቶዳ። እዛካ ኡ ጎዳይ ማዝቃለል አፋ ሶትንቴዛኖ።
REV 11:9 ማ ዘረꬅ ኡባይፕ፥ ኮች ኡባይፕ፥ ዱማ ዱማ ዶና ኦድንትዝታይፐኔ ካተትꬂ ኡባይፕ የኤዝ አሳይ ኡ አሃ ሀይꬒ ጋላስኔ ባጋ ሄሎዳይስ በአዳ። ኡ አሃይ ሞግንታማይ ጋርክ አሳይ ካዮዳ።
REV 11:10 Ꮊ ናምኢ ናብታይ ሳአ የዝ አሳ ዋይꬄዝ ግሾስ አሳይ ኡ Ꮊይቃይድ ኡፋይቴዛ። ፋ ኡፋይሳ ቤዞዳይስ ፐታይ ፐታይስ እሞታ እንጌዛ።
REV 11:11 ሀይꬒ ጋላስኔ ባጋፕ ጉየ፥ ሸምፖ እንግዝ አያና ጾስ ካለፕ ይኢ ኡ ጋንጨ ገልን፥ ኡንቲ ደንዲ ኤቄዛ። ኡንታን በኤዝ ኡባይ ኢታ ያሽቴዛ።
REV 11:12 የይፕ ጉየ፥ የ ናምኢ ናብታይ፥ «Ꮊና ኡድ ሳሎ ከዞይታ» ግዝ ቃላ ኡ ሳሎፕ ስኤዛ። ኡ ሞርክታይ ኡንታን በአዳር፥ ኡንቲ ሻራ ጋንጨ ገሊ ፑድ ሳሎ ከዜዝ።
REV 11:13 የ ሳታይድ ቢታይ ዎልቃማ ኤንኦ ኤንእን፥ ካታማይፕ ታጵንꬃ ኩሻይ ꬋቤዛ። ማ ቢታ ኤንኦር ላፑን ሙኩሎ አሳይ Ꮊይቄዛ። አቴዝ አሳይ ኢታ ኩኩሪ Ꮊሽቲ፤ ሳሎ ጾሳይስ ቦንቾ እንጌዛ።
REV 11:14 ናምአንꬃ ኣያይ ኣꬌዛ፥ ይኬ ሃይꬒንꬃ ኣያይ ኤለ የኦዳ።
REV 11:15 ላፑንꬃ ኪታንቻይ ፋ ቱልቱላ ፑጌዛ። ሳሎፕ፥ «ሳአ ካተትꬃይ ኑ ጎዳይስነ ኤስ ክርስቶሳስ ማቄዛ፤ ኤ መꬊናፐ መꬍና ሄሎዳይስ ካዉቶዳ» ዬግዝ ዎልቃማ ጊርꬅታይ ስንቴዛ።
REV 11:16 የይፕ፥ ጾስ ቲና፥ ፋ ዙፋንታይል በቴዝ ላታማኔ ኦይዲ ጭምታይ ጹጉኒ፥ ጾስስ ጎይንታር፥
REV 11:17 «Ꮊተካ ብንካ የዛዮ፥ ኡባ ሞድዝ ጎዳ ጾሳዮ፥ ኔኒ ነ ግታ ዎልቃ አይኬዛ። ነ ካዉቴዝ ግሾስ ኑኒ ነና ጋላትዛ።
REV 11:18 አይሁደ ባ አሳይ ካጭንቴዛ፥ ዝን ነ ካቻይ የኤዛ። Ꮊይቄዝታይል አፋ ነ ፕርድዛ ዎዳይ የኤዛ። ኔኒ ነ አይልታይስ፥ ናብታይስ፥ ጌሽታይስኔ ነ ሱንꬃይስ ያሽትዝታይስ፥ ላፍታይስኔ ግትታይስ፥ ኡ ኦሳይ ጋርክ እንግዛ ዎዳይ ሄሌዛ። አላመ ꬋብስዝታ ꬋብስዛ ዎዳይ የኤዛ» ዬጌዛ።
REV 11:19 ሳሎ የዝ ጾስ ኬꬃይ ዶይንቴዛ፤ ኤ ጋንጨ ጾስ ጫቆ ታቦታይ በንቴዛ። ማ ዜልንꬂ ዜልንጌዛ፥ ዳዳኔ ዳዳ ሳርꬂ ጉሜዛ፤ ቢታ ኤንኤዛ፤ ዎልቃማ ሻቺ ሻጬዛ።
REV 12:1 የይፕ ጉየ፥ ዎልቃማ ማላ ሳሎ በንቴዛ። አዋ ማኤዝ፥ አግና ፋ ቶኬ ኦሞ ኣꬄዝ፥ ታጶ ናምኢ ጾልንትታ ዛዉደ ጋርክ ፋ ኦማል ጋዴዝ፥ ፐቲ አስታ በንቴዛ።
REV 12:2 የ አስታ ዎልቃ ኢታዝን፥ እዞ የሎስ እቅꬂ አይክን ኡንእንቲ ኡኬዛ።
REV 12:3 ማ ሀራ ማላ ሳሎ በንቴዛ። ላፑን ኦምታይኔ ታጲ ካጭታይ የዝ ዳምግታ ዞቆ ዳወ በንቴዛ። ኤ ፋ ኦምታይል አፋ ላፑን ዛዉደ ጋዴዛ።
REV 12:4 የ ዳዋይ ፋ ጎይናይር ጾልንትታይፕ ስካ ሳሎፕ ዳፊ ሳአ ኦሌዛ። የ ዳዋይ አስታ ናአ የሊ ኦሌዛን ጋርክ ማዳይስ ኮዪ፥ የሎስ እቅንትዝ አስቲ ቲና ኤቄዛ።
REV 12:5 የ አስታ ካተትꬃ ኡባ ብራታ ጉፈር ሃሮዳይስ የዝ ꬊራꬅ ናአ የሌዛ። ናአይ ጾስኮኔ ኤ ዙፋናይኮ ኡዴ ኤክንቴዛ።
REV 12:6 አስታ ፐቲ ሙኩሎኔ ናምኢ ጼታኔ ኡሱፑንታም ጋላስ ሄሎዳይስ እዞ ናጎዳይ ጋርክ ጾሲ ኢስ ጊግሲ ጋዴዝ አቃ ሊዦ ጋደ ቆስንቶ ቅቴዛ።
REV 12:7 ሳሎ ኦላ መꬍንቴዛ። ምካኤለኔ ኤ ኪታንችታይ ዳዋይራ ኦልንቴዛ፤ ዳዋይኔ ኤ ኪታንችታይካ ማሂ ኦልንቴዛ።
REV 12:8 ዝን ዳዋይኔ ኤ ኪታንችታይ ጋምንቴዛ፥ የይፕ ሳሎ ኡንትስ አቆ ꬋቤዛ።
REV 12:9 ዳማ ዳወ፥ ብኒ ሾሻይ፥ ሳአ ꬉግንቴዛ። ኤካ ዳቡሎሳ ዎይ ጻላሄ ግንትንትዝ አላማ ባልꬅዛያ። ኤዛ ኤ ኪታንችታይራ ፐትፕ ሱል ኦሌዛ።
REV 12:10 የይፕ ጉየ፥ ሳሎፕ Ꮊይ ጋርክ ዬግዝ ጊርꬅ ታ ስኤዛ። «Ꮊት አቶትꬅ፥ ዎልቃኔ ካተትꬃይ፥ ኑ ጾሳይስ ማቄዛ፤ ማዉተ ክርስቶሳስ ማቄዛ። ይኬ፥ ቃማኔ ጋላስ ጾስ ቲና፥ ኑ እሽታ ሞትዛይ ሳሎፕ ሱል ꬉግንቴዛ።
REV 12:11 ኡንቲ ዱራይ ሱꬃይራኔ ፋ ማርካትꬅ ቃላይር፥ ኤዛ ጋሜዛ። ኡንቲ ፋ ሸምፖስ ቃꬊንተካዛር ፋና Ꮊይቆስ ኣꬂ እንጌዛ።
REV 12:12 የይ ግሾስ፥ ሳሎኔ ኤ ጋንጨ የዝታዮ ኡፋይቶይታ። ዝን ቢታኔ አባ አየ! ይኬ፥ ዳቡሎሳ ፋሳ ጽቃ ዎደ አቴዛና ኤሬዝ ግሾስ ዎልቃማ ካቻር ይንትኮ ዎꬌዛ» ዬጌዛ።
REV 12:13 ዳዋይ ፋና ሳአ ኦሌዛና በኤዝ ዎደ ꬊራꬅ ናአ የሌዝ አስቶ ባይእꬄዛ።
REV 12:14 አስቶ ሾሻይ ቆሃማይ ጋርክ ሊዦ ጋꬋ ኢስ ጊግንቴዛ አቆ ፕራꬍ Ꮊማዳይ ጋርክ ናምኢ ዎልቃማ ጎሎ ቀፈ ኣዝዛይ ኢስ እንግቴዛ። ኤዛይድ ሾሻይ ቲናይፕ ሃኪ ሀይꬒ ላይꬅኔ ባጋ ቦንቾር ናግንትዛ።
REV 12:15 ሾሻይ የ አስቶ ድኦ ኤኪ ቅቶዳይ ጋርክ ዳዋይ ቦርካ ሃꬅ ጋርክ ፋ ዶናይፕ አስቲ ጉየር ጮዢ ጎግሴዛ።
