﻿ጳዉሎሳ ጽማቶሳስ ጻፌዝ ናምእንꬅ ኪታ.
1.
ጾስ ሸነር፥ የሱስ ክርስቶሳፕ በንቴዝ ደኦ ኡፋይሳፕ ደንዴዛይድ የሱስ ክርስቶሳስ ሀዋረ ማቄዝ ጳዉሎሳፕ፥ 
ታ ዶስዛ ናአ ጽማቶሳስ፤ ጾስ አዳይፐኔ ኑ ጎዳ ክርስቶሳ የሱሳፐ ኣꬎ ኬሄትꬅ፥ ማሮትꬅኔ ሳሮትꬅ ማቆ። 
ታኒ፥ ታ ዎሳይድ ቃማኔ ጋላስ ነና ቆፕዛ። ታኒ ዎስዛ ዎደ ታ አድታይ ጋርክ ታ ሎኦ ካሃር ኤስ ኦꬅዛ ጾሳ ነ ግሾስ ጋላትዛ። 
ታኒ ነ አፉꬃ ቆፕዛ፤ ነና ብኢ ኡፋይትዛና ጋመ ላሞትዛ። 
ማ ኔስ የዝ ቱማ አማና ኤርዛ። የ አማናይ ብኒ ነ ዎጋ እንዳት ሎይድራኔ ነ እንዳት ኤዉንቀስ የዝ አማናይ ጋርከ። 
የይ ግሾስ፥ ታኒ ታ ኩሻ ኔል አፋ ጋዴዝ ዎደ ጾሲ ኔስ እንጌዝ እሞታ ኔኒ ማሂ ኤꬆዳይ ጋርክ ታ ነና ቆፍስዛ። 
አብስ ጊኮ፥ ጾሲ ኑስ ዎልቃ፥ ሲቆኔ ኑ ኡባ ሃርዛ ጌሻ አያና እንጌዛፕ አትን ያሻ አያና እንገካያ። 
ይኬ፥ ኑ ጎዳይስ ማርካቶዳይስ ዬላትፐ፤ ማ ኤ ግሾስ አጭንቴዝ ታ ባጋራካ ዬላትፐ። ዝን ጾሲ ኔስ እንግዛ ዎልቃር ዎንግለ ግሾስ ታር መቶ ኤኮባ። 
ጾሲ ፋ ሸነራኔ ፋ ኣꬎ ኬሄትꬃይር ኑና ዱማሲ፥ ፋ ጌሻ ዎያ ኡዶዳይስ ኑና ዶሬዛፕ አትን ኑኒ ኦꬄዝ ኦሶ ግሾስ ባያ። Ꮊ ኣꬎ ኬሃትꬃ ክርስቶሳ የሱሳ ባጋር አላመ መꬊንቶዳይፕ ቲን ኑስ እንጌዛ። 
Ꮊት Ꮊ ኣꬎ ኬሄትꬃይ ኑና አሽዛ ክርስቶስ የሱሳ ይእꬃይር በንቴዛ። ኤ Ꮊይቆ ዎልቃ ꬋብሲ፥ ዎንግለ ባጋር Ꮊይቆዋ ደኦ ኑስ ቆንጭሴዛ። 
ታኒ ዎንግለ ሳባኬ፥ ሀዋረኔ አስታማረ ማቃዳይ ጋርክ ጾሲ ታስ ማዉተ እንጌዛ። 
ታኒ የይ ግሾስ Ꮊ መታ ኤክዛ፤ ዝን ታ አማኔዛይ ኦናዛኮ ኤርዛ ግሾስ ዬላታሚ። ታስ እንግንቴዝ ሀዳራ የሱሳ ማቂ የኦድ ጋላሳይ ሄሎዳይስ ኤ ናጎዳይስ ዳንዳእዛና ታ ኤርዛ። 
ታኒ ነና ታማርሴዝ ቱማ ቃላ ኣዝሶ ኦሳ አይኪ ክርስቶሳ የሱሳር የዝ አማናይራኔ ሲቃይር የዞባ። 
ኑ ጋንጨ የዝ ጌሻ አያና ዎልቃር ኔስ እንግንቴዝ ሎኦ ሀዳራ ናጎባ። 
ኢሳ አዉራጃ የዝ ኡባይ ታፕ ሃኬዛና ነ ኤርዛ፤ ኡ ጋንጨ ፍገሉሳራኔ ሄርሞገኔሳራ የዛ። 
አነስፎራ ታና ኡንደና ዎደ ምንꬃꬄዝ ግሾስ ጎዳይ ኤ ካራ አሳይስ ቃꬊንቶ። ታኒ አች ካራ የዝ ዎደ ኤ ታ አቻይዳካ ዬላተካያ። 
የይል አፋ ኤ ኦሮመ ካታማ የኤዛን ጋርክ ታና ሚንꬂ ኮይ ደንጌዛ። 
ዉርስꬅ ጋላስ ጎዳይ ኤስ ቃꬊንቶዳይ ጋርክ ታኒ ጎዳ ዎስዛ። ኤፈሶና ካታማ የዝ ዎደ ኤ ታና አብ ጋርክ ማዴዛኮ ነ ሎእꬂ ኤርዛ። 
