﻿ጳዉሎሳ ቆላስያሳ አሳይስ ጻፌዝ ኪታ.
1.
ጾስ ሸነር ክርስቶሳ የሱሳ ሀዋረ ማቄዝ ጳዉሎሳፐኔ ኑ እሻ ጽማቶሳፕ፥ 
ቆላስያሳ ካታማ የዝ ክርስቶሳስ አማንንቴዝ ጌሽታይስ ጻፌዝ ኪታ። ጾሳ ኑ አዳይ ኣꬎ ኬሃትꬃይኔ ሳሮትꬃይ ይንትስ ማቆ። 
ኑኒ ይንትስ ዎስታር ጾሳ ኑ ጎዳ፥ የሱስ ክርስቶሳ ኣዳ ኡባ ዎደ ጋላትዛ። 
ኑኒ ክርስቶሳ የሱሳር የዝ ይ አማናኔ ጌሽታይስ ኡባይስ የዝ ይ ሲቃ ስኤዛ። 
ይ ቱማ ኪታ ማቄዝ ዎንግለ ቲና አማኔዝ ዎደ የ ኡፋይሳ ስኤዛ። የያ ይ ኦꬄዛይ ይ ኡፋይሳይ ሳሎ ይንትስ ናግንቴዝ ግሾሲ። 
ይ Ꮊ ዎንግላ ስኤዝ ዎደኔ ጾስ ኣꬎ ኬሃትꬅ ቱማትꬃ ሻኪ ኤሬዝ ዎደፕ አይኪ ይ ጋንጨ ሀኔዛይ ጋርክ ቢታ ኡባይድ ዳልግታራኔ ኣፍታር የዛ። 
ይ የያ ኑር ዎላ ክርስቶሳስ ኦꬅዛ አማንንቴዛኔ፥ ዶስንቴዝ ኤጳፍራፕ ታማሬዛ። 
ኤ የይል አፋ ጉጂ አያናይ ይንትስ እንጌዝ ሲቆር ይ ዎል ቃꬍዛና ኑስ ኦዴዛ። 
የይ ግሾስ፥ ኑኒ ይ ባዝ ስኤዝ ጋላሳይፕ አይኪ፥ ጾሳይ ፋ ሸና ይንታን ቤዞዳይ ጋርከ፥ ጌሻ አያናይ እንግዛ ኤራትꬅራኔ ኤጨትꬅ ኡባይር ይንታን ኩንꬆዳይ ጋርክ ኡባ ዎደ ይንትስ ጾስ ዎስዛና አሻሚ። 
የይ ጋርከካ፥ ጎዳይ ኮይዛይ ጋርክ ይ የዞድ ጋርክ፥ ኡባ ዎደ ኤ ኡፋይቶዳይ ጋርክ፥ ሎኦ ኦሶ ኡባይድ ይ ኣፈ ኣፎድ ጋርከኔ ጾሰ ኣꬂ ኤርታር ድጮዳይ ጋርክ ጾሳ ዎስዛ። 
ጾሳይ ፋ ግታ ዎልቃይር ምኖትꬅ ኡባ ይንትስ እንጎ። ይ ዳንዳአራካ ጋርዦዳይ ጋርክ ኡፋይሳር ጊግንቴዝታ ማሆ። 
ማ ጾስ አስታ ፖኦ ካተትꬃ ላቶዳይ ጋርክ ይንታን ኦꬄዝ ጾስ ኣዳ ጋላቶይታ። 
ኤ ኑና ꬉማ ዎልቃፕ ሻኪ አሺ ፋ ዶስዛ ናአይ ካተትꬃ ገሎዳይ ጋርክ ኡዴዛ። 
ኤ ዎዝን ኑ ኑ ናጋራይስ አቶትꬅ ደንጌዛ። 
ክርስቶሳ በንቶዋ ጾሳይስ ቱማ ኣዝሶ። ኤ መትꬅ ኡቢታይፕ ኣꬎ ግታ ባይራ። 