REV 12:16 ዝን ቢታይ አስቶ ማዴዛ፤ ቢታይ ፋ ዶና ዶዪ ዳዋይ ዶናይፕ ከዜዝ ሃꬃ ምጻጼዛ።
REV 12:17 የ ዳዋይ አስትል አፋ ኢታ ሸንቲ፥ ኤ ዘርꬅታ፥ ጾስ ኪታ ናግዝታኔ የሱሳስ አማንንቴዝ ማርክታ ኦሎዳይስ Ꮊንጌዛ።
REV 12:18 ዳዋይ አባ ላንቀ የዝ ሻፈል ኤቄዛ።
REV 13:1 የይፕ ጉየ፥ ፐቲ ዶአይ አባፕ ከሳዳር ታ በኤዛ። ኤስ ታጲ ካጭታይኔ ላፑን ኦምታይ የዛ። የ ታጲ ካጭታይል አፋ ታጲ ዛዉድታይ የዛ። የ ኦምታይል አፋ ጫሽ ሱንꬅታይ የዛ።
REV 13:2 ታ በኤዝ ዶአይ ማሄ ኣዝዛ፤ ኤ ቶካይ ባንባርቀ ቶኬ ጋርከ፤ ኤ ዶናይካ ጋሞ ዶና ኣዝዛ። ዳዋይ ፋ ዎልቃ፥ ፋ ዙፋናኔ ፋ ግታ ማዉታ የ ዶአይስ እንጌዛ።
REV 13:3 የ ዶአይ ኦማይፕ ፐታይል አፋ Ꮊይቆስ ሄልꬅዝ ማዶꬅ ታ በኤዛ፥ ዝን የ ማዶꬃይ ፓጼዛ። አላማይ ኡባይ ማላባዝ ግ የ ዶአ ካሌዛ።
REV 13:4 ዳዋይ ፋ ማዉታ ዶአይስ እንጌዝ ግሾስ አሲ ኡባይ ዳዋ ጎይኔዛ። ማ አሳይ፥ «ዶአና ኣዝዛይ ኦኖ? ኤዛር ኦልንቶዳይስ ዳንዳእዛይ ኦኖ?» ዬግታር ዶአይስ ጎይኔዛ።
REV 13:5 የ ዶአይስ ኡትርቶዳይ ጋርከኔ ጫዦዳይ ጋርክ ዶና ኤስ እንግንቴዛ፤ ኦይታማነ ናምኢ አግና ሃሮዳይ ጋርክ ማዉተ ኤስ እንግንቴዛ።
REV 13:6 የ ዶአይ ጾሳ፥ ጾስ ሱንꬃ፥ ኤ የዝ አቃኔ ሳሎ የዝ ባዝታ ጫዥꬅ አይኬዛ።
REV 13:7 የ ዶአይ ጌሽታይራ ኦልንቲ፥ ኡንታን ጋሞዳይ ጋርክ ዎልቃ ኤስ እንግንቴዛ። ኮች ኡባይል፥ ጋደ ኡባይል፥ ዱማ ዱማ ዶና ኦድንትዛ ኡባይላኔ ዘረꬅ ኡባይል ማዉተ ኤስ እንግንቴዛ።
REV 13:8 አላመ መꬊንቴዛይፕ አይኪ፥ ሹክንቴዝ ዱራይር ደኦ ማጻፋይድ ኡ ሱንꬅታይ ጻፍንተካ Ꮊ ሳአ የዝ አስ ኡባይ የ ዶአይስ ጎይኖዳ።
REV 13:9 ስእዝ ሀየ የዝ አሲ ስኦ።
REV 13:10 ኦንካ ድእንቶዳይስ የዛይ ድእንትዛ። ማሻር Ꮊይቆዳይስ የዛይ ማሻር Ꮊይቆዳ። ጌሽታይ ጋርዣይኔ አማናይ የ ዎደ ኤርንቶዳይ።
REV 13:11 ማካ፥ ሀራ ዶአ ሳአፕ ከሳዳር ታ በኤዛ። ኤስ ዱር ካጨ ኣዝዛ ናምኢ ካጭታይ የዛ፤ ኤ ናሻይካ ዳዌሳይ ጋርከ።
REV 13:12 የ ዶአይ ቲና ዶአይ ማዉታይር ኡባ ባዝ ኤ ቲና ኦꬅዛ። ኤካ Ꮊይቆስ ሄልꬅዝ ማዶꬃፕ ፓጼዝ ቲና ዶአይስ፤ ቢታ የዝ አስ ኡባይ ጎይኖዳይ ጋርክ ኡድዛ።
REV 13:13 የ ናምአንꬆ ዶአይ ሀራ አቶዝን፥ ታማ ሳሎፕ አስ ኡቢታይ ቲና ዎꬆድ ሄሎዳይስ ግታ ማላባዝታ ኦꬄዛ።
REV 13:14 ቲና ዶአይ ቲናይድ ኦꬆዳይ ጋርክ፥ ኤስ እንግንቴዝ ማላ ባዛር ሳአ የዝ አስ ኡባ ኤ ባልꬄዛ። ማሻር ማዶꬂ ፓጼዝ ዶአይስ ቦንቾ ምስለ ጊግሶዳይ ጋርክ ቢታል ኤዝ አሳ ኪቴዛ።
REV 13:15 ናምእንꬆ ዶአይ ቲና ዶአይ ምስላይስ ፔኖ እንግንቴዛ። ማዉተ እንግንቴዛይ ኦድንቶዳይ ጋርከኔ ኤስ ጎይኖዝታይ Ꮊይቆድ ጋርክ ኦꬅዛ ማዉተ ኤስ እንግቴዛ።
REV 13:16 የ ናምእንꬆ ዶአይ ጽቅታይኔ ዳምታይ፥ ማንቅታይኔ ዱርታይ፥ ጎድታይኔ አይልታይ ፋ ኡሻች ኩሸል ዎይ ፋ ስኖል ማላ ጋዶዳይ ጋርክ ጪጲቼዛ።
REV 13:17 የ ዶአ ሱንꬃ ቤዝዛ ማላ ዎይ ኤ ሱንꬃ ፓይዳይ ባ አስ ኦንካ ባይዞዳይስኔ ዎንጎዳይስ ዳንዳኦዋ።
REV 13:18 ኤጨትꬂ ኮሽዛይ የይዳ። ካሃር የዝ ኦካ የ ዶአይ ፓይዳ ኤሮ፤ የ ታይባይ ማልዛይ አሰ። የ ታይባይ ኡሱፑን ጼትኔ ኡሱፑን ታማኔ ኡሱፑን።
REV 14:1 የይፕ ጉየ፥ ዱራይ ጽዮነ አምባል አፋ ኤቄዛና ታ በኤዛ። ኤ ሱንꬃኔ ኤ አዳይ ሱንꬃይ ኡ ስናይድ ጻፍንቴዝ፥ ጼታኔ ኦይታማኔ ኦይዲ ሙኩሎ አስታይ ኤዛር የዛ።
REV 14:2 ሳሎፕ ግታ ሶሳ ሃꬅ ጉምꬅኔ ዳዳ ጉምꬅ ኣዝዝ ዎልቃማ ጊርꬅ ታ ስኤዛ። ማ ታ ስኤዝ ጊርꬃይ ዲꬅ ዲጾዳር ስእንትዝ ጊርꬅ ጋርከ።
REV 14:3 ጼታኔ ኦይታማኔ ኦይዲ ሙኩሎ አስታይ ዙፋናይ ቲና፥ ኦይዲ ሸምፖር የዝ መትꬅታይ ቲናኔ ጭምታይ ቲና ኤቂ ቢታፕ ዎዝንቴዝታይፕ ሀራ ኦንካ ታማሮዳይስ ዳንዳኦዋ ኦሮꬅ ማዝሙረ የጼዛ።
REV 14:4 የይትታይ ማቻር ፋና ቱንሰካ ናጌዝ ጌሽታ። ኡንቲ ዱራይ Ꮊንግዛ አቆ ኡባ ካልዛ። ኡንቲ ጾስስኔ ዱራይስ አስ ኡባይ ጋንጨፕ ባይራ ማቃዳይ ጋርክ ዎዝንቲ ሺቄዝታ።
REV 14:5 ኡንቲ ዎርዶኔ ቦሮ ባ አስታ።
REV 14:6 የይፕ ጉየ፥ መꬍና ዎንግለ ሳአል አፋ የዝ ካተትꬅ ኡባይስ፥ ኮች ኡባይስ፥ ያራ ኡባይስኔ ዱማ ዱማ ዶና ኦድንትዛ ኡባይስ ማርካቶዳይስ ሳሎራ ፕራꬍዛ ሀራ ኪታንቾ ታ በኤዛ።
