﻿ዋንሳ ቆንጭꬃ.
11.
የይፕ ጉየ፥ Ꮊꬋስ ማድዝ ጉፈ እንጊ፥ «Ꮊንጊ ጾስ ካራኔ ያርሾ አቃይ ኣፑን Ꮊꬋዛኮ Ꮊꬎባ፤ ኤዛይድ ጎይንዝታካ ፓይዶባ። 
ዝን ጾስ ኬꬅ ድርሳፕ ጋጻ የዛይ አይሁደ ማቀካ አሳይስ እንግንቴዝ ግሾስ Ꮊካዛር አሺ አሾባ። አይሁደ ባ አሳይ ጌሽ ካታምቶ ኦይታማኔ ናምኢ አግናስ የꬊ ሃሮዳ። 
ታኒ ካዮ አፍላ ማኤዝ ታ ናምኢ ማርክታ ኪቶዳ፤ ኡንቲ ፐቲ ሙኩሎኔ ናምኢ ጼትኔ ኡሱፑንታም ጋላስ ትንቢተ ኦዶዳይ ጋርክ ታ ኡንትስ ዎልቃ እንጎዳ» ዬጌዛ። 
የ ናምኢ ማርክታይ አላመ ጎዳይ ቲና ኤቂዛ ናምኢ ዎይራ ምꬅታኔ ናምኢ ጾምፐ ጋድዝ ኮችታ። 
ኦንካ ኡንታን ቆሆዳይስ ኮይኮ ኡ ዶናይፕ ታማ ከዚ፥ ኡ ሞርክታ ጹግዛ። ኡንታን ቆሆዳይስ ኮዬዝ ኦንካ Ꮊይ ጋርክ ሀኒ Ꮊይቆዳ። 
ኡንቲ ትንቢተ ኦድዛ ዎደ እራ ቡካማይ ጋርክ ሳሎ ጎርዶዳይስ ኡንትስ ማዉተ የዛ። ኡባራካ ሃꬄ ሱꬅ ላሞዳይስ፥ ማካ ኡ ፋ ኮዬዛይ ጋርክ ቢታ ዱማ ዱማ ጋዶር ꬋብሶዳይስ ኡንትስ ማዉተ የዛ። 
ኡንቲ ፋ ማርካትꬃ ሃሴዛይፕ ጉየ፥ ጪሞ ኦላፕ ከዜዝ ዶአይ ኡንታር ኦልንቲ ኡንታን ጋሞዳ፤ ዎꬎዳ። 
ኡ አሃይ ኣዝሶር ሶዶመ ዎይ ግብጸ ግንትንቲ ጼግንትዝ ግታ ካታማ ኦጋይል አፋ ኦልንቶዳ። እዛካ ኡ ጎዳይ ማዝቃለል አፋ ሶትንቴዛኖ። 
ማ ዘረꬅ ኡባይፕ፥ ኮች ኡባይፕ፥ ዱማ ዱማ ዶና ኦድንትዝታይፐኔ ካተትꬂ ኡባይፕ የኤዝ አሳይ ኡ አሃ ሀይꬒ ጋላስኔ ባጋ ሄሎዳይስ በአዳ። ኡ አሃይ ሞግንታማይ ጋርክ አሳይ ካዮዳ። 
Ꮊ ናምኢ ናብታይ ሳአ የዝ አሳ ዋይꬄዝ ግሾስ አሳይ ኡ Ꮊይቃይድ ኡፋይቴዛ። ፋ ኡፋይሳ ቤዞዳይስ ፐታይ ፐታይስ እሞታ እንጌዛ። 
ሀይꬒ ጋላስኔ ባጋፕ ጉየ፥ ሸምፖ እንግዝ አያና ጾስ ካለፕ ይኢ ኡ ጋንጨ ገልን፥ ኡንቲ ደንዲ ኤቄዛ። ኡንታን በኤዝ ኡባይ ኢታ ያሽቴዛ። 
የይፕ ጉየ፥ የ ናምኢ ናብታይ፥ «Ꮊና ኡድ ሳሎ ከዞይታ» ግዝ ቃላ ኡ ሳሎፕ ስኤዛ። ኡ ሞርክታይ ኡንታን በአዳር፥ ኡንቲ ሻራ ጋንጨ ገሊ ፑድ ሳሎ ከዜዝ። 
የ ሳታይድ ቢታይ ዎልቃማ ኤንኦ ኤንእን፥ ካታማይፕ ታጵንꬃ ኩሻይ ꬋቤዛ። ማ ቢታ ኤንኦር ላፑን ሙኩሎ አሳይ Ꮊይቄዛ። አቴዝ አሳይ ኢታ ኩኩሪ Ꮊሽቲ፤ ሳሎ ጾሳይስ ቦንቾ እንጌዛ። 
ናምአንꬃ ኣያይ ኣꬌዛ፥ ይኬ ሃይꬒንꬃ ኣያይ ኤለ የኦዳ። 
ላፑንꬃ ኪታንቻይ ፋ ቱልቱላ ፑጌዛ። ሳሎፕ፥ «ሳአ ካተትꬃይ ኑ ጎዳይስነ ኤስ ክርስቶሳስ ማቄዛ፤ ኤ መꬊናፐ መꬍና ሄሎዳይስ ካዉቶዳ» ዬግዝ ዎልቃማ ጊርꬅታይ ስንቴዛ። 
የይፕ፥ ጾስ ቲና፥ ፋ ዙፋንታይል በቴዝ ላታማኔ ኦይዲ ጭምታይ ጹጉኒ፥ ጾስስ ጎይንታር፥ 
«Ꮊተካ ብንካ የዛዮ፥ ኡባ ሞድዝ ጎዳ ጾሳዮ፥ ኔኒ ነ ግታ ዎልቃ አይኬዛ። ነ ካዉቴዝ ግሾስ ኑኒ ነና ጋላትዛ። 
አይሁደ ባ አሳይ ካጭንቴዛ፥ ዝን ነ ካቻይ የኤዛ። Ꮊይቄዝታይል አፋ ነ ፕርድዛ ዎዳይ የኤዛ። ኔኒ ነ አይልታይስ፥ ናብታይስ፥ ጌሽታይስኔ ነ ሱንꬃይስ ያሽትዝታይስ፥ ላፍታይስኔ ግትታይስ፥ ኡ ኦሳይ ጋርክ እንግዛ ዎዳይ ሄሌዛ። አላመ ꬋብስዝታ ꬋብስዛ ዎዳይ የኤዛ» ዬጌዛ። 
ሳሎ የዝ ጾስ ኬꬃይ ዶይንቴዛ፤ ኤ ጋንጨ ጾስ ጫቆ ታቦታይ በንቴዛ። ማ ዜልንꬂ ዜልንጌዛ፥ ዳዳኔ ዳዳ ሳርꬂ ጉሜዛ፤ ቢታ ኤንኤዛ፤ ዎልቃማ ሻቺ ሻጬዛ። 