ኡባ ባዝ ኤ ባጋር መꬍንቴዛ። በንትዝባዝታይኔ በንቶዋባዝታይኔ፥ ዎልቅታይኔ ጎድታይ፥ ሞድዝታይኔ ማዉተ አድታይ፥ ሳሎኔ ሳአ የዝ ኡብታ ጾሲ ኤ ባጋራኔ ኤስ መꬌዛ። 
ኤ ኡባባዛፕ ካሰ የዛ። ኡባ ባዝ ክርስቶሳ ባጋር ፋ አቆ አቆ አይክንቲ ኤቄዛ። 
ኤ ፋ አሰትꬅ ማቄዝ ዎሳ ኬꬃይስ ኩስተ። ኤ ኡባይፕ ኣꬅ ማቆዳይስ Ꮊይቆፕ ደንዶር ቲናኔ ባይራ። 
ጾሲ ፋ ኩንꬅ ጾሳትꬃይ ፋ ናአይ ጋንጨ የዞዳና ኮዬዛይ ጾስ አዳይ ሸነ ማቄዝ ግሾስ የይካ ሀኔዛ። 
ማ ማዝቃለል አፋ ላሌዝ ፋ ናአ ሱꬃይር ሳሮትꬅ መꬊ ሳሎኔ ሳአ የዝ ኡባ ኤ ባጋር ፓር ዳቦꬄዛ። 
Ꮊይፕ ቲና ይ ቆፋይኔ ይ ኦሶ ኢታትꬃይ ይንታን ጾሳፕ ሻጌዛኔ ኤስ ሞርክታ ኡዴዛ። 
ዝን Ꮊት ክርስቶሳ አሾር Ꮊይቄዝ Ꮊይቃይ ባጋር ጾሲ ይንታን ፓር እግንꬂ፥ ጌሽታ፥ ቦሮ ባዝታኔ ጽልታ ኡዴዛ። 
ይ፥ ይ አማኖር ኤንኤካ ሚንጊ ጻጲ የዞዳይስ ቤዝዛ። ይ ዎንግለ ቃላ ስኤዝ ዎደ ኤኬዝ ኡፋይሳ ሚንꬂ አይኮይታ። የ ዎንግላ ይ ስኤዛኔ አላመ ኡባይል ሳባክንቴዛ። ታ፥ ጳዉሎሳካ Ꮊ ዎንግላይስ ኦሳንቾ ማቄዛ። 
ታኒ ይ ግሾስ Ꮊት ኤክዝ መታይ ታና ኡፋይስዛ። ክርስቶሳ ኤ አሰትꬅ ማቄዝ ዎሳ ኬꬃትስ ኤኮዳር ፋጬዝ መታ ታኒ ታ አሻይል ፖሎዳ። 
ጾሳ ቃላ ይንትስ ዉርሲ ኦዶዳይ ጋርክ ታስ እንግንቴዝ ማዉታይር ዎሳ ኬꬅስ ኦሳንቾ ማቄዛ። 
Ꮊ ቃላይ ብኒ ኣꬌዝ ላይꬅታይድ የለትꬅ ኡባይፕ ጌንጊ ጋምኤዛ። ዝን Ꮊት ጾሲ Ꮊ ጹራ አማንዛ ኡባይስ ቆንጭሴዛ። 
ጾሲ አይሁደ ማቄዝ አሳይ ጋንጨ Ꮊ ጹራ ቦንቾ ዱረትꬃ ቆንጭሴዛ። ኤካ ቦንቾ ኡፋይስ ማቄዝ ይ ጋንጨ የዝ ክርስቶሳ። 
የይ ግሾስ፥ ፐቲ ፐቲ አሳ ክርስቶሳር ኩንꬅ አስ ኡዲ ሺሾዳይስ ኤጨትꬅ ኡባይር አሳ ታማርሶራኔ ዞረር ክርስቶሳ ባጋ ሳባክዛ። 
ጾሲ ፋ ዳማ ዎልቃር ታል ኦꬅዛ ግሾስ Ꮊኖ ሄሎዳይስ ኤ ዎልቃር ቡትትዛኔ ዳቡርዛ። 