REV 14:7 የ ኪታንቻይ ፋ ቃላ ꬎቅ ኡዲ፥ «ጾሲ አላማ ፕርድዛ ሳታይ ሄሌዛ፥ ጾሳይስ ያሽቶይታ፤ ኤዛ ቦንቾይታ። ሳሎኔ ሳአ፥ አባኔ ፑልቶ ሃꬃ መꬌዝ ጾሳይስ ጎይኖይታ» ዬጌዛ።
REV 14:8 ሀራ ናምእንꬆ ኪታንቻይ፥ «ዎይታ ኡባ ማꬅስዝ ላግተ ዎይነ ኡሼዛን፥ ግታ ባብሎነ ፖኬዛ! ፖኬዛ!» ዬጊ ኡክታር ቲና ኪታንቻ ካሌዛ።
REV 14:9 ሃይꬒንꬆ ኪታንቻይ ኡንታን ካሊ፥ ፋ ቃላ ꬎቅ ኡዲ፥ «ዶአይስኔ ኤ ምስላይስ ጎይንዛይ ዎይ ኤ ማላ ፋ ስኖል ዎይ ፋ ኩሸል ጋዴዝ ኡባይ፥
REV 14:10 ጾስ ካች ዎይና ኡ ኡዦዳ የይካ ዎይናይካ ዋላክንተካ ኤ ካች ጹአይር ኣዳ ዱቅንቴዛያ። ኡንቲ ጌሻ ኪታንችታይ ቲናኔ ዱራይ ቲና ኤጽዝ ዲኔ ታማ ጋንጨ ፋꬅ ካእንቶዳ።
REV 14:11 ኡንቲ ዋይንትዛ ታማይፕ ከዝዝ ጩያር መꬊ መꬍናስ ጩይታር የዞዳ። ዶአኔ ኤ ምስላ ጎይንዛኔ ማ የ ዶአይ ሱንꬃ ማላይ የዝ ኦንካ ቃማኔ ጋላስ ሸምፖ ባይꬅ ካእንቶዳ» ዬጌዛ።
REV 14:12 ጾስ አዛዛ ናግዛይኔ የሱሳስ አማንንቴዝታይ ጋርዤዝ ምኖትꬃይ ቆንጮዳይ የይዳ።
REV 14:13 ሳሎፕ Ꮊይ ጋርክ ዬግዝ ጊርꬅ ታ ስኤዛ። «Ꮊያ ጻፎባ፥ ይከፕ ጉየ ጎዳይር የዚ Ꮊይቅዝታይ አንጅንቴዝታ» ዬግዝ ጊርꬅ ሳሎፕ ታ ስኤዛ። አያናይ፥ «ኤ ቱማ፥ ኡ ኦሳይ ኡንታን ካልዛ ግሾስ ኡንቲ ፋ ዳቡራይፕ ሸምፖዳ» ዬግዛ።
REV 14:14 የይፕ ጉየ፥ ቦꬅ ሻራ በንቴዛ። Ꮊ ሻራይል አፋ በቴዝ አስ ናአ ኣዝዛና ታ በኤዛ። ኤ ፋ ኦማይል አፋ ዎርቃ ዛዉደ ጋዴዛ፤ ፋ ኩሻይዳካ ኦጮ ባጫ አይኬዛ።
REV 14:15 ሀራ ኪታንቻይ ጾስ ኬꬃይፕ ከዚ፥ ሻራል አፋ በቴዛይኮ ፋ ቃላ ꬎቅ ኡዲ፥ «ካꬃ ሺሾ ቶርቼ ሄሌዝ ግሾስ ነ ባጫ ዳኪ ካꬃ ቡጮባ፤ ሳአ የዝ ካꬃ ቡጭዝ ዎደ ሄሌዛ» ዬጌዛ።
REV 14:16 የይፐ ሻራል አፋ በቴዛይ ፋ ባጫ ሳአ ዳኪ፥ ሳአ የዝ ካꬃ ቡጬዛ።
REV 14:17 ማካ ሳሎ የዝ ጾስ ኬꬃይፕ ሀራ ኪታንቻይ ከዜዝ፤ ኤስካ ኦጮ ባጫ የዛ።
REV 14:18 ታማል አፋ ማዉተ የዝ ሀራ ኪታንቻይ ያርሾ አቃይ ካላይፕ ከዜዝ። ኤ ፋ ቃላ ꬎቅ ኡዲ ኦጮ ባጫ አይኬዝ ኪታንቻይኮ፥ «ዎይነ ኣፋይ ቴሬዝ ግሾስ ነ ኦጮ ባጫ ዳኪ፥ ሳአ የዝ ዎይናይ ኮሻ ጋቺ ሺሾባ» ዬጌዛ።
REV 14:19 የ ኪታንቻይ ፋ ባጫ ዳኪ፥ ሳአ የዝ ዎይናይፕ ኮሻ ጋቺ፥ ጾስ ግታ ካች ቡልዝ አቆ ኦሌዛ።
REV 14:20 ኡንቲ ካታማይፕ ጋጻ የዝ ዎይነ ኣፈ ቡልዝ አቆ ቡሌዛ። ሱꬂ ዎይነ ቡልዝ አቃይፕ ከዚ ሀይꬒ ጼት ክሎ ምትረ ጋርክ ሃኪ፥ ፋራ ፑሎ ሄልዛ ጋርክ ኤል ꬎቅ ጌዛ።
REV 15:1 ታኒ ሳሎል ሀራ ዳማኔ ፓላ ማላባዝ በኤዛ። ጾስ ዉርስꬃ ካች ፖልዛ ላፑን ቦሽታ አይኬዝ ላፑን ኪታንችታ ታ በኤዛ።
REV 15:2 የይፕ ጉየ ታማር ዋላክንቴዝ ቡርጩኮ አባ ኣዝዛ ባዝ ታ በኤዛ። የ አባይ ጋጻ ዶአ፥ ኤ ምስላኔ ኤ ሱንꬃይ ታይባ ጋሜዝታ ታ በኤዛ። ጾሲ ኡንትስ እንጌዝ ዲꬃ አይኪ ቡርጩኮ አባል ኤቄዛ።
REV 15:3 ኡንቲ ጾስ አይለ ሙሰ ማዝሙራኔ ዱራይ ማዝሙራና Ꮊይ ጋርክ ዬጊ የጼዛ። «ጎዳዮ፥ ኡባፕ ዎልቃማ ጾሳዮ፥ ነ ኦሳይ ዳማኔ ማላባዚ። ዎያ ኡባይስ ካታዮ፥ ነ ኦጋይ ጽሎኔ ቱማ።
REV 15:4 ጌሺ ነ ኣዳ ማቄዝ ግሾስ ጎዳዮ፥ ኔስ ያሽቶዛይኔ ነ ሱንꬃ ቦንቾዛይ ኦኖ? ነ ጽሎ ኦሳይ አስ ኡባይስ ቆንጨ ማቄዝ ግሾስ ዎያ ኡባይ ነ ቲና ይኢ ጎይኖዳ» ዬጊ የጽዛ።
REV 15:5 የይፕ ጉየ፥ ሳሎ ዶይንቲ የዝ ማርካትꬅ ዱንካነ ማቄዝ ጾስ ኬꬃ ታ በኤዛ።
REV 15:6 ላፑን ቦሽታ አይኬዝ ላፑን ኪታንችታይ ጾስ ኬꬃይፕ ከዜዝ። ኡንቲ ጌሽኔ ፖጭዝ ሊኖ ማኦ ማኤዛ፤ ፋ ትራል ዎርቀ ዳንጮ ዳንጬዛ።
REV 15:7 ኦይዲ መትꬅታይፕ ፐታይ፥ መꬍናስ የዝ ጾስ ካቺ ኩሜዝ ላፑን ዎርቃ ጹእታ ላፑን ኪታንችታይስ እንጌዛ።
REV 15:8 ጾስ ቦንቻይፐኔ ኤ ዎልቃይፕ ደንዴዛይድ ጾስ ኬꬃይ ጩያር ኩሜዛ። ላፑን ኪታንችታይ አይኬዝ ላፑን ቦሽታይ ፖልንቶድ ሄሎዳይስ ጾስ ካራ ኦንካ ገሎዳይስ ዳንዳኤካያ።
REV 16:1 የይፕ ጉየ፥ ላፑን ኪታንችታይኮ፥ «Ꮊንጊ ጾስ ካች አይኬዝ ላፑን ጹእታ ሳአ ላሎይታ» ዬጊ፥ ዎልቃማ ጊርꬂ ጾስ ኬꬃፕ ከሳዳር ታ ስኤዛ።
REV 16:2 ቲና ኪታንቻይ Ꮊንጊ፥ ጹአና ሳአ ላልን፥ ዶአይ ማላይ የዝታይላኔ ኤ ምስላይስ ጎይንዝታይል ኢታኔ ዛምዝ ማዶꬂ ከዜዝ።
REV 16:3 ናምእንꬆ ኪታንቻይ ጹአና አባል ላልን፥ አባይ Ꮊይቄዝ አስ ሱꬅ ማቄዛ። ማ አባ ጋንጨ የዝ ሸምፖር የዝ መተꬅ ኡባይ Ꮊይቄዛ።
REV 16:4 ሃይꬒንꬃ ኪታንቻይ ጹአና ዳማ ሃꬃላኔ ፑልቶ ሃꬃል ላልን፥ ሃꬅታይካ ሱꬂ ማቄዛ።
