﻿እብራወ.
2.
የይ ግሾስ፥ ኑኒ ስኤዝ ቱማይፕ ሀራ ባዝ ኑና ኤካማይ ጋርክ የ ኑ ስኤዛና ሚንꬂ ናጎዳይስ ቤዝዛ። 
ይኬ፥ ኪታንችታይ ባጋር ኦድንቴዝ ቃላይ ቱማ ማቅኮ፥ ኤዛ ለቆኔ ኪትንታም እጻይ ፕርዳ ክእዛባዝ ማቅኮ፥ 
የዝን፥ ኑኒ Ꮊይ ጋርክ ግታ አቶትꬃ እጽኮ፥ ዋይዚ ቡቲ አቶዴ? ቲና ጎዳይ ፋ ኦማስ የ አቶትꬃ ኦዴዛ፤ ማ ኤፕ ስኤዝታይ ኑስ ጌሺ ማርካቴዛ። 
ማ ጾሲ ማልታይር፥ ኦሮꬅባዝታይር፥ ዱማ ዱማ ማላ ባዝታይዳኔ ፋ ሸነ ጋርክ እንጌዝ ጌሻ አያና እሞትꬅታይር ማርካትꬃ ሚንꬄዛ። 
ጾሲ Ꮊ ኑኒ ኦድዛ ቲናፕ የኦድ አላማ፥ ኪታንችታይስ ሞድሰካያ። 
ጌሻ ማጻፋይ ፐቲ አቆ Ꮊይ ጋርክ ዬግዛ፦ «ኔኒ አስስ ቆፖዳይስ አስ ናአ አባ ባዞ? ዎይ ኔኒ ኤዛ ናጎዳይስ አስ ናአ አባ ባዞ? 
ነ ኤዛ ኪታንችታይፕ ጽቃር ላፍꬄዛ፤ ኤ ኦማይል ቦንቾኔ ጋላታ ዛዉደ ጋዴዛ። 
ማ ኡባ ባዝ ኤ ቶኬ ኦሞ ጋዴዛ» ዬግዛ። ጾሲ ኡባ ባዝ ኤስ ሞድሴዝ ዎደ ኤስ ሞድንቴካ አብካ ባያ። ዝን Ꮊት ኡባ ባዝ ኤስ ሃርንቶዳር ኑኒ ሀጋ በኤካያ። 
ዝን ኑኒ ኪታንችታይፕ ጽቃር ላፌዛ የሱሳ ጾስ ኣꬎ ኬሃትꬃይፕ ደንዴዛይድ የሱሳ አስ ኡባይስ Ꮊይቄዛ። ኤ ዋየ Ꮊይቆ Ꮊይቄዝ ግሾስ ቦንቾኔ ጋላታ ዛዉደ ኤ ኦማይል ጋድን በአዳ። 
ኡባ ባዝ ኤፐኔ ኤስ መꬍንቴዛይ፥ ጋመ ናእታ ፓር ቦንቾኮ ኮኦዳይስ ኡንትስ አቶትꬅ ኩስተኔ ዋዬር ፎሎ ማቃዳይ ጋርክ ኦꬆዳይስ ኤስ ቤዝዛ። 
የሱሳኔ Ꮊ ኤ ጌሼዝ አሳይ ኡባይ ፐቲ አዳይ ናእታ። የሱሳ ኡንታን፥ «ታ እሹንꬆ» ግ ጼጎዳይስ ዬላተካዛይ የይሲ። 
የሱሳ፥ «ታኒ ነ ሱንꬃ ታ እሽታይስ አዋጆዳ፤ ዎያ ጋንጨ ነና የꬃር ጋላቶዳ» ዬግዛ። 
ማ ኤ፥ «ታኒ ኤዛል አፋ አማንቶዳ» ዬግዛ። ማካ፥ «ታኔ ጾሲ ታስ እንጌዝ ናእታይር ታ Ꮊይዳ የዛ» ዬግዛ። 
ይኬ ናእታይ አሾኔ ሱꬂ የዝታ ማቄዝ ግሾስ የሱሳካ ኡ ጋርክ አስ ማቄዛ። ኤ የያ ኡዴዛይ፥ Ꮊይቆል አፋ ዎልቃ የዝ ጻላሄ ፋ Ꮊይቃይር ሻሮዳይሲ። 
ማ ፋ የዛ ላይꬅ ኡባይድ Ꮊይቆስ ያሻር አይልቲ የዝታ አይለትꬃፕ ዎዞዳይሲ። 
የሱሳ የኤዛይ አፍራመ ዘረꬅ ማዶዳይሳፕ አትን ኪታንችታ ማዶዳይስ ባያ። 
አስ ናጋራስ ያርሽንቶዳይስ ጾስ ቲና ማርዛኔ አማንንቴዝ ቄሰ ሀላቃ ማቄዛ። የይ ግሾስ፥ ኤ ኡባ ባዛር ፋ እሽታ ኣዞዳይስ ቤዝዛ። 
ኤ ፋ ኦማስ ፓጭንት ዋየ ኤኬዝ ግሾስ ፓጭንትዝታ ማዶዳይስ ዳንዳእዛ። 