REV 16:5 የይፕ ጉየ፥ ሃꬃል አፋ ማዉተ የዝ ኪታንቻይ Ꮊይ ጋርክ ዬጎዳር ታ ስኤዛ። «Ꮊተካ ብንካ የዝ ጌሻ ጎዳዮ፥ Ꮊይ ጋርክ ነ ፕርዴዝ ግሾስ ኔኒ ጌሺ።
REV 16:6 ኡንቲ ጌሽታይ ሱꬅኔ ናብታይ ሱꬅ ላሌዝ ግሾስ ነ ኡንታን ሱꬅ ኡሼዛ የይካ ኡንትስ ቤዝዛ ባዚ» ዬጌዛ።
REV 16:7 ያርሾ አቃይፕ፥ «ኤ ጎዳዮ፥ ኡባፕ ዎልቃማ ጾሳዮ፥ ነ ፕርዳይ ቱማኔ ጽሎ» ዬግዝ ቃላ ስኤዛ።
REV 16:8 ኦይዳንꬆ ኪታንቻይ ጹአ አዋል አፋ ላልን፥ አዋ ፋ ምሻይር አሳ ጹጎዳይ ጋርክ አዋስ ዎልቃ እንግንቴዛ።
REV 16:9 አሳይ ዎልቃማ ምሻይር ጹግንቲ፥ የ ቦሽታይል አፋ ማዉተ የዝ ጾስ ሱንꬃ ጫዤዛ፤ ማሮትꬅ ገለካያ፥ ጾሳናካ ቦንቼካያ።
REV 16:10 እችንꬃ ኪታንቻይ ጹአና ዶአይ ዙፋናይል አፋ ላልን፥ የ ዶአይ ካተትꬃይ ꬉሜዛ። አሳይካ ኡንኣይፕ ደንዴዛይድ ፋ እንጻርሳ ጮንግዛ።
REV 16:11 ማ አሳይ ኡንኣይ ግሾኔ ማዶꬃይ ግሾስ ሳሎ ጾሳ ባዴዛ፤ ፋ ኦꬄዝ ናጋራይፐካ ማቀካያ።
REV 16:12 ኡሱፑንꬃ ኪታንቻይ ጹአና ግታ ኤፍራጺሰ ሃꬃል ላልን፥ አዋ ከስ ባጋፕ የኦድ ካትታይስ ኦገ ጊጎዳይ ጋርክ ሃꬃይ መሌዛ።
REV 16:13 የይፕ ጉየ፥ ዳዋይ ዶናይፕ፥ ዶአይ ዶናይፐኔ ዎርዶ ናበ ዶናይፕ ኦቃነ ኣዝዛ ሀይꬒ ቱና አያንታይ ከሳዳር ታ በኤዛ።
REV 16:14 ኡንቲ ማላባዝታ ኦꬅዝ ቱና አያንታ። የ ሀይꬒ ቱና አያንታይ ኡባፕ ዎልቃማ ጾስ ግታ ጋላስ ሀኖዳይስ የዝ ኦላይስ አሳ ሺሾዳይስ አላመ ካት ኡባይኮ Ꮊንጎዳ።
REV 16:15 «ይኬ፥ ታኒ ካይዞ ጋርክ የኦዳ! አስ ቲና ካሎ ማቂ ፋ ካሎትꬃይስ ዬላታማይ ጋርክ ባርኪ፥ ፋ ማአ ናግዛ አꬃይ አንጅንቴዛያ!» ዬጌዛ።
REV 16:16 የ ቱና አያንታይ ካትታና እብራይስጸ ዶናር አርማገዶነ ግዝ አቆ ሺሼዛ።
REV 16:17 ላፑንꬃ ኪታንቻይ ጹአና ጫርኮል አፋ ላልን፥ ጾስ ካራ የዝ ዙፋናይፕ፥ «ፖልንቴዛ» ዬግዝ ዎልቃማ ግርꬂ ከዜዛ።
REV 16:18 የይፕ ዜልንꬂ ዜልንጌዝ፤ ዳዳይ ሳሪ ꬉቄዝ፥ ቢታይ ኤንኤዛ። የይ ጋርክ ዎልቃማ ቢታ ኤንኦ አሲ መꬊንቴዛይፕ አይኪ የሻ ኤንኤካያ።
REV 16:19 ዳማ ካታምታ ሀይꬒ ከዚ ሻክንቴዛ፤ ጋደ ኡባይድ የዝ ካታምታይ ላልንቴዛ። ጾስ ግታ ካታማ ባብሎነ ቆፒ፥ ፋ ኢታ ካቺ ዎይነ ኡሺ ኩሜዝ ጹአና ኢስ እንጌዛ።
REV 16:20 ሃꬃር ማርንቴዝ ቢትታይ ꬋቤዛ፤ አምብታይካ በንተካያ።
REV 16:21 አሳይል አፋ ኦይታማኔ እችን ክሎ ግራመ ጋርክ ዴጽዛ ዎልቃማ ሻች ሳሎፕ ቡኬዛ። ቦሻይ ኡሳ ኢታ ማቄዝ ግሾስ አሳይ ሻቻይ ቦሻይ ግሾስ ጾሳና ጫዤዛ።
REV 17:1 ላፑን ጹእታ አይኬዝ ላፑን ኪታንችታይፕ ፐታይ ታኮ ይኢ፥ «Ꮊና የኦባ፤ ጋመ ሃꬅታይል አፋ በቴዝ ግታ ላምዛ አስትል አፋ የኦዳይስ የዝ ፕርዳ ታ ነና ቤሳዳ።
REV 17:2 አላመ ካትታይ ኢር ላሜዛ፤ አላመል የዝ አሳይካ እ ላመትꬅ ዎይና ኡዢ ማꬄዛ» ዬጌዛ።
REV 17:3 የ ኪታንቻይ ታና አያናር ሊዦ ጋꬋ ካንጌዛ። ኤዛይድ ፐቲ አስታ ጫሽ ሱንꬃይ ኤዛል አፋ ጻፍንቴዝ፥ ላፑን ኦማኔ ታጲ ካጨ የዝ ዞቆ ዶአ ቶጌዝ ፐቲ አስቶ በኤዛ።
REV 17:4 የ አስታ ካሎሰ ማኦኔ ዞቆ ማኦ ማኤዛ፤ እዛ ዎርቃር፥ ቦንቾ ሹቻራኔ እንቆ ግዝ አልኦ ሹቻር ቡቁርንቴዛ። እዛ ፋ ኩሻይድ ቦርስዛባዝኔ ላመትꬅ ቱናትꬃር ኩሜዝ ዎርቀ ጹአ አይኬዛ።
REV 17:5 እ ስናይል አፋ የዝ ጹራ ሱንꬃይ፥ «ዳማ ባብሎነ፥ ላሞስኔ ሳአ የዝ ቱና ባዝ ኡባይስ እንዶ» ዬግዝ ጹፈ ጻፍንቲ በቴዛ።
REV 17:6 ማ የ ማቻት ጌሽታይ ሱꬃኔ የሱሳስ ማርካትታር Ꮊይቄዝታይ ሱꬅ ኡዢ ማꬄዛኖ ታ ብኢ Ꮊይ ማላባዝ ጌዛ።
REV 17:7 ኪታንቻይ ታኮ፥ «ኔኒ አብስ ማላባዝ ጌ? ታኒ ኔስ የ አስቲ ጹራኔ እዛ ቶኬዝ ላፑን ኦማኔ ታጲ ካጨ የዝ ዶአይ ጹራ ኦዶዳ።
REV 17:8 ኔኒ በኤዝ ዶአይ ብኒ የዛ፥ ዝን Ꮊት ባያ። ጉየፕ የ ዶአይ ጪሞ ኦላፕ ከዞዳ፥ ꬋቦኮ Ꮊማዳ። አላማይ መꬊንቴዛይፕ አይኪ፥ ደኦ ማጻፋይድ ኡ ሱንꬃይ ጻፍንተካ ሳአ የዝ አሳይ ዶአና ብኢ ማላባዝ ጎዳ። አብስ ጊኮ፥ ያ ዶአይ ካሰ የዛ፤ Ꮊት ባያ፥ ዝን ቲናፕ የኦዳ።
REV 17:9 «ኤጨትꬃር የዝ ካሃ ኮሽዛይ Ꮊይዳ። ላፑን ኦምታይ አስታ በትዝ ላፑን አምብታ፤ የይትታይ ማ ላፑን ካትታ።
REV 17:10 ኡንታፕ እችን ካትታይ ፖኬዛ። ፐታይ Ꮊኖ ሄሎዳይስ ሃርዛ፤ Ꮊንኮ ካታይ የኤካ። ኤ ጽቃ ዎደስ ኣዳ ካታምእ የኦዳይስ ቤዝዛ።
REV 17:11 ካሰ የዛ ዶአይ፥ Ꮊት ባዛይ፥ ኤ ፋ ኦማስ ሆስፑንꬃ ዶአ። ኤ ላፑን ዶእታይፕ ፐታ፤ ኤ ꬋቦኮ Ꮊንግዛ።
REV 17:12 «ኔኒ በኤዝ ታጲ ካጭታይ ሀጋ ሃሮ አይከካ ታጲ ካትታ። ዝን ኡንቲ ዶአይራ ፐቲ ሳተ ካዉቲ ሃሮዳይስ ኡንትስ ማዉተ እንግንቶዳ።
REV 17:13 ኡንትስ ኡባይስ ፐቲ ቆፋ የዛ፤ ኡንቲ ፋ ዎልቃኔ ፋ ማዉታ ዶአይስ እንጎዳ።
REV 17:14 ኡንቲ ዱራይር ኦልንቶዳ፥ ዝን ዱራይ ጎድታይ ጎዳነ ካትታይ ካት ማቄዝ ግሾስ ኤር የዝ ኤ ጼጌዝታይ፥ ዶሬዝታይኔ አማንንቴዝታይ የ ካትታ ጋሞዳ» ዬጌዛ።
REV 17:15 ኪታንቻይ ማካ ታኮ፥ «ላምዛና በቴዝ የ ኔኒ በኤዝ ሃꬅታይ ኮችታ፥ ካተተꬅታ፥ ዘረꬅታኔ ዱማ ዱማ ዶናር ኦድንትዝታ።
REV 17:16 ማ ኔኒ በኤዝ ታጲ ካጨኔ ዶአይ ላምዛ አስቶ እጾዳ። ኡንቲ ኢስ የዝ ኡባ ባዝ ኤኮዳ። ማ እዞ ካሎ አሾዳነ እ አሾ ማዳ፤ የይፕ ኡንቲ እዞ ታማር ጹጎዳ።
REV 17:17 ይኬ፥ ጾስ ቃላይ ፖልንቶድ ሄሎዳይስ ኡ ቆፋይ ፐቶ ማቃዳይ ጋርክ ኡንቲ ፋ ካተትꬃ ዶአይስ እንጎዳኔ ጾሲ ቆፔዛና ኡንቲ ኦꬆዳይ ጋርክ ኡ ዎዝናይድ ጾስ አሞ ጋዴዛ።
REV 17:18 የ ኔኒ በኤዝ አስታ ሳአ ካትታ ሃርዛ ግታ ካታምቶ» ዬጌዛ።
REV 18:1 የይፕ ጉየ፥ ግታ ማዉተር የዝ ሀራ ኪታንቻይ ሳሎፕ ዎꬎዳር ታ በኤዛ። የ ኪታንቻይ ቦንቻይ ሳአ ፖእሴዛ።
REV 18:2 ፋ ቃላ ꬎቅ ኡዲ፥ «ዳማ ባብሎነ ꬋቤዛ! ኤ ꬋቤዛ! ባብሎነ ጋለነስ አቅዛ አቆ ማቄዛ። ዱማ ዱማ ቱና አያንታይስ ኬꬄ ማቄዛ፤ ቱናኔ ፍልንቴዝ ካፍታይ ሸምፕዛ አቆ ማቄዛ።
REV 18:3 አስ ዘረꬅ ኡባ ፋ ላመ ዎይና ኡሼዛ። ሳአ ካትታይ ኢር ላሜዛ። ኢስ የዝ አቆፕ ኣꬌዝ ዱረትꬃይፕ ደንዴዛይድ ቢታል የዝ ዛልእዝታይ ዱረቴዛ» ዬጌዛ።
REV 18:4 የይፕ ጉየ፥ ታ ሳሎፕ Ꮊይ ጋርክ ዬግዝ ሀራ ግርሲ ስኤዛ። «ታ ዎይታዮ እ ናጋራ ኢር ኮጻማይ ጋርከኔ፥ እዛ ኤኮዳይስ የዝ ሴራ ይ ኤካማይ ጋርክ፥ ኢፐ ከዞይታ።
REV 18:5 ይኬ፥ እ ናጋራይ ሳሎ ሄሎዳይስ ዶርንቴዛ። ጾሲ እ ናቃ ቆፔዛ።
REV 18:6 እዛ እንጌዛን ጋርክ ማሂ ኢስ እንጎይታ። እዛ ኦꬄዝ ኦሳይስ ናምኢ ኩሸ ኢስ ማሆይታ። እዛ ዋላኬዝ ኡሻይል አፋ ይ ናምኢ ኩሸ ዋላክንቴዝ ኡሽ እ ጹአይድ ኩንꬆይታ።
REV 18:7 እዛ ቦንችንቴዛኔ ኢስ ጊጌዛይ ጋርክ፥ ኢስ መቶኔ ካዮ እንጎይታ። እዛ ፋ ዎዛናይር፥ ‹ታኒ ካታቲ ጋርክ በቴዛ፤ ታ ኣዝን ባ ማች ባያ፤ ታኒ ኡባራካ ካያካ የሻ ታን በአሚ› ዬጌዛ።
REV 18:8 የይ ግሾስ፥ ቦሻ ኡባይ፥ Ꮊይቆ ሀርገ፥ ካያኔ ናየ እዞ ፐቲ ጋላስ አይኮዳ። ማ እዛ ታማር ጹግንቶዳ፤ አብስ ጊኮ፥ እዝል አፋ ፕርድዛ ጎዳ ጾሳይ ዎልቃማ» ዬጌዛ።
REV 18:9 «ኢር ላሜዝታይስኔ እ ጊጋይድ የዜዝ፥ አላመ ካትታይ የ ካታምታ ጹግንትን ከዜዝ ጩያ በኤዝ ዎደ ኢስ ኡኪ ዬኮዳ።
REV 18:10 ኡንቲ የ ካታምት ዋየ ብኢ Ꮊሽቴዝ ግሾስ ሃኪ ኤቂ፥ «‹Ꮊ ግታ ካታምተ! ዎልቃማ ካታምተ! ባብሎነ፥ ነና አየ! አየ! ኔኒ ፐቲ ሳተ ጋንጨ ነ ፕርዳ ኤኬዛ› ዬጎዳ።
REV 18:11 «ኡ ማርካበ ጫና ይከፕ ዎንግዛ አስ ባዛይ ግሾስ ሳአ የዝ ዛልአንችታይ የ ካታምትስ ዋስዛ ካዮትዛ
REV 18:12 ኡ ማርካባይድ ጫንንቴዛይካ ዎርቀ፥ ብራ፥ ቦንቾ ሹቺ፥ እንቆ ግዝ አልኦ ሹቺ፥ ሌኦ ማኦ፥ ጩልኮ ማኦ፥ ሊኖ ማኦ፥ ሀረ ማኦ፥ ዞቆ ማኦ፥ ዱማ ዱማ ሳዉዛ ምꬂ፥ ዛለ አቻፕ፥ አልኦ ምꬃፕ፥ ናሰ ብራታፕ፥ ጎለ ሹቻፕ ኦꬅንቴዝ ሚሻ ኡባ፥
REV 18:13 ቃራፋ፥ ሳዎ፥ እጻኔ፥ ካርበ፥ ሽቶ፥ ዎይነ፥ ዛይተ፥ ሊቆ ꬊለ፥ ግስተ፥ መሄ፥ ዱረ፥ ፋራ፥ ፋራ ጋረ፥ አይልታኔ ሀራ አስታ።
REV 18:14 «ዛልአንችታይ አስትኮ፥ ‹ኔኒ አሞቴዝ ሎኦ ባዝ ኡባይ ኔፕ ꬋቤዛ። ነ ሻላይኔ ቡቁርታይ ኡባይ ኔፕ ሃኬዛ። ኔኒ ማሂ ኡንታን የሻ ደንጋሚ› ዬጌዛ።
REV 18:15 የይትታ ዛልእ ዱረቴዝ ዛልአንችታይ እ መታ ያሽቲ ኢፕ ሃኪ ኤቆዳ። ኡንቲ ዬኮዳኔ ካያቶዳ።
REV 18:16 ማ፥ «‹ሊኖ ማኦ፥ ሌኦ ማኦኔ ዞቆ ማኦ ማኢ፥ ዎርቃር፥ ቦንቾ ሹቻራኔ እንቆ ግዝ አልኦ ሹቻር ቡቁርንቴዛ፥ የ ግታ ካታምታ አየ! አየ!
REV 18:17 Ꮊይ ጋርክ ግታ ሻሎ ኡባይ ፐቲ ሳተር ꬋቤዛ› ዬጌዛ። «ማርካበ ላግዝታይ ኡባይ፥ ማርካበር Ꮊንግዝታይ ኡባይ፥ ማርካበል አፋ ኦꬅዛ ኡባይኔ አባል ዛልእዛ ኡባይ ሃኪ ኤቄዛ።
REV 18:18 የ ካታምታ ጹግንትን ከዜዝ ጩያ በኤዝ ዎደ ‹Ꮊ ዎልቃማ ካታምቶ ኣዝዛ ሀራ ካታማ የነሻ?› ዬጌዛ።
REV 18:19 ኡንቲ ፋ ኦማል ቡልአ ቆል፥ ዬኬዛኔ ካያቴዛ። «‹አባል አፋ ማርካብታይ የዝ ኡባይ፥ እ ሻላይድ ዱረቴዝ ኡባይ፥ የ ካታምታ ፐቲ ሳተ ꬋቤዝ ግሾስ እዞ አየ! እዞ አየ!
REV 18:20 ሳሎ፥ እ ꬋባይድ ኡፋይቶባ! ጌሽታዮ፥ ሀዋርታዮ፥ ናብታዮ፥ ጾሲ ይ ግሾስ ኢል አፋ ፕርዴዝ ግሾስ ኡፋይቶይታ›» ዬጌዛ።
REV 18:21 የይፕ ጉየ፥ ፐቲ ምኖ ኪታንቻይ ዎጻ ኣዝዛ ግታ ሹች ደንꬂ አባ ጋንጨ ꬎግታር፥ «ዳማ ካታምታ ባብሎነ ዎልቃር ኡርቅንቲ Ꮊይ ጋርክ ፖኮዳ፤ እዛ Ꮊይኖፕ ጉየ ኡባራካ በንታሚ።
REV 18:22 ዲꬅ ዲጽዝታይኔ የጽዝታይ፥ ሹልሹሎኔ ቱልቱላ ፑግዝታይ፥ ይከፕ ጉየ ነ ጋንጨ ኡባራካ ስእንታሚ። አብ ኩሸ ህላር ኦꬅዛ አስካ ነ ጋንጨ በንተና። ዎጻ ግርስ ይከፕ ጉየ ነ ጋንጨ ስእንታም።
REV 18:23 ጾምፐ ፖኦ Ꮊይፕ ጉየ ነ ጋንጨ ፖኤና። ማቾ ኤክዛይኔ ኣዝን ገልዝታይ ግርሳይ ይከፕ ጉየ ነ ጋንጨ ስእንታም። ነ ዛልአንችታይ ቢታ ኡባይል ኤርንቴዝ ዎልቃምታ። ነ ቢታይር ዎያ ኡባ ባልꬄዛ» ዬጌዛ።
REV 18:24 ናብታይ ሱꬅ፥ ጌሽታይ ሱꬅኔ ቢታል ሹክንቴዝ አስ ኡባ ሱꬅ እ ጋንጨ በንቴዝ ግሾስ ባብሎነ ፕርድንቴዛ።
REV 19:1 የይፕ ጉየ፥ Ꮊይ ጋርክ ዬግዝ ዎያ ጊርꬅ ኣዝዝ ዎልቃማ ኦሽꬃር ሳሎፕ፥ «ሀለ ሉያ! ፓጾትꬅኔ ቦንቾ ዎልቃይካ ኑ ጾሳይስ ማቆ።
REV 19:2 ኤ ፕርዳይ ቱማኔ ሉለ። ቢታ ፋ ኢታ ላመር ቱንሴዛኖ ጾሲ ፕርዴዛ። ጾሲ ፋ አይልታይ ሱꬅ ኢፐ ኤኬዛ» ዬጎዳር ታ ስኤዛ።
REV 19:3 የ አሳይ ማሂ ፋ ቃላ ꬎቅ ኡዲ፥ «ሀለ ሉያ። የ ካታምታ መꬍናስ ፑድ አፋ ጩይታር የዞዳ» ዬጌዛ።
REV 19:4 ላታማኔ ኦይዲ ጭምታይኔ ሸምፖር የዝ ኦይዲ መትꬅታይ ዙፋናይል በቴዝ ጾሳይስ ጹጉኒ፥ «አምንኤ! ሀለ ሉያ» ዬጊ ጎይኔዛ።
REV 19:5 የይፕ ጉየ፥ «ጾስ አይልታይ፥ ጾስስ ያሽትዝ ጽቅታይኔ ዳምታይ ኡባይ፥ ኑ ጾሳይ ጋላትንቶ» ዬግዝ ጊርꬃይ ዙፋናይፕ ከዜዛ።
REV 19:6 የይፕ ጉየ፥ ጋመ አስ ጋርክ አዉክዝ፥ ዎልቃማ ጎግዝ ዳማ ሃꬅ ጉምꬅኔ ዳዳ ሳርꬅ ጋርክ ጊርꬃይ፥ «ሀለ ሉያ፤ ኑ ጎዳይ፥ ኡባ ዳንዳእዛ ጾሳይ ካዉቴዛ።
REV 19:7 ዱራይ ቦሳይ ሄሌዝ ግሾኔ፥ ኤዛ ገልዛና ጊጌዝ ማቄዝ ግሾስ Ꮊና የኦይታ ዎላ ኡፋይቶዳ፥ ጋላቶዳኔ ኤዛ ቦንቾዳ።
REV 19:8 ፖጭዛኔ ጌሽ ማቄዝ ሌኦ ማኦ ማኦዳይ ጋርክ ኢስ እንግንቴዛ»። (ሌኦ ማአይ ጌሽታይ ጽሎ ኦሳይስ ኣዝሶ።)
REV 19:9 የይፕ ጉየ፥ ኪታንቻይ ታኮ፥ «ዱራይ ቦሳይ ሙነꬃይስ ጼግንቴዝታይ አንጅንቴዝታ» ግ ጻፎባ። የ ኪታንቻይ ጉጂካ፥ «Ꮊይ ጾስ ቱማ ቃላ» ዬጌዛ።
REV 19:10 የ ዎደ ታ ኤዝስ ጎኖዳይስ ኤ ቶካይል አፋ ጉጲፕንጌዛ። ዝን ኤ፥ «የያ ኦꬅፐ! ታኒ የሱሳባጋ ማርካትዝ ነ ጋርከኔ ነ እሽታይ ጋርከ፤ ጾስስ ጎይኖባ ዬጌዛ። ይኬ፥ የሱሳ ባጋ ማርካቴዛይስ ናበትꬅ አያና ታኮ» ዬጌዛ።
REV 19:11 የይፕ ጉየ፥ ሳሎ ዶይንትን፥ ኤዛይድ ቦꬅ ፋራ የዛና ታ በኤዛ። የ ፋራ ቶጌዛይ አማንንቴዛኔ ቱማንቾ ግንትንትዛያ። ኤ ጽሎትꬃር ፕርድዛኔ ኦልንትዛ።
REV 19:12 ኤ ኣፋይ ታማ ላꬅ ኣዝዛ፤ ኤ ኦማይል ጋመ ዛዉድታይ የዛ። ኤፕ አትን ሀራ ኦንካ ኤሮዋ ኤል ጻፍንቴዝ ሱንꬅ የዛ።
REV 19:13 ኤ ሱꬃር ሙክንቴዝ ማኦ ማኤዛ፤ ኤ ሱንꬃይካ ጾስ ቃላ።
REV 19:14 ቦꬅኔ ጌሽ ሊኖ ማኦ ማኤዝ ሳሎ ኦላንችታይ ቦꬅ ፓርታ ቶጊ ኤ ገደኖ ካልዛ።
REV 19:15 ዎይታ ጋችዛ ኦጮ ማሻ ኤ ዶናይፕ ከዝዛ። ኤ ብራታ ጉፈራ አሳ ሃሮዳ። ኡባፕ ዎልቃማ ጾስ ካች ዎይነ ኡሻ ቡልዝ አቃ ኤ የꬎዳ።
REV 19:16 ኤ ማአይል አፋኔ ኤ ዎድራይል አፋ፥ «ካትታይ ካትኔ ጎድታይ ጎዳ» ዬግዝ ሱንꬃይ ጻፍንቴዛ።
REV 19:17 የይፕ ጉየ፥ አዋል አፋ ኤቄዝ ፐቲ ኪታንቻና ታ በኤዛ። የ ኪታንቻይ ሳሎራ ፕራꬍዛ ካፎ ኡባይስ ፋ ቃላ ꬎቅ ኡዲ፥ «Ꮊና የኦይታ! ጾሳ ስብረ ማዳይስ ፐቲ አቆ ሺቆይታ።
REV 19:18 ካትታይ አሾ፥ ሻላቅታይ አሾ፥ ዎታዳርታይ አሾ፥ ፓርታይ አሾ፥ ፓርታ ቶግዝታይ አሾ፥ አስ ኡባይ አሾ፥ አይልታይ አሾ፥ ዎማንታይ አሾ፥ ግትታይኔ ጽቅታይ Ꮊ ኡቢታይ አሻ ሞይታ» ዬጌዛ።
REV 19:19 Ꮊይ ጋርከካ ዶአይ፥ ፋራ ቶጌዝታይራኔ ኤ ኦላንችታይራ ኦልንቶዳይስ ሳአ ካትታይኔ ኡ ኦላንችታይ ፐቲ አቆ ሺቄዛዝን ታ በኤዛ።
REV 19:20 ዝን የ ዶአይ አይክንቴዛ ኤ ሱንꬃይር ማላባዝ ኦꬄዝ ዎርዶ ናባይ ኤዛር ፐትፕ አይክንቴዛ። ኤ ቲናይድ ማላባዝ ኦꬅዝታይ ዶአይ ማላይ የዝታኔ ኤ ምስላ ጎይንዝታ ኤ ባልꬄዛ። ዶአኔ ዎርዶ ናባይ ናምአይካ ዲኔ ኤጽዝ ታማ ኣባይድ ፓꬅ ኦልንቴዛ።
REV 19:21 አቴዝታይ ቦሀ ፋራ ቶጌዛይ ዶናይፕ ከዜዝ ማሻይር Ꮊይቄዛ። ካፍታይ ኡባይ ኡ አሻ ም ካሌዛ።
REV 20:1 የይፕ ጉየ ዛዋ ባ ጪሞ ኦላይ ቁልፐኔ ግታ ሳንꬃላተ ፋ ኩሸ አይኬዝ ፐቲ ኪታንቻይ ሳሎፕ ዎꬎዳር ታ በኤዛ።
REV 20:2 ኤ ዳዋና አይኪ ሙኩሎ ላይꬅስ አጬዛ። የ ዳዋይ ዳቡሎሳ ዎይ ጻላሄ ግንትንትዝ ብኒ ሾሻ።
REV 20:3 ኪታንቻይ ዛዋ ባ ጪሞ ኦላ ኤዛ ኦሊ፥ ሙኩሎ ላይꬅ ዉሮድ ሄሎዳይስ ካተትꬅታ ማሂ ባልꬃማይ ጋርክ ቁልፐር ጎርዲ ማታመር አታሜዛ። የይፕ ጉየ፥ ዳዋይ ጽቃ ዎደስ ብልንቶዳይስ ቤዝዛ።
REV 20:4 የይፕ ጉየ፥ ዙፋንታኔ ዙፋንታይል አፋ በቲ ፕርዶዳይ ጋርክ ማዉተ እንግንቴዛና ታ በኤዛ። የሱሳስ ማርካቴዝ ግሾኔ ጾስ ቃላ ኦዴዝ ግሾስ ፋ ቆꬋ ጋችንቴዝ አሳይ ሸምፓ ታ በኤዛ። ኡንቲ ዶአ ዎይ ዶአ ምስላይስ ጎይነካያ። ኡንቲ ዶአይ ማላ ፋ ስናይድ ዎይ ፋ ኩሸል ጋደካያ። ኡንቲ Ꮊይቆፕ ደንዲ ክርስቶሳር ፐትፕ ሙኩሎ ላይꬅ ካዉቴዛ።
REV 20:5 አቴዝ Ꮊንኮ Ꮊይቄዝታይ ሙኩሎ ላይꬃይ ዉሮድ ሄሎዳይስ Ꮊይቆፕ ደንደካያ፥ Ꮊይካ ቲና ደንዶ።
REV 20:6 ቲና Ꮊይቆፕ ደንዳ ደንድዝታይ አንጀቴዝታኔ ጌሽታ። ኡንታል አፋ ናምእንꬆ Ꮊይቆስ ማዉተ ባያ። ኡንቲ ጾስስኔ ክርስቶሳስ ቄሰ ማቆዳ፤ ኤዛር ፐትፕ ሙኩሎ ላይꬅ ካዉቶዳ።
REV 20:7 ሙኩሎ ላይꬃይ ዉሬዛይፕ ጉየ ጻላሄ አቻፕ ብልንቶዳ።
REV 20:8 ኤ አላመ ኦይዲ ጎንትታይድ የዝ ዎይታ፥ ኡንትካ ጎገኔ ማጎገ ግንትንትዝታ ባለꬂ ኦላስ ሺሾዳይስ ከዞዳ። ኡ ታይባይ አባ ጋጻ የዝ ሻፈ ጋርክ።
REV 20:9 ኡንቲ ቢታ ኡባይል ላልንቲ፥ ጌሽታይ ሄራኔ ጾሲ ዶስዛ ካታምቶ ማሬዛ። ዝን ታማ ሳሎፕ ዎꬊ ኡንታን ሜዛ።
REV 20:10 ኡንታን ባልꬄዝ ዳቡሎሳ፥ ዶአይኔ ዎርዶ ናባይ ዎꬌዝ ኤጽዝ ዲኔ ታማ አባ ኡንታን ኦሌዛ። ኡንቲ ቃማኔ ጋላስ መꬍናስ ፓጻ ካእንቶዳ።
REV 20:11 የይፕ ጉየ፥ ግታ ቦꬅ ዙፋናኔ ዙፋናይል አፋ በቴዛና ታ በኤዛ። ሳአኔ ሳሎ ኤ ቲናፕ በቴዛ፤ ዝን ኡንትስ ቆስንቶዳይስ አቆ በንተካያ።
REV 20:12 Ꮊይቄዝ፥ ዳምታይኔ ጽቅታይ ዙፋናይ ቲና ኤቄዛና ታ በኤዛ፤ ማጻፍታይ ዶይንቴዛ፤ ማ ሀራ ደኦ ማጻፋይካ ዶይንቴዛ። Ꮊይቄዝታይ ማጻፋይድ ጻፍንቴዝ ፋ ኦሳይ ጋርክ ፕርዳ ኤኬዛ።
REV 20:13 አባይ ፋ ጋንጨ የዝ Ꮊይቄዝታ እንጌዛ፤ Ꮊይቆኔ ስኦለ ፋ ጋንጨ የዝ Ꮊይቄዝታ እንጌዛ። ፐቲ ፐቲ አስ ፋ ኦሳይ ጋርክ ፕርዳ ኤኬዛ።
REV 20:14 Ꮊይቆኔ ስኦለ ታማ አባ ኦልንቴዛ። የ ታማ አባይ ናምእንꬆ Ꮊይቆ።
REV 20:15 ደኦ ማጻፋይድ ሱንꬃይ ጻፍንተካ ኦንካ ታማ አባ ዎꬌዛ።
REV 21:1 Ꮊይፕ ጉየ ኦሮꬅ ሳሎኔ ኦሮꬅ ሳአ ታ በኤዛ። ቲና ሳላይኔ ቲና ሳአይ ꬋቤዛ፤ ኣባይካ Ꮊይፕ ጉየ የዛሚ።
REV 21:2 ጌሻ ካታምታ፥ ኦሮꬅ የሩሳላመ፥ ኣዝን ገሎዳይስ ቡቁርንቲ ጊጊ የዝ ማች ጋርክ ሳሎ ጾስ ካለፕ ሱል ዎꬎዳር ታ በኤዛ።
REV 21:3 የይ ጋርከካ ዙፋናይፕ Ꮊይ ጋርክ ዬጊ፥ ኦድዛ ግታ ቃላ ታ ስኤዛ፤ «ጾስ ኬꬃይ አሳይ ጋንጨ የዛ፤ ኤ ኡንታራሳ የሳዳ። ኡንቲ ኤ ዎያ ማቆዳ፤ ጾሲ ፋ ኦማስ ኡንታራ የሳዳ፤ ኤ ኡ ጾስ ማቆዳ።
REV 21:4 ጾሲ ኡ ኣፋይፕ አፉꬅ ኡባ ኡጮዳ። ብኒ ዎጋይ ኣꬌዝ ግሾስ Ꮊይቆ፥ ካያ፥ ኡፎኔ ዋየ ባያ» ዬጌዛ።
REV 21:5 ዙፋነል አፋ በቴዛይ፥ «ታኒ ኡባ ባዝ ኦሮꬅ ኡዶዳ» ዬጌዛ። ማካ ታኮ፥ «ታኒ ኦድዛይ አማንꬅዛኔ ቱማ ማቄዝ ግሾስ ጻፎባ» ዬጌዛ።
REV 21:6 የይፕ ጉየ፥ «ፖልንቴዛ! ታኒ አልፋኔ ኦመጋ፤ ደንዶኔ ዉርስꬅ። ሳምንቴዝ ኦስካ ደኦ ሃꬅ ፑልታይፕ ጭግሰካዛር ጨረ እማዳ።
REV 21:7 ጋምዝ ኦንካ የያ ኡባ ላቶዳ፤ ታኒ ኤስ ጾስ ማቃዳ፤ ኤካ ታ ናአ ማቃዳ።
REV 21:8 ዝን ያሽትዝታይ፥ አማኖዝታይ፥ ቱንታይ፥ ሸምፖ ዎꬌዝታይ፥ ላምዝታይ፥ ብትዝታይ፥ ኤቃ ጎይንዝታይኔ ዎርዶትዝታይ አንጃይ ዲኔ ኤጽዝ ታማ አባ ማቆዳ። የይካ ናምእንꬆ Ꮊይቆ» ዬጌዛ።
REV 21:9 ላፑን ዉርስꬃ ቦሽታይ ኩሜዝ ላፑን ጹእታ አይኬዝ ላፑን ኪታንችታይፕ ፐታይ ታኮ ይኢ፥ «Ꮊንካ የኦባ፥ ታኒ ነና ዱራይስ ማቾ ማቄዝ ዉድርቶ ቤዞዳ» ዬጌዛ።
REV 21:10 አያናር ታና አዱስኔ ꬎቀ አምባ ጼራል አፋ ከሲ፥ ጌሻ ካታማ፥ የሩሳላመ፥ ሳሎፕ ጾስ ካለፕ ሱለ ዎꬎዳር ቤዜዛ።
REV 21:11 የ ካታምታ ጾስ ቦንቾር ፖእዛ። የ ካታምቲ ፖኦ ያስጲደ ግዝ አልኦ ሹች ጋርክ፤ ጌሻ ብርለ ጋርክ ፎጭዛ።
REV 21:12 የ ካታምቲ ግምበ ጋሳይ ዎልቃማኔ ኣዱሰ። ኢስ ታጶ ናምኢ ፐንገኔ የ ፐንግታ ናግዛ ታጶ ናምኢ ኪታንችታይ የዛ። ፐንግታይል አፋ ታጶ ናምኢ እስሬለ ዘረꬅታይ ሱንꬅታይ ጻፍንቴዛ።
REV 21:13 አዋ ከሲ ባጋር ሀይꬒ ፐንግታይ፥ ፑደ ባጋር ሀይꬒ ፐንግታይ፥ ሱለ ባጋር ሀይꬒ ፐንገኔ አዋ ገሎ ባጋር ሀይꬒ ፐንግታይ የዛ።
REV 21:14 ካታምቲ ግምበ ጋሳይ ታጶ ናምኢ ባስታይል አፋ ኤቄዛ። ኡንታል አፋ ታጶ ናምኢ ዱረ ሀዋርታይ ሱንꬃይ ጻፍንቴዛ።
REV 21:15 ታስ ኦድዛ ኪታንቻይስ፥ ካታምቶ፥ እ ፐንግታኔ ግምበ ጋሰ ዩሻ Ꮊꬍዛ ዎርቃ ጉፈ የዛ።
REV 21:16 ካታምታ ኦይዲ ማይዛንታይ የዛ፤ ካታማቲ አዱሰትꬃይኔ ጎምፓይ ፐቲ ቃራ። ኪታንቻይ ካታምቶ ፋ ጉፈራ Ꮊꬌዛ፥ ካታማይ ናምኢ ሙኩሎ ኦይዲ ጼት ክሎ ምትረ ማቄዛ፤ ካታምቲ ኣዱሰትꬃይ፥ ዳልጋትꬃይኔ ꬎቃትꬃይ የይ ጋርክ ፐቲ ማላ።
REV 21:17 ኪታንቻይ ግንበ ጋሳይ ዩሻ አስ ኩሸር Ꮊꬍን ፐቲ ጼታኔ ኦይታማኔ ኦይዲ Ꮊꬋ ማቄዛ፥ የይካ ኪታንቻይ Ꮊꬋራ።
REV 21:18 ካታማይ ግንበ ያስጲደ ግዝ ሹቻር ጋስንቴዛ። ካታማይ ቡርጩኮ ጋርክ ፖጭዝ ጌሻ ዎርቃር ኦስንቴዛ።
REV 21:19 ካታምቲ ግምባይስ ባሳይ ኡባይ ቦንችንቴዝ ሹቻር የገልቴዛ። ቲና ሂጽንቴዝ ሹቻይ ያስጲደ፥ ናምእንꬃይ ሳንፔረ፥ ሃꬒንꬃይ ኬልቀዶኔ፥ ኦይድንꬃይ መርገደ፥
REV 21:20 እችንꬃይ ሳርዶንክሰ፥ ኡሱፑንꬃይ ሳርዶነ፥ ላፑንꬃይ ክርስትሎበ፥ ሆስፑንꬃይ ብርለ፥ ኡዱፉንꬃይ ዎራዉረ፥ ታጵንꬃይ ክርስጲራስሰ፥ ታጶ ፐትንꬃይ ያክንተ፥ ታጶ ናምአንꬃይ አመተስጽኖሰ።
REV 21:21 ታጶ ናምኢ ፐንግታይስ ታጶ ናምኢ እንቅታይ የዛ። ፐቲ ፐቲ ፐንጋይ ፐቲ እንቆር ኦስንቴዛ። ካታምቲ ኦጋይ ሎኦ ቡርጩኮ ጋርክ ፖጭዝ ትላ ዎርቃፕ ኦስንቴዛ።
REV 21:22 ጎዳይ፥ ኡባይፕ ዎልቃማ ጾሳይኔ ዱራይ ካታምትስ ኬꬄ ማቄዝ ግሾስ ታ የ ካታምተ ሀራ ኬꬅ በኤካያ።
REV 21:23 ጾስ ቦንቾ የ ካታምትስ ፖእዛ ግሾኔ ዱራይ ኢስ ጾምፐ ማቄዝ ግሾስ ካታምትስ አዋ ዎይ አግና ፖኦ ኮሾያ።
REV 21:24 ዎይታይ የ ካታምቲ ፖኦር የꬎዳ፤ አላመ ካትታይካ ፋ ቦንቻ ገድ ኤዛይድ ኮኦዳ።
REV 21:25 ቃማ ኤዛይድ ባ ግሾስ ካታማ ፐንግታይ ኡባ ዎደ ዶያ ማቃዳ፤ ጎርድንታሚ።
REV 21:26 ካትታይ ግታትꬃይኔ ቦንቻይ የ ካታምተ ገሎዳ።
REV 21:27 ዱራይስ ማቄዛይኔ ደኦ ማጻፋይድ ሱንꬃይ ጻፍንቴዝታይ ኣዳፕ አትን ቱናባዝ ዎይ ፒልንትዛባዝ ኦꬄዝ ዎይ ዎርዶ ኦድዝ ኦንካ የ ካታምቶ የሻ ገላሚ።
REV 22:1 የይፕ ጉየ፥ ኪታንቻይ ታና ጾስ ዙፋናይፐኔ ዱራይ ዙፋናይፕ ጎግዝ ቡርጩኮ ጋርክ ፖጭዝ ግታ ደኦ ሃꬅ ታና ቤዜዛ።
REV 22:2 የ ሃꬃታ የ ካታምቲ ዋና ጎሳ ቆኢ ኣꬍዛ። የ ሃꬃትስ ኡሻች ባጋራኔ ሀድርስ ባጋር ላይꬃ ታጶ ናምኢ ቶኬ አግናር አግናር ኣፍዝ ደኦ ምꬂ የዛ። የ ምꬃቲ ሀይታይ ዎያ ፓꬅዛ።
REV 22:3 Ꮊንፕ ጉየ አባ ባድꬂ የዛሚ። ጾስ ዙፋናይኔ ዱራይ ዙፋናይ የ ካታማይድ የዞዳ። ኤ አይልታይ ኤዛ ጎይኖዳ።
REV 22:4 ኡንቲ ኤ ኣፋ በአዳ፤ ኤ ሱንꬃይ ኡ ስኖል ጻፍንቶዳ።
REV 22:5 ይከፕ ጉየ ቃማ ባያ፤ ጎዳይ ጾሳይ ኡንትስ ፖእዛ ማቄዝ ግሾስ ኡንትስ ጾምፐ ዎይ አዋ ፖኦ ኮሾያ። ኡንቲ መꬊ መꬍናስ ካዉቶዳ።
REV 22:6 የይፕ ጉየ ኪታንቻይ ታኮ፥ «Ꮊ ታ ኦድዛ ቃላይ አማንቴዝታኔ ቱምታ። ጎዳ ጾሳይ፥ ናብታይስ ፋ አያናር እንግዛይ፥ ኡከር አተካ ሀኖድ ባዝ ፋ አይልታ ቤሳዳይስ ፋ ኪታንቻ ኪቴዛ» ዬጌዛ።
REV 22:7 የሱሳካ፥ «ዬዛኮ ታ ኤለር የኦዳ፤ Ꮊ ማጻፋይድ የዝ ትንቢተ ቃላ ናግዛ ኦንካ አንጅንቴዛያ» ዬጌዛ።
REV 22:8 ታ፥ ዋንሳ፥ የ ኡባባዛ ስኤዛኔ በኤዛ። ታኒ የያ ስኤዝ ዎደኔ በኤዝ ዎደ የያ ታና ቤዜዝ ኪታንቻ ጎይኖዳይስ ኤ ቶከል አፋ ጉጲንጌዛ።
REV 22:9 ዝን ኪታንቻይ ታኮ፥ «አሾባ! የያ ኦꬅፐ! ታኒ ነጋርከ፥ ነ እሽታይ ናብታይጋርከኔ Ꮊ ማጻፋይድ የዝ ኡባ ኪትንትዛ አይልታይ ጋርከ፤ ጾስስ ጎይኖባ» ዬጌዛ።
REV 22:10 Ꮊይፕ ጉየ ኪታንቻይ ማሂ፥ «Ꮊ ኡባይ ፖልንትዛ ዎዳይ ኡኬዝ ግሾስ Ꮊ ማጻፋይድ ጻፍንቴዝ ትንቢተ ቃላ ማታመር ጎርድፐ።
REV 22:11 ኢታ ኦꬅዛይ ጉጂ ኢታ ኦꬆ፤ ቱናይካ ጉጂ ቱኖ። ጽላይክ ጉጂ ጽሎ፤ ጌዥዛይ ጉጂ ጌዦ» ዬጌዛ።
REV 22:12 የሱሳ፥ «ዬዛኮ፥ ታኒ ኤልሲ የኦዳ። ፐታይስ ፐታይስ ኤ ኦሳይ ጋርክ እማድ ዎይታይ ታር የዛ።
REV 22:13 ታኒ አልፋኔ ኦመጋ፤ ቲናኔ ጉያ፤ ደንዶኔ ዉርስꬃ።
REV 22:14 «ፋ ማአ ሜጪ ጌሼዝታይ አንጅንቴዝታ። ደኦ ምꬅ ኣፋ ማዳይስኔ ካታምት ፐንግታይር ገሎዳይስ ኡንትስ ማዉተ እንግቴዛ።
REV 22:15 ዝን ካንታይ፥ ብትዝታይ፥ ላግትዝታይ፥ ሸምፖ ዎꬍዝታይ፥ ኤቃ ጎይንዝታይ፥ ዎርዶ ዶስዝታይኔ ኦꬅዝታይ ባለር የዛ።
REV 22:16 «ታ፥ የሱሳ፥ Ꮊ ማርካትꬃ ይንትስ፥ ዎሳ ኬꬅታይስ ኦዶዳይ ጋርክ ታ ኪታንቻ ኪቴዛ። ታኒ ዳዉተ ሼሽኔ ዘረꬅ። ታኒ ፖእዛ ጉራ ባካላ ጾልንቶ» ዬጌዛ።
REV 22:17 አያናይኔ ገሎዳይስ ጊጌዝ ማቻት፥ «Ꮊና የኦባ» ዬግዛ። ማ Ꮊያ ስእዝ ኦንካ፥ «Ꮊና የኦባ» ዬጎ። ሳምንቴዝ ኦንካ Ꮊና የኦ፤ ደኦ ሃꬅ ኮይዝ ኦንካ ጭጋ ባይꬅ ጨር ኤኪ ኡዦ።
REV 22:18 ታኒ Ꮊ ማጻፋይድ ጻፍንቴዝ ትንቢተ ቃላ ስእዝ ኦናካ ናግንቶዳይ ጋርክ ማርካትዛ። ኦንካ Ꮊ ቃላይል አፋ ፐትባዝ ጉጅኮ፥ ጾꬂ Ꮊ ማጻፋይድ ጻፍንቴዝ ቦሻ ኤዛል አፋ ጉጆዳ።
REV 22:19 ኦንካ ማጻፋይድ የዝ ትንቢተ ቃላይፕ ፐትባዝ ፓጭንችኮ፥ ጾꬂ Ꮊ ማጻፋይድ ጻፍንቴዝ ደኦ ምꬅ ኣፈፐኔ ጌሽ ካታምትፕ ኤ አንጃ ፓጭንꬆዳ።
REV 22:20 Ꮊ ኡባ ማርካትዛይ፥ «ቱማ፥ ታኒ ኤልሲ የኦዳ» ዬግዛ። አምንኤ፤ ጎዳ የሱሳ፥ የኦባ።
REV 22:21 ጎዳ የሱሳ ኣꬎ ኬሃትꬃይ ኑ ኡባይር ማቆ። አምንኤ።
